﻿<?xml version="1.0" encoding="utf-8"?>
<bible language="Shan (သမ်ႇမႃႇၵျၢမ်းလိၵ်ႈ ထႃႇဝရႃႉၽြႂး)" status="Copyright © 2021 by OMF International, Shan Baptist Churches Fellowship" link="https://www.bible.com/bible/3206/REV.17.CBMS">
	<testament name="Old">
		<book number="1">
			<chapter number="1">
				<verse number="1">မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ၊ ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၵၢင်​ႁၢဝ်​တင်း​လိၼ်​မိူင်း​ဢေႃႈ။-</verse>
				<verse number="2">လိၼ်​မိူင်း​ၼႆႉ ဢမ်ႇ​မီး​ႁၢင်ႈ​ၽၢင်​လႄႈ​ပဵၼ်​ဢၼ်​ပဝ်ႇ​လၢပ်ႈ​ဝႆႉ​ဢေႃႈ။ လပ်း​သိင်ႇ​မုင်း​ႁူမ်ႇ​ၵႃႈ​ၼိူဝ်​တီႈ​ဢၼ်​လိုၵ်ႉ​ဢၼ်​လမ်ႇ​ၼၼ်ႉ​ဝႆႉ​လႄႈ​ဝီႉၺိၺ်ႇ​ၽြႃး​ပဵၼ်​ၸဝ်ႈ ၵိင်း​ဝၢပ်ႈ​ယူႇ​ၵႃႈ​ၼိူဝ်​ပၢင်ႇ​ၽိဝ်​ၼမ်ႉ​ဢေႃႈ။</verse>
				<verse number="3">ၽြႃး​ပဵၼ်​ၸဝ်ႈ​ၵေႃႈ​ဝႃႈ၊ ႁႂ်ႈ​ဢၼ်​လႅင်း​ပဵၼ်​မႃး​သေ၊ ဝႃႈ​ၼင်ႇ​ၼႆ​လႄႈ​ဢၼ်​လႅင်း​ပဵၼ်​မႃး​ဢေႃႈ။-</verse>
				<verse number="4">ၽြႃး​ပဵၼ်​ၸဝ်ႈ​ႁၼ်​လွင်ႈ​ဢၼ်​လႅင်း​ၼၼ်ႉ​လီ​လႄႈ​ၸင်ႇ​ၽႄ​ဢၼ်​လႅင်း​တင်း​ဢၼ်​လပ်း​သိင်ႇ​ဝႆႉ​ဢေႃႈ။-</verse>
				<verse number="5">ၽြႃး​ပဵၼ်​ၸဝ်ႈ​ႁွင်ႉ​ႁဵၵ်ႈ​ဢၼ်​လႅင်း​ၼၼ်ႉ​ၸိုဝ်ႈ​ၵႃ​ဝၼ်း၊ ဢၼ်​လပ်း​သိင်ႇ​ၼၼ်ႉ​ၸိုဝ်ႈ​ၵႃ​ၶိုၼ်း​လႄႈ ပဵၼ်​ႁူဝ်​ၶမ်ႈ​ပဵၼ်​ႁူဝ်​ၼႂ်၊ ဝၼ်း​ပထမႃႉ​ဢေႃႈ။</verse>
				<verse number="6">ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ ႁႂ်ႈ​ၼႃႈ​ၽႃႉ​ပဵၼ်​မႃး​ၵႃႈ​ၼႂ်း​ၶိုင်ႈ​ၵၢင်​ၼမ်ႉ​ၼႆ​သေ။ ႁႂ်ႈ​ၼမ်ႉ​ၼင်ႇ​ၵၼ်​ၽၢတ်ႇ​ၽႄ​ၵၼ်​သေ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ၽြႃး​ပဵၼ်​ၸဝ်ႈ​ႁဵတ်း​ပဵၼ်​ၼႃႈ​ၽႃႉ​လႄႈ ၽႄ​ၼမ်ႉ​ဢၼ်​မီး​ၵႃႈ​ၼိူဝ်​ၽႃႉ​တင်း​ၼမ်ႉ​ဢၼ်​မီး​ၵႃႈ​တႂ်ႈ​ၽႃႉ​ၼၼ်ႉ​ဝႆႉ​လႄႈ ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="8">ၽြႃး​ပဵၼ်​ၸဝ်ႈ​ႁွင်ႉ​ႁဵၵ်ႈ​ၼႃႈ​ၽႃႉ​ၼၼ်ႉ​ၸိုဝ်ႈ ၵၢင်​ႁၢဝ်​လႄႈ ပဵၼ်​ႁူဝ်​ၶမ်ႈ​ပဵၼ်​ႁူဝ်​ၼႂ်၊ ဝၼ်း​တူႉတီႉယႃႉ​ဢေႃႈ။</verse>
				<verse number="9">ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊​ႁႂ်ႈ​ၼမ်ႉ​ဢၼ်​မီး​ၵႃႈ​တႂ်ႈ​ၵၢင်​ႁၢဝ်​ၼႆႉ​ၸူႉ​ၵၼ်​တုမ်​ၵၼ်​ယူႇ​တီႈ​လဵဝ်​သေ။ ႁႂ်ႈ​ၵုင်း​ပေႃႇ​ဢွၵ်ႇ​သေ၊ ဝႃႈ​ၼင်ႇ​ၼႆ​လႄႈ ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="10">ၽြႃး​ပဵၼ်​ၸဝ်ႈ​ႁွင်ႉ​ႁဵၵ်ႈ​ၵုင်း​ၼၼ်ႉ​ၸိုဝ်ႈ​လိၼ်၊ တီႈ​ဢၼ်​ၼမ်ႉ​ၸူႉ​ၵၼ်​တုမ်​ၵၼ်​ၼၼ်ႉ ၸိုဝ်ႈ​ပၢင်ႇ​လၢႆႇ​လႄႈ ၽြႃး​ပဵၼ်​ၸဝ်ႈ​ႁၼ်​လွင်ႈ​တၢင်း​ၼၼ်ႉ​ပဵၼ်​ဢၼ်​လီ​ဢေႃႈ။</verse>
				<verse number="11">ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ လိၼ်​ၼႆႉ​ႁႂ်ႈ​တူၼ်ႈ​ယိူဝ်ႈ​လႂ်၊ တူၼ်ႈ​ၶဝ်ႈ​ဢၼ်​ၸၢင်ႈ​ႁႂ်ႈ​ပဵၼ်​မၢၵ်ႇ​ၶဝ်ႈ​မဵတ်ႉ​ၶဝ်ႈ​လႂ်၊ တူၼ်ႈ​မႆႉ​ဢၼ်​ၸၢင်ႈ​ႁႂ်ႈ​ပဵၼ်​မၢၵ်ႇ​မႆႉ​မၢၵ်ႇ​တွၵ်ႇ​လႄႈ ပႃး​ၸိူဝ်ႉ​ပႃး​ၽၼ်း​တီႈ​တူဝ်​ၸဝ်ႈ​ၵဝ်ႇ​ယူႇ​လႂ်၊ ဢွၵ်ႇ​ပဵၼ်​မႃး​ၵႃႈ​ၼိူဝ်​လိၼ်​သေ၊ ဝႃႈ​ၼင်ႇ​ၼႆ​လႄႈ ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="12">လိၼ်​ၼႆႉ​ႁႂ်ႈ​တူၼ်ႈ​ယိူဝ်ႈ​လႂ်၊ တူၼ်ႈ​ၶဝ်ႈ​ဢၼ်​ၸၢင်ႈ​ႁႂ်ႈ​ပဵၼ်​မၢၵ်ႇ​ၶဝ်ႈ​မဵတ်ႉ​ၶဝ်ႈ​လႂ်၊ တူၼ်ႈ​မႆႉ​ဢၼ်​ၸၢင်ႈ​ႁႂ်ႈ​ပဵၼ်​မၢၵ်ႇ​မႆႉ​မၢၵ်ႇ​တွၵ်ႇ​လႄႈ ပႃး​ၸိူဝ်ႉ​ပႃး​ၽၼ်း တီႈ​တူဝ်​ၸဝ်ႈ​ၵဝ်ႇ​ယူႇ​လႂ်၊ ဢွၵ်ႇ​ပဵၼ်​မႃး​ဢေႃႈ။ ၽြႃး​ပဵၼ်​ၸဝ်ႈ​ႁၼ်​လွင်ႈ​တၢင်း​ၼၼ်ႉ​ပဵၼ်​ဢၼ်​လီ​လႄႈ၊-</verse>
				<verse number="13">ပဵၼ်​ႁူဝ်​ၶမ်ႈ​ပဵၼ်​ႁူဝ်​ၼႂ်၊ ဝၼ်း​တႃႉတီႉယႃႉ​ဢေႃႈ။</verse>
				<verse number="14">ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ ၼင်ႇ​ႁိုဝ်​တၵ်း​ႁႂ်ႈ​ၵႃ​ဝၼ်း​တင်း​ၵႃ​ၶိုၼ်း​ပႅၵ်ႇ​ပိူင်ႈ​ၵၼ်​ၸိုင်၊ ႁႂ်ႈ​ႁိူၼ်း​ဢၼ်​ႁိူဝ်ႈ​ဢၼ်​လႅင်း​တင်း​လၢႆ ပဵၼ်​မႃး​ၵႃႈ​ၼႂ်း​ၶိုင်ႈ​ၵၢင်​ၼႃႈ​ၽႃႉ​ၵၢင်​ႁၢဝ်​သေ။ ႁႂ်ႈ​ပဵၼ်​ပုၼ်ႈ​ၼီႉမိၵ်ႈ​လၢၵ်ႈၶၼႃႇ​လႂ်၊ ၶိင်ႇ​ဢၼ်​မၵ်း​ၶၢၼ်း​ဝႆႉ​လႂ်၊ ဝၼ်း​လႂ်၊ ပီႊ​လႂ်​သေ။-</verse>
				<verse number="15">ႁႂ်ႈ​ၶဝ်​ပဵၼ်​ႁိူၼ်း​ဢၼ်​ႁိူဝ်ႈ​ဢၼ်​လႅင်း​ယူႇ​ၵႃႈ​ၼႂ်း​ၼႃႈ​ၽႃႉ​ၵၢင်​ႁၢဝ် ႁႂ်ႈ​လႆႈ​လႅင်း​ထွင်ႇ​လိၼ်​မိူင်း​သေ၊ ဝႃႈ​ၼင်ႇ​ၼႆ​လႄႈ​ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။</verse>
				<verse number="16">ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​ႁဵတ်း​ပဵၼ်​ႁိူၼ်း​ဢၼ်​ႁိူဝ်ႈ​ဢၼ်​လႅင်း​လူင်​သွင်​လုၵ်ႈ​ဢၼ်​ဝႃႈ ဢၼ်​ယႂ်ႇ​လုၵ်ႈ​ၼိုင်ႈ ပုၼ်ႈ​ဢၼ်​တၵ်း​ဢုပ်ႉ​ပိူင်ႇ​ၵႃ​ဝၼ်း၊ ဢၼ်​လဵၵ်ႉ​လုၵ်ႈ​ၼိုင်ႈ ပုၼ်ႈ​ဢၼ်​တၵ်း​ဢုပ်ႉ​ပိူင်ႇ​ၵႃ​ၶိုၼ်း ဢိၵ်ႇ​တင်း​လၢဝ်​တင်း​လၢႆ​သေ​ယဝ်ႉ၊-</verse>
				<verse number="17">ၽြႃး​ပဵၼ်​ၸဝ်ႈ​ဢဝ်​ဝႆႉ​ၵႃႈ​ၼိူဝ်​ၽႃႉ​ၵၢင်​ႁၢဝ်​ႁႂ်ႈ​လႆႈ​လႅင်း​ထွင်ႇ​လိၼ်​မိူင်း၊-</verse>
				<verse number="18">ဢိၵ်ႇ​တင်း​ႁႂ်ႈ​လႆႈ​ဢုပ်ႉ​ပိူင်ႇ​ၵႃ​ဝၼ်း​တင်း​ၵႃ​ၶိုၼ်း​လႄႈ၊ ၽႄ​ဢၼ်​လႅင်း​တင်း​ဢၼ်​လပ်း​သိင်ႇ​ဝႆႉ​ဢေႃႈ။ ၽြႃး​ပဵၼ်​ၸဝ်ႈ​ႁၼ်​လွင်ႈ​တၢင်း​ၼၼ်ႉ​ပဵၼ်​ဢၼ်​လီ​လႄႈ၊-</verse>
				<verse number="19">ပဵၼ်​ႁူဝ်​ၶမ်ႈ​ပဵၼ်​ႁူဝ်​ၼႂ်၊ ဝၼ်း​ၸတုၵ်ႉထႃႉ​ဢေႃႈ။</verse>
				<verse number="20">ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ ၼမ်ႉ​ၼႆႉ​ႁႂ်ႈ​ၵိူတ်ႇ​လဵင်ႉ​တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ယူႇ​လႄႈ ၸၢင်ႈ​တူင်ႉ​ၸၢင်ႈ​ၼိုင်​ယႂ်ႇ​ယႂ်ႇ​ၼမ်​ၼမ်​မႃး​သေ။ ၼူၵ်ႉ​ၵေႃႈ​ႁႂ်ႈ​မိၼ်​ၵႃႈ​ၼိူဝ်​လိၼ်​မိူင်း​ၼႂ်း​ၼႃႈ​ၽႃႉ​ၵၢင်​ႁၢဝ်​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ် ၸႃႉ​ၸဵမ်​ပႃ​လူင်​တင်း​လၢႆ​လႄႈ တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ယူႇ​လႄႈ တူင်ႉ​ၼိုင်​ဢၼ်​ၼမ်ႉ​ၵိူတ်ႇ​လဵင်ႉ​မႃး မဵဝ်း​လႂ်​မဵဝ်း​ၼၼ်ႉ​ၼမ်​ၼႃႇ​ၵႃႈ​မီး​တင်း​သဵင်ႈ​တင်း​လူင် ဢိၵ်ႇ​တင်း ၼူၵ်ႉ​ဢၼ်​ၸၢင်ႈ​မိၼ်​ၵႃႈ​မီး​တင်း​သဵင်ႈ​တင်း​လူင်​လႄႈ ၽြႃး​ပဵၼ်​ၸဝ်ႈ​ႁၼ်​လွင်ႈ​တၢင်း​ၼၼ်ႉ ပဵၼ်​ဢၼ်​လီ​ဢေႃႈ။-</verse>
				<verse number="22">ၽြႃး​ပဵၼ်​ၸဝ်ႈ​ပၼ်​တၢင်း​လီ​တီႈ​ၶဝ်​လႄႈ​ဝႃႈ၊ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း​တႃႉ။ ႁႂ်ႈ​တဵမ်​ၼမ်ႉ​ပၢင်ႇ​လၢႆႇ​တင်း​လၢႆ​တႃႉ။ ၼူၵ်ႉ​ၵေႃႈ​ႁႂ်ႈ​ယႂ်ႇ​ၽႄႈ​ၼမ်​ၵိုၼ်း​မႃး​ၵႃႈ​ၼိူဝ်​လိၼ်​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="23">ပဵၼ်​ႁူဝ်​ၶမ်ႈ​ပဵၼ်​ႁူဝ်​ၼႂ်၊ ဝၼ်း​ပိၼ်ႇၸမႃႉ​ဢေႃႈ။</verse>
				<verse number="24">ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ လိၼ်​ၼႆႉ​ႁႂ်ႈ​ၵိူတ်ႇ​လဵင်ႉ​သတ်ႉတဝႃႇ ဢၼ်​ဢသၢၵ်ႈ​လိပ်း​ယူႇ၊ မဵဝ်း​လႂ်​မဵဝ်း​ၼၼ်ႉ၊ ဢၼ်​ဝႃႈ တူဝ်​ယဵၼ်ႇ​တူဝ်​ငႄႈ​လႂ်၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​လႂ်၊ တူဝ်​ႁၢႆႉ​လႂ်​မႃး​သေ၊ ဝႃႈ​ၼင်ႇ​ၼႆ​လႄႈ ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="25">ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​ႁဵတ်း​ပဵၼ်​တူဝ်​ႁၢႆႉ​မဵဝ်း​လႂ်​မဵဝ်း​ၼၼ်ႉ၊ တူဝ်​ယဵၼ်ႇ​တူဝ်​ငႄႈ​မဵဝ်း​လႂ်​မဵဝ်း​ၼၼ်ႉ၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈ​ၼိူဝ်​လိၼ် မဵဝ်း​လႂ်​မဵဝ်း​ၼၼ်ႉ​လႄႈ ၽြႃး​ပဵၼ်​ၸဝ်ႈ​ႁၼ်​လွင်ႈ​တၢင်း​ၼၼ်ႉ ပဵၼ်​ဢၼ်​လီ​ဢေႃႈ။</verse>
				<verse number="26">ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ ႁဵတ်း​ပဵၼ်​ၵူၼ်း​ၸွမ်း​ၼင်ႇ​ပုင်ႇ​ႁၢင်ႈ​ႁဝ်း၊ ႁၢင်ႈ​ၽၢင်​ဢၼ်​လဵဝ်​ၵၼ်​တင်း​ႁဝ်း​တႃႉ​ႁဝ်း။ ႁႂ်ႈ​မၼ်း​ဢုပ်ႉ​ပိူင်ႇ​ပႃ​ပၢင်ႇ​လၢႆႇ​လႂ်၊ ၼူၵ်ႉ​ၵၢင်​ႁၢဝ်​လႂ်၊ တူဝ်​ယဵၼ်ႇ​တူဝ်​ငႄႈ​လႂ်၊ လိၼ်​တင်း​သဵင်ႈ​တင်း​လူင် တင်း​တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈ​ၼိူဝ်​လိၼ်​ၵူႈ​ၸိူဝ်ႉ​ၵူႈ​ပိူင်​လႂ်​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၵူၼ်း ၸွမ်း​ၼင်ႇ​ပုင်ႇ​ႁၢင်ႈ​တူဝ်​ၸဝ်ႈ​ၵဝ်ႇ​ဢေႃႈ။ ၸွမ်း​ၼင်ႇ​ပုင်ႇ​ႁၢင်ႈ​ၽြႃး​ပဵၼ်​ၸဝ်ႈ​ၼၼ်ႉ၊ မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၶဝ်​ဢေႃႈ။ ၶဝ်​ၼၼ်ႉ​ၸိုင်၊ မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ် ၵူၼ်း​ၸၢႆး​ၵူၼ်း​ယိင်း​ဢေႃႈ။-</verse>
				<verse number="28">ၽြႃး​ပဵၼ်​ၸဝ်ႈ​ပၼ်​တၢင်း​လီ​တီႈ​ၶဝ်​လႄႈ​ဝႃႈ၊ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ​ယႂ်ႇ​ၽႄႈ​ၼမ်​ၵိုၼ်း​တႃႉ။ ႁႂ်ႈ​တဵမ်​လိၼ်​မိူင်း​လႄႈ ပႄႉ​ၼႅင်ႇ​တႃႉ။ ဢုပ်ႉ​ပိူင်ႇ​ပႃ​ပၢင်ႇ​လၢႆႇ​လႂ်၊ ၼူၵ်ႉ​ၵၢင်​ႁၢဝ်​လႂ်၊ တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ယူႇ​လႄႈ ၸၢင်ႈ​ၵႂႃႇ​ၸၢင်ႈ​ၵၢၼ်း ၵႃႈ​ၼိူဝ်​လိၼ်​ၵူႈ​ၸိူဝ်ႉ​ၵူႈ​ပိူင်​လႂ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">ၽြႃး​ပဵၼ်​ၸဝ်ႈ​ဝႃႈ၊ တူၺ်း​လူး၊ ၵဝ်​ပၼ်​တူၼ်ႈ​ၶဝ်ႈ ၵူႈ​ၸိူဝ်ႉ​ၵူႈ​ပိူင်​ဢၼ်​ၸၢင်ႈ​ႁႂ်ႈ​ပဵၼ် မၢၵ်ႇ​ၶဝ်ႈ​မဵတ်ႉ​ၶဝ်ႈ ၵႃႈ​ၼိူဝ်​လိၼ်​ၵူႈ​တီႈ​ၵူႈ​လႅၼ်၊ တူၼ်ႈ​မႆႉ​ဢၼ်​ပျေႉ​ၸုမ်ႇ​တင်း​မၢၵ်ႇ​ဢၼ်​ႁႂ်ႈ​ပဵၼ်​ၸိူဝ်ႉ​ပဵၼ်​ၽၼ်း ၵူႈ​ၸိူဝ်ႉ​ၵူႈ​ပိူင်​တီႈ​သူ​ဢေႃႈ။ ပဵၼ်​ပုၼ်ႈ​ဢၼ်​သူ​တၵ်း​ၵိၼ်​ဢေႃႈ။-</verse>
				<verse number="30">တီႈ​တူဝ်​ဢၼ်​ယူႇ​ၵႃႈ​ၼိူဝ်​လိၼ်​လႂ်၊ ၼူၵ်ႉ​ၵၢင်​ႁၢဝ်​လႂ်၊ တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ယူႇ​လႄႈ ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈ​ၼိူဝ်​လိၼ်​လႂ် ၵႃႈ​မီး​တင်း​သဵင်ႈ​တင်း​လူင်​ၵေႃႈ၊ ၵဝ်​ပၼ်​တူၼ်ႈ​ယိူဝ်ႈ​တူၼ်ႈ​ယႃႈ​ၵူႈ​မဵဝ်း​ပုၼ်ႈ​ဢၼ်​ၶဝ်​တၵ်း​ၵိၼ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="31">ၽြႃး​ပဵၼ်​ၸဝ်ႈ​လူ​တူၺ်း​ၵႃႈ​ဢၼ်​မၼ်း​ၸဝ်ႈ​ႁဵတ်း​ပဵၼ် တင်း​သဵင်ႈ​တင်း​လူင်​သေ​ယဝ်ႉ၊ ႁၼ်​လွင်ႈ​ဢၼ်​ပဵၼ်​ဢၼ်​လီ​ၼႃႇ​လူင်​လၢင်​လႄႈ ပဵၼ်​ႁူဝ်​ၶမ်ႈ​ပဵၼ်​ႁူဝ်​ၼႂ်၊ ဝၼ်း​သႃႉထမႃႉ​ဢေႃႈ။</verse>
			</chapter>
			<chapter number="2">
				<verse number="1">ၼင်ႇ​ၼၼ်​လႄႈ ၸႃႉ​ၸဵမ်​ၵၢင်​ႁၢဝ်​လိၼ်​မိူင်း​ဢိၵ်ႇ​တင်း​ၶိူင်ႈ​ပိူင်​ၵႃႈ​မီး​တင်း​သဵင်ႈ​တင်း​လူင်​ယဝ်ႉ​ၸွတ်ႇ​တူဝ်ႈ​လႄႈ​မီး​ယူႇ​ဢေႃႈ။-</verse>
				<verse number="2">မိူဝ်ႈ​ဢၼ်​ႁွတ်ႈ​ထိုင်​ဝၼ်း​သတ်ႉတမႃႉ​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​ယဝ်ႉ​ၸွတ်ႇ​တူဝ်ႈ ၵႃႈ​ဢၼ်​ႁဵတ်း​ပဵၼ်​ၼၼ်ႉ​လႄႈ လွင်ႈ​တၢင်း​ဢၼ်​ႁဵတ်း​ပဵၼ်​ၼၼ်ႉ ယဝ်ႉ​ၸွတ်ႇ​တူဝ်ႈ​ယဝ်ႉ​ၸင်ႇ၊ ၼႂ်း​ဝၼ်း​ၼၼ်ႉ​မၼ်း​ၸဝ်ႈ​ယူႇ​ၼိမ်​ၼိမ်​သေ​ဢေႃႈ။-</verse>
				<verse number="3">ၽြႃး​ပဵၼ်​ၸဝ်ႈ​ပၼ်​တၢင်း​လီ​တီႈ ဝၼ်း​သတ်ႉတမႃႉ​ၼၼ်ႉ​လႄႈ ႁႂ်ႈ​မူတ်း​ၸၢင်ႇ​ဢေႃႈ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​လွင်ႈ​တၢင်း​ဢၼ် မၼ်း​ၸဝ်ႈ​ႁဵတ်း​ပဵၼ်​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ယဝ်ႉ​ၸွတ်ႇ​တူဝ်ႈ​လႄႈ ၼႂ်း​ဝၼ်း​ၼၼ်ႉ မၼ်း​ၸဝ်ႈ​ယူႇ​ၼိမ်​ၼိမ်​သေ​ဢေႃႈ။</verse>
				<verse number="4">လွင်ႈ​တၢင်း​ၸိူဝ်း​ၼႆႉ​ၸမ်ႉ၊ ပဵၼ်​ငဝ်ႈ​ႁၢၵ်ႈ​ဢထုၵ်ႉပတ်ႈတီႉ​ၵၢင်​ႁၢဝ်​တင်း​လိၼ်​မိူင်း ၼႂ်း​ၶိင်ႇ​ၵႃႇလႃႉ တၢင်း​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ၊ ဝၼ်း​ဢၼ်​ထႃႇဝရႃႉ​ၽြႃး​ပဵၼ်​ၸဝ်ႈ ႁဵတ်း​ပဵၼ်​လိၼ်​မိူင်း ဢိၵ်ႇ​တင်း​ၵၢင်​ႁၢဝ်​ၼၼ်ႉ​ဢေႃႈ။-</verse>
				<verse number="5">တူၼ်ႈ​ၵႃႈ​ႁႆႊ​ၼႃး ဢမ်ႇ​ပႆႇ​မီး​ၵႃႈ​တီႈ​လိၼ်​သေ​တူၼ်ႈ၊ တူၼ်ႈ​ၶဝ်ႈ​ႁႆႊ​ၼႃး​ဢမ်ႇ​ပႆႇ​ယႂ်ႇ​မႃး​သေ​တူၼ်ႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ပဵၼ်​ၸဝ်ႈ ဢမ်ႇ​ပႆႇ​ႁႂ်ႈ​ၽူၼ်​တူၵ်း​ၵႃႈ​ၼိူဝ်​လိၼ်​လႄႈ ၵူၼ်း​ဢၼ်​တၵ်း​ႁဵတ်း​ႁႆႊ​ႁဵတ်း​ၼႃး​ဢမ်ႇ​ပႆႇ​မီး​သေ​ၵေႃႉ​သေ​ၵူၼ်း။-</verse>
				<verse number="6">ၵူၺ်း​ၵႃႈ​ဢၢႆ​လိၼ်​ဢွၵ်ႇ​ၵႃႈ​တီႈ​လိၼ်​လႄႈ ႁႂ်ႈ​ၼႃႈ​လိၼ်​တင်း​သဵင်ႈ​တင်း​လူင်​ယမ်း​ဢေႃႈ။</verse>
				<verse number="7">ဝၢႆး​ၼၼ်ႉ​၊ ထႃႇဝရႃႉ​ၽြႃး​ပဵၼ်​ၸဝ်ႈ​ဢဝ်​မုၼ်ႈ​လိၼ်​ႁဵတ်း​ၵူၼ်း​လႄႈ ပဝ်ႇ​ၸီႇဝႃႉ​ဢသၢၵ်ႈ​သႂ်ႇ ၵႃႈ​ၼႂ်း​ၶူႈ​လင်​မၼ်း​သေ​ယဝ်ႉ၊ ၵူၼ်း​ၸင်ႇ​ပဵၼ်​သတ်ႉတဝႃႇ ဢၼ်​ဢသၢၵ်ႈ​လိပ်း​ယူႇ​ဢေႃႈ။</verse>
				<verse number="8">ထႃႇဝရႃႉ​ၽြႃး​ပဵၼ်​ၸဝ်ႈ​ၵေႃႈ၊ ၽုၵ်ႇ​သွမ်ႈ​သူၼ်​ဢူးယဵၼ်ႇ​ၽၢႆႇ​ၼႃႈ​ဝၼ်း​ဢွၵ်ႇ ၵႃႈ​တီႈ​ ဢေႇတိၼ်ႇ ​သေ​ယဝ်ႉ၊ ၶျႃး​တီႈ​ယူႇ​ပၼ်​တီႈ​ၵူၼ်း ဢၼ်​မၼ်း​ၸဝ်ႈ​ႁဵတ်း​ၼၼ်ႉ​ၵႃႈ​ၼႂ်း​တီႈ​ၼၼ်ႈ​ဢေႃႈ။</verse>
				<verse number="9">ထႃႇဝရႃႉ​ၽြႃး​ပဵၼ်​ၸဝ်ႈ ႁႂ်ႈ​တူၼ်ႈ​ဢၼ်​ႁၢင်ႈ​လီ​ဢၼ်​လီ​ၵိၼ်​ၵူႈ​ၸိူဝ်ႉ​ၵူႈ​ပိူင် ဢွၵ်ႇ​ပဵၼ်​မႃး ၵႃႈ​ၼႂ်း​လိၼ်​ၼၼ်ႉ​ဢေႃႈ။ ၵႃႈ​ၼႂ်း​ၶိုင်ႈ​ၵၢင်​သူၼ်​ဢူးယဵၼ်ႇ​ၼၼ်ႉ၊ မီး​တူၼ်ႈ​ဢသၢၵ်ႈ​ဢေႃႈ။ တူၼ်ႈ​ဢၼ်​ႁူႉ​ၸႅင်ႈ​လွင်ႈ​ဢၼ်​လီ​လွင်ႈ​ဢၼ်​ဢမ်ႇ​လီ​ၼၼ်ႉ​ၵေႃႈ​မီး​ဢေႃႈ။</verse>
				<verse number="10">ၼင်ႇ​ႁိုဝ်​တၵ်း​ႁႂ်ႈ​သူၼ်​ဢူးယဵၼ်ႇ​ၼၼ်ႉ​ယမ်း​ၸိုင်၊ ၼမ်ႉ​ႁွင်ႈ​ႁွင်ႈ​ၼိုင်ႈ ဢွၵ်ႇ​လႆ​ၵႃႈ​ၼႂ်း​ ဢေႇတိၼ်ႇ ​ၼၼ်ႉ​လႄႈ တႅၵ်ႇ​သီႇ​သိၵ်ႈ​ပဵၼ်​ၼမ်ႉ​ႁွင်ႈ​သီႇ​ႁွင်ႈ ၵႃႈ​တီႈ​ၼွၵ်ႈ​ဢူးယဵၼ်ႇ​ၼၼ်ႉ​ဢေႃႈ။-</verse>
				<verse number="11">ၼမ်ႉ​ႁွင်ႈ​ပထမႃႉ​ၸမ်ႉ၊ လႆႈ​ၸိုဝ်ႈ​ ၽီႉသူၼ်ႇ ​ဢေႃႈ။ ၼမ်ႉ​ႁွင်ႈ​ၼၼ်ႉ​လႆ​ၵႂႃႇ​ၵႃႈ​တီႈ​ႁိမ်း​မိူင်း​ ႁႃႇဝီႉလႃႉ ဢၼ်​မီး​ၶမ်း​ၼၼ်ႉ​တင်း​ႁူတ်ႈ​ဢေႃႈ။-</verse>
				<verse number="12">ၶမ်း​မိူင်း​ၼၼ်ႉ​လီ​ၼႃႇ​ဢေႃႈ။ ႁၵ်ႉ​ ပတေႇလႃႉ ​တင်း​သႅင်​ၸၢႆး​ၶႃး​ယွတ်ႇ​ၵေႃႈ​မီး​ဢေႃႈ။-</verse>
				<verse number="13">ၼမ်ႉ​ႁွင်ႈ​တူႉတီႉယႃႉ​ၸမ်ႉ၊ လႆႈ​ၸိုဝ်ႈ​ ၵီႉႁုၼ်ႇ ​ဢေႃႈ။ ၼမ်ႉ​ႁွင်ႈ​ၼၼ်ႉ​လႆ​ၵႂႃႇ​ၵႃႈ​တီႈ ႁိမ်း​မိူင်း​ ၵူႉသႃႉ ​တင်း​ႁူတ်ႈ​ဢေႃႈ။-</verse>
				<verse number="14">ၼမ်ႉ​ႁွင်ႈ​တႃႉတီႉယႃႉ​ၸမ်ႉ၊ လႆႈ​ၸိုဝ်ႈ​ ႁီႉတၵေႇလႃႉ ​ဢေႃႈ။ ၼမ်ႉ​ႁွင်ႈ​ၼၼ်ႉ​လႆ​ၵႂႃႇ​ၵႃႈ​တီႈ​ၽၢႆႇ​ၼႃႈ​မိူင်း​ ဢႃႇသူႉရီႉ ​ဢေႃႈ။ ၼမ်ႉ​ႁွင်ႈ​ၸတုၵ်ႉထႃႉ ၸမ်ႉ၊ လႆႈ​ၸိုဝ်ႈ ဢူႉၽရတ်ႉ ​ဢေႃႈ။</verse>
				<verse number="15">မိူဝ်ႈ​ၼၼ်ႉ​ထႃႇဝရႃႉ​ၽြႃး​ပဵၼ်​ၸဝ်ႈ ဢဝ်​ၵူၼ်း​လႄႈ ဝႆႉ​ၵႃႈ​ၼႂ်း​သူၼ်​ဢူးယဵၼ်ႇ​ၼၼ်ႉ ႁႂ်ႈ​လႆႈ​ပႂ်ႉ​တူၺ်း​ပႂ်ႉ​ႁဵတ်း​ဢေႃႈ။-</verse>
				<verse number="16">ထႃႇဝရႃႉ​ၽြႃး​ပဵၼ်​ၸဝ်ႈ​ဝႆႉ​ပိင်း​ၺၢပ်ႈ​တီႈ​ၵူၼ်း​ၼၼ်ႉ​လႄႈ​ဝႃႈ၊ မႂ်း​မီး​ဢၶႂၢင်ႉ​ဢၼ်​လႆႈ​ၵိၼ်​တူၼ်ႈ​ၵႃႈ​ဢၼ်​မီး​ၵႃႈ​ၼႂ်း​သူၼ်​ဢူးယဵၼ်ႇ​ၼႆႉ တင်း​သဵင်ႈ​တင်း​လူင်​ဢေႃႈ။-</verse>
				<verse number="17">ၵူၺ်း​ၵႃႈ တူၼ်ႈ​ဢၼ်​ႁူႉ​ၸႅင်ႈ​လွင်ႈ​ဢၼ်​လီ လွင်ႈ​ဢၼ်​ဢမ်ႇ​လီ​ၼၼ်ႉ​ၸိုင်၊ မႂ်း​ဢမ်ႇ​လႆႈ​ၵိၼ်။ ၼႂ်း​ဝၼ်း​ဢၼ်​ၵိၼ်​ၼၼ်ႉ၊ မႂ်း​တၵ်း​လႆႈ​တၢႆ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ထႃႇဝရႃႉ​ၽြႃး​ပဵၼ်​ၸဝ်ႈ​ဝႃႈ၊ ၵူၼ်း​ၸၢႆး​ဢမ်ႇ​လီ​ယူႇ​ၵေႃႉ​လဵဝ်​ၵူၺ်း။ ၵဝ်​တၵ်း​ႁဵတ်း​ၵေႃႉ​ဢၼ်​တၵ်း​ၸွႆႈ​ၵမ်ႉ​ၸွႆႈ​ထႅမ် ဢၼ်​ထုၵ်ႇ​မၼ်း​ၵိုင်ႇ​မၼ်း​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ထႃႇဝရႃႉ​ၽြႃး​ပဵၼ်​ၸဝ်ႈ​ဢဝ်​လိၼ်​ႁဵတ်း​တရိၵ်ႈသၢၼ်ႇ​ၵႃႈ​ၼိူဝ်​လိၼ်​တင်း​သဵင်ႈ​တင်း​လူင်​ဢိၵ်ႇ​တင်း​ၼူၵ်ႉ​ၵၢင်​ႁၢဝ်​တင်း​သဵင်ႈ​တင်း​လူင်​ယဝ်ႉ​ၸင်ႇ ဢဝ်​မႃး​ၵႃႈ​တီႈ​ဢၼ်​ၵူၼ်း​မီး​ၼၼ်ႉ​ႁႂ်ႈ​လႆႈ​ႁူႉ​လွင်ႈ​ဢၼ်​ၵူၼ်း​တၵ်း​ႁွင်ႉ​ႁဵၵ်ႈ​ၸိုဝ်ႈ​သဵင်​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ။ ၸွမ်း​ၵႃႈ​ၼင်ႇ​ဢၼ် ၵူၼ်း​ႁွင်ႉ​ႁဵၵ်ႈ​သတ်ႉတဝႃႇ​ဢၼ်​ဢသၢၵ်ႈ​လိပ်း​ယူႇ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​သေ​လႄႈ မီး​ၸိုဝ်ႈ​မီး​သဵင်​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="20">ၼင်ႇ​ၼၼ်​လႄႈ​ၵူၼ်း​ၼၼ်ႉ​တၢင်ႇ​ပၼ်​ၸိုဝ်ႈ​ပၼ်​သဵင် တီႈ​တူဝ်​ယဵၼ်ႇ​တူဝ်​ငႄႈ​တင်း​သဵင်ႈ​တင်း​လူင်၊ တီႈ​ၼူၵ်ႉ​ၵၢင်​ႁၢဝ်​တင်း​သဵင်ႈ​တင်း​လူင်၊ တီႈ​တူဝ်​ႁၢႆႉ​တင်း​သဵင်ႈ​တင်း​လူင်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​တၵ်း​ၸွႆႈ​ၵမ်ႉ​ၸွႆႈ​ထႅမ် ဢၼ်​ထုၵ်ႇ​မၼ်း​ၵိုင်ႇ​မၼ်း ဢမ်ႇ​ပႆႇ​ပေႃႇ​ပႆႇ​မီး။</verse>
				<verse number="21">မိူဝ်ႈ​ၼၼ်ႉ ထႃႇဝရႃႉ​ၽြႃး​ပဵၼ်​ၸဝ်ႈ ႁႂ်ႈ​တၢင်း​ၼွၼ်း​ဢၼ်​ၼူၵ်ႇ​ၼႃႇ​တူၵ်း​ႁွတ်ႈ​ၵႃႈ​ၼိူဝ်​ၵူၼ်း​ၼၼ်ႉ​လႄႈ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၼွၼ်း​လပ်း​ယူႇ​ၼၼ်ႉ၊ မၼ်း​ၸဝ်ႈ​ဢဝ်​လုပ်ႇ​ၶၢင်ႈ​မၼ်း​လႅမ်ႈ​ၼိုင်ႈ​ဢွၵ်ႇ​သေ​ယဝ်ႉ၊ ႁႂ်ႈ​ၼိူဝ်ႉ​ပဵၼ်​တၢင်​တူဝ်​လုပ်ႇ​ၼၼ်ႉ​လႄႈ​ၶိုၼ်း​ငီႇငႅၼ်ႈ​ၵၼ်​သေ​ဢေႃႈ။-</verse>
				<verse number="22">ထႃႇဝရႃႉ​ၽြႃး​ပဵၼ်​ၸဝ်ႈ​ဢဝ်​လုပ်ႇ​ၶၢင်ႈ​ဢၼ်​မၼ်း​ၸဝ်ႈ​ဢဝ်​ဢွၵ်ႇ​ၵႃႈ​ၼႂ်း​ၵူၼ်း​ၼၼ်ႉ​ႁဵတ်း​ၵူၼ်း​ယိင်း​လႄႈ ဢဝ်​မႃး​ၸူး​ၵႃႈ​တီႈ​ၵူၼ်း​ၼၼ်ႉ​ဢေႃႈ။-</verse>
				<verse number="23">ၵူၼ်း​ၼၼ်ႉ​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ ၵေႃႉ​ၼႆႉ​ပဵၼ်​လုပ်ႇ​ၵႃႈ​ၼႂ်း​လုပ်ႇ​ၵဝ်၊ ပဵၼ်​ၼိူဝ်ႉ​ၵႃႈ​ၼႂ်း​ၼိူဝ်ႉ​ၵဝ်​ဢေႃႈ။ ပိူဝ်ႈ​ဢၼ်​ဢဝ်​မၼ်း​ဢွၵ်ႇ​ၵႃႈ​ၼႂ်း​ၵူၼ်း​လႄႈ တၵ်း​လႆႈ​ႁွင်ႉ​ႁဵၵ်ႈ​မၼ်း ၵူၼ်း​ယိင်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ၵူၼ်း​ၸၢႆး​တၵ်း​လႆႈ​ၽၢတ်ႇ​ၵၼ်​တင်း​ပေႃႈ​မႄႈ​မၼ်း​သေ​လႄႈ ၸပ်း​ၸွမ်း​မေး​မၼ်း​သေ​ယဝ်ႉ၊ သွင်​ၶႃ​ၼၼ်ႉ တၵ်း​လႆႈ​ပဵၼ်​ၼိူဝ်ႉ​ပဵၼ်​လိူတ်ႈ​ဢၼ်​လဵဝ်​ၵၼ်​ဢေႃႈ။-</verse>
				<verse number="25">ၶဝ်​ၽူဝ်​မေး​သွင်​ၵေႃႉ​ၼၼ်ႉ​ယူႇ​တူဝ်​ပူၺ်​ယူႇ​လႄႈ ၵၢင်း​လွတ်ႈ​တင်း​တၢင်း​ဢၼ်​ဢၢႆ​ၵၼ်​ဢေႃႈ။</verse>
			</chapter>
			<chapter number="3">
				<verse number="1">ငူး​ၸိုင်​လၵ်း​လႅမ်​ၼႃႇ​သေ​တရိၵ်ႈသၢၼ်ႇ​ၵႃႈ​ဢၼ်​ထႃႇဝရႃႉ​ၽြႃး​ပဵၼ်​ၸဝ်ႈ​ႁဵတ်း​ပဵၼ်​တင်း​သဵင်ႈ​တင်း​လူင်​လႄႈ ထၢမ်​တီႈ​ၵူၼ်း​ယိင်း​ၼၼ်ႉ​လႄႈ​ဝႃႈ၊ သူ​ဢမ်ႇ​လႆႈ​ၵိၼ်​မၢၵ်ႇ​တူၼ်ႈ​ၵႃႈ​ဢၼ်​မီး​ၵႃႈ​ၼႂ်း​သူၼ်​ဢူးယဵၼ်ႇ​ၼႆႉ​ဝႃႈ​ၼႆ၊ ၽြႃး​ပဵၼ်​ၸဝ်ႈ​မီး​ဢမိင်ႉ​ဢမၢၼ်ႇ​ၶၼ်​ပဵၼ်​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ၵူၼ်း​ယိင်း​ၵေႃႈ​လၢတ်ႈ​တီႈ​ငူး​ၼၼ်ႉ​လႄႈ​ဝႃႈ၊ ႁဝ်း​မီး​ဢၶႂၢင်ႉ​ဢၼ်​လႆႈ​ၵိၼ်​မၢၵ်ႇ​တူၼ်ႈ​ၵႃႈ​ဢၼ်​မီး​ၵႃႈ​ၼႂ်း​သူၼ်​ဢူးယဵၼ်ႇ​ၼႆႉ​ဢေႃႈ။-</verse>
				<verse number="3">မၢၵ်ႇ​တူၼ်ႈ​ဢၼ်​မီး​ၵႃႈ​ၼႂ်း​ၶိုင်ႈ​ၵၢင်​သူၼ်​ဢူးယဵၼ်ႇ​ၼႆႉ​ၸမ်ႉ၊ ၽြႃး​ပဵၼ်​ၸဝ်ႈ​မီး​ဢမိင်ႉ​လႄႈ​ဝႃႈ၊ သူ​ယႃႇ​ပေ​ၵိၼ်၊ သူ​ယႃႇ​ပေ​တိူဝ်ႉ​ပေ​ယိပ်း။ ပေႃး​ဢမ်ႇ​ၼၼ် တၵ်း​တၢႆ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ငူး​ၵေႃႈ​လၢတ်ႈ​တီႈ​ၵူၼ်း​ယိင်း​ၼၼ်ႉ​လႄႈ​ဝႃႈ၊ သူ​တၵ်း​လႆႈ​တၢႆ​ဢမၢၼ်ႇ​ၶၼ်​ပဵၼ်​ဢမ်ႇ​ၸႂ်ႈ။-</verse>
				<verse number="5">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ႁူႉ​လွင်ႈ​ဢၼ်​ၼႂ်း​ဝၼ်း​ဢၼ်​ၵိၼ်​မၢၵ်ႇ​ၼၼ်ႉ၊ မၢၵ်ႇ​တႃ​သူ​တၵ်း​ၽုၺ်ႇ​လႅင်း​လႄႈ သူ​တၵ်း​ပဵၼ်​ၸိူဝ်ႉ​ၼင်ႇ​ၽြႃး​ပဵၼ်​ၸဝ်ႈ​သေ​လႄႈ ႁူႉ​လွင်ႈ​ဢၼ်​လီ​လွင်ႈ​ဢၼ်​ဢမ်ႇ​လီ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ဢၼ်​ၵူၼ်း​ယိင်း​ႁၼ်​လွင်ႈ​ဢၼ်​တူၼ်ႈ​ၼၼ်ႉ ပဵၼ်​ဢၼ်​လီ​ၵိၼ်​လီ​ၶူပ်း၊ ဢၼ်​ႁၢင်ႈ​လီ​ထုၵ်ႇ​တႃ၊ တူၼ်ႈ​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ် ပုၼ်ႈ​ဢၼ်​တၵ်း​ႁႂ်ႈ​ၺၢၼ်ႇ​ပိင်ႇ​ၺႃႇ​ယႂ်ႇ​ၽႄႈ​ၼမ်​မႃး​ၼၼ်ႉ​ၸိုင်၊ မၼ်း​ဢဝ်​မၢၵ်ႇ​တူၼ်ႈ​ၼၼ်ႉ​ၵိၼ်​ဢေႃႈ။ တီႈ​ၽူဝ်​မၼ်း​ၵေႃႈ​မၼ်း​ပၼ်​လႄႈ၊ မၼ်း​ၼၼ်ႉ​ၵေႃႈ​ၵိၼ်​ဢေႃႈ။-</verse>
				<verse number="7">မၢၵ်ႇ​တႃ​သွင်​ၶႃ​ၽုၺ်ႇ​လႅင်း​လႄႈ၊ သွင်​ၶႃ​ႁူႉ​ႁၼ်​လွင်ႈ​ဢၼ်​တူဝ်​ၸဝ်ႈ​ၵဝ်ႇ​ယူႇ​တူဝ်​ပူၺ်​ယူႇ​ၼၼ်ႉ​သေ​ယဝ်ႉ၊ ဢဝ်​မႂ်​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ယဵပ်ႉ​ၸပ်း​ၵၼ်​လႄႈ ႁဵတ်း​သၢႆ​ဢႅဝ်​ပုၼ်ႈ​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="8">သွင်​ၶႃ​ၼၼ်ႉ​ငိၼ်း​သဵင်​ထႃႇဝရႃႉ​ၽြႃး​ပဵၼ်​ၸဝ်ႈ လႄႇ​ၵႂႃႇ​လႄႇ​မႃး​ၵႃႈ​ၼႂ်း​သူၼ်​ဢူးယဵၼ်ႇ​ၼႂ်း​ၶိင်ႇ​ဢၼ်​ၵၢင်​ဝၼ်း​ဢူၼ်ႈ​ၼၼ်ႉ​သေ​ယဝ်ႉ၊ သွင်​ၶႃ​ၽူဝ်​မေး​ၼၼ်ႉ ဢွၼ်​ၵၼ်​လပ်ႉ​မႅပ်ႉ​တဵတ်ႇ​ယူႇ​ၵႃႈ​ၼႂ်း​တူၼ်ႈ​မႆႉ​သူၼ်​ဢူးယဵၼ်ႇ ႁႂ်ႈ​လႆႈ​လွတ်ႈ​သေ ဢထမ်ႇ​ၸဝ်ႈ​ဢေႃႈ။-</verse>
				<verse number="9">ထႃႇဝရႃႉ​ၽြႃး​ပဵၼ်​ၸဝ်ႈ​ၵေႃႈ၊ ႁွင်ႉ​တီႈ​ၵူၼ်း​လႄႈ​ဝႃႈ၊ မႂ်း​မီး​ၵႃႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ငိၼ်း​သဵင်​ၸဝ်ႈ​ႁဝ်း​ၵႃႈ​ၼႂ်း​သူၼ်​ဢူးယဵၼ်ႇ​လႄႈ ၵူဝ်​ၵွပ်ႈ​ပိူဝ်ႈ​ဢၼ်​ယူႇ​တူဝ်​ပူၺ်​ယူႇ​ၼႆ​လႄႈ လပ်ႉ​မႅပ်ႉ​တဵတ်ႇ​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မၼ်း​ၸဝ်ႈ​ထၢမ်​လႄႈ​ဝႃႈ၊ ၽူႈ​လႂ်​လၢတ်ႈ​လွင်ႈ​ဢၼ်​မႂ်း​ယူႇ​တူဝ်​ပူၺ်​ယူႇ​ၼၼ်ႉ​တီႈ​မႂ်း။ မႂ်း​ၵိၼ်​မၢၵ်ႇ​တူၼ်ႈ​ဢၼ်​ၵဝ်​ပိင်း​ၺၢပ်ႈ​ဝႆႉ​လႄႈ​ဝႃႈ၊ ယႃႇ​ပေ​ၵိၼ်၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵူၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၵူၼ်း​ယိင်း​ဢၼ်​ၸဝ်ႈ​ႁဝ်း​ဢၢပ်ႈ​ပၼ်​တီႈ​ၶႃႈ​ၸဝ်ႈ​ၼၼ်ႉ ပၼ်​မၢၵ်ႇ​တူၼ်ႈ​ၼၼ်ႉ​တီႈ​ၶႃႈ​ၸဝ်ႈ​လႄႈ ၶႃႈ​ၸဝ်ႈ​ၵိၼ်​မႅၼ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ထႃႇဝရႃႉ​ၽြႃး​ပဵၼ်​ၸဝ်ႈ​ၵေႃႈ ထၢမ်​တီႈ​ၵူၼ်း​ယိင်း​ၼၼ်ႉ​လႄႈ​ဝႃႈ၊ မႂ်း​ႁဵတ်း​ၸိူဝ်ႉ​ၼင်ႇ​ႁိုဝ်​ယဝ်ႉ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် ၵူၼ်း​ယိင်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ငူး​ပႅတ်ႉ​လႅၼ်​ၶႃႈ​ၸဝ်ႈ​လႄႈ​ၶႃႈ​ၸဝ်ႈ​ၵိၼ်​မႅၼ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ထႃႇဝရႃႉ​ၽြႃး​ပဵၼ်​ၸဝ်ႈ​မီး​ဢမိင်ႉ​တီႈ​ငူး​ၼၼ်ႉ​လႄႈ​ဝႃႈ၊ ပိူဝ်ႈ​ဢၼ်​မႂ်း​ႁဵတ်း​ဢမူႉ​ၼႆႉ​လႄႈ၊ မႂ်း​တၵ်း​လႆႈ​ၶၢမ်ႇ​တၢင်း​ၵိၼ်ႇ​တၢင်း​ဝႃႈ ၼႃႇ​သေ​တူဝ်​ယဵၼ်ႇ​တူဝ်​ငႄႈ ဢိၵ်ႇ​တင်း​တူဝ်​ႁၢႆႉ​ၵႃႈ​ၼိူဝ်​လိၼ်​တင်း​သဵင်ႈ​တင်း​လူင်​ဢေႃႈ။ မႂ်း​တၵ်း​လႆႈ​ဢဝ်​တွင်ႉ​လိူၼ်ႈ​ၵႂႃႇ​လႄႈ ၵိၼ်​မုၼ်ႈ​လိၼ်​ယူႇ​ၸူဝ်ႈ​ဢသၢၵ်ႈ​ဢေႃႈ။-</verse>
				<verse number="15">ၵဝ်​တၵ်း​ႁႂ်ႈ​မႂ်း​တင်း​ၵူၼ်း​ယိင်း၊ ၸိူဝ်ႉ​ၶိူဝ်း​မႂ်း​တင်း​ၸိူဝ်ႉ​ၶိူဝ်း​ၵူၼ်း​ယိင်း ဝႆႉ​တၢင်း​ၽိတ်း​တီႈ​ၵၼ်​ဢေႃႈ။ မၼ်း​တၵ်း​ၶိုတ်ႈ​ႁူဝ်​မႂ်း​ဢေႃႈ။ မႂ်း​ၵေႃႈ​တၵ်း​ၶိုတ်ႈ​သူၼ်ႈ​တိၼ်​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">မၼ်း​ၸဝ်ႈ​မီး​ဢမိင်ႉ​တီႈ​ၵူၼ်း​ယိင်း​ၼၼ်ႉ​လႄႈ​ဝႃႈ၊ ၵဝ်​တၵ်း​ႁႂ်ႈ​ဝူၺ်ႇတၼႃႇ ဢၼ်​ပႃး​ပတိၵ်ႉသၼ်ႇထေႇ​ၼၼ်ႉ​ၼမ်​ၵိုၼ်း​ၼႃႇ​တီႈ​မႂ်း​ဢေႃႈ။ မႂ်း​တၵ်း​လႆႈ​ၶၢမ်ႇ​ဝူၺ်ႇတၼႃႇ​ဢၼ်​ယၢပ်ႇ​ၼႃႇ​လႄႈ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ဢေႃႈ။ တၵ်း​လႆႈ​ၸွမ်း​ဢလူဝ်ႇ​ၽူဝ်​တူဝ်​ၸဝ်ႈ​ၵဝ်ႇ​လႄႈ ၶၢမ်ႇ​တၢင်း​ဢၼ်​မၼ်း​ဢုပ်ႉ​မၼ်း​ပိူင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">မၼ်း​ၸဝ်ႈ​မီး​ဢမိင်ႉ​တီႈ​ၵူၼ်း​ၸၢႆး​ၼၼ်ႉ​လႄႈ​ဝႃႈ၊ ပိူဝ်ႈ​ဢၼ်​မႂ်း​ထွမ်ႇ​ၵႂၢမ်း​မေး​မႂ်း​လႄႈ ၵိၼ်​မၢၵ်ႇ​တူၼ်ႈ​ဢၼ်​ၵဝ်​ပိင်း​ၺၢပ်ႈ​ဝႆႉ​လႄႈ​ဝႃႈ၊ ဢမ်ႇ​လႆႈ​ၵိၼ်​မၢၵ်ႇ​တူၼ်ႈ​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ​မႅၼ်ႈ​လႄႈ၊ လိၼ်​ၼႆႉ​လႆႈ​ၶၢမ်ႇ​တၢင်း​ၵိၼ်ႇ​တၢင်း​ဝႃႈ​ၵွပ်ႈ​ပိူဝ်ႈ​မႂ်း​ဢေႃႈ။-</verse>
				<verse number="18">လိၼ်​တၵ်း​ႁႂ်ႈ​တူၼ်ႈ​ၼၢမ်​ၵူႈ​ၸိူဝ်ႉ​ၵူႈ​ပိူင်​ဢွၵ်ႇ​ပုၼ်ႈ​မႂ်း​ဢေႃႈ။ မႂ်း​တၵ်း​လႆႈ​ၵိၼ်​မၢၵ်ႇ​ၽၵ်း​ယိူဝ်ႈ​ၽၵ်း​ၶဵဝ်​ဢၼ်​ပဵၼ်​မႃး​ၵႃႈ​ၼိူဝ်​လိၼ်​ဢေႃႈ။-</verse>
				<verse number="19">ၸူဝ်ႈ​ဢၼ်​မႂ်း​ဢမ်ႇ​ပႆႇ​ၶိုၼ်း​ၸူး​ၵႃႈ​တီႈ​လိၼ်​ဢၼ်​မႂ်း​ဢွၵ်ႇ​မႃး​ၼၼ်ႉ​ၸိုင် ႁိူဝ်ႇ​ဢွၵ်ႇ​ၵႃႈ​တီႈ​ၼႃႈ​ၽၢၵ်ႇ​မႂ်း​ယူႇ​သေ​လႄႈ မႂ်း​တၵ်း​လႆႈ​ၵိၼ်​တၢင်း​ၵိၼ်​မႂ်း​ဢေႃႈ။ လွင်ႈ​မၼ်း​ၸမ်ႉ မႂ်း​ပဵၼ်​မုၼ်ႈ​လိၼ်​လႄႈ တၵ်း​လႆႈ​ၶိုၼ်း​ၸူး​ၵႃႈ​တီႈ​မုၼ်ႈ​လိၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">မိူဝ်ႈ​ၼၼ်ႉ​ၵူၼ်း​ၸၢႆး​ၼၼ်ႉ ႁွင်ႉ​ႁဵၵ်ႈ​ၸိုဝ်ႈ​မေး​မၼ်း​ၼၼ်ႉ ဢေးဝႃႉ ​ဢေႃႈ။ လွင်ႈ​မၼ်း​ၸမ်ႉ မၼ်း​ပဵၼ်​မႄႈ​ၵူၼ်း​ၸိူဝ်း​ဢၼ်​ဢသၢၵ်ႈ​လိပ်း​ယူႇ​တင်း​သဵင်ႈ​တင်း​လူင်​ဢေႃႈ။</verse>
				<verse number="21">ထႃႇဝရႃႉ​ၽြႃး​ပဵၼ်​ၸဝ်ႈ​ၵေႃႈ၊ ဢဝ်​ၼင်​ႁဵတ်း​ၶူဝ်း​ၼုင်ႈ​ပုၼ်ႈ​ ဢႃႇတၢမ်ႇ ​ဢိၵ်ႇ​တင်း​မေး​မၼ်း​ၼၼ်ႉ​လႄႈ ႁႂ်ႈ​သွင်​ၶႃ​ၼုင်ႈ​ဢေႃႈ။</verse>
				<verse number="22">ထႃႇဝရႃႉ​ၽြႃး​ပဵၼ်​ၸဝ်ႈ​ၵေႃႈ​ဝႃႈ၊ တူၺ်း​လူး၊ ၵူၼ်း​ၼႆႉ​ပဵၼ်​ၸိူဝ်ႉ​ၼင်ႇ​ႁဝ်း​သေ​ပႃး​ပႃး​လႄႈ ၸၢင်ႈ​ႁူႉ​ဢၼ်​လီ ဢၼ်​ဢမ်ႇ​လီ​ဢေႃႈ။ တေႃႈ​လဵဝ်​ၼႆႉ ၵူဝ်​မၼ်း​တၵ်း​ယိုၼ်း​မိုဝ်း​မၼ်း ဢဝ်​မၢၵ်ႇ​တူၼ်ႈ​ဢသၢၵ်ႈ​ၵိၼ်​လႄႈ ဢသၢၵ်ႈ​လိပ်း​ယူႇ​ထႃႇဝရႃႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="23">လွင်ႈ​ၼင်ႇ​ႁိုဝ်​မၼ်း​တၵ်း​ႁဵတ်း​ၵႃႈ​တီႈ​လိၼ်​ဢၼ်​မၼ်း​ဢွၵ်ႇ​မႃး​ၼၼ်ႉ​ၸိုင်၊ ထႃႇဝရႃႉ​ၽြႃး​ပဵၼ်​ၸဝ်ႈ​ပွႆႇ​မၼ်း​ဢွၵ်ႇ​သေ ၵႃႈ​ၼႂ်း​သူၼ်​ဢူးယဵၼ်ႇ​ ဢေႇတိၼ်ႇ ​ၼၼ်ႉ​သေ​ဢေႃႈ။-</verse>
				<verse number="24">မၼ်း​ၸဝ်ႈ​ႁေႃႈ​ၵူၼ်း​ဢွၵ်ႇ​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ဢဝ်​ ၶေႇရူႉၽဵမ်ႇ ​တင်း​လၢႆ တင်း​လၢပ်ႇ​ဢၼ်​မၢပ်ႈ​မႅပ်ႈ​ၼၼ်ႉ ဝႆႉ​ၵႃႈ​တီႈ​ၽၢႆႇ​ဝၼ်း​ဢွၵ်ႇ​သူၼ်​ဢူးယဵၼ်ႇ​ ဢေႇတိၼ်ႇ ​ၼၼ်ႉ ႁႂ်ႈ​လႆႈ​ပႂ်ႉ​သဵၼ်ႈ​တၢင်း​တူၼ်ႈ​ဢသၢၵ်ႈ​ၼၼ်ႉ​ဢေႃႈ။</verse>
			</chapter>
			<chapter number="4">
				<verse number="1">လိုၼ်း​ၼၼ်ႉ​ ဢႃႇတၢမ်ႇ ​သိူၵ်ႈ​သမ်ႇ​ၵၼ်​တင်း​မေး​မၼ်း​ ဢေးဝႃႉ ​လႄႈ ဢေးဝႃႉ ​ၼၼ်ႉ​ပႃး​ပတိၵ်ႉသၼ်ႇထေႇ​လႄႈ​ၵိူတ်ႇ​လဵင်ႉ​ ၵႃႇဢီႉၼႃႉ ​မႃး​သေ​ယဝ်ႉ၊ မၼ်း​ဝႃႈ၊ ၵဝ်​လႆႈ​ၵူၼ်း​ၵႃႈ​တီႈ​ထႃႇဝရႃႉ​ၽြႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ၵမ်း​ၼၼ်ႉ​သမ်ႉ ၵိူတ်ႇ​လဵင်ႉ​ၼွင်ႉ​ၸၢႆး​မၼ်း​ ဢႃႇပေႇလႃႉ ​မႃး​ဢေႃႈ။ ဢႃႇပေႇလႃႉ ​ၸမ်ႉ၊ ပဵၼ်​ၵူၼ်း​လဵင်ႉ​သူဝ်း​ဢေႃႈ။ ၵႃႇဢီႉၼႃႉ ​ၸမ်ႉ၊ ပဵၼ်​ၵေႃႉ​ဢၼ်​ႁဵတ်း​ႁႆႊ​ႁဵတ်း​ၼႃး​ဢေႃႈ။-</verse>
				<verse number="3">မိူဝ်ႈ​ဢၼ်​ၶိင်ႇ​မၼ်း​ထူၼ်ႈ​ၸိုင်၊ ၵႃႇဢီႉၼႃႉ ​ၼၼ်ႉ ဢဝ်​မၢၵ်ႇ​ၼိူဝ်​လိၼ်​မႃး ပုၼ်ႈ​ဢၼ်​တၵ်း​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="4">ဢႃႇပေႇလႃႉ ​ၵေႃႈ၊ ၼႂ်း​ၽုင်​သူဝ်း​မၼ်း​ၼၼ်ႉ ဢဝ်​တူဝ်​ဢၼ်​ၵိူတ်ႇ​လဵင်ႉ​ဢွၼ်​တၢင်း​ပိူၼ်ႈ​ၵမ်ႈ​ၽွင်ႈ​ဢိၵ်ႇ​တင်း​ၵွၼ်ႈ​ၶႆ​ၵွၼ်ႈ​မၼ်း​သူဝ်း​မႃး​ဢေႃႈ။ ထႃႇဝရႃႉ​ၽြႃး​ထုၵ်ႇ​ၸႂ်​ၵျိူၵ်ႈ​ၸႂ်​ ဢႃႇပေႇလႃႉ ​ဢိၵ်ႇ​တင်း တၢင်း​ပုၵ်ႈ​ၸေႃႇ​မၼ်း​ဢေႃႈ။-</verse>
				<verse number="5">ၵႃႇဢီႉၼႃႉ ​ဢိၵ်ႇ​တင်း​တၢင်း​ပုၵ်ႈ​ၸေႃႇ​မၼ်း​ၸိုင်၊ မၼ်း​ၸဝ်ႈ​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်။ ပိူဝ်ႈ​ၼႆ​လႄႈ ၵႃႇဢီႉၼႃႉ ​ၼၼ်ႉ ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​လႄႈ​ၼႃႈ​လူႉ​ဢေႃႈ။-</verse>
				<verse number="6">ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​ ၵႃႇဢီႉၼႃႉ ​လႄႈ​ဝႃႈ၊ ၵွပ်ႈ​ပိူဝ်ႈ​လွင်ႈ​ၼင်ႇ​ႁိုဝ်​လႄႈ မႂ်း​ၸႂ်​မႆႈ။ ၵွပ်ႈ​ပိူဝ်ႈ​လွင်ႈ​ၼင်ႇ​ႁိုဝ်​လႄႈ မႂ်း​ၼႃႈ​လူႉ။-</verse>
				<verse number="7">ပေႃး​မႂ်း​ႁဵတ်း​လီ​ၸိုင်၊ မႂ်း​ဢမ်ႇ​လႆႈ​ဢၶႂၢင်ႉ​ႁိုဝ်။ ပေႃး​ဢမ်ႇ​ႁဵတ်း​လီ​ၸိုင် ဢပႅတ်ႈ​ၶုပ်ႉ​မူပ်ႇ​မီး​ယူႇ​ႁိမ်း​ၽၵ်း​တူ​ဢေႃႈ။ မၼ်း​တၵ်း​ၸွမ်း​ဢလူဝ်ႇ​မႂ်း​လႄႈ မႂ်း​တၵ်း​လႆႈ​ဢုပ်ႉ​ပိူင်ႇ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၵႃႇဢီႉၼႃႉ ​လၢတ်ႈ​ၵႂၢမ်း​တေႃႇ​ၵၼ်​တင်း​ၼွင်ႉ​ၸၢႆး​မၼ်း​ ဢႃႇပေႇလႃႉ ​လႄႈ၊ မိူဝ်ႈ​ဢၼ်​သွင်​ၶႃ​ႁွတ်ႈ​ထိုင်​ၵႃႈ​တီႈ​တူင်ႈ​ၼႃး​ၸိုင်၊ ၵႃႇဢီႉၼႃႉ ​ႁဵတ်း​တၢင်း​ၽိတ်း​သႂ်ႇ​ၼွင်ႉ​ၸၢႆး​မၼ်း​ ဢႃႇပေႇလႃႉ ​လႄႈ ဢဝ်​တၢႆ​သေ​ဢေႃႈ။-</verse>
				<verse number="9">ထႃႇဝရႃႉ​ၽြႃး​ၵေႃႈ ထၢမ်​တီႈ​ ၵႃႇဢီႉၼႃႉ ​လႄႈ​ဝႃႈ၊ ၼွင်ႉ​ၸၢႆး​မႂ်း ဢႃႇပေႇလႃႉ ​ၸိုင် မီး​ၵႃႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ဢမ်ႇ​ႁူႉ​တီႈ​ၶႃႈ၊ ၶႃႈ​ၸဝ်ႈ​ပဵၼ်​ၵေႃႉ​ဢၼ်​လူ​ဢၼ်​တူၺ်း​ၼွင်ႉ​ၸၢႆး​ၶႃႈ​ၸဝ်ႈ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မၼ်း​ၸဝ်ႈ​ၵေႃႈ​ဝႃႈ၊ မႂ်း​ႁဵတ်း​ၸိူဝ်ႉ​ၼင်ႇ​ႁိုဝ်​ယဝ်ႉ။ သဵင်​လိူတ်ႈ​ၼွင်ႉ​ၸၢႆး​မႂ်း​ႁွင်ႉ​သႅၼ်ႇ​ႁႃ​ၵဝ်​ယူႇ ၵႃႈ​တီႈ​ၼႂ်း​လိၼ်​ၼၼ်ႉ​လူင်​ပႄႇ။-</verse>
				<verse number="11">ၸႃႉ​ၸဵမ်​တေႃႈ​လဵဝ်​ၼႆႉ​လႄႈ မႂ်း​တၵ်း​လႆႈ​ၶၢမ်ႇ​တၢင်း​ၵိၼ်ႇ​တၢင်း​ဝႃႈ လိၼ်​ဢၼ်​ၽုၺ်ႇ​သူပ်း​မၼ်း ႁႂ်ႈ​လႆႈ​ၶၢမ်ႇ​ဢဝ်​လိူတ်ႈ​ၼွင်ႉ​ၸၢႆး​မႂ်း​ၼၼ်ႉ​ဢေႃႈ။-</verse>
				<verse number="12">မိူဝ်ႈ​ဢၼ်​မႂ်း​ႁဵတ်း​ၵႃႈ​တီႈ​လိၼ်​ၸိုင်၊ လိၼ်​တၵ်း​ဢမ်ႇ​ပၼ်​ႁႅင်း​မၼ်း ၸွမ်း​ၼင်ႇ​ပၵတီႉ​ပၵ်း​ၵဝ်ႇ​ပိူင်​ၵဝ်ႇ​ၼၼ်ႉ​တီႈ​မႂ်း။ ၵႃႈ​ၼိူဝ်​လိၼ်​မိူင်း​ၼႆႉ​ၵေႃႈ၊ မႂ်း​တၵ်း​လႆႈ​ပဵၼ်​ၵေႃႉ​ဢၼ်​ဢွၵ်ႇ​ပၢႆႈ​ပိူၼ်ႈ၊ ၵေႃႉ​ဢၼ်​လႄႇ​ၵႂႃႇ​ၵူႈ​တီႈ​ၵူႈ​လႅၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵႃႇဢီႉၼႃႉ ​ၵေႃႈ​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ဢပႅတ်ႈ​ၶႃႈ​ၸဝ်ႈ​ၼႆႉ ယႂ်ႇ​ထၼ်ႈ​ပေႃး​ဢမ်ႇ​ၶၢမ်ႇ​လႆႈ​တီႈ​ၶႃႈ​ဢေႃႈ။-</verse>
				<verse number="14">တူၺ်း​သေ​ၵမ်း​တီႈ​ၶႃႈ၊ ဝၼ်း​မိူဝ်ႈ​ၼႆႉ ၸဝ်ႈ​ႁဝ်း​ႁေႃႈ​ၶႃႈ​ၸဝ်ႈ​ဢွၵ်ႇ​သေ​ၵႃႈ​ၼိူဝ်​ၼႃႈ​လိၼ်​တီႈ​ၶႃႈ​ယဝ်ႉ။ ၶႃႈ​ၸဝ်ႈ​တၵ်း​လႆႈ​ၶၢမ်ႇ​တၢင်း​ဢၼ်​သိူင်ႇ​ဢၼ်​မႅပ်ႉ​ၵႃႈ​တီႈ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၵႃႈ​ၼိူဝ်​လိၼ်​မိူင်း​ၼႆႉ​ၵေႃႈ တၵ်း​လႆႈ​ပဵၼ်​ၵေႃႉ​ဢၼ်​ဢွၵ်ႇ​ပၢႆႈ​ပိူၼ်ႈ၊ ၵေႃႉ​ဢၼ်​လႄႇ​ၵႂႃႇ​ၵူႈ​တီႈ​ၵူႈ​လႅၼ်​တီႈ​ၶႃႈ​ဢေႃႈ။ ၶဝ်​ၵႃႈ​ဢၼ်​ထူပ်း​ႁၼ်​ၶႃႈ​ၸဝ်ႈ​ၼၼ်ႉ တၵ်း​ဢဝ်​ၶႃႈ​ၸဝ်ႈ​တၢႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ပိူဝ်ႈ​ၼႆ​လႄႈ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢဝ်​ ၵႃႇဢီႉၼႃႉ ​တၢႆ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢမ်ႇ​ဢပႅတ်ႈ​ၸဵတ်း​ပုၼ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၼင်ႇ​ႁိုဝ်​ၶဝ်​ၸိူဝ်း​ဢၼ်​ထူပ်း​ႁၼ်​ ၵႃႇဢီႉၼႃႉ ​ၼၼ်ႉ​သေ​ၵေႃႉ​သေ​ၵူၼ်း တၵ်း​ဢမ်ႇ​လႆႈ​ဢဝ်​မၼ်း​တၢႆ​ၸိုင်၊ ထႃႇဝရႃႉ​ၽြႃး​ပၼ်​တီႈ​မၢတ်ႈ​တီႈ​တွင်း တီႈ​မၼ်း​ဢေႃႈ။</verse>
				<verse number="16">ၵႃႇဢီႉၼႃႉ ဢွၵ်ႇ​သေ​ၵႃႈ​တီႈ​ထႃႇဝရႃႉ​ၽြႃး​ၵႂႃႇ​လႄႈ​ယူႇ​ၵႃႈ​ၼႂ်း​မိူင်း ၼေႃႇတႃႉ ၵႃႈ​တီႈ​ၽၢႆႇ​ဝၼ်း​ဢွၵ်ႇ​မိူင်း​ ဢေႇတိၼ်ႇ ​ၼၼ်ႉ​ဢေႃႈ။</verse>
				<verse number="17">မိူဝ်ႈ​ၼၼ်ႉ ၵႃႇဢီႉၼႃႉ ​သိူၵ်ႈ​သမ်ႇ​ၵၼ်​တင်း​မေး​မၼ်း​လႄႈ မၼ်း​ၼၼ်ႉ​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​ ဢေးၼွၵ်ႉ ​မႃး​ဢေႃႈ။ ၵႃႇဢီႉၼႃႉ ​ၵေႃႈ တႄႇ​ဝဵင်း​ယူႇ​လႄႈ​ၸွမ်း​လူၺ်ႈ​ၸိုဝ်ႈ​သဵင်​လုၵ်ႈ​ၸၢႆး​မၼ်း​ၼၼ်ႉ​လႄႈ ႁွင်ႉ​ႁဵၵ်ႈ​ၸိုဝ်ႈ​ဝဵင်း​ၼၼ်ႉ​ဝဵင်း​ ဢေးၼွၵ်ႉ ​ဢေႃႈ။-</verse>
				<verse number="18">ဢေးၼွၵ်ႉ ​သမ်ႉ​မီး​လုၵ်ႈ​ၸၢႆး​ ဢီႉရတ်ႉ၊ ဢီႉရတ်ႉ ​သမ်ႉ​မီး​လုၵ်ႈ​ၸၢႆး​ မႁူႉယေႇလႃႉ၊ မႁူႉယေႇလႃႉ ​သမ်ႉ​မီး​လုၵ်ႈ​ၸၢႆး​ မသူႉသလႃႉ၊ မသူႉသလႃႉ ​သမ်ႉ​မီး​လုၵ်ႈ​ၸၢႆး​ လႃႇမႅၵ်ႈ ​ဢေႃႈ။</verse>
				<verse number="19">လႃႇမႅၵ်ႈ ​ၼၼ်ႉ​ဢဝ်​မေး​သွင်​ၵေႃႉ​ဢၼ်​လႆႈ​ၸိုဝ်ႈ​ ဢႃႇတႃႉ ​တင်း​ ၸီႉလႃႉ ​ဢေႃႈ။-</verse>
				<verse number="20">ဢႃႇတႃႉ ​ၵိူတ်ႇ​လဵင်ႉ​ ယႃႇပလႃႉ ​မႃး​ဢေႃႈ။ မၼ်း​ၼၼ်ႉ​ၸမ်ႉ၊ ပဵၼ်​ပေႃႈ​ပဵၼ်​သြႃႇ ၶဝ်​ၸိူဝ်း​ဢၼ်​ယူႇ​ၼႂ်း​မူဝ်းၵႃႇ​လႂ် ဢိၵ်ႇ​တင်း​ၶဝ်​ၸိူဝ်း​ဢၼ်​လဵင်ႉ​ထိင်း​ၸႃႉ​ၸဵမ်​သူဝ်း​ဝူဝ်း​လႂ်​ဢေႃႈ။</verse>
				<verse number="21">ၼွင်ႉ​ၸၢႆး​မၼ်း​ၸမ်ႉ၊ လႆႈ​ၸိုဝ်ႈ​ ယူႉပလႃႉ ​လႄႈ​ပဵၼ်​ပေႃႈ​ပဵၼ်​သြႃႇ​ၶဝ်​ၸိူဝ်း​ဢၼ်​ၸၢင်ႈ​လဵတ်း​တိင်ႇ၊ ပဝ်ႇ​ၼႄးၶရႃႇ တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="22">ၸီႉလႃႉ ​ၵေႃႈ​ၵိူတ်ႇ​လဵင်ႉ​ တူႉပလႃႉၵႃႇဢီႉၼႃႉ ​မႃး​ဢေႃႈ။ မၼ်း​ၼၼ်ႉ​ပဵၼ်​သြႃႇ​ၸၢင်ႈ​လဵၵ်း​ၸၢင်ႈ​ၶမ်း တင်း​သဵင်ႈ​တင်း​လူင်​ဢေႃႈ။ ၼွင်ႉ​ယိင်း​ တူႉပလႃႉၵႃႇဢီႉၼႃႉ ​ၼၼ်ႉ​ၸမ်ႉ၊ လႆႈ​ၸိုဝ်ႈ​ ၼေႇမႃႉ ​ဢေႃႈ။-</verse>
				<verse number="23">လႃႇမႅၵ်ႈ ​ၵေႃႈ လၢတ်ႈ​တီႈ​မေး​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ဢႃႇတႃႉ ​တင်း​ ၸီႉလႃႉ ​ဢိူၺ်း၊ မၢတ်ႈ​တွင်း​သဵင်​ဢၼ်​ၵဝ်​လၢတ်ႈ​ၼႆႉ​ဝႆႉ​တႃႉ။ မေး​ လႃႇမႅၵ်ႈ ​ၶဝ်​ဢိူၺ်း၊ ထွမ်ႇ​ငိၼ်း​ၵႂၢမ်း​ၵဝ်​တႃႉ။ ၵဝ်​ဢဝ်​ၵူၼ်း​ၵေႃႉ​ၼိုင်ႈ​ၵွပ်ႈ​ပိူဝ်ႈ​ဢၼ်​မၼ်း​လႆႈ​တိူဝ်ႉ​မၢတ်ႇ​ၵဝ် ဢၼ်​ဝႃႈ​ၽူႈ​မၢဝ်ႇ​ၵေႃႉ​ၼိုင်ႈ ၵွပ်ႈ​ပိူဝ်ႈ​ဢၼ်​မၼ်း​ႁဵတ်း​ႁႂ်ႈ​ၵဝ်​လႆႈ​ၸဵပ်း​လႆႈ​သႅပ်ႇ​ၼၼ်ႉ တၢႆ​မႃး​ယဝ်ႉ။-</verse>
				<verse number="24">ပေႃး​ ၵႃႇဢီႉၼႃႉ ​လႆႈ​တြႃး​ၸဵတ်း​ပုၼ်ႈ​ၸိုင်၊ လႃႇမႅၵ်ႈ ​တၵ်း​လႆႈ​တြႃး​ၸဵတ်း​သိပ်း​ၸဵတ်း​ပုၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">ဢႃႇတၢမ်ႇ ​ၵေႃႈ သမ်ႉ​သိူၵ်ႈ​သမ်ႇ​ၵၼ်​တင်း​မေး​မၼ်း​သေ​ယဝ်ႉ၊ မၼ်း​ၼၼ်ႉ​ၵိူတ်ႇ​လဵင်ႉ​လုၵ်ႈ​ၸၢႆး​မႃး​လႄႈ ႁွင်ႉ​ႁဵၵ်ႈ​ၸိုဝ်ႈ​ သေႇထႃႉ ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ၽြႃး​ပဵၼ်​ၸဝ်ႈ​ၶၢၼ်း​ဝႆႉ​ၸိူဝ်ႉ​ၶိူဝ်း​တၢင်ႇ​ၸိူဝ်ႉ​တၢင်ႇ​ၶိူဝ်း ႁႂ်ႈ​ပဵၼ်​တၢင်​တူဝ်​ ဢႃႇပေႇလႃႉ ပုၼ်ႈ​ၵဝ်​ၶႃႈ ၵွပ်ႈ​ပိူဝ်ႈ​ဢၼ် ၵႃႇဢီႉၼႃႉ ​ဢဝ်​မၼ်း​တၢႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">သေႇထႃႉ ​ၵေႃႈ​မီး​လုၵ်ႈ​ၸၢႆး​လႄႈ ႁွင်ႉ​ႁဵၵ်ႈ​ၸိုဝ်ႈ​ ဢေးၼုတ်ႉ ​ဢေႃႈ။ ၼႂ်း​ၶိင်ႇ​ၵႃႇလႃႉ​ၼၼ်ႉ​ၶဝ်​ၸႃႉ​ႁွင်ႉ​ႁႃ ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ဢေႃႈ။</verse>
			</chapter>
			<chapter number="5">
				<verse number="1">ၸရၢင်း​ၸူဝ်ႈ​လုၵ်ႈ​ပၢၼ်​လၢၼ်​ၸိူဝ်ႉ​ၶိူဝ်း​ ဢႃႇတၢမ်ႇ ​ၸမ်ႉ၊ ၼႂ်း​ၶိင်ႇ​ဝၼ်း​ဢၼ်​ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၵူၼ်း​ၼၼ်ႉ၊ ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​မၼ်း​ၸွမ်း​ၼင်ႇ​ပုင်ႇ​ႁၢင်ႈ​ၽၢင်​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="2">မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၵူၼ်း​ၸၢႆး​ၵူၼ်း​ယိင်း​လႄႈ ပၼ်​တၢင်း​လီ​ဢေႃႈ။ ၼႂ်း​ဝၼ်း​ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ​ၵေႃႈ မၼ်း​ၸဝ်ႈ​ႁွင်ႉ​ႁဵၵ်ႈ​ၸိုဝ်ႈ​ၶဝ်​ ဢႃႇတၢမ်ႇ ​ဢေႃႈ။-</verse>
				<verse number="3">ဢႃႇတၢမ်ႇ ​ၼၼ်ႉ​ဢသၢၵ်ႈ​လႆႈ​ပၢၵ်ႇ​ပၢႆ​သၢမ်​သိပ်း​ပီႊ​လႄႈ​မီး​လုၵ်ႈ​ၸၢႆး​မိူၼ်​ၸိူဝ်ႉ​ၼင်ႇ​ပုင်ႇ​ႁၢင်ႈ​မၼ်း၊ ႁၢင်ႈ​ၽၢင်​ဢၼ်​လဵဝ်​ၵၼ်​တင်း​မၼ်း​လႄႈ​ႁွင်ႉ​ႁဵၵ်ႈ​ၸိုဝ်ႈ​ သေႇထႃႉ ​ဢေႃႈ။-</verse>
				<verse number="4">ဝၢႆး​သေ​မီး​ သေႇထႃႉ ​ၼၼ်ႉ၊ ဢႃႇတၢမ်ႇ ​ဢသၢၵ်ႈ​လိပ်း​ထူၼ်ႈ​ပႅတ်ႇ​ပၢၵ်ႇ​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။-</verse>
				<verse number="5">ဢႃႇတၢမ်ႇ ​ဢသၢၵ်ႈ​တဵမ်​ၵဝ်ႈ​ပၢၵ်ႇ​ပၢႆ​သၢမ်​သိပ်း​ပီႊ​လႄႈ တၢႆ​သေ​ဢေႃႈ။</verse>
				<verse number="6">သေႇထႃႉ ​ၼၼ်ႉ ဢသၢၵ်ႈ​လႆႈ​ပၢၵ်ႇ​ပၢႆ​ႁႃႈ​ပီႊ​လႄႈ မီး​လုၵ်ႈ​ၸၢႆး​ ဢေးၼုတ်ႉ ​ဢေႃႈ။-</verse>
				<verse number="7">ဝၢႆး​သေ​မီး​ ဢေးၼုတ်ႉ ​ၼၼ်ႉ၊ သေႇထႃႉ ​ဢသၢၵ်ႈ​လိပ်း​ထူၼ်ႈ​ပႅတ်ႇ​ပၢၵ်ႇ​ပၢႆ​ၸဵတ်း​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။-</verse>
				<verse number="8">သေႇထႃႉ ​ဢသၢၵ်ႈ​တဵမ်​ၵဝ်ႈ​ပၢၵ်ႇ​ပၢႆ​သိပ်း​သွင်​ပီႊ​လႄႈ တၢႆ​သေ​ဢေႃႈ။</verse>
				<verse number="9">ဢေးၼုတ်ႉ ​ၼၼ်ႉ​ဢသၢၵ်ႈ​လႆႈ​ၵဝ်ႈ​သိပ်း​ပီႊ​လႄႈ မီး​လုၵ်ႈ​ၸၢႆး​ ၵႃႇဢီႉၼၼ်ႇ ​ဢေႃႈ။-</verse>
				<verse number="10">ဝၢႆး​သေ​မီး​ ၵႃႇဢီႉၼၼ်ႇ ​ၼၼ်ႉ၊ ဢေးၼုတ်ႉ ​ဢသၢၵ်ႈ​လိပ်း​ထူၼ်ႈ​ပႅတ်ႇ​ပၢၵ်ႇ​ပၢႆ​သိပ်း​ႁႃႈ​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။-</verse>
				<verse number="11">ဢေးၼုတ်ႉ ​ဢသၢၵ်ႈ​တဵမ်​ၵဝ်ႈ​ပၢၵ်ႇ​ပၢႆ​ႁႃႈ​ပီႊ​လႄႈ တၢႆ​သေ​ဢေႃႈ။</verse>
				<verse number="12">ၵႃႇဢီႉၼၼ်ႇ ​ၼၼ်ႉ​ဢသၢၵ်ႈ​လႆႈ​ၸဵတ်း​သိပ်း​ပီႊ​လႄႈ မီး​လုၵ်ႈ​ၸၢႆး​ မႁႃႇလေႇလေႇလႃႉ ​ဢေႃႈ။-</verse>
				<verse number="13">ဝၢႆး​သေ​မီး​ မႁႃႇလေႇလေႇလႃႉ ​ၼၼ်ႉ၊ ၵႃႇဢီႉၼၼ်ႇ ​ဢသၢၵ်ႈ​လိပ်း​ထူၼ်ႈ​ပႅတ်ႇ​ပၢၵ်ႇ​ပၢႆ​သီႇ​သိပ်း​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။-</verse>
				<verse number="14">ၵႃႇဢီႉၼၼ်ႇ ​ဢသၢၵ်ႈ​တဵမ်​ၵဝ်ႈ​ပၢၵ်ႇ​ပၢႆ​သိပ်း​ပီႊ​လႄႈ တၢႆ​သေ​ဢေႃႈ။</verse>
				<verse number="15">မႁႃႇလေႇလေႇလႃႉ ​ၼၼ်ႉ ဢသၢၵ်ႈ​လႆႈ​ႁူၵ်း​သိပ်း​ပၢႆ​ႁႃႈ​ပီႊ​လႄႈ မီး​လုၵ်ႈ​ၸၢႆး​ ယႃႇရိတ်ႉ ​ဢေႃႈ။-</verse>
				<verse number="16">ဝၢႆး​သေ​မီး​ ယႃႇရိတ်ႉ ​ၼၼ်ႉ၊​ မႁႃႇလေႇလေႇလႃႉ ​ဢသၢၵ်ႈ​လိပ်း​ထူၼ်ႈ​ပႅတ်ႇ​ပၢၵ်ႇ​ပၢႆ​သၢမ်​သိပ်း​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။-</verse>
				<verse number="17">မႁႃႇလေႇလေႇလႃႉ ​ဢသၢၵ်ႈ​တဵမ်​ပႅတ်ႇ​ပၢၵ်ႇ​ၵဝ်ႈ​သိပ်း​ပၢႆ​ႁႃႈ​ပီႊ​လႄႈ တၢႆ​သေ​ဢေႃႈ။</verse>
				<verse number="18">ယႃႇရိတ်ႉ ​ၼၼ်ႉ ဢသၢၵ်ႈ​လႆႈ​ပၢၵ်ႇ​ပၢႆ​ႁူၵ်း​သိပ်း​ပၢႆ​သွင်​ပီႊ​လႄႈ မီး​လုၵ်ႈ​ၸၢႆး​ ဢေးၼွၵ်ႉ ​ဢေႃႈ။-</verse>
				<verse number="19">ဝၢႆး​သေ​မီး​ ဢေးၼွၵ်ႉ ​ၼၼ်ႉ၊ ယႃႇရိတ်ႉ ဢသၢၵ်ႈ​လိပ်း​ထူၼ်ႈ​ပႅတ်ႇ​ပၢၵ်ႇ​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။-</verse>
				<verse number="20">ယႃႇရိတ်ႉ ​ဢသၢၵ်ႈ​တဵမ်​ၵဝ်ႈ​ပၢၵ်ႇ​ႁူၵ်း​သိပ်း​ပၢႆ​သွင်​ပီႊ​လႄႈ တၢႆ​သေ​ဢေႃႈ။</verse>
				<verse number="21">ဢေးၼွၵ်ႉ ​ၼၼ်ႉ ဢသၢၵ်ႈ​လႆႈ​ႁူၵ်း​သိပ်း​ပၢႆ​ႁႃႈ​ပီႊ​လႄႈ မီး​လုၵ်ႈ​ၸၢႆး​ မထူႉသလႃႉ ​ဢေႃႈ။-</verse>
				<verse number="22">ဝၢႆး​သေ​မီး​ မထူႉသလႃႉ ​ၼၼ်ႉ၊ ဢေးၼွၵ်ႉ ​ၵႂႃႇ​ၵႂႃႇ​မႃး​မႃး​လူၺ်ႈ​ၵၼ်​တင်း​ၽြႃး​ပဵၼ်​ၸဝ်ႈ သၢမ်​ပၢၵ်ႇ​ပီႊ​တဵမ်​တဵမ်​လႄႈ၊ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။-</verse>
				<verse number="23">ဢေးၼွၵ်ႉ ​ဢသၢၵ်ႈ​တဵမ်​သၢမ်​ပၢၵ်ႇ​ႁူၵ်း​သိပ်း​ပၢႆ​ႁႃႈ​ပီႊ​ဢေႃႈ။-</verse>
				<verse number="24">ဢေးၼွၵ်ႉ ​ၼၼ်ႉ​ၵႂႃႇ​ၵႂႃႇ​မႃး​မႃး​လူၺ်ႈ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။ လိုၼ်း​ၼၼ်ႉ​မၼ်း​ဢမ်ႇ​မီး။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​သိမ်း​ဢဝ်​မၼ်း​ဢေႃႈ။</verse>
				<verse number="25">မထူႉသလႃႉ ​ၼၼ်ႉ ဢသၢၵ်ႈ​လႆႈ​ပၢၵ်ႇ​ပၢႆ​ပႅတ်ႇ​သိပ်း​ပၢႆ​ၸဵတ်း​ပီႊ​လႄႈ မီး​လုၵ်ႈ​ၸၢႆး​ လႃႇမႅၵ်ႈ ​ဢေႃႈ။-</verse>
				<verse number="26">ဝၢႆး​သေ​မီး​ လႃႇမႅၵ်ႈ ​ၼၼ်ႉ၊ မထူႉသလႃႉ ​ဢသၢၵ်ႈ​လိပ်း​ထူၼ်ႈ​ၸဵတ်း​ပၢၵ်ႇ​ပႅတ်ႇ​သိပ်း​ပၢႆ​သွင်​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။-</verse>
				<verse number="27">မထူႉသလႃႉ ​ဢသၢၵ်ႈ​တဵမ်​ၵဝ်ႈ​ပၢၵ်ႇ​ႁူၵ်း​သိပ်း​ပၢႆ​ၵဝ်ႈ​ပီႊ​လႄႈ တၢႆ​သေ​ဢေႃႈ။</verse>
				<verse number="28">လႃႇမႅၵ်ႈ ​ၼၼ်ႉ ဢသၢၵ်ႈ​လႆႈ​ပၢၵ်ႇ​ပၢႆ​ပႅတ်ႇ​သိပ်း​ပၢႆ​သွင်​ပီႊ​လႄႈ မီး​လုၵ်ႈ​ၸၢႆး​ဢေႃႈ။-</verse>
				<verse number="29">မၼ်း​ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ ၼူဝ်းဢႃႇ ​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ တၵ်း​ပဵၼ်​ၵေႃႉ​ဢၼ်​တၵ်း​ႁႂ်ႈ​ႁဝ်း​သၢၵ်ႈ​သႃႇ လွင်ႈ​ၵၢၼ်​ငၢၼ်း​ႁဝ်း ဢိၵ်ႇ​တင်း​တၢင်း​ဢၼ်​ႁဝ်း ဢဝ်​မိုဝ်း​ႁဵတ်း​သၢင်ႈ​ယၢပ်ႇ​ၽိုတ်ႇ​ၼႃႇ ၵွပ်ႈ​ပိူဝ်ႈ​လိၼ်​ဢၼ်​ထႃႇဝရႃႉ​ၽြႃး​ၵိၼ်ႇ​ဝႃႈ​ဝႆႉ​ၼၼ်ႉ​ဢေႃႈ။-</verse>
				<verse number="30">ဝၢႆး​သေ​မီး​လုၵ်ႈ​ၸၢႆး​ ၼူဝ်းဢႃႇ ​ၼၼ်ႉ၊​ လႃႇမႅၵ်ႈ ​ဢသၢၵ်ႈ​လိပ်း​ထူၼ်ႈ ႁႃႈ​ပၢၵ်ႇ​ၵဝ်ႈ​သိပ်း​ပၢႆ​ႁႃႈ​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။-</verse>
				<verse number="31">လႃႇမႅၵ်ႈ ​ဢသၢၵ်ႈ​တဵမ်​ၸဵတ်း​ပၢၵ်ႇ​ၸဵတ်း​သိပ်း​ပၢႆ​ၸဵတ်း​ပီႊ​လႄႈ တၢႆ​သေ​ဢေႃႈ။</verse>
				<verse number="32">ၼူဝ်းဢႃႇ ​ၼၼ်ႉ​ဢသၢၵ်ႈ​လႆႈ​ႁႃႈ​ပၢၵ်ႇ​ပီႊ​ဢေႃႈ။ ၼူဝ်းဢႃႇ ​မီး​လုၵ်ႈ​ၸၢႆး သေႇမႃႉ၊ ႁႃႇမႃႉ၊ တင်း​ ယႃႇၽႅတ်ႈ ​ဢေႃႈ။</verse>
			</chapter>
			<chapter number="6">
				<verse number="1">မိူဝ်ႈ​ဢၼ်​ၵူၼ်း​တင်း​လၢႆ​ယႂ်ႇ​ၽႄႈ​ၼမ်​ၵိုၼ်း​မႃး ၵႃႈ​ၼိူဝ်​ၼႃႈ​လိၼ်​ၼၼ်ႉ​ၸိုင်၊ ၶဝ်​လႆႈ​လုၵ်ႈ​ယိင်း​ဢေႃႈ။-</verse>
				<verse number="2">လုၵ်ႈ​ၸၢႆး​ၽြႃး​ပဵၼ်​ၸဝ်ႈ​တင်း​လၢႆ ႁၼ်​လွင်ႈ​ဢၼ်​လုၵ်ႈ​ယိင်း​ၵူၼ်း​ၸိူဝ်း​ၼၼ်ႉ​ႁၢင်ႈ​လီ​ၼၼ်ႉ​လႄႈ ဢွၼ်​ၵၼ်​ဢဝ်​ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​တူဝ်​ၸဝ်ႈ​ၵဝ်ႇ​မီး​ၼၼ်ႉ​ဢေႃႈ။-</verse>
				<verse number="3">ထႃႇဝရႃႉ​ၽြႃး​ဝႃႈ၊ ဝီႉၺိၺ်ႇ​ၵဝ်​ဢမ်ႇ​လႆႈ​သင်ႇ​သွၼ်​ယူႇ​ၵႃႈ​တီႈ​ၵူၼ်း​သေႇ​သေႇ။ လွင်ႈ​မၼ်း​ၸမ်ႉ ၵူၼ်း​ၸိုင်​ပဵၼ်​ၼိူဝ်ႉ​ဢေႃႈ။ ဢသၢၵ်ႈ​မၼ်း​ၵေႃႈ ႁႂ်ႈ​ပဵၼ်​ပၢၵ်ႇ​ပၢႆ​သၢဝ်း​ပီႊ​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မိူဝ်ႈ​ၵႃႇလႃႉ​ယၢမ်း​ၼၼ်ႉ၊ ၵႃႈ​ၼိူဝ်​လိၼ်​မိူင်း​ၼႆႉ မီး​ၵူၼ်း​ဢၼ်​တူဝ်​ယႂ်ႇ​ႁႅင်း​ယႂ်ႇ​ၼၼ်ႉ​ၵမ်ႈ​ၽွင်ႈ​ဢေႃႈ။ လိုၼ်း​ၼၼ်ႉ​ၵေႃႈ၊ လုၵ်ႈ​ၸၢႆး​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ သိူၵ်ႈ​သမ်ႇ​ၵၼ်​တင်း​လုၵ်ႈ​ယိင်း​ၵူၼ်း​တင်း​လၢႆ​လႄႈ လုၵ်ႈ​ဢၼ်​လႆႈ​ၼၼ်ႉ ပဵၼ်​ၵူၼ်း​ဢၼ်​ႁႅင်း​ယႂ်ႇ၊ ၵူၼ်း​ဢၼ်​သႃႈ​ႁၢဝ်ႈ​ႁူင်​ႁၢင်း ၸႃႉ​ၸဵမ်​မိူဝ်ႈ​ၶိင်ႇ​ၵႃႇလႃႉ​ဢွၼ်​ၼႆႉ​ၼၼ်ႉ​ဢေႃႈ။</verse>
				<verse number="5">ၽြႃး​ပဵၼ်​ၸဝ်ႈ​ႁူႉ​ႁၼ်​လွင်ႈ​ဢၼ် ဢပႅတ်ႈ​ၵူၼ်း​ၵႃႈ​ၼိူဝ်​လိၼ်​မိူင်း​ၼႆႉ​ယႂ်ႇ​ၼႃႇ​လႄႈ တၢင်း​ၵျၢမ်ႇ​တၢင်း​ပွင်​ႁူဝ်​ၸႂ်​မၼ်း​ၵႃႈ​မီး​တင်း​သဵင်ႈ​တင်း​လူင် ပဵၼ်​ဢၼ်​ႁၢႆႉ​ယုတ်ႈ​ၵူၺ်း​ၵူၺ်း ၵူႈ​မိုဝ်ႉ​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ​ၼၼ်ႉ​သေ​ယဝ်ႉ၊-</verse>
				<verse number="6">ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​လွင်ႈ​ဢၼ်​ႁဵတ်း​ပဵၼ်​ၵူၼ်း​ၵႃႈ​ၼိူဝ်​လိၼ်​မိူင်း​ၼႆႉ​လႄႈ ႁူဝ်​ၸႂ်​မၼ်း​ၸဝ်ႈ မႆႈ​ႁွၼ်ႉ​ၼႅင်​ၸႂ်​ယူႇ​ဢေႃႈ။-</verse>
				<verse number="7">ထႃႇဝရႃႉ​ၽြႃး​ၵေႃႈ​ဝႃႈ၊ ၵဝ်​တၵ်း​ယႃႉ​ၽဵဝ်ႈ​ၵူၼ်း​ဢၼ်​ၵဝ်​ၽၢၼ်ႇ​သၢင်း​ႁဵတ်း​ပဵၼ် ၸႃႉ​ၸဵမ်​ၵူၼ်း​လႄႈ​တူဝ်​ထိူၼ်ႇ​လႂ်၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​လႂ်၊ ၼူၵ်ႉ​ၵၢင်​ႁၢဝ်​လႂ် ပႅတ်ႈ​သေ​ၵႃႈ​ၼိူဝ်​ၼႃႈ​လိၼ်​ၼႆႉ​ဢေႃႈ။ လွင်ႈ​မၼ်း​ၸမ်ႉ ၵဝ်​ၶုၵ်း​ၸႂ်​လႆႈ​မႆႈ​ၸႂ် လူၺ်ႈ​လွင်ႈ​ဢၼ်​ၵဝ်​ႁဵတ်း​ပဵၼ်​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၼူဝ်းဢႃႇ ​ၸမ်ႉ၊ ပဵၼ်​ၵေႃႉ​ဢၼ်​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ဢေႃႈ။</verse>
				<verse number="9">ဢထုၵ်ႉပတ်ႈတီႉ လွင်ႈ​ ၼူဝ်းဢႃႇ ​ၼၼ်ႉ​ၸမ်ႉ၊ ၼူဝ်းဢႃႇ ​ၼၼ်ႉ​ပဵၼ်​ၵေႃႉ​ဢၼ်​သိုဝ်ႈ​တေႃႇ၊ ၵေႃႉ​ဢၼ်​ၸေး​ၸုမ်ႇ ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။ ၼူဝ်းဢႃႇ ​ၼၼ်ႉ​ၵႂႃႇ​ၵႂႃႇ​မႃး​မႃး​လူၺ်ႈ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="10">ၼူဝ်းဢႃႇ ​ၼၼ်ႉ​မီး​လုၵ်ႈ​ၸၢႆး​သၢမ်​ၵေႃႉ​ဢၼ်​ဝႃႈ သေႇမႃႉ၊ ႁႃႇမႃႉ၊ တင်း​ ယႃႇၽႅတ်ႈ ​ဢေႃႈ။-</verse>
				<verse number="11">မိူဝ်ႈ​ၼၼ်ႉ လိၼ်​မိူင်း​တူႇ​ၼဝ်ႈ​ယူႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။ လိၼ်​မိူင်း​ၸေး​ၸုမ်ႇ​တင်း​ဢမူႉ​ဢႃႉထမ်ႇမႃႉ​ဢေႃႈ။-</verse>
				<verse number="12">ၽြႃး​ပဵၼ်​ၸဝ်ႈ​တူၺ်း​လိၼ်​မိူင်း​လႄႈ ႁၼ်​လွင်ႈ​ဢၼ်​တူႇ​ၼဝ်ႈ​ယူႇ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵူၼ်း​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင် ႁွတ်ႈ​ထိုင်​တၢင်း​ဢၼ်​တူႇ​ဢၼ်​ၼဝ်ႈ​ယဝ်ႉ။</verse>
				<verse number="13">မိူဝ်ႈ​ၼၼ်ႉ ၽြႃး​ပဵၼ်​ၸဝ်ႈ​လၢတ်ႈ​တီႈ​ ၼူဝ်းဢႃႇ ​ၼၼ်ႉ​လႄႈ​ဝႃႈ​ၸမ်ႉ၊ တီႈ​သုတ်း​တီႈ​ၵွႆ​သတ်ႉတဝႃႇ​တင်း​သဵင်ႈ​တင်း​လူင် ပေႃႇ​မႃး​ၵႃႈ​တီႈ​ၽၢႆႇ​ၼႃႈ​ၵဝ်​ယဝ်ႉ။ လိၼ်​မိူင်း​ပျေႉ​ၸုမ်ႇ​တၢင်း​ဢႃႉထမ်ႇမႃႉ​ၵွပ်ႈ​ပိူဝ်ႈ​ၶဝ်​ၼၼ်ႉ​ဢေႃႈ။ တူၺ်း​လူး၊ ၵဝ်​တၵ်း​ယႃႉ​ၽဵဝ်ႈ​ၶဝ် ဢိၵ်ႇ​လူၺ်ႈ​ၵၼ်​တင်း​လိၼ်​မိူင်း​ပႅတ်ႈ​ဢေႃႈ။-</verse>
				<verse number="14">ဢဝ်​မႆႉ​ ၵူဝ်ႇၽရႃႉ ​လႄႈ​ႁဵတ်း​ႁိူဝ်း​သၢင်း​ၽေႃး​ပုၼ်ႈ​မႂ်း​တႃႉ။ ၵႃႈ​တီႈ​ၽၢႆႇ​ၼႂ်း​ၵေႃႈ​ႁဵတ်း​ပဵၼ်​လုၵ်း​ပဵၼ်​လုၵ်း​ဝႆႉ​တႃႉ။ ဢဝ်​ယၢင် ပႅၵ်ႇ ​တႃး​ၵႃႈ​တီႈ​ၽၢႆႇ​ၼွၵ်ႈ​ၵႃႈ​တီႈ​ၽၢႆႇ​ၼႂ်း​တင်း​သဵင်ႈ​တင်း​လူင်​တႃႉ။-</verse>
				<verse number="15">ပုင်ႇ​ႁၢင်ႈ​ဢၼ်​တၵ်း​လႆႈ​ႁဵတ်း​ၸမ်ႉ၊ ႁိူဝ်း​သၢင်း​ၽေႃး​ၼၼ်ႉ​ၼႃႈ​ယၢဝ်း​မၼ်း တၵ်း​လႆႈ​မီး​သၢမ်​ပၢၵ်ႇ​သွၵ်ႇ၊ ၼႃႈ​ပွတ်း​မၼ်း​ႁႃႈ​သိပ်း​သွၵ်ႇ၊ ဢၼ်​သုင်​မၼ်း​သၢမ်​သိပ်း​သွၵ်ႇ​ဢေႃႈ။-</verse>
				<verse number="16">ႁူး​ပုၼ်ႈ​ဢၼ်​တၵ်း​လႅင်း​ၵေႃႈ၊ တၵ်း​လႆႈ​ႁဵတ်း​ဢေႃႈ။ ႁူး​ၼၼ်ႉ​တၵ်း​လႆႈ​ႁဵတ်း​ႁႂ်ႈ​မီး​သွၵ်ႇ​ၼိုင်ႈ​ၵႃႈ​ၼိူဝ်​ဢေႃႈ။ ၵႃႈ​တီႈ​ပဵမ်ႉ​ႁိူဝ်း​သၢင်း​ၽေႃး​ၽၢႆႇ​ၼိုင်ႈ၊ တၵ်း​လႆႈ​ႁဵတ်း​ၽၵ်း​တူ​ဢေႃႈ။ တၵ်း​လႆႈ​ႁဵတ်း​ႁႂ်ႈ​မီး​ႁၢၼ်ႉ​တႂ်ႈ​ႁၢၼ်ႉ​ၵၢင်​ႁၢၼ်ႉ​ၼိူဝ်​သၢမ်​ႁၢၼ်ႉ​ဢေႃႈ။-</verse>
				<verse number="17">ၵဝ်​တူဝ်​ၸဝ်ႈ​ၵဝ်ႇ​တၵ်း​ႁႂ်ႈ​ၼမ်ႉ​ထူမ်ႈ​လိၼ်​မိူင်း ႁႂ်ႈ​လႆႈ​ယႃႉ​ၽဵဝ်ႈ​သတ်ႉတဝႃႇ​ဢၼ်​ဢသၢၵ်ႈ​လိပ်း​ယူႇ ၵႃႈ​မီး​တင်း​သဵင်ႈ​တင်း​လူင်​ပႅတ်ႈ​သေ​ၵႃႈ​တႂ်ႈ​ၽႃႉ​ၵၢင်​ႁၢဝ်​လႄႈ ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင်​တၵ်း​လႆႈ​တၢႆ​ဢေႃႈ။-</verse>
				<verse number="18">တီႈ​မႂ်း​ၸမ်ႉ၊ ၵဝ်​တၵ်း​ႁႂ်ႈ​ပတီႉၺိၺ်ႇ​ၵဝ်​တႄႇ​ဢေႃႈ။ ၸႃႉ​ၸဵမ်​မႂ်း​လႄႈ​လုၵ်ႈ​ၸၢႆး​မႂ်း၊ မေး​မႂ်း​တင်း​လုၵ်ႈ​ပႂ်ႉ​မႂ်း​တင်း​လၢႆ တၵ်း​လႆႈ​ၶဝ်ႈ​ၵႃႈ​ၼႂ်း​ႁိူဝ်း​သၢင်း​ၽေႃး​ၼၼ်ႉ​ဢေႃႈ။-</verse>
				<verse number="19">ၵႃႈ​ၼႂ်း​တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ မႂ်း​တၵ်း​လႆႈ​ဢဝ်​တူဝ်​ပေႃႈ​တူဝ်​မႄႈ​ၵူပ်ႉ​ၵူႈ​ၵၼ်​လႄႈ သႂၢင်း​သႂ်ႇ​ၵႃႈ​ၼႂ်း​ႁိူဝ်း​သၢင်း​ၽေႃး​ႁႂ်ႈ​ၶဝ်​လႆႈ​ဢသၢၵ်ႈ​လိပ်း ၶျၢမ်း​သႃႇ​လူၺ်ႈ​ၵၼ်​တင်း​မႂ်း​ဢေႃႈ။-</verse>
				<verse number="20">ၼူၵ်ႉ​ၵေႃႈ​မဵဝ်း​လႂ်​မဵဝ်း​ၼၼ်ႉ၊ တူဝ်​ထိူၼ်ႇ​ၵေႃႈ​မဵဝ်း​လႂ်​မဵဝ်း​ၼၼ်ႉ၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​ၵေႃႈ​မဵဝ်း​လႂ်​မဵဝ်း​ၼၼ်ႉ၊ တူဝ်​ပေႃႈ​တူဝ်​မႄႈ​ၵူပ်ႉ​ၵူႈ​ၵၼ်​လႄႈ တၵ်း​ဢွၼ်​ၵၼ်​မႃး​ၸူး​ၵႃႈ​တီႈ​မႂ်း​ႁႂ်ႈ​ဢသၢၵ်ႈ​လႆႈ​လိပ်း​ၶျၢမ်း​သႃႇ​ဢေႃႈ။-</verse>
				<verse number="21">မႂ်း​တၵ်း​လႆႈ​ဢဝ်​တၢင်း​ၵိၼ် ဢၼ်​လီ​ၵိၼ်​ၵူႈ​ၸိူဝ်ႉ​ၵူႈ​ပိူင်​လႄႈ ၸူႉ​သိမ်း​ဝႆႉ​တီႈ​မႂ်း​ဢေႃႈ။ တၵ်း​ပဵၼ်​ပုၼ်ႈ​ဢၼ်​တူဝ်​မႂ်း​တၵ်း​ၵိၼ်​ဢိၵ်ႇ​တင်း​ပုၼ်ႈ​ဢၼ်​တရိၵ်ႈသၢၼ်ႇ​တင်း​လၢႆ​တၵ်း​ၵိၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ​ၼၼ်ႉ​ၵေႃႈ ၼူဝ်းဢႃႇ ​ႁဵတ်း​ဢေႃႈ။</verse>
			</chapter>
			<chapter number="7">
				<verse number="1">ဝၢႆး​ၼၼ်ႉ​ထႃႇဝရႃႉ​ၽြႃး​သမ်ႉ​မီး​ဢမိင်ႉ​သင်ႇ​လၢတ်ႈ​ဝႆႉ​တီႈ​ ၼူဝ်းဢႃႇ ​ၼၼ်ႉ​ထႅင်ႈ​လႄႈ​ဝႃႈ​ၸမ်ႉ၊ ပိူဝ်ႈ​ဢၼ်​ၵဝ်​ႁူႉ​ႁၼ်​လွင်ႈ​ဢၼ်​မႂ်း​သိုဝ်ႈ​တေႃႇ​ၵႃႈ​တီႈ​ၽၢႆႇ​ၼႃႈ​ၵဝ် ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​ၶိင်ႇ​ၵႃႇလႃႉ​မိူဝ်ႈ​လဵဝ်​ၼႆႉ​လႄႈ၊ ၸႃႉ​ၸဵမ်​မႂ်း​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မႂ်း ဢွၼ်​ၵၼ်​ၶဝ်ႈ​ၵႃႈ​ၼႂ်း​ႁိူဝ်း​သၢင်း​ၽေႃး​တႃႉ။-</verse>
				<verse number="2">ၼင်ႇ​ႁိုဝ်​ၸိူဝ်ႉ​ၶိူဝ်း​တရိၵ်ႈသၢၼ်ႇ​တၵ်း​ဢသၢၵ်ႈ​လိပ်း​လႄႈ သိုပ်ႇ​ၵႂႃႇ​မိူဝ်း​ၼႃႈ​ယူႇ​ၵႃႈ​ၼိူဝ်​ၼႃႈ​လိၼ်​မိူင်း​ၼႆႉ​ၸိုင်၊ မႂ်း​တၵ်း​လႆႈ​ဢဝ်​ၵႃႈ​တီႈ​တူဝ်​မဵဝ်း​ဢၼ်​မူတ်း​သႂ်​ယေႈ​မဵဝ်း၊ တူဝ်​ပေႃႈ​တူဝ်​မႄႈ​ၸဵတ်း​ၵူႈ၊ ၵႃႈ​တီႈ​တူဝ်​မဵဝ်း​ဢၼ်​ဢမ်ႇ​မူတ်း​သႂ်​ယေႈ​မဵဝ်း​တူဝ်​ပေႃႈ​တူဝ်​မႄႈ​သွင်​ၵူႈ၊-</verse>
				<verse number="3">ၵႃႈ​တီႈ​ၼူၵ်ႉ​ၵၢင်​ႁၢဝ်​ယေႈ​မဵဝ်း တူဝ်​ပေႃႈ​တူဝ်​မႄႈ​ယေႈ​မဵဝ်း​ၸဵတ်း​ၵူႈ၊ သိမ်း​ဝႆႉ​တီႈ​မႂ်း​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ ၸႃႉ​ၸဵမ်​မိူဝ်ႈ​ၼႆႉ​ၵႂႃႇ​မိူဝ်း​ၼႃႈ တေႃႇ​ထိုင်​ႁွတ်ႈ​ၸဵတ်း​ဝၼ်း၊ ၵဝ်​တၵ်း​ႁႂ်ႈ​ၽူၼ်​တူၵ်း​ၵႃႈ​ၼိူဝ်​လိၼ်​မိူင်း​ၼႆႉ သီႇ​သိပ်း​ဝၼ်း​သီႇ​သိပ်း​ၶိုၼ်း​တဵမ်​တဵမ်​ဢေႃႈ။ ၵဝ်​တၵ်း​ယႃႉ​ၽဵဝ်ႈ​သတ်ႉတဝႃႇ​ဢၼ်​ၵဝ်​ႁဵတ်း​ပဵၼ်​ၵႃႈ​မီး​တင်း​သဵင်ႈ​တင်း​လူင်​ပႅတ်ႈ​သေ​ၵႃႈ​ၼိူဝ်​ၼႃႈ​လိၼ်​မိူင်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ၊ ၼူဝ်းဢႃႇ ​ႁဵတ်း​ၸွမ်း​ဢေႃႈ။-</verse>
				<verse number="6">မိူဝ်ႈ​ဢၼ်​မၼ်း​ၸဝ်ႈ​ႁႂ်ႈ​ၼမ်ႉ​ထူမ်ႈ​မိူင်း​ၼၼ်ႉ၊ ၼူဝ်းဢႃႇ ​ဢသၢၵ်ႈ​လႆႈ​ႁူၵ်း​ပၢၵ်ႇ​ပီႊ​ဢေႃႈ။-</verse>
				<verse number="7">ၼူဝ်းဢႃႇ ​ဢိၵ်ႇ​တင်း​လုၵ်ႈ​ၸၢႆး​မၼ်း​မေး​မၼ်း​တင်း​လုၵ်ႈ​ပႂ်ႉ​မၼ်း​တင်း​လၢႆ ဢွၼ်​ၵၼ်​ၶဝ်ႈ​ၵႃႈ​ၼႂ်း​ႁိူဝ်း​သၢင်း​ၽေႃး ၵွပ်ႈ​ပိူဝ်ႈ​တၢင်း​ဢၼ် ၼမ်ႉ​ထူမ်ႈ​မိူင်း​ၼၼ်ႉ​လႄႈ၊-</verse>
				<verse number="8">ၵႃႈ​ၼင်ႇ​ဢၼ်​ၽြႃး​ပဵၼ်​ၸဝ်ႈ​သင်ႇ​လၢတ်ႈ​ဝႆႉ​ၼၼ်ႉ၊ ၵႃႈ​ၼႂ်း​တူဝ်​ဢၼ်​မူတ်း​သႂ်​လႂ်၊ ၵႃႈ​ၼႂ်း​တူဝ်​ဢၼ်​ဢမ်ႇ​မူတ်း​သႂ်​လႂ်၊ ၵႃႈ​ၼႂ်း​ၼူၵ်ႉ​လႂ်၊ ၵႃႈ​ၼႂ်း​တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈ​ၼိူဝ်​လိၼ်​လႂ်၊ တူဝ်​ပေႃႈ​တူဝ်​မႄႈ​ၵူပ်ႉ​ၵူႈ​ၵၼ်​လႄႈ၊-</verse>
				<verse number="9">ဢွၼ်​ၵၼ်​ၶဝ်ႈ​ၸူး​ၵႃႈ​တီႈ ၼူဝ်းဢႃႇ ၵႃႈ​ၼႂ်း​ႁိူဝ်း​သၢင်း​ၽေႃး​ၼၼ်ႉ​ဢေႃႈ။</verse>
				<verse number="10">မိူဝ်ႈ​ဢၼ်​ပူၼ်ႉ​သေ​ၸဵတ်း​ဝၼ်း​ယဝ်ႉ​ၼၼ်ႉ​ၸိုင်၊ ၼမ်ႉ​ဢၼ်​ထူမ်ႈ​ၼၼ်ႉ​ပေႃႇ​မႃး​ၵႃႈ​ၼိူဝ်​လိၼ်​မိူင်း​ဢေႃႈ။-</verse>
				<verse number="11">ၼႂ်း​ဝၼ်း​ဢၼ်​ပီႊ​ဢၼ်​ဢသၢၵ်ႈ​ ၼူဝ်းဢႃႇ ထူၼ်ႈ​ထိုင်​ႁူၵ်း​ပၢၵ်ႇ​ပီႊ၊ လိူၼ်​တူႉတီႉယႃႉ သိပ်း​ၸဵတ်း​ဝၼ်း​ၼၼ်ႉ ႁူး​ၼမ်ႉ​ၶုမ်​ၼမ်ႉ​ဢၼ်​မီး​ၵႃႈ​ၼႂ်း​တီႈ​ဢၼ်​လိုၵ်ႉ​ဢၼ်​လမ်ႇ​ဢၼ်​ယႂ်ႇ​ၵႂၢင်ႈ​ၼႃႇ​ၼၼ်ႉ​ၵႃႈ​မီး​တင်း​သဵင်ႈ​တင်း​လူင်​လူႉ​လႅဝ်​လႄႈ ႁူး​ၼမ်ႉ​ၵႃႈ​ၼိူဝ်​ၵၢင်​ႁၢဝ်​တင်း​လၢႆ​ၵေႃႈ​ၽုၺ်ႇ​ပိုတ်ႇ​ဝႆႉ​သေ​ယဝ်ႉ၊-</verse>
				<verse number="12">ၽူၼ်​တူၵ်း​ၵႃႈ​ၼိူဝ်​လိၼ်​မိူင်း​သီႇ​သိပ်း​ဝၼ်း တင်း​သီႇ​သိပ်း​ၶိုၼ်း​တဵမ်​တဵမ်​ဢေႃႈ။-</verse>
				<verse number="13">ၼႂ်း​ဝၼ်း​ၼၼ်ႉ၊​ၸႃႉ​ၸဵမ်​ ၼူဝ်းဢႃႇ ​တင်း​မေး​မၼ်း​လႄႈ​ သေႇမႃႉ၊ ႁႃႇမႃႉ၊ ယႃႇၽႅတ်ႈ ​ဢၼ်​ဝႃႈ​လုၵ်ႈ​ၸၢႆး​ ၼူဝ်းဢႃႇ ​သၢမ်​ၵေႃႉ တင်း​လုၵ်ႈ​ပႂ်ႉ​မၼ်း​သၢမ်​ၵေႃႉ၊-</verse>
				<verse number="14">ဢိၵ်ႇ​တင်း​မဵဝ်း​တူဝ်​ႁၢႆႉ၊ မဵဝ်း​တူဝ်​ယဵၼ်ႇ​တူဝ်​ငႄႈ၊ မဵဝ်း​တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈ​ၼိူဝ်​လိၼ်၊ မဵဝ်း​ၵႆႇ၊ မဵဝ်း​ၼူၵ်ႉ​ဢၼ်​ၸၢင်ႈ​မိၼ်​ၸိူဝ်း​ၼၼ်ႉ ဢွၼ်​ၵၼ်​ၶဝ်ႈ​ၵႃႈ​ၼႂ်း​ႁိူဝ်း​သၢင်း​ၽေႃး​ဢေႃႈ။-</verse>
				<verse number="15">ၵႃႈ​ၼႂ်း​သတ်ႉတဝႃႇ​ဢၼ်​ဢသၢၵ်ႈ​လိပ်း​ၵူႈ​မဵဝ်း​ၼၼ်ႉ၊ ပဵၼ်​ၵူပ်ႉ​ပဵၼ်​ၵူႈ​သေ​လႄႈ​ဢွၼ်​ၵၼ်​ၶဝ်ႈ​ၸူး​ၵႃႈ​တီႈ​ ၼူဝ်းဢႃႇ ၵႃႈ​ၼႂ်း​ႁိူဝ်း​သၢင်း​ၽေႃး​ဢေႃႈ။-</verse>
				<verse number="16">ၵႃႈ​ၼင်ႇ​ဢၼ်​ၽြႃး​ပဵၼ်​ၸဝ်ႈ​သင်ႇ​လၢတ်ႈ​ဝႆႉ​တီႈ​ ၼူဝ်းဢႃႇ ​ၼၼ်ႉ၊ ၵႃႈ​ၼႂ်း​သတ်ႉတဝႃႇ​ၵူႈ​ၸိူဝ်ႉ​ၵူႈ​မဵဝ်း​တူဝ်​ပေႃႈ​တူဝ်​မႄႈ ဢွၼ်​ၵၼ်​ၶဝ်ႈ​ဢေႃႈ။ ထႃႇဝရႃႉ​ၽြႃး​ၵေႃႈ ဢိုတ်း​ႁပ်း​ ၼူဝ်းဢႃႇ ​ဝႆႉ​ၵႃႈ​ၼႂ်း​ဢေႃႈ။</verse>
				<verse number="17">တၢင်း​ဢၼ်​ၼမ်ႉ​ထူမ်ႈ​ၼၼ်ႉ​ယႂ်ႇ​ၽႄႈ​ၼမ်​ၵိုၼ်း​မႃး ၵႃႈ​ၼိူဝ်​လိၼ်​မိူင်း သီႇ​သိပ်း​ဝၼ်း​တဵမ်​တဵမ်​ယူႇ​သေ​သေ​လႄႈ ႁႂ်ႈ​ႁိူဝ်း​သၢင်း​ၽေႃး​ၽၢတ်ႇ​ယၢၼ်​ၵၼ်​တင်း​လိၼ်​သေ​လႄႈ ယုၵ်ႉ​ၶိုၼ်ႈ​ဢေႃႈ။-</verse>
				<verse number="18">ၵမ်း​ၼၼ်ႉ ၼမ်ႉ​ယႂ်ႇ​ၽႄႈ​ၼႃႇ​လႄႈ ၼမ်​ၵိုၼ်း​မႃး​ၵႃႈ​ၼိူဝ်​လိၼ်​မိူင်း​ၼႃႇ​လူင်​လၢင်​လႄႈ ႁိူဝ်း​သၢင်း​ၽေႃး​ၼၼ်ႉ ၽူး​လွင်ႈ​ၵႃႈ​ၼိူဝ်​ၼႃႈ​ၼမ်ႉ​ယူႇ​ဢေႃႈ။-</verse>
				<verse number="19">လိုၼ်း​ၼၼ်ႉ ၼမ်ႉ​ယႂ်ႇ​ၽႄႈ​ၼႃႇ​လူင်​လၢင်​လႄႈ လွႆ​လူင်​ၵႃႈ​ဢၼ်​မီး​တႂ်ႈ​ၽႃႉ​ၵၢင်​ႁၢဝ်​တင်း​သဵင်ႈ​တင်း​လူင် ၸူမ်​ၵႂႃႇ​ဢေႃႈ။-</verse>
				<verse number="20">ၼမ်ႉ​ပူၼ်ႉ​ၶိုၼ်ႈ​ၵႃႈ​ၼိူဝ်​ၵႃႈ​မီး​တင်း​သဵင်ႈ​တင်း​လူင် သိပ်း​ႁႃႈ​သွၵ်ႇ​လႄႈ လွႆ​တင်း​သဵင်ႈ​တင်း​လူင်​ၸူမ်​ၵႂႃႇ​ဢေႃႈ။</verse>
				<verse number="21">တရိၵ်ႈသၢၼ်ႇ​ဢၼ်​ၸၢင်ႈ​တူင်ႉ​ၸၢင်ႈ​ၼိုင် ၵႃႈ​ၼိူဝ်​လိၼ်​ၵူႈ​ၸိူဝ်ႉ​ၵူႈ​မဵဝ်း​ဢၼ်​ဝႃႈ ၼူၵ်ႉ၊တူဝ်​ယဵၼ်ႇ​တူဝ်​ငႄႈ၊တူဝ်​ႁၢႆႉ၊​တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​တင်း​သဵင်ႈ​တင်း​လူင် ဢိၵ်ႇ​တင်း​ၵူၼ်း​တင်း​သဵင်ႈ​တင်း​လူင်​တၢႆ​သဵင်ႈ​ဢေႃႈ။-</verse>
				<verse number="22">ၵႃႈ​ဢၼ်​ထူၺ်ႈ​ၸႂ်​ဢသၢၵ်ႈ​ယူႇ​လႄႈ မီး​ၵႃႈ​ၼိူဝ်​လိၼ်​တင်း​သဵင်ႈ​တင်း​လူင်​တၢႆ​သဵင်ႈ​ဢေႃႈ။-</verse>
				<verse number="23">မၼ်း​ၸဝ်ႈ​ယႃႉ​ၽဵဝ်ႈ​ၵႃႈ​ဢၼ်​ဢသၢၵ်ႈ​လိပ်း​ယူႇ​လႄႈ မီး​ၵႃႈ​ၼိူဝ်​ၼႃႈ​လိၼ်​တင်း​သဵင်ႈ​တင်း​လူင်​ဢၼ်​ဝႃႈ ၵူၼ်း​လႂ်၊ တူဝ်​လႂ် ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​လႂ်၊ ၼူၵ်ႉ​ၵၢင်​ႁၢဝ်​လႂ်​ပႅတ်ႈ​ဢေႃႈ။ ၶဝ်​ႁွတ်ႈ​ထိုင်​တၢင်း​ဢၼ်​လူႉ​လႅဝ်​ႁၢႆ​လၢႆ​ၵႃႈ​ၼိူဝ်​လိၼ်​မိူင်း​ဢေႃႈ။ ယင်း​ၵိုတ်း​ဝႆႉ ၸႃႉ​ၸဵမ်​ ၼူဝ်းဢႃႇ ​လႄႈ ၶဝ်​ၸိူဝ်း​ဢၼ်​မီး​ယူႇ​လူၺ်ႈ​ၵၼ်​တင်း​မၼ်း​ၵႃႈ​ၼႂ်း​ႁိူဝ်း​သၢင်း​ၽေႃး​ၼၼ်ႉ​ၵူၺ်း​ဢေႃႈ။-</verse>
				<verse number="24">ၼမ်ႉ​ၵေႃႈ​တႄႇ​ယူႇ​ၵႃႈ​ၼိူဝ်​လိၼ်​မိူင်း ယႂ်ႇ​ၼႃႇ​လူင်​လၢင် ပၢၵ်ႇ​ပၢႆ​ႁႃႈ​သိပ်း​ဝၼ်း​တဵမ်​တဵမ်​ဢေႃႈ။</verse>
			</chapter>
			<chapter number="8">
				<verse number="1">ၽြႃး​ပဵၼ်​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၸႃႉ​ၸဵမ်​ ၼူဝ်းဢႃႇ ​လႄႈ သတ်ႉတဝႃႇ​ၵႃႈ​ဢၼ်​ဢသၢၵ်ႈ​လိပ်း​ယူႇ​လႂ်၊ တရိၵ်ႈသၢၼ်ႇ​ဢၼ်​မီး​ယူႇ​လူၺ်ႈ​ၵၼ်​တင်း​ ၼူဝ်းဢႃႇ ​ၵႃႈ​ၼႂ်း​ႁိူဝ်း​သၢင်း​ၽေႃး​တင်း​သဵင်ႈ​တင်း​လူင်​လႂ်​ၼၼ်ႉ​လႄႈ ႁႂ်ႈ​လူမ်း​ထူဝ်း​မႃး​ၵႃႈ​ၼိူဝ်​လိၼ်​မိူင်း​လႄႈ ၼမ်ႉ​ၼိမ်​ၵႂႃႇ​သေ​ဢေႃႈ။-</verse>
				<verse number="2">မၼ်း​ၸဝ်ႈ​ဢိုတ်း​ႁူး​ၼမ်ႉ​ၶုမ်​ၼမ်ႉ​ဢၼ်​မီး​ၵႃႈ​ၼႂ်း​တီႈ​တၢင်း​ဢၼ်​လိုၵ်ႉ​ဢၼ်​လမ်ႇ​ဢိၵ်ႇ​တင်း​ႁူး​ၼမ်ႉ​ဢၼ်​မီး​ၵႃႈ​ၼိူဝ်​ၵၢင်​ႁၢဝ်​တင်း​လၢႆ​ၸိူဝ်း​ၼၼ်ႉ​သေ​လႄႈ ႁႂ်ႈ​ၽူၼ်​ႁိူတ်ႇ​ဢေႃႈ။-</verse>
				<verse number="3">ၼမ်ႉ​ၵေႃႈ လႆ​ၶိုၼ်း​လူင်း​သေ​ၵႃႈ​ၼိူဝ်​လိၼ်​ၵႂႃႇ​တႃႇ​သေႇ​ဢမ်ႇ​ထၢတ်ႇ​လႄႈ ၸႃႉ​ၸဵမ်​တီႈ​သုတ်း​ပၢၵ်ႇ​ပၢႆ​ႁႃႈ​သိပ်း​ဝၼ်း​ၼၼ်ႉ​လႄႈ ယွမ်း​ၵႂႃႇ​ယူႇ​ဢေႃႈ။</verse>
				<verse number="4">လိူၼ်​သတ်ႉတမႃႉ သိပ်း​ၸဵတ်း​ဝၼ်း၊ ႁိူဝ်း​သၢင်း​ၽေႃး​ၼၼ်ႉ တၢင်ႇ​ၵႃႈ​ၼိူဝ်​လွႆ​ဢၼ်​လႆႈ​ၸိုဝ်ႈ​ ဢႃႇရရတ်ႉ ​ဢေႃႈ။-</verse>
				<verse number="5">ၼမ်ႉ​ၼၼ်ႉ​ယွမ်း​ၵႂႃႇ​ယူႇ​တႃႇ​သေႇ​ဢမ်ႇ​ထၢတ်ႇ​တေႃႇ​ထိုင်​ႁွတ်ႈ​လိူၼ်တႃႉသမႃႉ​လႄႈ​ၼႂ်း​လိူၼ်​ၼၼ်ႉ​မႂ်ႇ​ၶမ်ႈ​ၼိုင်ႈ၊ ပၢႆ​လွႆ​တင်း​လၢႆ ပေႃႇ​ဢွၵ်ႇ​ဢေႃႈ။</verse>
				<verse number="6">ၸႃႉ​ၸဵမ်​မိူဝ်ႈ​ၼၼ်ႉ​လႄႈ လႆႈ​သီႇ​သိပ်း​ဝၼ်း​သေ​ယဝ်ႉ၊ ၼူဝ်းဢႃႇ ​ၽုၺ်ႇ​ႁူး​လၢင်း​တဵၼ် ဢၼ်​ႁဵတ်း​ဝႆႉ​ၵႃႈ​ၼႂ်း​ႁိူဝ်း​သၢင်း​ၽေႃး ၼၼ်ႉ​လႄႈ၊ ပွႆႇ​ၵႃ​လမ်​တူဝ်​ၼိုင်ႈ​ဢေႃႈ။-</verse>
				<verse number="7">ၵႃ​လမ်​ၼၼ်ႉ​ၵႂႃႇ​ၵႂႃႇ​မႃး​မႃး​ယူႇ တေႃႇ​ထိုင်​ႁွတ်ႈ​ၸူဝ်ႈ​ဢၼ်​ၼမ်ႉ​ဢမ်ႇ​ပႆႇ​ႁႅင်ႈ​သေ​ၵႃႈ​ၼိူဝ်​လိၼ်​ၼၼ်ႉ​ဢေႃႈ။-</verse>
				<verse number="8">ၵမ်း​ၼၼ်ႉ မၼ်း​သမ်ႉ​ပွႆႇ​ၼူၵ်ႉ​တူႈ​တူဝ်​ၼိုင်ႈ ႁႂ်ႈ​လႆႈ​ႁူႉ​လွင်ႈ​ဢၼ်​ၼမ်ႉ​သဵင်ႈ​သေ​ၵႃႈ​ၼိူဝ်​ၼႃႈ​လိၼ်​ႁိုဝ် ဢမ်ႇ​သဵင်ႈ​ႁိုဝ်​ၼၼ်ႉ​ဢေႃႈ။-</verse>
				<verse number="9">ပိူဝ်ႈ​ဢၼ်​ၼမ်ႉ​ယင်း​မီး​ယူႇ​ၵႃႈ​ၼိူဝ်​ၼႃႈ​လိၼ်​ၵူႈ​တီႈ​ၵူႈ​လႅၼ်​လႄႈ၊ ၼူၵ်ႉ​တူႈ​ၼၼ်ႉ​ဢမ်ႇ​ထူပ်း​တီႈ​ပုၼ်ႈ​ဢၼ်​ၽႃႇ​တိၼ်​မၼ်း​တၵ်း​ယဵပ်ႇ​လႄႈ သမ်ႉ​ၶိုၼ်း​မႃး​ၸူး​ၵႃႈ​တီႈ​ ၼူဝ်းဢႃႇ ၵႃႈ​ၼႂ်း​ႁိူဝ်း​သၢင်း​ၽေႃး​ဢေႃႈ။ မၼ်း​ၵေႃႈ ယိုၼ်ႈ​မိုဝ်း​မၼ်း​သေ​လႄႈ ယိပ်း​ဢဝ်​ၼူၵ်ႉ​တူႈ​ၼၼ်ႉ​သေ​ယဝ်ႉ၊ သႂၢင်း​သႂ်ႇ​ၵႃႈ​ၼႂ်း​ႁိူဝ်း​သၢင်း​ၽေႃး​ဢေႃႈ။-</verse>
				<verse number="10">ၵမ်း​ၼၼ်ႉ ယူႇ​ၸဵတ်း​ဝၼ်း​ထႅင်ႈ​သေ​ယဝ်ႉ၊ သမ်ႉ​ၶိုၼ်း​ဢဝ်​ၼူၵ်ႉ​တူႈ​ၼၼ်ႉ​သေ​လႄႈ​ပွႆႇ​ဢွၵ်ႇ​သေ ၵႃႈ​ၼႂ်း​ႁိူဝ်း​သၢင်း​ၽေႃး​ဢေႃႈ။-</verse>
				<verse number="11">ၶိင်ႇ​ႁူဝ်​ၶမ်ႈ​ၼူၵ်ႉ​တူႈ​ၼၼ်ႉ​ၶိုၼ်း​မႃး​ၸူး​ၵႃႈ​တီႈ​ ၼူဝ်းဢႃႇ ​လႄႈ၊ ပိူဝ်ႈ​ဢၼ်​မႂ်​တူၼ်ႈ​ သၢၼ်ႇလုၼ်ႇ ​ဢၼ်​မၼ်း​သၵ်း​ၵၢပ်ႈ​ၼၼ်ႉ​ပႃး​မႃး ၵႃႈ​ၼႂ်း​သူပ်း​မၼ်း​လႄႈ၊ ၼူဝ်းဢႃႇ ​ႁူႉ​လွင်ႈ​ဢၼ်​ၼမ်ႉ​သဵင်ႈ​သေ​ၵႃႈ​ၼိူဝ်​လိၼ်မိူင်း​ၼၼ်ႉ​ဢေႃႈ။-</verse>
				<verse number="12">ၵမ်း​ၼၼ်ႉ ယူႇ​ၸဵတ်း​ဝၼ်း​ထႅင်ႈ​သေ​ယဝ်ႉ၊ သမ်ႉ​ၶိုၼ်း​ပွႆႇ​ၼူၵ်ႉ​တူႈ​ၼၼ်ႉ​ၵႂႃႇ​ဢေႃႈ။ လိုၼ်း​ၼၼ်ႉ​ၼူၵ်ႉ​တူႈ​ၼၼ်ႉ​ဢမ်ႇ​ၶိုၼ်း​မႃး​ၸူး​မၼ်း​လႄႈ ယူႇ​သေ​ဢေႃႈ။</verse>
				<verse number="13">ပီႊ​မိူင်း​ႁူၵ်း​ပၢၵ်ႇ​ပၢႆ​ပီႊ​ၼိုင်ႈ၊ လိူၼ်​ပထမႃႉ​မႂ်ႇ​ၶမ်ႈ​ၼိုင်ႈ၊ ၼမ်ႉ​ၶိုၼ်း​ယွမ်း​လူင်း​သေ​ၵႃႈ​ၼိူဝ်​လိၼ်​မိူင်း​ယဝ်ႉ​ယဝ်ႉ​လႄႈ၊ ၼူဝ်းဢႃႇ ​ၼၼ်ႉ ယႃႉ​ဢၼ်​မုင်း​ႁိူဝ်း​သၢင်း​ၽေႃး​ပႅတ်ႈ​လႄႈ မိူဝ်ႈ​ဢၼ်​လူ​တူၺ်း​ၸိုင်၊ ႁၼ်​လွင်ႈ​ဢၼ်​ၼမ်ႉ​ၶိုၼ်း​ယွမ်း​လူင်း​သေ ၵႃႈ​ၼိူဝ်​ၼႃႈ​လိၼ်​ယဝ်ႉ​ၼၼ်ႉ​ဢေႃႈ။-</verse>
				<verse number="14">လိူၼ်​တူႉတီႉယႃႉ သၢဝ်း​ၸဵတ်း​ဝၼ်း၊ လိၼ်​မိူင်း​ယူတ်း​ႁႅင်ႈ​ဢေႃႈ။</verse>
				<verse number="15">ၽြႃး​ပဵၼ်​ၸဝ်ႈ​ၵေႃႈ လၢတ်ႈ​တီႈ​ ၼူဝ်းဢႃႇ ​လႄႈ​ဝႃႈ၊-</verse>
				<verse number="16">ၸႃႉ​ၸဵမ်​မႂ်း​တင်း​မေး​မႂ်း​လႄႈ​လုၵ်ႈ​ၸၢႆး​မႂ်း​လႂ်၊ လုၵ်ႈ​ပႂ်ႉ​မႂ်း​လႂ်​ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ႁိူဝ်း​သၢင်း​ၽေႃး​လႄႈ လူင်း​တႃႉ။-</verse>
				<verse number="17">ဢဝ်​တရိၵ်ႈသၢၼ်ႇ ဢၼ်​ဢသၢၵ်ႈ​လိပ်း​ယူႇ ၵႃႈ​တီႈ​မႂ်း​ၵူႈ​ၸိူဝ်ႉ​ၵူႈ​ပိူင်​ဢၼ်​ဝႃႈ ၼူၵ်ႉ​လႂ်၊ တူဝ်​လႂ်၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈ​ၼိူဝ်​လိၼ်​လႂ်​ၵႃႈ​မီး​ၸိူဝ်း​ၼႆႉ ဢွၵ်ႇ​လူၺ်ႈ​ၵၼ်​တင်း​မႂ်း​တႃႉ။ ႁႂ်ႈ​ၶဝ်​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း ၵႃႈ​ၼိူဝ်​လိၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မိူဝ်ႈ​ၼၼ်ႉ​ၸႃႉ​ၸဵမ်​ ၼူဝ်းဢႃႇ ​တင်း​မေး​မၼ်း​လႄႈ​လုၵ်ႈ​ၸၢႆး​မၼ်း​လႂ်၊ လုၵ်ႈ​ပႂ်ႉ​မၼ်း​လႂ်၊ ဢွၼ်​ၵၼ်​ဢွၵ်ႇ​သေ​လႄႈ​လူင်း​ဢေႃႈ။-</verse>
				<verse number="19">တူဝ်​လႂ်၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​လႂ်၊ ၼူၵ်ႉ​လႂ်၊ ၵႃႈ​ဢၼ်​ၸၢင်ႈ​တူင်ႉ​ၸၢင်ႈ​ၼိုင်​ၵႃႈ​ၼိူဝ်​လိၼ်​ၵူႈ​ၸိူဝ်ႉ​ၵူႈ​ပိူင် တင်း​သဵင်ႈ​တင်း​လူင်​ၵေႃႈ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ႁိူဝ်း​သၢင်း​ၽေႃး​လႄႈ​လူင်း​ဢေႃႈ။</verse>
				<verse number="20">ၼူဝ်းဢႃႇ ​ၵေႃႈ​တႄႇ​ႁဵတ်း​ယိတ်ႈပလၢင်ႇ ပုၼ်ႈ​ထႃႇဝရႃႉ​ၽြႃး​လႄႈ ဢဝ်​ၵႃႈ​ၼႂ်း​တူဝ်​ဢၼ်​မူတ်း​သႂ်​လႂ် တင်း​ၼူၵ်ႉ​ဢၼ်​မူတ်း​သႂ်​လႂ် ၵူႈ​မဵဝ်း​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="21">ထႃႇဝရႃႉ​ၽြႃး​ၵေႃႈ ၶၢမ်ႇ​ဢဝ်​ဢၢႆ​ဢၼ်​ႁွမ်​ဢၼ်​ႁူၺ်း​သေ​လႄႈ လၢတ်ႈ​ၼႂ်း​ၸႂ်​လႄႈ​ဝႃႈ၊ ၵမ်း​လိုၼ်း​ၵဝ်​တၵ်း​ဢမ်ႇ​ၵိၼ်ႇ​ဢမ်ႇ​ဝႃႈ​လိၼ်​မိူင်း​ၵွပ်ႈ​ပိူဝ်ႈ​ၵူၼ်း။ လွင်ႈ​မၼ်း​ၸမ်ႉ ၵူၼ်း​တင်း​လၢႆ​ၸိုင်၊ တၢင်း​ၵျၢမ်ႇ​တၢင်း​ပွင်​ႁူဝ်​ၸႂ်​ႁၢႆႉ​မိူၵ်ႈ ၸႃႉ​ၸဵမ်​မိူဝ်ႈ​ဢၼ်​ယင်း​လဵၵ်ႉ​ၼၼ်ႉ​ဢေႃႈ။ ၸိူဝ်ႉ​ၼင်ႇ​ဢၼ်​ၵဝ်​ႁဵတ်း​မႃး​ယဝ်ႉ​ပွၵ်ႈ​ၼိုင်ႈ​ၼၼ်ႉ၊ ၵဝ်​တၵ်း​ဢမ်ႇ​ပၼ်​တၢမ်ႇ​တီႈ​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ​တင်း​သဵင်ႈ​တင်း​လူင်​ၼၼ်ႉ။-</verse>
				<verse number="22">ၸူဝ်ႈ​ဢၼ်​လိၼ်​မိူင်း​ယင်း​မီး​ယူႇ​ၼႆႉ၊ ၶိင်ႇ​ဢၼ်​တၵ်း​လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း၊ ၶိင်ႇ​ဢၼ်​တၵ်း​လႆႈ​သိမ်း​မၢၵ်ႇ​သိမ်း​ႁူင်း၊ ၶိင်ႇ​ၵတ်း​ၶိင်ႇ​မႆႈ၊ ၶိင်ႇ​ႁိုဝ်ႉ​ၶိင်ႇ​ႁႅင်ႈ၊ ၵႃ​ဝၼ်း​ၵႃ​ၶိုၼ်း၊ ဢမ်ႇ​လႆႈ​ထၢတ်ႇ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="9">
				<verse number="1">ၽြႃး​ပဵၼ်​ၸဝ်ႈ​ၵေႃႈ​ပၼ်​တၢင်း​လီ​တီႈ​ ၼူဝ်းဢႃႇ တင်း​လုၵ်ႈ​လၢင်း​မၼ်း​တင်း​လၢႆ​လႄႈ​ဝႃႈ၊ သူ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း​တႃႉ။ ႁႂ်ႈ​တဵမ်​လိၼ်​မိူင်း​တႃႉ။-</verse>
				<verse number="2">တရိၵ်ႈသၢၼ်ႇ​ဢၼ်​မီး​ၵႃႈ​ၼိူဝ်​လိၼ်​ၵူႈ​ၸိူဝ်ႉ​ၵူႈ​မဵဝ်း ဢိၵ်ႇ​တင်း​ၼူၵ်ႉ​ၵၢင်​ႁၢဝ်​ၵူႈ​ၸိူဝ်ႉ​ၵူႈ​မဵဝ်း​တင်း​သဵင်ႈ​တင်း​လူင် တၵ်း​လႆႈ​မီး​သၽေႃး​ဢၼ်​ၵူဝ်​ဢၼ်​ႁႄ ၵႃႈ​တီႈ​ၽၢႆႇ​ၼႃႈ​သူ​ဢေႃႈ။ ၵဝ်​ဢဝ်​ၸႃႉ​ၸဵမ်​ၶဝ်​လႄႈ ၵႃႈ​ဢၼ်​ၸၢင်ႈ​တူင်ႉ​ၸၢင်ႈ​ၼိုင်​ၵႃႈ​ၼိူဝ်​လိၼ် ဢိၵ်ႇ​တင်း​ပႃ​ပၢင်ႇ​လၢႆႇ​တင်း​သဵင်ႈ​တင်း​လူင်​ဢၢပ်ႈ​ပၼ်​ၵႃႈ​ၼႂ်း​မိုဝ်း​သူ​ဢေႃႈ။-</verse>
				<verse number="3">ၵႃႈ​ဢၼ်​ဢသၢၵ်ႈ​လိပ်း​ယူႇ​လႄႈ ၸၢင်ႈ​တူင်ႉ​ၸၢင်ႈ​ၼိုင်​ၼၼ်ႉ​တၵ်း​လႆႈ​ပဵၼ်​ပုၼ်ႈ​ဢၼ်​သူ​တၵ်း​ၵိၼ်​ဢေႃႈ။ ၵဝ်​ဢဝ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ဢၢပ်ႈ​ပၼ်​တီႈ​သူ​မိူၼ်​ၸိူဝ်ႉ​ၼင်ႇ​မၢၵ်ႇ​ၼင်ႇ​မႂ်​ၼၼ်ႉ​ဢေႃႈ။-</verse>
				<verse number="4">ၵူၺ်း​ၵႃႈ​ဢမ်ႇ​လႆႈ​ၵိၼ်​ၼိူဝ်ႉ​လူၺ်ႈ​ၵၼ်​တင်း​လိူတ်ႈ​မၼ်း ဢၼ်​ဝႃႈ ဢသၢၵ်ႈ​မၼ်း​ၼၼ်ႉ။-</verse>
				<verse number="5">ၵဝ်​တၵ်း​ယွၼ်း​ဢဝ်​လိူတ်ႈ​သူ ဢၼ်​ဝႃႈ​ဢသၢၵ်ႈ​သူ​ဢေႃႈ။ ၵဝ်​တၵ်း​ယွၼ်း​ဢဝ်​တီႈ​ၵူၼ်း​တင်း​တရိၵ်ႈသၢၼ်ႇ​တင်း​သဵင်ႈ​တင်း​လူင်​ဢေႃႈ။ ဢသၢၵ်ႈ​ၵူၼ်း​ၸိုင်၊ ၵဝ်​တၵ်း​ယွၼ်း​ဢဝ်​တီႈ​ပီႈ​ၵူၼ်း​ၼွင်ႉ​ၵူၼ်း တင်း​သဵင်ႈ​တင်း​လူင်​ဢေႃႈ။-</verse>
				<verse number="6">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ထွၵ်ႇ​လိူတ်ႈ​ၵူၼ်း​ပႅတ်ႈ​ၼၼ်ႉ​ၸိုင်၊ ၵူၼ်း​တၵ်း​လႆႈ​ဢဝ်​တင်း​မိုဝ်း ထွၵ်ႇ​လိူတ်ႈ​ၵေႃႉ​ၼၼ်ႉ​ပႅတ်ႈ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ႁဵတ်း​ပဵၼ်​ၵူၼ်း မိူၼ်​ၸိူဝ်ႉ​ၼင်ႇ​ပုင်ႇ​ႁၢင်ႈ​ၽၢင်​မၼ်း​ၸဝ်ႈ​ဢေႃႈ။-</verse>
				<verse number="7">သူ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း​မႃး​တႃႉ။ ၵိူတ်ႇ​လဵင်ႉ​ယႂ်ႇ​ယႂ်ႇ​ၼမ်​ၼမ် ၵႃႈ​ၼိူဝ်​လိၼ်​မိူင်း​လႄႈ ယႂ်ႇ​ၽႄႈ​ၼမ်​ၵိုၼ်း​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၵမ်း​ၼၼ်ႉ ၽြႃး​ပဵၼ်​ၸဝ်ႈ​သမ်ႉ​လၢတ်ႈ​တီႈ​ ၼူဝ်းဢႃႇ ​ဢိၵ်ႇ​တင်း​လုၵ်ႈ​လၢင်း​မၼ်း​တင်း​လၢႆ​လႄႈ​ဝႃႈ​ၸမ်ႉ၊-</verse>
				<verse number="9">ၵဝ်​တူဝ်​ၸဝ်ႈ​ၵဝ်ႇ​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​သူ ဢိၵ်ႇ​တင်း​ၸိူဝ်ႉ​ၶိူဝ်း​သူ​ဢၼ်​တၵ်း​ပဵၼ်​မႃး​မိူဝ်း​ၼႃႈ၊-</verse>
				<verse number="10">တင်း​တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ယူႇ​ၵႃႈ​တီႈ​သူ​ဢၼ်​ဝႃႈ ၼူၵ်ႉ၊ တူဝ်​ယဵၼ်ႇ​တူဝ်​ငႄႈ၊ တူဝ်​ထိူၼ်ႇ ၵႃႈ​ၼိူဝ်​လိၼ်​ၵႃႈ​မီး​တင်း​သဵင်ႈ​တင်း​လူင် ၸႃႉ​ၸဵမ်​ၵႃႈ​ဢၼ်​ဢွၵ်ႇ​သေ​ၵႃႈ​ၼႂ်း​ႁိူဝ်း​သၢင်း​ၽေႃး​လူင်​လႄႈ တရိၵ်ႈသၢၼ်ႇ​ၵႃႈ​ၼိူဝ်​လိၼ်​ၵႃႈ​မီး​တင်း​သဵင်ႈ​တင်း​လူင်​ဢေႃႈ။-</verse>
				<verse number="11">ပတီႉၺိၺ်ႇ​ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​သူ​ၸမ်ႉ၊ ၵမ်း​လိုၼ်း​သတ်ႉတဝႃႇ​ၵႃႈ​မီး​တင်း​သဵင်ႈ​တင်း​လူင် တၵ်း​ဢမ်ႇ​လႆႈ​သုမ်း​လူၺ်ႈ​တၢင်း​ဢၼ်​ၼမ်ႉ​ထူမ်ႈ​မိူင်း။ ၵမ်း​လိုၼ်း​တၢင်း​ဢၼ်​ၼမ်ႉ​ထူမ်ႈ​မိူင်း​တၵ်း​ဢမ်ႇ​လႆႈ​မီး​ပုၼ်ႈ​ဢၼ်​တၵ်း​ယႃႉ​ၽဵဝ်ႈ​လိၼ်​မိူင်း​ပႅတ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">လိူဝ်​သေ​ၼၼ်ႉ​ၽြႃး​ပဵၼ်​ၸဝ်ႈ​ဝႃႈ၊ လၢၵ်ႈၶၼႃႇ​သၢၵ်ႈ​သေႇ​ပတီႉၺိၺ်ႇ​ဢၼ်​ၵဝ်​ႁဵတ်း​ဝူင်ႈ​ၵၢင်​ၵဝ်​တင်း ၸႃႉ​ၸဵမ်​သူ​တင်း​တရိၵ်ႈသၢၼ်ႇ​ၵႃႈ​ဢၼ်​ဢသၢၵ်ႈ​လိပ်း​ယူႇ​ၵႃႈ​တီႈ​သူ ၸူဝ်ႈ​လုၵ်ႈ​ပၢၼ်​လၢၼ်​သိုပ်ႇ​သိုပ်ႇ​တၢမ်း​တၢမ်း​ဢမ်ႇ​ထၢတ်ႇ​ၸမ်ႉ၊-</verse>
				<verse number="13">ၵဝ်​ဢဝ်​ႁူင်း​ႁႆး​ၵဝ်​ဝႆႉ ၵႃႈ​တီႈ​မွၵ်ႇ​ၵုမ်ႈ​ဢေႃႈ။ ဢၼ်​ၼၼ်ႉ​တၵ်း​ပဵၼ်​လၢၵ်ႈၶၼႃႇ​သၢၵ်ႈ​သေႇ ပတီႉၺိၺ်ႇ ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​လိၼ်​မိူင်း​ဢေႃႈ။-</verse>
				<verse number="14">မိူဝ်ႈ​ဢၼ်​ၵဝ်​ႁႂ်ႈ​ၽူၼ်​ၵုမ်ႈ​မႃး​ၼၼ်ႉ​ၸိုင်၊ ႁူင်း​ႁႆး​ၼၼ်ႉ​တၵ်း​ထၢင်ႇ​သႃး​ၵႃႈ​တီႈ​မွၵ်ႇ​ၵုမ်ႈ​ဢေႃႈ။-</verse>
				<verse number="15">မိူဝ်ႈ​ၼၼ်ႉ ၵဝ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ပတီႉၺိၺ်ႇ​ၵဝ်​ဢၼ်​မီး ဝူင်ႈ​ၵၢင်​ၵဝ်​တင်း​ၸႃႉ​ၸဵမ်​သူ​လႄႈ​သတ်ႉတဝႃႇ၊တရိၵ်ႈသၢၼ်ႇ​ၵႃႈ​ဢၼ်​ဢသၢၵ်ႈ​လိပ်း​ယူႇ တင်း​သဵင်ႈ​တင်း​လူင်​ၼၼ်ႉ​လႄႈ ၵမ်း​လိုၼ်း​တၢင်း​ဢၼ်​ၼမ်ႉ​ထူမ်ႈ​မိူင်း တၵ်း​ဢမ်ႇ​လႆႈ​မီး​ႁႂ်ႈ​လႆႈ​ယႃႉ​ၽဵဝ်ႈ​သတ်ႉတဝႃႇ​တင်း​သဵင်ႈ​တင်း​လူင်​ပႅတ်ႈ။-</verse>
				<verse number="16">ၵဝ်​တၵ်း​လူ​တူၺ်း​လွင်ႈ​ဢၼ်​ႁူင်း​ႁႆး​မီး ၵႃႈ​တီႈ​မွၵ်ႇ​ၵုမ်ႈ​ၼၼ်ႉ​သေ​လႄႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ပတီႉၺိၺ်ႇ​ထႃႇဝရႃႉ​ဢၼ်​မီး​ဝူင်ႈ​ၵၢင်​ၽြႃး​ပဵၼ်​ၸဝ်ႈ​တင်း​သတ်ႉတဝႃႇ၊တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ယူႇ​ၵႃႈ​ၼိူဝ်​လိၼ်​မိူင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">လိူဝ်​သေ​ၼၼ်ႉ​ၽြႃး​ပဵၼ်​ၸဝ်ႈ​ဝႃႈ၊ ဢၼ်​ၼႆႉ​ၸမ်ႉ၊ ပဵၼ်​လၢၵ်ႈၶၼႃႇ​သၢၵ်ႈ​သေႇ​ပတီႉၺိၺ်ႇ​ဢၼ်​ၵဝ်​ႁဵတ်း​ဝႆႉ​ဝူင်ႈ​ၵၢင်​ၵဝ်​တင်း​သတ်ႉတဝႃႇ​ဢၼ်​မီး​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">လုၵ်ႈ​ၸၢႆး​ ၼူဝ်းဢႃႇ ​ဢၼ်​ဢွၵ်ႇ​သေ​ၵႃႈ​ၼႂ်း​ႁိူဝ်း​သၢင်း​ၽေႃး​လႄႈ​လူင်း​ၼၼ်ႉ​ၸမ်ႉ၊ ပဵၼ်​ သေႇမႃႉ၊ ႁႃႇမႃႉ၊ တင်း​ ယႃႇၽႅတ်ႈ ​ဢေႃႈ။ ႁႃႇမႃႉ ​ၼၼ်ႉ​ပဵၼ်​ပေႃႈ​ ၶႃႇၼၢၼ်ႇ ​ဢေႃႈ။-</verse>
				<verse number="19">ၶဝ်​သၢမ်​ၵေႃႉ​ၼၼ်ႉ ပဵၼ်​လုၵ်ႈ​ၸၢႆး​ ၼူဝ်းဢႃႇ ​လႄႈ သိုပ်ႇ​ၵႃႈ​တီႈ​ၶဝ်​ၼၼ်ႉ​လူင်း​မႃး ၸွတ်ႇ​တူဝ်ႈ​ၵႃႈ​ၼိူဝ်​လိၼ်​မိူင်း တင်း​သဵင်ႈ​တင်း​လူင်​ဢေႃႈ။-</verse>
				<verse number="20">ၼူဝ်းဢႃႇ ​ၸႃႉ​ပွင်​ၸႃႉ​ႁဵတ်း​တၢင်း​ဢၼ်​လုမ်း​လႃး​ႁႆႊ​ၼႃး​လႄႈ ၽုၵ်ႇ​သွမ်ႈ​သူၼ်​ဢူးယဵၼ်ႇ​ၸပိတ်ႈ​ဢေႃႈ။-</verse>
				<verse number="21">မၼ်း​ၵိၼ်​ၼမ်ႉ​ၸပိတ်ႈ​မဝ်း​သေ​ယဝ်ႉ၊ ယင်း​ဢမ်ႇ​ႁူမ်ႇ​ဢမ်ႇ​မႆ​ၶူဝ်း​ၼုင်ႈ​လႄႈ ယူႇ​ၵႃႈ​တီႈ​မူဝ်းၵႃႇ​မၼ်း​ဢေႃႈ။-</verse>
				<verse number="22">ႁႃႇမႃႉ ​ဢၼ်​ပဵၼ်​ပေႃႈ​ ၶႃႇၼၢၼ်ႇ ၼၼ်ႉ ႁၼ်​လွင်ႈ​ဢၼ်​ပေႃႈ​မၼ်း​ယူႇ​တူဝ်​ပူၺ်​ယူႇ​ၼၼ်ႉ​လႄႈ မွၵ်ႇ​လၢတ်ႈ​တီႈ​ပီႈ​ဢၢႆႈ​မၼ်း​သွင်​ၵေႃႉ​ဢၼ်​မီး​ၵႃႈ​တီႈ​ၽၢႆႇ​ၼွၵ်ႈ​ဢေႃႈ။-</verse>
				<verse number="23">သေႇမႃႉ ​တင်း​ ယႃႇၽႅတ်ႈ ​ၼၼ်ႉ ဢဝ်​ၶူဝ်း​ၼုင်ႈ​တၢင်း​မႆ​လႄႈ တၢင်ႇ​ၵႃႈ​ၼိူဝ်​ႁူဝ်​မႃႇ​သွင်​ၶႃ​သေ​ယဝ်ႉ၊ ဢဝ်​တၢင်း​လင်​သုတ်ႉ​ၸူး​လႄႈ​ႁူမ်ႇ​ပၼ်​တူဝ်​ပူၺ်​ပေႃႈ​သွင်​ၶႃ​ၼၼ်ႉ​ဢေႃႈ။ သွင်​ၶႃ​ၼၼ်ႉ​ဝၢႆႇ​ၼႃႈ​ဢွၵ်ႇ​ၽၢႆႇ​တၢင်း​ၼွၵ်ႈ​ယူႇ​လႄႈ ဢမ်ႇ​ႁၼ်​တူဝ်​ပူၺ်​ပေႃႈ​သွင်​ၶႃ​ၼၼ်ႉ။-</verse>
				<verse number="24">ၼူဝ်းဢႃႇ ​ၼၼ်ႉ​ႁူႉ​တူဝ်​မႃး​ၼႂ်း​တၢင်း​ဢၼ်​မဝ်း​လဝ်ႈ​ၼၼ်ႉ​လႄႈ ႁူႉ​လွင်ႈ​ဢၼ်​လုၵ်ႈ​ၸၢႆး​ၵေႃႉ​လဵၵ်ႉ​ႁဵတ်း​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊-</verse>
				<verse number="25">ႁႂ်ႈ​ ၶႃႇၼၢၼ်ႇ ​ၶၢမ်ႇ​တၢင်း​ၵိၼ်ႇ​တၢင်း​ဝႃႈ​သေ​ၵမ်း​လူၺ်ႈ။ ႁႂ်ႈ​မၼ်း​ပဵၼ်​ၶႃႈ​တႂ်ႈ​ၶႃႈ​ပီႈ​ဢၢႆႈ​မၼ်း​တင်း​လၢႆ​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၵမ်း​ၼၼ်ႉ မၼ်း​သမ်ႉ​လၢတ်ႈ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး​ၽြႃး​ပဵၼ်​ၸဝ်ႈ​ သေႇမႃႉ မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="27">ၽြႃး​ပဵၼ်​ၸဝ်ႈ ႁႂ်ႈ​ ယႃႇၽႅတ်ႈ ​ယႂ်ႇ​ၵႂၢင်ႈ​မႃး​သေ​ယဝ်ႉ၊ မၼ်း​ၵေႃႈ​ႁႂ်ႈ​ယူႇ​ၵႃႈ​ၼႂ်း​မူဝ်းၵႃႇ​ သေႇမႃႉ ​သေ​ၵမ်း​လူၺ်ႈ။ ၶႃႇၼၢၼ်ႇ ​ၸမ်ႉ၊ ႁႂ်ႈ​ ၶႃႇၼၢၼ်ႇ ပဵၼ်​ၶႃႈ​မၼ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">ဝၢႆး​သေ​ၼမ်ႉ​ထူမ်ႈ​မိူင်း​ယဝ်ႉ​ၼၼ်ႉ၊ ၼူဝ်းဢႃႇ ​ဢသၢၵ်ႈ​လိပ်း​ယူႇ သၢမ်​ပၢၵ်ႇ​ပၢႆ​ႁႃႈ​သိပ်း​ပီႊ​လႄႈ၊-</verse>
				<verse number="29">မိူဝ်ႈ​ဢၼ်​ဢသၢၵ်ႈ​မၼ်း​ထူၼ်ႈ​တဵမ် ၵဝ်ႈ​ပၢၵ်ႇ​ပၢႆ​ႁႃႈ​သိပ်း​ပီႊ​ၼၼ်ႉ​ၸိုင်၊ တၢႆ​သေ​ဢေႃႈ။</verse>
			</chapter>
			<chapter number="10">
				<verse number="1">ၸရၢင်း​လုၵ်ႈ​ၸၢႆး​ ၼူဝ်းဢႃႇ ​ဢၼ်​ဝႃႈ သေႇမႃႉ၊ ႁႃႇမႃႉ၊ တင်း​ ယႃႇၽႅတ်ႈ ​ၸိူဝ်း​ၼၼ်ႉ​ၸမ်ႉ။ ဝၢႆး​သေ​ၼမ်ႉ​ထူမ်ႈ​မိူင်း​ယဝ်ႉ​ၼၼ်ႉ ၶဝ်​မီး​လုၵ်ႈ​မီး​လၢင်း​ဢေႃႈ။-</verse>
				<verse number="2">လုၵ်ႈ​ၸၢႆး​ ယႃႇၽႅတ်ႈ ​ၸမ်ႉ၊ ပဵၼ်​ ၵေႃးမႃႇ၊ မႃႇၵေႃးၵႃႉ၊ မႃႇတေႇ၊ ယႃႇဝၼ်ႇ၊ တူႉပလႃႉ၊ မႄႇသႅၵ်ႉ တင်း​ တီႉရတ်ႉ ​ဢေႃႈ။-</verse>
				<verse number="3">လုၵ်ႈ​ၸၢႆး​ ၵေႃးမႃႇ ​ၸမ်ႉ၊ ပဵၼ်​ ဢသၵႄႇၼတ်ႉ၊ ရီႉၽတ်ႉ၊ တင်း​ တေႃႇၵမႃႉ ​ဢေႃႈ။-</verse>
				<verse number="4">လုၵ်ႈ​ၸၢႆး​ ယႃႇဝၼ်ႇ ​ၸမ်ႉ၊ ပဵၼ်​ ဢေးလီႉသႃႇ၊ တႃႇသူႉ၊ ၵိတ်ႉတဵမ်၊ တင်း​ တေႃးတၼိမ်ႇ ​ဢေႃႈ။-</verse>
				<verse number="5">ၶဝ်​ၼၼ်ႉ​ၼင်ႇ​ၵၼ်​ၵၼ် ၽႄ​ၵူၼ်း​ၽႄ​မိူင်း​မႅင်ႇ​ၵၼ် ပဵၼ်​ၸိုင်ႈ​ပဵၼ်​မိူင်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸွမ်း​ၼင်ႇ​ၽႃႇသႃႇ​ၽႂ်​ၽႃႇသႃႇ​မၼ်း၊ ၸိူဝ်ႉ​ၶိူဝ်း​လႂ်​ၸိူဝ်ႉ​ၶိူဝ်း​ၼၼ်ႉ​ဢေႃႈ။</verse>
				<verse number="6">လုၵ်ႈ​ၸၢႆး​ ႁႃႇမႃႉ ​ၸမ်ႉ၊ ပဵၼ်​ ၵူႉသႃႉ၊ မီႉသရိမ်ႇ၊ ၽူႉတႃႉ၊ တင်း​ ၶႃႇၼၢၼ်ႇ ​ဢေႃႈ။-</verse>
				<verse number="7">လုၵ်ႈ​ၸၢႆး​ ၵူႉသႃႉ ​ၸမ်ႉ၊ ပဵၼ်​ ၸေႇပႃႉ၊ ႁႃႇဝီႉလႃႉ၊ သႃႇပတႃႉ၊ ရႃႇမႃႉ တင်း​ သပ်ႉတေႇၶႃႉ ​ဢေႃႈ။ လုၵ်ႈ​ၸၢႆး​ ရႃႇမႃႉ ​ၸမ်ႉ၊ ပဵၼ်​ သေးပႃႉ တင်း တေႇတၼ်ႇ ​ဢေႃႈ။-</verse>
				<verse number="8">ၵူႉသႃႉ ​သမ်ႉ​လႆႈ​လုၵ်ႈ​ၸၢႆး ၼိမ်ႇရေႃးတႃႉ ​ထႅင်ႈ​ဢေႃႈ။ မၼ်း​ၼၼ်ႉ​ပဵၼ်​ၵေႃႉ​ဢၼ်​ႁႅင်း​ၼႃႇ ဢွၼ်​တၢင်း​ပိူၼ်ႈ​ၵႃႈ​ၼိူဝ်​လိၼ်​မိူင်း​ဢေႃႈ။-</verse>
				<verse number="9">ပဵၼ်​မူး​သိူဝ်း​ဢၼ်​ႁႅင်း​ယႂ်ႇ​ၼႃႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ ပိူဝ်ႈ​ၼႆ​လႄႈ ၸၢပ်ႈ​ဝႆႉ​ၼႂ်း​ဢပုမ်ႇ​ၵႂၢမ်း​လႄႈ​ဝႃႈ​ၸမ်ႉ၊ ၼိမ်ႇရေႃးတႃႉ ပဵၼ်​မူး​သိူဝ်း ဢၼ်​ႁႅင်း​ယႂ်ႇ​ၼႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူင်း​မၼ်း​ဢၼ်​ပဵၼ်​ၵေႃႇၸႃႉ​ႁူဝ်​ပိုင်း​ၸမ်ႉ၊ ပဵၼ်​ဝဵင်း​ ပႃႇပူႉလုၼ်ႇ၊ ဝဵင်း​ ဢေႇရိၵ်ႉ၊ ဝဵင်း​ ဢၵ်ႉၵတ်ႉ၊ ဝဵင်း​ ၵႃႇလၼေႇ ၵႃႈ​တီႈ​ၼႂ်း​မိူင်း သီႉၼႃႉ ​ၼၼ်ႉ​ဢေႃႈ။-</verse>
				<verse number="11">မၼ်း​လုၵ်ႉ​သေ​ၵႃႈ​တီႈ​မိူင်း​ၼၼ်ႉ ၵႂႃႇ​ၵႃႈ​တီႈ​မိူင်း​ ဢႃႇသူႉရီႉ ​လႄႈ တႄႇ​ႁဵတ်း​ဝဵင်း​ ၼီႉၼေႇဝူၺ်ႇ၊ ဝဵင်း​ ရႁေႃးၽုတ်ႉ၊ ဝဵင်း​ ၵႃႇလႃႉ ၊-</verse>
				<verse number="12">ဢိၵ်ႇ​တင်း​ဝဵင်း​ ရေးသိၼ်ႇ ဢၼ်​မီး​ၵႃႈ​ၼႂ်း​ၵႄႈ​ဝူင်ႈ​ၵၢင်​ဝဵင်း​ ၼီႉၼေႇဝူၺ်ႇ တင်း​ဝဵင်း​ ၵႃႇလႃႉ ​လႄႈ ပဵၼ်​ဝဵင်း​ဢၼ်​ယႂ်ႇ​ၼႃႇ​ၼၼ်ႉ​ဢေႃႈ။</verse>
				<verse number="13">လုၵ်ႈ​ၸၢႆး​ မီႉသရိမ်ႇ ​ၸမ်ႉ၊​ပဵၼ်​ၵူၼ်း​ လူႉတိမ်ႇ၊ ၵူၼ်း​ ဢႃႇၼမိမ်ႇ၊ ၵူၼ်း​ လႁႃႇပိမ်ႇ၊ ​ၵူၼ်း​ ၼပ်ႉတူႉႁိမ်ႇ၊ ၵူၼ်း​ ပႃႇသရူႉသိမ်ႇ၊ ၵူၼ်း ၵႃႇသလူႉႁိမ်ႇ တင်း​ၵူၼ်း​ ၵပ်ႉတေႃးရိမ်ႇ ​ဢေႃႈ။-</verse>
				<verse number="14">ၵူၼ်း​ ၽီႉလိတ်ႉတီႉ ​ပဵၼ်​မႃး​ၵႃႈ​ၼႂ်း​ၵူၼ်း​ ၵႃႇသလူႉႁိမ်ႇ ​ၼၼ်ႉ​ဢေႃႈ။</verse>
				<verse number="15">ၶႃႇၼၢၼ်ႇ ​မီး​လုၵ်ႈ​ၸၢႆး​တူၼ်ႈ​ ၸီႉတုမ်ႇ၊ သမ်ႉ​မီး ႁေႇသႃႉ ၊-</verse>
				<verse number="16">သမ်ႉ​မီး​ၵူၼ်း​ ယေႇပူႉသီႉ၊ သမ်ႉ​မီး​ၵူၼ်း​ ဢႃႇမေႃးရီႉ၊ သမ်ႉ​မီး​ၵူၼ်း​ ၵီႉရၵႃႇသီႉ ၊-</verse>
				<verse number="17">သမ်ႉ​မီး​ၵူၼ်း​ ႁီႉဝီႉ၊ သမ်ႉ​မီး​ၵူၼ်း​ ဢႃႇၵီႉ၊ သမ်ႉ​မီး​ၵူၼ်း​ သီႉၼီႉ ၊-</verse>
				<verse number="18">သမ်ႉ​မီး​ၵူၼ်း​ ဢႃႇဝတီႉ၊ သမ်ႉ​မီး​ၵူၼ်း​ ၸေႇမရီႉ၊ သမ်ႉ​မီး​ၵူၼ်း​ ႁႃႇမသီႉ ​ဢေႃႈ။ လိုၼ်း​ၼၼ်ႉ​ၸိူဝ်ႉ​ၶိူဝ်း ၶႃႇၼၢၼ်ႇ ​ႁင်း​ၽႂ်​ႁင်း​မၼ်း ၸွတ်ႇ​တူဝ်ႈ​ၵႂႃႇ​ဢေႃႈ။-</verse>
				<verse number="19">လႅၼ်​လိၼ်​မိူင်း တီႈ​ယူႇ​ၸိူဝ်ႉ​ၶိူဝ်း​ ၶႃႇၼၢၼ်ႇ ​ၼၼ်ႉ လုၵ်ႉ​သေ​ၵႃႈ​တီႈ​ဝဵင်း​ ၸီႉတုမ်ႇ ၸူး​ၵႃႈ​တီႈ​ဝဵင်း​ ၵေႇရႃႇ ​တေႃႇ​ထိုင်​ႁွတ်ႈ ဝဵင်း​ ၵႃႇၸႃႉ ​လႄႈ၊ သမ်ႉ​လုၵ်ႉ​သေ​ၵႃႈ​တီႈ​ၼၼ်ႈ ၸူး​ၵႃႈ​တီႈ​ဝဵင်း​ သေႃးတုမ်ႇ၊ ဝဵင်း​ ၵေႃးမေႃးရႃႉ၊ ဝဵင်း​ ဢႃႇတမႃႇ၊ ဝဵင်း​ ၸေႇၽူဝ်းဢိမ်း တေႃႇ​ထိုင်​ႁွတ်ႈ ဝဵင်း​ လႃႇသႃႉ ​ဢေႃႈ။-</verse>
				<verse number="20">ၶဝ်​ၸိူဝ်း​ၼႆႉ ပဵၼ်​လုၵ်ႈ​ၸၢႆး​ ႁႃႇမႃႉ ဢၼ်​ၸွမ်း​ၸိူဝ်ႉ​ၶိူဝ်း​ၽႂ်​ၸိူဝ်ႉ​ၶိူဝ်း​မၼ်း ၽႃႇသႃႇ​ၽႂ်​ၽႃႇသႃႇ​မၼ်း​လႄႈ ယူႇ​ၶေႃ​ၶေႃ​ၵႃႈ​ၼႂ်း​မိူင်း​ၽႂ်​မိူင်း​မၼ်း​ဢေႃႈ။</verse>
				<verse number="21">သေႇမႃႉ ​ဢၼ်​ပဵၼ်​ၼွင်ႉ​ၸၢႆး​ ယႃႇၽႅတ်ႈ ​ၵေႃႉ​ယႂ်ႇ၊ ပေႃႈ​ၵူၼ်း​ ႁေႇပြႄး တင်း​သဵင်ႈ​တင်း​လူင်​ၼၼ်ႉ​ၵေႃႈ၊ လႆႈ​လုၵ်ႈ​လႆႈ​လၢင်း​ဢေႃႈ။-</verse>
				<verse number="22">လုၵ်ႈ​ၸၢႆး​ သေႇမႃႉ ​ၸမ်ႉ၊ ပဵၼ်​ ဢေႇလမ်ႇ၊ ဢႃႇသူႉရႃႉ၊ ဢႃႇၽၵ်ႉၸတ်ႉ၊ လူႉတႃႉ တင်း​ ဢႃႇရမ်ႇ ​ဢေႃႈ။-</verse>
				<verse number="23">လုၵ်ႈ​ၸၢႆး​ ဢႃႇရမ်ႇ ​ၸမ်ႉ၊ ပဵၼ်​ ဢူႉၸႃႉ၊ ႁူႉလႃႉ၊ ၵေႇသႃႇ ​တင်း​ မႃႇသႃႉ ​ဢေႃႈ။-</verse>
				<verse number="24">ဢႃႇၽၵ်ႉၸတ်ႉ ​ၸမ်ႉ၊ မီး​လုၵ်ႈ​ၸၢႆး​ သႃႇလႃႉ ​ဢေႃႈ။ သႃႇလႃႉ ​ၼၼ်ႉ​မီး​လုၵ်ႈ​ၸၢႆး​ ႁေႇပႃႇ ​ဢေႃႈ။-</verse>
				<verse number="25">ႁေႇပႃႇ ​ၵေႃႈ​မီး​လုၵ်ႈ​ၸၢႆး​သွင်​ၵေႃႉ​ဢေႃႈ။ လုၵ်ႈ​ၸၢႆး​ၵေႃႉ​ၼိုင်ႈ​ၸမ်ႉ၊ လႆႈ​ၸိုဝ်ႈ​ ၽႃႇလႅၵ်ႉ ​ဢေႃႈ။ လွင်ႈ​မၼ်း​ၸမ်ႉ ၶဝ်​ၽႄ​လိၼ်​မိူင်း​မႅင်ႇ​ၵၼ် ၼႂ်း​ၸူဝ်ႈ​ပၢၼ်​မၼ်း​ၼၼ်ႉ​ဢေႃႈ။ ၼွင်ႉ​ၸၢႆး​မၼ်း​ၸမ်ႉ၊ လႆႈ​ၸိုဝ်ႈ​ ယွၵ်ႉတၼ်ႇ ​ဢေႃႈ။-</verse>
				<verse number="26">ယွၵ်ႉတၼ်ႇ ​ၼၼ်ႉ မီး​လုၵ်ႈ​ၸၢႆး ဢႃႇလမေႃႇတတ်ႉ၊ သေႇလပ်ႉ၊ ႁႃႇၸႃႇမႃႇဝိတ်ႉ၊ ယေႇရႃႇ ၊-</verse>
				<verse number="27">ႁႃႇတေႃးရမ်၊ ဢူႉၸလႃႉ၊ တိၵ်ႉလႃႇ ၊-</verse>
				<verse number="28">ဢေႃႇပလႃႉ၊ ဢပီႉမေႇလႃႉ၊ သေးပႃႉ ၊-</verse>
				<verse number="29">ဢေႃႇၽီႉရႃႉ၊ ႁႃႇဝီႉလႃႉ၊ ယေႃးပပ်ႉ ​ဢေႃႈ။ ၶဝ်​ၸိူဝ်း​ၼႆႉ​တင်း​သဵင်ႈ​တင်း​လူင်​ပဵၼ်​လုၵ်ႈ​ ယွၵ်ႉတၼ်ႇ ​ဢေႃႈ။-</verse>
				<verse number="30">တီႈ​ယူႇ​ၶဝ်​ၸမ်ႉ၊ မီး​ၸႃႉ​ၸဵမ်​ဝဵင်း​ မေႇသႃႉ တေႃႇ​ထိုင်​ႁွတ်ႈ​လွႆ​ သေႇၽႃႇ ၵႃႈ​တီႈ​ၼႃႈ​ဝၼ်း​ဢွၵ်ႇ​ဢေႃႈ။-</verse>
				<verse number="31">ၶဝ်​ၸိူဝ်း​ၼႆႉ​ပဵၼ်​လုၵ်ႈ​ၸၢႆး​ သေႇမႃႉ ​ဢၼ်​ၸွမ်း​ၸိူဝ်ႉ​ၶိူဝ်း​ၽႂ်​ၸိူဝ်ႉ​ၶိူဝ်း​မၼ်း ၽႃႇသႃႇ​ၽႂ်​ၽႃႇသႃႇ​မၼ်း​လႄႈ ယူႇ​ၶေႃ​ၶေႃ​ၵႃႈ​ၼႂ်း​မိူင်း​ၽႂ်​မိူင်း​မၼ်း​ဢေႃႈ။</verse>
				<verse number="32">ဢၼ်​ၼႆႉ​ၸမ်ႉ၊ ပဵၼ်​ၸရၢင်း​ၸိူဝ်ႉ​ၶိူဝ်း လုၵ်ႈ​ၸၢႆး​ ၼူဝ်းဢႃႇ ဢၼ်​သိုပ်ႇ​တၢမ်း​ၸွမ်း​လူၺ်ႈ မဵဝ်း​ၶဝ်​ႁင်း​ၽႂ်​ႁင်း​မၼ်း​ဢေႃႈ။ ဝၢႆး​သေ​ၼမ်ႉ​ထူမ်ႈ​မိူင်း​ၼၼ်ႉ၊ ၶဝ်​ၸိူဝ်း​ၼၼ်ႉ တႄႇ​ႁဵတ်း​မိူင်း​ယူႇ​ၶေႃ​ၶေႃ ႁင်း​ၽႂ်​ႁင်း​မၼ်း ၵႃႈ​ၼိူဝ်​လိၼ်​မိူင်း​ဢေႃႈ။</verse>
			</chapter>
			<chapter number="11">
				<verse number="1">ၵူၼ်း​ၼိူဝ်​လိၼ်​မိူင်း​တင်း​သဵင်ႈ​တင်း​လူင် ပဵၼ်​ၽႃႇသႃႇ​ဢၼ်​လဵဝ်​ၵၼ်၊ ၵႂၢမ်း​ဢၼ်​လဵဝ်​ၵၼ်​လႄႈ၊-</verse>
				<verse number="2">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ပႆ​တၢင်း​ၵႂႃႇ​ၼႃႈ​ဝၼ်း​ဢွၵ်ႇ​ယူႇ​ၼၼ်ႉ​ၸိုင်၊ ၶဝ်​ထူပ်း​ႁၼ်​တီႈ​ဢၼ်​လိၼ်​ပၢင်ႇ​လီ​ပဵင်း​လီ​ၵႃႈ​ၼႂ်း​မိူင်း​ သီႉၼႃႉ ​လႄႈ ၶျႃး​တီႈ​ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="3">ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​လၢတ်ႈ​ၵၼ်​လႄႈ​ဝႃႈ၊ မႃး​မႃး​ဢိူၺ်း၊ ဢွၼ်​ၵၼ်​ႁဵတ်း​မၢၵ်ႇ​ဢုတ်ႇ​လႄႈ ၽဝ်​မၼ်ႈ​မၼ်ႈ​ၶိူင်ႇ​ၶိူင်ႇ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ ၶဝ်​လႆႈ​မၢၵ်ႇ​ဢုတ်ႇ​ပုၼ်ႈ​မၢၵ်ႇ​ႁိၼ် ဢိၵ်ႇ​တင်း​ၵႆးတဝ်း​မဵဝ်း​ၼိုင်ႈ​ပုၼ်ႈ​ဢၢင်းၵတေႇ​သေ​ယဝ်ႉ၊-</verse>
				<verse number="4">သမ်ႉ​လၢတ်ႈ​ၵၼ်​လႄႈ​ဝႃႈ၊ မႃး​မႃး​ဢိူၺ်း၊ ၵွပ်ႈ​ပိူဝ်ႈ​ဢၼ် ၵူဝ်​ႁဝ်း​တၵ်း​ၽၢတ်ႇ​ၽႄ​ၵၼ်​ၵႂႃႇ​ၵႃႈ​ၼိူဝ်​လိၼ်​မိူင်း​ၵူႈ​တီႈ​ၵူႈ​လႅၼ်​လႄႈ၊ ဢွၼ်​ၵၼ်​တႄႇ​ႁဵတ်း​ဝဵင်း ဢိၵ်ႇ​တင်း​ထဵင်​လၢင်း​ဢၼ်​တၵ်း​သုင်​ၶိုၼ်ႈ​ၶိုတ်း​ထိုင်​ၼိူဝ်​ၽႃႉ​ၵၢင်​ႁၢဝ်​ပုၼ်ႉ​လႄႈ ႁဵတ်း​ႁႂ်ႈ​ၸိုဝ်ႈ​ႁဝ်း​သဵင်​ႁဝ်း​ဢွၵ်ႇ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ထႃႇဝရႃႉ​ၽြႃး​လူင်း​မႃး​ႁႂ်ႈ​လႆႈ​လူ​တူၺ်း​ဝဵင်း ဢိၵ်ႇ​တင်း​ထဵင်​လၢင်း​ဢၼ်​လုၵ်ႈ​ၵူၼ်း​တႄႇ​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ။-</verse>
				<verse number="6">ထႃႇဝရႃႉ​ၽြႃး​ၵေႃႈ​ဝႃႈ၊ တူၺ်း​လူး၊ ၶဝ်​ပဵၼ်​ၵူၼ်း​မဵဝ်း​ဢၼ်​လဵဝ်​ၵၼ်၊ ၵႂၢမ်း​ဢၼ်​လဵဝ်​ၵၼ်​လႄႈ ၸင်ႇ​ၸႃႉ​ႁဵတ်း​လွင်ႈ​တၢင်း​ၼႆႉ​ဢွၼ်​တၢင်း​ဢေႃႈ။ တေႃႈ​လဵဝ်​ၼႆႉ ဢၼ်​ႁႄႉ​ဢၼ်​ၶႅၼ်​လွင်ႈ​တၢင်း​ၵႃႈ​ဢၼ်​ၶဝ်​တၵ်း​ၵျၢမ်ႇ​ပွင်​ၼၼ်ႉ​ဢမ်ႇ​မီး​လႄႈ ၶဝ်​တၵ်း​ႁဵတ်း​လူး​ၵွၼ်ႇ​ဢေႃႈ။-</verse>
				<verse number="7">မႃး​မႃး​ဢိူၺ်း၊ လူင်း​ၵႂႃႇ​တႃႉ​ႁဝ်း။ ၼင်ႇ​ႁိုဝ်​ၶဝ်​ၼင်ႇ​ၵၼ်​ၵၼ်​တၵ်း​ဢမ်ႇ​ႁူႉ​ၵၼ်​ၸိုင်၊ ႁဵတ်း​ႁႂ်ႈ​ၵႂၢမ်း​ၶဝ်​သုၵ်ႉ​သၵ်ႉ​သူၼ်​သၢၼ်​ၵၼ်​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၼင်ႇ​ၼၼ်​လႄႈ ထႃႇဝရႃႉ​ၽြႃး​ႁႂ်ႈ​ၶဝ်​ၽၢတ်ႇ​ၽႄ​ၵၼ်​ၵႃႈ​ၼိူဝ်​လိၼ်​မိူင်း​ၵူႈ​တီႈ​ၵူႈ​လႅၼ်​လႄႈ ၶဝ်​ၼၼ်ႉ​ၸင်ႇ​ဢမ်ႇ​တႄႇ​ႁဵတ်း​ဝဵင်း​ၼၼ်ႉ​လႄႈ​ယူႇ​ဢေႃႈ။-</verse>
				<verse number="9">ၵွပ်ႈ​ႁွႆး​ၼႆႉ၊ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ႁႂ်ႈ​ၵႂၢမ်း​လုၵ်ႈ​ၵူၼ်း​တင်း​သဵင်ႈ​တင်း​လူင်​ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း​သုၵ်ႉ​သၵ်ႉ​သူၼ်​သၢၼ်​သေ​လႄႈ ၽၢတ်ႇ​ၽႄ​ၵၼ်​သေ​ၵႃႈ​တီႈ​ၼၼ်ႈ​ၵႂႃႇ​ၵူႈ​တီႈ​ၵူႈ​လႅၼ် ၵႃႈ​ၼိူဝ်​လိၼ်​မိူင်း​ၼၼ်ႉ​လႄႈ ဝဵင်း​ၼၼ်ႉ​လႆႈ​ၸိုဝ်ႈ​ဝဵင်း​ ပႃႇပေႇလႃႉ ​ဢေႃႈ။</verse>
				<verse number="10">ၸရၢင်း​ၸူဝ်ႈ​လုၵ်ႈ​ပၢၼ်​လၢၼ်​ၸိူဝ်ႉ​ၶိူဝ်း​ သေႇမႃႉ ​ၸမ်ႉ၊ သေႇမႃႉ ​ၼၼ်ႉ​ဢသၢၵ်ႈ​လႆႈ​ပၢၵ်ႇ​ပီႊ​လႄႈ ဝၢႆး​သေ​ၼမ်ႉ​ထူမ်ႈ​မိူင်း​ယဝ်ႉ​သွင်​ပီႊ​ၼၼ်ႉ၊ မီး​လုၵ်ႈ​ၸၢႆး​ ဢႃႇၽၵ်ႉၸတ်ႉ ​ဢေႃႈ။-</verse>
				<verse number="11">ဝၢႆး​သေ​မီး​ ဢႃႇၽၵ်ႉၸတ်ႉ ​ၼၼ်ႉ၊ သေႇမႃႉ ​ဢသၢၵ်ႈ​လိပ်း​ထူၼ်ႈ​ႁႃႈ​ပၢၵ်ႇ​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။</verse>
				<verse number="12">ဢႃႇၽၵ်ႉၸတ်ႉ ​ၼၼ်ႉ ဢသၢၵ်ႈ​လႆႈ​သၢမ်​သိပ်း​ပၢႆ​ႁႃႈ​ပီႊ​လႄႈ မီး​လုၵ်ႈ​ၸၢႆး​ သႃႇလႃႉ ​ဢေႃႈ။-</verse>
				<verse number="13">ဝၢႆး​သေ​မီး​ သႃႇလႃႉ ​ၼၼ်ႉ ဢႃႇၽၵ်ႉၸတ်ႉ ​ဢသၢၵ်ႈ​လိပ်း​ထူၼ်ႈ​သီႇ​ပၢၵ်ႇ​ပၢႆ​သၢမ်​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။-</verse>
				<verse number="14">သႃႇလႃႉ ​ၼၼ်ႉ​ဢသၢၵ်ႈ​လႆႈ​သၢမ်​သိပ်း​ပီႊ​လႄႈ မီး​လုၵ်ႈ​ၸၢႆး​ ႁေႇပႃႇ ​ဢေႃႈ။-</verse>
				<verse number="15">ဝၢႆး​သေ​မီး​ ႁေႇပႃႇ ​ၼၼ်ႉ၊ သႃႇလႃႉ ​ဢသၢၵ်ႈ​လိပ်း​ထူၼ်ႈ​သီႇ​ပၢၵ်ႇ​ပၢႆ​သၢမ်​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။</verse>
				<verse number="16">ႁေႇပႃႇ ​ၼၼ်ႉ ဢသၢၵ်ႈ​လႆႈ​သၢမ်​သိပ်း​ပၢႆ​သီႇ​ပီႊ​လႄႈ မီး​လုၵ်ႈ​ၸၢႆး​ ၽႃႇလိၵ်ႉ ​ဢေႃႈ။-</verse>
				<verse number="17">ဝၢႆး​သေ​မီး​ ၽႃႇလိၵ်ႉ ​ၼၼ်ႉ ႁေႇပႃႇ ​ဢသၢၵ်ႈ​လိပ်း​ထူၼ်ႈ​သီႇ​ပၢၵ်ႇ​ပၢႆ​သၢမ်​သိပ်း​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။</verse>
				<verse number="18">ၽႃႇလိၵ်ႉ ​ၼၼ်ႉ ဢသၢၵ်ႈ​လႆႈ​သၢမ်​သိပ်း​ပီႊ​လႄႈ မီး​လုၵ်ႈ​ၸၢႆး​ ရူး ​ဢေႃႈ။-</verse>
				<verse number="19">ဝၢႆး​သေ​မီး​ ရူး ​ၼၼ်ႉ ၽႃႇလိၵ်ႉ ​ဢသၢၵ်ႈ​လိပ်း​ထူၼ်ႈ​သွင်​ပၢၵ်ႇ​ပၢႆ​ၵဝ်ႈ​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။</verse>
				<verse number="20">ရူး ​ၼၼ်ႉ ဢသၢၵ်ႈ​လႆႈ​သၢမ်​သိပ်း​ပၢႆ​သွင်​ပီႊ​လႄႈ မီး​လုၵ်ႈ​ၸၢႆး​ ၸေႇရွၵ်ႉ ​ဢေႃႈ။-</verse>
				<verse number="21">ဝၢႆး​သေ​မီး​ ၸေႇရွၵ်ႉ ​ၼၼ်ႉ ရူး ​ဢသၢၵ်ႈ​လိပ်း​ထူၼ်ႈ​သွင်​ပၢၵ်ႇ​ပၢႆ​ၸဵတ်း​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။</verse>
				<verse number="22">ၸေႇရွၵ်ႉ ​ၼၼ်ႉ ဢသၢၵ်ႈ​လႆႈ​သၢမ်​သိပ်း​ပီႊ​လႄႈ မီး​လုၵ်ႈ​ၸၢႆး​ ၼႃႇၶေႃႇ ​ဢေႃႈ။-</verse>
				<verse number="23">ဝၢႆး​သေ​မီး​ ၼႃႇၶေႃႇ ​ၼၼ်ႉ ၸေႇရွၵ်ႉ ​ဢသၢၵ်ႈ​လိပ်း​ထူၼ်ႈ​သွင်​ပၢၵ်ႇ​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။</verse>
				<verse number="24">ၼႃႇၶေႃႇ ​ၼၼ်ႉ​ဢသၢၵ်ႈ​လႆႈ​သၢဝ်း​ပၢႆ​ၵဝ်ႈ​ပီႊ​လႄႈ မီး​လုၵ်ႈ​ၸၢႆး​ တေႇရႃႉ ​ဢေႃႈ။-</verse>
				<verse number="25">ဝၢႆး​သေ​မီး​ တေႇရႃႉ ​ၼၼ်ႉ ၼႃႇၶေႃႇ ​ဢသၢၵ်ႈ​လိပ်း​ထူၼ်ႈ​ပၢၵ်ႇ​ပၢႆ​သိပ်း​ၵဝ်ႈ​ပီႊ​လႄႈ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။</verse>
				<verse number="26">တေႇရႃႉ ​ၼၼ်ႉ ဢသၢၵ်ႈ​လႆႈ​ၸဵတ်း​သိပ်း​ပီႊ​လႄႈ မီး​လုၵ်ႈ​ၸၢႆး​ ဢႃႇပြမ်ႇ၊ ၼႃႇၶေႃႇ၊ တင်း​ ၶႃႇရၢၼ်ႇ ​ဢေႃႈ။</verse>
				<verse number="27">ၸရၢင်း​ၸူဝ်ႈ​လုၵ်ႈ​ပၢၼ်​လၢၼ်​ၸိူဝ်ႉ​ၶိူဝ်း​ တေႇရႃႉ ​ၸမ်ႉ၊ တေႇရႃႉ ​ၼၼ်ႉ​မီး​လုၵ်ႈ​ၸၢႆး​ ဢႃႇပြမ်ႇ၊ ၼႃႇၶေႃႇ တင်း​ ၶႃႇရၢၼ်ႇ ​ဢေႃႈ။ ၶႃႇရၢၼ်ႇ ​ၵေႃႈ​မီး​လုၵ်ႈ​ၸၢႆး​ လေႃးတႃႉ ​ဢေႃႈ။-</verse>
				<verse number="28">ၶႃႇရၢၼ်ႇ ​ၼၼ်ႉ တၢႆ​ၸဵမ်​မိူဝ်ႈ​ၸူဝ်ႈ​ဢၼ်​ပေႃႈ​မၼ်း​ တေႇရႃႉ ဢမ်ႇ​ပႆႇ​တၢႆ​ၼၼ်ႉ ၵႃႈ​တီႈ​မိူင်း​ဢၼ်​မၼ်း​ၵိူတ်ႇ​လဵင်ႉ​မႃး ၵႃႈ​ၼႂ်း​ဝဵင်း ဢူႉရႃႉ၊ တီႈ​ယူႇ​ၵူၼ်း​မိူင်း​ ၶႃႇလတေး ​ၼၼ်ႉ​ဢေႃႈ။-</verse>
				<verse number="29">ဢႃႇပြမ်ႇ ​တင်း​ ၼႃႇၶေႃႇ ဢဝ်​မေး​လႄႈ မေး​ ဢႃႇပြမ်ႇ ​ၸမ်ႉ လႆႈ​ၸိုဝ်ႈ​ ၸႃႇရေး ​ဢေႃႈ။ မေး​ ၼႃႇၶေႃႇ ​ၸမ်ႉ လႆႈ​ၸိုဝ်ႈ မီႉလၶႃႇ လုၵ်ႈ​ယိင်း​ ၶႃႇရၢၼ်ႇ ​ဢေႃႈ။ ၶႃႇရၢၼ်ႇ ​ၼၼ်ႉ ပဵၼ်​ပေႃႈ​ မီႉလၶႃႇ တင်း​ ဢီႉၸၶႃႇ ​ဢေႃႈ။-</verse>
				<verse number="30">ၸႃႇရေး ​ၸမ်ႉ ပဵၼ်​မႄႈ​ယိင်း​ဢၼ်​မၼ်​လႄႈ ဢမ်ႇ​မီး​လုၵ်ႈ​မီး​လၢင်း။-</verse>
				<verse number="31">တေႇရႃႉ ​ၼၼ်ႉ ႁွင်ႉ​ဢဝ်​လုၵ်ႈ​ၸၢႆး​မၼ်း​ ဢႃႇပြမ်ႇ ဢိၵ်ႇ​တင်း​လၢၼ်​မၼ်း​ လေႃးတႃႉ ​ဢၼ်​ပဵၼ်​လုၵ်ႈ​ၸၢႆး​ ၶႃႇရၢၼ်ႇ ​ၼၼ်ႉ တင်း​လုၵ်ႈ​ပႂ်ႉ​မၼ်း​ ၸႃႇရေး ​ဢၼ်​ပဵၼ်​မေး​လုၵ်ႈ​ၸၢႆး​မၼ်း​ ဢႃႇပြမ်ႇ ​ၼၼ်ႉ​သေ​လႄႈ ၶဝ်​ၼၼ်ႉ​ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ဝဵင်း​ ဢူႉရႃႉ တီႈ​ယူႇ​ၵူၼ်း​မိူင်း​ ၶႃႇလတေး ​ၼၼ်ႉ ႁႂ်ႈ​လႆႈ​ၵႂႃႇ​ၸူး​ၵႃႈ​တီႈ​မိူင်း​ ၶႃႇၼၢၼ်ႇ ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ၶႃႇရၢၼ်ႇ ​သေ​ယဝ်ႉ၊ ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="32">တေႇရႃႉ ​ၼၼ်ႉ​ဢသၢၵ်ႈ​လႆႈ​သွင်​ပၢၵ်ႇ​ပၢႆ​ႁႃႈ​ပီႊ​လႄႈ တၢႆ​ၵႃႈ​တီႈ​ၼႂ်း​ဝဵင်း​ ၶႃႇရၢၼ်ႇ ​ၼၼ်ႉ​ဢေႃႈ။</verse>
			</chapter>
			<chapter number="12">
				<verse number="1">ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​ ဢႃႇပြမ်ႇ ​လႄႈ​ဝႃႈ၊ ဢွၵ်ႇ​သေ​ၵႃႈ​ၼႂ်း​မိူင်း​မႂ်း​ဢိၵ်ႇ​တင်း​ႁိူၼ်း​ပေႃႈ​မႂ်း​တင်း​ၸိူဝ်ႉ​ၶိူဝ်း​မႂ်း​လႄႈ​ၵႂႃႇ​ၵႃႈ​တီႈ​မိူင်း​ဢၼ်​ၵဝ်​တၵ်း​ၼႄ​ပၼ်​တီႈ​မႂ်း​ၼၼ်ႉ​တႃႉ။-</verse>
				<verse number="2">ၵဝ်​တၵ်း​ႁႂ်ႈ​မႂ်း​ပဵၼ်​မဵဝ်း​ၵူၼ်း​ဢၼ်​ယႂ်ႇ​ၼႃႇ​ဢေႃႈ။ ၵဝ်​တၵ်း​ပၼ်​တၢင်း​လီ​တီႈ​မႂ်း​လႄႈ ႁႂ်ႈ​ၼႃႇ​မႃႉ​ၸိုဝ်ႈ​သဵင်​မႂ်း​ယႂ်ႇ​မျၢတ်ႈ​ၼႃႇ​ဢေႃႈ။ မႂ်း​တၵ်း​ပဵၼ်​ၵေႃႉ​ဢၼ်​လႆႈ​ပၼ်​တၢင်း​လီ​ဢေႃႈ။-</verse>
				<verse number="3">ၵဝ်​တၵ်း​ပၼ်​တၢင်း​လီ​တီႈ​ၵေႃႉ​ဢၼ်​ပၼ်​တၢင်း​လီ​တီႈ​မႂ်း​ၼၼ်ႉ​ဢေႃႈ။ ၵဝ်​တၵ်း​ၵိၼ်ႇ​ဝႃႈ​ၵေႃႉ​ဢၼ်​ၵိၼ်ႇ​ဝႃႈ​မႂ်း​ၼၼ်ႉ​ဢေႃႈ။ ၵူၼ်း​မဵဝ်း​တင်း​သဵင်ႈ​တင်း​လူင်​ၵႃႈ​ၼိူဝ်​လိၼ်​မိူင်း​ၼႆႉ​တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ၵႃႈ​ၼႂ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ၊ ဢႃႇပြမ်ႇ ​ဢွၵ်ႇ​ၵႂႃႇ​လႄႈ လေႃးတႃႉ ​ၵေႃႈ​ၸွမ်း​ဢေႃႈ။ မိူဝ်ႈ​ဢၼ်​ဢွၵ်ႇ​သေ​ၵႃႈ​ၼႂ်း ဝဵင်း​ ၶႃႇရၢၼ်ႇ ​ၵႂႃႇ​ၼၼ်ႉ၊ ဢႃႇပြမ်ႇ ​ဢသၢၵ်ႈ​လႆႈ​ၸဵတ်း​သိပ်း​ပၢႆ​ႁႃႈ​ပီႊ​ဢေႃႈ။-</verse>
				<verse number="5">ဢႃႇပြမ်ႇ ​ဢဝ်​မေး​မၼ်း​ ၸႃႇရေး ​ဢိၵ်ႇ​တင်း​ လေႃးတႃႉ ​လုၵ်ႈ​ၸၢႆး​ပီႈ​ဢၢႆႈ​မၼ်း တင်း​ဢုၵ်ႉ​ၸႃႇ​ၶူဝ်း​လဵင်း​ၵႃႈ​ဢၼ်​ၶဝ်​မီး တင်း​ၵူၼ်း​ဢၼ်​ၶဝ်​လႆႈ​ၵႃႈ​ၼႂ်း​ဝဵင်း​ ၶႃႇရၢၼ်ႇ ​ၸိူဝ်း​ၼၼ်ႉ​သေ​ယဝ်ႉ၊ ဢွၵ်ႇ​ၵႂႃႇ​ႁႂ်ႈ​လႆႈ​ႁွတ်ႈ​ထိုင်​ၵႃႈ​တီႈ​မိူင်း​ ၶႃႇၼၢၼ်ႇ ​လႄႈ ႁွတ်ႈ​ထိုင်​ၵႃႈ​တီႈ​မိူင်း​ၼၼ်ႉ​ဢေႃႈ။</verse>
				<verse number="6">ဢႃႇပြမ်ႇ ​ပႆ​လတ်း​ၵႃႈ​ၼႂ်း​မိူင်း​ၼၼ်ႉ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ သီႉၶိမ်ႇ၊ တီႈ​တူၼ်ႈ​မႆႉ​ၼိမ်​ မေႃႇရေး ​ဢေႃႈ။ မိူဝ်ႈ​ၼၼ်ႉ ၵူၼ်း ၶႃႇၼၢၼ်ႇ ​တင်း​လၢႆ မီး​ယူႇ​ၵႃႈ​ၼႂ်း​မိူင်း​ၼၼ်ႉ​ဢေႃႈ။-</verse>
				<verse number="7">ထႃႇဝရႃႉ​ၽြႃး​ပေႃႇ​မႃး​တီႈ​ ဢႃႇပြမ်ႇ ​လႄႈ​လၢတ်ႈ​ဝႃႈ၊ ၵဝ်​တၵ်း​ဢဝ်​မိူင်း​ၼႆႉ​ပၼ်​တီႈ​ၸိူဝ်ႉ​ၶိူဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၼႂ်း​တီႈ​ၼၼ်ႈ မၼ်း​ႁဵတ်း​ယိတ်ႈပလၢင်ႇ ပုၼ်ႈ​ထႃႇဝရႃႉ​ၽြႃး ဢၼ်​ပေႃႇ​မႃး​တီႈ​မၼ်း​ၼၼ်ႉ​ဢေႃႈ။</verse>
				<verse number="8">မၼ်း​သမ်ႉ​ဢွၵ်ႇ​သေ​ၵႃႈ​ၼႂ်း​တီႈ​ၼၼ်ႈ ၶၢႆႉ​ၵႂႃႇ​ၵႃႈ​တီႈ​လွႆ​ဢၼ်​မီး​ၽၢႆႇ​တၢင်း​ဝၼ်း​ဢွၵ်ႇ​ဝဵင်း​ ပေႇသလႃႉ ​ၼၼ်ႉ​လႄႈ ဝဵင်း​ ပေႇသလႃႉ မီး​တၢင်း​ဝၼ်း​တူၵ်း၊ ဝဵင်း​ ဢႃႇဢီႉ ​မီး​တၢင်း​ဝၼ်း​ဢွၵ်ႇ​လႄႈ မၼ်း​မုင်း​မူဝ်းၵႃႇ ၵႃႈ​တီႈ​ၼၼ်ႈ​သေ​လႄႈ ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး​သေ​ယဝ်ႉ၊ ႁဵတ်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ဢေႃႈ။-</verse>
				<verse number="9">ဢႃႇပြမ်ႇ ​ၵွႆႈ​ၶၢႆႉ​ၵွႆႈ​ၶၢႆႉ​တီႈ​ယူႇ​မၼ်း​ၵႂႃႇ​ၸူး​ၵႃႈ​တီႈ​ပွတ်း​တၢင်း​ၸၢၼ်း​သေ​ဢေႃႈ။</verse>
				<verse number="10">ဝၢႆး​ၼၼ်ႉ၊ ၵႃႈ​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ ပဵၼ်​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ဢေႃႈ။ ၵွပ်ႈ​ပိူဝ်ႈ​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ၼႃႇ​လူင်​လၢင်​ၼၼ်ႉ​လႄႈ၊ ဢႃႇပြမ်ႇ ​သမ်ႉ​လူင်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ႁႂ်ႈ​လႆႈ​သွၼ်ႈ​ပိုင်ႈ​ၵႃႈ​တီႈ​ၼၼ်ႈ​ထႅင်ႈ​ဢေႃႈ။-</verse>
				<verse number="11">မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​ဢၼ် ၸမ်​တၵ်း​ၶဝ်ႈ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ၸိုင်၊ မၼ်း​လၢတ်ႈ​တီႈ​မေး​မၼ်း​ ၸႃႇရေး ​လႄႈ​ဝႃႈ၊ တူၺ်း​လူး၊ ၵဝ်​ႁူႉ​လွင်ႈ​ဢၼ်​မႂ်း​ပဵၼ်​ၽူႈ​ယိင်း​ဢၼ်​ႁၢင်ႈ​လီ​ၽၢင်​လီ​ဢေႃႈ။-</verse>
				<verse number="12">မိူဝ်ႈ​ဢၼ်​ၵူၼ်း​ ဢေႇၵိပ်ႉတူႉ ​တင်း​လၢႆ​ႁၼ်​မႂ်း​ၸိုင်၊ ၶဝ်​တၵ်း​ဝႃႈ၊ ၽူႈ​ယိင်း​ၼႆႉ​ပဵၼ်​မေး​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊ တၵ်း​ဢဝ်​ၵဝ်​တၢႆ​လႄႈ ပၼ်​ဢသၢၵ်ႈ​မႂ်း​ၵူၺ်း ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="13">ပိူဝ်ႈ​ၼႆ​လႄႈ မႂ်း​လၢတ်ႈ​လႄႈ​ဝႃႈ၊ ပဵၼ်​ၼွင်ႉ​ယိင်း​ၵဝ်၊ ဝႃႈ​ၼင်ႇ​ၼႆ​တႃႉ။ ပေႃး​လၢတ်ႈ​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​တၵ်း​လႆႈ​ယူႇ လီ​လီ​ငၢမ်း​ငၢမ်း​ၵွပ်ႈ​ပိူဝ်ႈ​မႂ်း​ဢေႃႈ။ ၵဝ်​တၵ်း​လႆႈ​ဢသၢၵ်ႈ​ၵတ်း​ယဵၼ်​ၶျၢမ်း​သႃႇ​ၵွပ်ႈ​ပိူဝ်ႈ​ၵျေး​ၸူး​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ဢၼ်​ ဢႃႇပြမ်ႇ ႁွတ်ႈ​ထိုင်​ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ​ၸိုင်၊ ၵူၼ်း​ ဢေႇၵိပ်ႉတူႉ ​တင်း​လၢႆ ႁၼ်​လွင်ႈ​ဢၼ် မေး​မၼ်း​ႁၢင်ႈ​လီ​ၽၢင်​လီ​ၼႃႇ​လူင်​လၢင်​ၼၼ်ႉ​ဢေႃႈ။-</verse>
				<verse number="15">မူး​မၢတ်ႈ​ၽွင်း​မိူင်း​ၶုၼ်​ႁေႃ​ၶမ်း​ ၽႃႇရေႃး ​တင်း​လၢႆ​ၵေႃႈ ႁၼ်​မၼ်း​လႄႈ ယွင်ႈ​ယေႃး​မၼ်း​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး သေ​ယဝ်ႉ၊ မၼ်း​လႆႈ​ၶၢမ်ႇ​တၢင်း​ဢၼ်​ဢဝ်​သႂၢင်း​ၶဝ်ႈ​ၵႃႈ​ၼႂ်း​ႁေႃ​ဢေႃႈ။-</verse>
				<verse number="16">ၶုၼ်​ႁေႃ​ၶမ်း​ ၽႃႇရေႃး ​ႁဵတ်း​ၵျေး​ၸူး တီႈ​ ဢႃႇပြမ်ႇ ၵွပ်ႈ​ပိူဝ်ႈ​ၽူႈ​ယိင်း​ၼၼ်ႉ​လႄႈ၊ မၼ်း​မီး​သူဝ်း​လႂ်၊ ဝူဝ်း​လႂ်၊ လီႈ​တူဝ်​ပေႃႈ​လႂ်၊ လီႈ​တူဝ်​မႄႈ​လႂ်၊ ၶႃႈ​ၵူၼ်း​ၸၢႆး​လႂ်၊ ၶႃႈ​ၵူၼ်း​ယိင်း​လႂ် တင်း​ၵလႃးဢုၵ်ႉ​လႂ်​ဢေႃႈ။-</verse>
				<verse number="17">ၵွပ်ႈ​ပိူဝ်ႈ​ ၸႃႇရေး မေး​ ဢႃႇပြမ်ႇ ​ၼၼ်ႉ​လႄႈ၊ ထႃႇဝရႃႉ​ၽြႃး​ဢဝ်​ၽေး​တၢမ်ႇ​ဢၼ်​ယႂ်ႇ​ၼႃႇ​သင်ႇ​သွၼ် ၸႃႉ​ၸဵမ်​ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​ၵူၼ်း​ၵႃႈ​ဢၼ်​မီး​ၵႃႈ​ၼႂ်း​ႁေႃ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="18">ၶုၼ်​ႁေႃ​ၶမ်း​ ၽႃႇရေႃး ​ၵေႃႈ​ႁွင်ႉ​ဢဝ်​ ဢႃႇပြမ်ႇ ​လႄႈ​ဝႃႈ၊ လွင်ႈ​တၢင်း​ဢၼ်​မႂ်း​ႁဵတ်း​တီႈ​ၵဝ်​ၼႆႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ ႁဵတ်း​ႁိုဝ်​လႄႈ​မႂ်း​ဢမ်ႇ​လၢတ်ႈ​လွင်ႈ​ဢၼ် မၼ်း​ပဵၼ်​မေး​မႂ်း​ၼၼ်ႉ​တီႈ​ၵဝ်​ၼင်ႇ​ႁိုဝ်။-</verse>
				<verse number="19">ႁဵတ်း​သင်​လႄႈ​မႂ်း​ဝႃႈ၊ မၼ်း​ပဵၼ်​ၼွင်ႉ​ယိင်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ႁႂ်ႈ​ၵဝ်​လႆႈ​သိမ်း​ဢဝ်​ၼင်ႇ​ႁိုဝ်။ တေႃႈ​လဵဝ်​ၼႆႉ​ဢဝ်​မေး​မႂ်း​သေ​လႄႈ​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၼင်ႇ​ၼၼ်​လႄႈ​ၶုၼ်​ႁေႃ​ၶမ်း​ ၽႃႇရေႃး ၸီႇ​ယၢင်ႇ​လွင်ႈ​မၼ်း​တီႈ​ၵူၼ်း​မၼ်း​ၸဝ်ႈ​တင်း​လၢႆ​သေ​လႄႈ ၶဝ်​ၼၼ်ႉ​ဢွၼ်​ၵၼ်​ဢဝ် ၸႃႉ​ၸဵမ်​မၼ်း​ဢိၵ်ႇ​တင်း​မေး​မၼ်း​လႄႈ ဢုၵ်ႉ​ၸႃႇ​ၶူဝ်း​လဵင်း​ၵႃႈ​ဢၼ်​မီး​တီႈ​မၼ်း​ၼၼ်ႉ ပွႆႇ​ၵႂႃႇ​သေ​ဢေႃႈ။</verse>
			</chapter>
			<chapter number="13">
				<verse number="1">ဢႃႇပြမ်ႇ ​ဢဝ်​မေး​မၼ်း​ဢိၵ်ႇ​တင်း​ လေႃးတႃႉ ​တင်း​ဢုၵ်ႉ​ၸႃႇ​ၶူဝ်း​လဵင်း​ၵႃႈ​ဢၼ်​မီး​တီႈ​မၼ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ၶိုၼ်း​ၶိုၼ်ႈ​မႃး​ၸူး​ၵႃႈ​တီႈ​ပွတ်း​တၢင်း​ၸၢၼ်း​ၼၼ်ႉ​ဢေႃႈ။-</verse>
				<verse number="2">မိူဝ်ႈ​ၼၼ်ႉ​ ဢႃႇပြမ်ႇ ​ၼၼ်ႉ မၢၵ်ႈ​မီး​ၸႃႉ​ၸဵမ်​သူဝ်း​လႂ်၊ ဝူဝ်း​လႂ်၊ ငိုၼ်း​ၶမ်း​လႂ်​ဢေႃႈ။-</verse>
				<verse number="3">ၵမ်း​ၼၼ်ႉ မၼ်း​သမ်ႉ​လုၵ်ႉ​သေ​ၵႃႈ​တီႈ​ပွတ်း​တၢင်း​ၸၢၼ်း​ၼၼ်ႉ​ၶၢႆႉ​ၵႂႃႇ​လႄႈ သမ်ႉ​ၶိုၼ်း​ႁွတ်ႈ​ထိုင်​ၵႃႈ​တီႈ​ဢၼ်​မၼ်း​မုင်း​မူဝ်းၵႃႇ​မိူဝ်ႈ​ၼၼ်ႉ ၵႃႈ​ၼႂ်း​ၵႄႈ​ဝူင်ႈ​ၵၢင် ဝဵင်း​ ပေႇသလႃႉ ​တင်း​ဝဵင်း​ ဢႃႇဢီႉ ​လႄႈ၊-</verse>
				<verse number="4">လႆႈ​ႁဵတ်း​ယိတ်ႈပလၢင်ႇ​ၼၼ်ႉ​သေ​ယဝ်ႉ၊ ႁဵတ်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၵႃႈ​ၼႂ်း​တီႈ​ၼၼ်ႈ​ဢေႃႈ။</verse>
				<verse number="5">လေႃးတႃႉ ​ဢၼ်​ၸွမ်း​လူၺ်ႈ​ၵၼ်​တင်း​ ဢႃႇပြမ်ႇ ​မႃး​ၼၼ်ႉ​ၵေႃႈ မီး​သူဝ်း​လႂ်၊ ဝူဝ်း​လႂ် ဢိၵ်ႇ​တင်း​မူဝ်းၵႃႇ​လႂ်​ဢေႃႈ။-</verse>
				<verse number="6">လိၼ်​ၼၼ်ႉ ဢမ်ႇ​ပေႃး​ဢမ်ႇ​ၵုမ်ႇ​ပုၼ်ႈ​ဢၼ်​သွင်​ၶႃ​တၵ်း​ယူႇ​လူၺ်ႈ​ၵၼ်​လႆႈ။ လွင်ႈ​မၼ်း​ၸမ်ႉ ဢုၵ်ႉ​ၸႃႇ​ၼမ်​ၼႃႇ​လူၼ်ႉ​လိူဝ်​ၵႂႃႇ​လႄႈ သွင်​ၶႃ​ဢမ်ႇ​ယူႇ​တီႈ​လဵဝ်​ၵၼ်​လႆႈ။-</verse>
				<verse number="7">ၵူၼ်း​လဵင်ႉ​ဝူဝ်း​ ဢႃႇပြမ်ႇ ​လႂ်၊ တင်း​ၵူၼ်း​လဵင်ႉ​ဝူဝ်း​ လေႃးတႃႉ ​လႂ် ႁဵတ်း​တၢင်း​ၽိတ်း​သႂ်ႇ​တီႈ​ၵၼ်​ဢေႃႈ။ မိူဝ်ႈ​ၼၼ်ႉ​ၵူၼ်း​ ၶႃႇၼၢၼ်ႇ ​လႂ်၊ ၵူၼ်း​ ၽေႇရၸီႉ ​လႂ် ယူႇ​ၵႃႈ​ၼႂ်း​မိူင်း​ၼၼ်ႉ​ယူႇ​ဢေႃႈ။-</verse>
				<verse number="8">ဢႃႇပြမ်ႇ ​ၵေႃႈ​လၢတ်ႈ​တီႈ​ လေႃးတႃႉ ​လႄႈ​ဝႃႈ၊ ယႃႇ​ႁႂ်ႈ​တၢင်း​ဢၼ်​ၽိတ်း​ၵၼ်​မီး​တီႈ​ၵဝ်​တင်း​မႂ်း၊ တီႈ​ၵူၼ်း​လဵင်ႉ​ဝူဝ်း​ၵဝ်​လႂ်​တင်း​ၵူၼ်း​လဵင်ႉ​ဝူဝ်း​မႂ်း​လႂ်​သေ​ၵမ်း။ လွင်ႈ​မၼ်း​ၸမ်ႉ ႁႃး​ၼႆႉ​ပဵၼ်​ပီႈ​ၼွင်ႉ​ၵၼ်​ဢေႃႈ။-</verse>
				<verse number="9">ၼႃႈ​လိၼ်​တင်း​သဵင်ႈ​တင်း​လူင်​မီး​ယူႇ​ၵႃႈ​တီႈ​ၽၢႆႇ​ၼႃႈ​မႂ်း​ဢမ်ႇ​ၸႂ်ႈ​ႁိုဝ်။ ၽၢတ်ႇ​ၵၼ်​တင်း​ၵဝ်​သေ​လႄႈ​ယူႇ​သေ​ၵမ်း။ ပေႃး​မႂ်း​ၵႂႃႇ​ၽၢႆႇ​သၢႆႉ​ၸိုင် ၵဝ်​တၵ်း​ၵႂႃႇ​ၽၢႆႇ​ၶႂႃ​ဢေႃႈ။ ပေႃး​မႂ်း​ၵႂႃႇ​ၽၢႆႇ​ၶႂႃ​ၸိုင် ၵဝ်​တၵ်း​ၵႂႃႇ​ၽၢႆႇ​သၢႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ၼၼ်ႉ​ လေႃးတႃႉ ​မုင်ႈ​တူၺ်း​လႄႈ​ႁၼ်​လွင်ႈ​ဢၼ် ၸူဝ်ႈ​ဢၼ်​ထႃႇဝရႃႉ​ၽြႃး​ဢမ်ႇ​ပႆႇ​ယႃႉ​ဝဵင်း​ သေႃးတုမ်ႇ ​တင်း​ဝဵင်း​ ၵေႃးမေႃးရႃႉ ပႅတ်ႈ​ၼၼ်ႉ ၵႃႈ​တီႈ​ပၢင်ႇ​ပဵင်း​ႁိမ်း​ႁွမ်း​ၼမ်ႉ​ႁွင်ႈ​ ယေႃးတၢၼ်ႇ ​ၵူႈ​တီႈ​ၵူႈ​လႅၼ်​ၼၼ်ႉ ၼမ်ႉ​လိူင်ႇ​ၼႃႇ​လႄႈ ပဵၼ်​ၸိူဝ်ႉ​ၼင်ႇ​သူၼ်​ဢူးယဵၼ်ႇ​ထႃႇဝရႃႉ​ၽြႃး ဢိၵ်ႇ​တင်း​ပဵၼ်​ၸိူဝ်ႉ​ၼင်ႇ မိူင်း​ ဢေႇၵိပ်ႉတူႉ ​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ဝဵင်း​ ၸေႃးရႃႉ ​ၼၼ်ႉ​ယဝ်ႉ၊-</verse>
				<verse number="11">ၸင်ႇ​လိူၵ်ႈ​ၵဵပ်း​ဢဝ်​ပၢင်ႇ​ပဵင်း​ၼမ်ႉ​ႁွင်ႈ​ ယေႃးတၢၼ်ႇ တင်း​သဵင်ႈ​တင်း​လူင်​ၼၼ်ႉ​သေ​လႄႈ ၶၢႆႉ​ၵႂႃႇ​ၵႃႈ​တီႈ​ၽၢႆႇ​ၼႃႈ​ဝၼ်း​ဢွၵ်ႇ​သေ​ယဝ်ႉ၊ သွင်​ၶႃ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၽၢတ်ႇ​ၽႄ​ၵၼ်​သေ​ဢေႃႈ။-</verse>
				<verse number="12">ဢႃႇပြမ်ႇ ​ယူႇ​ၵႃႈ​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ​ယူႇ​ဢေႃႈ။ လေႃးတႃႉ ​ၸမ်ႉ၊ ယူႇ​ၵႃႈ​ၼႂ်း​ဝဵင်း​ဢၼ်​မီး​ၵႃႈ​ၼႂ်း​ပၢင်ႇ​ပဵင်း​ၸိူဝ်း​ၼၼ်ႉ​လႄႈ မုင်း​မူဝ်းၵႃႇ​မၼ်း​ၶၢႆႉ​ၸူး​ၵႃႈ​တီႈ​ႁိမ်း​ဝဵင်း​ သေႃးတုမ်ႇ ​ဢေႃႈ။-</verse>
				<verse number="13">ၵူၼ်း​ဝဵင်း​ သေႃးတုမ်ႇ ​ၸိူဝ်း​ၼၼ်ႉ ပဵၼ်​ၵေႃႉ​ဢၼ်​ႁၢႆႉ​မိူၵ်ႈ၊ ၵေႃႉ​ဢၼ်​ဢပႅတ်ႈ​ၼမ်​ၼႃႇ​လူင်​လၢင် ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။</verse>
				<verse number="14">လိုၼ်း​သေ​ လေႃးတႃႉ ​ၽၢတ်ႇ​ၵၼ်​တင်း​ ဢႃႇပြမ်ႇ ​သေ​လႄႈ​ၵႂႃႇ​ယဝ်ႉ​ၼၼ်ႉ၊ ထႃႇဝရႃႉ​ၽြႃး​လၢတ်ႈ​တီႈ​ ဢႃႇပြမ်ႇ ​လႄႈ​ဝႃႈ၊ ယူႇ​ၵႃႈ​တီႈ​ဢၼ်​မႂ်း​မီး​ယူႇ​ၼႆႉ​သေ​လႄႈ မုင်ႈ​တူၺ်း​ၽၢႆႇ​တၢင်း​တူၵ်း၊ ၽၢႆႇ​တၢင်း​ဢွၵ်ႇ၊ ၽၢႆႇ​တၢင်း​ႁွင်ႇ၊ ၽၢႆႇ​တၢင်း​ၸၢၼ်း​တႃႉ။-</verse>
				<verse number="15">လိၼ်​ဢၼ်​မႂ်း​ႁၼ်​တင်း​သဵင်ႈ​တင်း​လူင်​ၼၼ်ႉ​ၸိုင် ၵဝ်​တၵ်း​ပၼ်​တီႈ​မႂ်း ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​သေႇ​သေႇ​ဢေႃႈ။-</verse>
				<verse number="16">ၸိူဝ်ႉ​ၶိူဝ်း​မႂ်း​ၵေႃႈ ၵဝ်​တၵ်း​ႁႂ်ႈ​ယႂ်ႇ​ၽႄႈ​ၼမ်​ၵိုၼ်း​မႃး မိူၼ်​ၸိူဝ်ႉ​ၼင်ႇ​မုၼ်ႈ​လိၼ်​ဢေႃႈ။ ပိူဝ်ႈ​ၼႆ​လႄႈ ပေႃး​ၵူၼ်း​ၼပ်ႉ​ဢၢၼ်ႇ​မုၼ်ႈ​လိၼ်​လႆႈ​ၸိုင်၊ တၵ်း​ၼပ်ႉ​ဢၢၼ်ႇ​ၸိူဝ်ႉ​ၶိူဝ်း​မႂ်း​လႆႈ​ဢေႃႈ။-</verse>
				<verse number="17">မႂ်း​လုၵ်ႉ​သေ​လႄႈ လႄႇ​ၵႂႃႇ​လဵပ်ႈ​ၵႂႃႇ​ၸွမ်း​ၼႃႈ​ယၢဝ်း ဢိၵ်ႇ​တင်း​ၼႃႈ​ပွတ်း​လိၼ်​ၼႆႉ​တႃႉ။ ၵဝ်​တၵ်း​ပၼ်​တီႈ​မႂ်း​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၵမ်း​ၼၼ်ႉ ဢႃႇပြမ်ႇ ​ၶၢႆႉ​မူဝ်းၵႃႇ​မၼ်း​လႄႈ ႁွတ်ႈ​ထိုင်​ၵႃႈ​တီႈ​ပႃႇ​တူၼ်ႈ​မႆႉ​ၼိမ်​ မမ်ႇရေႇ ဢၼ်​မီး​ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​သေ​ယဝ်ႉ၊ ၶျႃး​တီႈ​ယူႇ​လႄႈ ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး​ၵႃႈ​တီႈ​ၼၼ်ႈ​ဢေႃႈ။</verse>
			</chapter>
			<chapter number="14">
				<verse number="1">မိူဝ်ႈ​ၼၼ်ႉ​ၶုၼ်​လူင်​ ဢမ်ရေႇၽႄးလႃႉ မိူင်း​ သီႉၼႃႉ၊ ၶုၼ်​လူင်​ ဢႃႇရုတ်ႉ မိူင်း​ ဢေႇလႃႉသႃႇ၊ ၶုၼ်​လူင်​ ၶေးတေႃးရလေႃးမႃႉ မိူင်း​ ဢေႇလမ်ႇ၊ ၶုၼ်​လူင်​ တီႉတလႃႉ မိူင်း​ ၵေႃးဢိမ်ႇ ​ၸိူဝ်း​ၼၼ်ႉ၊-</verse>
				<verse number="2">တိုၵ်း​ၵၼ်​တင်း​ၶုၼ်​လူင်​ ပႄႇရႃႉ မိူင်း​ သေႃးတုမ်ႇ၊ ၶုၼ်​လူင်​ ၽီႉရသႃႉ မိူင်း​ ၵေႃးမေႃးရႃႉ၊ ၶုၼ်​လူင်​ သီႉၼပ်ႉ မိူင်း​ ဢႃႇတမႃႇ၊ ၶုၼ်​လူင်​ သေႇမပႃး မိူင်း​ ၸေႇၽူဝ်းဢိမ်း၊ ၶုၼ်​လူင်​ ပေႇလႃႇ ​ၸိူဝ်း​ၼၼ်ႉ​ဢေႃႈ။ မိူင်း​ ပေႇလႃႇ ​ၸမ်ႉ၊ ပဵၼ်​မိူင်း​ ၸေႃးရႃႉ ​ဢေႃႈ။-</verse>
				<verse number="3">ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၽွမ်ႉ​ၵၼ်​လႄႈ​ၸူႉ​ၵၼ်​တုမ်​ၵၼ်​ၵႃႈ​ၼႂ်း​ပၢင်ႇ​ပဵင်း​ ၸိတ်ႉတိမ်ႇ ​ဢၼ်​ပဵၼ်​ၼမ်ႉ​ၼွင်​ သေႃးတုမ်ႇ ​ဢေႃႈ။-</verse>
				<verse number="4">ၶဝ်​ၶၢမ်ႇ​ႁဵတ်း​ၶႃႈ​ႁဵတ်း​ၵူၼ်း​တီႈ​ၶုၼ်​လူင်​ ၶေးတေႃးရလေႃးမႃႉ ​သိပ်း​သွင်​ပီႊ​တဵမ်​တဵမ်​သေ​ယဝ်ႉ၊ ၼႂ်း​ပီႊ​ဢၼ်​ထူၼ်ႈ​ထိုင်​သိပ်း​သၢမ်​ပီႊ​ၼၼ်ႉ​ၶဝ်​ပုင်ႇ​ၵၢၼ်ႇ​ဢေႃႈ။-</verse>
				<verse number="5">ၼႂ်း​ပီႊ​ဢၼ်​ထူၼ်ႈ​ထိုင်​သိပ်း​သီႇ​ပီႊ​ၼၼ်ႉ၊ ၶုၼ်​လူင်​ ၶေးတေႃးရလေႃးမႃႉ ​ဢိၵ်ႇ​တင်း​ၶုၼ်​လူင်​ဢၼ်​ယူႇ​ၽၢႆႇ​မၼ်း​ၸိူဝ်း​ၼၼ်ႉ​ဢွၼ်​ၵၼ်​မႃး​လႄႈ​တိုၵ်း​တေႃး​ယႃႉ​ပႅတ်ႈ​ၵူၼ်း​ ရေႇၽဵမ်ႇ ​ဢၼ်​မီး​ယူႇ​ၵႃႈ​ၼႂ်း​ဝဵင်း​ ဢႃသတရုတ်ႉၵႃၼိမ်ႇ ​လႂ်၊ ၵူၼ်း​ ၸူးၸိမ်ႇ ​ဢၼ်​မီး​ယူႇ ၵႃႈ​ၼႂ်း​ဝဵင်း​ ႁႃႇမႃႉ ​လႂ်၊ ၵူၼ်း​ ဢေႇမိမ်ႇ ​ဢၼ်​မီး​ယူႇ​ၵႃႈ​ၼႂ်း​ပၢင်ႇ​ပဵင်း​ ၵီႉရီႉယသိမ်း ​လႂ်၊-</verse>
				<verse number="6">ၵူၼ်း​ ႁေႃးရီႉ ​ဢၼ်​မီး​ယူႇ​ၵႃႈ​ၼိူဝ်​လွႆ​ ၸီႉရႃႉ ​လႂ်​ၸိူဝ်း​ၼၼ်ႉ​လႄႈ​လိုပ်ႈ​ၸွမ်း​လမ်း​ၸွမ်း​တေႃႇ​ထိုင်​ႁွတ်ႈ​ဝဵင်း​ ဢေးလႃပႃရၼ်ႇ ဢၼ်​မီး​ၵႃႈ​တီႈ​ႁိမ်း​ထိူၼ်ႇ​ၼၼ်ႉ​ဢေႃႈ။-</verse>
				<verse number="7">ၵမ်း​ၼၼ်ႉ ၶဝ်​သမ်ႉ​ၶိုၼ်း​မႃး​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ဢိၼ်ႇမီႉသပတ်ႉ ​ဢၼ်​ပဵၼ်​ဝဵင်း​ ၵႃႇတေႇသႃႉ သေ​ယဝ်ႉ၊ တိုၵ်း​တေႃး​ယႃႉ​ပႅတ်ႈ​မိူင်း​ ဢႃႇမလႅၵ်ႉ ​ၵႃႈ​မီး​တင်း​သဵင်ႈ​တင်း​လူင်​ဢိၵ်ႇ​တင်း ၵူၼ်း​ ဢႃႇမေႃးရီႉ ဢၼ်​ယူႇ​ၵႃႈ​ၼႂ်း​ဝဵင်း​ ႁႃႇၸၸုၼ်ႇတႃႇမႃႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="8">မိူဝ်ႈ​ၼၼ်ႉ​ၶုၼ်​လူင် မိူင်း​ သေႃးတုမ်ႇ၊ ၶုၼ်​လူင်​မိူင်း​ ၵေႃးမေႃးရႃႉ၊ ၶုၼ်​လူင်​မိူင်း​ ဢႃႇတမႃႇ၊ ၶုၼ်​လူင်​မိူင်း​ ၸေႇၽူဝ်းဢိမ်း၊ ၶုၼ်​လူင်​မိူင်း​ ပေႇလႃႇ ​ဢၼ်​ဝႃႈ မိူင်း​ ၸေႃးရႃႉ ​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​မႃး​လႄႈ​ၶဵင်ႇ​တိုၵ်း​ၵၼ် ၵႃႈ​ၼႂ်း​ပၢင်ႇ​ပဵင်း​ ၸိတ်ႉတိမ်ႇ ​ၼၼ်ႉ​ဢေႃႈ။-</verse>
				<verse number="9">ၼင်ႇ​ၼၼ်​လႄႈ​ၶုၼ်​လူင်​ ၶေးတေႃးရလေႃးမႃႉ မိူင်း​ ဢေႇလမ်ႇ၊ ၶုၼ်​လူင်​ တီႉတလႃႉ မိူင်း​ ၵေႃးဢိမ်ႇ၊ ၶုၼ်​လူင်​ ဢမ်ရေႇၽႄးလႃႉ မိူင်း​ သီႉၼႃႉ၊ ၶုၼ်​လူင် ဢႃႇရုတ်ႉ မိူင်း​ ဢေႇလႃႉသႃႇ၊ ဢၼ်​ဝႃႈ​ၶုၼ်​လူင်​သီႇပႃး​ၼၼ်ႉ ၶဵင်ႇ​တိုၵ်း​ၵၼ်​တင်း​ၶုၼ်​လူင်​ႁႃႈ​ပႃး​ၼၼ်ႉ​ဢေႃႈ။-</verse>
				<verse number="10">ၵႃႈ​တီႈ​ပၢင်ႇ​ပဵင်း​ ၸိတ်ႉတိမ်ႇ ​ၼၼ်ႉ၊ မီး​လုၵ်း​မီး​ၶုမ်​ၼမ်​ၼႃႇ​ဢၼ်​တဵမ်​ဝႆႉ​တင်း​ၵႆးတဝ်း ဢၼ်​ပဵၼ်​ၵႃႉ​ပဵၼ်​ယၢင်​မဵဝ်း​ၼိုင်ႈ​ဢေႃႈ။ ၶုၼ်​လူင်​မိူင်း​ သေႃးတုမ်ႇ ​တင်း​ၶုၼ်​လူင်​မိူင်း​ ၵေႃးမေႃးရႃႉ ​ပၢႆႈ​လႄႈ တူၵ်း​သႂ်ႇ​ၵႃႈ​ၼႂ်း​လုၵ်း​ၼႂ်း​ၶုမ်​ၸိူဝ်း​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ၸိုင်​ပၢႆႈ​ၸူး​ၵႃႈ​တီႈ​လွႆ​ဢေႃႈ။-</verse>
				<verse number="11">ၶုၼ်​ဢၼ်​ပႄႉ​ၼႅင်ႇ​ၸိူဝ်း​ၼၼ်ႉ ဢွၼ်​ၵၼ်​ဢဝ်​တၢင်း​ၵိၼ်​တၢင်း​ၶူပ်း ဢုၵ်ႉ​ၸႃႇ​ၶူဝ်း​လဵင်း​ဢၼ်​မီး​ၵႃႈ​ၼႂ်း​ဝဵင်း​ သေႃးတုမ်ႇ တင်း​ဝဵင်း​ ၵေႃးမေႃးရႃႉ ​ၵႃႈ​မီး​တင်း​သဵင်ႈ​တင်း​လူင်​သေ​လႄႈ​ၵႂႃႇ​ဢေႃႈ။-</verse>
				<verse number="12">လေႃးတႃႉ ​ဢၼ်​ပဵၼ်​လုၵ်ႈ​ပီႈ​ဢၢႆႈ​ ဢႃႇပြမ်ႇ ​ဢၼ်​ယူႇ​ၵႃႈ​ၼႂ်း​ဝဵင်း​ သေႃးတုမ်ႇ ​ၼၼ်ႉ​ၵေႃႈ ၶဝ်​သိမ်း​ဢဝ်​ၵႂႃႇ ဢိၵ်ႇ​လူၺ်ႈ​ၵၼ်​တင်း ဢုၵ်ႉ​ၸႃႇ​ၶူဝ်း​လဵင်း​မၼ်း​ဢေႃႈ။</verse>
				<verse number="13">ၵူၼ်း​ဢၼ်​လွတ်ႈ​သေ​ၽေး​ၼၼ်ႉ​လႄႈ​ပၢႆႈ​ၵေႃႉ​ၼိုင်ႈ​မႃး​ၸူး​ၵႃႈ​တီႈ​ ဢႃႇပြမ်ႇ ​ၵူၼ်း​ ႁေႇပြႄး ​ဢၼ်​ယူႇ​ၵႃႈ​ၼႂ်း​ပႃႇ​တူၼ်ႈ​မႆႉ​ၼိမ်​ မမ်ႇရေႇ ​ဢၼ်​ပဵၼ်​ၵူၼ်း​ ဢႃႇမေႃးရီႉ ​လႄႈ ပဵၼ်​ပီႈ​ဢၢႆႈ​ ဢေႇသၵေႃးလႃႉ ​တင်း​ ဢႃႇၼေႇရႃႉ ဢၼ်​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း ဢႃႇပြမ်ႇ ​ၼၼ်ႉ​သေ​လႄႈ မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​ဢေႃႈ။-</verse>
				<verse number="14">ဢႃႇပြမ်ႇ ​လႆႈ​ငိၼ်း​လွင်ႈ​ဢၼ်​တီႉ​ဢဝ်​ၼွင်ႉ​ၸၢႆး​မၼ်း​ၵႂႃႇ​ၼၼ်ႉ​သေ​ယဝ်ႉ၊ ဢဝ်​ၵူၼ်း​သၢမ်​ပၢၵ်ႇ​ပၢႆ​သိပ်း​ပႅတ်ႇ​ဢၼ် ၵိူတ်ႇ​လဵင်ႉ​မႃး​ၵႃႈ​ၼႂ်း​ႁိူၼ်း​မၼ်း​ယေး​မၼ်း​လႄႈ လႆႈ​သင်ႇ​လႆႈ​သွၼ်​ယဝ်ႉ​ၸိူဝ်း​ၼၼ်ႉ လိုပ်ႈ​ၸွမ်း​လမ်း​ၸွမ်း​ၵႂႃႇ​တေႃႇ​ထိုင်​ႁွတ်ႈ​ဝဵင်း​ တၢၼ်ႇ ​ဢေႃႈ။-</verse>
				<verse number="15">ၶိင်ႇ​ၵၢင်​ၶိုၼ်း​မၼ်း​ၽႄ​ၶႂၢႆး​ၵူၼ်း​မၼ်း​ၸိူဝ်း​ၼၼ်ႉ​လႄႈ တိုၵ်း​တေႃး​ယႃႉ​ပႅတ်ႈ​ၶဝ်​သေ​ယဝ်ႉ၊ သမ်ႉ​လိုပ်ႈ​ၸွမ်း​လမ်း​ၸွမ်း​ၶဝ်​ၵႂႃႇ​တေႃႇ​ထိုင်​ႁွတ်ႈ​ဝဵင်း ႁေႃၽႃႉ ​ဢၼ်​မီး ၵႃႈ​တီႈ​ၽၢႆႇ​တၢင်း​သၢႆႉ​ဝဵင်း​ ထမ်ႇမသႅတ်ႉ ​ၼၼ်ႉ​ဢေႃႈ။-</verse>
				<verse number="16">မၼ်း​သမ်ႉ​ၶိုၼ်း​ဢဝ်​ဢုၵ်ႉ​ၸႃႇ​ၶူဝ်း​လဵင်း​ဢၼ်​ၶဝ်​သိမ်း​ဢဝ်​ၵႂႃႇ​ၵႃႈ​မီး​တင်း​သဵင်ႈ​တင်း​လူင် ဢိၵ်ႇ​တင်း​ၼွင်ႉ​ၸၢႆး​မၼ်း​ လေႃးတႃႉ တင်း​ဢုၵ်ႉ​ၸႃႇ​ၶူဝ်း​လဵင်း​မၼ်း တင်း​ၵူၼ်း​ယိင်း တင်း​ၵူၼ်း​ၸၢႆး​ၼမ်​ၼႃႇ​မႃး​ဢေႃႈ။</verse>
				<verse number="17">မိူဝ်ႈ​ဢၼ် ဢႃႇပြမ်ႇ ​လုၵ်ႉ​သေ​ၵႃႈ​တီႈ​ဢၼ်​တိုၵ်း​တေႃး​ယႃႉ​ပႅတ်ႈ​ၶုၼ်​လူင်​ ၶေးတေႃးရလေႃးမႃႉ ​ဢိၵ်ႇ​တင်း​ၶုၼ်​လူင်​တင်း​လၢႆ​ဢၼ်​ယူႇ​ၽၢႆႇ​မၼ်း​ၸိူဝ်း​ၼၼ်ႉ​သေ​လႄႈ​မႃး​ၼၼ်ႉ​ၸိုင်၊ ၶုၼ်​လူင်​မိူင်း​ သေႃးတုမ်ႇ ​ဢွၵ်ႇ​ၸူး​ၵႃႈ​တီႈ​ပၢင်ႇ​ႁူၺ်ႈ​ သႃႇဝေႇ ​ဢၼ်​ပဵၼ်​ပၢင်ႇ​ႁူၺ်ႈ​ၶုၼ်​လူင်​ၼၼ်ႉ ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​ဢေႃႈ။-</verse>
				<verse number="18">ၶုၼ်​လူင်​ မေႇလၶီႉၸေႇတႅၵ်ႈ ​မိူင်း​ သႃႇလိမ်း ဢၼ်​ပဵၼ်​ယိတ်ႈပရေႃးႁဵၵ်ႈ​ၽြႃး​ပဵၼ်​ၸဝ်ႈ​ဢၼ်​သုင်​မျၢတ်ႈ​ၼႃႇ​သေ​ပိူၼ်ႈ​ၼၼ်ႉ​ၵေႃႈ၊ ပႃး​ဢဝ်​ၶဝ်ႈ​မုၼ်း​တင်း​ၼမ်ႉ​ၸပိတ်ႈ​မႃး​သေ​ယဝ်ႉ၊-</verse>
				<verse number="19">ပၼ်​တၢင်း​လီ​တီႈ ဢႃႇပြမ်ႇ ​လႄႈ​ဝႃႈ ႁႂ်ႈ​ၽြႃး​ပဵၼ်​ၸဝ်ႈ​ဢၼ်​သုင်​မျၢတ်ႈ​ၼႃႇ​သေ​ပိူၼ်ႈ၊ ၸဝ်ႈ​ၵၢင်​ႁၢဝ်​တင်း​လိၼ်​မိူင်း​ၼၼ်ႉ​ပၼ်​တၢင်း​လီ​တီႈ​ ဢႃႇပြမ်ႇ ​သေ​ၵမ်း​လူၺ်ႈ။-</verse>
				<verse number="20">ႁႂ်ႈ​ၽြႃး​ပဵၼ်​ၸဝ်ႈ​ဢၼ်​သုင်​မျၢတ်ႈ​ၼႃႇ​သေ​ပိူၼ်ႈ၊ ဢၼ်​ဢဝ်​ရၢၼ်ႇ​သူႇ​မႂ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ၼၼ်ႉ​မီး​မင်ႇၵလႃႇ​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ ဢႃႇပြမ်ႇ ​ၵေႃႈ​ဢဝ်​ၼႂ်း​ဢုၵ်ႉ​ၸႃႇ​ၶူဝ်း​လဵင်း ၵႃႈ​မီး​တင်း​သဵင်ႈ​တင်း​လူင် သိပ်း​ပုၼ်ႈ​ပုၼ်ႈ​ၼိုင်ႈ လူႇ​တီႈ ၶုၼ်​ၼၼ်ႉ​ဢေႃႈ။-</verse>
				<verse number="21">ၶုၼ်​လူင်​မိူင်း​ သေႃးတုမ်ႇ ​ၵေႃႈ၊ လၢတ်ႈ​တီႈ​ ဢႃႇပြမ်ႇ ​လႄႈ​ဝႃႈ၊ ၶိုၼ်း​ပၼ်​ၵူၼ်း​ၵဝ်​ၸိူဝ်း​ၼၼ်ႉ​တီႈ​ၵဝ်​သေ​ၵမ်း။ ဢုၵ်ႉ​ၸႃႇ​ၶူဝ်း​လဵင်း​ၸမ်ႉ တူဝ်​ၸဝ်ႈ​ၵဝ်ႇ​ဢဝ်​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ဢႃႇပြမ်ႇ ​ၵေႃႈ​လၢတ်ႈ​တီႈ​ၶုၼ်​လူင်​မိူင်း​ သေႃးတုမ်ႇ ​ၼၼ်ႉ​လႄႈ​ဝႃႈ၊-</verse>
				<verse number="23">ၼင်ႇ​ႁိုဝ်​တၵ်း​ဢမ်ႇ​လႆႈ​မီး​တီႈ​လၢတ်ႈ​လႄႈ​ဝႃႈ၊ ၶုၼ်​လူင်​ႁႂ်ႈ​ ဢႃႇပြမ်ႇ မၢၵ်ႈ​မီး​ယဝ်ႉ၊ ဝႃႈ​ၼင်ႇ​ၼႆ​ၸိုင်၊ လိူဝ်​သေ​လွင်ႈ​တၢင်း​ဢၼ် ၵူၼ်း​ၼုမ်ႇ​ၵူၼ်း​ၵမ်​တင်း​လၢႆ ၵိၼ်​ယဝ်ႉ​ဢိၵ်ႇ​တင်း​ဢၼ်​ပဵၼ်​ပုၼ်ႈ​ပဵၼ်​တႃႇ ၶဝ်​ၸိူဝ်း​ဢၼ်​ၸွမ်း​လူၺ်ႈ​ၵၼ်​တင်း​ၵဝ်​ၼၼ်ႉ​ၵူၺ်း၊ ဢုၵ်ႉ​ၸႃႇ​ၶူဝ်း​လဵင်း​ၶုၼ်​လူင် မႆ​သဵၼ်ႈ​ၼိုင်ႈ​သေ​ဢမ်ႇ​ဝႃႈ၊ သၢႆ​ၶႅပ်း​တိၼ်​သဵၼ်ႈ​ၼိုင်ႈ​သေ​ဢမ်ႇ​ဝႃႈ၊ ၵဝ်​ၶႃႈ​ဢမ်ႇ​ဢဝ်​သေ​ၸိူဝ်ႉ​သေ​ပိူင်​ဝႃႈ​ၼႆ၊ ၵဝ်​ၶႃႈ ယုၵ်ႉ​မိုဝ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ဢၼ်​သုင်​မျၢတ်ႈ​ၼႃႇ​သေ​ပိူၼ်ႈ၊ ၸဝ်ႈ​ၵၢင်​ႁၢဝ်​တင်း​လိၼ်​မိူင်း​ၼၼ်ႉ​လႄႈ ႁဵတ်း​တိၵ်ႈ​ထၢၼ်ႇ​ယဝ်ႉ။-</verse>
				<verse number="24">ႁႂ်ႈ​ ဢႃႇၼေႇရႃႉ၊ ဢေႇသၵေႃးလႃႉ၊ မမ်ႇရေႇ ​ၸိူဝ်း​ၼၼ်ႉ လႆႈ​ဢဝ်​ပုၼ်ႈ​ဢဝ်​တႃႇ​ၶဝ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="15">
				<verse number="1">ဝၢႆး​ၼၼ်ႉ၊ ၼုၵ်ႈၵပၢတ်ႈ​ထႃႇဝရႃႉ​ၽြႃး​ႁွတ်ႈ​မႃး​တီႈ​ ဢႃႇပြမ်ႇ ​ၼႂ်း​ပျႃႇ​တိၵ်ႈ​ရူႇပႃႇရူင်ႇ​လႄႈ​ဝႃႈ၊ ဢႃႇပြမ်ႇ ​ဢိူၺ်း၊ ယႃႇ​ပေ​မႆႈ​ၸႂ်။ ၵဝ်​ပဵၼ်​တီႈ​ႁႄႉ​တီႈ​ၵင်ႈ​မႂ်း၊ ဢၵျူဝ်း​မႂ်း​ဢၼ်​ယႂ်ႇ​ၼႃႇ​လူင်​လၢင်​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="2">ဢႃႇပြမ်ႇ ​လဝ်ႊ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႃႈ​ၸဝ်ႈ​ယင်း​ဢမ်ႇ​မီး​လုၵ်ႈ​မီး​လၢင်း​လႄႈ ၵႂႃႇ​ယူႇ​တီႈ​ၶႃႈ​ဢေႃႈ။ ၵူၼ်း​ဝဵင်း​ ထမ်ႇမသႅတ်ႉ၊ ဢေးလေႇၸႃႇ ​ၼႆႉ လႆႈ​ပဵၼ်​ၵေႃႉ​ဢၼ်​တၵ်း​ၶၢမ်ႇ​ဢမူၺ်ႇ​ၶႃႈ​ၸဝ်ႈ​တီႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ ၸဝ်ႈ​ႁဝ်း​တၵ်း​ႁဵတ်း​ၵျေး​ၸူး​ဢၼ်​လႂ်​တီႈ​ၶႃႈ​ၸဝ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ဢႃႇပြမ်ႇ ​သမ်ႉ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ဢမ်ႇ​ပၼ်​ၸိူဝ်ႉ​ပၼ်​ၶိူဝ်း​တီႈ​ၶႃႈ​ၸဝ်ႈ​လႄႈ ၵေႃႉ​ဢၼ်​ၵိူတ်ႇ​လဵင်ႉ​ၵႃႈ​ၼႂ်း​ႁိူၼ်း​ၶႃႈ​ၸဝ်ႈ​ၼႆႉ လႆႈ​ပဵၼ်​ၵေႃႉ​ဢၼ်​တၵ်း​လႆႈ​ၶၢမ်ႇ​ဢမူၺ်ႇ​ၶႃႈ​ၸဝ်ႈ​တီႈ​ၶႃႈ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၵမ်း​ၼၼ်ႉ ၼုၵ်ႈၵပၢတ်ႈ​ထႃႇဝရႃႉ​ၽြႃး​သမ်ႉ​ႁွတ်ႈ​မႃး​တီႈ​မၼ်း​လႄႈ​ဝႃႈ​ၸမ်ႉ၊ ၵေႃႉ​ဢၼ်​မႂ်း​ဝႃႈ​ၼၼ်ႉ ဢမ်ႇ​လႆႈ​ပဵၼ်​ၵေႃႉ​ဢၼ်​တၵ်း​ၶၢမ်ႇ​ဢမူၺ်ႇ​မႂ်း။ ၵေႃႉ​ဢၼ်​ဢွၵ်ႇ​မႃး​ၵႃႈ​ၼႂ်း​တွင်ႉ​မႂ်း တၵ်း​လႆႈ​ပဵၼ်​ၵေႃႉ​ဢၼ်​တၵ်း​ၶၢမ်ႇ​ဢမူၺ်ႇ​မႂ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="5">ဢဝ်​မၼ်း​ဢွၵ်ႇ​ၵႃႈ​ၼွၵ်ႈ​သေ​လႄႈ​ဝႃႈ၊ ႁႅၼ်​တူၺ်း​ၵၢင်​ႁၢဝ်​တႃႉ။ ပေႃး​ၼပ်ႉ​ဢၢၼ်ႇ​လၢဝ်​လႆႈ​ၸိုင်၊ ၼပ်ႉ​ဢၢၼ်ႇ​တႃႉ၊ ဝႃႈ​ၼင်ႇ​ၼႆ​လႄႈ သမ်ႉ​လၢတ်ႈ​လႄႈ​ဝႃႈ၊ ၸိူဝ်ႉ​ၶိူဝ်း​မႂ်း​တၵ်း​လႆႈ​ပဵၼ်​ၸိူဝ်ႉ​ၼင်ႇ​ၼၼ်​ဢေႃႈ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ပိူဝ်ႈ​ဢၼ်​မၼ်း​ယုမ်ႇ​မၢတ်ႈ​ထႃႇဝရႃႉ​ၽြႃး​လႄႈ၊ မၼ်း​ၸဝ်ႈ​မၢတ်ႈ​တၢင်း​ယုမ်ႇ​မၢတ်ႈ​မၼ်း​ၼၼ်ႉ ပဵၼ်​ၸိူဝ်ႉ​ၼင်ႇ​တၢင်း​ဢၼ်​သိုဝ်ႈ​တေႃႇ​ဢေႃႈ။</verse>
				<verse number="7">ၵမ်း​ၼၼ်ႉ မၼ်း​ၸဝ်ႈ​လၢတ်ႈ​တီႈ​မၼ်း​လႄႈ​ဝႃႈ၊ ၵဝ်​ၼႆႉ​ပဵၼ်​ထႃႇဝရႃႉ​ၽြႃး​ဢၼ်​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​ဝဵင်း​ ဢူႉရႃႉ တီႈ​ယူႇ​ၵူၼ်း​မိူင်း​ ၶႃႇလတေး ​ၼၼ်ႉ​မႃး ႁႂ်ႈ​လႆႈ​ပၼ်​မိူင်း​ၼႆႉ​တီႈ​မႂ်း​ပုၼ်ႈ​ဢၼ်​မႂ်း​တၵ်း​လႆႈ​ၶၢမ်ႇ​ဢမူၺ်ႇ​ၼၼ်ႉ​ဢေႃႈ။-</verse>
				<verse number="8">မိူဝ်ႈ​ဢၼ်​မၼ်း​ၸဝ်ႈ​ဝႃႈ​ၼင်ႇ​ၼႆ​ၸိုင် ဢႃႇပြမ်ႇ ​ၵေႃႈ​လဝ်ႊ​ထၢမ်​လႄႈ​ဝႃႈ၊ ထႃႇဝရႃႉ​ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႃႈ​ၸဝ်ႈ​တၵ်း​လႆႈ​ႁူႉ​လွင်ႈ​ဢၼ် ၶႃႈ​ၸဝ်ႈ​တၵ်း​လႆႈ​ၶၢမ်ႇ​ဢမူၺ်ႇ​မိူင်း​ၼႆႉ​ၼၼ်ႉ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မၼ်း​ၸဝ်ႈ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ဢဝ်​ဝူဝ်း​မႄႈ​သိုဝ်ႇ​တူဝ်​ၼိုင်ႈ ဢၼ်​ဢသၢၵ်ႈ​လႆႈ​သၢမ်​ပီႊ၊ ပႄႉ​မႄႈ​တူဝ်​ၼိုင်ႈ ဢၼ်​ဢသၢၵ်ႈ​လႆႈ​သၢမ်​ပီႊ၊ သူဝ်း​ပေႃႈ​တူဝ်​ၼိုင်ႈ ဢၼ်​ဢသၢၵ်ႈ​လႆႈ​သၢမ်​ပီႊ၊ ၼူၵ်ႉ​တူႈ​တူဝ်​ၼိုင်ႈ၊ ၵႃ​ၵႄ​ဢွၼ်ႇ​တူဝ်​ၼိုင်ႈ​ပုၼ်ႈ​ၵဝ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">မၼ်း​ဢဝ်​တူဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ယေႈ​တူဝ်​ယေႈ​တူဝ်​ၽႃႇ​ႁဵတ်း​သွင်​ၽၢၵ်ႇ​သွင်​ၽၢၵ်ႇ​လႄႈ ဢဝ်​ၼိူဝ်ႉ​ဢၼ်​ၽႃႇ​ၼၼ်ႉ​ဝႆႉ​သွင်​ၽၢႆႇ ယေႈ​ၽၢႆႇ​ယေႈ​ၽၢၵ်ႇ​ဢေႃႈ။ ၼူၵ်ႉ​ၸိူဝ်း​ၼၼ်ႉ​ၸမ်ႉ မၼ်း​ဢမ်ႇ​ၽႃႇ။-</verse>
				<verse number="11">မိူဝ်ႈ​ဢၼ်​ၼူၵ်ႉ​ႁၢႆႉ​လူင်း​ၸူး​ၵႃႈ​ၼိူဝ်​တူဝ်​တၢႆ​ၸိူဝ်း​ၼၼ်ႉ​ၸိုင်၊ ဢႃႇပြမ်ႇ ​ႁေႃႈ​ပႅတ်ႈ​ဢေႃႈ။-</verse>
				<verse number="12">မိူဝ်ႈ​ဢၼ်​ၵၢင်​ဝၼ်း​တူၵ်း​ၸိုင်၊ တၢင်း​ၼွၼ်း​ဢၼ်​ၼူၵ်ႇ​ၼႃႇ​တူၵ်း​ႁွတ်ႈ​ၵႃႈ​ၼိူဝ်​ ဢႃႇပြမ်ႇ ​လႄႈ တၢင်း​ဢၼ်​တူၵ်း​ၸႂ်​ၵူဝ်​ႁႄ တၢင်း​ဢၼ်​လပ်း​သိင်ႇ​ဢၼ်​ယႂ်ႇ​ၼႃႇ​လူင်​လၢင်​ႁွတ်ႈ​ထိုင်​ၵႃႈ​ၼိူဝ်​မၼ်း​ဢေႃႈ။-</verse>
				<verse number="13">မၼ်း​ၸဝ်ႈ​ၵေႃႈ​လၢတ်ႈ​တီႈ​ ဢႃႇပြမ်ႇ ​လႄႈ​ဝႃႈ၊ မၢတ်ႈ​တွင်း​လွင်ႈ​ဢၼ်​ၸိူဝ်ႉ​ၶိူဝ်း​မႂ်း တၵ်း​လႆႈ​ပဵၼ်​ၶႅၵ်ႇ​ယူႇ​ၵႃႈ​ၼႂ်း​မိူင်း​ဢၼ် ၶဝ်​ဢမ်ႇ​ပိူင်ႇ​ၼၼ်ႉ​သေ​လႄႈ ၶၢမ်ႇ​တၢင်း​ဢၼ်​ၶၢမ်ႇ​ႁဵတ်း​ၶႃႈ​ၵႃႈ​တီႈ​ပိူၼ်ႈ ဢိၵ်ႇ​တင်း​တၢင်း​ဢၼ်​ပိူၼ်ႈ​ၼိၵ်ႈ​ၸၢၵ်ႈ​ငႅၼ်း​သႄး သီႇ​ပၢၵ်ႇ​ပီႊ​တဵမ်​တဵမ်​ၼၼ်ႉ​ဝႆႉ​တႃႉ။-</verse>
				<verse number="14">ၵူၼ်း​မဵဝ်း​ဢၼ်​ၸႂ်ႉ​ၵိၼ်​ၶဝ်​ၼၼ်ႉ​ၵေႃႈ၊ ၵဝ်​တၵ်ႉ​ၸီႇ​ယၢင်ႇ​ဢေႃႈ။ လိုၼ်း​ၼၼ်ႉ ၶဝ်​တၵ်း​လႆႈ​ပႃး​ဢဝ်​ဢုၵ်ႉ​ၸႃႇ​ၼမ်​ၼႃႇ​လူင်​လၢင်​သေ​လႄႈ ဢွၵ်ႇ​ဢေႃႈ။-</verse>
				<verse number="15">မႂ်း​တၵ်း​လႆႈ​ၵႂႃႇ​ၸူး​ၵႃႈ​တီႈ​ပူႇ​မႂ်း​မွၼ်ႇ​မႂ်း​ၼိမ်​ၼိမ်​လီ​လီ​ဢေႃႈ။ မႂ်း​တၵ်း​လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ မိူဝ်ႈ​ဢၼ်​ဢသၢၵ်ႈ​မႂ်း​ၵႄႇ​ထူၼ်ႈ​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="16">မိူဝ်ႈ​ဢၼ်​မဵဝ်း​ၵူၼ်း​ထိုင်​ႁွတ်ႈ​သီႇ​သိုပ်ႇ​ယဝ်ႉ​ၸိုင်၊ ၶဝ်​တၵ်း​လႆႈ​ၶိုၼ်း​မႃး​ၵႃႈ​တီႈ​မိူင်း​ၼႆႉ​ဢေႃႈ။ လွင်ႈ​မၼ်း​ၸမ်ႉ တူႉ​ၸရိူၵ်ႈ​ဢပႅတ်ႈ​ၵူၼ်း​ ဢႃႇမေႃးရီႉ ​တင်း​လၢႆ​ၼၼ်ႉ ဢမ်ႇ​ပႆႇ​ပျေႉ​ပႆႇ​ၸုမ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၵမ်း​ၼၼ်ႉ မိူဝ်ႈ​ဢၼ်​ၵၢင်​ဝၼ်း​တူၵ်း​လႄႈ လပ်း​သိင်ႇ​ၸိုင်၊ မုၵ်ႉ​ၽႆး​ဢၼ်​ဢွၵ်ႇ​ၵႂၼ်း​ၽႆး​ဢိၵ်ႇ​တင်း ဝၢၼ်ႇ​ၽႆး​ဢၼ်​တႆႈ​ႁိူဝ်ႈ​လႅင်း​ၼၼ်ႉ ပႆ​ၵႂႃႇ​ၵႃႈ​ၼႂ်း​ၵႄႈ​ဝူင်ႈ​ၵၢင်​ၼိူဝ်ႉ​ဢၼ်​ၽႃႇ​ဝႆႉ​ၸိူဝ်း​ၼၼ်ႉ​ထၢင်ႇ​ထၢင်ႇ​သႃး​သႃး​ဢေႃႈ။</verse>
				<verse number="18">ဝၼ်း​ၼၼ်ႉ ထႃႇဝရႃႉ​ၽြႃး​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ ဢႃႇပြမ်ႇ ​လႄႈ​ဝႃႈ၊ ၵဝ်​တၵ်း​ဢဝ်​မိူင်း​ၼႆႉ ၸႃႉ​ၸဵမ်​ၼမ်ႉ​ႁွင်ႈ ဢေႇၵိပ်ႉတူႉ တေႃႇ​ထိုင်​ႁွတ်ႈ​ၼမ်ႉ​ႁွင်ႈ​လူင်​ဢၼ်​ဝႃႈ​ၼမ်ႉ​ႁွင်ႈ​ ဢူႉၽရတ်ႉ ​ၼၼ်ႉ၊-</verse>
				<verse number="19">ဢိၵ်ႇ​တင်း​ၵူၼ်း​ ၵေႇၼီႉ၊ ၵူၼ်း​ ၵေႇၼၸီႉ ၊-</verse>
				<verse number="20">ၵူၼ်း​ ၵႃႇတမေႃးၼီႉ၊ ၵူၼ်း​ ႁိတ်ႉတီႉ၊ ၵူၼ်း​ ၽေႇရၸီႉ၊ ၵူၼ်း​ ရေႇၽဵမ်ႇ ၊-</verse>
				<verse number="21">ၵူၼ်း​ ဢႃႇမေႃးရီႉ၊ ၵူၼ်း​ ၶႃႇၼၼီႉ၊ ၵူၼ်း​ ၵီႉရၵႃႇသီႉ၊ ၵူၼ်း​ ယေႇပူႉသီႉ ​ၸိူဝ်း​ၼၼ်ႉ ဢၢပ်ႈ​ပၼ်​တီႈ​ၸိူဝ်ႉ​ၶိူဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="16">
				<verse number="1">ၸႃႇရေး မေး​ ဢႃႇပြမ်ႇ ​ၼၼ်ႉ​ဢမ်ႇ​မီး​တၢင်း​ဢၼ်​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ​တီႈ​မၼ်း​ၼၼ်ႉ မီး​မႄႈ​ယိင်း​ၶႃႈ​ဢၼ်​လႆႈ​ၸိုဝ်ႈ ႁႃႇၵရႃႉ ၵူၼ်း​မိူင်း​ ဢေႇၵိပ်ႉတူႉ ​ၼၼ်ႉ​ၵေႃႉ​ၼိုင်ႈ​ဢေႃႈ။-</verse>
				<verse number="2">ၸႃႇရေး ​ၵေႃႈ​လၢတ်ႈ​တီႈ​ ဢႃႇပြမ်ႇ ​လႄႈ​ဝႃႈ၊ ထႃႇဝရႃႉ​ၽြႃး​ဢမ်ႇ​ပၼ်​ဢၶႂၢင်ႉ​တၢင်း​ဢၼ်​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​တီႈ​ၵဝ်​ၶႃႈ။ ပိူဝ်ႈ​ၼႆ​လႄႈ ၶဝ်ႈ​ၸူး​ၵႃႈ​တီႈ​မႄႈ​ယိင်း​ၶႃႈ​ၵဝ်​ၶႃႈ​တႃႉ။ ၵဝ်​ၶႃႈ​ၸၢင်ႈ​ၶႄး​တၵ်း​လႆႈ​လုၵ်ႈ​လႆႈ​လၢင်း​တီႈ​မၼ်း​ၼၼ်ႉ​ဢေႃႈ ဝႃႈ​ၼင်ႇ​ၼႆ​လႄႈ​ ဢႃႇပြမ်ႇ ​ၵေႃႈ​ထွမ်ႇ​ဢဝ်​ၵႂၢမ်း​ ၸႃႇရေး ​ၼၼ်ႉ​ဢေႃႈ။-</verse>
				<verse number="3">ၼင်ႇ​ၼၼ်​လႄႈ ဢႃႇပြမ်ႇ ​ယူႇ​ၵႃႈ​ၼႂ်း​မိူင်း​ ၶႃႇၼၢၼ်ႇ ​သိပ်း​သွင်​ပီႊ​ယဝ်ႉ၊ ၸႃႇရေး ​မေး​ ဢႃႇပြမ်ႇ ​ၼၼ်ႉ ၸင်ႇ​ဢဝ်​မႄႈ​ယိင်း​ၶႃႈ​မၼ်း​ ႁႃႇၵရႃႉ ​ၵူၼ်း​ ဢေႇၵိပ်ႉတူႉ ​ၼၼ်ႉ​သေ​လႄႈ ဢၢပ်ႈ​ပၼ်​တီႈ​ၽူဝ်​မၼ်း​ ဢႃႇပြမ်ႇ ​ႁႂ်ႈ​လႆႈ​ဢဝ်​ႁဵတ်း​မေး​ဢေႃႈ။-</verse>
				<verse number="4">မၼ်း​ၼၼ်ႉ​ၵေႃႈ​ၶဝ်ႈ​ၸူး​ၵႃႈ​တီႈ​ ႁႃႇၵရႃႉ ​လႄႈ ႁႃႇၵရႃႉ ​ပႃး​ပတိၵ်ႉသၼ်ႇထေႇ​ဢေႃႈ။ မိူဝ်ႈ​ဢၼ်​မၼ်း​ႁူႉ​လွင်ႈ​ဢၼ်​မၼ်း​ပႃး​ပတိၵ်ႉသၼ်ႇထေႇ​ၼၼ်ႉ​ၸိုင်၊ မၼ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၸဝ်ႈ​ၼၢင်း​မၼ်း​ဢေႃႈ။-</verse>
				<verse number="5">ၸႃႇရေး ​ၵေႃႈ​လၢတ်ႈ​တီႈ​ ဢႃႇပြမ်ႇ ​လႄႈ​ဝႃႈ၊ ႁႂ်ႈ​ဢပႅတ်ႈ​ဢၼ်​ၵဝ်​ၶႃႈ​လႆႈ​ၶၢမ်ႇ​ၼႆႉ မီး​ၵႃႈ​ၼိူဝ်​ၸဝ်ႈ​ႁဝ်း​သေ​ၵမ်း​လူၺ်ႈ။ ၵဝ်​ၶႃႈ​ဢဝ်​မႄႈ​ယိင်း​ၶႃႈ​ၵဝ်​ၶႃႈ ဢၢပ်ႈ​ပၼ်​ၵႃႈ​ၼႂ်း​ဝၢင်ႈ​ႁူဝ်​ဢူၵ်း​ၸဝ်ႈ​ႁဝ်း​ယဝ်ႉ။ မိူဝ်ႈ​ဢၼ်​မၼ်း​ႁူႉ​လွင်ႈ​ဢၼ်​မၼ်း​ပႃး​ပတိၵ်ႉသၼ်ႇထေႇ​ၼၼ်ႉ​ၸိုင်၊ မၼ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၵဝ်​ၶႃႈ​လူင်​ပႄႇ။ ႁႂ်ႈ​ထႃႇဝရႃႉ​ၽြႃး​ၸီႇ​ယၢင်ႇ​ဢမူႉ ဝူင်ႈ​ၵၢင်​ၵဝ်​ၶႃႈ​တင်း​ၸဝ်ႈ​ႁဝ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ဢႃႇပြမ်ႇ ​ၵေႃႈ​လၢတ်ႈ​တီႈ​ ၸႃႇရေး ​လႄႈ​ဝႃႈ၊ တူၺ်း​လူး၊ မႄႈ​ယိင်း​ၶႃႈ​မႂ်း​ၼၼ်ႉ​မီး​ယူႇ​ၼႂ်း​မိုဝ်း​မႂ်း​ဢေႃႈ။ မႂ်း​ၶႂ်ႈ​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​မၼ်း​ၵေႃႈ​ႁဵတ်း​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၸႃႇရေး ​ၼိၵ်ႈ​ၸၢၵ်ႈ​ငႅၼ်း​သႄး​မႄႈ​ယိင်း​ၶႃႈ​ၼၼ်ႉ​လႄႈ မၼ်း​ၼၼ်ႉ​ဢွၵ်ႇ​သေ​ၵႃႈ​တီႈ​ၸဝ်ႈ​ၼၢင်း​မၼ်း​လႄႈ ပၢႆႈ​ၵႂႃႇ​တၢင်ႇ​တီႈ​သေ​ဢေႃႈ။</verse>
				<verse number="7">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ထူပ်း​ႁၼ်​မၼ်း ၵႃႈ​တီႈ​ႁိမ်း​ၼမ်ႉ​မေႃႇ​ဢွၵ်ႇ​ႁူး​ၵႃႈ​တီႈ​ထိူၼ်ႇ တီႈ​သဵၼ်ႈ​တၢင်း​ဢၼ်​ၵႂႃႇ​ၸူး ဝဵင်း​ သူႉရႃႉ ​ၼၼ်ႉ​သေ​ယဝ်ႉ၊-</verse>
				<verse number="8">ထၢမ်​လႄႈ​ဝႃႈ၊ ႁႃႇၵရႃႉ မႄႈ​ယိင်း​ၶႃႈ​ ၸႃႇရေး ​ဢိူၺ်း၊ မႂ်း​လုၵ်ႉ​သေ​ၵႃႈ​တီႈ​လႂ်​မႃး၊ တၵ်း​ၵႂႃႇ​ၵႃႈ​တီႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ဢွၵ်ႇ​ပၢႆႈ​သေ​ၵႃႈ​တီႈ​ၸဝ်ႈ​ၼၢင်း​ၶႃႈ​ၸဝ်ႈ​ ၸႃႇရေး ​မႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ၶိုၼ်း​မိူဝ်း​ၸူး​ၵႃႈ​တီႈ​ၸဝ်ႈ​ၼၢင်း​မႂ်း​သေ​လႄႈ ၶၢမ်ႇ​တၢင်း​ဢၼ်​မၼ်း ဢုပ်ႉ​ပိူင်ႇ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၵမ်း​ၼၼ်ႉ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​သမ်ႉ​လၢတ်ႈ​လႄႈ​ဝႃႈ၊ ၵဝ်​တၵ်း​ႁႂ်ႈ​ၸိူဝ်ႉ​ၶိူဝ်း​မႂ်း​ယႂ်ႇ​ၽႄႈ​ၼမ်​ၵိုၼ်း​မႃး​တေႃႇ​ထိုင်​ႁွတ်ႈ ထၼ်ႈ​ပေႃး​ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​သမ်ႉ​လၢတ်ႈ​တီႈ​မၼ်း​ထႅင်ႈ​လႄႈ​ဝႃႈ၊ တူၺ်း​လူး၊ မႂ်း​ပႃး​ပတိၵ်ႉသၼ်ႇထေႇ​လႄႈ​တၵ်း​ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။ လုၵ်ႈ​ၸၢႆး​ၼၼ်ႉ​ၸိုင်၊ မႂ်း​တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ ဢီႉသမေႇလႃႉ ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​လႆႈ​ႁူႉ​လႆႈ​ငိၼ်း လွင်ႈ​တုၵ်ႉ​ၶႃႉ​တၢင်း​ၽၢၼ်​မႂ်း​ယဝ်ႉ။-</verse>
				<verse number="12">မၼ်း​တၵ်း​ပဵၼ်​ၸိူဝ်ႉ​ၼင်ႇ​လီႈ ဢၼ်​ရိူင်း​ၵျၢမ်း​ၼၼ်ႉ​ၵႃႈ​ၼႂ်း​ၵူၼ်း​တင်း​လၢႆ​ဢေႃႈ။ ၶႅၼ်​မၼ်း​မိုဝ်း​မၼ်း​တၵ်း​ႁဵတ်း​ရၢၼ်ႇ ယူႇ​ၽၢႆႇ​ၼိုင်ႈ​တင်း​ၵူၼ်း​တင်း​သဵင်ႈ​တင်း​လူင်​လႄႈ ၶႅၼ်​မိုဝ်း​ၵူၼ်း​တင်း​သဵင်ႈ​တင်း​လူင်​ၵေႃႈ တၵ်း​ႁဵတ်း​ရၢၼ်ႇ ယူႇ​ၽၢႆႇ​ၼိုင်ႈ​တင်း​မၼ်း​ဢေႃႈ။ မၼ်း​တၵ်း​လႆႈ​ယူႇ​ၵႃႈ​တီႈ​ႁိမ်း​ပီႈ​ႁိမ်း​ၼွင်ႉ​မၼ်း​တင်း​သဵင်ႈ​တင်း​လူင်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ႁႃႇၵရႃႉ ​ႁွင်ႉ​ႁဵၵ်ႈ​ၸိုဝ်ႈ​ထႃႇဝရႃႉ​ၽြႃး ဢၼ်​မွၵ်ႇ​လၢတ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ​ဝႃႈ၊ ၸဝ်ႈ​ပဵၼ်​ၽြႃး​ပဵၼ်​ၸဝ်ႈ ဢၼ်​ၶႃႈ​ၸဝ်ႈ​လႆႈ​ႁၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ဝၢႆး​သေ​ၵဝ်​ႁၼ်​မၼ်း​ၸဝ်ႈ​ယဝ်ႉ​ၼၼ်ႉ ၵဝ်​ယင်း​ႁၼ်​ၵႃႈ​တီႈ​ၼႆႈ​ယူႇ​လူး​ၵွၼ်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ဢဝ်​ၸၢပ်ႈ​လူၺ်ႈ​လွင်ႈ​ၼၼ်ႉ​လႄႈ ႁွင်ႉ​ႁဵၵ်ႈ​ၸိုဝ်ႈ​ၼမ်ႉ​မေႃႇ​ၼၼ်ႉ ပေႇလႁေႇရွႆႇ ​ဢေႃႈ။ မီး​ဝူင်ႈ​ၵၢင်​ဝဵင်း​ ၵႃႇတေႇသႃႉ တင်း​ဝဵင်း​ ပေႇရိတ်ႉ ​ဢေႃႈ။</verse>
				<verse number="15">ဝၢႆး​ၼၼ်ႉ ႁႃႇၵရႃႉ ၵိူတ်ႇ​လဵင်ႉ​လုၵ်ႈ​ၸၢႆး​တီႈ​ ဢႃႇပြမ်ႇ ​ဢေႃႈ။ ဢႃႇပြမ်ႇ ​ၵေႃႈ​ႁွင်ႉ​ႁဵၵ်ႈ​လုၵ်ႈ​ၸၢႆး​ဢၼ်​ ႁႃႇၵရႃႉ ၵိူတ်ႇ​လဵင်ႉ​မႃး​ၼၼ်ႉ ၸိုဝ်ႈ​ ဢီႉသမေႇလႃႉ ​ဢေႃႈ။-</verse>
				<verse number="16">ဢႃႇပြမ်ႇ ​ၼၼ်ႉ မိူဝ်ႈ​ဢၼ်​ ႁႃႇၵရႃႉ ​ၵိူတ်ႇ​လဵင်ႉ​လုၵ်ႈ​ၸၢႆး ဢီႉသမေႇလႃႉ ​ၼၼ်ႉ​ၸိုင် ဢသၢၵ်ႈ​လႆႈ​ပႅတ်ႇ​သိပ်း​ပၢႆ​ႁူၵ်း​ပီႊ​ဢေႃႈ။</verse>
			</chapter>
			<chapter number="17">
				<verse number="1">ဝၢႆး​ၼၼ်ႉ​မိူဝ်ႈ​ဢၼ်​ဢသၢၵ်ႈ​ ဢႃႇပြမ်ႇ လႆႈ​ၵဝ်ႈ​သိပ်း​ပၢႆ​ၵဝ်ႈ​ပီႊ​ၼၼ်ႉ​ၸိုင်၊ ထႃႇဝရႃႉ​ၽြႃး​ပေႃႇ​မႃး​ၵႃႈ​တီႈ​ ဢႃႇပြမ်ႇ ​လႄႈ​လၢတ်ႈ​ဝႃႈ၊ ၵဝ်​ပဵၼ်​ၽြႃး​ပဵၼ်​ၸဝ်ႈ၊ ၸဝ်ႈ​ဢၼၼ်ႇတႃႉ​တၼ်း​ၶူဝ်း​ဢေႃႈ။ ၵႂႃႇ​မႃး​ၵႃႈ​တီႈ​ၽၢႆႇ​ၼႃႈ​ၵဝ်​လႄႈ မီး​တၢင်း​ဢၼ်​ၸေး​ၸုမ်ႇ​တႃႉ။-</verse>
				<verse number="2">ၵဝ်​တၵ်း​ႁဵတ်း​ပတီႉၺိၺ်ႇ​ၵဝ်​ဝႆႉ ဝူင်ႈ​ၵၢင်​ၵဝ်​တင်း​မႂ်း​ဢေႃႈ။ ၵဝ်​တၵ်း​ႁႂ်ႈ​မႂ်း​ယႂ်ႇ​ၽႄႈ​ၼမ်​ၵိုၼ်း​မႃး ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ဢႃႇပြမ်ႇ ​ၵေႃႈ​ၶုပ်ႉ​မူပ်ႇ​လႄႈ​ၽြႃး​ပဵၼ်​ၸဝ်ႈ​သမ်ႉ​လၢတ်ႈ​လႄႈ​ဝႃႈ၊-</verse>
				<verse number="4">တူၺ်း​လူး၊ ပတီႉၺိၺ်ႇ​ဢၼ်​ၵဝ်​ႁဵတ်း​ၼႆႉ​ၸိုင် မီး​ဝႆႉ​တီႈ​မႂ်း​ဢေႃႈ။ မႂ်း​တၵ်း​ပဵၼ်​ပေႃႈ​မဵဝ်း​ၵူၼ်း​ၼမ်​ၼႃႇ​ဢေႃႈ။-</verse>
				<verse number="5">ၸိုဝ်ႈ​မႂ်း​ၸိုင် ၵမ်း​လိုၼ်း​ဢမ်ႇ​လႆႈ​ႁွင်ႉ​ႁဵၵ်ႈ​ၸိုဝ်ႈ​ ဢႃႇပြမ်ႇ ။ တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ ဢႃႇပြႃႇႁၢမ်ႇ ​ဢေႃႈ။ လွင်ႈ​မၼ်း​ၸမ်ႉ ၵဝ်​လႆႈ​ႁႂ်ႈ​မႂ်း​ပဵၼ်​ပေႃႈ​မဵဝ်း​ၵူၼ်း​ၼမ်​ၼႃႇ​ယဝ်ႉ။-</verse>
				<verse number="6">ၵဝ်​တၵ်း​ႁႂ်ႈ​မႂ်း​ယႂ်ႇ​ၽႄႈ​ၼမ်​ၵိုၼ်း​မႃး​ၼႃႇ​လူင်​လၢင်​ဢေႃႈ။ ၵဝ်​တၵ်း​ဢဝ်​မႂ်း​သေ​လႄႈ ႁႂ်ႈ​ပဵၼ်​မဵဝ်း​ၵူၼ်း​ၼမ်​ၼႃႇ​ဢေႃႈ။ ၵႃႈ​ၼႂ်း​ၸိူဝ်ႉ​ၶိူဝ်း​မႂ်း​ၵေႃႈ ၶုၼ်​ႁေႃ​ၶမ်း​တၵ်း​ပေႃႇ​ဢွၵ်ႇ​ပဵၼ်​မႃး​ဢေႃႈ။-</verse>
				<verse number="7">ၵဝ်​တၵ်း​ပဵၼ်​ၽြႃး​တီႈ​မႂ်း ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​လိုၼ်း​မႂ်း​ဢေႃႈ၊ ဝႃႈ​ၼႆ၊ ၵဝ်​တၵ်း​ႁႂ်ႈ​ပတီႉၺိၺ်ႇ​ၵဝ်​ပဵၼ် ပတီႉၺိၺ်ႇ​ထႃႇဝရႃႉ ဝူင်ႈ​ၵၢင်​ၵဝ်​တင်း​မႂ်း ဢိၵ်ႇ​တင်း​ၸိူဝ်ႉ​ၶိူဝ်း​မႂ်း၊ လိုၼ်း​မႂ်း​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ဢေႃႈ။-</verse>
				<verse number="8">ၵဝ်​တၵ်း​ဢဝ်​မိူင်း​ဢၼ်​မႂ်း​ပဵၼ်​ၶႅၵ်ႇ​ယူႇ​တေႃႈ​လဵဝ် ဢၼ်​ဝႃႈ​မိူင်း​ ၶႃႇၼၢၼ်ႇ တင်း​သဵင်ႈ​တင်း​လူင်​ၼႆႉ ပၼ်​တီႈ​မႂ်း​ဢိၵ်ႇ​တင်း ၸိူဝ်ႉ​ၶိူဝ်း​မႂ်း​လိုၼ်း​မႂ်း​ၼၼ်ႉ ႁႂ်ႈ​လႆႈ​ပိူင်ႇ​ယူႇ​သေႇ​သေႇ​ဢေႃႈ။ ၵဝ်​တၵ်း​ပဵၼ်​ၽြႃး​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၵမ်း​ၼၼ်ႉ ၽြႃး​ပဵၼ်​ၸဝ်ႈ​သမ်ႉ​လၢတ်ႈ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊ ပိူဝ်ႈ​ၼႆ​လႄႈ မႂ်း​ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​လိုၼ်း​မႂ်း​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပတီႉၺိၺ်ႇ​ၵဝ်​ဢေႃႈ။-</verse>
				<verse number="10">ပတီႉၺိၺ်ႇ​ၵဝ်​ဢၼ်​သူ​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ၵႃႈ​တီႈ​ဝူင်ႈ​ၵၢင်​ၵဝ်​တင်း​မႂ်း ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​လိုၼ်း​မႂ်း​ၼၼ်ႉ​ၸမ်ႉ၊ ၵႃႈ​တီႈ​သူ ၵႃႈ​ပဵၼ်​ၵူၼ်း​ၸၢႆး တၵ်း​လႆႈ​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ၵူႈ​ၵေႃႉ​ၵူႈ​ၵူၼ်း​ဢေႃႈ။-</verse>
				<verse number="11">မင်ႇၵလႃႇ​တၢင်း​ဢၼ်​သူ​ၶၢမ်ႇ​တၢင်း​ဢၼ်​ထိူဝ်​ႁိမ်း​ပၢႆ​ၼင်​ၼၼ်ႉ တၵ်း​လႆႈ​ပဵၼ်​လၢၵ်ႈၶၼႃႇ​သၢၵ်ႈ​သေႇ​ပတီႉၺိၺ်ႇ​ဢၼ်​ၵဝ်​ႁဵတ်း​ဝႆႉ ဝူင်ႈ​ၵၢင်​ၵဝ်​တင်း​သူ​ၼၼ်ႉ​ဢေႃႈ။-</verse>
				<verse number="12">ၼႂ်း​ၸိူဝ်ႉ​ၶိူဝ်း​သူ​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ ၵူၼ်း​ၸၢႆး​ဢၼ်​ၵိူတ်ႇ​လဵင်ႉ​ၵႃႈ​တီႈ​ႁိူၼ်း​သူ​သေ​ဢမ်ႇ​ဝႃႈ၊ ဢၼ်​ယင်း​ဢမ်ႇ​ပဵၼ် ၸိူဝ်ႉ​ၶိူဝ်း​သူ​လႄႈ သူ​ဢဝ်​ငိုၼ်း​သိုဝ်ႉ​ဢဝ်​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​မႃး​သေ​ဢမ်ႇ​ဝႃႈ၊ မိူဝ်ႈ​ဢၼ်​ဢသၢၵ်ႈ​ၶွပ်ႈ​ပႅတ်ႇ​ဝၼ်း​ၼၼ်ႉ​ၸိုင် တၵ်း​လႆႈ​ၶၢမ်ႇ​မင်ႇၵလႃႇ တၢင်း​ဢၼ်​ထိူဝ်​ႁိမ်း​ၵူႈ​ၵေႃႉ​ၵူႈ​ၵူၼ်း​ဢေႃႈ။-</verse>
				<verse number="13">ၵေႃႉ​ဢၼ်​ၵိူတ်ႇ​လဵင်ႉ​ၵႃႈ​တီႈ​ႁိူၼ်း​သူ၊ ၵေႃႉ​ဢၼ်​ဢဝ်​ငိုၼ်း​သိုဝ်ႉ​မႃး​ၼၼ်ႉ တၵ်း​လႆႈ​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ဢေႃႈ။ ပတီႉၺိၺ်ႇ​ၵဝ်​ၼၼ်ႉ​ၵေႃႈ၊ တၵ်း​လႆႈ​ပဵၼ်​ပတီႉၺိၺ်ႇ​ထႃႇဝရႃႉ​ၵႃႈ​ၼႂ်း​ၼိူဝ်ႉ​ၼႂ်း​ၼင်​သူ​ဢေႃႈ။-</verse>
				<verse number="14">ၵူၼ်း​ၸၢႆး​ဢၼ်​ယင်း​ဢမ်ႇ​မီး​တၢင်း​ဢၼ်​ထိူဝ်​ႁိမ်း ဢၼ်​ယင်း​ဢမ်ႇ​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ပၢႆ​ၼင်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။ ၵေႃႉ​ၼၼ်ႉ​ယႃႉ​ပတီႉၺိၺ်ႇ​ၵဝ်​ပႅတ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ၵမ်း​ၼၼ်ႉ ၽြႃး​ပဵၼ်​ၸဝ်ႈ​လၢတ်ႈ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊ မေး​မႂ်း​ ၸႃႇရေး ​ၼၼ်ႉ​ၸမ်ႉ၊ ဢမ်ႇ​လႆႈ​ႁွင်ႉ​ႁဵၵ်ႈ​ၸိုဝ်ႈ​သဵင်​ဢၼ်​ဝႃႈ​ ၸႃႇရေး ​ၼၼ်ႉ၊ တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ​ ၸႃႇရႃႇ ​ဢေႃႈ။-</verse>
				<verse number="16">ၵဝ်​တၵ်း​ပၼ်​တၢင်း​လီ​တီႈ​မၼ်း​လႄႈ၊ ၵဝ်​တၵ်း​ဢဝ်​မၼ်း​ပၼ်​လုၵ်ႈ​ၸၢႆး​တီႈ​မႂ်း​ဢေႃႈ။ ၵဝ်​တၵ်း​ပၼ်​တၢင်း​လီ​တီႈ​မၼ်း​လႄႈ မၼ်း​ၵေႃႈ တၵ်း​ပဵၼ်​မဵဝ်း​ၵူၼ်း​လၢႆ​ၸိူဝ်ႉ​လၢႆ​မဵဝ်း​ဢေႃႈ။ ၵႃႈ​ၼႂ်း​ၸိူဝ်ႉ​ၶိူဝ်း​မၼ်း​ၼၼ်ႉ​ၵေႃႈ၊ ၶုၼ်​ႁေႃ​ၶမ်း​မဵဝ်း​ၵူၼ်း​ၼမ်​ၼႃႇ​တၵ်း​ပေႃႇ​ဢွၵ်ႇ​ပဵၼ်​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မိူဝ်ႈ​ၼၼ်ႉ​ ဢႃႇပြႃႇႁၢမ်ႇ ၶုပ်ႉ​မူပ်ႇ​ယူႇ၊ ယုမ်ႉ​ၶူဝ်​ယူႇ​သေ​လႄႈ လၢတ်ႈ​ၼႂ်း​ၸႂ်​လႄႈ​ဝႃႈ၊ ၵေႃႉ​ဢၼ်​ဢသၢၵ်ႈ​လႆႈ​ပၢၵ်ႇ​ပီႊ​ၼႆႉ တၵ်း​မီး​လုၵ်ႈ​မီး​လၢင်း​ႁိုဝ်​ၼေႃႊ။ ၸႃႇရႃႇ ​ဢၼ်​ဢသၢၵ်ႈ​လႆႈ​ၵဝ်ႈ​သိပ်း​ပီႊ​ၼၼ်ႉ တၵ်း​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ႁိုဝ်​ၼေႃႊ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="18">ဢႃႇပြႃႇႁၢမ်ႇ ​လဝ်ႊ​လၢတ်ႈ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ႁႂ်ႈ​ ဢီႉသမေႇလႃႉ ဢသၢၵ်ႈ​လိပ်း​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​လူၺ်ႈ​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">ၽြႃး​ပဵၼ်​ၸဝ်ႈ​ၵေႃႈ​ဝႃႈ၊ မေး​မႂ်း​ ၸႃႇရႃႇ ​တၵ်း​ၵိူတ်ႇ​လဵင်ႉ​လုၵ်ႈ​ၸၢႆး​တီႈ​မႂ်း ဢမၢၼ်ႇ​ၶၼ်​ပဵၼ်​ဢေႃႈ။ တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ​မၼ်း​ ဢီႉၸၢၵ်ႈ ​ဢေႃႈ။ ၵဝ်​တၵ်း​ႁႂ်ႈ​ပတီႉၺိၺ်ႇ​ၵဝ် ပဵၼ်​ပတီႉၺိၺ်ႇ​ထႃႇဝရႃႉ​တီႈ​မၼ်း ဢိၵ်ႇ​တင်း​ၸိူဝ်ႉ​ၶိူဝ်း​မၼ်း​လိုၼ်း​မၼ်း​ဢေႃႈ။-</verse>
				<verse number="20">လွင်ႈ​ ဢီႉသမေႇလႃႉ ​ၸမ်ႉ၊ ၵဝ်​လႆႈ​ထွမ်ႇ​ဢဝ်​ၵႂၢမ်း​မႂ်း​ယဝ်ႉ။ ၵဝ်​တၵ်း​ပၼ်​တၢင်း​လီ​တီႈ​မၼ်း​ဢေႃႈ။ ၵဝ်​တၵ်း​ႁႂ်ႈ​ၸိူဝ်ႉ​ၶိူဝ်း​မၼ်း​ယႂ်ႇ​ၽႄႈ​မႃး​လႄႈ တၵ်း​ႁႂ်ႈ​မၼ်း​ၼမ်​ၵိုၼ်း​မႃး​ဢေႃႈ။ မၼ်း​တၵ်း​ပဵၼ်​ပေႃႈ​ၶုၼ်​သိပ်း​သွင်​ပႃး​ဢေႃႈ။ ၵဝ်​တၵ်း​ႁဵတ်း​ႁႂ်ႈ​မၼ်း​ပဵၼ်​မဵဝ်း​ၵူၼ်း​ဢၼ်​ယႂ်ႇ​ၼႃႇ​ဢေႃႈ။-</verse>
				<verse number="21">ၵူၺ်း​ၵႃႈ ပတီႉၺိၺ်ႇ​ၵဝ်​ၸိုင်၊ တၵ်း​ႁႂ်ႈ​တႄႇ​ယူႇ​တီႈ​ ဢီႉၸၢၵ်ႈ၊ လုၵ်ႈ​ၸၢႆး​ဢၼ်​ ၸႃႇရႃႇ ​တၵ်း​ၵိူတ်ႇ​လဵင်ႉ​တီႈ​မႂ်း​ပီႊ​ၼႃႈ မိူဝ်ႈ​ဢၼ်​ထိုင်​ၶိင်ႇ​ၼႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">သဵင်​ဢၼ်​မၼ်း​ၸဝ်ႈ​မွၵ်ႇ​လၢတ်ႈ​ၼၼ်ႉ ထၢတ်ႇ​ယဵၼ်​လႄႈ ၽြႃး​ပဵၼ်​ၸဝ်ႈ​လုၵ်ႉ​သေ​ၵႃႈ​တီႈ​ ဢႃႇပြႃႇႁၢမ်ႇ ၶိုၼ်ႈ​ၵႂႃႇ​သေ​ဢေႃႈ။</verse>
				<verse number="23">ဢႃႇပြႃႇႁၢမ်ႇ ​ၵေႃႈ ဢဝ်​ၸႃႉ​ၸဵမ်​လုၵ်ႈ​ၸၢႆး​မၼ်း​ ဢီႉသမေႇလႃႉ ​လႄႈ ၶဝ်​ၸိူဝ်း​ဢၼ်​ၵိူတ်ႇ​လဵင်ႉ​မႃး​ၵႃႈ​တီႈ​ႁိူၼ်း​မၼ်း​တင်း​သဵင်ႈ​တင်း​လူင် ဢိၵ်ႇ​တင်း​ၶဝ်​ၸိူဝ်း​ဢၼ်​မၼ်း​ဢဝ်​ငိုၼ်း​သိုဝ်ႉ​ဝႆႉ​တင်း​သဵင်ႈ​တင်း​လူင် ဢၼ်​ဝႃႈ​ၵူၼ်း​ၸၢႆး​ဢၼ်​ၸၢပ်ႈ​သႅင်ႇ​ၵၼ်​တင်း​ႁိူၼ်း ဢႃႇပြႃႇႁၢမ်ႇ ​တင်း​သဵင်ႈ​တင်း​လူင်​ၸိူဝ်း​ၼၼ်ႉ​လႄႈ၊ ၼႂ်း​ဝၼ်း​လဵဝ်​ၼၼ်ႉ​ၵူၺ်း၊ ပၼ်​မင်ႇၵလႃႇ တၢင်း​ဢၼ်​ထိူဝ်​ႁိမ်း​ပၢႆ​ၼင်​ၸွမ်း​ၵႃႈ​ၼင်ႇ​ဢၼ်​ၽြႃး​ပဵၼ်​ၸဝ်ႈ​မီး​ဢမိင်ႉ​ဝႆႉ​ၼၼ်ႉ​ဢေႃႈ။-</verse>
				<verse number="24">ဢႃႇပြႃႇႁၢမ်ႇ ​ၼၼ်ႉ မိူဝ်ႈ​ဢၼ်​တူဝ်​မၼ်း ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ပၢႆ​ၼင်​ၼၼ်ႉ​ၼၼ်ႉ​ၸိုင် ဢသၢၵ်ႈ​လႆႈ​ၵဝ်ႈ​သိပ်း​ပၢႆ​ၵဝ်ႈ​ပီႊ​ဢေႃႈ။-</verse>
				<verse number="25">လုၵ်ႈ​ၸၢႆး​မၼ်း​ ဢီႉသမေႇလႃႉ ​ၼၼ်ႉ၊ မိူဝ်ႈ​ဢၼ်​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ပၢႆ​ၼင်​ၼၼ်ႉ​ၸိုင်၊ ဢသၢၵ်ႈ​လႆႈ​သိပ်း​သၢမ်​ပီႊ​ဢေႃႈ။-</verse>
				<verse number="26">ဢႃႇပြႃႇႁၢမ်ႇ ​ဢိၵ်ႇ​တင်း လုၵ်ႈ​ၸၢႆး​မၼ်း​ ဢီႉသမေႇလႃႉ ​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ၼႂ်း​ဝၼ်း​လဵဝ်​ၼၼ်ႉ​ဢေႃႈ။-</verse>
				<verse number="27">ၶဝ်​ၸိူဝ်း​ဢၼ်​ၵိူတ်ႇ​လဵင်ႉ​မႃး​ၵႃႈ​တီႈ​ႁိူၼ်း​မၼ်း၊ ၶဝ်​ၸိူဝ်း​ဢၼ်​မၼ်း​ဢဝ်​ငိုၼ်း​သိုဝ်ႉ​ဢဝ်​ၵႃႈ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​မႃး၊ ၵူၼ်း​ၸၢႆး​ဢၼ်​ၸၢပ်ႈ​သႅင်ႇ​ၵၼ်​တင်း​ႁိူၼ်း​မၼ်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​လူၺ်ႈ​ၵၼ်​တင်း​မၼ်း​ဢေႃႈ။</verse>
			</chapter>
			<chapter number="18">
				<verse number="1">လွင်ႈ​ဢၼ်​ထႃႇဝရႃႉ​ၽြႃး​ပေႃႇ​မႃး​တီႈ​မၼ်း​ၵႃႈ​ၼႂ်း​ပႃႇ​တူၼ်ႈ​မႆႉ​ၼိမ်​ မမ်ႇရေႇ ​ၼၼ်ႉ​ၸမ်ႉ၊ ၶိင်ႇ​မိူဝ်ႈ​ဢၼ်​လႅတ်ႇ​မႆႈ​ၼၼ်ႉ​ ဢႃႇပြႃႇႁၢမ်ႇ ၼင်ႈ​ယူႇ​ၵႃႈ​တီႈ​ႁူး​ၽၵ်း​တူ​မူဝ်းၵႃႇ​ယူႇ​သေ​လႄႈ၊-</verse>
				<verse number="2">မုင်ႈ​တူၺ်း​လႄႈ​ႁၼ် ၵူၼ်း​သၢမ်​ၵေႃႉ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​သေ​ယဝ်ႉ၊ ၼင်ႇ​ႁိုဝ်​တၵ်း​လႆႈ​ႁပ်ႉ​ႁူဝ်​တၢင်း​ၶဝ်​ၼၼ်ႉ​ၸိုင် လႅၼ်ႈ​ဢွၵ်ႇ​သေ​ၵႃႈ​ၼႂ်း​ၽၵ်း​တူ​မူဝ်းၵႃႇ​ၵႂႃႇ​လႄႈ ၶုပ်ႉ​မူပ်ႇ​ၵႃႈ​တီႈ​လိၼ်​သေ​လႄႈ​ဝႃႈ၊-</verse>
				<verse number="3">ၸဝ်ႈ​ၵဝ်​ၶႃႈ။ ပေႃး​ၵဝ်​ၶႃႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ၸိုင်၊ ယႃႇ​ပေ​ပူၼ်ႉ​ၵႂႃႇ​သေ​ၵႃႈ​တီႈ​ၵဝ်​ၶႃႈ​ၼႆႉ​သေ​ၵမ်း။-</verse>
				<verse number="4">ႁႂ်ႈ​လႆႈ​ဢဝ်​ၼမ်ႉ​မႃး​သေ​ဢိတ်း​ၼိုင်ႈ​သေ​ၵမ်း။ သုၵ်ႈ​တိၼ်​သေ​ယဝ်ႉ၊ ၼွၼ်း​ယူႇ​ၵႃႈ​တႂ်ႈ​တူၼ်ႈ​မႆႉ​ၼႆႉ​သေ​ၵမ်း။-</verse>
				<verse number="5">ၵဝ်​ၶႃႈ​တၵ်း​ဢဝ်​ၶဝ်ႈ​မုၼ်း​သေ​ဢိတ်း​ၼိုင်ႈ မႃး​ၶႃႈ​ဢေႃႈ။ မိူဝ်ႈ​ဢၼ်​ႁိူဝ်ႉ​ႁၢႆ​ယဝ်ႉ​ၸင်ႇ​ၵႂႃႇ​သေ​ၵမ်း။ လွင်ႈ​ၼင်ႇ​ႁိုဝ် ၵဝ်​ၶႃႈ​တၵ်း​လႆႈ​ၶၢမ်ႇ​ၵျေး​ၸူး​ၸဝ်ႈ​ႁဝ်း​ၸိူဝ်ႉ​ၼင်ႇ​ၼႆ​ၸိုင်၊ ၸဝ်ႈ​ႁဝ်း​ႁွတ်ႈ​မႃး​တီႈ​ဢၼ်​ၵဝ်​ၶႃႈ​မီး​ၼႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​ၵေႃႈ​ဝႃႈ၊ ႁဵတ်း​ၸွမ်း​ၵႃႈ​ၼင်ႇ​ဢၼ်​မႂ်း​လၢတ်ႈ​ၼႆ​ၼၼ်ႉ​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ဢႃႇပြႃႇႁၢမ်ႇ ​ၵေႃႈ​ႁိပ်ႈ​ၼႅတ်ႈ​ၶဝ်ႈ​ၵႃႈ​ၼႂ်း​မူဝ်းၵႃႇ​ၵႃႈ​တီႈ​ဢၼ်​ ၸႃႇရႃႇ ​မီး​ၼၼ်ႉ​သေ​လႄႈ​လၢတ်ႈ​ဝႃႈ၊ ဢဝ်​ၽွင်​ၶဝ်ႈ​မုၼ်း​ၵျုင်ႇ​သေ​သၢမ်​ၸ​လႄႇ​ၼိုင်ႈ ၶၼ်​ၶၼ်​ၽႂ်း​ၽႂ်း​လႄႈ ၼူတ်ႈ​သေ​ၵမ်း။ ႁဵတ်း​ၶဝ်ႈ​မုၼ်း​ၼိုင်ႈ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၵမ်း​ၼၼ်ႉ ဢႃႇပြႃႇႁၢမ်ႇ ​သမ်ႉ​လႅၼ်ႈ​ၵႂႃႇ​ၵႃႈ​တီႈ​ၽုင်​ဝူဝ်း​လႄႈ​ဢဝ်​ဝူဝ်း​ဢွၼ်ႇ​ဢၼ်​ၼိူဝ်ႉ​ပီး​လီ​ၼုမ်ႇ​လီ​ၼၼ်ႉ​မႃး​လႄႈ ဢၢပ်ႇ​ပၼ်​တီႈ​ၵူၼ်း​ဢွၼ်ႇ​ႁႂ်ႈ​မႄး​ႁဵတ်း​မႄး​ႁႅၼ်း ၶၼ်​ၶၼ်​ဝႆး​ဝႆး​ဢေႃႈ။-</verse>
				<verse number="8">လိုၼ်း​ၼၼ်ႉ မၼ်း​ဢဝ်​ၼမ်ႉ​ၼူမ်း​တင်း​ၼမ်ႉ​ၼူမ်း​ဢၼ်​ၵၢမ်ႈ ဢိၵ်ႇ​တင်း​ဝူဝ်း​ဢွၼ်ႇ​ဢၼ်​မႄး​ႁဵတ်း​မႄး​ႁႅၼ်း​ဝႆႉ​ၼၼ်ႉ​လႄႈ သႂ်ႇ​တမ်း​ပၼ်​ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​သေ​ယဝ်ႉ၊ ၸုၵ်း​ယူႇ​ၵႃႈ​တီႈ​ႁိမ်း​ၶဝ် ၵႃႈ​တႂ်ႈ​ႁူမ်ႈ​မႆႉ​ၼၼ်ႉ​လႄႈ ၶဝ်​ၵေႃႈ​ၵိၼ်​ဢေႃႈ။</verse>
				<verse number="9">ၶဝ်​ၼၼ်ႉ​ထၢမ်​တီႈ​မၼ်း​လႄႈ​ဝႃႈ၊ မေး​မႂ်း​ ၸႃႇရႃႇ ​မီး​ၵႃႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​လၢတ်ႈ​လႄႈ​ဝႃႈ၊ မီး​ယူႇ​ၵႃႈ​ၼႂ်း​မူဝ်းၵႃႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ပႃး​ၼိုင်ႈ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​ထိုင်​ၶိင်ႇ​ဢၼ်​ၵိူတ်ႇ​လဵင်ႉ​လုၵ်ႈ​ၼၼ်ႉ​ၸိုင် ၵဝ်​တၵ်း​ၶိုၼ်း​မႃး​ၵႃႈ​တီႈ​မႂ်း ဢမၢၼ်ႇ​ၶၼ်​ပဵၼ်​လူး​ၵွၼ်ႇ​ဢေႃႈ။ မိူဝ်ႈ​ၶိင်ႇ​ၼၼ်ႉ မေး​မႂ်း​ ၸႃႇရႃႇ တၵ်း​လႆႈ​လုၵ်ႈ​ၸၢႆး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၸႃႇရႃႇ ​မီး​ယူႇ​ၵႃႈ​တီႈ​ႁိမ်း​ႁူး​ၽၵ်း​တူ ဢၼ်​မီး​ၽၢႆႇ​လင်​ၵေႃႉ​ဢၼ်​ဝႃႈ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ လႆႈ​ငိၼ်း​ၵႂၢမ်း​ၼၼ်ႉ​ဢေႃႈ။-</verse>
				<verse number="11">မိူဝ်ႈ​ၼၼ်ႉ​ ဢႃႇပြႃႇႁၢမ်ႇ တင်း​ ၸႃႇရႃႇ ဢသၢၵ်ႈ​ၵႄႇ​ထူၼ်ႈ​ၼႃႇ​လူင်​လၢင်​ယဝ်ႉ။ ၸႃႇရႃႇ ​ၵေႃႈ​ၵႃႈ​ၼင်ႇ​ဢူႉ​တူႉ​ၶိူင်ႈ​ဢၼ်​မႄႈ​ယိင်း​ပဵၼ်​ယူႇ​သေႇ​သေႇ​ၼၼ်ႉ ဢမ်ႇ​ပဵၼ်​ယဝ်ႉ။-</verse>
				<verse number="12">ၵွပ်ႈ​ႁွႆး​ၼႆႉ​လႄႈ​ ၸႃႇရႃႇ ​တဵတ်ႇ​တဵတ်ႇ​ယုမ်ႉ​ၶူဝ်​သေ​လႄႈ​ဝႃႈ၊ ၵဝ်​ထဝ်ႈ​ယဝ်ႉ။ ၸဝ်ႈ​ၵဝ်ႇ​ၵေႃႈ​ထဝ်ႈ​ယဝ်ႉ၊ ပိူဝ်ႈ​ၼႆ​လႄႈ ၵဝ်​တၵ်း​မီး​တၢင်း​မူၼ်ႈ​တၢင်း​ပျေႃႇ​လူး​ၵွၼ်ႇ​ႁိုဝ်​ၼေႃႊ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ထႃႇဝရႃႉ​ၽြႃး​လၢတ်ႈ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊ ႁဵတ်း​သင်​လႄႈ​မေး​မႂ်း​ ၸႃႇရႃႇ ​ယုမ်ႉ​ၶူဝ်​သေ​လႄႈ​ဝႃႈ၊ ၵဝ်​ၼႆႉ​ထဝ်ႈ​ယဝ်ႉ​လႄႈ​တၵ်း​ၵိူတ်ႇ​လဵင်ႉ​လုၵ်ႈ​ၸၢႆး​ႁိုဝ်​ၼေႃႊ၊ ဝႃႈ​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။-</verse>
				<verse number="14">လွင်ႈ​တၢင်း​ဢၼ်​ထႃႇဝရႃႉ​ၽြႃး​ဢမ်ႇ​တၢတ်ႈ​ၼိူင်ႇ​လႆႈ​ၼၼ်ႉ မီး​သေ​ၸိူဝ်ႉ​သေ​ပိူင်​ႁိုဝ်။ မိူဝ်ႈ​ဢၼ်​ထိုင်​ၶိင်ႇ​ဢၼ်​မၵ်း​ၶၢၼ်း​ဝႆႉ​ၼၼ်ႉ၊ ၵဝ်​တၵ်း​ၶိုၼ်း​မႃး​ၵႃႈ​တီႈ​မႂ်း​လႄႈ ၸႃႇရႃႇ ​တၵ်း​လႆႈ​လုၵ်ႈ​ၸၢႆး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၸႃႇရႃႇ ​ၵေႃႈ၊ ၵူဝ်​ႁႄ​လႄႈ​ထဵင်​ဝႃႈ၊ ၶႃႈ​ၸဝ်ႈ​ဢမ်ႇ​ယုမ်ႉ​ဢမ်ႇ​ၶူဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ၊ မႂ်း​ယုမ်ႉ​ၶူဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၵူၼ်း​ၸိူဝ်း​ၼၼ်ႉ လုၵ်ႉ​သေ​ၵႃႈ​တီႈ​ၼၼ်ႈ​လႄႈ​ဝၢႆႇ​ၼႃႈ​တေႃႇ​ဝဵင်း​ သေႃးတုမ်ႇ ​ယူႇ​သေ​လႄႈ​ၵႂႃႇ​ဢေႃႈ။ ဢႃႇပြႃႇႁၢမ်ႇ ​ၵေႃႈ​ၸွမ်း​ၵႂႃႇ​ႁႂ်ႈ​လႆႈ​သူင်ႇ​ၶဝ်​ဢေႃႈ။-</verse>
				<verse number="17">ထႃႇဝရႃႉ​ၽြႃး​ၵေႃႈ​ဝႃႈ၊ လွင်ႈ​ဢၼ်​ၵဝ်​တၵ်း​ႁဵတ်း​ၸိုင်၊ ယင်း​ဢမ်ႇ​မွၵ်ႇ​ဢမ်ႇ​လၢတ်ႈ​တီႈ​ ဢႃႇပြႃႇႁၢမ်ႇ ​လႄႈ တၵ်း​လႆႈ​သိူင်ႇ​ဝႆႉ​ဢမ်​ဝႆႉ​ႁိုဝ်။-</verse>
				<verse number="18">ဢႃႇပြႃႇႁၢမ်ႇ ​ၼႆႉ​တၵ်း​ပဵၼ်​မဵဝ်း​ၵူၼ်း​ဢၼ်​ယႂ်ႇ​မျၢတ်ႈ​ၼႃႇ​လႄႈ ပျေႉ​ၸုမ်ႇ​တင်း​တၼ်း​ၶူဝ်း​ဢေႃႈ။ ၵႃႈ​ၼႂ်း​မၼ်း​ၼႆႉ​ၵူၼ်း​မဵဝ်း​တင်း​သဵင်ႈ​တင်း​လူင် တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ဢေႃႈ။-</verse>
				<verse number="19">လွင်ႈ​မၼ်း​ၸမ်ႉ ၵဝ်​ႁူႉ​လွင်ႈ​ဢၼ်​မၼ်း တၵ်း​ပိင်း​ၺၢပ်ႈ​ဝႆႉ​တီႈ​လုၵ်ႈ​လၢင်း​မၼ်း​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မၼ်း​လိုၼ်း​မၼ်း ႁႂ်ႈ​ၶဝ်​လႆႈ​ၸွမ်း​သဵၼ်ႈ​တၢင်း​တြႃး​ထႃႇဝရႃႉ​ၽြႃး​သေ​လႄႈ ၵမ်​ၵျၢင်ႉ​ဢၼ်​ၸိုဝ်ႈ​ဢၼ်​ၸႂ်ႈ​ဢၼ်​သိုဝ်ႈ​ဢၼ်​တေႃႇ​ၼၼ်ႉ​ဢေႃႈ။ ၵွပ်ႈ​ႁွႆး​ၼႆႉ ထႃႇဝရႃႉ​ၽြႃး​တၵ်း​မီး​ဢၶႂၢင်ႉ​ဢၼ်​လႆႈ​ႁဵတ်း​တီႈ​ ဢႃႇပြႃႇႁၢမ်ႇ ​ၸွမ်း​ၵႃႈ​ၼင်ႇ​ဢၼ်​ၵတီႉ​ၸဝ်ႈ​မီး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၵမ်း​ၼၼ်ႉ ထႃႇဝရႃႉ​ၽြႃး​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​သဵင်​ဢၼ် ဝဵင်း​ သေႃးတုမ်ႇ ​ဢိၵ်ႇ​တင်း​ဝဵင်း​ ၵေႃးမေႃးရႃႉ ႁွင်ႉ​သႅၼ်ႇ​ၼၼ်ႉ ယႂ်ႇ​ၼႃႇ​လႄႈ ဢပႅတ်ႈ​ၼၵ်း​ၼႃႇ​ၼၼ်ႉ၊-</verse>
				<verse number="21">တေႃႈ​လဵဝ်​ၼႆႉ​ၵဝ်​တၵ်း​လူင်း​ၵႂႃႇ​လႄႈ လူ​တူၺ်း​လွင်ႈ​ဢၼ်​ၶဝ်​ႁဵတ်း​ၸွမ်း​ၼင်ႇ​တၢင်း​ဢၼ် ႁွင်ႉ​သႅၼ်ႇ​ဢၼ်​လႆႈ​ႁွတ်ႈ​မႃး​ၽၢႆႇ​ၼႃႈ​ၵဝ်​ယဝ်ႉ​ၼၼ်ႉ ၸႂ်ႈ​ႁိုဝ်။ ဢမ်ႇ​ၸႂ်ႈ​ႁိုဝ်​ၼၼ်ႉ​ဢေႃႈ။ ပေႃး​ဢမ်ႇ​ႁဵတ်း​ၸိုင် ၵဝ်​တၵ်း​လႆႈ​ႁူႉ​လွင်ႈ​ဢၼ်​ၶဝ်​ဢမ်ႇ​ႁဵတ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၵူၼ်း​ၸိူဝ်း​ၼၼ်ႉ​ဝၢႆႇ​ၼႃႈ​ၶဝ်​သေ​ၵႃႈ​တီႈ​ၼၼ်ႈ​လႄႈ ၵႂႃႇ​ၸူး​ၵႃႈ​တီႈ​ဝဵင်း​ သေႃးတုမ်ႇ ​ဢေႃႈ။ ဢႃႇပြႃႇႁၢမ်ႇ ​ၸမ်ႉ၊ ယင်း​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ဢေႃႈ။</verse>
				<verse number="23">မိူဝ်ႈ​ၼၼ်ႉ​ ဢႃႇပြႃႇႁၢမ်ႇ ​သုတ်ႉ​ၸမ်​သေ​လႄႈ​လဝ်ႊ​ဝႃႈ၊ ၸဝ်ႈ​ႁဝ်း​တၵ်း​ယႃႉ​ပႅတ်ႈ​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ ပႃး​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​တီႈ​ၶႃႈ​ႁိုဝ်။-</verse>
				<verse number="24">ပေႃး​မီး​ၵူၼ်း​သိုဝ်ႈ​တေႃႇ​ႁႃႈ​သိပ်း​ၵႃႈ​တီႈ​ဝဵင်း​ၼၼ်ႉ​ၸိုင်၊ တၵ်း​ယႃႉ​ပႅတ်ႈ​တီႈ​ၶႃႈ​ႁိုဝ်။ ယင်း​ဢမ်ႇ​သေ​လၢႆ​ဝဵင်း​ၼၼ်ႉ ၵွပ်ႈ​ပိူဝ်ႈ​ၵူၼ်း​ႁႃႈ​သိပ်း​ဢၼ်​ပႃး​ၵႃႈ​ၼႂ်း​ဝဵင်း​ၼၼ်ႉ​လႄႈ တၵ်း​ယႃႉ​ပႅတ်ႈ​တီႈ​ၶႃႈ​ႁိုဝ်။-</verse>
				<verse number="25">ႁႂ်ႈ​လွင်ႈ​တၢင်း​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​လႄႈ ဢဝ်​ၶဝ်​ၸိူဝ်း​ဢၼ်​သိုဝ်ႈ​တေႃႇ​တၢႆ​ပႃး​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ၊ ႁႂ်ႈ​ၶဝ်​ၸိူဝ်း​ဢၼ်​သိုဝ်ႈ​တေႃႇ​လႆႈ​ၶၢမ်ႇ​ၸိူဝ်ႉ​ၼင်ႇ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ၵႆ​ၵၼ်​တင်း​ၸဝ်ႈ​ႁဝ်း​သေ​ၵမ်း​လူၺ်ႈ​တီႈ​ၶႃႈ၊ ႁႂ်ႈ​လွင်ႈ​တၢင်း​ဢၼ်​ႁဵတ်း​ၸိူဝ်ႉ​ၼင်ႇ​ၼၼ် ၵႆ​ၵၼ်​တင်း​ၸဝ်ႈ​ႁဝ်း​သေ​ၵမ်း​လူၺ်ႈ​တီႈ​ၶႃႈ၊ ၸဝ်ႈ​ဢၼ်​ၸီႇ​ယၢင်ႇ​လိၼ်​မိူင်း​တင်း​သဵင်ႈ​တင်း​လူင် တၵ်း​ႁဵတ်း​ၸွမ်း​ၼင်ႇ​တြႃး​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ထႃႇဝရႃႉ​ၽြႃး​ၵေႃႈ​လၢတ်ႈ​လႄႈ​ဝႃႈ၊ ပေႃး​ၵဝ်​ထူပ်း​ႁၼ်​ၵူၼ်း​သိုဝ်ႈ​တေႃႇ​ႁႃႈ​သိပ်း​ၵႃႈ​ၼႂ်း​ဝဵင်း​ သေႃးတုမ်ႇ ​ၼၼ်ႉ​ၸိုင်၊ ၵဝ်​တၵ်း​သေ​လၢႆ​တီႈ​ၼၼ်ႈ​တင်း​သဵင်ႈ​တင်း​လူင် ၵွပ်ႈ​ပိူဝ်ႈ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ဢႃႇပြႃႇႁၢမ်ႇ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ​ၶႃႈ​ၸဝ်ႈ​ဢၼ်​ပဵၼ်​မုၼ်ႈ​လိၼ်​တင်း​တဝ်ႈ​ၵူၺ်း​ၼႆႉ ၵျူဝ်း​ၸႃး​လူၺ်ႈ​လွင်ႈ​ဢၼ်​တၵ်း​လဝ်ႊ​လၢတ်ႈ​တီႈ​ၸဝ်ႈ​ၽြႃး​တီႈ​ၶႃႈ​ဢေႃႈ။-</verse>
				<verse number="28">ၼႂ်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ႁႃႈ​သိပ်း​ၼၼ်ႉ ပေႃး​ယွမ်း​ၵႂႃႇ​ႁႃႈ​ၵေႃႉ​ၸိုင်၊ ၵွပ်ႈ​ပိူဝ်ႈ​ဢၼ်​ယွမ်း​ၵႂႃႇ​ႁႃႈ​ၵေႃႉ​ၼၼ်ႉ​လႄႈ၊ ၸဝ်ႈ​ႁဝ်း​တၵ်း​ယႃႉ​ဝဵင်း​ၼၼ်ႉ​တင်း​သဵင်ႈ​တင်း​လူင်​ပႅတ်ႈ​တီႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပေႃး​ၵဝ်​ထူပ်း​ႁၼ် သီႇ​သိပ်း​ပၢႆ​ႁႃႈ​ၵေႃႉ ၵႃႈ​ၼႂ်း​ဝဵင်း​ၼၼ်ႉ​ၸိုင်၊ ၵဝ်​တၵ်း​ဢမ်ႇ​ယႃႉ​ပႅတ်ႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ၵမ်း​ၼၼ်ႉ မၼ်း​သမ်ႉ​ၶိုၼ်း​လဝ်ႊ​လၢတ်ႈ​တီႈ​မၼ်း​ၸဝ်ႈ​လႄႈ​ဝႃႈ၊ ၸၢင်ႈ​ၶႄး​ထူပ်း​ႁၼ်​သီႇ​သိပ်း​ၵႃႈ​တီႈ​ဝဵင်း​ၼၼ်ႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​သီႇ​သိပ်း​ၼၼ်ႉ​လႄႈ၊ ၵဝ်​ယင်း​ဢမ်ႇ​ႁဵတ်း​လႄႈ​တၵ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ၵမ်း​ၼၼ်ႉ မၼ်း​သမ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ဢူဝ်း​ၸဝ်ႈ​ၽြႃး၊ ယႃႇ​ပေ​မီး​ၸႂ်​သေ​ၵမ်း​တီႈ​ၶႃႈ၊ ႁႂ်ႈ​ၶႃႈ​ၸဝ်ႈ​လႆႈ​လဝ်ႊ​လၢတ်ႈ​သေ​ၵမ်း​တီႈ​ၶႃႈ၊ ၸၢင်ႈ​ၶႄး​ထူပ်း​ႁၼ်​သၢမ်​သိပ်း​ၵႃႈ​တီႈ​ဝဵင်း​ၼၼ်ႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​ၵေႃႈ​ဝႃႈ၊ ပေႃး​ထူပ်း​ႁၼ်​သၢမ်​သိပ်း​ၵႃႈ​တီႈ​ဝဵင်း​ၼၼ်ႉ​ၸိုင်၊ ၵဝ်​ယင်း​ဢမ်ႇ​ႁဵတ်း​လႄႈ​တၵ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ၵမ်း​ၼၼ်ႉ မၼ်း​သမ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ ၶႃႈ​ၸဝ်ႈ​ၵျူဝ်း​ၸႃး​လူၺ်ႈ​လွင်ႈ​ဢၼ်​တၵ်း​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​တီႈ​ၶႃႈ​ဢေႃႈ၊ ၸၢင်ႈ​ၶႄး​ထူပ်း​ႁၼ်​သၢဝ်း​ၼိုင်ႈ ၵႃႈ​တီႈ​ဝဵင်း​ၼၼ်ႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​သၢဝ်း​ၼိုင်ႈ​ၼၼ်ႉ​လႄႈ၊ ၵဝ်​ယင်း​ဢမ်ႇ​ယႃႉ​ပႅတ်ႈ​လႄႈ​တၵ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">မၼ်း​သမ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ဢူဝ်း​ၸဝ်ႈ​ၽြႃး​တီႈ​ၶႃႈ၊ ယႃႇ​ပေ​မီး​ၸႂ်​သေ​ၵမ်း​တီႈ​ၶႃႈ၊ ႁႂ်ႈ​ၶႃႈ​ၸဝ်ႈ​လႆႈ​လဝ်ႊ​လၢတ်ႈ​ထႅင်ႈ​ပွၵ်ႈ​ၼိုင်ႈ​ၼႆႉ​ၵူၺ်း​သေ​ၵမ်း​တီႈ​ၶႃႈ၊ ၸၢင်ႈ​ၶႄး​ထူပ်း​ႁၼ်​သိပ်း​ၼိုင်ႈ​ၵႃႈ​တီႈ​ဝဵင်း​ၼၼ်ႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​သိပ်း​ၼိုင်ႈ​ၼၼ်ႉ​လႄႈ၊ ၵဝ်​ယင်း​ဢမ်ႇ​ယႃႉ​ပႅတ်ႈ​လႄႈ​တၵ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ထႃႇဝရႃႉ​ၽြႃး​ၵေႃႈ လွင်ႈ​တၢင်း​ဢၼ်​တၵ်ႉ​လၢတ်ႈ​ၵၼ်​တင်း​ ဢႃႇပြႃႇႁၢမ်ႇ ​ၼၼ်ႉ​ယဝ်ႉ​တူဝ်ႈ​ယဝ်ႉ​ၸင်ႇ​ၵႂႃႇ​သေ​ဢေႃႈ။ ဢႃႇပြႃႇႁၢမ်ႇ ​ၵေႃႈ​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​တီႈ​ယူႇ​မၼ်း​သေ​ဢေႃႈ။</verse>
			</chapter>
			<chapter number="19">
				<verse number="1">တမၢၼ်ႇ​ၵၢင်​ႁၢဝ်​သွင်​ပႃး​ၼၼ်ႉ​ၶိင်ႇ​ႁူဝ်​ၶမ်ႈ​ႁွတ်ႈ​ထိုင်​ၵႃႈ​တီႈ​ဝဵင်း​ သေႃးတုမ်ႇ ​ဢေႃႈ။ လေႃးတႃႉ ​ၼင်ႈ​ယူႇ​ၵႃႈ​ၼႂ်း​ႁူး​ၽၵ်း​တူ​ဝဵင်း​ယူႇ​လႄႈ ႁၼ်​ၶဝ်​သေ​ယဝ်ႉ၊ လုၵ်ႉ​ႁႂ်ႈ​လႆႈ​ႁပ်ႉ​ႁူဝ်​တၢင်း​ၶဝ်​လႄႈ​ၶုပ်ႉ​မူပ်ႇ​ၵႃႈ​ၼိူဝ်​လိၼ်​ယူႇ​သေ​လႄႈ​ဝႃႈ၊-</verse>
				<verse number="2">တူၺ်း​ၶႃႈ​လူး၊ ၸဝ်ႈ​ၵဝ်​ၶႃႈ​ၶဝ်​ဢိူၺ်း၊ ၶႅၼ်း​တေႃႈ​ၶဝ်ႈ​ၵႃႈ​တီႈ​ၼႂ်း​ႁိူၼ်း​ၶႃႈ​ၸဝ်ႈ​သေ​လႄႈ ယူႇ​တင်း​ၶိုၼ်း​သေ​ၵမ်း​တီႈ​ၶႃႈ၊ သုၵ်ႈ​တိၼ် သေ​ၵမ်း​တီႈ​ၶႃႈ၊ ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ၸင်ႇ လုၵ်ႉ​လႄႈ​ၵႂႃႇ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ႁဝ်း​ဢမ်ႇ​ၶဝ်ႈ​ယဝ်ႉ၊ ႁဝ်း​တၵ်း​ယူႇ​ၵႃႈ​တီႈ​ၵၢင်​တၢင်း​ၼႆႉ​တင်း​ၶိုၼ်း​ဢေႃႈ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="3">ပိူဝ်ႈ​ဢၼ်​မၼ်း​တွင်း​ပၢၼ်ႇ​ၸူဝ်း​ဢဝ်​ၶဝ်​ၼႃႇ​လူင်​လၢင်​လႄႈ ၶဝ်​ၵႂႃႇ​ၸူး​ၵႃႈ​တီႈ​ဢၼ်​မၼ်း​ယူႇ​ၼၼ်ႉ​လႄႈ ၶဝ်ႈ​ၵႃႈ​ၼႂ်း​ႁိူၼ်း​မၼ်း​ဢေႃႈ။ မၼ်း​ၵေႃႈ​ႁဵတ်း​ပွႆး​ပုၼ်ႈ​ၶဝ်​လႄႈ ၼိုင်ႈ​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​သေ​ယဝ်ႉ၊ ၶဝ်​ဢွၼ်​ၵၼ်​ၵိၼ်​ဢေႃႈ။</verse>
				<verse number="4">ၸူဝ်ႈ​ဢၼ်​ၶဝ်​ဢမ်ႇ​ပႆႇ​ၼွၼ်း​ၼၼ်ႉ​ၸိုင်၊ ၵူၼ်း​ၸၢႆး​ဝဵင်း​ သေႃးတုမ်ႇ ​လဵၵ်ႉ​လဵၵ်ႉ​ယႂ်ႇ​ယႂ်ႇ ဢၼ်​လုၵ်ႉ​သေ​ၵူႈ​တီႈ​ၵူႈ​လႅၼ်​မႃး​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ဝႅင်း​ႁွပ်ႈ​ႁိူၼ်း​သေ​လႄႈ၊-</verse>
				<verse number="5">သႅၼ်ႇ​ႁွင်ႉ​တီႈ​ လေႃးတႃႉ ​လႄႈ​ဝႃႈ၊ ၵူၼ်း​ဢၼ်​မႃး​ၶဝ်ႈ​ၵႃႈ​ၼႂ်း​ႁိူၼ်း​မႂ်း​ၶမ်ႈ​ၼႆႉ​ၸိူဝ်း​ၼၼ်ႉ​မီး​ၵႃႈ​လႂ်။ ပိူဝ်ႈ​ဢၼ်​ႁဝ်း​ၶႂ်ႈ​သိူၵ်ႈ​သမ်ႇ​ၵၼ်​တင်း​ၶဝ်​လႄႈ ဢဝ်​ၶဝ်​ဢွၵ်ႇ​မႃး​ၸူး​ၵႃႈ​တီႈ​ႁဝ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">လေႃးတႃႉ ​ၵေႃႈ​ဢွၵ်ႇ​ၵႃႈ​ၼွၵ်ႈ​ၽၵ်း​တူ​ၸူး​တီႈ​ၶဝ်​လႄႈ ဢိုတ်း​ၽၵ်း​တူ​ၽၢႆႇ​တၢင်း​လင်​မၼ်း​သေ​ယဝ်ႉ၊-</verse>
				<verse number="7">လၢတ်ႈ​လႄႈ​ဝႃႈ၊ ပီႈ​ၼွင်ႉ​ၶဝ်​ဢိူၺ်း၊ ၶႅၼ်း​တေႃႈ​ယႃႇ​ပေ​ႁဵတ်း​ဢမူႉ​ဢႃႉထမ်ႇမႃႉ​ထၢၼ်ႇ​ၼႆႉ​သေ​ၵမ်း။-</verse>
				<verse number="8">ၵဝ်​ၶႃႈ​မီး​လုၵ်ႈ​ယိင်း​သွင်​ၵေႃႉ ဢၼ်​ဢမ်ႇ​ပႆႇ​သိူၵ်ႈ​သမ်ႇ​ၵၼ်​တင်း​ၵူၼ်း​ၸၢႆး​ဢေႃႈ။ ၶႅၼ်း​တေႃႈ​ပၼ်​ဢၶႂၢင်ႉ ႁႂ်ႈ​လႆႈ​ဢဝ်​ဢွၵ်ႇ​ပၼ်​တီႈ​သူ​သေ​ၵမ်း။ ၶႂ်ႈ​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၶဝ်​ၵေႃႈ​ႁဵတ်း​သေ​ၵမ်း​တႃႉ။ တီႈ​ၵူၼ်း​ၸိူဝ်း​ၼႆႉ​ၸိုင် ယႃႇ​ပေ​ႁဵတ်း​ၵႃႈ​သင်​သေ​ၵမ်း။ လွင်ႈ​မၼ်း​ၸမ်ႉ ၶဝ်​ၼႆႉ ၶဝ်ႈ​သွၼ်ႈ​ပိုင်ႈ​ၵႃႈ​တႂ်ႈ​မုင်း​ႁိူၼ်း​ၵဝ်​ၶႃႈ​ဢေႃႈ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="9">ၶဝ်​ၼၼ်ႉ​လၢတ်ႈ​လႄႈ​ဝႃႈ၊ သုတ်ႉ​ဝႄႈ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵမ်း​ၼၼ်ႉ ၶဝ်​သမ်ႉ​လၢတ်ႈ​လႄႈ​ဝႃႈ၊ ဢၢႆႈ​ၼႆႉ​မႃး​ႁႂ်ႈ​လႆႈ​သွၼ်ႈ​ပိုင်ႈ​ယူႇ​ၵူၺ်း​ဢေႃႈ။ မၼ်း​တၵ်း​လႆႈ​ႁဵတ်း​ၵေႃႉ​ဢၼ်​ၸီႇ​ယၢင်ႇ​တြႃး​ၵႃႈ​ၼိူဝ်​ႁဝ်း​ႁိုဝ်။ တေႃႈ​လဵဝ်​ၼႆႉ ႁဝ်း​တၵ်း​ႁဵတ်း​ဢမူႉ​ဢၼ်​ႁုၵ်း​ဢၼ်​ႁၢႆႉ​တီႈ​မႂ်း ၼႃႇ​သေ​ဢမူႉ​ဢၼ်​ႁဵတ်း​တီႈ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၽိုတ်ႉ​ဢီး​ လေႃးတႃႉ ​ၼႃႇ​လူင်​လၢင်​လႄႈ သုတ်ႉ​ၸမ်​မႃး ႁႂ်ႈ​လႆႈ​ဢဝ်​ၽၵ်း​တူ​တႅၵ်ႇ​လႅဝ်​ပႅတ်ႈ​ဢေႃႈ။-</verse>
				<verse number="10">မိူဝ်ႈ​ၼၼ်ႉ​တမၢၼ်ႇ​ၵၢင်​ႁၢဝ်​ၸိူဝ်း​ၼၼ်ႉ ယိုၼ်ႈ​မိုဝ်း​ဢွၵ်ႇ​ၵႃႈ​ၼွၵ်ႈ​လႄႈ တိုတ်ႉ​ၸၼ်​ဢဝ်​ လေႃးတႃႉ ​သႂၢင်း​သႂ်ႇ​ၵႃႈ​ၼႂ်း​ႁိူၼ်း တီႈ​ဢၼ်​ၶဝ်​မီး​ၼၼ်ႉ​သေ​ယဝ်ႉ၊ ဢိုတ်း​ၽၵ်း​တူ​သေ​ဢေႃႈ။-</verse>
				<verse number="11">ၶဝ်​ၼၼ်ႉ​ပၼ်​တၢမ်ႇ​လႄႈ​ႁႂ်ႈ​ၶဝ်​ၸိူဝ်း​ဢၼ်​မီး​တီႈ​ၼႃႈ​ၽၵ်း​တူ​ႁိူၼ်း​ၸဵမ်​လဵၵ်ႉ​ၸဵမ်​ယႂ်ႇ​ၼၼ်ႉ တႃ​မွတ်ႇ​ထၼ်ႈ​ပေႃး​ႁႂ်ႈ​ၶဝ်​လႆႈ​လႄႇ​ႁႃ​ၽၵ်း​တူ ထိုင်​ႁွတ်ႈ​တၢင်း​ဢၼ်​ယၢပ်ႇ​ၸႂ်​ၽိုတ်ႇ​ၸႂ်​ၼႃႇ​လူင်​လၢင်​ဢေႃႈ။</verse>
				<verse number="12">တမၢၼ်ႇ​ၵၢင်​ႁၢဝ်​ၸိူဝ်း​ၼၼ်ႉ​ၵေႃႈ လၢတ်ႈ​တီႈ​ လေႃးတႃႉ ​လႄႈ​ဝႃႈ၊ ၵႃႈ​တီႈ​ၼႆႈ​မီး​ၶဝ်​ၸိူဝ်း​ဢၼ် ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ​လူး​ၵွၼ်ႇ​ႁိုဝ်။ ဢဝ်​လုၵ်ႈ​ၶူၺ်​လႂ်၊ လုၵ်ႈ​ၸၢႆး​လႂ်၊ လုၵ်ႈ​ယိင်း​လႂ်၊ ဢိၵ်ႇ​တင်း​ၵႃႈ​ဢၼ်​မီး ၵႃႈ​တီႈ​မႂ်း​ၵႃႈ​ၼႂ်း​ဝဵင်း​ၼႆႉ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​တီႈ​ၼႆႈ​ၵႂႃႇ​တႃႉ။-</verse>
				<verse number="13">ႁဝ်း​တၵ်း​လႆႈ​ယႃႉ​တီႈ​ၼႆႈ​ပႅတ်ႈ​ဢေႃႈ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​သဵင်​တၢင်း​ဢၼ်​ၵူၼ်း​ၵႃႈ​တီႈ​ၼႆႈ ဢွၼ်​ၵၼ်​ႁွင်ႉ​သႅၼ်ႇ​ၼၼ်ႉ​ယႂ်ႇ​ၼႃႇ​လူင်​လၢင် ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ၊ ထႃႇဝရႃႉ​ၽြႃး​ပွႆႇ​ၸႂ်ႉ​ႁဝ်း​မႃး ႁႂ်ႈ​လႆႈ​ယႃႉ​ဝဵင်း​ၼႆႉ​ပႅတ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">လေႃးတႃႉ ​ဢွၵ်ႇ​သေ​လႄႈ​မွၵ်ႇ​လၢတ်ႈ​တီႈ​လုၵ်ႈ​ၶူၺ်​မၼ်း ဢၼ်​မၢႆ​ၵၼ်​တင်း​လုၵ်ႈ​ယိင်း​မၼ်း​ဝႆႉ​ၸိူဝ်း​ၼၼ်ႉ​လႄႈ​ဝႃႈ၊ လုၵ်ႉ​တႃႉ။ ဢွၵ်ႇ​သေ​ၵႃႈ​ၼႂ်း​တီႈ​ၼႆႈ​ၵႂႃႇ​တႃႉ။ ထႃႇဝရႃႉ​ၽြႃး​တၵ်း​ယႃႉ​ဝဵင်း​ၼႆႉ​ပႅတ်ႈ​ဢေႃႈ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊ လုၵ်ႈ​ၶူၺ်​မၼ်း​ၸိူဝ်း​ၼၼ်ႉ ထၢင်ႇ​မၼ်း​မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ယဝ်ႉ​ယွၵ်ႇ​လဵၼ်ႈ​ၼၼ်ႉ​ယူႇ​ဢေႃႈ။</verse>
				<verse number="15">မိူဝ်ႈ​ဢၼ်​မိူင်း​လႅင်း​မႃး​ၸိုင်၊ တမၢၼ်ႇ​ၵၢင်​ႁၢဝ်​ၸိူဝ်း​ၼၼ်ႉ တိုၵ်း​ယူင်း​ႁႂ်ႈ​ လေႃးတႃႉ ​ႁဵတ်း​ၶၼ်​ၶၼ်​ၽႂ်း​ၽႂ်း​လႄႈ​ဝႃႈ၊ မႂ်း​လုၵ်ႉ​လႄႈ ဢဝ်​မေး​မႂ်း ဢိၵ်ႇ​တင်း​လုၵ်ႈ​ယိင်း​မႂ်း​သွင်​ၵေႃႉ​ဢၼ်​မီး​ယူႇ​ၵႃႈ​တီႈ​ၼႆႈ​ၸိူဝ်း​ၼႆႉ​ဢွၵ်ႇ​ၵႂႃႇ​တႃႉ။ ပေႃး​ဢမ်ႇ​ၼၼ် မႂ်း​တၵ်း​ႁွတ်ႈ​ထိုင်​တၢင်း​ဢၼ်​သုမ်း​ဢၼ်​ၸွမ်း​ၵႃႈ​ၼႂ်း​ဢပႅတ်ႈ​ဝဵင်း​ၼႆႉ​ဢေႃႈ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="16">မၼ်း​ႁဵတ်း​ၵွႆႈ​ႁဵတ်း​ထိူင်း​ယူႇ​လႄႈ ပိူဝ်ႈ​ဢၼ်​ထႃႇဝရႃႉ​ၽြႃး​ဢဵတ်း​လူ​လႄႈ တမၢၼ်ႇ​ၵၢင်​ႁၢဝ်​ၸိူဝ်း​ၼၼ်ႉ တိုတ်ႉ​ၸၼ်​ဢဝ်​မိုဝ်း​မၼ်း ဢိၵ်ႇ​တင်း​မိုဝ်း​မေး​မၼ်း တင်း​မိုဝ်း​လုၵ်ႈ​ယိင်း​မၼ်း​သွင်​ၵေႃႉ​ၼၼ်ႉ ဢွၵ်ႇ​သေ​လႄႈ​ဝႆႉ​ၵႃႈ​တီႈ​ၼွၵ်ႈ​ဝဵင်း​ဢေႃႈ။</verse>
				<verse number="17">မိူဝ်ႈ​ဢၼ်​ၶဝ်​ၼၼ်ႉ ဢဝ်​ၶဝ်​ဢွၵ်ႇ​ၵႃႈ​ၼွၵ်ႈ​ယဝ်ႉ​ၼၼ်ႉ​ၸိုင် မၼ်း​ၸဝ်ႈ​လၢတ်ႈ​လႄႈ​ဝႃႈ၊ လႅၼ်ႈ​ပၢႆႈ​လွတ်ႈ​ၽေး​ၵႂႃႇ​ႁႂ်ႈ​ဢသၢၵ်ႈ​မႂ်း​လႆႈ​ၵတ်း​ယဵၼ်​ၶျၢမ်း​သႃႇ​တႃႉ။ ယႃႇ​ပေ​ဝၢႆႇ​တူၺ်း​ၶိုၼ်း​တၢင်း​လင်။ ယႃႇ​ပေ​ယူႇ​ၵႃႈ​ၼႂ်း​ပၢင်ႇ​ပဵင်း​ၼႆႉ​လႃး​လႃး။ လႅၼ်ႈ​ပၢႆႈ​ၵႂႃႇ​ၵႃႈ​ၼိူဝ်​လွႆ​တႃႉ။ ပေႃး​ဢမ်ႇ​ၼၼ် မႂ်း​တၵ်း​သုမ်း​တၵ်း​ၸွမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">လေႃးတႃႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၵဝ်​ၶႃႈ​ဢိူၺ်း၊ ယႃႇ​ပေ​ဝႃႈ​ၸိူဝ်ႉ​ၼင်ႇ​ၼၼ်​သေ​ၵမ်း​တီႈ​ၶႃႈ။-</verse>
				<verse number="19">တေႃႈ​လဵဝ်​ၼႆႉ ၶႃႈ​ၸဝ်ႈ​လႆႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ႁႂ်ႈ​ၵျေး​ၸူး​ၵရူႉၼႃႇ ဢၼ်​ၸဝ်ႈ​ႁဝ်း​ၼႄ​ႁဵတ်း​ၼႂ်း​လွင်ႈ​ဢၼ် ႁႂ်ႈ​ဢသၢၵ်ႈ​ၶႃႈ​ၸဝ်ႈ​လႆႈ​ၵတ်း​ယဵၼ်​ၶျၢမ်း​သႃႇ​ၼႆႉ​ယႂ်ႇ​ၼမ်​ၼႃႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ဢမ်ႇ​လႅၼ်ႈ​ပၢႆႈ​လွတ်ႈ​ၽေး​ၵႂႃႇ​ၸူး​ၵႃႈ​တီႈ​လွႆ​ပုၼ်ႉ​လႆႈ​တီႈ​ၶႃႈ၊ ၵူဝ်​ၽေး​သေ​ၸိူဝ်ႉ​သေ​ပိူင် တၵ်း​ႁွတ်ႈ​ထိုင်​ၵႃႈ​ၼိူဝ်​ၶႃႈ​ၸဝ်ႈ​လႄႈ တၢႆ​တီႈ​ၶႃႈ​ဢေႃႈ။-</verse>
				<verse number="20">တူၺ်း​တီႈ​ၶႃႈ​လူး၊ ဝဵင်း​ၼၼ်ႉ​ၸမ်​လႄႈ ပၢႆႈ​ၵႂႃႇ​ၸူး​ငၢႆႈ​တီႈ​ၶႃႈ​ဢေႃႈ။ ဝဵင်း​ဢၼ်​လဵၵ်ႉ​ဢၼ်​ဢွၼ်ႇ​ၵေႃႈ​ပဵၼ်​တီႈ​ၶႃႈ​ဢေႃႈ။ ႁႂ်ႈ​လႆႈ​လႅၼ်ႈ​ပၢႆႈ​လွတ်ႈ​ၽေး​ၵႂႃႇ​ၸူး​ၵႃႈ​တီႈ​ၼၼ်ႈ​သေ​ၵမ်း​တီႈ​ၶႃႈ၊ ဝဵင်း​ၼၼ်ႉ​ပဵၼ်​ဝဵင်း​ဢၼ်​လဵၵ်ႉ​ဢၼ်​ဢွၼ်ႇ ဢမ်ႇ​ၸႂ်ႈ​တီႈ​ၶႃႈ​ႁိုဝ်။ သင်​ပၢႆႈ​ၵႂႃႇ​ၸိူဝ်ႉ​ၼင်ႇ​ၼၼ်​ၸိုင် ဢသၢၵ်ႈ​ၶႃႈ​ၸဝ်ႈ​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ တူၺ်း​လူး၊ ၼႂ်း​တီႈ​ႁဵင်း​ၼႆႉ​ၵေႃႈ ၵဝ်​လႆႈ​ထွမ်ႇ​ဢဝ်​ၵႂၢမ်း​မႂ်း​လႄႈ တၵ်း​ဢမ်ႇ​ယႃႉ​ဝဵင်း​ဢၼ်​မႂ်း​တွင်း​ပၢၼ်ႇ​ၼၼ်ႉ​ပႅတ်ႈ​ၵူၺ်ႉ။-</verse>
				<verse number="22">ႁဵတ်း​ၶၼ်​ၶၼ်​ၽႂ်း​ၽႂ်း​လႄႈ လႅၼ်ႈ​ပၢႆႈ​လွတ်ႈ​ၽေး​ၵႂႃႇ​ၸူး​ၵႃႈ​တီႈ​ဝဵင်း​ၼၼ်ႉ​တႃႉ။ ၸူဝ်ႈ​ဢၼ်​မႂ်း​ဢမ်ႇ​ပႆႇ​လႆႈ​ႁွတ်ႈ​ထိုင်​ၵႃႈ​တီႈ​ဝဵင်း​ၼၼ်ႉ​ၸိုင် ၵဝ်​ဢမ်ႇ​ႁဵတ်း​ၵႃႈ​သင်​သေ​ၸိူဝ်ႉ​သေ​ပိူင်​လႆႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ ဝဵင်း​ၼၼ်ႉ​ၸိုင် ႁွင်ႉ​ႁဵၵ်ႈ​ၸိုဝ်ႈ​ဝဵင်း​ ၸေႃးရႃႉ ​ဢေႃႈ။</verse>
				<verse number="23">မိူဝ်ႈ​ဢၼ်​ လေႃးတႃႉ ​ၶဝ်ႈ​ႁွတ်ႈ​ၵႃႈ​ၼႂ်း​ဝဵင်း​ ၸေႃးရႃႉ ​ၼၼ်ႉ​ပဵၼ်​ၶိင်ႇ​ဢၼ်​ၵၢင်​ဝၼ်း​ဢွၵ်ႇ​ၵႃႈ​ၼိူဝ်​လိၼ်​မိူင်း​ဢေႃႈ။</verse>
				<verse number="24">မိူဝ်ႈ​ၼၼ်ႉ ထႃႇဝရႃႉ​ၽြႃး​ႁႂ်ႈ​ၽူၼ်​ဢၼ်​ပဵၼ်​ၽႆး​တင်း​ၵၢၼ်ႉ လုၵ်ႉ​သေ​ၵႃႈ​တီႈ​မၼ်း​ၸဝ်ႈ​ၵႃႈ​ၼိူဝ်​ၵၢင်​ႁၢဝ်​ပုၼ်ႉ တူၵ်း​လူင်း​သႂ်ႇ​ၵႃႈ​ၼိူဝ်​ဝဵင်း​ သေႃးတုမ်ႇ ​တင်း​ဝဵင်း​ ၵေႃးမေႃးရႃႉ ​ဢေႃႈ။-</verse>
				<verse number="25">မၼ်း​ၸဝ်ႈ​ၶႂမ်ႈ​ပိၼ်ႈ​ဝဵင်း​ၸိူဝ်း​ၼၼ်ႉ၊ ပၢင်ႇ​ပဵင်း​ၼၼ်ႉ​တင်း​သဵင်ႈ​တင်း​လူင်၊ ၵူၼ်း​ဝဵင်း​တင်း​သဵင်ႈ​တင်း​လူင်၊ ၵႃႈ​ဢၼ်​ဢွၵ်ႇ​ၵႃႈ​ၼိူဝ်​လိၼ်​ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="26">မေး​မၼ်း​ၸမ်ႉ ဝၢႆႇ​တူၺ်း​ၶိုၼ်း​တၢင်း​လင်​လႄႈ ပဵၼ်​သဝ်​ၵိူဝ်​ၵႂႃႇ​သေ​ဢေႃႈ။</verse>
				<verse number="27">ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ ဢႃႇပြႃႇႁၢမ်ႇ ​လုၵ်ႉ​လႄႈ ၵႂႃႇ​ၸူး​တီႈ​ဢၼ်​မၼ်း​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​သေ​ယဝ်ႉ၊-</verse>
				<verse number="28">မုင်ႈ​တူၺ်း​ၸႃႉ​ၸဵမ်​ဝဵင်း​ သေႃးတုမ်ႇ ​လႄႈ​ဝဵင်း​ ၵေႃးမေႃးရႃႉ ဢိၵ်ႇ​တင်း​ၵႃႈ​ဢၼ်​ပဵၼ် ပၢင်ႇ​ပဵင်း​ၵူႈ​တီႈ​ၵူႈ​လႅၼ်​ၸိူဝ်း​ၼၼ်ႉ​လႄႈ ႁၼ်​ဢၢႆ​ၵႂၼ်း​မိူင်း​ၼၼ်ႉ ၶိုၼ်ႈ​ယူႇ​မိူၼ်​ၸိူဝ်ႉ​ၼင်ႇ​ဢၢႆ​ၵႂၼ်း​မုၵ်ႉ​ၽႆး​ဢေႃႈ။-</verse>
				<verse number="29">ၼင်ႇ​ၼၼ်​လႄႈ မိူဝ်ႈ​ဢၼ်​ၽြႃး​ပဵၼ်​ၸဝ်ႈ​ယႃႉ​ဝဵင်း​ဢၼ်​မီး​ၵႃႈ​ၼႂ်း​ပၢင်ႇ​ပဵင်း​ၸိူဝ်း​ၼၼ်ႉ​ပႅတ်ႈ​ၼၼ်ႉ၊ ၽြႃး​ပဵၼ်​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ ဢႃႇပြႃႇႁၢမ်ႇ ​လႄႈ ၼႂ်း​မိူဝ်ႈ​ဢၼ်​ၶႂမ်ႈ​ပိၼ်ႈ​ဝဵင်း​ဢၼ်​ လေႃးတႃႉ ​ယူႇ​ၸိူဝ်း​ၼၼ်ႉ​ပႅတ်ႈ​ၼၼ်ႉ​ၸိုင် မၼ်း​ၸဝ်ႈ​ပွႆႇ​ လေႃးတႃႉ ​လွတ်ႈ​ၵႃႈ​ၼႂ်း​တၢင်း​ဢၼ် ၶႂမ်ႈ​ပိၼ်ႈ​ပႅတ်ႈ​ၼၼ်ႉ​ဢေႃႈ။</verse>
				<verse number="30">လေႃးတႃႉ ​သမ်ႉ​ဢွၵ်ႇ​သေ​ၵႃႈ​ၼႂ်း​ဝဵင်း​ ၸေႃးရႃႉ ​ၼၼ်ႉ​လႄႈ ယူႇ​ၵႃႈ​ၼိူဝ်​လွႆ​လူၺ်ႈ​ၵၼ်​တင်း​လုၵ်ႈ​ယိင်း​မၼ်း​သွင်​ၵေႃႉ​ၼၼ်ႉ​ဢေႃႈ။ မၼ်း​ဢမ်ႇ​ႁတ်း​ယူႇ​ၵႃႈ​ၼႂ်း​ဝဵင်း​ ၸေႃးရႃႉ ​လႄႈ ယူႇ​ၵႃႈ​ၼႂ်း​ထမ်ႈ​လူၺ်ႈ​ၵၼ်​တင်း​လုၵ်ႈ​ယိင်း​မၼ်း​သွင်​ၵေႃႉ​ၼၼ်ႉ​ဢေႃႈ။-</verse>
				<verse number="31">လုၵ်ႈ​ယိင်း​ၵေႃႉ​ယႂ်ႇ​လၢတ်ႈ​တီႈ​ၼွင်ႉ​ယိင်း​မၼ်း​လႄႈ​ဝႃႈ၊ ပေႃႈ​ႁဝ်း​ၼႆႉ​ထဝ်ႈ​ယဝ်ႉ။ ၵႃႈ​ၼိူဝ်​လိၼ်​မိူင်း​ၼႆႉ​ၽူႈ​ၸၢႆး ဢၼ်​တၵ်း​လႆႈ​ၶဝ်ႈ​ၸူး​တီႈ​ႁဝ်း ၸွမ်း​ၼင်ႇ​ၽႃႇသႃႇ​ၵူၼ်း​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင်​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။-</verse>
				<verse number="32">မႃး​ဢိူၺ်း၊ တိုၵ်း​ၼမ်ႉ​ၸပိတ်ႈ​တီႈ​ပေႃႈ​ႁႃး​တႃႉ​ႁႃး၊ ၼွၼ်း​လူၺ်ႈ​ၵၼ်​တင်း​မၼ်း​ႁႂ်ႈ​ၸိူဝ်ႉ​ၶိူဝ်း​ပေႃႈ​ႁႃး လႆႈ​သိုပ်ႇ​ၵႂႃႇ​တႃႉ​ႁႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ၼႂ်း​ၶိုၼ်း​ၼၼ်ႉ၊ သွင်​ၶႃ​တိုၵ်း​ၼမ်ႉ​ၸပိတ်ႈ​တီႈ​ပေႃႈ​သွင်​ၶႃ​သေ​ယဝ်ႉ၊ လုၵ်ႈ​ယိင်း​ၵေႃႉ​ယႂ်ႇ​ၶဝ်ႈ​ၸူး​လႄႈ​ၼွၼ်း​လူၺ်ႈ​ၵၼ်​တင်း​ပေႃႈ​မၼ်း​ဢေႃႈ။ ပေႃႈ​မၼ်း​ဢမ်ႇ​ႁူႉ​လွင်ႈ​ဢၼ်​မၼ်း​ၼွၼ်း​ဢိၵ်ႇ​တင်း​လွင်ႈ​ဢၼ်​မၼ်း​လုၵ်ႉ​ၼၼ်ႉ။-</verse>
				<verse number="34">ၼႂ်း​ဝၼ်း​မိူဝ်ႈ​ၽုၵ်ႈ ၵေႃႉ​ယႂ်ႇ​ၼၼ်ႉ​လၢတ်ႈ​တီႈ​ၼွင်ႉ​ယိင်း​မၼ်း​လႄႈ​ဝႃႈ၊ မိူဝ်ႈ​ၶမ်ႈ​ဝႃး​ၵဝ်​လႆႈ​ၼွၼ်း​လူၺ်ႈ​ၵၼ်​တင်း​ပေႃႈ​ၵဝ်​ယဝ်ႉ။ ၶမ်ႈ​ၼႆႉ​သမ်ႉ​တိုၵ်း​ၼမ်ႉ​ၸပိတ်ႈ​တီႈ​မၼ်း​ထႅင်ႈ​တႃႉ​ႁႃး။ မႂ်း​ၶဝ်ႈ​ၸူး​လႄႈ​ၼွၼ်း​လူၺ်ႈ​ၵၼ်​တင်း​မၼ်း ႁႂ်ႈ​ၸိူဝ်ႉ​ၶိူဝ်း​မၼ်း​လႆႈ​သိုပ်ႇ​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ၼႂ်း​ၶိုၼ်း​ၼၼ်ႉ​ၵေႃႈ သွင်​ၶႃ​သမ်ႉ​တိုၵ်း​ၼမ်ႉ​ၸပိတ်ႈ​တီႈ​ပေႃႈ​သွင်​ၶႃ​သေ​ယဝ်ႉ လုၵ်ႈ​ယိင်း​ၵေႃႉ​လဵၵ်ႉ​ၶဝ်ႈ​ၸူး​လႄႈ​ၼွၼ်း​လူၺ်ႈ​ၵၼ်​တင်း​ပေႃႈ​မၼ်း​ဢေႃႈ။ ပေႃႈ​မၼ်း​ၼၼ်ႉ ဢမ်ႇ​ႁူႉ​လွင်ႈ​ဢၼ်​မၼ်း​ၼွၼ်း​ဢိၵ်ႇ​တင်း​လွင်ႈ​ဢၼ်​မၼ်း​လုၵ်ႉ​ၼၼ်ႉ။-</verse>
				<verse number="36">ၼင်ႇ​ၼၼ်​လႄႈ လုၵ်ႈ​ယိင်း​ လေႃးတႃႉ သွင်​ၵေႃႉ​ၼၼ်ႉ​ပႃး​ပတိၵ်ႉသၼ်ႇထေႇ ၵွပ်ႈ​ပိူဝ်ႈ​ပေႃႈ​သွင်​ၶႃ​ၼၼ်ႉ​ဢေႃႈ။-</verse>
				<verse number="37">လုၵ်ႈ​ယိင်း​ၵေႃႉ​ယႂ်ႇ​ၼၼ်ႉ ၵိူတ်ႇ​လဵင်ႉ​လုၵ်ႈ​ၸၢႆး​လႄႈ ႁွင်ႉ​ႁဵၵ်ႈ​ၸိုဝ်ႈ​မၼ်း​ မေႃႇၽႃႉ ​ဢေႃႈ။ ၵေႃႉ​ၼၼ်ႉ​ပဵၼ်​ပေႃႈ​ၵူၼ်း​ မေႃႇၽႃႉ ​တင်း​လၢႆ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="38">လုၵ်ႈ​ယိင်း​ၵေႃႉ​လဵၵ်ႉ​ၵိူတ်ႇ​လဵင်ႉ​လုၵ်ႈ​ၸၢႆး​လႄႈ ႁွင်ႉ​ႁဵၵ်ႈ​ၸိုဝ်ႈ​မၼ်း ပိၼ်ႇဢမ်ႇမီႉ ​ဢေႃႈ။ ၵေႃႉ​ၼၼ်ႉ​ပဵၼ်​ပေႃႈ​ၵူၼ်း ဢမ်ႇမုၼ်ႇ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
			</chapter>
			<chapter number="20">
				<verse number="1">ၵမ်း​ၼၼ်ႉ ဢႃႇပြႃႇႁၢမ်ႇ ​ၸွမ်း​တၢင်း​ၵႂႃႇ​ၸူး​ၵႃႈ​တီႈ​မိူင်း​ပွတ်း​တၢင်း​ၸၢၼ်း​လႄႈ ယူႇ​ၵႃႈ​ၼႂ်း​ဝူင်ႈ​ၵၢင်​ဝဵင်း ၵႃႇတေႇသႃႉ တင်း​ဝဵင်း​ သူႉရႃႉ ​လႄႈ သွၼ်ႈ​ပိုင်ႈ​ယူႇ​ၵႃႈ​ၼႂ်း​ဝဵင်း​ ၵေႇရႃႇ ​ဢေႃႈ။-</verse>
				<verse number="2">မိူဝ်ႈ​ၼၼ်ႉ ဢႃႇပြႃႇႁၢမ်ႇ ​လၢတ်ႈ​လွင်ႈ​မေး​မၼ်း​ ၸႃႇရႃႇ ​ၼၼ်ႉ​တီႈ​ပိူၼ်ႈ​လႄႈ​ဝႃႈ၊ မၼ်း​ပဵၼ်​ၼွင်ႉ​ယိင်း​ၵဝ်​ဢေႃႈ​၊ ဝႃႈ​ၼင်ႇ​ၼႆ​လႄႈ ဢၽီႉမလႅၵ်ႉ ၶုၼ်​လူင်​ဝဵင်း​ ၵေႇရႃႇ ​ၼၼ်ႉ ပွႆႇ​ၸႂ်ႉ​ၶႃႈ​မၼ်း​ၵူၼ်း​မၼ်း​မႃး​လႄႈ ဢဝ်​ ၸႃႇရႃႇ ​ၵႂႃႇ​ဢေႃႈ။-</verse>
				<verse number="3">ၼႂ်း​ၶိင်ႇ​ၵၢင်​ၶိုၼ်း၊ ၽြႃး​ပဵၼ်​ၸဝ်ႈ​ပေႃႇ​မႃး​ၵႃႈ​ၼႂ်း​တၢင်း​ဢၼ် ၼွၼ်း​ၽၼ်​ႁၼ်​ၵႃႈ​တီႈ​ ဢၽီႉမလႅၵ်ႉ ​ၼၼ်ႉ​လႄႈ​ဝႃႈ၊ တူၺ်း​လူး၊ မႂ်း​ပဵၼ်​ၵူၼ်း​တၢႆ ၵွပ်ႈ​ပိူဝ်ႈ​မႄႈ​ယိင်း​ဢၼ်​မႂ်း​ဢဝ်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ပဵၼ်​မေး​ပိူၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ဢၽီႉမလႅၵ်ႉ ​ၵေႃႈ ၵွပ်ႈ​ပိူဝ်ႈ​ဢၼ်​ဢမ်ႇ​ပႆႇ​လႆႈ​တိူဝ်ႉ​လႆႈ​ထုၵ်ႇ​ၵၼ်​တင်း​မၼ်း​လႄႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၽြႃး​တီႈ​ၶႃႈ၊ ၸဝ်ႈ​ႁဝ်း​တၵ်း​ဢဝ်​ၵူၼ်း​မဵဝ်း​ဢၼ်​သိုဝ်ႈ​တေႃႇ​တၢႆ​တီႈ​ၶႃႈ​ႁိုဝ်။-</verse>
				<verse number="5">ၵေႃႉ​ၼၼ်ႉ​လၢတ်ႈ​တီႈ​ၶႃႈ​ၸဝ်ႈ​လႄႈ​ဝႃႈ၊ မၼ်း​ၼႆႉ​ပဵၼ်​ၼွင်ႉ​ယိင်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ တူဝ်​မႄႈ​ယိင်း​ၵေႃႈ​လၢတ်ႈ​လႄႈ​ဝႃႈ၊ မၼ်း​ပဵၼ်​ပီႈ​ၸၢႆး​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ၶႃႈ​ၸဝ်ႈ​မီး​တင်း​သၽေႃး​ဢၼ်​သိုဝ်ႈ​တေႃႇ ဢိၵ်ႇ​တင်း မိုဝ်း​ဢၼ်​မူတ်း​ၸၢင်ႇ​သေ​လႄႈ ႁဵတ်း​ဢမူႉ​ၼႆႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၽြႃး​ပဵၼ်​ၸဝ်ႈ​ၵေႃႈ လၢတ်ႈ​ၼႂ်း​တၢင်း​ဢၼ်​ၼွၼ်း​ၽၼ်​ႁၼ်​ၼၼ်ႉ​လႄႈ​ဝႃႈ၊ ၸႂ်ႈ​တႄႉ​တႄႉ​ဢေႃႈ။ ၵဝ်​ႁူႉ​လွင်ႈ​ဢၼ်​မႂ်း​မီး​သၽေႃး​ဢၼ်​သိုဝ်ႈ​တေႃႇ​လႄႈ ႁဵတ်း​ၼၼ်ႉ​ယူႇ​ဢေႃႈ။ ၼင်ႇ​ႁိုဝ်​မႂ်း​တၵ်း​ဢမ်ႇ​လႆႈ​ၽိတ်း​ပိူင်ႈ​ၵဝ်​ၸိုင် ၵဝ်​ႁႄႉ​ၶႅၼ်​မႂ်း​ဢေႃႈ။ ပိူဝ်ႈ​ၼႆ​လႄႈ ၵဝ်​ဢမ်ႇ​ပၼ်​ဢၶႂၢင်ႉ​တၢင်း​ဢၼ်​တိူဝ်ႉ​ထုၵ်ႇ​ၵၼ်​တင်း​မႄႈ​ယိင်း​ၼၼ်ႉ။-</verse>
				<verse number="7">တေႃႈ​လဵဝ်​ၼႆႉ ဢဝ်​မေး​မၼ်း​ၼၼ်ႉ ၶိုၼ်း​ပၼ်​တီႈ​မၼ်း​သေ။ မၼ်း​ပဵၼ်​ပရေႃးၽႅတ်ႈ​ဢေႃႈ။ မၼ်း​တၵ်း​သူး​တွင်း​ပုၼ်ႈ​မႂ်း​လႄႈ ဢသၢၵ်ႈ​မႂ်း​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။ ပေႃး​မႂ်း​ယင်း​ဢမ်ႇ​ၶိုၼ်း​ပၼ်​လႄႈ​ယူႇ​ၸိုင် ၸႃႉ​ၸဵမ်​မႂ်း​လႄႈ​ၶဝ်​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​တင်း​သဵင်ႈ​တင်း​လူင် တၵ်း​လႆႈ​တၢႆ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ ဢၽီႉမလႅၵ်ႉ ​လုၵ်ႉ​လႄႈ ႁွင်ႉ​ဢဝ်​ၶႃႈ​မၼ်း​ၵူၼ်း​မၼ်း​တင်း​သဵင်ႈ​တင်း​လူင်​သေ​ယဝ်ႉ မွၵ်ႇ​လၢတ်ႈ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​တီႈ​ၶဝ်​လႄႈ ၶဝ်​ၼၼ်ႉ​ၵေႃႈ ၵူဝ်​ႁႄ​ၼႃႇ​လူင်​လၢင်​ဢေႃႈ။-</verse>
				<verse number="9">ဢႃႇပြႃႇႁၢမ်ႇ ​ၵေႃႈ၊ ဢၽီႉမလႅၵ်ႉ ​ႁွင်ႉ​ဢဝ်​လႄႈ​ဝႃႈ၊ မႂ်း​ႁဵတ်း​တီႈ​ၵဝ်​ၸိူဝ်ႉ​ၼင်ႇ​ႁိုဝ်​ယဝ်ႉ။ ၵွပ်ႈ​ပိူဝ်ႈ​ဢၼ် ၵဝ်​ၽိတ်း​ပိူင်ႈ​ၸိူဝ်ႉ​ၼင်ႇ​ႁိုဝ်​တီႈ​မႂ်း​လႄႈ မႂ်း​ႁႂ်ႈ​ဢပႅတ်ႈ​ဢၼ်​ယႂ်ႇ​ၼႃႇ​လူင်​လၢင်​ႁွတ်ႈ​မႃး​တီႈ​ၵဝ် ဢိၵ်ႇ​တင်း​မိူင်း​ၵဝ်​ၼင်ႇ​ႁိုဝ်။ ဢမူႉ​ဢၼ်​ဢမ်ႇ​ထုၵ်ႇ​လီ​ႁဵတ်း​ၸိုင် မႂ်း​ႁဵတ်း​တီႈ​ၵဝ်​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၵမ်း​ၼၼ်ႉ ဢၽီႉမလႅၵ်ႉ ​သမ်ႉ​ထၢမ်​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊ မႂ်း​ႁၼ်​ဢမူႉ​ၵႃႈ​သင်​လႄႈ ႁဵတ်း​ၸိူဝ်ႉ​ၼင်ႇ​ၼႆ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">ဢႃႇပြႃႇႁၢမ်ႇ ​ၶိုၼ်း​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​ၶႃႈ​ထၢင်ႇ​ၵူၼ်း​ၵႃႈ​တီႈ​ၼႆႈ​ဢမ်ႇ​ၵူဝ်​ဢမ်ႇ​ႁႄ​ၽြႃး​ပဵၼ်​ၸဝ်ႈ၊ တၵ်း​ဢဝ်​ၵဝ်​ၶႃႈ​တၢႆ​ၵွပ်ႈ​ပိူဝ်ႈ​မေး​ၵဝ်​ၶႃႈ​လႄႈ ၵဝ်​ၶႃႈ​လႆႈ​ႁဵတ်း​ၸိူဝ်ႉ​ၼင်ႇ​ၼႆ​မႅၼ်ႈ​ၶႃႈ​ယဝ်ႉ။-</verse>
				<verse number="12">ၵူၺ်း​ၵႃႈ မၼ်း​ပဵၼ်​ၼွင်ႉ​ယိင်း​ၵဝ်​ၶႃႈ​ဢမၢၼ်ႇ​ၶၼ်​ပဵၼ်​ၶႃႈ​ဢေႃႈ။ မၼ်း​ပဵၼ်​လုၵ်ႈ​ယိင်း​ပေႃႈ​ၵဝ်​ၶႃႈ​ၶႃႈ​ဢေႃႈ။ ပဵၼ်​လုၵ်ႈ​ယိင်း​မႄႈ​ၵဝ်​ၶႃႈ​ဢမ်ႇ​ၸႂ်ႈ​ၶႃႈ။ မေး​ၵဝ်​ၶႃႈ​ၵေႃႈ​ပဵၼ်​ၶႃႈ​ဢေႃႈ။-</verse>
				<verse number="13">မိူဝ်ႈ​ဢၼ်​ၽြႃး​ပဵၼ်​ၸဝ်ႈ​ႁွင်ႉ​ဢဝ်​ၵဝ်​ၶႃႈ ႁႂ်ႈ​ဢွၵ်ႇ​သေ​ၵႃႈ​ၼႂ်း​ႁိူၼ်း​ၵဝ်​ၶႃႈ​လႄႈ ၵႂႃႇ​ၼၼ်ႉ​ၸိုင် ၵဝ်​ၶႃႈ​သင်ႇ​လၢတ်ႈ​တီႈ​မၼ်း​ဝႆႉ​လႄႈ​ဝႃႈ၊ ၵျေး​ၸူး​ဢၼ်​မႂ်း​တၵ်း​လႆႈ​ႁဵတ်း​တီႈ​ၵဝ်​ၸမ်ႉ ႁွတ်ႈ​ထိုင်​ၵႃႈ​တီႈ​လႂ်​သေ​ဢမ်ႇ​ဝႃႈ မႂ်း​တၵ်း​လႆႈ​လၢတ်ႈ​လွင်ႈ​ဢၼ် ၵဝ်​ပဵၼ်​ပီႈ​ၸၢႆး​မႂ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ၼၼ်ႉ ဢၽီႉမလႅၵ်ႉ ​ဢဝ်​သူဝ်း​လႂ်၊ ဝူဝ်း​လႂ်၊ ၶႃႈ​ၵူၼ်း​ၸၢႆး​လႂ်၊ ၶႃႈ​ၵူၼ်း​ယိင်း​လႂ်​သေ​လႄႈ​ပၼ်​တီႈ​ ဢႃႇပြႃႇႁၢမ်ႇ ​ဢေႃႈ။ မေး​မၼ်း​ ၸႃႇရႃႇ ​ၼၼ်ႉ​ၵေႃႈ ဢဝ်​ၶိုၼ်း​ပၼ်​တီႈ​မၼ်း​သေ​ဢေႃႈ။-</verse>
				<verse number="15">ဢၽီႉမလႅၵ်ႉ ​ၵေႃႈ​လၢတ်ႈ​လႄႈ​ဝႃႈ၊ လိၼ်​ၵဝ်​ၼႆႉ မီး​ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။ ယူႇ​ၸွမ်း​ၵႃႈ​ၼင်ႇ​ဢၼ်​မႂ်း​မီး​ဢလူဝ်ႇ​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">တီႈ​ ၸႃႇရႃႇ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ပၼ်​ငိုၼ်း​ႁဵင်​ၼိုင်ႈ တီႈ​ပီႈ​ၸၢႆး​မႂ်း​ပုၼ်ႈ​ဢၼ်​တၵ်း​ပဵၼ်​ဢၼ် ႁူမ်ႇ​ၼႃႈ​မႂ်း​တီႈ​ၵေႃႉ​သေႈ​မႂ်း​ၸိူဝ်း​ၼၼ်ႉ​ယဝ်ႉ။ လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼႆႉ​ပဵၼ်​မႃး ႁႂ်ႈ​မႂ်း​လႆႈ​ၶၢမ်ႇ​ဢၼ်​လီ​ဢၼ်​ငၢမ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ဢႃႇပြႃႇႁၢမ်ႇ ​ၵေႃႈ​သူး​တွင်း​တီႈ​ၽြႃး​ပဵၼ်​ၸဝ်ႈ​လႄႈ ၽြႃး​ပဵၼ်​ၸဝ်ႈ​ႁႂ်ႈ​တၢင်း​ၶႆႈ​တၢင်း​ပဵၼ် ဢၽီႉမလႅၵ်ႉ ဢိၵ်ႇ​တင်း​မေး​မၼ်း၊ တင်း​ၽူႈ​ယိင်း​ၶႃႈ​မၼ်း​ၸိူဝ်း​ၼၼ်ႉ​ႁၢႆ​သေ​ယဝ်ႉ၊ ၶဝ်​ၼၼ်ႉ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ဢေႃႈ။-</verse>
				<verse number="18">မိူဝ်ႈ​ဢွၼ်​တၢင်း​ၼၼ်ႉ၊ ၵွပ်ႈ​ပိူဝ်ႈ​ ၸႃႇရႃႇ ​မေး​ ဢႃႇပြႃႇႁၢမ်ႇ ​ၼၼ်ႉ​လႄႈ ထႃႇဝရႃႉ​ၽြႃး​ၸီႇ​ယၢင်ႇ​ႁႂ်ႈ​မႄႈ​ယိင်း​ၵူၼ်း​ႁိူၼ်း​ၵူၼ်း​ယေး ဢၽီႉမလႅၵ်ႉ ​ၸိူဝ်း​ၼၼ်ႉ ဢမ်ႇ​ပႃး​ပတိၵ်ႉသၼ်ႇထေႇ​သေ​ၵေႃႉ​သေ​ၵူၼ်း​ဢေႃႈ။</verse>
			</chapter>
			<chapter number="21">
				<verse number="1">ထႃႇဝရႃႉ​ၽြႃး​ၼၼ်ႉ မႃး​လူ​မႃး​တူၺ်း​ ၸႃႇရႃႇ ​ၵႃႈ​ၼင်ႇ​ဢၼ် မၼ်း​ၸဝ်ႈ​ဝႃႈ​ဝႆႉ​မိူဝ်ႈ​ၼၼ်ႉ​လႄႈ ႁဵတ်း​တီႈ​မၼ်း​ၸွမ်း​ၵႃႈ​ၼင်ႇ​ဢၼ်​ၵတီႉ​ၸဝ်ႈ​မီး​ၼၼ်ႉ​ဢေႃႈ။-</verse>
				<verse number="2">ၸႃႇရႃႇ ​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​တီႈ​ ဢႃႇပြႃႇႁၢမ်ႇ ​ၼႂ်း​မိူဝ်ႈ​ဢၼ်​ဢသၢၵ်ႈ​မၼ်း​ယႂ်ႇ​ၼႃႇ​ၼၼ်ႉ ၼႂ်း​ၶိင်ႇ​ဢၼ် ၽြႃး​ပဵၼ်​ၸဝ်ႈ​ဢဝ်​တင်း​ဢမိင်ႉ​ၸဝ်ႈ​ၶၢၼ်း​ဝႆႉ​ၼၼ်ႉ​ဢေႃႈ။-</verse>
				<verse number="3">ဢႃႇပြႃႇႁၢမ်ႇ ​ၵေႃႈ​ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​မၼ်း​ဢၼ်​ဝႃႈ လုၵ်ႈ​ၸၢႆး​ဢၼ်​ ၸႃႇရႃႇ ​ၵိူတ်ႇ​လဵင်ႉ​မႃး​ၼၼ်ႉ​ ဢီႉၸၢၵ်ႈ ​ဢေႃႈ။-</verse>
				<verse number="4">ၵႃႈ​ၼင်ႇ​ဢၼ်​ၽြႃး​ပဵၼ်​ၸဝ်ႈ​သင်ႇ​လၢတ်ႈ​ဝႆႉ​ၼၼ်ႉ၊ ဢႃႇပြႃႇႁၢမ်ႇ ​ပၼ်​မင်ႇၵလႃႇ​တၢင်း​ဢၼ်​ထိူဝ်​ႁိမ်း​တီႈ​ ဢီႉၸၢၵ်ႈ မိူဝ်ႈ​ဢၼ်​မၼ်း​လႆႈ​ပႅတ်ႇ​ဝၼ်း​ၼၼ်ႉ​ဢေႃႈ။-</verse>
				<verse number="5">မိူဝ်ႈ​ဢၼ်​မီး​လုၵ်ႈ​ၸၢႆး​ ဢီႉၸၢၵ်ႈ ​ၼၼ်ႉ၊ ဢသၢၵ်ႈ​ ဢႃႇပြႃႇႁၢမ်ႇ ​လႆႈ​ပၢၵ်ႇ​ပီႊ​ဢေႃႈ။-</verse>
				<verse number="6">ၸႃႇရႃႇ ​ၵေႃႈ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ပၼ်​ဢၶႂၢင်ႉ​ဢၼ်​ၵဝ်​လႆႈ​ယုမ်ႉ​လႆႈ​ၶူဝ်​ယဝ်ႉ။ ၶဝ်​ၸိူဝ်း​ဢၼ်​ငိၼ်း​သတၢင်း​သဵင်​ၶၢဝ်ႇ​ၼၼ်ႉ​ၵေႃႈ၊ တၵ်း​ယုမ်ႉ​ၶူဝ်​လူၺ်ႈ​ၵၼ်​တင်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မၼ်း​သမ်ႉ​လၢတ်ႈ​လႄႈ​ဝႃႈ၊ ၽူႈ​လႂ်​ယၢမ်ႈ​တွၼ်ႉ​လႆႈ​လၢတ်ႈ​ဝႆႉ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊ ၸႃႇရႃႇ ​တၵ်း​ပၼ်​လုၵ်ႈ​ၵိၼ်​ၼူမ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။ မိူဝ်ႈ​ဢၼ်​ဢသၢၵ်ႈ​မၼ်း​ယႂ်ႇ​ယဝ်ႉ​ၼၼ်ႉ​ၸိုင်၊ ၵဝ်​လႆႈ​ၵိူတ်ႇ​လဵင်ႉ​လုၵ်ႈ​ၸၢႆး​တီႈ​မၼ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">လုၵ်ႈ​ဢွၼ်ႇ​ၼၼ်ႉ​ယႂ်ႇ​မႃး​လႄႈ​ၽၢတ်ႇ​ၼူမ်း​ဢေႃႈ။ ဝၼ်း​ဢၼ်​ၽၢတ်ႇ​ၼူမ်း​ၼၼ်ႉ​ ဢႃႇပြႃႇႁၢမ်ႇ ​ႁဵတ်း​ပွႆး​လူင်​ဢေႃႈ။</verse>
				<verse number="9">ၸႃႇရႃႇ ​ႁၼ်​လုၵ်ႈ​ၸၢႆး ဢၼ်​ ဢႃႇပြႃႇႁၢမ်ႇ ​လႆႈ​တီႈ​ ႁႃႇၵရႃႉ ​ၵူၼ်း​ ဢေႇၵိပ်ႉတူႉ ​ၼၼ်ႉ ႁဵတ်း​ပျၢၵ်ႈ​ၶူဝ်​ၼၼ်ႉ​သေ​ယဝ်ႉ၊-</verse>
				<verse number="10">လၢတ်ႈ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊ ႁေႃႈ​မႄႈ​ယိင်း​ၶႃႈ​ၼႆႉ ဢိၵ်ႇ​တင်း​လုၵ်ႈ​ၸၢႆး​မၼ်း​ဢွၵ်ႇ​ပႅတ်ႈ​သေ​ၵမ်း​တႃႉ။ လုၵ်ႈ​ၸၢႆး​မႄႈ​ယိင်း​ၶႃႈ​ၼႆႉ ဢမ်ႇ​လႆႈ​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း​လုၵ်ႈ​ၸၢႆး​ၵဝ်​ၶႃႈ​ ဢီႉၸၢၵ်ႈ ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ဢႃႇပြႃႇႁၢမ်ႇ ​ၵေႃႈ ၵွပ်ႈ​ပိူဝ်ႈ​ဢၼ်​ပဵၼ်​လုၵ်ႈ​ၸၢႆး​မၼ်း​လႄႈ ထၢင်ႇ​ပဵၼ်​ဢမူႉ​ဢၼ်​ယၢပ်ႇ​ၼႃႇ​ဢေႃႈ။-</verse>
				<verse number="12">ၵူၺ်း​ၵႃႈ ၽြႃး​ပဵၼ်​ၸဝ်ႈ​လၢတ်ႈ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊ ၵွပ်ႈ​ပိူဝ်ႈ​လုၵ်ႈ​ၸၢႆး​ဢွၼ်ႇ​တင်း​မႄႈ​ယိင်း​ၶႃႈ​မႂ်း​ၼၼ်ႉ​လႄႈ ယႃႇ​ပေ​ထၢင်ႇ​ဢမူႉ​ၼႆႉ​ပဵၼ်​ဢၼ်​ယၢပ်ႇ​ၼႃႇ။ ၸွမ်း​ၵႃႈ​ၼင်ႇ​ဢၼ်​ ၸႃႇရႃႇ ​လၢတ်ႈ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​လႄႈ ထွမ်ႇ​ဢဝ်​ၵႂၢမ်း​မၼ်း​တႃႉ။ လွင်ႈ​မၼ်း​ၸမ်ႉ ၸိူဝ်ႉ​ၶိူဝ်း​မႂ်း​တၵ်း​တႄႇ​ၼႂ်း​ ဢီႉၸၢၵ်ႈ ​ၵူၺ်း​ဢေႃႈ။-</verse>
				<verse number="13">ၵွပ်ႈ​ပိူဝ်ႈ​ဢၼ်​လုၵ်ႈ​ၸၢႆး​မႄႈ​ယိင်း​ၶႃႈ​ၼၼ်ႉ ပဵၼ်​ၸိူဝ်ႉ​ၶိူဝ်း​မႂ်း​လႄႈ၊ မၼ်း​ၵေႃႈ​ၵဝ်​တၵ်း​ႁႂ်ႈ​ပဵၼ်​မဵဝ်း​ၵူၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ဢႃႇပြႃႇႁၢမ်ႇ ​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ဢဝ်​ၶဝ်ႈ​မုၼ်း​တင်း​ၼမ်ႉ​တဝ်ႈ တၢင်ႇ​သႂ်ႇ​ပၼ်​ၵႃႈ​ၼိူဝ်​ႁူဝ်​မႃႇ​ ႁႃႇၵရႃႉ ​သေ​ယဝ်ႉ၊ ဢဝ်​လုၵ်ႈ​ဢွၼ်ႇ​ဢၢပ်ႈ​ပၼ်​လႄႈ ပွႆႇ​မႄႈ​ယိင်း​ၶႃႈ​ၼၼ်ႉ​ၵႂႃႇ​သေ​ဢေႃႈ။ မၼ်း​ၵေႃႈ​ဢွၵ်ႇ​ၵႂႃႇ​သေ​လႄႈ လႄႇ​ၵႂႃႇ​လႄႇ​မႃး​ယူႇ​ၵႃႈ​ၼႂ်း​ထိူၼ်ႇ​ ပေႇရသေႇၽႃႉ ​ၼၼ်ႉ​ဢေႃႈ။-</verse>
				<verse number="15">မိူဝ်ႈ​ဢၼ်​ၼမ်ႉ​ၼၼ်ႉ သဵင်ႈ​ယဝ်ႉ​ၼၼ်ႉ​ၸိုင်၊ မၼ်း​ဢဝ်​လုၵ်ႈ​ဢွၼ်ႇ​ၼၼ်ႉ​သႂ်ႇ​ဝႆႉ​ၵႃႈ​တႂ်ႈ​ယုမ်း​မႆႉ​သေ​ယဝ်ႉ၊-</verse>
				<verse number="16">ၵႂႃႇ​လႄႈ​ၼင်ႈ​ယူႇ​ၵူၺ်း​မၼ်း​ၵႃႈ​တီႈ​ႁၢမ်ႉ​ၵႆ​ၵႆ​သေ​ၸူဝ်ႈ​ယိုဝ်း​ၵၢင်ႇ​ၼိုင်ႈ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ၵဝ်​ဢမ်ႇ​ၶႂ်ႈ​ႁၼ်​လုၵ်ႈ​ဢွၼ်ႇ​တၢႆ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ဢၼ်​မၼ်း​ၼင်ႈ​ယူႇ​ၵူၺ်း​မၼ်း​ၼၼ်ႉ​ၸိုင်၊ မၼ်း​ၵိဝ်​သဵင်​လႄႈ​ႁွင်ႉ​ႁႆႈ​ဢေႃႈ။</verse>
				<verse number="17">ၽြႃး​ပဵၼ်​ၸဝ်ႈ​ငိၼ်း​သဵင်​လုၵ်ႈ​ၸၢႆး​ဢွၼ်ႇ​ၼၼ်ႉ​လႄႈ၊ တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ ယူႇ​ၵႃႈ​ၼိူဝ်​ၵၢင်​ႁၢဝ်​မွၵ်ႇ​လၢတ်ႈ​တီႈ​ ႁႃႇၵရႃႉ ​ၼၼ်ႉ​လႄႈ​ဝႃႈ၊ ႁႃႇၵရႃႉ ဢိူၺ်း၊ မႂ်း​ပဵၼ်​ၵႃႈ​သင်။ ယႃႇ​ပေ​မႆႈ​ၸႂ်။ ၽြႃး​ပဵၼ်​ၸဝ်ႈ​ငိၼ်း​သဵင်​လုၵ်ႈ​ၸၢႆး​ဢွၼ်ႇ ၵႃႈ​ၼႂ်း​တီႈ​ဢၼ်​မၼ်း မီး​ၼၼ်ႉ​ယဝ်ႉ။-</verse>
				<verse number="18">လုၵ်ႉ​တႃႉ။ ယုၵ်ႉ​ယွင်ႈ​လုၵ်ႈ​ၸၢႆး​ဢွၼ်ႇ​လႄႈ ဢဝ်​မိုဝ်း​ယိပ်း​ၵမ်​ဝႆႉ​တႃႉ။ ၵဝ်​တၵ်း​ႁႂ်ႈ​မၼ်း​ပဵၼ်​မဵဝ်း​ၵူၼ်း​ဢၼ်​ယႂ်ႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မိူဝ်ႈ​ၼၼ်ႉ ၽြႃး​ပဵၼ်​ၸဝ်ႈ​ၽုၺ်ႇ​မၢၵ်ႇ​တႃ​ ႁႃႇၵရႃႉ ​သေ​ယဝ်ႉ၊ မၼ်း​ႁၼ်​ၼမ်ႉ​မေႃႇ​လႄႈ ၵႂႃႇ​ထႅမ်​ႁႂ်ႈ​ၼမ်ႉ​တဵမ်​ၼမ်ႉ​တဝ်ႈ​သေ​ယဝ်ႉ၊ ပၼ်​လုၵ်ႈ​ၸၢႆး​ဢွၼ်ႇ​ၼၼ်ႉ ၵိၼ်​ၼမ်ႉ​ဢေႃႈ။-</verse>
				<verse number="20">ၽြႃး​ပဵၼ်​ၸဝ်ႈ​မီး​ယူႇ​ၽၢႆႇ​လုၵ်ႈ​ၸၢႆး​ဢွၼ်ႇ​ၼၼ်ႉ​ဢေႃႈ။ မၼ်း​ယႂ်ႇ​မႃး​လႄႈ​ယူႇ​ၵႃႈ​ၼႂ်း​ထိူၼ်ႇ​ယူႇ​သေ​လႄႈ ပဵၼ်​မေႃ​ၵၢင်ႇ​ဢေႃႈ။-</verse>
				<verse number="21">မၼ်း​ၵႂႃႇ​ယူႇ​ၵႃႈ​ၼႂ်း​ထိူၼ်ႇ ပႃႇရၼ်ႇ ​လႄႈ မႄႈ​မၼ်း​ၵေႃႈ​ဢဝ်​မႄႈ​ယိင်း​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၵေႃႉ​ၼိုင်ႈ​မႃး​လႄႈ ပၼ်​မၼ်း​ႁဵတ်း​မေး​ဢေႃႈ။</verse>
				<verse number="22">မိူဝ်ႈ​ၼၼ်ႉ​ၶုၼ်​ ဢၽီႉမလႅၵ်ႉ ဢိၵ်ႇ​တင်း​ၵႄႇ​ႁူဝ်​သိုၵ်း မၼ်း​ ၽီႉၵေႃးလႃႉ ​ၸိူဝ်း​ၼၼ်ႉ​လၢတ်ႈ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊ ၽြႃး​ပဵၼ်​ၸဝ်ႈ​မီး​ယူႇ​ၽၢႆႇ​မႂ်း ၼႂ်း​လွင်ႈ​တၢင်း​ဢၼ်​မႂ်း​ႁဵတ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="23">ၵွပ်ႈ​ႁွႆး​ၼႆႉ​လႄႈ၊ မႂ်း​ယင်း​ဢမ်ႇ​ပႅတ်ႉ​ဢမ်ႇ​လႅၼ်​ၵဝ် ဢိၵ်ႇ​တင်း​လုၵ်ႈ​ၸၢႆး​ၵဝ်၊ လၢၼ်​ၸၢႆး​ၵဝ်​လႄႈ၊ တၵ်း​ႁဵတ်း​ၵျေး​ၸူး​တီႈ​ၵဝ်​တင်း​မိူင်း​ၵဝ် ဢၼ်​မႂ်း​သွၼ်ႈ​ပိုင်ႈ​ယူႇ​ၼႆႉ ၸွမ်း​ၵႃႈ​ၼင်ႇ​ဢၼ်​ၵဝ်​လႆႈ​ႁဵတ်း​ၵျေး​ၸူး​တီႈ​မႂ်း​ယဝ်ႉ​ၼၼ်ႉ၊ ဝႃႈ​ၼႆ၊ တိူင်ႇ​ၽြႃး​ပဵၼ်​ၸဝ်ႈ​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ဢႃႇပြႃႇႁၢမ်ႇ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​တၵ်း​တိူင်ႇ​ဝႃႈ ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ဢႃႇပြႃႇႁၢမ်ႇ ​တၢင်ႇ​ဢပႅတ်ႈ​ၵႃႈ​ၼိူဝ်​ၶုၼ်​ ဢၽီႉမလႅၵ်ႉ ၵွပ်ႈ​ပိူဝ်ႈ​လွင်ႈ​ၼမ်ႉ​မေႃႇ ဢၼ်​ၶႃႈ​ၶုၼ်​ ဢၽီႉမလႅၵ်ႉ ​တင်း​လၢႆ ႁဵတ်း​ပႄႉ​ႁဵတ်း​ၼႅင်ႇ​ႁိမ်​ဢဝ်​ၼၼ်ႉ​ဢေႃႈ။-</verse>
				<verse number="26">ၶုၼ်​ ဢၽီႉမလႅၵ်ႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​ႁူႉ​လွင်ႈ​ဢၼ်​ၽူႈ​လႂ်​ႁဵတ်း​ဢမူႉ​ၼႆႉ​ၼၼ်ႉ။ မႂ်း​ဢမ်ႇ​မွၵ်ႇ​ဢမ်ႇ​လၢတ်ႈ​တီႈ​ၵဝ်။ ၵဝ်​ၵေႃႈ ဢမ်ႇ​လႆႈ​ငိၼ်း​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ဢႃႇပြႃႇႁၢမ်ႇ ​ဢဝ်​သူဝ်း​လႂ်၊ ဝူဝ်း​လႂ်​သေ​ယဝ်ႉ၊ ပၼ်​တီႈ​ၶုၼ်​ ဢၽီႉမလႅၵ်ႉ ​လႄႈ သွင်​ၶႃ​ၼၼ်ႉ ႁဵတ်း​ပတီႉၺိၺ်ႇ​လူၺ်ႈ​ၵၼ်​ဢေႃႈ။-</verse>
				<verse number="28">ဢႃႇပြႃႇႁၢမ်ႇ ​ၽႄ​ဢဝ်​သူဝ်း​မႄႈ​ဢွၼ်​ၸဵတ်း​တူဝ် ဢွၵ်ႇ​သေ​ၵႃႈ​ၼႂ်း​ၽုင်​သူဝ်း​ဝႆႉ​ၶေႃ​ၶေႃ​ဢေႃႈ။-</verse>
				<verse number="29">ၶုၼ်​ ဢၽီႉမလႅၵ်ႉ ​ၵေႃႈ​ထၢမ်​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊ သူဝ်း​မႄႈ​ဢွၼ်​ၸဵတ်း​တူဝ် ဢၼ်​ၽႄ​ဢွၵ်ႇ​ဝႆႉ​ၶေႃ​ၶေႃ​ၼႆႉ ပဵၼ်​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="30">မၼ်း​ၵေႃႈ​လၢတ်ႈ​လႄႈ​ဝႃႈ၊ မႂ်း​တၵ်း​လႆႈ​ၶၢမ်ႇ​ဢဝ်​တုင်း​ဢဝ်​သူဝ်း​မႄႈ​ဢွၼ်​ၸဵတ်း​တူဝ်​ၼႆႉ​ၵႃႈ​ၼႂ်း​မိုဝ်း​ၵဝ် ႁႂ်ႈ​ၶဝ်​လႆႈ​ပဵၼ်​သၢၵ်ႈ​သေႇ​ၽၢႆႇ​ၵဝ် လွင်ႈ​ဢၼ်​ၵဝ် ၶုတ်း​ၼမ်ႉ​မေႃႇ​ၼႆႉ​ယဝ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ပိူဝ်ႈ​ၼႆ​ၸင်ႇ ၵွပ်ႈ​ပိူဝ်ႈ​ဢၼ်​သွင်​ၶႃ​တိူင်ႇ​ဝႃႈ​ၵႃႈ​ၼႂ်း​တီႈ​ၼၼ်ႈ​လႄႈ၊ မၼ်း​ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႈ ပေႇရသေႇၽႃႉ ​ဢေႃႈ။-</verse>
				<verse number="32">ၼင်ႇ​ၼၼ်​လႄႈ ၶဝ်​ႁဵတ်း​ပတီႉၺိၺ်ႇ​ၵႃႈ​တီႈ ပေႇရသေႇၽႃႉ ​ဢေႃႈ။ ၶုၼ်​ ဢၽီႉမလႅၵ်ႉ ​ဢိၵ်ႇ​တင်း ၵႄႇ​ႁူဝ်​သိုၵ်း​မၼ်း ၽီႉၵေႃးလႃႉ ​ၸိူဝ်း​ၼၼ်ႉ လုၵ်ႉ​လႄႈ​ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ ၽီႉလိတ်ႉတီႉ ​သေ​ဢေႃႈ။</verse>
				<verse number="33">ဢႃႇပြႃႇႁၢမ်ႇ ၽုၵ်ႇ​တူၼ်ႈ​မၢၵ်ႇ​ၵႅင်း ၵႃႈ​တီႈ​ ပေႇရသေႇၽႃႉ ​ၼၼ်ႉ​လႄႈ ႁဵတ်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ဢၼ်​ဝႃႈ​ၽြႃး​ပဵၼ်​ၸဝ်ႈ ဢၼ်​တႄႇ​ယူႇ​သေႇ​သေႇ​ၼၼ်ႉ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="34">ဢႃႇပြႃႇႁၢမ်ႇ ​သွၼ်ႈ​ပိုင်ႈ​ယူႇ​ၵႃႈ​တီႈ​ၼႂ်း​မိူင်း​ ၽီႉလိတ်ႉတီႉ ​ႁိုင်​ၼႃႇ​လူင်​လၢင်​ဢေႃႈ။</verse>
			</chapter>
			<chapter number="22">
				<verse number="1">ဝၢႆး​ၼၼ်ႉ ၽြႃး​ပဵၼ်​ၸဝ်ႈ​ၸၢမ်း​တူၺ်း​ ဢႃႇပြႃႇႁၢမ်ႇ ​လႄႈ ႁွင်ႉ​ ဢႃႇပြႃႇႁၢမ်ႇ ​လႄႈ​ဝႃႈ၊ ဢႃႇပြႃႇႁၢမ်ႇ ​ဢိူၺ်း၊ ဝႃႈ​ၼင်ႇ​ၼႆ​လႄႈ ဢႃႇပြႃႇႁၢမ်ႇ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​မီး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ။-</verse>
				<verse number="2">မၼ်း​ၸဝ်ႈ​လၢတ်ႈ​လႄႈ​ဝႃႈ၊ မႂ်း​ဢဝ်​လုၵ်ႈ​ၸၢႆး​မႂ်း​ဢၼ်​မႂ်း​မီး​ၵေႃႉ​လဵဝ်​ၵူၺ်း၊ ဢီႉၸၢၵ်ႈ ​ဢၼ်​မႂ်း​ႁၵ်ႉ​ၼႃႇ​ၼၼ်ႉ​သေ​လႄႈ ၵႂႃႇ​ၵႃႈ​တီႈ​မိူင်း​ မေႃးရီႉ ​ပုၼ်ႉ​တႃႉ။ ဢဝ်​မၼ်း​ႁဵတ်း​ယိတ်ႈ​ဢၼ်​တုတ်ႇ​ၽႆး​လႄႈ ပုၵ်ႈ​ၸေႃႇ​ၵႃႈ​ၼိူဝ်​လွႆ​ဢၼ်​ၵဝ်​တၵ်း​ၼႄ​ပၼ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">ဢႃႇပြႃႇႁၢမ်ႇ ​ၵေႃႈ​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ႁၢင်ႈ​ၵွပ်း​လီႈ​မၼ်း​သေ​ယဝ်ႉ၊ ႁွင်ႉ​ဢဝ်​ၵူၼ်း​ၸႂ်ႉ​ၵူၼ်း​သွႆ​မၼ်း​သွင်​ၵေႃႉ ဢိၵ်ႇ​တင်း​လုၵ်ႈ​ၸၢႆး​မၼ်း​ ဢီႉၸၢၵ်ႈ ​ၼၼ်ႉ​သေ​လႄႈ ၽႃႇ​ၽိုၼ်း​ပုၼ်ႈ​ဢၼ်​တၵ်း​တုတ်ႇ​ယိတ်ႈ​ယဝ်ႉ​ၸင်ႇ လုၵ်ႉ​ၵႂႃႇ​ၸူး​ၵႃႈ​တီႈ​ဢၼ် ၽြႃး​ပဵၼ်​ၸဝ်ႈ​မီး​ဢမိင်ႉ​ဝႆႉ​ၼၼ်ႉ​ဢေႃႈ။-</verse>
				<verse number="4">ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ​ၸိုင်၊ ဢႃႇပြႃႇႁၢမ်ႇ ​မုင်ႈ​တူၺ်း​လႄႈ​ယူႇ​တီႈ​ဢၼ်​ၵႆ ႁၼ်​တီႈ​ၼၼ်ႈ​သေ​ယဝ်ႉ၊-</verse>
				<verse number="5">ဢႃႇပြႃႇႁၢမ်ႇ ​လၢတ်ႈ​တီႈ​ၵူၼ်း​ၸႂ်ႉ​ၵူၼ်း​သွႆ​မၼ်း​သွင်​ၵေႃႉ​ၼၼ်ႉ​လႄႈ​ဝႃႈ၊ သူ​ယူႇ​ထႃႈ​ၵႃႈ​တီႈ​ၼႆႈ​ဢိၵ်ႇ​လူၺ်ႈ​ၵၼ်​တင်း​လီႈ​ၼႆႉ​တႃႉ။ ၵဝ်​ဢိၵ်ႇ​တင်း​လုၵ်ႈ​ၸၢႆး​ဢွၼ်ႇ​ၼႆႉ​တၵ်း​ၵႂႃႇ​ၵႃႈ​တီႈ​ပုၼ်ႉ​လႄႈ ႁဵတ်း​တၢင်း​ဢၼ်​ၵူဝ်း​ၵႂၢႆႇ​သေ​ယဝ်ႉ၊ တၵ်း​ၶိုၼ်း​မႃး​ၵႃႈ​တီႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ၼၼ်ႉ​ ဢႃႇပြႃႇႁၢမ်ႇ ​ဢဝ်​ၽိုၼ်း​ပုၼ်ႈ​ဢၼ်​တၵ်း​တုတ်ႇ​ယိတ်ႈ​ၼၼ်ႉ​သေ​လႄႈ တၢင်ႇ​သႂ်ႇ​ၵႃႈ​ၼိူဝ်​လုၵ်ႈ​ၸၢႆး​မၼ်း​ ဢီႉၸၢၵ်ႈ ​သေ​ယဝ်ႉ၊ ဢဝ်​မိုဝ်း​မၼ်း​ယိပ်း​ၵမ်​ၽႆး တင်း​မိတ်ႈ​ယူႇ​သေ​လႄႈ၊ သွင်​ၶႃ​ၼၼ်ႉ ၵႂႃႇ​လူၺ်ႈ​ၵၼ်​ဢေႃႈ။-</verse>
				<verse number="7">ၵမ်း​ၼၼ်ႉ ဢီႉၸၢၵ်ႈ ​ႁွင်ႉ​ ဢႃႇပြႃႇႁၢမ်ႇ ​လႄႈ​ဝႃႈ၊ ပေႃႈ​ဢိူၺ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ဢႃႇပြႃႇႁၢမ်ႇ ​ၵေႃႈ​ဢိူဝ်​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ ၵဝ်​မီး​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ဢီႉၸၢၵ်ႈ ​ၵေႃႈ​ဝႃႈ၊ တူၺ်း​လူး၊ ၽႆး​တင်း​ၽိုၼ်း​ၸိုင်​ပႃး​မႃး​ဢေႃႈ။ သူဝ်း​ဢွၼ်ႇ​ပုၼ်ႈ​ဢၼ်​တၵ်း​တုတ်ႇ​ယိတ်ႈ​ၸမ်ႉ၊ မီး​ၵႃႈ​လႂ်၊ မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊-</verse>
				<verse number="8">ဢႃႇပြႃႇႁၢမ်ႇ ​လၢတ်ႈ​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ သူဝ်း​ဢွၼ်ႇ​ပုၼ်ႈ​ယိတ်ႈ​ဢၼ်​တၵ်း​တုတ်ႇ​ၽႆး​ၸိုင် ၽြႃး​ပဵၼ်​ၸဝ်ႈ​တၵ်း​မႄး​ႁႅၼ်း​ဝႆႉ​ပုၼ်ႈ​မၼ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။​ၼင်ႇ​ၼၼ်​လႄႈ သွင်​ၶႃ​ၼၼ်ႉ ၵႂႃႇ​လူၺ်ႈ​ၵၼ်​လႄႈ၊-</verse>
				<verse number="9">ႁွတ်ႈ​ထိုင်​ၵႃႈ​တီႈ​ဢၼ်​ၽြႃး​ပဵၼ်​ၸဝ်ႈ မီး​ဢမိင်ႉ​ဝႆႉ​ၼၼ်ႉ​သေ​ယဝ်ႉ၊ ဢႃႇပြႃႇႁၢမ်ႇ ​တႄႇ​ႁဵတ်း​ယိတ်ႈပလၢင်ႇ ၵႃႈ​တီႈ​ၼၼ်ႈ​လႄႈ ဢဝ်​ၽိုၼ်း​သိူဝ်ႇ​ဝႆႉ​ယဝ်ႉ​ၸင်ႇ မတ်ႉ​ၽုၵ်ႇ​လုၵ်ႈ​ၸၢႆး​မၼ်း​ ဢီႉၸၢၵ်ႈ ​လႄႈ တၢင်ႇ​သႂ်ႇ​ၵႃႈ​ၼိူဝ်​ၽိုၼ်း​ဢၼ်​မီး​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။-</verse>
				<verse number="10">မၼ်း​ယိုၼ်ႈ​မိုဝ်း​သေ​လႄႈ ယိပ်း​ၵမ်​ဢဝ်​မိတ်ႈ ႁႂ်ႈ​လႆႈ​ဢဝ်​လုၵ်ႈ​ၸၢႆး​မၼ်း​တၢႆ​ဢေႃႈ။</verse>
				<verse number="11">မိူဝ်ႈ​ၼၼ်ႉ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ယူႇ​ၵႃႈ​ၼိူဝ်​ၵၢင်​ႁၢဝ်​ႁွင်ႉ​လႄႈ​ဝႃႈ၊ ဢႃႇပြႃႇႁၢမ်ႇ ​ဢိူၺ်း၊ ဢႃႇပြႃႇႁၢမ်ႇ ​ဢိူၺ်း၊ ဝႃႈ​ၼင်ႇ​ၼႆ​ဢေႃႈ။ ဢႃႇပြႃႇႁၢမ်ႇ ​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​မီး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">မၼ်း​ၸဝ်ႈ​လၢတ်ႈ​လႄႈ​ဝႃႈ၊ ယႃႇ​ပေ​တိူဝ်ႉ​ပေ​ထုၵ်ႇ​လုၵ်ႈ​ၸၢႆး​ဢွၼ်ႇ​ၼၼ်ႉ။ ယႃႇ​ပေ​ႁဵတ်း​ၵႃႈ​သင်​တီႈ​မၼ်း​လႃး​လႃး။ တေႃႈ​လဵဝ်​ၼႆႉ​ၵဝ်​ႁူႉ​လွင်ႈ​ဢၼ်​မႂ်း​ၵူဝ်​ယမ်​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မႂ်း​ဢမ်ႇ​တွပ်ႇ​ဢမ်ႇ​ထဵင် တၢင်း​ဢၼ်​ၵဝ်​ယွၼ်း​ဢဝ်​လုၵ်ႈ​ၸၢႆး​မႂ်း​ဢၼ်​မီး​ၵေႃႉ​လဵဝ်​ၵူၺ်း​တီႈ​မႂ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မိူဝ်ႈ​ၼၼ်ႉ​ ဢႃႇပြႃႇႁၢမ်ႇ ​မုင်ႈ​တူၺ်း​လႄႈ၊ ႁၼ်​သူဝ်း​ပေႃႈ ဢၼ်​ၶဝ်​ၶမ်​ယူႇ​ၵႃႈ​ၼႂ်း​ယုမ်း​မႆႉ​ၵႃႈ​တီႈ​ၽၢႆႇ​လင်​မၼ်း​ၼၼ်ႉ တူဝ်​ၼိုင်ႈ​ဢေႃႈ။ ဢႃႇပြႃႇႁၢမ်ႇ ​ၵႂႃႇ​တီႉ​ဢဝ်​သူဝ်း​ပေႃႈ​ၼၼ်ႉ​သေ​လႄႈ ႁဵတ်း​ယိတ်ႈ​ပုၼ်ႈ​ဢၼ်​တၵ်း​တုတ်ႇ​ၽႆး တၢင်​တူဝ်​လုၵ်ႈ​ၸၢႆး​မၼ်း​လႄႈ ပုၵ်ႈ​ၸေႃႇ​ဢေႃႈ။-</verse>
				<verse number="14">တီႈ​ၼၼ်ႈ​ၸိုင် ဢႃႇပြႃႇႁၢမ်ႇ ​ႁွင်ႉ​ႁဵၵ်ႈ​ၸိုဝ်ႈ ယေႇႁေႃးဝႃႇ​ယီႉရေႇ ​ဢေႃႈ။ မႅၼ်ႈ​ၼင်ႇ​ဢၼ်​ဝႃႈ​ၼၼ်ႉ​လႄႈ ၶဝ်​ယၢမ်ႈ​ၵႆႉ​ဝႃႈ၊ မၼ်း​ၸဝ်ႈ​တၵ်း​မႄး​ႁႅၼ်း​ဝႆႉ​ၵႃႈ​ၼိူဝ်​လွႆ​ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="15">ဝၢႆး​ၼၼ်ႉ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​သမ်ႉ​ယူႇ​ၵႃႈ​ၼိူဝ်​ၵၢင်​ႁၢဝ်​ႁွင်ႉ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊-</verse>
				<verse number="16">ၵဝ်​တိူင်ႇ​တူဝ်​ၸဝ်ႈ​ၵဝ်ႇ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​ႁဵတ်း​လွင်ႈ​တၢင်း​ၼႆႉ​လႄႈ ဢမ်ႇ​တွပ်ႇ​ဢမ်ႇ​ထဵင်​လွင်ႈ​လုၵ်ႈ​ၸၢႆး​မႂ်း​ဢၼ်​မီး​တီႈ​မႂ်း​ၵေႃႉ​လဵဝ်​ၵူၺ်း​ၼၼ်ႉ တီႈ​ၵဝ်​ၼၼ်ႉ​လႄႈ၊-</verse>
				<verse number="17">ၵဝ်​တၵ်း​ပၼ်​တၢင်း​လီ​တီႈ​မႂ်း​သေႇ​သေႇ​ဢေႃႈ။ ၸိူဝ်ႉ​ၶိူဝ်း​မႂ်း​ၵေႃႈ​ၵဝ်​တၵ်း​ႁႂ်ႈ​ယႂ်ႇ​ၽႄႈ​ၼမ်​ၵိုၼ်း​မႃး​ယူႇ​သေႇ​သေႇ​မိူၼ်​ၸိူဝ်ႉ​ၼင်ႇ​လၢဝ်​ၵၢင်​ႁၢဝ် ဢိၵ်ႇ​တင်း​မိူၼ်​ၸိူဝ်ႉ​ၼင်ႇ​မဵတ်ႉ​ႁိၼ်​မဵတ်ႉ​သၢႆး​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​ဢေႃႈ။ ၸိူဝ်ႉ​ၶိူဝ်း​မႂ်း တၵ်း​လႆႈ​ဢုပ်ႉ​ပိူင်ႇ​ၽၵ်း​တူ​ဝဵင်း​ရၢၼ်ႇ​သူႇ​မၼ်း​တင်း​လၢႆ​ဢေႃႈ။-</verse>
				<verse number="18">ၵႃႈ​ၼႂ်း​ၸိူဝ်ႉ​ၶိူဝ်း​မႂ်း​ၼႆႉ​ၵူၼ်း​မဵဝ်း​တင်း​သဵင်ႈ​တင်း​လူင်​တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မိူဝ်ႈ​ၼၼ်ႉ​ ဢႃႇပြႃႇႁၢမ်ႇ ​ၶိုၼ်း​မႃး​ၸူး​ၵႃႈ​တီႈ​ဢၼ် ၵူၼ်း​ၸႂ်ႉ​ၵူၼ်း​သွႆ​မၼ်း​ၸိူဝ်း​ၼၼ်ႉ​မီး​ၼၼ်ႉ​လႄႈ၊ ၶဝ်​ဢွၼ်​ၵၼ်​လုၵ်ႉ​လႄႈ​ၵႂႃႇ​လူၺ်ႈ​ၵၼ်​ၸူး​ၵႃႈ​တီႈ​ ပေႇရသေႇၽႃႉ ​ဢေႃႈ။ ဢႃႇပြႃႇႁၢမ်ႇ ​ယူႇ​ၵႃႈ​တီႈ​ ပေႇရသေႇၽႃႉ ​ၼၼ်ႉ​ဢေႃႈ။</verse>
				<verse number="20">ဝၢႆး​ၼၼ်ႉ​ၵႂၢမ်း​သတၢင်း​သဵင်​ၶၢဝ်ႇ​ဢၼ် ဢႃႇပြႃႇႁၢမ်ႇ ​လႆႈ​ငိၼ်း​ၸမ်ႉ၊ မီႉလၶႃႇ ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​တီႈ​ပီႈ​ၸၢႆး​မႂ်း​ ၼႃႇၶေႃႇ ​ၼၼ်ႉ​ယဝ်ႉ။-</verse>
				<verse number="21">လုၵ်ႈ​ၸၢႆး​ၵေႃႉ​ယႂ်ႇ​ ဢူႉၸႃႉ ၊ ၼွင်ႉ​ၸၢႆး​မၼ်း​ ပူႉၸႃႉ၊ ၵေႇမူၺ်ႇလႃႉ ​ဢၼ်​ပဵၼ်​ပေႃႈ​ ဢႃႇရမ်ႇ ၊-</verse>
				<verse number="22">ၶႄးသႅတ်ႉ၊​ႁႃႇၸေႃႇ၊​ပီႉလတႃႇသႃႉ၊​ယီႉတလပ်ႉ၊​ပေႇသူၺ်ႇလႃႉ ၊-</verse>
				<verse number="23">ဢၼ်​ဝႃႈ​လုၵ်ႈ​ၸၢႆး​ပႅတ်ႇ​ၵေႃႉ​ၼႆႉ​ၸိုင်၊ မီႉလၶႃႇ ​ၵိူတ်ႇ​လဵင်ႉ​တီႈ​ ၼႃႇၶေႃႇ ပီႈ​ၸၢႆး​ ဢႃႇပြႃႇႁၢမ်ႇ ​ၼၼ်ႉ​ဢေႃႈ။ ပေႇသူၺ်ႇလႃႉ ​ၸမ်ႉ၊ ပဵၼ်​ပေႃႈ​ ရေႇပႅၵ်ႉၵႃႉ ​ဢေႃႈ။-</verse>
				<verse number="24">မေး​ၼွႆႉ​ ၼႃႇၶေႃႇ ​ဢၼ်​လႆႈ​ၸိုဝ်ႈ​ ရူႉမႃႉ ​ၼၼ်ႉ​ၵေႃႈ​ၵိူတ်ႇ​လဵင်ႉ​လုၵ်ႈ​ၸၢႆး​ တေးၽႃႉ၊ၵႃႇႁမ်ႇ၊တႁႃႇသႃႉ၊မႃႇၶႃႇ ​ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="23">
				<verse number="1">ၸႃႇရႃႇ ​ဢသၢၵ်ႈ​လႆႈ​ပၢၵ်ႇ​ပၢႆ​သၢဝ်း​ၸဵတ်း​ပီႊ​ဢေႃႈ။ မိူဝ်ႈ​ဢၼ်​ဢသၢၵ်ႈ​မၼ်း​ယႂ်ႇ​ထိုင်​ႁွတ်ႈ​ထၢၼ်ႇ​ၼၼ်ႉ​ယဝ်ႉ​ယဝ်ႉ၊-</verse>
				<verse number="2">မၼ်း​တၢႆ​ၵႃႈ​တီႈ​ဝဵင်း​ ၵီႉရယႃႉသႃႇၽႃႇ ဢၼ်​ဝႃႈ​ဝဵင်း​ ႁေႇပြုၼ်ႇ ၵႃႈ​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ​ဢေႃႈ။ ဢႃႇပြႃႇႁၢမ်ႇ ​ၵေႃႈ​သုတ်ႉ​ၸပ်း​သုတ်ႉ​ၸူး​ႁႂ်ႈ​လႆႈ​ထိုင်​ၸႂ်​လႄႈ ႁွင်ႉ​ႁႆႈ​ၵွပ်ႈ​ပိူဝ်ႈ​ ၸႃႇရႃႇ ​ၼၼ်ႉ​ဢေႃႈ။</verse>
				<verse number="3">ဢႃႇပြႃႇႁၢမ်ႇ ​ၼၼ်ႉ၊ လုၵ်ႉ​သေ​ၵႃႈ​တီႈ​ၽၢႆႇ​ၼႃႈ​တူဝ်​တၢႆ​မေး​မၼ်း​ၼၼ်ႉ​လႄႈ လၢတ်ႈ​တီႈ​ၵူၼ်း​ ႁေႇသႃႉ ​တင်း​လၢႆ​လႄႈ​ဝႃႈ၊-</verse>
				<verse number="4">ၵဝ်​ပဵၼ်​ၶႅၵ်ႇ​ဢႃႇၵၼ်ႇတူႉ​ၵႃႈ​တီႈ​သူ​ဢေႃႈ။ လွင်ႈ​ၼင်ႇ​ႁိုဝ်​ၵဝ်​တၵ်း​လႆႈ​ၽင်​တူဝ်​တၢႆ​မေး​ၵဝ်​လႄႈ လပ်ႉ​ႁၢႆ​သေ​တႃ​ၵဝ်​ၸိုင်၊ ပၼ်​ဢၶႂၢင်ႉ​ပုၼ်ႈ​ပႃႇ​ႁဵဝ်ႈ​ၵႃႈ​ၼႂ်း​သူ​ၼႆႉ​တီႈ​ၵဝ်​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၵူၼ်း​ ႁေႇသႃႉ ​တင်း​လၢႆ​ၶိုၼ်း​လၢတ်ႈ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊-</verse>
				<verse number="6">ၸဝ်ႈ​ႁဝ်း​ၶႃႈ၊ ထွမ်ႇ​ၵႂၢမ်း​ႁဝ်း​ၶႃႈ​သေ​ၵမ်း​ၶႃႈ။ ၸဝ်ႈ​ႁဝ်း​ၶႃႈ​ၼႆႉ​ပဵၼ်​ၶုၼ်​ဢၼ်​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ ၵႃႈ​ၼႂ်း​ႁဝ်း​ၶႃႈ​ၼႆႉ​ၶႃႈ​ဢေႃႈ။ လိူၵ်ႈ​ၵဵပ်း​ၵႃႈ​ၼႂ်း​ပႃႇ​ႁဵဝ်ႈ​ႁဝ်း​ၶႃႈ​တင်း​လၢႆ​ၼႆႉ​သေ​လႄႈ​သၢင်း​ၵျူဝ်ႇ​တူဝ်​တၢႆ​မေး​ၸဝ်ႈ​ႁဝ်း​သေ​ၵမ်း​ၶႃႈ။ လွင်ႈ​ၼင်ႇ​ႁိုဝ် တၵ်း​ဢမ်ႇ​လႆႈ​သၢင်း​ၵျူဝ်ႇ​တူဝ်​တၢႆ​မေး​ၸဝ်ႈ​ႁဝ်း​ၼၼ်ႉ​ၸိုင် ၵႃႈ​ၼႂ်း​ႁဝ်း​ၶႃႈ​ၼႆႉ ၽူႈ​လႂ်​ယင်း​ဢမ်ႇ​ပၼ်​ပႃႇ​ႁဵဝ်ႈ​မၼ်း​လႄႈ​တၵ်း​ယူႇ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ဢႃႇပြႃႇႁၢမ်ႇ ​လုၵ်ႉ​လႄႈ​ၵူမ်ႈ​ႁူဝ်​ၵႃႈ​တီႈ​ၽၢႆႇ​ၼႃႈ​ၵူၼ်း​ဝၢၼ်ႈ​ၵူၼ်း​မိူင်း​ဢၼ်​ဝႃႈ​ၵူၼ်း​ ႁေႇသႃႉ ​တင်း​လၢႆ​ၼၼ်ႉ​သေ​လႄႈ​လၢတ်ႈ​ဝႃႈ၊-</verse>
				<verse number="8">ပေႃး​သူ​မီး​ဢလူဝ်ႇ​ၶႂ်ႈ​ႁႂ်ႈ​ၵဝ်​ၽင်​တူဝ်​တၢႆ​မေး​ၵဝ်​လႄႈ လပ်ႉ​ႁၢႆ​သေ​တႃ​ၵဝ်​ၸိုင် ထွမ်ႇ​ၵႂၢမ်း​ၵဝ်​သေ​ၵမ်း။ ဢွၼ်​ၵၼ်​တွင်း​ပၢၼ်ႇ​တီႈ​ ဢေႇၽရုၼ်ႇ ​လုၵ်ႈ​ၸၢႆး​ ၸေႃးႁႃႇ ​ပုၼ်ႈ​ၵဝ်၊-</verse>
				<verse number="9">ႁႂ်ႈ​မၼ်း​ၶၢႆ​ပၼ်​ႁူး​လဝ်​ မၵ်ႉပေႇလႃႉ ​ဢၼ်​မီး​ၵႃႈ​တီႈ​ႁိမ်း​လႅၼ်​သုတ်း​တူင်ႈ​ၼႃး​မၼ်း​ၼၼ်ႉ​တီႈ​ၵဝ် ႁႂ်ႈ​ၵဝ်​လႆႈ​မီး​ပႃႇ​ႁဵဝ်ႈ​ဢၼ်​ၵဝ်​ထိူၵ်ႈ​ပိူင်ႇ​ၵႃႈ​ၼႂ်း​သူ​သေ​ၵမ်း။ ၸွမ်း​ၵႃႈ​ၼင်ႇ​ဢၼ်​ၵႃႈ​မၼ်း​ၶၼ်​မၼ်း​ထိူၵ်ႈ​တၢၼ်ႇ​ငိုၼ်း​ၼၼ်ႉ ႁႂ်ႈ​မၼ်း​ၶၢႆ​ပၼ်​တီႈ​ၵဝ်​ၵႃႈ​ၼႂ်း​ၵၢင်​သူ​ၼႆႉ ပုၼ်ႈ​ဢၼ်​ၵဝ်​တၵ်း​မီး​ပႃႇ​ႁဵဝ်ႈ​ဢၼ်​ၵဝ်​ထိူၵ်ႈ​ပိူင်ႇ​ၼၼ်ႉ​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ၼၼ်ႉ ဢေႇၽရုၼ်ႇ ၼင်ႈ​ယူႇ​ၵႃႈ​ၼႂ်း​ၵူၼ်း​ ႁေႇသႃႉ ​ၸိူဝ်း​ၼၼ်ႉ​ဢေႃႈ။ ၼႆ​လႄႈ​ ဢေႇၽရုၼ်ႇ ​ၵူၼ်း​ ႁိတ်ႉတီႉ ​ၼၼ်ႉ ၶိုၼ်း​လၢတ်ႈ​တီႈ​ ဢႃႇပြႃႇႁၢမ်ႇ ၵႃႈ​ၼႂ်း​ပရဵၵ်ႈသၢတ်ႈ​ၵူၼ်း​ ႁေႇသႃႉ ​တင်း​လၢႆ ဢၼ်​ဝႃႈ​ၶဝ်​ၸိူဝ်း​ဢၼ်​ၶဝ်ႈ​ၼႂ်း​ၽၵ်း​တူ​ဝဵင်း​တင်း​သဵင်ႈ​တင်း​လူင် ၼၼ်ႉ​လႄႈ​ဝႃႈ၊-</verse>
				<verse number="11">ဢမ်ႇ​ၸႂ်ႈ​ၸိူဝ်ႉ​ၼင်ႇ​ၼၼ်၊ ၸဝ်ႈ​ၵဝ်​ၶႃႈ။ ထွမ်ႇ​ၵႂၢမ်း​ၵဝ်​ၶႃႈ​သေ​ၵမ်း​ၶႃႈ။ ၵဝ်​ၶႃႈ​ပၼ်​တူင်ႈ​ၼႃး​ၼၼ်ႉ ဢိၵ်ႇ​တင်း​ႁူး​လဝ်​ဢၼ်​မီး​ၼႂ်း​တူင်ႈ​ၼႃး​ၼၼ်ႉ တီႈ​ၸဝ်ႈ​ႁဝ်း​ၶႃႈ​ဢေႃႈ။ ၵဝ်​ၶႃႈ​ပၼ်​တီႈ​ၸဝ်ႈ​ႁဝ်း​ၶႃႈ ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ၵဝ်​ၶႃႈ​ၸိူဝ်း​ၼႆႉ​ၶႃႈ​ဢေႃႈ။ သၢင်း​ၵျူဝ်ႇ​တူဝ်​တၢႆ​မေး​ၸဝ်ႈ​ႁဝ်း​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ဢႃႇပြႃႇႁၢမ်ႇ ​ၵေႃႈ၊ ၵူမ်ႈ​ႁူဝ်​ၵႃႈ​တီႈ​ၽၢႆႇ​ၼႃႈ​ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ​သေ​လႄႈ၊-</verse>
				<verse number="13">လၢတ်ႈ​တီႈ​ ဢေႇၽရုၼ်ႇ ​ၵႃႈ​ၼႂ်း​ပရဵၵ်ႈသၢတ်ႈ​ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် ထွမ်ႇ​ၵႂၢမ်း​ၵဝ်​သေ​ၵမ်း။ ၵဝ်​တၵ်း​ပၼ်​ငိုၼ်း​ပုၼ်ႈ​တူင်ႈ​ၼႃး​ၼၼ်ႉ​ဢေႃႈ။ ဢဝ်​ငိုၼ်း​တီႈ​ၵဝ်​သေ​ၵမ်း။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​တၵ်း​သၢင်း​ၵျူဝ်ႇ​တူဝ်​တၢႆ​မေး​ၵဝ် ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ဢေႇၽရုၼ်ႇ ​ၵေႃႈ၊ ၶိုၼ်း​လၢတ်ႈ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊-</verse>
				<verse number="15">ၸဝ်ႈ​ၵဝ်​ၶႃႈ၊ ထွမ်ႇ​ၵႂၢမ်း​ၵဝ်​ၶႃႈ​သေ​ၵမ်း​ၶႃႈ။ လိၼ်​ၼၼ်ႉ​ထိူၵ်ႈ​ၵႃႈ ၵျၢပ်ႈ​ သၶေးလႃႉ ​သီႇ​ပၢၵ်ႇ​ၵျၢပ်ႈ​ၶႃႈ​ဢေႃႈ။ တၵ်း​ပွင်ႇ​လွင်ႈ​ၵႃႈ​သင်​တီႈ​ၸဝ်ႈ​ႁဝ်း​တင်း​ၵဝ်​ၶႃႈ။ သၢင်း​ၵျူဝ်ႇ​တူဝ်​တၢႆ​မေး​ၸဝ်ႈ​ႁဝ်း​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ဢႃႇပြႃႇႁၢမ်ႇ ​ၵေႃႈ ထွမ်ႇ​ဢဝ်​ၵႂၢမ်း​ ဢေႇၽရုၼ်ႇ ​လႄႈ ၵႃႈ​ၼင်ႇ​ဢၼ်​ ဢေႇၽရုၼ်ႇ ​ပျၢတ်ႈ​ၵႃႈ​မၼ်း​ၶၼ်​မၼ်း​ၵႃႈ​ၼႂ်း​ပရဵၵ်ႈသၢတ်ႈ​ၵူၼ်း ႁေႇသႃႉ ​ၸိူဝ်း​ၼၼ်ႉ ၸင်ႈ​ႁိဝ်ႈ​ငိုၼ်း​ၵျၢပ်ႈ​ သၶေးလႃႉ ​သီႇ​ပၢၵ်ႇ​ၵျၢပ်ႈ၊ မဵဝ်း​ငိုၼ်း​ဢၼ်​ၵူၼ်း​ၵႃႉ​ၵူၼ်း​ၶၢႆ​ၶဝ်​သုင်း​ၼၼ်ႉ​သေ​လႄႈ ပၼ်​တီႈ​မၼ်း​ဢေႃႈ။</verse>
				<verse number="17">ၼင်ႇ​ၼၼ်​လႄႈ ဢၢပ်ႈ​တူင်ႈ​ၼႃး​ ဢေႇၽရုၼ်ႇ ​ဢၼ်​မီး​တီႈ​ မၵ်ႉပေႇလႃႉ ၽၢႆႇ​ဝၼ်း​ဢွၵ်ႇ​တီႈ​ မမ်ႇရေႇ ​ၼၼ်ႉ ဢိၵ်ႇ​တင်း​ႁူး​လဝ်​ဢၼ်​မီး​ၵႃႈ​တီႈ​တူင်ႈ​ၼႃး​ၼၼ်ႉ တင်း​တူၼ်ႈ​မႆႉ​ဢၼ်​မီး​ၸွမ်း​ႁိမ်း​မၼ်း​ၸိူဝ်း​ၼၼ်ႉ​-</verse>
				<verse number="18">ပၼ်​တီႈ​ ဢႃႇပြႃႇႁၢမ်ႇ ​ႁႂ်ႈ​ပဵၼ်​ပုၼ်ႈ​ဢၼ်​မၼ်း​ထိူၵ်ႈ​ပိူင်ႇ​ၼၼ်ႉ ၼႂ်း​ပရဵၵ်ႈသၢတ်ႈ​ၵူၼ်း​ ႁေႇသႃႉ ​တင်း​လၢႆ ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ် ၶဝ်ႈ​ၼႂ်း​ၽၵ်း​တူ​ဝဵင်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ​လီ​လီ​ငၢမ်း​ငၢမ်း​ဢေႃႈ။</verse>
				<verse number="19">လိုၼ်း​ၼၼ်ႉ ဢႃႇပြႃႇႁၢမ်ႇ ​သၢင်း​ၵျူဝ်ႇ​မေး​မၼ်း​ ၸႃႇရႃႇ ​ၼၼ်ႉ​ၵႃႈ​ၼႂ်း​ႁူး​လဝ်​တူင်ႈ​ၼႃး​ မၵ်ႉပေႇလႃႉ ၽၢႆႇ​ဝၼ်း​ဢွၵ်ႇ​တီႈ​ မမ်ႇရေႇ ​ၼၼ်ႉ​ဢေႃႈ။ တီႈ​ၼၼ်ႈ​ၸမ်ႉ ပဵၼ်​တီႈ​ ႁေႇပြုၼ်ႇ ​ၼႂ်း​မိူင်း​ ၶႃႇၼၢၼ်ႇ ​ဢေႃႈ။-</verse>
				<verse number="20">ၵူၼ်း​ ႁေႇသႃႉ ​ၸိူဝ်း​ၼၼ်ႉ ဢၢပ်ႈ​တူင်ႈ​ၼႃး​တင်း​ႁူး​လဝ်​ၼၼ်ႉ ပၼ်​တီႈ​ ဢႃႇပြႃႇႁၢမ်ႇ ​ႁႂ်ႈ​လႆႈ​ပဵၼ်​ပႃႇ​ႁဵဝ်ႈ​ဢၼ်​မၼ်း​ထိူၵ်ႈ​ပိူင်ႇ​ၼၼ်ႉ လီ​လီ​ငၢမ်း​ငၢမ်း​ဢေႃႈ။</verse>
			</chapter>
			<chapter number="24">
				<verse number="1">ဢႃႇပြႃႇႁၢမ်ႇ ​ဢသၢၵ်ႈ​ယႂ်ႇ​လႄႈ​ၵႄႇ​ထဝ်ႈ​ၼႃႇ​လူင်​လၢင်​ယဝ်ႉ။ ထႃႇဝရႃႉ​ၽြႃး​ပၼ်​တၢင်း​လီ​တီႈ​မၼ်း​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ယဝ်ႉ။-</verse>
				<verse number="2">ဢႃႇပြႃႇႁၢမ်ႇ ​လၢတ်ႈ​တီႈ​ၶႃႈ​မၼ်း​ဢၼ်​ဢသၢၵ်ႈ​ယႂ်ႇ​ၵႃႈ​ၼႂ်း​ၵူၼ်း​ႁိူၼ်း​ၵူၼ်း​ယေး​မၼ်း​လႄႈ ႁဵတ်း​ၽၼ်ႇတႃႇၸူဝ်း​ယူႇ​ၼၼ်ႉ​လႄႈ​ဝႃႈ၊ ဢဝ်​မိုဝ်း​မႂ်း​ဝႆႉ​ၵႃႈ​တႂ်ႈ​ၶႃ​ၵဝ်​တႃႉ။-</verse>
				<verse number="3">ၵဝ်​တၵ်း​ႁႂ်ႈ​မႂ်း​တိူင်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵၢင်​ႁၢဝ်​၊ ၽြႃး​ပဵၼ်​ၸဝ်ႈ​လိၼ်​မိူင်း​ၼၼ်ႉ လွင်ႈ​ဢၼ်​မႂ်း​ယင်း​ဢမ်ႇ​လိူၵ်ႈ​ဢမ်ႇ​ၵဵပ်း​ဢဝ်​မေး​ပုၼ်ႈ​ႁင်း​လုၵ်ႈ​ၸၢႆး​ၵဝ်​ၵႃႈ​ၼႂ်း​လုၵ်ႈ​ယိင်း​ၸိူဝ်ႉ​ၶိူဝ်း​ၵူၼ်း​ ၶႃႇၼၢၼ်ႇ ​တီႈ​ဢၼ်​ၵဝ်​ယူႇ​ၼႆႉ​လႄႈ၊-</verse>
				<verse number="4">တၵ်း​လႆႈ​ၵႂႃႇ​ၵႃႈ​တီႈ​မိူင်း​ၵဝ်​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ပုၼ်ႉ​သေ​လႄႈ လိူၵ်ႈ​ၵဵပ်း​ဢဝ်​မေး ပုၼ်ႈ​ႁင်း​ ဢီႉၸၢၵ်ႈ ​လုၵ်ႈ​ၸၢႆး​ၵဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶႃႈ​မၼ်း​ၵေႃႈ​ထၢမ်​လႄႈ​ဝႃႈ၊ ပေႃး​မႄႈ​ယိင်း​ဢမ်ႇ​မီး​ဢလူဝ်ႇ​ၶႂ်ႈ​ၸွမ်း​မႃး​ၵႃႈ​တီႈ​မိူင်း​ၼႆႉ​ၸိုင်၊ ၸွင်ႇ​ၶႃႈ​ၸဝ်ႈ​သမ်ႉ​တၵ်း​လႆႈ​ႁွင်ႉ​ဢဝ်​လုၵ်ႈ​ၸၢႆး​ၸဝ်ႈ​ႁဝ်း ၵႂႃႇ​ၵႃႈ​တီႈ​မိူင်း​ဢၼ်​ၸဝ်ႈ​ႁဝ်း​ဢွၵ်ႇ​မႃး​ၼၼ်ႉ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ဢႃႇပြႃႇႁၢမ်ႇ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ႁဵတ်း​သတီႉ​တႃႉ။ ယႃႇ​ပေ​ႁွင်ႉ​ဢဝ်​လုၵ်ႈ​ၸၢႆး​ၵဝ်​ၵႂႃႇ​ၵႃႈ​တီႈ​မိူင်း​ၼၼ်ႉ။-</verse>
				<verse number="7">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၽုင်ႇ​ၵၢင်​ႁၢဝ် ဢၼ်​ႁွင်ႉ​ဢဝ်​ၵဝ်​ၵႃႈ​ၼႂ်း​ႁိူၼ်း​ပေႃႈ​ၵဝ် တင်း​မိူင်း​တီႈ​ယူႇ​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ပုၼ်ႉ​လႄႈ ပၼ်​ပျႃႇ​တိၵ်ႈ​တီႈ​ၵဝ်​ၼၼ်ႉ တိူင်ႇ​လႄႈ​ဝႃႈ၊ ၵဝ်​တၵ်း​ပၼ်​မိူင်း​ၼႆႉ​တီႈ​ၸိူဝ်ႉ​ၶိူဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ တၵ်း​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​မၼ်း​ၸဝ်ႈ ဢွၼ်​ႁူဝ်​မႂ်း​ၵႂႃႇ​လႄႈ​မႂ်း​တၵ်း​လႆႈ​ဢဝ်​မေး​ပုၼ်ႈ​ႁင်း​လုၵ်ႈ​ၸၢႆး​ၵဝ် ၵႃႈ​တီႈ​မိူင်း​ၼၼ်ႉ​ဢေႃႈ။-</verse>
				<verse number="8">ပေႃး​မႄႈ​ယိင်း​ဢမ်ႇ​ၶႂ်ႈ​ၸွမ်း​လူၺ်ႈ​ၵၼ်​တင်း​မႂ်း​ၸိုင်၊ ႁႂ်ႈ​မႂ်း​ၵၢင်း​လွတ်ႈ​တင်း​တၢင်း​ဢၼ်​ၵိၼ်ႇ​ဝႃႈ ဢၼ်​ၵဝ်​ပၼ်​တေႃႈ​လဵဝ်​ၼႆႉ​ၼၼ်ႉ​တႃႉ။ ၵူၺ်း​ၵႃႈ ယႃႇ​ပေ​ႁွင်ႉ​ဢဝ်​လုၵ်ႈ​ၸၢႆး​ၵဝ်​ၵႂႃႇ​ၵႃႈ​တီႈ​မိူင်း​ၼၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">ၶႃႈ​မၼ်း​ၼၼ်ႉ ဢဝ်​မိုဝ်း​မၼ်း​ဝႆႉ​ၵႃႈ​တႂ်ႈ​ၶႃ​ၸဝ်ႈ​မၼ်း​ ဢႃႇပြႃႇႁၢမ်ႇ ​ၼၼ်ႉ​သေ​လႄႈ ၵိၼ်ႇ​ဝႃႈ​လူၺ်ႈ​လွင်ႈ​တၢင်း​ၼၼ်ႉ​ဢေႃႈ။</verse>
				<verse number="10">ၶႃႈ​မၼ်း​ၼၼ်ႉ​ၵေႃႈ လုၵ်ႉ​လႄႈ​ဢဝ်​ၵလႃးဢုၵ်ႉ​ၵႃႈ​ၼႂ်း​ၽုင်​ၵလႃးဢုၵ်ႉ ၸဝ်ႈ​မၼ်း​ၼၼ်ႉ​သိပ်း​တူဝ် ဢိၵ်ႇ​တင်း​ဢုၵ်ႉ​ၸႃႇ​ၶူဝ်း​လဵင်း​ၵႃႈ​ဢၼ်​ပဵၼ်​ဢၼ်​လီ​တီႈ​ၸဝ်ႈ​မၼ်း​ၵႂႃႇ​လႄႈ ႁွတ်ႈ​ထိုင်​ဝဵင်း​ ၼႃႇၶေႃႇ မိူင်း​ မေႇသေႃးပေႃးတႃႇမီႉ ​ဢေႃႈ။-</verse>
				<verse number="11">မၼ်း​ႁႂ်ႈ​ၵလႃးဢုၵ်ႉ​ၸိူဝ်း​ၼၼ်ႉ​ၶုပ်ႉ​မူပ်ႇ​ၵႃႈ​ၼွၵ်ႈ​ဝဵင်း ၵႃႈ​တီႈ​ႁိမ်း​ၼမ်ႉ​မေႃႇ​ၶိင်ႇ​ႁူဝ်​ၶမ်ႈ ၶိင်ႇ​ဢၼ်​ၽူႈ​ယိင်း​တင်း​လၢႆ​မႃး​တဵၵ်း​ၼမ်ႉ​ၼၼ်ႉ​သေ​ယဝ်ႉ၊-</verse>
				<verse number="12">သူး​တွင်း​လႄႈ​ဝႃႈ၊ ထႃႇဝရႃႉ​ၽြႃး၊​ၽြႃး​ပဵၼ်​ၸဝ်ႈ​ ဢႃႇပြႃႇႁၢမ်ႇ ၸဝ်ႈ​ၵဝ်​ၶႃႈ​ၼၼ်ႉ​တီႈ​ၶႃႈ၊ ဝၼ်း​မိူဝ်ႈ​ၼႆႉ​ၶႅၼ်း​တေႃႈ​ႁႂ်ႈ​တၢင်း​ၵျၢမ်ႇ​တၢင်း​ပွင်​ၶႃႈ​ၸဝ်ႈ​ပဵၼ်​လႄႈ ႁဵတ်း​ၵျေး​ၸူး​တီႈ​ ဢႃႇပြႃႇႁၢမ်ႇ ၸဝ်ႈ​ၵဝ်​ၶႃႈ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="13">ၶႃႈ​ၸဝ်ႈ​ၸုၵ်း​ယူႇ​ၵႃႈ​တီႈ​ႁိမ်း​ၼမ်ႉ​မေႃႇ​ၼႆႉ​လႄႈ ၼႂ်း​မိူဝ်ႈ​ဢၼ်​လုၵ်ႈ​ယိင်း​သၢဝ်​ၵူၼ်း​ဝဵင်း​ၸိူဝ်း​ၼႆႉ မႃး​တဵၵ်း​ၼမ်ႉ​ၼၼ်ႉ၊-</verse>
				<verse number="14">လုၵ်ႈ​ယိင်း​သၢဝ်​ၵေႃႉ​လႂ်​သေ​ဢမ်ႇ​ဝႃႈ ပေႃး​ၶႃႈ​ၸဝ်ႈ​ဝႃႈ၊ ၶျႃး​ၼမ်ႉ​တဝ်ႈ​မႂ်း​ပုၼ်ႈ​ဢၼ်​ၵဝ်​တၵ်း​ၵိၼ်​သေ​ၵမ်း၊ ဝႃႈ​ၼင်ႇ​ၼႆ​လႄႈ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၵိၼ်​သေ​ၵမ်း။ တီႈ​ၵလႃးဢုၵ်ႉ​ၸဝ်ႈ​ၸိူဝ်း​ၼႆႉ​ၵေႃႈ တၵ်း​တိုၵ်း​ၼမ်ႉ​ပၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ႁႂ်ႈ​လုၵ်ႈ​ယိင်း​သၢဝ်​ၼၼ်ႉ ပဵၼ်​ၵေႃႉ​ဢၼ်​ၸဝ်ႈ​ႁဝ်း ၶၢၼ်း​ဝႆႉ​ပုၼ်ႈ​ႁင်း​ ဢီႉၸၢၵ်ႈ ​ၶႃႈ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼၼ်​လႄႈ၊​ၶႃႈ​ၸဝ်ႈ​တၵ်း​လႆႈ​ႁူႉ​လွင်ႈ​ဢၼ်​ၸဝ်ႈ​ႁဝ်း ႁဵတ်း​ၵျေး​ၸူး​တီႈ​ၸဝ်ႈ​ၵဝ်​ၶႃႈ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​ယူႇ​လႄႈ ၸူဝ်ႈ​ဢၼ်​ဢမ်ႇ​ပႆႇ​ယဝ်ႉ​ၼၼ်ႉ​ၸိုင် မၼ်း​မုင်ႈ​ႁၼ် ရေႇပႅၵ်ႉၵႃႉ လုၵ်ႈ​ယိင်း ပေႇသူၺ်ႇလႃႉ ဢၼ်​ပဵၼ်​လုၵ်ႈ​ၸၢႆး​ မီႉလၶႃႇ ၊ မေး​ ၼႃႇၶေႃႇ ၊ ပီႈ​ၸၢႆး​ ဢႃႇပြႃႇႁၢမ်ႇ ​ၼၼ်ႉ ႁၢပ်ႇ​ၼမ်ႉ​တဝ်ႈ​တၢင်ႇ​ၵႃႈ​ၼိူဝ်​ႁူဝ်​မႃႇ​ယူႇ​သေ​လႄႈ ဢွၵ်ႇ​မႃး​ဢေႃႈ။-</verse>
				<verse number="16">လုၵ်ႈ​ယိင်း​သၢဝ်​ၼၼ်ႉ​ႁၢင်ႈ​လီ​ၽၢင်​လီ​ၼႃႇ​လူင်​လၢင်​လႄႈ ပဵၼ်​ၵၼ်ႇ​ၺႃႇ​ဢၼ်​ဢမ်ႇ​ပႆႇ​သိူၵ်ႈ​သမ်ႇ​ၵၼ်​တင်း​ၵူၼ်း​ၸၢႆး​ဢေႃႈ။ မၼ်း​ၼၼ်ႉ​လူင်း​ၸူး​ၵႃႈ​တီႈ​ၼမ်ႉ​မေႃႇ​လႄႈ ထႅမ်​ႁႂ်ႈ​ၼမ်ႉ​တဵမ်​ၼမ်ႉ​တဝ်ႈ​သေ​ယဝ်ႉ ၶိုၼ်ႈ​မႃး​ဢေႃႈ။-</verse>
				<verse number="17">ၶႃႈ​ၼၼ်ႉ​ၵေႃႈ​လႅၼ်ႈ​ၵႂႃႇ​ၸူး​ႁႂ်ႈ​လႆႈ​ထူပ်း​ၵၼ်​တင်း​မၼ်း​ၼၼ်ႉ​သေ​လႄႈ ယွၼ်း​ဝႃႈ၊ ႁႂ်ႈ​လႆႈ​ၵိၼ်​ၼမ်ႉ​ၼႂ်း​ၼမ်ႉ​တဝ်ႈ​မႂ်း​ၼႆႉ​သေ​ဢိတ်း​ၼိုင်ႈ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">မၼ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၵိၼ်​သေ​ၵမ်း​ၸဝ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶျႃး​ၼမ်ႉ​တဝ်ႈ​လူင်း​သႂ်ႇ​ၵႃႈ​ၼိူဝ်​မိုဝ်း​မၼ်း​ၶၼ်​ၶၼ်​ၽႂ်း​ၽႂ်း​လႄႈ ပၼ်​ၵိၼ်​ၼမ်ႉ​ဢေႃႈ။-</verse>
				<verse number="19">မၼ်း​ပၼ်​ၵိၼ်​ၼမ်ႉ​ယဝ်ႉ၊ မၼ်း​ၸင်ႇ​သမ်ႉ​လၢတ်ႈ​လႄႈ​ဝႃႈ၊ ပုၼ်ႈ​ၵလႃးဢုၵ်ႉ​ၸဝ်ႈ​ၸိူဝ်း​ၼၼ်ႉ​ၵေႃႈ ၵဝ်​ၶႃႈ​တၵ်း​တဵၵ်း​ပၼ်​တေႃႇ​ထိုင်​ႁွတ်ႈ​ထၼ်ႈ​ပေႃး ၶဝ်​လႆႈ​ၵိၼ်​ဢိမ်ႇ​ဢိမ်ႇ​တဵမ်​တဵမ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="20">မၼ်း​ဢဝ်​ၼမ်ႉ​ဢၼ်​မီး​ၵႃႈ​ၼႂ်း​တဝ်ႈ​ၼၼ်ႉ​ထွၵ်ႇ​သႂ်ႇ​ၼႂ်း​ႁၢင်း​ဢၼ်​တိုၵ်း​ၼမ်ႉ​ၶၼ်​ၶၼ်​ၽႂ်း​ၽႂ်း​သေ​ယဝ်ႉ၊ သမ်ႉ​ၶိုၼ်း​လႅၼ်ႈ​ၵႂႃႇ​ၸူး​ၵႃႈ​တီႈ​ၼမ်ႉ​မေႃႇ​ႁႂ်ႈ​လႆႈ​တဵၵ်း​ၼမ်ႉ​ထႅင်ႈ​လႄႈ တိုၵ်း​ၼမ်ႉ​ပုၼ်ႈ​ၵလႃးဢုၵ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="21">ၵူၼ်း​ၸၢႆး​ၼၼ်ႉ​ဢၢမ်း​လွင်ႈ​မႄႈ​ယိင်း​ၼၼ်ႉ​လႄႈ ၶႂ်ႈ​ႁူႉ​လွင်ႈ​ဢၼ်​ထႃႇဝရႃႉ​ၽြႃး​ပွင်​ႁဵတ်း​လွင်ႈ​ဢမူႉ​ဢၼ်​မၼ်း​ႁွတ်ႈ​မႃး​ၼၼ်ႉ​ႁိုဝ်။ ဢမ်ႇ​ပွင်​ႁဵတ်း​ႁိုဝ်​ၼၼ်ႉ​လႄႈ ယူႇ​တဵတ်ႇ​တဵတ်ႇ​ယူႇ​ဢေႃႈ။-</verse>
				<verse number="22">လိုၼ်း​သေ​ၵလႃးဢုၵ်ႉ​ၸိူဝ်း​ၼၼ်ႉ ၵိၼ်​ၼမ်ႉ​ယဝ်ႉ​ၼၼ်ႉ၊ ၵူၼ်း​ၸၢႆး​ၼၼ်ႉ ဢဝ်​သွႆႈ​ၶမ်း​ဢၼ်​ႁွႆႈ​ၶူႈ​လင်​ဢၼ်​ၼမ်ႉ​ၼၵ်း​မၼ်း​မီး​ၶိုင်ႈ​ၵျၢပ်ႈ သၶေးလႃႉ ​ၼိုင်ႈ၊ ဢိၵ်ႇ​တင်း​ဝႅၼ်​ၶမ်း​ၵူႈ​ၼိုင်ႈ ဢၼ်​ၼမ်ႉ​ၼၵ်း​မၼ်း​မီး​ၵျၢပ်ႈ​ သၶေးလႃႉ ​သိပ်း​ၵျၢပ်ႈ​ၸိူဝ်း​ၼၼ်ႉ​ဢွၵ်ႇ​သေ​လႄႈ၊-</verse>
				<verse number="23">ထၢမ်​လႄႈ​ဝႃႈ၊ မႂ်း​ပဵၼ်​လုၵ်ႈ​ယိင်း​ၽူႈ​လႂ်၊ မွၵ်ႇ​လၢတ်ႈ​တီႈ​ၵဝ်​သေ​ၵမ်း။ ၵႃႈ​တီႈ​ႁိူၼ်း​ပေႃႈ​မႂ်း​ၼၼ်ႉ မီး​ပုၼ်ႈ​တႃ​ဢၼ် ႁဝ်း​ၶႃႈ​တၵ်း သွၼ်ႈ​ပိုင်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="24">မၼ်း​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​ပဵၼ်​လုၵ်ႈ​ယိင်း​ ပေႇသူၺ်ႇလႃႉ ဢၼ်​ မီႉလၶႃႇ မေး​ ၼႃႇၶေႃႇ ​ၼၼ်ႉ​ၵိူတ်ႇ​လဵင်ႉ​မႃး​ၼၼ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">မၼ်း​သမ်ႉ​လၢတ်ႈ​လႄႈ​ဝႃႈ၊ ၵႃႈ​တီႈ​ႁဝ်း​ၶႃႈ​ၼၼ်ႉ မီး​ယိူဝ်ႈ​ႁႅင်ႈ​လႂ်၊ ပုၼ်ႈ​ဢၼ်​လီ​ၵိၼ်​လီ​ၶူပ်း​လႂ် ဢိၵ်ႇ​တင်း​တီႈ​ဢၼ်​တၵ်း​သွၼ်ႈ​ပိုင်ႈ​ယူႇ​လႂ်​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">မိူဝ်ႈ​ၼၼ်ႉ​ၵူၼ်း​ၸၢႆး​ၼၼ်ႉ ၵူမ်ႈ​ၵွမ်း​ႁူဝ်​လႄႈ ၵူဝ်း​ၵႂၢႆႇ​ထႃႇဝရႃႉ​ၽြႃး​ယူႇ​သေ​လႄႈ၊-</verse>
				<verse number="27">ဢွၵ်ႇ​သူပ်း​ဝႃႈ၊ ႁႂ်ႈ​ထႃႇဝရႃႉ​ၽြႃး၊​ၽြႃး​ပဵၼ်​ၸဝ်ႈ​ၸဝ်ႈ​ၵဝ်​ၶႃႈ​ ဢႃႇပြႃႇႁၢမ်ႇ ​ဢၼ်​ဢမ်ႇ​သိမ်း​ဢဝ် ၵရူႉၼႃႇ​တင်း​သဵတ်ႈ​ၸႃႇ​သေ​ၵႃႈ​တီႈ​ၸဝ်ႈ​ၵဝ်​ၶႃႈ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ​တီႈ​ၶႃႈ၊ ထႃႇဝရႃႉ​ၽြႃး​ဢဝ်​ၵဝ်​ၶႃႈ​ၼႂ်း​မိူဝ်ႈ​ဢၼ် ၵဝ်​ၶႃႈ​ယင်း​တိုၵ်ႉ​ၸွမ်း​ၼႂ်း​သဵၼ်ႈ​တၢင်း​ၵႂႃႇ​ယူႇ​ၼၼ်ႉ​သေ​လႄႈ သူင်ႇ​ႁွတ်ႈ​ၵႃႈ​တီႈ​ႁိူၼ်း​ပီႈ​ၼွင်ႉ​ၸဝ်ႈ​ၵဝ်​ၶႃႈ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">လုၵ်ႈ​ယိင်း​သၢဝ်​ၼၼ်ႉ​ၵေႃႈ၊ လႅၼ်ႈ​ၵႂႃႇ​လႄႈ​မွၵ်ႇ​လၢတ်ႈ​လွင်ႈ​တၢင်း​ၸိူဝ်း​ၼႆႉ​ၵႃႈ​တီႈ​ႁိူၼ်း​မႄႈ​မၼ်း​ဢေႃႈ။</verse>
				<verse number="29">ရေႇပႅၵ်ႉၵႃႉ ​ၼၼ်ႉ မီး​ပီႈ​ၸၢႆး​ၵေႃႉ​ၼိုင်ႈ​ဢၼ်​လႆႈ​ၸိုဝ်ႈ​ လႃႇပၢၼ်ႇ ​ဢေႃႈ။ လႃႇပၢၼ်ႇ ​ၼၼ်ႉ​ၶုၼ်ႇ​လႅၼ်ႈ​ၵႂႃႇ​ၸူး​ၼမ်ႉ​မေႃႇ ၵႃႈ​တီႈ​ဢၼ်​ၵူၼ်း​ၸၢႆး​ၼၼ်ႉ​မီး​ၼၼ်ႉ​ဢေႃႈ။-</verse>
				<verse number="30">မိူဝ်ႈ​ဢၼ်​မၼ်း​လႆႈ​ႁၼ်​သွႆႈ​ၶမ်း​ႁွႆႈ​ၶူႈ​လင် တင်း​ဝႅၼ်​ဢၼ်​မီး​ၵႃႈ​တီႈ​မိုဝ်း​ၼွင်ႉ​ယိင်း​မၼ်း​ၼၼ်ႉ​လႄႈ သမ်ႉ​လႆႈ​ငိၼ်း​ၵႂၢမ်း​ဢၼ်​ၼွင်ႉ​ယိင်း​မၼ်း​ ရေႇပႅၵ်ႉၵႃႉ လၢတ်ႈ​လႄႈ​ဝႃႈ၊ ၵူၼ်း​ၸၢႆး​ၼၼ်ႉ​လၢတ်ႈ​တီႈ​ၵဝ်​ၶႃႈ​ၸိူဝ်ႉ​ၼင်ႇ​ၼႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ မၼ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ၵေႃႉ​ၼၼ်ႉ​လႄႈ၊ ၵေႃႉ​ၼၼ်ႉ​ၸုၵ်း​ယူႇ​ၵႃႈ​ႁိမ်း​ၵလႃးဢုၵ်ႉ​ၸိူဝ်း​ၼၼ်ႉ ၵႃႈ​တီႈ​ၼမ်ႉ​မေႃႇ​ၼၼ်ႉ​ဢေႃႈ။-</verse>
				<verse number="31">မၼ်း​ၵေႃႈ​လၢတ်ႈ​လႄႈ​ဝႃႈ၊ ၵေႃႉ​ဢၼ်​ထႃႇဝရႃႉ​ၽြႃး​ပၼ်​တၢင်း​လီ​ၼႆႉ​ဢိူၺ်း၊ ၶဝ်ႈ​ၵႃႈ​ၼႂ်း​ႁိူၼ်း​ၵဝ်​ၶႃႈ​သေ​ၵမ်း။ ႁဵတ်း​သင်​လႄႈ​ၸုၵ်း​ယူႇ​ၵႃႈ​တီႈ​ၼွၵ်ႈ​ၼင်ႇ​ႁိုဝ်။ ၵဝ်​ၶႃႈ​မႄး​ႁႅၼ်း​ႁိူၼ်း​ဢိၵ်ႇ​တင်း​တီႈ​ဢၼ် ၵလႃးဢုၵ်ႉ​တၵ်း​ယူႇ​ဝႆႉ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="32">ဢဝ်​ၵူၼ်း​ၸၢႆး​ၼၼ်ႉ မိူဝ်း​ၸူး​ၵႃႈ​တီႈ​ႁိူၼ်း​လႄႈ ပူတ်း​ၶိူင်ႈ​ဢၼ်​တၢင်ႇ​ၵလႃးဢုၵ်ႉ​သေ​ယဝ်ႉ၊ ပၼ်​ယိူဝ်ႈ​ႁႅင်ႈ​ဢိၵ်ႇ​တင်း တၢင်း​ၵိၼ်​တီႈ​ၵလႃးဢုၵ်ႉ​တင်း​လၢႆ​လႄႈ ပၼ်​ၼမ်ႉ​ပုၼ်ႈ​ဢၼ်​ၵူၼ်း​ၸၢႆး​ၼၼ်ႉ ဢိၵ်ႇ​တင်း​ၶဝ်​ၸိူဝ်း​ဢၼ်​ၸွမ်း​မၼ်း​ၼၼ်ႉ တၵ်း​သုၵ်ႈ​တိၼ်​ဢေႃႈ။-</verse>
				<verse number="33">မိူဝ်ႈ​ဢၼ်​ဢဝ်​တၢင်း​ၵိၼ်​သႂ်ႇ​တမ်း​ပၼ်​ၵႃႈ​တီႈ​ၽၢႆႇ​ၼႃႈ​ၵေႃႉ​ၼၼ်ႉ​ၸိုင်၊ ၵေႃႉ​ၼၼ်ႉ​လၢတ်ႈ​လႄႈ​ဝႃႈ၊ ၸူဝ်ႈ​ဢၼ်​ၵဝ်​ၶႃႈ​ဢမ်ႇ​ပႆႇ​လၢတ်ႈ​ဢမူႉ​ၵဝ်​ၶႃႈ​ၸိုင်၊ ၵဝ်​ၶႃႈ​တၵ်း​ဢမ်ႇ​ပႆႇ​ၵိၼ်​တၢင်း​ၵိၼ်​တၢင်း​ၶူပ်း​ၵူၺ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​လၢတ်ႈ​လႄႈ​ဝႃႈ၊ လၢတ်ႈ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ၵေႃႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​ၸမ်ႉ၊ ပဵၼ်​ၶႃႈ​ ဢႃႇပြႃႇႁၢမ်ႇ ​ဢေႃႈ။-</verse>
				<verse number="35">ပိူဝ်ႈ​ဢၼ်​ထႃႇဝရႃႉ​ၽြႃး ပၼ်​တၢင်း​လီ​တီႈ​ၸဝ်ႈ​ၵဝ်​ၶႃႈ​ၼမ်​ၼႃႇ​လူင်​လၢင်​လႄႈ မၼ်း​ႁွတ်ႈ​ထိုင်​တၢင်း​ဢၼ်​ယႂ်ႇ​မျၢတ်ႈ​ယဝ်ႉ။ မၼ်း​ၸဝ်ႈ ပၼ်​ၽုင်​သူဝ်း၊ ၽုင်​ဝူဝ်း၊ ငိုၼ်း​ၶမ်း၊ ၶႃႈ​ၵူၼ်း​ၸၢႆး​လႂ်၊ ၶႃႈ​ၵူၼ်း​ယိင်း​လႂ်၊ ၵလႃးဢုၵ်ႉ​လႂ်၊ ဢိၵ်ႇ​တင်း​တူဝ်​လီႈ​လႂ်​ယဝ်ႉ။-</verse>
				<verse number="36">ၸႃႇရႃႇ ​မေး​ၸဝ်ႈ​ၵဝ်​ၶႃႈ​ၼၼ်ႉ၊ မိူဝ်ႈ​ဢၼ်​ဢသၢၵ်ႈ​ထဝ်ႈ​ၼၼ်ႉ​ၸိုင်၊ ၵိူတ်ႇ​လဵင်ႉ​လုၵ်ႈ​ၸၢႆး​တီႈ​ၸဝ်ႈ​ၵဝ်​ၶႃႈ​လႄႈ၊ တီႈ​လုၵ်ႈ​ၸၢႆး​ၼၼ်ႉ​ၸိုင်၊ မၼ်း​ဢဝ်​ဢုၵ်ႉ​ၸႃႇ​ၵႃႈ​မီး​တင်း​သဵင်ႈ​တင်း​လူင် ဢၢပ်ႈ​ပၼ်​ယဝ်ႉ​ယဝ်ႉ။-</verse>
				<verse number="37">ၸဝ်ႈ​ၵဝ်​ၶႃႈ​ၼၼ်ႉ​ၵေႃႈ၊ ႁႂ်ႈ​ၵဝ်​ၶႃႈ​တိူင်ႇ​လႄႈ​ဝႃႈ၊ မႂ်း​ယင်း​ဢမ်ႇ​လိူၵ်ႈ​ဢမ်ႇ​ၵဵပ်း​ဢဝ်​မေး​ပုၼ်ႈ​ႁင်း​လုၵ်ႈ​ၸၢႆး​ၵဝ်​ၵႃႈ​ၼႂ်း​လုၵ်ႈ​ယိင်း​ၸိူဝ်ႉ​ၶိူဝ်း​ၵူၼ်း​ ၶႃႇၼၢၼ်ႇ မိူင်း​တီႈ​ဢၼ်​ၵဝ်​ယူႇ​ၼႆ​လႄႈ၊-</verse>
				<verse number="38">တၵ်း​လႆႈ​ၵႂႃႇ​ၵႃႈ​တီႈ​ႁိူၼ်း​ပေႃႈ​ၵဝ်၊ တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ပုၼ်ႉ​လႄႈ လိူၵ်ႈ​ၵဵပ်း​ဢဝ်​မေး​ပုၼ်ႈ​ႁင်း​လုၵ်ႈ​ၸၢႆး​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="39">ၵဝ်​ၶႃႈ​ၵေႃႈ ထၢမ်​လႄႈ​ဝႃႈ၊ ပေႃး​မႄႈ​ယိင်း​ဢမ်ႇ​မီး​ဢလူဝ်ႇ​ၶႂ်ႈ​ၸွမ်း​ၸိုင် တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="40">မၼ်း​ၵေႃႈ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ဢၼ်​ၵဝ်​ၵႂႃႇ​မႃး​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ တၵ်း​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​မၼ်း​ၸဝ်ႈ ၵႂႃႇ​လူၺ်ႈ​ၵၼ်​တင်း​မႂ်း​လႄႈ​ပွင်​ႁဵတ်း​ဢမူႉ​မႂ်း​ဢေႃႈ။ မႂ်း​တၵ်း​လႆႈ​လိူၵ်ႈ​ၵဵပ်း​ဢဝ် မေး​ပုၼ်ႈ​ႁင်း​လုၵ်ႈ​ၸၢႆး​ၵဝ် ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်၊ ၵႃႈ​ၼႂ်း​ႁိူၼ်း​ပေႃႈ​ၵဝ်​ၼၼ်ႉ​ဢေႃႈ။-</verse>
				<verse number="41">မိူဝ်ႈ​ဢၼ်​မႂ်း​ႁွတ်ႈ​ထိုင်​ၵႃႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ၼၼ်ႉ​ၸိုင်၊ ႁႂ်ႈ​မႂ်း​ၵၢင်း​လွတ်ႈ​တင်း​တၢင်း​ၵိၼ်ႇ​တၢင်း​ဝႃႈ ဢၼ်​ၵဝ်​ပၼ်​ၼႆႉ​တႃႉ။ ပေႃး​ၶဝ်​ဢမ်ႇ​ဢဝ်​မႄႈ​ယိင်း​ဢၢပ်ႈ​ပၼ်​တီႈ​မႂ်း​ၸိုင်၊ မႂ်း​တၵ်း​လႆႈ​ၵၢင်း​လွတ်ႈ​တင်း​တၢင်း​ၵိၼ်ႇ​တၢင်း​ဝႃႈ ဢၼ်​ၵဝ်​ပၼ်​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="42">ဝၼ်း​မိူဝ်ႈ​ၼႆႉ​ၵဝ်​ၶႃႈ​မႃး​ႁွတ်ႈ​ထိုင်​ၵႃႈ​တီႈ​ၼမ်ႉ​မေႃႇ​သေ​ယဝ်ႉ သူး​တွင်း​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ၵဝ်​ၶႃႈ​ ဢႃႇပြႃႇႁၢမ်ႇ ​ၼၼ်ႉ​တီႈ​ၶႃႈ၊ ပေႃး​ၸဝ်ႈ​ႁဝ်း​ပွင်​ႁဵတ်း​ဢမူႉ​ဢၼ်​ၶႃႈ​ၸဝ်ႈ​ႁွတ်ႈ​မႃး​ၼႆႉ​တေႃႈ​လဵဝ်​ၼႆႉ​ၸိုင်၊-</verse>
				<verse number="43">ၶႃႈ​ၸဝ်ႈ​ယင်း​တိုၵ်ႉ​ၸုၵ်း​ယူႇ​ၵႃႈ​တီႈ​ႁိမ်း​ၼမ်ႉ​မေႃႇ​ၼႆႉ​သေ​လႄႈ၊ ပေႃး​ယွၼ်း​တီႈ​ၵၼ်ႇ​ၺႃႇ​လုၵ်ႈ​ယိင်း​သၢဝ်​သေ​ၵေႃႉ​ၵေႃႉ ဢၼ်​မႃး​တဵၵ်း​ၼမ်ႉ​ၼၼ်ႉ​လႄႈ​ဝႃႈ၊ ပၼ်​ၼမ်ႉ​ၼႂ်း​ၼမ်ႉ​တဝ်ႈ​မႂ်း​ပုၼ်ႈ​ဢၼ်​ၵဝ်​ၶႃႈ​တၵ်း​ၵိၼ်​သေ​ဢိတ်း​ၼိုင်ႈ​သေ​ၵမ်း​၊ ဝႃႈ​ၼင်ႇ​ၼႆ​လႄႈ၊-</verse>
				<verse number="44">မၼ်း​ၶိုၼ်း​လၢတ်ႈ​လႄႈ​ဝႃႈ၊ ၵိၼ်​သေ​ၵမ်း။ တီႈ​ၵလႃးဢုၵ်ႉ​ၸဝ်ႈ​ၸိူဝ်း​ၼႆႉ​ၵေႃႈ တၵ်း​တဵၵ်း​ၼမ်ႉ​ပၼ်​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ႁႂ်ႈ​မၼ်း​ၼၼ်ႉ ပဵၼ်​မႄႈ​ယိင်း​ဢၼ်​ၸဝ်ႈ​ႁဝ်း​ၶၢၼ်း​ဝႆႉ​ပုၼ်ႈ လုၵ်ႈ​ၸၢႆး​ၸဝ်ႈ​ၵဝ်​ၶႃႈ​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="45">ၸူဝ်ႈ​ဢၼ်​ၵဝ်​ၶႃႈ​လၢတ်ႈ​ၼႂ်း​ႁူဝ်​ၸႂ်​ၸိူဝ်ႉ​ၼင်ႇ​ၼၼ်​ယူႇ​လႄႈ ဢမ်ႇ​ပႆႇ​ယဝ်ႉ​ၼၼ်ႉ၊ တူၺ်း​လူး၊ ရေႇပႅၵ်ႉၵႃႉ ​ႁၢပ်ႇ​ၼမ်ႉ​တဝ်ႈ​တၢင်ႇ​ၵႃႈ​ၼိူဝ်​ႁူဝ်​မႃႇ​ဢွၵ်ႇ​မႃး​လႄႈ လူင်း​ၸူး​ၵႃႈ​တီႈ​ၼမ်ႉ​မေႃႇ တဵၵ်း​ၼမ်ႉ​ၼၼ်ႉ​လႄႈ ၵဝ်​ၶႃႈ​ယွၼ်း​တီႈ​မၼ်း​လႄႈ​ဝႃႈ၊ ႁႂ်ႈ​ၵဝ်​လႆႈ​ၵိၼ်​ၼမ်ႉ သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="46">မၼ်း​ၶျႃး​ၼမ်ႉ​တဝ်ႈ​လူင်း​သေ​ၵႃႈ​ၼိူဝ်​ႁူဝ်​မႃႇ​မၼ်း​ၶၼ်​ၶၼ်​ၽႂ်း​ၽႂ်း​လႄႈ​လၢတ်ႈ​ဝႃႈ၊ ၵိၼ်​သေ​ၵမ်း။ တီႈ​ၵလႃးဢုၵ်ႉ​ၸဝ်ႈ​ၸိူဝ်း​ၼႆႉ​ၵေႃႈ၊ ၵဝ်​ၶႃႈ​တၵ်း​တိုၵ်း​ၼမ်ႉ​ပၼ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊ ၵဝ်​ၶႃႈ​လႆႈ​ၵိၼ်​ဢေႃႈ။ တီႈ​ၵလႃးဢုၵ်ႉ​တင်း​လၢႆ​ၵေႃႈ​မၼ်း​တိုၵ်း​ၼမ်ႉ​ပၼ်​ဢေႃႈ။-</verse>
				<verse number="47">ၵဝ်​ၶႃႈ​ၵေႃႈ​ထၢမ်​တီႈ​မၼ်း​လႄႈ​ဝႃႈ၊ မႂ်း​ပဵၼ်​လုၵ်ႈ​ယိင်း​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​ပဵၼ်​လုၵ်ႈ​ယိင်း​ ပေႇသူၺ်ႇလႃႉ ၊ လုၵ်ႈ​ၸၢႆး​ ၼႃႇၶေႃႇ ဢၼ်​ မီႉလၶႃႇ ​ၼၼ်ႉ ၵိူတ်ႇ​လဵင်ႉ​မႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵဝ်​ၶႃႈ​ၵေႃႈ​ဢဝ်​သွႆႈ​ၶမ်း​ႁွႆႈ​ၶူႈ​လင်​သႂ်ႇ​ပၼ်​ၵႃႈ​တီႈ​ၼႃႈ​မၼ်း၊ ဝႅၼ်​လႂ်​သႂ်ႇ​ပၼ်​ၵႃႈ​တီႈ​မိုဝ်း​မၼ်း​သေ​ယဝ်ႉ၊-</verse>
				<verse number="48">ၵူမ်ႈ​ၵွမ်း​ႁူဝ်​လႄႈ ၵူဝ်း​ၵႂၢႆႇ​ထႃႇဝရႃႉ​ၽြႃး​လႄႈ ပၼ်​တၢင်း​လီ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ၵဝ်​ၶႃႈ​ ဢႃႇပြႃႇႁၢမ်ႇ ​ဢၼ်​ဢဝ်​သူင်ႇ​မႃး​ၼႂ်း​သဵၼ်ႈ​တၢင်း​ဢၼ်​ၸိုဝ်ႈ​ဢၼ်​ၸႂ်ႈ ႁႂ်ႈ​လႆႈ​ဢဝ်​လၢၼ်​ပီႈ​ဢၢႆႈ​ၸဝ်ႈ​ၵဝ်​ၶႃႈ ပုၼ်ႈ​လုၵ်ႈ​ၸၢႆး​ၸဝ်ႈ​ၵဝ်​ၶႃႈ​ၼၼ်ႉ​ဢေႃႈ။-</verse>
				<verse number="49">တေႃႈ​လဵဝ်​ၼႆႉ သူ​ၸဝ်ႈ​တၵ်း​ႁဵတ်း​ၵျေး​ၸူး ဢိၵ်ႇ​တင်း​သဵတ်ႈ​ၸႃႇ​တီႈ​ၸဝ်ႈ​ၵဝ်​ၶႃႈ​ႁိုဝ်။ တၵ်း​ဢမ်ႇ​ႁဵတ်း​ႁိုဝ်။ လၢတ်ႈ​သေ​ၵမ်း။ ၵဝ်​ၶႃႈ​ၵေႃႈ ၵႃႈ​တီႈ​တၢင်း​ၽၢႆႇ​ၶႂႃ​လႄႈ​သင်၊ ၵႃႈ​တီႈ​တၢင်း​ၽၢႆႇ​သၢႆႉ​လႄႈ​သင်၊ တၵ်း​ၸွမ်း​ၵႂႃႇ​သေ​တၢင်း​တၢင်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="50">လႃႇပၢၼ်ႇ ​တင်း​ ပေႇသူၺ်ႇလႃႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ လွင်ႈ​တၢင်း​ၼႆႉ​ပဵၼ်​လွင်ႈ​တၢင်း​ဢၼ်​ထႃႇဝရႃႉ​ၽြႃး​ၸီႇ​ယၢင်ႇ​ဢေႃႈ။ ႁဝ်း​ဢမ်ႇ​ၸၢင်ႈ​ၶိုၼ်း​လၢတ်ႈ​လွင်ႈ​ဢၼ်​လီ​ဢမ်ႇ​လီ​တီႈ​မႂ်း။-</verse>
				<verse number="51">တူၺ်း​လူး၊ ရေႇပႅၵ်ႉၵႃႉ မီး​ယူႇ​ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။ ဢဝ်​ၵႂႃႇ​တႃႉ။ ႁႂ်ႈ​မၼ်း​ပဵၼ်​မေး​လုၵ်ႈ​ၸၢႆး​ၸဝ်ႈ​မႂ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="52">မိူဝ်ႈ​ဢၼ်​ၶႃႈ​ ဢႃႇပြႃႇႁၢမ်ႇ ​ငိၼ်း​ၵႂၢမ်း​ၼၼ်ႉ​ၸိုင်၊ မၼ်း​ၵူမ်ႈ​ႁူဝ်​ၵွမ်း​ႁူဝ်​လႄႈ ၵူဝ်း​ၵႂၢႆႇ​ထႃႇဝရႃႉ​ၽြႃး​သေ​ယဝ်ႉ၊-</verse>
				<verse number="53">ဢဝ်​ၵွၵ်း​ငိုၼ်း​ၵွၵ်း​ၶမ်း ဢိၵ်ႇ​တင်း​ၶူဝ်း​ၼုင်ႈ​တၢင်း​မႆ​ဢွၵ်ႇ​လႄႈ ပၼ်​တီႈ​ ရေႇပႅၵ်ႉၵႃႉ ​ဢေႃႈ။ တီႈ​ပီႈ​ၸၢႆး​တင်း​မႄႈ​မၼ်း​ၵေႃႈ မၼ်း​ပၼ်​လၢၵ်ႈ​သွင်ႇ​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ဢေႃႈ။-</verse>
				<verse number="54">မၼ်း​ဢိၵ်ႇ​တင်း​ၶဝ်​ၸိူဝ်း​ဢၼ်​ပႃး​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ ႁူမ်ႈ​ၵၼ်​ၵိၼ်​လႄႈ​ႁႂ်ႈ​ပူၼ်ႉ​ၶိုၼ်း​ၼၼ်ႉ​သေ​ယဝ်ႉ၊ ၶိင်ႇ​ၵၢင်​ၼႂ်​လုၵ်ႉ​လႄႈ​ဝႃႈ၊ ႁႂ်ႈ​ၵဝ်​ၶႃႈ​လႆႈ​မိူဝ်း​ၵႂႃႇ​ၵႃႈ​တီႈ​ၸဝ်ႈ​ၵဝ်​ၶႃႈ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="55">ပီႈ​ၸၢႆး​မၼ်း​တင်း​မႄႈ​မၼ်း​လၢတ်ႈ​လႄႈ​ဝႃႈ၊ ႁႂ်ႈ​မႄႈ​ယိင်း​ဢွၼ်ႇ​ၼႆႉ ယူႇ​ၵႃႈ​တီႈ​ႁဝ်း​ၼႆႉ​သေ​သိပ်း​ဝၼ်း​ၼိုင်ႈ​သေ​ၵမ်း။ ၵမ်း​လိုၼ်း​ၸင်ႇ​ႁႂ်ႈ မၼ်း​ၵႂႃႇ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="56">ၵေႃႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ယႃႇ​ပေ​ႁႄႉ​ပေ​ၶႅၼ်​ၵဝ်​ၶႃႈ​သေ​ၵမ်း။ ထႃႇဝရႃႉ​ၽြႃး​ပွင်​ႁဵတ်း​ဢမူႉ​ဢၼ်​ၵဝ်​ၶႃႈ​ႁွတ်ႈ​မႃး​ၼႆႉ​ယဝ်ႉ​ယဝ်ႉ။ ပွႆႇ​ၵဝ်​ၶႃႈ​လႄႈ ႁႂ်ႈ​လႆႈ​ၶိုၼ်း​မိူဝ်း​ၵႂႃႇ​ၵႃႈ​တီႈ​ၸဝ်ႈ​ၵဝ်​ၶႃႈ​ပုၼ်ႉ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="57">ၶဝ်​ၵေႃႈ​လၢတ်ႈ​လႄႈ​ဝႃႈ၊ ၵဝ်​တၵ်း​ႁွင်ႉ​ဢဝ်​မႄႈ​ယိင်း​ဢွၼ်ႇ​လႄႈ ထၢမ်​တူၺ်း​ဢလူဝ်ႇ​မၼ်း​လူး​ၵွၼ်ႇ​ဢေႃႈ​၊ ဝႃႈ​ၼင်ႇ​ၼႆ​လႄႈ၊-</verse>
				<verse number="58">ႁွင်ႉ​ဢဝ်​ ရေႇပႅၵ်ႉၵႃႉ ​ထၢမ်​လႄႈ​ဝႃႈ၊ မႂ်း​တၵ်း​ၸွမ်း​လူၺ်ႈ​ၵၼ်​တင်း​ၵေႃႉ​ၼႆႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​တၵ်း​ၸွမ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="59">ၵမ်း​ၼၼ်ႉ ၶဝ်​ပွႆႇ​ ရေႇပႅၵ်ႉၵႃႉ ​တင်း​ၵေႃႉ​ဢၼ်​လူ​ဢၼ်​ထိင်း​မၼ်း ဢိၵ်ႇ​တင်း​ၶႃႈ​ ဢႃႇပြႃႇႁၢမ်ႇ ​တင်း​ၵူၼ်း​မၼ်း​ၸိူဝ်း​ၼၼ်ႉ​မိူဝ်း​ၵႂႃႇ​သေ​ဢေႃႈ။-</verse>
				<verse number="60">ၶဝ်​ပၼ်​တၢင်း​လီ​တီႈ​ ရေႇပႅၵ်ႉၵႃႉ ​လႄႈ​ဝႃႈ၊ ၼွင်ႉ​ယိင်း​ႁဝ်း​ဢိူၺ်း၊ ႁႂ်ႈ​ပဵၼ်​မႄႈ​မိုၼ်ႇ​မႄႈ​သႅၼ်​သေ​ၵမ်း။ ႁႂ်ႈ​ၸိူဝ်ႉ​ၶိူဝ်း​မႂ်း ဢုပ်ႉ​ပိူင်ႇ​ၽၵ်း​တူ​ဝဵင်း​ရၢၼ်ႇ​သူႇ​တင်း​လၢႆ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="61">ရေႇပႅၵ်ႉၵႃႉ ​ဢိၵ်ႇ​တင်း​မႄႈ​ယိင်း​ဢွၼ်ႇ​မၼ်း​ၸိူဝ်း​ၼၼ်ႉ လုၵ်ႉ​ၶီႇ​ၵလႃးဢုၵ်ႉ​လႄႈ ၸွမ်း​လူၺ်ႈ​ၵၼ်​တင်း​ၵူၼ်း​ၸၢႆး​ၼၼ်ႉ​ဢေႃႈ။ ၼင်ႇ​ၼၼ်​လႄႈ ၶႃႈ​ ဢႃႇပြႃႇႁၢမ်ႇ ​ၼၼ်ႉ​ဢဝ် ရေႇပႅၵ်ႉၵႃႉ ​လႄႈ မိူဝ်း​ၵႂႃႇ​ဢေႃႈ။</verse>
				<verse number="62">မိူဝ်ႈ​ၼၼ်ႉ ဢီႉၸၢၵ်ႈ ​ၸွမ်း​သဵၼ်ႈ​တၢင်း ပေႇလႁေႇရွႆႇ ႁွတ်ႈ​မႃး​ဢေႃႈ။ လွင်ႈ​မၼ်း​ၸမ်ႉ မၼ်း​ယူႇ​ၵႃႈ​ၼႂ်း​မိူင်း​ပွတ်း​တၢင်း​ၸၢၼ်း​ၼၼ်ႉ​ဢေႃႈ။-</verse>
				<verse number="63">ၶိင်ႇ​ႁူဝ်​ၶမ်ႈ​ ဢီႉၸၢၵ်ႈ ​ဢွၵ်ႇ​ၵႂႃႇ​ႁႂ်ႈ​လႆႈ​ၶႆႈ​ၸႂ်​ဝူၼ်ႉ​ၸႂ် ၵႃႈ​တီႈ​ၼႂ်း​ထိူၼ်ႇ​လႄႈ မုင်ႈ​တူၺ်း​သေ​ယဝ်ႉ၊ လႆႈ​ႁၼ်​ၵလႃးဢုၵ်ႉ​တင်း​လၢႆ​မႃး​ယူႇ​ဢေႃႈ။-</verse>
				<verse number="64">ရေႇပႅၵ်ႉၵႃႉ ​ၵေႃႈ​မုင်ႈ​တူၺ်း​လႄႈ မိူဝ်ႈ​ဢၼ်​ႁၼ်​ ဢီႉၸၢၵ်ႈ ​ၼၼ်ႉ​ၸိုင်၊ လူင်း​သေ​ၵႃႈ​ၼိူဝ်​ၵလႃးဢုၵ်ႉ​သေ​ယဝ်ႉ၊-</verse>
				<verse number="65">ထၢမ်​ၶႃႈ​ၼၼ်ႉ​လႄႈ​ဝႃႈ၊ ၵေႃႉ​ဢၼ်​မႃး​ၵႃႈ​တီႈ​ထိူၼ်ႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​ႁဝ်း​ၼၼ်ႉ​ၸမ်ႉ၊ ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ ၶႃႈ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၵေႃႉ​ၼၼ်ႉ​ၸိုင် ပဵၼ်​ၸဝ်ႈ​ၵဝ်​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ မၼ်း​ဢဝ်​ၽႃႈ​ဢၼ်​ႁူမ်ႇ​ၼႃႈ​လႄႈ ႁူမ်ႇ​ၼႃႈ​မၼ်း​သေ​ဢေႃႈ။-</verse>
				<verse number="66">ၶႃႈ​ၼၼ်ႉ​ၵေႃႈ မွၵ်ႇ​လၢတ်ႈ​လွင်ႈ​တၢင်း​ၵႃႈ​ဢၼ်​မၼ်း​လႆႈ​ႁဵတ်း​မႃး​ယဝ်ႉ​တင်း​သဵင်ႈ​တင်း​လူင်​ၼၼ်ႉ တီႈ​ ဢီႉၸၢၵ်ႈ ​ယဝ်ႉ၊-</verse>
				<verse number="67">ဢီႉၸၢၵ်ႈ ​ၸင်ႇ ဢဝ်​ ရေႇပႅၵ်ႉၵႃႉ ​ၵႂႃႇ​သူင်ႇ ၵႃႈ​တီႈ​မူဝ်းၵႃႇ​မႄႈ​မၼ်း​ ၸႃႇရႃႇ ​ၼၼ်ႉ​လႄႈ ဢဝ်​မၼ်း​ႁဵတ်း​မေး​ဢေႃႈ။ ဢီႉၸၢၵ်ႈ ႁၵ်ႉ​ပႅင်း​ ရေႇပႅၵ်ႉၵႃႉ ​လႄႈ ႁွတ်ႈ​ထိုင်​တၢင်း​ဢၼ်​သၢၵ်ႈ​သႃႇ​ၼႂ်း​လွင်ႈ​တၢင်း​ဢၼ် မႄႈ​မၼ်း​တၢႆ​ၼၼ်ႉ​ဢေႃႈ။</verse>
			</chapter>
			<chapter number="25">
				<verse number="1">ၵမ်း​ၼၼ်ႉ ဢႃႇပြႃႇႁၢမ်ႇ ​သမ်ႉ​ဢဝ်​မႄႈ​ယိင်း​ဢၼ်​လႆႈ​ၸိုဝ်ႈ​ ၵေႇတူႉရႃႉ ​ထႅင်ႈ​လႄႈ၊-</verse>
				<verse number="2">မၼ်း​ၼၼ်ႉ​ၵိူတ်ႇ​လဵင်ႉ​လုၵ်ႈ​ၸၢႆး​ ၸိမ်းရမ်၊ ယွၵ်ႉသၢၼ်ႇ၊ မေႇတၢၼ်ႇ၊ မီႉတျၼ်ႇ၊ ဢီႉသၽၵ်ႉ တင်း​ သူႉဢႃႇ ​ဢေႃႈ။-</verse>
				<verse number="3">ယွၵ်ႉသၢၼ်ႇ ​ၸမ်ႉ၊ မီး​လုၵ်ႈ​ၸၢႆး သေးၽႃႉ ​တင်း​ တေႇတၼ်ႇ ​ဢေႃႈ။ လုၵ်ႈ​ၸၢႆး​ တေႇတၼ်ႇ ​ၸမ်ႉ၊ ပဵၼ်​ၵူၼ်း​ ဢႃႇသူႉရိမ်ႇ ၊ ၵူၼ်း​ လေႇတူႉသိမ်ႇ တင်း​ၵူၼ်း​ လုမ်ႇမိမ်ႇ ​ဢေႃႈ။-</verse>
				<verse number="4">လုၵ်ႈ​ၸၢႆး မီႉတျၼ်ႇ ​ၸမ်ႉ၊ ပဵၼ်​ ဢေးၽႃႉ၊ ဢေးၽေႇရႃႉ၊ ႁႃႇၼုတ်ႉ၊ ဢပီႉတႃႉ တင်း​ ဢေးလတႃႇ ​ဢေႃႈ။ ၶဝ်​တင်း​သဵင်ႈ​တင်း​လူင်​ၸိူဝ်း​ၼႆႉ​ၸမ်ႉ၊ ပဵၼ်​ၸိူဝ်ႉ​ၶိူဝ်း​ ၵေႇတူႉရႃႉ ​ဢေႃႈ။</verse>
				<verse number="5">ဢႃႇပြႃႇႁၢမ်ႇ ​ဢဝ်​ဢုၵ်ႉ​ၸႃႇ​မၼ်း​ၵႃႈ​မီး​တင်း​သဵင်ႈ​တင်း​လူင်​ပၼ်​တီႈ​ ဢီႉၸၢၵ်ႈ ​ဢေႃႈ။-</verse>
				<verse number="6">တီႈ​လုၵ်ႈ​ၸၢႆး​ဢၼ်​လႆႈ​တီႈ​မေး​ၼွႆႉ​ၸိူဝ်း​ၼၼ်ႉ​ၵေႃႈ၊ ဢႃႇပြႃႇႁၢမ်ႇ ​ပၼ်​သူး​ပၼ်​လၢပ်ႈ​လႄႈ ၼႂ်း​မိူဝ်ႈ​ဢၼ်​ဢသၢၵ်ႈ​မၼ်း​ယင်း​လိပ်း​ယူႇ​ၼၼ်ႉ​ၸိုင်၊ မၼ်း​ပွႆႇ​ၶဝ်​ဢွၵ်ႇ​သေ ၵႃႈ​တီႈ​လုၵ်ႈ​ၸၢႆး​မၼ်း​ ဢီႉၸၢၵ်ႈ ​ၼၼ်ႉ ၵႂႃႇ​ၼႃႈ​ဝၼ်း​ဢွၵ်ႇ​ၸူး ၵႃႈ​တီႈ​မိူင်း​ဝၼ်း​ဢွၵ်ႇ​ဢေႃႈ။</verse>
				<verse number="7">ၶိင်ႇ​ၵႃႇလႃႉ​ပီႊ​ဝၼ်း​ဢသၢၵ်ႈ ဢႃႇပြႃႇႁၢမ်ႇ ​ဢၼ်​မၼ်း​ဢသၢၵ်ႈ​လိပ်း​ယူႇ​ၼၼ်ႉ​ၸမ်ႉ၊ လႆႈ​ပၢၵ်ႇ​ပၢႆ​ၸဵတ်း​သိပ်း​ပၢႆ​ႁႃႈ​ပီႊ​ဢေႃႈ။-</verse>
				<verse number="8">မၼ်း​မီး​တၢင်း​ဢၼ်​ဢသၢၵ်ႈ​ၵႄႇ​ထူၼ်ႈ​ယဝ်ႉ​လႄႈ ထဝ်ႈ​ယဝ်ႉ ဢိၵ်ႇ​တင်း​တၢင်း​ဢၼ်​ၶိင်ႇ​ၵႃႇလႃႉ ဝၼ်း​မၼ်း​တဵမ်​ယဝ်ႉ ၸေး​ယဝ်ႉ​ၼၼ်ႉ​လႄႈ ၶျုၵ်ႈ​ၸႂ်​တၢႆ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ဢၼ် ၵူၼ်း​မဵဝ်း​မၼ်း​တင်း​လၢႆ ၸူႉ​တုမ်​ၼၼ်ႉ​ဢေႃႈ။</verse>
				<verse number="9">လုၵ်ႈ​ၸၢႆး​မၼ်း​ ဢီႉၸၢၵ်ႈ ​ဢိၵ်ႇ​တင်း​ ဢီႉသမေႇလႃႉ ​ၸိူဝ်း​ၼၼ်ႉ ဢဝ်​ပေႃႈ​ၶဝ်​သၢင်း​ၵျူဝ်ႇ​ၵႃႈ​ၼႂ်း​ႁူး​လဝ်​ မၵ်ႉပေႇလႃႉ ၵႃႈ​တီႈ တူင်ႈ​ၼႃး ဢေႇၽရုၼ်ႇ ​လုၵ်ႈ​ၸၢႆး​ ၸေႃးႁႃႇ ​ၵူၼ်း​မဵဝ်း​ ႁိတ်ႉတီႉ ၽၢႆႇ​ဝၼ်း​ဢွၵ်ႇ​တီႈ​ မမ်ႇရေႇ ​ၼၼ်ႉ​ဢေႃႈ။-</verse>
				<verse number="10">ၵႃႈ​တီႈ​တူင်ႈ​ၼႃး​ဢၼ်​ ဢႃႇပြႃႇႁၢမ်ႇ ​သိုဝ်ႉ​ဢဝ် တီႈ​ၵူၼ်း​ ႁေႇသႃႉ ​ၸိူဝ်း​ၼၼ်ႉ၊ လႆႈ​သၢင်း​ၵျူဝ်ႇ​ ဢႃႇပြႃႇႁၢမ်ႇ ဢိၵ်ႇ​တင်း​မေး​မၼ်း​ ၸႃႇရႃႇ ​ဢေႃႈ။-</verse>
				<verse number="11">ဝၢႆး​သေ​ ဢႃႇပြႃႇႁၢမ်ႇ ​တၢႆ​ယဝ်ႉ​ၼၼ်ႉ၊​ၽြႃး​ပဵၼ်​ၸဝ်ႈ ပၼ်​တၢင်း​လီ​တီႈ​လုၵ်ႈ​ၸၢႆး​မၼ်း​ ဢီႉၸၢၵ်ႈ ​ဢေႃႈ။ ဢီႉၸၢၵ်ႈ ​ၼၼ်ႉ ယူႇ​ၵႃႈ​တီႈ ဝဵင်း​ ပေႇလႁေႇရွႆႇ ​ဢေႃႈ။</verse>
				<verse number="12">ၸရၢင်း​ၸိူဝ်ႉ​ၶိူဝ်း​ၸူဝ်ႈ​လုၵ်ႈ​ပၢၼ်​လၢၼ်​ ဢီႉသမေႇလႃႉ ၊ လုၵ်ႈ​ၸၢႆး​ ဢႃႇပြႃႇႁၢမ်ႇ ​ဢၼ်​ ႁႃႇၵရႃႉ ၵူၼ်း​ ဢေႇၵိပ်ႉတူႉ မႄႈ​ယိင်း​ၶႃႈ​ ၸႃႇရႃႇ ​ၼၼ်ႉ၊ ၵိူတ်ႇ​လဵင်ႉ​တီႈ​ ဢႃႇပြႃႇႁၢမ်ႇ ​ဢၼ်​ဝႃႈ၊-</verse>
				<verse number="13">ၸိုဝ်ႈ​သဵင်​လုၵ်ႈ​ၸၢႆး ဢီႉသမေႇလႃႉ ​ဢၼ်​ၸွမ်း​လူၺ်ႈ​မဵဝ်း​ၸိူဝ်ႉ​ၶိူဝ်း​မၼ်း​ၼၼ်ႉ​ၸမ်ႉ၊ လုၵ်ႈ​ၸၢႆး​ၵေႃႉ​ယႂ်ႇ ၼပႃႇယုတ်ႉ ၊ ဝၢႆး​ၼၼ်ႉ ၵေႇတႃႇ၊ ဢႃႇတပေႇလႃႉ၊ မီႉပသမ်ႇ ၊-</verse>
				<verse number="14">မီႉသေႇမႃႉ၊ တူႉမႃႇ၊ မႃႇၸႃႉ ၊-</verse>
				<verse number="15">ႁႃႇတတ်ႉ၊ တေႇမႃႉ၊ ယေႇတူႉရႃႉ၊ ၼႃႇၽီႉသႃႉ တင်း​ ၵေႇတမႃႇ ​ၸိူဝ်း​ၼၼ်ႉ၊-</verse>
				<verse number="16">ပဵၼ်​လုၵ်ႈ​ၸၢႆး ဢီႉသမေႇလႃႉ ​ဢေႃႈ။ ၶဝ်​ၸိူဝ်း​ဢၼ် လႆႈ​ၸိုဝ်ႈ​လႆႈ​သဵင်​ၸိူဝ်ႉ​ၼင်ႇ​ၼၼ်​ၼၼ်ႉ၊ ၵႃႈ​တီႈ​ဝဵင်း​ၽႂ်​ဝဵင်း​မၼ်း၊ လမ်း​တပ်ႉ​ၽႂ်​လမ်း​တပ်ႉ​မၼ်း၊ ပဵၼ်​ၶုၼ်​သိပ်း​သွင်​ပႃး​ၸွမ်း​လူၺ်ႈ​မဵဝ်း​လႂ်​မဵဝ်း​ၼၼ်ႉ​ဢေႃႈ။-</verse>
				<verse number="17">ၶိင်ႇ​ၵႃႇလႃႉ​ပီႊ​ဢသၢၵ်ႈ​ ဢီႉသမေႇလႃႉ ​လႆႈ ပၢၵ်ႇ​ပၢႆ​သၢမ်​သိပ်း​ပၢႆ​ၸဵတ်း​ပီႊ​လႄႈ မၼ်း​ၶျုၵ်ႈ​ၸႂ်​တၢႆ​သေ​ယဝ်ႉ၊ ႁွတ်ႈ​ထိုင် ၵႃႈ​တီႈ​ဢၼ် မဵဝ်း​ၵူၼ်း​မၼ်း​တင်း​လၢႆ ၸူႉ​တုမ်​ၼၼ်ႉ​ဢေႃႈ။-</verse>
				<verse number="18">ၶဝ်​ၼၼ်ႉ​ယူႇ​ၸႃႉ​ၸဵမ်​ဝဵင်း​ ႁႃႇဝီႉလႃႉ တေႃႇ​ထိုင်​ႁွတ်ႈ ဝဵင်း​ သူႉရႃႉ ​ၽၢႆႇ​ဝၼ်း​ဢွၵ်ႇ​မိူင်း​ ဢေႇၵိပ်ႉတူႉ ၸွမ်း​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​မိူင်း​ ဢႃႇသူႉရီႉ ​ၼၼ်ႉ​ဢေႃႈ။ ၼင်ႇ​ၼၼ်​လႄႈ တီႈ​ယူႇ​ ဢီႉသမေႇလႃႉ ​ၼၼ်ႉ တူၵ်း​ၵႃႈ​တီႈ​ႁိမ်း​ပီႈ​ႁိမ်း​ၼွင်ႉ​မၼ်း တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="19">ၸိူဝ်ႉ​ၶိူဝ်း​ၸူဝ်ႈ​လုၵ်ႈ​ပၢၼ်​လၢၼ် ဢီႉၸၢၵ်ႈ ​လုၵ်ႈ​ၸၢႆး​ ဢႃႇပြႃႇႁၢမ်ႇ ​ၸမ်ႉ၊ ဢႃႇပြႃႇႁၢမ်ႇ ​မီး​လုၵ်ႈ​ၸၢႆး​ ဢီႉၸၢၵ်ႈ ​ဢေႃႈ။-</verse>
				<verse number="20">ဢီႉၸၢၵ်ႈ ​ၼၼ်ႉ​မိူဝ်ႈ​ဢၼ်​ဢသၢၵ်ႈ​လႆႈ သီႇ​သိပ်း​ပီႊ​ၼၼ်ႉ​ၸိုင် ပဵၼ်​ႁိူၼ်း​ႁူမ်ႈ​ၵၼ်​တင်း​ ရေႇပႅၵ်ႉၵႃႉ လုၵ်ႈ​ယိင်း​ ပေႇသူၺ်ႇလႃႉ ၵူၼ်း​ သူႉရီႉ ၊ ၵူၼ်း​တီႈ​ ပႃႇတၼ်ႇဢႃႇရမ်ႇ ​ၼၼ်ႉ ၼွင်ႉ​ယိင်း​ လႃႇပၢၼ်ႇ ၵူၼ်း​ သူႉရီႉ ​ၼၼ်ႉ​ဢေႃႈ။-</verse>
				<verse number="21">ဢီႉၸၢၵ်ႈ ​ၼၼ်ႉ၊ ၵွပ်ႈ​ပိူဝ်ႈ​ဢၼ်​မေး​မၼ်း​ ရေႇပႅၵ်ႉၵႃႉ ​ၼၼ်ႉ ပဵၼ်​ဢၼ်​မၼ် ဢမ်ႇ​မီး​လုၵ်ႈ​လႄႈ တွင်း​ပၢၼ်ႇ​ထႃႇဝရႃႉ​ၽြႃး ပုၼ်ႈ​မၼ်း​ၼၼ်ႉ​ဢေႃႈ။ ထႃႇဝရႃႉ​ၽြႃး​ၵေႃႈ၊ ထွမ်ႇ​ဢဝ်​လႄႈ​မေး​မၼ်း​ၼၼ်ႉ​ပႃး​ပတိၵ်ႉသၼ်ႇထေႇ​ဢေႃႈ။-</verse>
				<verse number="22">လုၵ်ႈ​ဢွၼ်ႇ​တိုၵ်း​ၵၼ်​တေႃး​ၵၼ်​ယူႇ​ၵႃႈ​ၼႂ်း​တွင်ႉ​မၼ်း​ဢေႃႈ။ မၼ်း​ၵေႃႈ​လၢတ်ႈ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ႁဵတ်း​ႁိုဝ်​လႄႈ​ၵဝ်​ၶႃႈ​ပဵၼ် ၸိူဝ်ႉ​ၼင်ႇ​ၼႆ​ယူႇ​ၼင်ႇ​ႁိုဝ်။ ဝႃႈ​ၼင်ႇ​ၼႆ​လႄႈ သမ်ႉ​ၵႂႃႇ​လဝ်ႊ​ထၢမ်​ထႃႇဝရႃႉ​ၽြႃး​ဢေႃႈ။-</verse>
				<verse number="23">ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ၵႃႈ​တီႈ​ၼႂ်း​တွင်ႉ​မႂ်း​ၼႆႉ​မီး​ၵူၼ်း​သွင်​မဵဝ်း​ဢေႃႈ။ ၵူၼ်း​သွင်​ၸိူဝ်ႉ​သွင်​ၶိူဝ်း ဢၼ်​ပႅၵ်ႇ​ပိူင်ႈ​ၵၼ် တၵ်း​လႆႈ​ၵိူတ်ႇ​လဵင်ႉ ဢွၵ်ႇ​သေ​ၵႃႈ​ၼႂ်း​တွင်ႉ​မႂ်း​ဢေႃႈ။ ၵူၼ်း​မဵဝ်း​ၼိုင်ႈ တၵ်း​ႁႅင်း​ယႂ်ႇ​ၼႃႇ​သေ မဵဝ်း​ၼိုင်ႈ​ဢေႃႈ။ ၵေႃႉ​ယႂ်ႇ​ၼၼ်ႉ တၵ်း​လႆႈ​ၶၢမ်ႇ​ႁဵတ်း​ၶႃႈ​တီႈ ၵေႃႉ​လဵၵ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မိူဝ်ႈ​ဢၼ်​ထိုင်​ၶိင်ႇ ဢၼ်​ၵိူတ်ႇ​လဵင်ႉ​လုၵ်ႈ​ၼၼ်ႉ​ၸိုင်၊ ၼႂ်း​တွင်ႉ​မၼ်း​ၼၼ်ႉ ပဵၼ်​လုၵ်ႈ​ၽႃ​ၽႄ​ဢေႃႈ။-</verse>
				<verse number="25">လုၵ်ႈ​ၸၢႆး​ၵေႃႉ​ဢွၼ်​တၢင်း​ၼၼ်ႉ ၵိူတ်ႇ​လဵင်ႉ​ဢွၵ်ႇ​မႃး​ပဵၼ်​ၸိူဝ်ႉ​ၼင်ႇ​ၶူဝ်း​ၼုင်ႈ ဢၼ်​ပႃး​ၶူၼ်​ၼၼ်ႉ​လႄႈ ငဝ်း​မၼ်း​ပဵၼ်​ဢၼ်​လႅင်​ဝႆႉ တင်း​တူဝ်​တင်း​ၶိင်း​ဢေႃႈ။ မၼ်း​ၼၼ်ႉ​ၸိုင်​ၶဝ်​ႁွင်ႉ​ႁဵၵ်ႈ​ၸိုဝ်ႈ​ ဢေးသေႃး ​ဢေႃႈ။-</verse>
				<verse number="26">လိုၼ်း​ၼၼ်ႉ ၵေႃႉ​ၼွင်ႉ​ၸၢႆး​ယိပ်း​သူၼ်ႈ​တိၼ်​ ဢေးသေႃး ​လႄႈ ၵိူတ်ႇ​လဵင်ႉ​ဢွၵ်ႇ​မႃး​ဢေႃႈ။ မၼ်း​ၼၼ်ႉ​ၸမ်ႉ၊ ၶဝ်​ႁွင်ႉ​ႁဵၵ်ႈ​ၸိုဝ်ႈ ယႃႇၵုပ်ႈ ​ဢေႃႈ။ ဢီႉၸၢၵ်ႈ ​ၼၼ်ႉ မိူဝ်ႈ​ဢၼ်​မေး​မၼ်း​ၵိူတ်ႇ​လဵင်ႉ​လုၵ်ႈ​ၸၢႆး​သွင်​ၵေႃႉ​မႃး​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​ႁူၵ်း​သိပ်း​ပီႊ​ဢေႃႈ။</verse>
				<verse number="27">လုၵ်ႈ​ဢွၼ်ႇ​ၸိူဝ်း​ၼၼ်ႉ​ယႂ်ႇ​မႃး​လႄႈ ဢေးသေႃး ​ၸမ်ႉ၊ ပဵၼ်​မူး​သိူဝ်း​ဢၼ်​လၵ်း​လႅမ်​လႄႈ ပဵၼ်​ၵူၼ်း​ထိူၼ်ႇ​ၵူၼ်း​ၶိူဝ်း​ဢေႃႈ။ ယႃႇၵုပ်ႈ ​ၸမ်ႉ၊ ပဵၼ်​ၵေႃႉ​ဢၼ်​ၸႂ်​လီ​ၸႂ်​ဝၢၼ်​လႄႈ ၸၢင်ႈ​ယူႇ​ၵႃႈ​ၼႂ်း​မူဝ်းၵႃႇ​ဢေႃႈ။-</verse>
				<verse number="28">ဢီႉၸၢၵ်ႈ ​ၼၼ်ႉ ႁၵ်ႉ​ပႅင်း​ ဢေးသေႃး ၵွပ်ႈ​ပိူဝ်ႈ​ဢၼ်​ယၢမ်ႈ​လႆႈ​ၵိၼ်​ၽၵ်း​ၼိူဝ်ႉ​ဢၼ်​မၼ်း​ပၼ်​ၼၼ်ႉ​ဢေႃႈ။ ရေႇပႅၵ်ႉၵႃႉ ​ၸမ်ႉ၊ ႁၵ်ႉ​ပႅင်း​ ယႃႇၵုပ်ႈ ​ဢေႃႈ။</verse>
				<verse number="29">ဝၼ်း​ၼိုင်ႈ​ၼႂ်း​မိူဝ်ႈ​ဢၼ်​ ယႃႇၵုပ်ႈ ​ယင်း​တိုၵ်ႉ​တူမ်ႈ​ႁုင်​တၢင်း​ၵိၼ်​တၢင်း​ၶူပ်း​ယူႇ​ၼၼ်ႉ​ၸိုင်၊ ဢေးသေႃး ​လုၵ်ႉ​သေ​ၵႃႈ​တီႈ​ထိူၼ်ႇ ႁွတ်ႈ​မႃး​လႄႈ၊ ၵွပ်ႈ​ပိူဝ်ႈ​ဢၼ်​ႁိူဝ်ႉ​ၼႃႇ လူင်​လၢင်​ၼၼ်ႉ​လႄႈ၊-</verse>
				<verse number="30">မၼ်း​လၢတ်ႈ​တီႈ​ ယႃႇၵုပ်ႈ ​လႄႈ​ဝႃႈ၊ ဢဝ်​တၢင်း​ၵိၼ်​ဢၼ်​လႅင်​ၼၼ်ႉ​လဵင်ႉ​လူ​ၵဝ်​သေ​ၵမ်း​တႃႉ။ ၵဝ်​ႁိူဝ်ႉ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ ၶဝ်​ႁွင်ႉ​ႁဵၵ်ႈ​ၸိုဝ်ႈ​သဵင်​မၼ်း​ၼၼ်ႉ​ ဢေႇတုမ်ႇ ​ဢေႃႈ။-</verse>
				<verse number="31">ယႃႇၵုပ်ႈ ​ၵေႃႈ​လၢတ်ႈ​လႄႈ​ဝႃႈ၊ ဝၼ်း​မိူဝ်ႈ​ၼႆႉ ၶၢႆ​ဢရႃႇ​လုၵ်ႈ​တူၼ်ႈ​မႂ်း​ၼၼ်ႉ ပၼ်​တီႈ​ၵဝ်​သေ​ၵမ်း​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="32">ဢေးသေႃး ​လၢတ်ႈ​လႄႈ​ဝႃႈ၊ တူၺ်း​လူး၊ ၵဝ်​ၸမ်​တၵ်း​တၢႆ​ယဝ်ႉ။ ၵွပ်ႈ​ပိူဝ်ႈ​ဢရႃႇ​လုၵ်ႈ​တူၼ်ႈ​ၼႆႉ​လႄႈ ၵဝ်​တၵ်း​မီး​ဢၵျူဝ်း ၵႃႈ​သင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ယႃႇၵုပ်ႈ ​ၵေႃႈ​လၢတ်ႈ​လႄႈ​ဝႃႈ၊ ဝၼ်း​မိူဝ်ႈ​ၼႆႉ ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ​တီႈ​ၵဝ်​သေ​ၵမ်း​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊​မၼ်း​ၵိၼ်ႇ​ဝႃႈ​လႄႈ ၶၢႆ​ဢရႃႇ​လုၵ်ႈ​တူၼ်ႈ​ပၼ် တီႈ​ ယႃႇၵုပ်ႈ ​ဢေႃႈ။-</verse>
				<verse number="34">မိူဝ်ႈ​ၼၼ်ႉ ယႃႇၵုပ်ႈ ​ဢဝ်​ၶဝ်ႈ​မုၼ်း​ဢိၵ်ႇ​တင်း​ၽၵ်း​ဢၼ်​ပဵၼ်​ထူဝ်ႇ​ၼၼ်ႉ ပၼ်​တီႈ​ ဢေးသေႃး ​လႄႈ မၼ်း​ၵေႃႈ​ၵိၼ်​ၶူပ်း သေ​ယဝ်ႉ၊ လုၵ်ႉ​ၵႂႃႇ​သေ​ဢေႃႈ။ ၼင်ႇ​ၼၼ်​လႄႈ​ ဢေးသေႃး ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ဢရႃႇ​လုၵ်ႈ​တူၼ်ႈ ဢၼ်​ၸၢပ်ႈ​သႅင်ႇ ၵၼ်​တင်း​မၼ်း​ၼၼ်ႉ​ဢေႃႈ။</verse>
			</chapter>
			<chapter number="26">
				<verse number="1">ၼွၵ်ႈ​သေ​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ဢၼ်​ယၢမ်ႈ​ပဵၼ်​ၼႂ်း​ပၢၼ်​ ဢႃႇပြႃႇႁၢမ်ႇ ​ၵႃႈ​တီႈ​မိူင်း​ၼၼ်ႉ​ၼၼ်ႉ၊ သမ်ႉ​ၶိုၼ်း​ပဵၼ်​တၢင်း​ဢၼ် ၶဝ်ႈ​ၵႃႈ​မၢၵ်ႇ​ပႅင်း​ထႅင်ႈ​လႄႈ၊ ဢီႉၸၢၵ်ႈ ​ၵႂႃႇ​ၵႃႈ​တီႈ​ဝဵင်း​ ၵေႇရႃႇ တီႈ​ဢၼ်​ ဢၽီႉမလႅၵ်ႉ ဢၼ်​ပဵၼ်​ၶုၼ်​လူင်​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ယူႇ​ၼၼ်ႉ​ဢေႃႈ။-</verse>
				<verse number="2">ထႃႇဝရႃႉ​ၽြႃး​ၵေႃႈ၊ ပေႃႇ​မႃး​တီႈ​မၼ်း​လႄႈ​ဝႃႈ၊ မႂ်း​ယႃႇ​ပေ​လူင်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ပုၼ်ႉ။ ယူႇ​ၵႃႈ​တီႈ​မိူင်း​ဢၼ်​ၵဝ်​တၵ်း​လၢတ်ႈ​ပၼ်​တီႈ​မႂ်း​ၼၼ်ႉ​တႃႉ။-</verse>
				<verse number="3">သွၼ်ႈ​ပိုင်ႈ​ယူႇ​ၵႃႈ​ၼႂ်း​မိူင်း​ၼႆႉ​တႃႉ။ ၵဝ်​တၵ်း​ယူႇ​ၽၢႆႇ​မႂ်း​လႄႈ ပၼ်​တၢင်း​လီ​တီႈ​မႂ်း​ဢေႃႈ။ လွင်ႈ​မၼ်း​ၸမ်ႉ ၵဝ်​တၵ်း​ပၼ်​မိူင်း​ၼႆႉ​တီႈ​မႂ်း ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​ဢေႃႈ။ ၵဝ်​တၵ်း​ႁႂ်ႈ​ၵႂၢမ်း​ဢၼ်​ၵဝ်​တိူင်ႇ​ဝႃႈ​ဝႆႉ​တီႈ​ပေႃႈ​မႂ်း​ ဢႃႇပြႃႇႁၢမ်ႇ ​ၼၼ်ႉ​တႄႇ​ပဵၼ်​ဢေႃႈ။-</verse>
				<verse number="4">ၵဝ်​တၵ်း​ႁႂ်ႈ​ၸိူဝ်ႉ​ၶိူဝ်း​မႂ်း​ယႂ်ႇ​ၽႄႈ​ၼမ်​ၵိုၼ်း​မႃး​မိူၼ်​ၸိူဝ်ႉ​ၼင်ႇ​လၢဝ်​ဢၼ်​မီး​ၵႃႈ​ၼိူဝ်​ၽႃႉ​ၵၢင်​ႁၢဝ်​ၼၼ်ႉ​ဢေႃႈ။ ၵဝ်​တၵ်း​ပၼ်​မိူင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ တီႈ​ၸိူဝ်ႉ​ၶိူဝ်း​မႂ်း​ဢေႃႈ။ ၵႃႈ​ၼႂ်း​ၸိူဝ်ႉ​ၶိူဝ်း​မႂ်း​ၼႆႉ ၵူၼ်း​မဵဝ်း​တင်း​သဵင်ႈ​တင်း​လူင်​တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ဢေႃႈ။-</verse>
				<verse number="5">လွင်ႈ​မၼ်း​ၸမ်ႉ ဢႃႇပြႃႇႁၢမ်ႇ ​ၼၼ်ႉ​ထွမ်ႇ​ဢဝ်​ၵႂၢမ်း​ၵဝ်​လႄႈ​ပႂ်ႉ​ၵမ်​ပႂ်ႉ​ၸွမ်း​တၢင်း​ဢၼ်​ၵဝ်​သင်ႇ​လၢတ်ႈ​ဝႆႉ၊ ပိင်း​ၺၢပ်ႈ​ၵဝ်၊ ထုင်း​ၽိင်ႈ​ၵဝ်၊ တြႃး​ၵဝ် ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၼႂ်း​မိူဝ်ႈ​ဢၼ် ဢီႉၸၢၵ်ႈ ​ယင်း​ယူႇ​ၵႃႈ​တီႈ​ဝဵင်း​ ၵေႇရႃႇ ​ယူႇ​ၼၼ်ႉ​ၸိုင်၊-</verse>
				<verse number="7">ၵူၼ်း​ဝဵင်း​ၸိူဝ်း​ၼၼ်ႉ​တွင်ႈ​ထၢမ်​လွင်ႈ​မေး​မၼ်း​တီႈ​မၼ်း​လႄႈ၊ မၼ်း​ၵေႃႈ​လၢတ်ႈ​လႄႈ​ဝႃႈ၊ ပဵၼ်​ၼွင်ႉ​ယိင်း​ၵဝ်​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ မၼ်း​ၵူဝ်​လႄႈ​ဝႃႈ၊ ၵူၼ်း​မိူင်း​ၼႆႉ​တၵ်း​ဢဝ်​ၵဝ်​တၢႆ ၵွပ်ႈ​ပိူဝ်ႈ​ ရေႇပႅၵ်ႉၵႃႉ ​ဢေႃႈ၊ ဝႃႈ​ၼင်ႇ​ၼႆ​လႄႈ ဢမ်ႇ​ႁတ်း​လၢတ်ႈ လႄႈ​ဝႃႈ၊ မၼ်း​ပဵၼ်​မေး​ၵဝ်၊ ဝႃႈ​ၼင်ႇ​ၼႆ​ၵူၺ်း။ လွင်ႈ​မၼ်း​ၸမ်ႉ မၼ်း​ႁၢင်ႈ​လီ​ၽၢင်​လီ​ဢေႃႈ။-</verse>
				<verse number="8">မိူဝ်ႈ​ဢၼ်​မၼ်း​ၼၼ်ႉ ယူႇ​ၵႃႈ​တီႈ​ဝဵင်း​ၼၼ်ႉ​ႁိုင်​တၢၼ်ႇ​တၢၼ်ႇ​ယဝ်ႉ​ၼၼ်ႉ​ၸိုင်၊ ဝၼ်း​ၼိုင်ႈ​ ဢၽီႉမလႅၵ်ႉ ဢၼ်​ပဵၼ်​ၶုၼ်​လူင် ၵူၼ်း​ ၽီႉလိတ်ႉတီႉ ​တင်း​လၢႆ​ၼၼ်ႉ ယူႇ​ၵႃႈ​တီႈ​ႁူး​လၢင်း​တဵၼ်​မုင်ႈ​ႁၼ်​ ဢီႉၸၢၵ်ႈ ယဝ်ႉ​ယွၵ်ႇ​ၵၼ်​တင်း​မေး​မၼ်း​ ရေႇပႅၵ်ႉၵႃႉ ​ၼၼ်ႉ ယူႇ​ၼၼ်ႉ​သေ​ယဝ်ႉ၊-</verse>
				<verse number="9">ဢၽီႉမလႅၵ်ႉ ​ႁွင်ႉ​ဢဝ်​ ဢီႉၸၢၵ်ႈ ​လႄႈ​ဝႃႈ၊ တူၺ်း​လူး၊ မၼ်း​ၼၼ်ႉ​ပဵၼ်​မေး​မႂ်း​ဢမၢၼ်ႇ​ၶၼ်​ပဵၼ်​ဢေႃႈ။ ၵူၺ်း​ၵႃႈ ႁဵတ်း​သင်​လႄႈ​မႂ်း​လၢတ်ႈ​လႄႈ​ဝႃႈ၊ မၼ်း​ပဵၼ်​ၼွင်ႉ​ယိင်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ၼင်ႇ​ႁိုဝ်၊ မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ ဢီႉၸၢၵ်ႈ ​လဝ်ႊ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​ၶႃႈ​ဝႃႈ၊ ၵူဝ်​ၵဝ်​တၵ်း​တၢႆ​ၵွပ်ႈ​ပိူဝ်ႈ​မၼ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ ၸင်ႇ​ပဵၼ်​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၶုၼ်​ ဢၽီႉမလႅၵ်ႉ ​ၵေႃႈ​လၢတ်ႈ​လႄႈ​ဝႃႈ၊ လွင်ႈ​တၢင်း​ဢၼ်​မႂ်း​ႁဵတ်း​တီႈ​ႁဝ်း​ၼႆႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ ပေႃး​သေ​ၵေႃႉ​သေ​ၵူၼ်း ဢမ်ႇ​ႁဵတ်း​သတီႉ​လႄႈ​ၵႂႃႇ​ယူႇ​လူၺ်ႈ​ၼွၼ်း​လူၺ်ႈ​မေး​မႂ်း​ၸိုင်၊ မႂ်း​တၵ်း​ႁႂ်ႈ​ဢပႅတ်ႈ​ႁွတ်ႈ​ထိုင်​ၵႃႈ​ၼိူဝ်​ႁဝ်း​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">ၶုၼ်​ ဢၽီႉမလႅၵ်ႉ ​သမ်ႉ သင်ႇ​လၢတ်ႈ​တီႈ​ၶႃႈ​မၼ်း​ၵူၼ်း​မၼ်း​တင်း​သဵင်ႈ​တင်း​လူင်​ဝႆႉ​လႄႈ​ဝႃႈ၊ ၵေႃႉ​ဢၼ်​ၽိတ်း​ပိူင်ႈ​သွင်​ၶႃ​ၽူဝ်​မေး​ၼၼ်ႉ တၵ်း​လႆႈ​ၶၢမ်ႇ​တၢင်း​တၢႆ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ဢီႉၸၢၵ်ႈ ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၵႃႈ​တီႈ​မိူင်း​ၼၼ်ႉ​လႄႈ ပီႊ​ၼိုင်ႈ​ၼၼ်ႉ​မၼ်း​လႆႈ​သိမ်း​ဢဝ်​မၢၵ်ႇ​ဢဝ်​ႁူင်း​ပၢၵ်ႇ​ပုၼ်ႈ​ဢေႃႈ။ ထႃႇဝရႃႉ​ၽြႃး​ၵေႃႈ ပၼ်​တၢင်း​လီ​တီႈ​မၼ်း​ဢေႃႈ။-</verse>
				<verse number="13">မၼ်း​ၼၼ်ႉ​ယႂ်ႇ​ၽႄႈ​ၼမ်​ၵိုၼ်း​မႃး​လႄႈ ယႂ်ႇ​ၵႂၢင်ႈ​တူဝ်း​တွၼ်း​ယူႇ​တႃႇ​သေႇ တေႃႇ​ထိုင်​ႁွတ်ႈ​မၼ်း​လႆႈ​ပဵၼ်​ၵေႃႉ​ဢၼ် ယႂ်ႇ​ၽႄႈ​ၼမ်​ၵိုၼ်း​မႃး​ၼႃႇ​လူင်​လၢင်​ဢေႃႈ။-</verse>
				<verse number="14">မၼ်း​ပျေႉ​ၸုမ်ႇ​လိူင်ႇ​ၸႂ်​မၢၵ်ႈ​မီး ၽုင်​သူဝ်း​လႂ်၊ ၽုင်​ဝူဝ်း​လႂ်၊ ဢိၵ်ႇ​တင်း​ၶႃႈ​ၵူၼ်း​ဢၼ်​ၼမ်​ၼႃႇ​လႂ်​ဢေႃႈ။ ပိူဝ်ႈ​ၼႆ​လႄႈ ၵူၼ်း​ ၽီႉလိတ်ႉတီႉ ​တင်း​လၢႆ ဢွၼ်​ၵၼ်​သီႈ​ၵေႉ​ႁေႈ​တႃ​မၼ်း​ဢေႃႈ။-</verse>
				<verse number="15">ၶဝ်​ဢွၼ်​ၵၼ်​ဢဝ်​လိၼ်​ထူမ်​ဢိုတ်း​ၼမ်ႉ​မေႃႇ ဢၼ်​ၶႃႈ​ပေႃႈ​မၼ်း​ၶုတ်း ၼႂ်း​ၶိင်ႇ​ပၢၼ်​ပေႃႈ​မၼ်း​ ဢႃႇပြႃႇႁၢမ်ႇ ​ၼၼ်ႉ ၵႃႈ​မီး တင်း​သဵင်ႈ​တင်း​လူင်​ပႅတ်ႈ​သေ​ဢေႃႈ။-</verse>
				<verse number="16">ၶုၼ်​ ဢၽီႉမလႅၵ်ႉ ​ၵေႃႈ​လၢတ်ႈ​တီႈ​ ဢီႉၸၢၵ်ႈ ​လႄႈ​ဝႃႈ၊ မႂ်း​ၼႆႉ​တၼ်း​ၶူဝ်း​ယႂ်ႇ​ၼႃႇ​သေ​ႁဝ်း​ဢေႃႈ။ ဢွၵ်ႇ​သေ​ၵႃႈ​တီႈ​ႁဝ်း​ၼႆႉ​ၵႂႃႇ​တႃႉ၊ ပိူဝ်ႈ​ဢၼ်​ဝႃႈ​ၼင်ႇ​ၼႆ​လႄႈ၊-</verse>
				<verse number="17">ဢီႉၸၢၵ်ႈ ​ဢွၵ်ႇ​သေ​ၵႃႈ​တီႈ​ဝဵင်း​ၼၼ်ႉ​ၵႂႃႇ​သေ​ယဝ်ႉ၊ မုင်း​မူဝ်းၵႃႇ​မၼ်း​ၵႃႈ​တီႈ​ပၢင်ႇ​ႁူၺ်ႈ​ ၵေႇရႃႇ ​လႄႈ​ယူႇ​ဢေႃႈ။</verse>
				<verse number="18">မိူဝ်ႈ​ၼၼ်ႉ​ ဢီႉၸၢၵ်ႈ ​သမ်ႉ မႄး​ၶုတ်း​ၼမ်ႉ​မေႃႇ​ဢၼ်​ၶႃႈ​ပေႃႈ​မၼ်း​ ဢႃႇပြႃႇႁၢမ်ႇ ​ၶုတ်း​ဝႆႉ ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ ထူမ်​ပႅတ်ႈ​လိုၼ်း​သေ​ပေႃႈ​မၼ်း​တၢႆ​ယဝ်ႉ​ၸိူဝ်း​ၼၼ်ႉ​လႄႈ ၶိုၼ်း​ႁွင်ႉ​ႁဵၵ်ႈ​ၸိုဝ်ႈ​သဵင်​မိူၼ်​ၸိူဝ်ႉ​ၼင်ႇ​ဢၼ်​ပေႃႈ​မၼ်း​ႁွင်ႉ​ႁဵၵ်ႈ​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="19">ၶႃႈ​ ဢီႉၸၢၵ်ႈ ​တင်း​လၢႆ​ၵေႃႈ​ၶုတ်း​ၵႃႈ​ၼႂ်း​ပၢင်ႇ​ႁူၺ်ႈ​ၼၼ်ႉ​လႄႈ​ထူပ်း​ၼမ်ႉ​ဢွၵ်ႇ​ႁူး​ဢေႃႈ။-</verse>
				<verse number="20">ၵူၼ်း​လဵင်ႉ​ဝူဝ်း​ၵူၼ်း​မဵဝ်း​ ၵေႇရႃႇ ​တင်း​လၢႆ ႁိမ်​ၵၼ်​တင်း​ၵူၼ်း​လဵင်ႉ​ဝူဝ်း​ ဢီႉၸၢၵ်ႈ ​တင်း​လၢႆ​လႄႈ​လၢတ်ႈ​ဝႃႈ၊ ၼမ်ႉ​ၼႆႉ​ပဵၼ်​ၼမ်ႉ​ႁဝ်း​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ဢၼ်​ၶဝ်​ႁိမ်​ၵၼ်​ၸိူဝ်ႉ​ၼင်ႇ​ၼၼ်​လႄႈ ၼမ်ႉ​မေႃႇ​ၼၼ်ႉ​ၸိုင်၊ မၼ်း​ႁွင်ႉ​ႁဵၵ်ႈ​ၸိုဝ်ႈ​ ဢေးသိၵ်ႉ ​ဢေႃႈ။-</verse>
				<verse number="21">လိုၼ်း​ၼၼ်ႉ​ၶဝ်​သမ်ႉ​ၶုတ်း​ၼမ်ႉ​မေႃႇ​တၢင်ႇ​တီႈ​ထႅင်ႈ​ဢေႃႈ။ ၼမ်ႉ​မေႃႇ​ၼၼ်ႉ​ၵေႃႈ ပိူဝ်ႈ​ဢၼ်​သမ်ႉ​ၶိုၼ်း​ႁိမ်​ၵၼ်​ထႅင်ႈ​လႄႈ၊ မၼ်း​ႁွင်ႉ​ႁဵၵ်ႈ​ၸိုဝ်ႈ သီႉတၼႃႉ ​ဢေႃႈ။-</verse>
				<verse number="22">မၼ်း​သမ်ႉ​ၶၢႆႉ​သေ ၵႃႈ​တီႈ​ၼၼ်ႈ​လႄႈ​သမ်ႉ​ၶုတ်း​ၼမ်ႉ​မေႃႇ တၢင်ႇ​တီႈ​ထႅင်ႈ​ဢေႃႈ။ ၼမ်ႉ​မေႃႇ​ၼၼ်ႉ​ၸိုင်၊ ၵွပ်ႈ​ပိူဝ်ႈ​ဢၼ်​ၽူႈ​လႂ် ဢမ်ႇ​ႁိမ် ဢမ်ႇ​ဢဝ်​လႄႈ၊ မၼ်း​ႁွင်ႉ​ႁဵၵ်ႈ​ၸိုဝ်ႈ​ ရႁေႃးၽုတ်ႉ ​သေ​လႄႈ​ဝႃႈ၊ ပိူဝ်ႈ​ဢၼ်​ထႃႇဝရႃႉ​ၽြႃး​ပၼ်​ဢၶႂၢင်ႉ​ဢၼ် ႁဝ်း​လႆႈ​ယူႇ​တေႃႈ​လဵဝ်​ၼႆႉ​ယဝ်ႉ၊ ႁဝ်း​ၼႆႉ​တၵ်း​ပဵၼ် တိုၼ်း​ပဵၼ်​ႁွၼ်း​ၼမ်​ၼႃႇ​လူင်​လၢင်​ၵႃႈ​တီႈ​မိူင်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ၵမ်း​ၼၼ်ႉ မၼ်း​သမ်ႉ​လုၵ်ႉ​သေ​ၵႃႈ​တီႈ​ၼၼ်ႈ​လႄႈ ၶၢႆႉ​ၵႂႃႇ​ၸူး​ၵႃႈ​တီႈ​ ပေႇရသေႇၽႃႉ ​ဢေႃႈ။-</verse>
				<verse number="24">ၼႂ်း​ၶိုၼ်း​ၼၼ်ႉ၊ ထႃႇဝရႃႉ​ၽြႃး​ပေႃႇ​မႃး​တီႈ​မၼ်း​လႄႈ​လၢတ်ႈ​ဝႃႈ၊ ၵဝ်​ပဵၼ်​ၽြႃး​ပေႃႈ​မႂ်း​ ဢႃႇပြႃႇႁၢမ်ႇ ​ၼၼ်ႉ​ဢေႃႈ။ ယႃႇ​ပေ​မႆႈ​ၸႂ်​ၵႃႈ​သင်။ ၵဝ်​မီး​ယူႇ​ၽၢႆႇ​မႂ်း​ဢေႃႈ။ ၵဝ်​တၵ်း​ပၼ်​တၢင်း​လီ​တီႈ​မႂ်း​ဢေႃႈ။ ၵဝ်​တၵ်း​ႁႂ်ႈ​ၸိူဝ်ႉ​ၶိူဝ်း​မႂ်း​ယႂ်ႇ​ၽႄႈ​ၼမ်​ၵိုၼ်း​မႃး ၵွပ်ႈ​ပိူဝ်ႈ​ၶႃႈ​ၵဝ် ဢႃႇပြႃႇႁၢမ်ႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မၼ်း​တႄႇ​ႁဵတ်း​ယိတ်ႈပလၢင်ႇ​ၵႃႈ​တီႈ​ၼၼ်ႈ​လႄႈ ႁဵတ်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ဢေႃႈ။ မူဝ်းၵႃႇ​မၼ်း​ၵေႃႈ မၼ်း​မုင်း​လႄႈ ၶႃႈ​မၼ်း​တင်း​လၢႆ​ၶုတ်း​ၼမ်ႉ​မေႃႇ​ထႅင်ႈ​ဢေႃႈ။</verse>
				<verse number="26">မိူဝ်ႈ​ၼၼ်ႉ​ၶုၼ်​ ဢၽီႉမလႅၵ်ႉ ႁွင်ႉ​ဢဝ်​ၵေႃႉ​သေႈ​မၼ်း​ ဢႁူႉၸတ်ႉ ဢိၵ်ႇ​တင်း​ၵႄႇ​ႁူဝ်​သိုၵ်း​မၼ်း​ ၽီႉၵေႃးလႃႉ ​လႄႈ လုၵ်ႉ​သေ ၵႃႈ​တီႈ​ဝဵင်း​ ၵေႇရႃႇ ​ၵႂႃႇ​ၸူး ၵႃႈ​တီႈ​မၼ်း​ဢေႃႈ။-</verse>
				<verse number="27">ဢီႉၸၢၵ်ႈ ​ၵေႃႈ​ထၢမ်​လႄႈ​ဝႃႈ၊ သူ​ၸဝ်ႈ​ၶၢၼ်ႉ​ႁၼ်​ၵဝ်​လႄႈ ႁေႃႈ​ၵဝ်​ဢွၵ်ႇ​သေ​ၵႃႈ​တီႈ​သူ​သေ​ယဝ်ႉ၊ ႁဵတ်း​ႁိုဝ်​လႄႈ မႃး​ၸူး​ၵႃႈ​တီႈ​ၵဝ်​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="28">ၶဝ်​ၵေႃႈ​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​ႁဝ်း​ႁူႉ​ႁၼ်​လွင်ႈ​ဢၼ်​ထႃႇဝရႃႉ​ၽြႃး​မီး​ယူႇ​ၵႃႈ​တီႈ​ၽၢႆႇ​မႂ်း ဢမၢၼ်ႇ​ၶၼ်​ပဵၼ်​လႄႈ ႁဝ်း​ဝႃႈ ႁႂ်ႈ​သဵတ်ႈ​ၸႃႇ​ၵတီႉ​မီး ဝူင်ႈ​ၵၢင်​ႁဝ်း​ဢၼ်​ဝႃႈ ဝူင်ႈ​ၵၢင်​ႁဝ်း​တင်း​မႂ်း​လႄႈ​ႁႂ်ႈ​ႁဝ်း​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​မႂ်း၊-</verse>
				<verse number="29">လွင်ႈ​ဢၼ်​မႂ်း​တၵ်း​ဢမ်ႇ​ႁဵတ်း​ဢပႅတ်ႈ တီႈ​ႁဝ်း​ၸွမ်း​ၵႃႈ​ၼင်ႇ​ဢၼ်​ႁဝ်း​ဢမ်ႇ​တိူဝ်ႉ​ဢမ်ႇ​ၶိူၵ်ႈ​မႂ်း၊ ႁဵတ်း​ၵျေး​ၸူး​ၵူၺ်း​လႄႈ ပွႆႇ​မႂ်း​ၵႂႃႇ​ၼိမ်​ၼိမ်​လီ​လီ​ၼၼ်ႉ​တႃႉ​ႁဝ်း။ တေႃႈ​လဵဝ်​ၼႆႉ​မႂ်း​ပဵၼ်​ၵေႃႉ​ဢၼ်​ထႃႇဝရႃႉ​ၽြႃး​ပၼ်​တၢင်း​လီ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="30">မၼ်း​ၵေႃႈ​ႁဵတ်း​ပွႆး​ၵိၼ်​ပွႆး​ၶူပ်း​ပုၼ်ႈ​ၶဝ်​လႄႈ​ဢွၼ်​ၵၼ်​ၵိၼ်​ၶူပ်း​ဢေႃႈ။-</verse>
				<verse number="31">ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ၶဝ်​လုၵ်ႉ​လႄႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ်​ႁဵတ်း​သဵတ်ႈ​ၸႃႇ​ၵတီႉ​တီႈ​ၵၼ်​သေ​ယဝ်ႉ၊ ဢီႉၸၢၵ်ႈ ပွႆႇ​ၶဝ်​လႄႈ၊ ၶဝ်​လႆႈ​မိူဝ်း​ၵႂႃႇ​ၼိမ်​ၼိမ်​လီ​လီ​ဢေႃႈ။-</verse>
				<verse number="32">ၼႂ်း​ဝၼ်း​ၼၼ်ႉ​ၶႃႈ​ ဢီႉၸၢၵ်ႈ ​တင်း​လၢႆ ဢွၼ်​ၵၼ်​မႃး​လၢတ်ႈ​လွင်ႈ​ၼမ်ႉ​မေႃႇ​ဢၼ်​ၶဝ်​ၶုတ်း​ၼၼ်ႉ​တီႈ​မၼ်း​လႄႈ​ဝႃႈ၊ ႁဝ်း​ၶႃႈ​လႆႈ​ထူပ်း​ႁၼ်​ၼမ်ႉ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="33">မၼ်း​ႁွင်ႉ​ႁဵၵ်ႈ​ၸိုဝ်ႈ​ၼမ်ႉ​မေႃႇ​ၼၼ်ႉ​ သေးၽႃႉ ​ဢေႃႈ။ ပိူဝ်ႈ​ၼႆ​လႄႈ ဝဵင်း​တီႈ​ၼၼ်ႉ​ၸိုင်​လႆႈ​ႁွင်ႉ​ႁဵၵ်ႈ​ၸိုဝ်ႈ ဝဵင်း​ ပေႇရသေႇၽႃႉ ႁၢၼ်ႉ​တေႃႇ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="34">ဢေးသေႃး ​ၼၼ်ႉ​မိူဝ်ႈ​ဢၼ်​ဢသၢၵ်ႈ​လႆႈ​သီႇ​သိပ်း​ပီႊ​ၼၼ်ႉ​ၸိုင်၊ ပဵၼ်​ႁိူၼ်း​ပဵၼ်​ယေး​လူၺ်ႈ​ၵၼ်​တင်း ယူႉတိတ်ႉ ၊ လုၵ်ႈ​ယိင်း​ ပေႇရီႉ ၊ ၵူၼ်း​ ႁိတ်ႉတီႉ ၊ ဢိၵ်ႇ​တင်း​ ပႃႇသမတ်ႉ ၊ လုၵ်ႈ​ယိင်း​ ဢေႇလုၼ်ႇ ၊ ၵူၼ်း​ ႁိတ်ႉတီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="35">မႄႈ​ယိင်း​ၸိူဝ်း​ၼၼ်ႉ​ပဵၼ်​လွင်ႈ​ဢၼ်​မႆႈ​ၸႂ်​ယၢပ်ႇ​ၸႂ်​တီႈ​ ဢီႉၸၢၵ်ႈ ​တင်း​ ရေႇပႅၵ်ႉၵႃႉ ​ဢေႃႈ။</verse>
			</chapter>
			<chapter number="27">
				<verse number="1">ဝၢႆး​ၼၼ်ႉ​ ဢီႉၸၢၵ်ႈ ​ၼၼ်ႉ​ထဝ်ႈ​ၼႃႇ​လႄႈ​တႃ​မူဝ်း​ထၼ်ႈ​ပေႃး​ဢမ်ႇ​ႁၼ်​လႆႈ​သေ​ယဝ်ႉ၊ ႁွင်ႉ​ဢဝ်​လုၵ်ႈ​ၸၢႆး​မၼ်း​ၵေႃႉ​ယႂ်ႇ ဢေးသေႃး ​ၼၼ်ႉ​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​ဢိူဝ်​လႄႈ​ဝႃႈ၊ ၵဝ်​ၶႃႈ​မီး​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ပေႃႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ​ၵဝ်​ထဝ်ႈ​ၼႃႇ​ယဝ်ႉ။ တၵ်း​တၢႆ​ဝၼ်း​လႂ်​ဢမ်ႇ​ႁူႉ။-</verse>
				<verse number="3">ၼင်ႇ​ႁိုဝ်​ဝီႉၺိၺ်ႇ​ၵဝ် တၵ်း​ပၼ်​တၢင်း​လီ​တီႈ​မႂ်း​ၸူဝ်ႈ​ဢၼ်​ၵဝ်​ဢမ်ႇ​ပႆႇ​တၢႆ​ၼႆႉ​ၸိုင်၊ ဢဝ်​လၢၵ်ႈ​ၼၢၵ်ႈ​မႂ်း​ဢၼ်​ဝႃႈ​ပိုၼ်​ဢိၵ်ႇ​တင်း ၵၢင်ႇ​မႂ်း​ၼၼ်ႉ​ၵႂႃႇ​ၵႃႈ​တီႈ​ထိူၼ်ႇ​ပုၼ်ႉ​လႄႈ ႁႃ​ဢဝ်​ႁႂ်ႈ​လႆႈ​ၼိူဝ်ႉ​တူဝ်​ထိူၼ်ႇ​ပုၼ်ႈ​ၵဝ်​သေ​ယဝ်ႉ၊-</verse>
				<verse number="4">ႁုင်​ၽၵ်း​ၼိူဝ်ႉ​ဢၼ်​ဝၢၼ်​ဝၢၼ်​ဢၼ်​ၵဝ်​ယၢမ်ႈ​မၵ်ႉ​ၼၼ်ႉ​သေ​လႄႈ ဢဝ်​မႃး​ၵႃႈ​တီႈ​ၵဝ်​ႁႂ်ႈ​ၵဝ်​လႆႈ​ၵိၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ရေႇပႅၵ်ႉၵႃႉ ​ငိၼ်း ၵႂၢမ်း​ဢၼ်​ ဢီႉၸၢၵ်ႈ ​လၢတ်ႈ​တီႈ​လုၵ်ႈ​ၸၢႆး​မၼ်း​ ဢေးသေႃး ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ ၼႂ်း​မိူဝ်ႈ​ဢၼ် ဢေးသေႃး ​ယင်း​တိုၵ်ႉ​ၵႂႃႇ​ၵႃႈ​တီႈ​ထိူၼ်ႇ​လႄႈ ႁႃ​ႁႂ်ႈ​လႆႈ​ဢဝ်​ၼိူဝ်ႉ​တူဝ်​ထိူၼ်ႇ​မႃး​ယူႇ​ၼၼ်ႉ​ၸိုင်၊-</verse>
				<verse number="6">ရေႇပႅၵ်ႉၵႃႉ ​ႁွင်ႉ​ဢဝ်​လုၵ်ႈ​ၸၢႆး​မၼ်း​ ယႃႇၵုပ်ႈ ​လႄႈ​ဝႃႈ၊ တူၺ်း​လူး၊ ၵဝ်​လႆႈ​ငိၼ်း​ပေႃႈ​မႂ်း​လၢတ်ႈ​တီႈ​ပီႈ​ဢၢႆႈ​မႂ်း​ ဢေးသေႃး ​ၼၼ်ႉ​လႄႈ​ဝႃႈ၊-</verse>
				<verse number="7">လွင်ႈ​ၼင်ႇ​ႁိုဝ်​ၵဝ်​တၵ်း​လႆႈ​ၵိၼ်​လႄႈ​ပၼ်​တၢင်း​လီ​တီႈ​မႂ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၸူဝ်ႈ​ဢၼ်​ၵဝ် ဢမ်ႇ​ပႆႇ​တၢႆ​ၼႆႉ​ၸိုင်၊ ဢဝ်​ၼိူဝ်ႉ​တူဝ်​ထိူၼ်ႇ​မႃး​လႄႈ ႁုင်​ၽၵ်း​ၼိူဝ်ႉ​ဢၼ်​ဝၢၼ်​ဝၢၼ်​ပုၼ်ႈ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ပိူဝ်ႈ​ၼႆ​လႄႈ လုၵ်ႈ​ၸၢႆး​ၵဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ဢၼ်​ၵဝ်​သင်ႇ​လၢတ်ႈ​ဝႆႉ​ၼႆႉ​တႃႉ။-</verse>
				<verse number="9">တေႃႈ​လဵဝ်​ၼႆႉ ၵႂႃႇ​ၵႃႈ​တီႈ​ၽုင်​ပႄႉ​ပုၼ်ႉ​လႄႈ ဢဝ်​ပႄႉ​ဢွၼ်ႇ​ဢၼ်​လီ​သွင်​တူဝ်​မႃး​တီႈ​ၵဝ်​တႃႉ။ ၵဝ်​တၵ်း​ဢဝ်​လႄႈ ႁုင်​ၽၵ်း​ၼိူဝ်ႉ​ဢၼ်​ဝၢၼ်​ဝၢၼ်​ဢၼ်​ပေႃႈ​မႂ်း​ၸၢင်ႈ​မၵ်ႉ​ၼၼ်ႉ​ဢေႃႈ။-</verse>
				<verse number="10">လွင်ႈ​ၼင်ႇ​ႁိုဝ်​မၼ်း​တၵ်း​ပၼ်​တၢင်း​လီ​တီႈ​မႂ်း​ၸူဝ်ႈ​ဢၼ်​မၼ်း​ဢမ်ႇ​ပႆႇ​တၢႆ​ၼႆႉ​ၸိုင်၊ မႂ်း​တၵ်း​လႆႈ​ဢဝ်​တၢင်း​ၵိၼ်​တၢင်း​ၶူပ်း​ၼၼ်ႉ ၵႂႃႇ​သူင်ႇ​ၵႃႈ​တီႈ​ပေႃႈ​မႂ်း​ပုၼ်ႈ​ဢၼ် မၼ်း​တၵ်း​ၵိၼ်​တၵ်း​ၶူပ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ယႃႇၵုပ်ႈ ​ၵေႃႈ​လၢတ်ႈ​တီႈ​မႄႈ​မၼ်း​ ရေႇပႅၵ်ႉၵႃႉ ​လႄႈ​ဝႃႈ၊ တူၺ်း​လူး၊ ပီႈ​ဢၢႆႈ​ၵဝ်​ၶႃႈ​ ဢေးသေႃး ​ၼၼ်ႉ ပဵၼ်​ၵေႃႉ​ဢၼ်​မီး​ၶူၼ်​ၶႃႈ​ဢေႃႈ။ ၵဝ်​ၶႃႈ​ၸမ်ႉ၊ ပဵၼ်​ၵေႃႉ​ဢၼ်​မိုၼ်ႈ​လီ​ၶျေႃး​လီ​ၶႃႈ​ဢေႃႈ။-</verse>
				<verse number="12">ပေႃႈ​ၵဝ်​ၶႃႈ​ၸၢင်ႈ​ၶႄး​တၵ်း​လုပ်ႈ​ၵမ်း​တူၺ်း​ၵဝ်​ၶႃႈ​ဢေႃႈ။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​ၶႃႈ​တၵ်း​ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​ၸၢင်ႈ​ပႅတ်ႉ ၸၢင်ႈ​လႅၼ်​ၼၼ်ႉ​တီႈ​မၼ်း​သေ​ယဝ်ႉ၊ ၵဝ်​ၶႃႈ​ၵေႃႈ​ယင်း​ဢမ်ႇ​လႆႈ​မင်ႇၵလႃႇ​လႄႈ တၵ်း​လႆႈ​ဢႃႉ​မင်ႇၵလႃႇ တၢင်း​ဢၼ်​ၵိၼ်ႇ​ဢၼ်​ဝႃႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မႄႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ ႁႂ်ႈ​ဢႃႉ​မင်ႇၵလႃႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ဢၼ်​မႂ်း​လႆႈ​ၶၢမ်ႇ​ၼၼ်ႉ ႁွတ်ႈ​ထိုင် ၵႃႈ​ၼိူဝ်​ၵဝ်​တႃႉ။ ၵူၺ်း​ၵႃႈ ထွမ်ႇ​ဢဝ်​ၵႂၢမ်း​ၵဝ်​လႄႈ ဢဝ်​ပႄႉ​ဢွၼ်ႇ​မႃး​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">မၼ်း​ၵႂႃႇ​လႄႈ​ဢဝ်​ပႄႉ​ဢွၼ်ႇ​မႃး​ၵႃႈ​တီႈ​မႄႈ​မၼ်း​လႄႈ မႄႈ​မၼ်း​ၵေႃႈ​ႁုင်​ၽၵ်း​ၼိူဝ်ႉ​ဢၼ်​ဝၢၼ်​ဝၢၼ် ဢၼ်​ပေႃႈ​မၼ်း​ၸၢင်ႈ​မၵ်ႉ​ၼၼ်ႉ​ဢေႃႈ။</verse>
				<verse number="15">မိူဝ်ႈ​ၼၼ်ႉ​ ရေႇပႅၵ်ႉၵႃႉ ​ဢဝ်​ၶူဝ်း​ၼုင်ႈ​ ဢေးသေႃး လုၵ်ႈ​ၸၢႆး​ၵေႃႉ​ယႂ်ႇ ဢၼ်​လီ​ၼႃႇ​လူင်​လၢင် ဢၼ်​မီး​ၵႃႈ​ၼႂ်း​ႁိူၼ်း​တီႈ​မၼ်း​ၼၼ်ႉ ႁႂ်ႈ​လုၵ်ႈ​ၸၢႆး​ၵေႃႉ​လဵၵ်ႉ​ ယႃႇၵုပ်ႈ ​ၼုင်ႈ​လႄႈ၊-</verse>
				<verse number="16">ဢဝ်​ၼင်​ပႄႉ​ဢွၼ်ႇ​ႁေႃႇ​သႂ်ႇ​ၵႃႈ​တီႈ​မိုဝ်း​မၼ်း ဢိၵ်ႇ​တင်း​ၶေႃး​မၼ်း တီႈ​ဢၼ်​မိုၼ်ႈ​ၶျေႃး​ၼၼ်ႉ​သေ​ယဝ်ႉ၊-</verse>
				<verse number="17">ဢဝ်​ၽၵ်း​ၼိူဝ်ႉ​ဢၼ်​ဝၢၼ်​ဝၢၼ် ဢိၵ်ႇ​တင်း​ၶဝ်ႈ​မုၼ်း​ဢၼ်​မၼ်း​ႁုင်​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​လုၵ်ႈ​ၸၢႆး​မၼ်း​ ယႃႇၵုပ်ႈ ​ၼၼ်ႉ​ဢေႃႈ။</verse>
				<verse number="18">ယႃႇၵုပ်ႈ ​ၵေႃႈ​ၵႂႃႇ​ၵႃႈ​တီႈ​ပေႃႈ​မၼ်း​လႄႈ​ႁွင်ႉ​ဝႃႈ၊ ပေႃႈ​ဢိူၺ်း၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​ဢိူဝ်​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊​ၵဝ်​မီး​ယူႇ​ဢေႃႈ။ မႂ်း​ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ယႃႇၵုပ်ႈ ​ၵေႃႈ​လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ ၵဝ်​ၶႃႈ​ၸမ်ႉ၊ ပဵၼ်​ ဢေးသေႃး ​လုၵ်ႈ​ၸၢႆး​ပေႃႈ​ႁဝ်း​ၵေႃႉ​ယႂ်ႇ​ၶႃႈ​ဢေႃႈ။ ၵဝ်​ၶႃႈ​ႁဵတ်း​ၸွမ်း ၵႃႈ​ၼင်ႇ​ဢၼ်​ပေႃႈ​ႁဝ်း​သင်ႇ​လၢတ်ႈ​ဝႆႉ​ၼၼ်ႉ​ၶႃႈ​ယဝ်ႉ။ လုၵ်ႉ​လႄႈ​ၼင်ႈ​သေ​ၵမ်း။ ၼင်ႇ​ႁိုဝ်​ဝီႉၺိၺ်ႇ​ပေႃႈ​ႁဝ်း တၵ်း​ပၼ်​တၢင်း​လီ​တီႈ​ၵဝ်​ၶႃႈ​ၸိုင်၊ ၵိၼ်​ၽၵ်း​ၼိူဝ်ႉ​တူဝ်​ထိူၼ်ႇ​ၵဝ်​ၶႃႈ​ၼႆႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ဢီႉၸၢၵ်ႈ ​ၵေႃႈ၊ ထၢမ်​တီႈ​လုၵ်ႈ​ၸၢႆး​မၼ်း​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ လွင်ႈ​ဢၼ်​မႂ်း​ၸဵဝ်း​ထူပ်း​ႁၼ်​ထၢၼ်ႇ​ၼႆႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​ထႃႇဝရႃႉ​ၽြႃး၊​ၽြႃး​ပဵၼ်​ၸဝ်ႈ​ပေႃႈ​ႁဝ်း​ၼၼ်ႉ ပၼ်​ဢၶႂၢင်ႉ တီႈ​ၵဝ်​ၶႃႈ​လႄႈ ၵဝ်​ၶႃႈ​ၸဵဝ်း​ထူပ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ဢီႉၸၢၵ်ႈ ​ၵေႃႈ​လၢတ်ႈ​တီႈ​ ယႃႇၵုပ်ႈ ​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ လွင်ႈ​ၼင်ႇ​ႁိုဝ် ၵဝ်​တၵ်း​လႆႈ​လုပ်ႈ​ၵမ်း​တူၺ်း​မႂ်း​လႄႈ​ႁူႉ​လွင်ႈ​ဢၼ် မႂ်း​ၸႂ်ႈ လုၵ်ႈ​ၸၢႆး​ၵဝ်​ ဢေးသေႃး ​တႄႉ​တႄႉ​ႁိုဝ်။ ဢမ်ႇ​ၸႂ်ႈ​ႁိုဝ်​ၼၼ်ႉ​ၸိုင်၊ သုတ်ႉ​မႃး​ၵႃႈ​တီႈ​ႁိမ်း​ၵဝ်​ၼႆႉ​လူး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ယႃႇၵုပ်ႈ ​သုတ်ႉ​ၸမ်​ၵႃႈ​တီႈ​ႁိမ်း​ပေႃႈ​မၼ်း​ၼၼ်ႉ​လႄႈ ပေႃႈ​မၼ်း​ၵေႃႈ​လုပ်ႈ​ၵမ်း​တူၺ်း​လႄႈ​ဝႃႈ၊ သဵင်​မၼ်း​ၸမ်ႉ၊ ပဵၼ်​သဵင်​ ယႃႇၵုပ်ႈ ​ဢေႃႈ။ မိုဝ်း​မၼ်း​ၸမ်ႉ၊ ပဵၼ်​မိုဝ်း​ ဢေးသေႃး ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ပိူဝ်ႈ​ဢၼ်​မိုဝ်း​မၼ်း​ပႃး​တင်း​ၶူၼ်​မိူၼ်​ၸိူဝ်ႉ​ၼင်ႇ မိုဝ်း​ပီႈ​ဢၢႆႈ​မၼ်း​ ဢေးသေႃး ​ၼၼ်ႉ​လႄႈ ပေႃႈ​မၼ်း​ယင်း​ဢမ်ႇ​ႁူႉ​သၢႆ​ငၢႆ​လွင်ႈ​ဢၼ်​မၼ်း​ပဵၼ်​ ယႃႇၵုပ်ႈ ​ၼၼ်ႉ​လႄႈ ပၼ်​တၢင်း​လီ​တီႈ​မၼ်း​ဢေႃႈ။-</verse>
				<verse number="24">ၵူၺ်း​ၵႃႈ ပေႃႈ​မၼ်း​သမ်ႉ​ၶိုၼ်း​ထၢမ်​ထႅင်ႈ​လႄႈ​ဝႃႈ၊ မႂ်း​ပဵၼ်​လုၵ်ႈ​ၸၢႆး​ၵဝ်​ ဢေးသေႃး ​ဢမၢၼ်ႇ​ၶၼ်​ပဵၼ်​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊​မၼ်း​ၵေႃႈ​လၢတ်ႈ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ပေႃႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ ဢဝ်​မႃး​တမ်း​ပၼ်​ၵႃႈ​တီႈ​ႁိမ်း​ၵဝ်​ၼႆႉ​တႃႉ။ ၼင်ႇ​ႁိုဝ်​ဝီႉၺိၺ်ႇ​ၵဝ်​တၵ်း​ပၼ်​တၢင်း​လီ​တီႈ​မႂ်း​ၸိုင်၊​ၵဝ်​တၵ်း​ၵိၼ်​ၽၵ်း​ၼိူဝ်ႉ​တူဝ်​ထိူၼ်ႇ လုၵ်ႈ​ၸၢႆး​ၵဝ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ယႃႇၵုပ်ႈ ​ဢဝ်​တမ်း​ပၼ်​ၵႃႈ​တီႈ​ႁိမ်း​ပေႃႈ​မၼ်း​လႄႈ ပေႃႈ​မၼ်း​ၵေႃႈ​ၵိၼ်​ဢေႃႈ။ ၼမ်ႉ​ၸပိတ်ႈ​ၵေႃႈ ဢဝ်​မႃး​ပၼ်​လႄႈ ပေႃႈ​မၼ်း​ၵိၼ်​ဢေႃႈ။-</verse>
				<verse number="26">လိုၼ်း​ၼၼ်ႉ​ပေႃႈ​မၼ်း​ ဢီႉၸၢၵ်ႈ ​ၵေႃႈ​လၢတ်ႈ​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ သုတ်ႉ​မႃး​လႄႈ​ၼူမ်​ၵဝ်​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="27">ယႃႇၵုပ်ႈ ​သုတ်ႉ​ၸူး​လႄႈ​ၼူမ်​ပေႃႈ​မၼ်း​ဢေႃႈ။ ပေႃႈ​မၼ်း​ၵေႃႈ​ၶၢမ်ႇ​ဢဝ်​ဢၢႆ​ၶူဝ်း​ၼုင်ႈ​မၼ်း​သေ​လႄႈ ပၼ်​တၢင်း​လီ​တီႈ​မၼ်း လႄႈ​ဝႃႈ၊ တူၺ်း​လူး၊ ဢၢႆ​ႁွမ်​လုၵ်ႈ​ၸၢႆး​ၵဝ်​ၼႆႉ​မိူၼ်​ၸိူဝ်ႉ​ၼင်ႇ ဢၢႆ​ႁွမ်​တူင်ႈ​ၼႃး ဢၼ်​ထႃႇဝရႃႉ​ၽြႃး​ပၼ်​တၢင်း​လီ​ၼၼ်ႉ​ဢေႃႈ။-</verse>
				<verse number="28">ပိူဝ်ႈ​ၼႆ​လႄႈ ႁႂ်ႈ​ၽြႃး​ပဵၼ်​ၸဝ်ႈ​ပၼ်​ၼမ်ႉ​ၼၢႆး​ၵႃႈ​တီႈ​ၽႃႉ​ၵၢင်​ႁၢဝ်၊ ၶွၼ်ႇ​ၼမ်ႉ​မၼ်း​လိၼ်၊ ၶဝ်ႈ​ပိူၵ်ႇ၊ ၶဝ်ႈ​သၢၼ် တင်း​ၼမ်ႉ​ၸပိတ်ႈ ၼမ်​ၼႃႇ​တီႈ​မႂ်း​သေ​ၵမ်း​လူၺ်ႈ။-</verse>
				<verse number="29">ႁႂ်ႈ​ၸိူဝ်ႉ​ၶိူဝ်း​ၵူၼ်း​တင်း​လၢႆ လႆႈ​ၶၢမ်ႇ​ႁဵတ်း​ၶႃႈ​တီႈ​မႂ်း​လႄႈ ႁႂ်ႈ​မဵဝ်း​ၵူၼ်း​တင်း​လၢႆ လႆႈ​ၵူမ်ႈ​ႁူဝ်​ၵွမ်း​ႁူဝ် ၵႃႈ​တီႈ​ၽၢႆႇ​ၼႃႈ​မႂ်း​သေ​ၵမ်း​လူၺ်ႈ။ ႁႂ်ႈ​မႂ်း​လႆႈ​ပဵၼ်​ၸဝ်ႈ​တီႈ​ပီႈ​တီႈ​ၼွင်ႉ​မႂ်း​လႄႈ ႁႂ်ႈ​လုၵ်ႈ​ၸၢႆး​မႄႈ​မႂ်း​တင်း​လၢႆ လႆႈ​ၵူမ်ႈ​ႁူဝ်​ၵွမ်း​ႁူဝ် ၵႃႈ​တီႈ​ၽၢႆႇ​ၼႃႈ​မႂ်း​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​ၵိၼ်ႇ​ဝႃႈ​မႂ်း တင်း​သဵင်ႈ​တင်း​လူင်​ၼၼ်ႉ လႆႈ​ၶၢမ်ႇ​တၢင်း​ၵိၼ်ႇ​တၢင်း​ဝႃႈ​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​ပၼ်​တၢင်း​လီ​တီႈ​မႂ်း​တင်း​သဵင်ႈ​တင်း​လူင် ၼၼ်ႉ လႆႈ​ၶၢမ်ႇ​တၢင်း​လီ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">ၼင်ႇ​ၼၼ်​လႄႈ​ ဢီႉၸၢၵ်ႈ ​ပၼ်​တၢင်း​လီ​မင်ႇၵလႃႇ​တီႈ​ ယႃႇၵုပ်ႈ ​ယဝ်ႉ​တူဝ်ႈ​ယဝ်ႉ​လႄႈ၊ ၼႂ်း​မိူဝ်ႈ​ဢၼ်​ ယႃႇၵုပ်ႈ ​ယင်း​တိုၵ်ႉ​ဢွၵ်ႇ​သေ​ၵႃႈ​တီႈ​ပေႃႈ​မၼ်း​ ဢီႉၸၢၵ်ႈ ​ၼၼ်ႉ​ယူႇ​ၼၼ်ႉ​ၸိုင်၊ ပီႈ​ဢၢႆႈ​မၼ်း​ ဢေးသေႃး လုၵ်ႉ​သေ​ၵႃႈ​တီႈ​ဢၼ်​မၼ်း​ႁဵတ်း​မူး​သိူဝ်း​ၼၼ်ႉ​လႄႈ​ႁွတ်ႈ မႃး​ၵမ်း​လဵဝ်​ဢေႃႈ။-</verse>
				<verse number="31">မၼ်း​ၵေႃႈ​ႁုင်​ၽၵ်း​ၼိူဝ်ႉ​ဢၼ်​ဝၢၼ်​ဝၢၼ်​လႄႈ​ဢဝ်​မႃး​တီႈ​ပေႃႈ​မၼ်း​သေ​ယဝ်ႉ၊ လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ ၼင်ႇ​ႁိုဝ် ဝီႉၺိၺ်ႇ​ပေႃႈ​ႁဝ်း​တၵ်း​ပၼ်​တၢင်း​လီ​တီႈ​ၵဝ်​ၶႃႈ​ၸိုင်၊ လုၵ်ႉ​လႄႈ​ၵိၼ်​ၽၵ်း​ၼိူဝ်ႉ​တူဝ်​ထိူၼ်ႇ​လုၵ်ႈ​ၸၢႆး​ပေႃႈ​ႁဝ်း​ၼႆႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">ပေႃႈ​မၼ်း​ ဢီႉၸၢၵ်ႈ ​ၵေႃႈ​ထၢမ်​တီႈ​မၼ်း​လႄႈ​ဝႃႈ၊ မႂ်း​ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​ပဵၼ်​ ဢေးသေႃး လုၵ်ႈ​ၸၢႆး​ပေႃႈ​ႁဝ်း​ၵေႃႉ​ယႂ်ႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="33">ဢီႉၸၢၵ်ႈ ​ၼၼ်ႉ သၼ်ႇ​သၼ်ႇ​သၢႆ​သၢႆ​ၼႃႇ​လူင်​လၢင်​ယူႇ​သေ​လႄႈ​ဝႃႈ၊ ၵေႃႉ​ဢၼ်​လႆႈ​ၼိူဝ်ႉ​တူဝ်​ထိူၼ်ႇ​လႄႈ ဢဝ်​မႃး​ၸူး​ၵႃႈ​တီႈ ၵဝ်​သေ​ယဝ်ႉ၊ ၵဝ်​ၵိၼ်​ထၼ်ႈ​ပေႃး​မူတ်း​ပေႃး​သဵင်ႈ​ၸဵမ်​မိူဝ်ႈ​ၸူဝ်ႈ​ဢၼ်​မႂ်း​ဢမ်ႇ​ပႆႇ​ႁွတ်ႈ​မႃး​ၼၼ်ႉ​လႄႈ လႆႈ​ပၼ်​တၢင်း​လီ​တီႈ​မၼ်း​မႅၼ်ႈ​ၼၼ်ႉ​ပဵၼ်​ၽူႈ​လႂ်။ မၼ်း​ၼၼ်ႉ​တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ဢေးသေႃး ​ၼၼ်ႉ မိူဝ်ႈ​ဢၼ်​လႆႈ​ငိၼ်း​ၵႂၢမ်း​ဢၼ်​ပေႃႈ​မၼ်း​လၢတ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ႁဵတ်း​တင်း​သဵင်​ဢၼ်​ႁႅင်း​ယႂ်ႇ​ၼႃႇ​ႁွင်ႉ​ႁႆႈ​လႄႈ​ဝႃႈ၊ ဢူဝ်း​ပေႃႈ၊ တီႈ​ၵဝ်​ၶႃႈ​ၵေႃႈ​ပၼ်​တၢင်း​လီ​သေ​ၵမ်း​ၶႃႈ၊ ပၼ်​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="35">ပေႃႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ ၼွင်ႉ​ၸၢႆး​မႂ်း​ႁဵတ်း​တင်း​ပရီႉယႄႇ​သေ​လႄႈ​မႃး​ဢဝ်​တၢင်း​လီ​မင်ႇၵလႃႇ​မႂ်း​ၵႂႃႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">မၼ်း​ၼၼ်ႉ​လၢတ်ႈ​လႄႈ​ဝႃႈ၊ မၼ်း​ၼၼ်ႉ​ၸိုင် ထုၵ်ႇ​လီ​ႁွင်ႉ​ႁဵၵ်ႈ​ၸိုဝ်ႈ​ ယႃႇၵုပ်ႈ ​ယဝ်ႉ​ဢမ်ႇ​ၸႂ်ႈ​ၶႃႈ​ႁိုဝ်။ မၼ်း​ပႅတ်ႉ​လႅၼ်​ၵဝ်​ၶႃႈ သွင်​ပွၵ်ႈ​လႄႈ​ပႄႉ​ၼႅင်ႇ​ၶႃႈ​ယဝ်ႉ။ မိူဝ်ႈ​ဢွၼ်​တၢင်း​ၼၼ်ႉ မၼ်း​ဢဝ်​ဢရႃႇ​လုၵ်ႈ​တူၼ်ႈ​ၵႂႃႇ​ၶႃႈ​ယဝ်ႉ။ တေႃႈ​လဵဝ်​ၼႆႉ​ၵေႃႈ မၼ်း​သမ်ႉ​ဢဝ်​တၢင်း​လီ​မင်ႇၵလႃႇ​ၵဝ်​ၶႃႈ​ၵႂႃႇ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ သမ်ႉ​ထၢမ်​လႄႈ​ဝႃႈ၊ ဢမ်ႇ​ႁႂ်ႈ​တၢင်း​လီ​မင်ႇၵလႃႇ​ၵိုတ်း​ဝႆႉ​ပုၼ်ႈ​ၵဝ်​ၶႃႈ​သေ​ပႃး​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ဢီႉၸၢၵ်ႈ ​ၵေႃႈ​ၶိုၼ်း​လၢတ်ႈ​တီႈ​ ဢေးသေႃး ​လႄႈ​ဝႃႈ၊ တူၺ်း​လူး၊ ၵဝ်​လႆႈ​ႁႂ်ႈ​မၼ်း​ပဵၼ်​ၸဝ်ႈ​မႂ်း​ယဝ်ႉ။ ၵဝ်​လႆႈ​ႁႂ်ႈ​ပီႈ​ၼွင်ႉ​မၼ်း တင်း​သဵင်ႈ​တင်း​လူင် ၶၢမ်ႇ​ႁဵတ်း​ၶႃႈ​တီႈ​မၼ်း​ယဝ်ႉ။ လႆႈ​ဢဝ်​တင်း​ၶဝ်ႈ​ပိူၵ်ႇ​ၶဝ်ႈ​သၢၼ် ဢိၵ်ႇ​တင်း​ၼမ်ႉ​ၸပိတ်ႈ​ၵမ်ႉ​ထွၵ်ႈ​ၸွႆႈ​ထႅမ်​မၼ်း​ယဝ်ႉ။ ပိူဝ်ႈ​ၼႆ​လႄႈ လုၵ်ႈ​ၸၢႆး​ၵဝ်​ဢိူၺ်း၊ တီႈ​မႂ်း​ၼႆႉ တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​လႆႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="38">ဢေးသေႃး ​ၵေႃႈ လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ ဢူဝ်း​ပေႃႈ၊ တၢင်း​လီ​မင်ႇၵလႃႇ​ဢမ်ႇ​ၵိုတ်း​သေ​ၸိူဝ်ႉ​သေ​ပိူင်​ၶႃႈ​ႁိုဝ်။ ဢူဝ်း​ပေႃႈ၊ တီႈ​ၵဝ်​ၶႃႈ​ၵေႃႈ​ပၼ်​တၢင်း​လီ​သေ​ၵမ်း​ၶႃႈ၊ ပၼ်​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​လႄႈ​သမ်ႉ​ႁွင်ႉ​သႅၼ်ႇ​ထႅင်ႈ​လႄႈ​ႁႆႈ​ဢေႃႈ။-</verse>
				<verse number="39">ပေႃႈ​မၼ်း​ ဢီႉၸၢၵ်ႈ သမ်ႉ​ၶိုၼ်း​လၢတ်ႈ​လႄႈ​ဝႃႈ၊ တူၺ်း​လူး၊ တီႈ​ယူႇ​မႂ်း​တၵ်း​လႆႈ​မီး​ၵႃႈ​တီႈ​ဢၼ်​ၵႆ​ၵၼ်​တင်း​ၶွၼ်ႇ​ၼမ်ႉ​မၼ်း​လိၼ် ဢိၵ်ႇ​တင်း ၼမ်ႉ​ၼၢႆး ၵႃႈ​တီႈ​ၼိူဝ်​ၽႃႉ​ၵၢင်​ႁၢဝ်​ဢေႃႈ။-</verse>
				<verse number="40">တၵ်း​လႆႈ​ဢဝ်​တင်း​လၢပ်ႇ​တင်း​လႅဝ်း​သေ​လႄႈ လဵင်ႉ​ဢသၢၵ်ႈ​မႂ်း​ဢေႃႈ။ တၵ်း​လႆႈ​ၶၢမ်ႇ​ႁဵတ်း​ၶႃႈ​တီႈ​ၼွင်ႉ​ၸၢႆး​မႂ်း​ဢေႃႈ။ ၵမ်း​လိုၼ်း​မိူဝ်ႈ​ဢၼ်​မႂ်း​သမ်ႉ​ၶိုၼ်း​ပႄႉ​ၼႅင်ႇ​မၼ်း​ၼၼ်ႉ​ၸိုင်၊ မႂ်း​တၵ်း​ႁၵ်း​ပႅတ်ႈ​ၵၢၼ်း​ဢၼ်​မၼ်း​တၢင်ႇ​ၼၼ်ႉ​သေ ၵႃႈ​တီႈ​ၶေႃး​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">ၵွပ်ႈ​ပိူဝ်ႈ​တၢင်း​လီ​မင်ႇၵလႃႇ​ဢၼ်​ပေႃႈ​မၼ်း​ပၼ်​တီႈ​ ယႃႇၵုပ်ႈ ​ၼၼ်ႉ​လႄႈ၊ ဢေးသေႃး ​ၸင်း​ ယႃႇၵုပ်ႈ ​လႄႈ လၢတ်ႈ​ၼႂ်း​ၸႂ်​လႄႈ​ဝႃႈ၊ ၶိင်ႇ​ၵႃႇလႃႉ​ဢၼ်​တၵ်း​လႆႈ​မႆႈ​ၸႂ်​ထိုင်​ၸႂ် ၵွပ်ႈ​ပိူဝ်ႈ​ပေႃႈ​ၵဝ်​ၼၼ်ႉ၊ ၸမ်​တၵ်း​ႁွတ်ႈ​ထိုင်​ယဝ်ႉ။ မိူဝ်ႈ​ၼၼ်ႉ​ၸိုင်၊ ၵဝ်​တၵ်း​ဢဝ်​ၼွင်ႉ​ၸၢႆး​ၵဝ်​ ယႃႇၵုပ်ႈ ​တၢႆ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="42">ၵႂၢမ်း​ဢၼ်​ ဢေးသေႃး ​လုၵ်ႈ​ၸၢႆး​ၵေႃႉ​ယႂ်ႇ​လၢတ်ႈ​ၼၼ်ႉ ႁွတ်ႈ​ထိုင်​ၵႃႈ​တီႈ​ႁူ​မႄႈ​မၼ်း​ ရေႇပႅၵ်ႉၵႃႉ ​ၼၼ်ႉ​လႄႈ၊ ရေႇပႅၵ်ႉၵႃႉ ​ၼၼ်ႉ ႁွင်ႉ​ဢဝ်​ ယႃႇၵုပ်ႈ လုၵ်ႈ​ၸၢႆး ၵေႃႉ​လဵၵ်ႉ​လႄႈ​ဝႃႈ၊ တူၺ်း​လူး၊ ပီႈ​ဢၢႆႈ​မႂ်း​ ဢေးသေႃး ​ၼၼ်ႉ ၵျၢမ်ႇ​ပွင်​တၵ်း​ဢဝ်​မႂ်း​တၢႆ​သေ​ယဝ်ႉ၊ ပေႇ​ၸႂ်​မၼ်း​ၵႃႈ​ၼႂ်း ဢမူႉ​မႂ်း ၼၼ်ႉ​ဢေႃႈ။-</verse>
				<verse number="43">ပိူဝ်ႈ​ၼႆ​လႄႈ လုၵ်ႈ​ၸၢႆး​ၵဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ၵဝ်​သေ​ၵမ်း​တႃႉ။ လုၵ်ႉ​လႄႈ​ပၢႆႈ​ၵႂႃႇ​ၸူး​ၵႃႈ​တီႈ​ဝဵင်း​ ၶႃႇရၢၼ်ႇ ​တီႈ​ဢၼ် ပီႈ​ၸၢႆး​ၵဝ်​ လႃႇပၢၼ်ႇ ယူႇ​ၼၼ်ႉ​သေ​ၵမ်း​တႃႉ။-</verse>
				<verse number="44">ၵိုတ်း​သဝ်း​ယူႇ​ၵႃႈ​တီႈ​မၼ်း​ၼၼ်ႉ ၵမ်း​ဢွၼ်ႇ​ၼိုင်ႈ တေႃႇ​ထိုင်​ႁွတ်ႈ​ၸႂ်​ပီႈ​ဢၢႆႈ​မႂ်း​ပေႇ​ယဝ်ႉ​ၼၼ်ႉ​သေ​ၵမ်း​တႃႉ။-</verse>
				<verse number="45">မိူဝ်ႈ​ဢၼ်​ပီႈ​ဢၢႆႈ​မႂ်း ပေႇ​ၸႂ်​လႄႈ​လိုမ်း​လွင်ႈ​ဢၼ်​မႂ်း​ႁဵတ်း​တီႈ​မၼ်း​ၼၼ်ႉ​ယဝ်ႉ​ၼၼ်ႉ​ၸိုင်၊ ၵဝ်​တၵ်း​ပွႆႇ​ၸႂ်ႉ​ၵႂႃႇ​လႄႈ ဢဝ်​မႂ်း​မႃး​သေ​ၵႃႈ​တီႈ​ၼၼ်ႈ​ဢေႃႈ။ ၼႂ်း​ဝၼ်း​လဵဝ်​ၵူၺ်း​ႁဵတ်း​သင်​လႄႈ ၵဝ်​တၵ်း​လႆႈ​သုမ်း​လုၵ်ႈ​ၸၢႆး​ၵဝ်​တင်း​သွင်​ၵေႃႉ​ၼႆႉ ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="46">ၵမ်း​ၼၼ်ႉ ရေႇပႅၵ်ႉၵႃႉ ​လၢတ်ႈ​တီႈ​ ဢီႉၸၢၵ်ႈ ​လႄႈ​ဝႃႈ၊ ၵဝ်​ၶႃႈ​ငိၼ်း​မိူဝ်ႇ​ငိၼ်း​ၸၢၼ်ႈ​ဢသၢၵ်ႈ​တူဝ်​ၸဝ်ႈ​ၵဝ်ႇ ၵွပ်ႈ​ပိူဝ်ႈ​လုၵ်ႈ​ယိင်း ၵူၼ်း​ ႁေႇသႃႉ ​ၸိူဝ်း​ၼႆႉ ၼႃႇ​လူင်​လၢင်​ဢေႃႈ။ ပေႃး​ ယႃႇၵုပ်ႈ ​ပဵၼ်​ႁိူၼ်း​ပဵၼ်​ယေး လူၺ်ႈ​ၵၼ်​တင်း​လုၵ်ႈ​ယိင်း​ၵူၼ်း​ ႁေႇသႃႉ ဢၼ်​မိူၼ်​ၸိူဝ်ႉ​ၼင်ႇ​ၶဝ် ဢၼ်​ပဵၼ်​လုၵ်ႈ​ယိင်း​ၵူၼ်း​မိူင်း​ၼႆႉ​ၸိူဝ်း​ၼႆႉ​ၸိုင်၊ ၵဝ်​ၶႃႈ​ဢသၢၵ်ႈ​လိပ်း​ယူႇ​လႄႈ တၵ်း​မီး​ဢၵျူဝ်း​ၵႃႈ​သင်​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="28">
				<verse number="1">မိူဝ်ႈ​ၼၼ်ႉ​ ဢီႉၸၢၵ်ႈ ​ႁွင်ႉ​ဢဝ်​ ယႃႇၵုပ်ႈ ​လႄႈ ပၼ်​တၢင်း​လီ​ယူႇ​သေ​လႄႈ​သင်ႇ​လၢတ်ႈ​လႄႈ​ဝႃႈ၊ မႂ်း​ဢမ်ႇ​လႆႈ​ဢဝ်​မေး​ၵႃႈ​ၼႂ်း​လုၵ်ႈ​ယိင်း​ၸိူဝ်ႉ​ၶိူဝ်း​ ၶႃႇၼၢၼ်ႇ ​ၼႆႉ၊-</verse>
				<verse number="2">လုၵ်ႉ​လႄႈ​ၵႂႃႇ​ၸူး​ၵႃႈ​တီႈ​ ပႃႇတၼ်ႇဢႃႇရမ်ႇ တီႈ​ဢၼ်​ပူႇ​မႂ်း​ ပေႇသူၺ်ႇလႃႉ ​ယူႇ​ပုၼ်ႉ​တႃႉ။ ဢဝ်​မေး​ၵႃႈ​ၼႂ်း​လုၵ်ႈ​ယိင်း​လူင်​မႂ်း လႃႇပၢၼ်ႇ ​ၼၼ်ႉ​သေ​ၵေႃႉ​ၵေႃႉ​တႃႉ။-</verse>
				<verse number="3">ႁႂ်ႈ​ၽြႃး​ပဵၼ်​ၸဝ်ႈ၊ ၸဝ်ႈ​ဢၼၼ်ႇတႃႉ​တၼ်း​ၶူဝ်း ပၼ်​တၢင်း​လီ​တီႈ​မႂ်း​လႄႈ ႁႂ်ႈ​မႂ်း​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း ႁႂ်ႈ​မႂ်း​လႆႈ​ပဵၼ်​တီႈ​ၸူႉ​တီႈ​တုမ် မဵဝ်း​ၵူၼ်း​ၼမ်​ၼႃႇ​သေ​ၵမ်း​လူၺ်ႈ။-</verse>
				<verse number="4">လွင်ႈ​ၼင်ႇ​ႁိုဝ်​မႂ်း​တၵ်း​လႆႈ​ၶၢမ်ႇ​ဢမူၺ်ႇ​မိူင်း တီႈ​ဢၼ်​မႂ်း​ပဵၼ်​ၶႅၵ်ႇ​ယူႇ​တေႃႈ​လဵဝ်​ၼႆႉ ဢၼ်​ၽြႃး​ပဵၼ်​ၸဝ်ႈ ပၼ်​တီႈ​ ဢႃႇပြႃႇႁၢမ်ႇ ​ၼၼ်ႉ​ၸိုင်၊ ႁႂ်ႈ​မၼ်း​ၸဝ်ႈ​ပၼ်​တၢင်း​လီ​မင်ႇၵလႃႇ​ ဢႃႇပြႃႇႁၢမ်ႇ ​ၼၼ်ႉ​တီႈ​မႂ်း​ဢိၵ်ႇ​တင်း တီႈ​ၸိူဝ်ႉ​ၶိူဝ်း​မႂ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၼင်ႇ​ၼၼ်​လႄႈ ဢီႉၸၢၵ်ႈ ​ပွႆႇ​ ယႃႇၵုပ်ႈ ​ၵႂႃႇ​သေ​ဢေႃႈ။ မၼ်း​ၵေႃႈ​ၵႂႃႇ​ၸူး​ၵႃႈ​တီႈ​ ပႃႇတၼ်ႇဢႃႇရမ်ႇ ၊ တီႈ​ယူႇ​ လႃႇပၢၼ်ႇ ၊ လုၵ်ႈ​ၸၢႆး​ ပေႇသူၺ်ႇလႃႉ ၊ ၵူၼ်း​ သူႉရီႉ ၊ ပီႈ​ၸၢႆး​ ရေႇပႅၵ်ႉၵႃႉ မႄႈ​ ယႃႇၵုပ်ႈ ​တင်း​ ဢေးသေႃး ​ၼၼ်ႉ​ဢေႃႈ။</verse>
				<verse number="6">ဢေးသေႃး ​ႁူႉ​ႁၼ်​လွင်ႈ​ဢၼ်​ ဢီႉၸၢၵ်ႈ ​ပၼ်​တၢင်း​လီ​တီႈ​ ယႃႇၵုပ်ႈ ​ၸိူဝ်ႉ​ၼင်ႇ​ၼၼ်​သေ​လႄႈ ပွႆႇ​မၼ်း​ၵႂႃႇ​ၸူး​ၵႃႈ​တီႈ​ ပႃႇတၼ်ႇဢႃႇရမ်ႇ ​ႁႂ်ႈ​လႆႈ​ဢဝ်​မေး​ၵႃႈ​တီႈ​ၼၼ်ႈ​ၼၼ်ႉ ဢိၵ်ႇ​တင်း​လွင်ႈ​ဢၼ်​သင်ႇ​လၢတ်ႈ​ဝႆႉ​တီႈ​မၼ်း ၼႂ်း​မိူဝ်ႈ​ဢၼ် ပၼ်​တၢင်း​လီ​ယူႇ​ၼၼ်ႉ​လႄႈ​ဝႃႈ၊ ဢမ်ႇ​လႆႈ​ဢဝ်​မေး​ၵႃႈ​ၼႂ်း​လုၵ်ႈ​ယိင်း​ၵူၼ်း​ၸိူဝ်ႉ​ၶိူဝ်း​ ၶႃႇၼၢၼ်ႇ ၊ ဝႃႈ​ၼင်ႇ​ၼႆ​ၼၼ်ႉ၊-</verse>
				<verse number="7">တင်း​လွင်ႈ​ဢၼ်​ ယႃႇၵုပ်ႈ ​ထွမ်ႇ​ဢဝ်​ၵႂၢမ်း​ပေႃႈ​ၵႂၢမ်း​မႄႈ​လႄႈ​ၵႂႃႇ​ၸူး​ၵႃႈ​တီႈ​ ပႃႇတၼ်ႇဢႃႇရမ်ႇ ​ၼၼ်ႉ၊-</verse>
				<verse number="8">တင်း​လွင်ႈ​ဢၼ်​လုၵ်ႈ​ယိင်း​ၸိူဝ်ႉ​ၶိူဝ်း​ ၶႃႇၼၢၼ်ႇ ဢမ်ႇ​ထုၵ်ႇ​တႃ​ပေႃႈ​မၼ်း ဢီႉၸၢၵ်ႈ ​ၼၼ်ႉ​သေ​ယဝ်ႉ၊-</verse>
				<verse number="9">ဢေးသေႃး ​ၼၼ်ႉ​ၵႂႃႇ​ၸူး​ၵႃႈ​တီႈ​ ဢီႉသမေႇလႃႉ ​လႄႈ ၼွၵ်ႈ​သေ​မေး​ဢၼ်​ဢွၼ်​တၢင်း​ၸိူဝ်း​ၼၼ်ႉ၊ မၼ်း​သမ်ႉ​ဢဝ်​ မႁႃႇလတ်ႉ ၊ ၼွင်ႉ​ယိင်း​ ၼပႃႇယုတ်ႉ ၊ လုၵ်ႈ​ယိင်း​ ဢီႉသမေႇလႃႉ ဢၼ်​ပဵၼ်​လုၵ်ႈ​ၸၢႆး​ ဢႃႇပြႃႇႁၢမ်ႇ ​ၼၼ်ႉ​ထႅင်ႈ​ဢေႃႈ။</verse>
				<verse number="10">ယႃႇၵုပ်ႈ ​ဢွၵ်ႇ​သေ​ၵႃႈ​ၼႂ်း​ဝဵင်း​ ပေႇရသေႇၽႃႉ ​လႄႈ ၼႂ်း​မိူဝ်ႈ​ဢၼ်​ယင်း​တိုၵ်ႉ​ၸွမ်း​တၢင်း​ၵႂႃႇ​ၸူး​ၵႃႈ​တီႈ​မိူင်း​ ၶႃႇရၢၼ်ႇ ​ယူႇ​ၼၼ်ႉ​ၸိုင်၊-</verse>
				<verse number="11">ႁွတ်ႈ​ထိုင်​တီႈ​ၼိုင်ႈ​လႄႈ ပိူဝ်ႈ​ဢၼ်​ၵၢင်​ဝၼ်း​ၶမ်ႈ​ၵႂႃႇ​ယဝ်ႉ​ၼၼ်ႉ၊ မီး​တၢင်း​ၵျၢမ်ႇ​တၢင်း​ပွင် ဢၼ်​ၶႂ်ႈ​ႁႂ်ႈ​ပူၼ်ႉ​ၶိုၼ်း​ၼၼ်ႉ​လႄႈ ဢဝ်​မၢၵ်ႇ​ႁိၼ် ၵႃႈ​တီႈ​ၼၼ်ႈ​ဝႆႉ​ပုၼ်ႈ​ဢၼ်​တၵ်း​မွၼ်​ႁူဝ်​သေ​ယဝ်ႉ၊ ၼွၼ်း​ဢေႃႈ။-</verse>
				<verse number="12">တၢင်း​ဢၼ်​မၼ်း​ၼွၼ်း​ၽၼ်​ႁၼ်​ၸမ်ႉ၊ ၶူဝ်​လႆ​ပူၵ်း​တင်ႈ​ယူႇ​ၵႃႈ​ၼိူဝ်​လိၼ်​မိူင်း​ၼႆႉ​လႄႈ ပၢႆ​မၼ်း​ၶိုတ်း​ထိုင်​ၵႃႈ​တီႈ​ၼိူဝ်​ၽႃႉ​ၵၢင်​ႁၢဝ်​ဢေႃႈ။ တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​တင်း​လၢႆ​ၵေႃႈ ၶိုၼ်ႈ​ၶိုၼ်ႈ​လူင်း​လူင်း​ယူႇ​ၵႃႈ​ၼိူဝ်​ၶူဝ်​လႆ​ၼၼ်ႉ​ဢေႃႈ။-</verse>
				<verse number="13">ထႃႇဝရႃႉ​ၽြႃး​ၸုၵ်း​ယူႇ​ၵႃႈ​ၼိူဝ်​ၶူဝ်​လႆ​ၼၼ်ႉ​သေ​လႄႈ​ဝႃႈ၊ ၵဝ်​ပဵၼ်​ထႃႇဝရႃႉ​ၽြႃး​ဢၼ်​ဝႃႈ၊ ၽြႃး​ ဢႃႇပြႃႇႁၢမ်ႇ ၊ ၽြႃး​ ဢီႉၸၢၵ်ႈ ​ၼၼ်ႉ​ဢေႃႈ။ ၵဝ်​တၵ်း​ပၼ်​လိၼ်​ဢၼ်​မႂ်း​ၼွၼ်း​ယူႇ​ၼႆႉ​တီႈ​မႂ်း ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​ဢေႃႈ။-</verse>
				<verse number="14">ၸိူဝ်ႉ​ၶိူဝ်း​မႂ်း​တၵ်း​ယႂ်ႇ​ၽႄႈ​ၼမ်​ၵိုၼ်း​မႃး​မိူၼ်​ၸိူဝ်ႉ​ၼင်ႇ​မုၼ်ႈ​လိၼ်​ဢေႃႈ။ တၵ်း​ၸွတ်ႇ​တူဝ်ႈ​ၵႂႃႇ​ၽၢႆႇ​တၢင်း​တူၵ်း၊ ၽၢႆႇ​တၢင်း​ဢွၵ်ႇ၊ ၽၢႆႇ​တၢင်း​ႁွင်ႇ၊ ၽၢႆႇ​တၢင်း​ၸၢၼ်း၊ သီႇ​ၼႃႈ​သီႇ​ၽၢႆႇ​ဢေႃႈ။ ၵႃႈ​ၼႂ်း​မႂ်း​ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​ၼၼ်ႉ၊ ၵူၼ်း​မဵဝ်း​တင်း​သဵင်ႈ​တင်း​လူင်​တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ဢေႃႈ။-</verse>
				<verse number="15">ၵဝ်​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။ ၵဝ်​တၵ်း​ၸွမ်း​ပႂ်ႉ​မႂ်း​ယူႇ​ၼႂ်း​တၢင်း​ဢၼ်​မႂ်း​ၵႂႃႇ​ၵူႈ​တီႈ​ၵူႈ​လႅၼ်​ၼၼ်ႉ​လႄႈ၊ သမ်ႉ​ဢဝ်​မႂ်း​ၶိုၼ်း​မႃး​ၸူး​ၵႃႈ​တီႈ​မိူင်း​ၼႆႉ​လူး​ၵွၼ်ႇ​ဢေႃႈ။ ၸူဝ်ႈ​ဢၼ်​ၵဝ်​ဢမ်ႇ​ပႆႇ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၵဝ်​လၢတ်ႈ​တီႈ​မႂ်း​ဝႆႉ​ၼၼ်ႉ​ၸိုင်၊ ၵဝ်​တၵ်း​ဢမ်ႇ​ပႅတ်ႈ​မႂ်း​ဝႆႉ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ယႃႇၵုပ်ႈ ​ၼၼ်ႉ​တိုၼ်ႇ​မႃး​ၵႃႈ​ၼႂ်း​တၢင်း​ဢၼ်​မၼ်း​ၼွၼ်း​လပ်း​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ယူႇ​ၵႃႈ​တီႈ​ၼႆႈ​ဢမၢၼ်ႇ​ၶၼ်​ပဵၼ်​ဢေႃႈ။ ၵဝ်​ဢမ်ႇ​ႁူႉ​လွင်ႈ​ဢၼ်​မၼ်း​ၸဝ်ႈ​မီး​ၼၼ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="17">ႁွတ်ႈ​ထိုင်​တၢင်း​ဢၼ် တူၵ်း​ၸႂ်​ၵူဝ်​ႁႄ​ၼႃႇ​လူင်​လၢင်​သေ​လႄႈ​ဝႃႈ၊ ၵႃႈ​တီႈ​ၼႆႈ​ၸမ်ႉ၊ ပဵၼ်​တီႈ​ဢၼ်​လီ​ၵူဝ်​လီ​ႁႄ​ၼႃႇ​လူင်​လၢင်​တႄႉ​တႄႉ​လူင်​ပႄႇ။ ၵႃႈ​တီႈ​ၼႆႈ​ၸမ်ႉ၊ ပဵၼ်​ၸိူဝ်ႉ​ၼင်ႇ​တၢင်ႇ​တီႈ​တၢင်ႇ​လႅၼ်​ဢမ်ႇ​ၸႂ်ႈ၊ ပဵၼ်​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ၊ ပဵၼ်​ၽၵ်း​တူ​ၵၢင်​ႁၢဝ်​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ ယႃႇၵုပ်ႈ ​လုၵ်ႉ​လႄႈ ဢဝ်​မၢၵ်ႇ​ႁိၼ်​ဢၼ်​မၼ်း​မွၼ်​ႁူဝ်​ၼၼ်ႉ ပူၵ်း​တင်ႈ​ဝႆႉ ႁႂ်ႈ​ပဵၼ်​သဝ်​တီႈ​မၢတ်ႈ​တီႈ​တွင်း​သေ​ယဝ်ႉ၊ ဢဝ်​ၼမ်ႉ​မၼ်း​ထွၵ်ႇ​သႂ်ႇ​ၵႃႈ​ၼိူဝ်​ပၢႆ​မၼ်း​ဢေႃႈ။-</verse>
				<verse number="19">တီႈ​ၼၼ်ႈ​ၸိုင်၊ မၼ်း​ႁွင်ႉ​ႁဵၵ်ႈ​ၸိုဝ်ႈ​ ပေႇသလႃႉ ​ဢေႃႈ။ ၸိုဝ်ႈ​ၵဝ်ႇ​သဵင်​ၵဝ်ႇ​ဝဵင်း​ၼၼ်ႉ​ၸမ်ႉ၊ ႁွင်ႉ​ႁဵၵ်ႈ​ၸိုဝ်ႈ​ လူႉၸႃႉ ​ဢေႃႈ။-</verse>
				<verse number="20">မိူဝ်ႈ​ၼၼ်ႉ​ ယႃႇၵုပ်ႈ ​ႁဵတ်း​သဵတ်ႈ​ၸႃႇ​ၵတီႉ​လႄႈ​ဝႃႈ၊ ပေႃး​ၽြႃး​ပဵၼ်​ၸဝ်ႈ​တၵ်း​မီး​ယူႇ​လူၺ်ႈ​ၵၼ်​တင်း​ၵဝ်၊ ပေႃး​မၼ်း​ၸဝ်ႈ​တၵ်း ၸွမ်း​ပႂ်ႉ​ၵဝ်​ၼႂ်း​တၢင်း​ဢၼ်​ၵဝ်​ၵႂႃႇ​ၵူႈ​တီႈ​ၵူႈ​လႅၼ်​ၼၼ်ႉ​လႄႈ ပၼ်​တၢင်း​ၵိၼ်​တၢင်း​ၶူပ်း​ပုၼ်ႈ​ဢၼ် တၵ်း​ၵိၼ်​တၵ်း​ၶူပ်း ဢိၵ်ႇ​တင်း ၶူဝ်း​ၼုင်ႈ​တၢင်း​မႆ ပုၼ်ႈ​ဢၼ်​တၵ်း​ၼုင်ႈ​တၵ်း​မႆ၊-</verse>
				<verse number="21">ပေႃး​ၵဝ်​သမ်ႉ​လႆႈ​ၶိုၼ်း​ႁွတ်ႈ​ထိုင် ၵႃႈ​တီႈ​ႁိူၼ်း​ပေႃႈ​ၵဝ်​ၼိမ်​ၼိမ်​လီ​လီ​ထႅင်ႈ​ၸိုင်၊ ၵမ်း​ၼၼ်ႉ​ထႃႇဝရႃႉ​ၽြႃး​တၵ်း​လႆႈ ပဵၼ်​ၽြႃး​ၵဝ်​လႄႈ၊-</verse>
				<verse number="22">မၢၵ်ႇ​ႁိၼ်​ဢၼ်​ၵဝ်​ပူၵ်း​တင်ႈ​ဝႆႉ ႁႂ်ႈ​ပဵၼ်​သဝ်​တီႈ​မၢတ်ႈ​တီႈ​တွင်း​ၼႆႉ​ၵေႃႈ တၵ်း​လႆႈ​ပဵၼ်​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​ဢေႃႈ။ တၵ်း​ဢဝ်​ၼႂ်း​ၵႃႈ​ဢၼ်​ၸဝ်ႈ​ႁဝ်း ဢဵတ်း​လူ​ပၼ်​ၼၼ်ႉ သိပ်း​ပုၼ်ႈ​ပုၼ်ႈ​ၼိုင်ႈ​ပုၵ်ႈ​ၸေႃႇ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="29">
				<verse number="1">ၵမ်း​ၼၼ်ႉ​ ယႃႇၵုပ်ႈ ​သမ်ႉ​ၸွမ်း​တၢင်း​ၵႂႃႇ​လႄႈ​ႁွတ်ႈ​ထိုင်​ၵႃႈ​တီႈ​ဢၼ်​ၵူၼ်း​မိူင်း​တၢင်း​ဢွၵ်ႇ​ၸိူဝ်း​ၼၼ်ႉ​ယူႇ​ၼၼ်ႉ​သေ​ယဝ်ႉ၊-</verse>
				<verse number="2">မုင်ႈ​တူၺ်း​လႄႈ​ႁၼ်​ၼမ်ႉ​မေႃႇ​ဢၼ်​ၼိုင်ႈ​ၵႃႈ​တီႈ​ထိူၼ်ႇ​ၼၼ်ႉ​ဢေႃႈ။ ပိူဝ်ႈ​ဢၼ်​ယၢမ်ႈ​ဢဝ်​ၼမ်ႉ​ၵႃႈ​တီႈ​ၼမ်ႉ​မေႃႇ​ၼၼ်ႉ​တိုၵ်း​ပၼ်​ၽုင်​သူဝ်း​တင်း​လၢႆ​လႄႈ ၽုင်​သူဝ်း​သၢမ်​ၽုင်​ၼွၼ်း​ယူႇ​ၵႃႈ​တီႈ​ႁိမ်း​ၼမ်ႉ​မေႃႇ​ၼၼ်ႉ​ဢေႃႈ။ မၢၵ်ႇ​ႁိၼ်​ဢၼ်​ယႂ်ႇ​ၼႃႇ မီး​ၵႃႈ​ၼိူဝ်​ပၢၵ်ႇ​ၼမ်ႉ​မေႃႇ ၼၼ်ႉ​ဢေႃႈ။-</verse>
				<verse number="3">မိူဝ်ႈ​ဢၼ်​ၽုင်​သူဝ်း​တင်း​လၢႆ ၸူႉ​ၵၼ်​တုမ်​ၵၼ်​ၵႃႈ​တီႈ​ၼၼ်ႈ​ၸိုင်၊ ၶဝ်​ယၢမ်ႈ​ဢဝ်​မၢၵ်ႇ​ႁိၼ်​ၼၼ်ႉ ၵိင်ႈ​ပႅတ်ႈ​သေ​ၵႃႈ​ၼိူဝ်​ပၢၵ်ႇ ၼမ်ႉ​မေႃႇ​ၼၼ်ႉ​သေ​လႄႈ တိုၵ်း​ၼမ်ႉ​ပၼ်​တီႈ​သူဝ်း​ယဝ်ႉ​ၸင်ႇ သမ်ႉ​ဢဝ်​မၢၵ်ႇ​ႁိၼ်​ၼၼ်ႉ ၶိုၼ်း​ႁူမ်ႇ​ဝႆႉ​ၵႃႈ​ၼိူဝ်​ပၢၵ်ႇ​ၼမ်ႉ​မေႃႇ တီႈ​ၵဝ်ႇ​မၼ်း​ၼၼ်ႉ​ဢေႃႈ။-</verse>
				<verse number="4">ယႃႇၵုပ်ႈ ​ၵေႃႈ​ထၢမ်​တီႈ​ၶဝ်​လႄႈ​ဝႃႈ၊ ပီႈ​ၼွင်ႉ​ၵဝ်​တင်း​လၢႆ​ၶဝ်​ဢိူၺ်း၊ သူ​ၸဝ်ႈ​လုၵ်ႉ​သေ​ၵႃႈ​တီႈ​လႂ်​မႃး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် ၶဝ်​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​လုၵ်ႉ​သေ​ၵႃႈ​တီႈ​ဝဵင်း​ ၶႃႇရၢၼ်ႇ ​ပုၼ်ႉ​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မၼ်း​သမ်ႉ​ထၢမ်​တီႈ​ၶဝ်​လႄႈ​ဝႃႈ၊ ႁူႉ​ၸၵ်း​ လႃႇပၢၼ်ႇ ​လုၵ်ႈ​ၸၢႆး​ ၼႃႇၶေႃႇ ​ၼၼ်ႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​သမ်ႉ​ၶိုၼ်း​လၢတ်ႈ​လႄႈ​ဝႃႈ၊ ႁူႉ​ဢိူဝ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">မၼ်း​သမ်ႉ​ထၢမ်​တီႈ​ၶဝ်​ထႅင်ႈ​လႄႈ​ဝႃႈ၊ မၼ်း​ယူႇ​လီ​ယူႇ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​သမ်ႉ​လၢတ်ႈ​လႄႈ​ဝႃႈ၊ ယူႇ​လီ​ယူႇ​ၶႃႈ​ဢေႃႈ။ တူၺ်း​လူး၊ လုၵ်ႈ​ယိင်း​မၼ်း​ ရႃႇၶေႇလႃႉ ​ယင်း​မႃး​ယူႇ​လူၺ်ႈ​ၵၼ်​တင်း​ၽုင်​သူဝ်း​ၵႃႈ​တီႈ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မၼ်း​ၵေႃႈ​လၢတ်ႈ​လႄႈ​ဝႃႈ၊ ၶိင်ႇ​ၵၢင်​ဝၼ်း​ယင်း​မီး​ယူႇ​ၼမ်​ၼႃႇ​ဢေႃႈ။ ၶိင်ႇ​ဢၼ်​တၵ်း​လႆႈ​ႁႂ်ႈ​ၽုင်​သူဝ်း​တင်း​လၢႆ ၸူႉ​ၵၼ်​တုမ်​ၵၼ် ၼၼ်ႉ​ဢမ်ႇ​ပႆႇ​ၸႂ်ႈ။ တိုၵ်း​ၼမ်ႉ​ပၼ်​သေ​ယဝ်ႉ၊ ဢဝ်​ၵႂႃႇ​လဵင်ႉ​ထႅင်ႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၶဝ်​ၵေႃႈ​လၢတ်ႈ​လႄႈ​ဝႃႈ၊ ၸူဝ်ႈ​ဢၼ်​ဢမ်ႇ​ပႆႇ​ႁႂ်ႈ​ၽုင်​သူဝ်း​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​လႄႈ ဢဝ်​မၢၵ်ႇ​ႁိၼ် ဢၼ်​မီး ၵႃႈ​ၼိူဝ်​ပၢၵ်ႇ​ၼမ်ႉ​မေႃႇ​ၵိင်ႈ​ပႅတ်ႈ​လႄႈ တိုၵ်း​ၼမ်ႉ​ပၼ်​ၼၼ်ႉ​ၸိုင်၊ ဢမ်ႇ​လႆႈ​တိုၵ်း​ပၼ်​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​လၢတ်ႈ​ၵႂၢမ်း​တေႃႇ​ၵၼ်​တင်း​ၶဝ်​ယူႇ​ၼၼ်ႉ​ၸိုင်၊ ရႃႇၶေႇလႃႉ ​ၼၼ်ႉ၊ ပိူဝ်ႈ​ဢၼ်​လႆႈ​လဵင်ႉ​လႆႈ​ထိင်း သူဝ်း​ပေႃႈ​မၼ်း​တင်း​လၢႆ​လႄႈ ပႃး​လူၺ်ႈ​ၵၼ်​တင်း​သူဝ်း​တင်း​လၢႆ​ႁွတ်ႈ​မႃး​ဢေႃႈ။-</verse>
				<verse number="10">မိူဝ်ႈ​ဢၼ်​ ယႃႇၵုပ်ႈ ​ႁၼ်​ ရႃႇၶေႇလႃႉ ၊ လုၵ်ႈ​ယိင်း​ လႃႇပၢၼ်ႇ ၊ ပီႈ​ၸၢႆး​မႄႈ​မၼ်း​ဢိၵ်ႇ​တင်း​သူဝ်း​ လႃႇပၢၼ်ႇ ​ပီႈ​ၸၢႆး​မႄႈ​မၼ်း​ၼၼ်ႉ​ၸိုင်၊ မၼ်း​သုတ်ႉ​ၸမ်​လႄႈ ဢဝ်​မၢၵ်ႇ​ႁိၼ်​ၵိင်ႈ​ပႅတ်ႈ​သေ​ၵႃႈ​ၼိူဝ်​ပၢၵ်ႇ​ၼမ်ႉ​မေႃႇ​ၼၼ်ႉ​သေ​ယဝ်ႉ၊ တိုၵ်း​ၼမ်ႉ​ပၼ်​တီႈ​သူဝ်း​ လႃႇပၢၼ်ႇ ပီႈ​ၸၢႆး​မႄႈ မၼ်း​ၼၼ်ႉ​ဢေႃႈ။-</verse>
				<verse number="11">ၵမ်း​ၼၼ်ႉ​ ယႃႇၵုပ်ႈ ​ၼၼ်ႉ​ၼူမ်​ ရႃႇၶေႇလႃႉ ​လႄႈ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​ႁႆႈ​ဢေႃႈ။-</verse>
				<verse number="12">ယႃႇၵုပ်ႈ ​မွၵ်ႇ​လၢတ်ႈ​လွင်ႈ​ဢၼ်​မၼ်း​ပဵၼ်​လၢၼ်​ပေႃႈ​ ရႃႇၶေႇလႃႉ ဢိၵ်ႇ​တင်း​လွင်ႈ​ဢၼ်​မၼ်း​ပဵၼ်​လုၵ်ႈ​ၸၢႆး ရေႇပႅၵ်ႉၵႃႉ ​ၼၼ်ႉ သေ​ယဝ်ႉ၊ ရႃႇၶေႇလႃႉ ​လႅၼ်ႈ​မိူဝ်း​ၵႂႃႇ​လႄႈ မွၵ်ႇ​လၢတ်ႈ​တီႈ​ပေႃႈ​မၼ်း​ဢေႃႈ။-</verse>
				<verse number="13">မိူဝ်ႈ​ဢၼ်​ လႃႇပၢၼ်ႇ လႆႈ​ငိၼ်း​ၵႂၢမ်း​သတၢင်း​သဵင်​ၶၢဝ်ႇ​လွင်ႈ​လၢၼ်​ၸၢႆး​မၼ်း​ ယႃႇၵုပ်ႈ ​ၼၼ်ႉ​ၸိုင်၊ မၼ်း​ၼႅတ်ႈ​ၵႂႃႇ​ၶၼ်​ၶၼ်​ၽႂ်း​ၽႂ်း​ႁႂ်ႈ​လႆႈ​ႁပ်ႉ​ႁူဝ်​တၢင်း​သေ​ယဝ်ႉ၊ ၵွတ်ႇ​ဢုမ်ႈ​ၸုပ်ႇ​ၼူမ်​လႄႈ ပႃး​မိူဝ်း​ၵႂႃႇ​ၵႃႈ​တီႈ​ႁိူၼ်း​မၼ်း​ဢေႃႈ။ ယႃႇၵုပ်ႈ ​မွၵ်ႇ​လၢတ်ႈ​လွင်ႈ​တၢင်း​တူဝ်​ၸဝ်ႈ​ၵဝ်ႇ​ၵႃႈ​မီး​တင်း​သဵင်ႈ​တင်း​လူင်​တီႈ​ လႃႇပၢၼ်ႇ ​သေ​ယဝ်ႉ၊-</verse>
				<verse number="14">လႃႇပၢၼ်ႇ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ မႂ်း​ၼႆႉ​ပဵၼ်​ၼိူဝ်ႉ​ၵဝ်​လုပ်ႇ​ၵဝ်​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ယႃႇၵုပ်ႈ ယူႇ​လူၺ်ႈ​ၵၼ်​တင်း​မၼ်း​ၼၼ်ႉ​သေ လိူၼ်​ၼိုင်ႈ​ၸမ်​ၸမ်​ဢေႃႈ။</verse>
				<verse number="15">ၵမ်း​ၼၼ်ႉ​ လႃႇပၢၼ်ႇ ​လၢတ်ႈ​တီႈ​ ယႃႇၵုပ်ႈ ​လႄႈ​ဝႃႈ၊ ပိူဝ်ႈ​ဢၼ်​မႂ်း​ပဵၼ်​လၢၼ်​ၸၢႆး​ၵဝ်​လႄႈ၊ ယင်း​ဢမ်ႇ​မီး​ဢၵျူဝ်း​ၵႃႈ​သင်​လႄႈ တၵ်း​လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ယူႇ​ႁိုဝ်။ လၢတ်ႈ​ၵႃႈ​မၼ်း​ၶၼ်​မၼ်း ၵႃႈ​ၼင်ႇ​ဢၼ်​မႂ်း​ၶႂ်ႈ​လႆႈ​ၼၼ်ႉ​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မိူဝ်ႈ​ၼၼ်ႉ​တီႈ​ လႃႇပၢၼ်ႇ ​ၼၼ်ႉ​မီး​လုၵ်ႈ​ယိင်း​သွင်​ၵေႃႉ​ဢေႃႈ။ ၵေႃႉ​ယႂ်ႇ​ၸမ်ႉ၊ လႆႈ​ၸိုဝ်ႈ​ လေႇဢႃႇ ​ဢေႃႈ။ ၵေႃႉ​လဵၵ်ႉ​ၸမ်ႉ၊ လႆႈ​ၸိုဝ်ႈ​ ရႃႇၶေႇလႃႉ ​ဢေႃႈ။-</verse>
				<verse number="17">လေႇဢႃႇ ​ၸမ်ႉ၊ သၢႆ​တႃ​မၼ်း​ဢူၼ်ႈ​ဢေႃႈ။ ရႃႇၶေႇလႃႉ ​ၸမ်ႉ၊ ႁၢင်ႈ​ၽၢင်​ယဵၼ်ႇ​လႄႈ​ၼိူဝ်ႉ​ၼင်​ၵေႃႈ​ႁၢင်ႈ​လီ​ဢေႃႈ။-</verse>
				<verse number="18">ပိူဝ်ႈ​ဢၼ်​ ယႃႇၵုပ်ႈ ​ငိၼ်း​ႁၵ်ႉ​ငိၼ်း​ပႅင်း​ ရႃႇၶေႇလႃႉ ​လႄႈ မၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​တၵ်း​ၶၢမ်ႇ​တၢင်း​ၸႂ်ႉ​တၢင်း​သွႆ ၸဵတ်း​ပီႊ​ႁႂ်ႈ​လႆႈ ရႃႇၶေႇလႃႉ ​လုၵ်ႈ​ယိင်း​လုင်း​ႁဝ်း​ၵေႃႉ​လဵၵ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ လႃႇပၢၼ်ႇ ​ၵေႃႈ​လၢတ်ႈ​လႄႈ​ဝႃႈ၊-</verse>
				<verse number="19">ၽိူဝ်ႇ​ပၼ်​တီႈ​ပိူၼ်ႈ​တၢင်ႇ​ၵေႃႉ​ၼၼ်ႉ၊ ပၼ်​တီႈ​မႂ်း​ၸိုင်၊ ယဵင်ႈ​ၶႅၼ်း​တၵ်း​လီ​လႄႈ ယူႇ​လူၺ်ႈ​ၵၼ်​တင်း​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ယႃႇၵုပ်ႈ ​ၵေႃႈ​ၶၢမ်ႇ​တၢင်း​ၸႂ်ႉ​တၢင်း​သွႆ ၸဵတ်း​ပီႊ​ႁႂ်ႈ​လႆႈ​ ရႃႇၶေႇလႃႉ ​ဢေႃႈ။ ပိူဝ်ႈ​ဢၼ်​မၼ်း​ငိၼ်း​ႁၵ်ႉ​ငိၼ်း​ပႅင်း​ ရႃႇၶေႇလႃႉ ​လႄႈ၊ မၼ်း​ထၢင်ႇ ၸဵတ်း​ပီႊ​ၼၼ်ႉ ပဵၼ်​ၸိူဝ်ႉ​ၼင်ႇ​မိုဝ်ႉ​ဝၼ်း​ဢၼ်​ၵေႇ​ၼႃႇ​ဢေႃႈ။</verse>
				<verse number="21">ယႃႇၵုပ်ႈ ​ၵေႃႈ​လၢတ်ႈ​တီႈ​ လႃႇပၢၼ်ႇ ​လႄႈ​ဝႃႈ၊ ၶိင်ႇ​ဝၼ်း​ဢၼ်​မၵ်း​ၶၢၼ်း​ဝႆႉ​ၼၼ်ႉ​ၸေး​ၶႃႈ​ယဝ်ႉ။ ဢဝ်​မေး​ၵဝ်​ၶႃႈ​ဢၢပ်ႈ​ပၼ်​တီႈ​ၵဝ်​ၶႃႈ​ႁႂ်ႈ​ၵဝ်​ၶႃႈ​လႆႈ​ၶဝ်ႈ​ၸူး​တီႈ​မၼ်း​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">လႃႇပၢၼ်ႇ ​ႁႂ်ႈ​ၵူၼ်း​ဢၼ်​ယူႇ​ၵႃႈ​တီႈ​ၼၼ်ႈ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​လႄႈ​ႁဵတ်း​ပွႆး​ဢေႃႈ။-</verse>
				<verse number="23">မိူဝ်ႈ​ဢၼ်​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ၸိုင်၊ မၼ်း​ပႃး​ဢဝ်​လုၵ်ႈ​ယိင်း​မၼ်း​ လေႇဢႃႇ ၵႂႃႇ​သႂၢင်း​ၶဝ်ႈ​ပၼ်​လႄႈ ယႃႇၵုပ်ႈ ​ယူႇ​လူၺ်ႈ​ၼွၼ်း​လူၺ်ႈ​ၵၼ်​တင်း​မၼ်း​ၼၼ်ႉ​ဢေႃႈ။-</verse>
				<verse number="24">လႃႇပၢၼ်ႇ ​ဢဝ်​မႄႈ​ယိင်း​ၶႃႈ​မၼ်း ၸီႉလပႃႉ ​ဢၢပ်ႈ​ပၼ်​တီႈ​လုၵ်ႈ​ယိင်း​မၼ်း​ လေႇဢႃႇ ​ၼၼ်ႉ ပုၼ်ႈ​ဢၼ်​တၵ်း​ပဵၼ်​မႄႈ​ယိင်း​ၶႃႈ​ဢေႃႈ။-</verse>
				<verse number="25">ထိုင်​ႁွတ်ႈ​ၶိင်ႇ​ၵၢင်​ၼႂ်​သေ​ယဝ်ႉ မိူဝ်ႈ​ဢၼ်​ ယႃႇၵုပ်ႈ ​တူၺ်း​လႄႈ ႁူႉ​ႁၼ်​လွင်ႈ​ဢၼ်​ပဵၼ်​ လေႇဢႃႇ ​ၼၼ်ႉ​ၸိုင်၊ မၼ်း​လၢတ်ႈ​တီႈ​ လႃႇပၢၼ်ႇ ​လႄႈ​ဝႃႈ၊ လွင်ႈ​တၢင်း​ဢၼ်​လုင်း​ႁဝ်း​ႁဵတ်း​တီႈ​ၵဝ်​ၶႃႈ​ၼႆႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ ၵဝ်​ၶႃႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ႁႂ်ႈ​လႆႈ ရႃႇၶေႇလႃႉ ​ၼၼ်ႉ​ယဝ်ႉ၊ ဢမ်ႇ​ၸႂ်ႈ​ၶႃႈ​ႁိုဝ်။ ႁဵတ်း​သင်​လႄႈ​ပႅတ်ႉ​လႅၼ်​ၵဝ်​ၶႃႈ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="26">လႃႇပၢၼ်ႇ ​ၵေႃႈ​လၢတ်ႈ​လႄႈ​ဝႃႈ၊ ၵႃႈ​တီႈ​မိူင်း​ႁဝ်း​ၼႆႉ ၸူဝ်ႈ​ဢၼ်​ဢမ်ႇ​ပႆႇ​လႆႈ​ပၼ်​လုၵ်ႈ​ယိင်း​ၵေႃႉ​ယႂ်ႇ​ယဝ်ႉ​ၼၼ်ႉ​ၸိုင်၊ ဢမ်ႇ​လႆႈ​ပၼ်​ၵေႃႉ​လဵၵ်ႉ​ၵူၺ်ႉ။-</verse>
				<verse number="27">ပႂ်ႉ​ႁႂ်ႈ​တဵမ်​ၸဵတ်း​ဝၼ်း​မၼ်း​ၼၼ်ႉ​ထႅင်ႈ​လူး​ၵွၼ်ႇ​တႃႉ။ ၵမ်း​လိုၼ်း​ၵွပ်ႈ​ပိူဝ်ႈ​တၢင်း​ဢၼ်​မႂ်း​လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ​တီႈ​ၵဝ် ၸဵတ်း​ပီႊ​ထႅင်ႈ​ၼၼ်ႉ​လႄႈ ၵဝ်​တၵ်း​ဢဝ်​ၵေႃႉ​ၼၼ်ႉ​ဢၢပ်ႈ​ပၼ်​တီႈ​မႂ်း​ထႅင်ႈ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="28">ယႃႇၵုပ်ႈ ​ႁပ်ႉ​တုင်း​ဢဝ်​လႄႈ​တဵမ်​ၸဵတ်း​ဝၼ်း​သေ​ယဝ်ႉ၊ လႃႇပၢၼ်ႇ ​ဢဝ်​လုၵ်ႈ​ယိင်း​မၼ်း ရႃႇၶေႇလႃႉ ​ၼၼ်ႉ ဢၢပ်ႈ​ပၼ်​ဢေႃႈ။-</verse>
				<verse number="29">လႃႇပၢၼ်ႇ ​ဢဝ်​မႄႈ​ယိင်း​ၶႃႈ​မၼ်း​ ပီႉလႁႃႇ ဢၢပ်ႈ​ပၼ်​တီႈ​လုၵ်ႈ​ယိင်း​မၼ်း​ ရႃႇၶေႇလႃႉ ​ၼၼ်ႉ​ပုၼ်ႈ​ဢၼ်​တၵ်း​ပဵၼ်​မႄႈ​ယိင်း​ၶႃႈ​ဢေႃႈ။-</verse>
				<verse number="30">ယႃႇၵုပ်ႈ ​လႆႈ​ၶဝ်ႈ​ၸူး​တီႈ​ ရႃႇၶေႇလႃႉ ​လႄႈ ယဵင်ႈ​ၶႅၼ်း​ႁၵ်ႉ​ ရႃႇၶေႇလႃႉ ၼႃႇ​သေ​ လေႇဢႃႇ ​ဢေႃႈ။ ၵမ်း​ၼၼ်ႉ​သမ်ႉ ၶၢမ်ႇ​တၢင်း​ၸႂ်ႉ​တၢင်း​သွႆ​တီႈ​မၼ်း​ၼၼ်ႉ​ထႅင်ႈ​ၸဵတ်း​ပီႊ​ဢေႃႈ။</verse>
				<verse number="31">ထႃႇဝရႃႉ​ၽြႃး​ႁူႉ​ႁၼ်​လွင်ႈ​ဢၼ်​ လေႇဢႃႇ ​လႆႈ​ၶၢမ်ႇ​တၢင်း​ဢၼ်​ၸင်း​ၼၼ်ႉ​လႄႈ ပၼ်​ဢၶႂၢင်ႉ​တၢင်း​ဢၼ်​ၵိူတ်ႇ​လဵင်ႉ​လုၵ်ႈ လဵင်ႉ​လၢင်း​တီႈ​မၼ်း​ဢေႃႈ။ ရႃႇၶေႇလႃႉ ​ၸမ်ႉ၊ ပဵၼ်​မႄႈ​မၼ်​လႄႈ ဢမ်ႇ​မီး​လုၵ်ႈ​မီး​လၢင်း။-</verse>
				<verse number="32">လေႇဢႃႇ ​ပႃး​ပတိၵ်ႉသၼ်ႇထေႇ​သေ​ယဝ်ႉ၊ ၵိူတ်ႇ​လဵင်ႉ​လုၵ်ႈ​ၸၢႆး​မႃး​လႄႈ ႁွင်ႉ​ႁဵၵ်ႈ​ၸိုဝ်ႈ​ ရူႉပိၼ်ႇ ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ထႃႇဝရႃႉ​ၽြႃး တူၺ်း​ႁၼ်​တုၵ်ႉ​ၶႃႉ​တၢင်း​ၽၢၼ်​ၵဝ်​ယဝ်ႉ။ ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ​ၽူဝ်​ၵဝ်​တၵ်း​ႁၵ်ႉ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ၵမ်း​ၼၼ်ႉ မၼ်း​သမ်ႉ​ပႃး​ပတိၵ်ႉသၼ်ႇထေႇ​ထႅင်ႈ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ထႅင်ႈ​သေ​ယဝ်ႉ၊ သမ်ႉ​ဝႃႈ၊ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ငိၼ်း​လွင်ႈ​ဢၼ်​ၵဝ်​လႆႈ​ၶၢမ်ႇ​တၢင်း​ဢၼ်​ၸင်း​ၼၼ်ႉ​လႄႈ မၼ်း​ၸဝ်ႈ​ဢဵတ်း​လူ​ပၼ်​လုၵ်ႈ​ၸၢႆး​ၼႆႉ​တီႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​လႄႈ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ​ သီႉမုၼ်ႇ ​ဢေႃႈ။-</verse>
				<verse number="34">ၵမ်း​ၼၼ်ႉ မၼ်း​သမ်ႉ​ပႃး​ပတိၵ်ႉသၼ်ႇထေႇ​ထႅင်ႈ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ထႅင်ႈ​သေ​ယဝ်ႉ၊ သမ်ႉ​ဝႃႈ၊ ၵွပ်ႈ​ပိူဝ်ႈ​ဢၼ် ၵဝ်​လႆႈ ၵိူတ်ႇ​လဵင်ႉ​လုၵ်ႈ​ၸၢႆး​သၢမ်​ၵေႃႉ တီႈ​ၽူဝ်​ၵဝ်​လႄႈ၊ တေႃႈ​လဵဝ်​ၼႆႉ​မၼ်း​တၵ်း​ႁူမ်ႈ​ၸႂ်​ၵၼ်​တင်း​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ​ လေႇဝီႉ ​ဢေႃႈ။-</verse>
				<verse number="35">ၵမ်း​ၼၼ်ႉ မၼ်း​သမ်ႉ​ပႃး​ပတိၵ်ႉသၼ်ႇထေႇ​ထႅင်ႈ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ထႅင်ႈ​သေ​ယဝ်ႉ၊ သမ်ႉ​ဝႃႈ၊ တေႃႈ​လဵဝ်​ၼႆႉ​ၵဝ်​တၵ်း ယွင်ႈ​ယေႃး​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​လႄႈ​ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ​ ယူႉတႃႉ ​ဢေႃႈ။ ဝၢႆး​ၼၼ်ႉ​လုၵ်ႈ​မၼ်း​ထၢတ်ႇ​ၵႂႃႇ​လႄႈ မၼ်း​ယင်း​ဢမ်ႇ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ​ယူႇ​ဢေႃႈ။</verse>
			</chapter>
			<chapter number="30">
				<verse number="1">ရႃႇၶေႇလႃႉ ​ၼၼ်ႉ မိူဝ်ႈ​ဢၼ်​ႁူႉ​ႁၼ်​လွင်ႈ​ဢၼ်​မၼ်း​ဢမ်ႇ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ပၼ်​တီႈ​ ယႃႇၵုပ်ႈ ​ၼၼ်ႉ​ၸိုင်၊ မီး​ၸႂ်​ဢၼ်​သီႈ​ၵေႉ​ႁေႈ​တႃ ပီႈ​ၼၢင်း​မၼ်း​လႄႈ​လၢတ်ႈ​တီႈ​ ယႃႇၵုပ်ႈ ​လႄႈ​ဝႃႈ၊ ပၼ်​လုၵ်ႈ​တီႈ​ၵဝ်​သေ​ၵမ်း။ ပေႃး​ဢမ်ႇ​ၼၼ် ၵဝ်​တၵ်း​တၢႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ယႃႇၵုပ်ႈ ​ၵေႃႈ တေႃး​သႃႉ​တင်း​ၸႂ်​မႆႈ​ဢွၵ်ႇ​တီႈ​ ရႃႇၶေႇလႃႉ ​လႄႈ​လၢတ်ႈ​ဝႃႈ၊ ၵဝ်​ပဵၼ်​တၢင်​တူဝ်​ၽြႃး​ပဵၼ်​ၸဝ်ႈ​ဢၼ်​ဢမ်ႇ​ပၼ်​ဢၶႂၢင်ႉ တၢင်း​ဢၼ်​မႂ်း​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ရႃႇၶေႇလႃႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​မီး​မႄႈ​ယိင်း​ၶႃႈ​ၵဝ်​ၶႃႈ​ ပီႉလႁႃႇ ​ၶႃႈ​ဢေႃႈ။ ၶဝ်ႈ​ၸူး​ၵႃႈ​တီႈ​မၼ်း​ၼၼ်ႉ​သေ​ၵမ်း။ မၼ်း​တၵ်း​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ၵႃႈ​ၼိူဝ်​ႁူဝ်​ၶဝ်ႇ​ၵဝ်​ၶႃႈ​လႄႈ၊ ၵဝ်​ၶႃႈ​တၵ်း​လႆႈ​လုၵ်ႈ​လႆႈ​လၢင်း​ၵႃႈ​တီႈ​ၼၼ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="4">ဢဝ်​မႄႈ​ယိင်း​ၶႃႈ​မၼ်း​ ပီႉလႁႃႇ ​ၼၼ်ႉ ဢၢပ်ႈ​ပၼ် ႁႂ်ႈ​ပဵၼ်​မေး​ ယႃႇၵုပ်ႈ ​လႄႈ ယႃႇၵုပ်ႈ ​ၵေႃႈ​ၶဝ်ႈ​ၸူး​ၵႃႈ​တီႈ​မၼ်း​ၼၼ်ႉ​ဢေႃႈ။-</verse>
				<verse number="5">ပီႉလႁႃႇ ​ၼၼ်ႉ​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​တီႈ​ ယႃႇၵုပ်ႈ ​သေ​ယဝ်ႉ၊-</verse>
				<verse number="6">ရႃႇၶေႇလႃႉ ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ၸီႇ​ယၢင်ႇ​တြႃး​ၽၢႆႇ​ၵဝ်​ယဝ်ႉ။ မၼ်း​ၸဝ်ႈ​ထွမ်ႇ​ဢဝ်​ၵႂၢမ်း​ၵဝ်​လႄႈ​ပၼ်​လုၵ်ႈ​ၸၢႆး​တီႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​လႄႈ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ​ တၢၼ်ႇ ​ဢေႃႈ။-</verse>
				<verse number="7">ၵမ်း​ၼၼ်ႉ ပီႉလႁႃႇ ​မႄႈ​ယိင်း​ၶႃႈ​ ရႃႇၶေႇလႃႉ ​ၼၼ်ႉ၊ သမ်ႉ​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​တီႈ​ ယႃႇၵုပ်ႈ ​ထူၼ်ႈ​ထိုင် သွင်​ပွၵ်ႈ​သေ​ယဝ်ႉ၊-</verse>
				<verse number="8">ရႃႇၶေႇလႃႉ ​လၢတ်ႈ​လႄႈ​ဝႃႈ၊ ၵဝ်​ၵၼ်ႉ​ၵၼ်​ၶဵင်ႇ​ၵၼ်​တင်း​ပီႈ​ၼၢင်း​ၵဝ်​လႄႈ​ပႄႉ​ၼႅင်ႇ​ယဝ်ႉ၊ ဝႃႈ​ၼင်ႇ​ၼႆ​လႄႈ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ ၼပ်ႉထလီႉ ​ဢေႃႈ။</verse>
				<verse number="9">လေႇဢႃႇ ​ၼၼ်ႉ မိူဝ်ႈ​ဢၼ်​ႁူႉ​ႁၼ်​လွင်ႈ​ဢၼ်​လုၵ်ႈ​မၼ်း​ထၢတ်ႇ​ၵႂႃႇ​လႄႈ ဢမ်ႇ​ၵိူတ်ႇ​လဵင်ႉ​ထႅင်ႈ​ၼၼ်ႉ​ၸိုင်၊ ဢဝ်​မႄႈ​ယိင်း​ၶႃႈ​မၼ်း ၸီႉလပႃႉ ​ဢၢပ်ႈ​ပၼ်​ႁႂ်ႈ​ပဵၼ်​မေး​ ယႃႇၵုပ်ႈ ​ဢေႃႈ။-</verse>
				<verse number="10">မႄႈ​ယိင်း​ၶႃႈ​ လေႇဢႃႇ ​ၼၼ်ႉ​ၵိူတ်ႇ​လဵင်ႉ​လုၵ်ႈ​ၸၢႆး​မႃး​တီႈ​ ယႃႇၵုပ်ႈ ​သေ​ယဝ်ႉ၊-</verse>
				<verse number="11">လေႇဢႃႇ ​လၢတ်ႈ​လႄႈ​ဝႃႈ၊ ဢၼ်​လီ​ဢၼ်​ငၢမ်း​မႃး​ယဝ်ႉ၊ ဝႃႈ​ၼင်ႇ​ၼႆ​လႄႈ၊ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ​ ၵၢတ်ႉ ​ဢေႃႈ။-</verse>
				<verse number="12">ၸီႉလပႃႉ ​မႄႈ​ယိင်း​ၶႃႈ​ လေႇဢႃႇ ​ၼၼ်ႉ​သမ်ႉ​ၵိူတ်ႇ​လဵင်ႉ​လုၵ်ႈ​ၸၢႆး​မႃး​တီႈ​ ယႃႇၵုပ်ႈ ​ထူၼ်ႈ​ထိုင်​သွင်​ပွၵ်ႈ​သေ​ယဝ်ႉ၊-</verse>
				<verse number="13">လေႇဢႃႇ ​လၢတ်ႈ​လႄႈ​ဝႃႈ၊ မင်ႇၵလႃႇ​မီး​တီႈ​ၵဝ်​ဢေႃႈ။ လွင်ႈ​မၼ်း​ၸမ်ႉ လုၵ်ႈ​ယိင်း​ၵူၼ်း​တင်း​လၢႆ တၵ်း​ႁွင်ႉ​ႁဵၵ်ႈ​ၵဝ်​လႄႈ​ဝႃႈ၊ ၵေႃႉ​ဢၼ်​မီး​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​လႄႈ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ ဢႃႇသႃႇ ​ဢေႃႈ။</verse>
				<verse number="14">လိုၼ်း​ၼၼ်ႉ​ၶိင်ႇ​ၵႃႇလႃႉ​မိူဝ်ႈ​ဢၼ်​ၸူႉ​သိမ်း​ၶဝ်ႈ​ၵျုင်ႇ​ၼၼ်ႉ​ ရူႉပိၼ်ႇ ဢွၵ်ႇ​ၵႂႃႇ​လႄႈ​ထူပ်း​ႁၼ်​မၢၵ်ႇ​ယႃႈ ဢၶျူဝ်ႇ​ၵႃႈ​တီႈ​တူင်ႈ​ၼႃး​သေ​ယဝ်ႉ၊ ဢဝ်​ပႃး​မႃး​ၸူး​ၵႃႈ​တီႈ​မႄႈ​မၼ်း​ လေႇဢႃႇ ​ဢေႃႈ။ ရႃႇၶေႇလႃႉ ​ယွၼ်း​တီႈ​ လေႇဢႃႇ ​လႄႈ​ဝႃႈ၊ ပၼ်​မၢၵ်ႇ​ယႃႈ​ဢၶျူဝ်ႇ​ဢၼ်​လုၵ်ႈ​ၸၢႆး​မႂ်း​လႆႈ​မႃး​ၼၼ်ႉ​တီႈ​ၵဝ် ၵမ်ႈ​ၽွင်ႈ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="15">လေႇဢႃႇ ​ၵေႃႈ​လၢတ်ႈ​လႄႈ​ဝႃႈ၊ မႂ်း​ထၢင်ႇ​မႂ်း​ဢဝ်​ၽူဝ်​ၵဝ်​လႄႈ၊ ဢမ်ႇ​မီး​ဢတႂၢၵ်ႈ​ၵႃႈ​သင်​ႁိုဝ်။ မၢၵ်ႇ​ယႃႈ​ဢၶျူဝ်ႇ​လုၵ်ႈ​ၸၢႆး​ၵဝ်​ၵေႃႈ မႂ်း​တၵ်း​ဢဝ်​လူင်​ပႄႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ရႃႇၶေႇလႃႉ ​ၵေႃႈ​လၢတ်ႈ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵွပ်ႈ​ပိူဝ်ႈ မၢၵ်ႇ​ယႃႈ​ဢၶျူဝ်ႇ​လုၵ်ႈ​ၸၢႆး​မႂ်း​ၼၼ်ႉ​လႄႈ၊ ၽူဝ်​ႁဝ်း​တၵ်း​လႆႈ​ၼွၼ်း​လူၺ်ႈ​ၵၼ်​တင်း​မႂ်း​ၶိုၼ်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၶိင်ႇ​ႁူဝ်​ၶမ်ႈ၊ မိူဝ်ႈ​ဢၼ်​ ယႃႇၵုပ်ႈ ​လုၵ်ႉ​သေ​ၵႃႈ​တီႈ​တူင်ႈ​ၼႃး​မႃး​ၼၼ်ႉ​ၸိုင်၊ လေႇဢႃႇ ​ဢွၵ်ႇ​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​လႄႈ​လၢတ်ႈ​ဝႃႈ၊ ၸဝ်ႈ​တၵ်း​လႆႈ​ၶဝ်ႈ​ၸူး​ၵႃႈ​တီႈ​ၵဝ်​ၶႃႈ​ဢေႃႈ။ ၵဝ်​ၶႃႈ​ဢဝ်​တင်း​မၢၵ်ႇ​ယႃႈ​ဢၶျူဝ်ႇ​ဢၼ်​လုၵ်ႈ​ၸၢႆး​ၵဝ်​ၶႃႈ​လႆႈ​မႃး​ၼၼ်ႉ​ၸၢင်ႈ​ငႃ​ဢဝ်​ၸဝ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ ၶိုၼ်း​ၼၼ်ႉ​လႆႈ​ၼွၼ်း​လူၺ်ႈ​ၵၼ်​တင်း​မၼ်း​ၼၼ်ႉ​ဢေႃႈ။-</verse>
				<verse number="17">ၽြႃး​ပဵၼ်​ၸဝ်ႈ​ထွမ်ႇ​ဢဝ်​ၵႂၢမ်း​ လေႇဢႃႇ ​လႄႈ မၼ်း​ပႃး​ပတိၵ်ႉသၼ်ႇထေႇ​သေ​ယဝ်ႉ၊ မိူဝ်ႈ​ဢၼ်​ၵိူတ်ႇ​လဵင်ႉ​လုၵ်ႈ​ၸၢႆး​မႃး​တီႈ​ ယႃႇၵုပ်ႈ ​ထူၼ်ႈ​ထိုင်​ႁႃႈ​ပွၵ်ႈ​ၼၼ်ႉ​ၸိုင်၊-</verse>
				<verse number="18">လေႇဢႃႇ ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​ဢဝ်​မႄႈ​ယိင်း​ၶႃႈ​ၵဝ်​ဢၢပ်ႈ​ပၼ်​တီႈ​ၽူဝ်​ၵဝ်​လႄႈ၊ ၽြႃး​ပဵၼ်​ၸဝ်ႈ​ပၼ်​ၵႃႈ​မၼ်း​ၶၼ်​မၼ်း​တီႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​လႄႈ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ​ ဢီႉသၶႃႇ ​ဢေႃႈ။-</verse>
				<verse number="19">ၵမ်း​ၼၼ်ႉ လေႇဢႃႇ ​သမ်ႉ​ပႃး​ပတိၵ်ႉသၼ်ႇထေႇ​ထႅင်ႈ​လႄႈ၊ မိူဝ်ႈ​ဢၼ်​ၵိူတ်ႇ​လဵင်ႉ​လုၵ်ႈ​ၸၢႆး​မႃး​တီႈ​ ယႃႇၵုပ်ႈ ​ထူၼ်ႈ​ထိုင်​ႁူၵ်း​ပွၵ်ႈ​ၼၼ်ႉ​ၸိုင်၊-</verse>
				<verse number="20">လေႇဢႃႇ ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ပၼ်​လၢၵ်ႈ​သွင်ႇ​ဢၼ်​သွင်ႇ​မင်ႇၵလႃႇ​ဢၼ်​လီ​ဢၼ်​ငၢမ်း​ယဝ်ႉ။ ၵွပ်ႈ​ပိူဝ်ႈ​ဢၼ်​ၵဝ်​လႆႈ​ၵိူတ်ႇ​လဵင်ႉ​လုၵ်ႈ​ၸၢႆး​ႁူၵ်း​ၵေႃႉ​တီႈ​ၽူဝ်​ၵဝ်​လႄႈ တေႃႈ​လဵဝ်​ၼႆႉ​မၼ်း​တၵ်း​ယူႇ​လူၺ်ႈ​ၵၼ်​တင်း​ၵဝ်​သေႇ​သေႇ​ဢေႃႈ၊ ဝႃႈ​ၼင်ႇ​ၼႆ​လႄႈ​ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ ၸေႇပူႉလုၼ်ႇ ​ဢေႃႈ။-</verse>
				<verse number="21">လိုၼ်း​ၼၼ်ႉ​မၼ်း​ၵိူတ်ႇ​လဵင်ႉ​လုၵ်ႈ​ယိင်း​မႃး​လႄႈ ႁွင်ႉ​ႁဵၵ်ႈ​ၸိုဝ်ႈ တီႉၼႃႉ ​ဢေႃႈ။</verse>
				<verse number="22">မိူဝ်ႈ​ၼၼ်ႉ​ၽြႃး​ပဵၼ်​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ရႃႇၶေႇလႃႉ ​ဢေႃႈ။ မၼ်း​ၸဝ်ႈ​ထွမ်ႇ​ဢဝ်​ၵႂၢမ်း​မၼ်း​လႄႈ​ပၼ်​ဢၶႂၢင်ႉ​ဢၼ်​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​တီႈ​မၼ်း​ဢေႃႈ။-</verse>
				<verse number="23">မၼ်း​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​သေ​ယဝ်ႉ၊ လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ပႄႇ​ပႅတ်ႈ လွင်ႈ​တၢင်း​ဢၼ်​သႄႉ​ဢၼ်​သွမ်း​ဢၼ်​ၵဝ်​လႆႈ​ၶၢမ်ႇ​ၼၼ်ႉ​သေ​ၵႃႈ​တီႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="24">ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ​ ယူဝ်းသႅပ်ႈ ​လႄႈ​သမ်ႉ​ဝႃႈ၊ ထႃႇဝရႃႉ​ၽြႃး​တၵ်း​ထၢပ်ႈ​ထႅင်ႈ​လႄႈ​ပၼ်​လုၵ်ႈ​ၸၢႆး​တၢင်ႇ​ၵေႃႉ တီႈ​ၵဝ် လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">ဝၢႆး​သေ​ ရႃႇၶေႇလႃႉ ​ၵိူတ်ႇ​လဵင်ႉ​ ယူဝ်းသႅပ်ႈ ​ယဝ်ႉ​ၼၼ်ႉ၊ ယႃႇၵုပ်ႈ ​လၢတ်ႈ​တီႈ​ လႃႇပၢၼ်ႇ ​လႄႈ​ဝႃႈ၊ ပွႆႇ​ၵဝ်​ၶႃႈ​ႁႂ်ႈ​ၵဝ်​ၶႃႈ​လႆႈ​ၶိုၼ်း​မိူဝ်း​ၸူး​ၵႃႈ​တီႈ​မိူင်း တီႈ​ယူႇ​ၵဝ်ႇ ၵဝ်​ၶႃႈ​ၼၼ်ႉ​သေ​ၵမ်း။-</verse>
				<verse number="26">ပၼ်​ဢၶႂၢင်ႉ​ဢၼ်​လႆႈ​ဢဝ်​မေး​ၵဝ်​ၶႃႈ ဢိၵ်ႇ​တင်း​လုၵ်ႈ​လၢင်း​ၵဝ်​ၶႃႈ ဢၼ်​ၵဝ်​ၶႃႈ ၶၢမ်ႇ​တၢင်း​ၸႂ်ႉ​တၢင်း​သွႆ​လႄႈ လႆႈ​ၸိူဝ်း​ၼၼ်ႉ​ၵႂႃႇ​သေ​ၵမ်း။ ၸဝ်ႈ​ႁူႉ​လွင်ႈ​တၢင်း​ၸႂ်ႉ​တၢင်း​သွႆ​ဢၼ်​ၵဝ်​ၶႃႈ​လႆႈ​ၶၢမ်ႇ တီႈ​ၸဝ်ႈ​ၼၼ်ႉ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="27">လႃႇပၢၼ်ႇ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ပေႃး​ၵဝ်​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​မႂ်း​ၸိုင် ယူႇ​လူး​ၵွၼ်ႇ​သေ​ၵမ်း။ ၵဝ်​ႁူႉ​သၢႆ​ငၢႆ​လွင်ႈ​ဢၼ်​ထႃႇဝရႃႉ​ၽြႃး​ပၼ်​တၢင်း​လီ​တီႈ​ၵဝ်​ၵွပ်ႈ​ပိူဝ်ႈ​မႂ်း​ၼၼ်ႉ​ယဝ်ႉ၊-</verse>
				<verse number="28">ဝႃႈ​ၼင်ႇ​ၼႆ​လႄႈ​သမ်ႉ​လၢတ်ႈ​လႄႈ​ဝႃႈ၊ မွၵ်ႇ​လၢတ်ႈ​ၵႃႈ​ၶၼ် ဢၼ်​ၵဝ်​တၵ်း​လႆႈ​ပၼ်​ၼၼ်ႉ​သေ​ၵမ်း။ ၵဝ်​တၵ်း​ပၼ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="29">ယႃႇၵုပ်ႈ ​လၢတ်ႈ​လႄႈ​ဝႃႈ၊ ၸဝ်ႈ​ႁူႉ​လွင်ႈ​ဢၼ်​ၵဝ်​ၶႃႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ၸဝ်ႈ ၸိူဝ်ႉ​ၼင်ႇ​ႁိုဝ်​ဢိၵ်ႇ​တင်း​လွင်ႈ​ဢၼ် တရိၵ်ႈသၢၼ်ႇ​ၸဝ်ႈ​မီး​ယူႇ​ၵႃႈ​တီႈ​ၵဝ်​ၶႃႈ ၸိူဝ်ႉ​ၼင်ႇ​ႁိုဝ်​ၼၼ်ႉ​ယူႇ​ၶႃႈ​ဢေႃႈ။-</verse>
				<verse number="30">ၸူဝ်ႈ​ဢၼ်​ၵဝ်​ၶႃႈ​ဢမ်ႇ​ပႆႇ​ႁွတ်ႈ​မႃး​ၼၼ်ႉ​ၸိုင်၊ ဢုၵ်ႉ​ၸႃႇ​ၸဝ်ႈ​ၵေႇ​ၼႃႇ​ၶႃႈ​ဢေႃႈ။ ၵမ်း​ၼႆႉ ယႂ်ႇ​ၽႄ​ၼမ်​ၵိုၼ်း​မႃး​ထၼ်ႈ​ပေႃး​ပဵၼ် ဢၼ်​ၼမ်​ၼႃႇ​လူင်​လၢင်​ဢေႃႈ။ ထႃႇဝရႃႉ​ၽြႃး​ပၼ်​တၢင်း​လီ​တီႈ​ၸဝ်ႈ​ၼႂ်း​တီႈ​ၵႃႈ​ဢၼ်​ၵဝ်​ၶႃႈ​ၵႂႃႇ​မႃး​သၢင်ႈ​ႁဵတ်း​ၼၼ်ႉ​ၶႃႈ​ယဝ်ႉ။ တေႃႈ​လဵဝ်​ၼႆႉ ၵဝ်​ၶႃႈ​တၵ်း​လႆႈ​လုမ်း​လႃး​ၵူၼ်း​ႁိူၼ်း​ၵူၼ်း​ယေး​တူဝ်​ၸဝ်ႈ​ၵဝ်ႇ​မိူဝ်ႈ​လႂ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">မၼ်း​ၵေႃႈ​ၶိုၼ်း​ထၢမ်​လႄႈ​ဝႃႈ၊ ၵဝ်​တၵ်း​လႆႈ​ပၼ်​ၵႃႈ​သင်​တီႈ​မႂ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ယႃႇၵုပ်ႈ ​လၢတ်ႈ​လႄႈ​ဝႃႈ၊ ဢမ်ႇ​လႆႈ​ပၼ် ၵႃႈ​သင်​လႃး​လႃး။ ပေႃး​ၸဝ်ႈ​ၶႂ်ႈ​ႁဵတ်း​ၵျေး​ၸူး​သေ​ၸိူဝ်ႉ​သေ​ပိူင်​တီႈ​ၵဝ်​ၶႃႈ​ၸိုင်၊ ၵဝ်​ၶႃႈ​တၵ်း​ၶိုၼ်း​လဵင်ႉ​လူ​ပႂ်ႉ​ထိင်း​ၽုင်​သူဝ်း ၽုင်​ပႄႉ​ၸဝ်ႈ​တင်း​လၢႆ​ထႅင်ႈ​လူး​ၵွၼ်ႇ​ၶႃႈ​ဢေႃႈ။-</verse>
				<verse number="32">ဝၼ်း​မိူဝ်ႈ​ၼႆႉ​ၵဝ်​ၶႃႈ​တၵ်း​ၵႂႃႇ​ၵႃႈ​တီႈ​ၼႂ်း​ၽုင်​သူဝ်း​ၽုင်​ပႄႉ​ၸဝ်ႈ ၵူႈ​တီႈ​ၵူႈ​လႅၼ်​လႄႈ ၽႄ​ဢဝ်​သူဝ်း​ဢၼ်​လၢႆး​ဢၼ်​လဵၼ်း​လႂ် ဢၼ်​ပဵၼ်​လၢဝ်​ဝႆႉ​လႂ် သူဝ်း​ဢၼ်​ၵမ်ႇ​လႂ်​ၵူႈ​တူဝ် ဢွၵ်ႇ​သေ​ၵႃႈ​ၼႂ်း​ၽုင်​သူဝ်း၊ ပႄႉ​ဢၼ်​လၢႆး​ဢၼ်​လဵၼ်း​လႂ် ဢၼ်​ပဵၼ်​လၢဝ်​ဝႆႉ​လႂ် ၵူႈ​တူဝ် ဢွၵ်ႇ​သေ​ၵႃႈ​ၼႂ်း​ၽုင်​ပႄႉ​လႄႈ​ဝႆႉ​ဢေႃႈ။ ႁႂ်ႈ​တူဝ်​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​ၵႃႈ​ၶၼ်​ၵဝ်​ၶႃႈ​တႃႉ။-</verse>
				<verse number="33">ပိူဝ်ႈ​ၼႆ​လႄႈ​ၶိင်ႇ​ၵႃႇလႃႉ​ၵမ်း​လိုၼ်း​ပုၼ်ႉ​ၼၼ်ႉ၊ မိူဝ်ႈ​ဢၼ်​ၵႃႈ​ၶၼ်​ၵဝ်​ၶႃႈ​ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ၸဝ်ႈ​ၼၼ်ႉ​ၸိုင်၊ တၢင်း​သိုဝ်ႈ​တေႃႇ​ၵဝ်​ၶႃႈ တၵ်း​ပႂ်ႉ​ၸွႆႈ​ပႂ်ႉ​ထႅမ်​ၵဝ်​ၶႃႈ​ဢေႃႈ။ ႁႂ်ႈ​မၢတ်ႈ​ပႄႉ​ၵႃႈ​ဢၼ်​ဢမ်ႇ​လၢႆး​ဢမ်ႇ​လဵၼ်း​လႂ် ဢၼ်​ဢမ်ႇ​ပဵၼ်​လၢဝ်​ဝႆႉ​လႂ်​ဢိၵ်ႇ​တင်း သူဝ်း ၵႃႈ​ဢၼ်​ဢမ်ႇ​ၵမ်ႇ​လႂ် ဢၼ်​ပႃး​တီႈ​ၵဝ်​ၶႃႈ​ၼၼ်ႉ​ပဵၼ်​ၸိူဝ်ႉ​ၼင်ႇ​တူဝ်​ဢၼ်​ၵဝ်​ၶႃႈ လၵ်ႉ​ဢဝ်​လိူတ်ႈ​ဢဝ်​ၵူႈ​တူဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">လႃႇပၢၼ်ႇ ​ၵေႃႈ​ႁပ်ႉ​တုင်း​ဢဝ်​လႄႈ​ဝႃႈ၊ ႁႂ်ႈ​ပဵၼ်​ၵႃႈ​ၼင်ႇ​ဢၼ်​မႂ်း​ဝႃႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="35">ၼႂ်း​ဝၼ်း​ၼၼ်ႉ မၼ်း​ၽႄ​ဢဝ်​ပႄႉ​ပေႃႈ ၵႃႈ​ဢၼ်​လၢႆး​ဢၼ်​လဵၼ်း​လႂ်၊ ပႄႉ​မႄႈ ၵႃႈ​ဢၼ်​လၢႆး​ဢၼ်​လဵၼ်း​လႂ်၊ ပႄႉ​ၵႃႈ​ဢၼ်​ပႃး​ဢၼ်​ၽိူၵ်ႇ​လႂ်၊ သူဝ်း​ၵႃႈ​ဢၼ်​ၵမ်ႇ​လႂ်၊ ဢွၵ်ႇ​သေ​လႄႈ​ဢၢပ်ႈ​ပၼ်​ၵႃႈ​ၼႂ်း​မိုဝ်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="36">မၼ်း​ၸီႇ​ယၢင်ႇ​တီႈ​ဢၼ်​မၼ်း​ယူႇ ဢိၵ်ႇ​တင်း​တီႈ​ဢၼ်​ ယႃႇၵုပ်ႈ ​ယူႇ​ၼၼ်ႉ​ႁႂ်ႈ​ယၢၼ်​ၵၼ်​ၶၢဝ်း​တၢင်း​သၢမ်​ဝၼ်း​ဢေႃႈ။ ယႃႇၵုပ်ႈ လဵင်ႉ​သူဝ်း​တင်း​ပႄႉ​ လႃႇပၢၼ်ႇ ​ဢၼ်​ၵိုတ်း​ၵျၢၼ်ႇ​ဝႆႉ​ၸိူဝ်း​ၼၼ်ႉ​လႄႈ​ယူႇ​ဢေႃႈ။</verse>
				<verse number="37">မိူဝ်ႈ​ၼၼ်ႉ​ ယႃႇၵုပ်ႈ ​ဢဝ်​ၶွၼ်ႉ​ၵွမ်း​ၵိင်ႇ​တူၼ်ႈ​ လီႉပၼႃႉ ​ဢၼ်​လိပ်း​လႂ်၊ တူၼ်ႈ​ လူႉၸႃႉ ​လႂ်၊ တင်း​တူၼ်ႈ​ ဢႃႇရမုၼ်ႇ ​လႂ် သေ​လႄႈ ထိူဝ်​ၶွၵ်း​ပႅတ်ႈ​ပိူၵ်ႇ​မၼ်း​ႁႂ်ႈ​ဢၼ်​ၽိူၵ်ႇ​ဢၼ်​ၶဵဝ်​ဢွၵ်ႇ​ပဵၼ်​ၶၼ်ႇ​ပဵၼ်​ပွင်ႈ​ဝႆႉ​သေ​ယဝ်ႉ၊-</verse>
				<verse number="38">မီး​တၢင်း​ၵျၢမ်ႇ​တၢင်း​ပွင်​ဢၼ်​ဝႃႈ၊ သူဝ်း​ပႄႉ​ဢၼ်​မႃး​ၵိၼ်​ၼမ်ႉ​ၵႃႈ​တီႈ​ၼၼ်ႈ​ၸိူဝ်း​ၼၼ်ႉ တၵ်း​ဝၢင်​ၵၼ်​လႄႈ​လႆႈ​လုၵ်ႈ​လႆႈ​လၢင်း ၼႂ်း​မိူဝ်ႈ​ဢၼ်​မႃး​ၵိၼ်​ၼမ်ႉ​ၼၼ်ႉ​ဢေႃႈ​၊ ဝႃႈ​ၼင်ႇ​ၼႆ​ယူႇ​သေ​လႄႈ ဢဝ်​ၶွၼ်ႉ​ဢၼ်​ၶွၵ်း​ပိူၵ်ႇ​ယဝ်ႉ​ၸိူဝ်း​ၼၼ်ႉ​ပၵ်း​ဝႆႉ ၵႃႈ​တီႈ​ၽၢႆႇ​ၼႃႈ သူဝ်း​ပႄႉ​ၸိူဝ်း​ၼၼ်ႉ​ၵႃႈ​တီႈ​ႁိမ်း​ႁၢင်း​ၵိၼ်​ၼမ်ႉ​တင်း​ၵွၵ်း​ၵိၼ်​ၼမ်ႉ​တင်း​လၢႆ တီႈ​ဢၼ်​ၽုင်​သူဝ်း​ၽုင်​ပႄႉ​ၵိၼ်​ၼၼ်ႉ​ဢေႃႈ။-</verse>
				<verse number="39">သူဝ်း​ပႄႉ​ၸိူဝ်း​ၼၼ်ႉ​ဝၢင်​ၵၼ်​လႆႈ​လုၵ်ႈ​လႆႈ​လၢင်း ၵႃႈ​တီႈ​ၽၢႆႇ​ၼႃႈ​ၶွၼ်ႉ​ၵွမ်း​ၸိူဝ်း​ၼၼ်ႉ​လႄႈ ၵိူတ်ႇ​လဵင်ႉ​တူဝ်​ဢၼ်​လၢႆး​ဢၼ် လဵၼ်း​လႂ်​ဢၼ်​ပဵၼ်​လၢဝ်​ဝႆႉ​လႂ်​မႃး​ဢေႃႈ။-</verse>
				<verse number="40">ယႃႇၵုပ်ႈ ​ၽႄ​ဢဝ်​သူဝ်း​ဢွၼ်ႇ​တင်း​ပႄႉ​ဢွၼ်ႇ​တင်း​လၢႆ​ဢွၵ်ႇ​ဝႆႉ​တီႈ​ၼိုင်ႈ​လႄႈ ႁႂ်ႈ​သူဝ်း​ပႄႉ​တင်း​လၢႆ​ဝၢႆႇ​ၼႃႈ​ၸူး​တူဝ်​ဢၼ်​လၢႆး​ဢၼ်​လဵၼ်း​လႂ်၊ တူဝ်​ဢၼ်​ၵမ်ႇ​လႂ်၊ ဢၼ်​မီး​ၵႃႈ​ၼႂ်း​ၽုင်​သူဝ်း​ၽုင်​ပႄႉ​ လႃႇပၢၼ်ႇ ​ၼၼ်ႉ​ဢေႃႈ။ ၽုင်​တရိၵ်ႈသၢၼ်ႇ​မၼ်း​တင်း ၽုင်​တရိၵ်ႈသၢၼ်ႇ​ လႃႇပၢၼ်ႇ ​ၵေႃႈ၊ ဢမ်ႇ​ပၼ်​လေႃး​လႄး​လူၺ်ႈ​ၵၼ်​လႄႈ ၽႄ​ဝႆႉ​ၽုင်​လႂ်​ၽုင်​ၼၼ်ႉ​ဢေႃႈ။-</verse>
				<verse number="41">ယၢမ်း​မိူဝ်ႈ​ဢၼ်​တူဝ်​ဢၼ်​ႁႅင်း​ယႂ်ႇ​ဝၢင်​ၵၼ်​ၼၼ်ႉ​ၸိုင်၊ ယႃႇၵုပ်ႈ ​ၸင်ႇ​ဢဝ်​ၶွၼ်ႉ​ၵွမ်း​ၸိူဝ်း​ၼၼ်ႉ​ဝႆႉ​ၵႃႈ​တီႈ​ႁိမ်း​ႁၢင်း​ၵိၼ်​ၼမ်ႉ​ၵႃႈ​တီႈ သိုဝ်ႈ​ၼႃႈ​တႂ်ႈ​တႃ​ၶဝ်​ႁႂ်ႈ​ၶဝ်​ဝၢင်​ၵၼ်​လႄႈ လႆႈ​လုၵ်ႈ​လႆႈ​လၢင်း​ၵႃႈ​တီႈ​ၶွၼ်ႉ​ၵွမ်း​ၸိူဝ်း​ၼၼ်ႉ​ဢေႃႈ။-</verse>
				<verse number="42">ၵႃႈ​တီႈ​ၽၢႆႇ​ၼႃႈ တူဝ်​ဢၼ်​ႁႅင်း​လဵၵ်ႉ​ၸိုင်၊ မၼ်း​ဢမ်ႇ​ပၵ်း​ဢမ်ႇ​ဝႆႉ။ ပိူဝ်ႈ​ၼႆ​လႄႈ တူဝ်​ဢၼ်​ႁႅင်း​လဵၵ်ႉ​ၸိူဝ်း​ၼၼ်ႉ ပဵၼ်​ဢုၵ်ႉ​ၸႃႇ လႃႇပၢၼ်ႇ ​ဢေႃႈ။ တူဝ်​ဢၼ်​ႁႅင်း​ယႂ်ႇ​တင်း​လၢႆ​ၸမ်ႉ၊ ပဵၼ်​ဢုၵ်ႉ​ၸႃႇ​ ယႃႇၵုပ်ႈ ​ဢေႃႈ။-</verse>
				<verse number="43">ၼင်ႇ​ၼၼ်​လႄႈ တီႈ​ ယႃႇၵုပ်ႈ ​ၼၼ်ႉ​ၸေး​ၸိမ်ႇ​ယႂ်ႇ​ၽႄႈ​ၼမ်​ၵိုၼ်း​မႃး​လႄႈ မီး​သူဝ်း​ပႄႉ၊ ၶႃႈ​ၵူၼ်း​ယိင်း၊ ၶႃႈ​ၵူၼ်း​ၸၢႆး၊ ၵလႃးဢုၵ်ႉ၊​လီႈ​ၼမ်​ၼႃႇ​ဢေႃႈ။</verse>
			</chapter>
			<chapter number="31">
				<verse number="1">မိူဝ်ႈ​ၼၼ်ႉ​ ယႃႇၵုပ်ႈ ​ငိၼ်း​လွင်ႈ​ဢၼ်​လုၵ်ႈ​ၸၢႆး​ လႃႇပၢၼ်ႇ ​တင်း​လၢႆ​လၢတ်ႈ​လႄႈ​ဝႃႈ၊ ယႃႇၵုပ်ႈ ​ဢဝ်​ဢုၵ်ႉ​ၸႃႇ​ပေႃႈ​ႁဝ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၵႂႃႇ​ယဝ်ႉ​လူင်​ပႄႇ။ ၵွပ်ႈ​ပိူဝ်ႈ​ဢုၵ်ႉ​ၸႃႇ​ပေႃႈ​ႁဝ်း​ၼၼ်ႉ​လႄႈ၊ တီႈ​မၼ်း​ပဵၼ်​ၸေး​ၸိမ်ႇ​ဢၼ်​ၸိူဝ်ႉ​ၼင်ႇ​ၼႆ ၵႃႈ​မီး​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊-</verse>
				<verse number="2">မိူဝ်ႈ​ဢၼ်​ ယႃႇၵုပ်ႈ ​တူၺ်း​ၼႃႈ​ လႃႇပၢၼ်ႇ ​ၼၼ်ႉ​ၸိုင်၊ မၼ်း​လႆႈ​ႁူႉ​ႁၼ်​လွင်ႈ​ဢၼ်​ဢမ်ႇ​မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​ၼႆႉ​ၼၼ်ႉ​လႄႈ​ပိူင်ႈ​ၵႂႃႇ​ၼၼ်ႉ​ဢေႃႈ။</verse>
				<verse number="3">ထႃႇဝရႃႉ​ၽြႃး​လၢတ်ႈ​တီႈ​ ယႃႇၵုပ်ႈ ​လႄႈ​ဝႃႈ၊ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မိူင်း​ဢၼ်​ပူႇ​ပေႃႈ​မႂ်း​ယူႇ​တီႈ​ဢၼ်​ၸိူဝ်ႉ​ၶိူဝ်း​မႂ်း​ယူႇ​ပုၼ်ႉ​တႃႉ။ ၵဝ်​တၵ်း​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ယႃႇၵုပ်ႈ ​ပွႆႇ​ၸႂ်ႉ​ၵူၼ်း​ၵႂႃႇ​ႁွင်ႉ​ဢဝ်​ ရႃႇၶေႇလႃႉ ​ဢိၵ်ႇ​တင်း​ လေႇဢႃႇ ​မႃး​ၵႃႈ​တီႈ​ထိူၼ်ႇ တီႈ​ဢၼ်​ၽုင်​သူဝ်း​မၼ်း​မီး​ၼၼ်ႉ​သေ​ယဝ်ႉ၊-</verse>
				<verse number="5">လၢတ်ႈ​တီႈ​သွင်​ၶႃ​လႄႈ​ဝႃႈ၊ ၵဝ်​ႁူႉ​ႁၼ်​လွင်ႈ​ဢၼ်​ၼႃႈ​ပေႃႈ​သူ ဢမ်ႇ​မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​ၼႆႉ​ၼၼ်ႉ​တီႈ​ၵဝ်​လႄႈ ပိူင်ႈ​ၵႂႃႇ ၼၼ်ႉ​ဢေႃႈ။ ၵူၺ်း​ၵႃႈ ၽြႃး​ပဵၼ်​ၸဝ်ႈ​ပေႃႈ​ၵဝ် မီး​ယူႇ​လူၺ်ႈ​ၵၼ်​တင်း​ၵဝ်​ဢေႃႈ။-</verse>
				<verse number="6">သူ​ႁူႉ​လွင်ႈ​ဢၼ်​ၵဝ်​လႆႈ​ပႂ်ႉ​ဢမူႉ ပေႃႈ​သူ​ၵႃႈ​ၼင်ႇ​ဢၼ်​ၵဝ်​တၢတ်ႈ​ၼိူင်ႇ​ၼၼ်ႉ​ယူႇ​ဢေႃႈ။-</verse>
				<verse number="7">ပေႃႈ​သူ​ၵေႃႈ​ပႅတ်ႉ​လႅၼ်​ၵဝ်​လႄႈ ဢဝ်​ၵႃႈ​ၶၼ်​ဢၼ်​ၵဝ်​ထုၵ်ႇ​လႆႈ​ၼၼ်ႉ လႅၵ်ႈ​ပုတ်ႈ​သိပ်း​ပွၵ်ႈ​ယဝ်ႉ။ ၵူၺ်း​ၵႃႈ ၽြႃး​ပဵၼ်​ၸဝ်ႈ​ဢမ်ႇ​ပၼ်​ဢၶႂၢင်ႉ​ဢၼ်​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ၵဝ်။-</verse>
				<verse number="8">ပေႃး​မၼ်း​လၢတ်ႈ​လႄႈ​ဝႃႈ၊ ႁႂ်ႈ​တူဝ်​ဢၼ်​ပဵၼ်​လၢဝ်​ဝႆႉ​ၸိူဝ်း​ၼၼ်ႉ​ပဵၼ်​ၵႃႈ​ၶၼ်​မႂ်း​တႃႉ၊ ဝႃႈ​ၼင်ႇ​ၼႆ​ၸိုင်၊ ၽုင်​သူဝ်း၊ ၽုင်​ပႄႉ ၵႃႈ​မီး​တင်း​သဵင်ႈ​တင်း​လူင် ၵိူတ်ႇ​လဵင်ႉ​မႃး​တူဝ်​ဢၼ်​ပဵၼ်​လၢဝ်​ဝႆႉ​ဢေႃႈ။ ပေႃး​မၼ်း​လၢတ်ႈ​လႄႈ​ဝႃႈ၊ ႁႂ်ႈ​တူဝ်​ဢၼ်​လၢႆး​ဢၼ်​လဵၼ်း ၸိူဝ်း​ၼၼ်ႉ ပဵၼ်​ၵႃႈ​ၶၼ်​မႂ်း​တႃႉ၊ ဝႃႈ​ၼင်ႇ​ၼႆ​ၸိုင်၊ ၽုင်​သူဝ်း၊ ၽုင်​ပႄႉ ၵႃႈ​မီး​တင်း​သဵင်ႈ​တင်း​လူင် ၵိူတ်ႇ​လဵင်ႉ​မႃး​တူဝ်​ဢၼ်​လၢႆး ဢၼ်​လဵၼ်း​ဢေႃႈ။-</verse>
				<verse number="9">ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​ၼုၵ်ႈ​ဢဝ်​တရိၵ်ႈသၢၼ်ႇ​ပေႃႈ​သူ​သေ​လႄႈ​ပၼ်​တီႈ​ၵဝ်​ယဝ်ႉ။-</verse>
				<verse number="10">မိူဝ်ႈ​ဢၼ်​တရိၵ်ႈသၢၼ်ႇ​ၸိူဝ်း​ၼၼ်ႉ​ဝၢင်​ၵၼ်​ၼၼ်ႉ​ၸိုင်၊ ၵဝ်​လႆႈ​မုင်ႈ​တူၺ်း​လႄႈ​ႁၼ်​လွင်ႈ​ဢၼ်​တူဝ်​ပေႃႈ​တင်း​လၢႆ​ဢၼ်​ၸွမ်း​ၽွၵ်ႇ​တူဝ်​မႄႈ​ၸိူဝ်း​ၼၼ်ႉ မီး​ၵွင်ႉ​ငဝ်း​ဢၼ်​လၢႆး​ဢၼ်​လဵၼ်း၊ ဢၼ်​ပဵၼ်​လၢဝ်​ဝႆႉ၊ ဢၼ်​ပဵၼ်​ၸုမ်ႈ​ဝႆႉ​ၼၼ်ႉ​ၼႂ်း​တၢင်း​ဢၼ် ၼွၼ်း​ၽၼ်​ႁၼ်​ဢေႃႈ။-</verse>
				<verse number="11">တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​ၵေႃႈ ႁွင်ႉ​ၵဝ်​ၼႂ်း​တၢင်း​ဢၼ်​ၼွၼ်း​ၽၼ်​ႁၼ်​ၼၼ်ႉ​လႄႈ​ဝႃႈ၊ ယႃႇၵုပ်ႈ ​ဢိူၺ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ၵဝ်​ဢိူဝ်​လႄႈ​ဝႃႈ၊ ၶႃႈ​ၸဝ်ႈ​မီး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ မုင်ႈ​လႄႈ​တူၺ်း​တႃႉ။ တူဝ်​ပေႃႈ​တင်း​လၢႆ​ဢၼ်​ၸွမ်း​ၽွၵ်ႇ​တူဝ်​မႄႈ​ၸိူဝ်း​ၼၼ်ႉ ၵႃႈ​မီး​တင်း​သဵင်ႈ​တင်း​လူင် မီး​ၵွင်ႉ​ငဝ်း​ဢၼ်​လၢႆး​ဢၼ်​လဵၼ်း၊ ဢၼ်​ပဵၼ်​လၢဝ်​ဝႆႉ၊ ဢၼ်​ပဵၼ်​ၸုမ်ႈ​ဝႆႉ​ဢေႃႈ။ လွင်ႈ​မၼ်း​ၸမ်ႉ ၵဝ်​ႁၼ်​ၵႃႈ​ဢၼ် လႃႇပၢၼ်ႇ ​ႁဵတ်း​တီႈ​မႂ်း​ၼၼ်ႉ​ယဝ်ႉ။-</verse>
				<verse number="13">ၵဝ်​ၸမ်ႉ၊ ပဵၼ်​ၽြႃး​တီႈ​ ပေႇသလႃႉ ၊ တီႈ​ဢၼ်​မႂ်း​ဢဝ်​ၼမ်ႉ​မၼ်း​ထွၵ်ႇ​သႂ်ႇ​ၵႃႈ​ၼိူဝ်​သဝ်​တီႈ​မၢတ်ႈ​တီႈ​တွင်း​လႄႈ ႁဵတ်း​သဵတ်ႈ​ၸႃႇ ၵတီႉ​ၼၼ်ႉ​ဢေႃႈ။ တေႃႈ​လဵဝ်​ၼႆႉ လုၵ်ႉ​လႄႈ ဢွၵ်ႇ​သေ​ၵႃႈ​ၼႂ်း​မိူင်း​ၼႆႉ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မိူင်း​ဢၼ်​ၸိူဝ်ႉ​ၶိူဝ်း​မႂ်း​ယူႇ​ပုၼ်ႉ​တႃႉ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ရႃႇၶေႇလႃႉ ​တင်း​ လေႇဢႃႇ ​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၶႃႈ​ၼႆႉ ၸၢပ်ႈ​သႅင်ႇ​ၵၼ်​တင်း ႁိူၼ်း​ပေႃႈ​ႁဝ်း​ၶႃႈ​ၼၼ်ႉ ၸိူဝ်ႉ​ၼင်ႇ​ႁိုဝ်​ၶႃႈ။ ႁဝ်း​ၶႃႈ​ၼႆႉ​တၵ်း​လႆႈ​ၶၢမ်ႇ​ဢမူၺ်ႇ​ၵႃႈ​သင်​လူး​ၵွၼ်ႇ​ၶႃႈ။-</verse>
				<verse number="15">မၼ်း​ၼၼ်ႉ​ၸၢင်ႈ​မၢတ်ႈ​ႁဝ်း​ၶႃႈ​ပဵၼ်​ၸိူဝ်ႉ​ၼင်ႇ​ၵူၼ်း​တၢင်ႇ​သိုင်ႇ​တၢင်ႇ​မိူင်း​ဢမ်ႇ​ၸႂ်ႈ​ၶႃႈ​ႁိုဝ်။ မၼ်း​ၶၢႆ​ႁဝ်း​ၶႃႈ​ပႅတ်ႈ​ယဝ်ႉ​လူင်​ပႄႇ။ ငိုၼ်း​ႁဝ်း​ၶႃႈ​ၵေႃႈ မၼ်း​ၵိၼ်​ပႅတ်ႈ​သဵင်ႈ​ယဝ်ႉ​လူင်​ပႄႇ။-</verse>
				<verse number="16">ၸေး​ၸိမ်ႇ​ၵႃႈ​ဢၼ်​ၽြႃး​ပဵၼ်​ၸဝ်ႈ​ၼုၵ်ႈ​ဢွၵ်ႇ​သေ​ၵႃႈ​တီႈ​ပေႃႈ​ႁဝ်း​ၶႃႈ တင်း​သဵင်ႈ​တင်း​လူင်​ၼၼ်ႉ ပဵၼ်​ဢုၵ်ႉ​ၸႃႇ​ႁဝ်း​ၶႃႈ တင်း​လုၵ်ႈ​လၢင်း​ႁဝ်း​ၶႃႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ​ႁဵတ်း​ၸွမ်း ၵႃႈ​ၼင်ႇ​ဢၼ်​ၽြႃး​ပဵၼ်​ၸဝ်ႈ သင်ႇ​လၢတ်ႈ​ဝႆႉ​တီႈ​ၸဝ်ႈ​ၼၼ်ႉ သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">မိူဝ်ႈ​ၼၼ်ႉ​ ယႃႇၵုပ်ႈ ​လုၵ်ႉ​လႄႈ​ဢဝ်​လုၵ်ႈ​လၢင်း​မၼ်း​ဢိၵ်ႇ​တင်း​မေး​မၼ်း​ၸိူဝ်း​ၼၼ်ႉ ႁႂ်ႈ​ၶီႇ​ၵႃႈ​ၼိူဝ်​ၵလႃးဢုၵ်ႉ​ဢေႃႈ။-</verse>
				<verse number="18">မၼ်း​ဢဝ်​တင်း​ဢုၵ်ႉ​ၸႃႇ​ၵႃႈ​ဢၼ်​မၼ်း​မီး​တင်း​သဵင်ႈ​တင်း​လူင် ဢိၵ်ႇ​တင်း တရိၵ်ႈသၢၼ်ႇ ၵႃႈ​ဢၼ်​မၼ်း​မီး တင်း​သဵင်ႈ​တင်း​လူင် ဢၼ်​ဝႃႈ တရိၵ်ႈသၢၼ်ႇ​ဢၼ်​မၼ်း​လႆႈ​ဢၼ်​မၼ်း​ဢဝ် ၸူႉ​ဝႆႉ​သိမ်း​ဝႆႉ​ၵႃႈ​တီႈ​ ပႃႇတၼ်ႇဢႃႇရမ်ႇ ​ၼၼ်ႉ​လႄႈ ဢွၵ်ႇ​ၵႂႃႇ ႁႂ်ႈ​လႆႈ​မိူဝ်း​ႁွတ်ႈ​မိူဝ်း​ထိုင်​ၵႃႈ​တီႈ​ပေႃႈ​မၼ်း ဢီႉၸၢၵ်ႈ ၊ ၵႃႈ​တီႈ​မိူင်း​ ၶႃႇၼၢၼ်ႇ ​ၼၼ်ႉ​ဢေႃႈ။-</verse>
				<verse number="19">ၼႂ်း​မိူဝ်ႈ​ဢၼ်​ လႃႇပၢၼ်ႇ ​ၵႂႃႇ​တၢင်ႇ​တီႈ​တၢင်ႇ​လႅၼ် ႁႂ်ႈ​လႆႈ​ၵႅတ်း​ႁႆး​ၶူၼ်​သူဝ်း​ယူႇ​ၼၼ်ႉ​ၸိုင်၊ ရႃႇၶေႇလႃႉ ​လၵ်ႉ​ဢဝ် ရုၵ်ႈ​ထူႉ​ တေႇရၽိမ်ႇ ​ပေႃႈ​မၼ်း​ၼၼ်ႉ​ၵႂႃႇ​ဢေႃႈ။</verse>
				<verse number="20">ယႃႇၵုပ်ႈ ​ၼၼ်ႉ​ယင်း​ဢမ်ႇ​မွၵ်ႇ​ဢမ်ႇ​လၢတ်ႈ​လွင်ႈ​ဢၼ်​မၼ်း​တၵ်း​ပၢႆႈ​ၵႂႃႇ​ၼၼ်ႉ​လႄႈ​ႁဵတ်း​တင်း​ပရီႉယႄႇ​သေ​လႄႈ ပႄႉ​ၼႅင်ႇ လႃႇပၢၼ်ႇ ​ဢၼ်​ပဵၼ်​ၵူၼ်း​ သူႉရီႉ ​ၼၼ်ႉ​ဢေႃႈ။-</verse>
				<verse number="21">ၼင်ႇ​ၼၼ်​လႄႈ​မၼ်း​ပႃး​ဢဝ်​ၵႃႈ​ဢၼ်​မၼ်း​မီး​တင်း​သဵင်ႈ​တင်း​လူင် ဢွၵ်ႇ​ပၢႆႈ​လႄႈ​ၶၢမ်ႈ​ၼမ်ႉ​ႁွင်ႈ​ၶၼ်​ၶၼ်​ၽႂ်း​ၽႂ်း​သေ​ယဝ်ႉ၊ ဝၢႆႇ​ၼႃႈ တေႃႇ​လွႆ​ ၵီႉလတ်ႉ ​သေ​လႄႈ ၵႂႃႇ​ဢေႃႈ။</verse>
				<verse number="22">မိူဝ်ႈ​ဢၼ်​လႆႈ​သၢမ်​ဝၼ်း​ယဝ်ႉ​ၸိုင်၊ လႃႇပၢၼ်ႇ ​ငိၼ်း​ပိူၼ်ႈ​လၢတ်ႈ​လွင်ႈ​ဢၼ် ယႃႇၵုပ်ႈ ​ပၢႆႈ​ၵႂႃႇ​ၼၼ်ႉ​သေ​ယဝ်ႉ၊-</verse>
				<verse number="23">ႁွင်ႉ​ဢဝ်​ပီႈ​ၼွင်ႉ​မၼ်း​တင်း​လၢႆ လိုပ်ႈ​ၸွမ်း​ၵႂႃႇ ၶၢဝ်း​တၢင်း​ၸဵတ်း​ဝၼ်း​လႄႈ ၶိုတ်း​ၵႃႈ​ၼိူဝ်​လွႆ​ ၵီႉလတ်ႉ ​ဢေႃႈ။-</verse>
				<verse number="24">ၽြႃး​ပဵၼ်​ၸဝ်ႈ​ပေႃႇ​မႃး​တီႈ​ လႃႇပၢၼ်ႇ ​ၵူၼ်း​ သူႉရီႉ ​ၼၼ်ႉ ၼႂ်း​တၢင်း​ဢၼ်​ၼွၼ်း​ၽၼ်​ႁၼ်​ၶိင်ႇ​ၵၢင်​ၶိုၼ်း​လႄႈ​ဝႃႈ၊ ႁဵတ်း​သတီႉ လွင်ႈ​ဢၼ် မႂ်း​တၵ်း​လၢတ်ႈ​ဢၼ်​လီ ဢၼ်​ဢမ်ႇ​လီ​တီႈ​ ယႃႇၵုပ်ႈ ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">မိူဝ်ႈ​ဢၼ်​ လႃႇပၢၼ်ႇ ​ၸွမ်း​ၶိုတ်း​ ယႃႇၵုပ်ႈ ​ယဝ်ႉ​ၼၼ်ႉ​ၸိုင် ယႃႇၵုပ်ႈ ​လႆႈ​မုင်း​မူဝ်းၵႃႇ​မၼ်း ၵႃႈ​ၼိူဝ်​လွႆ​ၼၼ်ႉ​ဢေႃႈ။ လႃႇပၢၼ်ႇ ​ဢိၵ်ႇ​တင်း​ပီႈ​ၼွင်ႉ​မၼ်း​တင်း​လၢႆ​ၵေႃႈ ဢွၼ်​ၵၼ်​မုင်း​မူဝ်းၵႃႇ​ၶဝ် ၵႃႈ​ၼိူဝ်​လွႆ​ ၵီႉလတ်ႉ ​ၼၼ်ႉ​ဢေႃႈ။-</verse>
				<verse number="26">လႃႇပၢၼ်ႇ ​လၢတ်ႈ​တီႈ​ ယႃႇၵုပ်ႈ ​လႄႈ​ဝႃႈ၊ မႂ်း​ႁဵတ်း​ၸိူဝ်ႉ​ၼင်ႇ​ႁိုဝ်။ မႂ်း​ပႅတ်ႉ​လႅၼ်​ၵဝ်​လႄႈ​သိမ်း​ဢဝ်​လုၵ်ႈ​ယိင်း​ၵဝ်​တင်း​လၢႆ​ၵႂႃႇ​မိူၼ်​ၸိူဝ်ႉ​ၼင်ႇ​ဢၼ်​သိမ်း​ဢဝ်​ၶဝ်​ၸိူဝ်း​ဢၼ်​တီႉ​လႆႈ​ၼႂ်း​တၢင်း​ဢၼ်​တိုၵ်း​သိုၵ်း​ၼၼ်ႉ​ၵႂႃႇ​ၼၼ်ႉ​လူင်​ပႄႇ။-</verse>
				<verse number="27">ႁဵတ်း​သင်​လႄႈ​ပႅတ်ႉ​လႅၼ်​ၵဝ်​သေ​လႄႈ တဵတ်ႇ​တဵတ်ႇ​ဢွၵ်ႇ​ပၢႆႈ​ၼင်ႇ​ႁိုဝ်။ ႁဵတ်း​သင်​လႄႈ​ဢမ်ႇ​မွၵ်ႇ​ဢမ်ႇ​လၢတ်ႈ​တီႈ​ၵဝ် ႁႂ်ႈ​ၵဝ် လႆႈ​ႁဵတ်း​တၢင်း​ဢၼ်​မူၼ်ႈ​ပျေႃႇ၊ တၢင်း​ဢၼ်​ႁဵတ်း​ၵႂၢမ်း၊ တၢင်း​ဢၼ်​ႁႆႇ​ၵွင်​လဵတ်း​တိင်ႇ​သေ​လႄႈ ပွႆႇ​မႂ်း​ၵႂႃႇ​ၼင်ႇ​ႁိုဝ်။-</verse>
				<verse number="28">ႁဵတ်း​သင်​လႄႈ​ဢမ်ႇ​ပၼ်​ဢၶႂၢင်ႉ ႁႂ်ႈ​ၵဝ်​လႆႈ​ၼူမ်​လုၵ်ႈ​ၸၢႆး​တင်း​လုၵ်ႈ​ယိင်း​ၵဝ်​ၸိူဝ်း​ၼႆႉ​ၼင်ႇ​ႁိုဝ်။ မႂ်း​လႆႈ​ႁဵတ်း​တၢင်း​ဢၼ်​မိူၵ်ႈ​ယဝ်ႉ​လူင်​ပႄႇ။-</verse>
				<verse number="29">မိူဝ်ႈ​လဵဝ်​ၼႆႉ ၵဝ်​ၼိၵ်ႈ​ၸၢၵ်ႈ​ငႅၼ်း​သႄး​မႂ်း​လႆႈ​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မိူဝ်ႈ​ၶမ်ႈ​ဝႃး၊ ၽြႃး​ပဵၼ်​ၸဝ်ႈ​ဢၼ်​ပေႃႈ​မႂ်း​ၵူဝ်း​ၵႂၢႆႇ​ၼၼ်ႉ​လၢတ်ႈ​တီႈ​ၵဝ်​လႄႈ​ဝႃႈ၊ ႁဵတ်း​သတီႉ​လွင်ႈ​ဢၼ်​မႂ်း​တၵ်း​လၢတ်ႈ ဢၼ်​လီ​ဢၼ်​ဢမ်ႇ​လီ​တီႈ​ ယႃႇၵုပ်ႈ ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">တေႃႈ​လဵဝ်​ၼႆႉ ပိူဝ်ႈ​ဢၼ်​မႂ်း​ၸႂ်​ထိုင်​ႁိူၼ်း​ပေႃႈ​မႂ်း​ၼႃႇ​လူင်​လၢင်​လႄႈ မႂ်း​လႆႈ​ၵႂႃႇ​ယဝ်ႉ၊ ႁႂ်ႈ​ၸႂ်ႈ​သေ​လူး​ၵွၼ်ႇ​တႃႉ။ ၵူၺ်း​ၵႃႈ ႁဵတ်း​သင်​လႄႈ မႂ်း​လၵ်ႉ​ဢဝ်​ၽြႃး​ၵဝ်​ၸိူဝ်း​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ယႃႇၵုပ်ႈ ​ၵေႃႈ​ၶိုၼ်း​လၢတ်ႈ​တီႈ​ လႃႇပၢၼ်ႇ ​လႄႈ​ဝႃႈ၊ ပိူဝ်ႈ​ဢၼ်​ၵူဝ်​ၸဝ်ႈ ၸၢင်ႈ​ၶႄး​တၵ်း​ႁဵတ်း​ပႄႉ​ႁဵတ်း​ၼႅင်ႇ​သေ​လႄႈ ၶိုၼ်း​သိမ်း​ဢဝ် လုၵ်ႈ​ယိင်း​ၸဝ်ႈ​ၸိူဝ်း​ၼၼ်ႉ​လႄႈ၊ ၸင်ႇ​လႆႈ​ဢွၵ်ႇ​ပၢႆႈ​ၶႃႈ​ဢေႃႈ။-</verse>
				<verse number="32">ၽြႃး​ၸဝ်ႈ​ၸိူဝ်း​ၼၼ်ႉ​ၸမ်ႉ၊ ပေႃး​ထူပ်း​ႁၼ်​တီႈ​သေ​ၵေႃႉ​သေ​ၵူၼ်း​ၸိုင်၊ ႁႂ်ႈ​ၵေႃႉ​ၼၼ်ႉ​တၢႆ​တႃႉ။ ၼႄ​ပျႃး​ဢုၵ်ႉ​ၸႃႇ​ၸဝ်ႈ ၵႃႈ​တီႈ​ၽၢႆႇ​ၼႃႈ​ပီႈ​ၼွင်ႉ​ႁဝ်း​တင်း​လၢႆ​ၼႆႉ​သေ​လႄႈ ၶိုၼ်း​ဢဝ်​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​ဢၼ်​ ရႃႇၶေႇလႃႉ လႆႈ​လၵ်ႉ​ဢဝ်​ၼၼ်ႉ​ၸိုင်​ ယႃႇၵုပ်ႈ ​ဢမ်ႇ​ႁူႉ။-</verse>
				<verse number="33">ပိၵ်ႉ​သမ်ႉ​ လႃႇပၢၼ်ႇ ​ၶဝ်ႈ​လႄႈ ႁႃ​ၵႃႈ​ၼႂ်း​မူဝ်းၵႃႇ​ ယႃႇၵုပ်ႈ ၊ မူဝ်းၵႃႇ​ လေႇဢႃႇ ၊ တင်း​မူဝ်းၵႃႇ​မႄႈ​ယိင်း​ၶႃႈ​သွင်​ၵေႃႉ​ၼၼ်ႉ​သေ​ၵေႃႈ၊ မၼ်း​ဢမ်ႇ​ထူပ်း​ဢမ်ႇ​ႁၼ်။ မၼ်း​ၸင်ႇ​ဢွၵ်ႇ​သေ​ၵႃႈ​ၼႂ်း​မူဝ်းၵႃႇ​ လေႇဢႃႇ ​လႄႈ ၶဝ်ႈ​ၵႃႈ​ၼႂ်း​မူဝ်းၵႃႇ​ ရႃႇၶေႇလႃႉ ​ဢေႃႈ။-</verse>
				<verse number="34">ရႃႇၶေႇလႃႉ ​ဢဝ်​ရုၵ်ႈ​ထူႉ​ တေႇရၽိမ်ႇ ​ၸိူဝ်း​ၼၼ်ႉ သႂ်ႇ​ဝႆႉ​ၵႃႈ​ၼႂ်း​ၶိူင်ႈ​ၵွပ်း ၵလႃးဢုၵ်ႉ​သေ​ယဝ်ႉ၊ ၼင်ႈ​တဵင်​ယူႇ​ၵႃႈ​ၼိူဝ်​ၶိူင်ႈ​ၼၼ်ႉ​ဢေႃႈ။ လႃႇပၢၼ်ႇ ​လုပ်ႈ​ၵမ်း​တူၺ်း​မူဝ်းၵႃႇ​မၼ်း တင်း​သဵင်ႈ​တင်း​မူတ်း​လႄႈ ဢမ်ႇ​ထူပ်း​ဢမ်ႇ​ႁၼ်​သေ​ယဝ်ႉ၊-</verse>
				<verse number="35">မၼ်း​လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​ၶႃႈ ဢမ်ႇ​လုၵ်ႉ​ၵႃႈ​တီႈ​ၽၢႆႇ​ၼႃႈ​ၸဝ်ႈ​လႆႈ​လႄႈ ယႃႇ​ပေ​မီး​ၸႂ်​သေ​ၵမ်း​ၶႃႈ။ ၵဝ်​ၶႃႈ​ပဵၼ်​ၸိူဝ်ႉ​ၼင်ႇ​ထုင်း​ၸၢမ်ႇ​ဢၼ် ယၢမ်ႈ​ပဵၼ်​တီႈ​ၽူႈ​ယိင်း​ၼၼ်ႉ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ​ လႃႇပၢၼ်ႇ ႁႃ​လႄႈ ဢမ်ႇ​ထူပ်း​ဢမ်ႇ​ႁၼ် ရုၵ်ႈ​ထူႉ​ တေႇရၽိမ်ႇ ​ၸိူဝ်း​ၼၼ်ႉ။</verse>
				<verse number="36">မိူဝ်ႈ​ၼၼ်ႉ​ ယႃႇၵုပ်ႈ ​ၸႂ်​မႆႈ​ၶႆႈ​ၸႃႉ​လႄႈ သင်ႇ​သွၼ်​ လႃႇပၢၼ်ႇ ​ဢေႃႈ။ ယႃႇၵုပ်ႈ ​လၢတ်ႈ​တီႈ​ လႃႇပၢၼ်ႇ ​လႄႈ​ဝႃႈ​ၸမ်ႉ၊ ၼင်ႇ​ႁိုဝ် တၵ်း​လႆႈ​လိုပ်ႈ​ၸွမ်း​ၵဝ်​ၶႃႈ​ထၢၼ်ႇ​ၼႆႉ​ၸိုင်၊ ၵဝ်​ၶႃႈ​ၽိတ်း​ပိူင်ႈ​ၸိူဝ်ႉ​ၼင်ႇ​ႁိုဝ်​လႄႈ မီး​ဢပႅတ်ႈ​ဢၼ်​လႂ်​ၶႃႈ။-</verse>
				<verse number="37">ၸဝ်ႈ​လႆႈ​လုပ်ႈ​လႆႈ​ၵမ်း​တူၺ်း​ဢုၵ်ႉ​ၸႃႇ​ၶူဝ်း​လဵင်း​ၵဝ်​ၶႃႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​လႄႈ ထူပ်း​မႅၼ်ႈ​ဢုၵ်ႉ​ၸႃႇ​ၶူဝ်း​ႁိူၼ်း ၶူဝ်း​ယေး​ၸဝ်ႈ​သေ​ၸိူဝ်ႉ​သေ​ပိူင်​ၶႃႈ​ႁိုဝ်။ ပေႃး​ထူပ်း​ယဝ်ႉ​ၸိုင်၊ ဢဝ်​ဝႆႉ​ၵႃႈ​တီႈ​ၽၢႆႇ​ၼႃႈ​ပီႈ​ၼွင်ႉ​ၸဝ်ႈ​ဢိၵ်ႇ​တင်း ပီႈ​ၼွင်ႉ​ၵဝ်​ၶႃႈ​ၸိူဝ်း​ၼႆႉ ၵႃႈ​တီႈ​ၼႆႈ​သေ​ၵမ်း​ၶႃႈ။ ႁႂ်ႈ​ၶဝ်​ၸီႇ​ယၢင်ႇ​ဝူင်ႈ​ၵၢင်​ႁႃး​သွင်​ၵေႃႉ​သေ​ၵမ်း​ၶႃႈ​တႃႉ။-</verse>
				<verse number="38">ၵဝ်​ၶႃႈ​ယူႇ​လူၺ်ႈ​ၵၼ်​တင်း​ၸဝ်ႈ သၢဝ်း​ပီႊ​ယဝ်ႉ​လႄႈ သူဝ်း​မႄႈ​ပႄႉ​မႄႈ​ၸဝ်ႈ​ဢၼ်​ႁွမ်း​ၸိူဝ်း​ၼၼ်ႉ ဢမ်ႇ​လူႉ​ဢမ်ႇ​ယွတ်ႇ။ ပႄႉ​ပေႃႈ​သူဝ်း​ပေႃႈ​ၸဝ်ႈ​ၵေႃႈ​ၵဝ်​ၶႃႈ​ဢမ်ႇ​ၵိၼ်။-</verse>
				<verse number="39">တူဝ်​ဢၼ်​တူဝ်​ထိူၼ်ႇ​ၶူပ်း​တၢႆ​ၼၼ်ႉ​ၵေႃႈ ၵဝ်​ၶႃႈ​ဢမ်ႇ​ဢဝ်​မႃး​ၸူး​ၵႃႈ​တီႈ​ၸဝ်ႈ။ တူဝ်​ၵဝ်​ၶႃႈ​လႆႈ​ၶၢမ်ႇ​တၢင်း​ဢၼ်​သုမ်း​ၶႃႈ​ဢေႃႈ။ ပိူၼ်ႈ​လၵ်ႉ​ၶိင်ႇ​ၵၢင်​ဝၼ်း​သေ​ဢမ်ႇ​ဝႃႈ၊ လၵ်ႉ​ၶိင်ႇ​ၵၢင်​ၶိုၼ်း​သေ​ဢမ်ႇ​ဝႃႈ၊ ၸဝ်ႈ​ၸၢင်ႈ​ယွၼ်း​ဢဝ်​ဢၼ်​တၢင်​တူဝ်​မၼ်း​တီႈ​ၵဝ်​ၶႃႈ ၶႃႈ​ဢေႃႈ။-</verse>
				<verse number="40">ၼင်ႇ​ၼၼ်​လႄႈ ၵဝ်​ၶႃႈ​လႆႈ​ၶၢမ်ႇ​တၢင်း​ဢၼ်​မႆႈ ဢၼ်​ႁွၼ်ႉ​ၶိင်ႇ​ၵၢင်​ဝၼ်း၊ တၢင်း​ဢၼ်​ၵတ်း​ဢၼ်​ၼၢဝ်​ၶိင်ႇ​ၵၢင်​ၶိုၼ်း​မႃး​ယဝ်ႉ။ တၢင်း​ဢၼ် တႃ​ၼွၼ်း​လူႉ​ၵေႃႈ လႆႈ​ၶၢမ်ႇ​မႃး​ယဝ်ႉ။-</verse>
				<verse number="41">ၵဝ်​ၶႃႈ​ယူႇ​ၵႃႈ​တီႈ​ႁိူၼ်း​ၸဝ်ႈ​သၢဝ်း​ပီႊ​လႄႈ လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ပုၼ်ႈ​လုၵ်ႈ​ယိင်း​ၸဝ်ႈ​သွင်​ၵေႃႉ​ၼၼ်ႉ​သိပ်း​သီႇ​ပီႊ၊ ပုၼ်ႈ​သူဝ်း​ပႄႉ​ၸဝ်ႈ​ၸိူဝ်း​ၼၼ်ႉ ႁူၵ်း​ပီႊ​မႃး​ယဝ်ႉ။ ၵူၺ်း​ၵႃႈ ၵႃႈ​ၶၼ်​ဢၼ်​ၵဝ်​ၶႃႈ ထုၵ်ႇ​လႆႈ​ၸိုင်၊ ၸဝ်ႈ​ဢဝ်​လႅၵ်ႈ​ပုတ်ႈ​သိပ်း​ပွၵ်ႈ​ယဝ်ႉ ၶႃႈ​ယဝ်ႉ​လူင်​ပႄႇ။-</verse>
				<verse number="42">တေႃႈ​လဵဝ်​ၼႆႉ​ၵေႃႈ၊ သင်​ၽြႃး​ပဵၼ်​ၸဝ်ႈ​ပေႃႈ​ၵဝ်​ၶႃႈ၊ ၽြႃး​ပဵၼ်​ၸဝ်ႈ​ ဢႃႇပြႃႇႁၢမ်ႇ ၊ ၽြႃး​ဢၼ်​ပဵၼ်​တီႈ​ဢၼ် ဢီႉၸၢၵ်ႈ ၵူဝ်​ယမ်​ၼၼ်ႉ ဢမ်ႇ​မီး​ယူႇ​လူၺ်ႈ​ၵၼ်​တင်း​ၵဝ်​ၶႃႈ​ၸိုင်၊ ၸဝ်ႈ​တၵ်း​ပွႆႇ​ၵဝ်​ၶႃႈ​မိူဝ်း​ၵႂႃႇ တိၼ်​လၢႆ​မိုဝ်း​ပဝ်ႇ​ဢမၢၼ်ႇ​ၶၼ်​ပဵၼ်​လူင်​ပႄႇ။ ၽြႃး​ပဵၼ်​ၸဝ်ႈ​ႁၼ်​တၢင်း​ဢၼ်​ၵဝ်​ၶႃႈ​လႆႈ​ၶၢမ်ႇ တုၵ်ႉ​ၶႃႉ​တၢင်း​ၽၢၼ်၊ တၢင်း​ဢၼ်​သၢင်ႈ​ႁဵတ်း​ဢၼ်​ယၢပ်ႇ​ဢၼ်​ၽိုတ်ႇ​ၼၼ်ႉ​လႄႈ သင်ႇ​သွၼ်​သုင်း​မႃႉ​ပၼ်​တီႈ​ၸဝ်ႈ မိူဝ်ႈ​ၶမ်ႈ​ဝႃး​ၼၼ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="43">လႃႇပၢၼ်ႇ ​ၵေႃႈ ၶိုၼ်း​လၢတ်ႈ​တီႈ​ ယႃႇၵုပ်ႈ ​လႄႈ​ဝႃႈ၊ လုၵ်ႈ​ယိင်း​ၸိူဝ်း​ၼႆႉ​ပဵၼ်​လုၵ်ႈ​ယိင်း​ၵဝ်​ဢေႃႈ။ လုၵ်ႈ​ဢွၼ်ႇ​ၸိူဝ်း​ၼႆႉ ပဵၼ်​လုၵ်ႈ​ဢွၼ်ႇ​ၵဝ်​ဢေႃႈ။ တရိၵ်ႈသၢၼ်ႇ​ၸိူဝ်း​ၼႆႉ​ၵေႃႈ ပဵၼ်​တရိၵ်ႈသၢၼ်ႇ​ၵဝ်​ဢေႃႈ။ ဢုၵ်ႉ​ၸႃႇ​ၶူဝ်း​လဵင်း​ၵႃႈ​ဢၼ်​မႂ်း​ႁၼ်​ၸိူဝ်း​ၼႆႉ ပဵၼ်​ဢုၵ်ႉ​ၸႃႇ​ၶူဝ်း​လဵင်း​ၵဝ်​ဢေႃႈ။ ဝၼ်း​မိူဝ်ႈ​ၼႆႉ ၵဝ်​တၵ်း​ႁဵတ်း​တီႈ​လုၵ်ႈ​ယိင်း​ၵဝ်​ၸိူဝ်း​ၼႆႉ၊ တီႈ​လုၵ်ႈ​ဢွၼ်ႇ​ၵဝ် ဢၼ်​ၶဝ်​ၵိူတ်ႇ​လဵင်ႉ​မႃး​ၸိူဝ်း​ၼႆႉ ၸိူဝ်ႉ​ၼင်ႇ​ႁိုဝ်​လႆႈ။-</verse>
				<verse number="44">ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ မႂ်း​တင်း​ၵဝ်​ႁဵတ်း​ပတီႉၺိၺ်ႇ​လူၺ်ႈ​ၵၼ်​တႃႉ​ႁႃး။ ႁႂ်ႈ​ပဵၼ်​သၢၵ်ႈ​သေႇ ဝူင်ႈ​ၵၢင် မႂ်း​တင်း​ၵဝ်​ဝႆႉ​တႃႉ​ႁႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="45">ယႃႇၵုပ်ႈ ​ၵေႃႈ​ဢဝ်​မၢၵ်ႇ​ႁိၼ်​သေ​လႄႈ ပူၵ်း​တင်ႈ​ဝႆႉ​ပုၼ်ႈ​သဝ်​တီႈ​မၢတ်ႈ​တီႈ​တွင်း​သေ​ယဝ်ႉ၊-</verse>
				<verse number="46">လၢတ်ႈ​တီႈ​ပီႈ​ၼွင်ႉ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ဢွၼ်​ၵၼ်​ၵဵပ်း​မၢၵ်ႇ​ႁိၼ်​ဝႆႉ​သေ​ၵမ်း၊ ဝႃႈ​ၼင်ႇ​ၼႆ​လႄႈ၊ ၶဝ်​ဢွၼ်​ၵၼ်​ဢဝ် မၢၵ်ႇ​ႁိၼ်​လႄႈ မႄး​ႁဵတ်း​ၵွင်​မၢၵ်ႇ​ႁိၼ်​ဝႆႉ​သေ​ယဝ်ႉ၊ ႁဵတ်း​တၢင်း​ဢၼ်​ၵိၼ်​ဢၼ်​ၶူပ်း ၵႃႈ​ၼိူဝ်​ၵွင်​မၢၵ်ႇ​ႁိၼ်​ၼၼ်ႉ​ဢေႃႈ။-</verse>
				<verse number="47">ၵွင်​မၢၵ်ႇ​ႁိၼ်​ၼၼ်ႉ​ၸိုင်၊ လႃႇပၢၼ်ႇ ​ႁွင်ႉ​ႁဵၵ်ႈ​ၸိုဝ်ႈ ယေႇၵႃႇသႁႃႇတူႉသႃႉ ​ဢေႃႈ။ ယႃႇၵုပ်ႈ ​ၵေႃႈ​ႁွင်ႉ​ႁဵၵ်ႈ​ၸိုဝ်ႈ ၵီႉလတ်ႉ ​ဢေႃႈ။</verse>
				<verse number="48">လႃႇပၢၼ်ႇ ​လၢတ်ႈ​လႄႈ​ဝႃႈ၊ ဝၼ်း​မိူဝ်ႈ​ၼႆႉ ၵွင်​မၢၵ်ႇ​ႁိၼ်​ၼႆႉ​ပဵၼ်​သၢၵ်ႈ​သေႇ​ဝူင်ႈ​ၵၢင် ၵဝ်​တင်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ ႁွင်ႉ​ႁဵၵ်ႈ​ၸိုဝ်ႈ​ ၵီႉလတ်ႉ ​ဢေႃႈ။-</verse>
				<verse number="49">မီႉၸပႃႇ ဝႃႈ​ၼႆ​ၵေႃႈ​ယင်း​ႁွင်ႉ​ႁဵၵ်ႈ​ၸိုဝ်ႈ​လူး​ၵွၼ်ႇ​ဢေႃႈ။ လွင်ႈ​မၼ်း​ၸမ်ႉ လႃႇပၢၼ်ႇ ​လၢတ်ႈ​လႄႈ​ဝႃႈ၊ ဝၢႆး​သေ​ႁဝ်း​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၽၢတ်ႇ​ၵၼ်​ယၢၼ်​ၵၼ်​ၵႂႃႇ​ယဝ်ႉ​ၼၼ်ႉ၊ ႁႂ်ႈ​ထႃႇဝရႃႉ​ၽြႃး​ပႂ်ႉ​ဝူင်ႈ​ၵၢင်​ၵဝ်​တင်း​မႂ်း​သေ​ၵမ်း​လူၺ်ႈ။-</verse>
				<verse number="50">ပေႃး​မႂ်း​ၼိၵ်ႈ​ၸၢၵ်ႈ​ငႅၼ်း​သႄး​လုၵ်ႈ​ယိင်း​ၵဝ်​ၸိူဝ်း​ၼႆႉ၊ လိူဝ်​သေ လုၵ်ႈ​ယိင်း​ၵဝ်​ၸိူဝ်း​ၼႆႉ ပေႃး​မႂ်း​သိမ်း​ဢဝ်​မႄႈ​ယိင်း တၢင်ႇ​ၵေႃႉ​ထႅင်ႈ​ၸိုင်၊ ၵႃႈ​တီႈ​ႁႃး​ဢမ်ႇ​မီး​သၢၵ်ႈ​သေႇ​ၵူၼ်း။ ႁႂ်ႈ​ၽြႃး​ပဵၼ်​ၸဝ်ႈ​ပဵၼ်​သၢၵ်ႈ​သေႇ​ဝူင်ႈ​ၵၢင်​ၵဝ်​တင်း​မႂ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="51">လႃႇပၢၼ်ႇ ​သမ်ႉ​လၢတ်ႈ​တီႈ​ ယႃႇၵုပ်ႈ ​ထႅင်ႈ​လႄႈ​ဝႃႈ၊ တူၺ်း​ၵွင်​မၢၵ်ႇ​ႁိၼ်​ၼႆႉ ဢိၵ်ႇ​တင်း​သဝ်​တီႈ​မၢတ်ႈ​တီႈ​တွင်း​ၼႆႉ ဢၼ်​ၵဝ်​မႄး​ႁဵတ်း​ဝႆႉ​ဝူင်ႈ​ၵၢင်​ၵဝ်​တင်း​မႂ်း​ၼႆႉ​သေ​ၵမ်း။-</verse>
				<verse number="52">ႁႂ်ႈ​ၵွင်​မၢၵ်ႇ​ႁိၼ်​ၼႆႉ ဢိၵ်ႇ​တင်း​သဝ် တီႈ​မၢတ်ႈ​တီႈ​တွင်း​ၼႆႉ ပဵၼ်​သၢၵ်ႈ​သေႇ​လွင်ႈ​ဢၼ် ၵဝ်​ဢမ်ႇ​လႆႈ​ၶၢမ်ႈ​ပူၼ်ႉ ၵွင်​မၢၵ်ႇ​ႁိၼ်​ၼႆႉ ဢိၵ်ႇ​တင်း​သဝ်​တီႈ​မၢတ်ႈ​တီႈ​တွင်း​ၼႆႉ ႁႂ်ႈ​လႆႈ​ႁဵတ်း​တၢင်း​ၽိတ်း​သႂ်ႇ​တီႈ​မႂ်း။ မႂ်း​ၵေႃႈ​ဢမ်ႇ​လႆႈ​ၶၢမ်ႈ​ပူၼ်ႉ ၵွင်​မၢၵ်ႇ​ႁိၼ်​ၼႆႉ ဢိၵ်ႇ​တင်း​သဝ် တီႈ​မၢတ်ႈ​တီႈ​တွင်း​ၼႆႉ ႁႂ်ႈ​လႆႈ​ႁဵတ်း​တၢင်း​ၽိတ်း​သႂ်ႇ​တီႈ​ၵဝ်​ၼၼ်ႉ သေ​ၵမ်း​လူၺ်ႈ။-</verse>
				<verse number="53">ႁႂ်ႈ​ၽြႃး​ပဵၼ်​ၸဝ်ႈ​ ဢႃႇပြႃႇႁၢမ်ႇ ၊ ၽြႃး​ပဵၼ်​ၸဝ်ႈ​ ၼႃႇၶေႃႇ ၊ ၽြႃး​ပဵၼ်​ၸဝ်ႈ​ပေႃႈ​ၶဝ်​ၼၼ်ႉ ၸီႇ​ယၢင်ႇ​ဝူင်ႈ​ၵၢင်​ႁႃး​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။ ယႃႇၵုပ်ႈ ​ၵေႃႈ​ႁဵတ်း​တၢင်း​ဢၼ်​တိူင်ႇ​ၽြႃး​ဢၼ်​ပဵၼ်​တီႈ​ဢၼ်​ပေႃႈ​မၼ်း​ ဢီႉၸၢၵ်ႈ ​ၵူဝ်​ယမ်​ၼၼ်ႉ​ဢေႃႈ။-</verse>
				<verse number="54">မိူဝ်ႈ​ၼၼ်ႉ ယႃႇၵုပ်ႈ ပုၵ်ႈ​ၸေႃႇ​ယိတ်ႈ ၵႃႈ​ၼိူဝ်​လွႆ​ၼၼ်ႉ​လႄႈ ႁွင်ႉ​ပၢင်း​ဢဝ် ပီႈ​ၼွင်ႉ​မၼ်း​တင်း​လၢႆ ႁႂ်ႈ​လႆႈ​ၵိၼ်​လႆႈ​ၶူပ်း​ၶဝ်ႈ​မုၼ်း​ဢေႃႈ။ ၶဝ်​ၼၼ်ႉ​ၵေႃႈ ဢွၼ်​ၵၼ်​ၵိၼ်​ၶူပ်း​ၶဝ်ႈ​မုၼ်း​လႄႈ ႁႂ်ႈ​ပူၼ်ႉ​သေ​ၶိုၼ်း​ၼၼ်ႉ ၵႃႈ​ၼိူဝ်​လွႆ​ၼၼ်ႉ​ဢေႃႈ။-</verse>
				<verse number="55">ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ လႃႇပၢၼ်ႇ လုၵ်ႉ​လႄႈ​ၼူမ်​လုၵ်ႈ​ၸၢႆး​မၼ်း​ဢိၵ်ႇ​တင်း​လုၵ်ႈ​ယိင်း​မၼ်း​တင်း​လၢႆ​သေ​ယဝ်ႉ၊ ပၼ်​တၢင်း​လီ​တီႈ​ၶဝ်​သေ​လႄႈ ၶိုၼ်း​မိူဝ်း​ၵႂႃႇ​ၸူး ၵႃႈ​တီႈ​မိူင်း​ဢၼ်​မၼ်း​ယူႇ​ၼၼ်ႉ​သေ​ဢေႃႈ။</verse>
			</chapter>
			<chapter number="32">
				<verse number="1">ယႃႇၵုပ်ႈ ​သမ်ႉ​ၸွမ်း​တၢင်း​ၵႂႃႇ​လႄႈ တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​တင်း​လၢႆ​ႁူပ်ႉ​ထူပ်း​မၼ်း​ဢေႃႈ။-</verse>
				<verse number="2">ယႃႇၵုပ်ႈ ​ၼၼ်ႉ​ႁၼ်​ၶဝ်​ၼၼ်ႉ​သေ​ယဝ်ႉ​လၢတ်ႈ​လႄႈ​ဝႃႈ၊ ဢၼ်​ၼႆႉ​ပဵၼ်​တပ်ႉ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ​ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႈ မႁႃႇၼိမ်ႇ ​ဢေႃႈ။</verse>
				<verse number="3">မိူဝ်ႈ​ၼၼ်ႉ ယႃႇၵုပ်ႈ ​ပွႆႇ​ၸႂ်ႉ​ၵူၼ်း​ၵႂႃႇ​ဢွၼ်​တၢင်း​မၼ်း​ၸူး​ၵႃႈ​တီႈ​ ဢေးသေႃး ​ပီႈ​ဢၢႆႈ​မၼ်း​ၵႃႈ​တီႈ​မိူင်း​ ၸီႉရႃႉ ဢၼ်​ပဵၼ်​ပၢင်ႇ​ပဵင်း​ ဢေႇတုမ်ႇ ​ၼၼ်ႉ​လႄႈ သင်ႇ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="4">သူ​လဝ်ႊ​လၢတ်ႈ​တီႈ​ၸဝ်ႈ​ႁဝ်း​ ဢေးသေႃး ​ၼၼ်ႉ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ ယႃႇၵုပ်ႈ ​လဝ်ႊ​လၢတ်ႈ​မႃး​လႄႈ​ဝႃႈ၊ ၶႃႈ​ၸဝ်ႈ​လႆႈ​သွၼ်ႈ​ပိုင်ႈ ၵႃႈ​တီႈ​ လႃႇပၢၼ်ႇ ​လႄႈ ယူႇ​ႁၢၼ်ႉ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ၶႃႈ​ဢေႃႈ။-</verse>
				<verse number="5">ၶႃႈ​ၸဝ်ႈ​မီး​ဝူဝ်း​လႂ်၊ လီႈ​လႂ်၊ သူဝ်း​လႂ်၊ ပႄႉ​လႂ်၊ ဢိၵ်ႇ​တင်း​ၶႃႈ​ၵူၼ်း​ၸၢႆး​လႂ်၊ ၶႃႈ​ၵူၼ်း​ယိင်း​လႂ်​ယဝ်ႉ​ၶႃႈ​ဢေႃႈ။ ၶႃႈ​ၸဝ်ႈ​လဝ်ႊ​လၢတ်ႈ​ၵႂႃႇ​ႁႂ်ႈ​လႆႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ၶႃႈ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၵူၼ်း​ၸႂ်ႉ​ၸိူဝ်း​ၼၼ်ႉ​ၶိုၼ်း​မႃး ၵႃႈ​တီႈ​ ယႃႇၵုပ်ႈ ​လႄႈ​လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​ႁွတ်ႈ​ထိုင်​ၵႃႈ​တီႈ​ပီႈ​ဢၢႆႈ​ၸဝ်ႈ​ႁဝ်း​ ဢေးသေႃး ​ၼၼ်ႉ​မႃး​ၶႃႈ​ယဝ်ႉ။ မၼ်း​ၵေႃႈ​ၶီႇ​ဢဝ်​တင်း​ၵူၼ်း​သီႇ​ပၢၵ်ႇ​မႃး​ႁႂ်ႈ​လႆႈ​ထူပ်း​ႁၼ်​ၸဝ်ႈ​ႁဝ်း​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မိူဝ်ႈ​ၼၼ်ႉ​ ယႃႇၵုပ်ႈ ​ၵူဝ်​ႁႄ​ၼႃႇ​လူင်​လၢင်​လႄႈ မီး​တၢင်း​ဢၼ်​ယၢပ်ႇ​ၸႂ်​ယုင်ႈ​ၸႂ်​ယူႇ​သေ​လႄႈ ဢဝ်​ၵူၼ်း​ၵႃႈ​ဢၼ်​ပႃး​တီႈ​မၼ်း​ဢိၵ်ႇ​တင်း​ၽုင်​သူဝ်း၊ ၽုင်​ပႄႉ၊ ၽုင်​ဝူဝ်း၊ ၵလႃးဢုၵ်ႉ​ၸိူဝ်း​ၼၼ်ႉ ၽႄ​ႁဵတ်း​သွင်​မုၵ်ႉ​ဝႆႉ​ဢေႃႈ။-</verse>
				<verse number="8">လွင်ႈ​မၼ်း​ၸမ်ႉ မၼ်း​ဝႃႈ၊ ပေႃး​ ဢေးသေႃး ​ထူပ်း​ႁၼ်​မုၵ်ႉ​ၼိုင်ႈ​လႄႈ​တိုၵ်း​တေႃး​ယႃႉ​ပႅတ်ႈ​ၸိုင်၊ မုၵ်ႉ​ၼိုင်ႈ​ဢၼ်​ၵိုတ်း​ဝႆႉ​ၼၼ်ႉ တၵ်း​လွတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၵမ်း​ၼၼ်ႉ ယႃႇၵုပ်ႈ ​သူး​တွင်း​လႄႈ​ဝႃႈ၊ ၽြႃး​ပဵၼ်​ၸဝ်ႈ​ပေႃႈ​ၵဝ်​ၶႃႈ​ ဢႃႇပြႃႇႁၢမ်ႇ ၊ ၽြႃး​ပဵၼ်​ၸဝ်ႈ​ပေႃႈ​ၵဝ်​ၶႃႈ​ ဢီႉၸၢၵ်ႈ ၊ ထႃႇဝရႃႉ​ၽြႃး ဢၼ်​လၢတ်ႈ​တီႈ​ၶႃႈ​ၸဝ်ႈ​လႄႈ​ဝႃႈ၊ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မိူင်း​မႂ်း ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​တႃႉ။ ၵဝ်​တၵ်း​ႁဵတ်း​ၵျေး​ၸူး​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တီႈ​ၶႃႈ​ဢိူၺ်း၊-</verse>
				<verse number="10">ၼႂ်း​ၵရူႉၼႃႇ​တင်း​သဵတ်ႈ​ၸႃႇ​ၵႃႈ​ဢၼ်​ၸဝ်ႈ​ႁဝ်း​ၼႄ​ပျႃး​တီႈ​ၶႃႈ​ၸဝ်ႈ​ၼၼ်ႉ၊ ၶႃႈ​ၸဝ်ႈ​ဢမ်ႇ​ထိူၵ်ႈ​လႆႈ​ၶၢမ်ႇ​ဢၼ်​လဵၵ်ႉ​သေ​ပိူၼ်ႈ တီႈ​ၶႃႈ၊ မိူဝ်ႈ​ဢွၼ်​ၼႆႉ​ၼၼ်ႉ ၶႃႈ​ၸဝ်ႈ​လႆႈ​ဢဝ်​တင်း​ၶွၼ်ႉ​တဝ်ႉ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၼႆႉ​ၵႂႃႇ​တီႈ​ၶႃႈ​ဢေႃႈ။ တေႃႈ​လဵဝ်​ၼႆႉ​ၸမ်ႉ၊ လႆႈ​ပဵၼ်​သွင်​မုၵ်ႉ​သွင်​ၸိူဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ ၶျွတ်ႈ​ဢဝ်​ၶႃႈ​ၸဝ်ႈ ၵႃႈ​ၼႂ်း​မိုဝ်း​ပီႈ​ဢၢႆႈ​ၶႃႈ​ၸဝ်ႈ​ ဢေးသေႃး ​ၼၼ်ႉ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ၵူဝ်​ႁႄ​မၼ်း​လႄႈ မႆႈ​ၸႂ်​လူၺ်ႈ​လွင်ႈ​ဢၼ်​မၼ်း​တၵ်း​မႃး​တိုၵ်း​တေႃး​ယႃႉ​ပႅတ်ႈ​ၶႃႈ​ၸဝ်ႈ ဢိၵ်ႇ​တင်း​မေး​တင်း​လုၵ်ႈ​လၢင်း​တင်း​လၢႆ​ၼၼ်ႉ ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="12">ၸဝ်ႈ​ႁဝ်း​လႆႈ​ဝႃႈ၊ ၵဝ်​တၵ်း​ႁဵတ်း​ၵျေး​ၸူး​တီႈ​မႂ်း​ဢမၢၼ်ႇ​ၶၼ်​ပဵၼ်​လႄႈ ႁႂ်ႈ​ၸိူဝ်ႉ​ၶိူဝ်း​မႂ်း​ပဵၼ်​မိူၼ်​ၸိူဝ်ႉ​ၼင်ႇ သၢႆး​ၼမ်ႉ​သမ်ႇ​မုၵ်ႉ​တြႃႇ​ဢၼ်​ၼမ်​ၼႃႇ​ထၼ်ႈ​ပေႃး ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">မၼ်း​ၼၼ်ႉ​ယူႇ​ၵႃႈ​တီႈ​ၼၼ်ႈ​ၶိုၼ်း​ၼၼ်ႉ​သေ​ယဝ်ႉ၊ ပုၼ်ႈ​ဢၼ်​တၵ်း​သၢၵ်ႈ​ပၼ်​လၢၵ်ႈ​သွင်ႇ​တီႈ​ပီႈ​ဢၢႆႈ​မၼ်း ဢေးသေႃး ​ၼၼ်ႉ​ၸိုင်၊ ဢဝ်​ဢွၵ်ႇ​ၵႃႈ​ၼႂ်း​ဢုၵ်ႉ​ၸႃႇ​ဢၼ်​မီး​တီႈ​မိုဝ်း​မၼ်း​ၼၼ်ႉ၊-</verse>
				<verse number="14">ပႄႉ​မႄႈ​သွင်​ပၢၵ်ႇ၊ ပႄႉ​ပေႃႈ​သၢဝ်း​ၼိုင်ႈ၊ သူဝ်း​မႄႈ​သွင်​ပၢၵ်ႇ၊ သူဝ်း​ပေႃႈ​သၢဝ်း​ၼိုင်ႈ၊-</verse>
				<verse number="15">ၵလႃးဢုၵ်ႉ​တူဝ်​မႄႈ​ဢၼ်​မိပ်ႇ​ၼမ်ႉ​ၼူမ်း​တင်း​လုၵ်ႈ​ဢွၼ်ႇ​ၶဝ် ဢၼ်​ၵိၼ်​ၼူမ်း​သၢမ်​သိပ်း၊ ဝူဝ်း​မႄႈ​သီႇ​သိပ်း၊ ဝူဝ်း​ပေႃႈ​သိပ်း​ၼိုင်ႈ၊ လီႈ​မႄႈ​သၢဝ်း​ၼိုင်ႈ တင်း​လီႈ ဢွၼ်ႇ​သိပ်း​ၼိုင်ႈ​လႄႈ၊-</verse>
				<verse number="16">ဝႆႉ​ၶေႃ​ၶေႃ​ၽုင်​လႂ်​ၽုင်​ၼၼ်ႉ​လႄႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶႃႈ​မၼ်း​တင်း​လၢႆ​သေ​ယဝ်ႉ၊ သင်ႇ​လၢတ်ႈ​တီႈ​ၶႃႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ သူ​ၶၢမ်ႈ​ၵႂႃႇ​ဢွၼ်​တၢင်း​ၵဝ်​လႄႈ ႁႂ်ႈ​ၶၢဝ်း​တၢင်း​ၽုင်​ၼိုင်ႈ​လႄႈ​ၽုင်​ၼိုင်ႈ​ယၢၼ်​ၵၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မၼ်း​သင်ႇ​လၢတ်ႈ​တီႈ​ၵေႃႉ​ဢၼ်​ၵႂႃႇ​ဢွၼ်​တၢင်း​ပိူၼ်ႈ​ၼၼ်ႉ​လႄႈ​ဝႃႈ၊ မိူဝ်ႈ​ဢၼ်​ပီႈ​ဢၢႆႈ​ၵဝ်​ ဢေးသေႃး ​ၼၼ်ႉ ထူပ်း​ႁၼ်​မႂ်း​လႄႈ​ထၢမ်​ဝႃႈ၊ မႂ်း​ပဵၼ်​ၵူၼ်း​ၽူႈ​လႂ်။ တၵ်း​ၵႂႃႇ​ၵႃႈ​တီႈ​လႂ်။ တရိၵ်ႈသၢၼ်ႇ​ဢၼ်​မီး​ၵႃႈ​တီႈ​ၽၢႆႇ​ၼႃႈ​မႂ်း​ၸိူဝ်း​ၼႆႉ ပဵၼ်​ဢုၵ်ႉ​ၸႃႇ​ၶွင်​ၽူႈ​လႂ်၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="18">မႂ်း​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ပဵၼ်​ဢုၵ်ႉ​ၸႃႇ​ၶွင်​ၶႃႈ​ၸဝ်ႈ​ႁဝ်း​ ယႃႇၵုပ်ႈ ​ၶႃႈ​ဢေႃႈ။ ဢၼ်​ၼႆႉ​ပဵၼ်​လၢၵ်ႈ​သွင်ႇ​ဢၼ်​တၵ်း​သၢၵ်ႈ​ပၼ် တီႈ​ၸဝ်ႈ​ႁဝ်း​ ဢေးသေႃး ​ၶႃႈ​ဢေႃႈ။ မၼ်း​မီး​ယူႇ​ၵႃႈ​တီႈ​ၽၢႆႇ​လင်​ပုၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မိူၼ်​ၼင်ႇ​ၼႆ​မၼ်း​သမ်ႉ​သင်ႇ​လၢတ်ႈ​တီႈ​ၸႃႉ​ၸဵမ်​ၵေႃႉ​တူႉတီႉယႃႉ၊ ၵေႃႉ​တႃႉတီႉယႃႉ ဢိၵ်ႇ​တင်း​ၶဝ်​ၸိူဝ်း​ဢၼ်​ၸွမ်း​မုၵ်ႉ​လႂ်​မုၵ်ႉ​ၼၼ်ႉ တင်း​သဵင်ႈ​တင်း​လူင်​လႄႈ​ဝႃႈ၊ မိူဝ်ႈ​ဢၼ်​သူ​ထူပ်း​ႁၼ်​ ဢေးသေႃး ​ၸိုင်၊ လဝ်ႊ​လၢတ်ႈ​မိူၼ်​ၸိူဝ်ႉ​ၼင်ႇ​ၼၼ်​တႃႉ။-</verse>
				<verse number="20">သမ်ႉ​လဝ်ႊ​လၢတ်ႈ​ထႅင်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ ယႃႇၵုပ်ႈ ​ၵေႃႈ​မီး​ယူႇ​ၵႃႈ​တီႈ​ၽၢႆႇ​လင်​ပုၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ မၼ်း​ၵျၢမ်ႇ​ၼႂ်း​ၸႂ်​လႄႈ​ဝႃႈ၊ ၵဝ်​တၵ်း​ဢဝ်​တင်း​လၢၵ်ႈ​သွင်ႇ​ဢၼ်​ဢွၵ်ႇ​ၵႂႃႇ​ဢွၼ်​တၢင်း​ၵဝ်​ယူႇ​ၼၼ်ႉ ႁႂ်ႈ​မၼ်း​ပေႇ​ၸႂ်​ဢေႃႈ။ လိုၼ်း​သေ​ၼၼ်ႉ မိူဝ်ႈ​ဢၼ်​ၵဝ်​ထူပ်း​ႁၼ်​ၼႃႈ​မၼ်း​ၼၼ်ႉ​ၸိုင်၊ မၼ်း​ၸၢင်ႈ​ၶႄး​တၵ်း​ႁပ်ႉ​တုင်း​ဢဝ်​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၼင်ႇ​ၼၼ်​လႄႈ လၢၵ်ႈ​သွင်ႇ​ၼၼ်ႉ​ၶၢမ်ႈ​ၵႂႃႇ​ဢွၼ်​တၢင်း​မၼ်း​လႄႈ ၶိုၼ်း​ၼၼ်ႉ​တူဝ်​မၼ်း​ၼွၼ်း​ယူႇ​ၵႃႈ​တီႈ​ဢၼ်​ၵူၼ်း​မၼ်း ၸူႉ​ၵၼ်​တုမ်​ၵၼ်​ၼၼ်ႉ​ဢေႃႈ။</verse>
				<verse number="22">ၸူဝ်ႈ​ဢၼ်​ၶိုၼ်း​ၼၼ်ႉ​ဢမ်ႇ​ပႆႇ​သဵင်ႈ​ၼၼ်ႉ​ၸိုင်၊ မၼ်း​လုၵ်ႉ​လႄႈ​ဢဝ်​မေး​မၼ်း​သွင်​ၵေႃႉ၊ တင်း​မႄႈ​ယိင်း​ၶႃႈ​မၼ်း​သွင်​ၵေႃႉ၊​တင်း​လုၵ်ႈ​ၸၢႆး​မၼ်း​သိပ်း​ဢဵတ်း​ၵေႃႉ​လႄႈ ၶၢမ်ႈ​ၼမ်ႉ​ႁွင်ႈ​ ယပ်ႉပုၵ်ႉ တီႈ​ဢၼ်​တိုၼ်ႈ​ၼၼ်ႉ​ဢေႃႈ။-</verse>
				<verse number="23">ၼင်ႇ​ၼၼ်​လႄႈ မၼ်း​ဢဝ်​ၶဝ်​ၼၼ်ႉ ဢိၵ်ႇ​တင်း​ဢုၵ်ႉ​ၸႃႇ​ၶူဝ်း​လဵင်း​မၼ်း ၵႃႈ​မီး​တင်း​သဵင်ႈ​တင်း​လူင် ႁႂ်ႈ​ၶၢမ်ႈ​ၼမ်ႉ​ႁွင်ႈ​ၼၼ်ႉ​သေ​ယဝ်ႉ၊-</verse>
				<verse number="24">ယႃႇၵုပ်ႈ ​ၵိုတ်း​သဝ်း​ယူႇ​ၵေႃႉ​လဵဝ်​ၵူၺ်း​လႄႈ ၵူၼ်း​ၵေႃႉ​ၼိုင်ႈ​ၵၼ်ႉ​ၵၼ်​တင်း​မၼ်း​တေႃႇ​ထိုင်​ႁွတ်ႈ​မိူင်း​ထၼ်ႈ​ပေႃး​လႅင်း​ဢေႃႈ။-</verse>
				<verse number="25">ၵေႃႉ​ၼၼ်ႉ​ႁူႉ​ႁၼ်​လွင်ႈ​ဢၼ်​တူဝ်​ၸဝ်ႈ​ၵဝ်ႇ ဢမ်ႇ​ပႄႉ​ဢမ်ႇ​ၼႅင်ႇ​ၼၼ်ႉ​သေ​ယဝ်ႉ၊ တိူဝ်ႉ​သႂ်ႇ​ႁူဝ်​လုပ်ႇ​ငဝ်ႈ​ၶႃ ယႃႇၵုပ်ႈ ​လႄႈ ငဝ်ႈ​ၶႃ​ၵုမ်ႇ​မၼ်း​ၸုတ်ႈ​ၵႂႃႇ​ၼႂ်း​မိူဝ်ႈ​ဢၼ် ယင်း​တိုၵ်ႉ​ၵၼ်ႉ​ၵၼ်​ယူႇ​ၼၼ်ႉ​ဢေႃႈ။-</verse>
				<verse number="26">ၵေႃႉ​ၼၼ်ႉ​လၢတ်ႈ​လႄႈ​ဝႃႈ၊ ပွႆႇ​ၵဝ်​သေ​ၵမ်း။ မိူင်း​ၸႃႉ​ႁႃ​လႅင်း​မႃး​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​လၢတ်ႈ​လႄႈ​ဝႃႈ၊ ပေႃး​ဢမ်ႇ​ပၼ်​တၢင်း​လီ​တီႈ​ၵဝ်​ၶႃႈ​ၸိုင်၊ ၵဝ်​ၶႃႈ​ဢမ်ႇ​ပွႆႇ​ၶႃႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ၵေႃႉ​ၼၼ်ႉ​ၵေႃႈ ထၢမ်​လႄႈ​ဝႃႈ၊ ၸိုဝ်ႈ​သဵင်​မႂ်း​ၸမ်ႉ၊ ပဵၼ်​ၸိုဝ်ႈ​သဵင်​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ပဵၼ်​ ယႃႇၵုပ်ႈ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၵေႃႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၸိုဝ်ႈ​သဵင်​မႂ်း​ၸိုင်​ၵမ်း​လိုၼ်း​ဢမ်ႇ​လႆႈ​ႁွင်ႉ​ႁဵၵ်ႈ​ဝႃႈ​ ယႃႇၵုပ်ႈ ။ တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ​ဝႃႈ ဢီႉသရေႇလႃႉ ​ဢေႃႈ။ လွင်ႈ​မၼ်း​ၸမ်ႉ မႂ်း​ၼႆႉ​ၶဵင်ႇ​ၵၼ်​တင်း​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵူၼ်း​လႄႈ ပႄႉ​ၼႅင်ႇ​မိူၼ်​ၸိူဝ်ႉ​ၼင်ႇ​ၶုၼ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ယႃႇၵုပ်ႈ ​ၵေႃႈ​ထၢမ်​လႄႈ​ဝႃႈ၊ မွၵ်ႇ​လၢတ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၵဝ်​ၶႃႈ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​လၢတ်ႈ​လႄႈ​ဝႃႈ၊ ႁဵတ်း​သင်​လႄႈ ထၢမ်​ၼႃႇ​မႃႉ​ၸိုဝ်ႈ​သဵင်​ၵဝ်​ၼင်ႇ​ႁိုဝ်။ ဝႃႈ​ၼင်ႇ​ၼႆ​လႄႈ ပၼ်​တၢင်း​လီ​တီႈ​မၼ်း ၵႃႈ​တီႈ​ၼၼ်ႈ​ဢေႃႈ။-</verse>
				<verse number="30">ၵႃႈ​တီႈ​ၼၼ်ႈ​ၸိုင် ယႃႇၵုပ်ႈ ​ႁွင်ႉ​ႁဵၵ်ႈ​ၸိုဝ်ႈ​ ပေႇၺေႇလႃႉ ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ပိၵ်ႉ​သမ်ႉ​ၵဝ်​လႆႈ​ႁူပ်ႉ​ထူပ်း​တေႃႇ​ၼႃႈ ၵၼ်​တင်း​ၽြႃး​ပဵၼ်​ၸဝ်ႈ​သေ​ၵေႃႈ၊ ဢသၢၵ်ႈ​ယင်း​ၵတ်း​ယဵၼ်​ၶျၢမ်း​သႃႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">မိူဝ်ႈ​ဢၼ်​ ယႃႇၵုပ်ႈ ​ပူၼ်ႉ​သေ​ၵႃႈ​တီႈ​ ပေႇၺေႇလႃႉ ​ၼၼ်ႉ၊ ပဵၼ်​ၶိင်ႇ​ဢၼ်​ၵၢင်​ဝၼ်း​ဢွၵ်ႇ​လႄႈ မၼ်း​ၵေႃႈ​ပႆ​ၶႄႉ​ယႄႉ​ၶႄႉ​ယႄႉ ၵႂႃႇ​ဢေႃႈ။-</verse>
				<verse number="32">ပိူဝ်ႈ​ဢၼ်​မၼ်း​ၸဝ်ႈ​တိူဝ်ႉ​သႂ်ႇ​ဢဵၼ်​လူင်​ဢၼ်​မီး​ၵႃႈ​တီႈ​ႁူဝ်​လုပ်ႇ​ငဝ်ႈ​ၶႃ​ ယႃႇၵုပ်ႈ ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ မီး​ထုင်း​ၸၢမ်ႇ ဢၼ်​ဢမ်ႇ​ၵိၼ်​ဢဵၼ်​လူင်​ဢၼ်​မီး​ၵႃႈ​တီႈ​ႁူဝ်​လုပ်ႇ​ငဝ်ႈ​ၶႃ​ၼၼ်ႉ ႁၢၼ်ႉ​တေႃႇ​ဝၼ်း​မိူဝ်ႈ​ၼႆႉ​ဢေႃႈ။</verse>
			</chapter>
			<chapter number="33">
				<verse number="1">မိူဝ်ႈ​ၼၼ်ႉ​ ယႃႇၵုပ်ႈ ​မုင်ႈ​တူၺ်း​လႄႈ​ႁၼ်​ပီႈ​ဢၢႆႈ​မၼ်း​ ဢေးသေႃး ၶီႇ​ဢဝ်​တင်း​ၵူၼ်း​သီႇ​ပၢၵ်ႇ​မႃး​ၼၼ်ႉ​သေ​ယဝ်ႉ၊ ဢဝ်​လုၵ်ႈ​ၸၢႆး​တင်း​လၢႆ ၽႄ​မႅင်ႇ​ပၼ်​တီႈ​ လေႇဢႃႇ ​တင်း​ ရႃႇၶေႇလႃႉ ဢိၵ်ႇ​တင်း​မႄႈ​ယိင်း​ၶႃႈ​သွင်​ၵေႃႉ ၸိူဝ်း​ၼၼ်ႉ​ဢေႃႈ။-</verse>
				<verse number="2">မႄႈ​ယိင်း​ၶႃႈ​သွင်​ၵေႃႉ​တင်း​လုၵ်ႈ​လၢင်း​ၶဝ်​ၼၼ်ႉ​ဝႆႉ​ၵႃႈ​တီႈ​ဢွၼ်​တၢင်း၊ လေႇဢႃႇ ​တင်း​လုၵ်ႈ​လၢင်း​မၼ်း​တင်း​လၢႆ ဝႆႉ​ၵႃႈ​တီႈ​ၶိုင်ႈ​ၵၢင်၊ ရႃႇၶေႇလႃႉ ​တင်း​ ယူဝ်းသႅပ်ႈ ​ဝႆႉ​ၵႃႈ​တီႈ​လိုၼ်း​လင်​ဢေႃႈ။-</verse>
				<verse number="3">တူဝ်​မၼ်း​ပူၼ်ႉ​ၵႂႃႇ​ဢွၼ်​တၢင်း​ၶဝ်​ၼၼ်ႉ​လႄႈ ၵူမ်ႈ​ႁူဝ်​ၶုပ်ႉ​မူပ်ႇ​တေႃႇ​ထိုင်​ႁွတ်ႈ​ၸဵတ်း​ပွၵ်ႈ​သေ​ယဝ်ႉ၊ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ႁိမ်း​ပီႈ​ဢၢႆႈ​မၼ်း​ဢေႃႈ။-</verse>
				<verse number="4">မိူဝ်ႈ​ၼၼ်ႉ ဢေးသေႃး လႅၼ်ႈ​မႃး​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​လႄႈ ၵွတ်ႇ​ၶေႃး​မၼ်း​ၸုပ်ႇ​ၼူမ်​သေ​ယဝ်ႉ၊ သွင်​ၶႃ​ႁႆႈ​တေႃႇ​ၵၼ်​ဢေႃႈ။-</verse>
				<verse number="5">ဝၢႆး​ၼၼ်ႉ​မုင်ႈ​တူၺ်း​လႄႈ မိူဝ်ႈ​ဢၼ်​ႁၼ်​ၽူႈ​ယိင်း​တင်း​လၢႆ ဢိၵ်ႇ​တင်း​လုၵ်ႈ​ဢွၼ်ႇ​ၶဝ်​ၸိူဝ်း​ၼၼ်ႉ​သေ​ယဝ်ႉ၊ ထၢမ်​လႄႈ​ဝႃႈ၊ ၶဝ်​ၸိူဝ်း​ဢၼ်​မီး​တီႈ​မႂ်း​ၼႆႉ​ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပဵၼ်​လုၵ်ႈ​ဢွၼ်ႇ​ဢၼ်​ၽြႃး​ပဵၼ်​ၸဝ်ႈ ဢဵတ်း​လူ​ပၼ်​တီႈ​ၶႃႈ​ၸဝ်ႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">မႄႈ​ယိင်း​ၶႃႈ​ဢိၵ်ႇ​တင်း​လုၵ်ႈ​လၢင်း​ၶဝ်​ၸိူဝ်း​ၼၼ်ႉ သုတ်ႉ​ၸမ်​လႄႈ​ၵူမ်ႈ​ၵွမ်း​ႁူဝ်​ဢေႃႈ။-</verse>
				<verse number="7">ဝၢႆး​ၼၼ်ႉ လေႇဢႃႇ ​တင်း​လုၵ်ႈ​လၢင်း​မၼ်း​ၸိူဝ်း​ၼၼ်ႉ​သုတ်ႉ​ၸမ်​လႄႈ ၵူမ်ႈ​ၵွမ်း​ႁူဝ်​ဢေႃႈ။ လိုၼ်း​ၼၼ်ႉ​ ယူဝ်းသႅပ်ႈ တင်း​ ရႃႇၶေႇလႃႉ သုတ်ႉ​ၸမ်​လႄႈ ၵူမ်ႈ​ၵွမ်း​ႁူဝ်​ဢေႃႈ။-</verse>
				<verse number="8">ဢေးသေႃး ​ၵေႃႈ​ထၢမ်​လႄႈ​ဝႃႈ၊ ၽုင်​တရိၵ်ႈသၢၼ်ႇ​ဢၼ်​ၵဝ်​လႆႈ​ထူပ်း​ႁၼ်​ယဝ်ႉ​တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ ပဵၼ်​လွင်ႈ​တၢင်း ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပဵၼ်​ပုၼ်ႈ​ဢၼ်​တၵ်း​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ဢေးသေႃး ​လၢတ်ႈ​လႄႈ​ဝႃႈ၊ ၼွင်ႉ​ၸၢႆး​ၵဝ်​ဢိူၺ်း၊ တီႈ​ၵဝ်​မီး​ၵုမ်ႇ​ၵုမ်ႇ​လုမ်ႇ​လုမ်ႇ​ယူႇ​ဢေႃႈ။ ဢုၵ်ႉ​ၸႃႇ​မႂ်း​ၸိုင်၊ ဢဝ်​ဝႆႉ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ယႃႇၵုပ်ႈ ​ၵေႃႈ​လၢတ်ႈ​လႄႈ​ဝႃႈ၊ ယႃႇ​ပေ​ဝႃႈ​ၸိူဝ်ႉ​ၼင်ႇ​ၼၼ်​သေ​ၵမ်း​ၶႃႈ။ ပေႃး​ၶႃႈ​ၸဝ်ႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း ၸိုင်၊ ၶၢမ်ႇ​ဢဝ်​လၢၵ်ႈ​သွင်ႇ​ဢၼ်​ၵဝ်​ၶႃႈ​သၢၵ်ႈ​ၼႆႉ​သေ​ၵမ်း​ၶႃႈ။ လႆႈ​ႁၼ်​ၼႃႈ​ၸဝ်ႈ​ႁဝ်း မိူၼ်​ၸိူဝ်ႉ​ၼင်ႇ​လႆႈ​ႁၼ် ၼႃႈ​ၽြႃး​ပဵၼ်​ၸဝ်ႈ​ၼၼ်ႉ ၶႃႈ​ဢေႃႈ။ ၸႂ်​ၸဝ်ႈ​ႁဝ်း​ၵေႃႈ ဢူၼ်ႈ​ဢွၼ်ႇ​တီႈ​ၶႃႈ​ၸဝ်ႈ​ယူႇ​ၶႃႈ​ဢေႃႈ။-</verse>
				<verse number="11">ၶၢမ်ႇ​ဢဝ်​မင်ႇၵလႃႇ​ၶႃႈ​ၸဝ်ႈ​ဢၼ်​ႁွတ်ႈ​ထိုင် ၵႃႈ​တီႈ​ၸဝ်ႈ​ႁဝ်း​ၼၼ်ႉ​သေ​ၵမ်း​ၶႃႈ။ ၽြႃး​ပဵၼ်​ၸဝ်ႈ​ႁဵတ်း​ၵျေး​ၸူး​ၼမ်​ၼႃႇ​လူင်​လၢင်​တီႈ​ၶႃႈ​ၸဝ်ႈ​ယဝ်ႉ​ၶႃႈ​ယဝ်ႉ။ တီႈ​ၶႃႈ​ၸဝ်ႈ​မီး​ၵုမ်ႇ​ၵုမ်ႇ​လုမ်ႇ​လုမ်ႇ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ ၵွပ်ႈ​ပိူဝ်ႈ​ဢၼ် တိုၵ်း​ယူင်း​မၼ်း​ၼႃႇ​လူင်​လၢင်​ၼၼ်ႉ​လႄႈ​မၼ်း​ၸင်ႇ​လႆႈ​ၶၢမ်ႇ​ဢဝ်​ဢေႃႈ။</verse>
				<verse number="12">မၼ်း​ၵေႃႈ​လၢတ်ႈ​လႄႈ​ဝႃႈ၊ ပႆ​တၢင်း​လႄႈ​ၵႂႃႇ​လူၺ်ႈ​ၵၼ်​တႃႉ​ႁဝ်း။ ၵဝ်​တၵ်း​ၵႂႃႇ​ပႃႈ​ၼႃႈ​မႂ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">ယႃႇၵုပ်ႈ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ၸဝ်ႈ​ႁဝ်း​ႁူႉ​ယူႇ​ၼၼ်ႉ၊ လုၵ်ႈ​ဢွၼ်ႇ​ၸိူဝ်း​ၼႆႉ​ယင်း​လဵၵ်ႉ​ယင်း​ၼုမ်ႇ​ၼႃႇ​ၶႃႈ​ဢေႃႈ။ ၽုင်​သူဝ်း၊ ၽုင်​ပႄႉ၊ ၽုင်​ဝူဝ်း​ဢၼ်​ပႃး​တင်း​လုၵ်ႈ​ဢွၼ်ႇ​ၸိူဝ်း​ၼႆႉ​ၵေႃႈ ပႃး​မႃး​တီႈ​ၶႃႈ​ၸဝ်ႈ​ဢေႃႈ။ ပေႃး​ႁေႃႈ​ႁိပ်ႈ​ႁေႃႈ​ၼႅတ်ႈ​ၼႃႇ ဝၼ်း​ၼိုင်ႈ​ၸိုင်၊ ၵႃႈ​မီး​တင်း​သဵင်ႈ​တင်း​လူင်​တၵ်း​တၢႆ​ၶႃႈ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ ၸဝ်ႈ​ႁဝ်း​ၶႅၼ်း​တေႃႈ​ၵႂႃႇ​ဢွၼ်​တၢင်း​ၶႃႈ​ၸဝ်ႈ​ႁဝ်း​သေ​ၵမ်း​ၶႃႈ။ ၶႃႈ​ၸဝ်ႈ​ၸမ်ႉ၊ ၵႃႈ​ၼင်ႇ​ဢၼ်​တရိၵ်ႈသၢၼ်ႇ​ဢၼ်​ပႃး​လူၺ်ႈ​ၵၼ်​တင်း​ၶႃႈ​ၸဝ်ႈ ဢိၵ်ႇ​တင်း​လုၵ်ႈ​ဢွၼ်ႇ​ၸိူဝ်း​ၼႆႉ​တၢတ်ႈ​ၼိူင်ႇ​လႆႈ​ၼၼ်ႉ တၵ်း​ဢဝ်​သူင်ႇ​ၵႂႃႇ​လွႆး​လွႆး​ႁႂ်ႈ​ႁွတ်ႈ​ထိုင်​ၵႃႈ​တီႈ မိူင်း​ ၸီႉရႃႉ တီႈ​ဢၼ်​ၸဝ်ႈ​ႁဝ်း​ယူႇ​ပုၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ဢေးသေႃး ​ၵေႃႈ​လၢတ်ႈ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ႁႂ်ႈ​ၵူၼ်း​ဢၼ်​ပႃး​တီႈ​ၵဝ်​ၼႆႉ ၵမ်ႈ​ၽွင်ႈ​ၵိုတ်း​ယူႇ​တီႈ​မႂ်း​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယႃႇၵုပ်ႈ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မီး​လွင်ႈ​ၼင်ႇ​ႁိုဝ်​ၶႃႈ။ ႁႂ်ႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="16">ၼႂ်း​ဝၼ်း​ၼၼ်ႉ​ ဢေးသေႃး ​ၸွမ်း​သဵၼ်ႈ​တၢင်း​လႄႈ​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မိူင်း​ ၸီႉရႃႉ ​သေ​ဢေႃႈ။</verse>
				<verse number="17">ယႃႇၵုပ်ႈ ​ၵေႃႈ ၸွမ်း​တၢင်း​ၵႂႃႇ ၵႃႈ​တီႈ​ သူႉၵုတ်ႉ ​လႄႈ ႁဵတ်း​ႁိူၼ်း​ပုၼ်ႈ​ဢၼ်​မၼ်း​တၵ်း​ယူႇ​ဢိၵ်ႇ​တင်း​သုမ်ႉ​ပုၼ်ႈ​ဢၼ် တရိၵ်ႈသၢၼ်ႇ​တၵ်း​ယူႇ​ၼမ်​ၼႃႇ​ဢေႃႈ။ ပိူဝ်ႈ​ၼႆ​လႄႈ မၼ်း​ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႉ သူႉၵုတ်ႉ ​ဢေႃႈ။</verse>
				<verse number="18">လိုၼ်း​ၼၼ်ႉ ယႃႇၵုပ်ႈ ​ၵၢင်း​လွတ်ႈ​တၢင်း​ၽေး​သေ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ သေႇၶိမ်ႇ ဢၼ်​မီး​ၵႃႈ​ၼႂ်း​မိူင်း​ ၶႃႇၼၢၼ်ႇ ၼႂ်း​ၶိင်ႇ​မိူဝ်ႈ​ဢၼ် မၼ်း​လုၵ်ႉ​သေ ၵႃႈ​တီႈ​မိူင်း​ ပႃႇတၼ်ႇဢႃႇရမ်ႇ ​ၶိုၼ်း​မႃး​ၼၼ်ႉ​ဢေႃႈ။ မၼ်း​မုင်း​မူဝ်းၵႃႇ​မၼ်း ၵႃႈ​တီႈ​ၽၢႆႇ​ၼႃႈ ဝဵင်း​ၼၼ်ႉ​ဢေႃႈ။-</verse>
				<verse number="19">ၵႂၢၵ်ႈ​လိၼ်​ဢၼ်​မၼ်း​မုင်း​မူဝ်းၵႃႇ​ၼၼ်ႉ​ၸိုင် မၼ်း​လႆႈ​ဢဝ်​တင်း​ငိုၼ်း​ၸွႆႉ​ၼိုင်ႈ သိုဝ်ႉ​ဢဝ်​တီႈ​လုၵ်ႈ​ၸၢႆး​ ႁႃႇမေႃႇ ဢၼ်​ပဵၼ်​ပေႃႈ​ သေႇၶိမ်ႇ ​ၼၼ်ႉ​တင်း​လၢႆ​ၼၼ်ႉ​ဢေႃႈ။-</verse>
				<verse number="20">ၵႃႈ​တီႈ​ၼၼ်ႈ​ၵေႃႈ မၼ်း​ႁဵတ်း​ယိတ်ႈပလၢင်ႇ​သေ​ယဝ်ႉ၊ ႁွင်ႉ​ႁဵၵ်ႈ​ၸိုဝ်ႈ​ ဢေးလေးလေႃႇႁီႉ​ဢီႉသရေႇလႃႉ ​ဢေႃႈ။</verse>
			</chapter>
			<chapter number="34">
				<verse number="1">တီႉၼႃႉ ​လုၵ်ႈ​ယိင်း​ဢၼ်​ လေႇဢႃႇ ၵိူတ်ႇ​လဵင်ႉ​မႃး​တီႈ​ ယႃႇၵုပ်ႈ ​ၼၼ်ႉ​ဢွၵ်ႇ​ၵႂႃႇ​ႁႂ်ႈ​လႆႈ​လူ​လႆႈ​တူၺ်း လုၵ်ႈ​ယိင်း​ၸိူဝ်ႉ​ၶိူဝ်း​ၵူၼ်း​မိူင်း ၼၼ်ႉ​ဢေႃႈ။-</verse>
				<verse number="2">သေႇၶိမ်ႇ ​လုၵ်ႈ​ၸၢႆး​ ႁႃႇမေႃႇ ၊ ၵူၼ်း​ ႁိတ်ႉတီႉ ၊ ၶုၼ်​ဢၼ်​ဢုပ်ႉ​ၵႃႈ​ၼိူဝ်​မိူင်း​ၼၼ်ႉ​ႁၼ်​ တီႉၼႃႉ ​လႄႈ ဢဝ်​မၼ်း​ၵႂႃႇ​သေ​ယဝ်ႉ၊ ႁဵတ်း​တၢင်း​ဢၼ်​ၼွၼ်း​လူၺ်ႈ​ၵၼ်​တင်း​မၼ်း​လႄႈ ယႃႉ​သရေႇ​မၼ်း​ဢေႃႈ။-</verse>
				<verse number="3">လိုၼ်း​ၼၼ်ႉ ၸႂ်​ဢၼ်​ႁၵ်ႉ​ပႅင်း​ တီႉၼႃႉ ​လုၵ်ႈ​ယိင်း​ ယႃႇၵုပ်ႈ ​ၼၼ်ႉ ဢမ်ႇ​သုတ်း​ဢမ်ႇ​သဵင်ႈ၊ ႁၵ်ႉ​ပႅင်း​မႄႈ​ယိင်း​ဢွၼ်ႇ​ၼၼ်ႉ​ယူႇ​သေႇ​သေႇ​လႄႈ ဢဝ်​ၵႂၢမ်း​လၢတ်ႈ​ၶျေႃး​ဢဝ်​ႁူဝ်​ၸႂ်​မၼ်း​ယူႇ​ဢေႃႈ။-</verse>
				<verse number="4">တီႈ​ပေႃႈ​မၼ်း​ၶုၼ်​ ႁႃႇမေႃႇ ​ၼၼ်ႉ​ၵေႃႈ​ သေႇၶိမ်ႇ ​လဝ်ႊ​ဝႃႈ၊ ၼင်ႇ​ႁိုဝ်​မႄႈ​ယိင်း​ဢွၼ်ႇ​ၼႆႉ​တၵ်း​လႆႈ​ပဵၼ်​မေး​ၵဝ်​ၶႃႈ​ၸိုင်၊ ယွၼ်း​ပၼ်​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ယႃႇၵုပ်ႈ ​ၼၼ်ႉ ပိၵ်ႉ​သမ်ႉ​ႁူႉ​ငိၼ်း​လွင်ႈ​ဢၼ်​ သေႇၶိမ်ႇ ​ယႃႉ​သရေႇ​လုၵ်ႈ​ယိင်း​မၼ်း​ တီႉၼႃႉ ​ၼၼ်ႉ​သေ​ၵေႃႈ၊ ၵွပ်ႈ​ပိူဝ်ႈ​ဢၼ်​လုၵ်ႈ​ၸၢႆး မၼ်း​တင်း​လၢႆ​ယင်း မီး​ယူႇ​လူၺ်ႈ​ၵၼ်​တင်း​တရိၵ်ႈသၢၼ်ႇ​ၵႃႈ​တီႈ​ထိူၼ်ႇ​လႄႈ ယူႇ​တဵတ်ႇ​တဵတ်ႇ​ပႂ်ႉ​ထႃႈ​ၶဝ်​ယူႇ​ဢေႃႈ။-</verse>
				<verse number="6">လိုၼ်း​ၼၼ်ႉ ၶုၼ်​ ႁႃႇမေႃႇ ပေႃႈ​ သေႇၶိမ်ႇ ​ၼၼ်ႉ ဢွၵ်ႇ​မႃး​ႁႂ်ႈ​လႆႈ​တၵ်ႉ​လၢတ်ႈ​ ယႃႇၵုပ်ႈ ​ဢေႃႈ။-</verse>
				<verse number="7">လုၵ်ႈ​ၸၢႆး​ ယႃႇၵုပ်ႈ ​ၸိူဝ်း​ၼၼ်ႉ​မိူဝ်ႈ​ဢၼ်​ငိၼ်း​သတၢင်း​သဵင်​ၶၢဝ်ႇ​ၼၼ်ႉ​ၸိုင်၊ ဢွၼ်​ၵၼ်​လုၵ်ႉ​သေ​ၵႃႈ​တီႈ​ထိူၼ်ႇ​ၶိုၼ်း​မႃး​ႁွတ်ႈ​ထိုင်​ဢေႃႈ။ ပိူဝ်ႈ​ဢၼ်​ၵေႃႉ​ၼၼ်ႉ​လႆႈ​ၼွၼ်း​လူၺ်ႈ​ၵၼ်​တင်း​လုၵ်ႈ​ယိင်း​ ယႃႇၵုပ်ႈ ​လႄႈ ႁဵတ်း​ဢမူႉ​ဢၼ်​မိူၵ်ႈ​ၼႂ်း​ၸိူဝ်ႉ​ၶိူဝ်း ဢီႉသရေႇလႃႉ ​ဢၼ်​ဝႃႈ ဢမူႉ​ဢၼ်​ဢမ်ႇ​ထုၵ်ႇ​လီ​ႁဵတ်း​ၼၼ်ႉ​လႄႈ ၶဝ်​ၼၼ်ႉ​ၸဵပ်း​ၸႂ်​လႄႈ တေႃး​သႃႉ တင်း​ၸႂ်​မႆႈ​ဢွၵ်ႇ​ဢေႃႈ။-</verse>
				<verse number="8">ၶုၼ်​ ႁႃႇမေႃႇ ​ၵေႃႈ​တၵ်ႉ​လၢတ်ႈ​ၵၼ်​တင်း​ၶဝ်​လႄႈ​ဝႃႈ၊ ႁူဝ်​ၸႂ်​လုၵ်ႈ​ၸၢႆး​ၵဝ်​ သေႇၶိမ်ႇ ​ၼၼ်ႉ​ၸပ်း​ၸွႆး​လုၵ်ႈ​ယိင်း​သူ​ယႂ်ႇ​ၼႃႇ​လူင်​လၢင်​ဢေႃႈ။ ဢဝ်​ဢၢပ်ႈ​ပၼ်​ႁႂ်ႈ​ပဵၼ်​မေး​မၼ်း​သေ​ၵမ်း။-</verse>
				<verse number="9">သူ​တင်း​ႁဝ်း​ၼင်ႇ​ၵၼ်​ၵၼ်​ႁဵတ်း​တၢင်း​ဢၼ်​သွင်ႇ​မင်ႇၵလႃႇ​ဢဝ်​ၵၼ်​လႄႈ ပၼ်​ႁဝ်း​ဢဝ်​လုၵ်ႈ​ယိင်း​သူ​သေ​ၵမ်း။ လုၵ်ႈ​ယိင်း​ႁဝ်း​ၵေႃႈ၊ သူ​ဢဝ်​သေ​ၵမ်း။-</verse>
				<verse number="10">သူ​ယူႇ​လူၺ်ႈ​ၵၼ်​တင်း​ႁဝ်း​လႄႈ​ၵႃႈ​တီႈ​မိူင်း​ၼႆႉ၊ ယင်း​ဢမ်ႇ​မီး​ဢၼ်​ႁႄႉ​ဢၼ်​ၶႅၼ်၊ ၶျႃး​တီႈ​ယူႇ​ႁဵတ်း​လွင်ႈ​သိုဝ်ႉ​ပိူင်​ၶၢႆ ယူႇ​သေ​လႄႈ ႁႂ်ႈ​မီး​တီႈ​ဢၼ်​ဢုပ်ႉ​ဢၼ်​ပိူင်ႇ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">သေႇၶိမ်ႇ ​ၵေႃႈ​လၢတ်ႈ​တီႈ​ပေႃႈ​မႄႈ​ယိင်း​ဢိၵ်ႇ​တင်း​ပီႈ​ၸၢႆး​မၼ်း​တင်း​လၢႆ​ၼၼ်ႉ​လႄႈ​ဝႃႈ၊ ႁႂ်ႈ​ၵဝ်​ၶႃႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ သူ​ၸဝ်ႈ​သေ​ၵမ်း။ ၵဝ်​ၶႃႈ​တၵ်း​ပၼ်​ၵႃႈ​ဢၼ်​သူ​ၸဝ်ႈ​ယွၼ်း​ၼၼ်ႉ​ၶႃႈ​ဢေႃႈ။-</verse>
				<verse number="12">ဢုၵ်ႉ​ၸႃႇ​ဢၼ်​ၵၼ်ႇ​တေႃး​သေ​ဢမ်ႇ​ဝႃႈ၊ လၢၵ်ႈ​သွင်ႇ​သေ​ဢမ်ႇ​ဝႃႈ၊ ၵေႇ​ႁိုဝ်​ၼမ်​ႁိုဝ်​ဢမ်ႇ​ဝႃႈ၊ ၵႃႈ​ဢၼ်​သူ​ၸဝ်ႈ​ယွၼ်း​ၼၼ်ႉ​ၸိုင်​ၵဝ်​ၶႃႈ​တၵ်း​ပၼ်​ၶႃႈ​ဢေႃႈ။ ၵူၺ်း​ၵွမ်ႉ​ပၼ်​မႄႈ​ယိင်း​ၼႆႉ တီႈ​ၵဝ်​ၶႃႈ​ၵူၺ်း​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">လုၵ်ႈ​ၸၢႆး​ ယႃႇၵုပ်ႈ ​ၸိူဝ်း​ၼၼ်ႉ၊ ၵွပ်ႈ​ပိူဝ်ႈ​ဢၼ်​ သေႇၶိမ်ႇ ​ယႃႉ​သရေႇ​ၼွင်ႉ​ယိင်း​ၶဝ်​ တီႉၼႃႉ ​ၼၼ်ႉ​လႄႈ ဢဝ်​တင်း​ပရီႉယႄႇ​ၶိုၼ်း​လၢတ်ႈ​တီႈ​ သေႇၶိမ်ႇ တင်း​ပေႃႈ​မၼ်း​ ႁႃႇမေႃႇ ​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="14">ႁဝ်း​ဢမ်ႇ​ႁဵတ်း​လွင်ႈ​တၢင်း​ၼႆႉ​ဢၼ်​ဝႃႈ​လွင်ႈ​တၢင်း​ဢၼ် ဢဝ်​ၼွင်ႉ​ယိင်း​ႁဝ်း​ၶႃႈ ဢၢပ်ႈ​ပၼ်​တီႈ​ၵေႃႉ​ဢၼ်​ဢမ်ႇ​ပႆႇ​ၶၢမ်ႇ​မင်ႇၵလႃႇ တၢင်း​ဢၼ်​ထိူဝ်​ႁိမ်း​ၼၼ်ႉ​လႆႈ​ၶႃႈ။ ပေႃး​ပၼ်​ၸိုင်၊ ပဵၼ်​လွင်ႈ​ဢၼ်​လီ​သႄႉ​လီ​သွမ်း​ၶႃႈ​ဢေႃႈ။-</verse>
				<verse number="15">မီး​လွင်ႈ​ၼိုင်ႈ​ၵူၺ်း​ဢၼ်​ႁဝ်း​ၶႃႈ တၵ်း​ႁပ်ႉ​တုင်း​ဢဝ်​ၸမ်ႉ၊ ပေႃး​သူ​ၸဝ်ႈ​တၵ်း​ႁဵတ်း​ၸွမ်း​ၼင်ႇ ၽႃႇသႃႇ​ႁဝ်း​ၶႃႈ​လႄႈ ၵူၼ်း​ၸၢႆး​ၵူႈ​ၵေႃႉ ၶၢမ်ႇ​မင်ႇၵလႃႇ တၢင်း​ဢၼ်​ထိူဝ်​ႁိမ်း​ၼၼ်ႉ​ၸိုင်၊-</verse>
				<verse number="16">ႁဝ်း​ၶႃႈ​တၵ်း​ဢဝ်​လုၵ်ႈ​ယိင်း​ႁဝ်း​ၶႃႈ​ဢၢပ်ႈ​ပၼ်​တီႈ​သူ​ၸဝ်ႈ​လႄႈ လုၵ်ႈ​ယိင်း​သူ​ၸဝ်ႈ​ၵေႃႈ၊ ႁဝ်း​ၶႃႈ​တၵ်း​ဢဝ်​ဢေႃႈ။ ၵမ်း​ၼၼ်ႉ ႁဝ်း​ၶႃႈ​တၵ်း​ယူႇ​လူၺ်ႈ​ၵၼ်​တင်း​သူ​ၸဝ်ႈ​လႄႈ ပဵၼ်​မဵဝ်း​လဵဝ်​ၵၼ်​ဢေႃႈ။-</verse>
				<verse number="17">ပေႃး​ဢမ်ႇ​ၼၼ် ပေႃး​ဢမ်ႇ​ထွမ်ႇ​ဢဝ်​ၵႂၢမ်း​ႁဝ်း​ၶႃႈ​လႄႈ ဢမ်ႇ​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ၸိုင်၊ ႁဝ်း​ၶႃႈ​တၵ်း​ဢဝ်​လုၵ်ႈ​ယိင်း​ႁဝ်း​ၶႃႈ​သေ​လႄႈ​ၵႂႃႇ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ၵႂၢမ်း​ၶဝ်​ၼၼ်ႉ​ထုၵ်ႇ​ၸႂ်​ၵျိူၵ်ႈ​ၸႂ်​ၶုၼ်​ ႁႃႇမေႃႇ ​တင်း​လုၵ်ႈ​ၸၢႆး​မၼ်း​ သေႇၶိမ်ႇ ​ၼၼ်ႉ​လႄႈ၊-</verse>
				<verse number="19">လုၵ်ႈ​ၸၢႆး​မၼ်း​ၵေႃႈ​ပိူဝ်ႈ​ဢၼ်​ႁၵ်ႉ​ပႅင်း​လုၵ်ႈ​ယိင်း​ ယႃႇၵုပ်ႈ ယႂ်ႇ​ၼႃႇ​လူင်​လၢင်​ဢိၵ်ႇ​တင်း ပိူဝ်ႈ​ဢၼ်​မၼ်း​မီး​သရေႇ​တွၼ်း​လိူဝ်​သေ​ပိူၼ်ႈ ၼႂ်း​ၸိူဝ်ႉ​ၶိူဝ်း​ပေႃႈ​မၼ်း​တင်း​သဵင်ႈ​တင်း​လူင်​ၼၼ်ႉ​လႄႈ ဢမ်ႇ​ႁဵတ်း​ၵွႆႈ​ႁဵတ်း​ထိူင်း။</verse>
				<verse number="20">မိူဝ်ႈ​ၼၼ်ႉ ၶုၼ်​ ႁႃႇမေႃႇ ​တင်း​လုၵ်ႈ​ၸၢႆး​မၼ်း​ သေႇၶိမ်ႇ ​ၼၼ်ႉ​ၵႂႃႇ​ၵႃႈ​တီႈ​ႁူး​ၽၵ်း​တူ​ဝဵင်း​ၶဝ်​ၼၼ်ႉ​လႄႈ တၵ်ႉ​လၢတ်ႈ​ၵူၼ်း​ဝဵင်း​တင်း​လၢႆ​လႄႈ​ဝႃႈ၊-</verse>
				<verse number="21">ၵူၼ်း​ၸိူဝ်း​ၼႆႉ​ထုၵ်ႇ​မေႃ​ၵၼ်​တင်း​ႁဝ်း​ယဝ်ႉ။ ပိူဝ်ႈ​ၼႆ​လႄႈ ႁႂ်ႈ​ၶဝ်​ယူႇ​ၵႃႈ​တီႈ​မိူင်း​ႁဝ်း​ၼႆႉ​လႄႈ ႁဵတ်း​လွင်ႈ​သိုဝ်ႉ​ပိူင်​ၶၢႆ​သေ​ၵမ်း။ တူၺ်း​လူး၊ မိူင်း​ႁဝ်း​ၼႆႉ​ၵႂၢင်ႈ​ထၼ်ႈ​ပေႃး ၶဝ်​တၵ်း​ယူႇ​ဢေႃႈ။ ဢွၼ်​ၵၼ်​ဢဝ်​လုၵ်ႈ​ယိင်း​ၶဝ်​တင်း​လၢႆ​လႄႈ ပဵၼ်​ႁိူၼ်း​ပဵၼ်​ယေး လူၺ်ႈ​ၵၼ်​တႃႉ​ႁဝ်း။ လုၵ်ႈ​ယိင်း​ႁဝ်း​တင်း​လၢႆ​ၵေႃႈ ဢွၼ်​ၵၼ်​ဢၢပ်ႈ​ပၼ်​တီႈ​ၶဝ်​တႃႉ​ႁဝ်း။-</verse>
				<verse number="22">ၵူၺ်း​ၵွမ်ႉ​မီး​လွင်း​ၼိုင်ႈ​ၵူၺ်း​ဢၼ်​ၶဝ်​တၵ်း​ႁပ်ႉ​တုင်း​ဢဝ်​လွင်ႈ​ဢၼ် ၶဝ်​တၵ်း​ယူႇ​လူၺ်ႈ​ၵၼ်​တင်း​ႁဝ်း​လႄႈ ပဵၼ်​မဵဝ်း​လဵဝ်​ၵၼ် တင်း​ႁဝ်း​ၼၼ်ႉ​ၸမ်ႉ၊ ၸိူဝ်ႉ​ၼင်ႇ​ဢၼ်​ၶဝ်​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ၼၼ်ႉ၊ တီႈ​ႁဝ်း​ၵူၼ်း​ၸၢႆး​ၵူႈ​ၵေႃႉ​တၵ်း​လႆႈ​ၶၢမ်ႇ​မင်ႇၵလႃႇ တၢင်း​ဢၼ်​ထိူဝ်​ႁိမ်း​ဢေႃႈ။-</verse>
				<verse number="23">ၸႃႉ​ၸဵမ်​ၽုင်​သူဝ်း​ၽုင်​ဝူဝ်း​ၶဝ် တရိၵ်ႈသၢၼ်ႇ​ၶဝ်​တင်း​လၢႆ ဢိၵ်ႇ​တင်း​ဢုၵ်ႉ​ၸႃႇ​ၶူဝ်း​လဵင်း​ၶဝ်​ၼၼ်ႉ တၵ်း​ပဵၼ်​ၶွင်​ႁဝ်း ဢမ်ႇ​ၸႂ်ႈ​ႁိုဝ်။ ဢွၼ်​ၵၼ်​ၸွမ်း​ဢလူဝ်ႇ​ၶဝ်​တႃႉ​ႁဝ်း။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶဝ်​တၵ်း​ယူႇ​လူၺ်ႈ​ၵၼ်​တင်း​ႁဝ်း​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="24">ၶဝ်​ၸိူဝ်း​ဢၼ်​ဢွၵ်ႇ​ၽၵ်း​တူ​ဝဵင်း​ၼၼ်ႉ တင်း​သဵင်ႈ​တင်း​လူင်​ဢွၼ်​ၵၼ်​ထွမ်ႇ​ဢဝ်​ၵႂၢမ်း ဢၼ်​ၶုၼ်​ ႁႃႇမေႃႇ ​တင်း​လုၵ်ႈ​ၸၢႆး​မၼ်း​ သေႇၶိမ်ႇ လၢတ်ႈ​ၼၼ်ႉ​လႄႈ ၵူၼ်း​ၸၢႆး​ၵႃႈ​မီး​ဢၼ်​ဝႃႈ​ၶဝ်​ၸိူဝ်း​ဢၼ် ဢွၵ်ႇ​ၽၵ်း​တူ​ဝဵင်း​ၼၼ်ႉ​တင်း​သဵင်ႈ​တင်း​လူင် ဢွၼ်​ၵၼ်​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ဢေႃႈ။</verse>
				<verse number="25">ပေႃး​လႆႈ​သၢမ်​ဝၼ်း​ယဝ်ႉ၊ မိူဝ်ႈ​ဢၼ်​ၶဝ်​ယင်း​တိုၵ်ႉ​ၸဵပ်း​ၼႃႇ​ယူႇ​ၼၼ်ႉ​ၸိုင်၊ လုၵ်ႈ​ၸၢႆး​ ယႃႇၵုပ်ႈ ​သွင်​ၵေႃႉ၊ သီႉမုၼ်ႇ ​တင်း​ လေႇဝီႉ ပီႈ​ၸၢႆး​ တီႉၼႃႉ ​ၼၼ်ႉ၊ ယိပ်း​ၵမ်​ဢဝ်​လၢပ်ႇ​ဢဝ်​လႅဝ်း၊ ယေႈ​ၵေႃႉ​ယေႈ​မၢၵ်ႈ​သေ​လႄႈ ၶဝ်ႈ​ၵႂႃႇ​ၵႃႈ​ၼႂ်း​ဝဵင်း​ႁတ်း​ႁတ်း​ႁၢၼ်​ႁၢၼ်​သေ​ယဝ်ႉ၊ ဢဝ်​ၵူၼ်း​ၸၢႆး​ၵႃႈ​မီး​တင်း​သဵင်ႈ​တင်း​လူင်​တၢႆ​ဢေႃႈ။-</verse>
				<verse number="26">ၶုၼ်​ ႁႃႇမေႃႇ ​တင်း​လုၵ်ႈ​ၸၢႆး​မၼ်း​ သေႇၶိမ်ႇ ​ၵေႃႈ၊ ၶဝ်​ဢဝ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ပႅတ်ႈ​သေ​ယဝ်ႉ၊ ၼုၵ်ႈ​ဢဝ်​ တီႉၼႃႉ ၵႃႈ​ၼႂ်း ႁိူၼ်း​ သေႇၶိမ်ႇ ​ၼၼ်ႉ​လႄႈ ၶိုၼ်း​မိူဝ်း​ၵႂႃႇ​ဢေႃႈ။-</verse>
				<verse number="27">ပိူဝ်ႈ​ဢၼ်​ၶဝ်​ၼၼ်ႉ​ယႃႉ​သရေႇ​ၼွင်ႉ​ယိင်း​ၶဝ်​လႄႈ၊ လုၵ်ႈ​ၸၢႆး​ ယႃႇၵုပ်ႈ ​ၸိူဝ်း​ၼၼ်ႉ​သမ်ႉ​ၶိုၼ်း​ၵႂႃႇ​ၵႃႈ​တီႈ ၶဝ်​ၸိူဝ်း​ဢၼ်​ဢဝ်​တၢႆ ပႅတ်ႈ​ယဝ်ႉ​ၼၼ်ႉ​လႄႈ ႁိမ်​ဢဝ်​ႁူင်ႇ​ဢဝ်​ဝဵင်း​ၼၼ်ႉ​ဢေႃႈ။-</verse>
				<verse number="28">ၶဝ်​သိမ်း​ဢဝ်​ၸႃႉ​ၸဵမ်​ၽုင်​သူဝ်း၊ ၽုင်​ပႄႉ၊ ၽုင်​ဝူဝ်း၊ လီႈ​တင်း​လၢႆ​ဢိၵ်ႇ​တင်း​ဢုၵ်ႉ​ၸႃႇ​ၶူဝ်း​လဵင်း​ၵႃႈ​ဢၼ်​မီး​ၵႃႈ​တီႈ​ဝဵင်း တင်း​ဢုၵ်ႉ​ၸႃႇ​ၶူဝ်း​လဵင်း​ၵႃႈ​ဢၼ်​မီး​ၵႃႈ​တီႈ​တူင်ႈ​ၼႃး၊-</verse>
				<verse number="29">ၸေး​ၸိမ်ႇ​ၶဝ်​တင်း​သဵင်ႈ​တင်း​လူင် ဢိၵ်ႇ​တင်း​မေး​ၶဝ် တင်း​လုၵ်ႈ​ဢွၼ်ႇ​ၶဝ်​တင်း​သဵင်ႈ​တင်း​လူင်​လႄႈ ႁိမ်​ဢဝ်​ႁူင်ႇ​ဢဝ် ၵႃႈ​ဢၼ်​မီး​ၵႃႈ​တီႈ​ႁိူၼ်း​ၶဝ်​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="30">မိူဝ်ႈ​ၼၼ်ႉ ယႃႇၵုပ်ႈ ​လၢတ်ႈ​တီႈ​ သီႉမုၼ်ႇ ​တင်း​ လေႇဝီႉ ​လႄႈ​ဝႃႈ၊ သူ​ၼႆႉ​ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​လႄႈ ႁဵတ်း​ထၼ်ႈ​ပေႃး​ႁႂ်ႈ​ၵဝ်​ပဵၼ် တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ​ၵႃႈ​တီႈ​ၵူၼ်း​မိူင်း​ၼႆႉ ဢၼ်​ဝႃႈ​ၵူၼ်း​ ၶႃႇၼၼီႉ ​တင်း​ၵူၼ်း​ ၽေႇရၸီႉ ​ၸိူဝ်း​ၼၼ်ႉ​လူင်​ပႄႇ။ ပိူဝ်ႈ​ဢၼ်​ၵူၼ်း ၵႃႈ​တီႈ​ၵဝ်​ၼႆႉ​ၵေႇ​ၼႃႇ​လႄႈ​ၶဝ်​ၼၼ်ႉ​တၵ်း ၸူႉ​ၵၼ်​တုမ်​ၵၼ်​လႄႈ တိုၵ်း​တေႃး​ယႃႉ​ပႅတ်ႈ​ၵဝ်​ဢေႃႈ။ ၵဝ်​တၵ်း​လႆႈ​ၶၢမ်ႇ​တၢင်း​ဢၼ် ယႃႉ​ပႅတ်ႈ​တင်း​ႁိူၼ်း​တင်း​ယေး​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="31">ၶဝ်​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မၼ်း​တၵ်း​လႆႈ​မၢတ်ႈ​ၼွင်ႉ​ယိင်း​ႁဝ်း​ၼႆႉ​ပဵၼ်​ၸိူဝ်ႉ​ၼင်ႇ မႄႈ​မွၵ်ႇ​ယႃႈ​လႄႈ ႁဵတ်း​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="35">
				<verse number="1">ဝၢႆး​ၼၼ်ႉ​ၽြႃး​ပဵၼ်​ၸဝ်ႈ​လၢတ်ႈ​တီႈ​ ယႃႇၵုပ်ႈ ​လႄႈ​ဝႃႈ၊ မႂ်း​လုၵ်ႉ​လႄႈ​ၵႂႃႇ​ယူႇ​ၵႃႈ​တီႈ​ ပေႇသလႃႉ ​ပုၼ်ႉ​တႃႉ။ ႁဵတ်း​ယိတ်ႈပလၢင်ႇ​ပုၼ်ႈ​ၽြႃး​ပဵၼ်​ၸဝ်ႈ ဢၼ်​ပေႃႇ​မႃး​တီႈ​မႂ်း​ၼႂ်း​မိူဝ်ႈ​ဢၼ်​မႂ်း ဢွၵ်ႇ​ပၢႆႈ​သေ​ၵႃႈ​တီႈ​ပီႈ​ဢၢႆႈ​မႂ်း​ ဢေးသေႃး ​ၼၼ်ႉ​ၵႃႈ​တီႈ​ၼၼ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">မိူဝ်ႈ​ၼၼ်ႉ​ ယႃႇၵုပ်ႈ ​ႁွင်ႉ​ဢဝ်​ၵူၼ်း​ႁိူၼ်း​ၵူၼ်း​ယေး​တင်း​လၢႆ​ဢိၵ်ႇ​တင်း ၶဝ်​ၸိူဝ်း​ဢၼ်​မီး​လူၺ်ႈ​ၵၼ်​တင်း​မၼ်း​တင်း​သဵင်ႈ​တင်း​လူင်​ၼၼ်ႉ​လႄႈ​ဝႃႈ၊ ပႄႇ​ပႅတ်ႈ​ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​ပႃး​တီႈ​သူ​ၸိူဝ်း​ၼၼ်ႉ​သေ​တႃႉ။ ႁႂ်ႈ​မီး​တၢင်း​ဢၼ် မူတ်း​ၸၢင်ႇ​လႄႈ ပုတ်ႈ​လၢႆႈ​ၶူဝ်း​လဵင်း​တႃႉ။-</verse>
				<verse number="3">ဢွၼ်​ၵၼ်​လုၵ်ႉ​လႄႈ​ၵႂႃႇ​ၵႃႈ​တီႈ​ ပေႇသလႃႉ ​ပုၼ်ႉ​တႃႉ​ႁဝ်း။ ၵဝ်​တၵ်း​ႁဵတ်း​ယိတ်ႈပလၢင်ႇ​ပုၼ်ႈ​ၽြႃး​ပဵၼ်​ၸဝ်ႈ ဢၼ်​ဢိူဝ်​ၵဝ်​ၼႂ်း​ၶိင်ႇ​ၵႃႇလႃႉ မိူဝ်ႈ​ဢၼ်​ၵဝ်​လႆႈ​ၶၢမ်ႇ တုၵ်ႉ​ၶႃႉ​တၢင်း​ၽၢၼ်​လႄႈ မီး​ယူႇ​လူၺ်ႈ​ၵၼ်​တင်း​ၵဝ် ၼႂ်း​သဵၼ်ႈ​တၢင်း​ဢၼ် ၵဝ်​ၵႂႃႇ​ၼၼ်ႉ ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၶဝ်​ၼၼ်ႉ​ၵေႃႈ​ဢွၼ်​ၵၼ်​ဢဝ်​ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ၵႃႈ​ဢၼ်​ပႃး​မႃး​ၵႃႈ​တီႈ​ၶဝ် တင်း​သဵင်ႈ​တင်း​လူင်​ဢိၵ်ႇ​တင်း ၶိူင်ႈ​ဢၼ်​ပၵ်း​ၵႃႈ​တီႈ​ႁူ ၵႃႈ​မီး​တင်း​သဵင်ႈ​တင်း​လူင် ပၼ်​တီႈ​ ယႃႇၵုပ်ႈ ​လႄႈ ယႃႇၵုပ်ႈ ​ၵေႃႈ ဢဝ်​ၽင်​ဝႆႉ​ၵႃႈ​တႂ်ႈ​တူၼ်ႈ​မႆႉ​ၼိမ် ဢၼ်​မီး​ၵႃႈ​တီႈ​ႁိမ်း​ဝဵင်း​ သေႇၶိမ်ႇ ​ၼၼ်ႉ​ဢေႃႈ။-</verse>
				<verse number="5">မိူဝ်ႈ​ဢၼ်​ၶဝ်​ၶၢႆႉ​တီႈ​ၵႂႃႇ​ၼၼ်ႉ​ၸိုင်၊ ၵူၼ်း​ဝဵင်း​တင်း​လၢႆ​ဢၼ်​မီး​ၵႃႈ​တီႈ​ႁိမ်း​ႁွမ်း​ၼၼ်ႉ ၵူႈ​တီႈ​ၵူႈ​လႅၼ်​ၸိူဝ်း​ၼၼ်ႉ ၵူဝ်​ႁႄ​ၽြႃး​ပဵၼ်​ၸဝ်ႈ​လႄႈ ယင်း​ဢမ်ႇ​ႁတ်း​လိုပ်ႈ​ၸွမ်း​လမ်း​ၸွမ်း​လုၵ်ႈ​ၸၢႆး​ ယႃႇၵုပ်ႈ ​ၸိူဝ်း​ၼၼ်ႉ​လႄႈ​ယူႇ​ဢေႃႈ။-</verse>
				<verse number="6">ယႃႇၵုပ်ႈ ​တင်း​ၵူၼ်း​ဢၼ်​ပႃး​လူၺ်ႈ​ၵၼ်​တင်း​မၼ်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ႁွတ်ႈ​ထိုင်​ၵႃႈ​တီႈ​ဝဵင်း​ လူႉၸႃႉ ​ဢၼ်​မီး​ၼႂ်း​မိူင်း​ ၶႃႇၼၢၼ်ႇ ​ဢၼ်​ဝႃႈ တီႈ​ ပေႇသလႃႉ ​ၼၼ်ႉ​ဢေႃႈ။-</verse>
				<verse number="7">မၼ်း​ႁဵတ်း​ယိတ်ႈပလၢင်ႇ ၵႃႈ​တီႈ​ၼၼ်ႈ​လႄႈ သမ်ႉ​ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႈ ဢေးလႃႉ​ပေႇသလႃႉ ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ပေႃႇ​မႃး​တီႈ​မၼ်း​ၼႂ်း​မိူဝ်ႈ​ဢၼ်​မၼ်း​ဢွၵ်ႇ​ပၢႆႈ​သေ​ၵႃႈ​တီႈ​ပီႈ​ဢၢႆႈ​မၼ်း​ၵႂႃႇ​ၼၼ်ႉ ၵႃႈ​တီႈ​ၼၼ်ႈ​ဢေႃႈ။-</verse>
				<verse number="8">တေႇပေႃးရႃႇ ​ဢၼ်​ပဵၼ်​ၵေႃႉ​လူ​ၵေႃႉ​ထိင်း​ ရေႇပႅၵ်ႉၵႃႉ ​ၼၼ်ႉ​တၢႆ​လႄႈ ၶၢမ်ႇ​တၢင်း​ဢၼ် သၢင်း​ၵျူဝ်ႇ​ၵႃႈ​တႂ်ႈ​တူၼ်ႈ​မႆႉ​ၼိမ် ၵႃႈ​တီႈ​ ပေႇသလႃႉ ​ၼၼ်ႉ​ဢေႃႈ။ တူၼ်ႈ​ၼၼ်ႉ​ၸိုင်၊ ၶဝ်​ႁွင်ႉ​ႁဵၵ်ႈ​ၸိုဝ်ႈ ဢႃႇလုၼ်ႇပႃႇၵုတ်ႉ ​ဢေႃႈ။</verse>
				<verse number="9">ဝၢႆး​သေ​ ယႃႇၵုပ်ႈ ​လုၵ်ႉ​သေ​ၵႃႈ​တီႈ ပႃႇတၼ်ႇဢႃႇရမ်ႇ ​ၶိုၼ်း​မႃး​ယဝ်ႉ​ၼၼ်ႉ၊ ၽြႃး​ပဵၼ်​ၸဝ်ႈ​သမ်ႉ​ပေႃႇ​မႃး​တီႈ​မၼ်း​လႄႈ​ပၼ်​တၢင်း​လီ​တီႈ​မၼ်း​ထႅင်ႈ​သေ​ယဝ်ႉ၊-</verse>
				<verse number="10">ၽြႃး​ပဵၼ်​ၸဝ်ႈ​လၢတ်ႈ​တီႈ​မၼ်း​လႄႈ​ဝႃႈ၊ တေႃႈ​လဵဝ်​ၼႆႉ​ၸိုဝ်ႈ​မႂ်း​ပဵၼ်​ ယႃႇၵုပ်ႈ ​ဢေႃႈ။ ၵမ်း​လိုၼ်း​ၸိုင် ဢမ်ႇ​လႆႈ​ႁွင်ႉ​ႁဵၵ်ႈ ၸိုဝ်ႈ​မႂ်း ယႃႇၵုပ်ႈ ။ တၵ်း​လႆႈ​ႁွင်ႉ​ႁဵၵ်ႈ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​လႄႈ ႁွင်ႉ​ႁဵၵ်ႈ​ၸိုဝ်ႈ​မၼ်း ဢီႉသရေႇလႃႉ ​သေ​ဢေႃႈ။-</verse>
				<verse number="11">ၽြႃး​ပဵၼ်​ၸဝ်ႈ​သမ်ႉ​လၢတ်ႈ​တီႈ​မၼ်း​လႄႈ​ဝႃႈ၊ ၵဝ်​ပဵၼ်​ၽြႃး​ပဵၼ်​ၸဝ်ႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ဢေႃႈ။ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း​မႃး​တႃႉ။ ၵူၼ်း​မဵဝ်း​လဵဝ်​ၵူၺ်း​ဢမ်ႇ​ၵႃး၊ ၵူၼ်း​မဵဝ်း​ၼမ်​ၼႃႇ​တၵ်း​ဢွၵ်ႇ​ပဵၼ်​မႃး​ၵႃႈ​ၼႂ်း​မႂ်း​ဢေႃႈ။ ၶုၼ်​ႁေႃ​ၶမ်း​တၵ်း​ပေႃႇ​ဢွၵ်ႇ​ပဵၼ်​မႃး​ၵႃႈ​ၼႂ်း​ၸိူဝ်ႉ​ၶိူဝ်း​မႂ်း​ဢေႃႈ။-</verse>
				<verse number="12">ၵဝ်​တၵ်း​ဢဝ်​လိၼ်​ဢၼ်​ၵဝ်​ပၼ်​တီႈ​ ဢႃႇပြႃႇႁၢမ်ႇ ​တင်း​ ဢီႉၸၢၵ်ႈ ​ၼၼ်ႉ​ပၼ်​တီႈ​မႂ်း​ဢေႃႈ။ တီႈ​ၸိူဝ်ႉ​ၶိူဝ်း​မႂ်း လိုၼ်း​မႂ်း​ၼၼ်ႉ​ၵေႃႈ၊ ၵဝ်​တၵ်း​ဢဝ်​လိၼ်​ၼၼ်ႉ​ပၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၽြႃး​ပဵၼ်​ၸဝ်ႈ​လုၵ်ႉ​သေ​ၵႃႈ​တီႈ​ဢၼ် တၵ်ႉ​လၢတ်ႈ​ၵၼ်​တင်း​မၼ်း​ၸိူဝ်ႉ​ၼင်ႇ​ၼၼ်​ၼၼ်ႉ​သေ​လႄႈ ၶိုၼ်ႈ​ၵႂႃႇ​ၵႃႈ​ၼိူဝ်​သေ​ဢေႃႈ။-</verse>
				<verse number="14">ယႃႇၵုပ်ႈ ​ဢဝ်​သဝ်​မၢၵ်ႇ​ႁိၼ်​ပၵ်း ၵႃႈ​တီႈ​ဢၼ်​ၽြႃး​ပဵၼ်​ၸဝ်ႈ တၵ်ႉ​လၢတ်ႈ​ၵၼ်​တင်း​မၼ်း​ၼၼ်ႉ​သေ​လႄႈ ဢဝ်​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​ဢိၵ်ႇ​တင်း ၼမ်ႉ​မၼ်း​ထွၵ်ႇ​သႂ်ႇ​ၵႃႈ​ၼိူဝ်​ပၢႆ​မၢၵ်ႇ​ႁိၼ်​ၼၼ်ႉ​ဢေႃႈ။-</verse>
				<verse number="15">ယႃႇၵုပ်ႈ ​သမ်ႉ​ၶိုၼ်း​ႁွင်ႉ​ႁဵၵ်ႈ​တီႈ​ဢၼ်​လႆႈ​ၶၢမ်ႇ​ပျႃႇ​တိၵ်ႈ​ၽြႃး​ပဵၼ်​ၸဝ်ႈ​ၼၼ်ႉ​ၸိုဝ်ႈ​ ပေႇသလႃႉ ​ထႅင်ႈ​ဢေႃႈ။</verse>
				<verse number="16">ဝၢႆး​ၼၼ်ႉ​ၶဝ်​သမ်ႉ​လုၵ်ႉ​သေ ၵႃႈ​တီႈ​ ပေႇသလႃႉ ​ၼၼ်ႉ​ၸွမ်း​တၢင်း​ၵႂႃႇ​လႄႈ​မိူဝ်ႈ​ဢၼ်​လူဝ်ႇ​ထႅင်ႈ​ဢိတ်း​ၼိုင်ႈ တၵ်း​ႁွတ်ႈ​ထိုင် ဝဵင်း​ ဢေႇၽရတ်ႉ ​ၼၼ်ႉ​ၸိုင်၊ ရႃႇၶေႇလႃႉ ​ၼၼ်ႉ​ႁွတ်ႈ​ထိုင်​ၶိင်ႇ​ဢၼ်​မၼ်း တၵ်း​ၵိူတ်ႇ​လဵင်ႉ​လုၵ်ႈ​လႄႈ​လႆႈ​ၶၢမ်ႇ​ဝူၺ်ႇတၼႃႇ ဢၼ်​ယၢပ်ႇ​ၼႃႇ​လူင်​လၢင်​ဢေႃႈ။-</verse>
				<verse number="17">ၼႂ်း​မိူဝ်ႈ​ဢၼ်​မၼ်း​လႆႈ​ၶၢမ်ႇ​ဝူၺ်ႇတၼႃႇ​ဢၼ်​ယၢပ်ႇ​ၼႃႇ ယူႇ​ၼၼ်ႉ​ၸိုင်၊ မႄႈ​ၵဵပ်း​လၢတ်ႈ​လႄႈ​ဝႃႈ၊ ယႃႇ​ပေ​မႆႈ​ၸႂ်။ မႂ်း​လႆႈ​လုၵ်ႈ​ၸၢႆး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မၼ်း​ၼၼ်ႉ ၼႂ်း​မိူဝ်ႈ​ဢၼ်​ယင်း​တိုၵ်ႉ​တၢႆ​လႄႈ ၸႂ်​ဝီႉၺိၺ်ႇ​ဢွၵ်ႇ​ယူႇ​ၼၼ်ႉ​ၸိုင်၊ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ ပိၼ်ႇဢူဝ်းၼီႉ ​ဢေႃႈ၊ ပေႃႈ​မၼ်း​ၸမ်ႉ၊ ႁွင်ႉ​ႁဵၵ်ႈ​ၸိုဝ်ႈ​ ပိၼ်ႇယႃႇမိၼ်ႇ ​ဢေႃႈ။-</verse>
				<verse number="19">ရႃႇၶေႇလႃႉ ​တၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၼႂ်း​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ဝဵင်း​ ဢေႇၽရတ်ႉ ​ဢၼ်​ဝႃႈ ဝဵင်း​ ပႅတ်ႉလႁႅမ်ႇ ​ၼၼ်ႉ​ဢေႃႈ။-</verse>
				<verse number="20">ယႃႇၵုပ်ႈ ​ၵေႃႈ ပၵ်း​သဝ်း​တီႈ​မၢတ်ႈ​တီႈ​တွင်း​ဝႆႉ​ၵႃႈ​ၼိူဝ်​သၢင်း​ၶႅင်း​မၼ်း​ဢေႃႈ။ သဝ်​တီႈ​မၢတ်ႈ​တီႈ​တွင်း​ၼၼ်ႉ​ၸမ်ႉ၊ ပဵၼ်​သဝ်​သၢင်း​ၶႅင်း​ ရႃႇၶေႇလႃႉ ႁၢၼ်ႉ​တေႃႇ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="21">ဢီႉသရေႇလႃႉ ​သမ်ႉ​ၸွမ်း​တၢင်း​ၵႂႃႇ​ထႅင်ႈ​လႄႈ မုင်း​မူဝ်းၵႃႇ​မၼ်း​ၵႃႈ​တီႈ​ၽၢႆႇ​ပုၼ်ႉ​ထဵင်​လၢင်း​ ဢေးတႃႇ ​ဢေႃႈ။</verse>
				<verse number="22">မိူဝ်ႈ​ဢၼ်​ ဢီႉသရေႇလႃႉ ယင်း​ယူႇ​ၵႃႈ​တီႈ​မိူင်း​ၼၼ်ႉ​ယူႇ​ၼၼ်ႉ​ၸိုင်၊ ရူႉပိၼ်ႇ ​ၵႂႃႇ​လႄႈ ၼွၼ်း​လူၺ်ႈ​ၵၼ်​တင်း ပီႉလႁႃႇ ​မေး​ၼွႆႉ​ပေႃႈ​မၼ်း​ၼၼ်ႉ​ဢေႃႈ။ သတၢင်း​သဵင်​ၶၢဝ်ႇ​ၼၼ်ႉ​ၸိုင်၊ ဢီႉသရေႇလႃႉ ​လႆႈ​ငိၼ်း​ဢေႃႈ။</verse>
				<verse number="23">လုၵ်ႈ​ၸၢႆး​ ယႃႇၵုပ်ႈ ​မီး​သိပ်း​သွင်​ၵေႃႉ​ဢေႃႈ။ လုၵ်ႈ​ၸၢႆး​ လေႇဢႃႇ ​ၸမ်ႉ၊ ပဵၼ်​ ရူႉပိၼ်ႇ ၊ လုၵ်ႈ​တူၼ်ႈ​ ယႃႇၵုပ်ႈ ၊ ဢိၵ်ႇ​တင်း​ သီႉမုၼ်ႇ၊ လေႇဝီႉ၊ ယူႉတႃႉ၊ ဢီႉသၶႃႇ၊ ၸေႇပူႉလုၼ်ႇ ​ဢေႃႈ။-</verse>
				<verse number="24">လုၵ်ႈ​ၸၢႆး​ ရႃႇၶေႇလႃႉ ​ၸမ်ႉ၊ ပဵၼ်​ ယူဝ်းသႅပ်ႈ ​တင်း​ ပိၼ်ႇယႃႇမိၼ်ႇ ​ဢေႃႈ။-</verse>
				<verse number="25">လုၵ်ႈ​ၸၢႆး​ ပီႉလႁႃႇ မႄႈ​ယိင်း​ၶႃႈ​ ရႃႇၶေႇလႃႉ ​ၸမ်ႉ၊ ပဵၼ်​ တၢၼ်ႇ ​တင်း​ ၼပ်ႉထလီႉ ​ဢေႃႈ။-</verse>
				<verse number="26">လုၵ်ႈ​ၸၢႆး​ ၸီႉလပႃႉ ​မႄႈ​ယိင်း​ၶႃႈ​ လေႇဢႃႇ ​ၸမ်ႉ၊ ပဵၼ်​ ၵၢတ်ႉ ​တင်း​ ဢႃႇသႃႇ ​ဢေႃႈ။ ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​လုၵ်ႈ​ၸၢႆး​ ယႃႇၵုပ်ႈ ​ဢၼ်​ၵိူတ်ႇ​လဵင်ႉ​မႃး တီႈ​မၼ်း​ၵႃႈ​ၼႂ်း​မိူင်း​ ပႃႇတၼ်ႇဢႃႇရမ်ႇ ​ဢေႃႈ။</verse>
				<verse number="27">လိုၼ်း​ၼၼ်ႉ​ ယႃႇၵုပ်ႈ ​ၵႂႃႇ​ႁွတ်ႈ​ထိုင် တီႈ​ပေႃႈ​မၼ်း​ ဢီႉၸၢၵ်ႈ ၊ ၵႃႈ​တီႈ​ မမ်ႇရေႇ ၊ ဝဵင်း​ ၵီႉရယႃႉသႃႇၽႃႇ ၊ ဢၼ်​ဝႃႈ​ဝဵင်း​ ႁေႇပြုၼ်ႇ ၊ တီႈ​ဢၼ်​ ဢႃႇပြႃႇႁၢမ်ႇ တင်း​ ဢီႉၸၢၵ်ႈ သွၼ်ႈ​ပိုင်ႈ​ယူႇ​ၼၼ်ႉ​ဢေႃႈ။-</verse>
				<verse number="28">ဢသၢၵ်ႈ​ ဢီႉၸၢၵ်ႈ ​ၼၼ်ႉ​လႆႈ​ပၢၵ်ႇ​ပၢႆ​ပႅတ်ႇ​သိပ်း​ပီႊ​ဢေႃႈ။-</verse>
				<verse number="29">ဢီႉၸၢၵ်ႈ ​မီး​တၢင်း​ဢၼ်​ဢသၢၵ်ႈ​ၵႄႇ​ထူၼ်ႈ​ထဝ်ႈ​ယဝ်ႉ ဢိၵ်ႇ​တင်း တၢင်း​ဢၼ်​ၶိင်ႇ​ၵႃႇလႃႉ​ဝၼ်း​မၼ်း​တဵမ်​ယဝ်ႉ​ၸေး​ယဝ်ႉ​ၼၼ်ႉ​လႄႈ ၶျုၵ်ႈ​ၸႂ်​တၢႆ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ဢၼ် ၵူၼ်း​မဵဝ်း​မၼ်း​တင်း​လၢႆ ၸူႉ​တုမ်​ၼၼ်ႉ​ဢေႃႈ။ လုၵ်ႈ​ၸၢႆး​မၼ်း​ ဢေးသေႃး တင်း​ ယႃႇၵုပ်ႈ ​ၸိူဝ်း​ၼၼ်ႉ​ဢဝ်​မၼ်း​သၢင်း​ၵျူဝ်ႇ​ဢေႃႈ။</verse>
			</chapter>
			<chapter number="36">
				<verse number="1">ဢထုၵ်ႉပတ်ႈတီႉ​ၸိူဝ်ႉ​ၶိူဝ်း​ ဢေးသေႃး ဢၼ်​လႆႈ​ၸိုဝ်ႈ​ ဢေႇတုမ်ႇ ​ၼၼ်ႉ​ၸမ်ႉ၊-</verse>
				<verse number="2">ဢေးသေႃး ​ဢဝ်​ ဢႃႇတႃႉ ၊ လုၵ်ႈ​ယိင်း​ ဢေႇလုၼ်ႇ ၊ ၵူၼ်း​ ႁိတ်ႉတီႉ ၊ တင်း​ ဢႃႁေႃးလီႉပႃႇမႃႉ ၊ လုၵ်ႈ​ယိင်း​ ဢႃႇၼႃႉ ၊ ဢၼ်​ပဵၼ်​လုၵ်ႈ​ယိင်း​ ၸီႉၽွင်ႇ ၊ ၵူၼ်း​ ႁီႉဝီႉ ၊ သွင်​ၵေႃႉ​ၼၼ်ႉ ၵႃႈ​ၼႂ်း​လုၵ်ႈ​ယိင်း​ၸိူဝ်ႉ​ၶိူဝ်း​ ၶႃႇၼၢၼ်ႇ -</verse>
				<verse number="3">ဢိၵ်ႇ​တင်း​ ပႃႇသမတ်ႉ ၊ ၼွင်ႉ​ယိင်း​ ၼပႃႇယုတ်ႉ ဢၼ်​ပဵၼ်​လုၵ်ႈ​ယိင်း​ ဢီႉသမေႇလႃႉ ​ၸိူဝ်း​ၼၼ်ႉ​လႄႈ ပဵၼ်​ႁိူၼ်း​ပဵၼ်​ယေး ဢေႃႈ။-</verse>
				<verse number="4">လုၵ်ႈ​ၸၢႆး​ဢၼ်​ ဢႃႇတႃႉ ​ၵိူတ်ႇ​လဵင်ႉ​မႃး​တီႈ​ ဢေးသေႃး ​ၸမ်ႉ၊ ပဵၼ်​ ဢေးလီႉၽတ်ႉ ​ဢေႃႈ။ လုၵ်ႈ​ၸၢႆး​ဢၼ်​ ပႃႇသမတ်ႉ ​ၵိူတ်ႇ​လဵင်ႉ​မႃး​ၸမ်ႉ၊ ပဵၼ်​ ရူႉဢေးလႃႉ ​ဢေႃႈ။-</verse>
				<verse number="5">လုၵ်ႈ​ၸၢႆး​ဢၼ်​ ဢႃႁေႃးလီႉပႃႇမႃႉ ​ၵိူတ်ႇ​လဵင်ႉ​မႃး​ၸမ်ႉ​ပဵၼ်​ ယူႉသႃႉ၊ ယႃႇလၢမ်ႇ ​တင်း​ ၵေႃးရႃႉ ​ဢေႃႈ။ ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​လုၵ်ႈ​ၸၢႆး ဢၼ်​ၵိူတ်ႇ​လဵင်ႉ​မႃး တီႈ​ ဢေးသေႃး ​ၵႃႈ​ၼႂ်း​မိူင်း​ ၶႃႇၼၢၼ်ႇ ​ဢေႃႈ။</verse>
				<verse number="6">ဢေးသေႃး ​ၼၼ်ႉ ဢဝ်​မေး​မၼ်း​တင်း​လုၵ်ႈ​လၢင်း​မၼ်း​တင်း​လၢႆ၊ ၵူၼ်း​ႁိူၼ်း​ၵူၼ်း​ယေး​မၼ်း​တင်း​သဵင်ႈ​တင်း​လူင်​ဢိၵ်ႇ​တင်း​ၸႃႉ​ၸဵမ်​သူဝ်း​ဝူဝ်း​တရိၵ်ႈသၢၼ်ႇ​ၵႃႈ​မီး​တင်း​သဵင်ႈ​တင်း​လူင်​လႄႈ ဢုၵ်ႉ​ၸႃႇ​ၶူဝ်း​လဵင်း​ဢၼ်​မၼ်း​လႆႈ ၵႃႈ​ၼႂ်း​မိူင်း​ ၶႃႇၼၢၼ်ႇ ​ၵႃႈ​မီး တင်း​သဵင်ႈ​တင်း​လူင်​လႄႈ​လုၵ်ႉ​သေ​ၵႃႈ​တီႈ​ၼွင်ႉ​ၸၢႆး​မၼ်း​ ယႃႇၵုပ်ႈ ၶၢႆႉ​ၵႂႃႇ​တၢင်ႇ​တီႈ​တၢင်ႇ​မိူင်း​သေ​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ဢုၵ်ႉ​ၸႃႇ​ၶူဝ်း​လဵင်း​သွင်​ၶႃ ၼမ်​ၼႃႇ​လူၼ်ႉ​လိူဝ်​ၵႂႃႇ​လႄႈ သွင်​ၶႃ​ဢမ်ႇ​ယူႇ​တီႈ​လဵဝ်​ၵၼ်​လႆႈ။ ၵွပ်ႈ​ပိူဝ်ႈ ဢၼ် တရိၵ်ႈသၢၼ်ႇ​သွင်​ၶႃ​ၼမ်​ၼႃႇ​လႄႈ​လိၼ်​တီႈ​ဢၼ်​သွင်​ၶႃ​ယူႇ​ၼၼ်ႉ​ဢမ်ႇ​ပေႃး​ဢမ်ႇ​ၵုမ်ႇ​လႆႈ။-</verse>
				<verse number="8">ပိူဝ်ႈ​ၼႆ​လႄႈ ဢေးသေႃး ​ဢၼ်​လႆႈ​ၸိုဝ်ႈ​ ဢေႇတုမ်ႇ ​ၼၼ်ႉ​ယူႇ​ၵႃႈ​ၼိူဝ်​လွႆ​ ၸီႉရႃႉ ​ဢေႃႈ။</verse>
				<verse number="9">ၸရၢင်း​ၸိူဝ်ႉ​ၶိူဝ်း​ၸူဝ်ႈ​လုၵ်ႈ​ပၢၼ်​လၢၼ်​ ဢေးသေႃး ​ဢၼ်​ပဵၼ်​ပေႃႈ​ၵူၼ်း​မဵဝ်း​ ဢေႇတုမ်ႇ ​ၵႃႈ​ၼိူဝ်​လွႆ​ ၸီႉရႃႉ ​ၼၼ်ႉ​ၸိုင် တၵ်း​လၢတ်ႈ​လူး​ၵွၼ်ႇ​ဢေႃႈ။-</verse>
				<verse number="10">ၸိုဝ်ႈ​သဵင်​လုၵ်ႈ​ၸၢႆး​ ဢေးသေႃး ​တင်း​လၢႆ​ၸမ်ႉ၊ ပဵၼ်​ ဢေးလီႉၽတ်ႉ ​လုၵ်ႈ​ၸၢႆး​ ဢႃႇတႃႉ မေး​ ဢေးသေႃး တင်း​ ရူႉဢေးလႃႉ လုၵ်ႈ​ၸၢႆး ပႃႇသမတ်ႉ မေး​ ဢေးသေႃး ​ၼၼ်ႉ​ဢေႃႈ။-</verse>
				<verse number="11">လုၵ်ႈ​ၸၢႆး​ ဢေးလီႉၽတ်ႉ ​ၸမ်ႉ၊ ပဵၼ်​ တေႇမၢၼ်ႇ၊ ဢေႃးမရႃႉ၊ ၸေႇၽေႃႇ၊ ၵႃႇတမ်ႇ တင်း​ ၵေးၼတ်ႉ ​ဢေႃႈ။-</verse>
				<verse number="12">တိမ်းၼႃႉ ပဵၼ်​မေး​ၼွႆႉ ဢေးလီႉၽတ်ႉ ​လုၵ်ႈ​ၸၢႆး​ ဢေးသေႃး ​ၼၼ်ႉ​လႄႈ လုၵ်ႈ​ၸၢႆး​ဢၼ်​မၼ်း​ၵိူတ်ႇ​လဵင်ႉ​မႃး တီႈ​ ဢေးလီႉၽတ်ႉ ​ၼၼ်ႉ​ၸမ်ႉ၊ ပဵၼ်​ ဢႃႇမလႅၵ်ႉ ​ဢေႃႈ။ ၶဝ်​ၸိူဝ်း​ၼႆႉ​ပဵၼ်​ၸိူဝ်ႉ​ၶိူဝ်း ဢၼ်​သိုပ်ႇ​လူင်း​မႃး​ၵႃႈ​တီႈ ဢႃႇတႃႉ ​မေး​ ဢေးသေႃး ​ၼၼ်ႉ​ဢေႃႈ။-</verse>
				<verse number="13">လုၵ်ႈ​ၸၢႆး​ ရူႉဢေးလႃႉ ​ၸမ်ႉ၊ ပဵၼ်​ ၼႃႇႁတ်ႉ၊ ၸေးရႃႉ၊ သၢမ်ႇ​မႃႇ တင်း​ မိတ်ႉၸႃႉ ​ဢေႃႈ။ ၶဝ်​ၸိူဝ်း​ၼႆႉ​ပဵၼ်​ၸိူဝ်ႉ​ၶိူဝ်း​ဢၼ်​သိုပ်ႇ​လူင်း​မႃး ၵႃႈ​တီႈ​ ပႃႇသမတ်ႉ ​မေး ဢေးသေႃး ​ဢေႃႈ။-</verse>
				<verse number="14">လုၵ်ႈ​ၸၢႆး​ဢၼ်​မေး​ ဢေးသေႃး ဢႃႁေႃးလီႉပႃႇမႃႉ လုၵ်ႈ​ယိင်း​ ဢႃႇၼႃႉ ဢၼ်​ပဵၼ်​လုၵ်ႈ​ယိင်း​ ၸီႉၽွင်ႇ ​ၼၼ်ႉ​ၵိူတ်ႇ​လဵင်ႉ​မႃး​တီႈ ဢေးသေႃး ​ၼၼ်ႉ​ၸမ်ႉ၊ ပဵၼ်​ ယူႉသႃႉ၊ ယႃႇလၢမ်ႇ တင်း​ ၵေႃးရႃႉ ​ဢေႃႈ။</verse>
				<verse number="15">ၼႂ်း​လုၵ်ႈ​ၸၢႆး​ ဢေးသေႃး ​တင်း​လၢႆ​ၼၼ်ႉ​တၵ်း​လၢတ်ႈ​လူၺ်ႈ​ၶဝ်​ၸိူဝ်း​ဢၼ် ႁဵတ်း​ပူဝ်ႇ​ၼၼ်ႉ​လူး​ၵွၼ်ႇ​ဢေႃႈ။ လုၵ်ႈ​ၸၢႆး ဢေးလီႉၽတ်ႉ ဢၼ်​ပဵၼ်​လုၵ်ႈ​တူၼ်ႈ​ ဢေးသေႃး ​ၼၼ်ႉ​ၸမ်ႉ၊ ပဵၼ်​ပူဝ်ႇ​ တေႇမၢၼ်ႇ ၊ ပူဝ်ႇ​ ဢေႃးမရႃႉ ၊ ပူဝ်ႇ​ ၸေႇၽေႃႇ ၊ ပူဝ်ႇ​ ၵေးၼတ်ႉ ၊-</verse>
				<verse number="16">ပူဝ်ႇ​ ၵေႃးရႃႉ ၊ ပူဝ်ႇ​ ၵႃႇတမ်ႇ ​တင်း ပူဝ်ႇ​ ဢႃႇမလႅၵ်ႉ ​ဢေႃႈ။ ၶဝ်​ၸိူဝ်း​ၼႆႉ​ပဵၼ်​ပူဝ်ႇ​ဢၼ်​သိုပ်ႇ​ဢွၵ်ႇ​တီႈ​ ဢေးလီႉၽတ်ႉ ၵႃႈ​ၼႂ်း​မိူင်း ဢေႇတုမ်ႇ ​လႄႈ​ပဵၼ်​ၸိူဝ်ႉ​ၶိူဝ်း​ ဢႃႇတႃႉ ​ဢေႃႈ။-</verse>
				<verse number="17">လုၵ်ႈ​ၸၢႆး​ ရူႉဢေးလႃႉ ​ဢၼ်​ပဵၼ်​လုၵ်ႈ​ၸၢႆး​ ဢေးသေႃး ​ၼၼ်ႉ​ၸမ်ႉ၊ ပဵၼ်​ပူဝ်ႇ​ ၼႃႇႁတ်ႉ ၊ ပူဝ်ႇ​ ၸေးရႃႉ ၊ ပူဝ်ႇ​ သၢမ်ႇ​မႃႇ တင်း​ပူဝ်ႇ​ မိတ်ႉၸႃႉ ​ဢေႃႈ။ ၶဝ်​ၸိူဝ်း​ၼႆႉ​ပဵၼ်​ပူဝ်ႇ​ဢၼ်​သိုပ်ႇ​ဢွၵ်ႇ​တီႈ ရူႉဢေးလႃႉ ၵႃႈ​ၼႂ်း​မိူင်း​ ဢေႇတုမ်ႇ ​လႄႈ ပဵၼ်​ၸိူဝ်ႉ​ၶိူဝ်း ပႃႇသမတ်ႉ ​မေး​ ဢေးသေႃး ​ဢေႃႈ။-</verse>
				<verse number="18">လုၵ်ႈ​ၸၢႆး​ ဢႃႁေႃးလီႉပႃႇမႃႉ ​မေး ဢေးသေႃး ​ၸမ်ႉ၊ ပဵၼ်​ပူဝ်ႇ​ ယူႉသႃႉ ၊ ပူဝ်ႇ​ ယႃႇလၢမ်ႇ တင်း​ပူဝ်ႇ​ ၵေႃးရႃႉ ​ဢေႃႈ။ ၶဝ်​ၸိူဝ်း​ၼႆႉ ပဵၼ်​ပူဝ်ႇ​ဢၼ်​သိုပ်ႇ​ဢွၵ်ႇ​တီႈ မေး​ ဢေးသေႃး၊ ဢႃႁေႃးလီႉပႃႇမႃႉ လုၵ်ႈ​ယိင်း​ ဢႃႇၼႃႉ ​ၼၼ်ႉ​ဢေႃႈ။-</verse>
				<verse number="19">ၶဝ်​ၸိူဝ်း​ၼႆႉ ပဵၼ်​လုၵ်ႈ​ၸၢႆး​ ဢေးသေႃး ဢၼ်​လႆႈ​ၸိုဝ်ႈ​ ဢေႇတုမ်ႇ ​ၼၼ်ႉ​လႄႈ ပဵၼ်​ၶဝ်​ၸိူဝ်း​ဢၼ်​ႁဵတ်း​ပူဝ်ႇ ၼႂ်း​ၶဝ်​ၼၼ်ႉ​ဢေႃႈ။</verse>
				<verse number="20">လုၵ်ႈ​ၸၢႆး​ ၸီႉရႃႉ ​ၵူၼ်း​ ႁေႃးရီႉ ​ဢၼ်​ယူႇ​ၵႃႈ​ၼႂ်း​မိူင်း​ၼၼ်ႉ​ၸမ်ႉ၊ ပဵၼ်​ လေႃႇတၼ်ႇ၊ သေႃးပလႃႉ၊ ၸီႉၽွင်ႇ၊ ဢႃႇၼႃႉ ၊-</verse>
				<verse number="21">တီႉသုၼ်ႇ၊ ဢေးၸႃႇ တင်း​ တီႉသၼ်ႇ ​ဢေႃႈ။ ၶဝ်​ၸိူဝ်း​ၼႆႉ​ပဵၼ်​ၵေႃႉ​ဢၼ်​ႁဵတ်း​ပူဝ်ႇ​ၼႂ်း​ၵူၼ်း​ ႁေႃးရီႉ ​တင်း​လၢႆ ဢၼ်​ပဵၼ် ၸိူဝ်ႉ​ၶိူဝ်း​ ၸီႉရႃႉ ၵႃႈ​ၼႂ်း​မိူင်း​ ဢေႇတုမ်ႇ ​ဢေႃႈ။-</verse>
				<verse number="22">လုၵ်ႈ​ၸၢႆး​ လေႃႇတၼ်ႇ ​ၸမ်ႉ၊ ပဵၼ်​ ႁေႃးရီႉ တင်း​ ႁေႇမၼ်ႇ ​ဢေႃႈ။ ၼွင်ႉ​ယိင်း​ လေႃႇတၼ်ႇ ​ၸမ်ႉ၊ ပဵၼ်​ တိမ်းၼႃႉ ​ဢေႃႈ။-</verse>
				<verse number="23">လုၵ်ႈ​ၸၢႆး​ သေႃးပလႃႉ ​ၸမ်ႉ၊ ပဵၼ်​ ဢႃႇလဝၢၼ်ႇ၊ မႃႇၼႃႁတ်ႉ၊ ဢေးပႃႇလႃႉ၊ သေးၽေႃႇ တင်း​ ဢေႃးၼမ်ႇ ​ဢေႃႈ။-</verse>
				<verse number="24">လုၵ်ႈ​ၸၢႆး​ ၸီႉၽွင်ႇ ​ၸမ်ႉ၊ ပဵၼ်​ ဢႃႇယႃႉ တင်း​ ဢႃႇၼႃႉ ​ဢေႃႈ။ ဢႃႇၼႃႉ ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​ထူပ်း​ႁၼ် ၼမ်ႉ​ပုင်ႇ​မႆႈ ၵႃႈ​တီႈ​ထိူၼ်ႇ​ၼႂ်း​မိူဝ်ႈ​ဢၼ်​မၼ်း​လဵင်ႉ​ထိင်း​လီႈ​ပေႃႈ​မၼ်း ၸီႉၽွင်ႇ ​ၼၼ်ႉ​ဢေႃႈ။-</verse>
				<verse number="25">လုၵ်ႈ​ၸၢႆး​ ဢႃႇၼႃႉ ​ၸမ်ႉ၊ ပဵၼ်​ တီႉသုၼ်ႇ ​ဢေႃႈ။ ဢႃႁေႃးလီႉပႃႇမႃႉ ​ၵေႃႈ​ပဵၼ်​လုၵ်ႈ​ယိင်း​ ဢႃႇၼႃႉ ​ဢေႃႈ။-</verse>
				<verse number="26">လုၵ်ႈ​ၸၢႆး​ တီႉသုၼ်ႇ ​ၸမ်ႉ၊ ပဵၼ်​ ႁဵမ်တၼ်ႇ၊ ဢေးသပၼ်ႇ၊ ဢီႉသရၼ်ႇ တင်း​ ၶႄးရၼ်ႇ ​ဢေႃႈ။-</verse>
				<verse number="27">လုၵ်ႈ​ၸၢႆး​ ဢေးၸႃႇ ​ၸမ်ႉ၊ ပဵၼ်​ ပီႉလႁၼ်ႇ၊ ၸႃႇဝၼ်ႇ တင်း​ ဢႃႇၵၼ်ႇ ​ဢေႃႈ။-</verse>
				<verse number="28">လုၵ်ႈ​ၸၢႆး​ တီႉသၼ်ႇ ​ၸမ်ႉ၊ ပဵၼ်​ ဢူႉၸႃႉ တင်း​ ဢႃႇရၼ်ႇ ​ဢေႃႈ။-</verse>
				<verse number="29">ပူဝ်ႇ​ၸိူဝ်ႉ​ၶိူဝ်း​ၵူၼ်း​ ႁေႃးရီႉ ​ၸမ်ႉ၊ ပဵၼ်​ပူဝ်ႇ​ လေႃႇတၼ်ႇ ၊ ပူဝ်ႇ​ သေႃးပလႃႉ ၊ ပူဝ်ႇ​ ၸီႉၽွင်ႇ ၊ ပူဝ်ႇ​ ဢႃႇၼႃႉ ၊-</verse>
				<verse number="30">ပူဝ်ႇ​ တီႉသုၼ်ႇ ၊ ပူဝ်ႇ​ ဢေးၸႃႇ တင်း​ပူဝ်ႇ​ တီႉသၼ်ႇ ​ဢေႃႈ။ ၶဝ်​ၸိူဝ်း​ၼႆႉ၊ ပဵၼ်​ပူဝ်ႇ​ၸိူဝ်ႉ​ၶိူဝ်း​ၵူၼ်း​ ႁေႃးရီႉ ၸွမ်း​ၼင်ႇ​ၶဝ်​ၸိူဝ်း​ဢၼ် ႁဵတ်း​ပူဝ်ႇ​ၵႃႈ​ၼႂ်း​မိူင်း​ ဢေႇတုမ်ႇ ​ၼၼ်ႉ​ဢေႃႈ။</verse>
				<verse number="31">ၶုၼ်​လူင်​ဢၼ်​ဢုပ်ႉ​ပိူင်ႇ​ၼႂ်း​မိူင်း​ ဢေႇတုမ်ႇ ၸူဝ်ႈ​ဢၼ်​ၶုၼ်​လူင်​ဢၼ်​ဢုပ်ႉ​ပိူင်ႇ​ၼႂ်း​ၸိူဝ်ႉ​ၶိူဝ်း​ ဢီႉသရေႇလႃႉ ဢမ်ႇ​ပႆႇ​မီး ၼၼ်ႉ​ၸမ်ႉ၊-</verse>
				<verse number="32">ပေႇလႃႉ ဢၼ်​ပဵၼ်​လုၵ်ႈ​ၸၢႆး​ ပေႃးရႃႉ ႁဵတ်း​ၶုၼ်​ၼႂ်း​မိူင်း​ ဢေႇတုမ်ႇ ​ၼၼ်ႉ​ဢေႃႈ။ ဝဵင်း​မၼ်း​ၸမ်ႉ၊ ပဵၼ် ဝဵင်း​ တိၼ်ႇႁႃႇပႃႉ ​ဢေႃႈ။-</verse>
				<verse number="33">ၶုၼ်​ ပေႇလႃႉ ​တၢႆ​လႄႈ ယေႃးပပ်ႉ ​ဢၼ်​ပဵၼ်​လုၵ်ႈ​ၸၢႆး​ ၸေးရႃႉ ၵူၼ်း​တီႈ​ ပေႃႇၸရႃႉ ​ၼၼ်ႉ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။-</verse>
				<verse number="34">ၶုၼ်​ ယေႃးပပ်ႉ ​တၢႆ​လႄႈ​ ႁူႉသမ်ႇ ၵူၼ်း​မိူင်း​ တေႇမၢၼ်ႇ ၊ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။-</verse>
				<verse number="35">ၶုၼ်​ ႁူႉသမ်ႇ ​တၢႆ​လႄႈ​ ႁႃႇတတ်ႉ ​ဢၼ်​ပဵၼ်​လုၵ်ႈ​ၸၢႆး​ ပေးတတ်ႉ ​ဢၼ် တိုၵ်း​တေႃး​ယႃႉ​ပႅတ်ႈ​ၵူၼ်း​ မီႉတျၼ်ႇ ​တင်း​လၢႆ ၵႃႈ​ၼႂ်း​ပၢင်ႇ​ပဵင်း​ မေႃႇၽႃႉ ​ၼၼ်ႉ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။ ဝဵင်း​မၼ်း​ၸမ်ႉ၊ ပဵၼ်​ဝဵင်း​ ဢႃႇဝိတ်ႉ ​ဢေႃႈ။-</verse>
				<verse number="36">ၶုၼ်​ ႁႃႇတတ်ႉ ​တၢႆ​လႄႈ ၸမ်းလႃႉ ​ၵူၼ်း​တီႈ​ မႃႇသရိၵ်ႉ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။-</verse>
				<verse number="37">ၶုၼ်​ ၸမ်းလႃႉ ​တၢႆ​လႄႈ သေႃးလႃႉ ၵူၼ်း​တီႈ​ ရႁေႃးၽုတ်ႉ ဢၼ်​မီး​ၵႃႈ​ႁိမ်း​ၼမ်ႉ​ႁွင်ႈ​ၼၼ်ႉ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။-</verse>
				<verse number="38">ၶုၼ်​ သေႃးလႃႉ ​တၢႆ​လႄႈ​ ပႃႇလႁႃႇၼၼ်ႇ ဢၼ်​ပဵၼ်​လုၵ်ႈ​ၸၢႆး​ ဢႃႇၶပေႃႇ ​ၼၼ်ႉ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။-</verse>
				<verse number="39">ၶုၼ်​ ပႃႇလႁႃႇၼၼ်ႇ ဢၼ်​ပဵၼ်​လုၵ်ႈ​ၸၢႆး​ ဢႃႇၶပေႃႇ ​ၼၼ်ႉ​တၢႆ​လႄႈ ႁႃႇတႃႉ ​ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။ ဝဵင်း​မၼ်း​ၸမ်ႉ၊ ပဵၼ်​ဝဵင်း​ ပေႃႇ ​ဢေႃႈ။ ၸိုဝ်ႈ​သဵင်​မေး​မၼ်း​ၸမ်ႉ၊ ပဵၼ်​ မႁေႇတႃႉပေႇလႃႉ လုၵ်ႈ​ယိင်း​ မႃႇတရိၵ်ႉ လုၵ်ႈ​ယိင်း​ မေႇၸႁပ်ႉ ​ဢေႃႈ။</verse>
				<verse number="40">ၸိုဝ်ႈ​သဵင်​ပူဝ်ႇ​ဢၼ်​သိုပ်ႇ​ဢွၵ်ႇ​ၵႃႈ​တီႈ​ ဢေးသေႃး ၵႃႈ​ၼင်ႇ​ဢၼ်​ၸွမ်း​လူၺ်ႈ​ၸိူဝ်ႉ​ၶိူဝ်း​ထႃႇၼႃႉ​တီႈ​ယူႇ၊ ၼႃႇ​မႃႉ​ၸိုဝ်ႈ​သဵင်​ၶဝ် ႁင်း​ၽႂ်​ႁင်း​မၼ်း​ၼၼ်ႉ​ၸမ်ႉ၊ ပဵၼ်​ပူဝ်ႇ​ တိမ်းၼႃႉ ၊ ပူဝ်ႇ​ ဢႃႇလဝႃႉ ၊ ပူဝ်ႇ​ ယေႇသိတ်ႉ ၊-</verse>
				<verse number="41">ပူဝ်ႇ​ ဢႃႁေႃးလီႉပႃႇမႃႉ ၊ ပူဝ်ႇ​ ဢေးလႃႇ ၊ ပူဝ်ႇ​ ပီႉၼုၼ်ႇ ၊-</verse>
				<verse number="42">ပူဝ်ႇ​ ၵေးၼတ်ႉ ၊ ပူဝ်ႇ​ တေႇမၢၼ်ႇ ၊ ပူဝ်ႇ​ မီႉပၸႃႇ ၊-</verse>
				<verse number="43">ပူဝ်ႇ​ မႃႇၵတျေႇလႃႉ တင်း​ပူဝ်ႇ​ ဢီႉရမ်ႇ ​ဢေႃႈ။ ၶဝ်​ၸိူဝ်း​ၼႆႉ ပဵၼ်​ပူဝ်ႇ​မိူင်း​ ဢေႇတုမ်ႇ တီႈ​ယူႇ​ၽႂ်​တီႈ​ယူႇ​မၼ်း၊ ၵႃႈ​ၼႂ်း​မိူင်း​ဢၼ်​ၶဝ်​ပိူင်ႇ​ၼၼ်ႉ​ဢေႃႈ။ ဢေးသေႃး ​ၼၼ်ႉ​ပဵၼ်​ပေႃႈ​ၵူၼ်း​မဵဝ်း​ ဢေႇတုမ်ႇ ​ဢေႃႈ။</verse>
			</chapter>
			<chapter number="37">
				<verse number="1">ယႃႇၵုပ်ႈ ​ယူႇ​ၵႃႈ​ၼႂ်း​မိူင်း​ ၶႃႇၼၢၼ်ႇ တီႈ​ဢၼ်​ပေႃႈ​မၼ်း​သွၼ်ႈ​ပိုင်ႈ​ယူႇ​ၼၼ်ႉ​ဢေႃႈ။-</verse>
				<verse number="2">ဢထုၵ်ႉပတ်ႈတီႉ​ၸိူဝ်ႉ​ၶိူဝ်း​ ယႃႇၵုပ်ႈ ​ၸမ်ႉ၊ ယူဝ်းသႅပ်ႈ ​ဢသၢၵ်ႈ​လႆႈ သိပ်း​ပၢႆ​ၸဵတ်း​ပီႊ​လႄႈ လဵင်ႉ​ထိင်း​ၽုင်​သူဝ်း​ၽုင်​ပႄႉ​လူၺ်ႈ​ၵၼ်​တင်း​ပီႈ​ဢၢႆႈ​မၼ်း​တင်း​လၢႆ​ဢေႃႈ။ မိူဝ်ႈ​ဢၼ်​မၼ်း​ယင်း​ပဵၼ်​မၢဝ်ႇ​ႁၢႆး​ဢွၼ်ႇ​ယူႇ​ၼၼ်ႉ မၼ်း​ယူႇ​လူၺ်ႈ​ၵၼ်​တင်း​လုၵ်ႈ​ၸၢႆး​ ပီႉလႁႃႇ တင်း​ ၸီႉလပႃႉ မေး​ပေႃႈ​မၼ်း​ၸိူဝ်း​ၼၼ်ႉ​လႄႈ ၸၢင်ႈ​မွၵ်ႇ​လၢတ်ႈ​ဢပႅတ်ႈ​ၶဝ်​ၼၼ်ႉ​တီႈ​ပေႃႈ​ၶဝ်​ဢေႃႈ။-</verse>
				<verse number="3">ဢီႉသရေႇလႃႉ ​ၼၼ်ႉ​ၵွပ်ႈ​ပိူဝ်ႈ​ဢၼ်​လႆႈ​လုၵ်ႈ​ၸၢႆး​မၼ်း​ ယူဝ်းသႅပ်ႈ ​ၼၼ်ႉ ၼႂ်း​မိူဝ်ႈ​ဢၼ်​ဢသၢၵ်ႈ​ယႂ်ႇ​လႄႈ ယဵင်ႈ​ၶႅၼ်း​ႁၵ်ႉ​ ယူဝ်းသႅပ်ႈ ၼႃႇ​သေ​လုၵ်ႈ​ၸၢႆး​တၢင်ႇ​ၵေႃႉ​တင်း​သဵင်ႈ​တင်း​လူင်​ဢေႃႈ။ သိူဝ်ႈ​ၼုင်ႈ​ဢၼ်​ယၢဝ်း​လီ​ၵေႃႈ​ယဵပ်ႉ​လႄႈ​ပၼ်​တီႈ​မၼ်း​ဢေႃႈ။-</verse>
				<verse number="4">ပီႈ​ဢၢႆႈ​မၼ်း​ၸိူဝ်း​ၼၼ်ႉ၊ မိူဝ်ႈ​ဢၼ်​ႁူႉ​ႁၼ်​လွင်ႈ​ဢၼ်​ပေႃႈ​ၶဝ်​ႁၵ်ႉ​မၼ်း​ၼႃႇ​သေ​ပီႈ​ဢၢႆႈ​မၼ်း တင်း​သဵင်ႈ​တင်း​လူင်​ၼၼ်ႉ​ၸိုင်၊ ဢွၼ်​ၵၼ်​ၸင်း​မၼ်း​လႄႈ ဢမ်ႇ​လၢတ်ႈ​ၵႂၢမ်း​မႅတ်ႈ​တႃႇ​တီႈ​မၼ်း​လႆႈ။</verse>
				<verse number="5">ယူဝ်းသႅပ်ႈ ​ၼၼ်ႉ ၼွၼ်း​ၽၼ်​ႁၼ်​လႄႈ ၶိုၼ်း​မွၵ်ႇ​လၢတ်ႈ လွင်ႈ​မၼ်း​တၢင်း​မၼ်း​တီႈ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​ဢေႃႈ။ ၶဝ်​ၼၼ်ႉ​ယဵင်ႈ​ၶႅၼ်း ဢွၼ်​ၵၼ်​ၸင်း​မၼ်း​ဢေႃႈ။-</verse>
				<verse number="6">မၼ်း​ၶိုၼ်း​မွၵ်ႇ​လၢတ်ႈ လွင်ႈ​တၢင်း​ဢၼ်​မၼ်း​ၽၼ်​ႁၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ထွမ်ႇ​ငိၼ်း​တၢင်း​ဢၼ်​ၼွၼ်း​ၽၼ်​ဢၼ် ၵဝ်​ၶႃႈ​လႆႈ​ၽၼ်​ႁၼ်​ၼၼ်ႉ​သေ​ၵမ်း။-</verse>
				<verse number="7">ၼႂ်း​မိူဝ်ႈ​ဢၼ်​ၵဝ်​ၶႃႈ​မတ်ႉ​လိုၼ်ႈ​ၶဝ်ႈ​ယူႇ​ၵႃႈ​ၼႂ်း​တူင်ႈ​ၼႃး​ၼၼ်ႉ၊ လိုၼ်ႈ​ၶဝ်ႈ​ၵဝ်​ၶႃႈ​လုၵ်ႉ​ၸုၵ်း​လႄႈ လိုၼ်ႈ​ၶဝ်ႈ​သူ​ၸဝ်ႈ​ၵေႃႈ​ဢွၼ်​ၵၼ်​ၸုၵ်း​လွမ်ႉ​ႁွပ်ႈ​ယူႇ​သေ​လႄႈ ဝႆႈ​လိုၼ်ႈ​ၶဝ်ႈ​ၵဝ်​ၶႃႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ပီႈ​ဢၢႆႈ​မၼ်း​ၸိူဝ်း​ၼၼ်ႉ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ မႂ်း​တၵ်း​လႆႈ​ႁဵတ်း​ၶုၼ်​ၵႃႈ​ၼိူဝ်​ႁဝ်း​ႁိုဝ်။ တၵ်း​လႆႈ​ဢုပ်ႉ​ပိူင်ႇ​ႁဝ်း​ႁိုဝ်။ ဝႃႈ​ၼင်ႇ​ၼႆ​လႄႈ ၵွပ်ႈ​ပိူဝ်ႈ​တၢင်း​ဢၼ် မၼ်း​ၽၼ်​ႁၼ်​ဢိၵ်ႇ​တင်း ၵႂၢမ်း​မၼ်း​ၼၼ်ႉ​လႄႈ၊ ယဵင်ႈ​ၶႅၼ်း ဢွၼ်​ၵၼ်​ၸင်း​မၼ်း​ဢေႃႈ။</verse>
				<verse number="9">လိုၼ်း​ၼၼ်ႉ​မၼ်း​သမ်ႉ​ၼွၼ်း​ၽၼ်​ႁၼ်​ထႅင်ႈ​လႄႈ မွၵ်ႇ​လၢတ်ႈ​တီႈ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ၵဝ်​ၶႃႈ​ၽၼ်​ႁၼ်​တၢင်ႇ​ၸိူဝ်ႉ​တၢင်ႇ​ပိူင်​ထႅင်ႈ​ၶႃႈ​ယဝ်ႉ။ ၸႃႉ​ၸဵမ်​ၵၢင်​ဝၼ်း​တင်း​လိူၼ်​လႄႈ လၢဝ်​သိပ်း​ဢဵတ်း​လုၵ်ႈ​ၸိူဝ်း​ၼၼ်ႉ ဢွၼ်​ၵၼ်​ဝႆႈ​ၵဝ်​ၶႃႈ​ယူႇ​ၶႃႈ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ဢၼ်​မွၵ်ႇ​လၢတ်ႈ​တီႈ​ပေႃႈ​မၼ်း ဢိၵ်ႇ​တင်း​ပီႈ​ဢၢႆႈ​မၼ်း​တင်း​လၢႆ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ပေႃႈ​မၼ်း​သင်ႇ​သွၼ်​တီႈ​မၼ်း​လႄႈ​ဝႃႈ၊ တၢင်း​ဢၼ်​မႂ်း​ၽၼ်​ႁၼ်​ၼႆႉ ပဵၼ်​ၸိူဝ်ႉ​ၼင်ႇ​ႁိုဝ်။ ၵဝ်​ဢိၵ်ႇ​တင်း​မႄႈ​မႂ်း​တင်း​ပီႈ​ဢၢႆႈ​မႂ်း​တင်း​လၢႆ တၵ်း​လႆႈ​ဢွၼ်​ၵၼ် မႃး​ၵူမ်ႈ​ႁူဝ် ၵွမ်း​ႁူဝ်​ၵႃႈ​ၼိူဝ်​လိၼ် ၵႃႈ​တီႈ​ၽၢႆႇ​ၼႃႈ​မႂ်း​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ပီႈ​ဢၢႆႈ​မၼ်း​ၸိူဝ်း​ၼၼ်ႉ ဢွၼ်​ၵၼ်​သီႈ​ၵေႉ​ႁေႈ​တႃ​မၼ်း​ဢေႃႈ။ ပေႃႈ​မၼ်း​ၵေႃႈ​မၢတ်ႈ​တွင်း​လွင်ႈ​မၼ်း​တၢင်း​မၼ်း​ၼၼ်ႉ​ဝႆႉ​ဢေႃႈ။</verse>
				<verse number="12">ပီႈ​ဢၢႆႈ​မၼ်း​ၸိူဝ်း​ၼၼ်ႉ ဢွၼ်​ၵၼ်​ၵႂႃႇ​ၵႃႈ​တီႈ ဝဵင်း​ သေႇၶိမ်ႇ ႁႂ်ႈ​လႆႈ​လဵင်ႉ​ထိင်း​ၽုင်​သူဝ်း​ၽုင်​ပႄႉ​ပေႃႈ​ၶဝ်​ဢေႃႈ။-</verse>
				<verse number="13">ဢီႉသရေႇလႃႉ ​လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ ပီႈ​ဢၢႆႈ​မႂ်း​ၸိူဝ်း​ၼၼ်ႉ​လဵင်ႉ​ထိင်း​ၽုင်​သူဝ်း​ၽုင်​ပႄႉ​ယူႇ​ၵႃႈ​တီႈ​ဝဵင်း​ သေႇၶိမ်ႇ ​ပုၼ်ႉ ဢမ်ႇ​ၸႂ်ႈ​ႁိုဝ်။ မႃး​လူး၊ ၵဝ်​တၵ်း​ပွႆႇ​ၸႂ်ႉ​မႂ်း​ၵႂႃႇ​ၵႃႈ​တီႈ​ဢၼ်​ၶဝ်​မီး​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​မီး​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ပေႃႈ​မၼ်း​သင်ႇ​လၢတ်ႈ​တီႈ​မၼ်း​လႄႈ​ဝႃႈ၊ ၵႂႃႇ​တႃႉ။ လူ​တူၺ်း​လွင်ႈ​ဢၼ်​ပီႈ​ဢၢႆႈ​မႂ်း​ၸိူဝ်း​ၼၼ်ႉ ယူႇ​လီ​ၵိၼ်​ဝၢၼ်​ယူႇ​ႁိုဝ်။ ၽုင်​သူဝ်း ၽုင်​ပႄႉ​မီး​ယူႇ​လီ​လီ​ငၢမ်း​ငၢမ်း​ႁိုဝ်​ၼၼ်ႉ​သေ​ယဝ်ႉ၊ ၶိုၼ်း​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​မႃး​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​လႄႈ ပွႆႇ​မၼ်း​ဢွၵ်ႇ​သေ ၵႃႈ​ၼႂ်း​ပၢင်ႇ​ႁူၺ်ႈ​ ႁေႇပြုၼ်ႇ ​ၼၼ်ႉ​ၵႂႃႇ​လႄႈ မၼ်း​ၵေႃႈ​ႁွတ်ႈ​ထိုင် ၵႃႈ​တီႈ​ဝဵင်း​ သေႇၶိမ်ႇ ​ဢေႃႈ။-</verse>
				<verse number="15">ၵူၼ်း​ၵေႃႉ​ၼိုင်ႈ​ထူပ်း​ႁၼ်​မၼ်း​ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​လႄႇ​လဵပ်ႈ​ယူႇ​ၵႃႈ​ၼႂ်း​ထိူၼ်ႇ​ၼၼ်ႉ​လႄႈ ထၢမ်​တီႈ​မၼ်း​လႄႈ​ဝႃႈ၊ မႂ်း​ႁႃ​ၵႃႈ​သင်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​ႁႃ​ပီႈ​ဢၢႆႈ​ၵဝ်​ၶႃႈ​တင်း​လၢႆ​ၶႃႈ​ဢေႃႈ။ ၶႅၼ်း​တေႃႈ​မွၵ်ႇ​လၢတ်ႈ​လွင်ႈ​ဢၼ်​ၶဝ် လဵင်ႉ​ယူႇ ထိင်း​ယူႇ​ၵႃႈ​တီႈ​လႂ်​ၼၼ်ႉ တီႈ​ၵဝ်​ၶႃႈ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="17">ၵေႃႉ​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၶဝ်​ဢွၵ်ႇ​သေ​ၵႃႈ​တီႈ​ၼႆႈ​ၵႂႃႇ​ယဝ်ႉ။ ၵဝ်​လႆႈ​ငိၼ်း​ၶဝ်​လၢတ်ႈ​ၵၼ်​လႄႈ​ဝႃႈ၊ ၵႂႃႇ​ၵႃႈ​တီႈ​ဝဵင်း​ တေႃႇသၼ်ႇ ​ပုၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ယူဝ်းသႅပ်ႈ ​ၸွမ်း​ႁႃ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​လႄႈ ထူပ်း​ႁၼ်​ၶဝ်​ၵႃႈ​တီႈ​ဝဵင်း​ တေႃႇသၼ်ႇ ​ဢေႃႈ။</verse>
				<verse number="18">ပီႈ​ဢၢႆႈ​မၼ်း​ၸိူဝ်း​ၼၼ်ႉ ႁၼ်​မၼ်း​ၸဵမ်​မိူဝ်ႈ​ဢၼ်​မၼ်း​ယင်း​မီး​ယူႇ​ၵႃႈ​တီႈ​ဢၼ်​ၵႆ​ၼၼ်ႉ​သေ​ယဝ်ႉ၊ ၸူဝ်ႈ​ဢၼ်​မၼ်း​ဢမ်ႇ​ပႆႇ​ႁွတ်ႈ​ထိုင်​ၵႃႈ​တီႈ​ၸမ်​ၼၼ်ႉ​ၸိုင်၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တိူင်ႇ​ပၢင်ႇ​လၢတ်ႈ​ၸႃ​ၵၼ် ႁႂ်ႈ​လႆႈ​ဢဝ်​မၼ်း​တၢႆ​လႄႈ​ဝႃႈ၊-</verse>
				<verse number="19">တူၺ်း​လူး၊ သြႃႇ​တၢင်း​ဢၼ်​ၼွၼ်း​ၽၼ်​ႁၼ်​ၼၼ်ႉ​မႃး​ယဝ်ႉ။-</verse>
				<verse number="20">မႃး​ဢိူၺ်း၊ ဢဝ်​မၼ်း​တၢႆ​လႄႈ​ၶျႃး​တူၵ်း​သႂ်ႇ​ဝႆႉ​ၵႃႈ​ၼႂ်း​ၶုမ်​သေ​ဢၼ်​ဢၼ်​တႃႉ​ႁဝ်း။ ဢွၼ်​ၵၼ်​လၢတ်ႈ​လႄႈ​ဝႃႈ၊ တူဝ်​ထိူၼ်ႇ​ဢၼ်​ႁၢႆႉ သေ​ၸိူဝ်ႉ​သေ​မဵဝ်း​ၶူပ်း​ၵိၼ်​မၼ်း​ယဝ်ႉ၊ ဝႃႈ​ၼင်ႇ​ၼႆ​တႃႉ​ႁဝ်း။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ယဝ်ႉ​ၸိုင်၊ ဢွၼ်​ၵၼ်​တူၺ်း​လွင်ႈ​ဢၼ်​တၢင်း​ဢၼ်​မၼ်း​ၼွၼ်း​ၽၼ်​ႁၼ်​ၸိူဝ်း​ၼၼ်ႉ တၵ်း​တူၵ်း​တီႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ရူႉပိၼ်ႇ ​လႆႈ​ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ၼုၵ်ႈ​ဢဝ်​မၼ်း​ၵႃႈ​ၼႂ်း​မိုဝ်း​ၶဝ်​ၼၼ်ႉ​လႄႈ​ဝႃႈ၊ ယင်း​ဢမ်ႇ​ဢဝ်​မၼ်း​တၢႆ​လႄႈ ဢွၼ်​ၵၼ် ယူႇ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၵမ်း​ၼၼ်ႉ ရူႉပိၼ်ႇ ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ယႃႇ​ပေ​ထွၵ်ႇ​လိူတ်ႈ​မၼ်း​ပႅတ်ႈ။ ယင်း​ဢမ်ႇ​ဢဝ်​တင်း​မိုဝ်း​ႁဵတ်း​လႄႈ ဢဝ်​မၼ်း​ၶျႃး​တူၵ်း​သႂ်ႇ​ဝႆႉ ၵႃႈ​ၼႂ်း​ၶုမ်​ဢၼ်​မီး​ၵႃႈ​ၼႂ်း​ထိူၼ်ႇ​ၼႆႉ​တႃႉ​ႁဝ်း၊ ဝႃႈ​ၼင်ႇ​ၼႆ​လႄႈ​မီး​တၢင်း​ၵျၢမ်ႇ​တၢင်း​ပွင် ဢၢင်ႈ​တၵ်း​ၼုၵ်ႈ​ဢဝ်​မၼ်း​လွတ်ႈ​သေ ၵႃႈ​ၼႂ်း​မိုဝ်း​ၶဝ်​လႄႈ ၶိုၼ်း​ဢၢပ်ႈ​ပၼ်​တီႈ​ပေႃႈ​မၼ်း​ဢေႃႈ။</verse>
				<verse number="23">မိူဝ်ႈ​ဢၼ်​ ယူဝ်းသႅပ်ႈ ​ႁွတ်ႈ​ထိုင် ၵႃႈ​တီႈ​ပီႈ​ၼွင်ႉ​မၼ်း​ၸိူဝ်း​ၼၼ်ႉ​ၸိုင်၊ ၶဝ်​ၼၼ်ႉ​ဢွၼ်​ၵၼ်​ဢဝ်​ ယူဝ်းသႅပ်ႈ ​ထွတ်ႇ​သိူဝ်ႈ​ၼုင်ႈ​မၼ်း​ဢၼ်​ဝႃႈ သိူဝ်ႈ​ၼုင်ႈ​ဢၼ်​ယၢဝ်း​လီ​ၼၼ်ႉ​သေ​ယဝ်ႉ၊-</verse>
				<verse number="24">ယိပ်း​ၵမ်​ဢဝ်​မၼ်း​လႄႈ​ၶျႃး​တူၵ်း​သႂ်ႇ​ဝႆႉ​ၵႃႈ​ၼႂ်း​ၶုမ်​သေ​ဢေႃႈ။ ၵႃႈ​ၼႂ်း​ၶုမ်​ၼၼ်ႉ ဢမ်ႇ​မီး​ၼမ်ႉ၊ ပဵၼ်​ၶုမ်​ဢၼ် ႁႅင်ႈ​ႁွင်​ဝႆႉ​ဢေႃႈ။</verse>
				<verse number="25">လိုၼ်း​ၼၼ်ႉ ၼႂ်း​မိူဝ်ႈ​ဢၼ်​ၶဝ်​ၼင်ႈ​ယူႇ​ႁႂ်ႈ​လႆႈ​ၵိၼ်​ၶဝ်ႈ​မုၼ်း​ၼၼ်ႉ​ၸိုင်၊ ၶဝ်​မုင်ႈ​တူၺ်း​လႄႈ ႁၼ်​မုၵ်ႉ​ၽုင်​ၵူၼ်း​မဵဝ်း​ ဢီႉသမေႇလႃႉ ​လုၵ်ႉ​သေ​ၵႃႈ​တီႈ​မိူင်း​ ၵီႉလတ်ႉ ​မႃး​လႄႈ ပႃး​ဢဝ်​တင်း​ၼၢမ်ႇ​သႃႇ ယၢင် ပႃႇလၸမ်ႇ တင်း​ယၢင် မူႉရၼ်ႇ ​တၢင်ႇ​ၵႃႈ​ၼိူဝ်​ၵလႃးဢုၵ်ႉ​သေ​လႄႈ ၸွမ်း​သဵၼ်ႈ​တၢင်း​လူင်​ၵႂႃႇ​ၸူး ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="26">ၵမ်း​ၼၼ်ႉ ယူႉတႃႉ ​ၵေႃႈ လၢတ်ႈ​တီႈ​ပီႈ​ၼွင်ႉ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ပေႃး​ႁဝ်း​ဢဝ်​ၼွင်ႉ​ၸၢႆး​ႁဝ်း​တၢႆ​လႄႈ ႁူမ်ႇ​သိူင်ႇ​လိူတ်ႈ​မၼ်း​ဝႆႉ​ၸိုင် တၵ်း​မီး​ဢၵျူဝ်း​ၵႃႈ​သင်။-</verse>
				<verse number="27">မႃး​ဢိူၺ်း၊ ႁဝ်း​ယင်း​ဢမ်ႇ​ဢဝ်​မိုဝ်း​ႁဵတ်း​လႄႈ ဢဝ်​မၼ်း​ၶၢႆ​တေႃႇ​ၵူၼ်း​မဵဝ်း​ ဢီႉသမေႇလႃႉ ​ၸိူဝ်း​ၼၼ်ႉ​တႃႉ​ႁဝ်း။ လွင်ႈ​မၼ်း​ၸမ်ႉ မၼ်း​ပဵၼ်​ၼွင်ႉ​ၸၢႆး​ႁဝ်း ၼိူဝ်ႉ​ႁဝ်း​လိူတ်ႈ​ႁဝ်း​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပီႈ​ၼွင်ႉ​မၼ်း​ၸိူဝ်း​ၼၼ်ႉ​ဢွၼ်​ၵၼ်​ႁပ်ႉ​တုင်း​ဢဝ်​ၵႂၢမ်း​မၼ်း​ဢေႃႈ။-</verse>
				<verse number="28">မိူဝ်ႈ​ၼၼ်ႉ ၼႂ်း​မိူဝ်ႈ​ဢၼ်​ၵူၼ်း​ၵႃႉ​ၵူၼ်း​ၶၢႆ ၵူၼ်း​မဵဝ်း​ မီႉတျၼ်ႇ ​တင်း​လၢႆ ၸွမ်း​သဵၼ်ႈ​တၢင်း​ၵႂႃႇ ၵႃႈ​တီႈ​ႁိမ်း​ၼၼ်ႉ​ယူႇ​ၼၼ်ႉ​ၸိုင်၊ ပီႈ​ဢၢႆႈ​မၼ်း​ၸိူဝ်း​ၼၼ်ႉ​ဢွၼ်​ၵၼ်​တိုတ်ႉ​ၸၼ်​ဢဝ်​ ယူဝ်းသႅပ်ႈ ဢွၵ်ႇ​သေ​ၵႃႈ​ၼႂ်း​ၶုမ်​သေ​ယဝ်ႉ၊ ဢဝ်​ ယူဝ်းသႅပ်ႈ ​ၼၼ်ႉ ၶၢႆ​တေႃႇ​ၵူၼ်း​ ဢီႉသမေႇလႃႉ ​ၸိူဝ်း​ၼၼ်ႉ လႆႈ​ၵႃႈ​မၼ်း​ၶၼ်​မၼ်း​ငိုၼ်း​သၢဝ်း​ၵျၢပ်ႈ​လႄႈ၊ ၶဝ်​ၼၼ်ႉ​ၵေႃႈ​ပႃး​ဢဝ်​ ယူဝ်းသႅပ်ႈ ​ၵႂႃႇ ၵႃႈ​တီႈ​မိူင်း​ ဢေႇၵိပ်ႉတူႉ သေ​ဢေႃႈ။</verse>
				<verse number="29">ရူႉပိၼ်ႇ ​ၼၼ်ႉ ၶိုၼ်း​ၵႂႃႇ​ၸူး ၵႃႈ​တီႈ​ၶုမ်​ၼၼ်ႉ​လႄႈ ႁၼ်​လွင်ႈ​ဢၼ် ယူဝ်းသႅပ်ႈ ​ဢမ်ႇ​မီး​ၵႃႈ​ၼႂ်း​ၶုမ်​ၼၼ်ႉ​သေ​ယဝ်ႉ၊ တိုတ်ႉ​သိၵ်ႇ​ၶူဝ်း​ၼုင်ႈ​မၼ်း​လႄႈ၊-</verse>
				<verse number="30">ၶိုၼ်း​ၵႂႃႇ​ၸူး​ၵႃႈ​တီႈ​ဢၼ်​ၼွင်ႉ​ၸၢႆး​မၼ်း​တင်း​လၢႆ​မီး​ၼၼ်ႉ​လႄႈ လၢတ်ႈ​လႄႈ​ဝႃႈ၊ လုၵ်ႈ​ဢွၼ်ႇ​ၼၼ်ႉ​ဢမ်ႇ​မီး​ယဝ်ႉ​လူင်​ပႄႇ။ ၵဝ်​တၵ်း​လႆႈ​ၵႂႃႇ​ၵႃႈ​တီႈ​လႂ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">ၶဝ်​ၼၼ်ႉ​ဢွၼ်​ၵၼ် ဢဝ်​သိူဝ်ႈ​ၼုင်ႈ​ ယူဝ်းသႅပ်ႈ ​လႄႈ ဢဝ်​ပႄႉ​ဢွၼ်ႇ​တူဝ်​ၼိုင်ႈ​တၢႆ​သေ​ယဝ်ႉ၊ ဢဝ်​သိူဝ်ႈ​ၼုင်ႈ​ၼၼ်ႉ ၸုပ်ႉ​သႂ်ႇ​ၵႃႈ​ၼႂ်း​လိူတ်ႈ​ၼၼ်ႉ​ဢေႃႈ။-</verse>
				<verse number="32">လိုၼ်း​ၼၼ်ႉ ၶဝ်​ဢဝ်​သိူဝ်ႈ​ၼုင်ႈ​ဢၼ်​ယၢဝ်း​လီ​ၼၼ်ႉ ပၼ်​ၵႂႃႇ​လႄႈ ဢဝ်​မိူဝ်း​ၵႂႃႇ​ၸူး​ၵႃႈ​တီႈ​ပေႃႈ​ၶဝ်​လႄႈ​လၢတ်ႈ​ဝႃႈ၊ ႁဝ်း​ၶႃႈ​ထူပ်း​ႁၼ်​သိူဝ်ႈ​ၼုင်ႈ​ၼႆႉ​ၶႃႈ​ယဝ်ႉ။ ပဵၼ်​သိူဝ်ႈ​လုၵ်ႈ​ၸၢႆး​ၸဝ်ႈ​ႁဝ်း ၸႂ်ႈ​ႁိုဝ်​ဢမ်ႇ​ၸႂ်ႈ​ႁိုဝ်​ၸိုင်၊ တူၺ်း​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="33">မၼ်း​တွင်း​သိူဝ်ႈ​ၼုင်ႈ​ၼၼ်ႉ​ဝႆႉ​လႄႈ​လၢတ်ႈ​ဝႃႈ၊ သိူဝ်ႈ​ၼုင်ႈ​လုၵ်ႈ​ၸၢႆး​ၵဝ်​ၸႂ်ႈ​တႄႉ​တႄႉ​ယဝ်ႉ။ တူဝ်​ထိူၼ်ႇ​ဢၼ်​ႁၢႆႉ ၶူပ်း​ၵိၼ်​မၼ်း​ယဝ်ႉ။ ယူဝ်းသႅပ်ႈ ​လႆႈ​ၶၢမ်ႇ​တၢင်း​ဢၼ် ၶူပ်း​ယွၵ်း​ၶူပ်း​ယွႆႈ​ပႅတ်ႈ​ယဝ်ႉ လူင်​ပႄႇ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="34">ယႃႇၵုပ်ႈ ​တိုတ်ႉ​သိၵ်ႇ​ၶူဝ်း​ၼုင်ႈ​မၼ်း​လႄႈ ဢဝ်​ၼင်​ပေႃ​ၼုင်ႈ​ႁတ်ႉ​ဢႅဝ်​သေ​ယဝ်ႉ၊ ၸႂ်​ဢမ်ႇ​သႃႇ​ၶၢင်း​ၶီ​ၶၢင်း​ၽၢၼ် ၵွပ်ႈ​ပိူဝ်ႈ​လုၵ်ႈ​ၸၢႆး မၼ်း​လႄႈ ယူႇ​မိုဝ်ႉ​ဝၼ်း​ၼမ်​ၼႃႇ​ဢေႃႈ။-</verse>
				<verse number="35">ပိၵ်ႉ​သမ်ႉ​လုၵ်ႈ​ၸၢႆး​မၼ်း တင်း​လုၵ်ႈ​ယိင်း​မၼ်း​တင်း​သဵင်ႈ​တင်း​လူင်​ဢွၼ်​ၵၼ်​လုၵ်ႉ​လႄႈ ၵႆႉ​ၵျူဝ်း​ၸႃး​ႁဵတ်း​ႁႂ်ႈ​ပေႃႈ​ၶဝ် ပေႇ​ၸႂ် သေ​ၵေႃႈ၊ မၼ်း​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ဢၼ်​ႁႂ်ႈ​ပေႇ​ၸႂ်​ၼၼ်ႉ​လႄႈ​လၢတ်ႈ​ဝႃႈ၊ ၵဝ်​တၵ်း​မီး​တင်း​ႁူဝ်​ၸႂ်​ဢၼ်​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ်​ယူႇ​သေ​လႄႈ လူင်း​ၵႂႃႇ​ၸူး​မိူင်း​မရၼႃႉ ၵႃႈ​တီႈ​ဢၼ်​လုၵ်ႈ​ၸၢႆး​ၵဝ်​မီး​ပုၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ပေႃႈ​ ယူဝ်းသႅပ်ႈ ​ၼၼ်ႉ ႁွင်ႉ​ႁွင်ႉ​ႁႆႈ​ႁႆႈ ၵွပ်ႈ​ပိူဝ်ႈ​လုၵ်ႈ​ၸၢႆး​မၼ်း​ၸိူဝ်ႉ​ၼင်ႇ​ၼၼ်​လႄႈ​ယူႇ​ဢေႃႈ။-</verse>
				<verse number="36">ယူဝ်းသႅပ်ႈ ​ၸမ်ႉ၊ ၵူၼ်း​ မီႉတျၼ်ႇ ​ၸိူဝ်း​ၼၼ်ႉ ပႃး​ဢဝ်​ၵႂႃႇ​ၵႃႈ​တီႈ မိူင်း​ ဢေႇၵိပ်ႉတူႉ ​လႄႈ ၶၢႆ​တေႃႇ ပေႃးတီႉၽႃႇ ၵူဝ်ႇရမ်ႇတေႃႇမူး ဢၼ်​ပဵၼ်​ဢမၢတ်ႈ ၶုၼ်​ႁေႃ​ၶမ်း ၽႃႇရေႃး ​ၼၼ်ႉ​ဢေႃႈ။</verse>
			</chapter>
			<chapter number="38">
				<verse number="1">မိူဝ်ႈ​ၵႃႇလႃႉ​ယၢမ်း​ၼၼ်ႉ၊ ယူႉတႃႉ ​လုၵ်ႉ​သေ​ၵႃႈ​တီႈ​တီႈ​ယူႇ​ပီႈ​ၼွင်ႉ​မၼ်း​ၸိူဝ်း​ၼၼ်ႉ​ၵႂႃႇ​လႄႈ ဝႄႉ​ၶဝ်ႈ​ၵႃႈ​တီႈ​ၵူၼ်း ဢတူႉလမ်ႇ ​ၵေႃႉ​ၼိုင်ႈ​ဢၼ်​လႆႈ​ၸိုဝ်ႈ​ ႁီႉရႃႉ ​ဢေႃႈ။-</verse>
				<verse number="2">မၼ်း​ထူပ်း​ႁၼ်​လုၵ်ႈ​ယိင်း​ၵူၼ်း​ ၶႃႇၼၢၼ်ႇ ဢၼ်​လႆႈ​ၸိုဝ်ႈ​ သူႉဢႃႇ ​ၼၼ်ႉ​ၵႃႈ​တီႈ​ၼၼ်ႈ​လႄႈ ဢဝ်​မႄႈ​ယိင်း​ၼၼ်ႉ​သေ​ယဝ်ႉ၊ ႁူမ်ႈ​ၵၼ်​ပွင်း​ၵၼ် တင်း​မၼ်း​ၼၼ်ႉ​ဢေႃႈ။-</verse>
				<verse number="3">မၼ်း​ၼၼ်ႉ ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။ ၵေႃႉ​ပဵၼ်​ပေႃႈ​ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ ဢေးရႃႉ ဢေႃႈ။-</verse>
				<verse number="4">မၼ်း​ၼၼ်ႉ သမ်ႉ​ပႃး​ပတိၵ်ႉသၼ်ႇထေႇ​ထႅင်ႈ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။ မၼ်း​ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ ဢေႃးၼၼ်ႇ ​ဢေႃႈ။-</verse>
				<verse number="5">မၼ်း​ၼၼ်ႉ သမ်ႉ​ပႃး​ပတိၵ်ႉသၼ်ႇထေႇ​ထႅင်ႈ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​လႄႈ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ​ သေးလႃႉ ​ဢေႃႈ။ မိူဝ်ႈ​ဢၼ်​ၵိူတ်ႇ​လဵင်ႉ​မၼ်း​ၼၼ်ႉ မႃး​ၼၼ်ႉ​ၸိုင် ပေႃႈ​မၼ်း​မီး​ယူႇ​ၵႃႈ​တီႈ ဝဵင်း​ ၶေႇသိပ်ႉ ​ဢေႃႈ။</verse>
				<verse number="6">လိုၼ်း​ၼၼ်ႉ​ ယူႉတႃႉ ​ဢဝ်​မေး ဢၼ်​လႆႈ​ၸိုဝ်ႈ​ တႃႇမႃႇ ​ၼၼ်ႉ ပၼ်​တီႈ​ ဢေးရႃႉ လုၵ်ႈ​ၸၢႆး​တူၼ်ႈ​မၼ်း​ၼၼ်ႉ​ဢေႃႈ။-</verse>
				<verse number="7">ဢေးရႃႉ ​လုၵ်ႈ​ၸၢႆး​တူၼ်ႈ​ ယူႉတႃႉ ​ၼၼ်ႉ ပဵၼ်​ၵေႃႉ​ဢၼ်​ႁၢႆႉ​မိူၵ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ထႃႇဝရႃႉ​ၽြႃး​ဢဝ်​မၼ်း​တၢႆ​သေ​ဢေႃႈ။-</verse>
				<verse number="8">မိူဝ်ႈ​ၼၼ်ႉ​ ယူႉတႃႉ ​လၢတ်ႈ​တီႈ​ ဢေႃးၼၼ်ႇ ​လႄႈ​ဝႃႈ၊ ၶဝ်ႈ​ၸူး​ၵႃႈ​တီႈ​ပီႈ​လူဝ်း​မႂ်း​လႄႈ​ပဵၼ်​ႁိူၼ်း​ပဵၼ်​ယေး​လူၺ်ႈ​ၵၼ်​တင်း​မၼ်း​လႄႈ သိုပ်ႇ​ၸိူဝ်ႉ​သိုပ်ႇ​ၶိူဝ်း​ပီႈ​ဢၢႆႈ​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ဢေႃးၼၼ်ႇ ​ႁူႉ​လွင်ႈ​ဢၼ်​ပေႃး​လႆႈ​ၸိူဝ်ႉ​လႆႈ​ၶိူဝ်း​ၸိုင်၊ ဢမ်ႇ​လႆႈ​မၢတ်ႈ​ပဵၼ်​ၸိူဝ်ႉ​ပဵၼ်​ၶိူဝ်း​တူဝ်​ၸဝ်ႈ​ၵဝ်ႇ​ၼၼ်ႉ​လႄႈ၊ မိူဝ်ႈ​ဢၼ်​မၼ်း​ၶဝ်ႈ​ၸူး​တီႈ​ပီႈ​လူဝ်း​မၼ်း​ၼၼ်ႉ​ၸိုင်၊ မၼ်း​ႁႂ်ႈ​ၼမ်ႉ​သုၵ်ႉ​မၼ်း တူၵ်း​ပႅတ်ႈ​သေ​ၵႃႈ​ၼိူဝ်​လိၼ် ၵွပ်ႈ​ပိူဝ်ႈ​ဢၼ်​ၵူဝ်​တၵ်း​လႆႈ ပၼ်​ၸိူဝ်ႉ ပၼ်​ၶိူဝ်း တီႈ​ပီႈ​ဢၢႆႈ​မၼ်း​ၼၼ်ႉ​ဢေႃႈ။-</verse>
				<verse number="10">ပိူဝ်ႈ​ဢၼ်​ဢမူႉ​ဢၼ်​မၼ်း​ႁဵတ်း​ၼၼ်ႉ ပဵၼ်​ဢၼ်​ႁၢႆႉ​မိူၵ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ၊ မၼ်း​ၼၼ်ႉ​ၵေႃႈ မၼ်း​ၸဝ်ႈ ဢဝ်​တၢႆ​ပႅတ်ႈ​သေ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ယူႉတႃႉ ​လၢတ်ႈ​တီႈ​လုၵ်ႈ​ပႂ်ႉ​မၼ်း​ တႃႇမႃႇ ​ၼၼ်ႉ​လႄႈ​ဝႃႈ၊ ၸူဝ်ႈ​ဢၼ်​လုၵ်ႈ​ၸၢႆး​ၵဝ်​ သေးလႃႉ ဢမ်ႇ​ပႆႇ​ယႂ်ႇ​မႃး​ၼၼ်ႉ​ၸိုင်၊ မႂ်း​ႁဵတ်း​မႄႈ​မူၵ်း​မႄႈ​မၢႆႈ​လႄႈ ယူႇ​ၵႃႈ​တီႈ​ႁိူၼ်း​ပေႃႈ​မႂ်း​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ၵူဝ်​မၼ်း​တၵ်း​တၢႆ​မိူၼ်​ၸိူဝ်ႉ​ၼင်ႇ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵမ်း​ၼၼ်ႉ တႃႇမႃႇ ​မိူဝ်း​ၵႂႃႇ​လႄႈ ယူႇ​ၵႃႈ​တီႈ​ႁိူၼ်း​ပေႃႈ​မၼ်း​ဢေႃႈ။</verse>
				<verse number="12">မိူဝ်ႈ​ဢၼ်​ၶိင်ႇ​ၵႃႇလႃႉ​ႁိုင်​ၼႃႇ​ယဝ်ႉ​ၼၼ်ႉ​ၸိုင်၊ မေး​ ယူႉတႃႉ ​ဢၼ်​ပဵၼ်​လုၵ်ႈ​ယိင်း​ သူႉဢႃႇ ​ၼၼ်ႉ​တၢႆ​ၵႂႃႇ​ဢေႃႈ။ ယူႉတႃႉ ပေႇ​ၸႂ်​သေ​ယဝ်ႉ၊ ၸွမ်း​လူၺ်ႈ​ၵၼ်​တင်း​ၵေႃႉ​သေႈ​မၼ်း ႁီႉရႃႉ ၵူၼ်း​ ဢတူႉလမ်ႇ ​ၼၼ်ႉ ၵႂႃႇ​ၸူး​ၵႃႈ​တီႈ​ဝဵင်း​ တိမ်းၼႃႉ ၵႃႈ​တီႈ​ဢၼ် ၵူၼ်း​ၵႅတ်း​ႁႆး​ၶူၼ်​သူဝ်း​တင်း​လၢႆ​မီး​ၼၼ်ႉ​ဢေႃႈ။-</verse>
				<verse number="13">မိူဝ်ႈ​ဢၼ်​ပိူၼ်ႈ​မွၵ်ႇ​လၢတ်ႈ​တီႈ​ တႃႇမႃႇ ​လႄႈ​ဝႃႈ၊ ပေႃႈ​ၸဝ်ႈ​မႂ်း​ၵႂႃႇ​ၵႃႈ​တီႈ​ဝဵင်း​ တိမ်းၼႃႉ ႁႂ်ႈ​လႆႈ​ၵႅတ်း​ႁႆး​ၶူၼ်​သူဝ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="14">မၼ်း​ထွတ်ႇ​ၶူဝ်း​ၼုင်ႈ မႄႈ​မူၵ်း​မႄႈ​မၢႆႈ​ၼၼ်ႉ​သေ​လႄႈ ဢဝ်​တင်း​ၽႃႈ​ဢၼ်​ႁူမ်ႇ​ၼႃႈ ႁူမ်ႇ​ၼႃႈ​သေ​ယဝ်ႉ၊ သုမ်ႇ​မႆ​တူဝ်​ၸဝ်ႈ​ၵဝ်ႇ​လႄႈ ၼင်ႇ​ယူႇ​ၵႃႈ​တီႈ​ၽၵ်း​တူ​ဝဵင်း​ ဢေးၼိမ်း ဢၼ်​မီး​ၵႃႈ​တီႈ​ႁိမ်း​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ဝဵင်း​ တိမ်းၼႃႉ ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ပိူဝ်ႈ​ဢၼ်​မၼ်း​ႁူႉ​ႁၼ်​လွင်ႈ​ဢၼ်​ သေးလႃႉ ယႂ်ႇ​မႃး​ယဝ်ႉ​သေ​ၵေႃႈ၊ ဢမ်ႇ​လႆႈ​ပဵၼ်​ႁိူၼ်း​ပဵၼ်​ယေး လူၺ်ႈ​ၵၼ်​တင်း​မၼ်း​ၼၼ်ႉ​လႄႈ ၸင်ႇ​ႁဵတ်း​ဢေႃႈ။-</verse>
				<verse number="15">ယူႉတႃႉ ​ၼၼ်ႉ မိူဝ်ႈ​ဢၼ်​ႁၼ်​မၼ်း​ၼၼ်ႉ​ၸိုင်၊ ထၢင်ႇ​မၼ်း​ပဵၼ်​မႄႈ​မွၵ်ႇ​ယႃႈ ၵွပ်ႈ​ပိူဝ်ႈ​ဢၼ်​မၼ်း​ႁူမ်ႇ​ၼႃႈ​မၼ်း​ယူႇ​ၼၼ်ႉ​ဢေႃႈ။-</verse>
				<verse number="16">မၼ်း​ဝႄႈ​ဢွၵ်ႇ​တၢင်း​ၵႂႃႇ​ၸူး​တီႈ​မၼ်း​ၼၼ်ႉ​သေ​ယဝ်ႉ၊ ပိူဝ်ႈ​ဢၼ်​ဢမ်ႇ​ႁူႉ​လွင်ႈ​ဢၼ်​မၼ်း​ပဵၼ်​လုၵ်ႈ​ပႂ်ႉ​တူဝ်​ၸဝ်ႈ​ၵဝ်ႇ​ၼၼ်ႉ​လႄႈ​လၢတ်ႈ​ဝႃႈ၊ ပၼ်​ဢၶႂၢင်ႉ​ႁႂ်ႈ​ၵဝ်​လႆႈ​ၶဝ်ႈ​ၸူး​တီႈ​မႂ်း​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၼၼ်ႉ​ၵေႃႈ​ထၢမ်​လႄႈ​ဝႃႈ၊ မႂ်း​ၸဝ်ႈ​တၵ်း​ပၼ်​သူး​ၵႃႈ​သင် ႁႂ်ႈ​လႆႈ​ၶဝ်ႈ​ၸူး​ၵႃႈ​တီႈ​ၵဝ်​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="17">ယူႉတႃႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​တၵ်း​ဢဝ်​ပႄႉ​ဢွၼ်ႇ​တူဝ်​ၼိုင်ႈ​သေ​ၵႃႈ​ၼႂ်း​ၽုင်​ပႄႉ​ပၼ်​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၼၼ်ႉ​ၵေႃႈ​ထၢမ်​လႄႈ​ဝႃႈ၊ ၸူဝ်ႈ​ဢၼ်​ဢမ်ႇ​ပႆႇ​ပၼ်​မႃး​ၼၼ်ႉ​ၸိုင်၊ တၵ်း​ဢဝ်​သေ​ၸိူဝ်ႉ​သေ​ပိူင် ပွင်ႇ​ငမ်း​ဝႆႉ​ႁိုဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">မၼ်း​ၵေႃႈ​ၶိုၼ်း​ထၢမ်​လႄႈ​ဝႃႈ၊ တၵ်း​လႆႈ​ဢဝ်​ၵႃႈ​သင်​ပွင်ႇ​ငမ်း​ဝႆႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ တၵ်း​လႆႈ​ဢဝ်​တၼ်း​သိၵ်ႈ၊ သၢႆ​ၸရွႆႇ​တင်း​ၶွၼ်ႉ​တဝ်ႉ ဢၼ်​မီး​ၼႂ်း​မိုဝ်း​မႂ်း​ၸဝ်ႈ​ၼၼ်ႉ ပွင်ႇ​ငမ်း​ဝႆႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊ မၼ်း​ဢဝ် ဢုၵ်ႉ​ၸႃႇ​ၼၼ်ႉ​ဢၢပ်ႈ​ပၼ်​လႄႈ ၶဝ်ႈ​ၸူး​ၵႃႈ​တီႈ​မၼ်း​ၼၼ်ႉ​သေ​ယဝ်ႉ၊ မၼ်း​ၼၼ်ႉ​ၵေႃႈ ၸပ်း​ပတိၵ်ႉသၼ်ႇထေႇ​ဢေႃႈ။-</verse>
				<verse number="19">လိုၼ်း​ၼၼ်ႉ မၼ်း​ၼၼ်ႉ လုၵ်ႉ​မိူဝ်း​ၵႂႃႇ​လႄႈ ထွတ်ႇ​ၽႃႈ​ဢၼ်​ႁူမ်ႇ​ၼႃႈ​ၼၼ်ႉ​ပႅတ်ႈ​သေ​ယဝ်ႉ၊ သမ်ႉ​ၶိုၼ်း​ၼုင်ႈ​ၶူဝ်း​ၼုင်ႈ​မႄႈ​မူၵ်း​မႄႈ​မၢႆႈ​သေ​ဢေႃႈ။-</verse>
				<verse number="20">ယူႉတႃႉ ​ၼၼ်ႉ​ဢဝ်​ပႄႉ​ဢွၼ်ႇ​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵေႃႉ​သေႈ​မၼ်း​ၵူၼ်း​ ဢတူႉလမ်ႇ ​ၼၼ်ႉ ၵႂႃႇ​ႁႂ်ႈ​လႆႈ​ထုတ်ႇ​ဢဝ် ဢုၵ်ႉ​ၸႃႇ​ဢၼ်​ပွင်ႇ​ဢၼ်​ငမ်း​ဝႆႉ တီႈ​မႄႈ​ယိင်း​ၵေႃႉ​ၼၼ်ႉ​သေ​ၵေႃႈ ၵူၼ်း​ ဢတူႉလမ်ႇ ​ၼၼ်ႉ​ဢမ်ႇ​ထူပ်း​ဢမ်ႇ​ႁၼ်​မၼ်း​ၼၼ်ႉ​သေ​ယဝ်ႉ၊-</verse>
				<verse number="21">ထၢမ်​ၵူၼ်း​ၵႃႈ​တီႈ​ၼၼ်ႈ​လႄႈ​ဝႃႈ၊ မႄႈ​မွၵ်ႇ​ယႃႈ ဢၼ်​ၼင်ႈ​ၵႃႈ​တီႈ​ႁိမ်း​သဵၼ်ႈ​တၢင်း​ဝဵင်း​ ဢေးၼိမ်း ​ၼၼ်ႉ မီး​ၵႃႈ​လႂ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵႃႈ​တီႈ​ၼႆႈ​ဢမ်ႇ​မီး​မႄႈ​မွၵ်ႇ​ယႃႈ​ၵူၺ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">မၼ်း​ၶိုၼ်း​မိူဝ်း​ၵႂႃႇ​ၵႃႈ​တီႈ​ ယူႉတႃႉ ​သေ​လႄႈ​လၢတ်ႈ​ဝႃႈ၊ ၵဝ်​ၶႃႈ​ႁႃ​မၼ်း​ၼၼ်ႉ​လႄႈ ဢမ်ႇ​ထူပ်း​ဢမ်ႇ​ႁၼ်။ ၵူၼ်း​ၵႃႈ​တီႈ​ၼၼ်ႈ​ၸိူဝ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၵႃႈ​တီႈ​ၼႆႈ​ဢမ်ႇ​မီး​မႄႈ​မွၵ်ႇ​ယႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ယူႉတႃႉ ​ၵေႃႈ​လၢတ်ႈ​လႄႈ​ဝႃႈ၊ ၼင်ႇ​ႁိုဝ်​ႁဝ်း​တၵ်း​ဢမ်ႇ​လႆႈ​မီး တၢင်း​ဢၼ်​ဢူၵ်း​ဢၼ်​ဢၢႆ​ၸိုင်၊ ဢဝ်​ၵေႃႈ ယႃႇ​မၼ်း​တႃႉ။ တူၺ်း​လူး၊ ၵဝ်​ဢဝ်​ပႄႉ​ဢွၼ်ႇ​ၼႆႉ​ပၼ်​ၵႂႃႇ​လႄႈ မႂ်း​ၵေႃႈ​ႁႃ​ဢမ်ႇ​ထူပ်း​ဢမ်ႇ​ႁၼ်​မၼ်း​ၼၼ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">ဝၢႆး​ၼၼ်ႉ မိူဝ်ႈ​ဢၼ်​ပူၼ်ႉ​သၢမ်​လိူၼ်​ယဝ်ႉ​ၼၼ်ႉ​ၸိုင်၊ ပိူၼ်ႈ​မွၵ်ႇ​လၢတ်ႈ​တီႈ​ ယူႉတႃႉ ​လႄႈ​ဝႃႈ၊ လုၵ်ႈ​ပႂ်ႉ​မႂ်း​ တႃႇမႃႇ ​ၼၼ်ႉ လႆႈ​ႁဵတ်း​မႄႈ​မွၵ်ႇ​ယႃႈ​လႄႈ ပႃး​ပတိၵ်ႉသၼ်ႇထေႇ​ၵွပ်ႈ​ပိူဝ်ႈ​ဢၼ် မၼ်း​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး​ၼၼ်ႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊ ယူႉတႃႉ ​ၵေႃႈ​ၸီႇ​ယၢင်ႇ​လႄႈ​ဝႃႈ၊ ဢဝ်​မၼ်း​ဢွၵ်ႇ​လႄႈ​တုတ်ႇ​ၽႆး​ပႅတ်ႈ​သေ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မိူဝ်ႈ​ဢၼ်​ဢဝ်​မၼ်း​ဢွၵ်ႇ​ၼၼ်ႉ​ၸိုင် မၼ်း​ၼၼ်ႉ​ဢဝ်​ပၼ်​ၵႂႃႇ ၵႃႈ​တီႈ​ပေႃႈ​ၸဝ်ႈ​မၼ်း​လႄႈ သင်ႇ​လၢတ်ႈ​ဝႃႈ၊ ၵဝ်​ၶႃႈ​ပႃး​ပတိၵ်ႉသၼ်ႇထေႇ​ၵွပ်ႈ​ပိူဝ်ႈ​ၵေႃႉ​ဢၼ်​ပိူင်ႇ​ဢုၵ်ႉ​ၸႃႇ​ၸိူဝ်း​ၼႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​လႄႈ သမ်ႉ​ဝႃႈ၊ ၶႅၼ်း​တေႃႈ​တူၺ်း​လွင်ႈ​ဢၼ် ဢုၵ်ႉ​ၸႃႇ​ၸိူဝ်း​ၼႆႉ ဢၼ်​ဝႃႈ​တၼ်း​သိၵ်ႈ၊ သၢႆ​ၸရွႆႇ​တင်း​ၶွၼ်ႉ​တဝ်ႉ​ၸိူဝ်း​ၼႆႉ ပဵၼ်​ဢုၵ်ႉ​ၸႃႇ​ၽူႈ​လႂ်​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ယူႉတႃႉ ​ႁပ်ႉ​တုင်း​ဢဝ်​ဢုၵ်ႉ​ၸႃႇ​ၸိူဝ်း​ၼၼ်ႉ​လႄႈ​လၢတ်ႈ​ဝႃႈ၊ မၼ်း​ပဵၼ်​ၵေႃႉ​ဢၼ်​သိုဝ်ႈ​တေႃႇ​ၼႃႇ​သေ​ၵဝ်​ဢေႃႈ။ လွင်ႈ​မၼ်း​ၸမ်ႉ ၵဝ်​ယင်း​ဢမ်ႇ​ဢဝ် လုၵ်ႈ​ၸၢႆး​ၵဝ်​ သေးလႃႉ ​ၼၼ်ႉ ပၼ်​တီႈ​မၼ်း​လႄႈ​လႆႈ​ယူႇ​မႅၼ်ႈ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ လိုၼ်း​ၼၼ်ႉ မၼ်း​ယင်း​ဢမ်ႇ​ၶဝ်ႈ​ၸူး​တီႈ​မၼ်း​ၼၼ်ႉ​လႄႈ​ယူႇ​ဢေႃႈ။</verse>
				<verse number="27">ဝၢႆး​ၼၼ်ႉ​မိူဝ်ႈ​ဢၼ်​မၼ်း​ၼၼ်ႉ​ႁွတ်ႈ​ထိုင်​ၶိင်ႇ​ဢၼ်​ၵိူတ်ႇ​လဵင်ႉ​လုၵ်ႈ​ၼၼ်ႉ​ၸိုင်၊ ၵႃႈ​ၼႂ်း​တွင်ႉ​မၼ်း​ၼၼ်ႉ မီး​လုၵ်ႈ​ၽႃ​ၽႄ​ဢေႃႈ။-</verse>
				<verse number="28">ၼႂ်း​မိူဝ်ႈ​ဢၼ်​ယင်း​တိုၵ်ႉ​ၵိူတ်ႇ​လဵင်ႉ​လုၵ်ႈ​ယူႇ​ၼၼ်ႉ​ၸိုင်၊ ၵေႃႉ​ၼိုင်ႈ​ဢဝ်​မိုဝ်း​ယိုၼ်ႈ​ဢွၵ်ႇ​လႄႈ​မႄႈ​ၵဵပ်း​ယိပ်း​ၵမ်​မိုဝ်း​မၼ်း​ဢဝ်​မႆ​လႅင်​မတ်ႉ​လႄႈ​ဝႃႈ၊ ၵေႃႉ​ၼႆႉ​တၵ်း​ၵိူတ်ႇ​လဵင်ႉ​ဢွၼ်​တၢင်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ၵူၺ်း​ၵႃႈ ၵေႃႉ​ၼၼ်ႉ သမ်ႉ​ၶိုၼ်း​ႁူတ်း​ဢဝ်​မိုဝ်း​မၼ်း​လႄႈ ပီႈ​ဢၢႆႈ​မၼ်း​ၵိူတ်ႇ​လဵင်ႉ​မႃး​သေ​ယဝ်ႉ၊ မႄႈ​ၵဵပ်း​လၢတ်ႈ​လႄႈ​ဝႃႈ၊ ႁဵတ်း​သင်​လႄႈ မႂ်း​မူၼ်ႉ​ဢွၵ်ႇ​တိုဝ်​ဢွၵ်ႇ​ၼင်ႇ​ႁိုဝ်။ ႁႂ်ႈ​လွင်ႈ​တၢင်း​ဢၼ် မူၼ်ႉ​ဢွၵ်ႇ​တိုဝ်​ဢွၵ်ႇ​ၼႆႉ​ၸပ်း​တီႈ​မႂ်း​တႃႉ၊ ဝႃႈ​ၼင်ႇ​ၼႆ​လႄႈ ႁွင်ႉ​ႁဵၵ်ႈ​ၸိုဝ်ႈ​မၼ်း​ ၽေးရိတ်ႉ ​ဢေႃႈ။-</verse>
				<verse number="30">လိုၼ်း​ၼၼ်ႉ ၼွင်ႉ​ၸၢႆး​မၼ်း​ဢၼ်​ဢဝ်​မႆ​လႅင်​မတ်ႉ​ၵႃႈ​တီႈ​မိုဝ်း​ဝႆႉ​ၼၼ်ႉ ၵိူတ်ႇ​လဵင်ႉ​မႃး​လႄႈ ၶဝ်​ႁွင်ႉ​ႁဵၵ်ႈ​ၸိုဝ်ႈ​မၼ်း​ ၸႃႇရႃႉ ​ဢေႃႈ။</verse>
			</chapter>
			<chapter number="39">
				<verse number="1">ယူဝ်းသႅပ်ႈ ​ၼၼ်ႉ​လႆႈ​ၶၢမ်ႇ​တၢင်း​ဢၼ်​ဢဝ်​လူင်း​ၵႂႃႇ​ႁွတ်ႈ​ထိုင်​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ပေႃးတီႉၽႃႇ ​ၵူဝ်ႇ​ရမ်ႇ​တေႃႇ​မူး​ဢၼ်​ပဵၼ်​ဢမၢတ်ႈ ၶုၼ်​ႁေႃ​ၶမ်း​ ၽႃႇရေႃး ၵူၼ်း​ ဢေႇၵိပ်ႉတူႉ ​ၵေႃႉ​ၼိုင်ႈ သိုဝ်ႉ​ဢဝ်​မၼ်း​ၵႃႈ​ၼႂ်း​မိုဝ်း​ၵူၼ်း​ ဢီႉသမေႇလႃႉ ဢၼ်​ဢဝ်​မၼ်း လူင်း​ၵႂႃႇ ၵႃႈ​တီႈ​ၼၼ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="2">ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ ယူဝ်းသႅပ်ႈ ​လႄႈ မၼ်း​ၵျၢမ်ႇ​ပွင်​ၸိူဝ်ႉ​ၼင်ႇ​ႁိုဝ်​ၵေႃႈ ၸၢင်ႈ​ပျေႉ​ၸုမ်ႇ​ဢေႃႈ။ မၼ်း​လႆႈ​ယူႇ​ၵႃႈ​ၼႂ်း​ႁိူၼ်း​ၸဝ်ႈ​မၼ်း ၵူၼ်း​ ဢေႇၵိပ်ႉတူႉ ​ၼၼ်ႉ​ဢေႃႈ။-</verse>
				<verse number="3">ၸဝ်ႈ​မၼ်း​ၵေႃႈ​ႁူႉ​ႁၼ်​လွင်ႈ​ဢၼ်​ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​မၼ်း​လႄႈ ႁႂ်ႈ​တၢင်း​ၵျၢမ်ႇ​တၢင်း​ပွင်​မၼ်း ၸၢင်ႈ​ပျေႉ​ၸုမ်ႇ ၵႃႈ​ၼႂ်း​ၵႃႈ​ဢၼ်​မၼ်း​ႁဵတ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="4">ပိူဝ်ႈ​ၼႆ​လႄႈ ယူဝ်းသႅပ်ႈ ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​မၼ်း​လႄႈ၊ ၶၢမ်ႇ​တၢင်း​ၸႂ်ႉ​တၢင်း​သွႆ ပၢႆ​တိၼ်​ပၢႆ​မိုဝ်း ၸဝ်ႈ​မၼ်း​ယူႇ​ဢေႃႈ။ ၸဝ်ႈ​မၼ်း​ၵေႃႈ ၶၢၼ်း​မၼ်း​ဝႆႉ​ၵႃႈ​ၼႂ်း​ဢရႃႇ​ၵေႃႉ​ဢၼ်​ဢုပ်ႉ​ႁိူၼ်း​လႄႈ ဢဝ်​ဢုၵ်ႉ​ၸႃႇ​ၵႃႈ​မီး​တင်း​သဵင်ႈ​တင်း​လူင် ဢၢပ်ႈ​ပၼ်​ၵႃႈ​ၼႂ်း မိုဝ်း​မၼ်း​ဢေႃႈ။-</verse>
				<verse number="5">ၸႃႉ​ၸဵမ်​ၶိင်ႇ​ၵႃႇလႃႉ​မိူဝ်ႈ​ဢၼ်​ၸဝ်ႈ​မၼ်း ႁႂ်ႈ​မၼ်း​ဢုပ်ႉ​ႁိူၼ်း​ဢိၵ်ႇ​တင်း​ဢုၵ်ႉ​ၸႃႇ ၵႃႈ​မီး​တင်း​သဵင်ႈ​တင်း​လူင် ၸိူဝ်ႉ​ၼင်ႇ​ၼၼ် ၼၼ်ႉ​လႄႈ၊ ထႃႇဝရႃႉ​ၽြႃး​ပၼ်​တၢင်း​လီ​တီႈ​ႁိူၼ်း ၵူၼ်း​ ဢေႇၵိပ်ႉတူႉ ​ၼၼ်ႉ ၵွပ်ႈ​ပိူဝ်ႈ​ ယူဝ်းသႅပ်ႈ ​ၼၼ်ႉ​ဢေႃႈ။ တၢင်း​လီ​မင်ႇၵလႃႇ​ထႃႇဝရႃႉ​ၽြႃး​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ဢုၵ်ႉ​ၸႃႇ ၵႃႈ​ဢၼ်​ၸဝ်ႈ​မၼ်း​မီး ၵႃႈ​ၼႂ်း​ႁိူၼ်း ဢိၵ်ႇ​တင်း ၵႃႈ​ၼႂ်း​တူင်ႈ​ၼႃး​ဢေႃႈ။-</verse>
				<verse number="6">ၸဝ်ႈ​မၼ်း​ၼၼ်ႉ ဢဝ်​ဢုၵ်ႉ​ၸႃႇ ၵႃႈ​မီး​တင်း​သဵင်ႈ​တင်း​လူင် ဢၢပ်ႈ​ပၼ်​ၵႃႈ​ၼႂ်း​မိုဝ်း​ ယူဝ်းသႅပ်ႈ ​သေ​လႄႈ ၼွၵ်ႈ​သေ​တၢင်း​ၵိၼ်​တၢင်း​ၶူပ်း​ဢၼ်​တူဝ်​မၼ်း​ၵိၼ်​ၶူပ်း​ၼၼ်ႉ၊ မၼ်း​ယင်း​ဢမ်ႇ​ႁူႉ​ဢမ်ႇ​မၢတ်ႈ​လွင်ႈ​ဢၼ်​ဢုၵ်ႉ​ၸႃႇ​မၼ်း တၢင်ႇ​ၸိူဝ်ႉ​တၢင်ႇ​ဢၼ် ယင်း​မီး​ၼၼ်ႉ​လႄႈ​ယူႇ​ဢေႃႈ။ ယူဝ်းသႅပ်ႈ ​ၼၼ်ႉ​ႁၢင်ႈ​ၽၢင်​ယဵၼ်ႇ​လႄႈ ၼိူဝ်ႉ​ၼင်​ၵေႃႈ ႁၢင်ႈ​လီ​ဢေႃႈ။</verse>
				<verse number="7">ဝၢႆး​ၼၼ်ႉ​မေး​ၸဝ်ႈ​မၼ်း​ၼၼ်ႉ​ဢဝ်​တႃ​ထိမ်ႇ​ၸူး​သိူင်ႇ​ၸူး​ ယူဝ်းသႅပ်ႈ ​လႄႈ​လၢတ်ႈ​ဝႃႈ၊ ၼွၼ်း​လူၺ်ႈ​ၵၼ်​တင်း​ၵဝ်​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မၼ်း​ၵေႃႈ​ထဵင်​ပႅတ်ႈ​လႄႈ​လၢတ်ႈ​တီႈ​မေး​ၸဝ်ႈ​မၼ်း​ၼၼ်ႉ​လႄႈ​ဝႃႈ၊ တူၺ်း​ၶႃႈ​လူး၊ ၸဝ်ႈ​ၵဝ်​ၶႃႈ​ဢမ်ႇ​ႁူႉ​လူၺ်ႈ​လွင်ႈ ဢုၵ်ႉ​ၸႃႇ​ၵႃႈ​ဢၼ်​မီး​တီႈ​ၵဝ်​ၶႃႈ​ၵႃႈ​ၼႂ်း​ႁိူၼ်း​ၼႆႉ​လႄႈ ဢဝ်​ဢုၵ်ႉ​ၸႃႇ​ၵႃႈ​ဢၼ်​မီး​တီႈ​မၼ်း​ၸဝ်ႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵဝ်​ၶႃႈ​ယဝ်ႉ။-</verse>
				<verse number="9">ၵႃႈ​ၼႂ်း​ႁိူၼ်း​ၼႆႉ​ၵေႃႈ၊ ၵေႃႉ​ဢၼ်​ယႂ်ႇ​သေ​ၵဝ်​ၶႃႈ​ၼႆႉ ဢမ်ႇ​မီး​ယဝ်ႉ။ လိူဝ်​သေ​ၸဝ်ႈ​ၼၢင်း ဢၼ်​ပဵၼ်​မေး​မၼ်း​ၸဝ်ႈ​ၼၼ်ႉ​ၼႆႉ၊ မၼ်း​ၸဝ်ႈ ဢမ်ႇ​ႁႄႉ​ဢမ်ႇ​ၶႅၼ်​ၵႃႈ​သင်​တီႈ​ၵဝ်​ၶႃႈ။ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၵဝ်​ၶႃႈ​တၵ်း​ႁဵတ်း​ဢမူႉ​ဢၼ်​ဢပႅတ်ႈ​ယႂ်ႇ​ၼႆႉ​လႄႈ​ၽိတ်း​ပိူင်ႈ​ၽြႃး​ပဵၼ်​ၸဝ်ႈ​လႆႈ​ၸိူဝ်ႉ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​သေ​ဢေႃႈ။-</verse>
				<verse number="10">ပိၵ်ႉ​သမ်ႉ​မၼ်း​ၼၼ်ႉ​တိုၵ်း​ယူင်း​ၸူဝ်း​ဢဝ်​ ယူဝ်းသႅပ်ႈ ​ၸိူဝ်ႉ​ၼင်ႇ​ၼၼ် ၵူႈ​ဝၼ်း​သေ​ၵေႃႈ၊ မၼ်း​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​မၼ်း​ၼၼ်ႉ​လႄႈ ဝႄႈ​ပႅတ်ႈ ဢမူႉ​တၢင်း​ဢၼ်​ယူႇ​လူၺ်ႈ​ၼွၼ်း​လူၺ်ႈ​ၵၼ်​တင်း​မၼ်း​ၼၼ်ႉ​ဢေႃႈ။-</verse>
				<verse number="11">ဝၼ်း​ၼိုင်ႈ မၼ်း​ၶဝ်ႈ​ၵႃႈ​ၼႂ်း​ႁိူၼ်း​ႁႂ်ႈ​လႆႈ​လူ​တူၺ်း​ၵၢၼ်​ငၢၼ်း​မၼ်း​လႄႈ၊ မိူဝ်ႈ​ဢၼ်​ၵူၼ်း​ၸၢႆး​ၵႃႈ​တီႈ​ႁိူၼ်း​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း​ၼၼ်ႉ​ၸိုင်၊-</verse>
				<verse number="12">မၼ်း​ၼၼ်ႉ​တိုတ်ႉ​ၸၼ်​ဢဝ်​ၶူဝ်း​ၼုင်ႈ​မၼ်း​လႄႈ​လၢတ်ႈ​ဝႃႈ၊ ၼွၼ်း​လူၺ်ႈ​ၵၼ်​တင်း​ၵဝ်​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လွၼ်ႈ​ပႅတ်ႈ​ၶူဝ်း​ၼုင်ႈ​မၼ်း​ဝႆႉ ၵႃႈ​ၼႂ်း​မိုဝ်း​မၼ်း​ၼၼ်ႉ​သေ​လႄႈ လႅၼ်ႈ​ပၢႆႈ​ဢွၵ်ႇ​ၵႂႃႇ​ၵႃႈ​ၼွၵ်ႈ​သေ​ဢေႃႈ။-</verse>
				<verse number="13">မိူဝ်ႈ​ဢၼ်​မၼ်း​ၼၼ်ႉ ႁူႉ​ႁၼ်​လွင်ႈ​ဢၼ်​မၼ်း​လွၼ်ႈ​ပႅတ်ႈ​ၶူဝ်း​ၼုင်ႈ​မၼ်း​ဝႆႉ ၵႃႈ​ၼႂ်း​မိုဝ်း​သေ​လႄႈ လႅၼ်ႈ​ပၢႆႈ​ဢွၵ်ႇ​ၵႂႃႇ​ၼၼ်ႉ​ၸိုင်၊-</verse>
				<verse number="14">ႁွင်ႉ​ဢဝ်​ၵူၼ်း​ၸၢႆး​ၵႃႈ​တီႈ​ႁိူၼ်း​မၼ်း​ၼၼ်ႉ​ၸိူဝ်း​ၼၼ်ႉ​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ တူၺ်း​လူး၊ ၸဝ်ႈ​ၼၼ်ႉ ဢဝ်​ၵူၼ်း ႁေႇပြႄး ​ၵေႃႉ​ၼႆႉ သႂၢင်း​ဝႆႉ​ႁႂ်ႈ​မၼ်း​လႆႈ​ႁဵတ်း ဢမ်ႇ​ၼပ်ႉ​ဢမ်ႇ​ၶၢၼ်း​တီႈ​ႁဝ်း​ယဝ်ႉ​လူင်​ပႄႇ။ မၼ်း​ၶဝ်ႈ​မႃး ႁႂ်ႈ​လႆႈ​ႁဵတ်း တၢင်း​ဢၼ်​ၼွၼ်း​လူၺ်ႈ​ၵၼ်​တင်း​ၵဝ်​လႄႈ ၵဝ်​လႆႈ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​ဢေႃႈ။-</verse>
				<verse number="15">မိူဝ်ႈ​ဢၼ်​မၼ်း​ငိၼ်း ၵဝ်​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​ၼၼ်ႉ​ၸိုင်၊ မၼ်း​လွၼ်ႈ​ပႅတ်ႈ​ၶူဝ်း​ၼုင်ႈ​မၼ်း​ဝႆႉ ၵႃႈ​တီႈ​ႁိမ်း​ၵဝ်​ၼႆႉ​လႄႈ လႅၼ်ႈ​ပၢႆႈ​ဢွၵ်ႇ​ၵႂႃႇ​ၵႃႈ​ၼွၵ်ႈ​သေ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မၼ်း​ၼၼ်ႉ ဢဝ်​ၶူဝ်း​ၼုင်ႈ​ၼၼ်ႉ​ဝႆႉ ၵႃႈ​တီႈ​ႁိမ်း​တူဝ်​ၸဝ်ႈ​ၵဝ်ႇ တေႃႇ​ထိုင်​ႁွတ်ႈ​ၸဝ်ႈ​မၼ်း​ၶိုၼ်း​မႃး​ၵႃႈ​တီႈ​ႁိူၼ်း​ဢေႃႈ။-</verse>
				<verse number="17">မၼ်း​ၼၼ်ႉ မွၵ်ႇ​လၢတ်ႈ​ၵႂၢမ်း​ၸိူဝ်ႉ​ၼင်ႇ​ၼႆ​လႄႈ​ဝႃႈ​ၸမ်ႉ၊ ၶႃႈ​ဢၼ်​ပဵၼ်​ၵူၼ်း​ ႁေႇပြႄး ဢၼ်​ၸဝ်ႈ​ႁဝ်း​သႂၢင်း​ဝႆႉ​ၼၼ်ႉ ၶဝ်ႈ​မႃး​ႁႂ်ႈ​လႆႈ​ႁဵတ်း ဢမ်ႇ​ၼပ်ႉ​ဢမ်ႇ​ၶၢၼ်း​တီႈ​ၵဝ်​ၶႃႈ​ၶႃႈ​ဢေႃႈ။-</verse>
				<verse number="18">မိူဝ်ႈ​ဢၼ်​ၵဝ်​ၶႃႈ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​ၼၼ်ႉ​ၸိုင်၊ မၼ်း​လွၼ်ႈ​ပႅတ်ႈ​ၶူဝ်း​ၼုင်ႈ​မၼ်း​ဝႆႉ ၵႃႈ​တီႈ​ႁိမ်း​ၵဝ်​ၶႃႈ​လႄႈ လႅၼ်ႈ​ပၢႆႈ​ဢွၵ်ႇ​ၵႂႃႇ ၵႃႈ​ၼွၵ်ႈ​သေ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ၸဝ်ႈ​မၼ်း​ၼၼ်ႉ ငိၼ်း​ၵႂၢမ်း​ဢၼ်​မေး​မၼ်း​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၼၼ်ႉ​ႁဵတ်း​တီႈ​ၵဝ်​ၶႃႈ ၸိူဝ်ႉ​ၼင်ႇ​ၼႆ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​သေ​ယဝ်ႉ၊ ၸႂ်​မႆႈ​ၶႆႈ​ၸႃႉ​လႄႈ၊-</verse>
				<verse number="20">ဢဝ်​ ယူဝ်းသႅပ်ႈ ၵႂႃႇ​ၶင်​ဝႆႉ​ၵႃႈ​ၼႂ်း​ထွင်ႇ တီႈ​ဢၼ်​ၵူၼ်း​ဢၼ်​ၶုၼ်​ႁေႃ​ၶမ်း​ၶျုၵ်ႈ​ဝႆႉ​တင်း​လၢႆ​ယူႇ​ၼၼ်ႉ​လႄႈ မၼ်း​လႆႈ​ယူႇ​ၵႃႈ​ၼႂ်း​ထွင်ႇ​ဢေႃႈ။-</verse>
				<verse number="21">ၵူၺ်း​ၵႃႈ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ ယူဝ်းသႅပ်ႈ ​လႄႈ ဢဵတ်း​လူ​ႁဵတ်း​ၵျေး​ၸူး​တီႈ​မၼ်း​လႄႈ ႁႂ်ႈ​မၼ်း​လႆႈ​ၼႃႈ​လႆႈ​တႃ ၵႃႈ​တီႈ​ထွင်ႇ​မူး​ဢေႃႈ။-</verse>
				<verse number="22">ပိူဝ်ႈ​ၼႆ​လႄႈ ထွင်ႇ​မူး​ၼၼ်ႉ ဢဝ်​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ ၵႃႈ​တီႈ​ထွင်ႇ​ၼၼ်ႉ​တင်း​သဵင်ႈ​တင်း​လူင် ဢၢပ်ႈ​ပၼ် ၵႃႈ​ၼႂ်း​မိုဝ်း ယူဝ်းသႅပ်ႈ ​လႄႈ မၼ်း​ပဵၼ်​ၵေႃႉ​ဢၼ်​လႆႈ​ၸီႇ​ယၢင်ႇ လွင်ႈ​တၢင်း​ၵႃႈ​ဢၼ်​ၶဝ်​ႁဵတ်း​ၵႃႈ​ၼႂ်း​ထွင်ႇ တင်း​သဵင်ႈ​တင်း​လူင်​ဢေႃႈ။-</verse>
				<verse number="23">လိုၼ်း​ၼၼ်ႉ​ထွင်ႇ​မူး ဢမ်ႇ​ၶိုၼ်း​ဝၢႆႇ​လူ​ဝၢႆႇ​တူၺ်း​လွင်ႈ​တၢင်း​ဢၼ် ဢၢပ်ႈ​ဝႆႉ​ၵႃႈ​ၼႂ်း​မိုဝ်း​မၼ်း​ၼၼ်ႉ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး မီး​ယူႇ​လူၺ်ႈ​ၵၼ်​တင်း​မၼ်း​လႄႈ ႁႂ်ႈ​ၵႃႈ​ဢၼ်​မၼ်း​ၵျၢမ်ႇ​ပွင် သၢင်ႈ​ႁဵတ်း​ၼၼ်ႉ​ပျေႉ​ၸုမ်ႇ​ၼၼ်ႉ​ဢေႃႈ။</verse>
			</chapter>
			<chapter number="40">
				<verse number="1">ဝၢႆး​ၼၼ်ႉ ဝုၼ်ႇ​သၢၵ်ႈ​ၵွၵ်း​ၵိၼ်​ၸဝ်ႈ​တင်း​ဝုၼ်ႇ​သၢၵ်ႈ​တၢင်း​ၵိၼ်​တၢင်း​ၶူပ်း​ၸဝ်ႈ​ဢၼ်​မီး​ၵႃႈ​တီႈ​ၶုၼ်​ႁေႃ​ၶမ်း ဢေႇၵိပ်ႉတူႉ ​ၼၼ်ႉ မီး​တၢင်း​ဢၼ်​ၽိတ်း​ပိူင်ႈ ၵႃႈ​တီႈ​ၸဝ်ႈ​ၶဝ်​ၶုၼ်​ႁေႃ​ၶမ်း​ ဢေႇၵိပ်ႉတူႉ ​ၼၼ်ႉ​ဢေႃႈ။-</verse>
				<verse number="2">ၶုၼ်​ႁေႃ​ၶမ်း​ ၽႃႇရေႃး ​ၸႂ်​မႆႈ​ၶႆႈ​ၸႃႉ​တီႈ ၶုၼ်​မၼ်း​ၸဝ်ႈ​သွင်​ၵေႃႉ​ဢၼ်​ဝႃႈ​ဝုၼ်ႇ​သၢၵ်ႈ​ၵွၵ်း​ၵိၼ်​ၸဝ်ႈ​တင်း​ဝုၼ်ႇ​သၢၵ်ႈ​တၢင်း​ၵိၼ်​တၢင်း​ၶူပ်း​ၸဝ်ႈ ၸိူဝ်း​ၼၼ်ႉ​လႄႈ၊-</verse>
				<verse number="3">ဢဝ်​သွင်​ၶႃ​ၶျုၵ်ႈ​ဝႆႉ​ၵႃႈ​ၼႂ်း​ႁိူၼ်း ၵူဝ်ႇ​ရမ်ႇ​တေႃႇ​မူး​ဢၼ်​ဝႃႈ ထွင်ႇ​တီႈ​ဢၼ်​ ယူဝ်းသႅပ်ႈ လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="4">ၵူဝ်ႇ​ရမ်ႇ​တေႃႇ​မူး​ၼၼ်ႉ ဢဝ်​သွင်​ၶႃ​ဢၢပ်ႈ​ပၼ်​တီႈ​ ယူဝ်းသႅပ်ႈ ​လႄႈ ယူဝ်းသႅပ်ႈ ​လႆႈ​လူ​လႆႈ​တူၺ်း​သွင်​ၶႃ​ဢေႃႈ။ သွင်​ၶႃ​ၼၼ်ႉ ၵေႃႈ၊ လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ၶိင်ႇ​ၵႃႇလႃႉ​ႁိုင်​ၼႃႇ​ဢေႃႈ။</verse>
				<verse number="5">သွင်​ၶႃ​ဢၼ်​ဝႃႈ ဝုၼ်ႇ​သၢၵ်ႈ​ၵွၵ်း​ၵိၼ်​ၸဝ်ႈ​တင်း​ဝုၼ်ႇ​သၢၵ်ႈ​တၢင်း​ၵိၼ်​တၢင်း​ၶူပ်း​ၸဝ်ႈ​ၶုၼ်​ႁေႃ​ၶမ်း​မိူင်း​ ဢေႇၵိပ်ႉတူႉ ဢၼ်​လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ ၵႃႈ​ၼႂ်း​ထွင်ႇ​သွင်​ၵေႃႉ​ၼၼ်ႉ ၼွၼ်း​ၽၼ်​ႁၼ်​တၢင်း​ဢၼ် ၽၼ်​ႁၼ်​ဢၼ်​ပျေႉ​ၸုမ်ႇ တင်း​ဢထိၵ်ႈပႄႇ ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="6">ထိုင်​ႁွတ်ႈ​ၶိင်ႇ​ၵၢင်​ၼႂ်​သေ​ယဝ်ႉ၊ ယူဝ်းသႅပ်ႈ ​ၶဝ်ႈ​ၵႂႃႇ​ၸူး ၵႃႈ​တီႈ​ၶဝ်​လႄႈ၊ မိူဝ်ႈ​ဢၼ်​လူ​တူၺ်း​ၶဝ်​ၸိုင်၊ ႁၼ်​လွင်ႈ​ဢၼ် ၼႃႈ​ၶဝ်​ႁဵဝ်ႇ​ၸွပ်ႈ​ယူႇ​ၼၼ်ႉ​လႄႈ၊-</verse>
				<verse number="7">ထၢမ်​တီႈ​ဝုၼ်ႇ​ၶုၼ်​ႁေႃ​ၶမ်း​ ၽႃႇရေႃး ဢၼ်​လႆႈ​ၶၢမ်ႇ​တၢင်း​ဢၼ် ၶျုၵ်ႈ​ဝႆႉ​လူၺ်ႈ​ၵၼ်​တင်း​မၼ်း ၵႃႈ​ၼႂ်း​ႁိူၼ်း​ၸဝ်ႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ဝၼ်း​မိူဝ်ႈ​ၼႆႉ​ႁဵတ်း​သင်​လႄႈ ၼႃႈ​သူ​ၸဝ်ႈ ႁဵဝ်ႇ​ၸွပ်ႈ​ယူႇ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၶဝ်​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ႁဝ်း​လႆႈ​ၼွၼ်း​ၽၼ်​ႁၼ်​ယဝ်ႉ။ ၵေႃႉ​ဢၼ်​တၵ်း​ၽုၺ်ႇ​ဢွၵ်ႇ​ၼႄ​ပျႃး​ဢထိၵ်ႈပႄႇ​မၼ်း​ဢမ်ႇ​မီး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယူဝ်းသႅပ်ႈ ​ၵေႃႈ​လၢတ်ႈ​တီႈ​သွင်​ၶႃ​ၼၼ်ႉ​လႄႈ​ဝႃႈ၊ ဢၼၢၵ်ႈ​ဢထိၵ်ႈပႄႇ​မၼ်း​တင်း​လၢႆ​ၸိုင် ၸၢပ်ႈ​သႅင်ႇ​ၵၼ်​တင်း ၽြႃး​ပဵၼ်​ၸဝ်ႈ​ဢမ်ႇ​ၸႂ်ႈ​ႁိုဝ်။ ပိူဝ်ႈ​ၼႆ​လႄႈ ၶႅၼ်း​တေႃႈ​မွၵ်ႇ​လၢတ်ႈ​လွင်ႈ​မၼ်း​ပၼ်​တီႈ​ၵဝ်​ၶႃႈ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မိူဝ်ႈ​ၼၼ်ႉ​ဝုၼ်ႇ​သၢၵ်ႈ​ၵွၵ်း​ၵိၼ်​ၸဝ်ႈ မွၵ်ႇ​လၢတ်ႈ​တၢင်း​ဢၼ်​မၼ်း​ၽၼ်​ႁၼ်​ၼၼ်ႉ​တီႈ​ ယူဝ်းသႅပ်ႈ ​လႄႈ​ဝႃႈ​ၸမ်ႉ၊ ၼႂ်း​တၢင်း​ဢၼ်​ၵဝ်​ၽၼ်​ႁၼ်​ၼၼ်ႉ၊ ၵႃႈ​တီႈ​ၽၢႆႇ​ၼႃႈ​ၵဝ်​မီး​ၶိူဝ်း​မၢၵ်ႇ​ၸပိတ်ႈ​ဢေႃႈ။-</verse>
				<verse number="10">ၵႃႈ​တီႈ​ၶိူဝ်း​မၢၵ်ႇ​ၸပိတ်ႈ​ၼၼ်ႉ​မီး​ၵိင်ႇ​သၢမ်​ၵိင်ႇ​ဢေႃႈ။ ၵႃႈ​တီႈ​ၵိင်ႇ​ၸိူဝ်း​ၼၼ်ႉ၊ ပဵၼ်​မိူၼ်​ၸိူဝ်ႉ​ၼင်ႇ​ၵူႇ​မွၵ်ႇ​ဝႆႉ​ဢေႃႈ။ ဢၼ်​ၵီႈ​ၵေႃႈ​ၵီႈ​ယူႇ​ဢေႃႈ။ ပုၵ်ႉ​မၢၵ်ႇ​မၼ်း​တင်း​လၢႆ​ၵေႃႈ ပဵၼ်​မၢၵ်ႇ​ၸပိတ်ႈ​ဢၼ်​သုၵ်း​ယူႇ​ဢေႃႈ။-</verse>
				<verse number="11">ၵဝ်​ယိပ်း​ၵမ်​ဢဝ်​ၵွၵ်း​ၶုၼ်​ႁေႃ​ၶမ်း​ ၽႃႇရေႃး ​လႄႈ ဢဝ်​မၢၵ်ႇ​ၸပိတ်ႈ​ၼၼ်ႉ​မိပ်ႇ​သႂ်ႇ​ၵႃႈ​ၼႂ်း​ၵွၵ်း​မၼ်း​ၸဝ်ႈ​ၼၼ်ႉ​သေ​ယဝ်ႉ၊ လႆႈ​သၢၵ်ႈ​ပၼ်​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ၽႃႇရေႃး ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ယူဝ်းသႅပ်ႈ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ဢၼၢၵ်ႈ​ဢထိၵ်ႈပႄႇ​မၼ်း​ၸမ်ႉ၊ ၵိင်ႇ​သၢမ်​ၵိင်ႇ​ၼၼ်ႉ​ပဵၼ်​သၢမ်​ဝၼ်း​ဢေႃႈ။-</verse>
				<verse number="13">ပေႃး​လႆႈ​သၢမ်​ဝၼ်း​ယဝ်ႉ၊ ၶုၼ်​ႁေႃ​ၶမ်း​ ၽႃႇရေႃး တၵ်း​ၶိုၼ်း​ယုၵ်ႉ​ယွင်ႈ​ႁူဝ်​ၸဝ်ႈ​လႄႈ ၶိုၼ်း​ပၼ်​ဢရႃႇ​ၸဝ်ႈ​ၸိူဝ်ႉ​ၼင်ႇ​ပၵ်း​ၵဝ်ႇ ပိူင်​ၵဝ်ႇ​ၼၼ်ႉ​ဢေႃႈ။ ၸဝ်ႈ​သမ်ႉ​တၵ်း​လႆႈ​ၶိုၼ်း​သၢၵ်ႈ​ၵွၵ်း​ၶုၼ်​ႁေႃ​ၶမ်း​ ၽႃႇရေႃး ၵႃႈ​ၼႂ်း​မိုဝ်း​မၼ်း​ၸဝ်ႈ​ၼၼ်ႉ မိူၼ်​ၸိူဝ်ႉ​ၼင်ႇ ပၵ်း​ၵဝ်ႇ ပိူင်​ၵဝ်ႇ မိူဝ်ႈ​ဢၼ်​ၸဝ်ႈ​လႆႈ​ပဵၼ် ဝုၼ်ႇ​သၢၵ်ႈ​ၵွၵ်း​ၵိၼ်​ၸဝ်ႈ​မိူဝ်ႈ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="14">မိူဝ်ႈ​ဢၼ်​ၸဝ်ႈ​လႆႈ​ၵတ်း​ယဵၼ်​ၶျၢမ်း​သႃႇ​ၼၼ်ႉ​ၸိုင်၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ်​ၶႃႈ​လႄႈ ႁဵတ်း​ၵျေး​ၸူး​တီႈ​ၵဝ်​ၶႃႈ သေ​ၵမ်း​ၶႃႈ။ လဝ်ႊ​လၢတ်ႈ​လွင်ႈ​ၵဝ်​ၶႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ ၼုၵ်ႈ​ဢဝ်​ၵဝ်​ၶႃႈ​ဢွၵ်ႇ​သေ​ၵႃႈ​တီႈ​ႁိူၼ်း​ၼႆႉ​သေ​ၵမ်း​ၶႃႈ။-</verse>
				<verse number="15">ၶဝ်​လၵ်ႉ​ဢဝ်​ၵဝ်​ၶႃႈ ၵႃႈ​ၼႂ်း​မိူင်း​ ႁေႇပြႄး ပုၼ်ႉ​မႃး ဢမၢၼ်ႇ​ၶၼ်​ပဵၼ်​ဢေႃႈ။ ၵႃႈ​တီႈ​မိူင်း​ၼႆႉ​ၵေႃႈ၊ ၵဝ်​ၶႃႈ​ယင်း​ဢမ်ႇ​မီး​ဢပႅတ်ႈ ၵႃႈ​သင်​လႄႈ ၶဝ်​ဢဝ်​ၵဝ်​ၶႃႈ ၶင်​ဝႆႉ​ၵႃႈ​ၼႂ်း​ထွင်ႇ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ဝုၼ်ႇ​သၢၵ်ႈ​တၢင်း​ၵိၼ်​တၢင်း​ၶူပ်း​ၸဝ်ႈ​ၼၼ်ႉ​ၵေႃႈ၊ ႁူႉ​ႁၼ်​လွင်ႈ​ဢၼ်​ဢထိၵ်ႈပႄႇ​ၼၼ်ႉ​လီ​ၼၼ်ႉ​သေ​ယဝ်ႉ၊ လၢတ်ႈ​တီႈ ယူဝ်းသႅပ်ႈ ​လႄႈ​ဝႃႈ၊ ၵဝ်​ၵေႃႈ​လႆႈ​ၼွၼ်း​ၽၼ်​ႁၼ်​လႄႈ တူဝ်​ၸဝ်ႈ​ၵဝ်ႇ​လႆႈ​ဢဝ်​ပဵတ်ႈ​သၢမ်​လုၵ်ႈ​ဢၼ်​ပႃး​တင်း​ၶဝ်ႈ​မုၼ်း​ၽိူၵ်ႇ​ၼၼ်ႉ တဵင်ႇ​ၵႃႈ​ၼိူဝ်​ႁူဝ်​ၶႃႈ​ဢေႃႈ။-</verse>
				<verse number="17">ၼႂ်း​ပဵတ်ႈ​လုၵ်ႈ​ၼိူဝ်​သုတ်း​ၼၼ်ႉ မီး​တၢင်း​ၵိၼ်​တၢင်း​ၶူပ်း​ဢၼ်​လႆႈ​ၼိုင်ႈ​ဢဝ် ၵူႈ​ၸိူဝ်ႉ​ၵူႈ​ပိူင်​ပုၼ်ႈ​ဢၼ်​ၶုၼ်​ႁေႃ​ၶမ်း​ ၽႃႇရေႃး တၵ်း​ၵိၼ်​ၼၼ်ႉ​လႄႈ ၼူၵ်ႉ​တင်း​လၢႆ​ၵေႃႈ​ဢွၼ်​ၵၼ်​ဢဝ်​ၵႃႈ​ၼႂ်း​ပဵတ်ႈ​ဢၼ်​ၵဝ်​တဵင်ႇ​ၵႃႈ​ၼိူဝ်​ႁူဝ်​ၼၼ်ႉ​သေ​လႄႈ ၵိၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ယူဝ်းသႅပ်ႈ ​ၶိုၼ်း​လၢတ်ႈ​လႄႈ​ဝႃႈ၊ ဢၼၢၵ်ႈ​ဢထိၵ်ႈပႄႇ​မၼ်း​ၸမ်ႉ၊ ပဵတ်ႈ​သၢမ်​လုၵ်ႈ​ၼၼ်ႉ​ပဵၼ်​သၢမ်​ဝၼ်း​ဢေႃႈ။-</verse>
				<verse number="19">လႆႈ​သၢမ်​ဝၼ်း​သေ​ယဝ်ႉ၊ ၶုၼ်​ႁေႃ​ၶမ်း​ ၽႃႇရေႃး ​တၵ်း​ယုၵ်ႉ​ယွင်ႈ​ႁူဝ်​ၸဝ်ႈ​ၽၢတ်ႇ​ယၢၼ်​သေ​လႄႈ ဢဝ်​ႁွႆႈ​ဝႆႉ​ၵႃႈ​တီႈ​တူၼ်ႈ​မႆႉ​ဢေႃႈ။ ၼူၵ်ႉ​တင်း​လၢႆ​ၵေႃႈ၊ တၵ်း​ဢွၼ်​ၵၼ်​သၵ်း​ၵိၼ်​ၼိူဝ်ႉ​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">လိုၼ်း​ၼၼ်ႉ လႆႈ​သၢမ်​ဝၼ်း​သေ​ယဝ်ႉ၊ ၼႂ်း​ၶိင်ႇ​ဝၼ်း​ဢၼ်​ၶုၼ်​ႁေႃ​ၶမ်း​ ၽႃႇရေႃး ​ၵိူတ်ႇ​လဵင်ႉ​မႃး​ၼၼ်ႉ၊ မၼ်း​ၸဝ်ႈ​ၶၢမ်ႇ​ပွႆး​ဢၸႅၼ်ႇ ပုၼ်ႈ​ၶႃႈ​ပုၼ်ႈ​ၵူၼ်း​မၼ်း​ၸဝ်ႈ​တင်း​သဵင်ႈ​တင်း​လူင်​ယူႇ​သေ​လႄႈ ယုၵ်ႉ​ယွင်ႈ​ႁူဝ်​ဝုၼ်ႇ​သၢၵ်ႈ​ၵွၵ်း​ၵိၼ်​ၸဝ်ႈ​တင်း​ႁူဝ်​ဝုၼ်ႇ​သၢၵ်ႈ တၢင်း​ၵိၼ်​တၢင်း​ၶူပ်း​ၸဝ်ႈ ၸိူဝ်း​ၼၼ်ႉ​ၵႃႈ​ၼႂ်း​ၶႃႈ​ၼႂ်း​ၵူၼ်း​မၼ်း​ၸဝ်ႈ​လႄႈ၊-</verse>
				<verse number="21">ဢဝ်​ဝုၼ်ႇ​သၢၵ်ႈ​ၵွၵ်း​ၵိၼ်​ၸဝ်ႈ သမ်ႉ​ၶၢၼ်း​ဝႆႉ​ၼႂ်း​ဢရႃႇ​ၵဝ်ႇ​မၼ်း မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၼၼ်ႉ​လႄႈ မၼ်း​ၵေႃႈ လႆႈ​သၢၵ်ႈ ၵွၵ်း​ၵႃႈ​ၼႂ်း​မိုဝ်း ၶုၼ်​ႁေႃ​ၶမ်း​ ၽႃႇရေႃး မိူၼ်​ၸိူဝ်ႉ​ၼင်ႇ​ပၵ်း​ၵဝ်ႇ​ပိူင်​ၵဝ်ႇ​ၼၼ်ႉ၊-</verse>
				<verse number="22">ဢိၵ်ႇ​တင်း ဢဝ်​ဝုၼ်ႇ​သၢၵ်ႈ​တၢင်း​ၵိၼ်​တၢင်း​ၶူပ်း​ၸဝ်ႈ​ၼၼ်ႉ ႁွႆႈ​ဝႆႉ​မႅၼ်ႈ​ၸွမ်း​ၵႃႈ​ၼင်ႇ​ဢၼ်​ ယူဝ်းသႅပ်ႈ ​လႆႈ​ၽုၺ်ႇ​ဢွၵ်ႇ ၼႄ​ပျႃး ဢၼၢၵ်ႈ​ဢထိၵ်ႈပႄႇ​ဝႆႉ တီႈ​ၶဝ်​ၼၼ်ႉ​ဢေႃႈ။-</verse>
				<verse number="23">ၵူၺ်း​ၵႃႈ ဝုၼ်ႇ​သၢၵ်ႈ​ၵွၵ်း​ၵိၼ်​ၸဝ်ႈ​ၼၼ်ႉ ယင်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ ယူဝ်းသႅပ်ႈ ​လႄႈ လူင်​လိုမ်း​မၼ်း​သေ​လႄႈ​ယူႇ​ဢေႃႈ။</verse>
			</chapter>
			<chapter number="41">
				<verse number="1">လိုၼ်း​ၼၼ်ႉ မိူဝ်ႈ​ဢၼ်​ပူၼ်ႉ​သွင်​ပီႊ​ယဝ်ႉ​ၸိုင်၊ ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ​ၼွၼ်း​ၽၼ်​ႁၼ်​ၸမ်ႉ၊ တူဝ်​မၼ်း​ၸဝ်ႈ​ၸုၵ်း​ယူႇ​ၵႃႈ​တီႈ​ႁိမ်း​ၼမ်ႉ​ႁွင်ႈ​ဢေႃႈ။-</verse>
				<verse number="2">ဝူဝ်း​ဢၼ်​ႁၢင်ႈ​လီ​လႄႈ​ပီး​လီ​မၼ်း​လီ​ၸဵတ်း​တူဝ်​ဢွၵ်ႇ​သေ​ၵႃႈ​ၼႂ်း​ၼမ်ႉ​ႁွင်ႈ​မႃး​လႄႈ ၵိၼ်​ယိူဝ်ႈ​ယူႇ​ဢေႃႈ။-</verse>
				<verse number="3">လိုၼ်း​သေ​ဝူဝ်း​ၸိူဝ်း​ၼၼ်ႉ၊ ဝူဝ်း​ဢၼ်​ဢမ်ႇ​ႁၢင်ႈ​လီ​လႄႈ​ယွမ်​ႁဵဝ်ႇ​ၸဵတ်း​တူဝ်​သမ်ႉ​ဢွၵ်ႇ​သေ​ၵႃႈ​ၼႂ်း​ၼမ်ႉ​ႁွင်ႈ​မႃး​လႄႈ ၸုၵ်း​ယူႇ​ၵႃႈ​တီႈ​ႁိမ်း ဝူဝ်း​ၸိူဝ်း​ဢၼ်​ဢွၼ်​တၢင်း​ၼၼ်ႉ ၵႃႈ​ၼိူဝ်​ၽင်ႇ​ၼမ်ႉ​ႁွင်ႈ​ၼၼ်ႉ​ဢေႃႈ။</verse>
				<verse number="4">ဝူဝ်း​ဢၼ်​ဢမ်ႇ​ႁၢင်ႈ​လီ​လႄႈ​ယွမ်​ႁဵဝ်ႇ​ၸိူဝ်း​ၼၼ်ႉ ၶူပ်း​ၵိၼ်​ဝူဝ်း​ဢၼ်​ႁၢင်ႈ​လီ​လႄႈ ပီး​လီ​မၼ်း​လီ​ၸဵတ်း​တူဝ်​ၸိူဝ်း​ၼၼ်ႉ​ပႅတ်ႈ​လႄႈ ၶုၼ်​ႁေႃ​ၶမ်း​ ၽႃႇရေႃး ​ၵေႃႈ​တိုၼ်ႇ​မႃး​သေ​ဢေႃႈ။</verse>
				<verse number="5">ၵမ်း​ၼၼ်ႉ သမ်ႉ​ၶိုၼ်း​ၼွၼ်း​လပ်း​လႄႈ​သမ်ႉ​ၶိုၼ်း​ၽၼ်​ႁၼ်​ထႅင်ႈ​ၸမ်ႉ၊ ႁူင်း​ၶဝ်ႈ​ဢၼ်​မဵတ်ႉ​မၢၵ်ႈ​လႄႈ​လီ​ၼႃႇ​ၸဵတ်း​ႁူင်း​ဢွၵ်ႇ​ပဵၼ်​မႃး​ၵႃႈ​တီႈ​တူၼ်ႈ​လဵဝ်​ၵူၺ်း​ဢေႃႈ။-</verse>
				<verse number="6">လိုၼ်း​ၼၼ်ႉ ႁူင်း​ၶဝ်ႈ​ဢၼ်​မဵတ်ႉ​လိပ်ႈ​လႄႈ​လူႉ​ၵွပ်ႈ​ပိူဝ်ႈ​လူမ်း​တၢင်း​ဝၼ်း​ဢွၵ်ႇ​ၼၼ်ႉ​ၸဵတ်း​ႁူင်း​ဢွၵ်ႇ​မႃး​ဢေႃႈ။-</verse>
				<verse number="7">ႁူင်း​ၶဝ်ႈ​ဢၼ်​မဵတ်ႉ​လိပ်ႈ​ၸိူဝ်း​ၼၼ်ႉ​ၵိၼ်​ႁူင်း​ၶဝ်ႈ​ဢၼ်​မဵတ်ႉ​မၢၵ်ႈ​လႄႈ​လီ​ၼႃႇ​ၸိူဝ်း​ၼၼ်ႉ​ပႅတ်ႈ​ဢေႃႈ။ ၼင်ႇ​ၼၼ်​လႄႈ ၶုၼ်​ႁေႃ​ၶမ်း​ ၽႃႇရေႃး ​ၵေႃႈ​တိုၼ်ႇ​မႃး​လႄႈ​ႁူႉ​လွင်ႈ​ဢၼ်​ပဵၼ်​တၢင်း​ဢၼ်​ၼွၼ်း​ၽၼ်​ႁၼ်​ဢေႃႈ။</verse>
				<verse number="8">မိူဝ်ႈ​ဢၼ်​ထိုင်​ၶိင်ႇ​ၵၢင်​ၼႂ်​ၸိုင်၊ မၼ်း​ၸဝ်ႈ​ယၢပ်ႇ​ၸႂ်​ယုင်ႈ​ၸႂ်​လႄႈ ႁွင်ႉ​ဢဝ်​ၵူၼ်း​မေႃ​ပေႇ​တၢင်ႇ​လႂ်​တင်း​ၵူၼ်း​မေႃ​ဢတၢတ်ႈ​ပိင်ႇ​ၺႃႇ​လႂ်​ၵႃႈ​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​သေ​လႄႈ မွၵ်ႇ​လၢတ်ႈ​လွင်ႈ​မၼ်း​တၢင်း​မၼ်း​တီႈ​ၶဝ်​ဢေႃႈ။ ပိၵ်ႉ​သမ်ႉ​ၶုၼ်​ႁေႃ​ၶမ်း ၽႃႇရေႃး ​မွၵ်ႇ​လၢတ်ႈ​လွင်ႈ​တၢင်း​ဢၼ်​မၼ်း​ၸဝ်ႈ​ၼွၼ်း​ၽၼ်​ႁၼ်​ၼၼ်ႉ​တီႈ​ၶဝ်​သေ​ၵေႃႈ ၵေႃႉ​ဢၼ်​ၽုၺ်ႇ​ဢွၵ်ႇ​ၼႄ​ပျႃး​ဢၼၢၵ်ႈ ဢထိၵ်ႈပႄႇ​မၼ်း ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ​လႆႈ​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။</verse>
				<verse number="9">မိူဝ်ႈ​ၼၼ်ႉ​ဝုၼ်ႇ​သၢၵ်ႈ​ၵွၵ်း​ၵိၼ်​ၸဝ်ႈ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊ ဝၼ်း​မိူဝ်ႈ​ၼႆႉ​ၶႃႈ​ၸဝ်ႈ​ၶုၵ်း​ၸႂ်​လႆႈ ၶႆႈ​ၸႂ်​ထူပ်း ဢပႅတ်ႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="10">ၶုၼ်​ႁေႃ​ၶမ်း​ ၽႃႇရေႃး ​ၸႂ်​မႆႈ​ၶႆႈ​ၸႃႉ​တီႈ​ၶႃႈ​မၼ်း​ၸဝ်ႈ​ဢၼ်​ဝႃႈ ၶႃႈ​ၸဝ်ႈ​ဢိၵ်ႇ​တင်း​ဝုၼ်ႇ​သၢၵ်ႈ​တၢင်း​ၵိၼ်​တၢင်း​ၶူပ်း​ၸဝ်ႈ​လႄႈ ဢဝ်​ၶျုၵ်ႈ​ဝႆႉ​ၵႃႈ​ၼႂ်း​ႁိူၼ်း ၵူဝ်ႇ​ရမ်ႇ​တေႃႇ​မူး​ၼၼ်ႉ​သေ​ယဝ်ႉ၊-</verse>
				<verse number="11">ၶႃႈ​ၸဝ်ႈ​ႁဝ်း​သွင်​ၵေႃႉ​ၼႂ်း​ၶိုၼ်း​လဵဝ်​ၵူၺ်း ၼွၼ်း​ၽၼ်​ႁၼ်​တၢင်း​ဢၼ်​ၽၼ်​ႁၼ် ဢၼ်​ပျေႉ​ၸုမ်ႇ​တၢင်း​ဢၼၢၵ်ႈ​ဢထိၵ်ႈပႄႇ ႁင်း​ၽႂ်​ႁင်း​မၼ်း​တီႈ​ၶႃႈ​ဢေႃႈ။-</verse>
				<verse number="12">တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼၼ်ႉ​မီး​ၵူၼ်း​ ႁေႇပြႄး ​ဢွၼ်ႇ ဢၼ်​ပဵၼ်​ၶႃႈ​ၵူဝ်ႇ​ရမ်ႇ​တေႃႇ​မူး​ၼၼ်ႉ​ၵေႃႉ​ၼိုင်ႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ဢွၼ်​ၵၼ်​မွၵ်ႇ​လၢတ်ႈ​တီႈ​ၵေႃႉ​ၼၼ်ႉ​လႄႈ မၼ်း​ၼၼ်ႉ​ၵေႃႈ​ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​ဢထိၵ်ႈပႄႇ​တၢင်း​ဢၼ်​ၽၼ်​ႁၼ်​ၼၼ်ႉ​တီႈ​ၶႃႈ​ဢေႃႈ။ မၼ်း​ၽုၺ်ႇ​ဢွၵ်ႇ​ၼႄ​ပျႃး​ၸွမ်း​ၵႃႈ​ၼင်ႇ​ဢၼ်​ၽၼ်​ႁၼ်​ႁင်း​ၽႂ်​ႁင်း​မၼ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="13">ၵႃႈ​ၼင်ႇ​ဢၼ်​မၼ်း​ၽုၺ်ႇ​ဢွၵ်ႇ​ၼႄ​ပျႃး​တီႈ​ၶႃႈ​ၸဝ်ႈ​ႁဝ်း​ၶဝ်​ၼႆႉ​ၼၼ်ႉ​ၵေႃႈ မႅၼ်ႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ၶိုၼ်း​လႆႈ​ဢရႃႇ မိူၼ်​ၸိူဝ်ႉ​ၼင်ႇ​ပၵ်း​ၵဝ်ႇ​ပိူင်​ၵဝ်ႇ​ၼၼ်ႉ​လႄႈ ၵေႃႉ​ၼိုင်ႈ​ၼၼ်ႉ​ၸမ်ႉ၊ လႆႈ​ၶၢမ်ႇ​တၢင်း​ဢၼ်​ႁွႆႈ​ဝႆႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး ပွႆႇ​ၸႂ်ႉ​ၵူၼ်း​ၵႂႃႇ​လႄႈ​ႁွင်ႉ​ဢဝ်​ ယူဝ်းသႅပ်ႈ ​ဢေႃႈ။ ၶဝ်​ဢဝ်​မၼ်း​ဢွၵ်ႇ​သေ ၵႃႈ​ၼႂ်း​ထွင်ႇ ၶၼ်​ၶၼ်​ၽႂ်း​ၽႂ်း​လႄႈ မၼ်း​ၵေႃႈ​ထႃ​ၼူတ်ႇ​လၢႆႈ​ၶူဝ်း​လၢႆႈ​လဵင်း​သေ​ယဝ်ႉ၊ လႆႈ​ၶဝ်ႈ​ၸူး​ၵႃႈ​တီႈ ၶုၼ်​ႁေႃ​ၶမ်း​ ၽႃႇရေႃး ​ဢေႃႈ။-</verse>
				<verse number="15">ၶုၼ်​ႁေႃ​ၶမ်း​ ၽႃႇရေႃး ​လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ ၵဝ်​လႆႈ​ၼွၼ်း​ၽၼ်​ႁၼ်​ယဝ်ႉ။ ၽူႈ​လႂ်​ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး​ဢၼၢၵ်ႈ​ဢထိၵ်ႈပႄႇ​မၼ်း​လႆႈ။ ၵဝ်​လႆႈ​ငိၼ်း​လွင်ႈ​ဢၼ် မႂ်း​ၸၢင်ႈ​ထွမ်ႇ​ၸၢင်ႈ​ငိၼ်း​တၢင်း​ဢၼ်​ၼွၼ်း​ၽၼ်​ႁၼ် ႁႂ်ႈ​လႆႈ​ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​ဢထိၵ်ႈပႄႇ​မၼ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ယူဝ်းသႅပ်ႈ ​ၶိုၼ်း​လဝ်ႊ​လၢတ်ႈ​တီႈ ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊ တီႈ​တူဝ်​ၶႃႈ​ၸဝ်ႈ​ၼႆႉ​ၸိုင် ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်​တီႈ​ၶႃႈ၊ ႁႂ်ႈ​ၽြႃး​ပဵၼ်​ၸဝ်ႈ​ၶိုၼ်း​ၵႄႈ​လိတ်ႈ​ၵႂၢမ်း​မင်ႇၵလႃႇ​ပၼ်​တီႈ​ၶုၼ်​ႁေႃ​ၶမ်း​ ၽႃႇရေႃး ​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၶုၼ်​ႁေႃ​ၶမ်း​ ၽႃႇရေႃး ​ၵေႃႈ၊ လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ ၼႂ်း​လွင်ႈ​ဢၼ်​ၵဝ်​ၼွၼ်း​ၽၼ်​ႁၼ်​ၼၼ်ႉ​ၸမ်ႉ၊ ၵဝ်​ၸုၵ်း​ယူႇ ၵႃႈ​ၼိူဝ်​ၽင်ႇ​ၼမ်ႉ​ႁွင်ႈ​ဢေႃႈ။-</verse>
				<verse number="18">ဝူဝ်း​ဢၼ်​ႁၢင်ႈ​လီ​လႄႈ​ပီး​လီ​မၼ်း​လီ​ၸဵတ်း​တူဝ်​ဢွၵ်ႇ​သေ​ၵႃႈ​ၼႂ်း​ၼမ်ႉ​ႁွင်ႈ​မႃး​လႄႈ ၵိၼ်​ယိူဝ်ႈ​ယူႇ​ဢေႃႈ။-</verse>
				<verse number="19">ဝၢႆး​သေ​ဝူဝ်း​ၸိူဝ်း​ၼၼ်ႉ​ယဝ်ႉ၊ ဝူဝ်း​ဢၼ်​ဢမ်ႇ​မီး​ၼိူဝ်ႉ​မီး​ၼင်​ဢမ်ႇ​ႁၢင်ႈ​လီ​လႄႈ​ယွမ်​ႁဵဝ်ႇ​ၼႃႇ ၸဵတ်း​တူဝ်​ဢွၵ်ႇ​မႃး​ဢေႃႈ။ ဝူဝ်း​ဢၼ် ႁၢင်ႈ​ၸႃႉ​ထၢၼ်ႇ​ၼၼ်ႉ​ၸိုင်၊ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼႆႉ ၵူႈ​တီႈ​ၵူႈ​လႅၼ်​ၵဝ်​ဢမ်ႇ​ပႆႇ​ယၢမ်ႈ​တွၼ်ႉ​လႆႈ​ႁၼ်​သေ​ပွၵ်ႈ။-</verse>
				<verse number="20">ဝူဝ်း​ဢၼ်​ႁၢင်ႈ​ၸႃႉ​လႄႈ ယွမ်​ႁဵဝ်ႇ​ၸိူဝ်း​ၼၼ်ႉ ၶူပ်း​ၵိၼ်​ဝူဝ်း​ဢၼ်​ပီး​လီ​မၼ်း​လီ​ၸဵတ်း​တူဝ်​ၼၼ်ႉ​ဢေႃႈ။-</verse>
				<verse number="21">လိုၼ်း​သေ​ၶဝ်ႈ​ၵႂႃႇ​ၵႃႈ​ၼႂ်း​တွင်ႉ​ၶဝ်​ယဝ်ႉ​ၼၼ်ႉ​ၸိုင်၊ ၽူႈ​လႂ်​ဢမ်ႇ​လႆႈ​ႁူႉ​လွင်ႈ​ဢၼ်​ၶဝ်ႈ​ၵႂႃႇ​ၵႃႈ​ၼႂ်း​တွင်ႉ​ၶဝ်​ၼၼ်ႉ။ ယင်း​ႁၢင်ႈ​ၸႃႉ ယူႇ​မိူၼ်​ၸိူဝ်ႉ​ၼင်ႇ ၵမ်း​ဢွၼ်​တၢင်း​ၼၼ်ႉ​ဢေႃႈ။ ၵဝ်​ၵေႃႈ​တိုၼ်ႇ​မႃး​သေ​ဢေႃႈ။-</verse>
				<verse number="22">ၵမ်း​ၼၼ်ႉ ၵဝ်​သမ်ႉ​ႁၼ်​ၼႂ်း​တၢင်း​ဢၼ်​ၼွၼ်း​ၽၼ်​ႁၼ်​ထႅင်ႈ​ၸမ်ႉ၊ ႁူင်း​ၶဝ်ႈ​ဢၼ်​မဵတ်ႉ​မၢၵ်ႈ​လႄႈ​လီ​ၼႃႇ​ၸဵတ်း​ႁူင်း​ဢွၵ်ႇ​ပဵၼ်​မႃး​ၵႃႈ​တီႈ​တူၼ်ႈ​လဵဝ်​ၵူၺ်း​ဢေႃႈ။-</verse>
				<verse number="23">လိုၼ်း​ၼၼ်ႉ ႁူင်း​ၶဝ်ႈ​ဢၼ်​ႁဵဝ်ႇ​ႁႅင်ႈ​မဵတ်ႉ​လိပ်ႈ​လႄႈ​လူႉ​ၵွပ်ႈ​ပိူဝ်ႈ​လူမ်း​တၢင်း​ဝၼ်း​ဢွၵ်ႇ​ၼၼ်ႉ​ၸဵတ်း​ႁူင်း​ဢွၵ်ႇ​မႃး​ဢေႃႈ။-</verse>
				<verse number="24">ႁူင်း​ၶဝ်ႈ​ဢၼ်​မဵတ်ႉ​လိပ်ႈ​ၸိူဝ်း​ၼၼ်ႉ ၵိၼ်​ႁူင်း​ၶဝ်ႈ​ဢၼ်​လီ​ၼႃႇ​ၸဵတ်း​ႁူင်း​ၸိူဝ်း​ၼၼ်ႉ​ပႅတ်ႈ​ဢေႃႈ။ ၵဝ်​မွၵ်ႇ​လၢတ်ႈ လွင်ႈ​မၼ်း​တီႈ​ၵူၼ်း​မေႃ​ပေႇ​တၢင်ႇ​တင်း​လၢႆ​လႄႈ ၽူႈ​လႂ်​ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး​ဢၼၢၵ်ႈ​ဢထိၵ်ႈပႄႇ​မၼ်း​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">ယူဝ်းသႅပ်ႈ ​ၵေႃႈ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊ တၢင်း​ဢၼ်​ၶုၼ်​ႁေႃ​ၶမ်း​ ၽႃႇရေႃး ​ၼွၼ်း​ၽၼ်​ႁၼ်​ၼႆႉ​ၸမ်ႉ၊ ပဵၼ်​ပႃး​လဵဝ်​ၵူၺ်း​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ​ၼႄ​ပျႃး​လွင်ႈ​တၢင်း​ဢၼ်​မၼ်း​ၸဝ်ႈ တၵ်း​ႁဵတ်း​ၼၼ်ႉ​တီႈ ၶုၼ်​ႁေႃ​ၶမ်း​ ၽႃႇရေႃး တီႈ​ၶႃႈ​ဢေႃႈ။-</verse>
				<verse number="26">ဝူဝ်း​ဢၼ်​ႁၢင်ႈ​လီ​ၼႃႇ​ၸဵတ်း​တူဝ်​ၸိူဝ်း​ၼၼ်ႉ ပဵၼ်​ၸဵတ်း​ပီႊ​တီႈ​ၶႃႈ​ဢေႃႈ။ ႁူင်း​ၶဝ်ႈ​ဢၼ်​ႁၢင်ႈ​လီ​ၼႃႇ​ၸဵတ်း​ႁူင်း​ၸိူဝ်း​ၼၼ်ႉ​ၵေႃႈ ပဵၼ်​ၸႅတ်ႈ​ပီႊ​တီႈ​ၶႃႈ​ဢေႃႈ။ တၢင်း​ဢၼ်​ၼွၼ်း​ၽၼ်​ႁၼ်​ၸမ်ႉ၊ ပဵၼ်​ပႃး​လဵဝ်​ၵူၺ်း​တီႈ​ၶႃႈ​ဢေႃႈ။-</verse>
				<verse number="27">ဝူဝ်း​ဢၼ်​ယွမ်​ႁဵဝ်ႇ​လႄႈ​ႁၢင်ႈ​ၸႃႉ​ၸဵတ်း​တူဝ်​ဢၼ်​ဢွၵ်ႇ​မႃး​လိုၼ်း​ၶဝ်​ၸိူဝ်း​ၼၼ်ႉ​ၼၼ်ႉ ပဵၼ်​ၸဵတ်း​ပီႊ​တီႈ​ၶႃႈ​ဢေႃႈ။ ႁူင်း​ၶဝ်ႈ​လိပ်ႈ​ဢၼ်​လူႉ​ၵွပ်ႈ​ပိူဝ်ႈ​လူမ်း​တၢင်း​ဝၼ်း​ဢွၵ်ႇ​ၸဵတ်း​ႁူင်း​ၼၼ်ႉ​ၵေႃႈ ပဵၼ်​ၸဵတ်း​ပီႊ ဢၼ်​ၶဝ်ႈ​တၵ်း​ၵႃႈ​မၢၵ်ႇ​တၵ်း​ပႅင်း တီႈ​ၶႃႈ​ဢေႃႈ။-</verse>
				<verse number="28">လွင်ႈ​တၢင်း​ဢၼ်​ၶႃႈ​ၸဝ်ႈ​လႆႈ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ​ၼႆႉ​ၸမ်ႉ၊ ၽြႃး​ပဵၼ်​ၸဝ်ႈ​ၼႄ​ပျႃး​လွင်ႈ​တၢင်း​ဢၼ်​မၼ်း​ၸဝ်ႈ​တၵ်း​ႁဵတ်း​ၼၼ်ႉ​တီႈ​ၶုၼ်​ႁေႃ​ၶမ်း​ ၽႃႇရေႃး ​တီႈ​ၶႃႈ​ဢေႃႈ။-</verse>
				<verse number="29">ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၵူႈ​တီႈ​ၵူႈ​လႅၼ်​ၼႆႉ၊ တၵ်း​မီး​ၸဵတ်း​ပီႊ​ဢၼ်​ၶဝ်ႈ​ၼမ်ႉ​တၢင်း​ၵိၼ်​လိူင်ႇ​ၼႃႇ​တီႈ​ၶႃႈ​ဢေႃႈ။-</verse>
				<verse number="30">လိုၼ်း​ၼၼ်ႉ ၸဵတ်း​ပီႊ​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ၼၼ်ႉ တၵ်း​ပေႃႇ​မႃး​လႄႈ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼႆႉ တၵ်း​ဢွၼ်​ၵၼ်​လိုမ်း​ပႅတ်ႈ​တၢင်း​ဢၼ်​ၶဝ်ႈ​ၼမ်ႉ​တၢင်း​ၵိၼ်​လိူင်ႇ​ၼႃႇ တင်း​သဵင်ႈ​တင်း​လူင်​ၼၼ်ႉ​သေ​ယဝ်ႉ၊ တင်း​ဝၢၼ်ႈ​တင်း​မိူင်း တၵ်း​လူႉ​တၵ်း​လႅဝ်​ၵွပ်ႈ​ပိူဝ်ႈ​တၢင်း​ဢၼ် ၶဝ်ႈ​ၵႃႈ​မၢၵ်ႇ​ပႅင်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="31">ၵွပ်ႈ​ပိူဝ်ႈ​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ၼၼ်ႉ​ႁႅင်း​ယႂ်ႇ​ၼႃႇ​လႄႈ၊ လၢၵ်ႈၶၼႃႇ​တၢင်း​ဢၼ်​ၶဝ်ႈ​ၼမ်ႉ​တၢင်း​ၵိၼ်​လိူင်ႇ​ၼႃႇ မိူဝ်ႈ​ဢွၼ်​တၢင်း​ၼၼ်ႉ တၵ်း​ဢမ်ႇ​လႆႈ​ထၢင်ႇ​လႆႈ​သႃး။-</verse>
				<verse number="32">လွင်ႈ​ဢၼ်​တၢင်း​ဢၼ်​ၼွၼ်း​ၽၼ်​ႁၼ်​ထၢပ်ႈ​ထႅင်ႈ​လႄႈ​ပဵၼ်​သွင်​ပွၵ်ႈ​တီႈ ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ​ၸမ်ႉ၊ ၽြႃး​ပဵၼ်​ၸဝ်ႈ​ႁႂ်ႈ​လွင်ႈ​တၢင်း​ၼႆႉ​မၼ်ႈ​ၶိူင်ႇ​လႄႈ ၽြႃး​ပဵၼ်​ၸဝ်ႈ​တၵ်း​ၸဵဝ်း​ႁဵတ်း​တီႈ​ၶႃႈ​ဢေႃႈ။-</verse>
				<verse number="33">ပိူဝ်ႈ​ၼႆ​လႄႈ ၸဝ်ႈ​ႁဝ်း​ၶုၼ်​ႁေႃ​ၶမ်း​ ၽႃႇရေႃး ​တီႈ​ၶႃႈ၊ ၶႅၼ်း​တေႃႈ​လိူၵ်ႈ​ၵဵပ်း​ဢဝ်​ၵေႃႉ​ဢၼ်​မီး​သတီႉ​လႄႈ ပျေႉ​ၸုမ်ႇ​တင်း​ၺၢၼ်ႇ ပိင်ႇ​ၺႃႇ​ၼၼ်ႉ​သေ​လႄႈ ႁႂ်ႈ​ဢုပ်ႉ​ယူႇ​ၵႃႈ​ၼိူဝ်​မိူင်း​ ဢေႇၵိပ်ႉတူႉ ​ၼႆႉ​သေ​ၵမ်း​တီႈ​ၶႃႈ၊-</verse>
				<verse number="34">ၸဝ်ႈ​ႁဝ်း​ၶုၼ်​ႁေႃ​ၶမ်း​ ၽႃႇရေႃး ​တီႈ​ၶႃႈ၊ ၶႅၼ်း​တေႃႈ​ႁဵတ်း​ၸိူဝ်ႉ​ၼင်ႇ​ၼၼ်​လႄႈ ႁႂ်ႈ​ၵေႃႉ​ၼၼ်ႉ ၶၢၼ်း​ၶဝ်​ၸိူဝ်း​ဢၼ်​ႁဵတ်း​ၵႄႇ​ႁဵတ်း​ႁူဝ်​တင်း​လၢႆ​ဝႆႉ​လႄႈ ႁႂ်ႈ​ၶဝ်​ၼၼ်ႉ​ၵဵပ်း​ဢဝ် ႁႃႈ​ပုၼ်ႈ​ပုၼ်ႈ​ၼိုင်ႈ​ၵႃႈ​တီႈ​မိူင်း​ ဢေႇၵိပ်ႉတူႉ ​ၼႆႉ​ၼႂ်း​ၸဵတ်း​ပီႊ ဢၼ်​ၶဝ်ႈ​ၼမ်ႉ​တၢင်း​ၵိၼ်​လိူင်ႇ​ၼႃႇ​ၼၼ်ႉ​ဝႆႉ​သေ​ၵမ်း​တီႈ​ၶႃႈ၊-</verse>
				<verse number="35">ၶႅၼ်း​တေႃႈ​ႁႂ်ႈ​ၶဝ်​ၼၼ်ႉ ၸူႉ​သိမ်း​ဢဝ်​တၢင်း​ၵိၼ်​တၢင်း​ၶူပ်း​တင်း​သဵင်ႈ​တင်း​လူင်​ၼႂ်း​ပီႊ​ဢၼ်​လီ​ဢၼ်​ငၢမ်း ဢၼ်​တၵ်း​ပဵၼ်​မႃး​ၸိူဝ်း​ၼၼ်ႉ​လႄႈ ဢဝ်​ၶဝ်ႈ​ၵျုင်ႇ​မႃး​ဝႆႉ ၵႃႈ​ၼႂ်း​မိုဝ်း​ၸဝ်ႈ​ႁဝ်း​ၶုၼ်​ႁေႃ​ၶမ်း​ ၽႃႇရေႃး ​ၵႃႈ​ၼႂ်း​ဝဵင်း​တင်း​လၢႆ​သေ​လႄႈ ႁႂ်ႈ​ဢွၼ်​ၵၼ်​ပႂ်ႉ​လူ​ပႂ်ႉ​ထိင်း​ယူႇ​သေ​ၵမ်း​တီႈ​ၶႃႈ၊-</verse>
				<verse number="36">မိူဝ်ႈ​ဢၼ်​ၸဵတ်း​ပီႊ ဢၼ်​ၶဝ်ႈ​တၵ်း​ၵႃႈ​မၢၵ်ႇ​တၵ်း​ပႅင်း​ၼၼ်ႉ​ႁွတ်ႈ​မႃး ၵႃႈ​တီႈ​မိူင်း​ ဢေႇၵိပ်ႉတူႉ ​ၼႆႉ​ၼၼ်ႉ​ၸိုင်၊ တၢင်း​ၵိၼ်​တၢင်း​ၶူပ်း​ၼၼ်ႉ တၵ်း​ပဵၼ်​တၢင်း​ဢၼ်​သိမ်း​ပႅင်း​မီး​ဝႆႉ ပုၼ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​လႄႈ၊ သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၸၢင်ႈ​တၵ်း ဢမ်ႇ​လႆႈ​လူႉ​လႆႈ​လႅဝ် ၵွပ်ႈ​ပိူဝ်ႈ​တၢင်း​ဢၼ် ၶဝ်ႈ​ၵႃႈ​မၢၵ်ႇ​ပႅင်း​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="37">လွင်ႈ​တၢင်း​ၼၼ်ႉ ထုၵ်ႇ​ၸႂ်​ၵျိူၵ်ႈ​ၸႂ်​ၸႃႉ​ၸဵမ်​ၶုၼ်​ႁေႃ​ၶမ်း​ ၽႃႇရေႃး ​လႄႈ ၶႃႈ​မၼ်း​ၵူၼ်း​မၼ်း​တင်း​သဵင်ႈ​တင်း​လူင်​လႄႈ၊-</verse>
				<verse number="38">ၶုၼ်​ႁေႃ​ၶမ်း​ ၽႃႇရေႃး ​ၵေႃႈ​လၢတ်ႈ​တီႈ​ၶႃႈ​မၼ်း ၵူၼ်း​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ၵေႃႉ​ၸိူဝ်ႉ​ၼင်ႇ​ၼႆ​ဢၼ် ဝီႉၺိၺ်ႇ​ၽြႃး​ပဵၼ်​ၸဝ်ႈ ၵိင်း​ဝၢပ်ႈ​ယူႇ​ၼႂ်း​မၼ်း​ၼႆႉ​ၸိုင်၊ ႁႃ​လႄႈ တၵ်း​ထူပ်း​လႆႈ​လူး​ၵွၼ်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="39">ၵမ်း​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး ​ၵေႃႈ လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၽြႃး​ပဵၼ်​ၸဝ်ႈ ၼႄ​ပျႃး​လွင်ႈ​တၢင်း​တင်း​သဵင်ႈ​တင်း​လူင်​ၼႆႉ​တီႈ​မႂ်း​လႄႈ၊ ၵေႃႉ​ဢၼ်​မီး​သတီႉ​ပျေႉ​ၸုမ်ႇ​တင်း​ၺၢၼ်ႇ​ပိင်ႇ​ၺႃႇ​မိူၼ်​ၸိူဝ်ႉ​ၼင်ႇ​မႂ်း​ၼႆႉ​ဢမ်ႇ​မီး​ယဝ်ႉ။-</verse>
				<verse number="40">မႂ်း​တၵ်း​လႆႈ​ဢုပ်ႉ​ၵႃႈ​ၼိူဝ်​ႁေႃ​ၶမ်း​ၵဝ်​ၼႆႉ​ဢေႃႈ။ ၵူၼ်း​ဝၢၼ်ႈ​ၵူၼ်း​မိူင်း​ၵဝ်​တင်း​သဵင်ႈ​တင်း​လူင် တၵ်း​ႁဵတ်း​ၸွမ်း​သူပ်း​မႂ်း​ၵႂၢမ်း​မႂ်း​ဢေႃႈ။ ၵဝ်​တၵ်း​ယႂ်ႇ​မျၢတ်ႈ​သေ​မႂ်း​ၵႃႈ​ၼႂ်း​တီႈ​ရႃႇၸႃႉ​ပလၢင်ႇ​ၼၼ်ႉ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="41">ၵမ်း​ၼၼ်ႉ ၶုၼ်​ႁေႃ​ၶမ်း​သမ်ႉ​လၢတ်ႈ​တီႈ​ ယူဝ်းသႅပ်ႈ ​ထႅင်ႈ​လႄႈ​ဝႃႈ၊ တူၺ်း​လူး၊ ၵဝ်​ၶၢၼ်း​မႂ်း​ဝႆႉ ၵႃႈ​ၼိူဝ်​မိူင်း​ ဢေႇၵိပ်ႉတူႉ တင်း​သဵင်ႈ​တင်း​လူင်​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="42">ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ ထွတ်ႇ​ဢဝ်​မွင်း​ၵူၺ်း​ၵႃႈ​တီႈ​မိုဝ်း​မၼ်း​ၸဝ်ႈ​သေ​လႄႈ တိုဝ်း​ပၼ်​ၵႃႈ​တီႈ​မိုဝ်း​ ယူဝ်းသႅပ်ႈ ​ဢေႃႈ။ ဢဝ်​ၶူဝ်း​ပိၵ်ႈ​ၶျေႃး​ၼုင်ႈ​ပၼ်​မၼ်း​လႄႈ ႁွႆႈ​ၸရွႆႇ​ၶမ်း​ၵႃႈ​တီႈ​ၶေႃး​မၼ်း​သေ​ယဝ်ႉ၊-</verse>
				<verse number="43">ႁႂ်ႈ​မၼ်း​ၶီႇ​ရထႃး​တူႉတီႉယႃႉ​ဢၼ်​မီး​တီႈ​မၼ်း​ၸဝ်ႈ​ၼၼ်ႉ​ဢေႃႈ။ ၶဝ်​ဢွၼ်​ၵၼ်​ႁွင်ႉ​ပၢဝ်ႇ​ႁွင်ႉ​သေႃႇ​ၵႃႈ​တီႈ​ၽၢႆႇ​ၼႃႈ​မၼ်း​လႄႈ​ဝႃႈ၊ ဢွၼ်​ၵၼ်​ၶုပ်ႉ​မူပ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ မၼ်း​ၸဝ်ႈ​ၶၢၼ်း​မၼ်း​ဝႆႉ ၵႃႈ​ၼိူဝ်​မိူင်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​ဢေႃႈ။-</verse>
				<verse number="44">ၶုၼ်​ႁေႃ​ၶမ်း​ ၽႃႇရေႃး ​လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ ၵဝ်​ပဵၼ်​ၶုၼ်​ႁေႃ​ၶမ်း​ ၽႃႇရေႃး ​ဢေႃႈ။ ပိူဝ်ႈ​ၼႆ​လႄႈ ပေႃး​ဢၶႂၢင်ႉ​မႂ်း​ဢမ်ႇ​မီး​ၸိုင်၊ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၵႃႈ​မီး​တင်း​သဵင်ႈ​တင်း​လူင်​ၼႆႉ၊ ၽူႈ​လႂ်​သေ​ဢမ်ႇ​ဝႃႈ ဢမ်ႇ​လႆႈ​ယုၵ်ႉ​တိၼ်​ယုၵ်ႉ​မိုဝ်း​မၼ်း​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="45">ၶုၼ်​ႁေႃ​ၶမ်း​ ၽႃႇရေႃး ​တၢင်ႇ​ၸိုဝ်ႈ​ပၼ်​သဵင်​တီႈ​ ယူဝ်းသႅပ်ႈ ​လႄႈ​ဝႃႈ၊ ၸႃႇၽၼႃႇသၽႃႇၼႃႉ ၊ ဝႃႈ​ၼင်ႇ​ၼႆ​လႄႈ ဢဝ်​ ဢႃႇသၼတ်ႉ ၊ လုၵ်ႈ​ယိင်း​ ပေႃးတီႉၽေးရႃႉ ယိတ်ႈပရေႃးႁဵၵ်ႈ​ဝဵင်း​ ဢေႃးၼႃႉ ​ပၼ်​မၼ်း​ႁဵတ်း​မေး​ဢေႃႈ။ ယူဝ်းသႅပ်ႈ ​ၸင်ႇ​ဢွၵ်ႇ​သေ​လႄႈ ဢုပ်ႉ​ထိင်း ၵႃႈ​ၼိူဝ်​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="46">မိူဝ်ႈ​ဢၼ်​ ယူဝ်းသႅပ်ႈ ​လႆႈ​ၶဝ်ႈ​ၸုၵ်း ၵႃႈ​တီႈ​ၽၢႆႇ​ၼႃႈ ၽႃႇရေႃး ​ၶုၼ်​ႁေႃ​ၶမ်း​ ဢေႇၵိပ်ႉတူႉ ​ၼၼ်ႉ၊ ဢသၢၵ်ႈ​မၼ်း​လႆႈ​သၢမ်​သိပ်း​ပီႊ​ဢေႃႈ။ ယူဝ်းသႅပ်ႈ ​ၸင်ႇ​ဢွၵ်ႇ​သေ​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႇ​လဵပ်ႈ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၵူႈ​တီႈ​ၵူႈ​လႅၼ်​ဢေႃႈ။</verse>
				<verse number="47">ၼႂ်း​ၸဵတ်း​ပီႊ​ဢၼ်​ၶဝ်ႈ​ၼမ်ႉ​တၢင်း​ၵိၼ်​လိူင်ႇ​ၼၼ်ႉ၊ မၢၵ်ႇ​လိၼ်​ႁူင်း​လိၼ်​ဢွၵ်ႇ​မႃး​ထၼ်ႈ​ပေႃး​တဵမ်​ၵွပ်ႇ​ပဵၼ်​ၵမ်​ဝႆႉ​ဢေႃႈ။-</verse>
				<verse number="48">မၼ်း​ဢဝ်​တၢင်း​ၵိၼ်​တၢင်း​ၶူပ်း ၵႃႈ​ဢၼ်​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ၼႂ်း​ၸဵတ်း​ပီႊ​ၼၼ်ႉ​ၸူႉ​ၵၼ်​ၶွၼ်ႈ​ၵၼ်​လႄႈ သိမ်း​ဝႆႉ​ၵႃႈ​ၼႂ်း​ဝဵင်း​တင်း​လၢႆ​ဢေႃႈ။ တၢင်း​ၵိၼ်​တၢင်း​ၶူပ်း ဢၼ်​လႆႈ​ၵႃႈ​ၼႂ်း​တူင်ႈ​ၼႃး ၵႃႈ​တီႈ​ႁိမ်း​ဝဵင်း​ၵူႈ​ဝဵင်း​ၵေႃႈ၊ မၼ်း​ဢဝ်​သိမ်း​ဝႆႉ​ၵႃႈ​ၼႂ်း​ဝဵင်း​လႂ်​ဝဵင်း​ၼၼ်ႉ​ဢေႃႈ။-</verse>
				<verse number="49">ၶဝ်ႈ​ၵျုင်ႇ​ၸမ်ႉ၊ ယူဝ်းသႅပ်ႈ ​သိမ်း​ဝႆႉ​ၼမ်​ၼႃႇ မိူၼ်​ၸိူဝ်ႉ​ၼင်ႇ မဵတ်ႉ​ႁိၼ်​မဵတ်ႉ​သၢႆး​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​လႄႈ၊ ပိူဝ်ႈ​ဢၼ်​ၼမ်​ၼႃႇ​လူင်​လၢင်​တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ၼၼ်ႉ​လႄႈ၊ ယင်း​ဢမ်ႇ​ၼပ်ႉ​ဢမ်ႇ​ဢၢၼ်ႇ​လႄႈ​ယူႇ​ဢေႃႈ။</verse>
				<verse number="50">ၸူဝ်ႈ​ဢၼ်​ပီႊ​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ၼၼ်ႉ ဢမ်ႇ​ပႆႇ​ႁွတ်ႈ​မႃး​ၼၼ်ႉ​ၸိုင်၊ ယူဝ်းသႅပ်ႈ ​လႆႈ​မီး​လုၵ်ႈ​ၸၢႆး​သွင်​ၵေႃႉ​ဢၼ် ဢႃႇသၼတ်ႉ ​လုၵ်ႈ​ယိင်း ပေႃးတီႉၽေးရႃႉ ယိတ်ႈပရေႃးႁဵၵ်ႈ​ဝဵင်း​ ဢေႃးၼႃႉ ​ၼၼ်ႉ ၵိူတ်ႇ​လဵင်ႉ​မႃး​တီႈ​မၼ်း​ၼၼ်ႉ​ဢေႃႈ။-</verse>
				<verse number="51">လုၵ်ႈ​တူၼ်ႈ​ၸမ်ႉ၊ ယူဝ်းသႅပ်ႈ ​ႁွင်ႉ​ႁဵၵ်ႈ​ၸိုဝ်ႈ​ မၼႃႇ​သေႇ ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ႁဵတ်း​ႁႂ်ႈ​ၵဝ်​လူင်​လိုမ်း တၢင်း​ဢၼ်​ယၢပ်ႇ​ဢၼ်​ၽိုတ်ႇ ဢၼ်​ၵဝ်​လႆႈ​ၶၢမ်ႇ​ၼၼ်ႉ ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​ပေႃႈ​ၵဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="52">လုၵ်ႈ​ၸၢႆး​ဢၼ်​လႆႈ​ၵမ်း​လိုၼ်း​ၸမ်ႉ၊ မၼ်း​ႁွင်ႉ​ႁဵၵ်ႈ​ၸိုဝ်ႈ ဢေႇၽရိမ်ႇ ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ ႁဵတ်း​ႁႂ်ႈ​ၵဝ်​ယႂ်ႇ​ၽႄႈ ၼမ်​ၵိုၼ်း​မႃး ၵႃႈ​ၼႂ်း​မိူင်း​ဢၼ်​ၵဝ်​လႆႈ​ၶၢမ်ႇ​တၢင်း​ဢၼ်​ယၢၵ်ႈ​ဢၼ်​ၽၢၼ်​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="53">ဝၢႆး​ၼၼ်ႉ​ၸဵတ်း​ပီႊ​ဢၼ်​ၶဝ်ႈ​ၼမ်ႉ​တၢင်း​ၵိၼ်​လိူင်ႇ​ၼႃႇ ဢၼ်​ပဵၼ်​ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ ပူၼ်ႉ​ၵႂႃႇ​သေ​ဢေႃႈ။-</verse>
				<verse number="54">ပီႊ​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ၼၼ်ႉ​ၸႃႉ​ႁွတ်ႈ​မႃး​မႅၼ်ႈ​ၸွမ်း​ၵႃႈ​ၼင်ႇ​ဢၼ်​ ယူဝ်းသႅပ်ႈ ​လၢတ်ႈ​ဝႆႉ​ၼၼ်ႉ​ဢေႃႈ။ မိူဝ်ႈ​ၼၼ်ႉ ပိၵ်ႉ​သမ်ႉ ၵႃႈ​ၼႂ်း​မိူင်း တင်း​သဵင်ႈ​တင်း​လူင်​မီး​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ၼၼ်ႉ​သေ​ၵေႃႈ ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ ၶဝ်ႈ​မုၼ်း​ယင်း​မီး​ယူႇ​ဢေႃႈ။-</verse>
				<verse number="55">ဝၢႆး​ၼၼ်ႉ မိူဝ်ႈ​ဢၼ်​သိုင်ႇ​ၸိုင်ႈ​ဝၢၼ်ႈ​မိူင်း​ ဢေႇၵိပ်ႉတူႉ ​တင်း​သဵင်ႈ​တင်း​လူင် ဢိုပ်း​ယၢၵ်ႈ​တၢင်း​ၵိၼ်​တၢင်း​ၶူပ်း​ၼႃႇ​လူင်​လၢင်​ၼၼ်ႉ​ၸိုင်၊ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ဢွၼ်​ၵၼ်​ႁွင်ႉ​သႅၼ်ႇ​တီႈ​ၶုၼ်​ႁေႃ​ၶမ်း​ ၽႃႇရေႃး ႁႂ်ႈ​လႆႈ​ၶဝ်ႈ​မုၼ်း​ဢေႃႈ။ ၶုၼ်​ႁေႃ​ၶမ်း​ ၽႃႇရေႃး ​ၵေႃႈ​လၢတ်ႈ​တီႈ​ၵူၼ်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​ၼၼ်ႉ​လႄႈ​ဝႃႈ၊ ၵႂႃႇ​ၸူး​ၵႃႈ​တီႈ​ ယူဝ်းသႅပ်ႈ ​တႃႉ။ ဢွၼ်​ၵၼ်​ႁဵတ်း​ၸွမ်း ၵႃႈ​ၼင်ႇ​ဢၼ်​မၼ်း​ၸီႇ​ယၢင်ႇ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="56">မိူဝ်ႈ​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ၵႃႈ​ၼိူဝ်​ၽႅၼ်ႇ​လိၼ် တင်း​သဵင်ႈ​တင်း​လူင်​ၼၼ်ႉ​ၸိုင်၊ ယူဝ်းသႅပ်ႈ ​ၽုၺ်ႇ​ယေး​ၶဝ်ႈ ၵႃႈ​မီး​တင်း​သဵင်ႈ​တင်း​လူင်​လႄႈ ၶၢႆ​တေႃႇ​ၵူၼ်း​ ဢေႇၵိပ်ႉတူႉ ​တင်း​လၢႆ​ဢေႃႈ။ မိူဝ်ႈ​ၼၼ်ႉ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ ၶဝ်ႈ​ယင်း​တိုၵ်ႉ​ၵႃႈ မၢၵ်ႇ​ယင်း တိုၵ်ႉ​ပႅင်း​ၼႃႇ​လူင်​လၢင်​ယူႇ​ဢေႃႈ။-</verse>
				<verse number="57">ၵႃႈ​တီႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင်​ၵေႃႈ ပိူဝ်ႈ​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ၼႃႇ​လူင်​လၢင်​ၼၼ်ႉ​လႄႈ၊ ၵူၼ်း​ၵူႈ​ဝၢၼ်ႈ​ၵူႈ​မိူင်း​ဢွၼ်​ၵၼ်​မႃး​ႁွတ်ႈ​မႃး​ၽႅဝ်​ၸူး ၵႃႈ​တီႈ​ ယူဝ်းသႅပ်ႈ ​ၵႃႈ​ၼႂ်း​မိူင်း​ ဢေႇၵိပ်ႉတူႉ ႁႂ်ႈ​လႆႈ​သိုဝ်ႉ​ဢဝ် တၢင်း​ၵိၼ်​တၢင်း​ၶူပ်း​ဢေႃႈ။</verse>
			</chapter>
			<chapter number="42">
				<verse number="1">ယႃႇၵုပ်ႈ ​ႁူႉ​ငိၼ်း​လွင်ႈ​ဢၼ် ၶဝ်ႈ​ၵျုင်ႇ​မီး​ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ​သေ​ယဝ်ႉ၊ လၢတ်ႈ​တီႈ​လုၵ်ႈ​ၸၢႆး​မၼ်း​တင်း​လၢႆ​လႄႈ​ဝႃႈ၊ ႁဵတ်း​သင်​လႄႈ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တူၺ်း​ၵၼ်​ယူႇ​ၼင်ႇ​ႁိုဝ်။ ဝႃႈ​ၼင်ႇ​ၼႆ​လႄႈ၊-</verse>
				<verse number="2">သမ်ႉ​ဝႃႈ၊ ၵဝ်​လႆႈ​ငိၼ်း​လွင်ႈ​ဢၼ် ၶဝ်ႈ​ၵျုင်ႇ​မီး​ၵႃႈ​တီႈ​မိူင်း​ ဢေႇၵိပ်ႉတူႉ ​ပုၼ်ႉ​ယဝ်ႉ။ လွင်ႈ​ၼင်ႇ​ႁိုဝ် ႁဝ်း​တၵ်း​ဢမ်ႇ​လႆႈ​တၢႆ​လႄႈ ဢသၢၵ်ႈ​တၵ်း​လိပ်း​ယူႇ​ၸိုင်၊ ဢွၼ်​ၵၼ်​လူင်း​ၵႂႃႇ​ၵႃႈ​တီႈ​မိူင်း​ၼၼ်ႉ​လႄႈ သိုဝ်ႉ​ဢဝ်​ၵႃႈ​တီႈ​ၼၼ်ႈ​မႃး​ပုၼ်ႈ​ႁဝ်း​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="3">ပီႈ​ဢၢႆႈ​ ယူဝ်းသႅပ်ႈ ​ၼၼ်ႉ​သိပ်း​ၵေႃႉ ဢွၼ်​ၵၼ်​လူင်း​ၵႂႃႇ ႁႂ်ႈ​လႆႈ​သိုဝ်ႉ​ဢဝ်​ၶဝ်ႈ​ၵျုင်ႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="4">ပိၼ်ႇယႃႇမိၼ်ႇ ​ၼွင်ႉ​ၸၢႆး​ ယူဝ်းသႅပ်ႈ ​ၼၼ်ႉ​ၸမ်ႉ၊ ယႃႇၵုပ်ႈ ​ဢမ်ႇ​ပွႆႇ​ၸႂ်ႉ​ၵႂႃႇ​လူၺ်ႈ​ၵၼ်​တင်း​ပီႈ​ဢၢႆႈ​မၼ်း​ၸိူဝ်း​ၼၼ်ႉ။ လွင်ႈ​မၼ်း​ၸမ်ႉ မၼ်း​ဝႃႈ၊ ၵူဝ်​ၽေး​တၵ်း​ႁွတ်ႈ​ထိုင်​ၵႃႈ​ၼိူဝ်​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">မိူဝ်ႈ​ၼၼ်ႉ ပိူဝ်ႈ​ဢၼ်​ၵႃႈ​တီႈ​မိူင်း​ ၶႃႇၼၢၼ်ႇ ​ၼၼ်ႉ ၶဝ်ႈ​ၵႃႈ​မၢၵ်ႇ​ပႅင်း​လႄႈ၊ ၼႂ်း​ၶဝ်​ၸိူဝ်း​ဢၼ်​မႃး​ႁွတ်ႈ​မႃး​ထိုင်​ၼၼ်ႉ၊ လုၵ်ႈ​ၸၢႆး​ ဢီႉသရေႇလႃႉ ​ၸိူဝ်း​ၼၼ်ႉ​ၵေႃႈ မႃး​ႁႂ်ႈ​လႆႈ​သိုဝ်ႉ​ဢဝ်​တၢင်း​ၵိၼ်​တၢင်း​ၶူပ်း​ဢေႃႈ။</verse>
				<verse number="6">ယူဝ်းသႅပ်ႈ ​ပဵၼ်​ၵေႃႉ​ဢၼ်​ဢုပ်ႉ​ယူႇ​ၵႃႈ​ၼိူဝ်​မိူင်း​ၼၼ်ႉ​လႄႈ ၸီႇ​ယၢင်ႇ​လွင်ႈ​တၢင်း​ဢၼ်​ၶၢႆ​တေႃႇ​ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင်​ဢေႃႈ။ ပီႈ​ဢၢႆႈ​ ယူဝ်းသႅပ်ႈ ​ၸိူဝ်း​ၼၼ်ႉ ဢွၼ်​ၵၼ်​မႃး​လႄႈ​ၶုပ်ႉ​မူပ်ႇ​ၵူမ်ႈ​ၵွမ်း​ႁူဝ်​ၵႃႈ​ၼိူဝ်​လိၼ် ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="7">ယူဝ်းသႅပ်ႈ ​ၼၼ်ႉ​ႁၼ်​ပီႈ​ဢၢႆႈ​မၼ်း​ၸိူဝ်း​ၼၼ်ႉ​လႄႈ​ႁူႉ​ၸၵ်း​ၶဝ်​ယူႇ​ဢေႃႈ။ ၵူၺ်း​ၵႃႈ မၼ်း​ႁဵတ်း​ၸိူဝ်ႉ​ၼင်ႇ​ႁၢင်ႈ ဢမ်ႇ​ႁူႉ​ၸၵ်း​ၶဝ်​လႄႈ​ႁဵတ်း​တင်း​သဵင်​ဢၼ်​ၵျၢမ်း​ထၢမ်း​ၼႃႇ​လူင်​လၢင်​တေႃႇ​ၶဝ်​ယူႇ​သေ​လႄႈ လၢတ်ႈ​ဝႃႈ၊ သူ​လုၵ်ႉ​သေ​ၵႃႈ​တီႈ​လႂ်​မႃး၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ လုၵ်ႉ​သေ​ၵႃႈ​တီႈ​မိူင်း​ ၶႃႇၼၢၼ်ႇ ​မႃး ႁႂ်ႈ​လႆႈ​သိုဝ်ႉ​ဢဝ်​တၢင်း​ၵိၼ်​တၢင်း​ၶူပ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ပိၵ်ႉ​သမ်ႉ​ ယူဝ်းသႅပ်ႈ ​ႁူႉ​ၸၵ်း ပီႈ​ဢၢႆႈ​မၼ်း​ၸိူဝ်း​ၼၼ်ႉ​သေ​ၵေႃႈ၊ ၶဝ်​ၼၼ်ႉ​ဢမ်ႇ​ႁူႉ​ၸၵ်း​မၼ်း။-</verse>
				<verse number="9">ယူဝ်းသႅပ်ႈ ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တၢင်း​ဢၼ်​ၽၼ်​ႁၼ်​ဢၼ်​မၼ်း​ၽၼ်​ႁၼ် လွင်ႈ​ၶဝ်​ၸိူဝ်း​ၼၼ်ႉ​လႄႈ​ဝႃႈ၊ သူ​ပဵၼ်​ၵူၼ်း​ၽၢႆႇ​ၼႂ်း​ဢေႃႈ။ သူ​မႃး​ႁႂ်ႈ​လႆႈ​လူ​တူၺ်း​တီႈ​ဢၼ်​ဢမ်ႇ​လူင်ႉ​ဢမ်ႇ​လွတ်ႈ​ၵႃႈ​တီႈ​မိူင်း​ၸဝ်ႈ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ။-</verse>
				<verse number="10">ၶဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​တီႈ​ၶႃႈ​ၸဝ်ႈ​ႁဝ်း။ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ မႃး​ႁႂ်ႈ​လႆႈ​သိုဝ်ႉ​ဢဝ်​တၢင်း​ၵိၼ်​တၢင်း​ၶူပ်း​တီႈ​ၶႃႈ​ဢေႃႈ။-</verse>
				<verse number="11">ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ပဵၼ်​လုၵ်ႈ​ၸၢႆး​ၵူၼ်း​ၵေႃႉ​လဵဝ်​ၵူၺ်း​တီႈ​ၶႃႈ​ဢေႃႈ။ ပဵၼ်​ၵေႃႉ​ဢၼ်​သိုဝ်ႈ​တေႃႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢမ်ႇ​ၸႂ်ႈ​ၵူၼ်း​ၽၢႆႇ​ၼႂ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မၼ်း​ၵေႃႈ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ၊ သူ​မႃး​ႁႂ်ႈ​လႆႈ​လူ​တူၺ်း တီႈ​ဢၼ်​ဢမ်ႇ​လူင်ႉ​ဢမ်ႇ​လွတ်ႈ ၵႃႈ​တီႈ​မိူင်း​ၸဝ်ႈ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၶဝ်​ၵေႃႈ​ၶိုၼ်း​လဝ်ႊလၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ပဵၼ်​ပီႈ​ၼွင်ႉ​ၵၼ်​သိပ်း​သွင်​ၵေႃႉ တီႈ​ၶႃႈ​ဢေႃႈ။ ပဵၼ်​လုၵ်ႈ​ၸၢႆး​ၵူၼ်း ၵေႃႉ​လဵဝ်​ၵူၺ်း ဢၼ်​မီး​ယူႇ​ၵႃႈ​တီႈ​မိူင်း​ ၶႃႇၼၢၼ်ႇ ​ပုၼ်ႉ​တီႈ​ၶႃႈ​ဢေႃႈ။ ၵေႃႉ​ဢၼ်​လဵၵ်ႉ​သေ​ပိူၼ်ႈ​ၸမ်ႉ၊ ၵိုတ်း​သဝ်း​ယူႇ​ၵႃႈ​တီႈ​ပေႃႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ​တီႈ​ၶႃႈ​ဢေႃႈ။ ၵေႃႉ​ၼိုင်ႈ​ၸမ်ႉ၊ ဢမ်ႇ​မီး​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">ယူဝ်းသႅပ်ႈ ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ၼႂ်း​လွင်ႈ​ဢၼ်​ၵဝ်​ဝႃႈ၊ သူ​ပဵၼ်​ၵူၼ်း​ၽၢႆႇ​ၼႂ်း၊ ဝႃႈ​ၼင်ႇ​ၼႆ​ၼၼ်ႉ၊-</verse>
				<verse number="15">သူ​တၵ်း​လႆႈ​ၶၢမ်ႇ​တၢင်း​ဢၼ်​ၸၢမ်း​တူၺ်း​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ပေႃး​ၼွင်ႉ​ၸၢႆး​သူ​ၵေႃႉ​လဵၵ်ႉ​သေ​ပိူၼ်ႈ​ၼၼ်ႉ ဢမ်ႇ​မႃး​ၵႃႈ​တီႈ​ၼႆႈ​ၸိုင်၊ ၵႃႈ​ၼင်ႇ​ဢၼ်​ၶုၼ်​ႁေႃ​ၶမ်း​ ၽႃႇရေႃး ဢသၢၵ်ႈ​လိပ်း​ယူႇ​ၼၼ်ႉ၊ သူ​ဢမ်ႇ​လႆႈ​ဢွၵ်ႇ​သေ​ၵႃႈ​တီႈ​ၼႆႈ​ၵႂႃႇ​ၵူၺ်ႉ။-</verse>
				<verse number="16">လွင်ႈ​ၼင်ႇ​ႁိုဝ်​တၵ်း​လႆႈ​ၸၢမ်း​တူၺ်း​လႄႈ​ႁူႉ​လွင်ႈ​ဢၼ်​ၵႂၢမ်း​သူ​ၸႂ်ႈ​ႁိုဝ် ဢမ်ႇ​ၸႂ်ႈ​ႁိုဝ်​ၼၼ်ႉ​ၸိုင်၊ ၵႃႈ​ၼႂ်း​သူ​ၼႆႉ ပွႆႇ​ၸႂ်ႉ​ၵေႃႉ​ၼိုင်ႈ​ၵႂႃႇ​လႄႈ​ႁႂ်ႈ​မၼ်း​ဢဝ်​ၼွင်ႉ​ၸၢႆး​သူ​ၼၼ်ႉ​မႃး​တႃႉ။ သူ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​ၶင်​ဝႆႉ​ၵႃႈ​ၼႂ်း​ထွင်ႇ​ဢေႃႈ။ ပေႃး​ဢမ်ႇ​ၼၼ် ၵႃႈ​ၼင်ႇ​ဢၼ်​ၶုၼ်​ႁေႃ​ၶမ်း​ ၽႃႇရေႃး ဢသၢၵ်ႈ​လိပ်း​ယူႇ​ၼၼ်ႉ သူ​ၼႆႉ​ပဵၼ်​ၵူၼ်း​ၽၢႆႇ​ၼႂ်း ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="17">ၶျုၵ်ႈ​ၶဝ်​ၼၼ်ႉ​ဝႆႉ သၢမ်​ဝၼ်း​ဢေႃႈ။</verse>
				<verse number="18">ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ ယူဝ်းသႅပ်ႈ ​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ၼႆႉ​ပဵၼ်​ၵေႃႉ​ဢၼ်​ၵူဝ်​ၽြႃး​ပဵၼ်​ၸဝ်ႈ​ဢေႃႈ။ ပိူဝ်ႈ​ၼႆ​လႄႈ လွင်ႈ​ဢၼ်​သူ​တၵ်း​လႆႈ​ႁဵတ်း​ႁႂ်ႈ​ဢသၢၵ်ႈ​သူ​လႆႈ ၵတ်း​ယဵၼ်​ၶျၢမ်း​သႃႇ​ၸမ်ႉ၊-</verse>
				<verse number="19">ပေႃး​သူ​ပဵၼ်​ၵူၼ်း​ဢၼ်​သိုဝ်ႈ​တေႃႇ ဢမၢၼ်ႇ​ၶၼ်​ပဵၼ်​ၸိုင်၊ ၼႂ်း​သူ​ပီႈ​ၼွင်ႉ​ၸိူဝ်း​ၼႆႉ၊ ႁႂ်ႈ​သေ​ၵေႃႉ​သေ​ၵူၼ်း ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ ၵႃႈ​ၼႂ်း​ႁိူၼ်း​ထွင်ႇ​သေ​ယဝ်ႉ၊ သူ​ၸမ်ႉ၊ မိူဝ်း​ၵႂႃႇ​တႃႉ။ ပိူဝ်ႈ​ဢၼ်​ၵူၼ်း​ႁိူၼ်း​ၵူၼ်း​ယေး​သူ ဢိုပ်း​တၢင်း​ၵိၼ်​တၢင်း​ၶူပ်း​လႄႈ၊ ဢဝ်​ၶဝ်ႈ​ၵျုင်ႇ​ၵႂႃႇ​တႃႉ။-</verse>
				<verse number="20">ပႃး​ဢဝ်​ၼွင်ႉ​ၸၢႆး​သူ​ၵေႃႉ​ဢၼ်​လဵၵ်ႉ​သေ​ပိူၼ်ႈ​ၼၼ်ႉ​မႃး​တီႈ​ၵဝ်​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵႂၢမ်း​သူ​တၵ်း​ပဵၼ်​ဢၼ်​ၸိုဝ်ႈ​ဢၼ်​ၸႂ်ႈ​ဢေႃႈ။ ဢသၢၵ်ႈ​သူ​ၵေႃႈ တၵ်း​ၵတ်း​ယဵၼ်​ၶျၢမ်း​သႃႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊ ၶဝ်​ၵေႃႈ​ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ်​ဝႃႈ​ၼၼ်ႉ​ဢေႃႈ။</verse>
				<verse number="21">မိူဝ်ႈ​ၼၼ်ႉ​ၶဝ်​ၼင်ႇ​ၵၼ်​ၵၼ်​လၢတ်ႈ​ၵၼ်​လႄႈ​ဝႃႈ​ၸမ်ႉ၊ ႁဝ်း​ၼႆႉ​ပဵၼ်​ၵေႃႉ​ဢၼ်​ဢပႅတ်ႈ​ယႂ်ႇ​ၼႃႇ​ၵႃႈ​တီႈ​ဢမူႉ​ၼွင်ႉ​ၸၢႆး​ႁဝ်း ၼၼ်ႉ​ဢေႃႈ။ မိူဝ်ႈ​ဢၼ်​မၼ်း​တွင်း​ပၢၼ်ႇ​ႁဝ်း​ၼၼ်ႉ​ၸိုင်၊ ပိၵ်ႉ​သမ်ႉ​ႁဝ်း​ႁၼ်​တၢင်း​ဢၼ်​ႁူဝ်​ၸႂ်​မၼ်း​ယၢပ်ႇ​ၸႂ်​ယုင်ႈ​ၸႂ်​ၼၼ်ႉ​ယူႇ​သေ​ၵေႃႈ၊ ႁဝ်း​ယင်း​ဢမ်ႇ​ထွမ်ႇ​လႄႈ​ယူႇ​ဢေႃႈ။ ပိူဝ်ႈ​ၼႆ​လႄႈ ဢမူႉ​ၼႆႉ ႁွတ်ႈ​ထိုင်​ၵႃႈ​ၼိူဝ်​ႁဝ်း​တေႃႈ​လဵဝ်​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ရူႉပိၼ်ႇ ​ၵေႃႈ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​လၢတ်ႈ​တီႈ​သူ​လႄႈ​ဝႃႈ၊ ယႃႇ​ပေ​ၽိတ်း​ပိူင်ႈ​ၵေႃႉ​ဢွၼ်ႇ​ၼၼ်ႉ၊ ဝႃႈ​ၼင်ႇ​ၼႆ​ယူႇ ဢမ်ႇ​ၸႂ်ႈ​ႁိုဝ်။ ပိူဝ်ႈ​ဢၼ်​သူ​ဢမ်ႇ​ထွမ်ႇ​လႄႈ​ယူႇ​ၼၼ်ႉ​လႄႈ၊ လႆႈ​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​ၵွပ်ႈ​ပိူဝ်ႈ လိူတ်ႈ​မၼ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၶဝ်​ဢမ်ႇ​ႁူႉ​လွင်ႈ​ဢၼ်​ ယူဝ်းသႅပ်ႈ ​ႁူႉ​ၵႂၢမ်း​ဢၼ်​ၶဝ်​လၢတ်ႈ​ဝႃႈ​ၸိူဝ်ႉ​ၼင်ႇ​ၼၼ်​ၼၼ်ႉ။ လွင်ႈ​မၼ်း​ၸမ်ႉ ပဵၼ်​ၵွပ်ႈ​ပိူဝ်ႈ​ဢၼ်​ၵူၼ်း​ပျၢၼ်ႇ​ၵႂၢမ်း​မီး​ဝူင်ႈ​ၵၢင်​ၶဝ်​ဢေႃႈ။-</verse>
				<verse number="24">မိူဝ်ႈ​ၼၼ်ႉ​မၼ်း​ၽၢတ်ႇ​ၶဝ်​ၼၼ်ႉ​ၵႂႃႇ​သေ​လႄႈ ၼမ်ႉ​တႃ​တူၵ်း​ယူႇ​ဢေႃႈ။ ၵမ်း​ၼၼ်ႉ မၼ်း​သမ်ႉ​မႃး​လႄႈ လၢတ်ႈ​တေႃႇ​ၶဝ်​သေ​ယဝ်ႉ၊ ၼုၵ်ႈ​ဢဝ်​ သီႉမုၼ်ႇ ​ၵႃႈ​ၼႂ်း​ၶဝ်​လႄႈ မတ်ႉ​ၽုၵ်ႇ​မၼ်း​သိုဝ်ႈ​ၼႃႈ​တႂ်ႈ​တႃ​ၶဝ်​ဢေႃႈ။</verse>
				<verse number="25">လိုၼ်း​ၼၼ်ႉ ယူဝ်းသႅပ်ႈ ​ၸီႇ​ယၢင်ႇ​ႁႂ်ႈ​ထူင်​ၶဝ် လႆႈ​တဵမ်​ဝႆႉ​တင်း​ၶဝ်ႈ​ၵျုင်ႇ​လႄႈ၊ ငိုၼ်း​ၶဝ်​ၵေႃႈ​လႆႈ​ၶိုၼ်း​သႂ်ႇ​ဝႆႉ ၵႃႈ​ၼႂ်း​ထူင်​ၶဝ် ႁင်း​ၽႂ်​ႁင်း​မၼ်း ဢိၵ်ႇ​တင်း​ႁႂ်ႈ​လႆႈ​ပၼ် ၸရိပ်ႈ​တၢင်း​ၵိၼ်​ပုၼ်ႈ​ၵၢင်​တၢင်း​တီႈ​ၶဝ်​ၼၼ်ႉ​လႄႈ ၶဝ်​ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼၼ် တီႈ​ၶဝ်​ၼၼ်ႉ​ဢေႃႈ။</verse>
				<verse number="26">ၶဝ်​ၼၼ်ႉ​ၵေႃႈ ဢွၼ်​ၵၼ်​ဢဝ်​ၶဝ်ႈ​ၵျုင်ႇ​တၢင်ႇ​သႂ်ႇ​ၵႃႈ​ၼိူဝ်​လီႈ​ၶဝ်​တင်း​လၢႆ​သေ​လႄႈ ဢွၵ်ႇ​ၵႂႃႇ​ဢေႃႈ။-</verse>
				<verse number="27">မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​ပၢင်​လိုဝ်ႈ​ၼၼ်ႉ​ၸိုင်၊ ၵေႃႉ​ၼိုင်ႈ​ၽုၺ်ႇ​ထူင်​မၼ်း​ႁႂ်ႈ​လႆႈ​ဢဝ်​တၢင်း​ၵိၼ်​ဢွႆႇ​တီႈ​လီႈ​မၼ်း​လႄႈ ထူပ်း​ႁၼ်​ငိုၼ်း​မၼ်း​ဢေႃႈ။ ငိုၼ်း​မၼ်း​ၼၼ်ႉ မီး​ယူႇ​ၵႃႈ​တီႈ​ပၢၵ်ႇ​ထူင်​ဢေႃႈ။-</verse>
				<verse number="28">မၼ်း​မွၵ်ႇ​လၢတ်ႈ​တီႈ​ပီႈ​ၼွင်ႉ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ဢဝ်​ငိုၼ်း​ၵဝ်​ၶႃႈ​ၼၼ်ႉ​ၶိုၼ်း​သႂ်ႇ​ဝႆႉ​ယဝ်ႉ။ တူၺ်း​လူး၊ မီး​ယူႇ​ၵႃႈ​ၼႂ်း​ထူင်​ၵဝ်​ၶႃႈ​ၼႆႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ၸႂ်​ဢူၼ်ႈ​ၵႂႃႇ​သေ​ယဝ်ႉ၊ ၵူဝ်​ႁႄ​သၼ်ႇ​ဝႆ​ယူႇ​သေ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​လႄႈ​ဝႃႈ၊ ဢမူႉ​ဢၼ်​ၽြႃး​ပဵၼ်​ၸဝ်ႈ​ႁဵတ်း​တီႈ​ႁဝ်း​ၼႆႉ​ၸမ်ႉ၊ ပဵၼ်​ဢမူႉ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">ၶဝ်​ၼၼ်ႉ​ၶိုၼ်း​မိူဝ်း​ၵႂႃႇ​ၸူး​ပေႃႈ​ၶဝ်​ ယႃႇၵုပ်ႈ ​ၵႃႈ​တီႈ​မိူင်း​ ၶႃႇၼၢၼ်ႇ ​ၼၼ်ႉ​လႄႈ ဢွၼ်​ၵၼ်​မွၵ်ႇ​လၢတ်ႈ​ၵႃႈ​ဢၼ်​ပဵၼ်​မႃး ၵႃႈ​တီႈ​ၶဝ်​တင်း​သဵင်ႈ​တင်း​လူင်​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="30">ၵေႃႉ​ဢၼ်​ပဵၼ်​ၸဝ်ႈ​ဢၼ်​ဢုပ်ႉ​ၵႃႈ​ၼိူဝ်​မိူင်း​ၼၼ်ႉ လၢတ်ႈ​ၵႂၢမ်း​ဢၼ်​ၵျၢမ်း​ၼႃႇ​တီႈ​ႁဝ်း​ၶႃႈ​လႄႈ မၢတ်ႈ​ႁဝ်း​ၶႃႈ​ပဵၼ်​ၸိူဝ်ႉ​ၼင်ႇ ၵူၼ်း​ႁဵတ်း​ၽၢႆႇ​ၼႂ်း ၵႃႈ​တီႈ​မိူင်း​ၼၼ်ႉ​ၶႃႈ​ဢေႃႈ။-</verse>
				<verse number="31">ႁဝ်း​ၶႃႈ​ၵေႃႈ​လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ပဵၼ်​ၵေႃႉ​ဢၼ်​သိုဝ်ႈ​တေႃႇ​တီႈ​ၶႃႈ​ဢေႃႈ။ ဢမ်ႇ​ၸႂ်ႈ​ၽၢႆႇ​ၼႂ်း တီႈ​ၶႃႈ၊-</verse>
				<verse number="32">ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ပဵၼ်​ပီႈ​ၼွင်ႉ​ၵၼ်​သိပ်း​သွင်​ၵေႃႉ​တီႈ​ၶႃႈ​ဢေႃႈ။ ပဵၼ်​လုၵ်ႈ​ၸၢႆး​ပေႃႈ​ၵေႃႉ​လဵဝ်​ၵူၺ်း​တီႈ​ၶႃႈ​ဢေႃႈ။ ၵေႃႉ​ၼိုင်ႈ​ၸမ်ႉ၊ ဢမ်ႇ​မီး​တီႈ​ၶႃႈ​ယဝ်ႉ။ ၵေႃႉ​လဵၵ်ႉ​သေ​ပိူၼ်ႈ​ၸမ်ႉ၊ တေႃႈ​လဵဝ်​ၼႆႉ​မီး​ယူႇ​လူၺ်ႈ​ၵၼ်​တင်း​ပေႃႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ၵႃႈ​တီႈ​မိူင်း​ ၶႃႇၼၢၼ်ႇ ပုၼ်ႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="33">ၵေႃႉ​ဢၼ်​ပဵၼ်​ၸဝ်ႈ​ဢၼ်​ဢုပ်ႉ​ၵႃႈ​ၼိူဝ်​မိူင်း​ၼၼ်ႉ လၢတ်ႈ​တီႈ​ႁဝ်း​ၶႃႈ​လႄႈ​ဝႃႈ၊ ၵဝ်​တၵ်း​ႁူႉ​လွင်ႈ​ဢၼ်​သူ​ပဵၼ်​ၵူၼ်း​ဢၼ်​သိုဝ်ႈ​တေႃႇ ဢမၢၼ်ႇ​ၶၼ်​ပဵၼ်​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်​ၸမ်ႉ၊ ၵႃႈ​ၼႂ်း​သူ​ပီႈ​ၼွင်ႉ​ၸိူဝ်း​ၼႆႉ ဢဝ်​သေ​ၵေႃႉ​သေ​ၵူၼ်း ဝႆႉ​ၵိုတ်း​ၵႃႈ​တီႈ​ၵဝ်​ၼႆႉ​တႃႉ။ ပိူဝ်ႈ​ဢၼ်​ၵူၼ်း​ႁိူၼ်း​ၵူၼ်း​ယေး​သူ​ဢိုပ်း​တၢင်း​ၵိၼ်​တၢင်း​ၶူပ်း​လႄႈ သူ​ဢဝ်​တၢင်း​ၵိၼ်​တၢင်း​ၶူပ်း​မိူဝ်း​ၵႂႃႇ​တႃႉ။-</verse>
				<verse number="34">ပႃး​ဢဝ်​ၼွင်ႉ​ၸၢႆး​သူ​ၵေႃႉ​ဢၼ်​လဵၵ်ႉ​သေ​ပိူၼ်ႈ​ၼၼ်ႉ​မႃး​ၵႃႈ​တီႈ​ၵဝ်​ၼႆႉ​တႃႉ။ ပေႃး​သူ​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​တၵ်း လႆႈ​ႁူႉ​လွင်ႈ​ဢၼ် သူ​ဢမ်ႇ​ၸႂ်ႈ​ၵူၼ်း​ၽၢႆႇ​ၼႂ်း​လႄႈ ပဵၼ်​ၵူၼ်း​ဢၼ်​သိုဝ်ႈ​တေႃႇ​ၼၼ်ႉ​ဢေႃႈ။ ၼင်ႇ​ၼၼ်​လႄႈ ၵဝ်​တၵ်း​ဢဝ် ပီႈ​ၼွင်ႉ​သူ ၶိုၼ်း​ဢၢပ်ႈ​ပၼ်​တီႈ​သူ​လႄႈ သူ​တၵ်း​လႆႈ​ၵႃႉ​လႆႈ​ၶၢႆ ၵႃႈ​တီႈ​မိူင်း​ၸဝ်ႈ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ၵမ်း​ၼၼ်ႉ မိူဝ်ႈ​ဢၼ်​ဢဝ်​ၶဝ်ႈ​ၵျုင်ႇ​ၵႃႈ​ၼႂ်း​ထူင်​ၶဝ်​ၸိူဝ်း​ၼၼ်ႉ​ဢွၵ်ႇ​ၼၼ်ႉ​ၸိုင်၊ ပူၵ်ႉ​ငိုၼ်း​ၶဝ်​ၼၼ်ႉ​မီး​ယူႇ ၵႃႈ​ၼႂ်း​ထူင်​ၶဝ် ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။ ၶဝ်​ဢိၵ်ႇ​တင်း​ပေႃႈ​ၶဝ်​ၼၼ်ႉ ႁၼ်​ပူၵ်ႉ​ငိုၼ်း​ၶဝ်​ၼၼ်ႉ​သေ​ယဝ်ႉ၊ ဢွၼ်​ၵၼ်​ၵူဝ်​ႁႄ​လႄႈ သၼ်ႇ​ဝႆ​ယူႇ​ဢေႃႈ။-</verse>
				<verse number="36">ပေႃႈ​ၶဝ်​ ယႃႇၵုပ်ႈ ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ သူ​ႁိမ်​ဢဝ်​လုၵ်ႈ​ၸၢႆး​ၵဝ်​တင်း​လၢႆ​ယဝ်ႉ။ ယူဝ်းသႅပ်ႈ ​ဢမ်ႇ​မီး​ယဝ်ႉ။ သီႉမုၼ်ႇ ​ၵေႃႈ ဢမ်ႇ​မီး​ယဝ်ႉ။ ပိၼ်ႇယႃႇမိၼ်ႇ ​ၵေႃႈ​သူ​တၵ်း​ဢဝ်​ၵႂႃႇ​လူင်​ပႄႇ။ လွင်ႈ​တၢင်း​ၸိူဝ်း​ၼႆႉ တင်း​သဵင်ႈ​တင်း​လူင် ပဵၼ်​ဢၼ်​ၶတ်း​ၵၼ်​တင်း​ၵဝ်​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ရူႉပိၼ်ႇ ​ၵေႃႈ​လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ ပေႃး​ၵဝ်​ၶႃႈ​ဢမ်ႇ​ပႃး​ဢဝ် ပိၼ်ႇယႃႇမိၼ်ႇ ​ၶိုၼ်း​မႃး​ၵႃႈ​တီႈ​ပေႃႈ​ႁဝ်း​ၼႆႉ​ၸိုင်၊ ဢဝ်​လုၵ်ႈ​ၸၢႆး​ၵဝ်​ၶႃႈ​သွင်​ၵေႃႉ​ၼၼ်ႉ​တၢႆ​ပႅတ်ႈ​သေ​ၵမ်း။ ၶႅၼ်း​တေႃႈ​ဢဝ်​မၼ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵဝ်​ၶႃႈ​သေ​ၵမ်း။ ၵဝ်​ၶႃႈ​တၵ်း​ဢဝ်​မၼ်း​ၶိုၼ်း​မႃး​ၵႃႈ​တီႈ​ပေႃႈ​ႁဝ်း​ၶႃႈ ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="38">ပေႃႈ​ၶဝ်​ၵေႃႈ​လၢတ်ႈ​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢမ်ႇ​လႆႈ​လူင်း​ၵႂႃႇ​လူၺ်ႈ​ၵၼ်​တင်း​သူ။ ပီႈ​ဢၢႆႈ​မၼ်း​တၢႆ​ယဝ်ႉ။ ယင်း​ၵိုတ်း​ၵျၢၼ်ႇ​ဝႆႉ​မၼ်း ၵေႃႉ​လဵဝ်​ၵူၺ်း​ဢေႃႈ။ ပေႃး​ၽေး​ႁွတ်ႈ​ထိုင်​တီႈ​မၼ်း​ၼႂ်း​သဵၼ်ႈ​တၢင်း​ဢၼ်​သူ​တၵ်း​ၵႂႃႇ​ၼၼ်ႉ​ၸိုင်၊ သူ​တၵ်း​ဢဝ်​တင်း​တၢင်း​ဢၼ်​ငိၼ်း​ၽၢၼ်​ထိုင်​ၸႂ်​ႁႂ်ႈ​ၶူၼ်​ႁူဝ်​ႁွၵ်ႇ​ၵဝ်​ၼႆႉ လူင်း​ႁွတ်ႈ​ၵႃႈ​တီႈ​မိူင်း​မရၼႃႉ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="43">
				<verse number="1">ၵႃႈ​တီႈ​မိူင်း​ ၶႃႇၼၢၼ်ႇ ​ၼၼ်ႉ ၶဝ်ႈ​ၵႃႈ​မၢၵ်ႇ​ပႅင်း​ၼႃႇ​လူင်​လၢင်​လႄႈ၊-</verse>
				<verse number="2">မိူဝ်ႈ​ဢၼ်​ၶဝ်​ၵိၼ်​ၶဝ်ႈ​ၵျုင်ႇ​ဢၼ်​ၶဝ်​ဢဝ်​ၵႃႈ​တီႈ​မိူင်း​ ဢေႇၵိပ်ႉတူႉ ​မႃး​ၼၼ်ႉ သဵင်ႈ​ယဝ်ႉ​ၼၼ်ႉ​ၸိုင်၊ ပေႃႈ​ၶဝ်​ၵေႃႈ​လၢတ်ႈ တီႈ​ၶဝ်​လႄႈ​ဝႃႈ၊ သမ်ႉ​ၵႂႃႇ​လႄႈ သိုဝ်ႉ​ဢဝ်​ပုၼ်ႈ​ဢၼ်​ႁဝ်း​တၵ်း​ၵိၼ်​မႃး​ထႅင်ႈ​သေ​ဢိတ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ယူႉတႃႉ ​ၵေႃႈ​ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ ၵေႃႉ​ၼၼ်ႉ​လွၵ်ႇ​ငိုတ်ႈ​တီႈ​ႁဝ်း​ၶႃႈ​ၼႃႇ​လူင်​လၢင်​လႄႈ လၢတ်ႈ​လႄႈ​ဝႃႈ၊ ပေႃး​ၼွင်ႉ​ၸၢႆး​သူ ဢမ်ႇ​ပႃး​လူၺ်ႈ​ၵၼ်​တင်း​သူ​ၸိုင်၊ သူ​ဢမ်ႇ​လႆႈ​ႁၼ်​ၼႃႈ​ၵဝ်​ၵူၺ်ႉ၊ ဝႃႈ​ၼင်ႇ​ၼႆ​ဝႆႉ​ၶႃႈ​ယဝ်ႉ။-</verse>
				<verse number="4">ပေႃး​ပေႃႈ​ႁဝ်း ပွႆႇ​ၸႂ်ႉ​ၼွင်ႉ​ၸၢႆး​ႁဝ်း​ၶႃႈ ၵႂႃႇ​လူၺ်ႈ​ၵၼ်​တင်း​ႁဝ်း​ၶႃႈ​ၸိုင်၊ ႁဝ်း​ၶႃႈ​တၵ်း​လူင်း​ၵႂႃႇ​လႄႈ သိုဝ်ႉ​ဢဝ်​ပုၼ်ႈ​ဢၼ်​ပေႃႈ​ႁဝ်း တၵ်း​ၵိၼ်​မႃး​ၶႃႈ​ဢေႃႈ။-</verse>
				<verse number="5">ပေႃး​ပေႃႈ​ႁဝ်း​ဢမ်ႇ​ပွႆႇ​ၸႂ်ႉ​မၼ်း​ၵႂႃႇ​ၸိုင်၊ ႁဝ်း​ၶႃႈ​ဢမ်ႇ​လူင်း​ၵႂႃႇ​ၶႃႈ​ၵူၺ်ႉ။ လွင်ႈ​မၼ်း​ၸမ်ႉ ၵေႃႉ​ၼၼ်ႉ​လၢတ်ႈ​လႄႈ​ဝႃႈ၊ ပေႃး​ၼွင်ႉ​ၸၢႆး​သူ ဢမ်ႇ​ပႃး​လူၺ်ႈ​ၵၼ်​တင်း​သူ​ၸိုင်၊ သူ​ဢမ်ႇ​လႆႈ​ႁၼ်​ၼႃႈ​ၵဝ်​ၵူၺ်ႉ၊ ဝႃႈ​ၼင်ႇ​ၼႆ​ဝႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ဢီႉသရေႇလႃႉ ​ၵေႃႈ၊ လၢတ်ႈ​လႄႈ​ဝႃႈ၊ ႁဵတ်း​ႁိုဝ်​လႄႈ​သူ​လၢတ်ႈ​လွင်ႈ​ဢၼ်​သူ​ယင်း​မီး​ၼွင်ႉ​ၸၢႆး​ၼၼ်ႉ​တီႈ​ၵေႃႉ​ၼၼ်ႉ​လႄႈ ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="7">ၶဝ်​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵေႃႉ​ၼၼ်ႉ​ၸႅတ်ႈ​ထၢမ်​လွင်ႈ​ႁဝ်း​ၶႃႈ ဢိၵ်ႇ​တင်း​လွင်ႈ​ၸိူဝ်ႉ​ၶိူဝ်း​ႁဝ်း​ၶႃႈ​ၼႃႇ​လူင်​လၢင်​လႄႈ​ဝႃႈ၊ ပေႃႈ​သူ​ဢသၢၵ်ႈ​ယင်း​လိပ်း​ယူႇ​ႁိုဝ်။ သူ​မီး​ၼွင်ႉ​ၸၢႆး​ထႅင်ႈ​လူး​ၵွၼ်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ႁဝ်း​ၶႃႈ​လႆႈ​ၶိုၼ်း​လၢတ်ႈ​လႄႈ ၸွမ်း​သၽေႃး ၵႂၢမ်း​ၼႆႉ​ၶႃႈ​ဢေႃႈ။ ႁဝ်း​ၶႃႈ​တၵ်း​ႁူႉ​လွင်ႈ​ဢၼ်​မၼ်း​တၵ်း​လၢတ်ႈ​လႄႈ​ဝႃႈ၊ ပႃး​ဢဝ်​ၼွင်ႉ​ၸၢႆး​သူ​လူင်း​မႃး​တႃႉ၊ ဝႃႈ​ၼင်ႇ​ၼႆ​ၼၼ်ႉ လႆႈ​ဢမၢၼ်ႇ​ၶၼ်​ပဵၼ်​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ယူႉတႃႉ ​ၵေႃႈ သမ်ႉ​လၢတ်ႈ​တီႈ​ပေႃႈ​မၼ်း​ ဢီႉသရေႇလႃႉ ​ၼၼ်ႉ​ထႅင်ႈ​လႄႈ​ဝႃႈ၊ ပွႆႇ​ၸႂ်ႉ​လုၵ်ႈ​ဢွၼ်ႇ​ၼႆႉ ၵႂႃႇ​လူၺ်ႈ​ၵၼ်​တင်း​ၵဝ်​ၶႃႈ​သေ​ၵမ်း။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်၊ လွင်ႈ​ၼင်ႇ​ႁိုဝ်​ၸႃႉ​ၸဵမ်​ပေႃႈ​ႁဝ်း​လႄႈ ႁဝ်း​ၶႃႈ​ဢိၵ်ႇ​တင်း​လုၵ်ႈ​ဢွၼ်ႇ​ႁဝ်း​ၶႃႈ​ၸိူဝ်း​ၼႆႉ တၵ်း​ဢမ်ႇ​လႆႈ​တၢႆ​လႄႈ ဢသၢၵ်ႈ​တၵ်း​လိပ်း​ယူႇ​ၸိုင်၊ ႁဝ်း​ၶႃႈ​တၵ်း​ဢွၼ်​ၵၼ်​လုၵ်ႉ​လႄႈ​ၵႂႃႇ​ထႅင်ႈ​ၶႃႈ​ဢေႃႈ။-</verse>
				<verse number="9">ၵဝ်​ၶႃႈ​တၵ်း​ပဵၼ်​ၵေႃႉ​ဢၼ်​ႁပ်ႉ​တုင်း​ဢဝ်​မၼ်း​ၶႃႈ​ဢေႃႈ။ ယွၼ်း​ဢဝ်​မၼ်း​ၵႃႈ​ၼႂ်း​မိုဝ်း​ၵဝ်​ၶႃႈ​သေ​ၵမ်း။ ပေႃး​ၵဝ်​ၶႃႈ​ဢမ်ႇ​ဢဝ်​မၼ်း​ၶိုၼ်း​မႃး​လႄႈ​ဢမ်ႇ​ဢဝ်​မၼ်း​ၶိုၼ်း​ဝႆႉ​ၵႃႈ​တီႈ​ၽၢႆႇ​ၼႃႈ​ပေႃႈ​ႁဝ်း​ၸိုင်၊ ႁႂ်ႈ​ၵဝ်​ၶႃႈ​လႆႈ​ၶၢမ်ႇ​ဢပႅတ်ႈ​တီႈ​ပေႃႈ​ႁဝ်း​ယူႇ​တႃႇ​သေႇ​ဢမ်ႇ​ထၢတ်ႇ​သေ​ၵမ်း​လူၺ်ႈ။-</verse>
				<verse number="10">သင်​ႁဝ်း​ၶႃႈ​ဢမ်ႇ​ႁဵတ်း​ထိူင်း​ႁဵတ်း​ၼၢၼ်း​ယူႇ​ထၢၼ်ႇ​ၼႆႉ​ၸိုင်၊ တၵ်း​ၶိုၼ်း​ႁွတ်ႈ​မႃး​ထူၼ်ႈ​ထိုင်​သွင်​ပွၵ်ႈ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ပေႃႈ​ၶဝ်​ ဢီႉသရေႇလႃႉ ​ၼၼ်ႉ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ႁဵတ်း​ၸိူဝ်ႉ​ၼင်ႇ​ၼႆ​တႃႉ။ ဢွၼ်​ၵၼ်​ဢဝ်​လွင်ႈ​တၢင်း​ဢၼ်​လီ​သေ​ပိူၼ်ႈ​ၵႃႈ​တီႈ​မိူင်း​ ၶႃႇၼၢၼ်ႇ ​ၼႆႉ ဢၼ်​ဝႃႈ ယၢင်​ ပႃႇလၸမ်ႇ ​ဢိတ်း​ၼိုင်ႈ၊ ၼမ်ႉ​ၽိုင်ႈ​ဢိတ်း​ၼိုင်ႈ၊ ၼၢမ်ႇ​သႃႇ​လႂ်၊ ယၢင် မူႉရၼ်ႇ ​လႂ်၊ မၢၵ်ႇ​တူပ်း​တင်း​မၢၵ်ႇ​ ပႃႇတမ်ႇ လႂ် သႂ်ႇ​ၵႃႈ​ၼႂ်း​ထူင်​သူ​သေ​လႄႈ ၵႂႃႇ​ႁႂ်ႈ​လႆႈ​ႁဵတ်း​လၢၵ်ႈ​သွင်ႇ​တီႈ​ၵေႃႉ​ၼၼ်ႉ​တႃႉ။-</verse>
				<verse number="12">ၵႃႈ​ၼႂ်း​မိုဝ်း​သူ​ၵေႃႈ ပႃး​ဢဝ်​ငိုၼ်း​သွင်​ပုၼ်ႈ​ၵႂႃႇ​တႃႉ။ ငိုၼ်း​ဢၼ်​ပႃး​မႃး​ၼႂ်း​ထူင်​သူ​ၼၼ်ႉ​ၵေႃႈ၊ သမ်ႉ​ၶိုၼ်း​ပႃး​ဢဝ်​ၵႃႈ​ၼႂ်း​မိုဝ်း သူ​ၵႂႃႇ​လူး​ၵွၼ်ႇ​တႃႉ။ လွင်ႈ​တၢင်း​ၼႆႉ​ၸၢင်ႈ​ၶႄး​ပဵၼ် လွင်ႈ​တၢင်း​ဢၼ်​ဢမ်ႇ​မီး​သတီႉ​ဢေႃႈ။-</verse>
				<verse number="13">ၼွင်ႉ​ၸၢႆး​သူ​ၵေႃႈ ဢဝ်​လႄႈ​ဢွၼ်​ၵၼ်​လူင်း​ၵႂႃႇ​ၵႃႈ​တီႈ​ၵေႃႉ​ၼၼ်ႉ​တႃႉ။-</verse>
				<verse number="14">လွင်ႈ​ၼင်ႇ​ႁိုဝ်​ၵေႃႉ​ၼၼ်ႉ​တၵ်း​ပွႆႇ​ပီႈ​ဢၢႆႈ​သူ ၵေႃႉ​ၼၼ်ႉ ဢိၵ်ႇ​တင်း​ ပိၼ်ႇယႃႇမိၼ်ႇ ​မႃး​ၸိုင်၊ ၶႅၼ်း​တေႃႈ​ႁႂ်ႈ​ၽြႃး​ပဵၼ်​ၸဝ်ႈ၊ ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ​ဢဵတ်း​လူ​ပၼ်​ဢၶႂၢင်ႉ​တၢင်း​ဢၼ်​သူ​လႆႈ​ထူပ်း ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၵေႃႉ​ၼၼ်ႉ​သေ​ၵမ်း​လူၺ်ႈ။ ၵူၺ်း​ၵႃႈ ပေႃး​ၵဝ်​လႆႈ​ၶၢမ်ႇ​တၢင်း​ဢၼ် လုၵ်ႈ​ၸၢႆး​ၵဝ်​တင်း​လၢႆ​သုမ်း​ၸိုင်၊ ၵဝ်​တၵ်း​လႆႈ​ၶၢမ်ႇ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="15">ၶဝ်​ၼၼ်ႉ​ၵေႃႈ၊ ဢွၼ်​ၵၼ်​ဢဝ်​လၢၵ်ႈ​သွင်ႇ​ၼၼ်ႉ​ဢိၵ်ႇ​တင်း​ငိုၼ်း​သွင်​ပုၼ်ႈ​ၵႃႈ​ၼႂ်း​မိုဝ်း​ၶဝ်​တင်း​ ပိၼ်ႇယႃႇမိၼ်ႇ ​လုၵ်ႉ​သေ​ယဝ်ႉ၊ လူင်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ၶဝ်ႈ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ ယူဝ်းသႅပ်ႈ ​ဢေႃႈ။</verse>
				<verse number="16">မိူဝ်ႈ​ဢၼ်​ ယူဝ်းသႅပ်ႈ ​ႁၼ်​ ပိၼ်ႇယႃႇမိၼ်ႇ ​ပႃး​မႃး​လူၺ်ႈ​ၵၼ်​တင်း​ၶဝ်​ၼၼ်ႉ​ၸိုင်၊ မၼ်း​ႁွင်ႉ​ဢဝ်​ၵူၼ်း​ဢုပ်ႉ​ၵူၼ်း​ထိင်း​ႁိူၼ်း မၼ်း​လႄႈ​လၢတ်ႈ​ဝႃႈ၊ ႁွင်ႉ​ဢဝ်​ၵူၼ်း​ၸိူဝ်း​ၼႆႉ​ၵႂႃႇ​ၵႃႈ​တီႈ​ႁိူၼ်း​တႃႉ။ ဢဝ်​တူဝ်​သတ်း​တၢႆ​လႄႈ​မႄး​ႁႅၼ်း​ပုၼ်ႈ​ဢၼ်​တၵ်း​ၵိၼ်​ဝႆႉ​တႃႉ။ ၶိင်ႇ​ၵၢင်​ဝၼ်း​တဵင်ႈ​ၵူၼ်း​ၸိူဝ်း​ၼႆႉ​တၵ်း​လႆႈ​ၵိၼ်​လူၺ်ႈ​ၵၼ်​တင်း​ၵဝ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="17">ၵေႃႉ​ၼၼ်ႉ​ႁဵတ်း​လႄႈ​ႁွင်ႉ​ဢဝ်​ၵူၼ်း​ၸိူဝ်း​ၼၼ်ႉ​ၵႂႃႇ​ၵႃႈ​တီႈ​ႁိူၼ်း​ ယူဝ်းသႅပ်ႈ ​ဢေႃႈ။-</verse>
				<verse number="18">ၵူၼ်း​ၸိူဝ်း​ၼၼ်ႉ​ၵူဝ်​ႁႄ​ၵွပ်ႈ​ပိူဝ်ႈ​ဢၼ် ၶဝ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ဢဝ်​ၶဝ်ႈ​ၵႂႃႇ​ၵႃႈ​တီႈ​ႁိူၼ်း​ ယူဝ်းသႅပ်ႈ ​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ငိုၼ်း​ဢၼ်​ၶိုၼ်း​သႂ်ႇ​ပၼ် ၵႃႈ​ၼႂ်း​ထူင်​ႁဝ်း​ပွၵ်ႈ​ဢွၼ်​တၢင်း​ၼၼ်ႉ​လႄႈ ႁဝ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ဢဝ်​ဝႆႉ​ႁႂ်ႈ​မၼ်း​လႆႈ လေႃႇ​ၽၢင်ႈ​သႂ်ႇ​ႁဝ်း​လႄႈ​ယႃႉ​ယူၵ်ႉ​ႁဝ်း ႁႂ်ႈ​ႁဝ်း​လႆႈ​ၶၢမ်ႇ​ႁဵတ်း​ၶႃႈ​လႄႈ​သိမ်း​ဢဝ်​လီႈ​ႁဝ်း​ၸိူဝ်း​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ၶဝ်​ၼၼ်ႉ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​တီႈ​ၵူၼ်း​ဢုပ်ႉ​ၵူၼ်း​ထိင်း​ႁိူၼ်း​ ယူဝ်းသႅပ်ႈ ​ၼၼ်ႉ​လႄႈ တၵ်ႉ​လၢတ်ႈ​မၼ်း ၵႃႈ​တီႈ​ႁိမ်း​ၽၵ်း​တူ​ႁိူၼ်း​ၼၼ်ႉ​လႄႈ​ဝႃႈ၊-</verse>
				<verse number="20">ၸဝ်ႈ​ႁဝ်း၊ ၵမ်း​ဢွၼ်​တၢင်း​ၼၼ်ႉ၊ ႁဝ်း​ၶႃႈ​လူင်း​မႃး​ႁႂ်ႈ​လႆႈ​သိုဝ်ႉ​ဢဝ်​တၢင်း​ၵိၼ်​တၢင်း​ၶူပ်း ဢမၢၼ်ႇ​ၶၼ်​ပဵၼ်​ၶႃႈ​ဢေႃႈ။-</verse>
				<verse number="21">မိူဝ်ႈ​ဢၼ်​ႁဝ်း​ၶႃႈ​ၶိုၼ်း​မိူဝ်း​ၵႂႃႇ​ႁွတ်ႈ​ထိုင်​ၵႃႈ​တီႈ​ပၢင်​လိုဝ်ႈ​လႄႈ​ၽုၺ်ႇ​ထူင်​ႁဝ်း​ၶႃႈ​ၼၼ်ႉ​ၸိုင်၊ ငိုၼ်း​ဢၼ်​ၸၢပ်ႈ​သႅင်ႇ​ၵၼ်​တင်း ႁဝ်း​ၶႃႈ​ႁင်း​ၽႂ်​ႁင်း​မၼ်း​ၼၼ်ႉ ယင်း​ဢမ်ႇ​ယွမ်း​သေ​ဢိတ်း​လႄႈ မီး​ယူႇ​ၵႃႈ​တီႈ​ပၢၵ်ႇ​ထူင်​ၶႃႈ​ဢေႃႈ။ ငိုၼ်း​ၼၼ်ႉ​ၸိုင်၊ ႁဝ်း​ၶႃႈ​သမ်ႉ​ဢဝ်​ၶိုၼ်း မႃး​ၶႃႈ​ယဝ်ႉ။-</verse>
				<verse number="22">ႁဝ်း​ၶႃႈ​သမ်ႉ​ပႃး​ဢဝ်​ငိုၼ်း​တၢင်ႇ​ဢၼ်​မႃး​ႁႂ်ႈ​လႆႈ​သိုဝ်ႉ​ဢဝ်​တၢင်း​ၵိၼ်​တၢင်း​ၶူပ်း​ၶႃႈ​ဢေႃႈ။ ႁဝ်း​ၶႃႈ​ဢမ်ႇ​ႁူႉ​လွင်ႈ​ဢၼ်​ၽူႈ​လႂ် ဢဝ်​ငိုၼ်း​ၼၼ်ႉ​သႂ်ႇ​ဝႆႉ​ၵႃႈ​ၼႂ်း​ထူင်​ႁဝ်း​ၶႃႈ​ၼၼ်ႉ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="23">ၵေႃႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ႁႂ်ႈ​မီး​တၢင်း​ၼိမ်​သေ​ၵမ်း​လူၺ်ႈ။ ယႃႇ​ပေ​မႆႈ​ၸႂ်​ၶီ​ၸႂ်။ ၽြႃး​ပဵၼ်​ၸဝ်ႈ​သူ၊ ၽြႃး​ပဵၼ်​ၸဝ်ႈ​ပေႃႈ​သူ​ၼၼ်ႉ ဢဵတ်း​လူ​ပၼ်​ၽၼ်ႇတႃႇ​ၼၼ်ႉ ၵႃႈ​ၼႂ်း​ထူင်​သူ​ယဝ်ႉ။ ငိုၼ်း​သူ​ၼၼ်ႉ​ၸိုင်၊ ၵဝ်​လႆႈ​ၶၢမ်ႇ​ဢဝ်​ယဝ်ႉ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢဝ်​ သီႉမုၼ်ႇ ​ဢွၵ်ႇ​လႄႈ​ဢၢပ်ႈ​ပၼ်​တီႈ​ၶဝ်​ဢေႃႈ။-</verse>
				<verse number="24">ၵေႃႉ​ၼၼ်ႉ​ဢဝ်​ၶဝ်​သႂၢင်း​ဝႆႉ​ၵႃႈ​ၼႂ်း​ႁိူၼ်း​ ယူဝ်းသႅပ်ႈ ​သေ​ယဝ်ႉ၊ ပၼ်​ၼမ်ႉ​တီႈ​ၶဝ်​လႄႈ​ၶဝ်​ၵေႃႈ​သုၵ်ႈ​တိၼ်​ဢေႃႈ။ တီႈ​လီႈ​ၶဝ်​တင်း​လၢႆ​ၵေႃႈ ဢွႆႇ​ပၼ်​တၢင်း​ၵိၼ်​တၢင်း​ၶူပ်း​ဢေႃႈ။-</verse>
				<verse number="25">ၶိင်ႇ​ၵၢင်​ဝၼ်း​တဵင်ႈ​ ယူဝ်းသႅပ်ႈ ​တၵ်း​မႃး၊ ဝႃႈ​ၼင်ႇ​ၼႆ​လႄႈ ၶဝ်​ဢွၼ်​ၵၼ်​မႄး​ႁႅၼ်း​လၢၵ်ႈ​သွင်ႇ​ဝႆႉ​ထႃႈ​ဢေႃႈ။ လွင်ႈ​မၼ်း​ၸမ်ႉ ၶဝ်​လႆႈ​ငိၼ်း​လွင်ႈ​ဢၼ်​ၶဝ်​တၵ်း​လႆႈ​ၵိၼ်​တၢင်း​ၵိၼ်​တၢင်း​ၶူပ်း ၵႃႈ​တီႈ​ႁိူၼ်း​ၼၼ်ႉ​ဢေႃႈ။</verse>
				<verse number="26">မိူဝ်ႈ​ဢၼ်​ ယူဝ်းသႅပ်ႈ ​ႁွတ်ႈ​မႃး​ၵႃႈ​တီႈ​ႁိူၼ်း​ၼၼ်ႉ​ၸိုင်၊ ၶဝ်​ၼၼ်ႉ​ဢွၼ်​ၵၼ်​ဢဝ်​လၢၵ်ႈ​သွင်ႇ​ဢၼ်​ၶဝ်​ပႃး​မႃး​ၵႃႈ​ၼႂ်း​မိုဝ်း​ၶဝ် ၼၼ်ႉ​လႄႈ ၶဝ်ႈ​ၵႃႈ​ၼႂ်း​ႁိူၼ်း​ၸူး​ၵႃႈ​တီႈ​ဢၼ် မၼ်း​မီး​ၼၼ်ႉ​လႄႈ ၶုပ်ႉ​မူပ်ႇ​ၵူမ်ႈ​ၵွမ်း​ႁူဝ် ၵႃႈ​ၼိူဝ်​လိၼ်​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="27">မၼ်း​တၵ်ႉ​လၢတ်ႈ​ၶဝ်​သေ​ယဝ်ႉ၊ ထၢမ်​လႄႈ​ဝႃႈ၊ ပေႃႈ​သူ​ဢၼ်​ဝႃႈ​ၵူၼ်း​ဢသၢၵ်ႈ​ယႂ်ႇ၊ ဢၼ်​သူ​လၢတ်ႈ​မိူဝ်ႈ​ၵမ်း​ဢွၼ်​တၢင်း​ၼၼ်ႉ ၼၼ်ႉ ယူႇ​လီ​ၵိၼ်​ဝၢၼ်​ယူႇ​ႁိုဝ်။ ဢသၢၵ်ႈ​ယင်း​လိပ်း​ယူႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="28">ၶဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ဢၼ်​ဝႃႈ​ပေႃႈ​ၶႃႈ​ၸဝ်ႈ​ၸိူဝ်း​ၼႆႉ​ၼၼ်ႉ ယူႇ​လီ​ၵိၼ်​ဝၢၼ်​ယူႇ​တီႈ​ၶႃႈ​ဢေႃႈ။ ဢသၢၵ်ႈ​ယင်း လိပ်း​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ ၶုပ်ႉ​မူပ်ႇ​ၵူမ်ႈ​ႁူဝ်​ယူႇ​ဢေႃႈ။-</verse>
				<verse number="29">ၵမ်း​ၼၼ်ႉ မၼ်း​မုင်ႈ​တူၺ်း​လႄႈ​ႁၼ်​ ပိၼ်ႇယႃႇမိၼ်ႇ ​ၼွင်ႉ​ၸၢႆး​ဢွၵ်ႇ​မၼ်း လုၵ်ႈ​ၸၢႆး​မႄႈ​မၼ်း​ၼၼ်ႉ​သေ​ယဝ်ႉ၊ ထၢမ်​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ ပဵၼ်​ၼွင်ႉ​ၸၢႆး​သူ​ၵေႃႉ​ဢၼ်​လဵၵ်ႉ​သေ​ပိူၼ်ႈ​ဢၼ်​သူ​လၢတ်ႈ​မိူဝ်ႈ​ၵမ်း​ဢွၼ်​တၢင်း​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ သမ်ႉ​လၢတ်ႈ​လႄႈ ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ ႁႂ်ႈ​ၽြႃး​ပဵၼ်​ၸဝ်ႈ​ဢဵတ်း​လူ​ႁဵတ်း​ၵျေး​ၸူး​တီႈ​မႂ်း​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="30">ပိူဝ်ႈ​ဢၼ်​လႆႈ​ႁၼ်​ၼွင်ႉ​ၸၢႆး​ဢွၵ်ႇ​မၼ်း​လႄႈ မီး​ၸႂ်​ဢၼ်​ႁၵ်ႉ​ၼႅၼ်ႈ​ၶဵၼ်း​ၶွတ်ႇ​ၸပ်း​ပႅၼ်း​ၼႃႇ​လူင်​လၢင်​လႄႈ​ ယူဝ်းသႅပ်ႈ လုၵ်ႉ​ၵႂႃႇ​ၶၼ်​ၶၼ်​ၽႂ်း​ၽႂ်း​သေ​ဢေႃႈ။ မၼ်း​ႁႃ​တီႈ​ဢၼ်​ၼမ်ႉ​တႃ​မၼ်း​တၵ်း​တူၵ်း​လႄႈ ၶဝ်ႈ​ၵႂႃႇ​ၵႃႈ​ၼႂ်း​လုၵ်း​တီႈ​ၼွၼ်း​မၼ်း​သေ​ယဝ်ႉ၊ ၼမ်ႉ​တႃ​တူၵ်း​ယူႇ​ဢေႃႈ။-</verse>
				<verse number="31">ၵမ်း​ၼၼ်ႉ မၼ်း​သုၵ်ႈ​ၼႃႈ​လႄႈ​ဢွၵ်ႇ​မႃး​ၵႃႈ​ၼွၵ်ႈ​သေ​ယဝ်ႉ၊ ဢဝ်​ဢိင်ႇတရေႇ​လႄႈ မီး​ဢမိင်ႉ​ဝႃႈ၊ ႁႅၼ်း​တမ်း​ပၼ်​တၢင်း​ၵိၼ်​တၢင်း​ၶူပ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">ၶဝ်​ႁႅၼ်း​တမ်း​ပၼ်​ပုၼ်ႈ​မၼ်း​တီႈ​ၼိုင်ႈ၊ ပုၼ်ႈ​ပီႈ​ၼွင်ႉ​မၼ်း​တင်း​လၢႆ​ၼၼ်ႉ​တီႈ​ၼိုင်ႈ၊ ပုၼ်ႈ​ၵူၼ်း​ ဢေႇၵိပ်ႉတူႉ ​ဢၼ်​ၵိၼ်​လူၺ်ႈ​ၵၼ် တင်း​မၼ်း​ၸိူဝ်း​ၼၼ်ႉ​တီႈ​ၼိုင်ႈ၊ ႁင်း​ၽႂ်​ႁင်း​မၼ်း​ဢေႃႈ။ လွင်ႈ​မၼ်း​ၸမ်ႉ ၵူၼ်း​ ဢေႇၵိပ်ႉတူႉ ​တင်း​လၢႆ ဢမ်ႇ​လႆႈ​ၵိၼ်​လူၺ်ႈ​ၵၼ်​တင်း ၵူၼ်း​ ႁေႇပြႄး ။ လွင်ႈ​တၢင်း​ၼၼ်ႉ​ၸၢင်ႈ​ပဵၼ်​တီႈ​ဢၼ်​ၵူၼ်း ဢေႇၵိပ်ႉတူႉ ​လီ​ႁင်ႈ​ဢဵတ်ႇ​သဵတ်ႇ​ဢေႃႈ။-</verse>
				<verse number="33">ၶဝ်​ၼၼ်ႉ​ၵေႃႈ ၸွမ်း​လူၺ်ႈ​ဢသၢၵ်ႈ​ၸႃႉ​ၸဵမ်​ၵေႃႉ​ယႂ်ႇ​ဢၼ်​လႆႈ​ဢရႃႇ​လုၵ်ႈ​တူၼ်ႈ​တေႃႇ​ထိုင်​ႁွတ်ႈ ၵေႃႉ​လဵၵ်ႉ​ၸႅၼ်ႇ​တၢမ်း​ၵၼ် ႁင်း​ၽႂ်​ႁင်း​မၼ်း​လႄႈ ဢွၼ်​ၵၼ်​ၼင်ႈ​ယူႇ​ၵႃႈ​တီႈ​ၽၢႆႇ​ၼႃႈ​ ယူဝ်းသႅပ်ႈ ​ဢေႃႈ။ ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တူၺ်း​ၵၼ်​ယူႇ​သေ​လႄႈ မီး​တၢင်း​ဢၼ် ဢၢမ်း​ၼႃႇ​လူင်​လၢင်​ဢေႃႈ။-</verse>
				<verse number="34">မၼ်း​ၵေႃႈ​ဢဝ်​တၢင်း​ၵိၼ်​ဢၼ်​မီး​ၵႃႈ​တီႈ​ၽၢႆႇ​ၼႃႈ​မၼ်း​ၼၼ်ႉ ပၼ်​ၵႂႃႇ​ပုၼ်ႈ​ဢၼ်​ၶဝ်​တၵ်း​ၵိၼ်​ႁင်း​ၽႂ်​ႁင်း​မၼ်း​ဢေႃႈ။ ပုၼ်ႈ​ဢၼ်​ ပိၼ်ႇယႃႇမိၼ်ႇ ​လႆႈ​ၼၼ်ႉ​ၸိုင်၊ ၼမ်​သေ​ပုၼ်ႈ​ဢၼ်​ပီႈ​ဢၢႆႈ​မၼ်း​တင်း​လၢႆ​လႆႈ​ၼၼ်ႉ​ႁႃႈ​ပုၼ်ႈ​ဢေႃႈ။ ၶဝ်​ၼၼ်ႉ​ဢွၼ်​ၵၼ်​ၵိၼ်​လႄႈ ႁွတ်ႈ​ထိုင်​တၢင်း​ဢၼ်​မူၼ်ႈ​ပျေႃႇ​လူၺ်ႈ​ၵၼ်​တင်း​မၼ်း​ဢေႃႈ။</verse>
			</chapter>
			<chapter number="44">
				<verse number="1">မၼ်း​သင်ႇ​လၢတ်ႈ​တီႈ​ၵူၼ်း​ဢုပ်ႉ​ၵူၼ်း​ထိင်း​ႁိူၼ်း​မၼ်း​လႄႈ​ဝႃႈ၊ ဢဝ်​တၢင်း​ၵိၼ်​ၵႃႈ​ဢၼ်​ၶဝ်​ပႃး​လႆႈ​ၼၼ်ႉ​သႂ်ႇ​ပၼ်​ၵႃႈ​ၼႂ်း​ထူင်​ၶဝ်​ၼၼ်ႉ ႁႂ်ႈ​တဵမ်​တႃႉ။ ဢဝ်​ငိုၼ်း​ဢၼ်​ၸၢပ်ႈ​သႅင်ႇ​ၵၼ်​တင်း​ၶဝ်​ႁင်း​ၽႂ်​ႁင်း​မၼ်း​ၼၼ်ႉ​သႂ်ႇ​ဝႆႉ​ၵႃႈ​ၼႂ်း​ပၢၵ်ႇ​ထူင်​ၶဝ်​တႃႉ၊-</verse>
				<verse number="2">ဢဝ်​ၵွၵ်း​ၵဝ်​ဢၼ်​ဝႃႈ ၵွၵ်း​ငိုၼ်း​ၼၼ်ႉ​သႂ်ႇ​ဝႆႉ​ၵႃႈ​ၼႂ်း​ပၢၵ်ႇ​ထူင်​ၵေႃႉ​ဢၼ်​ဢသၢၵ်ႈ​လဵၵ်ႉ​သေ​ပိူၼ်ႈ​ၼၼ်ႉ ဢိၵ်ႇ​လူၺ်ႈ​ၵၼ်​တင်း​ငိုၼ်း​ၵႃႈ​ၶဝ်ႈ​ၵျုင်ႇ​မၼ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊ ၵေႃႉ​ၼၼ်ႉ​ႁဵတ်း​ၸွမ်း​ၵႃႈ​ၼင်ႇ​ဢၼ်​ ယူဝ်းသႅပ်ႈ ​ဝႃႈ​ၼၼ်ႉ​ဢေႃႈ။-</verse>
				<verse number="3">ၶိင်ႇ​ၵၢင်​ၼႂ်​မိူဝ်ႈ​ဢၼ်​မိူင်း​လႅင်း​မႃး​ၼၼ်ႉ​ၸိုင်၊ ၶဝ်​လႆႈ​ၶၢမ်ႇ​တၢင်း​ဢၼ်​ပွႆႇ​မိူဝ်း​ၵႂႃႇ ဢိၵ်ႇ​လူၺ်ႈ​ၵၼ်​တင်း​လီႈ​ၶဝ်​တင်း​လၢႆ​ဢေႃႈ။-</verse>
				<verse number="4">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​ၼွၵ်ႈ​ဝဵင်း​ၼၼ်ႉ​လႄႈ ၸူဝ်ႈ​ဢၼ်​ဢမ်ႇ​ပႆႇ​ၵႆ​ၼၼ်ႉ​ၸိုင်၊ ယူဝ်းသႅပ်ႈ ​သင်ႇ​လၢတ်ႈ​တီႈ​ၵူၼ်း​ဢုပ်ႉ​ၵူၼ်း ထိင်း​ႁိူၼ်း​မၼ်း​လႄႈ​ဝႃႈ၊ လုၵ်ႉ​လႄႈ​လိုပ်ႈ​ၸွမ်း​ၶဝ်​ၼၼ်ႉ​ၵႂႃႇ​တႃႉ။ မိူဝ်ႈ​ဢၼ်​ၶိုတ်း​ၶဝ်​ၼၼ်ႉ​ၸိုင်၊ လၢတ်ႈ​တီႈ​ၶဝ်​လႄႈ​ဝႃႈ၊ ႁဵတ်း​သင်​လႄႈ​သူ​တႅၼ်း​ပၼ်​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ပုၼ်ႈ​လွင်ႈ​တၢင်း​ဢၼ်​လီ​ဢၼ်​ငၢမ်း​ၼင်ႇ​ႁိုဝ်။-</verse>
				<verse number="5">ပဵၼ်​ၵွၵ်း​ဢၼ်​ၸဝ်ႈ​ၵဝ်​ၵိၼ်​ၼၼ်ႉ​ဢမ်ႇ​ၸႂ်ႈ​ႁိုဝ်။ ပဵၼ်​ၵွၵ်း​ဢၼ်​မၼ်း​ၸၢင်ႈ​ႁဵတ်း​ဢတၢတ်ႈ​ဢၼ်​လၢၵ်ႇ​လၢၵ်ႇ​လၢႆး​လၢႆး​ၵႃႈ​ၼႂ်း​မၼ်း ၼၼ်ႉ​ဢမ်ႇ​ၸႂ်ႈ​ႁိုဝ်။ သူ​ႁဵတ်း​ဢမ်ႇ​လီ​ဢမ်ႇ​ငၢမ်း ၼႂ်း​လွင်ႈ​တၢင်း​ဢၼ် သူ​ႁဵတ်း​ၸိူဝ်ႉ​ၼင်ႇ​ၼႆ​ၼၼ်ႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="6">ၵေႃႉ​ၼၼ်ႉ​လိုပ်ႈ​ၸွမ်း​ၶိုတ်း​ၶဝ်​လႄႈ​လၢတ်ႈ ၵႃႈ​ၼင်ႇ​ၵႂၢမ်း​ဢၼ်​ဝႃႈ​ၼၼ်ႉ​ဢေႃႈ။-</verse>
				<verse number="7">ၶဝ်​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ႁဵတ်း​သင်​လႄႈ​ၸဝ်ႈ​ႁဝ်း​လၢတ်ႈ​ၵႂၢမ်း​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်​ၶႃႈ။ ႁႂ်ႈ​ဢမူႉ​ၸိူဝ်ႉ​ၼင်ႇ​ၼၼ် ၵႆ​ၵၼ်​တင်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​သေ​ၵမ်း​လူၺ်ႈ။-</verse>
				<verse number="8">တူၺ်း​ၶႃႈ​လူး၊ တေႃႈ​ၵႃႈ​ငိုၼ်း​ဢၼ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ လႆႈ​ထူပ်း​ႁၼ်​ၵႃႈ​ၼႂ်း​ပၢၵ်ႇ​ထူင်​ၸိူဝ်း​ၼၼ်ႉ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ယင်း​သမ်ႉ​ၶိုၼ်း​ဢဝ်​ၸဵမ်​ၵႃႈ​တီႈ​မိူင်း​ ၶႃႇၼၢၼ်ႇ ​ပုၼ်ႉ မႃး​ၵႃႈ​တီႈ​ၸဝ်ႈ​ႁဝ်း​ၼႆႉ​ၶႃႈ​ယဝ်ႉ။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ လႆႈ​လၵ်ႉ​ဢဝ်​ငိုၼ်း​ၶမ်း​ၵႃႈ​ၼႂ်း​ႁိူၼ်း​ၸဝ်ႈ​ႁဝ်း​ၼၼ်ႉ​ၼင်ႇ​ႁိုဝ်​ၶႃႈ။-</verse>
				<verse number="9">ၵႃႈ​ၼႂ်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ထူပ်း​ႁၼ်​တီႈ​ၽူႈ​လႂ်​သေ​ဢမ်ႇ​ဝႃႈ၊ ႁႂ်ႈ​ၵေႃႉ​ၼၼ်ႉ​တၢႆ​သေ​ၵမ်း​လူၺ်ႈ။ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၵေႃႈ၊ တၵ်း​ဢွၼ်​ၵၼ်​ၶၢမ်ႇ​ႁဵတ်း​ၶႃႈ​ၸဝ်ႈ​ႁဝ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၵေႃႉ​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ႁႂ်ႈ​ပဵၼ်​ၵႃႈ​ၼင်ႇ​ၵႂၢမ်း​သူ​ၼႆႉ​တႃႉ။ ၵူၺ်း​ၵႃႈ ထူပ်း​ႁၼ်​တီႈ​ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ၼၼ်ႉ​တၵ်း​လႆႈ​ပဵၼ်​ၶႃႈ​ၵဝ်​ဢေႃႈ။ သူ​ၸမ်ႉ၊ တၵ်း​လႆႈ​ၵၢင်း​လွတ်ႈ​တင်း​ဢပႅတ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">ၶဝ်​ၼၼ်ႉ​ဢွၼ်​ၵၼ်​ႁိပ်ႈ​ၼႅတ်ႈ​ၶျႃး​ထူင်​ၶဝ် ႁင်း​ၽႂ်​ႁင်း​မၼ်း​လူင်း​ၵႃႈ​ၼိူဝ်​လိၼ်​သေ​လႄႈ​ၽုၺ်ႇ​ဢေႃႈ။-</verse>
				<verse number="12">ၵေႃႉ​ၼၼ်ႉ​ၵေႃႈ သွၵ်ႈ​ႁႃ​ၸႃႉ​ၸဵမ်​ၵေႃႉ​ယႂ်ႇ​တေႃႇ​ထိုင်​ႁွတ်ႈ​ၵေႃႉ​လဵၵ်ႉ​လႄႈ​ထူပ်း​ႁၼ်​ၵွၵ်း​ၼၼ်ႉ​ၵႃႈ​ၼႂ်း​ထူင်​ ပိၼ်ႇယႃႇမိၼ်ႇ ​ဢေႃႈ။</verse>
				<verse number="13">မိူဝ်ႈ​ၼၼ်ႉ​ၶဝ်​ဢွၼ်​ၵၼ် တိုတ်ႉ​သိၵ်ႇ​ၶူဝ်း​ၼုင်ႈ​ၶဝ်​ပႅတ်ႈ​သေ​ယဝ်ႉ၊ ၵူႈ​ၵေႃႉ​ၵူႈ​ၵူၼ်း​သမ်ႉ​ၶိုၼ်း​ဢဝ်​ၶူဝ်း​ၶဝ်​တၢင်ႇ​သႂ်ႇ​ၵႃႈ​ၼိူဝ် လီႈ​တင်း​လၢႆ​သေ​လႄႈ ၶိုၼ်း​ၵႂႃႇ​ၸူး​ၵႃႈ​တီႈ​ဝဵင်း​ဢေႃႈ။-</verse>
				<verse number="14">ယူႉတႃႉ ​ဢိၵ်ႇ​တင်း​ပီႈ​ၼွင်ႉ​မၼ်း​ၸိူဝ်း​ၼၼ်ႉ​ၶိုၼ်း​ႁွတ်ႈ​ထိုင်​ၵႃႈ​တီႈ​ႁိူၼ်း​ ယူဝ်းသႅပ်ႈ ​သေ​ယဝ်ႉ၊ မၼ်း​ၵေႃႈ​ယင်း​မီး​ယူႇ​ၵႃႈ​တီႈ​ၼၼ်ႈ​လႄႈ ၶဝ်​ဢွၼ်​ၵၼ်​ၶုပ်ႉ​မူပ်ႇ​ၵႃႈ​ၼိူဝ်​လိၼ်​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="15">ယူဝ်းသႅပ်ႈ ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ လွင်ႈ​တၢင်း​ဢၼ်​သူ​ႁဵတ်း​ယဝ်ႉ​ၼႆႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ သူ​ဢမ်ႇ​ႁူႉ​လွင်ႈ​ဢၼ်​ၵူၼ်း​ၸၢႆး​ၸိူဝ်ႉ​ၼင်ႇ​ၵဝ်​ၼႆႉ ၸၢင်ႈ​ႁဵတ်း​ဢတၢတ်ႈ ဢၼ်​လၢၵ်ႇ​လၢၵ်ႇ​လၢႆး​လၢႆး​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ယူႉတႃႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​တၵ်း​ၶိုၼ်း​လၢတ်ႈ​တီႈ​ၸဝ်ႈ​ႁဝ်း​ၸိူဝ်ႉ​ၼင်ႇ​ႁိုဝ်​လႆႈ​တီႈ​ၶႃႈ၊ တၵ်း​ဝႃႈ​ၸိူဝ်ႉ​ၼင်ႇ​ႁိုဝ်​လႆႈ​တီႈ​ၶႃႈ၊ တၵ်း​ႁႂ်ႈ​တူဝ်​ၸဝ်ႈ​ၵဝ်ႇ လွတ်ႈ​တင်း​ဢမူႉ​ၼႆႉ​ၸိူဝ်ႉ​ၼင်ႇ​ႁိုဝ်​လႆႈ​တီႈ​ၶႃႈ၊ ၽြႃး​ပဵၼ်​ၸဝ်ႈ​ထူပ်း​ႁၼ်​ဢပႅတ်ႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ယဝ်ႉ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ႁဝ်း​တင်း​လၢႆ​ဢၼ်​ဝႃႈ ၸႃႉ​ၸဵမ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​လႄႈ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် ထူပ်း​ႁၼ်​ၵွၵ်း​ၼၼ်ႉ​ၵႃႈ​ၼႂ်း​မိုဝ်း​မၼ်း​ၼၼ်ႉ​ပဵၼ်​ၶႃႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="17">မၼ်း​ၶိုၼ်း​လၢတ်ႈ​လႄႈ​ဝႃႈ၊ ႁႂ်ႈ​လွင်ႈ​တၢင်း​ဢၼ်​တၵ်း​ႁဵတ်း​ၸိူဝ်ႉ​ၼင်ႇ​ၼႆ​ၼၼ်ႉ​ၵႆ​ၵၼ်​တင်း​ၵဝ်​သေ​ၵမ်း​လူၺ်ႈ။ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ထူပ်း​ႁၼ်​ၵွၵ်း​ၼၼ်ႉ ၵႃႈ​ၼႂ်း​မိုဝ်း​မၼ်း​ၼၼ်ႉ​တၵ်း​လႆႈ​ပဵၼ်​ၶႃႈ​ၵဝ်​ဢေႃႈ။ သူ​ၸမ်ႉ၊ ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၵႃႈ​တီႈ​ပေႃႈ​သူ​ပုၼ်ႉ ၼိမ်​ၼိမ်​လီ​လီ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">မိူဝ်ႈ​ၼၼ်ႉ​ ယူႉတႃႉ ​သုတ်ႉ​ၸပ်း​သုတ်ႉ​ၸူး​တီႈ​မၼ်း​လႄႈ လဝ်ႊ​လၢတ်ႈ​ဝႃႈ၊ ၸဝ်ႈ​ႁဝ်း။ ႁႂ်ႈ​ၶႃႈ​ၸဝ်ႈ​လႆႈ​ဢဝ်​တင်း​ၵႂၢမ်း​ၵမ်း​ၼိုင်ႈ​လဝ်ႊ​လၢတ်ႈ​ထိုင်​ႁူ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ယႃႇ​ပေ​ၸႂ်​မႆႈ​ၶႆႈ​ၸႃႉ​တီႈ​ၶႃႈ​ၸဝ်ႈ​ႁဝ်း​ၼႆႉ​သေ​ၵမ်း​တီႈ​ၶႃႈ။ ၸဝ်ႈ​ႁဝ်း​ပဵၼ်​မိူၼ်​ၸိူဝ်ႉ​ၼင်ႇ​ၶုၼ်​ႁေႃ​ၶမ်း​ ၽႃႇရေႃး ​တီႈ​ၶႃႈ​ဢေႃႈ။-</verse>
				<verse number="19">မိူဝ်ႈ​ၼၼ်ႉ​ၸဝ်ႈ​ႁဝ်း​ထၢမ်​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​လႄႈ​ဝႃႈ၊ သူ​မီး​ပေႃႈ​ႁိုဝ်။ မီး​ၼွင်ႉ​ၸၢႆး​ႁိုဝ်။ ဝႃႈ​ၼင်ႇ​ၼႆ​တီႈ​ၶႃႈ​လႄႈ၊-</verse>
				<verse number="20">ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၶိုၼ်း​လဝ်ႊ​လၢတ်ႈ​တီႈ​ၸဝ်ႈ​ႁဝ်း​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ မီး​ပေႃႈ​ဢၼ်​ဢသၢၵ်ႈ​ယႂ်ႇ​ၼႃႇ ဢိၵ်ႇ​တင်း​လုၵ်ႈ​ၸၢႆး​ၵေႃႉ​လဵၵ်ႉ​ဢၼ်​မၼ်း​လႆႈ​မိူဝ်ႈ​ဢၼ်​ဢသၢၵ်ႈ​မၼ်း​ယႂ်ႇ​ၼႃႇ​ၼၼ်ႉ​ၵေႃႉ​ၼိုင်ႈ​တီႈ​ၶႃႈ​ဢေႃႈ။ ပီႈ​ဢၢႆႈ​မၼ်း​တၢႆ​ယဝ်ႉ​တီႈ​ၶႃႈ၊ ၼႂ်း​လုၵ်ႈ​ၸၢႆး​ဢၼ်​မႄႈ​မၼ်း​ၵိူတ်ႇ​လဵင်ႉ​မႃး​ၸိူဝ်း​ၼၼ်ႉ၊ ၵိုတ်း​ၵျၢၼ်ႇ​ဝႆႉ​မၼ်း​ၵေႃႉ​လဵဝ်​ၵူၺ်း​လႄႈ ပေႃႈ​မၼ်း​ႁၵ်ႉ​မၼ်း​တီႈ​ၶႃႈ​ဢေႃႈ၊-</verse>
				<verse number="21">မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၸဝ်ႈ​ႁဝ်း​ၵေႃႈ​လၢတ်ႈ​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​လႄႈ​ဝႃႈ၊ ဢွၼ်​ၵၼ်​ဢဝ်​မၼ်း​လူင်း​မႃး​ၵႃႈ​တီႈ​ၵဝ်​ႁႂ်ႈ​တႃ​ၵဝ်​လႆႈ​ႁၼ်​မၼ်း​တႃႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="22">ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၵေႃႈ​လဝ်ႊ​လၢတ်ႈ​တီႈ​ၸဝ်ႈ​ႁဝ်း​လႄႈ​ဝႃႈ၊ ၵေႃႉ​ဢွၼ်ႇ​ၼၼ်ႉ ဢမ်ႇ​ၽၢတ်ႇ​ယၢၼ်​ၵၼ်​တင်း​ပေႃႈ​မၼ်း​လႆႈ​တီႈ​ၶႃႈ။ ပေႃး​မၼ်း​ၽၢတ်ႇ​ယၢၼ်​ၵၼ်​တင်း​ပေႃႈ​မၼ်း​ၸိုင်။ ပေႃႈ​မၼ်း​တၵ်း​တၢႆ​တီႈ​ၶႃႈ​ယဝ်ႉ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="23">ၸဝ်ႈ​ႁဝ်း​လၢတ်ႈ​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​လႄႈ​ဝႃႈ၊ ပေႃး​ၼွင်ႉ​ၸၢႆး​သူ​ၵေႃႉ​လဵၵ်ႉ​သေ​ပိူၼ်ႈ​ၼၼ်ႉ ဢမ်ႇ​ပႃး​လူၺ်ႈ​ၵၼ်​တင်း​သူ လူင်း​မႃး​ၸိုင်၊ ၵမ်း​လိုၼ်း​သူ​တၵ်း​ဢမ်ႇ​လႆႈ​ႁၼ်​ၼႃႈ​ၵဝ်​ၵူၺ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="24">ဝၢႆး​ၼၼ်ႉ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ၊ မိူဝ်ႈ​ဢၼ်​ၶိုၼ်း​မိူဝ်း​ၵႂႃႇ ၵႃႈ​တီႈ​ပေႃႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢၼ်​ဝႃႈ ၶႃႈ​ၸဝ်ႈ​ႁဝ်း​ၼၼ်ႉ​ၸိုင် ဢွၼ်​ၵၼ်​ဢဝ်​ၵႂၢမ်း​ၸဝ်ႈ​ႁဝ်း​ၶိုၼ်း​လၢတ်ႈ​တီႈ​ပေႃႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="25">ပေႃႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ သမ်ႉ​ၵႂႃႇ​လႄႈ​သိုဝ်ႉ​ဢဝ်​ပုၼ်ႈ​ဢၼ်​ႁဝ်း​တၵ်း​ၵိၼ်​မႃး​ထႅင်ႈ​သေ​ဢိတ်း​တႃႉ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="26">ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၶႃႈ​ဢမ်ႇ​လူင်း​ၵႂႃႇ​လႆႈ​ၶႃႈ။ ပေႃး​ႁဝ်း​ၶႃႈ​လႆႈ​ပႃး​ၼွင်ႉ​ၸၢႆး​ၵေႃႉ​လဵၵ်ႉ​ၵႂႃႇ​ၸိုင် တၵ်း​ၵႂႃႇ​ၶႃႈ​ဢေႃႈ။ ပေႃး​ဢမ်ႇ​လႆႈ​ပႃး​ၼွင်ႉ​ၸၢႆး​ၵေႃႉ​လဵၵ်ႉ​ၵႂႃႇ​ၸိုင်၊ ဢမ်ႇ​လႆႈ​ႁၼ်​ၼႃႈ​ၸဝ်ႈ​ၼၼ်ႉ​ၶႃႈ​ၵူၺ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="27">ၶႃႈ​ၸဝ်ႈ​ႁဝ်း​ဢၼ်​ဝႃႈ ပေႃႈ​ၶႃႈ​ၸဝ်ႈ​ႁဝ်း​ၼႆႉ​ၼၼ်ႉ​ၵေႃႈ၊ ၶိုၼ်း​လၢတ်ႈ​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​လႄႈ​ဝႃႈ၊ ၵႃႈ​ၼင်ႇ​ဢၼ်​သူ​ႁူႉ​ယူႇ​ၼၼ်ႉ၊ မေး​ၵဝ်​ၵိူတ်ႇ​လဵင်ႉ​လုၵ်ႈ​ၸၢႆး​သွင်​ၵေႃႉ​မႃး​တီႈ​ၵဝ်​ဢေႃႈ။-</verse>
				<verse number="28">ၵေႃႉ​ၼိုင်ႈ​ၸမ်ႉ၊ ဢွၵ်ႇ​သေ​ၵႃႈ​တီႈ​ၵဝ်​ၵႂႃႇ​ယဝ်ႉ။ ၵဝ်​လႆႈ​ဝႃႈ၊ မၼ်း​လႆႈ​ၶၢမ်ႇ​တၢင်း​ဢၼ်​ၶူပ်း​ယွၵ်း​ၶူပ်း​ယွႆႈ​ပႅတ်ႈ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။ ၸႃႉ​ၸဵမ်​ၶိင်ႇ​ၵႃႇလႃႉ​ၼၼ်ႉ​လႄႈ ၵဝ်​ဢမ်ႇ​လႆႈ​ႁၼ်​မၼ်း။-</verse>
				<verse number="29">ၵေႃႉ​ၼႆႉ​ၵေႃႈ ပေႃး​သူ​ဢဝ်​ၽၢတ်ႇ​သေ ၵႃႈ​တီႈ​ၵဝ်​ၵႂႃႇ​လႄႈ ၽေး​ႁွတ်ႈ​ထိုင်​တီႈ​မၼ်း​ၸိုင်၊ သူ​တၵ်း​ဢဝ်​တင်း တၢင်း​ဢၼ်​ငိၼ်း​ၽၢၼ်​ထိုင်​ၸႂ်​ႁႂ်ႈ​ၶူၼ်​ႁူဝ်​ႁွၵ်ႇ​ၵဝ်​ၼႆႉ လူင်း​ႁွတ်ႈ​ၵႃႈ​တီႈ​မိူင်း​မရၼႃႉ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ပိူဝ်ႈ​ၼႆ​လႄႈ မိူဝ်ႈ​ဢၼ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ႁွတ်ႈ​ထိုင်​ၵႃႈ​တီႈ​ၶႃႈ​ၸဝ်ႈ​ႁဝ်း​ဢၼ်​ဝႃႈ ပေႃႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ၊ ပေႃး​ဢမ်ႇ​ပႃး ၵေႃႉ​ဢွၼ်ႇ​ၼႆႉ​ၸိုင်၊ ပိူဝ်ႈ​ဢၼ်​ဢသၢၵ်ႈ​မၼ်း​ဢိင်​ဢသၢၵ်ႈ​ၵေႃႉ​ဢွၼ်ႇ​ၼႆႉ​ယူႇ​လႄႈ၊-</verse>
				<verse number="31">မိူဝ်ႈ​ဢၼ်​မၼ်း​ႁၼ် လွင်ႈ​ဢၼ်​ဢမ်ႇ​ပႃး​ၵေႃႉ​ဢွၼ်ႇ​ၼႆႉ​ၼၼ်ႉ​ၸိုင်၊ မၼ်း​တၵ်း​တၢႆ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​ဢဝ်​တင်း တၢင်း​ဢၼ်​ငိၼ်း​ၽၢၼ်​ထိုင်​ၸႂ်​ႁႂ်ႈ​ၶူၼ်​ႁူဝ်​ႁွၵ်ႇ​ပေႃႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢၼ်​ဝႃႈ ၶႃႈ​ၸဝ်ႈ​ႁဝ်း​ၼၼ်ႉ​လူင်း​ႁွတ်ႈ​ထိုင်​ၵႃႈ​တီႈ မိူင်း​မရၼႃႉ​ပုၼ်ႉ​တီႈ​ၶႃႈ​ဢေႃႈ။-</verse>
				<verse number="32">ၶႃႈ​ၸဝ်ႈ​ႁဝ်း​ၼႆႉ​ၵေႃႈ ပဵၼ်​ၵေႃႉ​ဢၼ်​ႁပ်ႉ​တုင်း​ဢဝ် ၵေႃႉ​ဢွၼ်ႇ​ၼႆႉ​ၵႃႈ​တီႈ​ပေႃႈ​ၶႃႈ​ၸဝ်ႈ​ႁဝ်း​ၼႆႉ​ၼၼ်ႉ​လႄႈ​ဝႃႈ၊ ပေႃး​ၵဝ်​ၶႃႈ ဢမ်ႇ​ဢဝ်​မၼ်း​ၶိုၼ်း​မႃး​ၵႃႈ​တီႈ​ပေႃႈ​ႁဝ်း​ၸိုင်၊ ႁႂ်ႈ​ၵဝ်​ၶႃႈ​လႆႈ​ၶၢမ်ႇ​ဢပႅတ်ႈ တီႈ​ပေႃႈ​ၵဝ်​ၶႃႈ​ယူႇ​တႃႇ​သေႇ​ဢမ်ႇ​ထၢတ်ႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဝႆႉ​တီႈ​ၶႃႈ​ဢေႃႈ။-</verse>
				<verse number="33">ပိူဝ်ႈ​ၼႆ​လႄႈ​ႁႂ်ႈ​ၶႃႈ​ၸဝ်ႈ​ႁဝ်း​ၼႆႉ လႆႈ​ပဵၼ်​တၢင်​တူဝ်​ၵေႃႉ​ဢွၼ်ႇ​ၼႆႉ​လႄႈ ၵိုတ်း​သဝ်း​ယူႇ​သေ​လႄႈ ပဵၼ်​ၵေႃႉ​ဢၼ်​ၶၢမ်ႇ​ႁဵတ်း​ၶႃႈ တီႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၵေႃႉ​ဢွၼ်ႇ​ၼႆႉ​ၸမ်ႉ၊ ႁႂ်ႈ​လႆႈ​ၵႂႃႇ​လူၺ်ႈ​ၵၼ်​တင်း​ပီႈ​ဢၢႆႈ​မၼ်း​တင်း​လၢႆ​သေ​ၵမ်း​တီႈ​ၶႃႈ။-</verse>
				<verse number="34">ပေႃး​ၵေႃႉ​ဢွၼ်ႇ​ၼႆႉ ဢမ်ႇ​ပႃး​တီႈ​ၶႃႈ​ၸဝ်ႈ​ႁဝ်း​ၼႆႉ​ၵႂႃႇ​ၸိုင်၊ ၶႃႈ​ၸဝ်ႈ​ႁဝ်း​ၼႆႉ​တၵ်း​ၶိုၼ်း​ၶိုၼ်ႈ​ၵႂႃႇ​ၵႃႈ​တီႈ​ပေႃႈ​ၶႃႈ​ၸဝ်ႈ​ႁဝ်း​ၼႆႉ​ၼၼ်ႉ ၸိူဝ်ႉ​ၼင်ႇ​ႁိုဝ်​လႆႈ​တီႈ​ၶႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼႆ​ၸိုင်၊ ၶႃႈ​ၸဝ်ႈ​ၼႆႉ​တၵ်း​လႆႈ​ႁၼ်​ၽေး​ဢၼ်​တၵ်း​ႁွတ်ႈ​ထိုင်​ၵႃႈ​တီႈ​ပေႃႈ​ၶႃႈ​ၸဝ်ႈ​ႁဝ်း​ၼႆႉ​ၼၼ်ႉ​တီႈ​ၶႃႈ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="45">
				<verse number="1">မိူဝ်ႈ​ၼၼ်ႉ​ ယူဝ်းသႅပ်ႈ ​ၼၼ်ႉ ဢမ်ႇ​ၶျုၵ်ႈ​ဢိင်ႇတရေႇ​ၵႃႈ​တီႈ​ၽၢႆႇ​ၼႃႈ​ၵူၼ်း ၵႃႈ​ဢၼ်​မီး​တီႈ​မၼ်း​ၸိူဝ်း​ၼၼ်ႉ​လႆႈ​လႄႈ ႁွင်ႉ​သႅၼ်ႇ​လႄႈ​ဝႃႈ၊ ႁႂ်ႈ​ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ် ဢွၵ်ႇ​ၵႂႃႇ​သေ​ၵႃႈ​တီႈ​ၵဝ်​ၼႆႉ​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ဢၼ်​မၼ်း​ၼႄ​ပျႃး​ၸႃႇ​တီႉ​မၼ်း​တီႈ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​ၸိုင်၊ ၵူၼ်း​တၢင်ႇ​တီႈ​သီႇ​လႅၼ်​ဢမ်ႇ​မီး​သေ​ၵေႃႉ​သေ​ၵူၼ်း။-</verse>
				<verse number="2">မၼ်း​ၵေႃႈ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​ႁႆႈ​ဢေႃႈ။ ၵူၼ်း​ ဢေႇၵိပ်ႉတူႉ ​တင်း​လၢႆ​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး ၶုၼ်​ႁေႃ​ၶမ်း ၽႃႇရေႃး ​ၸိူဝ်း​ၼၼ်ႉ​လႆႈ​ငိၼ်း​ဢေႃႈ။-</verse>
				<verse number="3">ယူဝ်းသႅပ်ႈ ​လၢတ်ႈ​တီႈ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​ ယူဝ်းသႅပ်ႈ ​ဢေႃႈ။ ပေႃႈ​ၵဝ်​ၶႃႈ​ၼၼ်ႉ ဢသၢၵ်ႈ​ယင်း​လိပ်း​ယူႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ပီႈ​ဢၢႆႈ​မၼ်း​ၸိူဝ်း​ၼၼ်ႉ​ၵႂင်​ၸႂ်​ယုင်ႈ​ၸႂ်​တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​ၶိုၼ်း​လၢတ်ႈ​ၵႂၢမ်း​တေႃႇ​မၼ်း​လႆႈ​လႄႈ​ယူႇ​ဢေႃႈ။-</verse>
				<verse number="4">ယူဝ်းသႅပ်ႈ ​ၵေႃႈ​လၢတ်ႈ​တီႈ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ သုတ်ႉ​မႃး​ၵႃႈ​တီႈ​ၵဝ်​ၶႃႈ​ၼႆႉ​ၸမ်​ၸမ်​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ဢွၼ်​ၵၼ်​သုတ်ႉ​ၸူး​ၸမ်​ၸမ်​ဢေႃႈ။ မၼ်း​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​ ယူဝ်းသႅပ်ႈ ၊ ၼွင်ႉ​ၸၢႆး​သူ ဢၼ်​သူ​ၶၢႆ​တေႃႇ ၵႃႈ​တီႈ​မိူင်း​ ဢေႇၵိပ်ႉတူႉ ​ၼႆႉ​မႃး​ၼၼ်ႉ​ဢေႃႈ။-</verse>
				<verse number="5">တေႃႈ​လဵဝ်​ၼႆႉ ယႃႇ​ပေ​မီး​ၸႂ်​ဢၼ်​လဵၵ်ႉ​ဢၼ်​ဢူၼ်ႈ​လႄႈ ၸႂ်​မႆႈ​ၶႆႈ​ၸႃႉ​တီႈ​တူဝ်​ၸဝ်ႈ​ၵဝ်ႇ ၵွပ်ႈ​ပိူဝ်ႈ​ဢၼ်​သူ​လႆႈ​ၶၢႆ​ၵဝ်​ၶႃႈ​မႃး ၵႃႈ​တီႈ​ၼႆႈ​မႅၼ်ႈ​ၼၼ်ႉ​သေ​ၵမ်း။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​လႆႈ​ပွႆႇ​ၸႂ်ႉ​ၵဝ်​ၶႃႈ​မႃး​ဢွၼ်​တၢင်း​သူ ႁႂ်ႈ​လႆႈ​ၸွႆႈ​ထႅမ်​ဢသၢၵ်ႈ​ၵူၼ်း​ဢေႃႈ။-</verse>
				<verse number="6">တၢင်း​ဢၼ်​ပဵၼ်​ၶဝ်ႈ​ၵႃႈ​မၢၵ်ႇ​ပႅင်း​ၵႃႈ​ၼိူဝ်​လိၼ်​မိူင်း​ၼႆႉ လႆႈ​သွင်​ပီႊ​ယဝ်ႉ။ ပီႊ​ဢၼ်​ဢမ်ႇ​လႆႈ​ႁဵတ်း​ၼႃး၊ ဢမ်ႇ​လႆႈ​ပၢတ်ႇ​ၶဝ်ႈ​ၼၼ်ႉ ယင်း​မီး​ယူႇ​ႁႃႈ​ပီႈ​လူး​ၵွၼ်ႇ​ဢေႃႈ။-</verse>
				<verse number="7">ၽြႃး​ပဵၼ်​ၸဝ်ႈ​လႆႈ​ပွႆႇ​ၸႂ်ႉ​ၵဝ်​ၶႃႈ​မႃး​ဢွၼ်​တၢင်း​သူ ႁႂ်ႈ​သူ​လႆႈ​ၵိုတ်း​ၵျၢၼ်ႇ​ၵႃႈ​ၼိူဝ်​လိၼ်​မိူင်း​ၼႆႉ ဢိၵ်ႇ​တင်း​ႁႂ်ႈ​လႆႈ​ဢဝ်​တင်း တၢင်း​ဢၼ်​ၵႄႇ​ၶျွတ်ႈ​ဢၼ်​ယႂ်ႇ​ၼႃႇ ႁႂ်ႈ​ဢသၢၵ်ႈ​သူ ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="8">ပိူဝ်ႈ​ၼႆ​လႄႈ သူ​ပွႆႇ​ၸႂ်ႉ​ၵဝ်​ၶႃႈ​မႃး​ၵႃႈ​တီႈ​ၼႆႈ​ဢမ်ႇ​ၸႂ်ႈ။ ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​ၵဝ်​ၶႃႈ​မႃး​ဢေႃႈ။ မၼ်း​ၸဝ်ႈ​ၶၢၼ်း​ၵဝ်​ၶႃႈ​ဝႆႉ​ၼႂ်း​ဢရႃႇ​ပေႃႈ​ၶုၼ်​ႁေႃ​ၶမ်း​ ၽႃႇရေႃး ၊ ၼႂ်း​ဢရႃႇ​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၶမ်း၊ ၼႂ်း​ဢရႃႇ​ၸဝ်ႈ​ဢၼ်​ဢုပ်ႉ​ပိူင်ႇ​မိူင်း​ ဢေႇၵိပ်ႉတူႉ ​ၵႃႈ​မီး​တင်း​သဵင်ႈ​တင်း​လူင်​ၼႆႉ​ယဝ်ႉ။-</verse>
				<verse number="9">ဢွၼ်​ၵၼ်​ႁဵတ်း​ၶၼ်​ၶၼ်​ၽႂ်း​ၽႂ်း​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ပေႃႈ​ႁဝ်း​ၼၼ်ႉ​လႄႈ​လၢတ်ႈ​တီႈ​မၼ်း​လႄႈ​ဝႃႈ၊ လုၵ်ႈ​ၸၢႆး​ပေႃႈ​ႁဝ်း​ ယူဝ်းသႅပ်ႈ ​ၼၼ်ႉ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ႁႂ်ႈ​ၵဝ်​ၶႃႈ​ပဵၼ်​ၸဝ်ႈ​မိူင်း​ ဢေႇၵိပ်ႉတူႉ ​ၵႃႈ​မီး​တင်း​သဵင်ႈ​တင်း​လူင်​ၶႃႈ​ယဝ်ႉ။ လူင်း​မႃး​ၵႃႈ​တီႈ​ၵဝ်​ၶႃႈ​ၼႆႉ​သေ​ၵမ်း။ ယႃႇ​ပေ​ႁဵတ်း​ၵွႆႈ​ႁဵတ်း​ထိူင်း​ယူႇ​သေ​ၵမ်း။-</verse>
				<verse number="10">ပေႃႈ​ႁဝ်း​တၵ်း​လႆႈ​ယူႇ​ၵႃႈ​တီႈ​မိူင်း​ ၵေႃးသိၼ်ႇ ​ဢေႃႈ။ ၸႃႉ​ၸဵမ်​ပေႃႈ​ႁဝ်း​လႄႈ​လုၵ်ႈ​လၢၼ်​ပေႃႈ​ႁဝ်း ၽုင်​သူဝ်း ၽုင်​ဝူဝ်း​ပေႃႈ​ႁဝ်း​တင်း​လၢႆ​ဢိၵ်ႇ​တင်း​ၵႃႈ​ဢၼ်​မီး​တီႈ​ပေႃႈ​ႁဝ်း​တင်း​သဵင်ႈ​တင်း​လူင်​ၼၼ်ႉ​တၵ်း​လႆႈ​မီး​ၵႃႈ​တီႈ​ဢၼ်​ၸမ်​ၵဝ်​ၶႃႈ​ဢေႃႈ။-</verse>
				<verse number="11">ၵဝ်​ၶႃႈ​တၵ်း​လႆႈ​လဵင်ႉ​လူ​ပေႃႈ​ႁဝ်း​ၵႃႈ​တီႈ​ၼၼ်ႈ​ဢေႃႈ။ လွင်ႈ​မၼ်း​ၸမ်ႉ တၢင်း​ဢၼ်​ၶဝ်ႈ​တၵ်း​ၵႃႈ မၢၵ်ႇ​တၵ်း​ပႅင်း​ၼၼ်ႉ​ယင်း ၵိုတ်း​ၵျၢၼ်ႇ​ယူႇ​ႁႃႈ​ပီႊ​လူး​ၵွၼ်ႇ​ဢေႃႈ။ ၵူဝ်​ၸႃႉ​ၸဵမ်​ပေႃႈ​ႁဝ်း​လႄႈ ၵူၼ်း​ႁိူၼ်း​ၵူၼ်း​ယေး ဢိၵ်ႇ​တင်း​ၵႃႈ​ဢၼ်​မီး​တီႈ​ပေႃႈ​ႁဝ်း​တင်း​သဵင်ႈ​တင်း​လူင်​တၵ်း​ႁွတ်ႈ​ထိုင် တၢင်း​ဢၼ်​ယၢၵ်ႈ​ဢၼ်​ၽၢၼ်​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="12">တူၺ်း​လူး၊ မၢၵ်ႇ​တႃ​သူ ဢိၵ်ႇ​တင်း​မၢၵ်ႇ​တႃ​ၼွင်ႉ​ၸၢႆး​ၵဝ်​ၶႃႈ​ ပိၼ်ႇယႃႇမိၼ်ႇ ​လႆႈ​ႁၼ်​လွင်ႈ​ဢၼ်​ၵဝ်​ၶႃႈ ဢဝ်​သူပ်း​ၵဝ်​ၶႃႈ လၢတ်ႈ​တေႃႇ​သူ​ၼၼ်ႉ​ယူႇ​ဢေႃႈ။-</verse>
				<verse number="13">သူ​တၵ်း​လႆႈ​မွၵ်ႇ​လၢတ်ႈ​လွင်ႈ​ၸႃႉ​ၸဵမ်​မုၼ်​ၸေး​ၸိမ်ႇ​ဢၼ်​ၵဝ်​ၶႃႈ​လႆႈ ၵႃႈ​တီႈ​မိူင်း​ ဢေႇၵိပ်ႉတူႉ ​ၼႆႉ​လႄႈ ၵႃႈ​ဢၼ်​သူ​လႆႈ​ႁၼ်​တင်း​သဵင်ႈ​တင်း​လူင်​ယဝ်ႉ​ၼၼ်ႉ တီႈ​ပေႃႈ​ႁဝ်း​ဢေႃႈ။ သူ​တၵ်း​လႆႈ​ႁဵတ်း​ၶၼ်​ၶၼ်​ၽႂ်း​ၽႂ်း​လႄႈ ပႃး​ဢဝ်​ပေႃႈ​ႁဝ်း​လူင်း​မႃး​ၵႃႈ​တီႈ မိူင်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">မၼ်း​ၵွတ်ႇ​ၶေႃး​ၼွင်ႉ​ၸၢႆး​မၼ်း​ ပိၼ်ႇယႃႇမိၼ်ႇ ​လႄႈ​ႁွင်ႉ​ႁႆႈ​ဢေႃႈ။ ပိၼ်ႇယႃႇမိၼ်ႇ ​ၵေႃႈ​ၵွတ်ႇ​ၶေႃး​မၼ်း​လႄႈ​ႁွင်ႉ​ႁႆႈ​ဢေႃႈ။-</verse>
				<verse number="15">လိုၼ်း​သေ​ၼူမ်​ပီႈ​ဢၢႆႈ​မၼ်း​တင်း​သဵင်ႈ​တင်း​လူင်​လႄႈ ႁွင်ႉ​ႁႆႈ​တေႃႇ​ၵၼ်​တင်း​ၶဝ်​ယဝ်ႉ​ၼၼ်ႉ၊ ပီႈ​ဢၢႆႈ​မၼ်း​ၸိူဝ်း​ၼၼ်ႉ ဢွၼ်​ၵၼ်​လၢတ်ႈ​ၵႂၢမ်း​တေႃႇ​ၵၼ်​တင်း​မၼ်း​ဢေႃႈ။</verse>
				<verse number="16">ၵႃႈ​တီႈ​ႁေႃ​ၶမ်း​ငိၼ်း​သတၢင်း​သဵင်​ၶၢဝ်ႇ​လွင်ႈ​ဢၼ်​ပီႈ​ဢၢႆႈ​ ယူဝ်းသႅပ်ႈ ​ၸိူဝ်း​ၼၼ်ႉ​ႁွတ်ႈ​မႃး​ယဝ်ႉ​ၼၼ်ႉ​လႄႈ ၸႃႉ​ၸဵမ်​ၶုၼ်​ႁေႃ​ၶမ်း ၽႃႇရေႃး ​လႄႈ ၶႃႈ​မၼ်း​ၵူၼ်း​မၼ်း​တင်း​လၢႆ​ထုၵ်ႇ​ၸႂ်​ၵျိူၵ်ႈ​ၸႂ်​ဢေႃႈ။-</verse>
				<verse number="17">ၶုၼ်​ႁေႃ​ၶမ်း​ ၽႃႇရေႃး ​ၵေႃႈ မီး​ဢမိင်ႉ​လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ မႂ်း​တၵ်း​လႆႈ​လၢတ်ႈ​တီႈ​ပီႈ​ဢၢႆႈ​မႂ်း​ၸိူဝ်း​ၼၼ်ႉ​ၸိူဝ်ႉ​ၼင်ႇ​ႁိုဝ် ဝႃႈ​ၼႆ​ၸမ်ႉ၊ သူ​ႁဵတ်း​ၸိူဝ်ႉ​ၼင်ႇ​ၼႆ​တႃႉ။ ဢွၼ်​ၵၼ်​ဢဝ်​ၶူဝ်း​ဢဝ်​လဵင်း​တၢင်ႇ​ၵႃႈ​ၼိူဝ်​တရိၵ်ႈသၢၼ်ႇ​သူ​တင်း​လၢႆ​သေ​လႄႈ ၶိုၼ်း​ၶိုၼ်ႈ​မိူဝ်း​ၵႂႃႇ​ၵႃႈ​တီႈ​မိူင်း​ ၶႃႇၼၢၼ်ႇ ​ပုၼ်ႉ​လူး​ၵွၼ်ႇ​တႃႉ။-</verse>
				<verse number="18">ဢဝ်​ပေႃႈ​သူ​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​သူ​တင်း​လၢႆ​လႄႈ မႃး​ၵႃႈ​တီႈ​ၵဝ်​တႃႉ။ ၵဝ်​တၵ်း​ဢဝ်​ၸေး​ၸိမ်ႇ​မိူင်း​ ဢေႇၵိပ်ႉတူႉ ​ပၼ်​လႄႈ​သူ​ၵေႃႈ တၵ်း​လႆႈ​ၵိၼ်​ၶွၼ်ႇ​ၼမ်ႉ​မၼ်း​လိၼ်​ဢေႃႈ။-</verse>
				<verse number="19">ပိူဝ်ႈ​ဢၼ်​ဢမိင်ႉ​ၸဝ်ႈ​မီး​လႄႈ ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼႆ​တႃႉ။ ပုၼ်ႈ​မႄႈ​ယိင်း​သူ​ဢိၵ်ႇ​တင်း​လုၵ်ႈ​ဢွၼ်ႇ​သူ​တင်း​လၢႆ​ၸိုင်၊ ဢဝ်​လေႃႉရထႃး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼႆႉ​ၵႂႃႇ​သေ​ယဝ်ႉ၊ ပႃး​ဢဝ်​ပေႃႈ​သူ​လႄႈ​မႃး​တႃႉ။-</verse>
				<verse number="20">ယႃႇ​ပေ​သေ​လၢႆ​ဢုၵ်ႉ​ၸႃႇ​ၶူဝ်း​လဵင်း​သူ။ ၸႃႉ​ၸဵမ်​မိူင်း​ ဢေႇၵိပ်ႉတူႉ ​ၵႃႈ​မီး​တင်း​သဵင်ႈ​တင်း​လူင် ပဵၼ်​ဢုၵ်ႉ​ၸႃႇ​သူ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="21">လုၵ်ႈ​ၸၢႆး​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼၼ်​လႄႈ ယူဝ်းသႅပ်ႈ ​ၵေႃႈ၊ ဢဝ်​လေႃႉရထႃး​လႂ် ဢိၵ်ႇ​တင်း​ၸရိပ်ႈ​တၢင်း​ၵိၼ်​ပုၼ်ႈ​ဢၼ်​ၶဝ်​တၵ်း​ၵိၼ် ၵႃႈ​တႃႈ​ၵႃႈ​တၢင်း​လႂ်​ပၼ်​တီႈ​ၶဝ် ၵႃႈ​ၼင်ႇ​ဢၼ်​ၶုၼ်​ႁေႃ​ၶမ်း​ ၽႃႇရေႃး ​မီး​ဢမိင်ႉ​ၼၼ်ႉ​ဢေႃႈ။-</verse>
				<verse number="22">တီႈ​ၶဝ်​တင်း​သဵင်ႈ​တင်း​လူင်​ၼၼ်ႉ​ၵေႃႈ၊ မၼ်း​ဢဝ်​ၶူဝ်း​ၼုင်ႈ​ပုၼ်ႈ​ဢၼ်​တၵ်း​ပုတ်ႈ​တၵ်း​လၢႆႈ​ပၼ်​ဢေႃႈ။ တီႈ​ ပိၼ်ႇယႃႇမိၼ်ႇ ၵေႃႈ မၼ်း​ထၢပ်ႈ​ထႅင်ႈ​လႄႈ​ပၼ်​ငိုၼ်း​သၢမ်​ပၢၵ်ႇ​ၵျၢပ်ႈ တင်း​ၶူဝ်း​ၼုင်ႈ​ပုၼ်ႈ​ဢၼ်​တၵ်း​ပုတ်ႈ​တၵ်း​လၢႆႈ​ႁႃႈ​ၸုမ်ႇ​ဢေႃႈ။-</verse>
				<verse number="23">တီႈ​ပေႃႈ​မၼ်း​ၵေႃႈ၊ မၼ်း​ဢဝ်​လီႈ ဢၼ်​တၢင်ႇ​သႂ်ႇ​ၶိူင်ႈ​ပိူင်​ဢၼ်​လီ​ဢၼ်​ငၢမ်း ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ သိပ်း​ၼိုင်ႈ၊ လီႈ​မႄႈ ဢၼ်​တၢင်ႇ​သႂ်ႇ​ၶဝ်ႈ​ၵျုင်ႇ၊ ၶဝ်ႈ​မုၼ်း၊ တၢင်း​ၵိၼ်​တၢင်း​ၶူပ်း၊ ပုၼ်ႈ​ဢၼ်​ပေႃႈ​မၼ်း​တၵ်း​ၵိၼ်​ၵႃႈ​တႃႈ​ၵႃႈ​တၢင်း​ၼၼ်ႉ​သိပ်း​ၼိုင်ႈ​ပၼ်​ၵႂႃႇ ဢေႃႈ။-</verse>
				<verse number="24">မၼ်း​သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ သူ​ယႃႇ​ပေ​ၽိတ်း​ၵၼ်​ၵႃႈ​တႃႈ​ၵႃႈ​တၢင်း၊ ဝႃႈ​ၼင်ႇ​ၼႆ​သေ​ယဝ်ႉ၊ ပွႆႇ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​လႄႈ​ၶဝ်​ၵေႃႈ​ၶိုၼ်း​မိူဝ်း​ၵႂႃႇ​ဢေႃႈ။</verse>
				<verse number="25">ၼင်ႇ​ၼၼ်​လႄႈ ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ပေႃႈ​ၶဝ်​ ယႃႇၵုပ်ႈ ၵႃႈ​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ​သေ​ယဝ်ႉ၊-</verse>
				<verse number="26">ဢွၼ်​ၵၼ်​မွၵ်ႇ​လၢတ်ႈ​တီႈ​မၼ်း​လႄႈ​ဝႃႈ၊ ယူဝ်းသႅပ်ႈ ​ဢသၢၵ်ႈ ယင်း​လိပ်း​ယူႇ​ဢေႃႈ။ မၼ်း​ပဵၼ်​ၵေႃႉ​ဢၼ်​ဢုပ်ႉ ၵႃႈ​ၼိူဝ်​မိူင်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​ၼၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယႃႇၵုပ်ႈ ​ၼၼ်ႉ​ႁူဝ်​ၸႂ်​ၵတ်း​ၵႂႃႇ မူၺ်ႈ​ၵႂႃႇ​လႄႈ မၼ်း​ဢမ်ႇ​ယုမ်ႇ​ၵႂၢမ်း​ၶဝ်​ၼၼ်ႉ​လႆႈ။-</verse>
				<verse number="27">ၶဝ်​ၵေႃႈ​ဢွၼ်​ၵၼ်​ၶိုၼ်း​မွၵ်ႇ​လၢတ်ႈ ၵႂၢမ်း​ဢၼ်​ ယူဝ်းသႅပ်ႈ ​သင်ႇ​လၢတ်ႈ​မႃး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ဢေႃႈ။ ပေႃႈ​ၶဝ် ယႃႇၵုပ်ႈ ​ၼၼ်ႉ မိူဝ်ႈ​ဢၼ်​ႁၼ်​လေႃႉရထႃး ဢၼ်​ ယူဝ်းသႅပ်ႈ ​ပၼ်​မႃး​ပုၼ်ႈ​ဢၼ်​မၼ်း​တၵ်း​ၶီႇ​ၸိူဝ်း​ၼၼ်ႉ​ၸိုင်၊ ႁူဝ်​ၸႂ်​မၼ်း သမ်ႉ​ၶိုၼ်း​ဢုၼ်ႇ ၶိုၼ်း​လီ​မႃး​ဢေႃႈ။-</verse>
				<verse number="28">ဢီႉသရေႇလႃႉ ​ၵေႃႈ​လၢတ်ႈ​လႄႈ​ဝႃႈ၊ ပေႃး​လူး​ၵွၼ်ႇ​တႃႉ။ ယူဝ်းသႅပ်ႈ ​လုၵ်ႈ​ၸၢႆး​ၵဝ်​ၼၼ်ႉ ဢသၢၵ်ႈ​ယင်း​လိပ်း​ယူႇ​ဢေႃႈ။ ၸူဝ်ႈ​ဢၼ် ၵဝ်​ဢမ်ႇ​ပႆႇ​တၢႆ​ၼႆႉ​ၸိုင်၊ ၵဝ်​တၵ်း​ၵႂႃႇ​လႄႈ​တူၺ်း​မၼ်း​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="46">
				<verse number="1">မိူဝ်ႈ​ၼၼ်ႉ ဢီႉသရေႇလႃႉ ပႃး​ဢဝ်​ၵႃႈ​ဢၼ်​မၼ်း​မီး​တင်း​သဵင်ႈ​တင်း​လူင် ၸွမ်း​တၢင်း​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ ပေႇရသေႇၽႃႉ သေ​ယဝ်ႉ၊ ႁဵတ်း​တၢင်း​ဢၼ်​ပုၵ်ႈ​ၸေႃႇ​ယိတ်ႈ​တီႈ​ၽြႃး​ပဵၼ်​ၸဝ်ႈ​ပေႃႈ​မၼ်း ဢီႉၸၢၵ်ႈ ​ၼၼ်ႉ​ဢေႃႈ။-</verse>
				<verse number="2">ၶိင်ႇ​ၵၢင်​ၶိုၼ်း ၽြႃး​ပဵၼ်​ၸဝ်ႈ​ဢဝ်​တင်း​ပျႃႇ​တိၵ်ႈ​ၸဝ်ႈ​လႄႈ ႁွင်ႉ​ ဢီႉသရေႇလႃႉ ​လႄႈ​ဝႃႈ၊ ယႃႇၵုပ်ႈ ​ဢိူၺ်း၊ ယႃႇၵုပ်ႈ ​ဢိူၺ်း၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​ဢိူဝ်​လႄႈ​ဝႃႈ၊ ၶႃႈ​ၸဝ်ႈ​မီး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ပဵၼ်​ၽြႃး​ပဵၼ်​ၸဝ်ႈ၊ ၽြႃး​ပဵၼ်​ၸဝ်ႈ​ပေႃႈ​မႂ်း​ၼၼ်ႉ​ဢေႃႈ။ ယႃႇ​ပေ​ၵူဝ်​လွင်ႈ​ဢၼ်​တၵ်း​လႆႈ​လူင်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ပုၼ်ႉ​ၼၼ်ႉ။ ၵဝ်​တၵ်း​ႁႂ်ႈ​မႂ်း​ပဵၼ်​ၵူၼ်း​မဵဝ်း​ဢၼ်​ယႂ်ႇ​ၼႃႇ ၵႃႈ​တီႈ​ၼၼ်ႈ​ဢေႃႈ။-</verse>
				<verse number="4">ၵဝ်​တၵ်း​လူင်း​ၵႂႃႇ​လူၺ်ႈ​ၵၼ်​တင်း​မႂ်း​ၵႃႈ​တီႈ​မိူင်း​ ဢေႇၵိပ်ႉတူႉ ​ပုၼ်ႉ​ဢေႃႈ။ ၵမ်း​လိုၼ်း​ၵဝ်​သမ်ႉ​တၵ်း​ဢဝ်​မႂ်း​ၶိုၼ်း​ၶိုၼ်ႈ​မႃး​လူး​ၵွၼ်ႇ​ဢေႃႈ။ ယူဝ်းသႅပ်ႈ ​တၵ်း​လႆႈ​ဢဝ်​မိုဝ်း​မၼ်း​တၢင်ႇ​သႂ်ႇ ၵႃႈ​ၼိူဝ်​မၢၵ်ႇ​တႃ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ၵမ်း​ၼၼ်ႉ ယႃႇၵုပ်ႈ ​သမ်ႉ​လုၵ်ႉ​ဢွၵ်ႇ​သေ​ၵႃႈ​တီႈ​ ပေႇရသေႇၽႃႉ ​ၼၼ်ႉ​လႄႈ လုၵ်ႈ​ၸၢႆး​ ဢီႉသရေႇလႃႉ ​ၸိူဝ်း​ၼၼ်ႉ​ဢွၼ်​ၵၼ်​ဢဝ်​ၸႃႉ​ၸဵမ်​ပေႃႈ​ၶဝ်​ ယႃႇၵုပ်ႈ ​လႄႈ​လုၵ်ႈ​ဢွၼ်ႇ​လႂ်​တင်း​ၽူႈ​ယိင်း​လႂ် တၢင်ႇ​သႂ်ႇ​ၵႃႈ​ၼႂ်း​လေႃႉရထႃး​ဢၼ်​ၶုၼ်​ႁေႃ​ၶမ်း​ ၽႃႇရေႃး ​ပၼ်​မႃး​ပုၼ်ႈ​ဢၼ်​မၼ်း​တၵ်း​ၶီႇ​ၼၼ်ႉ​ၵႂႃႇ​လႄႈ၊-</verse>
				<verse number="6">ယႃႇၵုပ်ႈ ​ဢိၵ်ႇ​တင်း​ၸိူဝ်ႉ​ၶိူဝ်း​မၼ်း​တင်း​သဵင်ႈ​တင်း​လူင် ဢွၼ်​ၵၼ်​ဢဝ်​တရိၵ်ႈသၢၼ်ႇ​ၶဝ် ဢိၵ်ႇ​တင်း​ဢုၵ်ႉ​ၸႃႇ​ၶူဝ်း​လဵင်း​ၶဝ်၊ ဢၼ်​ၶဝ်​လႆႈ ၵႃႈ​တီႈ​မိူင်း​ ၶႃႇၼၢၼ်ႇ ​ၼၼ်ႉ​သေ​လႄႈ ပႃး​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="7">မၼ်း​ၼၼ်ႉ ပႃး​ဢဝ်​ၸႃႉ​ၸဵမ်​တူဝ်​မၼ်း​လႄႈ လုၵ်ႈ​ၸၢႆး​မၼ်း​လႂ်၊ လၢၼ်​ၸၢႆး​မၼ်း​လႂ်၊ လုၵ်ႈ​ယိင်း​မၼ်း​လႂ်၊ လၢၼ်​ယိင်း​မၼ်း​လႂ် ဢၼ်​ဝႃႈ ၸိူဝ်ႉ​ၶိူဝ်း​မၼ်း​တင်း​သဵင်ႈ​တင်း​လူင်​ၼၼ်ႉ​သေ​လႄႈ ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="8">ၸိုဝ်ႈ​သဵင်​လုၵ်ႈ​လၢင်း ဢီႉသရေႇလႃႉ ​ဢၼ်​ႁွတ်ႈ​ထိုင်​ၵႃႈ​တီႈ​မိူင်း​ ဢေႇၵိပ်ႉတူႉ ​ၸိူဝ်း​ၼၼ်ႉ​ၸမ်ႉ၊ ယႃႇၵုပ်ႈ ​ဢိၵ်ႇ​တင်း လုၵ်ႈ​လၢင်း​မၼ်း​တင်း​လၢႆ​ၼၼ်ႉ၊ လုၵ်ႈ​ၸၢႆး​တူၼ်ႈ​မၼ်း​ ရူႉပိၼ်ႇ ၊-</verse>
				<verse number="9">လုၵ်ႈ​ၸၢႆး​ ရူႉပိၼ်ႇ၊ ႁႃႇၼုတ်ႉ၊ ၽႃႇလူႉ၊ ႁေႇၸရုၼ်ႇ တင်း​ ၵႃႇမီႉ ။-</verse>
				<verse number="10">လုၵ်ႈ​ၸၢႆး​ သီႉမုၼ်ႇ၊ ယေႇမူၺ်ႇလႃႉ၊ ယႃႇမိၼ်ႇ၊ ဢေႃးႁတ်ႉ၊ ယႃႇၶိၼ်ႇ၊ ၸေႃးႁႃႇ၊ ဢိၵ်ႇ​တင်း​ သေႃးလႃႉ ၊ လုၵ်ႈ​ၸၢႆး​မႄႈ​ယိင်း​ၸိူဝ်ႉ​ၶိူဝ်း​ၵူၼ်း​ ၶႃႇၼၢၼ်ႇ ​ၼၼ်ႉ။-</verse>
				<verse number="11">လုၵ်ႈ​ၸၢႆး​ လေႇဝီႉ၊ ၵေႇရသုၼ်ႇ၊ ၵေႃႇႁတ်ႉ၊ မေႇရႃႇရီႉ ။-</verse>
				<verse number="12">လုၵ်ႈ​ၸၢႆး​ ယူႉတႃႉ၊ ဢေးရႃႉ၊ ဢေႃးၼၼ်ႇ၊ သေးလႃႉ၊ ၽေးရိတ်ႉ၊ ၸႃႇရႃႉ၊ ၼႂ်း​ၶဝ်​ၸိူဝ်း​ၼၼ်ႉ ဢေးရႃႉ ​တင်း​ ဢေႃးၼၼ်ႇ တၢႆ​ၵႃႈ​တီႈ ၼႂ်း​မိူင်း​ ၶႃႇၼၢၼ်ႇ ​သေ​ဢေႃႈ။ လုၵ်ႈ​ၸၢႆး​ ၽေးရိတ်ႉ၊ ႁေႇၸရုၼ်ႇ ​တင်း​ ႁႃႇမူႉလႃႉ ။-</verse>
				<verse number="13">လုၵ်ႈ​ၸၢႆး​ ဢီႉသၶႃႇ၊ တေႃးလႃႉ၊ ၽူႉဝႃႇ၊ ယေႃးၽႃႉ၊ သီႉမရုၼ်ႇ ။-</verse>
				<verse number="14">လုၵ်ႈ​ၸၢႆး​ ၸေႇပူႉလုၼ်ႇ၊ သရိတ်ႉ၊ ဢေႇလုၼ်ႇ၊ ယႃႇလေးလႃႉ ​ဢေႃႈ။-</verse>
				<verse number="15">ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​လုၵ်ႈ​ၸၢႆး ဢၼ်​ လေႇဢႃႇ ၵိူတ်ႇ​လဵင်ႉ​ဢိၵ်ႇ​လူၺ်ႈ​ၵၼ်​တင်း လုၵ်ႈ​ယိင်း​မၼ်း​ တီႉၼႃႉ ​ၼၼ်ႉ​မႃး​တီႈ ယႃႇၵုပ်ႈ ၵႃႈ​ၼႂ်း​မိူင်း​ ပႃႇတၼ်ႇဢႃႇရမ်ႇ ​ဢေႃႈ။ လုၵ်ႈ​ၸၢႆး​မၼ်း​တင်း​လုၵ်ႈ​ယိင်း​မၼ်း တင်း​သဵင်ႈ​တင်း​လူင်​ပွင်း​ၵၼ် မီး​သၢမ်​သိပ်း​ပၢႆ​သၢမ်​ၵေႃႉ ဢေႃႈ။</verse>
				<verse number="16">လုၵ်ႈ​ၸၢႆး​ ၵၢတ်ႉ၊ ၸီႉၽျုၼ်ႇ၊ ႁၵ်ႉၵီႉ၊ သူႉၼီႉ၊ ဢေးၸပုၼ်ႇ၊ ဢေးရီႉ၊ ဢရေႃးတီႉ၊ ဢရေးလီႉ ။-</verse>
				<verse number="17">လုၵ်ႈ​ၸၢႆး​ ဢႃႇသႃႇ၊ ယီႉမၼႃႉ၊ ဢီႉသႂႃႇ၊ ဢီႉသဝီႇ၊ ပေႇရီႉယႃႉ ၊ ဢိၵ်ႇ​တင်း​ ၸေးရႃႉ ​ဢၼ်​ပဵၼ်​ၼွင်ႉ​ယိင်း​ၶဝ်​ၼၼ်ႉ​ဢေႃႈ။ လုၵ်ႈ​ၸၢႆး​ ပေႇရီႉယႃႉ၊ ႁေႇပႃႇ ​တင်း​ မႃႇလၶျေးလႃႉ ​ဢေႃႈ။-</verse>
				<verse number="18">ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​လုၵ်ႈ​ၸၢႆး ဢၼ်​ ၸီႉလပႃႉ ​ဢၼ်​ လႃႇပၢၼ်ႇ ​ပၼ်​တီႈ​လုၵ်ႈ​ယိင်း​မၼ်း​ လေႇဢႃႇ ​ၼၼ်ႉ ၵိူတ်ႇ​လဵင်ႉ​မႃး​ၵႃႈ​တီႈ ယႃႇၵုပ်ႈ ​ဢေႃႈ။ ၶဝ်​ၼၼ်ႉ​မီး​သိပ်း​ႁူၵ်း​ၵေႃႉ​ဢေႃႈ။</verse>
				<verse number="19">လုၵ်ႈ​ၸၢႆး​ ရႃႇၶေႇလႃႉ ​မေး​ ယႃႇၵုပ်ႈ ​ၼၼ်ႉ၊ ယူဝ်းသႅပ်ႈ ​တင်း​ ပိၼ်ႇယႃႇမိၼ်ႇ ။-</verse>
				<verse number="20">လုၵ်ႈ​ၸၢႆး​ဢၼ်​ ယူဝ်းသႅပ်ႈ ​လႆႈ​ၵႃႈ​ၼႂ်း​မိူင်း​ ဢေႇၵိပ်ႉတူႉ ဢၼ်​ ဢႃႇသၼတ်ႉ လုၵ်ႈ​ယိင်း​ ပေႃးတီႉၽေးရႃႉ ယိတ်ႈပရေႃးႁဵၵ်ႈ ဝဵင်း​ ဢေႃးၼႃႉ ၵိူတ်ႇ​လဵင်ႉ​မႃး​တီႈ​မၼ်း​ၼၼ်ႉ မၼႃႇ​သေႇ ​တင်း​ ဢေႇၽရိမ်ႇ ။-</verse>
				<verse number="21">လုၵ်ႈ​ၸၢႆး​ ပိၼ်ႇယႃႇမိၼ်ႇ၊ ပေႇလႃႉ၊ ပေႇၶႃႇ၊ ဢႃႇသႃႉပေးလႃႉ၊ ၵေးရႃႉ၊ ၼေႇမၢၼ်ႇ၊ ဢေးႁီႉ၊ ရေႃးသႃႉ၊ မူႉပိမ်ႇ၊ ႁူႉပိမ်ႇ၊ ဢႃႇရတႃႉ ​ဢေႃႈ။-</verse>
				<verse number="22">ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​လုၵ်ႈ​ၸၢႆး​ဢၼ် ရႃႇၶေႇလႃႉ ၵိူတ်ႇ​လဵင်ႉ​မႃး​တီႈ​ ယႃႇၵုပ်ႈ ​ဢေႃႈ။ ၶဝ်​မီး​သိပ်း​သီႇ​ၵေႃႉ​ဢေႃႈ။-</verse>
				<verse number="23">လုၵ်ႈ​ၸၢႆး​ တၢၼ်ႇ၊ ႁူႉသိမ်း ။-</verse>
				<verse number="24">လုၵ်ႈ​ၸၢႆး​ ၼပ်ႉထလီႉ၊ ယႃႇၸေးလႃႉ၊ ၵူႉၼီႉ၊ ယေႇၸႃႉ၊ သီႉလိမ်ႇ ​ဢေႃႈ။-</verse>
				<verse number="25">ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​လုၵ်ႈ​ၸၢႆး ဢၼ်​ ပီႉလႁႃႇ ဢၼ်​ လႃႇပၢၼ်ႇ ​ပၼ်​တီႈ​လုၵ်ႈ​ယိင်း​မၼ်း ရႃႇၶေႇလႃႉ ​ၼၼ်ႉ ၵိူတ်ႇ​လဵင်ႉ​မႃး​တီႈ​ ယႃႇၵုပ်ႈ ​ဢေႃႈ။ ၶဝ်​မီး​ၸဵတ်း​ၵေႃႉ​ဢေႃႈ။-</verse>
				<verse number="26">လုၵ်ႈ​ပႂ်ႉ​ ယႃႇၵုပ်ႈ ဢမ်ႇ​ပႆႇ​ဝႃႈ​ပႆႇ​ပႃး၊ ၶဝ်​ၸိူဝ်း​ဢၼ်​သိုပ်ႇ​ဢွၵ်ႇ​မႃး​ၵႃႈ​တီႈ​ ယႃႇၵုပ်ႈ ​လႄႈ​ၵႂႃႇ​လူၺ်ႈ​ၵၼ်​တင်း​မၼ်း​ၵႃႈ​တီႈ မိူင်း​ ဢေႇၵိပ်ႉတူႉ ​ၼၼ်ႉ မီး​ႁူၵ်း​သိပ်း​ပၢႆ​ႁူၵ်း​ၵေႃႉ​ဢေႃႈ။-</verse>
				<verse number="27">လုၵ်ႈ​ၸၢႆး​ဢၼ်​ ယူဝ်းသႅပ်ႈ ​လႆႈ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ဝႆႉ​ၼၼ်ႉ မီး​သွင်​ၵေႃႉ​ဢေႃႈ။ ပိူဝ်ႈ​ၼႆ​လႄႈ ၵူၼ်း​ၸိူဝ်ႉ​ၶိူဝ်း​ ယႃႇၵုပ်ႈ ​ဢၼ်​ႁွတ်ႈ​ထိုင်​ၵႃႈ​တီႈ​မိူင်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ မီး​ၸဵတ်း​သိပ်း​ၵေႃႉ​တဵမ်​တဵမ်​ဢေႃႈ။</verse>
				<verse number="28">မၼ်း​ပွႆႇ​ၸႂ်ႉ​ ယူႉတႃႉ ၵႂႃႇ​ဢွၼ်​တၢင်း​မၼ်း​ၸူး​ၵႃႈ​တီႈ​ ယူဝ်းသႅပ်ႈ ​ႁႂ်ႈ​လႆႈ​ဢွၼ်​ဢဝ်​မၼ်း​ၵႂႃႇ​သူင်ႇ​ၵႃႈ​တီႈ​မိူင်း​ ၵေႃးသိၼ်ႇ ​သေ​ယဝ်ႉ၊ ၶဝ်​ၼၼ်ႉ ဢွၼ်​ၵၼ်​ႁွတ်ႈ​ထိုင်​ၵႃႈ​တီႈ​မိူင်း​ ၵေႃးသိၼ်ႇ ​ဢေႃႈ။-</verse>
				<verse number="29">ယူဝ်းသႅပ်ႈ ​ၵေႃႈ ႁၢင်ႈ​လေႃႉရထႃး​သေ​လႄႈ ၵႂႃႇ​ၸူး​ၵႃႈ​တီႈ​မိူင်း​ ၵေႃးသိၼ်ႇ ႁႂ်ႈ​လႆႈ​ႁပ်ႉ​ႁူဝ်​တၢင်း​ပေႃႈ​မၼ်း ဢီႉသရေႇလႃႉ ​လႄႈ ႁွတ်ႈ​ထိုင်​ၵႃႈ​တီႈ​မၼ်း​ၼၼ်ႉ​သေ​ယဝ်ႉ၊ ၵွတ်ႇ​ၶေႃး​မၼ်း​သေ​လႄႈ ႁွင်ႉ​ႁႆႈ​ယူႇ​ၵႃႈ​ၼိူဝ်​ၶေႃး​မၼ်း​ၼၼ်ႉ​ႁိုင်​ၼႃႇ​လူင်​လၢင်​ဢေႃႈ။-</verse>
				<verse number="30">ဢီႉသရေႇလႃႉ ​ၵေႃႈ​လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ ၵမ်း​ၼႆႉ​ၸိုင်​ၵဝ်​တၢႆ​ၵေႃႈ​ယႃႇ​တႃႉ။ ၵဝ်​လႆႈ​ႁၼ်​ၼႃႈ​မႂ်း​ယဝ်ႉ​ယဝ်ႉ။ မႂ်း​ၼႆႉ​ဢသၢၵ်ႈ​ယင်း​လိပ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ယူဝ်းသႅပ်ႈ ​ၵေႃႈ​လၢတ်ႈ​တီႈ​ပီႈ​ဢၢႆႈ​မၼ်း​တင်း​လၢႆ ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​ပေႃႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ၵဝ်​ၶႃႈ​တၵ်း​ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ လဝ်ႊ​လၢတ်ႈ​တီႈ​မၼ်း​ၸဝ်ႈ​လႄႈ​ဝႃႈ၊ ပီႈ​ဢၢႆႈ​ၶႃႈ​ၸဝ်ႈ​တင်း​လၢႆ​ဢိၵ်ႇ​တင်း ၵူၼ်း​ႁိူၼ်း​ၵူၼ်း​ယေး​ပေႃႈ​ၶႃႈ​ၸဝ်ႈ ဢၼ်​ယူႇ​ၵႃႈ​တီႈ​မိူင်း​ ၶႃႇၼၢၼ်ႇ ​ပုၼ်ႉ​ၸိူဝ်း​ၼၼ်ႉ ႁွတ်ႈ​မႃး​ၵႃႈ​တီႈ​ၶႃႈ​ၸဝ်ႈ​ၼႆႉ​ယဝ်ႉ​တီႈ​ၶႃႈ​ယဝ်ႉ။-</verse>
				<verse number="32">ၶဝ်​ၼၼ်ႉ​ပဵၼ်​ၵူၼ်း​ဢၼ်​လဵင်ႉ​သူဝ်း​ထိင်း​သူဝ်း​တီႈ​ၶႃႈ​ဢေႃႈ။ ပဵၼ်​ၵူၼ်း​ဢၼ်​ၸၢင်ႈ​လဵင်ႉ​တရိၵ်ႈသၢၼ်ႇ​တီႈ​ၶႃႈ​ဢေႃႈ။ ၶဝ်​ဢဝ် ၸႃႉ​ၸဵမ်​ၽုင်​သူဝ်း​ၽုင်​ဝူဝ်း​လႄႈ ၵႃႈ​ဢၼ်​ၶဝ်​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ ပႃး​မႃး​ယဝ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ၵမ်း​လိုၼ်း ပေႃး​ၶုၼ်​ႁေႃ​ၶမ်း​ ၽႃႇရေႃး ႁွင်ႉ​သူ​လႄႈ​ထၢမ်​ဝႃႈ၊ သူ​ၸၢင်ႈ​သၢင်ႈ​ႁဵတ်း​ၵၢၼ်​ငၢၼ်း​ၵႃႈ​သင်၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="34">သူ​တၵ်း​လႆႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢိၵ်ႇ​တင်း​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ ပဵၼ်​ၵူၼ်း​ဢၼ်​လဵင်ႉ​တရိၵ်ႈသၢၼ်ႇ ၸႃႉ​ၸဵမ်​မိူဝ်ႈ​လဵၵ်ႉ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼႆ​ၸိုင်၊ တၵ်း​လႆႈ​ဢၶႂၢင်ႉ​ဢၼ်​ယူႇ​ၵႃႈ​တီႈ​မိူင်း​ ၵေႃးသိၼ်ႇ ​ၼႆႉ​ဢေႃႈ။ ၵူၼ်း​ဢၼ်​လဵင်ႉ​သူဝ်း​ထိင်း​သူဝ်း​ၼၼ်ႉ ပဵၼ်​တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ တီႈ​ၵူၼ်း​ ဢေႇၵိပ်ႉတူႉ ​တင်း​လၢႆ​ဢေႃႈ။</verse>
			</chapter>
			<chapter number="47">
				<verse number="1">မိူဝ်ႈ​ၼၼ်ႉ ယူဝ်းသႅပ်ႈ ​ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ​လဝ်ႊ​လၢတ်ႈ​ဝႃႈ၊ ပေႃႈ​ၶႃႈ​ၸဝ်ႈ​ဢိၵ်ႇ​တင်း​ပီႈ​ဢၢႆႈ​ၶႃႈ​ၸဝ်ႈ​တင်း​လၢႆ ပႃး​ဢဝ်​တင်း​ၽုင်​သူဝ်း​ၽုင်​ဝူဝ်း​ဢိၵ်ႇ​တင်း​ၵႃႈ​ဢၼ်​ၶဝ်​မီး​တင်း​သဵင်ႈ​တင်း​လူင် လုၵ်ႉ​သေ​ၵႃႈ​တီႈ​မိူင်း​ ၶႃႇၼၢၼ်ႇ ​ပုၼ်ႉ ႁွတ်ႈ​မႃး​လႄႈ​မီး​ယူႇ​ၵႃႈ​တီႈ​မိူင်း​ ၵေႃးသိၼ်ႇ ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="2">လိူၵ်ႈ​ၵဵပ်း​ဢဝ်​ၵႃႈ​ၼႂ်း​ပီႈ​ဢၢႆႈ​မၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ ႁႃႈ​ၵေႃႉ​လႄႈ​သႂၢင်း​ၶဝ်ႈ ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း ၽႃႇရေႃး ​ဢေႃႈ။-</verse>
				<verse number="3">ၶုၼ်​ႁေႃ​ၶမ်း​ ၽႃႇရေႃး ​ၵေႃႈ​ထၢမ်​တီႈ​ပီႈ​ၼွင်ႉ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ သူ​ၸၢင်ႈ​သၢင်ႈ​ႁဵတ်း​ၵၢၼ်​ငၢၼ်း​ၵႃႈ​သင်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၵေႃႈ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢိၵ်ႇ​တင်း​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ ပဵၼ်​ၵူၼ်း​ဢၼ်​လဵင်ႉ​သူဝ်း​ထိင်း​သူဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၶဝ်​သမ်ႉ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​ထႅင်ႈ​လႄႈ​ဝႃႈ၊ ပိူဝ်ႈ​ဢၼ်​ၵႃႈ​တီႈ​မိူင်း​ ၶႃႇၼၢၼ်ႇ ​ပုၼ်ႉ ၶဝ်ႈ​ၵႃႈ​မၢၵ်ႇ​ပႅင်း​ၼႃႇ​လူင်​လၢင်​လႄႈ ဢမ်ႇ​မီး​ပုၼ်ႈ​ဢၼ်​ၽုင်​သူဝ်း​ၽုင်​ဝူဝ်း တၵ်း​ၵိၼ်​ၼၼ်ႉ​လႄႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ၸင်ႇ​ဢွၼ်​ၵၼ်​မႃး​ႁႂ်ႈ​လႆႈ​သွၼ်ႈ​ပိုင်ႈ​ၵႃႈ​ၼႂ်း​မိူင်း​ၸဝ်ႈ​ၼႆႉ​တီႈ​ၶႃႈ​ယဝ်ႉ​ဢေႃႈ။ ပိူဝ်ႈ​ၼႆ​လႄႈ ၶႅၼ်း​တေႃႈ​ပၼ်​ဢၶႂၢင်ႉ ႁႂ်ႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​လႆႈ​ယူႇ​ၵႃႈ​ၼႂ်း​မိူင်း​ ၵေႃးသိၼ်ႇ သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶုၼ်​ႁေႃ​ၶမ်း​ ၽႃႇရေႃး ​ၵေႃႈ၊ လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ ပေႃႈ​မႂ်း​ဢိၵ်ႇ​တင်း​ပီႈ​ဢၢႆႈ​မႂ်း​တင်း​လၢႆ​ႁွတ်ႈ​မႃး​ၵႃႈ​တီႈ​မႂ်း​ယဝ်ႉ။-</verse>
				<verse number="6">မိူင်း​ ဢေႇၵိပ်ႉတူႉ ​မီး​ယူႇ​ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။ ႁႂ်ႈ​ပေႃႈ​မႂ်း​ဢိၵ်ႇ​တင်း​ပီႈ​ဢၢႆႈ​မႂ်း​ၸိူဝ်း​ၼၼ်ႉ လိူၵ်ႈ​ၵဵပ်း​ဢဝ်​တီႈ​ဢၼ်​လိၼ်​လီ​သေ​ပိူၼ်ႈ​လႄႈ ၶျႃး​တီႈ​ယူႇ​ပၼ် ၵႃႈ​တီႈ​မိူင်း​ ၵေႃးသိၼ်ႇ ​ပုၼ်ႉ​တႃႉ။ ပေႃး​မႂ်း​ႁူႉ​လွင်ႈ​ဢၼ် ၵႃႈ​ၼႂ်း​ၶဝ်​ၼၼ်ႉ မီး​ၵေႃႉ​ဢၼ်​ၸၢင်ႈ​မေႃ လၵ်း​လႅမ်​ၵမ်ႈ​ၽွင်ႈ​ၸိုင်၊ ၶၢၼ်း​ၶဝ်​ဝႆႉ​ၼႂ်း​ဢရႃႇ​ၵေႃႉ​ဢၼ်​ဢုပ်ႉ ၵႃႈ​ၼိူဝ်​ၽုင်​တရိၵ်ႈသၢၼ်ႇ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ယူဝ်းသႅပ်ႈ ​ဢဝ်​ပေႃႈ​မၼ်း​ ယႃႇၵုပ်ႈ ​ၼၼ်ႉ​မႃး​သႂၢင်း​ၶဝ်ႈ​လႄႈ​ဝႆႉ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ ယႃႇၵုပ်ႈ ​ၵေႃႈ​ပၼ်​တၢင်း​လီ​တီႈ​ၶုၼ်​ႁေႃ​ၶမ်း​ ၽႃႇရေႃး ​ဢေႃႈ။-</verse>
				<verse number="8">ၶုၼ်​ႁေႃ​ၶမ်း​ ၽႃႇရေႃး ​ထၢမ်​တီႈ​ ယႃႇၵုပ်ႈ ​လႄႈ​ဝႃႈ၊ မိုဝ်ႉ​ဝၼ်း​ၶူပ်ႇ​ၼီႈ​ပီႊ​မိူင်း ဢသၢၵ်ႈ​မႂ်း​လႆႈ​ၼမ်​လႂ်​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">ယႃႇၵုပ်ႈ ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ မိုဝ်ႉ​ဝၼ်း​ဢသၢၵ်ႈ​ဢၼ်​ၶႃႈ​ၸဝ်ႈ​လႆႈ​ပဵၼ်​ၶႅၵ်ႇ​ဢႃႇၵၼ်ႇတူႉ​လႄႈ ပူၼ်ႉ​မႃး​ယဝ်ႉ​ၼၼ်ႉ လႆႈ​ပၢၵ်ႇ​ပၢႆ​သၢမ်​သိပ်း​ပီႊ​မိူင်း​တီႈ​ၶႃႈ​ယဝ်ႉ။ မိုဝ်ႉ​ဝၼ်း​ၶူပ်ႇ​ၼီႈ​ပီႊ​မိူင်း​ဢၼ်​ၶႃႈ​ၸဝ်ႈ​ဢသၢၵ်ႈ​လိပ်း​မႃး​ယဝ်ႉ​ၼၼ်ႉ ၵေႇ​ၼႃႇ​လႄႈ​ႁၢႆႉ​မိူၵ်ႈ​တီႈ​ၶႃႈ​ဢေႃႈ။ ဢမ်ႇ​ၶိုတ်း​မိုဝ်ႉ​ဝၼ်း​ပီႊ​မိူင်း​ဢသၢၵ်ႈ​ပူႇ​မွၼ်ႇ​ၶႃႈ​ၸဝ်ႈ​ဢၼ်​ဝႃႈ မိုဝ်ႉ​ဝၼ်း​ဢၼ်​ၶဝ်​ပဵၼ်​ၶႅၵ်ႇ​ဢႃႇၵၼ်ႇတူႉ​ၼၼ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">ယႃႇၵုပ်ႈ ​ပၼ်​တၢင်း​လီ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ ဢွၵ်ႇ​သေ​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ​ၵႂႃႇ​သေ​ဢေႃႈ။</verse>
				<verse number="11">ယူဝ်းသႅပ်ႈ ​ဢဝ်​ပေႃႈ​မၼ်း ဢိၵ်ႇ​တင်း​ပီႈ​ၼွင်ႉ​မၼ်း​ၸိူဝ်း​ၼၼ်ႉ​ၶျႃး​တီႈ​ယူႇ​လႄႈ ပၼ်​ၶဝ်​လႆႈ​ပိူင်ႇ ၵႃႈ​ၼႂ်း​မိူင်း ဢေႇၵိပ်ႉတူႉ ၵႃႈ​တီႈ​ဢၼ်​လီ​သေ​ပိူၼ်ႈ ဢၼ်​ဝႃႈ​ၵႃႈ​ၼႂ်း​လိၼ်​ ရႃႇမသိတ်ႈ ၸွမ်း​ၵႃႈ​ၼင်ႇ​ဢၼ်​ၶုၼ်​ႁေႃ​ၶမ်း​ ၽႃႇရေႃး မီး​ဢမိင်ႉ​ၼၼ်ႉ​ဢေႃႈ။-</verse>
				<verse number="12">ယူဝ်းသႅပ်ႈ ​ဢဝ်​တၢင်း​ၵိၼ်​တၢင်း​ၶူပ်း​လဵင်ႉ​လူ​ပေႃႈ​မၼ်း ဢိၵ်ႇ​တင်း​ပီႈ​ၼွင်ႉ​မၼ်း​တင်း​လၢႆ တင်း​ၵူၼ်း​ႁိူၼ်း​ၵူၼ်း​ယေး​ပေႃႈ​မၼ်း​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ်​ၶဝ်​မီး​လုၵ်ႈ​ဢွၼ်ႇ​လၢင်း​ဢွၼ်ႇ​ၼၼ်ႉ​ဢေႃႈ။</verse>
				<verse number="13">ၵႃႈ​ၼႂ်း​မိူင်း​ၼၼ်ႉ ၵူႈ​တီႈ​ၵူႈ​လႅၼ် ဢမ်ႇ​မီး​တၢင်း​ၵိၼ်​တၢင်း​ၶူပ်း​လႃး​လႃး။ လွင်ႈ​မၼ်း​ၸမ်ႉ ပဵၼ်​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ၼႃႇ​လူင်​လၢင်​ထၼ်ႈ​ပေႃး မိူင်း​ ဢေႇၵိပ်ႉတူႉ ​ဢိၵ်ႇ​တင်း မိူင်း​ ၶႃႇၼၢၼ်ႇ ​ၸိူဝ်း​ၼၼ်ႉ ႁႅင်း​လႆႈ​ဢူၼ်ႈ​ၵႂႃႇ ၵွပ်ႈ​ပိူဝ်ႈ​တၢင်း​ဢၼ်​ပဵၼ် ၶဝ်ႈ​ၵႃႈ​မၢၵ်ႇ​ပႅင်း ၼၼ်ႉ​ဢေႃႈ။-</verse>
				<verse number="14">ယူဝ်းသႅပ်ႈ ​သိမ်း​ဢဝ်​ငိုၼ်း​ၵႃႈ​ဢၼ်​မီး ၵႃႈ​ၼႂ်း​မိူင်း​ ဢေႇၵိပ်ႉတူႉ ဢိၵ်ႇ​တင်း​မိူင်း​ ၶႃႇၼၢၼ်ႇ ဢၼ်​ပဵၼ်​ၵႃႈ​ၶဝ်ႈ​ၵျုင်ႇ ဢၼ်​ၶဝ်​သိုဝ်ႉ​ဢဝ်​ၼၼ်ႉ​ဝႆႉ​လႄႈ သႂၢင်း​ၶဝ်ႈ​ၵႃႈ​ၼႂ်း​ႁေႃ​ၶမ်း​ၶုၼ်​ ၽႃႇရေႃး ​ဢေႃႈ။-</verse>
				<verse number="15">မိူဝ်ႈ​ဢၼ်​ငိုၼ်း​ၵႃႈ​တီႈ​မိူင်း​ ဢေႇၵိပ်ႉတူႉ ​ဢိၵ်ႇ​တင်း​မိူင်း​ ၶႃႇၼၢၼ်ႇ ​ၼၼ်ႉ​သဵင်ႈ​ယဝ်ႉ​ၼၼ်ႉ​ၸိုင်၊ ၵူၼ်း​ ဢေႇၵိပ်ႉတူႉ ​တင်း​သဵင်ႈ​တင်း​လူင် ဢွၼ်​ၵၼ်​မႃး​ၵႃႈ​တီႈ​ ယူဝ်းသႅပ်ႈ ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၶႅၼ်း​တေႃႈ​ပၼ်​တၢင်း​ၵိၼ်​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ၊ ပိူဝ်ႈ​ဢၼ်​ငိုၼ်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ မူတ်း​ၵႂႃႇ​သဵင်ႈ​ၵႂႃႇ​လႄႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တၵ်း​လႆႈ​တၢႆ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း ၼင်ႇ​ႁိုဝ်​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">ယူဝ်းသႅပ်ႈ ​ၵေႃႈ​လၢတ်ႈ​လႄႈ​ဝႃႈ၊ ဢွၼ်​ၵၼ်​ဢဝ်​တရိၵ်ႈသၢၼ်ႇ​သူ​ပၼ်​တႃႉ။ ပေႃး​ငိုၼ်း​သဵင်ႈ​ယဝ်ႉ​ၸိုင်၊ ၵဝ်​တၵ်း​ပၼ်​တၢင်း​ၵိၼ်​တၢင်း​ၶူပ်း ပုၼ်ႈ​ၵႃႈ​ၶၼ်​တရိၵ်ႈသၢၼ်ႇ​သူ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="17">ၶဝ်​ၼၼ်ႉ​ဢဝ်​တရိၵ်ႈသၢၼ်ႇ​ၶဝ်​မႃး​တီႈ ယူဝ်းသႅပ်ႈ ​လႄႈ ယူဝ်းသႅပ်ႈ ​ၵေႃႈ ပၼ်​တၢင်း​ၵိၼ်​တၢင်း​ၶူပ်း​ပုၼ်ႈ​ၵႃႈ​ၶၼ်​မႃႉ၊ ၽုင်​သူဝ်း၊ ၽုင်​ဝူဝ်း၊ လီႈ​ၶဝ်​ၼၼ်ႉ​လႄႈ ပီႊ​ၼၼ်ႉ​ဢဝ်​တၢင်း​ၵိၼ်​တၢင်း​ၶူပ်း ပုၼ်ႈ​ၵႃႈ​ၶၼ်​တရိၵ်ႈသၢၼ်ႇ​ၶဝ်​ၵႃႈ​မီး တင်း​သဵင်ႈ​တင်း​လူင်​ၼၼ်ႉ​လဵင်ႉ​လူ​ၶဝ်​ဢေႃႈ။-</verse>
				<verse number="18">ပီႊ​ၼၼ်ႉ​သဵင်ႈ​သေ​ယဝ်ႉ၊ ၼႂ်း​ပီႊ​တူႉတီႉယႃႉ​ၼၼ်ႉ၊ ၶဝ်​ဢွၼ်​ၵၼ်​မႃး​တီႈ​မၼ်း​လႄႈ လဝ်ႊ​လၢတ်ႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢမ်ႇ​ထိမ်ႇ​ဢမ်ႇ​မႅပ်း​လွင်ႈ​ဢၼ်​ငိုၼ်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ သဵင်ႈ​ယဝ်ႉ​မူတ်း​ယဝ်ႉ​ဢိၵ်ႇ​တင်း လွင်ႈ​ဢၼ်​ၸဝ်ႈ​ႁဝ်း လႆႈ​ၽုင်​တရိၵ်ႈသၢၼ်ႇ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ယဝ်ႉ​ၼၼ်ႉ၊ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ။ လိူဝ်​သေ​တူဝ်​တင်း​ၵႂၢၵ်ႈ​လိၼ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢမ်ႇ​ၵိုတ်း​ဢမ်ႇ​ၵျၢၼ်ႇ​ၵႃႈ​သင်​ဝႆႉ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ။-</verse>
				<verse number="19">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​တၵ်း​လႆႈ​တၢႆ​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​လႄႈ ၵႂၢၵ်ႈ​လိၼ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​လႆႈ​လူႉ​လႆႈ​လႅဝ်​ၼင်ႇ​ႁိုဝ်​တီႈ​ၶႃႈ၊ ၶႅၼ်း​တေႃႈ ပၼ်​တၢင်း​ၵိၼ်​တၢင်း​ၶူပ်း​လႄႈ သိုဝ်ႉ​ဢဝ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢိၵ်ႇ​တင်း​ၵႂၢၵ်ႈ​လိၼ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တင်း​ၵႂၢၵ်ႈ​လိၼ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​ၶၢမ်ႇ​ႁဵတ်း​ၶႃႈ​တီႈ ၶုၼ်​ႁေႃ​ၶမ်း​ ၽႃႇရေႃး တီႈ​ၶႃႈ​ဢေႃႈ။ လွင်ႈ​ၼင်ႇ​ႁိုဝ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​ဢမ်ႇ​လႆႈ​တၢႆ​လႄႈ ဢသၢၵ်ႈ​လိပ်း​ယူႇ ဢိၵ်ႇ​တင်း​လွင်ႈ​ၼင်ႇ​ႁိုဝ် မိူင်း​ၸဝ်ႈ​တၵ်း​ဢမ်ႇ​လႆႈ​ပဵၼ်​တီႈ​ဢၼ် သဵတ်ႇ​ဢၼ်​ယဵၼ်​ၸိုင်၊ ၶႅၼ်း​တေႃႈ​ပၼ်​ၸိူဝ်ႉ​ပၼ်​ၽၼ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="20">ယူဝ်းသႅပ်ႈ ​သိုဝ်ႉ​ဢဝ်​ၵႂၢၵ်ႈ​လိၼ် ၵႃႈ​ၼႂ်း​မိူင်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​ၼၼ်ႉ ပုၼ်ႈ​ၶုၼ်​ႁေႃ​ၶမ်း​ ၽႃႇရေႃး ​ဢေႃႈ။ ၵူၼ်း​မိူင်း​ ဢေႇၵိပ်ႉတူႉ ဢွၼ်​ၵၼ်​ၶၢႆ​ၵႂၢၵ်ႈ​လိၼ် ဢၼ်​ၶဝ်​ပိူင်ႇ​ႁင်း​ၽႂ်​ႁင်း​မၼ်း​ၵွပ်ႈ​ပိူဝ်ႈ​ဢၼ် တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ယႂ်ႇ​ၼႃႇ​ၶိုၵ်ႉ​ၼႃႇ​တီႈ​ၶဝ်​ၼၼ်ႉ​လႄႈ လိၼ်​ၸိူဝ်း​ၼၼ်ႉ​လႆႈ​ပဵၼ် ၽၼ်ႇတႃႇ​ၶုၼ်​ႁေႃ​ၶမ်း​ ၽႃႇရေႃး ​ဢေႃႈ။-</verse>
				<verse number="21">ၵူၼ်း​တင်း​လၢႆ​ၸမ်ႉ၊ မၼ်း​ႁႂ်ႈ​လုၵ်ႉ​သေ​ၵႃႈ​တီႈ​ႁိမ်း လႅၼ်​လိၼ်​မိူင်း​ ဢေႇၵိပ်ႉတူႉ ၸႃႉ​ၸဵမ်​ၽၢႆႇ​ၼိုင်ႈ​လႄႈ တေႃႇ​ထိုင်​ႁွတ်ႈ​ၽၢႆႇ​ၼိုင်ႈ​ၼၼ်ႉ​လႄႈ ဢွၼ်​ၵၼ်​ၶၢႆႉ​တီႈ​ၵႂႃႇ​ယူႇ ၵႃႈ​တီႈ​ၼႂ်း​ဝဵင်း​တင်း​လၢႆ​ဢေႃႈ။-</verse>
				<verse number="22">လိၼ်​ဢၼ်​ယိတ်ႈပရေႃးႁဵၵ်ႈ​တင်း​လၢႆ​ပိူင်ႇ​ၸမ်ႉ၊ မၼ်း​ဢမ်ႇ​သိုဝ်ႉ​ဢမ်ႇ​ဢဝ်။ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ဢွၼ်​ၵၼ်​လႆႈ​ပုၼ်ႈ​လႆႈ​တႃႇ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ ၵိၼ်​ပုၼ်ႈ​ၵိၼ်​တႃႇ ဢၼ်​ၶုၼ်​ႁေႃ​ၶမ်း​ ၽႃႇရေႃး ​ပၼ်​တီႈ​ၶဝ်​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ၶဝ်​ဢမ်ႇ​လႆႈ​ၶၢႆ​ၵႂၢၵ်ႈ​လိၼ်​ၶဝ်​ၼၼ်ႉ။-</verse>
				<verse number="23">ယူဝ်းသႅပ်ႈ ​ၵေႃႈ လၢတ်ႈ​တီႈ​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​လႄႈ​ဝႃႈ၊ ဝၼ်း​မိူဝ်ႈ​ၼႆႉ ၵဝ်​သိုဝ်ႉ​ဢဝ်​တူဝ်​သူ တင်း​လိၼ်​သူ​ပုၼ်ႈ​ၶုၼ်​ႁေႃ​ၶမ်း​ ၽႃႇရေႃး ​ယဝ်ႉ။ ဢဝ်​ၸိူဝ်ႉ​ဢဝ်​ၽၼ်း​ဢၼ်​မီး​ၵႃႈ​တီႈ​ၼႆႈ​လႄႈ ႁဵတ်း​ႁႆႊ​ႁဵတ်း​ၼႃး​တႃႉ။-</verse>
				<verse number="24">မိူဝ်ႈ​ဢၼ်​လႆႈ​သိမ်း​မၢၵ်ႇ​သိမ်း​ႁူင်း​ၼၼ်ႉ​ၸိုင်၊ တၵ်း​လႆႈ​ဢဝ်​ႁႃႈ​ပုၼ်ႈ​ပုၼ်ႈ​ၼိုင်ႈ​သၢၵ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​ဢေႃႈ။ သီႇ​ပုၼ်ႈ​ၸမ်ႉ၊ တၵ်း​လႆႈ​ပဵၼ် တီႈ​ဢၼ်​သူ​ပိူင်ႇ​ပုၼ်ႈ​ဢၼ်​သူ​တၵ်း​လႆႈ​ႁဵတ်း​တၢင်း​ဢၼ် ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​ၼႂ်း​ႁႆႊ​ၼႂ်း​ၼႃး၊ တၢင်း​ဢၼ်​သူ​ၵိၼ်​သူ​ၶူပ်း ဢိၵ်ႇ​တင်း​တၢင်း​ဢၼ်​သူ​လဵင်ႉ​သူ​လူ ၵူၼ်း​ႁိူၼ်း​ၵူၼ်း​ယေး​သူ တင်း​လုၵ်ႈ​ဢွၼ်ႇ​လၢင်း​ဢွၼ်ႇ​သူ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ၶဝ်​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၵႄႇ​သႄႇ​ဢသၢၵ်ႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​တီႈ​ၶႃႈ​ယဝ်ႉ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ လႆႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ၸိူဝ်း​ၼႆႉ​တၵ်း​လႆႈ​ဢွၼ်​ၵၼ်​ပဵၼ်​ၶႃႈ ၶုၼ်​ႁေႃ​ၶမ်း​ ၽႃႇရေႃး ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​ၶုၼ်​ႁေႃ​ၶမ်း​ ၽႃႇရေႃး တၵ်း​လႆႈ​ပိူင်ႇ​ႁႃႈ​ပုၼ်ႈ​ပုၼ်ႈ​ၼိုင်ႈ​ၸိုင်၊ ယူဝ်းသႅပ်ႈ ​ၸီႇ​ယၢင်ႇ​ဝႆႉ ထမ်ႇမသၢတ်ႈ ဢၼ်​တႄႇ​ယူႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ႁၢၼ်ႉ​တေႃႇ​ဝၼ်း​မိူဝ်ႈ​ၼႆႉ​ဢေႃႈ။ ၵူၺ်း​ၵႃႈ ၵႂၢၵ်ႈ​လိၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ၵူၺ်း ၶုၼ်​ႁေႃ​ၶမ်း​ ၽႃႇရေႃး ဢမ်ႇ​လႆႈ​ပိူင်ႇ။</verse>
				<verse number="27">ၵူၼ်း​ ဢီႉသရေႇလႃႉ ​ၸိူဝ်း​ၼၼ်ႉ ယူႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵႃႈ​တီႈ​မိူင်း​ ၵေႃးသိၼ်ႇ ​ၼၼ်ႉ​လႄႈ ဢွၼ်​ၵၼ်​ၸၢင်ႈ​မၢၵ်ႈ​ၸၢင်ႈ​မီး​ဢုၵ်ႉ​ၸႃႇ​ၶူဝ်း​လဵင်း​သေ​လႄႈ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း​မႃး​ဢေႃႈ။</verse>
				<verse number="28">ယႃႇၵုပ်ႈ ​ဢသၢၵ်ႈ​လိပ်း​ယူႇ ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ သိပ်း​ပၢႆ​ၸဵတ်း​ပီႊ​လႄႈ ၶူပ်ႇ​ၼီႈ​ပီႊ​မိူင်း​ဢသၢၵ်ႈ​ ယႃႇၵုပ်ႈ ​ၼၼ်ႉ​မီး ပၢၵ်ႇ​ပၢႆ​သီႇ​သိပ်း​ပၢႆ​ၸဵတ်း​ပီႊ​ဢေႃႈ။-</verse>
				<verse number="29">ဢီႉသရေႇလႃႉ ​ၼၼ်ႉ၊ မိူဝ်ႈ​ဢၼ်​ၶိင်ႇ​ဢၼ်​မၼ်း တၵ်း​လႆႈ​တၢႆ​ၼၼ်ႉ​ၸမ်​မႃး​ၼၼ်ႉ​ၸိုင်၊ ႁွင်ႉ​ဢဝ်​ ယူဝ်းသႅပ်ႈ ​လုၵ်ႈ​ၸၢႆး​မၼ်း​လႄႈ လၢတ်ႈ​ဝႃႈ၊ ပေႃး​ၵဝ်​လႆႈ​ထူပ်း​ၵျေး​ၸူး သိုဝ်ႈ​ၼႃႈ​တႂ်ႈ​တႃ​မႂ်း​ၸိုင်၊ ဢဝ်​မိုဝ်း​မႂ်း​ဝႆႉ​ၵႃႈ​တႂ်ႈ​ၶႃ​ၵဝ်​တႃႉ။ မီး​တင်း​ၵရူႉၼႃႇ​တင်း​သဵတ်ႈ​ၸႃႇ ႁဵတ်း​တီႈ​ၵဝ်​တႃႉ။ ၶႅၼ်း​တေႃႈ​ယႃႇ​ပေ​သၢင်း​ၵျူဝ်ႇ​ၵဝ် ၵႃႈ​တီႈ​မိူင်း​ ဢေႇၵိပ်ႉတူႉ ​ၼႆႉ။-</verse>
				<verse number="30">မိူဝ်ႈ​ဢၼ်​ၵဝ်​ၼွၼ်း​လူၺ်ႈ​ၵၼ်​တင်း​ပူႇ​မွၼ်ႇ​ၵဝ်​ၸိူဝ်း​ၼၼ်ႉ​ၸိုင် မႂ်း​တၵ်း​လႆႈ​ဢဝ်​ၵဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼႆႉ​ၵႂႃႇ​လႄႈ သၢင်း​ၵျူဝ်ႇ​ၵဝ်​ၵႃႈ​ၼႂ်း​ပႃႇ​ႁဵဝ်ႈ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​လၢတ်ႈ​လႄႈ​ဝႃႈ ၵဝ်​ၶႃႈ​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​ပေႃႈ​ႁဝ်း​ဝႃႈ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">ပေႃႈ​မၼ်း​သမ်ႉ​ၶိုၼ်း​လၢတ်ႈ​လႄႈ​ဝႃႈ၊ ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ​တီႈ​ၵဝ်​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ​ဢေႃႈ။ ဢီႉသရေႇလႃႉ ​ၵေႃႈ ႁဵတ်း​တၢင်း​ဢၼ်​ၵူမ်ႈ​ၵွမ်း​ႁူဝ်​ၵႃႈ​ၼိူဝ်​ႁူဝ်​တီႈ​ၼွၼ်း​မၼ်း​ဢေႃႈ။</verse>
			</chapter>
			<chapter number="48">
				<verse number="1">လိုၼ်း​ၼၼ်ႉ​ၵူၼ်း​ၵေႃႉ​ၼိုင်ႈ​မွၵ်ႇ​လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ တူၺ်း​ၶႃႈ​လူး၊ ပေႃႈ​ၸဝ်ႈ​ႁဝ်း​မီး​တၢင်း​ၶႆႈ​တၢင်း​ပဵၼ်​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ပႃး​ဢဝ်​ မၼႃႇ​သေႇ ​တင်း​ ဢေႇၽရိမ်ႇ လုၵ်ႈ​ၸၢႆး​မၼ်း​သွင်​ၵေႃႉ​လႄႈ​ၵႂႃႇ​ဢေႃႈ။-</verse>
				<verse number="2">ၵူၼ်း​ၵေႃႉ​ၼိုင်ႈ​မွၵ်ႇ​လၢတ်ႈ​တီႈ​ ယႃႇၵုပ်ႈ ​လႄႈ​ဝႃႈ၊ တူၺ်း​ၶႃႈ​လူး၊ လုၵ်ႈ​ၸၢႆး​ၸဝ်ႈ​ႁဝ်း​ ယူဝ်းသႅပ်ႈ ​ၼၼ်ႉ​မႃး​ၸူး​တီႈ​ၸဝ်ႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢီႉသရေႇလႃႉ ​ဢဝ်​ႁႅင်း​လႄႈ​လုၵ်ႉ​ၼင်ႈ​ယူႇ​ၵႃႈ​ၼိူဝ်​တီႈ​ၼွၼ်း​မၼ်း​ဢေႃႈ။-</verse>
				<verse number="3">မိူဝ်ႈ​ၼၼ်ႉ​ ယႃႇၵုပ်ႈ ​လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ ၽြႃး​ပဵၼ်​ၸဝ်ႈ၊ ၸဝ်ႈ​ဢၼၼ်ႇတႃႉ​တၼ်း​ၶူဝ်း​ပေႃႇ​မႃး​တီႈ​ၵဝ်​ၵႃႈ​တီႈ​ဝဵင်း​ လူႉၸႃႉ မိူင်း​ ၶႃႇၼၢၼ်ႇ ​ပုၼ်ႉ​လႄႈ ပၼ်​တၢင်း​လီ​တီႈ​ၵဝ်​လႄႈ​ဝႃႈ၊-</verse>
				<verse number="4">ၵဝ်​တၵ်း​ႁႂ်ႈ​မႂ်း​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ​ယႂ်ႇ​ၽႄႈ​ၼမ်​ၵိုၼ်း​မႃး​ဢေႃႈ။ တၵ်း​ႁႂ်ႈ​မႂ်း​ပဵၼ် ၵူၼ်း​မဵဝ်း​ၼမ်​ၼႃႇ​ဢေႃႈ။ ၵဝ်​တၵ်း​ပၼ်​မိူင်း​ၼႆႉ​တီႈ​ၸိူဝ်ႉ​ၶိူဝ်း​မႂ်း​လိုၼ်း​မႂ်း​ၼၼ်ႉ ႁႂ်ႈ​ၶဝ်​လႆႈ​ပိူင်ႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">တေႃႈ​လဵဝ်​ၼႆႉ လုၵ်ႈ​ၸၢႆး​ဢၼ်​မႂ်း​လႆႈ​ၼႂ်း​မိူင်း​ ဢေႇၵိပ်ႉတူႉ ​ဝႆႉ ၸူဝ်ႈ​ဢၼ်​ၵဝ်​ဢမ်ႇ​ပႆႇ​ႁွတ်ႈ​မႃး​ၵႃႈ​တီႈ​မိူင်း​ ဢေႇၵိပ်ႉတူႉ ​ၼႆႉ သွင်​ၵေႃႉ​ၼၼ်ႉ တၵ်း​လႆႈ​ပဵၼ်​လုၵ်ႈ​ၸၢႆး​ၵဝ်​ဢေႃႈ။ ဢေႇၽရိမ်ႇ ​တင်း​ မၼႃႇ​သေႇ ​ၼၼ်ႉ တၵ်း​လႆႈ​ပဵၼ်​လုၵ်ႈ​ၸၢႆး​ၵဝ် မိူၼ်​ၸိူဝ်ႉ​ၼင်ႇ​ ရူႉပိၼ်ႇ တင်း​ သီႉမုၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="6">လုၵ်ႈ​ၸၢႆး​ဢၼ်​မႂ်း​တၵ်း​လႆႈ​ၵမ်း​လိုၼ်း​ၼၼ်ႉ တၵ်း​လႆႈ​ပဵၼ်​လုၵ်ႈ​ၸၢႆး​မႂ်း​လႄႈ ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸွမ်း​ၸိုဝ်ႈ​သဵင်​ပီႈ​ၸၢႆး​ၶဝ်​ၼႂ်း​လွင်ႈ​တၢင်း​ဢၼ်​ၶဝ်​ၶၢမ်ႇ​ဢမူၺ်ႇ​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ၵႃႇလႃႉ​ယၢမ်း​ဢၼ်​ၵဝ်​ၼႆႉ လုၵ်ႉ​သေ​ၵႃႈ​တီႈ​ ပႃႇတမ်ႇ ​မႃး​ၼၼ်ႉ၊ ရႃႇၶေႇလႃႉ ​တၢႆ​ၵႃႈ​တီႈ​ႁိမ်း​ၵဝ်​ၵႃႈ​တီႈ​မိူင်း​ ၶႃႇၼၢၼ်ႇ ၵႃႈ​ၼႂ်း​သဵၼ်ႈ​တၢင်း မိူဝ်ႈ​ဢၼ်​လူဝ်ႇ​ထႅင်ႈ​ဢိတ်း​ၼိုင်ႈ တၵ်း​ႁွတ်ႈ​ထိုင်​ဝဵင်း​ ဢေႇၽရတ်ႉ ​ၼၼ်ႉ​ဢေႃႈ။ ၵဝ်​သၢင်း​ၵျူဝ်ႇ​မၼ်း​ၵႃႈ​တီႈ​ၼၼ်ႈ ၵႃႈ​ႁိမ်း​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ဝဵင်း​ ဢေႇၽရတ်ႉ ​ဢၼ်​လႆႈ​ၸိုဝ်ႈ ပႅတ်ႉလႁႅမ်ႇ ​ၼၼ်ႉ​ဢေႃႈ။</verse>
				<verse number="8">ၵမ်း​ၼၼ်ႉ ဢီႉသရေႇလႃႉ လူ​တူၺ်း​လုၵ်ႈ​ၸၢႆး​ ယူဝ်းသႅပ်ႈ ​ၸိူဝ်း​ၼၼ်ႉ​သေ​လႄႈ​ထၢမ်​ဝႃႈ၊ ၶဝ်​ၼႆႉ​ၸမ်ႉ၊ ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">ယူဝ်းသႅပ်ႈ ​ၵေႃႈ​လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ ပဵၼ်​လုၵ်ႈ​ၸၢႆး​ၵဝ်​ၶႃႈ​ဢၼ်​ၽြႃး​ပဵၼ်​ၸဝ်ႈ​ဢဵတ်း​လူ​ပၼ်​တီႈ​ၵဝ်​ၶႃႈ ၵႃႈ​ၼႂ်း​တီႈ​ၼႆႈ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​လၢတ်ႈ​လႄႈ​ဝႃႈ၊ ဢဝ်​ၶဝ်​မႃး​ၸူး​တီႈ​ၵဝ်​တႃႉ။ ၵဝ်​တၵ်း​ပၼ်​တၢင်း​လီ​တီႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မၢၵ်ႇ​တႃ ဢီႉသရေႇလႃႉ ​ၼၼ်ႉ​မူဝ်း​ၵႂႃႇ​ထၼ်ႈ​ပေႃး​မၼ်း​ဢမ်ႇ​ႁၼ်​လႆႈ ၵွပ်ႈ​ပိူဝ်ႈ​ဢၼ်​ဢသၢၵ်ႈ​မၼ်း​ယႂ်ႇ​ၼႃႇ​ၼၼ်ႉ​လႄႈ ယူဝ်းသႅပ်ႈ ဢဝ်​လုၵ်ႈ​ၸၢႆး​ၸိူဝ်း​ၼၼ်ႉ သုတ်ႉ​ၸူး​မၼ်း​ၸမ်​ၸမ်​သေ​ယဝ်ႉ၊ မၼ်း​ၸုပ်ႇ​ၼူမ်​ၶဝ်​လႄႈ ၵွတ်ႇ​ဢုမ်ႈ​ၶဝ်​ဢေႃႈ။-</verse>
				<verse number="11">ဢီႉသရေႇလႃႉ ​ၵေႃႈ​လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ ၵဝ်​ဢမ်ႇ​ထၢင်ႇ​ၵဝ်​တၵ်း​လႆႈ​ႁၼ်​ၼႃႈ​မႂ်း​ယဝ်ႉ။ ၵူၺ်း​ၵႃႈ တေႃႈ​လဵဝ်​ၼႆႉ ၸိူဝ်ႉ​ၶိူဝ်း​မႂ်း​ၵေႃႈ ၽြႃး​ပဵၼ်​ၸဝ်ႈ​ၼႄ​ပျႃး​တီႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ယူဝ်းသႅပ်ႈ ​ၵေႃႈ​ဢဝ်​သွင်​ၶႃ​ၼၼ်ႉ​ဢွၵ်ႇ​သေ​ၵႃႈ​တီႈ​ၼႂ်း​ၵႄႈ​ႁူဝ်​ၶဝ်ႇ​မၼ်း​လႄႈ ၵူမ်ႈ​ၵွမ်း​ႁူဝ်​ၵႃႈ​ၼိူဝ်​လိၼ်​ယူႇ​ဢေႃႈ။-</verse>
				<verse number="13">ၵမ်း​ၼၼ်ႉ ယူဝ်းသႅပ်ႈ ဢဝ်​သွင်​ၶႃ​ၼၼ်ႉ​လႄႈ ဢဝ်​မိုဝ်း​ၶွၼ်​ၶႂႃ​မၼ်း​ယိပ်း​ဢဝ်​ ဢေႇၽရိမ်ႇ ​ပၼ်​တီႈ​ၽၢႆႇ​ၶွၼ်​သၢႆႉ​ ဢီႉသရေႇလႃႉ ၊ ဢဝ်​မိုဝ်း​ၶွၼ်​သၢႆႉ​မၼ်း​ယိပ်း​ဢဝ်​ မၼႃႇ​သေႇ ပၼ်​တီႈ​ၽၢႆႇ​ၶွၼ်​ၶႂႃ​ ဢီႉသရေႇလႃႉ ​လႄႈ ဢဝ်​သုတ်ႉ​ၸူး​ၸမ်​ၸမ်​ဢေႃႈ။-</verse>
				<verse number="14">ဢီႉသရေႇလႃႉ ​ၼၼ်ႉ​ယိုၼ်ႈ​မိုဝ်း​ၶွၼ်​ၶႂႃ​မၼ်း​လႄႈ တၢင်ႇ​သႂ်ႇ​ၵႃႈ​ၼိူဝ်​ႁူဝ်​ ဢေႇၽရိမ်ႇ ​ၵေႃႉ​ဢၼ်​ဢသၢၵ်ႈ​လဵၵ်ႉ​ၼၼ်ႉ​သေ​ယဝ်ႉ၊ ဢဝ်​မိုဝ်း​ၶွၼ်​သၢႆႉ​မၼ်း တၢင်ႇ​သႂ်ႇ​ၵႃႈ​ၼိူဝ်​ႁူဝ်​ မၼႃႇ​သေႇ ​ဢေႃႈ။ လွင်ႈ​မၼ်း​ၸမ်ႉ ပိၵ်ႉ​သမ်ႉ​ မၼႃႇ​သေႇ ​ပဵၼ်​လုၵ်ႈ​တူၼ်ႈ​သေ​ၵေႃႈ၊ ဢီႉသရေႇလႃႉ မီး​တင်း​တၢင်း​ဢၼ်​ႁူႉ​တူဝ်​ၸဝ်ႈ​ၵဝ်ႇ​ယူႇ​သေ​လႄႈ ဝႆႉ​မိုဝ်း​မၼ်း​ဢေႃႈ။-</verse>
				<verse number="15">မၼ်း​ၵေႃႈ​ပၼ်​တၢင်း​လီ​တီႈ​ ယူဝ်းသႅပ်ႈ ​လႄႈ​လၢတ်ႈ​ဝႃႈ၊ ႁႂ်ႈ​ၽြႃး​ပဵၼ်​ၸဝ်ႈ​ဢၼ်​ပေႃႈ​ၵဝ်​ ဢႃႇပြႃႇႁၢမ်ႇ ​တင်း​ ဢီႉၸၢၵ်ႈ ၵႂႃႇ​မႃး​ယူႇ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ၊ ၽြႃး​ပဵၼ်​ၸဝ်ႈ​ဢၼ်​လဵင်ႉ​လူ​ၵဝ် ၸူဝ်ႈ​ဢသၢၵ်ႈ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ ဢၼ်​ဝႃႈ၊-</verse>
				<verse number="16">တမၢၼ်ႇ​ၵၢင်​ႁၢဝ်​ဢၼ်​ၵႄႇ​ၶျွတ်ႈ​ဢဝ်​ၵဝ်​သေ​ၵႃႈ​ၼႂ်း ဢၼ်​ဢမ်ႇ​လီ​ဢမ်ႇ​ငၢမ်း​တင်း​သဵင်ႈ​တင်း​လူင်​ၼၼ်ႉ ပၼ်​တၢင်း​လီ​တီႈ​လုၵ်ႈ​ဢွၼ်ႇ​ၸိူဝ်း​ၼႆႉ​သေ​ၵမ်း​လူၺ်ႈ။ ႁႂ်ႈ​ဢဝ်​တင်း​ၼႃႇ​မႃႉ​ၸိုဝ်ႈ​သဵင်​ၵဝ်​ဢိၵ်ႇ​တင်း ၼႃႇ​မႃႉ​ၸိုဝ်ႈ​သဵင်​ပေႃႈ​ၵဝ်​ ဢႃႇပြႃႇႁၢမ်ႇ တင်း​ ဢီႉၸၢၵ်ႈ ​ၸိူဝ်း​ၼၼ်ႉ ထၢပ်ႈ​ထႅင်ႈ​လႄႈ ႁွင်ႉ​ႁဵၵ်ႈ​သွင်​ၶႃ​ၼႆႉ​သေ​ၵမ်း​လူၺ်ႈ။ ႁႂ်ႈ​ၶဝ်​ယႂ်ႇ​ၽႄႈ​ၼမ်​ၵိုၼ်း​မႃး ၵႃႈ​ၼိူဝ်​လိၼ်​မိူင်း​ၼႆႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ယူဝ်းသႅပ်ႈ ​ၼၼ်ႉ​ႁၼ်​ပေႃႈ​မၼ်း ဢဝ်​မိုဝ်း​ၶွၼ်​ၶႂႃ​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ ဢေႇၽရိမ်ႇ ​ၼၼ်ႉ​သေ​ယဝ်ႉ၊ ဢမ်ႇ​ၶိုတ်း​ၸႂ်​ပဵင်း​ၸႂ်​လႄႈ​ယုၵ်ႉ​ဢဝ်​မိုဝ်း​ပေႃႈ​မၼ်း​ၼၼ်ႉ​သေ​ၵႃႈ​ၼိူဝ်​ႁူဝ်​ ဢေႇၽရိမ်ႇ ႁႂ်ႈ​လႆႈ​ၶၢႆႉ​ၵႂႃႇ​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ မၼႃႇ​သေႇ ​ၼၼ်ႉ​ဢေႃႈ။-</verse>
				<verse number="18">ယူဝ်းသႅပ်ႈ ​လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ ဢမ်ႇ​ၸႂ်ႈ​ၶႃႈ​ပေႃႈ​ဢိူၺ်း၊ ၵေႃႉ​ၼႆႉ​ပဵၼ်​လုၵ်ႈ​တူၼ်ႈ​ၶႃႈ​ဢေႃႈ။ ဢဝ်​မိုဝ်း​ၶွၼ်​ၶႂႃ​ပေႃႈ​ႁဝ်း​တၢင်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ပေႃႈ​မၼ်း​ၼၼ်ႉ​ထဵင်​ပႅတ်ႈ​လႄႈ​ဝႃႈ၊ ၵဝ်​ႁူႉ​ယူႇ​ဢေႃႈ၊ လုၵ်ႈ​ၸၢႆး​ၵဝ်​ဢိူၺ်း၊ ၵဝ်​ႁူႉ​ယူႇ​ဢေႃႈ။ မၼ်း​တၵ်း​ပဵၼ်​မုၵ်ႉ​ၵူၼ်း​ၸိူဝ်း​ၵူၼ်း​လႄႈ​ယႂ်ႇ​မျၢတ်ႈ​ၼႃႇ​ဢေႃႈ။ ၵူၺ်း​ၵႃႈ ၼွင်ႉ​ၸၢႆး​မၼ်း​ယဵင်ႈ​ၶႅၼ်း​တၵ်း​ယႂ်ႇ​မျၢတ်ႈ​ၼႃႇ​သေ​မၼ်း​ဢေႃႈ။ ၸိူဝ်ႉ​ၶိူဝ်း​မၼ်း​ၵေႃႈ​တၵ်း​လႆႈ​ပဵၼ်​ၵူၼ်း​မဵဝ်း​ၼမ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">လႆႈ​သမ်ႉ ၼႂ်း​ဝၼ်း​ၼၼ်ႉ​မၼ်း​ပၼ်​တၢင်း​လီ​တီႈ​ၶဝ်​လႄႈ​ဝႃႈ၊ ၼႂ်း​မႂ်း​ၼႆႉ ၵူၼ်း​ ဢီႉသရေႇလႃႉ ​တင်း​လၢႆ တၵ်း​ပၼ်​တၢင်း​လီ​လႄႈ လၢတ်ႈ​ဝႃႈ၊ ႁႂ်ႈ​ၽြႃး​ပဵၼ်​ၸဝ်ႈ ႁႂ်ႈ​မႂ်း​ပဵၼ်​ၸိူဝ်ႉ​ၼင်ႇ​ ဢေႇၽရိမ်ႇ ​ဢိၵ်ႇ​တင်း ၸိူဝ်ႉ​ၼင်ႇ​ မၼႃႇ​သေႇ ​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶျႃး​ပၼ်​ ဢေႇၽရိမ်ႇ ​ဢွၼ်​တၢင်း မၼႃႇ​သေႇ ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="21">ဢီႉသရေႇလႃႉ ​ၵေႃႈ​လၢတ်ႈ​တီႈ​ ယူဝ်းသႅပ်ႈ ​လႄႈ​ဝႃႈ၊ ၵဝ်​တၵ်း​တၢႆ​ယဝ်ႉ​ဢေႃႈ။ ၵူၺ်း​ၵႃႈ ၽြႃး​ပဵၼ်​ၸဝ်ႈ​တၵ်း​မီး​ယူႇ​လူၺ်ႈ​ၵၼ်​တင်း​မႂ်း​လႄႈ သမ်ႉ​ဢဝ်​မႂ်း​ႁႂ်ႈ​ၶိုၼ်း​မိူဝ်း​ၵႂႃႇ​ၸူး ၵႃႈ​တီႈ​မိူင်း​တီႈ​ဢၼ်​ပူႇ​မွၼ်ႇ​မႂ်း​ယူႇ​ၼၼ်ႉ​ဢေႃႈ။-</verse>
				<verse number="22">လိူဝ်​သေ​ၼၼ်ႉ၊ ၵဝ်​ဢဝ်​ပုၼ်ႈ​တႃႇ​ဢၼ်​ၵဝ်​ပၼ်​တီႈ​မႂ်း ယဵင်ႈ​ၶႅၼ်း​လိူဝ်​တွၼ်း​ၼႃႇ​သေ​ၵဝ်​ပၼ်​တီႈ ပီႈ​ဢၢႆႈ​မႂ်း​ၸိူဝ်း​ၼၼ်ႉ ဢၼ်​ၵဝ်​ဢဝ်​တင်း​လၢပ်ႇ​ၵဝ်​ၵၢင်ႇ​ၵဝ်​ၼုၵ်ႈ​ဢဝ်​ၵႃႈ​ၼႂ်း​မိုဝ်း​ၵူၼ်း ဢႃႇမေႃးရီႉ ​ၸိူဝ်း​ၼၼ်ႉ ပၼ်​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="49">
				<verse number="1">မိူဝ်ႈ​ၼၼ်ႉ​ ယႃႇၵုပ်ႈ ​ႁွင်ႉ​ဢဝ်​လုၵ်ႈ​ၸၢႆး​မၼ်း​တင်း​လၢႆ​လႄႈ​လၢတ်ႈ​ဝႃႈ၊ သူ​ဢွၼ်​ၵၼ်​ၸူႉ​ၵၼ်​တုမ်​ၵၼ်​တႃႉ။ ၵဝ်​တၵ်း​မွၵ်ႇ​လၢတ်ႈ​လွင်ႈ​တၢင်း​ဢၼ် တၵ်း​ပဵၼ်​မႃး​တီႈ​သူ ၵႃႈ​တီႈ​ၶိင်ႇ​ၵႃႇလႃႉ​ၵမ်း​လိုၼ်း​ၼၼ်ႉ​ဢေႃႈ။-</verse>
				<verse number="2">လုၵ်ႈ​ၸၢႆး​ ယႃႇၵုပ်ႈ ​ၶဝ်​ဢိူၺ်း၊ ဢွၼ်​ၵၼ်​ၸူႉ​ၵၼ်​တုမ်​ၵၼ်​လႄႈ ထွမ်ႇ​ငိၼ်း​တႃႉ။ ထွမ်ႇ​ဢဝ်​ၵႂၢမ်း​ပေႃႈ​သူ​ ဢီႉသရေႇလႃႉ ​ၼႆႉ​တႃႉ။-</verse>
				<verse number="3">ရူႉပိၼ်ႇ ​ဢိူၺ်း၊ မႂ်း​ၼႆႉ​ပဵၼ်​လုၵ်ႈ​တူၼ်ႈ​ၵဝ်၊ ႁႅင်း​ၵဝ်၊ ၵေႃႇၸႃႉ​ဢဵၼ်​ႁႅင်း​ၵဝ်၊ ပၢႆ​ၸိၵ်း​ၸွမ်​မုၼ်​ၽုင်း​ၵဝ်၊ ပၢႆ​ၸိၵ်း​ၸွမ်​တၼ်း​ၶူဝ်း​ၵဝ်​ဢေႃႈ။-</verse>
				<verse number="4">ၼႂ်း​ဝႃႈ​ၼၼ်​သေ​ၵေႃႈ မႂ်း​မီး​သၽေႃး ဢၼ်​ၸၢင်ႈ​လိူတ်ႇ ၸိူဝ်ႉ​ၼင်ႇ​ၼမ်ႉ​လႄႈ ဢမ်ႇ​လႆႈ​ႁွတ်ႈ​ထိုင်​တၢင်း​ဢၼ်​မျၢတ်ႈ​လီ​သေ​ပိူၼ်ႈ။​လွင်ႈ​မၼ်း​ၸမ်ႉ မႂ်း​ၶိုၼ်ႈ​ၵႃႈ​ၼိူဝ်​တီႈ​ၼွၼ်း​ပေႃႈ​မႂ်း​လႄႈ ႁဵတ်း​ႁႂ်ႈ​ၵူဝ်ႈ​ႁႂ်ႈ​ၵိူၵ်ႇ​ဢေႃႈ။ မၼ်း​ၼႆႉ ၶိုၼ်ႈ​ၵႃႈ​ၼိူဝ်​ၵူႇ​တီႈ​ၼွၼ်း​ၵဝ်​ၼၼ်ႉ​ယဝ်ႉ​လူင်​ပႄႇ။</verse>
				<verse number="5">သီႉမုၼ်ႇ ​တင်း​ လေႇဝီႉ ပဵၼ်​ပီႈ​ၼွင်ႉ​ၵၼ်​ဢေႃႈ။ ၶိူင်ႈ​ပိူင်​ဢၼ်​ၸၢင်ႈ​ႁဵတ်း ဢႃႉထမ်ႇမႃႉ​ၸိူဝ်း​ၼၼ်ႉ ပဵၼ်​လၢပ်ႇ​လႅဝ်း​ၶႃ​ဢေႃႈ။-</verse>
				<verse number="6">ဝီႉၺိၺ်ႇ​ၵဝ်​ဢိူၺ်း၊ ယႃႇ​ပေ​ၶဝ်ႈ​ၵႃႈ​ၼႂ်း​တၢင်း​ဢၼ်​ၶဝ်​ၵျၢမ်ႇ​ပွင်​ထိမ်ႇ​မႅပ်း​ၼၼ်ႉ။ မုၼ်​ၽုင်း​ၵဝ်​ဢိူၺ်း၊ ယႃႇ​ပေ​ႁဵတ်း​မုၵ်ႉ​ႁဵတ်း​ၸိူဝ်း ၼႂ်း​တီႈ​ဢၼ်​ၶဝ်​ၸူႉ​တုမ်​ၼၼ်ႉ၊ လွင်ႈ​မၼ်း​ၸမ်ႉ ၶဝ်​ၼၼ်ႉ​ၸႂ်​လမ်​သႆႈ​ၵမ်ႇ​လႄႈ ဢဝ်​ဢသၢၵ်ႈ​ၵူၼ်း​တၢႆ​ယဝ်ႉ။ ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​လႄႈ ၽၼ်း​ဢဵၼ်​တွင်ႇ​ၼွင်ႈ​ဝူဝ်း​ယဝ်ႉ။-</verse>
				<verse number="7">ႁႂ်ႈ​တၢင်း​ဢၼ်​ၶဝ်​ၸႂ်​မႆႈ​ၶႆႈ​ၸႃႉ​ၼၼ်ႉ​ၶၢမ်ႇ​တၢင်း​ၵိၼ်ႇ​တၢင်း​ဝႃႈ ၵွပ်ႈ​ပိူဝ်ႈ​ဢၼ်​ႁႅင်း​ၼႃႇ၊ ႁႂ်ႈ​တေႃး​သႃႉ​ၶဝ်​ၼၼ်ႉ ၶၢမ်ႇ​တၢင်း​ၵိၼ်ႇ​တၢင်း​ဝႃႈ ၵွပ်ႈ​ပိူဝ်ႈ​ဢၼ်​လိူင်း​ၵျၢမ်း​ၼႃႇ​ၼၼ်ႉ​သေ​ၵမ်း​လူၺ်ႈ။ ၵဝ်​တၵ်း​ႁႂ်ႈ​ၶဝ်​မၢၵ်ႇ​မိူဝ်​ၵႂႃႇ​ၵႃႈ​ၼႂ်း​မဵဝ်း​ ယႃႇၵုပ်ႈ ​ဢေႃႈ။ ၵဝ်​တၵ်း​ႁႂ်ႈ​ၶဝ်​ပိဝ်​သဵၼ်​ၵႂႃႇ​ၵႃႈ​ၼႂ်း​ၸိူဝ်ႉ​ၶိူဝ်း​ ဢီႉသရေႇလႃႉ ​ဢေႃႈ။-</verse>
				<verse number="8">ယူႉတႃႉ ​ဢိူၺ်း၊ ပီႈ​ၼွင်ႉ​မႂ်း​တင်း​လၢႆ တၵ်း​ဢွၼ်​ၵၼ်​ယွင်ႈ​ယေႃး​မႂ်း​ဢေႃႈ။ မိုဝ်း​မႂ်း​တၵ်း​လႆႈ​မီး​ၵႃႈ​ၼိူဝ်​ၶေႃး​ရၢၼ်ႇ​သူႇ​မႂ်း​ဢေႃႈ။ လုၵ်ႈ​ၸၢႆး​ပေႃႈ​မႂ်း​တင်း​လၢႆ တၵ်း​ဢွၼ်​ၵၼ်​ၵူမ်ႈ​ႁူဝ်​ၵွမ်း​ႁူဝ်​ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။-</verse>
				<verse number="9">ယူႉတႃႉ ​ပဵၼ်​သၢင်ႇ​သီႈ​တူဝ်​ဢၼ်​ယင်း​ႁၢတ်ႈ​ပၢၼ်​ၵၢင်​ဢေႃႈ။ လုၵ်ႈ​ၸၢႆး​ၵဝ်​ဢိူၺ်း၊ မႂ်း​ၸၢင်ႈ​လုၵ်ႉ​သေ​ၵႃႈ​တီႈ ဢၼ်​တီႉ​ဢဝ်​လႄႈ ၶူပ်း​ၵိၼ်​ၼၼ်ႉ ၶိုၼ်ႈ​မႃး​ၵႃႈ​ၼိူဝ်​ဢေႃႈ။ မၼ်း​ၼႆႉ​မူပ်ႇ​လႄႈ​ယူႇ​ဢေႃႈ။ ၸိူဝ်ႉ​ၼင်ႇ​သၢင်ႇ​သီႈ​လႄႈ​သင်၊ ၸိူဝ်ႉ​ၼင်ႇ​သၢင်ႇ​သီႈ​တူဝ်​မႄႈ​လႄႈ​သင်၊ ၸၢင်ႈ​ၶုပ်ႉ​မူပ်ႇ​လိူၼ်း​ဢႅဝ်​ယူႇ​ဢေႃႈ။ ၽူႈ​လႂ်​တၵ်း​ႁတ်း​ယႃႉ​ႁႂ်ႈ​မၼ်း​လုၵ်ႉ။-</verse>
				<verse number="10">တေႃႇ​ထိုင်​ႁွတ်ႈ ၸူဝ်ႈ​ဢၼ်​ သီႉလေႃႇ ဢမ်ႇ​ပႆႇ​ႁွတ်ႈ​မႃး​ၼၼ်ႉ​ၸိုင်၊ ၵၼ်း​ႁွၵ်ႇ​ရႃႇ​ၸႃႉ ဢမ်ႇ​လႆႈ​ၶၢႆႉ​သေ​ၵႃႈ​တီႈ​ ယူႉတႃႉ ၊ ၶွၼ်ႉ​ဢႃႇၼႃႇ​ဢမ်ႇ​လႆႈ​ၶၢႆႉ​သေ​ၵႃႈ​ၼႂ်း​ၵႄႈ​ဝူင်ႈ​ၵၢင်​တိၼ်​မၼ်း။ ၵူၼ်း​မဵဝ်း​တင်း​လၢႆ တၵ်း​ဢွၼ်​ၵၼ်​ႁပ်ႉ​ဢဝ် ထွမ်ႇ​ဢဝ်​ၵႃႈ​တီႈ​ သီႉလေႃႇ ​ၼၼ်ႉ​ဢေႃႈ။-</verse>
				<verse number="11">မၼ်း​တၵ်း​ဢဝ်​လီႈ​မၼ်း မတ်ႉ​လဵင်ႉ​ၵႃႈ​တီႈ​ၶိူဝ်း​မၢၵ်ႇ​ၸပိတ်ႈ၊ တၵ်း​ဢဝ်​လီႈ​ဢွၼ်ႇ​မတ်ႉ​လဵင်ႉ​ၵႃႈ​တီႈ​ၶိူဝ်း​မၢၵ်ႇ​ၸပိတ်ႈ​ဢၼ်​မျၢတ်ႈ​လီ​သေ​ပိူၼ်ႈ​ယူႇ​သေ​လႄႈ​တၵ်း​ဢဝ် ၶူဝ်း​ၼုင်ႈ​မၼ်း​လွႆး​သႂ်ႇ​ၵႃႈ​ၼႂ်း​ၼမ်ႉ​ၸပိတ်ႈ၊ တၵ်း​ဢဝ်​ၽႃႈ​ၼုင်ႈ​မၼ်း​လွႆး​သႂ်ႇ​ၵႃႈ​ၼႂ်း​လိူတ်ႈ​မၢၵ်ႇ​ၸပိတ်ႈ​ဢေႃႈ။-</verse>
				<verse number="12">မၢၵ်ႇ​တႃ​မၼ်း​တၵ်း​လႅင်​ၸၢင်း​ႁၢင်း လူၺ်ႈ​ၼမ်ႉ​ၸပိတ်ႈ​ဢေႃႈ။ ၶဵဝ်ႈ​မၼ်း​ၵေႃႈ တၵ်း​ၽိူၵ်ႇ​ၶၢဝ်​လူၺ်ႈ​ၼမ်ႉ​ၼူမ်း​ဢေႃႈ။</verse>
				<verse number="13">ၸေႇပူႉလုၼ်ႇ ​တၵ်း​ယူႇ​ၵႃႈ​တီႈ​ႁိမ်း​ၽင်ႇ​ၼမ်ႉ​ပၢင်ႇ​လၢႆႇ​လႄႈ မီး​ၵႃႈ​တီႈ​ၽင်ႇ​ၼမ်ႉ​တႃႈ​ႁိူဝ်း​သၢင်း​ၽေႃး​ဢေႃႈ။ လႅၼ်​လိၼ်​မၼ်း​ၵေႃႈ တၵ်း​ၵႂၢင်ႈ​တေႃႇ​ထိုင်​ႁွတ်ႈ ဝဵင်း​ ၸီႉတုၼ်ႇ ​ပုၼ်ႉ​ဢေႃႈ။</verse>
				<verse number="14">ဢီႉသၶႃႇ ​ၶုပ်ႉ​မူပ်ႇ​ၵႃႈ​ၼႂ်း​ၵၢင်​သိုင်ႇ​ၵၢင်​ၶွၵ်ႈ​ယူႇ​သေ​လႄႈ ပဵၼ်​လီႈ​ဢၼ်​ႁႅင်း​ယႂ်ႇ​ၼႃႇ​ဢေႃႈ။-</verse>
				<verse number="15">မၼ်း​ထူပ်း​ႁၼ်​တီႈ​ဢၼ်​ၵတ်း​ၸႂ်​ယဵၼ်​ၶေႃး ပဵၼ်​ဢၼ်​လီ​ငၢမ်း​လႄႈ လိၼ်​ပဵၼ်​ဢၼ်​သႃႇ​ယႃႇ​ၼၼ်ႉ​သေ​ယဝ်ႉ၊ ဢဝ်​ႁူဝ်​မႃႇ ၵူမ်ႈ​တုင်း ႁႂ်ႈ​ဢဝ်​ၵၢၼ်း​တၢင်ႇ​သႂ်ႇ​သေ​လႄႈ ပဵၼ်​ၶႃႈ​ဢၼ်​ပၼ်​ၶွၼ်ႇ​ဢေႃႈ။</verse>
				<verse number="16">တၢၼ်ႇ ​ၼႆႉ၊ တၵ်း​ၸီႇ​ယၢင်ႇ​ၵူၼ်း​မၼ်း​တင်း​လၢႆ​မိူၼ်​ၸိူဝ်ႉ​ၼင်ႇ​ၸိူဝ်ႉ​ၶိူဝ်း ဢီႉသရေႇလႃႉ ​သေ​ၸိူဝ်ႉ​သေ​မဵဝ်း​ၼၼ်ႉ​ဢေႃႈ။-</verse>
				<verse number="17">တၢၼ်ႇ ​ၸမ်ႉ၊ တၵ်း​ပဵၼ်​ငူး​ဢၼ်​မီး​ယူႇ​ၵႃႈ​တႃႈ​ၵႃႈ​တၢင်း​ဢေႃႈ။ တၵ်း​ပဵၼ်​ငူး​ႁၢႆႉ ဢၼ်​ၸၢင်ႈ​ယူႇ​ၵႃႈ​တီႈ​ၵႄႈ​တၢင်း​လႄႈ တွတ်ႇ​တိၼ်​မႃႉ ႁႂ်ႈ​ၵေႃႉ​ဢၼ်​ၶီႇ​မႃႉ လူမ်ႉ​ပိၼ်ႈ​တူၵ်း​ၵႂႃႇ​တၢင်း​လင်​ဢေႃႈ။-</verse>
				<verse number="18">ဢူဝ်း​ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ​ၵျေး​ၸူး တၢင်း​ဢၼ်​ၸဝ်ႈ​ႁဝ်း​ၵႄႇ​ၶျွတ်ႈ​ဢဝ်​ၼၼ်ႉ​လႄႈ ယူႇ​တီႈ​ၶႃႈ​ယဝ်ႉ။</verse>
				<verse number="19">ၵၢတ်ႉ ​ၸမ်ႉ၊ မုၵ်ႉ​ၸိူဝ်း​ၵူၼ်း​သိုၵ်း​တၵ်း​မႃး​လေႃႇ​ၽၢင်ႈ​မၼ်း​လႄႈ မၼ်း​ၵေႃႈ​တၵ်း​လေႃႇ​ၽၢင်ႈ ဢဝ်​သူၼ်ႈ​ၶဝ်​ဢေႃႈ။</verse>
				<verse number="20">ဢႃႇသႃႇ ​ၸမ်ႉ၊ တၢင်း​ၵိၼ်​တၢင်း​ၶူပ်း​မၼ်း တၵ်း​ပဵၼ်​ၶႆ​ပဵၼ်​မၼ်း​လႄႈ မၼ်း​တၵ်း​ဢဝ်​တၢင်း​ၵိၼ်​တၢင်း​ၶူပ်း ဢၼ်​ၶုၼ်​ႁေႃ​ၶမ်း​ၵိၼ်​ၼၼ်ႉ​ဢွၵ်ႇ​ပၼ်​ဢေႃႈ။</verse>
				<verse number="21">ၼပ်ႉထလီႉ ​ပဵၼ်​ၸိူဝ်ႉ​ၼင်ႇ ယိူင်း​တူဝ်​မႄႈ​ဢွၼ်ႇ​ဢၼ်​ပွႆႇ​ဝႆႉ​ၼၼ်ႉ​ယဝ်ႉ။ မၼ်း​ၸၢင်ႈ​လၢတ်ႈ​ပၼ် ၵႂၢမ်း​လီ​ၵႂၢမ်း​ဝၢၼ်​ဢေႃႈ။</verse>
				<verse number="22">ယူဝ်းသႅပ်ႈ ​ပဵၼ်​တူၼ်ႈ ဢၼ်​ၸၢင်ႈ​မၢၵ်ႇ​မၢၵ်ႇ​မၼ်း​ဢေႃႈ။ ပဵၼ်​တူၼ်ႈ​ဢၼ်​ၸၢင်ႈ​မၢၵ်ႇ​မၢၵ်ႇ​မၼ်း ၵႃႈ​တီႈ​ႁိမ်း​ၼမ်ႉ​မေႃႇ​ဢေႃႈ။ ၵိင်ႇ​မၼ်း​ၶႃႊ​မၼ်း​တင်း​လၢႆ ၶၢမ်ႈ​ပူၼ်ႉ​ၵႃႈ​ၼိူဝ်​လမ်း​ဢုတ်ႇ​ဢေႃႈ။-</verse>
				<verse number="23">ၸဝ်ႈ​ၵၢင်ႇ​ၸဝ်ႈ​ၵူင် ႁႂ်ႈ​မၼ်း​ၸဵပ်း​ၸႂ်​ၶူမ်​ၸႂ်​လႄႈ ဢွၼ်​ၵၼ်​ပိုတ်း​ယိုဝ်း​သႂ်ႇ​မၼ်း ၼိၵ်ႈ​ၸၢၵ်ႈ​ငႅၼ်း​သႄး​မၼ်း​ဢေႃႈ။-</verse>
				<verse number="24">ၼႂ်း​ဝႃႈ​ၼၼ်​သေ​ၵေႃႈ ၵၢင်ႇ​မၼ်း​ၵူင်​မၼ်း​ၼၼ်ႉ ႁႅင်း​ဢမ်ႇ​ဢူၼ်ႈ၊ ၶႅၼ်​မၼ်း​မိုဝ်း​မၼ်း​ၵေႃႈ ၶၼ်​ၽႂ်း​ယူႇ​ဢေႃႈ။ ၶႅၼ်း​တေႃႈ ၵႃႈ​တီႈ​မိုဝ်း​ၽြႃး​ဢၼ်​တၼ်း​ၶူဝ်း​ယႂ်ႇ​ၼႃႇ ၵႃႈ​ၼႂ်း​မဵဝ်း​ ယႃႇၵုပ်ႈ ၊ ၵႃႈ​တီႈ​မၢၵ်ႇ​ႁိၼ်​မၢၵ်ႇ​ၽႃ​မဵဝ်း​ ဢီႉသရေႇလႃႉ ​ဢၼ်​ဝႃႈ ၸဝ်ႈ​လဵင်ႉ​ထိင်း​သူဝ်း၊-</verse>
				<verse number="25">ၵႃႈ​တီႈ​ၽြႃး​ပဵၼ်​ၸဝ်ႈ​ပေႃႈ​မႂ်း ဢၼ်​ၸွႆႈ​ထႅမ်​မႂ်း၊ ၵႃႈ​တီႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း ဢၼ်​ပၼ်​တၢင်း​လီ​တီႈ​မႂ်း​ၼၼ်ႉ၊ ႁႂ်ႈ​မင်ႇၵလႃႇ ဢၼ်​မီး​ၵႃႈ​ၼိူဝ်​ၽႃႉ​ၵၢင်​ႁၢဝ်၊ မင်ႇၵလႃႇ​ဢၼ်​မီး​ၵႃႈ​တႂ်ႈ တီႈ​ဢၼ်​လိုၵ်ႉ​ဢၼ်​လမ်ႇ၊ မင်ႇၵလႃႇ​ဢၼ်​ၸၢပ်ႈ​သႅင်ႇ​ၵၼ်​တင်း​တဝ်ႈ​ၼူမ်း ဢိၵ်ႇ​တင်း​တွင်ႉ​တင်း​ပုမ်​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မႂ်း​သေ​ၵမ်း​လူၺ်ႈ။-</verse>
				<verse number="26">တၢင်း​လီ​မင်ႇၵလႃႇ​ဢၼ်​ပေႃႈ​မႂ်း​ပၼ်​ၼႆႉ မျၢတ်ႈ​လီ​လိူဝ်​တွၼ်း​ၼႃႇ​သေ တၢင်း​လီ​မင်ႇၵလႃႇ ဢၼ်​ပူႇ​မွၼ်ႇ​ၵဝ်​ပၼ်​ၸိူဝ်း​ၼၼ်ႉ​တေႃႇ​ထိုင်​ႁွတ်ႈ ၵႃႈ​တီႈ​ႁိမ်း​လွႆ​ထႃႇဝရႃႉ​ပုၼ်ႉ​ဢေႃႈ။ ႁႂ်ႈ​တၢင်း​လီ​မင်ႇၵလႃႇ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ႁူဝ်​ ယူဝ်းသႅပ်ႈ ၊ ၵႃႈ​ၼိူဝ်​သီႈ​မွမ်ႈ​ၸွမ်​ႁူဝ်​ၵေႃႉ​ဢၼ်​ပဵၼ် ၵူၼ်း​ယႂ်ႇ​ၵူၼ်း​လူင် ၵႃႈ​ၼႂ်း​ပီႈ​ၼွင်ႉ​မၼ်း​တင်း​လၢႆ​ၼၼ်ႉ​သေ​ၵမ်း​လူၺ်ႈ။</verse>
				<verse number="27">ပိၼ်ႇယႃႇမိၼ်ႇ ​ၸမ်ႉ၊ ပဵၼ်​မႃ​ထိူၼ်ႇ​ဢၼ်​ၸၢင်ႈ​ႁိမ်​ႁူင်ႇ​ၶူပ်း​ၵိၼ်​ဢေႃႈ။ ၶိင်ႇ​ၵၢင်​ၼႂ် မၼ်း​ၸၢင်ႈ​ၶူပ်း​ၸၢင်ႈ​ၵိၼ်​ဢၼ်​မၼ်း တီႉ​လႆႈ​ၼၼ်ႉ​လႄႈ၊ ၶိင်ႇ​ၵၢင်​ၶမ်ႈ​မၼ်း​ၸၢင်ႈ​မႅင်ႇ​ၸၢင်ႈ​ၽႄ ဢၼ်​မၼ်း​ႁိမ်​ႁူင်ႇ​လႆႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">ၶဝ်​ၸိူဝ်း​ၼႆႉ​ပဵၼ်​ ဢီႉသရေႇလႃႉ သိပ်း​သွင်​မဵဝ်း​ဢေႃႈ။ ၵႂၢမ်း​ၸိူဝ်း​ၼႆႉ​ၵေႃႈ​ပဵၼ်​ၵႂၢမ်း​ဢၼ်​ပေႃႈ​ၶဝ် မွၵ်ႇ​လၢတ်ႈ​လႄႈ​ပၼ် တၢင်း​လီ​တီႈ​ၶဝ်​ဢေႃႈ။ ၵႃႈ​ၼင်ႇ​မင်ႇၵလႃႇ​ဢၼ်​ၶဝ်​လႆႈ​ၶၢမ်ႇ​ဢဝ် ႁင်း​ၽႂ်​ႁင်း​မၼ်း​ၼၼ်ႉ မၼ်း​ပၼ်​တၢင်း​လီ​တီႈ​ၶဝ်​ဢေႃႈ။</verse>
				<verse number="29">ၵမ်း​ၼၼ်ႉ မၼ်း​သမ်ႉ​သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​တၵ်း​လႆႈ​ၵႂႃႇ​ၵႃႈ​တီႈ​ဢၼ်​ပူႇ​မွၼ်ႇ​ၵဝ်​တင်း​လၢႆ​ၸူႉ​တုမ်​ၼၼ်ႉ​ဢေႃႈ။ ဢဝ်​ၵဝ်​လႄႈ သၢင်း​ၵျူဝ်ႇ​လူၺ်ႈ​ၵၼ်​တင်း​ပေႃႈ​ၵဝ်​တင်း​လၢႆ ၵႃႈ​ၼႂ်း​ႁူး​လဝ် ဢၼ်​မီး​ၵႃႈ​တီႈ​တူင်ႈ​ၼႃး​ ဢေႇၽရုၼ်ႇ ​ၵူၼ်း​ ႁိတ်ႉတီႉ ၊-</verse>
				<verse number="30">ႁူး​လဝ်​ဢၼ်​မီး​ၵႃႈ​ၼႂ်း​တူင်ႈ​ၼႃး​ မၵ်ႉပေႇလႃႉ ​ၽၢႆႇ​ဝၼ်း​ဢွၵ်ႇ မမ်ႇရေႇ ​ၼႂ်း​မိူင်း​ ၶႃႇၼၢၼ်ႇ ဢၼ်​ ဢႃႇပြႃႇႁၢမ်ႇ ​သိုဝ်ႉ​ဢဝ်​လူၺ်ႈ​ၵၼ်​တင်း​တူင်ႈ​ၼႃး​ၵႃႈ​တီႈ ဢေႇၽရုၼ်ႇ ၊ ၵူၼ်း​ ႁိတ်ႉတီႉ ​ပုၼ်ႈ​ဢၼ်​တၵ်း​ပဵၼ် ပႃႇ​ႁဵဝ်ႈ​ဢၼ်​မၼ်း​တၵ်း​ပိူင်ႇ​ၼၼ်ႉ​သေ​ၵမ်း။-</verse>
				<verse number="31">ၵႃႈ​တီႈ​ၼၼ်ႈ၊ ၶဝ်​သၢင်း​ၵျူဝ်ႇ​ ဢႃႇပြႃႇႁၢမ်ႇ ​တင်း​မေး​မၼ်း​ ၸႃႇရႃႇ ​ယဝ်ႉ။ ၵႃႈ​တီႈ​ၼၼ်ႈ၊ ဢီႉၸၢၵ်ႈ ​တင်း​ ရေႇပႅၵ်ႉၵႃႉ ​ၵေႃႈ ၶဝ်​သၢင်း​ၵျူဝ်ႇ​ယဝ်ႉ။ ၵႃႈ​တီႈ​ၼၼ်ႈ၊ လေႇဢႃႇ ​ၵေႃႈ​ၵဝ်​သၢင်း​ၵျူဝ်ႇ​ယဝ်ႉ။-</verse>
				<verse number="32">တူင်ႈ​ၼႃး​ဢိၵ်ႇ​တင်း​ႁူး​လဝ်​ဢၼ်​မီး​ၼႂ်း​တူင်ႈ​ၼႃး​ၼၼ်ႉ​ၸိုင်၊ ၶဝ်​လႆႈ​သိုဝ်ႉ​ဢဝ်​ၵႃႈ​တီႈ​ၵူၼ်း​ ႁေႇသႃႉ ​တင်း​လၢႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">ယႃႇၵုပ်ႈ ​သင်ႇ​လၢတ်ႈ​ဝႆႉ တင်း​သဵင်ႈ​တင်း​မူတ်း​တီႈ​လုၵ်ႈ​မၼ်း​လၢင်း​မၼ်း​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ယုၵ်ႉ​ဢဝ်​တိၼ်​မၼ်း​ၵႃႈ​ၼိူဝ်​ၵူႇ​တီႈ​ၼွၼ်း​သေ​လႄႈ ၶျုၵ်ႈ​ၸႂ်​တၢႆ​လႄႈ​ႁွတ်ႈ​ထိုင် ၵႃႈ​တီႈ​ဢၼ်​ၵူၼ်း​မဵဝ်း​မၼ်း​ၸူႉ​တုမ်​ၼၼ်ႉ​ဢေႃႈ။</verse>
			</chapter>
			<chapter number="50">
				<verse number="1">မိူဝ်ႈ​ၼၼ်ႉ ယူဝ်းသႅပ်ႈ ​ၵူမ်ႈ​ၶုမ်ႇ​ၵႃႈ​ၼိူဝ်​ၼႃႈ​ပေႃႈ​မၼ်း​လႄႈ​ႁွင်ႉ​ႁႆႈ​ယူႇ ၸုပ်ႇ​ၼူမ်​ယူႇ​ဢေႃႈ။-</verse>
				<verse number="2">ယူဝ်းသႅပ်ႈ ​မီး​ဢမိင်ႉ​တီႈ​ၶႃႈ​မၼ်း​ၵူၼ်း​မၼ်း ဢၼ်​ပဵၼ်​မေႃ​ယႃ​တင်း​လၢႆ ႁႂ်ႈ​ၶဝ်​ဢဝ်​တင်း​မဵဝ်း​ၼၢမ်ႇ​သႃႇ​တင်း​လၢႆ မႄး​ႁႅၼ်း​တူဝ်​တၢႆ​ပေႃႈ​မၼ်း​ဝႆႉ ႁႂ်ႈ​ဢမ်ႇ​လႆႈ​တူႇ​လႆႈ​ၼဝ်ႈ​လႄႈ မေႃ​ယႃ​ၸိူဝ်း​ၼၼ်ႉ ဢဝ်​တင်း​မဵဝ်း​ၼၢမ်ႇ​သႃႇ​တင်း​လၢႆ မႄး​ႁႅၼ်း​ဝႆႉ​ႁႂ်ႈ​ဢမ်ႇ​လႆႈ​တူႇ​လႆႈ​ၼဝ်ႈ​ဢေႃႈ။-</verse>
				<verse number="3">ၸွမ်း​ၼင်ႇ​ထုင်း​ၸၢမ်ႇ မိုဝ်ႉ​ဝၼ်း​ဢၼ်​ဢဝ်​တင်း​မဵဝ်း​ၼၢမ်ႇ​သႃႇ မႄး​ႁႅၼ်း​တူဝ်​တၢႆ​ဝႆႉ ႁႂ်ႈ​ဢမ်ႇ​လႆႈ​တူႇ​လႆႈ​ၼဝ်ႈ​ၼၼ်ႉ​ထူၼ်ႈ​တဵမ်​ယဝ်ႉ​ၼၼ်ႉ၊ ထူၼ်ႈ​တဵမ်​သီႇ​သိပ်း​ဝၼ်း​ပုၼ်ႈ​မၼ်း​လႄႈ ၵူၼ်း​ ဢေႇၵိပ်ႉတူႉ ​တင်း​လၢႆ​ၼၼ်ႉ ဢွၼ်​ၵၼ်​ႁဵတ်း​တၢင်း​ဢၼ်​ထိုင်​ၸႂ်​ႁွင်ႉ​ႁႆႈ​ၵွပ်ႈ​ပိူဝ်ႈ​မၼ်း​ၼၼ်ႉ ၸဵတ်း​သိပ်း​ဝၼ်း​တဵမ်​တဵမ်​ဢေႃႈ။</verse>
				<verse number="4">မိူဝ်ႈ​ဢၼ်​ဝၼ်း​ဢၼ်​ထိုင်​ၸႂ်​ႁွင်ႉ​ႁႆႈ​ၼၼ်ႉ ပူၼ်ႉ​ၵႂႃႇ​ယဝ်ႉ​ၼၼ်ႉ​ၸိုင်၊ ယူဝ်းသႅပ်ႈ ​ႁွင်ႉ​ဢဝ်​ၵူၼ်း​ၼႂ်း​ႁေႃ​ၶမ်း​ၵမ်ႈ​ၽွင်ႈ​လႄႈ လၢတ်ႈ​ဝႃႈ၊ ပေႃး​ၵဝ်​ၶႃႈ​လႆႈ​ထူပ်း​ၵျေး​ၸူး သိုဝ်ႈ​ၼႃႈ​တႂ်ႈ​တႃ​သူ​ၸဝ်ႈ​ၸိုင်၊ လဝ်ႊ​လၢတ်ႈ​ထိုင်​ႁူ​ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊-</verse>
				<verse number="5">ပေႃႈ​ၶႃႈ​ၸဝ်ႈ​ႁႂ်ႈ​ၶႃႈ​ၸဝ်ႈ​တိူင်ႇ​ဝႃႈ​ဝႆႉ​လႄႈ​ဝႃႈ၊ ၵဝ်​တၵ်း​တၢႆ​ယဝ်ႉ။ မႂ်း​တၵ်း​လႆႈ​ဢဝ်​ၵဝ်​သၢင်း​ၵျူဝ်ႇ​ၵႃႈ​ၼႂ်း​ၶုမ်​ပႃႇ​ႁဵဝ်ႈ​ဢၼ်​ၵဝ်​လႆႈ ၶုတ်း​ဝႆႉ​ယဝ်ႉ​ပုၼ်ႈ​ၵဝ် ၵႃႈ​တီႈ​မိူင်း​ ၶႃႇၼၢၼ်ႇ ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ။ ပိူဝ်ႈ​ၼႆ​လႄႈ ၶႅၼ်း​တေႃႈ​ပၼ်​ဢၶႂၢင်ႉ ႁႂ်ႈ​ၶႃႈ​ၸဝ်ႈ​လႆႈ ၶိုၼ်ႈ​ၵႂႃႇ​လႄႈ သၢင်း​ၵျူဝ်ႇ​ပေႃႈ​ၶႃႈ​ၸဝ်ႈ​သေ​ယဝ်ႉ၊ သမ်ႉ​ၶိုၼ်း​လူင်း​မႃး​ၵႃႈ​တီႈ​ၼႆႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၶုၼ်​ႁေႃ​ၶမ်း​ ၽႃႇရေႃး ​ၵေႃႈ မီး​ဢမိင်ႉ​လႄႈ​ဝႃႈ ၶိုၼ်ႈ​ၵႂႃႇ​လႄႈ​သၢင်း​ၵျူဝ်ႇ​ပေႃႈ​မႂ်း ၸွမ်း​ၵႃႈ​ၼင်ႇ​ဢၼ်​ႁႂ်ႈ​မႂ်း​တိူင်ႇ​ဝႃႈ​ဝႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ယူဝ်းသႅပ်ႈ ​ၶိုၼ်ႈ​ၵႂႃႇ​ႁႂ်ႈ​လႆႈ​သၢင်း​ၵျူဝ်ႇ​ပေႃႈ​မၼ်း​လႄႈ၊ ၶႃႈ​ၵူၼ်း​ၶုၼ်​ႁေႃ​ၶမ်း​ ၽႃႇရေႃး ဢၼ်​ဝႃႈ​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ႁေႃ​ၶမ်း​တင်း​သဵင်ႈ​တင်း​လူင် တင်း​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​မိူင်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်၊-</verse>
				<verse number="8">ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​ ယူဝ်းသႅပ်ႈ တင်း​သဵင်ႈ​တင်း​လူင်၊ ၵူၼ်း​ႁိူၼ်း​ၵူၼ်း​ယေး​ပီႈ​ဢၢႆႈ​မၼ်း၊ တင်း​ၵူၼ်း​ႁိူၼ်း​ၵူၼ်း​ယေး​ပေႃႈ​မၼ်း​တင်း​လၢႆ​ၼၼ်ႉ ဢွၼ်​ၵၼ်​ၸွမ်း​ၵႂႃႇ လူၺ်ႈ​ၵၼ်​တင်း​မၼ်း​ဢေႃႈ။ ၶဝ်​ႁႂ်ႈ​လုၵ်ႈ​ဢွၼ်ႇ​ၶဝ်​တင်း​ၽုင်​သူဝ်း​ၽုင်​ဝူဝ်း​ၶဝ်​ၵူၺ်း ၵိုတ်း​ၵျၢၼ်ႇ​ယူႇ ၵႃႈ​ၼႂ်း​မိူင်း​ ၵေႃးသိၼ်ႇ ​ၼၼ်ႉ​ဢေႃႈ။-</verse>
				<verse number="9">ၼင်ႇ​ၼၼ်​လႄႈ လေႃႉရထႃး​လႂ်၊ ၵူၼ်း​သိုၵ်း​ၶီႇ​မႃႉ​လႂ် ဢွၼ်​ၵၼ်​ၸွမ်း​လူၺ်ႈ​ၵၼ်​တင်း​ ယူဝ်းသႅပ်ႈ ​ၶိုၼ်ႈ​ၵႂႃႇ​ဢေႃႈ။ ပဵၼ်​တပ်ႉ​ပဵၼ်​တႃႇ ဢၼ်​ယႂ်ႇ​ၵႂၢင်ႈ​ၼမ်​ၼႃႇ​လူင်​လၢင်​ဢေႃႈ။-</verse>
				<verse number="10">ၶဝ်​ႁွတ်ႈ​ထိုင်​ၵႃႈ​တီႈ​တလၢင်း​ယဵပ်ႇ​ၶဝ်ႈ​ ဢႃႇတတ်ႉ ​ဢၼ်​မီး​ယူႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​လႄႈ သမ်ႉ​ဢွၼ်​ၵၼ် ႁဵတ်း​တၢင်း​ဢၼ်​ပေႃႉ​ဢူၵ်း ႁွင်ႉ​ႁႆႈ​ဢၼ်​ယႂ်ႇ​ၼႃႇ​ဢေႃႈ။ ယူဝ်းသႅပ်ႈ ​ၼၼ်ႉ ၵွပ်ႈ​ပိူဝ်ႈ​ပေႃႈ​မၼ်း​ၼၼ်ႉ​လႄႈ​ႁဵတ်း​တၢင်း​ဢၼ်​ထိုင်​ၸႂ်​ႁွင်ႉ​ႁႆႈ​ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="11">ၵူၼ်း​ ၶႃႇၼၼီႉ ​ဢၼ်​ပဵၼ်​ၵူၼ်း​မိူင်း​ၼၼ်ႉ​ၸိူဝ်း​ၼၼ်ႉ ႁၼ်​တၢင်း​ဢၼ်​ထိုင်​ၸႂ်​ႁွင်ႉ​ႁႆႈ​ဢၼ်​ႁဵတ်း​ၵႃႈ​တီႈ​တလၢင်း​ယဵပ်ႇ​ၶဝ်ႈ ဢႃႇတတ်ႉ ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ​ဝႃႈ၊ ပဵၼ်​တၢင်း​ဢၼ်​ထိုင်​ၸႂ်​ႁွင်ႉ​ႁႆႈ​ဢၼ်​ယႂ်ႇ​ၼႃႇ​ၵႃႈ​တီႈ​ၵူၼ်း​ ဢေႇၵိပ်ႉတူႉ ​တင်း​လၢႆ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ ၶဝ်​ႁွင်ႉ​ႁဵၵ်ႈ​တီႈ​ဢၼ်​မီး​ယူႇ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ၸိုဝ်ႈ​ ဢပေးလမီႉၸရိမ်ႇ ​ဢေႃႈ။-</verse>
				<verse number="12">လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ်​ပေႃႈ​ၶဝ်​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="13">လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ဢွၼ်​ၵၼ်​ဢဝ်​မၼ်း​ၵႂႃႇ​ၵႃႈ​တီႈ​မိူင်း​ ၶႃႇၼၢၼ်ႇ ​လႄႈ သၢင်း​ၵျူဝ်ႇ​ၵႃႈ​ၼႂ်း​ႁူး​လဝ်​ဢၼ်​မီး​ၵႃႈ​ၼႂ်း​တူင်ႈ​ၼႃး မၵ်ႉပေႇလႃႉ ​ၽၢႆႇ​ဝၼ်း​ဢွၵ်ႇ​ မမ်ႇရေႇ ဢၼ်​ ဢႃႇပြႃႇႁၢမ်ႇ ​သိုဝ်ႉ​ဢဝ်​ၵႃႈ​တီႈ​ ဢေႇၽရုၼ်ႇ ​ၵူၼ်း​ ႁိတ်ႉတီႉ ပုၼ်ႈ​ဢၼ်​တၵ်း​ပဵၼ်​ပႃႇ​ႁဵဝ်ႈ ဢၼ်​တူဝ်​ၸဝ်ႈ​ၵဝ်ႇ​တၵ်း​ပိူင်ႇ​ၼၼ်ႉ​ဢေႃႈ။-</verse>
				<verse number="14">ယူဝ်းသႅပ်ႈ ​သၢင်း​ၵျူဝ်ႇ​ပေႃႈ​မၼ်း​သေ​ယဝ်ႉ၊ ပႃး​ဢဝ်​ၸႃႉ​ၸဵမ်​ပီႈ​ဢၢႆႈ​မၼ်း​တင်း​လၢႆ​လႄႈ ၶဝ်​ၸိူဝ်း​ဢၼ်​ၸွမ်း​ၶိုၼ်ႈ​ၵႂႃႇ​လူၺ်ႈ​ၵၼ်​တင်း​မၼ်း ႁႂ်ႈ​လႆႈ​သၢင်း​ၵျူဝ်ႇ​ပေႃႈ​မၼ်း​ၸိူဝ်း​ၼၼ်ႉ​တင်း​သဵင်ႈ​တင်း​လူင် ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​သေ​ဢေႃႈ။</verse>
				<verse number="15">ပီႈ​ၸၢႆး​ ယူဝ်းသႅပ်ႈ ​ၸိူဝ်း​ၼၼ်ႉ ႁၼ်​လွင်ႈ​ဢၼ်​ပေႃႈ​ၶဝ်​တၢႆ​ယဝ်ႉ​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ ယူဝ်းသႅပ်ႈ ​တၵ်း​ၸင်း​ႁဝ်း​လႄႈ တွပ်ႇ​တႅၼ်း​ပၼ် ၵႃႈ​ဢၼ်​ႁဝ်း​ႁဵတ်း​ႁုၵ်း​ႁဵတ်း​ႁၢႆႉ​ဝႆႉ​တီႈ​မၼ်း မိူဝ်ႈ​ဢွၼ်​တၢင်း​ၼၼ်ႉ​ႁိုဝ်​ဢမ်ႇ​ႁူႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="16">ပွႆႇ​ၸႂ်ႉ​ၵူၼ်း​ၵႂႃႇ​တီႈ​ ယူဝ်းသႅပ်ႈ ​လႄႈ လဝ်ႊ​လၢတ်ႈ​လႄႈ​ဝႃႈ၊ ပေႃႈ​ၸဝ်ႈ​ႁဝ်း​ၼၼ်ႉ သင်ႇ​လၢတ်ႈ​ဝႆႉ​တီႈ​ၶႃႈ​ၸဝ်ႈ​တင်း​လၢႆ ၸဵမ်​မိူဝ်ႈ​ဢၼ်​မၼ်း​ဢမ်ႇ​ပႆႇ​တၢႆ​ၼၼ်ႉ​လႄႈ​ဝႃႈ၊-</verse>
				<verse number="17">သူ​တၵ်း​လႆႈ​လဝ်ႊ​လၢတ်ႈ​တီႈ​ ယူဝ်းသႅပ်ႈ ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ပိူဝ်ႈ​ဢၼ်​ပီႈ​ဢၢႆႈ​မႂ်း​ၸိူဝ်း​ၼၼ်ႉ လႆႈ​ႁဵတ်း​လွင်ႈ​တၢင်း​ဢၼ်​ဢမ်ႇ​လီ​တီႈ​မႂ်း​ဝႆႉ​လႄႈ၊ ပွႆႇ​လွတ်ႈ​တၢင်း​ဢၼ်​ၶဝ်​ၽိတ်း​ပိူင်ႈ​မႂ်း​ဝႆႉ​ၼၼ်ႉ ဢိၵ်ႇ​တင်း​ဢပႅတ်ႈ​ၶဝ်​သေ​ၵမ်း၊ ဝႃႈ​ၸိူဝ်ႉ​ၼင်ႇ​ၼႆ​ဝႆႉ​တီႈ​ၶႃႈ​လႄႈ၊ တေႃႈ​လဵဝ်​ၼႆႉ ၶႅၼ်း​တေႃႈ​ပွႆႇ​လွတ်ႈ​တၢင်း​ဢၼ် ၶႃႈ​ၽြႃး​ပဵၼ်​ၸဝ်ႈ​ပေႃႈ​ၸဝ်ႈ​ႁဝ်း​ၸိူဝ်း​ၼႆႉ ၽိတ်း​ပိူင်ႈ​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ဢၼ်​ၶဝ်​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ယူဝ်းသႅပ်ႈ ​ၼမ်ႉ​တႃ​တူၵ်း​ယူႇ​ဢေႃႈ။-</verse>
				<verse number="18">ပီႈ​ဢၢႆႈ​မၼ်း​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၵႂႃႇ​လႄႈ​ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​မၼ်း​လႄႈ လဝ်ႊ​လၢတ်ႈ​လႄႈ​ဝႃႈ၊ တူၺ်း​တီႈ​ၶႃႈ​လူး၊ ၶႃႈ​ၸဝ်ႈ​ၸိူဝ်း​ၼႆႉ ပဵၼ်​ၶႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ယူဝ်းသႅပ်ႈ ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ယႃႇ​ပေ​မႆႈ​ၸႂ်။ ၵဝ်​ၶႃႈ​ပဵၼ်​တၢင်​တူဝ်​ၽြႃး​ပဵၼ်​ၸဝ်ႈ​ႁိုဝ်။-</verse>
				<verse number="20">ပိၵ်ႉ​သမ်ႉ​သူ​ၵျၢမ်ႇ​ပွင်​တၵ်း​ႁဵတ်း​ႁုၵ်း​ႁဵတ်း​ႁၢႆႉ​တီႈ​ၵဝ်​ၶႃႈ​သေ​ၵေႃႈ၊ ၽြႃး​ပဵၼ်​ၸဝ်ႈ​ၼၼ်ႉ ၵျၢမ်ႇ​ပွင်​တၵ်း​ႁဵတ်း​ၵျေး​ၸူး ႁႂ်ႈ​ဢသၢၵ်ႈ​ၵူၼ်း​ၼမ်​ၼႃႇ လႆႈ​ၵတ်း​ယဵၼ်​ၶျၢမ်း​သႃႇ ၵႃႈ​ၼင်ႇ​ဢၼ်​ပဵၼ်​ယဝ်ႉ ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="21">ပိူဝ်ႈ​ၼႆ​လႄႈ ယႃႇ​ပေ​မႆႈ​ၸႂ်။ ၵဝ်​ၶႃႈ​တၵ်း​လဵင်ႉ​လူ​သူ၊ ဢိၵ်ႇ​တင်း​လုၵ်ႈ​ဢွၼ်ႇ​လၢင်း​ဢွၼ်ႇ​သူ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​လႄႈ ႁႂ်ႈ​ၶဝ်​ပေႇ​ၸႂ် ၼိမ်​ၸႂ်​မႃး​လႄႈ လၢတ်ႈ​ၵႂၢမ်း​မႅတ်ႈ​တႃႇ​တေႃႇ​ၶဝ်​ဢေႃႈ။</verse>
				<verse number="22">ၼင်ႇ​ၼၼ်​လႄႈ ယူဝ်းသႅပ်ႈ ​တင်း​ၵူၼ်း​ႁိူၼ်း​ၵူၼ်း​ယေး​ပေႃႈ​မၼ်း​ၸိူဝ်း​ၼၼ်ႉ​ယူႇ​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ယူဝ်းသႅပ်ႈ ၵေႃႈ ဢသၢၵ်ႈ​ၶိုတ်း​ထိုင်​ပၢၵ်ႇ​ပၢႆ​သိပ်း​ပီႊ​ဢေႃႈ။-</verse>
				<verse number="23">ယူဝ်းသႅပ်ႈ ​လႆႈ​ႁၼ်​လုၵ်ႈ​လၢင်း​ ဢေႇၽရိမ်ႇ ​ဢေႃႈ။ လုၵ်ႈ​လၢင်း​ မႃႇၶီႉရႃႉ ​ဢၼ်​ပဵၼ်​လုၵ်ႈ​ၸၢႆး​ မၼႃႇ​သေႇ ​ၼၼ်ႉ​ၵေႃႈ လႆႈ​ၵိူတ်ႇ​လဵင်ႉ​ၵႃႈ​ၼိူဝ်​ႁူဝ်​ၶဝ်ႇ​မၼ်း​ဢေႃႈ။</verse>
				<verse number="24">ယူဝ်းသႅပ်ႈ ​ၵေႃႈ လၢတ်ႈ​တီႈ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ၵဝ်​ၶႃႈ​တၵ်း​တၢႆ​ယဝ်ႉ။ ၽြႃး​ပဵၼ်​ၸဝ်ႈ​တၵ်း​မႃး​လူ​မႃး​တူၺ်း​သူ​ဢမၢၼ်ႇ​ၶၼ်​ပဵၼ်​လႄႈ ဢဝ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ၼႆႉ​ၵႂႃႇ ႁႂ်ႈ​ႁွတ်ႈ​ထိုင်​ၵႃႈ​တီႈ​မိူင်း​ဢၼ်​မၼ်း​ၸဝ်ႈ​တိူင်ႇ​ဝႃႈ​ဝႆႉ တီႈ​ ဢႃႇပြႃႇႁၢမ်ႇ၊ ဢီႉၸၢၵ်ႈ တင်း​ ယႃႇၵုပ်ႈ ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ၵမ်း​ၼၼ်ႉ ယူဝ်းသႅပ်ႈ ၊ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​တၢင်း​ဢၼ်​ၵိၼ်ႇ​ဝႃႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​တၵ်း​မႃး​လူ​မႃး​တူၺ်း​သူ​ဢမၢၼ်ႇ​ၶၼ်​ပဵၼ်​ဢေႃႈ။ သူ​တၵ်း​လႆႈ​ဢဝ်​လုပ်ႇ​ဢဝ်​လၢဝ်ႈ​ၵဝ်​ၶႃႈ ဢွၵ်ႇ​သေ​ၵႃႈ​ၼႂ်း​မိူင်း​ၼႆႉ ၶိုၼ်း​ၶိုၼ်ႈ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၼင်ႇ​ၼၼ်​လႄႈ ယူဝ်းသႅပ်ႈ ဢသၢၵ်ႈ​လႆႈ​ပၢၵ်ႇ​ပၢႆ​သိပ်း​ပီႊ​လႄႈ တၢႆ​သေ​ဢေႃႈ။ ၶဝ်​ဢဝ်​တင်း​မဵဝ်း​ၼၢမ်ႇ​သႃႇ​တင်း​လၢႆ မႄး​ႁႅၼ်း​တူဝ်​တၢႆ​မၼ်း​ဝႆႉ ႁႂ်ႈ​ဢမ်ႇ​လႆႈ​တူႇ​လႆႈ​ၼဝ်ႈ​သေ​ယဝ်ႉ၊ ဢဝ်​သႂ်ႇ​ဝႆႉ​ၵႃႈ​ၼႂ်း​ၵွမ်ႇ ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။ ၵျၢမ်း​ငဝ်ႈ​ၵမ်ႇ​ၽႃႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="2">
			<chapter number="1">
				<verse number="1">ၸိုဝ်ႈ​သဵင်​လုၵ်ႈ​လၢင်း​ ဢီႉသရေႇလႃႉ ​ဢၼ်​ႁွတ်ႈ​ထိုင်​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ပႃး​ဢဝ်​တင်း​ႁိူၼ်း​တင်း​ယေး​ႁင်း​ၽႂ်​ႁင်း​မၼ်း​ၸွမ်း​လူၺ်ႈ​ၵၼ် တင်း​ ယႃႇၵုပ်ႈ ​ၸိူဝ်း​ၼၼ်ႉ​ၸမ်ႉ၊-</verse>
				<verse number="2">ပဵၼ်​ ရူႉပိၼ်ႇ၊ သီႉမုၼ်ႇ၊ လေႇဝီႉ၊ ယူႉတႃႉ ၊-</verse>
				<verse number="3">ဢီႉသၶႃႇ၊ ၸေႇပူႉလုၼ်ႇ၊ ပိၼ်ႇယႃႇမိၼ်ႇ ၊-</verse>
				<verse number="4">တၢၼ်ႇ၊ ၼပ်ႉထလီႉ၊ ၵၢတ်ႉ ​တင်း​ ဢႃႇသႃႇ ​ဢေႃႈ။-</verse>
				<verse number="5">ၸိူဝ်ႉ​ၶိူဝ်း​လုၵ်ႈ​လၢင်း​ဢၼ်​သိုပ်ႇ​ဢွၵ်ႇ​ၵႃႈ​ၼႂ်း​ ယႃႇၵုပ်ႈ ​ၼၼ်ႉ​ၸမ်ႉ၊ ပဵၼ်​ၸဵတ်း​သိပ်း​ၵေႃႉ​ဢေႃႈ။ ၵူၺ်း​ၵႃႈ ယူဝ်းသႅပ်ႈ မီး​ယူႇ​ထႃႈ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ဢွၼ်​တၢင်း​ဢေႃႈ။</verse>
				<verse number="6">ၸႃႉ​ၸဵမ်​ ယူဝ်းသႅပ်ႈ ​လႄႈ ပီႈ​ဢၢႆႈ​မၼ်း​တင်း​လၢႆ ဢိၵ်ႇ​တင်း​ၵူၼ်း ၵႃႈ​တီႈ​ၶိင်ႇ​ၵႃႇလႃႉ​ၼၼ်ႉ တင်း​သဵင်ႈ​တင်း​လူင်​ၸိူဝ်း​ၼၼ်ႉ တၢႆ​ၵႂႃႇ​ဝၢႆး​ၵႂႃႇ​သေ​ဢေႃႈ။-</verse>
				<verse number="7">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း​မႃး​သေ​ယဝ်ႉ၊ ႁႅင်း​ယႂ်ႇ​ၼႃႇ​လႄႈ ၸွတ်ႇ​တူဝ်ႈ​ၵႂႃႇ​တင်း​မိူင်း​ၵူႈ​တီႈ​ၵူႈ​လႅၼ်​ဢေႃႈ။</verse>
				<verse number="8">ဝၢႆး​သေ​ၼၼ်ႉ ၶုၼ်​ႁေႃ​ၶမ်း​ပႃး​မႂ်ႇ​ဢၼ်​ဢမ်ႇ​ႁူႉ​ၸၵ်း ယူဝ်းသႅပ်ႈ ​ၼၼ်ႉ ပေႃႇ​မႃး​ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="9">ပႃး​ၼၼ်ႉ​ၵေႃႈ လၢတ်ႈ​တီႈ​ၶႃႈ​ဝၢၼ်ႈ​ၵူၼ်း​မိူင်း​မၼ်း​လႄႈ​ဝႃႈ၊ တူၺ်း​လူး၊ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼႆႉ ၼမ်​ၼႃႇ​သေ​ႁဝ်း​ဢေႃႈ။ ႁႅင်း​ယႂ်ႇ​ၼႃႇ​သေ​ႁဝ်း​ဢေႃႈ။-</verse>
				<verse number="10">မႃး​ဢိူၺ်း၊ ႁဵတ်း​လၵ်း​လၵ်း​လႅမ်​လႅမ်​တေႃႇ​ၶဝ်​တႃႉ​ႁဝ်း။ ပေႃး​ဢမ်ႇ​ၼၼ် ၶဝ်​တၵ်း​ယႂ်ႇ​ၽႄႈ​ၼမ်​ၵိုၼ်း​မႃး​ဢေႃႈ။ ၵမ်း​လိုၼ်း​ပေႃး​ပဵၼ်​သိုၵ်း​ပဵၼ်​သိူဝ်​ၸိုင်၊ ၶဝ်​တၵ်း​ၶဝ်ႈ​ယူႇ​ၽၢႆႇ​ရၢၼ်ႇ​သူႇ​ႁဝ်း​ၼၼ်ႉ​သေ​လႄႈ တိုၵ်း​တေႃး​ႁဝ်း​သေ​ယဝ်ႉ၊ ဢွၵ်ႇ​သေ​ၵႃႈ​ၼႂ်း​မိူင်း​ၸဝ်ႈ​ၼႆႉ ၵႂႃႇ​သေ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ ၶဝ်​ၼၼ်ႉ​ၶၢၼ်း​ၶုၼ် ဢၼ်​ဢုပ်ႉ​ၵႃႈ​ၼိူဝ်​ၶဝ်​ဝႆႉ ႁႂ်ႈ​လႆႈ​ဢဝ်​တင်း​ၵၢၼ်​တၢင်း​ႁဵတ်း ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ​ၼၼ်ႉ ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၼႃႇ​လူင်​လၢင်​ဢေႃႈ။ ၶဝ်​ၵေႃႈ လႆႈ​တႄႇ​ႁဵတ်း​ဝဵင်း တီႈ​ဢၼ်​တၵ်း​သိမ်း​ၽၼ်ႇတႃႇ​ၸဝ်ႈ​ဝႆႉ​ပုၼ်ႈ ၶုၼ်​ႁေႃ​ၶမ်း​ ၽႃႇရေႃး ​ဢၼ်​ဝႃႈ ဝဵင်း​ ပီႉတုမ်ႇ ​တင်း​ဝဵင်း​ ရႃႇမသိတ်ႈ ​ဢေႃႈ။-</verse>
				<verse number="12">ၵူၺ်း​ၵႃႈ ၸွမ်း​ၵႃႈ​ၼင်ႇ​ဢၼ် ၶဝ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ယူႇ​ၼၼ်ႉ၊ ၶဝ်​ယဵင်ႈ​ၶႅၼ်း​ယႂ်ႇ​ၽႄႈ​ၼမ်​ၵိုၼ်း​မႃး ၸွတ်ႇ​တူဝ်ႈ​ၵႂႃႇ​ဢေႃႈ။ ၵူၼ်း​ ဢေႇၵိပ်ႉတူႉ ​တင်း​လၢႆ ဢွၼ်​ၵၼ်​မႆႈ​ၸႂ်​ၵွပ်ႈ​ပိူဝ်ႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ၊-</verse>
				<verse number="13">ႁႂ်ႈ​ၶဝ်​ၶၢမ်ႇ​ႁဵတ်း​ၶႃႈ​ယၢပ်ႇ​ၼႃႇ​ၽိုတ်ႇ​ၼႃႇ​လူင်​လၢင်​ဢေႃႈ။-</verse>
				<verse number="14">ၶဝ်​ၼၼ်ႉ​ႁႂ်ႈ​ၶဝ်​ၶီ​ၸႂ်​ၶူမ်​ၸႂ်​လူၺ်ႈ​တၢင်း​ဢၼ် ၸႂ်ႉ​ႁဵတ်း​ဢၼ်​ယၢပ်ႇ​ၼႃႇ​ယဵၼ်း​ၼႃႇ ၼႂ်း​လွင်ႈ​တၢင်း​ဢၼ် ႁဵတ်း​လိၼ်​ၼဵဝ် တင်း​မၢၵ်ႇ​ဢုတ်ႇ၊ ၼႂ်း​လွင်ႈ​တၢင်း​ဢၼ်​ႁဵတ်း​ႁႆႊ​ႁဵတ်း​ၼႃး ၵူႈ​ၸိူဝ်ႉ​ၵူႈ​ပိူင်​ဢၼ်​ဝႃႈ တၢင်း​ဢၼ်​ၸႂ်ႉ​ႁဵတ်း​ၵူႈ​ၸိူဝ်ႉ​ၵူႈ​ပိူင် ဢၼ်​ၸႂ်ႉ​ႁဵတ်း​ၵၢၼ်​တၢင်း​ႁဵတ်း ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ​လူင်​လၢင်​ၸိူဝ်း​ၼၼ်ႉ​ဢေႃႈ။</verse>
				<verse number="15">ၶုၼ်​ႁေႃ​ၶမ်း​မိူင်း​ ဢေႇၵိပ်ႉတူႉ လၢတ်ႈ​တီႈ​မႄႈ​ၵဵပ်း​ ႁေႇပြႄး ​ဢၼ်​လႆႈ​ၸိုဝ်ႈ သီႉၽရႃႉ ၊ တင်း​ ပူႉဢႃႇ ​ၸိူဝ်း​ၼၼ်ႉ​လႄႈ​ဝႃႈ၊-</verse>
				<verse number="16">မိူဝ်ႈ​ဢၼ်​သူ ႁဵတ်း​မႄႈ​ၵဵပ်း​တီႈ​မႄႈ​ယိင်း ႁေႇပြႄး ​တင်း​လၢႆ​လႄႈ ႁၼ်​ၶဝ်​မီး​ယူႇ​ၵႃႈ​တီႈ​ဢၼ်​ၵိူတ်ႇ​လဵင်ႉ​လုၵ်ႈ​ၼၼ်ႉ၊ ပေႃး​ပဵၼ်​ၵူၼ်း​ၸၢႆး​ဢွၼ်ႇ​ၸိုင်၊ သူ​တၵ်း​လႆႈ​ဢဝ်​တၢႆ​ပႅတ်ႈ​သေ​ဢေႃႈ။ ပေႃး​ပဵၼ်​ၵူၼ်း​ယိင်း​ဢွၼ်ႇ​ၸိုင်၊ မၼ်း​တၵ်း​လႆႈ​ဢသၢၵ်ႈ​လိပ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မႄႈ​ၵဵပ်း​ၸိူဝ်း​ၼၼ်ႉ​ၵူဝ်​ႁႄ​ၽြႃး​ပဵၼ်​ၸဝ်ႈ​လႄႈ ဢမ်ႇ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၶုၼ်​ႁေႃ​ၶမ်း​ ဢေႇၵိပ်ႉတူႉ မီး​ဢမိင်ႉ​ၼၼ်ႉ။ ၶဝ်​ပၼ်​ႁႂ်ႈ​ၵူၼ်း​ၸၢႆး​ဢွၼ်ႇ​တင်း​လၢႆ ဢသၢၵ်ႈ​လႆႈ​ၵတ်း​ယဵၼ်​ၶျၢမ်း​သႃႇ​ယူႇ​ဢေႃႈ။-</verse>
				<verse number="18">ၶုၼ်​ႁေႃ​ၶမ်း​မိူင်း​ ဢေႇၵိပ်ႉတူႉ ​ၵေႃႈ ႁွင်ႉ​ဢဝ်​မႄႈ​ၵဵပ်း​ၸိူဝ်း​ၼၼ်ႉ​လႄႈ ၸႅတ်ႈ​ထၢမ်​လႄႈ​ဝႃႈ၊ ႁဵတ်း​သင်​လႄႈ​သူ​ႁဵတ်း​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။ ႁဵတ်း​သင်​လႄႈ သူ​ပၼ်​ၵူၼ်း​ၸၢႆး​ဢွၼ်ႇ​တင်း​လၢႆ ဢသၢၵ်ႈ​လႆႈ​ၵတ်း​ယဵၼ်​ၶျၢမ်း​သႃႇ​ယူႇ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="19">မႄႈ​ၵဵပ်း​ၸိူဝ်း​ၼၼ်ႉ​ၵေႃႈ​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊ မႄႈ​ယိင်း​ ႁေႇပြႄး ​တင်း​လၢႆ ဢမ်ႇ​မိူၼ်​ၸိူဝ်ႉ​ၼင်ႇ မႄႈ​ယိင်း​ ဢေႇၵိပ်ႉတူႉ ​တင်း​လၢႆ​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ၶဝ်​ၵႅၼ်ႇ​ၶႅင်​ၼႃႇ​လႄႈ၊ ၶဝ်​ၸၢင်ႈ​ၵိူတ်ႇ​လဵင်ႉ​လုၵ်ႈ​ၸူဝ်ႈ​ဢၼ်​မႄႈ​ၵဵပ်း​ဢမ်ႇ​ပႆႇ​ၶဝ်ႈ​ႁွတ်ႈ​ၶဝ်ႈ​ထိုင်​ၼၼ်ႉ​သေ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ပိူဝ်ႈ​ၼႆ​လႄႈ ၽြႃး​ပဵၼ်​ၸဝ်ႈ ႁဵတ်း​ၵျေး​ၸူး​တီႈ​မႄႈ​ၵဵပ်း​ၸိူဝ်း​ၼၼ်ႉ​ဢေႃႈ။ ၵူၼ်း​မဵဝ်း​ၼၼ်ႉ​ၵေႃႈ ယႂ်ႇ​ၽႄႈ​ၼမ်​ၵိုၼ်း​မႃး​လႄႈ​ႁႅင်း​ယႂ်ႇ​ၼႃႇ​လူင်​လၢင်​ဢေႃႈ။-</verse>
				<verse number="21">ပိူဝ်ႈ​ဢၼ်​မႄႈ​ၵဵပ်း​ၸိူဝ်း​ၼၼ်ႉ ၵူဝ်​ႁႄ​ၽြႃး​ပဵၼ်​ၸဝ်ႈ​လႄႈ၊ မၼ်း​ၸဝ်ႈ​ပွင်​ႁဵတ်း လုမ်း​လႃး​ၵူၼ်း​ႁိူၼ်း​ၵူၼ်း​ယေး​ၶဝ်​ဢေႃႈ။-</verse>
				<verse number="22">ၶုၼ်​ႁေႃ​ၶမ်း​ ၽႃႇရေႃး သင်ႇ​လၢတ်ႈ​တီႈ​ၶႃႈ​ဝၢၼ်ႈ​ၵူၼ်း​မိူင်း​မၼ်း​ၸဝ်ႈ တင်း​သဵင်ႈ​တင်း​လူင်​ဝႆႉ​လႄႈ​ဝႃႈ၊ တၵ်း​လႆႈ​ဢဝ်​လုၵ်ႈ​ၸၢႆး​ဢွၼ်ႇ​ၶဝ်​ၵႃႈ​ဢၼ်​ၵိူတ်ႇ​လဵင်ႉ​မႃး​တင်း​သဵင်ႈ​တင်း​လူင်​ၼၼ်ႉ ၶျႃး​တူၵ်း​ပႅတ်ႈ​ၵႃႈ​ၼႂ်း​ၼမ်ႉ​ႁွင်ႈ​ဢေႃႈ။ ၵႃႈ​ဢၼ်​ပဵၼ်​လုၵ်ႈ​ယိင်း​ဢွၼ်ႇ​ၸမ်ႉ၊ တၵ်း​လႆႈ​ႁႂ်ႈ​ဢသၢၵ်ႈ ၵတ်း​ယဵၼ်​ၶျၢမ်း​သႃႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="2">
				<verse number="1">မိူဝ်ႈ​ၶိင်ႇ​ၵႃႇလႃႉ​ယၢမ်း​ၼၼ်ႉ၊ ၵူၼ်း​မဵဝ်း​ လေႇဝီႉ ​ၵေႃႉ​ၼိုင်ႈ​ၵႂႃႇ​လႄႈ ပဵၼ်​ႁိူၼ်း​ႁူမ်ႈ​ၵၼ်​တင်း လုၵ်ႈ​ယိင်း​မဵဝ်း​ လေႇဝီႉ ​ဢေႃႈ။-</verse>
				<verse number="2">မႄႈ​ယိင်း​ၼၼ်ႉ​ပႃး​ပတိၵ်ႉသၼ်ႇထေႇ​သေ​ယဝ်ႉ၊ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။ မိူဝ်ႈ​ဢၼ်​မၼ်း​ႁၼ်​လုၵ်ႈ​ၸၢႆး​ၼၼ်ႉ​ႁၢင်ႈ​လီ​ၽၢင်​လီ​ၼၼ်ႉ​ၸိုင်၊ မၼ်း​ဢဝ်​သိူင်ႇ​မႅပ်ႉ​ဝႆႉ​သၢမ်​လိူၼ်​တဵမ်​တဵမ်​ဢေႃႈ။-</verse>
				<verse number="3">ၵမ်း​လိုၼ်း​မိူဝ်ႈ​ဢၼ်​မၼ်း​ဢမ်ႇ​ဢဝ်​သိူင်ႇ​မႅပ်ႉ​ဝႆႉ​လႆႈ​ၼၼ်ႉ​ၸိုင်၊ မၼ်း​ဢဝ်​ဢူႇ​ဢၼ် ဢဝ်​တင်း​တူၼ်ႈ​ၶႅမ်​ၵႃႇ​မႃႇ သၢၼ်​ႁဵတ်း​ၼၼ်ႉ ဢၼ်​ၼိုင်ႈ​လႄႈ ဢဝ်​တင်း​ၵႆးတဝ်း​တင်း ႁၵ်ႉ​တႃး​သေ​ယဝ်ႉ၊ ဢဝ်​လုၵ်ႈ​ဢွၼ်ႇ​ၼၼ်ႉ သႂ်ႇ​ၵႃႈ​ၼႂ်း​မၼ်း​သေ​လႄႈ ဢဝ်​ဝႆႉ​ၵႃႈ​ၼႂ်း​တူၼ်ႈ​ၶႅမ် ၵႃႈ​တီႈ​ႁိမ်း​ၽင်ႇ​ၼမ်ႉ​ႁွင်ႈ​ဢေႃႈ။-</verse>
				<verse number="4">ပီႈ​ၼၢင်း​ၵေႃႉ​ဢွၼ်ႇ​ၼၼ်ႉ​ၵေႃႈ ၸုၵ်း​ယူႇ​တီႈ​ဢၼ်​ၵႆ​ႁႂ်ႈ​လႆႈ​ႁူႉ​လွင်ႈ​ဢၼ် တၵ်း​ပဵၼ်​မႃး​ၸိူဝ်ႉ​ၼင်ႇ​ႁိုဝ်​တီႈ​မၼ်း​ၼၼ်ႉ​ဢေႃႈ။-</verse>
				<verse number="5">လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး လူင်း​မႃး​ႁႂ်ႈ​လႆႈ​ဢၢပ်ႇ​ၼမ်ႉ​လႄႈ၊ ၼႂ်း​မိူဝ်ႈ​ဢၼ် ၸိူင်ႉ​မၼ်း​ၼၢင်း​မၼ်း​တင်း​လၢႆ လႄႇ​လဵပ်ႈ​ၸွမ်း ၵႃႈ​တီႈ​ႁိမ်း ၽင်ႇ​ၼမ်ႉ​ႁွင်ႈ​ယူႇ​ၼၼ်ႉ​ၸိုင်၊ မၼ်း​ထူပ်း​ႁၼ်​ဢူႇ​ၵႃႈ​တီႈ​တူၼ်ႈ​ၶႅမ်​ၼၼ်ႉ​လႄႈ ပွႆႇ​ၸႂ်ႉ​ၸိူင်ႉ​မၼ်း​ၵေႃႉ​ၼိုင်ႈ​ၵႂႃႇ ႁႂ်ႈ​လႆႈ​ဢဝ်​မႃး​ဢေႃႈ။-</verse>
				<verse number="6">မိူဝ်ႈ​ဢၼ်​မၼ်း​ၽုၺ်ႇ​ဢူႇ​ၼၼ်ႉ​ၸိုင်၊ မၼ်း​ႁၼ်​လုၵ်ႈ​လႅင်​ဢွၼ်ႇ​ၼၼ်ႉ​လႄႈ လုၵ်ႈ​လႅင်​ဢွၼ်ႇ​ၼၼ်ႉ​ႁႆႈ​ယူႇ​ဢေႃႈ။ မၼ်း​ၵေႃႈ​မီး​ၸႂ်​ဢၼ်​ဢဵတ်း​လူ​မၼ်း​ၼၼ်ႉ​လႄႈ လၢတ်ႈ​လႄႈ​ဝႃႈ၊ မၼ်း​ၼႆႉ​တၵ်း​ပဵၼ်​လုၵ်ႈ​ဢွၼ်ႇ​ၸိူဝ်ႉ​ၶိူဝ်း​ ႁေႇပြႄး ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ပီႈ​ၼၢင်း​ၵေႃႉ​ဢွၼ်ႇ​ၼၼ်ႉ​ၵေႃႈ လဝ်ႊ​ထၢမ်​တီႈ​လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ​လႄႈ​ဝႃႈ၊ ၶႃႈ​ၸဝ်ႈ​တၵ်း​လႆႈ​ၵႂႃႇ​လႄႈ​ႁွင်ႉ​ဢဝ် ၵေႃႉ​ဢၼ်​တၵ်း​လူ​တၵ်း​ထိင်း​ၵႃႈ​ၼႂ်း​မႄႈ​ယိင်း​ ႁေႇပြႄး ​တင်း​လၢႆ ႁႂ်ႈ​လႆႈ​လူ​လႆႈ​ထိင်း​လုၵ်ႈ​ဢွၼ်ႇ​ၼႆႉ ပုၼ်ႈ​ၸဝ်ႈ​ၼၢင်း​ႁဝ်း​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​လႄႈ၊-</verse>
				<verse number="8">လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး လၢတ်ႈ​လႄႈ​ဝႃႈ၊ ၵႂႃႇ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မႄႈ​ယိင်း​ဢွၼ်ႇ​ၼၼ်ႉ ၵႂႃႇ​လႄႈ​ႁွင်ႉ​ဢဝ်​မႄႈ​လုၵ်ႈ​ဢွၼ်ႇ​ၼၼ်ႉ​မႃး​ဢေႃႈ။</verse>
				<verse number="9">လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ သင်ႇ​လၢတ်ႈ​ဝႆႉ​တီႈ​မၼ်း​လႄႈ​ဝႃႈ၊ ဢဝ်​လုၵ်ႈ​ဢွၼ်ႇ​ၼႆႉ​ၵႂႃႇ​လႄႈ လူ​ထိင်း​ဝႆႉ​ပုၼ်ႈ​ၵဝ်​တႃႉ။ ၵဝ်​တၵ်း​ပၼ်​ၵႃႈ​မၼ်း​ၶၼ်​မၼ်း​လႆ၊ ဝႃႈ​ၼင်ႇ​ၼႆ​လႄႈ​မႄႈ​ယိင်း​ၼၼ်ႉ ဢဝ်​လုၵ်ႈ​ဢွၼ်ႇ​ၼၼ်ႉ​ၵႂႃႇ​လႄႈ လူ​ထိင်း​ဝႆႉ​ဢေႃႈ။-</verse>
				<verse number="10">မိူဝ်ႈ​ဢၼ်​လုၵ်ႈ​ဢွၼ်ႇ​ၼၼ်ႉ​ယႂ်ႇ​မႃး​ၼၼ်ႉ​ၸိုင်၊ မၼ်း​ဢဝ်​ၵႂႃႇ​သူင်ႇ​ၵႃႈ​တီႈ​လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး ​လႄႈ၊ မၼ်း​ၼၼ်ႉ​ၵေႃႈ​ဢဝ်​မၼ်း​ၶၢၼ်း​ဝႆႉ​ၼႂ်း​ဢရႃႇ​လုၵ်ႈ​ၸၢႆး​လႄႈ ႁွင်ႉ​ႁဵၵ်ႈ​ၸိုဝ်ႈ​မၼ်း မူဝ်းသေႇ ​လႄႈ​ဝႃႈ၊ ပိူဝ်ႈ​ဢၼ်​ၵဝ်​ၼုၵ်ႈ​ဢဝ်​မၼ်း​ဢွၵ်ႇ​သေ​ၵႃႈ​ၼႂ်း​ၼမ်ႉ​လႄႈ ႁွင်ႉ​ႁဵၵ်ႈ​ၸိူဝ်ႉ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မိူဝ်ႈ​ၼၼ်ႉ​ မူဝ်းသေႇ ​ယႂ်ႇ​မႃး​သေ​ယဝ်ႉ၊ ဢွၵ်ႇ​ၵႂႃႇ​ၸူး​ၵႃႈ​တီႈ​ပီႈ​ၼွင်ႉ​ၵူၼ်း​မဵဝ်း​မၼ်း​လႄႈ လူ​တူၺ်း​ၵၢၼ်​တၢင်း​ႁဵတ်း​ၶဝ်​ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ​ၼၼ်ႉ​ဢေႃႈ။ ၵမ်း​ၼၼ်ႉ မၼ်း​ႁၼ်​ၵူၼ်း​ ဢေႇၵိပ်ႉတူႉ ၵေႃႉ​ၼိုင်ႈ​ပေႃႉ​ယႅၼ်ႉ ပီႈ​ၼွင်ႉ​ၵူၼ်း​မဵဝ်း​မၼ်း ၵူၼ်း​ ႁေႇပြႄး ​ၵေႃႉ​ၼိုင်ႈ​ယူႇ​သေ​ယဝ်ႉ၊-</verse>
				<verse number="12">ဝၢႆႇ​တူၺ်း​ၽၢႆႇ​ၼိုင်ႈ​ယဝ်ႉ​ၽၢႆႇ​ၼိုင်ႈ​လႄႈ​မိူဝ်ႈ​ဢၼ်​ႁူႉ​ႁၼ်​လွင်ႈ​ဢၼ်​ၽူႈ​လႂ်​ဢမ်ႇ​မီး​ၼၼ်ႉ​ၸိုင်၊ မၼ်း​ဢဝ်​ၵူၼ်း​ ဢေႇၵိပ်ႉတူႉ ​ၼၼ်ႉ​တၢႆ​လႄႈ ဢဝ်​ၽင်​ဝႆႉ ၵႃႈ​ၼႂ်း​သၢႆး​သေ​ဢေႃႈ။-</verse>
				<verse number="13">ဝၼ်း​မိူဝ်ႈ​ၽုၵ်ႈ​မၼ်း​သမ်ႉ ဢွၵ်ႇ​ၵႂႃႇ​လႄႈ​လႆႈ​ႁၼ်​ၵူၼ်း​ ႁေႇပြႄး ​ၼင်ႇ​ၵၼ်​သွင်​ၵေႃႉ ပေႃႉ​ယႅၼ်ႉ​ၵၼ်​ယူႇ​လႄႈ ထၢမ်​တီႈ​ၵေႃႉ​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​လႄႈ​ဝႃႈ၊ ႁဵတ်း​သင်​လႄႈ​မႂ်း​ပေႃႉ​ယႅၼ်ႉ​ၵေႃႉ​သေႈ​မႂ်း​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">ၵေႃႉ​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၽူႈ​လႂ်​ၶၢၼ်း​မႂ်း​ဝႆႉ ႁႂ်ႈ​မႂ်း​လႆႈ​ပဵၼ်​ၵႄႇ​ပဵၼ်​ႁူဝ်​ၵေႃႉ​ဢၼ်​ၸီႇ​ယၢင်ႇ​တြႃး​ၵႃႈ​ၼိူဝ်​ႁဝ်း​ၼႆႉ။ မႂ်း​တၵ်း​ဢဝ်​ၵဝ်​တၢႆ မိူၼ်​ၸိူဝ်ႉ​ၼင်ႇ​ဢၼ်​ဢဝ်​ၵူၼ်း​ ဢေႇၵိပ်ႉတူႉ တၢႆ​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ​ မူဝ်းသေႇ ​ၵူဝ်​ႁႄ​လႄႈ​ဝႃႈ၊ ပိူၼ်ႈ​ႁူႉ​လွင်ႈ​ဢၼ် ၵဝ်​ႁဵတ်း​ၼၼ်ႉ​ယဝ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မိူဝ်ႈ​ဢၼ်​ၶုၼ်​ႁေႃ​ၶမ်း​ ၽႃႇရေႃး ​ငိၼ်း​သတၢင်း​သဵင်​ၶၢဝ်ႇ​ၼၼ်ႉ​ၸိုင်၊ မၼ်း​ၵျၢမ်ႇ​ႁႃ​ႁႂ်ႈ​လႆႈ​ဢဝ်​ မူဝ်းသေႇ ​တၢႆ​ဢေႃႈ။ မူဝ်းသေႇ ​ဢွၵ်ႇ​ပၢႆႈ​သေ​ၵႃႈ​တီႈ ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​မိူင်း​ မီႉတျၼ်ႇ ​သေ​ယဝ်ႉ၊ ၼင်ႈ​ယူႇ​ၵႃႈ​တီႈ​ႁိမ်း​ၼမ်ႉ​မေႃႇ​ဢေႃႈ။-</verse>
				<verse number="16">မိူဝ်ႈ​ၼၼ်ႉ​တီႈ​ယိတ်ႈပရေႃးႁဵၵ်ႈ​မိူင်း​ မီႉတျၼ်ႇ ​ၼၼ်ႉ​မီး​လုၵ်ႈ​ယိင်း​ၸဵတ်း​ၵေႃႉ​ဢေႃႈ။ ၶဝ်​ၼၼ်ႉ​ဢွၼ်​ၵၼ်​မႃး​လႄႈ တဵၵ်း​ၼမ်ႉ​သေ​ယဝ်ႉ၊ ထွၵ်ႇ​သႂ်ႇ​ၵႃႈ​ၼႂ်း​ႁၢင်း​ၵိၼ်​ၼမ်ႉ​ႁႂ်ႈ​လႆႈ​တိုၵ်း​ၼမ်ႉ​ပၼ်​တီႈ​ၽုင်​သူဝ်း​ၽုင်​ပႄႉ​ပေႃႈ​ၶဝ်​ဢေႃႈ။-</verse>
				<verse number="17">ၵူၼ်း​လဵင်ႉ​သူဝ်း​တင်း​လၢႆ ဢွၼ်​ၵၼ်​မႃး​လႄႈ​ႁေႃႈ​သူဝ်း​ၶဝ်​ပႄႉ​ၶဝ်​ၸိူဝ်း​ၼၼ်ႉ​ပႅတ်ႈ​ဢေႃႈ။ မိူဝ်ႈ​ၼၼ်ႉ မူဝ်းသေႇ ​လုၵ်ႉ​လႄႈ ၸွႆႈ​ထႅမ်​မႄႈ​ယိင်း​ၸိူဝ်း​ၼၼ်ႉ​သေ​ယဝ်ႉ၊ တိုၵ်း​ၼမ်ႉ​ပၼ်​တီႈ ၽုင်​သူဝ်း​ၽုင်​ပႄႉ​ၶဝ်​ဢေႃႈ။-</verse>
				<verse number="18">မိူဝ်ႈ​ဢၼ်​ၶဝ်​ၸိူဝ်း​ၼၼ်ႉ​ႁွတ်ႈ​ထိုင်​ၵႃႈ​တီႈ​ ရူႉဢေးလႃႉ ​ၼၼ်ႉ​ၸိုင်၊ မၼ်း​ထၢမ်​တီႈ​ၶဝ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ဝၼ်း​မိူဝ်ႈ​ၼႆႉ သူ​ၸဵဝ်း​ႁွတ်ႈ​မႃး​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၶဝ်​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵူၼ်း​ ဢေႇၵိပ်ႉတူႉ ​ၵေႃႉ​ၼိုင်ႈ ၵႄႇ​ၶျွတ်ႈ​ဢဝ်​ႁဝ်း​ၶႃႈ​သေ​ၵႃႈ​ၼႂ်း​မိုဝ်း​ၵူၼ်း​လဵင်ႉ​သူဝ်း​တင်း​လၢႆ​လႄႈ တဵၵ်း​ၼမ်ႉ​ၵႃႈ​ဢၼ်​ႁဝ်း​ၶႃႈ​လူဝ်ႇ​ၼၼ်ႉ တိုၵ်း​ပၼ်​တီႈ​ၽုင်​သူဝ်း​ၽုင်​ပႄႉ​ႁဝ်း​ၶႃႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မၼ်း​ၵေႃႈ​ထၢမ်​တီႈ​လုၵ်ႈ​ယိင်း​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ၵေႃႉ​ၼၼ်ႉ​ၸိုင်​မီး​ယူႇ​ၵႃႈ​တီႈ​လႂ်။ ႁဵတ်း​သင်​လႄႈ​သူ​ပႅတ်ႈ​မၼ်း​ဝႆႉ​ၼင်ႇ​ႁိုဝ်။ ဢွၼ်​ၵၼ်​ႁွင်ႉ​ဢဝ်​မၼ်း​မႃး​ႁႂ်ႈ​လႆႈ​ၵိၼ်​တၢင်း​ၵိၼ်​တၢင်း​ၶူပ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မူဝ်းသေႇ ​ငိၼ်း​ပျေႃႇ​ငိၼ်း​မူၼ်ႈ ၶႂ်ႈ​ယူႇ​လူၺ်ႈ​ၵေႃႉ​ၼၼ်ႉ​လႄႈ ၵေႃႉ​ၼၼ်ႉ​ၵေႃႈ​ဢဝ်​လုၵ်ႈ​ယိင်း​မၼ်း​ ၸီႉပေႃးရႃႉ ​ပၼ်​တီႈ မူဝ်းသေႇ ​ဢေႃႈ။-</verse>
				<verse number="22">မၼ်း​ၼၼ်ႉ​ၵိူတ်ႇ​လဵင်ႉ​လုၵ်ႈ​ၸၢႆး​မႃး​လႄႈ မူဝ်းသေႇ ​ၵေႃႈ​ႁွင်ႉ​ႁဵၵ်ႈ​ၸိုဝ်ႈ​မၼ်း ၵေႇရသုၼ်ႇ ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ၵဝ်​လႆႈ​ပဵၼ်​ၶႅၵ်ႇ ဢႃႇၵၼ်ႇတူႉ​တၢင်ႇ​တီႈ​တၢင်ႇ​မိူင်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ၶိင်ႇ​ၵႃႇလႃႉ​မိုဝ်ႉ​ဝၼ်း ႁိုင်​တၢၼ်ႇ​တၢၼ်ႇ​ယဝ်ႉ​ၸင်ႇ၊ ၶုၼ်​ႁေႃ​ၶမ်း​ၼွၼ်း​ၽႄး​သေ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵေႃႈ ဢွၼ်​ၵၼ်​ပွင်ႉ​ၶၢင်း​ယူႇ​ၵွပ်ႈ​ပိူဝ်ႈ​ဢၼ်​ၶဝ်​လႆႈ​ၶၢမ်ႇ​ႁဵတ်း​ၶႃႈ​ၼၼ်ႉ​ဢေႃႈ။ ၶဝ်​ဢွၼ်​ၵၼ်​ႁွင်ႉ​သႅၼ်ႇ​ႁွင်ႉ​ႁႆႈ​လႄႈ သဵင်​ဢၼ်​ၶဝ်​ႁွင်ႉ​သႅၼ်ႇ​ႁွင်ႉ​ႁႆႈ​ၵွပ်ႈ​ပိူဝ်ႈ​တၢင်း​ဢၼ်​ၶဝ်​လႆႈ​ၶၢမ်ႇ​ႁဵတ်း​ၶႃႈ​ၼၼ်ႉ ၶိုၼ်ႈ​ၵႂႃႇ​ႁွတ်ႈ​ထိုင်​ၵႃႈ​တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="24">ၽြႃး​ပဵၼ်​ၸဝ်ႈ​ငိၼ်း​သဵင်​ဢၼ် ၶဝ်​ပွင်ႉ​ၶၢင်း​ယူႇ​ၼၼ်ႉ​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ပတီႉၺိၺ်ႇ​ဢၼ်​လႆႈ​ႁဵတ်း​မႃး လူၺ်ႈ​ၵၼ်​တင်း​ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၸိူဝ်း​ၼၼ်ႉ​ယဝ်ႉ​ၼၼ်ႉ​ဢေႃႈ။</verse>
				<verse number="25">ၽြႃး​ပဵၼ်​ၸဝ်ႈ​ၵေႃႈ လူ​တူၺ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ ႁူႉ​လွင်ႈ​ၶဝ်​ဢေႃႈ။</verse>
			</chapter>
			<chapter number="3">
				<verse number="1">မူဝ်းသေႇ ​ၼၼ်ႉ ၼႂ်း​မိူဝ်ႈ​ဢၼ်​လဵင်ႉ​ထိင်း​ၽုင်​သူဝ်း​ၽုင်​ပႄႉ​ပူႇ​ၼၢႆး​မၼ်း​ ယေႇသရေႃး ယိတ်ႈပရေႃးႁဵၵ်ႈ​မိူင်း​ မီႉတျၼ်ႇ ​ယူႇ​ၼၼ်ႉ​ၸိုင်၊ ဢဝ်​ၵႂႃႇ​ၵႃႈ​တီႈ​ၽၢႆႇ​တၢင်း​လင်​ထိူၼ်ႇ​လႄႈ​ႁွတ်ႈ​ထိုင်​ၵႃႈ​တီႈ​လွႆ​ၽြႃး​ပဵၼ်​ၸဝ်ႈ ဢၼ်​လႆႈ​ၸိုဝ်ႈ​ ႁေႃးရပ်ႉ ​ၼၼ်ႉ​ဢေႃႈ။-</verse>
				<verse number="2">မိူဝ်ႈ​ၼၼ်ႉ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ပေႃႇ​မႃး​တီႈ​မၼ်း ၵႃႈ​ၼႂ်း​ပဵဝ်​ၽႆး​ဢၼ်​ဢွၵ်ႇ​ၵႃႈ​ၼႂ်း​ယုမ်း​မႆႉ​ဢေႃႈ။ မူဝ်းသေႇ ​ၼၼ်ႉ လူ​တူၺ်း​လႄႈ​ႁၼ်​ယုမ်း​မႆႉ မႆႈ​ၽႆး​ယူႇ​လႄႈ ယုမ်း​မႆႉ​ၼၼ်ႉ​ဢမ်ႇ​ၶႅမ်ႈ​ဢမ်ႇ​သုတ်း​ၼၼ်ႉ​သေ​လႄႈ​ဝႃႈ၊-</verse>
				<verse number="3">ၵဝ်​တၵ်း​ဝႄႉ​ၵႂႃႇ​လူ​တူၺ်း​ရူႇပႃႇရူင်ႇ​ဢၼ်​လၢၵ်ႇ​လၢႆး​ၼႆႉ၊ ဢၼ်​ယုမ်း​မႆႉ ဢမ်ႇ​ၶႅမ်ႈ​ဢမ်ႇ​သုတ်း​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ထႃႇဝရႃႉ​ၽြႃး​ႁၼ်​လွင်ႈ​ဢၼ်​မၼ်း​ဝႄႉ​ၵႂႃႇ လူ​တူၺ်း​ၼၼ်ႉ​သေ​ယဝ်ႉ၊ ၽြႃး​ပဵၼ်​ၸဝ်ႈ​ယူႇ​ၵႃႈ​ၼႂ်း​ယုမ်း​မႆႉ​ၼၼ်ႉ ႁွင်ႉ​တီႈ​မၼ်း​လႄႈ​ဝႃႈ၊ မူဝ်းသေႇ ​ဢိူၺ်း၊ မူဝ်းသေႇ ​ဢိူၺ်း၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​မီး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ယႃႇ​ပေ​သုတ်ႉ​မႃး​ၸမ်၊ ထွတ်ႇ​ၶႅပ်း​တိၼ်​သေ​ၵႃႈ​တိၼ်​မႂ်း​တႃႉ။ တီႈ​ဢၼ်​မႂ်း​ယဵပ်ႇ​ယူႇ​ၼၼ်ႉ​ၸမ်ႉ၊ ပဵၼ်​လိၼ်​ဢၼ်​မူတ်း​ၸၢင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မၼ်း​ၸဝ်ႈ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ၵဝ်​ပဵၼ်​ၽြႃး​ပေႃႈ​မႂ်း၊ ၽြႃး​ ဢႃႇပြႃႇႁၢမ်ႇ ၊ ၽြႃး​ ဢီႉၸၢၵ်ႈ ၊ ၽြႃး​ ယႃႇၵုပ်ႈ ​ၸိူဝ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ မူဝ်းသေႇ ​ၼၼ်ႉ​ပိူဝ်ႈ​ဢၼ်​ဢမ်ႇ​ႁတ်း​လူ​တူၺ်း​ၽြႃး​ပဵၼ်​ၸဝ်ႈ​လႄႈ ႁူမ်ႇ​ၼႃႈ​မၼ်း​ဝႆႉ​ဢေႃႈ။</verse>
				<verse number="7">ထႃႇဝရႃႉ​ၽြႃး​ၵေႃႈ​လၢတ်ႈ​လႄႈ​ဝႃႈ၊ ၵဝ်​လႆႈ​ႁၼ်​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​ၵူၼ်း​ၵဝ်​တင်း​လၢႆ​ဢၼ်​မီး​ယူႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ပုၼ်ႉ လႆႈ​ၶၢမ်ႇ​ၼၼ်ႉ​လႄႈ​လႆႈ​ငိၼ်း​သဵင် ဢၼ်​ၶဝ်​ပွင်ႉ​ၶၢင်း​ပွင်ႉ​မိူၼ်ႇ​ၵွပ်ႈ​ပိူဝ်ႈ​ၵူၼ်း​ဢၼ်​ဢုပ်ႉ​ဢၼ်​ထိင်း​ၶဝ်​ၸိူဝ်း​ၼၼ်ႉ​ယဝ်ႉ။ လွင်ႈ​မၼ်း​ၸမ်ႉ ၵဝ်​ႁူႉ​ဝူၺ်ႇတၼႃႇ တၢင်း​ဢၼ်​ၶဝ်​ၸဵပ်း​ၸႂ်​ၼၼ်ႉ​ယူႇ​ဢေႃႈ။-</verse>
				<verse number="8">ၵဝ်​လူင်း​မႃး​ႁႂ်ႈ​လႆႈ​ၵႄႇ​ၶျွတ်ႈ​ဢဝ်​ၶဝ်​သေ​ၵႃႈ​ၼႂ်း​မိုဝ်း​ၵူၼ်း​ ဢေႇၵိပ်ႉတူႉ ​တင်း​လၢႆ​လႄႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵႂႃႇ​သူင်ႇ​ၵႃႈ​တီႈ​မိူင်း​ဢၼ်​လီ​ဢၼ်​ငၢမ်း၊ ဢၼ်​ယႂ်ႇ​ဢၼ်​ၵႂၢင်ႈ၊ ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ၊ တီႈ​ယူႇ​ၵူၼ်း​ ၶႃႇၼၼီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ဢႃႇမေႃးရီႉ ၊ ၵူၼ်း​ ၽေႇရၸီႉ ၊ ၵူၼ်း​ ႁီႉဝီႉ ၊ ၵူၼ်း​ ယေႇပူႉသီႉ ​ၸိူဝ်း​ၼၼ်ႉ​ယဝ်ႉ။-</verse>
				<verse number="9">တေႃႈ​လဵဝ်​ၼႆႉ​ၵေႃႈ၊ သဵင်​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ႁွင်ႉ​သႅၼ်ႇ​ႁွင်ႉ​ႁႆႈ​ၼၼ်ႉ ၶိုၼ်ႈ​ႁွတ်ႈ​ၶိုၼ်ႈ​ထိုင်​ၵႃႈ​တီႈ​ၵဝ်​လႄႈ ၵဝ်​လႆႈ​ႁၼ်​လွင်ႈ​တၢင်း​ဢၼ် ၵူၼ်း​ ဢေႇၵိပ်ႉတူႉ ​တင်း​လၢႆ ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၼၼ်ႉ​ယဝ်ႉ။-</verse>
				<verse number="10">ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ​ၵႂႃႇ​တႃႉ။ ၵဝ်​တၵ်း​ပွႆႇ​ၸႂ်ႉ​မႂ်း ၵႂႃႇ​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​ပုၼ်ႉ ႁႂ်ႈ​မႂ်း​လႆႈ​ၼုၵ်ႈ​ဢဝ်​ၵူၼ်း​ၵဝ်​ဢၼ်​ဝႃႈ​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မူဝ်းသေႇ ​ၵေႃႈ​လဝ်ႊ​လၢတ်ႈ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ လွင်ႈ​ၼင်ႇ​ႁိုဝ်​ၶႃႈ​ၸဝ်ႈ​တၵ်း​လႆႈ​ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​လွင်ႈ​ၼင်ႇ​ႁိုဝ် ၶႃႈ​ၸဝ်ႈ​တၵ်း​လႆႈ​ၼုၵ်ႈ​ဢဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ၸိုင်၊ ၶႃႈ​ၸဝ်ႈ​ၼႆႉ​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵဝ်​တၵ်း​မီး​ယူႇ​လူၺ်ႈ​ၵၼ်​တင်း​မႂ်း​ဢမၢၼ်ႇ​ၶၼ်​ပဵၼ်​ဢေႃႈ။ လၢၵ်ႈၶၼႃႇ​သၢၵ်ႈ​သေႇ​ဢၼ်​ၵဝ်​ပွႆႇ​ၸႂ်ႉ​မႂ်း​ၵႂႃႇ​ၼႆႉ​ၸမ်ႉ၊ မႂ်း​ၼုၵ်ႈ​ဢဝ်​ၵူၼ်း​ၸိူဝ်း​ၼၼ်ႉ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​သေ​ယဝ်ႉ၊ မႂ်း​တၵ်း​လႆႈ​ႁဵတ်း​ဝၢတ်ႈ​တီႈ​ၽြႃး​ပဵၼ်​ၸဝ်ႈ ၵႃႈ​ၼိူဝ်​လွႆ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မူဝ်းသေႇ ​ၵေႃႈ ထၢမ်​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ မိူဝ်ႈ​ဢၼ်​ၶႃႈ​ၸဝ်ႈ​ႁွတ်ႈ​ထိုင် ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ ၽြႃး​ပဵၼ်​ၸဝ်ႈ​ပူႇ​မွၼ်ႇ​သူ​ၼၼ်ႉ ပွႆႇ​ၸႂ်ႉ​ၵဝ်​မႃး​ၵႃႈ​တီႈ​ဢၼ်​သူ​မီး​ၼႆႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ၶဝ်​သမ်ႉ​ၶိုၼ်း​ထၢမ်​တီႈ​ၶႃႈ​ၸဝ်ႈ​လႄႈ​ဝႃႈ၊ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၶႃႈ​ၸဝ်ႈ​တၵ်း​လႆႈ​ၶိုၼ်း​လၢတ်ႈ​တီႈ​ၶဝ်​ၼၼ်ႉ ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၽြႃး​ပဵၼ်​ၸဝ်ႈ​ၵေႃႈ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၵဝ်​ပဵၼ်​ယူႇ​ၵႃႈ​ၼင်ႇ​ဢၼ်​ၵဝ်​ပဵၼ်​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၸဝ်ႈ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ၶိုၼ်း​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ​ဝႃႈ၊ ၸဝ်ႈ​ဢၼ်​လႆႈ​ၸိုဝ်ႈ​ၵဝ်​ပဵၼ်​ယူႇ​ၼၼ်ႉ ပွႆႇ​ၸႂ်ႉ​ၵဝ်​မႃး​ၵႃႈ​တီႈ​ဢၼ် သူ​မီး​ၼႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ၵမ်း​ၼၼ်ႉ ၽြႃး​ပဵၼ်​ၸဝ်ႈ​သမ်ႉ​လၢတ်ႈ​တီႈ​ မူဝ်းသေႇ ​ထႅင်ႈ​လႄႈ​ဝႃႈ၊ မႂ်း​တၵ်း​လႆႈ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ထႃႇဝရႃႉ​ၽြႃး​ၽြႃး​ပဵၼ်​ၸဝ်ႈ​ပူႇ​မွၼ်ႇ​သူ၊ ၽြႃး​ ဢႃႇပြႃႇႁၢမ်ႇ ၊ ၽြႃး​ ဢီႉၸၢၵ်ႈ ၊ ၽြႃး​ ယႃႇၵုပ်ႈ ​ၼၼ်ႉ ပွႆႇ​ၸႂ်ႉ​ၵဝ်​မႃး​ၵႃႈ​တီႈ​ဢၼ်​သူ​မီး​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ဢၼ်​ၼႆႉ​ပဵၼ်​ၼႃႇ​မႃႉ​ၸိုဝ်ႈ​သဵင်​ၵဝ်​ယဝ်ႉ။ ဢၼ်​ၼႆႉ​ပဵၼ်​လၢၵ်ႈၶၼႃႇ​သၢၵ်ႈ​သေႇ​ၵဝ် ၵႃႈ​တီႈ​မဵဝ်း​ၵူၼ်း သိုပ်ႇ​သိုပ်ႇ​တၢမ်း​တၢမ်း​တႃႇ​သေႇ​ဢမ်ႇ​ထၢတ်ႇ​ယဝ်ႉ​ဢေႃႈ။-</verse>
				<verse number="16">ၵႂႃႇ​လႄႈ​ႁႂ်ႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸူႉ​ၵၼ်​တုမ်​ၵၼ်​သေ​ယဝ်ႉ၊ လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး၊ၽြႃး​ပဵၼ်​ၸဝ်ႈ​ပူႇ​မွၼ်ႇ​သူ၊ ၽြႃး​ ဢႃႇပြႃႇႁၢမ်ႇ ၊ ၽြႃး​ ဢီႉၸၢၵ်ႈ ၊ ၽြႃး​ ယႃႇၵုပ်ႈ ​ၼၼ်ႉ​ပေႃႇ​မႃး​တီႈ​ၵဝ်​လႄႈ​လၢတ်ႈ​ဝႃႈ၊ ၵဝ်​မႃး​လူ​မႃး​တူၺ်း​သူ​ဢမၢၼ်ႇ​ၶၼ်​ပဵၼ်​လႄႈ ႁၼ်​လွင်ႈ​ဢၼ်​ၶဝ်​ႁဵတ်း​တီႈ​သူ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ယဝ်ႉ။-</verse>
				<verse number="17">ၵဝ်​လႆႈ​မီး​ၵတီႉ​လႄႈ​ဝႃႈ၊ ၵဝ်​တၵ်း​ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​ဢၼ်​လႆႈ​ၶၢမ်ႇ​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ဢဝ်​ၵႂႃႇ​သူင်ႇ​ၵႃႈ​တီႈ​မိူင်း ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ၊ တီႈ​ယူႇ​ၵူၼ်း​ ၶႃႇၼၼီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ဢႃႇမေႃးရီႉ ၊ ၵူၼ်း​ ၽေႇရၸီႉ ၊ ၵူၼ်း​ ႁီႉဝီႉ ၊ ၵူၼ်း​ ယေႇပူႉသီႉ ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="18">ၶဝ်​ၼၼ်ႉ​တၵ်း​ထွမ်ႇ​ဢဝ်​ၵႂၢမ်း​မႂ်း​လႄႈ မႂ်း​ၵေႃႈ​တၵ်း​လႆႈ​ပႃး​ဢဝ်​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ဢေႇၵိပ်ႉတူႉ ​လႄႈ​လဝ်ႊ​လၢတ်ႈ​ဝႃႈ၊ ထႃႇဝရႃႉ​ၽြႃး၊ၽြႃး​ပဵၼ်​ၸဝ်ႈ​ၵူၼ်း​မဵဝ်း​ ႁေႇပြႄး ​လႆႈ​ႁူပ်ႉ​ထူပ်း​ၵၼ်​တင်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​တီႈ​ၶႃႈ​ယဝ်ႉ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ၸိူဝ်း​ၼႆႉ​လႆႈ​ၵႂႃႇ​ၵႃႈ​ၼႂ်း​ထိူၼ်ႇ​ပုၼ်ႉ ၶၢဝ်း​တၢင်း​သေ​သၢမ်​ဝၼ်း​ၼိုင်ႈ ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​တီႈ ထႃႇဝရႃႉ​ၽြႃး၊ၽြႃး​ပဵၼ်​ၸဝ်ႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၵူၺ်း​ၵႃႈ ၵဝ်​ႁူႉ​လွင်ႈ​ဢၼ်​ပိၵ်ႉ​သမ်ႉ ၶုၼ်​ႁေႃ​ၶမ်း​ ဢေႇၵိပ်ႉတူႉ ​လႆႈ​ထူပ်း​လႆႈ​ႁၼ်​တၼ်း​ၶူဝ်း​ဢၼ်​ယႂ်ႇ​ၼႃႇ​သေ​ၵေႃႈ၊ မၼ်း​တၵ်း​ဢမ်ႇ​ပၼ်​ဢၶႂၢင်ႉ​ႁႂ်ႈ​သူ​လႆႈ​ၵႂႃႇ​ၼၼ်ႉ​ယူႇ​ဢေႃႈ။-</verse>
				<verse number="20">ၵဝ်​တၵ်း​ယိုၼ်ႈ​မိုဝ်း​ၵဝ်​သေ​လႄႈ ဢဝ်​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ၵႃႈ​ဢၼ်​ၵဝ်​တၵ်း​ႁဵတ်း​ၵႃႈ​ၼႂ်း​မိူင်း​ၼၼ်ႉ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ပၼ်​တၢမ်ႇ​တီႈ​မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။ ဝၢႆး​ၼၼ်ႉ​မၼ်း​တၵ်း​ပွႆႇ​သူ​ဢေႃႈ။-</verse>
				<verse number="21">ၵဝ်​တၵ်း​ႁႂ်ႈ​ၵူၼ်း​မဵဝ်း​ၼၼ်ႉ​လႆႈ​ၼႃႈ​လႆႈ​တႃ ၵႃႈ​တီႈ​ၵူၼ်း​ ဢေႇၵိပ်ႉတူႉ ​တင်း​လၢႆ​လႄႈ၊ မိူဝ်ႈ​ဢၼ်​သူ​ဢွၵ်ႇ​ၵႂႃႇ​ၼၼ်ႉ​ၸိုင်၊ သူ​ဢမ်ႇ​လႆႈ​ဢွၵ်ႇ​ၵႂႃႇ​တိၼ်​လၢႆ​မိုဝ်း​ပဝ်ႇ။-</verse>
				<verse number="22">လွင်ႈ​မၼ်း​ၸမ်ႉ ၽူႈ​ယိင်း​ၵူႈ​ၵေႃႉ​တၵ်း​လႆႈ​ယွၼ်း​ဢဝ်​ၶိူင်ႈ​ငိုၼ်း​ၶိူင်ႈ​ၶမ်း တင်း​ၶိူင်ႈ​ၼုင်ႈ​တၢင်း​မႆ ၵႃႈ​တီႈ​ၵူၼ်း​ႁိူၼ်း​ၸမ်​ၵၼ် ဢိၵ်ႇ​တင်း ၵႃႈ​တီႈ​ၵေႃႉ​ဢၼ်​သွၼ်ႈ​ပိုင်ႈ​ႁိူၼ်း​မၼ်း​ယူႇ​ၼၼ်ႉ​လႄႈ ႁၢင်ႈ​ၶိူင်ႈ​ပၼ်​တီႈ​လုၵ်ႈ​ၸၢႆး​သူ လုၵ်ႈ​ယိင်း​သူ​တင်း​လၢႆ​သေ​ယဝ်ႉ၊ ႁိမ်​ႁူင်ႇ​ဢဝ် ဢုၵ်ႉ​ၸႃႇ​ၶူဝ်း​လဵင်း​ၵူၼ်း​ ဢေႇၵိပ်ႉတူႉ ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="4">
				<verse number="1">မူဝ်းသေႇ ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶဝ်​ၼၼ်ႉ​တၵ်း​ဢမ်ႇ​ယုမ်ႇ​ၶႃႈ​ၸဝ်ႈ။ ၵႂၢမ်း​ၶႃႈ​ၸဝ်ႈ​ၵေႃႈ​ၶဝ်​တၵ်း​ဢမ်ႇ​ထွမ်ႇ​ဢမ်ႇ​ဢဝ်။ ၶဝ်​တၵ်း​ဝႃႈ၊ ထႃႇဝရႃႉ​ၽြႃး​ဢမ်ႇ​ပေႃႇ​မႃး​တီႈ​မႂ်း​ၵူၺ်ႉ၊ ဝႃႈ​ၼင်ႇ​ၼႆ​လူး​ၵွၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ထႃႇဝရႃႉ​ၽြႃး​ၵေႃႈ​ထၢမ်​တီႈ​မၼ်း​လႄႈ​ဝႃႈ၊ ဢၼ်​မီး​ၵႃႈ​ၼႂ်း​မိုဝ်း​မႂ်း​ၼႆႉ​ပဵၼ်​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ပဵၼ်​ၶွၼ်ႉ​တဝ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မၼ်း​ၸဝ်ႈ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ဢဝ်​ထိမ်ႈ​တူၵ်း​သႂ်ႇ​ၵႃႈ​ၼိူဝ်​လိၼ်​တႃႉ၊ ဝႃႈ​ၼင်ႇ​ၼႆ​လႄႈ မၼ်း​ဢဝ်​ထိမ်ႈ​တူၵ်း​သႂ်ႇ​ၵႃႈ​ၼိူဝ်​လိၼ် သေ​ယဝ်ႉ၊ ၶွၼ်ႉ​တဝ်ႉ​ၼၼ်ႉ​ပဵၼ်​ငူး​ၵႂႃႇ​လႄႈ၊ မူဝ်းသေႇ ​လႆႈ​လႅၼ်ႈ​ပၢႆႈ​ၵႃႈ​တီႈ​ၽၢႆႇ​ၼႃႈ​မၼ်း​ၼၼ်ႉ​ဢေႃႈ။-</verse>
				<verse number="4">ထႃႇဝရႃႉ​ၽြႃး​ၵေႃႈ​လၢတ်ႈ​လႄႈ​ဝႃႈ၊ ယိုၼ်း​မိုဝ်း​မႂ်း​လႄႈ​တီႉ​ၵမ်​ဢဝ်​ႁၢင်​မၼ်း​တႃႉ၊ ဝႃႈ​ၼင်ႇ​ၼႆ​လႄႈ မၼ်း​ယိုၼ်း​မိုဝ်း​မၼ်း​တီႉ​ၵမ်​ဢဝ်​လႆႈ​လႄႈ​ၶိုၼ်း​ပဵၼ်​ၶွၼ်ႉ​တဝ်ႉ​ၵႂႃႇ ၵႃႈ​တီႈ​မိုဝ်း​မၼ်း​သေ​ဢေႃႈ။-</verse>
				<verse number="5">ပေႃး​ႁဵတ်း​ၼင်ႇ​ၼႆ​ၸိုင်၊ ၶဝ်​ၼၼ်ႉ​တၵ်း​ယုမ်ႇ​လွင်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​ၶဝ်၊ ၽြႃး​ ဢႃႇပြႃႇႁၢမ်ႇ ၊ ၽြႃး​ ဢီႉၸၢၵ်ႈ ၊ ၽြႃး​ ယႃႇၵုပ်ႈ ​ၼၼ်ႉ ပေႃႇ​မႃး​ၵႃႈ​တီႈ​မႂ်း​ယဝ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၵမ်း​ၼၼ်ႉ ထႃႇဝရႃႉ​ၽြႃး​လၢတ်ႈ​လႄႈ​ဝႃႈ၊ ဢဝ်​မိုဝ်း​မႂ်း​ၸူၵ်း​ၶဝ်ႈ​ၵႃႈ​တီႈ​ႁူဝ်​ဢူၵ်း​မႂ်း​တႃႉ၊ ဝႃႈ​ၼင်ႇ​ၼႆ​လႄႈ မၼ်း​ဢဝ်​မိုဝ်း​မၼ်း ၸူၵ်း​ၶဝ်ႈ​ၵႃႈ​တီႈ​ႁူဝ်​ဢူၵ်း​မၼ်း​လႄႈ မိူဝ်ႈ​ဢၼ်​မၼ်း​ဢဝ်​ဢွၵ်ႇ​ၼၼ်ႉ​ၸိုင်၊ မိုဝ်း​မၼ်း​ၼၼ်ႉ ပဵၼ်​တုတ်ႈ​ၵႂႃႇ မိူၼ်​ၸိူဝ်ႉ​ၼင်ႇ​မူၺ်​ႁႃႇ​ဢေႃႈ။-</verse>
				<verse number="7">ၵမ်း​ၼၼ်ႉ မၼ်း​ၸဝ်ႈ​သမ်ႉ​လၢတ်ႈ​ထႅင်ႈ​လႄႈ​ဝႃႈ ဢဝ်​မိုဝ်း​မႂ်း​ၶိုၼ်း​ၸူၵ်း​ၶဝ်ႈ​ၵႃႈ​တီႈ​ႁူဝ်​ဢူၵ်း​မႂ်း​တႃႉ၊ ဝႃႈ​ၼင်ႇ​ၼႆ​လႄႈ မၼ်း​သမ်ႉ​ဢဝ်​မိုဝ်း​မၼ်း​ၶိုၼ်း​ၸူၵ်း​ၶဝ်ႈ​ၵႃႈ​တီႈ​ႁူဝ်​ဢူၵ်း​မၼ်း​လႄႈ၊ မိူဝ်ႈ​ဢၼ်​မၼ်း​ဢဝ်​ဢွၵ်ႇ​ၼၼ်ႉ​ၸိုင်၊ ၶိုၼ်း​ပဵၼ်​ၸိူဝ်ႉ​ၼင်ႇ​ၼိူဝ်ႉ​ပၵတီႉ​ပၵ်း​ၵဝ်ႇ​ပိူင်​ၵဝ်ႇ​ၼၼ်ႉ​သေ​ဢေႃႈ။-</verse>
				<verse number="8">ပေႃး​ၶဝ်​ၼၼ်ႉ​ဢမ်ႇ​ယုမ်ႇ​မႂ်း ဢမ်ႇ​ထွမ်ႇ​ဢဝ်​ၼီႉမိၵ်ႈ​သၢၵ်ႈ​သေႇ ပထမႃႉ​ၼၼ်ႉ​ၸိုင်၊ ၶဝ်​တၵ်း​ယုမ်ႇ​ၼီႉမိၵ်ႈ​သၢၵ်ႈ​သေႇ ဢၼ်​ပဵၼ်​ၵမ်း​လိုၼ်း​ၼႆႉ​ဢေႃႈ။-</verse>
				<verse number="9">ဢမ်ႇ​ၼၼ်​ၵေႃႈ ပေႃး​ၶဝ်​ဢမ်ႇ​ယုမ်ႇ​ၼီႉမိၵ်ႈ​သွင်​ပႃး​ၼႆႉ၊ ဢမ်ႇ​ထွမ်ႇ​ဢဝ်​ၵႂၢမ်း​မႂ်း​ၸိုင်၊ မႂ်း​ဢဝ်​ၼမ်ႉ​ၵႃႈ​ၼႂ်း​ၼမ်ႉ​ႁွင်ႈ​လႄႈ ထွၵ်ႇ​သႂ်ႇ​ၵႃႈ​ၼိူဝ်​ၽင်ႇ​တႃႉ။ ၼမ်ႉ​ဢၼ်​မႂ်း​ဢဝ် ၵႃႈ​ၼႂ်း​ၼမ်ႉ​ႁွင်ႈ​ၼၼ်ႉ တၵ်း​ပဵၼ်​လိူတ်ႈ​ၵႂႃႇ ၵႃႈ​ၼိူဝ်​ၽင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">မူဝ်းသေႇ ​ၵေႃႈ လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ဢူဝ်း​ၸဝ်ႈ​ႁဝ်း၊ ၶႃႈ​ၸဝ်ႈ​ဢမ်ႇ​မီး​ၼမ်ႉ​သူပ်း​ၼမ်ႉ​ၵႂၢမ်း​တီႈ​ၶႃႈ၊ မိူဝ်ႈ​ဢွၼ်​ၼႆႉ​ၵေႃႈ​ဢမ်ႇ​မီး​တီႈ​ၶႃႈ၊ ၸႃႉ​ၸဵမ်​မိူဝ်ႈ​ဢၼ်​ၸဝ်ႈ​ႁဝ်း​မီး​ဢမိင်ႉ​တီႈ​ၶႃႈ​ၸဝ်ႈ​တေႃႈ​လဵဝ်​ၼႆႉ​ၵေႃႈ၊ ဢမ်ႇ​မီး​တီႈ​ၶႃႈ၊ ပဵၼ်​ၵေႃႉ​ဢၼ်​သူပ်း​ၼၵ်း၊​ၵေႃႉ​ဢၼ်​ၸၢင်ႈ​လၢတ်ႈ​ၵႂၢမ်း​ထိူင်း​ထိူင်း လွႆး​လွႆး​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ၽူႈ​လႂ်​ႁဵတ်း​ပဵၼ်​သူပ်း​ၵူၼ်း၊ ၽူႈ​လႂ်​ႁဵတ်း​ပဵၼ်​ၵေႃႉ​ဢၼ်​ဢႃႉ၊ ၵေႃႉ​ဢၼ်​ႁူ​ၼူၵ်ႇ၊ ၵေႃႉ​ဢၼ်​တႃ​ႁၼ်၊ ၵေႃႉ​ဢၼ်​တႃ​ဢမ်ႇ​ႁၼ်​ၸိူဝ်း​ၼၼ်ႉ။ ၵဝ်​ထႃႇဝရႃႉ​ၽြႃး​ၼႆႉ ႁဵတ်း​ပဵၼ်​ဢမ်ႇ​ၸႂ်ႈ​ႁိုဝ်။-</verse>
				<verse number="12">ပိူဝ်ႈ​ၼႆ​လႄႈ​တေႃႈ​လဵဝ်​ၼႆႉ​ၵႂႃႇ​တႃႉ။ ၵဝ်​တၵ်း​မီး​ယူႇ​ၵႃႈ​တီႈ​သူပ်း​မႂ်း​လႄႈ သွၼ်​ပၼ်​လွင်ႈ​ဢၼ်​မႂ်း​တၵ်း​လႆႈ​လၢတ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မၼ်း​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ဢူဝ်း​ၸဝ်ႈ​ႁဝ်း။ ပၼ်​ၵႃႈ​ၼႂ်း​မိုဝ်း​ၵေႃႉ​ဢၼ်​ၸဝ်ႈ​ႁဝ်း ၶႂ်ႈ​ပၼ်​ၵႂႃႇ​ၼၼ်ႉ​ၵႂႃႇ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">ထႃႇဝရႃႉ​ၽြႃး​ၸႂ်​မႆႈ​ၶႆႈ​ၸႃႉ​တီႈ​ မူဝ်းသေႇ ​လႄႈ​လၢတ်ႈ​ဝႃႈ၊ ဢႃႇရုၼ်ႇ ​ၵူၼ်း​မဵဝ်း​ လေႇဝီႉ ပီႈ​ဢၢႆႈ​မႂ်း​ၼၼ်ႉ​မီး​ယူႇ​ဢမ်ႇ​ၸႂ်ႈ​ႁိုဝ်။ ၵဝ်​ႁူႉ​လွင်ႈ​ဢၼ်​မၼ်း​ၸၢင်ႈ​မေႃ​လၢတ်ႈ​လီ​လီ​ငၢမ်း​ငၢမ်း​ၼၼ်ႉ​ယူႇ​ဢေႃႈ။ မၼ်း​ၼၼ်ႉ​တေႃႈ​လဵဝ်​ၼႆႉ​မႃး​ႁႂ်ႈ​လႆႈ​ႁပ်ႉ​ႁူဝ်​တၢင်း​မႂ်း​ယူႇ​ဢေႃႈ။ မိူဝ်ႈ​ဢၼ်​မၼ်း ထူပ်း​ႁၼ်​မႂ်း​ၸိုင်၊ မၼ်း​တၵ်း​ၸူမ်း​သိူဝ်း​ဢေႃႈ။-</verse>
				<verse number="15">မႂ်း​တၵ်း​လႆႈ​လၢတ်ႈ​ၵႂၢမ်း​တေႃႇ​မၼ်း​လႄႈ သႂ်ႇ​ၵႂၢမ်း​ဝႆႉ​ၵႃႈ​ၼႂ်း​သူပ်း​မၼ်း​ဢေႃႈ။ ၵဝ်​တၵ်း​မီး​ယူႇ​ၵႃႈ​တီႈ​သူပ်း​မႂ်း ဢိၵ်ႇ​တင်း​ၵႃႈ​တီႈ​သူပ်း​မၼ်း​လႄႈ သင်ႇ​သွၼ်​ပၼ်​လွင်ႈ​ဢၼ်​သူ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​တီႈ​သူ​ဢေႃႈ။-</verse>
				<verse number="16">မၼ်း​ၵေႃႈ​တၵ်း​ႁဵတ်း​ၵူၼ်း​ပျၢၼ်ႇ​ၵႂၢမ်း​မႂ်း ၵႃႈ​တီႈ​ၵူၼ်း​တင်း​လၢႆ​လႄႈ ပဵၼ်​ၵေႃႉ​ဢၼ်​တၢင်​သူပ်း​တၢင်​လိၼ်ႉ​မႂ်း​ဢေႃႈ။ မႂ်း​ၵေႃႈ​တၵ်း​ပဵၼ်​ၵေႃႉ​ဢၼ်​တၢင်​တူဝ်​ၽြႃး​ပဵၼ်​ၸဝ်ႈ​တီႈ​မၼ်း​ဢေႃႈ။-</verse>
				<verse number="17">မႂ်း​တၵ်း​လႆႈ​ယိပ်း​ၵမ်​ၶွၼ်ႉ​တဝ်ႉ​ဢၼ်​မႂ်း​တၵ်း​ဢဝ်​ၼႄ​ပျႃး​ၼီႉမိၵ်ႈ​သၢၵ်ႈ​သေႇ​ၼၼ်ႉ​ၼႆႉ​ဝႆႉ ၵႃႈ​ၼႂ်း​မိုဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">မူဝ်းသေႇ ​ၵေႃႈ ၶိုၼ်း​မိူဝ်း​ၵႂႃႇ ၵႃႈ​တီႈ​ပူႇ​ၼၢႆး​မၼ်း​ ယေႇသရေႃး ​လႄႈ​လၢတ်ႈ​တီႈ​မၼ်း​လႄႈ​ဝႃႈ၊ ၶႅၼ်း​တေႃႈ​ပၼ်​ဢၶႂၢင်ႉ​ႁႂ်ႈ​ၵဝ်​ၶႃႈ​လႆႈ​ၵႂႃႇ​သူႇ​ၵႂႃႇ​ၸႂ်း​ၵႃႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ၶႃႈ ဢၼ်​မီး​ယူႇ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ပုၼ်ႉ​လႄႈ လူ​တူၺ်း​လွင်ႈ​ဢၼ်​ၶဝ် ဢသၢၵ်ႈ​ယင်း​လိပ်း​ယူႇ​ႁိုဝ်​ၼၼ်ႉ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယေႇသရေႃး ​ၵေႃႈ ၶိုၼ်း​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၵႂႃႇ​ၼိမ်​ၼိမ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​ မူဝ်းသေႇ ​ၵႃႈ​ၼႂ်း​မိူင်း​ မီႉတျၼ်ႇ ​ၼၼ်ႉ​လႄႈ​ဝႃႈ၊ ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ပုၼ်ႉ​တႃႉ၊ ၶဝ်​ၸိူဝ်း​ဢၼ်​ႁႃ​ဢသၢၵ်ႈ​မႂ်း​တင်း​သဵင်ႈ​တင်း​လူင်​ၼၼ်ႉ​တၢႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မိူဝ်ႈ​ၼၼ်ႉ မူဝ်းသေႇ ဢဝ်​မေး​မၼ်း​တင်း​လုၵ်ႈ​ၸၢႆး​မၼ်း​တင်း​လၢႆ တၢင်ႇ​သႂ်ႇ​ၵႃႈ​ၼိူဝ်​လီႈ​လႄႈ ဢဝ်​တင်း​မိုဝ်း​ယိပ်း​ၵမ်​ၶွၼ်ႉ​တဝ်ႉ​ၽြႃး​ပဵၼ်​ၸဝ်ႈ​ၼၼ်ႉ​သေ​ယဝ်ႉ၊ မိူဝ်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="21">ထႃႇဝရႃႉ​ၽြႃး​ၵေႃႈ​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​လႄႈ​ဝႃႈ၊ မိူဝ်ႈ​ဢၼ်​မႂ်း​ၶိုၼ်း​မိူဝ်း​ၵႂႃႇ​ႁွတ်ႈ​ထိုင်​ၵႃႈ​တီႈ​မိူင်း​ ဢေႇၵိပ်ႉတူႉ ​ပုၼ်ႉ​ၼၼ်ႉ​ၸိုင်၊ ၼႄ​ပျႃး​လွင်ႈ​တၢင်း​ဢၼ်​လီ​ဢၢမ်း​ၵႃႈ​ဢၼ်​ၵဝ်​ဢၢပ်ႈ​ဝႆႉ ၵႃႈ​ၼႂ်း​မိုဝ်း​မႂ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း ၽႃႇရေႃး ​တႃႉ။ ပိၵ်ႉ​သမ်ႉ​ႁဵတ်း​ၸိူဝ်ႉ​ၼင်ႇ​ၼၼ်​သေ​ၵေႃႈ၊ ၵဝ်​တၵ်း​ႁႂ်ႈ​ႁူဝ်​ၸႂ်​မၼ်း​ၵႅၼ်ႇ​ၶႅင်​လႄႈ မၼ်း​ၵေႃႈ​ယင်း​ဢမ်ႇ​ပွႆႇ​ၵူၼ်း​တင်း​လၢႆ​ၼၼ်ႉ​လႄႈ တၵ်း​ယူႇ​ဢေႃႈ။-</verse>
				<verse number="22">တီႈ​ၶုၼ်​ႁေႃ​ၶမ်း​ ၽႃႇရေႃး ​ၵေႃႈ မႂ်း​တၵ်း​လႆႈ​မွၵ်ႇ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ဝႃႈ၊ ဢီႉသရေႇလႃႉ ပဵၼ်​လုၵ်ႈ​ၸၢႆး​ၵဝ်​ဢေႃႈ။ ပဵၼ်​လုၵ်ႈ​ၸၢႆး​တူၼ်ႈ​ၵဝ်​ဢေႃႈ။-</verse>
				<verse number="23">ၵဝ်​မီး​ဢၶႂၢင်ႉ ႁႂ်ႈ​ပွႆႇ​လုၵ်ႈ​ၸၢႆး​ၵဝ် ႁႂ်ႈ​လႆႈ​ႁဵတ်း​ဝၢတ်ႈ​တီႈ​ၵဝ်​ဢေႃႈ။ ပေႃး​မႂ်း​ထဵင်​ပႅတ်ႈ​လႄႈ​ဝႃႈ၊ ဢမ်ႇ​ပွႆႇ​ၵူၺ်ႉ၊ ဝႃႈ​ၼင်ႇ​ၼႆ​ၸိုင်၊ ၵဝ်​တၵ်း​ဢဝ်​လုၵ်ႈ​ၸၢႆး​မႂ်း၊ လုၵ်ႈ​ၸၢႆး​တူၼ်ႈ​မႂ်း​ၼၼ်ႉ တၢႆ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၵႂႃႇ​ယူႇ​ၼၼ်ႉ​ၸိုင်၊ ထႃႇဝရႃႉ​ၽြႃး​ထူပ်း​ မူဝ်းသေႇ ​ၵႃႈ​တီႈ​ပၢင်​လိုဝ်ႈ​လႄႈ ၵျၢမ်ႇ​ႁႃ​ဢဝ်​မၼ်း​တၢႆ​ဢေႃႈ။-</verse>
				<verse number="25">မိူဝ်ႈ​ၼၼ်ႉ​ ၸီႉပေႃးရႃႉ ဢဝ်​မိတ်ႈ​မၢၵ်ႇ​ႁိၼ်​လႄႈ​ထိူဝ်​တႅပ်း​ပၢႆ​ၼင်​လုၵ်ႈ​ၸၢႆး​မၼ်း​ပႅတ်ႈ​သေ​ယဝ်ႉ၊ ဢဝ်​ၶျႃး​ဝႆႉ​ၵႃႈ​တီႈ​ႁိမ်း​တိၼ် ၽူဝ်​မၼ်း​သေ​လႄႈ​ဝႃႈ၊ တီႈ​ၵဝ်​ၶႃႈ​ၼႆႉ​ၸိုင်၊ ၸဝ်ႈ​ပဵၼ်​ၽူဝ်​ဢၼ်​ၸၢပ်ႈ​သႅင်ႇ​ၵၼ်​တင်း​လိူတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">မိူဝ်ႈ​ၼၼ်ႉ​မၼ်း​ၸဝ်ႈ ပွႆႇ​မၼ်း​လွတ်ႈ​သေ​ဢေႃႈ။ မေး​မၼ်း​ၵေႃႈ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ၼၼ်ႉ​လႄႈ တီႈ​ၵဝ်​ၶႃႈ​ၼႆႉ​ၸိုင်၊ ၸဝ်ႈ​ပဵၼ်​ၽူဝ်​ဢၼ် ၸၢပ်ႈ​သႅင်ႇ​ၵၼ်​တင်း​လိူတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">ထႃႇဝရႃႉ​ၽြႃး​ၵေႃႈ လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ ၵႂႃႇ​ၵႃႈ​တီႈ​ထိူၼ်ႇ​ပုၼ်ႉ ႁႂ်ႈ​လႆႈ​ႁပ်ႉ​ႁူဝ်​တၢင်း​ မူဝ်းသေႇ ​တႃႉ၊ ဝႃႈ​ၼင်ႇ​ၼႆ​လႄႈ၊ မိူဝ်ႈ​ဢၼ်​မၼ်း​ၵႂႃႇ​ၼၼ်ႉ​ၸိုင်၊ မၼ်း​ထူပ်း​ႁၼ်​ မူဝ်းသေႇ ၵႃႈ​ၼိူဝ်​လွႆ​ၽြႃး​ပဵၼ်​ၸဝ်ႈ​လႄႈ ႁဵတ်း​တၢင်း​ဢၼ်​ၸုပ်ႇ​ၼူမ်​ဢေႃႈ။-</verse>
				<verse number="28">မူဝ်းသေႇ ​ၵေႃႈ​မွၵ်ႇ​လၢတ်ႈ​ၵႂၢမ်း​ထႃႇဝရႃႉ​ၽြႃး​ဢၼ်​ပွႆႇ​ၸႂ်ႉ​မၼ်း​မႃး​ၼၼ်ႉ တင်း​သဵင်ႈ​တင်း​လူင်​ဢိၵ်ႇ​တင်း ၼီႉမိၵ်ႈ​သၢၵ်ႈ​သေႇ ၵႃႈ​ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ​ၸိူဝ်း​ၼၼ်ႉ​တီႈ​ ဢႃႇရုၼ်ႇ ​ဢေႃႈ။</verse>
				<verse number="29">မူဝ်းသေႇ ​တင်း​ ဢႃႇရုၼ်ႇ ​ၼၼ်ႉ ဢွၼ်​ၵၼ်​ၵႂႃႇ​လႄႈ ႁႂ်ႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​သေ​ယဝ်ႉ၊-</verse>
				<verse number="30">ဢႃႇရုၼ်ႇ ​ၶိုၼ်း​မွၵ်ႇ​လၢတ်ႈ​ၵႂၢမ်း ဢၼ်​ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​တင်း​သဵင်ႈ​တင်း​လူင်​ၼၼ်ႉ​လႄႈ ၼႄ​ပျႃး​ၼီႉမိၵ်ႈ​သၢၵ်ႈ​သေႇ​တင်း​လၢႆ ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၵူၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="31">ၵူၼ်း​ၸိူဝ်း​ၼၼ်ႉ​ၵေႃႈ​ယုမ်ႇ​ဢေႃႈ။ မိူဝ်ႈ​ဢၼ်​ၶဝ်​လႆႈ​ငိၼ်း​လွင်ႈ​ဢၼ်​ထႃႇဝရႃႉ​ၽြႃး​မႃး​လူ​မႃး​တူၺ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​လွင်ႈ​ဢၼ်​မၼ်း​ၸဝ်ႈ လႆႈ​ႁူႉ​လႆႈ​ႁၼ်​တၢင်း​ဢၼ်​ၶဝ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ၸိုင်၊ ၶဝ်​ဢွၼ်​ၵၼ်​ၵူမ်ႈ​ၵွမ်း​ႁူဝ်​လႄႈ ၵူဝ်း​ၵႂၢႆႇ​ဢေႃႈ။</verse>
			</chapter>
			<chapter number="5">
				<verse number="1">လိုၼ်း​ၼၼ်ႉ​ မူဝ်းသေႇ ​တင်း​ ဢႃႇရုၼ်ႇ ​ဢွၼ်​ၵၼ်​ၶဝ်ႈ​လႄႈ​လဝ်ႊ​လၢတ်ႈ​တီႈ ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​ဝႃႈ​ၸမ်ႉ၊ ပွႆႇ​ၵူၼ်း​ၵဝ်​တင်း​လၢႆ​ၵႂႃႇ ႁႂ်ႈ​ၶဝ်​လႆႈ​ၶၢမ်ႇ​ပွႆး​ပုၼ်ႈ​ၵဝ်​ၵႃႈ​တီႈ​ၼႂ်း​ထိူၼ်ႇ​ပုၼ်ႉ​တႃႉ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ၶုၼ်​ႁေႃ​ၶမ်း​ ၽႃႇရေႃး ​ၵေႃႈ​လၢတ်ႈ​လႄႈ​ဝႃႈ၊ လွင်ႈ​ၼင်ႇ​ႁိုဝ် ၵဝ်​တၵ်း​လႆႈ​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး​လႄႈ ပွႆႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵႂႃႇ​ၸိုင်၊ ၽြႃး​ၼၼ်ႉ​ၸမ်ႉ၊ ပဵၼ်​ၽူႈ​လႂ်။ ၵဝ်​ဢမ်ႇ​ႁူႉ​ၽြႃး​ၼၼ်ႉ။ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၵေႃႈ၊ ၵဝ်​တၵ်း​ဢမ်ႇ​ပွႆႇ​ၵႂႃႇ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">သွင်​ၶႃ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ၵူၼ်း​မဵဝ်း​ ႁေႇပြႄး ​ၼၼ်ႉ ႁူပ်ႉ​ထူပ်း​ၵၼ်​တင်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​တီႈ​ၶႃႈ​ယဝ်ႉ။ ၶႅၼ်း​တေႃႈ​ပၼ်​ဢၶႂၢင်ႉ ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​လႆႈ​ၵႂႃႇ​ၵႃႈ​တီႈ​ထိူၼ်ႇ​ပုၼ်ႉ ၶၢဝ်း​တၢင်း​သေ​သၢမ်​ဝၼ်း​ၼိုင်ႈ​လႄႈ ပုၵ်ႈ​ၸေႃႇ​ယိတ်ႈ​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​သေ​ၵမ်း​တီႈ​ၶႃႈ၊ ပေႃး​ဢမ်ႇ​ၼၼ် ၵူဝ်​မၼ်း​ၸဝ်ႈ​တၵ်း​ဢဝ်​တင်း​ၽေး​ဢၼ်​ပဵၼ်​ၵႃႇလႃႉ​ႁႃႈ​လႅင်​မိူင်း၊ ၽေး​လၢပ်ႇ​ၽေး​လႅဝ်း၊ ပၼ်​တၢမ်ႇ​တီႈ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၶုၼ်​ႁေႃ​ၶမ်း​ ဢေႇၵိပ်ႉတူႉ ​ၵေႃႈ လၢတ်ႈ​တီႈ​ၶဝ်​လႄႈ​ဝႃႈ၊ မူဝ်းသေႇ ​တင်း​ ဢႃႇရုၼ်ႇ ​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ႁဵတ်း​ႁႂ်ႈ တၢင်း​ႁဵတ်း​ၵူၼ်း​ၸိူဝ်း​ၼႆႉ​ထၢတ်ႇ​ၵႂႃႇ​ၼင်ႇ​ႁိုဝ်။ ဢွၼ်​ၵၼ်​ၵႂႃႇ​လႄႈ သၢင်ႈ​ႁဵတ်း​ၵၢၼ်​တၢင်း​ႁဵတ်း​သူ ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ​ၼၼ်ႉ​ယူႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၵမ်း​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး သမ်ႉ​လၢတ်ႈ​ထႅင်ႈ​လႄႈ​ဝႃႈ၊ တူၺ်း​လူး၊ ၵႃႈ​ၼႂ်း​မိူင်း​ၸဝ်ႈ​ၼႆႉ၊ မီး​ၵူၼ်း​မဵဝ်း​ၼၼ်ႉ​ၼမ်​ၼႃႇ​ဢေႃႈ။ သူ​ႁဵတ်း​ႁႂ်ႈ​ၶဝ်​ဢမ်ႇ​ၵိုတ်ႉ​ႁၢပ်ႇ​ၵၢၼ်​တၢင်း​ႁဵတ်း​ၶဝ် ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ​ၼၼ်ႉ​လူင်​ပႄႇ၊ ဝႃႈ​ၼင်ႇ​ၼႆ​လႄႈ။-</verse>
				<verse number="6">ၼႂ်း​ဝၼ်း​ၼၼ်ႉ မီး​ဢမိင်ႉ​တီႈ​ၵူၼ်း​ဢၼ်​ဢုပ်ႉ​ဢၼ်​ထိင်း ဢိၵ်ႇ​တင်း​ၵူၼ်း​ဢၼ်​သေႃႇ​ဢၼ်​ၵျၢပ်ႈ​တင်း​လၢႆ​လႄႈ​ဝႃႈ၊-</verse>
				<verse number="7">ယႃႇ​ပေ​မႅင်ႇ​ပေ​ပၼ်​ၽိူင်း​ပုၼ်ႈ​ဢၼ်​ၶဝ် တၵ်း​ႁဵတ်း​ဢုတ်ႇ ၵႃႈ​ၼင်ႇ​ဢၼ်​ပၼ်​တီႈ​ၶဝ်​မိူဝ်ႈ​ဢွၼ်​တၢင်း​ၼၼ်ႉ။ ႁႂ်ႈ​ၶဝ်​ၵႂႃႇ​ႁႃ​ဢဝ်​ၽိူင်း​ပုၼ်ႈ​ၶဝ်​ၵူၺ်း​တႃႉ။-</verse>
				<verse number="8">တၢင်း​ဢၼ်​ၼပ်ႉ​ဢၢၼ်ႇ​ၶႅပ်း​ဢုတ်ႇ​ၸမ်ႉ၊ တၵ်း​လႆႈ​ၸႂ်ႉ​ၶဝ်​ႁဵတ်း​မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။ ယႃႇ​ပေ​ႁႂ်ႈ​ယွမ်း​သေ​ဢိတ်း။ ၶဝ်​ၶၢၼ်ႉ​ၶဝ်​ဢိူၼ်​ၼႃႇ​လူင်​လၢင်​ဢေႃႈ။ ၵွပ်ႈ​ႁွႆး​ၼႆႉ​လႄႈ ၶဝ်​ၸင်ႇ​ႁွင်ႉ​သႅၼ်ႇ​လႄႈ​ဝႃႈ၊ ဢွၼ်​ၵၼ်​ၵႂႃႇ​လႄႈ​ပုၵ်ႈ​ၸေႃႇ​ယိတ်ႈ တီႈ​ၽြႃး​ပဵၼ်​ၸဝ်ႈ​တႃႉ​ႁဝ်း၊ ဝႃႈ​ၼင်ႇ​ၼႆ​ယူႇ​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ ၵျၢပ်ႈ​ထၢပ်ႈ​ႁႂ်ႈ​ၶဝ်​ႁဵတ်း​တႃႉ။ ႁႂ်ႈ​ၶဝ်​ႁဵတ်း​ယၢပ်ႇ​ယၢပ်ႇ​ၽိုတ်ႇ​ၽိုတ်ႇ​တႃႉ။ ယႃႇ​ပေ​ႁႂ်ႈ​ထွမ်ႇ​ဢဝ်​ၵႂၢမ်း​ဢၼ်​ပႅတ်ႉ​ဢၼ်​လႅၼ်​ၼႆႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ၵူၼ်း​ဢၼ်​ဢုပ်ႉ​ဢၼ်​ထိင်း ဢိၵ်ႇ​တင်း​ၵူၼ်း​ဢၼ်​သေႃႇ​ဢၼ်​ၵျၢပ်ႈ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ၵႂႃႇ​လႄႈ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ၶုၼ်​ႁေႃ​ၶမ်း​ ၽႃႇရေႃး ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​ပၼ်​ၽိူင်း​တီႈ​သူ​ယဝ်ႉ။-</verse>
				<verse number="11">ဢွၼ်​ၵၼ်​ၵႂႃႇ​ႁႃ​ဢဝ်​ၽိူင်း ၵႃႈ​တီႈ​ဢၼ်​သူ​တၵ်း​ထူပ်း​လႆႈ​ၼၼ်ႉ​တႃႉ။ ၼႂ်း​ဝႃႈ​ၼၼ်​သေ​ၵေႃႈ တၢင်း​ႁဵတ်း​ဢၼ် တၵ်း​လႆႈ ႁဵတ်း​ၼႆႉ​ၸိုင်၊ ဢမ်ႇ​လႆႈ​ယွမ်း​သေ​ဢိတ်း၊ ဝႃႈ​ၼင်ႇ​ၼႆ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ ၵူၼ်း​ၸိူဝ်း​ၼၼ်ႉ​ၽၢတ်ႇ​ၽႄ​ၵၼ်​ၵႂႃႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ၵူႈ​တီႈ​ၵူႈ​လႅၼ်​ႁႂ်ႈ​လႆႈ​ႁႃ​ဢဝ်​မုၼ်ႈ​ပုၼ်ႈ​ၽိူင်း​ဢေႃႈ။-</verse>
				<verse number="13">ၵူၼ်း​ဢၼ်​ဢုပ်ႉ​ဢၼ်​ထိင်း​တင်း​လၢႆ​ၵေႃႈ တိုၵ်း​ယူင်း​ၶဝ်​လႄႈ​ဝႃႈ၊ ဢွၼ်​ၵၼ်​ႁဵတ်း​ႁႂ်ႈ​ယဝ်ႉ​ႁႂ်ႈ​တူဝ်ႈ​ၸွမ်း​ၵႃႈ​ၼင်ႇ​ဢၼ်​သူ​လႆႈ​ႁဵတ်း​ၵူႈ​ဝၼ်း ၼႂ်း​ၶိင်ႇ​ၵႃႇလႃႉ​ဢၼ်​လႆႈ​ၽိူင်း​ယဝ်ႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မိူဝ်ႈ​ၼၼ်ႉ ပိူၼ်ႈ​ပေႃႉ​ယႅၼ်ႉ​ၵူၼ်း​မဵဝ်း​ ဢီႉသရေႇလႃႉ ဢၼ်​ပဵၼ်​ၵူၼ်း​ဢၼ်​သေႃႇ​ဢၼ်​ၵျၢပ်ႈ ဢၼ်​ၵူၼ်း​ဢၼ်​ဢုပ်ႉ​ဢၼ်​ထိင်း​ၶုၼ်​ႁေႃ​ၶမ်း​ ၽႃႇရေႃး ​ၶၢၼ်း​ဝႆႉ​ၸိူဝ်း​ၼၼ်ႉ​လႄႈ ၸႅတ်ႈ​ထၢမ်​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢမ်ႇ​ႁႂ်ႈ​ၵၢၼ်​တၢင်း​ႁဵတ်း​ယဝ်ႉ​တူဝ်ႈ ဝၼ်း​မိူဝ်ႈ​ဝႃး​တင်း​ဝၼ်း​မိူဝ်ႈ​ၼႆႉ ၸွမ်း​ၵႃႈ​ၼင်ႇ​ဢၼ်​ႁဵတ်း​မိူဝ်ႈ​ဢွၼ်​တၢင်း​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မိူဝ်ႈ​ၼၼ်ႉ​ၵူၼ်း​မဵဝ်း​ ဢီႉသရေႇလႃႉ ဢၼ်​ပဵၼ်​ၵူၼ်း​ဢၼ်​သေႃႇ​ဢၼ်​ၵျၢပ်ႈ​ၸိူဝ်း​ၼၼ်ႉ ဢွၼ်​ၵၼ်​ၵႂႃႇ​လႄႈ​ႁွင်ႉ​သႅၼ်ႇ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊ ႁဵတ်း​သင်​လႄႈ​ၸဝ်ႈ​ႁဝ်း​ၸီႇ​ယၢင်ႇ​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်​တီႈ​ၶႃႈ၊-</verse>
				<verse number="16">ၽိူင်း​ၸိုင်​ဢမ်ႇ​ပၼ်​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​တီႈ​ၶႃႈ၊ ၵူၼ်း​ဢၼ်​ဢုပ်ႉ​ဢၼ်​ထိင်း​တင်း​လၢႆ​လၢတ်ႈ​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​လႄႈ​ဝႃႈ၊ ဢွၼ်​ၵၼ်​ႁဵတ်း​ဢုတ်ႇ​တႃႉ၊ ဝႃႈ​ၼင်ႇ​ၼႆ​ယူႇ​လႄႈ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ လႆႈ​ၶၢမ်ႇ​တၢင်း​ဢၼ်​ပေႃႉ​ဢၼ်​ယႅၼ်ႉ​တီႈ​ၶႃႈ​ဢေႃႈ။ ဢပႅတ်ႈ​ၸိုင် မီး​ယူႇ​ၵႃႈ​တီႈ​ၵူၼ်း​ၸဝ်ႈ​ႁဝ်း​ၸိူဝ်း​ၼၼ်ႉ​ၵူၺ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ သူ​ၶၢၼ်ႉ​သူ​ဢိူၼ်​ဢေႃႈ။ ၶၢၼ်ႉ​ဢိူၼ်​ၼႃႇ​ဢေႃႈ။ ၵွပ်ႈ​ႁွႆး​ၼႆႉ​လႄႈ သူ​ၸင်ႇ​ဝႃႈ၊ ဢွၼ်​ၵၼ်​ၵႂႃႇ​လႄႈ ပုၵ်ႈ​ၸေႃႇ​ယိတ်ႈ​တီႈ​ထႃႇဝရႃႉ​ၽြႃး​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၵွပ်ႈ​ပိူဝ်ႈ​လွင်ႈ​ၼႆႉ​လႄႈ၊ တေႃႈ​လဵဝ်​ၼႆႉ​ဢွၼ်​ၵၼ်​ၵႂႃႇ​လႄႈ​ႁဵတ်း​တႃႉ။ ဢမ်ႇ​လႆႈ​ပၼ်​ၽိူင်း​တီႈ​သူ​ယဝ်ႉ။ ၵူၺ်း​ၵႃႈ ပုၼ်ႈ​တႃႇ​မၢၵ်ႇ​ဢုတ်ႇ​ၸိုင်၊ သူ​တၵ်း​လႆႈ​ပၼ် မိူၼ်​ၸိူဝ်ႉ​ၼင်ႇ​ၵူႈ​ပွၵ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ပိူဝ်ႈ​ဢၼ်​ဢမိင်ႉ​ၸဝ်ႈ​မီး​လႄႈ​ဝႃႈ၊ ပုၼ်ႈ​တႃႇ​မၢၵ်ႇ​ဢုတ်ႇ​ဢၼ်​တၵ်း​လႆႈ​ႁဵတ်း​ၵူႈ​ဝၼ်း​ၼၼ်ႉ​ဢမ်ႇ​လႆႈ​ယွမ်း​သေ​ဢိတ်း၊ ဝႃႈ​ၼင်ႇ​ၼႆ​ၼၼ်ႉ​လႄႈ၊ ၵူၼ်း​မဵဝ်း​ ဢီႉသရေႇလႃႉ ဢၼ်​ပဵၼ်​ၵူၼ်း​ဢၼ်​သေႃႇ​ဢၼ်​ၵျၢပ်ႈ​ၸိူဝ်း​ၼၼ်ႉ ႁူႉ​ႁၼ်​လွင်ႈ​ဢၼ်​ဢမူႉ​ဢၼ်​ၼၵ်း​ၼႃႇ ႁွတ်ႈ​မႃး​ၵႃႈ​ၼိူဝ်​ၶဝ်​ယဝ်ႉ​ၼၼ်ႉ​ဢေႃႈ။-</verse>
				<verse number="20">ၼႂ်း​မိူဝ်ႈ​ဢၼ်​ၶဝ်​ဢွၵ်ႇ​သေ​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​ၵႂႃႇ​ယူႇ​ၼၼ်ႉ​ၸိုင်၊ ၶဝ်​ထူပ်း​ႁၼ်​ မူဝ်းသေႇ ​တင်း​ ဢႃႇရုၼ်ႇ ဢၼ်​ၸုၵ်း​ထႃႈ​ယူႇ​ၵႃႈ​တီႈ​သဵၼ်ႈ​တၢင်း​ၼၼ်ႉ​လႄႈ လၢတ်ႈ​တီႈ​သွင်​ၶႃ​လႄႈ​ဝႃႈ၊-</verse>
				<verse number="21">ႁႂ်ႈ​ထႃႇဝရႃႉ​ၽြႃး​တူၺ်း​သွင်​ၶိူဝ်​လႄႈ ၸီႇ​ယၢင်ႇ​သေ​ၵမ်း​လူၺ်ႈ။ လွင်ႈ​မၼ်း​ၸမ်ႉ သူ​ႁဵတ်း​ႁႂ်ႈ​ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​ၶႃႈ​မၼ်း​ၵူၼ်း​မၼ်း​တင်း​လၢႆ လီ​ႁင်ႈ​ႁဝ်း​ဢိၵ်ႇ​တင်း​ႁႂ်ႈ​လႆႈ​ဢဝ်​လၢပ်ႇ​ဢဝ်​လႅဝ်း​သႂ်ႇ​ဝႆႉ​ၼႂ်း​မိုဝ်း​ၶဝ် ႁႂ်ႈ​ၶဝ်​လႆႈ​ဢဝ်​ႁဝ်း​တၢႆ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">မူဝ်းသေႇ ​ၵေႃႈ​ၶိုၼ်း​ၵႂႃႇ​ၵႃႈ​တီႈ​ထႃႇဝရႃႉ​ၽြႃး​လႄႈ လဝ်ႊ​လၢတ်ႈ​ဝႃႈ၊ ဢူဝ်း​ၸဝ်ႈ​ႁဝ်း၊ ႁဵတ်း​ႁိုဝ်​လႄႈ ၸဝ်ႈ​ႁဝ်း​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​မဵဝ်း​ၼႆႉ​ၼင်ႇ​ႁိုဝ်​တီႈ​ၶႃႈ၊ ႁဵတ်း​ႁိုဝ်​လႄႈ ၸဝ်ႈ​ႁဝ်း​ပွႆႇ​ၸႂ်ႉ​ၶႃႈ​ၸဝ်ႈ​ၼင်ႇ​ႁိုဝ်​တီႈ​ၶႃႈ၊-</verse>
				<verse number="23">ၸႃႉ​ၸဵမ်​ဝၼ်း​ဢၼ်​ၶႃႈ​ၸဝ်ႈ ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ႁႂ်ႈ​လႆႈ​ဢိင်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ လဝ်ႊ​လၢတ်ႈ​ၼၼ်ႉ​လႄႈ မၼ်း​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​မဵဝ်း​ၼႆႉ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ၸိုင်၊ ဢမ်ႇ​ၵႄႇ​ၶျွတ်ႈ​ဢဝ်​ၵူၼ်း​ၸဝ်ႈ​ႁဝ်း​တင်း​လၢႆ​လႃး​လႃး​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="6">
				<verse number="1">ထႃႇဝရႃႉ​ၽြႃး​ၵေႃႈ လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ လွင်ႈ​ဢၼ်​ၵဝ်​တၵ်း​ႁဵတ်း​တီႈ​ၶုၼ်​ႁေႃ​ၶမ်း​ ၽႃႇရေႃး ​ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင်၊ တေႃႈ​လဵဝ်​ၼႆႉ​မႂ်း​တၵ်း​ႁူႉ​ဢေႃႈ။ မၼ်း​ၼၼ်ႉ​တၵ်း​ဢဝ်​တင်း​မိုဝ်း​မၼ်း ဢၼ်​ႁႅင်း​ယႂ်ႇ​ၼႃႇ​လႄႈ ပွႆႇ​ၵူၼ်း​ၵဝ်​တင်း​လၢႆ​ဢေႃႈ။ မၼ်း​တၵ်း​ဢဝ်​တင်း​မိုဝ်း​မၼ်း ဢၼ်​ႁႅင်း​ယႂ်ႇ​ၼႃႇ​လႄႈ ႁေႃႈ​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="2">ၵမ်း​ၼၼ်ႉ ၽြႃး​ပဵၼ်​ၸဝ်ႈ​သမ်ႉ​ဝႆႉ​ပျႃႇ​တိၵ်ႈ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="3">ၵဝ်​ဢဝ်​တင်း​ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ၊ ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၵူၺ်း​လႄႈ ပေႃႇ​မႃး​တီႈ​ ဢႃႇပြႃႇႁၢမ်ႇ၊ ဢီႉၸၢၵ်ႈ တင်း​ ယႃႇၵုပ်ႈ ​ဢေႃႈ။ ၵူၺ်း​ၵႃႈ ဢဝ်​တင်း​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ၼႆႉ​လႄႈ ၶဝ်​ဢမ်ႇ​ႁူႉ​ၸၵ်း​ၵဝ်​ဢေႃႈ။-</verse>
				<verse number="4">လွင်ႈ​ၼင်ႇ​ႁိုဝ်​တၵ်း​လႆႈ​ဢဝ် မိူင်း​ ၶႃႇၼၢၼ်ႇ ၊ မိူင်း​ဢၼ်​ၶဝ်​သွၼ်ႈ​ပိုင်ႈ​လႄႈ​ပဵၼ်​ၶႅၵ်ႇ​ယူႇ​ၼၼ်ႉ ပၼ်​တီႈ​ၶဝ်​ၸိုင်၊ ၵဝ်​ႁႂ်ႈ​ပတီႉၺိၺ်ႇ ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​ၶဝ်​ဝႆႉ​ၼၼ်ႉ တႄႇ​ဝႆႉ​ယူႇ​ယဝ်ႉ။-</verse>
				<verse number="5">ၵဝ်​လႆႈ​ငိၼ်း​သဵင်​ပွင်ႉ​သဵင်​ၶၢင်း​ၵူၼ်း​မဵဝ်း​ ဢီႉသရေႇလႃႉ ​ဢၼ်​ၵူၼ်း​ ဢေႇၵိပ်ႉတူႉ ​တင်း​လၢႆ ႁႂ်ႈ​ၶၢမ်ႇ​ႁဵတ်း​ၶႃႈ​ၼၼ်ႉ​ယဝ်ႉ။ ပတီႉၺိၺ်ႇ ၵဝ်​ၵေႃႈ ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ယဝ်ႉ။-</verse>
				<verse number="6">ပိူဝ်ႈ​ၼႆ​လႄႈ ၵႂၢမ်း​ဢၼ်​မႂ်း​တၵ်း​လႆႈ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​ၸမ်ႉ၊ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။ ၵဝ်​တၵ်း​ပွႆႇ​သူ​လွတ်ႈ​သေ​ၵႃႈ​ၼႂ်း​ၵၢၼ်​တၢင်း​ႁဵတ်း​ၵူၼ်း​ ဢေႇၵိပ်ႉတူႉ ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ​လႄႈ ၼုၵ်ႈ​ဢဝ်​သူ​ၵႃႈ​ၼႂ်း​တၢင်း​ဢၼ် ၶဝ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ဢေႃႈ။ ၵဝ်​တၵ်း​ဢဝ်​တင်း​တၢင်း​ဢၼ်​ယိုၼ်ႈ​ၶႅၼ်​ယိုၼ်ႈ​မိုဝ်း​ဢိၵ်ႇ​တင်း တၢင်း​ဢၼ်​ပၼ်​တၢမ်ႇ​ဢၼ်​ယႂ်ႇ​ၼႃႇ ထုတ်ႇ​ဢဝ်​သူ​ဢေႃႈ။-</verse>
				<verse number="7">ၵဝ်​တၵ်း​သိမ်း​ဢဝ်​သူ ႁႂ်ႈ​သူ​လႆႈ​ပဵၼ်​မဵဝ်း​ၵူၼ်း​ၵဝ်​ဢေႃႈ။ ၵဝ်​တၵ်း​ပဵၼ်​ၽြႃး​ပဵၼ်​ၸဝ်ႈ​သူ​ဢေႃႈ။ သူ​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢၼ်​ပွႆႇ​သူ​လွတ်ႈ​သေ​ၵႃႈ​ၼႂ်း​ၵၢၼ်​တၢင်း​ႁဵတ်း​ၵူၼ်း​ ဢေႇၵိပ်ႉတူႉ ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="8">ၵဝ်​တၵ်း​ဢဝ်​သူ​ၵႂႃႇ​သူင်ႇ ၵႃႈ​တီႈ​မိူင်း​ဢၼ်​ၵဝ်​ယုၵ်ႉ​မိုဝ်း​လႄႈ​ဝႃႈ၊ တၵ်း​ပၼ်​တီႈ​ ဢႃႇပြႃႇႁၢမ်ႇ၊ ဢီႉၸၢၵ်ႈ ​တင်း​ ယႃႇၵုပ်ႈ ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ၼၼ်ႉ​လႄႈ ပၼ်​ပုၼ်ႈ​ဢၼ်​သူ တၵ်း​ၶၢမ်ႇ​ဢမူၺ်ႇ​ဢေႃႈ၊ ၵဝ်​ပဵၼ်​ထႃႇဝရႃႉ​ၽြႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ပိၵ်ႉ​သမ်ႉ​ မူဝ်းသေႇ ​ၶိုၼ်း​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်ႉ​ၼင်ႇ​ၼၼ်​သေ​ၵေႃႈ၊ ၵွပ်ႈ​ပိူဝ်ႈ​ဢၼ် ၶဝ်​လႆႈ​ၶၢမ်ႇ​တၢင်း​ဢၼ်​ယၢပ်ႇ​ၸႂ်​ၽိုတ်ႇ​ၸႂ်​ဢိၵ်ႇ​တင်း တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​ၵျၢမ်း​ၼႃႇ​ၼၼ်ႉ​လႄႈ၊ ၶဝ်​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ မူဝ်းသေႇ ​လႄႈ​ယူႇ​ဢေႃႈ။</verse>
				<verse number="10">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="11">မႂ်း​ၶဝ်ႈ​ၸူး​ၵႃႈ​တီႈ​ ၽႃႇရေႃး ​ၶုၼ်​ႁေႃ​ၶမ်း​ ဢေႇၵိပ်ႉတူႉ ​ၼၼ်ႉ​လႄႈ လဝ်ႊ​လၢတ်ႈ​လွင်ႈ​ဢၼ်​မၼ်း​တၵ်း​လႆႈ​ပွႆႇ ၵူၼ်း​မဵဝ်း​ ဢီႉသရေႇလႃႉ လွတ်ႈ​သေ​ၵႃႈ​ၼႂ်း​မိူင်း​မၼ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မူဝ်းသေႇ ​ၵေႃႈ လဝ်ႊ​လၢတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ​ဝႃႈ၊ ၵူၼ်း​မဵဝ်း​ ဢီႉသရေႇလႃႉ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ဢၼ်​ၶႃႈ​ၸဝ်ႈ​လၢတ်ႈ​ၼၼ်ႉ​တီႈ​ၶႃႈ။ ပိူဝ်ႈ​ၼႆ​လႄႈ ၶုၼ်​ႁေႃ​ၶမ်း​ ၽႃႇရေႃး ​တၵ်း​ထွမ်ႇ​ဢဝ်​ၵႂၢမ်း​ၶႃႈ​ၸဝ်ႈ ဢၼ်​ၸၢင်ႈ​ဢဝ်​တင်း​သူပ်း​ဢၼ်​ဢမ်ႇ​မီး​တၢင်း​ဢၼ်​ထိူဝ်​ႁိမ်း​လၢတ်ႈ​ၼႆႉ ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵူၺ်း​ၵႃႈ​ထႃႇဝရႃႉ​ၽြႃး​သင်ႇ​လၢတ်ႈ​တီႈ​ မူဝ်းသေႇ ​တင်း​ ဢႃႇရုၼ်ႇ ​လွင်ႈ​ဢၼ်​ၶဝ်​တၵ်း​လႆႈ ၼုၵ်ႈ​ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​သေ​လႄႈ ပွႆႇ​ၸႂ်ႉ​သွင်​ၶႃ ၵႂႃႇ​ၸူး​ၵႃႈ​တီႈ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢိၵ်ႇ​တင်း​ၶုၼ်​ႁေႃ​ၶမ်း​ ၽႃႇရေႃး ​ဢေႃႈ။</verse>
				<verse number="14">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၸမ်ႉ၊ လုၵ်ႈ​ၸၢႆး​ ရူႉပိၼ်ႇ ဢၼ်​ပဵၼ်​လုၵ်ႈ​တူၼ်ႈ​ ဢီႉသရေႇလႃႉ ​ၼၼ်ႉ​ၸမ်ႉ၊ ပဵၼ်​ ႁႃႇၼုတ်ႉ၊ ၽႃႇလူႉ၊ ႁေႇၸရုၼ်ႇ ​တင်း​ ၵႃႇမီႉ ​ဢေႃႈ။ ၶဝ်​ၸိူဝ်း​ၼႆႉ​ပဵၼ်​မဵဝ်း​ၸိူဝ်ႉ​ၶိူဝ်း​ ရူႉပိၼ်ႇ ​ၶေႃ​ၶေႃ ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="15">လုၵ်ႈ​ၸၢႆး​ သီႉမုၼ်ႇ ​ၸမ်ႉ၊ ပဵၼ်​ ယေႇမူၺ်ႇလႃႉ၊ ယႃႇမိၼ်ႇ၊ ဢေႃးႁတ်ႉ၊ ယႃႇၶိၼ်ႇ၊ ၸေႃးႁႃႇ ​တင်း​ သေႃးလႃႉ ဢၼ်​ပဵၼ်​လုၵ်ႈ​ၸၢႆး​မႄႈ​ယိင်း​မဵဝ်း​ ၶႃႇၼၼီႉ ​ၼၼ်ႉ​ဢေႃႈ။ ၶဝ်​ၸိူဝ်း​ၼႆႉ​ပဵၼ်​မဵဝ်း​ၸိူဝ်ႉ​ၶိူဝ်း​ သီႉမုၼ်ႇ ​ၶေႃ​ၶေႃ ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="16">လုၵ်ႈ​ၸၢႆး​ လေႇဝီႉ ဢၼ်​ၸွမ်း​လူၺ်ႈ​ၸိူဝ်ႉ​ၶိူဝ်း​ၽႂ်​ၸိူဝ်ႉ​ၶိူဝ်း​မၼ်း​ၸမ်ႉ၊ ပဵၼ်​ ၵေႇရသုၼ်ႇ၊ ၵေႃႇႁတ်ႉ ​တင်း​ မေႇရႃႇရီႉ ​ဢေႃႈ။ ၶူပ်ႇ​ပီႊ​ဢသၢၵ်ႈ​ လေႇဝီႉ ​ၼၼ်ႉ လႆႈ​ပၢၵ်ႇ​ပၢႆ​သၢမ်​သိပ်း​ပၢႆ​ၸဵတ်း​ပီႊ​ဢေႃႈ။-</verse>
				<verse number="17">လုၵ်ႈ​ၸၢႆး​ ၵေႇရသုၼ်ႇ ဢၼ်​ၸွမ်း​လူၺ်ႈ​ၸိူဝ်ႉ​ၶိူဝ်း​ၽႂ်​ၸိူဝ်ႉ​ၶိူဝ်း​မၼ်း​ၼၼ်ႉ​ၸမ်ႉ၊ ပဵၼ်​ လီႉပၼီႉ တင်း​ သီႉမီႉ ​ဢေႃႈ။-</verse>
				<verse number="18">လုၵ်ႈ​ၸၢႆး​ ၵေႃႇႁတ်ႉ ​ၸမ်ႉ၊ ပဵၼ်​ ဢႃႇမရမ်ႇ၊ ဢီႉၸႁႃႇ၊ ႁေႇပြုၼ်ႇ တင်း​ ဢေႃးၸေးလႃႉ ​ဢေႃႈ။ ၶူပ်ႇ​ပီႊ​ဢသၢၵ်ႈ ၵေႃႇႁတ်ႉ ​ၼၼ်ႉ လႆႈ​ပၢၵ်ႇ​ပၢႆ​သၢမ်​သိပ်း​ပၢႆ​သၢမ်​ပီႊ​ဢေႃႈ။-</verse>
				<verse number="19">လုၵ်ႈ​ၸၢႆး​ မေႇရႃႇရီႉ ​ၸမ်ႉ၊ ပဵၼ်​ မႁႃႇလီႉ တင်း​ မူႉသီႉ ​ဢေႃႈ။ ၶဝ်​ၸိူဝ်း​ၼႆႉ ပဵၼ်​ၸိူဝ်ႉ​ၶိူဝ်း​ လေႇဝီႉ ၸွမ်း​လူၺ်ႈ​ၸိူဝ်ႉ​ၶိူဝ်း​ၽႂ်​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="20">ဢႃႇမရမ်ႇ ​ၼၼ်ႉ ပဵၼ်​ႁိူၼ်း​ပဵၼ်​ယေး​လူၺ်ႈ​ၵၼ်​တင်း​ ယေႃးၶႄႇပိတ်ႉ ဢၼ်​ပဵၼ်​ပႃႈ​မၼ်း​ၼၼ်ႉ​လႄႈ မၼ်း​ၼၼ်ႉ​ၵိူတ်ႇ​လဵင်ႉ​ ဢႃႇရုၼ်ႇ တင်း​ မူဝ်းသေႇ ​မႃး​ဢေႃႈ။ ၶူပ်ႇ​ပီႊ​ဢသၢၵ်ႈ​ ဢႃႇမရမ်ႇ ​ၼၼ်ႉ​လႆႈ​ပၢၵ်ႇ​ပၢႆ​သၢမ်​သိပ်း​ပၢႆ​ၸဵတ်း​ပီႊ​ဢေႃႈ။-</verse>
				<verse number="21">လုၵ်ႈ​ၸၢႆး​ ဢီႉၸႁႃႇ ​ၸမ်ႉ၊ ပဵၼ်​ ၵေႃးရႃႉ၊ ၼေႇၽႅတ်ႉ တင်း​ ၸီႉၶရီႉ ​ဢေႃႈ။-</verse>
				<verse number="22">လုၵ်ႈ​ၸၢႆး​ ဢေႃးၸေးလႃႉ ​ၸမ်ႉ၊ ပဵၼ်​ မီႉသေႇလႃႉ၊ ဢေႇလၸႃႇၽၢၼ်ႇ တင်း​ သီႉသရီႉ ​ဢေႃႈ။-</verse>
				<verse number="23">ဢႃႇရုၼ်ႇ ​ၼၼ်ႉ​ပဵၼ်​ႁိူၼ်း​ပဵၼ်​ယေး​လူၺ်ႈ​ၵၼ်​တင်း ဢေးလီႉသၽႃႇ လုၵ်ႈ​ယိင်း​ ဢမီႉၼတပ်ႉ ၼွင်ႉ​ယိင်း​ ၼႃႇသုၼ်ႇ ​လႄႈ၊ မၼ်း​ၼၼ်ႉ​ၵိူတ်ႇ​လဵင်ႉ ၼႃႇတပ်ႉ၊ ဢၽီႉႁူႉ၊ ဢေးလႃႇၸႃႇ တင်း​ ဢီႉသမႃႇ ​ၸိူဝ်း​ၼၼ်ႉ​မႃး​ဢေႃႈ။-</verse>
				<verse number="24">လုၵ်ႈ​ၸၢႆး​ ၵေႃးရႃႉ ​ၸမ်ႉ၊ ပဵၼ်​ ဢတ်ႉသီႉရႃႉ၊ ဢေးလႃႉၵႃႇၼႃႉ ၊ တင်း​ ဢပျႃႇသပ်ႉ ​ဢေႃႈ။ ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​မဵဝ်း​ၸိူဝ်ႉ​ၶိူဝ်း​ ၵေႃးရႃႉ ၶေႃ​ၶေႃ ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="25">ဢေးလႃႇၸႃႇ ​လုၵ်ႈ​ၸၢႆး​ ဢႃႇရုၼ်ႇ ​ၼၼ်ႉ ပဵၼ်​ႁိူၼ်း​ပဵၼ်​ယေး​လူၺ်ႈ​ၵၼ်​တင်း လုၵ်ႈ​ယိင်း​ ပူႉတေႇလႃႉ ၵေႃႉ​ၼိုင်ႈ​လႄႈ​မၼ်း​ၼၼ်ႉ​ၵိူတ်ႇ​လဵင်ႉ​ ၽီႉၼႁတ်ႉ ​မႃး​ဢေႃႈ။ ၶဝ်​ၸိူဝ်း​ၼႆႉ ပဵၼ်​ၵူၼ်း​ဢၼ်​ႁဵတ်း​ၵႄႇ​ႁဵတ်း​ႁူဝ်​ၼႂ်း​ၸိူဝ်ႉ​ၶိူဝ်း​ လေႇဝီႉ ၸွမ်း​လူၺ်ႈ​ၸိူဝ်ႉ​ၶိူဝ်း​ၽႂ်​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="26">ၶဝ်​ၸိူဝ်း​ဢၼ်​ၶၢမ်ႇ​ဢဝ်​ၵႂၢမ်း​ဢၼ်​ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၼုၵ်ႈ​ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊ ပဵၼ်​ ဢႃႇရုၼ်ႇ ​တင်း​ မူဝ်းသေႇ ​ဢေႃႈ။-</verse>
				<verse number="27">ၶဝ်​ၸိူဝ်း​ဢၼ်​လႆႈ​လဝ်ႊ​လၢတ်ႈ​တီႈ ၽႃႇရေႃး ​ၶုၼ်​ႁေႃ​ၶမ်း​ ဢေႇၵိပ်ႉတူႉ ႁႂ်ႈ​လႆႈ​ၼုၵ်ႈ​ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ၸမ်ႉ၊ ပဵၼ်​ မူဝ်းသေႇ ​တင်း​ ဢႃႇရုၼ်ႇ ​ဢေႃႈ။</verse>
				<verse number="28">ၼႂ်း​ဝၼ်း​ဢၼ်​ထႃႇဝရႃႉ​ၽြႃး​ဝႆႉ​ပျႃႇ​တိၵ်ႈ​တီႈ​ မူဝ်းသေႇ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ၵေႃႈ၊-</verse>
				<verse number="29">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။ ၵႃႈ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ၼႆႉ​ၼၼ်ႉ​ၸိုင်၊ မႂ်း​တၵ်း​လႆႈ​ၶိုၼ်း​လၢတ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">မူဝ်းသေႇ ​ၵေႃႈ​လဝ်ႊ​လၢတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ​ဝႃႈ၊ တူၺ်း​တီႈ​ၶႃႈ​လူး။ ၶႃႈ​ၸဝ်ႈ​မီး​သူပ်း ဢၼ်​ဢမ်ႇ​မီး​တၢင်း​ဢၼ် ထိူဝ်​ႁိမ်း​လႄႈ ၶုၼ်​ႁေႃ​ၶမ်း​ ၽႃႇရေႃး ​တၵ်း​ထွမ်ႇ​ဢဝ်​ၵႂၢမ်း​ၶႃႈ​ၸဝ်ႈ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="7">
				<verse number="1">ထႃႇဝရႃႉ​ၽြႃး​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ တူၺ်း​လူး၊ ၵဝ်​ၶၢၼ်း​မႂ်း​ဝႆႉ​ၼႂ်း​ဢရႃႇ​ၽြႃး​ပဵၼ်​ၸဝ်ႈ တီႈ​ၶုၼ်​ႁေႃ​ၶမ်း​ ၽႃႇရေႃး ​ဢေႃႈ။ ပီႈ​ၸၢႆး​မႂ်း​ ဢႃႇရုၼ်ႇ ​ၼၼ်ႉ တၵ်း​လႆႈ​ပဵၼ်​ပရေႃးၽႅတ်ႈ​မႂ်း​ဢေႃႈ။-</verse>
				<verse number="2">မႂ်း​တၵ်း​လႆႈ​ၶိုၼ်း​လၢတ်ႈ​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။ ပီႈ​ၸၢႆး​မႂ်း​ ဢႃႇရုၼ်ႇ ​ၼၼ်ႉ တၵ်း​လႆႈ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ႁႂ်ႈ​မၼ်း​ပွႆႇ​ၵူၼ်း​မဵဝ်း​ ဢီႉသရေႇလႃႉ ဢွၵ်ႇ​သေ​ၵႃႈ​ၼႂ်း​မိူင်း​မၼ်း​ၵႂႃႇ​ဢေႃႈ။-</verse>
				<verse number="3">ၵဝ်​တၵ်း​ႁႂ်ႈ ႁူဝ်​ၸႂ်​ၶုၼ်​ႁေႃ​ၶမ်း​ ၽႃႇရေႃး ​ၵႅၼ်ႇ​ၶႅင်​လႄႈ ႁႂ်ႈ​ၼီႉမိၵ်ႈ​လၢၵ်ႈၶၼႃႇ​ၵဝ်​ဢိၵ်ႇ​တင်း လွင်ႈ​တၢင်း​ဢၼ်​လီ​ဢၢမ်း​ၵဝ်​တင်း​လၢႆ ၼမ်​မႃး​ၵိုၼ်း​မႃး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="4">ၼႂ်း​ဝႃႈ​ၼၼ်​သေ​ၵေႃႈ ၶုၼ်​ႁေႃ​ၶမ်း​ ၽႃႇရေႃး ​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​သူ​လႄႈ တၵ်း​ယူႇ​ဢေႃႈ။ ၵဝ်​တၵ်း​ဢဝ်​မိုဝ်း​ၵဝ်​တၢင်ႇ​သႂ်ႇ ၵႃႈ​ၼိူဝ်​မိူင်း​ ဢေႇၵိပ်ႉတူႉ ​လႄႈ ဢဝ်​တင်း တၢင်း​ဢၼ်​ပၼ်​တၢမ်ႇ​ၼမ်​ၼႃႇ ၼုၵ်ႈ​ဢဝ်​ပူဝ်ႇ​ပႃႇ​ၵဝ်​ဢၼ်​ပဵၼ်​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="5">မိူဝ်ႈ​ဢၼ်​ၵဝ်​ယိုၼ်း​မိုဝ်း​ၵဝ်​ၵႃႈ​ၼိူဝ်​မိူင်း​ ဢေႇၵိပ်ႉတူႉ ၸိူဝ်ႉ​ၼင်ႇ​ၼၼ်​လႄႈ ၼုၵ်ႈ​ဢဝ်​ၵူၼ်း​မဵဝ်း​ ဢီႉသရေႇလႃႉ ဢွၵ်ႇ​သေ​ၵႃႈ​ၼႂ်း​ၶဝ်​ၼၼ်ႉ​ၸိုင်၊ ၵူၼ်း​ ဢေႇၵိပ်ႉတူႉ ​တင်း​လၢႆ​တၵ်း​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မူဝ်းသေႇ ​တင်း​ ဢႃႇရုၼ်ႇ ​ႁဵတ်း​ၸိူဝ်ႉ​ၼင်ႇ​ၼၼ်​လႄႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ဢၼ်​သွင်​ၶႃ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ​ၸိုင်၊ ဢသၢၵ်ႈ​ မူဝ်းသေႇ ​လႆႈ​ပႅတ်ႇ​သိပ်း​ပီႊ​ဢေႃႈ။ ဢသၢၵ်ႈ​ ဢႃႇရုၼ်ႇ ​ၵေႃႈ လႆႈ​ပႅတ်ႇ​သိပ်း​ပၢႆ​သၢမ်​ပီႊ​ဢေႃႈ။</verse>
				<verse number="8">ၵမ်း​ၼၼ်ႉ ထႃႇဝရႃႉ​ၽြႃး​လၢတ်ႈ​တီႈ​ မူဝ်းသေႇ ​တင်း​ ဢႃႇရုၼ်ႇ ​လႄႈ​ဝႃႈ​ၸမ်ႉ၊-</verse>
				<verse number="9">မိူဝ်ႈ​ဢၼ်​ၶုၼ်​ႁေႃ​ၶမ်း​ ၽႃႇရေႃး ​လၢတ်ႈ​တီႈ​သူ​လႄႈ​ဝႃႈ၊ ၼႄ​ပျႃး​လွင်ႈ​တၢင်း​ဢၼ်​လီ​ဢၢမ်း​သေ​ၸိူဝ်ႉ​သေ​ပိူင်​ပုၼ်ႈ​သူ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ ဢဝ်​ၶွၼ်ႉ​တဝ်ႉ​မႂ်း​လႄႈ​ၶျႃး​တူၵ်း​သႂ်ႇ​ၵႃႈ​တီႈ​ၽၢႆႇ​ၼႃႈ ၶုၼ်​ႁေႃ​ၶမ်း​ ၽႃႇရေႃး ​တႃႉ၊ ဝႃႈ​ၼင်ႇ​ၼႆ​တႃႉ။ ၶွၼ်ႉ​တဝ်ႉ​ၼၼ်ႉ​ၵေႃႈ တၵ်း​ပဵၼ်​ငူး​ၵႂႃႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မူဝ်းသေႇ ​တင်း​ ဢႃႇရုၼ်ႇ ​ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ ႁဵတ်း​ၸိူဝ်ႉ​ၼင်ႇ​ၼၼ် ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၼၼ်ႉ​ဢေႃႈ။ ဢႃႇရုၼ်ႇ ​ဢဝ်​ၶွၼ်ႉ​တဝ်ႉ​မၼ်း​ၶျႃး​တူၵ်း​သႂ်ႇ ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း ၵႃႈ​တီႈ​ၽၢႆႇ​ၼႃႈ​ၶႃႈ​မၼ်း​ၵူၼ်း​မၼ်း​တင်း​လၢႆ​ၼၼ်ႉ​လႄႈ ပဵၼ်​ငူး​ၵႂႃႇ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး ​ႁွင်ႉ​ဢဝ်​ပိင်ႇ​ၺႃႇ​သီႉ​ဢိၵ်ႇ​တင်း​ၶဝ်​ၸိူဝ်း​ဢၼ်​ၸၢင်ႈ​ၸေႃႉ​ၸၢင်ႈ​ႁဵတ်း​တင်း​လၢႆ​ၼၼ်ႉ​လႄႈ သြႃႇ​ဝိၵ်ႉၸႃႇ​ၵႃႈ​ၼႂ်း​မဵဝ်း​ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​တင်း​ဢတၢတ်ႈ​ဝိၵ်ႉၸႃႇ​ၶဝ်​ႁဵတ်း မိူၼ်​ၸိူဝ်ႉ​ၼင်ႇ​ၼၼ်​လႄႈ၊-</verse>
				<verse number="12">ဢွၼ်​ၵၼ်​ဢဝ်​ၶွၼ်ႉ​တဝ်ႉ​ဢၼ်​ၶဝ်​ယိပ်း​ၵမ်​ၸိူဝ်း​ၼၼ်ႉ​ၶျႃး​တူၵ်း​သေ​ယဝ်ႉ၊ ပဵၼ်​ငူး​ၵႂႃႇ​ဢေႃႈ။ ၵူၺ်း​ၵႃႈ ၶွၼ်ႉ​တဝ်ႉ​ ဢႃႇရုၼ်ႇ ​ၼၼ်ႉ​ဢိုၼ်​ၵိၼ်​ၶွၼ်ႉ​တဝ်ႉ​ၶဝ်​ၸိူဝ်း​ၼၼ်ႉ​ပႅတ်ႈ​သေ​ဢေႃႈ။-</verse>
				<verse number="13">ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​လၢတ်ႈ​ဝႆႉ​ၼၼ်ႉ၊ ႁူဝ်​ၸႂ်​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ ၵႅၼ်ႇ​ၶႅင်​လႄႈ မၼ်း​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၶဝ်​ၼၼ်ႉ​လႄႈ​ယူႇ​ဢေႃႈ။</verse>
				<verse number="14">ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ ၸႂ်​ၼၵ်း​ၸႂ်​ၼႃ​လႄႈ​ယင်း​ဢမ်ႇ​ပွႆႇ​ၵူၼ်း​ၸိူဝ်း​ၼၼ်ႉ​ၵႂႃႇ​လႄႈ​ယူႇ​ယဝ်ႉ။-</verse>
				<verse number="15">ၶိင်ႇ​ၵၢင်​ၼႂ်​ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​တႃႉ။ မၼ်း​တၵ်း​ၵႂႃႇ​ၵႃႈ​တီႈ​တိုဝ်ႉ​ၼမ်ႉ​ဢေႃႈ။ ၸုၵ်း​ယူႇ​ၵႃႈ​တီႈ​ႁိမ်း​ၽင်ႇ​ၼမ်ႉ​ႁွင်ႈ​ၼၼ်ႉ ႁႂ်ႈ​လႆႈ​ႁူပ်ႉ​ထူပ်း​မၼ်း​တႃႉ။ ၶွၼ်ႉ​တဝ်ႉ​ဢၼ်​ပဵၼ်​ငူး​ၵႂႃႇ​ၼၼ်ႉ​ၵေႃႈ ယိပ်း​ၵမ်​ဝႆႉ​ၵႃႈ​ၼႂ်း​မိုဝ်း​မႂ်း​တႃႉ။-</verse>
				<verse number="16">မႂ်း​တၵ်း​လႆႈ​လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵူၼ်း​ ႁေႇပြႄး ​တင်း​လၢႆ​ၼၼ်ႉ​ပွႆႇ​ၸႂ်ႉ​ၶႃႈ​ၸဝ်ႈ​မႃး ၵႃႈ​တီႈ​ၸဝ်ႈ​ႁဝ်း​လႄႈ သင်ႇ​လၢတ်ႈ​ဝႃႈ၊ ပွႆႇ​ၵူၼ်း​ၵဝ်​တင်း​လၢႆ​ၵႂႃႇ ႁႂ်ႈ​ၶဝ်​လႆႈ​ႁဵတ်း​ဝၢတ်ႈ​တီႈ​ၵဝ်​ၵႃႈ​ၼႂ်း​ထိူၼ်ႇ​ပုၼ်ႉ​တႃႉ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ။ ၵူၺ်း​ၵႃႈ ႁၢၼ်ႉ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​လႄႈ ၸဝ်ႈ​ႁဝ်း​ယင်း​ဢမ်ႇ​ထွမ်ႇ​လႄႈ​ယူႇ​လူင်​ပႄႇ။-</verse>
				<verse number="17">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ မႂ်း​တၵ်း​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​ၼၼ်ႉ​ၸိူဝ်ႉ​ၼင်ႇ​ႁိုဝ် ဝႃႈ​ၼႆ​ၸမ်ႉ၊ ၵဝ်​တၵ်း​ဢဝ်​တင်း​ၶွၼ်ႉ​တဝ်ႉ​ဢၼ်​ၵဝ်​ယိပ်း​ၵမ်​ဝႆႉ​ၼႆႉ ပေႃႉ​ယႅၼ်ႉ​ၼမ်ႉ​ဢၼ်​မီး​ၵႃႈ​ၼႂ်း​ၼမ်ႉ​ႁွင်ႈ​လႄႈ​ၼမ်ႉ​ၼၼ်ႉ​တၵ်း​ပဵၼ်​လိူတ်ႈ​ၵႂႃႇ​ဢေႃႈ။-</verse>
				<verse number="18">ပႃ​ဢၼ်​မီး​ၵႃႈ​ၼႂ်း​ၼမ်ႉ​ႁွင်ႈ​ၸိူဝ်း​ၼၼ်ႉ​တၵ်း​တၢႆ​ဢေႃႈ။ ၼမ်ႉ​ၵႃႈ​ၼႂ်း​ၼမ်ႉ​ႁွင်ႈ​ၼၼ်ႉ​ၵေႃႈ တၵ်း​မဵၼ်​တူႇ​ၵႂႃႇ​ဢေႃႈ။ ၵူၼ်း​ ဢေႇၵိပ်ႉတူႉ ​တင်း​လၢႆ​ၵေႃႈ တၵ်း​လီ​ႁင်ႈ​ဢဵတ်ႇ​သဵတ်ႇ လွင်ႈ​ဢၼ်​ၵိၼ်​ၼမ်ႉ​ဢၼ်​မီး​ၵႃႈ​ၼႂ်း​ၼမ်ႉ​ႁွင်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​လၢတ်ႈ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊ လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ ဢဝ်​ၶွၼ်ႉ​တဝ်ႉ​မႂ်း​လႄႈ​ယိုၼ်း​မိုဝ်း​မႂ်း​ၵႃႈ​ၼိူဝ်​ၼမ်ႉ ၵႃႈ​ဢၼ်​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ဢၼ်​ဝႃႈ​ၼမ်ႉ​ႁွင်ႈ​လႂ်၊ ၼမ်ႉ​ၵႄး​လႂ်၊ ၼမ်ႉ​ၼႂ်း​ၼွင်​လႂ်၊ ၼမ်ႉ​ယိုင်ႈ​လႂ်​ၼၼ်ႉ​တႃႉ။ ၼမ်ႉ​ၸိူဝ်း​ၼၼ်ႉ​ၵႃႈ​မီး​တင်း​သဵင်ႈ​တင်း​လူင်​တၵ်း​ပဵၼ်​လိူတ်ႈ​ၵႂႃႇ​ဢေႃႈ။ ၵႃႈ​တီႈ​မိူင်း​ ဢေႇၵိပ်ႉတူႉ ​ၵူႈ​တီႈ​ၵူႈ​လႅၼ် ၵႃႈ​ၼႂ်း​ၵွၵ်း​မႆႉ​လႂ် ဢိၵ်ႇ​တင်း​ၵႃႈ​ၼႂ်း​မေႃႈ​မၢၵ်ႇ​ႁိၼ်​လႂ်၊ တၵ်း​ပဵၼ်​လိူတ်ႈ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မူဝ်းသေႇ ​တင်း​ ဢႃႇရုၼ်ႇ ​ႁဵတ်း​ၸိူဝ်ႉ​ၼင်ႇ​ၼၼ် ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​လႄႈ မၼ်း​ၼၼ်ႉ​ယုၵ်ႉ​ၶွၼ်ႉ​တဝ်ႉ​ပေႃႉ​ယႅၼ်ႉ​ၼမ်ႉ​ၵႃႈ​ၼႂ်း​ၼမ်ႉ​ႁွင်ႈ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၶႃႈ​မၼ်း​ၵူၼ်း​မၼ်း​တင်း​လၢႆ​လႄႈ ၼမ်ႉ​ၵႃႈ​ဢၼ်​မီး ၵႃႈ​ၼႂ်း​ၼမ်ႉ​ႁွင်ႈ​ၸိူဝ်း​ၼၼ်ႉ​ပဵၼ်​လိူတ်ႈ​ၵႂႃႇ​ဢေႃႈ။-</verse>
				<verse number="21">ပႃ​ဢၼ်​မီး​ၵႃႈ​ၼႂ်း​ၼမ်ႉ​ႁွင်ႈ​ၼၼ်ႉ​ၸိူဝ်း​ၼၼ်ႉ​တၢႆ​ဢေႃႈ။ ၼမ်ႉ​ၵႃႈ​ၼႂ်း​ၼမ်ႉ​ႁွင်ႈ​ၼၼ်ႉ​ၵေႃႈ​မဵၼ်​တူႇ​ၵႂႃႇ​ဢေႃႈ။ ၵူၼ်း​ ဢေႇၵိပ်ႉတူႉ ​တင်း​လၢႆ​ၵေႃႈ​ဢမ်ႇ​ၵိၼ်​ၼမ်ႉ​ၵႃႈ​ၼႂ်း​ၼမ်ႉ​ႁွင်ႈ​ၼၼ်ႉ​လႆႈ။ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ပဵၼ်​လိူတ်ႈ​ၸွတ်ႇ​တူဝ်ႈ​ၵႂႃႇ​ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="22">သြႃႇ​ဝိၵ်ႉၸႃႇ​ၵႃႈ​ၼႂ်း​ၵူၼ်း​မဵဝ်း​ ဢေႇၵိပ်ႉတူႉ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​တင်း​ဢတၢတ်ႈ​ဝိၵ်ႉၸႃႇ​ၶဝ်​ႁဵတ်း​မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။ ၶုၼ်​ႁေႃ​ၶမ်း​ ၽႃႇရေႃး ​ႁူဝ်​ၸႂ်​ၵႅၼ်ႇ​ၶႅင်​လႄႈ​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၶဝ်​လႄႈ ယူႇ​မႅၼ်ႈ​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="23">ၶုၼ်​ႁေႃ​ၶမ်း​ ၽႃႇရေႃး ​ဝၢႆႇ​ၶိုၼ်း​မိူဝ်း​ၵႂႃႇ​ၵႃႈ​တီႈ​ႁေႃ​ၶမ်း​လႄႈ ယင်း​ဢမ်ႇ​ဢဝ်​လွင်ႈ​တၢင်း​ၼၼ်ႉ​သႂၢင်း​ဝႆႉ​ၵႃႈ​ၼႂ်း​ႁူဝ်​ၸႂ်​လႄႈ​ယူႇ​ဢေႃႈ။-</verse>
				<verse number="24">မိူဝ်ႈ​ၼၼ်ႉ​ၵူၼ်း​ ဢေႇၵိပ်ႉတူႉ ​တင်း​သဵင်ႈ​တင်း​လူင် ပိူဝ်ႈ​ဢၼ်​ဢမ်ႇ​ၵိၼ်​ၼမ်ႉ​ၵႃႈ​ၼႂ်း​ၼမ်ႉ​ႁွင်ႈ​ၼၼ်ႉ​လႆႈ​လႄႈ၊ ဢွၼ်​ၵၼ်​ၶုတ်း ၵႃႈ​တီႈ​ႁိမ်း​ၼမ်ႉ​ႁွင်ႈ ႁႂ်ႈ​လႆႈ​ၼမ်ႉ​ပုၼ်ႈ​ဢၼ်​တၵ်း​ၵိၼ်​ဢေႃႈ။-</verse>
				<verse number="25">ထႃႇဝရႃႉ​ၽြႃး​ပၼ်​တၢမ်ႇ​ၼမ်ႉ​ႁွင်ႈ​လႄႈ ႁႂ်ႈ​ထူၼ်ႈ​တဵမ်​ၸဵတ်း​ဝၼ်း​ဢေႃႈ။</verse>
			</chapter>
			<chapter number="8">
				<verse number="1">ထႃႇဝရႃႉ​ၽြႃး​သမ်ႉ မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​သေ​လႄႈ​လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး​လၢတ်ႈ​လႄႈ​ဝႃႈ​ၸမ်ႉ၊ ပွႆႇ​ၵူၼ်း​ၵဝ်​တင်း​လၢႆ​ၵႂႃႇ​ႁႂ်ႈ​ၶဝ်​လႆႈ​ႁဵတ်း​ဝၢတ်ႈ​တီႈ​ၵဝ်​တႃႉ။-</verse>
				<verse number="2">ပေႃး​မႂ်း​ထဵင်​ပႅတ်ႈ​လႄႈ​ဝႃႈ၊ ဢမ်ႇ​ပွႆႇ​ၵႂႃႇ​ၵူၺ်ႉ၊ ဝႃႈ​ၼင်ႇ​ၼႆ​ၸိုင်၊ ၵဝ်​တၵ်း​ဢဝ်​တင်း​ၶဵတ်ႇ​တင်း​လၢႆ ပၼ်​တၢမ်ႇ​ၵႃႈ​ၼႂ်း​မိူင်း​မႂ်း ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="3">ၼမ်ႉ​ႁွင်ႈ​တၵ်း​ၵိူတ်ႇ​လဵင်ႉ​ၶဵတ်ႇ​မႃး​ၼမ်​ၼႃႇ​လႄႈ​ၶဝ်​တၵ်း​ဢွၼ်​ၵၼ်​ၶိုၼ်ႈ​လႄႈ​ၶဝ်ႈ​ယူႇ​ၵႃႈ​ၼႂ်း​ႁိူၼ်း​မႂ်း၊ ၵႃႈ​ၼႂ်း​လုၵ်း​တီႈ​ၼွၼ်း​မႂ်း၊ ၵႃႈ​ၼိူဝ်​ၵူႇ​တီႈ​ၼွၼ်း​မႂ်း၊ ၵႃႈ​ၼႂ်း​ႁိူၼ်း​ၶႃႈ​မႂ်း၊ ၵႃႈ​ၼိူဝ်​ၵူၼ်း​ဝၢၼ်ႈ​ၵူၼ်း​မိူင်း​မႂ်း၊ ၵႃႈ​ၼႂ်း​ၽီး​ၽႆး​မႂ်း၊ ၵႃႈ​ၼႂ်း​ၵွၵ်း​ဝၢၼ်ႇ​ဢၼ် ၼူတ်ႈ​ၶဝ်ႈ​မုၼ်း​မႂ်း ၸိူဝ်း​ၼၼ်ႉ​ဢေႃႈ။-</verse>
				<verse number="4">ၶဵတ်ႇ​ၸိူဝ်း​ၼၼ်ႉ​တၵ်း​ဢွၼ်​ၵၼ်​ၶိုၼ်ႈ​ယူႇ ၵႃႈ​ၼိူဝ်​ၸႃႉ​ၸဵမ်​မႂ်း​လႄႈ ၵူၼ်း​ဝၢၼ်ႈ​ၵူၼ်း​မိူင်း​မႂ်း​ဢိၵ်ႇ​တင်း​ၶႃႈ​မႂ်း ၵႃႈ​မီး​တင်း​သဵင်ႈ​တင်း​လူင်​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဝႆႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊ လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ ဢဝ်​တင်း​ၶွၼ်ႉ​တဝ်ႉ​မႂ်း​ယိုၼ်း​မိုဝ်း​မႂ်း ၵႃႈ​ၼိူဝ်​ၼမ်ႉ​ႁွင်ႈ​ၼမ်ႉ​ၵႄး တင်း​ၼမ်ႉ​ၼွင်​ၸိူဝ်း​ၼၼ်ႉ​လႄႈ ႁႂ်ႈ​ၶဵတ်ႇ​တင်း​လၢႆ​ၶိုၼ်ႈ​မႃး ၵႃႈ​ၼိူဝ်​မိူင်း​ ဢေႇၵိပ်ႉတူႉ ​ၼႆႉ​တႃႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ဢႃႇရုၼ်ႇ ​ၼၼ်ႉ​ယိုၼ်း​မိုဝ်း​မၼ်း ၵႃႈ​ၼိူဝ်​ၼမ်ႉ​ဢၼ်​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ၶဵတ်ႇ​ဢွၼ်​ၵၼ်​ၶိုၼ်ႈ​မႃး​ႁူမ်ႇ​သုမ်ႇ​မိူင်း​ ဢေႇၵိပ်ႉတူႉ ​ဝႆႉ​ဢေႃႈ။-</verse>
				<verse number="7">သြႃႇ​ဝိၵ်ႉၸႃႇ​တင်း​လၢႆ​ၵေႃႈ ဢွၼ်​ၵၼ်​ဢဝ်​တင်း​ဢတၢတ်ႈ​ဝိၵ်ႉၸႃႇ​ႁဵတ်း​မိူၼ်​ၸိူဝ်ႉ​ၼင်ႇ​ၼၼ်​လႄႈ ႁႂ်ႈ​ၶဵတ်ႇ​တင်း​လၢႆ​ၶိုၼ်ႈ​မႃး​ၵႃႈ​ၼိူဝ်​မိူင်း​ ဢေႇၵိပ်ႉတူႉ ​ဢေႃႈ။</verse>
				<verse number="8">မိူဝ်ႈ​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး ​ႁွင်ႉ​ဢဝ်​ မူဝ်းသေႇ ​တင်း​ ဢႃႇရုၼ်ႇ ​လႄႈ​လၢတ်ႈ​ဝႃႈ၊ တွင်း​ပၢၼ်ႇ​ႁႂ်ႈ​ထႃႇဝရႃႉ​ၽြႃး​ႁေႃႈ​ၶဵတ်ႇ​ၸိူဝ်း​ၼႆႉ​ဢွၵ်ႇ​သေ​ၵႃႈ​တီႈ​ၵဝ်​ဢိၵ်ႇ​တင်း​ၵူၼ်း​ဝၢၼ်ႈ​ၵူၼ်း​မိူင်း​ၵဝ်​တင်း​လၢႆ​တႃႉ။ ၵဝ်​တၵ်း​ပၼ်​ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၵႂႃႇ​ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​တီႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မူဝ်းသေႇ ​ၵေႃႈ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊ လွင်ႈ​ၼင်ႇ​ႁိုဝ်​ၶဵတ်ႇ​ၸိူဝ်း​ၼႆႉ​တၵ်း​လႆႈ​ၶၢမ်ႇ​တၢင်း​ဢၼ်​ယႃႉ​ၽဵဝ်ႈ​ပႅတ်ႈ​သေ ၵႃႈ​တီႈ​ၸဝ်ႈ​ႁဝ်း​ဢိၵ်ႇ​တင်း​ႁိူၼ်း​ၸဝ်ႈ​ႁဝ်း​တင်း​လၢႆ​လႄႈ ႁႂ်ႈ​ၶဝ်​ယူႇ​ၵႃႈ​ၼႂ်း​ၼမ်ႉ​ႁွင်ႈ​ၵူၺ်း​ၸိုင်၊ ၶႅၼ်း​တေႃႈ​မၵ်း​ၶၢၼ်း​ဝႆႉ​ၶိင်ႇ​ဢၼ်​ၶႃႈ​ၸဝ်ႈ​တၵ်း​လႆႈ​တွင်း​ပၢၼ်ႇ​ပုၼ်ႈ​ၸဝ်ႈ​ႁဝ်း​ဢိၵ်ႇ​တင်း​ၶႃႈ​ၸဝ်ႈ​ႁဝ်း​တင်း​ၵူၼ်း​ဝၢၼ်ႈ​ၵူၼ်း​မိူင်း​ၸဝ်ႈ​ႁဝ်း​တင်း​လၢႆ​ၼၼ်ႉ​သေ​ၵမ်း​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ဝၼ်း​မိူဝ်ႈ​ၽုၵ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လဝ်ႊ​လၢတ်ႈ​လႄႈ​ဝႃႈ၊ လွင်ႈ​ၼင်ႇ​ႁိုဝ် ၸဝ်ႈ​ႁဝ်း​တၵ်း​လႆႈ​ႁူႉ​လွင်ႈ​ဢၼ်​ၽြႃး​ပဵၼ်​ၸဝ်ႈ​ဢၼ်​မိူၼ်​ၸိူဝ်ႉ​ၼင်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶႃႈ​ၸဝ်ႈ​ႁဝ်း​ၼႆႉ ဢမ်ႇ​မီး​ၼၼ်ႉ​ၸိုင်၊ တၵ်း​ပဵၼ်​ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၸဝ်ႈ​မီး​ၼၼ်ႉ​လႄႈ၊-</verse>
				<verse number="11">ၶဵတ်ႇ​ၸိူဝ်း​ၼႆႉ​တၵ်း​ဢွၵ်ႇ​သေ​ၵႃႈ​တီႈ​ၸဝ်ႈ​ႁဝ်း၊ ဢိၵ်ႇ​တင်း​ႁိူၼ်း​ၸဝ်ႈ​ႁဝ်း၊ တင်း​ၶႃႈ​ၸဝ်ႈ​ႁဝ်း၊ တင်း​ၵူၼ်း​ဝၢၼ်ႈ​ၵူၼ်း​မိူင်း​ၸဝ်ႈ​ႁဝ်း​တင်း​လၢႆ​ၵႂႃႇ​လႄႈ ယူႇ​ၵႃႈ​ၼႂ်း​ၼမ်ႉ​ႁွင်ႈ​ၵူၺ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">မူဝ်းသေႇ ​တင်း​ ဢႃႇရုၼ်ႇ ​ဢွၵ်ႇ​သေ​ၵႃႈ​တီႈ ၶုၼ်​ႁေႃ​ၶမ်း​ ၽႃႇရေႃး ​ၵႂႃႇ​လႄႈ မူဝ်းသေႇ ​ႁဵတ်း​သူး​တွင်း​ပထၼႃႇ​တီႈ​ထႃႇဝရႃႉ​ၽြႃး၊ ၵွပ်ႈ​ပိူဝ်ႈ​ၶဵတ်ႇ ဢၼ်​မၼ်း​ၸဝ်ႈ​ဢဝ်​မႃး​ၵႃႈ​ၼိူဝ်​ၶုၼ်​ႁေႃ​ၶမ်း​ ၽႃႇရေႃး ​ၸိူဝ်း​ၼၼ်ႉ​ဢေႃႈ။-</verse>
				<verse number="13">ထႃႇဝရႃႉ​ၽြႃး ႁဵတ်း​ၸွမ်း​ၵႃႈ​ၼင်ႇ​ၵႂၢမ်း​ဢၼ်​ မူဝ်းသေႇ ​လဝ်ႊ​လၢတ်ႈ​သူး​တွင်း​ၼၼ်ႉ​လႄႈ ၶဵတ်ႇ​ၸိူဝ်း​ၼၼ်ႉ​တၢႆ​ၵႃႈ​ၼႂ်း​ႁိူၼ်း၊ ၵႃႈ​ၼႂ်း​ဝၢၼ်ႈ၊ ၵႃႈ​ၼႂ်း​တူင်ႈ​ၼႃး​ၸိူဝ်း​ၼၼ်ႉ​ဢေႃႈ။-</verse>
				<verse number="14">ၶဝ်​ၵဵပ်း​ဢဝ်​တူဝ်​တၢႆ​ၸူႉ​ဝႆႉ​ၵွင်​ဝႆႉ​လႄႈ​မဵၼ်​တူႇ​ၵႂႃႇ​တင်း​မိူင်း​ဢေႃႈ။-</verse>
				<verse number="15">ၶုၼ်​ႁေႃ​ၶမ်း​ ၽႃႇရေႃး ​ၵေႃႈ မိူဝ်ႈ​ဢၼ်​ႁူႉ​ႁၼ် လွင်ႈ​ဢၼ်​လႆႈ​သၢၵ်ႈ​သႃႇ​မႃး​ၼၼ်ႉ​ၸိုင်၊ ႁူဝ်​ၸႂ်​ၵႅၼ်ႇ​ၶႅင်​လႄႈ ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၶဝ်​လႄႈ ယူႇ​မႅၼ်ႈ​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​လၢတ်ႈ​ဝႆႉ​ၼၼ်ႉ​ဢေႃႈ။</verse>
				<verse number="16">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊ လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ ဢဝ်​ၶွၼ်ႉ​တဝ်ႉ​မႂ်း​ယိုၼ်း​မိုဝ်း​လႄႈ ပေႃႉ​ယႅၼ်ႉ​မုၼ်ႈ​လိၼ်​ႁႂ်ႈ​ပဵၼ်​ႁိၼ်ႉ​ၵႂႃႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵူႈ​တီႈ​ၵူႈ​လႅၼ်​တႃႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="17">ၶဝ်​ႁဵတ်း​ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​ဢမိင်ႉ​ၼၼ်ႉ​လႄႈ ဢႃႇရုၼ်ႇ ​ဢဝ်​ၶွၼ်ႉ​တဝ်ႉ​ယိုၼ်း​မိုဝ်း​မၼ်း​လႄႈ ပေႃႉ​ယႅၼ်ႉ​မုၼ်ႈ​လိၼ်​သေ​ယဝ်ႉ၊ ပဵၼ်​ႁိၼ်ႉ​ၵႂႃႇ​ၵႃႈ​တီႈ​ၵူၼ်း ဢိၵ်ႇ​တင်း​ၵႃႈ​တီႈ​တရိၵ်ႈသၢၼ်ႇ​တင်း​လၢႆ​ဢေႃႈ။ မုၼ်ႈ​လိၼ်​ၵႃႈ​မီး​တင်း​သဵင်ႈ​တင်း​လူင် ပဵၼ်​ႁိၼ်ႉ​ၵႂႃႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။-</verse>
				<verse number="18">သြႃႇ​ဝိၵ်ႉၸႃႇ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ဢဝ်​တင်း​ဢတၢတ်ႈ​ဝိၵ်ႉၸႃႇ​ႁဵတ်း​မိူၼ်​ၸိူဝ်ႉ​ၼင်ႇ​ၼၼ် ႁႂ်ႈ​ပဵၼ်​ႁိၼ်ႉ​မႃး​လႄႈ ဢမ်ႇ​တၢတ်ႈ​ၼိူင်ႇ​လႆႈ။ ၼင်ႇ​ၼၼ်​လႄႈ ႁိၼ်ႉ​မီး​ယူႇ​ၵႃႈ​တီႈ​ၵူၼ်း ဢိၵ်ႇ​တင်း​တရိၵ်ႈသၢၼ်ႇ​တင်း​လၢႆ​ဢေႃႈ။-</verse>
				<verse number="19">သြႃႇ​ဝိၵ်ႉၸႃႇ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​လဝ်ႊ​လၢတ်ႈ​တီႈ ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊ လွင်ႈ​တၢင်း​ၼႆႉ​ၸိုင်၊ ပဵၼ်​ၼိဝ်ႉ​မိုဝ်း​ၽြႃး​ပဵၼ်​ၸဝ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၵူၺ်း​ၵႃႈ ၶုၼ်​ႁေႃ​ၶမ်း​ ၽႃႇရေႃး ႁူဝ်​ၸႂ်​ၵႅၼ်ႇ​ၶႅင်​လႄႈ ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၶဝ်​လႄႈ ယူႇ​မႅၼ်ႈ​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​လၢတ်ႈ​ဝႆႉ​ၼၼ်ႉ​ဢေႃႈ။</verse>
				<verse number="20">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊ မႂ်း​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ၵႂႃႇ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ၼႂ်း​မိူဝ်ႈ​ဢၼ်​မၼ်း​ၵႂႃႇ​ၵႃႈ​တီႈ​တိုဝ်ႉ​ၼမ်ႉ​ၼၼ်ႉ​သေ​လႄႈ​လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ပွႆႇ​ၵူၼ်း​ၵဝ်​တင်း​လၢႆ​ၵႂႃႇ​ႁႂ်ႈ​ၶဝ်​လႆႈ​ႁဵတ်း​ဝၢတ်ႈ​တီႈ​ၵဝ်​တႃႉ။-</verse>
				<verse number="21">ပေႃး​ဢမ်ႇ​ပွႆႇ​ၵူၼ်း​ၵဝ်​တင်း​လၢႆ​ၵႂႃႇ​လႄႈ​ယူႇ​ၸိုင်၊ ၵဝ်​တၵ်း​ပွႆႇ​ၸႂ်ႉ​လိူၵ်ႇ​ၼမ်​ၼႃႇ​မႃး​ၵႃႈ​တီႈ​မႂ်း ဢိၵ်ႇ​တင်း​ၶႃႈ​မႂ်း​တင်း​ၵူၼ်း​ဝၢၼ်ႈ​ၵူၼ်း​မိူင်း​မႂ်း တင်း​ႁိူၼ်း​မႂ်း​ၸိူဝ်း​ၼၼ်ႉ​လႄႈ ႁိူၼ်း​ၵူၼ်း​ ဢေႇၵိပ်ႉတူႉ ​တင်း​လၢႆ ဢိၵ်ႇ​တင်း​လိၼ်​တီႈ​ဢၼ်​ၶဝ်​ယူႇ​ၼၼ်ႉ တၵ်း​လႆႈ​မီး​တဵမ်​ဝႆႉ​တင်း​လိူၵ်ႇ​ဢေႃႈ။-</verse>
				<verse number="22">ၼင်ႇ​ႁိုဝ်​မႂ်း​တၵ်း​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​ၼႂ်း​ၶိုင်ႈ​ၵၢင်​လိၼ်​မိူင်း​ၼႆႉ​ၸိုင်၊ ၼႂ်း​ဝၼ်း​ၼၼ်ႉ ၵဝ်​တၵ်း​ႁႂ်ႈ​မိူင်း ၵေႃးသိၼ်ႇ တီႈ​ယူႇ​ၵူၼ်း​ၵဝ်​ၸိူဝ်း​ၼၼ်ႉ ပႅၵ်ႇ​ပိူင်ႈ​သေ​လႄႈ လိူၵ်ႇ​ဢမ်ႇ​လႆႈ​မီး​ၵႃႈ​ၼႂ်း​မိူင်း​ၼၼ်ႉ။-</verse>
				<verse number="23">ၼင်ႇ​ၼၼ်​လႄႈ ၵဝ်​တၵ်း​ႁႂ်ႈ​ၵူၼ်း​ၵဝ်​တင်း​ၵူၼ်း​မႂ်း ပႅၵ်ႇ​ပိူင်ႈ​ၵၼ်​ဢေႃႈ။ ၼႂ်း​ဝၼ်း​မိူဝ်ႈ​ၽုၵ်ႈ ၼီႉမိၵ်ႈ​လၢၵ်ႈၶၼႃႇ​ၼၼ်ႉ​တၵ်း​ပေႃႇ​မႃး​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ထႃႇဝရႃႉ​ၽြႃး​ႁဵတ်း​ၸွမ်း ၸိူဝ်ႉ​ၼင်ႇ​ၼၼ်​လႄႈ လိူၵ်ႇ​ဢၼ်​ၵျၢမ်း​ၼႃႇ​တင်း​လၢႆ​ႁွတ်ႈ​မႃး​ၵႃႈ​တီႈ​ၸႃႉ​ၸဵမ်​ႁေႃ​ၶုၼ်​ႁေႃ​ၶမ်း​ ၽႃႇရေႃး ​လႄႈ ႁိူၼ်း​ၶႃႈ​မၼ်း​ၵူၼ်း​မၼ်း ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၵူႈ​တီႈ​ၵူႈ​လႅၼ်​လႄႈ မိူင်း​လူႉ​လႅဝ်​ၵႂႃႇ​ၵွပ်ႈ​ပိူဝ်ႈ​လိူၵ်ႇ​ၸိူဝ်း​ၼၼ်ႉ​ဢေႃႈ။</verse>
				<verse number="25">မိူဝ်ႈ​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး ႁွင်ႉ​ဢဝ်​ မူဝ်းသေႇ ​တင်း​ ဢႃႇရုၼ်ႇ ​လႄႈ မီး​ဢမိင်ႉ​လႄႈ​ဝႃႈ၊ သူ​ၵႂႃႇ​ပုၵ်ႈ​ၸေႃႇ​ယိတ်ႈ​တီႈ ၽြႃး​ပဵၼ်​ၸဝ်ႈ​သူ​ၵႃႈ​တီႈ​ၼႂ်း​မိူင်း​ၼႆႉ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="26">မူဝ်းသေႇ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ဢမ်ႇ​ထုၵ်ႇ​လီ​ႁဵတ်း​ၸိူဝ်ႉ​ၼင်ႇ​ၼၼ်​တီႈ​ၶႃႈ၊ ပေႃး​ႁဵတ်း​ၸိုင်၊ ၶႃႈ​ၸဝ်ႈ​ႁဝ်း​ၶဝ် တၵ်း​လႆႈ​ပုၵ်ႈ​ၸေႃႇ​ယိတ်ႈ​လွင်ႈ​တၢင်း​ဢၼ် ၵူၼ်း​ ဢေႇၵိပ်ႉတူႉ လီ​ႁၢင်ႈ​ၼၼ်ႉ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။ ပေႃး​ပုၵ်ႈ​ၸေႃႇ​ယိတ်ႈ​လွင်ႈ​တၢင်း​ဢၼ် ၵူၼ်း​ ဢေႇၵိပ်ႉတူႉ ​လီ​ႁင်ႈ​ၼၼ်ႉ ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၶဝ်​ၸိုင်၊ ၶဝ်​တၵ်း​ဢဝ်​တင်း မၢၵ်ႇ​ႁိၼ်​ထိမ်ႈ​ၶႃႈ​ၸဝ်ႈ​ႁဝ်း​ၶဝ်၊ ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="27">ပိူဝ်ႈ​ၼႆ​လႄႈ ၶႃႈ​ၸဝ်ႈ​ႁဝ်း​ၶဝ်​တၵ်း​လႆႈ ၵႂႃႇ​ၵႃႈ​တီႈ​ၼႂ်း​ထိူၼ်ႇ​ပုၼ်ႉ ၶၢဝ်း​တၢင်း​သေ​သၢမ်​ဝၼ်း​ၼိုင်ႈ​လႄႈ ပုၵ်ႈ​ၸေႃႇ​ယိတ်ႈ တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၶႃႈ​ၸဝ်ႈ​ႁဝ်း​ၶဝ်​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​တၵ်း​မီး​ဢမိင်ႉ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၶုၼ်​ႁေႃ​ၶမ်း​ ၽႃႇရေႃး ​ၵေႃႈ​လၢတ်ႈ​လႄႈ​ဝႃႈ၊ ၵဝ်​တၵ်း​ပွႆႇ​သူ​ၵႂႃႇ ႁႂ်ႈ​သူ​လႆႈ​ပုၵ်ႈ​ၸေႃႇ​ယိတ်ႈ​ၵႃႈ​ၼႂ်း​ထိူၼ်ႇ​ပုၼ်ႉ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ သူ​ဢမ်ႇ​လႆႈ​ၵႂႃႇ​ၵႆ​ၼႃႇ​လူင်​လၢင်။ တွင်း​ပၢၼ်ႇ​ပုၼ်ႈ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မူဝ်းသေႇ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ၼႆႉ​တၵ်း​ဢွၵ်ႇ​သေ ၵႃႈ​တီႈ​ၸဝ်ႈ​ႁဝ်း​ၵႂႃႇ​လႄႈ တွင်း​ပၢၼ်ႇ​တီႈ​ထႃႇဝရႃႉ​ၽြႃး ႁႂ်ႈ​လိူၵ်ႇ​ၸိူဝ်း​ၼႆႉ ၽၢတ်ႇ​ယၢၼ်​သေ​ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​ၶႃႈ​မၼ်း​ၸဝ်ႈ တင်း​ၵူၼ်း​ဝၢၼ်ႈ​ၵူၼ်း​မိူင်း​မၼ်း​ၸဝ်ႈ​တင်း​လၢႆ ၼႂ်း​ဝၼ်း​မိူဝ်ႈ​ၽုၵ်ႈ​တီႈ​ၶႃႈ​ဢေႃႈ။ ၵူၺ်း​ၵႃႈ လိုၼ်း​ၼႆႉ ယႃႇ​ပေ​ပႅတ်ႉ​လႅၼ်​လႄႈ ႁႄႉ​ၶႅၼ်​ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢမ်ႇ​လႆႈ​ၵႂႃႇ​ပုၵ်ႈ​ၸေႃႇ​ယိတ်ႈ တီႈ​ထႃႇဝရႃႉ​ၽြႃး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="30">မူဝ်းသေႇ ​ဢွၵ်ႇ​သေ​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​ၵႂႃႇ​လႄႈ တွင်း​ပၢၼ်ႇ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="31">ထႃႇဝရႃႉ​ၽြႃး​ၵေႃႈ​ႁဵတ်း​ၸွမ်း​ၵႂၢမ်း​ မူဝ်းသေႇ ​လႄႈ ပႄႇ​ၽဵဝ်ႈ​လိူၵ်ႇ​တင်း​လၢႆ​ပႅတ်ႈ​သေ​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​ၶႃႈ​မၼ်း​တင်း​ၵူၼ်း​ဝၢၼ်ႈ​ၵူၼ်း​မိူင်း​မၼ်း​ၸိူဝ်း​ၼၼ်ႉ​လႄႈ ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​သေ​တူဝ်။-</verse>
				<verse number="32">မိူဝ်ႈ​ၼၼ်ႉ​ၵေႃႈ ၶုၼ်​ႁေႃ​ၶမ်း​ ၽႃႇရေႃး ႁူဝ်​ၸႂ်​သမ်ႉ​ၵႅၼ်ႇ​ၶႅင်​ထႅင်ႈ​လႄႈ ယင်း​ဢမ်ႇ​ပွႆႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵႂႃႇ​လႄႈ ယူႇ​ဢေႃႈ။</verse>
			</chapter>
			<chapter number="9">
				<verse number="1">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊ မႂ်း​ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၵူၼ်း​ ႁေႇပြႄး ​တင်း​လၢႆ​လၢတ်ႈ​လႄႈ​ဝႃႈ​ၸမ်ႉ၊ ပွႆႇ​ၵူၼ်း​ၵဝ်​တင်း​လၢႆ​ၵႂႃႇ ႁႂ်ႈ​ၶဝ်​လႆႈ​ႁဵတ်း​ဝၢတ်ႈ​တီႈ​ၵဝ်​တႃႉ။-</verse>
				<verse number="2">ပေႃး​မႂ်း​ႁႄႉ​ၶႅၼ်​ထဵင်​ပႅတ်ႈ​လႄႈ​ဝႃႈ၊ ဢမ်ႇ​ပွႆႇ​ၵႂႃႇ​ၵူၺ်ႉ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="3">မိုဝ်း​ထႃႇဝရႃႉ​ၽြႃး​ၼၼ်ႉ တၵ်း​ႁွတ်ႈ​ထိုင်​ၵႃႈ​ၼိူဝ်​တရိၵ်ႈသၢၼ်ႇ​မႂ်း ဢၼ်​မီး​ၵႃႈ​ၼႂ်း​တူင်ႈ​ၼႃး ဢၼ်​ဝႃႈ မႃႉ​လႂ်၊ လီႈ​လႂ်၊ ၵလႃးဢုၵ်ႉ​လႂ်၊ ၽုင်​သူဝ်း​ၽုင်​ဝူဝ်း​လႂ်​ၸိူဝ်း​ၼၼ်ႉ​လႄႈ ၶဝ်​တၵ်း​ၸပ်း​တၢင်း​ပဵၼ်​ၵႃႇလႃႉ ဢၼ်​ႁၢႆႉ​ၵျၢမ်း​ၼႃႇ​ဢေႃႈ။-</verse>
				<verse number="4">ထႃႇဝရႃႉ​ၽြႃး​တၵ်း​ႁႂ်ႈ​တရိၵ်ႈသၢၼ်ႇ ၵူၼ်း​မဵဝ်း​ ဢီႉသရေႇလႃႉ ​တင်း​တရိၵ်ႈသၢၼ်ႇ​ၵူၼ်း​ ဢေႇၵိပ်ႉတူႉ ပႅၵ်ႇ​ပိူင်ႈ​ၵၼ်​လႄႈ တရိၵ်ႈသၢၼ်ႇ ဢၼ်​ၵူၼ်း​မဵဝ်း​ ဢီႉသရေႇလႃႉ ​ပိူင်ႇ​ၸိူဝ်း​ၼၼ်ႉ တၵ်း​ဢမ်ႇ​တၢႆ​သေ​တူဝ်။-</verse>
				<verse number="5">ထႃႇဝရႃႉ​ၽြႃး​မၵ်း​ၶၢၼ်း​ဝႆႉ​ၶိင်ႇ​ဢၼ်​မၢၼ်ႇ​ဢၼ်​မႅၼ်ႈ​လႄႈ​ဝႃႈ၊ ဝၼ်း​မိူဝ်ႈ​ၽုၵ်ႈ​ထႃႇဝရႃႉ​ၽြႃး​တၵ်း​ႁဵတ်း​ဢမူႉ​ၼၼ်ႉ ၵႃႈ​ၼႂ်း​မိူင်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၼႂ်း​ဝၼ်း​မိူဝ်ႈ​ၽုၵ်ႈ ထႃႇဝရႃႉ​ၽြႃး​ႁဵတ်း​ဢမူႉ​ၼၼ်ႉ​လႄႈ တရိၵ်ႈသၢၼ်ႇ​ၵူၼ်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​တၢႆ​ဢေႃႈ။ တရိၵ်ႈသၢၼ်ႇ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၸမ်ႉ၊ ဢမ်ႇ​တၢႆ​သေ​တူဝ်။-</verse>
				<verse number="7">ၶုၼ်​ႁေႃ​ၶမ်း​ ၽႃႇရေႃး ​ပွႆႇ​ၸႂ်ႉ​ၵူၼ်း​ၵႂႃႇ​လႄႈ လႆႈ​ႁူႉ​လွင်ႈ​ဢၼ် တရိၵ်ႈသၢၼ်ႇ​ၵူၼ်း​မဵဝ်း​ ဢီႉသရေႇလႃႉ ​ဢမ်ႇ​တၢႆ​သေ​တူဝ်​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၶုၼ်​ႁေႃ​ၶမ်း​ ၽႃႇရေႃး ၸႂ်​ၼၵ်း​ၸႂ်​ၼႃ​ယူႇ​လႄႈ ယင်း​ဢမ်ႇ​ပွႆႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵႂႃႇ​လႄႈ​ယူႇ​ဢေႃႈ။</verse>
				<verse number="8">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ဢိၵ်ႇ​တင်း​ ဢႃႇရုၼ်ႇ ​လႄႈ​ဝႃႈ​ၸမ်ႉ၊ ဢဝ်​တင်း​မိုဝ်း​ယိပ်း​ၵမ်​ဢဝ်​တဝ်ႈ​ၵႃႈ​ၼႂ်း​ၽီး​ၽႆး​ပဵၼ်​ၵမ်​ပဵၼ်​ၵမ်​လႄႈ ႁႂ်ႈ​ မူဝ်းသေႇ ​ၵမ်​ပိုၼ်​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​သိုဝ်ႈ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ​တႃႉ။-</verse>
				<verse number="9">တဝ်ႈ​ၼၼ်ႉ​တၵ်း​ပဵၼ်​မုၼ်ႈ​ဢၼ်​ၸွတ်ႇ​ၸႅတ်ႇ​ၵႂႃႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵူႈ​တီႈ​ၵူႈ​လႅၼ်​လႄႈ ပဵၼ်​တုမ်ႇ​ၸဵပ်း​ၵႃႈ​ၼႂ်း​ၼိူဝ်ႉ​ဢၼ်​ဢွၵ်ႇ​မႃး ပႃး​တင်း​တၢင်း​ဢၼ်​ပဵၼ်​ၶိုၼ်​လိုၼ်​ၶၢၼ်​လၢၼ် ၵႃႈ​တီႈ​ၵူၼ်း​ဢိၵ်ႇ​တင်း တရိၵ်ႈသၢၼ်ႇ​တင်း​လၢႆ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼႆႉ ၵူႈ​တီႈ​ၵူႈ​လႅၼ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">သွင်​ၶႃ​ဢဝ်​တဝ်ႈ​ၵႃႈ​ၼႂ်း​ၽီး​ၽႆး​လႄႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ​သေ​ယဝ်ႉ၊ မူဝ်းသေႇ ​ၵမ်​ပိုၼ်​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​လႄႈ တဝ်ႈ​ၼၼ်ႉ​ပဵၼ်​တုမ်ႇ​ၸဵပ်း ၵႃႈ​ၼႂ်း​ၼိူဝ်ႉ​ဢၼ်​ဢွၵ်ႇ​မႃး ပႃး​တင်း တၢင်း​ဢၼ်​ပဵၼ်​ၶိုၼ်​လိုၼ်​ၶၢၼ်​လၢၼ် ၵႃႈ​တီႈ​ၵူၼ်း​ဢိၵ်ႇ​တင်း တရိၵ်ႈသၢၼ်ႇ​တင်း​လၢႆ​ဢေႃႈ။-</verse>
				<verse number="11">သြႃႇ​ဝိၵ်ႉၸႃႇ​တင်း​လၢႆ ဢမ်ႇ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ မူဝ်းသေႇ ​လႆႈ ၵွပ်ႈ​ပိူဝ်ႈ​တုမ်ႇ​ၸဵပ်း​ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ တုမ်ႇ​ၸဵပ်း​ၸိူဝ်း​ၼၼ်ႉ ၸပ်း​တီႈ​သြႃႇ​ဝိၵ်ႉၸႃႇ​တင်း​လၢႆ ဢိၵ်ႇ​တင်း​ၵူၼ်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​ဢေႃႈ။-</verse>
				<verse number="12">ထႃႇဝရႃႉ​ၽြႃး​ႁႂ်ႈ​ႁူဝ်​ၸႂ်​ၶုၼ်​ႁေႃ​ၶမ်း​ ၽႃႇရေႃး ​ၵႅၼ်ႇ​ၶႅင်​လႄႈ မၼ်း​ၵေႃႈ​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​သွင်​ၶႃ​ၼၼ်ႉ​လႄႈ ယူႇ​မႅၼ်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဝႃႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="13">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ မႂ်း​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၵူၼ်း​မဵဝ်း​ ႁေႇပြႄး ​လၢတ်ႈ​လႄႈ​ဝႃႈ​ၸမ်ႉ၊ ပွႆႇ​ၵူၼ်း​ၵဝ်​တင်း​လၢႆ ႁႂ်ႈ​ၶဝ်​လႆႈ​ၵႂႃႇ​ႁဵတ်း​ဝၢတ်ႈ​တီႈ​ၵဝ်​တႃႉ။-</verse>
				<verse number="14">ပေႃး​ဢမ်ႇ​ၼၼ် ၵဝ်​တၵ်း​ႁႂ်ႈ​ၽေး​တၢမ်ႇ​ၵဝ်​တင်း​သဵင်ႈ​တင်း​လူင် ႁွတ်ႈ​ထိုင်​ၵႃႈ​ၼိူဝ်​ႁူဝ်​ၸႂ်​မႂ်း၊ ၵႃႈ​ၼိူဝ်​ၶႃႈ​မႂ်း၊ ၵႃႈ​ၼိူဝ်​ၵူၼ်း​ဝၢၼ်ႈ​ၵူၼ်း​မိူင်း​မႂ်း​ၼႂ်း​ၶိင်ႇ​ၵႃႇလႃႉ​မိူဝ်ႈ​လဵဝ်​ၼႆႉ​ဢေႃႈ။ မႂ်း​တၵ်း​လႆႈ​ႁူႉ​လွင်ႈ​ဢၼ်​ၵႃႈ​ၼိူဝ်​လိၼ်​မိူင်း​ၵူႈ​တီႈ​ၵူႈ​လႅၼ် ဢမ်ႇ​မီး​ၽူႈ​လႂ် ဢၼ်​မိူၼ်​ၵၼ်​တင်း​ၵဝ်​ၼႆႉ​ၼၼ်ႉ​ဢေႃႈ။-</verse>
				<verse number="15">တေႃႈ​လဵဝ်​ၼႆႉ သင်​ၵဝ်​လႆႈ​ယိုၼ်း​မိုဝ်း​ၵဝ်​လႄႈ ဢဝ်​တင်း​တၢင်း​ဢၼ်​ပဵၼ်​ၵႃႇလႃႉ​ႁႃႈ​လႅင်​မိူင်း ပၼ်​တၢမ်ႇ​တီႈ​မႂ်း​ဢိၵ်ႇ​တင်း​ၵူၼ်း​မႂ်း​တင်း​လၢႆ​ယဝ်ႉ​ၸိုင်၊ ၵဝ်​လႆႈ​ယႃႉ​ၽဵဝ်ႈ​မႂ်း​ပႅတ်ႈ​သေ ၵႃႈ​တီႈ​လိၼ်​မိူင်း​ယဝ်ႉ​ဢေႃႈ။-</verse>
				<verse number="16">ၵူၺ်း​ၵႃႈ လွင်ႈ​ၼင်ႇ​ႁိုဝ်​ၵဝ်​တၵ်း​ၼႄ​ပျႃး​တၼ်း​ၶူဝ်း​ၵဝ်​တီႈ​မႂ်း ဢိၵ်ႇ​တင်း​လွင်ႈ​ၼင်ႇ​ႁိုဝ် တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ၸွတ်ႇ​သႃႈ​ႁူင်​ႁၢင်း​ၵႃႈ​ၼိူဝ်​လိၼ်​မိူင်း​ၼႆႉ ၵူႈ​တီႈ​ၵူႈ​လႅၼ်​ၸိုင်၊ ၵဝ်​လႆႈ​ယုၵ်ႉ​ယွင်ႈ​မႂ်း​ဝႆႉ​ဢမၢၼ်ႇ​ၶၼ်​ပဵၼ်​ယဝ်ႉ။-</verse>
				<verse number="17">မႂ်း​ယင်း​ဢမ်ႇ​ပွႆႇ​ၵူၼ်း​ၵဝ်​တင်း​လၢႆ​ၵႂႃႇ​လႄႈ ႁဵတ်း​ၶတ်း​ၶႅင်​ႁႅင်း​တႃႉ​ၶဝ်​ယူႇ​လူး​ၵွၼ်ႇ​ႁိုဝ်။-</verse>
				<verse number="18">တူၺ်း​လူး၊ ၵဝ်​တၵ်း​ႁႂ်ႈ​ၽူၼ်​မၢၵ်ႇ​ႁဵပ်း​ဢၼ်​ႁၢႆႉ​ၵျၢမ်း​ၼႃႇ၊ ဢၼ်​ၸႃႉ​ၸဵမ်​ၶိင်ႇ​ၵႃႇလႃႉ​မိူဝ်ႈ​ဢၼ်​ၸႃႉ​တႄႇ​မိူင်း​ ဢေႇၵိပ်ႉတူႉ ​ၼၼ်ႉ ႁၢၼ်ႉ​တေႃႇ​မိူဝ်ႈ​လဵဝ်​ၼႆႉ ဢမ်ႇ​တွၼ်ႉ​တူၵ်း​သေ​ပွၵ်ႈ​ၼၼ်ႉ ပဵၼ်​ၼႂ်း​ဝၼ်း​မိူဝ်ႈ​ၽုၵ်ႈ​မိူဝ်ႈ​ၶိင်ႇ​ၼႆႉ​ၼၼ်ႉ​ဢေႃႈ။-</verse>
				<verse number="19">ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ​ပွႆႇ​ၸႂ်ႉ​ၵႂႃႇ​လႄႈ သိမ်း​ဢဝ်​တရိၵ်ႈသၢၼ်ႇ​ဢိၵ်ႇ​တင်း​ၵႃႈ​ဢၼ်​မႂ်း​မီး​ဝႆႉ ၵႃႈ​ၼႂ်း​တီႈ​ပၢင်ႇ​တီႈ​ပဵင်း​ၸိူဝ်း​ၼၼ်ႉ​မႃး​တႃႉ။ ၵႃႈ​ၼိူဝ်​ၵူၼ်း​ဢိၵ်ႇ​တင်း​တရိၵ်ႈသၢၼ်ႇ ၵႃႈ​ဢၼ်​လႆႈ​ထူပ်း​ႁၼ် ၵႃႈ​ၼႂ်း​တီႈ​ပၢင်ႇ​တီႈ​ပဵင်း​လႄႈ ဢမ်ႇ​ဢဝ်​မႃး​ၵႃႈ​တီႈ​ႁိူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ၊ ၽူၼ်​မၢၵ်ႇ​ႁဵပ်း တၵ်း​တူၵ်း​သႂ်ႇ​လႄႈ ၶဝ်​ၼၼ်ႉ​တၵ်း​တၢႆ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၼႂ်း​ၶႃႈ​ၶုၼ်​ႁေႃ​ၶမ်း​ ၽႃႇရေႃး ​ၸိူဝ်း​ၼၼ်ႉ ၵေႃႉ​ဢၼ်​ၵူဝ်​ႁႄ​ၼုၵ်ႈၵပၢတ်ႈ​ထႃႇဝရႃႉ​ၽြႃး​ၼၼ်ႉ​ၸိုင်၊ ႁႂ်ႈ​ၶႃႈ​မၼ်း​ဢိၵ်ႇ​တင်း တရိၵ်ႈသၢၼ်ႇ​မၼ်း​တင်း​လၢႆ ပၢႆႈ​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​သေ​ဢေႃႈ။-</verse>
				<verse number="21">ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၼုၵ်ႈၵပၢတ်ႈ​ထႃႇဝရႃႉ​ၽြႃး​ၼၼ်ႉ​ၸမ်ႉ ဝႆႉ​ၶႃႈ​မၼ်း​ဢိၵ်ႇ​တင်း​တရိၵ်ႈသၢၼ်ႇ​မၼ်း​တင်း​လၢႆ​ယူႇ​ၵႃႈ​ၼႂ်း​တီႈ​ပၢင်ႇ​တီႈ​ပဵင်း​ယူႇ​ဢေႃႈ။</verse>
				<verse number="22">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ယိုၼ်ႈ​မိုဝ်း​မႂ်း​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ် ႁႂ်ႈ​ၽူၼ်​မၢၵ်ႇ​ႁဵပ်း တူၵ်း​လူင်း​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵူႈ​တီႈ​ၵူႈ​လႅၼ် သႂ်ႇ​ၵႃႈ​ၼိူဝ်​ၵူၼ်း​လႂ်၊ ၵႃႈ​ၼိူဝ်​တရိၵ်ႈသၢၼ်ႇ​လႂ်၊ ၵႃႈ​ၼိူဝ်​တူၼ်ႈ​ၵႃႈ​ဢၼ်​မီး​ၵႃႈ​တီႈ​ပၢင်ႇ​တီႈ​ပဵင်း​လႂ် ၵႃႈ​တီႈ​မိူင်း​ ဢေႇၵိပ်ႉတူႉ ​ၼႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မူဝ်းသေႇ ​ဢဝ်​ၶွၼ်ႉ​တဝ်ႉ​မၼ်း ယိုၼ်ႈ​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​လႄႈ ထႃႇဝရႃႉ​ၽြႃး​ပွႆႇ​ၶႂၢၼ်​ဢိၵ်ႇ​တင်း​မၢၵ်ႇ​ႁဵပ်း​တူၵ်း​လူင်း​လႄႈ၊ပဵဝ်​ၽႆး​ၵေႃႈ​လႅၼ်ႈ​ယူႇ​ၵႃႈ​ၼိူဝ်​လိၼ်​မိူင်း​ဢေႃႈ။ ၼင်ႇ​ၼၼ်​လႄႈ ထႃႇဝရႃႉ​ၽြႃး​ႁႂ်ႈ​ၽူၼ်​မၢၵ်ႇ​ႁဵပ်း တူၵ်း​လူင်း​သႂ်ႇ​ၵႃႈ​ၼိူဝ်​မိူင်း​ ဢေႇၵိပ်ႉတူႉ ​လႄႈ၊-</verse>
				<verse number="24">ပဵၼ်​မၢၵ်ႇ​ႁဵပ်း၊ မၢၵ်ႇ​ႁဵပ်း​ဢၼ်​လေႃး​လူၺ်ႈ​ၵၼ်​တင်း​ၽႆး​လႄႈ ႁၢႆႉ​ၵျၢမ်း​ၼႃႇ၊ ဢၼ်​ၸႃႉ​ၸဵမ်​ၶိင်ႇ​ၵႃႇလႃႉ​မိူဝ်ႈ​ဢၼ်​ၸႃႉ​တႄႇ မိူင်း​ ဢေႇၵိပ်ႉတူႉ ​ၼၼ်ႉ​လႄႈ ဢမ်ႇ​တွၼ်ႉ​ပဵၼ်​သေ​ပွၵ်ႈ​ၼၼ်ႉ​ဢေႃႈ။-</verse>
				<verse number="25">မၢၵ်ႇ​ႁဵပ်း​ၼၼ်ႉ​တူၵ်း​ၽတ်ႉ​သႂ်ႇ​ၵႃႈ​ဢၼ်​မီး​ၵႃႈ​ၼႂ်း​တီႈ​ပၢင်ႇ​တီႈ​ပဵင်း ဢၼ်​ဝႃႈ​ၵူၼ်း​လႂ်၊ ဢိၵ်ႇ​တင်း​တရိၵ်ႈသၢၼ်ႇ​လႂ်၊ ၵႃႈ​ၼႂ်း​မိူင်း​ ဢေႇၵိပ်ႉတူႉ ၵူႈ​တီႈ​ၵူႈ​လႅၼ်​ဢေႃႈ။ တူၼ်ႈ​ယိူဝ်ႈ​တူၼ်ႈ​ယႃႈ​ၵေႃႈ မၢၵ်ႇ​ႁဵပ်း​တူၵ်း​ၽတ်ႉ​သႂ်ႇ​လႄႈ ႁၵ်း​ႁဵၵ်း​တူၼ်ႈ​မႆႉ ၵႃႈ​ၼႂ်း​တီႈ​ပၢင်ႇ​တီႈ​ပဵင်း​ၵူႈ​တူၼ်ႈ​ပႅတ်ႈ​ဢေႃႈ။-</verse>
				<verse number="26">ၵႃႈ​ၼႂ်း​မိူင်း​ ၵေႃးသိၼ်ႇ ၊ တီႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​ယူႇ​ၼၼ်ႉ​ၸမ်ႉ၊ ၽူၼ်​မၢၵ်ႇ​ႁဵပ်း​ဢမ်ႇ​တူၵ်း။</verse>
				<verse number="27">မိူဝ်ႈ​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး ပွႆႇ​ၸႂ်ႉ​ၵူၼ်း​ၵႂႃႇ​လႄႈ​ႁွင်ႉ​ဢဝ်​ မူဝ်းသေႇ ​တင်း​ ဢႃႇရုၼ်ႇ ​သေ​ယဝ်ႉ လၢတ်ႈ​လႄႈ​ဝႃႈ၊ ပွၵ်ႈ​ၼႆႉ​ၵဝ်​ၽိတ်း​ပိူင်ႈ​ယဝ်ႉ။ ထႃႇဝရႃႉ​ၽြႃး​သိုဝ်ႈ​တေႃႇ​ဢေႃႈ။ ၵဝ်​ဢိၵ်ႇ​တင်း​ၵူၼ်း​ၵဝ်​တင်း​လၢႆ ဢပႅတ်ႈ​ၼမ်​ၼႃႇ​ဢေႃႈ။-</verse>
				<verse number="28">တွင်း​ပၢၼ်ႇ​ထႃႇဝရႃႉ​ၽြႃး​ပုၼ်ႈ​ၵဝ်​သေ​ၵမ်း​တႃႉ။ သဵင်​ၽြႃး​ပဵၼ်​ၸဝ်ႈ​ၸိူဝ်း​ၼႆႉ ဢိၵ်ႇ​တင်း​မၢၵ်ႇ​ႁဵပ်း​ၼႆႉ​ၸိုင်၊ ပေႃး​ယဝ်ႉ။ ၵဝ်​တၵ်း​ပွႆႇ​သူ​ၵႂႃႇ​လႄႈ သူ​ဢမ်ႇ​လႆႈ​ၵိုတ်း​သဝ်း​ယူႇ​သေ​ၸူဝ်ႈ​သေ​ယၢမ်း​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မူဝ်းသေႇ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​ၶႃႈ​ၸဝ်ႈ​ဢွၵ်ႇ​ၵႃႈ​ၼႂ်း​ဝဵင်း​ၼႆႉ​ၼၼ်ႉ​ၸိုင်၊ ၶႃႈ​ၸဝ်ႈ​တၵ်း​ဢႃႈ​ၽႃႇ​မိုဝ်း​ၶႃႈ​ၸဝ်ႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​တီႈ​ၶႃႈ​ဢေႃႈ။ လွင်ႈ​ၼင်ႇ​ႁိုဝ်​ၸဝ်ႈ​ႁဝ်း​တၵ်း​ႁူႉ​လွင်ႈ​ဢၼ် ထႃႇဝရႃႉ​ၽြႃး​ဢုပ်ႉ​ပိူင်ႇ​လိၼ်​မိူင်း​ၼႆႉ​ၼၼ်ႉ​ၸိုင် ၶႂၢၼ်​တင်း​လၢႆ တၵ်း​ထၢတ်ႇ​ယဵၼ်​လႄႈ လိုၼ်း​ၼၼ်ႉ​ၽူၼ်​မၢၵ်ႇ​ႁဵပ်း​ဢမ်ႇ​လႆႈ​တူၵ်း။-</verse>
				<verse number="30">ၼႂ်း​ဝႃႈ​ၼၼ်​သေ​ၵေႃႈ ၶႃႈ​ၸဝ်ႈ​ႁူႉ​လွင်ႈ​ဢၼ်​ၸဝ်ႈ​ႁဝ်း ဢိၵ်ႇ​တင်း​ၶႃႈ​ၸဝ်ႈ​ႁဝ်း​တင်း​လၢႆ တၵ်း​ဢမ်ႇ​ပႆႇ​ၵူဝ်​ပႆႇ​ႁႄ​ထႃႇဝရႃႉ​ၽြႃး​ၼၼ်ႉ​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">မၢၵ်ႇ​ႁဵပ်း​တူၵ်း​ၽတ်ႉ​သႂ်ႇ​တူၼ်ႈ​ပၢၼ်ႇ​လႂ် ဢိၵ်ႇ​တင်း​တူၼ်ႈ​ၶဝ်ႈ​မူႉ​ယေႃး​လႂ်​ဢေႃႈ။ လွင်ႈ​မၼ်း​ၸမ်ႉ တူၼ်ႈ​ၶဝ်ႈ​မူႉ​ယေႃး​မီး​တဵမ်​ဝႆႉ​တင်း​မၢၵ်ႇ​မၼ်း​ႁူင်း​မၼ်း​ယဝ်ႉ​ယဝ်ႉ။ တူၼ်ႈ​ပၢၼ်ႇ​ၵေႃႈ​မွၵ်ႇ​မွၵ်ႇ​မၼ်း​ယဝ်ႉ​ယဝ်ႉ။-</verse>
				<verse number="32">တူၼ်ႈ​ၶဝ်ႈ​ၵျုင်ႇ ဢိၵ်ႇ​တင်း​တူၼ်ႈ​ၶဝ်ႈ​ၸမ်ႉ၊ ဢမ်ႇ​လႆႈ​ၶၢမ်ႇ​တၢင်း​ဢၼ်​ၽတ်ႉ​သႂ်ႇ။ လွင်ႈ​မၼ်း​ၸမ်ႉ တူၼ်ႈ​ၸိူဝ်း​ၼၼ်ႉ​ဢမ်ႇ​ပႆႇ​ယႂ်ႇ​ပႆႇ​ထူၼ်ႈ။-</verse>
				<verse number="33">မူဝ်းသေႇ ​ၼၼ်ႉ ဢွၵ်ႇ​သေ​ၵႃႈ​တီႈ ၶုၼ်​ႁေႃ​ၶမ်း​ ၽႃႇရေႃး ​လႄႈ ၵႂႃႇ​ၵႃႈ​ၼွၵ်ႈ​ဝဵင်း​သေ​ယဝ်ႉ၊ ဢႃႈ​ၽႃႇ​မိုဝ်း​မၼ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ၶႂၢၼ်​တင်း​လၢႆ​တင်း​မၢၵ်ႇ​ႁဵပ်း​ၼၼ်ႉ​ႁိူတ်ႇ​ၵႂႃႇ​ႁၢႆ​ၵႂႃႇ​ဢေႃႈ။ ၵႃႈ​ၼိူဝ်​လိၼ်​ၵေႃႈ ၽူၼ်​ဢမ်ႇ​တူၵ်း​ဢမ်ႇ​မႃး။-</verse>
				<verse number="34">မိူဝ်ႈ​ဢၼ်​ၶုၼ်​ႁေႃ​ၶမ်း​ ၽႃႇရေႃး ႁၼ်​လွင်ႈ​ဢၼ်​ၽူၼ်​ဢိၵ်ႇ​တင်း​မၢၵ်ႇ​ႁဵပ်း​တင်း​ၶႂၢၼ်​ၸိူဝ်း​ၼၼ်ႉ ႁိူတ်ႇ​ၵႂႃႇ​ႁၢႆ​ၵႂႃႇ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ မၼ်း​သမ်ႉ​ၶိုၼ်း​ၽိတ်း​ပိူင်ႈ​ထႅင်ႈ​လႄႈ ဢိၵ်ႇ​လူၺ်ႈ​ၵၼ်​တင်း​ၶႃႈ​မၼ်း​ၵူၼ်း​မၼ်း​တင်း​လၢႆ ႁူဝ်​ၸႂ်​ၵႅၼ်ႇ​ၶႅင်​ယူႇ​ဢေႃႈ။-</verse>
				<verse number="35">ၶုၼ်​ႁေႃ​ၶမ်း​ ၽႃႇရေႃး ႁူဝ်​ၸႂ်​ၵႅၼ်ႇ​ၶႅင်​လႄႈ ယင်း​ဢမ်ႇ​ပွႆႇ​ၵူၼ်း​မဵဝ်း​ ဢီႉသရေႇလႃႉ ​ၵႂႃႇ မႅၼ်ႈ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
			</chapter>
			<chapter number="10">
				<verse number="1">ထႃႇဝရႃႉ​ၽြႃး​သမ်ႉ မီး​ဢမိင်ႉ​တီႈ​ မူဝ်းသေႇ ​လႄႈ လၢတ်ႈ​လႄႈ​ဝႃႈ​ၸမ်ႉ၊ မႂ်း​ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​တႃႉ။ လွင်ႈ​ၼင်ႇ​ႁိုဝ်​ၵဝ်​တၵ်း​လႆႈ ၼႄ​ပျႃး​ၼီႉမိၵ်ႈ​ၸိူဝ်း​ၼႆႉ ၵႃႈ​ၼႂ်း​မိူင်း​ၼႆႉ၊-</verse>
				<verse number="2">ဢိၵ်ႇ​တင်း​လွင်ႈ​ၼင်ႇ​ႁိုဝ်​မႂ်း​တၵ်း​လႆႈ​ဢဝ်​လွင်ႈ​တၢင်း​ဢၼ်​ၵဝ်​ႁဵတ်း​ၵႃႈ​တီႈ​မိူင်း​ ဢေႇၵိပ်ႉတူႉ ဢိၵ်ႇ​တင်း​ၼီႉမိၵ်ႈ​တင်း​လၢႆ​ဢၼ်​ၵဝ်​ၼႄ​ပျႃး​ၵႃႈ​ၼႂ်း​ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ မွၵ်ႇ​လၢတ်ႈ​ထိုင်​ႁူ​လုၵ်ႈ​လၢၼ်​မႂ်း​လႄႈ ၶဝ်​လႆႈ​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​ၼၼ်ႉ​ၸိုင်၊ ၵဝ်​ႁႂ်ႈ​ႁူဝ်​ၸႂ်​မၼ်း တင်း​ႁူဝ်​ၸႂ်​ၶႃႈ​မၼ်း​ၵူၼ်း​မၼ်း​တင်း​လၢႆ ၼၵ်း​ၼႃႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မူဝ်းသေႇ ​တင်း​ ဢႃႇရုၼ်ႇ ​ၼၼ်ႉ ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ​သေ​ယဝ်ႉ၊ လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵူၼ်း​မဵဝ်း​ ႁေႇပြႄး ​လၢတ်ႈ​လႄႈ​ဝႃႈ၊ မႂ်း​ယင်း​ဢမ်ႇ​ဢဝ်​တူဝ်​ၸဝ်ႈ​ၵဝ်ႇ​ၶျႃး​တႅမ်ႇ​ၵႃႈ​တီႈ​ၽၢႆႇ​ၼႃႈ​ၵဝ်​လႄႈ တၵ်း​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ပွႆႇ​ၵူၼ်း​ၵဝ်​တင်း​လၢႆ​ၵႂႃႇ ႁႂ်ႈ​ၶဝ်​လႆႈ​ႁဵတ်း​ဝၢတ်ႈ​တီႈ​ၵဝ်​တႃႉ။-</verse>
				<verse number="4">ပေႃး​ဢမ်ႇ​ၼၼ် ပေႃး​ယင်း​ဢမ်ႇ​ပွႆႇ​ၵူၼ်း​ၵဝ်​တင်း​လၢႆ​ၵႂႃႇ​လႄႈ​ယူႇ​ၸိုင်၊ တူၺ်း​လူး၊ ဝၼ်း​မိူဝ်ႈ​ၽုၵ်ႈ ၵဝ်​တၵ်း​ဢဝ်​မႅင်း​ၵႅင်း​ ​တင်း​လၢႆ မႃး​ၵႃႈ​ၼိူဝ်​မိူင်း​မႂ်း​ဢေႃႈ။-</verse>
				<verse number="5">ၶဝ်​တၵ်း​ႁူမ်ႇ​သုမ်ႇ​ၼႃႈ​လိၼ်​တေႃႇ​ထိုင်​ႁွတ်ႈ​ထၼ်ႈ​ပေႃး ၽူႈ​လႂ်​ဢမ်ႇ​ႁၼ်​ၼႃႈ​လိၼ်​လႆႈ​ဢေႃႈ။ ၶဝ်​တၵ်း​ၵိၼ်​ၵႃႈ​ဢၼ်​ၵိုတ်း​ဢၼ်​ၵျၢၼ်ႇ​လႄႈ လွတ်ႈ​ဝႆႉ​ၵႃႈ​ဢၼ်​မၢၵ်ႇ​ႁဵပ်း ဢမ်ႇ​ယႃႉ​လႄႈ ယင်း​ၵိုတ်း​ယင်း​ၵျၢၼ်ႇ​ယူႇ​တီႈ​သူ​ၼၼ်ႉ ဢိၵ်ႇ​တင်း​တူၼ်ႈ​မႆႉ​ၵႃႈ​ဢၼ် ဢွၵ်ႇ​မႃး​ၵႃႈ​တီႈ​ပၢင်ႇ​တီႈ​ပဵင်း​ပုၼ်ႈ​သူ​ၸိူဝ်း​ၼၼ်ႉ​ဢေႃႈ။-</verse>
				<verse number="6">ႁိူၼ်း​မႂ်း​လႂ်၊ ႁိူၼ်း​ၶႃႈ​မႂ်း​တင်း​သဵင်ႈ​တင်း​လူင်​လႂ်၊ ႁိူၼ်း​ၵူၼ်း​ ဢေႇၵိပ်ႉတူႉ တင်း​သဵင်ႈ​တင်း​လူင်​လႂ်၊ တၵ်း​တဵမ်​ဝႆႉ​ၸွမ်း​ၵႃႈ​ၼင်ႇ​ဢၼ် ပေႃႈ​မႂ်း​ဢိၵ်ႇ​တင်း​ပူႇ​မွၼ်ႇ​မႂ်း​တင်း​လၢႆ ဢမ်ႇ​ပႆႇ​တွၼ်ႉ​ႁၼ်​သေ​ပွၵ်ႈ ၸႃႉ​ၸဵမ်​ၶိင်ႇ​ၵႃႇလႃႉ ဢၼ်​ၶဝ်​ပဵၼ်​မႃး​ၵႃႈ​ၼိူဝ်​လိၼ်​ၼၼ်ႉ ႁၢၼ်ႉ​တေႃႇ​ႁွတ်ႈ​မိူဝ်ႈ​လဵဝ်​ၼႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ဝၢႆႇ​ၼႃႈ​လႄႈ ဢွၵ်ႇ​ၵႂႃႇ​သေ​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ​ဢေႃႈ။</verse>
				<verse number="7">ၶႃႈ​ၶုၼ်​ႁေႃ​ၶမ်း​ ၽႃႇရေႃး ​ၸိူဝ်း​ၼၼ်ႉ​ၵေႃႈ​လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ၵေႃႉ​ၼႆႉ​တၵ်း​ပဵၼ်​တူင်ႇ​ႁႅဝ်ႉ​တူင်ႇ​ၶိုမ်း​တီႈ​ႁဝ်း​ၶႃႈ​လႄႈ ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​လူး​ၵွၼ်ႇ​တီႈ​ၶႃႈ၊ ပွႆႇ​ၵူၼ်း​ၸိူဝ်း​ၼၼ်ႉ​ၵႂႃႇ​ႁႂ်ႈ​ၶဝ်​လႆႈ​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​ၼၼ်ႉ​သေ​ၵမ်း​တီႈ​ၶႃႈ။ ၸဝ်ႈ​ႁဝ်း​ဢမ်ႇ​ပႆႇ​ႁူႉ​လွင်ႈ​ဢၼ်​မိူင်း​ ဢေႇၵိပ်ႉတူႉ လူႉ​ၼႆႉ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊</verse>
				<verse number="8">ၵမ်း​ၼၼ်ႉ သမ်ႉ​ဢဝ်​ မူဝ်းသေႇ ​တင်း​ ဢႃႇရုၼ်ႇ ​ၶိုၼ်း​သႂၢင်း​ၶဝ်ႈ ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ မၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ၵႂႃႇ​ႁႂ်ႈ​လႆႈ​ႁဵတ်း​ဝၢတ်ႈ​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼၼ်ႉ​တႃႉ။ ၵူၺ်း​ၵႃႈ ၶဝ်​ၸိူဝ်း​ဢၼ်​တၵ်း​လႆႈ​ၵႂႃႇ​ၼၼ်ႉ ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊</verse>
				<verse number="9">မူဝ်းသေႇ ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ်​တၵ်း​လႆႈ​ပႃး​ဢဝ်​တင်း​လုၵ်ႈ​ဢွၼ်ႇ၊ ၵူၼ်း​ထဝ်ႈ၊ လုၵ်ႈ​ၸၢႆး၊ လုၵ်ႈ​ယိင်း၊ ၽုင်​သူဝ်း​ၽုင်​ဝူဝ်း​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​ၵႂႃႇ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၶႃႈ​ၸဝ်ႈ​ႁဝ်း​ၶဝ်​တၵ်း​လႆႈ​ၶၢမ်ႇ​ပွႆး​တီႈ ထႃႇဝရႃႉ​ၽြႃး​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">မၼ်း​လၢတ်ႈ​လႄႈ​ဝႃႈ၊ ႁႂ်ႈ​ပဵၼ်​တႃႉ။ ႁႂ်ႈ​ထႃႇဝရႃႉ​ၽြႃး​မီး​လူၺ်ႈ​ၵၼ်​တင်း​သူ ၵႃႈ​ၼင်ႇ​ဢၼ်​ၵဝ်​ပွႆႇ​သူ​တင်း​လုၵ်ႈ​ဢွၼ်ႇ​သူ​ၵႂႃႇ​ၼၼ်ႉ​တႃႉ။ ႁဵတ်း​သတီႉ​တႃႉ။ သူ​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ယဝ်ႉ​လူင်​ပႄႇ။-</verse>
				<verse number="11">ဢမ်ႇ​လီ​ပဵၼ်​ၸိူဝ်ႉ​ၼင်ႇ​ၼၼ်။ ၶဝ်​ၸိူဝ်း​ဢၼ်​ပဵၼ်​ၵူၼ်း​ၸၢႆး​ၵူၺ်း ဢွၼ်​ၵၼ်​ၵႂႃႇ​လႄႈ ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​တႃႉ။ လွင်ႈ​တၢင်း​ၼႆႉ​ၸမ်ႉ၊ ပဵၼ်​လွင်ႈ​တၢင်း​ဢၼ် သူ​ႁႃ​ဢဝ်​ယဝ်ႉ၊ ဝႃႈ​ၼင်ႇ​ၼႆ​လႄႈ သွင်​ၶႃ​လႆႈ​ၶၢမ်ႇ​တၢင်း​ဢၼ်​ပိူၼ်ႈ​ႁေႃႈ​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ​ဢေႃႈ။</verse>
				<verse number="12">ၵမ်း​ၼၼ်ႉ ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊ ယိုၼ်ႈ​မိုဝ်း​မႂ်း​ၶိုၼ်ႈ​ၵႃႈ​ၼိူဝ်​မိူင်း​ ဢေႇၵိပ်ႉတူႉ ​ပုၼ်ႈ​မႅင်း​ၵႅင်း​တင်း​လၢႆ ႁႂ်ႈ​ၶဝ်ႈ​ႁွတ်ႈ​မႃး​ၵႃႈ​ၼိူဝ်​မိူင်း​ ဢေႇၵိပ်ႉတူႉ ​လႄႈ ၵိၼ်​တူၼ်ႈ​ၵႃႈ​ဢၼ်​မီး​ၵႃႈ​ၼိူဝ်​လိၼ်​တင်း​သဵင်ႈ​တင်း​လူင် ဢၼ်​မၢၵ်ႇ​ႁဵပ်း​ဢမ်ႇ​ယႃႉ​လႄႈ ၵိုတ်း​ၵျၢၼ်ႇ​ဝႆႉ​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">မူဝ်းသေႇ ​ဢဝ်​ၶွၼ်ႉ​တဝ်ႉ​မၼ်း​ယိုၼ်ႈ​ၶိုၼ်ႈ​ၵႃႈ​ၼိူဝ်​မိူင်း​ ဢေႇၵိပ်ႉတူႉ ​လႄႈ၊ ထႃႇဝရႃႉ​ၽြႃး​ႁႂ်ႈ​လူမ်း​တၢင်း​ဢွၵ်ႇ​မႃး​ၵႃႈ​ၼိူဝ်​လိၼ်​ၼႂ်း​ဝၼ်း​ၼၼ်ႉ​တင်း​ဝၼ်း ၼႂ်း​ၶိုၼ်း​ၼၼ်ႉ​တင်း​ၶိုၼ်း​လႄႈ၊ မိူဝ်ႈ​ဢၼ်​ထိုင်​ႁွတ်ႈ​ၶိင်ႇ​ၵၢင်​ၼႂ်​ၸိုင်၊ လူမ်း​တၢင်း​ဢွၵ်ႇ​ၼၼ်ႉ​ပႃး​ဢဝ်​မႅင်း​ၵႅင်း​တင်း​လၢႆ​မႃး​ဢေႃႈ။-</verse>
				<verse number="14">မႅင်း​ၵႅင်း​ၸိူဝ်း​ၼၼ်ႉ ႁွတ်ႈ​မႃး​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵူႈ​တီႈ​ၵူႈ​လႅၼ်​လႄႈ ၸပ်း​ယူႇ​ၵႃႈ​ၼႂ်း​ၶွပ်ႇ​ၼမ်ႉ​လႅၼ်​လိၼ်​မိူင်း​ ဢေႇၵိပ်ႉတူႉ ၵူႈ​တီႈ​ၵူႈ​လႅၼ်​လႄႈ ၼမ်​ၵိုၼ်း​ၼႃႇ​လူင်​လၢင်​ဢေႃႈ။ မႅင်း​ၵႅင်း​ၸိူဝ်ႉ​ၼင်ႇ​ၼၼ်​ၼၼ်ႉ၊ ၸႃႉ​ၸဵမ်​မိူဝ်ႈ​ၵႃႇလႃႉ​ဢွၼ်​ၼႆႉ​ၼၼ်ႉ​လႄႈ ဢမ်ႇ​တွၼ်ႉ​ပဵၼ်​သေ​ပွၵ်ႈ၊ ၵမ်း​လိုၼ်း​ၵေႃႈ​တၵ်း​ဢမ်ႇ​ပဵၼ်။-</verse>
				<verse number="15">ၶဝ်​ႁူမ်ႇ​လူမ်ႈ​ၼႃႈ​လိၼ်​တင်း​သဵင်ႈ​တင်း​လူင် တေႃႇ​ထိုင်​ႁွတ်ႈ​ထၼ်ႈ​ပေႃး ႁႂ်ႈ​လိၼ်​ၼၼ်ႉ​လမ်​ၵႂႃႇ​လႄႈ ၵိၼ်​တူၼ်ႈ​ယိူဝ်ႈ​ၵႃႈ​မီး ၵႃႈ​ၼႂ်း​မိူင်း​ၼၼ်ႉ​တင်း​သဵင်ႈ​တင်း​လူင် ဢိၵ်ႇ​တင်း​မၢၵ်ႇ​မႆႉ​မၢၵ်ႇ​တွၵ်ႇ ဢၼ်​လွတ်ႈ​တင်း​မၢၵ်ႇ​ႁဵပ်း​ၵႃႈ​မီး​တင်း​သဵင်ႈ​တင်း​လူင် ၸိူဝ်း​ၼၼ်ႉ​ဢေႃႈ။ ၵႃႈ​ၼႂ်း​မိူင်း​ ဢေႇၵိပ်ႉတူႉ ၵူႈ​တီႈ​ၵူႈ​လႅၼ်​ၼၼ်ႉ၊ ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ လွင်ႈ​တၢင်း​ဢၼ်​ၶဵဝ်​ဝႆႉ ၵႃႈ​တီႈ​တူၼ်ႈ​မႆႉ​ဢိၵ်ႇ​တင်း​တူၼ်ႈ​ယိူဝ်ႈ​တူၼ်ႈ​ယႃႈ ၵႃႈ​တီႈ​ပၢင်ႇ​တီႈ​ပဵင်း​ၼၼ်ႉ​သေ​ၸိူဝ်ႉ​သေ​ပိူင်။</verse>
				<verse number="16">မိူဝ်ႈ​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး ႁိပ်ႈ​ၼႅတ်ႈ​ႁွင်ႉ​ဢဝ်​ မူဝ်းသေႇ ​တင်း​ ဢႃႇရုၼ်ႇ ​လႄႈ​လၢတ်ႈ​ဝႃႈ၊ ၵဝ်​ၽိတ်း​ပိူင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢိၵ်ႇ​တင်း​သူ​ယဝ်ႉ။-</verse>
				<verse number="17">ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ ပွၵ်ႈ​ၼႆႉ​ၶႅၼ်း​တေႃႈ​ယိူၼ်ႉ​ၶၢမ်ႇ​ဢပႅတ်ႈ​ၵဝ်​သေ​ၵမ်း။ တွင်း​ပၢၼ်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼၼ်ႉ ႁႂ်ႈ​မၼ်း​ၸဝ်ႈ​လႆႈ​ဢဝ်​ၽေး​တၢင်း​တၢႆ​ဢၼ်​ၼိုင်ႈ​ၼႆႉ​ၵူၺ်း​ပႅတ်ႈ​သေ​ၵႃႈ​တီႈ​ၵဝ်​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">မူဝ်းသေႇ ​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ​ၵႂႃႇ​လႄႈ၊ တွင်း​ပၢၼ်ႇ​ထႃႇဝရႃႉ​ၽြႃး​ဢေႃႈ။-</verse>
				<verse number="19">ထႃႇဝရႃႉ​ၽြႃး​ပွႆႇ​လူမ်း​တၢင်း​တူၵ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ​မႃး​လႄႈ လူမ်း​ၼၼ်ႉ​ဢဝ်​မႅင်း​ၵႅင်း​ၸိူဝ်း​ၼၼ်ႉ ၵႂႃႇ​ၶျႃး​တူၵ်း​ပႅတ်ႈ​ၵႃႈ​ၼႂ်း​ပၢင်ႇ​လၢႆႇ ဢေႇတုမ်ႇ ​သေ​ဢေႃႈ။ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၵူႈ​တီႈ​ၵူႈ​လႅၼ်​ၼၼ်ႉ၊ ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​မႅင်း​ၵႅင်း​သေ​တူဝ်။-</verse>
				<verse number="20">ၵူၺ်း​ၵႃႈ ထႃႇဝရႃႉ​ၽြႃး​ႁႂ်ႈ​ႁူဝ်​ၸႂ်​ၶုၼ်​ႁေႃ​ၶမ်း​ ၽႃႇရေႃး ​ၵႅၼ်ႇ​ၶႅင်​လႄႈ မၼ်း​ၵေႃႈ​ယင်း​ဢမ်ႇ​ပွႆႇ​ၵူၼ်း​မဵဝ်း​ ဢီႉသရေႇလႃႉ ​ၵႂႃႇ​လႄႈ​ယူႇ​ဢေႃႈ။</verse>
				<verse number="21">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊ ဢဝ်​မိုဝ်း​မႂ်း​ယိုၼ်း​ၶိုၼ်ႈ ၵႃႈ​ၼိူဝ်​ၽႃႉ​ၵၢင်​ႁၢဝ် ႁႂ်ႈ​လပ်း​သိင်ႇ​ပဵၼ်​ၵႃႈ​တီႈ​မိူင်း​ ဢေႇၵိပ်ႉတူႉ ၵူႈ​တီႈ​ၵူႈ​လႅၼ်​ဢၼ်​ဝႃႈ​လပ်း​သိင်ႇ ဢၼ်​လုပ်ႈ​ၵမ်း​ဢဝ်​ထၼ်ႈ​ပေႃး​လႆႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">မူဝ်းသေႇ ဢဝ်​မိုဝ်း​မၼ်း​ယိုၼ်း​ၶိုၼ်ႈ ၵႃႈ​ၼိူဝ်​ၽႃႉ​ၵၢင်​ႁၢဝ်​လႄႈ လပ်း​သိင်ႇ​ဢၼ်​ၼႃ​တၼ်​ၼႃႇ​လူင်​လၢင်​ၼၼ်ႉ​ပဵၼ်​ၵႃႈ​တီႈ​မိူင်း ဢေႇၵိပ်ႉတူႉ သၢမ်​ဝၼ်း​တဵမ်​တဵမ်​ဢေႃႈ။-</verse>
				<verse number="23">မိူဝ်ႈ​ၼၼ်ႉ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ဢမ်ႇ​ႁၼ်​ၵၼ်​လႆႈ။ သၢမ်​ဝၼ်း​တဵမ်​တဵမ်​ၽူႈ​လႂ်​ဢမ်ႇ​လုၵ်ႉ​သေ​ၵႃႈ​တီႈ​ဢၼ်​တူဝ်​ၸဝ်ႈ​ၵဝ်ႇ​ယူႇ​ၼၼ်ႉ။ ၵူၺ်း​ၵႃႈ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၸိုင်၊ လႆႈ​ဢၼ်​လႅင်း​ၵႃႈ​ၼႂ်း​ႁိူၼ်း​တီႈ​ဢၼ်​ၶဝ်​ယူႇ​ၸိူဝ်း​ၼၼ်ႉ​ယူႇ​ဢေႃႈ။</verse>
				<verse number="24">မိူဝ်ႈ​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး ​ႁွင်ႉ​ဢဝ်​ မူဝ်းသေႇ ​လႄႈ​လၢတ်ႈ​ဝႃႈ၊ သူ​ၵႂႃႇ​ႁႂ်ႈ​လႆႈ​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​တႃႉ။ ၼႂ်း​ဝႃႈ​ၼၼ်​သေ​ၵေႃႈ ႁႂ်ႈ​ဢွၼ်​ၵၼ်​ဝႆႉ​ၵိုတ်း​ဝႆႉ​ၵျၢၼ်ႇ ၽုင်​သူဝ်း​ၽုင်​ဝူဝ်း​သူ​တႃႉ။ လုၵ်ႈ​ဢွၼ်ႇ​သူ​ၸိုင်၊ ႁႂ်ႈ​ဢွၼ်​ၵၼ်​ပႃး​ဢဝ်​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မူဝ်းသေႇ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​တၵ်း​လႆႈ​ပၼ်​တူဝ်​ယိတ်ႈ​ဢိၵ်ႇ​တင်း ယိတ်ႈ​ဢၼ်​တုတ်ႇ​ၽႆး​တင်း​လၢႆ ပုၼ်ႈ​ဢၼ်​တၵ်း​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="26">တရိၵ်ႈသၢၼ်ႇ​ၶႃႈ​ၸဝ်ႈ​ႁဝ်း​ၶဝ်​တၵ်း​လႆႈ​ပႃး​လူၺ်ႈ​ၵၼ်​တင်း​ၶႃႈ​ၸဝ်ႈ​ႁဝ်း​ၶဝ်​ၵႂႃႇ​တီႈ​ၶႃႈ​ဢေႃႈ။ ဢမ်ႇ​လႆႈ​ဝႆႉ​ၵိုတ်း​ဝႆႉ​ၵျၢၼ်ႇ ၵိပ်ႇ​မၼ်း​သေ​ၵိပ်ႇ​တီႈ​ၶႃႈ။ လွင်ႈ​မၼ်း​ၸမ်ႉ တၵ်း​လႆႈ​လိူၵ်ႈ​ၵဵပ်း​ဢဝ် ၵႃႈ​ၼႂ်း​ၶဝ်​ၼၼ်ႉ​ပုၼ်ႈ​ဢၼ်​တၵ်း​ႁဵတ်း​ဝၢတ်ႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​တီႈ​ၶႃႈ​ဢေႃႈ။ ၸူဝ်ႈ​ဢၼ်​ဢမ်ႇ​ပႆႇ​ႁွတ်ႈ​ထိုင်​ၵႃႈ​တီႈ​ၼၼ်ႈ​ၼၼ်ႉ​ၸိုင်၊ ဢမ်ႇ​ႁူႉ​လွင်ႈ​ဢၼ်​တၵ်း​လႆႈ​ဢဝ်​တင်း​တူဝ်​ၸိူဝ်ႉ​ၼင်ႇ​ႁိုဝ် ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​ၼၼ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="27">ထႃႇဝရႃႉ​ၽြႃး​ႁႂ်ႈ​ႁူဝ်​ၸႂ်​ၶုၼ်​ႁေႃ​ၶမ်း​ ၽႃႇရေႃး ၵႅၼ်ႇ​ၶႅင်​လႄႈ မၼ်း​ၵေႃႈ​ယင်း​ဢမ်ႇ​ပွႆႇ​ၵူၼ်း​မဵဝ်း​ ဢီႉသရေႇလႃႉ ​ၵႂႃႇ​လႄႈ ယူႇ​ဢေႃႈ။</verse>
				<verse number="28">ၵမ်း​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ဢွၵ်ႇ​ၵႂႃႇ​သေ​ၵႃႈ​တီႈ​ၵဝ်​ၼႆႉ​တႃႉ။ ၵမ်း​လိုၼ်း​ႁဵတ်း​သတီႉ​တႃႉ။​ယႃႇ​ပေ​ႁႂ်ႈ​လႆႈ​ႁၼ်​ၼႃႈ​ၵဝ်။ ၼႂ်း​ဝၼ်း​ဢၼ်​မႂ်း​ႁၼ်​ၼႃႈ​ၵဝ်​ၼၼ်ႉ၊ မႂ်း​တၵ်း​လႆႈ​တၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မူဝ်းသေႇ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ လွင်ႈ​ဢၼ်​ၸဝ်ႈ​ႁဝ်း​မီး​ဢမိင်ႉ​ၼႆႉ​လီ​တီႈ​ၶႃႈ​ယဝ်ႉ။ ၵမ်း​လိုၼ်း ၶႃႈ​ၸဝ်ႈ​ႁဝ်း တၵ်း​ဢမ်ႇ​လႆႈ​ႁၼ်​ၼႃႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="11">
				<verse number="1">မိူဝ်ႈ​ၼၼ်ႉ ထႃႇဝရႃႉ​ၽြႃး​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၵဝ်​တၵ်း​ႁႂ်ႈ​ၽေး​တၢမ်ႇ​ပႃး​ၼိုင်ႈ​ႁွတ်ႈ​ထိုင်​ၵႃႈ​ၼိူဝ်​ၶုၼ်​ႁေႃ​ၶမ်း​ ၽႃႇရေႃး ​တင်း မိူင်း​ ဢေႇၵိပ်ႉတူႉ ​ထႅင်ႈ​လူး​ၵွၼ်ႇ​ဢေႃႈ။ ဝၢႆး​ၼၼ်ႉ မၼ်း​တၵ်း​ပွႆႇ​သူ​ၵႂႃႇ​ဢေႃႈ။ ၼႂ်း​မိူဝ်ႈ​ဢၼ်​မၼ်း​ပွႆႇ​သူ​ၵႂႃႇ​ၼၼ်ႉ​ၵေႃႈ မၼ်း​တၵ်း​ႁေႃႈ​သူ​ဢွၵ်ႇ​ၽွမ်ႉ​မိူဝ်ႈ​လဵဝ်​ၵၼ်​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="2">မွၵ်ႇ​လၢတ်ႈ​ထိုင်​ႁူ​ၵူၼ်း​တင်း​လၢႆ​လႄႈ​ႁႂ်ႈ​ၵူၼ်း​ၸၢႆး​ၵူႈ​ၵေႃႉ ယွၼ်း​ယိုမ်​ဢဝ်​ၶိူင်ႈ​ငိုၼ်း​ၶိူင်ႈ​ၶမ်း​တီႈ​ၵူၼ်း​ၸၢႆး​ဢၼ်​ႁိူၼ်း​ၸမ်​ၵၼ်​တင်း​ၶဝ်​ၼၼ်ႉ ဢိၵ်ႇ​တင်း​ႁႂ်ႈ​ၵူၼ်း​ယိင်း​ၵူႈ​ၵေႃႉ​ယွၼ်း​ယိုမ်​ဢဝ်​တီႈ​ၵူၼ်း​ယိင်း​ဢၼ်​ႁိူၼ်း​ၸမ်​ၵၼ်​တင်း​ၶဝ်​ၼၼ်ႉ ႁင်း​ၽႂ်​ႁင်း​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵမ်း​ၼၼ်ႉ ထႃႇဝရႃႉ​ၽြႃး​ႁႂ်ႈ​ၶဝ်​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၵူၼ်း​ ဢေႇၵိပ်ႉတူႉ ​တင်း​လၢႆ​ဢေႃႈ။ မူဝ်းသေႇ ​ၵေႃႈ​မီး​သရေႇ​ၼႃႈ​တႃ ဢၼ်​ယႂ်ႇ​ၼႃႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၵႃႈ​တီႈ​ၽၢႆႇ​ၼႃႈ​ၶႃႈ ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ဢေႃႈ။</verse>
				<verse number="4">မိူဝ်ႈ​ၼၼ်ႉ မူဝ်းသေႇ ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၶိင်ႇ​တဵင်ႈ​ၶိုၼ်း​ၵဝ်​တၵ်း​ဢွၵ်ႇ​ၸူး​ၵႃႈ​တီႈ​ၶိုင်ႈ​ၵၢင်​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="5">ၸႃႉ​ၸဵမ်​လုၵ်ႈ​တူၼ်ႈ​ၶုၼ်​ႁေႃ​ၶမ်း​ ၽႃႇရေႃး ဢၼ်​ၼင်ႈ​ယူႇ​ၵႃႈ​ၼိူဝ်​ႁေႃ တေႃႇ​ထိုင်​ႁွတ်ႈ​လုၵ်ႈ​တူၼ်ႈ​မႄႈ​ယိင်း​ၶႃႈ ဢၼ်​ၼင်ႈ​ယူႇ​ၵႃႈ​တီႈ​ၽၢႆႇ​လင်​လူၺ်​ၶိုတ်ႈ​ၶဝ်ႈ​ၼၼ်ႉ၊ လုၵ်ႈ​တူၼ်ႈ​ၵႃႈ​ဢၼ်​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​တင်း​သဵင်ႈ​တင်း​လူင် တၵ်း​တၢႆ​လႄႈ လုၵ်ႈ​တူၼ်ႈ​တရိၵ်ႈသၢၼ်ႇ​ၵႃႈ​မီး​တင်း​သဵင်ႈ​တင်း​လူင်​ၵေႃႈ တၵ်း​တၢႆ​ဢေႃႈ။-</verse>
				<verse number="6">တၢင်း​ဢၼ်​ႁွင်ႉ​ဢၼ်​ႁႆႈ​ဢၼ်​ယႂ်ႇ​ၼႃႇ၊ ဢၼ်​ၸႃႉ​ၸဵမ်​ၶိင်ႇ​ၵႃႇလႃႉ​မိူဝ်ႈ​ဢွၼ်​ၼႆႉ​ဢမ်ႇ​ပႆႇ​တွၼ်ႉ​ပဵၼ်​သေ​ပွၵ်ႈ၊ ဢၼ်​ၶိင်ႇ​ၵႃႇလႃႉ​ၵမ်း​လိုၼ်း​ၵေႃႈ​တၵ်း​ဢမ်ႇ​ပဵၼ်​ၼၼ်ႉ တၵ်း​ပဵၼ်​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="7">ၵူၺ်း​ၵႃႈ လွင်ႈ​ၼင်ႇ​ႁိုဝ်​သူ​တၵ်း​ႁူႉ​လွင်ႈ​ဢၼ်​ထႃႇဝရႃႉ​ၽြႃး​ႁႂ်ႈ​ၵူၼ်း​ ဢေႇၵိပ်ႉတူႉ ​တင်း​ၵူၼ်း​မဵဝ်း​ ဢီႉသရေႇလႃႉ ​ပႅၵ်ႇ​ပိူင်ႈ​ၵၼ်​ၼၼ်ႉ​ၸိုင်၊ မႃ​သေ​တူဝ်​ဢမ်ႇ​လႆႈ​မႅပ်ႈ​လိၼ်ႉ​တေႃႇ​ၵူၼ်း​မဵဝ်း​ ဢီႉသရေႇလႃႉ ​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="8">ၶဝ်​ၸိူဝ်း​ဢၼ်​ပဵၼ်​ၶႃႈ​ၸဝ်ႈ​ႁဝ်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ တၵ်း​ဢွၼ်​ၵၼ်​လူင်း​ၸူး​တီႈ​ၶႃႈ​ၸဝ်ႈ​လႄႈ ၶုပ်ႉ​မူပ်ႇ​ယူႇ​သေ​လႄႈ​လၢတ်ႈ​ဝႃႈ၊ မႂ်း​ဢိၵ်ႇ​တင်း​ၶဝ်​ၸိူဝ်း​ဢၼ်​ၸွမ်း​လင်​မႂ်း​တင်း​သဵင်ႈ​တင်း​လူင် ဢွၼ်​ၵၼ်​ဢွၵ်ႇ​ၵႂႃႇ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ၶႃႈ​ၸဝ်ႈ​တၵ်း​ဢွၵ်ႇ​ၵႂႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​ယူႇ​သေ​လႄႈ ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း ၽႃႇရေႃး ​ၼၼ်ႉ​ၵႂႃႇ​သေ​ဢေႃႈ။</verse>
				<verse number="9">ထႃႇဝရႃႉ​ၽြႃး​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ လွင်ႈ​ၼင်ႇ​ႁိုဝ်​လွင်ႈ​တၢင်း​ဢၼ်​လီ​ဢၢမ်း​ၵဝ်​တင်း​လၢႆ တၵ်း​ၼမ်​ၵိုၼ်း​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၸိုင်၊ ၶုၼ်​ႁေႃ​ၶမ်း​ ၽႃႇရေႃး ​ယင်း​ဢမ်ႇ​ထွမ်ႇ​ဢဝ်​ၵႂၢမ်း​သူ​လႄႈ​တၵ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မူဝ်းသေႇ ​တင်း​ ဢႃႇရုၼ်ႇ ​ႁဵတ်း​လွင်ႈ​တၢင်း​ဢၼ်​လီ​ဢၢမ်း​ၸိူဝ်း​ၼႆႉ​တင်း​သဵင်ႈ​တင်း​လူင် ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ​ဢေႃႈ။ ၵူၺ်း​ၵႃႈ ထႃႇဝရႃႉ​ၽြႃး​ႁႂ်ႈ​ႁူဝ်​ၸႂ် ၶုၼ်​ႁေႃ​ၶမ်း​ ၽႃႇရေႃး ၵႅၼ်ႇ​ၶႅင်​လႄႈ​မၼ်း​ၵေႃႈ ယင်း​ဢမ်ႇ​ပွႆႇ​ၵူၼ်း​မဵဝ်း​ ဢီႉသရေႇလႃႉ ဢွၵ်ႇ​သေ​ၵႃႈ​တီႈ​မိူင်း​မၼ်း​ၵႂႃႇ​လႄႈ ယူႇ​ဢေႃႈ။</verse>
			</chapter>
			<chapter number="12">
				<verse number="1">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​တင်း​ ဢႃႇရုၼ်ႇ ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="2">လိူၼ်​ၼႆႉ​တၵ်း​လႆႈ​ပဵၼ်​လိူၼ်​ငဝ်ႈ​တီႈ​သူ​ဢၼ်​ဝႃႈ​လိူၼ်​ပထမႃႉ​ၼႂ်း​ၵူႈ​ပီႊ​တႃႇ​သေႇ​ဢေႃႈ။-</verse>
				<verse number="3">သွင်​ၶိူဝ်​တၵ်း​လႆႈ​သင်ႇ​လၢတ်ႈ​ဝႆႉ​တီႈ​ပရဵၵ်ႈသၢတ်ႈ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ​ဝႃႈ​ၸမ်ႉ၊ ၼႂ်း​ဝၼ်း​ဢၼ်​လိူၼ်​ၼႆႉ လႆႈ​သိပ်း​ဝၼ်း​ၼၼ်ႉ ၶဝ်​ၵႃႈ​မီး​တင်း​သဵင်ႈ​တင်း​လူင် ယေႈ​ႁိူၼ်း​တၵ်း​လႆႈ​ဢဝ်​သူဝ်း​ဢွၼ်ႇ​ယေႈ​တူဝ် ၸွမ်း​လူၺ်ႈ​ၼႃႈ​ႁိူၼ်း​ၽႂ်​ၼႃႈ​ႁိူၼ်း​မၼ်း​ဢေႃႈ။-</verse>
				<verse number="4">ပေႃး​ၼႃႈ​ႁိူၼ်း​လဵၵ်ႉ​လႄႈ ဢမ်ႇ​ထိူၵ်ႈ​တၢၼ်ႇ​သူဝ်း​ဢွၼ်ႇ​တူဝ်​ၼိုင်ႈ​ၸိုင်၊ မၼ်း​ဢိၵ်ႇ​တင်း​ၵူၼ်း​ႁိူၼ်း​ၸမ်​ၵၼ်​တင်း​မၼ်း​တၵ်း​လႆႈ​ပွင်း​ၵၼ်​ဢဝ်​ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​လွင်ႈ​ဢၼ်​ၵူၼ်း​မီး​ၼမ်​လႂ်​ၼၼ်ႉ​သေ​ယဝ်ႉ၊ ထွၵ်ႈ​လူၺ်ႈ​ၵူၼ်း ဢၼ်​တၵ်း​ၵုမ်ႇ​ၵိၼ်​တူဝ်​ၼိုင်ႈ​ၼၼ်ႉ​သေ​လႄႈ ဢဝ်​သူဝ်း​ဢွၼ်ႇ​တူဝ်​ၼိုင်ႈ​ဢေႃႈ။-</verse>
				<verse number="5">သူဝ်း​ဢွၼ်ႇ​သေ​ဢမ်ႇ​ဝႃႈ၊ ပႄႉ​ဢွၼ်ႇ​သေ​ဢမ်ႇ​ဝႃႈ၊ တူဝ်​ဢွၼ်ႇ​ဢၼ်​သူ​ဢဝ်​ၼၼ်ႉ ယင်း​ဢမ်ႇ​လႆႈ​ပႃး​ဢပႅတ်ႈ​လႄႈ တၵ်း​လႆႈ​ပဵၼ်​တူဝ်​ပေႃႈ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ၼၼ်ႉ​ဢေႃႈ။-</verse>
				<verse number="6">ဢဝ်​သူဝ်း​ဢွၼ်ႇ​ၼၼ်ႉ​ဝႆႉ​တေႃႇ​ထိုင်​ႁွတ်ႈ​ဝၼ်း​ဢၼ်​လိူၼ်​ၼၼ်ႉ​လႆႈ​သိပ်း​သီႇ​ဝၼ်း​သေ​ယဝ်ႉ၊ ၼႂ်း​ၶိင်ႇ​ႁူဝ်​ၶမ်ႈ၊ မုၵ်ႉ​ၵူၼ်း​ၸိူဝ်း​ၵူၼ်း​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ဢဝ်​တၢႆ​ဢေႃႈ။-</verse>
				<verse number="7">ၶဝ်​တၵ်း​လႆႈ​ဢဝ်​လိူတ်ႈ​တူဝ်​ၼၼ်ႉ​ၸမ်ႈ​သႂ်ႇ​ၵႃႈ​တီႈ​သဝ်​ၽၵ်း​တူ​သွင်​ၽၢႆႇ ဢိၵ်ႇ​တင်း​ၶိုဝ်ႇ​မၼ်း​တီႈ​ႁိူၼ်း​ဢၼ်​ၶဝ်​တၵ်း​လႆႈ​ၵိၼ်​ၼိူဝ်ႉ​တူဝ်​ၼၼ်ႉ​ဢေႃႈ။-</verse>
				<verse number="8">ၶဝ်​တၵ်း​လႆႈ​ဢဝ်​ၼိူဝ်ႉ​ၼၼ်ႉ​ပိင်ႈ​ၽႆး​ႁၢင်း​ၽႆး​သေ​ယဝ်ႉ၊ ၵိၼ်​လူၺ်ႈ​ၵၼ်​တင်း​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ ၼႂ်း​ၶိုၼ်း​ၼၼ်ႉ​ဢေႃႈ။ ဢိၵ်ႇ​လူၺ်ႈ​ၵၼ်​တင်း​ၽၵ်း​ၶဵဝ်​ဢၼ်​ၶူမ်​ၼၼ်ႉ​ၵေႃႈ ၶဝ်​တၵ်း​လႆႈ​ၵိၼ်​ဢေႃႈ။-</verse>
				<verse number="9">ၼိူဝ်ႉ​ဢၼ်​လိပ်း​သေ​ဢမ်ႇ​ဝႃႈ၊ ဢၼ်​ဢဝ်​ၼမ်ႉ​တူမ်ႈ​သေ​ဢမ်ႇ​ဝႃႈ၊ ဢမ်ႇ​လႆႈ​ၵိၼ်။ တၵ်း​လႆႈ​ဢဝ်​ဢိၵ်ႇ​လူၺ်ႈ​ၵၼ်​တင်း​ၸႃႉ​ၸဵမ်​ႁူဝ်၊ တိၼ်၊ တပ်း​ပွတ်ႇ၊ ႁူဝ်​ၸႂ် ၸိူဝ်း​ၼၼ်ႉ ပိင်ႈ​ၽႆး​ႁၢင်း​ၽႆး​သေ​လႄႈ​ၵိၼ်​ဢေႃႈ။-</verse>
				<verse number="10">ၼိူဝ်ႉ​ၼၼ်ႉ​ၸိုင်၊ သူ​ဢမ်ႇ​လႆႈ​ဝႆႉ​ၵိုတ်း​ဝႆႉ​ၵျၢၼ်ႇ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်။ ၵႃႈ​ဢၼ်​ဝႆႉ​ၵိုတ်း​ဝႆႉ​ၵျၢၼ်ႇ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​ၼၼ်ႉ​သူ​တၵ်း​လႆႈ​ဢဝ်​တုတ်ႇ​ၽႆး​ပႅတ်ႈ​သေ​ဢေႃႈ။</verse>
				<verse number="11">သူ​တၵ်း​လႆႈ​ၵိၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​တၵ်း​လႆႈ​ႁတ်ႉ​သၢႆ​ဢႅဝ်၊ တိုဝ်း​သွၵ်း​တိၼ်၊ ယိပ်း​ၵမ်​ၶွၼ်ႉ​တဝ်ႉ​သေ​လႄႈ ၵိၼ်​ၶၼ်​ၶၼ်​ၽႂ်း​ၽႂ်း​ဢေႃႈ။ ပဵၼ်​ ပႃႉသၶႃႇ ​ထႃႇဝရႃႉ​ၽြႃး​ဢေႃႈ။-</verse>
				<verse number="12">လွင်ႈ​မၼ်း​ၸမ်ႉ ၼႂ်း​ၶိုၼ်း​ၼႆႉ၊ ၵဝ်​တၵ်း​ၵႂႃႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ႁႂ်ႈ​သုတ်း​ႁႂ်ႈ​တိူၵ်ႈ​လႄႈ​ပၼ်​တၢမ်ႇ​တီႈ​လုၵ်ႈ​တူၼ်ႈ​ၵူၼ်း​ဢိၵ်ႇ​တင်း လုၵ်ႈ​တူၼ်ႈ​တရိၵ်ႈသၢၼ်ႇ​ၵႃႈ​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​ၼၼ်ႉ​လႄႈ ၸီႇ​ယၢင်ႇ​တြႃး တီႈ​ၽြႃး​မိူင်း​ ဢေႇၵိပ်ႉတူႉ ​တင်း​လၢႆ​ၼၼ်ႉ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="13">လိူတ်ႈ​ၼၼ်ႉ​တၵ်း​လႆႈ​ပဵၼ်​လၢၵ်ႈၶၼႃႇ​သၢၵ်ႈ​သေႇ​သူ ၵႃႈ​တီႈ​ႁိူၼ်း​ဢၼ်​သူ​ယူႇ​ၼၼ်ႉ​လႄႈ၊ မိူဝ်ႈ​ဢၼ်​ၵဝ်​ႁၼ်​လိူတ်ႈ​ၼၼ်ႉ​ၸိုင်၊ ၵဝ်​တၵ်း​ပူၼ်ႉ​သူ​ၵႂႃႇ​သေ​ဢေႃႈ။ ၼင်ႇ​ၼၼ်​လႄႈ မိူဝ်ႈ​ဢၼ်​ၵဝ်​ပၼ်​တၢမ်ႇ​တီႈ​မိူင်း​ ဢေႇၵိပ်ႉတူႉ ​ၼၼ်ႉ​ၸိုင် ၽေး​ဢူႉ​ပၢတ်ႈ တၢင်း​ဢၼ်​လူႉ​လႅဝ် တၵ်း​ဢမ်ႇ​လႆႈ​တိူဝ်ႉ​လႆႈ​ထုၵ်ႇ​သူ။-</verse>
				<verse number="14">ဝၼ်း​မိူဝ်ႈ​ၼႆႉ​ၵေႃႈ တၵ်း​လႆႈ​ပဵၼ်​ပုၼ်ႈ​ဢၼ်​သူ​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လႄႈ သူ​တၵ်း​လႆႈ​ၶၢမ်ႇ​ပွႆး​တီႈ​ထႃႇဝရႃႉ​ၽြႃး​ၼႂ်း​ဝၼ်း​မိူဝ်ႈ​ၼႆႉ​ဢေႃႈ။ ၵွပ်ႈ​ပိူဝ်ႈ​ဢၼ်​ပဵၼ်​ပိင်း​ၺၢပ်ႈ​ဢၼ်​တႃႇ​သေႇ​လႄႈ ၸိူဝ်ႉ​ၶိူဝ်း​သူ​သိုပ်ႇ​သိုပ်ႇ​တၢမ်း​တၢမ်း​ဢမ်ႇ​ထၢတ်ႇ​ၼၼ်ႉ တၵ်း​လႆႈ​ဢွၼ်​ၵၼ်​ၶၢမ်ႇ​ပွႆး​ၼၼ်ႉ​ဢေႃႈ။</verse>
				<verse number="15">ၸဵတ်း​ဝၼ်း​တဵမ်​တဵမ်​သူ​တၵ်း​လႆႈ​ၵိၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ဢေႃႈ။ ဝၼ်း​ပထမႃႉ​ၼၼ်ႉ သူ​တၵ်း​လႆႈ​ပႄႇ​ပႅတ်ႈ​ၸိူဝ်ႉ​ပႅင်ႈ​သေ ၵႃႈ​ၼႂ်း​ႁိူၼ်း​သူ​ဢေႃႈ။ ၸႃႉ​ၸဵမ်​ဝၼ်း​ပထမႃႉ​တေႃႇ​ထိုင်​ႁွတ်ႈ​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ ၵေႃႉ​ဢၼ်​ၵိၼ်​ၶဝ်ႈ​မုၼ်း​ဢၼ်​ပႃး​ၸိူဝ်ႉ​ပႅင်ႈ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း မဵဝ်း​ၸိူဝ်ႉ​ၶိူဝ်း​ ဢီႉသရေႇလႃႉ ​ဢေႃႈ။-</verse>
				<verse number="16">ၼႂ်း​ဝၼ်း​ပထမႃႉ​ၼၼ်ႉ သူ​တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၵေႃႈ သူ​တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ထႅင်ႈ​ဢေႃႈ။ ၼႂ်း​မိုဝ်ႉ​ဝၼ်း​ၼၼ်ႉ လိူဝ်​သေ​တၢင်း​ႁဵတ်း​ဢၼ်​ၸၢပ်ႈ​သႅင်ႇ​ၵၼ်​တင်း လွင်ႈ​ဢၼ်​ၵူၼ်း​ၵူႈ​ၵေႃႉ​တၵ်း​လႆႈ​ၵိၼ်​လႆႈ​ၶူပ်း​ၼၼ်ႉ၊ ဢမ်ႇ​လႆႈ​ႁဵတ်း​တၢင်း​ႁဵတ်း​တၢင်ႇ​ၸိူဝ်ႉ​တၢင်ႇ​ပိူင်။ မီး​ဢၶႂၢင်ႉ​ဢၼ်​လႆႈ​ႁဵတ်း​လွင်ႈ​ၼၼ်ႉ​ၵူၺ်း​ဢေႃႈ။-</verse>
				<verse number="17">လွင်ႈ​ဢၼ်​သူ​တၵ်း​လႆႈ​ၶၢမ်ႇ​ပွႆး​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၼၼ်ႉ​ၸမ်ႉ၊ ၼႂ်း​ဝၼ်း​ၼၼ်ႉ ၵဝ်​ၼုၵ်ႈ​ဢဝ်​ပူဝ်ႇ​ပႃႇ​သူ​ဢွၵ်ႇ​သေ​ၵႃႈ​ၼႂ်း မိူင်း​ ဢေႇၵိပ်ႉတူႉ ​ဢေႃႈ။ ၵွပ်ႈ​ပိူဝ်ႈ​လွင်ႈ​ၼၼ်ႉ​လႄႈ ပိူဝ်ႈ​ဢၼ်​ပဵၼ်​ပိင်း​ၺၢပ်ႈ​ဢၼ်​တႃႇ​သေႇ​လႄႈ၊ ၸိူဝ်ႉ​ၶိူဝ်း​သူ​သိုပ်ႇ​သိုပ်ႇ​တၢမ်း​တၢမ်း ဢမ်ႇ​ထၢတ်ႇ​ၼၼ်ႉ တၵ်း​လႆႈ​ဢွၼ်​ၵၼ်​ပႂ်ႉ​ဝၼ်း​ၼၼ်ႉ​ယူႇ​ဢေႃႈ။</verse>
				<verse number="18">ၸႃႉ​ၸဵမ်​ႁူဝ်​ၶမ်ႈ​လိူၼ်​ပထမႃႉ သိပ်း​သီႇ​ဝၼ်း​ၼၼ်ႉ​တေႃႇ​ထိုင်​ႁွတ်ႈ​ႁူဝ်​ၶမ်ႈ​သၢဝ်း​ဢဵတ်း​ဝၼ်း​ၼၼ်ႉ​ၸိုင်၊ သူ​တၵ်း​လႆႈ​ၵိၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ဢေႃႈ။-</verse>
				<verse number="19">ၸဵတ်း​ဝၼ်း​ၼၼ်ႉ​တဵမ်​တဵမ်၊ ၸိူဝ်ႉ​ပႅင်ႈ​ဢမ်ႇ​လႆႈ​မီး​ၵႃႈ​တီႈ​ႁိူၼ်း​သူ​လႃး​လႃး။ ၵေႃႉ​ဢၼ်​ၵိၼ်​ၶဝ်ႈ​မုၼ်း​ဢၼ်​ပႃး​ၸိူဝ်ႉ​ပႅင်ႈ​ၼၼ်ႉ​ၸမ်ႉ၊ ပဵၼ်​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​သေ​ဢမ်ႇ​ဝႃႈ၊ ပဵၼ်​ၵူၼ်း​ၼႂ်း​ဝၢၼ်ႈ​ၼႂ်း​မိူင်း​သေ​ဢမ်ႇ​ဝႃႈ၊ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="20">သူ​ဢမ်ႇ​လႆႈ​ၵိၼ်​ၶဝ်ႈ​မုၼ်း​ဢၼ်​ပႃး​ၸိူဝ်ႉ​ပႅင်ႈ​လႃး​လႃး။ ၵႃႈ​တီႈ​ဢၼ်​သူ​ယူႇ​ၵူႈ​တီႈ​ၵူႈ​လႅၼ်​ၼၼ်ႉ သူ​တၵ်း​လႆႈ​ၵိၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">မိူဝ်ႈ​ၼၼ်ႉ မူဝ်းသေႇ ႁွင်ႉ​ဢဝ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ​လၢတ်ႈ​တီႈ​ၶဝ်​လႄႈ​ဝႃႈ၊ သူ​ၸွမ်း​လူၺ်ႈ​ၼႃႈ​ႁိူၼ်း​ၽႂ်​ၼႃႈ​ႁိူၼ်း​မၼ်း​တီႈ​လႂ်​တီႈ​ၼၼ်ႉ​သေ​လႄႈ၊ ဢွၼ်​ၵၼ်​ဢဝ်​သူဝ်း​ဢွၼ်ႇ​ဢွၵ်ႇ​လႄႈ​ဢဝ်​တၢႆ ပုၼ်ႈ​ပွႆး​ ပႃႉသၶႃႇ ​တႃႉ။-</verse>
				<verse number="22">သူ​တၵ်း​လႆႈ​ဢဝ်​ယွတ်ႈ​တူၼ်ႈ​ ႁုတ်ႉသူပ်ႇ ​မတ်ႉ​ၼိုင်ႈ​ၸုမ်ႇ​သႂ်ႇ​ၵႃႈ​ၼႂ်း​လိူတ်ႈ​ဢၼ်​မီး​ၵႃႈ​ၼႂ်း​မေႃႈ​မိၼ်ႈ​ၼၼ်ႉ​သေ​ယဝ်ႉ၊ ၸမ်ႈ​သႂ်ႇ​ၵႃႈ​တီႈ​ၶိုဝ်ႇ​ၽၵ်း​တူ​တင်း​သဝ်​သွင်​ၽၢႆႇ​ဢေႃႈ။ လိုၼ်း​ၼၼ်ႉ တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​လႄႈ ၽူႈ​လႂ်​ဢမ်ႇ​လႆႈ​ဢွၵ်ႇ​ၵႃႈ​တီႈ​ၽၢႆႇ​ၼွၵ်ႈ​ၽၵ်း​တူ​ႁိူၼ်း​မၼ်း။-</verse>
				<verse number="23">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ၼၼ်ႉ တၵ်း​ၵႂႃႇ​ႁႂ်ႈ​သုတ်း​ႁႂ်ႈ​တိူၵ်ႈ ႁႂ်ႈ​လႆႈ​ပၼ်​တၢမ်ႇ​တီႈ​ၵူၼ်း​ ဢေႇၵိပ်ႉတူႉ ​တင်း​လၢႆ​ဢေႃႈ။ မိူဝ်ႈ​ဢၼ်​ထႃႇဝရႃႉ​ၽြႃး​ႁၼ်​လိူတ်ႈ​ဢၼ်​မီး​ၵႃႈ​တီႈ​ၶိုဝ်ႇ​ၽၵ်း​တူ​တင်း​သဝ်​သွင်​ၽၢႆႇ​ၼၼ်ႉ​ၸိုင်၊ မၼ်း​ၸဝ်ႈ​တၵ်း​ပူၼ်ႉ​ၽၵ်း​တူ​ၼၼ်ႉ​ၵႂႃႇ​သေ​ဢေႃႈ။ တီႈ​ၵေႃႉ​ဢၼ်​တၵ်း​ယႃႉ​ပႅတ်ႈ​ၼၼ်ႉ​ၵေႃႈ မၼ်း​ၸဝ်ႈ​တၵ်း​ဢမ်ႇ​ပၼ်​ဢၶႂၢင်ႉ ဢၼ်​လႆႈ​ၶဝ်ႈ​ၸူး​ၵႃႈ​ၼႂ်း​ႁိူၼ်း​သူ ႁႂ်ႈ​လႆႈ​ပၼ်​တၢမ်ႇ​တီႈ​သူ။-</verse>
				<verse number="24">တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​လွင်ႈ​တၢင်း​ၼႆႉ​လႄႈ ႁႂ်ႈ​ပဵၼ်​ထုင်း​ၽိင်ႈ​တြႃး​ဢၼ်​တႃႇ​သေႇ​တီႈ​မႂ်း​ဢိၵ်ႇ​တင်း​တီႈ​လုၵ်ႈ​လၢင်း​မႂ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="25">မိူဝ်ႈ​ဢၼ်​သူ​ႁွတ်ႈ​ထိုင်​ၵႃႈ​တီႈ​မိူင်း​ဢၼ်​ထႃႇဝရႃႉ​ၽြႃး​တၵ်း​ပၼ်​မႅၼ်ႈ​ၸွမ်း​ၵႃႈ​ၼင်ႇ​ဢၼ်​ၵတီႉ​ၸဝ်ႈ​မီး​ၼၼ်ႉ​ၸိုင်၊ သူ​တၵ်း​လႆႈ​ႁဵတ်း​ဝၢတ်ႈ​ၼႆႉ​ဢေႃႈ။-</verse>
				<verse number="26">မိူဝ်ႈ​ဢၼ်​လုၵ်ႈ​လၢင်း​သူ​ထၢမ်​တီႈ​သူ​လႄႈ​ဝႃႈ၊ လွင်ႈ​ဢၼ်​ႁဵတ်း​ဝၢတ်ႈ​ၼႆႉ ပဵၼ်​လွင်ႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၸိုင်၊-</verse>
				<verse number="27">သူ​တၵ်း​လႆႈ​ၶိုၼ်း​လၢတ်ႈ​လႄႈ​ဝႃႈ၊ ပဵၼ်​ယိတ်ႈ​ ပႃႉသၶႃႇ ​ထႃႇဝရႃႉ​ၽြႃး​ဢၼ်​ပူၼ်ႉ​သေ​ႁိူၼ်း​ၵူၼ်း​မဵဝ်း​ ဢီႉသရေႇလႃႉ ​ၵႂႃႇ ၼႂ်း​မိူင်း​ ဢေႇၵိပ်ႉတူႉ ​ပုၼ်ႉ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ပၼ်​တၢမ်ႇ​တီႈ​ၵူၼ်း​ ဢေႇၵိပ်ႉတူႉ ​တင်း​လၢႆ​လႄႈ ပၼ်​ၵတ်း​ယဵၼ်​ၶျၢမ်း​သႃႇ​တီႈ​ႁိူၼ်း​ႁဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၼၼ်ႉ​ဢွၼ်​ၵၼ်​ၵူမ်ႈ​ၵွမ်း​ႁူဝ်​လႄႈ ၵူဝ်း​ၵႂၢႆႇ​ယူႇ​ဢေႃႈ။-</verse>
				<verse number="28">ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵႂႃႇ​လႄႈ​ႁဵတ်း​ဢေႃႈ။ ၶဝ်​ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​တင်း​ ဢႃႇရုၼ်ႇ ​ၼၼ်ႉ​ဢေႃႈ။</verse>
				<verse number="29">ၶိင်ႇ​တဵင်ႈ​ၶိုၼ်း​ထႃႇဝရႃႉ​ၽြႃး​ပၼ်​တၢမ်ႇ​တီႈ​လုၵ်ႈ​တူၼ်ႈ​ၵႃႈ​ဢၼ်​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​ဢၼ်​ဝႃႈ ၸႃႉ​ၸဵမ်​လုၵ်ႈ​တူၼ်ႈ​ၶုၼ်​ႁေႃ​ၶမ်း​ ၽႃႇရေႃး ဢၼ်​ၼင်ႈ​ယူႇ​ၵႃႈ​ၼိူဝ်​ႁေႃ တေႃႇ​ထိုင်​ႁွတ်ႈ​လုၵ်ႈ​တူၼ်ႈ​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ၶင်​ဝႆႉ ၵႃႈ​ၼႂ်း​ထွင်ႇ​ၼၼ်ႉ​လႄႈ လုၵ်ႈ​တူၼ်ႈ​တရိၵ်ႈသၢၼ်ႇ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="30">ၼႂ်း​ၶိုၼ်း​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​ၶႃႈ​မၼ်း​ၵူၼ်း​မၼ်း​တင်း​သဵင်ႈ​တင်း​လူင် တင်း​ၵူၼ်း​ ဢေႇၵိပ်ႉတူႉ ​တင်း​သဵင်ႈ​တင်း​လူင် ဢွၼ်​ၵၼ်​လုၵ်ႉ​လႄႈ၊ ၵွပ်ႈ​ပိူဝ်ႈ​ဢၼ်​ႁိူၼ်း​ဢၼ်​ၵၢင်း​လွတ်ႈ​တင်း​တူဝ်​တၢႆ ဢမ်ႇ​မီး​သေ​ႁိူၼ်း​ၼၼ်ႉ​လႄႈ ပဵၼ်​တၢင်း​ဢၼ်​ႁွင်ႉ​ဢၼ်​ႁႆႈ ဢၼ်​ယႂ်ႇ​ၼႃႇ​လူင်​လၢင် ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။</verse>
				<verse number="31">ၼႂ်း​ၶိုၼ်း​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး ႁွင်ႉ​ဢဝ်​ မူဝ်းသေႇ ​တင်း​ ဢႃႇရုၼ်ႇ ​လႄႈ​လၢတ်ႈ​လႄႈ​ဝႃႈ၊ ၸႃႉ​ၸဵမ်​သွင်​ၶိူဝ်​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​လုၵ်ႉ​လႄႈ ဢွၵ်ႇ​ၵႂႃႇ​သေ​ၵႃႈ​ၼႂ်း​ၵူၼ်း​ၵဝ်​ၸိူဝ်း​ၼႆႉ​တႃႉ။ ဢွၼ်​ၵၼ်​ၵႂႃႇ​ႁဵတ်း​ဝၢတ်ႈ တီႈ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​သူ​ယွၼ်း​ၼၼ်ႉ​တႃႉ။-</verse>
				<verse number="32">ဢွၼ်​ၵၼ်​ဢဝ်​ၽုင်​သူဝ်း​ၽုင်​ဝူဝ်း​သူ​လႄႈ ၵႂႃႇ​ၸွမ်း​ၵႃႈ​ၼင်ႇ​ဢၼ်​သူ​ယွၼ်း​ၼၼ်ႉ​တႃႉ။ တီႈ​ၵဝ်​ၵေႃႈ​ပၼ်​တၢင်း​လီ​မင်ႇၵလႃႇ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ၵူၼ်း​ ဢေႇၵိပ်ႉတူႉ ​တင်း​လၢႆ​ၵေႃႈ၊ ၵွပ်ႈ​ပိူဝ်ႈ​ဢၼ်​လၢတ်ႈ​လႄႈ​ဝႃႈ၊ ႁဝ်း​ၵႃႈ​မီး​ၼႆႉ​တၵ်း​ပဵၼ်​တူဝ်​တၢႆ​ယဝ်ႉ၊ ဝႃႈ​ၼင်ႇ​ၼႆ​လႄႈ ဢွၼ်​ၵၼ်​ႁိပ်ႈ​ၼႅတ်ႈ​တိုၵ်း​ယူင်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ပွႆႇ​ၶဝ်​ဢွၵ်ႇ​ၵႂႃႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၶၼ်​ၶၼ်​ၽႂ်း​ၽႂ်း​ဢေႃႈ။-</verse>
				<verse number="34">ၵူၼ်း​တင်း​လၢႆ​ၵေႃႈ ဢွၼ်​ၵၼ်​ဢဝ်​ၶဝ်ႈ​မုၼ်း​လိပ်း​ဢၼ်​ဢမ်ႇ​ပႆႇ​ပႃး​ၸိူဝ်ႉ​ပႅင်ႈ​ၼၼ်ႉ​လႄႈ ၵွၵ်း​ဝၢၼ်ႇ​ဢၼ်​ၼူတ်ႈ​ၶဝ်ႈ​မုၼ်း​ၶဝ်​ၵေႃႈ ဢွၼ်​ၵၼ်​ဢဝ်​တင်း​ၶူဝ်း​ၼုင်ႈ​ပူၵ်ႉ​ႁေႃႇ​သေ​လႄႈ ႁၢပ်ႇ​တၢင်ႇ​ၵႃႈ​ၼိူဝ်​ႁူဝ်​မႃႇ​ၶဝ်​ဢေႃႈ။</verse>
				<verse number="35">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ႁဵတ်း​ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ​ၸီႇ​ယၢင်ႇ​ဝႆႉ​ၼၼ်ႉ​လႄႈ၊ ဢွၼ်​ၵၼ်​ယွၼ်း​ယိုမ်​ဢဝ် ၶိူင်ႈ​ငိုၼ်း​ၶိူင်ႈ​ၶမ်း​ၶူဝ်း​ၼုင်ႈ​တၢင်း​မႆ တီႈ​ၵူၼ်း​ ဢေႇၵိပ်ႉတူႉ ​ၶဝ်​ဢေႃႈ။-</verse>
				<verse number="36">ထႃႇဝရႃႉ​ၽြႃး​ႁႂ်ႈ​ၶဝ်​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ ၵူၼ်း​ ဢေႇၵိပ်ႉတူႉ ​တင်း​လၢႆ​လႄႈ ၶဝ်​ၼၼ်ႉ​ၵေႃႈ ဢွၼ်​ၵၼ်​ပၼ်​ၶဝ်​ၵူႈ​ၶဝ်​ယိုမ်​ဢေႃႈ။ ၼင်ႇ​ၼၼ်​လႄႈ ၶဝ်​ႁိမ်​ႁူင်ႇ​ဢဝ်​ဢုၵ်ႉ​ၸႃႇ ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ​ဢေႃႈ။</verse>
				<verse number="37">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ၊ လုၵ်ႈ​ဢွၼ်ႇ​ဢမ်ႇ​ဝႃႈ​ဢမ်ႇ​ပႃး၊ ၼပ်ႉ​ဢၢၼ်ႇ​ၽူႈ​ၸၢႆး​ၵူၺ်း​ၵူၺ်း​မီး​ႁူၵ်း​သႅၼ်​ၸမ်​ၸမ်​လႄႈ ဢွၼ်​ၵၼ်​ဢွၵ်ႇ​သေ​ၵႃႈ​တီႈ​ဝဵင်း​ ရႃႇမသိတ်ႈ ​လႄႈ ပႆ​တိၼ်​ၸွမ်း​တၢင်း​ၵႂႃႇ​ၸူး ၵႃႈ​တီႈ​ သူႉၵုတ်ႉ ​ဢေႃႈ။-</verse>
				<verse number="38">ၵူၼ်း​မဵဝ်း​ၼမ်​ၼႃႇ​ဢိၵ်ႇ​တင်း ၸႃႉ​ၸဵမ်​ၽုင်​သူဝ်း​ၽုင်​ဝူဝ်း​လႄႈ တရိၵ်ႈသၢၼ်ႇ​ၼမ်​ၼႃႇ​ၸွမ်း​ၵၼ်​တင်း​ၶဝ်​ၵႂႃႇ​ဢေႃႈ။-</verse>
				<verse number="39">ၶဝ်​လႆႈ​ဢဝ်​ၶဝ်ႈ​မုၼ်း​လိပ်း ဢၼ်​ဢဝ်​ၵႃႈ​တီႈ​မိူင်း​ ဢေႇၵိပ်ႉတူႉ ​မႃး​ၼၼ်ႉ ၽဝ်​ႁဵတ်း​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ ၵွပ်ႈ​ပိူဝ်ႈ​ဢၼ်​ၸိူဝ်ႉ​ပႅင်ႈ​ဢမ်ႇ​ပႆႇ​လႆႈ​လေႃး​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ဢမ်ႇ​လႆႈ​ႁဵတ်း​ၵွႆႈ​ႁဵတ်း​ထိူင်း၊ လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​လႄႈ ၶဝ်​ဢမ်ႇ​တၼ်း​မႄး​ႁႅၼ်း​ဝႆႉ​ပုၼ်ႈ​ဢၼ်​ၶဝ်​တၵ်း​ၵိၼ်​တၵ်း​ၶူပ်း။</verse>
				<verse number="40">ပီႊ​မိူင်း​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပဵၼ်​ၶႅၵ်ႇ​လႄႈ​သွၼ်ႈ​ပိုင်ႈ​ယူႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ၸမ်ႉ၊ ပဵၼ်​သီႇ​ပၢၵ်ႇ​ပၢႆ​သၢမ်​သိပ်း​ပီႊ​ဢေႃႈ။-</verse>
				<verse number="41">ၼႂ်း​ဝၼ်း​ဢၼ်​ပဵၼ်​တီႈ​သုတ်း​ပီႊ​မိူင်း​သီႇ​ပၢၵ်ႇ​ပၢႆ​သၢမ်​သိပ်း​ပီႊ​ၼၼ်ႉ၊ ပူဝ်ႇ​ပႃႇ​ထႃႇဝရႃႉ​ၽြႃး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​လႄႈ ၵႂႃႇ​ဢေႃႈ။-</verse>
				<verse number="42">ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​လႄႈ၊ မိူဝ်ႈ​ၶိုၼ်း​ၼၼ်ႉ​ၸိုင်၊ လီ​ပႂ်ႉ​ပုၼ်ႈ ထႃႇဝရႃႉ​ၽြႃး​ဢေႃႈ။ ၶိုၼ်း​ၼႆႉ​ၸမ်ႉ၊ ပဵၼ်​ၶိုၼ်း​ထႃႇဝရႃႉ​ၽြႃး​ဢၼ်​ၵူၼ်း​မဵဝ်း​ ဢီႉသရေႇလႃႉ ​သိုပ်ႇ​သိုပ်ႇ​တၢမ်း​တၢမ်း​ဢမ်ႇ​ထၢတ်ႇ​တၵ်း​လႆႈ​ပႂ်ႉ​ၼၼ်ႉ​ဢေႃႈ။</verse>
				<verse number="43">ထႃႇဝရႃႉ​ၽြႃး​ဝႆႉ​ပိင်း​ၺၢပ်ႈ​တီႈ​ မူဝ်းသေႇ ​တင်း​ ဢႃႇရုၼ်ႇ ​လႄႈ​ဝႃႈ၊ တြႃး​ပွႆး​ ပႃႉသၶႃႇ ​ၸမ်ႉ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢမ်ႇ​လႆႈ​ၵိၼ်။-</verse>
				<verse number="44">ၵူၺ်း​ၵႃႈ ၶႃႈ​ဢၼ်​ဢဝ်​တင်း​ငိုၼ်း​သိုဝ်ႉ​ဢဝ်​ၼၼ်ႉ၊ ပေႃး​ၶၢမ်ႇ​မင်ႇၵလႃႇ တၢင်း​ဢၼ်​ထိူဝ်​ႁိမ်း​ယဝ်ႉ​ၸိုင်၊ တၵ်း​လႆႈ​ၵိၼ်​ဢေႃႈ။-</verse>
				<verse number="45">ပဵၼ်​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​လႄႈ​သင်၊ ပဵၼ်​ၵူၼ်း​ၵိၼ်​ၸၢင်ႈ​ၵိၼ်​ငႃ​လႄႈ​သင်၊ ဢမ်ႇ​လႆႈ​ၵိၼ်။-</verse>
				<verse number="46">ၵႃႈ​တီႈ​ႁိူၼ်း​ၼိုင်ႈ တၵ်း​လႆႈ​ၵိၼ်​တူဝ်​ၼိုင်ႈ​ဢေႃႈ။ ၼိူဝ်ႉ​မၼ်း​ၸိုင်၊ မႂ်း​ဢမ်ႇ​လႆႈ​ဢဝ်​ဢွၵ်ႇ​ၵႃႈ​ၼွၵ်ႈ​ႁိူၼ်း။ လုပ်ႇ​မၼ်း​ၵေႃႈ​သူ​ဢမ်ႇ​လႆႈ​ဢဝ်​ႁၵ်း။-</verse>
				<verse number="47">ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​တၵ်း​လႆႈ​ၶၢမ်ႇ​ပွႆး​ၼၼ်ႉ​ဢေႃႈ။-</verse>
				<verse number="48">ပေႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ ၵႃႈ​တီႈ​မႂ်း​ၼၼ်ႉ​မီး​ဢလူဝ်ႇ​ၶႂ်ႈ​ၶၢမ်ႇ​ပွႆး​ ပႃႉသၶႃႇ ​ပုၼ်ႈ​ထႃႇဝရႃႉ​ၽြႃး​ၸိုင်၊ ႁႂ်ႈ​ၵူၼ်း​ၸၢႆး ၵႃႈ​ဢၼ်​မီး​တီႈ​မၼ်း​ၼၼ်ႉ​တင်း​သဵင်ႈ​တင်း​လူင် ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​သေ​တႃႉ။ ဝၢႆး​ၼၼ်ႉ​ယဝ်ႉ​ႁႂ်ႈ​ၵေႃႉ​ၼၼ်ႉ သုတ်ႉ​ၶဝ်ႈ​သုတ်ႉ​ၸူး​လႄႈ​ၶၢမ်ႇ​ပွႆး​ၼၼ်ႉ​တႃႉ။ မၼ်း​ပဵၼ်​ၸိူဝ်ႉ​ၼင်ႇ​ၵူၼ်း​ဝၢၼ်ႈ​ၵူၼ်း​မိူင်း​ယဝ်ႉ။ ၵေႃႉ​ဢၼ်​ဢမ်ႇ​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ၸမ်ႉ၊ ဢမ်ႇ​လႆႈ​ၵိၼ်​ပွႆး​ၼၼ်ႉ။-</verse>
				<verse number="49">ၵေႃႉ​ဢၼ်​ပဵၼ်​ၸိူဝ်ႉ​ၶိူဝ်း​ဢၼ်​လဵဝ်​ၵၼ် ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​သူ​ၼၼ်ႉ​တၵ်း​လႆႈ​မီး​တြႃး​ပႃး​လဵဝ်​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="50">ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ႁဵတ်း​ဢေႃႈ။ ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဝႆႉ​ပိင်း​ၺၢပ်ႈ​တီႈ​ မူဝ်းသေႇ တင်း​ ဢႃႇရုၼ်ႇ ​ၼၼ်ႉ​ဢေႃႈ။-</verse>
				<verse number="51">ၼႂ်း​ဝၼ်း​ၼၼ်ႉ​ၵမ်း​လဵဝ် ထႃႇဝရႃႉ​ၽြႃး​ဢဝ်​ပူဝ်ႇ​ပႃႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ၵႂႃႇ​သေ​ဢေႃႈ။</verse>
			</chapter>
			<chapter number="13">
				<verse number="1">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="2">ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ၊ ႁႂ်ႈ​ၵႃႈ​ဢၼ်​ၵိူတ်ႇ​လဵင်ႉ​မႃး​ဢွၼ်​တၢင်း၊ ပဵၼ်​ၵူၼ်း​သေ​ဢမ်ႇ​ဝႃႈ၊ ပဵၼ်​တရိၵ်ႈသၢၼ်ႇ​သေ​ဢမ်ႇ​ဝႃႈ၊ လုၵ်ႈ​တူၼ်ႈ​ၵႃႈ​မီး​တင်း​သဵင်ႈ​တင်း​လူင် မူတ်း​ၸၢင်ႇ​ပုၼ်ႈ​ၵဝ်​တႃႉ။ ပဵၼ်​ဢုၵ်ႉ​ၸႃႇ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">မူဝ်းသေႇ ​သမ်ႉ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ဢွၼ်​ၵၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ဝၼ်း​ဢၼ်​သူ​လႆႈ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ တီႈ​ဢၼ်​သူ​လႆႈ​ၶၢမ်ႇ​ႁဵတ်း​ၶႃႈ​ၼၼ်ႉ​ၵႂႃႇ​ၼႆႉ​တႃႉ။ ထႃႇဝရႃႉ​ၽြႃး​ဢဝ်​တင်း မိုဝ်း​ဢၼ်​ႁႅင်း​ယႂ်ႇ​ၼႃႇ ၼုၵ်ႈ​ဢဝ်​သူ​ဢွၵ်ႇ​သေ ၵႃႈ​ၼႂ်း​မိူင်း​ၼၼ်ႉ​ယဝ်ႉ။ သူ​ဢမ်ႇ​လႆႈ​ၵိၼ်​ၶဝ်ႈ​မုၼ်း​ဢၼ်​ပႃး​ၸိူဝ်ႉ​ပႅင်ႈ။-</verse>
				<verse number="4">သူ​ဢွၵ်ႇ​မႃး​ၼႂ်း​လိူၼ်​ ဢပီႉပႃႉ ဝၼ်း​ၼႆႉ​ယဝ်ႉ။</verse>
				<verse number="5">မိူဝ်ႈ​ဢၼ်​ထႃႇဝရႃႉ​ၽြႃး​ဢဝ်​မႂ်း​ၵႂႃႇ​သူင်ႇ​ၵႃႈ​တီႈ​မိူင်း​တီႈ​ယူႇ​ၵူၼ်း​ ၶႃႇၼၼီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ဢႃႇမေႃးရီႉ ၊ ၵူၼ်း​ ႁီႉဝီႉ ၊ ၵူၼ်း ယေႇပူႉသီႉ ၊ မိူင်း​ဢၼ်​မၼ်း​ၸဝ်ႈ​တိူင်ႇ​တီႈ​ပူႇ​မွၼ်ႇ​မႂ်း​လႄႈ​ဝႃႈ၊ တၵ်း​ပၼ်​တီႈ​မႂ်း၊ ဝႃႈ​ၼင်ႇ​ၼႆ၊ မိူင်း​ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ​ယဝ်ႉ​ၼၼ်ႉ​ၸိုင်၊ မႂ်း​တၵ်း​လႆႈ​ႁဵတ်း​ဝၢတ်ႈ​ဢၼ်​ၼႆႉ ၼႂ်း​လိူၼ်​လုၵ်ႈ​ၼႆႉ​ဢေႃႈ။-</verse>
				<verse number="6">ၸဵတ်း​ဝၼ်း​တဵမ်​တဵမ်​မႂ်း​တၵ်း​လႆႈ​ၵိၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​လႄႈ ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ မႂ်း​တၵ်း​လႆႈ​ၶၢမ်ႇ​ပွႆး​ပုၼ်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="7">တၵ်း​လႆႈ​ၵိၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၼၼ်ႉ​ၸဵတ်း​ဝၼ်း​ဢေႃႈ။ တီႈ​မႂ်း​ဢမ်ႇ​လႆႈ​ထူပ်း​လႆႈ​ႁၼ်​ၶဝ်ႈ​မုၼ်း​ဢၼ်​ပႃး​ၸိူဝ်ႉ​ပႅင်ႈ​လႃး​လႃး။ ၵႃႈ​တီႈ​ဢၼ်​မႂ်း​ယူႇ​ၵူႈ​တီႈ​ၵူႈ​လႅၼ်​ၼၼ်ႉ​ၵေႃႈ ဢမ်ႇ​လႆႈ​ထူပ်း​လႆႈ​ႁၼ်​ၸိူဝ်ႉ​ပႅင်ႈ​လႃး​လႃး။</verse>
				<verse number="8">ၼႂ်း​ဝၼ်း​ၼၼ်ႉ မႂ်း​တၵ်း​လႆႈ​မွၵ်ႇ​လၢတ်ႈ​တီႈ​လုၵ်ႈ​တီႈ​လၢၼ်​မႂ်း​လႄႈ​ဝႃႈ၊ ဢၼ်​ၼႆႉ​ၸမ်ႉ၊ ပဵၼ်​ၵွပ်ႈ​ပိူဝ်ႈ​ၵျေး​ၸူး​ဢၼ်​ထႃႇဝရႃႉ​ၽြႃး ႁဵတ်း​ၼႂ်း​ၶိင်ႇ​ၵႃႇလႃႉ မိူဝ်ႈ​ဢၼ်​ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။</verse>
				<verse number="9">ဢၼ်​ၼႆႉ​တၵ်း​လႆႈ​ပဵၼ်​လၢၵ်ႈၶၼႃႇ​သၢၵ်ႈ​သေႇ​ၵႃႈ​တီႈ​မိုဝ်း​မႂ်း တင်း​ပုၼ်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၼႂ်း​ၵႄႈ​ဝူင်ႈ​ၵၢင်​မၢၵ်ႇ​တႃ​မႂ်း ႁႂ်ႈ​တြႃး​ထႃႇဝရႃႉ​ၽြႃး​လႆႈ​တႄႇ​ယူႇ​ၵႃႈ​ၼႂ်း​သူပ်း​မႂ်း​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ဢဝ်​တင်း​မိုဝ်း​ဢၼ်​ႁႅင်း​ယႂ်ႇ​ၼႃႇ​လႄႈ ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ယဝ်ႉ။-</verse>
				<verse number="10">ပိူဝ်ႈ​ၼႆ​လႄႈ ပေႃး​ထိုင်​ႁွတ်ႈ​ၶိင်ႇ​မၼ်း​ၸိုင်၊ မႂ်း​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ထုင်း​ၽိင်ႈ​တြႃး​ၼႆႉ​ၵူႈ​ပီႊ​တႃႇ​သေႇ​ဢမ်ႇ​ထၢတ်ႇ​ဢေႃႈ။</verse>
				<verse number="11">မိူဝ်ႈ​ဢၼ်​ထႃႇဝရႃႉ​ၽြႃး​ဢဝ်​မႂ်း​ၵႂႃႇ​သူင်ႇ မိူင်း​ၵူၼ်း​ ၶႃႇၼၼီႉ ​ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​တိူင်ႇ​ဝႃႈ​ဝႆႉ​တီႈ​မႂ်း ဢိၵ်ႇ​တင်း ပူႇ​မွၼ်ႇ​မႂ်း​ၼၼ်ႉ​လႄႈ ဢဝ်​မိူင်း​ၼၼ်ႉ​ပၼ်​တီႈ​မႂ်း​ယဝ်ႉ​ၼၼ်ႉ​ၸိုင်၊-</verse>
				<verse number="12">မႂ်း​တၵ်း​လႆႈ​ၽႄ​ဢဝ်​လုၵ်ႈ​ၸၢႆး​ၵႃႈ​ဢၼ်​ၵိူတ်ႇ​လဵင်ႉ​မႃး​ဢွၼ်​တၢင်း​တီႈ​မႂ်း​တင်း​သဵင်ႈ​တင်း​လူင် ဢိၵ်ႇ​တင်း​လုၵ်ႈ​တူၼ်ႈ​တရိၵ်ႈသၢၼ်ႇ ဢၼ်​မီး​တီႈ​မႂ်း​တင်း​သဵင်ႈ​တင်း​လူင်​ၼၼ်ႉ ဝႆႉ​ၶေႃ​ၶေႃ​ပုၼ်ႈ​ထႃႇဝရႃႉ​ၽြႃး​ဢေႃႈ။ ၵႃႈ​ဢၼ်​ပဵၼ်​တူဝ်​ပေႃႈ​တၵ်း​လႆႈ​ပဵၼ်​ဢုၵ်ႉ​ၸႃႇ​ထႃႇဝရႃႉ​ၽြႃး​ဢေႃႈ။-</verse>
				<verse number="13">လုၵ်ႈ​တူၼ်ႈ​ဢၼ်​ၵိူတ်ႇ​လဵင်ႉ​မႃး​ဢွၼ်​တၢင်း​တီႈ​လီႈ​မႄႈ​ၼၼ်ႉ​ၸိုင်၊ မႂ်း​တၵ်း​လႆႈ​ဢဝ်​သူဝ်း​ဢွၼ်ႇ​ထုတ်ႇ​ဢဝ်​ဢေႃႈ။ ပေႃး​ဢမ်ႇ​ၶႂ်ႈ​ထုတ်ႇ​ဢဝ်​ၸိုင်၊ မႂ်း​တၵ်း​လႆႈ​ႁၵ်း​ၶေႃး လီႈ​ဢွၼ်ႇ​ၼၼ်ႉ​ပႅတ်ႈ​ဢေႃႈ။ ၵႃႈ​ၼႂ်း​လုၵ်ႈ​ၸၢႆး​ၵူၼ်း​တင်း​လၢႆ​ၸမ်ႉ၊ မႂ်း​တၵ်း​လႆႈ​ထုတ်ႇ​ဢဝ် လုၵ်ႈ​ၸၢႆး​တူၼ်ႈ တင်း​သဵင်ႈ​တင်း​လူင်​ဢေႃႈ။</verse>
				<verse number="14">ၶိင်ႇ​ၵႃႇလႃႉ​ၵမ်း​လိုၼ်း၊ ပေႃး​လုၵ်ႈ​ၸၢႆး​မႂ်း​ထၢမ်​လႄႈ​ဝႃႈ၊ ဢၼ်​ၼႆႉ​ပဵၼ်​လွင်ႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၸိုင်၊ မႂ်း​ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး​ဢဝ်​တင်း မိုဝ်း​ဢၼ်​ႁႅင်း​ယႂ်ႇ​ၼႃႇ ၼုၵ်ႈ​ဢဝ်​ႁဝ်း​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ၊ တီႈ​ဢၼ်​ႁဝ်း​လႆႈ​ၶၢမ်ႇ​ႁဵတ်း​ၶႃႈ​ၼၼ်ႉ​မႃး​ဢေႃႈ။-</verse>
				<verse number="15">မိူဝ်ႈ​ဢၼ်​ၶုၼ်​ႁေႃ​ၶမ်း​ ၽႃႇရေႃး ဢမ်ႇ​ပွႆႇ​ႁဝ်း​ငၢႆႈ​ငၢႆႈ​လႄႈ​ယူႇ​ၼၼ်ႉ​ၸိုင်၊ ထႃႇဝရႃႉ​ၽြႃး ဢဝ်​လုၵ်ႈ​ၸၢႆး​တူၼ်ႈ​တင်း​သဵင်ႈ​တင်း​လူင်​ဢၼ်​ဝႃႈ​လုၵ်ႈ​တူၼ်ႈ​ၵူၼ်း ဢိၵ်ႇ​တင်း​လုၵ်ႈ​တူၼ်ႈ​တရိၵ်ႈသၢၼ်ႇ​ၸိူဝ်း​ၼၼ်ႉ​တၢႆ​ပႅတ်ႈ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ဢေႃႈ။ ပိူဝ်ႈ​ၼႆ​လႄႈ ၵဝ်​တၵ်း​လႆႈ​ဢဝ်​တူဝ်​ပေႃႈ​တရိၵ်ႈသၢၼ်ႇ​ဢၼ်​ၵိူတ်ႇ​လဵင်ႉ​မႃး​ဢွၼ်​တၢင်း​ၵႃႈ​မီး​တင်း​သဵင်ႈ​တင်း​လူင် ပုၵ်ႈ​ၸေႃႇ​တီႈ ထႃႇဝရႃႉ​ၽြႃး​ဢေႃႈ။ ၵႃႈ​ၼႂ်း​လုၵ်ႈ​လၢင်း​တူဝ်​ၸဝ်ႈ​ၵဝ်ႇ​တင်း​လၢႆ​ၼၼ်ႉ​ၸမ်ႉ၊ ၵဝ်​တၵ်း​လႆႈ​ထုတ်ႇ​ဢဝ်​လုၵ်ႈ​ၸၢႆး​တူၼ်ႈ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="16">ဢၼ်​ၼႆႉ​ၵေႃႈ တၵ်း​လႆႈ​ပဵၼ်​လၢၵ်ႈၶၼႃႇ​သၢၵ်ႈ​သေႇ ၵႃႈ​တီႈ​မိူင်း​မႂ်း၊ ၶိူင်ႈ​ဢၼ်​ဝႆႉ​ၵႃႈ​တီႈ​ၵႄႈ​ဝူင်ႈ​ၵၢင် မၢၵ်ႇ​တႃ​မႂ်း​ဢေႃႈ။ လွင်ႈ​မၼ်း​ၸမ်ႉ၊ ထႃႇဝရႃႉ​ၽြႃး​ဢဝ်​တင်း​မိုဝ်း​ဢၼ်​ႁႅင်း​ယႂ်ႇ​ၼႃႇ​လႄႈ ၼုၵ်ႈ​ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ဝၢႆး​သေ​ၶုၼ်​ႁေႃ​ၶမ်း​ ၽႃႇရေႃး ပွႆႇ​ၵူၼ်း​ၸိူဝ်း​ၼၼ်ႉ​ၵႂႃႇ​ယဝ်ႉ​ၼၼ်ႉ၊ ပိၵ်ႉ​သမ်ႉ​သဵၼ်ႈ​တၢင်း​ဢၼ်​ၽႃႇ​လတ်း​ၵႃႈ​ၼႂ်း မိူင်း ၽီႉလိတ်ႉတီႉ ​ၵႂႃႇ​ၼၼ်ႉ သိုဝ်ႈ​လီ​သေ​ၵေႃႈ၊ ၽြႃး​ပဵၼ်​ၸဝ်ႈ​ဢမ်ႇ​ဢဝ်​ၶဝ်​ၵႂႃႇ​သဵၼ်ႈ​တၢင်း​ၼၼ်ႉ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ဝႃႈ၊ ၵူဝ်​ၵူၼ်း​တင်း​လၢႆ​ၸႂ်​တၵ်း​လူႉ ၼႂ်း​မိူဝ်ႈ​ဢၼ်​ၶဝ်​ထူပ်း​ႁၼ်​ဢမူႉ​သိုၵ်း​ၼၼ်ႉ​လႄႈ ၶဝ်​တၵ်း​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ မိူင်း​ ဢေႇၵိပ်ႉတူႉ သေ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ပိူဝ်ႈ​ၼႆ​လႄႈ ၽြႃး​ပဵၼ်​ၸဝ်ႈ​ဢဝ်​ၶဝ်​လဵပ်ႈ​ၵႂႃႇ​သဵၼ်ႈ​တၢင်း​ထိူၼ်ႇ ၵႃႈ​တီႈ​ႁိမ်း​ပၢင်ႇ​လၢႆႇ​ ဢေႇတုမ်ႇ ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ မႄး​ႁႅၼ်း​ၶၢင်း​တပ်ႉ​ၶၢင်း​ငႃး​သေ​လႄႈ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ၵႂႃႇ​ဢေႃႈ။-</verse>
				<verse number="19">မိူဝ်ႈ​ၶိင်ႇ​ၵႃႇလႃႉ​ဢွၼ်​တၢင်း​ၼၼ်ႉ၊ ပိူဝ်ႈ​ဢၼ်​ ယူဝ်းသႅပ်ႈ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ၵိၼ်ႇ​ဝႃႈ​ၼႃႇ​လူင်​လၢင်​လႄႈ​ဝႃႈ၊ ၽြႃး​ပဵၼ်​ၸဝ်ႈ တၵ်း​မႃး​လူ​မႃး​တူၺ်း​သူ​ဢမၢၼ်ႇ​ၶၼ်​ပဵၼ်​ဢေႃႈ။ သူ​တၵ်း​လႆႈ​ဢဝ်​လုပ်ႇ​ၵဝ်​ၶႃႈ ဢွၵ်ႇ​သေ​ၵႃႈ​တီႈ​ၼႆႈ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဝႆႉ​လႄႈ မူဝ်းသေႇ ​ဢဝ်​လုပ်ႇ​မၼ်း​ၸိူဝ်း​ၼၼ်ႉ ပႃး​ၵႂႃႇ​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="20">ၵမ်း​ၼၼ်ႉ ၶဝ်​ဢွၵ်ႇ​သေ​ၵႃႈ​တီႈ​ သူႉၵုတ်ႉ ​ၵႂႃႇ​လႄႈ ၶျႃး​ပၢင်​ၵႃႈ​တီႈ​ဝဵင်း​ ဢေးသမ်ႇ ၵႃႈ​ႁိမ်း​ထိူၼ်ႇ​ဢေႃႈ။-</verse>
				<verse number="21">ထႃႇဝရႃႉ​ၽြႃး​ၼၼ်ႉ ၵႃႈ​တီႈ​ၶိင်ႇ​ၵၢင်​ဝၼ်း​ၸမ်ႉ၊ ဢဝ်​တင်း​သဝ်​မွၵ်ႇ​ၵုမ်ႈ ပုၼ်ႈ​ဢၼ်​တၵ်း​ၼႄ​တၢင်း​တီႈ​ၶဝ်၊ ၵႃႈ​တီႈ​ၶိင်ႇ​ၵၢင်​ၶိုၼ်း​ၸမ်ႉ၊ ဢဝ်​တင်း​သဝ်​ၽႆး​ပုၼ်ႈ​ဢၼ်​တၵ်း​ပၼ်​ဢၼ်​လႅင်း​တီႈ​ၶဝ်​သေ​လႄႈ ၵႂႃႇ​ဢွၼ်​တၢင်း​ၶဝ် ႁႂ်ႈ​ၶဝ်​လႆႈ​ၵႂႃႇ​ၵႃ​ဝၼ်း ဢိၵ်ႇ​တင်း ၵႃ​ၶိုၼ်း​လႆႈ​ဢေႃႈ။-</verse>
				<verse number="22">မၼ်း​ၸဝ်ႈ​ဢမ်ႇ​သိမ်း​ဢဝ်​သဝ်​မွၵ်ႇ​ၵုမ်ႈ ၵႃႈ​တီႈ​ၶိင်ႇ​ၵၢင်​ဝၼ်း သဝ်​ၽႆး​ၵႃႈ​တီႈ​ၶိင်ႇ​ၵၢင်​ၶိုၼ်း​ၼၼ်ႉ​သေ​ၵႃႈ​တီႈ​ၶဝ်။</verse>
			</chapter>
			<chapter number="14">
				<verse number="1">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="2">သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​ႁႂ်ႈ​ၶဝ်​ဝၢႆႇ​ၶိုၼ်း​လႄႈ ၶျႃး​တပ်ႉ​ၵႃႈ​တီႈ ၽၢႆႇ​ၼႃႈ​ဝဵင်း​ ပီႉႁႁီႉရုတ်ႉ ၊ ၵႄႈ​ဝူင်ႈ​ၵၢင်​ဝဵင်း​ မီႉၵတေႃးလႃႉ ဢိၵ်ႇ​တင်း​ပၢင်ႇ​လၢႆႇ​ၵႃႈ​တီႈ​ၽၢႆႇ​ၼႃႈ​ ပႃႇလႃႇၸေႇၽုၼ်ႇ ​ၼၼ်ႉ​တႃႉ။ သူ​တၵ်း​လႆႈ​ၶျႃး​တပ်ႉ​ၵႃႈ​တီႈ​ၽၢႆႇ​ၼႃႈ ဝၼ်း​ဢွၵ်ႇ​ဝဵင်း​ၼၼ်ႉ ၵႃႈ​ႁိမ်း​ပၢင်ႇ​လၢႆႇ​ၼၼ်ႉ​ဢေႃႈ။-</verse>
				<verse number="3">လွင်ႈ​မၼ်း​ၸမ်ႉ ၶုၼ်​ႁေႃ​ၶမ်း​ ၽႃႇရေႃး တၵ်း​လၢတ်ႈ​လူၺ်ႈ​လွင်ႈ ၵူၼ်း​မဵဝ်း​ ဢီႉသရေႇလႃႉ ​လႄႈ​ဝႃႈ၊ ၶဝ်​ႁွတ်ႈ​ထိုင်​ၵႃႈ​တီႈ​ၵိတ်ႇ​တီႈ​ၵိၼ်း​ယဝ်ႉ။ ထိူၼ်ႇ​ၵေႃႈ​ႁႄႉ​ၶဝ်​ဢိုတ်း​ၶဝ်​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၵဝ်​တၵ်း​ႁႂ်ႈ​ႁူဝ်​ၸႂ် ၶုၼ်​ႁေႃ​ၶမ်း​ ၽႃႇရေႃး ​ၵႅၼ်ႇ​ၶႅင်​လႄႈ မၼ်း​တၵ်း​လိုပ်ႈ​ၸွမ်း​လမ်း​ၸွမ်း​ၶဝ်​ဢေႃႈ။ လွင်ႈ​ၼင်ႇ​ႁိုဝ်​ၵူၼ်း​ ဢေႇၵိပ်ႉတူႉ ​တင်း​လၢႆ တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​ၼၼ်ႉ​ၸိုင်၊ မုၼ်​ၽုင်း​ၵဝ်​တၵ်း​ပေႃႇ​ဢွၵ်ႇ​မႃး ၵွပ်ႈ​ပိူဝ်ႈ​ၶုၼ်​ႁေႃ​ၶမ်း​ ၽႃႇရေႃး ​ဢိၵ်ႇ​တင်း​ၵူၼ်း​သိုၵ်း​မၼ်း​တင်း​လၢႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၵေႃႈ​ဢွၼ်​ၵၼ်​ႁဵတ်း ၵႃႈ​ၼင်ႇ​ဢၼ်​မၼ်း​ၸဝ်ႈ​ဝႃႈ​ၼၼ်ႉ​ဢေႃႈ။</verse>
				<verse number="5">ပိူၼ်ႈ​လဝ်ႊ​လၢတ်ႈ​လွင်ႈ​ဢၼ်​ၵူၼ်း​ၸိူဝ်း​ၼၼ်ႉ ဢွၵ်ႇ​ပၢႆႈ​ၵႂႃႇ​ၼၼ်ႉ တီႈ​ၶုၼ်​ႁေႃ​ၶမ်း​မိူင်း​ ဢေႇၵိပ်ႉတူႉ ​လႄႈ၊ ၸႃႉ​ၸဵမ်​ၸႂ်​ၶုၼ်​ႁေႃ​ၶမ်း​ ၽႃႇရေႃး ​လႄႈ ၶႃႈ​မၼ်း​ၸိူဝ်း​ၼၼ်ႉ​ပိၼ်ႈ​ပိၼ်ႈ​ႁၢႆ​ႁၢႆ​တေႃႇ​ၵူၼ်း​ၸိူဝ်း​ၼၼ်ႉ​သေ​လႄႈ​လၢတ်ႈ​ဝႃႈ၊ ႁဵတ်း​ႁိုဝ်​လႄႈ​ႁဝ်း​လႆႈ​ႁဵတ်း​ၸိူဝ်ႉ​ၼင်ႇ​ၼႆ​လႄႈ ပွႆႇ​ၵူၼ်း​မဵဝ်း​ ဢီႉသရေႇလႃႉ ​ၵႂႃႇ​သေ ၵႃႈ​ၼႂ်း​တၢင်း​ဢၼ်​ႁဝ်း​ၸႂ်ႉ​ၵိၼ်​သွႆ​ၵိၼ်​ယူႇ​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ၶုၼ်​ႁေႃ​ၶမ်း​ ၽႃႇရေႃး မႄး​ႁၢင်ႈ​မႄး​ႁႅၼ်း​လေႃႉရထႃး​မၼ်း​လႄႈ ႁွင်ႉ​ဢဝ်​ၵူၼ်း​မၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="7">မၼ်း​ဢဝ်​လေႃႉရထႃး ဢၼ်​လိူၵ်ႈ​ၵဵပ်း​ဢဝ်​ႁူၵ်း​ပၢၵ်ႇ​ဢိၵ်ႇ​တင်း​လေႃႉရထႃး​ဢၼ်​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​ၼၼ်ႉ​လႄႈ ႁွင်ႉ​ဢဝ်​ၶုၼ်​ပူဝ်ႇ​ၶီႇ​ၼိူဝ်​လေႃႉရထႃး​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="8">ထႃႇဝရႃႉ​ၽြႃး​ႁႂ်ႈ​ႁူဝ်​ၸႂ်​ ၽႃႇရေႃး ​ၶုၼ်​ႁေႃ​ၶမ်း​ ဢေႇၵိပ်ႉတူႉ ​ၵႅၼ်ႇ​ၶႅင်​လႄႈ မၼ်း​လိုပ်ႈ​ၸွမ်း​လမ်း​ၸွမ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။ ၵူၺ်း​ၵႃႈ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢဝ်​တင်း​မိုဝ်း​ဢၼ်​သုင်​ၼႃႇ​သေ​လႄႈ​ဢွၵ်ႇ​ၵႂႃႇ​ဢေႃႈ။-</verse>
				<verse number="9">ၼင်ႇ​ၼၼ်​လႄႈ ၵူၼ်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​ဢၼ်​ဝႃႈ​မႃႉ ဢိၵ်ႇ​တင်း​ရထႃး​ၶုၼ်​ႁေႃ​ၶမ်း​ ၽႃႇရေႃး ၊ ၵူၼ်း​သိုၵ်း​ၶီႇ​မႃႉ​မၼ်း၊ ပူဝ်ႇ​ပႃႇ​မၼ်း​ၸိူဝ်း​ၼၼ်ႉ​ဢွၼ်​ၵၼ်​လိုပ်ႈ​ၸွမ်း​လမ်း​ၸွမ်း​လႄႈ​ၶိုတ်း​ၶဝ် ဢၼ်​ၶျႃး​တပ်ႉ​ယူႇ​ၵႃႈ​တီႈ​ႁိမ်း​ပၢင်ႇ​လၢႆႇ​ႁိမ်း​ဝဵင်း​ ပီႉႁႁီႉရုတ်ႉ ၵႃႈ​တီႈ​ၼႃႈ​ဝၼ်း​ဢွၵ်ႇ​ ပႃႇလႃႇၸေႇၽုၼ်ႇ ​ၼၼ်ႉ​ဢေႃႈ။</verse>
				<verse number="10">မိူဝ်ႈ​ဢၼ်​ၶုၼ်​ႁေႃ​ၶမ်း​ ၽႃႇရေႃး သုတ်ႉ​ၸမ်​မႃး​ၼၼ်ႉ​ၸိုင်၊ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ မုင်ႈ​တူၺ်း​လႄႈ​ႁၼ်​လွင်ႈ​ဢၼ်​ၵူၼ်း​ ဢေႇၵိပ်ႉတူႉ ​တင်း​လၢႆ​ၶီႇ​တပ်ႉ​ၶီႇ​သိုၵ်း​မႃး​ၼၼ်ႉ​သေ​ယဝ်ႉ၊ ၶဝ်​ၵူဝ်​ၼႃႇ​လူင်​လၢင်​လႄႈ ဢွၼ်​ၵၼ်​ႁွင်ႉ​သႅၼ်ႇ​တီႈ ထႃႇဝရႃႉ​ၽြႃး​ဢေႃႈ။-</verse>
				<verse number="11">တီႈ​ မူဝ်းသေႇ ​ၵေႃႈ​ၶဝ်​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၶုမ်​ပႃႇ​ႁဵဝ်ႈ​ဢမ်ႇ​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​လႄႈ၊ မႂ်း​ၸင်ႇ​ဢဝ်​ႁဝ်း​မႃး​ႁႂ်ႈ​ႁဝ်း​လႆႈ​တၢႆ ၵႃႈ​တီႈ​ထိူၼ်ႇ​ၼႆႉ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ႁဵတ်း​ၸိူဝ်ႉ​ၼင်ႇ​ၼႆ​တီႈ​ႁဝ်း​လႄႈ ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း မိူင်း​ ဢေႇၵိပ်ႉတူႉ ​မႃး​ၼင်ႇ​ႁိုဝ်။-</verse>
				<verse number="12">ဢၼ်​ၼႆႉ​ယဝ်ႉ ပဵၼ်​ဢၼ်​ႁဝ်း​လၢတ်ႈ​တီႈ​မႂ်း ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ​ဝႃႈ၊ ယႃႇ​ႁဝ်း​တႃႉ။ ႁႂ်ႈ​ႁဝ်း​လႆႈ​ၶၢမ်ႇ​ႁဵတ်း​ၶႃႈ​ယူႇ တီႈ​ၵူၼ်း​ ဢေႇၵိပ်ႉတူႉ ​တင်း​လၢႆ​ၼႆႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ၼၼ်ႉ​ဢမ်ႇ​ၸႂ်ႈ​ႁိုဝ်။ တၢင်း​ဢၼ်​ႁဝ်း​ၶၢမ်ႇ​ႁဵတ်း​ၶႃႈ တီႈ​ၵူၼ်း​ ဢေႇၵိပ်ႉတူႉ ​ၸိူဝ်ႉ​ၼၼ်​ၼၼ်ႉ ယဵင်ႈ​ၶႅၼ်း​လီ​သေ​တၢင်း​ဢၼ်​ႁဝ်း​တၵ်း​လႆႈ​တၢႆ ၵႃႈ​ၼႂ်း​ထိူၼ်ႇ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">မူဝ်းသေႇ ​ၵေႃႈ ၶိုၼ်း​လၢတ်ႈ​တီႈ​ၵူၼ်း​ၸိူဝ်း​ၼၼ်ႉ​လႄႈ​ဝႃႈ၊ ယႃႇ​ပေ​မႆႈ​ၸႂ်။ ဢွၼ်​ၵၼ်​ၸုၵ်း​ယူႇ​ၼိမ်​ၼိမ်​လီ​လီ​လႄႈ တူၺ်း​တၢင်း​ဢၼ်​ၵႄႇ​ၶျွတ်ႈ​ဢဝ် ဢၼ်​ထႃႇဝရႃႉ​ၽြႃး​တၵ်း​ႁဵတ်း​ပုၼ်ႈ​သူ​ဝၼ်း​မိူဝ်ႈ​ၼႆႉ​ၼၼ်ႉ​တႃႉ။ ၵူၼ်း​ ဢေႇၵိပ်ႉတူႉ ​ဢၼ်​သူ​ႁၼ်​ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ​ၸိုင်၊ ၵမ်း​လိုၼ်း​သူ​တၵ်း​ဢမ်ႇ​လႆႈ​ၶိုၼ်း​ႁၼ်​သေ​ပွၵ်ႈ။-</verse>
				<verse number="14">ထႃႇဝရႃႉ​ၽြႃး​တၵ်း​ယူႇ​ၽၢႆႇ​သူ​လႄႈ​တိုၵ်း​သိုၵ်း​ဢေႃႈ။ သူ​တၵ်း​လႆႈ​ဢွၼ်​ၵၼ်​ယူႇ​ၼိမ်​ၼိမ်​လီ​လီ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ႁွင်ႉ​သႅၼ်ႇ​တီႈ​ၵဝ်​ၼင်ႇ​ႁိုဝ်။ သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ႁႂ်ႈ​ၶဝ်​ၵႂႃႇ​မိူဝ်း​ၼႃႈ​တိၵ်း​တိၵ်း​တႃႉ။-</verse>
				<verse number="16">မႂ်း​ၸမ်ႉ၊ ယုၵ်ႉ​ၶွၼ်ႉ​တဝ်ႉ​မႂ်း​သေ​လႄႈ ယိုၼ်း​မိုဝ်း​မႂ်း​ၶိုၼ်ႈ​ၵႃႈ​ၼိူဝ်​ပၢင်ႇ​လၢႆႇ​လႄႈ​ၽႃႇ​ၼမ်ႉ​ပၢင်ႇ​လၢႆႇ​တႃႉ။ ၵူၼ်း​မဵဝ်း​ ဢီႉသရေႇလႃႉ ၸိူဝ်း​ၼႆႉ​တၵ်း​လႆႈ​ပႆ​ၵႃႈ​ၼိူဝ်​လိၼ်​ၵႃႈ​ၼႂ်း​ၵၢင်​ပၢင်ႇ​လၢႆႇ​ၵႂႃႇ​ဢေႃႈ။-</verse>
				<verse number="17">ၵဝ်​ၵေႃႈ​တၵ်း​ႁႂ်ႈ​ႁူဝ်​ၸႂ်​ၵူၼ်း​ ဢေႇၵိပ်ႉတူႉ ​တင်း​လၢႆ​ၵႅၼ်ႇ​ၶႅင်​လႄႈ ၶဝ်​တၵ်း​ဢွၼ်​ၵၼ်​ၶဝ်ႈ​ၵႂႃႇ​ၸွမ်း​လင်​ၶဝ်​ဢေႃႈ။ မုၼ်​ၽုင်း​ၵဝ်​တၵ်း​ပေႃႇ​ဢွၵ်ႇ​မႃး​ၵွပ်ႈ​ပိူဝ်ႈ ၶုၼ်​ႁေႃ​ၶမ်း​ ၽႃႇရေႃး ​ဢိၵ်ႇ​တင်း​ပူဝ်ႇ​ပႃႇ​မၼ်း​တင်း​သဵင်ႈ​တင်း​လူင် တင်း​ရထႃး​မၼ်း​တင်း​ၵူၼ်း​သိုၵ်း​ၶီႇ​မႃႉ​ၸိူဝ်း​ၼၼ်ႉ​ဢေႃႈ။-</verse>
				<verse number="18">မိူဝ်ႈ​ဢၼ်​မုၼ်​ၽုင်း​ၵဝ်​ပေႃႇ​ဢွၵ်ႇ​မႃး​ၵွပ်ႈ​ပိူဝ်ႈ ၶုၼ်​ႁေႃ​ၶမ်း​ ၽႃႇရေႃး ​ဢိၵ်ႇ​တင်း​ရထႃး​မၼ်း တင်း​ၵူၼ်း​သိုၵ်း​ၶီႇ​မႃႉ​မၼ်း ၸိူဝ်း​ၼၼ်​ၼၼ်ႉ​ၸိုင်၊ ၵူၼ်း​ ဢေႇၵိပ်ႉတူႉ ​တင်း​လၢႆ တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">မိူဝ်ႈ​ၼၼ်ႉ တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ ဢၼ်​ၵႂႃႇ​ဢွၼ်​တၢင်း​တပ်ႉ​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ ၶၢႆႉ​တီႈ​သေ​လႄႈ ၶိုၼ်း​မႃး​ၸွမ်း​ၵႃႈ​တီႈ​ၽၢႆႇ​လင်​ၶဝ်​လႄႈ သဝ်​မွၵ်ႇ​ၵုမ်ႈ​ၵေႃႈ ၶၢႆႉ​သေ​ၵႃႈ​တီႈ​ၽၢႆႇ​ၼႃႈ​ၶဝ်​မႃး​ၸုၵ်း​ယူႇ​ၵႃႈ​တီႈ ၽၢႆႇ​လင်​ၶဝ်​ဢေႃႈ။-</verse>
				<verse number="20">ႁွတ်ႈ​ထိုင်​ၵႃႈ​တီႈ​ၵႄႈ​ဝူင်ႈ​ၵၢင်​တပ်ႉ ၵူၼ်း​ ဢေႇၵိပ်ႉတူႉ ဢိၵ်ႇ​တင်း​တပ်ႉ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်ႉ​ၼင်ႇ​ၼၼ်​ၼၼ်ႉ​သေ​ယဝ်ႉ၊ ပဵၼ်​မွၵ်ႇ​ၵုမ်ႈ​ဢၼ်​လပ်း​သိင်ႇ​တီႈ​ၵူၼ်း​ ဢေႇၵိပ်ႉတူႉ ​တင်း​လၢႆ၊ ပၼ်​တၢင်း​ဢၼ်​လႅင်း​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၶိင်ႇ​ၵၢင်​ၶိုၼ်း​လႄႈ၊ တင်း​ၶိုၼ်း တပ်ႉ​ၼိုင်ႈ​လႄႈ​တပ်ႉ​ၼိုင်ႈ​ဢမ်ႇ​မႃး​ၵႂ်ႈ​မႃး​ၸမ်​ၵၼ်​လႆႈ။-</verse>
				<verse number="21">မူဝ်းသေႇ ​ယိုၼ်း​မိုဝ်း​မၼ်း​ၶိုၼ်ႈ​ၵႃႈ​ၼိူဝ်​ပၢင်ႇ​လၢႆႇ​လႄႈ ထႃႇဝရႃႉ​ၽြႃး​ဢဝ်​တင်း​လူမ်း​တၢင်း​ဢွၵ်ႇ​ဢၼ်​ႁႅင်း​ယႂ်ႇ​ၼႃႇ ထူဝ်း​ထိပ်ႇ​ၼမ်ႉ​ပၢင်ႇ​လၢႆႇ​တင်း​ၶိုၼ်း​လႄႈ ႁႂ်ႈ​လိၼ်​ပေႃႇ​ဢွၵ်ႇ​မႃး ဢိၵ်ႇ​တင်း​ၼမ်ႉ​တႅၵ်ႇ​ဢႃႈ​ၽၢတ်ႇ​ယၢၼ်​ၵၼ်​ယူႇ​ဢေႃႈ။-</verse>
				<verse number="22">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢွၼ်​ၵၼ်​ပႆ​ၵႃႈ​ၼိူဝ်​လိၼ် ၶဝ်ႈ​ၵႃႈ​ၼႂ်း​ၵႄႈ​ဝူင်ႈ​ၵၢင်​ၼမ်ႉ​ပၢင်ႇ​လၢႆႇ​လႄႈ ၼမ်ႉ​ၼၼ်ႉ​ပဵၼ်​ၸိူဝ်ႉ​ၼင်ႇ​ၽႃ​မၢၵ်ႇ​ႁိၼ်​ဝႆႉ ၵႃႈ​တီႈ​ၽၢႆႇ​ၶႂႃ​ၶဝ် ဢိၵ်ႇ​တင်း​ၵႃႈ​တီႈ​ၽၢႆႇ​သၢႆႉ​ၶဝ်​ယူႇ​ဢေႃႈ။-</verse>
				<verse number="23">ၵူၼ်း​ ဢေႇၵိပ်ႉတူႉ ​တင်း​လၢႆ ဢိၵ်ႇ​တင်း​မႃႉ​ၶုၼ်​ႁေႃ​ၶမ်း​ ၽႃႇရေႃး ၊ လေႃႉရထႃး​မၼ်း၊ ၵူၼ်း​သိုၵ်း​ၶီႇ​မႃႉ​မၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ ဢွၼ်​ၵၼ်​လိုပ်ႈ​ၸွမ်း​လမ်း​ၸွမ်း​လႄႈ ၶဝ်ႈ​ၵႃႈ​ၼႂ်း​ၵႄႈ​ဝူင်ႈ​ၵၢင်​ၼမ်ႉ​ပၢင်ႇ​လၢႆႇ​ၸွမ်း​လင်​ၶဝ်​ၵႂႃႇ​ဢေႃႈ။-</verse>
				<verse number="24">ၶိင်ႇ​ႁူဝ်​ၼႂ် ထႃႇဝရႃႉ​ၽြႃး​ဢဝ်​တင်း​သဝ်​ၽႆး​မွၵ်ႇ​ၵုမ်ႈ​ၼၼ်ႉ​လူ​တူၺ်း တပ်ႉ​ၵူၼ်း​ ဢေႇၵိပ်ႉတူႉ ​တင်း​လၢႆ​လႄႈ ယႃႉ​ယူၵ်ႉ​ၶဝ်​ဢေႃႈ။-</verse>
				<verse number="25">မၼ်း​ၸဝ်ႈ ႁၵ်း​မၢၵ်ႇ​လေႃႉ​ၶဝ်​ပႅတ်ႈ ႁႂ်ႈ​ၶဝ်​လႆႈ​ႁေႃႈ​လေႃႉရထႃး​ၶဝ်​ယၢပ်ႇ​ၼႃႇ​ထၼ်ႈ​ပေႃး ႁႂ်ႈ​ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ လၢတ်ႈ​ၵၼ်​လႄႈ​ဝႃႈ၊ ဢွၼ်​ၵၼ်​ဢွၵ်ႇ​ပၢႆႈ​သေ​ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တႃႉ​ႁဝ်း။ ထႃႇဝရႃႉ​ၽြႃး​ယူႇ​ၽၢႆႇ​ၶဝ်​လႄႈ​တိုၵ်း​တေႃး ၵူၼ်း​ ဢေႇၵိပ်ႉတူႉ ​တင်း​လၢႆ​ယဝ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ယိုၼ်း​မိုဝ်း​မႂ်း​ၶိုၼ်ႈ ၵႃႈ​ၼိူဝ်​ပၢင်ႇ​လၢႆႇ ႁႂ်ႈ​ၼမ်ႉ​ပၢင်ႇ​လၢႆႇ​ၶိုၼ်း​မႃး​ၵႃႈ​ၼိူဝ်​ၵူၼ်း​ ဢေႇၵိပ်ႉတူႉ ​တင်း​လၢႆ ဢိၵ်ႇ​တင်း​လေႃႉရထႃး​ၶဝ်​တင်း​ၵူၼ်း​သိုၵ်း​ၶီႇ​မႃႉ​ၶဝ်​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="27">မူဝ်းသေႇ ​ယိုၼ်း​မိုဝ်း​မၼ်း​ၶိုၼ်ႈ​ၵႃႈ​ၼိူဝ်​ပၢင်ႇ​လၢႆႇ​လႄႈ၊ မိူဝ်ႈ​ဢၼ်​မိူင်း​လႅင်း​မႃး​ၼၼ်ႉ​ၸိုင်၊ ၼမ်ႉ​ပၢင်ႇ​လၢႆႇ​ၶိုၼ်း​မႃး မိူၼ်​ၸိူဝ်ႉ​ၼင်ႇ​ပၵ်း​ၵဝ်ႇ​ပိူင်​ၵဝ်ႇ​လႄႈ၊ ပိၵ်ႉ​သမ်ႉ​ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ​ဢွၼ်​ၵၼ်​လႅၼ်ႈ​ပၢႆႈ​သေ​ၵေႃႈ၊ ထႃႇဝရႃႉ​ၽြႃး​ဢဝ်​ၶဝ်​လူမ်ႉ​ပႅတ်ႈ ၵႃႈ​ၼႂ်း​ၶိုင်ႈ​ၵၢင်​ပၢင်ႇ​လၢႆႇ​ဢေႃႈ။-</verse>
				<verse number="28">ၼင်ႇ​ၼၼ်​လႄႈ ၼမ်ႉ​ပၢင်ႇ​လၢႆႇ​ၶိုၼ်း​မႃး​လႄႈ​ထူမ်ႈ​လေႃႉရထႃး​ဢိၵ်ႇ​တင်း ၵူၼ်း​သိုၵ်း​ၶီႇ​မႃႉ ဢၼ်​ဝႃႈ​ပူဝ်ႇ​ပႃႇ​ၶုၼ်​ႁေႃ​ၶမ်း​ ၽႃႇရေႃး ​ၵႃႈ​ဢၼ်​ၶဝ်ႈ​ၵႃႈ​ၼႂ်း​ပၢင်ႇ​လၢႆႇ​ၸွမ်း​ၶဝ်​ၼၼ်ႉ​တင်း​သဵင်ႈ​တင်း​လူင်​ၼၼ်ႉ​ပႅတ်ႈ​လႄႈ၊ ဢမ်ႇ​လႆႈ​ၵိုတ်း​လႆႈ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း။-</verse>
				<verse number="29">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၸမ်ႉ၊ ဢွၼ်​ၵၼ်​ပႆ​ၵႃႈ​ၼိူဝ်​လိၼ်​ၵႃႈ​ၼႂ်း​ၵႄႈ​ဝူင်ႈ​ၵၢင်​ၼမ်ႉ​ပၢင်ႇ​လၢႆႇ​ၵႂႃႇ​လႄႈ ၼမ်ႉ​ၼၼ်ႉ ပဵၼ်​ၸိူဝ်ႉ​ၼင်ႇ​ၽႃ​မၢၵ်ႇ​ႁိၼ်​ဝႆႉ ၵႃႈ​တီႈ​ၽၢႆႇ​ၶႂႃ​ၶဝ်၊ ၵႃႈ​တီႈ​ၽၢႆႇ​သၢႆႉ​ၶဝ်​ယူႇ​ဢေႃႈ။-</verse>
				<verse number="30">ၼင်ႇ​ၼၼ်​လႄႈ ထႃႇဝရႃႉ​ၽြႃး ၼႂ်း​ဝၼ်း​ၼၼ်ႉ​ၵႄႇ​သႄႇ​ၶျွတ်ႈ​ဢဝ် ၵူၼ်း​မဵဝ်း​ ဢီႉသရေႇလႃႉ ​လွတ်ႈ​သေ​ၵႃႈ​ၼႂ်း​မိုဝ်း ၵူၼ်း​ ဢေႇၵိပ်ႉတူႉ ​တင်း​လၢႆ​လႄႈ၊ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ လႆႈ​ႁၼ်​တူဝ်​တၢႆ ၵူၼ်း​ ဢေႇၵိပ်ႉတူႉ ​တင်း​လၢႆ​ၵႃႈ​တီႈ​ႁိမ်း​ၽင်ႇ​ပၢင်ႇ​လၢႆႇ​ဢေႃႈ။-</verse>
				<verse number="31">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ႁၼ်​ဢမူႉ​လူင် ဢၼ်​ထႃႇဝရႃႉ​ၽြႃး​ႁဵတ်း​တီႈ ၵူၼ်း​ ဢေႇၵိပ်ႉတူႉ ​တင်း​လၢႆ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ ဢွၼ်​ၵၼ်​ၵူဝ်​ႁႄ​ထႃႇဝရႃႉ​ၽြႃး​ဢေႃႈ။ ၶဝ်​ယုမ်ႇ​မၢတ်ႈ​ထႃႇဝရႃႉ​ၽြႃး ဢိၵ်ႇ​တင်း​ မူဝ်းသေႇ ၶႃႈ​မၼ်း​ၸဝ်ႈ​ၼၼ်ႉ​ဢေႃႈ။</verse>
			</chapter>
			<chapter number="15">
				<verse number="1">မိူဝ်ႈ​ၼၼ်ႉ မူဝ်းသေႇ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၼ်​ၵၼ်​ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး​လႄႈ​ဝႃႈ​ၸမ်ႉ၊ ပိူဝ်ႈ​ဢၼ်​ထႃႇဝရႃႉ​ၽြႃး​မီး​တၢင်း​ဢၼ်​မုၼ်​ယႂ်ႇ​မုၼ်​သုင်​လႄႈ၊ ၵဝ်​ၶႃႈ​တၵ်း​ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး​တီႈ​ၶႃႈ​ဢေႃႈ။ မၼ်း​ၸဝ်ႈ ဢဝ်​မႃႉ ဢိၵ်ႇ​တင်း ၵူၼ်း​ဢၼ်​ၶီႇ​မၼ်း​ၸိူဝ်း​ၼၼ်ႉ လူမ်ႉ​ၶျႃး​ပႅတ်ႈ​ၵႃႈ​ၼႂ်း​ပၢင်ႇ​လၢႆႇ​ယဝ်ႉ​တီႈ​ၶႃႈ​ယဝ်ႉ။-</verse>
				<verse number="2">ထႃႇဝရႃႉ​ၽြႃး​ၼၼ်ႉ ပဵၼ်​ႁႅင်း​တၼ်း​ၶူဝ်း​ၵဝ် ဢိၵ်ႇ​တင်း​တီႈ​ဢၼ်​ၵဝ်​ႁဵတ်း​ၵႂၢမ်း​ဢေႃႈ။ ပဵၼ်​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ဢေႃႈ။ မၼ်း​ၸဝ်ႈ​ပဵၼ်​ၽြႃး​ပဵၼ်​ၸဝ်ႈ​ၵဝ်​လႄႈ၊ ၵဝ်​တၵ်း​ႁဵတ်း​ထေႃးပၼႃႇ​တီႈ​မၼ်း​ၸဝ်ႈ​ဢေႃႈ။ မၼ်း​ၸဝ်ႈ​ပဵၼ်​ၽြႃး​ပဵၼ်​ၸဝ်ႈ​ပူႇ​မွၼ်ႇ​ၵဝ်​လႄႈ၊ ၵဝ်​တၵ်း​ယွင်ႈ​ယေႃး​မၼ်း​ၸဝ်ႈ​ဢေႃႈ။</verse>
				<verse number="3">ထႃႇဝရႃႉ​ၽြႃး​ၼၼ်ႉ​ပဵၼ်​ႁူဝ်​ႁၢၼ်​တိုၵ်း​သိုၵ်း​ဢေႃႈ။ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="4">လေႃႉရထႃး​ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​ပူဝ်ႇ​ပႃႇ​မၼ်း​ၸိူဝ်း​ၼၼ်ႉ​ၸိုင်၊ မၼ်း​ၸဝ်ႈ​ဢဝ်​လူမ်ႉ​ၶျႃး​ပႅတ်ႈ​ၵႃႈ​ၼႂ်း​ပၢင်ႇ​လၢႆႇ​ယဝ်ႉ​ယဝ်ႉ။ ၶုၼ်​ပူဝ်ႇ​ဢၼ်​လိူၵ်ႈ​ၵဵပ်း​ဢဝ်​ၸိူဝ်း​ၼၼ်ႉ ၸူမ်​ပႅတ်ႈ​ၵႃႈ​ၼႂ်း​ပၢင်ႇ​လၢႆႇ​ ဢေႇတုမ်ႇ ​ယဝ်ႉ​ယဝ်ႉ။-</verse>
				<verse number="5">တီႈ​ဢၼ်​လိုၵ်ႉ​ဢၼ်​လမ်ႇ​ၼႃႇ​ၸိူဝ်း​ၼၼ်ႉ ထူမ်ႈ​ၶဝ်​ပႅတ်ႈ​ယဝ်ႉ​ယဝ်ႉ။ ၶဝ်​လႆႈ​လူင်း​ၵႂႃႇ​ၵႃႈ​တႂ်ႈ​မိူၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​ယဝ်ႉ​ယဝ်ႉ။-</verse>
				<verse number="6">ဢူဝ်း​ထႃႇဝရႃႉ​ၽြႃး၊ မိုဝ်း​ၶွၼ်​ၶႂႃ​ၸဝ်ႈ​ႁဝ်း​ၼၼ်ႉ၊ ၵွပ်ႈ​ပိူဝ်ႈ​ႁႅင်း​တၼ်း​ၶူဝ်း​လႄႈ မုၼ်​ၽုင်း​ယႂ်ႇ​ၼႃႇ​လူင်​လၢင်​တီႈ​ၶႃႈ​ဢေႃႈ။ ဢူဝ်း​ထႃႇဝရႃႉ​ၽြႃး၊ မိုဝ်း​ၶွၼ်​ၶႂႃ​ၸဝ်ႈ​ႁဝ်း​ၼၼ်ႉ ဢဝ်​ရၢၼ်ႇ​သူႇ​တင်း​လၢႆ ႁၵ်း​ႁဵၵ်း​ယႃႉ​လႅဝ်​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="7">ၸဝ်ႈ​ႁဝ်း​ဢဝ်​တင်း​မုၼ်​တၼ်း​ၶူဝ်း​ဢႃႇၼူႉၽေႃႇ​ၸဝ်ႈ​ႁဝ်း​ဢဝ်​ၶဝ်​ၸိူဝ်း​ဢၼ်​ယူႇ​ၽၢႆႇ​ၼိုင်ႈ တင်း​ၸဝ်ႈ​ႁဝ်း​လႄႈ ၶတ်း​ၶႅင်​ႁႅင်း​တႃႉ ၸဝ်ႈ​ႁဝ်း​ယူႇ​ၸိူဝ်း​ၼၼ်ႉ​လူမ်ႉ​ပႅတ်ႈ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ပွႆႇ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​လႄႈ ႁႂ်ႈ​ၽႆး​မႆႈ​ၶဝ်​ၼၼ်ႉ သုတ်း​ပႅတ်ႈ မိူၼ်​ၸိူဝ်ႉ​ၼင်ႇ​ၽိူင်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">ၼမ်ႉ​ၸိူဝ်း​ၼၼ်ႉ ၸူႉ​တုမ်​ၵွင်​ၵၼ်​ဝႆႉ ၵွပ်ႈ​ပိူဝ်ႈ​လူမ်း​ၶူႈ​လင်​ၸဝ်ႈ​ႁဝ်း​လႄႈ ၼမ်ႉ​ဢၼ်​လႆ​ၵႂႃႇ​ယူႇ​ၸိူဝ်း​ၼၼ်ႉ သုတ်ႉ​ၶိုၼ်ႈ​ႁုၼ်ႈ​ၶိုၼ်ႈ ပဵၼ်​ၸွၼ်​ပဵၼ်​ၸႅၼ်​ဝႆႉ​လႄႈ၊ ၼမ်ႉ​ဢၼ်​လိုၵ်ႉ​ဢၼ်​လမ်ႇ​ၼႃႇ​ၸိူဝ်း​ၼၼ်ႉ ၵႅၼ်ႇ​မႃး​ၶႅင်​မႃး​ၵႃႈ​ၼႂ်း​ပၢင်ႇ​လၢႆႇ​တီႈ​ၶႃႈ​ဢေႃႈ။-</verse>
				<verse number="9">ရၢၼ်ႇ​သူႇ​ဝႃႈ၊ ၵဝ်​တၵ်း​လိုပ်ႈ​ၸွမ်း​လမ်း​ၸွမ်း​ဢေႃႈ။ ၵဝ်​တၵ်း​ၸမ်​တၵ်း​ၶိုတ်း​ဢေႃႈ။ ၵဝ်​တၵ်း​ဢဝ်​ဢုၵ်ႉ​ၸႃႇ​ဢၼ်​ႁိမ်​ႁူင်ႇ​ဢဝ်​လႄႈ လႆႈ​ၼၼ်ႉ ၽႄ​မႅင်ႇ​လႄႈ ႁႂ်ႈ​ႁူဝ်​ၸႂ်​ၵဝ်​ပျေႉ​ၸုမ်ႇ ဢိမ်ႇ​ၸႂ်​ၵႃႈ​တီႈ​ၶဝ်​ၼၼ်ႉ​ဢေႃႈ။ ၵဝ်​တၵ်း​ၸၵ်ႉ​ထွတ်ႇ​ဢဝ်​လၢပ်ႇ​ဢွၵ်ႇ​သေ​ၵႃႈ​တီႈ​ၵပ်း​လႄႈ ဢဝ်​တင်း​မိုဝ်း​ၵဝ်​ယႃႉ​ၽဵဝ်ႈ​ၶဝ်​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="10">ပိူဝ်ႈ​ဢၼ်​ၸဝ်ႈ​ႁဝ်း​ဢဝ်​လူမ်း​ပဝ်ႇ​ၼၼ်ႉ​လႄႈ၊ ၼမ်ႉ​ပၢင်ႇ​လၢႆႇ​ၼၼ်ႉ ထူမ်ႈ​ၶဝ်​ပႅတ်ႈ​လႄႈ၊ ၶဝ်​လူင်း​ၵႂႃႇ​ၵႃႈ​တႂ်ႈ​မိူၼ်​ၸိူဝ်ႉ​ၼင်ႇ ၸိုၼ်း​ၵႃႈ​ၼႂ်း​ၼမ်ႉ ဢၼ်​ႁႅင်း​ယႂ်ႇ​ၼႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">ဢူဝ်း​ထႃႇဝရႃႉ​ၽြႃး၊ ၼႂ်း​ၽြႃး​တင်း​လၢႆ၊ ၽြႃး​ဢၼ်​လႂ်​တၵ်း​မိူၼ်​ၸိူဝ်ႉ​ၼင်ႇ​ၸဝ်ႈ​ႁဝ်း​တီႈ​ၶႃႈ၊ ၽြႃး​ဢၼ်​လႂ်​တၵ်း​မိူၼ်​ၸိူဝ်ႉ​ၼင်ႇ​ၸဝ်ႈ​ႁဝ်း ဢၼ်​ပဵၼ်​ၸဝ်ႈ​ဢၼ်​မုၼ်​ယႂ်ႇ​ၼႃႇ ၵွပ်ႈ​ပိူဝ်ႈ​တၢင်း​ဢၼ်​မူတ်း​ၸၢင်ႇ၊ ဢၼ်​ပဵၼ်​ၸဝ်ႈ​ဢၼ်​လီ​ၵူဝ်​ၼႂ်း​မိူဝ်ႈ​ဢၼ်​ၶၢမ်ႇ​တၢင်း​ဢၼ်​ယွင်ႈ​ယေႃး​ယူႇ​ၼၼ်ႉ ဢၼ်​ပဵၼ်​ၸဝ်ႈ​ဢၼ်​ၸၢင်ႈ​ႁဵတ်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ​ၼၼ်ႉ​တီႈ​ၶႃႈ။-</verse>
				<verse number="12">ၸဝ်ႈ​ႁဝ်း​ယိုၼ်း​မိုဝ်း​ၶွၼ်​ၶႂႃ​ၸဝ်ႈ​ႁဝ်း​လႄႈ၊ လိၼ်​မိူင်း​ဢိုၼ်​ၶဝ်​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="13">ၸဝ်ႈ​ႁဝ်း​ဢဝ်​တင်း​ၵရူႉၼႃႇ​ၸဝ်ႈ​ႁဝ်း​သေ​လႄႈ၊ ဢဝ်​ၵူၼ်း​မဵဝ်း​ဢၼ်​ၸဝ်ႈ​ႁဝ်း​ထုတ်ႇ​ဢဝ်​ၼၼ်ႉ ၵႂႃႇ​သူင်ႇ​ပၼ်​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢဝ်​တင်း​တၼ်း​ၶူဝ်း​ၸဝ်ႈ​ႁဝ်း​သေ​လႄႈ ဢဝ်​ၶဝ်​ၼႄ​ပၼ်​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ၸဝ်ႈ​ႁဝ်း​ယူႇ​လႄႈ မူတ်း​ၸၢင်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="14">ၵူၼ်း​မဵဝ်း​တင်း​လၢႆ ငိၼ်း​သတၢင်း​သဵင်​ၶၢဝ်ႇ​လႄႈ တူၵ်း​ၸႂ်​တီႈ​ၶႃႈ​ဢေႃႈ။ တၢင်း​ဢၼ်​ၵူဝ်​ဢၼ်​သၼ်ႇ တၵ်း​တီႉ​ၵမ်​ဢဝ် ၵူၼ်း​မိူင်း​ ၽီႉလိတ်ႉတီႉ ​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="15">ပူဝ်ႇ​ ဢေႇတုမ်ႇ ​တင်း​လၢႆ ႁွတ်ႈ​ထိုင်​တၢင်း​ဢၼ် ၵႂင်​ၸႂ်​ယုင်ႈ​ၸႂ်​လႄႈ တၢင်း​ဢၼ်​ၵူဝ်​ဢၼ်​သၼ်ႇ တီႉ​ၵမ်​ဢဝ်​ႁူဝ်​ႁၢၼ်​ၵူၼ်း​သိုၵ်း​ မေႃႇၽႃႉ ​တင်း​လၢႆ တီႈ​ၶႃႈ​ဢေႃႈ။ ၵူၼ်း​မိူင်း​ ၶႃႇၼၢၼ်ႇ ​တင်း​သဵင်ႈ​တင်း​လူင် ႁွတ်ႈ​ထိုင်​တၢင်း​ဢၼ် ၸိူမ်ႈ​ယၢႆႈ​ၵႂႃႇ​တီႈ​ၶႃႈ​ဢေႃႈ။-</verse>
				<verse number="16">တၢင်း​ဢၼ်​ၵူဝ်​ဢၼ်​ႁႄ၊ တၢင်း​ဢၼ်​တူၵ်း​ၸႂ်​လႂ်​တိုၼ်ႇ​တူၵ်း​ႁွတ်ႈ​ၵႃႈ​ၼိူဝ်​ၶဝ်​လႄႈ၊ ၵွပ်ႈ​ပိူဝ်ႈ​ႁႅင်း​တၼ်း​ၶူဝ်း​မိုဝ်း​ၸဝ်ႈ​ႁဝ်း​ၼၼ်ႉ​လႄႈ ၶဝ်​ဢွၼ်​ၵၼ်​ယူႇ​ၼိမ်​ၼိမ်​မိူၼ်​ၸိူဝ်ႉ​ၼင်ႇ မၢၵ်ႇ​ႁိၼ်​ၼၼ်ႉ​ယူႇ​တေႃႇ​ထိုင်​ႁွတ်ႈ ၸူဝ်ႈ​ဢၼ်​ၵူၼ်း​ၸဝ်ႈ​ႁဝ်း​ၸိူဝ်း​ၼႆႉ ဢမ်ႇ​ပႆႇ​ပူၼ်ႉ​ၵႂႃႇ​ၼၼ်ႉ၊ ဢူဝ်း​ထႃႇဝရႃႉ​ၽြႃး၊ တေႃႇ​ထိုင်​ႁွတ်ႈ​ၸူဝ်ႈ​ဢၼ်​ၵူၼ်း​ဢၼ် ၸဝ်ႈ​ႁဝ်း​သိုဝ်ႉ​ဢဝ်​ၸိူဝ်း​ၼႆႉ ဢမ်ႇ​ပႆႇ​ပူၼ်ႉ​ၵႂႃႇ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="17">ဢူဝ်း​ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​တၵ်း​ဢဝ် ၵူၼ်း​ၸဝ်ႈ​ႁဝ်း​တင်း​လၢႆ သႂၢင်း​သႂ်ႇ​ဝႆႉ​လႄႈ ၶျႃး​တီႈ​ယူႇ​ပၼ်​ၵႃႈ​ၼႂ်း​လွႆ၊ တီႈ​ဢၼ်​ၸဝ်ႈ​ႁဝ်း ၶၢမ်ႇ​ဢမူၺ်ႇ​ၸဝ်ႈ၊ တီႈ​ဢၼ်​ၸဝ်ႈ​ႁဝ်း​မႄး​ႁဵတ်း​ဝႆႉ​ပုၼ်ႈ​ဢၼ်​ၸဝ်ႈ​ႁဝ်း​တၵ်း​ၵိင်း​ဝၢပ်ႈ​ယူႇ။ ဢူဝ်း​ထႃႇဝရႃႉ​ၽြႃး​တီႈ​ၶႃႈ၊ ထႃႇၼႃႉ​တီႈ​ဢၼ်​မူတ်း​ၸၢင်ႇ​ဢၼ်​ၸဝ်ႈ​ႁဝ်း​ဢဝ်​မိုဝ်း​ၸဝ်ႈ​ႁဝ်း​တႄႇ​ဝႆႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="18">ထႃႇဝရႃႉ​ၽြႃး တၵ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​ၶိင်ႇ​ၵႃႇလႃႉ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">လွင်ႈ​မၼ်း​ၸမ်ႉ မႃႉ​ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​လေႃႉရထႃး​မၼ်း​တင်း​ၵူၼ်း​သိုၵ်း​ၶီႇ​မႃႉ​မၼ်း​ၸိူဝ်း​ၼၼ်ႉ ၶဝ်ႈ​ၵႂႃႇ​ၵႃႈ​ၼႂ်း​ပၢင်ႇ​လၢႆႇ​လႄႈ​ထႃႇဝရႃႉ​ၽြႃး​ႁႂ်ႈ​ၼမ်ႉ​ပၢင်ႇ​လၢႆႇ ထူမ်ႈ​ႁူမ်ႇ​ၵႃႈ​ၼိူဝ်​ၶဝ်​ပႅတ်ႈ​သေ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸမ်ႉ၊ ပႆ​ၵႃႈ​ၼိူဝ်​လိၼ် ၵႃႈ​ၼႂ်း​ၵႄႈ​ဝူင်ႈ​ၵၢင်​ၼမ်ႉ​ပၢင်ႇ​လၢႆႇ​ၵႂႃႇ​ဢေႃႈ။-</verse>
				<verse number="20">မီႉရီႉဢၢမ်ႇ ​ပရေႃးၽႅတ်ႈ​မႄႈ​ယိင်း​ဢၼ်​ပဵၼ်​ပီႈ​ၼၢင်း​ ဢႃႇရုၼ်ႇ ​ၼၼ်ႉ ယိပ်း​ၵမ်​ဢဝ်​ၵွင်​ၶဵတ်ႇ​လႄႈ၊ မႄႈ​ယိင်း​တင်း​သဵင်ႈ​တင်း​လူင်​ၵေႃႈ​ႁႆႇ​ၵွင်​ၶဵတ်ႇ​ယူႇ၊ ၵႃႈ​ယူႇ​သေ​လႄႈ ဢွၼ်​ၵၼ်​ၸွမ်း​မၼ်း​ၵႂႃႇ​ဢေႃႈ။-</verse>
				<verse number="21">မီႉရီႉဢၢမ်ႇ ​ၼၼ်ႉ ၶႄႉ​သဵင်​ၵၼ်​တင်း​ၶဝ်​လႄႈ​ဝႃႈ၊ ပိူဝ်ႈ​ဢၼ်​ထႃႇဝရႃႉ​ၽြႃး​မီး​တၢင်း​ဢၼ်​မုၼ်​ယႂ်ႇ​မုၼ်​သုင်​လႄႈ၊ ၵဝ်​ၶႃႈ​တၵ်း​ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး​တီႈ​ၶႃႈ​ဢေႃႈ။ မၼ်း​ၸဝ်ႈ​ဢဝ်​မႃႉ ဢိၵ်ႇ​တင်း​ၵူၼ်း​ဢၼ်​ၶီႇ​မႃႉ​ၸိူဝ်း​ၼၼ်ႉ၊ လူမ်ႉ​ၶျႃး​ပႅတ်ႈ​ၵႃႈ​ၼႂ်း​ပၢင်ႇ​လၢႆႇ​ယဝ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">လိုၼ်း​ၼၼ်ႉ မူဝ်းသေႇ ​ဢဝ်​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢွၵ်ႇ​သေ​ၵႃႈ​တီႈ​ပၢင်ႇ​လၢႆႇ​ ဢေႇတုမ်ႇ ​ၵႂႃႇ​လႄႈ၊ ၶဝ်​ဢွၼ်​ၵၼ်​ၵႂႃႇ​ႁွတ်ႈ​ၵႂႃႇ​ထိုင် ၵႃႈ​တီႈ​ထိူၼ်ႇ​ သူႉရႃႉ ​ဢေႃႈ။ ၶဝ်​ၵႂႃႇ​ၵႃႈ​ၼႂ်း​ထိူၼ်ႇ​ၼၼ်ႉ ၶၢဝ်း​တၢင်း​သၢမ်​ဝၼ်း​လႄႈ ဢမ်ႇ​ထူပ်း​ဢမ်ႇ​ႁၼ်​ၼမ်ႉ။-</verse>
				<verse number="23">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​ မႃႇရႃႉ ​ၸိုင်၊ ပိူဝ်ႈ​ဢၼ်​ၼမ်ႉ​တီႈ​ မႃႇရႃႉ ​ၼၼ်ႉ​ၶူမ်​လႄႈ ၶဝ်​ဢမ်ႇ​ၵိၼ်​လႆႈ။ ပိူဝ်ႈ​ၼႆ​လႄႈ ၶဝ်​ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႈ​ မႃႇရႃႉ ​ဢေႃႈ။-</verse>
				<verse number="24">ၵူၼ်း​တင်း​လၢႆ​ၼၼ်ႉ​ဢွၼ်​ၵၼ်​တၢင်ႇ​ဢပႅတ်ႈ​တီႈ​ မူဝ်းသေႇ ​လႄႈ​ပွင်ႉ​ၶၢင်း​ပွင်ႉ​မိူၼ်ႇ​လႄႈ​ဝႃႈ၊ ႁဝ်း​တၵ်း​လႆႈ​ၵိၼ်​ၵႃႈ​သင်​ဢဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မၼ်း​ၵေႃႈ​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​လႄႈ၊ ထႃႇဝရႃႉ​ၽြႃး​ၼႄ​ပျႃး​တူၼ်ႈ​မႆႉ​တူၼ်ႈ​ၼိုင်ႈ​တီႈ​မၼ်း​ဢေႃႈ။ မၼ်း​ဢဝ်​တူၼ်ႈ​မႆႉ​ၼၼ်ႉ ၶျႃး​သႂ်ႇ​ၵႃႈ​ၼႂ်း​ၼမ်ႉ​သေ​ယဝ်ႉ၊ ၼမ်ႉ​ၼၼ်ႉ​ဝၢၼ်​မႃး​ဢေႃႈ။ ၵႃႈ​တီႈ​ၼၼ်ႈ မၼ်း​ၸဝ်ႈ​ၸီႇ​ယၢင်ႇ​ႁဵတ်း​ႁႂ်ႈ​ပဵၼ်​ထုင်း​ပဵၼ်​ၽိင်ႈ​ဝႆႉ​လႄႈ ၸၢမ်း​တူၺ်း​ၶဝ်​လႄႈ​ဝႃႈ​ၸမ်ႉ၊-</verse>
				<verse number="26">ပေႃး​မႂ်း​တၵ်း​ၸွမ်း​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၸေး​ၸေး​ၸွတ်ႇ​ၸွတ်ႇ​လႄႈ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ထုၵ်ႇ​တႃ​မၼ်း​ၸဝ်ႈ​ၼၼ်ႉ၊ ပေႃး​မႂ်း​တၵ်း​ထွမ်ႇ​ဢဝ် ပိင်း​ၺၢပ်ႈ​ၸဝ်ႈ​လႄႈ ပႂ်ႉ​ၵမ်​ပႂ်ႉ​ၵျၢင်ႉ​ထုင်း​ၽိင်ႈ​တြႃး​မၼ်း​ၸဝ်ႈ​တင်း​သဵင်ႈ​တင်း​လူင်​ၼၼ်ႉ​ၸိုင်၊ ၵဝ်​တၵ်း​ဢမ်ႇ​ႁႂ်ႈ​တၢင်း​ၶႆႈ​တၢင်း​ပဵၼ် ဢၼ်​ၵဝ်​ႁႂ်ႈ​ၸပ်း​တီႈ​ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ ၸပ်း​တီႈ​မႂ်း​သေ​ၸိူဝ်ႉ​သေ​ပိူင်။ ၵဝ်​ၼႆႉ​ပဵၼ်​ထႃႇဝရႃႉ​ၽြႃး​ဢၼ်​ႁႂ်ႈ​တၢင်း​ၶႆႈ​တၢင်း​ပဵၼ်​မႂ်း​ႁၢႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">လိုၼ်း​ၼၼ်ႉ ၶဝ်​ႁွတ်ႈ​ထိုင်​ၵႃႈ​တီႈ​ ဢေးလိမ်း ​ဢၼ်​မီး​ၼမ်ႉ​မေႃႇ သိပ်း​သွင်​ၶုမ် ဢိၵ်ႇ​တင်း​တူၼ်ႈ​ထၢၼ်​ၸဵတ်း​သိပ်း​တူၼ်ႈ​ၼၼ်ႉ​လႄႈ ၶျႃး​တပ်ႉ​ၼႂ်း​တီႈ​ၼၼ်ႈ ၵႃႈ​တီႈ​ႁိမ်း​တီႈ​ဢၼ်​ၼမ်ႉ​ၸိူဝ်း​ၼၼ်ႉ​မီး​ၼၼ်ႉ​ဢေႃႈ။</verse>
			</chapter>
			<chapter number="16">
				<verse number="1">ၵမ်း​ၼၼ်ႉ ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် သမ်ႉ​ဢွၼ်​ၵၼ်​ဢွၵ်ႇ​သေ​ၵႃႈ​တီႈ​ ဢေးလိမ်း ၵႂႃႇ​တၢင်း​ပႆ​တၢင်း​လႄႈ၊ ႁွတ်ႈ​ထိုင်​ၵႃႈ​တီႈ​ထိူၼ်ႇ​ သိၼ်း ​ဢၼ်​မီး​ၵႃႈ​တီႈ ဝူင်ႈ​ၵၢင်​တီႈ​ ဢေးလိမ်း တင်း​လွႆ​ သီႉၼႃႉ ​ၼၼ်ႉ ၼႂ်း​လိူၼ်​တူႉတီႉယႃႉ သိပ်း​ႁႃႈ​ဝၼ်း လိုၼ်း​သေ​ဢၼ် လုၵ်ႉ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ဢွၵ်ႇ​ၵႂႃႇ​ၼၼ်ႉ​ဢေႃႈ။-</verse>
				<verse number="2">ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​တၢင်ႇ​ဢပႅတ်ႈ​တီႈ​ မူဝ်းသေႇ ဢိၵ်ႇ​တင်း​ ဢႃႇရုၼ်ႇ ၵႃႈ​တီႈ​ၼႂ်း​ထိူၼ်ႇ​ၼၼ်ႉ​လႄႈ ပွင်ႉ​ၶၢင်း​ပွင်ႉ​မိူၼ်ႇ​ဢေႃႈ။-</verse>
				<verse number="3">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​လၢတ်ႈ​တီႈ​ၶဝ်​လႄႈ​ဝႃႈ၊ သင်​ႁဝ်း​လႆႈ​တၢႆ​သေ​လူၺ်ႈ​မိုဝ်း​ထႃႇဝရႃႉ​ၽြႃး ယၢမ်း​မိူဝ်ႈ​ဢၼ်​ႁဝ်း​လႆႈ ၼင်ႈ​ယူႇ​ၵႃႈ​ႁိမ်း​မေႃႈ​ၼိူဝ်ႉ​သေ​လႄႈ ၵိၼ်​ဢိမ်ႇ​ၵိၼ်​တဵမ်​ယူႇ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ယဝ်ႉ​ၸိုင်၊ ယဵင်ႈ​ၶႅၼ်း​တၵ်း​လီ​ဢေႃႈ။ လွင်ႈ​မၼ်း​ၸမ်ႉ သူ​ဢဝ်​မုၵ်ႉ​ၵူၼ်း​ၸိူဝ်း​ၵူၼ်း​တင်း​သဵင်ႈ​တင်း​လူင်​ၸိူဝ်း​ၼႆႉ မႃး​ၵႃႈ​တီႈ​ထိူၼ်ႇ​ၼႆႉ ႁႂ်ႈ​လႆႈ​တၢႆ​ၵွပ်ႈ​ပိူဝ်ႈ​တၢင်း​ဢၼ်​ဢိုပ်း​ယၢၵ်ႈ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မိူဝ်ႈ​ၼၼ်ႉ ထႃႇဝရႃႉ​ၽြႃး​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ တူၺ်း​လူး၊ ၵဝ်​တၵ်း​ႁႂ်ႈ​ၽူၼ်​ၶဝ်ႈ​မုၼ်း​တူၵ်း​သေ​ၵႃႈ​ၼိူဝ်​ၵၢင်​ႁၢဝ်​မႃး ပုၼ်ႈ​သူ​ဢေႃႈ။ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ် ဢွၵ်ႇ​လႄႈ​သိမ်း​ဢဝ်​ၵူႈ​ဝၼ်း​ၵူႈ​ဝၼ်း ပုၼ်ႈ​ဢၼ်​တၵ်း​ၵုမ်ႇ​ၵိၼ် ယေႈ​ဝၼ်း​ယေႈ​ဝၼ်း ႁႂ်ႈ​လႆႈ​ၸၢမ်း​တူၺ်း​ၶဝ် လွင်ႈ​ဢၼ်​ၶဝ်​တၵ်း​ၵႂႃႇ​မႃး​ၸွမ်း​ၼင်ႇ​တြႃး​ၵဝ်​ႁိုဝ်။ တၵ်း​ဢမ်ႇ​ၵႂႃႇ​မႃး​ႁိုဝ်​ၼၼ်ႉ​ဢေႃႈ။-</verse>
				<verse number="5">ၼႂ်း​ဝၼ်း​ဢၼ်​ထူၼ်ႈ​ထိုင်​ႁူၵ်း​ဝၼ်း​ၼၼ်ႉ ၶဝ်​တၵ်း​လႆႈ​မႄး​ႁႅၼ်း ဢၼ်​ၶဝ်​သိမ်း​ဢဝ်​ၼၼ်ႉ​ဝႆႉ​လႄႈ ဢၼ်​ၶဝ်​သိမ်း​ဢဝ်​ၼၼ်ႉ တၵ်း​လႆႈ​လိူဝ်​တွၼ်း​သေ ဢၼ်​ၶဝ်​သိမ်း​ဢဝ်​ယူႇ​ၵူႈ​ဝၼ်း​ၵူႈ​ဝၼ်း​ၼၼ်ႉ သွင်​ပုၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မူဝ်းသေႇ ​တင်း​ ဢႃႇရုၼ်ႇ ​ၵေႃႈ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ​ဝႃႈ၊ ၶိင်ႇ​ႁူဝ်​ၶမ်ႈ​ဝၼ်း​မိူဝ်ႈ​ၼႆႉ သူ​တၵ်း​ႁူႉ​လွင်ႈ​ဢၼ် ထႃႇဝရႃႉ​ၽြႃး​ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။-</verse>
				<verse number="7">ၶိင်ႇ​ႁူဝ်​ၼႂ်​ၵေႃႈ သူ​တၵ်း​လႆႈ​ႁၼ် မုၼ်​ၽုင်း​ထႃႇဝရႃႉ​ၽြႃး​ဢေႃႈ။ မၼ်း​ၸဝ်ႈ​ငိၼ်း​သဵင်​တၢင်း​ဢၼ်​သူ​တၢင်ႇ​ဢပႅတ်ႈ​တီႈ​ထႃႇဝရႃႉ​ၽြႃး​လႄႈ ပွင်ႉ​ၶၢင်း​ပွင်ႉ​မိူၼ်ႇ​ယူႇ​ၼၼ်ႉ​ယဝ်ႉ။ လွင်ႈ​ၼင်ႇ​ႁိုဝ် သူ​တၵ်း​တၢင်ႇ​ဢပႅတ်ႈ​တီႈ​ႁဝ်း​လႄႈ ပွင်ႉ​ၶၢင်း​ပွင်ႉ​မိူၼ်ႇ​ၸိုင်၊ ႁဝ်း​ၼႆႉ ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၵမ်း​ၼၼ်ႉ မူဝ်းသေႇ ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ မိူဝ်ႈ​ဢၼ်​ထႃႇဝရႃႉ​ၽြႃး ပၼ်​ၼိူဝ်ႉ​ပုၼ်ႈ​ဢၼ်​သူ​တၵ်း​ၵိၼ် ၼႂ်း​ၶိင်ႇ​ႁူဝ်​ၶမ်ႈ​ဢိၵ်ႇ​တင်း ၶဝ်ႈ​မုၼ်း​ႁႂ်ႈ​လႆႈ​ပေႃး​ဢိမ်ႇ​ၼႂ်း​ၶိင်ႇ​ႁူဝ်​ၼႂ်​ၼၼ်ႉ​ၸိုင်၊ ၵႂၢမ်း​ၼႆႉ​တၵ်း​ပျေႉ​ၸုမ်ႇ​ဢေႃႈ။ ထႃႇဝရႃႉ​ၽြႃး​ငိၼ်း​သဵင် ဢၼ်​သူ​တၢင်ႇ​ဢပႅတ်ႈ​တီႈ​မၼ်း​ၸဝ်ႈ​လႄႈ ပွင်ႉ​ၶၢင်း​ပွင်ႉ​မိူၼ်ႇ​ၼၼ်ႉ​ယဝ်ႉ။ ႁဝ်း​ၼႆႉ ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်။ ၵႂၢမ်း​ဢၼ်​သူ​တၢင်ႇ​ဢပႅတ်ႈ​လႄႈ ပွင်ႉ​ၶၢင်း​ပွင်ႉ​မိူၼ်ႇ​ၼၼ်ႉ ဢမ်ႇ​တိူဝ်ႉ​ဢမ်ႇ​ထုၵ်ႇ​တီႈ​ႁဝ်း၊ တိူဝ်ႉ​ထုၵ်ႇ​တီႈ​ထႃႇဝရႃႉ​ၽြႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၵမ်း​ၼၼ်ႉ မူဝ်းသေႇ ​လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ သင်ႇ​လၢတ်ႈ​တီႈ​ပရဵၵ်ႈသၢတ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ​ဝႃႈ၊ ပိူဝ်ႈ​ဢၼ်​ထႃႇဝရႃႉ​ၽြႃး​ငိၼ်း​သဵင်​ဢၼ်​သူ​တၢင်ႇ​ဢပႅတ်ႈ​လႄႈ​ပွင်ႉ​ၶၢင်း​ပွင်ႉ​မိူၼ်ႇ​ၼၼ်ႉ​လႄႈ၊ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​မၼ်း​ၸဝ်ႈ​တႃႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ဢၼ်​ ဢႃႇရုၼ်ႇ ​သင်ႇ​လၢတ်ႈ​တီႈ​ပရဵၵ်ႈသၢတ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ၶဝ်​ၼၼ်ႉ​မုင်ႈ​တူၺ်း​ၵႃႈ​တီႈ​ထိူၼ်ႇ​လႄႈ မုၼ်​ၽုင်း​ထႃႇဝရႃႉ​ၽြႃး​ၼၼ်ႉ​ပေႃႇ​မႃး​ၵႃႈ​ၼႂ်း​မွၵ်ႇ​ၵုမ်ႈ​ဢေႃႈ။</verse>
				<verse number="11">ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="12">ၵဝ်​လႆႈ​ငိၼ်း​သဵင်​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​တၢင်ႇ​ဢပႅတ်ႈ​လႄႈ ပွင်ႉ​ၶၢင်း​ပွင်ႉ​မိူၼ်ႇ​ၼၼ်ႉ​ယဝ်ႉ။ သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ၶိင်ႇ​ႁူဝ်​ၶမ်ႈ​သူ​တၵ်း​လႆႈ​ၵိၼ်​ၼိူဝ်ႉ​ဢေႃႈ။ ၶိင်ႇ​ႁူဝ်​ၼႂ်​ၵေႃႈ သူ​တၵ်း​လႆႈ​ၵိၼ်​ဢိမ်ႇ​ၵိၼ်​တဵမ်​ဝႆႉ​တင်း​ၶဝ်ႈ​မုၼ်း​ဢေႃႈ။ သူ​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ၶိင်ႇ​ႁူဝ်​ၶမ်ႈ​ၼၼ်ႉ ၼူၵ်ႉ​ၶုမ်ႈ​ဢွၼ်​ၵၼ်​ၶိုၼ်ႈ​မႃး​လႄႈ ႁူမ်ႇ​သုမ်ႇ​တပ်ႉ​ၶဝ်​ၵူႈ​တီႈ​ၵူႈ​လႅၼ်​ဝႆႉ​ဢေႃႈ။ ၶိင်ႇ​ႁူဝ်​ၼႂ်​ၵေႃႈ ၼမ်ႉ​ၼၢႆး​တူၵ်း​ႁွပ်ႈ​ၵႃႈ​တီႈ​ႁိမ်း​ႁွမ်း​တပ်ႉ​ၼၼ်ႉ​ယူႇ​ဢေႃႈ။-</verse>
				<verse number="14">မိူဝ်ႈ​ဢၼ်​ၼမ်ႉ​ၼၢႆး ဢၼ်​တူၵ်း​ႁွပ်ႈ​ၼၼ်ႉ ၶိုၼ်း​ၶိုၼ်ႈ​ယဝ်ႉ​ၼၼ်ႉ​ၸိုင်၊ ၶိူင်ႈ​ပိူင်​ဢၼ်​ပဵၼ်​သေး​သေး​ဢွၼ်ႇ​မူၼ်း​ဝႆႉ​မိူၼ်​ၸိူဝ်ႉ​ၼင်ႇ ၵွၼ်ႈ​မူၺ်​ၵႃႈ​ၼိူဝ်​လိၼ်​ၼၼ်ႉ​ၵိုတ်း​ဝႆႉ​မီး​ယူႇ ၵႃႈ​ၼိူဝ်​ၼႃႈ​ထိူၼ်ႇ​ၼႃႈ​ၶိူဝ်း​ဢေႃႈ။-</verse>
				<verse number="15">မိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ႁၼ်​ၶိူင်ႈ​ပိူင်​ဢၼ်​ၼၼ်ႉ​ၸိုင်၊ ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ႁူႉ​လွင်ႈ​ဢၼ်​ၶိူင်ႈ​ပိူင်​ၼၼ်ႉ ပဵၼ်​ၵႃႈ​သင်​ၼၼ်ႉ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ထၢမ်​ၵၼ်​လႄႈ​ဝႃႈ၊ ဢၼ်​ၼႆႉ​ပဵၼ်​ၵႃႈ​သင်၊ ဝႃႈ​ၼင်ႇ​ၼႆ​ဢေႃႈ။ မူဝ်းသေႇ ​မွၵ်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ဢၼ်​ၼႆႉ​ပဵၼ်​ၶဝ်ႈ​မုၼ်း ဢၼ်​ထႃႇဝရႃႉ​ၽြႃး​ဢဵတ်း​လူ​ပၼ်​ပုၼ်ႈ​ဢၼ်​သူ​တၵ်း​ၵိၼ်​ဢေႃႈ။-</verse>
				<verse number="16">ထႃႇဝရႃႉ​ၽြႃး​မီး​ဢမိင်ႉ​လူၺ်ႈ​လွင်ႈ​ဢၼ်​ၼႆႉ​လႄႈ​ဝႃႈ​ၸမ်ႉ၊ ဢွၼ်​ၵၼ်​သိမ်း​ဢဝ်​ႁႂ်ႈ​ပေႃး​ၵုမ်ႇ​ၵိၼ်​ႁင်း​ၽႂ်​ႁင်း​မၼ်း​ၵူႈ​ၵေႃႉ​ၵူႈ​ၵူၼ်း​တႃႉ။ သူ​တၵ်း​လႆႈ​ၸွမ်း​ၵႃႈ​ၼင်ႇ​ဢၼ်​ၼပ်ႉ​ဢၼ်​ဢၢၼ်ႇ​ၵူၼ်း​ႁိူၼ်း​ၵူၼ်း​ယေး​သူ​ၼၼ်ႉ​သေ​လႄႈ ဢွၼ်​ၵၼ်​သိမ်း​ဢဝ်​ယေႈ​ၵေႃႉ​ယေႈ​ ဢေႃးမေႇ ဝႆႉ​ပုၼ်ႈ​ၶဝ်​ၸိူဝ်း​ဢၼ် မီး​ၵႃႈ​ၼႂ်း​မူဝ်းၵႃႇ​သူ​ႁင်း​ၽႂ်​ႁင်း​မၼ်း ၵူႈ​ၵေႃႉ​ၵူႈ​ၵူၼ်း​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ၸွမ်း​ၸိူဝ်ႉ​ၼင်ႇ​ၼၼ်​လႄႈ ၵမ်ႈ​ၽွင်ႈ​သိမ်း​ဢဝ်​ၼမ်​ၼမ် ၵမ်ႈ​ၽွင်ႈ​သိမ်း​ဢဝ်​ၵေႇ​ၵေႇ​ဢေႃႈ။-</verse>
				<verse number="18">မိူဝ်ႈ​ဢၼ်​ၶဝ်​ဢဝ်​ၵွၵ်း​ ဢေႃးမေႇ ​တူင်​တူၺ်း​ၸိုင်၊ ၵေႃႉ​ဢၼ်​လႆႈ​ၼမ်​ၼမ်​ၼၼ်ႉ ဢမ်ႇ​လိူဝ်​ၵႂႃႇ၊ ၵေႃႉ​ဢၼ်​လႆႈ​ၵေႇ​ၵေႇ​ၼၼ်ႉ​ဢမ်ႇ​လူဝ်ႇ​ထႅင်ႈ။ ၶဝ်​ဢွၼ်​ၵၼ်​သိမ်း​ဢဝ်​ပုၼ်ႈ​ဢၼ်​တၵ်း​ၵုမ်ႇ​ၵိၼ်​ဝႆႉ ႁင်း​ၽႂ်​ႁင်း​မၼ်း​ၵူႈ​ၵေႃႉ​ၵူႈ​ၵူၼ်း​ဢေႃႈ။-</verse>
				<verse number="19">မူဝ်းသေႇ ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ၽူႈ​လႂ်​ယႃႇ​ပေ​ႁႂ်ႈ​မၼ်း​ၵိုတ်း​ၵျၢၼ်ႇ​ဝႆႉ​တေႃႇ​ထိုင်​ႁွတ်ႈ ၶိင်ႇ​ၵၢင်​ၼႂ်၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="20">ၶဝ်​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ မူဝ်းသေႇ ​လႄႈ ၵူၼ်း​ၵမ်ႈ​ၽွင်ႈ​ႁႂ်ႈ​ၵိုတ်း​ၵျၢၼ်ႇ​ဝႆႉ​တေႃႇ​ထိုင်​ႁွတ်ႈ ၶိင်ႇ​ၵၢင်​ၼႂ်​သေ​ယဝ်ႉ၊ ဢၼ်​ၼၼ်ႉ​ပဵၼ်​မူင်ႈ ပဵၼ်​မႅင်း​မဵၼ်​သူမ်ႈ​ၵႂႃႇ​ၼၼ်ႉ​လႄႈ၊ မူဝ်းသေႇ ​ၸႂ်​မႆႈ​ၶႆႈ​ၸႃႉ​တီႈ​ၶဝ်​ဢေႃႈ။-</verse>
				<verse number="21">ၶဝ်​ၼၼ်ႉ​ဢွၼ်​ၵၼ်​သိမ်း​ဢဝ်​ပုၼ်ႈ​ဢၼ်​တူဝ်​ၸဝ်ႈ​ၵဝ်ႇ တၵ်း​ၵုမ်ႇ​ၵိၼ်​ၼၼ်ႉ​ၵူႈ​ၼႂ်​ၵူႈ​ၼႂ်​ႁင်း​ၽႂ်​ႁင်း​မၼ်း​ဢေႃႈ။ မိူဝ်ႈ​ဢၼ်​လႅတ်ႇ​မႆႈ​မႃး​ၸိုင်၊ ၸိူမ်ႈ​ႁၢႆ​လၢႆ​ၵႂႃႇ​သေ​ဢေႃႈ။-</verse>
				<verse number="22">ၼႂ်း​ဝၼ်း​ဢၼ်​ထူၼ်ႈ​ထိုင်​ႁူၵ်း​ဝၼ်း​ၼၼ်ႉ ၶဝ်​လႆႈ​သိမ်း​ဢဝ်​ၶဝ်ႈ​မုၼ်း​သွင်​ပုၼ်ႈ​ဢၼ်​ဝႃႈ​ယေႈ​ၵေႃႉ​ယေႈ​သွင်​ ဢေႃးမေႇ ​ဢေႃႈ။ လွင်ႈ​တၢင်း​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​မႃး​လႄႈ မွၵ်ႇ​လၢတ်ႈ တီႈ​ မူဝ်းသေႇ ​ဢေႃႈ။-</verse>
				<verse number="23">မၼ်း​ၵေႃႈ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လူၺ်ႈ​လွင်ႈ​ဢၼ်​ၼႆႉ​လႄႈ​ဝႃႈ​ၸမ်ႉ၊ ဝၼ်း​မိူဝ်ႈ​ၽုၵ်ႈ​ပဵၼ်​ဝၼ်း​ဢၼ်​တၵ်း​လႆႈ​ယူႇ​ၼိမ်​ၼိမ်​လီ​လီ​ဝၼ်း​ၵမ်​သိၼ် ဢၼ်​မူတ်း​ၸၢင်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ ဢွၼ်​ၵၼ်​ၼိုင်ႈ ဢၼ်​သူ​ၶႂ်ႈ​ၼိုင်ႈ​ၼၼ်ႉ​တႃႉ။ ဢွၼ်​ၵၼ်​တူမ်ႈ​ဢၼ်​သူ​ၶႂ်ႈ​တူမ်ႈ​ၼၼ်ႉ​တႃႉ။ ဢွၼ်​ၵၼ်​ဢဝ်​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​သိမ်း​ဝႆႉ​လႄႈ ပႂ်ႉ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​တႃႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ​သင်ႇ​လၢတ်ႈ​ဝႆႉ​ၼၼ်ႉ​သေ​လႄႈ၊ ၶဝ်​ဢွၼ်​ၵၼ်​သိမ်း​ဝႆႉ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​ဢေႃႈ။ ဢၼ်​ၼၼ်ႉ​ၵၢင်း​လွတ်ႈ​တင်း​တၢင်း​ဢၼ်​မဵၼ်​သူမ်ႈ​လႄႈ ဢမ်ႇ​မီး​မူင်ႈ​မီး​မႅင်း။-</verse>
				<verse number="25">မူဝ်းသေႇ ​ၵေႃႈ​လၢတ်ႈ​လႄႈ​ဝႃႈ၊ ဢွၼ်​ၵၼ်​ဢဝ်​ဢၼ်​ၼၼ်ႉ​ၵိၼ်​ဝၼ်း​မိူဝ်ႈ​ၼႆႉ​တႃႉ။ ဝၼ်း​မိူဝ်ႈ​ၼႆႉ​ပဵၼ်​ဝၼ်း​ၵမ်​သိၼ်​ထႃႇဝရႃႉ​ၽြႃး​ဢေႃႈ။ ၼႂ်း​ဝၼ်း​မိူဝ်ႈ​ၼႆႉ ဢမ်ႇ​လႆႈ​ထူပ်း​လႆႈ​ႁၼ်​ဢၼ်​ၼၼ်ႉ ၵႃႈ​တီႈ​ထိူၼ်ႇ။ ႁူၵ်း​ဝၼ်း​တဵမ်​တဵမ်​သူ​တၵ်း​လႆႈ​ဢွၼ်​ၵၼ်​သိမ်း​ဢဝ်​ဢေႃႈ။-</verse>
				<verse number="26">ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ဢၼ်​ဝႃႈ ဝၼ်း​ၵမ်​သိၼ်​ၼၼ်ႉ​ၸိုင်၊ ဢၼ်​ၼၼ်ႉ​ဢမ်ႇ​မီး​လႃး​လႃး၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ ၵူၼ်း​ၵမ်ႈ​ၽွင်ႈ​ဢွၵ်ႇ​ၵႂႃႇ​ႁႂ်ႈ​လႆႈ​သိမ်း​ဢဝ်​လႄႈ ဢမ်ႇ​ထူပ်း​ဢမ်ႇ​ႁၼ်​လႃး​လႃး။-</verse>
				<verse number="28">ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ သူ​တၵ်း​ထဵင်​ပႅတ်ႈ​ပိင်း​ၺၢပ်ႈ​ၵဝ် ဢိၵ်ႇ​တင်း​တြႃး​ၵဝ်​ၸိူဝ်း​ၼၼ်ႉ​လႄႈ ယူႇ​လၢႆ​ၶိင်ႇ​လၢႆ​မိူဝ်ႈ။-</verse>
				<verse number="29">ထႃႇဝရႃႉ​ၽြႃး​ပၼ်​ဝၼ်း​ၵမ်​သိၼ်​တီႈ​သူ​ယဝ်ႉ။ ပိူဝ်ႈ​ၼႆ​လႄႈ ၼႂ်း​ဝၼ်း​ဢၼ်​ထူၼ်ႈ​ထိုင်​ႁူၵ်း​ဝၼ်း​ၼၼ်ႉ မၼ်း​ၸဝ်ႈ​ပၼ်​ၶဝ်ႈ​မုၼ်း ပုၼ်ႈ​သွင်​ဝၼ်း​ဢေႃႈ။ ႁႂ်ႈ​ၵူႈ​ၵေႃႉ​ၵူႈ​ၵူၼ်း​ယူႇ​တီႈ​ၽႂ်​တီႈ​မၼ်း​ယူႇ​တႃႉ။ ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ ယႃႇ​ပေ​ႁႂ်ႈ​ၽူႈ​လႂ်​ဢွၵ်ႇ​သေ​ၵႃႈ​ၼႂ်း​တီႈ​ဢၼ်​တူဝ်​ၸဝ်ႈ​ၵဝ်ႇ​ယူႇ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ပိူဝ်ႈ​ၼႆ​လႄႈ ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ ၵူၼ်း​တင်း​လၢႆ​ဢွၼ်​ၵၼ်​ယူႇ​ၼိမ်​ၼိမ်​လီ​လီ​ဢေႃႈ။-</verse>
				<verse number="31">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ႁွင်ႉ​ႁဵၵ်ႈ​ၸိုဝ်ႈ​ဢၼ်​ၼၼ်ႉ​လႄႈ​ဝႃႈ၊ မၼ်ႇၼႃႉ ​၊ ဝႃႈ​ၼင်ႇ​ၼႆ​ဢေႃႈ။ ပဵၼ်​ၸိူဝ်ႉ​ၼင်ႇ မဵတ်ႉ​ၽၵ်း​ၵီး​လႄႈ မီး​ငဝ်း​ဢၼ်​ၶၢဝ်​ဝႆႉ​ဢေႃႈ။ ဢရႃႉသႃႇ​တၢင်း​ဝၢၼ်​မၼ်း​မိူၼ်​ၸိူဝ်ႉ​ၼင်ႇ ၶဝ်ႈ​မုၼ်း​ၶွပ်ႈ​ဢၼ်​လေႃး​တင်း​ၼမ်ႉ​ၽိုင်ႈ​ၼၼ်ႉ​ဢေႃႈ။</verse>
				<verse number="32">မူဝ်းသေႇ ​ၵေႃႈ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ဢဝ်​ႁႂ်ႈ​တဵမ်​ ဢေႃးမေႇ ​ၼိုင်ႈ​လႄႈ သိမ်း​ဝႆႉ​ပုၼ်ႈ​ၸိူဝ်ႉ​ၶိူဝ်း​သူ သိုပ်ႇ​သိုပ်ႇ​တၢမ်း​တၢမ်း ႁႂ်ႈ​ၶဝ်​လႆႈ​ႁၼ် ၶဝ်ႈ​မုၼ်း​ဢၼ်​ၵဝ်​လဵင်ႉ​သူ ၵႃႈ​တီႈ​ထိူၼ်ႇ​ၼႂ်း​မိူဝ်ႈ​ဢၼ်​ၵဝ်​ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း မိူင်း​ ဢေႇၵိပ်ႉတူႉ ​မႃး​ၼၼ်ႉ​တႃႉ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ၵမ်း​ၼၼ်ႉ မူဝ်းသေႇ ​လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ ဢဝ်​မေႃႈ​ႁူၺ်ႇ​ၼိုင်ႈ​လႄႈ​သႂ်ႇ​ မၼ်ႇၼႃႉ ႁႂ်ႈ​တဵမ်​ ဢေႃးမေႇ ​ၼိုင်ႈ​သေ​ယဝ်ႉ၊ သိမ်း​ဝႆႉ​ၵႃႈ​တီႈ ၽၢႆႇ​ၼႃႈ​ထႃႇဝရႃႉ​ၽြႃး ႁႂ်ႈ​ပႂ်ႉ​ဝႆႉ​ပုၼ်ႈ​ၸိူဝ်ႉ​ၶိူဝ်း​သူ သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="34">ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​သေ​လႄႈ ဢႃႇရုၼ်ႇ ​သိမ်း​ဢဝ် မၼ်ႇၼႃႉ ​ၼၼ်ႉ ဝႆႉ​ၵႃႈ​တီႈ​ၽၢႆႇ​ၼႃႈ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၸဝ်ႈ​ႁႂ်ႈ​လႆႈ​ပႂ်ႉ​ဝႆႉ​ဢေႃႈ။-</verse>
				<verse number="35">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ၵိၼ် မၼ်ႇၼႃႉ ​ၼၼ်ႉ သီႇ​သိပ်း​ပီႊ​တဵမ်​တဵမ်​ယူႇ​တေႃႇ​ထိုင်​ႁွတ်ႈ​ထၼ်ႈ​ပေႃး ၶဝ်​ႁွတ်ႈ​ၽႅဝ်​ၵႃႈ​တီႈ​မိူင်း​တီႈ​ဢၼ် ၵူၼ်း​ယူႇ​ၼၼ်ႉ​ဢေႃႈ။ ၶဝ်​ဢွၼ်​ၵၼ်​ၵိၼ်​ မၼ်ႇၼႃႉ ​ၼၼ်ႉ တေႃႇ​ထိုင်​ႁွတ်ႈ​ထၼ်ႈ​ပေႃး​ၶဝ် ႁွတ်ႈ​ၽႅဝ်​ၵႃႈ​တီႈ​လႅၼ်​လိၼ် မိူင်း​ ၶႃႇၼၢၼ်ႇ ​ၼၼ်ႉ​ဢေႃႈ။-</verse>
				<verse number="36">ဢေႃးမေႇ ​ၸမ်ႉ၊ ပဵၼ်​ ဢေးၽႃႇ ​သိပ်း​ပုၼ်ႈ​ဢဝ်​ပုၼ်ႈ​ၼိုင်ႈ​ဢေႃႈ။</verse>
			</chapter>
			<chapter number="17">
				<verse number="1">ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ဢွၵ်ႇ​သေ​ၵႃႈ​တီႈ​ထိူၼ်ႇ​ သိၼ်း ​ၼၼ်ႉ ၶဝ်​တၢမ်း​ၶဝ်​ၸွမ်း​တၢင်း​ၵႂႃႇ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၼၼ်ႉ​လႄႈ၊ ၶျႃး​ပၢင်​ၵႃႈ​တီႈ​ ရေႇၽီႉတိမ်ႇ ​ဢေႃႈ။ ၵႃႈ​တီႈ​ၼၼ်ႈ​ၼၼ်ႉ ဢမ်ႇ​မီး​ၼမ်ႉ​ပုၼ်ႈ​ဢၼ် ၵူၼ်း​တင်း​လၢႆ​တၵ်း​ၵိၼ်။-</verse>
				<verse number="2">ပိူဝ်ႈ​ၼႆ​လႄႈ ၵူၼ်း​တင်း​လၢႆ ၽိတ်း​ မူဝ်းသေႇ ​လႄႈ​ဝႃႈ၊ ပၼ်​ၼမ်ႉ​ပုၼ်ႈ​ဢၼ်​ႁဝ်း​တၵ်း​ၵိၼ်​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ မူဝ်းသေႇ ​ၵေႃႈ​လၢတ်ႈ​လႄႈ​ဝႃႈ၊ ႁဵတ်း​သင်​လႄႈ​သူ​ၽိတ်း​ၵဝ်​ၼင်ႇ​ႁိုဝ်။ ႁဵတ်း​သင်​လႄႈ​သူ​ၸၢမ်း​တူၺ်း​ထႃႇဝရႃႉ​ၽြႃး​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵူၼ်း​တင်း​လၢႆ​ၼၼ်ႉ ယၢၵ်ႇ​ၼမ်ႉ​လႄႈ ဢွၼ်​ၵၼ်​တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​တီႈ​ မူဝ်းသေႇ ​လႄႈ​ဝႃႈ၊ ႁဵတ်း​သင်​လႄႈ​ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ႁႂ်ႈ​လႆႈ​ဢဝ် ၸႃႉ​ၸဵမ်​ႁဝ်း​လႄႈ​လုၵ်ႈ​လၢင်း​ႁဝ်း ဢိၵ်ႇ​တင်း​တရိၵ်ႈသၢၼ်ႇ​ႁဝ်း ယၢၵ်ႇ​ၼမ်ႉ​သေ​လႄႈ​တၢႆ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မိူဝ်ႈ​ၼၼ်ႉ မူဝ်းသေႇ ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​လႄႈ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​တၵ်း​လႆႈ​ႁဵတ်း​တီႈ​ၵူၼ်း​ၸိူဝ်း​ၼႆႉ ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ၶဝ်​ၸမ်​တၵ်း​ဢဝ်​မၢၵ်ႇ​ႁိၼ်​ထိမ်ႈ​ၶႃႈ​ၸဝ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၵႂႃႇ​ဢွၼ်​တၢင်း​ၵူၼ်း​တင်း​လၢႆ​လႄႈ ႁွင်ႉ​ဢဝ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၸွမ်း​တႃႉ။ ယိပ်း​ၵမ်​ဢဝ်​ၶွၼ်ႉ​တဝ်ႉ​မႂ်း​ဢၼ်​မႂ်း​ဢဝ်​ပေႃႉ​ယႅၼ်ႉ​ၼမ်ႉ​ႁွင်ႈ​ၼၼ်ႉ​လႄႈ​ၵႂႃႇ​တႃႉ။-</verse>
				<verse number="6">တူၺ်း​လူး၊ ၵဝ်​တၵ်း​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​မႂ်း ၵႃႈ​ၼိူဝ်​မၢၵ်ႇ​ႁိၼ် ဢၼ်​မီး​ၵႃႈ​တီႈ​ ႁေႃးရပ်ႉ ​ၼၼ်ႉ​လႄႈ မႂ်း​တၵ်း​လႆႈ​ပေႃႉ​ယႅၼ်ႉ​မၢၵ်ႇ​ႁိၼ်​ၼၼ်ႉ​ဢေႃႈ။ ၼမ်ႉ​တၵ်း​ဢွၵ်ႇ​ၵႃႈ​ၼႂ်း​မၢၵ်ႇ​ႁိၼ်​ၼၼ်ႉ​မႃး​ပုၼ်ႈ​ဢၼ်​ၵူၼ်း​တင်း​လၢႆ​တၵ်း​ၵိၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မူဝ်းသေႇ ​ၵေႃႈ​ႁဵတ်း​ၸိူဝ်ႉ​ၼင်ႇ​ၼၼ် ၵႃႈ​တီႈ​ၽၢႆႇ​ၼႃႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="7">မၼ်း​ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႈ မတ်ႉသႃႇ တင်း​ မေႇရီႉပႃႉ ၵွပ်ႈ​ပိူဝ်ႈ​လွင်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​ႁဵတ်း​တၢင်း​ၽိတ်း ဢိၵ်ႇ​တင်း ၵွပ်ႈ​ပိူဝ်ႈ​လွင်ႈ​ဢၼ်​ၶဝ်​ၸၢမ်း​တူၺ်း​ထႃႇဝရႃႉ​ၽြႃး​လႄႈ​ဝႃႈ၊ ၵႃႈ​ၼႂ်း​ႁဝ်း​ၼႆႉ​ထႃႇဝရႃႉ​ၽြႃး​မီး​ႁိုဝ်​ဢမ်ႇ​မီး​ႁိုဝ်။ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="8">မိူဝ်ႈ​ၼၼ်ႉ ၵူၼ်း​ ဢႃႇမလႅၵ်ႉ ​တင်း​လၢႆ​ဢွၼ်​ၵၼ်​မႃး​လႄႈ တိုၵ်း​တေႃး​ၵူၼ်း​မဵဝ်း​ ဢီႉသရေႇလႃႉ ​ၶဝ်​ၵႃႈ​တီႈ​ ရေႇၽီႉတိမ်ႇ ​ဢေႃႈ။-</verse>
				<verse number="9">မူဝ်းသေႇ ​ၵေႃႈ​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ လိူၵ်ႈ​ၵဵပ်း​ဢဝ်​ၵူၼ်း​လႄႈ ဢွၵ်ႇ​ၵႂႃႇ​ႁႂ်ႈ​လႆႈ​တိုၵ်း​တေႃး​ၵူၼ်း​ ဢႃႇမလႅၵ်ႉ ​ၸိူဝ်း​ၼၼ်ႉ​တႃႉ။ ဝၼ်း​မိူဝ်ႈ​ၽုၵ်ႈ​ၵဝ်​တၵ်း​ယိပ်း​ၵမ်​ဢဝ်​ၶွၼ်ႉ​တဝ်ႉ​ၽြႃး​ပဵၼ်​ၸဝ်ႈ​သေ​လႄႈ ၸုၵ်း​ယူႇ​ၵႃႈ​ၼိူဝ်​ပၢႆ​လွႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ယေႃးသူႉ ​ႁဵတ်း​ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ​သင်ႇ​လၢတ်ႈ​ဝႆႉ​ၼၼ်ႉ​လႄႈ တိုၵ်း​တေႃး​ၵူၼ်း​ ဢႃႇမလႅၵ်ႉ ​ၸိူဝ်း​ၼၼ်ႉ​ဢေႃႈ။ မူဝ်းသေႇ၊ ဢႃႇရုၼ်ႇ ​တင်း​ ႁူႉရႃႉ ၶိုၼ်ႈ​ၵႂႃႇ​ၵႃႈ​တီႈ​ၼိူဝ်​ပၢႆ​လွႆ​ဢေႃႈ။-</verse>
				<verse number="11">မိူဝ်ႈ​ဢၼ်​ မူဝ်းသေႇ ​ယုၵ်ႉ​မိုဝ်း​မၼ်း​ၼၼ်ႉ​ၸိုင်၊ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ပႄႉ​ၼႅင်ႇ​ဢေႃႈ။ မိူဝ်ႈ​ဢၼ်​မၼ်း​ၶျႃး​မိုဝ်း​မၼ်း​ၼၼ်ႉ​ၸိုင်၊ ၵူၼ်း​ ဢႃႇမလႅၵ်ႉ ​ၼၼ်ႉ​ပႄႉ​ၼႅင်ႇ​ဢေႃႈ။-</verse>
				<verse number="12">ၵူၺ်း​ၵႃႈ ပိူဝ်ႈ​ဢၼ်​မိုဝ်း​ မူဝ်းသေႇ ၵူၼ်ႉ​ၼႃႇ​လႄႈ၊ ၶဝ်​ဢဝ်​မၢၵ်ႇ​ႁိၼ်​မွၼ် ၵႃႈ​တီႈ​တႂ်ႈ​မၼ်း​ဝႆႉ​လႄႈ မၼ်း​ၼင်ႈ​သေ​ယဝ်ႉ၊ ဢႃႇရုၼ်ႇ တင်း​ ႁူႉရႃႉ ​ယူႇ​ယေႈ​ၵေႃႉ​ယေႈ​ၽၢႆႇ​လႄႈ ၵမ်ႉ​ထွၵ်ႈ​မိုဝ်း​မၼ်း​ဝႆႉ​ဢေႃႈ။ ၼင်ႇ​ၼၼ်​လႄႈ မိုဝ်း​မၼ်း​ၼၼ်ႉ​ၼိမ်​ယူႇ​တေႃႇ​ထိုင်​ႁွတ်ႈ ၵၢင်​ဝၼ်း​ထၼ်ႈ​ပေႃး​တူၵ်း​ဢေႃႈ။-</verse>
				<verse number="13">ယေႃးသူႉ ​ၵေႃႈ​ဢဝ်​တင်း​လၢပ်ႇ​တင်း​လႅဝ်း​သေ​လႄႈ​ႁဵတ်း​တီႈ​ၶုၼ်​ ဢႃႇမလႅၵ်ႉ ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="14">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ တႅမ်ႈ​လိၵ်ႈ​ပုၼ်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​တၢင်း​ၼႆႉ​ဝႆႉ​လႄႈ​ၽတ်း​ရွတ်ႈ​ထိုင်​ႁူ​ ယေႃးသူႉ ​တႃႉ။ လွင်ႈ​မၼ်း​ၸမ်ႉ ၵဝ်​တၵ်း​ၽဵဝ်ႈ​တီႈ​မၢတ်ႈ​တီႈ​တွင်း ဢႃႇမလႅၵ်ႉ ​ၶဝ်​ပႅတ်ႈ​သေ ၵႃႈ​တႂ်ႈ​ၽႃႉ​ၵၢင်​ႁၢဝ် မူတ်း​မူတ်း​သဵင်ႈ​သဵင်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မူဝ်းသေႇ ​ၵေႃႈ ႁဵတ်း​ယိတ်ႈပလၢင်ႇ​လႄႈ ႁွင်ႉ​ႁဵၵ်ႈ​ၸိုဝ်ႈ​မၼ်း ယေႇႁေႃးဝႃႇ​ၼိတ်ႉသီႉ ​ဢေႃႈ။-</verse>
				<verse number="16">လွင်ႈ​မၼ်း​ၸမ်ႉ မၼ်း​ဝႃႈ၊ မိုဝ်း​မီး​ဝႆႉ​ၵႃႈ​ၼိူဝ်​ရႃႇၸႃႉ​ပလၢင်ႇ​ထႃႇဝရႃႉ​ၽြႃး​လႄႈ ထႃႇဝရႃႉ​ၽြႃး​တၵ်း​တိုၵ်း​တေႃး ၵူၼ်း​ ဢႃႇမလႅၵ်ႉ တင်း​လၢႆ ယူႇ​ၶိင်ႇ​ၵႃႇလႃႉ သိုပ်ႇ​သိုပ်ႇ​တၢမ်း​တၢမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">ယေႇသရေႃး ​ယိတ်ႈပရေႃးႁဵၵ်ႈ​မိူင်း​ မီႉတျၼ်ႇ ​ဢၼ်​ပဵၼ်​ပူႇ​ၼၢႆး​ မူဝ်းသေႇ ​ၼၼ်ႉ ငိၼ်း​ၵႃႈ​ဢၼ်​ၽြႃး​ပဵၼ်​ၸဝ်ႈ​ႁဵတ်း​ပုၼ်ႈ​ၸႃႉ​ၸဵမ် မူဝ်းသေႇ ​လႄႈ​ၵူၼ်း​မၼ်း​ၸဝ်ႈ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢိၵ်ႇ​တင်း​လွင်ႈ​ဢၼ်​ထႃႇဝရႃႉ​ၽြႃး​ၼုၵ်ႈ​ဢဝ် ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​သေ​ယဝ်ႉ၊-</verse>
				<verse number="2">ယေႇသရေႃး ​ပူႇ​ၼၢႆး​ မူဝ်းသေႇ ​ၼၼ်ႉ ဢဝ်​ ၸီႉပေႃးရႃႉ ​မေး​ မူဝ်းသေႇ ​ဢၼ်​ မူဝ်းသေႇ ​ဝႆႉ​ၵိုတ်း​ၵႃႈ​တီႈ​မၼ်း ဢိၵ်ႇ​တင်း​လုၵ်ႈ​ၸၢႆး​မၼ်း သွင်​ၵေႃႉ​ၼၼ်ႉ​ၵႂႃႇ​ဢေႃႈ။-</verse>
				<verse number="3">လုၵ်ႈ​ၸၢႆး​ၵေႃႉ​ၼိုင်ႈ​ၸမ်ႉ၊ လႆႈ​ၸိုဝ်ႈ​ ၵေႇရသုၼ်ႇ ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ၵဝ်​လႆႈ​ပဵၼ်​ၶႅၵ်ႇ​ဢႃႇၵၼ်ႇတူႉ​တၢင်ႇ​တီႈ​တၢင်ႇ​မိူင်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">လုၵ်ႈ​ၸၢႆး​ၵေႃႉ​ၼိုင်ႈ​ၸမ်ႉ၊ လႆႈ​ၸိုဝ်ႈ​ ဢေးလျႃႇၸႃႇ ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ၽြႃး​ပဵၼ်​ၸဝ်ႈ​ပူႇ​မွၼ်ႇ​ၵဝ် ၸွႆႈ​ထႅမ်​ၵဝ်​လႄႈ ပွႆႇ​ၵဝ်​လွတ်ႈ​သေ​ၵႃႈ​ၼႂ်း ၽေး​လၢပ်ႇ​ၶုၼ်​ႁေႃ​ၶမ်း​ ၽႃႇရေႃး ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ယေႇသရေႃး ပူႇ​ၼၢႆး​ မူဝ်းသေႇ ​ၼၼ်ႉ ဢဝ်​မေး​မၼ်း​ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​မႃး​ႁွတ်ႈ​မႃး​ထိုင်​ၵႃႈ​တီႈ​ထိူၼ်ႇ​တီႈ​ဢၼ်​ မူဝ်းသေႇ ​ၶျႃး​တပ်ႉ​ယူႇ​ၵႃႈ​တီႈ​ႁိမ်း​လွႆ​ၽြႃး​ပဵၼ်​ၸဝ်ႈ​ၼၼ်ႉ​သေ​ယဝ်ႉ၊-</verse>
				<verse number="6">မွၵ်ႇ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၵဝ်​ၶႃႈ​ ယေႇသရေႃး ​ဢၼ်​ပဵၼ်​ပူႇ​ၼၢႆး​ၸဝ်ႈ​ႁဝ်း ဢိၵ်ႇ​တင်း​မေး​ၸဝ်ႈ​ႁဝ်း တင်း​လုၵ်ႈ​ၸၢႆး​ၸဝ်ႈ​ႁဝ်း​သွင်​ၵေႃႉ​မႃး​ႁွတ်ႈ​မႃး​ထိုင် ၵႃႈ​တီႈ​ၸဝ်ႈ​ႁဝ်း​ၼႆႉ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="7">မူဝ်းသေႇ ​ဢွၵ်ႇ​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​ပူႇ​ၼၢႆး​မၼ်း​သေ​လႄႈ ၵူမ်ႈ​ၵွမ်း​ႁူဝ်​လႄႈ​ၸုပ်ႇ​ၼူမ်​သေ​ယဝ်ႉ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တွင်ႈ​ထၢမ်​လွင်ႈ​ဢၼ်​ယူႇ​လီ​ၵိၼ်​ဝၢၼ်​တီႈ​ၵၼ်​လႄႈ ဢွၼ်​ၵၼ်​ၶဝ်ႈ​ၵႃႈ​ၼႂ်း​မူဝ်းၵႃႇ​ဢေႃႈ။</verse>
				<verse number="8">မူဝ်းသေႇ ​မွၵ်ႇ​လၢတ်ႈ​ၵႃႈ​ဢၼ်​ထႃႇဝရႃႉ​ၽြႃး​ႁဵတ်း​တီႈ​ၶုၼ်​ႁေႃ​ၶမ်း​ ၽႃႇရေႃး တင်း​ၵူၼ်း​ ဢေႇၵိပ်ႉတူႉ ​ၶဝ် ၵွပ်ႈ​ပိူဝ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​တုၵ်ႉ​ၶႃႉ​တၢင်း​ၽၢၼ်​ၵႃႈ​ဢၼ်​ႁွတ်ႈ​ထိုင်​ၵႃႈ​ၼိူဝ်​ၶဝ် ၵႃႈ​တႃႈ​ၵႃႈ​တၢင်း​ဢိၵ်ႇ​တင်း လွင်ႈ​ဢၼ်​ထႃႇဝရႃႉ​ၽြႃး​ၵႄႇ​သႄႇ​ၶျွတ်ႈ​ဢဝ်​ၶဝ်​ၼၼ်ႉ တီႈ​ပူႇ​ၼၢႆး​မၼ်း​ဢေႃႈ။-</verse>
				<verse number="9">ယေႇသရေႃး ​ၸူမ်း​သိူဝ်း​ၵွပ်ႈ​ပိူဝ်ႈ​ၵျေး​ၸူး​ဢၼ်​ထႃႇဝရႃႉ​ၽြႃး​ႁဵတ်း​တီႈ​ၵူၼ်း​မဵဝ်း​ ဢီႉသရေႇလႃႉ ​ဢၼ်​မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၶဝ် လွတ်ႈ​သေ​ၵႃႈ​ၼႂ်း​မိုဝ်း​ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ​လႄႈ လၢတ်ႈ​ဝႃႈ၊-</verse>
				<verse number="10">ႁႂ်ႈ​ထႃႇဝရႃႉ​ၽြႃး​ဢၼ်​ၵႄႇ​သႄႇ​ၶျွတ်ႈ​ဢဝ်​သူ​လွတ်ႈ​သေ​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​မိုဝ်း​ၵူၼ်း​ ဢေႇၵိပ်ႉတူႉ ၶဝ်၊ ဢၼ်​ၵႄႇ​သႄႇ​ၶျွတ်ႈ​ဢဝ်​ၵူၼ်း​တင်း​လၢႆ လွတ်ႈ​သေ​ၵႃႈ​ၼႂ်း​မိုဝ်း​ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="11">တေႃႈ​လဵဝ်​ၼႆႉ ၵဝ်​ႁူႉ​လွင်ႈ​ဢၼ်​ထႃႇဝရႃႉ​ၽြႃး​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ ၽြႃး​တၢင်ႇ​သူႇ​တၢင်ႇ​ပႃး​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ယဝ်ႉ။ လွင်ႈ​မၼ်း​ၸမ်ႉ မၼ်း​ၸဝ်ႈ​ပဵၼ်​ၸိူဝ်ႉ​ၼင်ႇ​ၼႆ​ၼႂ်း​လွင်ႈ​တၢင်း​ဢၼ်​ၶဝ်​ၼၼ်ႉ ပႃး​တၢင်း​ဢၼ်​ၸႂ်​မႃႇၼႃႉ ၽႅၼ်​သုင်​သေ​လႄႈ ႁဵတ်း​တီႈ​ၶဝ်​ၼႆႉ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">ယေႇသရေႃး ပူႇ​ၼၢႆး​ မူဝ်းသေႇ ​ၼၼ်ႉ ဢဝ်​ယိတ်ႈ​ဢၼ်​တုတ်ႇ​ၽႆး​ဢၼ်​ၼိုင်ႈ ဢိၵ်ႇ​တင်း​ယိတ်ႈ​ပုၼ်ႈ​ၽြႃး​ပဵၼ်​ၸဝ်ႈ​ၼမ်​ၼႃႇ​မႃး​လႄႈ၊ ဢႃႇရုၼ်ႇ ​ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​တင်း​သဵင်ႈ​တင်း​လူင် ဢွၼ်​ၵၼ်​မႃး​ႁႂ်ႈ​လႆႈ​ၵိၼ်​ၶဝ်ႈ​မုၼ်း​လူၺ်ႈ​ၵၼ်​တင်း​ပူႇ​ၼၢႆး​ မူဝ်းသေႇ ​ၼၼ်ႉ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="13">ၼႂ်း​ဝၼ်း​မိူဝ်ႈ​ၽုၵ်ႈ မူဝ်းသေႇ ​ၼၼ်ႉ ၼင်ႈ​ယူႇ​ႁႂ်ႈ​လႆႈ​ၸီႇ​ယၢင်ႇ​တြႃး​တီႈ​ၵူၼ်း​တင်း​လၢႆ​ဢေႃႈ။ ၵူၼ်း​တင်း​လၢႆ​ၵေႃႈ​ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ႁိမ်း​ မူဝ်းသေႇ ၸႃႉ​ၸဵမ်​ၶိင်ႇ​ၵၢင်​ၼႂ်​လႄႈ​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="14">မိူဝ်ႈ​ဢၼ်​ပူႇ​ၼၢႆး​ မူဝ်းသေႇ ​ၼၼ်ႉ ႁၼ်​လွင်ႈ​ၵႃႈ​ဢၼ်​ မူဝ်းသေႇ ​ႁဵတ်း​တီႈ​ၵူၼ်း​ၸိူဝ်း​ၼၼ်ႉ​ၸိုင်၊ မၼ်း​လၢတ်ႈ​လႄႈ​ဝႃႈ၊ လွင်ႈ​တၢင်း​ဢၼ်​မႂ်း​ႁဵတ်း​တီႈ​ၵူၼ်း​တင်း​လၢႆ​ၼႆႉ ပဵၼ်​ၸိူဝ်ႉ​ၼင်ႇ​ႁိုဝ်။ ႁဵတ်း​သင်​လႄႈ​မႂ်း​ၵေႃႉ​လဵဝ်​ၵူၺ်း​ၼင်ႈ​ယူႇ​လႄႈ ၵူၼ်း​တင်း​သဵင်ႈ​တင်း​လူင် လႆႈ​ယူႇ​ၵႃႈ​တီႈ​ႁိမ်း​မႂ်း​ၸႃႉ​ၸဵမ်​ၶိင်ႇ​ၵၢင်​ၼႂ်​လႄႈ တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မူဝ်းသေႇ ​ၵေႃႈ​လၢတ်ႈ​တီႈ​ပူႇ​ၼၢႆး​မၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵူၼ်း​တင်း​လၢႆ ၶႂ်ႈ​ၶၢမ်ႇ​ဢယူႇ​တီႈ​ၽြႃး​ပဵၼ်​ၸဝ်ႈ​လႄႈ မႃး​ထၢမ်​တီႈ​ၵဝ်​ၶႃႈ​ၼႆႉ​ၼၼ်ႉ​လႄႈ၊ ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="16">ပေႃး​ၶဝ်​မီး​ဢမူႉ​ၸိုင်၊ ၶဝ်​မႃး​တီႈ​ၵဝ်​ၶႃႈ​လႄႈ ၵဝ်​ၶႃႈ​လႆႈ​ၸီႇ​ယၢင်ႇ​တႅပ်း​တတ်း​တြႃး​ၵႄႈ​ဝူင်ႈ​ၵၢင်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ဢေႃႈ။ ၵဝ်​ၶႃႈ​လႆႈ​သွၼ်​ပၼ်​ထုင်း​ၽိင်ႈ​တြႃး​ၽြႃး​ပဵၼ်​ၸဝ်ႈ ဢိၵ်ႇ​တင်း​ပိင်း​ၺၢပ်ႈ​တြႃး​မၼ်း​ၸဝ်ႈ​ၸိူဝ်း​ၼၼ်ႉ​တီႈ​ၶဝ်​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="17">ပူႇ​ၼၢႆး​ မူဝ်းသေႇ ​ၼၼ်ႉ​လၢတ်ႈ​တီႈ​မၼ်း​လႄႈ​ဝႃႈ၊ လွင်ႈ​တၢင်း​ဢၼ်​မႂ်း​ႁဵတ်း​ၼႆႉ ပဵၼ်​ဢၼ်​ဢမ်ႇ​ထုၵ်ႇ​ဢမ်ႇ​လီ​ဢေႃႈ။-</verse>
				<verse number="18">ၸႃႉ​ၸဵမ်​မႂ်း​လႄႈ​ၵူၼ်း​ဢၼ်​ပႃး​လူၺ်ႈ​ၵၼ်​တင်း​မႂ်း​ၸိူဝ်း​ၼႆႉ ႁႅင်း​တၵ်း​ဢူၼ်ႈ​ၵႂႃႇ​ဢမၢၼ်ႇ​ၶၼ်​ပဵၼ်​ဢေႃႈ။ လွင်ႈ​တၢင်း​ၼႆႉ​ၼၵ်း​ၼႃႇ​တီႈ​မႂ်း​ဢေႃႈ။ ပဵၼ်​လွင်ႈ​တၢင်း​ဢၼ်​မႂ်း​ၵေႃႉ​လဵဝ်​ၵူၺ်း​တၢတ်ႈ​ၼိူင်ႇ​လႆႈ​ဢမ်ႇ​ၸႂ်ႈ။-</verse>
				<verse number="19">ထွမ်ႇ​ဢဝ်​ၵႂၢမ်း​ၵဝ်​တႃႉ။ ၵဝ်​တၵ်း​ပၼ်​တၢင်း​ၵျၢမ်ႇ​တၢင်း​ပွင်​ဢေႃႈ။ ၽြႃး​ပဵၼ်​ၸဝ်ႈ​ၵေႃႈ​တၵ်း​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။ မႂ်း​တၵ်း​လႆႈ​ပဵၼ်​ၵေႃႉ​ဢၼ်​ဢွၼ်​ႁူဝ်​ၵူၼ်း​တင်း​လၢႆ တီႈ​ၽြႃး​ပဵၼ်​ၸဝ်ႈ​လႄႈ ဢဝ်​ဢမူႉ​ၶဝ်​ၶဝ်ႈ​ၸူး​လဝ်ႊ​လၢတ်ႈ​တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="20">မႂ်း​တၵ်း​လႆႈ​သင်ႇ​သွၼ်​ပၼ်​ထုင်း​ၽိင်ႈ​တြႃး​ၸဝ်ႈ ဢိၵ်ႇ​တင်း​ပိင်း​ၺၢပ်ႈ​တြႃး​ၸဝ်ႈ​တင်း​လၢႆ​တီႈ​ၶဝ်​လႄႈ ၼႄ​ပျႃး​သဵၼ်ႈ​တၢင်း​ဢၼ်​ၶဝ်​တၵ်း​လႆႈ​ၵႂႃႇ ဢိၵ်ႇ​တင်း​လွင်ႈ​ဢၼ်​ၶဝ်​တၵ်း​လႆႈ​ႁဵတ်း​ၼၼ်ႉ​တီႈ​ၶဝ်​ဢေႃႈ။-</verse>
				<verse number="21">လိူဝ်​သေ​ၼၼ်ႉ မႂ်း​တၵ်း​လႆႈ​လိူၵ်ႈ​ၵဵပ်း​ဢဝ်​ၶဝ်​ၸိူဝ်း​ဢၼ်​ႁဵတ်း​လႆႈ​ပဵၼ်​လႆႈ၊ ၵူဝ်​ယမ်​ၽြႃး​ပဵၼ်​ၸဝ်ႈ၊ ပျေႉ​ၸုမ်ႇ​တၢင်း​သဵတ်ႈ​ၸႃႇ၊ လီ​ႁင်ႈ​လေႃး​ၽႃႉ​ၸိူဝ်း​ၼၼ်ႉ​ၵႃႈ​ၼႂ်း​ၵူၼ်း​တင်း​သဵင်ႈ​တင်း​လူင်​ၼၼ်ႉ​လႄႈ ၶၢၼ်း​ဝႆႉ​ၼႂ်း​ဢရႃႇ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​ႁဵင်၊ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​ပၢၵ်ႇ၊ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​ႁႃႈ​သိပ်း၊ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​သိပ်း​ဢေႃႈ။-</verse>
				<verse number="22">ႁႂ်ႈ​ၶဝ်​ၼၼ်ႉ​ၸီႇ​ယၢင်ႇ​တြႃး​တီႈ​ၵူၼ်း​တင်း​လၢႆ​ၵူႈ​ၶိင်ႇ​ၵူႈ​ၶႃႇ​တႃႉ။ ၵႃႈ​ပဵၼ်​ဢမူႉ​ဢၼ်​ယႂ်ႇ​ဢၼ်​လူင်​ၼၼ်ႉ​ၸိုင်၊ ႁႂ်ႈ​ၶဝ်​ဢဝ်​မႃး​ၸူး​တီႈ​မႂ်း​တႃႉ။ ၵႃႈ​ပဵၼ်​ဢမူႉ​ဢၼ်​လဵၵ်ႉ​ဢၼ်​ၼွႆႉ​ၼၼ်ႉ​ၸိုင်၊ ႁႂ်ႈ​ၶဝ်​ၸီႇ​ယၢင်ႇ ႁင်း​ၽႂ်​ႁင်း​မၼ်း​တႃႉ။ ၼင်ႇ​ၼၼ်​လႄႈ မႂ်း​တၵ်း​သၢၵ်ႈ​သႃႇ​လႄႈ ၶဝ်​ၼၼ်ႉ​တၵ်း​ၽွမ်ႉ​ၵၼ် ၸွႆႈ​ထႅမ်​ႁၢပ်ႇ​ဢမူႉ​လူၺ်ႈ​ၵၼ်​တင်း​မႂ်း​ဢေႃႈ။-</verse>
				<verse number="23">ပေႃး​မႂ်း​ႁဵတ်း​ၸိူဝ်ႉ​ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​ပၼ်​ဢၶႂၢင်ႉ​ၸိုင်၊ မႂ်း​တၵ်း​မၼ်ႈ​ၶိူင်ႇ​ဢေႃႈ။ ၵူၼ်း​တင်း​သဵင်ႈ​တင်း​လူင်​ၸိူဝ်း​ၼႆႉ​ၵေႃႈ တၵ်း​လႆႈ​ၵႂႃႇ​ၼိမ်​ၼိမ်​လီ​လီ ၸူး​ၵႃႈ​တီႈ​မိူင်း​ဢၼ်​ၶဝ်​တၵ်း​ယူႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မူဝ်းသေႇ ​ၵေႃႈ​ထွမ်ႇ​ဢဝ်​ၵႂၢမ်း​ပူႇ​ၼၢႆး​မၼ်း​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ်​ၵႂၢမ်း​မၼ်း​မီး​ၼၼ်ႉ​ဢေႃႈ။-</verse>
				<verse number="25">မူဝ်းသေႇ ​လိူၵ်ႈ​ၵဵပ်း​ဢဝ်​ၶဝ်​ၸိူဝ်း​ဢၼ်​ႁဵတ်း​လႆႈ​ပဵၼ်​လႆႈ​ၼၼ်ႉ ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​သေ​ယဝ်ႉ၊ ၶၢၼ်း​ဝႆႉ​ၼႂ်း​ဢရႃႇ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​ႁဵင်၊ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​ပၢၵ်ႇ၊ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​ႁႃႈ​သိပ်း၊ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​သိပ်း​ဢေႃႈ။-</verse>
				<verse number="26">ၶဝ်​ၼၼ်ႉ​လႆႈ​ဢွၼ်​ၵၼ်​ၸီႇ​ယၢင်ႇ​တြႃး​တီႈ​ၵူၼ်း​တင်း​လၢႆ​ၵူႈ​ၶိင်ႇ​ၵူႈ​ၶႃႇ​ဢေႃႈ။ ၵႃႈ​ပဵၼ်​ဢမူႉ​ဢၼ်​ယၢပ်ႇ​ဢၼ်​ၽိုတ်ႇ​ၼႃႇ​ၼၼ်ႉ​ၸိုင်၊ ၶဝ်​ဢဝ်​မႃး​ၸူး​တီႈ​ မူဝ်းသေႇ ​ဢေႃႈ။ ၵႃႈ​ပဵၼ်​ဢမူႉ​ဢၼ်​လဵၵ်ႉ​ဢၼ်​ၼွႆႉ​ၼၼ်ႉ​ၸိုင်၊ ၶဝ်​ၸီႇ​ယၢင်ႇ​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="27">လိုၼ်း​ၼၼ်ႉ မူဝ်းသေႇ ​ပၼ်​ဢၶႂၢင်ႉ​ဢၼ်​လႆႈ​ၵႂႃႇ​ၼၼ်ႉ​တီႈ​ပူႇ​ၼၢႆး​မၼ်း​လႄႈ မၼ်း​ၼၼ်ႉ ၶိုၼ်း​မိူဝ်း​ၵႂႃႇ​ၸူး ၵႃႈ​တီႈ​တီႈ​ယူႇ​မၼ်း​ၼၼ်ႉ​သေ​ဢေႃႈ။</verse>
			</chapter>
			<chapter number="19">
				<verse number="1">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ၊ လိုၼ်း​သေ​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၵႂႃႇ​ၼၼ်ႉ၊ လိူၼ်​တႃႉတီႉယႃႉ လႆႈ​ဝၼ်း​ၼိုင်ႈ​ႁွတ်ႈ​ထိုင်​ၵႃႈ​တီႈ​ထိူၼ်ႇ​ သီႉၼႃႉ ​ဢေႃႈ။-</verse>
				<verse number="2">ၶဝ်​ဢွၵ်ႇ​သေ​ၵႃႈ​တီႈ​ ရေႇၽီႉတိမ်ႇ ​ၼၼ်ႉ​ၵႂႃႇ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ထိူၼ်ႇ​ သီႉၼႃႉ ​လႄႈ ၶျႃး​တပ်ႉ​ၵႃႈ​တီႈ​ထိူၼ်ႇ​ၼၼ်ႉ​ဢေႃႈ။ ၵႃႈ​တီႈ​ၼၼ်ႈ​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၶျႃး​တပ်ႉ​ၶဝ်​ၵႃႈ​တီႈ​ၽၢႆႇ​ၼႃႈ​လွႆ​ဢေႃႈ။-</verse>
				<verse number="3">မူဝ်းသေႇ ​ၶိုၼ်ႈ​ၸူး​ၵႃႈ​တီႈ​ၽြႃး​ပဵၼ်​ၸဝ်ႈ​လႄႈ ထႃႇဝရႃႉ​ၽြႃး​ယူႇ​ၵႃႈ​ၼႂ်း​လွႆ​ၼၼ်ႉ​သေ​လႄႈ ႁွင်ႉ​တီႈ​မၼ်း​လႄႈ​ဝႃႈ၊ ဢမိင်ႉ​ၸဝ်ႈ ဢၼ်​မႂ်း​တၵ်း​လႆႈ​ၶိုၼ်း​လၢတ်ႈ​တီႈ​ၸိူဝ်ႉ​ၶိူဝ်း​ ယႃႇၵုပ်ႈ မွၵ်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="4">သူ​လႆႈ​ႁူႉ​လႆႈ​ႁၼ်​လွင်ႈ​ဢၼ်​ၵဝ်​ႁဵတ်း​တီႈ​ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ ဢိၵ်ႇ​တင်း​လွင်ႈ​ဢၼ်​ၵဝ်​ဢဝ်​တင်း​ပိၵ်ႇ​ၶၢင်ႇ​လေႃး​ႁပ်ႉ​ဢဝ်​သူ​လႄႈ ဢဝ်​သူ​မႃး​တီႈ​ၵဝ်​ၼၼ်ႉ​ယဝ်ႉ။-</verse>
				<verse number="5">ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ​ပေႃး​သူ​တၵ်း​ဢဝ်​ထွမ်ႇ​ၵႂၢမ်း​ၵဝ်​ဢမၢၼ်ႇ​ၶၼ်​ပဵၼ်​လႄႈ ပႂ်ႉ​ၵမ်​ပႂ်ႉ​ၸွမ်း​ပတီႉၺိၺ်ႇ​ၵဝ်​ၸိုင်၊ သူ​တၵ်း​လႆႈ​ပဵၼ်​ၽၼ်ႇတႃႇ​ဢၼ်​ၵဝ်​ထိူၵ်ႈ​ပိူင်ႇ​လိူဝ်​တွၼ်း​သေ မဵဝ်း​ၵူၼ်း​တၢင်ႇ​တီႈ​တၢင်ႇ​လႅၼ်​ၵူႈ​ၸိူဝ်ႉ​ၵူႈ​ၶိူဝ်း​ဢေႃႈ။ လိၼ်​မိူင်း​ၵႃႈ​မီး​တင်း​သဵင်ႈ​တင်း​လူင်​ၼႆႉ​ပဵၼ်​ဢုၵ်ႉ​ၸႃႇ​ၵဝ်​ဢေႃႈ။-</verse>
				<verse number="6">သူ​ၵေႃႈ​တၵ်း​လႆႈ​ပဵၼ်​မဵဝ်း​ယိတ်ႈပရေႃးႁဵၵ်ႈ ဢၼ်​မီး​ၸေး​ၸိမ်ႇ​ၶုၼ်၊ မဵဝ်း​ၵူၼ်း​ဢၼ်​မူတ်း​ၸၢင်ႇ​တီႈ​ၵဝ်​ဢေႃႈ။ ၵႂၢမ်း​ဢၼ်​ဝႃႈ ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ ပဵၼ်​ၵႂၢမ်း​ဢၼ် မႂ်း​တၵ်း​လႆႈ​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၵမ်း​ၼၼ်ႉ မူဝ်းသေႇ ​ၶိုၼ်း​မႃး​လႄႈ ႁွင်ႉ​ဢဝ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​တင်း​လၢႆ​ၸိူဝ်း​ၼၼ်ႉ​သေ​ယဝ်ႉ၊ ၶိုၼ်း​မွၵ်ႇ​လၢတ်ႈ​ၵႂၢမ်း​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ တင်း​သဵင်ႈ​တင်း​လူင်​ၼၼ်ႉ ၵႃႈ​တီႈ​ၽၢႆႇ​ၼႃႈ​ၶဝ်​ဢေႃႈ။-</verse>
				<verse number="8">ၵူၼ်း​တင်း​သဵင်ႈ​တင်း​လူင်​ၵေႃႈ ၽွမ်ႉ​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၶႃႈ​တၵ်း​ဢွၼ်​ၵၼ်​ႁဵတ်း​ၸွမ်း​ၵႃႈ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မူဝ်းသေႇ ​ၵေႃႈ​ဢဝ်​ၵႂၢမ်း​ၵူၼ်း​ၸိူဝ်း​ၼၼ်ႉ​ၶိုၼ်း​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="9">ထႃႇဝရႃႉ​ၽြႃး​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ တူၺ်း​လူး၊ ၵဝ်​တၵ်း​ယူႇ​ၼႂ်း​မွၵ်ႇ​ၵုမ်ႈ​ဢၼ်​လပ်း​သိင်ႇ​ၽိတ်း​ၽိတ်း​ၼၼ်ႉ​မႃး​တီႈ​မႂ်း ႁႂ်ႈ​ၵူၼ်း​တင်း​လၢႆ​လႆႈ​ငိၼ်း​လႄႈ​ယုမ်ႇ​မႂ်း​ယူႇ​သေႇ​သေႇ ၼႂ်း​မိူဝ်ႈ​ဢၼ်​ၵဝ်​လၢတ်ႈ​ၵႂၢမ်း​တေႃႇ​ၵၼ်​တင်း​မႂ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မူဝ်းသေႇ ​ၵေႃႈ​ဢဝ်​ၵႂၢမ်း​ထႃႇဝရႃႉ​ၽြႃး​ၼၼ်ႉ ၶိုၼ်း​မွၵ်ႇ​လၢတ်ႈ​တီႈ​ၵူၼ်း​တင်း​လၢႆ​ဢေႃႈ။</verse>
				<verse number="10">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၵႂႃႇ​တီႈ​ဢၼ်​ၵူၼ်း​တင်း​လၢႆ​မီး​ၼၼ်ႉ​လႄႈ၊ ႁႂ်ႈ​ၶဝ်​မူတ်း​ၸၢင်ႇ​ၼႂ်း​ဝၼ်း​မိူဝ်ႈ​ၼႆႉ​ဢိၵ်ႇ​တင်း​ဝၼ်း​မိူဝ်ႈ​ၽုၵ်ႈ​တႃႉ။ ႁႂ်ႈ​ၶဝ်​သၵ်ႉ​လွႆး​ၶူဝ်း​ၼုင်ႈ​ၶဝ်​လႄႈ၊-</verse>
				<verse number="11">မႄး​ႁဵတ်း​မႄး​ႁႅၼ်း​ႁႂ်ႈ​မီး​ဝႆႉ​ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ​တႃႉ။ လွင်ႈ​မၼ်း​ၸမ်ႉ ၼႂ်း​ဝၼ်း​ဢၼ် ထူၼ်ႈ​ထိုင်​သၢမ်​ဝၼ်း​ၼၼ်ႉ ထႃႇဝရႃႉ​ၽြႃး​တၵ်း​လူင်း​မႃး​ၵႃႈ​ၼိူဝ်​လွႆ​ သီႉၼႃႉ သိုဝ်ႈ​ၼႃႈ​တႂ်ႈ​တႃ ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="12">မႂ်း​တၵ်း​လႆႈ​ၸီႇ​ယၢင်ႇ​တၢင်း​ဢၼ်​ႁႄႉ​ဢၼ်​ၶႅၼ်​ဢၼ်​ၵူၼ်း​တင်း​လၢႆ တၵ်း​ဢမ်ႇ​လႆႈ​ၶၢမ်ႈ​ၵႂႃႇ​ၸိူဝ်း​ၼၼ်ႉ ဝႆႉ​ႁႂ်ႈ​ႁွပ်ႈ​လွႆ​သေ​လႄႈ လၢတ်ႈ​ဝႃႈ၊ သူ​ဢွၼ်​ၵၼ်​ႁဵတ်း​သတီႉ​ႁႂ်ႈ​ဢမ်ႇ​လႆႈ​ၶိုၼ်ႈ​ၵႂႃႇ​ၵႃႈ​ၼိူဝ်​လွႆ၊ ႁႂ်ႈ​ဢမ်ႇ​လႆႈ​တိူဝ်ႉ​ထုၵ်ႇ​တိၼ်​လွႆ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​တိူဝ်ႉ​ထုၵ်ႇ​လွႆ​ၼၼ်ႉ​ၸမ်ႉ၊ ႁႂ်ႈ​ၶၢမ်ႇ​တၢင်း​တၢႆ​ဢမၢၼ်ႇ​ၶၼ်​ပဵၼ်​တႃႉ။-</verse>
				<verse number="13">ၵူၼ်း​ၼၼ်ႉ​ၸိုင်​ဢမ်ႇ​လႆႈ​ဢဝ်​တင်း​မိုဝ်း​တိူဝ်ႉ။ တၵ်း​လႆႈ​ဢဝ်​တင်း​မၢၵ်ႇ​ႁိၼ်​ထိမ်ႈ​မၼ်း​ဢမၢၼ်ႇ​ၶၼ်​ပဵၼ်​ဢေႃႈ။ ဢမ်ႇ​ၼၼ်​ၵေႃႈ တၵ်း​လႆႈ​ဢဝ်​တင်း​ႁွၵ်ႇ​တႅင်း​သႂ်ႇ​ဢေႃႈ။ ပဵၼ်​ၵူၼ်း​သေ​ဢမ်ႇ​ဝႃႈ၊ ပဵၼ်​တရိၵ်ႈသၢၼ်ႇ​သေ​ဢမ်ႇ​ဝႃႈ၊ ဢသၢၵ်ႈ​ဢမ်ႇ​လႆႈ​လိပ်း။ မိူဝ်ႈ​ဢၼ်​သဵင် ၼႄးၶရႃႇ မေႃး​လင်​ႁိုင်​ၼႃႇ​လူင်​လၢင်​ၼၼ်ႉ​ၸိုင်၊ ၶဝ်​တၵ်း​လႆႈ​ဢွၼ်​ၵၼ်​မႃး​လႄႈ ၶိုၼ်ႈ​ၵႃႈ​ၼိူဝ်​လွႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မူဝ်းသေႇ ​လူင်း​သေ​ၵႃႈ​ၼိူဝ်​လွႆ​ၵႂႃႇ​ၸူး​တီႈ​ဢၼ် ၵူၼ်း​တင်း​လၢႆ​မီး​ၼၼ်ႉ​လႄႈ ႁႂ်ႈ​ၶဝ်​မူတ်း​ၸၢင်ႇ​ဢေႃႈ။ ၶဝ်​ၼၼ်ႉ​ၵေႃႈ ဢွၼ်​ၵၼ်​သၵ်ႉ​လွႆး​ၶူဝ်း​ၼုင်ႈ​ၶဝ်​ဢေႃႈ။-</verse>
				<verse number="15">မၼ်း​ၵေႃႈ​လၢတ်ႈ​တီႈ​ၵူၼ်း​တင်း​လၢႆ​ၼၼ်ႉ​လႄႈ​ဝႃႈ၊ ဢွၼ်​ၵၼ်​မႄး​ႁဵတ်း​မႄး​ႁႅၼ်း​ႁႂ်ႈ​မီး​ဝႆႉ​ၼႂ်း ဝၼ်း​ဢၼ်​ထူၼ်ႈ​ထိုင် သၢမ်​ဝၼ်း​ၼၼ်ႉ​တႃႉ။ ယႃႇ​ပေ​သုတ်ႉ​ၸပ်း​သုတ်ႉ​ၸူး​တီႈ​မေး​သူ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၶိင်ႇ​ၵၢင်​ၼႂ် ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ မီး​တၢင်း​ဢၼ်​ၽႃႉ​လင်၊ ဢိၵ်ႇ​တင်း​တၢင်း​ဢၼ်​ၽႃႉ​မႅပ်ႈ တင်း​မွၵ်ႇ​ၵုမ်ႈ​ဢၼ်​လပ်း​သိင်ႇ​ၽိတ်း​ၽိတ်း ၵႃႈ​ၼိူဝ်​လွႆ၊ တင်း​သဵင်​ၼႄးၶရႃႇ ဢၼ်​မေႃး​လင်​ယႂ်ႇ​ၼႃႇ​ၼၼ်ႉ​လႄႈ ၵူၼ်း​ၵႃႈ​ဢၼ်​မီး​ၵႃႈ​ၼႂ်း​တပ်ႉ​တင်း​သဵင်ႈ​တင်း​လူင်​ၵူဝ်​သၼ်ႇ​ယူႇ​ဢေႃႈ။-</verse>
				<verse number="17">မူဝ်းသေႇ ​ၵေႃႈ​ဢဝ်​ၵူၼ်း​တင်း​လၢႆ​ဢွၵ်ႇ​သေ​ၵႃႈ​ၼႂ်း​တပ်ႉ ႁႂ်ႈ​ၶဝ်​ထူပ်း​ၵၼ်​တင်း​ၽြႃး​ပဵၼ်​ၸဝ်ႈ​လႄႈ ၶဝ်​ၼၼ်ႉ​ဢွၼ်​ၵၼ်​ၸုၵ်း​ယူႇ​ၵႃႈ​တႂ်ႈ​တိၼ်​လွႆ​ဢေႃႈ။-</verse>
				<verse number="18">ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ပႃး​တင်း​ၽႆး​လူင်း​မႃး​ၵႃႈ​ၼိူဝ်​လွႆ​ သီႉၼႃႉ ​လႄႈ၊ လွႆ​တင်း​လွႆ​ၼၼ်ႉ​ဢွၵ်ႇ​ၵႂၼ်း​ၽႆး​ယူႇ​ဢေႃႈ။ ၵႂၼ်း​ၽႆး​ၼၼ်ႉ​ၵေႃႈ​ၶိုၼ်ႈ​ယူႇ​မိူၼ်​ၸိူဝ်ႉ​ၼင်ႇ ၵႂၼ်း​ၽႆး​ၵႃႈ​တီႈ​မုၵ်ႉ​ၽႆး​လႄႈ လွႆ​တင်း​လွႆ​သၼ်ႇ​ၶွၼ်း​ဝႆ​ၼႃႇ​လူင်​လၢင်​ယူႇ​ဢေႃႈ။-</verse>
				<verse number="19">မိူဝ်ႈ​ဢၼ်​သဵင်​ၼႄးၶရႃႇ​မေႃး​လင်​ႁိုင်​ၼႃႇ​လႄႈ သဵင်​ယဵင်ႈ​ၶႅၼ်း​ယႂ်ႇ​မႃး​ယူႇ​ၼၼ်ႉ​ၸိုင်၊ မူဝ်းသေႇ ​ႁွင်ႉ​လႄႈ​ၽြႃး​ပဵၼ်​ၸဝ်ႈ​ဢဝ်​တင်း​သဵင်​ၵႂၢမ်း​ဢိူဝ်​ဢေႃႈ။-</verse>
				<verse number="20">ထႃႇဝရႃႉ​ၽြႃး​လူင်း​မႃး​ၵႃႈ​ၼိူဝ်​လွႆ​ သီႉၼႃႉ ၵႃႈ​တီႈ​ၼိူဝ်​ပၢႆ​ၸိၵ်း​လွႆ​ၼၼ်ႉ​သေ​လႄႈ ထႃႇဝရႃႉ​ၽြႃး​ႁွင်ႉ​ဢဝ်​ မူဝ်းသေႇ ​ၶိုၼ်ႈ​ၵႃႈ​ၼိူဝ်​ပၢႆ​ၸိၵ်း​လွႆ​ၼၼ်ႉ​လႄႈ မူဝ်းသေႇ ​ၵေႃႈ​ၶိုၼ်ႈ​ၸူး​ဢေႃႈ။-</verse>
				<verse number="21">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵူဝ်​ၵူၼ်း​တင်း​လၢႆ​တၵ်း​ၶၢမ်ႈ​ၶဝ်ႈ​မႃး​ၸူး​ၵႃႈ​တီႈ​ထႃႇဝရႃႉ​ၽြႃး ႁႂ်ႈ​လႆႈ​လူ​တူၺ်း​လႄႈ ၵူၼ်း​ၼမ်​ၼႃႇ​တၵ်း​တၢႆ​ၼၼ်ႉ​လႄႈ၊ လူင်း​ၵႂႃႇ​ပၼ်​သတီႉ​တီႈ​ၶဝ်​တႃႉ။-</verse>
				<verse number="22">ယိတ်ႈပရေႃးႁဵၵ်ႈ​ဢၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​ၵေႃႈ၊ တၵ်း​လႆႈ​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​ဢေႃႈ။ ပေႃး​ဢမ်ႇ​ၼၼ် ထႃႇဝရႃႉ​ၽြႃး​တၵ်း​ပၼ်​တၢမ်ႇ​တီႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မူဝ်းသေႇ ​ၵေႃႈ​ၶိုၼ်း​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၵူၼ်း​တင်း​လၢႆ​ဢမ်ႇ​ၶိုၼ်ႈ​ၵႃႈ​ၼိူဝ်​လွႆ​ သီႉၼႃႉ ​လႆႈ​တီႈ​ၶႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​သင်ႇ​လၢတ်ႈ​ဝႆႉ​လႄႈ​ဝႃႈ၊ ၸီႇ​ယၢင်ႇ​တၢင်း​ဢၼ်​ႁႄႉ​ဢၼ်​ၶႅၼ်​ဢၼ်​ဢမ်ႇ​လႆႈ​ၶၢမ်ႈ​ၸိူဝ်း​ၼၼ်ႉ​ဝႆႉ ႁွပ်ႈ​လွႆ​လႄႈ ႁႂ်ႈ​မူတ်း​ၸၢင်ႇ​တႃႉ၊ ဝႃႈ​ၼင်ႇ​ၼႆ​ဝႆႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​မၼ်း​လႄႈ​ဝႃႈ၊ ၵႂႃႇ​လႄႈ​လူင်း​တႃႉ။ မႂ်း​ဢိၵ်ႇ​တင်း​ ဢႃႇရုၼ်ႇ ​ၵူၺ်း​တၵ်း​လႆႈ​ၶိုၼ်ႈ​ဢေႃႈ။ ယႃႇ​ပေ​ႁႂ်ႈ​ယိတ်ႈပရေႃးႁဵၵ်ႈ​ဢိၵ်ႇ​တင်း​ၵူၼ်း​တင်း​လၢႆ​ၸိူဝ်း​ၼၼ်ႉ ၶၢမ်ႈ​ၶဝ်ႈ​ႁႂ်ႈ​လႆႈ​ၶိုၼ်ႈ​ၸူး​ၵႃႈ​တီႈ​ထႃႇဝရႃႉ​ၽြႃး။ ပေႃး​ဢမ်ႇ​ၼၼ် မၼ်း​ၸဝ်ႈ​တၵ်း​ပၼ်​တၢမ်ႇ​တီႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ၼင်ႇ​ၼၼ်​လႄႈ မူဝ်းသေႇ ​လူင်း​ၸူး​ၵႃႈ​တီႈ​ၵူၼ်း​တင်း​လၢႆ​သေ​လႄႈ မွၵ်ႇ​လၢတ်ႈ​တီႈ​ၶဝ်​ဢေႃႈ။</verse>
			</chapter>
			<chapter number="20">
				<verse number="1">ၽြႃး​ပဵၼ်​ၸဝ်ႈ​ဢဝ်​ၵႂၢမ်း​တင်း​သဵင်ႈ​တင်း​လူင်​ၸိူဝ်း​ၼႆႉ မီး​ဢမိင်ႉ​ဝႆႉ​လႄႈ​ဝႃႈ​ၸမ်ႉ၊-</verse>
				<verse number="2">ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၊ တီႈ​ဢၼ်​မႂ်း​ၶၢမ်ႇ​ႁဵတ်း​ၶႃႈ​ၼၼ်ႉ​ဢေႃႈ။-</verse>
				<verse number="3">လိူဝ်​သေ​ၵဝ်​ၼႆႉ ယႃႇ​ပေ​ၵူဝ်း​ၵႂၢႆႇ​ၽြႃး​တၢင်ႇ​သူႇ​တၢင်ႇ​ပႃး။</verse>
				<verse number="4">ယႃႇ​ပေ​ႁဵတ်း​ရုၵ်ႈ​ထူႉ​သၢင်း​ထူႉ​ပုင်ႇ​ႁၢင်ႈ​ၶိူင်ႈ​ပိူင်​ဢၼ်​မီး​ၵႃႈ​ၼိူဝ်​တီႈ​ၽႃႉ​ၵၢင်​ႁၢဝ်၊ ဢၼ်​မီး​ၵႃႈ​တႂ်ႈ​တီႈ​လိၼ်​မိူင်း၊ ဢၼ်​မီး​ၵႃႈ​ၼႂ်း​ၼမ်ႉ​တႂ်ႈ​လိၼ်​မိူင်း​ၸိူဝ်း​ၼၼ်ႉ ပုၼ်ႈ​တူဝ်​ၸဝ်ႈ​ၵဝ်ႇ။-</verse>
				<verse number="5">ယႃႇ​ပေ​ၵူမ်ႈ​ႁူဝ်​ၵွမ်း​ႁူဝ်​တီႈ​ၶဝ်။ ယႃႇ​ပေ​ႁဵတ်း​ဝူတ်ႈ​ႁဵတ်း​ဝၢတ်ႈ​တီႈ​ၶဝ်။ လွင်ႈ​မၼ်း​ၸမ်ႉ ၵဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼႆႉ ပဵၼ်​ၽြႃး​ဢၼ်​ယုမ်ႇ​ငၢႆႈ​လွင်ႈ​ဢၼ်​ဢပႅတ်ႈ​မီး​တီႈ​မႂ်း၊ ၽြႃး​ဢၼ်​ၸီႇ​ယၢင်ႇ​တႅၼ်း​ပၼ်​ဢပႅတ်ႈ​ပေႃႈ​တင်း​လၢႆ​တီႈ​လုၵ်ႈ​လၢင်း ၸိူဝ်ႉ​ၶိူဝ်း​ၶဝ်​ၸိူဝ်း​ဢၼ်​ၸင်း​ၵဝ်​သိုပ်ႇ​သိုပ်ႇ​တၢမ်း​တၢမ်း​တေႃႇ​ထိုင်​ႁွတ်ႈ​သိုပ်ႇ​တူႉတီႉယႃႉ သိုပ်ႇ​ၸတုၵ်ႉထႃႉ​ၼၼ်ႉ၊-</verse>
				<verse number="6">ၽြႃး​ဢၼ်​ၼႄ​ပျႃး​ၵရူႉၼႃႇ တီႈ​ၸိူဝ်ႉ​ၶိူဝ်း​ၶဝ်​ၸိူဝ်း​ဢၼ်​ႁၵ်ႉ​ၵဝ်​လႄႈ ၵမ်​ၵျၢင်ႉ​ပိင်း​ၺၢပ်ႈ​ၵဝ်​တင်း​လၢႆ​ၼၼ်ႉ​သိုပ်ႇ​သိုပ်ႇ​တၢမ်း​တၢမ်း တေႃႇ​ထိုင်​ႁွတ်ႈ​သေ​ႁဵင်​သိုပ်ႇ​သေ​မိုၼ်ႇ​သိုပ်ႇ​ၼိုင်ႈ​ဢေႃႈ။</verse>
				<verse number="7">ယႃႇ​ပေ​ၼပ်ႉ​တေႃႈ​ဢဝ် ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ​လၢတ်ႈ​ဝႃႈ လၢႆ​လၢႆ​လွၵ်ႇ​လွၵ်ႇ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ဢမ်ႇ​မၢတ်ႈ​ၵေႃႉ​ဢၼ် ၼပ်ႉ​တေႃႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​လၢတ်ႈ​ဝႃႈ လၢႆ​လၢႆ​လွၵ်ႇ​လွၵ်ႇ​ၼၼ်ႉ​ဢမ်ႇ​မီး​ဢပႅတ်ႈ​ၼၼ်ႉ။-</verse>
				<verse number="8">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ဝၼ်း​ၵမ်​သိၼ် ႁႂ်ႈ​ဝၼ်း​ၼၼ်ႉ​လႆႈ​မူတ်း​ၸၢင်ႇ​တႃႉ။-</verse>
				<verse number="9">ၼႂ်း​ႁူၵ်း​ဝၼ်း ၵႆႉ​ၵျူဝ်း​ၸႃး​လႄႈ​ႁဵတ်း​တၢင်း​ႁဵတ်း​ၵူႈ​ၸိူဝ်ႉ​ၵူႈ​ပိူင်​တႃႉ။-</verse>
				<verse number="10">ဝၼ်း​သတ်ႉတမႃႉ​ပဵၼ်​ဝၼ်း​ၵမ်​သိၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။ ၼႂ်း​ဝၼ်း​ၼၼ်ႉ​ၸႃႉ​ၸဵမ်​မႂ်း​လႄႈ​လုၵ်ႈ​ၸၢႆး​မႂ်း၊ လုၵ်ႈ​ယိင်း​မႂ်း၊ ၶႃႈ​ၵူၼ်း​ယိင်း​မႂ်း၊ ၶႃႈ​ၵူၼ်း​ၸၢႆး​မႂ်း၊ တရိၵ်ႈသၢၼ်ႇ​မႂ်း၊ ဢိၵ်ႇ​တင်း​ၶႅၵ်ႇ​ဢၼ်​မီး​ယူႇ​ၵႃႈ​ၼႂ်း​ၽၵ်း​တူ​ၼၼ်ႉ ဢမ်ႇ​လႆႈ​ႁဵတ်း​ၵၢၼ်​တၢင်း​ႁဵတ်း။-</verse>
				<verse number="11">လွင်ႈ​မၼ်း​ၸမ်ႉ ၼႂ်း​ႁူၵ်း​ဝၼ်း၊ ထႃႇဝရႃႉ​ၽြႃး​ႁဵတ်း​ပဵၼ်​ၽႃႉ​ၵၢင်​ႁၢဝ်၊ လိၼ်​မိူင်း၊ ၼမ်ႉ​သမ်ႇ​မုၵ်ႉ​တြႃႇ ဢိၵ်ႇ​တင်း​ၵႃႈ​ဢၼ်​မီး​ၵႃႈ​ၼႂ်း​မၼ်း​ၸိူဝ်း​ၼၼ်ႉ​လႄႈ၊ ဝၼ်း​သတ်ႉတမႃႉ​ၼၼ်ႉ မၼ်း​ၸဝ်ႈ​ယူႇ​ၼိမ်​ၼိမ်​လီ​လီ​သေ​ဢေႃႈ။ ပိူဝ်ႈ​ၼႆ​လႄႈ ထႃႇဝရႃႉ​ၽြႃး​ပၼ်​တၢင်း​လီ​ဝၼ်း​သတ်ႉတမႃႉ​လႄႈ ႁႂ်ႈ​မူတ်း​ၸၢင်ႇ​ဢေႃႈ။</verse>
				<verse number="12">လွင်ႈ​ၼင်ႇ​ႁိုဝ်​ဢသၢၵ်ႈ​မႂ်း တၵ်း​ယိုၼ်း​ယၢဝ်း​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​ၼၼ်ႉ​ၸိုင်၊ ႁဵတ်း​ရူဝ်ႇ​သေႇ​ၵူဝ်​ယမ်​ပေႃႈ​မႄႈ​မႂ်း​တႃႉ။-</verse>
				<verse number="13">ယႃႇ​ပေ​ဢဝ်​ဢသၢၵ်ႈ​ၵူၼ်း​တၢႆ။-</verse>
				<verse number="14">ယႃႇ​ပေ​ၽိတ်း​ပိူင်ႈ​မေး​ပိူၼ်ႈ။-</verse>
				<verse number="15">ယႃႇ​ပေ​လၵ်ႉ​ဢုၵ်ႉ​ၸႃႇ​ၶူဝ်း​လဵင်း​ပိူၼ်ႈ။-</verse>
				<verse number="16">ယႃႇ​ပေ​ယူႇ​ၽၢႆႇ​ၼိုင်ႈ​သေ​လႄႈ ၶၢမ်ႇ​သၢၵ်ႈ​သေႇ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​လူၺ်ႈ​လွင်ႈ ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ။</verse>
				<verse number="17">ယႃႇ​ပေ​မီး​ၸႂ်​ဢၼ်​ၸပ်း​ၸွႆး​ၶႂ်ႈ​လႆႈ​ႁိူၼ်း​ယေး ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ။ ယႃႇ​ပေ​မီး​ၸႂ်​ဢၼ်​ၸပ်း​ၸွႆး​ၶႂ်ႈ​လႆႈ ၸႃႉ​ၸဵမ်​မေး​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​လႄႈ ၶႃႈ​ၵူၼ်း​ၸၢႆး​မၼ်း၊ ၶႃႈ​ၵူၼ်း​ယိင်း​မၼ်း၊ ဝူဝ်း​မၼ်း၊ လီႈ​မၼ်း တင်း​ဢုၵ်ႉ​ၸႃႇ​ၶူဝ်း​လဵင်း ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ သေ​ၸိူဝ်ႉ​သေ​ပိူင်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ၵူၼ်း​တင်း​သဵင်ႈ​တင်း​လူင် ႁၼ်​တၢင်း​ဢၼ်​ၽႃႉ​လင်၊ တၢင်း​ဢၼ်​ၽႃႉ​မႅပ်ႈ၊ တၢင်း​ဢၼ်​သဵင်​ၼႄးၶရႃႇ​မေႃး​လင်၊ တၢင်း​ဢၼ်​ၵႂၼ်း​ၽႆး​ဢွၵ်ႇ​ၵႃႈ​ၼႂ်း​လွႆ​ယူႇ​ၸိူဝ်း​ၼၼ်ႉ​လႄႈ ၶဝ်​ႁၼ်​သေ​ယဝ်ႉ၊ ဢွၼ်​ၵၼ်​ၶၢႆႉ​တီႈ​သေ​လႄႈ​ၸုၵ်း​ယူႇ​ၵႃႈ​တီႈ​ဢၼ်​ၵႆ​ၵႆ​ၼၼ်ႉ​ဢေႃႈ။-</verse>
				<verse number="19">ၶဝ်​ၼၼ်ႉ​ဢွၼ်​ၵၼ်​လဝ်ႊ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၸဝ်ႈ​ႁဝ်း​မီး​ဢမိင်ႉ​ပၼ်​တီႈ​ႁဝ်း​ၶႃႈ​သေ​ၵမ်း​ၶႃႈ။ ႁဝ်း​ၶႃႈ​တၵ်း​ထွမ်ႇ​ဢဝ်​ၶႃႈ​ဢေႃႈ။ ယႃႇ​ပေ​ႁႂ်ႈ​ၽြႃး​ပဵၼ်​ၸဝ်ႈ​မီး​ဢမိင်ႉ​ပၼ်​တီႈ​ႁဝ်း​ၶႃႈ​သေ​ၵမ်း​ၶႃႈ။ ႁဝ်း​ၶႃႈ​ၵူဝ်​လႆႈ​တၢႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မူဝ်းသေႇ ​ၵေႃႈ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ။ ၽြႃး​ပဵၼ်​ၸဝ်ႈ​မႃး​ႁႂ်ႈ​လႆႈ​ၸၢမ်း​တူၺ်း​သူ ဢိၵ်ႇ​တင်း​ႁႂ်ႈ​သူ​ၵူဝ်​ႁႄ​မၼ်း​ၸဝ်ႈ ႁႂ်ႈ​လႆႈ​ၵၢင်း​လွတ်ႈ​တင်း တၢင်း​ဢၼ်​ၽိတ်း​ပိူင်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၵူၼ်း​တင်း​လၢႆ​ၼၼ်ႉ​ၸုၵ်း​ယူႇ​ၵႃႈ​တီႈ​ဢၼ်​ၵႆ​ၵႆ​ဢေႃႈ။ မူဝ်းသေႇ ​ၸမ်ႉ၊ သုတ်ႉ​ၸပ်း​သုတ်ႉ​ၸူး​တီႈ​ဢၼ်​လပ်း​သိင်ႇ​ၽိတ်း​ၽိတ်း၊ တီႈ​ဢၼ်​ၽြႃး​ပဵၼ်​ၸဝ်ႈ​မီး​ယူႇ​ၼၼ်ႉ​ဢေႃႈ။</verse>
				<verse number="22">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၵႂၢမ်း​ဢၼ်​မႂ်း​တၵ်း​လႆႈ​မွၵ်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ​ဝႃႈ​ၸမ်ႉ၊ တူဝ်​သူ​ႁူႉ​ႁၼ်​လွင်ႈ​ဢၼ်​ၵဝ်​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် လၢတ်ႈ​တေႃႇ​ၵၼ်​တင်း​သူ​ၼၼ်ႉ​ယဝ်ႉ။-</verse>
				<verse number="23">သူ​ဢမ်ႇ​လႆႈ​ႁဵတ်း​ၽြႃး​တၢင်ႇ​သူႇ​တၢင်ႇ​ပႃး​ဝႆႉ​ၼႂ်း​ဢရႃႇ​ၵဝ်။ သူ​ဢမ်ႇ​လႆႈ​ႁဵတ်း​ၽြႃး​ငိုၼ်း ၽြႃး​ၶမ်း​ဝႆႉ​တီႈ​သူ။</verse>
				<verse number="24">မႂ်း​တၵ်း​လႆႈ​တႄႇ​ႁဵတ်း​ယိတ်ႈပလၢင်ႇ​လိၼ်​ပုၼ်ႈ​ၵဝ်​ဢေႃႈ။ တၵ်း​လႆႈ​ဢဝ်​ယိတ်ႈ​ဢၼ်​တုတ်ႇ​ၽႆး တင်း​ယိတ်ႈ​မိၵ်ႉသႃႇႁႃယႃႉ​မႂ်း ဢၼ်​ဝႃႈ​ယိတ်ႈ​သူဝ်း၊ ဝူဝ်း​မႂ်း​ၸိူဝ်း​ၼၼ်ႉ ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။ ၵဝ်​တၵ်း​မႃး​တီႈ​သူ ၼႂ်း​တီႈ​ဢၼ်​ၵဝ်​ႁႂ်ႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼႃႇ​မႃႉ​ၸိုဝ်ႈ​သဵင်​ၵဝ် ၵူႈ​တီႈ​ၵူႈ​လႅၼ်​ၼၼ်ႉ​သေ​လႄႈ ပၼ်​တၢင်း​လီ​ဢေႃႈ။-</verse>
				<verse number="25">ပေႃး​မႂ်း​တႄႇ​ႁဵတ်း​ယိတ်ႈပလၢင်ႇ​မၢၵ်ႇ​ႁိၼ်​ပုၼ်ႈ​ၵဝ်​ၸိုင်၊ မႂ်း​ဢမ်ႇ​လႆႈ​ဢဝ်​တင်း​မၢၵ်ႇ​ႁိၼ်​ဢၼ်​ထၢၵ်ႇ​ဢဝ်​သိၼ်​ဢဝ်​ၼၼ်ႉ​လႄႈ​ႁဵတ်း။ ပေႃး​မႂ်း​ယုၵ်ႉ​ၶိူင်ႈ​လဵၵ်း​သႂ်ႇ​ၵႃႈ​ၼိူဝ်​မၼ်း​ၸိုင်၊ မႂ်း​ႁႂ်ႈ​မၼ်း​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="26">လွင်ႈ​ၼင်ႇ​ႁိုဝ်​တၢင်း​ဢၼ်​တူဝ်​ပူၺ်​မႂ်း တၵ်း​ဢမ်ႇ​လႆႈ​ပေႃႇ​လႆႈ​မီး​ၵႃႈ​ၼိူဝ်​မၼ်း​ၸိုင်၊ မႂ်း​ဢမ်ႇ​လႆႈ​ၵၢႆႇ​ၶူဝ်​လႆ​ၶိုၼ်ႈ​ၵႃႈ​ၼိူဝ်​ယိတ်ႈပလၢင်ႇ​ၵဝ်။</verse>
			</chapter>
			<chapter number="21">
				<verse number="1">ထမ်ႇမသၢတ်ႈ​ဢၼ်​မႂ်း တၵ်း​လႆႈ​ၸီႇ​ယၢင်ႇ​ဝႆႉ​ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​ၸမ်ႉ၊-</verse>
				<verse number="2">ပေႃး​မႂ်း​သိုဝ်ႉ​ဢဝ်​ၶႃႈ ဢၼ်​ပဵၼ်​ၸိူဝ်ႉ​ၶိူဝ်း​ ႁေႇပြႄး ​ၸိုင်၊ မၼ်း​တၵ်း​လႆႈ​ၶၢမ်ႇ​ႁဵတ်း​ၶႃႈ​ႁူၵ်း​ပီႊ​ၵူၺ်း​ဢေႃႈ။ ပေႃး​ထိုင်​ႁွတ်ႈ​ပီႊ​သတ်ႉတမႃႉ​ၸိုင်၊ မၼ်း​ယင်း​ဢမ်ႇ​ပၼ်​ၵႃႈ​တူဝ်​ၶၼ်​တူဝ်​မၼ်း​လႄႈ တၵ်း​လႆႈ​ဢွၵ်ႇ​သေ​ဢေႃႈ။-</verse>
				<verse number="3">မိူဝ်ႈ​ဢၼ်​ၸႃႉ​ၶၢမ်ႇ​ႁဵတ်း​ၶႃႈ​ၼၼ်ႉ၊ ပေႃး​မၼ်း​ၶၢမ်ႇ​ၵေႃႉ​လဵဝ်​ၵူၺ်း​မၼ်း​ၸိုင်၊ တၵ်း​လႆႈ​ဢွၵ်ႇ​ၵေႃႉ​လဵဝ်​ၵူၺ်း​မၼ်း​ဢေႃႈ။ ပေႃး​မၼ်း​ပႃး​မေး​ၸိုင်၊ မေး​မၼ်း​ၼၼ်ႉ​ၵေႃႈ​တၵ်း​လႆႈ​ဢွၵ်ႇ​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="4">ဢမ်ႇ​ၼၼ် ပေႃး​ၸဝ်ႈ​မၼ်း​ဢဝ်​မေး​ပၼ်​တီႈ​မၼ်း​လႄႈ​မေး​ၼၼ်ႉ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​မႃး​ၸိုင်၊ ၸဝ်ႈ​မၼ်း​တၵ်း​လႆႈ ပိူင်ႇ​ဢဝ်​မေး​မၼ်း တင်း​လုၵ်ႈ​လၢင်း​မၼ်း​ၸိူဝ်း​ၼၼ်ႉ​ဝႆႉ​ဢေႃႈ။ ၶႃႈ​ၼၼ်ႉ​ၸမ်ႉ၊ တၵ်း​လႆႈ​ဢွၵ်ႇ​ၵေႃႉ​လဵဝ်​ၵူၺ်း​မၼ်း​ဢေႃႈ။-</verse>
				<verse number="5">ဢမ်ႇ​ၼၼ် ပေႃး​ၶႃႈ​မၼ်း​ၼၼ်ႉ လၢတ်ႈ​လႅင်း​လႅင်း​လႄႈ​ဝႃႈ၊ ၵဝ်​ၶႃႈ​ႁၵ်ႉ​ၸဝ်ႈ​ၵဝ်​ၶႃႈ​ဢိၵ်ႇ​တင်း​မေး​တင်း​လုၵ်ႈ​လၢင်း​ၵဝ်​ၶႃႈ​ၶႃႈ​ဢေႃႈ။ ဢမ်ႇ​ၶႂ်ႈ​ဢွၵ်ႇ​ၵႂႃႇ​ၶႃႈ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ၸဝ်ႈ​မၼ်း​ၼၼ်ႉ တၵ်း​လႆႈ​ဢဝ်​မၼ်း​ၵႂႃႇ​ၵႃႈ​တီႈ ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ယဝ်ႉ၊ သမ်ႉ​ဢဝ်​ၵႂႃႇ​ၵႃႈ​တီႈ​ၽၵ်း​တူ​ႁိူၼ်း​ဢၼ်​ဝႃႈ သဝ်​ၽၵ်း​တူ​ႁိူၼ်း​လႄႈ ဢဝ်​လဵၵ်း​ၸီး ၸီး​ဝၢၼ်​ႁူ​မၼ်း​သေ​ယဝ်ႉ၊ ၶႃႈ​ၼၼ်ႉ​တၵ်း​လႆႈ​ၶၢမ်ႇ​ႁဵတ်း​ၶႃႈ​ယူႇ​သေႇ​သေႇ​ဢေႃႈ။</verse>
				<verse number="7">ပေႃး​သေ​ၵေႃႉ​သေ​ၵူၼ်း​ဢဝ်​လုၵ်ႈ​ယိင်း​မၼ်း​ၶၢႆ​ပႅတ်ႈ ႁႂ်ႈ​လႆႈ​ၶၢမ်ႇ​ႁဵတ်း​ၶႃႈ​ၸိုင်၊ မႄႈ​ယိင်း​ၼၼ်ႉ တၵ်း​လႆႈ​ဢွၵ်ႇ​မိူၼ်​ၸိူဝ်ႉ​ၼင်ႇ​ၶႃႈ​ၵူၼ်း​ၸၢႆး​ဢမ်ႇ​ၸႂ်ႈ။-</verse>
				<verse number="8">ပေႃး​မၼ်း​ဢမ်ႇ​ထုၵ်ႇ​ၸႂ်​ၸဝ်ႈ​မၼ်း​ဢၼ်​သိမ်း​ဢဝ်​မၼ်း​ဝႆႉ​ပုၼ်ႈ​တူဝ်​ၸဝ်ႈ​ၵဝ်ႇ​ယဝ်ႉ​ၼၼ်ႉ​ၸိုင်၊ ၸဝ်ႈ​မၼ်း​ၼၼ်ႉ တၵ်း​လႆႈ​ပၼ်​ဢၶႂၢင်ႉ​ဢၼ်​ပိူၼ်ႈ​တၢင်ႇ​ၵေႃႉ​လႆႈ​ထုတ်ႇ​ဢဝ်​မၼ်း​ဢေႃႈ။ ပိူဝ်ႈ​ဢၼ်​လႆႈ​ပႅတ်ႉ​လႆႈ​လႅၼ်​မၼ်း​ယဝ်ႉ​လႄႈ၊ ဢမ်ႇ​မီး​ဢၶႂၢင်ႉ​ဢၼ်​လႆႈ​ၶၢႆ​ပၼ် တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼၼ်ႉ။-</verse>
				<verse number="9">ပေႃး​ဢဝ်​မၼ်း​ပၼ်​တီႈ​လုၵ်ႈ​ၸၢႆး​တူဝ်​ၸဝ်ႈ​ၵဝ်ႇ​ၸိုင်၊ တၵ်း​လႆႈ​ဢဝ်​မၼ်း​ႁဵတ်း​မိူၼ်​ၸိူဝ်ႉ​ၼင်ႇ​လုၵ်ႈ​ယိင်း​ဢေႃႈ။-</verse>
				<verse number="10">ပေႃး​သမ်ႉ​သိမ်း​ဢဝ်​မႄႈ​ယိင်း​တၢင်ႇ​ၵေႃႉ​ထႅင်ႈ​ၸိုင်၊ တီႈ​မႄႈ​ယိင်း​ဢၼ်​သိမ်း​ဢဝ်​ဢွၼ်​တၢင်း​ၼၼ်ႉ​ၵေႃႈ၊ ဢမ်ႇ​လႆႈ​သုတ်ႈ​လႆႈ​ယွမ်း​တၢင်း​ၵိၼ်၊ တၢင်း​ၼုင်ႈ၊ ဢိၵ်ႇ​တင်း​ဝၢတ်ႈ​မေး။-</verse>
				<verse number="11">ပေႃး​ဢမ်ႇ​ႁဵတ်း​သၢမ်​ပိူင်​ၼႆႉ​ၸိုင်၊ မေး​ၼၼ်ႉ​ယင်း​ဢမ်ႇ​ပၼ်​ၵႃႈ​တူဝ်​ၶၼ်​တူဝ်​မၼ်း​လႄႈ တၵ်း​လႆႈ​ဢွၵ်ႇ​သေ​ဢေႃႈ။</verse>
				<verse number="12">ၵေႃႉ​ဢၼ်​ပေႃႉ​ယႅၼ်ႉ​ၵူၼ်း​ႁႂ်ႈ​တၢႆ​ၼၼ်ႉ တၵ်း​လႆႈ​ၶၢမ်ႇ​တၢင်း​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="13">ပေႃး​မၼ်း​ယင်း​ဢမ်ႇ​လွမ်​တဵတ်ႇ​လွမ်​မႅပ်ႉ​ပႂ်ႉ​လႄႈ ၽြႃး​ပဵၼ်​ၸဝ်ႈ​ဢဝ်​ဢသၢၵ်ႈ​ၵူၼ်း​ဢၢပ်ႈ​ပၼ် ၵႃႈ​ၼႂ်း​မိုဝ်း​မၼ်း​ၸိုင်၊ ၵဝ်​တၵ်း​ၶၢၼ်း​ဝႆႉ​တီႈ​ဢၼ်​မၼ်း တၵ်း​လႆႈ​လႅၼ်ႈ​ပၢႆႈ​ၵႂႃႇ​ၸူး​ၼၼ်ႉ​ဢေႃႈ။-</verse>
				<verse number="14">ၵေႃႉ​ဢၼ်​ႁဵတ်း​ၵျၢမ်း​ၼႃႇ​တီႈ​ၵူၼ်း​ႁိူၼ်း​ၸမ်​ၵၼ်​လႄႈ ဢဝ်​တင်း​ပရီႉယႄႇ ဢဝ်​တၢႆ​ၼၼ်ႉ​ၸမ်ႉ၊ မီး​ယူႇ​ၵႃႈ​တီႈ​ယိတ်ႈပလၢင်ႇ​ၵဝ်​သေ​ၵေႃႈ၊ တၵ်း​လႆႈ​တိုတ်ႉ​ၸၼ်​ဢဝ်​မၼ်း​သေ​လႄႈ ဢဝ်​တၢႆ​ဢေႃႈ။</verse>
				<verse number="15">ၵေႃႉ​ဢၼ်​ပေႃႉ​ယႅၼ်ႉ​ပေႃႈ​မၼ်း​မႄႈ​မၼ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။</verse>
				<verse number="16">ၵေႃႉ​ဢၼ်​လၵ်ႉ​ဢဝ်​ၵူၼ်း​ၼၼ်ႉ၊ ၶၢႆ​ပႅတ်ႈ​သေ​ဢမ်ႇ​ဝႃႈ၊ ထူပ်း​ႁၼ်​မီး​ယူႇ​ၵႃႈ​ၼႂ်း​မိုဝ်း​မၼ်း​သေ​ဢမ်ႇ​ဝႃႈ၊ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။</verse>
				<verse number="17">ၵေႃႉ​ဢၼ်​ၵိၼ်ႇ​လႃႇ​ပေႃႈ​မႄႈ​မၼ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။</verse>
				<verse number="18">ပေႃး​ၵူၼ်း​ၼင်ႇ​ၵၼ်​ၵၼ် ၽိတ်း​ၵၼ်​လႄႈ၊ ၵေႃႉ​ၼိုင်ႈ​ဢဝ်​မၢၵ်ႇ​ႁိၼ်​ထုပ်ႉ​သေ​ဢမ်ႇ​ဝႃႈ၊ ဢဝ်​တႃ​မိုဝ်း​တမ်​သေ​ဢမ်ႇ​ဝႃႈ၊ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ထုပ်ႉ​ဢၼ်​တႅင်း​ၼၼ်ႉ ယင်း​ဢမ်ႇ​တၢႆ​လႄႈ​လႆႈ​ၼွၼ်း​ယဵတ်ႇ​ယူႇ​ၵႃႈ​ၼိူဝ်​တီႈ​ၼွၼ်း၊-</verse>
				<verse number="19">ပေႃး​မၼ်း​သမ်ႉ​လုၵ်ႉ​လႆႈ​လႄႈ ဢဝ်​တင်း​ၶွၼ်ႉ​တဝ်ႉ တဝ်ႉ​ဢွၵ်ႇ​ၵႃႈ​ၼွၵ်ႈ​ၸိုင်၊ ၵေႃႉ​ဢၼ်​ပေႃႉ​ယႅၼ်ႉ​ၼၼ်ႉ​တၵ်း​လႆႈ​လွတ်ႈ​ဢေႃႈ။ ၵူၺ်း​ၵႃႈ တၵ်း​လႆႈ​ဢဝ်​ငိုၼ်း​ယေႃႇ​သေ ပုၼ်ႈ​လွင်ႈ​တၢင်း​ဢၼ်​မၼ်း​ၼၼ်ႉ​လႆႈ​ၼင်ႈ​ယူႇ​ၼၼ်ႉ​လႄႈ ႁႂ်ႈ​မၼ်း​လႆႈ​ႁွတ်ႈ​ထိုင်​တၢင်း​ဢၼ်​တၢင်း​ၸဵပ်း​တၢင်း​ပဵၼ်​မၼ်း​ၼၼ်ႉ​လႆႈ​ၶႅၼ်း​မႃး​မူတ်း​မူတ်း​ၼၼ်ႉ​ဢေႃႈ။</verse>
				<verse number="20">ပေႃး​သေ​ၵေႃႉ​သေ​ၵူၼ်း ဢဝ်​တင်း​ၶွၼ်ႉ​ပေႃႉ​ယႅၼ်ႉ​ၶႃႈ​ၵူၼ်း​ၸၢႆး​မၼ်း၊ ဢမ်ႇ​ၼၼ် ၶႃႈ​ၵူၼ်း​ယိင်း​မၼ်း​လႄႈ မၼ်း​ၼၼ်ႉ တၢႆ​လူၺ်ႈ​မိုဝ်း​မၼ်း​ၸိုင်၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢမ်ႇ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="21">ၵူၺ်း​ၵႃႈ ပေႃး​ၶႃႈ​ၼၼ်ႉ​ယူႇ​ဝၼ်း​ၼိုင်ႈ၊ သွင်​ဝၼ်း​လႄႈ​ဢမ်ႇ​တၢႆ​ၸိုင်၊ ၸဝ်ႈ​မၼ်း​ၼၼ်ႉ​တၵ်း​လႆႈ​ၵၢင်း​လွတ်ႈ တင်း​တၢမ်ႇ​ၵွပ်ႈ​ပိူဝ်ႈ​ဢၼ်​ၶႃႈ​ၼၼ်ႉ ပဵၼ်​ငိုၼ်း​မၼ်း​ၼၼ်ႉ​ဢေႃႈ။</verse>
				<verse number="22">ပေႃး​ၵူၼ်း​ၼင်ႇ​ၵၼ်​ၵၼ်​ၽိတ်း​ၵၼ်​လႄႈ တိူဝ်ႉ​ထုၵ်ႇ​မႄႈ​ယိင်း​ဢၼ်​တူဝ်​ဢမ်ႇ​သႃႇ​ၼၼ်ႉ​မႅၼ်ႈ​သေ​ယဝ်ႉ၊ လုၵ်ႈ​လၢင်း​မၼ်း​လူႉ​ၵႂႃႇ​လႄႈ မၼ်း​ဢမ်ႇ​ပဵၼ်​တၢင်း​ၶႆႈ​တၢင်း​ပဵၼ်​တၢင်ႇ​ၸိူဝ်ႉ​တၢင်ႇ​ပိူင်​ၸိုင်၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢမ်ႇ​ၸွမ်း​ၵႃႈ​ၼင်ႇ​ဢၼ် ၽူဝ်​မႄႈ​ယိင်း​ၸီႇ​ယၢင်ႇ​ၼၼ်ႉ​ဢေႃႈ။ ၸွမ်း​ၵႃႈ​ၼင်ႇ​ဢၼ်​ၶုၼ်​ၸီႇ​ယၢင်ႇ​ၼၼ်ႉ​ၵေႃႈ၊ ၵေႃႉ​ၼၼ်ႉ​တၵ်း​လႆႈ​ယေႃႇ​လႆႈ​သေ​ငိုၼ်း​ဢေႃႈ။-</verse>
				<verse number="23">ပေႃး​ပဵၼ်​တၢင်း​ၸဵပ်း​တၢင်း​ပဵၼ်​တၢင်ႇ​ၸိူဝ်ႉ​တၢင်ႇ​ပိူင်​ၸိုင်၊ မႂ်း​တၵ်း​လႆႈ​ပၼ်​တၢမ်ႇ​ဢသၢၵ်ႈ​ပုၼ်ႈ​ဢသၢၵ်ႈ၊-</verse>
				<verse number="24">မၢၵ်ႇ​တႃ​ပုၼ်ႈ​မၢၵ်ႇ​တႃ၊ ၶဵဝ်ႈ​ပုၼ်ႈ​ၶဵဝ်ႈ၊ မိုဝ်း​ပုၼ်ႈ​မိုဝ်း၊ တိၼ်​ပုၼ်ႈ​တိၼ်၊-</verse>
				<verse number="25">တၢင်း​ဢၼ်​ၽႆး​မႆႈ​ပုၼ်ႈ တၢင်း​ဢၼ်​ၽႆး​မႆႈ၊ တၢင်း​ဢၼ်​တိူဝ်ႉ​ဢၼ်​မၢတ်ႇ​ပုၼ်ႈ တၢင်း​ဢၼ်​တိူဝ်ႉ​ဢၼ်​မၢတ်ႇ၊ ႁွႆး​ၸဵပ်း​ပုၼ်ႈ​ႁွႆး​ၸဵပ်း​ဢေႃႈ။</verse>
				<verse number="26">ပေႃး​သေ​ၵေႃႉ​သေ​ၵူၼ်း ပေႃႉ​ယႅၼ်ႉ​သႂ်ႇ​မၢၵ်ႇ​တႃ​ၶႃႈ​ၵူၼ်း​ၸၢႆး​မၼ်း၊ ဢမ်ႇ​ၼၼ် မၢၵ်ႇ​တႃ​ၶႃႈ​ၵူၼ်း​ယိင်း​မၼ်း​ႁႂ်ႈ​မၢၵ်ႇ​တႃ​လူႉ​ၵႂႃႇ​ၸိုင်၊ ၵွပ်ႈ​ပိူဝ်ႈ​ဢၼ်​မၢၵ်ႇ​တႃ​မၼ်း​လူႉ​ၵႂႃႇ​ၼၼ်ႉ​လႄႈ၊ ၵႃႈ​မၼ်း​ၶၼ်​မၼ်း​ယင်း​ဢမ်ႇ​ပႃး​လႄႈ၊ တၵ်း​လႆႈ​ပွႆႇ​မၼ်း​လွတ်ႈ​သေ​ဢေႃႈ။-</verse>
				<verse number="27">မိူၼ်​ၼင်ႇ​ၼၼ် ပေႃး​ပေႃႉ​ယႅၼ်ႉ​သႂ်ႇ​ၶဵဝ်ႈ ၶႃႈ​ၵူၼ်း​ၸၢႆး​မၼ်း၊ ဢမ်ႇ​ၼၼ် ၶဵဝ်ႈ​ၶႃႈ​ၵူၼ်း​ယိင်း​မၼ်း ႁႂ်ႈ​ၶဵဝ်ႈ​လူႉ​ၵႂႃႇ​ၸိုင်၊ ၵွပ်ႈ​ပိူဝ်ႈ​ဢၼ် ၶဵဝ်ႈ​မၼ်း​လူႉ​ၵႂႃႇ​ၼၼ်ႉ​လႄႈ၊ ၵႃႈ​မၼ်း​ၶၼ်​မၼ်း​ယင်း​ဢမ်ႇ​ပႃး​လႄႈ တၵ်း​လႆႈ​ပွႆႇ​မၼ်း​လွတ်ႈ​သေ​ဢေႃႈ။</verse>
				<verse number="28">ပေႃး​ဝူဝ်း​တေႃး​ၵူၼ်း​ၸၢႆး၊ ဢမ်ႇ​ၼၼ် ၵူၼ်း​ယိင်း​မႅၼ်ႈ​လႄႈ ၶဝ်​ၼၼ်ႉ​တၢႆ​ၸိုင်၊ တၵ်း​လႆႈ​ဢဝ်​တင်း​မၢၵ်ႇ​ႁိၼ်​ထိမ်ႈ​ဝူဝ်း​ၼၼ်ႉ​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။ ၼိူဝ်ႉ​မၼ်း​ၵေႃႈ​ဢမ်ႇ​လႆႈ​ၵိၼ်။ ၸဝ်ႈ​ဝူဝ်း​ၼၼ်ႉ​ၸမ်ႉ၊ တၵ်း​လႆႈ​ၵၢင်း​လွတ်ႈ​တင်း​ဢပႅတ်ႈ​ဢေႃႈ။-</verse>
				<verse number="29">ၼႂ်း​ဝႃႈ​ၼၼ်​သေ​ၵေႃႈ ပေႃး​ဝူဝ်း​ၼၼ်ႉ ယၢမ်ႈ​တေႃး​မိူဝ်ႈ​ဢွၼ်​ၼႆႉ​ၼၼ်ႉ​လႄႈ ၸဝ်ႈ​မၼ်း​လႆႈ​ႁူႉ​ငိၼ်း​လွင်ႈ​ဢၼ် မၼ်း​ၸၢင်ႈ​တေႃး ၼၼ်ႉ​ယူႇ​သေ​လႄႈ၊ ယင်း​ဢမ်ႇ​မတ်ႉ​ဢမ်ႇ​ၽုၵ်ႇ ပွႆႇ​လွတ်ႈ​ဝႆႉ​လႄႈ ဝူဝ်း​ၼၼ်ႉ​ဢဝ်​ၵူၼ်း​ၸၢႆး​ဢမ်ႇ​ၼၼ် ၵူၼ်း​ယိင်း​တၢႆ​ၸိုင်၊ တၵ်း​လႆႈ​ဢဝ်​တင်း​မၢၵ်ႇ​ႁိၼ်​ထိမ်ႈ​ဝူဝ်း​ၼၼ်ႉ​တၢႆ​ဢေႃႈ။ ၸဝ်ႈ​ဝူဝ်း​ၵေႃႈ​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ။-</verse>
				<verse number="30">ဢမ်ႇ​ၼၼ်​ၵေႃႈ ပေႃး​ၸီႇ​ယၢင်ႇ​ႁႂ်ႈ​ယေႃႇ​ငိုၼ်း​သေ​ငိုၼ်း​ၸိုင်၊ တၵ်း​လႆႈ​ယေႃႇ​ငိုၼ်း​သေ​ငိုၼ်း​ပုၼ်ႈ​ဢၼ်​ထုတ်ႇ​ဢဝ် ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ ၸွမ်း​ၵႃႈ​ၼင်ႇ​ဢၼ် ၸီႇ​ယၢင်ႇ​ၼၼ်ႉ​ဢေႃႈ။-</verse>
				<verse number="31">ပေႃး​တေႃး​လုၵ်ႈ​ၸၢႆး​ပိူၼ်ႈ၊ လုၵ်ႈ​ယိင်း​ပိူၼ်ႈ​ၸိုင်၊ တၵ်း​လႆႈ​ၶၢမ်ႇ​ၸွမ်း​ၵႃႈ​ၼင်ႇ​ဢၼ် ၸီႇ​ယၢင်ႇ​ၼႆႉ​ဢေႃႈ။-</verse>
				<verse number="32">ပေႃး​ဝူဝ်း​ၼၼ်ႉ​တေႃး​ၶႃႈ​ၵူၼ်း​ၸၢႆး၊ ဢမ်ႇ​ၼၼ် ၶႃႈ​ၵူၼ်း​ယိင်း​ၸိုင်၊ ၸဝ်ႈ​ဝူဝ်း​တၵ်း​လႆႈ​ပၼ်​ငိုၼ်း​ၵျၢပ်ႈ​ သၶေးလႃႉ ​သၢမ်​သိပ်း​ၵျၢပ်ႈ တီႈ​ၸဝ်ႈ​ၶႃႈ​ၼၼ်ႉ​ဢေႃႈ။ ဝူဝ်း​ၵေႃႈ​တၵ်း​လႆႈ​ဢဝ်​တၢင်း​မၢၵ်ႇ​ႁိၼ်​ထိမ်ႈ​တၢႆ​ဢေႃႈ။</verse>
				<verse number="33">ပေႃး​သေ​ၵေႃႉ​သေ​ၵူၼ်း ၽုၺ်ႇ​ႁူး​ၽုၺ်ႇ​ၶုမ်​ဝႆႉ၊ ဢမ်ႇ​ၼၼ် ၶုတ်း​ႁူး​ၶုတ်း​ၶုမ်​ဢမ်ႇ​ႁူမ်ႇ​ဝႆႉ​သေ​ယဝ်ႉ၊ ဝူဝ်း​ပိူၼ်ႈ​လီႈ​ပိူၼ်ႈ​တူၵ်း​သႂ်ႇ​ၵႃႈ​ၼႂ်း​ႁူး​ၼႂ်း​ၶုမ်​ၼၼ်ႉ​ၸိုင်၊-</verse>
				<verse number="34">ၸဝ်ႈ​ႁူး​ၸဝ်ႈ​ၶုမ်​ၼၼ်ႉ​တၵ်း​လႆႈ​ပၼ်​ငိုၼ်း​တီႈ​ၸဝ်ႈ​ဝူဝ်း​ၸဝ်ႈ​လီႈ​ၼၼ်ႉ​လႄႈ တူဝ်​ဢၼ်​တၢႆ​ၼၼ်ႉ တၵ်း​လႆႈ​ပဵၼ်​ဢုၵ်ႉ​ၸႃႇ​မၼ်း​ဢေႃႈ။</verse>
				<verse number="35">ပေႃး​ဝူဝ်း​သေ​ၵေႃႉ​သေ​ၵူၼ်း တေႃး​ဝူဝ်း​ပိူၼ်ႈ​တၢႆ​ၸိုင်၊ သွင်​ၶႃ​တၵ်း​လႆႈ​ၶၢႆ​ဝူဝ်း​ဢၼ်​ဢသၢၵ်ႈ​လိပ်း​ၼၼ်ႉ​သေ​လႄႈ ဢဝ်​ၵႃႈ​မၼ်း​ၶၼ်​မၼ်း ၽႄ​မႅင်ႇ​ၵၼ်​ဢေႃႈ။ ဝူဝ်း​ဢၼ်​တၢႆ​ၼၼ်ႉ​ၵေႃႈ တၵ်း​လႆႈ​ၽႄ​မႅင်ႇ​ၵၼ်​ဢေႃႈ။-</verse>
				<verse number="36">ၼႂ်း​ဝႃႈ​ၼၼ်​သေ​ၵေႃႈ ပေႃး​ၸဝ်ႈ​ဝူဝ်း​ႁူႉ​လွင်ႈ​ဢၼ် ဝူဝ်း​မၼ်း​ယၢမ်ႈ​တေႃး​မိူဝ်ႈ​ဢွၼ်​ၼႆႉ​ၼၼ်ႉ​ယူႇ​လႄႈ၊ ယင်း​ဢမ်ႇ​မတ်ႉ​ဢမ်ႇ​ၽုၵ်ႇ ပွႆႇ​လွတ်ႈ​ဝႆႉ​ၸိုင်၊ မၼ်း​တၵ်း​လႆႈ​ဢဝ်​ဝူဝ်း​ယေႃႇ​ပၼ်​ပုၼ်ႈ​ဝူဝ်း​တူဝ်​ၼိုင်ႈ​ၼၼ်ႉ​ဢမၢၼ်ႇ​ၶၼ်​ပဵၼ်​လႄႈ ဝူဝ်း​ဢၼ်​တၢႆ​ၼၼ်ႉ တၵ်း​လႆႈ​ပဵၼ်​ဢုၵ်ႉ​ၸႃႇ​မၼ်း​ဢေႃႈ။</verse>
			</chapter>
			<chapter number="22">
				<verse number="1">ပေႃး​သေ​ၵေႃႉ​သေ​ၵူၼ်း​လၵ်ႉ​ဢဝ်​သူဝ်း​ဝူဝ်း​ၸိုင်၊ ဢဝ်​တၢႆ​သေ​ဢမ်ႇ​ဝႃႈ၊ ၶၢႆ​ပႅတ်ႈ​သေ​ဢမ်ႇ​ဝႃႈ၊ တၵ်း​လႆႈ​တႅၼ်း​ပၼ် ပုၼ်ႈ​ဝူဝ်း​တူဝ်​ၼိုင်ႈ ဝူဝ်း​ႁႃႈ​တူဝ်၊ ပုၼ်ႈ​သူဝ်း​တူဝ်​ၼိုင်ႈ သူဝ်း​သီႇ​တူဝ်​ဢေႃႈ။</verse>
				<verse number="2">ပေႃး​ထူပ်း​ႁၼ်​ၽူႈ​လၵ်ႉ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၸီး​မူင်ႇ​ႁိူၼ်း​ယူႇ​ၼၼ်ႉ​လႄႈ ပေႃႉ​ယႅၼ်ႉ​မၼ်း​ၼၼ်ႉ​တၢႆ​ၸိုင်၊-</verse>
				<verse number="3">ဢမ်ႇ​လႆႈ​ႁႂ်ႈ​ၶၢမ်ႇ​တၢႆ​ၵွပ်ႈ​ပိူဝ်ႈ​မၼ်း​ၼၼ်ႉ။ ၼႂ်း​ဝႃႈ​ၼၼ်​သေ​ၵေႃႈ ပေႃး​ၵၢင်​ဝၼ်း​ဢွၵ်ႇ​ယဝ်ႉ​ၸိုင် တၵ်း​လႆႈ​ႁႂ်ႈ​ၶၢမ်ႇ​တၢႆ​ၵွပ်ႈ​ပိူဝ်ႈ​မၼ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မီး​လွင်ႈ​ဢၼ်​တၵ်း​လႆႈ​တႅၼ်း​ပၼ်​ဢေႃႈ။ ပေႃး​မၼ်း​ၼၼ်ႉ ဢမ်ႇ​မီး​ဢုၵ်ႉ​ၸႃႇ​လႃး​လႃး​ၸိုင်၊ တၵ်း​လႆႈ​ၶၢႆ​တူဝ်​မၼ်း​ပႅတ်ႈ​ပုၼ်ႈ ဢုၵ်ႉ​ၸႃႇ​ဢၼ်​မၼ်း​လၵ်ႉ​ၼၼ်ႉ​ဢေႃႈ။-</verse>
				<verse number="4">ဢုၵ်ႉ​ၸႃႇ​ဢၼ်​မၼ်း​လၵ်ႉ​ၼၼ်ႉ​ပဵၼ်​ဝူဝ်း​သေ​ဢမ်ႇ​ဝႃႈ၊ ပဵၼ်​သူဝ်း​သေ​ဢမ်ႇ​ဝႃႈ၊ ပေႃး​ထူပ်း​ႁၼ်​ဢသၢၵ်ႈ​လိပ်း​ယူႇ​ၵႃႈ​ၼႂ်း​မိုဝ်း​မၼ်း​ၼၼ်ႉ​ၸိုင် မၼ်း​ၼၼ်ႉ​တၵ်း​လႆႈ​တႅၼ်း​ပၼ်​သွင်​ပုၼ်ႈ​ဢေႃႈ။</verse>
				<verse number="5">ပေႃး​သေ​ၵေႃႉ​သေ​ၵူၼ်း ႁႂ်ႈ​ၵိၼ်​ႁႆႊ​ၵိၼ်​ၼႃး​ပိူၼ်ႈ၊ သူၼ်​ဢူးယဵၼ်ႇ​ၸပိတ်ႈ​ပိူၼ်ႈ၊ ပေႃး​ပွႆႇ​တရိၵ်ႈသၢၼ်ႇ​တူဝ်​ၸဝ်ႈ​ၵဝ်ႇ​ပႅတ်ႈ​လႄႈ တူဝ်​ၼၼ်ႉ​ၵႂႃႇ​ၵိၼ်​ႁႆႊ​ၵိၼ်​ၼႃး​ပိူၼ်ႈ​ၸိုင်၊ မၼ်း​တၵ်း​လႆႈ​ဢဝ်​ဢၼ်​လီ​သေ​ပိူၼ်ႈ​ၵႃႈ​ၼႂ်း​ႁႆႊ​ၼႂ်း​ၼႃး​မၼ်း၊ ၵႃႈ​ၼႂ်း​သူၼ်​ဢူးယဵၼ်ႇ​ၸပိတ်ႈ​မၼ်း​ဢွၵ်ႇ​လႄႈ တႅၼ်း​ပၼ်​ဢေႃႈ။-</verse>
				<verse number="6">ပေႃး​သႂ်ႇ​ၽႆး​လႄႈ​ၽႆး​ၸပ်း​တီႈ​ယုမ်း​ၼၢမ်​မႆႈ​လၢမ်း​ၵႂႃႇ​လႄႈ မႆႈ​ပုမ်ႇ​ၶဝ်ႈ၊ တူၼ်ႈ​ၶဝ်ႈ​တင်း​ၵႃႈ​ဢၼ်​မီး​ၵႃႈ​ၼႂ်း​တူင်ႈ​ၼႃး​ၸိုင်၊ ၵေႃႉ​ဢၼ်​သႂ်ႇ​ၽႆး​ၼၼ်ႉ တၵ်း​လႆႈ​တႅၼ်း​ပၼ်​ဢမၢၼ်ႇ​ၶၼ်​ပဵၼ်​ဢေႃႈ။</verse>
				<verse number="7">ပေႃး​သေ​ၵေႃႉ​သေ​ၵူၼ်း ဢဝ်​ငိုၼ်း​ၶမ်း​ဢုၵ်ႉ​ၸႃႇ​သေ​ၸိူဝ်ႉ​သေ​ပိူင်​ၽၢၵ်ႇ​ဝႆႉ ၵႃႈ​တီႈ​ၵူၼ်း​ႁိူၼ်း​ၸမ်​ၵၼ် ႁႂ်ႈ​လႆႈ​ပႂ်ႉ​ဝႆႉ​လႄႈ ၽူႈ​လၵ်ႉ လၵ်ႉ​ဢဝ်​ၵႃႈ​ၼႂ်း​ႁိူၼ်း​မၼ်း​ၼၼ်ႉ​ၵႂႃႇ​ၸိုင် မိူဝ်ႈ​ဢၼ်​ထူပ်း​ႁၼ်​ၽူႈ​လၵ်ႉ​ၼၼ်ႉ၊ မၼ်း​တၵ်း​လႆႈ​တႅၼ်း​ပၼ်​သွင်​ပုၼ်ႈ​ဢေႃႈ။-</verse>
				<verse number="8">ပေႃး​ဢမ်ႇ​ထူပ်း​ဢမ်ႇ​ႁၼ်​ၽူႈ​လၵ်ႉ​ၸိုင်၊ ၸဝ်ႈ​ႁိူၼ်း​ၼၼ်ႉ တၵ်း​လႆႈ​မႃး​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​လႄႈ ၶၢမ်ႇ​တၢင်း​ဢၼ်​ၸႅတ်ႈ​ထၢမ်​လွင်ႈ​ဢၼ်​မၼ်း​လႆႈ​ဢဝ်​ဢုၵ်ႉ​ၸႃႇ​ၵူၼ်း​ႁိူၼ်း​ၸမ်​ၵၼ်​ႁိုဝ်။ ဢမ်ႇ​လႆႈ​ဢဝ်​ႁိုဝ်​ၼၼ်ႉ​ဢေႃႈ။-</verse>
				<verse number="9">ၼႂ်း​လွင်ႈ​ဢၼ်​ၽိတ်း​ပိူင်ႈ​လူၺ်ႈ​ဢုၵ်ႉ​ၸႃႇ​ပိူၼ်ႈ​ၼၼ်ႉ၊ ပေႃး​သေ​ၵေႃႉ​သေ​ၵူၼ်း​ထူပ်း​ႁၼ်​ဝူဝ်း၊ လီႈ၊ သူဝ်း၊ ၶူဝ်း​ၼုင်ႈ၊ ဢုၵ်ႉ​ၸႃႇ​ဢၼ်​ႁၢႆ​ၵႂႃႇ​ၼၼ်ႉ သေ​ၸိူဝ်ႉ​သေ​ပိူင်​လႄႈ​ဝႃႈ၊ ဢၼ်​ၼႆႉ​ၸမ်ႉ၊ ပဵၼ်​ဢုၵ်ႉ​ၸႃႇ​ၵဝ်​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ဢမူႉ​သွင်​ၶႃ​ၼၼ်ႉ တၵ်း​လႆႈ​ႁွတ်ႈ​ထိုင်​ၵႃႈ​တီႈ ၽၢႆႇ​ၼႃႈ​ၽြႃး​ပဵၼ်​ၸဝ်ႈ​လႄႈ ၵေႃႉ​ဢၼ်​ၽြႃး​ပဵၼ်​ၸဝ်ႈ​ႁႂ်ႈ​သုမ်း​ၼၼ်ႉ တၵ်း​လႆႈ​တႅၼ်း​ပၼ်​သွင်​ပုၼ်ႈ​ဢေႃႈ။</verse>
				<verse number="10">ပေႃး​သေ​ၵေႃႉ​သေ​ၵူၼ်း ဢဝ်​လီႈ၊ သူဝ်း၊ ဝူဝ်း၊ တရိၵ်ႈသၢၼ်ႇ​သေ​ၸိူဝ်ႉ​သေ​မဵဝ်း ၽၢၵ်ႇ​ဝႆႉ​ၵႃႈ​ၼႂ်း​မိုဝ်း​ၵူၼ်း​ႁိူၼ်း​ၸမ်​ၵၼ်​လႄႈ၊ တူဝ်​ၼၼ်ႉ​တၢႆ​သေ​ဢမ်ႇ​ဝႃႈ၊ တိူဝ်ႉ​ထုၵ်ႇ​မႅၼ်ႈ​လႄႈ​ပဵၼ်​ၸဵပ်း​ပဵၼ်​သႅပ်ႇ​သေ​ဢမ်ႇ​ဝႃႈ၊ ၽူႈ​လႂ်​ယင်း​ဢမ်ႇ​ႁၼ်​လႄႈ ပိူၼ်ႈ​တၢင်ႇ​ၵေႃႉ ႁေႃႈ​ဢဝ်​ၵႂႃႇ​သေ​ဢမ်ႇ​ဝႃႈ၊-</verse>
				<verse number="11">တၢင်း​ဢၼ်​မၼ်း​ၵိၼ်ႇ​ဝႃႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး လွင်ႈ​ဢၼ်​မၼ်း​ဢမ်ႇ​လႆႈ​ဢဝ်​ဢုၵ်ႉ​ၸႃႇ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​ၼၼ်ႉ တၵ်း​လႆႈ​မီး​ဝူင်ႈ​ၵၢင်​ၶဝ်​သွင်​ၽၢႆႇ​သွင်​ပႃႈ​ဢေႃႈ။ ၸဝ်ႈ​ဢုၵ်ႉ​ၸႃႇ​တၵ်း​လႆႈ​ႁပ်ႉ​တုင်း​ဢဝ်​လႄႈ မၼ်း​ၼၼ်ႉ​ၵေႃႈ၊ ဢမ်ႇ​လႆႈ​တႅၼ်း​လႆႈ​ပၼ်။-</verse>
				<verse number="12">ၵူၺ်း​ၵႃႈ ပေႃး​ပိူၼ်ႈ​တၢင်ႇ​ၵေႃႉ​လၵ်ႉ​ဢဝ်​ၵႃႈ​ၼႂ်း​မိုဝ်း​မၼ်း​ၼၼ်ႉ​ၵႂႃႇ​ၸိုင်၊ မၼ်း​ၼၼ်ႉ​တၵ်း​လႆႈ​တႅၼ်း​ပၼ်​တီႈ​ၸဝ်ႈ​ဢုၵ်ႉ​ၸႃႇ​ဢေႃႈ။-</verse>
				<verse number="13">ပေႃး​တူဝ်​ၼၼ်ႉ ၶၢမ်ႇ​တၢင်း​ဢၼ်​ၶူပ်း​ယွၵ်း​ၶူပ်း​ယွႆႈ​ပႅတ်ႈ​ၸိုင်၊ ႁႂ်ႈ​ဢဝ်​တူဝ်​တၢႆ​ၼၼ်ႉ​ၼႄ​ပျႃး​ပုၼ်ႈ​သၢၵ်ႈ​သေႇ​တႃႉ။ မၼ်း​ၼၼ်ႉ ဢမ်ႇ​လႆႈ​တႅၼ်း​လႆႈ​ပၼ်​ပုၼ်ႈ​တူဝ်​ဢၼ် ၶၢမ်ႇ​တၢင်း​ဢၼ်​ၶူပ်း​ယွၵ်း​ၶူပ်း​ယွႆႈ​ပႅတ်ႈ​ၼၼ်ႉ။</verse>
				<verse number="14">ပေႃး​သေ​ၵေႃႉ​သေ​ၵူၼ်း ယိမ်​ဢဝ်​တူဝ်​ၵႃႈ​သင်​သေ​ဢမ်ႇ​ဝႃႈ တီႈ​ၵူၼ်း​ႁိူၼ်း​ၸမ်​ၵၼ်​လႄႈ ၸဝ်ႈ​မၼ်း​ယင်း​ဢမ်ႇ​ပႃး၊ တိူဝ်ႉ​မၢတ်ႇ​မႅၼ်ႈ​လႄႈ ပဵၼ်​ၸဵပ်း​ပဵၼ်​သႅပ်ႇ​သေ​ဢမ်ႇ​ဝႃႈ၊ တၢႆ​သေ​ဢမ်ႇ​ဝႃႈ၊ တၵ်း​လႆႈ​တႅၼ်း​လႆႈ​ပၼ် ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="15">ပေႃး​ၸဝ်ႈ​မၼ်း​ပႃး​ယူႇ​ၸိုင်၊ မၼ်း​ၼၼ်ႉ​ဢမ်ႇ​လႆႈ​တႅၼ်း​လႆႈ​ပၼ်။ ပေႃး​ပဵၼ်​တူဝ်​ဢၼ်​လႆႈ​ဢဝ်​တင်း​ၵႃႈ​မၼ်း​ၶၼ်​မၼ်း​ၶၢတ်ႈ​ဢဝ်​ၸမ်ႉ၊ ပဵၼ်​တူဝ်​ဢၼ်​မႃး​ၵွပ်ႈ​ပိူဝ်ႈ​ၵႃႈ​ၶၼ်​ဢၼ်​ၶၢတ်ႈ​ဢဝ်​ၼၼ်ႉ​ၵူၺ်း​ဢေႃႈ။</verse>
				<verse number="16">ပေႃး​ၵူၼ်း​ၸၢႆး​သေ​ၵေႃႉ​သေ​ၵူၼ်း ၶျေႃး​ဢဝ်​ၽူႈ​သၢဝ်​ဢၼ်​ၽူႈ​လႂ်​ဢမ်ႇ​ပႆႇ​မၢႆ​ဝႆႉ​ၼၼ်ႉ​လႄႈ တိူဝ်ႉ​ထုၵ်ႇ​ၵၼ်​တင်း​မၼ်း​ၸိုင်၊ တၵ်း​လႆႈ​ပၼ်​ငိုၼ်း​ၵၼ်ႇ​တေႃး​သေ​လႄႈ ဢဝ်​မႄႈ​ယိင်း​ၼၼ်ႉ ယွင်ႈ​ဝႆႉ​ၼႂ်း​ဢရႃႇ​မေး​ဢေႃႈ။-</verse>
				<verse number="17">ပေႃး​ပေႃႈ​မၼ်း​ဢမ်ႇ​မီး​သၽေႃး ဢၼ်​ၶႂ်ႈ​ဢဝ်​ပၼ်​ၵၼ်​ၸိုင်၊ ၵေႃႉ​ၼၼ်ႉ​တၵ်း​လႆႈ​ယေႃႇ​ငိုၼ်း​သေ​ငိုၼ်း​ၵႃႈ​ၼင်ႇ​ဢၼ် တၵ်း​လႆႈ​ၵၼ်ႇ​တေႃး​ပုၼ်ႈ​ၽူႈ​သၢဝ်​ၼၼ်ႉ​ဢေႃႈ။</verse>
				<verse number="18">မႂ်း​ဢမ်ႇ​လႆႈ​ပၼ်​ဢၶႂၢင်ႉ​ႁႂ်ႈ​မႄႈ​ၽိူဝ်ႉ​ဢသၢၵ်ႈ​လႆႈ​လိပ်း​ယူႇ။</verse>
				<verse number="19">ၵေႃႉ​ဢၼ်​သိူၵ်ႈ​သမ်ႇ​ၵၼ်​တင်း​တရိၵ်ႈသၢၼ်ႇ​ၼၼ်ႉ​ၸိုင် တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ဢမၢၼ်ႇ​ၶၼ်​ပဵၼ်​ဢေႃႈ။</verse>
				<verse number="20">လိူဝ်​သေ​တီႈ​ထႃႇဝရႃႉ​ၽြႃး​ပႃး​လဵဝ်​ၵူၺ်း၊ ၵေႃႉ​ဢၼ်​ပုၵ်ႈ​ၸေႃႇ​ယိတ်ႈ​တီႈ​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ​ၸိုင်၊ တၵ်း​လႆႈ​ၶၢမ်ႇ​တၢင်း​ဢၼ်​ယႃႉ​ပႅတ်ႈ​မူတ်း​မူတ်း​ဢေႃႈ။</verse>
				<verse number="21">မႂ်း​ဢမ်ႇ​လႆႈ​ယႃႉ​လႆႈ​ယူၵ်ႉ​ၶႅၵ်ႇ ဢၼ်​ပဵၼ်​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ၼၼ်ႉ။ ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​မၼ်း။ လွင်ႈ​မၼ်း​ၸမ်ႉ သူ​ယၢမ်ႈ​လႆႈ​ပဵၼ်​ၶႅၵ်ႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ယဝ်ႉ။</verse>
				<verse number="22">သူ​ဢမ်ႇ​လႆႈ​ယႃႉ​လႆႈ​ယူၵ်ႉ​မႄႈ​မူၵ်း​မႄႈ​မၢႆႈ ဢိၵ်ႇ​တင်း​လုၵ်ႈ​ဢွၼ်ႇ​ၵေႃႉ​ဢၼ်​ဢမ်ႇ​မီး​ပေႃႈ​မီး​မႄႈ​ၼၼ်ႉ။-</verse>
				<verse number="23">ပေႃး​မႂ်း​ႁဵတ်း​တၢင်း​ဢၼ်​ယႃႉ​ယူၵ်ႉ​သေ​ၸိူဝ်ႉ​သေ​ပိူင်​တီႈ​ၶဝ်​လႄႈ ၶဝ်​ႁွင်ႉ​သႅၼ်ႇ​တီႈ​ၵဝ်​သေ​ဢိတ်း​ၸိုင်၊ ၵဝ်​တၵ်း​ငိၼ်း​သဵင်​ၶဝ်​ၼၼ်ႉ ဢမၢၼ်ႇ​ၶၼ်​ပဵၼ်​လႄႈ၊-</verse>
				<verse number="24">ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​ယူႇ​သေ​လႄႈ ဢဝ်​သူ​တၢႆ​လူၺ်ႈ​ၽေး​လၢပ်ႇ​ဢေႃႈ။ မေး​သူ​တင်း​လၢႆ​ၵေႃႈ၊ တၵ်း​ဢွၼ်​ၵၼ်​ပဵၼ် မႄႈ​မူၵ်း​မႄႈ​မၢႆႈ​လႄႈ လုၵ်ႈ​ဢွၼ်ႇ​သူ​တင်း​လၢႆ​ၵေႃႈ၊ တၵ်း​ဢွၼ်​ၵၼ်​ပဵၼ်​လုၵ်ႈ​ဢွၼ်ႇ ဢၼ်​ဢမ်ႇ​မီး​ပေႃႈ​မီး​မႄႈ​ဢေႃႈ။</verse>
				<verse number="25">ပေႃး​မႂ်း​ပၼ်​ၵူၼ်း​ယၢၵ်ႈ​ၵူၼ်း​ၽၢၼ် ဢၼ်​ပဵၼ်​ၵူၼ်း​ၵဝ်​မိူၼ်​ၼင်ႇ​မႂ်း​ၼၼ်ႉ ၵူႈ​ဢဝ်​ငိုၼ်း​မႂ်း​ၸိုင်၊ မႂ်း​ဢမ်ႇ​လႆႈ​ႁဵတ်း​ၸိူဝ်ႉ​ၼင်ႇ ၵေႃႉ​ဢၼ်​ၵိၼ်​ၶီႈ​ငိုၼ်း​ၼၼ်ႉ​တီႈ​မၼ်း။ မႂ်း​ဢမ်ႇ​လႆႈ​ယွၼ်း​ဢဝ်​ၶီႈ​တီႈ​မၼ်း။-</verse>
				<verse number="26">ပေႃး​ၵူၼ်း​ႁိူၼ်း​ၸမ်​ၵၼ် ဢဝ်​ၽႃႈ​ႁူမ်ႇ​ၽႃႈ​မႆ ပွင်ႇ​ဝႆႉ​ၵမ်ႉ​ဝႆႉ​တီႈ​မႂ်း​ၸိုင်၊ မႂ်း​တၵ်း​လႆႈ​ၶိုၼ်း​ပၼ်​တီႈ​မၼ်း ၸူဝ်ႈ​ဢၼ်​ၵၢင်​ဝၼ်း​ဢမ်ႇ​ပႆႇ​တူၵ်း​ၼၼ်ႉ​ဢေႃႈ။-</verse>
				<verse number="27">လွင်ႈ​မၼ်း​ၸမ်ႉ လိူဝ်​သေ​ၼၼ်ႉ​မၼ်း​ဢမ်ႇ​မီး​ပုၼ်ႈ​ဢၼ်​တၵ်း​ႁူမ်ႇ​တၵ်း​မႆ​တၢင်ႇ​ၸိူဝ်ႉ​တၢင်ႇ​ပိူင်။ ပဵၼ်​ပုၼ်ႈ​ဢၼ်​တၵ်း​ႁူမ်ႇ​ၼိူဝ်ႉ ႁူမ်ႇ​ၼင်​မၼ်း​ဢေႃႈ။ မၼ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ​ၼွၼ်း​လႆႈ။ ပေႃး​မၼ်း​ႁွင်ႉ​သႅၼ်ႇ​တီႈ​ၵဝ်​ၸိုင်၊ ၵဝ်​တၵ်း​ငိၼ်း​ဢေႃႈ။ ၵဝ်​မီး​သၽေႃး​ဢၼ်​ဢဵတ်း​လူ​ဢေႃႈ။</verse>
				<verse number="28">မႂ်း​ဢမ်ႇ​လႆႈ​လၢတ်ႈ​ပူၼ်ႉ​လၢတ်ႈ​လိူဝ် ၽြႃး​ပဵၼ်​ၸဝ်ႈ​လႄႈ ဢမ်ႇ​လႆႈ​ၵိၼ်ႇ​လႆႈ​လႃႇ ၶုၼ်​ဢၼ်​ဢုပ်ႉ​ပိူင်ႇ​ၸိူဝ်ႉ​ၶိူဝ်း​မႂ်း​ၼၼ်ႉ။-</verse>
				<verse number="29">ယင်း​ဢမ်ႇ​ႁဵတ်း​ၵွႆႈ​ႁဵတ်း​ထိူင်း​လႄႈ မႂ်း​တၵ်း​လႆႈ​ဢဝ်​မၢၵ်ႇ​ဢၼ်​သုၵ်း​ဢွၼ်​တၢင်း​ပိူၼ်ႈ ဢိၵ်ႇ​တင်း​တၢင်း​ဢၼ်​ပဵၼ်​ၼမ်ႉ ဢၼ်​မိပ်ႇ​ဢွၵ်ႇ​ဢွၼ်​တၢင်း​ပိူၼ်ႈ​ၼၼ်ႉ သၢၵ်ႈ​ၵၢပ်ႈ​ဢေႃႈ။ လုၵ်ႈ​ၸၢႆး​ဢၼ်​ၵိူတ်ႇ​လဵင်ႉ​မႃး​ဢွၼ်​တၢင်း​ၼၼ်ႉ​ၵေႃႈ၊ မႂ်း​တၵ်း​လႆႈ​သၢၵ်ႈ​ၵၢပ်ႈ​တီႈ​ၵဝ်​ဢေႃႈ။-</verse>
				<verse number="30">မိူၼ်​ၼင်ႇ​ၼၼ် မႂ်း​တၵ်း​လႆႈ​ဢဝ်​သူဝ်း​ဝူဝ်း​မႂ်း​တင်း​လၢႆ​ႁဵတ်း​ဢေႃႈ။ ၸဵတ်း​ဝၼ်း​တဵမ်​တဵမ် ႁႂ်ႈ​သူဝ်း​ဢွၼ်ႇ​ဝူဝ်း​ဢွၼ်ႇ​ယူႇ​လူၺ်ႈ​ၵၼ်​တင်း​မႄႈ​မၼ်း​လႄႈ မိူဝ်ႈ​ဢၼ်​ႁွတ်ႈ​ထိုင်​ဝၼ်း​ဢႃႉထမႃႉ​ၼၼ်ႉ​ၸိုင်၊ တၵ်း​လႆႈ​သၢၵ်ႈ​ၵၢပ်ႈ​တီႈ​ၵဝ်​ဢေႃႈ။</verse>
				<verse number="31">သူ​တၵ်း​လႆႈ​ပဵၼ်​ၵေႃႉ​ဢၼ် မူတ်း​ၸၢင်ႇ​တီႈ​ၵဝ်​ဢေႃႈ။ ပိူဝ်ႈ​ၼႆ​လႄႈ မႂ်း​ဢမ်ႇ​လႆႈ​ၵိၼ်​ၼိူဝ်ႉ​ဢၼ်​တူဝ်​ထိူၼ်ႇ​ၶူပ်း​ယွၵ်း​ၶူပ်း​ယွႆႈ​ပႅတ်ႈ​ၵႃႈ​တီႈ​ထိူၼ်ႇ​ၼၼ်ႉ၊ တၵ်း​လႆႈ​ဢဝ်​ထိမ်ႈ​ပၼ်​တီႈ​မႃ​သေ​ဢေႃႈ။</verse>
			</chapter>
			<chapter number="23">
				<verse number="1">မႂ်း​ဢမ်ႇ​လႆႈ​မွၵ်ႇ​လႆႈ​လၢတ်ႈ​သတၢင်း​သဵင်​ၶၢဝ်ႇ ဢၼ်​ၽိတ်း​ဢၼ်​ပိူင်ႈ​ၼၼ်ႉ။ မႂ်း​ဢမ်ႇ​လႆႈ​တူပ်း​မိုဝ်း​ၵၼ်​တင်း​ၶဝ်​ၸိူဝ်း​ဢၼ်​ဢမ်ႇ​တြႃး​လႄႈ ၶၢမ်ႇ​သၢၵ်ႈ​သေႇ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ။-</verse>
				<verse number="2">မႂ်း​ဢမ်ႇ​လႆႈ​ၸွမ်း​လင်​ၵူၼ်း​ၼမ်​ၼႃႇ​လႄႈ ႁဵတ်း​ဢၼ်​ဢမ်ႇ​တြႃး။ ၼႂ်း​လွင်ႈ​ဢၼ်​လၢတ်ႈ​ဢမူႉ​ၼၼ်ႉ၊ မႂ်း​ဢမ်ႇ​လႆႈ​ယူႇ​ၽၢႆႇ​ၵူၼ်း​ယႂ်ႇ​ၵူၼ်း​ၼမ်​သေ​လႄႈ လၢတ်ႈ​ႁႂ်ႈ​ပိူင်ႈ​သဵၼ်ႈ​တၢင်း​တြႃး။-</verse>
				<verse number="3">ၽၢႆႇ​ၵူၼ်း​ဢၼ်​ယၢၵ်ႈ​ဢၼ်​ၽၢၼ်​ၵေႃႈ မႂ်း​ဢမ်ႇ​လႆႈ​လူ​ၼႃႈ။</verse>
				<verse number="4">ပေႃး​မႂ်း​ထူပ်း​ႁၼ်​ဝူဝ်း၊ လီႈ၊ ရၢၼ်ႇ​သူႇ​မႂ်း​ၽိတ်း​တၢင်း​ပိူင်ႈ​တၢင်း​ၵႂႃႇ​ၸိုင်၊ မႂ်း​တၵ်း​လႆႈ​ဢဝ်​ၶိုၼ်း​သူင်ႇ​ပၼ်​တီႈ​မၼ်း​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="5">ပေႃး​မႂ်း​ထူပ်း​ႁၼ်​လီႈ ၵေႃႉ​ဢၼ်​ၸင်း​မႂ်း​ၼၼ်ႉ လူမ်ႉ​ယူႇ​ၵႃႈ​တႂ်ႈ တင်း​ၶူဝ်း​ဢၼ်​တၢင်ႇ​ဝႆႉ​ၼၼ်ႉ​ၸိုင်၊ ပိၵ်ႉ​သမ်ႉ​မႂ်း​ဢမ်ႇ​မီး​ဢလူဝ်ႇ​ၶႂ်ႈ​ၸွႆႈ​ၶႂ်ႈ​ထႅမ်​သေ​ၵေႃႈ မႂ်း​တၵ်း​လႆႈ​ၽွမ်ႉ​လူၺ်ႈ​ၵၼ်​တင်း​မၼ်း​လႄႈ ၸွႆႈ​ထႅမ်​ဢေႃႈ။-</verse>
				<verse number="6">ၼႂ်း​မိူဝ်ႈ​ဢၼ်​ၵူၼ်း​ယၢၵ်ႈ​ၵူၼ်း​ၽၢၼ် လၢတ်ႈ​ဢမူႉ​တြႃး​တီႈ​မႂ်း​ၼၼ်ႉ၊ မႂ်း​ဢမ်ႇ​လႆႈ​ဝႄႈ​ပိူင်ႈ​သဵၼ်ႈ​တၢင်း​တြႃး​သေ​လႄႈ​ၸီႇ​ယၢင်ႇ။-</verse>
				<verse number="7">မႂ်း​တၵ်း​လႆႈ​ဝႄႈ​ပႅတ်ႈ ဢမူႉ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ဢေႃႈ။ မႂ်း​ဢမ်ႇ​လႆႈ​ဢဝ်​ၵေႃႉ​ဢၼ်​ဢမ်ႇ​မီး​ဢပႅတ်ႈ၊ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​တၢႆ။ လွင်ႈ​မၼ်း​ၸမ်ႉ ၵဝ်​တၵ်း​ဢမ်ႇ​ပွႆႇ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​လွတ်ႈ​ဢပႅတ်ႈ​လႃး​လႃး​ၵူၺ်ႉ။</verse>
				<verse number="8">မႂ်း​ဢမ်ႇ​လႆႈ​ၵိၼ်​လၢၵ်ႈ​သွင်ႇ။ လၢၵ်ႈ​သွင်ႇ​ၸိုင်၊ ၸၢင်ႈ​ႁႂ်ႈ​တႃ​ၶဝ်​ၸိူဝ်း​ဢၼ် မီး​ပိင်ႇ​ၺႃႇ​ၼၼ်ႉ​လပ်း​ၵႂႃႇ​မွတ်ႇ​ၵႂႃႇ​လႄႈ ၸၢင်ႈ​ႁႂ်ႈ​ၵႂၢမ်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ ပိူင်ႈ​ၵႂႃႇ​ၽိတ်း​ၵႂႃႇ​ဢေႃႈ။-</verse>
				<verse number="9">မႂ်း​ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး ၶႅၵ်ႇ​ဢၼ်​ပဵၼ်​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ၼၼ်ႉ။ ပိူဝ်ႈ​ဢၼ်​သူ​ယၢမ်ႈ​လႆႈ​ပဵၼ်​ၶႅၵ်ႇ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ယဝ်ႉ​လႄႈ သူ​ႁူႉ​ၸႂ်​သၽေႃး​ၶႅၵ်ႇ​ယူႇ​ဢေႃႈ။</verse>
				<verse number="10">ႁူၵ်း​ပီႊ​တဵမ်​တဵမ်​မႂ်း​တၵ်း​လႆႈ​ႁဵတ်း​ႁႆႊ​ႁဵတ်း​ၼႃး​လႄႈ​သိမ်း​ဢဝ်​မၢၵ်ႇ​ဢဝ်​ႁူင်း​ဢေႃႈ။-</verse>
				<verse number="11">ပီႊ​သတ်ႉတမႃႉ​ၸိုင်၊ မႂ်း​ဢမ်ႇ​လႆႈ​ႁဵတ်း​ၼႃး​လႄႈ​တၵ်း​လႆႈ​ပွႆႇ​ဝႆႉ​ၽႃႈ​ဝႆႉ​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ၼႂ်း​ၸိူဝ်ႉ​ၶိူဝ်း​မႂ်း​ၼၼ်ႉ တၵ်း​မီး​ဢၶႂၢင်ႉ​ဢၼ်​လႆႈ​ၵိၼ်​ဢေႃႈ။ ဢၼ်​ၶဝ် ဝႆႉ​ၵိုတ်း​ဝႆႉ​ၵျၢၼ်ႇ​ၼၼ်ႉ​ၵေႃႈ တရိၵ်ႈသၢၼ်ႇ​ဢၼ်​မီး​ၵႃႈ​ၼိူဝ်​လိၼ် တၵ်း​လႆႈ​ၵိၼ်​ဢေႃႈ။ မိူၼ်​ၼင်ႇ​ၼၼ် တီႈ​သူၼ်​ဢူးယဵၼ်ႇ​ၸပိတ်ႈ​တင်း​သူၼ်​ဢူးယဵၼ်ႇ​ သၢၼ်ႇလုၼ်ႇ ​ၵေႃႈ၊ မႂ်း​တၵ်း​လႆႈ​ႁဵတ်း​ဢေႃႈ။-</verse>
				<verse number="12">ႁူၵ်း​ဝၼ်း​တဵမ်​တဵမ် မႂ်း​တၵ်း​လႆႈ​ႁဵတ်း​တၢင်း​ႁဵတ်း​ဢေႃႈ။ ဝၼ်း​သတ်ႉတမႃႉ​ၸိုင်၊ တၵ်း​လႆႈ​ယူႇ​ၼိမ်​ၼိမ်​လီ​လီ​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ဝူဝ်း​မႂ်း၊ လီႈ​မႂ်း​ၼၼ်ႉ တၵ်း​မီး​ဢၶႂၢင်ႉ​ဢၼ်​လႆႈ​ယူႇ​ၼိမ်​ၼိမ်​လီ​လီ​လႄႈ လုၵ်ႈ​ၸၢႆး​ၶႃႈ​ၵူၼ်း​ယိင်း​မႂ်း တင်း​လၢႆ ဢိၵ်ႇ​တင်း ၶႅၵ်ႇ​တင်း​လၢႆ​ၵေႃႈ တၵ်း​လႆႈ​တၢင်း​ဢၼ်​သၢၵ်ႈ​သႃႇ​ဢေႃႈ။-</verse>
				<verse number="13">ၼႂ်း​ၵႃႈ​ဢၼ်​ၵဝ်​ပိင်း​ၺၢပ်ႈ​ဝႆႉ​ၼႆႉ၊ ႁဵတ်း​သတီႉ​တႃႉ။ ၼႃႇ​မႃႉ​ၸိုဝ်ႈ​သဵင်​ၽြႃး​တၢင်ႇ​သူႇ​တၢင်ႇ​ပႃး​ၸိုင်၊ ယႃႇ​ပေ​လၢတ်ႈ​ပေ​ဝႃႈ။ သဵင်​ဢၼ်​ဢွၵ်ႇ​ၵႃႈ​ၼႂ်း​သူပ်း​မႂ်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ယႃႇ​ပေ​ႁႂ်ႈ​ပိူၼ်ႈ​တၢင်ႇ​ၵေႃႉ​လႆႈ​ငိၼ်း။</verse>
				<verse number="14">ၼႂ်း​ယေႈ​ပီႊ တၵ်း​လႆႈ​ၶၢမ်ႇ​ပွႆး​ပုၼ်ႈ​ၵဝ် သၢမ်​ပွၵ်ႈ​ဢေႃႈ။-</verse>
				<verse number="15">တၵ်း​လႆႈ​ၶၢမ်ႇ​ပွႆး​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​လႄႈ ၵိၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ ၸဵတ်း​ဝၼ်း​တဵမ်​တဵမ် ၼႂ်း​ၶိင်ႇ​ဝၼ်း ဢၼ်​မၵ်း​ၶၢၼ်း​ဝႆႉ လိူၼ်​ ဢပီႉပႃႉ ​ၼၼ်ႉ ၸွမ်း​ၵႃႈ​ၼင်ႇ​ဢၼ် ၵဝ်​သင်ႇ​လၢတ်ႈ​ဝႆႉ​ယဝ်ႉ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၼႂ်း​လိူၼ်​ၼၼ်ႉ မႂ်း​လႆႈ​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ဢေႃႈ။ ၼႂ်း​မိူဝ်ႈ​ဢၼ်​ၶၢမ်ႇ​ပွႆး​ၼၼ်ႉ၊ ၽူႈ​လႂ်​ဢမ်ႇ​လႆႈ​မႃး ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး တိၼ်​လၢႆ​မိုဝ်း​ပဝ်ႇ။-</verse>
				<verse number="16">မႂ်း​တၵ်း​လႆႈ​ၶၢမ်ႇ​ပွႆး ဢၼ်​သိမ်း​မၢၵ်ႇ​သိမ်း​ႁူင်း ဢၼ်​ပဵၼ်​မၢၵ်ႇ​ပဵၼ်​ႁူင်း ဢွၼ်​တၢင်း​ပိူၼ်ႈ ၵႃႈ​ၼႂ်း​ႁႆႊ​ၼႂ်း​ၼႃး ဢၼ်​မႂ်း​ၽုၵ်ႇ​သွမ်ႈ​ၼၼ်ႉ ဢိၵ်ႇ​တင်း​ပွႆး​ဢၼ်​သိမ်း​ဢဝ်​မၢၵ်ႇ​ဢဝ်​ႁူင်း​ဝႆႉ မိူဝ်ႈ​ဢၼ်​ပီႊ​ပုတ်ႈ​ပီႊ​လၢႆႈ မိူဝ်ႈ​ဢၼ်​မႂ်း​သိမ်း​ဢဝ်​မၢၵ်ႇ​ဢဝ်​ႁူင်း ဢွၵ်ႇ​သေ​ၵႃႈ​ၼႂ်း​ႁႆႊ​ၼႂ်း​ၼႃး​မႂ်း ဝႆႉ​ယဝ်ႉ​ၼၼ်ႉ​ဢေႃႈ။-</verse>
				<verse number="17">ၼႂ်း​သူ​ၵႃႈ​ပဵၼ်​ၽူႈ​ၸၢႆး​တင်း​သဵင်ႈ​တင်း​လူင် တၵ်း​လႆႈ​ၼႄ​ပျႃး​ၼႃႈ​တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ​ၸဝ်ႈ​ထႃႇဝရႃႉ​ၽြႃး​ပဵၼ်​ၸဝ်ႈ ယေႈ​ပီႊ​သၢမ်​ပွၵ်ႈ​ဢေႃႈ။-</verse>
				<verse number="18">မႂ်း​ဢမ်ႇ​လႆႈ​ဢဝ်​လိူတ်ႈ​တူဝ်​ယိတ်ႈ​ၵဝ်​ပုၵ်ႈ​ၸေႃႇ​လူၺ်ႈ​ၵၼ်​တင်း​ၶဝ်ႈ​မုၼ်း ဢၼ်​ပႃး​ၸိူဝ်ႉ​ပႅင်ႈ။ ၵွၼ်ႈ​ၶႆ​ၵွၼ်ႈ​မၼ်း​တူဝ်​ယိတ်ႈ​ၵဝ်​ၵေႃႈ ဢမ်ႇ​လႆႈ​ဝႆႉ​ၵိုတ်း​ဝႆႉ​ၵျၢၼ်ႇ​တင်း​ၶိုၼ်း တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်။-</verse>
				<verse number="19">မႂ်း​တၵ်း​လႆႈ​ဢဝ်​ဢၼ်​ဢွၼ်​တၢင်း​သုတ်း​ပိူၼ်ႈ ၵႃႈ​ၼႂ်း​မၢၵ်ႇ​ၼႂ်း​ႁူင်း ဢၼ်​မၢၵ်ႇ​ဢွၼ်​တၢင်း​ပိူၼ်ႈ ၵႃႈ​တီႈ​လိၼ်​မႂ်း​ၼၼ်ႉ​မႃး​သႂၢင်း​ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။ မႂ်း​ဢမ်ႇ​လႆႈ​ဢဝ်​ပႄႉ​ဢွၼ်ႇ​တူမ်ႈ​ႁုင်​ၼႂ်း​ၼမ်ႉ​ၼူမ်း​မႄႈ​မၼ်း။</verse>
				<verse number="20">တူၺ်း​လူး၊ ၵဝ်​တၵ်း​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​ဢွၼ်​ႁူဝ်​မႂ်း​ၵႂႃႇ ႁႂ်ႈ​လႆႈ​ပႂ်ႉ​လူ​ပႂ်ႉ​တူၺ်း​မႂ်း​ၵႃႈ​တႃႈ​ၵႃႈ​တၢင်း​လႄႈ ဢဝ်​မႂ်း​သူင်ႇ​ၵႃႈ​တီႈ ဢၼ်​ၵဝ်​မႄး​ႁႅၼ်း​ဝႆႉ​ၼၼ်ႉ​ဢေႃႈ။-</verse>
				<verse number="21">ႁဵတ်း​သတီႉ​တီႈ​မၼ်း​ၼၼ်ႉ​လႄႈ ထွမ်ႇ​ဢဝ်​ၵႂၢမ်း​မၼ်း​တႃႉ။ ယႃႇ​ပေ​ၵၢတ်ႈ​ပေ​ႁႄႉ​ဢလူဝ်ႇ​မၼ်း။ မၼ်း​တၵ်း​ဢမ်ႇ​ပွႆႇ​ဢမ်ႇ​လွတ်ႈ​ဢပႅတ်ႈ ဢၼ်​သူ​ၽိတ်း​ပိူင်ႈ​ၼၼ်ႉ​ၵူၺ်ႉ။ ၼႃႇ​မႃႉ​ၸိုဝ်ႈ​သဵင်​ၵဝ်​မီး​ယူႇ​ၵႃႈ​ၼႂ်း​မၼ်း​ၼၼ်ႉ​ဢေႃႈ။-</verse>
				<verse number="22">ပေႃး​မႂ်း​ထွမ်ႇ​ဢဝ်​ၵႂၢမ်း​မၼ်း​ဢမၢၼ်ႇ​ၶၼ်​ပဵၼ်​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ​ၼၼ်ႉ​ၸိုင်၊ ၵဝ်​တၵ်း​ႁဵတ်း​ရၢၼ်ႇ​သူႇ တီႈ​ရၢၼ်ႇ​သူႇ​မႂ်း​တင်း​လၢႆ​ၼၼ်ႉ​လႄႈ တီႈ​ၶဝ်​ၸိူဝ်း​ဢၼ်​ႁႄႉ​ဢၼ်​ၶႅၼ်​မႂ်း​ၼၼ်ႉ​ၵေႃႈ ၵဝ်​တၵ်း​ႁဵတ်း​ၵေႃႉ​ဢၼ်​ႁႄႉ​ဢၼ်​ၶႅၼ်​ဢေႃႈ။-</verse>
				<verse number="23">တမၢၼ်ႇ​ၵဝ်​တၵ်း​ဢွၼ်​ႁူဝ်​မႂ်း​ၵႂႃႇ​လႄႈ ဢဝ်​မႂ်း​သႂၢင်း​ၶဝ်ႈ​ၵႃႈ​တီႈ​ၼႂ်း​ၵူၼ်း​ ဢႃႇမေႃးရီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ၽေႇရၸီႉ ၊ ၵူၼ်း​ ၶႃႇၼၼီႉ ၊ ၵူၼ်း​ ႁီႉဝီႉ ၊ ၵူၼ်း​ ယေႇပူႉသီႉ ​ၸိူဝ်း​ၼၼ်ႉ​လႄႈ၊ ၵဝ်​ၵေႃႈ​တၵ်း​ပႄႇ​ၽဵဝ်ႈ​ၶဝ်​ၼၼ်ႉ​ပႅတ်ႈ​ဢေႃႈ။-</verse>
				<verse number="24">တီႈ​ၽြႃး​ၶဝ်​ၸိူဝ်း​ၼၼ်ႉ​ၵေႃႈ၊ မႂ်း​ဢမ်ႇ​လႆႈ​ၵူမ်ႈ​ႁူဝ်​ၵွမ်း​ႁူဝ်။ ဢမ်ႇ​လႆႈ​ႁဵတ်း​ဝူတ်ႈ​ႁဵတ်း​ဝၢတ်ႈ။ ဢမ်ႇ​လႆႈ​ၵမ်​လႆႈ​ၵျၢင်ႉ​ၸွမ်း​ၼင်ႇ​ၽႃႇသႃႇ​ၶဝ်​ၼၼ်ႉ။ မႂ်း​တၵ်း​လႆႈ​ဢဝ်​ၶဝ်​ၶႂမ်ႈ​ပိၼ်ႈ​ပႅတ်ႈ​တင်း​သဵင်ႈ​တင်း​မူတ်း​လႄႈ ႁၵ်း​ႁဵၵ်း​သဝ်​တီႈ​ၵူဝ်း​ၵႂၢႆႇ​ၶဝ်​ၼၼ်ႉ​ပႅတ်ႈ မူတ်း​မူတ်း​သဵင်ႈ​သဵင်ႈ​ဢေႃႈ။-</verse>
				<verse number="25">သူ​တၵ်း​လႆႈ​ႁဵတ်း​ဝူတ်ႈ​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၵူၺ်း​ဢေႃႈ။ မၼ်း​ၸဝ်ႈ​တၵ်း​ပၼ်​တၢင်း​လီ​တီႈ​ၶဝ်ႈ​မုၼ်း​မႂ်း ဢိၵ်ႇ​တင်း​တီႈ​ၼမ်ႉ​မႂ်း​ဢေႃႈ။ ၵဝ်​တၵ်း​ဢဝ်​တၢင်း​ၶႆႈ​တၢင်း​ပဵၼ် ဢွၵ်ႇ​သေ​ၵႃႈ​ၼႂ်း​မႂ်း​လႄႈ ပႄႇ​ပႅတ်ႈ​သေ​ဢေႃႈ။</verse>
				<verse number="26">ၵႃႈ​ၼႂ်း​မိူင်း​မႂ်း တၵ်း​ၵၢင်း​လွတ်ႈ​တၢင်း​သတ်ႉတဝႃႇ​ဢၼ် ပတိၵ်ႉသၼ်ႇထေႇ​လူႉ​ယွတ်ႇ ဢိၵ်ႇ​တင်း​သတ်ႉတဝႃႇ​ဢၼ်​မၼ် ဢမ်ႇ​မီး​လုၵ်ႈ​ၼၼ်ႉ​ဢေႃႈ။ ၵဝ်​တၵ်း​ႁႂ်ႈ​ၸူဝ်ႈ​ပၢၼ်​ဢသၢၵ်ႈ​မႂ်း ၸေး​ၸုမ်ႇ​ထူၼ်ႈ​တဵမ်​ဢေႃႈ။-</verse>
				<verse number="27">ၵဝ်​တၵ်း​ပွႆႇ​ၸႂ်ႉ​သၽေႃး​ဢၼ်​ၸၢင်ႈ​ၵူဝ်​ၸၢင်ႈ​ႁႄ​ၵဝ်​ၼႆႉ​ၼၼ်ႉ ဢွၼ်​ႁူဝ်​မႂ်း​ၵႂႃႇ​လႄႈ ယႃႉ​ယူၵ်ႉ​ၵူၼ်း​ၵူႈ​မဵဝ်း​တင်း​သဵင်ႈ​တင်း​လူင် ၵႃႈ​တီႈ​ဢၼ်​မႂ်း​တၵ်း​ႁွတ်ႈ​ထိုင်​ၼၼ်ႉ​ဢေႃႈ။ ၵဝ်​တၵ်း​ႁႂ်ႈ​ရၢၼ်ႇ​သူႇ​မႂ်း​တင်း​သဵင်ႈ​တင်း​လူင် ဝၢႆႇ​လင်​ပၼ်​တီႈ​မႂ်း​ဢေႃႈ။-</verse>
				<verse number="28">ၵဝ်​တၵ်း​ပွႆႇ​ၸႂ်ႉ တေႃႇ​လႂ်​တႅၼ်​လႂ် ၵႂႃႇ​ဢွၼ်​တၢင်း​မႂ်း​လႄႈ၊ ၶဝ်​တၵ်း​ႁေႃႈ​ၵူၼ်း​ ႁီႉဝီႉ ၊ ၵူၼ်း​ ၶႃႇၼၼီႉ ​တင်း​ၵူၼ်း​ ႁိတ်ႉတီႉ ​ၸိူဝ်း​ၼၼ်ႉ​ဢွၵ်ႇ​သေ ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။-</verse>
				<verse number="29">ၼႂ်း​ပီႊ​ၼိုင်ႈ​ၵူၺ်း ၵဝ်​တၵ်း​ဢမ်ႇ​ႁေႃႈ​ၵူၼ်း​ၸိူဝ်း​ၼၼ်ႉ​ဢွၵ်ႇ။ ပေႃး​ဢမ်ႇ​ၼၼ် မိူင်း​တၵ်း​ပဵၼ် ဢၼ်​သဵတ်ႇ​ဢၼ်​ယဵၼ်​လႄႈ တူဝ်​ထိူၼ်ႇ​ႁၢႆႉ တၵ်း​ယႂ်ႇ​ၽႄႈ​ၼမ်​ၵိုၼ်း​မႃး​တီႈ​မႂ်း​ဢေႃႈ။-</verse>
				<verse number="30">ၵဝ်​တၵ်း​ႁေႃႈ​ၶဝ်​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​မႂ်း​လွႆး​လွႆး​တေႃႇ​ထိုင်​ႁွတ်ႈ​ထၼ်ႈ​ပေႃး မႂ်း​ယႂ်ႇ​ၽႄႈ​ၼမ်​ၵိုၼ်း​မႃး​လႄႈ လႆႈ​ၸၢမ်ႇ​ၸႃး​မိူင်း တင်း​မိူင်း​ဢေႃႈ။-</verse>
				<verse number="31">ၵဝ်​တၵ်း​မၢတ်ႈ​မၢႆ​လႅၼ်​လိၼ်​တီႈ​ဢၼ်​မႂ်း တၵ်း​ယူႇ​ၼၼ်ႉ​ဝႆႉ ဢဝ်​ၵႃႈ​တီႈ​ၸႃႉ​ၸဵမ်​ပၢင်ႇ​လၢႆႇ​ ဢေႇတုမ်ႇ တေႃႇ​ထိုင်​ႁွတ်ႈ​ပၢင်ႇ​လၢႆႇ​ ၽီႉလိတ်ႉတီႉ ဢိၵ်ႇ​တင်း​ဢဝ်​ၵႃႈ​တီႈ​ၸႃႉ​ၸဵမ်​ထိူၼ်ႇ​တေႃႇ​ထိုင်​ႁွတ်ႈ ၵႃႈ​တီႈ​ၼမ်ႉ​ႁွင်ႈ​ဢေႃႈ။ ၵဝ်​တၵ်း​ဢဝ်​ၵူၼ်း​ၵႃႈ​တီႈ​ၼၼ်ႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​လႄႈ မႂ်း​တၵ်း​လႆႈ​ႁေႃႈ​ၶဝ်​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။-</verse>
				<verse number="32">မႂ်း​ဢမ်ႇ​လႆႈ​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​ၶဝ် ဢိၵ်ႇ​တင်း​ၽြႃး​ၶဝ်​တင်း​လၢႆ​ၼၼ်ႉ။-</verse>
				<verse number="33">ပိူဝ်ႈ​ဢၼ်​ၵူဝ်​ၶဝ်​တၵ်း​ႁဵတ်း​ႁႂ်ႈ​မႂ်း​လႆႈ​ၽိတ်း​ပိူင်ႈ​ၵဝ်​လႄႈ၊ ၶဝ်​ၼၼ်ႉ​ဢမ်ႇ​လႆႈ​ယူႇ​ၵႃႈ​ၼႂ်း​မိူင်း​မႂ်း။ ပေႃး​မႂ်း​ႁဵတ်း​ဝူတ်ႈ​ႁဵတ်း​ဝၢတ်ႈ​တီႈ ၽြႃး​ၶဝ်​ၸိူဝ်း​ၼၼ်ႉ​ၸိုင်၊ တၵ်း​ပဵၼ်​တူင်ႇ​ႁႅဝ်ႉ​တူင်ႇ​ၶိုမ်း​တီႈ​မႂ်း​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="24">
				<verse number="1">ၵမ်း​ၼၼ်ႉ မၼ်း​ၸဝ်ႈ​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ မႂ်း​ဢိၵ်ႇ​တင်း​ ဢႃႇရုၼ်ႇ တင်း​ ၼႃႇတပ်ႉ တင်း​ ဢၽီႉႁူႉ တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​မဵဝ်း​ ဢီႉသရေႇလႃႉ ၸဵတ်း​သိပ်း​ၵေႃႉ ဢွၼ်​ၵၼ်​ၶိုၼ်ႈ​ၸူး ၵႃႈ​တီႈ​ထႃႇဝရႃႉ​ၽြႃး​လႄႈ ယူႇ​တီႈ​ဢၼ်​ၵႆ​ၵႆ​သေ​လႄႈ ၵူဝ်း​ၵႂၢႆႇ​တႃႉ။-</verse>
				<verse number="2">မူဝ်းသေႇ ​ၵေႃႉ​လဵဝ်​ၵူၺ်း တၵ်း​လႆႈ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ထႃႇဝရႃႉ​ၽြႃး​ဢေႃႈ။ ၶဝ်​ၼၼ်ႉ​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး။ ၵူၼ်း​တင်း​လၢႆ​ၵေႃႈ ဢမ်ႇ​လႆႈ​ၶိုၼ်ႈ​လူၺ်ႈ​ၵၼ်​တင်း​မၼ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">မူဝ်းသေႇ ​ၵေႃႈ မႃး​လႄႈ​မွၵ်ႇ​လၢတ်ႈ​ၵႂၢမ်း​ထႃႇဝရႃႉ​ၽြႃး​တင်း​သဵင်ႈ​တင်း​လူင် ဢိၵ်ႇ​တင်း​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ တင်း​သဵင်ႈ​တင်း​လူင်​ၼၼ်ႉ တီႈ​ၵူၼ်း​တင်း​လၢႆ​လႄႈ ၵူၼ်း​တင်း​သဵင်ႈ​တင်း​လူင်​ၼၼ်ႉ ၽွမ်ႉ​သဵင်​လဵဝ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၶႃႈ​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မူဝ်းသေႇ ​တႅမ်ႈ​ၵႂၢမ်း​ထႃႇဝရႃႉ​ၽြႃး​တင်း​သဵင်ႈ​တင်း​လူင်​ဝႆႉ​သေ​ယဝ်ႉ၊ လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ တႄႇ​ႁဵတ်း​ယိတ်ႈ​ပလၢင်ႇ ဢိၵ်ႇ​တင်း​သဝ်​မၢၵ်ႇ​ႁိၼ်​သိပ်း​သွင်​လုၵ်ႈ ၸွမ်း​ၵႃႈ​ၼင်ႇ​ဢၼ်​ၵူၼ်း​မဵဝ်း​ ဢီႉသရေႇလႃႉ ပဵၼ်​သိပ်း​သွင်​မဵဝ်း​ၼၼ်ႉ ၵႃႈ​တီႈ​ႁိမ်း​တိၼ်​လွႆ​ၼၼ်ႉ​ဢေႃႈ။-</verse>
				<verse number="5">မၼ်း​ပွႆႇ​ၸႂ်ႉ​ၽူႈ​မၢဝ်ႇ​တင်း​လၢႆ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၵႂႃႇ​လႄႈ ၶဝ်​ၼၼ်ႉ​ၵေႃႈ ဢွၼ်​ၵၼ်​ဢဝ်​ဝူဝ်း​ပုၵ်ႈ​ၸေႃႇ​ယိတ်ႈ ဢၼ်​တုတ်ႇ​ၽႆး ဢိၵ်ႇ​တင်း​ယိတ်ႈ​မိၵ်ႉသႃႇႁႃယႃႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="6">မူဝ်းသေႇ ​ၵေႃႈ ဢဝ်​လိူတ်ႈ​ၼၼ်ႉ​ၶိုင်ႈ​ၼိုင်ႈ သႂ်ႇ​ၵႃႈ​ၼႂ်း​ဝၢၼ်ႇ​လူင်​လႄႈ ဢဝ်​ၶိုင်ႈ​ၼိုင်ႈ​ၽႅတ်း​သႂ်ႇ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="7">လိၵ်ႈ​ပတီႉၺိၺ်ႇ​ၵေႃႈ မၼ်း​ဢဝ်​ၽတ်း​ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ ၵူၼ်း​တင်း​လၢႆ​သေ​ယဝ်ႉ၊ ၶဝ်​ၼၼ်ႉ​ဢွၼ်​ၵၼ်​လၢတ်ႈ​လႄႈ​ဝႃႈ၊ ႁဝ်း​ၶႃႈ​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​လႄႈ တၵ်း​ထွမ်ႇ​ဢဝ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မူဝ်းသေႇ ​ၵေႃႈ ဢဝ်​လိူတ်ႈ​ၽႅတ်း​သႂ်ႇ ၵႃႈ​ၼိူဝ်​ၵူၼ်း​တင်း​လၢႆ​လႄႈ​လၢတ်ႈ​ဝႃႈ၊ လိူတ်ႈ​ၼႆႉ​ၸမ်ႉ၊ ပဵၼ်​လိူတ်ႈ​ပတီႉၺိၺ်ႇ​ဢၼ်​ထႃႇဝရႃႉ​ၽြႃး ႁဵတ်း​လူၺ်ႈ​ၵၼ်​တင်း​မႂ်း လူၺ်ႈ​လွင်ႈ​ၵႂၢမ်း​ၸိူဝ်း​ၼႆႉ တင်း​သဵင်ႈ​တင်း​လူင်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မိူဝ်ႈ​ၼၼ်ႉ မူဝ်းသေႇ၊ ဢႃႇရုၼ်ႇ၊ ၼႃႇတပ်ႉ၊ ဢၽီႉႁူႉ ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ၶိုၼ်ႈ​ၸူး​လႄႈ၊-</verse>
				<verse number="10">လႆႈ​ႁၼ်​ၽြႃး​ပဵၼ်​ၸဝ်ႈ ၵူၼ်း​မဵဝ်း​ ဢီႉသရေႇလႃႉ ​ဢေႃႈ။ ၵႃႈ​တီႈ​တႂ်ႈ​တိၼ်​မၼ်း​ၸဝ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​ၶိူင်ႈ​ပိူင်​ဢၼ်​ဢဝ်​တင်း​သႅင်​ၼီႇလႃႇ ဢၼ်​ႁိူဝ်ႈ​ႁိူင်း​ႁဵတ်း​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ၼႃႈ​ၽႃႉ​ၵၢင်​ႁၢဝ်​ဢၼ်​သႂ်​လႅင်း​ၼၼ်ႉ​ဝႆႉ​ဢေႃႈ။-</verse>
				<verse number="11">မၼ်း​ၸဝ်ႈ​ဢမ်ႇ​ဢဝ်​မိုဝ်း​ႁဵတ်း​တီႈ​မူး​မၢတ်ႈ​ၽွင်ႈ​မိူင်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ။ ပိၵ်ႉ​သမ်ႉ​ၶဝ်​လႆႈ​ႁၼ်​ၽြႃး​ပဵၼ်​ၸဝ်ႈ​သေ​ၵေႃႈ၊ ၶဝ်​ယင်း​ၵိၼ်​ယူႇ​ၶူပ်း​ယူႇ​ဢေႃႈ။</verse>
				<verse number="12">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၶိုၼ်ႈ​ၸူး​တီႈ​ၵဝ်​ၵႃႈ​ၼိူဝ်​လွႆ​ၼႆႉ​တႃႉ။ ၵဝ်​တၵ်း​ဢဝ်​ၶႅပ်း​မၢၵ်ႇ​ႁိၼ် ဢိၵ်ႇ​တင်း​တြႃး​ၸဝ်ႈ​တင်း​ပိင်း​ၺၢပ်ႈ​ၸဝ်ႈ ဢၼ်​ၵဝ်​တႅမ်ႈ​ဝႆႉ​ယဝ်ႉ​ၼၼ်ႉ ဢၢပ်ႈ​ပၼ်​တီႈ​မႂ်း ပုၼ်ႈ​ဢၼ်​မႂ်း​တၵ်း​လႆႈ​သင်ႇ​သွၼ်​ပၼ်​ပိူၼ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">မူဝ်းသေႇ ​ဢိၵ်ႇ​တင်း​ ယေႃးသူႉ ​ဢၼ်​ပဵၼ်​ၵူၼ်း​ႁူမ်ႈ​ၵူၼ်း​ပွင်း​မၼ်း​ၼၼ်ႉ ဢွၼ်​ၵၼ်​လုၵ်ႉ​လႄႈ၊ မူဝ်းသေႇ ​ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="14">မၼ်း​သင်ႇ​လၢတ်ႈ​တီႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ​လႄႈ​ဝႃႈ၊ သူ​ဢွၼ်​ၵၼ်​ပႂ်ႉ​ထႃႈ​ယူႇ​ၵႃႈ​တီႈ​ၼႆႈ ႁႂ်ႈ​တေႃႇ​ထိုင်​ႁွတ်ႈ​ႁဝ်း​ၶိုၼ်း​မႃး​ၼၼ်ႉ​တႃႉ။ တူၺ်း​လူး၊ ဢႃႇရုၼ်ႇ တင်း​ ႁူႉရႃႉ ​မီး​ယူႇ​လူၺ်ႈ​ၵၼ်​တင်း​သူ​လႄႈ၊ ၽူႈ​လႂ်​သေ​ဢမ်ႇ​ဝႃႈ ပေႃး​မီး​ဢမူႉ​ၵိၵ်ႉ​ၸႃႉ​ၸိုင်၊ ႁႂ်ႈ​မၼ်း​ၵႂႃႇ​ၸူး​ၵႃႈ​တီႈ​ၶဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">မူဝ်းသေႇ ​ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ၸဝ်ႈ​လႄႈ၊မွၵ်ႇ​ၵုမ်ႈ​ႁူမ်ႇ​သုမ်ႇ​လွႆ​ၸဝ်ႈ​ၼၼ်ႉ​ဝႆႉ​ဢေႃႈ။-</verse>
				<verse number="16">မုၼ်​ၽုင်း​ထႃႇဝရႃႉ​ၽြႃး​တိူဝ်ႉ​ထုၵ်ႇ​ၵႃႈ​ၼိူဝ်​လွႆ​ သီႉၼႃႉ ​လႄႈ မွၵ်ႇ​ၵုမ်ႈ​ႁူမ်ႇ​သုမ်ႇ​ဝႆႉ​ႁူၵ်း​ဝၼ်း​တဵမ်​တဵမ်​ဢေႃႈ။ ၼႂ်း​ဝၼ်း​သတ်ႉတမႃႉ​ၸိုင် မၼ်း​ၸဝ်ႈ​ယူႇ​ၵႃႈ​ၼႂ်း​မွၵ်ႇ​ၵုမ်ႈ​ၼၼ်ႉ ႁွင်ႉ​တီႈ​ မူဝ်းသေႇ ​ဢေႃႈ။-</verse>
				<verse number="17">ဢရွင်ႇ​မုၼ်​ၽုင်း​ထႃႇဝရႃႉ​ၽြႃး​ၼၼ်ႉ​ပဵၼ်​မိူၼ်​ၸိူဝ်ႉ​ၼင်ႇ ၽႆး​ဢၼ်​မႆႈ​ယူႇ​ၵႃႈ​ၼိူဝ်​ပၢႆ​ၸိၵ်း​လွႆ​ၼၼ်ႉ သိုဝ်ႈ​ၼႃႈ​တႂ်ႈ​တႃ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="18">မူဝ်းသေႇ ​ၶဝ်ႈ​ၵႃႈ​ၼႂ်း​မွၵ်ႇ​ၵုမ်ႈ​လႄႈ ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ၸဝ်ႈ​ၼၼ်ႉ​သေ​ယဝ်ႉ၊ ယူႇ​ၵႃႈ​ၼိူဝ်​လွႆ​ၸဝ်ႈ​ၼၼ်ႉ သီႇ​သိပ်း​ဝၼ်း​သီႇ​သိပ်း​ၶိုၼ်း​တဵမ်​တဵမ်​ဢေႃႈ။</verse>
			</chapter>
			<chapter number="25">
				<verse number="1">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​ဢဝ်​တၢင်း​လူႇ​တၢင်း​တၢၼ်း​မႃး​တီႈ​ၵဝ်​တႃႉ။ သူ​တၵ်း​လႆႈ​ၶၢမ်ႇ​ဢဝ်​တၢင်း​လူႇ​တၢင်း​တၢၼ်း​ၵဝ်​ၼၼ်ႉ တီႈ​ၶဝ်​ၸိူဝ်း​ဢၼ်​ပႃး​တင်း​ၸႂ်​ၸေႇတၼႃႇ​လူႇ​တၢၼ်း​တီႈ​ၵဝ် ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="3">တၢင်း​လူႇ​တၢင်း​တၢၼ်း ဢၼ်​သူ​တၵ်း​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ ပဵၼ်​ၶမ်း၊ ငိုၼ်း၊ တွင်း​လိူင်၊-</verse>
				<verse number="4">ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်၊ ပိၵ်ႈ​ၶျေႃး၊ ၶူၼ်​ပႄႉ၊-</verse>
				<verse number="5">ၼင်​သူဝ်း​ဢၼ်​ယွမ်ႉ​လႅင်၊ ၼင်​ တႁႃႇသႃႉ ၊ မႆႉ​ ဢၵႃႇသႃႉ ၊-</verse>
				<verse number="6">ၼမ်ႉ​မၼ်း​ပုၼ်ႈ​ဢၼ်​တၵ်း​တႆႈ၊ ၼၢမ်ႇ​သႃႇ​ပုၼ်ႈ​ဢၼ်​တၵ်း​ၽေႃႇ​ၼမ်ႉ​မၼ်း​ဢၼ်​တႃး၊ ၼၢမ်ႇ​သႃႇ​ပုၼ်ႈ​ဢၼ်​တၵ်း​ၽေႃႇ​ဢၼ်​ႁွမ်​ဢၼ်​ႁူၺ်း​ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="7">သႅင်​ၸၢႆး​ၶႃး​ယွတ်ႇ ဢိၵ်ႇ​တင်း​သႅင်​လီ​ပုၼ်ႈ​ဢၼ်​တၵ်း​ၶပ်ႉ​ၸီႇ​ၵႃႈ​တီႈ​ၶိူင်ႈ​ဝႆ​ၼႃႈ​ဢူၵ်း​တင်း​သိူဝ်ႈ​သုပ်း​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="8">ႁႂ်ႈ​ၶဝ်​ႁဵတ်း​ထႃႇၼႃႉ​တီႈ​မူတ်း​ၸၢင်ႇ ပုၼ်ႈ​တီႈ​ဢၼ်​ၵဝ်​တၵ်း​ၵိင်း​ဝၢပ်ႈ​ယူႇ​ၼႂ်း​ၶဝ်​ၼၼ်ႉ​တႃႉ။-</verse>
				<verse number="9">သူ​တၵ်း​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ၵဝ်​တၵ်း​ၼႄ​ပျႃး​တီႈ​မႂ်း​ဢၼ်​ဝႃႈ ပုင်ႇ​ႁၢင်ႈ​သုမ်ႉ​ထဵင်​ၸဝ်ႈ ဢိၵ်ႇ​တင်း​ပုင်ႇ​ႁၢင်ႈ​ၶိူင်ႈ​ပိူင်​ၵႃႈ​ၼႂ်း သုမ်ႉ​ထဵင်​ၸဝ်ႈ​ၸိူဝ်း​ၼၼ်ႉ​မိူၼ်​မိူၼ်​ဢေႃႈ။</verse>
				<verse number="10">ၶဝ်​တၵ်း​လႆႈ​ဢဝ်​မႆႉ​ ဢၵႃႇသႃႉ ႁဵတ်း​တိူၵ်ႈ​တႃႇ ဢၼ်​ၼႃႈ​ယၢဝ်း​မၼ်း မီး​သွင်​သွၵ်ႇ​ၶိုပ်ႈ၊ ၼႃႈ​ပွတ်း​မၼ်း​သွၵ်ႇ​ၶိုပ်ႈ၊ ၼႃႈ​သုင်​မၼ်း သွၵ်ႇ​ၶိုပ်ႈ​ဢေႃႈ။-</verse>
				<verse number="11">မႂ်း​တၵ်း​လႆႈ​ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​သေ​ဢေႃႈ။ တၵ်း​လႆႈ​ဢုမ်ႇ​ႁေႃႇ​ၽၢႆႇ​တၢင်း​ၼွၵ်ႈ​မၼ်း ၽၢႆႇ​တၢင်း​ၼႂ်း​မၼ်း​ၼၼ်ႉ​သေ​လႄႈ ႁဵတ်း​ၶိူင်ႈ​ၶႅပ်း​ၶမ်း​ဢၼ်​တၵ်း​လႆႈ​လဵပ်ႈ​ႁွပ်ႈ​ၵႃႈ​တီႈ​ၼိူဝ်​ႁိမ်း​မၼ်း​သေ​ဢေႃႈ။-</verse>
				<verse number="12">မႂ်း​တၵ်း​လႆႈ​လေႃႇ​ႁဵတ်း​ၶူၺ်ႇ​ၶမ်း​သီႇ​ၶူၺ်ႇ​ပုၼ်ႈ​မၼ်း​လႄႈ သႂ်ႇ​ဝႆႉ​ၵႃႈ​တီႈ​သီႇ​ၸဵင်ႇ​မၼ်း​ၼၼ်ႉ​ဢေႃႈ။ ၶူၺ်ႇ​သွင်​ၶူၺ်ႇ​တၵ်း​လႆႈ​မီး​တီႈ ၼႃႈ​မၼ်း​ၼႃႈ​ၼိုင်ႈ​လႄႈ ၶူၺ်ႇ​သွင်​ၶူၺ်ႇ​တၵ်း​လႆႈ​မီး​တီႈ ၼႃႈ​မၼ်း​ၼႃႈ​ၼိုင်ႈ​ဢေႃႈ။-</verse>
				<verse number="13">မႂ်း​တၵ်း​လႆႈ​ဢဝ်​မႆႉ​ ဢၵႃႇသႃႉ ​ႁဵတ်း​ၵၢၼ်း​ႁၢပ်ႇ​လႄႈ ဢဝ်​ၶမ်း​ဢုမ်ႇ​ႁေႃႇ​သေ​ယဝ်ႉ၊-</verse>
				<verse number="14">ဢဝ်​ၵၢၼ်း​ႁၢပ်ႇ​ၸိူဝ်း​ၼၼ်ႉ သွတ်ႇ​သႂ်ႇ​ၵႃႈ​ၼႂ်း​ၶူၺ်ႇ​ၶမ်း​ဢၼ်​မီး​ၵႃႈ​တီႈ​ၼႃႈ​တိူၵ်ႈ​တႃႇ​ၸိူဝ်း​ၼၼ်ႉ​ဝႆႉ​ပုၼ်ႈ​ဢၼ် တၵ်း​လႆႈ​ႁၢပ်ႇ​တိူၵ်ႈ​တႃႇ​ၼၼ်ႉ​ဢေႃႈ။-</verse>
				<verse number="15">ၵၢၼ်း​ႁၢပ်ႇ​ၸိူဝ်း​ၼၼ်ႉ တၵ်း​လႆႈ​မီး​ယူႇ​ၵႃႈ​ၼႂ်း​ၶူၺ်ႇ​ၶမ်း​တိူၵ်ႈ​တႃႇ​ၼၼ်ႉ​သေႇ​သေႇ​ဢေႃႈ။ ဢမ်ႇ​လႆႈ​ဢဝ်​ၽၢတ်ႇ​သေ​ၵႃႈ​တီႈ​မၼ်း။-</verse>
				<verse number="16">မႂ်း​တၵ်း​လႆႈ​ဢဝ်​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ ဢၼ်​ၵဝ်​တၵ်း​ပၼ်​ၼၼ်ႉ ဝႆႉ​ၵႃႈ​ၼႂ်း​တိူၵ်ႈ​တႃႇ​ၼၼ်ႉ​ဢေႃႈ။-</verse>
				<verse number="17">မႂ်း​တၵ်း​လႆႈ​ဢဝ်​ၶမ်း​လွတ်ႈ​ငၢၼ်ႇ ႁဵတ်း​ပလၢင်ႇ​တီႈ​ၽေႇ​ဢပႅတ်ႈ ဢၼ်​ၼႃႈ​ယၢဝ်း​မၼ်း မီး​သွင်​သွၵ်ႇ​ၶိုပ်ႈ၊ ၼႃႈ​ပွတ်း​မၼ်း​မီး​သွၵ်ႇ​ၶိုပ်ႈ​ၼၼ်ႉ​ဢေႃႈ။-</verse>
				<verse number="18">မႂ်း​တၵ်း​လႆႈ​ဢဝ်​ၶမ်း​ႁဵတ်း​ ၶေႇရူႉၽဵမ်ႇ ​သွင်​ပႃး​ဢေႃႈ။ တၵ်း​လႆႈ​တွင်ႈ​ႁဵတ်း​လႄႈ ဝႆႉ​ၵႃႈ​ၼိူဝ်​ပလၢင်ႇ​တီႈ​ၽေႇ​ဢပႅတ်ႈ ၵႃႈ​တီႈ​ၼႃႈ​ပွတ်း​မၼ်း​ၼၼ်ႉ ယေႈ​ၽၢႆႇ​ယေႈ​ပႃႈ​ဢေႃႈ။-</verse>
				<verse number="19">ႁဵတ်း​ ၶေႇရူႉၽဵမ်ႇ ​ပႃး​ၼိုင်ႈ ၵႃႈ​တီႈ​ၼႃႈ​ပွတ်း​မၼ်း​ၽၢႆႇ​ၼိုင်ႈ ဢိၵ်ႇ​တင်း ၶေႇရူႉၽဵမ်ႇ ​ပႃး​ၼိုင်ႈ ၵႃႈ​တီႈ​ၼႃႈ​ပွတ်း​မၼ်း​ၽၢႆႇ​ၼိုင်ႈ​တႃႉ။ သူ​တၵ်း​လႆႈ​ႁဵတ်း ၵႃႈ​ၼႂ်း​တူဝ်​ပလၢင်ႇ​တီႈ​ၽေႇ​ဢပႅတ်ႈ​ၼၼ်ႉ ဢွၵ်ႇ​ပဵၼ်​ ၶေႇရူႉၽဵမ်ႇ ​သွင်​ပႃး ယေႈ​ၽၢႆႇ​ယေႈ​ပႃႈ​ဢေႃႈ။-</verse>
				<verse number="20">ၶေႇရူႉၽဵမ်ႇ ​သွင်​ပႃး​ၼၼ်ႉ တၵ်း​လႆႈ​ၵီႈ​ပိၵ်ႇ​ၶဝ်​ၶိုၼ်ႈ​ၼိူဝ်​လႄႈ ဢဝ်​ပိၵ်ႇ​ၶဝ်​မုင်း​ႁူမ်ႇ​ပလၢင်ႇ​တီႈ​ၽေႇ​ဢပႅတ်ႈ​ၼၼ်ႉ​ယူႇ၊ ဝၢႆႇ​ၼႃႈ​တေႃႇ​ၵၼ်​ယူႇ​သေ​လႄႈ တူၺ်း​ပလၢင်ႇ​တီႈ​ၽေႇ​ဢပႅတ်ႈ​ၼၼ်ႉ​ယူႇ​ဢေႃႈ။-</verse>
				<verse number="21">မႂ်း​တၵ်း​လႆႈ​ဢဝ်​ပလၢင်ႇ​တီႈ​ၽေႇ​ဢပႅတ်ႈ​ၼၼ်ႉ​တၢင်ႇ​ဝႆႉ​ၵႃႈ​ၼိူဝ်​တိူၵ်ႈ​တႃႇ​ဢေႃႈ။ ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ဢၼ်​ၵဝ်​တၵ်း​ပၼ်​ၼၼ်ႉ​ၵေႃႈ၊ မႂ်း​တၵ်း​လႆႈ​ဢဝ်​ဝႆႉ​ၵႃႈ​ၼႂ်း​တိူၵ်ႈ​တႃႇ​ၼၼ်ႉ​ဢေႃႈ။-</verse>
				<verse number="22">ၵဝ်​တၵ်း​ထူပ်း​ၵၼ်​တင်း​မႂ်း​ၵႃႈ​တီႈ​ၼၼ်ႈ​လႄႈ ယူႇ​ၵႃႈ​ၼိူဝ်​ပလၢင်ႇ​တီႈ​ၽေႇ​ဢပႅတ်ႈ ၵႃႈ​တီႈ​ၵႄႈ​ဝူင်ႈ​ၵၢင်​ ၶေႇရူႉၽဵမ်ႇ ​သွင်​ပႃး​ဢၼ်​မီး ၵႃႈ​ၼိူဝ်​တိူၵ်ႈ​တႃႇ​တီႈ​ဢၼ်​ဝႆႉ ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ​သေ​လႄႈ လၢတ်ႈ​တေႃႇ​မႂ်း​လွင်ႈ​ၵႃႈ​ဢၼ်​ၵဝ်​တၵ်း​သင်ႇ​လၢတ်ႈ​ဝႆႉ​တီႈ​မႂ်း ပုၼ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ဢေႃႈ။</verse>
				<verse number="23">မႂ်း​တၵ်း​လႆႈ​ဢဝ်​မႆႉ​ ဢၵႃႇသႃႉ ​ႁဵတ်း​ၶူင်ႇ​တီႈ​ၵိၼ် ဢၼ်​ၼႃႈ​ယၢဝ်း​မၼ်း​မီး​သွင်​သွၵ်ႇ၊ ၼႃႈ​ပွတ်း​မၼ်း​သွၵ်ႇ​ၼိုင်ႈ၊ ဢၼ်​သုင်​မၼ်း သွၵ်ႇ​ၶိုပ်ႈ​ဢေႃႈ။</verse>
				<verse number="24">မႂ်း​တၵ်း​လႆႈ​ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​မၼ်း​လႄႈ ႁဵတ်း​ၶိူင်ႈ​ၶႅပ်း​ၶမ်း​ဢၼ်​တၵ်း​လႆႈ​လဵပ်ႈ​ႁွပ်ႈ​ၵႃႈ​တီႈ​ၼိူဝ်​ႁိမ်း​မၼ်း​သေ​ဢေႃႈ။-</verse>
				<verse number="25">မႂ်း​တၵ်း​လႆႈ​ႁဵတ်း​ၶႃႇ​ပၢၼ်း ဢၼ်​ၼႃႈ​ပွတ်း​မၼ်း​မီး​ၽႃႇ​မိုဝ်း​ၼိုင်ႈ​ဢိၵ်ႇ​တင်း​ၶိူင်ႈ​ၶႅပ်း​ၶမ်း ဢၼ်​တၵ်း​လႆႈ​လဵပ်ႈ​ႁွပ်ႈ​ၵႃႈ​တီႈ​ၼိူဝ်​ႁိမ်း​မၼ်း​ၼၼ်ႉ​ဢေႃႈ။-</verse>
				<verse number="26">ၶူၺ်ႇ​ၶမ်း​သီႇ​ၶူၺ်ႇ​ၵေႃႈ မႂ်း​တၵ်း​လႆႈ​ႁဵတ်း​ပုၼ်ႈ​မၼ်း​လႄႈ ဢဝ်​ၶူၺ်ႇ​ၸိူဝ်း​ၼၼ်ႉ​သႂ်ႇ​ဝႆႉ​ၵႃႈ​တီႈ​သီႇ​ၸဵင်ႇ​မၼ်း​ဢၼ်​မီး​ၵႃႈ​ၼိူဝ်​တိၼ်​မၼ်း​သီႇ​ၶွၼ်​ၼၼ်ႉ​ဢေႃႈ။-</verse>
				<verse number="27">ၶူၺ်ႇ​ၶမ်း​ၸိူဝ်း​ၼၼ်ႉ တၵ်း​လႆႈ​မီး​ၵႃႈ​တီႈ​ႁိမ်း​ၶႃႇ​ပၢၼ်း​လႄႈ ပဵၼ်​တီႈ​ယူႇ​ၵၢၼ်း​ႁၢပ်ႇ​ပုၼ်ႈ​ဢၼ်​တၵ်း​ႁၢပ်ႇ​ၶူင်ႇ​တီႈ​ၵိၼ်​ၼၼ်ႉ​ဢေႃႈ။-</verse>
				<verse number="28">ပုၼ်ႈ​ဢၼ်​တၵ်း​လႆႈ​ဢဝ်​ႁၢပ်ႇ​ၶူင်ႇ​တီႈ​ၵိၼ်​ၼၼ်ႉ​ၸိုင်၊ မႂ်း​တၵ်း​လႆႈ​ဢဝ်​မႆႉ​ ဢၵႃႇသႃႉ ​ႁဵတ်း​ၵၢၼ်း​ႁၢပ်ႇ​လႄႈ ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​သေ​ဢေႃႈ။-</verse>
				<verse number="29">မႂ်း​တၵ်း​လႆႈ​ႁဵတ်း​မေႃႈ​ဢႅင်ႇ​လႂ်၊ ၸေႃႉ​လႂ်၊ ၵွၵ်း​လႂ်၊ ၵွၵ်း​ဢႅင်ႇ​ပုၼ်ႈ​ဢၼ်​တၵ်း​ထွၵ်ႇ​တၵ်း​ႁိုဝ်ႈ​လႂ် ဢၼ်​ၸၢပ်ႈ​သႅင်ႇ​ၵၼ်​တင်း​မၼ်း​လႄႈ ဢဝ်​ၶမ်း​လွတ်ႈ​ငၢၼ်ႇ​ႁဵတ်း​ဢေႃႈ။-</verse>
				<verse number="30">မႂ်း​တၵ်း​လႆႈ​ဢဝ်​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ တၢင်ႇ​ဝႆႉ​ၵႃႈ​ၼိူဝ်​ၶူင်ႇ​တီႈ​ၵိၼ်​ၵႃႈ​တီႈ​ၽၢႆႇ​ၼႃႈ​ၵဝ်​သေႇ​သေႇ​ဢေႃႈ။</verse>
				<verse number="31">ၶူင်ႇ​တီႈ​တႆႈ​ၽႆး​ၵေႃႈ​မႂ်း​တၵ်း​လႆႈ​ဢဝ် ၶမ်း​လွတ်ႈ​ငၢၼ်ႇ​ႁဵတ်း​ဢေႃႈ။ တၵ်း​လႆႈ​တွင်ႈ​ႁဵတ်း​ၶူင်ႇ​တီႈ​တႆႈ​ၽႆး​ၼၼ်ႉ​ၸႃႉ​ၸဵမ်​တိၼ်​မၼ်း​တင်း​သဝ်​မၼ်း​ဢေႃႈ။ ၵွၵ်း​မၼ်း၊ ပုမ်ႇ​မၼ်း​တင်း​မွၵ်ႇ​မူဝ်​မၼ်း​ၸိူဝ်း​ၼၼ်ႉ တၵ်း​လႆႈ​ဢွၵ်ႇ​ၵႃႈ​ၼႂ်း​တူဝ်​မၼ်း​လႄႈ ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ဢေႃႈ။-</verse>
				<verse number="32">ၵိင်ႇ​ႁူၵ်း​ၵိင်ႇ တၵ်း​လႆႈ​တႅၵ်ႇ​ဢွၵ်ႇ​ၵႃႈ​တီႈ​သွင်​ၽၢၵ်ႇ​ၶၢင်ႈ​မၼ်း ၽၢႆႇ​ၼိုင်ႈ​ၵိင်ႇ​ၶူင်ႇ​တီႈ​တႆႈ​ၽႆး​သၢမ်​ၵိင်ႇ ၽၢႆႇ​ၼိုင်ႈ​ၵိင်ႇ​ၶူင်ႇ​တီႈ​တႆႈ​ၽႆး​သၢမ်​ၵိင်ႇ​ဢေႃႈ။-</verse>
				<verse number="33">ၽၢႆႇ​ၼိုင်ႈ​ၵႃႈ​တီႈ​ၵိင်ႇ​မၼ်း​ၵိင်ႇ​ၼိုင်ႈ​တၵ်း​လႆႈ​မီး​ၵွၵ်း​သၢမ်​လုၵ်ႈ ဢၼ်​မိူၼ်​ၸိူဝ်ႉ​ၼင်ႇ​မၢၵ်ႇ​ ပႃႇတမ်ႇ ​ၼၼ်ႉ ဢိၵ်ႇ​တင်း​ပုမ်ႇ​မၼ်း​တင်း​မွၵ်ႇ​မူဝ်​မၼ်း​လႄႈ ၽၢႆႇ​ၼိုင်ႈ​ၵႃႈ​တီႈ​ၵိင်ႇ​မၼ်း​ၵိင်ႇ​ၼိုင်ႈ တၵ်း​လႆႈ​မီး​ၵွၵ်း​သၢမ်​လုၵ်ႈ​ဢၼ်​မိူၼ်​ၸိူဝ်ႉ​ၼင်ႇ မၢၵ်ႇ​ ပႃႇတမ်ႇ ​ၼၼ်ႉ ဢိၵ်ႇ​တင်း​ပုမ်ႇ​မၼ်း​တင်း​မွၵ်ႇ​မူဝ်​မၼ်း​ဢေႃႈ။ ၼင်ႇ​ၼၼ်​လႄႈ တၵ်း​လႆႈ​ပဵၼ်​တီႈ​ၵိင်ႇ​ႁူၵ်း​ၵိင်ႇ ဢၼ်​တႅၵ်ႇ​ဢွၵ်ႇ​ၵႃႈ​တီႈ​ၶူင်ႇ​တီႈ​တႆႈ​ၽႆး​ၼၼ်ႉ​ဢေႃႈ။-</verse>
				<verse number="34">ၵႃႈ​တီႈ​တူဝ်​သဝ်​ၶူင်ႇ​တီႈ​တႆႈ​ၽႆး​ၼၼ်ႉ​ၵေႃႈ၊ တၵ်း​လႆႈ​မီး​ၵွၵ်း​သီႇ​လုၵ်ႈ ဢၼ်​မိူၼ်​ၸိူဝ်ႉ​ၼင်ႇ​မၢၵ်ႇ​ ပႃႇတမ်ႇ ​ၼၼ်ႉ ဢိၵ်ႇ​တင်း​ပုမ်ႇ​မၼ်း တင်း​မွၵ်ႇ​မူဝ်​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="35">ပုၼ်ႈ​ၵိင်ႇ​ႁူၵ်း​ၵိင်ႇ ဢၼ်​တႅၵ်ႇ​ဢွၵ်ႇ​ၵႃႈ​တီႈ​သဝ်​ၶူင်ႇ​တီႈ​တႆႈ​ၽႆး​ၼၼ်ႉ၊ တၵ်း​လႆႈ​မီး​ပုမ်ႇ​ၵႃႈ​တႂ်ႈ​ငၢမ်ႈ​သွင်​ၵိင်ႇ ဢၼ်​ဢွၵ်ႇ​ၵႃႈ​ၼႂ်း​တူဝ်​မၼ်း​လႄႈ ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ၼၼ်ႉ​ပုမ်ႇ​ၼိုင်ႈ၊ ၵႃႈ​တႂ်ႈ​ငၢမ်ႈ​သွင်​ၵိင်ႇ​ဢၼ်​ဢွၵ်ႇ​ၵႃႈ​ၼႂ်း​တူဝ်​မၼ်း​လႄႈ ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ၼၼ်ႉ​ပုမ်ႇ​ၼိုင်ႈ၊ ၵႃႈ​တႂ်ႈ​ငၢမ်ႈ​သွင်​ၵိင်ႇ​ဢၼ်​ဢွၵ်ႇ​ၵႃႈ​ၼႂ်း​တူဝ်​မၼ်း​လႄႈ ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ၼၼ်ႉ​ပုမ်ႇ​ၼိုင်ႈ​ဢေႃႈ။-</verse>
				<verse number="36">ပုမ်ႇ​မၼ်း​ဢိၵ်ႇ​တင်း​ၵိင်ႇ​မၼ်း​တင်း​လၢႆ တၵ်း​လႆႈ​ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​လႄႈ ၶူင်ႇ​တီႈ​တႆႈ​ၽႆး​ၼၼ်ႉ​တင်း​သဵင်ႈ​တင်း​မူတ်း တၵ်း​လႆႈ​ဢဝ်​ၶမ်း​လွတ်ႈ​ငၢၼ်ႇ​တွင်ႈ​ႁဵတ်း​ဢေႃႈ။-</verse>
				<verse number="37">ဝၢၼ်ႇ​တႆႈ​ၽႆး​ၸဵတ်း​မႂ်​ၵေႃႈ၊ မႂ်း​တၵ်း​လႆႈ​ႁဵတ်း​ဢေႃႈ။ တၵ်း​လႆႈ​တႆႈ​ဝၢၼ်ႇ​တႆႈ​ၽႆး​ၸိူဝ်း​ၼၼ်ႉ ႁႂ်ႈ​ဢၼ်​လႅင်း​ထွင်ႇ​ၵႂႃႇ​သိုဝ်ႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="38">ၵိမ်း​ၺၢပ်ႈ​ၽႆး ဢိၵ်ႇ​တင်း​ၵွၵ်း​ပုၼ်ႈ​ဢၼ်​တၵ်း​ၶၢမ်ႇ​ဢဝ် ဢၼ်​ၺၢပ်ႈ​ၽႆး​ပႅတ်ႈ​ၼၼ်ႉ​ၵေႃႈ၊ တၵ်း​လႆႈ​ပဵၼ်​ၶမ်း​လွတ်ႈ​ငၢၼ်ႇ​ဢေႃႈ။-</verse>
				<verse number="39">မႂ်း​တၵ်း​လႆႈ​ဢဝ်​ၶမ်း​လွတ်ႈ​ငၢၼ်ႇ​ တလၢၼ်ႇတၢၼ်ႇ ​ၼိုင်ႈ ႁဵတ်း​ၶူင်ႇ​တီႈ​တႆႈ​ၽႆး​ဢိၵ်ႇ​တင်း​ၶိူင်ႈ​မၼ်း​ၵႃႈ​မီး​တင်း​သဵင်ႈ​တင်း​လူင်​ဢေႃႈ။-</verse>
				<verse number="40">လွင်ႈ​ၼင်ႇ​ႁိုဝ်​တၵ်း​လႆႈ​ႁဵတ်း​ၸွမ်း​ၼင်ႇ ပုင်ႇ​ႁၢင်ႈ​ဢၼ်​ၵဝ်​ၼႄ​ပျႃး​တီႈ​မႂ်း​ၵႃႈ​ၼိူဝ်​လွႆ​မႃး​ယဝ်ႉ​ၼၼ်ႉ​ၸိုင်၊ ႁဵတ်း​သတီႉ​တႃႉ။</verse>
			</chapter>
			<chapter number="26">
				<verse number="1">ၼႄး​ၼိုင်ႈ​ၸမ်ႉ၊ မႂ်း​တၵ်း​လႆႈ​ဢဝ်​တင်း​ၽႃႈ​ၵင်ႈ​သိပ်း​ၽိုၼ် ႁဵတ်း​သုမ်ႉ​ထဵင်​ၸဝ်ႈ​ဢေႃႈ။ တၵ်း​လႆႈ​ဢဝ်​ပိၵ်ႈ​ၶျေႃး​ဢၼ်​ပႃး​တင်း ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်​တမ်ႇ​ၵၢမ်း​ၵၼ်​ႁၢင်ႈ​ၶိူင်ႈ​ႁဵတ်း​ပုင်ႇ​ႁၢင်ႈ ၶေႇရူႉၽဵမ်ႇ ​သႂ်ႇ​လႄႈ​ႁဵတ်း​ၽႃႈ​ၵင်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="2">ၽႃႈ​ၵင်ႈ​ၼၼ်ႉ ၼႃႈ​ယၢဝ်း​မၼ်း​တၵ်း​လႆႈ​မီး​သၢဝ်း​ပႅတ်ႇ​သွၵ်ႇ၊ ၼႃႈ​ပွတ်း​မၼ်း​သီႇ​သွၵ်ႇ​လႄႈ ၽႃႈ​ၵင်ႈ​တင်း​သဵင်ႈ​တင်း​လူင်​ၸိူဝ်း​ၼၼ်ႉ၊ ၼႃႈ​ယၢဝ်း​ၼႃႈ​ပွတ်း​တၵ်း​လႆႈ​မိူၼ်​ၵၼ်​ဢေႃႈ။-</verse>
				<verse number="3">ၽႃႈ​ၵင်ႈ​ႁႃႈ​ၽိုၼ်​တၵ်း​လႆႈ​ယဵပ်ႉ​ၸပ်း​ႁႂ်ႈ​ပဵၼ်​ၽိုၼ်​လဵဝ်​ၵၼ်​လႄႈ ၽႃႈ​ၵင်ႈ​ဢၼ်​ၵိုတ်း​ႁႃႈ​ၽိုၼ်​ၼၼ်ႉ​ၵေႃႈ​တၵ်း​လႆႈ​ယဵပ်ႉ​ၸပ်း​ႁႂ်ႈ​ပဵၼ်​ၽိုၼ်​လဵဝ်​ၵၼ်​ဢေႃႈ။-</verse>
				<verse number="4">မႂ်း​တၵ်း​လႆႈ​ဢဝ်​ၶူဝ်း​ဢၼ်​သွမ်ႇ​ႁဵတ်း​ႁူ​မၼ်း၊ သႂ်ႇ​ၵႃႈ​တီႈ​ၸႃႉ​ၸဵမ်​တီႈ​သုတ်း​ၽႃႈ​ၵင်ႈ​ဢၼ်​သိုပ်ႇ​ၵၢမ်း​ၵၼ်​ၽိုၼ်​ၼိုင်ႈ​ၼၼ်ႉ​လႄႈ ၸွမ်း​ၵႃႈ​တီႈ​ႁိမ်း​ၽၢႆႇ​ၼိူဝ်​မၼ်း​ၵႂႃႇ​ဢေႃႈ။ ၵႃႈ​တီႈ​ၸႃႉ​ၸဵမ်​တီႈ​သုတ်း​ၽႃႈ​ၵင်ႈ​ၽိုၼ်​တူႉတီႉယႃႉ ဢၼ်​သိုပ်ႇ​ၵၢမ်း​ၵၼ်​ၽိုၼ်​ၼိုင်ႈ​ၼၼ်ႉ​လႄႈ ၸွမ်း​ၵႃႈ​တီႈ​ႁိမ်း​ၽၢႆႇ​ၼိူဝ်​မၼ်း​ၵႂႃႇ​ၼၼ်ႉ​ၵေႃႈ တၵ်း​လႆႈ​ႁဵတ်း​မိူၼ်​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="5">မႂ်း​တၵ်း​လႆႈ​ႁဵတ်း​ႁူ​ႁႃႈ​သိပ်း​ၵႃႈ​တီႈ​ၽႃႈ​ၵင်ႈ​ၽိုၼ်​ၼိုင်ႈ ဢိၵ်ႇ​တင်း​ႁူ​ႁႃႈ​သိပ်း​ၵႃႈ​တီႈ​ႁိမ်း​ၽၢႆႇ​ၼိူဝ်​ၽႃႈ​ၵင်ႈ​ၽိုၼ်​တူႉတီႉယႃႉ ဢၼ်​သိုပ်ႇ​ၵၢမ်း​ၵၼ်​ၼၼ်ႉ​ဢေႃႈ။ ႁူ​တင်း​လၢႆ​ၸိူဝ်း​ၼၼ်ႉ တၵ်း​လႆႈ​တေႃႇ​မႅၼ်ႈ​ၵၼ်​ဢေႃႈ။-</verse>
				<verse number="6">ၶေႃ​ၶမ်း​ႁႃႈ​သိပ်း​ဢၼ်​ၵေႃႈ မႂ်း​တၵ်း​လႆႈ​ႁဵတ်း​လႄႈ ဢဝ်​ၶေႃ​ၶမ်း​ၸိူဝ်း​ၼၼ်ႉ ႁႂ်ႈ​ၽႃႈ​ၵင်ႈ​တေႃႇ​ၸပ်း​ၵၼ်​သေ​ယဝ်ႉ၊ တၵ်း​လႆႈ​ပဵၼ်​သုမ်ႉ​ထဵင်​ၸဝ်ႈ​ဢၼ်​လဵဝ်​ၵူၺ်း​ဢေႃႈ။</verse>
				<verse number="7">ၽႃႈ​ၵင်ႈ​ပုၼ်ႈ​ဢၼ်​တၵ်း​ပဵၼ်​မူဝ်းၵႃႇ​ၵႃႈ​ၼိူဝ်​သုမ်ႉ​ထဵင်​ၸဝ်ႈ​ၼၼ်ႉ တၢင်ႇ​ၽိုၼ်​ၵေႃႈ​မႂ်း​တၵ်း​လႆႈ​ႁဵတ်း​ဢေႃႈ။ တၵ်း​လႆႈ​ႁဵတ်း​သိပ်း​ဢဵတ်း​ၽိုၼ်​ဢေႃႈ။-</verse>
				<verse number="8">ၽႃႈ​ၵင်ႈ​ယေႈ​ၽိုၼ် ၼႃႈ​ယၢဝ်း​မၼ်း​တၵ်း​လႆႈ​မီး​သၢမ်​သိပ်း​သွၵ်ႇ၊ ၼႃႈ​ပွတ်း​မၼ်း​သီႇ​သွၵ်ႇ​လႄႈ၊ ၽႃႈ​ၵင်ႈ​သိပ်း​ဢဵတ်း​ၽိုၼ်​ၸိူဝ်း​ၼၼ်ႉ၊ ၼႃႈ​ယၢဝ်း​ၼႃႈ​ပွတ်း​တၵ်း​လႆႈ​မိူၼ်​ၵၼ်​ဢေႃႈ။-</verse>
				<verse number="9">မႂ်း​တၵ်း​လႆႈ​ယဵပ်ႉ​ၽႃႈ​ၵင်ႈ​ႁႃႈ​ၽိုၼ်​ၸပ်း​ၵၼ်​ႁႂ်ႈ​ပဵၼ်​ၽိုၼ်​လဵဝ်​ၵၼ်၊ ၽႃႈ​ၵင်ႈ​ႁူၵ်း​ၽိုၼ်​ၸပ်း​ၵၼ်​ႁႂ်ႈ​ပဵၼ်​ၽိုၼ်​လဵဝ်​ၵၼ်​လႄႈ တူပ်ႉ​ၽႃႈ​ၵင်ႈ​ၽိုၼ် ဢၼ်​ထူၼ်ႈ​ထိုင်​ႁူၵ်း​ၽိုၼ်​ၼၼ်ႉ ဝႆႉ​ၵႃႈ​တီႈ​ၼႃႈ​မူဝ်းၵႃႇ​ဢေႃႈ။-</verse>
				<verse number="10">မႂ်း​တၵ်း​လႆႈ​ႁဵတ်း​ႁူ​ႁႃႈ​သိပ်း​သႂ်ႇ​ၵႃႈ​တီႈ​သုတ်း​ၽႃႈ​ၵင်ႈ​ၽိုၼ်​ၼိုင်ႈ​ၼၼ်ႉ​လႄႈ ၸွမ်း​ၵႃႈ​တီႈ​ႁိမ်း​ၽၢႆႇ​ၼိူဝ်​မၼ်း​ၵႂႃႇ ဢိၵ်ႇ​တင်း​ႁူ​ႁႃႈ​သိပ်း ၵႃႈ​တီႈ​ၸႃႉ​ၸဵမ်​တီႈ​သုတ်း​ၽႃႈ​ၵင်ႈ ၽိုၼ်​တူႉတီႉယႃႉ​ၽိုၼ်​ၼိုင်ႈ​ၼၼ်ႉ​လႄႈ ၸွမ်း​ၵႃႈ​တီႈ​ႁိမ်း​ၽၢႆႇ​ၼိူဝ်​မၼ်း​ၵႂႃႇ​ၼၼ်ႉ​ဢေႃႈ။-</verse>
				<verse number="11">ၶေႃ​တွင်း​လိူင်​ႁႃႈ​သိပ်း​ဢၼ်​ၵေႃႈ မႂ်း​တၵ်း​လႆႈ​ႁဵတ်း​လႄႈ ဢဝ်​ၶေႃ​ၸိူဝ်း​ၼၼ်ႉ​သွတ်ႇ​သႂ်ႇ​ၵႃႈ​တီႈ​ႁူ​ၸိူဝ်း​ၼၼ်ႉ​သေ​ယဝ်ႉ၊ တၵ်း​လႆႈ​ႁႂ်ႈ​မူဝ်းၵႃႇ​ၽၢၵ်ႇ​ၼိုင်ႈ​လႄႈ​ၽၢၵ်ႇ​ၼိုင်ႈ တေႃႇ​ၸပ်း​ၵၼ်​လႄႈ ပဵၼ်​ဢၼ်​လဵဝ်​ၵူၺ်း​ဢေႃႈ။-</verse>
				<verse number="12">ဢၼ်​လိူဝ်​ဝႆႉ​တီႈ​ၽႃႈ​ၵင်ႈ​မူဝ်းၵႃႇ​ၸိူဝ်း​ၼၼ်ႉ​လႄႈ ပူၼ်ႉ​ပႅၼ်​ၵႂႃႇ​ဢၼ်​ဝႃႈ​ၽႃႈ​ၵင်ႈ​ၶိုင်ႈ​ပၵ်း​ၼိုင်ႈ​ဢၼ်​လိူဝ်​ဝႆႉ​ၼၼ်ႉ​ၸမ်ႉ၊ တၵ်း​လႆႈ​ပွႆႇ​ႁွႆႈ​တူၵ်း​ဝႆႉ ၵႃႈ​တီႈ​ၽၢႆႇ​တၢင်း​လင်​သုမ်ႉ​ထဵင်​ၸဝ်ႈ​ဢေႃႈ။-</verse>
				<verse number="13">ၼႂ်း​ဢၼ်​လိူဝ်​တီႈ​ၼႃႈ​ယၢဝ်း​ၽႃႈ​ၵင်ႈ​မူဝ်းၵႃႇ​ၼၼ်ႉ​ၸမ်ႉ၊ ၽၢႆႇ​ၼိုင်ႈ​သွၵ်ႇ​ၼိုင်ႈ​ၽၢႆႇ​ၼိုင်ႈ​သွၵ်ႇ​ၼိုင်ႈ တၵ်း​လႆႈ​ပွႆႇ​ႁွႆႈ​တူၵ်း​ဝႆႉ ၵႃႈ​ၼိူဝ်​သုမ်ႉ​ထဵင်​ၸဝ်ႈ ယေႈ​ၽၢႆႇ​ယေႈ​သွၵ်ႇ​ပုၼ်ႈ​ဢၼ်​တၵ်း​ႁူမ်ႇ​သုမ်ႇ​မၼ်း​ဢေႃႈ။-</verse>
				<verse number="14">မႂ်း​တၵ်း​လႆႈ​ဢဝ်​ၼင်​သူဝ်း​ဢၼ်​ယွမ်ႉ​လႅင်​ႁဵတ်း​ပုၼ်ႈ​ဢၼ်​တၵ်း​ႁူမ်ႇ​သုမ်ႇ​မူဝ်းၵႃႇ ဢိၵ်ႇ​တင်း​ၼင်​ တႁႃႇသႃႉ ​ႁဵတ်း​ပုၼ်ႈ​ဢၼ်​တၵ်း​ႁူမ်ႇ​သုမ်ႇ​ၵႃႈ​ၼိူဝ်​မၼ်း​ၼၼ်ႉ​သေ​ဢေႃႈ။</verse>
				<verse number="15">ပႅၼ်ႈ ဢၵႃႇသႃႉ ဢၼ်​တၵ်း​ၵင်ႈ​သုမ်ႉ​ထဵင်​ၸဝ်ႈ​ဝႆႉ​ၵေႃႈ မႂ်း​တၵ်း​လႆႈ​ႁဵတ်း​ဢေႃႈ။-</verse>
				<verse number="16">ပႅၼ်ႈ​ၼၼ်ႉ​ယေႈ​ၽႅၼ်ႇ​ၼႃႈ​ယၢဝ်း​မၼ်း တၵ်း​လႆႈ​မီး​သိပ်း​သွၵ်ႇ၊ ၼႃႈ​ပွတ်း​မၼ်း​သွၵ်ႇ​ၶိုပ်ႈ​ဢေႃႈ။-</verse>
				<verse number="17">လွင်ႈ​ၼင်ႇ​ႁိုဝ်​တၵ်း​လႆႈ​ဢဝ်​ၶပ်ႉ​ၸႅၼ်ႇ​ၵပ်း​တၢမ်း​ၵၼ်​ၸိုင်၊ ၵႃႈ​တီႈ​ပႅၼ်ႈ​ၽႅၼ်ႇ​ၼိုင်ႈ တၵ်း​လႆႈ​မီး​တိၼ်​သွင်​ဢၼ်​ဢေႃႈ။ မႂ်း​တၵ်း​လႆႈ​ႁဵတ်း​ပႅၼ်ႈ​သုမ်ႉ​ထဵင်​ၸဝ်ႈ တင်း​သဵင်ႈ​တင်း​လူင် မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="18">မႂ်း​တၵ်း​လႆႈ​ႁဵတ်း​ပႅၼ်ႈ ဢၼ်​တၵ်း​ၵင်ႈ​သုမ်ႉ​ထဵင်​ၸဝ်ႈ ပုၼ်ႈ​ၼႃႈ​တၢင်း​ၸၢၼ်း​သၢဝ်း​ၼိုင်ႈ​ဢေႃႈ။-</verse>
				<verse number="19">တီႈ​ပႅၼ်ႈ​သၢဝ်း​ၼိုင်ႈ​ၼၼ်ႉ မႂ်း​တၵ်း​လႆႈ​ႁဵတ်း​တီႈ​သုပ်း​တိၼ်​ငိုၼ်း သီႇ​သိပ်း၊ ၵႃႈ​တႂ်ႈ​ပႅၼ်ႈ​ယေႈ​ၽႅၼ်ႇ​တီႈ​သုပ်း​တိၼ်​မၼ်း​သွင်​ဢၼ်​ဢေႃႈ။-</verse>
				<verse number="20">မိူၼ်​ၼင်ႇ​ၼၼ် မႂ်း​တၵ်း​လႆႈ​ႁဵတ်း​ပႅၼ်ႈ ဢၼ်​တၵ်း​ၵင်ႈ​သုမ်ႉ​ထဵင်​ၸဝ်ႈ ပုၼ်ႈ​ၼႃႈ​တၢင်း​ႁွင်ႇ​သၢဝ်း​ၼိုင်ႈ၊-</verse>
				<verse number="21">ဢိၵ်ႇ​တင်း​တီႈ​သုပ်း​တိၼ်​ငိုၼ်း​သီႇ​သိပ်း၊ ၵႃႈ​တႂ်ႈ​ပႅၼ်ႈ​ယေႈ​ၽႅၼ်ႇ​တီႈ​သုပ်း​တိၼ်​မၼ်း သွင်​ဢၼ်​ဢေႃႈ။-</verse>
				<verse number="22">ပႅၼ်ႈ​ဢၼ်​တၵ်း​ၵင်ႈ​ၽၢႆႇ​လင်​သုမ်ႉ​ထဵင်​ၸဝ်ႈ ပုၼ်ႈ​ၼႃႈ​တၢင်း​တူၵ်း​ၸိုင်၊ မႂ်း​တၵ်း​လႆႈ​ႁဵတ်း​ႁူၵ်း​ၽႅၼ်ႇ​ဢေႃႈ။-</verse>
				<verse number="23">ပႅၼ်ႈ​ဢၼ်​တၵ်း​ၵင်ႈ​ပုၼ်ႈ​ၸဵင်ႇ​ၽၢႆႇ​တၢင်း​လင်​သုမ်ႉ​ထဵင်​ၸဝ်ႈ​ၼၼ်ႉ​ၵေႃႈ မႂ်း​တၵ်း​လႆႈ​ႁဵတ်း​သွင်​ၽႅၼ်ႇ​ဢေႃႈ။-</verse>
				<verse number="24">တၵ်း​လႆႈ​တူပ်ႉ​ၸဵင်ႇ​ၵၢမ်း​ၵၼ်​ၸႃႉ​ၸဵမ်​ၵႃႈ​တီႈ​ၽၢႆႇ​တႂ်ႈ​လႄႈ ပဵၼ်​ဢၼ်​လဵဝ်​ၵၼ် ၶိုၼ်ႈ​ၵႂႃႇ​ၸွမ်း​ၸိူဝ်ႉ​ၼင်ႇ​ၼၼ်​တေႃႇ​ထိုင်​ႁွတ်ႈ​ပၢႆ​ၸိၵ်း​မၼ်း ၵွပ်ႈ​လွင်ႈ​ၶူၺ်ႇ​မၼ်း​ဢေႃႈ။ ၼင်ႇ​ၼၼ်​လႄႈ တၵ်း​လႆႈ​ႁဵတ်း​သွင်​ဢၼ်​ဢေႃႈ။ သွင်​ဢၼ်​ၼၼ်ႉ တၵ်း​လႆႈ​ပဵၼ်​ပုၼ်ႈ​ၸဵင်ႇ​သွင်​ၸဵင်ႇ​ဢေႃႈ။-</verse>
				<verse number="25">တၵ်း​လႆႈ​မီး​ပႅတ်ႇ​ၽႅၼ်ႇ၊ တီႈ​သုပ်း​တိၼ်​ငိုၼ်း​သိပ်း​ႁူၵ်း​ဢၼ်၊ ယေႈ​ၽႅၼ်ႇ​သွင်​ဢၼ်​ဢေႃႈ။</verse>
				<verse number="26">မႂ်း​တၵ်း​လႆႈ​ဢဝ်​မႆႉ ဢၵႃႇသႃႉ ​ႁဵတ်း​သႄႈ ႁႃႈ​လႅမ်ႈ​ပုၼ်ႈ​ပႅၼ်ႈ​သုမ်ႉ​ထဵင်​ၸဝ်ႈ​ၸိူဝ်း​ၼၼ်ႉ​ၼႃႈ​ၼိုင်ႈ၊-</verse>
				<verse number="27">ႁႃႈ​လႅမ်ႈ​ပုၼ်ႈ​ပႅၼ်ႈ​သုမ်ႉ​ထဵင်​ၸဝ်ႈ​ၸိူဝ်း​ၼၼ်ႉ ၼႃႈ​ၼိုင်ႈ၊ ႁႃႈ​လႅမ်ႈ​ပုၼ်ႈ​ပႅၼ်ႈ​သုမ်ႉ​ထဵင်​ၸဝ်ႈ​ဢၼ်​မီး​ၽၢႆႇ​တၢင်း​လင်​မၼ်း ၼႃႈ​ဝၼ်း​တူၵ်း​ၸိူဝ်း​ၼၼ်ႉ​ဢေႃႈ။-</verse>
				<verse number="28">မႆႉ​သႄႈ​ၶိုင်ႈ​ၵၢင် ဢၼ်​မီး​သိုဝ်ႈ​ၶိုင်ႈ​ၵၢင်​ပႅၼ်ႈ​ၸိူဝ်း​ၼၼ်ႉ တၵ်း​လႆႈ​သွတ်ႇ​ဢဝ်​ၸႃႉ​ၸဵမ်​ၸဵင်ႇ​ၼိုင်ႈ​တေႃႇ​ထိုင်​ႁွတ်ႈ​ၸဵင်ႇ​ၼိုင်ႈ​ဢေႃႈ။-</verse>
				<verse number="29">မႂ်း​တၵ်း​လႆႈ​ဢဝ်​ၶမ်း​ဢုမ်ႇ​ႁေႃႇ​ပႅၼ်ႈ​ၸိူဝ်း​ၼၼ်ႉ​သေ​ဢေႃႈ။ ၶူၺ်ႇ​ၶမ်း​ပုၼ်ႈ​တီႈ​ဢၼ်​သႄႈ​ၸိူဝ်း​ၼၼ်ႉ တၵ်း​သွတ်ႇ​ၼၼ်ႉ​ၵေႃႈ မႂ်း​တၵ်း​လႆႈ​ႁဵတ်း​လႄႈ ဢဝ်​ၶမ်း​ဢုမ်ႇ​ႁေႃႇ​သေ​ဢေႃႈ။-</verse>
				<verse number="30">မႂ်း​တၵ်း​လႆႈ​တႄႇ​ႁဵတ်း​သုမ်ႉ​ထဵင်​ၸဝ်ႈ ၸွမ်း​ၵႃႈ​ၼင်ႇ​ပုင်ႇ​ႁၢင်ႈ​ဢၼ်​ၼႄ​ပျႃး​တီႈ​မႂ်း ၵႃႈ​ၼိူဝ်​လွႆ​ၼၼ်ႉ​ဢေႃႈ။</verse>
				<verse number="31">ၼႄး​ၼိုင်ႈ​ၸမ်ႉ၊ မႂ်း​တၵ်း​လႆႈ​ဢဝ်​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် ဢိၵ်ႇ​တင်း​ပိၵ်ႈ​ၶျေႃး​ႁဵတ်း​ၽႃႈ​ၵင်ႈ​လႄႈ ႁၢင်ႈ​ၶိူင်ႈ​သႂ်ႇ ပုင်ႇ​ႁၢင်ႈ​ ၶေႇရူႉၽဵမ်ႇ ​သေ​ဢေႃႈ။-</verse>
				<verse number="32">မႂ်း​တၵ်း​လႆႈ​ဢဝ်​မၼ်း ႁွႆႈ​ဝႆႉ​ၵႃႈ​ၼိူဝ်​သဝ်​ ဢၵႃႇသႃႉ ဢၼ်​တဵၵ်း​ၶမ်း​သီႇ​လႅမ်ႈ​ဢေႃႈ။ တႅမ်​တီႈ​သဝ်​ၸိူဝ်း​ၼၼ်ႉ တၵ်း​လႆႈ​ပဵၼ်​ၶမ်း​လႄႈ တင်ႈ​ၸုၵ်း​ယူႇ​ၵႃႈ​ၼိူဝ်​တီႈ​သုပ်း​တိၼ်​ငိုၼ်း​သီႇ​ဢၼ်​ဢေႃႈ။</verse>
				<verse number="33">မႂ်း​တၵ်း​လႆႈ​ဢဝ်​ၽႃႈ​ၵင်ႈ​ၼၼ်ႉ​ႁွႆႈ​ဝႆႉ ၵႃႈ​တႂ်ႈ​ၶေႃ​ၶမ်း​ၸိူဝ်း​ၼၼ်ႉ​လႄႈ ဢဝ်​တိူၵ်ႈ​တႃႇ​ဢၼ်​ဝႆႉ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ သႂ်ႇ​ဝႆႉ​ၵႃႈ​တီႈ​ၽၢႆႇ​တၢင်း​ၼႂ်း​ၽႃႈ​ၵင်ႈ​သေ​ယဝ်ႉ၊ ၽႃႈ​ၵင်ႈ​ၼၼ်ႉ တၵ်း​လႆႈ​ပဵၼ်​ဢၼ် ၶႅၼ်ႈ​ဢၼ်​ၶၼ်ႈ​ၼႂ်း​ၵႄႈ​ဝူင်ႈ​ၵၢင် ထႃႇၼႃႉ​တီႈ​မူတ်း​ၸၢင်ႇ တင်း​ထႃႇၼႃႉ​တီႈ​မူတ်း​ၸၢင်ႇ​သေ​ပိူၼ်ႈ သွင်​ပႃႈ​ၼၼ်ႉ​ဢေႃႈ။-</verse>
				<verse number="34">မႂ်း​တၵ်း​လႆႈ​ဢဝ်​ပလၢင်ႇ​တီႈ​ၽေႇ​ဢပႅတ်ႈ တၢင်ႇ​ဝႆႉ​ၵႃႈ​ၼိူဝ်​တိူၵ်ႈ​တႃႇ​ဢၼ်​ဝႆႉ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​သေ​ပိူၼ်ႈ​ၼၼ်ႉ​ဢေႃႈ။-</verse>
				<verse number="35">မႂ်း​တၵ်း​လႆႈ​ဢဝ်​ၶူင်ႇ​တီႈ​ၵိၼ်​ဝႆႉ ၵႃႈ​တီႈ​ၽၢႆႇ​ၼွၵ်ႈ​ၽႃႈ​ၵင်ႈ​ၼၼ်ႉ​လႄႈ ဢဝ်​ၶူင်ႇ​တီႈ​တႆႈ​ၽႆး ႁိမ်း​ၼႃႈ​တၢင်း​ၸၢၼ်း​သုမ်ႉ​ထဵင်​ၸဝ်ႈ တင်း​ၶူင်ႇ​တီႈ​ၵိၼ်​ႁိမ်း​ၼႃႈ​တၢင်း​ႁွင်ႇ​ၼၼ်ႉ ႁႂ်ႈ​တေႃႇ​ၵၼ်​ဢေႃႈ။</verse>
				<verse number="36">မႂ်း​တၵ်း​လႆႈ​ဢဝ်​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် ဢိၵ်ႇ​တင်း​ပိၵ်ႈ​ၶျေႃး​ဢၼ် တမ်ႇ​ၵၢမ်း​ႁၢင်ႈ​ၶိူင်ႈ​တေႃး​ႁဵတ်း​ၼၼ်ႉ ႁဵတ်း​ၽႃႈ​ၵင်ႈ​ပုၼ်ႈ​ဢၼ်​တၵ်း​ၵင်ႈ ၵႃႈ​တီႈ​ၽၵ်း​တူ​မူဝ်းၵႃႇ​ၸဝ်ႈ​ၼၼ်ႉ​ဢေႃႈ။-</verse>
				<verse number="37">မႂ်း​တၵ်း​လႆႈ​ႁဵတ်း​သဝ်​ ဢၵႃႇသႃႉ ​ႁႃႈ​လႅမ်ႈ​ပုၼ်ႈ​ၽႃႈ​ၵင်ႈ​ၼၼ်ႉ​လႄႈ ဢဝ်​ၶမ်း​ဢုမ်ႇ​ႁေႃႇ​သေ​ဢေႃႈ။ တႅမ်​တီႈ​သဝ်​ၸိူဝ်း​ၼၼ်ႉ တၵ်း​လႆႈ​ပဵၼ်​ၶမ်း​ဢေႃႈ။ တီႈ​သုပ်း​တိၼ်​ႁႃႈ​ဢၼ်​ၵေႃႈ မႂ်း​တၵ်း​လႆႈ​ဢဝ်​တွင်း​လိူင်​လေႃႇ​ႁဵတ်း​ဢေႃႈ။</verse>
			</chapter>
			<chapter number="27">
				<verse number="1">ၼႄး​ၼိုင်ႈ​ၸမ်ႉ၊ မႂ်း​တၵ်း​လႆႈ​ဢဝ်​မႆႉ​ ဢၵႃႇသႃႉ ​ႁဵတ်း​ယိတ်ႈပလၢင်ႇ ဢၼ်​ၼႃႈ​ယၢဝ်း​မၼ်း​မီး​ႁႃႈ​သွၵ်ႇ၊ ၼႃႈ​ပွတ်း​မၼ်း​ႁႃႈ​သွၵ်ႇ​လႄႈ ပဵၼ်​သီႇ​ၸဵင်ႇ​ၶိုင်ႈ​ဝႆႉ​ၼၼ်ႉ​ဢေႃႈ။ ဢၼ်​သုင်​မၼ်း​ၵေႃႈ​တၵ်း​လႆႈ​မီး​သၢမ်​သွၵ်ႇ​ဢေႃႈ။-</verse>
				<verse number="2">မႂ်း​တၵ်း​လႆႈ​ႁဵတ်း​ၶဝ်​လႅမ်​သီႇ​လႅမ်ႈ သႂ်ႇ​ၵႃႈ​ၼိူဝ်​သီႇ​ၸဵင်ႇ​မၼ်း​ဢေႃႈ။ ၶဝ်​လႅမ်​ၸိူဝ်း​ၼၼ်ႉ တၵ်း​လႆႈ​ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​လႄႈ မႂ်း​တၵ်း​လႆႈ​ဢဝ်​တွင်း​လိူင်​ဢုမ်ႇ​ႁေႃႇ​သေ​ဢေႃႈ။-</verse>
				<verse number="3">မႂ်း​တၵ်း​လႆႈ​ဢဝ်​တွင်း​လိူင် ႁဵတ်း​မေႃႈ​ပုၼ်ႈ​ဢၼ်​တၵ်း​တုင်း​တဝ်ႈ​မၼ်း၊ ၸေႃႉ​ၽႅပ်ႉ​မၼ်း၊ ၵွၵ်း​ဝၢၼ်ႇ​မၼ်း၊ ၶေႃ​ဢၼ်​ၵွင်ႉ​ၼိူဝ်ႉ​မၼ်း၊ လၢင်ႇ​ပၢၼ်း ​မၼ်း၊ ၶိူင်ႈ​ပိူင်​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ယိတ်ႈပလၢင်ႇ တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="4">မႂ်း​တၵ်း​လႆႈ​ႁဵတ်း​တႃ​ၶႃႇ​တွင်း​လိူင်​ပုၼ်ႈ​မၼ်း​ဢေႃႈ။ တၵ်း​လႆႈ​ႁဵတ်း​ၶူၺ်ႇ​တွင်း​လိူင်​သီႇ​ဢၼ်​သႂ်ႇ ၵႃႈ​ၼိူဝ်​တႃ​ၶႃႇ​ၼၼ်ႉ ၵႃႈ​တီႈ​သီႇ​ၸဵင်ႇ​မၼ်း​သေ​ယဝ်ႉ၊-</verse>
				<verse number="5">မႂ်း​တၵ်း​လႆႈ​ဢဝ်​မၼ်း​ဝႆႉ​ၵႃႈ​တႂ်ႈ​ၶႃႇ​ပၢၼ်း​ဢၼ်​လဵပ်ႈ​ႁွပ်ႈ​ယိတ်ႈပလၢင်ႇ ဢၼ်​ၵႃႈ​တႂ်ႈ​ၼၼ်ႉ​လႄႈ ႁႂ်ႈ​တႃ​ၶႃႇ​ၼၼ်ႉ​လႆႈ​ၶိုတ်း​ထိုင် ၵႃႈ​တီႈ​ၶိုင်ႈ​ၵၢင် ယိတ်ႈပလၢင်ႇ​ဢေႃႈ။-</verse>
				<verse number="6">မႂ်း​တၵ်း​လႆႈ​ဢဝ်​မႆႉ​ ဢၵႃႇသႃႉ ႁဵတ်း​ၵၢၼ်း​ႁၢပ်ႇ​ယိတ်ႈပလၢင်ႇ​လႄႈ​ဢဝ်​တွင်း​လိူင်​ဢုမ်ႇ​ႁေႃႇ​သေ​ယဝ်ႉ၊-</verse>
				<verse number="7">တၵ်း​လႆႈ​ဢဝ်​ၵၢၼ်း​ႁၢပ်ႇ​ၸိူဝ်း​ၼၼ်ႉ​သွတ်ႇ​သႂ်ႇ​ဝႆႉ​ၵႃႈ​ၼႂ်း​ၶူၺ်ႇ​လႄႈ ၵၢၼ်း​ႁၢပ်ႇ​ၸိူဝ်း​ၼၼ်ႉ တၵ်း​လႆႈ​မီး​ယူႇ​ၵႃႈ​တီႈ​သွင်​ၽၢၵ်ႇ​ယိတ်ႈပလၢင်ႇ​လႄႈ ပဵၼ်​ပုၼ်ႈ​ဢၼ်​တၵ်း​ႁၢပ်ႇ​မၼ်း​ဢေႃႈ။-</verse>
				<verse number="8">မႂ်း​တၵ်း​လႆႈ​ဢဝ်​ပႅၼ်ႈ​ႁဵတ်း​မၼ်း​ႁႂ်ႈ​ၵႃႈ​ၼႂ်း​မၼ်း​ပွင်ႇ​ပဵၼ်​ပဵဝ်​ဝႆႉ​ဢေႃႈ။ ၶဝ်​တၵ်း​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၵဝ်​ၼႄ​ပျႃး​တီႈ​မႂ်း ၵႃႈ​ၼိူဝ်​လွႆ​ၼၼ်ႉ​မိူၼ်​မိူၼ်​ဢေႃႈ။</verse>
				<verse number="9">ဢၼ်​တၵ်း​ၵင်ႈ​ႁဵတ်း​ႁူဝ်ႉ​ဝၢင်း​သုမ်ႉ​ထဵင်​ၸဝ်ႈ​ၸမ်ႉ၊ တၵ်း​လႆႈ​ဢဝ်​ပိၵ်ႈ​ၶျေႃး​ဢၼ်​ၼႃႈ​ယၢဝ်း​မၼ်း မီး​ပၢၵ်ႇ​သွၵ်ႇ​ၼၼ်ႉ ႁဵတ်း​ၽႃႈ​ၵင်ႈ ပုၼ်ႈ​ၼႃႈ​တၢင်း​ၸၢၼ်း​ဢေႃႈ။-</verse>
				<verse number="10">ပုၼ်ႈ​ၽႃႈ​ၵင်ႈ​ၼၼ်ႉ မႂ်း​တၵ်း​လႆႈ​ႁဵတ်း​သဝ်​သၢဝ်း​ၼိုင်ႈ၊ တင်း​တီႈ​သုပ်း​တိၼ်​တွင်း​လိူင်​သၢဝ်း​ၼိုင်ႈ​ဢေႃႈ။ တႅမ်​တီႈ​သဝ်​ဢိၵ်ႇ​တင်း​ႁၢဝ်း​ၸိူဝ်း​ၼၼ်ႉ တၵ်း​လႆႈ​ပဵၼ်​ငိုၼ်း​ဢေႃႈ။-</verse>
				<verse number="11">မိူၼ်​ၼင်ႇ​ၼၼ် ပုၼ်ႈ​ၼႃႈ​တၢင်း​ႁွင်ႇ​ၵေႃႈ၊ တၵ်း​လႆႈ​မီး​ၽႃႈ​ၵင်ႈ​ဢၼ်​ၼႃႈ​ယၢဝ်း​မၼ်း မီး​ပၢၵ်ႇ​သွၵ်ႇ​ဢိၵ်ႇ​တင်း သဝ်​သၢဝ်း​ၼိုင်ႈ၊ တီႈ​သုပ်း​တိၼ်​တွင်း​လိူင်​သၢဝ်း​ၼိုင်ႈ၊ တႅမ်​ငိုၼ်း​တီႈ​သဝ်​ဢိၵ်ႇ​တင်း​ႁၢဝ်း​ငိုၼ်း​ၸိူဝ်း​ၼၼ်ႉ​ဢေႃႈ။</verse>
				<verse number="12">ပုၼ်ႈ​ၼႃႈ​ပွတ်း​ဝၢင်း​ၽၢႆႇ​တၢင်း​ဝၼ်း​တူၵ်း​ၼၼ်ႉ တၵ်း​လႆႈ​မီး​ၽႃႈ​ၵင်ႈ​ဢၼ်​ၼႃႈ​ယၢဝ်း​မၼ်း​မီး​ႁႃႈ​သိပ်း​သွၵ်ႇ ဢိၵ်ႇ​တင်း​သဝ်​သိပ်း​ၼိုင်ႈ၊ တင်း​တီႈ​သုပ်း​တိၼ်​သိပ်း​ၼိုင်ႈ​ဢေႃႈ။-</verse>
				<verse number="13">ၵႃႈ​တီႈ​ၼႃႈ​ဝၢင်း​ၽၢႆႇ​တၢင်း​ဝၼ်း​ဢွၵ်ႇ​ၵေႃႈ၊ ၼႃႈ​ပွတ်း​မၼ်း တၵ်း​လႆႈ​မီး​ႁႃႈ​သိပ်း​သွၵ်ႇ​ဢေႃႈ။-</verse>
				<verse number="14">ပုၼ်ႈ​ဢၼ်​တၵ်း​ၵင်ႈ​ႁိမ်း​ၽၵ်း​တူ​ၽၢႆႇ​ၼိုင်ႈ​ၼၼ်ႉ တၵ်း​လႆႈ​မီး​ၽႃႈ​ၵင်ႈ​ဢၼ်​ၼႃႈ​ယၢဝ်း​မၼ်း မီး​သိပ်း​ႁႃႈ​သွၵ်ႇ ဢိၵ်ႇ​တင်း​သဝ်​သၢမ်​လႅမ်ႈ တင်း​တီႈ​သုပ်း​တိၼ်​သၢမ်​ဢၼ်​ဢေႃႈ။-</verse>
				<verse number="15">ပုၼ်ႈ​ႁိမ်း​ၽၵ်း​တူ​ၽၢႆႇ​ၼိုင်ႈ​ၵေႃႈ၊ တၵ်း​လႆႈ​မီး​ၽႃႈ​ၵင်ႈ​ဢၼ်​ၼႃႈ​ယၢဝ်း​မၼ်း​မီး သိပ်း​ႁႃႈ​သွၵ်ႇ ဢိၵ်ႇ​တင်း​သဝ်​သၢမ်​လႅမ်ႈ တင်း​တီႈ​သုပ်း​တိၼ် သၢမ်​ဢၼ်​ဢေႃႈ။</verse>
				<verse number="16">ပုၼ်ႈ​ဢၼ်​တၵ်း​ၵင်ႈ​ၽၵ်း​တူ​ႁူဝ်ႉ​ဝၢင်း​ၼၼ်ႉ တၵ်း​လႆႈ​မီး​ၽႃႈ​ၵင်ႈ​ဢၼ်​ဢဝ်​တင်း​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် တင်း​ပိၵ်ႈ​ၶျေႃး တမ်ႇ​ၵၢမ်း​ၵၼ်​ႁၢင်ႈ​ၶိူင်ႈ​တေႃး​ႁဵတ်း၊ ဢၼ်​ၼႃႈ​ယၢဝ်း​မၼ်း​မီး​သၢဝ်း​သွၵ်ႇ​ၼၼ်ႉ ဢိၵ်ႇ​တင်း​သဝ်​သီႇ​လႅမ်ႈ၊ တင်း​တီႈ​သုပ်း​တိၼ် သီႇ​ဢၼ်​ဢေႃႈ။-</verse>
				<verse number="17">သဝ်​ဝၢင်း​ဢၼ်​မီး​ၵႃႈ​တီႈ​ႁိမ်း​ၸိူဝ်း​ၼၼ်ႉ ၵႃႈ​မီး​တင်း​သဵင်ႈ​တင်း​လူင် တၵ်း​လႆႈ​ပျေႉ​ၸုမ်ႇ​တင်း​ႁၢဝ်း​ငိုၼ်း၊ တႅမ်​တီႈ​သဝ်​ငိုၼ်း တင်း​တီႈ​သုပ်း​တိၼ်​တွင်း​လိူင်​ဢေႃႈ။</verse>
				<verse number="18">ၼႃႈ​ယၢဝ်း​ဝၢင်း​ၼၼ်ႉ​တၵ်း​လႆႈ​မီး​ပၢၵ်ႇ​သွၵ်ႇ၊ ၼႃႈ​ပွတ်း​မၼ်း​ႁႃႈ​သိပ်း​သွၵ်ႇ​ၵူႈ​တီႈ၊ ဢၼ်​သုင်​မၼ်း​ႁႃႈ​သွၵ်ႇ​လႄႈ၊ တၵ်း​လႆႈ​မီး​တင်း​ပိၵ်ႈ​ၶျေႃး တင်း​တီႈ​သုပ်း​တိၼ်​တွင်း​လိူင်​ဢေႃႈ။-</verse>
				<verse number="19">ၶိူင်ႈ​ယိပ်း​ၶိူင်ႈ​ၵႅမ်း​သုမ်ႉ​ထဵင်​ၸဝ်ႈ ပုၼ်ႈ​ဢၼ်​တၵ်း​လႆႈ​ၵိုတ်ႉ​ႁၢပ်ႇ​ဢမူႉ​ၸဝ်ႈ​ၵႃႈ​မီး​တင်း​သဵင်ႈ​တင်း​လူင်၊ လၵ်း​သုမ်ႉ​ထဵင်​ၸဝ်ႈ ဢိၵ်ႇ​တင်း​လၵ်း​ဢၼ်​ၸၢပ်ႈ​သႅင်ႇ​ၵၼ်​တင်း​ႁူဝ်ႉ​ဝၢင်း​ၸိူဝ်း​ၼၼ်ႉ တၵ်း​လႆႈ​ပဵၼ်​တွင်း​လိူင်​ဢေႃႈ။</verse>
				<verse number="20">မႂ်း​တၵ်း​လႆႈ​သင်ႇ​လၢတ်ႈ​ဝႆႉ တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​ဢဝ်​ၼမ်ႉ​မၼ်း​ သၢၼ်ႇလုၼ်ႇ ​ၸႅတ်ႈ​ၸႅတ်ႈ ဢၼ်​တမ်​ဢဝ်​ပုၼ်ႈ​ဢၼ်​တၵ်း​တႆႈ​ၽႆး​ၼၼ်ႉ မႃး​တီႈ​မႂ်း​ပုၼ်ႈ​ဢၼ်​တၵ်း​ႁႂ်ႈ​ၶူင်ႇ​တီႈ​တႆႈ​ၽႆး တႆႈ​ၽႆး​ယူႇ​သေႇ​သေႇ​ဢေႃႈ။-</verse>
				<verse number="21">ၵႃႈ​ၼႂ်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၵႃႈ​တီႈ​ၽၢႆႇ​ၼွၵ်ႈ​ၽႃႈ​ၵင်ႈ ဢၼ်​ၵင်ႈ​ဝႆႉ​ၵႃႈ​တီႈ​ၽၢႆႇ​ၼႃႈ တီႈ​ဢၼ်​ဝႆႉ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​တင်း​လၢႆ တၵ်း​လႆႈ​မႄး​ႁဵတ်း​မႄး​ႁႅၼ်း​လွင်ႈ​တၢင်း​ၼၼ်ႉ ၸႃႉ​ၸဵမ်​ၶိင်ႇ​ႁူဝ်​ၶမ်ႈ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ် ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ တၵ်း​လႆႈ​ပဵၼ်​ထုင်း​ၽိင်ႈ​ၸဝ်ႈ ဢၼ်​ၸိူဝ်ႉ​ၶိူဝ်း​ၵူၼ်း​မဵဝ်း​ ဢီႉသရေႇလႃႉ ၸူဝ်ႈ​လုၵ်ႈ​ပၢၼ်​လၢၼ် တၵ်း​လႆႈ​ပႂ်ႉ​တႃႇ​သေႇ​ဢမ်ႇ​ထၢတ်ႇ​ဢေႃႈ။</verse>
			</chapter>
			<chapter number="28">
				<verse number="1">လွင်ႈ​ၼင်ႇ​ႁိုဝ်​ပီႈ​ၸၢႆး​မႂ်း​ ဢႃႇရုၼ်ႇ ​ၼၼ်ႉ တၵ်း​လႆႈ​ပွင်​ႁဵတ်း​ဢမူႉ​ယိတ်ႈပရေႃးႁဵၵ်ႈ ၵႃႈ​တီႈ​ၽၢႆႇ​ၼႃႈ​ၵဝ်​ၸိုင် ဢဝ်​မၼ်း​တင်း​လုၵ်ႈ​ၸၢႆး​မၼ်း​ဢၼ်​ဝႃႈ၊ ၼႃႇတပ်ႉ၊ ဢၽီႉႁူႉ၊ ဢေးလႃႇၸႃႇ ​တင်း​ ဢီႉသမႃႇ ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ႁႂ်ႈ​သုတ်ႉ​ၸပ်း​သုတ်ႉ​ၸူး​တီႈ​မႂ်း​တႃႉ။-</verse>
				<verse number="2">မႂ်း​တၵ်း​လႆႈ​ႁဵတ်း ၶူဝ်း​ၼုင်ႈ​ဢၼ်​မူတ်း​ၸၢင်ႇ ပၼ်​တီႈ​ပီႈ​ၸၢႆး​မႂ်း​ ဢႃႇရုၼ်ႇ ​ၼၼ်ႉ ပုၼ်ႈ​ဢၼ်​တၵ်း​ပဵၼ်​မုၼ်​ပဵၼ်​သရေႇ​ဢေႃႈ။-</verse>
				<verse number="3">မႂ်း​တၵ်း​လႆႈ​သင်ႇ​လၢတ်ႈ​ဝႆႉ တီႈ​ၵူၼ်း​ဢၼ်​မီး​ပိင်ႇ​ၺႃႇ ၵႃႈ​ၼႂ်း​ၸႂ်​ဢၼ်​ၵဝ်​ႁႂ်ႈ​တဵမ်​ဝႆႉ​တင်း​ၺၢၼ်ႇ​ၼၼ်ႉ တင်း​သဵင်ႈ​တင်း​လူင် ႁႂ်ႈ​ၶဝ်​လႆႈ​ဢွၼ်​ၵၼ်​ႁဵတ်း​ၶူဝ်း​ၼုင်ႈ​ပၼ်​တီႈ​ ဢႃႇရုၼ်ႇ ႁႂ်ႈ​မၼ်း​လႆႈ​မူတ်း​ၸၢင်ႇ​လႄႈ မီး​ဢၶႂၢင်ႉ​ဢၼ်​လႆႈ​ပွင်​ႁဵတ်း ဢမူႉ​ယိတ်ႈပရေႃးႁဵၵ်ႈ ၵႃႈ​တီႈ​ၽၢႆႇ​ၼႃႈ​ၵဝ်​ၼၼ်ႉ​ဢေႃႈ။-</verse>
				<verse number="4">ၶူဝ်း​ၼုင်ႈ​ဢၼ်​တၵ်း​လႆႈ​ႁဵတ်း​ၸမ်ႉ၊ ပဵၼ်​ၶိူင်ႈ​ဝႆ​ၼႃႈ​ဢူၵ်း၊ သိူဝ်ႈ​သုပ်း၊ သိူဝ်ႈ​ယၢဝ်း၊ သိူဝ်ႈ​ပုတ်း​ဢၼ်​ႁၢင်ႈ​ၶိူင်ႈ၊ ၶဵၼ်း​ႁူဝ် တင်း​သၢႆ​ႁတ်ႉ​ဢႅဝ်​ဢေႃႈ။ ၶဝ်​တၵ်း​လႆႈ​ႁဵတ်း​ၶူဝ်း​ဢၼ်​မူတ်း​ၸၢင်ႇ ပၼ်​ပီႈ​ၸၢႆး​မႂ်း​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ႁႂ်ႈ​မၼ်း​လႆႈ​ပွင်​ႁဵတ်း​ဢမူႉ​ယိတ်ႈပရေႃးႁဵၵ်ႈ​ၵႃႈ​တီႈ​ၽၢႆႇ​ၼႃႈ​ၵဝ်​ၼႆႉ​ဢေႃႈ။-</verse>
				<verse number="5">ၶဝ်​တၵ်း​လႆႈ​ဢဝ်​ၶမ်း၊ ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်​ဢိၵ်ႇ​တင်း ပိၵ်ႈ​ၶျေႃး​ဢေႃႈ။</verse>
				<verse number="6">ၶဝ်​တၵ်း​လႆႈ​ဢဝ်​ၶမ်း၊ ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် ဢိၵ်ႇ​တင်း​ပိၵ်ႈ​ၶျေႃး တေႃး​ႁၢင်ႈ​ၶိူင်ႈ​ႁဵတ်း​သိူဝ်ႈ​သုပ်း​ဢေႃႈ။-</verse>
				<verse number="7">ၼင်ႇ​ႁိုဝ်​မၼ်း​တၵ်း​ႁွႆႈ​ၸပ်း​ၵၼ်​ၸိုင်၊ တၵ်း​လႆႈ​မီး​သၢႆ​တွႆး​သွင်​သဵၼ်ႈ​ၵႃႈ​တီႈ​ႁိမ်း​သုတ်း​မၼ်း​သွင်​ၽၢႆႇ​ဢေႃႈ။-</verse>
				<verse number="8">သၢႆ​ႁတ်ႉ​ဢႅဝ်​ဢၼ်​ႁၢင်ႈ​ၶိူင်ႈ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၼုင်ႈ​သိူဝ်ႈ​သုပ်း​ဢၼ်​မီး​ၵႃႈ​တီႈ​မၼ်း​ၵေႃႈ တၵ်း​လႆႈ​ပဵၼ်​မိူၼ်​ၸိူဝ်ႉ​ၼင်ႇ​သိူဝ်ႈ​သုပ်း​ၼၼ်ႉ​လႄႈ ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ဢေႃႈ။ တၵ်း​လႆႈ​ဢဝ်​ၶမ်း​ဢိၵ်ႇ​တင်း​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်၊ ပိၵ်ႈ​ၶျေႃး​ႁဵတ်း​ဢေႃႈ။-</verse>
				<verse number="9">မႂ်း​တၵ်း​လႆႈ​ဢဝ်​သႅင်​ၸၢႆး​ၶႃး​ယွတ်ႇ​သွင်​လုၵ်ႈ​လႄႈ ဢဝ်​ဢႅၵ်ႉၶရႃႇ​တူဝ်​လိၵ်ႈ​ၼႃႇ​မႃႉ​ၸိုဝ်ႈ​သဵင် မဵဝ်း​ၵူၼ်း​ ဢီႉသရေႇလႃႉ ​တင်း​လၢႆ တၢင်ႇ​သႂ်ႇ​ဝႆႉ​ၵႃႈ​ၼိူဝ်​ၼၼ်ႉ​ဢေႃႈ။-</verse>
				<verse number="10">ၸွမ်း​လူၺ်ႈ​ဢသၢၵ်ႈ​ၵေႃႉ​ယႂ်ႇ​တေႃႇ​ထိုင်​ႁွတ်ႈ​ၵေႃႉ​လဵၵ်ႉ​သေ​လႄႈ ဢဝ်​ၼႃႇ​မႃႉ​ၸိုဝ်ႈ​သဵင်​တၢင်ႇ​သႂ်ႇ​ဝႆႉ​ၵႃႈ​တီႈ​ယေႈ​လုၵ်ႈ​ႁူၵ်း​ဢၼ်​ဢေႃႈ။-</verse>
				<verse number="11">မိူၼ်​ၸိူဝ်ႉ​ၼင်ႇ​ဢၼ် ဢဝ်​ဢႅၵ်ႉၶရႃႇ​တူဝ်​လိၵ်ႈ​တၢင်ႇ​သႂ်ႇ​ဝႆႉ ၵႃႈ​ၼိူဝ်​တၼ်း​သိၵ်ႈ​ၼၼ်ႉ တၵ်း​လႆႈ​ဢဝ်​တင်း​တၢင်း​ႁဵတ်း​ဢၼ်​မေႃ​ႁဵတ်း​တီႈ​သႅင်​ၼၼ်ႉ ဢဝ်​ဢႅၵ်ႉၶရႃႇ​တူဝ်​လိၵ်ႈ​ၼႃႇ​မႃႉ​ၸိုဝ်ႈ​သဵင်​မဵဝ်း​ၵူၼ်း​ ဢီႉသရေႇလႃႉ ​တင်း​လၢႆ​တၢင်ႇ​သႂ်ႇ​ၵႃႈ​ၼိူဝ်​သႅင် သွင်​လုၵ်ႈ​ၼၼ်ႉ​လႄႈ သႂ်ႇ​ဝႆႉ​ၵႃႈ​ၼႂ်း​ႁိူၼ်း​ၶမ်း​မၼ်း​ဢေႃႈ။-</verse>
				<verse number="12">မႂ်း​တၵ်း​လႆႈ​ဢဝ်​သႅင်​သွင်​လုၵ်ႈ​ၼၼ်ႉ သႂ်ႇ​ဝႆႉ​ၵႃႈ​ၼိူဝ်​သၢႆ​တွႆး​သိူဝ်ႈ​သုပ်း​ႁႂ်ႈ​ပဵၼ်​သႅင်​ပုၼ်ႈ​ဢၼ်​မၼ်း​ၸဝ်ႈ တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ ဢႃႇရုၼ်ႇ ​တၵ်း​လႆႈ​ပႃး​ဢဝ်​တင်း​ၼႃႇ​မႃႉ​ၸိုဝ်ႈ​သဵင်​ၶဝ်​ၼၼ်ႉ ဝႆႉ​ၵႃႈ​ၼိူဝ်​ႁူဝ်​မႃႇ​မၼ်း ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ပုၼ်ႈ​ဢၼ်​မၼ်း​ၸဝ်ႈ​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶဝ်​ဢေႃႈ။-</verse>
				<verse number="13">မႂ်း​တၵ်း​လႆႈ​ဢဝ်​ၶမ်း ႁဵတ်း​လူင်ႇ​မွၵ်ႇ​ၶမ်း​ဢေႃႈ။-</verse>
				<verse number="14">သၢႆ​သွင်​သဵၼ်ႈ​ဢၼ်​လိမ်ႇ​ၵဵဝ်ႈ​ၵေႃႈ မႂ်း​တၵ်း​လႆႈ​ဢဝ်​ၶမ်း​လွတ်ႈ​ငၢၼ်ႇ ၽၼ်ႈ​ႁဵတ်း​လႄႈ ႁဵတ်း​သေ​ယဝ်ႉ၊ တၵ်း​လႆႈ​ဢဝ်​ႁွႆႈ​သႂ်ႇ​ၵႃႈ​တီႈ​လူင်ႇ​မွၵ်ႇ​ၶမ်း​ၼၼ်ႉ​ဢေႃႈ။</verse>
				<verse number="15">မႂ်း​တၵ်း​လႆႈ​တမ်ႇ​ၵၢမ်း​ၵၼ် တေႃး​ႁၢင်ႈ​ၶိူင်ႈ​ႁဵတ်း​ၶိူင်ႈ​ဝႆ​ၼႃႈ​ဢူၵ်း​ပျႃႇ​တိၵ်ႈ မိူၼ်​ၸိူဝ်ႉ​ၼင်ႇ​ဢၼ်​ႁဵတ်း​သိူဝ်ႈ​သုပ်း​ၼၼ်ႉ​ဢေႃႈ။ တၵ်း​လႆႈ​ဢဝ်​ၶမ်း၊ ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် ဢိၵ်ႇ​တင်း​ပိၵ်ႈ​ၶျေႃး​ႁဵတ်း​ဢေႃႈ။-</verse>
				<verse number="16">တၵ်း​လႆႈ​တူပ်ႉ​ႁဵတ်း​သွင်​ထၢပ်ႈ​လႄႈ​ၼႃႈ​ယၢဝ်း​မၼ်း​ၶိုပ်ႈ​ၼိုင်ႈ၊ ၼႃႈ​ပွတ်း​မၼ်း​ၶိုပ်ႈ​ၼိုင်ႈ၊ တၵ်း​လႆႈ​ပဵၼ်​သီႇ​ၸဵင်ႇ​ၶိုင်ႈ​ဝႆႉ​ဢေႃႈ။-</verse>
				<verse number="17">ၵႃႈ​တီႈ​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ မႂ်း​တၵ်း​လႆႈ​ႁဵတ်း​ႁိူၼ်း​သႅင်​လႄႈ ဢဝ်​သႅင်​ဢၼ်​မျၢတ်ႈ​ၼၼ်ႉ ၸီႇ​သီႇ​ထႅဝ်​ဢေႃႈ။ ထႅဝ်​ပထမႃႉ​ၸမ်ႉ၊ ပဵၼ်​သႅင်​လႅင်၊ ဢုၵ်ႉသၽူႉရႃႇ တင်း​မျႃႉ​ဢေႃႈ။-</verse>
				<verse number="18">ထႅဝ်​တူႉတီႉယႃႉ​ၸမ်ႉ၊ ပဵၼ်​ပတမျႃး၊ ၼီႇလႃႇ​တင်း​ၸိင်ႇ​ဢေႃႈ။-</verse>
				<verse number="19">ထႅဝ်​တႃႉတီႉယႃႉ​ၸမ်ႉ၊ ပဵၼ်​ဝႃႇၵိၼ်ႇသူႉ၊ မႁူႇရႃႇ တင်း​ၵေႃႈ​မုၵ်ႉ​ဢေႃႈ။-</verse>
				<verse number="20">ထႅဝ်​ၸတုၵ်ႉထႃႉ​ၸမ်ႉ၊ ပဵၼ်​သႅင်​မျႅၵ်ႉရွႆး၊ ၸၢႆး​ၶႃး​ယွတ်ႇ တင်း​ၼၵႃး​သွႆႈ​ဢေႃႈ။ သႅင်​ႁင်း​ၽႂ်​ႁင်း​မၼ်း​တၵ်း​လႆႈ​ဢဝ် ၸီႇ​သႂ်ႇ​ၼႂ်း​ႁိူၼ်း​ၶမ်း​မၼ်း​ဢေႃႈ။-</verse>
				<verse number="21">သႅင်​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ၼႃႇ​မႃႉ​ၸိုဝ်ႈ​သဵင်​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​သေ​လႄႈ တၵ်း​လႆႈ​မီး​သိပ်း​သွင်​လုၵ်ႈ ၸွမ်း​ၵႃႈ​ၼင်ႇ ၼႃႇ​မႃႉ​ၸိုဝ်ႈ​သဵင်​ၶဝ်​မီး​ၼၼ်ႉ​ဢေႃႈ။ တၵ်း​လႆႈ​ပဵၼ်​မိူၼ်​ၸိူဝ်ႉ​ၼင်ႇ​ဢၼ် ဢဝ်​ဢႅၵ်ႉၶရႃႇ​တူဝ်​လိၵ်ႈ​တၢင်ႇ​သႂ်ႇ​ဝႆႉ​ၵႃႈ​ၼိူဝ်​တၼ်း​သိၵ်ႈ​ၼၼ်ႉ​လႄႈ ပဵၼ်​ပုၼ်ႈ​မဵဝ်း​သိပ်း​သွင်​ပႃး ႁင်း​ၽႂ်​ႁင်း​မၼ်း ၵႃႈ​ၼင်ႇ​ၼႃႇ​မႃႉ​ၸိုဝ်ႈ​သဵင်​ၶဝ်​မီး​ၼၼ်ႉ​ဢေႃႈ။</verse>
				<verse number="22">ၵႃႈ​တီႈ​ၽၢႆႇ​ၼိူဝ်​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ မႂ်း​တၵ်း​လႆႈ​ဢဝ်​ၶမ်း​လွတ်ႈ​ငၢၼ်ႇ​ႁဵတ်း​သၢႆ​လိမ်ႇ​ၵဵဝ်ႈ ဢၼ်​လႆႈ​ၽၼ်ႈ​ႁဵတ်း​ၼၼ်ႉ​သႂ်ႇ​ဢေႃႈ။-</verse>
				<verse number="23">ၵႃႈ​တီႈ​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ မႂ်း​တၵ်း​လႆႈ​ႁဵတ်း​ၶူၺ်ႇ​ၶမ်း​သွင်​ဢၼ်​လႄႈ ဢဝ်​ၶူၺ်ႇ​သွင်​ဢၼ်​ၼၼ်ႉ သႂ်ႇ​ဝႆႉ​ၵႃႈ​တီႈ​ၸဵင်ႇ​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ​သွင်​ၸဵင်ႇ​ဢေႃႈ။-</verse>
				<verse number="24">မႂ်း​တၵ်း​လႆႈ​ဢဝ်​သၢႆ​ၶမ်း​ဢၼ်​ၽၼ်ႈ​ဝႆႉ​သွင်​သဵၼ်ႈ​ၼၼ်ႉ သွတ်ႇ​သႂ်ႇ​ၵႃႈ​ၼႂ်း​ၶူၺ်ႇ​သွင်​ဢၼ်၊ ဢၼ်​မီး​ၵႃႈ​တီႈ​ၸဵင်ႇ​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ​ဢေႃႈ။-</verse>
				<verse number="25">ပၢႆ​သၢႆ​ဢၼ်​ၽၼ်ႈ​ဝႆႉ​သွင်​သဵၼ်ႈ​ၼၼ်ႉ ၽၢႆႇ​ၼိုင်ႈ​ၸိုင် မႂ်း​တၵ်း​လႆႈ​မတ်ႉ​ၸပ်း​ၵႃႈ​တီႈ လူင်ႇ​မွၵ်ႇ​ၶမ်း​သွင်​ဢၼ်​ၼၼ်ႉ​ဝႆႉ​လႄႈ ဢဝ်​သႂ်ႇ​ဝႆႉ ၵႃႈ​ၼိူဝ်​သၢႆ​တွႆး​သိူဝ်ႈ​သုပ်း ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။</verse>
				<verse number="26">မႂ်း​သမ်ႉ​တၵ်း​လႆႈ​ႁဵတ်း​ၶူၺ်ႇ​ၶမ်း​သွင်​ဢၼ်​လႄႈ ဢဝ်​သႂ်ႇ​ဝႆႉ​ၵႃႈ​တီႈ​ၸဵင်ႇ​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ​သွင်​ၸဵင်ႇ၊ ၵႃႈ​တီႈ​ႁိမ်း​မၼ်း ဢၼ်​မီး​ၽၢႆႇ​တၢင်း​ၼႂ်း​လႄႈ တေႃး​ၸပ်း​ၵၼ်​တင်း​ၼႃႈ​သိူဝ်ႈ​သုပ်း​ၼၼ်ႉ​ဢေႃႈ။-</verse>
				<verse number="27">ၶူၺ်ႇ​ၶမ်း​တၢင်ႇ​ဢၼ်​ၵေႃႈ မႂ်း​တၵ်း​လႆႈ​ႁဵတ်း​ထႅင်ႈ​သွင်​ဢၼ်​လႄႈ ဢဝ်​သႂ်ႇ​ဝႆႉ​ၵႃႈ​တီႈ​သၢႆ​တွႆး​သိူဝ်ႈ​သုပ်း​ၵႃႈ​ႁိမ်း​တႂ်ႈ​မၼ်း ၵႃႈ​တီႈ​ၽၢႆႇ​ၼႃႈ​မၼ်း​ၼၼ်ႉ ၵႃႈ​ၼိူဝ်​တီႈ​ဢၼ်​သိူဝ်ႈ​သုပ်း​တင်း​သၢႆ​ႁတ်ႉ​ဢႅဝ်​ဢၼ်​ႁၢင်ႈ​ၶိူင်ႈ​ၼၼ်ႉ သိုပ်ႇ​ၵၢမ်း​ၵၼ်​ၼၼ်ႉ​ဢေႃႈ။-</verse>
				<verse number="28">ၶဝ်​တၵ်း​လႆႈ​ဢဝ်​မႆ​ဢၼ်​သွမ်ႇ​မတ်ႉ​တွႆး​ၶူၺ်ႇ​ၶမ်း​ၶိူင်ႈ​ဝႆ​ၼႃႈ​ဢူၵ်း​သွင်​ဢၼ် ဢိၵ်ႇ​တင်း​ၶူၺ်ႇ​ၶမ်း​သိူဝ်ႈ​သုပ်း​သွင်​ဢၼ်​ၼၼ်ႉ ၸပ်း​ၵၼ်​ဝႆႉ​ဢေႃႈ။ ၼင်ႇ​ၼၼ်​လႄႈ ၶိူင်ႈ​ဝႆ​ၼႃႈ​ဢူၵ်း​ၼၼ်ႉ တၵ်း​ႁွႆႈ​ဝႆႉ​ၵႃႈ​တီႈ​ၽၢႆႇ​ၼိူဝ်​သၢႆ​ႁတ်ႉ​ဢႅဝ် ဢၼ်​ႁၢင်ႈ​ၶိူင်ႈ​ၵႃႈ​တီႈ​သိူဝ်ႈ​သုပ်း​ၼၼ်ႉ​လႄႈ ယင်း​ဢမ်ႇ​ၽၢတ်ႇ​ဢမ်ႇ​ယၢၼ်​ၵၼ်​တင်း​သိူဝ်ႈ​သုပ်း​လႄႈ မီး​ယူႇ​သေႇ​သေႇ​ဢေႃႈ။-</verse>
				<verse number="29">ဢႃႇရုၼ်ႇ ​ၵေႃႈ မိူဝ်ႈ​ဢၼ်​ၶဝ်ႈ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ​ၸိုင်၊ တၵ်း​လႆႈ​ပႃး​ဢဝ်​ၼႃႇ​မႃႉ​ၸိုဝ်ႈ​သဵင်​ၵူၼ်း​မဵဝ်း ဢီႉသရေႇလႃႉ ဢၼ်​ပႃး​ၵႃႈ​တီႈ​ၶိူင်ႈ​ဝႆ​ၼႃႈ​ဢူၵ်း​ပျႃႇ​တိၵ်ႈ​ၼၼ်ႉ​ဝႆႉ​ၵႃႈ​ၼိူဝ်​ႁူဝ်​ၸႂ်​မၼ်း ပုၼ်ႈ​ဢၼ်​ထႃႇဝရႃႉ​ၽြႃး တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶဝ်​ၼၼ်ႉ ယူႇ​သေႇ​သေႇ​ၼၼ်ႉ​ဢေႃႈ။</verse>
				<verse number="30">မႂ်း​တၵ်း​လႆႈ​ဢဝ်​ ဢူႉရိမ်း ​တင်း​ ထူႉမိမ်း ​သႂ်ႇ​ဝႆႉ​ၵႃႈ​တီႈ​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ​ဢေႃႈ။ ဢႃႇရုၼ်ႇ ​ၼၼ်ႉ မိူဝ်ႈ​ဢၼ်​ၶဝ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ၸိုင်၊ တၵ်း​လႆႈ​ပႃး​ဢဝ်​ၸိူဝ်း​ၼၼ်ႉ ဝႆႉ​ၵႃႈ​ၼိူဝ်​ႁူဝ်​ၸႂ်​မၼ်း​ဢေႃႈ။ ၼင်ႇ​ၼၼ်​လႄႈ ဢႃႇရုၼ်ႇ ​ၼၼ်ႉ တၵ်း​လႆႈ​ပႃး​ဢဝ်​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ၼႂ်း​ဢမူႉ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဝႆႉ​ၵႃႈ​ၼိူဝ်​ႁူဝ်​ၸႂ်​မၼ်း ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေႇ​သေႇ​ဢေႃႈ။</verse>
				<verse number="31">မႂ်း​တၵ်း​လႆႈ​ဢဝ်​ၶူဝ်း​ဢၼ်​သွမ်ႇ​ၵူၺ်း​ၵူၺ်း ႁဵတ်း​သိူဝ်ႈ​ယၢဝ်း​ဢၼ်​ၸၢပ်ႈ​သႅင်ႇ​ၵၼ်​တင်း သိူဝ်ႈ​သုပ်း​ၼၼ်ႉ​ဢေႃႈ။-</verse>
				<verse number="32">ၵႃႈ​တီႈ​သိူဝ်ႈ​ယၢဝ်း​ၼၼ်ႉ တၵ်း​လႆႈ​မီး​ႁူး​ၶေႃး​သိူဝ်ႈ​ၵႃႈ​ၼႂ်း​ၶိုင်ႈ​ၵၢင် ၽၢႆႇ​တၢင်း​ၼိူဝ်​မၼ်း​လႄႈ တၵ်း​လႆႈ​ဢဝ်​တင်း​ၶူဝ်း​ဢၼ်​တေႃး​ၼၼ်ႉ ၵူပ်ႉ​သႂ်ႇ​ၵႃႈ​တီႈ​ႁိမ်း​ႁူး​ၶေႃး​သိူဝ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​ပဵၼ် ၵႃႈ​တီႈ​ႁူး​ၶေႃး​သိူဝ်ႈ​ဢၼ်​ဢဝ်​လဵၵ်း​ႁဵတ်း​ၼၼ်ႉ ႁႂ်ႈ​ဢမ်ႇ​လႆႈ​သိၵ်ႇ​လႆႈ​ၶၢတ်ႇ​ဢေႃႈ။</verse>
				<verse number="33">ၵႃႈ​တီႈ​ဢၼ်​လဵပ်ႈ​ႁွပ်ႈ​ၸွမ်း​ႁိမ်း ၽၢႆႇ​တႂ်ႈ​သိူဝ်ႈ​ယၢဝ်း​ၼၼ်ႉ မႂ်း​တၵ်း​လႆႈ​ဢဝ်​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် ႁဵတ်း​မၢၵ်ႇ​ၸင်ႈ​သႂ်ႇ ဢိၵ်ႇ​တင်း​ႁိင်ႇ​ၶမ်း​သႂ်ႇ​ၵႃႈ​တီႈ​ဝူင်ႈ​ၵၢင်​ႁူၺ်ႇ​ၼိုင်ႈ​လႄႈ​ႁူၺ်ႇ​ၼိုင်ႈ​ဢေႃႈ။-</verse>
				<verse number="34">မၢၵ်ႇ​ၸင်ႈ​လုၵ်ႈ​ၼိုင်ႈ၊ ႁိင်ႇ​ၶမ်း​လုၵ်ႈ​ၼိုင်ႈ၊ မၢၵ်ႇ​ၸင်ႈ​လုၵ်ႈ​ၼိုင်ႈ၊ ႁိင်ႇ​ၶမ်း​လုၵ်ႈ​ၼိုင်ႈ၊ တၵ်း​လႆႈ​ဢဝ်​ၶၼ်ႈ​ၵၼ်​ၶႅၼ်ႈ​ၵၼ်​ၸွမ်း​ႁိမ်း​မၼ်း​ဢေႃႈ။-</verse>
				<verse number="35">ဢႃႇရုၼ်ႇ ​တၵ်း​လႆႈ​ၼုင်ႈ​သိူဝ်ႈ​ယၢဝ်း​ၼၼ်ႉ မိူဝ်ႈ​ဢၼ်​မၼ်း​ပွင်​ႁဵတ်း​ဢမူႉ​ၸဝ်ႈ​ၼၼ်ႉ​လႄႈ ႁႂ်ႈ​ငိၼ်း​သဵင်​မၼ်း​မိူဝ်ႈ​ဢၼ်​မၼ်း ၶဝ်ႈ​ဢွၵ်ႇ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ ႁႂ်ႈ​မၼ်း​လႆႈ​ၵၢင်း​လွတ်ႈ​တင်း​ၽေး​တၢင်း​တၢႆ​ဢေႃႈ။</verse>
				<verse number="36">ၶိူင်ႈ​ပျႃး​ၶမ်း​လွတ်ႈ​ငၢၼ်ႇ​ၵေႃႈ မႂ်း​တၵ်း​လႆႈ​ႁဵတ်း​လႄႈ ဢဝ်​ဢႅၵ်ႉၶရႃႇ​တူဝ်​လိၵ်ႈ​ဢၼ်​ဝႃႈ တၢင်း​ဢၼ်​မူတ်း​ၸၢင်ႇ​တီႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ တၢင်ႇ​သႂ်ႇ​ဝႆႉ​ၵႃႈ​ၼိူဝ်​မၼ်း မိူၼ်​ၸိူဝ်ႉ​ၼင်ႇ​ဢၼ် ဢဝ်​ဢႅၵ်ႉၶရႃႇ​တူဝ်​လိၵ်ႈ​တၢင်ႇ​သႂ်ႇ​ဝႆႉ​ၵႃႈ​ၼိူဝ်​တၼ်း​သိၵ်ႈ​ၼၼ်ႉ​လႄႈ၊-</verse>
				<verse number="37">ဢဝ်​ၵူပ်ႉ​ၸပ်း​သၢႆ ဢၼ်​သွမ်ႇ​သႂ်ႇ​ဝႆႉ​ၵႃႈ​တီႈ​ၶဵၼ်း​ႁူဝ်​ဢေႃႈ။ တၵ်း​လႆႈ​မီး​ၵႃႈ​တီႈ​ၽၢႆႇ​ၼႃႈ​ၶဵၼ်း​ႁူဝ်​ၼၼ်ႉ​ဢေႃႈ။-</verse>
				<verse number="38">ဢႃႇရုၼ်ႇ ​တၵ်း​လႆႈ​ဢဝ်​ၶိူင်ႈ​ပျႃး​ၶမ်း​ၼၼ်ႉ တိုဝ်း​သႂ်ႇ​ၵႃႈ​တီႈ​ၼႃႈ​ၽၢၵ်ႇ​မၼ်း​လႄႈ ပႃး​ဢဝ်​ဢပႅတ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း တႃႇ​ၼႃႉ​တၢင်း​လူႇ​ဢၼ်​မူတ်း​ၸၢင်ႇ ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​တၵ်း​ႁႂ်ႈ​မူတ်း​ၸၢင်ႇ ၼႂ်း​ၶိူင်ႈ​ပိူင်​ဢၼ်​မူတ်း​ၸၢင်ႇ ဢၼ်​ၶဝ်​တၵ်း​ပၼ်​ၼၼ်ႉ​ယူႇ​ဢေႃႈ။ မၼ်း​တၵ်း​လႆႈ​တိုဝ်း​သႂ်ႇ​ဝႆႉ​ၵႃႈ​တီႈ​ၼႃႈ​ၽၢၵ်ႇ​မၼ်း​ယူႇ​သေႇ​သေႇ ႁႂ်ႈ​ၶဝ်​လႆႈ​ထူပ်း​တၢင်း​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ် ထႃႇဝရႃႉ​ၽြႃး​ဢေႃႈ။</verse>
				<verse number="39">သိူဝ်ႈ​ပုတ်း​ပိၵ်ႈ​ၶျေႃး​ၵေႃႈ မႂ်း​တၵ်း​လႆႈ​တေႃး​ႁဵတ်း​ဢေႃႈ။ ၶဵၼ်း​ႁူဝ်​ၵေႃႈ မႂ်း​တၵ်း​လႆႈ​ဢဝ်​ပိၵ်ႈ​ၶျေႃး​ႁဵတ်း​ဢေႃႈ။ သၢႆ​ႁတ်ႉ​ဢႅဝ်​ၵေႃႈ မႂ်း​တၵ်း​လႆႈ​ဢဝ်​တင်း တၢင်း​ႁဵတ်း​ဢၼ်​ႁၢင်ႈ​ၶိူင်ႈ​မၼ်း​ၼၼ်ႉ ႁဵတ်း​ဢေႃႈ။</verse>
				<verse number="40">မႂ်း​တၵ်း​လႆႈ​ႁဵတ်း​သိူဝ်ႈ​ယၢဝ်း၊ သၢႆ​ႁတ်ႉ​ဢႅဝ်​တင်း​မွၵ်ႇ​ႁူဝ်​ပၼ်​တီႈ​လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ ပုၼ်ႈ​ဢၼ်​တၵ်း​ပဵၼ်​မုၼ်​ပဵၼ်​သရေႇ​ဢေႃႈ။-</verse>
				<verse number="41">ၼင်ႇ​ၼၼ်​လႄႈ မႂ်း​တၵ်း​လႆႈ​ဢဝ်​ၼုင်ႈ​ပၼ်​တီႈ​ပီႈ​ၸၢႆး​မႂ်း​ ဢႃႇရုၼ်ႇ ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​သေ​ယဝ်ႉ၊ ဢဝ်​တင်း​ၼမ်ႉ​မၼ်း​တႃး​ၶဝ်​သေ​လႄႈ ၶၢၼ်း​ၶဝ်​ဝႆႉ​ၼႂ်း​ဢရႃႇ​လႄႈ ႁႂ်ႈ​မူတ်း​ၸၢင်ႇ​ႁႂ်ႈ​ၶဝ်​လႆႈ​ပွင်​ႁဵတ်း​ဢမူႉ​ယိတ်ႈပရေႃးႁဵၵ်ႈ ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။-</verse>
				<verse number="42">မႂ်း​တၵ်း​လႆႈ​ယဵပ်ႉ​ၵူၼ်​ပိၵ်ႈ​ၶျေႃး​ပၼ်​တီႈ​ၶဝ် ႁႂ်ႈ​လႆႈ​ႁူမ်ႇ​သုမ်ႇ​လွင်ႈ​တၢင်း​ဢၼ် လီ​ဢူၵ်း​လီ​ဢၢႆ​တီႈ​ၶဝ်​ဢေႃႈ။ ၵူၼ်​ၸိူဝ်း​ၼၼ်ႉ တၵ်း​လႆႈ​ယၢဝ်း​ၸႃႉ​ၸဵမ်​ၵႃႈ​တီႈ​ဢႅဝ်​တေႃႇ​ထိုင်​ႁွတ်ႈ​ၵႃႈ​တီႈ​ၶႃ​ဢေႃႈ။-</verse>
				<verse number="43">ဢႃႇရုၼ်ႇ ​ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ မိူဝ်ႈ​ဢၼ်​ၶဝ်​ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ ဢိၵ်ႇ​တင်း မိူဝ်ႈ​ဢၼ်​ၶဝ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ႁိမ်း ယိတ်ႈပလၢင်ႇ​ႁႂ်ႈ​လႆႈ​ပွင်​ႁဵတ်း​ဢမူႉ​ၸဝ်ႈ ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ၸိုင်၊ တၵ်း​လႆႈ​ၼုင်ႈ​ၸိူဝ်ႉ​ၼင်ႇ​ၼၼ် ႁႂ်ႈ​ၶဝ်​ဢမ်ႇ​လႆႈ​ႁွတ်ႈ​ထိုင်​ဢပႅတ်ႈ​လႄႈ​တၢႆ​ဢေႃႈ။ ပဵၼ်​ထုင်း​ၽိင်ႈ​ၸဝ်ႈ​ဢၼ်​ၸႃႉ​ၸဵမ်​မၼ်း ဢိၵ်ႇ​တင်း​ၸိူဝ်ႉ​ၶိူဝ်း​မၼ်း သိုပ်ႇ​သိုပ်ႇ​တၢမ်း​တၢမ်း​တၵ်း​လႆႈ​ပႂ်ႉ​လႆႈ​ၸွမ်း​ယူႇ​သေႇ​သေႇ​ဢေႃႈ။</verse>
			</chapter>
			<chapter number="29">
				<verse number="1">လွင်ႈ​တၢင်း​ဢၼ်​မႂ်း​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၶဝ်​ၼၼ်ႉ ႁႂ်ႈ​ၶဝ်​မူတ်း​ၸၢင်ႇ ႁႂ်ႈ​ၶဝ်​လႆႈ​ပွင်​ႁဵတ်း​ဢမူႉ ယိတ်ႈပရေႃးႁဵၵ်ႈ ၵႃႈ​တီႈ​ၽၢႆႇ​ၼႃႈ​ၵဝ်​ၸမ်ႉ၊ တၵ်း​လႆႈ​ဢဝ်​ဝူဝ်း​ပေႃႈ​ဢွၼ်ႇ တင်း​သူဝ်း​ပေႃႈ​သွင်​တူဝ်​ဢၼ်​ဢမ်ႇ​ပႃး​ဢပႅတ်ႈ၊-</verse>
				<verse number="2">ဢိၵ်ႇ​တင်း​ၶဝ်ႈ​မုၼ်း​ၵျုင်ႇ ဢၼ်​ဢမ်ႇ​ပႃး​ၸိူဝ်ႉ​ပႅင်ႈ၊ ၶဝ်ႈ​မုၼ်း​ၵျုင်ႇ​ဢၼ်​ၶႅပ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​လႄႈ ဢဝ်​ၼမ်ႉ​မၼ်း​သႂ်ႇ​လေႃး၊ ၶဝ်ႈ​မုၼ်း​ၵျုင်ႇ​ဢၼ်​ၶွပ်ႈ ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​လႄႈ တႃး​ၼမ်ႉ​မၼ်း​ၸိူဝ်း​ၼၼ်ႉ​လႄႈ၊-</verse>
				<verse number="3">ဢဝ်​သႂ်ႇ​ၵႃႈ​ၼႂ်း​ၶွင်ႈ​ႁူၺ်ႇ​ၼိုင်ႈ​သေ​ယဝ်ႉ၊ ပႃး​ဢဝ်​ၶွင်ႈ​ၼၼ်ႉ​မႃး ဢိၵ်ႇ​လူၺ်ႈ​ၵၼ်​တင်း​ဝူဝ်း​ပေႃႈ​ဢွၼ်ႇ တင်း​သူဝ်း​ပေႃႈ သွင်​တူဝ်​ၼၼ်ႉ​ဢေႃႈ။-</verse>
				<verse number="4">မႂ်း​တၵ်း​လႆႈ​ႁွင်ႉ​ဢဝ်​ ဢႃႇရုၼ်ႇ ​ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ မႃး​ၵႃႈ​တီႈ​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ ဢဝ်​ၶဝ်​ဢၢပ်ႇ​ၼမ်ႉ​သေ​ဢေႃႈ။-</verse>
				<verse number="5">မႂ်း​တၵ်း​လႆႈ​ဢဝ်​ၶူဝ်း​ၼုင်ႈ​တင်း​မႆ​လႄႈ ဢဝ်​သိူဝ်ႈ​ပုတ်း၊ သိူဝ်ႈ​ယၢဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​သိူဝ်ႈ​သုပ်း၊ သိူဝ်ႈ​သုပ်း​တင်း​ၶိူင်ႈ​ဝႆ​ၼႃႈ​ဢူၵ်း​ၼုင်ႈ​မႆ​ပၼ်​ ဢႃႇရုၼ်ႇ ​လႄႈ၊ ဢဝ်​သၢႆ​ႁတ်ႉ​ဢႅဝ်​ဢၼ်​ႁၢင်ႈ​ၶိူင်ႈ ဢၼ်​ၸၢပ်ႈ​သႅင်ႇ​ၵၼ်​တင်း​သိူဝ်ႈ​သုပ်း​ၼၼ်ႉ ႁတ်ႉ​ပၼ်​ဢေႃႈ။-</verse>
				<verse number="6">မႂ်း​တၵ်း​လႆႈ​ဢဝ်​ၶဵၼ်း​ႁူဝ်​ၶဵၼ်း​သႂ်ႇ​ၵႃႈ​တီႈ​ႁူဝ်​မၼ်း​လႄႈ၊ သမ်ႉ​ဢဝ်​ၶိူင်ႈ​ပျႃး​ၶမ်း ဢၼ်​မူတ်း​ၸၢင်ႇ​ၼၼ်ႉ​သႂ်ႇ​ဝႆႉ ၵႃႈ​တီႈ​ၶဵၼ်း​ႁူဝ်​ၼၼ်ႉ​ဢေႃႈ။-</verse>
				<verse number="7">ၵမ်း​ၼၼ်ႉ မႂ်း​တၵ်း​လႆႈ​ဢဝ်​ၼမ်ႉ​မၼ်း ပုၼ်ႈ​ဢၼ်​တၵ်း​တႃး​ၼၼ်ႉ ထွၵ်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​လႄႈ တႃး​မၼ်း​ဢေႃႈ။-</verse>
				<verse number="8">လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ၵေႃႈ မႂ်း​တၵ်း​လႆႈ​ႁွင်ႉ​မႃး​လႄႈ ဢဝ်​သိူဝ်ႈ​ၼုင်ႈ​ပၼ်​ဢေႃႈ။-</verse>
				<verse number="9">မႂ်း​တၵ်း​လႆႈ​ဢဝ်​သၢႆ​ႁတ်ႉ​ဢႅဝ်​ႁတ်ႉ​ပၼ်​ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​လႄႈ ဢဝ်​မွၵ်ႇ​ႁူဝ်​တိုဝ်း​ပၼ်​သေ​ယဝ်ႉ၊ ၶဝ်​ၼၼ်ႉ တၵ်း​လႆႈ​ၸၢပ်ႈ​သႅင်ႇ​ၵၼ်​တင်း​ဢရႃႇ​ယိတ်ႈပရေႃးႁဵၵ်ႈ ၸွမ်း​ၵႃႈ​ၼင်ႇ​ထုင်း​ၽိင်ႈ​ထႃႇဝရႃႉ​ၸဝ်ႈ​ဢေႃႈ။ ၼင်ႇ​ၼၼ်​လႄႈ မႂ်း​တၵ်း​လႆႈ​ဢဝ်​ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ၶၢၼ်း​ဝႆႉ​ၼႂ်း​ဢရႃႇ​ယိတ်ႈပရေႃးႁဵၵ်ႈ​ဢေႃႈ။</verse>
				<verse number="10">လိုၼ်း​ၼၼ်ႉ မႂ်း​တၵ်း​လႆႈ​ဢဝ်​ဝူဝ်း​ပေႃႈ​တူဝ်​ၼိုင်ႈ​ၼၼ်ႉ မႃး​ၵႃႈ​တီႈ​ၽၢႆႇ​ၼႃႈ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ ဢႃႇရုၼ်ႇ ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ် ဢဝ်​မိုဝ်း​တူဝ်​ၸဝ်ႈ​ၵဝ်ႇ တၢင်ႇ​သႂ်ႇ​ၵႃႈ​ၼိူဝ်​ႁူဝ်​ဝူဝ်း​ပေႃႈ​ၼၼ်ႉ​ဢေႃႈ။-</verse>
				<verse number="11">ဝူဝ်း​ပေႃႈ​ၼၼ်ႉ​ၸိုင် မႂ်း​တၵ်း​လႆႈ​ဢဝ်​တၢႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​တီႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။-</verse>
				<verse number="12">မႂ်း​တၵ်း​လႆႈ​ဢဝ်​တင်း​ၼိဝ်ႉ​မိုဝ်း​မႂ်း ဢဝ်​လိူတ်ႈ​ဝူဝ်း​ပေႃႈ​ၼၼ်ႉ​ၵမ်ႈ​ၽွင်ႈ၊ သႂ်ႇ​ၵႃႈ​ၼိူဝ်​ၶဝ်​လႅမ်​ယိတ်ႈပလၢင်ႇ​ၸိူဝ်း​ၼၼ်ႉ​သေ​ယဝ်ႉ၊ ဢဝ်​လိူတ်ႈ​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ ထွၵ်ႇ​ပႅတ်ႈ​ၵႃႈ​တီႈ​ႁိမ်း​တိၼ်​ယိတ်ႈပလၢင်ႇ​ဢေႃႈ။-</verse>
				<verse number="13">မႂ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း ဢၼ်​ႁူမ်ႇ​သႆႈ​မၼ်း ၵႃႈ​မီး​တင်း​သဵင်ႈ​တင်း​လူင်၊ ၽၢင်ႉ​ၽၢပ်ႇ​ဢၼ်​မီး​ၵႃႈ​ၼိူဝ်​တပ်း​မၼ်း၊ မၢၵ်ႇ​လၼ်း​သွင်​လုၵ်ႈ တင်း​ၵွၼ်ႈ​ၶႆ​ၵွၼ်ႈ​မၼ်း​ဢၼ်​ႁူမ်ႇ​မၢၵ်ႇ​လၼ်း​ၼၼ်ႉ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="14">ၼိူဝ်ႉ​ဝူဝ်း၊ ၼင်​မၼ်း​တင်း​ၶီႈ​ၼုမ်ႇ​မၼ်း​ၸမ်ႉ၊ မႂ်း​တၵ်း​လႆႈ​ဢဝ်​တုတ်ႇ​ၽႆး ၵႃႈ​တီႈ​ၽၢႆႇ​တၢင်း​ၼွၵ်ႈ​တပ်ႉ​ဢေႃႈ။ ပဵၼ်​ယိတ်ႈ​ပုၼ်ႈ​ဢၼ် တၵ်း​ၽေႇ​ဢပႅတ်ႈ​ဢေႃႈ။</verse>
				<verse number="15">မႂ်း​သမ်ႉ​တၵ်း​လႆႈ​ဢဝ်​သူဝ်း​ပေႃႈ​ၼၼ်ႉ​တူဝ်​ၼိုင်ႈ​လႄႈ၊ ဢႃႇရုၼ်ႇ ​ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ်​ဢဝ်​မိုဝ်း​တူဝ်​ၸဝ်ႈ​ၵဝ်ႇ တၢင်ႇ​ၵႃႈ​ၼိူဝ်​ႁူဝ်​သူဝ်း​ပေႃႈ​ၼၼ်ႉ​ဢေႃႈ။-</verse>
				<verse number="16">မႂ်း​ဢဝ်​သူဝ်း​ပေႃႈ​ၼၼ်ႉ​တၢႆ​သေ​ယဝ်ႉ၊ တၵ်း​လႆႈ​ဢဝ်​လိူတ်ႈ​မၼ်း ၽႅတ်း​ၸွမ်း​ႁိမ်း​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။-</verse>
				<verse number="17">မႂ်း​တၵ်း​လႆႈ​တႅပ်း​သူဝ်း​ပေႃႈ​ၼၼ်ႉ ႁဵတ်း​ပဵၼ်​ပွတ်း​ပဵၼ်​ပိတ်း​သေ​လႄႈ ဢဝ်​ၶူင်း​ၼႂ်း​မၼ်း ဢိၵ်ႇ​တင်း​တိၼ်​မၼ်း သုၵ်ႈ​ၼမ်ႉ​သေ​ယဝ်ႉ၊ တၵ်း​လႆႈ​ဢဝ်​ၸူႉ​ၵၼ်​ၵွင်​ၵၼ်​ဝႆႉ​ၵႃႈ​ၼိူဝ် ၵွၼ်ႈ​ၼိူဝ်ႉ​မၼ်း​ဢိၵ်ႇ​တင်း​ႁူဝ်​မၼ်း​ၼၼ်ႉ​လႄႈ၊-</verse>
				<verse number="18">ဢဝ်​သူဝ်း​ပေႃႈ​ၼၼ်ႉ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​တင်း​တူဝ်​ဢေႃႈ။ ပဵၼ်​ယိတ်ႈ​ဢၼ်​တုတ်ႇ​ၽႆး တီႈ​ထႃႇဝရႃႉ​ၽြႃး​ဢေႃႈ။ ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း၊ တင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး​ဢေႃႈ။</verse>
				<verse number="19">မႂ်း​တၵ်း​လႆႈ​ဢဝ်​သူဝ်း​ပေႃႈ​တူဝ်​တူႉတီႉယႃႉ​ၼၼ်ႉ​လႄႈ ဢႃႇရုၼ်ႇ ​ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ်​ဢဝ်​မိုဝ်း​တူဝ်​ၸဝ်ႈ​ၵဝ်ႇ​တၢင်ႇ​ၵႃႈ​ၼိူဝ်​ႁူဝ်​သူဝ်း​ပေႃႈ​ၼၼ်ႉ​ဢေႃႈ။-</verse>
				<verse number="20">မႂ်း​တၵ်း​လႆႈ​ဢဝ်​သူဝ်း​ပေႃႈ​ၼၼ်ႉ​တၢႆ​လႄႈ ဢဝ်​လိူတ်ႈ​မၼ်း​လႄႈ သႂ်ႇ​ၵႃႈ​တီႈ​မႂ်​ႁူ​ၽၢႆႇ​ၶႂႃ​ ဢႃႇရုၼ်ႇ ၊ ၵႃႈ​တီႈ​မႂ်​ႁူ​ၽၢႆႇ​ၶႂႃ​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ၊ ၵႃႈ​တီႈ​မႄႈ​မိုဝ်း​ၽၢႆႇ​ၶႂႃ​ၶဝ်၊ ၵႃႈ​တီႈ​မႄႈ​တိၼ်​ၽၢႆႇ​ၶႂႃ​ၶဝ်​ၼၼ်ႉ​သေ​ယဝ်ႉ၊ ဢဝ်​လိူတ်ႈ​ၽႅတ်း​ၸွမ်း​ႁိမ်း​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="21">မႂ်း​တၵ်း​လႆႈ​ဢဝ်​လိူတ်ႈ​ဢၼ်​မီး​ၵႃႈ​ၼိူဝ်​ယိတ်ႈပလၢင်ႇ တင်း​ၼမ်ႉ​မၼ်း ပုၼ်ႈ​ဢၼ်​တၵ်း​တႃး​ၼၼ်ႉ ၽႅတ်း​သႂ်ႇ​ၵႃႈ​ၼိူဝ်​ ဢႃႇရုၼ်ႇ တင်း​ၶူဝ်း​ၼုင်ႈ​မၼ်း ဢိၵ်ႇ​တင်း​ၵႃႈ​ၼိူဝ်​လုၵ်ႈ​ၸၢႆး​မၼ်း​တင်း​ၶူဝ်း​ၼုင်ႈ​ၶဝ်​ၼၼ်ႉ​လႄႈ မၼ်း​ၼၼ်ႉ​တင်း​ၶူဝ်း​ၼုင်ႈ​မၼ်း ဢိၵ်ႇ​တင်း​လုၵ်ႈ​ၸၢႆး​မၼ်း တင်း​ၶူဝ်း​ၼုင်ႈ​ၶဝ်​ၸိူဝ်း​ၼၼ်ႉ တၵ်း​လႆႈ​မူတ်း​ၸၢင်ႇ​ဢေႃႈ။-</verse>
				<verse number="22">ပိူဝ်ႈ​ဢၼ်​သူဝ်း​ပေႃႈ​ၼၼ်ႉ​ပဵၼ်​သူဝ်း​ပုၼ်ႈ​ဢၼ်​တၵ်း​ၶၢၼ်း​ဝႆႉ​ၼႂ်း​ဢရႃႇ​လႄႈ၊ မႂ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​သူဝ်း​ပေႃႈ​ၼၼ်ႉ ဢိၵ်ႇ​တင်း​ႁၢင်​မၼ်း၊ ၵွၼ်ႈ​ၶႆ​ၵွၼ်ႈ​မၼ်း​ဢၼ်​ႁူမ်ႇ​သႆႈ​မၼ်း၊ ၽၢင်ႉ​ၽၢပ်ႇ​ဢၼ်​မီး​ၵႃႈ​ၼိူဝ်​တပ်း​မၼ်း၊ မၢၵ်ႇ​လၼ်း​သွင်​လုၵ်ႈ တင်း​ၵွၼ်ႈ​ၶႆ​ၵွၼ်ႈ​မၼ်း​ဢၼ်​ႁူမ်ႇ​မၢၵ်ႇ​လၼ်း​ၼၼ်ႉ၊ ႁူဝ်​မႃႇ​မၼ်း​ၽၢႆႇ​ၶႂႃ၊-</verse>
				<verse number="23">ၶဝ်ႈ​မုၼ်း​ႁူၺ်ႇ​ၼိုင်ႈ၊ ၶဝ်ႈ​မုၼ်း​ဢၼ်​ၶႅပ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၶႅပ်း​ၼိုင်ႈ၊ ၶဝ်ႈ​မုၼ်း​ဢၼ်​ၶွပ်ႈ​ၶႅပ်း​ၼိုင်ႈ ဢၼ်​ဢဝ်​ဢွၵ်ႇ​ၵႃႈ​ၼႂ်း​ၶွင်ႈ ဢၼ်​မီး​ၶဝ်ႈ​မုၼ်း ဢၼ်​ဢမ်ႇ​ပႃး​ၸိူဝ်ႉ​ပႅင်ႈ ဢၼ်​ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​လႄႈ၊-</verse>
				<verse number="24">ဢဝ်​တင်း​သဵင်ႈ​တင်း​လူင် သႂ်ႇ​ပၼ်​ၵႃႈ​တီႈ​ၼႂ်း​မိုဝ်း​ ဢႃႇရုၼ်ႇ ​တင်း​မိုဝ်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​သေ​ယဝ်ႉ၊ ဢဝ်​ယွင်ႈ​ၵႂႆ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ႁဵတ်း​တင်း​ပုၵ်ႈ​ၸေႃႇ​ဢၼ်​ယွင်ႈ​ၵႂႆ​ဢေႃႈ။-</verse>
				<verse number="25">မႂ်း​တၵ်း​လႆႈ​ႁပ်ႉ​ၶၢမ်ႇ​ဢဝ်​ၸိူဝ်း​ၼၼ်ႉ ၵႃႈ​ၼႂ်း​မိုဝ်း​ၶဝ်​ၼၼ်ႉ​လႄႈ ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ၵႃႈ​ၼိူဝ်​ယိတ်ႈ​ဢၼ်​တုတ်ႇ​ၽႆး ပုၼ်ႈ​ဢၼ်​တၵ်း​ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ ပဵၼ်​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="26">မႂ်း​တၵ်း​လႆႈ​ဢဝ်​ႁူဝ်​ဢူၵ်း​သူဝ်း​ပေႃႈ ဢၼ်​ပဵၼ်​လွင်ႈ​တၢင်း​ဢၼ်​ၶၢၼ်း​ ဢႃႇရုၼ်ႇ ဝႆႉ​ၼႂ်း​ဢရႃႇ​ၼၼ်ႉ ယွင်ႈ​ၵႂႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ႁဵတ်း​တင်း​ပုၵ်ႈ​ၸေႃႇ​ဢၼ်​ယွင်ႈ​ၵႂႆ​သေ​ယဝ်ႉ၊ ႁူဝ်​ဢူၵ်း​ၼၼ်ႉ​တၵ်း​လႆႈ​ပဵၼ်​ပုၼ်ႈ​မႂ်း​ဢေႃႈ။-</verse>
				<verse number="27">ၵႃႈ​ၼႂ်း​သူဝ်း​ပေႃႈ​ဢၼ်​ၶၢၼ်း​ဝႆႉ​ၼႂ်း​ဢရႃႇ​ဢၼ်​ဝႃႈ လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ၊ မႂ်း​တၵ်း​လႆႈ​ဢဝ်​ႁူဝ်​ဢူၵ်း​ဢၼ်​ယွင်ႈ​ၵႂႆ​လႄႈ ႁဵတ်း​တၢင်း​ပုၵ်ႈ​ၸေႃႇ​ဢၼ်​ယွင်ႈ​ၵႂႆ​ၼၼ်ႉ​ဢိၵ်ႇ​တင်း​ႁူဝ်​မႃႇ ဢၼ်​ယုၵ်ႉ​ယွင်ႈ​လႄႈ ႁဵတ်း​တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​ၼၼ်ႉ မူတ်း​ၸၢင်ႇ​သေ​ယဝ်ႉ၊-</verse>
				<verse number="28">ပိူဝ်ႈ​ဢၼ်​ပဵၼ်​တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​လႄႈ၊ ႁူဝ်​ဢူၵ်း​တင်း​ႁူဝ်​မႃႇ​ၼၼ်ႉ​တၵ်း​လႆႈ​ပဵၼ်​ပုၼ်ႈ​ ဢႃႇရုၼ်ႇ ဢိၵ်ႇ​တင်း​ပုၼ်ႈ​လုၵ်ႈ​ၸၢႆး​မၼ်း​တင်း​လၢႆ ဢၼ်​ၸွမ်း​ၼင်ႇ​ထုင်း​ၽိင်ႈ​ထႃႇဝရႃႉ​ဢၼ်​ၵူၼ်း​မဵဝ်း​ ဢီႉသရေႇလႃႉ ​ၶဝ် ထိူၵ်ႈ​ႁဵတ်း​ၼၼ်ႉ​ဢေႃႈ။ တၵ်း​လႆႈ​ပဵၼ်​တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​ၶဝ် ဢဝ်​ၵႃႈ​ၼႂ်း​ယိတ်ႈ​မိၵ်ႉသႃႇႁႃယႃႉ​ၶဝ်​တင်း​လၢႆ​ၼၼ်ႉ​ႁဵတ်း ဢၼ်​ဝႃႈ​တၢင်း​ဢၼ်​ၶဝ်​ယုၵ်ႉ​ယွင်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။</verse>
				<verse number="29">ၶူဝ်း​ၼုင်ႈ​တၢင်း​မႆ​ ဢႃႇရုၼ်ႇ ဢၼ်​မူတ်း​ၸၢင်ႇ​ၼၼ်ႉ​ၸိုင်၊ ဝၢႆး​လင်​မၼ်း​ၼၼ်ႉ တၵ်း​လႆႈ​မီး​တီႈ​လုၵ်ႈ​ၸၢႆး​မၼ်း​တင်း​လၢႆ​လႄႈ၊ ပဵၼ်​ပုၼ်ႈ​ဢၼ်​ၶဝ်​တၵ်း​ၼုင်ႈ ၼႂ်း​မိူဝ်ႈ​ဢၼ်​ၶဝ်​ၶၢမ်ႇ​မင်ႇၵလႃႇ တၢင်း​ဢၼ်​ဢဝ်​ၼမ်ႉ​မၼ်း​တႃး ဢိၵ်ႇ​တင်း​ဢၼ်​ၶၢမ်ႇ​တၢင်း​ဢၼ်​ၶၢၼ်း​ဝႆႉ​ၼႂ်း​ဢရႃႇ​ၼၼ်ႉ​ဢေႃႈ။-</verse>
				<verse number="30">လုၵ်ႈ​ၸၢႆး​မၼ်း​ၵေႃႉ​ဢၼ်​ႁဵတ်း​ယိတ်ႈပရေႃးႁဵၵ်ႈ​တၢင်​တူဝ်​မၼ်း​ၼၼ်ႉ တၵ်း​လႆႈ​ၼုင်ႈ​မႆ ၼႂ်း​မိူဝ်ႈ​ဢၼ်​မၼ်း​ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ႁႂ်ႈ​လႆႈ​ပွင်​ႁဵတ်း​ဢမူႉ​ၸဝ်ႈ ၵႃႈ​တီႈ​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="31">မႂ်း​တၵ်း​လႆႈ​ဢဝ်​သူဝ်း​ပေႃႈ​ဢၼ်​ၶၢၼ်း​ဝႆႉ ၼႂ်း​ဢရႃႇ​ၼၼ်ႉ​တူမ်ႈ ၵႃႈ​တီႈ​ထႃႇၼႃႉ​တီႈ​မူတ်း​ၸၢင်ႇ​လႄႈ၊-</verse>
				<verse number="32">ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ်​ၵိၼ်​ၼိူဝ်ႉ​သူဝ်း​ပေႃႈ​ၼၼ်ႉ​ဢိၵ်ႇ​တင်း ၶဝ်ႈ​မုၼ်း​ဢၼ်​မီး​ၵႃႈ​ၼႂ်း​ၶွင်ႈ​ၼၼ်ႉ​ၵႃႈ​တီႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="33">ၶဝ်​တၵ်း​လႆႈ​ၵိၼ်​ၶိူင်ႈ​ပိူင်​ဢၼ် ၸၢပ်ႈ​သႅင်ႇ​ၵၼ်​တၢင်း​ဢၼ်​ႁဵတ်း​မင်ႇၵလႃႇ တၢင်း​ဢၼ်​ၽေႇ​ဢပႅတ်ႈ​ၸိူဝ်း​ၼၼ်ႉ ႁႂ်ႈ​လႆႈ​ၶၢၼ်း​ၶဝ်​ၼၼ်ႉ​ဝႆႉ​ၼႂ်း​ဢရႃႇ​လႄႈ ႁႂ်ႈ​ၶဝ်​မူတ်း​ၸၢင်ႇ​ဢေႃႈ။ ၶိူင်ႈ​ပိူင်​ၸိူဝ်း​ၼၼ်ႉ​ၸိုင် ပိူဝ်ႈ​ဢၼ်​မူတ်း​ၸၢင်ႇ​လႄႈ ၵေႃႉ​ဢၼ်​ဢမ်ႇ​ၸၢပ်ႈ​သႅင်ႇ​ၼၼ်ႉ ဢမ်ႇ​လႆႈ​ၵိၼ်၊-</verse>
				<verse number="34">ပေႃး​ၼိူဝ်ႉ​ဢၼ်​ၸၢပ်ႈ​သႅင်ႇ​ၵၼ်​တင်း လွင်ႈ​တၢင်း​ဢၼ်​ၶၢၼ်း​ဝႆႉ​ၼႂ်း​ဢရႃႇ​ၼၼ်ႉ၊ ဢမ်ႇ​ၼၼ်​ၵေႃႈ ၶဝ်ႈ​မုၼ်း​ၼၼ်ႉ ၵိုတ်း​ၵျၢၼ်ႇ​ဝႆႉ တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​သေ​ဢိတ်း​ၸိုင်၊ မႂ်း​တၵ်း​လႆႈ​ဢဝ်​ဢၼ်​ၵိုတ်း​ဢၼ်​ၵျၢၼ်ႇ​ဝႆႉ​ၼၼ်ႉ တုတ်ႇ​ၽႆး​ပႅတ်ႈ​သေ​ဢေႃႈ။ ပိူဝ်ႈ​ဢၼ်​မူတ်း​ၸၢင်ႇ​လႄႈ ၽူႈ​လႂ်​ဢမ်ႇ​လႆႈ​ၵိၼ်။-</verse>
				<verse number="35">ၼင်ႇ​ၼၼ်​လႄႈ မႂ်း​တၵ်း​လႆႈ​ႁဵတ်း​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ် ၵဝ်​ပိင်း​ၺၢပ်ႈ​ဝႆႉ​ၼၼ်ႉ​လႄႈ၊ ႁဵတ်း​မင်ႇၵလႃႇ​တၢင်း​ဢၼ်​ၶၢၼ်း​ဝႆႉ​ၼႂ်း​ဢရႃႇ ယိတ်ႈပရေႃးႁဵၵ်ႈ​ၼၼ်ႉ ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="36">မႂ်း​တၵ်း​လႆႈ​ပုၵ်ႈ​ၸေႃႇ​ဝူဝ်း​ပေႃႈ ပုၼ်ႈ​ဢၼ်​တၵ်း​ၽေႇ​ဢပႅတ်ႈ​ၼၼ်ႉ​တူဝ်​ၼိုင်ႈ​ၵူႈ​ဝၼ်း​လႄႈ ႁဵတ်း​ယိတ်ႈ​လွင်ႈ​တၢင်း​ဢၼ် ၽေႇ​ဢပႅတ်ႈ​ဢေႃႈ။ ၼင်ႇ​ၼၼ်​လႄႈ မႂ်း​တၵ်း​လႆႈ​ႁႂ်ႈ​ယိတ်ႈပလၢင်ႇ​မူတ်း​သႂ်​မိူဝ်ႈ​ဢၼ်​ႁဵတ်း တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မၼ်း​ၼၼ်ႉ​ဢေႃႈ။ လိုၼ်း​ၼၼ်ႉ မႂ်း​တၵ်း​လႆႈ​ဢဝ်​ၼမ်ႉ​မၼ်း​တႃး ႁႂ်ႈ​မၼ်း​မူတ်း​ၸၢင်ႇ​ဢေႃႈ။-</verse>
				<verse number="37">ႁဵတ်း​တၢင်း​ဢၼ်​ၽေႇ​ဢပႅတ်ႈ​ယိတ်ႈပလၢင်ႇ ၸဵတ်း​ဝၼ်း​တဵမ်​တဵမ်​လႄႈ ႁႂ်ႈ​မူတ်း​ၸၢင်ႇ​သေ​ယဝ်ႉ၊ တၵ်း​လႆႈ​ပဵၼ်​ယိတ်ႈပလၢင်ႇ ဢၼ်​မူတ်း​ၸၢင်ႇ​ၼႃႇ​လူင်​လၢင်​လႄႈ၊ ၶိူင်ႈ​ပိူင်​ၵႃႈ​ဢၼ်​တၵ်း​တိူဝ်ႉ​ထုၵ်ႇ​ယိတ်ႈပလၢင်ႇ​ၼၼ်ႉ​ၵေႃႈ တၵ်း​လႆႈ​ပဵၼ်​ဢၼ်​မူတ်း​ၸၢင်ႇ​ဢေႃႈ။</verse>
				<verse number="38">ၶိူင်ႈ​ပိူင် ဢၼ်​တၵ်း​လႆႈ​ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ၸမ်ႉ၊ တၵ်း​လႆႈ​ဢဝ်​သူဝ်း​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​သွင်​တူဝ် ပုၵ်ႈ​ၸေႃႇ​ၵူႈ​ဝၼ်း​ဢမ်ႇ​ထၢတ်ႇ​လႄႈ၊-</verse>
				<verse number="39">ပုၵ်ႈ​ၸေႃႇ​ႁူဝ်​ၼႂ်​တူဝ်​ၼိုင်ႈ​ႁူဝ်​ၶမ်ႈ​တူဝ်​ၼိုင်ႈ​ဢေႃႈ။-</verse>
				<verse number="40">မိူဝ်ႈ​ဢၼ်​ပုၵ်ႈ​ၸေႃႇ​သူဝ်း​ဢွၼ်ႇ​တူဝ်​ၼိုင်ႈ​ၼၼ်ႉ​ၸိုင်၊ မႂ်း​တၵ်း​လႆႈ​ဢဝ်​ၽွင်​ၶဝ်ႈ​မုၼ်း​ၼႂ်း​ ဢေးၽႃႇ ​ၼိုင်ႈ သိပ်း​ပုၼ်ႈ​ဢဝ်​ပုၼ်ႈ​ၼိုင်ႈ ဢၼ်​ဢဝ်​ၼမ်ႉ​မၼ်း ဢၼ်​ဢဝ်​မၢၵ်ႇ​ သၢၼ်ႇလုၼ်ႇ ​တမ်​ၼၼ်ႉ​ၼႂ်း​ ႁီႉၼႃႉ ၼိုင်ႈ သီႇ​ပုၼ်ႈ​ဢဝ်​ပုၼ်ႈ​ၼိုင်ႈ သႂ်ႇ​လေႃး​ၼၼ်ႉ ဢိၵ်ႇ​တင်း​ၼမ်ႉ​ၸပိတ်ႈ ၼႂ်း​ ႁီႉၼႃႉ ​ၼိုင်ႈ သီႇ​ပုၼ်ႈ​ဢဝ်​ပုၼ်ႈ​ၼိုင်ႈ ပုၼ်ႈ​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​ၸိူဝ်း​ၼၼ်ႉ ပုၵ်ႈ​ၸေႃႇ​လူၺ်ႈ​ဢေႃႈ။-</verse>
				<verse number="41">သူဝ်း​ဢွၼ်ႇ​တူဝ်​တူႉတီႉယႃႉ​ၼၼ်ႉ​ၸိုင် မႂ်း​တၵ်း​လႆႈ​ပုၵ်ႈ​ၸေႃႇ ၶိင်ႇ​ႁူဝ်​ၶမ်ႈ​လႄႈ ႁဵတ်း​ၸွမ်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢိၵ်ႇ​တင်း တၢင်း​ပုၵ်ႈ​ၸေႃႇ ဢၼ်​သွၼ်း​လေႃႇ​ၶိင်ႇ​ႁူဝ်​ၼႂ်​ၼၼ်ႉ ႁႂ်ႈ​ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း၊ တင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="42">ၼင်ႇ​ၼၼ်​လႄႈ ယိတ်ႈ​ဢၼ်​တုတ်ႇ​ၽႆး ဢၼ်​ၸူဝ်ႈ​လုၵ်ႈ​ပၼ်​လၢၼ်​သူ​တႃႇ​သေႇ​ဢမ်ႇ​ထၢတ်ႇ​ၼၼ်ႉ တၵ်း​လႆႈ​ပုၵ်ႈ​ၸေႃႇ​ၵႃႈ​တီႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး တီႈ​ဢၼ်​ၵဝ်​တၵ်း​ထူပ်း​ၵၼ်​တင်း​မႂ်း​လႄႈ လၢတ်ႈ​တေႃႇ​မႂ်း​ၼၼ်ႉ​ဢေႃႈ။-</verse>
				<verse number="43">ၵႃႈ​တီႈ​ၼၼ်ႈ ၵဝ်​တၵ်း​ထူပ်း​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ႁႂ်ႈ​မူဝ်းၵႃႇ​ၸဝ်ႈ​မူတ်း​ၸၢင်ႇ ၵွပ်ႈ​ပိူဝ်ႈ​မုၼ်​ၽုင်း​ၵဝ်​ဢေႃႈ။-</verse>
				<verse number="44">ၵဝ်​တၵ်း​ႁႂ်ႈ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ ဢိၵ်ႇ​တင်း​ယိတ်ႈပလၢင်ႇ မူတ်း​ၸၢင်ႇ​ဢေႃႈ။ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ၵေႃႈ ၵဝ်​တၵ်း​ႁႂ်ႈ​မူတ်း​ၸၢင်ႇ ႁႂ်ႈ​ၶဝ်​လႆႈ​ႁဵတ်း​ဢမူႉ​ယိတ်ႈပရေႃးႁဵၵ်ႈ ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။</verse>
				<verse number="45">ၵဝ်​တၵ်း​ယူႇ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ပဵၼ်​ၽြႃး​ၶဝ်​ဢေႃႈ။-</verse>
				<verse number="46">လွင်ႈ​ၼင်ႇ​ႁိုဝ်​ၵဝ်​တၵ်း​ယူႇ​ၼႂ်း​ၶဝ်​ယူႇ​ၸိုင်၊ ၶဝ်​တၵ်း​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် ဢၼ်​လႆႈ​ၼုၵ်ႈ​ဢဝ်​ၶဝ်​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။ ၵဝ်​ၼႆႉ​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​ဢေႃႈ။</verse>
			</chapter>
			<chapter number="30">
				<verse number="1">ၼႄး​ၼိုင်ႈ​ၸမ်ႉ၊ မႂ်း​တၵ်း​လႆႈ​ႁဵတ်း​ယိတ်ႈပလၢင်ႇ ပုၼ်ႈ​ဢၼ်​တၵ်း​တုတ်ႇ​ၽႆး​ၼၢမ်ႇ​သႃႇ​ဢေႃႈ။ တၵ်း​လႆႈ​ဢဝ်​မႆႉ​ ဢၵႃႇသႃႉ ​ႁဵတ်း​ဢေႃႈ။-</verse>
				<verse number="2">ယိတ်ႈပလၢင်ႇ​ၼၼ်ႉ ၼႃႈ​ယၢဝ်း​မၼ်း​သွၵ်ႇ​ၼိုင်ႈ၊ ၼႃႈ​ပွတ်း​မၼ်း​သွၵ်ႇ​ၼိုင်ႈ တၵ်း​လႆႈ​ပဵၼ်​သီႇ​ၸဵင်ႇ​ၶိုင်ႈ​လႄႈ၊ ဢၼ်​သုင်​မၼ်း​တၵ်း​လႆႈ​မီး​သွင်​သွၵ်ႇ​ဢေႃႈ။ ၶဝ်​လႅမ်​မၼ်း​ၵေႃႈ တၵ်း​လႆႈ​ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ဢေႃႈ။-</verse>
				<verse number="3">မႂ်း​တၵ်း​လႆႈ​ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​ၼႃႈ​ၼိူဝ်​မၼ်း တင်း​ၼႃႈ​ႁိမ်း​မၼ်း​တင်း​ၶဝ်​လႅမ်​မၼ်း​ၸိူဝ်း​ၼၼ်ႉ​လႄႈ ႁဵတ်း​ၶိူင်ႈ​ၶႅပ်း​ၶမ်း ဢၼ်​တၵ်း​သႂ်ႇ​လဵပ်ႈ​ႁွပ်ႈ ၵႃႈ​ႁိမ်း​ၼိူဝ်​မၼ်း​သေ​ဢေႃႈ။-</verse>
				<verse number="4">ၵႃႈ​တႂ်ႈ​ၶိူင်ႈ​ၶႅပ်း​ၶမ်း ၵႃႈ​တီႈ​ၸဵင်ႇ​ယိတ်ႈပလၢင်ႇ​သွင်​ၼႃႈ​ၼၼ်ႉ မႂ်း​တၵ်း​လႆႈ​ႁဵတ်း ၶူၺ်ႇ​ၶမ်း​သႂ်ႇ​ယေႈ​ၼႃႈ​သွင်​ၶူၺ်ႇ​ဢေႃႈ။ တၵ်း​လႆႈ​ပဵၼ်​တီႈ​သွတ်ႇ​ၵၢၼ်း ပုၼ်ႈ​ဢၼ်​တၵ်း​ႁၢပ်ႇ​ယိတ်ႈပလၢင်ႇ​ဢေႃႈ။-</verse>
				<verse number="5">ၵၢၼ်း​ၸိူဝ်း​ၼၼ်ႉ​ၵေႃႈ မႂ်း​တၵ်း​လႆႈ​ဢဝ်​မႆႉ​ ဢၵႃႇသႃႉ ႁဵတ်း​လႄႈ ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​သေ​ဢေႃႈ။-</verse>
				<verse number="6">မႂ်း​တၵ်း​လႆႈ​ဢဝ်​ယိတ်ႈပလၢင်ႇ​ၼၼ်ႉ​ဝႆႉ​ၵႃႈ​တီႈ​ၽၢႆႇ​ၼႃႈ​ၽႃႈ​ၵင်ႈ​ဢၼ်​ၵင်ႈ​တိူၵ်ႈ​တႃႇ ဢၼ်​ဝႆႉ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ ၵႃႈ​တီႈ​ၽၢႆႇ​ၼႃႈ​ပလၢင်ႇ​တီႈ​ၽေႇ​ဢပႅတ်ႈ ဢၼ်​မီး​ၵႃႈ​ၼိူဝ်​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ တီႈ​ဢၼ်​ၵဝ်​တၵ်း​ထူပ်း​ၵၼ်​တင်း​မႂ်း​ၼၼ်ႉ​ဢေႃႈ။-</verse>
				<verse number="7">ဢႃႇရုၼ်ႇ ​ၼၼ်ႉ တၵ်း​လႆႈ​တုတ်ႇ​ၽႆး​ၼၢမ်ႇ​သႃႇ ဢၼ်​ႁွမ်​ဢၼ်​ႁူၺ်း​ၵႃႈ​ၼိူဝ်​မၼ်း​ၼၼ်ႉ​ဢေႃႈ။ မၼ်း​တၵ်း​လႆႈ​တုတ်ႇ​ၽႆး​မိူဝ်ႈ​ဢၼ် မၼ်း​မႄး​ႁႅၼ်း​ဝၢၼ်ႇ​တႆႈ​ၽႆး​ၸိူဝ်း​ၼၼ်ႉ ၵူႈ​ၼႂ်​ဢေႃႈ။-</verse>
				<verse number="8">ၶိင်ႇ​ႁူဝ်​ၶမ်ႈ​ၵေႃႈ မိူဝ်ႈ​ဢၼ်​ ဢႃႇရုၼ်ႇ ​တႆႈ​ဝၢၼ်ႇ​တႆႈ​ၽႆး​ၸိူဝ်း​ၼၼ်ႉ​ၸိုင်၊ မၼ်း​တၵ်း​လႆႈ​တုတ်ႇ​ၽႆး​ၼၢမ်ႇ​သႃႇ ဢၼ်​ဝႃႈ​တၢင်း​ဢၼ် ၸူဝ်ႈ​လုၵ်ႈ​ပၢၼ်​လၢၼ်​သူ သိုပ်ႇ​သိုပ်ႇ​တၢမ်း​တၢမ်း တၵ်း​လႆႈ​တုတ်ႇ​ၽႆး​ၼၢမ်ႇ​သႃႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ယူႇ​သေႇ​သေႇ​ၼၼ်ႉ​ဢေႃႈ။-</verse>
				<verse number="9">သူ​ဢမ်ႇ​လႆႈ​ဢဝ်​ၼၢမ်ႇ​သႃႇ​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ဢမ်ႇ​ၸၢပ်ႈ​ဢမ်ႇ​သႅင်ႇ​ၼၼ်ႉ ဢိၵ်ႇ​တင်း ယိတ်ႈ​ဢၼ်​တုတ်ႇ​ၽႆး တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ပုၵ်ႈ​ၸေႃႇ​ၵႃႈ​ၼိူဝ်​မၼ်း။ တၢင်း​ပုၵ်ႈ​ၸေႃႇ ဢၼ်​သွၼ်း​လေႃႇ​ၵေႃႈ ဢမ်ႇ​လႆႈ​သွၼ်း​လေႃႇ​ၵႃႈ​ၼိူဝ်​မၼ်း။-</verse>
				<verse number="10">ဢႃႇရုၼ်ႇ ​ၼၼ်ႉ ယေႈ​ပီႊ​ယေႈ​ပွၵ်ႈ တၵ်း​လႆႈ​ႁဵတ်း​မင်ႇၵလႃႇ​တၢင်း​ဢၼ်​ၽေႇ​ဢပႅတ်ႈ ၵႃႈ​ၼိူဝ်​ၶဝ်​လႅမ်​မၼ်း​ဢေႃႈ။ ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း ယေႈ​ပီႊ​ယေႈ​ပွၵ်ႈ တၵ်း​လႆႈ​ဢဝ်​လိူတ်ႈ​တူဝ်​ယိတ်ႈ​ပုၼ်ႈ​ဢၼ် တၵ်း​ၽေႇ​ဢပႅတ်ႈ​ၼၼ်ႉ​ႁဵတ်း​မင်ႇၵလႃႇ တၢင်း​ဢၼ်​ၽေႇ​ဢပႅတ်ႈ​ဢေႃႈ။ ပဵၼ်​ယိတ်ႈပလၢင်ႇ​ဢၼ်​မူတ်း​ၸၢင်ႇ​ၼႃႇ​လူင်​လၢင် တီႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​ထႅင်ႈ​လႄႈ​ဝႃႈ​ၸမ်ႉ၊-</verse>
				<verse number="12">မိူဝ်ႈ​ဢၼ်​မႂ်း​ၼပ်ႉ​ဢၢၼ်ႇ​လႄႈ ဢဝ်​ၸရၢင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸွမ်း​လူၺ်ႈ​ၶဝ်​ၸိူဝ်း​ဢၼ် ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၸိုင်၊ ၵူၼ်း​ၵႃႈ​မီး​တင်း​သဵင်ႈ​တင်း​လူင် ႁင်း​ၽႂ်​ႁင်း​မၼ်း​တၵ်း​လႆႈ​သၢၵ်ႈ​ၵၢပ်ႈ​ၵႃႈ​ၶၼ်​ပုၼ်ႈ​ဢၼ်​တၵ်း​ထုတ်ႇ​ဢဝ် ဢသၢၵ်ႈ​တူဝ်​ၸဝ်ႈ​ၵဝ်ႇ ၼႂ်း​ၶိင်ႇ​မိူဝ်ႈ​ဢၼ်​ၼပ်ႉ​ဢၢၼ်ႇ​ယူႇ​ၼၼ်ႉ တီႈ​ထႃႇဝရႃႉ​ၽြႃး​ႁႂ်ႈ​ၶဝ်​လႆႈ​ၵၢင်း​လွတ်ႈ​တင်း​ၽေး​ၼႂ်း​ၶိင်ႇ​မိူဝ်ႈ​ဢၼ် ၼပ်ႉ​ဢၢၼ်ႇ​ယူႇ​ၼၼ်ႉ​ဢေႃႈ။-</verse>
				<verse number="13">ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ် ၼပ်ႉ​ဢၢၼ်ႇ​လႄႈ ၶဝ်ႈ​ပႃး​ၼႂ်း​ၸရၢင်း​တင်း​သဵင်ႈ​တင်း​လူင်​ၼၼ်ႉ ယေႈ​ၵေႃႉ​တၵ်း​လႆႈ​ပၼ်​ၶိုင်ႈ​ၵျၢပ်ႈ​ၼိုင်ႈ ၸွမ်း​လူၺ်ႈ​ၼမ်ႉ​ၼၵ်း​ငိုၼ်း​ၸဝ်ႈ ၵျၢပ်ႈ​ သၶေးလႃႉ ​ၼၼ်ႉ ၶိုင်ႈ​ၵျၢပ်ႈ​ၼိုင်ႈ​ၼၼ်ႉ၊ ပဵၼ်​ပုၼ်ႈ​ဢၼ်​တၵ်း​လႆႈ​သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး​ဢေႃႈ။ ၵျၢပ်ႈ​ၼိုင်ႈ​ၸမ်ႉ ပဵၼ် ၵေႇရႃႉ သၢဝ်း​ၼိုင်ႈ​ဢေႃႈ-</verse>
				<verse number="14">ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ် ၼပ်ႉ​ဢၢၼ်ႇ​လႄႈ ၶဝ်ႈ​ပႃး​ၼႂ်း​ၸရၢင်း​ၵူႈ​ၵေႃႉ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ဢွၼ်​ၵၼ်​ႁဵတ်း​တၢင်း​ပုၵ်ႈ​ၸေႃႇ​ၸိူဝ်ႉ​ၼင်ႇ​ၼၼ် တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="15">မိူဝ်ႈ​ဢၼ်​ႁဵတ်း​တၢင်း​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ႁႂ်ႈ​လႆႈ​ထုတ်ႇ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ​ၸိုင်၊ ၶဝ်​ၸိူဝ်း​ဢၼ် ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ ယင်း​ဢမ်ႇ​လိူဝ်၊ ၶဝ်​ၸိူဝ်း​ဢၼ်​ၽၢၼ်​ၼၼ်ႉ​ၵေႃႈ ယင်း​ဢမ်ႇ​ယွမ်း​လႄႈ၊ ၵူၼ်း​ၵူႈ​ၵေႃႉ တၵ်း​လႆႈ​ပၼ် ၶိုင်ႈ​ၵျၢပ်ႈ​ၼိုင်ႈ​ဢေႃႈ။-</verse>
				<verse number="16">မႂ်း​တၵ်း​လႆႈ​ဢဝ်​ငိုၼ်း​တၢင်း​ဢၼ်​ထုတ်ႇ​ဢဝ်​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ ဝႆႉ​ပုၼ်ႈ​ၸရိပ်ႈ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ ပုၼ်ႈ​လွင်ႈ​ၼင်ႇ​ႁိုဝ် တၵ်း​လႆႈ​ပဵၼ်​သၢၵ်ႈ​သေႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ႁႂ်ႈ​လႆႈ​ထုတ်ႇ​ဢဝ် ဢသၢၵ်ႈ​သူ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​ထႅင်ႈ​လႄႈ​ဝႃႈ​ၸမ်ႉ။-</verse>
				<verse number="18">မႂ်း​တၵ်း​လႆႈ​ႁဵတ်း​ၵွၵ်း​တွင်း​လိူင်​လူင် တင်း​တိၼ်​မၼ်း​ပုၼ်ႈ​ဢၼ်​တၵ်း​သုၵ်ႈ​တိၼ် သုၵ်ႈ​မိုဝ်း​လႄႈ ဢဝ်​ဝႆႉ​ၵႃႈ​တီႈ​ၵႄႈ​ဝူင်ႈ​ၵၢင် မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ တင်း​ယိတ်ႈပလၢင်ႇ​ၼၼ်ႉ​လႄႈ ဢဝ်​ၼမ်ႉ​သႂ်ႇ​ဝႆႉ​ဢေႃႈ။-</verse>
				<verse number="19">ဢႃႇရုၼ်ႇ ​ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ တၵ်း​လႆႈ​သုၵ်ႈ​တိၼ်​သုၵ်ႈ​မိုဝ်း​ၶဝ်​ၵႃႈ​ၼႂ်း​မၼ်း​ၼၼ်ႉ​ဢေႃႈ။-</verse>
				<verse number="20">မိူဝ်ႈ​ဢၼ်​ၶဝ်​ၼၼ်ႉ ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ ဢိၵ်ႇ​တင်း​မိူဝ်ႈ​ဢၼ်​ၶဝ်​သုတ်ႉ​ၸပ်း​သုတ်ႉ​ၸူး​တီႈ​ယိတ်ႈပလၢင်ႇ ႁႂ်ႈ​လႆႈ​ပွင်​ႁဵတ်း​ဢမူႉ​ၸဝ်ႈ​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​တီႈ​ထႃႇဝရႃႉ​ၽြႃး​ၼၼ်ႉ​ၸိုင်၊ ၶဝ်​တၵ်း​လႆႈ သုၵ်ႈ​တိၼ်​သုၵ်ႈ​မိုဝ်း ႁႂ်ႈ​ၶဝ်​လႆႈ​ၵၢင်း​လွတ်ႈ​တင်း​ၽေး​တၢင်း​တၢႆ​ဢေႃႈ။-</verse>
				<verse number="21">ၼင်ႇ​ၼၼ်​လႄႈ ၶဝ်​တၵ်း​လႆႈ​သုၵ်ႈ​တိၼ်​သုၵ်ႈ​မိုဝ်း​ၶဝ် ႁႂ်ႈ​ၶဝ်​လႆႈ​ၵၢင်း​လွတ်ႈ​တင်း​ၽေး​တၢင်း​တၢႆ​ဢေႃႈ။ တၵ်း​လႆႈ​ပဵၼ်​ထုင်း​ၽိင်ႈ​တြႃး​ၸဝ်ႈ ဢၼ်​သေႇ​သေႇ​တီႈ​ၶဝ် ဢိၵ်ႇ​တင်း​ၸူဝ်ႈ​လုၵ်ႈ​ပၢၼ်​လၢၼ်​ၶဝ် သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​ထႅင်ႈ​လႄႈ​ဝႃႈ​ၸမ်ႉ၊-</verse>
				<verse number="23">ၸွမ်း​လူၺ်ႈ​ၼမ်ႉ​ၼၵ်း​လုၵ်ႈ​ၶၼ်​ၸဝ်ႈ ၵျၢပ်ႈ​ၼိုင်ႈ​ၼၼ်ႉ​လႄႈ မႂ်း​တၵ်း​လႆႈ​ဢဝ်​ၼၢမ်ႇ​သႃႇ ဢၼ်​မျၢတ်ႈ​ၼႃႇ​လူင်​လၢင်၊ ဢၼ်​ဝႃႈ ယၢင် မူႉရၼ်ႇ ဢၼ်​ပဵၼ်​ၼမ်ႉ​ယူႇ​ႁႃႈ​ပၢၵ်ႇ​ၵျၢပ်ႈ၊ ၵႅင်း​ႁွမ်​ၶိုင်ႈ​ၼိုင်ႈ ဢၼ်​ၼၼ်ႉ​သွင်​ပၢၵ်ႇ​ပၢႆ​ႁႃႈ​သိပ်း​ၵျၢပ်ႈ တင်း​သၢမ်​ပူး​ဢၼ်​ႁွမ်​သွင်​ပၢၵ်ႇ​ပၢႆ​ႁႃႈ​သိပ်း​ၵျၢပ်ႈ၊-</verse>
				<verse number="24">မႆႉ​ႁွမ်​ႁိူတ်ႈ​ႁႃႈ​ပၢၵ်ႇ​ၵျၢပ်ႈ ဢိၵ်ႇ​တင်း​ၼမ်ႉ​မၼ်း​ သၢၼ်ႇလုၼ်ႇ ႁီႉၼႃႉ ​ၼိုင်ႈ​ၸိူဝ်း​ၼၼ်ႉ​လႄႈ၊-</verse>
				<verse number="25">ၽေႃႇ​ႁဵတ်း​ၼမ်ႉ​မၼ်း​ဢၼ်​မူတ်း​ၸၢင်ႇ ပုၼ်ႈ​ဢၼ်​တၵ်း​တႃး​ၼၼ်ႉ​ဢၼ်​ဝႃႈ ၼမ်ႉ​မၼ်း​ဢၼ်​ႁွမ်​ဢၼ်​ႁူၺ်း ဢၼ်​ၽေႃႇ​ႁဵတ်း​ၸွမ်း​ၼင်ႇ​ပိင်ႇ​ၺႃႇ​မေႃ​ယႃ ဢၼ်​ၸၢင်ႈ​ၽေႃႇ​ႁဵတ်း ဢၼ်​ႁွမ်​ဢၼ်​ႁူၺ်း​ၼၼ်ႉ​ဢေႃႈ။ တၵ်း​လႆႈ​ပဵၼ်​ၼမ်ႉ​မၼ်း ဢၼ်​မူတ်း​ၸၢင်ႇ ပုၼ်ႈ​ဢၼ်​တၵ်း​တႃး​ၼၼ်ႉ​ဢေႃႈ။-</verse>
				<verse number="26">မႂ်း​တၵ်း​လႆႈ​ဢဝ်​တင်း​ၼမ်ႉ​မၼ်း​ၼၢမ်ႇ​သႃႇ​ၼၼ်ႉ တႃး​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ဢိၵ်ႇ​တင်း​တိူၵ်ႈ​တႃႇ​တီႈ​ဢၼ်​ဝႆႉ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ၊-</verse>
				<verse number="27">ၶူင်ႇ​တီႈ​ၵိၼ်​ဢိၵ်ႇ​တင်း ၶိူင်ႈ​မၼ်း​ၵႃႈ​မီး​တင်း​သဵင်ႈ​တင်း​လူင်၊ ၶူင်ႇ​တီႈ​တႆႈ​ၽႆး ဢိၵ်ႇ​တင်း​ၶိူင်ႈ​မၼ်း​ၵႃႈ​မီး​တင်း​သဵင်ႈ​တင်း​လူင်၊ ပလၢင်ႇ​ဢၼ်​တုတ်ႇ​ၽႆး​ၼၢမ်ႇ​သႃႇ၊-</verse>
				<verse number="28">ယိတ်ႈပလၢင်ႇ​တီႈ​ဢၼ်​တုတ်ႇ​ၽႆး​တူဝ်​ယိတ်ႈ ဢိၵ်ႇ​တင်း​ၶိူင်ႈ​မၼ်း​ၵႃႈ​မီး​တင်း​သဵင်ႈ​တင်း​လူင် ၵွၵ်း​လူင်​ဢိၵ်ႇ​တင်း​တိၼ်​မၼ်း​လႄႈ၊-</verse>
				<verse number="29">ႁႂ်ႈ​မူတ်း​ၸၢင်ႇ​ၸိူဝ်ႉ​ၼင်ႇ​ၼၼ် ပုၼ်ႈ​လွင်ႈ​ၼင်ႇ​ႁိုဝ်​ၸိူဝ်း​ၼၼ်ႉ တၵ်း​ပဵၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ဢေႃႈ။ ၶိူင်ႈ​ပိူင်​ၵႃႈ​ဢၼ်​တၵ်း​တိူဝ်ႉ​ထုၵ်ႇ​ၶိူင်ႈ​ၸိူဝ်း​ၼၼ်ႉ​ၵေႃႈ တၵ်း​လႆႈ​ပဵၼ်​ဢၼ်​မူတ်း​ၸၢင်ႇ​ဢေႃႈ။-</verse>
				<verse number="30">မႂ်း​တၵ်း​လႆႈ​ဢဝ်​တႃး ဢႃႇရုၼ်ႇ ​ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​လႄႈ ႁႂ်ႈ​ၶဝ်​မူတ်း​ၸၢင်ႇ​ပုၼ်ႈ​လွင်ႈ​ၼင်ႇ​ႁိုဝ် ၶဝ်​တၵ်း​မီး​ဢရႃႇ​ယိတ်ႈပရေႃးႁဵၵ်ႈ​လႄႈ ပွင်​ႁဵတ်း​ဢမူႉ​ၸဝ်ႈ​ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။-</verse>
				<verse number="31">ဢၼ်​မႂ်း​တၵ်း​လႆႈ​မွၵ်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ​ၸမ်ႉ၊ ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ၊ ၼမ်ႉ​မၼ်း​ၼႆႉ​တၵ်း​လႆႈ​ပဵၼ်​ၼမ်ႉ​မၼ်း​ဢၼ်​မူတ်း​ၸၢင်ႇ ပုၼ်ႈ​ဢၼ်​တၵ်း​တႃး​ၼၼ်ႉ​တီႈ​ၵဝ်​ဢေႃႈ။-</verse>
				<verse number="32">ဢမ်ႇ​လႆႈ​ဢဝ်​ထွၵ်ႇ​ဢဝ်​သႂ်ႇ​ၵႃႈ​ၼိူဝ်​ၵႃႈ​ၼင်​ၵူၼ်း။ ဢမ်ႇ​လႆႈ​ၽေႃႇ​လႆႈ​ႁဵတ်း​ၼမ်ႉ​မၼ်း​တၢင်ႇ​ဢၼ် မိူၼ်​ၸိူဝ်ႉ​ၼင်ႇ​ဢၼ်​ၽေႃႇ​ႁဵတ်း ၼမ်ႉ​မၼ်း​ၼၼ်ႉ။ ပိူဝ်ႈ​ဢၼ်​မူတ်း​ၸၢင်ႇ​လႄႈ သူ​တၵ်း​လႆႈ​မၢတ်ႈ​ပဵၼ်​ဢၼ်​မူတ်း​ၸၢင်ႇ​ဢေႃႈ။-</verse>
				<verse number="33">ၵေႃႉ​ဢၼ်​ၽေႃႇ​ႁဵတ်း ႁႂ်ႈ​မိူၼ်​ၸိူဝ်ႉ​ၼင်ႇ​ၼမ်ႉ​မၼ်း​ၼၼ်ႉ ၵေႃႉ​ဢၼ်​ဢဝ်​တႃး​တီႈ​ၵူၼ်း​ဢၼ်​ဢမ်ႇ​ၸၢပ်ႈ​ဢမ်ႇ​သႅင်ႇ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="34">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​ထႅင်ႈ​လႄႈ​ဝႃႈ​ၸမ်ႉ၊ မႂ်း​တၵ်း​လႆႈ​ဢဝ်​မဵဝ်း​ၼၢမ်ႇ​သႃႇ​ဢၼ်​ႁွမ်​ဢၼ်​ႁူၺ်း ဢၼ်​ဝႃႈ​ယၢင်​ ၼတပ်ႉ ၊ ပိူၵ်ႇ​ႁွႆ​ဢၼ်​ႁွမ်၊ ယၢင်​ ၵႃႇလပၢၼ်ႇ တင်း​ယၢင်​ လေႃႇပၢၼ်ႇ ဢၼ်​ၸႅတ်ႈ​ၸႅတ်ႈ​ၸိူဝ်း​ၼၼ်ႉ​လႄႈ ၸင်ႈ​ႁိဝ်ႈ​ၼမ်ႉ​ၼၵ်း​မၼ်း ပဵင်း​ပဵင်း​ၵၼ်​ၵူႈ​မဵဝ်း​ဢေႃႈ။-</verse>
				<verse number="35">မႂ်း​တၵ်း​လႆႈ​ဢဝ်​ၽေႃႇ​ႁဵတ်း​ၼၢမ်ႇ​သႃႇ ဢၼ်​ဝႃႈ​ယႃ​ဢၼ်​ႁွမ်​ဢၼ်​ႁူၺ်း ၽေႃႇ​ႁဵတ်း​ၸွမ်း​ၼင်ႇ​ပိင်ႇ​ၺႃႇ​မေႃ​ယႃ ဢၼ်​ၸၢင်ႈ​ၽေႃႇ​ႁဵတ်း​ဢၼ်​ႁွမ်​ဢၼ်​ႁူၺ်း​ၼၼ်ႉ ဢၼ်​ဢဝ်​ၵိူဝ်​သႂ်ႇ​လႄႈ ၸိုၼ်ႈ​လီ​သႂ်​လီ​လႄႈ မူတ်း​ၸၢင်ႇ​ၼၼ်ႉ​ဢေႃႈ။-</verse>
				<verse number="36">မႂ်း​တၵ်း​လႆႈ​ဢဝ်​ၵမ်ႈ​ၽွင်ႈ တမ်​ဢွၼ်ႇ​ဢွၼ်ႇ​လႄႈ ဝႆႉ​ၵႃႈ​တီႈ​ၽၢႆႇ​ၼႃႈ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ ၵႃႈ​ၼႂ်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ တီႈ​ဢၼ်​ၵဝ်​တၵ်း​ထူပ်း​ၵၼ်​တင်း​မႂ်း​ၼၼ်ႉ​ဢေႃႈ။ တၵ်း​လႆႈ​ပဵၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင်​တီႈ​သူ​ဢေႃႈ။-</verse>
				<verse number="37">ၼၢမ်ႇ​သႃႇ​ဢၼ်​မႂ်း​ၽေႃႇ​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ သူ​ဢမ်ႇ​လႆႈ​ၽေႃႇ​လႆႈ​ႁဵတ်း​ၸွမ်း​ၼင်ႇ ၼႄး​ဢၼ်​ၽေႃႇ​ႁဵတ်း​မၼ်း​ၼၼ်ႉ​ပုၼ်ႈ​သူ။ တၵ်း​လႆႈ​ပဵၼ်​ဢၼ်​မူတ်း​ၸၢင်ႇ ပုၼ်ႈ​ထႃႇဝရႃႉ​ၽြႃး​တီႈ​သူ​ဢေႃႈ။-</verse>
				<verse number="38">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၽေႃႇ​ႁဵတ်း​ႁႂ်ႈ​မိူၼ်​ၸိူဝ်ႉ​ၼင်ႇ​ၼၢမ်ႇ​သႃႇ​ၼၼ်ႉ ပုၼ်ႈ​ဢၼ်​မၼ်း​တၵ်း​သုတ်ႇ​တၵ်း​ၼူမ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="31">
				<verse number="1">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​ထႅင်ႈ​လႄႈ​ဝႃႈ​ၸမ်ႉ၊-</verse>
				<verse number="2">ထွမ်ႇ​လူး၊ ၵဝ်​ႁွင်ႉ​ဢဝ်​ၸိုဝ်ႈ​ဢဝ်​သဵင် ပေႇၸလေႇလႃႉ ၊ လုၵ်ႈ​ၸၢႆး​ ဢူႉရီႉ ဢၼ်​ပဵၼ်​လုၵ်ႈ​ၸၢႆး​ ႁူႉရႃႉ ၵႃႈ​ၼႂ်း​ၸိူဝ်ႉ​ၶိူဝ်း​ ယူႉတႃႉ ​ၼၼ်ႉ​ဝႆႉ​ဢေႃႈ။-</verse>
				<verse number="3">ၵဝ်​ႁႂ်ႈ​မၼ်း​ပျေႉ​ၸုမ်ႇ​တင်း​ဝီႉၺိၺ်ႇ​ၽြႃး​ပဵၼ်​ၸဝ်ႈ ၼႂ်း​ၺၢၼ်ႇ​ၼႂ်း​ပိင်ႇ​ၺႃႇ ၼႂ်း​ဢတၢတ်ႈ​တၢင်း​ဢၼ်​ၸၢင်ႈ​ဢၼ်​မေႃ၊ ၼႂ်း​တၢင်း​ႁဵတ်း​ဢၼ်​ၸၢင်ႈ​ႁဵတ်း​ၵူႈ​ၸိူဝ်ႉ​ၵူႈ​ပိူင်၊-</verse>
				<verse number="4">ႁႂ်ႈ​မၼ်း​လႆႈ​မီး​တၢင်း​ဢၼ် ၸၢင်ႈ​ၵျၢမ်ႇ​ၸၢင်ႈ​ပွင်​လွင်ႈ​တၢင်း​ဢၼ် လၢၵ်ႇ​လၢၵ်ႇ​လၢႆး​လၢႆး ၵူႈ​ၸိူဝ်ႉ​ၵူႈ​မဵဝ်း၊ ဢတၢတ်ႈ​ဢၼ်​ႁဵတ်း​လူၺ်ႈ​ၶမ်း၊ ႁဵတ်း​လူၺ်ႈ​ငိုၼ်း၊ ႁဵတ်း​လူၺ်ႈ​တွင်း​လိူင်၊-</verse>
				<verse number="5">ဢတၢတ်ႈ​ဢၼ်​သူၺ်း​သႅင်​လႄႈ​ၸီႇ၊ ဢတၢတ်ႈ​ဢၼ်​မေႃ​တွင်ႈ​မေႃ​ႁဵတ်း​တီႈ​မႆႉ၊ ဢတၢတ်ႈ​ဢၼ်​ၸၢင်ႈ​ႁဵတ်း​လွင်ႈ​တၢင်း​ဢၼ် လၢၵ်ႇ​လၢၵ်ႇ​လၢႆး​လၢႆး ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="6">ဢႁေႃႇလျႃႇၽႃႉ ​လုၵ်ႈ​ၸၢႆး​ ဢႁီႉသမၵ်ႉ ၊ ၼႂ်း​ၸိူဝ်ႉ​ၶိူဝ်း​ တၢၼ်ႇ ​ၼၼ်ႉ​ၵေႃႈ ၵဝ်​ၶၢၼ်း​ဝႆႉ​လူၺ်ႈ​ၵၼ်​တင်း​မၼ်း​ဢေႃႈ။ ၵဝ်​ဢဝ်​ၺၢၼ်ႇ သႂ်ႇ​ဝႆႉ​ၵႃႈ​ၼႂ်း​ႁူဝ်​ၸႂ်​ၶဝ်​ၸိူဝ်း​ဢၼ်​လၵ်း​လႅမ် တင်း​သဵင်ႈ​တင်း​လူင် ႁႂ်ႈ​ၶဝ်​မေႃ​ႁဵတ်း​ၵႃႈ​ဢၼ်​ၵဝ် သင်ႇ​လၢတ်ႈ​ဝႆႉ​တီႈ​မႂ်း၊-</verse>
				<verse number="7">ဢၼ်​ဝႃႈ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ၊ တိူၵ်ႈ​တႃႇ​တီႈ​ဢၼ်​ဝႆႉ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ၊ ပလၢင်ႇ​တီႈ​ၽေႇ​ဢပႅတ်ႈ ဢၼ်​တၢင်ႇ​ဝႆႉ​ၵႃႈ​ၼိူဝ်​မၼ်း၊ ၶိူင်ႈ​ပိူင်​မူဝ်းၵႃႇ​ၸဝ်ႈ ၵႃႈ​မီး​တင်း​သဵင်ႈ​တင်း​လူင်၊-</verse>
				<verse number="8">ၶူင်ႇ​တီႈ​ၵိၼ် ဢိၵ်ႇ​တင်း​ၶိူင်ႈ​မၼ်း​တင်း​လၢႆ၊ ၶူင်ႇ​တီႈ​တႆႈ​ၽႆး ဢၼ်​သႂ်​ၸၢင်ႇ ဢိၵ်ႇ​တင်း​ၶိူင်ႈ​ပိူင်​မၼ်း​ၵႃႈ​မီး​တင်း​သဵင်ႈ​တင်း​လူင်၊ ပလၢင်ႇ​တီႈ​ဢၼ်​တုတ်ႇ​ၽႆး​ၼၢမ်ႇ​သႃႇ၊-</verse>
				<verse number="9">ယိတ်ႈပလၢင်ႇ​တီႈ​ဢၼ်​တုတ်ႇ​ၽႆး​တူဝ်​ယိတ်ႈ ဢိၵ်ႇ​တင်း​ၶိူင်ႈ​ပိူင်​မၼ်း​ၵႃႈ​မီး​တင်း​သဵင်ႈ​တင်း​လူင်၊ ၵွၵ်း​လူင်​ဢိၵ်ႇ​တင်း တိၼ်​မၼ်း​သိပ်း​ၼိုင်ႈ၊-</verse>
				<verse number="10">ၶူဝ်း​ၼုင်ႈ​ၶူဝ်း​မႆ​ပုၼ်ႈ​ဢၼ်​တၵ်း​ပွင်​ႁဵတ်း​ဢမူႉ​ၸဝ်ႈ ဢိၵ်ႇ​တင်း​ၶူဝ်း​ၼုင်ႈ​ၶူဝ်း​မႆ​ဢၼ်​မူတ်း​ၸၢင်ႇ ပုၼ်ႈ​ဢၼ်​ယိတ်ႈပရေႃးႁဵၵ်ႈ ဢႃႇရုၼ်ႇ ​ဢိၵ်ႇ​တင်း လုၵ်ႈ​ၸၢႆး​မၼ်း​ၸိူဝ်း​ၼၼ်ႉ တၵ်း​ၼုင်ႈ​တၵ်း​မႆ​ၼႂ်း​မိူဝ်ႈ​ဢၼ်​ပွင်​ႁဵတ်း​ဢမူႉ​ၸဝ်ႈ​ၼၼ်ႉ၊-</verse>
				<verse number="11">ၼမ်ႉ​မၼ်း​ပုၼ်ႈ​ဢၼ်​တၵ်း​တႃး ဢိၵ်ႇ​တင်း​ၼၢမ်ႇ​သႃႇ​ဢၼ်​ႁွမ်​ဢၼ်​ႁူၺ်း ပုၼ်ႈ​ဢၼ်​သုင်း​သွင်ႇ​ၵႃႈ​တီႈ​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ဢေႃႈ။ မႂ်း​တၵ်း​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ တင်း​သဵင်ႈ​တင်း​လူင်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​ထႅင်ႈ​လႄႈ​ဝႃႈ​ၸမ်ႉ၊-</verse>
				<verse number="13">မႂ်း​မွၵ်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ လွင်ႈ​ၼင်ႇ​ႁိုဝ်​သူ​တၵ်း​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး ဢၼ်​ႁႂ်ႈ​သူ​မူတ်း​ၸၢင်ႇ​ၸိုင် သူ​တၵ်း​လႆႈ​ပႂ်ႉ​ဝၼ်း​ၵမ်​သိၼ်​ၵဝ် ဢမၢၼ်ႇ​ၶၼ်​ပဵၼ်​ဢေႃႈ။ လွင်ႈ​မၼ်း​ၸမ်ႉ တၵ်း​ပဵၼ်​လၢၵ်ႈၶၼႃႇ​သၢၵ်ႈ​သေႇ ၵႃႈ​တီႈ​ဝူင်ႈ​ၵၢင်​ၵဝ် ဢိၵ်ႇ​တင်း​ၸူဝ်ႈ​လုၵ်ႈ​ပၢၼ်​လၢၼ်​သူ​ၼၼ်ႉ​ဢေႃႈ။-</verse>
				<verse number="14">ပိူဝ်ႈ​ဢၼ်​ဝၼ်း​ၵမ်​သိၼ် ပဵၼ်​ဢၼ်​မူတ်း​ၸၢင်ႇ​တီႈ​သူ​လႄႈ၊ တၵ်း​လႆႈ​ပႂ်ႉ​ဢေႃႈ။ ၵေႃႉ​ဢၼ်​ယႃႉ​ဝၼ်း​ၵမ်​သိၼ်​ၼၼ်ႉ တၵ်း​လႆႈ​ၶၢမ်ႇ​တၢင်း​တၢႆ​ၵူႈ​ၵေႃႉ​ဢေႃႈ။ ၵေႃႉ​ဢၼ်​ႁဵတ်း​ၵၢၼ်​တၢင်း​ႁဵတ်း​ၼႂ်း​ဝၼ်း​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="15">ႁူၵ်း​ဝၼ်း​တဵမ်​တဵမ်​တၵ်း​လႆႈ​ႁဵတ်း​ၵၢၼ်​တၢင်း​ႁဵတ်း​ဢေႃႈ။ ဝၼ်း​သတ်ႉတမႃႉ​ၼၼ်ႉ ပဵၼ်​ဝၼ်း​ၵမ်​သိၼ် ဢၼ်​တၵ်း​လႆႈ​ယဵၼ်​ငိမ်း လႄႈ​မူတ်း​ၸၢင်ႇ​တီႈ​ထႃႇဝရႃႉ​ၽြႃး​ဢေႃႈ။ ၵေႃႉ​ဢၼ်​ႁဵတ်း​ၵၢၼ်​တၢင်း​ႁဵတ်း​ၼႂ်း​ဝၼ်း​ၵမ်​သိၼ်​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ၊ ၸူဝ်ႈ​လုၵ်ႈ​ပၢၼ်​လၢၼ်​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ တၵ်း​လႆႈ​ဢွၼ်​ၵၼ်​ပႂ်ႉ​ဝၼ်း​ၵမ်​သိၼ်​လႄႈ ၵမ်​သိၼ်​ႁႂ်ႈ​လႆႈ​ပဵၼ် ပတီႉၺိၺ်ႇ​ထႃႇဝရႃႉ​ဢေႃႈ။-</verse>
				<verse number="17">ဢၼ်​ၼၼ်ႉ​တၵ်း​ပဵၼ်​လၢၵ်ႈၶၼႃႇ​သၢၵ်ႈ​သေႇ​ထႃႇဝရႃႉ ၵႃႈ​တီႈ​ဝူင်ႈ​ၵၢင်​ၵဝ် တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ လွင်ႈ​မၼ်း​ၸမ်ႉ ၼႂ်း​ႁူၵ်း​ဝၼ်း​ထႃႇဝရႃႉ​ၽြႃး​ႁဵတ်း​ပဵၼ်​ၽႃႉ​ၵၢင်​ႁၢဝ်​တင်း​လိၼ်​မိူင်း​လႄႈ၊ ၼႂ်း​ဝၼ်း​သတ်ႉတမႃႉ၊ မၼ်း​ၸဝ်ႈ​ယူႇ​ၼိမ်​ၼိမ်​လီ​လီ​သေ​လႄႈ လိုဝ်ႈ​ႁွမ်​ႁႅင်း​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">မိူဝ်ႈ​ဢၼ်​မၼ်း​ၸဝ်ႈ​လၢတ်ႈ​တေႃႇ​ မူဝ်းသေႇ ​ၵႃႈ​ၼိူဝ်​လွႆ​ သီႉၼႃႉ ၸိူဝ်ႉ​ၼင်ႇ​ၼၼ်​ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ မၼ်း​ၸဝ်ႈ​ဢဝ်​ၶႅပ်း​မၢၵ်ႇ​ႁိၼ် ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ ဢၼ်​ၽြႃး​ပဵၼ်​ၸဝ်ႈ ဢဝ်​တင်း​ၼိဝ်ႉ​မိုဝ်း​ၸဝ်ႈ​တင်း​တူဝ်​လိၵ်ႈ​ဢႅၵ်ႉၶရႃႇ​သႂ်ႇ​ၼၼ်ႉ​သွင်​ၽႅၼ်ႇ ပၼ်​တီႈ​မၼ်း​ဢေႃႈ။</verse>
			</chapter>
			<chapter number="32">
				<verse number="1">မိူဝ်ႈ​ဢၼ်​ၵူၼ်း​တင်း​လၢႆ ႁူႉ​ႁၼ်​လွင်ႈ​ဢၼ်​ မူဝ်းသေႇ ​ၼၼ်ႉ ၼၢၼ်း​လုၵ်ႉ​သေ​ၵႃႈ​ၼိူဝ်​လွႆ​လူင်း​မႃး​ၼၼ်ႉ​ၸိုင်၊ ၶဝ်​ဢွၼ်​ၵၼ်​ၸူႉ​တုမ်​ၵႃႈ​တီႈ​ ဢႃႇရုၼ်ႇ ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ လုၵ်ႉ​သေ​ၵမ်း။ ႁဵတ်း​ၽြႃး​ဢၼ်​တၵ်း​ဢွၼ်​ႁူဝ်​ႁဝ်း​ၵႂႃႇ​ၼၼ်ႉ​ပုၼ်ႈ​ႁဝ်း​သေ​ၵမ်း။ မူဝ်းသေႇ ၵေႃႉ​ဢၼ်​ၼုၵ်ႈ​ဢဝ်​ႁဝ်း​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ၸိုင်၊ ႁဝ်း​ဢမ်ႇ​ႁူႉ​လွင်ႈ​ဢၼ်​မၼ်း​ပဵၼ်​ၸိူဝ်ႉ​ၼင်ႇ​ႁိုဝ်​ယူႇ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ဢႃႇရုၼ်ႇ ​ၵေႃႈ လၢတ်ႈ​တီႈ​ၶဝ်​လႄႈ​ဝႃႈ၊ ဢွၼ်​ၵၼ်​ထွတ်ႇ​ဢဝ်​ပေႇ​ၶမ်း​ဢၼ်​မီး​ၵႃႈ​ၼႂ်း​ႁူ​မေး​သူ ဢိၵ်ႇ​တင်း​လုၵ်ႈ​ၸၢႆး​သူ တင်း​လုၵ်ႈ​ယိင်း​သူ​ၸိူဝ်း​ၼၼ်ႉ​သေ​လႄႈ ဢဝ်​မႃး​ၵႃႈ​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="3">ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ်​ထွတ်ႇ​ဢဝ်​ပေႇ​ၶမ်း​ဢၼ်​မီး​ၵႃႈ​ၼႂ်း​ႁူ​ၶဝ်​ၼၼ်ႉ​သေ​လႄႈ ဢဝ်​မႃး​တီႈ​ ဢႃႇရုၼ်ႇ ​ဢေႃႈ။-</verse>
				<verse number="4">မၼ်း​ၵေႃႈ​ႁပ်ႉ​ၶၢမ်ႇ​ဢဝ်​ၶိူင်ႈ​ပိူင်​ၸိူဝ်း​ၼၼ်ႉ​ၵႃႈ​တီႈ​မိုဝ်း​ၶဝ်​လႄႈ ဢဝ်​တင်း​လဵၵ်း​တွင်ႈ​မႄး​ႁဵတ်း​သေ​ယဝ်ႉ၊ ႁႂ်ႈ​ပဵၼ်​ႁၢင်ႈ​ဝူဝ်း​ဢွၼ်ႇ ဢၼ်​လေႃႇ​ႁဵတ်း​ၼၼ်ႉ​ဢေႃႈ။ ၶဝ်​ၼၼ်ႉ​ၵေႃႈ ဢွၼ်​ၵၼ်​လၢတ်ႈ​လႄႈ​ဝႃႈ၊ မဵဝ်း​ ဢီႉသရေႇလႃႉ ​ၼႆႉ​ဢိူၺ်း၊ ဢၼ်​ၼႆႉ​ပဵၼ်​ၽြႃး​မႂ်း​ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ဢႃႇရုၼ်ႇ ​ၼၼ်ႉ ႁူႉ​ႁၼ်​လွင်ႈ​တၢင်း​ၼၼ်ႉ​သေ​ယဝ်ႉ၊ တႄႇ​ႁဵတ်း​ယိတ်ႈပလၢင်ႇ​ၵႃႈ​တီႈ ၽၢႆႇ​ၼႃႈ​ရုၵ်ႈ​ထူႉ​ၼၼ်ႉ​သေ​လႄႈ ႁႂ်ႈ​ႁွင်ႉ​ပၢဝ်ႇ​ႁွင်ႉ​သေႃႇ​လႄႈ​ဝႃႈ၊ ဝၼ်း​မိူဝ်ႈ​ၽုၵ်ႈ​ပဵၼ်​ဝၼ်း​ဢၼ်​တၵ်း​လႆႈ​ၶၢမ်ႇ​ပွႆး​ပုၼ်ႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ဝၼ်း​မိူဝ်ႈ​ၽုၵ်ႈ​ၼၼ်ႉ ၶဝ်​ဢွၼ်​ၵၼ်​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​သေ​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​လႄႈ ဢဝ်​ယိတ်ႈ မိၵ်ႉသႃႇႁႃယႃႉ​မႃး​သေ​ယဝ်ႉ၊ ဢွၼ်​ၵၼ်​ၼင်ႈ​ယူႇ​ႁႂ်ႈ​လႆႈ​ၵိၼ်​လႆႈ​ၶူပ်း​ဢေႃႈ။ လိုၼ်း​ၼၼ်ႉ ဢွၼ်​ၵၼ်​လုၵ်ႉ​ႁႂ်ႈ​လႆႈ​ၵႃႈ​လႆႈ​ဝႅၼ်​ဢေႃႈ။</verse>
				<verse number="7">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ မႂ်း​ၵႂႃႇ​လႄႈ​လူင်း​တႃႉ။ ၵူၼ်း​ဢၼ်​မႂ်း​ၼုၵ်ႈ​ဢဝ်​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ၸိူဝ်း​ၼၼ်ႉ​ဢွၼ်​ၵၼ်​ၽွၵ်ႈ​ပျၢၼ်ႇ​ၶိုၼ်း​ၵႂႃႇ​ယဝ်ႉ။-</verse>
				<verse number="8">ၶဝ်​ပိူင်ႈ​သေ​ၵႃႈ​ၼႂ်း​သဵၼ်ႈ​တၢင်း​ဢၼ်​ၵဝ်​သင်ႇ​လၢတ်ႈ​ဝႆႉ​ၼၼ်ႉ ၵႂႃႇ​ၶၼ်​ၶၼ်​ၽႂ်း​ၽႂ်း​လႄႈ ဢွၼ်​ၵၼ်​လေႃႇ​ႁဵတ်း​ႁၢင်ႈ​ဝူဝ်း​ဢွၼ်ႇ​သေ​ယဝ်ႉ၊ ၵူဝ်း​ၵႂၢႆႇ​လႄႈ​ပုၵ်ႈ​ၸေႃႇ​ယိတ်ႈ​ၵႃႈ​တီႈ​ၽၢႆႇ​ၼႃႈ​မၼ်း​လႄႈ​ဝႃႈ၊ မဵဝ်း​ ဢီႉသရေႇလႃႉ ​ၼႆႉ​ဢိူၺ်း၊ ဢၼ်​ၼႆႉ​ပဵၼ်​ၽြႃး​ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ယဝ်ႉ၊ ဝႃႈ​ၸိူဝ်ႉ​ၼင်ႇ​ၼႆ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ထႃႇဝရႃႉ​ၽြႃး​သမ်ႉ​လၢတ်ႈ​တီႈ​ မူဝ်းသေႇ ​ထႅင်ႈ​လႄႈ​ဝႃႈ၊ ၵဝ်​လႆႈ​ႁၼ်​ၵူၼ်း​မဵဝ်း​ၼႆႉ​ယဝ်ႉ။ တူၺ်း​လူး၊ ပဵၼ်​ၵူၼ်း​မဵဝ်း​ဢၼ်​လမ်း​ၶေႃး​ၵႅၼ်ႇ​ၶႅင်​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ ယႃႇ​ၵဝ်​တႃႉ။ ၵဝ်​တၵ်း​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​တေႃႇ​ၶဝ်​လႄႈ ယႃႉ​ၽဵဝ်ႈ​ၶဝ်​ပႅတ်ႈ​ဢေႃႈ။ မႂ်း​ၸမ်ႉ၊ ၵဝ်​တၵ်း​ႁႂ်ႈ​ပဵၼ်​မဵဝ်း​ၵူၼ်း​ဢၼ်​ယႂ်ႇ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မူဝ်းသေႇ ​ၵေႃႈ တွင်း​ပၢၼ်ႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​တေႃႇ​ၵူၼ်း​ၸဝ်ႈ​ႁဝ်း ဢၼ်​ၸဝ်ႈ​ႁဝ်း​ဢဝ်​တင်း​မႁႃႇ​တၼ်း​ၶူဝ်း​ဢိၵ်ႇ​တင်း​မိုဝ်း​ဢၼ်​ႁႅင်း​ယႂ်ႇ​ၼႃႇ ၼုၵ်ႈ​ဢဝ်​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၸိူဝ်း​ၼၼ်ႉ​ၼင်ႇ​ႁိုဝ်​တီႈ​ၶႃႈ။-</verse>
				<verse number="12">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵူၼ်း​ ဢေႇၵိပ်ႉတူႉ ​တင်း​လၢႆ တၵ်း​လႆႈ​မီး​လွင်ႈ​ဢၼ်​တၵ်း​လၢတ်ႈ​လႄႈ​ဝႃႈ၊ မၼ်း​ၸဝ်ႈ​ၼုၵ်ႈ​ဢဝ်​ၶဝ်​ဢွၵ်ႇ​ၵႂႃႇ ပုၼ်ႈ​လွင်ႈ​တၢင်း​ဢၼ်​ဢမ်ႇ​လီ​ႁႂ်ႈ​လႆႈ​ဢဝ်​ၶဝ်​တၢႆ​ၵႃႈ​တီႈ​ၼႂ်း​လွႆ​လႄႈ ပႄႇ​ၽဵဝ်ႈ​ၶဝ်​ပႅတ်ႈ​သေ​ၵႃႈ​ၼိူဝ်​ၼႃႈ​လိၼ်​မိူင်း​ၼႆႉ​ၵူၺ်း​ယဝ်ႉ၊ ဝႃႈ​ၼင်ႇ​ၼႆ​ၼင်ႇ​ႁိုဝ်​တီႈ​ၶႃႈ။ ၶႅၼ်း​တေႃႈ​ဝႆႉ​သေ​ဝၢင်း​သေ​တၢင်း​ဢၼ်​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​ဢၼ်​ယႂ်ႇ​ၼႃႇ​လူင်​လၢင်​ၼႆႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​လွင်ႈ​တၢင်း​ဢၼ်​ဢမ်ႇ​လီ​ၼႆႉ ဢၼ်​တၵ်း​ပၼ်​တီႈ​ၵူၼ်း​ၸဝ်ႈ​ႁဝ်း​တင်း​လၢႆ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="13">ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ​ႁဝ်း​ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ဢီႉသရေႇလႃႉ ဢၼ်​လႆႈ​ၶၢမ်ႇ​ဢဝ်​ၵႂၢမ်း​ဢၼ် ၸဝ်ႈ​ႁဝ်း​တိူင်ႇ​တူဝ်​ၸဝ်ႈ​ၵဝ်ႇ​လႄႈ​ဝႃႈ၊ ၵဝ်​တၵ်း​ႁႂ်ႈ​ၸိူဝ်ႉ​ၶိူဝ်း​သူ​ယႂ်ႇ​ၽႄႈ​ၼမ်​ၵိုၼ်း​မႃး​မိူၼ်​ၸိူဝ်ႉ​ၼင်ႇ​လၢဝ်​ၵၢင်​ႁၢဝ်​ဢေႃႈ။ ၵဝ်​တၵ်း​ဢဝ်​လိၼ်​ဢၼ်​ၵဝ်​လၢတ်ႈ​ဝႆႉ​ၵႃႈ​မီး​တင်း​သဵင်ႈ​တင်း​လူင်​ၼႆႉ ပၼ်​တီႈ​ၸိူဝ်ႉ​ၶိူဝ်း​သူ​ၼၼ်ႉ​လႄႈ ၶဝ်​တၵ်း​လႆႈ​ၶၢမ်ႇ​ဢမူၺ်ႇ​ယူႇ​သေႇ​သေႇ​ဢေႃႈ၊ ဝႃႈ​ၼင်ႇ​ၼႆ​မႃး​ယဝ်ႉ​ၸိူဝ်း​ၼၼ်ႉ သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ထႃႇဝရႃႉ​ၽြႃး​ၶုၵ်း​ၸႂ်​လႆႈ​လႄႈ​မႆႈ​ၸႂ်​လူၺ်ႈ​လွင်ႈ​တၢင်း​ဢၼ်​ဢမ်ႇ​လီ​ဢၼ်​ဢၢင်ႈ​တၵ်း​ပၼ်​တီႈ​ၵူၼ်း​မၼ်း​ၸဝ်ႈ​တင်း​လၢႆ​ၼၼ်ႉ​ဢေႃႈ။</verse>
				<verse number="15">မူဝ်းသေႇ ​ဝၢႆႇ​ၶိုၼ်း​လႄႈ ဢဝ်​မိုဝ်း​မၼ်း​ယိပ်း​ၵမ်​ဢဝ် ၶႅပ်း​မၢၵ်ႇ​ႁိၼ်​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​သွင်​ၽႅၼ်ႇ​သေ​လႄႈ လုၵ်ႉ​သေ​ၵႃႈ​ၼိူဝ်​လွႆ​လူင်း​ဢေႃႈ။ ၶႅပ်း​မၢၵ်ႇ​ႁိၼ်​ၸိူဝ်း​ၼၼ်ႉ ၵႃႈ​တီႈ​သွင်​ၼႃႈ​မၼ်း​မီး​တၢင်း​ဢၼ်​ဢဝ်​တူဝ်​လိၵ်ႈ​ဢႅၵ်ႉၶရႃႇ တၢင်ႇ​သႂ်ႇ​ဝႆႉ​ဢေႃႈ။ ၵႃႈ​တီႈ​ၼႃႈ​မၼ်း​သွင်​ၼႃႈ​ၼၼ်ႉ​မီး​တၢင်း​ဢၼ်​ဢဝ်​တူဝ်​လိၵ်ႈ​ဢႅၵ်ႉၶရႃႇ တၢင်ႇ​သႂ်ႇ​ဝႆႉ​ဢေႃႈ။-</verse>
				<verse number="16">ၶႅပ်း​မၢၵ်ႇ​ႁိၼ်​ၸိူဝ်း​ၼၼ်ႉ​ပဵၼ်​မၢၵ်ႇ​ႁိၼ်​ဢၼ်​ၽြႃး​ပဵၼ်​ၸဝ်ႈ ႁဵတ်း​ပဵၼ်​ဢေႃႈ။ လိၵ်ႈ​ၼၼ်ႉ​ၵေႃႈ​ပဵၼ်​လိၵ်ႈ​ၽြႃး​ပဵၼ်​ၸဝ်ႈ ဢၼ်​ဢဝ်​တူဝ်​လိၵ်ႈ​ဢႅၵ်ႉၶရႃႇ​တၢင်ႇ​သႂ်ႇ​ဝႆႉ​ၵႃႈ​ၼိူဝ်​ၶႅပ်း​မၢၵ်ႇ​ႁိၼ်​ၸိူဝ်း​ၼၼ်ႉ​ဢေႃႈ။</verse>
				<verse number="17">ယေႃးသူႉ ​လႆႈ​ငိၼ်း​သဵင်​ဢၼ် ၵူၼ်း​တင်း​လၢႆ​ႁူၼ်ႈ​မေႃး​ၵၼ်​ယူႇ​ၼၼ်ႉ​သေ​ယဝ်ႉ၊ လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ မီး​သဵင်​ဢၼ်​တိုၵ်း​ၵၼ်​ယူႇ ၵႃႈ​တီႈ​တပ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မူဝ်းသေႇ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ သဵင်​ဢၼ်​ၵဝ်​လႆႈ​ငိၼ်း​ၸိုင်၊ ပဵၼ်​သဵင်​ၶဝ်​ၸိူဝ်း​ဢၼ်​ပႄႉ​ၼႅင်ႇ​လႄႈ​ႁူၼ်ႈ​မေႃး​ၵၼ်​ယူႇ​ၼၼ်ႉ​ဢမ်ႇ​ၸႂ်ႈ၊ ပဵၼ်​သဵင်​ၶဝ်​ၸိူဝ်း​ဢၼ်​သုမ်း​လႄႈ ဢွၼ်​ၵၼ်​ႁွင်ႉ​ႁႆႈ​ၵေႃႈ​ဢမ်ႇ​ၸႂ်ႈ၊ ပဵၼ်​သဵင်​ၶဝ်​ၸိူဝ်း​ဢၼ်​ႁဵတ်း​ၵႂၢမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​ဢၼ်​ၸမ်​ႁိမ်း​တပ်ႉ​လႄႈ ႁၼ်​ဝူဝ်း​ဢွၼ်ႇ​ဢိၵ်ႇ​တင်း တၢင်း​ဢၼ်​ၵႃႈ​ဢၼ်​ဝႅၼ်​ၼၼ်ႉ​ၸိုင်၊ မူဝ်းသေႇ ​ၸႂ်​မႆႈ​ၼႃႇ​လူင်​လၢင်​လႄႈ ဢဝ်​ၶႅပ်း​မၢၵ်ႇ​ႁိၼ်​ၸိူဝ်း​ၼၼ်ႉ ထိမ်ႈ​ဢွၵ်ႇ​ပႅတ်ႈ​သေ​ၵႃႈ​ၼႂ်း​မိုဝ်း​မၼ်း​လႄႈ ႁႂ်ႈ​တႅၵ်ႇ​ပႅတ်ႈ​သေ​ၵႃႈ​တီႈ​တိၼ်​လွႆ​ၼၼ်ႉ​ဢေႃႈ။-</verse>
				<verse number="20">ဝူဝ်း​ဢွၼ်ႇ​ဢၼ်​ၶဝ်​ႁဵတ်း​ၼၼ်ႉ​ၵေႃႈ၊ မၼ်း​ဢဝ်​ၽႆး​မႆႈ​ပႅတ်ႈ​သေ​ဢေႃႈ။ မၼ်း​ႁဵတ်း​ႁႂ်ႈ​လႅဝ်​သေ​ယဝ်ႉ၊ ဢဝ်​ဢွႆ​သႂ်ႇ​ၵႃႈ​ၼိူဝ်​ၼမ်ႉ​လႄႈ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵိၼ်​ဢေႃႈ။-</verse>
				<verse number="21">မူဝ်းသေႇ ​သမ်ႉ​ထၢမ်​တီႈ​ ဢႃႇရုၼ်ႇ ​လႄႈ​ဝႃႈ၊ ၶဝ်​ၸိူဝ်း​ၼႆႉ​ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​မႂ်း ႁႂ်ႈ​မႂ်း​လႆႈ​ႁႂ်ႈ​ဢပႅတ်ႈ​ဢၼ်​ယႂ်ႇ​ၼႃႇ​ထၢၼ်ႇ​ၼႆႉ ႁွတ်ႈ​ထိုင်​ၵႃႈ​ၼိူဝ်​ၶဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ဢႃႇရုၼ်ႇ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ယႃႇ​ပေ​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​သေ​ၵမ်း။ ၸဝ်ႈ​ႁဝ်း​ႁူႉ​လွင်ႈ​ဢၼ်​ၵူၼ်း​ၸိူဝ်း​ၼႆႉ​မီး​ၼႂ်း​တၢင်း​ဢၼ်​ဢမ်ႇ​လီ​ၼၼ်ႉ​ယူႇ​ၶႃႈ​ဢေႃႈ။-</verse>
				<verse number="23">ၶဝ်​ဢွၼ်​ၵၼ်​လၢတ်ႈ​တီႈ​ၵဝ်​ၶႃႈ​လႄႈ​ဝႃႈ၊ ႁဵတ်း​ၽြႃး​ဢၼ်​တၵ်း​ဢွၼ်​ႁူဝ်​ႁဝ်း​ၵႂႃႇ​ၼၼ်ႉ​ပုၼ်ႈ​ႁဝ်း​သေ​ၵမ်း။ မူဝ်းသေႇ ​ၵေႃႉ​ဢၼ်​ၼုၵ်ႈ​ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ၸိုင်၊ ႁဝ်း​ဢမ်ႇ​ႁူႉ​လွင်ႈ​ဢၼ်​မၼ်း​ပဵၼ်​ၸိူဝ်ႉ​ၼင်ႇ​ႁိုဝ်​ယူႇ​ၼၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="24">ၵဝ်​ၶႃႈ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ၵေႃႉ​ဢၼ်​မီး​ၶမ်း​ၸိုင်၊ ႁႂ်ႈ​မၼ်း​ထွတ်ႇ​ဢွၵ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ ၶဝ်​ဢွၼ်​ၵၼ်​ဢဝ်​ၶမ်း​ပၼ်​တီႈ​ၵဝ်​ၶႃႈ​လႄႈ၊ ၵဝ်​ၶႃႈ​ဢဝ်​သႂ်ႇ​ၵႃႈ​ၼႂ်း​ၽႆး​လႄႈ ဝူဝ်း​ဢွၼ်ႇ​ၼႆႉ​ဢွၵ်ႇ​မႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">မိူဝ်ႈ​ဢၼ်​ မူဝ်းသေႇ ​ႁၼ်​လွင်ႈ​ဢၼ် ၵူၼ်း​တင်း​လၢႆ​ယူႇ​တူဝ်​လွတ်ႈ​တူဝ်​ပူၺ်​ၵွပ်ႈ​ပိူဝ်ႈ​ဢၼ် ဢႃႇရုၼ်ႇ ​ႁဵတ်း​ႁႂ်ႈ​ၶဝ်​လွတ်ႈ​ၶဝ်​ပူၺ် ပုၼ်ႈ​ဢၼ်​ၶဝ်​တၵ်း​ပဵၼ်​လွင်ႈ​ဢၼ်​ရၢၼ်ႇ​သူႇ​ၶဝ်​တၵ်း​ႁဵတ်း​ပျၢၵ်ႈ​တီႈ​ၶဝ်​ၼၼ်ႉ​ၸိုင်၊-</verse>
				<verse number="26">မူဝ်းသေႇ ​ၸုၵ်း​ယူႇ​ၵႃႈ​တီႈ​ၽၵ်း​တူ​တပ်ႉ​သေ​လႄႈ​လၢတ်ႈ​ဝႃႈ၊ ၽူႈ​လႂ်​ယူႇ​ၽၢႆႇ​ထႃႇဝရႃႉ​ၽြႃး​ၵေႃႈ၊ ႁႂ်ႈ​မၼ်း​မႃး​တီႈ​ၵဝ်​ၼႆႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​မဵဝ်း​ လေႇဝီႉ ​တင်း​သဵင်ႈ​တင်း​လူင်​ဢွၼ်​ၵၼ်​မႃး​ၸူႉ​တုမ်​ၵႃႈ​တီႈ​မၼ်း​ဢေႃႈ။-</verse>
				<verse number="27">မၼ်း​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​မီး​ဢမိင်ႉ​လႄႈ​ဝႃႈ၊ ႁႂ်ႈ​ၵူၼ်း​ၵူႈ​ၵေႃႉ​ဢဝ်​လၢပ်ႇ​လႅဝ်း ပႃး​သႂ်ႇ​ၵႃႈ​တီႈ​ဢႅဝ်​ၶဝ်​သေ​လႄႈ ၵႂႃႇ​ၵႂႃႇ​မႃး​မႃး ဢဝ်​ၸႃႉ​ၸဵမ်​ၽၵ်း​တူ​ၼႃႈ​တပ်ႉ​ၽၢႆႇ​ၼိုင်ႈ​တေႃႇ​ထိုင်​ႁွတ်ႈ​ၽၵ်း​တူ​ၼႃႈ​တပ်ႉ​ၽၢႆႇ​ၼိုင်ႈ ႁႂ်ႈ​သုတ်း​ႁႂ်ႈ​တိူၵ်ႈ​လႄႈ၊ ၵူႈ​ၵေႃႉ​ဢွၼ်​ၵၼ်​ဢဝ်​ပီႈ​ၼွင်ႉ​ၶဝ်၊ ၵူႈ​ၵေႃႉ​ဢွၼ်​ၵၼ်​ဢဝ်​ၵေႃႉ​သေႈ​ၶဝ်၊ ၵူႈ​ၵေႃႉ​ဢွၼ်​ၵၼ် ဢဝ်​ၵူၼ်း​ႁိူၼ်း​ၸမ်​ၵၼ်​တင်း​ၶဝ်​လႄႈ​ဢဝ်​တၢႆ​တႃႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ​ၸီႇ​ယၢင်ႇ​ၼၼ်ႉ​လႄႈ၊ ၼႂ်း​ဝၼ်း​ၼၼ်ႉ​ၼႂ်း​ၵူၼ်း​တင်း​လၢႆ​ၼၼ်ႉ ၵူၼ်း​သၢမ်​ႁဵင်​ၸမ်​ၸမ်​တၢႆ​ဢေႃႈ။-</verse>
				<verse number="29">ၵမ်း​ၼၼ်ႉ မူဝ်းသေႇ ​ၵေႃႈ​သမ်ႉ​လၢတ်ႈ​လႄႈ​ဝႃႈ၊ လွင်ႈ​ၼင်ႇ​ႁိုဝ်​ထႃႇဝရႃႉ​ၽြႃး​တၵ်း​ပၼ်​တၢင်း​လီ​တီႈ​သူ ၼႂ်း​ဝၼ်း​မိူဝ်ႈ​ၼႆႉ​ၸိုင်၊ ဝၼ်း​မိူဝ်ႈ​ၼႆႉ သူ​ဢွၼ်​ၵၼ်​ဢဝ်​ႁႂ်ႈ​တဵမ်​ၵမ်​တဵမ်​မိုဝ်း​တူဝ်​ၸဝ်ႈ​ၵဝ်ႇ​ဝႆႉ​ပုၼ်ႈ​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​သူ​ယူႇ​ၽၢႆႇ​ၼိုင်ႈ ႁဵတ်း​ၶတ်း​ၵၼ်​တင်း လုၵ်ႈ​လၢင်း​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ပီႈ​ၼွင်ႉ​တူဝ်​ၸဝ်ႈ​ၵဝ်ႇ ႁင်း​ၽႂ်​ႁင်း​မၼ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">ဝၼ်း​မိူဝ်ႈ​ၽုၵ်ႈ​ၵေႃႈ မူဝ်းသေႇ ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ဢပႅတ်ႈ​ဢၼ်​သူ​ၽိတ်း​ပိူင်ႈ​ၼႆႉ ယႂ်ႇ​ၼႃႇ​လူင်​လၢင်​ဢေႃႈ။ တေႃႈ​လဵဝ်​ၵဝ်​တၵ်း​ၶိုၼ်ႈ​ၸူး​ၵႃႈ​တီႈ​ထႃႇဝရႃႉ​ၽြႃး​လႄႈ ပေႃး​ဢပႅတ်ႈ​သူ​လွတ်ႈ​လႆႈ​ၸိုင်၊ တၵ်း​ႁဵတ်း​ႁႂ်ႈ​လွတ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="31">မူဝ်းသေႇ ​သမ်ႉ​ၶိုၼ်း ၶိုၼ်ႈ​ၸူး​ၵႃႈ​တီႈ​ထႃႇဝရႃႉ​ၽြႃး​လႄႈ​လဝ်ႊ​လၢတ်ႈ​ဝႃႈ၊ ဢူဝ်း​ၸဝ်ႈ​ႁဝ်း၊ ဢပႅတ်ႈ​ဢၼ်​ၵူၼ်း​ၸိူဝ်း​ၼႆႉ ၽိတ်း​ပိူင်ႈ​ၼၼ်ႉ ယႂ်ႇ​ၼႃႇ​လူင်​လၢင်​တီႈ​ၶႃႈ​ဢေႃႈ။ ၶဝ်​ဢွၼ်​ၵၼ်​ႁဵတ်း​ၽြႃး​ၶမ်း​ပုၼ်ႈ​ၶဝ်​တီႈ​ၶႃႈ​ယဝ်ႉ။-</verse>
				<verse number="32">ၵူၺ်း​ၵႃႈ ပေႃး​ၸဝ်ႈ​ႁဝ်း​မီး​ဢလူဝ်ႇ​ၶႂ်ႈ​ပွႆႇ​လွတ်ႈ​ဢပႅတ်ႈ​ၶဝ်​ၸိုင်၊ ပွႆႇ​လွတ်ႈ​သေ​ၵမ်း​တီႈ​ၶႃႈ။ ဢမ်ႇ​ၼၼ်​ၵေႃႈ ၶႅၼ်း​တေႃႈ​မွတ်ႇ​ပႅတ်ႈ​ၼႃႇ​မႃႉ​ၸိုဝ်ႈ​သဵင်​ၶႃႈ​ၸဝ်ႈ​သေ​ၵႃႈ​ၼႂ်း​ၸရၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​တႅမ်ႈ​ဝႆႉ​ၼၼ်ႉ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​တွင်း​ပၢၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="33">ထႃႇဝရႃႉ​ၽြႃး​ၵေႃႈ လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၽိတ်း​ပိူင်ႈ​ၵဝ်​ၼႆႉ​ၼၼ်ႉ​ၸိုင်၊ ၵဝ်​တၵ်း​မွတ်ႇ​ပႅတ်ႈ ၼႃႇ​မႃႉ​ၸိုဝ်ႈ​သဵင်​ၵေႃႉ​ၼၼ်ႉ​သေ​ၵႃႈ​ၼႂ်း​ၸရၢင်း​ၵဝ်​ဢေႃႈ။-</verse>
				<verse number="34">တေႃႈ​လဵဝ်​ၼႆႉ ၵႂႃႇ​လႄႈ ဢဝ်​ၵူၼ်း​တင်း​လၢႆ​သူင်ႇ​ၵႃႈ​တီႈ​ဢၼ်​ၵဝ်​သင်ႇ​လၢတ်ႈ​ဝႆႉ​ၼၼ်ႉ​တႃႉ။ တမၢၼ်ႇ​ၵဝ်​တၵ်း​ဢွၼ်​ႁူဝ်​မႂ်း​ၵႂႃႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၼႂ်း​မိုဝ်ႉ​ဝၼ်း​ဢၼ်​ၵဝ်​မႃး​လူ​မႃး​တူၺ်း​ၼၼ်ႉ ၵဝ်​တၵ်း​မႃး​လႄႈ​ပၼ်​ဢပႅတ်ႈ​တီႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ထႃႇဝရႃႉ​ၽြႃး​ပၼ်​တၢမ်ႇ​တီႈ​ၵူၼ်း​တင်း​လၢႆ ၵွပ်ႈ​ပိူဝ်ႈ​ဢၼ်​ၶဝ်​ႁဵတ်း​ဝူဝ်း​ဢွၼ်ႇ​ဢၼ်​ ဢႃႇရုၼ်ႇ ​ႁဵတ်း​ၼၼ်ႉ​ဢေႃႈ။</verse>
			</chapter>
			<chapter number="33">
				<verse number="1">ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၸႃႉ​ၸဵမ်​မႂ်း​လႄႈ​ၶဝ်​ၸိူဝ်း​ဢၼ်​မႂ်း​ၼုၵ်ႈ​ဢဝ်​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၶဝ်​ဢိူၺ်း၊ ဢွၵ်ႇ​သေ​ၵႃႈ​တီႈ​ၼႆႈ​လႄႈ ၵႂႃႇ​ၵႃႈ​တီႈ​မိူင်း​ဢၼ်​ၵဝ်​တိူင်ႇ​တီႈ​ ဢႃႇပြႃႇႁၢမ်ႇ၊ ဢီႉၸၢၵ်ႈ ၊ တင်း​ ယႃႇၵုပ်ႈ ​ၼၼ်ႉ​လႄႈ​ဝႃႈ၊ ၵဝ်​တၵ်း​ပၼ်​တီႈ​မႂ်း​ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တႃႉ။-</verse>
				<verse number="2">ၵဝ်​တၵ်း​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ် ဢွၼ်​ႁူဝ်​မႂ်း​ၵႂႃႇ​လႄႈ၊ ၵဝ်​တၵ်း​ႁေႃႈ​ၵူၼ်း​ ၶႃႇၼၼီႉ ၊ ၵူၼ်း​ ဢႃႇမေႃးရီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ၽေႇရၸီႉ ၊ ၵူၼ်း​ ႁီႉဝီႉ တင်း​ၵူၼ်း​ ယေႇပူႉသီႉ ​ၸိူဝ်း​ၼၼ်ႉ​ဢွၵ်ႇ​လႄႈ၊-</verse>
				<verse number="3">ဢဝ်​မႂ်း​သူင်ႇ​ၵႃႈ​တီႈ​မိူင်း​ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ​ဢေႃႈ။ ၵဝ်​တၵ်း​ဢမ်ႇ​ၵႂႃႇ​ၸွမ်း​ၵႃႈ​ၼႂ်း​ၶိုင်ႈ​ၵၢင်​သူ။ ပိူဝ်ႈ​ဢၼ် မႂ်း​ပဵၼ်​မဵဝ်း​ၵူၼ်း​ဢၼ် လမ်း​ၶေႃး​ၵႅၼ်ႇ​ၶႅင်​လႄႈ ၵူဝ်​ၵဝ်​တၵ်း​လႆႈ​ယႃႉ​ၽဵဝ်ႈ​မႂ်း​ပႅတ်ႈ​ၼႂ်း​မိူဝ်ႈ​ဢၼ်​ယင်း​တိုၵ်ႉ​ၸွမ်း ၼႂ်း​သဵၼ်ႈ​တၢင်း​ၵႂႃႇ​ယူႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မိူဝ်ႈ​ဢၼ်​ၵူၼ်း​တင်း​လၢႆ​ငိၼ်း​သတၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​ၸိုင်၊ ၶဝ်​ဢွၼ်​ၵၼ်​ႁႆႈ​ႁွင်ႉ​ပွင်ႉ​ၶၢင်း​သေ​လႄႈ ယင်း​ဢမ်ႇ​ႁၢင်ႈ​ၶိူင်ႈ​ႁၢင်ႈ​ၽၢင်​သေ​ၵေႃႉ​သေ​ၵူၼ်း​လႄႈ​ယူႇ​ဢေႃႈ။-</verse>
				<verse number="5">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ဢၼ်​မႂ်း​တၵ်း​လႆႈ​မွၵ်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ​ၸမ်ႉ၊ သူ​ၼႆႉ​ပဵၼ်​မဵဝ်း​ၵူၼ်း​ဢၼ် လမ်း​ၶေႃး​ၵႅၼ်ႇ​ၶႅင်​ဢေႃႈ။ ပေႃး​ၵဝ်​ၵႂႃႇ​ၸွမ်း​ၵႃႈ​ၼႂ်း​ၶိုင်ႈ​ၵၢင်​မႂ်း ၵမ်း​ဢွၼ်ႇ​ၼိုင်ႈ​ၸိုင်၊ ၵဝ်​တၵ်း​ယႃႉ​ၽဵဝ်ႈ​မႂ်း​ပႅတ်ႈ​ဢေႃႈ။ ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​ၵဝ်​တၵ်း​ႁူႉ​လွင်ႈ​ဢၼ်​ၵဝ်​တၵ်း​လႆႈ​ႁဵတ်း​တီႈ​မႂ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင် တေႃႈ​လဵဝ်​ၼႆႉ ထွတ်ႇ​ၶိူင်ႈ​တိုဝ်း​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ထွတ်ႇ​ၶိူင်ႈ​တိုဝ်း​ၶဝ် ၸႃႉ​ၸဵမ်​ၵႃႈ​တီႈ​လွႆ​ ႁေႃးရပ်ႉ ​ၼၼ်ႉ​ဢေႃႈ။</verse>
				<verse number="7">မူဝ်းသေႇ ​ဢဝ်​မူဝ်းၵႃႇ​ၸဝ်ႈ​ပူၵ်း​ၵႃႈ​တီႈ​ၼွၵ်ႈ​တပ်ႉ​တီႈ​ဢၼ်​ၵႆ​ၵႆ​ၼၼ်ႉ​သေ​လႄႈ၊ ႁွင်ႉ​ႁဵၵ်ႈ​ၸိုဝ်ႈ​မၼ်း မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။ ၶဝ်​ၸိူဝ်း​ဢၼ်​ႁႃ​ထႃႇဝရႃႉ​ၽြႃး​ၼၼ်ႉ​တင်း​သဵင်ႈ​တင်း​လူင် ဢွၼ်​ၵၼ်​ဢွၵ်ႇ​ၵႂႃႇ​ၸူး​ၵႃႈ​တီႈ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ ဢၼ်​မီး​ၵႃႈ​တီႈ​ၼွၵ်ႈ​တပ်ႉ​ၼၼ်ႉ​ဢေႃႈ။</verse>
				<verse number="8">မိူဝ်ႈ​ဢၼ်​ မူဝ်းသေႇ ​ဢွၵ်ႇ​ၵႂႃႇ​ၸူး​ၵႃႈ​တီႈ​မူဝ်းၵႃႇ​ၸဝ်ႈ​ၼၼ်ႉ​ၸိုင်။ ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​လုၵ်ႉ​လႄႈ​ၸုၵ်း​ယူႇ​ၵႃႈ​တီႈ​ၽၵ်း​တူ​မူဝ်းၵႃႇ​ၶဝ် ႁင်း​ၽႂ်​ႁင်း​မၼ်း​လႄႈ၊ တူၺ်း​ၸွမ်း​လင်​ မူဝ်းသေႇ တေႃႇ​ထိုင်​ႁွတ်ႈ​မၼ်း​ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ​ၼၼ်ႉ​ဢေႃႈ။-</verse>
				<verse number="9">မူဝ်းသေႇ ​ၶဝ်ႈ​ၵႃႈ​ၼႂ်း မူဝ်းၵႃႇ​ၸဝ်ႈ​သေ​ယဝ်ႉ၊ သဝ်​မွၵ်ႇ​ၵုမ်ႈ​လူင်း​မႃး​ၸုၵ်း​ယူႇ ၵႃႈ​တီႈ​ၽၵ်း​တူ မူဝ်းၵႃႇ​ၸဝ်ႈ​ၼၼ်ႉ​လႄႈ ထႃႇဝရႃႉ​ၽြႃး​လၢတ်ႈ​တေႃႇ​ မူဝ်းသေႇ ​ဢေႃႈ။-</verse>
				<verse number="10">မိူဝ်ႈ​ဢၼ်​ၵူၼ်း​တင်း​သဵင်ႈ​တင်း​လူင် ႁၼ်​သဝ်​မွၵ်ႇ​ၵုမ်ႈ​ၸုၵ်း​ယူႇ ၵႃႈ​တီႈ​ၽၵ်း​တူ​မူဝ်းၵႃႇ​ၸဝ်ႈ​ၼၼ်ႉ​ၸိုင်၊ ၶဝ်​ဢွၼ်​ၵၼ်​လုၵ်ႉ​တင်း​သဵင်ႈ​တင်း​လူင်​လႄႈ ၵူဝ်း​ၵႂၢႆႇ​ယူႇ ၵႃႈ​တီႈ​ၽၵ်း​တူ​မူဝ်းၵႃႇ​ၶဝ်​ၼၼ်ႉ​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="11">ထႃႇဝရႃႉ​ၽြႃး​တေႃႇ​ၼႃႈ​ၵၼ်​တင်း​ မူဝ်းသေႇ ​သေ​လႄႈ​လၢတ်ႈ​တေႃႇ​မၼ်း မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​လၢတ်ႈ​တေႃႇ​ၵၼ်​တင်း​ၵေႃႉ​သေႈ​မၼ်း​ၼၼ်ႉ​ဢေႃႈ။ မိူဝ်ႈ​ဢၼ်​မၼ်း​သမ်ႉ​ၶိုၼ်း​ၶဝ်ႈ​မႃး​ၵႃႈ​ၼႂ်း​တပ်ႉ​ၼၼ်ႉ​ၸိုင်၊ ၵူၼ်း​ႁူမ်ႈ​ၵူၼ်း​ပွင်း​မၼ်း​ ယေႃးသူႉ လုၵ်ႈ​ၸၢႆး​ ၼုၼ်ႇ ဢၼ်​ပဵၼ်​ၵူၼ်း ဢၼ်​ယင်း​ၼုမ်ႇ​ယင်း​ၵမ်​ၼၼ်ႉ ယင်း​ဢမ်ႇ​ဢွၵ်ႇ​သေ​ၵႃႈ​ၼႂ်း​မူဝ်းၵႃႇ​ၸဝ်ႈ​လႄႈ​ယူႇ​ဢေႃႈ။</verse>
				<verse number="12">မူဝ်းသေႇ ​ၵေႃႈ​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ တူၺ်း​သေ​ၵမ်း​တီႈ​ၶႃႈ၊ ၸဝ်ႈ​ႁဝ်း​မီး​ဢမိင်ႉ​တီႈ​ၶႃႈ​ၸဝ်ႈ​လႄႈ​ဝႃႈ၊ ဢဝ်​ၵူၼ်း​ၸိူဝ်း​ၼႆႉ​ၵႂႃႇ​သူင်ႇ​တႃႉ၊ ဝႃႈ​ၼင်ႇ​ၼႆ​ၼၼ်ႉ​လႄႈ ၸဝ်ႈ​ႁဝ်း​ဢမ်ႇ​ႁႂ်ႈ​ၶႃႈ​ၸဝ်ႈ​လႆႈ​ႁူႉ​လွင်ႈ​ဢၼ်​ၸဝ်ႈ​ႁဝ်း တၵ်း​ပွႆႇ​ၸႂ်ႉ​ၽူႈ​လႂ်​ၵႂႃႇ​လူၺ်ႈ​ၵၼ်​တင်း​ၶႃႈ​ၸဝ်ႈ​ၼၼ်ႉ​တီႈ​ၶႃႈ၊ ၼႂ်း​ဝႃႈ​ၼၼ်​သေ​ၵေႃႈ ၸဝ်ႈ​ႁဝ်း​လၢတ်ႈ​လႄႈ​ဝႃႈ၊ ဢဝ်​တင်း​ၼႃႇ​မႃႉ​ၸိုဝ်ႈ​သဵင်​မႂ်း​သေ​လႄႈ ၵဝ်​ႁူႉ​ၸၵ်း​မႂ်း​ဢေႃႈ။ မႂ်း​လႆႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ယဝ်ႉ​တီႈ​ၶႃႈ​ဢေႃႈ။-</verse>
				<verse number="13">ပိူဝ်ႈ​ၼႆ​လႄႈ ပေႃး​ၶႃႈ​ၸဝ်ႈ​လႆႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ယဝ်ႉ​ၸိုင်၊ ၶႅၼ်း​တေႃႈ​ၼႄ​ပျႃး​သဵၼ်ႈ​တၢင်း​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​ႁူႉ​ၸၵ်း​ၸဝ်ႈ​ႁဝ်း ပုၼ်ႈ​လွင်ႈ​ၼင်ႇ​ႁိုဝ်​ၶႃႈ​ၸဝ်ႈ​သမ်ႉ​တၵ်း​လႆႈ​ထူပ်း ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း ထႅင်ႈ​သေ​ၵမ်း​တီႈ​ၶႃႈ၊ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ဢၼ်​ၵူၼ်း​မဵဝ်း​ၼႆႉ ပဵၼ်​ၵူၼ်း​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​တွင်း​ပၢၼ်ႇ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ တူဝ်​ၵဝ်​တၵ်း​ၵႂႃႇ​လႄႈ ပၼ်​တၢင်း​ၼိမ်​ၵတ်း​ယဵၼ်​ၶျၢမ်း​သႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မူဝ်းသေႇ ​ၵေႃႈ သမ်ႉ​လဝ်ႊ​လၢတ်ႈ​လႄႈ​ဝႃႈ၊ ပေႃး​တူဝ်​ၸဝ်ႈ​ႁဝ်း​ဢမ်ႇ​ၵႂႃႇ​ၸိုင်၊ ယႃႇ​ပေ​ဢဝ်​ၶႃႈ​ၸဝ်ႈ​ႁဝ်း​ၶဝ်​ၼႆႉ ဢွၵ်ႇ​သေ​ၵႃႈ​တီႈ​ၼႆႈ​ၵႂႃႇ​သူင်ႇ​သေ​ၵမ်း​တီႈ​ၶႃႈ။-</verse>
				<verse number="16">လွင်ႈ​ဢၼ်​ၶႃႈ​ၸဝ်ႈ ဢိၵ်ႇ​တင်း​ၵူၼ်း​ၸဝ်ႈ​ႁဝ်း​ၸိူဝ်း​ၼႆႉ လႆႈ​ထူပ်း​ၵျေး​ၸူး သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ၼၼ်ႉ​တၵ်း​ထၢင်ႇ​သႃး ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ တၵ်း​ထၢင်ႇ​သႃး​ၵွပ်ႈ​ပိူဝ်ႈ​ဢၼ် ၸဝ်ႈ​ႁဝ်း​ၵႂႃႇ​လူၺ်ႈ​ၵၼ်​တင်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ​ၵူၺ်း ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ၼင်ႇ​ၼၼ်​လႄႈ ၶႃႈ​ၸဝ်ႈ​ဢိၵ်ႇ​တင်း​ၵူၼ်း​ၸဝ်ႈ​ႁဝ်း​ၸိူဝ်း​ၼႆႉ တၵ်း​လႆႈ​ပႅၵ်ႇ​ပိူင်ႈ​ၵၼ်​တင်း​ၵူၼ်း​ဢၼ်​မီး​ၵႃႈ​ၼိူဝ်​လိၼ်​မိူင်း​ၼႆႉ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="17">ထႃႇဝရႃႉ​ၽြႃး​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၵဝ်​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ် မႂ်း​လဝ်ႊ​လၢတ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မႂ်း​လႆႈ​ထူပ်း​ၵျေး​ၸူး သိုဝ်ႈ​ၼႃႈ​တႂ်ႈ​တႃ​ၵဝ်​ယဝ်ႉ။ ဢဝ်​တင်း​ၼႃႇ​မႃႉ​ၸိုဝ်ႈ​သဵင်​မႂ်း​သေ​လႄႈ ၵဝ်​ႁူႉ​ၸၵ်း​မႂ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၵမ်း​ၼၼ်ႉ မၼ်း​သမ်ႉ​လဝ်ႊ​လၢတ်ႈ​ထႅင်ႈ​လႄႈ​ဝႃႈ၊ ၶႅၼ်း​တေႃႈ​ၼႄ​ပျႃး​မုၼ်​ၽုင်း​ၸဝ်ႈ​ႁဝ်း​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​တွင်း​ပၢၼ်ႇ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵဝ်​တၵ်း​ႁႂ်ႈ​တၢင်း​ဢၼ်​လီ​ဢၼ်​ငၢမ်း​ၵဝ် ၵႃႈ​မီး​တင်း​သဵင်ႈ​တင်း​လူင် ၵၢႆ​ၵႂႃႇ​ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။ ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ၵေႃႈ ၵဝ်​တၵ်း​ႁွင်ႉ​မွၵ်ႇ​ႁွင်ႉ​လၢတ်ႈ ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။ ၵဝ်​ၶႂ်ႈ​ႁဵတ်း​ၵျေး​ၸူး​တီႈ​ၽူႈ​လႂ်​ၵေႃႈ ၵဝ်​တၵ်း​ႁဵတ်း​ဢေႃႈ။ ၵဝ်​ၶႂ်ႈ​ဢဵတ်း​လူ​ၽူႈ​လႂ်​ၵေႃႈ ၵဝ်​တၵ်း​ဢဵတ်း​လူ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="20">သမ်ႉ​လၢတ်ႈ​ထႅင်ႈ​လႄႈ​ဝႃႈ၊ မႂ်း​ဢမ်ႇ​ႁၼ်​ၼႃႈ​ၵဝ်​လႆႈ။ လွင်ႈ​မၼ်း​ၸမ်ႉ ၵေႃႉ​ဢၼ်​ႁၼ်​ၼႃႈ​ၵဝ်​လႄႈ ဢသၢၵ်ႈ​လိပ်း​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ထႃႇဝရႃႉ​ၽြႃး​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ၵႃႈ​တီႈ​ႁိမ်း​ၵဝ်​ၼႆႉ မီး​တီႈ​တီႈ​ၼိုင်ႈ​လႄႈ မႂ်း​တၵ်း​လႆႈ​ၸုၵ်း​ယူႇ​ၵႃႈ​ၼိူဝ်​မၢၵ်ႇ​ႁိၼ်​ၼၼ်ႉ​ဢေႃႈ။-</verse>
				<verse number="22">မိူဝ်ႈ​ဢၼ်​မုၼ်​ၽုင်း​ၵဝ်​ၵၢႆ​ၵႂႃႇ​ၼၼ်ႉ​ၸိုင်၊ ၵဝ်​တၵ်း​ဢဝ်​မႂ်း​သႂ်ႇ​ဝႆႉ ၵႃႈ​ၼႂ်း​ၵႄႈ​မၢၵ်ႇ​ႁိၼ်​လႄႈ ဢဝ်​မိုဝ်း​ၵဝ်​ႁူမ်ႇ​မႂ်း​ဝႆႉ ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ​ပႆ​ၵႂႃႇ​ယူႇ​ၼၼ်ႉ​ဢေႃႈ။-</verse>
				<verse number="23">မိူဝ်ႈ​ဢၼ်​ၵဝ်​ယိုတ်း​ဢဝ်​မိုဝ်း​ၵဝ်​ၶိုၼ်း​ၼၼ်ႉ​ၸိုင်၊ မႂ်း​တၵ်း​လႆႈ​ႁၼ်​လင်​ၵဝ်​ၵူၺ်း​ဢေႃႈ။ ၼႃႈ​ၵဝ်​ၸိုင် မႂ်း​တၵ်း​ဢမ်ႇ​လႆႈ​ႁၼ်၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="34">
				<verse number="1">ၵမ်း​ၼၼ်ႉ ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ထၢၵ်ႇ​ႁဵတ်း​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ ႁႂ်ႈ​မိူၼ်​ၸိူဝ်ႉ​ၼင်ႇ​ၶႅပ်း​မၢၵ်ႇ​ႁိၼ်​ဢၼ်​ဢွၼ်​တၢင်း​သွင်​ၽႅၼ်ႇ​ၼၼ်ႉ​တႃႉ။ ၵဝ်​တၵ်း​တႅမ်ႈ​ၵႂၢမ်း​ဢၼ်​ပႃး​ၵႃႈ​တီႈ​ၶႅပ်း​မၢၵ်ႇ​ႁိၼ်​ဢၼ်​ဢွၼ်​တၢင်း ဢၼ်​မႂ်း​ဢဝ်​တႅၵ်ႇ​ပႅတ်ႈ​ၸိူဝ်း​ၼၼ်ႉ သႂ်ႇ​ဝႆႉ​ၵႃႈ​ၼိူဝ်​မၢၵ်ႇ​ႁိၼ်​ၽႅပ်ႉ​ဢၼ်​ၵမ်း​လိုၼ်း​ဢေႃႈ။-</verse>
				<verse number="2">မႂ်း​မႄး​ႁႅၼ်း​ဝႆႉ​ပုၼ်ႈ​မိူဝ်ႈ​ၽုၵ်ႈ​ၶိင်ႇ​ၵၢင်​ၼႂ်​ၼၼ်ႉ​လႄႈ ၶိင်ႇ​ၵၢင်​ၼႂ်​ၼၼ်ႉ​ၶိုၼ်ႈ​ၵႃႈ​ၼိူဝ်​လွႆ​ သီႉၼႃႉ ​လႄႈ ၼႄ​ပျႃး​တူဝ်​ၸဝ်ႈ​ၵဝ်ႇ​ၵႃႈ​တီႈ​ၽၢႆႇ​ၼႃႈ​ၵဝ် ၵႃႈ​တီႈ​ပၢႆ​ၸိၵ်း​လွႆ​ၼၼ်ႉ​တႃႉ။-</verse>
				<verse number="3">ၽူႈ​လႂ်​ဢမ်ႇ​လႆႈ​ၶိုၼ်ႈ​လူၺ်ႈ​ၵၼ်​တင်း​မႂ်း။ ယႃႇ​ပေ​ႁႂ်ႈ​လႆႈ​ႁၼ် တူဝ်​ၵူၼ်း​ၵႃႈ​ၼိူဝ်​လွႆ​ၼႆႉ​သေ​တီႈ​သေ​လႅၼ်။ ယႃႇ​ပေ​ႁႂ်ႈ​ၽုင်​သူဝ်း ၽုင်​ဝူဝ်း​လႄႇ​ၵိၼ်​ၵႃႈ​တီႈ​တိၼ်​လွႆ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">ထၢၵ်ႇ​ႁဵတ်း​ၶႅပ်း​မၢၵ်ႇ​ႁိၼ်​ၽႅပ်ႉ​သွင်​ၽႅၼ်ႇ​ဢၼ်​မိူၼ်​ၸိူဝ်ႉ​ၼင်ႇ ၶႅပ်း​မၢၵ်ႇ​ႁိၼ်​ဢၼ်​ဢွၼ်​တၢင်း​ၼၼ်ႉ​သေ​ယဝ်ႉ၊ မူဝ်းသေႇ ​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ဢဝ်​မိုဝ်း​ယိပ်း​ၵမ်​ဢဝ်​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ​ၼၼ်ႉ​ယူႇ​သေ​လႄႈ​ၶိုၼ်ႈ​ၵႃႈ​ၼိူဝ်​လွႆ​ သီႉၼႃႉ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ၼၼ်ႉ​ဢေႃႈ။</verse>
				<verse number="5">ထႃႇဝရႃႉ​ၽြႃး​ယူႇ​ၵႃႈ​ၼႂ်း​မွၵ်ႇ​ၵုမ်ႈ​သေ​လႄႈ လူင်း​မႃး​ၸုၵ်း​ယူႇ​ၵႃႈ​တီႈ​ႁိမ်း​မၼ်း​ၵႃႈ​တီႈ​ၼၼ်ႈ​ယူႇ ႁွင်ႉ​မွၵ်ႇ​ႁွင်ႉ​လၢတ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ယူႇ​ဢေႃႈ။-</verse>
				<verse number="6">ထႃႇဝရႃႉ​ၽြႃး​ၵၢႆ​ၵႂႃႇ​ၵႃႈ​တီႈ​ၽၢႆႇ​ၼႃႈ​မၼ်း​လႄႈ ႁွင်ႉ​မွၵ်ႇ​ႁွင်ႉ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ဢၼ်​ပျေႉ​ၸုမ်ႇ​တင်း​မႅတ်ႈ​တႃႇ​ၵရူႉၼႃႇ ဢိၵ်ႇ​တင်း​တၢင်း​ဢၼ်​ႁဵတ်း​ၵျေး​ၸူး၊ ဢၼ်​ၸႂ်​ယႂ်ႇ​ၸႂ်​ယၢဝ်း၊ ဢၼ်​လိူင်ႇ​တဵမ်​ဝႆႉ​တင်း တၢင်း​ဢၼ်​ႁဵတ်း​ၵျေး​ၸူး ဢိၵ်ႇ​တင်း​တၢင်း​ဢၼ်​ပႂ်ႉ​သဵတ်ႈ​ၸႃႇ၊-</verse>
				<verse number="7">ဢၼ်​ပႂ်ႉ​ၵျေး​ၸူး​တြႃး​တၢင်း​ဢၼ် ဢဵတ်း​လူ​တီႈ​ၵူၼ်း​ပဵၼ်​မိုၼ်ႇ​ပဵၼ်​သႅၼ်၊ ဢၼ်​ပွႆႇ​လွတ်ႈ​တၢင်း​ဢၼ်​ၵမ်​ၵျၢင်ႉ​ဢႃႉထမ်ႇမႃႉ၊ တၢင်း​ဢၼ်​ပူၼ်ႉ​လိူဝ်​တြႃး​ၸဝ်ႈ ဢိၵ်ႇ​တင်း​ဢပႅတ်ႈ​လႄႈ ဢမ်ႇ​ပွႆႇ​ဢမ်ႇ​လွတ်ႈ​လၢႆ​လၢႆ​လွၵ်ႇ​လွၵ်ႇ၊ ဢၼ်​ၸီႇ​ယၢင်ႇ​တႅၼ်း​ပၼ်​ဢပႅတ်ႈ​ပေႃႈ တီႈ​လုၵ်ႈ​လၢင်း​တင်း​လၢႆ တေႃႇ​ထိုင်​ႁွတ်ႈ​ၸူဝ်ႈ​လုၵ်ႈ​ပၢၼ်​လၢၼ်​သိုပ်ႇ​တႃႉတီႉယႃႉ သိုပ်ႇ​ၸတုၵ်ႉထႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မူဝ်းသေႇ ​ၵေႃႈ ႁိပ်ႈ​ၼႅတ်ႈ ၶုပ်ႉ​မူပ်ႇ​ၵႃႈ​ၼိူဝ်​လိၼ်​လႄႈ ၵူဝ်း​ၵႂၢႆႇ​ယူႇ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="9">ဢူဝ်း​ၸဝ်ႈ​ၽြႃး​တီႈ​ၶႃႈ၊ ပေႃး​ၶႃႈ​ၸဝ်ႈ​လႆႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ ၸဝ်ႈ​ႁဝ်း​တေႃႈ​လဵဝ်​ၼႆႉ​ၸိုင်၊ ၸဝ်ႈ​ၽြႃး​ၶႅၼ်း​တေႃႈ​ၵႂႃႇ​ၸွမ်း​ၵႃႈ​ၼႂ်း​ၶိုင်ႈ​ၵၢင် ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​တွင်း​ပၢၼ်ႇ​တီႈ​ၶႃႈ​ဢေႃႈ။ ပိၵ်ႉ​သမ်ႉ​ၵူၼ်း​မဵဝ်း​ၼႆႉ ပဵၼ်​မဵဝ်း​ဢၼ်​လမ်း​ၶေႃး​ၵႅၼ်ႇ​ၶႅင်​သေ​ၵေႃႈ၊ ပွႆႇ​တူႉ​ၸရိူၵ်ႈ​ဢပႅတ်ႈ​ၶႃႈ​ၸဝ်ႈ​ႁဝ်း​ၶဝ် လွတ်ႈ​လႄႈ​သိမ်း​ဢဝ်​ၶႃႈ​ၸဝ်ႈ​ႁဝ်း​ၶဝ် ႁႂ်ႈ​ပဵၼ်​ဢမူၺ်ႇ​ဢုၵ်ႉ​ၸႃႇ​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊</verse>
				<verse number="10">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ တူၺ်း​လူး၊ ၵဝ်​ႁဵတ်း​ပတီႉၺိၺ်ႇ​ဢေႃႈ။ ၵဝ်​တၵ်း​ႁဵတ်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ဢၼ်​ဢမ်ႇ​တွၼ်ႉ​ႁဵတ်း​ၵႃႈ​ၼႂ်း​မဵဝ်း​ၵူၼ်း​ၵႃႈ​ၼိူဝ်​လိၼ်​မိူင်း​ၼႆႉ​သေ​ပွၵ်ႈ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​မႂ်း​တင်း​သဵင်ႈ​တင်း​လူင်​ဢေႃႈ။ ၵူၼ်း​တင်း​သဵင်ႈ​တင်း​လူင် ဢၼ်​မီး​ယူႇ​လူၺ်ႈ​ၵၼ်​တင်း​မႂ်း​ၸိူဝ်း​ၼၼ်ႉ​တၵ်း​လႆႈ​ႁၼ် လွင်ႈ​တၢင်း​ဢၼ်​ထႃႇဝရႃႉ​ၽြႃး​တၵ်း​ႁဵတ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ လွင်ႈ​တၢင်း​ဢၼ်​ၵဝ်​တၵ်း​ႁဵတ်း​ပုၼ်ႈ​သူ​ၼၼ်ႉ ပဵၼ်​လွင်ႈ​တၢင်း​ဢၼ်​လီ​ၵူဝ်​လီ​ႁႄ​ဢေႃႈ။-</verse>
				<verse number="11">မၢတ်ႈ​တွင်း​ၵႂၢမ်း​ဢၼ်​ၵဝ်​သင်ႇ​လၢတ်ႈ​ဝႆႉ ဝၼ်း​မိူဝ်ႈ​ၼႆႉ​ၼၼ်ႉ​တႃႉ။ ၵဝ်​တၵ်း​ႁေႃႈ​ၵူၼ်း​ ဢႃႇမေႃးရီႉ ၊ ၵူၼ်း​ ၶႃႇၼၼီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ၽေႇရၸီႉ ၊ ၵူၼ်း​ ႁီႉဝီႉ ၊ ၵူၼ်း​ ယေႇပူႉသီႉ ​ၸိူဝ်း​ၼၼ်ႉ​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။-</verse>
				<verse number="12">လွင်ႈ​ၼင်ႇ​ႁိုဝ် သူ​တၵ်း​ဢမ်ႇ​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​ၵူၼ်း​ဝၢၼ်ႈ​ၵူၼ်း​မိူင်း တီႈ​ဢၼ်​မႂ်း​ၵႂႃႇ​ၼၼ်ႉ​လႄႈ ႁႂ်ႈ​ပဵၼ်​လွင်ႈ​ဢၼ်​တၵ်း​ၶီႈ​လိုတ်း​မႅၼ်ႈ​လႄႈ​လူမ်ႉ​ၵႃႈ​တီႈ​မႂ်း​ၸိုင် တူဝ်​မႂ်း​ႁဵတ်း​သတီႉ​တီႈ​တူဝ်​မႂ်း​တႃႉ။-</verse>
				<verse number="13">သူ​တၵ်း​လႆႈ​ယႃႉ​ၽဵဝ်ႈ​ယိတ်ႈပလၢင်ႇ​ၶဝ်​ၸိူဝ်း​ၼၼ်ႉ​ပႅတ်ႈ​ဢေႃႈ။ ရုၵ်ႈ​ထူႉ​သၢင်း​ထူႉ​ၶဝ်​ၸိူဝ်း​ၼၼ်ႉ​ၵေႃႈ သူ​တၵ်း​လႆႈ​ဢဝ်​ႁၵ်း​ႁဵၵ်း​တႅၵ်ႇ​လႅဝ်​ပႅတ်ႈ​ဢေႃႈ။ တူၼ်ႈ​ ဢႃႇသရႃႉ ​ၶဝ်​ၸိူဝ်း​ၼၼ်ႉ​ၵေႃႈ တၵ်း​လႆႈ​ၽၼ်း​လူမ်ႉ​ပႅတ်ႈ​ဢေႃႈ။-</verse>
				<verse number="14">မႂ်း​ဢမ်ႇ​လႆႈ​ၵူဝ်း​ၵႂၢႆႇ​ၽြႃး​တၢင်ႇ​သူႇ​တၢင်ႇ​ပႃး။ ထႃႇဝရႃႉ​ၽြႃး​ဢၼ်​လႆႈ​ၸိုဝ်ႈ​လႆႈ​သဵင်​ဝႃႈ၊ ယုမ်ႇ​ငၢႆႈ​လွင်ႈ​ဢၼ် မီး​ဢပႅတ်ႈ၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ၽြႃး​ပဵၼ်​ၸဝ်ႈ​ဢၼ်​ယုမ်ႇ​ငၢႆႈ​လွင်ႈ​ဢၼ်​မီး​ဢပႅတ်ႈ​ဢေႃႈ။-</verse>
				<verse number="15">ၵူဝ်​မႂ်း​တၵ်း​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​ၵူၼ်း​ဝၢၼ်ႈ​ၵူၼ်း​မိူင်း​ၼၼ်ႉ​လႄႈ၊ မိူဝ်ႈ​ဢၼ်​ၶဝ်​ႁဵတ်း​တၢင်း​ဢၼ်​ၽိတ်း​ပိူင်ႈ​လူၺ်ႈ​ၵၼ်​တင်း​ၽြႃး​ၶဝ်​လႄႈ ပုၵ်ႈ​ၸေႃႇ​ယိတ်ႈ​တီႈ​ၽြႃး​ၶဝ်​ၸိူဝ်း​ၼၼ်ႉ​ၸိုင်၊ တၵ်း​ႁွင်ႉ​ဢဝ်​မႂ်း​လႄႈ မႂ်း​ၵေႃႈ​တၵ်း​ၵိၼ်​တူဝ်​ယိတ်ႈ​ၼၼ်ႉ၊-</verse>
				<verse number="16">ဢိၵ်ႇ​တင်း​ၵူဝ်​မႂ်း​တၵ်း​ဢဝ်​လုၵ်ႈ​ယိင်း​ၶဝ် ပၼ်​တီႈ​လုၵ်ႈ​ၸၢႆး​မႂ်း​လႄႈ လုၵ်ႈ​ယိင်း​ၸိူဝ်း​ၼၼ်ႉ​တၵ်း​ႁဵတ်း​တၢင်း​ဢၼ်​ၽိတ်း​ပိူင်ႈ​လူၺ်ႈ​ၵၼ်​တင်း​ၽြႃး​ၶဝ်​လႄႈ ႁႂ်ႈ​လုၵ်ႈ​ၸၢႆး​မႂ်း​တင်း​လၢႆ လႆႈ​ၽိတ်း​ပိူင်ႈ​လူၺ်ႈ​ၵၼ်​တင်း​ၽြႃး​ၸိူဝ်း​ၼၼ်ႉ​ဢေႃႈ။-</verse>
				<verse number="17">ဢမ်ႇ​လႆႈ​သွၼ်း​လေႃႇ​ႁဵတ်း​ၽြႃး​ပုၼ်ႈ​မႂ်း။</verse>
				<verse number="18">မႂ်း​တၵ်း​လႆႈ​ၶၢမ်ႇ​ပွႆး​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ဢေႃႈ။ ၸဵတ်း​ဝၼ်း​တဵမ်​တဵမ် မႂ်း​တၵ်း​လႆႈ​ၵိၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၸွမ်း​ၵႃႈ​ၼင်ႇ​ဢၼ် ၵဝ်​ပိင်း​ၺၢပ်ႈ​ဝႆႉ​ယဝ်ႉ​ၼၼ်ႉ ၵႃႈ​တီႈ​ၶိင်ႇ​ဢၼ် ၵဝ်​ၶၢၼ်း​ဝႆႉ​ၼၼ်ႉ​ၼႂ်း​လိူၼ်​ ဢပီႉပႃႉ ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၼႂ်း​လိူၼ် ဢပီႉပႃႉ ​ၼၼ်ႉ မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ဢေႃႈ။-</verse>
				<verse number="19">လုၵ်ႈ​ၸၢႆး​တူၼ်ႈ​တင်း​သဵင်ႈ​တင်း​လူင် ပဵၼ်​ဢုၵ်ႉ​ၸႃႇ​ၵဝ်​ဢေႃႈ။ ၼႂ်း​တရိၵ်ႈသၢၼ်ႇ​မႂ်း​တင်း​လၢႆ​ၵေႃႈ၊ ဝူဝ်း​သေ​ဢမ်ႇ​ဝႃႈ၊ သူဝ်း​သေ​ဢမ်ႇ​ဝႃႈ၊ ၵႃႈ​ဢၼ်​ပဵၼ်​လုၵ်ႈ​ၸၢႆး​တူၼ်ႈ တင်း​သဵင်ႈ​တင်း​လူင်​ၼၼ်ႉ ပဵၼ်​ဢုၵ်ႉ​ၸႃႇ​ၵဝ်​ဢေႃႈ။-</verse>
				<verse number="20">ၼႂ်း​ဝႃႈ​ၼၼ်​သေ​ၵေႃႈ လုၵ်ႈ​ၸၢႆး​တူၼ်ႈ​လီႈ​ၸိုင်၊ မႂ်း​တၵ်း​လႆႈ​ဢဝ်​တင်း​သူဝ်း​ဢွၼ်ႇ​ထုတ်ႇ​ဢဝ်​ဢေႃႈ။ ပေႃး​မႂ်း​ဢမ်ႇ​ၶႂ်ႈ ထုတ်ႇ​ဢဝ်​ၸိုင် တၵ်း​လႆႈ​ႁၵ်း​ၶေႃး​လီႈ​ဢွၼ်ႇ​ၼၼ်ႉ​ပႅတ်ႈ​ဢေႃႈ။ ၵႃႈ​ဢၼ်​ပဵၼ်​လုၵ်ႈ​ၸၢႆး​တူၼ်ႈ​မႂ်း​တင်း​သဵင်ႈ​တင်း​လူင်​ၸမ်ႉ၊ မႂ်း​တၵ်း​လႆႈ​ထုတ်ႇ​ဢဝ်​ဢေႃႈ။ ၽူႈ​လႂ်​ဢမ်ႇ​လႆႈ​မႃး​ၸူး​ၵႃႈ​တီႈ​ၵဝ်​တိၼ်​လၢႆ​မိုဝ်း​ပဝ်ႇ။</verse>
				<verse number="21">ႁူၵ်း​ဝၼ်း​တဵမ်​တဵမ် မႂ်း​တၵ်း​လႆႈ​ႁဵတ်း​တၢင်း​ႁဵတ်း​ဢေႃႈ။ ဝၼ်း​သတ်ႉတမႃႉ​ၼၼ်ႉ​ၸမ်ႉ၊ မႂ်း​တၵ်း​လႆႈ​ယူႇ​ၼိမ်​ၼိမ်​ဢေႃႈ။ ပဵၼ်​ၶိင်ႇ​ၵႃႇလႃႉ ဢၼ်​ႁဵတ်း​ႁႆႊ​ႁဵတ်း​ၼႃး​သေ​ဢမ်ႇ​ဝႃႈ၊ ပဵၼ်​ၶိင်ႇ​ၵႃႇလႃႉ ဢၼ်​သိမ်း​ဢဝ်​မၢၵ်ႇ​ဢဝ်​ႁူင်း​သေ​ဢမ်ႇ​ဝႃႈ၊ မႂ်း​တၵ်း​လႆႈ​ယူႇ​ၼိမ်​ၼိမ်​ဢေႃႈ။</verse>
				<verse number="22">မႂ်း​တၵ်း​လႆႈ​ၶၢမ်ႇ​ပွႆး​ၸဵတ်း​သတၢင်း​ဢၼ်​ဝႃႈ ၶိင်ႇ​ၵႃႇလႃႉ ဢၼ်​သိမ်း​ဢဝ်​ၶဝ်ႈ​ၵျုင်ႇ​ဢၼ်​ပဵၼ်​မၢၵ်ႇ​ပဵၼ်​ႁူင်း​ဢွၼ်​တၢင်း​ၼၼ်ႉ​ၼၼ်ႉ ဢိၵ်ႇ​တင်း​ပွႆး​ဢၼ်​သိမ်း​ဢဝ်​မၢၵ်ႇ​ဢဝ်​ႁူင်း​ဝႆႉ​မိူဝ်ႈ​ဢၼ်​ပီႊ​ပုတ်ႈ​ပီႊ​လၢႆႈ​ၼၼ်ႉ​ဢေႃႈ။</verse>
				<verse number="23">ၼႂ်း​မႂ်း​ၵႃႈ​ပဵၼ်​ၽူႈ​ၸၢႆး​တင်း​သဵင်ႈ​တင်း​လူင် တၵ်း​လႆႈ​ဢွၼ်​ၵၼ်​ၼႄ​ပျႃး ၼႃႈ​တူဝ်​ၸဝ်ႈ​ၵဝ်ႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ၽြႃး​ပဵၼ်​ၸဝ်ႈ​ဢၼ်​ဝႃႈ ၽြႃး​ပဵၼ်​ၸဝ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ယေႈ​ပီႊ​သၢမ်​ပွၵ်ႈ​ဢေႃႈ။</verse>
				<verse number="24">ၵဝ်​တၵ်း​ႁေႃႈ​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​မႂ်း​လႄႈ ႁႂ်ႈ​တီႈ​ဢၼ်​မႂ်း​ယူႇ​ၼၼ်ႉ ယႂ်ႇ​လီ​ၵႂၢင်ႈ​လီ​ဢေႃႈ။ မိူဝ်ႈ​ဢၼ်​မႂ်း​ၵႂႃႇ​ၼႄ​ပျႃး​ၼႃႈ​မႂ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ယေႈ​ပီႊ​သၢမ်​ပွၵ်ႈ​ၼၼ်ႉ​ၸိုင်၊ ၽူႈ​လႂ်​ဢမ်ႇ​လႆႈ​ၸႂ်​ၸပ်း​ၸႂ်​ၸွႆး​ၵႂၢၵ်ႈ​လိၼ်​မႂ်း။</verse>
				<verse number="25">မႂ်း​ဢမ်ႇ​လႆႈ​ဢဝ်​လိူတ်ႈ​တူဝ်​ယိတ်ႈ​ၵဝ် လေႃး​ၵၼ်​တင်း​ၸိူဝ်ႉ​ပႅင်ႈ​လႄႈ ပုၵ်ႈ​ၸေႃႇ​တူဝ်​ယိတ်ႈ။ ပွႆး​ ပႃႉသၶႃႇ ​ၵေႃႈ ဢမ်ႇ​လႆႈ​ဝႆႉ​ၵိုတ်း တေႃႇ​ထိုင်​ႁွတ်ႈ ၶိင်ႇ​ၵၢင်​ၼႂ်။</verse>
				<verse number="26">မႂ်း​တၵ်း​လႆႈ​ဢဝ်​ဢၼ်​ဢွၼ်​တၢင်း​သုတ်း​ပိူၼ်ႈ ၵႃႈ​ၼႂ်း​မၢၵ်ႇ​ၼႂ်း​ႁူင်း ဢၼ်​မၢၵ်ႇ​ဢွၼ်​တၢင်း​ၵႃႈ​တီႈ​လိၼ်​မႂ်း​ၼၼ်ႉ မႃး​သႂၢင်း​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။ မႂ်း​ဢမ်ႇ​လႆႈ​ဢဝ်​ပႄႉ​ဢွၼ်ႇ​တူမ်ႈ​ႁုင်​ၼႂ်း​ၼမ်ႉ​ၼူမ်း​မႄႈ​မၼ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ထႃႇဝရႃႉ​ၽြႃး​သမ်ႉ​လၢတ်ႈ​တီႈ​ မူဝ်းသေႇ ​ထႅင်ႈ​လႄႈ​ဝႃႈ၊ တႅမ်ႈ​ၵႂၢမ်း​ၸိူဝ်း​ၼႆႉ​ဝႆႉ​တႃႉ။ ၵဝ်​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​မႂ်း​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸွမ်း​ၵႃႈ​ၼင်ႇ​ဢၼ် ၵႂၢမ်း​ၸိူဝ်း​ၼႆႉ​မႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">မၼ်း​ၼၼ်ႉ​ယင်း​ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း၊ ယင်း​ဢမ်ႇ​ၵိၼ်​ၼမ်ႉ​လႄႈ ယူႇ​ၵႃႈ​တီႈ​ၼၼ်ႈ​လူၺ်ႈ​ၵၼ်​တင်း ထႃႇဝရႃႉ​ၽြႃး သီႇ​သိပ်း​ဝၼ်း​တဵမ်​တဵမ်​ဢေႃႈ။ မၼ်း​ၸဝ်ႈ​တႅမ်ႈ​ၵႂၢမ်း​ပတီႉၺိၺ်ႇ​ဢၼ်​ဝႃႈ၊ ပိင်း​ၺၢပ်ႈ​သိပ်း​ပိူင်​ၼၼ်ႉ ဝႆႉ​ၵႃႈ​ၼိူဝ်​ၶႅပ်း​မၢၵ်ႇ​ႁိၼ်​ၸိူဝ်း​ၼၼ်ႉ​ဢေႃႈ။</verse>
				<verse number="29">မိူဝ်ႈ​ဢၼ်​ မူဝ်းသေႇ ယိပ်း​ၵမ်​ဢဝ်​ၶႅပ်း​မၢၵ်ႇ​ႁိၼ် ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​သွင်​ၽႅၼ်ႇ​ၼၼ်ႉ​လႄႈ လုၵ်ႉ​သေ​ၵႃႈ​ၼိူဝ် လွႆ​ သီႉၼႃႉ လူင်း​မႃး​ၼၼ်ႉ​ၸိုင်၊ မူဝ်းသေႇ ​ဢမ်ႇ​ႁူႉ​လွင်ႈ​ဢၼ်​ၽိဝ်​ၼိူဝ်ႉ​ၽိဝ်​ၼင်​ၼႃႈ​မၼ်း ႁိူဝ်ႈ​ႁိူင်း​ပိူင်း​သႂ်​ၵွပ်ႈ​ပိူဝ်ႈ​ဢၼ် မၼ်း​ၸဝ်ႈ​လၢတ်ႈ​တေႃႇ​မၼ်း​ၼၼ်ႉ။</verse>
				<verse number="30">မိူဝ်ႈ​ဢၼ်​ ဢႃႇရုၼ်ႇ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁၼ်​ မူဝ်းသေႇ ​ၼၼ်ႉ​ၸိုင်၊ ၵွပ်ႈ​ပိူဝ်ႈ​ဢၼ်​ၽိဝ်​ၼိူဝ်ႉ​ၽိဝ်​ၼင်​ၼႃႈ​မၼ်း ႁိူဝ်ႈ​ႁိူင်း​ပိူင်း​သႂ်​ဝႆႉ​ၼၼ်ႉ​လႄႈ၊ ၶဝ်​ဢမ်ႇ​ႁတ်း​သုတ်ႉ​ၸပ်း​သုတ်ႉ​ၸူး​တီႈ​မၼ်း။-</verse>
				<verse number="31">မူဝ်းသေႇ ​ႁွင်ႉ​ဢဝ်​ၶဝ်​လႄႈ၊ ဢႃႇရုၼ်ႇ ​တင်း​ၵူၼ်း​ယႂ်ႇ​ၵူၼ်း​လူင်​ပရဵၵ်ႈသၢတ်ႈ​တင်း​လၢႆ​ၼၼ်ႉ သုတ်ႉ​ၸပ်း​သုတ်ႉ​ၸူး​တီႈ​မၼ်း​သေ​ယဝ်ႉ၊ မူဝ်းသေႇ ​လၢတ်ႈ​တေႃႇ​ၶဝ်​ၼၼ်ႉ​ဢေႃႈ။-</verse>
				<verse number="32">လိုၼ်း​ၼၼ်ႉ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် သုတ်ႉ​ၸပ်း​သုတ်ႉ​ၸူး​လႄႈ မၼ်း​မွၵ်ႇ​လၢတ်ႈ​ၵႃႈ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ဝႆႉ ၵႃႈ​ၼိူဝ်​လွႆ​ သီႉၼႃႉ ​ၼၼ်ႉ​တီႈ​ၶဝ်​ဢေႃႈ။-</verse>
				<verse number="33">မူဝ်းသေႇ ​ၼၼ်ႉ ၸူဝ်ႈ​ဢၼ်​မၼ်း​ယင်း​တိုၵ်ႉ​ႁေႃး​လၢတ်ႈ​တီႈ​ၶဝ်​ယူႇ​လႄႈ ဢမ်ႇ​ပႆႇ​ယဝ်ႉ​ပႆႇ​တူဝ်ႈ​ၼၼ်ႉ​ၸိုင်၊ ဢဝ်​ၶိူင်ႈ​ဢၼ်​ႁူမ်ႇ​ၼႃႈ ႁူမ်ႇ​ၼႃႈ​မၼ်း​ဝႆႉ​ဢေႃႈ။-</verse>
				<verse number="34">မိူဝ်ႈ​ဢၼ်​ မူဝ်းသေႇ ၶဝ်ႈ​ၸူး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ႁႂ်ႈ​လႆႈ​လဝ်ႊ​လၢတ်ႈ​တီႈ​မၼ်း​ၸဝ်ႈ​ၼၼ်ႉ​ၸိုင်၊ မၼ်း​ထွတ်ႇ​ၶိူင်ႈ ဢၼ်​ႁူမ်ႇ​ၼႃႈ​ၼၼ်ႉ​ဝႆႉ​တေႃႇ​ထိုင်​ႁွတ်ႈ မိူဝ်ႈ​ဢၼ်​မၼ်း​ဢွၵ်ႇ​မႃး​ၼၼ်ႉ​ဢေႃႈ။ မၼ်း​သမ်ႉ​ဢွၵ်ႇ​မႃး​လႄႈ မွၵ်ႇ​လၢတ်ႈ​လွင်ႈ​တၢင်း​ဢၼ် မၼ်း​လႆႈ​ၶၢမ်ႇ​ဢမိင်ႉ​ၸဝ်ႈ​ၼၼ်ႉ တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="35">မိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ႁၼ်​ၼႃႈ​ မူဝ်းသေႇ ​လွင်ႈ​ဢၼ်​ၽိဝ်​ၼိူဝ်ႉ​ၽိဝ်​ၼင်​ၼႃႈ​ မူဝ်းသေႇ ႁိူဝ်ႈ​ႁိူင်း​ပိူင်း​သႂ်​ဝႆႉ​ၼၼ်ႉ​ၸိုင်၊ မူဝ်းသေႇ ​သမ်ႉ​ဢဝ်​ၶိူင်ႈ​ဢၼ်​ႁူမ်ႇ​ၼႃႈ ႁူမ်ႇ​ၼႃႈ​မၼ်း​ဝႆႉ​တေႃႇ​ထိုင်​ႁွတ်ႈ မိူဝ်ႈ​ဢၼ်​မၼ်း သမ်ႉ​ၶိုၼ်း​ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ ႁႂ်ႈ​လႆႈ​လၢတ်ႈ​တေႃႇ​မၼ်း​ၸဝ်ႈ​ၼၼ်ႉ​ဢေႃႈ။</verse>
			</chapter>
			<chapter number="35">
				<verse number="1">မူဝ်းသေႇ ​ႁႂ်ႈ​ပရဵၵ်ႈသၢတ်ႈ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​လႄႈ မွၵ်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ၵႂၢမ်း​ဢၼ်​ထႃႇဝရႃႉ​ၽြႃး​မီး​ဢမိင်ႉ​ဝႆႉ​တီႈ​သူ ႁႂ်ႈ​သူ​လႆႈ​ၵမ်​လႆႈ​ၵျၢင်ႉ​ၸမ်ႉ၊-</verse>
				<verse number="2">ႁူၵ်း​ဝၼ်း​တဵမ်​တဵမ်​တၵ်း​လႆႈ​ဢွၼ်​ၵၼ်​ႁဵတ်း​တၢင်း​ႁဵတ်း​ဢေႃႈ။ ဝၼ်း​သတ်ႉတမႃႉ​ၸမ်ႉ၊ တၵ်း​လႆႈ​ပဵၼ်​ဝၼ်း​ဢၼ်​မူတ်း​ၸၢင်ႇ​တီႈ​သူ၊ ဝၼ်း​ၵမ်​သိၼ် ဢၼ်​တၵ်း​လႆႈ​ယူႇ​ၼိမ်​ၼိမ် ပုၼ်ႈ​ထႃႇဝရႃႉ​ၽြႃး​ဢေႃႈ။ ၵေႃႉ​ဢၼ်​ႁဵတ်း​တၢင်း​ႁဵတ်း ၼႂ်း​ဝၼ်း​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​တၢႆ​ဢေႃႈ။-</verse>
				<verse number="3">ၼႂ်း​ဝၼ်း​ဢၼ်​ၵမ်​သိၼ်​သူ​ဢမ်ႇ​လႆႈ​သႂ်ႇ​ၽႆး ၵႃႈ​ၼႂ်း​တီႈ​ဢၼ်​သူ​ယူႇ​ၵူႈ​တီႈ​ၵူႈ​လႅၼ်​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">ၵမ်း​ၼၼ်ႉ မူဝ်းသေႇ ​သမ်ႉ​မွၵ်ႇ​လၢတ်ႈ​တီႈ ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ​ဝႃႈ၊ ဢၼ်​ထႃႇဝရႃႉ​ၽြႃး မီး​ဢမိင်ႉ​ၸဝ်ႈ​ဝႆႉ​ၸမ်ႉ၊-</verse>
				<verse number="5">ၼႂ်း​သူ​ၼႆႉ ဢွၼ်​ၵၼ်​မႄး​ႁႅၼ်း​တၢင်း​လူႇ​တၢင်း​တၢၼ်း​ပုၼ်ႈ​ထႃႇဝရႃႉ​ၽြႃး​ဝႆႉ​တႃႉ။ ႁႂ်ႈ​ၶဝ်​ၵႃႈ​ဢၼ်​မီး ၸႂ်​ၸေႇတၼႃႇ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ဢဝ်​တၢင်း​လူႇ​တၢင်း​တၢၼ်း​ပုၼ်ႈ​ထႃႇဝရႃႉ​ၽြႃး ဢၼ်​ဝႃႈ​ၶမ်း၊ ငိုၼ်း၊ တွင်း​လိူင်၊-</verse>
				<verse number="6">ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်၊ ပိၵ်ႈ​ၶျေႃး၊ ၶူၼ်​ပႄႉ၊-</verse>
				<verse number="7">ၼင်​သူဝ်း​ဢၼ်​ယွမ်ႉ​လႅင်၊ ၼင်​ တႁႃႇသႃႉ ၊ မႆႉ​ ဢၵႃႇသႃႉ ၊-</verse>
				<verse number="8">ၼမ်ႉ​မၼ်း​ပုၼ်ႈ​ဢၼ်​တၵ်း​တႆႈ၊ ၼၢမ်ႇ​သႃႇ​ပုၼ်ႈ​ဢၼ်​တၵ်း​ၽေႃႇ​ႁဵတ်း​ၼမ်ႉ​မၼ်း​ဢၼ်​တႃး၊ ၼၢမ်ႇ​သႃႇ​ပုၼ်ႈ​ဢၼ်​တၵ်း​ၽေႃႇ​ႁဵတ်း ဢၼ်​ႁွမ်​ဢၼ်​ႁူၺ်း​ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="9">သႅင်​ၸၢႆး​ၶႃး​ယွတ်ႇ ဢိၵ်ႇ​တင်း​သႅင်​မျၢတ်ႈ​ပုၼ်ႈ​ဢၼ်​တၵ်း​ၶပ်ႉ​ၸီႇ ၵႃႈ​တီႈ​သိူဝ်ႈ​သုပ်း​တင်း​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ​မႃး​တႃႉ။</verse>
				<verse number="10">ၼႂ်း​သူ​ၼႆႉ ႁႂ်ႈ​ၶဝ်​ၵႃႈ​ဢၼ်​ၸႂ်​လၵ်း​ၸႂ်​လႅမ်​တင်း​သဵင်ႈ​တင်း​လူင်​မႃး​လႄႈ ဢွၼ်​ၵၼ်​ႁဵတ်း​ၵႃႈ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​ဢၼ်​ဝႃႈ၊-</verse>
				<verse number="11">သုမ်ႉ​ထဵင်​ၸဝ်ႈ​တင်း​မူဝ်းၵႃႇ​မၼ်း၊ ဢၼ်​ႁူမ်ႇ​မၼ်း၊ ၶေႃ​မၼ်း​လႂ်၊ ပႅၼ်ႈ​မၼ်း​လႂ်၊ သႄႈ​မၼ်း​လႂ်၊ သဝ်​မၼ်း​လႂ်၊ တီႈ​သုပ်း​တိၼ်​မၼ်း​လႂ်​ၸိူဝ်း​ၼၼ်ႉ၊-</verse>
				<verse number="12">ဢိၵ်ႇ​တင်း​တိူၵ်ႈ​တႃႇ​ၸဝ်ႈ တင်း​ၵၢၼ်း​ႁၢပ်ႇ​မၼ်း​လႂ်၊ ပလၢင်ႇ​တီႈ​ၽေႇ​ဢပႅတ်ႈ​ၸဝ်ႈ၊ ၽႃႈ​ၵင်ႈ​ဢၼ်​တၵ်း​လႆႈ​ၵင်ႈ​ၼၼ်ႉ၊-</verse>
				<verse number="13">ဢိၵ်ႇ​တင်း​ၶူင်ႇ​တီႈ​ၵိၼ်​တင်း​ၵၢၼ်း​ႁၢပ်ႇ​မၼ်း​လႂ်၊ ၶိူင်ႈ​မၼ်း ၵႃႈ​မီး​တင်း​သဵင်ႈ​တင်း​လူင် တင်း​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ၊-</verse>
				<verse number="14">ဢိၵ်ႇ​တင်း​ၶူင်ႇ​တီႈ​တႆႈ​ၽႆး ပုၼ်ႈ​ဢၼ်​တၵ်း​တႆႈ​ၽႆး​တင်း​ၶိူင်ႈ​မၼ်း​လႂ်၊ ဝၢၼ်ႇ​တႆႈ​ၽႆး​မၼ်း​လႂ်၊ ၼမ်ႉ​မၼ်း​ပုၼ်ႈ​ဢၼ်​တၵ်း​တႆႈ​မၼ်း၊-</verse>
				<verse number="15">ဢိၵ်ႇ​တင်း​ယိတ်ႈပလၢင်ႇ​တီႈ​ဢၼ်​တၵ်း​တုတ်ႇ​ၽႆး​ၼၢမ်ႇ​သႃႇ တင်း​ၵၢၼ်း​ႁၢပ်ႇ​မၼ်း​လႂ်၊ ၼမ်ႉ​မၼ်း​ပုၼ်ႈ​ဢၼ်​တၵ်း​တႃး၊ ၼၢမ်ႇ​သႃႇ​ဢၼ်​ႁွမ်​ဢၼ်​ႁူၺ်း၊ ၽႃႈ​ၵင်ႈ​ပုၼ်ႈ​ဢၼ်​တၵ်း​ၵင်ႈ ၵႃႈ​တီႈ​ၽၵ်း​တူ​သုမ်ႉ​ထဵင်​ၸဝ်ႈ၊-</verse>
				<verse number="16">ဢိၵ်ႇ​တင်း​ယိတ်ႈပလၢင်ႇ​တီႈ​ဢၼ်​တုတ်ႇ​ၽႆး တူဝ်​ယိတ်ႈ​တင်း​တႃ​ၶႃႇ တွင်း​လိူင်​မၼ်း၊ ၵၢၼ်း​ႁၢပ်ႇ​မၼ်း​လႂ်၊ ၶိူင်ႈ​မၼ်း​ၵႃႈ​မီး​တင်း​သဵင်ႈ​တင်း​လူင်၊ ၵွၵ်း​လူင်​တင်း​တိၼ်​မၼ်း၊-</verse>
				<verse number="17">ဢိၵ်ႇ​တင်း​ၽႃႈ​ၵင်ႈ​ဝၢင်း​သုမ်ႉ​ထဵင်​ၸဝ်ႈ​လႂ်၊ သဝ်​မၼ်း​လႂ်၊ တီႈ​သုပ်း​တိၼ်​မၼ်း​လႂ်၊ ၽႃႈ​ၵင်ႈ​ပုၼ်ႈ​ဢၼ်​တၵ်း​ၵင်ႈ​ၽၵ်း​တူ​ဝၢင်း၊-</verse>
				<verse number="18">ဢိၵ်ႇ​တင်း​လၵ်း​သုမ်ႉ​ထဵင်​ၸဝ်ႈ​လႂ်၊ လၵ်း​ဢၼ်​ၸၢပ်ႈ​သႅင်ႇ​ၵၼ်​တင်း​ဝၢင်း​မၼ်း​လႂ်၊ ၸိူၵ်ႈ​မၼ်း​လႂ်၊-</verse>
				<verse number="19">ဢိၵ်ႇ​တင်း​ၶူဝ်း​ၼုင်ႈ​ၶူဝ်း​မႆ ပုၼ်ႈ​ဢၼ်​တၵ်း​ၵိုတ်ႉ​ႁၢပ်ႇ​ဢမူႉ​ၸဝ်ႈ ၵႃႈ​တီႈ​ထႃႇၼႃႉ​တီႈ​မူတ်း​ၸၢင်ႇ၊ ၶူဝ်း​ၼုင်ႈ​ၶူဝ်း​မႆ​ဢၼ်​မူတ်း​ၸၢင်ႇ ပုၼ်ႈ​ဢၼ်​ယိတ်ႈပရေႃးႁဵၵ်ႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​တင်း​လၢႆ တၵ်း​ၼုင်ႈ​တၵ်း​မႆ ၼႂ်း​မိူဝ်ႈ​ဢၼ် ၶဝ်​ပွင်​ႁဵတ်း​ဢမူႉ ယိတ်ႈပရေႃးႁဵၵ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ဢွၼ်​ၵၼ်​ဢွၵ်ႇ​သေ​ၵႃႈ​တီႈ​ မူဝ်းသေႇ ​လႄႈ၊-</verse>
				<verse number="21">ၵေႃႉ​ဢၼ်​ႁူဝ်​ၸႂ်​မၼ်း တိုၵ်း​ယူင်း​မၼ်း၊ ၵေႃႉ​ဢၼ်​မီး​ၸႂ်​ၸေႇတၼႃႇ ၵႃႈ​မီး​တင်း​သဵင်ႈ​တင်း​လူင် ဢွၼ်​ၵၼ်​ပႃး​ဢဝ်​တၢင်း​လူႇ​တၢင်း​တၢၼ်း​ပုၼ်ႈ​ထႃႇဝရႃႉ​ၽြႃး၊ ပုၼ်ႈ​ဢၼ်​တၵ်း​ႁဵတ်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ၊ ပုၼ်ႈ​ဢၼ်​တၵ်း​ၵိုတ်ႉ​ႁၢပ်ႇ​ဢမူႉ​ၸဝ်ႈ၊ ပုၼ်ႈ​ၶူဝ်း​ၼုင်ႈ​ၶူဝ်း​မႆ​ဢၼ်​မူတ်း​ၸၢင်ႇ​လႄႈ​မႃး​ဢေႃႈ။-</verse>
				<verse number="22">ၵူၼ်း​ၸၢႆး​ၵူၼ်း​ယိင်း​ၶဝ်​ၸိူဝ်း​ဢၼ် မီး​ၸႂ်​ၸေႇတၼႃႇ​ၼၼ်ႉ ဢွၼ်​ၵၼ်​ပႃး​ဢဝ်​ဝႅၼ်၊ သွႆႈ​ၶမ်း​ႁွႆႈ​ၶူႈ​လင်၊ မွင်း​ၵူၺ်း၊ ၶိူဝ်း​မၢၵ်ႇ​ပူး​တီး၊ ၶိူင်ႈ​ၶမ်း​ၵႃႈ​မီး​တင်း​သဵင်ႈ​တင်း​လူင်​မႃး​လႄႈ၊ ၶဝ်​ၸိူဝ်း​ဢၼ်​လူႇ​ဢၼ်​တၢၼ်း​ၼၼ်ႉ ႁင်း​ၽႂ်​ႁင်း​မၼ်း လူႇ​တၢၼ်း​ၶမ်း​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="23">ၶဝ်​ၸိူဝ်း​ဢၼ်​မီး​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်၊ ပိၵ်ႈ​ၶျေႃး၊ ၶူၼ်​သူဝ်း၊ ၼင်​သူဝ်း​ပေႃႈ​ဢၼ်​ယွမ်ႉ​လႅင်၊ ၼင်​ တႁႃႇသႃႉ ​ၼၼ်ႉ​ၵေႃႈ ပႃး​ဢဝ်​မႃး​ၵူႈ​ၵေႃႉ​ၵူႈ​ၵူၼ်း​ဢေႃႈ။-</verse>
				<verse number="24">ၶဝ်​ၸိူဝ်း​ဢၼ်​လူႇ​ငိုၼ်း၊ တွင်း​လိူင်​ၼၼ်ႉ​ၵေႃႈ၊ ၵူႈ​ၵေႃႉ​ၵူႈ​ၵူၼ်း​ဢွၼ်​ၵၼ်​လူႇ​တၢၼ်း​တီႈ​ထႃႇဝရႃႉ​ၽြႃး​ဢေႃႈ။ ၶဝ်​ၸိူဝ်း​ဢၼ်​မီး​မႆႉ​ ဢၵႃႇသႃႉ ​ပုၼ်ႈ​ဢၼ် တၵ်း​ႁဵတ်း​တၢင်း​ႁဵတ်း​ဢၼ်​ၸၢပ်ႈ​သႅင်ႇ​ၵၼ်​တင်း​ဢမူႉ​ၸဝ်ႈ​ၼၼ်ႉ​ၵေႃႈ ဢွၼ်​ၵၼ်​ပႃး​ဢဝ်​မႃး ၵူႈ​ၵေႃႉ​ၵူႈ​ၵူၼ်း​ဢေႃႈ။-</verse>
				<verse number="25">မႄႈ​ယိင်း​ဢၼ်​မေႃ​တေႃး​ႁုၵ်ႇ​တင်း​သဵင်ႈ​တင်း​လူင်​ၵေႃႈ၊ ဢွၼ်​ၵၼ်​ဢဝ်​မိုဝ်း​တူဝ်​ၸဝ်ႈ​ၵဝ်ႇ​တေႃး​လႄႈ ပႃး​ဢဝ်​ၵႃႈ​ဢၼ် ၶဝ်​တေႃး​တင်း​သဵင်ႈ​တင်း​လူင်​ဢၼ်​ဝႃႈ၊ ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်၊ ပိၵ်ႈ​ၶျေႃး​ၼၼ်ႉ​မႃး​ဢေႃႈ။-</verse>
				<verse number="26">မႄႈ​ယိင်း​ဢၼ်​ၺၢၼ်ႇ​ႁူဝ်​ၸႂ်​ၶဝ် တိုၵ်း​ယူင်း​ၶဝ်​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​တေႃး​ၶူၼ်​ပႄႉ​ဢေႃႈ။-</verse>
				<verse number="27">ၵူၼ်း​ယႂ်ႇ​ၵူၼ်း​လူင်​ၵေႃႈ ဢွၼ်​ၵၼ်​ပႃး​ဢဝ်​သႅင်​ၸၢႆး​ၶႃး​ယွတ်ႇ တင်း​သႅင်​ပုၼ်ႈ​တၵ်း​ၶပ်ႉ​ၸီႇ​ၵႃႈ​တီႈ​သိူဝ်ႈ​သုပ်း တင်း​ၶိူင်ႈ​ဝႆ​ၼႃႈ​ဢူၵ်း၊-</verse>
				<verse number="28">ဢိၵ်ႇ​တင်း​ၼမ်ႉ​မၼ်း​ပုၼ်ႈ​ဢၼ်​တၵ်း​တႆႈ၊ ၼၢမ်ႇ​သႃႇ​ပုၼ်ႈ​ဢၼ်​တၵ်း​ၽေႃႇ​ႁဵတ်း​ၼမ်ႉ​မၼ်း​ဢၼ်​တႃး၊ ၼၢမ်ႇ​သႃႇ​ပုၼ်ႈ​ဢၼ်​တၵ်း​ၽေႃႇ​ႁဵတ်း​ဢၼ်​ႁွမ်​ဢၼ်​ႁူၺ်း ပုၼ်ႈ​ဢၼ်​တၵ်း​တုတ်ႇ​ၽႆး​ၼၼ်ႉ​မႃး​ဢေႃႈ။-</verse>
				<verse number="29">ၼင်ႇ​ၼၼ်​လႄႈ ၵူၼ်း​ယိင်း​ၵူၼ်း​ၸၢႆး​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ၶဝ်​ၸိူဝ်း​ဢၼ် ၸႂ်​ၸေႇတၼႃႇ​တိုၵ်း​ယူင်း​ၶဝ်​ႁႂ်ႈ​လႆႈ​ပႃး​ဢဝ်​ပုၼ်ႈ တၢင်း​ႁဵတ်း​တၢင်း​သၢင်ႈ​ၵူႈ​ၸိူဝ်ႉ​ၵူႈ​ပိူင် ၵႃႈ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဢၢပ်ႈ​ဝႆႉ​ၼႂ်း​မိုဝ်း မူဝ်းသေႇ ​ၼၼ်ႉ​မႃး​ၼၼ်ႉ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ မီး​တင်း​ၸႂ်​ၸေႇတၼႃႇ​လူႇ​တၢၼ်း​တီႈ​ထႃႇဝရႃႉ​ၽြႃး​ဢေႃႈ။</verse>
				<verse number="30">ၵမ်း​ၼၼ်ႉ မူဝ်းသေႇ ​သမ်ႉ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ထွမ်ႇ​လူး၊ ထႃႇဝရႃႉ​ၽြႃး ႁွင်ႉ​ဢဝ်​ၸိုဝ်ႈ​ဢဝ်​သဵင်​ ပေႇၸလေႇလႃႉ လုၵ်ႈ​ၸၢႆး​ ဢူႉရီႉ ဢၼ်​ပဵၼ်​လုၵ်ႈ​ၸၢႆး​ ႁူႉရႃႉ ၊ ၵႃႈ​ၼႂ်း​ၸိူဝ်ႉ​ၶိူဝ်း​ ယူႉတႃႉ ​ၼၼ်ႉ​ဝႆႉ​ဢေႃႈ။-</verse>
				<verse number="31">မၼ်း​ၸဝ်ႈ​ႁႂ်ႈ​မၼ်း​ပျေႉ​ၸုမ်ႇ​တင်း​ဝီႉၺိၺ်ႇ​ၽြႃး​ပဵၼ်​ၸဝ်ႈ ၼႂ်း​ၺၢၼ်ႇ၊ ၼႂ်း​ပိင်ႇ​ၺႃႇ၊ ၼႂ်း​ဢတၢတ်ႈ​ဢၼ်​ၸၢင်ႈ​ဢၼ်​မေႃ၊ ၼႂ်း​တၢင်း​ႁဵတ်း​ဢၼ်​ၸၢင်ႈ​ႁဵတ်း ၵူႈ​ၸိူဝ်ႉ​ၵူႈ​ပိူင်၊-</verse>
				<verse number="32">ႁႂ်ႈ​မၼ်း​လႆႈ​မီး​တၢင်း​ဢၼ်​ၸၢင်ႈ​ၵျၢမ်ႇ​ၸၢင်ႈ​ပွင် လွင်ႈ​တၢင်း​ဢၼ်​လၢၵ်ႇ​လၢၵ်ႇ​လၢႆး​လၢႆး​ၵူႈ​ၸိူဝ်ႉ​ၵူႈ​မဵဝ်း၊ ဢတၢတ်ႈ​ဢၼ်​ႁဵတ်း​လူၺ်ႈ​ၶမ်း၊ ႁဵတ်း​လူၺ်ႈ​ငိုၼ်း၊ ႁဵတ်း​လူၺ်ႈ​တွင်း​လိူင်၊-</verse>
				<verse number="33">ဢတၢတ်ႈ​ဢၼ်​သူၺ်း​သႅင်​လႄႈ​ၸီႇ၊ ဢတၢတ်ႈ​ဢၼ်​မေႃ​တွင်ႈ​မေႃ​ၶၵ်း​ၵႃႈ​တီႈ​မႆႉ၊ ဢတၢတ်ႈ​ဢၼ်​ၸၢင်ႈ​ႁဵတ်း လွင်ႈ​တၢင်း​ဢၼ်​လၢၵ်ႇ​လၢၵ်ႇ​လၢႆး​လၢႆး​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ယဝ်ႉ။-</verse>
				<verse number="34">မၼ်း​ၸဝ်ႈ​ပၼ်​ၺၢၼ်ႇ​တီႈ​မၼ်း​ၼၼ်ႉ ႁႂ်ႈ​မၼ်း​ဢိၵ်ႇ​လူၺ်ႈ​ၵၼ်​တင်း​ ဢႁေႃႇလျႃႇၽႃႉ လုၵ်ႈ​ၸၢႆး​ ဢႁီႉသမၵ်ႉ ၼႂ်း​ၸိူဝ်ႉ​ၶိူဝ်း​ တၢၼ်ႇ ​ၼၼ်ႉ လႆႈ​ႁဵတ်း​သြႃႇ​သွၼ်​ပၼ်​တီႈ​ပိူၼ်ႈ​ယဝ်ႉ။-</verse>
				<verse number="35">မၼ်း​ၸဝ်ႈ​ႁႂ်ႈ​ၶဝ်​ၼၼ်ႉ ပျေႉ​ၸုမ်ႇ​တင်း​ၺၢၼ်ႇ​ပိင်ႇ​ၺႃႇ ႁႂ်ႈ​မေႃ​ႁဵတ်း​တၢင်း​ႁဵတ်း ၵူၼ်း​ဢၼ်​မေႃ​တွင်ႈ​မေႃ​ၶၵ်း၊ တၢင်း​ႁဵတ်း​လၢၵ်ႈသမႃး​ဢၼ်​လၢၵ်ႇ​လၢၵ်ႇ​လၢႆး​လၢႆး၊ တၢင်း​ႁဵတ်း​ၵေႃႉ​ဢၼ်​မေႃ​ဢဝ်​တင်း​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်၊ ပိၵ်ႈ​ၶျေႃး​ႁၢင်ႈ​ၶိူင်ႈ​ႁဵတ်း၊ တၢင်း​ႁဵတ်း​ၵေႃႉ​ဢၼ်​မေႃ​တေႃး​ႁုၵ်ႇ၊ တၢင်း​ႁဵတ်း​ၵေႃႉ​ဢၼ်​ၸၢင်ႈ​မေႃ​ၵူႈ​ၸိူဝ်ႉ​ၵူႈ​ပိူင်၊ တၢင်း​ႁဵတ်း​ၵေႃႉ​ဢၼ် ၸၢင်ႈ​ၵျၢမ်ႇ​ၸၢင်ႈ​ပွင် လွင်ႈ​တၢင်း​ဢၼ်​လၢၵ်ႇ​လၢၵ်ႇ​လၢႆး​လၢႆး​ၸိူဝ်း​ၼၼ်ႉ ၵူႈ​ၸိူဝ်ႉ​ၵူႈ​မဵဝ်း​ဢေႃႈ။</verse>
			</chapter>
			<chapter number="36">
				<verse number="1">ၼင်ႇ​ၼၼ်​လႄႈ ပေႇၸလေႇလႃႉ တင်း​ ဢႁေႃႇလျႃႇၽႃႉ ဢိၵ်ႇ​တင်း​ၵူၼ်း​ဢၼ်​မီး​ပိင်ႇ​ၺႃႇ​ၵႃႈ​ၼႂ်း​ၸႂ်​တင်း​သဵင်ႈ​တင်း​လူင် ဢၼ်​ထႃႇဝရႃႉ​ၽြႃး ဢဝ်​ၺၢၼ်ႇ​ပိင်ႇ​ၺႃႇ​သႂၢင်း​သႂ်ႇ ၵႃႈ​ၼႂ်း​ႁူဝ်​ၸႂ်​ႁႂ်ႈ​မေႃ​ႁဵတ်း​တၢင်း​ႁဵတ်း​ၵူႈ​ၸိူဝ်ႉ​ၵူႈ​ပိူင် ပုၼ်ႈ​ဢၼ်​တၵ်း​ပွင်​ႁဵတ်း​ဢမူႉ​ၸဝ်ႈ ၼႂ်း​ထႃႇၼႃႉ တီႈ​မူတ်း​ၸၢင်ႇ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ်​ႁဵတ်း​ဢေႃႈ။</verse>
				<verse number="2">ၵမ်း​ၼၼ်ႉ​ မူဝ်းသေႇ ​ႁွင်ႉ​ဢဝ်​ ပေႇၸလေႇလႃႉ၊ ဢႁေႃႇလျႃႇၽႃႉ ​တင်း​ၵူၼ်း​ဢၼ်​မီး​ပိင်ႇ​ၺႃႇ​ၵႃႈ​ၼႂ်း​ၸႂ် ဢၼ်​ထႃႇဝရႃႉ​ၽြႃး ဢဝ်​ၺၢၼ်ႇ​သႂၢင်း​သႂ်ႇ ၵႃႈ​ၼႂ်း​ႁူဝ်​ၸႂ်​လႄႈ​မီး​ၸႂ်​ၸေႇတၼႃႇ ဢၼ်​ၶႂ်ႈ​မႃး​လႄႈ​ႁဵတ်း တၢင်း​ႁဵတ်း​ၸိူဝ်း​ၼၼ်ႉ​တင်း​သဵင်ႈ​တင်း​လူင် ၼၼ်ႉ​မႃး​သေ​ယဝ်ႉ၊-</verse>
				<verse number="3">ၶဝ်​ၼၼ်ႉ ဢွၼ်​ၵၼ်​ၶၢမ်ႇ​ဢဝ်​တၢင်း​လူႇ​တၢင်း​တၢၼ်း ၵႃႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢဝ်​မႃး​ၼၼ်ႉ ၵႃႈ​တီႈ​မိုဝ်း မူဝ်းသေႇ ႁႂ်ႈ​လႆႈ​သၢင်ႈ​ႁဵတ်း​ထႃႇၼႃႉ​တီႈ​မူတ်း​ၸၢင်ႇ ဢိၵ်ႇ​တင်း​ၶိူင်ႈ​ပိူင်​ပုၼ်ႈ​ဢၼ်​တၵ်း​ၵိုတ်ႉ​ႁၢပ်ႇ ဢမူႉ​ၸဝ်ႈ​ၸိူဝ်း​ၼၼ်ႉ​ဢေႃႈ။ ၵူၼ်း​ထၢပ်ႈ​လႄႈ ဢဝ်​တၢင်း​လူႇ​တၢင်း​တၢၼ်း​ဢၼ်​ပႃး​တင်း​ၸႂ်​ၸေႇတၼႃႇ​လူႇ​တၢၼ်း​ၼၼ်ႉ မႃး​ထႅင်ႈ​ယူႇ​ၵူႈ​ၼႂ်​ဢေႃႈ။-</verse>
				<verse number="4">မိူဝ်ႈ​ၼၼ်ႉ ၵူၼ်း​ဢၼ်​မီး​ပိင်ႇ​ၺႃႇ ဢၼ်​ၸၢင်ႈ​ႁဵတ်း​တၢင်း​ႁဵတ်း​ထႃႇၼႃႉ​တီႈ​မူတ်း​ၸၢင်ႇ တင်း​သဵင်ႈ​တင်း​လူင်​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​သေ​ၵႃႈ​တီႈ​တၢင်း​ႁဵတ်း​ၶဝ် ႁင်း​ၽႂ်​ႁင်း​မၼ်း၊-</verse>
				<verse number="5">မႃး​တီႈ​ မူဝ်းသေႇ ​လႄႈ မွၵ်ႇ​လၢတ်ႈ​လႄႈ​ဝႃႈ၊ ၵူၼ်း​တင်း​လၢႆ​ဢွၼ်​ၵၼ်​ဢဝ်​မႃး​ထၼ်ႈ​ပေႃး လူၼ်ႉ​လိူဝ်​သေ​တၢင်း​ဢၼ် ၵုမ်ႇ​ႁဵတ်း​တၢင်း​ႁဵတ်း ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ ႁႂ်ႈ​ႁဵတ်း​ၼၼ်ႉ ၵႂႃႇ​ၼႃႇ​လူင်​လၢင်​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">မူဝ်းသေႇ ​ၸီႇ​ယၢင်ႇ​လႄႈ ၶဝ်​ႁႂ်ႈ​သေႃႇ​ႁႂ်ႈ​လၢတ်ႈ​တင်း​တပ်ႉ​လႄႈ​ဝႃႈ၊ ၵူၼ်း​ယိင်း​ၵူၼ်း​ၸၢႆး​ၵေႃႉ​လႂ်​သေ​ဢမ်ႇ​ဝႃႈ၊ ယႃႇ​ပေ​ထၢပ်ႈ​ထႅင်ႈ​လႄႈ ႁဵတ်း​တၢင်း​ႁဵတ်း ႁႂ်ႈ​ပဵၼ်​တၢင်း​လူႇ​တၢင်း​တၢၼ်း ပုၼ်ႈ​ထႃႇၼႃႉ တီႈ​မူတ်း​ၸၢင်ႇ​ၸဝ်ႈ၊ ဝႃႈ​ၼင်ႇ​ၼႆ​လႄႈ ႁႄႉ​ၶႅၼ်​လွင်ႈ​တၢင်း​ဢၼ်​ၵူၼ်း​တင်း​လၢႆ​ဢဝ်​တၢင်း​လူႇ​တၢင်း​တၢၼ်း​မႃး​ၼၼ်ႉ​ဢေႃႈ။-</verse>
				<verse number="7">ဢုၵ်ႉ​ၸႃႇ​ဢၼ်​လႆႈ​မႃး​ယဝ်ႉ​ၼၼ်ႉ ၵုမ်ႇ​ႁဵတ်း​တင်း​ႁဵတ်း​ၼၼ်ႉ​ယဝ်ႉ​ဢမ်ႇ​ၵႃး၊ လူၼ်ႉ​လိူဝ်​လႄႈ​မီး​ဝႆႉ​ဢေႃႈ။</verse>
				<verse number="8">ၼႂ်း​ၶဝ်​ၸိူဝ်း​ဢၼ် ႁဵတ်း​တၢင်း​ႁဵတ်း​ၼၼ်ႉ၊ ၵႃႈ​ပဵၼ်​ၵေႃႉ​ဢၼ်​မီး​ပိင်ႇ​ၺႃႇ​ၵႃႈ​ၼႂ်း​ၸႂ်​ၼၼ်ႉ ဢွၼ်​ၵၼ်​ဢဝ်​ၽႃႈ​ၵင်ႈ​သိပ်း​ၼိုင်ႈ ႁဵတ်း​သုမ်ႉ​ထဵင်​ၸဝ်ႈ​ဢေႃႈ။ မၼ်း​ဢဝ်​ပိၵ်ႈ​ၶျေႃး​ဢၼ်​ပႃး​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်​တမ်ႇ​ၵၢမ်း​ၵၼ် ႁၢင်ႈ​ၶိူင်ႈ​ႁဵတ်း​ပုင်ႇ​ႁၢင်ႈ ၶေႇရူႉၽဵမ်ႇ ​သႂ်ႇ​လႄႈ ႁဵတ်း​ၽႃႈ​ၵင်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="9">ၽႃႈ​ၵင်ႈ​ၼၼ်ႉ ၼႃႈ​ယၢဝ်း​မၼ်း​မီး​သၢဝ်း​ပႅတ်ႇ​သွၵ်ႇ၊ ၼႃႈ​ပွတ်း​မၼ်း​သီႇ​သွၵ်ႇ​လႄႈ၊ ၽႃႈ​ၵင်ႈ​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၼႃႈ​ယၢဝ်း​ၼႃႈ​ပွတ်း​မိူၼ်​မိူၼ်​ၵၼ်​ဢေႃႈ။-</verse>
				<verse number="10">ၽႃႈ​ၵင်ႈ​ႁႃႈ​ၽိုၼ် ယဵပ်ႉ​ၸပ်း​ႁႂ်ႈ​ပဵၼ်​ၽိုၼ်​လဵဝ်​ၵၼ်​လႄႈ ၽႃႈ​ၵင်ႈ​ဢၼ်​ၵိုတ်း​ႁႃႈ​ၽိုၼ်​ၼၼ်ႉ​ၵေႃႈ၊ ယဵပ်ႉ​ၸပ်း​ႁႂ်ႈ​ပဵၼ်​ၽိုၼ်​လဵဝ်​ၵၼ်​ဢေႃႈ။-</verse>
				<verse number="11">မၼ်း​ဢဝ်​ၶူဝ်း​ဢၼ်​သွမ်ႇ​ႁဵတ်း​ႁူ​မၼ်း​သႂ်ႇ​ၵႃႈ​တီႈ​ၸႃႉ​ၸဵမ် တီႈ​သုတ်း​ၽႃႈ​ၵင်ႈ​ဢၼ်​သိုပ်ႇ​ၵၢမ်း​ၵၼ်​ၽိုၼ်​ၼိုင်ႈ​ၼၼ်ႉ​လႄႈ ၸွမ်း​ၵႃႈ​တီႈ​ႁိမ်း​ၽၢႆႇ​ၼိူဝ်​ဢေႃႈ။ ၵႃႈ​တီႈ​ၸႃႉ​ၸဵမ်​တီႈ​သုတ်း​ၽႃႈ​ၵင်ႈ​ၽိုၼ်​တူႉတီႉယႃႉ ဢၼ်​သိုပ်ႇ​ၵၢမ်း​ၵၼ်​ၽိုၼ်​ၼိုင်ႈ​ၼၼ်ႉ​လႄႈ ၸွမ်း​ၵႃႈ​တီႈ​ႁိမ်း​ၽၢႆႇ​ၼိူဝ်​မၼ်း​ၵႂႃႇ​ၼၼ်ႉ​ၵေႃႈ ႁဵတ်း​မိူၼ်​ၸိူဝ်ႉ​ၼင်ႇ​ၼၼ်ႉ​ဢေႃႈ။-</verse>
				<verse number="12">မၼ်း​ႁဵတ်း​ႁူ​ႁႃႈ​သိပ်း​ၵႃႈ​တီႈ​ၽႃႈ​ၵင်ႈ​ၽိုၼ်​ၼိုင်ႈ ဢိၵ်ႇ​တင်း​ႁူ​ႁႃႈ​သိပ်း​ၵႃႈ​တီႈ​ႁိမ်း​ၽၢႆႇ​ၼိူဝ်​ၽႃႈ​ၵင်ႈ​ၽိုၼ်​တူႉတီႉယႃႉ သိုပ်ႇ​ၵၢမ်း​ၵၼ်​ၼၼ်ႉ​ဢေႃႈ။ ႁူ​တင်း​လၢႆ​ၸိူဝ်း​ၼၼ်ႉ​တေႃး​မႅၼ်ႈ​ၵၼ်​ဢေႃႈ။-</verse>
				<verse number="13">ၶေႃ​ၶမ်း​ႁႃႈ​သိပ်း​ဢၼ်​ၵေႃႈ မၼ်း​ႁဵတ်း​လႄႈ ဢဝ်​ၶေႃ​ၶမ်း​ၸိူဝ်း​ၼၼ်ႉ ႁႂ်ႈ​ၽႃႈ​ၵင်ႈ​တေႃး​ၸပ်း​ၵၼ်​သေ​ယဝ်ႉ၊ ပဵၼ်​သုမ်ႉ​ထဵင်​ၸဝ်ႈ​ဢၼ်​လဵဝ်​ၵူၺ်း​ဢေႃႈ။</verse>
				<verse number="14">ၽႃႈ​ၵင်ႈ​ပုၼ်ႈ​ဢၼ် တၵ်း​ပဵၼ်​မူဝ်းၵႃႇ ၵႃႈ​ၼိူဝ်​သုမ်ႉ​ထဵင်​ၸဝ်ႈ​တၢင်ႇ​ၽိုၼ်​ၵေႃႈ မၼ်း​ႁဵတ်း​ဢေႃႈ။ မၼ်း​ႁဵတ်း​သိပ်း​ဢဵတ်း​ၽိုၼ်​ဢေႃႈ။-</verse>
				<verse number="15">ၽႃႈ​ၵင်ႈ​ယေႈ​ၽိုၼ် ၼႃႈ​ယၢဝ်း​မၼ်း​မီး​သၢမ်​သိပ်း​သွၵ်ႇ၊ ၼႃႈ​ပွတ်း​မၼ်း​သီႇ​သွၵ်ႇ​လႄႈ၊ ၽႃႈ​ၵင်ႈ​သိပ်း​ဢဵတ်း​ၽိုၼ်​ၸိူဝ်း​ၼၼ်ႉ၊ ၼႃႈ​ယၢဝ်း​ၼႃႈ​ပွတ်း​မိူၼ်​မိူၼ်​ၵၼ်​ဢေႃႈ။-</verse>
				<verse number="16">မၼ်း​ယဵပ်ႉ​ၽႃႈ​ၵင်ႈ​ႁႃႈ​ၽိုၼ်​ၸပ်း​ၵၼ် ႁႂ်ႈ​ပဵၼ်​ၽိုၼ်​လဵဝ်​ၵၼ်၊ ၽႃႈ​ၵင်ႈ​ႁူၵ်း​ၽိုၼ်​ၸပ်း​ၵၼ်​ႁႂ်ႈ​ပဵၼ်​ၽိုၼ်​လဵဝ်​ၵၼ်​ဢေႃႈ။-</verse>
				<verse number="17">မၼ်း​ႁဵတ်း​ႁူ​ႁႃႈ​သိပ်း​သႂ်ႇ​ၵႃႈ​တီႈ​သုတ်း ၽႃႈ​ၵင်ႈ​ၽိုၼ်​ၼိုင်ႈ​ၼၼ်ႉ​လႄႈ ၸွမ်း​ၵႃႈ​တီႈ​ႁိမ်း​ၽၢႆႇ​ၼိူဝ်​မၼ်း​ၵႂႃႇ ဢိၵ်ႇ​တင်း​ႁူ​ႁႃႈ​သိပ်း ၸႃႉ​ၸဵမ်​တီႈ​သုတ်း​ၽႃႈ​ၵင်ႈ ၽိုၼ်​တူႉတီႉယႃႉ​ၽိုၼ်​ၼိုင်ႈ​ၼၼ်ႉ​လႄႈ ၸွမ်း​ၵႃႈ​တီႈ​ႁိမ်း​ၽၢႆႇ​ၼိူဝ်​မၼ်း​ၵႂႃႇ​ၼၼ်ႉ​ဢေႃႈ။-</verse>
				<verse number="18">ၶေႃ​တွင်း​လိူင်​ႁႃႈ​သိပ်း​ဢၼ်​ၵေႃႈ မၼ်း​ႁဵတ်း​လႄႈ ႁႂ်ႈ​မူဝ်းၵႃႇ​ၽၢၵ်ႇ​ၼိုင်ႈ​လႄႈ​ၽၢၵ်ႇ​ၼိုင်ႈ တေႃး​ၸပ်း​ၵၼ်​ပဵၼ်​ဢၼ်​လဵဝ်​ၵူၺ်း​ဢေႃႈ။-</verse>
				<verse number="19">မၼ်း​ဢဝ်​ၼင်​သူဝ်း​ဢၼ်​ယွမ်ႉ​လႅင် ႁဵတ်း​ပုၼ်ႈ​ဢၼ်​တၵ်း​ႁူမ်ႇ​သုမ်ႇ​မူဝ်းၵႃႇ ဢိၵ်ႇ​တင်း​ၼင်​ တႁႃႇသႃႉ ႁဵတ်း​ပုၼ်ႈ​ဢၼ် တၵ်း​ႁူမ်ႇ​သုမ်ႇ​ၵႃႈ​ၼိူဝ်​မၼ်း​ၼၼ်ႉ​သေ​ဢေႃႈ။</verse>
				<verse number="20">ပႅၼ်ႈ​ ဢၵႃႇသႃႉ ဢၼ်​ၵင်ႈ​သုမ်ႉ​ထဵင်​ၸဝ်ႈ​ဝႆႉ​ၵေႃႈ မၼ်း​ႁဵတ်း​ဢေႃႈ။-</verse>
				<verse number="21">ပႅၼ်ႈ​ၼၼ်ႉ ယေႈ​ၽႅၼ်ႇ​ၼႃႈ​ယၢဝ်း​မၼ်း​မီး​သိပ်း​သွၵ်ႇ၊ ၼႃႈ​ပွတ်း​မၼ်း​သွၵ်ႇ​ၶိုပ်ႈ​ဢေႃႈ။-</verse>
				<verse number="22">လွင်ႈ​ၼင်ႇ​ႁိုဝ်​တၵ်း​လႆႈ​ၶပ်ႉ​ၸႅၼ်ႇ​ၵပ်း​တၢမ်း​ၵၼ်​ၸိုင်၊ ၵႃႈ​တီႈ​ပႅၼ်ႈ​ၽႅၼ်ႇ​ၼိုင်ႈ မီး​တိၼ်​သွင်​ဢၼ်​ဢေႃႈ။ မၼ်း​ႁဵတ်း​ပႅၼ်ႈ​သုမ်ႉ​ထဵင်​ၸဝ်ႈ တင်း​သဵင်ႈ​တင်း​လူင် မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="23">မၼ်း​ႁဵတ်း​ပႅၼ်ႈ​ဢၼ်​ၵင်ႈ​သုမ်ႉ​ထဵင်​ၸဝ်ႈ ပုၼ်ႈ​ၼႃႈ​တင်း​ၸၢၼ်း​သၢဝ်း​ၼိုင်ႈ​လႄႈ၊-</verse>
				<verse number="24">တီႈ​ပႅၼ်ႈ​သၢဝ်း​ၼိုင်ႈ​ၼၼ်ႉ၊ မၼ်း​ႁဵတ်း​တီႈ​သုပ်း​တိၼ်​ငိုၼ်း​သီႇ​သိပ်း၊ ၵႃႈ​တႂ်ႈ​ပႅၼ်ႈ​ယေႈ​ၽႅၼ်ႇ၊ တီႈ​သုပ်း​တိၼ်​မၼ်း​သွင်​ဢၼ်​ဢေႃႈ။-</verse>
				<verse number="25">မိူၼ်​ၼင်ႇ​ၼၼ် မၼ်း​ႁဵတ်း​ပႅၼ်ႈ​ဢၼ်​ၵင်ႈ​သုမ်ႉ​ထဵင်​ၸဝ်ႈ ပုၼ်ႈ​ၼႃႈ​တၢင်း​ႁွင်ႇ​သၢဝ်း​ၼိုင်ႈ၊-</verse>
				<verse number="26">ဢိၵ်ႇ​တင်း​တီႈ​သုပ်း​တိၼ်​ငိုၼ်း​သီႇ​သိပ်း၊ ၵႃႈ​တႂ်ႈ​ပႅၼ်ႈ​ယေႈ​ၽႅၼ်ႇ၊ တီႈ​သူပ်း​တိၼ်​မၼ်း သွင်​ဢၼ်​ဢေႃႈ။-</verse>
				<verse number="27">ပႅၼ်ႈ​ဢၼ်​ၵင်ႈ​သုမ်ႉ​ထဵင်​ၸဝ်ႈ ပုၼ်ႈ​ၼႃႈ​တၢင်း​တူၵ်း​ၸိုင်၊ မၼ်း​ႁဵတ်း​ႁူၵ်း​ၽႅၼ်ႇ​ဢေႃႈ။-</verse>
				<verse number="28">ပႅၼ်ႈ​ဢၼ်​ၵင်ႈ​ပုၼ်ႈ​ၸဵင်ႇ​ၽၢႆႇ​တၢင်း​လင်​သုမ်ႉ​ထဵင်​ၸဝ်ႈ​ၼၼ်ႉ​ၵေႃႈ မၼ်း​ႁဵတ်း​သွင်​ၽႅၼ်ႇ​ဢေႃႈ။-</verse>
				<verse number="29">လႆႈ​တူပ်ႉ​ၸဵင်ႇ​ၵၢမ်း​ၵၼ်​ၸႃႉ​ၸဵမ်​ၵႃႈ​တီႈ​ၽၢႆႇ​တႂ်ႈ​လႄႈ ပဵၼ်​ဢၼ်​လဵဝ်​ၵၼ် ၶိုၼ်ႈ​ၵႂႃႇ​ၸွမ်း​ၸိူဝ်ႉ​ၼင်ႇ​ၼၼ် တေႃႇ​ထိုင်​ႁွတ်ႈ​ပၢႆ​ၸိၵ်း​မၼ်း ၵွပ်ႈ​ပိူဝ်ႈ​လွင်ႈ​ၶူၺ်ႇ​မၼ်း​ဢေႃႈ။ ၼင်ႇ​ၼၼ်​လႄႈ မၼ်း​ႁဵတ်း​သွင်​ဢၼ် ၵႃႈ​တီႈ​ၸဵင်ႇ​သွင်​ၸဵင်ႇ​ဢေႃႈ။-</verse>
				<verse number="30">မီး​ပႅတ်ႇ​ၽႅၼ်ႇ၊ တီႈ​သုပ်း​တိၼ်​ငိုၼ်း​သိပ်း​ႁူၵ်း​ဢၼ် ယေႈ​ၽႅၼ်ႇ​သွင်​ဢၼ်​ဢေႃႈ။</verse>
				<verse number="31">မၼ်း​ဢဝ်​မႆႉ​ ဢၵႃႇသႃႉ ​ႁဵတ်း​သႄႈ ႁႃႈ​လႅမ်ႈ​ပုၼ်ႈ​ပႅၼ်ႈ​သုမ်ႉ​ထဵင်​ၸဝ်ႈ​ၸိူဝ်း​ၼၼ်ႉ​ၼႃႈ​ၼိုင်ႈ၊-</verse>
				<verse number="32">ႁႃႈ​လႅမ်ႈ​ပုၼ်ႈ​ပႅၼ်ႈ​သုမ်ႉ​ထဵင်​ၸဝ်ႈ​ၸိူဝ်း​ၼၼ်ႉ​ၼႃႈ​ၼိုင်ႈ၊ ႁႃႈ​လႅမ်ႈ​ပုၼ်ႈ​ပႅၼ်ႈ​သုမ်ႉ​ထဵင်​ၸဝ်ႈ ဢၼ်​မီး​ၽၢႆႇ​တၢင်း​လင်​မၼ်း ၼႃႈ​ဝၼ်း​တူၵ်း​ၸိူဝ်း​ၼၼ်ႉ​ဢေႃႈ။-</verse>
				<verse number="33">မၼ်း​ႁဵတ်း​ႁႂ်ႈ​မႆႉ​သႄႈ​ၶိုင်ႈ​ၵၢင်​ၼၼ်ႉ သွတ်ႇ​ဝႆႉ​ၵႃႈ​တီႈ​သိုဝ်ႈ​ၶိုင်ႈ​ၵၢင်​ပႅၼ်ႈ​ၸိူဝ်း​ၼၼ်ႉ ဢဝ်​ၸႃႉ​ၸဵမ်​ၸဵင်ႇ​ၼိုင်ႈ​တေႃႇ​ထိုင်​ႁွတ်ႈ​ၸဵင်ႇ​ၼိုင်ႈ​ဢေႃႈ။-</verse>
				<verse number="34">မၼ်း​ဢဝ်​ၶမ်း​ဢုမ်ႇ​ႁေႃႇ​ပႅၼ်ႈ​ၸိူဝ်း​ၼၼ်ႉ​ဢေႃႈ။ ၶူၺ်ႇ​ၶမ်း​ပုၼ်ႈ​တီႈ​ဢၼ်​သႄႇ​ၸိူဝ်း​ၼၼ်ႉ တၵ်း​သွတ်ႇ​ၼၼ်ႉ​ၵေႃႈ မၼ်း​ႁဵတ်း​လႄႈ ဢဝ်​ၶမ်း​ဢုမ်ႇ​ႁေႃႇ​သေ​ဢေႃႈ။</verse>
				<verse number="35">ၼႄး​ၼိုင်ႈ​ၸမ်ႉ၊ မၼ်း​ဢဝ်​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် ဢိၵ်ႇ​တင်း​ပိၵ်ႈ​ၶျေႃး​ႁဵတ်း​ၽႃႈ​ၵင်ႈ​လႄႈ ႁၢင်ႈ​ၶိူင်ႈ​သႂ်ႇ ပုင်ႇ​ႁၢင်ႈ​ ၶေႇရူႉၽဵမ်ႇ ​သေ​ဢေႃႈ။-</verse>
				<verse number="36">မၼ်း​ဢဝ်​မႆႉ​ ဢၵႃႇသႃႉ ႁဵတ်း​သဝ်​သီႇ​လႅမ်ႈ​ပုၼ်ႈ​မၼ်း​လႄႈ တဵၵ်း​ၶမ်း​သေ​ဢေႃႈ။ သဝ်​ၸိူဝ်း​ၼၼ်ႉ မီး​တႅမ်​ၶမ်း​လႄႈ တီႈ​သုပ်း​တိၼ်​ငိုၼ်း​သီႇ​ဢၼ်​ၵေႃႈ မၼ်း​လေႃႇ​ႁဵတ်း​ဢေႃႈ။</verse>
				<verse number="37">မၼ်း​ဢဝ်​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် ဢိၵ်ႇ​တင်း​ပိၵ်ႈ​ၶျေႃး​ဢၼ်​တမ်ႇ​ၵၢမ်း​ႁၢင်ႈ​ၶိူင်ႈ​တေႃး​ႁဵတ်း​ၼၼ်ႉ ႁဵတ်း​ၽႃႈ​ၵင်ႈ​ပုၼ်ႈ​ဢၼ်​တၵ်း​ၵင်ႈ ၵႃႈ​တီႈ​ၽၵ်း​တူ​သုမ်ႉ​ထဵင်​ၸဝ်ႈ​ၼၼ်ႉ​လႄႈ၊-</verse>
				<verse number="38">ႁဵတ်း​သဝ်​ႁႃႈ​လႅမ်ႈ ဢိၵ်ႇ​တင်း​တႅမ်​မၼ်း​တင်း​လၢႆ​ပုၼ်ႈ​ၽႃႈ​ၵင်ႈ​ၼၼ်ႉ​ဢေႃႈ။ မၼ်း​ဢဝ်​ၶမ်း​ဢုမ်ႇ​ႁေႃႇ​ဝၢၼ်ႇ​ဢၼ်​ၶၢမ်ႇ​ႁူဝ်​သဝ် ဢိၵ်ႇ​တင်း​ႁၢဝ်း​တင်း​လၢႆ​ဢေႃႈ။ တီႈ​သုပ်း​တိၼ်​တွင်း​လိူင်​ႁႃႈ​ဢၼ်​ၵေႃႈ​မီး​ဢေႃႈ။</verse>
			</chapter>
			<chapter number="37">
				<verse number="1">ၵမ်း​ၼၼ်ႉ ပေႇၸလေႇလႃႉ ​ဢဝ်​မႆႉ​ ဢၵႃႇသႃႉ ႁဵတ်း​တိူၵ်ႈ​တႃႇ ဢၼ်​ၼႃႈ​ယၢဝ်း​မၼ်း မီး​သွင်​သွၵ်ႇ​ၶိုပ်ႈ၊ ၼႃႈ​ပွတ်း​မၼ်း​သွၵ်ႇ​ၶိုပ်ႈ၊ ၼႃႈ​သုင်​မၼ်း သွၵ်ႇ​ၶိုပ်ႈ​ဢေႃႈ။-</verse>
				<verse number="2">မၼ်း​ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​ၽၢႆႇ​တၢင်း​ၼွၵ်ႈ​မၼ်း ၽၢႆႇ​တၢင်း​ၼႂ်း​မၼ်း​သေ​လႄႈ ႁဵတ်း​ၶိူင်ႈ​ၶႅပ်း​ၶမ်း ဢၼ်​လဵပ်ႈ​ႁွပ်ႈ​ၵႃႈ​တီႈ ၼိူဝ်​ႁိမ်း​မၼ်း​သေ​ဢေႃႈ။-</verse>
				<verse number="3">မၼ်း​လေႃႇ​ႁဵတ်း​ၶူၺ်ႇ​ၶမ်း​သီႇ​ၶူၺ်ႇ​ပုၼ်ႈ​မၼ်း​လႄႈ သႂ်ႇ​ဝႆႉ​ၵႃႈ​တီႈ​သီႇ​ၸဵင်ႇ​မၼ်း​ၼၼ်ႉ​ၼႃႈ​ၼိုင်ႈ​သွင်​ၶူၺ်ႇ၊ ၼႃႈ​ၼိုင်ႈ​သွင်​ၶူၺ်ႇ​ဢေႃႈ။-</verse>
				<verse number="4">မၼ်း​ဢဝ်​မႆႉ​ ဢၵႃႇသႃႉ ​ႁဵတ်း​ၵၢၼ်း​ႁၢပ်ႇ​လႄႈ ဢဝ်​ၶမ်း​ဢုမ်ႇ​ႁေႃႇ​သေ​ယဝ်ႉ၊-</verse>
				<verse number="5">ဢဝ်​ၵၢၼ်း​ႁၢပ်ႇ​ၸိူဝ်း​ၼၼ်ႉ သွတ်ႇ​သႂ်ႇ​ၵႃႈ​ၼႂ်း​ၶူၺ်ႇ​ၶမ်း​ဢၼ်​မီး​ၵႃႈ​တီႈ​ၼႃႈ​တိူၵ်ႈ​တႃႇ​ၸိူဝ်း​ၼၼ်ႉ​ဝႆႉ​ပုၼ်ႈ​ဢၼ် တၵ်း​ႁၢပ်ႇ​တိူၵ်ႈ​တႃႇ​ၼၼ်ႉ​ဢေႃႈ။</verse>
				<verse number="6">မၼ်း​ဢဝ်​ၶမ်း​လွတ်ႈ​ငၢၼ်ႇ ႁဵတ်း​ပလၢင်ႇ​တီႈ​ၽေႇ​ဢပႅတ်ႈ ဢၼ်​ၼႃႈ​ယၢဝ်း​မၼ်း​မီး​သွင်​သွၵ်ႇ​ၶိုပ်ႈ၊ ၼႃႈ​ပွတ်း​မၼ်း​မီး​သွၵ်ႇ​ၶိုပ်ႈ​ၼၼ်ႉ​ဢေႃႈ။-</verse>
				<verse number="7">မၼ်း​ဢဝ်​ၶမ်း​ႁဵတ်း​ ၶေႇရူႉၽဵမ်ႇ ​သွင်​ပႃး​ဢေႃႈ။ မၼ်း​တွင်ႈ​ႁဵတ်း​လႄႈ​ဝႆႉ​ၵႃႈ​ၼိူဝ်​ပလၢင်ႇ တီႈ​ၽေႇ​ဢပႅတ်ႈ ၵႃႈ​တီႈ​ၼႃႈ​ပွတ်း​မၼ်း​ၼၼ်ႉ ယေႈ​ၽၢႆႇ​ယေႈ​ပႃး​ဢေႃႈ။-</verse>
				<verse number="8">မၼ်း​ႁဵတ်း​ ၶေႇရူႉၽဵမ်ႇ ​ပႃး​ၼိုင်ႈ ၵႃႈ​တီႈ​ၼႃႈ​ပွတ်း​မၼ်း​ၽၢႆႇ​ၼိုင်ႈ ဢိၵ်ႇ​တင်း ၶေႇရူႉၽဵမ်ႇ ​ပႃး​ၼိုင်ႈ ၵႃႈ​တီႈ​ၼႃႈ​ပွတ်း​မၼ်း​ၽၢႆႇ​ၼိုင်ႈ​ဢေႃႈ။ မၼ်း​ႁဵတ်း ၵႃႈ​ၼႂ်း​တူဝ်​ပလၢင်ႇ​တီႈ​ၽေႇ​ဢပႅတ်ႈ​ၼၼ်ႉ ဢွၵ်ႇ​ပဵၼ်​ ၶေႇရူႉၽဵမ်ႇ ​သွင်​ပႃး ယေႈ​ၽၢႆႇ​ယေႈ​ပႃး​ဢေႃႈ။-</verse>
				<verse number="9">ၶေႇရူႉၽဵမ်ႇ ​သွင်​ပႃး​ၼၼ်ႉ ၵီႈ​ပိၵ်ႇ​ၶဝ်​ၶိုၼ်ႈ​ၼိူဝ်​လႄႈ ဢဝ်​ပိၵ်ႇ​ၶဝ်​မုင်း​ႁူမ်ႇ​ပလၢင်ႇ တီႈ​ၽေႇ​ဢပႅတ်ႈ​ၼၼ်ႉ​ယူႇ၊ ဝၢႆႇ​ၼႃႈ​တေႃႇ​ၵၼ်​ယူႇ​သေ​လႄႈ တူၺ်း​ပလၢင်ႇ​တီႈ​ၽေႇ​ဢပႅတ်ႈ​ၼၼ်ႉ​ယူႇ​ဢေႃႈ။</verse>
				<verse number="10">မၼ်း​ဢဝ်​မႆႉ​ ဢၵႃႇသႃႉ ​ႁဵတ်း​ၶူင်ႇ​တီႈ​ၵိၼ် ဢၼ်​ၼႃႈ​ယၢဝ်း​မၼ်း​မီး​သွင်​သွၵ်ႇ၊ ၼႃႈ​ပွတ်း​မၼ်း​သွၵ်ႇ​ၼိုင်ႈ၊ ဢၼ်​သုင်​မၼ်း သွၵ်ႇ​ၶိုပ်ႈ​ဢေႃႈ။</verse>
				<verse number="11">မၼ်း​ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​မၼ်း​လႄႈ ႁဵတ်း​ၶိူင်ႈ​ၶႅပ်း​ၶမ်း​ဢၼ်​လဵပ်ႈ​ႁွပ်ႈ​ၵႃႈ​တီႈ​ၼိူဝ်​ႁိမ်း​မၼ်း​သေ​ဢေႃႈ။-</verse>
				<verse number="12">မၼ်း​ႁဵတ်း​ၶႃႇ​ပၢၼ်း ဢၼ်​ၼႃႈ​ပွတ်း​မၼ်း​မီး​ၽႃႇ​မိုဝ်း​ၼိုင်ႈ​ဢိၵ်ႇ​တင်း​ၶိူင်ႈ​ၶႅပ်း​ၶမ်း ဢၼ်​လဵပ်ႈ​ႁွပ်ႈ​ၵႃႈ​တီႈ​ၼိူဝ်​ႁိမ်း​မၼ်း​ၼၼ်ႉ​ဢေႃႈ။-</verse>
				<verse number="13">ၶူၺ်ႇ​ၶမ်း​သီႇ​ၶူၺ်ႇ​ၵေႃႈ မၼ်း​လေႃႇ​ႁဵတ်း​လႄႈ ဢဝ်​ၶူၺ်ႇ​ၸိူဝ်း​ၼၼ်ႉ​သႂ်ႇ​ဝႆႉ ၵႃႈ​တီႈ​သီႇ​ၸဵင်ႇ​မၼ်း ဢၼ်​မီး​ၵႃႈ​ၼိူဝ်​တိၼ်​မၼ်း သီႇ​ၶွၼ်​ၼၼ်ႉ​ဢေႃႈ။-</verse>
				<verse number="14">ၶူၺ်ႇ​ၶမ်း​ၸိူဝ်း​ၼၼ်ႉ မီး​ၵႃႈ​တီႈ​ႁိမ်း​ၶႃႇ​ပၢၼ်း​လႄႈ ပဵၼ်​တီႈ​ယူႇ​ၵၢၼ်း​ႁၢပ်ႇ​ပုၼ်ႈ​ဢၼ် တၵ်း​ႁၢပ်ႇ​ၶူင်ႇ​တီႈ​ၵိၼ်​ၼၼ်ႉ​ဢေႃႈ။-</verse>
				<verse number="15">ပုၼ်ႈ​ဢၼ်​တၵ်း​လႆႈ​ဢဝ်​ႁၢပ်ႇ ၶူင်ႇ​တီႈ​ၵိၼ်​ၼၼ်ႉ​ၸိုင်၊ မၼ်း​ဢဝ်​မႆႉ​ ဢၵႃႇသႃႉ ​ႁဵတ်း​ၵၢၼ်း​ႁၢပ်ႇ​လႄႈ​ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​သေ​ဢေႃႈ။-</verse>
				<verse number="16">ၶိူင်ႈ​ဢၼ်​မီး​ၵႃႈ​ၼိူဝ်​ၶူင်ႇ​တီႈ​ၵိၼ်​ဢၼ်​ဝႃႈ မေႃႈ​ဢႅင်ႇ​လႂ်၊ ၸေႃႉ​လႂ်၊ ၵွၵ်း​ဢႅင်ႇ​ပုၼ်ႈ​ဢၼ်​တၵ်း​ထွၵ်ႇ​တၵ်း​ႁိုဝ်ႈ​လႂ် ဢိၵ်ႇ​တင်း​ၵွၵ်း​လႂ်​ၸိူဝ်း​ၼၼ်ႉ​ၵေႃႈ မၼ်း​ဢဝ်​ၶမ်း​လွတ်ႈ​ငၢၼ်ႇ​ႁဵတ်း​ဢေႃႈ။</verse>
				<verse number="17">ၶူင်ႇ​တီႈ​တႆႈ​ၽႆး​ၵေႃႈ မၼ်း​ဢဝ်​ၶမ်း​လွတ်ႈ​ငၢၼ်ႇ​ႁဵတ်း​ဢေႃႈ။ မၼ်း​တွင်ႈ​ႁဵတ်း​ၶူင်ႇ​တီႈ​တႆႈ​ၽႆး​ၼၼ်ႉ​ၸႃႉ​ၸဵမ်​တိၼ်​မၼ်း​တင်း​သဝ်​မၼ်း​ဢေႃႈ။ ၵွၵ်း​မၼ်း၊ ပုမ်ႇ​မၼ်း​တင်း​မွၵ်ႇ​မူဝ်​မၼ်း​ၸိူဝ်း​ၼၼ်ႉ ဢွၵ်ႇ​ၵႃႈ​ၼႂ်း​တူဝ်​မၼ်း ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ဢေႃႈ။-</verse>
				<verse number="18">ၵိင်ႇ​ႁူၵ်း​ၵိင်ႇ​တႅၵ်ႇ​ဢွၵ်ႇ​ၵႃႈ​တီႈ​သွင်​ၽၢၵ်ႇ​ၶၢင်ႈ​မၼ်း၊ ၽၢႆႇ​ၼိုင်ႈ ၵိင်ႇ​ၶူင်ႇ​တီႈ​တႆႈ​ၽႆး​သၢမ်​ၵိင်ႇ၊ ၽၢႆႇ​ၼိုင်ႈ ၵိင်ႇ​ၶူင်ႇ​တီႈ​တႆႈ​ၽႆး​သၢမ်​ၵိင်ႇ​ဢေႃႈ။-</verse>
				<verse number="19">ၽၢႆႇ​ၼိုင်ႈ​ၵႃႈ​တီႈ​ၵိင်ႇ​မၼ်း​ၵိင်ႇ​ၼိုင်ႈ​မီး​ၵွၵ်း​သၢမ်​လုၵ်ႈ ဢၼ်​မိူၼ်​ၸိူဝ်ႉ​ၼင်ႇ​မၢၵ်ႇ​ ပႃႇတမ်ႇ ​ၼၼ်ႉ ဢိၵ်ႇ​တင်း​ပုမ်ႇ​မၼ်း တင်း​မွၵ်ႇ​မူဝ်​မၼ်း​လႄႈ ၽၢႆႇ​ၼိုင်ႈ​ၵႃႈ​တီႈ​ၵိင်ႇ​မၼ်း​ၵိင်ႇ​ၼိုင်ႈ မီး​ၵွၵ်း​သၢမ်​လုၵ်ႈ​ဢၼ်​မိူၼ်​ၸိူဝ်ႉ​ၼင်ႇ မၢၵ်ႇ​ ပႃႇတမ်ႇ ​ၼၼ်ႉ ဢိၵ်ႇ​တင်း​ပုမ်ႇ​မၼ်း​တင်း​မွၵ်ႇ​မူဝ်​မၼ်း​ဢေႃႈ။ ၼင်ႇ​ၼၼ်​လႄႈ ပဵၼ်​တီႈ​ၵိင်ႇ​ႁူၵ်း​ၵိင်ႇ ဢၼ်​တႅၵ်ႇ​ဢွၵ်ႇ​ၵႃႈ​တီႈ​ၶူင်ႇ​တီႈ​တႆႈ​ၽႆး​ၼၼ်ႉ​ဢေႃႈ။-</verse>
				<verse number="20">ၵႃႈ​တီႈ​တူဝ်​သဝ်​ၶူင်ႇ​တီႈ​တႆႈ​ၽႆး​ၼၼ်ႉ​ၵေႃႈ မီး​ၵွၵ်း​သီႇ​လုၵ်ႈ​ဢၼ်​မိူၼ်​ၸိူဝ်ႉ​ၼင်ႇ မၢၵ်ႇ​ ပႃႇတမ်ႇ ​ၼၼ်ႉ ဢိၵ်ႇ​တင်း​ပုမ်ႇ​မၼ်း တင်း​မွၵ်ႇ​မူဝ်​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="21">ပုၼ်ႈ​ၵိင်ႇ​ႁူၵ်း​ၵိင်ႇ ဢၼ်​တႅၵ်ႇ​ဢွၵ်ႇ​ၵႃႈ​တီႈ​သဝ်​ၶူင်ႇ​တီႈ​တႆႈ​ၽႆး​ၼၼ်ႉ မီး​ပုမ်ႇ​ၵႃႈ​တႂ်ႈ​ငၢမ်ႈ​သွင်​ၵိင်ႇ ဢၼ်​ဢွၵ်ႇ​ၵႃႈ​ၼႂ်း​တူဝ်​မၼ်း​လႄႈ ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ၼၼ်ႉ​ပုမ်ႇ​ၼိုင်ႈ၊ ၵႃႈ​တႂ်ႈ​ငၢမ်ႈ​သွင်​ၵိင်ႇ​ဢၼ်​ဢွၵ်ႇ​ၵႃႈ​ၼႂ်း​တူဝ်​မၼ်း​လႄႈ ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ၼၼ်ႉ​ပုမ်ႇ​ၼိုင်ႈ၊ ၵႃႈ​တႂ်ႈ​ငၢမ်ႈ​သွင်​ၵိင်ႇ​ဢၼ်​ဢွၵ်ႇ​ၵႃႈ​ၼႂ်း​တူဝ်​မၼ်း​လႄႈ ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ၼၼ်ႉ​ပုမ်ႇ​ၼိုင်ႈ​ဢေႃႈ။-</verse>
				<verse number="22">ပုမ်ႇ​မၼ်း​ဢိၵ်ႇ​တင်း​ၵိင်ႇ​မၼ်း​တင်း​လၢႆ ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​လႄႈ၊ ၶူင်ႇ​တီႈ​တႆႈ​ၽႆး​ၼၼ်ႉ​တင်း​သဵင်ႈ​တင်း​မူတ်း ဢဝ်​ၶမ်း​လွတ်ႈ​ငၢၼ်ႇ​တွင်ႈ​ႁဵတ်း​ဢေႃႈ။-</verse>
				<verse number="23">ဝၢၼ်ႇ​တႆႈ​ၽႆး​ၸဵတ်း​မႂ်​ဢိၵ်ႇ​တင်း ၵိမ်း​ၺၢပ်ႈ​ၽႆး တင်း​ၵွၵ်း​ပုၼ်ႈ​ဢၼ်​တၵ်း​ၶၢမ်ႇ​ဢဝ် ဢၼ်​ၺၢပ်ႈ​ၽႆး​ပႅတ်ႈ​ၼၼ်ႉ​ၵေႃႈ မၼ်း​ဢဝ်​ၶမ်း​လွတ်ႈ​ငၢၼ်ႇ​ႁဵတ်း​ဢေႃႈ။-</verse>
				<verse number="24">မၼ်း​ဢဝ်​ၶမ်း​လွတ်ႈ​ငၢၼ်ႇ​ တလၢၼ်ႇတၢၼ်ႇ ​ၼိုင်ႈ ႁဵတ်း​ၶူင်ႇ​တီႈ​တႆႈ​ၽႆး​ဢိၵ်ႇ​တင်း​ၶိူင်ႈ​မၼ်း​ၵႃႈ​မီး​တင်း​သဵင်ႈ​တင်း​လူင်​ဢေႃႈ။</verse>
				<verse number="25">ၼႄး​ၼိုင်ႈ​ၸမ်ႉ၊ မၼ်း​ဢဝ်​တင်း​မႆႉ​ ဢၵႃႇသႃႉ ​ႁဵတ်း​ယိတ်ႈပလၢင်ႇ တီႈ​ဢၼ်​တၵ်း​တုတ်ႇ​ၽႆး​ၼၢမ်ႇ​သႃႇ​ဢေႃႈ။ ယိတ်ႈပလၢင်ႇ​ၼၼ်ႉ၊ ၼႃႈ​ယၢဝ်း​မၼ်း​သွၵ်ႇ​ၼိုင်ႈ ၼႃႈ​ပွတ်း​မၼ်း​သွၵ်ႇ​ၼိုင်ႈ ပဵၼ်​သီႇ​ၸဵင်ႇ​ၶိုင်ႈ​လႄႈ၊ ဢၼ်​သုင်​မၼ်း​မီး​သွင်​သွၵ်ႇ​ဢေႃႈ။ ၶဝ်​လႅမ်​မၼ်း​ၵေႃႈ ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ဢေႃႈ။-</verse>
				<verse number="26">မၼ်း​ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​ၼႃႈ​ၼိူဝ်​မၼ်း၊ တင်း​ၼႃႈ​ႁိမ်း​မၼ်း​တင်း​ၶဝ်​လႅမ်​မၼ်း​ၸိူဝ်း​ၼၼ်ႉ​လႄႈ ႁဵတ်း​ၶိူင်ႈ​ၶႅပ်း​ၶမ်း ဢၼ်​သႂ်ႇ​လဵပ်ႈ​ႁွပ်ႈ ၵႃႈ​ႁိမ်း​ၼိူဝ်​မၼ်း​သေ​ဢေႃႈ။-</verse>
				<verse number="27">ၵႃႈ​တႂ်ႈ​ၶိူင်ႈ​ၶႅပ်း​ၶမ်း ၵႃႈ​တီႈ​ၸဵင်ႇ​ယိတ်ႈပလၢင်ႇ​သွင်​ၼႃႈ​ၼၼ်ႉ မၼ်း​ႁဵတ်း​ၶူၺ်ႇ​ၶမ်း​သႂ်ႇ​ယေႈ​ၼႃႈ​သွင်​ၶူၺ်ႇ​လႄႈ ပဵၼ်​တီႈ​သွတ်ႇ​ၵၢၼ်း​ပုၼ်ႈ​ဢၼ်​တၵ်း​ႁၢပ်ႇ​ယိတ်ႈပလၢင်ႇ​ဢေႃႈ။-</verse>
				<verse number="28">ၵၢၼ်း​ၸိူဝ်း​ၼၼ်ႉ​ၵေႃႈ မၼ်း​ဢဝ်​မႆႉ​ ဢၵႃႇသႃႉ ႁဵတ်း​လႄႈ​ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​သေ​ဢေႃႈ။</verse>
				<verse number="29">မၼ်း​ၽေႃႇ​ႁဵတ်း​ၸိူဝ်ႉ​ၼင်ႇ​ဢၼ်​မေႃ​ယႃ​ၶဝ် ၸၢင်ႈ​ၽေႃႇ​ႁဵတ်း​ယႃႈ​ယႃ​ၼၼ်ႉ၊ ၼမ်ႉ​မၼ်း​ဢၼ်​မူတ်း​ၸၢင်ႇ ပုၼ်ႈ​ဢၼ်​တၵ်း​တႃး​ၼၼ်ႉ ဢိၵ်ႇ​တင်း ၼၢမ်ႇ​သႃႇ​ပုၼ်ႈ​ဢၼ်​တၵ်း​တုတ်ႇ​ၽႆး ဢၼ်​ဢဝ်​တင်း​မဵဝ်း​ၼၢမ်ႇ​သႃႇ ၽေႃႇ​ႁဵတ်း​ၸွမ်း​ၼင်ႇ​ပိင်ႇ​ၺႃႇ​မေႃ​ယႃ ဢၼ်​ၸၢင်ႈ​ၽေႃႇ​ႁဵတ်း ဢၼ်​ႁွမ်​ဢၼ်​ႁူၺ်း​ၼၼ်ႉ​ဢေႃႈ။</verse>
			</chapter>
			<chapter number="38">
				<verse number="1">ၼႄး​ၼိုင်ႈ​ၸမ်ႉ၊ မၼ်း​ဢဝ်​မႆႉ​ ဢၵႃႇသႃႉ ​ႁဵတ်း​ယိတ်ႈပလၢင်ႇ​တီႈ​ဢၼ်​တၵ်း​တုတ်ႇ​ၽႆး ဢၼ်​ၼႃႈ​ယၢဝ်း​မၼ်း​မီး​ႁႃႈ​သွၵ်ႇ၊ ၼႃႈ​ပွတ်း​မၼ်း​ႁႃႈ​သွၵ်ႇ​လႄႈ​ပဵၼ်​သီႇ​ၸဵင်ႇ​ၶိုင်ႈ​ဝႆႉ​ၼၼ်ႉ​ဢေႃႈ။ ဢၼ်​သုင်​မၼ်း​ၵေႃႈ​မီး​သၢမ်​သွၵ်ႇ​ဢေႃႈ။-</verse>
				<verse number="2">မၼ်း​ႁဵတ်း​ၶဝ်​လႅမ်​သီႇ​လႅမ်ႈ​သႂ်ႇ​ၵႃႈ​ၼိူဝ်​သီႇ​ၸဵင်ႇ​မၼ်း​ဢေႃႈ။ ၶဝ်​လႅမ်​ၸိူဝ်း​ၼၼ်ႉ​ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​လႄႈ မၼ်း​ဢဝ်​တွင်း​လိူင်​ဢုမ်ႇ​ႁေႃႇ​သေ​ဢေႃႈ။-</verse>
				<verse number="3">မၼ်း​ဢဝ်​တွင်း​လိူင် ႁဵတ်း​ၶိူင်ႈ​ပိူင်​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ယိတ်ႈပလၢင်ႇ တင်း​သဵင်ႈ​တင်း​လူင် ဢၼ်​ဝႃႈ​မေႃႈ​မၼ်း၊ ၸေႃႉ​ၽႅပ်ႉ​မၼ်း၊ ဝၢၼ်ႇ​မၼ်း၊ ၶေႃ​ဢၼ်​ၵွင်ႉ​ၼိူဝ်ႉ​မၼ်း​လႂ်၊ လၢင်ႇ​ပၢၼ်း​မၼ်း​လႂ် ၼၼ်ႉ​ဢေႃႈ။-</verse>
				<verse number="4">မၼ်း​ႁဵတ်း​တႃ​ၶႃႇ​တွင်း​လိူင်​ပုၼ်ႈ​ယိတ်ႈပလၢင်ႇ​ၼၼ်ႉ​လႄႈ ဝႆႉ​ၵႃႈ​တႂ်ႈ​ၶႃႇ​ပၢၼ်း​မၼ်း​ႁႂ်ႈ​ၶိုတ်း​ထိုင် ၵႃႈ​တီႈ​ၶိုင်ႈ​ၵၢင်​မၼ်း​လႄႈ၊-</verse>
				<verse number="5">မၼ်း​ဢဝ်​တင်း​တွင်း​လိူင်​လေႃႇ​ႁဵတ်း​ၶူၺ်ႇ​သီႇ​ၶူၺ်ႇ​သႂ်ႇ​ၵႃႈ​တီႈ​သီႇ​ၸဵင်ႇ​တႃ​ၶႃႇ​ၼၼ်ႉ​ဝႆႉ​ပုၼ်ႈ​တီႈ​ဢၼ်​တၵ်း​သွတ်ႇ​ၵၢၼ်း​ဢေႃႈ။-</verse>
				<verse number="6">မၼ်း​ဢဝ်​မႆႉ​ ဢၵႃႇသႃႉ ႁဵတ်း​ၵၢၼ်း​ႁၢပ်ႇ​လႄႈ​ဢဝ်​တွင်း​လိူင်​ဢုမ်ႇ​ႁေႃႇ​သေ​ယဝ်ႉ၊-</verse>
				<verse number="7">ဢဝ်​ၵၢၼ်း​ႁၢပ်ႇ​ၸိူဝ်း​ၼၼ်ႉ​သွတ်ႇ​သႂ်ႇ​ဝႆႉ ၵႃႈ​ၼႂ်း​ၶူၺ်ႇ​ၵႃႈ​တီႈ​သွင်​ၽၢၵ်ႇ​ယိတ်ႈပလၢင်ႇ​လႄႈ ပဵၼ်​ပုၼ်ႈ​ဢၼ်​တၵ်း​ႁၢပ်ႇ​မၼ်း​ဢေႃႈ။ မၼ်း​ဢဝ်​ပႅၼ်ႈ​ႁဵတ်း​မၼ်း​ႁႂ်ႈ​ၵႃႈ​ၼႂ်း​မၼ်း​ပွင်ႇ​ပဵၼ်​ပဵဝ်​ဝႆႉ​ဢေႃႈ။</verse>
				<verse number="8">မၼ်း​ဢဝ်​ၸမ်ႈ​တွင်း​လိူင်​မႄႈ​ယိင်း​ၶဝ် ဢၼ်​ၸၢင်ႈ​မႃး​ၸူႉ​ၵၼ်​တုမ်​ၵၼ်​ၵႃႈ​တီႈ​ၽၢႆႇ​ၼႃႈ​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၸိူဝ်း​ၼၼ်ႉ​လႄႈ ႁဵတ်း​ၵွၵ်း​တွင်း​လိူင်​လူင်း တင်း​တိၼ်​တွင်း​လိူင်​မၼ်း​ဢေႃႈ။</verse>
				<verse number="9">ဢၼ်​တၵ်း​ၵင်ႈ​ႁဵတ်း​ႁူဝ်ႉ​ဝၢင်း​သုမ်ႉ​ထဵင်​ၸဝ်ႈ​ၸမ်ႉ၊ မၼ်း​ဢဝ်​ပိၵ်ႈ​ၶျေႃး​ဢၼ်​ၼႃႈ​ယၢဝ်း​မၼ်း မီး​ပၢၵ်ႇ​သွၵ်ႇ​ၼၼ်ႉ၊ ႁဵတ်း​ၽႃႈ​ၵင်ႈ ပုၼ်ႈ​ၼႃႈ​တၢင်း​ၸၢၼ်း​ဢေႃႈ။-</verse>
				<verse number="10">ပုၼ်ႈ​ၽႃႈ​ၵင်ႈ​ၼၼ်ႉ မၼ်း​ႁဵတ်း​သဝ်​သၢဝ်း​ၼိုင်ႈ​တင်း​တီႈ​သုပ်း​တိၼ်​တွင်း​လိူင်​သၢဝ်း​ၼိုင်ႈ​ဢေႃႈ၊ တႅမ်​တီႈ​သဝ်​ဢိၵ်ႇ​တင်း​ႁၢဝ်း​ၸိူဝ်း​ၼၼ်ႉ ပဵၼ်​ငိုၼ်း​ဢေႃႈ။-</verse>
				<verse number="11">ပုၼ်ႈ​ၼႃႈ​တၢင်း​ႁွင်ႇ​ၵေႃႈ မီး​ၽႃႈ​ၵင်ႈ​ဢၼ်​ၼႃႈ​ယၢဝ်း​မၼ်း မီး​ပၢၵ်ႇ​သွၵ်ႇ​ဢိၵ်ႇ​တင်း သဝ်​သၢဝ်း​ၼိုင်ႈ၊ တီႈ​သုပ်း​တိၼ် တွင်း​လိူင်​သၢဝ်း​ၼိုင်ႈ၊ တႅမ်​ငိုၼ်း​တီႈ​သဝ်​ဢိၵ်ႇ​တင်း​ႁၢဝ်း​ငိုၼ်း​ၸိူဝ်း​ၼၼ်ႉ​ဢေႃႈ။</verse>
				<verse number="12">ပုၼ်ႈ​ၼႃႈ​ပွတ်း​ၽၢႆႇ​တၢင်း​ဝၼ်း​တူၵ်း​မီး​ၽႃႈ​ၵင်ႈ​ဢၼ်​ၼႃႈ​ယၢဝ်း​မၼ်း​မီး​ႁႃႈ​သိပ်း​သွၵ်ႇ ဢိၵ်ႇ​တင်း​သဝ်​သိပ်း​ၼိုင်ႈ၊ တီႈ​သုပ်း​တိၼ်​သိပ်း​ၼိုင်ႈ၊ တႅမ်​ငိုၼ်း​တီႈ​သဝ်​ဢိၵ်ႇ​တင်း​ႁၢဝ်း​ငိုၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="13">ပုၼ်ႈ​ၼႃႈ​ၽၢႆႇ​တၢင်း​ဝၼ်း​ဢွၵ်ႇ​ၵေႃႈ ၼႃႈ​ပွတ်း​မၼ်း မီး​ႁႃႈ​သိပ်း​သွၵ်ႇ​ဢေႃႈ။-</verse>
				<verse number="14">ပုၼ်ႈ​ဢၼ်​တၵ်း​ၵင်ႈ​ႁိမ်း​ၽၵ်း​တူ​ၽၢႆႇ​ၼိုင်ႈ​ၼၼ်ႉ မီး​ၽႃႈ​ၵင်ႈ​ဢၼ်​ၼႃႈ​ယၢဝ်း​မၼ်း​မီး​သိပ်း​ႁႃႈ​သွၵ်ႇ ဢိၵ်ႇ​တင်း​သဝ်​သၢမ်​လႅမ်ႈ​တင်း​တီႈ​သုပ်း​တိၼ်​သၢမ်​ဢၼ်​ဢေႃႈ။-</verse>
				<verse number="15">ပုၼ်ႈ​ႁိမ်း​ၽၵ်း​တူ​ၽၢႆႇ​ၼိုင်ႈ​ၵေႃႈ မီး​ၽႃႈ​ၵင်ႈ​ဢၼ်​ၼႃႈ​ယၢဝ်း​မၼ်း​မီး​သိပ်း​ႁႃႈ​သွၵ်ႇ ဢိၵ်ႇ​တင်း​သဝ်​သၢမ်​လႅမ်ႈ တင်း​တီႈ​သုပ်း​တိၼ် သၢမ်​ဢၼ်​ဢေႃႈ။-</verse>
				<verse number="16">ၽႃႈ​ၵင်ႈ​ဢၼ်​ၵင်ႈ​ႁဵတ်း​ႁူဝ်ႉ​ဝၢင်း​ၼၼ်ႉ ၵႃႈ​မီး​တင်း​သဵင်ႈ​တင်း​လူင် ပဵၼ်​ပိၵ်ႈ​ၶျေႃး​ဢေႃႈ။-</verse>
				<verse number="17">သဝ်​ၸိူဝ်း​ၼၼ်ႉ​ပျေႉ​ၸုမ်ႇ​ဝႆႉ တင်း​တီႈ​သုပ်း​တိၼ်​တွင်း​လိူင်​လႂ်၊ တႅမ်​ငိုၼ်း​လႂ် တင်း​ႁၢဝ်း​ငိုၼ်း​လႂ်​လႄႈ ဝၢၼ်ႇ​ဢၼ်​ၶၢမ်ႇ​ႁူဝ်​သဝ်​ၸိူဝ်း​ၼၼ်ႉ​ၵေႃႈ ဢဝ်​တင်း​ငိုၼ်း​ဢုမ်ႇ​ႁေႃႇ​သေ​ဢေႃႈ။ ႁၢဝ်း​သဝ်​ဝၢင်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပဵၼ်​ႁၢဝ်း​ငိုၼ်း​ဢေႃႈ။</verse>
				<verse number="18">ၽႃႈ​ၵင်ႈ​ပုၼ်ႈ​ဢၼ်​တၵ်း​ၵင်ႈ​ၽၵ်း​တူ​ႁူဝ်ႉ​ဝၢင်း​ၼၼ်ႉ ပဵၼ်​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်​တင်း​ပိၵ်ႈ​ၶျေႃး​ဢၼ်​တမ်ႇ​ၵၢမ်း​ၵၼ်​ႁၢင်ႈ​ၶိူင်ႈ​တေႃး​ႁဵတ်း​ၼၼ်ႉ​လႄႈ၊ ၼႃႈ​ယၢဝ်း​မၼ်း​မီး​သၢဝ်း​သွၵ်ႇ၊ ဢၼ်​သုင်​ၼႂ်း​ၼႃႈ​ပွတ်း​မၼ်း​ႁႃႈ​သွၵ်ႇ​လႄႈ ပဵၼ်​ၼႄး​လဵဝ်​ၵၼ်​တင်း​ၽႃႈ​ၵင်ႈ​ဢၼ်​ၵင်ႈ​ႁူဝ်ႉ​ဝၢင်း​ၼၼ်ႉ​ဢေႃႈ။-</verse>
				<verse number="19">သဝ်​ၽၵ်း​တူ​ႁူဝ်ႉ​ဝၢင်း​မီး​သီႇ​လႅမ်ႈ​လႄႈ ပျေႉ​ၸုမ်ႇ​ဝႆႉ​တင်း​တီႈ​သုပ်း​တိၼ်​တွင်း​လိူင်​သီႇ​ဢၼ် တင်း​တႅမ်​ငိုၼ်း​မၼ်း တင်း​ႁၢဝ်း​မၼ်း တင်း​ဝၢၼ်ႇ​ဢၼ်​ၶၢမ်ႇ​ႁူဝ်​သဝ်​မၼ်း​ဢၼ်​ဢဝ်​တင်း​ငိုၼ်း​ဢုမ်ႇ​ႁေႃႇ​ၼၼ်ႉ​ဢေႃႈ။-</verse>
				<verse number="20">လၵ်း​သုမ်ႉ​ထဵင်​ၸဝ်ႈ​ၵႃႈ​မီး​တင်း​သဵင်ႈ​တင်း​လူင် ဢိၵ်ႇ​တင်း​လၵ်း​ဢၼ်​ပၵ်း​ၸွမ်း​ႁိမ်း​ႁူဝ်ႉ​ဝၢင်း​မၼ်း​ၵႃႈ​မီး​တင်း​သဵင်ႈ​တင်း​လူင်​ပဵၼ်​တွင်း​လိူင်​ဢေႃႈ။</verse>
				<verse number="21">ဢၼ်​ၼပ်ႉ​ဢၼ်​ဢၢၼ်ႇ​ၼႆႉ​ၸမ်ႉ၊ ပဵၼ်​ၸရၢင်း​သုမ်ႉ​ထဵင်​ၸဝ်ႈ​ဢၼ်​ဝႃႈ​သုမ်ႉ​ထဵင်​ၸဝ်ႈ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ဢၼ်​မႅၼ်ႈ​ၸွမ်း​ၼင်ႇ​ဢၼ်​ ဢီႉသမႃႇ ​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇရုၼ်ႇ ​ဢဝ်​ၶိူင်ႈ​ပိူင်​ပုၼ်ႈ​ဢၼ်​ၵူၼ်း​မဵဝ်း​ လေႇဝီႉ ​ၶဝ်​တၵ်း​ပွင်​ႁဵတ်း​ဢမူႉ​ၸဝ်ႈ​ၸိူဝ်း​ၼၼ်ႉ ၼပ်ႉ​ဢၢၼ်ႇ​ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ​ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။-</verse>
				<verse number="22">ၵႃႈ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ၸိုင်၊ ပေႇၸလေႇလႃႉ ​လုၵ်ႈ​ၸၢႆး​ ဢူႉရီႉ ​ဢၼ်​ပဵၼ်​လုၵ်ႈ​ၸၢႆး​ ႁူႉရႃႉ ​ၵႃႈ​ၼႂ်း​ၸိူဝ်ႉ​ၶိူဝ်း​ ယူႉတႃႉ ​ၼၼ်ႉ​ႁဵတ်း​ဢေႃႈ။-</verse>
				<verse number="23">လိူဝ်​သေ​ၼၼ်ႉ ဢႁေႃႇလျႃႇၽႃႉ ​လုၵ်ႈ​ၸၢႆး​ ဢႁီႉသမၵ်ႉ ​ၵႃႈ​ၼႂ်း​ၸိူဝ်ႉ​ၶိူဝ်း​ တၢၼ်ႇ ​ဢၼ်​ၸၢင်ႈ​ႁဵတ်း​တၢင်း​ႁဵတ်း​ဢၼ်​မေႃ​တွင်ႈ​မေႃ​ၶၵ်း၊ တၢင်း​ႁဵတ်း​ဢၼ်​ၸၢင်ႈ​ၵျၢမ်ႇ​ႁဵတ်း​ဢၼ်​လၢၵ်ႇ​လၢၵ်ႇ​လၢႆး​လၢႆး၊ တၢင်း​ႁဵတ်း​ဢၼ်​ၸၢင်ႈ​ဢဝ်​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်၊ ပိၵ်ႈ​ၶျေႃး​တမ်ႇ​ၵၢမ်း​ၵၼ်​ႁၢင်ႈ​ၶိူင်ႈ​တေႃး​ႁဵတ်း​ၸိူဝ်း​ၼၼ်​ၼၼ်ႉ​ၵေႃႈ မီး​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="24">ၶၼ်​ၸင်ႈ​ၶမ်း​ဢၼ်​ဢဝ်​ႁႂ်ႈ​လႆႈ​ႁဵတ်း​ထႃႇၼႃႉ​တီႈ​မူတ်း​ၸၢင်ႇ​ႁႂ်ႈ​ယဝ်ႉ​တူဝ်​ၼၼ်ႉ​ဢၼ်​ဝႃႈ​ၶမ်း​ဢၼ်​ဢဝ်​လူႇ​ဢဝ်​တၢၼ်း​ၼၼ်ႉ​ၸမ်ႉ၊ ၸွမ်း​လူၺ်ႈ​ၼမ်ႉ​ၼၵ်း​ငိုၼ်း​ၸဝ်ႈ​ၵျၢပ်ႈ​ သၶေးလႃႉ ​ၼၼ်ႉ မီး​သၢဝ်း​ပၢႆ​ၵဝ်ႈ​ တလၢၼ်ႇတၢၼ်ႇ ​တင်း​ၵျၢပ်ႈ​ သၶေးလႃႉ ​ၸဵတ်း​ပၢၵ်ႇ​ပၢႆ​သၢမ်​သိပ်း​ၵျၢပ်ႈ​ဢေႃႈ။-</verse>
				<verse number="25">ငိုၼ်း​ဢၼ်​ပရဵၵ်ႈသၢတ်ႈ​ၶဝ်​ၸိူဝ်း​ဢၼ် ၶဝ်ႈ​ပႃး​ၼႂ်း​ၸရၢင်း​ၸိူဝ်း​ၼၼ်ႉ​ပၼ်​ၼၼ်ႉ ပဵၼ်​ပၢၵ်ႇ​ တလၢၼ်ႇတၢၼ်ႇ ​တင်း​ၵျၢပ်ႈ​ သၶေးလႃႉ ​ႁဵင်​ၼိုင်ႈ​ပၢႆ​ၸဵတ်း​ပၢၵ်ႇ​ၸဵတ်း​သိပ်း​ပၢႆ​ႁႃႈ​ၵျၢပ်ႈ​ဢေႃႈ။-</verse>
				<verse number="26">ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ပႃး​ၼႂ်း​ၸရၢင်း​ၵူႈ​ၵေႃႉ ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ​ဢသၢၵ်ႈ​လိူဝ်​သၢဝ်း​ၵႂႃႇ​ၵႃႈ​မီး​တင်း​သဵင်ႈ​တင်း​လူင် ဢၼ်​မီး​ၵူၼ်း​ႁူၵ်း​သႅၼ်​သၢမ်​ႁဵင်​ႁႃႈ​ပၢၵ်ႇ​ပၢႆ​ႁႃႈ​သိပ်း​ၸိူဝ်း​ၼၼ်ႉ ၸွမ်း​လူၺ်ႈ​ၼမ်ႉ​ၼၵ်း​ငိုၼ်း​ၸဝ်ႈ​ၵျၢပ်ႈ​ သၶေးလႃႉ ​ၼၼ်ႉ​လႄႈ ဢွၼ်​ၵၼ်​ပၼ်​ယေႈ​ၵေႃႉ​ယေႈ​ၽႄ​ၵႃႈ ဢၼ်​ဝႃႈ​ၶိူင်ႈ​ၵျၢပ်ႈ​ၼိုင်ႈ​ဢေႃႈ။-</verse>
				<verse number="27">ငိုၼ်း​ပၢၵ်ႇ​ တလၢၼ်ႇတၢၼ်ႇ ​ၼၼ်ႉ ပဵၼ်​ပုၼ်ႈ​ဢၼ်​တၵ်း​လေႃႇ​ႁဵတ်း​တီႈ​သုပ်း​တိၼ်​ထႃႇၼႃႉ​တီႈ​မူတ်း​ၸၢင်ႇ​ဢိၵ်ႇ​တင်း​တီႈ​သုပ်း​တိၼ်​ၽႃႈ​ၵင်ႈ​ၵႃႈ​ၼႂ်း​ဢၼ်​ဝႃႈ ဢဝ်​ငိုၼ်း​ပၢၵ်ႇ​ တလၢၼ်ႇတၢၼ်ႇ ႁဵတ်း​တီႈ​သုပ်း​တိၼ်​ပၢၵ်ႇ​ၼိုင်ႈ​ၼၼ်ႉ ယေႈ​ဢၼ်​ယေႈ​ တလၢၼ်ႇတၢၼ်ႇ ​ဢေႃႈ။-</verse>
				<verse number="28">မၼ်း​ဢဝ်​ငိုၼ်း​ဢၼ်​ၵိုတ်း​ဢၼ်​ၵျၢၼ်ႇ​ႁဵင်​ၼိုင်ႈ​ၸဵတ်း​ပၢၵ်ႇ​ပၢႆ​ၸဵတ်း​သိပ်း​ႁႃႈ​ၵျၢပ်ႈ​ၼၼ်ႉ ႁဵတ်း​တႅမ်​သဝ်​လႂ် တင်း​ႁၢဝ်း​သဝ်​လႂ်​လႄႈ ဢုမ်ႇ​ႁေႃႇ​ဝၢၼ်ႇ​ဢၼ်​ၶၢမ်ႇ​ႁူဝ်​သဝ်​လႂ်​ဢေႃႈ။-</verse>
				<verse number="29">ၶၼ်​ၸင်ႈ​တွင်း​လိူင်​ဢၼ်​လူႇ​ဢၼ်​တၢၼ်း​ၼၼ်ႉ​ၸမ်ႉ၊ ပဵၼ်​ၸဵတ်း​သိပ်း​ တလၢၼ်ႇတၢၼ်ႇ တင်း​ၵျၢပ်ႈ​ သၶေးလႃႉ သွင်​ႁဵင်​ပၢႆ​သီႇ​ပၢၵ်ႇ​ၵျၢပ်ႈ​ဢေႃႈ။-</verse>
				<verse number="30">မၼ်း​ဢဝ်​တွင်း​လိူင်​ၼၼ်ႉ ႁဵတ်း​တီႈ​သုပ်း​တိၼ်​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ၊ ယိတ်ႈပလၢင်ႇ​တွင်း​လိူင်၊ တႃ​ၶႃႇ​တွင်း​လိူင်​ပုၼ်ႈ​မၼ်း၊ ၶိူင်ႈ​ပိူင်​ယိတ်ႈပလၢင်ႇ​ၼၼ်ႉ ၵႃႈ​မီး​တင်း​သဵင်ႈ​တင်း​လူင်၊-</verse>
				<verse number="31">ဢိၵ်ႇ​တင်း​တီႈ​သုပ်း​တိၼ်​ႁူဝ်ႉ​ဝၢင်း​ဢၼ်​ၵင်ႈ​လႂ်၊ တီႈ​သုပ်း​တိၼ်​ၽၵ်း​တူ​ႁူဝ်ႉ​ဝၢင်း​လႂ်၊ လၵ်း​သုမ်ႉ​ထဵင်​ၸဝ်ႈ​လႂ်၊ လၵ်း​ဢၼ်​ပၵ်း​လွမ်ႉ​ႁွပ်ႈ​ႁူဝ်ႉ​ဝၢင်း​လႂ် ၵႃႈ​မီး​တင်း​သဵင်ႈ​တင်း​လူင်​ဢေႃႈ။</verse>
			</chapter>
			<chapter number="39">
				<verse number="1">ၶဝ်​ဢဝ်​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် ႁဵတ်း​ၶူဝ်း​ၼုင်ႈ​ၶူဝ်း​မႆ ပုၼ်ႈ​ဢၼ်​တၵ်း​ၵိုတ်ႉ​ႁၢပ်ႇ​ဢမူႉ​ၸဝ်ႈ​ၵႃႈ​တီႈ​ထႃႇၼႃႉ တီႈ​မူတ်း​ၸၢင်ႇ ဢိၵ်ႇ​တင်း ၶူဝ်း​ၼုင်ႈ​ၶူဝ်း​မႆ​ဢၼ်​မူတ်း​ၸၢင်ႇ ပုၼ်ႈ​ ဢႃႇရုၼ်ႇ ​ၼၼ်ႉ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ တီႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="2">ၶဝ်​ဢဝ်​ၶမ်း၊ ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် တင်း​ပိၵ်ႈ​ၶျေႃး​ႁဵတ်း​သိူဝ်ႈ​သုပ်း​ဢေႃႈ။-</verse>
				<verse number="3">ၶဝ်​ၶဵၼ်ႇ​ပျႃး​ၶမ်း​လႄႈ ထႅၵ်ႇ​ထိူဝ်​ႁဵတ်း​ၸိူၵ်ႈ​ၶမ်း​သေ​ယဝ်ႉ၊ တမ်ႇ​ၵၢမ်း​ၵၼ်​တေႃး​ႁဵတ်း​ၵႃႈ​ၼႂ်း ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် ဢိၵ်ႇ​တင်း​ပိၵ်ႈ​ၶျေႃး​ၼၼ်ႉ​ဢေႃႈ။-</verse>
				<verse number="4">ၶဝ်​ႁဵတ်း​သၢႆ​တွႆး​သွင်​သဵၼ်ႈ ဢၼ်​ႁႂ်ႈ​မၼ်း​ႁွႆႈ​ၸပ်း​ၵၼ်​လႄႈ ၵႃႈ​တီႈ​ႁိမ်း​သုတ်း​မၼ်း​သွင်​ၽၢႆႇ​ၼၼ်ႉ​ႁွႆႈ​ၸပ်း​ၵၼ်​ယူႇ​ဢေႃႈ။-</verse>
				<verse number="5">သၢႆ​ႁတ်ႉ​ဢႅဝ်​ဢၼ်​ႁၢင်ႈ​ၶိူင်ႈ​ဢၼ် ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၼုင်ႈ​သိူဝ်ႈ​သုပ်း​ဢၼ်​မီး​ၵႃႈ​တီႈ​မၼ်း​ၼၼ်ႉ ပဵၼ်​ၼိူဝ်ႉ​လဵဝ်​ၵၼ်​တင်း​သိူဝ်ႈ​သုပ်း​ၼၼ်ႉ​လႄႈ ပဵၼ်​မိူၼ်​ၸိူဝ်ႉ​ၼင်ႇ တူဝ်​မၼ်း​ဢေႃႈ။ ဢဝ်​ၶမ်း​ဢိၵ်ႇ​တင်း​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်၊ ပိၵ်ႈ​ၶျေႃး​ႁဵတ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ၸီႇ​ယၢင်ႇ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="6">ၶဝ်​သူၺ်း​သႅင်​ၸၢႆး​ၶႃး​ယွတ်ႇ​သွင်​လုၵ်ႈ​လႄႈ ဢဝ်​ဢႅၵ်ႉၶရႃႇ​တူဝ်​လိၵ်ႈ​ၸွမ်း​လူၺ်ႈ​ၼႃႇ​မႃႉ​ၸိုဝ်ႈ​သဵင်​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​တၢင်ႇ​သႂ်ႇ​မိူၼ်​ၸိူဝ်ႉ​ၼင်ႇ​ဢၼ်​ဢဝ်​တၢင်ႇ​သႂ်ႇ​ဝႆႉ​ၵႃႈ​ၼိူဝ်​တၼ်း​သိၵ်ႈ​ၼၼ်ႉ​သေ​ယဝ်ႉ၊ ဢဝ်​သႂ်ႇ​ဝႆႉ​ၵႃႈ​ၼႂ်း​ႁိူၼ်း​ၶမ်း​မၼ်း​ဢေႃႈ။-</verse>
				<verse number="7">ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၵႃႈ​တီႈ​ မူဝ်းသေႇ ​ၼၼ်ႉ​သေ​လႄႈ၊ မၼ်း​ဢဝ်​သႅင်​ၼၼ်ႉ သႂ်ႇ​ဝႆႉ​ၵႃႈ​ၼိူဝ်​သၢႆ​တွႆး​သိူဝ်ႈ​သုပ်း​ၼၼ်ႉ ႁႂ်ႈ​ပဵၼ်​သႅင်​ပုၼ်ႈ​ဢၼ်​မၼ်း​ၸဝ်ႈ​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။</verse>
				<verse number="8">မၼ်း​ဢဝ်​ၶမ်း တင်း​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်၊ ပိၵ်ႈ​ၶျေႃး​တမ်ႇ​ၵၢမ်း​ၵၼ် တေႃး​ႁၢင်ႈ​ၶိူင်ႈ​ႁဵတ်း​ၶိူင်ႈ​ဝႆ​ၼႃႈ​ဢူၵ်း မိူၼ်​ၸိူဝ်ႉ​ၼင်ႇ​ဢၼ်​ႁဵတ်း​သိူဝ်ႈ​သုပ်း​ၼၼ်ႉ​ဢေႃႈ။-</verse>
				<verse number="9">တူပ်ႉ​ႁဵတ်း​သွင်​ထၢပ်ႈ​လႄႈ ၼႃႈ​ယၢဝ်း​မၼ်း​ၶိုပ်ႈ​ၼိုင်ႈ၊ ၼႃႈ​ပွတ်း​မၼ်း​ၶိုပ်ႈ​ၼိုင်ႈ၊ ပဵၼ်​သီႇ​ၸဵင်ႇ​ၶိုင်ႈ​ဝႆႉ​ဢေႃႈ။-</verse>
				<verse number="10">ၵႃႈ​တီႈ​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ မၼ်း​ၸီႇ​သႅင်​ဢၼ်​မျၢတ်ႈ​သီႇ​ထႅဝ်​ဢေႃႈ။ ထႅဝ်​ပထမႃႉ​ၸမ်ႉ၊ ပဵၼ်​သႅင်​လႅင်၊ ဢူၵ်း​သၽူရႃး တင်း​မျႃႉ​ဢေႃႈ။-</verse>
				<verse number="11">ထႅဝ်​တူႉတီႉယႃႉ​ၸမ်ႉ၊ ပဵၼ်​ပတမျႃး၊ ၼီႇလႃႇ တင်း​ၸိင်ႇ​ဢေႃႈ။-</verse>
				<verse number="12">ထႅဝ်​တႃႉတီႉယႃႉ​ၸမ်ႉ၊ ပဵၼ်​ဝႃႇၵိၼ်ႇသူႉ၊ မႁူႇရႃႇ တင်း​ၵေႃႇ​မုၵ်ႉ​ဢေႃႈ။-</verse>
				<verse number="13">ထႅဝ်​ၸတုၵ်ႉထႃႉ​ၸမ်ႉ၊ ပဵၼ်​သႅင်​မျႅၵ်ႉရွႆး၊ ၸၢႆး​ၶႃး​ယွတ်ႇ တင်း​ၼၵႃး​သွႆႈ​ဢေႃႈ။ သႅင်​ႁင်း​ၽႂ်​ႁင်း​မၼ်း​ၸိူဝ်း​ၼၼ်ႉ ဢဝ်​ၸီႇ​သႂ်ႇ ၵႃႈ​ၼႂ်း​ႁိူၼ်း​ၶမ်း​မၼ်း​ဢေႃႈ။-</verse>
				<verse number="14">သႅင်​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ၼႃႇ​မႃႉ​ၸိုဝ်ႈ​သဵင် ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​သေ​လႄႈ မီး​သိပ်း​သွင်​လုၵ်ႈ ၸွမ်း​ၵႃႈ​ၼင်ႇ​ၼႃႇ​မႃႉ​ၸိုဝ်ႈ​သဵင်​ၶဝ်​မီး​ၼၼ်ႉ​ဢေႃႈ။ ပဵၼ်​မိူၼ်​ၸိူဝ်ႉ​ၼင်ႇ​ဢၼ်​ဢဝ်​ဢႅၵ်ႉၶရႃႇ​တူဝ်​လိၵ်ႈ​တၢင်ႇ​သႂ်ႇ​ဝႆႉ ၵႃႈ​ၼိူဝ်​တၼ်း​သိၵ်ႈ​ၼၼ်ႉ​လႄႈ ပဵၼ်​ပုၼ်ႈ​မဵဝ်း​သိပ်း​သွင်​ပႃး ႁင်း​ၽႂ်​ႁင်း​မၼ်း​ၵႃႈ​ၼင်ႇ​ၼႃႇ​မႃႉ​ၸိုဝ်ႈ​သဵင်​ၶဝ်​မီး​ၼၼ်ႉ​ဢေႃႈ။-</verse>
				<verse number="15">ၵႃႈ​တီႈ​ၽၢႆႇ​ၼိူဝ်​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ ၶဝ်​ဢဝ်​ၶမ်း​လွတ်ႈ​ငၢၼ်ႇ​ႁဵတ်း​သၢႆ​လိမ်ႇ​ၵဵဝ်ႈ​ဢၼ်​ၽၼ်ႈ​ႁဵတ်း​ၼၼ်ႉ​သႂ်ႇ​ဢေႃႈ။-</verse>
				<verse number="16">ၶဝ်​ႁဵတ်း​ၶူၺ်ႇ​ၶမ်း​သွင်​ဢၼ်​ဢိၵ်ႇ​တင်း​လူင်ႇ​မွၵ်ႇ​ၶမ်း​သွင်​လူင်ႇ​လႄႈ ဢဝ်​ၶူၺ်ႇ​သွင်​ဢၼ်​ၼၼ်ႉ သႂ်ႇ​ဝႆႉ​ၵႃႈ​တီႈ​ၸဵင်ႇ​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ သွင်​ၸဵင်ႇ​ဢေႃႈ။-</verse>
				<verse number="17">ၶဝ်​ဢဝ်​သၢႆ​ၶမ်း​ဢၼ်​ၽၼ်ႈ​ဝႆႉ​သွင်​သဵၼ်ႈ​ၼၼ်ႉ သွတ်ႇ​သႂ်ႇ​ၵႃႈ​ၼႂ်း​ၶူၺ်ႇ​သွင်​ၶူၺ်ႇ ဢၼ်​မီး​ၵႃႈ​တီႈ​ၸဵင်ႇ​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ​ဢေႃႈ။-</verse>
				<verse number="18">ပၢႆ​သၢႆ​ဢၼ်​ၽၼ်ႈ​ဝႆႉ​သွင်​သဵၼ်ႈ​ၼၼ်ႉ ၽၢႆႇ​ၼိုင်ႈ​ၸိုင်၊ ၶဝ်​မတ်ႉ​ၸပ်း​ၵႃႈ​တီႈ​လူင်ႇ​မွၵ်ႇ​ၶမ်း​သွင်​ဢၼ်​ၼၼ်ႉ​ဝႆႉ​လႄႈ ဢဝ်​သႂ်ႇ​ဝႆႉ​ၵႃႈ​ၼိူဝ်​သၢႆ​တွႆး​သိူဝ်ႈ​သုပ်း​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။</verse>
				<verse number="19">ၶဝ်​သမ်ႉ​ႁဵတ်း​ၶူၺ်ႇ​ၶမ်း​သွင်​ဢၼ်​လႄႈ ဢဝ်​သႂ်ႇ​ဝႆႉ​ၵႃႈ​တီႈ​ၸဵင်ႇ​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ​သွင်​ၸဵင်ႇ ၵႃႈ​တီႈ​ႁိမ်း​မၼ်း ဢၼ်​မီး​ၽၢႆႇ​တၢမ်း​ၼႂ်း​လႄႈ တေႃး​ၸပ်း​ၵၼ်​တင်း​ၼႃႈ​သိူဝ်ႈ​သုပ်း​ၼၼ်ႉ​ဢေႃႈ။-</verse>
				<verse number="20">ၶူၺ်ႇ​ၶမ်း​တၢင်ႇ​ဢၼ်​ၵေႃႈ ၶဝ်​ႁဵတ်း​ထႅင်ႈ​သွင်​ဢၼ်​လႄႈ ဢဝ်​သႂ်ႇ​ဝႆႉ​ၵႃႈ​တီႈ​သၢႆ​တွႆး​သိူဝ်ႈ​သုပ်း​ၵႃႈ​ႁိမ်း​တႂ်ႈ​မၼ်း ၵႃႈ​တီႈ​ၼႃႈ​မၼ်း​ၼၼ်ႉ ၵႃႈ​ၼိူဝ်​တီႈ​ဢၼ်​သိူဝ်ႈ​သုပ်း​တင်း​သၢႆ​ႁတ်ႉ​ဢႅဝ်​ဢၼ်​ႁၢင်ႈ​ၶိူင်ႈ​ၼၼ်ႉ​သိုပ်ႇ​ၵၢမ်း​ၵၼ်​ၼၼ်ႉ​ဢေႃႈ။-</verse>
				<verse number="21">ၶဝ်​ဢဝ်​မႆ​ဢၼ်​သွမ်ႇ​မတ်ႉ​တွႆး​ၶူၺ်ႇ​ၶမ်း​ၶိူင်ႈ​ဝႆ​ၼႃႈ​ဢူၵ်း​သွင်​ဢၼ် ဢိၵ်ႇ​တင်း​ၶူၺ်ႇ​ၶမ်း​သိူဝ်ႈ​သုပ်း​သွင်​ဢၼ်​ၼၼ်ႉ​ၸပ်း​ၵၼ်​ဝႆႉ​ဢေႃႈ။ ၼင်ႇ​ၼၼ်​လႄႈ ၶိူင်ႈ​ဝႆ​ၼႃႈ​ဢူၵ်း​ၼၼ်ႉ ႁွႆႈ​ဝႆႉ​ၵႃႈ​တီႈ​ၽၢႆႇ​ၼိူဝ်​သၢႆ​ႁတ်ႉ​ဢႅဝ် ဢၼ်​ႁၢင်ႈ​ၶိူင်ႈ​ၵႃႈ​တီႈ​သိူဝ်ႈ​သုပ်း​ၼၼ်ႉ​လႄႈ၊ ယင်း​ဢမ်ႇ​ၽၢတ်ႇ​ဢမ်ႇ​ယၢၼ်​ၵၼ် တင်း​သိူဝ်ႈ​သုပ်း​လႄႈ မီး​ယူႇ​သေႇ​သေႇ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="22">မၼ်း​ဢဝ်​ၶူဝ်း​ဢၼ်​သွမ်ႇ​ၵူၺ်း​ၵူၺ်း တေႃး​ႁဵတ်း​သိူဝ်ႈ​ယၢဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​သိူဝ်ႈ​သုပ်း​ၼၼ်ႉ​ဢေႃႈ။-</verse>
				<verse number="23">ၵႃႈ​တီႈ​သိူဝ်ႈ​ယၢဝ်း​ၼၼ်ႉ မီး​ႁူ​ၶေႃး​သိူဝ်ႈ​ၵႃႈ​ၼႂ်း​ၶိုင်ႈ​ၵၢင် ၽၢႆႇ​တၢင်း​ၼိူဝ်​မၼ်း​မိူၼ်​ၸိူဝ်ႉ​ၼင်ႇ​ဢၼ်​ပဵၼ် ၵႃႈ​တီႈ​ႁူ​ၶေႃး​သိူဝ်ႈ ဢၼ်​ဢဝ်​လဵၵ်း​ႁဵတ်း​ၼၼ်ႉ​လႄႈ သႂ်ႇ​ၵူပ်ႉ​ၶေႃး​မၼ်း​ၵႃႈ​တီႈ​ႁူ​ၶေႃး​မၼ်း​ႁႂ်ႈ​ဢမ်ႇ​လႆႈ​သိၵ်ႇ​လႆႈ​ၶၢတ်ႇ​ဢေႃႈ။</verse>
				<verse number="24">ၵႃႈ​တီႈ​ဢၼ်​လဵပ်ႈ​ႁွပ်ႈ​ၸွမ်း​ႁိမ်း​ၽၢႆႇ​တႂ်ႈ​သိူဝ်ႈ​ယၢဝ်း​ၼၼ်ႉ ၶဝ်​ဢဝ်​ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင် တင်း​ပိၵ်ႈ​ၶျေႃး​ႁဵတ်း​မၢၵ်ႇ​ၸင်ႈ​သႂ်ႇ​ဢေႃႈ။-</verse>
				<verse number="25">ၶဝ်​ဢဝ်​ၶမ်း​လွတ်ႈ​ငၢၼ်ႇ​ႁဵတ်း​ႁိင်ႇ ဢဝ်​ႁိင်ႇ​ၸိူဝ်း​ၼၼ်ႉ သႂ်ႇ​တီႈ​ဝူင်ႈ​ၵၢင် မၢၵ်ႇ​ၸင်ႈ​ႁူၺ်ႇ​ၼိုင်ႈ​လႄႈ​ႁူၺ်ႇ​ၼိုင်ႈ ၵႃႈ​တီႈ​ဢၼ် လဵပ်ႈ​ႁွပ်ႈ​ၸွမ်း​ႁိမ်း​ၽၢႆႇ​တႂ်ႈ​သိူဝ်ႈ​ယၢဝ်း​ၼၼ်ႉ​ဢေႃႈ။-</verse>
				<verse number="26">မၢၵ်ႇ​ၸင်ႈ​လုၵ်ႈ​ၼိုင်ႈ၊ ႁိင်ႇ​လုၵ်ႈ​ၼိုင်ႈ၊ မၢၵ်ႇ​ၸင်ႈ​လုၵ်ႈ​ၼိုင်ႈ၊ ႁိင်ႇ​လုၵ်ႈ​ၼိုင်ႈ၊ ဢဝ်​ၶၼ်ႈ​ၵၼ်​ၶႅၼ်ႈ​ၵၼ်​သေ​လႄႈ ၸွမ်း​ႁိမ်း​မၼ်း​လႄႈ ႁဵတ်း​သိူဝ်ႈ​ယၢဝ်း ၸိူဝ်ႉ​ၼင်ႇ​ၼၼ် ပုၼ်ႈ​ဢၼ်​တၵ်း​ဢဝ်​ႁဵတ်း​ဢဝ်​ပွင်​ဢမူႉ​ၸဝ်ႈ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="27">ၶဝ်​တေႃး​ႁဵတ်း​သိူဝ်ႈ​ပုတ်း​ပိၵ်ႈ​ၶျေႃး​ပုၼ်ႈ​ ဢႃႇရုၼ်ႇ ၊​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ၊-</verse>
				<verse number="28">ဢိၵ်ႇ​တင်း​ၶဵၼ်း​ႁူဝ်​ပိၵ်ႈ​ၶျေႃး တင်း​မွၵ်ႇ​ႁူဝ်​ပိၵ်ႈ​ၶျေႃး၊ ဢၼ်​သၢင်ႇ​ထုၵ်ႇ၊ တင်း​ၵူၼ်​ပိၵ်ႈ​ၶျေႃး၊-</verse>
				<verse number="29">တင်း​သၢႆ​ႁတ်ႉ​ဢႅဝ်​ဢၼ်​ဢဝ်​ပိၵ်ႈ​ၶျေႃး၊ ၶူဝ်း​ဢၼ်​သွမ်ႇ၊ ၶူဝ်း​ဢၼ်​ၵမ်ႇ၊ ၶူဝ်း​ဢၼ်​လႅင်၊ တမ်ႇ​ၵၢမ်း​ၵၼ်​တေႃး​ႁဵတ်း​ၼၼ်ႉ​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="30">ၵမ်း​ၼၼ်ႉ ၶိူင်ႈ​ပျႃး​ၶမ်း​လွတ်ႈ​ငၢၼ်ႇ​ၵေႃႈ ၶဝ်​ႁဵတ်း​လႄႈ ဢဝ်​ဢႅၵ်ႉၶရႃႇ​တူဝ်​လိၵ်ႈ​ဢၼ်​ဝႃႈ၊ တၢင်း​ဢၼ်​မူတ်း​ၸၢင်ႇ​တီႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ တၢင်ႇ​သႂ်ႇ​ဝႆႉ​မိူၼ်​ၸိူဝ်ႉ​ၼင်ႇ​ဢၼ် တၢင်ႇ​သႂ်ႇ​ဝႆႉ​ၵႃႈ​ၼိူဝ်​တၼ်း​သိၵ်ႈ​ၼၼ်ႉ​လႄႈ၊-</verse>
				<verse number="31">ဢဝ်​သၢႆ​ဢၼ်​သွမ်ႇ​မတ်ႉ​သႂ်ႇ​ဝႆႉ ၵႃႈ​ၼိူဝ်​ၽၢႆႇ​ၼႃႈ​ၶဵၼ်း​ႁူဝ် ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="32">ၼင်ႇ​ၼၼ်​လႄႈ တၢင်း​ဢၼ်​ႁဵတ်း​ဢၼ်​သၢင်ႈ​သုမ်ႉ​ထဵင်​ၸဝ်ႈ​ဢၼ်​ဝႃႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၵႃႈ​မီး​တင်း​သဵင်ႈ​တင်း​လူင် ယဝ်ႉ​ၸွတ်ႇ​တူဝ်ႈ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ႁဵတ်း​ၸိူဝ်ႉ​ၼင်ႇ​ၼၼ်​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="33">မိူဝ်ႈ​ၼၼ်ႉ ၶဝ်​ၼၼ်ႉ ဢွၼ်​ၵၼ်​ဢဝ်​သုမ်ႉ​ထဵင်​ၸဝ်ႈ​ဢၼ်​ဝႃႈ ၸႃႉ​ၸဵမ်​မူဝ်းၵႃႇ​မၼ်း၊ ၶိူင်ႈ​ပိူင်​မၼ်း​တင်း​သဵင်ႈ​တင်း​လူင် ဢၼ်​ဝႃႈ​ၶေႃ​ၶမ်း​မၼ်း၊ ပႅၼ်ႈ​မၼ်း၊ သႄႈ​မၼ်း၊ သဝ်​မၼ်း၊ တီႈ​သုပ်း​တိၼ်​မၼ်း​လႄႈ၊-</verse>
				<verse number="34">ၼင်​သူဝ်း​ဢၼ်​ယွမ်ႉ​လႅင်​ပုၼ်ႈ​ဢၼ်​တၵ်း​မုင်း​ႁူမ်ႇ၊ ၼင်​ တႁႃႇသႃႉ ပုၼ်ႈ​ဢၼ်​တၵ်း​မုင်း​ၽႃႈ​ၵင်ႈ​ဢၼ်​ၵင်ႈ​တၢင်း​ၼႂ်း​မၼ်း၊-</verse>
				<verse number="35">ဢိၵ်ႇ​တင်း​တိူၵ်ႈ​တႃႇ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ တင်း​ၵၢၼ်း​ႁၢပ်ႇ​မၼ်း တင်း​ပလၢင်ႇ​တီႈ​ၽေႇ​ဢပႅတ်ႈ၊-</verse>
				<verse number="36">ဢိၵ်ႇ​တင်း​ၶူင်ႇ​တီႈ​ၵိၼ်​မၼ်း​တင်း​ၶိူင်ႈ​မၼ်း တင်း​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ၊-</verse>
				<verse number="37">ဢိၵ်ႇ​တင်း​ၶူင်ႇ​တီႈ​တႆႈ​ၽႆး ဢၼ်​ၶဝ်​သႂ် တင်း​ဝၢၼ်ႇ​တႆႈ​ၽႆး​ဢၼ်​လႆႈ​မႄး​ႁႅၼ်း​ဝႆႉ၊ တင်း​ၶိူင်ႈ​ဝၢၼ်ႇ​တႆႈ​ၽႆး ၵႃႈ​မီး​တင်း​သဵင်ႈ​တင်း​လူင် တင်း​ၼမ်ႉ​မၼ်း​ပုၼ်ႈ​ဢၼ်​တၵ်း​တႆႈ​ၽႆး၊-</verse>
				<verse number="38">ဢိၵ်ႇ​တင်း ယိတ်ႈပလၢင်ႇ​ၶမ်း​တင်း​ၼမ်ႉ​မၼ်း​ပုၼ်ႈ​ဢၼ်​တၵ်း​တႃး​တင်း​ၼၢမ်ႇ​သႃႇ​ဢၼ်​ႁွမ်​ဢၼ်​ႁူၺ်း၊ ပုၼ်ႈ​ဢၼ်​တၵ်း​တုတ်ႇ​ၽႆး၊ တင်း​ၽႃႈ​ၵင်ႈ​ဢၼ်​တၵ်း​ၵင်ႈ​ၽၵ်း​တူ​မူဝ်းၵႃႇ​ၸဝ်ႈ၊-</verse>
				<verse number="39">ယိတ်ႈပလၢင်ႇ​တွင်း​လိူင် တင်း​တႃ​ၶႃႇ​တွင်း​လိူင်​ၵႃႈ​တီႈ​မၼ်း၊ တင်း​ၵၢၼ်း​ႁၢပ်ႇ​မၼ်း၊ တင်း​ၶိူင်ႈ​မၼ်း​ၵႃႈ​မီး​တင်း​သဵင်ႈ​တင်း​လူင်၊ ၵွၵ်း​လူင်​တင်း​တိၼ်​မၼ်း၊-</verse>
				<verse number="40">ၽႃႈ​ၵင်ႈ​ႁူဝ်ႉ​ဝၢင်း​တင်း​သဝ်​မၼ်း၊ သုပ်း​တိၼ်​မၼ်း၊ ၽႃႈ​ၵင်ႈ​ပုၼ်ႈ​ဢၼ်​တၵ်း​ၵင်ႈ​ၽၵ်း​တူ​ႁူဝ်ႉ​ဝၢင်း တင်း​ၸိူၵ်ႈ​မၼ်း​တင်း​လၵ်း​မၼ်း တင်း​ၶိူင်ႈ​ပုၼ်ႈ​ဢၼ်​တၵ်း​ပွင်​ႁဵတ်း​ဢမူႉ​ၸဝ်ႈ ၵႃႈ​ၼႂ်း​သုမ်ႉ​ထဵင်​ၸဝ်ႈ၊ ၶိူင်ႈ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ ၵႃႈ​မီး​တင်း​သဵင်ႈ​တင်း​လူင်၊-</verse>
				<verse number="41">ၶူဝ်း​ၼုင်ႈ​ၶူဝ်း​မႆ​ဢၼ်​တၵ်း​လႆႈ​ၼုင်ႈ​လႆႈ​မႆ ၼႂ်း​မိူဝ်ႈ​ဢၼ်​ပွင်​ႁဵတ်း​ဢမူႉ​ၸဝ်ႈ ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ၊ ၶူဝ်း​ၼုင်ႈ​ၶူဝ်း​မႆ​ဢၼ်​မူတ်း​ၸၢင်ႇ​ပုၼ်ႈ​ဢၼ်​ယိတ်ႈပရေႃးႁဵၵ်ႈ​ ဢႃႇရုၼ်ႇ တၵ်း​လႆႈ​ၼုင်ႈ​လႆႈ​မႆ၊ ၶူဝ်း​ၼုင်ႈ​ၶူဝ်း​မႆ​ပုၼ်ႈ​ဢၼ်​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​တၵ်း​လႆႈ​ၼုင်ႈ​လႆႈ​မႆ ႁႂ်ႈ​လႆႈ​ပွင်​ႁဵတ်း​ဢမူႉ​ယိတ်ႈပရေႃးႁဵၵ်ႈ​ၼၼ်ႉ​ၸိူဝ်း​ၼၼ်ႉ မႃး​ၵႃႈ​တီႈ​ မူဝ်းသေႇ ​ဢေႃႈ။-</verse>
				<verse number="42">ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​ႁႂ်ႈ​တင်း​သဵင်ႈ​တင်း​လူင် ယဝ်ႉ​တူဝ်ႈ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="43">မူဝ်းသေႇ လူ​တူၺ်း​ၵႃႈ​ဢၼ်​ၶဝ်​ႁဵတ်း​တင်း​သဵင်ႈ​တင်း​လူင်​ၼၼ်ႉ​လႄႈ ႁူႉ​ႁၼ်​လွင်ႈ​ဢၼ် ၶဝ်​ႁဵတ်း​ႁႂ်ႈ​ယဝ်ႉ​ႁႂ်ႈ​တူဝ်ႈ​ၼၼ်ႉ ဢိၵ်ႇ​တင်း​လွင်ႈ​ဢၼ်​ၶဝ်​ႁဵတ်း​ၸိူဝ်ႉ​ၼင်ႇ​ၼၼ် ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ​သေ​ယဝ်ႉ၊ ပၼ်​တၢင်း​လီ​မင်ႇၵလႃႇ​တီႈ​ၶဝ်​ဢေႃႈ။</verse>
			</chapter>
			<chapter number="40">
				<verse number="1">ၵမ်း​ၼၼ်ႉ ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">ၼႂ်း​လိူၼ်​ပထမႃႉ ဝၼ်း​ပထမႃႉ​ၼၼ်ႉ မႂ်း​တၵ်း​လႆႈ​တႄႇ​ႁဵတ်း​သုမ်ႉ​ထဵင်​ၸဝ်ႈ​မူဝ်းၵႃႇ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။-</verse>
				<verse number="3">မႂ်း​တၵ်း​လႆႈ​ဢဝ်​တိူၵ်ႈ​တႃႇ ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​သႂ်ႇ​ဝႆႉ​ၵႃႈ​ၼႂ်း​မၼ်း​လႄႈ ဢဝ်​တင်း​ၽႃႈ​ၵင်ႈ​တၢင်း​ၼႂ်း ၵင်ႈ​လပ်ႉ​တိူၵ်ႈ​တႃႇ​ၼၼ်ႉ​ဝႆႉ​ဢေႃႈ။-</verse>
				<verse number="4">ၶူင်ႇ​တီႈ​ၵိၼ်​ၵေႃႈ မႂ်း​တၵ်း​လႆႈ​ဢဝ်​သႂ်ႇ​ဝႆႉ​လႄႈ မႄး​ႁႅၼ်း​ဝႆႉ​ၵႃႈ​ၼင်ႇ​ဢၼ်​တၵ်း​လႆႈ​မႄး​ႁႅၼ်း​ဝႆႉ​ၼၼ်ႉ ၵႃႈ​ၼိူဝ်​မၼ်း​ဢေႃႈ။ ၶူင်ႇ​တီႈ​တႆႈ​ၽႆး​ၵေႃႈ မႂ်း​တၵ်း​လႆႈ​ဢဝ်​သႂ်ႇ​ဝႆႉ​လႄႈ​တႆႈ​ၽႆး ဝၢၼ်ႇ​တႆႈ​ၽႆး​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="5">ယိတ်ႈပလၢင်ႇ​ၶမ်း တီႈ​ဢၼ်​တုတ်ႇ​ၽႆး​ၼၢမ်ႇ​သႃႇ​ၼၼ်ႉ​ၵေႃႈ မႂ်း​တၵ်း​လႆႈ​ဢဝ်​ဝႆႉ ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ​လႄႈ ႁွႆႈ​ၵင်ႈ​ၽႃႈ​ၵင်ႈ​ဢၼ်​ၵင်ႈ​ၽၵ်း​တူ​သုမ်ႉ​ထဵင်​ၸဝ်ႈ​ၼၼ်ႉ​သေ​ဢေႃႈ။</verse>
				<verse number="6">ယိတ်ႈပလၢင်ႇ တီႈ​ဢၼ်​တုတ်ႇ​ၽႆး​တူဝ်​ယိတ်ႈ​ၼၼ်ႉ​ၵေႃႈ မႂ်း​တၵ်း​လႆႈ​ဢဝ်​ဝႆႉ​ၵႃႈ​တီႈ​ၽၢႆႇ​ၼႃႈ ၽၵ်း​တူ​သုမ်ႉ​ထဵင်​ၸဝ်ႈ​မူဝ်းၵႃႇ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။-</verse>
				<verse number="7">ၵွၵ်း​လူင်​ၵေႃႈ မႂ်း​တၵ်း​လႆႈ​ဢဝ်​ဝႆႉ ၵႃႈ​ၼႂ်း​ၵႄႈ​ဝူင်ႈ​ၵၢင်​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ တင်း​ယိတ်ႈပလၢင်ႇ​လႄႈ ဢဝ်​ၼမ်ႉ​သႂ်ႇ​ၼႂ်း​မၼ်း​ဝႆႉ​ဢေႃႈ။-</verse>
				<verse number="8">မႂ်း​တၵ်း​လႆႈ​ဢဝ်​ႁူဝ်ႉ​ဝၢင်း ဢၼ်​လွမ်ႉ​ႁွပ်ႈ​ႁိမ်း​သုမ်ႉ​ထဵင်​ၸဝ်ႈ​ၼၼ်ႉ ပူၵ်း​လႄႈ​ဢဝ်​ၽႃႈ​ၵင်ႈ​ဢၼ်​ၵင်ႈ​ၽၵ်း​တူ​ႁူဝ်ႉ​ဝၢင်း​ၼၼ်ႉ ႁွႆႈ​ၵင်ႈ​ဝႆႉ​ဢေႃႈ။-</verse>
				<verse number="9">မႂ်း​တၵ်း​လႆႈ​ဢဝ်​ၼမ်ႉ​မၼ်း ပုၼ်ႈ​ဢၼ်​တၵ်း​တႃး​ၼၼ်ႉ တႃး​သုမ်ႉ​ထဵင်​ၸဝ်ႈ ဢိၵ်ႇ​တင်း​ၵႃႈ​ဢၼ်​မီး​ၵႃႈ​ၼႂ်း​မၼ်း​လႄႈ ႁႂ်ႈ​သုမ်ႉ​ထဵင်​ၸဝ်ႈ ဢိၵ်ႇ​တင်း​ၶိူင်ႈ​မၼ်း​ၵႃႈ​မီး​တင်း​သဵင်ႈ​တင်း​လူင် မူတ်း​ၸၢင်ႇ​ဢေႃႈ။ ၼင်ႇ​ၼၼ်​လႄႈ မၼ်း​တၵ်း​လႆႈ​မူတ်း​ၸၢင်ႇ​ဢေႃႈ။-</verse>
				<verse number="10">မႂ်း​တၵ်း​လႆႈ​တႃး​ယိတ်ႈပလၢင်ႇ​တီႈ​ဢၼ်​တုတ်ႇ​ၽႆး တူဝ်​ယိတ်ႈ​ဢိၵ်ႇ​တင်း​ၶိူင်ႈ​မၼ်း ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​လႄႈ ႁႂ်ႈ​ယိတ်ႈပလၢင်ႇ​ၼၼ်ႉ မူတ်း​ၸၢင်ႇ​ဢေႃႈ။ ယိတ်ႈပလၢင်ႇ​ၼၼ်ႉ တၵ်း​လႆႈ​ပဵၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ဢေႃႈ။-</verse>
				<verse number="11">ၵွၵ်း​လူင် ဢိၵ်ႇ​တင်း​တိၼ်​မၼ်း​ၵေႃႈ မႂ်း​တၵ်း​လႆႈ​တႃး​လႄႈ​ႁႂ်ႈ​မူတ်း​ၸၢင်ႇ​ဢေႃႈ။-</verse>
				<verse number="12">မႂ်း​တၵ်း​လႆႈ​ႁွင်ႉ​ဢဝ်​ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ မႃး​ၵႃႈ​တီႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ ဢဝ်​ၼမ်ႉ​ဢၢပ်ႇ​ပၼ်​ၶဝ်​သေ​ဢေႃႈ။-</verse>
				<verse number="13">မႂ်း​တၵ်း​လႆႈ​ဢဝ်​ၶူဝ်း​ၼုင်ႈ​ၶူဝ်း​မႆ ဢၼ်​မူတ်း​ၸၢင်ႇ​ၼၼ်ႉ ၼုင်ႈ​ပၼ်​ ဢႃႇရုၼ်ႇ ​လႄႈ ဢဝ်​ၼမ်ႉ​မၼ်း​တႃး ႁႂ်ႈ​မၼ်း​မူတ်း​ၸၢင်ႇ လွင်ႈ​ၼင်ႇ​ႁိုဝ် မၼ်း​တၵ်း​လႆႈ​ပွင်​ႁဵတ်း​ဢမူႉ​ယိတ်ႈပရေႃးႁဵၵ်ႈ ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။-</verse>
				<verse number="14">လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ၵေႃႈ မႂ်း​တၵ်း​လႆႈ​ႁွင်ႉ​ဢဝ်​မႃး​လႄႈ ဢဝ်​သိူဝ်ႈ​ယၢဝ်း​ၼုင်ႈ​ပၼ်​ၶဝ်​လႄႈ</verse>
				<verse number="15">ဢဝ်​ၼမ်ႉ​မၼ်း​တႃး​ၶဝ် မိူၼ်​ၸိူဝ်ႉ​ၼင်ႇ​ဢၼ် ဢဝ်​ၼမ်ႉ​မၼ်း​တႃး​ပေႃႈ​ၶဝ်​ၼၼ်ႉ လွင်ႈ​ၼင်ႇ​ႁိုဝ်​ၶဝ်​တၵ်း​လႆႈ​ပွင်​ႁဵတ်း​ဢမူႉ​ယိတ်ႈပရေႃးႁဵၵ်ႈ ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ၽိၵ်ႈ​သိၵ်ႈ​တၢင်း​ဢၼ်​ဢဝ်​ၼမ်ႉ​မၼ်း​တႃး​ၶဝ်​ၼၼ်ႉ တၵ်း​လႆႈ​ပဵၼ်​ပုၼ်ႈ​ဢရႃႇ​ယိတ်ႈပရေႃးႁဵၵ်ႈ​ထႃႇဝရႃႉ ၸူဝ်ႈ​လုၵ်ႈ​ပၢၼ်​လၢၼ်​ၵႂႃႇ​မိူဝ်း​ၼႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၼင်ႇ​ၼၼ်​လႄႈ မူဝ်းသေႇ ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။ မၼ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ဝႆႉ​တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="17">ၼႂ်း​ပီႊ​တူႉတီႉယႃႉ၊ လိူၼ်​ပထမႃႉ​၊ ဝၼ်း​ပထမႃႉ​ၼၼ်ႉ၊ လႆႈ​တႄႇ​ႁဵတ်း​သုမ်ႉ​ထဵင်​ၸဝ်ႈ​ဢေႃႈ။-</verse>
				<verse number="18">မိူဝ်ႈ​ဢၼ်​တႄႇ​ႁဵတ်း​သုမ်ႉ​ထဵင်​ၸဝ်ႈ​ၼၼ်ႉ မူဝ်းသေႇ ဢဝ်​တီႈ​သုပ်း​တိၼ်​မၼ်း​ၶျႃး​သေ​လႄႈ ပူၵ်း​ပႅၼ်ႈ​မၼ်း​သေ​ယဝ်ႉ၊ သွတ်ႇ​သႄႈ​မၼ်း​လႄႈ ပူၵ်း​သဝ်​မၼ်း​ဢေႃႈ။-</verse>
				<verse number="19">မၼ်း​ဢဝ်​မူဝ်းၵႃႇ ၵီႈ​မုင်း​ၵႃႈ​ၼိူဝ်​သုမ်ႉ​ထဵင်​ၸဝ်ႈ​ၼၼ်ႉ​သေ​လႄႈ၊ သမ်ႉ​ဢဝ်​ဢၼ်​ႁူမ်ႇ​မူဝ်းၵႃႇ မုင်း​သွၼ်ႉ​သႂ်ႇ​ၵႃႈ​ၼိူဝ်​မၼ်း​ထႅင်ႈ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="20">မၼ်း​ဢဝ်​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ သႂၢင်း​သႂ်ႇ​ၵႃႈ​ၼႂ်း​တိူၵ်ႈ​တႃႇ​ၸဝ်ႈ​လႄႈ ဢဝ်​ၵၢၼ်း​ႁၢပ်ႇ​တိူၵ်ႈ​တႃႇ​ၸဝ်ႈ​သွတ်ႇ​ဝႆႉ​သေ​လႄႈ ဢဝ်​ပလၢင်ႇ​တီႈ​ၽေႇ​ဢပႅတ်ႈ တၢင်ႇ​သႂ်ႇ​ၵႃႈ​ၼိူဝ်​တိူၵ်ႈ​တႃႇ​ၸဝ်ႈ​ၼၼ်ႉ​သေ​ယဝ်ႉ၊-</verse>
				<verse number="21">ဢဝ်​တိူၵ်ႈ​တႃႇ​ၸဝ်ႈ သႂ်ႇ​ဝႆႉ​ၵႃႈ​ၼႂ်း​သုမ်ႉ​ထဵင်​ၸဝ်ႈ​လႄႈ ဢဝ်​ၽႃႈ​ၵင်ႈ​တၢင်း​ၼႂ်း​ဢၼ်​ၵင်ႈ​လပ်ႉ​ၼၼ်ႉ​ၵင်ႈ​ဝႆႉ​သေ​လႄႈ ၵင်ႈ​လပ်ႉ​တိူၵ်ႈ​တႃႇ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ​ဝႆႉ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="22">မၼ်း​ဢဝ်​ၶူင်ႇ​တီႈ​ၵိၼ် ဝႆႉ​ၵႃႈ​ၼႂ်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ် ပရဵၵ်ႈသၢတ်ႈ ၵႃႈ​တီႈ​ႁိမ်း​ၽၢႆႇ​တၢင်း​ႁွင်ႇ​သုမ်ႉ​ထဵင်​ၸဝ်ႈ ၽၢႆႇ​ၼွၵ်ႈ​ၽႃႈ​ၵင်ႈ​ၼၼ်ႉ​လႄႈ၊-</verse>
				<verse number="23">မႄး​ႁႅၼ်း​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ​ဝႆႉ ၵႃႈ​ၼိူဝ်​မၼ်း​ၼၼ်ႉ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ မူဝ်းသေႇ ​ၼၼ်ႉ​ဢေႃႈ။</verse>
				<verse number="24">မၼ်း​ဢဝ်​ၶူင်ႇ​တီႈ​တႆႈ​ၽႆး​ဝႆႉ ၵႃႈ​ၼႂ်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ ၵႃႈ​တီႈ​ႁိမ်း​ၽၢႆႇ​တၢင်း​ၸၢၼ်း ႁႂ်ႈ​တေႃႇ​သိုဝ်ႈ​ၵၼ် တင်း​ၶူင်ႇ​တီႈ​ၵိၼ်​လႄႈ</verse>
				<verse number="25">တႆႈ​ဝၢၼ်ႇ​တႆႈ​ၽႆး​ၸိူဝ်း​ၼၼ်ႉ ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="26">မၼ်း​ဢဝ်​ယိတ်ႈပလၢင်ႇ​ၶမ်း​ဝႆႉ​ၵႃႈ​ၼႂ်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်ႇ ပရဵၵ်ႈသၢတ်ႈ ၵႃႈ​တီႈ​ၽၢႆႇ​ၼွၵ်ႈ​ၽႃႈ​ၵင်ႈ​လႄႈ၊-</verse>
				<verse number="27">ဢဝ်​ၼၢမ်ႇ​သႃႇ ဢၼ်​ႁွမ်​ဢၼ်​ႁူၺ်း တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ မူဝ်းသေႇ ​ၼၼ်ႉ​ဢေႃႈ။</verse>
				<verse number="28">မၼ်း​ဢဝ်​ၽႃႈ​ၵင်ႈ ဢၼ်​ၵင်ႈ​ၽၵ်း​တူ​သုမ်ႉ​ထဵင်​ၸဝ်ႈ​ၼၼ်ႉ ႁွႆႈ​ၵင်ႈ​ဝႆႉ​ဢေႃႈ။</verse>
				<verse number="29">မၼ်း​ဢဝ်​ယိတ်ႈပလၢင်ႇ​တီႈ​ဢၼ်​တုတ်ႇ​ၽႆး​တူဝ်​ယိတ်ႈ​ၼၼ်ႉ ဝႆႉ​ၵႃႈ​တီႈ​ၽၢႆႇ​ၼႃႈ​ၽၵ်း​တူ​သုမ်ႉ​ထဵင်​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ ဢဝ်​တူဝ်​ယိတ်ႈ ဢၼ်​တုတ်ႇ​ၽႆး ဢိၵ်ႇ​တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ပုၵ်ႈ​ၸေႃႇ​ၵႃႈ​ၼိူဝ် ယိတ်ႈပလၢင်ႇ​ၼၼ်ႉ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ မူဝ်းသေႇ ​ၼၼ်ႉ​ဢေႃႈ။</verse>
				<verse number="30">မၼ်း​ဢဝ်​ၵွၵ်း​လူင်​ၼၼ်ႉ ဝႆႉ​ၵႃႈ​ၼႂ်း​ၵႄႈ​ဝူင်ႈ​ၵၢင်​မူဝ်းၵႃႇ တီႈ​ၸူႉ​တီႈ​တုမ်​ပရဵၵ်ႈသၢတ်ႈ တင်း​ယိတ်ႈပလၢင်ႇ​လႄႈ ဢဝ်​ၼမ်ႉ​ပုၼ်ႈ​ဢၼ် တၵ်း​သုၵ်ႈ​သႂ်ႇ​ဝႆႉ​ဢေႃႈ။-</verse>
				<verse number="31">မူဝ်းသေႇ ​ဢိၵ်ႇ​တင်း​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ လႆႈ​သုၵ်ႈ​တိၼ်​သုၵ်ႈ​မိုဝ်း​ၶဝ် ၵႃႈ​ၼႂ်း​မၼ်း​ဢေႃႈ၊-</verse>
				<verse number="32">လႆႈ​သုၵ်ႈ​တိၼ်​သုၵ်ႈ​မိုဝ်း မိူဝ်ႈ​ဢၼ်​ၶဝ်​ၶဝ်ႈ​ၵႃႈ​ၼႂ်း မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ ဢိၵ်ႇ​တင်း မိူဝ်ႈ​ဢၼ်​ၶဝ် သုတ်ႉ​ၸပ်း​သုတ်ႉ​ၸူး ၵႃႈ​တီႈ​ယိတ်ႈပလၢင်ႇ​ၼၼ်ႉ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="33">မၼ်း​ဢဝ်​ႁူဝ်ႉ​ဝၢင်း ဢၼ်​လွမ်ႉ​ႁွပ်ႈ​ႁိမ်း​သုမ်ႉ​ထဵင်​ၸဝ်ႈ ဢိၵ်ႇ​တင်း ယိတ်ႈပလၢင်ႇ​ၼၼ်ႉ ပူၵ်း​လႄႈ ဢဝ်​ၽႃႈ​ၵင်ႈ​ဢၼ်​ၵင်ႈ​ၽၵ်း​တူ​ႁူဝ်ႉ​ဝၢင်း​ၼၼ်ႉ ႁွႆႈ​ၵင်ႈ​ဝႆႉ​ဢေႃႈ။ ၼင်ႇ​ၼၼ်​လႄႈ မူဝ်းသေႇ ႁႂ်ႈ​တၢင်း​ႁဵတ်း​ယဝ်ႉ​တူဝ်ႈ​ဢေႃႈ။</verse>
				<verse number="34">မိူဝ်ႈ​ၼၼ်ႉ မွၵ်ႇ​ၵုမ်ႈ​မုင်း​ႁူမ်ႇ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ မုၼ်​ၽုင်း​ထႃႇဝရႃႉ​ၽြႃး​တဵမ်​ဝႆႉ​ၼႂ်း​သုမ်ႉ​ထဵင်​ၸဝ်ႈ​ၼၼ်ႉ​ဢေႃႈ။-</verse>
				<verse number="35">မူဝ်းသေႇ ဢမ်ႇ​ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ ၼၼ်ႉ​လႆႈ ၵွပ်ႈ​ပိူဝ်ႈ​ဢၼ် မွၵ်ႇ​ၵုမ်ႈ ၵုမ်ႈ​ယူႇ​ၵႃႈ​ၼိူဝ်​မၼ်း​လႄႈ မုၼ်​ၽုင်း​ထႃႇဝရႃႉ​ၽြႃး တဵမ်​ဝႆႉ​ၼႂ်း​သုမ်ႉ​ထဵင်​ၸဝ်ႈ​ၼၼ်ႉ။-</verse>
				<verse number="36">ယၢမ်း​မိူဝ်ႈ​ဢၼ် မွၵ်ႇ​ၵုမ်ႈ ယုၵ်ႉ​ၽၢတ်ႇ​သေ​ၵႃႈ​တီႈ​ၼိူဝ်​သုမ်ႉ​ထဵင်​ၸဝ်ႈ​ၶိုၼ်ႈ​ၼၼ်ႉ​ၸိုင်၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢွၼ်​ၵၼ်​ၶၢႆႉ​တီႈ​ၵႂႃႇ​တၢင်း​ပႆ​တၢင်း​ၼႂ်း​ၵႃႈ​ဢၼ်​ၶဝ်​ၵႂႃႇ​ၶဝ်​ပႆ​ၼၼ်ႉ​ဢေႃႈ။-</verse>
				<verse number="37">ပေႃး​မွၵ်ႇ​ၵုမ်ႈ ဢမ်ႇ​ယုၵ်ႉ​ၽၢတ်ႇ​ၶိုၼ်ႈ​ၸိုင်၊ ယင်း​ဢမ်ႇ​ၵႂႃႇ​တၢင်း​ပႆ​တၢင်း​လႄႈ ယူႇ​တေႃႇ​ထိုင်​ႁွတ်ႈ​ဝၼ်း​ဢၼ်​ယုၵ်ႉ​ၽၢတ်ႇ​ၶိုၼ်ႈ ၼၼ်ႉ​ဢေႃႈ။-</verse>
				<verse number="38">မွၵ်ႇ​ၵုမ်ႈ​ထႃႇဝရႃႉ​ၽြႃး​ၼၼ်ႉ တႄႇ​ယူႇ​ၵႃႈ​ၼိူဝ်​သုမ်ႉ​ထဵင်​ၸဝ်ႈ ၶိင်ႇ​ၵၢင်​ဝၼ်း​လႄႈ ၶိင်ႇ​ၵၢင်​ၶိုၼ်း​ၸမ်ႉ၊ ပဵၼ်​ပဵဝ်​ၽႆး​လႄႈ တႄႇ​ယူႇ​သိုဝ်ႈ​ၼႃႈ​တႂ်ႈ​တႃ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ၼႂ်း​ၵႃႈ​ဢၼ်​ၶဝ်​ၵႂႃႇ​ၶဝ်​ပႆ​ၼၼ်ႉ​ဢေႃႈ။ ၵျၢမ်း​ဢၼ်​ဢွၵ်ႇ​ၵႂႃႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="3">
			<chapter number="1">
				<verse number="1">ထႃႇဝရႃႉ​ၽြႃး​ယူႇ​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ ႁွင်ႉ​ၸူး​တီႈ​ မူဝ်းသေႇ ​လႄႈ​မီး​ဢမိင်ႉ​လႄႈ​ဝႃႈ၊-</verse>
				<verse number="2">မႂ်း​တၵ်း​လႆႈ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၼႂ်း​သူ​ၼႆႉ၊ ပေႃး​သေ​ၵေႃႉ​သေ​ၵူၼ်း ၶႂ်ႈ​ႁဵတ်း​တၢင်း​ဢၼ်​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၸိုင်၊ မၼ်း​တၵ်း​လႆႈ​ဢဝ်​တရိၵ်ႈသၢၼ်ႇ ဢၼ်​ယဵၼ်ႇ​ဢၼ်​ငႄႈ​ဢၼ်​ဝႃႈ တရိၵ်ႈသၢၼ်ႇ​ၵႃႈ​ၼႂ်း​ၽုင်​ဝူဝ်း၊ ၽုင်​သူဝ်း၊ ၽုင်​ပႄႉ​မႃး​ႁဵတ်း​တၢင်း​ဢၼ်​မၼ်း​ပုၵ်ႈ​ၸေႃႇ​ၼၼ်ႉ​ဢေႃႈ။</verse>
				<verse number="3">ပေႃး​တၢင်း​ပုၵ်ႈ​ၸေႃႇ​မၼ်း​ၼၼ်ႉ ပဵၼ်​တၢင်း​ဢၼ်​ဢဝ်​ဝူဝ်း​ႁဵတ်း​ယိတ်ႈ​ဢၼ်​တုတ်ႇ​ၽႆး​ၸိုင်၊ မၼ်း​တၵ်း​လႆႈ​ဢဝ်​တူဝ်​ပေႃႈ ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ​ပုၵ်ႈ​ၸေႃႇ​ဢေႃႈ။ မၼ်း​တၵ်း​လႆႈ​ဢဝ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ ႁႂ်ႈ​ထုၵ်ႇ​ၸႂ်​မႅၼ်ႈ​ၸႂ်​ထႃႇဝရႃႉ​ၽြႃး​ဢေႃႈ။-</verse>
				<verse number="4">မၼ်း​တၵ်း​လႆႈ​ဢဝ်​မိုဝ်း​မၼ်း​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ဝူဝ်း​ဢွၼ်ႇ​ဢၼ်​ပုၵ်ႈ​ၸေႃႇ​ၼၼ်ႉ​သေ​လႄႈ၊ မၼ်း​ၸဝ်ႈ​တၵ်း​ႁပ်ႉ​တုင်း​ဢဝ်​ႁႂ်ႈ​လႆႈ​ၽေႇ​ဢပႅတ်ႈ​မၼ်း​ဢေႃႈ။-</verse>
				<verse number="5">မၼ်း​တၵ်း​လႆႈ​ဢဝ်​ဝူဝ်း​ၼၼ်ႉ တၢႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ လုၵ်ႈ​ၸၢႆး​ ဢႃႇရုၼ်ႇ ​ဢၼ်​ပဵၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ တၵ်း​လႆႈ​ဢဝ်​လိူတ်ႈ​ၼၼ်ႉ​မႃး​လႄႈ ၽႅတ်း​သႂ်ႇ​လဵပ်ႈ​ႁွပ်ႈ​ၵႃႈ​ၼိူဝ်​ယိတ်ႈပလၢင်ႇ​ဢၼ်​မီး​ၵႃႈ​တီႈ​ႁိမ်း​ၽၵ်း​တူ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="6">မၼ်း​ၼၼ်ႉ တၵ်း​လႆႈ​လွၵ်ႈ​ဢဝ်​ၼင်​တူဝ်​ၼၼ်ႉ​လႄႈ တႅပ်း​ႁဵတ်း​ပွတ်း​ႁဵတ်း​ပိတ်း​သေ​ဢေႃႈ။-</verse>
				<verse number="7">လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇရုၼ်ႇ ​ၸိူဝ်း​ၼၼ်ႉ တၵ်း​လႆႈ​ဢဝ်​ၽႆး​သႂ်ႇ​ၵႃႈ​ၼိူဝ်​ယိတ်ႈပလၢင်ႇ​လႄႈ ဢဝ်​ၽိုၼ်း​ၽႄႇ​သိူဝ်ႇ​ဝႆႉ ၵႃႈ​ၼိူဝ်​ၽႆး​သေ​ယဝ်ႉ၊-</verse>
				<verse number="8">လုၵ်ႈ​ၸၢႆး​ ဢႃႇရုၼ်ႇ ​ဢၼ်​ပဵၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ တၵ်း​လႆႈ​ဢဝ်​ဢၼ်​ပွတ်း​ဢၼ်​ပိတ်း​ဢၼ်​ဝႃႈ ၵွၵ်း​ႁူဝ်​မၼ်း​၊ ၵွၼ်ႈ​ၶႆ​ၵွၼ်ႈ​မၼ်း​မၼ်း၊ ၵွၼ်ႈ​ၼိူဝ်ႉ​မၼ်း​ၸိူဝ်း​ၼၼ်ႉ ၽႄႇ​သိူဝ်ႇ​ဝႆႉ​ၵႃႈ​ၼိူဝ်​ၽိုၼ်း​ဢၼ်​မီး​ၵႃႈ​ၼိူဝ်​ၽႆး ဢၼ်​မီး​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။-</verse>
				<verse number="9">ၵူၺ်း​ၵႃႈ သႆႈ​မၼ်း​တင်း​တိၼ်​မၼ်း​ၸိူဝ်း​ၼၼ်ႉ​ၸိုင်၊ မၼ်း​တၵ်း​လႆႈ​ဢဝ်​ၼမ်ႉ​သုၵ်ႈ​သေ​ဢေႃႈ။ ယိတ်ႈပရေႃးႁဵၵ်ႈ​တင်း​လၢႆ ဢဝ်​ယိတ်ႈ​ၼၼ်ႉ​တင်း​တူဝ် တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။ ပဵၼ်​ယိတ်ႈ​ဢၼ်​တုတ်ႇ​ၽႆး​ဢေႃႈ။ ပဵၼ်​တင်း​ပုၵ်ႈ​ၸေႃႇ​ဢၼ်​ဢဝ် တင်း​ၽႆး​သၢၵ်ႈ​ၵၢပ်ႈ​လႄႈ ႁွမ်​ႁူၺ်း​တီႈ​ထႃႇဝရႃႉ​ၽြႃး​ဢေႃႈ။</verse>
				<verse number="10">ပေႃး​တၢင်း​ပုၵ်ႈ​ၸေႃႇ​မၼ်း​ၼၼ်ႉ ပဵၼ်​တၢင်း​ဢၼ်​ဢဝ်​ၵႃႈ​ၼႂ်း​ၽုင်​သူဝ်း​ၽုင်​ပႄႉ ႁဵတ်း​ယိတ်ႈ​ဢၼ်​တုတ်ႇ​ၽႆး​ၸိုင်၊ မၼ်း​တၵ်း​လႆႈ​ဢဝ်​တူဝ်​ပေႃႈ ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ ပုၵ်ႈ​ၸေႃႇ​ဢေႃႈ။-</verse>
				<verse number="11">မၼ်း​တၵ်း​လႆႈ​ဢဝ်​တၢႆ​ၵႃႈ​တီႈ​ႁိမ်း​ၽၢႆႇ​တၢင်း​ႁွင်ႇ​ယိတ်ႈပလၢင်ႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​လႄႈ လုၵ်ႈ​ၸၢႆး​ ဢႃႇရုၼ်ႇ ဢၼ်​ပဵၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ တၵ်း​လႆႈ​ဢဝ်​လိူတ်ႈ​ၼၼ်ႉ​ၽႅတ်း​သႂ်ႇ​လဵပ်ႈ​ႁွပ်ႈ​ၵႃႈ​ၼိူဝ် ယိတ်ႈပလၢင်ႇ​ဢေႃႈ။-</verse>
				<verse number="12">မၼ်း​ၼၼ်ႉ တၵ်း​လႆႈ​တႅပ်း​ႁဵတ်း​ပွတ်း​ႁဵတ်း​ပိတ်း​ဝႆႉ​လူၺ်ႈ​ၵၼ်​တင်း ၵွၵ်း​ႁူဝ်​မၼ်း​တင်း​ၵွၼ်ႈ​ၶႆ​ၵွၼ်ႈ​မၼ်း​မၼ်း​ၸိူဝ်း​ၼၼ်ႉ​လႄႈ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၽႄႇ​သိူဝ်ႇ​ဝႆႉ ၵႃႈ​ၼိူဝ်​ၽိုၼ်း​ဢၼ်​မီး​ၵႃႈ​ၼိူဝ်​ၽႆး ဢၼ်​မီး​ၵႃႈ​ၼိူဝ် ယိတ်ႈပလၢင်ႇ​ၼၼ်ႉ​ဢေႃႈ။-</verse>
				<verse number="13">ၵူၺ်း​ၵႃႈ သႆႈ​မၼ်း​တင်း​တိၼ်​မၼ်း​ၸိူဝ်း​ၼၼ်ႉ​ၸိုင်၊ မၼ်း​တၵ်း​လႆႈ​ဢဝ်​ၼမ်ႉ​သုၵ်ႈ​သေ​ဢွၼ်​တၢင်း​ဢေႃႈ။ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ယိတ်ႈ​ၼၼ်ႉ​တင်း​တူဝ်​မႃး​လႄႈ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။ ပဵၼ်​ယိတ်ႈ​ဢၼ်​တုတ်ႇ​ၽႆး​ဢေႃႈ။ ပဵၼ်​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​သၢၵ်ႈ​ၵၢပ်ႈ​လႄႈ ႁွမ်​ႁူၺ်း​တီႈ​ထႃႇဝရႃႉ​ၽြႃး​ဢေႃႈ။</verse>
				<verse number="14">ပေႃး​တၢင်း​ပုၵ်ႈ​ၸေႃႇ​မၼ်း​ၼၼ်ႉ ပဵၼ်​တၢင်း​ဢၼ်​ဢဝ်​ၼူၵ်ႉ​ႁဵတ်း ယိတ်ႈ​ဢၼ်​တုတ်ႇ​ၽႆး​တီႈ​ထႃႇဝရႃႉ​ၽြႃး​ၸိုင်၊ မၼ်း​တၵ်း​လႆႈ​ဢဝ်​ၵႃ​ၵႄ၊ ဢမ်ႇ​ၼၼ် ၼူၵ်ႉ​တူႈ​ဢွၼ်ႇ​ပုၵ်ႈ​ၸေႃႇ​ဢေႃႈ။-</verse>
				<verse number="15">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​မႃး​ၵႃႈ​တီႈ​ယိတ်ႈပလၢင်ႇ​လႄႈ လိမ်ႇ​ႁူဝ်​မၼ်း​ၶၢတ်ႇ​သေ​ယဝ်ႉ၊ ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။ လိူတ်ႈ​မၼ်း​ၸိုင် တၵ်း​လႆႈ​ဢဝ်​မိပ်ႇ​သႂ်ႇ​ၵႃႈ​တီႈ​ႁိမ်း​ယိတ်ႈပလၢင်ႇ​ဢေႃႈ။-</verse>
				<verse number="16">မၼ်း​တၵ်း​လႆႈ​ထွတ်ႇ​ဢွၵ်ႇ​ၼဵင်​မၼ်း​တင်း​ၵႃႈ​ဢၼ်​မီး​ၼႂ်း​ၼဵင်​မၼ်း​ၼၼ်ႉ​လႄႈ ဢဝ်​ပႅတ်ႈ​ဝႆႉ​ၵႃႈ​တီႈ​ႁိမ်း​ၽၢႆႇ​ဝၼ်း​ဢွၵ်ႇ ယိတ်ႈပလၢင်ႇ​ၵႃႈ​တီႈ​ဢၼ်​ဝႆႉ​တဝ်ႈ​ၼၼ်ႉ​ဢေႃႈ။-</verse>
				<verse number="17">တူဝ်​ၼူၵ်ႉ​ဢၼ်​ပႃး​တင်း​ၶူၼ်​ပိၵ်ႇ​မၼ်း​ၼၼ်ႉ​ၸိုင် မၼ်း​တၵ်း​လႆႈ​ၽႃႇ​ၵီႈ​ဢမ်ႇ​ႁႂ်ႈ​လႆႈ​ၽၢတ်ႇ​ၵၼ်​လႄႈ၊ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​တုတ်ႇ​ၽႆး​ၵႃႈ​ၼိူဝ်​ၽိုၼ်း ဢၼ်​မီး​ၵႃႈ​ၼိူဝ်​ၽႆး ဢၼ်​မီး​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။ ပဵၼ်​ယိတ်ႈ​ဢၼ်​တုတ်ႇ​ၽႆး​ဢေႃႈ။ ပဵၼ်​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​သၢၵ်ႈ​ၵၢပ်ႈ​လႄႈ ႁွမ်​ႁူၺ်း​တီႈ​ထႃႇဝရႃႉ​ၽြႃး​ဢေႃႈ။</verse>
			</chapter>
			<chapter number="2">
				<verse number="1">ပေႃး​သေ​ၵေႃႉ​သေ​ၵူၼ်း​ႁဵတ်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​တီႈ​ထႃႇဝရႃႉ​ၽြႃး​ၸိုင်၊ တၢင်း​ပုၵ်ႈ​ၸေႃႇ​မၼ်း​ၼၼ်ႉ တၵ်း​လႆႈ​ပဵၼ်​ၽွင်​ၶဝ်ႈ​မုၼ်း​ဢေႃႈ။ မၼ်း​တၵ်း​လႆႈ​ဢဝ်​ၼမ်ႉ​မၼ်း​ႁူတ်း​လေႃႇ​ၵႃႈ​ၼိူဝ်​ၽွင်​ၶဝ်ႈ​မုၼ်း​ၼၼ်ႉ​လႄႈ ဢဝ်​ လေႃႇပၢၼ်ႇ ​သႂ်ႇ​သေ​ယဝ်ႉ၊-</verse>
				<verse number="2">တၵ်း​လႆႈ​ဢဝ်​မႃး​ၵႃႈ​တီႈ​လုၵ်ႈ​ၸၢႆး​ ဢႃႇရုၼ်ႇ ၊​ဢၼ်​ပဵၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​လႄႈ ယိတ်ႈပရေႃးႁဵၵ်ႈ တၵ်း​လႆႈ ဢဝ်​ၽွင်​ၶဝ်ႈ​မုၼ်း​ဝၵ်ႉ​ၼိုင်ႈ၊ ၼမ်ႉ​မၼ်း​ၵမ်ႈ​ၽွင်ႈ၊ တင်း​ လေႃႇပၢၼ်ႇ ​ၵႃႈ​မီး​ၼၼ်ႉ​သေ​လႄႈ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ပုၼ်ႈ​ဢၼ်​မၼ်း​ၸဝ်ႈ တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼၼ်ႉ​ဢေႃႈ။ ပဵၼ်​တၢင်း​ပုၵ်ႈ​ၸေႃႇ​ဢၼ်​ဢဝ်​ၽႆး​သၢၵ်ႈ​ၵၢပ်ႈ​လႄႈ ႁွမ်​ႁူၺ်း​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="3">တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ​ၸမ်ႉ၊ တၵ်း​လႆႈ​ပဵၼ်​ပုၼ်ႈ​ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ဢေႃႈ။ ၼႂ်း​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၸိူဝ်း​ၼၼ်ႉ၊ ဢၼ်​ၼႆႉ​ပဵၼ်​လွင်ႈ​တၢင်း​ဢၼ် မူတ်း​ၸၢင်ႇ​ၼႃႇ​လူင်​လၢင်​ဢေႃႈ။</verse>
				<verse number="4">ပေႃး​မႂ်း​ပုၵ်ႈ​ၸေႃႇ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ဢဝ်​ၶဝ်ႈ​မုၼ်း​ဢၼ်​ၶူဝ်ႈ​ႁႅင်ႈ ၵႃႈ​ၼိူဝ်​ၽီး​ၽႆး​ၼၼ်ႉ​ႁဵတ်း​ၸိုင်၊ တၵ်း​လႆႈ​ပဵၼ်​ၶဝ်ႈ​မုၼ်း​ၶႅပ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​လႄႈ ဢဝ်​ၼမ်ႉ​မၼ်း​သႂ်ႇ​လေႃး​ၽွင်​မၼ်း​ၼၼ်ႉ ဢမ်ႇ​ၼၼ်​ၵေႃႈ တၵ်း​လႆႈ​ပဵၼ်​ၶဝ်ႈ​မုၼ်း​ၶွပ်ႈ ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​လႄႈ ဢဝ်​တင်း​ၼမ်ႉ​မၼ်း​တႃး​ၼၼ်ႉ​ဢေႃႈ။</verse>
				<verse number="5">ပေႃး​တၢင်း​ပုၵ်ႈ​ၸေႃႇ​မႂ်း​ပဵၼ်​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ဢဝ်​ၶဝ်ႈ​မုၼ်း​ဢၼ်​ႁဵတ်း​ၵႃႈ​တီႈ​ၶႅပ်း​လဵၵ်း​ၼၼ်ႉ​ႁဵတ်း​ၸိုင်၊ တၵ်း​လႆႈ​ပဵၼ်​ၽွင်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​လႄႈ ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ​ဢေႃႈ။-</verse>
				<verse number="6">မႂ်း​တၵ်း​လႆႈ​ႁၵ်း​ဝိတ်း​ၶဝ်ႈ​မုၼ်း​ၼၼ်ႉ​သေ​လႄႈ ဢဝ်​ၼမ်ႉ​မၼ်း​ႁူတ်း​သႂ်ႇ​သေ​ဢေႃႈ။ ပဵၼ်​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢေႃႈ။</verse>
				<verse number="7">ပေႃး​တၢင်း​ပုၵ်ႈ​ၸေႃႇ​မႂ်း​ပဵၼ်​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ဢဝ်​တင်း​ၶဝ်ႈ​မုၼ်း​ဢၼ်​ၶူဝ်ႈ​ၵႃႈ​တီႈ​မိူင်ႈ​ၼၼ်ႉ ႁဵတ်း​ၸိုင်၊ တၵ်း​လႆႈ​ဢဝ်​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ​ႁဵတ်း​ဢေႃႈ။</verse>
				<verse number="8">မႂ်း​တၵ်း​လႆႈ​ဢဝ်​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ဢဝ်​ၶိူင်ႈ​ပိူင်​ၸိူဝ်း​ၼၼ်ႉ​ႁဵတ်း​ၼၼ်ႉ မႃး​တီႈ​ထႃႇဝရႃႉ​ၽြႃး​လႄႈ သၢၵ်ႈ​ၵၢပ်ႈ​တီႈ​ယိတ်ႈပရေႃးႁဵၵ်ႈ​သေ​ယဝ်ႉ၊ မၼ်း​ၼၼ်ႉ​တၵ်း​လႆႈ​ဢဝ်​မႃး​ၸူး​ၵႃႈ​တီႈ​ယိတ်ႈပလၢင်ႇ​ဢေႃႈ။-</verse>
				<verse number="9">ယိတ်ႈပရေႃးႁဵၵ်ႈ​တၵ်း​လႆႈ​ၸူၵ်း​ဢဝ်​ၵႃႈ​ၼႂ်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ၼၼ်ႉ​ပုၼ်ႈ​ဢၼ်​မၼ်း​ၸဝ်ႈ တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ပုၼ်ႈ​ၼိုင်ႈ​လႄႈ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။ ပဵၼ်​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​သၢၵ်ႈ​ၵၢပ်ႈ​လႄႈ​ႁွမ်​ႁူၺ်း​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="10">တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ​ၸမ်ႉ၊ တၵ်း​လႆႈ​ပဵၼ်​ပုၼ်ႈ​ ဢႃႇရုၼ်ႇ ဢိၵ်ႇ​တင်း လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ဢေႃႈ။ ၼႂ်း​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ႁဵတ်း​တီႈ ထႃႇဝရႃႉ​ၽြႃး​ၸိူဝ်း​ၼၼ်ႉ၊ ဢၼ်​ၼႆႉ​ပဵၼ်​လွင်ႈ​ဢၼ်​မူတ်း​ၸၢင်ႇ​ၼႃႇ​လူင်​လၢင်​ဢေႃႈ။-</verse>
				<verse number="11">တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢၼ် သူ​ဢဝ်​သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး​ၼၼ်ႉ ဢမ်ႇ​လႆႈ​ပႃး​ၸိူဝ်ႉ​ပႅင်ႈ။ မိူဝ်ႈ​ဢၼ်​ဢဝ်​တင်း​ၽႆး ႁဵတ်း​တၢင်း​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ၸိုင်၊ သူ​ဢမ်ႇ​လႆႈ​ဢဝ်​ၸိူဝ်ႉ​ပႅင်ႈ​တုတ်ႇ​ၽႆး။ ၼမ်ႉ​ၽိုင်ႈ​ၵေႃႈ ဢမ်ႇ​လႆႈ​ဢဝ် တုတ်ႇ​ၽႆး။-</verse>
				<verse number="12">ပိၵ်ႉ​သမ်ႉ​သူ​လႆႈ​ဢဝ်​ၸိူဝ်ႉ​ပႅင်ႈ​တင်း​ၼမ်ႉ​ၽိုင်ႈ​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​မိူၼ်​ၸိူဝ်ႉ​ၼင်ႇ​ဢၼ်​ဢဝ်​မၢၵ်ႇ​ဢၼ်​မၢၵ်ႇ​ဢွၼ်​တၢင်း ပုၵ်ႈ​ၸေႃႇ​ၼၼ်ႉ​သေ​ၵေႃႈ ဢမ်ႇ​လႆႈ​ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ပုၼ်ႈ​တီႈ​ဢၼ်​တၵ်း​ႁွမ်​တၵ်း​ႁူၺ်း။-</verse>
				<verse number="13">ၵႃႈ​တီႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​မႂ်း​တင်း​သဵင်ႈ​တင်း​လူင်​ၼၼ်ႉ မႂ်း​တၵ်း​လႆႈ​ဢဝ်​ၵိူဝ်​သႂ်ႇ​သေ​ဢေႃႈ။ ၵႃႈ​တီႈ​တၢင်း ပုၵ်ႈ​ၸေႃႇ​ၽေႃး​ၸဵၼ်ႇ​ဢၼ်​မႂ်း​ႁဵတ်း​ၼၼ်ႉ၊ ယင်း​ဢမ်ႇ​ဢဝ်​ၵိူဝ်​ပတီႉၺိၺ်ႇ​ၽြႃး​ပဵၼ်​ၸဝ်ႈ​မႂ်း​သႂ်ႇ​လႄႈ ဢမ်ႇ​လႆႈ​ယူႇ။ တၵ်း​လႆႈ​ဢဝ်​ၵိူဝ်​ပုၵ်ႈ​ၸေႃႇ​လူၺ်ႈ​ၵၼ်​တင်း တၢင်း​ပုၵ်ႈ​ၸေႃႇ​မႂ်း​တင်း​သဵင်ႈ​တင်း​လူင်​ဢေႃႈ။</verse>
				<verse number="14">ပေႃး​မႂ်း​ဢဝ်​မၢၵ်ႇ​ဢဝ်​ႁူင်း ဢၼ်​မၢၵ်ႇ​ဢွၼ်​တၢင်း​ၼၼ်ႉ​ႁဵတ်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​တီႈ​ထႃႇဝရႃႉ​ၽြႃး​ၸိုင်၊ မႂ်း​တၵ်း​လႆႈ​ဢဝ်​ႁူင်း​ၶဝ်ႈ​လိပ်း​ၶဝ်ႈ​ၶဵဝ်​ဢၼ်​ႁၢင်း​ၵႃႈ​တီႈ​ႁိမ်း​ၽႆး​လႄႈ ၼူတ်ႈ​ဢဝ်​မဵတ်ႉ​မၼ်း​ၼၼ်ႉ ႁဵတ်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ၸၢပ်ႈ​သႅင်ႇ​ၵၼ်​တင်း မၢၵ်ႇ​ႁူင်း​ဢၼ်​မၢၵ်ႇ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="15">မႂ်း​တၵ်း​လႆႈ​ဢဝ်​ၼမ်ႉ​မၼ်း​ႁူတ်း​သႂ်ႇ​ၵႃႈ​ၼိူဝ်​မၼ်း​သေ​လႄႈ ဢဝ်​ လေႃႇပၢၼ်ႇ ​သႂ်ႇ​သေ​ဢေႃႈ။ ပဵၼ်​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢေႃႈ။-</verse>
				<verse number="16">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​မဵတ်ႉ​ၶဝ်ႈ ဢၼ်​ၼူတ်ႈ​ဢဝ်​ၼၼ်ႉ​ၵမ်ႈ​ၽွင်ႈ၊ ၼမ်ႉ​မၼ်း​ၵမ်ႈ​ၽွင်ႈ၊ တင်း​ လေႃႇပၢၼ်ႇ ​ၵႃႈ​မီး​ဢၼ်​ဝႃႈ ပုၼ်ႈ​ဢၼ်​မၼ်း​ၸဝ်ႈ တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼၼ်ႉ တုတ်ႇ​ၽႆး​ဢေႃႈ။ ပဵၼ်​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး ႁဵတ်း​တီႈ​ထႃႇဝရႃႉ​ၽြႃး​ဢေႃႈ။</verse>
			</chapter>
			<chapter number="3">
				<verse number="1">ပေႃး​တၢင်း​ပုၵ်ႈ​ၸေႃႇ​မၼ်း​ၼၼ်ႉ ပဵၼ်​တၢင်း​ဢၼ်​ႁဵတ်း​ယိတ်ႈ​မိၵ်ႉသႃႇႁႃယႃႉ၊ ပေႃး​မၼ်း​ဢဝ်​တူဝ်​ပေႃႈ၊ ဢမ်ႇ​ၼၼ် တူဝ်​မႄႈ​ၵႃႈ​ၼႂ်း​ၽုင်​ဝူဝ်း​လႄႈ​ပုၵ်ႈ​ၸေႃႇ​ၸိုင်၊ မၼ်း​တၵ်း​လႆႈ​ဢဝ်​တူဝ်​ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="2">မၼ်း​တၵ်း​လႆႈ​ဢဝ်​မိုဝ်း​မၼ်း​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ဝူဝ်း​ဢၼ်​မၼ်း​ပုၵ်ႈ​ၸေႃႇ​ၼၼ်ႉ​လႄႈ ဢဝ်​တၢႆ​ၵႃႈ​တီႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​သေ​ယဝ်ႉ၊ လုၵ်ႈ​ၸၢႆး​ ဢႃႇရုၼ်ႇ ၊ ဢၼ်​ပဵၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ တၵ်း​လႆႈ​ဢဝ်​လိူတ်ႈ​ၼၼ်ႉ​ၽႅတ်း​သႂ်ႇ​လဵပ်ႈ​ႁွပ်ႈ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="3">မၼ်း​တၵ်း​လႆႈ​ဢဝ်​ၵႃႈ​ၼႂ်း​တူဝ်​ယိတ်ႈ​မိၵ်ႉသႃႇႁႃယႃႉ​ၼၼ်ႉ​ဢွၵ်ႇ​လႄႈ သၢၵ်ႈ​ၵၢပ်ႈ​တင်း​ပုၵ်ႈ​ၸေႃႇ​ဢၼ် ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ မၼ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း ဢၼ်​ႁူမ်ႇ​သႆႈ​မၼ်း၊ ၵွၼ်ႈ​ၶႆ​ၵွၼ်ႈ​မၼ်း ဢၼ်​ၸၢပ်ႈ​သႅင်ႇ​ၵၼ်​တင်း​သႆႈ​မၼ်း​တင်း​သဵင်ႈ​တင်း​လူင်၊-</verse>
				<verse number="4">မၢၵ်ႇ​လၼ်း​သွင်​ႁူၺ်ႇ​တင်း​ၵွၼ်ႈ​ၶႆ​ၵွၼ်ႈ​မၼ်း မၢၵ်ႇ​လၼ်း​ဢၼ်​မီး​ၵႃႈ​ၼႂ်း​ႁိမ်း​ဢႅဝ်​မၼ်း၊ ၽၢင်ႉ​ၽၢပ်ႇ​ဢၼ်​မီး​ၵႃႈ​ၼိူဝ်​တပ်း​မၼ်း ဢိၵ်ႇ​တင်း​မၢၵ်ႇ​လၼ်း​မၼ်း​ၸိူဝ်း​ၼၼ်ႉ​ဢွၵ်ႇ​လႄႈ၊-</verse>
				<verse number="5">လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ တၵ်း​လႆႈ​ဢဝ်​တုတ်ႇ​ၽႆး​လူၺ်ႈ​ၵၼ်​တင်း​တူဝ်​ယိတ်ႈ​ဢၼ်​တုတ်ႇ​ၽႆး ဢၼ်​တၢင်ႇ​သႂ်ႇ​ၵႃႈ​ၼိူဝ်​ၽိူၼ် ဢၼ်​မီး​ၵႃႈ​ၼိူဝ်​ၽႆး ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။ ပဵၼ်​တၢင်း​ပုၵ်ႈ​ၸေႃႇ​ဢၼ်​ဢဝ် တင်း​ၽႆး​သၢၵ်ႈ​ၵၢပ်ႈ​လႄႈ ႁွမ်​ႁူၺ်း​တီႈ​ထႃႇဝရႃႉ​ၽြႃး​ဢေႃႈ။</verse>
				<verse number="6">ပေႃး​တၢင်း​ပုၵ်ႈ​ၸေႃႇ​မၼ်း​ပဵၼ်​တၢင်း​ဢၼ် ဢဝ်​ၵႃႈ​ၼႂ်း​ၽုင်​သူဝ်း​ၽုင်​ပႄႉ​ႁဵတ်း​ယိတ်ႈ​မိၵ်ႉသႃႇႁႃယႃႉ​တီႈ​ထႃႇဝရႃႉ​ၽြႃး​ၸိုင်၊ ပဵၼ်​တူဝ်​ပေႃႈ​သေ​ဢမ်ႇ​ဝႃႈ၊ ပဵၼ်​တူဝ်​မႄႈ​သေ​ဢမ်ႇ​ဝႃႈ၊ တၵ်း​လႆႈ​ဢဝ်​တူဝ်​ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ​ပုၵ်ႈ​ၸေႃႇ​ဢေႃႈ။-</verse>
				<verse number="7">ပေႃး​မၼ်း​ဢဝ်​သူဝ်း​ဢွၼ်ႇ​ႁဵတ်း​တၢင်း​ပုၵ်ႈ​ၸေႃႇ​ၸိုင်၊ မၼ်း​တၵ်း​လႆႈ​ဢဝ်​သၢၵ်ႈ​ၵၢပ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ၊-</verse>
				<verse number="8">ဢဝ်​မိုဝ်း​မၼ်း​တၢင်ႇ​သႂ်ႇ​ၵႃႈ​ၼိူဝ်​ႁူဝ်​သူဝ်း​ဢၼ်​ပုၵ်ႈ​ၸေႃႇ​ၼၼ်ႉ​သေ​လႄႈ ဢဝ်​တၢႆ​ၵႃႈ​တီႈ​ၽၢႆႇ​ၼႃႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​သေ​ယဝ်ႉ၊ လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ တၵ်း​လႆႈ​ဢဝ်​လိူတ်ႈ​ၼၼ်ႉ​ၽႅတ်း​သႂ်ႇ​လဵပ်ႈ​ႁွပ်ႈ​ၵႃႈ​ၼိူဝ် ယိတ်ႈပလၢင်ႇ​ဢေႃႈ။-</verse>
				<verse number="9">မၼ်း​တၵ်း​လႆႈ​ဢဝ်​ၵႃႈ​ၼႂ်း​တူဝ်​ယိတ်ႈ​မိၵ်ႉသႃႇႁႃယႃႉ​ၼၼ်ႉ​ဢွၵ်ႇ​လႄႈ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢၼ် ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ မၼ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​မၼ်း၊ ႁၢင်​ဢၼ်​တႅပ်း​သဵၼ်ႈ​ၶၢတ်ႇ​သေ ၵႃႈ​တီႈ​လုပ်ႇ​သၼ်​လင်​ၵႃႈ​မီး၊ ၵွၼ်ႈ​ၶႆ​ၵွၼ်ႈ​မၼ်း​ဢၼ်​ႁူမ်ႇ​သႆႈ​မၼ်း၊ ၵွၼ်ႈ​ၶႆ​ၵွၼ်ႈ​မၼ်း​ဢၼ် ၸၢပ်ႈ​သႅင်ႇ​ၵၼ်​တင်း​သႆႈ​မၼ်း​ၵႃႈ​မီး၊-</verse>
				<verse number="10">မၢၵ်ႇ​လၼ်း​သွင်​ႁူၺ်ႇ​တင်း​ၵွၼ်ႈ​ၶႆ​ၵွၼ်ႈ​မၼ်း​မၢၵ်ႇ​လၼ်း ဢၼ်​မီး​ၵႃႈ​ၼႂ်း​ႁိမ်း​ဢႅဝ်​မၼ်း၊ ၽၢင်ႉ​ၽၢပ်ႇ​ဢၼ်​မီး​ၵႃႈ​ၼိူဝ်​တပ်း​မၼ်း ဢိၵ်ႇ​တင်း​မၢၵ်ႇ​လၼ်း​မၼ်း​ၸိူဝ်း​ၼၼ်ႉ​ဢွၵ်ႇ​လႄႈ၊-</verse>
				<verse number="11">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။ ပဵၼ်​ဢႁႃႇရႃႉ​တၢင်း​ၵိၼ် တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။</verse>
				<verse number="12">ပေႃး​တၢင်း​ပုၵ်ႈ​ၸေႃႇ​မၼ်း​ပဵၼ်​တၢင်း​ဢၼ်​ဢဝ်​ပႄႉ​ပုၵ်ႈ​ၸေႃႇ​ၸိုင်၊ မၼ်း​တၵ်း​လႆႈ​ဢဝ်​သၢၵ်ႈ​ၵၢပ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ၊-</verse>
				<verse number="13">ဢဝ်​မိုဝ်း​မၼ်း​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ပႄႉ​ၼၼ်ႉ​သေ​လႄႈ ဢဝ်​တၢႆ​ၵႃႈ​တီႈ​ၽၢႆႇ​ၼႃႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​သေ​ယဝ်ႉ၊ လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ​တၵ်း​လႆႈ​ဢဝ်​လိူတ်ႈ​ၼၼ်ႉ​ၽႅတ်း​သႂ်ႇ​လဵပ်ႈ​ႁွပ်ႈ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="14">မၼ်း​တၵ်း​လႆႈ​ဢဝ် ၵႃႈ​ၼႂ်း​တူဝ်​ယိတ်ႈ​ၼၼ်ႉ​ဢွၵ်ႇ​လႄႈ သၢၵ်ႈ​ၵၢပ်ႈ​ပုၼ်ႈ​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ မၼ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​ဢၼ်​ႁူမ်ႇ​သႆႈ​မၼ်း၊ ၵွၼ်ႈ​ၶႆ​ၵွၼ်ႈ​မၼ်း ဢၼ်​ၸၢပ်ႈ​သႅင်ႇ​ၵၼ်​တင်း​သႆႈ​မၼ်း​ၵႃႈ​မီး၊-</verse>
				<verse number="15">မၢၵ်ႇ​လၼ်း​သွင်​ႁူၺ်ႇ​တင်း​ၵွၼ်ႈ​ၶႆ​ၵွၼ်ႈ​မၼ်း၊ မၢၵ်ႇ​လၼ်း​ဢၼ်​မီး​ၵႃႈ​ၼႂ်း​ႁိမ်း​ဢႅဝ်​မၼ်း၊ ၽၢင်ႉ​ၽၢပ်ႇ​ဢၼ်​မီး​ၵႃႈ​ၼိူဝ်​တပ်း​မၼ်း၊ ဢိၵ်ႇ​တင်း မၢၵ်ႇ​လၼ်း​ၼၼ်ႉ​ၸိူဝ်း​ၼၼ်ႉ​ဢွၵ်ႇ​လႄႈ၊-</verse>
				<verse number="16">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။ ပဵၼ်​ဢႁႃႇရႃႉ​တၢင်း​ၵိၼ်​တၢင်း​ပုၵ်ႈ​ၸေႃႇ ဢၼ်​ဢဝ်​တၢင်း​ၽႆး​ႁဵတ်း ပုၼ်ႈ​တၢင်း​ဢၼ်​ႁွမ်​ဢၼ်​ႁူၺ်း​ဢေႃႈ။ ၵွၼ်ႈ​ၶႆ​ၵွၼ်ႈ​မၼ်း​ၵႃႈ​မီး​ၸိုင်၊ ၸၢပ်ႈ​သႅင်ႇ​ၵၼ်​တင်း​ထႃႇဝရႃႉ​ၽြႃး​ဢေႃႈ။-</verse>
				<verse number="17">လွင်ႈ​တၢင်း​ဢၼ်​သူ​ဢမ်ႇ​လႆႈ​ၵိၼ်​ၵွၼ်ႈ​ၶႆ​ၵွၼ်ႈ​မၼ်း ဢိၵ်ႇ​တင်း​လိူတ်ႈ​ၼၼ်ႉ ပဵၼ်​ပိင်း​ၺၢပ်ႈ​ဢၼ်​တႃႇ​သေႇ တီႈ​မဵဝ်း​ၸိူဝ်ႉ​ၶိူဝ်း​သူ​သိုပ်ႇ​သိုပ်ႇ​တၢမ်း​တၢမ်း​ၵႃႈ​ၼႂ်း​တီႈ​ဢၼ်​သူ​ယူႇ​သူ​သဝ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="4">
				<verse number="1">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​တၵ်း​လႆႈ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ လွင်ႈ​ဢၼ်​ပေႃး​သေ​ၵေႃႉ​သေ​ၵူၼ်း​ယင်း​ဢမ်ႇ​ႁူႉ​ဢမ်ႇ​တွင်း​တြႃး​လႄႈ ၽိတ်း​ပိူင်ႈ​ပူၼ်ႉ​လိူဝ်​ပိင်း​ၺၢပ်ႈ​ထႃႇဝရႃႉ​ၽြႃး​သေ​လႄႈ ႁဵတ်း​လွင်ႈ​တၢင်း​ဢၼ်​ဢမ်ႇ​လီ​ႁဵတ်း​ၼၼ်ႉ သေ​ၸိူဝ်ႉ​သေ​ပိူင်​မႅၼ်ႈ​ၼၼ်ႉ​ၸမ်ႉ၊-</verse>
				<verse number="3">ပေႃး​ယိတ်ႈပရေႃးႁဵၵ်ႈ​ဢၼ်​ၶၢမ်ႇ​ၽိၵ်ႈ​သိၵ်ႈ​ၼၼ်ႉ​ၽိတ်း​ပိူင်ႈ ထၼ်ႈ​ပေႃး​ႁႂ်ႈ​ၵူၼ်း​တင်း​လၢႆ​ထုၵ်ႇ​ဢပႅတ်ႈ​ၸိုင် ပုၼ်ႈ​ဢပႅတ်ႈ​ဢၼ်​မၼ်း​ႁဵတ်း​ၼၼ်ႉ၊ မၼ်း​တၵ်း​လႆႈ​ဢဝ်​ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ဢေႃႈ။-</verse>
				<verse number="4">မၼ်း​တၵ်း​လႆႈ​ဢဝ်​ဝူဝ်း​ၼၼ်ႉ​မႃး​ၵႃႈ​တီႈ​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ် ပရဵၵ်ႈသၢတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ဢဝ်​မိုဝ်း​မၼ်း​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ဝူဝ်း​ၼၼ်ႉ​သေ​လႄႈ ဢဝ်​ဝူဝ်း​ၼၼ်ႉ​ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="5">ယိတ်ႈပရေႃးႁဵၵ်ႈ​ဢၼ်​ၶၢမ်ႇ​ၽိၵ်ႈ​သိၵ်ႈ​ၼၼ်ႉ တၵ်း​လႆႈ​ပႃး​ဢဝ်​လိူတ်ႈ​ဝူဝ်း​ၼၼ်ႉ​မႃး​ၵႃႈ​တီႈ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ၊-</verse>
				<verse number="6">ဢဝ်​ၼိဝ်ႉ​ၸီႉ​မၼ်း ၸွမ်ႇ​ၸုမ်ႇ​ၵႃႈ​ၼႂ်း​လိူတ်ႈ​ၼၼ်ႉ​သေ​လႄႈ ဢဝ်​လိူတ်ႈ​ၼၼ်ႉ​ၵမ်ႈ​ၽွင်ႈ​ၽႅတ်း​သႂ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး၊ ၵႃႈ​တီႈ​ၽၢႆႇ​ၼႃႈ​ၽႃႈ​ၵင်ႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ​ၸဵတ်း​ၵမ်း​ဢေႃႈ။-</verse>
				<verse number="7">ၵမ်း​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​လိူတ်ႈ​ဝူဝ်း​ၼၼ်ႉ​ၵမ်ႈ​ၽွင်ႈ​သႂ်ႇ​ၵႃႈ​တီႈ​ၶဝ်​လႅမ်​ပလၢင်ႇ တီႈ​ဢၼ်​တုတ်ႇ​ၽႆး​ၼၢမ်ႇ​သႃႇ​ဢၼ်​ႁွမ်​ဢၼ်​ႁူၺ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဢၼ်​မီး​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ ဢဝ်​လိူတ်ႈ​ဝူဝ်း​ဢၼ်​ၵိုတ်း​ဢၼ်​ၵျၢၼ်ႇ ထွၵ်ႇ​သႂ်ႇ​ၵႃႈ​ႁိမ်း​တိၼ်​ယိတ်ႈပလၢင်ႇ ယိတ်ႈ​တီႈ​ဢၼ်​တုတ်ႇ​ၽႆး ဢၼ်​မီး​ၵႃႈ​တီႈ​ၽၢႆႇ​ၼႃႈ​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="8">မၼ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​ဝူဝ်း​ဢၼ်​ႁဵတ်း​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​တင်း​သဵင်ႈ​တင်း​လူင် ဢွၵ်ႇ​ဢေႃႈ။ မၼ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​ဢၼ်​ႁူမ်ႇ​သႆႈ​မၼ်း ၵွၼ်ႈ​ၶႆ​ၵွၼ်ႈ​မၼ်း​ဢၼ်​ၸၢပ်ႈ​သႅင်ႇ​ၵၼ်​တင်း​သႆႈ​မၼ်း​ၵႃႈ​မီး၊-</verse>
				<verse number="9">မၢၵ်ႇ​လၼ်း​သွင်​ႁူၺ်ႇ​တင်း​ၵွၼ်ႈ​ၶႆ​ၵွၼ်ႈ​မၼ်း​မၢၵ်ႇ​လၼ်း​ဢၼ်​မီး​ၵႃႈ​ၼႂ်း​ႁိမ်း​ဢႅဝ်​မၼ်း၊ ၽၢင်ႉ​ၽၢပ်ႇ​ဢၼ်​မီး​ၵႃႈ​ၼိူဝ်​တပ်း​မၼ်း​ဢိၵ်ႇ​တင်း​မၢၵ်ႇ​လၼ်း​ၼၼ်ႉ​ၸိူဝ်း​ၼၼ်ႉ​ဢွၵ်ႇ၊-</verse>
				<verse number="10">မိူၼ်​ၸိူဝ်ႉ​ၼင်ႇ​ဢၼ် ဢဝ်​ဢွၵ်ႇ​ၵႃႈ​တီႈ​ဝူဝ်း​ဢၼ်​ႁဵတ်း​ယိတ်ႈ​မိၵ်ႉသႃႇႁႃယႃႉ​ၼၼ်ႉ​လႄႈ ယိတ်ႈပရေႃးႁဵၵ်ႈ တၵ်း​လႆႈ​ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​တီႈ​ဢၼ်​တုတ်ႇ​ၽႆး​တူဝ်​ယိတ်ႈ​ၼၼ်ႉ​ဢေႃႈ။-</verse>
				<verse number="11">ၼင်​ဝူဝ်း​ဢိၵ်ႇ​တင်း​ၼိူဝ်ႉ​မၼ်း​ၵႃႈ​မီး၊ ၵွၵ်း​ႁူဝ်​မၼ်း၊ တိၼ်​မၼ်း၊ သႆႈ​မၼ်း၊ ၶီႈ​ၼုမ်ႇ​မၼ်း၊ ဢၼ်​ဝႃႈ ဝူဝ်း​တင်း​တူဝ်​ၼၼ်ႉ​ၸိုင်၊-</verse>
				<verse number="12">မၼ်း​တၵ်း​လႆႈ​ဢဝ်​ၵႂႃႇ​ၵႃႈ​ၼွၵ်ႈ​တပ်ႉ ၵႃႈ​တီႈ​ဢၼ်​မူတ်း​သႂ် တီႈ​ဢၼ်​ထွၵ်ႇ​တဝ်ႈ​ပႅတ်ႈ​ၼၼ်ႉ​လႄႈ တုတ်ႇ​ၽႆး​ၵႃႈ​ၼိူဝ်​ၽိုၼ်း​ဢေႃႈ။ တၵ်း​လႆႈ​တုတ်ႇ​ၽႆး​ၵႃႈ​တီႈ​ဢၼ် ထွၵ်ႇ​တဝ်ႈ​ပႅတ်ႈ​ၼၼ်ႉ​ဢေႃႈ။</verse>
				<verse number="13">ပေႃး​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၽိတ်း​ပိူင်ႈ​လႄႈ မၢၵ်ႇ​တႃ​ပရဵၵ်ႈသၢတ်ႈ ယင်း​ဢမ်ႇ​ႁၼ်​လွင်ႈ​မၼ်း​တၢင်း​မၼ်း​လႄႈ ပူၼ်ႉ​လိူဝ်​ပိင်း​ၺၢပ်ႈ​ထႃႇဝရႃႉ​ၽြႃး​သေ​လႄႈ ႁဵတ်း​လွင်ႈ​တၢင်း​ဢၼ်​ဢမ်ႇ​ထုၵ်ႇ​လီ​ႁဵတ်း​ၼၼ်ႉ​သေ​ၸိူဝ်ႉ​သေ​ပိူင်​မႅၼ်ႈ​သေ​ယဝ်ႉ၊ ႁွတ်ႈ​ထိုင်​ဢပႅတ်ႈ​ၸိုင်၊-</verse>
				<verse number="14">မိူဝ်ႈ​ဢၼ်​ႁူႉ​လွင်ႈ​ဢပႅတ်ႈ​ဢၼ်​ပူၼ်ႉ​လိူဝ်​မႅၼ်ႈ​ၸိူဝ်ႉ​ၼင်ႇ​ၼၼ်​ယဝ်ႉ​ၼၼ်ႉ၊ ပရဵၵ်ႈသၢတ်ႈ​ၸိူဝ်း​ၼၼ်ႉ တၵ်း​လႆႈ​ဢဝ်​ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​ၼၼ်ႉ မႃး​ၵႃႈ​တီႈ​ၽၢႆႇ​ၼႃႈ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ သၢၵ်ႈ​ၵၢပ်ႈ​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ဢေႃႈ။-</verse>
				<verse number="15">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ပရဵၵ်ႈသၢတ်ႈ​ၸိူဝ်း​ၼၼ်ႉ တၵ်း​လႆႈ​ဢဝ်​မိုဝ်း​ၶဝ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ဝူဝ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ဢဝ်​ဝူဝ်း​ၼၼ်ႉ​တၢႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="16">ယိတ်ႈပရေႃးႁဵၵ်ႈ​ဢၼ်​ၶၢမ်ႇ​ၽိၵ်ႈ​သိၵ်ႈ​ၼၼ်ႉ တၵ်း​လႆႈ​ဢဝ်​လိူတ်ႈ​ဝူဝ်း​ၼၼ်ႉ​မႃး ၵႃႈ​တီႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ၊-</verse>
				<verse number="17">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၼိဝ်ႉ​ၸီႉ​မၼ်း ၸွမ်ႇ​ၸုမ်ႇ​ၵႃႈ​ၼႂ်း​လိူတ်ႈ​ၼၼ်ႉ​လႄႈ ဢဝ်​ၽႅတ်း​သႂ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး၊ ၵႃႈ​တီႈ​ၽၢႆႇ​ၼႃႈ​ၽႃႈ​ၵင်ႈ​ၸဵတ်း​ၵမ်း​ဢေႃႈ။-</verse>
				<verse number="18">ၵမ်း​ၼၼ်ႉ မၼ်း​တၵ်း​လႆႈ​ဢဝ်​လိူတ်ႈ​ၼၼ်ႉ​ၵမ်ႈ​ၽွင်ႈ သႂ်ႇ​ၵႃႈ​တီႈ​ၶဝ်​လႅမ်​ပလၢင်ႇ ဢၼ်​မီး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး၊ ဢၼ်​မီး​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ ဢဝ်​လိူတ်ႈ​ဢၼ်​ၵိုတ်း​ဢၼ်​ၵျၢၼ်ႇ​တင်း​သဵင်ႈ​တင်း​လူင်​ၼၼ်ႉ ထွၵ်ႇ​သႂ်ႇ​ၵႃႈ​တီႈ​ႁိမ်း​တိၼ်​ယိတ်ႈပလၢင်ႇ​တီႈ​ဢၼ်​တုတ်ႇ​ၽႆး​တူဝ်​ယိတ်ႈ​ဢၼ်​မီး​ၵႃႈ​တီႈ​ၽၢႆႇ​ၼႃႈ​ၽၵ်း​တူ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="19">မၼ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​ဝူဝ်း​ၼၼ်ႉ​တင်း​သဵင်ႈ​တင်း​လူင်​ဢွၵ်ႇ​လႄႈ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="20">မၼ်း​တၵ်း​လႆႈ​ဢဝ်​ဝူဝ်း​ၼႆႉ ႁဵတ်း​မိူၼ်​ၸိူဝ်ႉ​ၼင်ႇ​ဢၼ် ဢဝ်​ဝူဝ်း​ဢၼ်​ႁဵတ်း​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ႁဵတ်း​ၼၼ်ႉ​ဢေႃႈ။ ၼင်ႇ​ၼၼ်​လႄႈ ယိတ်ႈပရေႃးႁဵၵ်ႈ​တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ၶဝ်​ၼၼ်ႉ​လႄႈ ဢပႅတ်ႈ​ၶဝ်​ၼၼ်ႉ​တၵ်း​လွတ်ႈ​ဢေႃႈ။-</verse>
				<verse number="21">လိုၼ်း​ၼၼ်ႉ မၼ်း​တၵ်း​လႆႈ​ဢဝ်​ဝူဝ်း​ၼၼ်ႉ ၵႂႃႇ​ၵႃႈ​ၼွၵ်ႈ​တပ်ႉ​လႄႈ ဢဝ်​တုတ်ႇ​ၽႆး​မိူၼ်​ၸိူဝ်ႉ​ၼင်ႇ​ဢၼ်​ဢဝ်​ဝူဝ်း​ဢၼ်​ဢွၼ်​တၢင်း​တုတ်ႇ​ၽႆး​ၼၼ်ႉ​ဢေႃႈ။ ပဵၼ်​ယိတ်ႈ​ဢၼ်​ၽေႇ​ဢပႅတ်ႈ​ပုၼ်ႈ​ပရဵၵ်ႈသၢတ်ႈ​ဢေႃႈ။</verse>
				<verse number="22">ပေႃး​ၵူၼ်း​ႁဵတ်း​ဢပႅတ်ႈ​လႄႈ ယင်း​ဢမ်ႇ​ႁူႉ​ဢမ်ႇ​တွင်း​တြႃး​လႄႈ ပူၼ်ႉ​လိူဝ်​ပိင်း​ၺၢပ်ႈ​ထႃႇဝရႃႉ​ၽြႃး​သေ​လႄႈ ႁဵတ်း​လွင်ႈ​တၢင်း​ဢၼ်​ဢမ်ႇ​ထုၵ်ႇ​လီ​ႁဵတ်း​ၼၼ်ႉ​သေ​ၸိူဝ်ႉ​သေ​ပိူင်​မႅၼ်ႈ​သေ​ယဝ်ႉ၊ ႁွတ်ႈ​ထိုင်​ဢပႅတ်ႈ​ၸိုင်၊-</verse>
				<verse number="23">မိူဝ်ႈ​ဢၼ်​မၼ်း​ႁူႉ​လွင်ႈ​ဢပႅတ်ႈ ဢၼ်​မၼ်း​ၽိတ်း​ပိူင်ႈ​ၼၼ်ႉ​ယဝ်ႉ​ၼၼ်ႉ၊ မၼ်း​တၵ်း​လႆႈ​ဢဝ်​ပႄႉ​ပေႃႈ​ဢွၼ်ႇ ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ​မႃး ပုၼ်ႈ​ဢၼ်​တၵ်း​ပုၵ်ႈ​ၸေႃႇ​ဢေႃႈ။-</verse>
				<verse number="24">မၼ်း​တၵ်း​လႆႈ​ဢဝ်​မိုဝ်း​မၼ်း​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ပႄႉ​ၼၼ်ႉ​လႄႈ ဢဝ်​တၢႆ​ၼႂ်း​တီႈ​ဢၼ်​ဢဝ်​တူဝ်​ယိတ်ႈ​ဢၼ်​တုတ်ႇ​ၽႆး​တၢႆ​ၼၼ်ႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ ပဵၼ်​ယိတ်ႈ​ဢၼ်​ၽေႇ​ဢပႅတ်ႈ​ဢေႃႈ။-</verse>
				<verse number="25">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၼိဝ်ႉ​ၸီႉ​မၼ်း​ဢဝ်​လိူတ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ၵမ်ႈ​ၽွင်ႈ​လႄႈ သႂ်ႇ​ၵႃႈ​တီႈ​ၶဝ်​လႅမ်​ယိတ်ႈပလၢင်ႇ တီႈ​ဢၼ်​တုတ်ႇ​ၽႆး​တူဝ်​ယိတ်ႈ​ၼၼ်ႉ​သေ​ယဝ်ႉ၊ ဢဝ်​လိူတ်ႈ​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ ထွၵ်ႇ​သႂ်ႇ​ၵႃႈ​တီႈ​ႁိမ်း​တိၼ်​ယိတ်ႈပလၢင်ႇ​တီႈ​ဢၼ်​တုတ်ႇ​ၽႆး​တူဝ်​ယိတ်ႈ​ၼၼ်ႉ​ဢေႃႈ။-</verse>
				<verse number="26">မၼ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​ၵႃႈ​မီး​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​မိူၼ်​ၸိူဝ်ႉ​ၼင်ႇ​ဢၼ်​ႁဵတ်း​ၵႃႈ​တီႈ ၵွၼ်ႈ​ၶႆ​ၵွၼ်ႈ​မၼ်း​ယိတ်ႈ​မိၵ်ႉသႃႇႁႃယႃႉ​ၼၼ်ႉ​ဢေႃႈ။ ၼင်ႇ​ၼၼ်​လႄႈ ယိတ်ႈပရေႃးႁဵၵ်ႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ဢပႅတ်ႈ​ၶုၼ်​ၼၼ်ႉ​လႄႈ ဢပႅတ်ႈ​မၼ်း​ၼၼ်ႉ​တၵ်း​လွတ်ႈ​ဢေႃႈ။</verse>
				<verse number="27">ပေႃး​ၵူၼ်း​ဝၢၼ်ႈ​ၵူၼ်း​မိူင်း​သေ​ၵေႃႉ​သေ​ၵူၼ်း ယင်း​ဢမ်ႇ​ႁူႉ​ဢမ်ႇ​တွင်း​တြႃး​လႄႈ ၽိတ်း​ပိူင်ႈ​ပူၼ်ႉ​လိူဝ်​ပိင်း​ၺၢပ်ႈ​ထႃႇဝရႃႉ​ၽြႃး​လႄႈ ႁဵတ်း​လွင်ႈ​တၢင်း​ဢၼ်​ဢမ်ႇ​ထုၵ်ႇ​လီ​ႁဵတ်း​ၼၼ်ႉ​သေ​ၸိူဝ်ႉ​သေ​ပိူင်​မႅၼ်ႈ​သေ​ယဝ်ႉ၊ ႁွတ်ႈ​ထိုင်​ဢပႅတ်ႈ​ၸိုင်၊-</verse>
				<verse number="28">မိူဝ်ႈ​ဢၼ်​မၼ်း​ႁူႉ​လွင်ႈ​ဢပႅတ်ႈ​ဢၼ်​မၼ်း​ၽိတ်း​ပိူင်ႈ​ၼၼ်ႉ​ယဝ်ႉ​ၼၼ်ႉ၊ မၼ်း​တၵ်း​လႆႈ​ဢဝ်​ပႄႉ​မႄႈ​ဢွၼ်ႇ​ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ​မႃး ပုၼ်ႈ​ဢၼ်​တၵ်း​ပုၵ်ႈ​ၸေႃႇ ၵွပ်ႈ​ပိူဝ်ႈ​ဢပႅတ်ႈ​ၼၼ်ႉ​ဢေႃႈ။-</verse>
				<verse number="29">မၼ်း​တၵ်း​လႆႈ​ဢဝ်​မိုဝ်း​မၼ်း​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ပႄႉ ဢၼ်​ဢဝ်​ႁဵတ်း​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​လႄႈ ဢဝ်​တူဝ်​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ဝႆႉ​ၵႃႈ​ၼႂ်း​တီႈ​ဢၼ်​ဢဝ်​တူဝ်​ယိတ်ႈ​ဢၼ်​တုတ်ႇ​ၽႆး​တၢႆ​ၼၼ်ႉ​ဢေႃႈ။-</verse>
				<verse number="30">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၼိဝ်ႉ​ၸီႉ​မၼ်း​ဢဝ်​လိူတ်ႈ​ၼၼ်ႉ​ၵမ်ႈ​ၽွင်ႈ​လႄႈ​သႂ်ႇ​ၵႃႈ​တီႈ​ၶဝ်​လႅမ်​ယိတ်ႈပလၢင်ႇ တီႈ​ဢၼ်​တုတ်ႇ​ၽႆး​တူဝ်​ယိတ်ႈ​ၼၼ်ႉ​သေ​ယဝ်ႉ၊ ဢဝ်​လိူတ်ႈ​ဢၼ်​ၵိုတ်း​ဢၼ်​ၵျၢၼ်ႇ​တင်း​သဵင်ႈ​တင်း​လူင် ထွၵ်ႇ​သႂ်ႇ​ၵႃႈ​တီႈ​ႁိမ်း​တိၼ်​ယိတ်ႈပလၢင်ႇ​ဢေႃႈ။-</verse>
				<verse number="31">မၼ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​မၼ်း​ၵႃႈ​မီး​ဢွၵ်ႇ မိူၼ်​ၸိူဝ်ႉ​ၼင်ႇ​ဢၼ်​ဢဝ်​ၵွၼ်ႈ​ၶႆ​ၵွၼ်ႈ​မၼ်း​တူဝ်​ယိတ်ႈ မိၵ်ႉသႃႇႁႃယႃႉ​ဢွၵ်ႇ​ၼၼ်ႉ​လႄႈ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ပုၼ်ႈ​ဢၼ်​တၵ်း​ႁွမ်​တၵ်း​ႁူၺ်း​တီႈ​ထႃႇဝရႃႉ​ၽြႃး​ဢေႃႈ။ ၼင်ႇ​ၼၼ်ႉ​လႄႈ ယိတ်ႈပရေႃးႁဵၵ်ႈ​တၵ်း​လႆႈ​ႁဵတ်း​တၢင်း​ဢၼ် ၽေႇ​ဢပႅတ်ႈ​ပုၼ်ႈ​ၵေႃႉ​ၼၼ်ႉ​လႄႈ ဢပႅတ်ႈ​မၼ်း​ၼၼ်ႉ​တၵ်း​လွတ်ႈ​ဢေႃႈ။</verse>
				<verse number="32">ပေႃး​မၼ်း​ဢဝ်​သူဝ်း​ဢွၼ်ႇ ႁဵတ်း​ယိတ်ႈ​ဢၼ်​ၽေႇ​ဢပႅတ်ႈ​ၸိုင်၊ မၼ်း​တၵ်း​လႆႈ​ဢဝ်​တူဝ်​မႄႈ​ဢွၼ်ႇ​ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ​မႃး​ဢေႃႈ။-</verse>
				<verse number="33">မၼ်း​တၵ်း​လႆႈ​ဢဝ်​မိုဝ်း​မၼ်း​တၢင်ႇ​သႂ်ႇ​ၵႃႈ​ၼိူဝ်​ႁူဝ်​သူဝ်း​ဢၼ် ဢဝ်​ႁဵတ်း​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​လႄႈ၊ ဢဝ်​တၢႆ​ၵႃႈ​ၼႂ်း​တီႈ​ဢၼ်​ဢဝ်​တူဝ်​ယိတ်ႈ​ဢၼ်​တုတ်ႇ​ၽႆး​တၢႆ​ၼၼ်ႉ ႁႂ်ႈ​ပဵၼ်​ယိတ်ႈ​ဢၼ်​ၽေႇ​ဢပႅတ်ႈ​ဢေႃႈ။-</verse>
				<verse number="34">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​တင်း​ၼိဝ်ႉ​ၸီႉ​မၼ်း​ဢဝ်​လိူတ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ၵမ်ႈ​ၽွင်ႈ​လႄႈ သႂ်ႇ​ၵႃႈ​တီႈ​ၶဝ်​လႅမ်​ယိတ်ႈပလၢင်ႇ​တီႈ​ဢၼ်​တုတ်ႇ​ၽႆး တူဝ်​ယိတ်ႈ​သေ​ယဝ်ႉ၊ ဢဝ်​လိူတ်ႈ​ဢၼ်​ၵိုတ်း​ဢၼ်​ၵျၢၼ်ႇ​တင်း​သဵင်ႈ​တင်း​လူင် ထွၵ်ႇ​သႂ်ႇ​ၵႃႈ​ႁိမ်း​တီႈ​တိၼ်​ယိတ်ႈပလၢင်ႇ တီႈ​ဢၼ်​တုတ်ႇ​ၽႆး​တူဝ်​ယိတ်ႈ​ၼၼ်ႉ​ဢေႃႈ။-</verse>
				<verse number="35">မၼ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​မၼ်း​ၵႃႈ​မီး​ဢွၵ်ႇ​မိူၼ်​ၸိူဝ်ႉ​ၼင်ႇ​ဢၼ် ဢဝ်​ၵွၼ်ႈ​ၶႆ​ၵွၼ်ႈ​မၼ်း တူဝ်​ယိတ်ႈ မိၵ်ႉသႃႇႁႃယႃႉ​သူဝ်း​ဢွၼ်ႇ​ၼၼ်ႉ​ဢွၵ်ႇ​ၼၼ်ႉ​ဢေႃႈ။ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ၵႃႈ​တီႈ​ၼိူဝ်​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ ၼင်ႇ​ၼၼ်​လႄႈ​ယိတ်ႈပရေႃးႁဵၵ်ႈ​တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ဢပႅတ်ႈ​ဢၼ်​ၵေႃႉ​ၼၼ်ႉ ၽိတ်း​ပိူင်ႈ​မႅၼ်ႈ​ၼၼ်ႉ​လႄႈ ဢပႅတ်ႈ​မၼ်း​ၼၼ်ႉ​တၵ်း​လွတ်ႈ​ဢေႃႈ။</verse>
			</chapter>
			<chapter number="5">
				<verse number="1">ပေႃး​သေ​ၵေႃႉ​သေ​ၵူၼ်း လႆႈ​ငိၼ်း​ၵႂၢမ်း​ဢၼ်​ႁႂ်ႈ​ၵိၼ်ႇ​ႁႂ်ႈ​ဝႃႈ​လႄႈ ပဵၼ်​ၵူၼ်း​သၢၵ်ႈ​သေႇ​ယူႇ​သေ​လႄႈ ပိၵ်ႉ​သမ်ႉ​လႆႈ​ႁၼ်​ဢမူႉ​ယဝ်ႉ၊ ဢမ်ႇ​ၼၼ် လႆႈ​ႁူႉ​ယဝ်ႉ​သေ​ၵေႃႈ ယင်း​ဢမ်ႇ​မွၵ်ႇ​ဢမ်ႇ​လၢတ်ႈ​လႄႈ​ယူႇ​သေ​ယဝ်ႉ၊ ၽိတ်း​ပိူင်ႈ​ၸိုင်၊ မၼ်း​တၵ်း​လႆႈ​ၶၢမ်ႇ​ဢပႅတ်ႈ​တူႉ​ၸရိူၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="2">ပေႃး​သေ​ၵေႃႉ​သေ​ၵူၼ်း​တိူဝ်ႉ​မႅၼ်ႈ​ၶိူင်ႈ​ပိူင်​ဢၼ်​ဢမ်ႇ​မူတ်း​သႂ်​သေ​ၸိူဝ်ႉ​သေ​ပိူင် ဢၼ်​ဝႃႈ​တူဝ်​တၢႆ​တူဝ်​ႁၢႆႉ၊ ဢၼ်​ဢမ်ႇ​မူတ်း​သႂ်၊ တူဝ်​တၢႆ​တူဝ်​ယဵၼ်ႇ​တူဝ်​ငႄႈ ဢၼ်​ဢမ်ႇ​မူတ်း​သႂ်၊ တူဝ်​တၢႆ​တရိၵ်ႈသၢၼ်ႇ​ဢၼ်​ၸၢင်ႈ​ၵၢၼ်း ဢၼ်​ဢမ်ႇ​မူတ်း​သႂ် ၼၼ်ႉ​သေ​ယဝ်ႉ၊ ယင်း​ဢမ်ႇ​ႁူႉ​လွင်ႈ​မၼ်း​ယူႇ​လႄႈ ႁွတ်ႈ​ထိုင်​တၢင်း​ဢၼ်​ဢမ်ႇ​မူတ်း​သႂ်​ၼၼ်ႉ​ၸိုင်၊ မၼ်း​ၼၼ်ႉ​မီး​ဢပႅတ်ႈ​ဢေႃႈ။-</verse>
				<verse number="3">ပေႃး​မၼ်း​ယင်း​ဢမ်ႇ​ႁူႉ​လႄႈ တိူဝ်ႉ​မႅၼ်ႈ​ၶိူင်ႈ​ပိူင်​ဢၼ်​ဢမ်ႇ​မူတ်း​သႂ် ဢၼ်​ၸပ်း​ၵႃႈ​တီႈ​ၵူၼ်း​ၼၼ်ႉ​ၸိုင်၊ ၵမ်း​လိုၼ်း​မိူဝ်ႈ​ဢၼ်​မၼ်း​ႁူႉ​ၼၼ်ႉ မၼ်း​ႁွတ်ႈ​ထိုင်​တၢင်း​ဢၼ်​မီး​ဢပႅတ်ႈ​ဢေႃႈ။-</verse>
				<verse number="4">ပေႃး​သေ​ၵေႃႉ​သေ​ၵူၼ်း​ယင်း​ဢမ်ႇ​ႁူႉ​ဢၵျူဝ်း​ဢပႅတ်ႈ​လႄႈ ဢဝ်​ဢွၵ်ႇ​သူပ်း​ၵိၼ်ႇ​ႁဵတ်း​သဵတ်ႈ​ၸႃႇ​လႄႈ​ဝႃႈ၊ တၵ်း​ႁဵတ်း​ဢမူႉ​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း၊ ဢမူႉ​လွင်ႈ​တၢင်း​ဢၼ်​လီ​ဢၼ်​ငၢမ်း၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၵမ်း​လိုၼ်း​မိူဝ်ႈ​ဢၼ်​ႁူႉ​ၼၼ်ႉ၊ ႁွတ်ႈ​ထိုင်​တၢင်း​ဢၼ်​မီး​ဢပႅတ်ႈ ၵႃႈ​ၼႂ်း​ဢမူႉ​လွင်ႈ​တၢင်း​ၸိူဝ်း​ၼၼ်ႉ​သေ​ၸိူဝ်ႉ​သေ​ပိူင်​ဢေႃႈ။-</verse>
				<verse number="5">ပေႃး​ႁွတ်ႈ​ထိုင်​ဢပႅတ်ႈ​ၸိူဝ်ႉ​ၼင်ႇ​ၼၼ်​သေ​ၸိူဝ်ႉ​သေ​ပိူင်​ၸိုင်၊ မၼ်း​တၵ်း​လႆႈ​ၽုၺ်ႇ​ဢွၵ်ႇ​ၼႄ​ပျႃး​တွင်း​ပၢၼ်ႇ​လူၺ်ႈ​လွင်ႈ ဢၼ်​မၼ်း​ၽိတ်း​ပိူင်ႈ​ၼႂ်း​တီႈ​ႁဵင်း​ၼၼ်ႉ​ဢေႃႈ။-</verse>
				<verse number="6">မၼ်း​တၵ်း​လႆႈ​ဢဝ်​ယိတ်ႈ​ဢၼ်​ၽေႇ​တူႉ​ၸရိူၵ်ႈ​ဢၼ်​ဝႃႈ သူဝ်း​မႄႈ​ဢွၼ်ႇ၊ ဢမ်ႇ​ၼၼ် ပႄႉ​မႄႈ​ဢွၼ်ႇ မႃး​တီႈ​ထႃႇဝရႃႉ​ၽြႃး ပုၼ်ႈ​ဢပႅတ်ႈ​ဢၼ်​မၼ်း​ၽိတ်း​ပိူင်ႈ​မႅၼ်ႈ​ၼၼ်ႉ​လႄႈ ယိတ်ႈပရေႃးႁဵၵ်ႈ​တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မၼ်း လူၺ်ႈ​လွင်ႈ​ဢပႅတ်ႈ​မၼ်း​ၼၼ်ႉ​ဢေႃႈ။</verse>
				<verse number="7">ပေႃး​မၼ်း​ဢမ်ႇ​တၢတ်ႈ​ၼိူင်ႇ​သူဝ်း​ဢွၼ်ႇ​လႆႈ​ၸိုင်၊ မၼ်း​တၵ်း​လႆႈ​ဢဝ်​ယိတ်ႈ​ဢၼ်​ၽေႇ​တူႉ​ၸရိူၵ်ႈ ပုၼ်ႈ​ဢပႅတ်ႈ​ဢၼ်​မၼ်း​ၽိတ်း​ပိူင်ႈ​မႅၼ်ႈ​ၼၼ်ႉ​ဢၼ်​ဝႃႈ ၼူၵ်ႉ​တူႈ​သွင်​တူဝ်၊ ဢမ်ႇ​ၼၼ် ၵႃ​ၵႄ​ဢွၼ်ႇ​သွင်​တူဝ်၊ တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊ တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး မႃး​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="8">မၼ်း​တၵ်း​လႆႈ​ဢဝ်​မႃး​ၵႃႈ​တီႈ​ယိတ်ႈပရေႃးႁဵၵ်ႈ​လႄႈ၊ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​တူဝ်​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ ပုၵ်ႈ​ၸေႃႇ​ဢွၼ်​တၢင်း​လႄႈ၊ လိမ်ႇ​ႁၵ်း​ႁူဝ်​မၼ်း​ၵႃႈ​တီႈ​ၶေႃး​မၼ်း​သေ​လႄႈ ဢမ်ႇ​လႆႈ​ႁႂ်ႈ​ၽၢတ်ႇ​ၵၼ်​တင်း​တူဝ်​မၼ်း။-</verse>
				<verse number="9">မၼ်း​တၵ်း​လႆႈ​ဢဝ်​လိူတ်ႈ​တူဝ်​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ ၽႅတ်း​သႂ်ႇ​ၵႃႈ​တီႈ​ပဵမ်ႉ​ယိတ်ႈပလၢင်ႇ​လႄႈ၊ လိူတ်ႈ​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ၸိုင်၊ တၵ်း​လႆႈ​ဢဝ်​မိပ်ႇ​သႂ်ႇ​ၵႃႈ​တီႈ​ႁိမ်း​တိၼ်​ယိတ်ႈပလၢင်ႇ​ဢေႃႈ။ ပဵၼ်​ယိတ်ႈ​ဢၼ်​ၽေႇ​ဢပႅတ်ႈ​ဢေႃႈ။-</verse>
				<verse number="10">ၼူၵ်ႉ​တူဝ်​တူႉတီႉယႃႉ​ၼၼ်ႉ​ၸိုင်၊ မၼ်း​တၵ်း​လႆႈ​ဢဝ်​ပုၵ်ႈ​ၸေႃႇ ယိတ်ႈ​ဢၼ်​တုတ်ႇ​ၽႆး​ၸွမ်း​ၵႃႈ​ၼင်ႇ​ပိင်း​ၺၢပ်ႈ​တြႃး​ဢေႃႈ။ ယိတ်ႈပရေႃးႁဵၵ်ႈ​တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မၼ်း လူၺ်ႈ​လွင်ႈ​ဢပႅတ်ႈ​ဢၼ်​မၼ်း​ၽိတ်း​ပိူင်ႈ​မႅၼ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ ဢပႅတ်ႈ​မၼ်း​ၼၼ်ႉ​တၵ်း​လွတ်ႈ​ဢေႃႈ။</verse>
				<verse number="11">ပေႃး​မၼ်း​ဢမ်ႇ​တၢတ်ႈ​ၼိူင်ႇ​လႆႈ​ၼူၵ်ႉ​တူႈ​ဢွၼ်ႇ​သွင်​တူဝ်၊ ဢမ်ႇ​ၼၼ် ၵႃ​ၵႄ​ဢွၼ်ႇ​သွင်​တူဝ်​ၸိုင်၊ မၼ်း​တၵ်း​လႆႈ​ဢဝ် တၢင်း​ဢၼ်​မၼ်း​တၵ်း​ပုၵ်ႈ​ၸေႃႇ​ပုၼ်ႈ​ဢပႅတ်ႈ​ဢၼ်​မၼ်း​ၽိတ်း​ပိူင်ႈ​မႅၼ်ႈ​ၼၼ်ႉ ဢၼ်​ဝႃႈ​ၽွင်​ၶဝ်ႈ​မုၼ်း ဢေးၽႃႇ ​သိပ်း​ပုၼ်ႈ ပုၼ်ႈ​ၼိုင်ႈ​မႃး​ႁႂ်ႈ​ပဵၼ်​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ဢေႃႈ။ မၼ်း​ဢမ်ႇ​လႆႈ​ဢဝ်​ၼမ်ႉ​မၼ်း​ႁူတ်း။ လေႃႇပၢၼ်ႇ ​ၵေႃႈ ဢမ်ႇ​လႆႈ​ဢဝ်​တၢင်ႇ​သႂ်ႇ။ ပဵၼ်​ယိတ်ႈ​ဢၼ်​ၽေႇ​ဢပႅတ်ႈ​ဢေႃႈ။-</verse>
				<verse number="12">မၼ်း​တၵ်း​လႆႈ​ဢဝ်​မႃး​ၵႃႈ​တီႈ​ယိတ်ႈပရေႃးႁဵၵ်ႈ​လႄႈ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၼႂ်း​ၽွင်​ၶဝ်ႈ​မုၼ်း​ၼၼ်ႉ​ဝၵ်ႉ​ၼိုင်ႈ ဢၼ်​ဝႃႈ​ပုၼ်ႈ​ဢၼ်​မၼ်း​ၸဝ်ႈ​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ပုၼ်ႈ​ၼိုင်ႈ​ၼၼ်ႉ​လႄႈ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ၵႃႈ​ၼိူဝ်​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​ဢေႃႈ။ ပဵၼ်​ယိတ်ႈ​ဢၼ်​ၽေႇ​ဢပႅတ်ႈ​ဢေႃႈ။-</verse>
				<verse number="13">ယိတ်ႈပရေႃးႁဵၵ်ႈ​တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မၼ်း​လူၺ်ႈ​လွင်ႈ​ဢပႅတ်ႈ​ဢၼ်​မၼ်း​ၽိတ်း​ပိူင်ႈ​မႅၼ်ႈ ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ၊ ဢပႅတ်ႈ​မၼ်း​ၼၼ်ႉ တၵ်း​လွတ်ႈ​ဢေႃႈ။ ဢၼ်​ၵိုတ်း​ဢၼ်​ၵျၢၼ်ႇ​ၸိုင်၊ တၵ်း​လႆႈ​ပဵၼ်​ပုၼ်ႈ​ယိတ်ႈပရေႃးႁဵၵ်ႈ​မိူၼ်​ၸိူဝ်ႉ​ၼင်ႇ တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="15">ပေႃး​သေ​ၵေႃႉ​သေ​ၵူၼ်း​ယင်း​ဢမ်ႇ​ႁူႉ​ဢမ်ႇ​တွင်း​တြႃး​လႄႈ ၽိတ်း​ပိူင်ႈ​ပူၼ်ႉ​လိူဝ်​မႅၼ်ႈ ၵႃႈ​ၼႂ်း​လွင်ႈ​တၢင်း​ဢၼ်​မူတ်း​ၸၢင်ႇ ဢၼ်​ၸၢပ်ႈ​သႅင်ႇ​ၵၼ်​တင်း​ထႃႇဝရႃႉ​ၽြႃး​ၸိူဝ်း​ၼၼ်ႉ​ၸိုင်၊ မၼ်း​တၵ်း​လႆႈ​ဢဝ်​ယိတ်ႈ​ဢၼ်​ၽေႇ​တူႉ​ၸရိူၵ်ႈ ဢၼ်​ဝႃႈ​သူဝ်း​ပေႃႈ​ဢၼ်​ဢမ်ႇ​ပႃး​ဢပႅတ်ႈ​ဢၼ်​ဢဝ်​ၵႃႈ​ၼႂ်း​ၽုင်​သူဝ်း ဢၼ်​မႅၼ်ႈ​ၼင်ႇ​ဢၼ်​မႂ်း​တၵ်း​ၼပ်ႉ​ဢၢၼ်ႇ​ငိုၼ်း​ သၶေးလႃႉ ​ၸွမ်း​လူၺ်ႈ​ၼမ်ႉ​ၼၵ်း ငိုၼ်း​ၸဝ်ႈ​ၵျၢပ်ႈ​ သၶေးလႃႉ ​ၼၼ်ႉ ဢဝ်​မႃး​တီႈ​ထႃႇဝရႃႉ​ၽြႃး​ပုၼ်ႈ​ယိတ်ႈ ဢၼ်​ၽေႇ​တူႉ​ၸရိူၵ်ႈ​ဢေႃႈ။-</verse>
				<verse number="16">မၼ်း​တၵ်း​လႆႈ​ၶိုၼ်း​တႅၼ်း​ပၼ်​ပုၼ်ႈ​တၢင်း​ဢၼ်​မၼ်း​ၽိတ်း​ပိူင်ႈ​ၵႃႈ​ၼႂ်း​လွင်ႈ​တၢင်း​ဢၼ်​မူတ်း​ၸၢင်ႇ​ၼၼ်ႉ ၸိူဝ်ႉ​ၼင်ႇ​ၼၼ်​လႄႈ ဢဝ်​ႁႃႈ​ပုၼ်ႈ​ပုၼ်ႈ​ၼိုင်ႈ​ထၢပ်ႈ​ထႅင်ႈ​သေ​ယဝ်ႉ၊ ပၼ်​တီႈ​ယိတ်ႈပရေႃးႁဵၵ်ႈ​ဢေႃႈ။ ယိတ်ႈပရေႃးႁဵၵ်ႈ​ၵေႃႈ​တၵ်း​လႆႈ​ဢဝ်​သူဝ်း​ပေႃႈ ဢၼ်​ပဵၼ်​ယိတ်ႈ​ဢၼ်​ၽေႇ​တူႉ​ၸရိူၵ်ႈ​ၼၼ်ႉ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မၼ်း​ၼၼ်ႉ​လႄႈ ဢပႅတ်ႈ​မၼ်း​ၼၼ်ႉ​တၵ်း​လွတ်ႈ​ဢေႃႈ။-</verse>
				<verse number="17">ပေႃး​သေ​ၵေႃႉ​သေ​ၵူၼ်း​ႁဵတ်း​လွင်ႈ​တၢင်း​ဢၼ်​ထႃႇဝရႃႉ​ၽြႃး​ပိင်း​ၺၢပ်ႈ​ဝႆႉ ႁႂ်ႈ​ဢမ်ႇ​လႆႈ​ႁဵတ်း​ၼၼ်ႉ​သေ​ၸိူဝ်ႉ​သေ​ပိူင်​လႄႈ ၽိတ်း​ပိူင်ႈ​မႅၼ်ႈ​ၸိုင်၊ ပိၵ်ႉ​သမ်ႉ​မၼ်း​ဢမ်ႇ​ႁူႉ​လွင်ႈ​မၼ်း​တင်း​မၼ်း​သေ​ၵေႃႈ၊ မၼ်း​ႁွတ်ႈ​ထိုင်​တၢင်း​ဢၼ် မီး​ဢပႅတ်ႈ​လႄႈ တၵ်း​လႆႈ​ၶၢမ်ႇ​ဢပႅတ်ႈ​ၼၼ်ႉ​ဢေႃႈ။-</verse>
				<verse number="18">မၼ်း​တၵ်း​လႆႈ​ဢဝ် သူဝ်း​ပေႃႈ​ဢၼ်​ဢမ်ႇ​ပႃး​ဢပႅတ်ႈ​ဢၼ်​ဢဝ်​ၵႃႈ​ၼႂ်း​ၽုင်​သူဝ်း ဢၼ်​မႅၼ်ႈ​ၼင်ႇ​တၢင်း​ဢၼ်​မႂ်း​ၼပ်ႉ​ဢၢၼ်ႇ​ၼၼ်ႉ မႃး​ၵႃႈ​တီႈ​ယိတ်ႈပရေႃးႁဵၵ်ႈ​ပုၼ်ႈ​ယိတ်ႈ ဢၼ်​ၽေႇ​တူႉ​ၸရိူၵ်ႈ​ဢေႃႈ။ ယိတ်ႈပရေႃးႁဵၵ်ႈ​တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ ပုၼ်ႈ​မၼ်း​လူၺ်ႈ​လွင်ႈ​ဢၼ်​မၼ်း​ယင်း​ဢမ်ႇ​ႁူႉ ဢမ်ႇ​တွင်း​တြႃး​လႄႈ ၽိတ်း​ပိူင်ႈ​မႅၼ်ႈ​သေ​လႄႈ ဢမ်ႇ​ႁူႉ​လွင်ႈ​မၼ်း​တၢင်း​မၼ်း​ၼၼ်ႉ​လႄႈ ဢပႅတ်ႈ​မၼ်း​ၼၼ်ႉ တၵ်း​လွတ်ႈ​ဢေႃႈ။-</verse>
				<verse number="19">ပဵၼ်​ယိတ်ႈ​ဢၼ်​ၽေႇ​တူႉ​ၸရိူၵ်ႈ​ဢေႃႈ။ မၼ်း​ၼၼ်ႉ​လႆႈ​ၽိတ်း​ပိူင်ႈ​ထႃႇဝရႃႉ​ၽြႃး​ဢမၢၼ်ႇ​ၶၼ်​ပဵၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="6">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">ပေႃး​သေ​ၵေႃႉ​သေ​ၵူၼ်း​ၽိတ်း​ပိူင်ႈ​ပူၼ်ႉ​လိူဝ်​ထႃႇဝရႃႉ​ၽြႃး​လႄႈ ႁဵတ်း​တၢင်း​ဢၼ်​လၢတ်ႈ​ၵႂၢမ်း​မူႉ​သႃႇ​တီႈ​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ လူၺ်ႈ​လွင်ႈ​ဢုၵ်ႉ​ၸႃႇ​ဢၼ်​မၼ်း​ၼၼ်ႉ​ဢဝ်​ဢၢပ်ႈ​ဝႆႉ လူၺ်ႈ​လွင်ႈ​ဢုၵ်ႉ​ၸႃႇ​ဢၼ်​မၼ်း​ၼၼ်ႉ ပွင်ႇ​ၵမ်ႉ​ဝႆႉ၊ လူၺ်ႈ​လွင်ႈ​ဢုၵ်ႉ​ၸႃႇ​ဢၼ်​ႁိမ်​ႁူင်ႇ​ဢဝ်​တီႈ​မၼ်း​ၼၼ်ႉ​လႄႈ​သင်၊ ပေႃး​ႁဵတ်း​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၵေႃႉ​ဢၼ် ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ​လႄႈ​သင်၊-</verse>
				<verse number="3">မိူဝ်ႈ​ဢၼ်​ထူပ်း​ႁၼ်​ဢုၵ်ႉ​ၸႃႇ​ဢၼ်​ႁၢႆ​ၼၼ်ႉ ပေႃး​ႁဵတ်း​တၢင်း​ဢၼ်​လၢတ်ႈ​ၵႂၢမ်း​မူႉ​သႃႇ​သေ​လႄႈ တိူင်ႇ​ဝႃႈ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ​လႄႈ​သင်၊ ပေႃး​ႁဵတ်း​တူႉ​ၸရိူၵ်ႈ​ၸိူဝ်ႉ​ၼင်ႇ​ၼၼ်​သေ​ၸိူဝ်ႉ​သေ​ပိူင်​လႄႈ ၽိတ်း​ပိူင်ႈ​ၸိုင်၊-</verse>
				<verse number="4">ၵေႃႉ​ၼၼ်ႉ​ၵွပ်ႈ​ပိူဝ်ႈ​ဢၼ်​ၽိတ်း​ပိူင်ႈ​လႄႈ​ႁွတ်ႈ​ဢပႅတ်ႈ​ၼၼ်ႉ​လႄႈ တၵ်း​လႆႈ​ဢဝ်​ဢုၵ်ႉ​ၸႃႇ​ဢၼ်​မၼ်း​ႁိမ်​ႁူင်ႇ​ဢဝ်​ၼၼ်ႉ၊ ဢုၵ်ႉ​ၸႃႇ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​လႄႈ​လႆႈ​ၼၼ်ႉ၊ ဢုၵ်ႉ​ၸႃႇ​ဢၼ်​ပိူၼ်ႈ​တၢင်ႇ​ၵေႃႉ​ဢဝ်​ဢၢပ်ႈ​ဝႆႉ၊ ဢုၵ်ႉ​ၸႃႇ​ဢၼ်​ႁၢႆ​လႄႈ မၼ်း​ထူပ်း​ႁၼ်​ၼၼ်ႉ၊-</verse>
				<verse number="5">ဢုၵ်ႉ​ၸႃႇ​ဢၼ်​တိူင်ႇ​ဝႃႈ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​လႄႈ​လႆႈ​ၼၼ်ႉ ၶိုၼ်း​တႅၼ်း​ပၼ်​ဢေႃႈ။ မၼ်း​တၵ်း​လႆႈ​ဢဝ် တင်း​သဵင်ႈ​တင်း​မူတ်း​ၶိုၼ်း​တႅၼ်း​ပၼ်​လႄႈ ဢဝ်​ႁႃႈ​ပုၼ်ႈ​ပုၼ်ႈ​ၼိုင်ႈ​ထၢပ်ႈ​ပၼ်​ထႅင်ႈ​ဢေႃႈ။ မၼ်း​တၵ်း​လႆႈ​ဢဝ်​ၶိုၼ်း​ပၼ်​တီႈ ၸဝ်ႈ​ဢုၵ်ႉ​ၸႃႇ ၼႂ်း​ဝၼ်း​ဢၼ်​မၼ်း​ပုၵ်ႈ​ၸေႃႇ​ယိတ်ႈ​ဢၼ်​ၽေႇ​တူႉ​ၸရိူၵ်ႈ​ၼၼ်ႉ​ဢေႃႈ။-</verse>
				<verse number="6">မၼ်း​တၵ်း​လႆႈ​ဢဝ်​ယိတ်ႈ​ဢၼ်​ၽေႇ​တူႉ​ၸရိူၵ်ႈ​ဢၼ်​ဝႃႈ​သူဝ်း​ပေႃႈ​ဢၼ်​ဢမ်ႇ​ပႃး​ဢပႅတ်ႈ ဢၼ်​ဢဝ်​ၵႃႈ​ၼႂ်း​ၽုင်​သူဝ်း ဢၼ်​မႅၼ်ႈ​ၼင်ႇ​တၢင်း​ဢၼ်​မႂ်း​ၼပ်ႉ​ဢၢၼ်ႇ​ၼၼ်ႉ မႃး​ၵႃႈ​တီႈ​ယိတ်ႈပရေႃးႁဵၵ်ႈ ပုၼ်ႈ​ယိတ်ႈ​ဢၼ်​ၽေႇ​တူႉ​ၸရိူၵ်ႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="7">ယိတ်ႈပရေႃးႁဵၵ်ႈ​တၵ်း​လႆႈ​ႁဵတ်း​တၢင်း​ဢၼ် ၽေႇ​ဢပႅတ်ႈ​ပုၼ်ႈ​မၼ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ဢပႅတ်ႈ​ၵႃႈ​ဢၼ်​မၼ်း​ၽိတ်း​ပိူင်ႈ​ၼၼ်ႉ တၵ်း​လွတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="9">သင်ႇ​လၢတ်ႈ​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​လႄႈ​ဝႃႈ၊ တြႃး​တၢင်း​ဢၼ်​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​ၼၼ်ႉ​ၸမ်ႉ၊ တူဝ်​ယိတ်ႈ​ဢၼ်​တုတ်ႇ​ၽႆး​တၵ်း​လႆႈ​မီး​ၵႃႈ​ၼိူဝ်​တီႈ​ဢၼ်​ၽႆး​မႆႈ ၵႃႈ​တီႈ​ယိတ်ႈပလၢင်ႇ​တင်း​ၶိုၼ်း တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​လႄႈ ၽႆး​ၵႃႈ​ၼိူဝ်​ယိတ်ႈပလၢင်ႇ တၵ်း​လႆႈ​မႆႈ​ယူႇ​တႃႇ​သေႇ​ဢေႃႈ။-</verse>
				<verse number="10">ယိတ်ႈပရေႃးႁဵၵ်ႈ​တၵ်း​လႆႈ​ၼုင်ႈ​သိူဝ်ႈ​ပိၵ်ႈ​လႄႈ ဢဝ်​ၵူၼ်​ပိၵ်ႈ​ၼုင်ႈ​သေ​ယဝ်ႉ၊ ႁုပ်ႈ​သိမ်း​ဢဝ်​တဝ်ႈ​ယိတ်ႈ ဢၼ်​တုတ်ႇ​ၽႆး​ဢၼ်​မႆႈ​သုတ်း​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​လႄႈ ဝႆႉ​ၵႃႈ​တီႈ​ႁိမ်း​ယိတ်ႈပလၢင်ႇ​ဢေႃႈ။-</verse>
				<verse number="11">မၼ်း​သမ်ႉ​တၵ်း​လႆႈ​ထွတ်ႇ​ၶူဝ်း​ၼုင်ႈ​မၼ်း​ၼၼ်ႉ​လႄႈ ဢဝ်​ၶူဝ်း​ၼုင်ႈ​တၢင်ႇ​ၽိုၼ်​ၼုင်ႈ​သေ​ယဝ်ႉ၊ ဢဝ်​တဝ်ႈ​ၼၼ်ႉ​ၵႂႃႇ​ၵႃႈ​ၼွၵ်ႈ​တပ်ႉ ၵႃႈ​တီႈ​ဢၼ်​မူတ်း​သႂ်​ၼၼ်ႉ​ဢေႃႈ။-</verse>
				<verse number="12">ၽႆး​ၵႃႈ​ၼိူဝ်​ယိတ်ႈပလၢင်ႇ​ယင်း​ဢမ်ႇ​လႆႈ​မွတ်ႇ​လႄႈ တၵ်း​လႆႈ​မႆႈ​ယူႇ​တႃႇ​သေႇ​ဢေႃႈ။ ယိတ်ႈပရေႃးႁဵၵ်ႈ​တၵ်း​လႆႈ​သႂ်ႇ​ၽိုၼ်း​သႂ်ႇ​ၽႆး​ၵႃႈ​ၼိူဝ်​မၼ်း​ၵူႈ​ၼႂ်​လႄႈ ဢဝ်​ယိတ်ႈ​ဢၼ်​တုတ်ႇ​ၽႆး​သိူဝ်ႇ​ဝႆႉ​ၵႃႈ​ၼိူဝ်​ၽိုၼ်း​ဢေႃႈ။ တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​ယိတ်ႈ​မိၵ်ႉသႃႇႁႃယႃႉ​တုတ်ႇ​ၽႆး​ၵႃႈ​ၼိူဝ်​မၼ်း​ဢေႃႈ။-</verse>
				<verse number="13">ၽႆး​တၵ်း​လႆႈ​မႆႈ​ယူႇ​ၵႃႈ​ၼိူဝ်​ယိတ်ႈပလၢင်ႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။ ဢမ်ႇ​လႆႈ​မွတ်ႇ​လႃး​လႃး။</verse>
				<verse number="14">တြႃး​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ၸမ်ႉ၊ လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ​တၵ်း​လႆႈ​ဢဝ်​ပုၵ်ႈ​ၸေႃႇ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ဢေႃႈ။-</verse>
				<verse number="15">မၼ်း​တၵ်း​လႆႈ​ဢဝ် ၵႃႈ​ၼႂ်း​ၽွင်​ၶဝ်ႈ​မုၼ်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ၼၼ်ႉ ဝၵ်ႉ​ၼိုင်ႈ၊ ၼမ်ႉ​မၼ်း​ၵမ်ႈ​ၽွင်ႈ၊ တင်း​ လေႃႇပၢၼ်ႇ ၵႃႈ​ဢၼ်​မီး​ၵႃႈ​ၼိူဝ်​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ဝႃႈ​ပုၼ်ႈ​ဢၼ်​ထႃႇဝရႃႉ​ၽြႃး တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼၼ်ႉ​သေ​လႄႈ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ပုၼ်ႈ​ဢၼ်​တၵ်း​ႁွမ်​တၵ်း​ႁူၺ်း​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="16">ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ၸိုင်၊ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​တင်း​လၢႆ တၵ်း​လႆႈ​ၵိၼ်​ဢေႃႈ။ ယင်း​ဢမ်ႇ​ပႃး​ၸိူဝ်ႉ​ပႅင်ႈ​လႄႈ ၶဝ်​တၵ်း​လႆႈ​ဢွၼ်​ၵၼ်​ၵိၼ်​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ဢေႃႈ။ တၵ်း​လႆႈ​ၵိၼ်​ၵႃႈ​တီႈ​ၼႂ်း​ဝၢင်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="17">ဢမ်ႇ​လႆႈ​ဢဝ်​တင်း​ၸိူဝ်ႉ​ပႅင်ႈ​ႁဵတ်း​ၶဝ်ႈ​မုၼ်း​ၼၼ်ႉ။ ၵဝ်​ဢဝ်​ၵႃႈ​ၼႂ်း​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ၵဝ်​ၼၼ်ႉ ပၼ်​ႁႂ်ႈ​ပဵၼ်​ပုၼ်ႈ​ၶဝ်​တႃႇ​ၶဝ်​ယဝ်ႉ၊ ပဵၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင် မိူၼ်​ၸိူဝ်ႉ​ၼင်ႇ​ယိတ်ႈ​ဢၼ်​ၽေႇ​ဢပႅတ်ႈ ဢိၵ်ႇ​တင်း​ယိတ်ႈ​ဢၼ်​ၽေႇ​တူႉ​ၸရိူၵ်ႈ​ၼၼ်ႉ​ဢေႃႈ။-</verse>
				<verse number="18">ၵူၼ်း​ၸၢႆး​ၸိူဝ်ႉ​ၶိူဝ်း​ ဢႃႇရုၼ်ႇ ​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ်​ဢဝ်​ၵႃႈ​ၼႂ်း​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၸိူဝ်း​ၼၼ်ႉ ၵူႈ​ၵေႃႉ​ၵူႈ​ၵူၼ်း​လႄႈ ပဵၼ်​ပိင်း​ၺၢပ်ႈ​ၸဝ်ႈ​တီႈ​မဵဝ်း​ၸိူဝ်ႉ​ၶိူဝ်း​သူ​သိုပ်ႇ​သိုပ်ႇ​တၢမ်း​တၢမ်း​ဢေႃႈ။ ၶဝ်​ၸိူဝ်း​ဢၼ်​တိူဝ်ႉ​ယိပ်း​တင်း​ပုၵ်ႈ​ၸေႃႇ​ၸိူဝ်း​ၼၼ်ႉ တၵ်း​လႆႈ​မူတ်း​ၸၢင်ႇ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ထႃႇဝရႃႉ​ၽြႃး သမ်ႉ​မီး​ဢမိင်ႉ​ၵႃႈ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="20">တၢင်း​ပုၵ်ႈ​ၸေႃႇ​ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​တင်း​လၢႆ ဢၼ်​ၶဝ်​တၵ်း​လႆႈ​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ၼႂ်း​ဝၼ်း​ဢၼ်​မၼ်း​ၶၢမ်ႇ​ၽိၵ်ႈ​သိၵ်ႈ​ၼၼ်ႉ​ၸမ်ႉ၊ တၵ်း​လႆႈ​ပဵၼ်​ၽွင်​ၶဝ်ႈ​မုၼ်း​ ဢေးၽႃႇ ​သိပ်း​ပုၼ်ႈ​ဢဝ်​ပုၼ်ႈ​ၼိုင်ႈ၊ ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​တၵ်း​လႆႈ​ႁဵတ်း​ယူႇ​တႃႇ​သေႇ၊ ၶိင်ႇ​ၵၢင်​ၼႂ်​ၶိုင်ႈ​ၼိုင်ႈ ၶိင်ႇ​ၵၢင်​ၶမ်ႈ​ၶိုင်ႈ​ၼိုင်ႈ​ဢေႃႈ။-</verse>
				<verse number="21">ဢဝ်​ၼမ်ႉ​မၼ်း​သႂ်ႇ​သေ​လႄႈ ႁဵတ်း​တီႈ​ၶႅပ်း​လဵၵ်း​လႄႈ ၶူဝ်ႈ​လေႃး​သေ​ယဝ်ႉ၊ မႂ်း​တၵ်း​လႆႈ​ဢဝ်​မႃး​လႄႈ ဢဝ်​ဢၼ်​ႁၵ်း​ဢၼ်​ပွတ်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ႁၵ်း​ဝိတ်း​ၼၼ်ႉ ပုၵ်ႈ​ၸေႃႇ​ပုၼ်ႈ​ဢၼ်​တၵ်း​ႁွမ်​တၵ်း​ႁူၺ်း​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="22">လုၵ်ႈ​ၸၢႆး​မၼ်း​ဢၼ်​ၶၢမ်ႇ​ဢဝ်​ၽိၵ်ႈ​သိၵ်ႈ​ၵႃႈ​ၼႂ်း​ဢရႃႇ​မၼ်း​ၼၼ်ႉ​ၵေႃႈ တၵ်း​လႆႈ​ႁဵတ်း​တၢင်း​ပုၵ်ႈ​ၸေႃႇ​ၼၼ်ႉ​ဢေႃႈ။ ပဵၼ်​ပိင်း​ၺၢပ်ႈ​ဢၼ်​တႃႇ​သေႇ​ပုၼ်ႈ​ထႃႇဝရႃႉ​ၽြႃး​ဢေႃႈ။ တၵ်း​လႆႈ​တုတ်ႇ​ၽႆး​တင်း​သဵင်ႈ​တင်း​မူတ်း​ဢေႃႈ။-</verse>
				<verse number="23">တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ယိတ်ႈပရေႃးႁဵၵ်ႈ​ၼၼ်ႉ​ၵႃႈ​မီး​ၼၼ်ႉ​ၸိုင်၊ တၵ်း​လႆႈ​ဢဝ်​တုတ်ႇ​ၽႆး​တင်း​သဵင်ႈ​တင်း​မူတ်း​ဢေႃႈ။ ဢမ်ႇ​လႆႈ​ၵိၼ်​လႃး​လႃး၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="25">သင်ႇ​လၢတ်ႈ​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​တင်း​လၢႆ​လႄႈ​ဝႃႈ၊ တြႃး​တၢင်း​ပုၵ်ႈ​ၸေႃႇ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ၸမ်ႉ၊ ၵႃႈ​ၼႂ်း​တီႈ​ဢၼ်​ဢဝ်​တူဝ်​ယိတ်ႈ​ဢၼ်​တုတ်ႇ​ၽႆး​တၢႆ​ၼၼ်ႉ တၵ်း​လႆႈ​ဢဝ်​ယိတ်ႈ​ဢၼ်​ၽေႇ​ဢပႅတ်ႈ​တၢႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ ပဵၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ဢေႃႈ။-</verse>
				<verse number="26">ယိတ်ႈပရေႃးႁဵၵ်ႈ​ဢၼ်​ဢဝ်​ပုၵ်ႈ​ၸေႃႇ ပုၼ်ႈ​ဢၼ်​တၵ်း​ၽေႇ​ဢပႅတ်ႈ​ၼၼ်ႉ​တၵ်း​လႆႈ​ၵိၼ်​ဢေႃႈ။ တၵ်း​လႆႈ​ၵိၼ်​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၵႃႈ​တီႈ​ၼႂ်း​ဝၢင်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="27">ၵႃႈ​ဢၼ်​တိူဝ်ႉ​ထုၵ်ႇ​ၼိူဝ်ႉ​ၼၼ်ႉ ပဵၼ်​ဢၼ်​မူတ်း​ၸၢင်ႇ​ဢေႃႈ။ ပေႃး​လိူတ်ႈ​ၼၼ်ႉ လႆႈ​မီး​တၢင်း​ဢၼ် ၽႅတ်း​သႂ်ႇ​မႅၼ်ႈ​ၵႃႈ​တီႈ​ၶူဝ်း​ၼုင်ႈ​ၸိုင်၊ မႂ်း​တၵ်း​လႆႈ​ဢဝ်​ၶူဝ်း​ၼုင်ႈ​ဢၼ်​ၶၢမ်ႇ​တၢင်း​ဢၼ်​လိူတ်ႈ​ၽႅတ်း​သႂ်ႇ​မႅၼ်ႈ​ၼၼ်ႉ၊ သၵ်ႉ​သၢႆႇ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ဢေႃႈ။-</verse>
				<verse number="28">မေႃႈ​လိၼ်​ဢၼ်​ဢဝ်​တူမ်ႈ​ၼိူဝ်ႉ​ၼၼ်ႉ​ၸိုင်၊ တၵ်း​လႆႈ​ဢဝ်​တႅၵ်ႇ​ပႅတ်ႈ​သေ​ဢေႃႈ။ ပေႃး​တူမ်ႈ​ၵႃႈ​ၼႂ်း​မေႃႈ​တွင်း​လိူင်​ၸိုင်၊ တၵ်း​လႆႈ​သီ​လႄႈ ဢဝ်​တင်း​ၼမ်ႉ​လၢင်ႉ​ပႅတ်ႈ​သေ​ဢေႃႈ။-</verse>
				<verse number="29">ယိတ်ႈပရေႃးႁဵၵ်ႈ​ၵူၼ်း​ၸၢႆး​တၵ်း​လႆႈ​ဢွၼ်​ၵၼ်​ၵိၼ်​ၵူႈ​ၵေႃႉ​ၵူႈ​ၵူၼ်း​ဢေႃႈ။ ပဵၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ဢေႃႈ။-</verse>
				<verse number="30">ယိတ်ႈ​ဢၼ်​ၽေႇ​ဢပႅတ်ႈ ဢၼ်​ဢဝ်​လိူတ်ႈ​မၼ်း​မႃး​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ပုၼ်ႈ​လွင်ႈ​ၼင်ႇ​ႁိုဝ် တၵ်း​ၽေႇ​ဢပႅတ်ႈ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ၸိုင်၊ ဢမ်ႇ​လႆႈ​ၵိၼ်​လႃး​လႃး။ တၵ်း​လႆႈ​ဢဝ်​တုတ်ႇ​ၽႆး​ဢေႃႈ။</verse>
			</chapter>
			<chapter number="7">
				<verse number="1">တြႃး​တၢင်း​ဢၼ်​ပုၵ်ႈ​ၸေႃႇ​ယိတ်ႈ​ဢၼ်​ၽေႇ​တူႉ​ၸရိူၵ်ႈ​ၸမ်ႉ၊ ပဵၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ဢေႃႈ။-</verse>
				<verse number="2">ၶဝ်​တၵ်း​လႆႈ​ဢဝ်​တူဝ်​ယိတ်ႈ​ဢၼ်​ၽေႇ​တူႉ​ၸရိူၵ်ႈ​တၢႆ​ၵႃႈ​ၼႂ်း​တီႈ​ဢၼ်​ၶဝ်​ဢဝ်​တူဝ်​ယိတ်ႈ​ဢၼ်​တုတ်ႇ​ၽႆး​ၼၼ်ႉ​တၢႆ​လႄႈ၊ ဢဝ်​လိူတ်ႈ​မၼ်း​ၽႅတ်း​သႂ်ႇ​လဵပ်ႈ​ႁွပ်ႈ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="3">မၼ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း ၵႃႈ​ဢၼ်​မီး​ၵႃႈ​ၼႂ်း​တူဝ်​ယိတ်ႈ​ၼၼ်ႉ သၢၵ်ႈ​ၵၢပ်ႈ​ဢေႃႈ။ မၼ်း​တၵ်း​လႆႈ​ဢဝ်​ႁၢင်​မၼ်း ဢိၵ်ႇ​တင်း​ၵွၼ်ႈ​ၶႆ​ၵွၼ်ႈ​မၼ်း​ဢၼ်​ႁူမ်ႇ​သႆႈ​မၼ်း၊-</verse>
				<verse number="4">မၢၵ်ႇ​လၼ်း​သွင်​ႁူၺ်ႇ တင်း​ၵွၼ်ႈ​ၶႆ​ၵွၼ်ႈ​မၼ်း​မၢၵ်ႇ​လၼ်း​ဢၼ်​မီး​ၵႃႈ​ၼႂ်း​ႁိမ်း​ဢႅဝ်​မၼ်း၊ ၽၢင်ႉ​ၽၢပ်ႇ​ဢၼ်​မီး​ၵႃႈ​ၼိူဝ်​တပ်း​မၼ်း ဢိၵ်ႇ​တင်း​မၢၵ်ႇ​လၼ်း​ၼၼ်ႉ​ၸိူဝ်း​ၼၼ်ႉ ဢွၵ်ႇ​လႄႈ၊-</verse>
				<verse number="5">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ပုၼ်ႈ​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ဢေႃႈ။ ပဵၼ်​ယိတ်ႈ​ဢၼ်​ၽေႇ​တူႉ​ၸရိူၵ်ႈ​ဢေႃႈ။-</verse>
				<verse number="6">ယိတ်ႈပရေႃးႁဵၵ်ႈ​ၵူၼ်း​ၸၢႆး​တၵ်း​လႆႈ​ဢွၼ်​ၵၼ်​ဢဝ်​ၵႃႈ​ၼႂ်း​တူဝ်​ယိတ်ႈ​ၼၼ်ႉ​ၵိၼ်​ၵူႈ​ၵေႃႉ​ၵူႈ​ၵူၼ်း​ဢေႃႈ။ တၵ်း​လႆႈ​ၵိၼ်​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ဢေႃႈ။ ပဵၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ဢေႃႈ။-</verse>
				<verse number="7">ယိတ်ႈ​ဢၼ်​ၽေႇ​တူႉ​ၸရိူၵ်ႈ​ပဵၼ်​မိူၼ်​ၸိူဝ်ႉ​ၼင်ႇ​ယိတ်ႈ​ဢၼ်​ၽေႇ​ဢပႅတ်ႈ​လႄႈ မီး​တြႃး​ပႃး​လဵဝ်​ၵူၺ်း​ဢေႃႈ။ ယိတ်ႈပရေႃးႁဵၵ်ႈ​ဢၼ်​ႁဵတ်း​တၢင်း​ဢၼ်​ၽေႇ​ဢပႅတ်ႈ​တူႉ​ၸရိူၵ်ႈ​ၼၼ်ႉ တၵ်း​လႆႈ​ဢဝ်​ဢေႃႈ။-</verse>
				<verse number="8">ယိတ်ႈပရေႃးႁဵၵ်ႈ​ဢၼ်​ဢဝ်​ယိတ်ႈ​ဢၼ်​တုတ်ႇ​ၽႆး​ဢၼ်​သေ​ၵေႃႉ​သေ​ၵူၼ်း​ႁဵတ်း​ၼၼ်ႉ​ပုၵ်ႈ​ၸေႃႇ​ၼၼ်ႉ တၵ်း​လႆႈ​ဢဝ်​ၼင်​တူဝ်​ယိတ်ႈ​ဢၼ်​မၼ်း​ပုၵ်ႈ​ၸေႃႇ​ၼၼ်ႉ ပုၼ်ႈ​မၼ်း​ဢေႃႈ။-</verse>
				<verse number="9">တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ၶူဝ်ႈ​ႁႅင်ႈ​ၵႃႈ​ၼိူဝ်​ၽီး​ၽႆး၊ ၶိူင်ႈ​ပိူင်​ဢၼ်​ဢဝ်​တင်း​မိူင်ႈ​တင်း​ၶႅပ်း​လဵၵ်း​ႁဵတ်း​ၼၼ်ႉ​ၵႃႈ​မီး​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ​ဢၼ်​ဢဝ်​ပုၵ်ႈ​ၸေႃႇ​ၼၼ်ႉ တၵ်း​လႆႈ​ဢဝ်​ဢေႃႈ။-</verse>
				<verse number="10">တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​သေ​ဢမ်ႇ​ဝႃႈ၊ ဢၼ်​ဢမ်ႇ​သႂ်ႇ​လေႃး​သေ​ဢမ်ႇ​ဝႃႈ၊ ၵႃႈ​မီး​ၼၼ်ႉ​ၸိုင်၊ လုၵ်ႈ​ၸၢႆး​ ဢႃႇရုၼ်ႇ ​တင်း​သဵင်ႈ​တင်း​လူင် တၵ်း​လႆႈ​ဢဝ်​ပဵင်း​ပဵင်း​ၵၼ်​ဢေႃႈ။</verse>
				<verse number="11">တြႃး​တၢင်း​ဢၼ်​ပုၵ်ႈ​ၸေႃႇ​ယိတ်ႈ​မိၵ်ႉသႃႇႁႃယႃႉ ဢၼ်​တၵ်း​လႆႈ​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ​ၸမ်ႉ၊-</verse>
				<verse number="12">ပေႃး​ပုၵ်ႈ​ၸေႃႇ​ပုၼ်ႈ​ဢၼ်​တၵ်း​ႁပ်ႉ​တုင်း​ဢဝ်​ၵျေး​ၸူး​ၸဝ်ႈ​ၸိုင်၊ တၵ်း​လႆႈ​ဢဝ်​ၶဝ်ႈ​မုၼ်း​ၶႅပ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ ဢၼ်​ဢဝ်​ၼမ်ႉ​မၼ်း​သႂ်ႇ​လေႃး၊ ၶဝ်ႈ​မုၼ်း​ၶွပ်ႈ​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ ဢၼ်​ဢဝ်​တင်း​ၼမ်ႉ​မၼ်း​တႃး၊ ၶဝ်ႈ​မုၼ်း​ၶႅပ်း​ဢၼ်​ဢဝ်​ၽွင်​ၶဝ်ႈ​မုၼ်း ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​သေ​လႄႈ ႁဵတ်း​လႄႈ​ၶူဝ်ႈ​ၼၼ်ႉ​ၸိူဝ်း​ၼၼ်ႉ ပုၵ်ႈ​ၸေႃႇ​လူၺ်ႈ​ၵၼ်​တင်း​ယိတ်ႈ ဢၼ်​ႁပ်ႉ​တုင်း​ဢဝ်​ၵျေး​ၸူး​ၸဝ်ႈ​ၼၼ်ႉ​ဢေႃႈ။-</verse>
				<verse number="13">လိူဝ်​သေ​ၶဝ်ႈ​မုၼ်း​ၶႅပ်း​ၼၼ်ႉ၊ ၶဝ်ႈ​မုၼ်း​ဢၼ်​ပႃး​ၸိူဝ်ႉ​ပႅင်ႈ​ၵေႃႈ တၵ်း​လႆႈ​ဢဝ်​ပုၵ်ႈ​ၸေႃႇ​လူၺ်ႈ​ၵၼ်​တင်း​ယိတ်ႈ​ဢၼ် ႁပ်ႉ​တုင်း​ဢဝ်​ၵျေး​ၸူး​ၸဝ်ႈ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ပုၵ်ႈ​ၸေႃႇ​မိၵ်ႉသႃႇႁႃယႃႉ​ၼၼ်ႉ​ဢေႃႈ။-</verse>
				<verse number="14">ၵႃႈ​ၼႂ်း​တၢင်း​ပုၵ်ႈ​ၸေႃႇ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ဢဝ်​ယေႈ​ၶႅပ်း​ယေႈ​ၶႅပ်း​ၵူႈ​ဢၼ် ႁဵတ်း​တၢင်း​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ​လႄႈ ပဵၼ်​ပုၼ်ႈ​ယိတ်ႈပရေႃးႁဵၵ်ႈ ဢၼ်​ဢဝ်​လိူတ်ႈ​ယိတ်ႈ​မိၵ်ႉသႃႇႁႃယႃႉ ၽႅတ်း​ၼၼ်ႉ​ဢေႃႈ။-</verse>
				<verse number="15">ၼိူဝ်ႉ​ယိတ်ႈ​မိၵ်ႉသႃႇႁႃယႃႉ​ဢၼ်​ပုၵ်ႈ​ၸေႃႇ​ပုၼ်ႈ​ဢၼ်​တၵ်း​ႁပ်ႉ​တုင်း​ဢဝ်​ၵျေး​ၸူး​ၸဝ်ႈ​ၼၼ်ႉ​ၸိုင်၊ တၵ်း​လႆႈ​ၵိၼ်​ၼႂ်း​ဝၼ်း​ဢၼ်​ပုၵ်ႈ​ၸေႃႇ​ၼၼ်ႉ​ၵမ်း​လဵဝ်​ဢေႃႈ။ ဢမ်ႇ​လႆႈ​ၵိုတ်း​လႆႈ​ၵျၢၼ်ႇ​ဝႆႉ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်။</verse>
				<verse number="16">ၼွၵ်ႈ​သေ​ၼႆႉ ပေႃး​တၢင်း​ပုၵ်ႈ​ၸေႃႇ​မၼ်း​ၼၼ်ႉ ပဵၼ်​တၢင်း​ဢၼ်​ႁဵတ်း​ၵတီႉ​သဵတ်ႈ​ၸႃႇ​လႄႈ ပုၵ်ႈ​ၸေႃႇ​ယိတ်ႈ ဢမ်ႇ​ၼၼ် ပဵၼ်​တၢင်း​ဢၼ်​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​လႄႈ ပုၵ်ႈ​ၸေႃႇ​ၼၼ်ႉ​ၸိုင်၊ တၵ်း​လႆႈ​ၵိၼ်​ၼႂ်း​ဝၼ်း​ဢၼ်​ပုၵ်ႈ​ၸေႃႇ​ၼၼ်ႉ​ၵမ်း​လဵဝ်​လႄႈ၊ ဢၼ်​ၵိုတ်း​ဢၼ်​ၵျၢၼ်ႇ​ၵေႃႈ တၵ်း​လႆႈ​ၵိၼ်​ဝၼ်း​မိူဝ်ႈ​ၽုၵ်ႈ​ဢေႃႈ။-</verse>
				<verse number="17">ၼိူဝ်ႉ​ယိတ်ႈ​တၢင်း​ပုၵ်ႈ​ၸေႃႇ​ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ​ၵေႃႈ တၵ်း​လႆႈ​ဢဝ်​တုတ်ႇ​ၽႆး​ဝၼ်း​မိူဝ်ႈ​ႁိုဝ်း​ဢေႃႈ။-</verse>
				<verse number="18">ပေႃး​ၵိၼ်​မႅၼ်ႈ​ၼိူဝ်ႉ​ယိတ်ႈ​မိၵ်ႉသႃႇႁႃယႃႉ​ဢိတ်း​ၼိုင်ႈ ၼႂ်း​ဝၼ်း​မိူဝ်ႈ​ႁိုဝ်း​ၼၼ်ႉ​ၸိုင်၊ ဢမ်ႇ​ထုၵ်ႇ​ၵၼ်​တင်း​ၸႂ်​မၼ်း​ၸဝ်ႈ၊ ဢမ်ႇ​မၢတ်ႈ​ပဵၼ်​တၢင်း​ဢၼ်​မီး​ဢၵျူဝ်း​တီႈ​ၵေႃႉ​ဢၼ်​ပုၵ်ႈ​ၸေႃႇ​ၼၼ်ႉ။ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​ဢေႃႈ။ ၵေႃႉ​ဢၼ်​ၵိၼ်​ၼၼ်ႉ တၵ်း​လႆႈ​ၶၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="19">ၼိူဝ်ႉ​ယိတ်ႈ​ဢၼ်​တိူဝ်ႉ​ထုၵ်ႇ​မႅၼ်ႈ​လွင်ႈ​တၢင်း​ဢၼ်​ဢမ်ႇ​မူတ်း​သႂ်​သေ​ၸိူဝ်ႉ​သေ​ပိူင်​ၼၼ်ႉ​ၸိုင်၊ ဢမ်ႇ​လႆႈ​ၵိၼ်၊ တၵ်း​လႆႈ​ဢဝ်​တုတ်ႇ​ၽႆး​ဢေႃႈ။ ၶဝ်​ၸိူဝ်း​ဢၼ်​မူတ်း​သႂ်​ၼၼ်ႉ​ၵူၺ်း တၵ်း​လႆႈ​ၵိၼ်​ၼိူဝ်ႉ​ယိတ်ႈ​ဢေႃႈ။-</verse>
				<verse number="20">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ယင်း​မီး​တၢင်း​ဢၼ်​ဢမ်ႇ​မူတ်း​သႂ်​ယူႇ​လႄႈ ၵိၼ်​ၼိူဝ်ႉ​ယိတ်ႈ​မိၵ်ႉသႃႇႁႃယႃႉ ဢၼ်​ၸၢပ်ႈ​သႅင်ႇ​ၵၼ်​တင်း​ထႃႇဝရႃႉ​ၽြႃး​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="21">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​တိူဝ်ႉ​ထုၵ်ႇ​မႅၼ်ႈ​လွင်ႈ​တၢင်း​ဢၼ်​ဢမ်ႇ​မူတ်း​သႂ်​သေ​ၸိူဝ်ႉ​သေ​ပိူင်​ဢၼ်​ဝႃႈ လွင်ႈ​တၢင်း​ဢၼ်​ဢမ်ႇ​မူတ်း​သႂ်​ၵႃႈ​တီႈ​ၵူၼ်း၊ တရိၵ်ႈသၢၼ်ႇ​ဢၼ်​ဢမ်ႇ​မူတ်း​သႂ်၊ တူဝ်​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​ဢမ်ႇ​မူတ်း​သႂ်​ၼၼ်ႉ​လႄႈ ၵိၼ်​ၼိူဝ်ႉ​ယိတ်ႈ​မိၵ်ႉသႃႇႁႃယႃႉ ဢၼ်​ၸၢပ်ႈ​သႅင်ႇ​ၵၼ်​တင်း​ထႃႇဝရႃႉ​ၽြႃး​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="23">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ သူ​ဢမ်ႇ​လႆႈ​ၵိၼ်​ၵွၼ်ႈ​ၶႆ​ၵွၼ်ႈ​မၼ်း​ဝူဝ်း၊ သူဝ်း၊ ပႄႉ​လႃး​လႃး။-</verse>
				<verse number="24">ၵွၼ်ႈ​ၶႆ​ၵွၼ်ႈ​မၼ်း​တရိၵ်ႈသၢၼ်ႇ​ဢၼ်​တၢႆ​ၵူၺ်း​မၼ်း၊ ၵွၼ်ႈ​ၶႆ​ၵွၼ်ႈ​မၼ်း​တရိၵ်ႈသၢၼ်ႇ​ဢၼ်​တူဝ်​ႁၢႆႉ​ၶူပ်း​လႄႈ​တၢႆ​ၼၼ်ႉ​ၸိုင်၊ ပိၵ်ႉ​သမ်ႉ​လႆႈ​ဢဝ်​သုင်း​ႁဵတ်း​တၢင်ႇ​ၸိူဝ်ႉ​တၢင်ႇ​ပိူင်​သေ​ၵေႃႈ၊ ဢမ်ႇ​လႆႈ​ၵိၼ်​လႃး​လႃး။-</verse>
				<verse number="25">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၵိၼ်​ၵွၼ်ႈ​ၶႆ​ၵွၼ်ႈ​မၼ်း​တရိၵ်ႈသၢၼ်ႇ​ဢၼ်​ဢဝ်​တင်း​ၽႆး​ႁဵတ်း​တၢင်း​ပုၵ်ႈ​ၸေႃႇ တီႈ​ထႃႇဝရႃႉ​ၽြႃး​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="26">သူ​ဢမ်ႇ​လႆႈ​ၵိၼ် ၸႃႉ​ၸဵမ်​လိူတ်ႈ​ၼူၵ်ႉ​လႄႈ​လိူတ်ႈ​တရိၵ်ႈသၢၼ်ႇ လိူတ်ႈ​သေ​ၸိူဝ်ႉ​သေ​မဵဝ်း ၵႃႈ​ၼႂ်း​တီႈ​ၵႃႈ​ဢၼ်​သူ​ယူႇ​သူ​သဝ်း​ၼၼ်ႉ​လႃး​လႃး။-</verse>
				<verse number="27">ၽူႈ​လႂ်​သေ​ဢမ်ႇ​ဝႃႈ၊​ၵေႃႉ​ဢၼ်​ၵိၼ်​လိူတ်ႈ​သေ​ၸိူဝ်ႉ​သေ​ပိူင်​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="29">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၵေႃႉ​ဢၼ်​ပုၵ်ႈ​ၸေႃႇ​ယိတ်ႈ​မိၵ်ႉသႃႇႁႃယႃႉ​တီႈ​ထႃႇဝရႃႉ​ၽြႃး​ၼၼ်ႉ၊ တၵ်း​လႆႈ​ဢဝ်​ပုၼ်ႈ​ဢၼ်​မၼ်း​တၵ်း​သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး​ၼၼ်ႉ ၵႃႈ​ၼႂ်း​ယိတ်ႈ​မိၵ်ႉသႃႇႁႃယႃႉ ဢၼ်​မၼ်း​ပုၵ်ႈ​ၸေႃႇ​ၼၼ်ႉ​မႃး​ဢေႃႈ။-</verse>
				<verse number="30">တူဝ်​ၸဝ်ႈ​ၵဝ်ႇ​တၵ်း​လႆႈ​ဢဝ်​မိုဝ်း​တူဝ်​ၸဝ်ႈ​ၵဝ်ႇ ဢဝ်​ၶိူင်ႈ​ပိူင်​ဢၼ်​ဢဝ်​တင်း​ၽႆး ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​မႃး​ဢေႃႈ။ မၼ်း​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​မၼ်း ဢိၵ်ႇ​တင်း​ဢူၵ်း​မၼ်း​မႃး ႁႂ်ႈ​လႆႈ​ႁဵတ်း​တၢင်း ပုၵ်ႈ​ၸေႃႇ​ဢၼ်​ဢဝ်​ဢူၵ်း​မၼ်း​ယွင်ႈ​ၵႂႆ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​လႄႈ ယွင်ႈ​ၵႂႆ​ဢေႃႈ။-</verse>
				<verse number="31">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​ၼၼ်ႉ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​လႄႈ၊ ဢူၵ်း​မၼ်း​ၼၼ်ႉ တၵ်း​လႆႈ​ပဵၼ်​ပုၼ်ႈ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​တင်း​လၢႆ​ဢေႃႈ။-</verse>
				<verse number="32">ၶႅပ်း​ၶႃ​ၶွၼ်​ၶႂႃ​မၼ်း​ၼၼ်ႉ​ၸိုင်၊ သူ​တၵ်း​လႆႈ​ဢဝ်​ၵႃႈ​ၼႂ်း​ယိတ်ႈ​မိၵ်ႉသႃႇႁႃယႃႉ​ၼၼ်ႉ​လႄႈ ပၼ်​တီႈ​ယိတ်ႈပရေႃးႁဵၵ်ႈ ပုၼ်ႈ​တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​ဢေႃႈ။-</verse>
				<verse number="33">ၼႂ်း​လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ ၵေႃႉ​ဢၼ်​ပုၵ်ႈ​ၸေႃႇ​လိူတ်ႈ​တင်း​ၵွၼ်ႈ​ၶႆ​ၵွၼ်ႈ​မၼ်း​ယိတ်ႈ​မိၵ်ႉသႃႇႁႃယႃႉ​ၼၼ်ႉ တၵ်း​လႆႈ​ဢဝ်​ၶႅပ်း​ၶႃ​ၶွၼ်​ၶႂႃ​ၼၼ်ႉ​ပုၼ်ႈ​မၼ်း​ဢေႃႈ။-</verse>
				<verse number="34">ဢူၵ်း​ဢၼ်​ယွင်ႈ​ၵႂႆ​တင်း​ၶႅပ်း​ၶႃ ဢၼ်​ယုၵ်ႉ​ယွင်ႈ​ၼၼ်ႉ​ၸိုင်၊ ၵဝ်​ၼုၵ်ႈ​ဢွၵ်ႇ​သေ ၵႃႈ​ၼႂ်း​ယိတ်ႈ​မိၵ်ႉသႃႇႁႃယႃႉ ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ႁဵတ်း​ၼၼ်ႉ​လႄႈ ဢဝ်​တင်း​ပိင်း​ၺၢပ်ႈ​ထႃႇဝရႃႉ​ဢၢပ်ႈ​ပၼ်​တီႈ​ယိတ်ႈပရေႃးႁဵၵ်ႈ ဢႃႇရုၼ်ႇ ​တင်း လုၵ်ႈ​ၸၢႆး​မၼ်း​ၸိူဝ်း​ၼၼ်ႉ၊ ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="35">ဢၼ်​ၼႆႉ​ၸမ်ႉ၊ ပဵၼ်​ပုၼ်ႈ​ဢၼ်​ ဢႃႇရုၼ်ႇ ​ဢိၵ်ႇ​တင်း​လုၵ်ႈ​ၸၢႆး​မၼ်း​တင်း​လၢႆ တၵ်း​လႆႈ​ၶၢမ်ႇ​ဢဝ်​ၵႃႈ​ၼႂ်း​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး ၼႂ်း​ၶိင်ႇ​ဝၼ်း​ဢၼ်​မၼ်း​ၸဝ်ႈ​ၶၢၼ်း​ၶဝ်​ဝႆႉ ပုၼ်ႈ​လွင်ႈ​ၼင်ႇ​ႁိုဝ် ၶဝ်​တၵ်း​ပွင်​ႁဵတ်း​ဢမူႉ ယိတ်ႈပရေႃးႁဵၵ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး၊-</verse>
				<verse number="36">ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ ၼႂ်း​ဝၼ်း​ဢၼ်​မၼ်း​ၸဝ်ႈ​ပၼ်​ၽိၵ်ႈ​သိၵ်ႈ​တီႈ​ၶဝ်​ၼၼ်ႉ ႁႂ်ႈ​ၶဝ်​လႆႈ​ၶၢမ်ႇ​ဢဝ် ၵႃႈ​ၼႂ်း​မိုဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ဢေႃႈ။ ပဵၼ်​ပိင်း​ၺၢပ်ႈ​ဢၼ်​တႃႇ​သေႇ​တီႈ​မဵဝ်း​ၸိူဝ်ႉ​ၶိူဝ်း​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ဢေႃႈ။-</verse>
				<verse number="37">ဢၼ်​ၸိူဝ်း​ၼႆႉ​ၸမ်ႉ၊ ပဵၼ်​တြႃး​ယိတ်ႈ​ဢၼ်​တုတ်ႇ​ၽႆး၊ တြႃး​ယိတ်ႈ​တင်း​ပုၵ်ႈ​ၸေႃႇ​ၽေႃး​ၸဵၼ်ႇ၊ တြႃး​ယိတ်ႈ​ဢၼ်​ၽေႇ​ဢပႅတ်ႈ၊ တြႃး​ယိတ်ႈ​ဢၼ်​ၽေႇ​တူႉ​ၸရိူၵ်ႈ၊ တြႃး​ယိတ်ႈ​ဢၼ်​ၶၢၼ်း​ဝႆႉ​ၼႂ်း​ဢရႃႇ၊ တြႃး​ယိတ်ႈ​မိၵ်ႉသႃႇႁႃယႃႉ၊-</verse>
				<verse number="38">ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ၊ ၵႃႈ​ၼိူဝ်​လွႆ​ သီႉၼႃႉ ၼႂ်း​ၶိင်ႇ​ဝၼ်း​ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​လႆႈ​ႁဵတ်း​ယိတ်ႈ​တီႈ​ထႃႇဝရႃႉ​ၽြႃး ၵႃႈ​ၼႂ်း​ထိူၼ်ႇ​ သီႉၼႃႉ ​ၼၼ်ႉ​ဢေႃႈ။</verse>
			</chapter>
			<chapter number="8">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​ဢဝ်​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​တင်း​လၢႆ ဢိၵ်ႇ​တင်း​ၶူဝ်း​ၼုင်ႈ၊ ၼမ်ႉ​မၼ်း​ဢၼ်​တၵ်း​တႃး​ၼၼ်ႉ၊ ဝူဝ်း​ပေႃႈ​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊ ဝူဝ်း​ပေႃႈ​သွင်​တူဝ်၊ ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ပဵတ်ႈ​ၼိုင်ႈ​သေ​လႄႈ၊-</verse>
				<verse number="3">ႁႂ်ႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​ၵႃႈ​တီႈ​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊</verse>
				<verse number="4">မူဝ်းသေႇ ႁဵတ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၼၼ်ႉ​လႄႈ၊ ပရဵၵ်ႈသၢတ်ႈ​တင်း​လၢႆ​ၸူႉ​ၵၼ်​တုမ်​ၵၼ်​ၵႃႈ​တီႈ ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="5">မူဝ်းသေႇ ​ၵေႃႈ မွၵ်ႇ​လၢတ်ႈ​တီႈ​ပရဵၵ်ႈသၢတ်ႈ​တင်း​လၢႆ​လႄႈ​ဝႃႈ၊ ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ ႁႂ်ႈ​သူ​ႁဵတ်း​ၸိူဝ်ႉ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">မူဝ်းသေႇ ​ဢဝ်​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​မႃး​လႄႈ ဢဝ်​ၼမ်ႉ​ဢၢပ်ႇ​ပၼ်​ယဝ်ႉ-</verse>
				<verse number="7">ၸင်ႇ​ဢဝ်​သိူဝ်ႈ​ပုတ်း​ၼုင်ႈ​ပၼ်​လႄႈ ဢဝ်​သၢႆ​ဢႅဝ်​ႁတ်ႉ​ပၼ်​ဢေႃႈ။ သိူဝ်ႈ​ယၢဝ်း​ၵေႃႈ မၼ်း​ဢဝ်​ၼုင်ႈ​မႆ​ပၼ်​လႄႈ ဢဝ်​သိူဝ်ႈ​သုပ်း​ၼုင်ႈ​ပၼ်​သေ​ယဝ်ႉ၊ ဢဝ်​သၢႆ​ဢႅဝ်​ဢၼ်​ႁၢင်ႈ​ၶိူင်ႈ​ႁဵတ်း​ၼၼ်ႉ​ႁတ်ႉ​ပၼ်​ဢေႃႈ။-</verse>
				<verse number="8">ၶိူင်ႈ​ဝႆ​ၼႃႈ​ဢူၵ်း​ၵေႃႈ မၼ်း​ဢဝ်​ဝႆ​ပၼ်​လႄႈ ဢဝ်​ ဢူႉရိမ်း ​တင်း​ ထူႉမိမ်း သႂ်ႇ​ဝႆႉ​ၵႃႈ​ၼႂ်း​ၶိူင်ႈ​ဝႆ​ၼႃႈ​ဢူၵ်း​ၼၼ်ႉ​ဢေႃႈ။-</verse>
				<verse number="9">မၼ်း​ဢဝ်​ၶဵၼ်း​ႁူဝ်​ၶဵၼ်း​ၵႃႈ​တီႈ​ႁူဝ်​မၼ်း​လႄႈ ဢဝ်​ၶႅပ်း​ပျႃး​ၶမ်း ဢၼ်​မူတ်း​ၸၢင်ႇ​ၼၼ်ႉ သႂ်ႇ​ၸပ်း​ဝႆႉ​ၵႃႈ​တီႈ​ၼႃႈ​ၶဵၼ်း​ႁူဝ်​ၼၼ်ႉ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="10">မူဝ်းသေႇ ဢဝ်​ၼမ်ႉ​မၼ်း​ပုၼ်ႈ​ဢၼ်​တၵ်း​တႃး​ၼၼ်ႉ တႃး​သုမ်ႉ​ထဵင်​ၸဝ်ႈ ဢိၵ်ႇ​တင်း​ၶိူင်ႈ​ပိူင်​ၵႃႈ​ဢၼ်​မီး​ၼႂ်း​မၼ်း​ၼၼ်ႉ​လႄႈ ႁႂ်ႈ​မူတ်း​ၸၢင်ႇ​ဢေႃႈ။-</verse>
				<verse number="11">မၼ်း​ဢဝ်​ၼမ်ႉ​မၼ်း​ၼၼ်ႉ ၽႅတ်း​သႂ်ႇ​ၵႃႈ​ၼိူဝ်​ယိတ်ႈပလၢင်ႇ​ၸဵတ်း​ၵမ်း​လႄႈ တႃး​ယိတ်ႈပလၢင်ႇ ဢိၵ်ႇ​တင်း​ၶိူင်ႈ​ပိူင်​မၼ်း​ၵႃႈ​မီး တင်း​ၵွၵ်း​လူင်​တင်း​တိၼ်​မၼ်း​ႁႂ်ႈ​လႆႈ​မူတ်း​ၸၢင်ႇ​ဢေႃႈ။-</verse>
				<verse number="12">မၼ်း​ဢဝ်​ၼမ်ႉ​မၼ်း​ပုၼ်ႈ​ဢၼ်​တၵ်း​တႃး​ၼၼ်ႉ ထွၵ်ႇ​သႂ်ႇ​ၵႃႈ​ၼိူဝ်​ႁူဝ်​ ဢႃႇရုၼ်ႇ ​လႄႈ၊ တႃး​ပၼ်​ႁႂ်ႈ​မၼ်း​လႆႈ​မူတ်း​ၸၢင်ႇ​ဢေႃႈ။-</verse>
				<verse number="13">လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ​ၵေႃႈ မူဝ်းသေႇ ​ဢဝ်​မႃး​လႄႈ ဢဝ်​သိူဝ်ႈ​ပုတ်း​ၼုင်ႈ​ပၼ်​သေ​ယဝ်ႉ၊ ဢဝ်​သၢႆ​ဢႅဝ်​ႁတ်ႉ​ပၼ်​လႄႈ ဢဝ်​မွၵ်ႇ​ႁူဝ်​တိုဝ်း​ပၼ် ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="14">မၼ်း​ဢဝ်​ဝူဝ်း​ပေႃႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​မႃး​လႄႈ၊ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ဢဝ်​မိုဝ်း​ၶဝ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ဝူဝ်း ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ဢေႃႈ။-</verse>
				<verse number="15">ဢဝ်​ဝူဝ်း​ၼၼ်ႉ​တၢႆ​လႄႈ မူဝ်းသေႇ ​ဢဝ်​တင်း​ၼိဝ်ႉ​ၸီႉ ဢဝ်​လိူတ်ႈ​သႂ်ႇ​ၵႃႈ​တီႈ​ၶဝ်​လႅမ်​လဵပ်ႈ​ႁွပ်ႈ ယိတ်ႈပလၢင်ႇ​လႄႈ ႁႂ်ႈ​ယိတ်ႈပလၢင်ႇ​မူတ်း​သႂ်​သေ​ယဝ်ႉ၊ ဢဝ်​လိူတ်ႈ​ၼၼ်ႉ ထွၵ်ႇ​သႂ်ႇ​ၵႃႈ​တီႈ​ႁိမ်း​တိၼ်​ယိတ်ႈပလၢင်ႇ​လႄႈ ႁႂ်ႈ​မၼ်း​လႆႈ​မူတ်း​ၸၢင်ႇ​ပုၼ်ႈ​ၼင်ႇ​ႁိုဝ်​တၵ်း​လႆႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။-</verse>
				<verse number="16">မူဝ်းသေႇ ဢဝ်​ၵွၼ်ႈ​ၶႆ​ၵွၼ်ႈ​မၼ်း​ဢၼ်​ႁူမ်ႇ​သႆႈ​မၼ်း​ၵႃႈ​မီး၊ ၽၢင်ႉ​ၽၢပ်ႇ​ဢၼ်​မီး​ၵႃႈ​ၼိူဝ်​တပ်း​မၼ်း၊ မၢၵ်ႇ​လၼ်း​မၼ်း​သွင်​လုၵ်ႈ ဢိၵ်ႇ​တင်း​ၵွၼ်ႈ​ၶႆ​ၵွၼ်ႈ​မၼ်း​မၢၵ်ႇ​လၼ်း​ၼၼ်ႉ​ၸိူဝ်း​ၼၼ်ႉ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="17">တူဝ်​ဝူဝ်း​ဢိၵ်ႇ​တင်း​ၼင်​မၼ်း၊ ၼိူဝ်ႉ​မၼ်း၊ ၶီႈ​ၼုမ်ႇ​မၼ်း​ၸိူဝ်း​ၼၼ်ႉ​ၸိုင်၊ မၼ်း​လႆႈ​ဢဝ်​တုတ်ႇ​ၽႆး ၵႃႈ​ၼွၵ်ႈ​တပ်ႉ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="18">မၼ်း​ဢဝ်​သူဝ်း​ပေႃႈ​ဢၼ်​ႁဵတ်း​ယိတ်ႈ​ဢၼ်​တုတ်ႇ​ၽႆး​ၼၼ်ႉ​မႃး​လႄႈ၊ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ဢဝ်​မိုဝ်း​ၶဝ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​သူဝ်း​ပေႃႈ​ၼၼ်ႉ​ဢေႃႈ။-</verse>
				<verse number="19">ဢဝ်​တၢႆ​သေ​ယဝ်ႉ၊ မူဝ်းသေႇ ​ဢဝ်​လိူတ်ႈ​ၽႅတ်း​သႂ်ႇ​လဵပ်ႈ​ႁွပ်ႈ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="20">တႅပ်း​သူဝ်း​ပေႃႈ​ၼၼ်ႉ​ႁဵတ်း​ပွတ်း​ႁဵတ်း​ပိတ်း​သေ​ယဝ်ႉ၊ မူဝ်းသေႇ ဢဝ်​ၵွၵ်း​ႁူဝ်​မၼ်း​ဢိၵ်ႇ​တင်း​ၵွၼ်ႈ​ၼိူဝ်ႉ​မၼ်း​တင်း​လၢႆ တင်း​ၵွၼ်ႈ​ၶႆ​ၵွၼ်ႈ​မၼ်း​မၼ်း​ၸိူဝ်း​ၼၼ်ႉ​တုတ်ႇ​ၽႆး​ဢေႃႈ။-</verse>
				<verse number="21">ဢဝ်​ၼမ်ႉ​သုၵ်ႈ​သီ​ၶူင်း​ၼႂ်း​မၼ်း ဢိၵ်ႇ​တင်း​တိၼ်​မၼ်း​သေ​ယဝ်ႉ၊ မူဝ်းသေႇ ဢဝ်​သူဝ်း​ပေႃႈ​ၼၼ်ႉ​တင်း​တူဝ်​တင်း​ၶိင်း တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။ ပဵၼ်​ယိတ်ႈ​ဢၼ်​တုတ်ႇ​ၽႆး​ပုၼ်ႈ​ဢၢႆ​ဢၼ်​ႁွမ်​ဢၼ်​ႁူၺ်း​ဢေႃႈ။ ပဵၼ်​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="22">မၼ်း​ဢဝ်​သူဝ်း​ပေႃႈ​တင်း​တူဝ်​ဢၼ်​ဝႃႈ သူဝ်း​ပေႃႈ​တၢင်း​ဢၼ်​ၶၢၼ်း​ဝႆႉ​ၼႂ်း​ဢရႃႇ​ၼၼ်ႉ​မႃး​လႄႈ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ဢဝ်​မိုဝ်း​ၶဝ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​သူဝ်း​ပေႃႈ​ၼၼ်ႉ​ဢေႃႈ။-</verse>
				<verse number="23">ဢဝ်​တၢႆ​သေ​ယဝ်ႉ မူဝ်းသေႇ ​ဢဝ်​လိူတ်ႈ​ၵမ်ႈ​ၽွင်ႈ​လႄႈ သႂ်ႇ​ၵႃႈ​တီႈ​မႂ်​ႁူ​ၶွၼ်​ၶႂႃ​ ဢႃႇရုၼ်ႇ ၊ မႄႈ​မိုဝ်း​ၶွၼ်​ၶႂႃ​မၼ်း၊ တင်း​မႄႈ​တိၼ်​ၶွၼ်​ၶႂႃ​မၼ်း​ဢေႃႈ။-</verse>
				<verse number="24">လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ​ၵေႃႈ၊ မူဝ်းသေႇ ဢဝ်​မႃး​လႄႈ ဢဝ်​တင်း​လိူတ်ႈ​သႂ်ႇ​ၵႃႈ​တီႈ​မႂ်​ႁူ​ၶဝ်၊ မႄႈ​မိုဝ်း​ၶွၼ်​ၶႂႃ​ၶဝ်၊ တင်း​မႄႈ​တိၼ်​ၶွၼ်​ၶႂႃ​ၶဝ်​သေ​ယဝ်ႉ၊ ၽႅတ်း​သႂ်ႇ​လဵပ်ႈ​ႁွပ်ႈ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="25">မၼ်း​ဢဝ်​ၵွၼ်ႈ​ၶႆ​ၵွၼ်ႈ​မၼ်း​မၼ်း၊ ႁၢင်​မၼ်း၊ ၵွၼ်ႈ​ၶႆ​ၵွၼ်ႈ​မၼ်း​ဢၼ်​ႁူမ်ႇ​သႆႈ​မၼ်း၊ ၽၢင်ႉ​ၽၢပ်ႇ​ဢၼ်​မီး​ၵႃႈ​ၼိူဝ်​တပ်း​မၼ်း၊ မၢၵ်ႇ​လၼ်း​မၼ်း​သွင်​လုၵ်ႈ တင်း​ၵွၼ်ႈ​ၶႆ​ၵွၼ်ႈ​မၼ်း​ဢၼ်​ႁူမ်ႇ​မၢၵ်ႇ​လၼ်း​မၼ်း၊ ၶႅပ်း​ၶႃ​ၶွၼ်​ၶႂႃ​မၼ်း​လႄႈ၊-</verse>
				<verse number="26">သမ်ႉ​ဢဝ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၵႃႈ​ၼႂ်း​ပဵတ်ႈ​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ ဢၼ်​ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၼၼ်ႉ​လုၵ်ႈ​ၼိုင်ႈ၊ ၶဝ်ႈ​မုၼ်း​ၶႅပ်း​ဢၼ်​ဢဝ်​တင်း​ၼမ်ႉ​မၼ်း​ႁဵတ်း​ၼၼ်ႉ​ၶႅပ်း​ၼိုင်ႈ၊ တင်း​ၶဝ်ႈ​မုၼ်း​ၶွပ်ႈ​ၶႅပ်း​ၼိုင်ႈ တၢင်ႇ​သႂ်ႇ​ၵႃႈ​ၼိူဝ် ၵွၼ်ႈ​ၶႆ​ၵွၼ်ႈ​မၼ်း​မၼ်း တင်း​ၶႅပ်း​ၶႃ​ၶွၼ်​ၶႂႃ​မၼ်း​ၼၼ်ႉ​လႄႈ၊-</verse>
				<verse number="27">ဢဝ်​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ တၢင်ႇ​သႂ်ႇ​ပၼ်​ၵႃႈ​ၼိူဝ်​မိုဝ်း​ ဢႃႇရုၼ်ႇ တင်း​မိုဝ်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​သေ​ယဝ်ႉ၊ ယွင်ႈ​ၵႂႆ​ပုၼ်ႈ​တၢင်း​ပုၵ်ႈ​ၸေႃႇ ဢၼ်​ယွင်ႈ​ၵႂႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="28">မူဝ်းသေႇ ႁပ်ႉ​ၶၢမ်ႇ​ဢဝ်​ၶိူင်ႈ​ပိူင်​ၸိူဝ်း​ၼၼ်ႉ​သေ​ၵႃႈ​တီႈ​မိုဝ်း​ၶဝ်​ၼၼ်ႉ​လႄႈ ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ၵႃႈ​ၼိူဝ်​ယိတ်ႈ​ဢၼ်​တုတ်ႇ​ၽႆး​ၼၼ်ႉ​ဢေႃႈ။ ပဵၼ်​ယိတ်ႈ​တၢင်း​ဢၼ်​ၶၢၼ်း​ဝႆႉ​ၼႂ်း​ဢရႃႇ ပုၼ်ႈ​ဢၢႆ​ဢၼ်​ႁွမ်​ဢၼ်​ႁူၺ်း​ဢေႃႈ။ ပဵၼ်​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="29">လိုၼ်း​ၼၼ်ႉ မူဝ်းသေႇ ဢဝ်​ဢူၵ်း​မၼ်း​ယွင်ႈ​ၵႂႆ ပုၼ်ႈ​တၢင်း​ပုၵ်ႈ​ၸေႃႇ ဢၼ်​ယွင်ႈ​ၵႂႆ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ ၼႂ်း​သူဝ်း​ပေႃႈ​တၢင်း​ဢၼ်​ၶၢၼ်း​ဝႆႉ​ၼႂ်း​ဢရႃႇ​ၼၼ်ႉ၊ ဢၼ်​ၼႆႉ​ပဵၼ်​ပုၼ်ႈ​ မူဝ်းသေႇ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="30">မူဝ်းသေႇ ​သမ်ႉ​ဢဝ်​ၼမ်ႉ​မၼ်း​ပုၼ်ႈ​ဢၼ်​တၵ်း​တႃး ဢိၵ်ႇ​တင်း​လိူတ်ႈ​ဢၼ်​မီး​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ ၽႅတ်း​သႂ်ႇ​ၵႃႈ​ၼိူဝ် ဢႃႇရုၼ်ႇ ​တင်း​ၶူဝ်း​ၼုင်ႈ​မၼ်း ဢိၵ်ႇ​တင်း​ၵႃႈ​ၼိူဝ်​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ တင်း​ၶူဝ်း​ၼုင်ႈ​ၶဝ်​ၼၼ်ႉ​လႄႈ ႁႂ်ႈ​ ဢႃႇရုၼ်ႇ တင်း​ၶူဝ်း​ၼုင်ႈ​မၼ်း ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ တင်း​ၶူဝ်း​ၼုင်ႈ​ၶဝ်​ၼၼ်ႉ မူတ်း​ၸၢင်ႇ​ဢေႃႈ။</verse>
				<verse number="31">မူဝ်းသေႇ လၢတ်ႈ​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ဢဝ်​ၼိူဝ်ႉ​ၼၼ်ႉ တူမ်ႈ​ၵႃႈ​တီႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​တႃႉ။ ၸွမ်း​ၵႃႈ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ​လႄႈ​ဝႃႈ၊ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​တင်း​လၢႆ တၵ်း​လႆႈ​ၵိၼ်​ၼိူဝ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​လႄႈ ဢဝ်​ၼိူဝ်ႉ​ၼၼ်ႉ တင်း​ၶဝ်ႈ​မုၼ်း​ဢၼ်​မီး​ၵႃႈ​ၼႂ်း​ပဵတ်ႈ​ၶဝ်ႈ​မုၼ်း တၢင်း​ဢၼ်​ၶၢၼ်း​ဝႆႉ​ၼႂ်း​ဢရႃႇ​ၼၼ်ႉ ၵိၼ်​ၵႃႈ​တီႈ​ၼၼ်ႈ​တႃႉ။-</verse>
				<verse number="32">သူ​တၵ်း​လႆႈ​ဢဝ်​ၼိူဝ်ႉ​တင်း​ၶဝ်ႈ​မုၼ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ တုတ်ႇ​ၽႆး​ပႅတ်ႈ​ဢေႃႈ။-</verse>
				<verse number="33">ၸူဝ်ႈ​ဢၼ် ဝၼ်း​ဢၼ်​ဢဝ်​သူ​ၶၢၼ်း​ဝႆႉ​ၼႂ်း​ဢရႃႇ​ၼၼ်ႉ ဢမ်ႇ​ပႆႇ​ၸေး​ၼၼ်ႉ​ၸိုင်၊ ၸဵတ်း​ဝၼ်း​တဵမ်​တဵမ်​သူ​ဢမ်ႇ​လႆႈ​ဢွၵ်ႇ​ၵႃႈ​ၼွၵ်ႈ​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ။ လွင်ႈ​မၼ်း​ၸမ်ႉ ၸဵတ်း​ဝၼ်း​တဵမ်​တဵမ် တၵ်း​လႆႈ​ဢဝ်​သူ​ႁဵတ်း​မင်ႇၵလႃႇ တၢင်း​ဢၼ်​ၶၢၼ်း​ဝႆႉ​ၼၼ်ႉ​ဢေႃႈ။-</verse>
				<verse number="34">ၸွမ်း​ၵႃႈ​ၼင်ႇ​ဢၼ်​ႁဵတ်း​ဝၼ်း​မိူဝ်ႈ​ၼႆႉ​ၼၼ်ႉ ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ ႁႂ်ႈ​ႁဵတ်း​ပုၼ်ႈ​လွင်ႈ​ၼင်ႇ​ႁိုဝ် တၵ်း​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​သူ​ယဝ်ႉ။-</verse>
				<verse number="35">ပိူဝ်ႈ​ၼႆ​လႄႈ သူ​တၵ်း​လႆႈ​ယူႇ​လႆႈ​သဝ်း ၵႃႈ​တီႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ ၸဵတ်း​ဝၼ်း​တင်း​ဝၼ်း​တင်း​ၶိုၼ်း​ဢမ်ႇ​ထၢတ်ႇ​လႄႈ ပႂ်ႉ​ဢမူႉ​ထႃႇဝရႃႉ​ၽြႃး​ယူႇ ႁႂ်ႈ​လႆႈ​ၵၢင်း​လွတ်ႈ​တင်း​ၽေး​တၢႆ​ဢေႃႈ။ ၵဝ်​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​သင်ႇ​လၢတ်ႈ​ဝႆႉ​ၸိူဝ်ႉ​ၼင်ႇ​ၼၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ႁဵတ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​ဢဝ်​ မူဝ်းသေႇ သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။</verse>
			</chapter>
			<chapter number="9">
				<verse number="1">ဝၼ်း​ဢၼ်​ထူၼ်ႈ​ထိုင်​ပႅတ်ႇ​ဝၼ်း​ၼၼ်ႉ၊ မူဝ်းသေႇ ႁွင်ႉ​ဢဝ်​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​သေ​လႄႈ၊-</verse>
				<verse number="2">လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ မႂ်း​ဢဝ်​ဝူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ တင်း​သူဝ်း​ပေႃႈ​ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး​သေ​လႄႈ ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​တႃႉ။-</verse>
				<verse number="3">တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ၵေႃႈ မႂ်း​လၢတ်ႈ​လႄႈ​ဝႃႈ၊ သူ​ဢဝ်​ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊ ဝူဝ်း​ဢွၼ်ႇ​တူဝ်​ၼိုင်ႈ​တင်း​သူဝ်း​ဢွၼ်ႇ​တူဝ်​ၼိုင်ႈ၊ ဢၼ်​ဢမ်ႇ​ပႃး​ဢပႅတ်ႈ၊ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ ပုၼ်ႈ​ယိတ်ႈ​ဢၼ်​တုတ်ႇ​ၽႆး​ၼၼ်ႉ၊-</verse>
				<verse number="4">ဝူဝ်း​ပေႃႈ​တူဝ်​ၼိုင်ႈ တင်း​သူဝ်း​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​မိၵ်ႉသႃႇႁႃယႃႉ ႁႂ်ႈ​လႆႈ​ပုၵ်ႈ​ၸေႃႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ ဢိၵ်ႇ​တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ​တႃႉ။ ဝၼ်း​မိူဝ်ႈ​ၼႆႉ ထႃႇဝရႃႉ​ၽြႃး​တၵ်း​ထၢင်ႇ​သႃး​မႃး​တီႈ​သူ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ၶဝ်​ဢွၼ်​ၵၼ်​ဢဝ် ဢၼ်​ မူဝ်းသေႇ ​သင်ႇ​လၢတ်ႈ​ဝႆႉ​ၸိူဝ်း​ၼၼ်ႉ​မႃး​ၵႃႈ​တီႈ​ၽၢႆႇ​ၼႃႈ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​သေ​ယဝ်ႉ၊ ပရဵၵ်ႈသၢတ်ႈ​တင်း​သဵင်ႈ​တင်း​လူင် ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​လႄႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="6">မူဝ်းသေႇ ​ၵေႃႈ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ ႁႂ်ႈ​သူ​ႁဵတ်း​ၸိူဝ်ႉ​ၼင်ႇ​ၼႆ​ယဝ်ႉ​လႄႈ၊ မုၼ်​ၽုင်း​ထႃႇဝရႃႉ​ၽြႃး တၵ်း​ထၢင်ႇ​သႃး​မႃး​တီႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မူဝ်းသေႇ ​သမ်ႉ​လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ မႂ်း​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ယိတ်ႈပလၢင်ႇ​လႄႈ​ပုၵ်ႈ​ၸေႃႇ​ယိတ်ႈ​ဢၼ်​ၽေႇ​ဢပႅတ်ႈ​မႂ်း တင်း​ယိတ်ႈ​ဢၼ်​တုတ်ႇ​ၽႆး​မႂ်း​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မႂ်း ဢိၵ်ႇ​တင်း​ၵူၼ်း​တင်း​လၢႆ​ၼၼ်ႉ​တႃႉ။ တၢင်း​ပုၵ်ႈ​ၸေႃႇ​ဢၼ်​ၵူၼ်း​တင်း​လၢႆ​ဢဝ်​မႃး​ၼၼ်ႉ​ၵေႃႈ ဢဝ်​ပုၵ်ႈ​ၸေႃႇ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ၶဝ် ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၼင်ႇ​ၼၼ်​လႄႈ ဢႃႇရုၼ်ႇ ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ယိတ်ႈပလၢင်ႇ​လႄႈ ဢဝ်​ဝူဝ်း​ဢွၼ်ႇ​ယိတ်ႈ​ဢၼ်​ၽေႇ​ဢပႅတ်ႈ ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ​တၢႆ​ဢေႃႈ။-</verse>
				<verse number="9">လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ​ၵေႃႈ ဢဝ်​လိူတ်ႈ​မႃး​ၵႃႈ​တီႈ​မၼ်း​သေ​ယဝ်ႉ၊ မၼ်း​ဢဝ်​တင်း​ၼိဝ်ႉ​ၸီႉ​မၼ်း ၸွမ်ႇ​ၸုမ်ႇ​ၵႃႈ​ၼႂ်း​လိူတ်ႈ​ၼၼ်ႉ​လႄႈ ဢဝ်​သႂ်ႇ​ၵႃႈ​တီႈ​ၶဝ်​လႅမ်​ယိတ်ႈပလၢင်ႇ​သေ​ယဝ်ႉ၊ ဢဝ်​လိူတ်ႈ​ၼၼ်ႉ​ထွၵ်ႇ​သႂ်ႇ​ၵႃႈ​တီႈ​ႁိမ်း​တိၼ် ယိတ်ႈပလၢင်ႇ​ဢေႃႈ။-</verse>
				<verse number="10">မၼ်း​ဢဝ်​ၵွၼ်ႈ​ၶႆ​ၵွၼ်ႈ​မၼ်း​မၼ်း၊ မၢၵ်ႇ​လၼ်း​မၼ်း၊ ၽၢင်ႉ​ၽၢပ်ႇ​ဢၼ်​မီး​ၵႃႈ​ၼိူဝ်​တပ်း​တူဝ်​ယိတ်ႈ ဢၼ်​ၽေႇ​ဢပႅတ်ႈ​ၸိူဝ်း​ၼၼ်ႉ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="11">ၼိူဝ်ႉ​မၼ်း​တင်း​ၼင်​မၼ်း​ၸိုင် မၼ်း​ဢဝ်​တုတ်ႇ​ၽႆး​ၵႃႈ​ၼွၵ်ႈ​တပ်ႉ​ဢေႃႈ။-</verse>
				<verse number="12">တူဝ်​ယိတ်ႈ​ဢၼ်​တုတ်ႇ​ၽႆး​ၼၼ်ႉ​ၵေႃႈ မၼ်း​ဢဝ်​တၢႆ​လႄႈ၊ လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ ဢဝ်​လိူတ်ႈ​ဢၢပ်ႈ​ပၼ်​တီႈ​မၼ်း​သေ​ယဝ်ႉ၊ မၼ်း​ဢဝ်​ၽႅတ်း​သႂ်ႇ​လဵပ်ႈ​ႁွပ်ႈ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="13">ၶဝ်​ၼၼ်ႉ ဢဝ်​ၵွၼ်ႈ​ၼိူဝ်ႉ​တူဝ်​ယိတ်ႈ​ဢၼ်​တုတ်ႇ​ၽႆး​ၼၼ်ႉ ပွတ်း​ၼိုင်ႈ​ယဝ်ႉ​ပွတ်း​ၼိုင်ႈ ဢိၵ်ႇ​တင်း​ၵွၵ်း​ႁူဝ်​မၼ်း ပၼ်​တီႈ​မၼ်း​လႄႈ မၼ်း​ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="14">မၼ်း​ဢဝ်​ၶူင်း​ၼႂ်း​မၼ်း ဢိၵ်ႇ​တင်း​တိၼ်​ၸိူဝ်း​ၼၼ်ႉ သုၵ်ႈ​သီ​သေ​လႄႈ တုတ်ႇ​ၽႆး​ၵႃႈ​ၼိူဝ်​ယိတ်ႈ​ဢၼ်​တုတ်ႇ​ၽႆး ၵႃႈ​ၼိူဝ်​ယိတ်ႈပလၢင်ႇ​ဢေႃႈ။</verse>
				<verse number="15">တၢင်း​ပုၵ်ႈ​ၸေႃႇ​ၵူၼ်း​တင်း​လၢႆ​ၼၼ်ႉ​ၵေႃႈ မၼ်း​ဢဝ်​မႃး​လႄႈ ဢဝ်​ပႄႉ​ပေႃႈ ဢၼ်​ပဵၼ်​ယိတ်ႈ​ဢၼ်​ၽေႇ​ဢပႅတ်ႈ​ၵူၼ်း​တင်း​လၢႆ​ၼၼ်ႉ​တၢႆ​သေ​ယဝ်ႉ၊ ပုၵ်ႈ​ၸေႃႇ​ပုၼ်ႈ​ဢပႅတ်ႈ မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="16">တူဝ်​ယိတ်ႈ​ဢၼ်​တုတ်ႇ​ၽႆး​ၼၼ်ႉ​ၵေႃႈ မၼ်း​ဢဝ်​မႃး​လႄႈ ပုၵ်ႈ​ၸေႃႇ​ၸွမ်း​ၵႃႈ​ၼင်ႇ​ပိင်း​ၺၢပ်ႈ​တြႃး​ဢေႃႈ။-</verse>
				<verse number="17">တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ၵေႃႈ မၼ်း​ဢဝ်​မႃး​သေ​ယဝ်ႉ၊ ဢဝ်​ဝၵ်ႉ​မိုဝ်း​ၼိုင်ႈ​လႄႈ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ၵႃႈ​တီႈ​ႁိမ်း​ယိတ်ႈ​ဢၼ်​တုတ်ႇ​ၽႆး ၶိင်ႇ​ၵၢင်​ၼႂ်​ၼၼ်ႉ​ဢေႃႈ။-</verse>
				<verse number="18">ဝူဝ်း​ပေႃႈ​တင်း​သူဝ်း​ပေႃႈ​ဢၼ်​ဝႃႈ ယိတ်ႈ​မိၵ်ႉသႃႇႁႃယႃႉ ပုၼ်ႈ​ၵူၼ်း​တင်း​လၢႆ​ၼၼ်ႉ​ၵေႃႈ မၼ်း​ဢဝ်​တၢႆ​လႄႈ လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ ဢဝ်​လိူတ်ႈ​ဢၢပ်ႈ​ပၼ်​တီႈ​မၼ်း​သေ​ယဝ်ႉ၊ မၼ်း​ဢဝ်​ၽႅတ်း​သႂ်ႇ​လဵပ်ႈ​ႁွပ်ႈ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="19">ၵွၼ်ႈ​ၶႆ​ၵွၼ်ႈ​မၼ်း​ဝူဝ်း​ပေႃႈ ဢိၵ်ႇ​တင်း​သူဝ်း​ပေႃႈ​ဢၼ်​ဝႃႈ ႁၢင်​မၼ်း​၊ ၵွၼ်ႈ​ၶႆ​ၵွၼ်ႈ​မၼ်း​ဢၼ်​ႁူမ်ႇ​သႆႈ​မၼ်း၊ မၢၵ်ႇ​လၼ်း​မၼ်း၊ ၽၢင်ႉ​ၽၢပ်ႇ​ဢၼ်​မီး​ၵႃႈ​ၼိူဝ်​တပ်း​မၼ်း​ၼၼ်ႉ​ၸိုင်၊ ၶဝ်​ဢဝ်​ဢၢပ်ႈ​ပၼ်​လႄႈ၊-</verse>
				<verse number="20">ဢဝ်​ၵွၼ်ႈ​ၶႆ​ၵွၼ်ႈ​မၼ်း​တၢင်ႇ​သႂ်ႇ​ၵႃႈ​ၼိူဝ်​ဢူၵ်း​ၸိူဝ်း​ၼၼ်ႉ​သေ​ယဝ်ႉ၊ မၼ်း​ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="21">ဢႃႇရုၼ်ႇ ​ဢဝ်​ဢူၵ်း​ၸိူဝ်း​ၼၼ်ႉ ဢိၵ်ႇ​တင်း​ၶႅပ်း​ၶႃ​ၶွၼ်​ၶႂႃ​မၼ်း ယွင်ႈ​ၵႂႆ​ပုၼ်ႈ​တၢင်း​ပုၵ်ႈ​ၸေႃႇ ဢၼ်​ယွင်ႈ​ၵႂႆ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="22">ဢႃႇရုၼ်ႇ ယုၵ်ႉ​မိုဝ်း​မၼ်း​တေႃႇ​ၵူၼ်း​တင်း​လၢႆ​သေ​ယဝ်ႉ၊ ပၼ်​တၢင်း​လီ​တီႈ​ၶဝ်​လႄႈ လူင်း​သေ​ၵႃႈ​တီႈ​တၢင်း​ဢၼ်​ပုၵ်ႈ​ၸေႃႇ​ယိတ်ႈ​ဢၼ်​ၽေႇ​ဢပႅတ်ႈ၊ ယိတ်ႈ​ဢၼ်​တုတ်ႇ​ၽႆး တင်း​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​မႃး​ဢေႃႈ။-</verse>
				<verse number="23">မူဝ်းသေႇ တင်း​ ဢႃႇရုၼ်ႇ သမ်ႉ​ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ ဢွၵ်ႇ​မႃး​သေ​ယဝ်ႉ၊ ပၼ်​တၢင်း​လီ​တီႈ​ၵူၼ်း​တင်း​လၢႆ​လႄႈ၊ မုၼ်​ၽုင်း​ထႃႇဝရႃႉ​ၽြႃး ထၢင်ႇ​သႃး​မႃး​ၵႃႈ​တီႈ​ၵူၼ်း​တင်း​လၢႆ​ဢေႃႈ။-</verse>
				<verse number="24">ၽႆး​ဢွၵ်ႇ​သေ​ၵႃႈ​တီႈ​ထႃႇဝရႃႉ​ၽြႃး​လႄႈ မႆႈ​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ၵွၼ်ႈ​ၶႆ​ၵွၼ်ႈ​မၼ်း​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။ မိူဝ်ႈ​ဢၼ်​ၵူၼ်း​တင်း​လၢႆ​ႁၼ်​လွင်ႈ​တၢင်း​ၸိူဝ်း​ၼၼ်ႉ​ၸိုင်၊ ၶဝ်​ဢွၼ်​ၵၼ်​ႁွင်ႉ​သႅၼ်ႇ​လႄႈ ၶုပ်ႉ​မူပ်ႇ​ယူႇ​ဢေႃႈ။</verse>
			</chapter>
			<chapter number="10">
				<verse number="1">လုၵ်ႈ​ၸၢႆး​ ဢႃႇရုၼ်ႇ ၼႃႇတပ်ႉ တင်း​ ဢၽီႉႁူႉ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​လၢင်ႇ​ပၢၼ်း​သွင်​ၶႃ​ႁင်း​ၽႂ်​ႁင်း​မၼ်း​လႄႈ ဢဝ်​ၽႆး​သႂ်ႇ​သေ​ယဝ်ႉ၊ ဢဝ်​ၼၢမ်ႇ​သႃႇ​တၢင်ႇ​သႂ်ႇ​သေ​လႄႈ​ပုၵ်ႈ​ၸေႃႇ​ၽႆး ဢၼ်​ဢမ်ႇ​ၸၢပ်ႈ​ဢမ်ႇ​သႅင်ႇ ဢၼ်​ထႃႇဝရႃႉ​ၽြႃး​ဢမ်ႇ​သင်ႇ​လၢတ်ႈ​ဝႆႉ​ၼၼ်ႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="2">ၵမ်း​ၼၼ်ႉ ၽႆး​ဢွၵ်ႇ​သေ​ၵႃႈ​တီႈ​ထႃႇဝရႃႉ​ၽြႃး​ႁုပ်ႇ​မႆႈ​သွင်​ၶႃ​လႄႈ၊ သွင်​ၶႃ​ၼၼ်ႉ တၢႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="3">မိူဝ်ႈ​ၼၼ်ႉ မူဝ်းသေႇ ​လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ ဢၼ်​ၼႆႉ​ၸမ်ႉ၊ ပဵၼ်​လွင်ႈ​တၢင်း​ဢၼ် ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၵဝ်​တၵ်း​လႆႈ​မီး​တၢင်း​ဢၼ် ၶဝ်​ၸိူဝ်း​ဢၼ်​သုတ်ႉ​ၸပ်း​သုတ်ႉ​ၸူး​တီႈ​ၵဝ်​ၼၼ်ႉ မၢတ်ႈ​ပဵၼ်​ဢၼ်​မူတ်း​ၸၢင်ႇ​လႄႈ၊ ၵဝ်​တၵ်း​ႁႂ်ႈ​မုၼ်​ၽုင်း​ၵဝ်​ထၢင်ႇ​သႃး​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ဢႃႇရုၼ်ႇ ​ယူႇ​တဵတ်ႇ​တဵတ်ႇ​ယူႇ​ဢေႃႈ။</verse>
				<verse number="4">မူဝ်းသေႇ ႁွင်ႉ​ဢဝ်​ မီႉသေႇလႃႉ တင်း​ ဢေႇလၸႃႇၽၢၼ်ႇ ဢၼ်​ပဵၼ်​လုၵ်ႈ​ၸၢႆး​ ဢေႃးၸေးလႃႉ ပေႃႈ​လုင်း​ ဢႃႇရုၼ်ႇ ​ၼၼ်ႉ​သေ​လႄႈ​လၢတ်ႈ​ဝႃႈ၊ မႃး​တႃႉ။ ဢဝ်​ပီႈ​ၼွင်ႉ​ၸိူဝ်ႉ​ၶိူဝ်း​သူ​ၼႆႉ ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ထႃႇၼႃႉ​တီႈ​မူတ်း​ၸၢင်ႇ​ၼႆႉ​ၵႂႃႇ​ၵႃႈ​ၼွၵ်ႈ​တပ်ႉ​ပုၼ်ႉ​သေ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="5">သွင်​ၶႃ​ၼၼ်ႉ​မႃး​လႄႈ ဢဝ်​တူဝ်​တၢႆ​သွင်​ၶႃ ပႃး​လူၺ်ႈ​ၵၼ်​တင်း​သိူဝ်ႈ​ပုတ်း​သွင်​ၶႃ ဢွၵ်ႇ​ၵႂႃႇ​ၵႃႈ​ၼွၵ်ႈ​တပ်ႉ​သေ​ဢေႃႈ။-</verse>
				<verse number="6">မူဝ်းသေႇ လၢတ်ႈ​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ ဢေးလႃႇၸႃႇ တင်း​ ဢီႉသမႃႇ ​ၸိူဝ်း​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ ဢၼ်​ၵူဝ်​သူ​တၵ်း​တၢႆ​လႄႈ တၢင်း​ၸႂ်​မႆႈ​ၸဝ်ႈ​တၵ်း​တူၵ်း​ႁွတ်ႈ​ၵႃႈ​ၼိူဝ်​ပရဵၵ်ႈသၢတ်ႈ​တင်း​လၢႆ​ၼၼ်ႉ​လႄႈ သူ​ယႃႇ​ပေ​ၽႄႇ​ၶူၼ်​ႁူဝ်​သူ၊ ယႃႇ​ပေ​သိၵ်ႇ​ၶူဝ်း​ၼုင်ႈ​တၢင်း​မႆ​သူ။ ၵူၺ်း​ၵႃႈ ႁႂ်ႈ​ပီႈ​ၼွင်ႉ​သူ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၶၢင်း​ၶီ​ၶၢင်း​ၽၢၼ် ႁွင်ႉ​ႁႆႈ​လူၺ်ႈ​လွင်ႈ​တၢင်း​ဢၼ်​ၽႆး​မႆႈ ဢၼ်​ထႃႇဝရႃႉ​ၽြႃး​ႁဵတ်း​ၼၼ်ႉ​တႃႉ။-</verse>
				<verse number="7">ၵွပ်ႈ​ပိူဝ်ႈ​ဢၼ်​ၵူဝ်​သူ​တၵ်း​တၢႆ​လႄႈ ယႃႇ​ပေ​ဢွၵ်ႇ​ၵႃႈ​ၼွၵ်ႈ​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ။ လွင်ႈ​မၼ်း​ၸမ်ႉ ၼမ်ႉ​မၼ်း​ၽိၵ်ႈ​သိၵ်ႈ​ထႃႇဝရႃႉ​ၽြႃး မီး​ယူႇ​ၵႃႈ​ၼိူဝ်​သူ​ဢေႃႈ၊ ဝႃႈ​ၼင်ႇ​ၼႆ​လႄႈ၊ ၶဝ်​ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ​ဝႃႈ​ၼၼ်ႉ​ဢေႃႈ။</verse>
				<verse number="8">ထႃႇဝရႃႉ​ၽြႃး​မီး​ဢမိင်ႉ​တီႈ​ဢႃႇရုၼ်ႇ​လႄႈ​ဝႃႈ၊-</verse>
				<verse number="9"></verse>
				<verse number="10">မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း​ၸိူဝ်း​ၼႆႉ၊-</verse>
				<verse number="11">ဢိၵ်ႇ​တင်း​လွင်ႈ​ၼင်ႇ​ႁိုဝ် တၵ်း​ၸၢင်ႈ​ၸႅၵ်ႇ​ၽႄ လွင်ႈ​တၢင်း​ဢၼ်​မူတ်း​ၸၢင်ႇ​လႂ်၊ လွင်ႈ​တၢင်း​ဢၼ်​ဢမ်ႇ​မူတ်း​ၸၢင်ႇ​လႂ်၊ လွင်ႈ​တၢင်း​ဢၼ်​မူတ်း​သႂ်​လႂ်၊ လွင်ႈ​တၢင်း​ဢၼ်​ဢမ်ႇ​မူတ်း​သႂ်​လႂ်​ၼၼ်ႉ ဢိၵ်ႇ​တင်း​လွင်ႈ​ၼင်ႇ​ႁိုဝ် တၵ်း​ၸၢင်ႈ​သင်ႇ​ပၼ်​သွၼ်​ပၼ်​ပိင်း​ၺၢပ်ႈ ဢၼ်​ထႃႇဝရႃႉ​ၽြႃး​ဢဝ်​ မူဝ်းသေႇ ​သင်ႇ​လၢတ်ႈ​ဝႆႉ​ၵႃႈ​မီး​ၼၼ်ႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိုင်၊ ယႃႇ​ပေ​ၵိၼ်​ၼမ်ႉ​ၸပိတ်ႈ​တင်း​ၼမ်ႉ​လဝ်ႈ​မိူဝ်ႈ​ဢၼ်​သူ​ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ၊ ပဵၼ်​ပိင်း​ၺၢပ်ႈ​ဢၼ်​တႃႇ​သေႇ​တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မူဝ်းသေႇ ​ၵေႃႈ​လၢတ်ႈ​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ ဢေးလႃႇၸႃႇ တင်း​ ဢီႉသမႃႇ ​ၸိူဝ်း​ၼၼ်ႉ​လႄႈ​ဝႃႈ၊ ဢဝ်​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢၼ်​ယင်း​ၵိုတ်း​ယင်း​ၵျၢၼ်ႇ​တီႈ​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ၊ ယင်း​ဢမ်ႇ​ပႃး​ၸိူဝ်ႉ​ပႅင်ႈ​လႄႈ ၵိၼ်​ၵႃႈ​တီႈ​ႁိမ်း​ယိတ်ႈပလၢင်ႇ​တႃႉ။ ပဵၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ဢေႃႈ။-</verse>
				<verse number="13">တၵ်း​လႆႈ​ၵိၼ်​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၵွပ်ႈ​ပိူဝ်ႈ​ဢၼ်​ပဵၼ်​ပုၼ်ႈ​ဢၼ်​မႂ်း ဢိၵ်ႇ​တင်း​လုၵ်ႈ​ၸၢႆး​မႂ်း​တင်း​လၢႆ ထိူၵ်ႈ​ၶၢမ်ႇ​ဢဝ်​ၵႃႈ​ၼႂ်း​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ ၵဝ်​လႆႈ​ၶၢမ်ႇ​ဢဝ်​ပိင်း​ၺၢပ်ႈ​ၸဝ်ႈ​ၸိူဝ်ႉ​ၼင်ႇ​ၼၼ်​ယဝ်ႉ။-</verse>
				<verse number="14">ဢူၵ်း​ဢၼ်​ယွင်ႈ​ၵႂႆ ဢိၵ်ႇ​တင်း​ၶႅပ်း​ၶႃ​ဢၼ်​ယုၵ်ႉ​ယွင်ႈ​ၼၼ်ႉ​ၸမ်ႉ၊ မႂ်း​ဢိၵ်ႇ​တင်း​လုၵ်ႈ​ယိင်း​လုၵ်ႈ​ၸၢႆး​မႂ်း​တင်း​လၢႆ​တၵ်း​လႆႈ​ၵိၼ် ၵႃႈ​ၼႂ်း​တီႈ​ဢၼ်​မူတ်း​သႂ်​ဢေႃႈ။ ပဵၼ်​ပုၼ်ႈ​ဢၼ်​မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း​တင်း​လၢႆ ထိူၵ်ႈ​ၶၢမ်ႇ​ဢဝ်​ၵႃႈ​ၼႂ်း​ယိတ်ႈ​မိၵ်ႉသႃႇႁႃယႃႉ ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပုၵ်ႈ​ၸေႃႇ​ၸိူဝ်း​ၼၼ်ႉ​ဢေႃႈ။-</verse>
				<verse number="15">ၶႅပ်း​ၶႃ​ဢၼ်​ယုၵ်ႉ​ယွင်ႈ ဢိၵ်ႇ​တင်း​ဢူၵ်း​ဢၼ်​ယွင်ႈ​ၵႂႆ​ၼၼ်ႉ​ၸိုင်၊ ၶဝ်​တၵ်း​လႆႈ​ဢဝ်​မႃး​ပႃး​လူၺ်ႈ​ၵၼ်​တင်း ၵွၼ်ႈ​ၶႆ​ၵွၼ်ႈ​မၼ်း​တူဝ်​ယိတ်ႈ​ဢၼ်​ဢဝ်​တင်း​ၽႆး​ပုၵ်ႈ​ၸေႃႇ​ၸိူဝ်း​ၼၼ်ႉ ႁႂ်ႈ​လႆႈ​ယွင်ႈ​ၵႂႆ​ပုၼ်ႈ​တၢင်း​ပုၵ်ႈ​ၸေႃႇ ဢၼ်​ယွင်ႈ​ၵႂႆ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ၊ မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း​တင်း​လၢႆ တၵ်း​လႆႈ​ထိူၵ်ႈ​ပိူင်ႇ​ဢဝ်​ယူႇ​သေႇ​သေႇ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၵမ်း​ၼၼ်ႉ မူဝ်းသေႇ ၵျူဝ်း​ၸႃး​လႄႈ ႁႃ​ပႄႉ​ဢၼ်​ဢဝ်​ႁဵတ်း​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​သေ​ၵေႃႈ ဢမ်ႇ​ထူပ်း​ဢမ်ႇ​ႁၼ်။ တုတ်ႇ​ၽႆး​ပႅတ်ႈ​ယဝ်ႉ။ ပိူဝ်ႈ​ၼႆ​လႄႈ မၼ်း​ၸႂ်​မႆႈ​ၶႆႈ​ၸႃႉ​တီႈ​လုၵ်ႈ​ၸၢႆး​ ဢႃႇရုၼ်ႇ ဢၼ်​ယင်း​ၵိုတ်း​ယင်း​ၵျၢၼ်ႇ​ ဢေးလႃႇၸႃႇ တင်း​ ဢီႉသမႃႇ ​ၸိူဝ်း​ၼၼ်ႉ​သေ​လႄႈ​ဝႃႈ​ၸမ်ႉ၊-</verse>
				<verse number="17">ၵွပ်ႈ​ပိူဝ်ႈ​ဢၼ်​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ မူတ်း​ၸၢင်ႇ​ၼႃႇ​လူင်​လၢင်​လႄႈ မၼ်း​ၸဝ်ႈ​ပၼ်​ယိတ်ႈ​ၼၼ်ႉ ပုၼ်ႈ​လွင်ႈ​ၼင်ႇ​ႁိုဝ် သူ​တၵ်း​ၶၢမ်ႇ​ဢဝ်​ဢပႅတ်ႈ​ပရဵၵ်ႈသၢတ်ႈ​တင်း​လၢႆ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ ပုၼ်ႈ​ၶဝ်​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢမ်ႇ​ၵိၼ်​တူဝ်​ယိတ်ႈ​ၼၼ်ႉ ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ၼင်ႇ​ႁိုဝ်။-</verse>
				<verse number="18">တူၺ်း​လူး၊ လိူတ်ႈ​တူဝ်​ယိတ်ႈ​ၼၼ်ႉ​ၵေႃႈ ယင်း​ဢမ်ႇ​ဢဝ်​သႂ်ႇ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​လူင်​ပႄႇ။ သူ​လီ​လႆႈ​ၵိၼ်​ယိတ်ႈ​ၼၼ်ႉ ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ဢမၢၼ်ႇ​ၶၼ်​ပဵၼ် ၸွမ်း​ၵႃႈ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ​မႃး​ယဝ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="19">ဢႃႇရုၼ်ႇ လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ တူၺ်း​လူး၊ ဝၼ်း​မိူဝ်ႈ​ၼႆႉ ၶဝ်​ၼၼ်ႉ​ဢွၼ်​ၵၼ်​ဢဝ်​ယိတ်ႈ​ဢၼ်​ၽေႇ​ဢပႅတ်ႈ​ၶဝ် ဢိၵ်ႇ​တင်း​ယိတ်ႈ​ဢၼ်​တုတ်ႇ​ၽႆး​ၶဝ်​ပုၵ်ႈ​ၸေႃႇ​ၶႃႈ​ယဝ်ႉ။ လွင်ႈ​တၢင်း​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ၵဝ်​ၶႃႈ​ယဝ်ႉ​ၶႃႈ​ယဝ်ႉ​။ သင်​ၵဝ်​ၶႃႈ​ၵိၼ်​မႅၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ ဝၼ်း​မိူဝ်ႈ​ၼႆႉ​ၸိုင် တၵ်း​ထုၵ်ႇ​ၸႂ်​ၵျိူၵ်ႈ​ၸႂ်​ထႃႇဝရႃႉ​ၽြႃး​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မူဝ်းသေႇ ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ႁပ်ႉ​တုင်း​ဢဝ်​ဢေႃႈ။</verse>
			</chapter>
			<chapter number="11">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ၊-</verse>
				<verse number="2">သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ တူဝ်​ဢၼ်​သူ​မီး​ဢၶႂၢင်ႉ​ဢၼ်​လႆႈ​ၵိၼ် ၵႃႈ​ၼႂ်း​တူဝ်​ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ​ၸမ်ႉ၊-</verse>
				<verse number="3">ၵႃႈ​ၼႂ်း​တူဝ်​တင်း​လၢႆ​ၼၼ်ႉ၊ သူ​မီး​ဢၶႂၢင်ႉ​ဢၼ်​လႆႈ​ၵိၼ်​တူဝ်​ၵႃႈ​ဢၼ် ၵိပ်ႇ​တႅၵ်ႇ​လႄႈ​တိၼ်​ပဵၼ်​ငၢမ်ႈ​ဝႆႉ​လႄႈ ၵဵဝ်ႉ​ဢိူင်ႈ​ယူႇ​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="4">ၼႂ်း​ဝႃႈ​ၼၼ်​သေ​ၵေႃႈ တူဝ်​ဢၼ်​သူ​ဢမ်ႇ​လႆႈ​ၵိၼ်​ၼႂ်း​တူဝ်​ဢၼ်​ၵဵဝ်ႉ​ဢိူင်ႈ ဢိၵ်ႇ​တင်း​တူဝ်​ဢၼ်​ၵိပ်ႇ​တႅၵ်ႇ​ၸိူဝ်း​ၼၼ်ႉ​ၸမ်ႉ၊ ၵလႃးဢုၵ်ႉ​ၸိုင်၊ ၵွပ်ႈ​ပိူဝ်ႈ​ဢၼ်​ၵဵဝ်ႉ​ဢိူင်ႈ​သေ​ၵေႃႈ​ၵိပ်ႇ​ဢမ်ႇ​တႅၵ်ႇ​ၼၼ်ႉ​လႄႈ၊ ဢမ်ႇ​မူတ်း​သႂ်​တီႈ​သူ။-</verse>
				<verse number="5">ပၢင်တၢႆး​သၽၢၼ်ႇ​ၸိုင် ၵွပ်ႈ​ပိူဝ်ႈ​ဢၼ်​ၵဵဝ်ႉ​ဢိူင်ႈ​သေ​ၵေႃႈ ၵိပ်ႇ​ဢမ်ႇ​တႅၵ်ႇ​ၼၼ်ႉ​လႄႈ ဢမ်ႇ​မူတ်း​သႂ်​တီႈ​သူ။-</verse>
				<verse number="6">ပၢင်တၢႆး​ၸိုင် ၵွပ်ႈ​ပိူဝ်ႈ​ဢၼ်​ၵဵဝ်ႉ​ဢိူင်ႈ​သေ​ၵေႃႈ ၵိပ်ႇ​ဢမ်ႇ​တႅၵ်ႇ​ၼၼ်ႉ​လႄႈ ဢမ်ႇ​မူတ်း​သႂ်​တီႈ​သူ။-</verse>
				<verse number="7">မူ​ၸိုင် ၵွပ်ႈ​ပိူဝ်ႈ​ဢၼ်​ၵိပ်ႇ​တႅၵ်ႇ​သေ​ၵေႃႈ ဢမ်ႇ​ၵဵဝ်ႉ​ဢိူင်ႈ​ၼၼ်ႉ​လႄႈ ဢမ်ႇ​မူတ်း​သႂ်​တီႈ​သူ။-</verse>
				<verse number="8">ၼိူဝ်ႉ​တရိၵ်ႈသၢၼ်ႇ​ၸိူဝ်ႉ​ၼင်ႇ​ၼၼ်​ၸိုင်၊ သူ​ဢမ်ႇ​လႆႈ​ၵိၼ်။ တူဝ်​တၢႆ​ၶဝ်​ၵေႃႈ​သူ​ဢမ်ႇ​လႆႈ​တိူဝ်ႉ​လႆႈ​ထုၵ်ႇ။ ပဵၼ်​ဢၼ်​ဢမ်ႇ​မူတ်း​သႂ်​တီႈ​သူ။</verse>
				<verse number="9">တရိၵ်ႈသၢၼ်ႇ​ဢၼ်​ယူႇ​ၵႃႈ​ၼႂ်း​ၼမ်ႉ​လႄႈ သူ​မီး​ဢၶႂၢင်ႉ​ဢၼ်​လႆႈ​ၵိၼ်​တင်း​လၢႆ​ၼၼ်ႉ​ၸမ်ႉ၊ ၼႂ်း​တရိၵ်ႈသၢၼ်ႇ​ၵႃႈ​ဢၼ်​ယူႇ​ၵႃႈ​ၼႂ်း​ၼမ်ႉ​ပၢင်ႇ​လၢႆႇ ဢိၵ်ႇ​တင်း​ၼမ်ႉ​ႁွင်ႈ​ၼမ်ႉ​ၵႄး တင်း​ၼမ်ႉ​တင်း​လၢႆ​ၼၼ်ႉ၊ သူ​တၵ်း​လႆႈ​ၵိၼ်​တရိၵ်ႈသၢၼ်ႇ​ဢၼ်​မီး​ပိၵ်ႇ​ဝီး​တင်း​ၵဵတ်း​ၼၼ်ႉ​ၵူၺ်း​ဢေႃႈ။-</verse>
				<verse number="10">တရိၵ်ႈသၢၼ်ႇ​ၵႃႈ​ဢၼ်​ဢမ်ႇ​မီး​ပိၵ်ႇ​ဝီး​တင်း​ၵဵတ်း​သေ​လႄႈ ယူႇ​ၵႃႈ​ၼႂ်း​ၼမ်ႉ​ပၢင်ႇ​လၢႆႇ ဢိၵ်ႇ​တင်း​ၼမ်ႉ​ႁွင်ႈ​ၼမ်ႉ​ၵႄး၊ ၵႃႈ​ဢၼ်​တူင်ႉ​ၼိုင်​ယူႇ​ၼႂ်း​ၼမ်ႉ၊ ၵႃႈ​ဢၼ်​ဢသၢၵ်ႈ​လိပ်း​ယူႇ​ၼႂ်း​ၼမ်ႉ​ၸိူဝ်း​ၼၼ်ႉ၊ တၵ်း​လႆႈ​ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​သူ​ဢေႃႈ။-</verse>
				<verse number="11">တၵ်း​လႆႈ​ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​သူ​ဢမၢၼ်ႇ​ၶၼ်​ပဵၼ်​ဢေႃႈ။ သူ​ဢမ်ႇ​လႆႈ​ၵိၼ်​ၼိူဝ်ႉ​ၶဝ်။ တူဝ်​တၢႆ​ၶဝ်​ၼၼ်ႉ တၵ်း​လႆႈ​ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​သူ​ဢေႃႈ။-</verse>
				<verse number="12">တရိၵ်ႈသၢၼ်ႇ​ၵႃႈ​ၼႂ်း​ၼမ်ႉ​ၵႃႈ​ဢၼ်​ဢမ်ႇ​ပျေႉ​ၸုမ်ႇ​တင်း​ပိၵ်ႇ​ဝီး​တင်း​ၵဵတ်း​ၸိူဝ်း​ၼၼ်ႉ တၵ်း​လႆႈ​ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​သူ​ဢေႃႈ။</verse>
				<verse number="13">မဵဝ်း​ၼူၵ်ႉ​ဢၼ်​သူ​တၵ်း​လႆႈ​လီ​ႁင်ႈ​ဢဵတ်ႇ​သဵတ်ႇ​လႄႈ ဢမ်ႇ​လႆႈ​ၵိၼ်​ၼၼ်ႉ​ၸမ်ႉ၊ ပဵၼ်​လၢင်း​တႃႉ​ၶမ်း၊ ႁုင်ႉ​လူင်၊ လၢင်း​တႃႉ​ပၢင်ႇ​လၢႆႇ၊-</verse>
				<verse number="14">ယဵဝ်ႈ​ၸွၵ်ႇ​မဵဝ်း​ႁုင်ႉ​ၵူႈ​မဵဝ်း၊ မဵဝ်း​ၵႃ​လူင်​ၵူႈ​မဵဝ်း၊-</verse>
				<verse number="15"></verse>
				<verse number="16">ၼူၵ်ႉ​ၵလႃးဢုၵ်ႉ၊ ၼူၵ်ႉ​ႁၢႆႉ၊ ၼူၵ်ႉ​ယၢင်း၊ မဵဝ်း​ယဵဝ်ႈ​ၵူႈ​မဵဝ်း၊-</verse>
				<verse number="17">ၵဝ်ႉ၊ ၵႃ​ၸႆး၊ တီး​တုတ်ႈ၊-</verse>
				<verse number="18">ၵဝ်ႉ​ငိမ်၊ ၼူၵ်ႉ​ဝမ်ႇ​ပူဝ်ႇ၊ ၼူၵ်ႉ​ၸဝ်ႉ၊-</verse>
				<verse number="19">ၵွၼ်ႇ၊ မဵဝ်း​ၼူၵ်ႉ​ယၢင်း​လိူၼ်ႈ​ၵူႈ​မဵဝ်း၊ ၼူၵ်ႉ​တွႆး​ၵိူဝ်ႇ တင်း​ဝိင်ႇ​ၸိူဝ်း​ၼၼ်ႉ​ဢေႃႈ။</verse>
				<verse number="20">တရိၵ်ႈသၢၼ်ႇ​ၵႃႈ​ဢၼ်​မီး​ပိၵ်ႇ​ယူႇ​လႄႈ ၸၢင်ႈ​ဢဝ်​တင်း​တိၼ်​သီႇ​ၶွၼ်​ၵၢၼ်း​ၵႂႃႇ​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​သူ​ဢေႃႈ။-</verse>
				<verse number="21">ၼႂ်း​ဝႃႈ​ၼၼ်​သေ​ၵေႃႈ ၼႂ်း​တရိၵ်ႈသၢၼ်ႇ​ဢၼ်​မီး​ပိၵ်ႇ​လႄႈ ၸၢင်ႈ​ဢဝ်​တင်း​တိၼ်​သီႇ​ၶွၼ်​ၵၢၼ်း​ၵႂႃႇ၊ ဢၼ်​မီး​မၢၵ်ႇ​ၵၢဝ်ႈ​မၢၵ်ႇ​ၶႃ​ၵႃႈ​ၼိူဝ်​တိၼ် ပုၼ်ႈ​ဢၼ်​တၵ်း​ၵျွၵ်း​ဝႅၼ်​ၸိူဝ်း​ၼၼ်ႉ၊-</verse>
				<verse number="22">တၵ်း​လႆႈ​ၵိၼ်​မဵဝ်း​မႅင်း​ၵႅင်း ဢရႃႇၽႃႉ ၊ မဵဝ်း​မႅင်း​ၵႅင်း​ သလွင် ၊ မဵဝ်း​မႅင်း​ၵႅင်း​ ၶႃရႃၵႃႉ ၊ မဵဝ်း​မႅင်း​ၵႅင်း​ ၵႃ​ၵၢပ်ႇ ၸိူဝ်း​ၼၼ်ႉ​ဢေႃႈ။-</verse>
				<verse number="23">တရိၵ်ႈသၢၼ်ႇ​တၢင်ႇ​ၸိူဝ်ႉ​ဢၼ်​မီး​ပိၵ်ႇ​လႄႈ​ၸၢင်ႈ​ဢဝ်​တင်း​တိၼ်​သီႇ​ၶွၼ်​ၵၢၼ်း​ၵႂႃႇ​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​သူ​ဢေႃႈ။-</verse>
				<verse number="24">ၵွပ်ႈ​ပိူဝ်ႈ​တရိၵ်ႈသၢၼ်ႇ​ၸိူဝ်ႉ​ၼင်ႇ​ၼၼ်​လႄႈ တၢင်း​မူတ်း​သႂ်​သူ​ၸၢင်ႈ​လူႉ​ဢေႃႈ။ ၵေႃႉ​ဢၼ်​တိူဝ်ႉ​ထုၵ်ႇ​တူဝ်​တၢႆ​ၶဝ်​ၼၼ်ႉ ဢမ်ႇ​မူတ်း​သႂ်​ယူႇ​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="25">ၵႃႈ​ပဵၼ်​ၵေႃႉ​ဢၼ်​ဢဝ်​တူဝ်​တၢႆ​ၼၼ်ႉ​ၵႂႃႇ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​သေ​လႄႈ ဢမ်ႇ​မူတ်း​သႂ်​ယူႇ တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="26">ၵႃႈ​ပဵၼ်​တရိၵ်ႈသၢၼ်ႇ​ဢၼ်​ၵိပ်ႇ​တႅၵ်ႇ​ယူႇ​လႄႈ​တိၼ်​ဢမ်ႇ​ပဵၼ်​ငၢမ်ႈ​ဝႆႉ၊ ဢမ်ႇ​ၵဵဝ်ႉ​ဢိူင်ႈ​ၸိူဝ်း​ၼၼ်ႉ ဢမ်ႇ​မူတ်း​သႂ်​တီႈ​သူ။ ၵႃႈ​ပဵၼ်​ၵေႃႉ​ဢၼ်​တိူဝ်ႉ​ထုၵ်ႇ​တူဝ်​တၢႆ​ၶဝ်​ၼၼ်ႉ​ဢမ်ႇ​မူတ်း​သႂ်။-</verse>
				<verse number="27">ၼႂ်း​တရိၵ်ႈသၢၼ်ႇ​ၵူႈ​ၸိူဝ်ႉ​ၵူႈ​မဵဝ်း ဢၼ်​ဢဝ်​တိၼ်​သီႇ​ၶွၼ်​ၵၢၼ်း​ၵႂႃႇ​ၼၼ်ႉ​ၸိုင် ၵႃႈ​ပဵၼ်​တူဝ်​ဢၼ်​ဢဝ်​ၽႃႇ​တိၼ်​ယဵပ်ႇ​ၵႂႃႇ​ၼၼ်ႉ ဢမ်ႇ​မူတ်း​သႂ်​တီႈ​သူ၊ ၵေႃႉ​ဢၼ်​တိူဝ်ႉ​ထုၵ်ႇ​တူဝ်​တၢႆ​ၶဝ်​ၼၼ်ႉ ဢမ်ႇ​မူတ်း​သႂ်​ယူႇ​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="28">ၵႃႈ​ပဵၼ်​ၵေႃႉ​ဢၼ်​ဢဝ်​တူဝ်​တၢႆ​ၶဝ်​ၼၼ်ႉ​ၵႂႃႇ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​သေ​လႄႈ ဢမ်ႇ​မူတ်း​သႂ်​ယူႇ​တေႃႇ​ထိုင်​ႁွတ်ႈ ၶိင်ႇ​ႁူဝ်​ၶမ်ႈ​ဢေႃႈ။ ၶဝ်​ၼၼ်ႉ​ဢမ်ႇ​မူတ်း​သႂ်​တီႈ​သူ။</verse>
				<verse number="29">ၼႂ်း​တရိၵ်ႈသၢၼ်ႇ​ဢၼ်​ၸၢင်ႈ​ၵၢၼ်း​ၵႃႈ​ၼိူဝ်​လိၼ်​ၸိူဝ်း​ၼၼ်ႉ တရိၵ်ႈသၢၼ်ႇ​ဢၼ်​ဢမ်ႇ​မူတ်း​သႂ်​တီႈ​သူ​ၸမ်ႉ၊ ပဵၼ်​တွၼ်ႇ၊ ၼူ၊ မဵဝ်း​ၸိူင်ႉ​ႁိူၼ်း၊-</verse>
				<verse number="30">တွၵ်ႉ​တႄႉ၊ လႅၼ်း​လၢဝ်၊ ဢၢၵ်ႇ​လိူၼ်း၊ လႅၼ်း၊ ဢၢၵ်ႇ​ၶၢင်​ၸိူဝ်း​ၼၼ်ႉ​ဢေႃႈ။-</verse>
				<verse number="31">ၼႂ်း​တူဝ်​ဢၼ်​ၸၢင်ႈ​ၵၢၼ်း​တင်း​သဵင်ႈ​တင်း​လူင်​ၼၼ်ႉ၊ တူဝ်​ၸိူဝ်း​ၼႆႉ​ဢမ်ႇ​မူတ်း​သႂ်​တီႈ​သူ။ ၵႃႈ​ပဵၼ်​ၵေႃႉ​ဢၼ်​တိူဝ်ႉ​ထုၵ်ႇ​တူဝ်​တၢႆ​ၶဝ်​ၼၼ်ႉ ဢမ်ႇ​မူတ်း​သႂ်​ယူႇ​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="32">ပေႃး​တူဝ်​တၢႆ​တရိၵ်ႈသၢၼ်ႇ​ၸိူဝ်း​ၼၼ်ႉ တူၵ်း​သႂ်ႇ​ၵႃႈ​ၼိူဝ်​သေ​ၸိူဝ်ႉ​သေ​ပိူင်​ၸိုင်၊ ၶိူင်ႈ​ပိူင်​ၼၼ်ႉ​ဢမ်ႇ​မူတ်း​သႂ် ပဵၼ်​ၵွၵ်း​မႆႉ​သေ​ဢမ်ႇ​ဝႃႈ၊ ပဵၼ်​ၶူဝ်း​ၼုင်ႈ​သေ​ဢမ်ႇ​ဝႃႈ၊ ပဵၼ်​ၼင်​သေ​ဢမ်ႇ​ဝႃႈ၊ ပဵၼ်​ထူင်​သေ​ဢမ်ႇ​ဝႃႈ၊ ပဵၼ်​ၶိူင်ႈ​ပိူင်​ဢၼ်​ဢဝ်​သုင်း​သွင်ႇ​ၼၼ်ႉ​သေ​ၸိူဝ်ႉ​သေ​ပိူင်​သေ​ဢမ်ႇ​ဝႃႈ၊ ၶိူင်ႈ​ပိူင်​ၼၼ်ႉ​ဢမ်ႇ​မူတ်း​သႂ်။ တၵ်း​လႆႈ​ဢဝ်​ၸုမ်ႇ​ၼမ်ႉ​ဢေႃႈ။ ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။ လိုၼ်း​ၼၼ်ႉ တၵ်း​မူတ်း​သႂ်​ဢေႃႈ။-</verse>
				<verse number="33">ၵႃႈ​ပဵၼ်​ၵွၵ်း​လိၼ်​ဢၼ်​တူဝ်​တၢႆ​ၶဝ်​တူၵ်း​သႂ်ႇ​ၵႃႈ​ၼႂ်း​မၼ်း​ၼၼ်ႉ မီး​ၵႃႈ​သင်​ၼႂ်း​မၼ်း​သေ​ဢမ်ႇ​ဝႃႈ၊ ဢမ်ႇ​မူတ်း​သႂ်​လႄႈ၊ တၵ်း​လႆႈ​ဢဝ်​တႅၵ်ႇ​ပႅတ်ႈ​သေ​ဢေႃႈ။-</verse>
				<verse number="34">တၢင်း​ၵိၼ်​တၢင်း​ၶူပ်း​ဢၼ်​ဢဝ်​ၼမ်ႉ​သႂ်ႇ​လႄႈ ႁဵတ်း​ၵႃႈ​ၼႂ်း​ၵွၵ်း​ၼၼ်ႉ ဢမ်ႇ​မူတ်း​သႂ်။ ၼမ်ႉ​ပုၼ်ႈ​ဢၼ်​တၵ်း​ၵိၼ်​ၵႃႈ​ၼႂ်း​ၵွၵ်း​လိၼ်​ၼၼ်ႉ​ၵေႃႈ ဢမ်ႇ​မူတ်း​သႂ်။-</verse>
				<verse number="35">ၵႃႈ​ပဵၼ်​ၶိူင်ႈ​ပိူင်​ဢၼ် တူဝ်​တၢႆ​ၶဝ်​တူၵ်း​သႂ်ႇ​ၵႃႈ​ၼိူဝ်​မၼ်း​ၼၼ်ႉ ႁွတ်ႈ​ထိုင်​တၢင်း​ဢၼ်​ဢမ်ႇ​မူတ်း​သႂ်​ဢေႃႈ။ ပဵၼ်​ၽီး​ၽႆး​သေ​ဢမ်ႇ​ဝႃႈ၊ ပဵၼ်​ပုင်း​ၽႆး​သေ​ဢမ်ႇ​ဝႃႈ၊ ၵွပ်ႈ​ပိူဝ်ႈ​ဢၼ်​ႁွတ်ႈ​ထိုင်​တၢင်း​ဢၼ်​ဢမ်ႇ​မူတ်း​သႂ်​လႄႈ တၵ်း​လႆႈ​ယႃႉ​ပႅတ်ႈ​သေ​ဢေႃႈ။ ဢမ်ႇ​မူတ်း​သႂ်​တီႈ​သူ။-</verse>
				<verse number="36">ၵူၺ်း​ၵႃႈ ၼမ်ႉ​ဢွၵ်ႇ​ႁူး ဢိၵ်ႇ​တင်း​ၼမ်ႉ​မေႃႇ​ဢၼ်​ၶုတ်း​မီး​တၢင်း​ဢၼ်​ၼမ်ႉ​ၸူႉ​တုမ်​ၼၼ်ႉ​ၸိုင်၊ မူတ်း​သႂ်​ယူႇ​ဢေႃႈ။ ၵေႃႉ​ဢၼ်​တိူဝ်ႉ​ထုၵ်ႇ​တူဝ်​တၢႆ​ၼၼ်ႉ​ၵူၺ်း ႁွတ်ႈ​ထိုင်​တၢင်း​ဢၼ်​ဢမ်ႇ​မူတ်း​သႂ်​ဢေႃႈ။-</verse>
				<verse number="37">ပေႃး​တူဝ်​တၢႆ​ၶဝ်​တူၵ်း​သႂ်ႇ​ၵႃႈ​ၼိူဝ် ၸိူဝ်ႉ​ၽၼ်း​ဢၼ်​တၵ်း​ဝၢၼ်ႇ​တၵ်း​ပိုၼ်​ၼၼ်ႉ​ၸိုင်၊ ၸိူဝ်ႉ​ၽၼ်း​ၼၼ်ႉ​မူတ်း​သႂ်​ယူႇ​ဢေႃႈ။-</verse>
				<verse number="38">ပေႃး​တူဝ်​တၢႆ​ၶဝ်​တူၵ်း​သႂ်ႇ​ၵႃႈ​ၼိူဝ်​ၸိူဝ်ႉ​ၽၼ်း​ဢၼ်​ၸေႈ​ၼမ်ႉ​ဝႆႉ​ယဝ်ႉ​ၼၼ်ႉ​ၸိုင် ၸိူဝ်ႉ​ၽၼ်း​ၼၼ်ႉ​ဢမ်ႇ​မူတ်း​သႂ်​တီႈ​သူ၊-</verse>
				<verse number="39">ပေႃး​တရိၵ်ႈသၢၼ်ႇ​ဢၼ်​သူ​ထုၵ်ႇ​လီ​ၵိၼ်​ၼၼ်ႉ​တၢႆ​ၸိုင်၊ ၵေႃႉ​ဢၼ်​တိူဝ်ႉ​ထုၵ်ႇ​တူဝ်​တၢႆ​ၼၼ်ႉ ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="40">ၵေႃႉ​ဢၼ်​ၵိၼ်​တူဝ်​တၢႆ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​သေ​လႄႈ ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။ ၵေႃႉ​ဢၼ်​ဢဝ်​တူဝ်​တၢႆ​ၼၼ်ႉ ၵႂႃႇ​ၼၼ်ႉ​ၵေႃႈ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​သေ​လႄႈ ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="41">တရိၵ်ႈသၢၼ်ႇ​ဢၼ်​ၸၢင်ႈ​ၵၢၼ်း​ၵႃႈ​ၼိူဝ်​လိၼ်​ၵႃႈ​မီး​ၼၼ်ႉ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​လႄႈ​ဢမ်ႇ​လႆႈ​ၵိၼ်။-</verse>
				<verse number="42">တရိၵ်ႈသၢၼ်ႇ​ဢၼ်​ၸၢင်ႈ​ဢဝ်​တွင်ႉ​လိူၼ်ႈ​ၵႂႃႇ​ထူ​ၵႂႃႇ​သေ​ဢမ်ႇ​ဝႃႈ၊ ဢၼ်​ၸၢင်ႈ​ဢဝ်​တိၼ်​သီႇ​ၶွၼ်​ၵႂႃႇ​သေ​ဢမ်ႇ​ဝႃႈ၊ ဢၼ်​ၸၢင်ႈ​ဢဝ်​တိၼ်​ၼမ်​ၼႃႇ​ၵႂႃႇ​သေ​ဢမ်ႇ​ဝႃႈ၊ ၵႃႈ​ဢၼ်​ၸၢင်ႈ​ၵၢၼ်း​ၵႃႈ​ၼိူဝ်​လိၼ်​ၸိူဝ်း​ၼၼ်ႉ​ၸိုင် သူ​ဢမ်ႇ​လႆႈ​ၵိၼ်။ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​ဢေႃႈ။-</verse>
				<verse number="43">သူ​ဢမ်ႇ​လႆႈ​ႁႂ်ႈ​တူဝ်​ၸဝ်ႈ​ၵဝ်ႇ​ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​လူၺ်ႈ​တရိၵ်ႈသၢၼ်ႇ ဢၼ်​ၸၢင်ႈ​ၵၢၼ်း​သေ​ၸိူဝ်ႉ​သေ​ပိူင်။ သူ​ဢမ်ႇ​လႆႈ​ႁဵတ်း​လွင်ႈ​ဢၼ်​ဢမ်ႇ​မူတ်း​သႂ်​တီႈ​တူဝ်​ၸဝ်ႈ​ၵဝ်ႇ​လူၺ်ႈ​ၶဝ်​ၼၼ်ႉ ႁႂ်ႈ​တူဝ်​ၸဝ်ႈ​ၵဝ်ႇ​ၵူဝ်ႈ​ၵိူၵ်ႇ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼၼ်။-</verse>
				<verse number="44">ၵဝ်​ၼႆႉ​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။ ပိူဝ်ႈ​ၼႆ​လႄႈ သူ​ၵေႃႈ တၵ်း​လႆႈ​ႁႂ်ႈ​တူဝ်​သူ​မူတ်း​ၸၢင်ႇ​လႄႈ သူ​တၵ်း​မီး​တၢင်း​ဢၼ်​မူတ်း​ၸၢင်ႇ​ဢေႃႈ။ လွင်ႈ​မၼ်း​ၸမ်ႉ ၵဝ်​မူတ်း​ၸၢင်ႇ​ဢေႃႈ။ သူ​ဢမ်ႇ​လႆႈ​ႁႂ်ႈ​တူဝ်​သူ​ၵူဝ်ႈ​ၵိူၵ်ႇ​လူၺ်ႈ​တရိၵ်ႈသၢၼ်ႇ ဢၼ်​ၸၢင်ႈ​ၵၢၼ်း​ၵႃႈ​ၼိူဝ်​လိၼ်​သေ​ၸိူဝ်ႉ​သေ​ပိူင်​ၼၼ်ႉ။-</verse>
				<verse number="45">ၵဝ်​ၼႆႉ​ပဵၼ်​ထႃႇဝရႃႉ​ၽြႃး ဢၼ်​ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ႁႂ်ႈ​လႆႈ​ပဵၼ်​ၽြႃး​ပဵၼ်​ၸဝ်ႈ​သူ​ဢေႃႈ။ ၵွပ်ႈ​ပိူဝ်ႈ​ဢၼ်​ၵဝ်​မူတ်း​ၸၢင်ႇ​လႄႈ၊ သူ​တၵ်း​လႆႈ​မီး​တၢင်း​ဢၼ်​မူတ်း​ၸၢင်ႇ​ဢေႃႈ။-</verse>
				<verse number="46">ဢၼ်​ၼႆႉ​ၸမ်ႉ၊ ပဵၼ်​တြႃး​ဢၼ်​ၸၢပ်ႈ​သႅင်ႇ​ၵၼ်​တင်း​တရိၵ်ႈသၢၼ်ႇ၊ ၼူၵ်ႉ၊ တူဝ်​ဢၼ်​ဢသၢၵ်ႈ​လိပ်း​လႄႈ ၸၢင်ႈ​ၵႂႃႇ​ၵႃႈ​ၼႂ်း​ၼမ်ႉ၊ တူဝ်​ဢၼ်​ဢသၢၵ်ႈ​လိပ်း​လႄႈ ၸၢင်ႈ​ၵၢၼ်း​ၵႃႈ​ၼိူဝ်​လိၼ်​ၸိူဝ်း​ၼၼ်ႉ၊-</verse>
				<verse number="47">ႁႂ်ႈ​လႆႈ​ၸၵ်း​ၽႄ​ဢဝ်​တရိၵ်ႈသၢၼ်ႇ​ဢၼ်​မူတ်း​သႂ် ဢၼ်​ဢမ်ႇ​မူတ်း​သႂ်၊ ဢၼ်​လီ​ၵိၼ် ဢၼ်​ဢမ်ႇ​လီ​ၵိၼ်​ၸိူဝ်း​ၼၼ်ႉ ပႅၵ်ႇ​ပိူင်ႈ​ၵၼ်​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="12">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​လႄႈ​ဝႃႈ၊ ပေႃး​မႄႈ​ယိင်း​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​ယဝ်ႉ​ၸိုင်၊ မၼ်း​တၵ်း​ဢမ်ႇ​မူတ်း​သႂ်​ၸဵတ်း​ဝၼ်း​ဢေႃႈ။ မၼ်း​တၵ်း​ဢမ်ႇ​မူတ်း​သႂ်​မိူၼ်​ၸိူဝ်ႉ​ၼင်ႇ​ဢၼ်​ၶိင်ႇ​ဢူႉတူႉ​မၼ်း​ႁွတ်ႈ​ထိုင်​လႄႈ မၼ်း​ဢမ်ႇ​မူတ်း​သႂ်​ၼၼ်ႉ​ဢေႃႈ။-</verse>
				<verse number="3">ဝၼ်း​ဢႃႉထမႃႉ​ၼၼ်ႉ၊ တၵ်း​လႆႈ​ႁဵတ်း​တၢင်း​ဢၼ်​ထိူဝ်​ႁိမ်း​ပၢႆ​ၼင်​တီႈ​လုၵ်ႈ​ၸၢႆး​ၼၼ်ႉ​ဢေႃႈ။-</verse>
				<verse number="4">လိုၼ်း​ၼၼ်ႉ မႄႈ​ယိင်း​ၼၼ်ႉ​တၵ်း​လႆႈ​ယူႇ​လူၺ်ႈ​လိူတ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ သၢမ်​သိပ်း​ပၢႆ​သၢမ်​ဝၼ်း​တဵမ်​တဵမ်​ဢေႃႈ။ မၼ်း​ဢမ်ႇ​လႆႈ​ယိပ်း​လႆႈ​ၵမ်​ၶိူင်ႈ​ပိူင်​ဢၼ်​မူတ်း​ၸၢင်ႇ။ ဢမ်ႇ​လႆႈ​ၵႂႃႇ​ၵႃႈ​တီႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​တေႃႇ​ထိုင်​ႁွတ်ႈ​ၶိင်ႇ​ဝၼ်း​ဢၼ် တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ​ၸေး​ၼၼ်ႉ။-</verse>
				<verse number="5">ပေႃး​မၼ်း​ၵိူတ်ႇ​လဵင်ႉ​လုၵ်ႈ​ယိင်း​ၸိုင်၊ မၼ်း​တၵ်း​လႆႈ​ဢမ်ႇ​မူတ်း​သႂ်​သိပ်း​ပၢႆ​သီႇ​ဝၼ်း​တဵမ်​တဵမ်​လႄႈ ယူႇ​မိူၼ်​ၸိူဝ်ႉ​ၼင်ႇ​ဢၼ်​ၶိင်ႇ​ဢူႉတူႉ​မၼ်း​ႁွတ်ႈ​ထိုင်​ၼၼ်ႉ​ဢေႃႈ။ လိုၼ်း​ၼၼ်ႉ မၼ်း​တၵ်း​လႆႈ​ယူႇ​လူၺ်ႈ​လိူတ်ႈ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ ႁူၵ်း​သိပ်း​ပၢႆ​ႁူၵ်း​ဝၼ်း​တဵမ်​တဵမ်​ဢေႃႈ။-</verse>
				<verse number="6">မိူဝ်ႈ​ဢၼ်​ၶိင်ႇ​ဝၼ်း​တၢင်း​ဢၼ်​ႁႂ်ႈ​မူတ်း​သႂ်​ပုၼ်ႈ​လုၵ်ႈ​ၸၢႆး၊ ဢမ်ႇ​ၼၼ် ပုၼ်ႈ​လုၵ်ႈ​ယိင်း​ၼၼ်ႉ​ၸေး​ယဝ်ႉ​ၼၼ်ႉ​ၸိုင်၊ မၼ်း​တၵ်း​လႆႈ​ဢဝ်​သူဝ်း​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ​ပုၼ်ႈ​ယိတ်ႈ​ဢၼ်​တုတ်ႇ​ၽႆး၊ ၵႃ​ၵႄ​ဢွၼ်ႇ​တူဝ်​ၼိုင်ႈ၊ ဢမ်ႇ​ၼၼ် ၼူၵ်ႉ​တူႈ​တူဝ်​ၼိုင်ႈ​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ မႃး​ၵႃႈ​တီႈ​ယိတ်ႈပရေႃးႁဵၵ်ႈ ၸူး​ၵႃႈ​တီႈ​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="7">မၼ်း​ၼၼ်ႉ တၵ်း​လႆႈ​ဢဝ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မၼ်း​ဢေႃႈ။ ၵမ်း​ၼၼ်ႉ မၼ်း​တၵ်း​လႆႈ​မူတ်း​ၸၢင်ႇ​လွတ်ႈ​သေ​ဢပႅတ်ႈ တၢင်း​ဢၼ်​လႆႈ​ထွၵ်ႇ​လိူတ်ႈ​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တြႃး​ဢၼ်​ၸၢပ်ႈ​သႅင်ႇ​ၵၼ်​တင်း​မႄႈ​ယိင်း​ဢၼ်​ၵိူတ်ႇ​လဵင်ႉ​လုၵ်ႈ​ၸၢႆး၊ လုၵ်ႈ​ယိင်း​ၼၼ်ႉ​ဢေႃႈ။-</verse>
				<verse number="8">ပေႃး​မၼ်း​ဢမ်ႇ​တၢတ်ႈ​ၼိူင်ႇ​ဢဝ်​သူဝ်း​ဢွၼ်ႇ​မႃး​ၸိုင်၊ မၼ်း​တၵ်း​လႆႈ​ဢဝ်​ၼူၵ်ႉ​တူႈ​သွင်​တူဝ်၊ ဢမ်ႇ​ၼၼ် ၵႃ​ၵႄ​ဢွၼ်ႇ​သွင်​တူဝ်၊ ပုၼ်ႈ​ယိတ်ႈ​ဢၼ်​တုတ်ႇ​ၽႆး​တူဝ်​ၼိုင်ႈ၊ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​တူဝ်​ၼိုင်ႈ​မႃး​လႄႈ၊ ယိတ်ႈပရေႃးႁဵၵ်ႈ​တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မၼ်း​ဢေႃႈ။ ၵမ်း​ၼၼ်ႉ မၼ်း​တၵ်း​လႆႈ​မူတ်း​ၸၢင်ႇ​ဢေႃႈ။</verse>
			</chapter>
			<chapter number="13">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ၊-</verse>
				<verse number="2">ပေႃး​ၵူၼ်း​သေ​ၵေႃႉ​မီး​တုမ်ႇ၊ ဢမ်ႇ​ၼၼ် ႁဝ်ႈ၊ ဢမ်ႇ​ၼၼ် ၵႂၢၵ်ႈ​ၵႃႈ​တီႈ​ၼင်​ၼိူဝ်ႉ​မၼ်း​လႄႈ ပေႃႇ​ဢွၵ်ႇ​မႃး​မိူၼ်​ၸိူဝ်ႉ​ၼင်ႇ လၢၵ်ႈၶၼႃႇ​တုတ်ႈ​ၼၼ်ႉ ၵႃႈ​တီႈ​ၼင်​ၼိူဝ်ႉ​မၼ်း​ၸိုင်၊ တၵ်း​လႆႈ​ႁွင်ႉ​ဢဝ်​ၵေႃႉ​ၼၼ်ႉ ၵႂႃႇ​ၵႃႈ​တီႈ​ယိတ်ႈပရေႃးႁဵၵ်ႈ​ ဢႃႇရုၼ်ႇ ၊ ဢမ်ႇ​ၼၼ် ၵႃႈ​တီႈ​ယိတ်ႈပရေႃးႁဵၵ်ႈ​သေ​ၵေႃႉ​သေ​ၵူၼ်း​ဢေႃႈ။-</verse>
				<verse number="3">ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​တူၺ်း​တၢင်း​ဢၼ်​ပေႃႇ​ဢွၵ်ႇ​မႃး​ၵႃႈ​တီႈ​ၼင်​ၼိူဝ်ႉ​ၵေႃႉ​ၼၼ်ႉ​လႄႈ၊ ပေႃး​ၶူၼ်​ဢၼ်​မီး​ၵႃႈ​တီႈ​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​ၽိူၵ်ႇ​ဝႆႉ​လႄႈ တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ မိူၼ်​ႁၢင်ႈ​ၸပ်း​ၸွႆး​ၵႃႈ​တႂ်ႈ​ၼင်​ၼိူဝ်ႉ​မၼ်း​ၸိုင်၊ ပဵၼ်​တုတ်ႈ​ဢမၢၼ်ႇ​ၶၼ်​ပဵၼ်​ဢေႃႈ။ ယိတ်ႈပရေႃးႁဵၵ်ႈ​တူၺ်း​ၵေႃႉ​ၼၼ်ႉ​သေ​ယဝ်ႉ၊ တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ မၼ်း​ၼၼ်ႉ​ဢမ်ႇ​မူတ်း​သႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ပေႃး​ၵႂၢၵ်ႈ​ၼၼ်ႉ​ၽိူၵ်ႇ​ဝႆႉ​ၵႃႈ​တီႈ​ၼင်​ၼိူဝ်ႉ​မၼ်း​လႄႈ ဢမ်ႇ​မိူၼ်​ၼင်ႇ​ႁၢင်ႈ​ၸပ်း​ၸွႆး​ၵႃႈ​တႂ်ႈ​ၼင်​ၼိူဝ်ႉ​မၼ်း​လႄႈ ၶူၼ်​မၼ်း​ဢမ်ႇ​ၽိူၵ်ႇ​ၸိုင်၊ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၵေႃႉ​ဢၼ်​မီး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ ၶျုၵ်ႈ​ဝႆႉ ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="5">ဝၼ်း​သတ်ႉတမႃႉ​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​တူၺ်း​မၼ်း​လႄႈ ပေႃး​တၢင်း​ဢၼ်​ပေႃႇ​ဢွၵ်ႇ​မႃး​ၵႃႈ​တီႈ​ၼင်​ၼိူဝ်ႉ​မၼ်း​ၼၼ်ႉ ဢမ်ႇ​ယႂ်ႇ​ၽႄႈ၊ ဢမ်ႇ​ယွမ်း​ၵႂႃႇ​လႄႈ​ယူႇ​ၸိုင်၊ တၵ်း​လႆႈ​သမ်ႉ​ဢဝ်​မၼ်း​ၶျုၵ်ႈ​ဝႆႉ​ၸဵတ်း​ဝၼ်း​တဵမ်​တဵမ်​ထႅင်ႈ​ဢေႃႈ။-</verse>
				<verse number="6">လိုၼ်း​ၼၼ်ႉ ဝၼ်း​သတ်ႉတမႃႉ​ၼၼ်ႉ၊ ယိတ်ႈပရေႃးႁဵၵ်ႈ​တၵ်း​သမ်ႉ​လႆႈ​ၶိုၼ်း​တူၺ်း​မၼ်း​လႄႈ၊ ပေႃး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ ဢမ်ႇ​ယႂ်ႇ​ၽႄႈ​မႃး​ၵႃႈ​ၼႂ်း​ၼင်​မၼ်း​လႄႈ ပဵၼ်​ႁၢမ်ႉ​လမ်​လမ်​ဝႆႉ​ၸိုင်၊ ယိတ်ႈပရေႃးႁဵၵ်ႈ​တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ မူတ်း​သႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပဵၼ်​ႁဝ်ႈ​ၵူၺ်း​ဢေႃႈ။ မၼ်း​တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​သေ​လႄႈ လႆႈ​မူတ်း​သႂ်​ဢေႃႈ။-</verse>
				<verse number="7">ပေႃး​ႁဝ်ႈ​ၼၼ်ႉ​သမ်ႉ​ၶိုၼ်း​ယႂ်ႇ​ၽႄႈ​မႃး​ၵႃႈ​ၼႂ်း​ၼင်​မၼ်း လိုၼ်း​သေ​မၼ်း​ၼႄ​ပျႃး​တူဝ်​ၸဝ်ႈ​ၵဝ်ႇ တီႈ​ယိတ်ႈပရေႃးႁဵၵ်ႈ​ယဝ်ႉ​ၼၼ်ႉ​ၸိုင်၊ မၼ်း​သမ်ႉ​တၵ်း​လႆႈ​ၶိုၼ်း​ၼႄ​ပျႃး​တူဝ်​ၸဝ်ႈ​ၵဝ်ႇ​တီႈ​ယိတ်ႈပရေႃးႁဵၵ်ႈ​ထႅင်ႈ​လႄႈ၊-</verse>
				<verse number="8">ယိတ်ႈပရေႃးႁဵၵ်ႈ​ၼၼ်ႉ​တူၺ်း​လွင်ႈ​ဢၼ်​ႁဝ်ႈ​ၼၼ်ႉ ယႂ်ႇ​ၽႄႈ​မႃး​ၼၼ်ႉ​သေ​ယဝ်ႉ၊ ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​ဢမ်ႇ​မူတ်း​သႂ်၊ ဝႃႈ​ၼင်ႇ​ၼႆ​ဢေႃႈ။ ပဵၼ်​တုတ်ႈ​ဢေႃႈ။</verse>
				<verse number="9">မိူဝ်ႈ​ဢၼ်​သေ​ၵေႃႉ​သေ​ၵူၼ်း​မီး​တၢင်း​ဢၼ်​တုတ်ႈ​ပေႃႇ​ဢွၵ်ႇ​မႃး​ၸိုင်၊ တၵ်း​လႆႈ​ႁွင်ႉ​မၼ်း​မႃး​ၵႃႈ​တီႈ​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="10">ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​တူၺ်း​မၼ်း​လႄႈ၊ ပေႃး​တုမ်ႇ​ဢၼ်​ၽိူၵ်ႇ​ဝႆႉ​ၼၼ်ႉ ပွင်း​ၶိုၼ်ႈ​ၵႃႈ​ၼႂ်း​ၼင်​မၼ်း​လႄႈ ႁႂ်ႈ​ၶူၼ်​မၼ်း​ၽိူၵ်ႇ​ဝႆႉ​သေ​လႄႈ မီး​ၼိူဝ်ႉ​ဢၼ်​လႅင်​ႁၢႆ​ၵႃႈ​တီႈ​တုမ်ႇ​မၼ်း​ၸိုင်၊-</verse>
				<verse number="11">ပဵၼ်​တုတ်ႈ​ဢၼ်​ၵဝ်ႇ​ၵႃႈ​ၼႂ်း​ၼင်​ၼိူဝ်ႉ​မၼ်း​ဢေႃႈ။ ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​ဢမ်ႇ​မူတ်း​သႂ်၊ ဝႃႈ​ၼင်ႇ​ၼႆ​လႄႈ၊ ၶျုၵ်ႈ​မၼ်း​ဝႆႉ​ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​မူတ်း​သႂ်​ၼၼ်ႉ​ဢေႃႈ။-</verse>
				<verse number="12">ပေႃး​တုတ်ႈ​ၼၼ်ႉ​ယႂ်ႇ​ၽႄႈ​မႃး​ၵႃႈ​တီႈ​ၼင်​မၼ်း​လႄႈ တုတ်ႈ​ၼၼ်ႉ​ၸွတ်ႇ​တူဝ်ႈ​ၼင်​ၵေႃႉ​ဢၼ်​ပဵၼ်​တုတ်ႈ​ၼၼ်ႉ​တင်း​တူဝ်​တင်း​ၶိင်း ဢဝ်​ၵႃႈ​တီႈ​ၸိၵ်း​ႁူဝ်​တေႃႇ​ထိုင်​ႁွတ်ႈ​ၽႃႇ​တိၼ် ၵႃႈ​ဢၼ်​ယိတ်ႈပရေႃးႁဵၵ်ႈ​တူၺ်း​ၵူႈ​တီႈ​ၵူႈ​လႅၼ်​ၼၼ်ႉ​ၸိုင်၊-</verse>
				<verse number="13">ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​တူၺ်း​လႄႈ ပေႃး​တုတ်ႈ​ၼၼ်ႉ​ၸွတ်ႇ​တူဝ်ႈ​ၼင်​မၼ်း​ၼၼ်ႉ​ၵႂႃႇ​တင်း​တူဝ်​တင်း​ၶိင်း​ၸိုင်၊ တၵ်း​လႆႈ​ၸီႇ​ယၢင်ႇ​တီႈ​ၵေႃႉ​ဢၼ်​မီး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​လႄႈ​ဝႃႈ၊ မူတ်း​သႂ်​ယူႇ၊ ဝႃႈ​ၼင်ႇ​ၼႆ​ဢေႃႈ။ မၼ်း​မူတ်း​သႂ်​ၵွပ်ႈ​ပိူဝ်ႈ​ဢၼ်​တင်း​တူဝ်​တင်း​ၶိင်း​ၽိူၵ်ႇ​ၵႂႃႇ​ၼၼ်ႉ​ဢေႃႈ။-</verse>
				<verse number="14">ၵူၺ်း​ၵႃႈ ပေႃး​ၼိူဝ်ႉ​ဢၼ်​လႅင်​ႁၢႆ​ပေႃႇ​ဢွၵ်ႇ​မႃး​တီႈ​မၼ်း​ၼၼ်ႉ​ၸိုင်၊ မၼ်း​ဢမ်ႇ​မူတ်း​သႂ်။-</verse>
				<verse number="15">ယိတ်ႈပရေႃးႁဵၵ်ႈ​တၵ်း​လႆႈ​တူၺ်း​ၼိူဝ်ႉ ဢၼ်​လႅင်​ႁၢႆ​ၼၼ်ႉ​လႄႈ ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​ဢမ်ႇ​မူတ်း​သႂ်၊ ဝႃႈ​ၼင်ႇ​ၼႆ​ဢေႃႈ။ ၼိူဝ်ႉ​ဢၼ်​လႅင်​ႁၢႆ​ၼၼ်ႉ ဢမ်ႇ​မူတ်း​သႂ်၊ ပဵၼ်​တုတ်ႈ​ဢေႃႈ။-</verse>
				<verse number="16">ပေႃး​ၼိူဝ်ႉ​ဢၼ်​လႅင်​ႁၢႆ​ၼၼ်ႉ​ၶၢႆႉ​ပုတ်ႈ​သေ​လႄႈ သမ်ႉ​ၶိုၼ်း​ၽိူၵ်ႇ​ၵႂႃႇ​ၸိုင်၊ မၼ်း​တၵ်း​သမ်ႉ​လႆႈ​ၶိုၼ်း​မႃး​ၵႃႈ​တီႈ​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="17">ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​တူၺ်း​မၼ်း​လႄႈ၊ ပေႃး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ သမ်ႉ​ၶိုၼ်း​ၽိူၵ်ႇ​ၵႂႃႇ​ယဝ်ႉ​ၸိုင်၊ ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ဢၼ်​မီး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ မူတ်း​သႂ်​ဢေႃႈ၊ ဝႃႈ​ၼင်ႇ​ၼႆ​လႄႈ၊ မၼ်း​ၼၼ်ႉ​မူတ်း​သႂ်​ယူႇ​ဢေႃႈ။</verse>
				<verse number="18">ပေႃး​ပဵၼ်​ၽီ ၵႃႈ​တီႈ​ၼင်​ၼိူဝ်ႉ​လႄႈ​ႁၢႆ​သေ​ယဝ်ႉ၊-</verse>
				<verse number="19">တုမ်ႇ​ဢၼ်​ၽိူၵ်ႇ​ဝႆႉ၊ ဢမ်ႇ​ၼၼ် ၵႂၢၵ်ႈ​ဢၼ်​ၽိူၵ်ႇ​လႅင်​ဝႆႉ​ၼၼ်ႉ​ပေႃႇ​ဢွၵ်ႇ​မႃး​ၵႃႈ​တီႈ​ႁွႆႈ​ၸဵပ်း​ၼၼ်ႉ​ၸိုင်၊ တၵ်း​လႆႈ​ဢဝ်​ၼႄ​ပျႃး​တီႈ​ယိတ်ႈပရေႃးႁဵၵ်ႈ​လႄႈ၊-</verse>
				<verse number="20">ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​တူၺ်း​လႄႈ၊ ပေႃး​မိူၼ်​ၼင်ႇ​ႁၢင်ႈ​ၸပ်း​ၸွႆး​ၵႃႈ​တႂ်ႈ​ၼင်​လႄႈ ၶူၼ်​မၼ်း​ၽိူၵ်ႇ​ဝႆႉ​ၸိုင်၊ ယိတ်ႈပရေႃးႁဵၵ်ႈ​တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​ဢမ်ႇ​မူတ်း​သႂ်​၊ ဝႃႈ​ၼင်ႇ​ၼႆ​ဢေႃႈ။ ပဵၼ်​တုတ်ႈ​ဢၼ်​ဢွၵ်ႇ​ၵႃႈ​ၼႂ်း​ၽီ​ၼၼ်ႉ​ဢေႃႈ။-</verse>
				<verse number="21">ၵူၺ်း​ၵႃႈ မိူဝ်ႈ​ဢၼ်​ယိတ်ႈပရေႃးႁဵၵ်ႈ​တူၺ်း​ၼၼ်ႉ၊ ပေႃး​ဢမ်ႇ​မီး​ၶူၼ်​ဢၼ်​ၽိူၵ်ႇ​ဝႆႉ၊ ဢမ်ႇ​ၸပ်း​ၸွႆး​ၵႃႈ​တႂ်ႈ​ၼင်​မၼ်း​လႄႈ ပဵၼ်​ႁၢမ်ႉ​လမ်​လမ်​ဝႆႉ​ၸိုင်၊ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၵေႃႉ​ၼၼ်ႉ​ၶျုၵ်ႈ​ဝႆႉ​ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="22">ပေႃး​ယႂ်ႇ​ၽႄႈ​မႃး​ၵႃႈ​ၼႂ်း​ၼင်​မၼ်း​ၸိုင်၊ ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​ဢမ်ႇ​မူတ်း​သႂ်၊ ဝႃႈ​ၼင်ႇ​ၼႆ​ဢေႃႈ။ ပဵၼ်​တုတ်ႈ​ဢေႃႈ။-</verse>
				<verse number="23">ဢမ်ႇ​ၼၼ်​ၵေႃႈ ပေႃး​ၵႂၢၵ်ႈ​ၼၼ်ႉ​ဢမ်ႇ​ၶၢႆႉ​တီႈ၊ ဢမ်ႇ​ယႂ်ႇ​ၽႄႈ​မႃး​ၸိုင်၊ ပဵၼ်​ႁွႆး​ၸဵပ်း​ၽီ​ဢေႃႈ။ ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​မူတ်း​သႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">ပေႃး​မီး​တၢင်း​ၸဵပ်း​ၽႆး​မႆႈ​ၵႃႈ​တီႈ​ၼင်​ၼိူဝ်ႉ​လႄႈ၊ ၼိူဝ်ႉ​လႅင်​တၢင်း​ၸဵပ်း​ၽႆး​မႆႈ​ၼၼ်ႉ မီး​ၵႂၢၵ်ႈ​ဢၼ်​ၽိူၵ်ႇ​လႅင်​ဝႆႉ၊ ဢမ်ႇ​ၼၼ်​ၵေႃႈ ၽိူၵ်ႇ​ဝႆႉ​ၼၼ်ႉ​ၸိုင်၊-</verse>
				<verse number="25">ယိတ်ႈပရေႃးႁဵၵ်ႈ​တၵ်း​လႆႈ​တူၺ်း​ဢေႃႈ။ ပေႃး​ၶူၼ်​ၵႂၢၵ်ႈ​ၼၼ်ႉ​ၽိူၵ်ႇ​ၵႂႃႇ​ယဝ်ႉ​လႄႈ မိူၼ်​ၼင်ႇ​ႁၢင်ႈ​ၸပ်း​ၸွႆး​ၵႃႈ​တႂ်ႈ​ၼင်​မၼ်း​ၸိုင် ပဵၼ်​တုတ်ႈ​ဢၼ်​ဢွၵ်ႇ​ၵႃႈ​ၼႂ်း​တၢင်း​ၸဵပ်း​ၽႆး​မႆႈ​ၼၼ်ႉ​ဢေႃႈ။ ယိတ်ႈပရေႃးႁဵၵ်ႈ​တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​ဢမ်ႇ​မူတ်း​သႂ်၊ ဝႃႈ​ၼင်ႇ​ၼႆ​ဢေႃႈ။ ပဵၼ်​တုတ်ႈ​ဢေႃႈ။-</verse>
				<verse number="26">မိူဝ်ႈ​ဢၼ်​ယိတ်ႈပရေႃးႁဵၵ်ႈ​တူၺ်း​ၼၼ်ႉ၊ ပေႃး​ဢမ်ႇ​မီး​ၶူၼ်​ဢၼ်​ၽိူၵ်ႇ​ဝႆႉ​ၼၼ်ႉ ၵႃႈ​တီႈ​ၵႂၢၵ်ႈ​ၼၼ်ႉ၊ ဢမ်ႇ​ၸပ်း​ၸွႆး​ၵႃႈ​တႂ်ႈ​ၼင်​မၼ်း​လႄႈ ပဵၼ်​ႁၢမ်ႉ​လမ်​လမ်​ဝႆႉ​ၸိုင်၊ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၵေႃႉ​ၼၼ်ႉ​ၶျုၵ်ႈ​ဝႆႉ​ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="27">ဝၼ်း​သတ်ႉတမႃႉ​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​တူၺ်း​ၵေႃႉ​ၼၼ်ႉ​လႄႈ၊ ပေႃး​ၵႂၢၵ်ႈ​ၼၼ်ႉ​ယႂ်ႇ​ၽႄႈ​မႃး​ၵႃႈ​တီႈ​ၼင်​မၼ်း​ၸိုင်၊ ယိတ်ႈပရေႃးႁဵၵ်ႈ​တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​ဢမ်ႇ​မူတ်း​သႂ်၊ ဝႃႈ​ၼင်ႇ​ၼႆ​ဢေႃႈ။ ပဵၼ်​တုတ်ႈ​ဢေႃႈ။-</verse>
				<verse number="28">ဢမ်ႇ​ၼၼ်​ၵေႃႈ ပေႃး​ၵႂၢၵ်ႈ​ၼၼ်ႉ​ဢမ်ႇ​ၶၢႆႉ​တီႈ၊ ဢမ်ႇ​ယႂ်ႇ​ၽႄႈ​မႃး​ၵႃႈ​တီႈ​ၼင်​မၼ်း​လႄႈ ပဵၼ်​ႁၢမ်ႉ​လမ်​လမ်​ဝႆႉ​ၸိုင်၊ ယိတ်ႈပရေႃးႁဵၵ်ႈ​တၵ်း​လႆႈ​ၸီႇ​ယၢင်ႇ​တီႈ​ၵေႃႉ​ၼၼ်ႉ​လႄႈ​ဝႃႈ မူတ်း​သႂ်​ယူႇ၊ ဝႃႈ​ၼင်ႇ​ၼႆ​ဢေႃႈ။ ပဵၼ်​ႁွႆး​ၸဵပ်း​ၽႆး​မႆႈ​ၵူၺ်း​ဢေႃႈ။</verse>
				<verse number="29">ပေႃး​ၵူၼ်း​ၸၢႆး​ၵူၼ်း​ယိင်း​မီး​တၢင်း​ဢၼ်​ပေႃႇ​ဢွၵ်ႇ​မႃး​ၵႃႈ​တီႈ​ႁူဝ်​မၼ်း၊ ဢမ်ႇ​ၼၼ် ၵႃႈ​တီႈ​ၵႅမ်ႈ​မၼ်း​ၵၢင်း​မၼ်း​ၸိုင်၊-</verse>
				<verse number="30">ယိတ်ႈပရေႃးႁဵၵ်ႈ​တၵ်း​လႆႈ​တူၺ်း​လႄႈ၊ ပေႃး​မိူၼ်​ၼင်ႇ​ႁၢင်ႈ​ၸပ်း​ၸွႆး​ၵႃႈ​တႂ်ႈ​ၼင်​လႄႈ မီး​ၶူၼ်​ဢၼ်​လိူင်​လိူင်​သေး​သေး​ဝႆႉ​ၸိုင်၊ ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​ဢမ်ႇ​မူတ်း​သႂ်၊ ဝႃႈ​ၼင်ႇ​ၼႆ​ဢေႃႈ။ ၵႃႈ​တီႈ​ႁူဝ်​သေ​ဢမ်ႇ​ဝႃႈ၊ ၵႃႈ​တီႈ​ၵႅမ်ႈ​တီႈ​ၵၢင်း​သေ​ဢမ်ႇ​ဝႃႈ၊ ပဵၼ်​ၶႆး​ၽွၵ်ႈ ပဵၼ်​တုတ်ႈ​ဢေႃႈ။-</verse>
				<verse number="31">မိူဝ်ႈ​ဢၼ်​ယိတ်ႈပရေႃးႁဵၵ်ႈ​တူၺ်း​တၢင်း​ဢၼ်​ၶႆး​ၽွၵ်ႈ​ပေႃႇ​ဢွၵ်ႇ​မႃး​ၼၼ်ႉ၊ ပေႃး​ဢမ်ႇ​မိူၼ်​ၼင်ႇ​ႁၢင်ႈ ၸပ်း​ၸွႆး​ၵႃႈ​တႂ်ႈ​ၼင်​လႄႈ ဢမ်ႇ​မီး​ၶူၼ်​ဢၼ်​လမ်​ၸိုင်၊ ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ဢဝ်​ၵေႃႉ​ဢၼ်​မီး​တၢင်း​ဢၼ်​ၶႆး​ၽွၵ်ႈ​ပေႃႇ​ဢွၵ်ႇ​မႃး​ၼၼ်ႉ ၶျုၵ်ႈ​ဝႆႉ​ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="32">ဝၼ်း​သတ်ႉတမႃႉ​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​တူၺ်း​တၢင်း​ဢၼ်​ပေႃႇ​ဢွၵ်ႇ​ၼၼ်ႉ​လႄႈ၊ ပေႃး​ၶႆး​ၽွၵ်ႈ​ၼၼ်ႉ​ဢမ်ႇ​ယႂ်ႇ​ၽႄႈ၊ ဢမ်ႇ​မီး​ၶူၼ်​ဢၼ်​လိူင်​လိူင်​ဝႆႉ၊ ဢမ်ႇ​မိူၼ်​ၼင်ႈ​ႁၢင်ႈ​ၸပ်း​ၸွႆး​ၵႃႈ​တႂ်ႈ​ၼင်​မၼ်း​ၸိုင်၊-</verse>
				<verse number="33">တၵ်း​လႆႈ​ႁူၼ်​ထႃ​ၶူၼ်​ၵေႃႉ​ၼၼ်ႉ​ပႅတ်ႈ​ဢေႃႈ။ ၶူၼ်​ၵႃႈ​တီႈ​ၶႆး​ၽွၵ်ႈ​ၼၼ်ႉ​ၸမ်ႉ၊ ဢမ်ႇ​လႆႈ​ႁူၼ်​လႆႈ​ထႃ။ ယိတ်ႈပရေႃးႁဵၵ်ႈ​တၵ်း​လႆႈ​သမ်ႉ​ၶိုၼ်း​ဢဝ်​မၼ်း​ၶျုၵ်ႈ​ဝႆႉ​ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="34">ဝၼ်း​သတ်ႉတမႃႉ​ၼၼ်ႉ၊ ယိတ်ႈပရေႃးႁဵၵ်ႈ​တၵ်း​လႆႈ​တူၺ်း​ၶႆး​ၽွၵ်ႈ​ၼၼ်ႉ​လႄႈ၊ ပေႃး​ၶႆး​ၽွၵ်ႈ​ၼၼ်ႉ​ဢမ်ႇ​ယႂ်ႇ​ၽႄႈ​ၵႃႈ​တီႈ​ၼင်၊ ဢမ်ႇ​မိူၼ်​ၼင်ႇ​ႁၢင်ႈ​ၸပ်း​ၸွႆး​ၵႃႈ​တႂ်ႈ​ၼင်​ၸိုင်၊ ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​မူတ်း​သႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵေႃႉ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​သေ​လႄႈ လႆႈ​မူတ်း​သႂ်​ဢေႃႈ။-</verse>
				<verse number="35">ပေႃး​ၶႆး​ၽွၵ်ႈ​ၼၼ်ႉ​ယႂ်ႇ​ၽႄႈ​မႃး​ၵႃႈ​တီႈ​ၼင်​မၼ်း​လိုၼ်း​သေ​မၼ်း​မူတ်း​သႂ်​ယဝ်ႉ​ၼၼ်ႉ​ၸိုင်၊-</verse>
				<verse number="36">ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​သမ်ႉ​ၶိုၼ်း​တူၺ်း​ၵေႃႉ​ၼၼ်ႉ​လႄႈ၊ ပေႃး​ၶႆး​ၽွၵ်ႈ​ၼၼ်ႉ​ယႂ်ႇ​ၽႄႈ​ၵႃႈ​တီႈ ၼင်​မၼ်း​ၸိုင်၊ ယိတ်ႈပရေႃးႁဵၵ်ႈ​ဢမ်ႇ​လႆႈ​ႁႃ ၶူၼ်​ဢၼ်​လိူင်​လိူင်​ဝႆႉ​ၼၼ်ႉ​ယဝ်ႉ။ ၵေႃႉ​ၼၼ်ႉ​ဢမ်ႇ​မူတ်း​သႂ်။-</verse>
				<verse number="37">ဢမ်ႇ​ၼၼ်​ၵေႃႈ ပေႃး​ၶႆး​ၽွၵ်ႈ​ၼၼ်ႉ​မိူၼ်​ၼင်ႇ​ႁၢင်ႈ​ၵိုတ်း​သဝ်း​ယူႇ​လႄႈ ၶူၼ်​ဢၼ်​လမ်​လမ်​ဝႆႉ ဢွၵ်ႇ​မႃး​ၸိုင်၊ ၶႆး​ၽွၵ်ႈ​ၼၼ်ႉ​ႁၢႆ​လႄႈ ၵေႃႉ​ၼၼ်ႉ​မူတ်း​သႂ်​ယူႇ​ဢေႃႈ။ ယိတ်ႈပရေႃးႁဵၵ်ႈ​တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​မူတ်း​သႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="38">ပေႃး​ၵူၼ်း​ၸၢႆး​ၵူၼ်း​ယိင်း​မီး​ၵႂၢၵ်ႈ​ၵႃႈ​တီႈ​ၼင်​ၼိူဝ်ႉ​ၶဝ်​ဢၼ်​ဝႃႈ ၵႂၢၵ်ႈ​ဢၼ်​ၽိူၵ်ႇ​ဝႆႉ​ၼၼ်ႉ​ၸိုင်၊-</verse>
				<verse number="39">ယိတ်ႈပရေႃးႁဵၵ်ႈ​တၵ်း​လႆႈ​တူၺ်း​လႄႈ၊ ပေႃး​ၵႂၢၵ်ႈ​ဢၼ်​မီး​ၵႃႈ​တီႈ​ၼင်​ၼိူဝ်ႉ​ၶဝ်​ၼၼ်ႉ မီး​ႁၢင်ႈ​ၽၢင်​ဢၼ်​မူၼ်ႇ​ၵႄႇ​ဝႆႉ​ၸိုင်၊ ပဵၼ်​လၢင်ႇ​ဢၼ်​ဢွၵ်ႇ​ၵႃႈ​တီႈ​ၼင်​ဢေႃႈ။ ၵေႃႉ​ၼၼ်ႉ​မူတ်း​သႂ်​ယူႇ​ဢေႃႈ။-</verse>
				<verse number="40">ၵေႃႉ​ဢၼ်​ၶူၼ်​ႁူဝ်​ႁူင်ႈ​ၼၼ်ႉ၊ ႁူဝ်​ၵဵင်ႈ​သေ​ၵေႃႈ မူတ်း​သႂ်​ယူႇ​ဢေႃႈ။-</verse>
				<verse number="41">ၵေႃႉ​ဢၼ်​ၶူၼ်​ႁူဝ်​ၼႃႈ​ၽၢၵ်ႇ​ႁူင်ႈ​ၼၼ်ႉ၊ ၼႃႈ​ၽၢၵ်ႇ​ၵဵင်ႈ​သေ​ၵေႃႈ မူတ်း​သႂ်​ယူႇ​ဢေႃႈ။-</verse>
				<verse number="42">ၵႃႈ​တီႈ​ႁူဝ်​ဢၼ်​ၵဵင်ႈ​သေ​ဢမ်ႇ​ဝႃႈ၊ ၵႃႈ​တီႈ​ၼႃႈ​ၽၢၵ်ႇ​ဢၼ်​ၵဵင်ႈ​သေ​ဢမ်ႇ​ဝႃႈ၊ ပေႃး​တၢင်း​ဢၼ်​ပေႃႇ​ဢွၵ်ႇ​မႃး​လႄႈ ၽိူၵ်ႇ​လႅင်​ဝႆႉ​ၸိုင် ပဵၼ်​တုတ်ႈ​ဢၼ်​ဢွၵ်ႇ​ၵႃႈ​တီႈ​ႁူဝ်​ဢၼ်​ၵဵင်ႈ၊ ဢမ်ႇ​ၼၼ် ၵႃႈ​တီႈ​ၼႃႈ​ၽၢၵ်ႇ​ဢၼ်​ၵဵင်ႈ​ၼၼ်ႉ​ဢေႃႈ။-</verse>
				<verse number="43">မိူဝ်ႈ​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​တူၺ်း​ၵေႃႉ​ၼၼ်ႉ​လႄႈ၊ ပေႃး​တုမ်ႇ​တၢင်း​ဢၼ်​ပေႃႇ​ဢွၵ်ႇ​မႃး​ၵႃႈ​တီႈ​ႁူဝ်​ဢၼ်​ၵဵင်ႈ ၼႃႈ​ၽၢၵ်ႇ​ဢၼ်​ၵဵင်ႈ​ၼၼ်ႉ ၽိူၵ်ႇ​လႅင်​ဝႆႉ​မိူၼ်​ၸိူဝ်ႉ​ၼင်ႇ​တုတ်ႈ​ၵႃႈ​တီႈ​ၼင်​ၼိူဝ်ႉ​ၼၼ်ႉ​ၸိုင်၊-</verse>
				<verse number="44">ၵေႃႉ​ၼၼ်ႉ​ဢမ်ႇ​မူတ်း​သႂ်။ ပဵၼ်​ၵူၼ်း​တုတ်ႈ​ဢေႃႈ။ ၵွပ်ႈ​ပိူဝ်ႈ​ဢၼ် တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​မီး​ၵႃႈ​တီႈ​ႁူဝ်​မၼ်း​လႄႈ၊ ယိတ်ႈပရေႃးႁဵၵ်ႈ​တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​ဢမ်ႇ​မူတ်း​သႂ်​လႃး​လႃး၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="45">ၵေႃႉ​ဢၼ်​ပဵၼ်​တုတ်ႈ​ၼၼ်ႉ​တၵ်း​လႆႈ​ၼုင်ႈ​ၶူဝ်း​ၼုင်ႈ​ဢၼ်​သိၵ်ႇ​ၼၼ်ႉ​ဢေႃႈ။ ၶူၼ်​ႁူဝ်​မၼ်း​ၵေႃႈ​တၵ်း​လႆႈ​ၽႄႇ​ဝႆႉ​ဢေႃႈ။ မၼ်း​တၵ်း​လႆႈ​ႁူမ်ႇ​သီႇ​သူပ်း​ၽၢႆႇ​ၼိူဝ်​သေ​လႄႈ​ႁွင်ႉ​သႅၼ်ႇ​လႄႈ​ဝႃႈ၊ ဢမ်ႇ​မူတ်း​သႂ်၊ ဢမ်ႇ​မူတ်း​သႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="46">ၶိင်ႇ​ၵႃႇလႃႉ​မိုဝ်ႉ​ဝၼ်း​ၵႃႈ​ဢၼ်​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ ယင်း​မီး​ယူႇ​တီႈ​မၼ်း​ၼၼ်ႉ​တဵမ်​တဵမ်၊ မၼ်း​ၵူဝ်ႈ​ၵိူၵ်ႇ​ယူႇ​ဢေႃႈ။ မၼ်း​ဢမ်ႇ​မူတ်း​သႂ်​လႄႈ တၵ်း​လႆႈ​ယူႇ​ၵေႃႉ​လဵဝ်​ၵူၺ်း​မၼ်း​ဢေႃႈ။ တီႈ​ဢၼ်​မၼ်း​ယူႇ​ၼၼ်ႉ တၵ်း​လႆႈ​မီး​ၵႃႈ​ၼွၵ်ႈ​တပ်ႉ​ဢေႃႈ။</verse>
				<verse number="47">ပိူင်​လဵဝ်​ၵၼ် ၶူဝ်း​ၼုင်ႈ​ဢၼ်​မီး​တၢင်း​ဢၼ်​တုတ်ႈ​ပေႃႇ​ဢွၵ်ႇ​မႃး​ၵႃႈ​ၼႂ်း​မၼ်း​ၼၼ်ႉ ပဵၼ်​ၶူဝ်း​ၼုင်ႈ​ပိၵ်ႈ​သေ​ဢမ်ႇ​ဝႃႈ၊ ပဵၼ်​ၶူဝ်း​ၼုင်ႈ​ၶူၼ်​သူဝ်း​သေ​ဢမ်ႇ​ဝႃႈ၊-</verse>
				<verse number="48">ပဵၼ်​သၢႆ​ႁုၵ်ႇ​သေ​ဢမ်ႇ​ဝႃႈ၊ ပဵၼ်​မႆ​ဢၼ်​တၵ်း​တမ်ႇ​တၵ်း​တေႃး​ၼၼ်ႉ​သေ​ဢမ်ႇ​ဝႃႈ၊ ပဵၼ်​ပိၵ်ႈ​သေ​ဢမ်ႇ​ဝႃႈ၊ ပဵၼ်​ၶူၼ်​သူဝ်း​သေ​ဢမ်ႇ​ဝႃႈ၊ ပဵၼ်​ၼင်​သေ​ဢမ်ႇ​ဝႃႈ၊ ပဵၼ်​ၶိူင်ႈ​ဢၼ်​ဢဝ်​ၼင်​ႁဵတ်း​ၼၼ်ႉ​သေ​ဢမ်ႇ​ဝႃႈ၊-</verse>
				<verse number="49">ပေႃး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ ပဵၼ်​ႁၢမ်ႉ​ၶဵဝ်​ၶဵဝ်၊ ဢမ်ႇ​ၼၼ် ႁၢမ်ႉ​လႅင်​လႅင်​ဝႆႉ​ၵႃႈ​တီႈ​ၶူဝ်း​ၼုင်ႈ​ၼၼ်ႉ၊ ဢမ်ႇ​ၼၼ် ၵႃႈ​တီႈ​ၼင်​ၼၼ်ႉ၊ ဢမ်ႇ​ၼၼ် ၵႃႈ​တီႈ​သၢႆ​ႁုၵ်ႇ​ၼၼ်ႉ၊ ဢမ်ႇ​ၼၼ် ၵႃႈ​တီႈ​မႆ​ဢၼ်​တၵ်း​တမ်ႇ​တၵ်း​တေႃး​ၼၼ်ႉ၊ ဢမ်ႇ​ၼၼ် ၵႃႈ​တီႈ​ၶိူင်ႈ​ဢၼ်​ဢဝ်​ၼင်​ႁဵတ်း​ၼၼ်ႉ ၸိူဝ်း​ၼၼ်ႉ​ၸိုင်၊ ပဵၼ်​တၢင်း​ဢၼ်​တုတ်ႈ​ပေႃႇ​ဢွၵ်ႇ​မႃး​ၼၼ်ႉ​ဢေႃႈ။ တၵ်း​လႆႈ​ဢဝ်​ၼႄ​ပျႃး​တီႈ​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="50">ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​တူၺ်း​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​လႄႈ ဢဝ်​ၶူဝ်း​ၼုင်ႈ​ဢၼ်​မီး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ သိမ်း​ဝႆႉ​ၸဵတ်း​ဝၼ်း​ဢေႃႈ။-</verse>
				<verse number="51">ဝၼ်း​သတ်ႉတမႃႉ​ၼၼ်ႉ မၼ်း​တၵ်း​လႆႈ​သမ်ႉ​ၶိုၼ်း​တူၺ်း​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​လႄႈ ပေႃး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ ယႂ်ႇ​ၽႄႈ​မႃး​ၵႃႈ​တီႈ​ၶူဝ်း​ၼုင်ႈ​ၼၼ်ႉ၊ ပဵၼ်​သၢႆ​ႁုၵ်ႇ​သေ​ဢမ်ႇ​ဝႃႈ၊ ပဵၼ်​မႆ​ဢၼ်​တၵ်း​တမ်ႇ​တၵ်း​တေႃး​ၼၼ်ႉ​သေ​ဢမ်ႇ​ဝႃႈ၊ ပဵၼ်​ၼင်​သေ​ဢမ်ႇ​ဝႃႈ၊ ပဵၼ်​ၶိူင်ႈ​ဢၼ်​ဢဝ်​ၼင်​ႁဵတ်း​ၼၼ်ႉ​သေ​ဢမ်ႇ​ဝႃႈ​ၼၼ်ႉ​ၸိုင်၊ တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​ပဵၼ်​တုတ်ႈ ဢၼ်​ၸၢင်ႈ​ၵိၼ်​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်။-</verse>
				<verse number="52">ၶူဝ်း​ၼုင်ႈ​ဢၼ်​မီး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ ပဵၼ်​သၢႆ​ႁုၵ်ႇ​သေ​ဢမ်ႇ​ဝႃႈ၊ ပဵၼ်​မႆ​ဢၼ်​တၵ်း​တမ်ႇ​တၵ်း​တေႃး​ၼၼ်ႉ​သေ​ဢမ်ႇ​ဝႃႈ၊ ပဵၼ်​ၶူၼ်​သူဝ်း​သေ​ဢမ်ႇ​ဝႃႈ၊ ပဵၼ်​ပိၵ်ႈ​သေ​ဢမ်ႇ​ဝႃႈ၊ ပဵၼ်​ၶိူင်ႈ​ၼင်​သေ​ဢမ်ႇ​ဝႃႈ​ၼၼ်ႉ​ၸိုင်၊ တၵ်း​လႆႈ​ဢဝ်​တုတ်ႇ​ၽႆး​ပႅတ်ႈ​ဢေႃႈ။ ပဵၼ်​တုတ်ႈ​ဢၼ်​ၸၢင်ႈ​ၵိၼ်​ဢေႃႈ။ တၵ်း​လႆႈ​ဢဝ်​တုတ်ႇ​ၽႆး​ပႅတ်ႈ​သေ​ဢေႃႈ။-</verse>
				<verse number="53">ပေႃး​ယိတ်ႈပရေႃးႁဵၵ်ႈ​တူၺ်း​လႄႈ တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ ဢမ်ႇ​ယႂ်ႇ​ၽႄႈ​မႃး​ၵႃႈ​တီႈ​ၶူဝ်း​ၼုင်ႈ​ၼၼ်ႉ၊ ပဵၼ်​သၢႆ​ႁုၵ်ႇ​သေ​ဢမ်ႇ​ဝႃႈ၊ ပဵၼ်​မႆ​ဢၼ်​တၵ်း​တမ်ႇ​တၵ်း​တေႃး​ၼၼ်ႉ​သေ​ဢမ်ႇ​ဝႃႈ၊ ပဵၼ်​ၶိူင်ႈ​ၼင်​သေ​ဢမ်ႇ​ဝႃႈ​ၼၼ်ႉ​ၸိုင်၊-</verse>
				<verse number="54">ယိတ်ႈပရေႃးႁဵၵ်ႈ​တၵ်း​လႆႈ​ၸီႇ​ယၢင်ႇ​ႁႂ်ႈ​ၶဝ်​လႆႈ​ဢဝ်​ၶိူင်ႈ​ဢၼ်​မီး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ သၵ်ႉ​လွႆး​လႄႈ သမ်ႉ​ၶိုၼ်း​သိမ်း​ဝႆႉ​ၸဵတ်း​ဝၼ်း​ဢေႃႈ။-</verse>
				<verse number="55">သၵ်ႉ​လွႆး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​သေ​ယဝ်ႉ၊ ယိတ်ႈပရေႃးႁဵၵ်ႈ​တၵ်း​လႆႈ​သမ်ႉ​ၶိုၼ်း​တူၺ်း​လႄႈ၊ ပိၵ်ႉ​သမ်ႉ​တၢင်း​ဢၼ် ပေႃႇ​ဢွၵ်ႇ​မႃး​ၼၼ်ႉ ႁၢင်ႈ​ၽၢင်​ဢမ်ႇ​ၶၢႆႉ​ပုတ်ႈ​လႄႈ ဢမ်ႇ​ယႂ်ႇ​ၽႄႈ​မႃး​သေ​ၵေႃႈ၊ ဢမ်ႇ​မူတ်း​သႂ်။ မႂ်း​တၵ်း​လႆႈ​ဢဝ်​တုတ်ႇ​ၽႆး​ပႅတ်ႈ​သေ​ဢေႃႈ။ ပဵၼ်​တီႈ​ၶူင်ႈ​ဢၼ်​ၽင်ႉ​လၢၼ်ႈ​ၵႂႃႇ​ဢေႃႈ။ ပဵၼ်​ၵႃႈ​ၼႂ်း​သေ​ဢမ်ႇ​ဝႃႈ၊ ပဵၼ်​ၵႃႈ​ၼွၵ်ႈ​သေ​ဢမ်ႇ​ဝႃႈ၊ ပဵၼ်​ဢၼ်​ပဝ်ႇ​ဢၼ်​လၢပ်ႈ​ဢေႃႈ။-</verse>
				<verse number="56">ပေႃး​ယိတ်ႈပရေႃးႁဵၵ်ႈ​တူၺ်း​လႄႈ​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ ပဵၼ်​ႁၢမ်ႉ​လမ်​လမ်​ဝႆႉ လိုၼ်း​သေ​သၵ်ႉ​လွႆး​ယဝ်ႉ​ၼၼ်ႉ​ၸိုင်၊ ၵႃႈ​ၼႂ်း​ၶူဝ်း​ၼုင်ႈ​ၼၼ်ႉ​သေ​ဢမ်ႇ​ဝႃႈ၊ ၵႃႈ​ၼႂ်း​ၼင်​ၼၼ်ႉ​သေ​ဢမ်ႇ​ဝႃႈ၊ ၵႃႈ​ၼႂ်း​သၢႆ​ႁုၵ်ႇ​ၼၼ်ႉ​သေ​ဢမ်ႇ​ဝႃႈ၊ ၵႃႈ​ၼႂ်း​မႆ​ဢၼ်​တၵ်း​တမ်ႇ​တၵ်း​တေႃး​ၼၼ်ႉ​သေ​ဢမ်ႇ​ဝႃႈ၊ မၼ်း​တၵ်း​လႆႈ​ဢဝ်​သိၵ်ႇ​ဢွၵ်ႇ​ပႅတ်ႈ​သေ​ဢေႃႈ။-</verse>
				<verse number="57">လိုၼ်း​ၼၼ်ႉ ပေႃး​သမ်ႉ​ၶိုၼ်း​ပေႃႇ​ဢွၵ်ႇ​မႃး​ၵႃႈ​တီႈ​ၶူဝ်း​ၼုင်ႈ​ၼၼ်ႉ​သေ​ဢမ်ႇ​ဝႃႈ၊ ၵႃႈ​တီႈ​သၢႆ​ႁုၵ်ႇ​ၼၼ်ႉ​သေ​ဢမ်ႇ​ဝႃႈ၊ ၵႃႈ​တီႈ​မႆ​ဢၼ်​တၵ်း​တမ်ႇ​တၵ်း​တေႃး​ၼၼ်ႉ​သေ​ဢမ်ႇ​ဝႃႈ၊ ၵႃႈ​တီႈ​ၶိူင်ႈ​ၼင်​ၼၼ်ႉ​သေ​ဢမ်ႇ​ဝႃႈ​ၼၼ်ႉ​ၸိုင်၊ ပဵၼ်​တၢင်း​ဢၼ်​ပေႃႇ​ဢွၵ်ႇ​မႃး​ဢၼ်​ၸၢင်ႈ​ယႂ်ႇ​ၽႄႈ​မႃး​ဢေႃႈ။ မႂ်း​တၵ်း​လႆႈ​ဢဝ်​ၶိူင်ႈ​ဢၼ်​မီး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ တုတ်ႇ​ၽႆး​ပႅတ်ႈ​သေ​ဢေႃႈ။-</verse>
				<verse number="58">ၶူဝ်း​ၼုင်ႈ​ဢၼ်​မႂ်း​တၵ်း​လႆႈ​သၵ်ႉ​လွႆး​ၼၼ်ႉ ပဵၼ်​သၢႆ​ႁုၵ်ႇ​သေ​ဢမ်ႇ​ဝႃႈ၊ ပဵၼ်​မႆ​ဢၼ်​တၵ်း​တမ်ႇ​တၵ်း​တေႃး​သေ​ဢမ်ႇ​ဝႃႈ၊ ပဵၼ်​ၶိူင်ႈ​ၼင်​သေ​ဢမ်ႇ​ဝႃႈ​ၼၼ်ႉ၊ ပေႃး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​ႁၢႆ​ၸိုင်၊ တၵ်း​လႆႈ​သၵ်ႉ​လွႆး​ပွၵ်ႈ​တူႉတီႉယႃႉ ထႅင်ႈ​ပွၵ်ႈ​ၼိုင်ႈ​လႄႈ တၵ်း​လႆႈ​မူတ်း​သႂ်​ဢေႃႈ။-</verse>
				<verse number="59">ဢၼ်​ၼႆႉ​ၸမ်ႉ၊ ပဵၼ်​တြႃး​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​တုတ်ႈ​ပေႃႇ​ဢွၵ်ႇ​မႃး​ၵႃႈ​တီႈ​ၶူဝ်း​ၼုင်ႈ ၶူၼ်​သူဝ်း​သေ​ဢမ်ႇ​ဝႃႈ၊ ၵႃႈ​တီႈ​ၶူဝ်း​ၼုင်ႈ​ပိၵ်ႈ​သေ​ဢမ်ႇ​ဝႃႈ၊ ၵႃႈ​တီႈ​သၢႆ​ႁုၵ်ႇ​သေ​ဢမ်ႇ​ဝႃႈ၊ ၵႃႈ​တီႈ​မႆ​ဢၼ်​တၵ်း​တမ်ႇ​တၵ်း​တေႃး​သေ​ဢမ်ႇ​ဝႃႈ၊ ၵႃႈ​တီႈ​ၶိူင်ႈ​ၼင်​သေ​ဢမ်ႇ​ဝႃႈ​ၼၼ်ႉ ႁႂ်ႈ​လႆႈ​ၸီႇ​ယၢင်ႇ​လႄႈ​ဝႃႈ၊ မူတ်း​သႂ် ဢိၵ်ႇ​တင်း​ႁႂ်ႈ​လႆႈ​ၸီႇ​ယၢင်ႇ​လႄႈ​ဝႃႈ၊ ဢမ်ႇ​မူတ်း​သႂ် ဝႃႈ​ၼင်ႇ​ၼႆ​ၼၼ်ႉ​ဢေႃႈ၊ ဝႃႈ​ၼၼ်​ၼႆ​ဢေႃႈ။</verse>
			</chapter>
			<chapter number="14">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="2">တြႃး​ဢၼ်​ၸၢပ်ႈ​သႅင်ႇ​ၵၼ်​တင်း​ၵူၼ်း​တုတ်ႈ ၼႂ်း​ၶိင်ႇ​မိုဝ်ႉ​ဝၼ်း​ဢၼ်​ႁႂ်ႈ​မူတ်း​သႂ်​ၼၼ်ႉ​ၸမ်ႉ၊ တၵ်း​လႆႈ​ႁွင်ႉ​ဢဝ်​မၼ်း​ၼၼ်ႉ​မႃး ၵႃႈ​တီႈ​ယိတ်ႈပရေႃးႁဵၵ်ႈ​လႄႈ၊-</verse>
				<verse number="3">ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ဢွၵ်ႇ​ၸူး​ၵႃႈ​တီႈ​ၼွၵ်ႈ​တပ်ႉ​သေ​လႄႈ ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​တူၺ်း​လႄႈ ပေႃး​တၢင်း​ဢၼ်​တုတ်ႈ ပေႃႇ​ဢွၵ်ႇ​မႃး​ၵႃႈ​တီႈ​ၵူၼ်း​ဢၼ်​ပဵၼ်​တုတ်ႈ​ၼၼ်ႉ​ႁၢႆ​ယဝ်ႉ​ၸိုင်၊-</verse>
				<verse number="4">ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​သင်ႇ​လၢတ်ႈ ႁႂ်ႈ​ဢဝ်​ၼူၵ်ႉ​ဢၼ်​ဢသၢၵ်ႈ​လိပ်း​ယူႇ​လႄႈ​မူတ်း​သႂ်​ၼၼ်ႉ​သွင်​တူဝ်၊ ၼိူဝ်ႉ​မႆႉ​ ဢႃႇရိတ်ႉ ၊ ၸိူၵ်ႈ​ဢၼ်​လႅင်​ၵမ်ႇ၊ တင်း​ယွတ်ႈ​တူၼ်ႈ​ ႁုတ်ႉသူပ်ႇ ​မႃး​ပုၼ်ႈ​ၵေႃႉ​ဢၼ်​ၶၢမ်ႇ​တၢင်း​ဢၼ် ႁႂ်ႈ​မူတ်း​သႂ်​ၼၼ်ႉ​ဢေႃႈ။-</verse>
				<verse number="5">ၵမ်း​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​သင်ႇ​လၢတ်ႈ​ႁႂ်ႈ​ဢဝ်​ၼူၵ်ႉ​တူဝ်​ၼိုင်ႈ​တၢႆ​ၵႃႈ​ၼႂ်း​မေႃႈ​လိၼ် ၵႃႈ​ၼိူဝ်​ၼမ်ႉ​ဢၼ် ဢဝ်​ၼမ်ႉ​ဢၼ်​လႆ​ၵႂႃႇ​ယူႇ​ၼၼ်ႉ သႂ်ႇ​ဝႆႉ​ၼၼ်ႉ​သေ​လႄႈ၊-</verse>
				<verse number="6">ၼူၵ်ႉ​ဢၼ်​ဢသၢၵ်ႈ​လိပ်း​ၼၼ်ႉ​ၸိုင်၊ မၼ်း​တၵ်း​လႆႈ​ဢဝ်​ဢိၵ်ႇ​လူၺ်ႈ​ၵၼ်​တင်း​ၼိူဝ်ႉ​မႆႉ​ ဢႃႇရိတ်ႉ ၊ ၸိူၵ်ႈ​ဢၼ်​လႅင်​ၵမ်ႇ၊ တင်း​ယွတ်ႈ​တူၼ်ႈ​ ႁုတ်ႉသူပ်ႇ ​ၸိူဝ်း​ၼၼ်ႉ​လႄႈ ဢဝ်​ၸိူဝ်း​ၼၼ်ႉ​ဢိၵ်ႇ​တင်း​ၼူၵ်ႉ​ဢၼ်​ဢသၢၵ်ႈ​လိပ်း​ၼၼ်ႉ ၸွမ်ႇ​ၸုမ်ႇ​ၵႃႈ​ၼႂ်း​လိူတ်ႈ​ၼူၵ်ႉ​ဢၼ်​ဢဝ်​တၢႆ ၵႃႈ​ၼိူဝ်​ၼမ်ႉ​ဢၼ်​လႆ​ၵႂႃႇ​ၼၼ်ႉ​သေ​ယဝ်ႉ၊-</verse>
				<verse number="7">ဢဝ်​ၽႅတ်း​သႂ်ႇ​ၵႃႈ​ၼိူဝ် ၵေႃႉ​ဢၼ်​ၶၢမ်ႇ​တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ​ၸဵတ်း​ၵမ်း​လႄႈ ၸီႇ​ယၢင်ႇ​လႄႈ​ဝႃႈ၊ ၵေႃႉ​ၼၼ်ႉ​မူတ်း​သႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ လိုၼ်း​ၼၼ်ႉ တၵ်း​လႆႈ​ဢဝ်​ၼူၵ်ႉ​ဢၼ်​ဢသၢၵ်ႈ​လိပ်း​ၼၼ်ႉ ပွႆႇ​လွတ်ႈ​ပႅတ်ႈ​သေ​ၵႃႈ​တီႈ​ၵၢင်​ပၢင်ႇ​ဢေႃႈ။-</verse>
				<verse number="8">ၵေႃႉ​ဢၼ်​ၶၢမ်ႇ​တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ၊ ႁူၼ်​ထႃ​ၶူၼ်​ၼူတ်ႇ​မၼ်း တင်း​သဵင်ႈ​တင်း​မူတ်း​သေ​ယဝ်ႉ၊ ဢၢပ်ႇ​ၼမ်ႉ​သေ​လႄႈ​တၵ်း​လႆႈ​မူတ်း​သႂ်​ဢေႃႈ။ လိုၼ်း​ၼၼ်ႉ မၼ်း​တၵ်း​လႆႈ​ၶဝ်ႈ​ၵႃႈ​ၼႂ်း​တပ်ႉ​ဢေႃႈ။ ၵူၺ်း​ၵႃႈ မၼ်း​တၵ်း​လႆႈ​ယူႇ​ၵႃႈ​ၼွၵ်ႈ​မူဝ်းၵႃႇ​မၼ်း​ၸဵတ်း​ဝၼ်း​ဢေႃႈ။-</verse>
				<verse number="9">ဝၼ်း​သတ်ႉတမႃႉ​ၼၼ်ႉ မၼ်း​တၵ်း​လႆႈ​ႁူၼ်​ထႃ​ၶူၼ်​ႁူဝ်​မၼ်း၊ ၼူတ်ႇ​မၼ်း၊ ၶူၼ်​ႁိမ်း​တႃ​မၼ်း၊ ၶူၼ်​မၼ်း​ၵႃႈ​မီး​ၼၼ်ႉ​လႄႈ သၵ်ႉ​လွႆး​ၶူဝ်း​ၼုင်ႈ​မၼ်း​သေ​ယဝ်ႉ၊ ဢၢပ်ႇ​ၼမ်ႉ​သေ​လႄႈ တၵ်း​လႆႈ​မူတ်း​သႂ်​ဢေႃႈ။-</verse>
				<verse number="10">ဝၼ်း​ဢႃႉထမႃႉ​ၼၼ်ႉ​ၵေႃႈ မၼ်း​တၵ်း​လႆႈ​ဢဝ်​သူဝ်း​ပေႃႈ​ဢွၼ်ႇ ဢၼ်​ဢမ်ႇ​မီး​ဢပႅတ်ႈ​သွင်​တူဝ်၊ သူဝ်း​မႄႈ​ဢၼ်​ဢမ်ႇ​မီး​ဢပႅတ်ႈ​လႄႈ​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ၊ ၽွင်​ၶဝ်ႈ​မုၼ်း ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ ဢေးၽႃႇ ​သိပ်း​ပုၼ်ႈ​ဢဝ်​သၢမ်​ပုၼ်ႈ​တင်း​ၼမ်ႉ​မၼ်း​ လေႃး​ၶႃႉ ​ၼိုင်ႈ​လႄႈ၊-</verse>
				<verse number="11">ယိတ်ႈပရေႃးႁဵၵ်ႈ​ဢၼ်​ႁႂ်ႈ​မူတ်း​သႂ်​ၼၼ်ႉ တၵ်း​လႆႈ​ဢဝ်​ၵေႃႉ​ဢၼ်​ၶၢမ်ႇ​တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ ဢိၵ်ႇ​တင်း​တၢင်း​ပုၵ်ႈ​ၸေႃႇ​ၸိူဝ်း​ၼၼ်ႉ သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး ၵႃႈ​တီႈ​ၽၢႆႇ​ၼႃႈ​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="12">ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ဢဝ်​သူဝ်း​ပေႃႈ​ဢွၼ်ႇ​တူဝ်​ၼိုင်ႈ​ၼၼ်ႉ​လႄႈ ပုၵ်ႈ​ၸေႃႇ​ပုၼ်ႈ​ယိတ်ႈ​ဢၼ်​ၽေႇ​တူႉ​ၸရိူၵ်ႈ​လႄႈ ဢဝ်​တင်း​ၼမ်ႉ​မၼ်း​ လေႃး​ၶႃႉ ​ၼိုင်ႈ​ၼၼ်ႉ ယွင်ႈ​ၵႂႆ​ပုၼ်ႈ​တၢင်း​ပုၵ်ႈ​ၸေႃႇ​ဢၼ်​ယွင်ႈ​ၵႂႆ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="13">မၼ်း​တၵ်း​လႆႈ​ဢဝ်​သူဝ်း​ဢွၼ်ႇ​ၼၼ်ႉ​တၢႆ ၵႃႈ​ၼႂ်း​တီႈ​ဢၼ်​ဢဝ်​တၢႆ​တူဝ်​ယိတ်ႈ​ဢၼ်​ၽေႇ​ဢပႅတ်ႈ​ဢိၵ်ႇ​တင်း​တူဝ်​ယိတ်ႈ ဢၼ်​တုတ်ႇ​ၽႆး​တၢႆ​ၼၼ်ႉ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ယိတ်ႈပရေႃးႁဵၵ်ႈ​ပိူင်ႇ​ဢဝ်​ယိတ်ႈ​ဢၼ်​ၽေႇ​တူႉ​ၸရိူၵ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​ပိူင်ႇ​ဢဝ်​တူဝ်​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ဢေႃႈ။ ပဵၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ဢေႃႈ။-</verse>
				<verse number="14">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​လိူတ်ႈ​တူဝ်​ဢၼ်​ၽေႇ​တူႉ​ၸရိူၵ်ႈ​ဢပႅတ်ႈ​ၼၼ်ႉ​ၵမ်ႈ​ၽွင်ႈ သႂ်ႇ​ၵႃႈ​တီႈ​မႂ်​ႁူ​ၶွၼ်​ၶႂႃ၊ တင်း​မႄႈ​မိုဝ်း​ၶွၼ်​ၶႂႃ၊ တင်း​မႄႈ​တိၼ်​ၶွၼ်​ၶႂႃ ၵေႃႉ​ဢၼ်​တၵ်း​ၶၢမ်ႇ​တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ​ဢေႃႈ။-</verse>
				<verse number="15">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၼမ်ႉ​မၼ်း​ လေႃး​ၶႃႉ ​ ​ၼိုင်ႈ​ၼၼ်ႉ​ၵမ်ႈ​ၽွင်ႈ​လႄႈ ထွၵ်ႇ​သႂ်ႇ​ၵႃႈ​တီႈ​ၽႃႇ​မိုဝ်း​ၶွၼ်​သၢႆႉ​မၼ်း​သေ​ယဝ်ႉ၊-</verse>
				<verse number="16">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၼိဝ်ႉ​ၸီႉ​ၶွၼ်​ၶႂႃ​မၼ်း​ၸုပ်ႉ​သႂ်ႇ​ၵႃႈ​ၼႂ်း​ၼမ်ႉ​မၼ်း​ၼၼ်ႉ​လႄႈ ၽႅတ်း​သႂ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၸဵတ်း​ၵမ်း​ဢေႃႈ။-</verse>
				<verse number="17">ၼမ်ႉ​မၼ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၵႃႈ​တီႈ​မိုဝ်း​မၼ်း​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၵမ်ႈ​ၽွင်ႈ​လႄႈ သႂ်ႇ​ၵႃႈ​တီႈ​မႂ်​ႁူ​ၶွၼ်​ၶႂႃ၊ မႄႈ​မိုဝ်း​ၶွၼ်​ၶႂႃ၊ မႄႈ​တိၼ်​ၶွၼ်ႇ​ၶႂႃ​ၵေႃႉ​ဢၼ်​တၵ်း​ၶၢမ်ႇ​တၢင်း​ဢၼ် ႁႂ်ႈ​မူတ်း​သႂ်​ၼၼ်ႉ ဢိၵ်ႇ​တင်း ၵႃႈ​တီႈ​လိူတ်ႈ​တူဝ်​ယိတ်ႈ ဢၼ်​ၽေႇ​တူႉ​ၸရိူၵ်ႈ​ၼၼ်ႉ​ဢေႃႈ။-</verse>
				<verse number="18">ၼမ်ႉ​မၼ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၵႃႈ​တီႈ​မိုဝ်း​ယိတ်ႈပရေႃးႁဵၵ်ႈ​ၼၼ်ႉ၊ မၼ်း​တၵ်း​လႆႈ​ဢဝ်​ထွၵ်ႇ​သႂ်ႇ​ၵႃႈ​ၼိူဝ်​ႁူဝ်​ၵေႃႉ​ဢၼ်​တၵ်း​ၶၢမ်ႇ​တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ ပုၼ်ႈ​ၵေႃႉ​ၼၼ်ႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="19">လိူဝ်​သေ​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​ပုၵ်ႈ​ၸေႃႇ​ယိတ်ႈ​ဢၼ်​ၽေႇ​ဢပႅတ်ႈ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ ပုၼ်ႈ​ၵေႃႉ​ဢၼ်​တၵ်း​ၶၢမ်ႇ​တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ ၵွပ်ႈ​ပိူဝ်ႈ​တၢင်း​ဢၼ်​မၼ်း​ဢမ်ႇ​မူတ်း​သႂ်​ၼၼ်ႉ​လႄႈ၊ လိုၼ်း​ၼၼ်ႉ ဢဝ်​တူဝ်​ယိတ်ႈ​ဢၼ်​တုတ်ႇ​ၽႆး​တၢႆ​ဢေႃႈ။-</verse>
				<verse number="20">ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​ဢဝ်​တူဝ်​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ၵေႃႉ​ၼၼ်ႉ​သေ​ယဝ်ႉ၊ ၵေႃႉ​ၼၼ်ႉ​တၵ်း​လႆႈ​မူတ်း​သႂ်​ဢေႃႈ။</verse>
				<verse number="21">ပေႃး​ၵေႃႉ​ၼၼ်ႉ​ယၢၵ်ႈ​ၽၢၼ်​လႄႈ​ဢမ်ႇ​တၢတ်ႈ​ၼိူင်ႇ​လႆႈ​ထၢၼ်ႇ​ၼႆႉ​ၸိုင်၊ မၼ်း​တၵ်း​လႆႈ​ဢဝ်​သူဝ်း​ပေႃႈ​ဢွၼ်ႇ ပုၼ်ႈ​ယိတ်ႈ​ဢၼ်​ၽေႇ​တူႉ​ၸရိူၵ်ႈ​ပုၼ်ႈ​ဢၼ်​တၵ်း​ယွင်ႈ​ၵႂႆ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​မၼ်း​တူဝ်​ၼိုင်ႈ၊ ဢိၵ်ႇ​တင်း​ၽွင်​ၶဝ်ႈ​မုၼ်း ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ​ ဢေးၽႃႇ ​သိပ်း​ပုၼ်ႈ​ဢဝ်​ပုၼ်ႈ​ၼိုင်ႈ ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ တင်း​ၼမ်ႉ​မၼ်း​ လေႃး​ၶႃႉ ​ၼိုင်ႈ၊-</verse>
				<verse number="22">တင်း​ၼူၵ်ႉ​တူႈ​သွင်​တူဝ်၊ ဢမ်ႇ​ၼၼ်​ၵေႃႈ ၵႃ​ၵႄ​ဢွၼ်ႇ​သွင်​တူဝ် ၸွမ်း​ၵႃႈ​ၼင်ႇ​ဢၼ်​မၼ်း​တၢတ်ႈ​ၼိူင်ႇ​လႆႈ​ၼၼ်ႉ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​တူဝ်​ၼိုင်ႈ၊ ပုၼ်ႈ​ယိတ်ႈ​ဢၼ်​တုတ်ႇ​ၽႆး​တူဝ်​ၼိုင်ႈ၊-</verse>
				<verse number="23">မႃး​ၸူး​ၵႃႈ​တီႈ​ယိတ်ႈပရေႃးႁဵၵ်ႈ​ၵႃႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ပုၼ်ႈ​လွင်ႈ​ၼင်ႇ​ႁိုဝ် တူဝ်​ၸဝ်ႈ​ၵဝ်ႇ​တၵ်း​မူတ်း​သႂ်​ၼၼ်ႉ ၼႂ်း​ဝၼ်း​ဢႃႉထမႃႉ​ၼၼ်ႉ​လႄႈ၊-</verse>
				<verse number="24">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​သူဝ်း​ဢွၼ်ႇ ယိတ်ႈ​ဢၼ်​ၽေႇ​တူႉ​ၸရိူၵ်ႈ​တင်း​ၼမ်ႉ​မၼ်း​ လေႃး​ၶႃႉ ​ၼိုင်ႈ​သေ​လႄႈ ယွင်ႈ​ၵႂႆ ပုၼ်ႈ​တင်း​ပုၵ်ႈ​ၸေႃႇ​ဢၼ်​ယွင်ႈ​ၵႂႆ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="25">မၼ်း​ဢဝ်​သူဝ်း​ဢွၼ်ႇ​ၼၼ်ႉ​တၢႆ​သေ​ယဝ်ႉ၊ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​လိူတ်ႈ​တူဝ်​ယိတ်ႈ​ဢၼ်​ၽေႇ​တူႉ​ၸရိူၵ်ႈ ဢပႅတ်ႈ​ၼၼ်ႉ​ၵမ်ႈ​ၽွင်ႈ သႂ်ႇ​ၵႃႈ​တီႈ​မႂ်​ႁူ​ၶွၼ်ႇ​ၶႂႃ တင်း​မႄႈ​မိုဝ်း​ၶွၼ်​ၶႂႃ တင်း​မႄႈ​တိၼ်​ၶွၼ်​ၶႂႃ ၵေႃႉ​ဢၼ်​တၵ်း​ၶၢမ်ႇ​တၢင်း​ဢၼ် ႁႂ်ႈ​မူတ်း​သႂ်​ၼၼ်ႉ​ဢေႃႈ။-</verse>
				<verse number="26">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၼမ်ႉ​မၼ်း​ၼၼ်ႉ​ၵမ်ႈ​ၽွင်ႈ ထွၵ်ႇ​သႂ်ႇ​ၵႃႈ​တီႈ​ၽႃႇ​မိုဝ်း​ၶွၼ်​သၢႆႉ​တူဝ်​ၸဝ်ႈ​ၵဝ်ႇ​သေ​ယဝ်ႉ၊-</verse>
				<verse number="27">ဢဝ်​ၼိဝ်ႉ​ၸီႉ​ၶွၼ်​ၶႂႃ​မၼ်း ၸုပ်ႉ​သႂ်ႇ​ၵႃႈ​ၼႂ်း​ၼမ်ႉ​မၼ်း​ဢၼ်​မီး​ၵႃႈ​ၼႂ်း​ၽႃႇ​မိုဝ်း​ၶွၼ်​သၢႆႉ​မၼ်း​ၼၼ်ႉ​သေ​လႄႈ ၽႅတ်း​သႂ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၸဵတ်း​ၵမ်း​ဢေႃႈ။-</verse>
				<verse number="28">ၼမ်ႉ​မၼ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၵႃႈ​တီႈ​မိုဝ်း​မၼ်း​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၵမ်ႈ​ၽွင်ႈ​သႂ်ႇ​ၵႃႈ​တီႈ​မႂ်​ႁူ​ၶွၼ်​ၶႂႃ၊ မႄႈ​မိုဝ်း​ၶွၼ်​ၶႂႃ၊ မႄႈ​တိၼ်​ၶွၼ်​ၶႂႃ​ၵေႃႉ​ဢၼ်​တၵ်း​ၶၢမ်ႇ​တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ ဢိၵ်ႇ​တင်း​ၵႃႈ​တီႈ​လိူတ်ႈ​တူဝ်​ယိတ်ႈ ဢၼ်​ၽေႇ​တူႉ​ၸရိူၵ်ႈ​ၼၼ်ႉ​ဢေႃႈ။-</verse>
				<verse number="29">ၼမ်ႉ​မၼ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၵႃႈ​တီႈ​မိုဝ်း​ယိတ်ႈပရေႃးႁဵၵ်ႈ​ၼၼ်ႉ၊ မၼ်း​တၵ်း​လႆႈ​ဢဝ်​ထွၵ်ႇ​သႂ်ႇ​ၵႃႈ​ၼိူဝ်​ႁူဝ် ၵေႃႉ​ဢၼ်​တၵ်း​ၶၢမ်ႇ​တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ၵေႃႉ​ၼၼ်ႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="30">ၵေႃႉ​ၼၼ်ႉ​တၵ်း​လႆႈ​ဢဝ်​ၼူၵ်ႉ​တူႈ​ၸိူဝ်း​ၼၼ်ႉ၊ ဢမ်ႇ​ၼၼ်​ၵေႃႈ ၵႃ​ၵႄ​ဢွၼ်ႇ​ၸိူဝ်း​ၼၼ်ႉ ဢၼ်​ၵႃႈ​ၼင်ႇ​ဢၼ်​မၼ်း​တၢတ်ႈ​ၼိူင်ႇ​လႆႈ​ၼၼ်ႉ၊-</verse>
				<verse number="31">ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး​တူဝ်​ၼိုင်ႈ ပုၵ်ႈ​ၸေႃႇ​ဢိၵ်ႇ​လူၺ်ႈ​ၵၼ်​တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ၼၼ်ႉ​လႄႈ ယိတ်ႈပရေႃးႁဵၵ်ႈ​တၵ်း​လႆႈ​ႁဵတ်း​တၢင်း​ဢၼ် ၽေႇ​ဢပႅတ်ႈ​ပုၼ်ႈ​ၵေႃႉ​ဢၼ်​တၵ်း​ၶၢမ်ႇ​တၢင်း​ဢၼ်​မူတ်း​သႂ်​ၼၼ်ႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="32">ဢၼ်​ၼႆႉ​ၸမ်ႉ၊ ပဵၼ်​တြႃး ဢၼ်​ၸၢပ်ႈ​သႅင်ႇ​ၵၼ်​တင်း​ၵေႃႉ​ဢၼ်​မီး​တၢင်း​ဢၼ်​တုတ်ႈ​ပေႃႇ​ဢွၵ်ႇ​မႃး​လႄႈ​ဢမ်ႇ​တၢတ်ႈ​ၼိူင်ႇ​လႆႈ ပုၼ်ႈ​လွင်ႈ​ၼင်ႇ​ႁိုဝ် တၵ်း​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ၊-</verse>
				<verse number="34">မိူဝ်ႈ​ဢၼ်​သူ​ႁွတ်ႈ​ထိုင်​ၵႃႈ​တီႈ​မိူင်း​ ၶႃႇၼၢၼ်ႇ ဢၼ်​ၵဝ်​ပၼ်​ပုၼ်ႈ​ဢၼ်​သူ​တၵ်း​ပိူင်ႇ​ဢဝ်​ၼၼ်ႉ၊ ပေႃး​ၵဝ်​ႁႂ်ႈ​တၢင်း​ဢၼ်​တုတ်ႈ​ပေႃႇ​ဢွၵ်ႇ​မႃး​ၼၼ်ႉ​ၸပ်း​ၵႃႈ​တီႈ​ႁိူၼ်း​သေ​လင်​လင် ၵႃႈ​ၼႂ်း​မိူင်း​တီႈ​ဢၼ်​သူ​ပိူင်ႇ​ၼၼ်ႉ​ၸိုင်၊-</verse>
				<verse number="35">ၸဝ်ႈ​ႁိူၼ်း​ၼၼ်ႉ တၵ်း​လႆႈ​ၵႂႃႇ​ၸူး​ၵႃႈ​တီ ယိတ်ႈပရေႃးႁဵၵ်ႈ​လႄႈ​လၢတ်ႈ​ဝႃႈ၊ ၵႃႈ​တီႈ​ႁိူၼ်း​ၵဝ်​ၶႃႈ​ၼၼ်ႉ မိူၼ်​ၼင်ႇ​ႁၢင်ႈ​ပဵၼ်​တၢင်း​ဢၼ်​ပေႃႇ​ဢွၵ်ႇ​မႃး​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="36">ယိတ်ႈပရေႃးႁဵၵ်ႈ​တၵ်း​လႆႈ​ၸီႇ​ယၢင်ႇ​ႁႂ်ႈ​ၶဝ်​ဢဝ်​ၵႃႈ​မီး​တင်း​သဵင်ႈ​တင်း​လူင်​ဢွၵ်ႇ​သေ​ၵႃႈ​ၼႂ်း​ႁိူၼ်း​ၼၼ်ႉ ၸူဝ်ႈ​ဢၼ်​ယိတ်ႈပရေႃးႁဵၵ်ႈ​ဢမ်ႇ​ပႆႇ​ၶဝ်ႈ​လူ​ၶဝ်ႈ​တူၺ်း​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​ပုၼ်ႈ​လွင်ႈ​ၼင်ႇ​ႁိုဝ်​ၵႃႈ​ဢၼ်​မီး ၵႃႈ​ၼႂ်း​ႁိူၼ်း​ၼၼ်ႉ တၵ်း​ဢမ်ႇ​လႆႈ​ႁွတ်ႈ​ထိုင်​တၢင်း​ဢၼ်​ဢမ်ႇ​မူတ်း​သႂ်​ၼၼ်ႉ​ဢေႃႈ။ လိုၼ်း​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​ၶဝ်ႈ​လူ​ၶဝ်ႈ​တူၺ်း​ႁိူၼ်း​ၼၼ်ႉ​လႄႈ၊-</verse>
				<verse number="37">မိူဝ်ႈ​ဢၼ်​တူၺ်း​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ၊ ပေႃး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​မီး​ၵႃႈ​ၼႂ်း​ၽႃ​ႁိူၼ်း​လႄႈ ပဵၼ်​ၶူင်ႈ​ပဵၼ်​လုၵ်း၊ ႁၢမ်ႉ​ၶဵဝ်​ၶဵဝ်၊ ႁၢမ်ႉ​လႅင်​လႅင်​ဝႆႉ​လႄႈ​မိူၼ်​ၼင်ႇ​ႁၢင်ႈ​ပဵၼ်​တႂ်ႈ​ၼႃႈ​ၽႃ​ၼၼ်ႉ​ၸိုင်၊-</verse>
				<verse number="38">ယိတ်ႈပရေႃးႁဵၵ်ႈ​တၵ်း​လႆႈ​ဢွၵ်ႇ​ၵႃႈ​ၼွၵ်ႈ​ၽၵ်း​တူ​ႁိူၼ်း​လႄႈ ဢိုတ်း​ႁိူၼ်း​ၼၼ်ႉ​ဝႆႉ​ၸဵတ်း​ဝၼ်း​ဢေႃႈ။-</verse>
				<verse number="39">ဝၼ်း​သတ်ႉတမႃႉ​ၼၼ်ႉ၊ ယိတ်ႈပရေႃးႁဵၵ်ႈ​တၵ်း​လႆႈ​သမ်ႉ​ၶိုၼ်း​မႃး​လူ​မႃး​တူၺ်း​လႄႈ၊ ပေႃး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ ယႂ်ႇ​ၽႄႈ​မႃး​ၵႃႈ​တီႈ​ၽႃ​ႁိူၼ်း​ၼၼ်ႉ​ၸိုင်၊-</verse>
				<verse number="40">ယိတ်ႈပရေႃးႁဵၵ်ႈ​တၵ်း​လႆႈ​ၸီႇ​ယၢင်ႇ​ႁႂ်ႈ​ၶဝ်​ၼုၵ်ႈ​ဢဝ်​မၢၵ်ႇ​ႁိၼ်​ဢၼ်​မီး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​ဢွၵ်ႇ​လႄႈ ပႅတ်ႈ​ၵႃႈ​တီႈ​ဢၼ်​ဢမ်ႇ​မူတ်း​သႂ်​ၵႃႈ​ၼွၵ်ႈ​ဝဵင်း​လႄႈ၊-</verse>
				<verse number="41">ႁႂ်ႈ​ၶုတ်း​ႁွပ်ႈ​ႁိမ်း​မၼ်း​ၵႃႈ​ၼႂ်း​ႁိူၼ်း​ၼၼ်ႉ​ဢေႃႈ။ မုၼ်ႈ​ဢၼ်​ၶုတ်း​လႄႈ​ဢွၵ်ႇ​ၼၼ်ႉ​ၵေႃႈ ၶဝ်​တၵ်း​လႆႈ​ထွၵ်ႈ​ပႅတ်ႈ​ၵႃႈ​တီႈ​ဢၼ်​ဢမ်ႇ​မူတ်း​သႂ်​ၵႃႈ​ၼွၵ်ႈ​ဝဵင်း​ဢေႃႈ။-</verse>
				<verse number="42">ၶဝ်​တၵ်း​လႆႈ​ဢဝ်​မၢၵ်ႇ​ႁိၼ်​တၢင်ႇ​ဢၼ် ပုတ်ႈ​သႂ်ႇ​ၼႂ်း​တီႈ​ႁွႆႈ​မၢၵ်ႇ​ႁိၼ်​ၸိူဝ်း​ၼၼ်ႉ​လႄႈ ဢဝ်​တင်း ဢၢင်းၵတေႇ​ဢၼ်​မႂ်ႇ​တႃး​သေ​ဢေႃႈ။-</verse>
				<verse number="43">ႁဵတ်း​တၢင်း​ဢၼ်​ၼုၵ်ႈ​ဢဝ်​မၢၵ်ႇ​ႁိၼ်​လႄႈ​ၶုတ်း​ႁိူၼ်း ဢိၵ်ႇ​တင်း​တၢင်း​ဢၼ်​ဢဝ်​ဢၢင်းၵတေႇ​ဢၼ်​မႂ်ႇ​တႃး​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ပေႃး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​သမ်ႉ​မႃး​လႄႈ ပေႃႇ​ဢွၵ်ႇ​မႃး​ၵႃႈ​ၼႂ်း​ႁိူၼ်း​ထႅင်ႈ​ၸိုင်၊-</verse>
				<verse number="44">ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​မႃး​လူ​မႃး​တူၺ်း​လႄႈ၊ ပေႃး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​ယႂ်ႇ​ၽေႈ​မႃး​ၵႃႈ​တီႈ​ႁိူၼ်း​ၼၼ်ႉ ဢမၢၼ်ႇ​ၶၼ်​ပဵၼ်​ၸိုင်၊ ပဵၼ်​တုတ်ႈ​ဢၼ်​ၸၢင်ႈ​ၵိၼ်​ဢေႃႈ။ ႁိူၼ်း​ၼၼ်ႉ​ဢမ်ႇ​မူတ်း​သႂ်​ဢေႃႈ။-</verse>
				<verse number="45">မႂ်း​တၵ်း​လႆႈ​ၵိူၼ်ႇ​ယႃႉ မၢၵ်ႇ​ႁိၼ်၊ မႆႉ၊ ဢၢင်းၵတေႇ​ၵႃႈ​ဢၼ်​ပဵၼ်​ႁိူၼ်း​ၼၼ်ႉ​ပႅတ်ႈ​သေ​လႄႈ ဢဝ်​ၵႂႃႇ​ၵႃႈ​တီႈ​ဢၼ်​ဢမ်ႇ​မူတ်း​သႂ်​ၵႃႈ​ၼွၵ်ႈ​ဝဵင်း​ဢေႃႈ။-</verse>
				<verse number="46">လိူဝ်​သေ​ၼၼ်ႉ​ဢမ်ႇ​ၵႃး၊ ၼႂ်း​ၶိင်ႇ​ၵႃႇလႃႉ​ၸူဝ်ႈ​ဢၼ်​ဢိုတ်း​ႁိူၼ်း​ၼၼ်ႉ​ဝႆႉ​ၼၼ်ႉ​တဵမ်​တဵမ်၊ ၵေႃႉ​ဢၼ်​ၶဝ်ႈ​ၵႃႈ​ၼႂ်း​ႁိူၼ်း​ၼၼ်ႉ​မႅၼ်ႈ​ၼၼ်ႉ ဢမ်ႇ​မူတ်း​သႂ်​ယူႇ​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ၼၼ်ႉ​ဢေႃႈ။-</verse>
				<verse number="47">ၵေႃႉ​ဢၼ်​ၼွၼ်း​ၵႃႈ​ၼႂ်း​ႁိူၼ်း​ၼၼ်ႉ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​သေ​ဢေႃႈ။ ၵေႃႉ​ဢၼ်​ၵိၼ်​ၵႃႈ​ၼႂ်း​ႁိူၼ်း​ၼၼ်ႉ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​သေ​ဢေႃႈ။</verse>
				<verse number="48">မိူဝ်ႈ​ဢၼ် ယိတ်ႈပရေႃးႁဵၵ်ႈ​မႃး​လူ​မႃး​တူၺ်း​ၼၼ်ႉ၊ ပေႃး​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ ဢမ်ႇ​ယႂ်ႇ​ၽႄႈ​မႃး​ၵႃႈ​တီႈ​ႁိူၼ်း လိုၼ်း​သေ​ဢၼ်​ဢဝ်​ဢၢင်းၵတေႇ​ဢၼ်​မႂ်ႇ​တႃး​ႁိူၼ်း​ၼၼ်ႉ​ယဝ်ႉ​ၼၼ်ႉ​ၸိုင်၊ ၵွပ်ႈ​ပိူဝ်ႈ​ဢၼ်​တၢင်း​ဢၼ်​ပေႃႇ​ဢွၵ်ႇ​မႃး​ၼၼ်ႉ​ႁၢႆ​လႄႈ၊ ယိတ်ႈပရေႃးႁဵၵ်ႈ​တၵ်း​လႆႈ​ၸီႇ​ယၢင်ႇ​လႄႈ​ဝႃႈ၊ ႁိူၼ်း​ၼၼ်ႉ​မူတ်း​သႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="49">လွင်ႈ​ၼင်ႇ​ႁိုဝ်​တၵ်း​ႁႂ်ႈ​ႁိူၼ်း​ၼၼ်ႉ​မူတ်း​သႂ်​ၸိုင်၊ မၼ်း​တၵ်း​လႆႈ​ဢဝ်​ၼူၵ်ႉ​သွင်​တူဝ်၊ ၼိူဝ်ႉ​မႆႉ​ ဢႃႇရိတ်ႉ ၊ ၸိူၵ်ႈ​ဢၼ်​လႅင်​ၵမ်ႇ တင်း​ယွတ်ႈ​တူၼ်ႈ​ ႁုတ်ႉသူပ်ႇ ​ၸိူဝ်း​ၼၼ်ႉ​လႄႈ၊-</verse>
				<verse number="50">ဢဝ်​ၼူၵ်ႉ​တူဝ်​ၼိုင်ႈ တၢႆ​ၵႃႈ​ၼႂ်း​မေႃႈ​လိၼ်​ၵႃႈ​ၼိူဝ်​ၼမ်ႉ​ဢၼ်​ဢဝ်​ၼမ်ႉ​ဢၼ်​လႆ​ၵႂႃႇ​ယူႇ​ၼၼ်ႉ သႂ်ႇ​ဝႆႉ​ၼၼ်ႉ​သေ​ယဝ်ႉ၊-</verse>
				<verse number="51">ဢဝ်​ၼိူဝ်ႉ​မႆႉ ဢႃႇရိတ်ႉ ၊ ယွတ်ႈ​တူၼ်ႈ​ ႁုတ်ႉသူပ်ႇ ၊ ၸိူၵ်ႈ​ဢၼ်​လႅင်​ၵမ်ႇ၊ ၼူၵ်ႉ​တူဝ်​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​ၸိူဝ်း​ၼၼ်ႉ ၸွမ်ႇ​ၸုမ်ႇ​ၵႃႈ​ၼႂ်း​လိူတ်ႈ​ၼူၵ်ႉ​ဢၼ်​ဢဝ်​တၢႆ​ၼၼ်ႉ တင်း​ၼမ်ႉ​ဢၼ်​ဢဝ်​ၼမ်ႉ​ဢၼ်​လႆ​ၵႂႃႇ​ယူႇ​ၼၼ်ႉ သႂ်ႇ​ဝႆႉ​ၼၼ်ႉ​လႄႈ၊ ၽႅတ်း​သႂ်ႇ​ႁိူၼ်း​ၼၼ်ႉ​ၸဵတ်း​ၵမ်း​ဢေႃႈ။-</verse>
				<verse number="52">မၼ်း​တၵ်း​လႆႈ​ဢဝ်​လိူတ်ႈ​ၼူၵ်ႉ၊ ၼမ်ႉ​ဢၼ်​လႆ​ၵႂႃႇ​ယူႇ၊ ၼူၵ်ႉ​ဢၼ်​ဢသၢၵ်ႈ​လိပ်း​ယူႇ၊ ၼိူဝ်ႉ​မႆႉ​ ဢႃႇရိတ်ႉ ၊ ယွတ်ႈ​တူၼ်ႈ​ ႁုတ်ႉသူပ်ႇ တင်း​ၸိူၵ်ႈ​ဢၼ်​လႅင်​ၵမ်ႇ​ၸိူဝ်း​ၼၼ်ႉ ႁႂ်ႈ​မူတ်း​သႂ်​ဢေႃႈ။-</verse>
				<verse number="53">ၵူၺ်း​ၵႃႈ မၼ်း​တၵ်း​လႆႈ​ဢဝ်​ၼူၵ်ႉ​ဢၼ်​ဢသၢၵ်ႈ​လိပ်း​ၼၼ်ႉ​ပွႆႇ​လွတ်ႈ​ပႅတ်ႈ​သေ​ၵႃႈ​တီႈ​ၵၢင်​ပၢင်ႇ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ ပုၼ်ႈ​ႁိူၼ်း​ၼၼ်ႉ​သေ​ယဝ်ႉ၊ ႁိူၼ်း​ၼၼ်ႉ​တၵ်း​မီး​တၢင်း​ဢၼ်​မူတ်း​သႂ်​ဢေႃႈ။</verse>
				<verse number="54">ဢၼ်​ၼႆႉ​ၸမ်ႉ၊ ပဵၼ်​တြႃး​တၢင်း​ဢၼ်​တုတ်ႈ​ပေႃႇ​ဢွၵ်ႇ​မႃး​ၵူႈ​ၸိူဝ်ႉ​ၵူႈ​ပိူင် ဢၼ်​ၸႃႉ​ၸဵမ် တုတ်ႈ​ၶႆး​ၽွၵ်ႈ​လႄႈ၊-</verse>
				<verse number="55">တုတ်ႈ​ဢၼ်​ၸပ်း​ၵႃႈ​တီႈ​ၶူဝ်း​ၼုင်ႈ၊ တုတ်ႈ​ဢၼ်​ၸပ်း​ၵႃႈ​တီႈ​ႁိူၼ်း၊-</verse>
				<verse number="56">တုမ်ႇ၊ ႁဝ်ႈ၊ ၵႂၢၵ်ႈ​ၸိူဝ်း​ၼၼ်ႉ၊-</verse>
				<verse number="57">ႁႂ်ႈ​လႆႈ​သွၼ်​ပၼ်​လႄႈ​ႁူႉ ဢၼ်​မူတ်း​သႂ်၊ ဢၼ်​ဢမ်ႇ​မူတ်း​သႂ်​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တြႃး​တုတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="15">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ​ၸမ်ႉ၊-</verse>
				<verse number="2">သူ​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ပေႃး​ၵူၼ်း​ၸၢႆး​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ယူႇ​ၵႃႈ​တီႈ​ၼိူဝ်ႉ​မၼ်း​ၸိုင်၊ ၵွပ်ႈ​ပိူဝ်ႈ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ယူႇ​ၼၼ်ႉ​ၼၼ်ႉ​လႄႈ၊ မၼ်း​ဢမ်ႇ​မူတ်း​သႂ်။-</verse>
				<verse number="3">တၢင်း​ဢၼ်​မၼ်း​ဢမ်ႇ​မူတ်း​သႂ်​ၼႂ်း​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ယူႇ​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​ယွတ်ႇ​ႁူဝ်ႈ​ဢွၵ်ႇ​ယူႇ​ၵႃႈ​တီႈ​ၼိူဝ်ႉ​တႃႇ​သေႇ သေ​ဢမ်ႇ​ဝႃႈ၊ တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ယူႇ​ၼၼ်ႉ ပဵၼ်​ဢၼ်​ၵိုတ်း​သဝ်း​ယူႇ​တီႈ​ၼိူဝ်ႉ​မၼ်း​ၼၼ်ႉ​သေ​ဢမ်ႇ​ဝႃႈ၊ ၵေႃႉ​ၼၼ်ႉ ဢမ်ႇ​မူတ်း​သႂ်။-</verse>
				<verse number="4">တီႈ​ၼွၼ်း​ၵႃႈ​ဢၼ် ၵေႃႉ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ​ၼွၼ်း​ၼၼ်ႉ ဢမ်ႇ​မူတ်း​သႂ်။ တီႈ​ၼင်ႈ​ၵႃႈ​ဢၼ်​မၼ်း​ၼင်ႈ​ၼၼ်ႉ​ၵေႃႈ ဢမ်ႇ​မူတ်း​သႂ်။-</verse>
				<verse number="5">ၵေႃႉ​ဢၼ်​တိူဝ်ႉ​ထုၵ်ႇ​တီႈ​ၼွၼ်း​ၵေႃႉ​ၼၼ်ႉ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ​ဢၢပ်ႇ​ၼမ်ႉ​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="6">ၵေႃႉ​ဢၼ်​ၼင်ႈ​ၵႃႈ​ၼိူဝ်​တီႈ​ဢၼ် ၵေႃႉ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ လႆႈ​ၼင်ႈ​ယဝ်ႉ​ၼၼ်ႉ၊ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ​ဢၢပ်ႇ​ၼမ်ႉ​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="7">ၵေႃႉ​ဢၼ်​တိူဝ်ႉ​ထုၵ်ႇ​ၼိူဝ်ႉ​ၼင် ၵေႃႉ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ ဢၢပ်ႇ​ၼမ်ႉ​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="8">ပေႃး​ၵေႃႉ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ ထူမ်ႇ​ၼမ်ႉ​လၢႆး​တိူဝ်ႉ​မႅၼ်ႈ​တီႈ​ၵေႃႉ​ဢၼ်​မူတ်း​သႂ်​ၼၼ်ႉ​ၸိုင်၊ မၼ်း​ၼၼ်ႉ​တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ​ဢၢပ်ႇ​ၼမ်ႉ​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="9">ၵွပ်း​ၶီႇ​ၵွပ်း​ၼင်ႈ​ဢၼ်​ၵေႃႉ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ ၶီႇ​ယဝ်ႉ​ၼင်ႈ​ယဝ်ႉ​ၼၼ်ႉ​ၵေႃႈ ဢမ်ႇ​မူတ်း​သႂ်။-</verse>
				<verse number="10">ၵေႃႉ​ဢၼ်​တိူဝ်ႉ​ထုၵ်ႇ​ၶိူင်ႈ​ပိူင်​ဢၼ်​လႆႈ​မီး​တႂ်ႈ​မၼ်း​ယဝ်ႉ သေ​ၸိူဝ်ႉ​သေ​ပိူင်​ၼၼ်ႉ ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ။ ၵေႃႉ​ဢၼ်​ဢဝ်​ၶိူင်ႈ​ပိူင်​ၸိူဝ်း​ၼၼ်ႉ​ၵႂႃႇ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ​ဢၢပ်ႇ​ၼမ်ႉ​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="11">ပေႃး​ၵေႃႉ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ ယင်း​ဢမ်ႇ​သုၵ်ႈ​မိုဝ်း​လႄႈ​ဢဝ်​မိုဝ်း​မၼ်း​တိူဝ်ႉ​ထုၵ်ႇ​ပိူၼ်ႈ​တၢင်ႇ​ၵေႃႉ​ၸိုင်၊ ၵေႃႉ​ၼၼ်ႉ​တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ​ဢၢပ်ႇ​ၼမ်ႉ​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="12">ၵႃႈ​ပဵၼ်​ၶိူင်ႈ​ပိူင်​လိၼ်​ဢၼ် ၵေႃႉ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ၊ တိူဝ်ႉ​ထုၵ်ႇ​ၼၼ်ႉ​ၸိုင်၊ တၵ်း​လႆႈ​ဢဝ်​တႅၵ်ႇ​ပႅတ်ႈ​သေ​ဢေႃႈ။ ၵႃႈ​ပဵၼ်​ၶိူင်ႈ​ပိူင်​မႆႉ​ၸိုင် တၵ်း​လႆႈ​ဢဝ်​တင်း​ၼမ်ႉ​သုၵ်ႈ​လၢင်ႉ​သေ​ဢေႃႈ။-</verse>
				<verse number="13">ၵေႃႉ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ၊ မိူဝ်ႈ​ဢၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ​ႁၢႆ​ယဝ်ႉ​ၼၼ်ႉ​ၸိုင်၊ ၼပ်ႉ​ဢၢၼ်ႇ​ထႅင်ႈ​ၸဵတ်း​ဝၼ်း ပုၼ်ႈ​တၢင်း​ဢၼ်​မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ႁႂ်ႈ​မူတ်း​သႂ်​ၼၼ်ႉ​ပူၼ်ႉ​သေ​ယဝ်ႉ၊ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ​ဢၢပ်ႇ​ၼမ်ႉ​ဢၼ်​လႆ​ၵႂႃႇ​ယူႇ​ၼၼ်ႉ​သေ​လႄႈ လႆႈ​မူတ်း​သႂ်​ဢေႃႈ။-</verse>
				<verse number="14">ဝၼ်း​ဢႃႉထမႃႉ​ၼၼ်ႉ မၼ်း​တၵ်း​လႆႈ​ဢဝ်​ၼူၵ်ႉ​တူႈ​သွင်​တူဝ်၊ ဢမ်ႇ​ၼၼ်​ၵေႃႈ ၵႃ​ၵႄ​ဢွၼ်ႇ​သွင်​တူဝ်​မႃး​ၵႃႈ​တီႈ​ထႃႇဝရႃႉ​ၽြႃး ၵႃႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ ပၼ်​တီႈ​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="15">ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​ဢဝ်​ၸိူဝ်း​ၼၼ်ႉ​ပုၵ်ႈ​ၸေႃႇ​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​တူဝ်​ၼိုင်ႈ၊ ပုၼ်ႈ​ယိတ်ႈ​ဢၼ်​တုတ်ႇ​ၽႆး​တူဝ်​ၼိုင်ႈ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ပုၼ်ႈ​ၵေႃႉ​ၼၼ်ႉ ၵွပ်ႈ​ပိူဝ်ႈ​တၢင်း​ဢၼ်​မၼ်း​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ​ဢေႃႈ။</verse>
				<verse number="16">ပေႃး​ၼမ်ႉ​သုၵ်ႉ​ၵူၼ်း​ၸၢႆး​ဢွၵ်ႇ​ၸိုင်၊ မၼ်း​တၵ်း​လႆႈ​ဢၢပ်ႇ​ၼမ်ႉ​တင်း​တူဝ်​တင်း​ၶိင်း​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="17">ၶူဝ်း​ၼုင်ႈ​ဢိၵ်ႇ​တင်း​ၼင်​တူဝ် ၵႃႈ​ဢၼ်​ၼမ်ႉ​သုၵ်ႉ​တိူဝ်ႉ​ထုၵ်ႇ​ၼၼ်ႉ​ၸိုင်၊ တၵ်း​လႆႈ​ဢဝ်​ၼမ်ႉ​သၵ်ႉ​လွႆး​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="18">ပေႃး​ၵူၼ်း​ၸၢႆး​ၼွၼ်း​လူၺ်ႈ​ၵၼ်​တင်း​ၵူၼ်း​ယိင်း​လႄႈ ၼမ်ႉ​သုၵ်ႉ​ဢွၵ်ႇ​ၸိုင်၊ တင်း​သွင်​ၵေႃႉ​တၵ်း​လႆႈ​ဢၢပ်ႇ​ၼမ်ႉ​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။</verse>
				<verse number="19">ပေႃး​မႄႈ​ယိင်း​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​လႄႈ တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​တီႈ​ၼိူဝ်ႉ​မၼ်း​ၼၼ်ႉ ပဵၼ်​လိူတ်ႈ​ၸိုင်၊ မၼ်း​တၵ်း​လႆႈ​ယူႇ​ၼႂ်း​တၢင်း​ဢၼ်​ဢူႉတူႉ​ဢမ်ႇ​မူတ်း​သႂ်​ၼၼ်ႉ​ၸဵတ်း​ဝၼ်း​ဢေႃႈ။ ၵေႃႉ​ဢၼ်​တိူဝ်ႉ​ထုၵ်ႇ​မၼ်း​ၼၼ်ႉ​ၼၼ်ႉ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="20">ၶိူင်ႈ​ပိူင်​ၵႃႈ​ဢၼ်​မၼ်း​ၼွၼ်း​သႂ်ႇ​ၼႂ်း​တၢင်း​ဢၼ်​ဢူႉတူႉ​ဢမ်ႇ​မူတ်း​သႂ်​ၼၼ်ႉ​ၸိူဝ်း​ၼၼ်ႉ​ၵေႃႈ ပဵၼ်​ဢၼ်​ဢမ်ႇ​မူတ်း​သႂ်​ဢေႃႈ။ ၶိူင်ႈ​ပိူင်​ၵႃႈ​ဢၼ်​မၼ်း​ၼင်ႈ​သႂ်ႇ​ၸိူဝ်း​ၼၼ်ႉ​ၵေႃႈ ပဵၼ်​ဢၼ်​ဢမ်ႇ​မူတ်း​သႂ်​ဢေႃႈ။-</verse>
				<verse number="21">ၵေႃႉ​ဢၼ်​တိူဝ်ႉ​ထုၵ်ႇ​တီႈ​ၼွၼ်း​မၼ်း​ၼၼ်ႉ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ ဢၢပ်ႇ​ၼမ်ႉ​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="22">ၵေႃႉ​ဢၼ်​တိူဝ်ႉ​ထုၵ်ႇ​ၶိူင်ႈ​ပိူင်​ဢၼ်​မၼ်း​ၼင်ႈ​သႂ်ႇ​ၼၼ်ႉ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ ဢၢပ်ႇ​ၼမ်ႉ​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="23">ပေႃး​တူၵ်း​သႂ်ႇ​ၵႃႈ​တီႈ​တီႈ​ၼွၼ်း​တီႈ​ၼင်ႈ​မၼ်း​ဝႆႉ​ၸိုင်၊ ၵေႃႉ​ဢၼ်​တိူဝ်ႉ​ထုၵ်ႇ​ၼၼ်ႉ​ပဵၼ်​ဢၼ်​ဢမ်ႇ​မူတ်း​သႂ် တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="24">ပေႃး​ၵူၼ်း​ၸၢႆး​ႁဵတ်း​တၢင်း​ဢၼ်​သိူၵ်ႈ​သမ်ႇ​ၵၼ်​တင်း​မၼ်း​လႄႈ တၢင်း​ဢၼ်​ဢူႉတူႉ​ဢၼ်​ဢမ်ႇ​မူတ်း​သႂ်​မၼ်း​ၼၼ်ႉ​တိူဝ်ႉ​မၼ်း​ၸိုင်၊ မၼ်း​ဢမ်ႇ​မူတ်း​သႂ်​ၸဵတ်း​ဝၼ်း။ တီႈ​ၼွၼ်း​ၵႃႈ​ဢၼ်​မၼ်း​ၼွၼ်း​ၼၼ်ႉ​ၵေႃႈ ပဵၼ်​ဢၼ်​ဢမ်ႇ​မူတ်း​သႂ်​ဢေႃႈ။</verse>
				<verse number="25">ပေႃး​မႄႈ​ယိင်း​ပဵၼ်​တၢင်း​ဢၼ်​လိူတ်ႈ​ႁူဝ်ႈ​ၸိုမ်း​ဢွၵ်ႇ​ဝၼ်း​ၼမ်​ၼႃႇ ၼႂ်း​ၶိင်ႇ​မိူဝ်ႈ​ဢၼ်​ဢမ်ႇ​ပဵၼ်​တၢင်း​ဢၼ်​ဢူႉတူႉ​ဢမ်ႇ​မူတ်း​သႂ်​ၼၼ်ႉ၊ ဢမ်ႇ​ၼၼ်​ၵေႃႈ ပေႃး​မၼ်း​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ ပူၼ်ႉ​လိူဝ်​သေ​ၶိင်ႇ​မိူဝ်ႈ​တၢင်း​ဢၼ်​ဢူႉတူႉ​ဢမ်ႇ​မူတ်း​သႂ်​ၼၼ်ႉ​ၸိုင်၊ ၶိင်ႇ​မိုဝ်ႉ​ဝၼ်း​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ ဢၼ်​မၼ်း​ဢမ်ႇ​မူတ်း​သႂ်​ၼၼ်ႉ​တင်း​သဵင်ႈ​တင်း​လူင်​ၼၼ်ႉ မၼ်း​တၵ်း​လႆႈ​ပဵၼ်​မိူၼ်​ၸိူဝ်ႉ​ၼင်ႇ​ၼႂ်း​ၶိင်ႇ​မိုဝ်ႉ​ဝၼ်း​တၢင်း​ဢၼ်​ဢူႉတူႉ​ဢမ်ႇ​မူတ်း​သႂ်​ၼၼ်ႉ​ၸိူဝ်း​ၼၼ်ႉ​ဢေႃႈ။ မၼ်း​ပဵၼ်​ဢၼ်​ဢမ်ႇ​မူတ်း​သႂ်​ဢေႃႈ။-</verse>
				<verse number="26">တီႈ​ၼွၼ်း​ၵႃႈ​ဢၼ်​မၼ်း​ၼွၼ်း၊ ၼႂ်း​ၶိင်ႇ​မိုဝ်ႉ​ဝၼ်း​တၢင်း​ဢၼ်​လိူတ်ႈ​မၼ်း​ယင်း​ႁူဝ်ႈ​ၸိုမ်း​ဢွၵ်ႇ​ယူႇ​ၼၼ်ႉ​ၸိူဝ်း​ၼၼ်ႉ တၵ်း​လႆႈ​ပဵၼ်​မိူၼ်​ၸိူဝ်ႉ​ၼင်ႇ​တီႈ​ၼွၼ်း တၢင်း​ဢၼ်​ပဵၼ်​ဢူႉတူႉ​ဢမ်ႇ​မူတ်း​သႂ်​ၼၼ်ႉ​လႄႈ၊ တီႈ​ၼင်ႈ​ၵႃႈ​ဢၼ်​မၼ်း​ၼင်ႈ​ၼၼ်ႉ​ၵေႃႈ တၵ်း​လႆႈ​ပဵၼ်​ဢၼ်​ဢမ်ႇ​မူတ်း​သႂ် မိူၼ်​ၸိူဝ်ႉ​ၼင်ႇ​ၼႂ်း​တၢင်း​ဢၼ်​မၼ်း ဢမ်ႇ​မူတ်း​သႂ်​လူၺ်ႈ​ဢူႉတူႉ​ဢမ်ႇ​မူတ်း​သႂ်​ၼၼ်ႉ​ဢေႃႈ။-</verse>
				<verse number="27">ၵေႃႉ​ဢၼ်​တိူဝ်ႉ​ထုၵ်ႇ​ၶိူင်ႈ​ပိူင်​ၸိူဝ်း​ၼၼ်ႉ​ၼၼ်ႉ တၵ်း​လႆႈ​ပဵၼ်​ဢၼ်​ဢမ်ႇ​မူတ်း​သႂ်​ဢေႃႈ။ မၼ်း​တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ ဢၢပ်ႇ​ၼမ်ႉ​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="28">မႄႈ​ယိင်း​ၼၼ်ႉ၊ ပေႃး​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ​ႁၢႆ​ယဝ်ႉ​ၸိုင် မၼ်း​တၵ်း​လႆႈ​ၼပ်ႉ​ဢၢၼ်ႇ​ထႅင်ႈ​ၸဵတ်း​ဝၼ်း​လႄႈ ပူၼ်ႉ​သေ​ယဝ်ႉ၊ တၵ်း​မူတ်း​သႂ်​ဢေႃႈ။-</verse>
				<verse number="29">ဝၼ်း​ဢႃႉထမႃႉ​ၼၼ်ႉ မၼ်း​တၵ်း​လႆႈ​ဢဝ်​ၼူၵ်ႉ​တူႈ​သွင်​တူဝ်၊ ဢမ်ႇ​ၼၼ်​ၵေႃႈ ၵႃ​ၵႄ​ဢွၼ်ႇ​သွင်​တူဝ်​မႃး​ၸူး​ၵႃႈ​တီႈ​ယိတ်ႈပရေႃးႁဵၵ်ႈ ၵႃႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။-</verse>
				<verse number="30">ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​ဢဝ်​ၸိူဝ်း​ၼၼ်ႉ​ပုၵ်ႈ​ၸေႃႇ​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​တူဝ်​ၼိုင်ႈ၊ ပုၼ်ႈ​ယိတ်ႈ​ဢၼ်​တုတ်ႇ​ၽႆး​တူဝ်​ၼိုင်ႈ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ပုၼ်ႈ​မႄႈ​ယိင်း​ၼၼ်ႉ ၵွပ်ႈ​ပိူဝ်ႈ​တၢင်း​ဢၼ် မၼ်း​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ဢၼ်​ဢမ်ႇ​မူတ်း​သႂ်​ၼၼ်ႉ​ဢေႃႈ။</verse>
				<verse number="31">ၼင်ႇ​ၼၼ်​လႄႈ သူ​တၵ်း​လႆႈ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵၢင်း​လွတ်ႈ​တင်း တၢင်း​ဢၼ်​ဢမ်ႇ​မူတ်း​သႂ် ပုၼ်ႈ​လွင်ႈ​ၼင်ႇ​ႁိုဝ် ၶဝ်​တၵ်း​ဢမ်ႇ​လႆႈ​တၢႆ​ၵႃႈ​ၼႂ်း​တၢင်း​ဢၼ်​ၶဝ်​ဢမ်ႇ​မူတ်း​သႂ် ယူႇ​ၼႂ်း​မိူဝ်ႈ​ဢၼ် ၶဝ်​ႁႂ်ႈ​သုမ်ႉ​ထဵင်​ၵဝ် ဢၼ်​မီး​ယူႇ​ၵႃႈ​ၼႂ်း​ၶဝ်​ၼၼ်ႉ ၵူဝ်ႈ​ၵိူၵ်ႇ​ၼၼ်ႉ​ဢေႃႈ။-</verse>
				<verse number="32">ဢၼ်​ၼႆႉ​ၸမ်ႉ၊ ပဵၼ်​တြႃး​ၵေႃႉ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ၊ ၵေႃႉ​ဢၼ်​ၼမ်ႉ​သုၵ်ႉ​မၼ်း​ဢွၵ်ႇ​လႄႈ မၼ်း​ႁွတ်ႈ​ထိုင် တၢင်း​ဢၼ်​ၵူဝ်ႈ​ၵိူၵ်ႇ​ၵွပ်ႈ​ပိူဝ်ႈ​လွင်ႈ​ၼၼ်ႉ၊-</verse>
				<verse number="33">မႄႈ​ယိင်း​ဢၼ်​ပဵၼ်​ဢူႉတူႉ​တၢင်း​ဢၼ်​ဢမ်ႇ​မူတ်း​သႂ်​ၼၼ်ႉ၊ ၵူၼ်း​ၸၢႆး ၵူၼ်း​ယိင်း​ဢၼ်​မီး​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​လူၺ်ႈ​ၵၼ် ဢိၵ်ႇ​တင်း​ၵူၼ်း​ၸၢႆး​ဢၼ်​ႁဵတ်း​တၢင်း​ဢၼ်​ၼွၼ်း​လူၺ်ႈ​ၵၼ်​တင်း​ၵူၼ်း​ယိင်း ဢၼ်​ဢမ်ႇ​မူတ်း​သႂ်​ၼၼ်ႉ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="16">
				<verse number="1">လိုၼ်း​သေ​လုၵ်ႈ​ၸၢႆး​ ဢႃႇရုၼ်ႇ သွင်​ၵေႃႉ​လႆႈ​တၢႆ​ၼႂ်း​မိူဝ်ႈ​ဢၼ်​ၶဝ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ တၢႆ​သေ​ယဝ်ႉ​ၼၼ်ႉ၊ ထႃႇဝရႃႉ​ၽြႃး မီး​ဢမိင်ႉ​တီႈ​ မူဝ်းသေႇ ​ဢေႃႈ။-</verse>
				<verse number="2">ဢၼ်​ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၼၼ်ႉ​ၸမ်ႉ၊ လွင်ႈ​ၼင်ႇ​ႁိုဝ်​ပီႈ​ၸၢႆး​မႂ်း​ ဢႃႇရုၼ်ႇ တၵ်း​ဢမ်ႇ​ၶဝ်ႈ​ၵႃႈ​ၼႂ်း​ထႃႇၼႃႉ တီႈ​မူတ်း​ၸၢင်ႇ​ၵႃႈ​တီႈ​ၼႂ်း​ၽႃႈ​ၵင်ႈ၊ ၵႃႈ​တီႈ​ၽၢႆႇ​ၼႃႈ​ပလၢင်ႇ​တီႈ​ၽေႇ​ဢပႅတ်ႈ​ဢၼ်​တၢင်ႇ​သႂ်ႇ​ၵႃႈ​ၼိူဝ်​တိူၵ်ႈ​တႃႇ​ၼၼ်ႉ​ၵူႈ​ၶိင်ႇ​ၵူႈ​မိူဝ်ႈ​လႄႈ ၵၢင်း​လွတ်ႈ​တင်း​ၽေး​တၢင်း​တၢႆ​ၸိုင်၊ သင်ႇ​လၢတ်ႈ​ဝႆႉ​တီႈ​မၼ်း​တႃႉ။ လွင်ႈ​မၼ်း​ၸမ်ႉ ၵဝ်​တၵ်း​ထၢင်ႇ​သႃး​မႃး​ၵႃႈ​ၼႂ်း​မွၵ်ႇ​ၵုမ်ႈ ၵႃႈ​တီႈ​ၼိူဝ်​ပလၢင်ႇ တီႈ​ၽေႇ​ဢပႅတ်ႈ​ၼၼ်ႉ​ဢေႃႈ။-</verse>
				<verse number="3">ဢႃႇရုၼ်ႇ ​တၵ်း​လႆႈ​ၶဝ်ႈ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ တၵ်း​လႆႈ​ပႃး​ဢဝ်​ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​ၼၼ်ႉ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​တူဝ်​ၼိုင်ႈ ဢိၵ်ႇ​တင်း​သူဝ်း​ပေႃႈ​ပုၼ်ႈ​ယိတ်ႈ​ဢၼ်​တုတ်ႇ​ၽႆး​တူဝ်​ၼိုင်ႈ​ဢေႃႈ။-</verse>
				<verse number="4">မၼ်း​တၵ်း​လႆႈ​ၼုင်ႈ​သိူဝ်ႈ​ပိၵ်ႈ​ၶျေႃး​ဢၼ်​မူတ်း​ၸၢင်ႇ ဢိၵ်ႇ​တင်း​ၵူၼ်​ပိၵ်ႈ​ၶျေႃး​လႄႈ ႁတ်ႉ​သၢႆ​ဢႅဝ်​ပိၵ်ႈ​ၶျေႃး​သေ​ဢေႃႈ။ ၶဵၼ်း​ႁူဝ်​ပိၵ်ႈ​ၶျေႃး​ၵေႃႈ တၵ်း​လႆႈ​ၶဵၼ်း​ဢေႃႈ။ ၵွပ်ႈ​ပိူဝ်ႈ​ဢၼ်​ၶူဝ်း​ၼုင်ႈ​တၢင်း​မႆ​ၼၼ်ႉ​မူတ်း​ၸၢင်ႇ​လႄႈ၊ မၼ်း​တၵ်း​လႆႈ​ဢၢပ်ႇ​ၼမ်ႉ​သေ​လႄႈ ၼုင်ႈ​မႆ​ဢေႃႈ။-</verse>
				<verse number="5">မၼ်း​တၵ်း​လႆႈ​ၶၢမ်ႇ​ဢဝ်​ပႄႉ​ပေႃႈ​ဢွၼ်ႇ​သွင်​တူဝ် ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ ဢိၵ်ႇ​တင်း​သူဝ်း​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး​ၵႃႈ​ၼႂ်း​မိုဝ်း​ပရဵၵ်ႈသၢတ်ႈ ၵူၼ်း​မဵဝ်း​ ဢီႉသရေႇလႃႉ တင်း​လၢႆ​ဢေႃႈ။-</verse>
				<verse number="6">ဢႃႇရုၼ်ႇ ​တၵ်း​လႆႈ​ပုၵ်ႈ​ၸေႃႇ​ဝူဝ်း​ယိတ်ႈ​ဢၼ်​ၽေႇ​ဢပႅတ်ႈ ဢၼ်​ၸၢပ်ႈ​သႅင်ႇ​ၵၼ်​တင်း​မၼ်း​ၼၼ်ႉ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မၼ်း ဢိၵ်ႇ​တင်း​ပုၼ်ႈ​ၵူၼ်း​ႁိူၼ်း​ၵူၼ်း​ယေး​မၼ်း​ဢေႃႈ။-</verse>
				<verse number="7">ပႄႉ​သွင်​တူဝ်​ၼၼ်ႉ​ၵေႃႈ မၼ်း​တၵ်း​လႆႈ​ဢဝ်​လႄႈ သၢၵ်ႈ​ၵၢပ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="8">ဢႃႇရုၼ်ႇ ​တၵ်း​လႆႈ​တူၵ်း​လိၵ်ႈ​ၸႃႇ​ၵွၵ်ႈ​တီႈ​ပႄႉ​သွင်​တူဝ်​ၼၼ်ႉ၊ လိၵ်ႈ​ၸႃႇ​ၵွၵ်ႈ​ပုၼ်ႈ​ထႃႇဝရႃႉ​ၽြႃး​ဢၼ်​ၼိုင်ႈ၊ လိၵ်ႈ​ၸႃႇ​ၵွၵ်ႈ​ပုၼ်ႈ​တၢင်း​ဢၼ်​ဢဝ်​ၵႂႃႇ​ပႅတ်ႈ​ၼၼ်ႉ​ဢၼ်​ၼိုင်ႈ​ဢေႃႈ။-</verse>
				<verse number="9">ဢႃႇရုၼ်ႇ တၵ်း​လႆႈ​ဢဝ်​ပႄႉ​ဢၼ်​လိၵ်ႈ​ၸႃႇ​ၵွၵ်ႈ​ပုၼ်ႈ​ထႃႇဝရႃႉ​ၽြႃး​တူၵ်း​ၼၼ်ႉ​မႃး​လႄႈ ပုၵ်ႈ​ၸေႃႇ​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ဢေႃႈ။-</verse>
				<verse number="10">ၵူၺ်း​ၵႃႈ ပႄႉ​ဢၼ်​လိၵ်ႈ​ၸႃႇ​ၵွၵ်ႈ​တူၵ်း​ပုၼ်ႈ​တၢင်း​ဢၼ်​ဢဝ်​ၵႂႃႇ​ပႅတ်ႈ​ၼၼ်ႉ​ၸိုင် တၵ်း​လႆႈ​ႁႂ်ႈ​ဢသၢၵ်ႈ​လိပ်း​ယူႇ​သေ​လႄႈ ဢဝ်​သၢၵ်ႈ​ၵၢပ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ႁႂ်ႈ​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ၵႃႈ​ၼိူဝ်​မၼ်း ဢိၵ်ႇ​တင်း​ႁႂ်ႈ​လႆႈ​ပွႆႇ​ၸႂ်ႉ​မၼ်း​ၵႂႃႇ​ၵႃႈ​တီႈ​ၼႂ်း​ထိူၼ်ႇ​ပုၼ်ႉ တၢင်း​ဢၼ်​ဢဝ်​ၵႂႃႇ​ပႅတ်ႈ​ၼၼ်ႉ​ဢေႃႈ။</verse>
				<verse number="11">ဢႃႇရုၼ်ႇ ​တၵ်း​လႆႈ​ဢဝ်​ဝူဝ်း​ယိတ်ႈ​ဢၼ်​ၽေႇ​ဢပႅတ်ႈ ဢၼ်​ၸၢပ်ႈ​သႅင်ႇ​ၵၼ်​တင်း​မၼ်း​ၼၼ်ႉ​မႃး​သေ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မၼ်း ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မၼ်း​လႄႈ ဢဝ်​ဝူဝ်း​ယိတ်ႈ​ဢၼ်​ၽေႇ​ဢပႅတ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​မၼ်း​ၼၼ်ႉ​တၢႆ​ဢေႃႈ။-</verse>
				<verse number="12">မၼ်း​တၵ်း​လႆႈ​ယိပ်း​ဢဝ်​လၢင်ႇ​ပၢၼ်း ဢၼ်​တဵမ်​ဝႆႉ​တင်း​ထၢၼ်ႇ​ၽႆး​ဢၼ်​ဢဝ်​ၵႃႈ​ၼိူဝ်​ယိတ်ႈပလၢင်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး သႂ်ႇ​ဝႆႉ​ၼၼ်ႉ​လႄႈ ဢဝ်​မုၼ်ႈ​ၼၢမ်ႇ​သႃႇ​ႁွမ်​ဢၼ်​ဢွၼ်ႇ​လီ​ၽွင်​လီ​ၼၼ်ႉ ႁႂ်ႈ​တဵမ်​မိုဝ်း​မၼ်း​သေ​လႄႈ​ဢဝ်​ၵႂႃႇ​ၵႃႈ​တီႈ​ၼႂ်း​ၽႃႈ​ၵင်ႈ​ဢေႃႈ။-</verse>
				<verse number="13">မၼ်း​ၼၼ်ႉ လွင်ႈ​ၼင်ႇ​ႁိုဝ်​ဢၢႆ​ၵႂၼ်း​ၼၢမ်ႇ​သႃႇ​ၼၼ်ႉ တၵ်း​လႆႈ​ဢုမ်ႇ​ႁူမ်ႇ​ပလၢင်ႇ​တီႈ​ၽေႇ​ဢပႅတ်ႈ​ဢၼ်​မီး​ယူႇ​ၵႃႈ​ၼိူဝ်​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ ႁႂ်ႈ​မၼ်း​လႆႈ​ၵၢင်း​လွတ်ႈ​တင်း​ၽေး​တၢႆ​ၸိုင်၊ တၵ်း​လႆႈ​ဢဝ်​ၼၢမ်ႇ​သႃႇ​ၼၼ်ႉ တၢင်ႇ​သႂ်ႇ​ၵႃႈ​ၼိူဝ်​ၽႆး ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="14">မၼ်း​တၵ်း​လႆႈ​ဢဝ်​လိူတ်ႈ​ဝူဝ်း​ၼၼ်ႉ​ၵမ်ႈ​ၽွင်ႈ​လႄႈ ဢဝ်​တင်း​ၼိဝ်ႉ​ၸီႉ​မၼ်း ဢဝ်​ၽႅတ်း​သႂ်ႇ​ၵႃႈ​ၼိူဝ်​ပလၢင်ႇ​တီႈ​ၽေႇ​ဢပႅတ်ႈ​ၼၼ်ႉ ၵႃႈ​တီႈ​ၼႃႈ​ဝၼ်း​ဢွၵ်ႇ​မၼ်း​ဢေႃႈ။ ၵႃႈ​တီႈ​ၽၢႆႇ​ၼႃႈ​ပလၢင်ႇ တီႈ​ၽေႇ​ဢပႅတ်ႈ​ၼၼ်ႉ​ၵေႃႈ မၼ်း​တၵ်း​လႆႈ​ဢဝ်​တင်း​ၼိဝ်ႉ​ၸီႉ ဢဝ်​လိူတ်ႈ​ၽႅတ်း​သႂ်ႇ​ၸဵတ်း​ပွၵ်ႈ​ဢေႃႈ။-</verse>
				<verse number="15">လိုၼ်း​ၼၼ်ႉ မၼ်း​တၵ်း​လႆႈ​ဢဝ်​ပႄႉ​ယိတ်ႈ​ဢၼ်​ၽေႇ​ဢပႅတ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၵူၼ်း​တင်း​လၢႆ​ၼၼ်ႉ​တၢႆ​လႄႈ ဢဝ်​လိူတ်ႈ​ၼၼ်ႉ​မႃး​ၵႃႈ​တီႈ​ၼႂ်း​ၽႃႈ​ၵင်ႈ​သေ​ယဝ်ႉ၊ ဢဝ်​လိူတ်ႈ​ၼၼ်ႉ​ႁဵတ်း​မိူၼ်​ၸိူဝ်ႉ​ၼင်ႇ​ဢၼ် ဢဝ်​လိူတ်ႈ​ဝူဝ်း​ၼၼ်ႉ​ႁဵတ်း​ၼၼ်ႉ​လႄႈ ၽႅတ်း​သႂ်ႇ​ၵႃႈ​ၼိူဝ်​ယိတ်ႈပလၢင်ႇ​တီႈ​ၽေႇ​ဢပႅတ်ႈ​ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​တီႈ​ၽေႇ​ဢပႅတ်ႈ​ၼၼ်ႉ​ဢေႃႈ။-</verse>
				<verse number="16">ၵွပ်ႈ​ပိူဝ်ႈ​တၢင်း​ဢၼ်​ဢမ်ႇ​မူတ်း​သႂ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ၸိူဝ်း​ၼၼ်ႉ ဢိၵ်ႇ​တင်း​ၵွပ်ႈ​ပိူဝ်ႈ​တၢင်း​ဢၼ်​ၶဝ်​ၽိတ်း​ပိူင်ႈ​ပူၼ်ႉ​လိူဝ်​ၸိူဝ်း​ၼၼ်ႉ ဢၼ်​ဝႃႈ​ဢပႅတ်ႈ​ၶဝ်​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​လႄႈ တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ထႃႇၼႃႉ တီႈ​မူတ်း​ၸၢင်ႇ​ၸဝ်ႈ​ဢေႃႈ။ ပုၼ်ႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ဢၼ်​လႆႈ​ယူႇ​လူၺ်ႈ​ၵၼ်​တင်း​ၶဝ်​ၵႃႈ​ၼႂ်း​ၵၢင်​တၢင်း​ဢၼ်​ဢမ်ႇ​မူတ်း​သႂ်​ၶဝ်​ၼၼ်ႉ​ၵေႃႈ တၵ်း​လႆႈ​ႁဵတ်း​မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="17">မိူဝ်ႈ​ဢၼ်​မၼ်း​ၶဝ်ႈ​ႁႂ်ႈ​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ၊ ၸူဝ်ႈ​ဢၼ်​မၼ်း ဢမ်ႇ​ပႆႇ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မၼ်း တင်း​ပုၼ်ႈ​ၵူၼ်း​ႁိူၼ်း​ၵူၼ်း​ယေး​မၼ်း ဢိၵ်ႇ​တင်း​ပုၼ်ႈ​ပရဵၵ်ႈသၢတ်ႈ​ ဢီႉသရေႇလႃႉ တင်း​သဵင်ႈ​တင်း​လူင်​ယဝ်ႉ​လႄႈ ဢွၵ်ႇ​မႃး​ၼၼ်ႉ​ၸိုင်၊ ၽူႈ​လႂ်​ဢမ်ႇ​လႆႈ​ယူႇ​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​သေ​ၵေႃႉ​သေ​ၵူၼ်း။-</verse>
				<verse number="18">လိုၼ်း​ၼၼ်ႉ မၼ်း​တၵ်း​လႆႈ​ဢွၵ်ႇ​ၸူး​ယိတ်ႈပလၢင်ႇ​ဢၼ်​မီး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ ႁႂ်ႈ​လႆႈ​ႁဵတ်း​ယိတ်ႈ​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ယိတ်ႈပလၢင်ႇ​ၼၼ်ႉ​လႄႈ ဢဝ်​လိူတ်ႈ​ဝူဝ်း၊ လိူတ်ႈ​ပႄႉ​ၵမ်ႈ​ၽွင်ႈ သႂ်ႇ​ၵႃႈ​တီႈ​ၶဝ်​လႅမ်​ယိတ်ႈပလၢင်ႇ ဢၼ်​မီး​လဵပ်ႈ​ႁွပ်ႈ​ၸွမ်း​ႁိမ်း​မၼ်း​ၼၼ်ႉ​ဢေႃႈ။-</verse>
				<verse number="19">ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ၵေႃႈ မၼ်း​တၵ်း​လႆႈ​ဢဝ်​တင်း​ၼိဝ်ႉ​ၸီႉ​မၼ်း​ဢဝ်​လိူတ်ႈ​ၼၼ်ႉ​ၵမ်ႈ​ၽွင်ႈ​ၽႅတ်း​သႂ်ႇ​ၸဵတ်း​ပွၵ်ႈ​လႄႈ ႁႂ်ႈ​မူတ်း​သႂ်​လႄႈ ႁႂ်ႈ​မူတ်း​ၸၢင်ႇ​သေ​ၵႃႈ​ၼႂ်း​တၢင်း​ဢၼ်​ဢမ်ႇ​မူတ်း​သႂ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="20">မၼ်း​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ၊ ပုၼ်ႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ပုၼ်ႈ​ယိတ်ႈပလၢင်ႇ​ၸိူဝ်း​ၼၼ်ႉ ယဝ်ႉ​တူဝ်ႈ​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ မၼ်း​တၵ်း​လႆႈ​ဢဝ်​ပႄႉ​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​မႃး​ဢေႃႈ။-</verse>
				<verse number="21">ဢႃႇရုၼ်ႇ ​တၵ်း​လႆႈ​ဢဝ်​မိုဝ်း​မၼ်း​သွင်​ၶွၼ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ပႄႉ​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​လႄႈ ၽုၺ်ႇ​ဢွၵ်ႇ​ၼႄ​ပျႃး​တူႉ​ၸရိူၵ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​တၢင်း​ဢၼ်​ၶဝ်​ၽိတ်း​ပိူင်ႈ​ပူၼ်ႉ​လိူဝ်​ၸိူဝ်း​ၼၼ်ႉ ဢၼ်​ဝႃႈ​ဢပႅတ်ႈ​ၶဝ်​ၵူႈ​ၸိူဝ်ႉ​ၵူႈ​ပိူင်​ၵႃႈ​မီး​ၼၼ်ႉ​လႄႈ ဢဝ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ပႄႉ​ၼၼ်ႉ​သေ​ယဝ်ႉ၊ ဢဝ်​တင်း​ၵေႃႉ​ဢၼ်​ထုၵ်ႇ​ဢၢပ်ႈ​ၼၼ်ႉ ဢဝ်​ပွႆႇ​ပႅတ်ႈ​ၵႃႈ​တီႈ​ထိူၼ်ႇ​ဢေႃႈ။-</verse>
				<verse number="22">ပႄႉ​ၼၼ်ႉ​တၵ်း​လႆႈ​ဢဝ်​တူႉ​ၸရိူၵ်ႈ​ဢပႅတ်ႈ​ၶဝ်​ၵႃႈ​မီး​ၼၼ်ႉ ၵႂႃႇ​ၸူး​ၵႃႈ​တီႈ​ဢၼ်​ၵူၼ်း​ဢမ်ႇ​ယူႇ​ၼၼ်ႉ​ဢေႃႈ။ ၵေႃႉ​ၼၼ်ႉ တၵ်း​လႆႈ​ဢဝ်​ပႄႉ​ၼၼ်ႉ ပွႆႇ​ပႅတ်ႈ​ၵႃႈ​တီႈ​ထိူၼ်ႇ​ဢေႃႈ။-</verse>
				<verse number="23">ၵမ်း​ၼၼ်ႉ ဢႃႇရုၼ်ႇ တၵ်း​လႆႈ​ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ ထွတ်ႇ​ၶူဝ်း​ပိၵ်ႈ​ၶျေႃး​ဢၼ်​မၼ်း​ၼုင်ႈ​မိူဝ်ႈ​ဢၼ်​မၼ်း​ၶဝ်ႈ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ​လႄႈ ဝႆႉ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="24">မၼ်း​တၵ်း​လႆႈ​ဢၢပ်ႇ​ၼမ်ႉ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​လႄႈ ၼုင်ႈ​ၶူဝ်း​ၼုင်ႈ​မၼ်း​သေ​ယဝ်ႉ၊ သမ်ႉ​ဢွၵ်ႇ​မႃး​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ဢၼ်​ၸၢပ်ႈ​သႅင်ႇ​ၵၼ်​တင်း​မၼ်း ဢိၵ်ႇ​တင်း​ယိတ်ႈ​ဢၼ်​တုတ်ႇ​ၽႆး ဢၼ်​ၸၢပ်ႈ​သႅင်ႇ​ၵၼ်​တင်း​ၵူၼ်း​တင်း​လၢႆ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မၼ်း ဢိၵ်ႇ​တင်း​ပုၼ်ႈ​ၵူၼ်း​တင်း​လၢႆ​ဢေႃႈ။-</verse>
				<verse number="25">ၵွၼ်ႈ​ၶႆ​ၵွၼ်ႈ​မၼ်း​တူဝ်​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ၸိုင်၊ မၼ်း​တၵ်း​လႆႈ​ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="26">ၵေႃႉ​ဢၼ်​ဢဝ်​ပႄႉ​ဢၼ်​ပဵၼ်​တၢင်း​ဢၼ်​ဢဝ်​ၵႂႃႇ​ပႅတ်ႈ​ၼၼ်ႉ ပွႆႇ​ပႅတ်ႈ​ၼၼ်ႉ​ၵေႃႈ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ ဢၢပ်ႇ​ၼမ်ႉ​သေ​ဢေႃႈ။ လိုၼ်း​ၼၼ်ႉ မၼ်း​ၸင်ႇ​တၵ်း​လႆႈ​ၶဝ်ႈ​ၵႃႈ​ၼႂ်း​တပ်ႉ​ဢေႃႈ။-</verse>
				<verse number="27">ဝူဝ်း​ယိတ်ႈ​ဢၼ်​ၽေႇ​ဢပႅတ်ႈ ဢိၵ်ႇ​တင်း​ပႄႉ​ယိတ်ႈ​ဢၼ်​ၽေႇ​ဢပႅတ်ႈ ဢၼ်​ဢဝ်​လိူတ်ႈ​ၶဝ်​သႂၢင်း​ၶဝ်ႈ ႁႂ်ႈ​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ယဝ်ႉ​ၼၼ်ႉ​ၸိူဝ်း​ၼၼ်ႉ​ၸိုင်၊ တၵ်း​လႆႈ​ဢဝ်​ဢွၵ်ႇ​ၵႃႈ​ၼွၵ်ႈ​တပ်ႉ​လႄႈ ဢဝ်​ၼင်​မၼ်း​ၼိူဝ်ႉ​မၼ်း၊ ၶီႈ​ၼုမ်ႇ​မၼ်း​တုတ်ႇ​ၽႆး​သေ​ဢေႃႈ။-</verse>
				<verse number="28">ၵေႃႉ​ဢၼ်​ဢဝ်​တုတ်ႇ​ၽႆး​ၼၼ်ႉ​ၵေႃႈ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ​ဢၢပ်ႇ​ၼမ်ႉ​သေ​ဢေႃႈ။ လိုၼ်း​ၼၼ်ႉ မၼ်း​ၸင်ႇ​တၵ်း​လႆႈ​ၶဝ်ႈ​ၵႃႈ​ၼႂ်း​တပ်ႉ​ဢေႃႈ။</verse>
				<verse number="29">ဢၼ်​ပဵၼ်​ပိင်း​ၺၢပ်ႈ​ၸဝ်ႈ​တီႈ​သူ​တႃႇ​သေႇ​ဢမ်ႇ​ထၢတ်ႇ​ၸမ်ႉ၊ ၼႂ်း​ဝၼ်း​ဢၼ်​ပဵၼ်​လိူၼ်​သတ်ႉတမႃႉ​သိပ်း​ဝၼ်း​ၼၼ်ႉ ၵူၼ်း​မဵဝ်း​သူ​သေ​ဢမ်ႇ​ဝႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​သူ​သေ​ဢမ်ႇ​ဝႃႈ၊ တၵ်း​လႆႈ​ဢွၼ်​ၵၼ် ၵမ်​ၵျၢင်ႉ​ၵႅၼ်ႇ​ၵႅၼ်ႇ​ၶႅင်​ၶႅင်​ယူႇ​လႄႈ ဢမ်ႇ​လႆႈ​ႁဵတ်း​တၢင်း​ႁဵတ်း​လႃး​လႃး။-</verse>
				<verse number="30">လွင်ႈ​မၼ်း​ၸမ်ႉ ၼႂ်း​ဝၼ်း​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ႁႂ်ႈ​သူ​လႆႈ​မူတ်း​သႂ်​ဢေႃႈ။ သူ​တၵ်း​လႆႈ​ၵၢင်း​လွတ်ႈ​တင်း​ဢပႅတ်ႈ​ၵႃႈ​မီး ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="31">ဝၼ်း​ၼၼ်ႉ​တၵ်း​လႆႈ​ပဵၼ်​ဝၼ်း​ၵမ်​သိၼ်​တီႈ​ဢၼ်​သူ​တၵ်း​လႆႈ​ယူႇ​ၼိမ်​ၼိမ်​လီ​လီ​လႄႈ ၵမ်​ၵျၢင်ႉ​ၵႅၼ်ႇ​ၵႅၼ်ႇ​ၶႅင်​ၶႅင်​ၼၼ်ႉ​ဢေႃႈ။ ပဵၼ်​ပိင်း​ၺၢပ်ႈ​ဢၼ်​တႃႇ​သေႇ​ဢေႃႈ။-</verse>
				<verse number="32">ၵေႃႉ​ဢၼ်​ၶၢမ်ႇ​ဢဝ်​ၽိၵ်ႈ​သိၵ်ႈ ဢိၵ်ႇ​တင်း​ဢရႃႇ​ယိတ်ႈပရေႃးႁဵၵ်ႈ​ႁႂ်ႈ​လႆႈ​ပွင်​ႁဵတ်း​ဢမူႉ​ယိတ်ႈပရေႃးႁဵၵ်ႈ​ၼႂ်း​ဢရႃႇ​ပေႃႈ​မၼ်း​ၼၼ်ႉ တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ၼၼ်ႉ​ဢေႃႈ။ မၼ်း​ၼၼ်ႉ​တၵ်း​လႆႈ​ၼုင်ႈ​ၶူဝ်း​ၼုင်ႈ​ပိၵ်ႈ​ၶျေႃး ဢၼ်​ဝႃႈ​ၶူဝ်း​ၼုင်ႈ​ဢၼ်​မူတ်း​ၸၢင်ႇ​ၼၼ်ႉ​လႄႈ၊-</verse>
				<verse number="33">ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ၊ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ဢိၵ်ႇ​တင်း​ပုၼ်ႈ​ယိတ်ႈပလၢင်ႇ၊ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ယိတ်ႈပရေႃးႁဵၵ်ႈ​တင်း​လၢႆ ဢိၵ်ႇ​တင်း​ပုၼ်ႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ဢေႃႈ။-</verse>
				<verse number="34">ဢၼ်​ၼႆႉ​ၸမ်ႉ၊ ပဵၼ်​ပိင်း​ၺၢပ်ႈ​ၸဝ်ႈ​တီႈ​သူ​ယူႇ​တႃႇ​သေႇ​ဢမ်ႇ​ထၢတ်ႇ ႁႂ်ႈ​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ ၵူၼ်း​မဵဝ်း​ ဢီႉသရေႇလႃႉ တင်း​လၢႆ ၵွပ်ႈ​ပိူဝ်ႈ​ဢပႅတ်ႈ​ၶဝ်​ၵႃႈ​မီး​ၼၼ်ႉ ယေႈ​ပီႊ​ယေႈ​ပွၵ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ တီႈ​ မူဝ်းသေႇ ​ၼၼ်ႉ​ဢေႃႈ။</verse>
			</chapter>
			<chapter number="17">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">သင်ႇ​လၢတ်ႈ​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​တင်း​လၢႆ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ​လႄႈ​ဝႃႈ၊ ပိင်း​ၺၢပ်ႈ ဢၼ်​ထႃႇဝရႃႉ​ၽြႃး​ပိင်း​ၺၢပ်ႈ​ဝႆႉ​ၸမ်ႉ၊-</verse>
				<verse number="3">ပေႃး​ၵူၼ်း​မဵဝ်း​ ဢီႉသရေႇလႃႉ သေ​ၵေႃႉ​သေ​ၵူၼ်း ဢဝ်​သူဝ်း​၊ ပႄႉ၊ ဝူဝ်း တၢႆ​ၵႃႈ​ၼႂ်း​တပ်ႉ၊ ဢမ်ႇ​ၼၼ် ဢဝ်​တၢႆ​ၵႃႈ​ၼွၵ်ႈ​တပ်ႉ​လႄႈ၊-</verse>
				<verse number="4">ယင်း​ဢမ်ႇ​ဢဝ်​မႃး​ၵႃႈ​တီႈ​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ႁႂ်ႈ​လႆႈ​ႁဵတ်း​တၢင်း​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ၼႂ်း​တီႈ​ၽၢႆႇ​ၼႃႈ​သုမ်ႉ​ထဵင်​ၸဝ်ႈ​ထႃႇဝရႃႉ​ၽြႃး​ၼၼ်ႉ​ၸိုင်၊ တၵ်း​လႆႈ​မၢတ်ႈ​ဢပႅတ်ႈ​လိူတ်ႈ​မီး​တီႈ​ၵေႃႉ​ၼၼ်ႉ​ဢေႃႈ။ ၵေႃႉ​ၼၼ်ႉ​ထွၵ်ႇ​လိူတ်ႈ​ပႅတ်ႈ​ယဝ်ႉ။ ၵေႃႉ​ၼၼ်ႉ​ၸိုင် တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="5">ၼင်ႇ​ႁိုဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​လႆႈ​ဢဝ်​ယိတ်ႈ​တၢင်း​ပုၵ်ႈ​ၸေႃႇ ဢၼ်​ၶဝ်​ပုၵ်ႈ​ၸေႃႇ​ၵႃႈ​တီႈ​ထိူၼ်ႇ​ၼၼ်ႉ မႃး​ၸူး​ယိတ်ႈပရေႃးႁဵၵ်ႈ​တီႈ​ထႃႇဝရႃႉ​ၽြႃး ၼႂ်း​တီႈ​ၽၢႆႇ​ၼႃႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ ပုၵ်ႈ​ၸေႃႇ​ယိတ်ႈ​မိၵ်ႉသႃႇႁႃယႃႉ​တီႈ​ထႃႇဝရႃႉ​ၽြႃး​ၸိုင်၊ လႆႈ​ၸီႇ​ယၢင်ႇ​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="6">ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ဢဝ်​လိူတ်ႈ​တူဝ်​ယိတ်ႈ​ၼၼ်ႉ ၽႅတ်း​သႂ်ႇ​ၵႃႈ​ၼိူဝ်​ယိတ်ႈပလၢင်ႇ​ထႃႇဝရႃႉ​ၽြႃး ဢၼ်​မီး​ၵႃႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ ဢဝ်​ၵွၼ်ႈ​ၶႆ​ၵွၼ်ႈ​မၼ်း​မၼ်း​တုတ်ႇ​ၽႆး ပုၼ်ႈ​တၢင်း​ဢၼ်​ႁွမ်​ဢၼ်​ႁူၺ်း​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="7">ၶဝ်​ၼၼ်ႉ ၵမ်း​လိုၼ်း​ဢမ်ႇ​လႆႈ​ပုၵ်ႈ​ၸေႃႇ​ၵႃႈ​တီႈ​ၽီ​ႁၢႆႉ​တင်း​လၢႆ မိူၼ်​ၸိူဝ်ႉ​ၼင်ႇ​ဢၼ်​ၽိတ်း​ပိူင်ႈ​မႃး​ယဝ်ႉ​ဢွၼ်​တၢင်း​ၼၼ်ႉ။ ဢၼ်​ၼႆႉ​ၸမ်ႉ၊ ပဵၼ်​ပိင်း​ၺၢပ်ႈ​ၸဝ်ႈ​ဢၼ်​တႃႇ​သေႇ​တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ။</verse>
				<verse number="8">မႂ်း​သင်ႇ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၵူၼ်း​မဵဝ်း​ၸိူဝ်ႉ​ၶိူဝ်း​ ဢီႉသရေႇလႃႉ ​သေ​ဢမ်ႇ​ဝႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​သူ​သေ​ဢမ်ႇ​ဝႃႈ၊ ပေႃး​သေ​ၵေႃႉ​သေ​ၵူၼ်း​ပုၵ်ႈ​ၸေႃႇ ၸႃႉ​ၸဵမ်​ယိတ်ႈ​ဢၼ်​တုတ်ႇ​ၽႆး​လႄႈ ယိတ်ႈ​တၢင်ႇ​ၸိူဝ်ႉ​တၢင်ႇ​ဢၼ်​သေ​ၸိူဝ်ႉ​သေ​ပိူင်​ၼၼ်ႉ​လႄႈ၊-</verse>
				<verse number="9">ယင်း​ဢမ်ႇ​ဢဝ်​မႃး​ၵႃႈ​တီႈ​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ႁႂ်ႈ​လႆႈ​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၸိုင်၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ၊ ဝႃႈ​ၼင်ႇ​ၼႆ​တႃႉ။</verse>
				<verse number="10">ၵူၼ်း​မဵဝ်း​ ဢီႉသရေႇလႃႉ ​သေ​ဢမ်ႇ​ဝႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​သူ​သေ​ဢမ်ႇ​ဝႃႈ၊ ပေႃး​သေ​ၵေႃႉ​သေ​ၵူၼ်း ၵိၼ်​လိူတ်ႈ​သေ​မဵဝ်း​မဵဝ်း​ၸိုင်၊ ၵဝ်​တၵ်း​ဝၢႆႇ​ၼႃႈ​ပႅတ်ႈ​သေ​ၵေႃႉ​ဢၼ်​ၵိၼ်​လိူတ်ႈ​ၼၼ်ႉ​လႄႈ ပႄႇ​မၼ်း​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="11">လွင်ႈ​မၼ်း​ၸမ်ႉ ဢသၢၵ်ႈ​တူဝ်​ၶၼ်ႇ​ထႃႇ​တႄႇ​ယူႇ​ၵႃႈ​တီႈ​လိူတ်ႈ​ဢေႃႈ။ လိူတ်ႈ​ၼၼ်ႉ​ၸိုင် ၵဝ်​ပၼ်​တီႈ​သူ​ၵႃႈ​ၼိူဝ်​ယိတ်ႈပလၢင်ႇ ႁႂ်ႈ​လႆႈ​ၽေႇ​ဢပႅတ်ႈ​ဝီႉၺိၺ်ႇ​သူ​ၼၼ်ႉ​ယဝ်ႉ။ လိူတ်ႈ​ၸမ်ႉ၊ ပဵၼ်​လွင်ႈ​တၢင်း​ဢၼ်​ၽေႇ​ဢပႅတ်ႈ ၵွပ်ႈ​ပိူဝ်ႈ​ဢၼ်​ပဵၼ်​ဢသၢၵ်ႈ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ ၵဝ်​မီး​ဢမိင်ႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၵႃႈ​ၼႂ်း​သူ​ၽူႈ​လႂ်​ဢမ်ႇ​လႆႈ​ၵိၼ်​လိူတ်ႈ။ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​သူ​ၼၼ်ႉ​ၵေႃႈ ဢမ်ႇ​လႆႈ​ၵိၼ်​လိူတ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ၵူၼ်း​မဵဝ်း​ ဢီႉသရေႇလႃႉ ​သေ​ဢမ်ႇ​ဝႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​သူ​သေ​ဢမ်ႇ​ဝႃႈ၊ ပေႃး​သေ​ၵေႃႉ​သေ​ၵူၼ်း ႁဵတ်း​မူး​သိူဝ်း​လႄႈ တီႉ​လႆႈ​တူဝ်​သတ်း၊ ဢမ်ႇ​ၼၼ်​ၵေႃႈ ၼူၵ်ႉ​ပုၼ်ႈ​ဢၼ်​တၵ်း​ၵိၼ်​ၸိုင်၊ မၼ်း​တၵ်း​လႆႈ​ထွၵ်ႇ​လိူတ်ႈ​မၼ်း​ပႅတ်ႈ​သေ​လႄႈ ဢဝ်​လိၼ်​ႁူမ်ႇ​ဝႆႉ​သေ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ လိူတ်ႈ​ပဵၼ်​ဢသၢၵ်ႈ​တူဝ်​ၶၼ်ႇ​ထႃႇ​တင်း​သဵင်ႈ​တင်း​လူင်​ဢေႃႈ။ လိူတ်ႈ​ပဵၼ်​ဢၼ်​လဵဝ်​ၵၼ်​တင်း​ဢသၢၵ်ႈ​ဢေႃႈ။ ပိူဝ်ႈ​ၼႆ​လႄႈ ၵဝ်​မီး​ဢမိင်ႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ သူ​ဢမ်ႇ​လႆႈ​ၵိၼ်​လိူတ်ႈ​တူဝ်​ၶၼ်ႇ​ထႃႇ သေ​ၸိူဝ်ႉ​သေ​ပိူင်၊ ဝႃႈ​ၼင်ႇ​ၼႆ​ဢေႃႈ။ ၵွပ်ႈ​ပိူဝ်ႈ​ဢၼ်​ဢသၢၵ်ႈ​တူဝ်​ၶၼ်ႇ​ထႃႇ​တင်း​လၢႆ​တႄႇ​ယူႇ​ၼႂ်း​လိူတ်ႈ​လႄႈ၊ ၵေႃႉ​ဢၼ်​ၵိၼ်​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ဢေႃႈ။-</verse>
				<verse number="15">ၵူၼ်း​မဵဝ်း​ၸိူဝ်ႉ​ၶိူဝ်း​တူဝ်​ၸဝ်ႈ​ၵဝ်ႇ​သေ​ဢမ်ႇ​ဝႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​သေ​ဢမ်ႇ​ဝႃႈ၊ ပေႃး​သေ​ၵေႃႉ​သေ​ၵူၼ်း​ၵိၼ်​ၼိူဝ်ႉ​တူဝ်​ဢၼ်​တၢႆ​ၵူၺ်း​မၼ်း၊ ဢမ်ႇ​ၼၼ် တူဝ်​ဢၼ်​တူဝ်​ႁၢႆႉ​ၶူပ်း​တၢႆ​ၼၼ်ႉ​ၸိုင်၊ မၼ်း​တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ​ဢၢပ်ႇ​ၼမ်ႉ​သေ​ဢေႃႈ။ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။ လိုၼ်း​ၼၼ်ႉ မၼ်း​မီး​တၢင်း​ဢၼ်​မူတ်း​သႂ်​ဢေႃႈ။-</verse>
				<verse number="16">ပေႃး​ဢမ်ႇ​သၵ်ႉ​လွႆး​ၶူဝ်း​ၼုင်ႈ၊ ဢမ်ႇ​ဢၢပ်ႇ​ၼမ်ႉ​ၸိုင်၊ မၼ်း​တၵ်း​လႆႈ​ၶၢမ်ႇ​ဢပႅတ်ႈ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">သင်ႇ​လၢတ်ႈ​ဝႆႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။-</verse>
				<verse number="3">သူ​ဢမ်ႇ​လႆႈ​ၵမ်​ၵျၢင်ႉ​ၸွမ်း​ၼင်ႇ​တၢင်း​ၵမ်​တၢင်း​ၵျၢင်ႉ​မိူင်း​ ဢေႇၵိပ်ႉတူႉ ​ဢၼ်​သူ​ယူႇ​မႃး​ယဝ်ႉ​ၼၼ်ႉ။ သူ​ဢမ်ႇ​လႆႈ​ၵမ်​ၵျၢင်ႉ​ၸွမ်း​ၼင်ႇ​တၢင်း​ၵမ်​တၢင်း​ၵျၢင်ႉ​မိူင်း​ ၶႃႇၼၢၼ်ႇ ဢၼ်​ၵဝ်​တၵ်း​ဢဝ်​သူ​ၵႂႃႇ​သူင်ႇ​ၼၼ်ႉ။ ၵႃႈ​တီႈ​သဵၼ်ႈ​တၢင်း​ပိင်း​ၺၢပ်ႈ​တြႃး​ၶဝ်​ၼၼ်ႉ​ၵေႃႈ သူ​ဢမ်ႇ​လႆႈ​ၵႂႃႇ​လႆႈ​ၸွမ်း။-</verse>
				<verse number="4">သူ​တၵ်း​လႆႈ​ၵမ်​ၵျၢင်ႉ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​လႄႈ ပႂ်ႉ​ႁဵတ်း​ႁႂ်ႈ​လႆႈ​ၸွမ်း​သဵၼ်ႈ​တၢင်း​ပိင်း​ၺၢပ်ႈ​တြႃး​ၵဝ်​ၼၼ်ႉ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။-</verse>
				<verse number="5">ပိူဝ်ႈ​ၼႆ​လႄႈ တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၵဝ် ဢိၵ်ႇ​တင်း​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​ဢေႃႈ။ ၵေႃႉ​ဢၼ်​ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ​ၼၼ်ႉ၊ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ၼၼ်ႉ​လႄႈ ဢသၢၵ်ႈ​တၵ်း​လိပ်း​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။</verse>
				<verse number="6">ၼႂ်း​သူ​ၼၼ်ႉ ၽူႈ​လႂ်​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး တီႈ​ၵေႃႉ​ဢၼ်​ထုၵ်ႇ​ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​ၼၼ်ႉ​လႄႈ ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​ၶဝ်​လႆႈ​ယူႇ​တူဝ်​ပူၺ်။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="7">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​ပေႃႈ​မႂ်း​လႆႈ​ယူႇ​တူဝ်​ပူၺ် ဢၼ်​ဝႃႈ​ႁႂ်ႈ​မႄႈ​မႂ်း​လႆႈ​ယူႇ​တူဝ်​ပူၺ်​ၼၼ်ႉ။ ၵွပ်ႈ​ပိူဝ်ႈ​ဢၼ်​ပဵၼ်​မႄႈ​မႂ်း​လႄႈ မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​မၼ်း​လႆႈ​ယူႇ​တူဝ်​ပူၺ်။-</verse>
				<verse number="8">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​မေး​ပေႃႈ​မႂ်း​လႆႈ​ယူႇ​တူဝ်​ပူၺ်။ ပဵၼ်​တၢင်း​ဢၼ်​ပေႃႈ​မႂ်း​လႆႈ​ယူႇ​တူဝ်​ပူၺ်​ဢေႃႈ။-</verse>
				<verse number="9">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​ပီႈ​ၼၢင်း​မႂ်း၊ ၼွင်ႉ​ယိင်း​မႂ်း၊ ဢၼ်​ပဵၼ်​လုၵ်ႈ​ယိင်း​ပေႃႈ​မႂ်း၊ ဢမ်ႇ​ၼၼ်​ၵေႃႈ လုၵ်ႈ​ယိင်း​မႄႈ​မႂ်း၊ ဢၼ်​ၵိူတ်ႇ​လဵင်ႉ​ႁိူၼ်း​လဵဝ်​ၵၼ်​သေ​ဢမ်ႇ​ဝႃႈ၊ ဢၼ်​ၵိူတ်ႇ​လဵင်ႉ​တၢင်ႇ​တီႈ​သေ​ဢမ်ႇ​ဝႃႈ​ၼၼ်ႉ လႆႈ​ယူႇ​တူဝ်​ပူၺ်။-</verse>
				<verse number="10">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​လၢၼ်​ယိင်း​မႂ်း​ဢၼ်​ပဵၼ်​လုၵ်ႈ​ယိင်း​လုၵ်ႈ​ၸၢႆး​မႂ်း၊ ဢမ်ႇ​ၼၼ်​ၵေႃႈ ဢၼ်​ပဵၼ်​လုၵ်ႈ​ယိင်း​လုၵ်ႈ​ယိင်း​မႂ်း​ၼၼ်ႉ​လႆႈ​ယူႇ​တူဝ်​ပူၺ်။ ပဵၼ်​တၢင်း​ဢၼ်​မႂ်း​လႆႈ​ယူႇ​တူဝ်​ပူၺ်​ဢေႃႈ။-</verse>
				<verse number="11">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​လုၵ်ႈ​ယိင်း​မႄႈ​သိုပ်ႇ ဢၼ်​ပဵၼ်​ပေႃႈ​လဵဝ်​ၵၼ်​တင်း​မႂ်း​ၼၼ်ႉ၊ လႆႈ​ယူႇ​တူဝ်​ပူၺ်။ ပဵၼ်​ၼွင်ႉ​ယိင်း​မႂ်း​ဢေႃႈ။-</verse>
				<verse number="12">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ​ႁႂ်ႈ​ပီႈ​ၼၢင်း​ၼွင်ႉ​ယိင်း​ပေႃႈ​မႂ်း​လႆႈ​ယူႇ​တူဝ်​ပူၺ်။ ပဵၼ်​ပီႈ​ၼွင်ႉ​ဢွၵ်ႇ​ပေႃႈ​မႂ်း​ဢေႃႈ။-</verse>
				<verse number="13">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​ပီႈ​ၼၢင်း​ၼွင်ႉ​ယိင်း​မႄႈ​မႂ်း​လႆႈ​ယူႇ​တူဝ်​ပူၺ်။ ပဵၼ်​ပီႈ​ၼွင်ႉ​ဢွၵ်ႇ​မႄႈ​မႂ်း​ဢေႃႈ။-</verse>
				<verse number="14">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​ပီႈ​ၸၢႆး​ၼွင်ႉ​ၸၢႆး​ပေႃႈ​မႂ်း​လႆႈ​ယူႇ​တူဝ်​ပူၺ်၊ မႂ်း​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​တီႈ​မေး​မၼ်း။ ပဵၼ်​မႄႈ​ပႃႈ​မႄႈ​ဢႃ​မႂ်း​ဢေႃႈ။-</verse>
				<verse number="15">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​လုၵ်ႈ​ပႂ်ႉ​မႂ်း​လႆႈ​ယူႇ​တူဝ်​ပူၺ်။ ပဵၼ်​မေး​လုၵ်ႈ​ၸၢႆး​မႂ်း​ဢေႃႈ။ မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​မၼ်း​လႆႈ​ယူႇ​တူဝ်​ပူၺ်။-</verse>
				<verse number="16">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​မေး​ပီႈ​ၸၢႆး​ၼွင်ႉ​ၸၢႆး​မႂ်း​လႆႈ​ယူႇ​တူဝ်​ပူၺ်။ ပဵၼ်​တၢင်း​ဢၼ်​ပီႈ​ၸၢႆး​ၼွင်ႉ​ၸၢႆး​မႂ်း လႆႈ​ယူႇ​တူဝ်​ပူၺ်​ဢေႃႈ။-</verse>
				<verse number="17">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​မႄႈ​ယိင်း​ဢိၵ်ႇ​တင်း​လုၵ်ႈ​ယိင်း​မၼ်း​လႆႈ​ယူႇ​တူဝ်​ပူၺ်။ မႂ်း​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​လုၵ်ႈ​ယိင်း​လုၵ်ႈ​ၸၢႆး​မၼ်း၊ ဢမ်ႇ​ၼၼ်​ၵေႃႈ ၵႃႈ​တီႈ​လုၵ်ႈ​ယိင်း​လုၵ်ႈ​ယိင်း​မၼ်း​ၼၼ်ႉ ႁႂ်ႈ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​မၼ်း​လႆႈ​ယူႇ​တူဝ်​ပူၺ်။ ပဵၼ်​ပီႈ​ၼွင်ႉ​ဢွၵ်ႇ​မႄႈ​ယိင်း​ၼၼ်ႉ​ဢေႃႈ။ ပဵၼ်​လွင်ႈ​တၢင်း​ဢၼ်​ဢမ်ႇ​တြႃး​ဢေႃႈ။-</verse>
				<verse number="18">လွင်ႈ​ၼင်ႇ​ႁိုဝ်​တၵ်း​ယႃႉ​ယူၵ်ႉ​မေး​မႂ်း​ၸိုင်၊ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ဢသၢၵ်ႈ​လိပ်း​ယူႇ​ၼၼ်ႉ မႂ်း​ဢမ်ႇ​လႆႈ​သိမ်း​ဢဝ်​ပီႈ​ၼၢင်း၊ ၼွင်ႉ​ယိင်း​မၼ်း ႁႂ်ႈ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​မႄႈ​ယိင်း​ၼၼ်ႉ​လႆႈ​ယူႇ​တူဝ်​ပူၺ်။</verse>
				<verse number="19">မႂ်း​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​တီႈ​မႄႈ​ယိင်း ႁႂ်ႈ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​မၼ်း​လႆႈ​ယူႇ​တူဝ်​ပူၺ်​ၼၼ်ႉ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ဢမ်ႇ​မူတ်း​သႂ် ၵွပ်ႈ​ပိူဝ်ႈ​ဢူႉတူႉ​ဢၼ်​ဢမ်ႇ​မူတ်း​သႂ်​ယူႇ​ၼၼ်ႉ။-</verse>
				<verse number="20">မႂ်း​ဢမ်ႇ​လႆႈ​ၼွၼ်း​လူၺ်ႈ​ၵၼ်​တင်း​မေး​ပိူၼ်ႈ ႁႂ်ႈ​တူဝ်​ၸဝ်ႈ​ၵဝ်ႇ​လႆႈ​ၵူဝ်ႈ​ၵိူၵ်ႇ။-</verse>
				<verse number="21">မႂ်း​ဢမ်ႇ​လႆႈ​ဢဝ်​လုၵ်ႈ​လၢင်း​ၸိူဝ်ႉ​ၶိူဝ်း​မႂ်း​သေ​ၵေႃႉ​သေ​ၵူၼ်း​ပၼ်​လႄႈ ႁႂ်ႈ​ၶဝ်​လႆႈ​ၶၢမ်ႇ​တၢင်း​ဢၼ်​ဢဝ်​ၽႆး ပုၵ်ႈ​ၸေႃႇ​တီႈ​ၸဝ်ႈ​ၽြႃး​ မူးလွၵ်ႉ ။ မႂ်း​ဢမ်ႇ​လႆႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ​မႂ်း​ၶျႃး​တူၵ်း​တီႈ​တႅမ်ႇ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="22">မႂ်း​ဢမ်ႇ​လႆႈ​ၼွၼ်း​လူၺ်ႈ​ၵၼ်​တင်း​ၵူၼ်း​ၸၢႆး မိူၼ်​ၸိူဝ်ႉ​ၼင်ႇ​ဢၼ်​ၼွၼ်း​လူၺ်ႈ​ၵၼ်​တင်း​မႄႈ​ယိင်း​ၼၼ်ႉ။ ပဵၼ်​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ဢေႃႈ။-</verse>
				<verse number="23">မႂ်း​ဢမ်ႇ​လႆႈ​ၼွၼ်း​လူၺ်ႈ​ၵၼ်​တင်း​တရိၵ်ႈသၢၼ်ႇ ႁႂ်ႈ​တူဝ်​ၸဝ်ႈ​ၵဝ်ႇ​လႆႈ​ၵူဝ်ႈ​ၵိူၵ်ႇ။ မႄႈ​ယိင်း​ၵေႃႈ ဢမ်ႇ​လႆႈ​ယူႇ​ၵႃႈ​တီႈ​ၽၢႆႇ​ၼႃႈ​တရိၵ်ႈသၢၼ်ႇ​သေ​လႄႈ ႁႂ်ႈ​လႆႈ​ၶၢမ်ႇ​တၢင်း​ဢၼ်​ၼွၼ်း​လူၺ်ႈ​ၵၼ်​တင်း​တူဝ်​ၸဝ်ႈ​ၵဝ်ႇ။ ပဵၼ်​တၢင်း​ဢၼ်​လေႃး​လႄး ဢၼ်​လီ​ႁင်ႈ​ဢဵတ်ႇ​သဵတ်ႇ​ဢေႃႈ။</verse>
				<verse number="24">တူဝ်​ၸဝ်ႈ​ၵဝ်ႇ​ဢမ်ႇ​လႆႈ​ဢဝ်​လွင်ႈ​တၢင်း​ၸိူဝ်း​ၼႆႉ​သေ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​ၵူဝ်ႈ​ၵိူၵ်ႇ။ ၵူၼ်း​မဵဝ်း​ဢၼ်​ၵဝ်​ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ​ၸိူဝ်း​ၼၼ်ႉ ႁဵတ်း​လွင်ႈ​တၢင်း​ၸိူဝ်း​ၼႆႉ​တင်း​သဵင်ႈ​တင်း​လူင်​လႄႈ ၵူဝ်ႈ​ၵိူၵ်ႇ​ၵူႈ​မဵဝ်း​ဢေႃႈ။-</verse>
				<verse number="25">မိူင်း​ၶဝ်​ၼၼ်ႉ​ၵေႃႈ ၵူဝ်ႈ​ၵိူၵ်ႇ​ဢေႃႈ။ ပိူဝ်ႈ​ၼႆ​လႄႈ ၵဝ်​တၵ်း​ပၼ်​တၢမ်ႇ​ၵွပ်ႈ​ပိူဝ်ႈ​ဢပႅတ်ႈ​ဢၼ်​ဢမ်ႇ​တြႃး​ၼၼ်ႉ တီႈ​မိူင်း​ၼၼ်ႉ​လႄႈ၊ မိူင်း​ၼၼ်ႉ​တၵ်း​တူၼ်ႉ​ႁၢၵ်ႈ​ၵူၼ်း​မၼ်း​တင်း​လၢႆ​ဢွၵ်ႇ​ပႅတ်ႈ​ဢေႃႈ။-</verse>
				<verse number="26">သူ​ၸမ်ႉ၊ တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး​ၵဝ် ဢိၵ်ႇ​တင်း​လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​ဢေႃႈ။-</verse>
				<verse number="27">လွင်ႈ​ၼင်ႇ​ႁိုဝ်​မိူင်း​ၼၼ်ႉ​တၵ်း​ဢမ်ႇ​လႆႈ​သမ်ႉ​တူၼ်ႉ​ႁၢၵ်ႈ​သူ​ဢွၵ်ႇ​ပႅတ်ႈ</verse>
				<verse number="28">ၼႂ်း​မိူဝ်ႈ​ဢၼ်​သူ​ႁႂ်ႈ​မၼ်း​ၵူဝ်ႈ​ၵိူၵ်ႇ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​တူၼ်ႉ​ႁၢၵ်ႈ​ၵူၼ်း​မဵဝ်း​ဢၼ်​မီး​ဢွၼ်​တၢင်း​သူ​ၼၼ်ႉ​ဢွၵ်ႇ​ပႅတ်ႈ​ၼၼ်ႉ​ၸိုင်၊ ၵူၼ်း​မဵဝ်း​တူဝ်​ၸဝ်ႈ​ၵဝ်ႇ​သေ​ဢမ်ႇ​ဝႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​သူ​သေ​ဢမ်ႇ​ဝႃႈ၊ ဢမ်ႇ​လႆႈ​ႁဵတ်း​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ၸိူဝ်ႉ​ၼင်ႇ​ၼၼ်​ၼၼ်ႉ။ ၵူၼ်း​ဝၢၼ်ႈ​ၵူၼ်း​မိူင်း​ဢၼ်​မီး​ဢွၼ်​တၢင်း​သူ​ၸိူဝ်း​ၼၼ်ႉ ႁဵတ်း​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ တင်း​သဵင်ႈ​တင်း​လူင်​ၸိူဝ်း​ၼၼ်ႉ​လႄႈ၊ မိူင်း​ၶဝ်​မီး​တၢင်း​ဢၼ်​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="29">ၵေႃႉ​ဢၼ်​ႁဵတ်း​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ၸိူဝ်ႉ​ၼင်ႇ​ၼၼ်​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="30">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ် သူ​တၵ်း​ဢမ်ႇ​ၸွမ်း​ထုင်း​ၽိင်ႈ​ဢၼ်​လီ​ႁင်ႈ​ဢဵတ်ႇ​သဵတ်ႇ၊ ဢၼ်​ယၢမ်ႈ​လႆႈ​ႁဵတ်း​မႃး​ယဝ်ႉ မိူဝ်ႈ​ဢွၼ်​တင်း​သူ​ၼၼ်ႉ​ၸိူဝ်း​ၼၼ်ႉ​သေ​လႄႈ တူဝ်​ၸဝ်ႈ​ၵဝ်ႇ​ႁႂ်ႈ​တူဝ်​ၸဝ်ႈ​ၵဝ်ႇ​ၵူဝ်ႈ​ၵိူၵ်ႇ​ၸိုင်၊ တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး​ၵဝ်​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="19">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">သင်ႇ​လၢတ်ႈ​ဝႆႉ​တီႈ​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ် ၵဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​မူတ်း​ၸၢင်ႇ​လႄႈ သူ​ၵေႃႈ​မီး​တၢင်း​ဢၼ်​မူတ်း​ၸၢင်ႇ​တႃႉ။</verse>
				<verse number="3">သူ​ၵူႈ​ၵေႃႉ​ၵူႈ​ၵူၼ်း တၵ်း​လႆႈ​ဢွၼ်​ၵၼ်​ရူဝ်ႇ​သေႇ​ၵူဝ်​ယမ်​ပေႃႈ​မႄႈ​သူ​ဢေႃႈ။ ဝၼ်း​ၵမ်​သိၼ်​ၵဝ်​တင်း​လၢႆ​ၵေႃႈ၊ သူ​တၵ်း​လႆႈ​ဢွၼ်​ၵၼ်​ပႂ်ႉ​ဢေႃႈ။</verse>
				<verse number="4">သူ​ဢမ်ႇ​လႆႈ​ဝႄႉ​ၵႂႃႇ​လႄႈ သုတ်ႉ​ၸပ်း​သုတ်ႉ​ၸူး​တီႈ​ရုၵ်ႈ​ထူႉ​သၢင်း​ထူႉ။ သူ​ဢမ်ႇ​လႆႈ​ဢွၼ်​ၵၼ် ႁဵတ်း​ၽြႃး​ဢၼ်​သွၼ်း​လေႃႇ​ႁဵတ်း​ပုၼ်ႈ​သူ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။</verse>
				<verse number="5">ပေႃး​သူ​ပုၵ်ႈ​ၸေႃႇ​ယိတ်ႈ​မိၵ်ႉသႃႇႁႃယႃႉ​တီႈ​ထႃႇဝရႃႉ​ၽြႃး​ၸိုင်၊ သူ​တၵ်း​လႆႈ​ပုၵ်ႈ​ၸေႃႇ​ႁႂ်ႈ​ထုၵ်ႇ​ၸႂ်​မႅၼ်ႈ​ၸႂ်​မၼ်း​ၸဝ်ႈ​ဢေႃႈ။-</verse>
				<verse number="6">တၵ်း​လႆႈ​ၵိၼ်​ၼႂ်း​ဝၼ်း​ဢၼ်​ပုၵ်ႈ​ၸေႃႇ ဢိၵ်ႇ​တင်း​ၼႂ်း​ဝၼ်း​မိူဝ်ႈ​ၽုၵ်ႈ​ၼၼ်ႉ​ဢေႃႈ။ ပေႃး​ၵိုတ်း​ၵျၢၼ်ႇ​တေႃႇ​ထိုင်​ႁွတ်ႈ ဝၼ်း​တႃႉတီႉယႃႉ​သေ​ဢိတ်း​သေ​ဢီႈ​ၸိုင်၊ တၵ်း​လႆႈ​ဢဝ်​တုတ်ႇ​ၽႆး​ပႅတ်ႈ​သေ​ဢေႃႈ။-</verse>
				<verse number="7">ၼႂ်း​ဝၼ်း​တႃႉတီႉယႃႉ​ၼၼ်ႉ၊ ပေႃး​ၵိၼ်​သေ​ဢိတ်း​သေ​ဢီႈ​ၸိုင်၊ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​ဢေႃႈ။ ဢမ်ႇ​ထုၵ်ႇ​ၸႂ်​မႅၼ်ႈ​ၸႂ်​မၼ်း​ၸဝ်ႈ။-</verse>
				<verse number="8">ၵေႃႉ​ဢၼ်​ၵိၼ်​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​ၶျႃး​ၶိူင်ႈ​ပိူင် ဢၼ်​မူတ်း​ၸၢင်ႇ​ထႃႇဝရႃႉ​ၽြႃး​တူၵ်း​တီႈ​တႅမ်ႇ​လႄႈ၊ မၼ်း​တၵ်း​လႆႈ​ၶၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ​ဢေႃႈ။ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။</verse>
				<verse number="9">မိူဝ်ႈ​ဢၼ်​သူ​ပၢတ်ႇ​ၶဝ်ႈ​ဢၼ်​ပဵၼ်​ၵႃႈ​တီႈ​လိၼ်​သူ​ၼၼ်ႉ​ၸိုင်၊ မႂ်း​ဢမ်ႇ​လႆႈ​ပၢတ်ႇ​ၵႃႈ​တီႈ​ၸွၵ်ႉ​ၼႃး​ၸဵင်ႇ​ၼႃး​တင်း​လၢႆ မူတ်း​မူတ်း​သဵင်ႈ​သဵင်ႈ။ မႂ်း​ဢမ်ႇ​လႆႈ​ၶိုၼ်း​လႄႈ​ၵဵပ်း​ဢဝ်​သိမ်း​ဢဝ် ဢၼ်​တူၵ်း​ဢၼ်​ႁူင်ႈ ၵႃႈ​တီႈ​ဢၼ်​သိမ်း​ဢဝ်​ယဝ်ႉ​ၼၼ်ႉ။-</verse>
				<verse number="10">သူၼ်​ဢူးယဵၼ်ႇ​ၸပိတ်ႈ​မႂ်း​ၵေႃႈ မႂ်း​ဢမ်ႇ​လႆႈ​ၶိုၼ်း​လႄႈ​သိမ်း​ဢဝ် မၢၵ်ႇ​မၼ်း​မူတ်း​မူတ်း​သဵင်ႈ​သဵင်ႈ။ မႂ်း​ဢမ်ႇ​လႆႈ​ၵဵပ်း​လႆႈ​ဢဝ် မၢၵ်ႇ​ဢၼ်​တူၵ်း​ဢၼ်​ႁူင်ႈ​ၼၼ်ႉ။ မၢၵ်ႇ​ၸိူဝ်း​ၼၼ်ႉ​ၸိုင် မႂ်း​တၵ်း​လႆႈ​ႁႂ်ႈ​ၵိုတ်း​ၵျၢၼ်ႇ​ဝႆႉ ပုၼ်ႈ​ၵူၼ်း​ယၢၵ်ႈ​ၵူၼ်း​ၽၢၼ်​တင်း​ၶႅၵ်ႇ​ဢႃႇၵၼ်ႇတူႉ​ဢေႃႈ။ ၵဝ်​ၼႆႉ​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။</verse>
				<verse number="11">သူ​ဢမ်ႇ​လႆႈ​လၵ်ႉ​ဢဝ်​ဢုၵ်ႉ​ၸႃႇ​ပိူၼ်ႈ။ ဢမ်ႇ​လႆႈ​ပႅတ်ႉ​လႆႈ​လႅၼ်​ပိူၼ်ႈ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ဢမ်ႇ​လႆႈ​လၢတ်ႈ​ၵႂၢမ်း​မူႉ​သႃႇ​တေႃႇ​ၵၼ်။-</verse>
				<verse number="12">ယင်း​ဢမ်ႇ​ၸိုဝ်ႈ​ဢမ်ႇ​ၸႂ်ႈ​လႄႈ သူ​ဢမ်ႇ​လႆႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ် ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ။ ဢမ်ႇ​လႆႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ​မႂ်း ၶျႃး​တူၵ်း​တီႈ​တႅမ်ႇ​ၸိူဝ်ႉ​ၼင်ႇ​ၼၼ်။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="13">ဢုၵ်ႉ​ၸႃႇ​ၶူဝ်း​လဵင်း​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ​ၸိုင်၊ မႂ်း​ဢမ်ႇ​လႆႈ​ႁဵတ်း​ဢၼ်​ဢမ်ႇ​တြႃး​သေ​လႄႈ​သိမ်း​ဢဝ်။ ဢမ်ႇ​လႆႈ​ႁဵတ်း​ပႄႉ​ႁဵတ်း​ၼႅင်ႇ​သေ​လႄႈ​ႁိမ်​ဢဝ်။ ၵႃႈ​ၸၢင်ႈ​ၶၼ်​ငႃ​ဢၼ်​ၵူၼ်း​ၵိၼ်​ၸၢင်ႈ​ၵိၼ်​ငႃ​ထုၵ်ႇ​လႆႈ​ၶၢမ်ႇ​ဢဝ်​ၼၼ်ႉ ဢမ်ႇ​လႆႈ​မီး​ဝႆႉ​ယူႇ​တီႈ​မႂ်း​တင်း​ၶိုၼ်း​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်။</verse>
				<verse number="14">မႂ်း​ဢမ်ႇ​လႆႈ​ၵိၼ်ႇ​လႆႈ​လႃႇ​ၵူၼ်း​ႁူ​ၼူၵ်ႇ။ မႂ်း​ဢမ်ႇ​လႆႈ​ဢဝ်​ဢၼ်​တၵ်း​တိူဝ်ႉ​မႅၼ်ႈ​လႄႈ​လူမ်ႉ​ၼၼ်ႉ ဝႆႉ​ၵႃႈ​တီႈ​ၽၢႆႇ​ၼႃႈ​ၵူၼ်း​တႃ​မွတ်ႇ။ မႂ်း​တၵ်း​လႆႈ​ၵူဝ်​ႁႄ ၽြႃး​ပဵၼ်​ၸဝ်ႈ​မႂ်း​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။</verse>
				<verse number="15">သူ​ဢမ်ႇ​လႆႈ​ၸွမ်း​ဢၼ်​ဢမ်ႇ​တြႃး​သေ​လႄႈ ၸီႇ​ယၢင်ႇ​ၼႂ်း​ဢမူႉ​ဢၼ်​ထူပ်း​တြႃး​ၼၼ်ႉ။ မႂ်း​ယင်း​ဢမ်ႇ​ၸွင်ႇ​ပင်း​လူ​ၼႃႈ ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ။ ယင်း​ဢမ်ႇ​ထွၵ်ႈ​လူၺ်ႈ​ၼႃႈ​ၵေႃႉ​ဢၼ်​ယႂ်ႇ​ဢၼ်​လူင်​ၼၼ်ႉ​လႄႈ တၵ်း​လႆႈ​ၸီႇ​ယၢင်ႇ​ၸွမ်း​ၼင်ႇ​တြႃး တီႈ​ၵူၼ်း​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ဢေႃႈ။</verse>
				<verse number="16">မႂ်း​ဢမ်ႇ​လႆႈ​ပဵၼ်​ၵေႃႉ​ဢၼ်​ၸၢင်ႈ​ၶႃႉ​ၸိုဝ်ႈ​ၶၢႆ​သဵင်​ၼၼ်ႉ​သေ​လႄႈ ၵႂႃႇ​ၵႂႃႇ​မႃး​မႃး​ၵႃႈ​ၼႂ်း​ၵူၼ်း​မဵဝ်း​မႂ်း​တင်း​လၢႆ။ ဢမ်ႇ​လႆႈ​ၵျၢမ်ႇ​လႆႈ​ပွင် ႁႂ်ႈ​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ​လႆႈ​တၢႆ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။</verse>
				<verse number="17">မႂ်း​ဢမ်ႇ​လႆႈ​မီး​ၸႂ်​ဢၼ်​မူမ်ႇ​တၢင်း​ၽိတ်း​ဝႆႉ​ၵႃႈ​တီႈ​ပီႈ​ၼွင်ႉ​မႂ်း။ မႂ်း​ယင်း​ဢမ်ႇ​လႆႈ​ႁၢပ်ႇ​ဢဝ်​ပႃး​ဢဝ်​ဢပႅတ်ႈ​ၵွပ်ႈ​ပိူဝ်ႈ​ၵေႃႉ​ဢၼ် ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ​ယူႇ​သေ​လႄႈ တၵ်း​လႆႈ​သင်ႇ​သွၼ်​သုင်း​မႃႉ​ပၼ်​မၼ်း ဢမၢၼ်ႇ​ၶၼ်​ပဵၼ်​ဢေႃႈ။</verse>
				<verse number="18">ပေႃး​ၵူၼ်း​မဵဝ်း​လဵဝ်​ၵၼ်​တင်း​မႂ်း​ၼၼ်ႉ ၽိတ်း​ပိူင်ႈ​မႂ်း​ၸိုင်၊ မႂ်း​ဢမ်ႇ​လႆႈ​ၶိုၼ်း​တွပ်ႇ​တႅၼ်း​ပၼ်​ဢပႅတ်ႈ​တီႈ​မၼ်း။ ဢမ်ႇ​လႆႈ​ဝႆႉ​တၢင်း​ၽိတ်း​တီႈ​မၼ်း။ ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ​ၸိုင်၊ မႂ်း​တၵ်း​လႆႈ​ႁၵ်ႉ​မိူၼ်​ၸိူဝ်ႉ​ၼင်ႇ​တူဝ်​ၸဝ်ႈ​ၵဝ်ႇ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။</verse>
				<verse number="19">သူ​တၵ်း​လႆႈ​ပႂ်ႉ​ပိင်း​ၺၢပ်ႈ​တြႃး​ၵဝ်​ဢေႃႈ။ မႂ်း​ဢမ်ႇ​လႆႈ​ႁႂ်ႈ​တရိၵ်ႈသၢၼ်ႇ​မႂ်း​ဢၼ်​မဵဝ်း​ပႅၵ်ႇ​ၵၼ်​ပိူင်ႈ​ၵၼ်​ၼၼ်ႉ​လႆႈ​ႁႂ်ႈ ၶိုၼ်ႈ​ၵၼ်​ဝၢင်​ၵၼ်။ မႂ်း​ဢမ်ႇ​လႆႈ​ဢဝ်​ၸိူဝ်ႉ​ၽၼ်း​ဢၼ်​ပႅၵ်ႇ​ပိူင်ႈ​ၵၼ်​ၼၼ်ႉ ဝၢၼ်ႇ​ပိုၼ်​လူၺ်ႈ​ၵၼ်​ၵႃႈ​ၼႂ်း​ႁႆႊ​မႂ်း​ၼႃး​မႂ်း။ ဢမ်ႇ​လႆႈ​ၼုင်ႈ​ၶူဝ်း​ၼုင်ႈ ဢၼ်​ဢဝ်​သွင်​ၸိူဝ်ႉ​သွင်​မဵဝ်း​လေႃး​ၵၼ်​သေ​လႄႈ​တေႃး​ႁဵတ်း​ၼၼ်ႉ။</verse>
				<verse number="20">ပေႃး​သေ​ၵေႃႉ​သေ​ၵူၼ်း ၼွၼ်း​လူၺ်ႈ​ၵၼ်​တင်း​ၶႃႈ​မႄႈ​ယိင်း ဢၼ်​ပိူၼ်ႈ​မၢႆ​ဝႆႉ​လႄႈ ဢမ်ႇ​ပႆႇ​ထုတ်ႇ​ပႆႇ​လွတ်ႈ​ၼၼ်ႉ​ၸိုင်၊ သွင်​ၶႃ​တၵ်း​လႆႈ​ၶၢမ်ႇ​တၢမ်ႇ​ဢပႅတ်ႈ​ဢေႃႈ။ ပိူဝ်ႈ​ဢၼ်​မၼ်း​ပဵၼ်​ၶႃႈ​ပိူၼ်ႈ​လႄႈ သွင်​ၶႃ​တၵ်း​လႆႈ​လွတ်ႈ​သေ​တၢင်း​ဢၼ်​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ။-</verse>
				<verse number="21">ၵူၼ်း​ၸၢႆး​ၼၼ်ႉ တၵ်း​လႆႈ​ဢဝ်​ယိတ်ႈ​ဢၼ်​ၽေႇ​တူႉ​ၸရိူၵ်ႈ​ဢၼ်​ဝႃႈ သူဝ်း​ပေႃႈ​ပုၼ်ႈ​ယိတ်ႈ​ဢၼ် ၽေႇ​တူႉ​ၸရိူၵ်ႈ​တူဝ်​ၼိုင်ႈ မႃး​ၵႃႈ​တီႈ​ထႃႇဝရႃႉ​ၽြႃး​ၵႃႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။-</verse>
				<verse number="22">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​သူဝ်း​ပေႃႈ ယိတ်ႈ​ဢၼ်​ၽေႇ​တူႉ​ၸရိူၵ်ႈ​ၼၼ်ႉ ႁဵတ်း​တၢင်း​ဢၼ်​ၽေႇ​ဢပႅတ်ႈ​ဢၼ်​မၼ်း​ၼၼ်ႉ​ႁဵတ်း​ၼၼ်ႉ ပုၼ်ႈ​မၼ်း​ၼၼ်ႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ မၼ်း​ၼၼ်ႉ​တၵ်း​ႁွတ်ႈ​ထိုင် တၢင်း​ဢၼ်​လွတ်ႈ​ဢပႅတ်ႈ​ဢၼ်​မၼ်း​ႁဵတ်း​ၼၼ်ႉ​ဢေႃႈ။-</verse>
				<verse number="23">မိူဝ်ႈ​ဢၼ်​သူ​ႁွတ်ႈ​ထိုင်​ၵႃႈ​တီႈ​မိူင်း​ၼၼ်ႉ​လႄႈ ၽုၵ်ႇ​သွမ်ႈ​တူၼ်ႈ​ဢၼ်​လီ​ၵိၼ်​လီ​ၶူပ်း ၵူႈ​ၸိူဝ်ႉ​ၵူႈ​ပိူင်​ယဝ်ႉ​ၼၼ်ႉ​ၸိုင်၊ တၵ်း​လႆႈ​မၢတ်ႈ​မၢၵ်ႇ​ဢၼ်​မၢၵ်ႇ​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​တၢင်း​ဢၼ်​ဢမ်ႇ​ထိူဝ်​ႁိမ်း​ဢေႃႈ။ သၢမ်​ပီႊ​တဵမ်​တဵမ် တၵ်း​လႆႈ​ပဵၼ်​ၸိူဝ်ႉ​ၼင်ႇ​တၢင်း​ဢၼ်​ဢမ်ႇ​ထိူဝ်​ႁိမ်း​ၼၼ်ႉ​တီႈ​သူ​ဢေႃႈ။ ဢမ်ႇ​လႆႈ​ၵိၼ်​မၢၵ်ႇ​ၸိူဝ်း​ၼၼ်ႉ။-</verse>
				<verse number="24">ၼႂ်း​ပီႊ​ၸတုၵ်ႉထႃႉ​ၼၼ်ႉ မၢၵ်ႇ​ဢၼ်​မၢၵ်ႇ​ၵႃႈ​မီး​ၼၼ်ႉ​ၸိုင်၊ တၵ်း​လႆႈ​မူတ်း​ၸၢင်ႇ​လႄႈ ပဵၼ်​ပုၼ်ႈ​ဢၼ်​တၵ်း​ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး​ဢေႃႈ။-</verse>
				<verse number="25">ၼႂ်း​ပီႊ​ပိၼ်ႇၸမႃႉ​ၼၼ်ႉ၊ သူ​တၵ်း​လႆႈ​ၵိၼ်​မၢၵ်ႇ​ဢၼ်​မၢၵ်ႇ​ၸိူဝ်း​ၼၼ်ႉ​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တူၼ်ႈ​ၸိူဝ်း​ၼၼ်ႉ ယဵင်ႈ​ၶႅၼ်း​တၵ်း​မၢၵ်ႇ​ၼႃႇ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။</verse>
				<verse number="26">သူ​ဢမ်ႇ​လႆႈ​ၵိၼ်​ၼိူဝ်ႉ​ဢၼ်​ပႃး​လိူတ်ႈ။ သူ​ဢမ်ႇ​လႆႈ​ပွင်​လႆႈ​ႁဵတ်း​တၢင်း​ၸၢင်ႈ​တၢင်း​မေႃ ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ။ သူ​ဢမ်ႇ​လႆႈ​လူ​လႆႈ​တူၺ်း​ပေႇ​တၢင်ႇ​ၵႃႇ​လႃး။-</verse>
				<verse number="27">သူ​ဢမ်ႇ​လႆႈ​ထႃ​ၶူၼ်​ႁူဝ်​သူ​လဵပ်ႈ​ႁွပ်ႈ​ၵႃႈ​တီႈ​ႁိမ်း​ၵွၵ်း​ႁူဝ်​သူ ႁဵတ်း​ႁႂ်ႈ​မၼ်း​မူၼ်း​ဝႆႉ။ ၼူတ်ႇ​ၵၢင်း​ၵေႃႈ သူ​ဢမ်ႇ​လႆႈ​ထႃ​ႁဵတ်း​ႁႂ်ႈ​မၼ်း​မူၼ်း​ဝႆႉ။-</verse>
				<verse number="28">ၵွပ်ႈ​ပိူဝ်ႈ​ၵူၼ်း​တၢႆ​လႄႈ၊ သူ​ဢမ်ႇ​လႆႈ​ထိူဝ်​လႆႈ​ၽၼ်း​ၼိူဝ်ႉ​သူ​ၼင်​သူ။ သူ​ဢမ်ႇ​လႆႈ​သမ်း​မိုၵ်ႉ​တီႈ​တူဝ်​သူ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။</verse>
				<verse number="29">မႂ်း​ဢမ်ႇ​လႆႈ​ဢဝ်​လုၵ်ႈ​ယိင်း​မႂ်း ၶျႃး​တူၵ်း​တီႈ​တႅမ်ႇ​ႁႂ်ႈ​လႆႈ​ပဵၼ်​မႄႈ​မွၵ်ႇ​ယႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တင်း​ဝၢၼ်ႈ​တင်း​မိူင်း တၵ်း​ဢွၼ်​ၵၼ်​ၸွမ်း​မေႇ​ထုင်ႇ​ဢၼ်​ဢမ်ႇ​တြႃး​လႄႈ တဵမ်​ဝႆႉ​တင်း​လွင်ႈ​တၢင်း​ဢၼ်​ဢမ်ႇ​တြႃး​ဢေႃႈ။</verse>
				<verse number="30">သူ​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ဝၼ်း​ၵမ်​သိၼ်​ၵဝ်​တင်း​လၢႆ​လႄႈ ရူဝ်ႇ​သေႇ​ၵူဝ်​ယမ်​ထႃႇၼႃႉ​တီႈ​မူတ်း​ၸၢင်ႇ​ၵဝ်​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။</verse>
				<verse number="31">သူ​ဢမ်ႇ​လႆႈ​ဝႄႉ​ၵႂႃႇ​လႄႈ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၶဝ်​ၸိူဝ်း​ဢၼ်​ၽီ​ၶဝ်ႈ​ၼၼ်ႉ ဢိၵ်ႇ​တင်း​ၶဝ်​ၸိူဝ်း​ဢၼ်​ႁဵတ်း​ၽိူဝ်ႉ​ၼၼ်ႉ။ သူ​ဢမ်ႇ​လႆႈ​သွၵ်ႈ​လႆႈ​ႁႃ​ၶဝ်​ၼၼ်ႉ ႁႂ်ႈ​တူဝ်​သူ​လႆႈ​ၵူဝ်ႈ​လႆႈ​ၵိူၵ်ႇ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။</verse>
				<verse number="32">မႂ်း​တၵ်း​လႆႈ​လုၵ်ႉ​ၸုၵ်း​ၵႃႈ​တီႈ​ၽၢႆႇ​ၼႃႈ​ၵေႃႉ​ဢၼ် ၶူၼ်​ႁူဝ်​ႁွၵ်ႇ​ၼၼ်ႉ​ဢေႃႈ။ မႂ်း​တၵ်း​လႆႈ​ရူဝ်ႇ​သေႇ​ၵူဝ်​ယမ်​ၼႃႈ​ၵေႃႉ​ဢၼ် ဢသၢၵ်ႈ​ယႂ်ႇ​ၼၼ်ႉ​ဢေႃႈ။ မႂ်း​တၵ်း​လႆႈ​ၵူဝ်​လႆႈ​ႁႄ​ၽြႃး​ပဵၼ်​ၸဝ်ႈ​မႂ်း​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။</verse>
				<verse number="33">ပေႃး​ၶႅၵ်ႇ​သွၼ်ႈ​ပိုင်ႈ​ယူႇ​ၵႃႈ​ၼႂ်း​မိူင်း​မႂ်း​ၸိုင်၊ ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​မၼ်း။-</verse>
				<verse number="34">ၶႅၵ်ႇ​ဢၼ်​ယူႇ​လူၺ်ႈ​ၵၼ်​တင်း​မႂ်း​ၼၼ်ႉ တၵ်း​လႆႈ​ပဵၼ်​ၸိူဝ်ႉ​ၼင်ႇ​ၵူၼ်း​မဵဝ်း​ဢၼ် ပဵၼ်​ၸိူဝ်ႉ​ၶိူဝ်း​လဵဝ်​ၵၼ်​တင်း​မႂ်း​ၼၼ်ႉ​တီႈ​မႂ်း​ဢေႃႈ။ မႂ်း​တၵ်း​လႆႈ​ႁၵ်ႉ​မၼ်း​မိူၼ်​ၼင်ႇ​တူဝ်​ၸဝ်ႈ​ၵဝ်ႇ​ဢေႃႈ။ လွင်ႈ​မၼ်း​ၸမ်ႉ သူ​လႆႈ​ပဵၼ်​ၶႅၵ်ႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ယဝ်ႉ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။</verse>
				<verse number="35">သူ​ဢမ်ႇ​လႆႈ​ၸွမ်း​ဢၼ်​ဢမ်ႇ​တြႃး​သေ​လႄႈ ႁဵတ်း​ၼႂ်း​ဢမူႉ​ဢၼ်​ထူပ်း​တြႃး​ၼၼ်ႉ ဢိၵ်ႇ​တင်း​ၼႂ်း​လွင်ႈ​တၢင်း​ဢၼ်​တႅၵ်ႈ​ဢၼ်​ၶိုပ်ႈ၊ လွင်ႈ​တၢင်း​ဢၼ်​ၸင်ႈ​ဢၼ်​ႁိဝ်ႈ၊ လွင်ႈ​တၢင်း​ဢၼ်​တူင်​ဢၼ်​ၵႂၢတ်ႇ​ၼၼ်ႉ။-</verse>
				<verse number="36">သူ​တၵ်း​လႆႈ​ယိပ်း​လႆႈ​သုင်း​ယႃႇ​ၸူႇ​ယွႆး​ဢၼ်​မၢၼ်ႇ​ဢၼ်​မႅၼ်ႈ၊ လုၵ်ႈ​ၶၼ်​ဢၼ်​မၢၼ်ႇ​ဢၼ်​မႅၼ်ႈ၊ ဢေးၽႃႇ ဢၼ်​မၢၼ်ႇ​ဢၼ်​မႅၼ်ႈ၊ ႁီႉၼႃႉ ​ဢၼ်​မၢၼ်ႇ​ဢၼ်​မႅၼ်ႈ​ၸိူဝ်း​ၼၼ်ႉ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢၼ်​ၼုၵ်ႈ​ဢဝ်​သူ​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ၼၼ်ႉ​ဢေႃႈ။-</verse>
				<verse number="37">သူ​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး​ၵဝ် ဢိၵ်ႇ​တင်း​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​တင်း​သဵင်ႈ​တင်း​လူင်​ၼၼ်ႉ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="20">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၵူၼ်း​မဵဝ်း​ ဢီႉသရေႇလႃႉ ​သေ​ဢမ်ႇ​ဝႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​သေ​ဢမ်ႇ​ဝႃႈ၊ ၵေႃႉ​ဢၼ်​ဢဝ်​လုၵ်ႈ​လၢင်း​ၸိူဝ်ႉ​ၶိူဝ်း​မၼ်း သၢၵ်ႈ​ၵၢပ်ႈ​တီႈ​ၽြႃး မူးလွၵ်ႉ ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​တၵ်း​လႆႈ​ဢွၼ်​ၵၼ်​ဢဝ်​တင်း​မၢၵ်ႇ​ႁိၼ်​ထိမ်ႈ​မၼ်း​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​ဢၼ်​မၼ်း​ၼၼ်ႉ​ႁႂ်ႈ​ထႃႇၼႃႉ​တီႈ​မူတ်း​ၸၢင်ႇ​ၵဝ်​ၵူဝ်ႈ​ၵိူၵ်ႇ​ယူႇ၊ ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ်​ဢၼ်​မူတ်း​ၸၢင်ႇ ၶျႃး​တူၵ်း​တီႈ​တႅမ်ႇ​ယူႇ​သေ​လႄႈ ဢဝ်​လုၵ်ႈ​လၢင်း​ၸိူဝ်ႉ​ၶိူဝ်း​မၼ်း​သၢၵ်ႈ​ၵၢပ်ႈ​တီႈ​ၽြႃး​ မူးလွၵ်ႉ ​ၼၼ်ႉ​လႄႈ ၵဝ်​တၵ်း​ဝၢႆႇ​ၼႃႈ​ၵဝ်​ပႅတ်ႈ​မၼ်း​သေ​လႄႈ ပႄႇ​မၼ်း​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="4">ပေႃး​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ႁဵတ်း​တၢင်း​ဢၼ်​ႁႄႉ​ၵင်ႈ​တႃ​ၶဝ်​ဝႆႉ တီႈ​ၵေႃႉ​ဢၼ်​ဢဝ်​လုၵ်ႈ​လၢင်း​ၸိူဝ်ႉ​ၶိူဝ်း​မၼ်း သၢၵ်ႈ​ၵၢပ်ႈ​တီႈ​ၽြႃး​ မူးလွၵ်ႉ ​ၼၼ်ႉ​လႄႈ ဢမ်ႇ​ဢဝ်​မၼ်း​တၢႆ​ၸိုင်၊-</verse>
				<verse number="5">ၵဝ်​တၵ်း​ဝၢႆႇ​ၼႃႈ​ၵဝ်​ပႅတ်ႈ​သေ​ၵေႃႉ​ဢၼ်​ယူႇ​ၸိူဝ်ႉ​ၼင်ႇ​ၼၼ်​ၼၼ်ႉ ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မၼ်း​တင်း​လၢႆ​လႄႈ ဢဝ်​ၵေႃႉ​ၼၼ်ႉ​ဢိၵ်ႇ​တင်း​ၶဝ်​ၸိူဝ်း​ဢၼ်​ၸွမ်း​မၼ်း​သေ​လႄႈ ၽိတ်း​ပိူင်ႈ​ႁႂ်ႈ​လႆႈ​ဢွၼ်​ၵၼ်​ၽိတ်း​ပိူင်ႈ​လူၺ်ႈ​ၵၼ်​တင်း​ၽြႃး​ မူးလွၵ်ႉ ​ၼၼ်ႉ​ၵႃႈ​မီး​ၸိူဝ်း​ၼၼ်ႉ ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​ၶဝ်​ဢေႃႈ။</verse>
				<verse number="6">ၵေႃႉ​ဢၼ်​ဝႄႉ​ၵႂႃႇ​လႄႈ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၶဝ်​ၸိူဝ်း​ဢၼ် ၽီ​ၶဝ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ႁဵတ်း​ၽိူဝ်ႉ​ၼၼ်ႉ ႁႂ်ႈ​လႆႈ​ၸွမ်း​ၶဝ်​ၼၼ်ႉ​သေ​လႄႈ ၽိတ်း​ပိူင်ႈ​ၼၼ်ႉ​ၸိုင်၊ ၵဝ်​တၵ်း​ဝၢႆႇ​ၼႃႈ​ၵဝ်​ပႅတ်ႈ​သေ​လႄႈ ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။</verse>
				<verse number="7">ၵွပ်ႈ​ပိူဝ်ႈ​ဢၼ်​ၵဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼႆႉ​မူတ်း​ၸၢင်ႇ​လႄႈ သူ​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​လႄႈ မီး​တၢင်း​ဢၼ်​မူတ်း​ၸၢင်ႇ​တႃႉ။-</verse>
				<verse number="8">သူ​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး​ၵဝ်​တင်း​လၢႆ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ဢၼ်​ႁႂ်ႈ​သူ​မူတ်း​ၸၢင်ႇ​ဢေႃႈ။</verse>
				<verse number="9">ၵေႃႉ​ဢၼ်​ၵိၼ်ႇ​လႃႇ​ပေႃႈ​မႄႈ​မၼ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ၵူႈ​ၵေႃႉ​ၵူႈ​ၵူၼ်း​ဢမၢၼ်ႇ​ၶၼ်​ပဵၼ်​ဢေႃႈ။ ၵွပ်ႈ​ပိူဝ်ႈ​ဢၼ်​မၼ်း​ၵိၼ်ႇ​လႃႇ​ပေႃႈ​မႄႈ​မၼ်း​လႄႈ လိူတ်ႈ​မၼ်း​တၵ်း​လႆႈ​ႁွတ်ႈ​ထိုင်​ၵႃႈ​ၼိူဝ်​မၼ်း​ဢေႃႈ။</verse>
				<verse number="10">ၵေႃႉ​ဢၼ်​ၽိတ်း​ပိူင်ႈ​မေး​ပိူၼ်ႈ​ဢၼ်​ဝႃႈ ၵေႃႉ​ဢၼ်​ၽိတ်း​ပိူင်ႈ​မေး​ဢၼ်​ၸၢပ်ႈ​သႅင်ႇ​ၵၼ်​တင်း​ပိူၼ်ႈ​တၢင်ႇ​ၵေႃႉ​ၼၼ်ႉ​ၼၼ်ႉ၊ ၵေႃႉ​ဢၼ်​ၽိတ်း​ပိူင်ႈ​ၼၼ်ႉ ဢိၵ်ႇ​တင်း​မႄႈ​ယိင်း​ဢၼ်​ၽိတ်း​ပိူင်ႈ​ၼၼ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="11">ၵေႃႉ​ဢၼ်​ၼွၼ်း​လူၺ်ႈ​ၵၼ်​တင်း​မေး​ပေႃႈ​မၼ်း​ၼၼ်ႉ ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​ပေႃႈ​မၼ်း​လႆႈ​ယူႇ​တူဝ်​ပူၺ်​ၼၼ်ႉ​လႄႈ၊ မၼ်း​ၼၼ်ႉ​ဢိၵ်ႇ​တင်း​မႄႈ​ယိင်း​ၼၼ်ႉ​တင်း​သွင်​ၵေႃႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။ လိူတ်ႈ​သွင်​ၶႃ​တၵ်း​လႆႈ​ႁွတ်ႈ​ထိုင်​ၵႃႈ​ၼိူဝ်​သွင်​ၶႃ​ဢေႃႈ။-</verse>
				<verse number="12">ပေႃး​ၵူၼ်း​ၸၢႆး​ၼွၼ်း​လူၺ်ႈ​ၵၼ်​တင်း​လုၵ်ႈ​ပႂ်ႉ​မၼ်း​ၸိုင်၊ မၼ်း​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ဢမၢၼ်ႇ​ၶၼ်​ပဵၼ်​ဢေႃႈ။ သွင်​ၶႃ​ၼၼ်ႉ ႁဵတ်း​တၢင်း​ဢၼ်​လေႃး​လႄး​ၵၼ် ဢၼ်​လီ​ႁင်ႈ​ဢဵတ်ႇ​သဵတ်ႇ​လႄႈ လိူတ်ႈ​သွင်​ၶႃ​တၵ်း​လႆႈ​ႁွတ်ႈ​ထိုင်​ၵႃႈ​ၼိူဝ်​သွင်​ၶႃ​ဢေႃႈ။-</verse>
				<verse number="13">ပေႃး​ၵူၼ်း​ၸၢႆး​ၼင်ႇ​ၵၼ်​ၼွၼ်း​လူၺ်ႈ​ၵၼ်​မိူၼ်​ၸိူဝ်ႉ​ၼင်ႇ​ဢၼ် ၼွၼ်း​လူၺ်ႈ​ၵၼ်​တင်း​မႄႈ​ယိင်း​ၼၼ်ႉ​ၸိုင်၊ သွင်​ၶႃ​ၼၼ်ႉ ႁဵတ်း​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​လႄႈ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ဢမၢၼ်ႇ​ၶၼ်​ပဵၼ်​ဢေႃႈ။ လိူတ်ႈ​သွင်​ၶႃ​တၵ်း​လႆႈ​ႁွတ်ႈ​ထိုင်​ၵႃႈ​ၼိူဝ်​သွင်​ၶႃ​ဢေႃႈ။-</verse>
				<verse number="14">ပေႃး​ၵူၼ်း​ၸၢႆး​ဢဝ်​မႄႈ​ယိင်း ဢိၵ်ႇ​တင်း​လုၵ်ႈ​ယိင်း​မၼ်း​ႁဵတ်း​မေး​ၸိုင်၊ ပဵၼ်​လွင်ႈ​တၢင်း​ဢၼ်​ဢမ်ႇ​တြႃး​ဢေႃႈ။ လွင်ႈ​ၼင်ႇ​ႁိုဝ် လွင်ႈ​တၢင်း​ဢၼ်​ဢမ်ႇ​တြႃး​တၵ်း​ဢမ်ႇ​လႆႈ​မီး​ၵႃႈ​ၼႂ်း​သူ​ၸိုင်၊ တၵ်း​လႆႈ​ဢဝ်​မၼ်း ဢိၵ်ႇ​တင်း​သွင်​ၶႃ​ၼၼ်ႉ တုတ်ႇ​ၽႆး​ပႅတ်ႈ​သေ​ဢေႃႈ။-</verse>
				<verse number="15">ပေႃး​ၵူၼ်း​ၸၢႆး​ၼွၼ်း​လူၺ်ႈ​ၵၼ်​တင်း​တရိၵ်ႈသၢၼ်ႇ​ၸိုင်၊ မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ဢမၢၼ်ႇ​ၶၼ်​ပဵၼ်​ဢေႃႈ။ တရိၵ်ႈသၢၼ်ႇ​ၼၼ်ႉ​ၵေႃႈ တၵ်း​လႆႈ​ဢဝ်​တၢႆ​သေ​ဢေႃႈ။-</verse>
				<verse number="16">မႄႈ​ယိင်း​ၵေႃႈ ပေႃး​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​တရိၵ်ႈသၢၼ်ႇ ႁႂ်ႈ​လႆႈ​ၶၢမ်ႇ​တၢင်း​ဢၼ်​ၼွၼ်း​လူၺ်ႈ​ၵၼ်​တင်း​မၼ်း​ၸိုင်၊ မႂ်း​တၵ်း​လႆႈ​ဢဝ်​မႄႈ​ယိင်း​ၼၼ်ႉ ဢိၵ်ႇ​တင်း​တရိၵ်ႈသၢၼ်ႇ​ၼၼ်ႉ​တၢႆ​ဢေႃႈ။ ၶဝ်​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။ လိူတ်ႈ​ၶဝ်​တၵ်း​လႆႈ​ႁွတ်ႈ​ထိုင်​ၵႃႈ​ၼိူဝ်​ၶဝ်​ဢေႃႈ။-</verse>
				<verse number="17">ပေႃး​ၵူၼ်း​ၸၢႆး​ဢဝ်​ပီႈ​ၼၢင်း​မၼ်း၊ ၼွင်ႉ​ယိင်း​မၼ်း ဢၼ်​ပဵၼ်​လုၵ်ႈ​ယိင်း​ပေႃႈ​မၼ်း၊ ဢမ်ႇ​ၼၼ်​ၵေႃႈ လုၵ်ႈ​ယိင်း​မႄႈ​မၼ်း​လႄႈ ႁၼ်​တူဝ်​ပူၺ်​မၼ်း​ၼၼ်ႉ မၼ်း​ၼၼ်ႉ​ၵေႃႈ ႁၼ်​တူဝ်​ပူၺ်​မၼ်း​ၸိုင်၊ ပဵၼ်​လွင်ႈ​တၢင်း​ဢၼ်​လီ​ဢူၵ်း​လီ​ဢၢႆ​လီ​သႄႉ​လီ​သွမ်း​ဢေႃႈ။ ၶဝ်​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ သိုဝ်ႈ​ၼႃႈ​တႂ်ႈ​တႃ​ၵူၼ်း​မဵဝ်း​ၸိူဝ်ႉ​ၶိူဝ်း​လဵဝ်​ၵၼ်​ဢေႃႈ။ ၵူၼ်း​ၸၢႆး​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​ပီႈ​ၼၢင်း​မၼ်း၊ ၼွင်ႉ​ယိင်း​မၼ်း လႆႈ​ယူႇ​တူဝ်​ပူၺ်​လႄႈ မၼ်း​တၵ်း​လႆႈ​ၶၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="18">ပေႃး​ၵူၼ်း​ၸၢႆး​ၼွၼ်း​လူၺ်ႈ​ၵၼ်​တင်း​မႄႈ​ယိင်း ဢၼ်​ႁွတ်ႈ​ဢူႉတူႉ​ၼၼ်ႉ​လႄႈ ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​မၼ်း​လႆႈ​ယူႇ​တူဝ်​ပူၺ်​ၸိုင် ၵူၼ်း​ၸၢႆး​ၼၼ်ႉ ႁႂ်ႈ​တၢင်း​ပဵၼ်​ဢၼ်​ထွၵ်ႇ​လိူတ်ႈ​မၼ်း​ၼၼ်ႉ​ထၢင်ႇ​သႃး​လႄႈ မၼ်း​ၼၼ်ႉ​ႁႂ်ႈ​တၢင်း​ပဵၼ်​ဢၼ်​ထွၵ်ႇ​လိူတ်ႈ​မၼ်း​ၼၼ်ႉ​ထၢင်ႇ​သႃး​ဢေႃႈ။ သွင်​ၶႃ​တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​သွင်​ၶႃ​ဢေႃႈ။-</verse>
				<verse number="19">မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​ပီႈ​ၼၢင်း​ပေႃႈ၊ ၼွင်ႉ​ယိင်း​ပေႃႈ ဢိၵ်ႇ​တင်း​ပီႈ​ၼၢင်း​မႄႈ၊ ၼွင်ႉ​ယိင်း​မႄႈ လႆႈ​ယူႇ​တူဝ်​ပူၺ်။ ၵွပ်ႈ​ပိူဝ်ႈ​ဢၼ်​မၼ်း​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​ပီႈ​ၼွင်ႉ​ဢွၵ်ႇ​မၼ်း​လႆႈ​ယူႇ​တူဝ်​ပူၺ်​ၼၼ်ႉ​လႄႈ၊ သွင်​ၶႃ​ၼၼ်ႉ တၵ်း​လႆႈ​ၶၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="20">ပေႃး​ၵူၼ်း​ၸၢႆး​ၼွၼ်း​လူၺ်ႈ​ၵၼ်​တင်း​မေး​ပီႈ​ၸၢႆး​ပေႃႈ၊ မေး​ၼွင်ႉ​ၸၢႆး​ပေႃႈ​ၸိုင်၊ ၵွပ်ႈ​ပိူဝ်ႈ​ဢၼ်​မၼ်း​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​ပီႈ​ၸၢႆး​ပေႃႈ​မၼ်း၊ ၼွင်ႉ​ၸၢႆး​ပေႃႈ​မၼ်း​လႆႈ​ယူႇ​တူဝ်​ပူၺ်​ၼၼ်ႉ​လႄႈ သွင်​ၶႃ​ၼၼ်ႉ တၵ်း​လႆႈ​ၶၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ​လႄႈ၊ ၸူဝ်ႈ​ဢသၢၵ်ႈ​ယင်း​ဢမ်ႇ​လႆႈ​လုၵ်ႈ​လႆႈ​လၢင်း​လႄႈ​တၵ်း​လႆႈ​ယူႇ​ဢေႃႈ။-</verse>
				<verse number="21">ပေႃး​ၵူၼ်း​ၸၢႆး​ဢဝ်​မေး​ပီႈ​ၸၢႆး​မၼ်း၊ မေး​ၼွင်ႉ​ၸၢႆး​မၼ်း​ၸိုင်၊ ပဵၼ်​လွင်ႈ​တၢင်း​ဢၼ်​ၵူဝ်ႈ​ၵိူၵ်ႇ​ဢေႃႈ။ ၵွပ်ႈ​ပိူဝ်ႈ​ဢၼ်​မၼ်း​ႁဵတ်း​တၢင်း​ဢၼ်​ၽုၺ်ႇ​ပိုတ်ႇ ႁႂ်ႈ​ပီႈ​ၸၢႆး​မၼ်း၊ ၼွင်ႉ​ၸၢႆး​မၼ်း လႆႈ​ယူႇ​တူဝ်​ပူၺ်​ၼၼ်ႉ​လႄႈ၊ သွင်​ၶႃ​ၼၼ်ႉ ယင်း​ဢမ်ႇ​လႆႈ​လုၵ်ႈ​လႆႈ​လၢင်း​လႄႈ တၵ်း​လႆႈ​ယူႇ​ဢေႃႈ။</verse>
				<verse number="22">လွင်ႈ​ၼင်ႇ​ႁိုဝ်​မိူင်း​ဢၼ်​ၵဝ်​ဢဝ်​သူ​ၵႂႃႇ​သူင်ႇ​ႁႂ်ႈ​လႆႈ​ၶျႃး​တီႈ​ယူႇ​ပၼ်​သူ​ၼၼ်ႉ တၵ်း​ဢမ်ႇ​တူၼ်ႉ​ႁၢၵ်ႈ​သူ​ဢွၵ်ႇ​ပႅတ်ႈ​ၸိုင်၊ သူ​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး​ၵဝ် ဢိၵ်ႇ​တင်း​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၵႃႈ​မီး​ၼၼ်ႉ​ဢေႃႈ။-</verse>
				<verse number="23">သူ​ဢမ်ႇ​လႆႈ​ၵႂႃႇ​မႃး​ၸွမ်း​ၽႃႇသႃႇ​ထုင်း​ၽိင်ႈ​ၵူၼ်း​ၵူႈ​ၸိူဝ်ႉ​ၵူႈ​ၶိူဝ်း ဢၼ်​ၵဝ်​ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ​ၼၼ်ႉ။ ၵွပ်ႈ​ပိူဝ်ႈ​ဢၼ် ၶဝ်​ႁဵတ်း​လွင်ႈ​တၢင်း​ၸိူဝ်း​ၼၼ်ႉ​တင်း​သဵင်ႈ​တင်း​လူင်​လႄႈ ၵဝ်​လီ​ႁင်ႈ​ဢဵတ်ႇ​သဵတ်ႇ​ဢေႃႈ။-</verse>
				<verse number="24">ၵဝ်​လႆႈ​လၢတ်ႈ​ဝႆႉ​လႄႈ​ဝႃႈ၊ သူ​တၵ်း​လႆႈ​ၶၢမ်ႇ​ဢမူၺ်ႇ​မိူင်း​ၶဝ်​ဢၼ်​ဝႃႈ မိူင်း​ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ​လႄႈ ၵဝ်​တၵ်း​ပၼ်​တီႈ​သူ ႁႂ်ႈ​သူ​လႆႈ​ပိူင်ႇ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢၼ်​ၽႄ​ဢဝ်​သူ ၽၢတ်ႇ​ယၢၼ်​ၵၼ်​တင်း​ၵူၼ်း​တၢင်ႇ​ၸိူဝ်ႉ​တင်း​မဵဝ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="25">ၵွပ်ႈ​ပိူဝ်ႈ​လွင်ႈ​ၼၼ်ႉ​လႄႈ သူ​တၵ်း​လႆႈ​ၸၵ်း​ၽႄ​ဢဝ် တူဝ်​ဢၼ်​မူတ်း​သႂ်၊ တူဝ်​ဢၼ်​ဢမ်ႇ​မူတ်း​သႂ်၊ ၼူၵ်ႉ​ဢၼ်​မူတ်း​သႂ်၊ ၼူၵ်ႉ​ဢၼ်​ဢမ်ႇ​မူတ်း​သႂ်​ၸိူဝ်း​ၼၼ်ႉ​ပႅၵ်ႇ​ပိူင်ႈ​ၵၼ်​ဢေႃႈ။ သူ​ဢမ်ႇ​လႆႈ​ႁႂ်ႈ​တူဝ်​ၸဝ်ႈ​ၵဝ်ႇ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ ၵွပ်ႈ​ပိူဝ်ႈ​တူဝ်​သတ်း၊ ၼူၵ်ႉ၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈ​ၼိူဝ်​လိၼ် ဢၼ်​ၵဝ်​ၽႄ​ဢွၵ်ႇ​ဝႆႉ ႁႂ်ႈ​ပဵၼ်​ဢၼ်​ဢမ်ႇ​မူတ်း​သႂ်​တီႈ​သူ​ၼႆႉ​ၸိူဝ်း​ၼၼ်ႉ သေ​ၸိူဝ်ႉ​သေ​ပိူင်။-</verse>
				<verse number="26">သူ​တၵ်း​လႆႈ​မူတ်း​ၸၢင်ႇ​ပုၼ်ႈ​ၵဝ်​ဢေႃႈ။ လွင်ႈ​မၼ်း​ၸမ်ႉ ၵဝ်​ထႃႇဝရႃႉ​ၽြႃး​မူတ်း​ၸၢင်ႇ​လႄႈ ၽႄ​ဢဝ်​သူ​ၽၢတ်ႇ​ယၢၼ်​ၵၼ်​တင်း​ၵူၼ်း​တၢင်ႇ​ၸိူဝ်ႉ​တင်း​မဵဝ်း​တင်း​လၢႆ ႁႂ်ႈ​လႆႈ​ပဵၼ်​ပုၼ်ႈ​ၵဝ်​ယဝ်ႉ။-</verse>
				<verse number="27">ၵူၼ်း​ၸၢႆး​သေ​ဢမ်ႇ​ဝႃႈ၊ ၵူၼ်း​ယိင်း​သေ​ဢမ်ႇ​ဝႃႈ၊ ၵေႃႉ​ဢၼ်​ၽီ​ၶဝ်ႈ၊ ဢမ်ႇ​ၼၼ် ၵေႃႉ​ဢၼ်​ႁဵတ်း​ၽိူဝ်ႉ​ၼၼ်ႉ​ၸိုင်၊ တၵ်း​လႆႈ​ၶၢမ်ႇ​တၢင်း​ဢၼ် ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။ ၶဝ်​တၵ်း​လႆႈ​ဢွၼ်​ၵၼ် ဢဝ်​မၢၵ်ႇ​ႁိၼ်​ထိမ်ႈ​ၵေႃႉ​ၸိူဝ်ႉ​ၼင်ႇ​ၼၼ်​ဢေႃႈ။ လိူတ်ႈ​ၶဝ်​တၵ်း​လႆႈ​ႁွတ်ႈ​ထိုင်​ၵႃႈ​ၼိူဝ်​ၶဝ်​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="21">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊ သင်ႇ​လၢတ်ႈ​တီႈ​ယိတ်ႈပရေႃးႁဵၵ်ႈ ဢၼ်​ပဵၼ်​လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ​လႄႈ​ဝႃႈ၊ ၼႂ်း​သူ​ၼႆႉ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​လႆႈ​မီး​တၢင်း​ဢၼ်​ၵူဝ်ႈ​ၵိူၵ်ႇ ၵွပ်ႈ​ပိူဝ်ႈ​ဢၼ်​ၵူၼ်း​မဵဝ်း​လဵဝ်​ၵၼ်​တၢႆ​ၼၼ်ႉ။-</verse>
				<verse number="2">ၼႂ်း​ဝႃႈ​ၼၼ်​သေ​ၵေႃႈ ၵွပ်ႈ​ပိူဝ်ႈ​ပီႈ​ၼွင်ႉ​ဢွၵ်ႇ​ၵၼ်​ဢၼ်​ဝႃႈ၊ ပေႃႈ၊ မႄႈ၊ လုၵ်ႈ​ၸၢႆး၊ လုၵ်ႈ​ယိင်း၊ ပီႈ​ၸၢႆး၊ ၼွင်ႉ​ၸၢႆး၊-</verse>
				<verse number="3">ပီႈ​ၼၢင်း၊ ၼွင်ႉ​ယိင်း​ဢွၵ်ႇ ဢၼ်​ပဵၼ်​ၵၼ်ႇ​ၺႃႇ​ဢၼ်​မီး​ယူႇ​တီႈ​မၼ်း​လႄႈ ဢမ်ႇ​ပႆႇ​ဢဝ်​ၽူဝ်​ၼၼ်ႉ​လႄႈ၊ မၼ်း​မီး​ဢၶႂၢင်ႉ​ဢၼ်​လႆႈ​ၶၢမ်ႇ​တၢင်း​ဢၼ်​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="4">ၵွပ်ႈ​ပိူဝ်ႈ​ဢၼ်​ပဵၼ်​ၵူၼ်း​ယႂ်ႇ​ၵူၼ်း​လူင် ၼႂ်း​မဵဝ်း​ၸိူဝ်ႉ​ၶိူဝ်း​လဵဝ်​ၵၼ်​လႄႈ၊ မၼ်း​ဢမ်ႇ​လႆႈ​ဢဝ်​တူဝ်​ၸဝ်ႈ​ၵဝ်ႇ ၶျႃး​တူၵ်း​တီႈ​တႅမ်ႇ​သေ​လႄႈ မီး​တၢင်း​ဢၼ်​ၵူဝ်ႈ​ၵိူၵ်ႇ။-</verse>
				<verse number="5">ၶဝ်​ဢမ်ႇ​လႆႈ​ထႃ​ၶူၼ်​ႁူဝ်​ၶဝ်။ ၼူတ်ႇ​ၵၢင်း​ၶဝ်​ၵေႃႈ​ဢမ်ႇ​လႆႈ​ထႃ။ ဢမ်ႇ​လႆႈ​ႁဵတ်း​တၢင်း​ဢၼ်​ထိူဝ်​ၽၼ်း​တီႈ​ၼိူဝ်ႉ​တီႈ​ၼင်​ၶဝ်။-</verse>
				<verse number="6">ၶဝ်​တၵ်း​လႆႈ​မူတ်း​ၸၢင်ႇ​ပုၼ်ႈ​ၽြႃး​ပဵၼ်​ၸဝ်ႈ​ၶဝ်​ဢေႃႈ။ ၶဝ်​ဢမ်ႇ​လႆႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ​ၶဝ်​ၶျႃး​တူၵ်း​တီႈ​တႅမ်ႇ။ ၵွပ်ႈ​ပိူဝ်ႈ​ဢၼ်​ၶဝ်​လႆႈ​ပုၵ်ႈ​ၸေႃႇ​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ဢၼ်​ဝႃႈ​ဢႁႃႇရႃႉ​ၶဝ်ႈ​မုၼ်း​ၽြႃး​ပဵၼ်​ၸဝ်ႈ​ၶဝ်​ၸိူဝ်း​ၼၼ်ႉ​လႄႈ ၶဝ်​တၵ်း​လႆႈ​ပဵၼ်​ဢၼ်​မူတ်း​ၸၢင်ႇ​ဢေႃႈ။-</verse>
				<verse number="7">ၶဝ်​ဢမ်ႇ​လႆႈ​ဢဝ်​မႄႈ​မွၵ်ႇ​ယႃႈ မႄႈ​ယိင်း​ဢၼ်​သီႇ​လႃႉ​လူႉ​ၼၼ်ႉ​ႁဵတ်း​မေး။ မႄႈ​ယိင်း​ဢၼ်​ၽူဝ်​ပႅတ်ႈ​ၼၼ်ႉ​ၵေႃႈ ၶဝ်​ဢမ်ႇ​လႆႈ​ဢဝ်။ မၼ်း​ပဵၼ်​ဢၼ်​မူတ်း​ၸၢင်ႇ ပုၼ်ႈ​ၽြႃး​ပဵၼ်​ၸဝ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="8">ၵွပ်ႈ​ပိူဝ်ႈ​ဢၼ်​မၼ်း​လႆႈ​သၢၵ်ႈ​ၵၢပ်ႈ​ၶဝ်ႈ​မုၼ်း​ၽြႃး​ပဵၼ်​ၸဝ်ႈ​မႂ်း​လႄႈ၊ မႂ်း​တၵ်း​လႆႈ​ႁႂ်ႈ​မၼ်း​မူတ်း​ၸၢင်ႇ​လႄႈ၊ မၼ်း​တၵ်း​လႆႈ​မူတ်း​ၸၢင်ႇ​ပုၼ်ႈ​မႂ်း​ဢေႃႈ။ လွင်ႈ​မၼ်း​ၸမ်ႉ ၵဝ်​ထႃႇဝရႃႉ​ၽြႃး ဢၼ်​ႁႂ်ႈ​သူ​မူတ်း​ၸၢင်ႇ​ၼႆႉ မူတ်း​ၸၢင်ႇ​ဢေႃႈ။-</verse>
				<verse number="9">ပေႃး​လုၵ်ႈ​ယိင်း​ယိတ်ႈပရေႃးႁဵၵ်ႈ​ႁဵတ်း​မႄႈ​မွၵ်ႇ​ယႃႈ​လႄႈ ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ၸိုင်၊ မၼ်း​ၶျႃး​ပေႃႈ​မၼ်း​တူၵ်း​တီႈ​တႅမ်ႇ​ဢေႃႈ။ မၼ်း​ၼၼ်ႉ​ၸိုင် တၵ်း​လႆႈ​ဢဝ်​တုတ်ႇ​ၽႆး​ပႅတ်ႈ​သေ​ဢေႃႈ။</verse>
				<verse number="10">ၵေႃႉ​ဢၼ်​ပဵၼ်​ၵူၼ်း​ယိတ်ႈပရေႃးႁဵၵ်ႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း ဢၼ်​ၶၢမ်ႇ​ၽိၵ်ႈ​သိၵ်ႈ​တၢင်း​ဢၼ် ဢဝ်​ၼမ်ႉ​မၼ်း​ထွၵ်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​လႄႈ လႆႈ​ၶၢမ်ႇ​တၢင်း​ဢၼ်​ၶၢၼ်း​ဝႆႉ​ၼႂ်း​ဢရႃႇ​လႄႈ ၼုင်ႈ​ႁၢင်ႈ​ၶိူင်ႈ​ႁၢင်ႈ​ၶူဝ်း​ၼၼ်ႉ၊ ဢမ်ႇ​လႆႈ​ၽႄႇ​ၶူၼ်​ႁူဝ်​မၼ်း။ ဢမ်ႇ​လႆႈ​သိၵ်ႇ​ၶူဝ်း​ၼုင်ႈ​တၢင်း​မႆ​မၼ်း။-</verse>
				<verse number="11">ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​တီႈ​တူဝ်​တၢႆ။ ဢမ်ႇ​လႆႈ​ၶၢမ်ႇ​တၢင်း​ဢၼ်​ၵူဝ်ႈ​ၵိူၵ်ႇ​ပုၼ်ႈ​ပေႃႈ​မႄႈ။-</verse>
				<verse number="12">ဢမ်ႇ​လႆႈ​ဢွၵ်ႇ​သေ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ။ ဢမ်ႇ​လႆႈ​ၶျႃး​ထႃႇၼႃႉ​တီႈ​မူတ်း​ၸၢင်ႇ​ၽြႃး​ပဵၼ်​ၸဝ်ႈ​မၼ်း​တူၵ်း​တီႈ​တႅမ်ႇ။ လွင်ႈ​မၼ်း​ၸမ်ႉ မၼ်း​မီး​ဢရႃႇ​တၢင်း​ဢၼ်​ၶၢၼ်း​ဝႆႉ ဢၼ်​ၸၢပ်ႈ​သႅင်ႇ​ၵၼ်​တင်း​ၼမ်ႉ​မၼ်း​ၽိၵ်ႈ​သိၵ်ႈ​ၽြႃး​ပဵၼ်​ၸဝ်ႈ​မၼ်း​ၼၼ်ႉ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="13">မၼ်း​တၵ်း​လႆႈ​ဢဝ်​သၢဝ်​ၵၼ်ႇ​ၺႃႇ​ၸႅတ်ႈ​ၸႅတ်ႈ​ၼၼ်ႉ​ၵူၺ်း​ဢေႃႈ။-</verse>
				<verse number="14">မၼ်း​ဢမ်ႇ​လႆႈ​ဢဝ်​မႄႈ​မူၵ်း​မႄႈ​မၢႆႈ၊ မႄႈ​ယိင်း​ဢၼ်​ၽၢတ်ႇ​ၵၼ်​တင်း​ၽူဝ်၊ မႄႈ​ယိင်း​ဢၼ်​သီႇ​လႃႉ​လူႉ၊ မႄႈ​မွၵ်ႇ​ယႃႈ။ မၼ်း​တၵ်း​လႆႈ​ဢဝ်​ၽူႈ​သၢဝ်​ၵၼ်ႇ​ၺႃႇ​ၸႅတ်ႈ​ၸႅတ်ႈ​မဵဝ်း​ၸိူဝ်ႉ​ၶိူဝ်း​လဵဝ်​ၵၼ်​တင်း​မၼ်း​ဢေႃႈ။-</verse>
				<verse number="15">မၼ်း​ဢမ်ႇ​လႆႈ​ဢဝ်​လုၵ်ႈ​လၢင်း​ၸိူဝ်ႉ​ၶိူဝ်း​မၼ်း ၶျႃး​တူၵ်း​တီႈ​တႅမ်ႇ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​လဵဝ်​ၵၼ်​တင်း​မၼ်း​ၼၼ်ႉ။ ၵဝ်​ပဵၼ်​ထႃႇဝရႃႉ​ၽြႃး​ဢၼ်​ႁႂ်ႈ​မၼ်း​မူတ်း​ၸၢင်ႇ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="17">မႂ်း​သင်ႇ​လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ ၼႂ်း​မဵဝ်း​ၸိူဝ်ႉ​ၶိူဝ်း​မႂ်း​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ၊ ၵေႃႉ​ဢၼ်​မီး​ဢပႅတ်ႈ​တီႈ​တူဝ်​မၼ်း​ယူႇ​ၼၼ်ႉ ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး ႁႂ်ႈ​လႆႈ​သၢၵ်ႈ​ၵၢပ်ႈ​ဢႁႃႇရႃႉ​ၶဝ်ႈ​မုၼ်း​ၽြႃး​ပဵၼ်​ၸဝ်ႈ​မၼ်း။-</verse>
				<verse number="18">ၵေႃႉ​ဢၼ်​မီး​ဢပႅတ်ႈ​တီႈ​တူဝ်​မၼ်း​ဢၼ်​ဝႃႈ ၵေႃႉ​ဢၼ်​တႃ​မွတ်ႇ၊​ၵေႃႉ​ဢၼ်​ၶႃ​ၵႅင်ႉ၊ ၵေႃႉ​ဢၼ်​ၶူႈ​လင်​ဢႅပ်း၊ ၵေႃႉ​ဢၼ်​ဢၢင်ႇ​ၵႃႇ​ပူၼ်ႉ​လိူဝ်​ၵႂႃႇ၊-</verse>
				<verse number="19">ၵေႃႉ​ဢၼ်​တိၼ်​ႁၵ်း၊ ၵေႃႉ​ဢၼ်​မိုဝ်း​ႁၵ်း၊-</verse>
				<verse number="20">ၵေႃႉ​ဢၼ်​လင်​ၵွမ်း၊ ၵေႃႉ​ဢၼ်​ဢႅၵ်း၊ ၵေႃႉ​ဢၼ်​တႃ​တေႃႈ၊ ၵေႃႉ​ဢၼ်​ပဵၼ်​ႁိတ်း၊ ၵေႃႉ​ဢၼ်​ပဵၼ်​ႁဝ်ႈ၊ ၵေႃႉ​ဢၼ်​ၶႆႇ​ႁမ်​လူႉ​ၼၼ်ႉ ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး။-</verse>
				<verse number="21">ၼႂ်း​မဵဝ်း​ၸိူဝ်ႉ​ၶိူဝ်း​ယိတ်ႈပရေႃးႁဵၵ်ႈ​ ဢႃႇရုၼ်ႇ ​ၼၼ်ႉ၊ ၵေႃႉ​ဢၼ်​ပႃး​ဢပႅတ်ႈ​တီႈ​တူဝ်​မၼ်း​ယူႇ​ၼၼ်ႉ၊ ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး ႁႂ်ႈ​လႆႈ​သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​သေ​ၵေႃႉ​သေ​ၵူၼ်း။ ၵွပ်ႈ​ပိူဝ်ႈ​ဢၼ်​ပႃး​ဢပႅတ်ႈ​တီႈ​တူဝ်​မၼ်း​ယူႇ​လႄႈ မၼ်း​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး ႁႂ်ႈ​လႆႈ​သၢၵ်ႈ​ၵၢပ်ႈ​ၶဝ်ႈ​မုၼ်း​ၽြႃး​ပဵၼ်​ၸဝ်ႈ​မၼ်း။-</verse>
				<verse number="22">ၶဝ်ႈ​မုၼ်း​ဢၼ်​မူတ်း​ၸၢင်ႇ​သေ​ဢမ်ႇ​ဝႃႈ၊ ၶဝ်ႈ​မုၼ်း​ဢၼ်​မူတ်း​ၸၢင်ႇ​ၼႃႇ​လူင်​လၢင်​သေ​ဢမ်ႇ​ဝႃႈ၊ ၶဝ်ႈ​မုၼ်း​ၽြႃး​ပဵၼ်​ၸဝ်ႈ​မၼ်း​ၼၼ်ႉ​ၸိုင်၊ မၼ်း​တၵ်း​လႆႈ​ၵိၼ်​ဢေႃႈ။-</verse>
				<verse number="23">ၵွပ်ႈ​ပိူဝ်ႈ​ဢၼ်​ပႃး​ဢပႅတ်ႈ​တီႈ​တူဝ်​မၼ်း​ယူႇ​လႄႈ လွင်ႈ​ၼင်ႇ​ႁိုဝ်​တၵ်း​ဢမ်ႇ​လႆႈ​ၶျႃး​ထႃႇၼႃႉ​တီႈ​မူတ်း​ၸၢင်ႇ​ၵဝ်​ၸိူဝ်း​ၼၼ်ႉ​တူၵ်း​တီႈ​တႅမ်ႇ​ၸိုင်၊ မၼ်း​ဢမ်ႇ​လႆႈ​ၶဝ်ႈ​ၵႃႈ​ၼႂ်း​ၽႃႈ​ၵင်ႈ။ ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​ယိတ်ႈပလၢင်ႇ။ ၵဝ်​ပဵၼ်​ထႃႇဝရႃႉ​ၽြႃး ဢၼ်​ႁႂ်ႈ​တီႈ​ၸိူဝ်း​ၼၼ်ႉ​မူတ်း​ၸၢင်ႇ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၼင်ႇ​ၼၼ်​လႄႈ မူဝ်းသေႇ ​ၼၼ်ႉ သင်ႇ​လၢတ်ႈ​ဝႆႉ​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​တင်း​လၢႆ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ဢေႃႈ။</verse>
			</chapter>
			<chapter number="22">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​တၵ်း​လႆႈ​သင်ႇ​လၢတ်ႈ​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ႁႂ်ႈ​ၶဝ်​လႆႈ​ႁႂ်ႈ​တူဝ်​ၸဝ်ႈ​ၵဝ်ႇ​ၽၢတ်ႇ​ၵၼ်​တင်း ၶိူင်ႈ​ပိူင်​ဢၼ်​မူတ်း​ၸၢင်ႇ​ၵူၼ်း​မဵဝ်း​ ဢီႉသရေႇလႃႉ ဢၼ်​ၶဝ်​ၼၼ်ႉ​ဢွၼ်​ၵၼ်​ႁႂ်ႈ​မူတ်း​ၸၢင်ႇ​ပုၼ်ႈ​ၵဝ်​ၼၼ်ႉ၊ ဢိၵ်ႇ​တင်း​ႁႂ်ႈ​ၶဝ်​ဢမ်ႇ​လႆႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ် ဢၼ်​မူတ်း​ၸၢင်ႇ​ၼၼ်ႉ​ၶျႃး​တူၵ်း​တီႈ​တႅမ်ႇ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="3">သင်ႇ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၼႂ်း​မဵဝ်း​ၸိူဝ်ႉ​ၶိူဝ်း​သူ​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ၊ ၵေႃႉ​ဢၼ်​မီး​တၢင်း​ဢၼ်​ဢမ်ႇ​မူတ်း​သႂ်​ယူႇ​လႄႈ သုတ်ႉ​ၸပ်း​သုတ်ႉ​ၸူး​တီႈ​ၶိူင်ႈ​ပိူင်​ဢၼ်​မူတ်း​ၸၢင်ႇ ဢၼ်​ၵူၼ်း​မဵဝ်း​ ဢီႉသရေႇလႃႉ ​ဢွၼ်​ၵၼ်​ႁႂ်ႈ​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="4">ၵူၼ်း​မဵဝ်း​ၸိူဝ်ႉ​ၶိူဝ်း​ ဢႃႇရုၼ်ႇ ဢၼ်​ပဵၼ်​တုတ်ႈ၊ ဢမ်ႇ​ၼၼ်​ၵေႃႈ ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ​ၼၼ်ႉ​ၸမ်ႉ၊ ၸူဝ်ႈ​ဢၼ်​ဢမ်ႇ​ပႆႇ​ႁွတ်ႈ​ထိုင်​တၢင်း​ဢၼ်​မူတ်း​သႂ်​ၼၼ်ႉ​ၸိုင်၊ ဢမ်ႇ​လႆႈ​ၵိၼ်​ၶိူင်ႈ​ပိူင်​ဢၼ်​မူတ်း​ၸၢင်ႇ။ ၵေႃႉ​ဢၼ်​တိူဝ်ႉ​ထုၵ်ႇ​ၶိူင်ႈ​ပိူင်​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​တၢႆ​လႄႈ ဢမ်ႇ​မူတ်း​သႂ်​ၼၼ်ႉ၊ ၵေႃႉ​ဢၼ်​ၼမ်ႉ​သုၵ်ႉ​ဢွၵ်ႇ၊-</verse>
				<verse number="5">ၵေႃႉ​ဢၼ်​တိူဝ်ႉ​ထုၵ်ႇ​တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​လႄႈ ႁႂ်ႈ​မၼ်း​ၵူဝ်ႈ​ၵိူၵ်ႇ​လႆႈ​ၼၼ်ႉ၊ ဢမ်ႇ​ၼၼ် ၵေႃႉ​ဢၼ်​ၸပ်း​တၢင်း​ဢၼ်​ၵူဝ်ႈ​ၵိူၵ်ႇ​သေ​ၸိူဝ်ႉ​သေ​ပိူင်​လႄႈ ႁႂ်ႈ​မၼ်း​ၵူဝ်ႈ​ၵိူၵ်ႇ​လႆႈ​ၼၼ်ႉ​ၼၼ်ႉ၊-</verse>
				<verse number="6">ၵေႃႉ​ဢၼ်​တိူဝ်ႉ​ထုၵ်ႇ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် တၵ်း​ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။ ပေႃး​မၼ်း​ယင်း​ဢမ်ႇ​ဢၢပ်ႇ​ၼမ်ႉ​လႄႈ​ယူႇ​ၸိုင်၊ မၼ်း​ဢမ်ႇ​လႆႈ​ၵိၼ်​ၶိူင်ႈ​ပိူင်​ဢၼ်​မူတ်း​ၸၢင်ႇ​ၸိူဝ်း​ၼၼ်ႉ။-</verse>
				<verse number="7">လိုၼ်း​သေ​ၵၢင်​ဝၼ်း​တူၵ်း​ယဝ်ႉ​ၼၼ်ႉ၊ တၵ်း​ႁွတ်ႈ​တၢင်း​ဢၼ်​မူတ်း​သႂ်​ဢေႃႈ။ လိုၼ်း​ၼၼ်ႉ မၼ်း​တၵ်း​လႆႈ​ၵိၼ်​ၶိူင်ႈ​ပိူင်​ဢၼ်​မူတ်း​ၸၢင်ႇ​ၸိူဝ်း​ၼၼ်ႉ ၵွပ်ႈ​ပိူဝ်ႈ​ဢၼ်​ပဵၼ်​တၢင်း​ၵိၼ်​မၼ်း​ၼၼ်ႉ​ဢေႃႈ။-</verse>
				<verse number="8">မၼ်း​ဢမ်ႇ​လႆႈ​ႁႂ်ႈ​တူဝ်​ၸဝ်ႈ​ၵဝ်ႇ​ၵူဝ်ႈ​ၵိူၵ်ႇ​ၵွပ်ႈ​ပိူဝ်ႈ​တူဝ်​ဢၼ်​တၢႆ​ၵူၺ်း​မၼ်း၊ ဢမ်ႇ​ၼၼ်​ၵေႃႈ တူဝ်​ဢၼ်​တူဝ်​ႁၢႆႉ​ၶူပ်း​လႄႈ​တၢႆ​ၸိူဝ်း​ၼၼ်ႉ​သေ​လႄႈ​ၵိၼ်။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​ၶဝ်​တၵ်း​ဢမ်ႇ​လႆႈ​ၶၢမ်ႇ​ဢပႅတ်ႈ​ၵွပ်ႈ​ပိူဝ်ႈ​ဢၼ်​ယႃႉ​ပႅတ်ႈ​ပိင်း​ၺၢပ်ႈ​ၵဝ်​ၼၼ်ႉ​လႄႈ​တၢႆ​ၸိုင်၊ ၶဝ်​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး​ၵဝ်​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ဢၼ်​ႁႂ်ႈ​ၶဝ်​မူတ်း​ၸၢင်ႇ​ဢေႃႈ။</verse>
				<verse number="10">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢမ်ႇ​လႆႈ​ၵိၼ်​ၶိူင်ႈ​ပိူင်​ဢၼ်​မူတ်း​ၸၢင်ႇ​ၼၼ်ႉ။ ၶႅၵ်ႇ​ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​ယိတ်ႈပရေႃးႁဵၵ်ႈ​ၼၼ်ႉ ဢိၵ်ႇ​တင်း​ၵူၼ်း​ဢၼ်​ၵိၼ်​ၸၢင်ႈ​ၵိၼ်​ငႃ​ၼၼ်ႉ​ၵေႃႈ ဢမ်ႇ​လႆႈ​ၵိၼ်။-</verse>
				<verse number="11">ၵေႃႉ​ဢၼ်​ယိတ်ႈပရေႃးႁဵၵ်ႈ​ဢဝ်​ငိုၼ်း​မၼ်း​သိုဝ်ႉ​ဢဝ်​ၼၼ်ႉ​တၵ်း​လႆႈ​ၵိၼ်​ဢေႃႈ။ ၵေႃႉ​ဢၼ်​ၵိူတ်ႇ​လဵင်ႉ​မႃး ၵႃႈ​ၼႂ်း​ႁိူၼ်း​မၼ်း​ၼၼ်ႉ​ၵေႃႈ တၵ်း​လႆႈ​ၵိၼ်​ဢေႃႈ။ ၶဝ်​တၵ်း​လႆႈ​ၵိၼ်​တၢင်း​ၵိၼ်​မၼ်း​ဢေႃႈ။-</verse>
				<verse number="12">ပေႃး​လုၵ်ႈ​ယိင်း​ယိတ်ႈပရေႃးႁဵၵ်ႈ​ပဵၼ်​မေး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိုင်၊ ၼႂ်း​ၶိူင်ႈ​ပိူင်​ဢၼ်​မူတ်း​ၸၢင်ႇ​ၸိူဝ်း​ၼၼ်ႉ မၼ်း​ဢမ်ႇ​လႆႈ​ၵိၼ်​တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​ၼၼ်ႉ။-</verse>
				<verse number="13">ၼႂ်း​ဝႃႈ​ၼၼ်​သေ​ၵေႃႈ လုၵ်ႈ​ယိင်း​ယိတ်ႈပရေႃးႁဵၵ်ႈ​ၼၼ်ႉ၊ ပေႃး​မၼ်း​ပဵၼ်​မႄႈ​မူၵ်း​မႄႈ​မၢႆႈ​ၵႂႃႇ၊ ဢမ်ႇ​ၼၼ်​ၵေႃႈ ပဵၼ်​မႄႈ​ႁၢင်ႉ​ၵႂႃႇ​လႄႈ ယင်း​ဢမ်ႇ​မီး​လုၵ်ႈ​မီး​လၢင်း​ယူႇ​သေ​လႄႈ ၶိုၼ်း​မႃး​ၵႃႈ​တီႈ​ႁိူၼ်း​ပေႃႈ​မၼ်း​လႄႈ ယူႇ​မိူၼ်​ၸိူဝ်ႉ​ၼင်ႇ​ဢၼ်​ယူႇ​မိူဝ်ႈ​ဢၼ်​ယင်း​တိုၵ်ႉ​ပဵၼ်​လုၵ်ႈ​ဢွၼ်ႇ​ယူႇ​ၼၼ်ႉ​ၸိုင်၊ တၵ်း​လႆႈ​ၵိၼ်​တၢင်း​ၵိၼ်​ပေႃႈ​မၼ်း​ဢေႃႈ။ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢမ်ႇ​လႆႈ​ၵိၼ်။-</verse>
				<verse number="14">ပေႃး​ၵူၼ်း​ယင်း​ဢမ်ႇ​ႁူႉ​လႄႈ​ၵိၼ်​ၶိူင်ႈ​ပိူင်​ဢၼ်​မူတ်း​ၸၢင်ႇ​ၼၼ်ႉ​မႅၼ်ႈ​ၸိုင်၊ မၼ်း​တၵ်း​လႆႈ​ဢဝ်​ၶိူင်ႈ​ပိူင်​ၼၼ်ႉ ထၢပ်ႈ​ထႅင်ႈ​ႁႃႈ​ပုၼ်ႈ​ပုၼ်ႈ​ၼိုင်ႈ​သေ​ယဝ်ႉ၊ ပၼ်​တီႈ​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="15">ၶဝ်​ဢမ်ႇ​လႆႈ​ဢဝ်​ၶိူင်ႈ​ပိူင်​ဢၼ်​မူတ်း​ၸၢင်ႇ ဢၼ်​ၵူၼ်း​မဵဝ်း​ ဢီႉသရေႇလႃႉ ​ဢွၼ်​ၵၼ်​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​ၶျႃး​တူၵ်း​တီႈ​တႅမ်ႇ။-</verse>
				<verse number="16">တၵ်း​လႆႈ​ႁႂ်ႈ​ၶဝ်​ၸိူဝ်း​ဢၼ်​ၵိၼ်​မႅၼ်ႈ​ၼၼ်ႉ ၶၢမ်ႇ​ဢပႅတ်ႈ​တၢင်း​ဢၼ်​တူဝ်​ၸဝ်ႈ​ၵဝ်ႇ​ၽိတ်း​ပိူင်ႈ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး၊ ဢၼ်​ႁႂ်ႈ​ၶဝ်​မူတ်း​ၸၢင်ႇ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="18">မႂ်း​သင်ႇ​လၢတ်ႈ​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​ ဢႃႇရုၼ်ႇ ​တင်း​လၢႆ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ​လႄႈ​ဝႃႈ၊ ၵူၼ်း​မဵဝ်း​ ဢီႉသရေႇလႃႉ ​သေ​ဢမ်ႇ​ဝႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​သေ​ဢမ်ႇ​ဝႃႈ၊ ၵေႃႉ​ဢၼ်​မီး​ဢလူဝ်ႇ​ၶႂ်ႈ​ပုၵ်ႈ​ၸေႃႇ​တၢင်း​ပုၵ်ႈ​ၸေႃႇ ဢၼ်​ႁဵတ်း​ၵတီႉ​သဵတ်ႈ​ၸႃႇ၊ တၢင်း​ပုၵ်ႈ​ၸေႃႇ​ဢၼ်​ယူႇ​ဢလူဝ်ႇ​လူဝ်ႇ​လႄႈ​ႁဵတ်း ဢၼ်​ဝႃႈ​ယိတ်ႈ​ဢၼ်​တုတ်ႇ​ၽႆး​လႄႈ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ၊-</verse>
				<verse number="19">မၼ်း​တၵ်း​လႆႈ​ပုၵ်ႈ​ၸေႃႇ​သူဝ်း​ပေႃႈ၊ ပႄႉ​ပေႃႈ၊ ဝူဝ်း​ပေႃႈ​ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ ႁႂ်ႈ​ထုၵ်ႇ​ၸႂ်​မႅၼ်ႈ​ၸႂ်​မၼ်း​ၸဝ်ႈ​ဢေႃႈ။-</verse>
				<verse number="20">သူ​ဢမ်ႇ​လႆႈ​ဢဝ်​တူဝ်​ဢၼ်​ပႃး​ဢပႅတ်ႈ​ၼၼ်ႉ​ပုၵ်ႈ​ၸေႃႇ။ ပေႃး​ပုၵ်ႈ​ၸေႃႇ​ၸိုင် ဢမ်ႇ​ထုၵ်ႇ​ၸႂ်​မႅၼ်ႈ​ၸႂ်​မၼ်း​ၸဝ်ႈ။-</verse>
				<verse number="21">ၵေႃႉ​ဢၼ်​မီး​ဢလူဝ်ႇ​ၶႂ်ႈ​ဢဝ်​သူဝ်း၊ ပႄႉ၊ ဝူဝ်း​ပုၵ်ႈ​ၸေႃႇ​ယိတ်ႈ​မိၵ်ႉသႃႇႁႃယႃႉ ဢၼ်​ႁဵတ်း​ၵတီႉ​သဵတ်ႈ​ၸႃႇ၊ တၢင်း​ပုၵ်ႈ​ၸေႃႇ​ဢၼ်​ယူႇ​ဢလူဝ်ႇ​လူဝ်ႇ​လႄႈ​ႁဵတ်း​ၼၼ်ႉ တီႈ​ထႃႇဝရႃႉ​ၽြႃး​ၼၼ်ႉ တၵ်း​လႆႈ​ဢဝ်​တူဝ်​ဢၼ်​ၸေး​ၸုမ်ႇ​ႁႂ်ႈ​ထုၵ်ႇ​ၸႂ်​မႅၼ်ႈ​ၸႂ်​မၼ်း​ၸဝ်ႈ​ဢေႃႈ။ ဢမ်ႇ​လႆႈ​ပႃး​ဢပႅတ်ႈ​သေ​ၸိူဝ်ႉ​သေ​ပိူင်။-</verse>
				<verse number="22">သူ​ဢမ်ႇ​လႆႈ​ဢဝ်​တူဝ်​ဢၼ်​တႃ​မွတ်ႇ၊ တူဝ်​ဢၼ်​လုပ်ႇ​ႁၵ်း၊ တူဝ်​ဢၼ်​ဢၢင်ႇ​ၵႃႇ​လုတ်ႈ​ႁၢမ်း၊ တူဝ်​ဢၼ်​မီး​တုမ်ႇ​ၸဵပ်း၊ တူဝ်​ဢၼ်​မီး​ႁိတ်း​မီး​ႁဝ်ႈ​သေ​ၸိူဝ်ႉ​သေ​ပိူင်​ၼၼ်ႉ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး။ ဢမ်ႇ​လႆႈ​ဢဝ်​တင်း​ၽႆး ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ တီႈ​ထႃႇဝရႃႉ​ၽြႃး။-</verse>
				<verse number="23">ၼႂ်း​ဝႃႈ​ၼၼ်​သေ​ၵေႃႈ သူဝ်း၊ ဝူဝ်း​ဢၼ်​ပႃး​ဢပႅတ်ႈ​တၢင်း​ဢၼ်​ဢၢင်ႇ​ၵႃႇ​ပူၼ်ႉ​လိူဝ်​ၵႂႃႇ၊ တၢင်း​ဢၼ်​သုတ်ႈ​ယွမ်း​ၵႂႃႇ​ၼၼ်ႉ​ၸိုင်၊ တၵ်း​လႆႈ​ဢဝ်​ပုၵ်ႈ​ၸေႃႇ​တၢင်း​ပုၵ်ႈ​ၸေႃႇ​ဢၼ်​ယူႇ​ဢလူဝ်ႇလူဝ်ႇ​လႄႈ ပုၵ်ႈ​ၸေႃႇ​ၼၼ်ႉ​ဢေႃႈ။ ပေႃး​ၸၢပ်ႈ​သႅင်ႇ​ၵၼ်​တင်း​ၵတီႉ​သဵတ်ႈ​ၸႃႇ​သေ​လႄႈ ပုၵ်ႈ​ၸေႃႇ​ၸိုင်၊ ဢမ်ႇ​ထုၵ်ႇ​ၸႂ်​မႅၼ်ႈ​ၸႂ်​မၼ်း​ၸဝ်ႈ။-</verse>
				<verse number="24">တူဝ်​ပေႃႈ​ဢၼ်​ၶႆႇ​ႁမ်​မၼ်း​လႆႈ​ၶၢမ်ႇ​တၢင်း​ဢၼ်​ၶိုတ်ႈ​ၼူတ်ႈ​လႅဝ်​ယဝ်ႉ၊ ဢမ်ႇ​ၼၼ် ၵမ်​လိမ်ႇ​မိတ်း​လိမ်ႇ​လႅဝ်​ယဝ်ႉ၊ ဢမ်ႇ​ၼၼ် ပေႃႉ​ထုပ်ႉ​လႅဝ်​ယဝ်ႉ၊ ဢမ်ႇ​ၼၼ် ထိူဝ်​ၶၢတ်ႇ​ပၢတ်ႇ​ပႅတ်ႈ​ယဝ်ႉ​ၼၼ်ႉ​ၸိုင်၊ သူ​ဢမ်ႇ​လႆႈ​ဢဝ်​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး။ ဢမ်ႇ​လႆႈ​ပုၵ်ႈ​ၸေႃႇ​ၸိူဝ်ႉ​ၼင်ႇ​ၼၼ်​ၵႃႈ​ၼႂ်း​မိူင်း​သူ။-</verse>
				<verse number="25">ပိၵ်ႉ​သမ်ႉ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢဝ်​တူဝ်​ၸိူဝ်ႉ​ၼင်ႇ​ၼၼ်​သၢၵ်ႈ​ၵၢပ်ႈ​သေ​ၵေႃႈ သူ​ဢမ်ႇ​လႆႈ​ပုၵ်ႈ​ၸေႃႇ​ပုၼ်ႈ​ၶဝ်ႈ​မုၼ်း​ၽြႃး​ပဵၼ်​ၸဝ်ႈ​သူ။ ၵွပ်ႈ​ပိူဝ်ႈ​ဢၼ်​တၢင်း​ဢၼ်​လူႉ​ဢၼ်​လႅဝ်​ၶဝ် မီး​ၵႃႈ​ၼႂ်း​ၶဝ်​လႄႈ​ပႃး​ဢပႅတ်ႈ​ဢေႃႈ။ တူဝ်​ၸိူဝ်ႉ​ၼင်ႇ​ၼၼ်​ၼၼ်ႉ ဢမ်ႇ​ထုၵ်ႇ​ၸႂ်​မႅၼ်ႈ​ၸႂ်​မၼ်း​ၸဝ်ႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="27">မိူဝ်ႈ​ဢၼ်​သူဝ်း၊ ပႄႉ၊ ဝူဝ်း ၵိူတ်ႇ​လဵင်ႉ​မႃး​ၼၼ်ႉ၊ ၸဵတ်း​ဝၼ်း​တဵမ်​တဵမ်​မၼ်း​တၵ်း​လႆႈ​ယူႇ​လူၺ်ႈ​ၵၼ်​တင်း​မႄႈ​မၼ်း​ဢေႃႈ။ ၸႃႉ​ၸဵမ်​ဝၼ်း​ဢႃႉထမႃႉ​ၼၼ်ႉ​ၵႂႃႇ​မိူဝ်း​ၼႃႈ​လႄႈ၊ ပဵၼ်​ဢၼ်​ထုၵ်ႇ​ဢၼ်​လီ​ပုၼ်ႈ​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ပုၵ်ႈ​ၸေႃႇ တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="28">ပဵၼ်​ဝူဝ်း​သေ​ဢမ်ႇ​ဝႃႈ၊ ပဵၼ်​သူဝ်း၊ ပႄႉ​သေ​ဢမ်ႇ​ဝႃႈ၊ ၼႂ်း​ဝၼ်း​လဵဝ်​ၵူၺ်း​သူ​ဢမ်ႇ​လႆႈ​ဢဝ်​မႄႈ​လုၵ်ႈ​တင်း​သွင်​တူဝ်​တၢႆ။-</verse>
				<verse number="29">ပေႃး​မီး​ဢလူဝ်ႇ​ၶႂ်ႈ​ပုၵ်ႈ​ၸေႃႇ​ယိတ်ႈ​ဢၼ်​ႁပ်ႉ​တုင်း​ဢဝ်​ၵျေး​ၸူး​ၸဝ်ႈ တီႈ​ထႃႇဝရႃႉ​ၽြႃး​ၸိုင်၊ ပုၵ်ႈ​ၸေႃႇ​ႁႂ်ႈ​ထုၵ်ႇ​ၸႂ်​မႅၼ်ႈ​ၸႂ်​မၼ်း​ၸဝ်ႈ​တႃႉ။-</verse>
				<verse number="30">တၵ်း​လႆႈ​ၵိၼ်​ၼႂ်း​ဝၼ်း​ၼၼ်ႉ​ၵမ်း​လဵဝ်​ဢေႃႈ။ သူ​ဢမ်ႇ​လႆႈ​ႁႂ်ႈ​ၵိုတ်း​ႁႂ်ႈ​ၵျၢၼ်ႇ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="31">သူ​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၵဝ်​တင်း​လၢႆ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="32">သူ​ဢမ်ႇ​လႆႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ်​ဢၼ်​မူတ်း​ၸၢင်ႇ​ၼၼ်ႉ ၶျႃး​တူၵ်း​တီႈ​တႅမ်ႇ။ ၵဝ်​တၵ်း​လႆႈ​မီး​တၢင်း​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ မၢတ်ႈ​ပဵၼ်​ဢၼ်​မူတ်း​ၸၢင်ႇ​ဢေႃႈ။-</verse>
				<verse number="33">ၵဝ်​ပဵၼ်​ထႃႇဝရႃႉ​ၽြႃး ဢၼ်​ႁႂ်ႈ​သူ​မူတ်း​ၸၢင်ႇ​လႄႈ ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ ႁႂ်ႈ​ပဵၼ်​ၽြႃး​ပဵၼ်​ၸဝ်ႈ​သူ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="23">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ပွႆး​ထႃႇဝရႃႉ​ၽြႃး​ဢၼ်​သူ​တၵ်း​လႆႈ​ၸီႇ​ယၢင်ႇ​ၶိင်ႇ​မၼ်း​ၶႃႇ​မၼ်း​ဝႆႉ ႁႂ်ႈ​ပဵၼ်​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ၸိူဝ်း​ၼၼ်ႉ ပဵၼ်​ပွႆး​ၵဝ်​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="3">တၵ်း​လႆႈ​ႁဵတ်း​တၢင်း​ႁဵတ်း​ႁူၵ်း​ဝၼ်း​ဢေႃႈ။ ဝၼ်း​သတ်ႉတမႃႉ​ၼၼ်ႉ​ပဵၼ်​ဝၼ်း​ၵမ်​သိၼ်၊ ဢၼ်​တၵ်း​လႆႈ​ယူႇ​ၼိမ်​ၼိမ်​လီ​လီ၊ ဝၼ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ သူ​ဢမ်ႇ​လႆႈ​ႁဵတ်း​တၢင်း​ႁဵတ်း။ ပဵၼ်​ဝၼ်း​ၵမ်​သိၼ်​ထႃႇဝရႃႉ​ၽြႃး ၵႃႈ​ၼႂ်း​တီႈ​ၵႃႈ​ဢၼ်​သူ​ယူႇ​သူ​သဝ်း​ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။</verse>
				<verse number="4">ၶိင်ႇ​မၼ်း​ၶႃႇ​မၼ်း​ၵိုင်ႇ​တၢၼ်ႇ​သေ​ယဝ်ႉ၊ ပွႆး​ထႃႇဝရႃႉ​ၽြႃး ဢၼ်​ဝႃႈ​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ် ဢၼ်​သူ​တၵ်း​လႆႈ​ၸီႇ​ယၢင်ႇ​ၼႂ်း​မိူဝ်ႈ​ဢၼ်​ၶိင်ႇ​မၼ်း​ၶႃႇ​မၼ်း​ထုၵ်ႇ​ၼၼ်ႉ​ၸိူဝ်း​ၼၼ်ႉ​ၸမ်ႉ၊</verse>
				<verse number="5">ၼႂ်း​လိူၼ်​ပထမႃႉ​သိပ်း​သီႇ​ဝၼ်း ၵႃႈ​တီႈ​ၶိင်ႇ​ႁူဝ်​ၶမ်ႈ​ၼၼ်ႉ ပဵၼ်​ပွႆး​ ပႃႉသၶႃႇ ​ထႃႇဝရႃႉ​ၽြႃး​ဢေႃႈ။-</verse>
				<verse number="6">လိုၼ်း​ၼၼ်ႉ​ၼင်ႇ​ၵဝ်ႇ၊ ၵႃႈ​တီႈ​သိပ်း​ႁႃႈ​ဝၼ်း​ၼၼ်ႉ တၵ်း​လႆႈ​ပဵၼ်​ပွႆး​ဢၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ပုၼ်ႈ​ထႃႇဝရႃႉ​ၽြႃး​ဢေႃႈ။ ၸဵတ်း​ဝၼ်း​တဵမ်​တဵမ်၊ သူ​တၵ်း​လႆႈ​ၵိၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ဢေႃႈ။-</verse>
				<verse number="7">ၵႃႈ​တီႈ​ဝၼ်း​ပထမႃႉ​ၼၼ်ႉ၊ တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လေႃးၵီႇ။-</verse>
				<verse number="8">သူ​တၵ်း​လႆႈ​ဢဝ်​တင်း​ၽႆး​ႁဵတ်း​တၢင်း​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၸဵတ်း​ဝၼ်း​ဢေႃႈ။ ၵႃႈ​တီႈ​ဝၼ်း​သတ်ႉတမႃႉ​ၼၼ်ႉ​ၵေႃႈ တၵ်း​လႆႈ​မီး​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လေႃးၵီႇ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="10">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​လႄႈ​ဝႃႈ၊ မိူဝ်ႈ​ဢၼ်​သူ​ႁွတ်ႈ​ထိုင်​ၵႃႈ​တီႈ​မိူင်း​ဢၼ်​ၵဝ်​တၵ်း​ပၼ်​ၼၼ်ႉ​လႄႈ ပၢတ်ႇ​ၶဝ်ႈ​ၼၼ်ႉ​ၸိုင်၊ သူ​တၵ်း​လႆႈ​ဢဝ်​လိုၼ်ႈ​ၶဝ်ႈ​ဢၼ်​ပဵၼ်​မၢၵ်ႇ​ပဵၼ်​ႁူင်း​ဢွၼ်​တၢင်း​ၼၼ်ႉ​မတ်ႉ​ၼိုင်ႈ မႃး​တီႈ​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="11">မၼ်း​တၵ်း​လႆႈ​ဢဝ်​လိုၼ်ႈ​ၶဝ်ႈ​ၼၼ်ႉ​ယွင်ႈ​ၵႂႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ႁႂ်ႈ​ထုၵ်ႇ​ၸႂ်​မႅၼ်ႈ​ၸႂ်​မၼ်း​ၸဝ်ႈ​ဢေႃႈ။ ပူၼ်ႉ​ဝၼ်း​ၵမ်​သိၼ်​သေ​ယဝ်ႉ၊ ၼႂ်း​ဝၼ်း​မိူဝ်ႈ​ၽုၵ်ႈ​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​လိုၼ်ႈ​ၶဝ်ႈ​ၼၼ်ႉ​ယွင်ႈ​ၵႂႆ​ဢေႃႈ။-</verse>
				<verse number="12">ၵႃႈ​တီႈ​ဝၼ်း​ဢၼ်​သူ​ဢဝ်​လိုၼ်ႈ​ၶဝ်ႈ​ၼၼ်ႉ​ယွင်ႈ​ၵႂႆ​ၼၼ်ႉ၊ သူ​တၵ်း​လႆႈ​ဢဝ်​သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ၊ ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ ပုၵ်ႈ​ၸေႃႇ​ပုၼ်ႈ​ယိတ်ႈ​ဢၼ်​တုတ်ႇ​ၽႆး တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="13">တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢၼ်​ၸၢပ်ႈ​သႅင်ႇ​ၵၼ်​တင်း​ယိတ်ႈ​ၼၼ်ႉ တၵ်း​လႆႈ​ပဵၼ်​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ ဢေးၽႃႇ ​သိပ်း​ပုၼ်ႈ​ဢဝ်​သွင်​ပုၼ်ႈ​ဢၼ်​ဝႃႈ တင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး ႁဵတ်း​တီႈ​ထႃႇဝရႃႉ​ၽြႃး​ပုၼ်ႈ​ဢၼ်​ႁွမ်​ဢၼ်​ႁူၺ်း​ဢေႃႈ။ တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​ၸမ်ႉ၊ တၵ်း​လႆႈ​ပဵၼ် ၼမ်ႉ​ၸပိတ်ႈ ႁီႉၼႃႉ သီႇ​ပုၼ်ႈ​ဢဝ်​ပုၼ်ႈ​ၼိုင်ႈ​ဢေႃႈ။-</verse>
				<verse number="14">ၸူဝ်ႈ​ဢၼ်​ဢမ်ႇ​ပႆႇ​ထိုင်​ႁွတ်ႈ​ဝၼ်း​ၼႆႉ​လႄႈ သူ​ဢမ်ႇ​ပႆႇ​ဢဝ်​တၢင်း​ပုၵ်ႈ​ၸေႃႇ​ၽြႃး​ပဵၼ်​ၸဝ်ႈ​သူ​မႃး​ယဝ်ႉ​ၼၼ်ႉ​ၸိုင်၊ သူ​ဢမ်ႇ​လႆႈ​ၵိၼ်​ၶဝ်ႈ​မုၼ်း၊ ၶဝ်ႈ​ၶူဝ်ႈ၊ မၢၵ်ႇ​လိပ်း​ႁူင်း​လိပ်း။ ပဵၼ်​ပိင်း​ၺၢပ်ႈ​ဢၼ်​တႃႇ​သေႇ​တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း ၼႂ်း​တီႈ​ၵႃႈ​ဢၼ်​သူ​ယူႇ​သူ​သဝ်း​ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။</verse>
				<verse number="15">ပူၼ်ႉ​ဝၼ်း​ၵမ်​သိၼ်​ၼၼ်ႉ​သေ​ယဝ်ႉ၊ ၸႃႉ​ၸဵမ်​ဝၼ်း​မိူဝ်ႈ​ၽုၵ်ႈ ဢၼ်​ပဵၼ်​ဝၼ်း​ဢၼ်​ဢဝ်​လိုၼ်ႈ​ၶဝ်ႈ တၢင်း​ပုၵ်ႈ​ၸေႃႇ​ဢၼ်​ယွင်ႈ​ၵႂႆ​ၼၼ်ႉ​မႃး​ၼၼ်ႉ​လႄႈ တၵ်း​လႆႈ​ၼပ်ႉ​ဢၢၼ်ႇ​သတၢင်း​ႁႂ်ႈ​ၸေး​ၸဵတ်း​သတၢင်း​ဢေႃႈ။-</verse>
				<verse number="16">ပူၼ်ႉ​ဝၼ်း​ၵမ်​သိၼ်​သတ်ႉတမႃႉ​ၼၼ်ႉ​သေ​ယဝ်ႉ၊ ပႃး​တင်း​ဝၼ်း​မိူဝ်ႈ​ၽုၵ်ႈ​ၼၼ်ႉ​လႄႈ ၼပ်ႉ​ဢၢၼ်ႇ​ႁႃႈ​သိပ်း​ဝၼ်း​တဵမ်​တဵမ်​ယဝ်ႉ၊ သူ​ၸၢင်ႈ​တၵ်း​လႆႈ​သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢၼ်​မႂ်ႇ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="17">သူ​တၵ်း​လႆႈ​ဢဝ်​ၶဝ်ႈ​မုၼ်း​ယွင်ႈ​ၵႂႆ​သွင်​ႁူၺ်ႇ​ဢၼ်​ဢဝ်​တင်း​ၽွင်​ၶဝ်ႈ​မုၼ်း ဢေးၽႃႇ ​သိပ်း​ပုၼ်ႈ​ဢဝ်​သွင်​ပုၼ်ႈ ဢၼ်​ပႃး​တင်း​ၸိူဝ်ႉ​ပႅင်ႈ​သေ​လႄႈ​ႁဵတ်း​ၼၼ်ႉ​ဢၼ်​ဝႃႈ​မၢၵ်ႇ​ဢၼ်​မၢၵ်ႇ​ဢွၼ်​တၢင်း​ပုၼ်ႈ​ထႃႇဝရႃႉ​ၽြႃး​ၼၼ်ႉ ဢွၵ်ႇ​သေ​ၵႃႈ​ၼႂ်း​တီႈ​ဢၼ်​သူ​ယူႇ​သူ​သဝ်း​မႃး​လႄႈ၊-</verse>
				<verse number="18">တၵ်း​လႆႈ​ဢဝ်​သူဝ်း​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ ဢၼ်​ဢမ်ႇ​ပႃး​ဢပႅတ်ႈ​ၸဵတ်း​တူဝ်၊ ဝူဝ်း​ပေႃႈ​ဢွၼ်ႇ​တူဝ်​ၼိုင်ႈ၊ ပႄႉ​ပေႃႈ​သွင်​တူဝ် သၢၵ်ႈ​ၵၢပ်ႈ​လူၺ်ႈ​ၵၼ်​တင်း​ၶဝ်ႈ​မုၼ်း​ၼၼ်ႉ​ဢေႃႈ။ ပဵၼ်​တၢင်း​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး တီႈ​ထႃႇဝရႃႉ​ၽြႃး ဢၼ်​ဝႃႈ တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​ပုၼ်ႈ​ဢၼ်​ႁွမ်​ဢၼ်​ႁူၺ်း​တီႈ​ထႃႇဝရႃႉ​ၽြႃး​ၼၼ်ႉ​လႄႈ ပႃး​လူၺ်ႈ​ၵၼ်​တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း ဢိၵ်ႇ​တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="19">သူ​တၵ်း​လႆႈ​ဢဝ်​ပႄႉ​ပေႃႈ​ဢွၼ်ႇ​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​တူဝ်​ၼိုင်ႈ၊ ဢိၵ်ႇ​တင်း​သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ပုၼ်ႈ​ယိတ်ႈ​မိၵ်ႉသႃႇႁႃယႃႉ သွင်​တူဝ်​ပုၵ်ႈ​ၸေႃႇ​လႄႈ၊-</verse>
				<verse number="20">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ယွင်ႈ​ၵႂႆ လူၺ်ႈ​ၵၼ်​တင်း​ၶဝ်ႈ​မုၼ်း မၢၵ်ႇ​ဢၼ်​မၢၵ်ႇ​ဢွၼ်​တၢင်း​ၼၼ်ႉ​လႄႈ ပႃး​သူဝ်း​ပေႃႈ​ဢွၼ်ႇ​သွင်​တူဝ်​ၼၼ်ႉ​သေ​လႄႈ ႁဵတ်း​တၢင်း​ပုၵ်ႈ​ၸေႃႇ​ဢၼ်​ယွင်ႈ​ၵႂႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ ၸိူဝ်း​ၼၼ်ႉ​တၵ်း​လႆႈ​ပဵၼ်​ဢၼ်​မူတ်း​ၸၢင်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ပုၼ်ႈ​ယိတ်ႈပရေႃးႁဵၵ်ႈ​ၼၼ်ႉ​ဢေႃႈ။-</verse>
				<verse number="21">ၼႂ်း​ဝၼ်း​ၼၼ်ႉ​ၵေႃႈ သူ​တၵ်း​လႆႈ​ၸီႇ​ယၢင်ႇ​ႁႂ်ႈ​မီး​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လေႃးၵီႇ။ ပဵၼ်​ပိင်း​ၺၢပ်ႈ​ဢၼ်​တႃႇ​သေႇ​တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း ၵႃႈ​ၼႂ်း​တီႈ​ၵႃႈ​ဢၼ်​သူ​ယူႇ​သူ​သဝ်း​ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။</verse>
				<verse number="22">မိူဝ်ႈ​ဢၼ်​သူ​ပၢတ်ႇ​ၶဝ်ႈ​ဢၼ်​ပဵၼ်​ၵႃႈ​တီႈ​လိၼ်​သူ​ၼၼ်ႉ​ၸိုင်၊ ဢမ်ႇ​လႆႈ​ပၢတ်ႇ​ၵႃႈ​တီႈ​ၸွၵ်ႉ​ၼႃး​ၸဵင်ႇ​ၼႃး​မူတ်း​မူတ်း​သဵင်ႈ​သဵင်ႈ။ သူ​ဢမ်ႇ​လႆႈ​ၶိုၼ်း​လႄႈ ၵဵပ်း​သိမ်း​ဢဝ် ဢၼ်​တူၵ်း​ဢၼ်​ႁူင်ႈ​ၵႃႈ​တီႈ​ဢၼ်​သိမ်း​ဢဝ်​ယဝ်ႉ​ၼၼ်ႉ။ တၵ်း​လႆႈ​ႁႂ်ႈ​ၵိုတ်း​ႁႂ်ႈ​ၵျၢၼ်ႇ​ဝႆႉ​ပုၼ်ႈ​ၵူၼ်း​ယၢၵ်ႈ​ၵူၼ်း​ၽၢၼ် ဢိၵ်ႇ​တင်း​ၶႅၵ်ႇ​ဢႃႇၵၼ်ႇတူႉ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="24">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ လိူၼ်​သတ်ႉတမႃႉ၊ ဝၼ်း​ပထမႃႉ​ၼၼ်ႉ၊ တၵ်း​လႆႈ​ပဵၼ်​ဝၼ်း​ဢၼ် တၵ်း​လႆႈ​ယူႇ​ၼိမ်​ၼိမ်​လီ​လီ၊ ဝၼ်း​ဢၼ်​တၵ်း​လႆႈ​ႁဵတ်း​တၢင်း​ဢၼ်​ပဝ်ႇ​ၼႄးၶရႃႇ ပုၼ်ႈ​ဢၼ်​မၼ်း​ၸဝ်ႈ တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း၊ ဝၼ်း​ဢၼ်​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။-</verse>
				<verse number="25">သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လေႃးၵီႇ။ သူ​တၵ်း​လႆႈ​သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ။-</verse>
				<verse number="27">လိူၼ်​သတ်ႉတမႃႉ၊ ဝၼ်း​တႃႉသမႃႉ​ၼၼ်ႉ​ၵေႃႈ ပဵၼ်​ဝၼ်း​ဢၼ်​ၽေႇ​ဢပႅတ်ႈ၊ ဝၼ်း​ဢၼ်​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ သူ​တၵ်း​လႆႈ​ၵမ်​ၵျၢင်ႉ​ၵႅၼ်ႇ​ၵႅၼ်ႇ​ၶႅင်​ၶႅင်​ဢေႃႈ။ သူ​တၵ်း​လႆႈ​သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="28">ၼႂ်း​ဝၼ်း​ၼၼ်ႉ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လႃး​လႃး။ လွင်ႈ​မၼ်း​ၸမ်ႉ ပဵၼ်​ဝၼ်း​ဢၼ်​ၽေႇ​ဢပႅတ်ႈ ဢၼ်​တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​သူ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။-</verse>
				<verse number="29">ၵေႃႉ​ဢၼ်​ဢမ်ႇ​ၵမ်​ၵျၢင်ႉ​ၵႅၼ်ႇ​ၵႅၼ်ႇ​ၶႅင်​ၶႅင်​ၼႂ်း​ဝၼ်း​ၼၼ်ႉ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="30">ၵေႃႉ​ဢၼ်​ႁဵတ်း​တၢင်း​ႁဵတ်း​သေ​ၸိူဝ်ႉ​သေ​ပိူင်​ၼႂ်း​ဝၼ်း​ၼၼ်ႉ​ၼၼ်ႉ​ၸိုင်၊ ၵဝ်​တၵ်း​ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="31">သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လႃး​လႃး။ ပဵၼ်​ပိင်း​ၺၢပ်ႈ​ၸဝ်ႈ​ဢၼ်​တႃႇ​သေႇ​တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း ၵႃႈ​ၼႂ်း​တီႈ​ၵႃႈ​ဢၼ်​သူ​ယူႇ​သူ​သဝ်း​ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။-</verse>
				<verse number="32">ဝၼ်း​ၼၼ်ႉ​ပဵၼ်​ဝၼ်း​ၵမ်​သိၼ်​ဢၼ်​တၵ်း​လႆႈ​ယူႇ​ၼိမ်​ၼိမ်​လီ​လီ၊ ဝၼ်း​ဢၼ်​တၵ်း​လႆႈ​ၵမ်​ၵျၢင်ႉ​ၵႅၼ်ႇ​ၵႅၼ်ႇ​ၶႅင်​ၶႅင်​ဢေႃႈ။ ႁူဝ်​ၶမ်ႈ​ဝၼ်း​ၼဝမႃႉ​ၼၼ်ႉ၊ ၸႃႉ​ၸဵမ်​ႁူဝ်​ၶမ်ႈ​ဝၼ်း​ၼၼ်ႉ​တေႃႇ​ထိုင်​ႁွတ်ႈ​ႁူဝ်​ၶမ်ႈ​ဝၼ်း​မိူဝ်ႈ​ၽုၵ်ႈ​ၼၼ်ႉ​လႄႈ သူ​တၵ်း​လႆႈ​ပႂ်ႉ​ဝၼ်း​ၵမ်​သိၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="34">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၸႃႉ​ၸဵမ်​လိူၼ်​သတ်ႉတမႃႉ​သိပ်း​ႁႃႈ​ဝၼ်း​ၼၼ်ႉ​လႄႈ ၸဵတ်း​ဝၼ်း​တဵမ်​တဵမ်​တၵ်း​လႆႈ​ပဵၼ်​ပွႆး​ႁဵတ်း​သုမ်ႉ​ထဵင်​ပုၼ်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="35">ၵႃႈ​တီႈ​ဝၼ်း​ပထမႃႉ​ၼၼ်ႉ၊ တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လေႃးၵီႇ။-</verse>
				<verse number="36">ၸဵတ်း​ဝၼ်း​တဵမ်​တဵမ်​သူ​တၵ်း​လႆႈ​သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ ၵႃႈ​တီႈ​ဝၼ်း​ဢႃႉထမႃႉ​ၼၼ်ႉ​ၵေႃႈ တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​လႄႈ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ ပဵၼ်​တၢင်း​ဢၼ်​ၸူႉ​ၵၼ်​တုမ်​ၵၼ် ဢၼ်​ပဵၼ်​တီႈ​သုတ်း​တီႈ​ၵွႆ​ပွႆး​လႄႈ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လေႃးၵီႇ။</verse>
				<verse number="37">ဢၼ်​ၼႆႉ​ၸမ်ႉ၊ ပဵၼ်​ပွႆး​ထႃႇဝရႃႉ​ၽြႃး ဢၼ်​သူ​တၵ်း​လႆႈ​ၸီႇ​ယၢင်ႇ ႁႂ်ႈ​ပဵၼ်​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ် လွင်ႈ​ၼင်ႇ​ႁိုဝ်​တၵ်း​လႆႈ​ႁဵတ်း​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး၊ ယိတ်ႈ​ဢၼ်​တုတ်ႇ​ၽႆး၊ တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊ တၢင်း​ဢၼ်​ပုၵ်ႈ​ၸေႃႇ​ယိတ်ႈ၊ တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​ၼႂ်း​မိုဝ်ႉ​ဝၼ်း ႁင်း​ၽႂ်​ႁင်း​မၼ်း​ၼၼ်ႉ​ၸိူဝ်း​ၼၼ်ႉ၊-</verse>
				<verse number="38">ဢၼ်​ၼွၵ်ႈ​သေ​ဝၼ်း​ၵမ်​သိၼ်​ထႃႇဝရႃႉ​ၽြႃး​လႂ်၊ တႃႇ​ၼႃႉ​တၢင်း​ဢၼ်​သူ​လူႇ​လႂ်၊ တၢင်း​ဢၼ်​သူ​ပုၵ်ႈ​ၸေႃႇ​ဢၼ်​ၸၢပ်ႈ​သႅင်ႇ​ၵၼ်​တင်း​ၵတီႉ​သဵတ်ႈ​ၸႃႇ​လႂ်၊ တၢင်း​ပုၵ်ႈ​ၸေႃႇ​ဢၼ်​သူ​ယူႇ​ဢလူဝ်ႇလူဝ်ႇ​လႄႈ​ႁဵတ်း​လႂ် ဢၼ်​လႆႈ​သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​ဢေႃႈ။-</verse>
				<verse number="39">ၼွၵ်ႈ​သေ​ၼၼ်ႉ လိူၼ်​သတ်ႉတမႃႉ​သိပ်း​ႁႃႈ​ဝၼ်း​ၼၼ်ႉ မိူဝ်ႈ​ဢၼ်​သူ​သိမ်း​ဢဝ်​မၢၵ်ႇ​လိၼ်​ႁူင်း​လိၼ်​ယဝ်ႉ​ၼၼ်ႉ၊ သူ​တၵ်း​လႆႈ​ၶၢမ်ႇ​ပွႆး​တီႈ​ထႃႇဝရႃႉ​ၽြႃး ၸဵတ်း​ဝၼ်း​တဵမ်​တဵမ်​ဢေႃႈ။ ဝၼ်း​ပထမႃႉ​တၵ်း​လႆႈ​ပႂ်ႉ​ၵမ်​သိၼ် ဢၼ်​တၵ်း​လႆႈ​ယူႇ​ၼိမ်​ၼိမ်​လီ​လီ​ဢေႃႈ။ ဝၼ်း​ဢႃႉထမႃႉ​ၼၼ်ႉ​ၵေႃႈ တၵ်း​လႆႈ​ပႂ်ႉ​ၵမ်​သိၼ် ဢၼ်​တၵ်း​လႆႈ​ယူႇ​ၼိမ်​ၼိမ်​လီ​လီ​ဢေႃႈ။-</verse>
				<verse number="40">ၵႃႈ​တီႈ​ဝၼ်း​ပထမႃႉ​ၼၼ်ႉ၊ သူ​တၵ်း​လႆႈ​ဢဝ်​မၢၵ်ႇ​မႆႉ​မၢၵ်ႇ​တွၵ်ႇ​ဢၼ်​လီ​ဢၼ်​ငၢမ်း​လႂ်၊ မႂ်​ထၢၼ်​လႂ်၊ ၵိင်ႇ​ၵႃႈ​ဢၼ်​ၽိူဝ်​ၼႃ​ၽိူဝ်​ပူင်း​လႂ်၊ တင်း​တူၼ်ႈ​မူဝ်းမၶႃႉ ဢၼ်​မီး​ၵႃႈ​ႁိမ်း​ၼမ်ႉ​ႁွင်ႈ​ၼမ်ႉ​ၵႄး​လႂ် ၸိူဝ်း​ၼၼ်ႉ​သေ​လႄႈ ဢွၼ်​ၵၼ်​ႁဵတ်း​တၢင်း​ဢၼ်​သႂၢင်ႇ​သိူဝ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="41">ပွႆး​ၸဝ်ႈ​ၼၼ်ႉ​ၸိုင်၊ သူ​တၵ်း​လႆႈ​ၶၢမ်ႇ​ပုၼ်ႈ​ထႃႇဝရႃႉ​ၽြႃး ၼႂ်း​ယေႈ​ပီႊ​ၸဵတ်း​ဝၼ်း​တဵမ်​တဵမ်​ဢေႃႈ။ ပဵၼ်​ပိင်း​ၺၢပ်ႈ​ၸဝ်ႈ​ဢၼ်​တႃႇ​သေႇ တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ဢေႃႈ။ ပွႆး​ၸဝ်ႈ​ၼၼ်ႉ​ၸိုင် သူ​တၵ်း​လႆႈ​ၶၢမ်ႇ​ၵႃႈ​တီႈ လိူၼ်​သတ်ႉတမႃႉ​ဢေႃႈ။-</verse>
				<verse number="42">လွင်ႈ​ၼင်ႇ​ႁိုဝ်​မဵဝ်း​ၸိူဝ်ႉ​ၶိူဝ်း​သူ​သိုပ်ႇ​သိုပ်ႇ​တၢမ်း​တၢမ်း​ၸိူဝ်း​ၼၼ်ႉ</verse>
				<verse number="43">တၵ်း​လႆႈ​ႁူႉ​လႆႈ​မၢတ်ႈ​လွင်ႈ​ဢၼ်​ၵဝ် ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ယူႇ​ၵႃႈ​ၼႂ်း​သုမ်ႉ​ၼႂ်း​ထဵင် ၼႂ်း​မိူဝ်ႈ​ဢၼ် ၵဝ်​ၼုၵ်ႈ​ဢဝ်​ၶဝ်​ဢွၵ်ႇ​သေ ၵႃႈ​ၼႂ်း​မိူင်း ဢေႇၵိပ်ႉတူႉ မႃး​ၼၼ်ႉ​ၸိုင် သူ​တၵ်း​လႆႈ​ယူႇ​ၵႃႈ​ၼႂ်း​သုမ်ႉ​ၼႂ်း​ထဵင်​ဢေႃႈ။ ၵူၼ်း​မဵဝ်း​ၸိူဝ်ႉ​ၶိူဝ်း ဢီႉသရေႇလႃႉ တင်း​သဵင်ႈ​တင်း​လူင် တၵ်း​လႆႈ​ဢွၼ်​ၵၼ်​ယူႇ​ၵႃႈ​ၼႂ်း​သုမ်ႉ​ၼႂ်း​ထဵင် ၸဵတ်း​ဝၼ်း​တဵမ်​တဵမ်​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="44">မူဝ်းသေႇ ​ၵေႃႈ ၶိုၼ်း​လၢတ်ႈ​လွင်ႈ​ပွႆး​ထႃႇဝရႃႉ​ၽြႃး​ၸိူဝ်း​ၼၼ်ႉ တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။</verse>
			</chapter>
			<chapter number="24">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​သင်ႇ​လၢတ်ႈ​ဝႆႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​ဢဝ်​ၼမ်ႉ​မၼ်း​ သၢၼ်ႇလုၼ်ႇ ​ၸႅတ်ႈ​ၸႅတ်ႈ ဢၼ်​ဢဝ်​မၢၵ်ႇ​ သၢၼ်ႇလုၼ်ႇ တမ်​ႁဵတ်း ပုၼ်ႈ​ဢၼ်​တၵ်း​တႆႈ​ၽႆး​တႃႇ​သေႇ​ဢမ်ႇ​ထၢတ်ႇ ၵႃႈ​တီႈ​ၶူင်ႇ​တီႈ​တႆႈ​ၽႆး​ၼၼ်ႉ မႃး​တီႈ​မႂ်း​တႃႉ။-</verse>
				<verse number="3">ၵႃႈ​ၼွၵ်ႈ​ၽႃႈ​ၵင်ႈ​ၶိူင်ႈ​ၶၢမ်ႇ​သၢၵ်ႈ​သေႇ ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ ဢႃႇရုၼ်ႇ ​တၵ်း​လႆႈ​ၸီႇ​ယၢင်ႇ​ပွင်​ႁဵတ်း​ဢမူႉ​ၼၼ်ႉ ၸႃႉ​ၸဵမ်​ႁူဝ်​ၶမ်ႈ​တေႃႇ​ထိုင်​ႁွတ်ႈ​ၵၢင်​ၼႂ် ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ ပဵၼ်​ပိင်း​ၺၢပ်ႈ​ဢၼ်​တႃႇ​သေႇ တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ဢေႃႈ။-</verse>
				<verse number="4">မၼ်း​တၵ်း​လႆႈ​မႄး​ႁႅၼ်း​ဝၢၼ်ႇ​ၽႆး ၵႃႈ​တီႈ​ၶူင်ႇ​တီႈ​တႆႈ​ၽႆး ဢၼ်​မူတ်း​ၸၢင်ႇ​ၼၼ်ႉ​ၸိူဝ်း​ၼၼ်ႉ ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​တႃႇ​သေႇ​ဢမ်ႇ​ထၢတ်ႇ​ဢေႃႈ။</verse>
				<verse number="5">မႂ်း​တၵ်း​လႆႈ​ဢဝ်​ၽွင်​ၶဝ်ႈ​မုၼ်း​လႄႈ ႁဵတ်း​ၶဝ်ႈ​မုၼ်း​သိပ်း​သွင်​လုၵ်ႈ​ဢေႃႈ။ ၶဝ်ႈ​မုၼ်း​ယေႈ​လုၵ်ႈ​တၵ်း​လႆႈ​မီး ဢေးၽႃႇ သိပ်း​ပုၼ်ႈ ဢဝ်​သွင်​ပုၼ်ႈ​ဢေႃႈ။-</verse>
				<verse number="6">မႂ်း​တၵ်း​လႆႈ​ၵွင်​ႁဵတ်း​သွင်​ၵွင် ယေႈ​ၵွင်​ႁူၵ်း​လုၵ်ႈ​ၼင်ႇ​ၵၼ် ဝႆႉ​ၵႃႈ​ၼိူဝ်​ၶူင်ႇ​တီႈ​ၵိၼ် ဢၼ်​မူတ်း​သႂ်​ၼၼ်ႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="7">မႂ်း​တၵ်း​လႆႈ​ဢဝ်​ လေႃႇပၢၼ်ႇ ဢၼ်​မူတ်း​သႂ် တၢင်ႇ​သႂ်ႇ​ဝႆႉ​ၵႃႈ​ၼိူဝ်​မၼ်း​ၵူႈ​ၵွင် လွင်ႈ​ၼင်ႇ​ႁိုဝ်​တၵ်း​ပဵၼ်​ၶဝ်ႈ​မုၼ်း ပုၼ်ႈ​ဢၼ်​မၼ်း​ၸဝ်ႈ​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဢၼ်​ဝႃႈ တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="8">မၼ်း​တၵ်း​လႆႈ​မႄး​ႁႅၼ်း​ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဝၼ်း​ၵမ်​သိၼ်​ၵူႈ​ဝၼ်း​ဢမ်ႇ​ထၢတ်ႇ​ဢေႃႈ။ ပဵၼ်​ၶဝ်ႈ​မုၼ်း​ဢၼ်​ၸွမ်း​ၼင်ႇ​ပတီႉၺိၺ်ႇ​ထႃႇဝရႃႉ​ၽြႃး​သေ​လႄႈ ၶၢမ်ႇ​ဢဝ်​ၵႃႈ​ၼႂ်း​မိုဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ဢေႃႈ။-</verse>
				<verse number="9">ၶဝ်ႈ​မုၼ်း​ၼၼ်ႉ​တၵ်း​လႆႈ​ပဵၼ်​ပုၼ်ႈ​ ဢႃႇရုၼ်ႇ ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​လႄႈ ၶဝ်​တၵ်း​လႆႈ​ၵိၼ်​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ဢေႃႈ။ ၵႃႈ​ၼႂ်း​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၸိူဝ်း​ၼၼ်ႉ ၶဝ်ႈ​မုၼ်း​ၼၼ်ႉ​ပဵၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ပုၼ်ႈ​မၼ်း ၸွမ်း​ၵႃႈ​ၼင်ႇ​ပိင်း​ၺၢပ်ႈ​ဢၼ်​တႃႇ​သေႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">လုၵ်ႈ​ၸၢႆး​မႄႈ​ယိင်း​ ဢီႉသရေႇလႃႉ ဢၼ်​ပေႃႈ​မၼ်း​ပဵၼ်​ၵူၼ်း​ ဢေႇၵိပ်ႉတူႉ ​ၼၼ်ႉ​ၵေႃႉ​ၼိုင်ႈ ၸွမ်း​မႃး​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ လုၵ်ႈ​ၸၢႆး​မႄႈ​ယိင်း​ ဢီႉသရေႇလႃႉ ​ၼၼ်ႉ ၽိတ်း​ၵၼ်​တင်း​ၵူၼ်း ဢီႉသရေႇလႃႉ ၵေႃႉ​ၼိုင်ႈ​ၵႃႈ​ၼႂ်း​တပ်ႉ​ဢေႃႈ။-</verse>
				<verse number="11">လုၵ်ႈ​ၸၢႆး​မႄႈ​ယိင်း​ ဢီႉသရေႇလႃႉ ​ၼၼ်ႉ သႄႉ​သွမ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​လႄႈ ၵိၼ်ႇ​လႃႇ​ဢေႃႈ။ ၶဝ်​ဢဝ်​မၼ်း​ၼၼ်ႉ မႃး​ၵႃႈ​တီႈ​ မူဝ်းသေႇ ​ဢေႃႈ။ ၸိုဝ်ႈ​သဵင်​မႄႈ​မၼ်း​ၼၼ်ႉ​ၸမ်ႉ၊ ပဵၼ်​ သေႇလေႃးမိတ်ႉ ​လႄႈ ပဵၼ်​လုၵ်ႈ​ယိင်း​ တီႉပရီႉ ၸိူဝ်ႉ​ၶိူဝ်း​ တၢၼ်ႇ ​ဢေႃႈ။-</verse>
				<verse number="12">ၶဝ်​ဢဝ်​မၼ်း​ၶျုၵ်ႈ​ဝႆႉ ႁႂ်ႈ​လႆႈ​ႁူႉ​ဢလူဝ်ႇ​ထႃႇဝရႃႉ​ၽြႃး​လႅင်း​လႅင်း​ဢေႃႈ။-</verse>
				<verse number="13">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="14">ဢဝ်​ၵေႃႉ​ဢၼ်​ၵိၼ်ႇ​လႃႇ​ၼၼ်ႉ ဢွၵ်ႇ​ၵႂႃႇ​ၵႃႈ​ၼွၵ်ႈ​တပ်ႉ​လႄႈ ႁႂ်ႈ​ၶဝ်​ၸိူဝ်း​ဢၼ်​ငိၼ်း​ၵႂၢမ်း​မၼ်း​ၼၼ်ႉ​တင်း​သဵင်ႈ​တင်း​လူင် ဢွၼ်​ၵၼ်​ဢဝ်​မိုဝ်း​တၢင်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​သေ​ယဝ်ႉ၊ ႁႂ်ႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင် ဢွၼ်​ၵၼ်​ဢဝ်​မၢၵ်ႇ​ႁိၼ်​ထိမ်ႈ​တႃႉ။-</verse>
				<verse number="15">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၵေႃႉ​ဢၼ်​ၵိၼ်ႇ​လႃႇ​ၽြႃး​ပဵၼ်​ၸဝ်ႈ​မၼ်း​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="16">ၵေႃႉ​ဢၼ်​သႄႉ​သွမ်း​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ဢမၢၼ်ႇ​ၶၼ်​ပဵၼ်​ဢေႃႈ။ ပရဵၵ်ႈသၢတ်ႈ​တင်း​သဵင်ႈ​တင်း​လူင်​တၵ်း​လႆႈ​ဢွၼ်​ၵၼ်​ဢဝ်​မၢၵ်ႇ​ႁိၼ်​ထိမ်ႈ​မၼ်း​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။ ၵူၼ်း​မဵဝ်း​ၸိူဝ်ႉ​ၶိူဝ်း​လဵဝ်​ၵၼ်​သေ​ဢမ်ႇ​ဝႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​သေ​ဢမ်ႇ​ဝႃႈ၊ ပေႃး​သႄႉ​သွမ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၸိုင် တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ။</verse>
				<verse number="17">ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​ၼၼ်ႉ​ၵေႃႈ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="18">ၵေႃႉ​ဢၼ်​ဢဝ်​ဢသၢၵ်ႈ​တရိၵ်ႈသၢၼ်ႇ​ပိူၼ်ႈ​တၢႆ​ၼၼ်ႉ​ၵေႃႈ တၵ်း​လႆႈ​ၶိုၼ်း​တႅၼ်း​ပၼ်​တူဝ်​ၼိုင်ႈ​ပုၼ်ႈ​တူဝ်​ၼိုင်ႈ​ဢေႃႈ။-</verse>
				<verse number="19">ပေႃး​ၵူၼ်း​ႁဵတ်း​ႁႂ်ႈ​ၵူၼ်း​ႁိူၼ်း​ၸမ်​ၵၼ်​ၸဵပ်း​ၸိုင်၊ တူဝ်​ၸဝ်ႈ​ၵဝ်ႇ​တၵ်း​လႆႈ​ၶၢမ်ႇ​ၸွမ်း​ၵႃႈ​ၼင်ႇ​ဢၼ်​ႁဵတ်း​တီႈ​ၵေႃႉ​ၼၼ်ႉ​ဢေႃႈ။-</verse>
				<verse number="20">တၢင်း​ဢၼ်​လုပ်ႇ​ႁၵ်း​ပုၼ်ႈ​တၢင်း​ဢၼ်​လုပ်ႇ​ႁၵ်း၊ မၢၵ်ႇ​တႃ​ပုၼ်ႈ​မၢၵ်ႇ​တႃ၊ ၶဵဝ်ႈ​ပုၼ်ႈ​ၶဵဝ်ႈ၊ မၼ်း​တၵ်း​လႆႈ​ၶၢမ်ႇ​တၢင်း​ဢၼ် ၸဵပ်း​ၸွမ်း​ၵႃႈ​ၼင်ႇ​ဢၼ် မၼ်း​ႁဵတ်း​ႁႂ်ႈ​ၵေႃႉ​ၼၼ်ႉ​ၸဵပ်း​ၼၼ်ႉ​ဢေႃႈ။-</verse>
				<verse number="21">ၵေႃႉ​ဢၼ်​ဢဝ် ဢသၢၵ်ႈ​တရိၵ်ႈသၢၼ်ႇ​ပိူၼ်ႈ​တၢႆ​ၼၼ်ႉ၊ တၵ်း​လႆႈ​ၶိုၼ်း​တႅၼ်း​ပၼ်​တူဝ်​ၼိုင်ႈ​ပုၼ်ႈ​တူဝ်​ၼိုင်ႈ​ဢေႃႈ။ ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ။-</verse>
				<verse number="22">ၵူၼ်း​မဵဝ်း​ၸိူဝ်ႉ​ၶိူဝ်း​လဵဝ်​ၵၼ်​သေ​ဢမ်ႇ​ဝႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​သေ​ဢမ်ႇ​ဝႃႈ၊ တၵ်း​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ပႃး​လဵဝ်​ၵူၺ်း​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မူဝ်းသေႇ သင်ႇ​လၢတ်ႈ​ဝႆႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​ဢဝ်​ၵေႃႉ​ဢၼ်​ၵိၼ်ႇ​လႃႇ​ၼၼ်ႉ ဢွၵ်ႇ​ၵႂႃႇ​ၵႃႈ​ၼွၵ်ႈ​တပ်ႉ​သေ​လႄႈ ဢဝ်​မၢၵ်ႇ​ႁိၼ်​ထိမ်ႈ​လႄႈ၊ ၵူၼ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ မူဝ်းသေႇ ​ၼၼ်ႉ​ဢေႃႈ။</verse>
			</chapter>
			<chapter number="25">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ၵႃႈ​ၼိူဝ်​လွႆ​ သီႉၼႃႉ ​ၼၼ်ႉ​ၸမ်ႉ၊-</verse>
				<verse number="2">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ မိူဝ်ႈ​ဢၼ်​သူ​ႁွတ်ႈ​ထိုင်​ၵႃႈ​တီႈ​မိူင်း​ဢၼ်​ၵဝ်​တၵ်း​ပၼ်​ၼၼ်ႉ​ၸိုင်၊ မိူင်း​ၼၼ်ႉ တၵ်း​လႆႈ​ၵမ်​သိၼ်​ပုၼ်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="3">ႁူၵ်း​ပီႊ​တဵမ်​တဵမ်​မႂ်း​တၵ်း​လႆႈ​ႁဵတ်း​ႁႆႊ​ႁဵတ်း​ၼႃး​ယူႇ၊ ႁူၵ်း​ပီႊ​တဵမ်​တဵမ်​မႂ်း​တၵ်း​လႆႈ​တႅပ်း​လႆႈ​လၢၼ်း ၵႃႈ​တီႈ​သူၼ်​ဢူးယဵၼ်ႇ​မၢၵ်ႇ​ၸပိတ်ႈ​ယူႇ​သေ​လႄႈ သိမ်း​ဢဝ်​မၢၵ်ႇ​မၼ်း​ႁူင်း​မၼ်း​ယူႇ​ဢေႃႈ။-</verse>
				<verse number="4">ပီႊ​သတ်ႉတမႃႉ​ၼၼ်ႉ တၵ်း​လႆႈ​ပဵၼ်​ပီႊ​ၵမ်​သိၼ် ဢၼ်​တင်း​ဝၢၼ်ႈ​တင်း​မိူင်း တၵ်း​လႆႈ​ယူႇ​ၼိမ်​ၼိမ်​လီ​လီ၊ ပီႊ​ၵမ်​သိၼ်​ပုၼ်ႈ​ထႃႇဝရႃႉ​ၽြႃး​ဢေႃႈ။ မႂ်း​ဢမ်ႇ​လႆႈ​ႁဵတ်း​ႁႆႊ​ႁဵတ်း​ၼႃး၊ ဢမ်ႇ​လႆႈ​တႅပ်း​လႆႈ​လၢၼ်း ၵႃႈ​တီႈ​သူၼ်​ဢူးယဵၼ်ႇ​မၢၵ်ႇ​ၸပိတ်ႈ။-</verse>
				<verse number="5">မၢၵ်ႇ​ႁူင်း​ဢၼ်​ဢွၵ်ႇ​ပဵၼ်​မႃး​ၵူၺ်း​မၼ်း​ၵႃႈ​တီႈ​ႁႆႊ​တီႈ​ၼႃး​ၼၼ်ႉ​ၵေႃႈ မႂ်း​ဢမ်ႇ​လႆႈ​ပၢတ်ႇ​လႆႈ​ထိူဝ်။ မၢၵ်ႇ​သူၼ်​ဢူးယဵၼ်ႇ​ၸပိတ်ႈ ဢၼ်​ယင်း​ဢမ်ႇ​တႅပ်း​ဢမ်ႇ​လၢၼ်း​ဝႆႉ​ၼၼ်ႉ​ၵေႃႈ မႂ်း​ဢမ်ႇ​လႆႈ​ဝိတ်း​ဢဝ်​သိမ်း​ဢဝ်။ ပဵၼ်​ပီႊ​ဢၼ်​တင်း​ဝၢၼ်ႈ​တင်း​မိူင်း​တၵ်း​လႆႈ​ယူႇ​ၼိမ်​ၼိမ်​လီ​လီ​ဢေႃႈ။-</verse>
				<verse number="6">တၢင်း​ဢၼ်​မိူင်း​ၵမ်​သိၼ်​ဢၼ်​ဝႃႈ တၢင်း​ဢၼ်​ဢွၵ်ႇ​ပဵၼ်​မႃး​ၵူၺ်း​မၼ်း​ၵႃႈ​မီး​ၸိူဝ်း​ၼၼ်ႉ တၵ်း​လႆႈ​ပဵၼ်​တၢင်း​ၵိၼ်​တၢင်း​ၶူပ်း​ပုၼ်ႈ ၸႃႉ​ၸဵမ်​မႂ်း​လႄႈ​ၶႃႈ​မႂ်း၊ ၶႃႈ​ၵူၼ်း​ယိင်း​မႂ်း၊ ၵူၼ်း​ၵိၼ်​ၸၢင်ႈ​ၵိၼ်​ငႃ​မႂ်း၊ ၶႅၵ်ႇ​ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​မႂ်း၊-</verse>
				<verse number="7">ဢိၵ်ႇ​တင်း တၢင်း​ၵိၼ်​တၢင်း​ၶူပ်း​ပုၼ်ႈ​တူဝ်​ငႄႈ​တူဝ်​ႁၢႆႉ ဢၼ်​မီး​ၵႃႈ​တီႈ​မိူင်း​မႂ်း​ဢေႃႈ။</verse>
				<verse number="8">မႂ်း​တၵ်း​လႆႈ​ၼပ်ႉ​ဢၢၼ်ႇ​ပီႊ​ၵမ်​သိၼ်​ၸဵတ်း​ပီႊ ဢၼ်​ဝႃႈ​ၸဵတ်း​ပီႊ​မိူင်း​ၸဵတ်း​ပွၵ်ႈ​ဢေႃႈ။ ပီႊ​ၵမ်​သိၼ်​ၸဵတ်း​ပီႊ​ၼၼ်ႉ တၵ်း​လႆႈ​ပဵၼ်​သီႇ​သိပ်း​ပၢႆ​ၵဝ်ႈ​ပီႊ​မိူင်း​တီႈ​မႂ်း​ဢေႃႈ။-</verse>
				<verse number="9">ၵမ်း​ၼၼ်ႉ ၵႃႈ​တီႈ​လိူၼ်​သတ်ႉတမႃႉ​သိပ်း​ဝၼ်း​ၼၼ်ႉ မႂ်း​တၵ်း​လႆႈ​ႁႂ်ႈ​ပဝ်ႇ​ၼႄးၶရႃႇ​ဢၼ်​မေႃး​လင်​လႄႈ ၼႂ်း​ဝၼ်း​ဢၼ်​ႁဵတ်း​တၢင်း​ဢၼ်​ၽေႇ​ဢပႅတ်ႈ​ၼၼ်ႉ၊ သူ​တၵ်း​လႆႈ​ႁႂ်ႈ​ပဝ်ႇ​ၼႄးၶရႃႇ​တင်း​ဝၢၼ်ႈ​တင်း​မိူင်း​ဢေႃႈ။-</verse>
				<verse number="10">သူ​တၵ်း​လႆႈ​ႁႂ်ႈ​ပီႊ​မိူင်း​ဢၼ်​ထူၼ်ႈ​ထိုင်​ႁႃႈ​သိပ်း​ပီႈ​ၼၼ်ႉ​မူတ်း​ၸၢင်ႇ​လႄႈ၊ ႁွင်ႉ​သေႃႇ​ႁွင်ႉ​လၢတ်ႈ​ဢၶႂၢင်ႉ​တၢင်း​ဢၼ်​လွတ်ႈ​ၼၼ်ႉ တီႈ​ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင် ၵႃႈ​ၼႂ်း​မိူင်း​ၵူႈ​တီႈ​ၵူႈ​လႅၼ်​ဢေႃႈ။ တၵ်း​လႆႈ​ပဵၼ် ပီႊ​ ယူႉပီႉလီႉ ​တီႈ​သူ​လႄႈ သူ​ၵူႈ​ၵေႃႉ​ၵူႈ​ၵူၼ်း တၵ်း​လႆႈ​ၶိုၼ်း​ၸူး​ၵႃႈ​တီႈ​လိၼ် ဢၼ်​တူဝ်​ၸဝ်ႈ​ၵဝ်ႇ​ပိူင်ႇ​ၼၼ်ႉ​လႄႈ သူ​ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ၶိုၼ်း​ၸူး​ၵႃႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="11">ၵွပ်ႈ​ပိူဝ်ႈ​ဢၼ်​ပီႊ​မိူင်း​ဢၼ်​ထူၼ်ႈ​ထိုင်​ႁႃႈ​သိပ်း​ပီႊ​ၼၼ်ႉ ပဵၼ်​ပီႊ​ ယူႉပီႉလီႉ တီႈ​သူ​လႄႈ သူ​ဢမ်ႇ​လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း၊ တူၼ်ႈ​ဢၼ်​ဢွၵ်ႇ​မႃး​ၵူၺ်း​မၼ်း​ၼၼ်ႉ​ၵေႃႈ၊ ဢမ်ႇ​လႆႈ​ပၢတ်ႇ​လႆႈ​ထိူဝ်။ မၢၵ်ႇ​သူၼ်​ဢူးယဵၼ်ႇ​ၸပိတ်ႈ ဢၼ်​ယင်း​ဢမ်ႇ​တႅပ်း​ဢမ်ႇ​လၢၼ်း​ဝႆႉ​ၼၼ်ႉ​ၵေႃႈ ဢမ်ႇ​လႆႈ​ဝိတ်း​ဢဝ်​သိမ်း​ဢဝ်။-</verse>
				<verse number="12">ၵွပ်ႈ​ပိူဝ်ႈ​ဢၼ်​ပဵၼ်​ပီႊ​ ယူႉပီႉလီႉ တီႈ​သူ​လႄႈ ပဵၼ်​ပီႊ​ဢၼ်​မူတ်း​ၸၢင်ႇ​တီႈ​သူ​ၼၼ်ႉ​လႄႈ သူ​တၵ်း​လႆႈ​ၵိၼ်​မၢၵ်ႇ​ႁူင်း​ဢၼ်​ဢွၵ်ႇ​ပဵၼ်​မႃး​ၵူၺ်း​မၼ်း ၵႃႈ​တီႈ​ႁႆႊ​တီႈ​ၼႃး​ၼၼ်ႉ​ၵူၺ်း​ဢေႃႈ။-</verse>
				<verse number="13">ၼႂ်း​ပီႊ​ ယူႉပီႉလီႉ ​ၼၼ်ႉ၊ သူ​ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ၶိုၼ်း​ၸူး​ၵႃႈ​တီႈ​လိၼ် ဢၼ်​တူဝ်​ၸဝ်ႈ​ၵဝ်ႇ​ပိူင်ႇ​ၼၼ်ႉ​ဢေႃႈ။-</verse>
				<verse number="14">ပေႃး​သူ​ႁဵတ်း​တၢင်း​ဢၼ်​သိုဝ်ႉ​ဢဝ်​သေ​ၸိူဝ်ႉ​သေ​ပိူင် တီႈ​ၵူၼ်း​ႁိူၼ်း​ၸမ်​ၵၼ်၊ ဢမ်ႇ​ၼၼ်​ၵေႃႈ ပေႃး​သူ​ႁဵတ်း​တၢင်း​ဢၼ်​ၶၢႆ​သေ​ၸိူဝ်ႉ​သေ​ပိူင် တီႈ​ၵူၼ်း​ႁိူၼ်း​ၸမ်​ၵၼ်​ၸိုင်၊ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ၵၼ်။-</verse>
				<verse number="15">ၸွမ်း​ၼင်ႇ​ဢၼ်​ၼပ်ႉ​ဢၢၼ်ႇ​ပီႊ​ဢၼ်​ပဵၼ်​လိုၼ်း​သေ ပီႊ​ ယူႉပီႉလီႉ ​ၼၼ်ႉ​သေ​လႄႈ သူ​တၵ်း​လႆႈ​ႁဵတ်း​တၢင်း​ဢၼ်​သိုဝ်ႉ​ဢဝ် ၵႃႈ​တီႈ​ၵူၼ်း​ႁိူၼ်း​ၸမ်​ၵၼ်​ဢေႃႈ။ ၸွမ်း​ၼင်ႇ​ဢၼ်​ၼပ်ႉ​ဢၢၼ်ႇ​ပီႊ​ဢၼ်​တၵ်း​မၢၵ်ႇ မၢၵ်ႇ​မၼ်း​ႁူင်း​မၼ်း​ၼၼ်ႉ​ၸိူဝ်း​ၼၼ်ႉ​သေ​လႄႈ မၼ်း​ၼၼ်ႉ​တၵ်း​လႆႈ​ႁဵတ်း​တၢင်း​ဢၼ်​ၶၢႆ​ပၼ်​တီႈ​မႂ်း​ဢေႃႈ။-</verse>
				<verse number="16">ၸွမ်း​လူၺ်ႈ​ပီႊ​ဢၼ်​ၼမ်​သေ​လႄႈ မႂ်း​တၵ်း​လႆႈ​ၶိုၼ်ႈ​ၵႃႈ​မၼ်း​ၶၼ်​မၼ်း​လႄႈ ၸွမ်း​လူၺ်ႈ​ပီႊ​ဢၼ်​ၵေႇ​သေ​လႄႈ မႂ်း​တၵ်း​လႆႈ​ယွမ်း​ၵႃႈ​မၼ်း​ၶၼ်​မၼ်း​လႄႈ​ၶၢႆ​ဢေႃႈ။ လွင်ႈ​မၼ်း​ၸမ်ႉ မၼ်း​ၸွမ်း​တၢင်း​ဢၼ်​တၵ်း​မၢၵ်ႇ မၢၵ်ႇ​မၼ်း​ႁူင်း​မၼ်း​ၸိူဝ်း​ၼၼ်ႉ​သေ​လႄႈ ၶၢႆ​တီႈ​မႂ်း​ဢေႃႈ။-</verse>
				<verse number="17">သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ၵၼ်။ မႂ်း​တၵ်း​လႆႈ​ၵူဝ်​ႁႄ​ၽြႃး​ပဵၼ်​ၸဝ်ႈ​မႂ်း​ဢေႃႈ၊ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။</verse>
				<verse number="18">သူ​ၵမ်​ၵျၢင်ႉ​ပိင်း​ၺၢပ်ႈ​တြႃး​ၵဝ်​တင်း​လၢႆ​လႄႈ ပႂ်ႉ​ၸွမ်း​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​တႃႉ။ ၼင်ႇ​ၼၼ်​လႄႈ သူ​တၵ်း​လႆႈ​ၵၢင်း​လွတ်ႈ​တင်း​ၽေး​သေ​လႄႈ ယူႇ​ၵႃႈ​တီႈ​မိူင်း​ၼၼ်ႉ​ဢေႃႈ။-</verse>
				<verse number="19">လိၼ်​ၵေႃႈ​တၵ်း​ပၼ်​မၢၵ်ႇ​မၼ်း​ႁူင်း​မၼ်း​လႄႈ သူ​တၵ်း​လႆႈ​ၵိၼ်​ဢိမ်ႇ​ၵိၼ်​တဵမ်​လႄႈ ၵၢင်း​လွတ်ႈ​တင်း​ၽေး​သေ​လႄႈ​ယူႇ​ဢေႃႈ။-</verse>
				<verse number="20">ပေႃး​သူ​လၢတ်ႈ​လႄႈ​ဝႃႈ၊ ၼႂ်း​ပီႊ​သတ်ႉတမႃႉ​ၼၼ်ႉ၊ ႁဝ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ​လႆႈ​ၵိၼ်။ ႁဝ်း​ဢမ်ႇ​လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း၊ ဢမ်ႇ​လႆႈ​သိမ်း​မၢၵ်ႇ​သိမ်း​ႁူင်း​လူင်​ပႄႇ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="21">ၼႂ်း​ပီႊ​သတ်ႉတမႃႉ​ၼၼ်ႉ ၵဝ်​တၵ်း​ပၼ်​တၢင်း​လီ​တီႈ​သူ​လႄႈ ႁႂ်ႈ​မၢၵ်ႇ​ႁူင်း​ပဵၼ်​မႃး​ၼႂ်း​ပီႊ​ၼၼ်ႉ ပုၼ်ႈ​တႃႇ​သၢမ်​ပီႊ​ဢေႃႈ။-</verse>
				<verse number="22">သူ​တၵ်း​လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၼႂ်း​ပီႊ​ဢႃႉထမႃႉ​လႄႈ ဢဝ်​မၢၵ်ႇ​ဢဝ်​ႁူင်း​ဢၼ်​ၵဝ်ႇ​ၼၼ်ႉ​ၵိၼ်​ဢေႃႈ။ တၵ်း​လႆႈ​ဢဝ်​မၢၵ်ႇ​ဢဝ်​ႁူင်း​ဢၼ်​ၵဝ်ႇ​ၼၼ်ႉ ၵိၼ်​တေႃႇ​ထိုင်​ႁွတ်ႈ ၶိင်ႇ​ၵႃႇလႃႉ​ဢၼ်​သိမ်း​ဢဝ်​မၢၵ်ႇ​ဢဝ်​ႁူင်း​တီႈ​ပီႊ​ၼဝမႃႉ​ၼၼ်ႉ​ဢေႃႈ။</verse>
				<verse number="23">လိၼ်​ၸိုင်၊ ဢမ်ႇ​လႆႈ​ၶၢႆ​ႁႂ်ႈ​ပိူၼ်ႈ​တၢင်ႇ​ၵေႃႉ​လႆႈ​ပိူင်ႇ​ဢဝ်​ယူႇ​သေႇ​သေႇ။ လိၼ်​ၼၼ်ႉ​ပဵၼ်​ၶွင်​ၵဝ်​ဢေႃႈ။ သူ​ပဵၼ်​ၶႅၵ်ႇ​ဢႃႇၵၼ်ႇတူႉ ဢၼ်​သွၼ်ႈ​ပိုင်ႈ​ယူႇ​တီႈ​ၵဝ်​ဢေႃႈ။-</verse>
				<verse number="24">ၵႃႈ​တီႈ​လိၼ်​ဢၼ်​သူ​ပိူင်ႇ​ၵူႈ​တီႈ​ၵူႈ​လႅၼ်​ၼၼ်ႉ၊ သူ​တၵ်း​လႆႈ​ပၼ်​ဢၶႂၢင်ႉ​ဢၼ်​ထုတ်ႇ​ဢဝ်​ဢေႃႈ။</verse>
				<verse number="25">ပေႃး​ၵူၼ်း​ၸိူဝ်ႉ​ၶိူဝ်း​လဵဝ်​ၵၼ်​တင်း​မႂ်း ယၢၵ်ႈ​ၵႂႃႇ​ၽၢၼ်​ၵႂႃႇ​လႄႈ ၶၢႆ​လိၼ်​ဢၼ်​တူဝ်​ၸဝ်ႈ​ၵဝ်ႇ​ပိူင်ႇ​ၼၼ်ႉ​ၵမ်ႈ​ၽွင်ႈ​ၸိုင် ပီႈ​ၼွင်ႉ​မၼ်း​ဢၼ်​ၸမ်​ၵၼ်​တင်း​မၼ်း​သေ​ပိူၼ်ႈ​ၼၼ်ႉ တၵ်း​လႆႈ​မႃး​ထုတ်ႇ​ဢဝ်​ဢၼ်​ပီႈ​ၼွင်ႉ​မၼ်း​ၶၢႆ​ၼၼ်ႉ​ဢေႃႈ။-</verse>
				<verse number="26">ပေႃး​မၼ်း​ဢမ်ႇ​မီး​ၵေႃႉ​ဢၼ်​ထုတ်ႇ​ဢဝ်​လိၼ်​ၼၼ်ႉ​လႄႈ သမ်ႉ​မၢၵ်ႈ​မီး​မႃး​ထၼ်ႈ​ပေႃး​ထုတ်ႇ​ဢဝ်​လႆႈ​ၼၼ်ႉ​ၸိုင်၊-</verse>
				<verse number="27">ႁႂ်ႈ​မၼ်း​ၼပ်ႉ​ဢၢၼ်ႇ​ပီႊ​ဢၼ်​ၶၢႆ​လႄႈ ပူၼ်ႉ​မႃး​ယဝ်ႉ​ၸိူဝ်း​ၼၼ်ႉ​သေ​လႄႈ ဢဝ်​ၵႃႈ​မၼ်း​ၶၼ်​မၼ်း ဢၼ်​လူဝ်ႇ​ထႅင်ႈ​ၼၼ်ႉ ၶိုၼ်း​ပၼ်​တီႈ​ၵေႃႉ​ဢၼ်​မၼ်း​ၶၢႆ​မႃး​ယဝ်ႉ​မိူဝ်ႈ​ဢွၼ်​တၢင်း​ၼၼ်ႉ​တႃႉ။ ၼင်ႇ​ၼၼ်​လႄႈ​မၼ်း​တၵ်း​လႆႈ​ၶိုၼ်း​ၸူး​ၵႃႈ​တီႈ​လိၼ်​ဢၼ်​တူဝ်​ၸဝ်ႈ​ၵဝ်ႇ​ပိူင်ႇ​ၼၼ်ႉ​ဢေႃႈ။-</verse>
				<verse number="28">ပေႃး​မၼ်း​ဢမ်ႇ​ၶိုၼ်း​ပၼ်​လႆႈ​ၸိုင်၊ ဢၼ်​မၼ်း​ၶၢႆ​မႃး​ယဝ်ႉ​ၼၼ်ႉ တၵ်း​လႆႈ​မီး​ယူႇ​ၵႃႈ​ၼႂ်း​မိုဝ်း​ၵေႃႉ​ဢၼ်​သိုဝ်ႉ​ဢဝ်​ၼၼ်ႉ တေႃႇ​ထိုင်​ႁွတ်ႈ​ပီႊ​ ယူႉပီႉလီႉ ​ၼၼ်ႉ​ဢေႃႈ။ ၼႂ်း​ပီႊ​ ယူႉပီႉလီႉ ​ၼၼ်ႉ၊ တၵ်း​လႆႈ​လွတ်ႈ​သေ​ၵႃႈ​ၼႂ်း​မိုဝ်း​ၵေႃႉ​ၼၼ်ႉ​လႄႈ မၼ်း​တၵ်း​လႆႈ​ၶိုၼ်း​ၸူး​ၵႃႈ​တီႈ​လိၼ်​ဢၼ်​တူဝ်​ၸဝ်ႈ​ၵဝ်ႇ​ပိူင်ႇ​ၼၼ်ႉ​ဢေႃႈ။</verse>
				<verse number="29">ပေႃး​သေ​ၵေႃႉ​သေ​ၵူၼ်း ၶၢႆ​ႁိူၼ်း​ဢၼ်​မီး​ၵႃႈ​ၼႂ်း​ဝဵင်း​ဢၼ်​မီး​လမ်း​ဝဵင်း​ၼၼ်ႉ​ၸိုင်၊ မၼ်း​တၵ်း​လႆႈ​မီး​ဢၶႂၢင်ႉ ဢၼ်​လႆႈ​ထုတ်ႇ​ဢဝ်​ၵႃႈ​ၼႂ်း​ပီႊ​ၼိုင်ႈ​ဢေႃႈ။ ၵႃႈ​ၼႂ်း​ပီႊ​ၼိုင်ႈ​ၼၼ်ႉ​ၵူၺ်း မၼ်း​တၵ်း​လႆႈ​မီး​ဢၶႂၢင်ႉ​ဢၼ်​ထုတ်ႇ​ဢဝ်​ဢေႃႈ။-</verse>
				<verse number="30">ပေႃး​ဢမ်ႇ​ထုတ်ႇ​ဢဝ်​ၵႃႈ​ၼႂ်း​ပီႊ​ၼိုင်ႈ​ၼၼ်ႉ​ၸိုင်၊ ႁိူၼ်း​ဢၼ်​မီး​ၵႃႈ​ၼႂ်း​ဝဵင်း​ဢၼ်​မီး​လမ်း​ဝဵင်း​ၼၼ်ႉ တၵ်း​လႆႈ​ပဵၼ်​တီႈ​ဢၼ်​ၵေႃႉ​ဢၼ်​သိုဝ်ႉ​ဢဝ်​ၼၼ်ႉ တၵ်း​လႆႈ​ပိူင်ႇ​ဢဝ်​ယူႇ​သေႇ​သေႇ တေႃႇ​ထိုင်​ႁွတ်ႈ​ၸူဝ်ႈ​လုၵ်ႈ​ပၢၼ်​လၢၼ်​မၼ်း​ဢေႃႈ။ ပိၵ်ႉ​သမ်ႉ​ပီႊ​ ယူႉပီႉလီႉ ႁွတ်ႈ​ထိုင်​သေ​ၵေႃႈ ဢမ်ႇ​လႆႈ​လွတ်ႈ​သေ​ၵႃႈ​ၼႂ်း​မိုဝ်း​မၼ်း။-</verse>
				<verse number="31">ႁိူၼ်း​ဢၼ်​မီး​ၵႃႈ​တီႈ​ဝၢၼ်ႈ​ဢၼ်​ဢမ်ႇ​မီး​လမ်း​ဝဵင်း​ၸိူဝ်း​ၼၼ်ႉ​ၸိုင်၊ တၵ်း​လႆႈ​မၢတ်ႈ​ပဵၼ်​ၸိူဝ်ႉ​ၼင်ႇ​ႁႆႊ​ၼင်ႇ​ၼႃး​လႄႈ မီး​ဢၶႂၢင်ႉ​ဢၼ်​လႆႈ​ထုတ်ႇ​ဢဝ်​ဢေႃႈ။ မိူဝ်ႈ​ဢၼ်​ႁွတ်ႈ​ထိုင်​ပီႊ​ ယူႉပီႉလီႉ ​ၼၼ်ႉ၊ တၵ်း​လႆႈ​လွတ်ႈ​သေ​ၵႃႈ​ၼႂ်း​မိုဝ်း​ဢေႃႈ။-</verse>
				<verse number="32">ၼႂ်း​ဝႃႈ​ၼၼ်​သေ​ၵေႃႈ ဝဵင်း​ၵူၼ်း​မဵဝ်း​ လေႇဝီႉ ဢိၵ်ႇ​တင်း​ႁိူၼ်း​ဝဵင်း​ဢၼ်​ၶဝ်​ပိူင်ႇ​ၸိူဝ်း​ၼၼ်ႉ​ၸိုင်၊-</verse>
				<verse number="33">ၶိင်ႇ​ၵႃႇလႃႉ​မိူဝ်ႈ​လႂ်​ဢမ်ႇ​ဝႃႈ၊ မီး​ဢၶႂၢင်ႉ​ဢၼ်​လႆႈ​ထုတ်ႇ​ဢဝ်​ဢေႃႈ။ ပေႃး​သေ​ၵေႃႉ​သေ​ၵူၼ်း သိုဝ်ႉ​ဢဝ်​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၸိုင်၊ ႁိူၼ်း​ဢၼ်​မၼ်း​ၶၢႆ​ပၼ် ဢိၵ်ႇ​တင်း​ဝဵင်း​ဢၼ်​မၼ်း​ပိူင်ႇ​ၸိူဝ်း​ၼၼ်ႉ၊ မိူဝ်ႈ​ဢၼ်​ႁွတ်ႈ​ထိုင်​ပီႊ​ ယူႉပီႉလီႉ ​ၼၼ်ႉ​ၸိုင်၊ တၵ်း​လႆႈ​လွတ်ႈ​သေ​ၵႃႈ​ၼႂ်း​မိုဝ်း​ဢေႃႈ။ လွင်ႈ​မၼ်း​ၸမ်ႉ ႁိူၼ်း​ဝဵင်း​ၵူၼ်း​မဵဝ်း​ လေႇဝီႉ ​တင်း​လၢႆ​ၼၼ်ႉ​ၸိူဝ်း​ၼၼ်ႉ ပဵၼ်​တီႈ​ဢၼ်​ၶဝ်​လႆႈ​ပိူင်ႇ​ဢဝ်​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="34">ၼႂ်း​ဝႃႈ​ၼၼ်​သေ​ၵေႃႈ ႁႆႊ​ၼႃး​ဢၼ်​မီး​ၵႃႈ​တီႈ​ႁိမ်း​ဝဵင်း​ၶဝ်​ၼၼ်ႉ​ၸိုင်၊ ဢမ်ႇ​လႆႈ​ၶၢႆ။ ပဵၼ်​တီႈ​ဢၼ်​ၶဝ် တၵ်း​လႆႈ​ပိူင်ႇ​ယူႇ​သေႇ​သေႇ​ဢေႃႈ။</verse>
				<verse number="35">ပေႃး​ၵူၼ်း​မဵဝ်း​ၸိူဝ်ႉ​ၶိူဝ်း​လဵဝ်​ၵၼ်​တင်း​မႂ်း​ၼၼ်ႉ​ယၢၵ်ႈ​ၽၢၼ်​လႄႈ ႁႅင်း​မိုဝ်း​ဢူၼ်ႈ​ၵႂႃႇ​ၸိုင်၊ မႂ်း​တၵ်း​လႆႈ​ၸွႆႈ​ထႅမ်​မႃႉ​ၸႃႉ​မၼ်း​ဢေႃႈ။ မၼ်း​တၵ်း​လႆႈ​ယူႇ​ၵႃႈ​တီႈ​မႂ်း​မိူၼ်​ၸိူဝ်ႉ​ၼင်ႇ ၶႅၵ်ႇ​ဢႃႇၵၼ်ႇတူႉ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼၼ်ႉ​ဢေႃႈ။-</verse>
				<verse number="36">မႂ်း​ဢမ်ႇ​လႆႈ​ဢဝ်​ဢတူဝ်း​ဢမျၢတ်ႈ​တီႈ​မၼ်း။ လွင်ႈ​ၼင်ႇ​ႁိုဝ်​ၵူၼ်း​မဵဝ်း​ၸိူဝ်ႉ​ၶိူဝ်း​လဵဝ်​ၵၼ်​တင်း​မႂ်း​ၼၼ်ႉ တၵ်း​လႆႈ​ယူႇ​ၵႃႈ​တီႈ​မႂ်း​ၸိုင်၊ ၵူဝ်​ႁႄ​ၽြႃး​ပဵၼ်​ၸဝ်ႈ​မႂ်း​တႃႉ။-</verse>
				<verse number="37">မႂ်း​ဢမ်ႇ​လႆႈ​ၵိူဝ်း​လႆႈ​ၶီႈ​မၼ်း​သေ​လႄႈ ပၼ်​ၵူႈ​ပၼ်​ယိမ်​ငိုၼ်း​တီႈ​ၵေႃႉ​ၼၼ်ႉ။ မႂ်း​ဢမ်ႇ​လႆႈ​ၵိူဝ်း​လႆႈ​ဢတူဝ်း​ဢမျၢတ်ႈ​မၼ်း​သေ​လႄႈ ပၼ်​ၵူႈ​ပၼ်​ယိမ်​တၢင်း​ၵိၼ်​တၢင်း​ၶူပ်း​တီႈ​ၵေႃႉ​ၼၼ်ႉ။-</verse>
				<verse number="38">ၵဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢၼ်​ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ႁႂ်ႈ​လႆႈ​ဢဝ်​မိူင်း​ ၶႃႇၼၢၼ်ႇ ပၼ်​တီႈ​သူ​လႄႈ ပဵၼ်​ၽြႃး​ပဵၼ်​ၸဝ်ႈ​သူ​ဢေႃႈ။</verse>
				<verse number="39">ပေႃး​ၵူၼ်း​မဵဝ်း​ၸိူဝ်ႉ​ၶိူဝ်း​လဵဝ်​ၵၼ်​တင်း​မႂ်း​ၼၼ်ႉ​ယၢၵ်ႈ​ၽၢၼ်​လႄႈ ဢဝ်​တူဝ်​ၸဝ်ႈ​ၵဝ်ႇ​ၶၢႆ​ပၼ်​တီႈ​မႂ်း​ၸိုင်၊ မႂ်း​ဢမ်ႇ​လႆႈ​ႁႂ်ႈ​မၼ်း​ၶၢမ်ႇ​တၢင်း​ၸႂ်ႉ​တၢင်း​သွႆ မိူၼ်​ၸိူဝ်ႉ​ၼင်ႇ​ၶႃႈ ဢၼ်​ၶၢမ်ႇ​တၢင်း​ၸႂ်ႉ​တၢင်း​သွႆ​ၼၼ်ႉ။-</verse>
				<verse number="40">မၼ်း​ၼၼ်ႉ​တၵ်း​လႆႈ​ယူႇ​ၵႃႈ​တီႈ​မႂ်း​မိူၼ်​ၸိူဝ်ႉ​ၼင်ႇ​ၵူၼ်း​ၵိၼ်​ၸၢင်ႈ​ၵိၼ်​ငႃ ဢိၵ်ႇ​တင်း​မိူၼ်​ၸိူဝ်ႉ​ၼင်ႇ​ၶႅၵ်ႇ​ဢႃႇၵၼ်ႇတူႉ​ၼၼ်ႉ​လႄႈ ၶၢမ်ႇ​တၢင်း​ၸႂ်ႉ​တၢင်း​သွႆ​တီႈ​မႂ်း​တေႃႇ​ထိုင်​ႁွတ်ႈ​ပီႊ​ ယူႉပီႉလီႉ ​ၼၼ်ႉ​ဢေႃႈ။-</verse>
				<verse number="41">မိူဝ်ႈ​ၼၼ်ႉ မၼ်း​ဢိၵ်ႇ​လူၺ်ႈ​ၵၼ်​တင်း​လုၵ်ႈ​လၢင်း​မၼ်း​တင်း​လၢႆ တၵ်း​လႆႈ​ဢွၵ်ႇ​သေ​ၵႃႈ​တီႈ​မႂ်း​လႄႈ ၶိုၼ်း​ၸူး​ၵႃႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း ဢိၵ်ႇ​တင်း​ၵႃႈ​တီႈ​လိၼ်​ဢၼ်​ပူႇ​မၼ်း​မွၼ်ႇ​မၼ်း​ပိူင်ႇ​ၼၼ်ႉ​ဢေႃႈ။-</verse>
				<verse number="42">လွင်ႈ​မၼ်း​ၸမ်ႉ ၶဝ်​ၼၼ်ႉ​ပဵၼ်​ၶႃႈ​ၵဝ် ဢၼ်​ၵဝ်​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ၼၼ်ႉ​လႄႈ ဢမ်ႇ​လႆႈ​ၶၢႆ​ႁႂ်ႈ​ၶဝ်​လႆႈ​ပဵၼ်​ၶႃႈ ဢၼ်​ၶၢမ်ႇ​တၢင်း​ၸႂ်ႉ​တၢင်း​သွႆ။-</verse>
				<verse number="43">မႂ်း​ဢမ်ႇ​လႆႈ​ၸီႇ​ယၢင်ႇ​ယၢပ်ႇ​ယဵၼ်း​ၼႃႇ​လူင်​လၢင်​တီႈ​မၼ်း။ မႂ်း​တၵ်း​လႆႈ​ၵူဝ်​ႁႄ​ၽြႃး​ပဵၼ်​ၸဝ်ႈ​မႂ်း​ဢေႃႈ။-</verse>
				<verse number="44">ၶႃႈ​ၸႂ်ႉ​ၶႃႈ​သွႆ​လႂ်၊ ၶႃႈ​မႄႈ​ယိင်း​လႂ်​ဢၼ်​သူ​တၵ်း​လႆႈ​မီး​ၼၼ်ႉ​ၸမ်ႉ၊ မႂ်း​တၵ်း​လႆႈ​သိုဝ်ႉ​ဢဝ် ၶႃႈ​ၸႂ်ႉ​ၶႃႈ​သွႆ​လႂ်၊ ၶႃႈ​မႄႈ​ယိင်း​လႂ် ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​ယူႇ​လဵပ်ႈ​ႁွပ်ႈ​မႂ်း​ယူႇ ၵူႈ​ၽၢႆႇ​ၵူႈ​ပႃႈ​ၸိူဝ်း​ၼၼ်ႉ​ဢေႃႈ။-</verse>
				<verse number="45">လိူဝ်​သေ​ၼၼ်ႉ သူ​တၵ်း​လႆႈ​သိုဝ်ႉ​ဢဝ်​ၵႃႈ​ၼႂ်း​လုၵ်ႈ​လၢင်း​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​သူ ဢိၵ်ႇ​တင်း​ၵႃႈ​ၼႂ်း​ႁိူၼ်း​ၼႂ်း​ယေး​ၶဝ် ဢၼ်​ၶဝ်​လႆႈ​ၵႃႈ​တီႈ​မိူင်း​သူ​လႄႈ ယူႇ​ၵႃႈ​တီႈ​သူ​ၸိူဝ်း​ၼၼ်ႉ​ဢေႃႈ။-</verse>
				<verse number="46">ၶဝ်​ၼၼ်ႉ တၵ်း​လႆႈ​ပဵၼ်​တီႈ​ဢၼ်​သူ​လႆႈ​ပိူင်ႇ​ဢေႃႈ။ သူ​တၵ်း​လႆႈ​ဢဝ်​ၶဝ်​ပုၼ်ႈ​ဢၼ်​လုၵ်ႈ​လၢၼ်​သူ​ဢၼ် ပေႃႇ​မႃး​လိုၼ်း​လင်​သူ​ၼၼ်ႉ တၵ်း​လႆႈ​ၶၢမ်ႇ​ဢမူၺ်ႇ​လႄႈ​ပိူင်ႇ​ဢေႃႈ။ သူ​တၵ်း​လႆႈ​ဢဝ်​ၵႃႈ​ၼႂ်း​ၶဝ်​ၼၼ်ႉ ႁဵတ်း​ၶႃႈ​ၸႂ်ႉ​ၶႃႈ​သွႆ​ယူႇ​သေႇ​သေႇ​ဢေႃႈ။ ၵူၺ်း​ၵႃႈ တီႈ​ၵူၼ်း​မဵဝ်း​ၸိူဝ်ႉ​ၶိူဝ်း​လဵဝ်​ၵၼ်​တင်း​မႂ်း​ဢၼ်​ဝႃႈ ၵူၼ်း​မဵဝ်း​ ဢီႉသရေႇလႃႉ တင်း​လၢႆ​ၼၼ်ႉ​ၸိုင်၊ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ဢမ်ႇ​လႆႈ​ၸီႇ​ယၢင်ႇ​ယၢပ်ႇ​ယဵၼ်း​ၼႃႇ​လူင်​လၢင်​တီႈ​ၵၼ်။</verse>
				<verse number="47">ပေႃး​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း၊ ဢမ်ႇ​ၼၼ် ၶႅၵ်ႇ​ဢႃႇၵၼ်ႇတူႉ ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​မႂ်း​ၸိူဝ်း​ၼၼ်ႉ ၸၢင်ႈ​မၢၵ်ႈ​ၸၢင်ႈ​မီး​လႄႈ ၵူၼ်း​မဵဝ်း​ၸိူဝ်ႉ​ၶိူဝ်း​လဵဝ်​ၵၼ်​တင်း​မႂ်း​ယၢၵ်ႈ​ၽၢၼ်​ၵႃႈ​တီႈ​ႁိမ်း​မၼ်း​လႄႈ ဢဝ်​တူဝ်​ၸဝ်ႈ​ၵဝ်ႇ​ၶၢႆ​ပၼ်​တီႈ​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း၊ ဢမ်ႇ​ၼၼ် တီႈ​ၶႅၵ်ႇ​ဢႃႇၵၼ်ႇတူႉ ဢၼ်​သွၼ်ႈ​ပိုင်ႈ​ယူႇ​ၵႃႈ​ႁိမ်း​မႂ်း​ၼၼ်ႉ ဢမ်ႇ​ၼၼ် တီႈ​လုၵ်ႈ​လၢၼ်​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ၼၼ်ႉ​ၸိုင်၊-</verse>
				<verse number="48">လိုၼ်း​သေ​မၼ်း​ၶၢႆ​ပၼ်​ၼၼ်ႉ​သေ​ယဝ်ႉ၊ တၵ်း​လႆႈ​မီး​ဢၶႂၢင်ႉ​ဢၼ်​လႆႈ​ထုတ်ႇ​ဢဝ်​ဢေႃႈ။ ပီႈ​ဢၢႆႈ​ၼွင်ႉ​ၸၢႆး​မၼ်း​သေ​ၵေႃႉ​ၵေႃႉ တၵ်း​လႆႈ​ထုတ်ႇ​ဢဝ်​မၼ်း​ဢေႃႈ။-</verse>
				<verse number="49">ဢမ်ႇ​ၼၼ်​ၵေႃႈ ပေႃႈ​ၼႃႉ ပေႃႈ​ဢႃ​မၼ်း၊ ဢမ်ႇ​ၼၼ်​ၵေႃႈ လုၵ်ႈ​ပီႈ​လုၵ်ႈ​ၼွင်ႉ​မၼ်း၊ ဢမ်ႇ​ၼၼ်​ၵေႃႈ ပီႈ​ၼွင်ႉ​ၸိူဝ်ႉ​ၶိူဝ်း​ဢွၵ်ႇ​မၼ်း သေ​ၵေႃႉ​သေ​ၵူၼ်း​ၼၼ်ႉ တၵ်း​လႆႈ​ထုတ်ႇ​ဢဝ်​မၼ်း​ဢေႃႈ။ ပေႃး​တူဝ်​မၼ်း​ၶိုၼ်း​မၢၵ်ႈ​ၶိုၼ်း​မီး​မႃး​ၸိုင်၊ တူဝ်​မၼ်း တၵ်း​လႆႈ​ထုတ်ႇ​ဢဝ် တူဝ်​မၼ်း​ဢေႃႈ။-</verse>
				<verse number="50">မၼ်း​တၵ်း​လႆႈ​ၼပ်ႉ​ဢၢၼ်ႇ​ပီႊ ၸႃႉ​ၸဵမ်​ပီႊ​ဢၼ်​မၼ်း​ဢဝ်​တူဝ်​ၸဝ်ႈ​ၵဝ်ႇ​ၶၢႆ​ပၼ်​ၼၼ်ႉ​လႄႈ တေႃႇ​ထိုင်​ႁွတ်ႈ ပီႊ​ ယူႉပီႉလီႉ ​ၼၼ်ႉ လူၺ်ႈ​ၵၼ်​တင်း​ၵေႃႉ​ဢၼ်​သိုဝ်ႉ​ဢဝ်​မၼ်း​ၼၼ်ႉ​သေ​လႄႈ ၵႃႈ​ၶၼ်​ဢၼ်​မၼ်း​တၵ်း​လႆႈ​ပၼ်​ၼၼ်ႉ မၼ်း​တၵ်း​လႆႈ​ၸွမ်း​လူၺ်ႈ​ပီႊ​ၼမ်​ပီႊ​ၵေႇ​ၼၼ်ႉ​ဢေႃႈ။ တၵ်း​လႆႈ​ပဵၼ်​ၸွမ်း​လူၺ်ႈ​ၶိင်ႇ​ၵႃႇလႃႉ ဢၼ်​ၵူၼ်း​ၵိၼ်​ၸၢင်ႈ​ၵိၼ်​ငႃ ႁဵတ်း​ၼၼ်ႉ​ဢေႃႈ။-</verse>
				<verse number="51">ပေႃး​ပီႊ​ယင်း​ၵိုတ်း​ၼမ်​ၸိုင်၊ မၼ်း​တၵ်း​လႆႈ​ၸွမ်း​လူၺ်ႈ​ပီႊ​ၸိူဝ်း​ၼၼ်ႉ​လႄႈ ဢဝ်​ၵႃႈ​ၶၼ်​ဢၼ်​တၵ်း​ထုတ်ႇ​ဢဝ်​တူဝ်​မၼ်း​ၼၼ်ႉ ၼုၵ်ႈ​ဢဝ်​ၵႃႈ​ၼႂ်း​ငိုၼ်း​ဢၼ်​လႆႈ​သိုဝ်ႉ​ဢဝ်​မၼ်း​ယဝ်ႉ​ၼၼ်ႉ​သေ​လႄႈ ၶိုၼ်း​ပၼ်​ဢေႃႈ။-</verse>
				<verse number="52">ၸူဝ်ႈ​ဢၼ်​ဢမ်ႇ​ပႆႇ​ႁွတ်ႈ​ထိုင် ပီႊ​ ယူႉပီႉလီႉ ​ၼၼ်ႉ ပေႃး​ယင်း​ၵိုတ်း​ပီႊ​ၵေႇ​ၸိုင်၊ မၼ်း​တၵ်း​လႆႈ​ၼပ်ႉ​ဢၢၼ်ႇ​လူၺ်ႈ​ၵၼ်​တင်း​ၵေႃႉ​ၼၼ်ႉ​လႄႈ ၸွမ်း​လူၺ်ႈ ပီႊ​ၸိူဝ်း​ၼၼ်ႉ​သေ​လႄႈ ဢဝ်​ၵႃႈ​ၶၼ်​ဢၼ်​တၵ်း​ထုတ်ႇ​ဢဝ်​ၼၼ်ႉ​ၶိုၼ်း​ပၼ်​ဢေႃႈ။-</verse>
				<verse number="53">မၼ်း​တၵ်း​လႆႈ​ယူႇ​လူၺ်ႈ​ၵၼ်​တင်း​ၵေႃႉ​ၼၼ်ႉ ပီႊ​ၼိုင်ႈ​ယဝ်ႉ​ပီႊ​ၼိုင်ႈ​မိူၼ်​ၸိူဝ်ႉ​ၼင်ႇ​ၵူၼ်း​ၵိၼ်​ၸၢင်ႈ​ၵိၼ်​ငႃ​ၼၼ်ႉ​ဢေႃႈ။ ၵေႃႉ​ၼၼ်ႉ​ဢမ်ႇ​လႆႈ​ၸီႇ​ယၢင်ႇ​မၼ်း​ယၢပ်ႇ​ယဵၼ်း​ၼႃႇ​လူင်​လၢင်​တီႈ​မၼ်း သိုဝ်ႈ​ၼႃႈ​တႂ်ႈ​တႃ​မႂ်း။-</verse>
				<verse number="54">ပေႃး​မၼ်း​ဢမ်ႇ​ၶၢမ်ႇ​တၢင်း​ဢၼ် ၶဝ်​ၸိူဝ်ႉ​ၼင်ႇ​ၼၼ်​ထုတ်ႇ​ဢဝ်​ၸိုင်၊ မိူဝ်ႈ​ဢၼ်​ႁွတ်ႈ​ထိုင်​ပီႊ​ ယူႉပီႉလီႉ ​ၼၼ်ႉ၊ မၼ်း​ဢိၵ်ႇ​တင်း​လုၵ်ႈ​လၢင်း​မၼ်း​တင်း​လၢႆ တၵ်း​လႆႈ​လွတ်ႈ​သေ​ၵႃႈ​ၼႂ်း​မိုဝ်း​ၵေႃႉ​ၼၼ်ႉ​ဢေႃႈ။-</verse>
				<verse number="55">လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပဵၼ်​ၶႃႈ​ၵဝ်​ဢေႃႈ။ ပဵၼ်​ၶႃႈ​ၵဝ်​ဢၼ်​ၵဝ်​ၼုၵ်ႈ​ဢဝ်​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။</verse>
			</chapter>
			<chapter number="26">
				<verse number="1">သူ​ဢမ်ႇ​လႆႈ​ႁဵတ်း​ရုၵ်ႈ​ထူႉ​ပုၼ်ႈ​တူဝ်​ၸဝ်ႈ​ၵဝ်ႇ။ သူ​ဢမ်ႇ​လႆႈ​ပူၵ်း​တင်ႈ​ႁၢင်ႈ​ဢၼ်​တွင်ႈ​ႁဵတ်း​ၶၵ်း​ႁဵတ်း​ၼၼ်ႉ ပုၼ်ႈ​တူဝ်​ၸဝ်ႈ​ၵဝ်ႇ။ သူ​ဢမ်ႇ​လႆႈ​ပၵ်း​ဝႆႉ​သဝ်​တီႈ​ၵူဝ်း​ၵႂၢႆႇ​ၼၼ်ႉ။ သူ​ဢမ်ႇ​လႆႈ​ပူၵ်း​လႆႈ​တင်ႈ​မၢၵ်ႇ​ႁိၼ်​ဢၼ်​တွင်ႈ​ႁဵတ်း​ၼၼ်ႉ ၵႃႈ​ၼႂ်း​မိူင်း​သူ​ၼၼ်ႉ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။</verse>
				<verse number="2">သူ​တၵ်း​လႆႈ​ၵမ်​ဝၼ်း​ၵမ်​သိၼ်​ၵဝ်​တင်း​လၢႆ​လႄႈ ရူဝ်ႇ​သေႇ​ၵူဝ်​ယမ်​ထႃႇၼႃႉ​တီႈ​မူတ်း​ၸၢင်ႇ​ၵဝ်​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။</verse>
				<verse number="3">ပေႃး​သူ​ၸွမ်း​သဵၼ်ႈ​တၢင်း​ထုင်း​ၽိင်ႈ​တြႃး​ၵဝ်​လႄႈ ပႂ်ႉ​ပိင်း​ၺၢပ်ႈ​ၵဝ်​တင်း​လၢႆ​သေ​လႄႈ ၵမ်​ၵျၢင်ႉ​ယူႇ​ၸိုင်၊-</verse>
				<verse number="4">ၵဝ်​တၵ်း​ႁႂ်ႈ​ၽူၼ်​တူၵ်း​ပုၼ်ႈ​သူ​ၼႂ်း​ၶိင်ႇ​မၼ်း​မိူဝ်ႈ​မၼ်း​လႄႈ လိၼ်​တၵ်း​ဢဝ်​ၽၼ်ႇတႃႇ​တူဝ်​ၸဝ်ႈ​ၵဝ်ႇ​ပၼ်​လႄႈ တူၼ်ႈ​မႆႉ​သူၼ်​ဢူးယဵၼ်ႇ​တင်း​လၢႆ တၵ်း​မၢၵ်ႇ​မၢၵ်ႇ​မၼ်း​ဢေႃႈ။-</verse>
				<verse number="5">လွင်ႈ​တၢင်း​ဢၼ်​ယဵပ်ႇ​ၶဝ်ႈ​ပေႃႉ​ၶဝ်ႈ​ၼၼ်ႉ တၵ်း​လႆႈ​ၶိုတ်း​ထိုင်​ၶိင်ႇ​ဢၼ်​ဝိတ်း​မၢၵ်ႇ​ၸပိတ်ႈ​လႄႈ လွင်ႈ​တၢင်း​ဢၼ်​ဝိတ်း​မၢၵ်ႇ​ၸပိတ်ႈ​ၼၼ်ႉ တၵ်း​လႆႈ​ၶိုတ်း​ထိုင်​ၶိင်ႇ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ဢေႃႈ။ သူ​တၵ်း​လႆႈ​ၵိၼ်​ဢိမ်ႇ​ၵိၼ်​တဵမ်​လႄႈ ၵၢင်း​လွတ်ႈ​တင်း​ၽေး​သေ​လႄႈ ယူႇ​ၵႃႈ​ၼႂ်း​မိူင်း​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="6">ၵဝ်​တၵ်း​ႁႂ်ႈ​ဢမူႉ​သိုၵ်း​ထၢတ်ႇ​ယဵၼ်​သေ​ၵႃႈ​တီႈ​မိူင်း​သူ​လႄႈ၊ သူ​ယင်း​ဢမ်ႇ​မီး​ၵေႃႉ​ဢၼ်​လွၵ်ႇ​ဢၼ်​ငိုတ်ႈ​လႄႈ တၵ်း​လႆႈ​ၼွၼ်း​ဢေႃႈ။ တူဝ်​ထိူၼ်ႇ​ဢၼ်​ႁၢႆႉ​တင်း​လၢႆ​ၵေႃႈ ၵဝ်​တၵ်း​ပႄႇ​ပႅတ်ႈ​သေ​ၵႃႈ​ၼႂ်း​မိူင်း​ဢေႃႈ။ ၽေး​လၢပ်ႇ​ၽေး​မိတ်ႈ ဢမ်ႇ​လႆႈ​ၽႃႇ​လႆႈ​လတ်း​ၵႃႈ​ၼႂ်း​မိူင်း​သူ။-</verse>
				<verse number="7">သူ​တၵ်း​လိုပ်ႈ​လမ်း​ၸွမ်း​ရၢၼ်ႇ​သူႇ​သူ​လႄႈ ၶဝ်​တၵ်း​လူမ်ႉ​တၵ်း​တူၵ်း​လူၺ်ႈ​လၢပ်ႇ​လူၺ်ႈ​လႅဝ်း ၵႃႈ​တီႈ​ၽၢႆႇ​ၼႃႈ​သူ​ဢေႃႈ။-</verse>
				<verse number="8">ၵူၼ်း​ၵႃႈ​ၼႂ်း​သူ​ႁႃႈ​ၵေႃႉ တၵ်း​လိုပ်ႈ​လမ်း​ၸွမ်း​ၵူၼ်း​ပၢၵ်ႇ​ၼိုင်ႈ​ဢေႃႈ။ ၵူၼ်း​ပၢၵ်ႇ​ၼိုင်ႈ တၵ်း​လိုပ်ႈ​လမ်း​ၸွမ်း​ၵူၼ်း​မိုၼ်ႇ​ၼိုင်ႈ​လႄႈ ရၢၼ်ႇ​သူႇ​သူ​တၵ်း​လူမ်ႉ​တၵ်း​တူၵ်း​လူၺ်ႈ​လၢပ်ႇ​လူၺ်ႈ​လႅဝ်း ၵႃႈ​တီႈ​ၽၢႆႇ​ၼႃႈ​သူ​ဢေႃႈ။-</verse>
				<verse number="9">ၵဝ်​တၵ်း​ပႂ်ႉ​ၸွႆႈ​ပႂ်ႉ​ထႅမ်​သူ​ယူႇ​လႄႈ ႁႂ်ႈ​သူ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​မႃး ႁႂ်ႈ​သူ​ယႂ်ႇ​ၽႄႈ​ၼမ်​ၵိုၼ်း​မႃး​လႄႈ ႁႂ်ႈ​ပတီႉၺိၺ်ႇ​ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​သူ​ၼၼ်ႉ​မၼ်ႈ​ၶိူင်ႇ​ဢေႃႈ။-</verse>
				<verse number="10">သူ​တၵ်း​ၵိၼ်​ၶဝ်ႈ​ပိူၵ်ႇ​ဢၼ်​ၵဝ်ႇ ဢၼ်​သိမ်း​ဝႆႉ​ၼၼ်ႉ​ယူႇ​လႄႈ လႆႈ​ဢဝ်​ၶဝ်ႈ​ပိူၵ်ႇ​ဢၼ်​ၵဝ်ႇ​ၼၼ်ႉ ဢွၵ်ႇ​ပႅတ်ႈ​ၵွပ်ႈ​ပိူဝ်ႈ​ဢၼ် ၶဝ်ႈ​ပိူၵ်ႇ​ဢၼ်​မႂ်ႇ​ဢေႃႈ။-</verse>
				<verse number="11">ၵဝ်​တၵ်း​တႄႇ​သုမ်ႉ​ထဵင်​ၵဝ်​ယူႇ​ၵႃႈ​ၼႂ်း​သူ​လႄႈ တၵ်း​ဢမ်ႇ​မီး​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​သူ၊-</verse>
				<verse number="12">ၵဝ်​တၵ်း​လႄႇ​ၵႂႃႇ​လႄႇ​မႃး​ၵႃႈ​ၼႂ်း​သူ​လႄႈ ပဵၼ်​ၽြႃး​ပဵၼ်​ၸဝ်ႈ​သူ​ဢေႃႈ။ သူ​ၵေႃႈ​တၵ်း​ပဵၼ်​ၵူၼ်း​ၵဝ်​ဢေႃႈ။-</verse>
				<verse number="13">ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢၼ်​ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး ပုၼ်ႈ​လွင်ႈ​ၼင်ႇ​ႁိုဝ် သူ​တၵ်း​ဢမ်ႇ​လႆႈ​ပဵၼ်​ၶႃႈ​ၸႂ်ႉ​ၶႃႈ​သွႆ​ၶဝ်​ၼၼ်ႉ​ဢေႃႈ။ ၵဝ်​တႅပ်း​ၸိူၵ်ႈ​ၵၢၼ်း​ၸိူၵ်ႈ​ဢႅၵ်ႇ​သူ​ပႅတ်ႈ​လႄႈ ႁႂ်ႈ​သူ​ပူၵ်း​တင်ႈ​ၵႂႃႇ​သိုဝ်ႈ​သိုဝ်ႈ​ယဝ်ႉ။</verse>
				<verse number="14">ပေႃး​သူ​ဢမ်ႇ​ထွမ်ႇ​ဢဝ်​ၵႂၢမ်း​ၵဝ်၊ ဢမ်ႇ​ပႂ်ႉ​ၸွမ်း​ပိင်း​ၺၢပ်ႈ​ၼႆႉ​တင်း​သဵင်ႈ​တင်း​လူင်၊-</verse>
				<verse number="15">ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ထုင်း​ၽိင်ႈ​တြႃး​ၵဝ်၊ လီ​ႁင်ႈ​ဢဵတ်ႇ​သဵတ်ႇ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​တင်း လၢႆ​ထၼ်ႈ​ပေႃး​ဢမ်ႇ​ၵမ်​ဢမ်ႇ​ၵျၢင်ႉ​ပိင်း​ၺၢပ်ႈ​ၵဝ်​တင်း​သဵင်ႈ​တင်း​လူင်​ယူႇ​သေ​လႄႈ ယႃႉ​သဵတ်ႈ​ၸႃႇ​ပတီႉၺိၺ်ႇ​ၵဝ်​ၼၼ်ႉ​ပႅတ်ႈ​ၸိုင်၊-</verse>
				<verse number="16">လွင်ႈ​တၢင်း​ဢၼ်​ၵဝ်​တၵ်း​လႆႈ​ႁဵတ်း​တီႈ​သူ​ၸမ်ႉ၊ ၵဝ်​တၵ်း​ၶၢၼ်း​ဝႆႉ​တၢင်း​ဢၼ်​တူၵ်း​ၸႂ်​ၵူဝ်​ႁႄ ဢၼ်​ဝႃႈ​တူႇ​လႃႇ၊ ၶႆႈ​ၼၢဝ်​ဢၼ်​တၵ်း​ႁႂ်ႈ​မၢၵ်ႇ​တႃ​သူ​လူႉ​လႄႈ ႁႂ်ႈ​ႁူဝ်​ၸႂ်​သူ​ဢူၼ်ႈ​ၵႂႃႇ​ယွမ်း​ၵႂႃႇ​ၼၼ်ႉ ၵႃႈ​ၼိူဝ်​သူ​ဢေႃႈ။ ယင်း​ဢမ်ႇ​မီး​ဢၵျူဝ်း​လႄႈ သူ​တၵ်း​လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ဢေႃႈ။-</verse>
				<verse number="17">ရၢၼ်ႇ​သူႇ​သူ​တင်း​လၢႆ တၵ်း​ၵိၼ်​မၢၵ်ႇ​ၵိၼ်​ႁူင်း​မၼ်း​ဢေႃႈ။ ၵဝ်​တၵ်း​ဝၢႆႇ​ၼႃႈ​ပႅတ်ႈ​သေ​သူ​လႄႈ ႁႂ်ႈ​သူ​တူၵ်း​သုမ်း​ၵႃႈ​တီႈ​ၽၢႆႇ​ၼႃႈ ရၢၼ်ႇ​သူႇ​သူ​ဢေႃႈ။ ၶဝ်​ၸိူဝ်း​ဢၼ်​ၸင်း​သူ​ၼၼ်ႉ တၵ်း​လႆႈ​ဢုပ်ႉ​ပိူင်ႇ​ၵႃႈ​ၼိူဝ်​သူ​လႄႈ ၽူႈ​လႂ်​ယင်း​ဢမ်ႇ​လိုပ်ႈ​ၸွမ်း​လမ်း​ၸွမ်း​လႄႈ သူ​တၵ်း​ပၢႆႈ​ဢေႃႈ။-</verse>
				<verse number="18">သူ​လႆႈ​ၶၢမ်ႇ​ထၢၼ်ႇ​ၼၼ်ႉ​သေ​ၵေႃႈ ပေႃး​သူ​ယင်း​ဢမ်ႇ​ပႆႇ​ထွမ်ႇ​ဢဝ်​ၵႂၢမ်း​ၵဝ်​လႄႈ​ယူႇ​ၸိုင်၊ ၵွပ်ႈ​ပိူဝ်ႈ​ဢပႅတ်ႈ​သူ​ၼၼ်ႉ​လႄႈ ၵဝ်​တၵ်း​ပၼ်​တၢမ်ႇ​ၸဵတ်း​ပုၼ်ႈ​လူး​ၵွၼ်ႇ​ဢေႃႈ။-</verse>
				<verse number="19">ၵဝ်​တၵ်း​ႁၵ်း​မႃႇၼႃႉ​ၸႂ်​သုင်​ႁႅင်း​တၼ်း​ၶူဝ်း​သူ​ပႅတ်ႈ​ဢေႃႈ။ ၵဝ်​တၵ်း​ႁႂ်ႈ​ၽႃႉ​ၵၢင်​ႁၢဝ်​ပဵၼ်​ၸိူဝ်ႉ​ၼင်ႇ​လဵၵ်း၊ လိၼ်​မိူင်း​ပဵၼ်​ၸိူဝ်ႉ​ၼင်ႇ​တွင်း​လိူင်​လႄႈ၊-</verse>
				<verse number="20">သူ​တၵ်း​ဢဝ်​ဢဵၼ်​ႁႅင်း​သူ​ႁဵတ်း​လၢႆ​လၢႆ​လွၵ်ႇ​လွၵ်ႇ​ဢမ်ႇ​ပွင်​လွင်ႈ​ၵႃႈ​သင်​ဢေႃႈ။ လိၼ်​သူ​တၵ်း​ဢမ်ႇ​ဢဝ်​ၽၼ်ႇတႃႇ တူဝ်​ၸဝ်ႈ​ၵဝ်ႇ​ပၼ်​တီႈ​သူ။ တူၼ်ႈ​မႆႉ​သူၼ်​ဢူးယဵၼ်ႇ​သူ​တၵ်း​ဢမ်ႇ​မၢၵ်ႇ​မၢၵ်ႇ။</verse>
				<verse number="21">ပေႃး​သူ​ႁဵတ်း​တၢင်း​ဢၼ်​ၶတ်း​ၵၼ်​တင်း​ၵဝ်​လႄႈ ဢမ်ႇ​ထွမ်ႇ​ဢဝ်​ၵႂၢမ်း​ၵဝ်​ၸိုင်၊ ၸွမ်း​လူၺ်ႈ​ဢပႅတ်ႈ​သူ​ၼၼ်ႉ​သေ​လႄႈ ၵဝ်​တၵ်း​ႁႂ်ႈ​ၽေး​လူင် ၸဵတ်း​ပုၼ်ႈ​တူၵ်း​ႁွတ်ႈ​ၵႃႈ​ၼိူဝ်​သူ​ဢေႃႈ။-</verse>
				<verse number="22">ၵဝ်​တၵ်း​ပွႆႇ​ၸႂ်ႉ​တူဝ်​ႁၢႆႉ၊ ဢၼ်​တၵ်း​ၵၢပ်ႈ​ဢဝ်​လုၵ်ႈ​လၢင်း​သူ​ၵႂႃႇ​ယူႇ၊ ယႃႉ​ပႅတ်ႈ​တရိၵ်ႈသၢၼ်ႇ​သူ​ယူႇ​သေ​လႄႈ ႁႂ်ႈ​သူ​လဵၵ်ႉ​ၵႂႃႇ​ၵေႇ​ၵႂႃႇ​ၼၼ်ႉ​ၵႃႈ​ၼႂ်း​သူ​လႄႈ သဵၼ်ႈ​တၢင်း​ဢၼ်​သူ​ၵႂႃႇ​မႃး​ၸိူဝ်း​ၼၼ်ႉ တၵ်း​ပဵၼ်​တီႈ​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ၵႂႃႇ​ဢေႃႈ။-</verse>
				<verse number="23">သူ​လႆႈ​ၶၢမ်ႇ​ၸိူဝ်ႉ​ၼင်ႇ​ၼၼ်​သေ​ၵေႃႈ ပေႃး​သူ​ဢမ်ႇ​လႆႈ​သတီႉ​ၵွပ်ႈ​ပိူဝ်ႈ​ၵဝ်​လႄႈ ယင်း​ႁဵတ်း​တၢင်း​ဢၼ်​ၶတ်း​ၵၼ်​တင်း​ၵဝ်​ယူႇ​ၸိုင်၊-</verse>
				<verse number="24">ၵဝ်​ၵေႃႈ​တၵ်း​ႁဵတ်း​တၢင်း​ဢၼ်​ၶတ်း​ၵၼ်​တင်း​သူ​လႄႈ ပၼ်​တၢမ်ႇ​ၸဵတ်း​ပုၼ်ႈ ၵွပ်ႈ​ပိူဝ်ႈ​ဢပႅတ်ႈ​သူ​ၼၼ်ႉ လူး​ၵွၼ်ႇ​ဢေႃႈ။-</verse>
				<verse number="25">ၵဝ်​တၵ်း​ႁႂ်ႈ​ၽေး​လၢပ်ႇ ဢၼ်​လႆႈ​ယူႇ​ၽၢႆႇ​ပတီႉၺိၺ်ႇ​ၵဝ်​သေ​လႄႈ ၸီႇ​ယၢင်ႇ​တြႃး​ၼၼ်ႉ​တူၵ်း​ႁွတ်ႈ​ၵႃႈ​ၼိူဝ်​သူ​ဢေႃႈ။ မိူဝ်ႈ​ဢၼ်​သူ​ယင်း​ၸူႉ​ၵၼ်​တုမ်​ၵၼ်​ယူႇ​ၵႃႈ​ၼႂ်း​ဝဵင်း​သူ​ၼၼ်ႉ​ၸိုင်၊ ၵဝ်​တၵ်း​ပွႆႇ​ၸႂ်ႉ​ၽေး​ၵႃႇလႃႉ​ႁႃႈ​လႅင်​မိူင်း​ၵႃႈ​ၼႂ်း​သူ​လႄႈ ႁႂ်ႈ​သူ​ႁွတ်ႈ​ထိုင်​ၵႃႈ​ၼႂ်း​မိုဝ်း​ရၢၼ်ႇ​သူႇ​သူ​ဢေႃႈ။-</verse>
				<verse number="26">မိူဝ်ႈ​ဢၼ်​ၵဝ်​ပႄႇ​ပႅတ်ႈ ဢၼ်​ၵမ်ႉ​ဢၼ်​ထွၵ်ႈ​ဢႁႃႇရႃႉ​တၢင်း​ၵိၼ်​သူ​ၼၼ်ႉ​ၸိုင်၊ မႄႈ​ယိင်း​သိပ်း​ၼိုင်ႈ​တၵ်း​ဢွၼ်​ၵၼ်​ဢဝ် ၶဝ်ႈ​မုၼ်း​သူ​ၸီႇ​ၽဝ် ၵႃႈ​တီႈ​ၽီး​ၽႆး​ဢၼ်​လဵဝ်​ၵူၺ်း​သေ​ယဝ်ႉ၊ ဢဝ်​ၶဝ်ႈ​မုၼ်း​သူ​ၼၼ်ႉ​ၸင်ႈ​ပၼ်​ႁိဝ်ႈ​ပၼ်​လႄႈ သူ​ဢမ်ႇ​လႆႈ​ၵိၼ်​ဢိမ်ႇ​ၵိၼ်​တဵမ်။-</verse>
				<verse number="27">သူ​လႆႈ​ၶၢမ်ႇ​ထၢၼ်ႇ​ၼၼ်ႉ​သေ​ၵေႃႈ ပေႃး​သူ​ဢမ်ႇ​ထွမ်ႇ​ဢဝ်​ၵႂၢမ်း​ၵဝ်​လႄႈ ယင်း​ႁဵတ်း​တၢင်း​ဢၼ်​ၶတ်း​ၵၼ်​တင်း​ၵဝ်​ယူႇ​ၸိုင်၊-</verse>
				<verse number="28">ၵဝ်​ၵေႃႈ​တၵ်း​ၸႂ်​မႆႈ​ၶႆႈ​ၸႃႉ​ႁႅင်း​ယႂ်ႇ​ၼႃႇ​လူင်​လၢင်​ယူႇ​သေ​လႄႈ ႁဵတ်း​တၢင်း​ဢၼ်​ၶတ်း​ၵၼ်​တင်း​သူ​လႄႈ ပၼ်​တၢမ်ႇ​ၸဵတ်း​ပုၼ်ႈ​တီႈ​သူ ၵွပ်ႈ​ပိူဝ်ႈ​ဢပႅတ်ႈ​သူ​ၼၼ်ႉ​လူး​ၵွၼ်ႇ​ဢေႃႈ။-</verse>
				<verse number="29">သူ​တၵ်း​လႆႈ​ၵိၼ်​ၼိူဝ်ႉ​လုၵ်ႈ​ၸၢႆး​သူ​လႄႈ ၼိူဝ်ႉ​လုၵ်ႈ​ယိင်း​သူ​ၵေႃႈ သူ​တၵ်း​လႆႈ​ၵိၼ်​ဢေႃႈ။-</verse>
				<verse number="30">ၵဝ်​တၵ်း​ယႃႉ​ၽဵဝ်ႈ​ထႃႇၼႃႉ​တီႈ​သုင်​သူ​ၸိူဝ်း​ၼၼ်ႉ​ပႅတ်ႈ​လႄႈ ၽၼ်း​ရုၵ်ႈ​ထူႉ​ၵၢင်​ဝၼ်း​သူ​ၸိူဝ်း​ၼၼ်ႉ​လူမ်ႉ​ပႅတ်ႈ​ဢေႃႈ။ ၵဝ်​တၵ်း​ဢဝ်​တူဝ်​တၢႆ​သူ​ပႅတ်ႈ​တူၵ်း​သႂ်ႇ​ၵႃႈ​ၼိူဝ်​တူဝ်​တၢႆ​ရုၵ်ႈ​ထူႉ​သူ​ၸိူဝ်း​ၼၼ်ႉ​လႄႈ လီ​ႁင်ႈ​ဢဵတ်ႇ​သဵတ်ႇ​သူ​ဢေႃႈ။-</verse>
				<verse number="31">ၵဝ်​တၵ်း​ယႃႉ​ဝဵင်း​သူ​ၸိူဝ်း​ၼၼ်ႉ​ပႅတ်ႈ​လႄႈ ၽဵဝ်ႈ​ထႃႇၼႃႉ​တီႈ​မူတ်း​ၸၢင်ႇ​သူ​ၸိူဝ်း​ၼၼ်ႉ​ပႅတ်ႈ​သေ​ဢေႃႈ။ ဢၼ်​ႁွမ်​ဢၼ်​ႁူၺ်း​ၼၢမ်ႇ​သႃႇ​သူ​ၼၼ်ႉ​ၸိုင် ၵဝ်​တၵ်း​ဢမ်ႇ​သုတ်ႇ​ဢမ်ႇ​ၼူမ်။-</verse>
				<verse number="32">ၵဝ်​တၵ်း​ၽဵဝ်ႈ​မိူင်း​ပႅတ်ႈ​သေ​လႄႈ ရၢၼ်ႇ​သူႇ​သူ​ဢၼ်​ယူႇ​ၵႃႈ​ၼႂ်း​မၼ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​ဢၢမ်း​ၼႃႇ​လူင်​လၢင်​လႄႈ ၵႂင်​ၸႂ်​ယူႇ​ဢေႃႈ။-</verse>
				<verse number="33">ၵဝ်​တၵ်း​ႁႂ်ႈ​သူ​ၽၢတ်ႇ​ၽႄ​ၵၼ်​ၵႂႃႇ​ၵူႈ​တီႈ​ၵူႈ​လႅၼ် ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ၊ ထွတ်ႇ​လၢပ်ႇ​လိုပ်ႈ​လမ်း​ၸွမ်း​သူ​ၵႂႃႇ​ဢေႃႈ။ မိူင်း​သူ​ၵေႃႈ​တၵ်း​လႆႈ​မီး​တၢင်း​ဢၼ်​သဵတ်ႇ​ၵူၼ်း​ယဵၼ်​ၵူၼ်း၊ ဝဵင်း​သူ​ၸိူဝ်း​ၼၼ်ႉ​ၵေႃႈ တၵ်း​လႆႈ​မီး​တၢင်း​ဢၼ်​လူႉ​ဢၼ်​လႅဝ်​ဢေႃႈ။-</verse>
				<verse number="34">ၼင်ႇ​ၼၼ်​လႄႈ ၶိင်ႇ​ၵႃႇလႃႉ​ၼႂ်း​မိူဝ်ႈ​ဢၼ်​မိူင်း​သူ သဵတ်ႇ​ၵူၼ်း​ယဵၼ်​ၵူၼ်း​ယူႇ​ၼၼ်ႉ၊ မိူင်း​သူ​တၵ်း​လႆႈ​မူၼ်ႈ​ပျေႃႇ​ၵႃႈ​တီႈ ဝၼ်း​ၵမ်​သိၼ်​မၼ်း​လႄႈ သူ​ၸိုင်​တၵ်း​လႆႈ​ယူႇ​ၵႃႈ​ၼႂ်း​မိူင်း​ရၢၼ်ႇ​သူႇ​သူ​ဢေႃႈ။ မိူဝ်ႈ​ၶိင်ႇ​ၼၼ်ႉ မိူင်း​တၵ်း​လႆႈ​ယူႇ​ၼိမ်​ၼိမ်​လီ​လီ​လႄႈ မူၼ်ႈ​ပျေႃႇ​ယူႇ​ၵႃႈ​တီႈ​ဝၼ်း​ၵမ်​သိၼ်​မၼ်း​ဢေႃႈ။-</verse>
				<verse number="35">ၶိင်ႇ​ၵႃႇလႃႉ​ၼႂ်း​မိူဝ်ႈ​ဢၼ်​မၼ်း​လႆႈ​ယူႇ သဵတ်ႇ​ၵူၼ်း​ယဵၼ်​ၵူၼ်း​ၼၼ်ႉ၊ မၼ်း​တၵ်း​လႆႈ​မီး​တၢင်း​ဢၼ်​ယူႇ​ၼိမ်​ၼိမ်​လီ​လီ ဢၼ်​ဝႃႈ​တၢင်း​ဢၼ်​ယူႇ​ၼိမ်​ၼိမ်​လီ​လီ ဢၼ်​မၼ်း​ဢမ်ႇ​လႆႈ​ဢၶႂၢင်ႉ ၼႂ်း​ဝၼ်း​ၵမ်​သိၼ်​သူ​တင်း​လၢႆ ၼႂ်း​မိူဝ်ႈ​ဢၼ်​သူ​ယင်း​ယူႇ​ၵႃႈ​ၼႂ်း​မၼ်း​ယူႇ​ၼၼ်ႉ​ဢေႃႈ။-</verse>
				<verse number="36">ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼႂ်း​သူ​ၼၼ်ႉ​ၸမ်ႉ၊ ၵဝ်​တၵ်း​ဢဝ်​သၽေႃး​ဢၼ်​တူၵ်း​ၸႂ်​သႂ်ႇ​သႂၢင်း​ပၼ် ၵႃႈ​ၼႂ်း​ႁူဝ်​ၸႂ်​ၶဝ် ၵႃႈ​ၼႂ်း​မိူင်း​ရၢၼ်ႇ​သူႇ​ၶဝ်​ၼၼ်ႉ​လႄႈ သဵင်​မႂ်​မႆႉ​ဢၼ်​တူင်ႉ​ၼိုင်​ၼၼ်ႉ တၵ်း​ၸွမ်း​လွၵ်ႇ​ၶဝ်​လႄႈ ၶဝ်​တၵ်း​တိုၼ်ႇ​ပၢႆႈ​မိူၼ်​ၸိူဝ်ႉ​ၼင်ႇ​ဢၼ်​ပၢႆႈ​ၽေး​လၢပ်ႇ​ၽေး​လႅဝ်း​ၼၼ်ႉ​ဢေႃႈ။ ၽူႈ​လႂ်​ဢမ်ႇ​လိုပ်ႈ​ၸွမ်း​သေ​ၵေႃႈ တၵ်း​လူမ်ႉ​ဢေႃႈ။-</verse>
				<verse number="37">ၽူႈ​လႂ်​ယင်း​ဢမ်ႇ​လိုပ်ႈ​လမ်း​ၸွမ်း​လႄႈ ၶဝ်​ၵေႃႉ​ၼိုင်ႈ​တၵ်း​လူမ်ႉ​တူၵ်း​သႂ်ႇ​ၵႃႈ​ၼိူဝ်​ၵေႃႉ​ၼိုင်ႈ​မိူၼ်​ၸိူဝ်ႉ​ၼင်ႇ​ဢၼ် ပၢႆႈ​ၽေး​လၢပ်ႇ​ၽေး​လႅဝ်း​ၼၼ်ႉ​ဢေႃႈ။ ဢမ်ႇ​လႆႈ​မီး​တၼ်း​ၶူဝ်း​ဢၼ်​ၸုၵ်း​ၶၢမ်ႇ​ယူႇ ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​သူ​လႆႈ​ၼၼ်ႉ​လႃး​လႃး။-</verse>
				<verse number="38">သူ​တၵ်း​သုမ်း​ၸွမ်း ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ မိူင်း​ရၢၼ်ႇ​သူႇ​သူ​ၼၼ်ႉ​တၵ်း​ဢိုၼ်​ၵိၼ်​သူ​ဢေႃႈ။-</verse>
				<verse number="39">ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​တီႈ​သူ​ၼၼ်ႉ တၵ်း​ၶၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ ၵႃႈ​တီႈ​ၼႂ်း​မိူင်း​ရၢၼ်ႇ​သူႇ​သူ​ၼၼ်ႉ​လႄႈ ႁႅင်း​ဢူၼ်ႈ​ၵႂႃႇ​ဢေႃႈ။ ဢပႅတ်ႈ​ပူႇ​မွၼ်ႇ​ၶဝ်​ၼၼ်ႉ​ၵေႃႈ ၶဝ်​တၵ်း​လႆႈ​ၶၢမ်ႇ​လႄႈ ႁႅင်း​ဢူၼ်ႈ​ၵႂႃႇ​လူၺ်ႈ​ၵၼ် တင်း​ၶဝ်​ၼၼ်ႉ​ဢေႃႈ။-</verse>
				<verse number="40">ၼႂ်း​ဝႃႈ​ၼၼ်​သေ​ၵေႃႈ ပေႃး​ၶဝ်​ၽုၺ်ႇ​ဢွၵ်ႇ​ၼႄ​ပျႃး​တွင်း​ပၢၼ်ႇ​ဢပႅတ်ႈ​ၶဝ် ဢပႅတ်ႈ​ပူႇ​မွၼ်ႇ​ၶဝ်​တင်း​လၢႆ ၼႂ်း​တၢင်း​ဢၼ်​ၽိတ်း​ပိူင်ႈ ဢၼ်​ၶဝ်​ၽိတ်း​ပိူင်ႈ​ၵဝ်​ၼၼ်ႉ၊-</verse>
				<verse number="41">ဢိၵ်ႇ​တင်း​လွင်ႈ​တၢင်း​ဢၼ်​ၵဝ်​ႁဵတ်း​တၢင်း​ဢၼ်​ၶတ်း​ၵၼ်​တင်း​ၶဝ်​လႄႈ ဢဝ်​ၶဝ်​ၵႂႃႇ​သူင်ႇ​ၵႃႈ​တီႈ​မိူင်း​ရၢၼ်ႇ​သူႇ​ၶဝ် ၵွပ်ႈ​ပိူဝ်ႈ​ဢၼ်​ၶဝ်​ႁဵတ်း​တၢင်း​ဢၼ်​ၶတ်း​ၵၼ်​တင်း​ၵဝ်​ၼၼ်ႉ၊ ပေႃး​ၶဝ်​ဢဝ်​ႁူဝ်​ၸႂ်​တူဝ်​ၸဝ်ႈ​ၵဝ်ႇ ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ ၶျႃး​တူၵ်း​တီႈ​တႅမ်ႇ​လႄႈ ႁပ်ႉ​တုင်း​ဢဝ်​တၢမ်ႇ​ဢၼ်​လႆႈ​ၶၢမ်ႇ​ၵွပ်ႈ​ပိူဝ်ႈ​ဢပႅတ်ႈ​တူဝ်​ၸဝ်ႈ​ၵဝ်ႇ​ၼၼ်ႉ​ၸိုင်၊-</verse>
				<verse number="42">ၵဝ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ပတီႉၺိၺ်ႇ​ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​ ယႃႇၵုပ်ႈ ၊ ပတီႉၺိၺ်ႇ​ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​ ဢီႉၸၢၵ်ႈ ၊ ပတီႉၺိၺ်ႇ​ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​ ဢႃႇပြႃႇႁၢမ်ႇ ​ၼၼ်ႉ​ဢေႃႈ။ မိူင်း​ၼၼ်ႉ​ၵေႃႈ ၵဝ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဢေႃႈ။-</verse>
				<verse number="43">မိူင်း​ၼၼ်ႉ​တၵ်း​လွတ်ႈ​သေ​ၵႃႈ​ၼႂ်း​မိုဝ်း​ၶဝ်​လႄႈ ၶိင်ႇ​ၵႃႇလႃႉ​ၼႂ်း​မိူဝ်ႈ​ဢၼ်​ၶဝ်​ယင်း​ဢမ်ႇ​မီး​လႄႈ သဵတ်ႇ​ၵူၼ်း​ယဵၼ်​ၵူၼ်း​ယူႇ​ၼၼ်ႉ​ၸိုင်၊ တၵ်း​မူၼ်ႈ​ပျေႃႇ​ၵႃႈ​တီႈ​ဝၼ်း​ၵမ်​သိၼ်​မၼ်း​တင်း​လၢႆ​ဢေႃႈ။ ၶဝ်​ၼၼ်ႉ​တၵ်း​လႆႈ​ႁပ်ႉ​တုင်း​ဢဝ်​တၢမ်ႇ​ဢပႅတ်ႈ​ဢၼ်​ၶဝ်​လႆႈ​ၶၢမ်ႇ​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​လႄႈ လီ​ႁင်ႈ​ဢဵတ်ႇ​သဵတ်ႇ​ထုင်း​ၽိင်ႈ​တြႃး​ၵဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="44">ၼႂ်း​ဝႃႈ​ၼၼ်​သေ​ၵေႃႈ မိူဝ်ႈ​ဢၼ်​ၶဝ်​ယူႇ​ၵႃႈ​ၼႂ်း​မိူင်း​ရၢၼ်ႇ​သူႇ​ၶဝ်​ယူႇ​ၼၼ်ႉ၊ ၵဝ်​တၵ်း​ဢမ်ႇ​ၸုၼ်ႉ​ပႅတ်ႈ​ၶဝ်၊ ၵဝ်​တၵ်း​ဢမ်ႇ​လီ​ႁင်ႈ​ဢဵတ်ႇ​သဵတ်ႇ​ၶဝ် ထၼ်ႈ​ပေႃး​ယႃႉ​ၶဝ်​မူတ်း​မူတ်း​သဵင်ႈ​သဵင်ႈ​ပႅတ်ႈ​လႄႈ ပႄႇ​ပတီႉၺိၺ်ႇ​ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​ၶဝ်​ၼၼ်ႉ​ပႅတ်ႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​ဢေႃႈ။-</verse>
				<verse number="45">ၵွပ်ႈ​ပိူဝ်ႈ​ၶဝ်​လႄႈ ၵဝ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ပတီႉၺိၺ်ႇ ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​ပူႇ​မွၼ်ႇ​ၶဝ် ဢၼ်​ၵဝ်​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ သိုဝ်ႈ​ၼႃႈ​တႂ်ႈ​တႃ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​မႃး လွင်ႈ​ၼင်ႇ​ႁိုဝ်​ၵဝ်​တၵ်း​လႆႈ​ပဵၼ်​ၽြႃး​ပဵၼ်​ၸဝ်ႈ​ၶဝ်​ၼၼ်ႉ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="46">ဢၼ်​ၼႆႉ​ၸမ်ႉ၊ ပဵၼ်​ထုင်း​ၽိင်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​ထႃႇဝရႃႉ​ၽြႃး ၸီႇ​ယၢင်ႇ​ဝႆႉ​တင်း​တြႃး​ၸဝ်ႈ​တင်း​လၢႆ ဢၼ်​မၼ်း​ၸဝ်ႈ​ႁဵတ်း​ဝႆႉ​ဝူင်ႈ​ၵၢင်​မၼ်း​ၸဝ်ႈ ဢိၵ်ႇ​တင်း​ၵူၼ်း​မဵဝ်း ဢီႉသရေႇလႃႉ ​တင်း​လၢႆ ၵႃႈ​ၼိူဝ်​လွႆ​ သီႉၼႃႉ ​ၼၼ်ႉ ၵႃႈ​ၼႂ်း​မိုဝ်း​ မူဝ်းသေႇ ​ဢေႃႈ။</verse>
			</chapter>
			<chapter number="27">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ပေႃး​သေ​ၵေႃႉ​သေ​ၵူၼ်း​ႁဵတ်း​ၵတီႉ​သဵတ်ႈ​ၸႃႇ​လႄႈ ပုၵ်ႈ​ၸေႃႇ​ၸိုင်၊ ၵေႃႉ​ဢၼ်​ထုၵ်ႇ​လီ​ပုၵ်ႈ​ၸေႃႇ​ၼၼ်ႉ တၵ်း​လႆႈ​ပဵၼ်​ပုၼ်ႈ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ် မႂ်း​ပျၢတ်ႈ​ၵႃႈ​မၼ်း​ၶၼ်​မၼ်း​ၼၼ်ႉ​ဢေႃႈ။-</verse>
				<verse number="3">မႂ်း​တၵ်း​လႆႈ​ပျၢတ်ႈ​ၵႃႈ​မၼ်း​ၶၼ်​မၼ်း​ၵႃႈ​ႁိုဝ်​ဝႃႈ​ၼႆ​ၸမ်ႉ၊ ၵူၼ်း​ၸၢႆး​ၸိုင်၊ ဢဝ်​ၵႃႈ​ဢသၢၵ်ႈ​သၢဝ်း​ၼိုင်ႈ​တေႃႇ​ထိုင်​ႁွတ်ႈ​ႁူၵ်း​သိပ်း​ပီႊ​ၼၼ်ႉ ၸွမ်း​လူၺ်ႈ​ၼမ်ႉ​ၼၵ်း​ငိုၼ်း​ၸဝ်ႈ ၵျၢပ်ႈ​ သၶေးလႃႉ ​ၼၼ်ႉ​သေ​လႄႈ တၵ်း​လႆႈ​ပျၢတ်ႈ​ၵႃႈ​မၼ်း​ၶၼ်​မၼ်း ႁႃႈ​သိပ်း​ၵျၢပ်ႈ​ဢေႃႈ။-</verse>
				<verse number="4">ပေႃး​ပဵၼ်​ၵူၼ်း​ယိင်း​ၸိုင် မႂ်း​တၵ်း​လႆႈ​ပျၢတ်ႈ​ၵႃႈ​မၼ်း​ၶၼ်​မၼ်း​သၢမ်​သိပ်း​ၵျၢပ်ႈ​ဢေႃႈ။-</verse>
				<verse number="5">ဢဝ်​ၵႃႈ​ဢသၢၵ်ႈ​ႁႃႈ​ပီႊ​တေႃႇ​ထိုင်​ႁွတ်ႈ​သၢဝ်း​ၼိုင်ႈ​ၼၼ်ႉ​တၵ်း​လႆႈ​ပျၢတ်ႈ​ၵႃႈ​မၼ်း​ၶၼ်​မၼ်း ၵူၼ်း​ၸၢႆး​သၢဝ်း​ၵျၢပ်ႈ၊ ၵူၼ်း​ယိင်း​သိပ်း​ၵျၢပ်ႈ​ဢေႃႈ။-</verse>
				<verse number="6">ဢဝ်​ၵႃႈ​ဢသၢၵ်ႈ​လိူၼ်​ၼိုင်ႈ တေႃႇ​ထိုင်​ႁွတ်ႈ​ႁႃႈ​ၶူပ်ႇ​ၼၼ်ႉ တၵ်း​လႆႈ​ပျၢတ်ႈ​ၵႃႈ​မၼ်း​ၶၼ်​မၼ်း ၵူၼ်း​ၸၢႆး​ငိုၼ်း​ႁႃႈ​ၵျၢပ်ႈ၊ ၵူၼ်း​ယိင်း​သၢမ်​ၵျၢပ်ႈ​ဢေႃႈ။-</verse>
				<verse number="7">ဢဝ်​ၵႃႈ​ဢသၢၵ်ႈ​ႁူၵ်း​သိပ်း​ပီႊ​ၶိုၼ်ႈ​ၵႂႃႇ​ၼၼ်ႉ တၵ်း​လႆႈ​ပျၢတ်ႈ​ၵႃႈ​မၼ်း​ၶၼ်​မၼ်း ၵူၼ်း​ၸၢႆး​သိပ်း​ႁႃႈ​ၵျၢပ်ႈ၊ ၵူၼ်း​ယိင်း​သိပ်း​ၵျၢပ်ႈ ဢေႃႈ။-</verse>
				<verse number="8">ပေႃး​မၼ်း​ဢမ်ႇ​တၢတ်ႈ​ၼိူင်ႇ​ၵႃႈ​ၼင်ႇ​ဢၼ်​မႂ်း​ပျၢတ်ႈ​ၵႃႈ​မၼ်း​ၶၼ်​မၼ်း​ဝႆႉ​ၼၼ်ႉ​လႆႈ​ၸိုင်၊ တၵ်း​လႆႈ​မႃး​ၸူး​ၵႃႈ​တီႈ​ယိတ်ႈပရေႃးႁဵၵ်ႈ​လႄႈ ယိတ်ႈပရေႃးႁဵၵ်ႈ​တၵ်း​လႆႈ​ပျၢတ်ႈ​ၵႃႈ​မၼ်း​ၶၼ်​မၼ်း ၸွမ်း​ၵႃႈ​ၼင်ႇ​ဢၼ်​ၵေႃႉ​ဢၼ် ႁဵတ်း​ၵတီႉ​သဵတ်ႈ​ၸႃႇ​ၼၼ်ႉ တၢတ်ႈ​ၼိူင်ႇ​လႆႈ​ၼၼ်ႉ​ဢေႃႈ။</verse>
				<verse number="9">ပေႃး​ပဵၼ်​တရိၵ်ႈသၢၼ်ႇ ဢၼ်​ၵူၼ်း​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၸိုင်၊ ၵႃႈ​ဢၼ်​သေ​ၵေႃႉ​သေ​ၵူၼ်း ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ တၵ်း​လႆႈ​မူတ်း​ၸၢင်ႇ​ဢေႃႈ။-</verse>
				<verse number="10">ပဵၼ်​တူဝ်​ဢၼ်​လီ​သေ​ဢမ်ႇ​ဝႃႈ၊ ပဵၼ်​တူဝ်​ဢၼ်​ၺၢမ်ႉ​သေ​ဢမ်ႇ​ဝႃႈ၊ ဢမ်ႇ​လႆႈ​ဢဝ်​တူဝ်​ၼိုင်ႈ။ လႅၵ်ႈ​လၢႆႈ​တူဝ်​ၼိုင်ႈ ပေႃး​မီး​ဢလူဝ်ႇ​ၶႂ်ႈ​လႅၵ်ႈ​လၢႆႈ​ၸိုင်၊ တူဝ်​ၼၼ်ႉ​တင်း​တူဝ်​ဢၼ်​လႅၵ်ႈ​လၢႆႈ​ၼၼ်ႉ တၵ်း​လႆႈ​မူတ်း​ၸၢင်ႇ​တင်း​သွင်​တူဝ်​ဢေႃႈ။-</verse>
				<verse number="11">ပေႃး​ပဵၼ်​တရိၵ်ႈသၢၼ်ႇ ဢၼ်​ဢမ်ႇ​မူတ်း​သႂ်၊ ဢၼ်​ဢမ်ႇ​ထုၵ်ႇ​လီ​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ၸိုင်၊ မၼ်း​တၵ်း​လႆႈ​ဢဝ်​တူဝ်​ၼၼ်ႉ ၼႄ​ပျႃး​တီႈ​ယိတ်ႈပရေႃးႁဵၵ်ႈ​လႄႈ၊-</verse>
				<verse number="12">ယိတ်ႈပရေႃးႁဵၵ်ႈ​တၵ်း​လႆႈ ပျၢတ်ႈ​ၵႃႈ​မၼ်း​ၶၼ်​မၼ်း​ၸွမ်း​လူၺ်ႈ​ဢၼ်​လီ​ဢၼ်​ဢမ်ႇ​လီ​ၼၼ်ႉ​ဢေႃႈ။ ၵႃႈ​ၼင်ႇ​ဢၼ် ယိတ်ႈပရေႃးႁဵၵ်ႈ​ပျၢတ်ႈ​ၼၼ်ႉ၊ ၵႃႈ​မၼ်း​ၶၼ်​မၼ်း​တၵ်း​လႆႈ​မီး​ဢေႃႈ။-</verse>
				<verse number="13">ပေႃး​ၵေႃႉ​ဢၼ်​ပုၵ်ႈ​ၸေႃႇ​ၼၼ်ႉ မီး​ဢလူဝ်ႇ​ၶႂ်ႈ​ထုတ်ႇ​ဢဝ်​ၶိုၼ်း​ၸိုင်၊ မၼ်း​တၵ်း​လႆႈ​ဢဝ်​ၵႃႈ​ၶၼ်​ဢၼ်​မႂ်း​ပျၢတ်ႈ​ၼၼ်ႉ ႁႃႈ​ပုၼ်ႈ​ပုၼ်ႈ​ၼိုင်ႈ​ထၢပ်ႈ​ထႅင်ႈ​လႄႈ​ပၼ်​ဢေႃႈ။</verse>
				<verse number="14">ပေႃး​သေ​ၵေႃႉ​သေ​ၵူၼ်း ႁႂ်ႈ​ႁိူၼ်း​မၼ်း​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး​ၸိုင် ယိတ်ႈပရေႃးႁဵၵ်ႈ​တၵ်း​လႆႈ​ပျၢတ်ႈ​ၵႃႈ​မၼ်း​ၶၼ်​မၼ်း ၸွမ်း​လူၺ်ႈ​ဢၼ်​လီ​ဢၼ်​ဢမ်ႇ​လီ​ၼၼ်ႉ​ဢေႃႈ။ ၵႃႈ​ၼင်ႇ​ဢၼ်​ယိတ်ႈပရေႃးႁဵၵ်ႈ​ပျၢတ်ႈ​ၼၼ်ႉ၊ ၵႃႈ​မၼ်း​ၶၼ်​မၼ်း​တၵ်း​လႆႈ​မီး​ဢေႃႈ။-</verse>
				<verse number="15">ပေႃး​ၵေႃႉ​ဢၼ်​ႁႂ်ႈ​ႁိူၼ်း​မၼ်း​မူတ်း​ၸၢင်ႇ​ၼၼ်ႉ မီး​ဢလူဝ်ႇ​ၶႂ်ႈ​ထုတ်ႇ​ဢဝ်​ၶိုၼ်း​ၸိုင်၊ မၼ်း​တၵ်း​လႆႈ​ဢဝ်​ၵႃႈ​ၶၼ်​ဢၼ်​မႂ်း​ပျၢတ်ႈ​ၼၼ်ႉ ႁႃႈ​ပုၼ်ႈ​ပုၼ်ႈ​ၼိုင်ႈ ထၢပ်ႈ​ထႅင်ႈ​သေ​လႄႈ ပၼ်​လႄႈ​ဢဝ်​ႁိူၼ်း​ၼၼ်ႉ​ဢေႃႈ။</verse>
				<verse number="16">ပေႃး​သေ​ၵေႃႉ​သေ​ၵူၼ်း ႁႂ်ႈ​ႁႆႊ​ၼႃး​ဢၼ်​မၼ်း​ပိူင်ႇ​ၼၼ်ႉ မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး​ၵမ်ႈ​ၽွင်ႈ​ၸိုင်၊ မႂ်း​တၵ်း​လႆႈ​ပျၢတ်ႈ​ၵႃႈ​မၼ်း​ၶၼ်​မၼ်း​ၸွမ်း​ၵႃႈ​ၼင်ႇ​ဢၼ် လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼၼ်ႉ​ဢေႃႈ။ ဢၼ်​လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၶဝ်ႈ​မူႉ​ယေႃး ဢေႃးမေႇ ​ၼိုင်ႈ​ၼၼ်ႉ​ၸမ်ႉ၊ တၵ်း​လႆႈ​ပျၢတ်ႈ​ၵႃႈ​မၼ်း​ၶၼ်​မၼ်း ငိုၼ်း​ၵျၢပ်ႈ​ သၶေးလႃႉ ႁႃႈ​သိပ်း​ၵျၢပ်ႈ​ဢေႃႈ။-</verse>
				<verse number="17">ပေႃး​မၼ်း​ႁႂ်ႈ​ႁႆႊ​ၼႃး​မၼ်း​မူတ်း​ၸၢင်ႇ ၸႃႉ​ၸဵမ် ပီႊ​ ယူႉပီႉလီႉ ​ၼၼ်ႉ​ၸိုင်၊ ၵႃႈ​ၼင်ႇ​ဢၼ်​မႂ်း​ပျၢတ်ႈ​ၼၼ်ႉ ၵႃႈ​မၼ်း​ၶၼ်​မၼ်း​တၵ်း​လႆႈ​မီး​ဢေႃႈ။-</verse>
				<verse number="18">ပေႃး​ႁႂ်ႈ​ႁႆႊ​ၼႃး​မၼ်း​မူတ်း​ၸၢင်ႇ​လိုၼ်း​သေ ပီႊ​ ယူႉပီႉလီႉ ​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ​တၵ်း​လႆႈ​ၼပ်ႉ​ဢၢၼ်ႇ​ငိုၼ်း ၸွမ်း​လူၺ်ႈ​ပီႊ​ဢၼ်​ယင်း​လူဝ်ႇ​ထႅင်ႈ ႁႂ်ႈ​လႆႈ​ၶိုတ်း​ထိုင်​ပီႊ​ ယူႉပီႉလီႉ ဢၼ်​တၵ်း​မႃး​ၵမ်း​လိုၼ်း​ၼၼ်ႉ​လႄႈ ယွမ်း​သေ​ၵႃႈ​ၼႂ်း​ငိုၼ်း​ဢၼ်​မႂ်း​ပျၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="19">ပေႃး​ၵေႃႉ​ဢၼ်​ႁႂ်ႈ​ႁႆႊ​ၼႃး​မၼ်း​မူတ်း​ၸၢင်ႇ​ၼၼ်ႉ မီး​ဢလူဝ်ႇ​ၶႂ်ႈ​ထုတ်ႇ​ဢဝ်​ၶိုၼ်း​ၸိုင်၊ မၼ်း​တၵ်း​လႆႈ​ဢဝ်​ၵႃႈ​ၶၼ်​ဢၼ်​မႂ်း​ပျၢတ်ႈ​ၼၼ်ႉ ႁႃႈ​ပုၼ်ႈ​ပုၼ်ႈ​ၼိုင်ႈ ထၢပ်ႈ​ထႅင်ႈ​သေ​လႄႈ ပၼ်​လႄႈ​ပိူင်ႇ​ဢဝ်​ႁႆႊ​ၼႃး​ၼၼ်ႉ​ဢေႃႈ။-</verse>
				<verse number="20">ပေႃး​ဢမ်ႇ​ၼၼ် ပေႃး​မၼ်း​ဢမ်ႇ​မီး​ဢလူဝ်ႇ​ၶႂ်ႈ​ထုတ်ႇ​ဢဝ်​ႁႆႊ​ၼႃး​ၼၼ်ႉ၊ ဢမ်ႇ​ၼၼ်​ၵေႃႈ ပေႃး​ၶၢႆ​ပၼ်​တီႈ​ပိူၼ်ႈ​တၢင်ႇ​ၵေႃႉ​မႅၼ်ႈ​ၸိုင်၊ ၵမ်း​လိုၼ်း​မၼ်း​ဢမ်ႇ​လႆႈ​ထုတ်ႇ​ဢဝ်။-</verse>
				<verse number="21">ႁႆႊ​ၼႃး​ၼၼ်ႉ​မိူဝ်ႈ​ဢၼ်​လွတ်ႈ​သေ​ဢမူႉ ၼႂ်း​ပီႊ​ ယူႉပီႉလီႉ ​ၼၼ်ႉ​ယဝ်ႉ​ၸိုင်၊ တၵ်း​လႆႈ​မူတ်း​ၸၢင်ႇ​တီႈ​ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​ႁႆႊ​ၼႃး​ဢၼ်​ၵိၼ်ႇ​ဝႃႈ​ၼၼ်ႉ​လႄႈ ပဵၼ်​ဢုၵ်ႉ​ၸႃႇ​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="22">ပေႃး​သေ​ၵေႃႉ​သေ​ၵူၼ်း ဢဝ်​ႁႆႊ​ၼႃး​ဢၼ်​မၼ်း​ပိူင်ႇ​ယူႇ​ၵဝ်ႇ​ၵဝ်ႇ​ဢမ်ႇ​ၸႂ်ႈ၊ ဢၼ်​မၼ်း​သိုဝ်ႉ​ဢဝ်​ၼၼ်ႉ ႁႂ်ႈ​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး​ၸိုင်၊-</verse>
				<verse number="23">ယိတ်ႈပရေႃးႁဵၵ်ႈ​တၵ်း​လႆႈ​ၼပ်ႉ​ဢၢၼ်ႇ​ၵႃႈ​မၼ်း​ၶၼ်​မၼ်း ဢၼ်​မႂ်း​ပျၢတ်ႈ​တေႃႇ​ထိုင်​ႁွတ်ႈ ပီႊ​ ယူႉပီႉလီႉ ​ၼၼ်ႉ​လႄႈ ၼႂ်း​ဝၼ်း​ၼၼ်ႉ မၼ်း​တၵ်း​လႆႈ​ပၼ်​ၵႃႈ​ၶၼ်​ဢၼ်​မႂ်း​ပျၢတ်ႈ​ဢၼ်​ဝႃႈ လွင်ႈ​တၢင်း​ဢၼ်​မူတ်း​ၸၢင်ႇ​တီႈ​ထႃႇဝရႃႉ​ၽြႃး​ၼၼ်ႉ​သေ​ဢေႃႈ။-</verse>
				<verse number="24">မိူဝ်ႈ​ဢၼ်​ႁွတ်ႈ​ထိုင် ပီႊ​ ယူႉပီႉလီႉ ​ၸိုင်၊ တၵ်း​လႆႈ​ႁႂ်ႈ​ႁႆႊ​ၼႃး​ၼၼ်ႉ ၶိုၼ်း​ၸူး​ၵႃႈ​ၼႂ်း​မိုဝ်း​ၵေႃႉ​ဢၼ်​ၶၢႆ ဢၼ်​ဝႃႈ​ၵေႃႉ​ဢၼ်​ပိူင်ႇ​ယူႇ​ၵဝ်ႇ​ၵဝ်ႇ​ၼၼ်ႉ​ဢေႃႈ။-</verse>
				<verse number="25">ၼႂ်း​တၢင်း​ဢၼ်​မႂ်း​ပျၢတ်ႈ​ၵႃႈ​ပျၢတ်ႈ​ၶၼ်​ၵႃႈ​မီး​ၼၼ်ႉ မႂ်း​တၵ်း​လႆႈ​ပျၢတ်ႈ​ၸွမ်း​လူၺ်ႈ​ၼမ်ႉ​ၼၵ်း​ငိုၼ်း​ၸဝ်ႈ ၵျၢပ်ႈ​ သၶေးလႃႉ ​ၼၼ်ႉ​ဢေႃႈ။ ၵျၢပ်ႈ​ သၶေးလႃႉ ​ၼၼ်ႉ​ၸမ်ႉ၊ ပဵၼ်​သၢဝ်း​ ၵေးရႃႉ ​ဢေႃႈ။</verse>
				<verse number="26">တရိၵ်ႈသၢၼ်ႇ ဢၼ်​ပဵၼ်​လုၵ်ႈ​တူၼ်ႈ​လႄႈ ထႃႇဝရႃႉ​ၽြႃး​ထိူၵ်ႈ​ပိူင်ႇ​ၼၼ်ႉ​ၸိုင်၊ ၽူႈ​လႂ်​ဢမ်ႇ​လႆႈ​ႁႂ်ႈ​မူတ်း​ၸၢင်ႇ။ ပဵၼ်​ဝူဝ်း​သေ​ဢမ်ႇ​ဝႃႈ၊ ပဵၼ်​သူဝ်း​ပႄႉ​သေ​ဢမ်ႇ​ဝႃႈ၊ ပဵၼ်​ဢုၵ်ႉ​ၸႃႇ​ထႃႇဝရႃႉ​ၽြႃး​ဢေႃႈ။-</verse>
				<verse number="27">ပေႃး​ပဵၼ်​တရိၵ်ႈသၢၼ်ႇ ဢၼ်​ဢမ်ႇ​မူတ်း​သႂ်​ၸိုင်၊ တၵ်း​လႆႈ​ၸွမ်း​ၼင်ႇ​ဢၼ်​မႂ်း​ပျၢတ်ႈ​ၵႃႈ​မၼ်း​ၶၼ်​မၼ်း​ၼၼ်ႉ​သေ​လႄႈ ဢဝ်​ႁႃႈ​ပုၼ်ႈ​ပုၼ်ႈ​ၼိုင်ႈ​ထၢပ်ႈ​ထႅင်ႈ​လႄႈ​ပၼ်​ဢေႃႈ။ ပေႃး​ဢမ်ႇ​မီး​ဢလူဝ်ႇ​ၶႂ်ႈ​ထုတ်ႇ​ဢဝ်​ၸိုင်၊ တၵ်း​လႆႈ​ၸွမ်း​ၼင်ႇ​ဢၼ် မႂ်း​ပျၢတ်ႈ​ၵႃႈ​မၼ်း​ၶၼ်​မၼ်း​ၼၼ်ႉ​သေ​လႄႈ ၶၢႆ​ဢေႃႈ။</verse>
				<verse number="28">ၵူၺ်း​ၵႃႈ ပဵၼ်​ၵူၼ်း​သေ​ဢမ်ႇ​ဝႃႈ၊ ပဵၼ်​တရိၵ်ႈသၢၼ်ႇ​သေ​ဢမ်ႇ​ဝႃႈ၊ ပဵၼ်​ႁႆႊ​ၼႃး​ဢၼ်​တူဝ်​ၸဝ်ႈ​ၵဝ်ႇ​ပိူင်ႇ​ယူႇ​ၵဝ်ႇ​ၵဝ်ႇ​သေ​ဢမ်ႇ​ဝႃႈ၊ ၵႃႈ​ဢၼ်​ဢဝ်​ၵႃႈ​ၼႂ်း​ဢၼ်​မၼ်း​ထိူၵ်ႈ​ပိူင်ႇ​ၼၼ်ႉ ၵိၼ်ႇ​ဝႃႈ​သေ​လႄႈ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ၸိုင်၊ ဢမ်ႇ​လႆႈ​ၶၢႆ၊ ဢမ်ႇ​လႆႈ​ထုတ်ႇ​ဢဝ်။ ၵႃႈ​ဢၼ်​ၵိၼ်ႇ​ဝႃႈ​လႄႈ ပုၵ်ႈ​ၸေႃႇ​ၸိူဝ်း​ၼၼ်ႉ၊ တၵ်း​လႆႈ​မူတ်း​ၸၢင်ႇ​ၼႃႇ​လူင်​လၢင် တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="29">ၵူၼ်း​သေ​ၵေႃႈ၊ ပေႃး​ဢဝ်​ၵိၼ်ႇ​ဝႃႈ​လႄႈ ပုၵ်ႈ​ၸေႃႇ​ၸိုင်၊ ၵမ်း​လိုၼ်း​ဢမ်ႇ​လႆႈ​ထုတ်ႇ​ဢဝ်။ တၵ်း​လႆႈ​ဢဝ်​တၢႆ​ဢေႃႈ။</verse>
				<verse number="30">ပဵၼ်​ၸိူဝ်ႉ​ပဵၼ်​ၽၼ်း​မႃး ၵႃႈ​တီႈ​လိၼ်​ၶဝ်​သေ​ဢမ်ႇ​ဝႃႈ၊ ပဵၼ်​မၢၵ်ႇ​မႆႉ​မၢၵ်ႇ​တွၵ်ႇ​သေ​ဢမ်ႇ​ဝႃႈ၊ မၢၵ်ႇ​ႁူင်း​ၵႃႈ​ဢၼ်​ပဵၼ်​မႃး​ၵႃႈ​တီႈ​လိၼ် သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ ပဵၼ်​ဢုၵ်ႉ​ၸႃႇ​ထႃႇဝရႃႉ​ၽြႃး​ဢေႃႈ။ တၵ်း​လႆႈ​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="31">ပေႃး​သေ​ၵေႃႉ​သေ​ၵူၼ်း မီး​ဢလူဝ်ႇ​ၶႂ်ႈ​ထုတ်ႇ​ဢဝ် သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ​ၸိုင်၊ မၼ်း​တၵ်း​လႆႈ​ဢဝ်​ပုၼ်ႈ ပုၼ်ႈ​ၼိုင်ႈ​ၼၼ်ႉ ႁႃႈ​ပုၼ်ႈ​ပုၼ်ႈ​ၼိုင်ႈ​ထၢပ်ႈ​ထႅင်ႈ​သေ​လႄႈ ပၼ်​ဢေႃႈ။-</verse>
				<verse number="32">ပဵၼ်​ဝူဝ်း​သေ​ဢမ်ႇ​ဝႃႈ၊ ပဵၼ်​သူဝ်း​ပႄႉ​သေ​ဢမ်ႇ​ဝႃႈ၊ တူဝ်​ဢၼ်​ၵႂႃႇ​တႂ်ႈ​ၶွၼ်ႉ​ဝၢႆ​ၵႃႈ​မီး သိပ်း​ပုၼ်ႈ​ပုၼ်ႈ​ၼိုင်ႈ တၵ်း​လႆႈ​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="33">မၼ်း​ဢမ်ႇ​လႆႈ​ၸႅတ်ႈ​တူၺ်း ထၢမ်​တူၺ်း​လွင်ႈ​ဢၼ်​လီ​ႁိုဝ်​ၺၢမ်ႉ​ႁိုဝ်​ၼၼ်ႉ။ မၼ်း​ဢမ်ႇ​လႆႈ​ဢဝ်​တူဝ်​ၼိုင်ႈ​လႅၵ်ႈ​လၢႆႈ​တူဝ်​ၼိုင်ႈ။ ပေႃး​မၼ်း​မီး​ဢလူဝ်ႇ​ၶႂ်ႈ​လႅၵ်ႈ​လၢႆႈ​ဢဝ်​ၸိုင်၊ တူဝ်​ၼၼ်ႉ​ဢိၵ်ႇ​တင်း တၢင်း​ဢၼ်​လႅၵ်ႈ​လၢႆႈ​ၼၼ်ႉ တၵ်း​လႆႈ​မူတ်း​ၸၢင်ႇ​တင်း​သွင်​တူဝ်​ဢေႃႈ။ ဢမ်ႇ​လႆႈ​ထုတ်ႇ​ဢဝ်​လႃး​လႃး၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ဢၼ်​ၼႆႉ​ၸမ်ႉ၊ ပဵၼ်​ပိင်း​ၺၢပ်ႈ​တင်း​လၢႆ ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ပုၼ်ႈ​ၵူၼ်း​မဵဝ်း ဢီႉသရေႇလႃႉ ​ၸိူဝ်း​ၼၼ်ႉ ၵႃႈ​ၼိူဝ်​လွႆ​ သီႉၼႃႉ ​ဢေႃႈ။ ၵျၢမ်း​ဢၼ်​ႁဵတ်း​ဝၢတ်ႈ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="4">
			<chapter number="1">
				<verse number="1">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ၵႃႈ​တီႈ​ထိူၼ်ႇ​ သီႉၼႃႉ ဝၼ်း​ပထမႃႉ၊ လိူၼ်​တူႉတီႉယႃႉ၊ ပီႊ​တူႉတီႉယႃႉ၊ လိုၼ်း​သေ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ယဝ်ႉ​ၼၼ်ႉ​လႄႈ​ဝႃႈ၊-</verse>
				<verse number="2">သူ​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ ၸိူဝ်ႉ​ၶိူဝ်း​ၶဝ် မဵဝ်း​ပူႇ​မဵဝ်း​ပေႃႈ​ၶဝ် ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း ႁင်း​ၽႂ်​ႁင်း​မၼ်း​လႄႈ ဢဝ်​ၸရၢင်း​ၵူၼ်း​ၵႃႈ​ၼႂ်း​ပရဵၵ်ႈသၢတ်ႈ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ ၼပ်ႉ​ဢၢၼ်ႇ​ၵူၼ်း​ၸၢႆး​ၶဝ်၊-</verse>
				<verse number="3">ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်​ၼၼ်ႉ​တႃႉ။ မႂ်း​တင်း​ ဢႃႇရုၼ်ႇ ​တၵ်း​လႆႈ​ၸွမ်း​လူၺ်ႈ​တပ်ႉ​ၶဝ်​ၼၼ်ႉ​သေ​လႄႈ ၼပ်ႉ​ဢၢၼ်ႇ​ဢေႃႈ။-</verse>
				<verse number="4">မဵဝ်း​ၸိူဝ်ႉ​ၶိူဝ်း​ႁင်း​ၽႂ်​ႁင်း​မၼ်း​ယေႈ​မဵဝ်း​ယေႈ​ၵေႃႉ၊ ၶဝ်​ၸိူဝ်း​ဢၼ်​ပဵၼ်​ၵူၼ်း​ယႂ်ႇ​ၵူၼ်း​လူင်​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​တူဝ်​ၸဝ်ႈ​ၵဝ်ႇ​ႁင်း​ၽႂ်​ႁင်း​မၼ်း​ၼၼ်ႉ တၵ်း​လႆႈ​ပႃး​လူၺ်ႈ​ၵၼ်​တင်း​သူ​ဢေႃႈ။</verse>
				<verse number="5">ၸိုဝ်ႈ​သဵင်​ၶဝ်​ၸိူဝ်း​ဢၼ် တၵ်း​လႆႈ​ၸွႆႈ​ထႅမ်​လူၺ်ႈ​ၵၼ်​တင်း​မႂ်း​ၸိူဝ်း​ၼၼ်ႉ​ၸမ်ႉ၊ တီႈ​မဵဝ်း​ ရူႉပိၼ်ႇ၊ ဢေးလီႉၸူႉရႃႉ လုၵ်ႈ​ၸၢႆး​ သေႇတူႉရႃႉ ၊-</verse>
				<verse number="6">တီႈ​မဵဝ်း​ သီႉမုၼ်ႇ၊ သေႇလူႉမျေးလႃႉ လုၵ်ႈ​ၸၢႆး​ ၸူႉရီႉသတ်ႉတေႇ ၊-</verse>
				<verse number="7">တီႈ​မဵဝ်း​ ယူႉတႃႉ၊ ၼႃႇသုၼ်ႇ လုၵ်ႈ​ၸၢႆး​ ဢမီႉၼတပ်ႉ ၊-</verse>
				<verse number="8">တီႈ​မဵဝ်း​ ဢီႉသၶႃႇ၊ ၼႃႇသၼေႇလႃႉ လုၵ်ႈ​ၸၢႆး​ ၸူႉဢႃႇ ၊-</verse>
				<verse number="9">တီႈ​မဵဝ်း​ ၸေႇပူႉလုၼ်ႇ၊ ဢေးလျႃႇၽႃႉ လုၵ်ႈ​ၸၢႆး​ ႁေႇလုၼ်ႇ ၊-</verse>
				<verse number="10">တီႈ​မဵဝ်း​လုၵ်ႈ​ၸၢႆး​ ယူဝ်းသႅပ်ႈ ဢၼ်​ဝႃႈ တီႈ​မဵဝ်း​ ဢေႇၽရိမ်ႇ၊ ဢေးလီႉသမႃႇ လုၵ်ႈ​ၸၢႆး​ ဢမီႉႁုတ်ႉ ဢိၵ်ႇ​တင်း တီႈ​မဵဝ်း မၼႃႇ​သေႇ၊ ၵႃႇမလျေးလႃႉ လုၵ်ႈ​ၸၢႆး​ ပေႇတႃႉၸူႉရႃႉ ​ၼၼ်ႉ၊-</verse>
				<verse number="11">တီႈ​မဵဝ်း​ ပိၼ်ႇယႃႇမိၼ်ႇ၊ ဢၽီႉတၼ်ႇ လုၵ်ႈ​ၸၢႆး​ ၵီႉတေႃးၼီႉ ၊-</verse>
				<verse number="12">တီႈ​မဵဝ်း​ တၢၼ်ႇ၊ ဢႁေႇၸႃႇ လုၵ်ႈ​ၸၢႆး​ ဢမီႉသတ်ႉတေႇ ၊-</verse>
				<verse number="13">တီႈ​မဵဝ်း​ ဢႃႇသႃႇ၊ ပႃႇၵျေႇလႃႉ လုၵ်ႈ​ၸၢႆး​ ဢွၵ်ႉရၼ်ႇ ၊-</verse>
				<verse number="14">တီႈ​မဵဝ်း​ ၵၢတ်ႉ၊ ဢေးလျႃႇသပ်ႉ လုၵ်ႈ​ၸၢႆး​ တုၺ်းလႃႉ ၊-</verse>
				<verse number="15">တီႈ​မဵဝ်း​ ၼပ်ႉထလီႉ၊ ဢႁီႉရႃႉ လုၵ်ႈ​ၸၢႆး​ ဢေႇၼၼ်ႇ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၶဝ်​ၸိူဝ်း​ၼႆႉ ပဵၼ်​ၵေႃႉ​ဢၼ်​ပရဵၵ်ႈသၢတ်ႈ​တင်း​လၢႆ ၽွမ်ႉ​ၵၼ်​လိူၵ်ႈ​ၵဵပ်း​ဢဝ်၊ ႁွင်ႉ​ဢဝ်၊ ၶုၼ်​ၼႂ်း​ၸိူဝ်ႉ​ၶိူဝ်း ပူႇ​ၶဝ်​ပေႃႈ​ၶဝ်​ဢေႃႈ။ ပဵၼ်​ၵေႃႉ​ဢၼ်​ပဵၼ်​ႁူဝ် ပဵၼ်​ႁဵင်​ပဵၼ်​ႁဵင်​ၼင်ႇ​ၵၼ် ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="17">မူဝ်းသေႇ တင်း​ ဢႃႇရုၼ်ႇ ႁွင်ႉ​ဢဝ်​ၶဝ်​ၸိူဝ်း​ဢၼ်​မၼ်း​ၸဝ်ႈ ဢဝ်​ၸိုဝ်ႈ​ဢဝ်​သဵင်​လိူၵ်ႈ​ၵဵပ်း​ဢဝ် ၸိူဝ်ႉ​ၼင်ႇ​ၼၼ်​ၼၼ်ႉ​သေ​လႄႈ၊-</verse>
				<verse number="18">ႁႂ်ႈ​ပရဵၵ်ႈသၢတ်ႈ​ၸူႉ​ၵၼ်​တုမ်​ၵၼ် ၼႂ်း​ဝၼ်း​ဢၼ်​ပဵၼ်​ဝၼ်း​ပထမႃႉ၊ လိူၼ်​တူႉတီႉယႃႉ ၼၼ်ႉ​သေ​ယဝ်ႉ၊ ၶဝ်​ၼၼ်ႉ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၵူႈ​ၵေႃႉ​ၵူႈ​ၵူၼ်း ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ တင်း​သဵင်ႈ​တင်း​လူင်​ၼၼ်ႉ​ႁင်း​ၽႂ်​ႁင်း​မၼ်း​လႄႈ ဢွၼ်​ၵၼ်​ၽုၺ်ႇ​ဢွၵ်ႇ​ၼႄ​ပျႃး​ၸရၢင်း​ပီႈ​ၼွင်ႉ​ၸိူဝ်ႉ​ၶိူဝ်း​ၶဝ်​ဢေႃႈ။-</verse>
				<verse number="19">ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ၊ မၼ်း​ၼပ်ႉ​ဢၢၼ်ႇ​ၶဝ်​ၼၼ်ႉ ၵႃႈ​ၼႂ်း​ထိူၼ်ႇ​ သီႉၼႃႉ ​ၼၼ်ႉ​ဢေႃႈ။</verse>
				<verse number="20">ၵႃႈ​ၼႂ်း​ၵူၼ်း​မဵဝ်း​ ရူႉပိၼ်ႇ ဢၼ်​ပဵၼ်​လုၵ်ႈ​ၸၢႆး​တူၼ်ႈ​ ဢီႉသရေႇလႃႉ ​ၼၼ်ႉ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ​ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="21">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ ရူႉပိၼ်ႇ ​ၼၼ်ႉ​ၸိုင် မီး​သီႇ​မိုၼ်ႇ​ႁူၵ်း​ႁဵင်​ပၢႆ​ႁႃႈ​ပၢၵ်ႇ​ဢေႃႈ။</verse>
				<verse number="22">ၵႃႈ​ၼႂ်း​ၵူၼ်း​မဵဝ်း​ သီႉမုၼ်ႇ ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ၵႃႈ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="23">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ သီႉမုၼ်ႇ ​ၼၼ်ႉ​ၸိုင်၊ မီး​ႁႃႈ​မိုၼ်ႇ​ၵဝ်ႈ​ႁဵင်​ပၢႆ​သၢမ်​ပၢၵ်ႇ​ဢေႃႈ။</verse>
				<verse number="24">ၵႃႈ​ၼႂ်း​ၵူၼ်း​မဵဝ်း​ ၵၢတ်ႉ ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ၵႃႈ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="25">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ ၵၢတ်ႉ ​ၼၼ်ႉ​ၸိုင်၊ မီး​သီႇ​မိုၼ်ႇ​ႁႃႈ​ႁဵင်​ႁူၵ်း​ပၢၵ်ႇ​ပၢႆ​ႁႃႈ​သိပ်း​ဢေႃႈ။</verse>
				<verse number="26">ၵႃႈ​ၼႂ်း​ၵူၼ်း​မဵဝ်း​ ယူႉတႃႉ ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ၵႃႈ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="27">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ ယူႉတႃႉ ​ၼၼ်ႉ​ၸိုင်၊ မီး​ၸဵတ်း​မိုၼ်ႇ​သီႇ​ႁဵင်​ပၢႆ​ႁူၵ်း​ပၢၵ်ႇ​ဢေႃႈ။</verse>
				<verse number="28">ၵႃႈ​ၼႂ်း​ၵူၼ်း​မဵဝ်း​ ဢီႉသၶႃႇ ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ၵႃႈ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="29">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ ဢီႉသၶႃႇ ​ၼၼ်ႉ​ၸိုင်၊ မီး​ႁႃႈ​မိုၼ်ႇ​သီႇ​ႁဵင်​ပၢႆ​သီႇ​ပၢၵ်ႇ​ဢေႃႈ။</verse>
				<verse number="30">ၵႃႈ​ၼႂ်း​ၵူၼ်း​မဵဝ်း​ ၸေႇပူႉလုၼ်ႇ ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ၵႃႈ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="31">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ ၸေႇပူႉလုၼ်ႇ ​ၼၼ်ႉ​ၸိုင်၊ မီး​ႁႃႈ​မိုၼ်ႇ​ၸဵတ်း​ႁဵင်​ပၢႆ​သီႇ​ပၢၵ်ႇ​ဢေႃႈ။</verse>
				<verse number="32">ၵႃႈ​ၼႂ်း​ၵူၼ်း​မဵဝ်း​ ဢေႇၽရိမ်ႇ ​ဢၼ်​သိုပ်ႇ​လူင်း​မႃး​ၵႃႈ​တီႈ​ ယူဝ်းသႅပ်ႈ ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ၵႃႈ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="33">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ ဢေႇၽရိမ်ႇ ​ၼၼ်ႉ​ၸိုင်၊ မီး​သီႇ​မိုၼ်ႇ​ပၢႆ​ႁႃႈ​ပၢၵ်ႇ​ဢေႃႈ။</verse>
				<verse number="34">ၵႃႈ​ၼႂ်း​ၵူၼ်း​မဵဝ်း​ မၼႃႇ​သေႇ ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ၵႃႈ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="35">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ မၼႃႇ​သေႇ ​ၼၼ်ႉ​ၸိုင်၊ မီး​သၢမ်​မိုၼ်ႇ​သွင်​ႁဵင်​ပၢႆ​သွင်​ပၢၵ်ႇ​ဢေႃႈ။</verse>
				<verse number="36">ၵႃႈ​ၼႂ်း​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ၵႃႈ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="37">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ ပိၼ်ႇယႃႇမိၼ်ႇ ​ၼၼ်ႉ​ၸိုင်၊ မီး​သၢမ်​မိုၼ်ႇ​ႁႃႈ​ႁဵင်​ပၢႆ​သီႇ​ပၢၵ်ႇ​ဢေႃႈ။</verse>
				<verse number="38">ၵႃႈ​ၼႂ်း​ၵူၼ်း​မဵဝ်း​ တၢၼ်ႇ ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ၵႃႈ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ​ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="39">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ တၢၼ်ႇ ​ၼၼ်ႉ​ၸိုင်၊ မီး​ႁူၵ်း​မိုၼ်ႇ​သွင်​ႁဵင်​ပၢႆ​ၸဵတ်း​ပၢၵ်ႇ​ဢေႃႈ။</verse>
				<verse number="40">ၵႃႈ​ၼႂ်း​ၵူၼ်း​မဵဝ်း​ ဢႃႇသႃႇ ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ၵႃႈ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="41">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ ဢႃႇသႃႇ ​ၼၼ်ႉ​ၸိုင်၊ မီး​သီႇ​မိုၼ်ႇ​ႁဵင်​ၼိုင်ႈ​ပၢႆ​ႁႃႈ​ပၢၵ်ႇ​ဢေႃႈ။</verse>
				<verse number="42">ၵႃႈ​ၼႂ်း​မဵဝ်း​ ၼပ်ႉထလီႉ ​ၸိူဝ်း​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊ ပႃး​ၸိုဝ်ႈ​ပႃး​သဵင်​ၶဝ်​ၵူႈ​ၵေႃႉ​ၵူႈ​ၵူၼ်း၊ ၵူၼ်း​ၸၢႆး​ၵႃႈ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​တင်း​သဵင်ႈ​တင်း​လူင်၊-</verse>
				<verse number="43">ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၵႃႈ​ၼႂ်း​မဵဝ်း​ ၼပ်ႉထလီႉ ​ၼၼ်ႉ​ၸိုင်၊ မီး​ႁႃႈ​မိုၼ်ႇ​သၢမ်​ႁဵင်​ပၢႆ​သီႇ​ပၢၵ်ႇ​ဢေႃႈ။</verse>
				<verse number="44">ၵူၼ်း​ၸိူဝ်း​ၼႆႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ်​ မူဝ်းသေႇ ​တင်း​ ဢႃႇရုၼ်ႇ ဢိၵ်ႇ​တင်း​ၶုၼ်​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ သိပ်း​သွင်​ပႃး​ၸိူဝ်း​ၼၼ်ႉ ဢွၼ်​ၵၼ်​ၼပ်ႉ​ဢၢၼ်ႇ​လႄႈ ဢဝ်​ၸရၢင်း​ဢေႃႈ။ ၶုၼ်​ၸိူဝ်း​ၼၼ်ႉ​ပဵၼ်​ပုၼ်ႈ မဵဝ်း​ပူႇ​မဵဝ်း​ပေႃႈ​ၶဝ် ယေႈ​ၵေႃႉ​ယေႈ​မဵဝ်း​ဢေႃႈ။-</verse>
				<verse number="45">ၼင်ႇ​ၼၼ်​လႄႈ ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ၊ ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ်​သေ​လႄႈ၊ ၶဝ်​ၸိူဝ်း​ဢၼ် ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​သေ​လႄႈ တိုၵ်း​သိုၵ်း​လႆႈ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ တင်း​သဵင်ႈ​တင်း​လူင် လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ဢဝ်​ၸရၢင်း၊-</verse>
				<verse number="46">ဢၼ်​ဝႃႈ ၵႃႈ​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸိူဝ်း​ၼၼ်ႉ​ၸမ်ႉ၊ မီး​ႁူၵ်း​သႅၼ်​သၢမ်​ႁဵင်​ႁႃႈ​ပၢၵ်ႇ​ပၢႆ​ႁႃႈ​သိပ်း​ဢေႃႈ။-</verse>
				<verse number="47">ၵူၼ်း​မဵဝ်း​ လေႇဝီႉ ​တင်း​လၢႆ ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ်​သေ​လႄႈ ဢမ်ႇ​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ပႃး​ၼႂ်း​ၸရၢင်း​ၼၼ်ႉ။-</verse>
				<verse number="48">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="49">ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၸိုင်၊ မႂ်း​ဢမ်ႇ​လႆႈ​ၼပ်ႉ​ဢၢၼ်ႇ​လေႃး​လႄး​လူၺ်ႈ​ၵၼ်​တင်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ၊ ဢမ်ႇ​လႆႈ​ဢဝ်​သႂၢင်း​ၶဝ်ႈ​ၵႃႈ​ၼႂ်း​ၸရၢင်း။-</verse>
				<verse number="50">မႂ်း​တၵ်း​လႆႈ​ၶၢၼ်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဝႆႉ ပုၼ်ႈ​သုမ်ႉ​ထဵင်​ၶိူင်ႈ​ၶၢမ်ႇ​သၢၵ်ႈ​သေႇ​ၸဝ်ႈ ဢိၵ်ႇ​တင်း​ၶိူင်ႈ​ပိူင်​သုမ်ႉ​ထဵင်​ၸဝ်ႈ ၵႃႈ​မီး​တင်း​သဵင်ႈ​တင်း​လူင် ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​သုမ်ႉ​ထဵင်​ၸဝ်ႈ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ​တၵ်း​လႆႈ​ႁၢပ်ႇ​ဢဝ် သုမ်ႉ​ထဵင်​ၸဝ်ႈ ဢိၵ်ႇ​တင်း​ၶိူင်ႈ​ပိူင်​မၼ်း​ၵႃႈ​မီး​ၵႂႃႇ​ဢေႃႈ။ ဢမူႉ​သုမ်ႉ​ထဵင်​ၸဝ်ႈ​ၵေႃႈ ၶဝ်​တၵ်း​လႆႈ​ပွင်​လႆႈ​ႁဵတ်း​လႄႈ ၶျႃး​တပ်ႉ​ၶဝ်​ယူႇ​ၵႃႈ​တီႈ​လဵပ်ႈ​ႁွပ်ႈ​သုမ်ႉ​ထဵင်​ၸဝ်ႈ​ဢေႃႈ။-</verse>
				<verse number="51">မိူဝ်ႈ​ဢၼ်​ထိုင်​ၶိင်ႇ​ဢၼ်​ဢဝ်​သုမ်ႉ​ထဵင်​ၸဝ်ႈ​ၵႂႃႇ​ၼၼ်ႉ​ၸိုင်၊ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ တၵ်း​လႆႈ​ၵူႈ​လႆႈ​သိမ်း​ဢေႃႈ။ မိူဝ်ႈ​ဢၼ်​ထိုင်​ၶိင်ႇ​ဢၼ်​ၶျႃး​တီႈ​ယူႇ​သုမ်ႉ​ထဵင်​ၸဝ်ႈ​ၼၼ်ႉ​ၸိုင်၊ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​သမ်ႉ တၵ်း​လႆႈ​ၶိုၼ်း​တင်ႈ​ၶိုၼ်း​ပူၵ်း​ဢေႃႈ။ ၵေႃႉ​ဢၼ်​ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​လႄႈ သုတ်ႉ​ၸပ်း​သုတ်ႉ​ၸူး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ။-</verse>
				<verse number="52">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ပူၵ်း​မူဝ်းၵႃႇ​မုင်း ၵႃႈ​ၼႂ်း​တပ်ႉ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ ၵႃႈ​ႁိမ်း​လၢမ်ႇ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ မုၵ်ႉ​ၶဝ်​ၸိူဝ်း​ၶဝ်​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="53">ၵူၺ်း​ၵႃႈ လွင်ႈ​ၼင်ႇ​ႁိုဝ်​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ တၵ်း​ဢမ်ႇ​တူၵ်း​ႁွတ်ႈ​ၵႃႈ​ၼိူဝ်​ပရဵၵ်ႈသၢတ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိုင်၊ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ တၵ်း​လႆႈ​ၶျႃး​တီႈ​ယူႇ​ၵႃႈ​တီႈ​လဵပ်ႈ​ႁွပ်ႈ​သုမ်ႉ​ထႅင်ႈ ၶိူင်ႈ​ၶၢမ်ႇ​သၢၵ်ႈ​သေႇ​ၸဝ်ႈ​ၼၼ်ႉ​ဢေႃႈ။ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ တၵ်း​လႆႈ​ပႂ်ႉ​လူ​ပႂ်ႉ​တူၺ်း​သုမ်ႉ​ထဵင် ၶိူင်ႈ​ၶၢမ်ႇ​သၢၵ်ႈ​သေႇ​ၸဝ်ႈ​ၼၼ်ႉ​ယူႇ​ဢေႃႈ။-</verse>
				<verse number="54">ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​သေ​လႄႈ ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။</verse>
			</chapter>
			<chapter number="2">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ​ၸမ်ႉ၊-</verse>
				<verse number="2">ၵူၼ်း​မဵဝ်း​ ဢီႉသရေႇလႃႉ ​ႁင်း​ၽႂ်​ႁင်း​မၼ်း​ၸိူဝ်း​ၼၼ်ႉ တၵ်း​လႆႈ​ၶျႃး​တီႈ​ယူႇ​ၵႃႈ​တီႈ​ႁိမ်း​လၢမ်ႇ ဢၼ်​ၸၢပ်ႈ​သႅင်ႇ​ၵၼ်​တင်း​ၶဝ် ၵႃႈ​တီႈ​ႁိမ်း​လၢမ်ႇ​ဢၼ်​ၸၢပ်ႈ​သႅင်ႇ​ၵၼ်​တင်း မဵဝ်း​ပူႇ​မဵဝ်း​ပေႃႈ​ၶဝ်​ၼၼ်ႉ​ဢေႃႈ။ တၵ်း​လႆႈ​ဝၢႆႇ​ၼႃႈ​တေႃႇ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​သေ​လႄႈ ဢွၼ်​ၵၼ်​ၶျႃး​တီႈ​ယူႇ​ၶဝ်​လဵပ်ႈ​ႁွပ်ႈ​ယူႇ​ဢေႃႈ။-</verse>
				<verse number="3">ၶဝ်​ၸိူဝ်း​ဢၼ်​တၵ်း​လႆႈ​ၶျႃး​တီႈ​ယူႇ​ၵႃႈ​တီႈ​ၼႃႈ​ဝၼ်း​ဢွၵ်ႇ ၽၢႆႇ​ဢၼ်​ၵၢင်​ဝၼ်း​ဢွၵ်ႇ​ၼၼ်ႉ​ၸိူဝ်း​ၼၼ်ႉ​ၸမ်ႉ၊ ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​သေ​လႄႈ တၵ်း​လႆႈ​ၸၢပ်ႈ​သႅင်ႇ​ၵၼ်​တင်း​လၢမ်ႇ တပ်ႉ​ ယူႉတႃႉ ​ၼၼ်ႉ​လႄႈ၊ ၼႃႇသုၼ်ႇ ဢၼ်​ပဵၼ်​လုၵ်ႈ​ၸၢႆး​ ဢမီႉၼတပ်ႉ ​ၼၼ်ႉ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း​ ယူႉတႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="4">မုၵ်ႉ​မၼ်း​ၸိူဝ်း​မၼ်း​ဢၼ်​ဝႃႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸိူဝ်း​ၼၼ်ႉ​ၸမ်ႉ၊ မီး​ၸဵတ်း​မိုၼ်ႇ​သီႇ​ႁဵင်​ပၢႆ​ႁူၵ်း​ပၢၵ်ႇ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​ၶျႃး​တီႈ​ယူႇ​ၵႃႈ​တီႈ​ႁိမ်း​မၼ်း​ၼၼ်ႉ တၵ်း​လႆႈ​ပဵၼ်​မဵဝ်း​ ဢီႉသၶႃႇ ​လႄႈ၊ ၼႃႇသၼေႇလႃႉ ဢၼ်​ပဵၼ်​လုၵ်ႈ​ၸၢႆး​ ၸူႉဢႃႇ ​ၼၼ်ႉ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း​ ဢီႉသၶႃႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="6">မုၵ်ႉ​မၼ်း​ၸိူဝ်း​မၼ်း​ဢၼ်​ဝႃႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸိူဝ်း​ၼၼ်ႉ​ၸမ်ႉ၊ မီး​ႁႃႈ​မိုၼ်ႇ​သီႇ​ႁဵင်​ပၢႆ​သီႇ​ပၢၵ်ႇ​ဢေႃႈ။-</verse>
				<verse number="7">လိုၼ်း​ၼၼ်ႉ ၸေႇပူႉလုၼ်ႇ တၵ်း​လႆႈ​ၶျႃး​တီႈ​ယူႇ​လႄႈ၊ ဢေးလျႃႇၽႃႉ ​လုၵ်ႈ​ၸၢႆး​ ႁေႇလုၼ်ႇ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း ၸေႇပူႉလုၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="8">မုၵ်ႉ​မၼ်း​ၸိူဝ်း​မၼ်း ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸိူဝ်း​ၼၼ်ႉ​ၸမ်ႉ၊ မီး​ႁႃႈ​မိုၼ်ႇ​ၸဵတ်း​ႁဵင်​ပၢႆ​သီႇ​ပၢၵ်ႇ​ဢေႃႈ။-</verse>
				<verse number="9">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၸၢပ်ႈ​သႅင်ႇ​ၵၼ်​တင်း​တပ်ႉ​ ယူႉတႃႉ ​တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ ၸွမ်း​လူၺ်ႈ မုၵ်ႉ​ၶဝ်​ၸိူဝ်း​ၶဝ်​သေ​လႄႈ မီး​သႅၼ်​ၼိုင်ႈ​ပႅတ်ႈ​မိုၼ်ႇ​ႁူၵ်း​ႁဵင်​ပၢႆ​သီႇ​ပၢၵ်ႇ​ဢေႃႈ။ ၶဝ်​ၸိူဝ်း​ၼႆႉ​တၵ်း​လႆႈ​ၶီႇ​ဢွၼ်​တၢင်း​သုတ်း​ပိူၼ်ႈ​ဢေႃႈ။</verse>
				<verse number="10">ၵႃႈ​တီႈ​ၼႃႈ​တၢင်း​ၸၢၼ်း​ၼၼ်ႉ၊ ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​သေ​လႄႈ တၵ်း​လႆႈ​မီး​လၢမ်ႇ​တပ်ႉ​ ရူႉပိၼ်ႇ ​လႄႈ၊ ဢေးလီႉၸူႉရႃႉ ဢၼ်​ပဵၼ်​လုၵ်ႈ​ၸၢႆး​ သေႇတူႉရႃႉ ​ၼၼ်ႉ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း​ ရူႉပိၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="11">မုၵ်ႉ​မၼ်း​ၸိူဝ်း​မၼ်း​ဢၼ်​ဝႃႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၸမ်ႉ၊ မီး​သီႇ​မိုၼ်ႇ​ႁူၵ်း​ႁဵင်​ပၢႆ​ႁႃႈ​ပၢၵ်ႇ​ဢေႃႈ။-</verse>
				<verse number="12">ၶဝ်​ၸိူဝ်း​ဢၼ်​ၶျႃး​တီႈ​ယူႇ​ၵႃႈ​တီႈ​ႁိမ်း​မၼ်း​ၼၼ်ႉ တၵ်း​လႆႈ​ပဵၼ်​မဵဝ်း​ သီႉမုၼ်ႇ ​လႄႈ၊ သေႇလူႉမျေးလႃႉ ဢၼ်​ပဵၼ်​လုၵ်ႈ​ၸၢႆး ၸူႉရီႉသတ်ႉတေႇ ​ၼၼ်ႉ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း​ သီႉမုၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="13">မုၵ်ႉ​မၼ်း​ၸိူဝ်း​မၼ်း​ဢၼ်​ဝႃႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၸမ်ႉ၊ မီး​ႁႃႈ​မိုၼ်ႇ​ၵဝ်ႈ​ႁဵင်​ပၢႆ​သၢမ်​ပၢၵ်ႇ​ဢေႃႈ။-</verse>
				<verse number="14">လိုၼ်း​ၼၼ်ႉ မဵဝ်း​ ၵၢတ်ႉ တၵ်း​လႆႈ​ၶျႃး​တီႈ​ယူႇ​လႄႈ၊ ဢေးလျႃႇသပ်ႉ ဢၼ်​ပဵၼ်​လုၵ်ႈ​ၸၢႆး တုၺ်ႇလႃႉ ​ၼၼ်ႉ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း​ ၵၢတ်ႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="15">မုၵ်ႉ​မၼ်း​ၸိူဝ်း​မၼ်း​ဢၼ်​ဝႃႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၸမ်ႉ၊ မီး​သီႇ​မိုၼ်ႇ​ႁႃႈ​ႁဵင်​ႁူၵ်း​ပၢၵ်ႇ​ပႆႇ​ႁႃႈ​သိပ်း​ဢေႃႈ။-</verse>
				<verse number="16">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၸၢပ်ႈ​သႅင်ႇ​ၵၼ်​တင်း​တပ်ႉ​ ရူႉပိၼ်ႇ တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ မီး​သႅၼ်​ၼိုင်ႈ​ႁႃႈ​မိုၼ်ႇ​ႁဵင်​ၼိုင်ႈ​သီႇ​ပၢၵ်ႇ​ပၢႆ​ႁႃႈ​သိပ်း​ဢေႃႈ။ ၶဝ်​ၸိူဝ်း​ၼႆႉ​တၵ်း​လႆႈ​ၶီႇ​တၢမ်း​တပ်ႉ​တူႉတီႉယႃႉ​ၼၼ်ႉ​ဢေႃႈ။</verse>
				<verse number="17">မိူဝ်ႈ​ၼၼ်ႉ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ဢိၵ်ႇ​လူၺ်ႈ​ၵၼ်​တင်း​တပ်ႉ​ လေႇဝီႉ ​ၼၼ်ႉ တၵ်း​လႆႈ​ၶီႇ​ၸွမ်း​ၵႃႈ​ၼႂ်း​ၵႄႈ​ဝူင်ႈ​ၵၢင်​တပ်ႉ​တင်း​လၢႆ​ဢေႃႈ။ ၸွမ်း​ၵႃႈ​ၼင်ႇ​ဢၼ်​ၶဝ်​ၶျႃး​တပ်ႉ​ၼၼ်ႉ​လႄႈ ၵူၼ်း​ႁင်း​ၽႂ်​ႁင်း​မၼ်း​တၵ်း​လႆႈ​ၶီႇ​ၵႃႈ​ၼႂ်း​တီႈ​ယူႇ​မၼ်း ၸွမ်း​လူၺ်ႈ​ၵၼ်​တင်း​လၢမ်ႇ​ၶဝ်​ၼၼ်ႉ​ဢေႃႈ။</verse>
				<verse number="18">ၵႃႈ​တီႈ​ၼႃႈ​ဝၼ်း​တူၵ်း​ၼၼ်ႉ၊ ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​သေ​လႄႈ တၵ်း​လႆႈ​မီး​လၢမ်ႇ​တပ်ႉ ဢေႇၽရိမ်ႇ ​လႄႈ၊ ဢေးလီႉသမႃႇ ဢၼ်​ပဵၼ်​လုၵ်ႈ​ၸၢႆး​ ဢမီႉႁုတ်ႉ ​ၼၼ်ႉ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း​ ဢေႇၽရိမ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="19">မုၵ်ႉ​မၼ်း​ၸိူဝ်း​မၼ်း​ဢၼ်​ဝႃႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၸမ်ႉ၊ မီး​သီႇ​မိုၼ်ႇ​ပၢႆ​ႁႃႈ​ပၢၵ်ႇ​ဢေႃႈ။-</verse>
				<verse number="20">မဵဝ်း​ မၼႃႇ​သေႇ တၵ်း​လႆႈ​မီး​ၵႃႈ​တီႈ​ႁိမ်း​မၼ်း​ၼၼ်ႉ​လႄႈ၊ ၵႃႇမလျေးလႃႉ ​ဢၼ်​ပဵၼ်​လုၵ်ႈ​ၸၢႆး​ ပေႇတႃႉၸူႉရႃႉ ​ၼၼ်ႉ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း​ မၼႃႇ​သေႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="21">မုၵ်ႉ​မၼ်း​ၸိူဝ်း​မၼ်း ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၸမ်ႉ၊ မီး​သၢမ်​မိုၼ်ႇ​သွင်​ႁဵင်​ပၢႆ​သွင်​ပၢၵ်ႇ​ဢေႃႈ။-</verse>
				<verse number="22">လိုၼ်း​ၼၼ်ႉ မဵဝ်း​ ပိၼ်ႇယႃႇမိၼ်ႇ တၵ်း​လႆႈ​ၶျႃး​တီႈ​ယူႇ​လႄႈ၊ ဢၽီႉတၼ်ႇ ​ဢၼ်​ပဵၼ်​လုၵ်ႈ​ၸၢႆး​ ၵီႉတေႃးၼီႉ ​ၼၼ်ႉ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="23">မုၵ်ႉ​မၼ်း​ၸိူဝ်း​မၼ်း​ဢၼ်​ဝႃႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၸမ်ႉ၊ မီး​သၢမ်​မိုၼ်ႇ​ႁႃႈ​ႁဵင်​ပၢႆ​သီႇ​ပၢၵ်ႇ​ဢေႃႈ။-</verse>
				<verse number="24">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၸၢပ်ႈ​သႅင်ႇ​ၵၼ်​တင်း​တပ်ႉ​ ဢေႇၽရိမ်ႇ တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​သေ​လႄႈ မီး​သႅၼ်​ၼိုင်ႈ​ပႅတ်ႇ​ႁဵင်​ပၢႆ​ပၢၵ်ႇ​ၼိုင်ႈ​ဢေႃႈ။ ၶဝ်​ၸိူဝ်း​ၼႆႉ​တၵ်း​လႆႈ​ၶီႇ​တၢမ်း​တပ်ႉ​တႃႉတီႉယႃႉ​ၼၼ်ႉ​ဢေႃႈ။</verse>
				<verse number="25">ၵႃႈ​တီႈ​ၼႃႈ​တၢင်း​ႁွင်ႇ​ၼၼ်ႉ၊ ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​သေ​လႄႈ တၵ်း​လႆႈ​မီး​လၢမ်ႇ​တပ်ႉ​ တၢၼ်ႇ ​လႄႈ၊ ဢႁေႇၸႃႇ ဢၼ်​ပဵၼ်​လုၵ်ႈ​ၸၢႆး​ ဢမီႉသတ်ႉတေႇ ​ၼၼ်ႉ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း​ တၢၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="26">မုၵ်ႉ​မၼ်း​ၸိူဝ်း​မၼ်း​ဢၼ်​ဝႃႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၸမ်ႉ၊ မီး​ႁူၵ်း​မိုၼ်ႇ​သွင်​ႁဵင်​ပၢႆ​ၸဵတ်း​ပၢၵ်ႇ​ဢေႃႈ။-</verse>
				<verse number="27">ၶဝ်​ၸိူဝ်း​ဢၼ်​ၶျႃး​တီႈ​ယူႇ​ၵႃႈ​တီႈ​ႁိမ်း​မၼ်း​ၼၼ်ႉ တၵ်း​လႆႈ​ပဵၼ်​မဵဝ်း​ ဢႃႇသႃႇ ​လႄႈ၊ ပႃႇၵျေႇလႃႉ ဢၼ်​ပဵၼ်​လုၵ်ႈ​ၸၢႆး ဢွၵ်ႉရၼ်ႇ ​ၼၼ်ႉ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း​ ဢႃႇသႃႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="28">မုၵ်ႉ​မၼ်း​ၸိူဝ်း​မၼ်း​ဢၼ်​ဝႃႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၸမ်ႉ၊ မီး​သီႇ​မိုၼ်ႇ​ႁဵင်​ၼိုင်ႈ​ပၢႆ​ႁႃႈ​ပၢၵ်ႇ​ဢေႃႈ။-</verse>
				<verse number="29">လိုၼ်း​ၼၼ်ႉ မဵဝ်း​ ၼပ်ႉထလီႉ တၵ်း​လႆႈ​ၶျႃး​တီႈ​ယူႇ​လႄႈ၊ ဢႁီႉရႃႉ ​ဢၼ်​ပဵၼ်​လုၵ်ႈ​ၸၢႆး​ ဢေႇၼၼ်ႇ ​ၼၼ်ႉ တၵ်း​လႆႈ​ႁဵတ်း​ပူဝ်ႇ​ၵႃႈ​ၼႂ်း​ၵူၼ်း​မဵဝ်း​ ၼပ်ႉထလီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="30">မုၵ်ႉ​မၼ်း​ၸိူဝ်း​မၼ်း​ဢၼ်​ဝႃႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၸမ်ႉ၊ မီး​ႁႃႈ​မိုၼ်ႇ​သၢမ်​ႁဵင်​ပၢႆ​သီႇ​ပၢၵ်ႇ​ဢေႃႈ။-</verse>
				<verse number="31">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၸၢပ်ႈ​သႅင်ႇ​ၵၼ်​တင်း​တပ်ႉ​ တၢၼ်ႇ ​တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ မီး​သႅၼ်​ၼိုင်ႈ​ႁႃႈ​မိုၼ်ႇ​ၸဵတ်း​ႁဵင်​ပၢႆ​ႁူၵ်း​ပၢၵ်ႇ​ဢေႃႈ။ ၶဝ်​ၸိူဝ်း​ၼႆႉ ၸွမ်း​လူၺ်ႈ​ၵၼ်​တင်း​လၢမ်ႇ​ၶဝ်​သေ​လႄႈ တၵ်း​လႆႈ​ၶီႇ​လိုၼ်း​လင်​သုတ်း​ပိူၼ်ႈ​ဢေႃႈ။-</verse>
				<verse number="32">ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ်​ၸွမ်း​လူၺ်ႈ မဵဝ်း​ပူႇ​မဵဝ်း​ပေႃႈ​ၶဝ်​သေ​လႄႈ လႆႈ​ၶၢမ်ႇ​တၢင်း​ဢၼ် ၼပ်ႉ​ဢၢၼ်ႇ​ၵႃႈ​ၼႂ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ ၶဝ်​ၸိူဝ်း​ဢၼ်​ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​သေ​လႄႈ လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ပႃး ၵႃႈ​ၼႂ်း​တပ်ႉ​ၸိူဝ်း​ၼၼ်ႉ​တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ မီး​ႁူၵ်း​သႅၼ်​သၢမ်​ႁဵင်​ႁႃႈ​ပၢၵ်ႇ​ပၢႆ​ႁႃႈ​သိပ်း​ဢေႃႈ။-</verse>
				<verse number="33">ၵူၺ်း​ၵႃႈ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​လႄႈ ၵူၼ်း​မဵဝ်း​ လေႇဝီႉ ​တင်း​လၢႆ​ဢမ်ႇ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ပႃး​လူၺ်ႈ​ၵၼ်​တင်း ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ။-</verse>
				<verse number="34">ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၼ်​ၵၼ်​ႁဵတ်း​ဢေႃႈ။ ၶဝ်​ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​လႄႈ ၶျႃး​တီႈ​ယူႇ​ၶဝ်​ၵႃႈ​တီႈ​ႁိမ်း​လၢမ်ႇ​ၶဝ်​ယူႇ၊ ၶီႇ​ၵႂႃႇ​ယူႇ​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ် ဢိၵ်ႇ​တင်း​မဵဝ်း​ပူႇ​မဵဝ်း​ပေႃႈ​ၶဝ်​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။</verse>
			</chapter>
			<chapter number="3">
				<verse number="1">ဢထုၵ်ႉပတ်ႈတီႉ​ၸိူဝ်ႉ​ၶိူဝ်း​ ဢႃႇရုၼ်ႇ တင်း​ မူဝ်းသေႇ ၼႂ်း​မိုဝ်ႉ​ဝၼ်း​ဢၼ်​ထႃႇဝရႃႉ​ၽြႃး​ပၼ်​ပျႃႇ​တိၵ်ႈ​တီႈ​ မူဝ်းသေႇ ၼိူဝ်​လွႆ​ သီႉၼႃႉ ​ၼၼ်ႉ​ၸမ်ႉ၊-</verse>
				<verse number="2">လုၵ်ႈ​ၸၢႆး​ ဢႃႇရုၼ်ႇ ​ၼၼ်ႉ ပဵၼ်​ ၼႃႇတပ်ႉ ဢၼ်​ပဵၼ်​လုၵ်ႈ​တူၼ်ႈ၊ ဢၽီႉႁူႉ၊ ဢေးလႃႇၸႃႇ၊ ဢီႉသမႃႇ ​ဢေႃႈ။-</verse>
				<verse number="3">ဢၼ်​ၼႆႉ​ၸမ်ႉ၊ ပဵၼ်​ၸိုဝ်ႈ​သဵင်​လုၵ်ႈ​ၸၢႆး​ ဢႃႇရုၼ်ႇ ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ​လႄႈ မၼ်း​ၶၢၼ်း​ဝႆႉ​ၼႂ်း​ဢရႃႇ​ယိတ်ႈပရေႃးႁဵၵ်ႈ ႁႂ်ႈ​ၶဝ်​လႆႈ​ပွင်​ႁဵတ်း​ဢမူႉ​ယိတ်ႈပရေႃးႁဵၵ်ႈ​ၼၼ်ႉ​ဢေႃႈ။-</verse>
				<verse number="4">ၼႃႇတပ်ႉ တင်း​ ဢၽီႉႁူႉ ​ၼၼ်ႉ၊ မိူဝ်ႈ​ဢၼ်​ပုၵ်ႈ​ၸေႃႇ​ၽႆး​တၢင်ႇ​မဵဝ်း ဢၼ်​ဢမ်ႇ​ၸၢပ်ႈ​ဢမ်ႇ​သႅင်ႇ​ၼၼ်ႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ၸိုင်၊ တၢႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​ၼႂ်း​ထိူၼ်ႇ​ သီႉၼႃႉ ​ဢေႃႈ။ ၵႃႈ​တီႈ​သွင်​ၶႃ​ဢမ်ႇ​မီး​လုၵ်ႈ​မီး​လၢင်း​လႄႈ၊ ဢေးလႃႇၸႃႇ တင်း​ ဢီႉသမႃႇ ပွင်​ႁဵတ်း​ဢမူႉ​ယိတ်ႈပရေႃးႁဵၵ်ႈ​ၵႃႈ​တီႈ​ၽၢႆႇ​ၼႃႈ​ပေႃႈ​ၶဝ်​ ဢႃႇရုၼ်ႇ ​ဢေႃႈ။</verse>
				<verse number="5">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="6">မႂ်း​ႁွင်ႉ​ဢဝ်​ၵူၼ်း​မဵဝ်း​ လေႇဝီႉ ​တင်း​လၢႆ​မႃး​သေ​လႄႈ ၶျႃး​တီႈ​ယူႇ​ၶဝ်​ပၼ်​ၵႃႈ​တီႈ​ႁိမ်း​ ဢႃႇရုၼ်ႇ ႁႂ်ႈ​ၶဝ်​လႆႈ​ပွင်​ႁဵတ်း​ဢမူႉ ယိတ်ႈပရေႃးႁဵၵ်ႈ​မၼ်း​ၼၼ်ႉ​တႃႉ။-</verse>
				<verse number="7">ၶဝ်​ၼၼ်ႉ​တၵ်း​လႆႈ​ပႂ်ႉ​ဢမူႉ​မၼ်း ဢိၵ်ႇ​တင်း​ဢမူႉ​ပရဵၵ်ႈသၢတ်ႈ​တင်း​သဵင်ႈ​တင်း​လူင် ၵႃႈ​တီႈ​ၽၢႆႇ​ၼႃႈ​မူဝ်းၵႃႇ​ၸဝ်ႈ ႁႂ်ႈ​လႆႈ​ၵိုတ်ႉ​ႁၢပ်ႇ​ဢမူႉ​သုမ်ႉ​ထဵင်​ၸဝ်ႈ​ဢေႃႈ။-</verse>
				<verse number="8">ၶဝ်​တၵ်း​လႆႈ​ပွင်​ႁဵတ်း​ဢမူႉ ဢၼ်​လူ​တူၺ်း​လုမ်း​လႃး​ၶိူင်ႈ​ပိူင်ႈ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ဢိၵ်ႇ​တင်း​ဢမူႉ​ၵူၼ်း​မဵဝ်း ဢီႉသရေႇလႃႉ ​တင်း​လၢႆ ႁႂ်ႈ​လႆႈ​ၵိုတ်ႉ​ႁၢပ်ႇ​ဢမူႉ​သုမ်ႉ​ထဵင်​ၸဝ်ႈ​ဢေႃႈ။-</verse>
				<verse number="9">မႂ်း​တၵ်း​လႆႈ​ဢဝ်​ၵူၼ်း​မဵဝ်း​ လေႇဝီႉ ​တင်း​လၢႆ​ဢၢပ်ႈ​ပၼ်​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ဢေႃႈ။ ၶဝ်​ၼၼ်ႉ​ပဵၼ်​ဢၼ်​ၼုၵ်ႈ​ဢွၵ်ႇ​သေ​ၵႃႈ​ၼႂ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ပၼ်​တီႈ​မၼ်း​လုမ်း​လုမ်း​ဢေႃႈ။-</verse>
				<verse number="10">ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ၵေႃႈ မႂ်း​တၵ်း​လႆႈ​ၶၢၼ်း​ဝႆႉ​လႄႈ ၶဝ်​ၼၼ်ႉ​တၵ်း​လႆႈ​ပႂ်ႉ​ဢမူႉ​ယိတ်ႈပရေႃးႁဵၵ်ႈ​ယူႇ ဢေႃႈ။ ၵေႃႉ​ဢၼ်​ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​လႄႈ သုတ်ႉ​ၸပ်း​သုတ်ႉ​ၸူး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="12">ၵွပ်ႈ​ပိူဝ်ႈ​ဢၼ်​ၵဝ် ၼုၵ်ႈ​ဢဝ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ပုၼ်ႈ​တၢင်​တူဝ်​လုၵ်ႈ​တူၼ်ႈ ဢၼ်​ၵိူတ်ႇ​လဵင်ႉ​မႃး​ဢွၼ်​တၢင်း ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​လႄႈ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ပဵၼ်​ၵူၼ်း​ၵဝ်​ဢေႃႈ။-</verse>
				<verse number="13">လွင်ႈ​မၼ်း​ၸမ်ႉ လုၵ်ႈ​ၸၢႆး​တူၼ်ႈ​တင်း​လၢႆ​ပဵၼ်​ၵူၼ်း​ၵဝ်​ဢေႃႈ။ မိုဝ်ႉ​ဝၼ်း​ဢၼ်​ၵဝ်​ပၼ်​တၢမ်ႇ​တီႈ​လုၵ်ႈ​ၸၢႆး​တူၼ်ႈ​ၵႃႈ​မီး ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ၸိုင်၊ ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပဵၼ်​ၵူၼ်း​ၸၢႆး​သေ​ဢမ်ႇ​ဝႃႈ၊ ပဵၼ်​တရိၵ်ႈသၢၼ်ႇ​သေ​ဢမ်ႇ​ဝႃႈ၊ ၵဝ်​ႁႂ်ႈ​လုၵ်ႈ​ၸၢႆး​တူၼ်ႈ​တင်း​သဵင်ႈ​တင်း​လူင် မူတ်း​ၸၢင်ႇ​ဝႆႉ​ပုၼ်ႈ​ၵဝ်​ဢေႃႈ။ ၶဝ်​ၼၼ်ႉ​ပဵၼ်​ဢုၵ်ႉ​ၸႃႇ​ၵဝ်​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​ၵႃႈ​ၼႂ်း​ထိူၼ်ႇ​ သီႉၼႃႉ ​လႄႈ​ဝႃႈ၊-</verse>
				<verse number="15">ၼပ်ႉ​ဢၢၼ်ႇ​ၵူၼ်း​မဵဝ်း​ လေႇဝီႉ ​တင်း​လၢႆ ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ်၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​တႃႉ။ မႂ်း​တၵ်း​လႆႈ ၼပ်ႉ​ဢၢၼ်ႇ ၵူၼ်း​ၸၢႆး​ၵႃႈ​ဢၼ်​ဢသၢၵ်ႈ​လႆႈ​လိူၼ်​ၼိုင်ႈ​လႄႈ လိူၼ်​လိူဝ်​ၵႂႃႇ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="16">မူဝ်းသေႇ ၸွမ်း​ၼင်ႇ​ၵႂၢမ်း​ထႃႇဝရႃႉ​ၽြႃး​ၼၼ်ႉ​သေ​လႄႈ ၼပ်ႉ​ဢၢၼ်ႇ​ၶဝ်​ၵႃႈ​ၼင်ႇ​ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="17">ၸိုဝ်ႈ​သဵင်​လုၵ်ႈ​ၸၢႆး​ လေႇဝီႉ ​ၼၼ်ႉ​ၸိူဝ်း​ၼၼ်ႉ​ၸမ်ႉ၊ ပဵၼ်​ ၵေႇရသုၼ်ႇ၊ ၵေႃႇႁတ်ႉ၊ မေႇရႃႇရီႉ ​ဢေႃႈ။-</verse>
				<verse number="18">ၸိုဝ်ႈ​သဵင်​လုၵ်ႈ​ၸၢႆး​ ၵေႇရသုၼ်ႇ ဢၼ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​ လီႉပၼီႉ တင်း​ သီႉမီႉ ​ဢေႃႈ။-</verse>
				<verse number="19">ၸိုဝ်ႈ​သဵင်​လုၵ်ႈ​ၸၢႆး​ ၵေႃႇႁတ်ႉ ဢၼ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​ ဢႃႇမရမ်ႇ၊ ဢီႉၸႁႃႇ၊ ႁေႇပြုၼ်ႇ၊ ဢေႃးၸေႇလႃႉ ​ဢေႃႈ။-</verse>
				<verse number="20">ၸိုဝ်ႈ​သဵင်​လုၵ်ႈ​ၸၢႆး​ မေႇရႃႇရီႉ ဢၼ်​ၸွမ်း​လူၺ်ႈ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​ မႁႃႇလီႉ တင်း​ မူႉသီႉ ​ဢေႃႈ။ ၶဝ်​ၸိူဝ်း​ၼႆႉ​ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ လေႇဝီႉ ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ်​ဢေႃႈ။</verse>
				<verse number="21">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ လီႉပၼီႉ တင်း​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ သီႉမီႉ ဢၼ်​သိုပ်ႇ​လူင်း​မႃး​ၵႃႈ​တီႈ ၵေႇရသုၼ်ႇ ​ၸိူဝ်း​ၼၼ်ႉ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵေႇရသုၼ်ႇ ​ဢေႃႈ။-</verse>
				<verse number="22">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၢၼ်ႇ​ၵူၼ်း​ၸၢႆး ဢၼ်​ဢသၢၵ်ႈ​လႆႈ​လိူၼ်​ၼိုင်ႈ​လႄႈ လိူၼ်​လိူဝ်​ၵႂႃႇ​ၼၼ်ႉ​တင်း​သဵင်ႈ​တင်း​လူင် ဢၼ်​ဝႃႈ​ၵႃႈ​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸိူဝ်း​ၼၼ်ႉ​ၸမ်ႉ၊ မီး​ၸဵတ်း​ႁဵင်​ပၢႆ​ႁႃႈ​ပၢၵ်ႇ​ဢေႃႈ။-</verse>
				<verse number="23">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵေႇရသုၼ်ႇ ​ၸိူဝ်း​ၼၼ်ႉ တၵ်း​လႆႈ​ၶျႃး​တီႈ​ယူႇ​ၽၢႆႇ​တၢင်း​လင်​သုမ်ႉ​ထဵင်​ၸဝ်ႈ​ၵႃႈ​တီႈ​ၼႃႈ​ဝၼ်း​တူၵ်း​ဢေႃႈ။-</verse>
				<verse number="24">ၵူၼ်း​လူင်​ဢၼ်​ပဵၼ်​ငဝ်ႈ​မဵဝ်း​ၸိူဝ်ႉ​ၶိူဝ်း​ ၵေႇရသုၼ်ႇ ​ၼၼ်ႉ​ၸမ်ႉ၊ ပဵၼ်​ ဢေးလျႃႇသပ်ႉ လုၵ်ႈ​ၸၢႆး​ လေးလႃႉ ​ဢေႃႈ။-</verse>
				<verse number="25">ပုၼ်ႈ​တႃႇ​ဢၼ်​ၵူၼ်း​မဵဝ်း​ ၵေႇရသုၼ်ႇ ​တင်း​လၢႆ​တၵ်း​လႆႈ​လူ​တူၺ်း​လုမ်း​လႃး ၵႃႈ​တီႈ​သုမ်ႉ​ထဵင်​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ် ပရဵၵ်ႈသၢတ်ႈ​ၼၼ်ႉ​ၸမ်ႉ၊ ပဵၼ်​သုမ်ႉ​ထဵင်​ၸဝ်ႈ​ဢိၵ်ႇ​တင်း​မူဝ်းၵႃႇ​မၼ်း ဢၼ်​ႁူမ်ႇ​သုမ်ႇ​မၼ်း၊ ၽႃႈ​ၵင်ႈ​ဢၼ်​ၵင်ႈ​ၵႃႈ​တီႈ​ႁူး​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ၊-</verse>
				<verse number="26">ၽႃႈ​ၵင်ႈ​ႁူဝ်ႉ​ဝၢင်း တင်း​ၽႃႈ​ၵင်ႈ​ဢၼ်​ၵင်ႈ​ၵႃႈ​တီႈ​ႁူး​ၽၵ်း​တူ​ႁူဝ်ႉ​ဝၢင်း ဢၼ်​လဵပ်ႈ​ႁွပ်ႈ​သုမ်ႉ​ထဵင်​ၸဝ်ႈ တင်း​ယိတ်ႈပလၢင်ႇ​ၼၼ်ႉ တင်း​ၸိူၵ်ႈ​တင်း​လၢႆ ပုၼ်ႈ​ဢၼ်​တၵ်း​ဢဝ်​ပွင်​ဢဝ်​ႁဵတ်း​ဢမူႉ​မၼ်း ၵူႈ​ၸိူဝ်ႉ​ၵူႈ​ပိူင်​ဢေႃႈ။</verse>
				<verse number="27">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢႃႇမရမ်ႇ ဢိၵ်ႇ​တင်း​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢီႉၸႁႃႇ တင်း​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ႁေႇပြုၼ်ႇ ၊ တင်း​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢေႃးၸေလႃႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၵေႃႇႁတ်ႉ ​ၸိူဝ်း​ၼၼ်ႉ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵေႃႇႁတ်ႉ ​ဢေႃႈ။</verse>
				<verse number="28">ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၢၼ်ႇ​ၵူၼ်း​ၸၢႆး​ဢၼ်​ဢသၢၵ်ႈ​လႆႈ​လိူၼ်​ၼိုင်ႈ​လႄႈ လိူၼ်​လိူဝ်​ၵႂႃႇ​တင်း​သဵင်ႈ​တင်း​လူင်​ၼၼ်ႉ​သေ​လႄႈ ၶဝ်​ၸိူဝ်း​ဢၼ်​လႆႈ​လူ​တူၺ်း​လုမ်း​လႃး​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ​ၸမ်ႉ၊ မီး​ပႅတ်ႇ​ႁဵင်​ပၢႆ​ႁူၵ်း​ပၢၵ်ႇ​ဢေႃႈ။-</verse>
				<verse number="29">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵေႃႇႁတ်ႉ ​ၸိူဝ်း​ၼၼ်ႉ တၵ်း​လႆႈ​ၶျႃး​တီႈ​ယူႇ​ၶဝ် ၵႃႈ​တီႈ​ၽၢႆႇ​ၼႃႈ​တၢင်း​ၸၢၼ်း​သုမ်ႉ​ထဵင်​ၸဝ်ႈ​ဢေႃႈ။-</verse>
				<verse number="30">ၵူၼ်း​လူင်​ဢၼ်​ပဵၼ်​ငဝ်ႈ​မဵဝ်း​ၸိူဝ်ႉ​ၶိူဝ်း​ ၵေႃႇႁတ်ႉ ​ၸမ်ႉ၊ ပဵၼ်​ ဢေးလီႉၸပၢၼ်ႇ လုၵ်ႈ​ၸၢႆး​ ဢေႃးၸေႇလႃႉ ​ဢေႃႈ။-</verse>
				<verse number="31">ပုၼ်ႈ​တႃႇ​ဢၼ်​ၶဝ်​တၵ်း​လႆႈ​လူ​တူၺ်း​လုမ်း​လႃး​ၼၼ်ႉ​ၸမ်ႉ၊ ပဵၼ်​တိူၵ်ႈ​တႃႇ​ၸဝ်ႈ၊ ၶူင်ႇ​တီႈ​ၵိၼ်၊ ၶူင်ႇ​တီႈ​တႆႈ​ၽႆး၊ ယိတ်ႈပလၢင်ႇ​တင်း​လၢႆ၊ ၶိူင်ႈ​ပိူင်​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ ပုၼ်ႈ​ဢၼ်​တၵ်း​ၵိုတ်ႉ​ႁၢပ်ႇ​ဢမူႉ​ၼၼ်ႉ​ၸိူဝ်း​ၼၼ်ႉ၊ ၽႃႈ​ၵင်ႈ​တၢင်း​ၼႂ်း ၵႃႈ​ဢၼ်​ဢဝ်​ပွင်​ဢဝ်​ႁဵတ်း​ဢမူႉ​ၸိူဝ်း​ၼၼ်ႉ​ဢေႃႈ။-</verse>
				<verse number="32">ဢေးလႃႇၸႃႇ ​ဢၼ်​ပဵၼ်​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇရုၼ်ႇ ​ၼၼ်ႉ တၵ်း​လႆႈ​ပဵၼ်​ၵူၼ်း​လူင်​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​လူင် ဢၼ်​ပဵၼ်​ငဝ်ႈ​မဵဝ်း​ၸိူဝ်ႉ​ၶိူဝ်း​ လေႇဝီႉ ​ၸိူဝ်း​ၼၼ်ႉ​လႄႈ လူ​တူၺ်း​ၸီႇ​ယၢင်ႇ​ၶဝ်​ၸိူဝ်း​ဢၼ် လူ​တူၺ်း​လုမ်း​လႃး​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ဢေႃႈ။</verse>
				<verse number="33">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ မႁႃႇလီႉ တင်း​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ မူႉသီႉ ဢၼ်​သိုပ်ႇ​လူင်း​မႃး​ၵႃႈ​တီႈ မေႇရႃႇရီႉ ​ၸိူဝ်း​ၼၼ်ႉ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ မေႇရႃႇရီႉ ​ဢေႃႈ။-</verse>
				<verse number="34">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၢၼ်ႇ​ၵူၼ်း​ၸၢႆး​ဢၼ် ဢသၢၵ်ႈ​လႆႈ​လိူၼ်​ၼိုင်ႈ​လႄႈ လိူၼ်​လိူဝ်​ၵႂႃႇ​ၼၼ်ႉ​တင်း​သဵင်ႈ​တင်း​လူင်​ၸမ်ႉ၊ မီး​ႁူၵ်း​ႁဵင်​ပၢႆ​သွင်​ပၢၵ်ႇ​ဢေႃႈ။-</verse>
				<verse number="35">ၵူၼ်း​လူင်​ဢၼ်​ပဵၼ်​ငဝ်ႈ​မဵဝ်း​ၸိူဝ်ႉ​ၶိူဝ်း​ မေႇရႃႇရီႉ ​ၼၼ်ႉ​ၸမ်ႉ၊ ပဵၼ်​ ၸူႉရေးလႃႉ ​လုၵ်ႈ​ၸၢႆး​ ဢၽီႉႁေးလႃႉ ​ဢေႃႈ။ ၶဝ်​ၸိူဝ်း​ၼႆႉ တၵ်း​လႆႈ​ၶျႃး​တီႈ​ယူႇ​ၶဝ်​ၵႃႈ​တီႈ​ၽၢႆႇ​ၼႃႈ​တၢင်း​ႁွင်ႇ​သုမ်ႉ​ထဵင်​ၸဝ်ႈ​ဢေႃႈ။-</verse>
				<verse number="36">ပုၼ်ႈ​တႃႇ​ဢၼ်​ၵူၼ်း​ မေႇရႃႇရီႉ ​ၸိူဝ်း​ၼၼ်ႉ တၵ်း​လႆႈ​ပႂ်ႉ​လူ​ပႂ်ႉ​တူၺ်း​လုမ်း​လႃး​ၼၼ်ႉ​ၸမ်ႉ၊ ပဵၼ်​ပႅၼ်ႈ​သုမ်ႉ​ထဵင်​ၸဝ်ႈ​လႂ်၊ သႄႈ​မၼ်း​လႂ်၊ သဝ်​မၼ်း​လႂ်၊ တီႈ​သုပ်း​တိၼ်​မၼ်း​လႂ်၊ ၶိူင်ႈ​ပိူင်​မၼ်း​လႂ်၊ ဢၼ်​ဢဝ်​ပွင်​ဢဝ်​ႁဵတ်း​ဢမူႉ​မၼ်း ၵူႈ​ၸိူဝ်ႉ​ၵူႈ​ပိူင်​လႂ်၊-</verse>
				<verse number="37">ဢိၵ်ႇ​တင်း​သဝ်​ႁူဝ်ႉ​ဝၢင်း​ဢၼ်​လဵပ်ႈ​ႁွပ်ႈ​ၼၼ်ႉ​လႂ်၊ တီႈ​သုပ်း​တိၼ်​မၼ်း​လႂ်၊ လၵ်း​မၼ်း​လႂ်​တင်း​ၸိူၵ်ႈ​မၼ်း​လႂ် ၸိူဝ်း​ၼၼ်ႉ​ဢေႃႈ။</verse>
				<verse number="38">ၶဝ်​ၸိူဝ်း​ဢၼ် တၵ်း​လႆႈ​လူ​တူၺ်း​လုမ်း​လႃး​ထႃႇၼႃႉ​တီႈ​မူတ်း​ၸၢင်ႇ ပုၼ်ႈ​တၢင်း​ဢၼ်​ၵူၼ်း​မဵဝ်း​ ဢီႉသရေႇလႃႉ ထုၵ်ႇ​လီ​လူ​တူၺ်း​လုမ်း​လႃး​ၼၼ်ႉ​သေ​လႄႈ ၶျႃး​တီႈ​ယူႇ​ၶဝ်​ယူႇ​ၵႃႈ​တီႈ​ၽၢႆႇ​ၼႃႈ​သုမ်ႉ​ထဵင်​ၸဝ်ႈ ၽၢႆႇ​ၼႃႈ​ဝၼ်း​ဢွၵ်ႇ​ၵႃႈ​တီႈ​ၽၢႆႇ​ၼႃႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ၽၢႆႇ​ဢၼ်​ၵၢင်​ဝၼ်း​ဢွၵ်ႇ​ၼၼ်ႉ​ၸမ်ႉ၊ ပဵၼ်​ မူဝ်းသေႇ ဢိၵ်ႇ​တင်း​ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ဢေႃႈ။ ၵေႃႉ​ဢၼ်​ပဵၼ်​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​လႄႈ သုတ်ႉ​ၸပ်း​သုတ်ႉ​ၸူး​ၸိုင်၊ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ။-</verse>
				<verse number="39">ၵူၼ်း​မဵဝ်း​ လေႇဝီႉ ၵႃႈ​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ မူဝ်းသေႇ တင်း​ ဢႃႇရုၼ်ႇ ​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​သေ​လႄႈ ၼပ်ႉ​ဢၢၼ်ႇ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ ဢၼ်​ဝႃႈ​ၵူၼ်း​ၸၢႆး​ဢၼ်​ဢသၢၵ်ႈ​လႆႈ​လိူၼ်​ၼိုင်ႈ​လႄႈ လိူၼ်​လိူဝ်​ၵႂႃႇ​ၼၼ်ႉ​တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ မီး​သွင်​မိုၼ်ႇ​ပၢႆ​သွင်​ႁဵင်​ဢေႃႈ။</verse>
				<verse number="40">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၼပ်ႉ​ဢၢၼ်ႇ​လုၵ်ႈ​ၸၢႆး​တူၼ်ႈ​ဢၼ်​ဢသၢၵ်ႈ​လႆႈ​လိူၼ်​ၼိုင်ႈ​လႄႈ လိူၼ်​လိူဝ်​ၵႂႃႇ​ၼၼ်ႉ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သေ​လႄႈ ဢဝ်​ၸရၢင်း​တႃႉ။-</verse>
				<verse number="41">ဢဝ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​တၢင်​တူဝ်​လုၵ်ႈ​ၸၢႆး​တူၼ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢိၵ်ႇ​တင်း တရိၵ်ႈသၢၼ်ႇ​ဢၼ်​မီး​ၵႃႈ​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ တၢင်​တူဝ်​လုၵ်ႈ​ၸၢႆး​တူၼ်ႈ​တရိၵ်ႈသၢၼ်ႇ​ဢၼ်​မီး​ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ပုၼ်ႈ​ၵဝ်​တႃႉ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="42">မူဝ်းသေႇ ​ၼပ်ႉ​ဢၢၼ်ႇ​လုၵ်ႈ​ၸၢႆး​တူၼ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​ၼၼ်ႉ​လႄႈ၊-</verse>
				<verse number="43">ၸွမ်း​ၸိုဝ်ႈ​ၸွမ်း​သဵင်​သေ​လႄႈ လုၵ်ႈ​ၸၢႆး​တူၼ်ႈ​ၵႃႈ​ဢၼ်​ဢသၢၵ်ႈ​လႆႈ​လိူၼ်​ၼိုင်ႈ​လႄႈ လိူၼ်​လိူဝ်​ၵႂႃႇ​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၸမ်ႉ၊ မီး​သွင်​မိုၼ်ႇ​သွင်​ႁဵင်​သွင်​ပၢၵ်ႇ​ၸဵတ်း​သိပ်း​ပၢႆ​သၢမ်​ဢေႃႈ။</verse>
				<verse number="44">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="45">ဢဝ်​ၵူၼ်း​မဵဝ်း​ လေႇဝီႉ ​တင်း​လၢႆ တၢင်​တူဝ်​လုၵ်ႈ​ၸၢႆး​တူၼ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢိၵ်ႇ​တင်း​တရိၵ်ႈသၢၼ်ႇ ဢၼ်​မီး​ၵႃႈ​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ တၢင်​တူဝ်​တရိၵ်ႈသၢၼ်ႇ ဢၼ်​မီး​ၵႃႈ​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​တႃႉ။ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​တၵ်း​လႆႈ​ပဵၼ်​ဢုၵ်ႉ​ၸႃႇ​ၵဝ်​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="46">လွင်ႈ​ဢၼ်​တၵ်း​လႆႈ​ထုတ်ႇ​ဢဝ်​လုၵ်ႈ​ၸၢႆး​တူၼ်ႈ ၵူၼ်း​မဵဝ်း​ ဢီႉသရေႇလႃႉ ​သွင်​ပၢၵ်ႇ​ၸဵတ်း​သိပ်း​ပၢႆ​သၢမ်​ၵေႃႉ ဢၼ်​လိူဝ်​တွၼ်း​သေ​ၵူၼ်း​မဵဝ်း​ လေႇဝီႉ ၵႂႃႇ​ၸိူဝ်း​ၼၼ်ႉ​ၸမ်ႉ၊-</verse>
				<verse number="47">မႂ်း​တၵ်း​လႆႈ​ၶၢမ်ႇ​ဢဝ်​တီႈ ယေႈ​ၵေႃႉ​ၵျၢပ်ႈ​ သၶေးလႃႉ ​ႁႃႈ​ၵျၢပ်ႈ​ဢေႃႈ။ ၸွမ်း​လူၺ်ႈ​ၼမ်ႉ​ၼၵ်း​ငိုၼ်း​ၸဝ်ႈ​ၵျၢပ်ႈ​ သၶေးလႃႉ ​ၼၼ်ႉ​သေ​လႄႈ မႂ်း​တၵ်း​လႆႈ​ၶၢမ်ႇ​ဢေႃႈ။ ၵျၢပ်ႈ​ၼိုင်ႈ​ၼၼ်ႉ​ၸမ်ႉ၊ မီး​သၢဝ်း​ ၵေးရႃႉ ​ဢေႃႈ။-</verse>
				<verse number="48">မႂ်း​တၵ်း​လႆႈ​ဢဝ်​ငိုၼ်း​ၵႃႈ​ၶၼ်​ဢၼ်​ဢဝ်​ထုတ်ႇ​ဢဝ်​ၶဝ်​ၸိူဝ်း​ဢၼ် လိူဝ်​တွၼ်း​ၵႂႃႇ​တင်း​လၢႆ​ၼၼ်ႉ​လႄႈ ပၼ်​တီႈ​ ဢႃႇရုၼ်ႇ ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="49">မူဝ်းသေႇ ​ဢဝ်​ငိုၼ်း​ၵႃႈ​ၶၼ်​ဢၼ်​ထုတ်ႇ​ဢဝ်​ၼၼ်ႉ တီႈ​ၶဝ်​ၸိူဝ်း​ဢၼ်​လိူဝ်​တွၼ်း​သေ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ လႆႈ​ထုတ်ႇ​ဢဝ်​ၼၼ်ႉ​ဢေႃႈ။-</verse>
				<verse number="50">မၼ်း​ဢဝ်​ငိုၼ်း​ၼၼ်ႉ တီႈ​လုၵ်ႈ​ၸၢႆး​တူၼ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​ဢၼ်​ဝႃႈ ၵျၢပ်ႈ​ သၶေးလႃႉ ​ႁဵင်​ၼိုင်ႈ​သၢမ်​ပၢၵ်ႇ​ႁူၵ်း​သိပ်း​ပၢႆ​ႁႃႈ​ၵျၢပ်ႈ ၸွမ်း​လူၺ်ႈ​ၼမ်ႉ​ၼၵ်း​ငိုၼ်း​ၸဝ်ႈ​ၵျၢပ်ႈ​ သၶေးလႃႉ ​ၼၼ်ႉ​သေ​ယဝ်ႉ၊-</verse>
				<verse number="51">မူဝ်းသေႇ ​ၼၼ်ႉ ဢဝ်​ငိုၼ်း​ၵႃႈ​ၶၼ်​ဢၼ်​ထုတ်ႇ​ဢဝ်​ၼၼ်ႉ ပၼ်​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ၸွမ်း​ၼင်ႇ​ၵႂၢမ်း​ထႃႇဝရႃႉ​ၽြႃး ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။</verse>
			</chapter>
			<chapter number="4">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ၊-</verse>
				<verse number="2">ၼႂ်း​ၵူၼ်း​မဵဝ်း​ လေႇဝီႉ ၸိူဝ်ႉ​ၶိူဝ်း​ ၵေႃႇႁတ်ႉ ​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ် မဵဝ်း​ပူႇ​မဵဝ်း​ပေႃႈ​ၶဝ်​သေ​လႄႈ ဢဝ်​ၸရၢင်း၊-</verse>
				<verse number="3">ၶဝ်​ၸိူဝ်း​ဢၼ်​ဢသၢၵ်ႈ​လႆႈ သၢမ်​သိပ်း​ၶိုၼ်ႈ​ၵႂႃႇ​တေႃႇ​ထိုင်​ႁွတ်ႈ​ႁႃႈ​သိပ်း၊ ၵႃႈ​ဢၼ်​ၶဝ်ႈ​ၵႃႈ​ၼႂ်း​မုၵ်ႉ​ၼႂ်း​ၸိူဝ်း ႁႂ်ႈ​လႆႈ​ပွင်​ႁဵတ်း​ဢမူႉ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၼၼ်ႉ​တႃႉ။</verse>
				<verse number="4">ဢမူႉ​ဢၼ်​ၵူၼ်း​ၸိူဝ်ႉ​ၶိူဝ်း​ ၵေႃႇႁတ်ႉ ​တင်း​လၢႆ တၵ်း​လႆႈ​ပႂ်ႉ​လူ​ပႂ်ႉ​တူၺ်း ၵႃႈ​တီႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ ၸၢပ်ႈ​သႅင်ႇ​လူၺ်ႈ​ၵၼ်​တင်း​ၶိူင်ႈ​ပိူင်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ၼၼ်ႉ​ၸမ်ႉ၊-</verse>
				<verse number="5">မိူဝ်ႈ​ဢၼ်​ထိုင်​ၶိင်ႇ​ဢၼ်​ၶီႇ​တပ်ႉ​ၼၼ်ႉ​ၸိုင်၊ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ တၵ်း​လႆႈ​ၶဝ်ႈ​ၵႃႈ​ၼႂ်း​လႄႈ ဢဝ်​ၽႃႈ​ၵင်ႈ​တၢင်း​ၼႂ်း​ၼၼ်ႉ ၶျႃး​လူင်း​သေ​ယဝ်ႉ၊ ဢဝ်​ႁူမ်ႇ​သုမ်ႇ​တိူၵ်ႈ​တႃႇ​ၶိူင်ႈ​ၶၢမ်ႇ​သၢၵ်ႈ​သေႇ​ဝႆႉ​ဢေႃႈ။-</verse>
				<verse number="6">သမ်ႉ​တၵ်း​လႆႈ​ဢဝ် ၼင်​ တႁႃႇသႃႉ ႁူမ်ႇ​သုမ်ႇ​လႄႈ ဢဝ်​ၶူဝ်း​ဢၼ်​သွမ်ႇ​သိူဝ်ႇ​ၵႃႈ​ၼိူဝ်​ၼင်​ၼၼ်ႉ​ဝႆႉ​သေ​ယဝ်ႉ၊ ဢဝ်​ၵၢၼ်း​ႁၢပ်ႇ​မၼ်း သွတ်ႇ​သႂ်ႇ​ဝႆႉ​ဢေႃႈ။-</verse>
				<verse number="7">ၵႃႈ​ၼိူဝ်​ၶူင်ႇ​တီႈ​ၵိၼ်​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ​ၵေႃႈ ၶဝ်​တၵ်း​လႆႈ​ဢဝ်​ၶူဝ်း​ဢၼ်​သွမ်ႇ​သိူဝ်ႇ​ဝႆႉ​လႄႈ ဢဝ်​မေႃႈ​ဢႅင်ႇ၊ ၸေႃႉ၊ ၵွၵ်း​ဢႅင်ႇ၊ ၵွၵ်း​ပုၼ်ႈ​ဢၼ်​တၵ်း​ထွၵ်ႇ​တၵ်း​ႁိုဝ်ႈ​ၼၼ်ႉ​ၸိူဝ်း​ၼၼ်ႉ ဢိၵ်ႇ​တင်း​ၶဝ်ႈ​မုၼ်း​ဢၼ်​လႆႈ​တႄႇ​ယူႇ​တႃႇ​သေႇ​ၼၼ်ႉ​တၢင်ႇ​သႂ်ႇ​ဝႆႉ ၵႃႈ​ၼိူဝ်​မၼ်း​သေ​ယဝ်ႉ၊-</verse>
				<verse number="8">ဢဝ်​တင်း​ၶူဝ်း​ဢၼ်​လႅင်​ႁူမ်ႇ​သုမ်ႇ​ၶိူင်ႈ​ပိူင်​ၸိူဝ်း​ၼၼ်ႉ​ဝႆႉ​ဢေႃႈ။ သမ်ႉ​တၵ်း​လႆႈ​ဢဝ်​ၼင်​ တႁႃႇသႃႉ ​ႁူမ်ႇ​သုမ်ႇ​လႄႈ ဢဝ်​ၵၢၼ်း​ႁၢပ်ႇ​မၼ်း​သွတ်ႇ​သႂ်ႇ​ဝႆႉ​ဢေႃႈ။-</verse>
				<verse number="9">ၶဝ်​တၵ်း​လႆႈ​ဢဝ်​ၶူဝ်း​ဢၼ်​သွမ်ႇ​ႁူမ်ႇ​သုမ်ႇ​ၶူင်ႇ​တီႈ​တႆႈ​ၽႆး ဢၼ်​တႆႈ​ၽႆး​ၼၼ်ႉ​ဢိၵ်ႇ​တင်း ဝၢၼ်ႇ​တႆႈ​ၽႆး​မၼ်း၊ ၵိမ်း​ၺၢပ်ႈ​ၽႆး​မၼ်း၊ ၵွၵ်း​ပုၼ်ႈ​ဢၼ်​တၵ်း​ၶၢမ်ႇ​ဢဝ်​ဢၼ်​ၺၢပ်ႈ​ၽႆး​ပႅတ်ႈ​ၼၼ်ႉ တင်း​မူၵ်ႇ​ၼမ်ႉ​မၼ်း​ဢၼ်​ၶဝ်​ဢဝ်​ပွင်​ဢဝ်​ႁဵတ်း​မၼ်း​ၸိူဝ်း​ၼၼ်ႉ​လႄႈ၊-</verse>
				<verse number="10">ဢဝ်​တူဝ်​မၼ်း​ဢိၵ်ႇ​တင်း​ၶိူင်ႈ​ပိူင်​မၼ်း​ၵႃႈ​မီး​ၸိူဝ်း​ၼၼ်ႉ သႂ်ႇ​ၵႃႈ​ၼႂ်း​ထူင်​ၼင်​ တႁႃႇသႃႉ ​ဝႆႉ​သေ​ယဝ်ႉ၊ ဢဝ်​တၢင်ႇ​သႂ်ႇ​ၵႃႈ​ၼိူဝ်​ၶဵင်ႇ​မၼ်း​ဝႆႉ​ဢေႃႈ။-</verse>
				<verse number="11">ၵႃႈ​ၼိူဝ်​ယိတ်ႈပလၢင်ႇ​ၶမ်း​ၵေႃႈ ၶဝ်​တၵ်း​လႆႈ​ဢဝ်​ၶူဝ်း​ဢၼ်​သွမ်ႇ​သိူဝ်ႇ​ဝႆႉ​လႄႈ ဢဝ်​ၼင်​ တႁႃႇသႃႉ ​ႁူမ်ႇ​သုမ်ႇ​သေ​ယဝ်ႉ၊ ဢဝ်​ၵၢၼ်း​ႁၢပ်ႇ​မၼ်း​သွတ်ႇ​သႂ်ႇ​ဝႆႉ​ဢေႃႈ။-</verse>
				<verse number="12">ၶိူင်ႈ​ပိူင်​ပုၼ်ႈ​ဢၼ်​တၵ်း​ပွင်​ႁဵတ်း​ဢမူႉ​ၸဝ်ႈ ဢၼ်​ၶဝ်​ဢဝ်​ပွင်​ႁဵတ်း​ဢမူႉ​ၸဝ်ႈ ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ၸိူဝ်း​ၼၼ်ႉ​ၸိုင်၊ ၶဝ်​တၵ်း​လႆႈ​ဢဝ်​သႂ်ႇ​ဝႆႉ​ၵႃႈ​ၼႂ်း​ထူင်​ၶူဝ်း​ဢၼ်​သွမ်ႇ​လႄႈ ဢဝ်​ၼင်​ တႁႃႇသႃႉ ​ႁူမ်ႇ​သုမ်ႇ​သေ​ယဝ်ႉ၊ ဢဝ်​တၢင်ႇ​သႂ်ႇ​ၵႃႈ​ၼိူဝ်​ၶဵင်ႇ​မၼ်း​ဝႆႉ​ဢေႃႈ။-</verse>
				<verse number="13">ယိတ်ႈပလၢင်ႇ​ၸိုင် ၶဝ်​တၵ်း​လႆႈ​ဢဝ်​တဝ်ႈ​ၵႃႈ​ၼိူဝ်​မၼ်း​ပႅတ်ႈ​သေ​မူတ်း​မူတ်း​လႄႈ ဢဝ်​ၶူဝ်း​ဢၼ်​လႅင်​သိူဝ်ႇ​ဝႆႉ​ၵႃႈ​ၼိူဝ်​မၼ်း​သေ​ယဝ်ႉ၊-</verse>
				<verse number="14">ဢဝ်​ၶိူင်ႈ​ပိူင်​ပုၼ်ႈ​ဢၼ်​တၵ်း​ပွင်​ႁဵတ်း​ဢမူႉ​ၸဝ်ႈ​ဢၼ်​သႅင်ႇ​ၵၼ်​တင်း​မၼ်း​ဢၼ်​ဝႃႈ၊ လၢင်ႇ​ပၢၼ်း​လႂ်၊ ၶေႃ​ဢၼ်​ၵွင်ႉ​ၼိူဝ်ႉ​လႂ်၊ ၸေႃႉ​ၽႅပ်ႉ​လႂ်၊ ဝၢၼ်ႇ​လႂ်၊ ၶိူင်ႈ​ပိူင်​ယိတ်ႈပလၢင်ႇ​ၵႃႈ​မီး​ၸိူဝ်း​ၼၼ်ႉ တၢင်ႇ​သႂ်ႇ​ၵႃႈ​ၼိူဝ်​မၼ်း​လႄႈ ဢဝ်​ၼင်​ တႁႃႇသႃႉ ​ႁူမ်ႇ​သုမ်ႇ​သေ​ယဝ်ႉ၊ ဢဝ်​ၵၢၼ်း​ႁၢပ်ႇ​မၼ်း​သွတ်ႇ​သႂ်ႇ​ဝႆႉ​ဢေႃႈ။-</verse>
				<verse number="15">မိူဝ်ႈ​ဢၼ်​ ဢႃႇရုၼ်ႇ ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ႁူမ်ႇ​သုမ်ႇ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ တင်း​ၶိူင်ႈ​ပိူင်​ဢၼ်​ၸၢပ်ႈ​သႅင်ႇ​ၵၼ်​တင်း ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၸိူဝ်း​ၼၼ်ႉ​ယဝ်ႉ​တူဝ်ႈ​ယဝ်ႉ​လႄႈ ႁွတ်ႈ​ထိုင်​ၶိင်ႇ​ၶီႇ​တပ်ႉ​ၵႂႃႇ​ၸိူဝ်ႉ​ၼင်ႇ​ၼၼ်​ၼၼ်ႉ၊ ၵူၼ်း​ၸိူဝ်ႉ​ၶိူဝ်း​ ၵေႃႇႁတ်ႉ ​တင်း​လၢႆ တၵ်း​လႆႈ​ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ႁႂ်ႈ​လႆႈ​ႁၢပ်ႇ​ၵႂႃႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ လွင်ႈ​ၼင်ႇ​ႁိုဝ်​ၶဝ်​တၵ်း​ၵၢင်း​လွတ်ႈ​တင်း တၢင်း​တၢႆ​ၸိုင်၊ ၶဝ်​ဢမ်ႇ​လႆႈ​တိူဝ်ႉ​လႆႈ​ယိပ်း ၶိူင်ႈ​ပိူင်​ဢၼ်​မူတ်း​ၸၢင်ႇ​ၸိူဝ်း​ၼၼ်ႉ။ ဢၼ်​ၼႆႉ​ၸမ်ႉ၊ ပဵၼ်​ဢမူႉ​ဢၼ်​ၵူၼ်း​ၸိူဝ်ႉ​ၶိူဝ်း​ ၵေႃႇႁတ်ႉ ​တင်း​လၢႆ တၵ်း​လႆႈ​ပွင်​ႁဵတ်း​ၵႃႈ​တီႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။-</verse>
				<verse number="16">ဢမူႉ​ဢၼ်​ ဢေးလႃႇၸႃႇ ဢၼ်​ပဵၼ်​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇရုၼ်ႇ ​ၼၼ်ႉ၊ တၵ်း​လႆႈ​လူ​တူၺ်း​လုမ်း​လႃး​ၼၼ်ႉ​ၸမ်ႉ၊ ပဵၼ်​ၼမ်ႉ​မၼ်း​ပုၼ်ႈ​ဢၼ်​တၵ်း​တႆႈ​ၽႆး၊ ၼၢမ်ႇ​သႃႇ​ဢၼ်​ႁွမ်​ဢၼ်​ႁူၺ်း​ပုၼ်ႈ​ဢၼ်​တၵ်း​တုတ်ႇ​ၽႆး၊ တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​သၢၵ်ႈ​ၵၢပ်ႈ​ၵူႈ​ဝၼ်း၊ ၼမ်ႉ​မၼ်း​ပုၼ်ႈ​ဢၼ်​တၵ်း​တႃး​ၼၼ်ႉ​ဢိၵ်ႇ​တင်း​သုမ်ႉ​ထဵင်​ၸဝ်ႈ တင်း​ၶိူင်ႈ​ပိူင်​မၼ်း​ၵႃႈ​မီး၊ ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ တင်း​ၶိူင်ႈ​ပိူင်​မၼ်း​ၵႃႈ​မီး​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ၊-</verse>
				<verse number="18">ယႃႇ​ပေ​ပႄႇ​တႅပ်း​ပႅတ်ႈ ၵူၼ်း​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵေႃႇႁတ်ႉ ​ၸိူဝ်း​ၼၼ်ႉ သေ​ၵႃႈ​ၼႂ်း​မုၵ်ႉ​ၼႂ်း​ၸိူဝ်း​ လေႇဝီႉ ။-</verse>
				<verse number="19">လွင်ႈ​ၼင်ႇ​ႁိုဝ်​ၶဝ်​တၵ်း​ၵၢင်း​လွတ်ႈ​တင်း​ၽေး​တၢင်း​တၢႆ​လႄႈ ဢသၢၵ်ႈ​လႆႈ​လိပ်း​ၼႂ်း​မိူဝ်ႈ​ဢၼ်​ၶဝ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ ၶိူင်ႈ​ပိူင်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ၸိူဝ်း​ၼၼ်ႉ​ၸိုင်၊ တၵ်း​လႆႈ​ႁဵတ်း​တီႈ​ၶဝ်​ၸိူဝ်ႉ​ၼင်ႇ​ႁိုဝ်​ၸမ်ႉ၊ ဢႃႇရုၼ်ႇ ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ တၵ်း​လႆႈ​ၶဝ်ႈ​ဢွၼ်​တၢင်း​လႄႈ​မႅင်ႇ​ၽႄ​ၶၢၼ်း​ဝႆႉ​ဢမူႉ ဢၼ်​ၶဝ်​တၵ်း​လႆႈ​ပႂ်ႉ​လႆႈ​ႁဵတ်း ဢိၵ်ႇ​တင်း​ၶူဝ်း​ဢၼ်​ၶဝ်​တၵ်း​လႆႈ​ႁၢပ်ႇ​လႆႈ​ပႃး​ၼၼ်ႉ​တီႈ​ၶဝ် ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="20">ၵူၺ်း​ၵႃႈ လွင်ႈ​ၼင်ႇ​ႁိုဝ်​ၶဝ်​တၵ်း​ၵၢင်း​လွတ်ႈ​တင်း တၢင်း​တၢႆ​ၸိုင်၊ ၶဝ်​ဢမ်ႇ​လႆႈ​ၶဝ်ႈ​ၵႃႈ​ၼႂ်း​လႄႈ တူၺ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ သေ​ၵႅပ်ႉ​ဢွၼ်ႇ​ၵမ်း​ဢွၼ်ႇ​ၼိုင်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="22">ၼႂ်း​ၵူၼ်း​ၸိူဝ်ႉ​ၶိူဝ်း​ ၵေႇရသုၼ်ႇ ​တင်း​လၢႆ​ၼၼ်ႉ၊ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်​သေ​လႄႈ၊</verse>
				<verse number="23">ဢဝ်​ၸရၢင်း​ၶဝ်​ၸိူဝ်း​ဢၼ်​ဢသၢၵ်ႈ​လႆႈ သၢမ်​သိပ်း​ၶိုၼ်ႈ​ၵႂႃႇ​တေႃႇ​ထိုင်​ႁွတ်ႈ​ႁႃႈ​သိပ်း၊ ၵႃႈ​ဢၼ်​ၶဝ်ႈ​ၵႃႈ​ၼႂ်း​မုၵ်ႉ​ၼႂ်း​ၸိူဝ်း ႁႂ်ႈ​လႆႈ​ပွင်​ႁဵတ်း​ဢမူႉ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ တင်း​သဵင်ႈ​တင်း​လူင်​ၼၼ်ႉ​တႃႉ။-</verse>
				<verse number="24">ဢမူႉ​ဢၼ်​ၵူၼ်း​ၸိူဝ်ႉ​ၶိူဝ်း​ ၵေႇရသုၼ်ႇ ​တင်း​လၢႆ တၵ်း​လႆႈ​ပႂ်ႉ​လူ​ပႂ်ႉ​တူၺ်း​ဢိၵ်ႇ​တင်း​ၶူဝ်း​ဢၼ်​ၶဝ်​တၵ်း​လႆႈ​ႁၢပ်ႇ​လႆႈ​ပႃး​ၸမ်ႉ၊-</verse>
				<verse number="25">ပဵၼ်​ၽႃႈ​ၵင်ႈ​သုမ်ႉ​ထဵင်​ၸဝ်ႈ ဢိၵ်ႇ​တင်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ၊ ဢၼ်​ႁူမ်ႇ​မၼ်း၊ ၼင်​ တႁႃႇသႃႉ ဢၼ်​ႁူမ်ႇ​ၵႃႈ​ၼိူဝ်​မၼ်း၊ ၽႃႈ​ၵင်ႈ​ဢၼ်​ၵင်ႈ​ႁူး​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ၊-</verse>
				<verse number="26">ၽႃႈ​ၵင်ႈ​ႁူဝ်ႉ​ဝၢင်း​တင်း​ၽႃႈ​ၵင်ႈ ဢၼ်​ၵင်ႈ​ႁူး​ၽၵ်း​တူ​ႁူဝ်ႉ​ဝၢင်း ဢၼ်​လဵပ်ႈ​ႁွပ်ႈ​သုမ်ႉ​ထဵင်​ၸဝ်ႈ​တင်း​ယိတ်ႈပလၢင်ႇ​ၼၼ်ႉ၊ ၸိူၵ်ႈ​မၼ်း​တင်း​လၢႆ ဢိၵ်ႇ​တင်း​ၶိူင်ႈ​ပိူင်​ၵႃႈ​ဢၼ်​ဢဝ်​ပွင်​ဢဝ်​ႁဵတ်း​ဢမူႉ​ၸိူဝ်း​ၼၼ်ႉ​လႄႈ ပဵၼ်​ပုၼ်ႈ​ဢၼ်​တၵ်း​ႁၢပ်ႇ​ဢမူႉ​ၸဝ်ႈ တင်း​သဵင်ႈ​တင်း​လူင်​ၼၼ်ႉ​ဢေႃႈ။ ၼင်ႇ​ၼၼ်​လႄႈ ၶဝ်​တၵ်း​လႆႈ​ပွင်​လႆႈ​ႁဵတ်း​ဢေႃႈ။-</verse>
				<verse number="27">ၼႂ်း​ၵႃႈ​ဢၼ်​ၵူၼ်း​ၸိူဝ်ႉ​ၶိူဝ်း​ ၵေႇရသုၼ်ႇ ​တင်း​လၢႆ ပႂ်ႉ​ဢမူႉ​ဢိၵ်ႇ​တင်း​ၼႂ်း​ၵႃႈ​ဢၼ်​ၶဝ်​ႁၢပ်ႇ​ၶူဝ်း​ပႃး​ၶူဝ်း​ၼၼ်ႉ၊ ၶဝ်​တၵ်း​လႆႈ​ပွင်​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ၶၢၼ်း​ဝႆႉ​ၼၼ်ႉ​ဢေႃႈ။ ၼႂ်း​ၵႃႈ​ဢၼ်​ၶဝ်​ႁၢပ်ႇ​ၶူဝ်း​ပႃး​ၶူဝ်း​ၼၼ်ႉ၊ သူ​တၵ်း​လႆႈ​မႅင်ႇ​ၽႄ​ၸီႇ​ယၢင်ႇ​ဝႆႉ​တီႈ​ၶဝ်​ဢေႃႈ။-</verse>
				<verse number="28">ဢၼ်​ၼႆႉ​ၸမ်ႉ၊ ပဵၼ်​ဢမူႉ​ဢၼ်​ၵူၼ်း​ၸိူဝ်ႉ​ၶိူဝ်း​ ၵေႇရသုၼ်ႇ ​တင်း​လၢႆ တၵ်း​လႆႈ​ပွင်​လႆႈ​ႁဵတ်း​ၵႃႈ​တီႈ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။ ဢီႉသမႃႇ ဢၼ်​ပဵၼ်​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇရုၼ်ႇ ​ၼၼ်ႉ တၵ်း​လႆႈ​ဢုပ်ႉ​ၵႃႈ​ၼိူဝ်​ဢမူႉ ဢၼ်​ၶဝ်​ပွင်​ႁဵတ်း​ၼၼ်ႉ​ဢေႃႈ။</verse>
				<verse number="29">ၼႂ်း​ၵူၼ်း​ၸိူဝ်ႉ​ၶိူဝ်း​ မေႇရႃႇရီႉ ​တင်း​လၢႆ​ၼၼ်ႉ​ၵေႃႈ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်​သေ​လႄႈ၊-</verse>
				<verse number="30">ဢဝ်​ၸရၢင်း​ၶဝ်​ၸိူဝ်း​ဢၼ်​ဢသၢၵ်ႈ​လႆႈ သၢမ်​သိပ်း​ၶိုၼ်ႈ​ၵႂႃႇ​တေႃႇ​ထိုင်​ႁွတ်ႈ​ႁႃႈ​သိပ်း၊ ၵႃႈ​ဢၼ်​ၶဝ်ႈ​ၵႃႈ​ၼႂ်း​မုၵ်ႉ​ၼႂ်း​ၸိူဝ်း ႁႂ်ႈ​လႆႈ​ပွင်​ႁဵတ်း​ဢမူႉ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ တင်း​သဵင်ႈ​တင်း​လူင်​ၼၼ်ႉ​တႃႉ။-</verse>
				<verse number="31">ဢမူႉ​တၢင်း​ဢၼ်​ၶဝ်​တၵ်း​လႆႈ​ႁၢပ်ႇ​လႆႈ​ပႃး ၸွမ်း​လူၺ်ႈ​တၢင်း​ဢၼ်​ၶဝ်​ပႂ်ႉ​လူ​ပႂ်ႉ​တူၺ်း​ၵႃႈ​တီႈ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ၸမ်ႉ၊ ပဵၼ်​ပႅၼ်ႈ​သုမ်ႉ​ထဵင်​ၸဝ်ႈ​လႂ်၊ သႄႈ​မၼ်း​လႂ်၊ သဝ်​မၼ်း​လႂ်၊-</verse>
				<verse number="32">တီႈ​သုပ်း​တိၼ်​မၼ်း​လႂ် ဢိၵ်ႇ​တင်း​သဝ်​ႁူဝ်ႉ​ဝၢင်း​ဢၼ်​လဵပ်ႈ​ႁွပ်ႈ​ၼၼ်ႉ​လႂ်၊ တီႈ​သုပ်း​တိၼ်​မၼ်း​လႂ်၊ လၵ်း​မၼ်း​လႂ်၊ ၸိူၵ်ႈ​မၼ်း​လႂ်၊ တင်း​ၶိူင်ႈ​ပိူင်​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၸိူဝ်း​ၼၼ်ႉ​လႄႈ ပဵၼ်​ပုၼ်ႈ​ဢၼ်​တၵ်း​ႁၢပ်ႇ​ဢမူႉ​ၸဝ်ႈ တင်း​သဵင်ႈ​တင်း​လူင်​ၼၼ်ႉ​ဢေႃႈ။ သူ​တၵ်း​လႆႈ​မၢတ်ႈ​မၢႆ​ၸိုဝ်ႈ​သဵင်​ၶိူင်ႈ​ပိူင်​ဢၼ်​ၶဝ်​တၵ်း​လႆႈ​လူ​တူၺ်း​ႁၢပ်ႇ​ၵႂႃႇ​ၸိူဝ်း​ၼၼ်ႉ​သေ​လႄႈ ၼပ်ႉ​ဢၢၼ်ႇ​ဢေႃႈ။-</verse>
				<verse number="33">ဢၼ်​ၼႆႉ​ၸမ်ႉ၊ ပဵၼ်​ဢမူႉ​ဢၼ်​ၵူၼ်း​ၸိူဝ်ႉ​ၶိူဝ်း​ မေႇရႃႇရီႉ ​တင်း​လၢႆ တၵ်း​လႆႈ​ပွင်​လႆႈ​ႁဵတ်း​ၵႃႈ​တီႈ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ ဢီႉသမႃႇ ​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇရုၼ်ႇ ​ၼၼ်ႉ၊ တၵ်း​လႆႈ​ဢုပ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="34">မူဝ်းသေႇ ဢိၵ်ႇ​တင်း ဢႃႇရုၼ်ႇ တင်း​ၵူၼ်း​လူင်​ပရဵၵ်ႈသၢတ်ႈ​တင်း​လၢႆ ဢွၼ်​ၵၼ်​ၼပ်ႉ​ဢၢၼ်ႇ​ဢဝ်​ၸရၢင်း​ၵူၼ်း​ၸိူဝ်ႉ​ၶိူဝ်း​ ၵေႃႇႁတ်ႉ ၊-</verse>
				<verse number="35">ဢၼ်​ဢသၢၵ်ႈ​လႆႈ သၢမ်​သိပ်း​ၶိုၼ်ႈ​ၵႂႃႇ​တေႃႇ​ထိုင်​ႁွတ်ႈ​ႁႃႈ​သိပ်း၊ ၵႃႈ​ဢၼ်​ၶဝ်ႈ​ၵႃႈ​ၼႂ်း​မုၵ်ႉ​ၼႂ်း​ၸိူဝ်း ႁႂ်ႈ​လႆႈ​ပွင်​ႁဵတ်း​ဢမူႉ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်​ၼၼ်ႉ​ဢေႃႈ။-</verse>
				<verse number="36">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ပႃး​ၼႂ်း​ၸရၢင်း​ၼၼ်ႉ​ၸမ်ႉ၊ မီး​သွင်​ႁဵင်​ၸဵတ်း​ပၢၵ်ႇ​ပၢႆ​ႁႃႈ​သိပ်း​ဢေႃႈ။-</verse>
				<verse number="37">ၶဝ်​ၸိူဝ်း​ၼႆႉ​ပဵၼ်​ၵူၼ်း​ၸိူဝ်ႉ​ၶိူဝ်း​ ၵေႃႇႁတ်ႉ ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ၊ ၵႃႈ​ဢၼ်​တၵ်း​လႆႈ​ပွင်​လႆႈ​ႁဵတ်း ဢမူႉ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ၊ မူဝ်းသေႇ ​ဢိၵ်ႇ​တင်း​ ဢႃႇရုၼ်ႇ ​ၼပ်ႉ​ဢၢၼ်ႇ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​ဢဝ်​ မူဝ်းသေႇ သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="38">ၼႂ်း​ၵူၼ်း​ၸိူဝ်ႉ​ၶိူဝ်း​ ၵေႇရသုၼ်ႇ ​တင်း​လၢႆ​ၼၼ်ႉ၊ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်​လႄႈ၊-</verse>
				<verse number="39">ဢသၢၵ်ႈ​လႆႈ သၢမ်​သိပ်း​ၶိုၼ်ႈ​ၵႂႃႇ​တေႃႇ​ထိုင်​ႁွတ်ႈ​ႁႃႈ​သိပ်း၊ ၵႃႈ​ဢၼ်​ၶဝ်ႈ​ၵႃႈ​ၼႂ်း​မုၵ်ႉ​ၼႂ်း​ၸိူဝ်း ႁႂ်ႈ​လႆႈ​ပွင်​ႁဵတ်း​ဢမူႉ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ၊-</verse>
				<verse number="40">ဢၼ်​ဝႃႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် ၶဝ်ႈ​ပႃး​ၼႂ်း​ၸရၢင်း​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်​ၼၼ်ႉ​ၸမ်ႉ၊ မီး​သွင်​ႁဵင်​ႁူၵ်း​ပၢၵ်ႇ​ပၢႆ​သၢမ်​သိပ်း​ဢေႃႈ။-</verse>
				<verse number="41">ၶဝ်​ၸိူဝ်း​ၼႆႉ​ပဵၼ်​ၵူၼ်း​ၸိူဝ်ႉ​ၶိူဝ်း​ ၵေႇရသုၼ်ႇ ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ၊ ၵႃႈ​ဢၼ်​တၵ်း​လႆႈ​ပွင်​လႆႈ​ႁဵတ်း​ဢမူႉ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ၊ မူဝ်းသေႇ ​တင်း​ ဢႃႇရုၼ်ႇ ၼပ်ႉ​ဢၢၼ်ႇ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ ၼၼ်ႉ​ဢေႃႈ။</verse>
				<verse number="42">ၼႂ်း​ၵူၼ်း​ၸိူဝ်ႉ​ၶိူဝ်း​ မေႇရႃႇရီႉ ​တင်း​လၢႆ​ၼၼ်ႉ၊ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်​လႄႈ၊-</verse>
				<verse number="43">ဢသၢၵ်ႈ​လႆႈ​သၢမ်​သိပ်း​ၶိုၼ်ႈ​ၵႂႃႇ​တေႃႇ​ထိုင်​ႁွတ်ႈ​ႁႃႈ​သိပ်း၊ ၵႃႈ​ဢၼ်​ၶဝ်ႈ​ၵႃႈ​ၼႂ်း​မုၵ်ႉ​ၼႂ်း​ၸိူဝ်း ႁႂ်ႈ​လႆႈ​ပွင်​ႁဵတ်း​ဢမူႉ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ၊-</verse>
				<verse number="44">ဢၼ်​ဝႃႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၶဝ်ႈ​ပႃး​ၼႂ်း​ၸရၢင်း ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ မီး​သၢမ်​ႁဵင်​ပၢႆ​သွင်​ပၢၵ်ႇ​ဢေႃႈ။-</verse>
				<verse number="45">ၶဝ်​ၸိူဝ်း​ၼႆႉ​ပဵၼ်​ၵူၼ်း​ၸိူဝ်ႉ​ၶိူဝ်း​ မေႇရႃႇရီႉ ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ် ဢၼ်​ မူဝ်းသေႇ တင်း​ ဢႃႇရုၼ်ႇ ​ၼပ်ႉ​ဢၢၼ်ႇ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢဝ် မူဝ်းသေႇ သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။</verse>
				<verse number="46">ၼင်ႇ​ၼၼ်​လႄႈ ၼႂ်း​ၵူၼ်း​မဵဝ်း​ လေႇဝီႉ ​တင်း​လၢႆ​ၼၼ်ႉ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ မူဝ်းသေႇ တင်း​ ဢႃႇရုၼ်ႇ ​ၼပ်ႉ​ဢၢၼ်ႇ​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်၊ မဵဝ်း​ပူႇ​မဵဝ်း​ပေႃႈ​ၶဝ်၊-</verse>
				<verse number="47">ဢၼ်​ဢသၢၵ်ႈ​လႆႈ သၢမ်​သိပ်း​ၶိုၼ်ႈ​ၵႂႃႇ​တေႃႇ​ထိုင်​ႁွတ်ႈ​ႁႃႈ​သိပ်း၊ ၵႃႈ​ဢၼ်​ၶဝ်​ႁႂ်ႈ​လႆႈ​ပွင်​လႆႈ​ႁဵတ်း၊ လႆႈ​ႁၢပ်ႇ​လႆႈ​ပႃး​ဢမူႉ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ၊-</verse>
				<verse number="48">ဢၼ်​ဝႃႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၶဝ်ႈ​ပႃး​ၼႂ်း​ၸရၢင်း​ၼၼ်ႉ​ၸမ်ႉ၊ မီး​ပႅတ်ႇ​ႁဵင်​ႁႃႈ​ပၢၵ်ႇ​ပၢႆ​ပႅတ်ႇ​သိပ်း​ဢေႃႈ။-</verse>
				<verse number="49">မႅၼ်ႈ​ၸွမ်း​ၼင်ႇ​ဢမိင်ႉ​ထႃႇဝရႃႉ​ၽြႃး​ၼၼ်ႉ၊ ၶဝ်​လႆႈ​ၶၢမ်ႇ​တၢင်း​ဢၼ်​ မူဝ်းသေႇ ​ထွၵ်ႈ​လူၺ်ႈ​ဢမူႉ​ဢၼ်​ၵူၼ်း​တၵ်း​လႆႈ ပွင်​လႆႈ​ႁဵတ်း​ႁင်း​ၽႂ်​ႁင်း​မၼ်း၊ ၶူဝ်း​ႁၢပ်ႇ​ဢၼ်​တၵ်း​လႆႈ​ႁၢပ်ႇ​ႁင်း​ၽႂ်​ႁင်း​မၼ်း​သေ​လႄႈ ၼပ်ႉ​ဢၢၼ်ႇ​ၼၼ်ႉ​ဢေႃႈ။ ၼင်ႇ​ၼၼ်​လႄႈ ၶဝ်​လႆႈ​ၶၢမ်ႇ​တၢင်း​ဢၼ်​ မူဝ်းသေႇ ၼပ်ႉ​ဢၢၼ်ႇ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​မၼ်း​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="2">သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​ဢဝ်​ၵေႃႉ​ဢၼ်​ပဵၼ်​တုတ်ႈ၊ ၵေႃႉ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ၊ ၵေႃႉ​ဢၼ်​တိူဝ်ႉ​ထုၵ်ႇ​တူဝ်​တၢႆ​မႅၼ်ႈ​လႄႈ ဢမ်ႇ​မူတ်း​သႂ်​ၼၼ်ႉ ၶျႃး​ပၼ်​တီႈ​ယူႇ​ဝႆႉ​ၵႃႈ​ၼွၵ်ႈ​တပ်ႉ​တႃႉ။-</verse>
				<verse number="3">သူ​တၵ်း​လႆႈ​ဢဝ်​ၸဵမ်​ယိင်း​ၸဵမ်​ၸၢႆး​တင်း​သဵင်ႈ​တင်း​လူင် ၶျႃး​ပၼ်​တီႈ​ယူႇ​ဝႆႉ​ၵႃႈ​တီႈ​ၼွၵ်ႈ​ဢေႃႈ။ သူ​တၵ်း​လႆႈ​ဢဝ်​ၶဝ်​ၶျႃး​ပၼ်​တီႈ​ယူႇ​ဝႆႉ​ၵႃႈ​ၼွၵ်ႈ​တပ်ႉ ႁႂ်ႈ​ၶဝ်​ဢမ်ႇ​လႆႈ​ႁႂ်ႈ​တပ်ႉ​ၶဝ် ဢၼ်​ၵဝ်​ယူႇ​ၵႃႈ​ၼႂ်း​ၵၢင်​မၼ်း​ၼၼ်ႉ​ၵူဝ်ႈ​ၵိူၵ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ႁဵတ်း​လႄႈ ဢဝ်​ၶဝ်​ၼၼ်ႉ​ၶျႃး​ပၼ်​တီႈ​ယူႇ​ဝႆႉ ၵႃႈ​ၼွၵ်ႈ​တပ်ႉ​ဢေႃႈ။ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​ၼၼ်ႉ​လႄႈ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="5">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="6">သင်ႇ​လၢတ်ႈ​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ပေႃး​ၵူၼ်း​ၸၢႆး၊ ဢမ်ႇ​ၼၼ် ၵူၼ်း​ယိင်း ႁဵတ်း​တူႉ​ၸရိူၵ်ႈ ဢၼ်​ၵူၼ်း​ၸၢင်ႈ​ႁဵတ်း​လႄႈ ၽိတ်း​ပိူင်ႈ​ထႃႇဝရႃႉ​ၽြႃး​သေ​ယဝ်ႉ၊ ႁွတ်ႈ​ထိုင်​ဢပႅတ်ႈ​ၸိုင်၊-</verse>
				<verse number="7">မၼ်း​တၵ်း​လႆႈ​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ​ၼၼ်ႉ​လႄႈ တွင်း​ပၢၼ်ႇ​ဢေႃႈ။ မၼ်း​တၵ်း​လႆႈ​ဢဝ် တင်း​သဵင်ႈ​တင်း​မူတ်း​ၶိုၼ်း​တႅၼ်း​ပၼ် ပုၼ်ႈ​ဢၼ်​မၼ်း​ၽိတ်း​ပိူင်ႈ​ၼၼ်ႉ​လႄႈ ဢဝ်​ႁႃႈ​ပုၼ်ႈ​ပုၼ်ႈ​ၼိုင်ႈ​ထၢပ်ႈ​ထႅင်ႈ​လႄႈ​ပၼ်​တီႈ​ၵေႃႉ​ဢၼ် လႆႈ​ၶၢမ်ႇ​တၢင်း​ဢၼ်​ၽိတ်း​ပိူင်ႈ​ၼၼ်ႉ​ဢေႃႈ။-</verse>
				<verse number="8">ပေႃး​ၵေႃႉ​ဢၼ် ပဵၼ်​ၵူၼ်း​မဵဝ်း​လဵဝ်​ၵၼ်​တင်း​ၵေႃႉ​ၼၼ်ႉ​လႄႈ ထိူၵ်ႈ​ၶၢမ်ႇ​ဢဝ်​ဢုၵ်ႉ​ၸႃႇ​ဢၼ်​တႅၼ်း​ပၼ် ပုၼ်ႈ​ဢပႅတ်ႈ​ၼၼ်ႉ​ဢမ်ႇ​မီး​ၸိုင်၊ တၢင်း​ဢၼ်​တႅၼ်း​ပၼ်​ၼၼ်ႉ တၵ်း​လႆႈ​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ပုၼ်ႈ​ယိတ်ႈပရေႃးႁဵၵ်ႈ​ဢေႃႈ။ ၼွၵ်ႈ​သေ​ၼၼ်ႉ တၵ်း​လႆႈ​ပုၵ်ႈ​ၸေႃႇ​သူဝ်း​ပေႃႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​တူဝ်​ၼိုင်ႈ ႁႂ်ႈ​ဢဝ်​ဢပႅတ်ႈ​ပေႇ​ဢေႃႈ။-</verse>
				<verse number="9">တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ ၵႃႈ​ဢၼ်​ပႃး​ၵႃႈ​ၼႂ်း​ၶိူင်ႈ​ပိူင်​ဢၼ်​မူတ်း​ၸၢင်ႇ​တင်း​သဵင်ႈ​တင်း​လူင် ဢၼ်​ၵူၼ်း​မဵဝ်း ဢီႉသရေႇလႃႉ ​တင်း​လၢႆ ဢဝ်​မႃး​ပုၵ်ႈ​ၸေႃႇ​တီႈ​ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ပဵၼ်​ဢုၵ်ႉ​ၸႃႇ​မၼ်း​ၼၼ်ႉ​ဢေႃႈ။-</verse>
				<verse number="10">ၵႃႈ​ဢၼ်​ၵူၼ်း​ၵူႈ​ၵေႃႉ​ႁႂ်ႈ​မူတ်း​ၸၢင်ႇ​လႄႈ ဢဝ်​လူႇ​တီႈ​ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ပဵၼ်​ဢုၵ်ႉ​ၸႃႇ ယိတ်ႈပရေႃးႁဵၵ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="12">သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ပေႃး​မႄႈ​ယိင်း​ဢၼ်​မီး​ၽူဝ်​ၼၼ်ႉ ၵူတ်ႉ​ၵၼ်​တင်း​ၵူၼ်း​ၸၢႆး​တၢင်ႇ​ၵေႃႉ​လႄႈ ၽိတ်း​ပိူင်ႈ​ၽူဝ်​မၼ်း​လႄႈ၊-</verse>
				<verse number="13">ၵူၼ်း​ၸၢႆး​လႆႈ​ၼွၼ်း​လူၺ်ႈ​ၵၼ်​တင်း​မၼ်း​သေ​ယဝ်ႉ၊ ၽူဝ်​မၼ်း​ဢမ်ႇ​ႁူႉ​ဢမ်ႇ​ႁၼ် သိူင်ႇ​မႅပ်ႉ​ဢမူႉ​မၼ်း​ၼၼ်ႉ​ဝႆႉ​ယူႇ၊ သီႇ​လႃႉ​လူႉ​ယူႇ​လႄႈ​သၢၵ်ႈ​သေႇ​ဢမ်ႇ​မီး၊ ပိူၼ်ႈ​တၢင်ႇ​ၵေႃႉ​ဢမ်ႇ​ထူပ်း​ဢမ်ႇ​ႁၼ်​မၼ်း ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၵူတ်ႉ​ၵၼ်​ယူႇ​ၼၼ်ႉ၊-</verse>
				<verse number="14">သီႇ​လႃႉ​ဢမ်ႇ​လူႉ​သေ​ဢမ်ႇ​ဝႃႈ၊ ပေႃး​ၸႂ်​ဢၼ်​ဢမ်ႇ​ယုမ်ႇ​ၸပ်း​ၸွႆး​ၵေႃႉ​ၼၼ်ႉ​လႄႈ၊ ၵေႃႉ​ၼၼ်ႉ​ဢမ်ႇ​ယုမ်ႇ​မေး​မၼ်း​ယူႇ​သေ​လႄႈ မၼ်း​ၼၼ်ႉ​သီႇ​လႃႉ​လူႉ​သေ​ဢမ်ႇ​ဝႃႈ၊ ပေႃး​ၸႂ်​ဢၼ်​ဢမ်ႇ​ယုမ်ႇ​ၸပ်း​ၸွႆး​ၵေႃႉ​ၼၼ်ႉ​လႄႈ ၵေႃႉ​ၼၼ်ႉ​ဢမ်ႇ​ယုမ်ႇ​မေး​မၼ်း​ယူႇ​သေ​လႄႈ မေး​မၼ်း​ၼၼ်ႉ သီႇ​လႃႉ​ဢမ်ႇ​လူႉ​သေ​ဢမ်ႇ​ဝႃႈ၊-</verse>
				<verse number="15">ၵေႃႉ​ၼၼ်ႉ​တၵ်း​လႆႈ​ပႃး​ဢဝ်​ၽွင်​ၶဝ်ႈ​မုၼ်း​မူႉ​ယေႃး​ ဢေးၽႃႇ ​သိပ်း​ပုၼ်ႈ​ပုၼ်ႈ​ၼိုင်ႈ ပုၼ်ႈ​တၢင်း​ပုၵ်ႈ​ၸေႃႇ​မႄႈ​ယိင်း​ၼၼ်ႉ​သေ​လႄႈ ႁွင်ႉ​ဢဝ်​မၼ်း​ၵႂႃႇ​ၵႃႈ​တီႈ ယိတ်ႈပရေႃးႁဵၵ်ႈ​ဢေႃႈ။ ဢမ်ႇ​လႆႈ​ဢဝ်​ၼမ်ႉ​မၼ်း​ႁူတ်း​ၵႃႈ​ၼိူဝ်​ၽွင်​ၶဝ်ႈ​မုၼ်း​ၼၼ်ႉ၊ ဢမ်ႇ​လႆႈ​ဢဝ်​ လေႃႇပၢၼ်ႇ ​တၢင်ႇ​သႂ်ႇ၊ ပဵၼ်​ၶိူင်ႈ​ပုၵ်ႈ​ၸေႃႇ တၢင်း​ဢၼ်​ဢမ်ႇ​ယုမ်ႇ​မေး၊ ၶိူင်ႈ​ပုၵ်ႈ​ၸေႃႇ​တၢင်း​ဢၼ်​ပၼ်​သတီႉ ပုၼ်ႈ​ဢၼ်​မၼ်း​ၸဝ်ႈ တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဢပႅတ်ႈ​မၼ်း​ၼၼ်ႉ​ဢေႃႈ။-</verse>
				<verse number="16">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​မၼ်း​ၼၼ်ႉ​လႄႈ ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="17">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ၼမ်ႉ​ဢၼ်​မူတ်း​ၸၢင်ႇ​ထွၵ်ႇ​သႂ်ႇ​ၵႃႈ​ၼႂ်း​မေႃႈ​လိၼ်​လႄႈ ဢဝ်​မုၼ်ႈ​လိၼ်​ဢၼ်​မီး​ၵႃႈ​တီႈ​ဢၼ်​သိူဝ်ႇ​ဝႆႉ​ၵႃႈ​တီႈ​သုမ်ႉ​ထဵင်​ၸဝ်ႈ​ၼၼ်ႉ​သႂ်ႇ​ၵႃႈ​ၼႂ်း​ၼမ်ႉ​ၼၼ်ႉ​ဢေႃႈ။-</verse>
				<verse number="18">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​မႄႈ​ယိင်း​ၼၼ်ႉ​ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ႁႂ်ႈ​မၼ်း​ၽႄႇ​ၶူၼ်​ႁူဝ်​မၼ်း​သေ​လႄႈ ဢဝ်​တၢင်း​ပုၵ်ႈ​ၸေႃႇ​ဢၼ်​ပၼ်​သတီႉ ဢၼ်​ဝႃႈ​တၢင်း​ပုၵ်ႈ​ၸေႃႇ တၢင်း​ဢၼ်​ဢမ်ႇ​ယုမ်ႇ​မေး​ၼၼ်ႉ သႂ်ႇ​ၵႃႈ​ၼႂ်း​မိုဝ်း​မၼ်း​ဢေႃႈ။ ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​ယိပ်း​ၵမ်​ဢဝ်​ၼမ်ႉ​ၶူမ် ဢၼ်​ႁႂ်ႈ​ၽေး​တၢင်း​ဢၼ်​ၵိၼ်ႇ​ဢၼ်​ဝႃႈ​ပဵၼ်​ၼၼ်ႉ​ဢေႃႈ။-</verse>
				<verse number="19">ၵမ်း​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​ႁႂ်ႈ​မႄႈ​ယိင်း​ၼၼ်ႉ ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ​လႄႈ​လၢတ်ႈ​တီႈ​မႄႈ​ယိင်း​ၼၼ်ႉ​လႄႈ​ဝႃႈ၊ ပေႃး​ၵူၼ်း​ၸၢႆး​ဢမ်ႇ​လႆႈ​ၼွၼ်း​လူၺ်ႈ​ၵၼ်​တင်း​မႂ်း​လႄႈ မႂ်း​ဢမ်ႇ​ၽိတ်း​ပိူင်ႈ​ၵၼ်​တင်း​ၵူၼ်း​ၸၢႆး​တၢင်ႇ​ၵေႃႉ ၼွၵ်ႈ​သေ​ၽူဝ်​မႂ်း ႁႂ်ႈ​တူဝ်​မႂ်း​ၵူဝ်ႈ​ၵိူၵ်ႇ​ၸိုင်၊ ႁႂ်ႈ​မႂ်း​ၵၢင်း​လွတ်ႈ​တင်း​ၼမ်ႉ​ၶူမ်​ဢၼ်​ႁႂ်ႈ​ၽေး​တၢင်း​ဢၼ်​ၵိၼ်ႇ​ဢၼ်​ဝႃႈ​ပဵၼ်​ၼႆႉ​သေ​ၵမ်း​လူၺ်ႈ။-</verse>
				<verse number="20">ၵူၺ်း​ၵႃႈ ပေႃး​မႂ်း​မီး​တၢင်း​ဢၼ်​ၽိတ်း​ပိူင်ႈ​ၵၼ်​တင်း​ၵူၼ်း​ၸၢႆး​တၢင်ႇ​ၵေႃႉ ၼွၵ်ႈ​သေ​ၽူဝ်​မႂ်း​ၼၼ်ႉ ႁႂ်ႈ​တူဝ်​မႂ်း​ၵူဝ်ႈ​ၵိူၵ်ႇ​လႄႈ ၼွၵ်ႈ​သေ​ၽူဝ်​မႂ်း​ၼၼ်ႉ၊ ၵူၼ်း​ၸၢႆး​တၢင်ႇ​ၵေႃႉ လႆႈ​ၼွၼ်း​လူၺ်ႈ​ၵၼ်​တင်း​မႂ်း​ၸိုင်၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="21">ယိတ်ႈပရေႃးႁဵၵ်ႈ​ၼၼ်ႉ ႁႂ်ႈ​မႄႈ​ယိင်း​ၼၼ်ႉ​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ​သေ​ယဝ်ႉ၊ ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​လၢတ်ႈ​တီႈ​မႄႈ​ယိင်း​ၼၼ်ႉ​လႄႈ​ဝႃႈ ႁႂ်ႈ​ထႃႇဝရႃႉ​ၽြႃး ၸီႇ​ယၢင်ႇ​ႁႂ်ႈ​မႂ်း​ပဵၼ်​ၵေႃႉ​ဢၼ်​ထုၵ်ႇ​လီ​ၵိၼ်ႇ​လီ​ဝႃႈ၊ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် ပိူၼ်ႈ​ဢဝ်​ႁဵတ်း​တီႈ​ဢၼ်​လီ​မၢတ်ႈ​လီ​တွင်း​သေ​လႄႈ​ၵိၼ်ႇ​ဝႃႈ ၼႂ်း​မိူဝ်ႈ​ဢၼ်​မၼ်း​ၸဝ်ႈ ႁႂ်ႈ​ၶႃ​မႂ်း​ယွမ်​ႁဵဝ်ႇ​လႄႈ ႁႂ်ႈ​ပုမ်​မႂ်း​ၵႂ်ႈ​ၼၼ်ႉ​သေ​ၵမ်း​လူၺ်ႈ။-</verse>
				<verse number="22">ၼမ်ႉ​ဢၼ်​ႁႂ်ႈ​ၽေး​တၢင်း​ဢၼ်​ၵိၼ်ႇ​ဢၼ်​ဝႃႈ​ပဵၼ်​ၼႆႉ တၵ်း​ၶဝ်ႈ​ၵႃႈ​ၼႂ်း​တွင်ႉ​မႂ်း​လႄႈ ႁႂ်ႈ​ပဵၼ်​တၢင်း​ဢၼ်​ပုမ်​ၵႂ်ႈ​ပုမ်​ပႅင်၊ တၢင်း​ဢၼ်​ၶႃ​ယွမ်​ၶႃ​ႁဵဝ်ႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မႄႈ​ယိင်း​ၼၼ်ႉ​တၵ်း​လႆႈ​ၶိုၼ်း​လၢတ်ႈ​လႄႈ​ဝႃႈ၊ ဢႃႇမိၼ်ႇ၊ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​တႅမ်ႈ​တၢင်း​ဢၼ်​ၵိၼ်ႇ​ဢၼ်​ဝႃႈ​ၸိူဝ်း​ၼၼ်ႉ သႂ်ႇ​ၵႃႈ​ၼႂ်း​လိၵ်ႈ​လႄႈ​သမ်ႉ​ဢဝ်​တင်း​ၼမ်ႉ​ၶူမ် ၶျေႇ​မွတ်ႇ​သႂ်ႇ​သေ​ယဝ်ႉ၊-</verse>
				<verse number="24">ဢဝ်​ၼမ်ႉ​ၶူမ် ဢၼ်​ႁႂ်ႈ​ၽေး​တၢင်း​ဢၼ်​ၵိၼ်ႇ​ဢၼ်​ဝႃႈ​ပဵၼ်​ၼၼ်ႉ တိုၵ်း​ပၼ်​တီႈ​မႄႈ​ယိင်း​ၼၼ်ႉ​ဢေႃႈ။ ၼမ်ႉ​ဢၼ်​ႁႂ်ႈ​ၽေး တၢင်း​ဢၼ်​ၵိၼ်ႇ​ဢၼ်​ဝႃႈ​ပဵၼ်​ၼၼ်ႉ တၵ်း​ၶဝ်ႈ​ၵႃႈ​ၼႂ်း​မၼ်း​လႄႈ​ၶူမ်​ဢေႃႈ။-</verse>
				<verse number="25">ၵမ်း​ၼၼ်ႉ ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ဢဝ်​ၶိူင်ႈ​ပုၵ်ႈ​ၸေႃႇ တၢင်း​ဢၼ်​ဢမ်ႇ​ယုမ်ႇ​မေး​ၼၼ်ႉ ဢွၵ်ႇ​သေ​ၵႃႈ​ၼႂ်း​မိုဝ်း​မႄႈ​ယိင်း​ၼၼ်ႉ​လႄႈ ယွင်ႈ​ၵႂႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​ယဝ်ႉ၊ ဢဝ်​မႃး​ၸူး​ၵႃႈ​တီႈ​ယိတ်ႈပလၢင်ႇ​ဢေႃႈ။-</verse>
				<verse number="26">ၵမ်း​ၼၼ်ႉ ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ဢဝ်​ၵႃႈ​ၼႂ်း​ၶိူင်ႈ​ပုၵ်ႈ​ၸေႃႇ​ၼၼ်ႉ ၽွင်​ၶဝ်ႈ​မုၼ်း​ဝၵ်ႉ​မိုဝ်း​ၼိုင်ႈ ဢၼ်​ဝႃႈ​ပုၼ်ႈ​တႃႇ​ဢၼ်​ႁႂ်ႈ​မၼ်း​ၸဝ်ႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼၼ်ႉ တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​လႄႈ လိုၼ်း​ၼၼ်ႉ​ၸင်ႇ တၵ်း​လႆႈ​ႁႂ်ႈ​မႄႈ​ယိင်း​ၼၼ်ႉ ၵိၼ်​ၼမ်ႉ​ၼၼ်ႉ​ဢေႃႈ။-</verse>
				<verse number="27">မိူဝ်ႈ​ဢၼ်​မၼ်း​ႁႂ်ႈ​မႄႈ​ယိင်း​ၼၼ်ႉ ၵိၼ်​ၼမ်ႉ​ၼၼ်ႉ​ယဝ်ႉ​ၼၼ်ႉ၊ ပေႃး​မၼ်း​ၼၼ်ႉ​မီး​တၢင်း​ဢၼ်​ၵူဝ်ႈ​ၵိူၵ်ႇ​လႄႈ လႆႈ​ၽိတ်း​ပိူင်ႈ​ၽူဝ်​မၼ်း​ၸိုင်၊ ၼမ်ႉ​ဢၼ်​ႁႂ်ႈ​ၽေး​တၢင်း​ဢၼ်​ၵိၼ်ႇ​ဢၼ်​ဝႃႈ​ပဵၼ်​ၼၼ်ႉ တၵ်း​ၶဝ်ႈ​ၵႂႃႇ​ၵႃႈ​ၼႂ်း​မၼ်း​လႄႈ ပဵၼ်​ဢၼ်​ၶူမ်​သေ​ယဝ်ႉ၊ ပုမ်​မၼ်း​တၵ်း​ၵႂ်ႈ​တၵ်း​ပႅင်၊ ၶႃ​မၼ်း​တၵ်း​ယွမ်​တၵ်း​ႁဵဝ်ႇ​လႄႈ မႄႈ​ယိင်း​ၼၼ်ႉ တၵ်း​ပဵၼ်​ၵေႃႉ​ဢၼ်​ထုၵ်ႇ​လီ​ၵိၼ်ႇ​လီ​ဝႃႈ ၵႃႈ​တီႈ​ၼႂ်း​မဵဝ်း​မၼ်း​ဢေႃႈ။-</verse>
				<verse number="28">ပေႃး​မႄႈ​ယိင်း​ၼၼ်ႉ သီႇ​လႃႉ​ယင်း​ဢမ်ႇ​လူႉ​လႄႈ မီး​တၢင်း​ဢၼ်​မူတ်း​သႂ်​ယူႇ​ၸိုင်၊ မၼ်း​တၵ်း​ၵၢင်း​လွတ်ႈ​တင်း​ၽေး​လႄႈ မီး​ဢၶႂၢင်ႉ​ဢၼ်​လႆႈ​ပႃး​ပတိၵ်ႉသၼ်ႇထေႇ​ဢေႃႈ။-</verse>
				<verse number="29">ဢၼ်​ၼႆႉ​ၸမ်ႉ၊ ပဵၼ်​တြႃး​တၢင်း​ဢၼ်​ၸႂ်​ဢၼ်​ဢမ်ႇ​ယုမ်ႇ​ၸပ်း​ၸွႆး ၼႂ်း​မိူဝ်ႈ​ဢၼ်​မႄႈ​ယိင်း​ၵူတ်ႉ​ၵၼ်​တင်း​ၵူၼ်း​ၸၢႆး​တၢင်ႇ​ၵေႃႉ ၼွၵ်ႈ​သေ​ၽူဝ်​မၼ်း​လႄႈ မီး​တၢင်း​ဢၼ်​ၵူဝ်ႈ​ၵိူၵ်ႇ၊-</verse>
				<verse number="30">ဢမ်ႇ​ၼၼ်​ၵေႃႈ ၼႂ်း​မိူဝ်ႈ​ဢၼ် ၸႂ်​ဢၼ်​ၵူၼ်း​ၸၢႆး​ဢမ်ႇ​ယုမ်ႇ​ၸပ်း​ၸွႆး​ယူႇ​လႄႈ မၼ်း​ဢမ်ႇ​ယုမ်ႇ​မေး​မၼ်း​ၼၼ်ႉ​ဢေႃႈ။ မၼ်း​တၵ်း​လႆႈ​ဢဝ်​မေး​မၼ်း​ၼၼ်ႉ ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ယိတ်ႈပရေႃးႁဵၵ်ႈ တၵ်း​လႆႈ​ၸီႇ​ယၢင်ႇ​ၸွမ်း​ၼင်ႇ​တြႃး​ၼႆႉ​ဢေႃႈ။-</verse>
				<verse number="31">ၵူၼ်း​ၸၢႆး​ၼၼ်ႉ​တၵ်း​လႆႈ​ၵၢင်း​လွတ်ႈ​တင်း​ဢပႅတ်ႈ​လႄႈ မႄႈ​ယိင်း​ၼၼ်ႉ​တၵ်း​လႆႈ​ၶၢမ်ႇ​ဢပႅတ်ႈ​မၼ်း​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="6">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ပဵၼ်​ၵူၼ်း​ၸၢႆး​သေ​ဢမ်ႇ​ဝႃႈ၊ ပဵၼ်​ၵူၼ်း​ယိင်း​သေ​ဢမ်ႇ​ဝႃႈ၊ မိူဝ်ႈ​ဢၼ်​ၽႄ​တူဝ်​ၸဝ်ႈ​ၵဝ်ႇ​ဝႆႉ​လႄႈ ႁဵတ်း​ၵတီႉ​သဵတ်ႈ​ၸႃႇ ၼႃႇၸရီႉ ႁႂ်ႈ​တူဝ်​ၸဝ်ႈ​ၵဝ်ႇ​လႆႈ​ပႅၵ်ႇ​လႆႈ​ပိူင်ႈ ပုၼ်ႈ​ထႃႇဝရႃႉ​ၽြႃး ၼၼ်ႉ​ၸိုင်၊-</verse>
				<verse number="3">မၼ်း​တၵ်း​လႆႈ​ဝႄႈ​ပႅတ်ႈ ၼမ်ႉ​ၸပိတ်ႈ​တင်း​လဝ်ႈ​ဢေႃႈ။ ၼမ်ႉ​ၸပိတ်ႈ​သူမ်ႈ​တင်း​လဝ်ႈ​သူမ်ႈ​ၵေႃႈ မၼ်း​ဢမ်ႇ​လႆႈ​ၵိၼ်​လႆႈ​သူတ်ႉ၊ ၼမ်ႉ​ဢၼ်​ဢဝ်​တင်း​မၢၵ်ႇ​ၸပိတ်ႈ​ႁဵတ်း​ၼၼ်ႉ​ၸိုင်၊ ဢမ်ႇ​လႆႈ​ၵိၼ်​လႆႈ​သူတ်ႉ​လႃး​လႃး။ မၢၵ်ႇ​ၸပိတ်ႈ​ဢၼ်​လိပ်း​ဢၼ်​ႁႅင်ႈ​ၵေႃႈ မၼ်း​ဢမ်ႇ​လႆႈ​ၵိၼ်​လႆႈ​ၶူပ်း။-</verse>
				<verse number="4">ၶိင်ႇ​ၵႃႇလႃႉ​မိုဝ်ႉ​ဝၼ်း​ၵႃႈ​ဢၼ်​မၼ်း​ပႅၵ်ႇ​ပိူင်ႈ​သေ​လႄႈ​ယူႇ​ၼၼ်ႉ၊ မၼ်း​ဢမ်ႇ​လႆႈ​ၵိၼ် ၸႃႉ​ၸဵမ်​ၵႅၼ်​ၼႂ်း​မၢၵ်ႇ​ၸပိတ်ႈ တေႃႇ​ထိုင်​ႁွတ်ႈ​ပိူၵ်ႇ​မၢၵ်ႇ​ၸပိတ်ႈ ၵႃႈ​ဢၼ်​ဢဝ်​ၵႃႈ​တီႈ​တူၼ်ႈ​မၢၵ်ႇ​ၸပိတ်ႈ​ႁဵတ်း​ၼၼ်ႉ။-</verse>
				<verse number="5">ၶိင်ႇ​ၵႃႇလႃႉ​မိုဝ်ႉ​ဝၼ်း ၵႃႈ​ဢၼ်​မၼ်း​ပႂ်ႉ​ၵတီႉ​သဵတ်ႈ​ၸႃႇ​တၢင်း​ဢၼ်​ပႅၵ်ႇ​ပိူင်ႈ​သေ​လႄႈ​ယူႇ​ၼၼ်ႉ မိတ်ႈ​ဢၼ်​ထႃ​ၶူၼ်​ႁူဝ် ဢမ်ႇ​လႆႈ​ႁွတ်ႈ​ထိုင်​ၵႃႈ​ၼိူဝ်​ႁူဝ်​မၼ်း။ တေႃႇ​ထိုင်​ႁွတ်ႈ​ၸူဝ်ႈ​ဢၼ်​ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ် ႁႂ်ႈ​တူဝ်​ၸဝ်ႈ​ၵဝ်ႇ​ပႅၵ်ႇ​ပိူင်ႈ ပုၼ်ႈ​ထႃႇဝရႃႉ​ၽြႃး​ၼၼ်ႉ ဢမ်ႇ​ပႆႇ​ၸေး​ၼၼ်ႉ​ၸိုင်၊ မၼ်း​တၵ်း​လႆႈ​မူတ်း​ၸၢင်ႇ​လႄႈ ႁႂ်ႈ​မုၵ်ႉ​ၶူၼ်​ႁူဝ်​မၼ်း​လႆႈ​ဢွၵ်ႇ​မႃး​ယၢဝ်း​မႃး​ယူႇ​ဢေႃႈ။-</verse>
				<verse number="6">ၶိင်ႇ​ၵႃႇလႃႉ​မိုဝ်ႉ​ဝၼ်း ၵႃႈ​ဢၼ်​မၼ်း​ႁႂ်ႈ​တူဝ်​ၸဝ်ႈ​ၵဝ်ႇ​ပႅၵ်ႇ​ပိူင်ႈ​ပုၼ်ႈ​ထႃႇဝရႃႉ​ၽြႃး​သေ​လႄႈ​ယူႇ​ၼၼ်ႉ၊ မၼ်း​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​တူဝ်​တၢႆ။-</verse>
				<verse number="7">ၵွပ်ႈ​ပိူဝ်ႈ​ဢၼ်​ႁႂ်ႈ​ႁူဝ်​မၼ်း​ပႅၵ်ႇ​ပိူင်ႈ​ပုၼ်ႈ​ၽြႃး​ပဵၼ်​ၸဝ်ႈ​မၼ်း​လႄႈ၊ မႂ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ၵူဝ်ႈ​ၵိူၵ်ႇ​ပုၼ်ႈ ပေႃႈ​မႄႈ​မၼ်း၊ ပီႈ​ၸၢႆး​ၼွင်ႉ​ၸၢႆး​မၼ်း၊ ပီႈ​ၼၢင်း​ၼွင်ႉ​ယိင်း​မၼ်း မိူဝ်ႈ​ဢၼ်​ၶဝ်​တၢႆ​ၼၼ်ႉ။-</verse>
				<verse number="8">ၶိင်ႇ​ၵႃႇလႃႉ​မိုဝ်ႉ​ဝၼ်း ၵႃႈ​ဢၼ်​မၼ်း​ႁႂ်ႈ​တူဝ်​ၸဝ်ႈ​ၵဝ်ႇ​ပႅၵ်ႇ​ပိူင်ႈ​ပုၼ်ႈ​ထႃႇဝရႃႉ​ၽြႃး​သေ​လႄႈ​ယူႇ​ၼၼ်ႉ မၼ်း​တၵ်း​လႆႈ​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="9">ပေႃး​သေ​ၵေႃႉ​သေ​ၵူၼ်း ၶီႉ​ၶႃႉ​တၢႆ​ၵႃႈ​တီႈ​ႁိမ်း​မၼ်း​ၵမ်း​လဵဝ်​လႄႈ ႁႂ်ႈ​ႁူဝ်​မၼ်း​ဢၼ်​မၼ်း​ႁႂ်ႈ​ပႅၵ်ႇ​ပိူင်ႈ​ၼၼ်ႉ​ၵူဝ်ႈ​ၵိူၵ်ႇ​ၸိုင်၊ ၼႂ်း​ဝၼ်း​ဢၼ်​ႁႂ်ႈ​မူတ်း​သႂ်​ဢၼ်​ဝႃႈ ဝၼ်း​သတ်ႉတမႃႉ​ၼၼ်ႉ၊ မၼ်း​တၵ်း​လႆႈ​ထႃ​ၶူၼ်​ႁူဝ်​မၼ်း​ဢေႃႈ။-</verse>
				<verse number="10">ၼႂ်း​ဝၼ်း​ဢႃႉထမႃႉ​ၼၼ်ႉ၊ မၼ်း​တၵ်း​လႆႈ​ဢဝ်​ၼူၵ်ႉ​တူႈ​သွင်​တူဝ်၊ ဢမ်ႇ​ၼၼ်​ၵေႃႈ ၵႃ​ၵႄ​ဢွၼ်ႇ​သွင်​တူဝ်​သေ​လႄႈ မႃး​ၵႃႈ​တီႈ​ယိတ်ႈပရေႃးႁဵၵ်ႈ​ၵႃႈ​တီႈ​ၽၢႆႇ​ၼႃႈ​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။-</verse>
				<verse number="11">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ပုၵ်ႈ​ၸေႃႇ​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​တူဝ်​ၼိုင်ႈ၊ ပုၼ်ႈ​ယိတ်ႈ​ဢၼ်​တုတ်ႇ​ၽႆး​တူဝ်​ၼိုင်ႈ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ ဢၼ်​ႁွတ်ႈ​ထိုင်​ၵႃႈ​တီႈ​မၼ်း​ၵွပ်ႈ​ပိူဝ်ႈ​တူဝ်​တၢႆ​ၼၼ်ႉ​သေ​ယဝ်ႉ၊ ႁႂ်ႈ​ႁူဝ်​မၼ်း​မူတ်း​ၸၢင်ႇ​ၼႂ်း​ဝၼ်း​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="12">မၼ်း​တၵ်း​လႆႈ သမ်ႉ​ႁႂ်ႈ​ၶိင်ႇ​ၵႃႇလႃႉ​ဢၼ်​ႁႂ်ႈ​ပႅၵ်ႇ​ပိူင်ႈ​မိူဝ်ႈ​ဢွၼ်​တၢင်း​ၼၼ်ႉ ၶိုၼ်း​ပႅၵ်ႇ​ပိူင်ႈ​တီႈ​ထႃႇဝရႃႉ​ၽြႃး​လႄႈ ဢဝ်​သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ႁဵတ်း​ယိတ်ႈ​ဢၼ်​ၽေႇ​တူႉ​ၸရိူၵ်ႈ​လႄႈ​ပုၵ်ႈ​ၸေႃႇ​ဢေႃႈ။ ၵွပ်ႈ​ပိူဝ်ႈ​ဢၼ်​တၢင်း​ဢၼ်​ပႅၵ်ႇ​ပိူင်ႈ​မိူဝ်ႈ​ဢွၼ်​တၢင်း​ၼၼ်ႉ​လူႉ​ၵႂႃႇ​လႄႈ၊ ၶိင်ႇ​ၵႃႇလႃႉ​ဢၼ်​ပူၼ်ႉ​မႃး​ၼၼ်ႉ တၵ်း​လႆႈ​ပဵၼ်​ဢၼ်​လၢႆ​လၢႆ​ဢေႃႈ။</verse>
				<verse number="13">တြႃး​ၵူၼ်း​ ၼႃႇၸရီႉ ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ်​ပႅၵ်ႇ​ပိူင်ႈ​သေ​လႄႈ​ယူႇ​ၼၼ်ႉ ထူၼ်ႈ​တဵမ်​ယဝ်ႉ​ၼၼ်ႉ​ၸမ်ႉ၊ တၵ်း​လႆႈ​ဢဝ်​မၼ်း မႃး​ၵႃႈ​တီႈ​ၽၢႆႇ​ၼႃႈ​ၽၵ်း​တူ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ၊-</verse>
				<verse number="14">မၼ်း​တၵ်း​လႆႈ​ဢဝ်​တၢင်း​ပုၵ်ႈ​ၸေႃႇ​မၼ်း ဢၼ်​ဝႃႈ​သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ ဢၼ်​ဢမ်ႇ​ပႃး​ဢပႅတ်ႈ​ပုၼ်ႈ​ယိတ်ႈ​ဢၼ်​တုတ်ႇ​ၽႆး​တူဝ်​ၼိုင်ႈ၊ သူဝ်း​မႄႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ၊ ဢၼ်​ဢမ်ႇ​ပႃး​ဢပႅတ်ႈ​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​တူဝ်​ၼိုင်ႈ၊ ပႄႉ​ပေႃႈ​ဢၼ်​ဢမ်ႇ​ပႃး​ဢပႅတ်ႈ​ပုၼ်ႈ​ယိတ်ႈ​မိၵ်ႉသႃႇႁႃယႃႉ​တူဝ်​ၼိုင်ႈ၊-</verse>
				<verse number="15">ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ပဵတ်ႈ​ၼိုင်ႈ ဢၼ်​ဝႃႈ​ၶဝ်ႈ​မုၼ်း​ၶႅပ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၽွင်​မၼ်း၊ ၶဝ်ႈ​မုၼ်း​ၶွပ်ႈ​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​လႄႈ​ဢဝ်​ၼမ်ႉ​မၼ်း​တႃး​ၼၼ်ႉ၊ တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊ တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​ၼၼ်ႉ​ၸိူဝ်း​ၼၼ်ႉ​လႄႈ သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="16">ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ဢဝ်​တၢင်း​ပုၵ်ႈ​ၸေႃႇ​ၸိူဝ်း​ၼၼ်ႉ ၶဝ်ႈ​ၸူး​ၵႃႈ​တီႈ​ထႃႇဝရႃႉ​ၽြႃး​လႄႈ ပုၵ်ႈ​ၸေႃႇ​ယိတ်ႈ​ဢၼ်​ၽေႇ​ဢပႅတ်ႈ​တင်း​ယိတ်ႈ​ဢၼ်​တုတ်ႇ​ၽႆး​ၼၼ်ႉ​ဢေႃႈ။-</verse>
				<verse number="17">ယိတ်ႈပရေႃးႁဵၵ်ႈ​တၵ်း​လႆႈ​ဢဝ် ပႄႉ​ပေႃႈ​ပုၼ်ႈ​ယိတ်ႈ​မိၵ်ႉသႃႇႁႃယႃႉ ဢိၵ်ႇ​တင်း​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ပဵတ်ႈ​ၼိုင်ႈ၊ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ဢေႃႈ။ တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢိၵ်ႇ​တင်း တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​ၸိူဝ်း​ၼၼ်ႉ​ၵေႃႈ ယိတ်ႈပရေႃးႁဵၵ်ႈ​တၵ်း​လႆႈ​ပုၵ်ႈ​ၸေႃႇ​ဢေႃႈ။-</verse>
				<verse number="18">ၵူၼ်း​ ၼႃႇၸရီႉ တၵ်း​လႆႈ​ထႃ​ၶူၼ်​ႁူဝ်​မၼ်း ဢၼ်​ပႅၵ်ႇ​ပိူင်ႈ​ၼၼ်ႉ ၵႃႈ​တီႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ ဢဝ်​ၶူၼ်​ႁူဝ်​မၼ်း ဢၼ်​ပႅၵ်ႇ​ပိူင်ႈ​ၼၼ်ႉ သႂ်ႇ​ၵႃႈ​ၼႂ်း​ၽႆး​ဢၼ်​မီး​တႂ်ႈ​ယိတ်ႈ​မိၵ်ႉသႃႇႁႃယႃႉ​ၼၼ်ႉ​ဢေႃႈ။-</verse>
				<verse number="19">ယိတ်ႈပရေႃးႁဵၵ်ႈ​တၵ်း​လႆႈ​ဢဝ်​ႁူဝ်​မႃႇ​ပႄႉ​ပေႃႈ ဢၼ်​တူမ်ႈ​ၼၼ်ႉ​ၽၢၵ်ႇ​ၼိုင်ႈ ၶဝ်ႈ​မုၼ်း​ၶႅပ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၶႅပ်း​ၼိုင်ႈ၊ တင်း​ၶဝ်ႈ​မုၼ်း​ၶွပ်ႈ​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၶႅပ်း​ၼိုင်ႈ သေ​ၵႃႈ​တီႈ​ၼႂ်း​ပဵတ်ႈ​ၼၼ်ႉ​လႄႈ သႂ်ႇ​ပၼ်​ၵႃႈ​ၼႂ်း​မိုဝ်း​ၵူၼ်း​ ၼႃႇၸရီႉ လိုၼ်း​သေ​ဢၼ်​မၼ်း​ထႃ​ၶူၼ်​ႁူဝ်​မၼ်း ဢၼ်​ပႅၵ်ႇ​ပိူင်ႈ​ၼၼ်ႉ​ယဝ်ႉ​ၼၼ်ႉ​သေ​ယဝ်ႉ၊-</verse>
				<verse number="20">ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ဢဝ်​ယွင်ႈ​ၵႂႆ​ပုၼ်ႈ​တၢင်း​ပုၵ်ႈ​ၸေႃႇ​ဢၼ်​ယွင်ႈ​ၵႂႆ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ ဢၼ်​ၸိူဝ်း​ၼၼ်ႉ ဢိၵ်ႇ​တင်း​ႁူဝ်​ဢူၵ်း​ဢၼ်​ယွင်ႈ​ၵႂႆ တင်း​ႁူဝ်​မႃႇ​ဢၼ်​ယုၵ်ႉ​ယွင်ႈ​ၼၼ်ႉ တၵ်း​လႆႈ​မူတ်း​ၸၢင်ႇ ပုၼ်ႈ​ယိတ်ႈပရေႃးႁဵၵ်ႈ​ဢေႃႈ။ လိုၼ်း​ၼၼ်ႉ ၵူၼ်း​ ၼႃႇၸရီႉ ၼၼ်ႉ မီး​ဢၶႂၢင်ႉ​ဢၼ်​လႆႈ​ၵိၼ်​ၼမ်ႉ​ၸပိတ်ႈ​ဢေႃႈ။-</verse>
				<verse number="21">ဢၼ်​ၼႆႉ​ၸမ်ႉ၊ ပဵၼ်​တြႃး​ၵူၼ်း​ ၼႃႇၸရီႉ ဢၼ်​ႁဵတ်း​သဵတ်ႈ​ၸႃႇ​ၼၼ်ႉ ဢိၵ်ႇ​တင်း​တၢင်း​ပုၵ်ႈ​ၸေႃႇ​ဢၼ်​မၼ်း​ႁဵတ်း​တီႈ​ထႃႇဝရႃႉ​ၽြႃး ပုၼ်ႈ​တၢင်း​ဢၼ်​မၼ်း​ပႅၵ်ႇ​ပိူင်ႈ​ၼၼ်ႉ ၼွၵ်ႈ​သေ​ၵႃႈ​ဢၼ်​မၼ်း​တၢတ်ႈ​ၼိူင်ႇ​လႆႈ​ၼၼ်ႉ​ဢေႃႈ။ ၸွမ်း​ၵႃႈ​ၼင်ႇ​ဢၼ်​မၼ်း​ႁဵတ်း​ၵတီႉ​သဵတ်ႈ​ၸႃႇ​ၼၼ်ႉ၊​မၼ်း​တၵ်း​လႆႈ​ႁဵတ်း​မႅၼ်ႈ​ၸွမ်း​ၼင်ႇ​တြႃး တၢင်း​ဢၼ်​ပႅၵ်ႇ​ပိူင်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="23">သင်ႇ​လၢတ်ႈ​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ၵႂၢမ်း​ဢၼ်​သူ​တၵ်း​လႆႈ​ပၼ်​တၢင်း​လီ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ဢွၵ်ႇ​သူပ်း​ဝႃႈ​ၸမ်ႉ၊-</verse>
				<verse number="24">ႁႂ်ႈ​ထႃႇဝရႃႉ​ၽြႃး​ပၼ်​တၢင်း​လီ​တီႈ​မႂ်း​လႄႈ ပႂ်ႉ​လူ​ပႂ်ႉ​တူၺ်း​မႂ်း​ယူႇ​သေ​ၵမ်း​လူၺ်ႈ။-</verse>
				<verse number="25">ႁႂ်ႈ​ထႃႇဝရႃႉ​ၽြႃး​ပွႆႇ​ဢၼ်​လႅင်း​ၼႃႈ​မၼ်း​ၸဝ်ႈ ထွင်ႇ​တီႈ​မႂ်း​လႄႈ ႁဵတ်း​ၵျေး​ၸူး​ၵရူႉၼႃႇ​တီႈ​မႂ်း​သေ​ၵမ်း​လူၺ်ႈ။-</verse>
				<verse number="26">ႁႂ်ႈ​ထႃႇဝရႃႉ​ၽြႃး​မုင်ႈ​တူၺ်း​မႂ်း​လႄႈ ပၼ်​ၵတ်း​ယဵၼ်​ၶျၢမ်း​သႃႇ​တီႈ​မႂ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="27">ပေႃး​ၶဝ်​ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ် တၢင်ႇ​ပၼ်​ၵႃႈ​ၼိူဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​တၵ်း​ပၼ်​တၢင်း​လီ​မင်ႇၵလႃႇ တီႈ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="7">
				<verse number="1">ဝၼ်း​ဢၼ်​ မူဝ်းသေႇ ​ၵွႆ​ဢမူႉ​တၢင်း​ဢၼ်​ပူၵ်း​တင်ႈ​သုမ်ႉ​ထဵင်​ၸဝ်ႈ​လႄႈ ဢဝ်​ၼမ်ႉ​မၼ်း​တႃး​သုမ်ႉ​ထဵင်​ၸဝ်ႈ​တင်း​ၶိူင်ႈ​ပိူင်​မၼ်း​တင်း​လၢႆ​လႄႈ ႁႂ်ႈ​မူတ်း​ၸၢင်ႇ ဢိၵ်ႇ​တင်း​ဢမူႉ​တၢင်း​ဢၼ် ဢဝ်​ၼမ်ႉ​မၼ်း​တႃး​ယိတ်ႈပလၢင်ႇ​တင်း​ၶိူင်ႈ​ပိူင်​မၼ်း​တင်း​လၢႆ​လႄႈ ႁႂ်ႈ​မူတ်း​ၸၢင်ႇ​ၼၼ်ႉ၊-</verse>
				<verse number="2">ၶဝ်​ၸိူဝ်း​ဢၼ်​ပဵၼ်​ၶုၼ်​ၼႂ်း​မဵဝ်း​ ဢီႉသရေႇလႃႉ ဢၼ်​ပဵၼ်​ငဝ်ႈ​ပဵၼ်​ႁူဝ်​မဵဝ်း​ပူႇ​မဵဝ်း​ပေႃႈ​ၶဝ်​ႁင်း​ၽႂ်​ႁင်း​မၼ်း၊ ဢၼ်​ပဵၼ် ၶုၼ်​ၼႂ်း​ၸိူဝ်ႉ​ၶိူဝ်း​ၶဝ်​လႄႈ ဢုပ်ႉ​ၼိူဝ်​ၵူၼ်း​ၸိူဝ်း​ဢၼ်​ၶဝ်ႈ​ပႃး​ၼႂ်း​ၸရၢင်း​တင်း​လၢႆ​ၸိူဝ်း​ၼၼ်ႉ၊-</verse>
				<verse number="3">ဢဝ်​တၢင်း​ပုၵ်ႈ​ၸေႃႇ​ၶဝ်​ဢၼ်​ဝႃႈ လေႃႉရထႃး​ဢၼ်​ပႃး​ဢၼ်​မုင်း​ႁူၵ်း​လင် တင်း​ဝူဝ်း​ပေႃႈ​သိပ်း​သွင်​တူဝ်၊ ၶုၼ်​ယေႈ​ပႃႈ ဝူဝ်း​ပေႃႈ​ယေႈ​တူဝ်၊ ၶုၼ်​သွင်​ပႃး လေႃႉရထႃး​ယေႈ​လင်​မႃး​တီႈ​ထႃႇဝရႃႉ​ၽြႃး​လႄႈ သၢၵ်ႈ​ၵၢပ်ႈ​ၵႃႈ​တီႈ​ၽၢႆႇ​ၼႃႈ​သုမ်ႉ​ထဵင်​ၸဝ်ႈ​ဢေႃႈ။-</verse>
				<verse number="4">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="5">မႂ်း​ၶၢမ်ႇ​ဢဝ်​ၸိူဝ်း​ၼၼ်ႉ​တီႈ​ၶဝ်​ၼၼ်ႉ ပုၼ်ႈ​ဢၼ်​တၵ်း​ပွင်​ႁဵတ်း​ဢမူႉ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ ဢၢပ်ႈ​ပၼ်​တီႈ​ၵူၼ်း​မဵဝ်း​ လေႇဝီႉ ႁင်း​ၽႂ်​ႁင်း​မၼ်း ၸွမ်း​ၵႃႈ​ၼင်ႇ​ဢၼ် ၶဝ်​တၵ်း​လႆႈ​ပွင်​လႆႈ​ႁဵတ်း​ဢမူႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မူဝ်းသေႇ ​ၶၢမ်ႇ​ဢဝ်​လေႃႉရထႃး ဢိၵ်ႇ​တင်း​ဝူဝ်း​ၸိူဝ်း​ၼၼ်ႉ​လႄႈ ဢၢပ်ႈ​ပၼ်​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="7">မၼ်း​ဢဝ်​လေႃႉရထႃး​သွင်​လင်​တင်း​ဝူဝ်း​သီႇ​တူဝ် ဢၢပ်ႈ​ပၼ်​တီႈ​ၵူၼ်း​ၸိူဝ်ႉ​ၶိူဝ်း​ ၵေႇရသုၼ်ႇ ​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ် ၶဝ်​မီး​တီႈ​တၵ်း​ပွင်​တၵ်း​ႁဵတ်း​ဢမူႉ​ၼၼ်ႉ၊-</verse>
				<verse number="8">ဢိၵ်ႇ​တင်း​ဢဝ်​လေႃႉရထႃး​သီႇ​လင်​တင်း​ဝူဝ်း​ပႅတ်ႇ​တူဝ် ဢၢပ်ႈ​ပၼ်​တီႈ​ၵူၼ်း​ၸိူဝ်ႉ​ၶိူဝ်း​ မေႇရႃႇရီႉ ​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ် ၶဝ်​မီး​တီႈ​တၵ်း​ပွင်​တၵ်း​ႁဵတ်း​ဢမူႉ​ၼၼ်ႉ​ၵႃႈ​ၼႂ်း​မိုဝ်း​ ဢီႉသမႃႇ လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇရုၼ်ႇ ​ၼၼ်ႉ​ဢေႃႈ။-</verse>
				<verse number="9">တီႈ​ၵူၼ်း​ၸိူဝ်ႉ​ၶိူဝ်း​ ၵေႃႇႁတ်ႉ ​ၸိူဝ်း​ၼၼ်ႉ​ၸိုင်၊ မၼ်း​ဢမ်ႇ​ဢဝ်​လေႃႉရထႃး​တင်း​ဝူဝ်း​ပၼ်။ လွင်ႈ​မၼ်း​ၸမ်ႉ တၢင်း​ဢၼ်​ၶဝ်​တၵ်း​လႆႈ​ပွင်​ႁဵတ်း​ဢမူႉ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ ၸၢပ်ႈ​သႅင်ႇ​ၵၼ်​တင်း​ၶဝ်​လႄႈ ၶဝ်​တၵ်း​လႆႈ​ဢဝ်​ႁၢပ်ႇ​တၢင်ႇ​ၵႃႈ​ၼိူဝ်​ႁူဝ်​မႃႇ​ၶဝ်​ၵႂႃႇ​ဢေႃႈ။</verse>
				<verse number="10">ဝၼ်း​ဢၼ်​ဢဝ်​ၼမ်ႉ​မၼ်း​တႃး​ယိတ်ႈပလၢင်ႇ​ၼၼ်ႉ၊ ၶုၼ်​တင်း​လၢႆ​ဢွၼ်​ၵၼ်​ပုၵ်ႈ​ၸေႃႇ​ပုၼ်ႈ​ဢၼ်​တၵ်း​ႁဵတ်း ဢၼူႉမေႃးတၼႃႇ​ယိတ်ႈပလၢင်ႇ​ဢၼ်​ဝႃႈ ၶုၼ်​တင်း​လၢႆ​ဢွၼ်​ၵၼ်​ႁဵတ်း​တင်း​ပုၵ်ႈ​ၸေႃႇ​ၶဝ် ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ဢေႃႈ။-</verse>
				<verse number="11">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၶုၼ်​တင်း​လၢႆ​တၵ်း​လႆႈ​ဢွၼ်​ၵၼ်​ႁဵတ်း​တၢင်း​ပုၵ်ႈ​ၸေႃႇ​ၶဝ်​ႁင်း​ၽႂ်​ႁင်း​မၼ်း ၸွမ်း​ၵႃႈ​ၼင်ႇ​ဢၼ်​ဝၼ်း​ၽႂ်​ဝၼ်း​မၼ်း​မီး​ၼၼ်ႉ ပုၼ်ႈ​ဢၼ်​တၵ်း​ႁဵတ်း​ဢၼူႉမေႃးတၼႃႇ​ယိတ်ႈပလၢင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၼင်ႇ​ၼၼ်​လႄႈ ၵေႃႉ​ဢၼ်​သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​မၼ်း ဝၼ်း​ပထမႃႉ​ၼၼ်ႉ​ၸမ်ႉ၊ ပဵၼ်​ ၼႃႇသုၼ်ႇ ​လုၵ်ႈ​ၸၢႆး​ ဢမီႉၼတပ်ႉ ဢၼ်​ပဵၼ်​ၸိူဝ်ႉ​ၶိူဝ်း​ ယူႉတႃႉ ​ၼၼ်ႉ​ဢေႃႈ။-</verse>
				<verse number="13">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ​ၵျၢပ်ႈ​ သၶေးလႃႉ မီး​ပၢၵ်ႇ​ပၢႆ​သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်​လေႃး​ၼၼ်ႉ တင်း​သွင်​လုၵ်ႈ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="14">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="15">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="16">ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="17">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ်​ ၼႃႇသုၼ်ႇ ​လုၵ်ႈ​ၸၢႆး​ ဢမီႉၼတပ်ႉ ​ၼၼ်ႉ သၢၵ်ႈ​ၵၢပ်ႈ​ဢေႃႈ။</verse>
				<verse number="18">ဝၼ်း​တူႉတီႉယႃႉ​ၼၼ်ႉ၊ ၼႃႇသၼေႇလႃႉ လုၵ်ႈ​ၸၢႆး​ ၸူႉဢႃႇ ဢၼ်​ပဵၼ်​ၶုၼ်​ၼႂ်း​ၸိူဝ်ႉ​ၶိူဝ်း ဢီႉသၶႃႇ ​ၼၼ်ႉ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢေႃႈ။-</verse>
				<verse number="19">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ ၵျၢပ်ႈ​ သၶေးလႃႉ မီး​ပၢၵ်ႇ​ပၢႆ သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ တင်း​သွင်​လုၵ်ႈ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="20">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="21">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="22">ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="23">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ်​ ၼႃႇသၼေႇလႃႉ လုၵ်ႈ​ၸၢႆး​ ၸူႉဢႃႇ ​ၼၼ်ႉ​သၢၵ်ႈ​ၵၢပ်ႈ​ဢေႃႈ။</verse>
				<verse number="24">ဝၼ်း​တႃႉတီႉယႃႉ​ၼၼ်ႉ၊ ဢေးလျႃႇၽႃႉ လုၵ်ႈ​ၸၢႆး​ ႁေႇလုၼ်ႇ ဢၼ်​ပဵၼ်​ၶုၼ်​ၼႂ်း​ၸိူဝ်ႉ​ၶိူဝ်း ၸေႇပူႉလုၼ်ႇ ​ၼၼ်ႉ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢေႃႈ။-</verse>
				<verse number="25">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ​ၵျၢပ်ႈ​ သၶေးလႃႉ မီး​ပၢၵ်ႇ​ပၢႆ​သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ တင်း​သွင်​လုၵ်ႈ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="26">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="27">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="28">ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="29">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ဢေးလျႃႇၽႃႉ လုၵ်ႈ​ၸၢႆး​ ႁေႇလုၼ်ႇ ​ၼၼ်ႉ သၢၵ်ႈ​ၵၢပ်ႈ​ဢေႃႈ။</verse>
				<verse number="30">ဝၼ်း​ၸတုၵ်ႉထႃႉ​ၼၼ်ႉ၊ ဢေးလီႉၸူႉရႃႉ လုၵ်ႈ​ၸၢႆး​ သေႇတူႉရႃႉ ဢၼ်​ပဵၼ်​ၶုၼ်​ၼႂ်း​ၸိူဝ်ႉ​ၶိူဝ်း​ ရူႉပိၼ်ႇ ​ၼၼ်ႉ​သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢေႃႈ။-</verse>
				<verse number="31">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ​ၵျၢပ်ႈ​ သၶေးလႃႉ မီး​ပၢၵ်ႇ​ပၢႆ​သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ တင်း​သွင်​လုၵ်ႈ ပုၼ်ႈ​တင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="32">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="33">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="34">ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="35">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ဢေးလီႉၸူႉရႃႉ လုၵ်ႈ​ၸၢႆး​ သေႇတူႉရႃႉ ​ၼၼ်ႉ သၢၵ်ႈ​ၵၢပ်ႈ​ဢေႃႈ။</verse>
				<verse number="36">ဝၼ်း​ပိၼ်ႇၸမႃႉ​ၼၼ်ႉ၊ သေႇလူႉမျေးလႃႉ လုၵ်ႈ​ၸၢႆး​ ၸူႉရီႉသတ်ႉတေႇ ဢၼ်​ပဵၼ်​ၶုၼ်​ၼႂ်း​ၸိူဝ်ႉ​ၶိူဝ်း သီႉမုၼ်ႇ ​ၼၼ်ႉ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢေႃႈ။-</verse>
				<verse number="37">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ​ၵျၢပ်ႈ​ သၶေးလႃႉ မီး​ပၢၵ်ႇ​ပၢႆ​သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ တင်း​သွင်​လုၵ်ႈ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="38">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="39">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="40">ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="41">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် သေႇလူႉမျေးလႃႉ လုၵ်ႈ​ၸၢႆး​ ၸူႉရီႉသတ်ႉတေႇ ​ၼၼ်ႉ​သၢၵ်ႈ​ၵၢပ်ႈ​ဢေႃႈ။</verse>
				<verse number="42">ဝၼ်း​သႃႉထမႃႉ​ၼၼ်ႉ၊ ဢေးလျႃႇသပ်ႉ လုၵ်ႈ​ၸၢႆး​ တုၺ်းလႃႉ ဢၼ်​ပဵၼ်​ၶုၼ်​ၼႂ်း​ၸိူဝ်ႉ​ၶိူဝ်း​ ၵၢတ်ႉ ​ၼၼ်ႉ သၢၵ်ႈ​ၵၢပ်ႈ တၢင်း​ပုၵ်ႈ​ၸေႃႇ​ဢေႃႈ။-</verse>
				<verse number="43">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ​ၵျၢပ်ႈ​ သၶေးလႃႉ မီး​ပၢၵ်ႇ​ပၢႆ​သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ တင်း​သွင်​လုၵ်ႈ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="44">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="45">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="46">ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="47">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ဢေးလျႃႇသပ်ႉ လုၵ်ႈ​ၸၢႆး​ တုၺ်းလႃႉ ​ၼၼ်ႉ​သၢၵ်ႈ​ၵၢပ်ႈ​ဢေႃႈ။</verse>
				<verse number="48">ဝၼ်း​သတ်ႉတမႃႉ​ၼၼ်ႉ၊ ဢေးလီႉသမႃႇ လုၵ်ႈ​ၸၢႆး​ ဢမီႉႁုတ်ႉ ၊ ဢၼ်​ပဵၼ်​ၶုၼ်​ၼႂ်း​ၸိူဝ်ႉ​ၶိူဝ်း ဢေႇၽရိမ်ႇ ​ၼၼ်ႉ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢေႃႈ။-</verse>
				<verse number="49">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ​ၵျၢပ်ႈ​ သၶေးလႃႉ မီး​ပၢၵ်ႇ​ပၢႆ​သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ တင်း​သွင်​လုၵ်ႈ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="50">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="51">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ၊ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="52">ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="53">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ဢေးလီႉသမႃႇ လုၵ်ႈ​ၸၢႆး​ ဢမီႉႁုတ်ႉ ​ၼၼ်ႉ သၢၵ်ႈ​ၵၢပ်ႈ​ဢေႃႈ။</verse>
				<verse number="54">ဝၼ်း​ဢႃႉထမႃႉ​ၼၼ်ႉ၊ ၵႃႇမလျေးလႃႉ လုၵ်ႈ​ၸၢႆး​ ပေႇတႃႉၸူႉရႃႉ ဢၼ်​ပဵၼ်​ၶုၼ်​ၼႂ်း​ၸိူဝ်ႉ​ၶိူဝ်း မၼႃႇ​သေႇ ​ၼၼ်ႉ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢေႃႈ။-</verse>
				<verse number="55">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ​ၵျၢပ်ႈ​ သၶေးလႃႉ မီး​ပၢၵ်ႇ​ပၢႆ​သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ တင်း​သွင်​လုၵ်ႈ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="56">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="57">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="58">ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="59">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ၵႃႇမလျေးလႃႉ လုၵ်ႈ​ၸၢႆး​ ပေႇတႃႉၸူႉရႃႉ ​ၼၼ်ႉ​သၢၵ်ႈ​ၵၢပ်ႈ​ဢေႃႈ။</verse>
				<verse number="60">ဝၼ်း​ၼဝမႃႉ​ၼၼ်ႉ၊ ဢၽီႉတၼ်ႇ လုၵ်ႈ​ၸၢႆး​ ၵီႉတေႃးၼီႉ ဢၼ်​ပဵၼ်​ၶုၼ်​ၼႂ်း​ၸိူဝ်ႉ​ၶိူဝ်း ပိၼ်ႇယႃႇမိၼ်ႇ ​ၼၼ်ႉ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢေႃႈ။-</verse>
				<verse number="61">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ​ၵျၢပ်ႈ​ သၶေးလႃႉ မီး​ပၢၵ်ႇ​ပၢႆ​သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ တင်း​သွင်​လုၵ်ႈ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="62">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="63">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="64">ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="65">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ဢၽီႉတၼ်ႇ လုၵ်ႈ​ၸၢႆး​ ၵီႉတေႃးၼီႉ ​ၼၼ်ႉ သၢၵ်ႈ​ၵၢပ်ႈ​ဢေႃႈ။</verse>
				<verse number="66">ဝၼ်း​တႃႉသမႃႉ​ၼၼ်ႉ၊ ဢႁေႇၸႃႇ လုၵ်ႈ​ၸၢႆး​ ဢမီႉသတ်ႉတေႇ ဢၼ်​ပဵၼ်​ၶုၼ်​ၼႂ်း​ၸိူဝ်ႉ​ၶိူဝ်း​ တၢၼ်ႇ ​ၼၼ်ႉ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢေႃႈ။-</verse>
				<verse number="67">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ​ၵျၢပ်ႈ​ သၶေးလႃႉ မီး​ပၢၵ်ႇ​ပၢႆ​သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ တင်း​သွင်​လုၵ်ႈ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="68">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="69">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ၊ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="70">ပႄႉ​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="71">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ဢႁေႇၸႃႇ လုၵ်ႈ​ၸၢႆး​ ဢမီႉသတ်ႉတေႇ ​ၼၼ်ႉ သၢၵ်ႈ​ၵၢပ်ႈ​ဢေႃႈ။</verse>
				<verse number="72">ဝၼ်း​ဢေႇၵႃႉတႃႉသမႃႉ​ၼၼ်ႉ၊ ပႃႇၵျေႇလႃႉ လုၵ်ႈ​ၸၢႆး​ ဢွၵ်ႉရၼ်ႇ ဢၼ်​ပဵၼ်​ၶုၼ်​ၼႂ်း​ၸိူဝ်ႉ​ၶိူဝ်း​ ဢႃႇသႃႇ ​ၼၼ်ႉ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢေႃႈ။-</verse>
				<verse number="73">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ​ၵျၢပ်ႈ​ သၶေးလႃႉ မီး​ပၢၵ်ႇ​ပၢႆႈ​သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ တင်း​သွင်​လုၵ်ႈ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="74">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="75">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="76">ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="77">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ပႃႇၵျေႇလႃႉ လုၵ်ႈ​ၸၢႆး​ ဢွၵ်ႉရၼ်ႇ ​ၼၼ်ႉ သၢၵ်ႈ​ၵၢပ်ႈ​ဢေႃႈ။</verse>
				<verse number="78">ဝၼ်း​တႂႃႇ​တႃႉသမႃႉ​ၼၼ်ႉ၊ ဢႁီႉရႃႉ ​လုၵ်ႈ​ၸၢႆး​ ဢေႇၼၼ်ႇ ဢၼ်​ပဵၼ်​ၶုၼ်​ၼႂ်း​ၸိူဝ်ႉ​ၶိူဝ်း ၼပ်ႉထလီႉ ​ၼၼ်ႉ သၢၵ်ႈ​ၵၢပ်ႈ တၢင်း​ပုၵ်ႈ​ၸေႃႇ​ဢေႃႈ။-</verse>
				<verse number="79">တၢင်း​ဢၼ်​မၼ်း​သၢၵ်ႈ​ၵၢပ်ႈ​ၼၼ်ႉ​ၸမ်ႉ၊ ပဵၼ်​မေႃႈ​ဢႅင်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​ၸွမ်း​လူၺ်ႈ​ငိုၼ်း​ၸဝ်ႈ​ၵျၢပ်ႈ​ သၶေးလႃႉ မီး​ပၢၵ်ႇ​ပၢႆ​သၢမ်​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ၊ ဝၢၼ်ႇ​ငိုၼ်း​ဢၼ်​ၼမ်ႉ​ၼၵ်း​မၼ်း​မီး​ၸဵတ်း​သိပ်း​ၵျၢပ်ႈ​ၼၼ်ႉ​လုၵ်ႈ​ၼိုင်ႈ ဢၼ်​တဵမ်​ဝႆႉ​တင်း​ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ တင်း​သွင်​လုၵ်ႈ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="80">ၸေႃႉ​ၶမ်း​ဢၼ်​ၼမ်ႉ​ၼၵ်း​မၼ်း​မီး​သိပ်း​ၵျၢပ်ႈ​လႄႈ တဵမ်​ဝႆႉ​တင်း​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး၊-</verse>
				<verse number="81">ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊-</verse>
				<verse number="82">ပႄႉ​ပေႃႈ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ၊-</verse>
				<verse number="83">ဝူဝ်း​သွင်​တူဝ်၊ သူဝ်း​ပေႃႈ​ႁႃႈ​တူဝ်၊ ပႄႉ​ပေႃႈ​ႁႃႈ​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁႃႈ​တူဝ် ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ဢႁီႉရႃႉ လုၵ်ႈ​ၸၢႆး​ ဢေႇၼၼ်ႇ ​ၼၼ်ႉ​သၢၵ်ႈ​ၵၢပ်ႈ​ဢေႃႈ။</verse>
				<verse number="84">ၼင်ႇ​ၼၼ်​လႄႈ တၢင်း​ဢၼ်​ၶဝ်​ၸိူဝ်း​ဢၼ်​ပဵၼ်​ၶုၼ်​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢွၼ်​ၵၼ် သၢၵ်ႈ​ၵၢပ်ႈ​ပုၼ်ႈ​ဢၼ်​တၵ်း​ႁဵတ်း​ဢၼူႉမေႃးတၼႃႇ​ယိတ်ႈပလၢင်ႇ​ၼၼ်ႉ ၼႂ်း​မိုဝ်ႉ​ဝၼ်း​ဢၼ်​ဢဝ်​ၼမ်ႉ​မၼ်း​တႃး​ယိတ်ႈပလၢင်ႇ​ၼၼ်ႉ​ၸမ်ႉ၊ မီး​မေႃႈ​ဢႅင်ႇ​ငိုၼ်း​သိပ်း​သွင်​လုၵ်ႈ၊ ဝၢၼ်ႇ​ငိုၼ်း​သိပ်း​သွင်​လုၵ်ႈ၊ ၸေႃႉ​ၶမ်း​သိပ်း​သွင်​မၢၵ်ႈ​ဢေႃႈ။-</verse>
				<verse number="85">ၼမ်ႉ​ၼၵ်း​မေႃႈ​ဢႅင်ႇ​ငိုၼ်း​ၸိူဝ်း​ၼၼ်ႉ​ၸမ်ႉ၊ ယေႈ​လုၵ်ႈ​မီး​ယေႈ​ပၢၵ်ႇ​ပၢႆ​သၢမ်​သိပ်း​ၵျၢပ်ႈ၊ ၼမ်ႉ​ၼၵ်း​ဝၢၼ်ႇ​ငိုၼ်း​ၸိူဝ်း​ၼၼ်ႉ​ၸမ်ႉ၊ ယေႈ​လုၵ်ႈ​မီး​ယေႈ​ၸဵတ်း​သိပ်း​ၵျၢပ်ႈ​လႄႈ၊ ၼမ်ႉ​ၼၵ်း​ငိုၼ်း​ၶိူင်ႈ​ပိူင်​ၵႃႈ​မီး​ၸိူဝ်း​ၼၼ်ႉ​ၸမ်ႉ၊ ၸွမ်း​လူၺ်ႈ​ၼမ်ႉ​ၼၵ်း​ငိုၼ်း​ၸဝ်ႈ ၵျၢပ်ႈ​ သၶေးလႃႉ ​ၼၼ်ႉ​လႄႈ မီး​သွင်​ႁဵင်​ပၢႆ​သီႇ​ပၢၵ်ႇ​ၵျၢပ်ႈ​ဢေႃႈ။-</verse>
				<verse number="86">ၼမ်ႉ​ၼၵ်း​ၸေႃႉ​ၶမ်း​သိပ်း​သွင်​မၢၵ်ႈ ဢၼ်​တဵမ်​ဝႆႉ​တင်း​ၼၢမ်ႇ​သႃႇ ဢၼ်​တၵ်း​တုတ်ႇ​ၽႆး​ၸိူဝ်း​ၼၼ်ႉ​ၸမ်ႉ၊ ၸွမ်း​လူၺ်ႈ​ၼမ်ႉ​ၼၵ်း ငိုၼ်း​ၸဝ်ႈ​ၵျၢပ်ႈ​ သၶေးလႃႉ ​သေ​လႄႈ ယေႈ​မၢၵ်ႈ​မီး​ယေႈ​သိပ်း​ၵျၢပ်ႈ​လႄႈ၊ ၼမ်ႉ​ၼၵ်း​ၶမ်း ၸေႃႉ​ၸိူဝ်း​ၼၼ်ႉ​ၸမ်ႉ၊ မီး​ပၢၵ်ႇ​ပၢႆ​သၢဝ်း​ၵျၢပ်ႈ​ဢေႃႈ။-</verse>
				<verse number="87">ၼွၵ်ႈ​ၼႆႉ​မီး​ဝူဝ်း​ပုၼ်ႈ​ယိတ်ႈ​ဢၼ်​တုတ်ႇ​ၽႆး​ၼၼ်ႉ တင်း​သဵင်ႈ​တင်း​လူင်​သိပ်း​သွင်​တူဝ်၊ သူဝ်း​ပေႃႈ​သိပ်း​သွင်​တူဝ်၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​သိပ်း​သွင်​တူဝ် ဢိၵ်ႇ​တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း ႁင်း​ၽႂ်​ႁင်း​မၼ်း၊ ပႄႉ​ပေႃႈ​ဢွၼ်ႇ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​သိပ်း​သွင်​တူဝ်၊-</verse>
				<verse number="88">ဝူဝ်း​ပုၼ်ႈ​ယိတ်ႈ​မိၵ်ႉသႃႇႁႃယႃႉ​ၼၼ်ႉ တင်း​သဵင်ႈ​တင်း​လူင် သၢဝ်း​သီႇ​တူဝ်၊ သူဝ်း​ပေႃႈ​ႁူၵ်း​သိပ်း၊ ပႄႉ​ပေႃႈ​ႁူၵ်း​သိပ်း၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ႁူၵ်း​သိပ်း​တူဝ်​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် သၢၵ်ႈ​ၵၢပ်ႈ​ပုၼ်ႈ​ဢၼ်​ႁဵတ်း​ဢၼူႉမေႃးတၼႃႇ ယိတ်ႈပလၢင်ႇ လိုၼ်း​သေ​ဢဝ်​ၼမ်ႉ​မၼ်း​တႃး​ယိတ်ႈပလၢင်ႇ​ၼၼ်ႉ​ဢေႃႈ။-</verse>
				<verse number="89">မိူဝ်ႈ​ဢၼ်​ မူဝ်းသေႇ ​ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ႁႂ်ႈ​လႆႈ​လဝ်ႊ​လၢတ်ႈ​တေႃႇ​မၼ်း​ၸဝ်ႈ​ၼၼ်ႉ​ၸိုင်၊ မၼ်း​ငိၼ်း​သဵင်​ၸဝ်ႈ ႁွင်ႉ​မၼ်း​ၵႃႈ​ၼိူဝ်​ပလၢင်ႇ တီႈ​ၽေႇ​ဢပႅတ်ႈ​ဢၼ်​တၢင်ႇ​ဝႆႉ ၵႃႈ​ၼိူဝ်​တိူၵ်ႈ​တႃႇ​ၶိူင်ႈ​ၶၢမ်ႇ​သၢၵ်ႈ​သေႇ​ၵႃႈ​တီႈ​ၼႂ်း​ၵႄႈ​ဝူင်ႈ​ၵၢင် ၶေႇရူႉၽဵမ်ႇ ​ၸိူဝ်း​ၼၼ်ႉ​လႄႈ၊ မၼ်း​ဢိူဝ်​ဢေႃႈ။</verse>
			</chapter>
			<chapter number="8">
				<verse number="1">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">သင်ႇ​လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ မိူဝ်ႈ​ဢၼ်​မႂ်း​တႆႈ​ဝၢၼ်ႇ​တႆႈ​ၽႆး​ၸိူဝ်း​ၼၼ်ႉ​ၸိုင်၊ ဝၢၼ်ႇ​တႆႈ​ၽႆး​ၸဵတ်း​လုၵ်ႈ​ၸိူဝ်း​ၼၼ်ႉ တၵ်း​လႆႈ​လႅင်း​ထွင်ႇ​ၵႂႃႇ​သိုဝ်ႈ​ၽၢႆႇ​ၼႃႈ​ၶူင်ႇ​တီႈ​တႆႈ​ၽႆး​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ဢႃႇရုၼ်ႇ ​ႁဵတ်း​ၸိူဝ်ႉ​ၼင်ႇ​ၼၼ်​လႄႈ တႆႈ​ဝၢၼ်ႇ​တႆႈ​ၽႆး​ၸိူဝ်း​ၼၼ်ႉ ႁႂ်ႈ​လႅင်း​ထွင်ႇ​ၵႂႃႇ​သိုဝ်ႈ​ၽၢႆႇ​ၼႃႈ​ၶူင်ႇ​တီႈ​တႆႈ​ၽႆး​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="4">ၶူင်ႇ​တီႈ​တႆႈ​ၽႆး​ၼၼ်ႉ​ၸမ်ႉ၊ ဢဝ်​ၶမ်း​တွင်ႈ​ႁဵတ်း​ဢေႃႈ။ ၸႃႉ​ၸဵမ်​တိၼ်​မၼ်း​တေႃႇ​ထိုင်​ႁွတ်ႈ​မွၵ်ႇ​မူဝ်​မၼ်း​ၸိူဝ်း​ၼၼ်ႉ​လႄႈ ဢဝ်​တွင်ႈ​ႁဵတ်း​ပဵၼ်​ၼိူဝ်ႉ​လဵဝ်​ၵၼ်​ဢေႃႈ။ မႅၼ်ႈ​ၸွမ်း​ၵႃႈ​ၼင်ႇ​ပုင်ႇ​ဢၼ်​ထႃႇဝရႃႉ​ၽြႃး ၼႄ​ပျႃး​တီႈ​ မူဝ်းသေႇ ​ၼၼ်ႉ၊ မၼ်း​ႁဵတ်း​ၶူင်ႇ​တီႈ​တႆႈ​ၽႆး​ၼၼ်ႉ​ၸွမ်း​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="5">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="6">ၼုၵ်ႈ​ဢဝ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢွၵ်ႇ​သေ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ႁႂ်ႈ​ၶဝ်​မူတ်း​သႂ်​တႃႉ။-</verse>
				<verse number="7">လွင်ႈ​တၢင်း​ဢၼ်​တၵ်း​လႆႈ​ႁဵတ်း​တီႈ​ၶဝ်​ႁႂ်ႈ​ၶဝ်​လႆႈ​မူတ်း​သႂ်​ၸမ်ႉ၊ မႂ်း​တၵ်း​လႆႈ​ဢဝ်​ၼမ်ႉ​မင်ႇၵလႃႇ​တၢင်း​ဢၼ်​မူတ်း​သႂ်​ၼၼ်ႉ ၽႅတ်း​သႂ်ႇ​ၵႃႈ​ၼိူဝ်​ၶဝ်​လႄႈ ႁႂ်ႈ​ၶဝ်​ႁဵတ်း​တၢင်း​ဢၼ်​ထႃ​ၶူၼ်​တင်း​တူဝ်​တင်း​ၶိင်း၊ တၢင်း​ဢၼ်​သၵ်ႉ​ၶူဝ်း​သၵ်ႉ​လဵင်း​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​ဢေႃႈ။-</verse>
				<verse number="8">ၶဝ်​တၵ်း​လႆႈ​ဢဝ်​ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ ဢိၵ်ႇ​တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢၼ်​ဝႃႈ ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ​လႄႈ မႂ်း​တၵ်း​လႆႈ​ဢဝ်​ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​ထႅင်ႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​သေ​လႄႈ၊-</verse>
				<verse number="9">ႁွင်ႉ​ဢဝ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ မႃး​ၵႃႈ​တီႈ​ၽၢႆႇ​ၼႃႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ ႁႂ်ႈ​ပရဵၵ်ႈသၢတ်ႈ​ၵူၼ်း​မဵဝ်း ဢီႉသရေႇလႃႉ ​တင်း​သဵင်ႈ​တင်း​လူင်​ၸူႉ​ၵၼ်​တုမ်​ၵၼ်​သေ​ယဝ်ႉ၊-</verse>
				<verse number="10">ဢဝ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ မႃး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ဢဝ်​မိုဝ်း​တၢင်ႇ​သေ​လႄႈ၊-</verse>
				<verse number="11">ဢႃႇရုၼ်ႇ တၵ်း​လႆႈ​ဢဝ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး​ပုၼ်ႈ​တၢင်း​ပုၵ်ႈ​ၸေႃႇ ဢၼ်​ယွင်ႈ​ၵႂႆ တၢင်​တူဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပုၼ်ႈ​လွင်ႈ​ၼင်ႇ​ႁိုဝ်​ၶဝ်​တၵ်း​ပွင်​ႁဵတ်း​ဢမူႉ​ထႃႇဝရႃႉ​ၽြႃး​ဢေႃႈ။-</verse>
				<verse number="12">ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၵေႃႈ တၵ်း​လႆႈ​ဢွၼ်​ၵၼ်​ဢဝ်​မိုဝ်း​တူဝ်​ၸဝ်ႈ​ၵဝ်ႇ တၢင်ႇ​ၵႃႈ​ၼိူဝ်​ႁူဝ်​ဝူဝ်း​ၸိူဝ်း​ၼၼ်ႉ​လႄႈ၊ မႂ်း​တၵ်း​လႆႈ​ဢဝ်​ဝူဝ်း​တူဝ်​ၼိုင်ႈ ႁဵတ်း​ယိတ်ႈ​ဢၼ်​ၽေႇ​ဢပႅတ်ႈ၊ ဢဝ်​တူဝ်​ၼိုင်ႈ​ႁဵတ်း​ယိတ်ႈ​ဢၼ်​တုတ်ႇ​ၽႆး​လႄႈ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ႁႂ်ႈ​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ ပုၼ်ႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="13">မႂ်း​တၵ်း​လႆႈ​ဢဝ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဝႆႉ​ၵႃႈ​တီႈ​ၽၢႆႇ​ၼႃႈ​ ဢႃႇရုၼ်ႇ ​ဢိၵ်ႇ​တင်း​လုၵ်ႈ​ၸၢႆး​မၼ်း​တင်း​လၢႆ​လႄႈ ႁဵတ်း​တၢင်း​ပုၵ်ႈ​ၸေႃႇ​ဢၼ်​ယွင်ႈ​ၵႂႆ တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="14">ၼင်ႇ​ၼၼ်​လႄႈ မႂ်း​တၵ်း​လႆႈ​ၽႄ​ဢဝ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဝႆႉ ႁင်း​ၽႂ်​ႁင်း​မၼ်း​သေ​လႄႈ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ တၵ်း​လႆႈ​ပဵၼ်​ၵူၼ်း​ၵဝ်​ဢေႃႈ။-</verse>
				<verse number="15">လိုၼ်း​ၼၼ်ႉ​ၸင်ႇ၊ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ တၵ်း​လႆႈ​ၶဝ်ႈ​ႁႂ်ႈ​လႆႈ​ပွင်​လႆႈ​ႁဵတ်း​ဢမူႉ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။ မႂ်း​တၵ်း​လႆႈ​ႁႂ်ႈ​ၶဝ်​မူတ်း​သႂ်​လႄႈ ဢဝ်​ၶဝ်​ႁဵတ်း​တၢင်း​ပုၵ်ႈ​ၸေႃႇ ဢၼ်​ယွင်ႈ​ၵႂႆ​ၼၼ်ႉ​ဢေႃႈ။-</verse>
				<verse number="16">ၶဝ်​ၼၼ်ႉ​ပဵၼ်​ဢၼ်​ၼုၵ်ႈ​ဢွၵ်ႇ​သေ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ပၼ်​တီႈ​ၵဝ်​လုမ်း​လုမ်း​ဢေႃႈ။ ၵဝ်​သိမ်း​ဢဝ်​ၶဝ် ပုၼ်ႈ​တၢင်​တူဝ်​လုၵ်ႈ​ၸၢႆး​တူၼ်ႈ ဢၼ်​ၵိူတ်ႇ​လဵင်ႉ​ဢွၼ်​တၢင်း ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="17">လွင်ႈ​မၼ်း​ၸမ်ႉ ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ၊ ပဵၼ်​ၵူၼ်း​သေ​ဢမ်ႇ​ဝႃႈ၊ ပဵၼ်​တရိၵ်ႈသၢၼ်ႇ​သေ​ဢမ်ႇ​ဝႃႈ၊ လုၵ်ႈ​ၸၢႆး​တူၼ်ႈ​တင်း​သဵင်ႈ​တင်း​လူင် ပဵၼ်​ဢုၵ်ႉ​ၸႃႇ​ၵဝ်​ဢေႃႈ။ ၼႂ်း​ဝၼ်း​ဢၼ်​ၵဝ်​ပၼ်​တၢမ်ႇ​တီႈ​လုၵ်ႈ​ၸၢႆး​တူၼ်ႈ​တင်း​လၢႆ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ၊ ၵဝ်​ႁႂ်ႈ​ၶဝ်​မူတ်း​ၸၢင်ႇ​ပုၼ်ႈ​ၵဝ်​ဢေႃႈ။-</verse>
				<verse number="18">ၵဝ်​ဢဝ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ပုၼ်ႈ​တၢင်​တူဝ်​လုၵ်ႈ​ၸၢႆး​တူၼ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢေႃႈ။-</verse>
				<verse number="19">ၵဝ်​ဢဝ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ သေ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢၢပ်ႈ​ပၼ်​တီႈ​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ပိူင်ႇ ႁႂ်ႈ​ၶဝ်​လႆႈ​ပွင်​လႆႈ​ႁဵတ်း​ဢမူႉ ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​လႆႈ​ပွင်​လႆႈ​ႁဵတ်း​ၵႃႈ​တီႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ဢိၵ်ႇ​တင်း​ႁႂ်ႈ​ၶဝ်​လႆႈ​ႁဵတ်း​တၢင်း​ဢၼ် ၽေႇ​ဢပႅတ်ႈ​ပုၼ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ လႆႈ​ၵၢင်း​လွတ်ႈ​တင်း​ၽေး​တၢမ်ႇ ၼႂ်း​မိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ဢေႃႈ။-</verse>
				<verse number="20">ၼင်ႇ​ၼၼ်​လႄႈ မူဝ်းသေႇ တင်း​ ဢႃႇရုၼ်ႇ ဢိၵ်ႇ​တင်း​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ႁဵတ်း​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢေႃႈ။ မႅၼ်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ မူဝ်းသေႇ ​လူၺ်ႈ​လွင်ႈ​ဢမူႉ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၼၼ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ႁဵတ်း​တီႈ​ၶဝ်​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="21">ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ႁဵတ်း​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​လႄႈ သၵ်ႉ​လွႆး​ၶူဝ်း​ၼုင်ႈ​ၶဝ်​ဢေႃႈ။ ဢႃႇရုၼ်ႇ ​ၵေႃႈ ဢဝ်​ၶဝ်​သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး ပုၼ်ႈ​တၢင်း​ပုၵ်ႈ​ၸေႃႇ​ဢၼ်​ယွင်ႈ​ၵႂႆ​သေ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ၶဝ်​လႄႈ ႁႂ်ႈ​ၶဝ်​မူတ်း​သႂ်​ဢေႃႈ။-</verse>
				<verse number="22">လိုၼ်း​ၼၼ်ႉ​ၸင်ႇ၊ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ၶဝ်ႈ​ၵႃႈ​ၼႂ်း​ႁႂ်ႈ​လႆႈ​ပွင်​လႆႈ​ႁဵတ်း​ဢမူႉ ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ၵႃႈ​တီႈ​ၽၢႆႇ​ၼႃႈ​ ဢႃႇရုၼ်ႇ ၊​ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ဢေႃႈ။ မႅၼ်ႈ​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ မူဝ်းသေႇ ​လူၺ်ႈ​လွင်ႈ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ၊ ၶဝ်​ႁဵတ်း​တီႈ​ၶဝ်​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="23">ထႃႇဝရႃႉ​ၽြႃး သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="24">လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၸမ်ႉ၊ ၶဝ်​ၸိူဝ်း​ဢၼ်​ဢသၢၵ်ႈ​လႆႈ​သၢဝ်း​ႁႃႈ​လႄႈ ဢသၢၵ်ႈ​လိူဝ်​သၢဝ်း​ႁႃႈ​ၵႂႃႇ​ၼၼ်ႉ တၵ်း​လႆႈ​ၶဝ်ႈ​ၼႂ်း​မုၵ်ႉ​ၼႂ်း​ၸိူဝ်း ႁႂ်ႈ​လႆႈ​ပွင်​လႆႈ​ႁဵတ်း​ဢမူႉ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ဢေႃႈ။-</verse>
				<verse number="25">ၶဝ်​ၸိူဝ်း​ဢၼ်​ဢသၢၵ်ႈ​လိူဝ်​ႁႃႈ​သိပ်း​ၵႂႃႇ​ၼၼ်ႉ တၵ်း​လႆႈ​လွတ်ႈ​တင်း​မုၵ်ႉ​တင်း​ၸိူဝ်း ႁႂ်ႈ​လႆႈ​ပွင်​လႆႈ​ႁဵတ်း​ဢမူႉ​ၼၼ်ႉ​လႄႈ၊ ၵမ်း​လိုၼ်း​ဢမ်ႇ​လႆႈ​ပွင်​လႆႈ​ႁဵတ်း​ဢမူႉ။-</verse>
				<verse number="26">ၶဝ်​တၵ်း​လႆႈ​ၸွႆႈ​ထႅမ်​လူၺ်ႈ​ၵၼ်​တင်း ပီႈ​ၼွင်ႉ​ၶဝ်​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ၊ ယင်း​ဢမ်ႇ​လႆႈ​ပွင်​လႆႈ​ႁဵတ်း​ဢမူႉ​ထႅင်ႈ​လႄႈ တၵ်း​လႆႈ​လူ​တူၺ်း​လုမ်း​လႃး​ယူႇ​ဢေႃႈ။ ၼင်ႇ​ၼၼ်​လႄႈ မႂ်း​တၵ်း​လႆႈ​ၸီႇ​ယၢင်ႇ​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ လူၺ်ႈ​လွင်ႈ​ဢမူႉ​ဢၼ်​ၶဝ်​တၵ်း​လႆႈ​ပႂ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="9">
				<verse number="1">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ၵႃႈ​ၼႂ်း​ထိူၼ်ႇ​ သီႉၼႃႉ ပီႊ​တူႉတီႉယႃႉ၊ လိူၼ်​ပထမႃႉ၊ လိုၼ်း​သေ​ဢၼ်​ၶဝ်​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​လႄႈ​ဝႃႈ၊-</verse>
				<verse number="2">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​လႆႈ​ၶၢမ်ႇ​ပွႆး​ ပႃႉသၶႃႇ ၼႂ်း​ၶိင်ႇ​ၶႃႇ​ၵႃႇလႃႉ​ဢၼ်​မၵ်း​ၶၢၼ်း​ဝႆႉ​ၼၼ်ႉ​ဢေႃႈ။-</verse>
				<verse number="3">လိူၼ်​ၼႆႉ လႆႈ​သိပ်း​သီႇ​ဝၼ်း ၶိင်ႇ​ႁူဝ်​ၶမ်ႈ​ဢၼ်​ဝႃႈ ၶိင်ႇ​ၶႃႇ​ၵႃႇလႃႉ​ဢၼ်​မၵ်း​ၶၢၼ်း​ဝႆႉ​ၼၼ်ႉ၊ သူ​တၵ်း​လႆႈ​ဢွၼ်​ၵၼ်​ပႂ်ႉ​ဢေႃႈ။ မႅၼ်ႈ​ၸွမ်း​ၼင်ႇ​ထုင်း​ၽိင်ႈ​တြႃး​ၵႃႈ​မီး ဢိၵ်ႇ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​လွင်ႈ​မၼ်း​ၵႃႈ​မီး​ၸိူဝ်း​ၼၼ်ႉ​သေ​လႄႈ သူ​တၵ်း​လႆႈ​ဢွၼ်​ၵၼ်​ပႂ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မူဝ်းသေႇ သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​လႆႈ​ၶၢမ်ႇ​ပွႆး​ ပႃႉသၶႃႇ ​ဢေႃႈ။-</verse>
				<verse number="5">ၼင်ႇ​ၼၼ်​လႄႈ လိူၼ်​ပထမႃႉ​သိပ်း​သီႇ​ဝၼ်း​ၶိင်ႇ​ႁူဝ်​ၶမ်ႈ​ၼၼ်ႉ ၶဝ်​ၶၢမ်ႇ​ပွႆး​ ပႃႉသၶႃႇ ​ၼၼ်ႉ ၵႃႈ​ၼႂ်း​ထိူၼ်ႇ​ သီႉၼႃႉ ​ဢေႃႈ။ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="6">မိူဝ်ႈ​ၼၼ်ႉ မီး​ၵူၼ်း​ဢၼ်​ႁွတ်ႈ​တၢင်း​ဢၼ်​ၵူဝ်ႈ​ၵိူၵ်ႇ​ၵွပ်ႈ​ပိူဝ်ႈ​တူဝ်​တၢႆ​ထၼ်ႈ​ပေႃး​ဢမ်ႇ​ၶၢမ်ႇ​ပွႆး​ ပႃႉသၶႃႇ ၼႂ်း​ဝၼ်း​ၼၼ်ႉ​လႆႈ​ၼၼ်ႉ ၵမ်ႈ​ၽွင်ႈ​လႄႈ ၶဝ်​ဢွၼ်​ၵၼ် သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ မူဝ်းသေႇ ​တင်း​ ဢႃႇရုၼ်ႇ ​ၼႂ်း​ဝၼ်း​ၼၼ်ႉ​ဢေႃႈ။-</verse>
				<verse number="7">ၶဝ်​ၼၼ်ႉ​ဢွၼ်​ၵၼ်​လဝ်ႊ​ထၢမ်​လႄႈ​ဝႃႈ၊ ႁဝ်း​ၶႃႈ​မီး​တၢင်း​ဢၼ်​ၵူဝ်ႈ​ၵိူၵ်ႇ​ၵွပ်ႈ​ပိူဝ်ႈ​တူဝ်​တၢႆ​ၵူၼ်း​ၶႃႈ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁႄႉ​ၶႅၼ်​ႁဝ်း​ၶႃႈ​ႁႂ်ႈ​ႁဝ်း​ၶႃႈ​ဢမ်ႇ​လႆႈ​ႁဵတ်း​တၢင်း​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​ၼႂ်း​ၶိင်ႇ​ၶႃႇ​ၵႃႇလႃႉ ဢၼ်​မၵ်း​ၶၢၼ်း​ဝႆႉ​ၼၼ်ႉ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မူဝ်းသေႇ ​ၵေႃႈ ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ သဝ်း​လူး​ၵွၼ်ႇ။ ၵဝ်​တၵ်း​ထွမ်ႇ​ငိၼ်း​ၵႂၢမ်း​ဢၼ်​ထႃႇဝရႃႉ​ၽြႃး မီး​ဢမိင်ႉ​လူၺ်ႈ​လွင်ႈ​သူ​ၼၼ်ႉ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မိူဝ်ႈ​ၼၼ်ႉ ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="10">သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၼႂ်း​သူ​ၼႆႉ ဢိၵ်ႇ​တင်း​ၼႂ်း​ၸူဝ်ႈ​လုၵ်ႈ​ပၢၼ်​လၢၼ်​သူ​ၼၼ်ႉ​သေ​ၵေႃႉ​သေ​ၵူၼ်း၊ ပိၵ်ႉ​သမ်ႉ​မီး​တၢင်း​ဢၼ်​ၵူဝ်ႈ​ၵိူၵ်ႇ​ၵွပ်ႈ​ပိူဝ်ႈ​တူဝ်​တၢႆ​ယူႇ၊ ဢမ်ႇ​ၼၼ် ၵႂႃႇ​တၢင်း​ပႆ​တၢင်း​မီး​ယူႇ​ၵႃႈ​တီႈ​ဢၼ်​ၵႆ​ယူႇ​သေ​ၵေႃႈ၊ တၵ်း​လႆႈ​ၶၢမ်ႇ​ပွႆး​ ပႃႉသၶႃႇ ပုၼ်ႈ​ထႃႇဝရႃႉ​ၽြႃး​ယူႇ​ဢေႃႈ။-</verse>
				<verse number="11">ၶိင်ႇ​ႁူဝ်​ၶမ်ႈ လိူၼ်​တူႉတီႉယႃႉ သိပ်း​သီႇ​ဝၼ်း​ၼၼ်ႉ ၶဝ်​တၵ်း​လႆႈ​ဢွၼ်​ၵၼ်​ၶၢမ်ႇ​ပွႆး​ၼၼ်ႉ​လႄႈ ၵိၼ်​ၼိူဝ်ႉ​သူဝ်း​ဢွၼ်ႇ​ဢိၵ်ႇ​လူၺ်ႈ​ၵၼ်​တင်း​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ တင်း​ၽၵ်း​ယိူဝ်ႈ​ၽၵ်း​ၶဵဝ်​ဢၼ်​ၶူမ်​ၼၼ်ႉ​ဢေႃႈ။-</verse>
				<verse number="12">ၼိူဝ်ႉ​ၼၼ်ႉ​ၸိုင်၊ ၶဝ်​ဢမ်ႇ​လႆႈ​ႁႂ်ႈ​ၵိုတ်း​ႁႂ်ႈ​ၵျၢၼ်ႇ​ဝႆႉ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်။ လုပ်ႇ​မၼ်း​ၵေႃႈ​ၶဝ်​ဢမ်ႇ​လႆႈ​ႁၵ်း။ ၸွမ်း​လူၺ်ႈ​ထုင်း​ၽိင်ႈ​တြႃး​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ပွႆး​ ပႃႉသၶႃႇ ​ၼၼ်ႉ​သေ​လႄႈ၊ ၶဝ်​တၵ်း​လႆႈ​ၶၢမ်ႇ​ပွႆး​ၼၼ်ႉ​ဢေႃႈ။-</verse>
				<verse number="13">ပေႃး​ၵေႃႉ​ဢၼ်​ဢမ်ႇ​မီး​တၢင်း​ဢၼ်​ၵူဝ်ႈ​ၵိူၵ်ႇ၊ ဢၼ်​ဢမ်ႇ​ၵႂႃႇ​တၢင်း​ပႆ​တၢင်း​ယူႇ​ၼၼ်ႉ ယင်း​ဢမ်ႇ​ၶၢမ်ႇ​ပွႆး​ ပႃႉသၶႃႇ ​လႄႈ​ယူႇ​ၸိုင်၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။ ၵွပ်ႈ​ပိူဝ်ႈ​ဢၼ် ၵေႃႉ​ၼၼ်ႉ​ဢမ်ႇ​ဢဝ်​တၢင်း​ပုၵ်ႈ​ၸေႃႇ​ပုၼ်ႈ​ထႃႇဝရႃႉ​ၽြႃး​မႃး​ၼႂ်း​ၶိင်ႇ​ၶႃႇ​ၵႃႇလႃႉ​ဢၼ်​မၵ်း​ၶၢၼ်း​ဝႆႉ​ၼၼ်ႉ​လႄႈ၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="14">ပေႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​သူ​ၼၼ်ႉ မီး​ဢလူဝ်ႇ​ၶႂ်ႈ​ၶၢမ်ႇ​ပွႆး​ ပႃႉသၶႃႇ ပုၼ်ႈ​ထႃႇဝရႃႉ​ၽြႃး​ၸိုင်၊ ၸွမ်း​ၼင်ႇ​ထုင်း​ၽိင်ႈ​တြႃး​ပွႆး​ ပႃႉသၶႃႇ ဢိၵ်ႇ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​လွင်ႈ​မၼ်း​ၵႃႈ​မီး​ၸိူဝ်း​ၼၼ်ႉ​သေ​လႄႈ တၵ်း​လႆႈ​ၶၢမ်ႇ​ဢေႃႈ။ ပုၼ်ႈ​ၶဝ်​ၸိူဝ်း​ဢၼ်​ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​သူ ဢိၵ်ႇ​တင်း​ၶဝ်​ၸိူဝ်း​ဢၼ် ၵိူတ်ႇ​လဵင်ႉ​ပဵၼ်​မႃး​ၵႃႈ​တီႈ​မိူင်း​သူ​ၼၼ်ႉ​ၸိုင်၊ တၵ်း​လႆႈ​မီး​ထုင်း​ၽိင်ႈ​တြႃး​ပႃး​လဵဝ်​ၵူၺ်း​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ၼႂ်း​ဝၼ်း​ဢၼ်​ပူၵ်း​တင်ႈ​သုမ်ႉ​ထဵင်​ၸဝ်ႈ​ၼၼ်ႉ၊ မွၵ်ႇ​ၵုမ်ႈ​ႁူမ်ႇ​သုမ်ႇ သုမ်ႉ​ထဵင်​ၸဝ်ႈ​ဢၼ်​ဝႃႈ​မူဝ်းၵႃႇ​ၸဝ်ႈ​ၶိူင်ႈ​ၶၢမ်ႇ​သၢၵ်ႈ​သေႇ​ၼၼ်ႉ​ယူႇ​ဢေႃႈ။ ၸႃႉ​ၸဵမ်​ၶိင်ႇ​ႁူဝ်​ၶမ်ႈ​လႄႈ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ​ႁၢင်ႈ​ၽႆး​ယူႇ​ဢေႃႈ။-</verse>
				<verse number="16">ပဵၼ်​ၸိူဝ်ႉ​ၼင်ႇ​ၼၼ်​ယူႇ​တႃႇ​သေႇ​လႄႈ၊ ၶိင်ႇ​ၵၢင်​ဝၼ်း​မွၵ်ႇ​ၵုမ်ႈ​ႁူမ်ႇ​သုမ်ႇ​ယူႇ၊ ၶိင်ႇ​ၵၢင်​ၶိုၼ်း​ပဵၼ်​မိူၼ်​ၸိူဝ်ႉ​ၼင်ႇ​ႁၢင်ႈ​ၽႆး​ၼၼ်ႉ​ယူႇ​ဢေႃႈ။-</verse>
				<verse number="17">မိူဝ်ႈ​ဢၼ်​မွၵ်ႇ​ၵုမ်ႈ​ၼၼ်ႉ ယုၵ်ႉ​ၽၢတ်ႇ​သေ​မူဝ်းၵႃႇ​ၸဝ်ႈ​ၼၼ်ႉ​ၸိုင်၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၼ်​ၵၼ် ၵႂႃႇ​တၢင်း​ပႆ​တၢင်း​ဢေႃႈ။ ၵႃႈ​ပဵၼ်​တီႈ​ဢၼ်​မွၵ်ႇ​ၵုမ်ႈ​တႄႇ​ယူႇ​ၼၼ်ႉ​ၵေႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သမ်ႉ​ၶျႃး​လႄႈ ၵင်ႈ​မူဝ်းၵႃႇ​ၶဝ်​ယူႇ​ဢေႃႈ။-</verse>
				<verse number="18">ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၼ်​ၵၼ် ၵႂႃႇ​တၢင်း​ပႆ​တၢင်း​ဢေႃႈ။ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​ၵေႃႈ ၶဝ်​ၶျႃး​လႄႈ​ၵင်ႈ​မူဝ်းၵႃႇ​ၶဝ်​ယူႇ​ဢေႃႈ။ ၶိင်ႇ​ၵႃႇလႃႉ​ၸူဝ်ႈ​ဢၼ်​မွၵ်ႇ​ၵုမ်ႈ​ယင်း​တႄႇ​ယူႇ​ၵႃႈ​ၼိူဝ်​သုမ်ႉ​ထဵင်​ၸဝ်ႈ​ၼၼ်ႉ၊ ၶဝ်​ယူႇ​ၵႃႈ​ၼႂ်း​မူဝ်းၵႃႇ​ၶဝ်​ယူႇ​ဢေႃႈ။-</verse>
				<verse number="19">မိူဝ်ႈ​ဢၼ် မွၵ်ႇ​ၵုမ်ႈ​ၼၼ်ႉ ယင်း​တႄႇ​ယူႇ​ၵႃႈ​ၼိူဝ်​သုမ်ႉ​ထဵင်​ၸဝ်ႈ​ၼၼ်ႉ ၶိင်ႇ​ဝၼ်း​ႁိုင်​ၼႃႇ​ၼၼ်ႉ​ၸိုင်၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ယင်း​ဢမ်ႇ​ၵႂႃႇ​တၢင်း​ပႆ​တၢင်း​လႄႈ ပႂ်ႉ​ဢမူႉ​ထႃႇဝရႃႉ​ၽြႃး​ယူႇ​ဢေႃႈ။-</verse>
				<verse number="20">မိူဝ်ႈ​ဢၼ်​မွၵ်ႇ​ၵုမ်ႈ​ၼၼ်ႉ ယင်း​တႄႇ​ယူႇ​ၵႃႈ​ၼိူဝ်​သုမ်ႉ​ထဵင်​ၸဝ်ႈ​ၼၼ်ႉ ၶိင်ႇ​ဝၼ်း​ၵေႇ​ၼႃႇ​ၼၼ်ႉ​ၸိုင်၊ ၵႃႈ​ၼင်ႇ​ဢၼ်​ဢမိင်ႉ​ထႃႇဝရႃႉ​ၽြႃး​မီး​ၼၼ်ႉ ၶဝ်​ယူႇ​ၵႃႈ​ၼႂ်း​မူဝ်းၵႃႇ​ၶဝ်​ဢေႃႈ။ ၵႃႈ​ၼင်ႇ​ဢၼ်​ဢမိင်ႉ​ထႃႇဝရႃႉ​ၽြႃး​မီး​ၼၼ်ႉ​ၵေႃႈ ၶဝ်​ၵႂႃႇ​တၢင်း​ပႆ​တၢင်း​ဢေႃႈ။-</verse>
				<verse number="21">မၢင်​ၽဝ်ႇ​မွၵ်ႇ​ၵုမ်ႈ​ၼၼ်ႉ​တႄႇ​ယူႇ​ၸႃႉ​ၸဵမ်​ၶိင်ႇ​ႁူဝ်​ၶမ်ႈ​လႄႈ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​ဢေႃႈ။ မိူဝ်ႈ​ဢၼ်​မွၵ်ႇ​ၵုမ်ႈ​ၼၼ်ႉ​ယုၵ်ႉ​ၶိုၼ်ႈ​ၶိင်ႇ​ၵၢင်​ၼႂ်​ၼၼ်ႉ​ၸိုင်၊ ၶဝ်​ၵႂႃႇ​တၢင်း​ပႆ​တၢင်း​ဢေႃႈ။ ပဵၼ်​ၵၢင်​ဝၼ်း​သေ​ဢမ်ႇ​ဝႃႈ၊ ပဵၼ်​ၵၢင်​ၶိုၼ်း​သေ​ဢမ်ႇ​ဝႃႈ၊ မိူဝ်ႈ​ဢၼ်​မွၵ်ႇ​ၵုမ်ႈ​ၼၼ်ႉ​ယုၵ်ႉ​ၶိုၼ်ႈ​ၼၼ်ႉ​ၸိုင်၊ ၶဝ်​ၵႂႃႇ​တၢင်း​ပႆ​တၢင်း​ဢေႃႈ။-</verse>
				<verse number="22">ပဵၼ်​သွင်​ဝၼ်း​သေ​ဢမ်ႇ​ဝႃႈ၊ ပဵၼ်​လိူၼ်​ၼိုင်ႈ​သေ​ဢမ်ႇ​ဝႃႈ၊ ပဵၼ်​ပီႊ​ၼိုင်ႈ​သေ​ဢမ်ႇ​ဝႃႈ၊ ၶိင်ႇ​ၵႃႇလႃႉ​ၸူဝ်ႈ​ဢၼ်​မွၵ်ႇ​ၵုမ်ႈ​ယင်း​ၵိုတ်း​ယူႇ​ၵႃႈ​ၼိူဝ်​သုမ်ႉ​ထဵင်​ၸဝ်ႈ​လႄႈ​တႄႇ​ယူႇ​ၼၼ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ယင်း​ဢမ်ႇ​ၵႂႃႇ​တၢင်း​ပႆ​တၢင်း​လႄႈ​ယူႇ​ဢေႃႈ။ မိူဝ်ႈ​ဢၼ်​မွၵ်ႇ​ၵုမ်ႈ​ၼၼ်ႉ သမ်ႉ​ၶိုၼ်း​ယုၵ်ႉ​ၶိုၼ်ႈ​ၼၼ်ႉ​ၸိုင်၊ ၶဝ်​ၵႂႃႇ​တၢင်း​ပႆ​တၢင်း​ဢေႃႈ။-</verse>
				<verse number="23">ၵႃႈ​ၼင်ႇ​ဢၼ် ဢမိင်ႉ​ထႃႇဝရႃႉ​ၽြႃး​မီး​ၼၼ်ႉ ၶဝ်​ယူႇ​ၼႂ်း​မူဝ်းၵႃႇ​ၶဝ်​ဢေႃႈ။ ၵႃႈ​ၼင်ႇ​ဢၼ် ဢမိင်ႉ​ထႃႇဝရႃႉ​ၽြႃး​မီး​ၼၼ်ႉ​ၵေႃႈ ၶဝ်​ၵႂႃႇ​တၢင်း​ပႆ​တၢင်း​ဢေႃႈ။ ၶဝ်​ပႂ်ႉ​ဢမူႉ​ထႃႇဝရႃႉ​ၽြႃး ယူႇ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢဝ်​ မူဝ်းသေႇ ​မီး​ဢမိင်ႉ​ၼၼ်ႉ​ဢေႃႈ။</verse>
			</chapter>
			<chapter number="10">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​တၵ်း​လႆႈ​ႁဵတ်း​ၶရႃႇ​ငိုၼ်း​သွင်​လုၵ်ႈ ဢၼ်​တွင်ႈ​ႁဵတ်း​ဢဝ်​ၼၼ်ႉ​ဢေႃႈ။ လွင်ႈ​ၼင်ႇ​ႁိုဝ်​တၵ်း​ႁႂ်ႈ ပရဵၵ်ႈသၢတ်ႈ​ၸူႉ​ၵၼ်​တုမ်​ၵၼ် ဢိၵ်ႇ​တင်း​လွင်ႈ​ၼင်ႇ​ႁိုဝ်​တၵ်း​ႁႂ်ႈ​တပ်ႉ​ၶီႇ​ၵႂႃႇ​ၸိုင် တၵ်း​လႆႈ​ဢဝ်​ပဝ်ႇ​ဢေႃႈ။-</verse>
				<verse number="3">မိူဝ်ႈ​ဢၼ်​ပဝ်ႇ​ၶရႃႇ​ၸိူဝ်း​ၼၼ်ႉ​ၸိုင်၊ ပရဵၵ်ႈသၢတ်ႈ​တင်း​သဵင်ႈ​တင်း​လူင် တၵ်း​လႆႈ​ၸူႉ​ၵၼ်​တုမ်​ၵၼ်​ၵႃႈ​တီႈ​မႂ်း ၵႃႈ​တီႈ​ၽၢႆႇ​ၼႃႈ​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။-</verse>
				<verse number="4">ပေႃး​ပဝ်ႇ​ၶရႃႇ​လုၵ်ႈ​လဵဝ်​ၵူၺ်း​ၸိုင်၊ ၵူၼ်း​ဢၼ်​ဢုပ်ႉ​ၼိူဝ်​ၵူၼ်း​ယေႈ​ႁဵင် ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ တၵ်း​လႆႈ​ၸူႉ​ၵၼ်​တုမ်​ၵၼ်​ၵႃႈ​တီႈ​မႂ်း​ဢေႃႈ။-</verse>
				<verse number="5">မိူဝ်ႈ​ဢၼ်​ပဝ်ႇ​ႁဵတ်း​သဵင်​ဢၼ်​တိုၵ်း​ယူင်း​ၼၼ်ႉ​ၸိုင်၊ တပ်ႉ​ဢၼ်​မီး​တၢင်း​ဝၼ်း​ဢွၵ်ႇ​ၸိူဝ်း​ၼၼ်ႉ​တၵ်း​လႆႈ​ၶီႇ​ၵႂႃႇ​ဢေႃႈ။-</verse>
				<verse number="6">မိူဝ်ႈ​ဢၼ်​ပဝ်ႇ​ႁဵတ်း​သဵင်​ဢၼ်​တိုၵ်း​ယူင်း​ၵမ်း​တူႉတီႉယႃႉ​ၸိုင်၊ တပ်ႉ​ဢၼ်​မီး​တၢင်း​ၸၢၼ်း​ၸိူဝ်း​ၼၼ်ႉ​တၵ်း​လႆႈ​ၶီႇ​ၵႂႃႇ​ဢေႃႈ။ ၼင်ႇ​ႁိုဝ်​ၶဝ်​တၵ်း​ၶီႇ​ၵႂႃႇ​ၸႅၼ်ႇ​တၢမ်း​ၵၼ်​ၸိုင်၊ တၵ်း​လႆႈ​ပဝ်ႇ​ႁဵတ်း​သဵင်​ဢၼ်​တိုၵ်း​ယူင်း​ဢေႃႈ။-</verse>
				<verse number="7">မိူဝ်ႈ​ဢၼ်​ပရဵၵ်ႈသၢတ်ႈ​မီး​တီႈ​ဢၼ် တၵ်း​ၸူႉ​ၵၼ်​တုမ်​ၵၼ်​ၼၼ်ႉ​ၸိုင် သူ​တၵ်း​လႆႈ​ပဝ်ႇ​ၶရႃႇ​လႄႈ​ဢမ်ႇ​ႁဵတ်း​သဵင်​ဢၼ်​တိုၵ်း​ယူင်း​ၼၼ်ႉ​ဢေႃႈ။-</verse>
				<verse number="8">ယိတ်ႈပရေႃးႁဵၵ်ႈ​ဢၼ်​ပဵၼ်​လုၵ်ႈ​ၸၢႆး​ ဢႃႇရုၼ်ႇ ​ၸိူဝ်း​ၼၼ်ႉ တၵ်း​လႆႈ​ပဝ်ႇ​ၶရႃႇ​ၼၼ်ႉ​ဢေႃႈ။ ပဵၼ်​ပိင်း​ၺၢပ်ႈ ဢၼ်​တႃႇ​သေႇ တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း​ဢေႃႈ။-</verse>
				<verse number="9">မိူဝ်ႈ​ဢၼ်​သူ​ယူႇ​ၵႃႈ​တီႈ​မိူင်း​သူ​ယူႇ​လႄႈ ၶီႇ​သိုၵ်း​ၸူး​ၵႃႈ​တီႈ​ရၢၼ်ႇ​သူႇ​ဢၼ်​မႃး​တိုၵ်း​ၼၼ်ႉ​ၸိုင်၊ သူ​တၵ်း​လႆႈ​ပဝ်ႇ​ၶရႃႇ​ၸိူဝ်း​ၼၼ်ႉ​ဢေႃႈ။ မိူဝ်ႈ​ၼၼ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​သူ​လႄႈ ၵႄႇ​ၶျွတ်ႈ​ဢဝ်​သူ ၵႃႈ​ၼႂ်း​မိုဝ်း​ရၢၼ်ႇ​သူႇ​ဢေႃႈ။-</verse>
				<verse number="10">ဝၼ်း​ဢၼ်​သူ​ႁဵတ်း​တၢင်း​ဢၼ်​သႂၢင်ႇ​သိူဝ်း၊ ဝၼ်း​ပွႆး​သၽၢင်ႇ ဝၼ်း​လိူၼ်​မႂ်ႇ​ၸိူဝ်း​ၼၼ်ႉ၊ သူ​တၵ်း​လႆႈ​ပဝ်ႇ​ၶရႃႇ​ၵႃႈ​ၼိူဝ်​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​တၢင်း​ပုၵ်ႈ​ၸေႃႇ​ယိတ်ႈ​မိၵ်ႉသႃႇႁႃယႃႉ​တင်း​လၢႆ​ပုၼ်ႈ​ဢၼ်​ၽြႃး​ပဵၼ်​ၸဝ်ႈ​သူ တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ပီႊ​တူႉတီႉယႃႉ၊ လိူၼ်​တူႉတီႉယႃႉ ဝၼ်း​ဢၼ်​ထူၼ်ႈ​ထိုင်​သၢဝ်း​ဝၼ်း​ၼၼ်ႉ မွၵ်ႇ​ၵုမ်ႈ​ယုၵ်ႉ​ၽၢတ်ႇ​သေ​ၵႃႈ​ၼိူဝ်​သုမ်ႉ​ထဵင်​ၸဝ်ႈ ၶိူင်ႈ​ၶၢမ်ႇ​သၢၵ်ႈ​သေႇ​လႄႈ၊-</verse>
				<verse number="12">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​သေ​ၵႃႈ​တီႈ​ထိူၼ်ႇ​ သီႉၼႃႉ ​လႄႈ ၵႂႃႇ​တၢင်း​ပႆ​တၢင်း​ဢေႃႈ။ လိုၼ်း​ၼၼ်ႉ မွၵ်ႇ​ၵုမ်ႈ​ၼၼ်ႉ​တႄႇ​ယူႇ​ၵႃႈ​တီႈ​ထိူၼ်ႇ​ ပႃႇရၼ်ႇ ​ဢေႃႈ။-</verse>
				<verse number="13">ၼင်ႇ​ၼၼ်​လႄႈ ၶဝ်​ဢွၼ်​ၵၼ် ႁဵတ်း​တၢင်း​ဢၼ်​ၵႂႃႇ​တၢင်း​ပႆ​တၢင်း​ၵမ်း​ပထမႃႉ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢဝ်​တင်း​ မူဝ်းသေႇ ​မီး​ဢမိင်ႉ​ၼၼ်ႉ​ဢေႃႈ။</verse>
				<verse number="14">တပ်ႉ​ ယူႉတႃႉ ​ပႃး​ဢဝ်​လၢမ်ႇ​သေ​လႄႈ ၶီႇ​ၵႂႃႇ​ဢွၼ်​တၢင်း ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​ၼၼ်ႉ​ဢေႃႈ။ မုၵ်ႉ​ၸိူဝ်း​ ယူႉတႃႉ ​ၸိုင်၊ ၼႃႇသုၼ်ႇ ​ဢၼ်​ပဵၼ်​လုၵ်ႈ​ၸၢႆး​ ဢမီႉၼတပ်ႉ ​ၼၼ်ႉ လႆႈ​ဢုပ်ႉ​ဢေႃႈ။-</verse>
				<verse number="15">မုၵ်ႉ​ၸိူဝ်း​ ဢီႉသၶႃႇ ​ၸိုင်၊ ၼႃႇသၼေႇလႃႉ ​ဢၼ်​ပဵၼ်​လုၵ်ႈ​ၸၢႆး​ ၸူႉဢႃႇ ​ၼၼ်ႉ​လႆႈ​ဢုပ်ႉ​ဢေႃႈ။-</verse>
				<verse number="16">မုၵ်ႉ​ၸိူဝ်း​ ၸေႇပူႉလုၼ်ႇ ​ၸိုင်၊ ဢေးလျႃႇၽႃႉ ​ဢၼ်​ပဵၼ်​လုၵ်ႈ​ၸၢႆး​ ႁေႇလုၼ်ႇ ​ၼၼ်ႉ​လႆႈ​ဢုပ်ႉ​ဢေႃႈ။-</verse>
				<verse number="17">ပူတ်း​ၶျႃး​သုမ်ႉ​ထဵင်​ၸဝ်ႈ​လူင်း​လႄႈ၊ ၵူၼ်း​မဵဝ်း​ ၵေႇရသုၼ်ႇ ​ဢိၵ်ႇ​တင်း​ၵူၼ်း​မဵဝ်း​ မေႇရႃႇရီႉ ​ၸိူဝ်း​ၼၼ်ႉ ႁၢပ်ႇ​သုမ်ႉ​ထဵင်​ၸဝ်ႈ​သေ​လႄႈ ၶီႇ​ၵႂႃႇ​ဢေႃႈ။</verse>
				<verse number="18">တပ်ႉ​ ရူႉပိၼ်ႇ ပႃး​ဢဝ်​လၢမ်ႇ​သေ​လႄႈ ၶီႇ​ၵႂႃႇ​ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​ၼၼ်ႉ​ဢေႃႈ။ မုၵ်ႉ​ၸိူဝ်း​ ရူႉပိၼ်ႇ ​ၸိုင်၊ ဢေးလီႉၸူႉရႃႉ ဢၼ်​ပဵၼ်​လုၵ်ႈ​ၸၢႆး​ သေႇတူႉရႃႉ ​ၼၼ်ႉ​လႆႈ​ဢုပ်ႉ​ဢေႃႈ။-</verse>
				<verse number="19">မုၵ်ႉ​ၸိူဝ်း​ သီႉမုၼ်ႇ ​ၸိုင်၊ သေႇလူႉမျေးလႃႉ ဢၼ်​ပဵၼ်​လုၵ်ႈ​ၸၢႆး​ ၸူႉရီႉသတ်ႉတေႇ ​ၼၼ်ႉ​လႆႈ​ဢုပ်ႉ​ဢေႃႈ။-</verse>
				<verse number="20">မုၵ်ႉ​ၸိူဝ်း​ ၵၢတ်ႉ ​ၸိုင် ဢေးလျႃႇသပ်ႉ ​ဢၼ်​ပဵၼ်​လုၵ်ႈ​ၸၢႆး​ တုၺ်းလႃႉ ​ၼၼ်ႉ​လႆႈ​ဢုပ်ႉ​ဢေႃႈ။-</verse>
				<verse number="21">ၵူၼ်း​မဵဝ်း​ ၵေႃႇႁတ်ႉ ​ၸိူဝ်း​ၼၼ်ႉ ႁၢပ်ႇ​ၶိူင်ႈ​ပိူင်​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​သေ​လႄႈ​ၶီႇ​ၵႂႃႇ​ဢေႃႈ။ ၸူဝ်ႈ​ဢၼ်​ၶဝ်​ဢမ်ႇ​ပႆႇ​ႁွတ်ႈ​ပႆႇ​ၽႅဝ်​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​ၵႂႃႇ​ဢွၼ်​တၢင်း​ၸိူဝ်း​ၼၼ်ႉ လႆႈ​ပူၵ်း​တင်ႈ​သုမ်ႉ​ထဵင်​ၸဝ်ႈ​ဝႆႉ​ထႃႈ​ဢေႃႈ။</verse>
				<verse number="22">တပ်ႉ​ ဢေႇၽရိမ်ႇ ​ပႃး​ဢဝ်​လၢမ်ႇ​သေ​လႄႈ​ၶီႇ​ၵႂႃႇ​ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​ၼၼ်ႉ​ဢေႃႈ။ မုၵ်ႉ​ၸိူဝ်း​ ဢေႇၽရိမ်ႇ ​ၸိုင်၊ ဢေးလီႉသမႃႇ ဢၼ်​ပဵၼ်​လုၵ်ႈ​ၸၢႆး​ ဢမီႉႁုတ်ႉ ​ၼၼ်ႉ လႆႈ​ဢုပ်ႉ​ဢေႃႈ။-</verse>
				<verse number="23">မုၵ်ႉ​ၸိူဝ်း​ မၼႃႇ​သေႇ ​ၸိုင်၊ ၵႃႇမလျေးလႃႉ ဢၼ်​ပဵၼ်​လုၵ်ႈ​ၸၢႆး ပေႇတႃႉၸူႉရႃႉ ​ၼၼ်ႉ​လႆႈ​ဢုပ်ႉ​ဢေႃႈ။-</verse>
				<verse number="24">မုၵ်ႉ​ၸိူဝ်း​ ပိၼ်ႇယႃႇမိၼ်ႇ ​ၸိုင်၊ ဢၽီႉတၼ်ႇ ဢၼ်​ပဵၼ်​လုၵ်ႈ​ၸၢႆး​ ၵီႉတေႃးၼီႉ ​ၼၼ်ႉ​လႆႈ​ဢုပ်ႉ​ဢေႃႈ။</verse>
				<verse number="25">တပ်ႉ​ တၢၼ်ႇ ဢၼ်​ၶဝ်​ပဵၼ်​လိုၼ်း​လင်​သုတ်း​တပ်ႉ တင်း​သဵင်ႈ​တင်း​လူင်​ၼၼ်ႉ​ၼၼ်ႉ ပႃး​ဢဝ်​လၢမ်ႇ​သေ​လႄႈ ၶီႇ​ၵႂႃႇ​ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​ဢေႃႈ။ မုၵ်ႉ​ၸိူဝ်း​ တၢၼ်ႇ ​ၸိုင်၊ ဢႁေႇၸႃႇ ဢၼ်​ပဵၼ်​လုၵ်ႈ​ၸၢႆး ဢမီႉသတ်ႉတေႇ ​ၼၼ်ႉ​လႆႈ​ဢုပ်ႉ​ဢေႃႈ။-</verse>
				<verse number="26">မုၵ်ႉ​ၸိူဝ်း​ ဢႃႇသႃႇ ​ၸိုင်၊ ပႃႇၵျေႇလႃႉ ​ဢၼ်​ပဵၼ်​လုၵ်ႈ​ၸၢႆး ဢွၵ်ႉရၼ်ႇ လႆႈ​ဢုပ်ႉ​ဢေႃႈ။-</verse>
				<verse number="27">မုၵ်ႉ​ၸိူဝ်း​ ၼပ်ႉထလီႉ ​ၸိုင်၊ ဢႁီႉရႃႉ ​ဢၼ်​ပဵၼ်​လုၵ်ႈ​ၸၢႆး​ ဢေႇၼၼ်ႇ ​ၼၼ်ႉ​လႆႈ​ဢုပ်ႉ​ဢေႃႈ။-</verse>
				<verse number="28">ၼင်ႇ​ၼၼ်​လႄႈ ပဵၼ်​တၢင်း​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႂႃႇ​တၢင်း​ပႆ​တၢင်း​ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​ၼၼ်ႉ​ဢေႃႈ၊ ၶဝ်​ၼၼ်ႉ​ဢွၼ်​ၵၼ်​ၶီႇ​ၵႂႃႇ​ဢေႃႈ။</verse>
				<verse number="29">မူဝ်းသေႇ ​လၢတ်ႈ​တီႈ​ ႁေႃးပပ်ႉ ဢၼ်​ပဵၼ်​လုၵ်ႈ​ၸၢႆး​ ရုၺ်ႇလႃႉ ၊ မဵဝ်း​ၵူၼ်း​ မီႉတျၼ်ႇ ဢၼ်​ပဵၼ်​ပူႇ​ၼၢႆး မူဝ်းသေႇ ​ၼၼ်ႉ​လႄႈ​ဝႃႈ၊ ႁဝ်း​ၼႆႉ​ၵႂႃႇ​တၢင်း​ပႆ​တၢင်း​ၸူး​ၵႃႈ​တီႈ​ဢၼ် ထႃႇဝရႃႉ​ၽြႃး​ဝႆႉ​ၵတီႉ​လႄႈ​ဝႃႈ ၵဝ်​တၵ်း​ဢဝ်​ပၼ်​တီႈ​သူ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။ ၸွမ်း​လူၺ်ႈ​ၵၼ်​တင်း​ႁဝ်း​လႄႈ​မႃး​သေ​ၵမ်း၊ ႁဝ်း​တၵ်း​ႁဵတ်း​ၵျေး​ၸူး​တီႈ​မႂ်း​ဢေႃႈ။ ထႃႇဝရႃႉ​ၽြႃး​မီး​ဢမိင်ႉ​လွင်ႈ​ဢၼ် တၵ်း​ႁဵတ်း​ၵျေး​ၸူး​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="30">မၼ်း​ၼၼ်ႉ ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဢမ်ႇ​ၸွမ်း​ဢမ်ႇ​ၵႂႃႇ၊ ၵဝ်​တၵ်း​ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​တီႈ​ယူႇ​ၵဝ်ႇ​ၵဝ်၊ ၵႃႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">မူဝ်းသေႇ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ယႃႇ​ပေ​ၸုၼ်ႉ​ပေ​ပႅတ်ႈ​ႁဝ်း​ၵႂႃႇ​သေ​ၵမ်း။ ပိူဝ်ႈ​ဢၼ်​မႂ်း​ႁူႉ​လွင်ႈ​ဢၼ်​ႁဝ်း​တၵ်း​လႆႈ​ၶျႃး​ပၢင်​ၵႃႈ​တီႈ​ၼႂ်း​ထိူၼ်ႇ​ၼႂ်း​ၶိူဝ်း​လႂ်​လႄႈ မႂ်း​တၵ်း​လႆႈ​ပဵၼ် မၢၵ်ႇ​တႃ​ႁဝ်း​ဢေႃႈ။-</verse>
				<verse number="32">ပေႃး​ၸွမ်း​လူၺ်ႈ​ၵၼ်​တင်း​ႁဝ်း​ၸိုင်၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ႁဵတ်း​ၵျေး​ၸူး​တီႈ​ႁဝ်း​ၼၼ်ႉ၊ ႁဝ်း​တၵ်း​ႁဵတ်း​ၵျေး​ၸူး​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​တီႈ​လွႆ​ထႃႇဝရႃႉ​ၽြႃး​လႄႈ ၵႂႃႇ​ၶၢဝ်း​တၢင်း​သၢမ်​ဝၼ်း​ဢေႃႈ။ တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​ၼၼ်ႉ​ဢွၼ်​ႁူဝ်​ၶဝ်​ၵႂႃႇ ၶၢဝ်း​တၢင်း​သၢမ်​ဝၼ်း ႁႂ်ႈ​လႆႈ​ႁႃ​တီႈ​ပုၼ်ႈ​ဢၼ်​ၶဝ်​တၵ်း​ၶျႃး​ပၢင်​ဢေႃႈ။-</verse>
				<verse number="34">မွၵ်ႇ​ၵုမ်ႈ​ထႃႇဝရႃႉ​ၽြႃး​ၼၼ်ႉ မီး​ယူႇ​ၵႃႈ​တီႈ​ၼိူဝ်​ၶဝ်​ၶိင်ႇ​ၵၢင်​ဝၼ်း မိူဝ်ႈ​ဢၼ်​ၶဝ်​ယင်း​တိုၵ်ႉ​ၶီႇ​တပ်ႉ​ၵႂႃႇ​ၼၼ်ႉ​ဢေႃႈ။-</verse>
				<verse number="35">မိူဝ်ႈ​ဢၼ်​တိူၵ်ႈ​တႃႇ​ၸဝ်ႈ​ၵႂႃႇ​ၼၼ်ႉ​ၸိုင်၊ မူဝ်းသေႇ ​လဝ်ႊ​လၢတ်ႈ​လႄႈ​ဝႃႈ၊ ဢူဝ်း ထႃႇဝရႃႉ​ၽြႃး​တီႈ​ၶႃႈ၊ လုၵ်ႉ​သေ​ၵမ်း​တီႈ​ၶႃႈ။ ႁႂ်ႈ​ရၢၼ်ႇ​သူႇ​ၸဝ်ႈ​ႁဝ်း​တင်း​လၢႆ ပိဝ်​သဵၼ်​ၵႂႃႇ​သေ​ၵမ်း​လူၺ်ႈ​တီႈ​ၶႃႈ။ ႁႂ်ႈ​ၶဝ်​ၸိူဝ်း​ဢၼ်​ၸင်း​ၸဝ်ႈ​ႁဝ်း​ၼၼ်ႉ ဢွၵ်ႇ​ပၢႆ​သေ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">မိူဝ်ႈ​ဢၼ်​တိူၵ်ႈ​တႃႇ​ၸဝ်ႈ​ၵိုတ်း​သဝ်း​ၼၼ်ႉ​ၸိုင်၊ မၼ်း​လဝ်ႊ​လၢတ်ႈ​လႄႈ​ဝႃႈ၊ ဢူဝ်း ထႃႇဝရႃႉ​ၽြႃး ၶိုၼ်း​မႃး​ၵႃႈ​တီႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ပဵၼ်​မိုၼ်ႇ​ပဵၼ်​သႅၼ်​မီး​ၼႆႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="11">
				<verse number="1">လႆႈ​သမ်ႉ ၵူၼ်း​တင်း​လၢႆ​ၼၼ်ႉ​ပဵၼ်​မိူၼ်​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ် ပွင်ႉ​ၶၢင်း​ပွင်ႉ​မိူၼ်ႇ​လူၺ်ႈ​လွင်ႈ​တၢင်း​ဢၼ်​ဢမ်ႇ​လီ ၵႃႈ​တီႈ​ႁူ​ထႃႇဝရႃႉ​ၽြႃး​ၼၼ်ႉ​ယူႇ​လႄႈ၊ ထႃႇဝရႃႉ​ၽြႃး​ငိၼ်း​ၵႂၢမ်း​ၶဝ်​ၼၼ်ႉ​လႄႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢွၵ်ႇ​ဢေႃႈ။ ၽႆး​ထႃႇဝရႃႉ​ၽြႃး​မႆႈ​ၼႂ်း​ၶဝ်​လႄႈ ယႃႉ​ပႅတ်ႈ​ၵႃႈ​တီႈ​ႁိမ်း​လႅၼ်​သုတ်း​တပ်ႉ​ၶဝ်​ဢေႃႈ။-</verse>
				<verse number="2">ၵမ်း​ၼၼ်ႉ ၵူၼ်း​တင်း​လၢႆ​ဢွၼ်​ၵၼ်​ႁွင်ႉ​သႅၼ်ႇ​တီႈ​ မူဝ်းသေႇ ​သေ​လႄႈ၊ မူဝ်းသေႇ ​သူး​တွင်း ထႃႇဝရႃႉ​ၽြႃး​သေ​ယဝ်ႉ၊ ၽႆး​ၼၼ်ႉ​ယဵၼ်​ၵႂႃႇ​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​ဢၼ် ၽႆး​ထႃႇဝရႃႉ​ၽြႃး​မႆႈ​ၼႂ်း​ၶဝ်​ၼၼ်ႉ​လႄႈ၊ မၼ်း​ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႉ​ တပေႇရႃႉ ​ဢေႃႈ။</verse>
				<verse number="4">ၵူၼ်း​မဵဝ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ပႃး​လူၺ်ႈ​ၵၼ်​တင်း​ၶဝ်​ၼၼ်ႉ မီး​ၸႂ်​ဢၼ်​ဢေ​ႁႃ​ၸပ်း​ၸွႆး​ဢေႃႈ။ ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၵေႃႈ သမ်ႉ​ၶိုၼ်း​ဢွၼ်​ၵၼ်​ႁွင်ႉ​ႁႆႈ​သေ​လႄႈ​ဝႃႈ၊ ၽူႈ​လႂ်​တၵ်း​ပၼ်​ၼိူဝ်ႉ​ပုၼ်ႈ​ဢၼ်​ႁဝ်း​တၵ်း​ၵိၼ်။-</verse>
				<verse number="5">ႁဝ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၼိူဝ်ႉ​ပႃ​ဢၼ်​ႁဝ်း​ယင်း​ဢမ်ႇ​ပၼ်​ၵႃႈ​မၼ်း​ၶၼ်​မၼ်း​လႄႈ လႆႈ​ၵိၼ်​ၵႃႈ​တီႈ​မိူင်း​ ဢေႇၵိပ်ႉတူႉ ဢိၵ်ႇ​တင်း တႅင်၊ တႅင်​ၸမ်ႇ​ပူႇ၊ ၽၵ်း​မီႇ​ဢၼ်​လႅင်​ဢၼ်​ၽိူၵ်ႇ​ဢၼ်​လိူင်​ၸိူဝ်း​ၼၼ်ႉ​ဢေႃႈ။-</verse>
				<verse number="6">မိူဝ်ႈ​လဵဝ်​ၼႆႉ​ၸိုင်၊ ဢသၢၵ်ႈ​ႁဝ်း​ၼႆႉ​ႁႅင်း​ဢူၼ်ႈ​ၵႂႃႇ​ယဝ်ႉ။ ဢမ်ႇ​မီး​ၵႃႈ​သင်​လႃး​လႃး။ ၼွၵ်ႈ​သေ​ မၼ်ႇၼႃႉ ​ၼႆႉ တီႈ​ဢၼ်​တႃ​ႁဝ်း​တၵ်း​လႆႈ​ႁၼ်​ဢမ်ႇ​မီး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မၼ်ႇၼႃႉ ​ၼၼ်ႉ မိူၼ်​ၸိူဝ်ႉ​ၼင်ႇ​မဵတ်ႉ​ၽၵ်း​ၵီး​လႄႈ ႁၢင်ႈ​ၽၢင်​မၼ်း​မိူၼ်​ၸိူဝ်ႉ​ၼင်ႇ​မဵတ်ႉ​မႆႉ ပတေႇလႃႉ ​ၼၼ်ႉ​ဢေႃႈ။-</verse>
				<verse number="8">ၵူၼ်း​တင်း​လၢႆ​ဢွၼ်​ၵၼ်​လႄႇ​လဵပ်ႈ ၵဵပ်း​သိမ်း​ဢဝ်​လႄႈ ႁဵတ်း​တၢင်း​ဢၼ်​ၶိုတ်ႈ​ၵႃႈ​ၼႂ်း​လူၺ်၊ တၢင်း​ဢၼ်​တမ်​ၵႃႈ​ၼႂ်း​ၶူၵ်ႉ​မိုဝ်း​သေ​ယဝ်ႉ၊ တူမ်ႈ​ၵႃႈ​တီႈ​မေႃႈ​ဢေႃႈ။ ၶဝ်ႈ​မုၼ်း​ၶႅပ်း​ၵေႃႈ​ႁဵတ်း​ဢေႃႈ။ ဢရႃႉသႃႇ​မၼ်း​မိူၼ်​ၸိူဝ်ႉ​ၼင်ႇ​ဢရႃႉသႃႇ​ၶဝ်ႈ​မုၼ်း​ၶူဝ်ႈ​ၼမ်ႉ​မၼ်း​ၼၼ်ႉ​ဢေႃႈ။-</verse>
				<verse number="9">မိူဝ်ႈ​ဢၼ်​ၼမ်ႉ​ၼၢႆး​တူၵ်း​ၵႃႈ​တီႈ​ဢၼ်​ၶျႃး​ပၢင်​ၼၼ်ႉ၊ ၶိင်ႇ​ၵၢင်​ၶိုၼ်း​ၸိုင်​ မၼ်ႇၼႃႉ ​ၼၼ်ႉ​ၸၢင်ႈ​တူၵ်း​ၸွမ်း​ၵႃႈ​ၼိူဝ်​မၼ်း​ဢေႃႈ။</verse>
				<verse number="10">မိူဝ်ႈ​ၼၼ်ႉ မူဝ်းသေႇ ​လႆႈ​ငိၼ်း​ၵူၼ်း​တင်း​လၢႆ ႁင်း​ၽႂ်​ႁင်း​မၼ်း ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​ၶဝ် ဢွၼ်​ၵၼ်​ႁွင်ႉ​ႁႆႈ​ယူႇ​ၵႃႈ​တီႈ​ႁူး​ၽၵ်း​တူ​မူဝ်းၵႃႇ​ၶဝ်​ႁင်း​ၽႂ်​ႁင်း​မၼ်း​ဢေႃႈ။ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​ႁႅင်း​ယႂ်ႇ​ၼႃႇ​လူင်​လၢင်​လႄႈ၊ မူဝ်းသေႇ ​ၵေႃႈ ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​မၼ်း။-</verse>
				<verse number="11">မူဝ်းသေႇ ​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ႁဝ်း​ၼႆႉ​ၼင်ႇ​ႁိုဝ်​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶႃႈ​ၸဝ်ႈ​ႁဝ်း​ၼႆႉ ဢမ်ႇ​လႆႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​လႄႈ ၸဝ်ႈ​ႁဝ်း​ဢဝ်​ၵူၼ်း​တင်း​သဵင်ႈ​တင်း​လူင်​ၼႆႉ တၢင်ႇ​သႂ်ႇ​ၵႃႈ​ၼိူဝ်​ၶႃႈ​ၸဝ်ႈ​ႁဝ်း ႁႂ်ႈ​ၶႃႈ​ၸဝ်ႈ​ႁဝ်း​လႆႈ​ႁၢပ်ႇ​ၼင်ႇ​ႁိုဝ်​တီႈ​ၶႃႈ။-</verse>
				<verse number="12">ၶႃႈ​ၸဝ်ႈ​ႁဝ်း​ၼႆႉ လႆႈ​ပႃး​တွင်ႉ​ပႃး​မၢၼ်း​ၵူၼ်း​တင်း​သဵင်ႈ​တင်း​လူင်​ၼႆႉ​တီႈ​ၶႃႈ​ႁိုဝ်။ လႆႈ​ၵိူတ်ႇ​လဵင်ႉ​ၶဝ် ႁႂ်ႈ​ၸဝ်ႈ​ႁဝ်း​လႆႈ​မီး​ဢမိင်ႉ တီႈ​ၶႃႈ​ၸဝ်ႈ​ႁဝ်း​လႄႈ​ဝႃႈ၊ ဢုမ်ႈ​ႁွပ်ႇ​ဢဝ်​ၵူၼ်း​ၸိူဝ်း​ၼႆႉ​မိူၼ်​ၸိူဝ်ႉ​ၼင်ႇ​ဢၼ် ၵူၼ်း​ဢၼ်​ထိင်း​ၼၼ်ႉ ဢဝ်​လုၵ်ႈ​ဢွၼ်ႇ​ၵိၼ်​ၼူမ်း​ၵႂႃႇ​ၼၼ်ႉ​လႄႈ ၵႂႃႇ​ၵႃႈ​တီႈ​မိူင်း​ဢၼ်​ၸဝ်ႈ​ႁဝ်း​တိူင်ႇ​ဝႃႈ တီႈ​ပူႇ​မွၼ်ႇ​ၶဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ​တီႈ​ၶႃႈ​ႁိုဝ်။-</verse>
				<verse number="13">ၶႃႈ​ၸဝ်ႈ​ႁဝ်း​ၼႆႉ တၵ်း​လႆႈ​ၼိူဝ်ႉ​ပုၼ်ႈ​ဢၼ်​တၵ်း​လဵင်ႉ​ၵူၼ်း​တင်း​သဵင်ႈ​တင်း​လူင်​ၼႆႉ ၵႃႈ​တီႈ​လႂ်​တီႈ​ၶႃႈ၊ ၶဝ်​ဢွၼ်​ၵၼ်​ႁွင်ႉ​ႁႆႈ​တီႈ​ၶႃႈ​ၸဝ်ႈ​ႁဝ်း​သေ​လႄႈ​ဝႃႈ၊ ပၼ်​ၼိူဝ်ႉ​ပုၼ်ႈ​ဢၼ်​ႁဝ်း​ၶႃႈ​တၵ်း​ၵိၼ်​သေ​ၵမ်း၊ ဝႃႈ​ၼင်ႇ​ၼႆ​ယူႇ​တီႈ​ၶႃႈ​ဢေႃႈ။-</verse>
				<verse number="14">ၶႃႈ​ၸဝ်ႈ​ႁဝ်း​ၵေႃႉ​လဵဝ်​ၵူၺ်း ဢမ်ႇ​ႁၢပ်ႇ​ဢဝ်​ၵူၼ်း​တင်း​သဵင်ႈ​တင်း​လူင်​ၼႆႉ​ၵႂႃႇ​လႆႈ​တီႈ​ၶႃႈ၊ ပဵၼ်​ၶူဝ်း​ႁၢပ်ႇ​ဢၼ်​ၼၵ်း​ဢၼ်​ၼႃ​လိူဝ်​တွၼ်း​ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="15">ပေႃး​ၸဝ်ႈ​ႁဝ်း ႁဵတ်း​ၸိူဝ်ႉ​ၼင်ႇ​ၼၼ်​တီႈ​ၶႃႈ​ၸဝ်ႈ​ႁဝ်း၊ ပေႃး​ၶႃႈ​ၸဝ်ႈ​ႁဝ်း ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ၸိုင်၊ ၸဵဝ်း​ဢဝ်​ၶႃႈ​ၸဝ်ႈ​ႁဝ်း​ၼႆႉ တၢႆ​ၶၼ်​ၶၼ်​ၽႂ်း​ၽႂ်း​သေ​ၵမ်း​တီႈ​ၶႃႈ၊ ယႃႇ​ႁႂ်ႈ​ၶႃႈ​ၸဝ်ႈ​ႁဝ်း​လႆႈ​ႁၼ်​တုၵ်ႉ​ၶႃႉ​တၢင်း​ၽၢၼ်​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၼႂ်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ၊ ႁႂ်ႈ​ၵူၼ်း​ၸဵတ်း​သိပ်း​ဢၼ်​မႂ်း​ႁူႉ​လွင်ႈ​ဢၼ်​ပဵၼ်​ၵူၼ်း​ဢၼ် ပဵၼ်​ၵႄႇ​ပဵၼ်​ႁူဝ်​ၵႃႈ​တီႈ​ၵူၼ်း​တင်း​လၢႆ​လႄႈ ပဵၼ်​ၶုၼ်​ၵႃႈ​ၼိူဝ်​ၶဝ်​ၼၼ်ႉ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​တီႈ​ၵဝ်​လႄႈ​ႁွင်ႉ​ဢဝ်​မႃး ၵႃႈ​တီႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​သေ​လႄႈ ႁႂ်ႈ​ၶဝ်​ၸုၵ်း​ယူႇ​ၵႃႈ​တီႈ​ၼၼ်ႈ​လူၺ်ႈ​ၵၼ်​တင်း​မႂ်း​တႃႉ။-</verse>
				<verse number="17">ၵဝ်​ၵေႃႈ တၵ်း​လူင်း​မႃး​ၵႃႈ​တီႈ​ၼၼ်ႈ​လႄႈ လၢတ်ႈ​ၵႂၢမ်း​တေႃႇ​ၵၼ်​တင်း​မႂ်း​ဢေႃႈ။ ၵဝ်​တၵ်း​ဢဝ်​ဝီႉၺိၺ်ႇ​ဢၼ်​ၵိင်း​ဝၢပ်ႈ​ယူႇ ၵႃႈ​တီႈ​ၼိူဝ်​မႂ်း​ၵမ်ႈ​ၽွင်ႈ​လႄႈ တၢင်ႇ​သႂ်ႇ​ပၼ်​ၵႃႈ​တီႈ​ၼိူဝ်​ၶဝ်​ၼၼ်ႉ​ဢေႃႈ။ ၶဝ်​ၼၼ်ႉ​ၵေႃႈ တၵ်း​လႆႈ​ၽွမ်ႉ​ၵၼ်​ၸွႆႈ​ထႅမ်​မႂ်း ႁၢပ်ႇ​ဢဝ်​ၵူၼ်း​တင်း​လၢႆ​ၼႆႉ​ၵႂႃႇ​လႄႈ မႂ်း​ၵေႃႉ​လဵဝ်​ၵူၺ်း​တၵ်း​ဢမ်ႇ​လႆႈ​ႁၢပ်ႇ​ဢဝ်​ၵႂႃႇ။-</verse>
				<verse number="18">မႂ်း​သင်ႇ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ တူဝ်​ၸဝ်ႈ​ၵဝ်ႇ ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​ပုၼ်ႈ​ဝၼ်း​မိူဝ်ႈ​ၽုၵ်ႈ​တႃႉ။ သူ​တၵ်း​လႆႈ​ၵိၼ်​ၼိူဝ်ႉ​ဢေႃႈ။ လွင်ႈ​မၼ်း​ၸမ်ႉ သူ​ႁွင်ႉ​ႁႆႈ​ထိုင်​ႁူ​ထႃႇဝရႃႉ​ၽြႃး​သေ​လႄႈ လၢတ်ႈ​လႄႈ​ဝႃႈ၊ ၽူႈ​လႂ်​တၵ်း​ပၼ်​ၼိူဝ်ႉ​ပုၼ်ႈ​ဢၼ်​ႁဝ်း​တၵ်း​ၵိၼ်​တီႈ​ႁဝ်း။ ႁဝ်း​ယူႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ပုၼ်ႉ​လႄႈ ၵတ်း​ယဵၼ်​ၶျၢမ်း​သႃႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ ထႃႇဝရႃႉ​ၽြႃး​တၵ်း​ပၼ်​ၼိူဝ်ႉ​တီႈ​သူ​လႄႈ သူ​တၵ်း​လႆႈ​ၵိၼ်​ဢေႃႈ။-</verse>
				<verse number="19">သူ​တၵ်း​လႆႈ​ၵိၼ်​ဝၼ်း​ၼိုင်ႈ၊ သွင်​ဝၼ်း၊ ႁႃႈ​ဝၼ်း၊ သိပ်း​ဝၼ်း၊ သၢဝ်း​ဝၼ်း​ၵူၺ်း​ဢမ်ႇ​ၸႂ်ႈ။-</verse>
				<verse number="20">သူ​တၵ်း​လႆႈ​ၵိၼ်​လိူၼ်​ၼိုင်ႈ​တဵမ်​တဵမ်​တေႃႇ​ထိုင်​ႁွတ်ႈ​ထၼ်ႈ​ပေႃး ၼိူဝ်ႉ​ဢွၵ်ႇ​ၵႃႈ​ၼႂ်း​ၶူႈ​လင်​သူ​လႄႈ ပဵၼ်​တီႈ​လီ​ႁင်ႈ​ဢဵတ်ႇ​သဵတ်ႇ​ဢေႃႈ။ လွင်ႈ​မၼ်း​ၸမ်ႉ သူ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ထႃႇဝရႃႉ​ၽြႃး ဢၼ်​မီး​ယူႇ​ၵႃႈ​တီႈ​ၼႂ်း​သူ​သေ​လႄႈ ႁွင်ႉ​ႁႆႈ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ​လၢတ်ႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ၼင်ႇ​ႁိုဝ်။ ဝႃႈ​ၼင်ႇ​ၼႆ​လူင်​ပႄႇ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မူဝ်းသေႇ ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၵူၼ်း​ၸၢႆး​ဢၼ်​ၸၢပ်ႈ​သႅင်ႇ​ၵၼ်​တင်း​ၶႃႈ​ၸဝ်ႈ​ႁဝ်း​ၼႆႉ​ၸိူဝ်း​ၼၼ်ႉ မီး​ႁူၵ်း​သႅၼ်​လႄႈ၊ ၸဝ်ႈ​ႁဝ်း​မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ပၼ်​ၼိူဝ်ႉ​တီႈ​ၶဝ် ပုၼ်ႈ​ဢၼ်​ၶဝ်​တၵ်း​လႆႈ​ၵိၼ်​လိူၼ်​ၼိုင်ႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​လူင်​ပႄႇ။-</verse>
				<verse number="22">တၵ်း​လႆႈ​ဢဝ်​ၽုင်​သူဝ်း၊ ၽုင်​ပႄႉ၊ ၽုင်​ဝူဝ်း တင်း​လၢႆ တၢႆ​ႁႂ်ႈ​လႆႈ​လဵင်ႉ​ပၼ်​ၶဝ်​ဢိမ်ႇ​ဢိမ်ႇ​တဵမ်​တဵမ်​တီႈ​ၶႃႈ​ႁိုဝ်။ ဢမ်ႇ​ၼၼ်​လႄႈ တၵ်း​လႆႈ​ႁႂ်ႈ​ဢဝ်​ပႃ​ပၢင်ႇ​လၢႆႇ​ၵႃႈ​မီး ၸူႉ​ၵၼ်​တုမ်​ၵၼ်​ႁႂ်ႈ​လႆႈ​လဵင်ႉ​ပၼ်​ၶဝ်​ဢိမ်ႇ​ဢိမ်ႇ​တဵမ်​တဵမ်​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="23">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ မိုဝ်း​ထႃႇဝရႃႉ​ၽြႃး​ပွတ်း​ႁိုဝ်။ တေႃႈ​လဵဝ်​ၼႆႉ မႂ်း​တၵ်း​ႁူႉ​လွင်ႈ​ဢၼ် ၵႂၢမ်း​ၵဝ်​တၵ်း​တႄႇ​ယူႇ​တီႈ​မႂ်း​ႁိုဝ်။ တၵ်း​ဢမ်ႇ​တႄႇ​ယူႇ​ႁိုဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">မူဝ်းသေႇ ဢွၵ်ႇ​လႄႈ သင်ႇ​လၢတ်ႈ​ၵႂၢမ်း​ထႃႇဝရႃႉ​ၽြႃး​ၼၼ်ႉ တီႈ​ၵူၼ်း​တင်း​လၢႆ​သေ​ယဝ်ႉ၊ ႁႂ်ႈ​ၵူၼ်း​ၸဵတ်း​သိပ်း​ၵေႃႉ ၵႃႈ​ၼႂ်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၵူၼ်း​တင်း​လၢႆ​ၼၼ်ႉ ၸူႉ​ၵၼ်​တုမ်​ၵၼ်​လႄႈ ဢဝ်​ၶဝ်​ဝႆႉ​လဵပ်ႈ​ၸွမ်း​ႁိမ်း​မူဝ်းၵႃႇ​ၸဝ်ႈ​ဢေႃႈ။-</verse>
				<verse number="25">ထႃႇဝရႃႉ​ၽြႃး​ယူႇ​ၵႃႈ​ၼႂ်း​မွၵ်ႇ​ၵုမ်ႈ​လူင်း​မႃး​လႄႈ​လၢတ်ႈ​ၵႂၢမ်း​တေႃႇ​မၼ်း​ဢေႃႈ။ မၼ်း​ၸဝ်ႈ​ဢဝ်​ဝီႉၺိၺ်ႇ​ဢၼ်​ၵိင်း​ဝၢပ်ႈ​ယူႇ​ၵႃႈ​တီႈ​ၼိူဝ် မူဝ်းသေႇ ၵမ်ႈ​ၽွင်ႈ​ၼၼ်ႉ တၢင်ႇ​သႂ်ႇ​ပၼ်​ၵႃႈ​တီႈ​ၼိူဝ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၸဵတ်း​သိပ်း​ၵေႃႉ​ၸိူဝ်း​ၼၼ်ႉ​လႄႈ၊ မိူဝ်ႈ​ဢၼ်​ဝီႉၺိၺ်ႇ​ၼၼ်ႉ ၵိင်း​ဝၢပ်ႈ​ယူႇ​ၵႃႈ​ၼိူဝ်​ၶဝ်​ၼၼ်ႉ​ၸိုင်၊ ၶဝ်​ႁဵတ်း​ပရေႃးၽႅတ်ႈ​လႄႈ ၵမ်း​လိုၼ်း​ဢမ်ႇ​ထၢပ်ႈ​ဢမ်ႇ​ႁဵတ်း။-</verse>
				<verse number="26">ၵူၺ်း​ၵႃႈ ၵူၼ်း​သွင်​ၵေႃႉ​ယင်း​ၵိုတ်း​ၵျၢၼ်ႇ​ဝႆႉ​ယူႇ​ၵႃႈ​ၼႂ်း​တပ်ႉ​လႄႈ၊ ၸိုဝ်ႈ​သဵင်​ၵေႃႉ​ၼိုင်ႈ​ၸမ်ႉ၊ ပဵၼ်​ ဢေးလတတ်ႉ ၊ ၸိုဝ်ႈ​သဵင်​ၵေႃႉ​ၼိုင်ႈ​ၸမ်ႉ၊ ပဵၼ်​ မေႇတတ်ႉ ​လႄႈ၊ ဝီႉၺိၺ်ႇ​ၼၼ်ႉ ၵိင်း​ဝၢပ်ႈ​ယူႇ​ၵႃႈ​ၼိူဝ်​သွင်​ၶႃ​ၼၼ်ႉ​ဢေႃႈ။ သွင်​ၶႃ​ၼၼ်ႉ ပိၵ်ႉ​သမ်ႉ​ပႃး​ၼႂ်း​ၶဝ်​ၸိူဝ်း​ဢၼ်​ၶဝ်ႈ​ပႃး ၼႂ်း​ၸရၢင်း​ၸိူဝ်း​ၼၼ်ႉ​သေ​ၵေႃႈ ဢမ်ႇ​ၵႂႃႇ​ၵႃႈ​တီႈ​မူဝ်းၵႃႇ​ၸဝ်ႈ​ၼၼ်ႉ။ သွင်​ၶႃ​ၼၼ်ႉ ဢွၼ်​ၵၼ်​ႁဵတ်း​ပရေႃးၽႅတ်ႈ​ယူႇ​ၵႃႈ​ၼႂ်း​တပ်ႉ​ဢေႃႈ။-</verse>
				<verse number="27">ၵူၼ်း​ဢွၼ်ႇ​ၵေႃႉ​ၼိုင်ႈ​လႅၼ်ႈ​ၵႂႃႇ​မွၵ်ႇ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ဢေးလတတ်ႉ တင်း​ မေႇတတ်ႉ ​ၼၼ်ႉ ႁဵတ်း​ပရေႃးၽႅတ်ႈ​ယူႇ​ၵႃႈ​ၼႂ်း​တပ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="28">ယေႃးသူႉ လုၵ်ႈ​ၸၢႆး​ ၼုၼ်ႇ ဢၼ်​ပဵၼ်​ၵူၼ်း​ဢၼ်​ၶၢမ်ႇ​တၢင်း​ၸႂ်ႉ​တၢင်း​သွႆ​တီႈ​ မူဝ်းသေႇ ဢၼ်​ပဵၼ်​ၵႃႈ​ၼႂ်း​ၵူၼ်း​ဢွၼ်ႇ​မၼ်း​တင်း​လၢႆ​ၼၼ်ႉ ၶိုၼ်း​လၢတ်ႈ​လႄႈ​ဝႃႈ၊ ၸဝ်ႈ​ မူဝ်းသေႇ ​ႁဝ်း ႁႄႉ​ၶႅၼ်​ၶဝ်​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">မူဝ်းသေႇ ​လၢတ်ႈ​လႄႈ​ဝႃႈ၊ မႂ်း​ၼႆႉ​မီး​ၸႂ်​ဢၼ်​သီႈ​ၵေႉ​ႁေႈ​တႃ​ပုၼ်ႈ​ၵဝ်​ႁိုဝ်။ ႁႂ်ႈ​ၵူၼ်း​ထႃႇဝရႃႉ​ၽြႃး​တင်း​သဵင်ႈ​တင်း​လူင် ပဵၼ်​ပရေႃးၽႅတ်ႈ​သေ​ၵမ်း​လူၺ်ႈ။ ႁႂ်ႈ​ထႃႇဝရႃႉ​ၽြႃး​ဢဝ်​ဝီႉၺိၺ်ႇ​မၼ်း​ၸဝ်ႈ တၢင်ႇ​သႂ်ႇ​ပၼ်​ၵႃႈ​ၼိူဝ်​ၶဝ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="30">မူဝ်းသေႇ ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵႃႈ​ၼႂ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​ၼၼ်ႉ ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၵႃႈ​တီႈ​ၼႂ်း​တပ်ႉ​သေ​ဢေႃႈ။</verse>
				<verse number="31">မိူဝ်ႈ​ၼၼ်ႉ လူမ်း​ဢွၵ်ႇ​သေ​ၵႃႈ​တီႈ​ထႃႇဝရႃႉ​ၽြႃး​လႄႈ ပႃး​ဢဝ်​ၼူၵ်ႉ​ၶုမ်ႈ​တင်း​လၢႆ ၵႃႈ​တီႈ​ပၢင်ႇ​လၢႆႇ​မႃး​လႄႈ ႁႂ်ႈ​တူၵ်း​ၵႃႈ​တီႈ​ဢၼ် လဵပ်ႈ​ႁွပ်ႈ​တပ်ႉ​ၵူႈ​ၽၢႆႇ​ၵူႈ​ပႃႈ​ၸူဝ်ႈ​တႃႇ​ၶၢဝ်း​တၢင်း​ဝၼ်း​ၼိုင်ႈ​တဵမ်​တဵမ်​ၼင်ႇ​ၵၼ်​ၵႃႈ​ၼိူဝ်​ၼႃႈ​လိၼ် ၼႃ​ၶိုၼ်ႈ​သေ​သွင်​သွၵ်ႇ​ၼိုင်ႈ​ဢေႃႈ။-</verse>
				<verse number="32">ၵူၼ်း​တင်း​လၢႆ ဢွၼ်​ၵၼ်​လုၵ်ႉ​လႄႈ​ၵဵပ်း​သိမ်း​ဢဝ်​ၼူၵ်ႉ​ၶုမ်ႈ​ၸိူဝ်း​ၼၼ်ႉ​တင်း​ဝၼ်း​တင်း​ၶိုၼ်း၊ ဝၼ်း​မိူဝ်ႈ​ၽုၵ်ႈ​ၵေႃႈ တင်း​ဝၼ်း​ဢေႃႈ။ ၵေႃႉ​ဢၼ်​ၵဵပ်း​သိမ်း​ဢဝ် ၵေႇ​ၵေႇ​ၼၼ်ႉ လႆႈ​ၵဵပ်း​သိမ်း​ဢဝ် သိပ်း​ ဢေႃးမေႇ ​ဢေႃႈ။ ၶဝ်​ဢွၼ်​ၵၼ် ဢဝ်​ၽႄႇ​တၢၵ်ႇ​ဝႆႉ ၵႃႈ​တီႈ​လဵပ်ႈ​ႁွပ်ႈ​တပ်ႉ ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="33">ၵူၺ်း​ၵႃႈ ၼႂ်း​မိူဝ်ႈ​ဢၼ်​ၼိူဝ်ႉ​ၼၼ်ႉ​ယင်း​တိုၵ်ႉ​မီး​ယူႇ​ၵႃႈ​ၼႂ်း​ၵၢင်​ၶဵဝ်ႈ​ၶဝ်​လႄႈ ၸူဝ်ႈ​ဢၼ်​ၶဝ်​ဢမ်ႇ​ပႆႇ​တၼ်း​ၵဵဝ်ႉ​ၼၼ်ႉ​ၸိုင်၊ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​ဢွၵ်ႇ​လႄႈ ထႃႇဝရႃႉ​ၽြႃး​ဢဝ်​တင်း​ၽေး​ဢၼ်​ႁႅင်း​ၼႃႇ​လူင်​လၢင် ပၼ်​တၢမ်ႇ​ဢေႃႈ။-</verse>
				<verse number="34">တီႈ​ၼၼ်ႈ​ၸိုင် မၼ်း​ႁွင်ႉ​ႁဵၵ်ႈ​ၸိုဝ်ႈ ၵီႉပြုတ်ႉႁတ်ႉတဝႃႇ ၵွပ်ႈ​ပိူဝ်ႈ​ဢၼ်​ပဵၼ်​တီႈ​ဢၼ် သၢင်း​ၵျူဝ်ႇ​ၶဝ်​ၸိူဝ်း​ဢၼ်​ဢေ​ႁႃ ၸႂ်​ၸပ်း​ၸႂ်​ၸွႆး​ၸိူဝ်း​ၼၼ်ႉ​ဢေႃႈ။-</verse>
				<verse number="35">ၵူၼ်း​တင်း​လၢႆ​ၼၼ်ႉ ဢွၼ်​ၵၼ်​ဢွၵ်ႇ​သေ​ၵႃႈ​တီႈ​ ၵီႉပြုတ်ႉႁတ်ႉတဝႃႇ ​ၼၼ်ႉ​သေ​ယဝ်ႉ၊ ၵႂႃႇ​တၢင်း​ပႆ​တၢင်း​ၸူး​ၵႃႈ​တီႈ ႁႃႇၸရုတ်ႉ ​လႄႈ ယူႇ​ၵႃႈ​တီႈ​ ႁႃႇၸရုတ်ႉ ​ၼၼ်ႉ​ဢေႃႈ။</verse>
			</chapter>
			<chapter number="12">
				<verse number="1">ပိူဝ်ႈ​ဢၼ်​ မူဝ်းသေႇ ပဵၼ်​ႁိူၼ်း​ႁူမ်ႈ​ၵၼ်​တင်း​မႄႈ​ယိင်း​ၵူၼ်း​မဵဝ်း​ ၵူႉသႃႉ ​လႄႈ မီႉရီႉဢၢမ်ႇ ဢိၵ်ႇ​တင်း​ ဢႃႇရုၼ်ႇ ​တၢင်ႇ​ဢပႅတ်ႈ​တီႈ​ မူဝ်းသေႇ ​ၵွပ်ႈ​ပိူဝ်ႈ​မႄႈ​ယိင်း​ၵူၼ်း​မဵဝ်း​ ၵူႉသႃႉ ဢၼ်​မၼ်း​ပဵၼ်​ႁိူၼ်း​ႁူမ်ႈ​ၵၼ်​ၼၼ်ႉ​သေ​လႄႈ​ဝႃႈ၊-</verse>
				<verse number="2">ထႃႇဝရႃႉ​ၽြႃး ဢဝ်​ မူဝ်းသေႇ ၵူၺ်း​ပၼ်​ပျႃႇ​တိၵ်ႈ​ၸဝ်ႈ​ဢမၢၼ်ႇ​ၶၼ်​ပဵၼ်​ႁိုဝ်။ မၼ်း​ၸဝ်ႈ​ဢဝ်​ႁဝ်း​ပၼ်​ပျႃႇ​တိၵ်ႈ​ၸဝ်ႈ​ယူႇ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ထႃႇဝရႃႉ​ၽြႃး​ငိၼ်း​ၵႂၢမ်း​ၼၼ်ႉ​ဢေႃႈ။-</verse>
				<verse number="3">မူဝ်းသေႇ ​ၼၼ်ႉ မီး​သၽေႃး​ဢၼ်​ယဵင်ႈ​ၶႅၼ်း​ၼိမ်​သိမ်ႇ​ဢူၼ်ႈ​ဢွၼ်ႇ​ၼႃႇ​သေ ၵူၼ်း​ဢၼ်​မီး​ၵႃႈ​ၼိူဝ်​ၼႃႈ​လိၼ်​မိူင်း​ၼႆႉ တင်း​သဵင်ႈ​တင်း​လူင်​ဢေႃႈ။-</verse>
				<verse number="4">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ တင်း​ မီႉရီႉဢၢမ်ႇ ၵမ်း​လဵဝ်​လႄႈ​ဝႃႈ၊ သူ​သၢမ်​ၵေႃႉ​ဢွၵ်ႇ​ၸူး​ၵႃႈ​တီႈ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​သၢမ်​ၵေႃႉ​ဢွၵ်ႇ​ၸူး​ဢေႃႈ။-</verse>
				<verse number="5">ထႃႇဝရႃႉ​ၽြႃး ယူႇ​ၵႃႈ​ၼႂ်း​သဝ်​မွၵ်ႇ​ၵုမ်ႈ​လူင်း​မႃး​လႄႈ ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ​မူဝ်းၵႃႇ​ၸဝ်ႈ​သေ​ယဝ်ႉ၊ ႁွင်ႉ​တီႈ​ ဢႃႇရုၼ်ႇ တင်း​ မီႉရီႉဢၢမ်ႇ ​လႄႈ သွင်​ၶႃ​ၼၼ်ႉ ဢွၼ်​ၵၼ်​သုတ်ႉ​ၸူး​ဢေႃႈ။-</verse>
				<verse number="6">မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ထွမ်ႇ​ငိၼ်း​ၵႂၢမ်း​ၵဝ်​တႃႉ။ ပေႃး​ပရေႃးၽႅတ်ႈ​မီး​ၵႃႈ​ၼႂ်း​သူ​ၸိုင်၊ ၵဝ်​ထႃႇဝရႃႉ​ၽြႃး တၵ်း​ဢဝ်​ရူႇပႃႇရူင်ႇ​ၼႄ​ပျႃး​တူဝ်​ၸဝ်ႈ​ၵဝ်ႇ​တီႈ​မၼ်း​ၼၼ်ႉ​ဢေႃႈ။ ဢမ်ႇ​ၼၼ်​ၵေႃႈ ၵဝ်​တၵ်း​ဢဝ် တၢင်း​ဢၼ် ၼွၼ်း​ၽၼ်​ႁၼ် ပၼ်​ပျႃႇ​တိၵ်ႈ​တီႈ​မၼ်း​ၼၼ်ႉ​ဢေႃႈ။-</verse>
				<verse number="7">ၶႃႈ​ၵဝ်​ မူဝ်းသေႇ ဢၼ်​ပႂ်ႉ​သဵတ်ႈ​ၸႃႇ​ၵႃႈ​ၼႂ်း​ႁိူၼ်း​ၵဝ်​တင်း​ႁိူၼ်း​ၼၼ်ႉ​ၸမ်ႉ၊ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။-</verse>
				<verse number="8">ၵဝ်​ဢဝ်​သူပ်း​တေႃႇ​သူပ်း၊ ပၼ်​ပျႃႇ​တိၵ်ႈ​တီႈ​မၼ်း​လႄႈ ပၼ်​ထၢင်ႇ​ထၢင်ႇ​သႃး​သႃး​ဢေႃႈ။ ဢမ်ႇ​ဢဝ်​တင်း​ၵႂၢမ်း​ဢၼ်​လိုၵ်ႉ​ဢၼ်​လမ်ႇ​ပၼ်။ ပုင်ႇ​ႁၢင်ႈ​ထႃႇဝရႃႉ​ၽြႃး​ၵေႃႈ မၼ်း​တၵ်း​လႆႈ​ႁၼ်​ဢေႃႈ။ ၵွပ်ႈ​ႁွႆး​ၼႆႉ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢမ်ႇ​ၵူဝ်​လူၺ်ႈ​လွင်ႈ​ဢၼ် တၢင်ႇ​ဢပႅတ်ႈ​တီႈ​ၶႃႈ​ၵဝ်​ မူဝ်းသေႇ ​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="9">တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​တီႈ​သွင်​ၶႃ​ၼၼ်ႉ​လႄႈ မၼ်း​ၸဝ်ႈ​ၵႂႃႇ​သေ​ယဝ်ႉ၊-</verse>
				<verse number="10">မွၵ်ႇ​ၵုမ်ႈ​ၼၼ်ႉ​ၽၢတ်ႇ​သေ​ၵႃႈ​တီႈ​ၼိူဝ်​မူဝ်းၵႃႇ​ၸဝ်ႈ​ၵႂႃႇ​ဢေႃႈ။ မီႉရီႉဢၢမ်ႇ ​ၵေႃႈ​ပဵၼ်​တုတ်ႈ​လႄႈ ၽိူၵ်ႇ​ဝႆႉ​မိူၼ်​ၸိူဝ်ႉ​ၼင်ႇ​မူၺ်​ႁႃႇ​ၼၼ်ႉ​ဢေႃႈ။ ဢႃႇရုၼ်ႇ ​တူၺ်း​ မီႉရီႉဢၢမ်ႇ ​လႄႈ ႁၼ်​လွင်ႈ​ဢၼ်​မၼ်း​ပဵၼ်​တုတ်ႈ​ၼၼ်ႉ​သေ​ယဝ်ႉ၊-</verse>
				<verse number="11">တွင်း​ပၢၼ်ႇ​တီႈ​ မူဝ်းသေႇ ​လႄႈ​ဝႃႈ၊ ၸဝ်ႈ​ၵဝ်​ၶႃႈ​ၶႃႈ​ဢိူၺ်း၊ ယႃႇ​ပေ​ဢဝ်​ဢပႅတ်ႈ​ဢၼ်​ႁဝ်း​ၶႃႈ ႁဵတ်း​ဢမူႉ​ဢၼ်​မိူၵ်ႈ ဢိၵ်ႇ​တင်း​ဢၼ်​ၽိတ်း​ပိူင်ႈ​မႅၼ်ႈ​ၼႆႉ တၢင်ႇ​ၵႃႈ​ၼိူဝ်​ႁဝ်း​ၶႃႈ​သေ​ၵမ်း​ၶႃႈ။ ၵဝ်​ၶႃႈ​တွင်း​ပၢၼ်ႇ​ၶႃႈ​ဢေႃႈ။-</verse>
				<verse number="12">ယႃႇ​ပေ​ႁႂ်ႈ​မၼ်း​ၼႆႉ ပဵၼ်​ၸိူဝ်ႉ​ၼင်ႇ​တူဝ်​တၢႆ ဢၼ်​ၼိူဝ်ႉ​မၼ်း​လၢၼ်ႈ​ၵႂႃႇ​ၽၢၵ်ႇ​ၼိုင်ႈ​ယဝ်ႉ ၸဵမ်​မိူဝ်ႈ​ဢၼ်​မၼ်း ၸႃႉ​ဢွၵ်ႇ​မႃး​ၵႃႈ​ၼႂ်း တွင်ႉ​မႄႈ​မၼ်း​ၼၼ်ႉ​သေ​ၵမ်း​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">မူဝ်းသေႇ ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ဢူဝ်း​ၽြႃး​ပဵၼ်​ၸဝ်ႈ၊ ၶႅၼ်း​တေႃႈ​ႁႂ်ႈ​တၢင်း​ၶႆႈ​တၢင်း​ပဵၼ်​မၼ်း​ၼႆႉ​ႁၢႆ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​တွင်း​ပၢၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ သင်​ပေႃႈ​မၼ်း​ၵွမ်ႉ​ၵႃႈ​ထူမ်ႇ​ၼမ်ႉ​လၢႆး​သႂ်ႇ​ၵႃႈ​တီႈ​ၼႃႈ​မၼ်း​ၵူၺ်း​ၸိုင်၊ မၼ်း​တၵ်း​လႆႈ​ၶၢမ်ႇ​တၢင်း ဢူၵ်း​တၢင်း​ဢၢႆ​ၸဵတ်း​ဝၼ်း​တဵမ်​တဵမ်​ဢမ်ႇ​ၸႂ်ႈ​ႁိုဝ်။ တေႃႈ​လဵဝ်​ၼႆႉ ႁေႃႈ​မၼ်း​ဢွၵ်ႇ​လႄႈ ႁႂ်ႈ​မၼ်း​ယူႇ​ၵႃႈ​တီႈ​ၼွၵ်ႈ​တပ်ႉ ၸဵတ်း​ဝၼ်း​တဵမ်​တဵမ်​တႃႉ။ လိုၼ်း​ၼၼ်ႉ​ၸင်ႇ ႁႂ်ႈ​မၼ်း​ၶိုၼ်း​ၶဝ်ႈ​ၵႃႈ​ၼႂ်း​တပ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="15">မီႉရီႉဢၢမ်ႇ ​လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​လႄႈ လႆႈ​ယူႇ​ၵႃႈ​ၼွၵ်ႈ​တပ်ႉ​ၸဵတ်း​ဝၼ်း​တဵမ်​တဵမ်​ဢေႃႈ။ ၵူၼ်း​တင်း​လၢႆ​ၼၼ်ႉ ယင်း​ဢမ်ႇ​ၵႂႃႇ​တၢင်း​ပႆ​တၢင်း​လႄႈ ယူႇ​တေႃႇ​ထိုင်​ႁွတ်ႈ​လႆႈ​ဢဝ် မီႉရီႉဢၢမ်ႇ ၶိုၼ်း​မႃး​ၵႃႈ​ၼႂ်း​တပ်ႉ​ၼၼ်ႉ​ဢေႃႈ။-</verse>
				<verse number="16">လိုၼ်း​ၼၼ်ႉ ၵူၼ်း​တင်း​လၢႆ​ၼၼ်ႉ ဢွၼ်​ၵၼ်​လုၵ်ႉ​သေ​ၵႃႈ​တီႈ​ ႁႃႇၸရုတ်ႉ ​ၼၼ်ႉ ၵႂႃႇ​တၢင်း​ပႆ​တၢင်း​လႄႈ ၵင်ႈ​မုင်း​မူဝ်းၵႃႇ​ၶဝ် ၵႃႈ​ၼႂ်း​ထိူၼ်ႇ​ ပႃႇရၼ်ႇ ​ဢေႃႈ။</verse>
			</chapter>
			<chapter number="13">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​ပွႆႇ​ၸႂ်ႉ​ၵူၼ်း​ၵႂႃႇ​ႁႂ်ႈ​လႆႈ​လွမ်​လႆႈ​တူၺ်း​မိူင်း​ ၶႃႇၼၢၼ်ႇ ဢၼ်​ၵဝ်​တၵ်း​ပၼ်​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​တႃႉ။ မႂ်း​တၵ်း​လႆႈ​လိူၵ်ႈ​ၵဵပ်း​ဢဝ်​ၵႃႈ​ၼႂ်း​မဵဝ်း​ပူႇ​မဵဝ်း​ပေႃႈ​ၶဝ်​ၼၼ်ႉ ယေႈ​မဵဝ်း​ယေႈ​ၵေႃႉ၊ ၵေႃႉ​ဢၼ်​ပဵၼ်​ငဝ်ႈ​ပဵၼ်​ႁူဝ်​ၼႂ်း​ၶဝ်​ၼၼ်ႉ ႁင်း​ၽႂ်​ႁင်း​မၼ်း​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="3">မူဝ်းသေႇ ​ပွႆႇ​ၸႂ်ႉ​ၶဝ်​ၼၼ်ႉ​သေ​ၵႃႈ​တီႈ​ထိူၼ်ႇ​ ပႃႇရၼ်ႇ ​ၼၼ်ႉ ၵႂႃႇ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။ ၶဝ်​ၸိူဝ်း​ၼၼ်ႉ ပဵၼ်​ၵႄႇ​ပဵၼ်​ႁူဝ်​ၵႃႈ​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵူႈ​ၵေႃႉ​ဢေႃႈ။-</verse>
				<verse number="4">ၸိုဝ်ႈ​သဵင်​ၶဝ်​ၸမ်ႉ၊ ၵႃႈ​တီႈ​မဵဝ်း​ ရူႉပိၼ်ႇ၊ သမႂႃႇ ​ဢၼ်​ပဵၼ်​လုၵ်ႈ​ၸၢႆး​ ၸၵ်ႉၵူႉရႃႉ ၊-</verse>
				<verse number="5">ၵႃႈ​တီႈ​မဵဝ်း​ သီႉမုၼ်ႇ၊ သႃႇၽတ်ႉ ဢၼ်​ပဵၼ်​လုၵ်ႈ​ၸၢႆး​ ႁေႃးရီႉ ၊-</verse>
				<verse number="6">ၵႃႈ​တီႈ​မဵဝ်း​ ယူႉတႃႉ၊ ၵႃႇလႅပ်ႉ ဢၼ်​ပဵၼ်​လုၵ်ႈ​ၸၢႆး​ ယေႇၽုၼ်ႇၼႃႉ ၊-</verse>
				<verse number="7">ၵႃႈ​တီႈ​မဵဝ်း​ ဢီႉသၶႃႇ၊ ဢီႉၵႃႇလႃႉ ​ဢၼ်​ပဵၼ်​လုၵ်ႈ​ၸၢႆး​ ယူဝ်းသႅပ်ႈ ၊-</verse>
				<verse number="8">ၵႃႈ​တီႈ​မဵဝ်း​ ဢေႇၽရိမ်ႇ၊ ဢေႃးသေႇ ​ဢၼ်​ပဵၼ်​လုၵ်ႈ​ၸၢႆး​ ၼုၼ်ႇ ၊-</verse>
				<verse number="9">ၵႃႈ​တီႈ​မဵဝ်း​ ပိၼ်ႇယႃႇမိၼ်ႇ၊ ပႃႇလတီႉ ​ဢၼ်​ပဵၼ်​လုၵ်ႈ​ၸၢႆး​ ရႃႇၽူႉ ၊-</verse>
				<verse number="10">ၵႃႈ​တီႈ​မဵဝ်း​ ၸေႇပူႉလုၼ်ႇ၊ ၵႃႇတျေႇလႃႉ ​ဢၼ်​ပဵၼ်​လုၵ်ႈ​ၸၢႆး​ သေႃႉတီႉ ၊-</verse>
				<verse number="11">ၵႃႈ​တီႈ​မဵဝ်း​ ယူဝ်းသႅပ်ႈ ဢၼ်​ဝႃႈ​မဵဝ်း​ မၼႃႇ​သေႇ၊ ၵတ်ႉတီႉ ​ဢၼ်​ပဵၼ်​လုၵ်ႈ​ၸၢႆး​ သူႉသီႉ ၊-</verse>
				<verse number="12">ၵႃႈ​တီႈ​မဵဝ်း​ တၢၼ်ႇ၊ ဢမျေးလႃႉ ​ဢၼ်​ပဵၼ်​လုၵ်ႈ​ၸၢႆး​ ၵေႇမလီႉ ၊-</verse>
				<verse number="13">ၵႃႈ​တီႈ​မဵဝ်း​ ဢႃႇသႃႇ၊ သေႇသူႉရႃႉ ဢၼ်​ပဵၼ်​လုၵ်ႈ​ၸၢႆး​ မီႉၵေႇလႃႉ ၊-</verse>
				<verse number="14">ၵႃႈ​တီႈ​မဵဝ်း​ ၼပ်ႉထလီႉ၊ ၼႃႇၽီႉ ​ဢၼ်​ပဵၼ်​လုၵ်ႈ​ၸၢႆး​ ဝႃႇၽသီႉ ၊-</verse>
				<verse number="15">ၵႃႈ​တီႈ​မဵဝ်း​ ၵၢတ်ႉ၊ ၵုၺ်းလႃႉ ​ဢၼ်​ပဵၼ်​လုၵ်ႈ​ၸၢႆး​ မႃႇၶီႉ ​ဢေႃႈ။-</verse>
				<verse number="16">ဢၼ်​ၼႆႉ​ၸမ်ႉ၊ ပဵၼ်​ၸိုဝ်ႈ​သဵင်​ၶဝ်​ၸိူဝ်း​ဢၼ်​ မူဝ်းသေႇ ပွႆႇ​ၸႂ်ႉ​ၵႂႃႇ​ႁႂ်ႈ​လႆႈ​လွမ်​လႆႈ​တူၺ်း မိူင်း​ ၶႃႇၼၢၼ်ႇ ​ဢေႃႈ။ ဢေႃးသေႇ ဢၼ်​ပဵၼ်​လုၵ်ႈ​ၸၢႆး​ ၼုၼ်ႇ ​ၼၼ်ႉ​ၸိုင်၊ မူဝ်းသေႇ ႁွင်ႉ​ႁဵၵ်ႈ​ၸိုဝ်ႈ​ ယေႃးသူႉ ​ဢေႃႈ။</verse>
				<verse number="17">မူဝ်းသေႇ ​ပွႆႇ​ၸႂ်ႉ​ၶဝ်​ၼၼ်ႉ​ၵႂႃႇ ႁႂ်ႈ​လႆႈ​လွမ်​လႆႈ​တူၺ်း​မိူင်း​ ၶႃႇၼၢၼ်ႇ ​လႄႈ သင်ႇ​လၢတ်ႈ​လႄႈ​ဝႃႈ၊ သူ​ဢွၼ်​ၵၼ်​ၵႂႃႇ​ၸွမ်း​သဵၼ်ႈ​တၢင်း ပွတ်း​တၢင်း​ၸၢၼ်း​သေ​လႄႈ ၶိုၼ်ႈ​ၵႃႈ​ၼိူဝ်​လွႆ​တႃႉ။-</verse>
				<verse number="18">လူ​တူၺ်း​လွမ်​တူၺ်း​လွင်ႈ​ဢၼ်​မိူင်း​ၼၼ်ႉ ပဵၼ်​မိူင်း​ၸိူဝ်ႉ​ၼင်ႇ​ႁိုဝ်။ ၵူၼ်း​ဢၼ်​ယူႇ​မိူင်း​ၼၼ်ႉ​ၸိူဝ်း​ၼၼ်ႉ ႁႅင်း​ယႂ်ႇ​ႁိုဝ်။ ႁႅင်း​လဵၵ်ႉ​ႁိုဝ်။ ၼမ်​ႁိုဝ်။ ၵေႇ​ႁိုဝ်။-</verse>
				<verse number="19">မိူင်း​ဢၼ်​ၶဝ်​ယူႇ​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်။ လီ​ႁိုဝ်။ ဢမ်ႇ​လီ​ႁိုဝ်။ ဝၢၼ်ႈ​ဝဵင်း​ဢၼ်​ၶဝ်​ယူႇ​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်။ ယူႇ​ၵႃႈ​ၼႂ်း​မူဝ်းၵႃႇ​ႁိုဝ်။ ယူႇ​ၵႃႈ​ၼႂ်း​ဝဵင်း​ဢၼ်​မၼ်ႈ​ၶိူင်ႇ​ႁိုဝ်။-</verse>
				<verse number="20">လိၼ်​ၼၼ်ႉ​ပဵၼ်​ၸိူဝ်ႉ​ၼင်ႇ​ႁိုဝ်။ လီ​ႁိုဝ်။ ဢမ်ႇ​လီ​ႁိုဝ်။ မီး​တူၼ်ႈ​မႆႉ​တူၼ်ႈ​တွၵ်ႇ​ႁိုဝ်။ ဢမ်ႇ​မီး​ႁိုဝ်​ၼၼ်ႉ​တႃႉ။ ဢွၼ်​ၵၼ်​မီး​ၸႂ်​ဢၼ်​ႁတ်း​ဢၼ်​ႁၢၼ်​တႃႉ။ ဢွၼ်​ၵၼ်​ဢဝ်​မၢၵ်ႇ​မႆႉ​မၢၵ်ႇ​တွၵ်ႇ​မိူင်း​ၼၼ်ႉ​ၵမ်ႈ​ၽွင်ႈ​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။ ၶိင်ႇ​ၵႃႇလႃႉ​ၼၼ်ႉ ပဵၼ်​ၶိင်ႇ​ၵႃႇလႃႉ​ဢၼ်​မၢၵ်ႇ​ၸပိတ်ႈ​မၢၵ်ႇ​ၸုပ်ႈ​ဢွၼ်​တၢင်း​သုတ်း​ပိူၼ်ႈ​ဢေႃႈ။</verse>
				<verse number="21">ၶဝ်​ၼၼ်ႉ​ဢွၼ်​ၵၼ်​ၵႂႃႇ​လႄႈ လွမ်​တူၺ်း​မိူင်း​ ၶႃႇၼၢၼ်ႇ ဢဝ်​ၵႃႈ​တီႈ​ၸႃႉ​ၸဵမ်​ထိူၼ်ႇ​ ၸီႉၼႃႉ တေႃႇ​ထိုင်​ႁွတ်ႈ​ဝဵင်း​ ရႃႇႁေႃႇၽႃႉ ႁိမ်း​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ဝဵင်း​ ႁႃႇမတ်ႉ ​ၼၼ်ႉ​ဢေႃႈ။-</verse>
				<verse number="22">ၶဝ်​ပႆ​ၸွမ်း​သဵၼ်ႈ​တၢင်း​ပွတ်း​တၢင်း​ၸၢၼ်း​ၵႂႃႇ​လႄႈ ႁွတ်ႈ​ၽႅဝ်​ၵႃႈ​တီႈ​ဝဵင်း​ ႁေႇပြုၼ်ႇ ဢၼ်​ ဢႁီႉမၼ်ႇ၊ သေး​သေး တင်း​ တႃႇလမေး ၵူၼ်း​မဵဝ်း​ ဢႃႇၼၵႃႉ ​ၸိူဝ်း​ၼၼ်ႉ ယူႇ​ၼၼ်ႉ​ဢေႃႈ။ ဝဵင်း​ ႁေႇပြုၼ်ႇ ​ၼၼ်ႉ​ၸမ်ႉ၊ ပဵၼ်​ဝဵင်း​ဢၼ်​တႄႇ​ႁဵတ်း​ဢွၼ်​တၢင်း​ဝဵင်း​ ၸေႃးၼႃႉ ဢၼ်​မီး​ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ​ၸဵတ်း​ပီႊ​ဢေႃႈ။-</verse>
				<verse number="23">ၶဝ်​ႁွတ်ႈ​ထိုင်​ၵႃႈ​တီႈ​ပၢင်ႇ​ႁူၺ်ႈ​ ဢေႇသၵေႃးလႃႉ သေ​ယဝ်ႉ၊ တႅပ်း​ၽၼ်း​ဢဝ်​ၵိင်ႇ​တူၼ်ႈ​ၶိူဝ်း​မၢၵ်ႇ​ၸပိတ်ႈ​ၵိင်ႇ​ၼိုင်ႈ ဢၼ်​ပႃး​ပုၵ်ႉ​မၢၵ်ႇ​မၼ်း​ပုၵ်ႉ​ၼိုင်ႈ​လႄႈ၊ ၵူၼ်း​သွင်​ၵေႃႉ​ဢဝ်​တင်း​ၵၢၼ်း​ႁၢမ်​ဢေႃႈ။ မၢၵ်ႇ​ၸင်ႈ​လႂ် တင်း​မၢၵ်ႇ​လိူဝ်ႇ​သၢင်း​ၽေႃး​လႂ်​ၵေႃႈ ၶဝ်​ပႃး​ဢဝ်​မႃး​ဢေႃႈ။-</verse>
				<verse number="24">ၸွမ်း​လူၺ်ႈ​ပုၵ်ႉ​မၢၵ်ႇ​ၸပိတ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​တႅပ်း​ဢဝ်​ၼၼ်ႉ​လႄႈ ႁွင်ႉ​ႁဵၵ်ႈ​ၸိုဝ်ႈ​ပၢင်ႇ​ႁူၺ်ႈ​ၼၼ်ႉ ဢေႇသၵေႃးလႃႉ ​ဢေႃႈ။-</verse>
				<verse number="25">ပူၼ်ႉ​သီႇ​သိပ်း​ဝၼ်း​သေ​ယဝ်ႉ၊ ဢမူႉ​တၢင်း​ဢၼ် လွမ်​တူၺ်း​မိူင်း​ ၶႃႇၼၢၼ်ႇ ​ၼၼ်ႉ​ယဝ်ႉ​တူဝ်ႈ​ယဝ်ႉ​လႄႈ ၶဝ်​ဢွၼ်​ၵၼ်​ၶိုၼ်း​မႃး​ဢေႃႈ။</verse>
				<verse number="26">ၶဝ်​ၶိုၼ်း​ႁွတ်ႈ​ထိုင်​ၵႃႈ​တီႈ​ မူဝ်းသေႇ တင်း​ ဢႃႇရုၼ်ႇ ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ၵႃႈ​ၼႂ်း​ထိူၼ်ႇ​ ပႃႇရၼ်ႇ တီႈ​ ၵႃႇတေႇသႃႉ ​ၼၼ်ႉ​သေ​ယဝ်ႉ၊ မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​တီႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင်​လႄႈ၊ ဢဝ်​မၢၵ်ႇ​ဢၼ် မၢၵ်ႇ​ၵႃႈ​တီႈ​မိူင်း​ၼၼ်ႉ​ၸိူဝ်း​ၼၼ်ႉ​ၼႄ​ပျႃး​ဢေႃႈ။-</verse>
				<verse number="27">ၶဝ်​လဝ်ႊ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ႁဝ်း​ၶႃႈ​ႁွတ်ႈ​ထိုင်​ၵႃႈ​တီႈ​မိူင်း​ဢၼ် ၸဝ်ႈ​ႁဝ်း​ပွႆႇ​ၸႂ်ႉ​ႁဝ်း​ၶႃႈ​ၵႂႃႇ​ၼၼ်ႉ​ယဝ်ႉ​ၶႃႈ​ယဝ်ႉ။ မိူင်း​ၼၼ်ႉ ပဵၼ်​မိူင်း​ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ ၸၢင်ႈ​လႆ​ယူႇ​ဢမၢၼ်ႇ​ၶၼ်​ပဵၼ်​ၶႃႈ​ဢေႃႈ။ မၢၵ်ႇ​ၸိူဝ်း​ၼႆႉ​ၸမ်ႉ၊ ပဵၼ်​မၢၵ်ႇ​ဢၼ်​မၢၵ်ႇ ၵႃႈ​တီႈ​မိူင်း​ၼၼ်ႉ​ၶႃႈ​ဢေႃႈ။-</verse>
				<verse number="28">ၼႂ်း​ဝႃႈ​ၼၼ်​သေ​ၵေႃႈ ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ ႁႅင်း​ယႂ်ႇ​ၼႃႇ​ၶႃႈ​ဢေႃႈ။ ဝဵင်း​ၶဝ်​ၸိူဝ်း​ၼၼ်ႉ ပဵၼ်​ဝဵင်း​ဢၼ်​မၼ်ႈ​ၶိူင်ႇ​လႄႈ ယႂ်ႇ​ၼႃႇ​လူင်​လၢင်​ၶႃႈ​ဢေႃႈ။ လိူဝ်​သေ​ၼၼ်ႉ ႁဝ်း​ၶႃႈ​လႆႈ​ႁၼ်​ၵူၼ်း​မဵဝ်း​ ဢႃႇၼၵႃႉ ၵႃႈ​တီႈ​ၼၼ်ႈ​ၶႃႈ​ဢေႃႈ။-</verse>
				<verse number="29">ၵူၼ်း​မဵဝ်း​ ဢႃႇမလႅၵ်ႉ ​တင်း​လၢႆ​ယူႇ​ၵႃႈ​တီႈ​ပွတ်း​တၢင်း​ၸၢၼ်း၊ ၵူၼ်း​မဵဝ်း​ ႁိတ်ႉတီႉ ၊ ၵူၼ်း​မဵဝ်း​ ယေႇပူႉသီႉ ၊ ၵူၼ်း​မဵဝ်း​ ဢႃႇမေႃးရီႉ ​တင်း​လၢႆ​ယူႇ​ၵႃႈ​တီႈ​ၼိူဝ်​လွႆ၊ ၵူၼ်း​မဵဝ်း​ ၶႃႇၼၼီႉ ​တင်း​လၢႆ ယူႇ​ၵႃႈ​တီႈ​ႁိမ်း​ပၢင်ႇ​လၢႆႇ ဢိၵ်ႇ​တင်း​ၵႃႈ​တီႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ၵႃႇလႅပ်ႉ ၵေႃႈ ႁႂ်ႈ​ၵူၼ်း​တင်း​လၢႆ​ယူႇ​တဵတ်ႇ​တဵတ်ႇ​ယဵၼ်​ယဵၼ်​ၵႃႈ​တီႈ​ၽၢႆႇ​ၼႃႈ မူဝ်းသေႇ ​လႄႈ​ဝႃႈ၊ ဢွၼ်​ၵၼ်​ၶီႇ​ၵႂႃႇ​ၵမ်း​လဵဝ်​လႄႈ သိမ်း​ဢဝ်​မိူင်း​ၼၼ်ႉ​တႃႉ​ႁဝ်း။ ႁဝ်း​တၢတ်ႈ​ၼိူင်ႇ​ပႄႉ​ၼႅင်ႇ​လႆႈ​ယူႇ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ၶဝ်​ၸိူဝ်း​ဢၼ်​ၸွမ်း​လူၺ်ႈ​ၵၼ်​တင်း​မၼ်း​ၼၼ်ႉ​ၸမ်ႉ၊ ဢွၼ်​ၵၼ်​လၢတ်ႈ​လႄႈ​ဝႃႈ၊ ႁဝ်း​ဢမ်ႇ​တၢတ်ႈ​ၼိူင်ႇ​တိုၵ်း​ၵူၼ်း​မိူင်း​ၸိူဝ်း​ၼၼ်ႉ​လႆႈ။ ၶဝ်​ၼၼ်ႉ ယဵင်ႈ​ၶႅၼ်း​ႁႅင်း​ယႂ်ႇ​ၼႃႇ​သေ​ႁဝ်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">ၶဝ်​သမ်ႉ​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​ဢၼ်​ဢမ်ႇ​လီ​ဢမ်ႇ​ငၢမ်း လူၺ်ႈ​လွင်ႈ​မိူင်း​ဢၼ်​ၶဝ်​လွမ်​တူၺ်း​ၼၼ်ႉ တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ မိူင်း​ဢၼ်​ႁဝ်း​ၵႂႃႇ​လႄႈ လႄႇ​လဵပ်ႈ​လွမ်​တူၺ်း​ၼၼ်ႉ ၸၢင်ႈ​ၵိၼ်​ၵူၼ်း​ဢၼ်​ယူႇ​ၵႃႈ​ၼႂ်း​မၼ်း​တင်း​လၢႆ​ပႅတ်ႈ​ဢေႃႈ။ ၵူၼ်း​ဝၢၼ်ႈ​ၵူၼ်း​မိူင်း​ၵႃႈ​ဢၼ်​ႁဝ်း​ထူပ်း​ႁၼ်​ၵႃႈ​ၼႂ်း​မၼ်း​ၼၼ်ႉ သုင်​ပူၼ်ႉ​သုင်​လိူဝ်​ၼႃႇ​လူင်​လၢင်​ဢေႃႈ။-</verse>
				<verse number="33">ၵူၼ်း​မဵဝ်း​ၸိူဝ်ႉ​ၶိူဝ်း​ဢၼ်​တူဝ်​ယႂ်ႇ၊ ၵူၼ်း​မဵဝ်း​ ဢႃႇၼၵႃႉ ​ဢၼ်​သိုပ်ႇ​လူင်း​မႃး ၵႃႈ​တီႈ​ၵူၼ်း​မဵဝ်း​ဢၼ်​တူဝ်​ယႂ်ႇ​ၼၼ်ႉ​ၵေႃႈ ႁဝ်း​လႆႈ​ႁၼ်​ၵႃႈ​တီႈ​ၼၼ်ႈ​မႃး​ယဝ်ႉ။ ႁဝ်း​ၼႆႉ​ၸွမ်း​ၼင်ႇ​ဢၼ် တႃ​တူဝ်​ၸဝ်ႈ​ၵဝ်ႇ​ႁၼ်​ၼၼ်ႉ​ၸိုင်၊ ပဵၼ်​ၸိူဝ်ႉ​ၼင်ႇ​ၸၵ်း​တႅၼ်​ဝႆႉ​ဢေႃႈ။ ၸွမ်း​ၼင်ႇ​ဢၼ် တႃ​ၶဝ်​ႁၼ်​ၼၼ်ႉ​ၵေႃႈ ပဵၼ်​ၸိူဝ်ႉ​ၼင်ႇ​ၼၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="14">
				<verse number="1">မိူဝ်ႈ​ၼၼ်ႉ ပရဵၵ်ႈသၢတ်ႈ​တင်း​သဵင်ႈ​တင်း​လူင် ဢွၼ်​ၵၼ်​ႁွင်ႉ​သႅၼ်ႇ​လႄႈ​ဢူၼ်​ဢဵၼ်​မေႃး​မႄး​ယူႇ​သေ​လႄႈ ႁွင်ႉ​ႁႆႈ​ယူႇ​တင်း​ၶိုၼ်း​ဢေႃႈ။-</verse>
				<verse number="2">ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​တီႈ​ မူဝ်းသေႇ ​တင်း​ ဢႃႇရုၼ်ႇ ​လႄႈ​ဝႃႈ၊ ႁဝ်း​ၼႆႉ၊ ၸိုင်​ဢမ်ႇ​တၢႆ​သေ​ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ။ ၸိုင်​ဢမ်ႇ​တၢႆ​သေ​ၵႃႈ​တီႈ​ၼႂ်း​ထိူၼ်ႇ​ၼႆႉ။-</verse>
				<verse number="3">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ထႃႇဝရႃႉ​ၽြႃး​ဢဝ်​ႁဝ်း​မႃး​ၵႃႈ​တီႈ​မိူင်း​ၼႆႉ ႁႂ်ႈ​ႁဝ်း​လႆႈ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၼင်ႇ​ႁိုဝ်။ လုၵ်ႈ​ႁဝ်း​မေး​ႁဝ်း​ၸိူဝ်း​ၼႆႉ တၵ်း​လႆႈ​ပဵၼ်​တီႈ​ဢၼ်​ပိူၼ်ႈ​တီႉ​ဢဝ်​သိမ်း​ဢဝ်​ဢေႃႈ။ ႁဝ်း​လီ​ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ယဝ်ႉ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">လႆႈ​သမ်ႉ​ၵေႃႉ​ၼိုင်ႈ​လၢတ်ႈ​တီႈ​ၵေႃႉ​ၼိုင်ႈ​လႄႈ​ဝႃႈ၊ ဢွၼ်​ၵၼ်​ယုၵ်ႉ​ယွင်ႈ​ၵူၼ်း​သေ​ၵေႃႉ​ၵေႃႉ​လႄႈ​ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ပုၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မူဝ်းသေႇ တင်း​ ဢႃႇရုၼ်ႇ ၶုပ်ႉ​မူပ်ႇ​ယူႇ​ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="6">ယေႃးသူႉ ​လုၵ်ႈ​ၸၢႆး​ ၼုၼ်ႇ တင်း​ ၵႃႇလႅပ်ႉ လုၵ်ႈ​ၸၢႆး​ ယေႇၽုၼ်ႇၼႃႉ ဢၼ်​ပႃး​ၼႂ်း​ၶဝ်​ၸိူဝ်း​ဢၼ်​ၵႂႃႇ​လွမ်​ၵႂႃႇ​တူၺ်း မိူင်း​ ၶႃႇၼၢၼ်ႇ ​ၼၼ်ႉ ၸၵ်ႉ​သိၵ်ႇ​ၶူဝ်း​ၼုင်ႈ​သွင်​ၶႃ​လႄႈ၊-</verse>
				<verse number="7">လၢတ်ႈ​တီႈ​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ​ဝႃႈ၊ မိူင်း​ဢၼ်​ႁဝ်း​ၵႂႃႇ​လႄႈ လႄႇ​လဵပ်ႈ​လွမ်​တူၺ်း​ၼၼ်ႉ ပဵၼ်​မိူင်း​ဢၼ်​လီ​ၼႃႇ​လူင်​လၢင်​ဢေႃႈ။-</verse>
				<verse number="8">ပေႃး​ထႃႇဝရႃႉ​ၽြႃး​မူၼ်ႈ​ပျေႃႇ​ၼႂ်း​ႁဝ်း​ၸိုင်၊ မၼ်း​ၸဝ်ႈ​တၵ်း​ဢဝ်​ႁဝ်း​သူင်ႇ​ႁွတ်ႈ​ၵႃႈ​တီႈ​မိူင်း​ဢၼ် ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ​လႄႈ ပၼ်​ႁဝ်း​ပိူင်ႇ​ဢေႃႈ။-</verse>
				<verse number="9">ၵူၺ်း​ၵႃႈ ယႃႇ​ပေ​ဢွၼ်​ၵၼ်​ပုင်ႇ​ၵၢၼ်ႇ​ထႃႇဝရႃႉ​ၽြႃး​သေ​ၵမ်း။ ယႃႇ​ပေ​ၵူဝ်​ပေ​ႁႄ​ၵူၼ်း​ဝၢၼ်ႈ​ၵူၼ်း​မိူင်း​ၼၼ်ႉ​သေ​ၵမ်း။ ၶဝ်​ၼၼ်ႉ ပဵၼ်​ပုၼ်ႈ​ဢၼ်​ႁဝ်း​တၵ်း​ၵိၼ်​ဢေႃႈ။ တၢင်း​ဢၼ်​ႁႄႉ​ဢၼ်​ၵင်ႈ​ၶဝ်​ၼၼ်ႉ ၶၢႆႉ​သေ​ၵႃႈ​တီႈ​ၼိူဝ်​ၶဝ်​ၵႂႃႇ​ယဝ်ႉ။ ထႃႇဝရႃႉ​ၽြႃး မီး​ယူႇ​ၽၢႆႇ​ႁဝ်း​ဢေႃႈ။ ယႃႇ​ပေ​ၵူဝ်​ပေ​ႁႄ​ၶဝ်​ၼၼ်ႉ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ၸီႇ​ယၢင်ႇ​ႁႂ်ႈ​ဢဝ်​မၢၵ်ႇ​ႁိၼ်​ထိမ်ႈ​သွင်​ၶႃ​ၼၼ်ႉ​ဢေႃႈ။ မိူဝ်ႈ​ၼၼ်ႉ မုၼ်​ၽုင်း​ထႃႇဝရႃႉ​ၽြႃး ထၢင်ႇ​သႃး​မႃး​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ဢေႃႈ။</verse>
				<verse number="11">ထႃႇဝရႃႉ​ၽြႃး​လၢတ်ႈ​တီႈ မူဝ်းသေႇ ​လႄႈ​ဝႃႈ၊ ၵူၼ်း​မဵဝ်း​ၼႆႉ​တၵ်း​ႁဵတ်း​ဢမ်ႇ​ရူဝ်ႇ​သေႇ​ၵူဝ်​ယမ်​ၵဝ်​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ပိၵ်ႉ​သမ်ႉ ၶဝ်​လႆႈ​ႁၼ်​ၼီႉမိၵ်ႈ​လၢၵ်ႈၶၼႃႇ​ၵႃႈ​ဢၼ်​ၵဝ်​လႆႈ​ၼႄ​ပျႃး​တီႈ​ၶဝ်​မႃး​ယဝ်ႉ​ၸိူဝ်း​ၼၼ်ႉ​သေ​ၵေႃႈ ၶဝ်​ယင်း​ဢမ်ႇ​ယုမ်ႇ​ၵဝ်​လႄႈ တၵ်း​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။-</verse>
				<verse number="12">ၵဝ်​တၵ်း​ဢဝ်​တၢင်း​ဢၼ်​ပဵၼ် ၵႃႇလႃႉ​ႁႃႈ​လႅင်​မိူင်း​ပၼ်​တၢမ်ႇ​တီႈ​ၶဝ်​လႄႈ ၼုၵ်ႈ​ထွၼ်​ဢွၵ်ႇ​သေ​ၵႃႈ​ၼႂ်း​ဢရႃႇ​တၢင်း​ဢၼ်​ၶၢမ်ႇ​ဢမူၺ်ႇ​ဢေႃႈ။ တၵ်း​ႁႂ်ႈ​မႂ်း​ပဵၼ်​ၵူၼ်း​မဵဝ်း​ဢၼ် ယဵင်ႈ​ၶႅၼ်း​ၼမ်​ၵိုၼ်း၊ မဵဝ်း​ဢၼ်​တၼ်း​ၶူဝ်း​ယဵင်ႈ​ၶႅၼ်း​ယႂ်ႇ​သေ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မူဝ်းသေႇ ၵေႃႈ​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၵူၼ်း​ ဢေႇၵိပ်ႉတူႉ ​တင်း​လၢႆ လႆႈ​ငိၼ်း​လွင်ႈ​ဢၼ်​ၸဝ်ႈ​ႁဝ်း​ဢဝ် တၼ်း​ၶူဝ်း​ၸဝ်ႈ​ႁဝ်း ၼုၵ်ႈ​ဢဝ်​ၵူၼ်း​မဵဝ်း​ၼႆႉ​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ယဝ်ႉ​ၼၼ်ႉ​လႄႈ၊-</verse>
				<verse number="14">လႆႈ​မွၵ်ႇ​လၢတ်ႈ​တီႈ​ၶဝ်​ၸိူဝ်း​ဢၼ် ယူႇ​ၵႃႈ​တီႈ​မိူင်း​ၼႆႉ​ၼၼ်ႉ​ယဝ်ႉ​တီႈ​ၶႃႈ​ယဝ်ႉ။ ၶဝ်​လႆႈ​ငိၼ်း​လွင်ႈ​ဢၼ် ၸဝ်ႈ​ႁဝ်း​ထႃႇဝရႃႉ​ၽြႃး မီး​ယူႇ​လူၺ်ႈ​ၵၼ်​တင်း​ၵူၼ်း​မဵဝ်း​ၼႆႉ လွင်ႈ​ဢၼ်​ၸဝ်ႈ​ႁဝ်း​ထႃႇဝရႃႉ​ၽြႃး ထၢင်ႇ​သႃး​ပေႃႇ​မႃး​ၼႃႈ​တေႃႇ​ၼႃႈ​ၵၼ်​တင်း​ၶဝ်၊ လွင်ႈ​ဢၼ်​မွၵ်ႇ​ၵုမ်ႈ​ၸဝ်ႈ​ႁဝ်း​တႄႇ​ယူႇ​ၵႃႈ​ၼိူဝ်​ၶဝ်၊ လွင်ႈ​ဢၼ်​ၸဝ်ႈ​ႁဝ်း​ယူႇ​ၵႃႈ​ၼႂ်း​သဝ်​မွၵ်ႇ​ၵုမ်ႈ​ၶိင်ႇ​ၵၢင်​ဝၼ်း ၵႃႈ​ၼႂ်း​သဝ်​ၽႆး​ၶိင်ႇ​ၵၢင်​ၶိုၼ်း​သေ​လႄႈ ဢွၼ်​ႁူဝ်​ၶဝ်​ၵႂႃႇ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="15">မိူဝ်ႈ​လဵဝ်​ၼႆႉ ပေႃး​ၸဝ်ႈ​ႁဝ်း​မၢတ်ႈ​ၵူၼ်း​မဵဝ်း​ၼႆႉ ပဵၼ်​ၸိူဝ်ႉ​ၼင်ႇ​ၵူၼ်း​ၵေႃႉ​လဵဝ်​သေ​လႄႈ ဢဝ်​တၢႆ​ပႅတ်ႈ​သေ​ၸိုင်၊ ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ယၢမ်ႈ​လႆႈ​ငိၼ်း​သတၢင်း​သဵင်​ၶၢဝ်ႇ​ၸဝ်ႈ​ႁဝ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​လၢတ်ႈ​လႄႈ​ဝႃႈ၊-</verse>
				<verse number="16">ထႃႇဝရႃႉ​ၽြႃး​ၼၼ်ႉ၊ ၵွပ်ႈ​ပိူဝ်ႈ​ဢၼ်​ဢမ်ႇ​တၢတ်ႈ​ၼိူင်ႇ​ႁႂ်ႈ​လႆႈ ဢဝ်​ၶဝ်​သူင်ႇ​ႁွတ်ႈ​ၵႃႈ​တီႈ​မိူင်း ဢၼ်​မၼ်း​ၸဝ်ႈ​တိူင်ႇ​ဝႃႈ​တၵ်း​ပၼ်​ၼၼ်ႉ​လႄႈ၊ မၼ်း​ၸဝ်ႈ​ဢဝ်​ၶဝ်​တၢႆ​ပႅတ်ႈ​သေ ၵႃႈ​တီႈ​ၼႂ်း​ထိူၼ်ႇ​ယဝ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="17">ႁႂ်ႈ​တၼ်း​ၶူဝ်း​ၸဝ်ႈ​ၽြႃး​ႁဝ်း​ၶႃႈ​ယႂ်ႇ​မႅၼ်ႈ​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​လၢတ်ႈ​လႄႈ​ဝႃႈ၊-</verse>
				<verse number="18">ထႃႇဝရႃႉ​ၽြႃး ပဵၼ်​ၽြႃး​ပဵၼ်​ၸဝ်ႈ ဢၼ်​ပျေႉ​ၸုမ်ႇ​တင်း သၽေႃး​ဢၼ်​ၸႂ်​ယႂ်ႇ​ၸႂ်​ယၢဝ်း၊ ဢၼ်​လိူင်ႇ​တဵမ်​ဝႆႉ​တင်း တၢင်း​ဢၼ်​ဢဵတ်း​လူ ဢၼ်​ပွႆႇ​လွတ်ႈ​တၢင်း​ဢၼ် ၵမ်​ၵျၢင်ႉ​ဢႃႉထမ်ႇမႃႉ ဢိၵ်ႇ​တင်း​တၢင်း​ဢၼ်​ပူၼ်ႉ​လိူဝ်​တြႃး​ၸဝ်ႈ​သေ​လႄႈ၊ ဢမ်ႇ​ပွႆႇ​ဢမ်ႇ​လွတ်ႈ​လၢႆ​လၢႆ​လွၵ်ႇ​လွၵ်ႇ၊ ဢၼ်​ၸီႇ​ယၢင်ႇ​တႅၼ်း​ပၼ်​ဢပႅတ်ႈ​ပေႃႈ တီႈ​လုၵ်ႈ​လၢင်း​တင်း​လၢႆ တေႃႇ​ထိုင်​ႁွတ်ႈ​ၸူဝ်ႈ​လုၵ်ႈ​ပၢၼ်​လၢၼ်​သိုပ်ႇ​တႃႉတီႉယႃႉ၊ သိုပ်ႇ​ၸတုၵ်ႉထႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း​လူၺ်ႈ​တီႈ​ၶႃႈ၊-</verse>
				<verse number="19">ၶႅၼ်း​တေႃႈ​ပွႆႇ​လွတ်ႈ​ဢပႅတ်ႈ​ၵူၼ်း​မဵဝ်း​ၼႆႉ ၸွမ်း​ၵႃႈ​ၼင်ႇ​ဢၼ်​ၵရူႉၼႃႇ​ၸဝ်ႈ​ႁဝ်း​ယႂ်ႇ​ၼမ်​ၼႃႇ​လူင်​လၢင်​ၼၼ်ႉ၊ ဢိၵ်ႇ​တင်း​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​ပွႆႇ​လွတ်ႈ​ဢပႅတ်ႈ​ၵူၼ်း​မဵဝ်း​ၼႆႉ ၸႃႉ​ၸဵမ်​ဝၼ်း​ဢၼ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ၼၼ်ႉ​သေ​ၵမ်း​တီႈ​ၶႃႈ၊ ၵဝ်​ၶႃႈ​တွင်း​ပၢၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="20">ထႃႇဝရႃႉ​ၽြႃး​လၢတ်ႈ​လႄႈ​ဝႃႈ၊ ၵဝ်​ပွႆႇ​လွတ်ႈ​ၸွမ်း​ၵႃႈ​ၼင်ႇ​ဢၼ် မႂ်း​တွင်း​ပၢၼ်ႇ​ၼၼ်ႉ​ဢေႃႈ။-</verse>
				<verse number="21">ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​လႄႈ မုၼ်​ၽုင်း​ထႃႇဝရႃႉ​ၽြႃး​တၵ်း​ၸွတ်ႇ​တူဝ်ႈ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​ၼၼ်ႉ၊-</verse>
				<verse number="22">ၵူၼ်း​ၵႃႈ​ဢၼ် လႆႈ​ႁၼ်​မုၼ်​ၽုင်း​ၵဝ် ဢိၵ်ႇ​တင်း​ၼီႉမိၵ်ႈ​လၢၵ်ႈၶၼႃႇ ဢၼ်​ၵဝ်​ၼႄ​ပျႃး​ၵႃႈ​ၼႂ်း​မိူင်း​ ဢေႇၵိပ်ႉတူႉ ဢိၵ်ႇ​တင်း​ထိူၼ်ႇ​ၼႆႉ ၸိူဝ်း​ၼၼ်ႉ​ယူႇ​လႄႈ၊ ဢမ်ႇ​ထွမ်ႇ​ဢဝ်​ၵႂၢမ်း​ၵဝ်၊ ၸၢမ်း​တူၺ်း​ၵဝ်​တေႃႇ​ထိုင်​ႁွတ်ႈ​သိပ်း​ပွၵ်ႈ​ၼၼ်ႉ၊-</verse>
				<verse number="23">ဢမ်ႇ​လႆႈ​ႁၼ်​မိူင်း​ဢၼ်​ၵဝ်​တိူင်ႇ​ဝႃႈ တီႈ​ပူႇ​မွၼ်ႇ​ၶဝ်​ၼၼ်ႉ​ဢမၢၼ်ႇ​ၶၼ်​ပဵၼ်​ဢေႃႈ။ ၵေႃႉ​ဢၼ်​ႁဵတ်း​ဢမ်ႇ​ရူဝ်ႇ​သေႇ​ၵူဝ်​ယမ်​ၵဝ်​ၼၼ်ႉ ဢမ်ႇ​လႆႈ​ႁၼ်​သေ​ၵေႃႉ​သေ​ၵူၼ်း။-</verse>
				<verse number="24">ၶႃႈ​ၵဝ်​ ၵႃႇလႅပ်ႉ ​ၸမ်ႉ၊ ၵွပ်ႈ​ပိူဝ်ႈ​ဢၼ်​မီး​သၽေႃး​ဢၼ်​လၢၵ်ႇ​ပိူင်ႈ​လႄႈ ၸွမ်း​လင်​ၵဝ်​လုမ်း​လုမ်း​ၼၼ်ႉ​လႄႈ ၵဝ်​တၵ်း​ဢဝ်​မၼ်း​သူင်ႇ​ႁွတ်ႈ ၵႃႈ​ၼႂ်း​မိူင်း​ဢၼ်​မၼ်း​ၵႂႃႇ​ယဝ်ႉ​ၼၼ်ႉ​လႄႈ ၸိူဝ်ႉ​ၶိူဝ်း​မၼ်း​တၵ်း​လႆႈ​ပိူင်ႇ​ဢေႃႈ။-</verse>
				<verse number="25">ၵွပ်ႈ​ပိူဝ်ႈ​ဢၼ် ၵူၼ်း​မဵဝ်း​ ဢႃႇမလႅၵ်ႉ ဢိၵ်ႇ​တင်း​ၵူၼ်း​မဵဝ်း​ ၶႃႇၼၢၼ်ႇ ​တင်း​လၢႆ ယူႇ​ၵႃႈ​ၼႂ်း​ပၢင်ႇ​ၼႂ်း​ႁူၺ်ႈ​လႄႈ၊ ဝၼ်း​မိူဝ်ႈ​ၽုၵ်ႈ သူ​ဝၢႆႇ​ၶိုၼ်း​ၵႂႃႇ​လႄႈ ၸွမ်း​သဵၼ်ႈ​တၢင်း​ပၢင်ႇ​လၢႆႇ ဢေႇတုမ်ႇ ​ၵႂႃႇ​ၸူး​ၵႃႈ​တီႈ​ထိူၼ်ႇ​သေ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">ထႃႇဝရႃႉ​ၽြႃး​သမ်ႉ​လၢတ်ႈ​တီႈ​ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ၊-</verse>
				<verse number="27">ၵဝ်​တၵ်း​လႆႈ​ယိူၼ်ႉ​ၶၢမ်ႇ​ပရဵၵ်ႈသၢတ်ႈ​ဢၼ်​ႁုၵ်း​ဢၼ်​ႁၢႆႉ ဢၼ်​တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​တီႈ​ၵဝ်​ၸိူဝ်း​ၼႆႉ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ၵဝ်​လႆႈ​ငိၼ်း​ၵႂၢမ်း​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​ဢၼ်​ၶဝ်​တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​တီႈ​ၵဝ်​ၼၼ်ႉ​ယဝ်ႉ။-</verse>
				<verse number="28">မႂ်း​သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​တၵ်း​ႁဵတ်း​တီႈ​သူ​ၸွမ်း​ၵႃႈ​ၼင်ႇ​ၵႂၢမ်း​ဢၼ်​သူ​လၢတ်ႈ​ထိုင်​ႁူ​ၵဝ်​ၼၼ်ႉ​ဢေႃႈ။-</verse>
				<verse number="29">တူဝ်​တၢႆ​သူ​တၵ်း​တူၵ်း​တီႈ​ၵိုတ်း​ဝႆႉ ၵႃႈ​ၼႂ်း​ထိူၼ်ႇ​ၼႆႉ​ဢေႃႈ။ သူ​ၵႃႈ​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸွမ်း​လူၺ်ႈ တၢင်း​ဢၼ်​ၼပ်ႉ​ဢၢၼ်ႇ​တင်း​သဵင်ႈ​တင်း​လူင်​ၼၼ်ႉ​လႄႈ၊ ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ၊ ဢၼ်​လႆႈ​တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​တီႈ​ၵဝ်​ယဝ်ႉ​ၸိူဝ်း​ၼၼ်ႉ၊-</verse>
				<verse number="30">တၵ်း​ဢမ်ႇ​လႆႈ​ႁွတ်ႈ​ထိုင်​ၵႃႈ​တီႈ​မိူင်း​ဢၼ်​ၵဝ်​တိူင်ႇ​လႄႈ​ဝႃႈ တၵ်း​ၶျႃး​တီႈ​ယူႇ​သူ​ပၼ် ၵႃႈ​ၼႂ်း​မိူင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ လိူဝ်​သေ​ ၵႃႇလႅပ်ႉ ​လုၵ်ႈ​ၸၢႆး​ ယေႇၽုၼ်ႇၼႃႉ ဢိၵ်ႇ​တင်း​ ယေႃးသူႉ လုၵ်ႈ​ၸၢႆး​ ၼုၼ်ႇ ​ၼၼ်ႉ​ဢေႃႈ။-</verse>
				<verse number="31">ၵဝ်​တၵ်း​ဢဝ်​လုၵ်ႈ​ဢွၼ်ႇ​လၢင်း​ဢွၼ်ႇ​သူ ဢၼ်​သူ​ဝႃႈ​တၵ်း​ပဵၼ်​တီႈ​ဢၼ်​ပိူၼ်ႈ​တီႉ​ဢဝ်​သိမ်း​ဢဝ်၊ ဝႃႈ​ၼင်ႇ​ၼႆ​ၼၼ်ႉ​ၸိူဝ်း​ၼၼ်ႉ သူင်ႇ​ႁွတ်ႈ​လႄႈ၊ ၶဝ်​ၼၼ်ႉ​တၵ်း​လႆႈ​ႁူႉ​မိူင်း​ဢၼ်​သူ​ပႄႇ​ပႅတ်ႈ​ၼၼ်ႉ​ဢေႃႈ။-</verse>
				<verse number="32">သူ​ၸမ်ႉ၊ တူဝ်​တၢႆ​သူ​တၵ်း​တူၵ်း​တီႈ​ၵိုတ်း​ဝႆႉ ၵႃႈ​ၼႂ်း​ထိူၼ်ႇ​ၼႆႉ​ဢေႃႈ။-</verse>
				<verse number="33">လုၵ်ႈ​လၢၼ်​သူ တၵ်း​လႆႈ​လႄႇ​ၵႂႃႇ​လႄႇ​မႃး​ယူႇ​ၵႃႈ​ၼႂ်း​ထိူၼ်ႇ​ၼႆႉ သီႇ​သိပ်း​ပီႊ​တဵမ်​တဵမ်​လႄႈ ႁၢပ်ႇ​ဢပႅတ်ႈ​တၢင်း​ဢၼ်​သူ​ၽိတ်း​ပိူင်ႈ​ၸိူဝ်း​ၼၼ်ႉ​ၵႂႃႇ တေႃႇ​ထိုင်​ႁွတ်ႈ​တူဝ်​တၢႆ​သူ​တင်း​လၢႆ လူႉ​လႅဝ်​ႁၢႆ​လၢႆ​ၵႂႃႇ​ၵႃႈ​ၼႂ်း​ထိူၼ်ႇ​ၼႆႉ​ဢေႃႈ။-</verse>
				<verse number="34">ၸွမ်း​ၼင်ႇ​မိုဝ်ႉ​ဝၼ်း​တင်း​လၢႆ ဢၼ်​သူ​ၵႂႃႇ​လွမ်​တူၺ်း​မိူင်း​ၼၼ်ႉ ဢၼ်​ဝႃႈ​သီႇ​သိပ်း​ဝၼ်း​ၼၼ်ႉ​သေ​လႄႈ၊ ယေႈ​ဝၼ်း​ဝႆႉ​ယေႈ​ပီႊ​လႄႈ သူ​တၵ်း​လႆႈ​ႁၢပ်ႇ​ဢပႅတ်ႈ​သူ​ၵႂႃႇ သီႇ​သိပ်း​ပီႊ​တဵမ်​တဵမ်​ယူႇ​သေ​လႄႈ ႁူႉ​တၢင်း​ဢၼ်​ၵဝ်​ၸုၼ်ႉ​ပႅတ်ႈ​ၼၼ်ႉ​ဢေႃႈ။-</verse>
				<verse number="35">ၵဝ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ။ ၵဝ်​တၵ်း​ႁဵတ်း​တီႈ​ပရဵၵ်ႈသၢတ်ႈ​ဢၼ်​ႁုၵ်း​ဢၼ်​ႁၢႆႉ ဢၼ်​ၸူႉ​ၵၼ်​တုမ်​ၵၼ်​ယူႇ​ၽၢႆႇ​ၼိုင်ႈ​တင်း​ၵဝ် တင်း​သဵင်ႈ​တင်း​လူင်​ၼႆႉ ၸိူဝ်ႉ​ၼင်ႇ​ၼၼ်​ဢမၢၼ်ႇ​ၶၼ်​ပဵၼ်​လႄႈ၊ ၶဝ်​တၵ်း​လႆႈ​လူႉ​လႅဝ်​ႁၢႆ​လၢႆ​ၵႂႃႇ ၵႃႈ​ၼႂ်း​ထိူၼ်ႇ​ၼႆႉ​လႄႈ တၢႆ​ၵႃႈ​တီႈ​ၼႆႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="36">ၶဝ်​ၸိူဝ်း​ဢၼ် မူဝ်းသေႇ ​ပွႆႇ​ၸႂ်ႉ​ၵႂႃႇ​လွမ်​တူၺ်း​မိူင်း​ၼၼ်ႉ​လႄႈ ၶိုၼ်း​မႃး​သေ​ယဝ်ႉ၊ ႁႂ်ႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင် တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​တီႈ​မၼ်း ၵွပ်ႈ​ပိူဝ်ႈ​ဢၼ်​သႄႉ​သွမ်း​မိူင်း​ၼၼ်ႉ၊-</verse>
				<verse number="37">ဢၼ်​ဝႃႈ​ၶဝ်​ၸိူဝ်း​ဢၼ်​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ ဢၼ်​ဢမ်ႇ​လီ​လူၺ်ႈ​လွင်ႈ​မိူင်း​ၼၼ်ႉ​ၸိူဝ်း​ၼၼ်ႉ တၢႆ​လူၺ်ႈ​ၽေး​ၵႃႇလႃႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="38">ၼႂ်း​ၵူၼ်း​ဢၼ်​ၵႂႃႇ​လႄႈ​လွမ်​တူၺ်း​မိူင်း​ၼၼ်ႉ​ၸိူဝ်း​ၼၼ်ႉ၊ ယေႃးသူႉ လုၵ်ႈ​ၸၢႆး​ ၼုၼ်ႇ ​ဢိၵ်ႇ​တင်း​ ၵႃႇလႅပ်ႉ လုၵ်ႈ​ၸၢႆး ယေႇၽုၼ်ႇၼႃႉ ​ၵူၺ်း လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။</verse>
				<verse number="39">မူဝ်းသေႇ ​ဢဝ်​ၵႂၢမ်း​ၸဝ်ႈ​ၼႆႉ​သင်ႇ​လၢတ်ႈ​ဝႆႉ​တီႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ ၵူၼ်း​ၸိူဝ်း​ၼၼ်ႉ ဢွၼ်​ၵၼ်​ၶၢင်း​ၶီ​ၶၢင်း​ၽၢၼ်​ၼႃႇ​လူင်​လၢင်​လႄႈ ယူႇ​ဢေႃႈ။</verse>
				<verse number="40">ၶဝ်​ဢွၼ်​ၵၼ်​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ၶိုၼ်ႈ​ၵႃႈ​ၼိူဝ်​ပၢႆ​လွႆ​သေ​ယဝ်ႉ၊ လၢတ်ႈ​လႄႈ​ဝႃႈ၊ ယေႃ၊ ၵမ်း​ၼႆႉ ႁဝ်း​ၶႃႈ​တၵ်း​ၶိုၼ်ႈ​ၸူး​ၵႃႈ​တီႈ မိူင်း​ဢၼ်​ထႃႇဝရႃႉ​ၽြႃး​ဝႆႉ​ၵတီႉ​ၼၼ်ႉ​ၶႃႈ​ဢေႃႈ။ လွင်ႈ​မၼ်း​ၸမ်ႉ ႁဝ်း​ၽိတ်း​ပိူင်ႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="41">မူဝ်းသေႇ ​ၵေႃႈ လၢတ်ႈ​လႄႈ​ဝႃႈ၊ ႁဵတ်း​ႁိုဝ်​လႄႈ​သူ​ပူၼ်ႉ​လိူဝ်​ဢမိင်ႉ​ထႃႇဝရႃႉ​ၽြႃး​ၼင်ႇ​ႁိုဝ်။ တၢင်း​ၵျၢမ်ႇ​တၢင်း​ပွင်​သူ​ဢမ်ႇ​ပဵၼ်​လႆႈ။-</verse>
				<verse number="42">ယႃႇ​ပေ​ၶိုၼ်ႈ​သေ​ၵမ်း၊ ထႃႇဝရႃႉ​ၽြႃး​ဢမ်ႇ​မီး​ၵႃႈ​ၼႂ်း​သူ။ ပေႃး​သူ​ၵႂႃႇ​ၸိုင် သူ​တၵ်း​လႆႈ​တူၵ်း​သုမ်း​ၵႃႈ​တီႈ ၽၢႆႇ​ၼႃႈ​ရၢၼ်ႇ​သူႇ​သူ​ဢေႃႈ။-</verse>
				<verse number="43">လွင်ႈ​မၼ်း​ၸမ်ႉ ၵူၼ်း​မဵဝ်း​ ဢႃႇမလႅၵ်ႉ ဢိၵ်ႇ​တင်း ၵူၼ်း​မဵဝ်း​ ၶႃႇၼၢၼ်ႇ ​တင်း​လၢႆ ႁွတ်ႈ​ထိုင်​မီး​ဝႆႉ​ထႃႈ​သူ​ယူႇ​ၵႃႈ​တီႈ​ၼၼ်ႈ​လႄႈ၊ သူ​တၵ်း​တူၵ်း​သုမ်း​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။ ပိူဝ်ႈ​ဢၼ်​သူ​ဝႄႈ​ပိူင်ႈ​သေ​ၵႃႈ​တီႈ​ထႃႇဝရႃႉ​ၽြႃး​လႄႈ၊ ထႃႇဝရႃႉ​ၽြႃး၊ ဢမ်ႇ​ယူႇ​လူၺ်ႈ​ၵၼ်​တင်း​သူ​ယဝ်ႉ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="44">ၶဝ်​ၼၼ်ႉ မီး​ၸႂ်​ဢၼ်​ၵႅၼ်ႇ​ၶႅင်​လႄႈ သမ်ႉ​ဢွၼ်​ၵၼ်​ၶိုၼ်ႈ​ၵႃႈ​တီႈ​ၼိူဝ်​ပၢႆ​လွႆ​ဢေႃႈ။ ၵူၺ်း​ၵႃႈ တိူၵ်ႈ​ပတီႉၺိၺ်ႇ​ထႃႇဝရႃႉ​ၽြႃး ဢိၵ်ႇ​တင်း​ မူဝ်းသေႇ ယင်း​ဢမ်ႇ​ဢွၵ်ႇ​ဢမ်ႇ​ၵႂႃႇ ၵႃႈ​တီႈ​ၼွၵ်ႈ​တပ်ႉ​လႄႈ​ယူႇ​ဢေႃႈ။-</verse>
				<verse number="45">မိူဝ်ႈ​ၼၼ်ႉ ၵူၼ်း​မဵဝ်း​ ဢႃႇမလႅၵ်ႉ ဢိၵ်ႇ​တင်း ၵူၼ်း​မဵဝ်း​ ၶႃႇၼၼီႉ ဢၼ်​မီး​ဝႆႉ​ထႃႈ​ၵႃႈ​ၼိူဝ်​လွႆ​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​လူင်း​မႃး​လႄႈ​တိုၵ်း​တေႃး​ပႄႉ​ၼႅင်ႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သေ​ယဝ်ႉ၊ လိုပ်ႈ​ၸွမ်း​ယႃႉ​ပႅတ်ႈ​တေႃႇ​ထိုင်​ႁွတ်ႈ ဝဵင်း​ ႁေႃႇမႃႇ ​ဢေႃႈ။</verse>
			</chapter>
			<chapter number="15">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​သင်ႇ​လၢတ်ႈ​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ မိူဝ်ႈ​ဢၼ်​သူ​ႁွတ်ႈ​ထိုင်​ၵႃႈ​တီႈ​မိူင်း​ဢၼ်​ပဵၼ်​တီႈ​ယူႇ​သူ ဢၼ်​ၵဝ်​တၵ်း​ပၼ်​ၼၼ်ႉ​လႄႈ​ယူႇ​ၼၼ်ႉ၊-</verse>
				<verse number="3">ပေႃး​သူ​မီး​ဢလူဝ်ႇ​ၶႂ်ႈ​ဢဝ်​တင်း​ၽႆး ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​လႄႈ ပဵၼ်​ယိတ်ႈ​ဢၼ်​တုတ်ႇ​ၽႆး​သေ​ဢမ်ႇ​ဝႃႈ၊ ပဵၼ်​တၢင်း​ပုၵ်ႈ​ၸေႃႇ​ဢၼ်​ႁဵတ်း​ၵတီႉ​သဵတ်ႈ​ၸႃႇ​သေ​ဢမ်ႇ​ဝႃႈ၊ ပဵၼ်​တၢင်း​ပုၵ်ႈ​ၸေႃႇ​ဢၼ်​ယူႇ​ဢလူဝ်ႇလူဝ်ႇ​လႄႈ ပုၵ်ႈ​ၸေႃႇ​သေ​ဢမ်ႇ​ဝႃႈ၊ ပဵၼ်​တၢင်း​ဢၼ်​ၶၢမ်ႇ​ပွႆး​သၽၢင်ႇ​လႄႈ ပုၵ်ႈ​ၸေႃႇ​သေ​ဢမ်ႇ​ဝႃႈ၊ ဢဝ်​သူဝ်း​ဝူဝ်း​ႁဵတ်း​ဢၢႆ​ဢၼ်​ႁွမ်​ဢၼ်​ႁူၺ်း ပုၼ်ႈ​ထႃႇဝရႃႉ​ၽြႃး​ၸိုင်၊-</verse>
				<verse number="4">ၵေႃႉ​ဢၼ်​ႁဵတ်း​တၢင်း​ပုၵ်ႈ​ၸေႃႇ တီႈ​ထႃႇဝရႃႉ​ၽြႃး​ၼၼ်ႉ တၵ်း​လႆႈ​ပုၵ်ႈ​ၸေႃႇ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ၽွင်​ၶဝ်ႈ​မုၼ်း ဢေးၽႃႇ ​သိပ်း​ပုၼ်ႈ​ပုၼ်ႈ​ၼိုင်ႈ ဢၼ်​ဢဝ်​ၼမ်ႉ​မၼ်း ႁီႉၼႃႉ ​သီႇ​ပုၼ်ႈ​ပုၼ်ႈ​ၼိုင်ႈ​သႂ်ႇ​လေႃး​ၼၼ်ႉ​ဢေႃႈ။-</verse>
				<verse number="5">ၼမ်ႉ​ၸပိတ်ႈ​ ႁီႉၼႃႉ သီႇ​ပုၼ်ႈ​ပုၼ်ႈ​ၼိုင်ႈ ပုၼ်ႈ​တၢင်း​ပုၵ်ႈ​ၸေႃႇ ဢၼ်​သွၼ်း​လေႃႇ​ၵေႃႈ မႂ်း​တၵ်း​လႆႈ​မႄး​ႁႅၼ်း​ဝႆႉ ပုၼ်ႈ​ယိတ်ႈ​ဢၼ်​တုတ်ႇ​ၽႆး၊ ဢမ်ႇ​ၼၼ် ပုၼ်ႈ​ယိတ်ႈ​တၢင်ႇ​ၸိူဝ်ႉ​တၢင်ႇ​ဢၼ် ပုၼ်ႈ​တႃႇ​သူဝ်း​ဢွၼ်ႇ​ယေႈ​တူဝ်​ဢေႃႈ။-</verse>
				<verse number="6">ပေႃး​ပုၵ်ႈ​ၸေႃႇ​သူဝ်း​ပေႃႈ​ၸိုင်၊ မႂ်း​တၵ်း​လႆႈ​မႄး​ႁႅၼ်း ၽွင်​ၶဝ်ႈ​မုၼ်း ဢေးၽႃႇ ​သိပ်း​ပုၼ်ႈ​ဢဝ်​သွင်​ပုၼ်ႈ၊ ဢၼ်​ဢဝ်​ၼမ်ႉ​မၼ်း​ ႁီႉၼႃႉ သၢမ်​ပုၼ်ႈ​ပုၼ်ႈ​ၼိုင်ႈ သႂ်ႇ​လေႃး​ၼၼ်ႉ​ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢေႃႈ။-</verse>
				<verse number="7">ပုၼ်ႈ​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​ၵေႃႈ မႂ်း​တၵ်း​လႆႈ​ဢဝ် ၼမ်ႉ​ၸပိတ်ႈ​ ႁီႉၼႃႉ သၢမ်​ပုၼ်ႈ​ပုၼ်ႈ​ၼိုင်ႈ ပုၵ်ႈ​ၸေႃႇ​လႄႈ မီး​ဢၢႆ​ဢၼ်​ႁွမ်​ဢၼ်​ႁူၺ်း ပုၼ်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="8">ပေႃး​မႂ်း​မႄး​ႁႅၼ်း​ဝူဝ်း​ပုၼ်ႈ​ယိတ်ႈ​ဢၼ်​တုတ်ႇ​ၽႆး၊ ယိတ်ႈ​ဢၼ်​ႁဵတ်း​ၵတီႉ​သဵတ်ႈ​ၸႃႇ၊ ယိတ်ႈ​မိၵ်ႉသႃႇႁႃယႃႉ​ပုၼ်ႈ​ထႃႇဝရႃႉ​ၽြႃး​ၸိုင်၊-</verse>
				<verse number="9">မႂ်း​တၵ်း​လႆႈ​ဢဝ်​ၽွင်​ၶဝ်ႈ​မုၼ်း ဢေးၽႃႇ ​သိပ်း​ပုၼ်ႈ​ဢဝ်​သၢမ်​ပုၼ်ႈ​ဢၼ်​ဢဝ်​ၼမ်ႉ​မၼ်း​ၶိုင်ႈ​ ႁီႉၼႃႉ ​ၼိုင်ႈ​သႂ်ႇ​လေႃး​ၼၼ်ႉ ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ပုၵ်ႈ​ၸေႃႇ​လူၺ်ႈ​ၵၼ်​တင်း​ဝူဝ်း​ၼၼ်ႉ​ဢေႃႈ။-</verse>
				<verse number="10">မႂ်း​တၵ်း​လႆႈ​ဢဝ်​ၼမ်ႉ​ၸပိတ်ႈ​ၶိုင်ႈ​ ႁီႉၼႃႉ ​ၼိုင်ႈ ပုၼ်ႈ​တၢင်း​ပုၵ်ႈ​ၸေႃႇ ဢၼ်​သွၼ်း​လေႃႇ​ၼၼ်ႉ ပုၼ်ႈ​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ႁဵတ်း​ၼၼ်ႉ​လႄႈ မီး​ဢၢႆ​ဢၼ်​ႁွမ်​ဢၼ်​ႁူၺ်း ပုၼ်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="11">တၵ်း​လႆႈ​ႁဵတ်း​ၸိူဝ်ႉ​ၼင်ႇ​ၼၼ် ပုၼ်ႈ​ဝူဝ်း​ယေႈ​တူဝ်၊ သူဝ်း​ပေႃႈ​ယေႈ​တူဝ်၊ သူဝ်း​ဢွၼ်ႇ​ယေႈ​တူဝ်၊ ပႄႉ​ဢွၼ်ႇ​ယေႈ​တူဝ်​ဢေႃႈ။-</verse>
				<verse number="12">ၸွမ်း​ၵႃႈ​ၼင်ႇ​တၢင်း​ဢၼ်​ၼပ်ႉ​ဢၢၼ်ႇ​တူဝ် ဢၼ်​သူ​မႄး​ႁႅၼ်း​ဝႆႉ​ၼၼ်ႉ​သေ​လႄႈ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ၼၼ် ပုၼ်ႈ​ယေႈ​တူဝ်​ယေႈ​တူဝ် ၸွမ်း​ၵႃႈ​ၼင်ႇ​ဢၼ်​ၼပ်ႉ​ဢၢၼ်ႇ​ၼၼ်ႉ​ဢေႃႈ။-</verse>
				<verse number="13">ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင် တၵ်း​လႆႈ​ႁဵတ်း​မႅၼ်ႈ​ၵၼ်​တင်း​ၸိူဝ်း​ၼၼ်ႉ ၼႂ်း​တၢင်း​ဢၼ်​ပုၵ်ႈ​ၸေႃႇ​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး​ပုၵ်ႈ​ၸေႃႇ​လႄႈ မီး​ဢၢႆ​ဢၼ်​ႁွမ်​ဢၼ်​ႁူၺ်း​ပုၼ်ႈ​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="14">ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​သူ​သေ​ဢမ်ႇ​ဝႃႈ၊ ပဵၼ်​ၵူၼ်း​တၢင်ႇ​တီႈ​တၢင်ႇ​လႅၼ်​သေ​ဢမ်ႇ​ဝႃႈ၊ ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ၊ ပေႃး​မီး​ဢလူဝ်ႇ​ၶႂ်ႈ​ပုၵ်ႈ​ၸေႃႇ တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ပုၵ်ႈ​ၸေႃႇ​လႄႈ မီး​ဢၢႆ​ဢၼ်​ႁွမ်​ဢၼ်​ႁူၺ်း​ပုၼ်ႈ​ထႃႇဝရႃႉ​ၽြႃး​ၸိုင်၊ ၸိူဝ်ႉ​ၼင်ႇ​ဢၼ်​သူ​ႁဵတ်း​ၼၼ်ႉ၊ မၼ်း​ၵေႃႈ​တၵ်း​လႆႈ​ႁဵတ်း​ဢေႃႈ။-</verse>
				<verse number="15">ပုၼ်ႈ​ပရဵၵ်ႈသၢတ်ႈ​ၸမ်ႉ၊ တၵ်း​လႆႈ​မီး​ထုင်း​ၽိင်ႈ​တြႃး​ပႃး​လဵဝ်​ၵူၺ်း ပုၼ်ႈ​သူ​ဢိၵ်ႇ​တင်း ပုၼ်ႈ​ၶဝ်​ၸိူဝ်း​ဢၼ် ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​သူ​ၼၼ်ႉ ဢၼ်​ဝႃႈ​ထုင်း​ၽိင်ႈ​တြႃး​ဢၼ်​တႃႇ​သေႇ တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​လႄႈ ၸိူဝ်ႉ​ၼင်ႇ​ဢၼ်​သူ​ပဵၼ်​ၼၼ်ႉ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၵေႃႈ တၵ်း​လႆႈ​ပဵၼ်​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="16">တြႃး​ပႃး​လဵဝ်​ၵူၺ်း၊ ထုင်း​ၽိင်ႈ​တြႃး​ပႃး​လဵဝ်​ၵူၺ်း တၵ်း​လႆႈ​မီး​ပုၼ်ႈ​သူ ဢိၵ်ႇ​တင်း​ပုၼ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​သူ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="18">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ မိူဝ်ႈ​ဢၼ်​သူ​ႁွတ်ႈ​ထိုင်​ၵႃႈ​တီႈ​မိူင်း​ဢၼ်​ၵဝ်​ဢဝ်​သူ​သူင်ႇ​ၼၼ်ႉ​လႄႈ၊-</verse>
				<verse number="19">မိူဝ်ႈ​ဢၼ်​သူ​ၵိၼ်​ၶဝ်ႈ​မုၼ်း​ဢၼ်​ပဵၼ်​ၵႃႈ​တီႈ​မိူင်း​ၼၼ်ႉ​ၸိုင်၊ သူ​တၵ်း​လႆႈ​ႁဵတ်း​တၢင်း​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ​လႄႈ ယုၵ်ႉ​ယွင်ႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="20">သူ​တၵ်း​လႆႈ​ဢဝ်​ၶဝ်ႈ​မုၼ်း​ၶႅပ်း​ဢၼ် ဢဝ်​တင်း​ၽွင်​ၶဝ်ႈ​မူႉ​ယေႃး ဢၼ်​လႆႈ​ဢွၼ်​တၢင်း​ႁဵတ်း​ၼၼ်ႉ ႁဵတ်း​တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​လႄႈ ယုၵ်ႉ​ယွင်ႈ​ဢေႃႈ။ ၸိူဝ်ႉ​ၼင်ႇ​ဢၼ်​ႁဵတ်း​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ​ၵႃႈ​တီႈ​ၼႂ်း​တလၢင်း​ယဵပ်ႇ​ၶဝ်ႈ​ၼၼ်ႉ တၵ်း​လႆႈ​ယုၵ်ႉ​ယွင်ႈ​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="21">သူ​တၵ်း​လႆႈ​ဢဝ်​ၵႃႈ​ၼႂ်း​ၽွင်​ၶဝ်ႈ​မူႉ​ယေႃး​ဢၼ်​လႆႈ​ဢွၼ်​တၢင်း​ၼၼ်ႉ ႁဵတ်း​တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​လႄႈ သၢၵ်ႈ​ၵၢပ်ႈ​တီႈ​ထႃႇဝရႃႉ​ၽြႃး တေႃႇ​ထိုင်​ႁွတ်ႈ​ၸူဝ်ႈ​လုၵ်ႈ​ပၢၼ်​လၢၼ်​သိုပ်ႇ​သိုပ်ႇ​တၢမ်း​တၢမ်း​ဢေႃႈ။</verse>
				<verse number="22">မိူဝ်ႈ​ဢၼ်​သူ​ၽိတ်း​ပိူင်ႈ​လႄႈ ဢမ်ႇ​ပႂ်ႉ​ဢမ်ႇ​ၸွမ်း​ပိင်း​ၺၢပ်ႈ​ၵႃႈ​မီး ဢၼ်​ထႃႇဝရႃႉ​ၽြႃး​မွၵ်ႇ​လၢတ်ႈ​တီႈ​ မူဝ်းသေႇ -</verse>
				<verse number="23">ဢၼ်​ဝႃႈ ၵႃႈ​ဢၼ်​ထႃႇဝရႃႉ​ၽြႃး ဢဝ်​တၢင်း​ မူဝ်းသေႇ ​သင်ႇ​လၢတ်ႈ​ဝႆႉ​တီႈ​သူ ၸႃႉ​ၸဵမ်​မိုဝ်ႉ​ဝၼ်း​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ​လႄႈ ၵႂႃႇ​မိူဝ်း​ၼႃႈ​တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ။-</verse>
				<verse number="24">ပေႃး​ပရဵၵ်ႈသၢတ်ႈ​ယင်း​ဢမ်ႇ​ႁူႉ​လွင်ႈ​မၼ်း​တၢင်း​မၼ်း​လႄႈ ၽိတ်း​ပိူင်ႈ​မႅၼ်ႈ​ၸိုင်၊ ပရဵၵ်ႈသၢတ်ႈ​တင်း​သဵင်ႈ​တင်း​လူင် တၵ်း​လႆႈ​ဢဝ်​ဝူဝ်း​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​တုတ်ႇ​ၽႆး​လႄႈ မီး​ဢၢႆ​ဢၼ်​ႁွမ်​ဢၼ်​ႁူၺ်း​ပုၼ်ႈ​ထႃႇဝရႃႉ​ၽြႃး​ၼၼ်ႉ ဢိၵ်ႇ​တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း ၸွမ်း​လူၺ်ႈ​ထုင်း​ၽိင်ႈ​တြႃး​ၼၼ်ႉ ဢိၵ်ႇ​တင်း​ပႄႉ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ ပုၵ်ႈ​ၸေႃႇ​ဢေႃႈ။-</verse>
				<verse number="25">ယိတ်ႈပရေႃးႁဵၵ်ႈ တၵ်း​လႆႈ​ႁဵတ်း​တၢင်း​ဢၼ် ၽေႇ​ဢပႅတ်ႈ​ပုၼ်ႈ​ပရဵၵ်ႈသၢတ်ႈ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ၊ ၶဝ်​တၵ်း​လႆႈ​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​ယင်း​ဢမ်ႇ​ႁူႉ​လွင်ႈ​မၼ်း​တၢင်း​မၼ်း​လႄႈ ၽိတ်း​ပိူင်ႈ​မႅၼ်ႈ​ၼၼ်ႉ​ဢေႃႈ။ ၶဝ်​ၼၼ်ႉ​ၵွပ်ႈ​ပိူဝ်ႈ​ဢပႅတ်ႈ​ဢၼ်​လိုမ်း​တူဝ်​လႄႈ တၵ်း​လႆႈ​ဢဝ်​တၢင်း​ပုၵ်ႈ​ၸေႃႇ​ၶဝ်​ဢၼ်​ဝႃႈ ယိတ်ႈ​ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး ဢိၵ်ႇ​တင်း​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ မႃး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="26">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​သူ​ၼၼ်ႉ​တၵ်း​လႆႈ​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵူၼ်း​တင်း​သဵင်ႈ​တင်း​လူင် ယင်း​ဢမ်ႇ​ႁူႉ​လွင်ႈ​ႁၼ်​တၢင်း​လႄႈ ၽိတ်း​ပိူင်ႈ​မႅၼ်ႈ​ဢေႃႈ။</verse>
				<verse number="27">ပေႃး​သေ​ၵေႃႉ​သေ​ၵူၼ်း​ယင်း​ဢမ်ႇ​ႁူႉ​လွင်ႈ​ႁၼ်​တၢင်း​လႄႈ ၽိတ်း​ပိူင်ႈ​မႅၼ်ႈ​ၸိုင်၊ မၼ်း​တၵ်း​လႆႈ​ဢဝ် ပႄႉ​မႄႈ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​မႃး​ဢေႃႈ။-</verse>
				<verse number="28">ယိတ်ႈပရေႃးႁဵၵ်ႈ တၵ်း​လႆႈ​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ၵေႃႉ​ဢၼ် ယင်း​ဢမ်ႇ​ႁူႉ​လွင်ႈ​ႁၼ်​တၢင်း​လႄႈ ၽိတ်း​ပိူင်ႈ​မႅၼ်ႈ ၼႂ်း​မိူဝ်ႈ​ဢၼ်​မၼ်း​ယင်း​ဢမ်ႇ​ႁူႉ​လွင်ႈ​ႁၼ်​တၢင်း​လႄႈ ၽိတ်း​ပိူင်ႈ​မႅၼ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​လႄႈ၊ မၼ်း​ၼၼ်ႉ တၵ်း​လႆႈ​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ​ဢေႃႈ။-</verse>
				<verse number="29">သူ​တၵ်း​လႆႈ​မီး​တြႃး​ပႃး​လဵဝ်​ၵူၺ်း ပုၼ်ႈ​ၵေႃႉ​ဢၼ်​ယင်း​ဢမ်ႇ​ႁူႉ​လွင်ႈ​ႁၼ်​တၢင်း​လႄႈ ၽိတ်း​ပိူင်ႈ​မႅၼ်ႈ ဢၼ်​ဝႃႈ​ၵေႃႉ​ဢၼ်​ပဵၼ်​ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​မႂ်း​ၸိူဝ်း​ၼၼ်ႉ​ဢေႃႈ။</verse>
				<verse number="30">ပဵၼ်​ၵူၼ်း​မဵဝ်း​ ဢီႉသရေႇလႃႉ ​သေ​ဢမ်ႇ​ဝႃႈ၊ ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​သေ​ဢမ်ႇ​ဝႃႈ၊ ၵေႃႉ​ဢၼ် ႁတ်း​ႁတ်း​ႁၢၼ်​ႁၢၼ်​သေ​လႄႈ ၽိတ်း​ပိူင်ႈ​ၼၼ်ႉ ႁဵတ်း​ဢမ်ႇ​ၼပ်ႉ​ဢမ်ႇ​ၶၢၼ်း​တီႈ​ထႃႇဝရႃႉ​ၽြႃး​လႄႈ၊ မၼ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="31">ၵွပ်ႈ​ပိူဝ်ႈ​ဢၼ်​မၼ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၵႂၢမ်း​ထႃႇဝရႃႉ​ၽြႃး​လႄႈ ပူၼ်ႉ​လိူဝ်​ပိင်း​ၺၢပ်ႈ​မၼ်း​ၸဝ်ႈ​ၼၼ်ႉ​လႄႈ၊ မၼ်း​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​ပုတ်း​ပုတ်း​ၶၢတ်ႇ​ၶၢတ်ႇ​ဢေႃႈ။ မၼ်း​တၵ်း​လႆႈ​ၶၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="32">မိူဝ်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ မီး​ယူႇ​ၵႃႈ​တီႈ​ၼႂ်း​ထိူၼ်ႇ​ၼၼ်ႉ​ၸိုင်၊ ၶဝ်​ထူပ်း​ႁၼ်​ၵူၼ်း​ဢၼ်​ဢဝ်​ၽိုၼ်း ၼႂ်း​ဝၼ်း​ၵမ်​သိၼ်​ၼၼ်ႉ​ၵေႃႉ​ၼိုင်ႈ​ဢေႃႈ။-</verse>
				<verse number="33">ၶဝ်​ၸိူဝ်း​ဢၼ်​ထူပ်း​ႁၼ်​မၼ်း​ဢဝ်​ၽိုၼ်း​ယူႇ​ၼၼ်ႉ​ၸိူဝ်း​ၼၼ်ႉ ႁွင်ႉ​ဢဝ်​မၼ်း​ၼၼ်ႉ မႃး​ၵႃႈ​တီႈ​ မူဝ်းသေႇ တင်း​ ဢႃႇရုၼ်ႇ ဢိၵ်ႇ​တင်း​ပရဵၵ်ႈသၢတ်ႈ​တင်း​သဵင်ႈ​တင်း​လူင်​ဢေႃႈ။-</verse>
				<verse number="34">ၶဝ်​ဢဝ်​မၼ်း​ၶျုၵ်ႈ​ဝႆႉ ၵွပ်ႈ​ပိူဝ်ႈ​ဢၼ်​ဢမ်ႇ​ပႆႇ​မီး​တၢင်း​ဢၼ်​မွၵ်ႇ​လၢတ်ႈ​ဝႆႉ လွင်ႈ​ဢၼ်​တၵ်း​လႆႈ​ႁဵတ်း​တီႈ​မၼ်း​ၼၼ်ႉ​ဢေႃႈ။-</verse>
				<verse number="35">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၵူၼ်း​ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။ ပရဵၵ်ႈသၢတ်ႈ​တင်း​သဵင်ႈ​တင်း​လူင်​တၵ်း​လႆႈ​ဢဝ်​မၢၵ်ႇ​ႁိၼ်​ထိမ်ႈ​မၼ်း ၵႃႈ​တီႈ​ၼွၵ်ႈ​တပ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး မီး​ဢမိင်ႉ​တီႈ​ မူဝ်းသေႇ ​ၼၼ်ႉ​သေ​လႄႈ ပရဵၵ်ႈသၢတ်ႈ​တင်း​သဵင်ႈ​တင်း​လူင် ဢွၼ်​ၵၼ်​ဢဝ်​မၼ်း​ၵႂႃႇ​ၵႃႈ​တီႈ​ၼွၵ်ႈ​တပ်ႉ​သေ​ယဝ်ႉ၊ ဢဝ်​မၢၵ်ႇ​ႁိၼ်​ထိမ်ႈ​မၼ်း​လႄႈ၊ မၼ်း​တၢႆ​ဢေႃႈ။</verse>
				<verse number="37">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="38">မႂ်း​လၢတ်ႈ​တေႃႇ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ သင်ႇ​လၢတ်ႈ​လွင်ႈ​ဢၼ်​ၶဝ်​တၵ်း​လႆႈ​ႁဵတ်း​ပူႈ​ႁွႆႈ​ၵႃႈ​တီႈ​ၸဵင်ႇ​ၶူဝ်း​ၼုင်ႈ​ၶဝ် တေႃႇ​ထိုင်​ႁွတ်ႈ​ၸူဝ်ႈ​လုၵ်ႈ​ပၢၼ်​လၢၼ်​မဵဝ်း​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​လႄႈ ဢဝ်​တင်း​သၢႆ​ဢၼ်​သွမ်ႇ​မတ်ႉ​ႁွႆႈ​ၼၼ်ႉ​တီႈ​ၶဝ်​တႃႉ။-</verse>
				<verse number="39">တၵ်း​လႆႈ​ပဵၼ်​ပူႈ​တီႈ​သူ ပုၼ်ႈ​လွင်ႈ​ၼင်ႇ​ႁိုဝ် သူ​တၵ်း​လႆႈ​တူၺ်း​ႁၼ်​လႄႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ပိင်း​ၺၢပ်ႈ​ထႃႇဝရႃႉ​ၽြႃး​ၵႃႈ​မီး​တင်း​သဵင်ႈ​တင်း​လူင်​လႄႈ​ၵမ်​ၵျၢင်ႉ​ဢိၵ်ႇ​တင်း​လွင်ႈ​ၼင်ႇ​ႁိုဝ်​တၵ်း​ဢမ်ႇ​ၸွမ်း​ဢလူဝ်ႇ​ႁူဝ်​ၸႂ်​သူ ဢိၵ်ႇ​တင်း​ဢလူဝ်ႇ​မၢၵ်ႇ​တႃ​သူ​လႄႈ ၽိတ်း​ပိူင်ႈ​ၸိူဝ်ႉ​ၼင်ႇ​ဢၼ် သူ​ယၢမ်ႈ​လႆႈ​ၽိတ်း​ပိူင်ႈ​ယဝ်ႉ​ၼၼ်ႉ၊-</verse>
				<verse number="40">တင်း​လွင်ႈ​ၼင်ႇ​ႁိုဝ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵမ်​ၵျၢင်ႉ​ပိင်း​ၺၢပ်ႈ​ၵဝ်​ၵႃႈ​မီး​လႄႈ မူတ်း​ၸၢင်ႇ​ပုၼ်ႈ ၽြႃး​ပဵၼ်​ၸဝ်ႈ​သူ​ဢေႃႈ။-</verse>
				<verse number="41">ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢၼ်​ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ႁႂ်ႈ​လႆႈ​ပဵၼ်​ၽြႃး​ပဵၼ်​ၸဝ်ႈ​သူ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="16">
				<verse number="1">ၵေႃးရႃႉ လုၵ်ႈ​ၸၢႆး​ ဢီႉသႁႃႇ ဢၼ်​ပဵၼ်​လုၵ်ႈ​ၸၢႆး​ ၵေႃႇႁတ်ႉ ၵူၼ်း​မဵဝ်း​ လေႇဝီႉ ဢိၵ်ႇ​တင်း​ တႃႇသၼ်ႇ တင်း​ ဢၽီႉရမ်ႇ လုၵ်ႈ​ၸၢႆး​ ဢေးလျႃႇၽႃႉ ၊​တင်း​ ဢေႃးၼႃႉ လုၵ်ႈ​ၸၢႆး​ ပေးလိတ်ႉ ၵူၼ်း​မဵဝ်း​ ရူႉပိၼ်ႇ ​ၸိူဝ်း​ၼၼ်ႉ ၸူႉ​ၽူႈ​ၸူႉ​ၵူၼ်း​သေ​လႄႈ၊-</verse>
				<verse number="2">ဢွၼ်​ၵၼ်​လုၵ်ႉ​ယူႇ​ၵႃႈ​တီႈ​ၽၢႆႇ​ၼႃႈ​ မူဝ်းသေႇ ႁူမ်ႈ​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​သွင်​ပၢၵ်ႇ​ႁႃႈ​သိပ်း ဢၼ်​ႁဵတ်း​ၶုၼ်​ၵႃႈ​ၼႂ်း​ပရဵၵ်ႈသၢတ်ႈ ဢၼ်​မုၵ်ႉ​ၵူၼ်း​ၸိူဝ်း​ၵူၼ်း​ၽွမ်ႉ​ၵၼ်​လိူၵ်ႈ​ၵဵပ်း​ဢဝ်​ႁွင်ႉ​ဢဝ်၊ ဢၼ်​ၸိုဝ်ႈ​ဢွၵ်ႇ​သဵင်​ဢွၵ်ႇ​ၼၼ်ႉ​ဢေႃႈ။-</verse>
				<verse number="3">ၶဝ်​ၼၼ်ႉ ၸူႉ​ၵၼ်​တုမ်​ၵၼ်​ယူႇ​ၽၢႆႇ​ၼိုင်ႈ​တင်း​ မူဝ်းသေႇ ဢိၵ်ႇ​တင်း​ ဢႃႇရုၼ်ႇ ​သေ​လႄႈ ဢွၼ်​ၵၼ်​လၢတ်ႈ​ဝႃႈ၊ သူ​ပေႃး​တႃႉ။ ပရဵၵ်ႈသၢတ်ႈ​ၵႃႈ​မီး​တင်း​သဵင်ႈ​တင်း​လူင်​ၸိုင် မူတ်း​ၸၢင်ႇ​ယူႇ​ၵူႈ​ၵေႃႉ​ၵူႈ​ၵူၼ်း​ဢေႃႈ။ ထႃႇဝရႃႉ​ၽြႃး​မီး​ယူႇ​ၼႂ်း​ၶဝ်​ဢေႃႈ။ ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ယုၵ်ႉ​ယွင်ႈ​တူဝ်​ၸဝ်ႈ​ၵဝ်ႇ​ၵႃႈ​တီႈ​ၼိူဝ်​ပရဵၵ်ႈသၢတ်ႈ​ထႃႇဝရႃႉ​ၽြႃး​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မူဝ်းသေႇ ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ မူပ်ႇ​တဵတ်ႇ​သေ​လႄႈ ယူႇ​ဢေႃႈ။-</verse>
				<verse number="5">လႆႈ​သမ်ႉ မၼ်း​လၢတ်ႈ​တီႈ​ ၵေႃးရႃႉ ဢိၵ်ႇ​တင်း​မူႇ​ၵူၼ်း​ၽုင်​ၵူၼ်း​မၼ်း​ၼၼ်ႉ​လႄႈ​ဝႃႈ၊ ဝၼ်း​မိူဝ်ႈ​ၽုၵ်ႈ ထႃႇဝရႃႉ​ၽြႃး​တၵ်း​ၼႄ​ပျႃး​လွင်ႈ​ဢၼ် ၽူႈ​လႂ်​ပဵၼ်​ၵူၼ်း​မၼ်း​ၸဝ်ႈ၊ ၽူႈ​လႂ်​မူတ်း​ၸၢင်ႇ၊ တၵ်း​ႁႂ်ႈ​ၽူႈ​လႂ်​သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​ၼၼ်ႉ​ဢေႃႈ။ မၼ်း​ၸဝ်ႈ​တၵ်း​ႁႂ်ႈ​ၵေႃႉ​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​မၼ်း​ၸဝ်ႈ​ဢေႃႈ။-</verse>
				<verse number="6">ၵေႃးရႃႉ ဢိၵ်ႇ​တင်း​မုၵ်ႉ​ၵူၼ်း​ၸိူဝ်း​ၵူၼ်း​မၼ်း​ၵႃႈ​မီး​ၶဝ်​ဢိူၺ်း၊ လွင်ႈ​တၢင်း​ဢၼ်​သူ​တၵ်း​လႆႈ​ႁဵတ်း​ၸမ်ႉ၊ သူ​ဢွၼ်​ၵၼ်​ဢဝ်​လၢင်ႇ​ပၢၼ်း​သေ​လႄႈ၊-</verse>
				<verse number="7">ဝၼ်း​မိူဝ်ႈ​ၽုၵ်ႈ ဢဝ်​ၽႆး​သႂ်ႇ​ၵႃႈ​ၼႂ်း​မၼ်း​လႄႈ ဢဝ်​ၼၢမ်ႇ​သႃႇ​တၢင်ႇ​သႂ်ႇ​ၵႃႈ​ၼိူဝ်​ၼၼ်ႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​တႃႉ။ မိူဝ်ႈ​ၼၼ်ႉ ၵေႃႉ​ဢၼ်​ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ်​ၼၼ်ႉ တၵ်း​ပဵၼ်​ၵေႃႉ​ဢၼ်​မူတ်း​ၸၢင်ႇ​ဢေႃႈ။ သူ​ဢၼ်​ပဵၼ်​ၵူၼ်း​မဵဝ်း​ လေႇဝီႉ ​ၶဝ်​ဢိူၺ်း၊ သူ​ပေႃး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မူဝ်းသေႇ သမ်ႉ​လၢတ်ႈ​တီႈ​ ၵေႃးရႃႉ ​လႄႈ​ဝႃႈ၊ သူ​ဢၼ်​ပဵၼ်​ၵူၼ်း​မဵဝ်း​ လေႇဝီႉ ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။-</verse>
				<verse number="9">သူ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၵျေး​ၸူး​တၢင်း​ဢၼ်​ၽြႃး​ပဵၼ်​ၸဝ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၽႄ​ဢဝ်​သူ​ဢွၵ်ႇ​သေ​ၵႃႈ​ၼႂ်း​ပရဵၵ်ႈသၢတ်ႈ မဵဝ်း​ ဢီႉသရေႇလႃႉ ​လႄႈ ဢဝ်​သူ​ဝႆႉ​ၵႃႈ​တီႈ​ႁိမ်း​မၼ်း​ၸဝ်ႈ​လႄႈ ႁႂ်ႈ​သူ​လႆႈ​ပွင်​ႁဵတ်း​ဢမူႉ​သုမ်ႉ​ထဵင်​ထႃႇဝရႃႉ​ၽြႃး​ယူႇ​သေ​လႄႈ ႁႂ်ႈ​သူ​လႆႈ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ​သေ​ယဝ်ႉ၊ ပႂ်ႉ​ဢမူႉ​ၶဝ်​ၼၼ်ႉ၊-</verse>
				<verse number="10">ဢိၵ်ႇ​တင်း​ဢဝ်​ပီႈ​ၼွင်ႉ​မႂ်း​ၵူၼ်း​မဵဝ်း​ လေႇဝီႉ တင်း​သဵင်ႈ​တင်း​လူင် ဝႆႉ​ၵႃႈ​တီႈ​ႁိမ်း​မၼ်း​ၸဝ်ႈ​ၼၼ်ႉ​လႄႈ ဢွၼ်​ၵၼ်​ႁႃ​ဢဝ်​ဢရႃႇ ယိတ်ႈပရေႃးႁဵၵ်ႈ​လူင်​ပႄႇ။-</verse>
				<verse number="11">ပိူဝ်ႈ​ၼႆ​လႄႈ မႂ်း​ဢိၵ်ႇ​တင်း​မုၵ်ႉ​ၵူၼ်း​ၸိူဝ်း​ၵူၼ်း​မႂ်း​ၵႃႈ​မီး​ၼၼ်ႉ ၸူႉ​ၵၼ်​တုမ်​ၵၼ်​ယူႇ​ၽၢႆႇ​ၼိုင်ႈ​တင်း ထႃႇဝရႃႉ​ၽြႃး​လူင်​ပႄႇ။ ဢႃႇရုၼ်ႇ ​ၼၼ်ႉ​ၸမ်ႉ၊ လွင်ႈ​ၼင်ႇ​ႁိုဝ် သူ​တၵ်း​လႆႈ​တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​တီႈ​မၼ်း​ၸိုင်၊ မၼ်း​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">မူဝ်းသေႇ ပွႆႇ​ၸႂ်ႉ​ၵႂႃႇ​ႁႂ်ႈ​လႆႈ​ႁွင်ႉ​ဢဝ်​ တႃႇသၼ်ႇ တင်း​ ဢၽီႉရမ်ႇ လုၵ်ႈ​ၸၢႆး​ ဢေးလျႃႇၽႃႉ ​ၸိူဝ်း​ၼၼ်ႉ​မႃး​ဢေႃႈ။ သွင်​ၶႃ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ဢမ်ႇ​မႃး။-</verse>
				<verse number="13">လွင်ႈ​ဢၼ်​မႂ်း​ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ဢၼ် ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ​မႃး ႁႂ်ႈ​လႆႈ​ဢဝ်​ႁဝ်း​တၢႆ​ၵႃႈ​တီႈ​ထိူၼ်ႇ​ၼႆႉ​ဢမ်ႇ​ၵႃး၊ ႁဵတ်း​ၶုၼ်​ယူႇ​ၵႃႈ​တီႈ​ၼိူဝ်​ႁဝ်း​လုမ်း​လုမ်း​ၼၼ်ႉ ဢမ်ႇ​ပွင်ႇ​လွင်ႈ​ၵႃႈ​သင်​တီႈ​မႂ်း​လူင်​ပႄႇ။-</verse>
				<verse number="14">ၼွၵ်ႈ​သေ​ၼၼ်ႉ မႂ်း​ယင်း​ဢမ်ႇ​ဢဝ်​ႁဝ်း​ၵႂႃႇ​ၵႃႈ​တီႈ​မိူင်း​ဢၼ် ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ၊ ယင်း​ဢမ်ႇ​ပၼ်​ဢမူၺ်ႇ​ႁႆႊ​ၼႃး သူၼ်​ဢူးယဵၼ်ႇ​ၸပိတ်ႈ​တင်း​လၢႆ​တီႈ​ႁဝ်း​လႄႈ ၶႂ်ႈ​ၶွၵ်း​မၢၵ်ႇ​တႃ​ၵူၼ်း​ၸိူဝ်း​ၼႆႉ​ပႅတ်ႈ​ႁိုဝ်။ ႁဝ်း​ဢမ်ႇ​မႃး​ၵႃႈ​တီႈ​မႂ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">မူဝ်းသေႇ ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​လႄႈ လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ယႃႇ​ပေ​ႁဵတ်း​ပမႃႇၼႃႉ​တီႈ​ၶိူင်ႈ​ပုၵ်ႈ​ၸေႃႇ​ၶဝ်​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ဢမ်ႇ​သိမ်း​ဢမ်ႇ​ဢဝ်​လီႈ​ၶဝ်​သေ​တူဝ်​တီႈ​ၶႃႈ၊ ၶႃႈ​ၸဝ်ႈ​ဢမ်ႇ​ၼိၵ်ႈ​ၸၢၵ်ႈ​ငႅၼ်း​သႄး​ၼႂ်း​ၶဝ်​သေ​ၵေႃႉ​သေ​ၵူၼ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="16">မူဝ်းသေႇ လၢတ်ႈ​တီႈ​ ၵေႃးရႃႉ ​လႄႈ​ဝႃႈ၊ ဝၼ်း​မိူဝ်ႈ​ၽုၵ်ႈ မႂ်း​တင်း​မုၵ်ႉ​ၵူၼ်း​ၸိူဝ်း​ၵူၼ်း​မႂ်း​ၵႃႈ​မီး ဢိၵ်ႇ​တင်း ဢႃႇရုၼ်ႇ ​ၼၼ်ႉ ဢွၼ်​ၵၼ်​မီး​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​တႃႉ။-</verse>
				<verse number="17">သူ​ဢွၼ်​ၵၼ်​ဢဝ် လၢင်ႇ​ပၢၼ်း​တူဝ်​ၸဝ်ႈ​ၵဝ်ႇ ႁင်း​ၽႂ်​ႁင်း​မၼ်း​သေ​လႄႈ ဢဝ်​ၼၢမ်ႇ​သႃႇ​တၢင်ႇ​သႂ်ႇ​သေ​ယဝ်ႉ၊ ဢွၼ်​ၵၼ်​ဢဝ်​လၢင်ႇ​ပၢၼ်း​တူဝ်​ၸဝ်ႈ​ၵဝ်ႇ​ဢၼ်​ၼပ်ႉ​ပွင်း​ၵၼ် ပဵၼ်​လၢင်ႇ​ပၢၼ်း​သွင်​ပၢၵ်ႇ​ႁႃႈ​သိပ်း​ၼၼ်ႉ ႁင်း​ၽႂ်​ႁင်း​မၼ်း​မႃး ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​တႃႉ။ မႂ်း​ဢိၵ်ႇ​တင်း​ ဢႃႇရုၼ်ႇ ​ၵေႃႈ ပႃး​ဢဝ်​လၢင်ႇ​ပၢၼ်း​တူဝ်​ၸဝ်ႈ​ၵဝ်ႇ​သေ​လႄႈ​မႃး​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="18">ၶဝ်​ၼၼ်ႉ​ဢွၼ်​ၵၼ်​ဢဝ်​လၢင်ႇ​ပၢၼ်း​တူဝ်​ၸဝ်ႈ​ၵဝ်ႇ​ႁင်း​ၽႂ်​ႁင်း​မၼ်း​လႄႈ ဢဝ်​ၽႆး​တင်း​ၼၢမ်ႇ​သႃႇ​တၢင်ႇ​သႂ်ႇ​သေ​ယဝ်ႉ၊ ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ႁူမ်ႈ​လူၺ်ႈ​ၵၼ်​တင်း​ မူဝ်းသေႇ တင်း​ ဢႃႇရုၼ်ႇ ​ဢေႃႈ။</verse>
				<verse number="19">ၵေႃးရႃႉ ​ၵေႃႈ ႁႂ်ႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​ယူႇ​ၽၢႆႇ​ၼိုင်ႈ​တင်း​ၶဝ်​ၼၼ်ႉ ၵႃႈ​တီႈ​ႁူး​ၽၵ်း​တူ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​သေ​ယဝ်ႉ၊ မုၼ်​ၽုင်း​ထႃႇဝရႃႉ​ၽြႃး၊ ထၢင်ႇ​သႃး​မႃး​ၵႃႈ​တီႈ​ပရဵၵ်ႈသၢတ်ႈ တင်း​သဵင်ႈ​တင်း​လူင်​ဢေႃႈ။-</verse>
				<verse number="20">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ၊-</verse>
				<verse number="21">သွင်​ၶိူဝ်​ၽၢတ်ႇ​ယၢၼ်​ၵၼ်​တင်း​ပရဵၵ်ႈသၢတ်ႈ​ၼႆႉ​သေ​လႄႈ ယူႇ​တၢင်ႇ​တီႈ​တႃႉ။ ၵဝ်​တၵ်း​ယႃႉ​ၶဝ်​ပႅတ်ႈ​ၵမ်း​လဵဝ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">ၶဝ်​ဢွၼ်​ၵၼ်​ၶုပ်ႉ​မူပ်ႇ​သေ​လႄႈ​လဝ်ႊ​ဝႃႈ၊ ဢူဝ်း​ၽြႃး​ပဵၼ်​ၸဝ်ႈ၊ ၽြႃး​ပဵၼ်​ၸဝ်ႈ​ဢၼ်​ဢုပ်ႉ​ပိူင်ႇ​ဢသၢၵ်ႈ​ဝီႉၺိၺ်ႇ​သတ်ႉတဝႃႇ တင်း​သဵင်ႈ​တင်း​လူင်​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ၵူၼ်း​ၵေႃႉ​ၼိုင်ႈ​ၽိတ်း​ပိူင်ႈ​လႄႈ ၸဝ်ႈ​ႁဝ်း​တၵ်း​ၸႂ်​မႆႈ​ၶႆႈ​ၸႃႉ​တေႃႇ ပရဵၵ်ႈသၢတ်ႈ တင်း​သဵင်ႈ​တင်း​လူင်​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="24">သင်ႇ​လၢတ်ႈ​တီႈ​ပရဵၵ်ႈသၢတ်ႈ​တင်း​လၢႆ ႁႂ်ႈ​ၶဝ်​ဝႄႈ​ပႅတ်ႈ​တီႈ​ယူႇ​ ၵေႃးရႃႉ ဢိၵ်ႇ​တင်း တႃႇသၼ်ႇ ​တင်း​ ဢၽီႉရမ်ႇ ​ၸိူဝ်း​ၼၼ်ႉ​သေ​လႄႈ​ယူႇ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">မူဝ်းသေႇ လုၵ်ႉ​လႄႈ​ၵႂႃႇ​ၸူး​ၵႃႈ​တီႈ တီႈ​ယူႇ​ တႃႇသၼ်ႇ တင်း​ ဢၽီႉရမ်ႇ ​ၼၼ်ႉ​လႄႈ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵႃႈ​ၼႂ်း​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၸွမ်း​မၼ်း​ၵႂႃႇ​သေ​လႄႈ၊-</verse>
				<verse number="26">မၼ်း​သင်ႇ​လၢတ်ႈ​တီႈ​ပရဵၵ်ႈသၢတ်ႈ​လႄႈ​ဝႃႈ၊ သူ​ဢွၼ်​ၵၼ်​ဝႄႈ​ပႅတ်ႈ​တီႈ​ယူႇ​ၵူၼ်း​ႁၢႆႉ​ၸိူဝ်း​ၼႆ​သေ​လႄႈ​ယူႇ​တႃႉ။ ယႃႇ​ပေ​တိူဝ်ႉ​ပေ​ယိပ်း ဢုၵ်ႉ​ၸႃႇ​ၶဝ်​သေ​ၸိူဝ်ႉ​သေ​ပိူင်။ ပေႃး​ဢမ်ႇ​ၼၼ် သူ​တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ် လူၺ်ႈ​ဢပႅတ်ႈ​ၵႃႈ​ဢၼ်​ၶဝ်​မီး​ၼၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="27">ၶဝ်​ဢွၼ်​ၵၼ်​ဝႄႈ​ပႅတ်ႈ​တီႈ​ဢၼ်​လဵပ်ႈ​ႁွပ်ႈ​ႁိမ်း​မူဝ်းၵႃႇ​ ၵေႃးရႃႉ ဢိၵ်ႇ​တင်း တႃႇသၼ်ႇ တင်း​ ဢၽီႉရမ်ႇ ​ၸိူဝ်း​ၼၼ်ႉ​လႄႈ ၵႂႃႇ​သေ​ယဝ်ႉ၊ တႃႇသၼ်ႇ ​တင်း​ ဢၽီႉရမ်ႇ ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​လႄႈ ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ​မူဝ်းၵႃႇ​ၶဝ် ႁူမ်ႈ​လူၺ်ႈ​ၵၼ်​တင်း​မေး​ၶဝ်​တင်း​လုၵ်ႈ​ဢွၼ်ႇ​ၶဝ်​ဢေႃႈ။-</verse>
				<verse number="28">မူဝ်းသေႇ ​ၵေႃႈ လၢတ်ႈ​လႄႈ​ဝႃႈ၊ သူ​တၵ်း​လႆႈ​ႁူႉ​လွင်ႈ​ဢၼ်​ထႃႇဝရႃႉ​ၽြႃး ပွႆႇ​ၸႂ်ႉ​ၵဝ်​ႁႂ်ႈ​ၵဝ်​လႆႈ​ႁဵတ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼႆႉ​လႄႈ ၵဝ်​ဢမ်ႇ​ၸွမ်း​ဢလူဝ်ႇ​တူဝ်​ၵဝ်ႇ​သေ​လႄႈ ႁဵတ်း​ၼၼ်ႉ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊-</verse>
				<verse number="29">ပေႃး​ၵူၼ်း​ၸိူဝ်း​ၼႆႉ​လႆႈ​တၢႆ​မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​သတ်ႉတဝႃႇ​တင်း​လၢႆ​ၸၢင်ႈ​တၢႆ၊ ပေႃး​ၶဝ်​လႆႈ​ၶၢမ်ႇ​တၢင်း​ဢၼ်​သင်ႇ​သွၼ်​သုင်း​မႃႉ မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​သတ်ႉတဝႃႇ​တင်း​လၢႆ​ၸၢင်ႈ​ၶၢမ်ႇ​ၼၼ်ႉ​ယူႇ​ၸိုင်၊ ထႃႇဝရႃႉ​ၽြႃး​ဢမ်ႇ​ပွႆႇ​ၸႂ်ႉ​ၵဝ်​မႃး။-</verse>
				<verse number="30">ပေႃး​ဢမ်ႇ​ပဵၼ်​ၼင်ႇ​ၼၼ် ပေႃး​ထႃႇဝရႃႉ​ၽြႃး ၽၢၼ်ႇ​သၢင်း​ႁဵတ်း​ပဵၼ်​ဢၼ်​မႂ်ႇ​လႄႈ လိၼ်​မိူင်း​တႅၵ်ႇ​ဢႃႈ​သူပ်း​ယူႇ၊ ဢိုၼ်​ၶဝ်​ၸိူဝ်း​ၼႆႉ ဢိၵ်ႇ​တင်း​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၶဝ်​ၼၼ်ႉ​ပႅတ်ႈ​လႄႈ၊ ၶဝ်​ဢသၢၵ်ႈ​လိပ်း​ယူႇ​သေ​လႄႈ လူင်း​ၵႂႃႇ​ၵႃႈ​တီႈ​မိူင်း​မရၼႃႉ​ၸိုင်၊ သူ​တၵ်း​လႆႈ​ႁူႉ​လႆႈ​ၸႅင်ႈ​လွင်ႈ​ဢၼ်​ၵူၼ်း​ၸိူဝ်း​ၼႆႉ လႆႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၼႂ်း​မိူဝ်ႈ​ဢၼ် မၼ်း​လၢတ်ႈ​ဝႃႈ​ၸိူဝ်ႉ​ၼင်ႇ​ၼႆ သုတ်း​ထၢတ်ႇ​ယဝ်ႉ​ၼၼ်ႉ၊-</verse>
				<verse number="31">လိၼ်​မိူင်း​တီႈ​ဢၼ်​ၶဝ်​ယဵပ်ႇ​ၼၼ်ႉ တႅၵ်ႇ​လႄႈ၊-</verse>
				<verse number="32">ဢႃႈ​သူပ်း​မၼ်း​သေ​ယဝ်ႉ၊ ဢိုၼ်​ၶဝ် ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​ၶဝ်​တင်း​ၵူၼ်း​ၵႃႈ​ဢၼ်​ၸၢပ်ႈ​သႅင်ႇ​ၵၼ် တင်း​ ၵေႃးရႃႉ ​တင်း​လၢႆ တင်း​ဢုၵ်ႉ​ၸႃႇ​ၶဝ်​ၵႃႈ​မီး​ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="33">ၼင်ႇ​ၼၼ်​လႄႈ ၶဝ်​ၼၼ်ႉ ဢိၵ်ႇ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် ၸၢပ်ႈ​သႅင်ႇ​ၵၼ်​တင်း​ၶဝ်​ၼၼ်ႉ ဢသၢၵ်ႈ​လိပ်း​ယူႇ​သေ​လႄႈ လူင်း​ၵႂႃႇ​ၵႃႈ​တီႈ​မိူင်း​မရၼႃႉ​လႄႈ လိၼ်​မိူင်း​ၶိုၼ်း​ငီႇငႅၼ်ႈ​ၵၼ်​ၵႃႈ​တီႈ​ၼိူဝ်​ၶဝ်​သေ​ယဝ်ႉ၊ ၶဝ်​ၼၼ်ႉ လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း​ပရဵၵ်ႈသၢတ်ႈ​ဢေႃႈ။-</verse>
				<verse number="34">ၵူၼ်း​မဵဝ်း​ ဢီႉသရေႇလႃႉ ဢၼ်​မီး​လဵပ်ႈ​ႁွပ်ႈ​ႁိမ်း​ႁွမ်း​ၼၼ်ႉ​တင်း​သဵင်ႈ​တင်း​လူင် ငိၼ်း​သဵင်​ဢၼ်​ၶဝ်​ႁွင်ႉ​သႅၼ်ႇ​ၼၼ်ႉ​ယူႇ​သေ​လႄႈ ဢွၼ်​ၵၼ်​ပၢႆႈ​ဢေႃႈ။ လွင်ႈ​မၼ်း​ၸမ်ႉ ၶဝ်​ဝႃႈ၊ ၵူဝ်​လိၼ်​မိူင်း​တၵ်း​ဢိုၼ်​ႁဝ်း​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ၵူၼ်း​သွင်​ပၢၵ်ႇ​ႁႃႈ​သိပ်း ဢၼ်​ဢဝ်​ၼၢမ်ႇ​သႃႇ​တုတ်ႇ​ၽႆး​သေ​လႄႈ ပုၵ်ႈ​ၸေႃႇ​ၸိူဝ်း​ၼၼ်ႉ​ၵေႃႈ၊ ၽႆး​ဢွၵ်ႇ​ၵႃႈ​တီႈ​ထႃႇဝရႃႉ​ၽြႃး​လႄႈ မႆႈ​ဢေႃႈ။</verse>
				<verse number="36">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="37">သင်ႇ​လၢတ်ႈ​တီႈ​ ဢေးလႃႇၸႃႇ လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇရုၼ်ႇ ႁႂ်ႈ​မၼ်း​ၵဵပ်း​ဢဝ်​လၢင်ႇ​ပၢၼ်း​ၸိူဝ်း​ၼၼ်ႉ ၵႃႈ​ၼႂ်း​တီႈ​ၽႆး​မႆႈ ၵွပ်ႈ​ပိူဝ်ႈ​ဢၼ်​ပဵၼ်​ဢၼ်​မူတ်း​ၸၢင်ႇ​လႄႈ ဢဝ်​ၽႆး​ပိုၼ်​ပႅတ်ႈ​တီႈ​ၵႆ​သေ​ယဝ်ႉ၊-</verse>
				<verse number="38">ဢဝ်​လၢင်ႇ​ပၢၼ်း​ၶဝ်​ၸိူဝ်း​ဢၼ်​ၽိတ်း​ပိူင်ႈ ႁႂ်ႈ​ဢသၢၵ်ႈ​တူဝ်​ၸဝ်ႈ​ၵဝ်ႇ​တၢႆ​ၸိူဝ်း​ၼၼ်ႉ ႁဵတ်း​ၶႅပ်း​တွင်း​လိူင် ပုၼ်ႈ​ဢၼ်​တၵ်း​မူမ်ႇ​ႁေႃႇ ၵႃႈ​ၼိူဝ်​ယိတ်ႈပလၢင်ႇ​တႃႉ။ လၢင်ႇ​ပၢၼ်း​ၸိူဝ်း​ၼၼ်ႉ ပဵၼ်​ဢၼ်​မူတ်း​ၸၢင်ႇ ၵွပ်ႈ​ပိူဝ်ႈ​ဢၼ်​ၶဝ်​ဢဝ်​ပုၵ်ႈ​ၸေႃႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ တၵ်း​လႆႈ​ပဵၼ်​ၼီႉမိၵ်ႈ​လၢၵ်ႈၶၼႃႇ တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="39">ယိတ်ႈပရေႃးႁဵၵ်ႈ​ ဢေးလႃႇၸႃႇ ဢဝ်​လၢင်ႇ​ပၢၼ်း ဢၼ်​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၽႆး​မႆႈ​ၼၼ်ႉ ပုၵ်ႈ​ၸေႃႇ​ၸိူဝ်း​ၼၼ်ႉ​သေ​ယဝ်ႉ၊ ၶဝ်​ႁဵတ်း​ၶႅပ်း​တွင်း​လိူင်​ပုၼ်ႈ​ဢၼ်​တၵ်း မူမ်ႇ​ႁေႃႇ​ယိတ်ႈပလၢင်ႇ​လႄႈ၊-</verse>
				<verse number="40">ပဵၼ်​တီႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ဢမ်ႇ​ၸႂ်ႈ​ၵူၼ်း​မဵဝ်း​ ဢႃႇရုၼ်ႇ ​ၼၼ်ႉ ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​ႁႂ်ႈ​လႆႈ​တုတ်ႇ​ၽႆး​ၼၢမ်ႇ​သႃႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး လႄႈ ပဵၼ်​ၸိူဝ်ႉ​ၼင်ႇ​ ၵေႃးရႃႉ ဢိၵ်ႇ​တင်း မုၵ်ႉ​ၵူၼ်း​ၸိူဝ်း​ၵူၼ်း​မၼ်း​ၸိူဝ်း​ၼၼ်ႉ မႅၼ်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢဝ်​ မူဝ်းသေႇ သင်ႇ​လၢတ်ႈ​ဝႆႉ တီႈ​မၼ်း​ၼၼ်ႉ​ဢေႃႈ။</verse>
				<verse number="41">ဝၼ်း​မိူဝ်ႈ​ၽုၵ်ႈ ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ဢွၼ်​ၵၼ်​တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​တီႈ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ၊ သူ​ၼႆႉ​ဢဝ်​ၵူၼ်း​ထႃႇဝရႃႉ​ၽြႃး​တင်း​လၢႆ​တၢႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="42">မိူဝ်ႈ​ဢၼ်​ပရဵၵ်ႈသၢတ်ႈ​တင်း​လၢႆ ၸူႉ​ၵၼ်​တုမ်​ၵၼ်​ယူႇ​ၽၢႆႇ​ၼိုင်ႈ​တင်း​ မူဝ်းသေႇ တင်း​ ဢႃႇရုၼ်ႇ ​ၼၼ်ႉ​ၸိုင်၊ ၶဝ်​ႁႅၼ်​တူၺ်း မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ မွၵ်ႇ​ၵုမ်ႈ​ႁူမ်ႇ​သုမ်ႇ​မၼ်း​ယူႇ​လႄႈ မုၼ်​ၽုင်း​ထႃႇဝရႃႉ​ၽြႃး ထၢင်ႇ​သႃး​မႃး​ဢေႃႈ။-</verse>
				<verse number="43">မူဝ်းသေႇ တင်း​ ဢႃႇရုၼ်ႇ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၽၢႆႇ​ၼႃႈ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="44">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="45">ဝႄႈ​ပႅတ်ႈ​ပရဵၵ်ႈသၢတ်ႈ​ၸိူဝ်း​ၼႆႉ​သေ​လႄႈ​ယူႇ​တႃႉ။ ၵဝ်​တၵ်း​ယႃႉ​ၶဝ်​ပႅတ်ႈ​ၵမ်း​လဵဝ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ သွင်​ၶႃ​ဢွၼ်​ၵၼ် မူပ်ႇ​တဵတ်ႇ​သေ​လႄႈ​ယူႇ​ဢေႃႈ။</verse>
				<verse number="46">မူဝ်းသေႇ ​ၵေႃႈ သင်ႇ​လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ၊ မႂ်း​ယိပ်း​ဢဝ်​လၢင်ႇ​ပၢၼ်း​မႂ်း​သေ​လႄႈ ဢဝ်​ၽႆး​ၵႃႈ​ၼိူဝ်​ယိတ်ႈပလၢင်ႇ​သႂ်ႇ​သေ​ယဝ်ႉ၊ ဢဝ်​ၼၢမ်ႇ​သႃႇ​တၢင်ႇ​သႂ်ႇ​ယူႇ​သေ​လႄႈ ၵႂႃႇ​ၸူး​ၵႃႈ​တီႈ​ဢၼ် ပရဵၵ်ႈသၢတ်ႈ​မီး​ၼၼ်ႉ ၶၼ်​ၶၼ်​ၽႂ်း​ၽႂ်း​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ၶဝ်​တႃႉ။ တၢင်း​ၸႂ်​မႆႈ​ၶႆႈ​ၸႃႉ​ဢွၵ်ႇ​ၵႃႈ​တီႈ​ထႃႇဝရႃႉ​ၽြႃး​ၵႂႃႇ​လႄႈ ၽေး​ၵႃႇလႃႉ​ႁွတ်ႈ​မႃး​မီး​ယူႇ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="47">ဢႃႇရုၼ်ႇ ၸွမ်း​ၵႃႈ​ၼင်ႇ​ဢၼ်​ မူဝ်းသေႇ သင်ႇ​လၢတ်ႈ​ဝႆႉ​ၼၼ်ႉ သေ​လႄႈ ဢဝ်​လႅၼ်ႈ​ၵႂႃႇ​ၵႃႈ​ၼႂ်း​ၵၢင်​ပရဵၵ်ႈသၢတ်ႈ​ဢေႃႈ။ မိူဝ်ႈ​ၼၼ်ႉ ၽေး​ၵႃႇလႃႉ​ၸႃႉ​ႁွတ်ႈ​မႃး​မီး​ယူႇ​ၵႃႈ​ၼႂ်း​ၵူၼ်း​တင်း​လၢႆ​ၼၼ်ႉ​လႄႈ မၼ်း​ဢဝ်​ၼၢမ်ႇ​သႃႇ​တၢင်ႇ​သႂ်ႇ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​ၵူၼ်း​တင်း​လၢႆ​ဢေႃႈ။-</verse>
				<verse number="48">မၼ်း​ၸုၵ်း​ယူႇ​ၵႃႈ​ၼႂ်း​ၵႄႇ​ဝူင်ႈ​ၵၢင်​ၶဝ်​ၸိူဝ်း​ဢၼ်​ဢသၢၵ်ႈ​ယင်း​လိပ်း​ယူႇ ဢိၵ်ႇ​တင်း​ၶဝ်​ၸိူဝ်း​ဢၼ်​တၢႆ​ယဝ်ႉ ၸိူဝ်း​ၼၼ်ႉ​လႄႈ၊ ၽေး​ၵႃႇလႃႉ​ၼၼ်ႉ ထၢတ်ႇ​ယဵၼ်​မႃး​ဢေႃႈ။-</verse>
				<verse number="49">ၼွၵ်ႈ​သေ​ၶဝ်​ၸိူဝ်း​ဢၼ်​တၢႆ​ၵွပ်ႈ​ပိူဝ်ႈ​ဢမူႉ​ ၵေႃးရႃႉ ​ၼၼ်ႉ၊ ၵူၼ်း​ဢၼ်​တၢႆ​လူၺ်ႈ​ၽေး​ၵႃႇလႃႉ​ၼၼ်ႉ တင်း​သဵင်ႈ​တင်း​လူင်​ၸမ်ႉ၊ မီး​မိုၼ်ႇ​ၼိုင်ႈ​သီႇ​ႁဵင်​ပၢႆ​ၸဵတ်း​ပၢၵ်ႇ​ဢေႃႈ။-</verse>
				<verse number="50">ဢႃႇရုၼ်ႇ ၶိုၼ်း​မႃး​ၸူး​ၵႃႈ​တီႈ​ မူဝ်းသေႇ တီႈ​ႁူး​ၽၵ်း​တူ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ ၽေး​ၵႃႇလႃႉ​ၼၼ်ႉ​ၵေႃႈ ထၢတ်ႇ​ၵႂႃႇ​ယဵၼ်​ၵႂႃႇ​ဢေႃႈ။</verse>
			</chapter>
			<chapter number="17">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ်​သေ​လႄႈ ဢဝ်​ၵၼ်း​ႁွၵ်ႇ​သိပ်း​သွင်​လႅမ်ႈ ဢၼ်​ၶဝ်​ၸိူဝ်း​ဢၼ်​ႁဵတ်း​ၶုၼ်​ၵႃႈ​ၼႂ်း မဵဝ်း​ ဢီႉသရေႇလႃႉ ​သိပ်း​သွင်​မဵဝ်း ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ် ႁင်း​ၽႂ်​ႁင်း​မၼ်း​ၼၼ်ႉ ပၼ်​ၼၼ်ႉ​လႄႈ ဢဝ်​ၸိုဝ်ႈ​သဵင်​ၶဝ်​ၵူႈ​ၵေႃႉ​ၼၼ်ႉ တႅမ်ႈ​သႂ်ႇ​ဝႆႉ​ၵႃႈ​တီႈ​ၼိူဝ်​ၵၼ်း​ႁွၵ်ႇ​မၼ်း​ၼၼ်ႉ​တႃႉ။-</verse>
				<verse number="3">ၸိုဝ်ႈ​သဵင်​ ဢႃႇရုၼ်ႇ ​ၸိုင် ဢဝ်​တႅမ်ႈ​သႂ်ႇ​ဝႆႉ​ၵႃႈ​ၼိူဝ်​ၵၼ်း​ႁွၵ်ႇ​မဵဝ်း​ လေႇဝီႉ ​တႃႉ။ တၵ်း​လႆႈ​မီး​ၵၼ်း​ႁွၵ်ႇ​ယေႈ​လႅမ်ႈ​ပုၼ်ႈ​ၵူၼ်း​လူင်​မဵဝ်း​ပူႇ​မဵဝ်း​ပေႃႈ​ၶဝ် ယေႈ​ႁူဝ်​ဢေႃႈ။-</verse>
				<verse number="4">မႂ်း​ဢဝ်​ၸိူဝ်း​ၼၼ်ႉ​ဝႆႉ ၵႃႈ​တီႈ​ၽၢႆႇ​ၼႃႈ​ၶိူင်ႈ​ၶၢမ်ႇ​သၢၵ်ႈ​သေႇ ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ တီႈ​ဢၼ်​ၵဝ်​ထူပ်း​ၵၼ်​တင်း​မႂ်း​ၼၼ်ႉ​တႃႉ။-</verse>
				<verse number="5">ၵၼ်း​ႁွၵ်ႇ​ၵေႃႉ​ဢၼ်​ၵဝ်​လိူၵ်ႈ​ၵဵပ်း​ဢဝ်​ၼၼ်ႉ တၵ်း​မွၵ်ႇ​မွၵ်ႇ​ဢေႃႈ။ ၵဝ်​တၵ်း​ႁဵတ်း​ႁႂ်ႈ​တၢင်း​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ ဢၼ်​ၶဝ်​တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​တီႈ​မႂ်း​ၼၼ်ႉ ထၢတ်ႇ​ယဵၼ်​သေ​ၵႃႈ​တီႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="6">မူဝ်းသေႇ ​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ၶုၼ်​ၸိူဝ်း​ၼၼ်ႉ​တင်း​သဵင်ႈ​တင်း​လူင် ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ်​သေ​လႄႈ၊ ၶုၼ်​ယေႈ​ႁူဝ်​ၵၼ်း​ႁွၵ်ႇ​ယေႈ​လႅမ်ႈ၊ ဢွၼ်​ၵၼ်​ပၼ်​ၵၼ်း​ႁွၵ်ႇ​သိပ်း​သွင်​လႅမ်ႈ​ဢေႃႈ။ ၵၼ်း​ႁွၵ်ႇ ဢႃႇရုၼ်ႇ ပႃး​လူၺ်ႈ​ၵၼ်​တင်း​ၵၼ်း​ႁွၵ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="7">မူဝ်းသေႇ ဢဝ်​ၵၼ်း​ႁွၵ်ႇ​ၸိူဝ်း​ၼၼ်ႉ ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​ၼႂ်း​မူဝ်းၵႃႇ​ၸဝ်ႈ​ၶိူင်ႈ​ၶၢမ်ႇ​သၢၵ်ႈ​သေႇ​ဢေႃႈ။-</verse>
				<verse number="8">ဝၼ်း​မိူဝ်ႈ​ၽုၵ်ႈ​ မူဝ်းသေႇ ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ​ၶိူင်ႈ​ၶၢမ်ႇ​သၢၵ်ႈ​သေႇ​ၼၼ်ႉ​လႄႈ၊ ၵၼ်း​ႁွၵ်ႇ​ ဢႃႇရုၼ်ႇ ဢၼ်​ၸၢပ်ႈ​သႅင်ႇ​ၵၼ်​တင်း​မဵဝ်း​ လေႇဝီႉ ​ၼၼ်ႉ မီး​တၢင်း​ဢၼ်​ဢွၵ်ႇ​မႂ်​ယူႇ၊ တုမ်ႇ​ယူႇ၊ ၵီႈ​ယူႇ၊ မၢၵ်ႇ​မၢၵ်ႇ​ ပႃႇတမ်ႇ ​ယူႇ​ဢေႃႈ။-</verse>
				<verse number="9">မူဝ်းသေႇ ​ဢဝ်​ၵၼ်း​ႁွၵ်ႇ​ၵႃႈ​မီး​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး မႃး​ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ၊ ၶဝ်​ၼၼ်ႉ ဢွၼ်​ၵၼ်​လူ​တူၺ်း​သေ​ယဝ်ႉ၊ ၶိုၼ်း​ဢဝ်​ၵၼ်း​ႁွၵ်ႇ​တူဝ်​ၸဝ်ႈ​ၵဝ်ႇ​ၶိုၼ်း​ၵူႈ​ၵေႃႉ​ဢေႃႈ။</verse>
				<verse number="10">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ဢဝ်​ၵၼ်း​ႁွၵ်ႇ​ ဢႃႇရုၼ်ႇ ၶိုၼ်း​ဝႆႉ​ၵႃႈ​တီႈ​ၽၢႆႇ​ၼႃႈ​ၶိူင်ႈ​ၶၢမ်ႇ​သၢၵ်ႈ​သေႇ​လႄႈ ႁႂ်ႈ​မီး​ယူႇ​သေႇ​သေႇ ပုၼ်ႈ​ဢၼ်​တၵ်း​ပဵၼ်​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​ၶဝ်​ၸိူဝ်း​ဢၼ်​ပုင်ႇ​ၵၢၼ်ႇ​ၼၼ်ႉ​တႃႉ။ ၼင်ႇ​ၼၼ်​လႄႈ မႂ်း​တၵ်း​လႆႈ​ႁႂ်ႈ​တၢင်း​ဢၼ်​ၶဝ်​တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​တီႈ​ၵဝ်​ၸိူဝ်း​ၼၼ်ႉ သုတ်း​ၵွႆ​ႁႂ်ႈ​ၶဝ်​လႆႈ​ၵၢင်း​လွတ်ႈ​တင်း​ၽေး​တၢႆ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="11">မူဝ်းသေႇ ​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​မၼ်း​ၼၼ်ႉ မၼ်း​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="12">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵေႃႈ ဢွၼ်​ၵၼ်​လဝ်ႊ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ႁဝ်း​ၶႃႈ​ၼႆႉ​တၢႆ​သုမ်း​ၶႃႈ​ဢေႃႈ။ ႁဝ်း​ၶႃႈ​လူႉ​လႅဝ်​ၶႃႈ​ဢေႃႈ။ ႁဝ်း​ၶႃႈ​တင်း​သဵင်ႈ​တင်း​လူင် လူႉ​လႅဝ်​ၶႃႈ​ဢေႃႈ။-</verse>
				<verse number="13">ၵႃႈ​ပဵၼ်​ၵေႃႉ​ဢၼ် သုတ်ႉ​ၸပ်း​သုတ်ႉ​ၸူး၊ ၵႃႈ​ဢၼ်​သုတ်ႉ​ၸပ်း​သုတ်ႉ​ၸူး ၵႃႈ​တီႈ​သုမ်ႉ​ထဵင်​ထႃႇဝရႃႉ​ၽြႃး​ၼၼ်ႉ တၵ်း​တၢႆ​ၵူႈ​ၵေႃႉ​ၶႃႈ​ဢေႃႈ။ ႁဝ်း​ၶႃႈ​ၵႃႈ​မီး​ၸိူဝ်း​ၼႆႉ တၵ်း​ထုၵ်ႇ​ၽေး​တၢႆ​လႄႈ ႁွတ်ႈ​ထိုင်​တၢင်း​ဢၼ်​သုမ်း​ဢၼ်​ၸွမ်း​လူး​ၵွၼ်ႇ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ ဢႃႇရုၼ်ႇ ​လႄႈ​ဝႃႈ၊ မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း​တင်း​လၢႆ တင်း​မဵဝ်း​ၸိူဝ်ႉ​ၶိူဝ်း​ပူႇ​ပေႃႈ​မႂ်း​ၸိူဝ်း​ၼၼ်ႉ တၵ်း​လႆႈ​ႁၢပ်ႇ​လႆႈ​ပႃး​ဢပႅတ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ဢေႃႈ။ မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း​တင်း​လၢႆ​ၼၼ်ႉ တၵ်း​လႆႈ​ႁၢပ်ႇ​လႆႈ​ပႃး​ဢပႅတ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​ဢရႃႇ​ယိတ်ႈပရေႃးႁဵၵ်ႈ​သူ​ဢေႃႈ။-</verse>
				<verse number="2">ပီႈ​ၼွင်ႉ​မႂ်း​ၵူၼ်း​မဵဝ်း​ လေႇဝီႉ မဵဝ်း​ၸိူဝ်ႉ​ၶိူဝ်း​ပေႃႈ​မႂ်း​ၸိူဝ်း​ၼၼ်ႉ ႁွင်ႉ​ဢဝ်​မႃး​လူၺ်ႈ​ၵၼ်​တင်း​မႂ်း ႁႂ်ႈ​ၶဝ်​လႆႈ​ၸပ်း​ၸွမ်း​လူၺ်ႈ​ၵၼ်​တင်း​မႂ်း​သေ​လႄႈ ပွင်​ႁဵတ်း​ဢမူႉ​ၸဝ်ႈ​တီႈ​မႂ်း​တႃႉ။ ၼႂ်း​ဝႃႈ​ၼၼ်​သေ​ၵေႃႈ မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း​ၸိူဝ်း​ၼၼ်ႉ တၵ်း​လႆႈ​မီး​ယူႇ​ၵႃႈ​တီႈ​ၽၢႆႇ​ၼႃႈ​မူဝ်းၵႃႇ​ၶိူင်ႈ​ၶၢမ်ႇ​သၢၵ်ႈ​သေႇ​ၸဝ်ႈ​ဢေႃႈ။-</verse>
				<verse number="3">ၶဝ်​ၼၼ်ႉ တၵ်း​လႆႈ​ဢွၼ်​ၵၼ်​ႁဵတ်း​တၢင်း​ဢၼ်​လူ​တူၺ်း​လုမ်း​လႃး​မႂ်း​ဢိၵ်ႇ​တင်း​တၢင်း​ဢၼ်​လူ​တူၺ်း​လုမ်း​လႃး​မူဝ်းၵႃႇ​ၸဝ်ႈ​ၵႃႈ​မီး​ဢေႃႈ။ ၵူၺ်း​ၵႃႈ လွင်ႈ​ၼင်ႇ​ႁိုဝ် တၵ်း​ၵၢင်း​လွတ်ႈ​တင်း​ၽေး​တၢႆ​ၸိုင် ၶဝ်​ဢိၵ်ႇ​တင်း​သူ ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၶိူင်ႈ​ပိူင်​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ ဢိၵ်ႇ​တင်း​ၶိူင်ႈ​ပိူင်​ယိတ်ႈပလၢင်ႇ​တင်း​လၢႆ။-</verse>
				<verse number="4">ၶဝ်​ၼၼ်ႉ တၵ်း​လႆႈ​ၸပ်း​ၸွမ်း​လူၺ်ႈ​ၵၼ်​တင်း​မႂ်း​လႄႈ ႁဵတ်း​တၢင်း​ဢၼ်​လူ​တူၺ်း​လုမ်း​လႃး​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ ၵိုတ်ႉ​ႁၢပ်ႇ​ဢမူႉ​မူဝ်းၵႃႇ​ၸဝ်ႈ​ၵႃႈ​မီး​ဢေႃႈ။ ၵေႃႉ​ဢၼ်​ဢမ်ႇ​ၸၢပ်ႈ​ဢမ်ႇ​သႅင်ႇ​ၼၼ်ႉ ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​သူ။-</verse>
				<verse number="5">ၵမ်း​လိုၼ်း​လွင်ႈ​ၼင်ႇ​ႁိုဝ် တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​တၵ်း​ဢမ်ႇ​ဢွၵ်ႇ​လႄႈ ႁွတ်ႈ​ထိုင်​ၵႃႈ​ၼိူဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိုင်၊ သူ​တၵ်း​လႆႈ​ႁဵတ်း​တၢင်း​ဢၼ် လူ​တူၺ်း​လုမ်း​လႃး​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ ဢိၵ်ႇ​တင်း​တၢင်း​ဢၼ်​လူ​တူၺ်း​လုမ်း​လႃး​ယိတ်ႈပလၢင်ႇ​ဢေႃႈ။-</verse>
				<verse number="6">ၼင်ႇ​ၼၼ်​လႄႈ ၵဝ်​တူဝ်​ၸဝ်ႈ​ၵဝ်ႇ ၼုၵ်ႈ​ဢဝ်​ပီႈ​ၼွင်ႉ​သူ​ၵူၼ်း​မဵဝ်း​ လေႇဝီႉ ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ၊ ၶဝ်​ၼၼ်ႉ​ပဵၼ်​ၸိူဝ်ႉ​ၼင်ႇ​ၶိူင်ႈ​ပုၵ်ႈ​ၸေႃႇ ဢၼ်​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ​တီႈ​သူ ႁႂ်ႈ​ၶဝ်​လႆႈ​ၵိုတ်ႉ​ႁၢပ်ႇ​ဢမူႉ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ဢေႃႈ။-</verse>
				<verse number="7">ပိူဝ်ႈ​ၼႆ​လႄႈ မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း​တင်း​လၢႆ တၵ်း​လႆႈ​ႁဵတ်း​ယိတ်ႈပရေႃးႁဵၵ်ႈ​ၵႃႈ​တီႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း ယိတ်ႈပလၢင်ႇ တင်း​ဢမူႉ​ဢၼ်​လီ​ပွင်​ႁဵတ်း​ၵႃႈ​တီႈ​ၼႂ်း​ၽႃႈ​ၵင်ႈ​ၵႃႈ​မီး​ၼၼ်ႉ​လႄႈ ပွင်​ႁဵတ်း​ဢမူႉ​ဢေႃႈ။ ၵဝ်​ပၼ်​ဢရႃႇ​ယိတ်ႈပရေႃးႁဵၵ်ႈ​တီႈ​သူ​ၸိူဝ်ႉ​ၼင်ႇ​တၢင်း​ဢၼ် ၵိုတ်ႉ​ႁၢပ်ႇ​ဢမူႉ​ဢၼ်​ၵဝ်​ႁဵတ်း​ၵျေး​ၸူး​လႄႈ​ပၼ်​ၼၼ်ႉ​ယဝ်ႉ။ ၵေႃႉ​ဢၼ်​ဢမ်ႇ​ၸၢပ်ႈ​သႅင်ႇ​လႄႈ သုတ်ႉ​ၸပ်း​သုတ်ႉ​ၸူး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ ဢႃႇရုၼ်ႇ ​လႄႈ​ဝႃႈ၊ ၵဝ်​တူဝ်​ၸဝ်ႈ​ၵဝ်ႇ ဢဝ်​ၶိူင်ႈ​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​တီႈ​ၵဝ် ၵႃႈ​ၼႂ်း​ၶိူင်ႈ​ပုၵ်ႈ​ၸေႃႇ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​မူတ်း​ၸၢင်ႇ​လႄႈ သၢၵ်ႈ​ၵၢပ်ႈ​ၵႃႈ​မီး​ၼၼ်ႉ ဢၢပ်ႈ​ပၼ်​တီႈ​မႂ်း​ဢေႃႈ။ ၵဝ်​ဢဝ်​ထုင်း​ၽိင်ႈ​တြႃး​ဢၢပ်ႈ​ပၼ်​တီႈ​မႂ်း ႁႂ်ႈ​ပဵၼ်​ပုၼ်ႈ​မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း​ၸိူဝ်း​ၼၼ်ႉ​ဢေႃႈ။-</verse>
				<verse number="9">ၵႃႈ​ၼႂ်း​ၶိူင်ႈ​ပိူင်​ဢၼ်​ယင်း​ဢမ်ႇ​ႁွတ်ႈ​ထိုင်​ၵႃႈ​ၼႂ်း​ၽႆး​လႄႈ မူတ်း​ၸၢင်ႇ​ၸိူဝ်း​ၼၼ်ႉ၊ ၶိူင်ႈ​ပိူင်​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ​ၸမ်ႉ၊ ၵႃႈ​ဢၼ်​ၶဝ်​သၢၵ်ႈ​ၵၢပ်ႈ​ၼၼ်ႉ ဢၼ်​ဝႃႈ​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​ၶဝ်​ၵႃႈ​မီး၊ ယိတ်ႈ​ဢၼ်​ၽေႇ​ဢပႅတ်ႈ​ၶဝ်​ၵႃႈ​မီး၊ ယိတ်ႈ​ဢၼ်​ၽေႇ​တူႉ​ၸရိူၵ်ႈ​ၶဝ်​ၵႃႈ​မီး၊ ၵႃႈ​ဢၼ်​ၶဝ်​ပုၵ်ႈ​ၸေႃႇ​တီႈ​ၵဝ်​ၸိူဝ်း​ၼၼ်ႉ တၵ်း​လႆႈ​မူတ်း​ၸၢင်ႇ​ပုၼ်ႈ​မႂ်း ဢိၵ်ႇ​တင်း​လုၵ်ႈ​ၸၢႆး​မႂ်း​တင်း​လၢႆ​ဢေႃႈ။-</verse>
				<verse number="10">တၵ်း​လႆႈ​ၵိၼ်​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ဢေႃႈ။ ၵူၼ်း​ၸၢႆး​မီး​ဢၶႂၢင်ႉ​ဢၼ်​လႆႈ​ၵိၼ်​ၵူႈ​ၵေႃႉ​ဢေႃႈ။ ပဵၼ်​ဢၼ်​မူတ်း​ၸၢင်ႇ​ပုၼ်ႈ​မႂ်း​ဢေႃႈ။-</verse>
				<verse number="11">လႆႈ​သမ်ႉ ၶိူင်ႈ​ပိူင်​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၸမ်ႉ၊ ပဵၼ်​ၶိူင်ႈ​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ ဢၼ်​ဝႃႈ ၶိူင်ႈ​ပုၵ်ႈ​ၸေႃႇ​ဢၼ်​ယွင်ႈ​ၵႂႆ ဢၼ်​ၵူၼ်း​မဵဝ်း​ ဢီႉသရေႇလႃႉ ​ပုၵ်ႈ​ၸေႃႇ​ၼၼ်ႉ​ဢေႃႈ။ ၵဝ်​ဢဝ်​တင်း​ထုင်း​ၽိင်ႈ​ထႃႇဝရႃႉ​ပၼ်​တီႈ​မႂ်း ဢိၵ်ႇ​တင်း​လုၵ်ႈ​ၸၢႆး​လုၵ်ႈ​ယိင်း​မႂ်း​တင်း​လၢႆ​ဢေႃႈ။ ၵေႃႉ​ဢၼ်​မူတ်း​သႂ်​ၵႃႈ​တီႈ​ႁိူၼ်း​မႂ်း​ၵႃႈ​မီး​ၸိူဝ်း​ၼၼ်ႉ မီး​ဢၶႂၢင်ႉ​ဢၼ်​လႆႈ​ၵိၼ်​ဢေႃႈ။-</verse>
				<verse number="12">ၼမ်ႉ​မၼ်း​ဢၼ်​လီ​သေ​ပိူၼ်ႈ၊ ၼမ်ႉ​ၸပိတ်ႈ​ဢၼ်​လီ​သေ​ပိူၼ်ႈ၊ ၶဝ်ႈ​ၵျုင်ႇ​ဢၼ်​လီ​သေ​ပိူၼ်ႈ၊ ၵႃႈ​ဢၼ်​ပဵၼ်​မႃး​ဢွၼ်​တၢင်း​လႄႈ ၶဝ်​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ၸိုင်၊ ၵဝ်​ဢဝ်​ပၼ်​တီႈ​မႂ်း​ယဝ်ႉ။-</verse>
				<verse number="13">မၢၵ်ႇ​ဢၼ်​မၢၵ်ႇ​ဢွၼ်​တၢင်း ၵႃႈ​ဢၼ်​ၶဝ်​ဢဝ်​မႃး​တီႈ​ထႃႇဝရႃႉ​ၽြႃး​ၼၼ်ႉ​ၵေႃႈ မႂ်း​တၵ်း​လႆႈ​ပိူင်ႇ​ဢေႃႈ။ ၵေႃႉ​ဢၼ်​မူတ်း​သႂ်​ၵႃႈ​တီႈ​ႁိူၼ်း​မႂ်း​ၵႃႈ​မီး​ၸိူဝ်း​ၼၼ်ႉ မီး​ဢၶႂၢင်ႉ​ဢၼ်​လႆႈ​ၵိၼ်​ဢေႃႈ။-</verse>
				<verse number="14">ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​ဢၼ်​ၵိၼ်ႇ​ဝႃႈ​လႄႈ ပုၵ်ႈ​ၸေႃႇ​ၼၼ်ႉ​ၵေႃႈ မႂ်း​တၵ်း​လႆႈ​ပိူင်ႇ​ဢေႃႈ။-</verse>
				<verse number="15">လုၵ်ႈ​ၸၢႆး​တူၼ်ႈ​ဢၼ်​ၵိူတ်ႇ​လဵင်ႉ​မႃး​ဢွၼ်​တၢင်း၊ ပဵၼ်​ၵူၼ်း​သေ​ဢမ်ႇ​ဝႃႈ၊ ပဵၼ်​တရိၵ်ႈသၢၼ်ႇ​သေ​ဢမ်ႇ​ဝႃႈ၊ ၵႃႈ​ဢၼ်​မီး​ၼိူဝ်ႉ​မီး​လိူတ်ႈ ဢၼ်​ၶဝ်​ဢဝ်​မႃး​တီႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​ၵေႃႈ မႂ်း​တၵ်း​လႆႈ​ပိူင်ႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ လုၵ်ႈ​ၸၢႆး​တူၼ်ႈ​ၵူၼ်း​ၸိုင် မႂ်း​တၵ်း​လႆႈ​ထုတ်ႇ​ဢဝ်​ဢမၢၼ်ႇ​ၶၼ်​ပဵၼ်​ဢေႃႈ။ လုၵ်ႈ​ၸၢႆး​တူၼ်ႈ​တရိၵ်ႈသၢၼ်ႇ​ဢၼ်​ဢမ်ႇ​မူတ်း​သႂ်​ၼၼ်ႉ​ၵေႃႈ မႂ်း​တၵ်း​လႆႈ​ထုတ်ႇ​ဢဝ်​ဢေႃႈ။-</verse>
				<verse number="16">လုၵ်ႈ​ၸၢႆး​တူၼ်ႈ ဢၼ်​တၵ်း​လႆႈ​ထုတ်ႇ​ဢဝ် ဢၼ်​ဢသၢၵ်ႈ​လႆႈ​ၸႃႉ​ၸဵမ်​လိူၼ်​ၼိုင်ႈ​တင်း​လၢႆ​ၼၼ်ႉ​ၸိုင် မႂ်း​တၵ်း​လႆႈ​ဢဝ် ႁႃႈ​ၵျၢပ်ႈ​ထုတ်ႇ​ဢဝ်​ၵႃႈ​ၼင်ႇ​ဢၼ်​မႂ်း​ပျၢတ်ႈ​ၵႃႈ​မၼ်း​ၶၼ်​မၼ်း ဢၼ်​ၸွမ်း​လူၺ်ႈ​ၼမ်ႉ​ၼၵ်း​ငိုၼ်း​ၸဝ်ႈ​ၵျၢပ်ႈ​ သၶေးလႃႉ ဢၼ်​ပဵင်း​ၵၼ်​တင်း ၵေးရႃႉ ​သၢဝ်း​ၼိုင်ႈ​ၼၼ်ႉ​ဢေႃႈ။-</verse>
				<verse number="17">လုၵ်ႈ​ၸၢႆး​တူၼ်ႈ​ဝူဝ်း၊ လုၵ်ႈ​ၸၢႆး​တူၼ်ႈ​သူဝ်း၊ လုၵ်ႈ​ၸၢႆး​တူၼ်ႈ​ပႄႉ တင်း​လၢႆ​ၸိုင် မႂ်း​ဢမ်ႇ​လႆႈ​ထုတ်ႇ​ဢဝ်၊ ပဵၼ်​ဢၼ်​မူတ်း​ၸၢင်ႇ​လႄႈ မႂ်း​တၵ်း​လႆႈ​ဢဝ်​လိူတ်ႈ​ၶဝ်​ၽႅတ်း​သႂ်ႇ​ၵႃႈ​ၼိူဝ်​ပလၢင်ႇ​ဢေႃႈ။ ၵွၼ်ႈ​ၶႆ​ၵွၼ်ႈ​မၼ်း​ၶဝ်​ၵေႃႈ မႂ်း​တၵ်း​လႆႈ​ဢဝ်​တင်း​ၽႆး ႁဵတ်း​တၢင်း ပုၵ်ႈ​ၸေႃႇ ႁႂ်ႈ​ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း​ပုၼ်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="18">ၼိူဝ်ႉ​မၼ်း​ၸမ်ႉ၊ တၵ်း​လႆႈ​ပဵၼ်​ပုၼ်ႈ​မႂ်း မိူၼ်​ၸိူဝ်ႉ​ၼင်ႇ​ဢၼ် ႁူဝ်​ဢူၵ်း​ၶိူင်ႈ​ပုၵ်ႈ​ၸေႃႇ​ဢၼ်​ယွင်ႈ​ၵႂႆ တင်း​ၶႅပ်း​ၶႃ​ၶွၼ်​ၶႂႃ​ၼၼ်ႉ ပဵၼ်​ပုၼ်ႈ​မႂ်း​ၼၼ်ႉ​ဢေႃႈ။-</verse>
				<verse number="19">ၶိူင်ႈ​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ​ၵႃႈ​ဢၼ်​မီး​ၵႃႈ​ၼႂ်း​ၶိူင်ႈ​ပိူင်​ဢၼ်​မူတ်း​ၸၢင်ႇ ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢဝ်​မႃး​ၵႃႈ​တီႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​ၸိုင် ၵဝ်​ဢဝ်​တင်း​ပိင်း​ၺၢပ်ႈ​ထႃႇဝရႃႉ ဢၢပ်ႈ​ပၼ်​တီႈ​လုၵ်ႈ​ၸၢႆး​မႂ်း လုၵ်ႈ​ယိင်း​မႂ်း​တင်း​လၢႆ​ယဝ်ႉ။ ပဵၼ်​ပတီႉၺိၺ်ႇ​ထႃႇဝရႃႉ ဢၼ်​သဵၼ်ႈ​ၽႃ​လူၺ်ႈ​ၵၼ်​တင်း​ၵိူဝ် ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ၸၢပ်ႈ​သႅင်ႇ​ၵၼ်​တင်း​မႂ်း ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ ဢႃႇရုၼ်ႇ ​လႄႈ​ဝႃႈ၊ မႂ်း​ဢမ်ႇ​လႆႈ​မီး​လိၼ်​တီႈ​ဢၼ် မႂ်း​ၶၢမ်ႇ​ဢမူၺ်ႇ​ၵႃႈ​ၼႂ်း​မိူင်း​ၶဝ်​ၼၼ်ႉ။ မႂ်း​ဢမ်ႇ​လႆႈ​မီး​ပုၼ်ႈ​မီး​တႃႇ ဢၼ်​လေႃး​လႄး​လူၺ်ႈ​ၵၼ်​တင်း​ၶဝ်​သေ​လႄႈ​ပိူင်ႇ​ၼၼ်ႉ။ ၵဝ်​ၸမ်ႉ၊ ပဵၼ်​ပုၼ်ႈ​ပဵၼ်​တႃႇ ဢၼ်​မႂ်း​ပိူင်ႇ ဢိၵ်ႇ​တင်း​ဢမူၺ်ႇ​ဢုၵ်ႉ​ၸႃႇ​မႂ်း​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။</verse>
				<verse number="21">တီႈ​ၵူၼ်း​မဵဝ်း​ လေႇဝီႉ ​တင်း​လၢႆ​ၵေႃႈ၊ ၵဝ်​ဢဝ်​ဢုၵ်ႉ​ၸႃႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ သိပ်း​ပုၼ်ႈ​ပုၼ်ႈ​ၼိုင်ႈ ပၼ်​ပုၼ်ႈ​ဢၼ်​ၶဝ်​တၵ်း​လႆႈ​ၶၢမ်ႇ​ဢမူၺ်ႇ ၵွပ်ႈ​ပိူဝ်ႈ​တၢင်း​ဢၼ်​ၶဝ်​ပွင်​ႁဵတ်း​ဢမူႉ​ဢၼ်​ၶဝ်​ပွင်​ႁဵတ်း​ဢၼ်​ဝႃႈ တၢင်း​ဢၼ်​ပွင်​ႁဵတ်း ဢမူႉ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="22">ၸႃႉ​ၸဵမ်​မိူဝ်ႈ​လဵဝ်​ၼႆႉ​ၵႂႃႇ​လႄႈ လွင်ႈ​ၼင်ႇ​ႁိုဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​ဢမ်ႇ​လႆႈ​ၶၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ​လႄႈ ထူပ်း​ၽေး​တၢႆ​ၸိုင်၊ ၶဝ်​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ႁိမ်း​ၸမ် မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ။-</verse>
				<verse number="23">ၵူၼ်း​မဵဝ်း​ လေႇဝီႉ ​တင်း​လၢႆ တၵ်း​လႆႈ​ပွင်​ႁဵတ်း​ဢမူႉ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​လႄႈ၊ တူဝ်​ၸဝ်ႈ​ၵဝ်ႇ တၵ်း​လႆႈ​ၶၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ​ဢေႃႈ။ ၶဝ်​ၼၼ်ႉ​ဢမ်ႇ​လႆႈ​လေႃး​လႄး​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ၶၢမ်ႇ​ဢမူၺ်ႇ၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ပိင်း​ၺၢပ်ႈ​ဢၼ်​တႃႇ​သေႇ တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း​ဢေႃႈ။-</verse>
				<verse number="24">ၵဝ်​ဢဝ်​ဢုၵ်ႉ​ၸႃႇ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢဝ်​ႁဵတ်း​တၢင်း​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ​တီႈ ထႃႇဝရႃႉ​ၽြႃး သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ ပၼ်​တီႈ​ၵူၼ်း​မဵဝ်း​ လေႇဝီႉ ​တင်း​လၢႆ​ပုၼ်ႈ​ဢၼ်​ၶဝ်​တၵ်း​ၶၢမ်ႇ​ဢမူၺ်ႇ​ဢေႃႈ။ ပိူဝ်ႈ​ၼႆ​လႄႈ ၵဝ်​မီး​ဢမိင်ႉ​တီႈ​ၶဝ်​လႄႈ​ဝႃႈ၊ ဢမ်ႇ​လႆႈ​လေႃး​လႄး​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ၶၢမ်ႇ​ဢမူၺ်ႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="26">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ လေႇဝီႉ ​တင်း​လၢႆ​လႄႈ​ဝႃႈ၊ မိူဝ်ႈ​ဢၼ်​သူ​ၶၢမ်ႇ​ဢဝ်​ဢုၵ်ႉ​ၸႃႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ သိပ်း​ပုၼ်ႈ​ပုၼ်ႈ​ၼိုင်ႈ ဢၼ်​ၵဝ်​ဢဝ်​ၵႃႈ​ၼႂ်း​ၶဝ်​ပၼ်​ပုၼ်ႈ​ဢၼ်​သူ​တၵ်း​ၶၢမ်ႇ​ဢမူၺ်ႇ​ၼၼ်ႉ​ၸိုင်၊ သူ​သမ်ႉ​တၵ်း​လႆႈ​ဢဝ်​ၼႂ်း​ပုၼ်ႈ​ၼၼ်ႉ ၶိုၼ်း​ႁဵတ်း​သိပ်း​ပုၼ်ႈ​လႄႈ ဢဝ်​ပုၼ်ႈ​ၼိုင်ႈ​ႁဵတ်း​တၢင်း​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="27">တၢင်း​ပုၵ်ႈ​ၸေႃႇ​ဢၼ်​သူ​ယုၵ်ႉ​ယွင်ႈ​ၼၼ်ႉ​ၸိုင် တၵ်း​လႆႈ​မၢတ်ႈ​ပဵၼ်​ၸိူဝ်ႉ​ၼင်ႇ​ၶဝ်ႈ​ပိူၵ်ႇ ဢၼ်​ဢဝ်​ၵႃႈ​တီႈ​ၼႂ်း​တလၢင်း​ယဵပ်ႇ​ၶဝ်ႈ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ၼမ်ႉ​ၸပိတ်ႈ ဢၼ်​ဢဝ်​ၵႃႈ​တီႈ​ၼႂ်း​ၶိူင်ႈ​ၼူတ်ႈ​မၢၵ်ႇ​ၸပိတ်ႈ​ၼၼ်ႉ​တီႈ​သူ​ဢေႃႈ။-</verse>
				<verse number="28">ၼင်ႇ​ၼၼ်​လႄႈ သူ​တၵ်း​လႆႈ​ဢဝ်​ၵႃႈ​ၼႂ်း​သိပ်း​ပုၼ်ႈ​ပုၼ်ႈ​ၼိုင်ႈ ဢၼ်​သူ​ၶၢမ်ႇ​ဢဝ်​ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ႁဵတ်း​တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​တီႈ​ထႃႇဝရႃႉ​ၽြႃး​ဢေႃႈ။ တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​ၼၼ်ႉ​ၵေႃႈ တၵ်း​လႆႈ​လူႇ​တီႈ ယိတ်ႈပရေႃးႁဵၵ်ႈ​ ဢႃႇရုၼ်ႇ ​ဢေႃႈ။-</verse>
				<verse number="29">ၵႃႈ​တီႈ​ၼႂ်း​တၢင်း​လူႇ ၵႃႈ​ဢၼ်​သူ​လႆႈ​ၶၢမ်ႇ​ဢဝ်​ၼၼ်ႉ၊ သူ​တၵ်း​လႆႈ​ၼုၵ်ႈ​ဢဝ် ပုၼ်ႈ​ဢၼ်​လီ​သေ​ပိူၼ်ႈ၊ ပုၼ်ႈ​ဢၼ်​မူတ်း​ၸၢင်ႇ​ၼၼ်ႉ​လႄႈ ႁဵတ်း​တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="30">ပိူဝ်ႈ​ၼႆ​လႄႈ မႂ်း​သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ သူ​ၼုၵ်ႈ​ဢဝ်​ပုၼ်ႈ​ဢၼ်​လီ​သေ​ပိူၼ်ႈ​ၼၼ်ႉ ပုၵ်ႈ​ၸေႃႇ​သေ​ယဝ်ႉ၊ ပုၼ်ႈ​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ တၵ်း​လႆႈ​မၢတ်ႈ​ပဵၼ်​ပုၼ်ႈ​ပဵၼ်​တႃႇ​ၵူၼ်း​မဵဝ်း​ လေႇဝီႉ ​တင်း​လၢႆ​ၸိူဝ်ႉ​ၼင်ႇ​ၵျေး​ၸူး​တလၢင်း​ယဵပ်ႇ​ၶဝ်ႈ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ၵျေး​ၸူး​ၶိူင်ႈ​ၼူတ်ႈ​မၢၵ်ႇ​ၸပိတ်ႈ​ၼၼ်ႉ​ဢေႃႈ။-</verse>
				<verse number="31">ပုၼ်ႈ​ၼၼ်ႉ​ၸိုင်၊ သူ​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​သူ​မီး​ဢၶႂၢင်ႉ​ဢၼ်​လႆႈ​ၵိၼ်​ၼႂ်း ၵူႈ​တီႈ​ၵူႈ​လႅၼ်​ဢေႃႈ။ ပဵၼ်​သူး​ဢၼ်​ၵဝ်​ၶျႃး​ပၼ်​ၵွပ်ႈ​ပိူဝ်ႈ​ဢၼ်​သူ​ပွင်​ႁဵတ်း​ဢမူႉ​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="32">ၼုၵ်ႈ​ဢဝ်​ပုၼ်ႈ​ဢၼ်​လီ​သေ​ပိူၼ်ႈ​ၼၼ်ႉ​ပုၵ်ႈ​ၸေႃႇ​သေ​ယဝ်ႉ၊ လွင်ႈ​ဢၼ်​တၵ်း​လႆႈ​ႁွတ်ႈ​ထိုင်​ဢပႅတ်ႈ ၵွပ်ႈ​ပိူဝ်ႈ​ပုၼ်ႈ​ၼၼ်ႉ​ဢမ်ႇ​မီး။ လွင်ႈ​ၼင်ႇ​ႁိုဝ်​သူ​တၵ်း​ဢမ်ႇ​ထူပ်း​ၽေး​တၢႆ​ၸိုင်၊ သူ​ဢမ်ႇ​လႆႈ​ႁႂ်ႈ​ၶိူင်ႈ​ဢၼ်​မူတ်း​ၸၢင်ႇ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​ၵူဝ်ႈ​ၵိူၵ်ႇ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="19">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ၊-</verse>
				<verse number="2">ထုင်း​ၽိင်ႈ​တြႃး​ဢၼ်​ထႃႇဝရႃႉ​ၽြႃး​ၸီႇ​ယၢင်ႇ​ႁဵတ်း​ဝႆႉ​ၸမ်ႉ၊ သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​ဢဝ်​ဝူဝ်း​မႄႈ​ၼုမ်ႇ ဢၼ်​ႁၢင်ႈ​ၽၢင်​လႅင်၊ ဢၼ်​ဢမ်ႇ​မီး​တၢင်း​ဢၼ်​လၢႆး​ဢၼ်​လဵၼ်း၊ ဢၼ်​ဢမ်ႇ​ပႃး​ဢပႅတ်ႈ​လႄႈ ဢမ်ႇ​ဢဝ်​ၵၢၼ်း​တၢင်ႇ​သေ​ပွၵ်ႈ​ၼၼ်ႉ မႃး​ၵႃႈ​တီႈ​မႂ်း​တႃႉ။-</verse>
				<verse number="3">သွင်​ၶိူဝ်​တၵ်း​လႆႈ​ဢဝ်​မၼ်း​ဢၢပ်ႈ​ပၼ်​တီႈ​ယိတ်ႈပရေႃးႁဵၵ်ႈ​ ဢေးလႃႇၸႃႇ ​လႄႈ မၼ်း​ၼၼ်ႉ တၵ်း​လႆႈ​ဢဝ်​မၼ်း​ၵႂႃႇ​ၵႃႈ​ၼွၵ်ႈ​တပ်ႉ​လႄႈ၊ ၵေႃႉ​ၼိုင်ႈ​တၵ်း​လႆႈ​ဢဝ်​မၼ်း​တၢႆ​ၵႃႈ​တီႈ​ၽၢႆႇ​ၼႃႈ​မၼ်း​ၼၼ်ႉ​ဢေႃႈ။-</verse>
				<verse number="4">ယိတ်ႈပရေႃးႁဵၵ်ႈ​ ဢေးလႃႇၸႃႇ ​ၼၼ်ႉ တၵ်း​လႆႈ​ဢဝ်​တင်း​မိုဝ်း​ဢဝ်​လိူတ်ႈ​လႄႈ ဢဝ်​လိူတ်ႈ​ၼၼ်ႉ​ၽႅတ်း​ၸူး​ၽၢႆႇ​တၢင်း​ၼႃႈ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၸဵတ်း​ၵမ်း​ဢေႃႈ။-</verse>
				<verse number="5">ၵေႃႉ​ၼိုင်ႈ​တၵ်း​လႆႈ​ဢဝ်​ဝူဝ်း​မႄႈ​ၼၼ်ႉ တုတ်ႇ​ၽႆး​ၵႃႈ​တီႈ​ၽၢႆႇ​ၼႃႈ​မၼ်း​ၼၼ်ႉ​ဢေႃႈ။ တၵ်း​လႆႈ​ဢဝ်​ၼင်​မၼ်း၊ ၼိူဝ်ႉ​မၼ်း၊ လိူတ်ႈ​မၼ်း၊ တင်း​ၶီႈ​ၼုမ်ႇ​မၼ်း တုတ်ႇ​ၽႆး​ဢေႃႈ။-</verse>
				<verse number="6">ယိတ်ႈပရေႃးႁဵၵ်ႈ​ၵေႃႈ တၵ်း​လႆႈ​ဢဝ်​ၼိူဝ်ႉ​မႆႉ​ ဢႃႇရိတ်ႉ ၊ ယွတ်ႈ​တူၼ်ႈ​မႆႉ​ ႁုတ်ႉသူပ်ႇ ​တင်း​ၶူဝ်း​ဢၼ်​လႅင်​ၵမ်ႇ​သေ​လႄႈ ပႅတ်ႈ​တူၵ်း​သႂ်ႇ​ၵႃႈ​ၼႂ်း​တီႈ​ဢၼ် ဝူဝ်း​မႄႈ​ၼၼ်ႉ​မႆႈ​ၽႆး​ယူႇ​ၼၼ်ႉ​ဢေႃႈ။-</verse>
				<verse number="7">လိုၼ်း​ၼၼ်ႉ ယိတ်ႈပရေႃးႁဵၵ်ႈ​တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​သေ​လႄႈ ဢၢပ်ႇ​ၼမ်ႉ​တူဝ်​မၼ်း​သေ​ယဝ်ႉ၊ လႆႈ​ၶဝ်ႈ​ၵႃႈ​တီႈ​ၼႂ်း​တပ်ႉ​လႄႈ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="8">ၵေႃႉ​ဢၼ်​ဢဝ်​တုတ်ႇ​ၽႆး​ၼၼ်ႉ​ၵေႃႈ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​သေ​လႄႈ ဢၢပ်ႇ​ၼမ်ႉ​တူဝ်​မၼ်း​သေ​ယဝ်ႉ၊ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="9">ၵေႃႉ​ဢၼ်​မူတ်း​သႂ်​ၼၼ်ႉ​သေ​ၵေႃႉ​ၵေႃႉ တၵ်း​လႆႈ​ၸူႉ​သိမ်း​ဢဝ်​တဝ်ႈ​ဝူဝ်း​မႄႈ​ၼၼ်ႉ​လႄႈ ဢဝ်​ဝႆႉ​ၵႃႈ​တီႈ​ဢၼ်​မတ်ႉ​သႂ်ႇ​ၵႃႈ​ၼွၵ်ႈ​တပ်ႉ​ဢေႃႈ။ တၵ်း​လႆႈ​သိမ်း​ဢဝ်​တဝ်ႈ​ၼၼ်ႉ​ဝႆႉ ပုၼ်ႈ​ဢၼ်​တၵ်း​ၽေႃႇ​ၼမ်ႉ​ဢၼ်​ႁႂ်ႈ​မူတ်း​သႂ်​ပုၼ်ႈ​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ ပဵၼ်​ပုၼ်ႈ​ဢၼ်​တၵ်း​ႁႂ်ႈ​ၵၢင်း​လွတ်ႈ​တင်း​ဢပႅတ်ႈ​ဢေႃႈ။-</verse>
				<verse number="10">ၵေႃႉ​ဢၼ်​ၸူႉ​သိမ်း​ဢဝ်​တဝ်ႈ​ဝူဝ်း​မႄႈ​ၼၼ်ႉ​ဝႆႉ​ၼၼ်ႉ​ၵေႃႈ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​လႄႈ ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ပိင်း​ၺၢပ်ႈ​ဢၼ်​တႃႇ​သေႇ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​သူ​ၸိူဝ်း​ၼၼ်ႉ​ဢေႃႈ။</verse>
				<verse number="11">ၵေႃႉ​ဢၼ်​တိူဝ်ႉ​ထုၵ်ႇ​တူဝ်​တၢႆ​ၵူၼ်း​ၼၼ်ႉ တၵ်း​ပဵၼ်​ဢၼ်​ဢမ်ႇ​မူတ်း​သႂ်​ၸဵတ်း​ဝၼ်း​ဢေႃႈ။-</verse>
				<verse number="12">ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ မၼ်း​တၵ်း​လႆႈ​ဢဝ်​ၼမ်ႉ​ၼၼ်ႉ ႁႂ်ႈ​တူဝ်​မၼ်း​မူတ်း​သႂ်​လႄႈ၊ ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ မၼ်း​တၵ်း​မူတ်း​သႂ်​ဢေႃႈ။ ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ ပေႃး​မၼ်း​ဢမ်ႇ​ႁႂ်ႈ​တူဝ်​မၼ်း​မူတ်း​သႂ်​ၸိုင် မၼ်း​ဢမ်ႇ​လႆႈ​မူတ်း​သႂ် ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ။-</verse>
				<verse number="13">ၵေႃႉ​ဢၼ်​တိူဝ်ႉ​ထုၵ်ႇ​တူဝ်​တၢႆ​ၵူၼ်း ဢၼ်​တၢႆ​ယဝ်ႉ​ၼၼ်ႉ​လႄႈ၊ ဢမ်ႇ​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​ၼၼ်ႉ၊ ႁႂ်ႈ​သုမ်ႉ​ထဵင်​ထႃႇဝရႃႉ​ၽြႃး ၵူဝ်ႈ​ၵိူၵ်ႇ​ဢေႃႈ။ ၵေႃႉ​ၼၼ်ႉ​ၸိုင်၊ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း မဵဝ်း​ ဢီႉသရေႇလႃႉ ​ဢေႃႈ။ ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​ၶၢမ်ႇ​တၢင်း​ဢၼ် ဢဝ်​ၼမ်ႉ​ဢၼ်​ႁႂ်ႈ​မူတ်း​သႂ်​ၼၼ်ႉ​ၽႅတ်း​သႂ်ႇ​လႄႈ မၼ်း​ပဵၼ်​ဢၼ်​ဢမ်ႇ​မူတ်း​သႂ်။ တၢင်း​ဢၼ်​မၼ်း​ဢမ်ႇ​မူတ်း​သႂ်​ၼၼ်ႉ ယင်း​မီး​ယူႇ​တီႈ​မၼ်း​ဢေႃႈ။-</verse>
				<verse number="14">တြႃး​ဢၼ်​တၵ်း​လႆႈ​ပႂ်ႉ​ၼႂ်း​မိူဝ်ႈ​ဢၼ် ၵူၼ်း​တၢႆ​ၵႃႈ​ၼႂ်း​မူဝ်းၵႃႇ​ၼၼ်ႉ​ၸမ်ႉ၊ ၵေႃႉ​ဢၼ်​ၶဝ်ႈ​ၵႃႈ​ၼႂ်း​မူဝ်းၵႃႇ ဢိၵ်ႇ​တင်း​ၵေႃႉ​ဢၼ်​မီး​ယူႇ​ၵႃႈ​ၼႂ်း​မူဝ်းၵႃႇ​တင်း​သဵင်ႈ​တင်း​လူင်​ၼၼ်ႉ တၵ်း​ပဵၼ်​ဢၼ်​ဢမ်ႇ​မူတ်း​သႂ်​ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="15">မေႃႈ​ၵႃႈ​ဢၼ်​ၽုၺ်ႇ​ဝႆႉ​မီး​ယူႇ၊ ဢၼ်​ဢမ်ႇ​မီး​ဢၼ်​ႁူမ်ႇ​ဢၼ်​ငမ်း ဢၼ်​ဢဝ်​ၸိူၵ်ႈ​ဢဝ်​သၢႆ​မတ်ႉ​ဝႆႉ​ၼၼ်ႉ​ၵေႃႈ တၵ်း​ပဵၼ်​ဢၼ်​ဢမ်ႇ​မူတ်း​သႂ်​ဢေႃႈ။-</verse>
				<verse number="16">ၶဝ်​ၸိူဝ်း​ဢၼ်​တိူဝ်ႉ​ထုၵ်ႇ​ၵေႃႉ​ဢၼ်​ၶၢမ်ႇ​တၢင်း​ဢၼ်​ဢဝ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း၊ တူဝ်​တၢႆ​ၵူၼ်း၊ လုပ်ႇ​ၵူၼ်း​တၢႆ၊ ပႃႇ​ႁဵဝ်ႈ​ၵူၼ်း​ၵႃႈ​ၼွၵ်ႈ​ၵႃႈ​ပၢင်ႇ​ၸိူဝ်း​ၼၼ်ႉ​ၼၼ်ႉ တၵ်း​ပဵၼ်​ဢၼ်​ဢမ်ႇ​မူတ်း​သႂ်​ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="17">ပုၼ်ႈ​ၵေႃႉ​ဢၼ်​ဢမ်ႇ​မူတ်း​သႂ်​ၼၼ်ႉ၊ ၶဝ်​တၵ်း​လႆႈ​ဢဝ်​တဝ်ႈ​ဝူဝ်း​မႄႈ​ဢၼ်​တုတ်ႇ​ၽႆး​ပုၼ်ႈ​ဢၼ်​တၵ်း​ႁႂ်ႈ​လွတ်ႈ​ဢပႅတ်ႈ​ၼၼ်ႉ​ၵမ်ႈ​ၽွင်ႈ​လႄႈ ဢဝ်​ၼမ်ႉ​ဢၼ်​လႆ​ယူႇ​ၼၼ်ႉ​သႂ်ႇ​လေႃး​ၵၼ်​ဝႆႉ ၵႃႈ​ၼႂ်း​မေႃႈ​သေ​ယဝ်ႉ၊-</verse>
				<verse number="18">ၵေႃႉ​ဢၼ်​မူတ်း​သႂ်​ၼၼ်ႉ တၵ်း​လႆႈ​ဢဝ်​ယွတ်ႈ​တူၼ်ႈ​မႆႉ​ ႁုတ်ႉသူပ်ႇ ​ၸုမ်ႇ​သႂ်ႇ​ၵႃႈ​ၼႂ်း​ၼမ်ႉ​ၼၼ်ႉ​လႄႈ ဢဝ်​ၼမ်ႉ​ၼၼ်ႉ​ၽႅတ်း​သႂ်ႇ​ၵႃႈ​ၼိူဝ်​မူဝ်းၵႃႇ ဢိၵ်ႇ​တင်း​ၶိူင်ႈ​ပိူင်​ၵႃႈ​မီး တင်း​ၶဝ်​ၸိူဝ်း​ဢၼ် မီး​ၵႃႈ​ၼႂ်း​မူဝ်းၵႃႇ တင်း​ၵေႃႉ​ဢၼ်​တိူဝ်ႉ​ထုၵ်ႇ​လုပ်ႇ​ၵူၼ်း​တၢႆ၊ ဢမ်ႇ​ၼၼ် ဢၼ်​ၶၢမ်ႇ​တၢင်း​ဢၼ်​ဢဝ်​တၢႆ၊ ဢမ်ႇ​ၼၼ် ပႃႇ​ႁဵဝ်ႈ​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="19">ၵေႃႉ​ဢၼ်​မူတ်း​သႂ်​ၼၼ်ႉ တၵ်း​လႆႈ​ဢဝ်​ၽႅတ်း​သႂ်ႇ​ၵႃႈ​တီႈ​ၵေႃႉ​ဢၼ်​ဢမ်ႇ​မူတ်း​သႂ်​ၼၼ်ႉ ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း ဢိၵ်ႇ​တင်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ​ဢေႃႈ။ ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ မၼ်း​တၵ်း​လႆႈ​ႁႂ်ႈ​မၼ်း​ၼၼ်ႉ​မူတ်း​သႂ်​လႄႈ မၼ်း​ၼၼ်ႉ​တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ​လႄႈ ဢၢပ်ႇ​ၼမ်ႉ​တူဝ်​ၸဝ်ႈ​ၵဝ်ႇ​သေ​ယဝ်ႉ၊ တၵ်း​လႆႈ​မူတ်း​သႂ် ၼႂ်း​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="20">ၵေႃႉ​ဢၼ်​ဢမ်ႇ​မူတ်း​သႂ်​ၼၼ်ႉ၊ ပေႃး​ဢမ်ႇ​ႁဵတ်း​လွင်ႈ​ၼင်ႇ​ႁိုဝ်​တၵ်း​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​ၸိုင်၊ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​သေ​ၵႃႈ​ၼႂ်း​ပရဵၵ်ႈသၢတ်ႈ ၵွပ်ႈ​ပိူဝ်ႈ​ဢၼ် မၼ်း​ႁႂ်ႈ​ထႃႇၼႃႉ​တီႈ​မူတ်း​ၸၢင်ႇ​ထႃႇဝရႃႉ​ၽြႃး ၵူဝ်ႈ​ၵိူၵ်ႇ​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ၽႅတ်း​ၼမ်ႉ ဢၼ်​ႁႂ်ႈ​မူတ်း​သႂ်​ၼၼ်ႉ​လႄႈ ယင်း​ဢမ်ႇ​မူတ်း​သႂ်​လႄႈ​ယူႇ​ဢေႃႈ။-</verse>
				<verse number="21">ပိင်း​ၺၢပ်ႈ​ဢၼ်​တႃႇ​သေႇ​တီႈ​ၶဝ်​ၼၼ်ႉ​ၸမ်ႉ၊ ၵေႃႉ​ဢၼ်​ဢဝ်​ၼမ်ႉ ဢၼ်​ႁႂ်ႈ​မူတ်း​သႂ်​ၽႅတ်း​သႂ်ႇ​ၼၼ်ႉ တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​မၼ်း​ဢေႃႈ။ ၵေႃႉ​ဢၼ်​တိူဝ်ႉ​ထုၵ်ႇ​ၼမ်ႉ ဢၼ်​ႁႂ်ႈ​မူတ်း​သႂ်​ၼၼ်ႉ​ၵေႃႈ တၵ်း​ပဵၼ်​ဢၼ်​ဢမ်ႇ​မူတ်း​သႂ်​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="22">ၵႃႈ​ဢၼ်​ၵေႃႉ​ဢၼ်​ဢမ်ႇ​မူတ်း​သႂ်​ၼၼ်ႉ တိူဝ်ႉ​ထုၵ်ႇ​ၼၼ်ႉ​ၵေႃႈ တၵ်း​ပဵၼ်​ဢၼ်​ဢမ်ႇ​မူတ်း​သႂ်​ဢေႃႈ။ ၵေႃႉ​ဢၼ်​တိူဝ်ႉ​ထုၵ်ႇ​ဢၼ်​ၼၼ်ႉ​ၼၼ်ႉ​ၵေႃႈ တၵ်း​ပဵၼ်​ဢၼ်​ဢမ်ႇ​မူတ်း​သႂ် တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="20">
				<verse number="1">ၼႂ်း​လိူၼ်​ပထမႃႉ​ၼၼ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢၼ်​ဝႃႈ ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၼၼ်ႉ ႁွတ်ႈ​ထိုင်​ၵႃႈ​တီႈ​ထိူၼ်ႇ​ ၸီႉၼႃႉ ​လႄႈ ဢွၼ်​ၵၼ်​ယူႇ​ၵႃႈ​တီႈ ၵႃႇတေႇသႃႉ ​ဢေႃႈ။ မီႉရီႉဢၢမ်ႇ ​တၢႆ​ၵႃႈ​တီႈ​ၼၼ်ႈ​လႄႈ သၢင်း​ၵျူဝ်ႇ​သေ​ဢေႃႈ။-</verse>
				<verse number="2">ၵွပ်ႈ​ပိူဝ်ႈ​ဢၼ်​ဢမ်ႇ​မီး​ၼမ်ႉ​ပုၼ်ႈ​ဢၼ်​ပရဵၵ်ႈသၢတ်ႈ​တၵ်း​ၵိၼ်​ၼၼ်ႉ​လႄႈ၊ ၶဝ်​ၸူႉ​ၵၼ်​တုမ်​ၵၼ်​ယူႇ​ၽၢႆႇ​ၼိုင်ႈ တင်း​ မူဝ်းသေႇ ​တင်း ဢႃႇရုၼ်ႇ ​ဢေႃႈ။-</verse>
				<verse number="3">ၵူၼ်း​တင်း​လၢႆ​ၼၼ်ႉ​ဢွၼ်​ၵၼ်​တၢင်ႇ​ဢပႅတ်ႈ​တီႈ​ မူဝ်းသေႇ ​လႄႈ​ဝႃႈ၊ ၸိုင်​ႁဝ်း​ဢမ်ႇ​တၢႆ​သေ​ယၢမ်း​မိူဝ်ႈ​ဢၼ်​ပီႈ​ၼွင်ႉ​ႁဝ်း​တင်း​လၢႆ တၢႆ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ။-</verse>
				<verse number="4">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သွင်​ၶိူဝ်​ဢဝ်​ပရဵၵ်ႈသၢတ်ႈ​ထႃႇဝရႃႉ​ၽြႃး မႃး​ၵႃႈ​တီႈ​ထိူၼ်ႇ​ၼႆႉ​ႁႂ်ႈ​ႁဝ်း​ဢိၵ်ႇ​တင်း​တရိၵ်ႈသၢၼ်ႇ​ႁဝ်း​လႆႈ​တၢႆ​ၵႃႈ​တီႈ​ၼႆႈ​ၼင်ႇ​ႁိုဝ်။-</verse>
				<verse number="5">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁႂ်ႈ​ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ႁႂ်ႈ​လႆႈ​ဢဝ်​ႁဝ်း​မႃး​ၵႃႈ​တီႈ​ဢၼ်​ႁၢႆႉ​ဢၼ်​ႁုၵ်း​ၼႆႉ​ၼင်ႇ​ႁိုဝ်။ ၵႃႈ​တီႈ​ၼႆႈ ပဵၼ်​တီႈ​ဢၼ်​တၵ်း​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း၊ တီႈ​ဢၼ်​တၵ်း​ၽုၵ်ႇ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး၊ တူၼ်ႈ​ၶိူဝ်း​မၢၵ်ႇ​ၸပိတ်ႈ၊ တူၼ်ႈ​မၢၵ်ႇ​ၸင်ႈ​ဢမ်ႇ​ၸႂ်ႈ။ ဢမ်ႇ​မီး​ၼမ်ႉ​ပုၼ်ႈ​ဢၼ်​တၵ်း​ၵိၼ်​လႃး​လႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မူဝ်းသေႇ တင်း​ ဢႃႇရုၼ်ႇ ​ၼၼ်ႉ ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ ပရဵၵ်ႈသၢတ်ႈ​တင်း​လၢႆ​ၼၼ်ႉ​လႄႈ ၵႂႃႇ​ၵႃႈ​တီႈ​ႁူး​ၽၵ်း​တူ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​သေ​ယဝ်ႉ၊ ၶုပ်ႉ​မူပ်ႇ​ယူႇ​လႄႈ၊ မုၼ်​ၽုင်း​ထႃႇဝရႃႉ​ၽြႃး ထၢင်ႇ​သႃး​မႃး​တီႈ​ၶဝ်​ဢေႃႈ။</verse>
				<verse number="7">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="8">ယိပ်း​ဢဝ်​ၵၼ်း​ႁွၵ်ႇ​ၸဝ်ႈ​လႄႈ ပႃး​ဢဝ်​တင်း​ပီႈ​ၸၢႆး​မႂ်း​ ဢႃႇရုၼ်ႇ ​သေ​လႄႈ၊ ႁႂ်ႈ​ပရဵၵ်ႈသၢတ်ႈ​တင်း​လၢႆ​ၸူႉ​ၵၼ်​တုမ်​ၵၼ်​တႃႉ။ သင်ႇ​လၢတ်ႈ​တီႈ​မၢၵ်ႇ​ႁိၼ်​ၼၼ်ႉ သိုဝ်ႈ​ၼႃႈ​တႂ်ႈ​တႃ​ၶဝ် ႁႂ်ႈ​မၼ်း​ပၼ်​ၼမ်ႉ​မၼ်း​တႃႉ။ ၼင်ႇ​ၼၼ်​လႄႈ မႂ်း​တၵ်း​လႆႈ​ႁႂ်ႈ​ၼမ်ႉ​ဢွၵ်ႇ​သေ​ၵႃႈ​ၼႂ်း မၢၵ်ႇ​ႁိၼ်​ၼၼ်ႉ​လႄႈ ပၼ်​ၼမ်ႉ​ပုၼ်ႈ​ဢၼ်​တၵ်း​ၵိၼ် တီႈ​ပရဵၵ်ႈသၢတ်ႈ​တင်း​လၢႆ ဢိၵ်ႇ​တင်း​တရိၵ်ႈသၢၼ်ႇ​ၶဝ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">မူဝ်းသေႇ ဢဝ်​ၵၼ်း​ႁွၵ်ႇ​ၸဝ်ႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​မီး​ဢမိင်ႉ ၼၼ်ႉ​လႄႈ၊-</verse>
				<verse number="10">ပႃး​ဢဝ်​တင်း​ ဢႃႇရုၼ်ႇ ​သေ​လႄႈ ႁႂ်ႈ​ပရဵၵ်ႈသၢတ်ႈ​တင်း​လၢႆ​ၸူႉ​ၵၼ်​တုမ်​ၵၼ် ၵႃႈ​တီႈ​ၽၢႆႇ​ၼႃႈ​မၢၵ်ႇ​ႁိၼ်​ၼၼ်ႉ​သေ​လႄႈ​လၢတ်ႈ​ဝႃႈ၊ ၵူၼ်း​ဢၼ်​ပုင်ႇ​ၵၢၼ်ႇ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ႁဝ်း​တၵ်း​လႆႈ​ႁႂ်ႈ​ၼမ်ႉ​ဢွၵ်ႇ​သေ​ၵႃႈ​ၼႂ်း​မၢၵ်ႇ​ႁိၼ်​ၼႆႉ​မႃး​ပုၼ်ႈ​သူ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">မူဝ်းသေႇ ယဵတ်ႇ​မိုဝ်း​မၼ်း​ဢဝ်​ၵၼ်း​ႁွၵ်ႇ​ၸဝ်ႈ ပေႃႉ​ယႅၼ်ႉ​မၢၵ်ႇ​ႁိၼ်​ၼၼ်ႉ​သွင်​ၵမ်း​သေ​လႄႈ၊ ၼမ်ႉ​ဢွၵ်ႇ​မႃး ၼမ်​ၼႃႇ​လႄႈ၊ ပရဵၵ်ႈသၢတ်ႈ​တင်း​လၢႆ ဢိၵ်ႇ​တင်း​တရိၵ်ႈသၢၼ်ႇ​ၶဝ်​လႆႈ​ၵိၼ်​ဢေႃႈ။</verse>
				<verse number="12">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​သူ​ယင်း​ဢမ်ႇ​ယုမ်ႇ​မၢတ်ႈ​ၵဝ်​လႄႈ ႁဵတ်း​ႁႂ်ႈ​တၢင်း​ဢၼ်​ၵဝ်​မူတ်း​ၸၢင်ႇ​ၼၼ်ႉ ထၢင်ႇ​သႃး​သိုဝ်ႈ​ၼႃႈ​တႂ်ႈ​တႃ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​လႄႈ၊ သူ​ဢမ်ႇ​လႆႈ​ဢၶႂၢင်ႉ​ဢၼ်​လႆႈ​ဢဝ်​ပရဵၵ်ႈသၢတ်ႈ​ၼႆႉ ၵႂႃႇ​သူင်ႇ​ၵႃႈ​တီႈ​မိူင်း​ဢၼ် ၵဝ်​ပၼ်​တီႈ​ၶဝ်​ၼၼ်ႉ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၼမ်ႉ​ၼၼ်ႉ ပဵၼ်​ၼမ်ႉ​ မေႇရီႇၽႃႉ ​ဢေႃႈ။ လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​ၶတ်း​ၵၼ်​တင်း​ထႃႇဝရႃႉ​ၽြႃး​လႄႈ မၼ်း​ၸဝ်ႈ​ႁႂ်ႈ​တၢင်း​ဢၼ် မၼ်း​ၸဝ်ႈ​မူတ်း​ၸၢင်ႇ​ၼၼ်ႉ ထၢင်ႇ​သႃး​ၵႃႈ​ၼႂ်း​ၶဝ်​ၼၼ်ႉ​ဢေႃႈ။</verse>
				<verse number="14">မိူဝ်ႈ​ၼၼ်ႉ မူဝ်းသေႇ ပွႆႇ​ၸႂ်ႉ​သၢၼ်ႇတမၢၼ်ႇ​တင်း​လၢႆ​သေ​ၵႃႈ​တီႈ ၵႃႇတေႇသႃႉ ​ၼၼ်ႉ ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ဢေႇတုမ်ႇ ​လႄႈ ႁႂ်ႈ​ၶဝ်​လၢတ်ႈ​လႄႈ​ဝႃႈ၊ ၼွင်ႉ​ၸၢႆး​ၸဝ်ႈ​ႁဝ်း​ ဢီႉသရေႇလႃႉ ​လၢတ်ႈ​လႄႈ​ဝႃႈ​ၸမ်ႉ၊ ၸဝ်ႈ​ႁဝ်း​ႁူႉ​တုၵ်ႉ​ၶႃႉ​တၢင်း​ၽၢၼ် ဢၼ်​ႁဝ်း​ၶႃႈ​လႆႈ​ထူပ်း​ၵူႈ​ၸိူဝ်ႉ​ၵူႈ​ပိူင်​ဢၼ်​ဝႃႈ၊-</verse>
				<verse number="15">လွင်ႈ​ဢၼ်​ပူႇ​မွၼ်ႇ​ႁဝ်း​ၶႃႈ လူင်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ႁဝ်း​ၶႃႈ​ယူႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၶိင်ႇ​ၵႃႇလႃႉ​ႁိုင်​ၼႃႇ​လႄႈ ၵူၼ်း​ ဢေႇၵိပ်ႉတူႉ ​တင်း​လၢႆ ၼိၵ်ႈ​ၸၢၵ်ႈ​ငႅၼ်း​သႄး​ႁဝ်း​ၶႃႈ​တင်း​ပူႇ​မွၼ်ႇ​ႁဝ်း​ၶႃႈ၊-</verse>
				<verse number="16">ဢိၵ်ႇ​တင်း​လွင်ႈ​ဢၼ် မိူဝ်ႈ​ဢၼ်​ႁဝ်း​ၶႃႈ​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​ၼၼ်ႉ၊ မၼ်း​ၸဝ်ႈ​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​သေ​လႄႈ ၼုၵ်ႈ​ဢဝ်​ႁဝ်း​ၶႃႈ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ယူႇ​ၶႃႈ​ဢေႃႈ။ မိူဝ်ႈ​လဵဝ်​ၼႆႉ ႁဝ်း​ၶႃႈ​မီး​ယူႇ​ၵႃႈ​တီႈ ၵႃႇတေႇသႃႉ ဢၼ်​ပဵၼ်​ဝဵင်း ၵႃႈ​တီႈ​ႁိမ်း​တီႈ​သုတ်း​လႅၼ်​လိၼ်​မိူင်း​ၸဝ်ႈ​ႁဝ်း​ၼၼ်ႉ​ၶႃႈ​ဢေႃႈ။-</verse>
				<verse number="17">ႁႂ်ႈ​ႁဝ်း​ၶႃႈ​လႆႈ​ပႆ​လတ်း​ၵႃႈ​ၼႂ်း​ၵၢင်​မိူင်း​ၸဝ်ႈ​ႁဝ်း​ၵႂႃႇ​သေ​ၵမ်း။ ႁဝ်း​ၶႃႈ​ဢမ်ႇ​ယဵပ်ႇ​ဢမ်ႇ​ၶၢမ်ႈ​ႁႆႊ​ၼႃး၊ သူၼ်​ဢူးယဵၼ်ႇ​ၸပိတ်ႈ​တင်း​လၢႆ​ၶႃႈ၊ ႁဝ်း​ၶႃႈ​ဢမ်ႇ​ၵိၼ်​ၼမ်ႉ​ၵႃႈ​တီႈ​ၼမ်ႉ​မေႃႇ​ၶႃႈ။ ႁဝ်း​ၶႃႈ​တၵ်း​ပႆ​ၸွမ်း​ၵႃႈ​တီႈ​သဵၼ်ႈ​တၢင်း​ၶုၼ်​ၵူၺ်း​လႄႈ ဢမ်ႇ​ဝၢႆႇ​ၵႂႃႇ​ၵႃႈ​တီႈ​ၽၢႆႇ​ၶႂႃ​ၽၢႆႇ​သၢႆႉ​တေႃႇ​ထိုင်​ႁွတ်ႈ​ႁႂ်ႈ​ထၼ်ႈ​ပေႃး​ပူၼ်ႉ​လႅၼ်​လိၼ်​မိူင်း​ၸဝ်ႈ​ႁဝ်း​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ဢေႇတုမ်ႇ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ မႂ်း​ဢမ်ႇ​လႆႈ​ပႆ​လတ်း​ၵႃႈ​တီႈ​ၼႂ်း​ၵၢင်​မိူင်း​ၵဝ်​ၵႂႃႇ။ ပေႃး​ပႆ​လတ်း​ၵႂႃႇ​ၸိုင်၊ ၵဝ်​တၵ်း​ဢဝ် လၢၵ်ႈ​ၼၢၵ်ႈ​လၢပ်ႇ​လႅဝ်း​ႁၢမ်ႈ​တၢပ်ႈ​ႁႄႉ​ၶႅၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵေႃႈ​လၢတ်ႈ​လႄႈ​ဝႃႈ၊ ႁဝ်း​ၶႃႈ​တၵ်း​ပႆ​ၸွမ်း​တၢင်း​ၶုၼ်​ၵူၺ်း​ၶႃႈ​ဢေႃႈ။ ပေႃး​ၵဝ်​ၶႃႈ ဢိၵ်ႇ​တင်း​တရိၵ်ႈသၢၼ်ႇ​ၵဝ်​ၶႃႈ​တင်း​လၢႆ ၵိၼ်​ၼမ်ႉ​ၸဝ်ႈ​ႁဝ်း​ၸိုင်၊ ၵဝ်​ၶႃႈ​တၵ်း​ပၼ်​ၵႃႈ​မၼ်း​ၶၼ်​မၼ်း​ၶႃႈ​ဢေႃႈ။ ယင်း​ဢမ်ႇ​ႁဵတ်း​ဢမူႉ​တၢင်ႇ​ၸိူဝ်ႉ​တၢင်ႇ​ပိူင်​လႄႈ ၵဝ်​ၶႃႈ​တၵ်း​ဢဝ်​တိၼ်​ပႆ​ၵႂႃႇ​ၵူၺ်း​ၶႃႈ​ဢေႃႈ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="20">ဢေႇတုမ်ႇ လၢတ်ႈ​လႄႈ​ဝႃႈ၊ မႂ်း​ဢမ်ႇ​လႆႈ​ပႆ​လတ်း​သေ​လႄႈ​ၵႂႃႇ၊ ဝႃႈ​ၼင်ႇ​ၼႆ​သေ​ယဝ်ႉ၊ ပႃး​ဢဝ်​တင်း ၵူၼ်း​ၼမ်​ၼႃႇ ဢိၵ်ႇ​တင်း​ၶႅၼ်​မိုဝ်း​ဢၼ်​ႁႅင်း​ၼႃႇ ဢွၵ်ႇ​မႃး​ႁႂ်ႈ​လႆႈ​ႁၢမ်ႈ​တၢပ်ႈ​ႁႄႉ​ၶႅၼ်​ဢေႃႈ။-</verse>
				<verse number="21">ၼင်ႇ​ၼၼ်​လႄႈ ဢေႇတုမ်ႇ ​ဢမ်ႇ​ပၼ်​ဢၶႂၢင်ႉ​ဢၼ်​လႆႈ​ပႆ​လတ်း​ၵႃႈ​တီႈ​ၼႂ်း​ၵၢင်​မိူင်း​မၼ်း​ၵႂႃႇ​ၼၼ်ႉ တီႈ​ ဢီႉသရေႇလႃႉ ။ ပိူဝ်ႈ​ၼႆ​လႄႈ ဢီႉသရေႇလႃႉ ​ၼၼ်ႉ ဝႄႈ​ပိူင်ႈ​မၼ်း​သေ​ဢေႃႈ။</verse>
				<verse number="22">ၶဝ်​ဢွၼ်​ၵၼ်​လုၵ်ႉ​သေ​ၵႃႈ​တီႈ ၵႃႇတေႇသႃႉ ၵႂႃႇ​တၢင်း​ပႆ​တၢင်း​လႄႈ၊ ၵူၼ်း​မဵဝ်း​ ဢီႉသရေႇလႃႉ ​ဢၼ်​ဝႃႈ ပရဵၵ်ႈသၢတ်ႈ​တင်း​သဵင်ႈ​တင်း​လူင်​ႁွတ်ႈ​ထိုင်​ၵႃႈ​တီႈ​လွႆ​ ႁေႃးရႃႉ ​ဢေႃႈ။-</verse>
				<verse number="23">ထႃႇဝရႃႉ​ၽြႃး မီး​ဢမိင်ႉ​တီႈ​ မူဝ်းသေႇ တင်း​ ဢႃႇရုၼ်ႇ ၵႃႈ​ၼိူဝ်​လွႆ​ ႁေႃးရႃႉ ၵႃႈ​တီႈ​ႁိမ်း​လႅၼ်​လိၼ် ဢေႇတုမ်ႇ ​ၼၼ်ႉ​ၸမ်ႉ၊-</verse>
				<verse number="24">ဢႃႇရုၼ်ႇ တၵ်း​လႆႈ​ႁွတ်ႈ​ထိုင်​ၵႃႈ​တီႈ​ဢၼ်​ၵူၼ်း​မဵဝ်း​မၼ်း​တင်း​လၢႆ​ၸူႉ​တုမ်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ဢမ်ႇ​လႆႈ​ၶဝ်ႈ​ၵႃႈ​ၼႂ်း​မိူင်း​ဢၼ် ၵဝ်​ပၼ်​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ၵွပ်ႈ​ပိူဝ်ႈ​ဢၼ်​သွင်​ၶိူဝ် ၶတ်း​ၵႂၢမ်း​ၵဝ်​ၵႃႈ​တီႈ​ႁိမ်း​ၼမ်ႉ​ဢွၵ်ႇ​ႁူး​ မေႇရီႇၽႃႉ ​ၼၼ်ႉ​ဢေႃႈ။-</verse>
				<verse number="25">ပိူဝ်ႈ​ၼႆ​လႄႈ ႁွင်ႉ​ဢဝ်​ ဢႃႇရုၼ်ႇ တင်း​လုၵ်ႈ​ၸၢႆး​မၼ်း ဢေးလႃႇၸႃႇ ​လႄႈ ဢဝ်​သွင်​ၶႃ ၵႂႃႇ​ၵႃႈ​တီႈ​ၼိူဝ်​လွႆ​ ႁေႃးရႃႉ သေ​ယဝ်ႉ၊-</verse>
				<verse number="26">ထွတ်ႇ​ၶူဝ်း​ၼုင်ႈ​ ဢႃႇရုၼ်ႇ ​လႄႈ ဢဝ်​ၼုင်ႈ​ပၼ်​လုၵ်ႈ​ၸၢႆး​မၼ်း​ ဢေးလႃႇၸႃႇ ​တႃႉ။ ဢႃႇရုၼ်ႇ ​တၵ်း​လႆႈ​တၢႆ​ၵႃႈ​တီႈ​ၼၼ်ႈ​လႄႈ ႁွတ်ႈ​ထိုင်​ၵႃႈ​တီႈ​ဢၼ်​ၵူၼ်း​မဵဝ်း​မၼ်း​ၸူႉ​တုမ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="27">မူဝ်းသေႇ ႁဵတ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​လႄႈ ၶဝ်​ၼၼ်ႉ​ၶိုၼ်ႈ​ၵႂႃႇ​ၵႃႈ​ၼိူဝ်​လွႆ ႁေႃးရႃႉ ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင်​ဢေႃႈ။-</verse>
				<verse number="28">မူဝ်းသေႇ ​ထွတ်ႇ​ၶူဝ်း​ၼုင်ႈ​ ဢႃႇရုၼ်ႇ ​လႄႈ ဢဝ်​ၼုင်ႈ​ပၼ်​လုၵ်ႈ​ၸၢႆး​မၼ်း​ ဢေးလႃႇၸႃႇ သေ​ယဝ်ႉ၊ ဢႃႇရုၼ်ႇ ​တၢႆ​ၵႃႈ​တီႈ​ၼၼ်ႈ​ၵႃႈ​ၼိူဝ်​ၸိၵ်း​လွႆ​ၼၼ်ႉ​သေ​ဢေႃႈ။ မူဝ်းသေႇ တင်း​ ဢေးလႃႇၸႃႇ ​ၼၼ်ႉ လူင်း​သေ​ၵႃႈ​ၼိူဝ်​လွႆ​ၼၼ်ႉ​မႃး​သေ​ဢေႃႈ။-</verse>
				<verse number="29">မိူဝ်ႈ​ဢၼ်​ပရဵၵ်ႈသၢတ်ႈ​တင်း​သဵင်ႈ​တင်း​လူင် ႁူႉ​ႁၼ်​လွင်ႈ​ဢၼ်​ ဢႃႇရုၼ်ႇ တၢႆ​ၼၼ်ႉ​ၸိုင်၊ ၵူၼ်း​မဵဝ်း​ ဢီႉသရေႇလႃႉ ၵႃႈ​မီး​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​တၢင်း​ဢၼ်​ႁႆႈ​ႁွင်ႉ​ပွင်ႉ​ၶၢင်း ၵွပ်ႈ​ပိူဝ်ႈ​ ဢႃႇရုၼ်ႇ ​ၼၼ်ႉ သီႇ​သိပ်း​ဝၼ်း​တဵမ်​တဵမ်​ဢေႃႈ။</verse>
			</chapter>
			<chapter number="21">
				<verse number="1">ၶုၼ်​လူင်​ ဢႃႇရတ်ႉ မဵဝ်း​ ၶႃႇၼၼီႉ ဢၼ်​ယူႇ​ၵႃႈ​တီႈ​ပွတ်း​တၢင်း​ၸၢၼ်း​ၼၼ်ႉ ငိၼ်း​သတၢင်း​သဵင်​ၶၢဝ်ႇ​လွင်ႈ​ဢၼ် မဵဝ်း​ ဢီႉသရေႇလႃႉ ၸွမ်း​သဵၼ်ႈ​တၢင်း​ ဢသရိမ်ႇ မႃး​ၼၼ်ႉ​သေ​ယဝ်ႉ၊ ဢဝ်​သိုၵ်း​ၵႂႃႇ​တိုၵ်း မဵဝ်း​ ဢီႉသရေႇလႃႉ ​လႄႈ တီႉ​လႆႈ​သိမ်း​ဢဝ်​ၵူၼ်း​ၵမ်ႈ​ၽွင်ႈ​ဢေႃႈ။-</verse>
				<verse number="2">မဵဝ်း​ ဢီႉသရေႇလႃႉ ​ၵေႃႈ ႁဵတ်း​ၵတီႉ​သဵတ်ႈ​ၸႃႇ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ပေႃး​ၸဝ်ႈ​ႁဝ်း​ဢဝ်​ၵူၼ်း​မဵဝ်း​ၼႆႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၸိုင်၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​ယႃႉ​ဝဵင်း​ၶဝ်​တင်း​လၢႆ​ပႅတ်ႈ မူတ်း​မူတ်း​သဵင်ႈ​သဵင်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ထႃႇဝရႃႉ​ၽြႃး​ၵေႃႈ ထွမ်ႇ​ဢဝ်​ၵႂၢမ်း​မဵဝ်း​ ဢီႉသရေႇလႃႉ ​လႄႈ ဢဝ်​ၵူၼ်း​မဵဝ်း​ ၶႃႇၼၼီႉ ​ၸိူဝ်း​ၼၼ်ႉ​ဢၢပ်ႈ​ပၼ်​ဢေႃႈ။ ၶဝ်​ဢွၼ်​ၵၼ်​ယႃႉ​ၶဝ် ဢိၵ်ႇ​တင်း​ဝဵင်း​ၶဝ်​ၸိူဝ်း​ၼၼ်ႉ​ပႅတ်ႈ​လႄႈ၊ ၵႃႈ​တီႈ​ၼၼ်ႈ​လႆႈ​ၶၢမ်ႇ​တၢင်း​ဢၼ် ႁွင်ႉ​ႁဵၵ်ႈ​ၸိုဝ်ႈ​ ႁေႃႇမႃႇ ​ဢေႃႈ။</verse>
				<verse number="4">ၼႂ်း​မိူဝ်ႈ​ဢၼ်​ၶဝ်​လုၵ်ႉ​သေ​ၵႃႈ​တီႈ​လွႆ​ ႁေႃးရႃႉ ​လႄႈ ယင်း​တိုၵ်ႉ​ၵႂႃႇ​တၢင်း​ပႆ​တၢင်း​ၸွမ်း​သဵၼ်ႈ​တၢင်း​ပၢင်ႇ​လၢႆႇ ဢေႇတုမ်ႇ ႁႂ်ႈ​လႆႈ​လဵပ်ႈ​မိူင်း​ ဢေႇၵိပ်ႉတူႉ ​ၵႂႃႇ​ယူႇ​ၼၼ်ႉ​ၸိုင်၊ ႁူဝ်​ၸႂ်​ၵူၼ်း​တင်း​လၢႆ ဢူၼ်ႈ​ၵႂႃႇ​ၵွပ်ႈ​ပိူဝ်ႈ​ဢၼ် သဵၼ်ႈ​တၢင်း​ၼၼ်ႉ​ယၢပ်ႇ​ၼၼ်ႉ​လႄႈ၊-</verse>
				<verse number="5">ဢွၼ်​ၵၼ်​လၢတ်ႈ​ၶတ်း​ၵၼ်​တင်း​ၽြႃး​ပဵၼ်​ၸဝ်ႈ​တင်း​ မူဝ်းသေႇ ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး ႁႂ်ႈ​ႁဝ်း​လႆႈ​တၢႆ​ၵႃႈ​တီႈ​ထိူၼ်ႇ​ၼႆႉ​ၼင်ႇ​ႁိုဝ်။ ဢမ်ႇ​မီး​ၶဝ်ႈ​မုၼ်း​ဢမ်ႇ​မီး​ၼမ်ႉ။ တၢင်း​ၵိၼ်​ဢၼ်​ၸိုတ်ႇ​ဢၼ်​ၸၢင်​ၼႆႉ​ၵေႃႈ ႁဝ်း​လီ​ႁင်ႈ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ထႃႇဝရႃႉ​ၽြႃး​ပွႆႇ​ၸႂ်ႉ​ငူး​ၽႆး​မႃး​ၵႃႈ​တီႈ​ၼႂ်း​ၵူၼ်း​တင်း​လၢႆ​သေ​လႄႈ တွတ်ႇ​ၵူၼ်း​တင်း​လၢႆ​လႄႈ ၵူၼ်း​မဵဝ်း​ ဢီႉသရေႇလႃႉ တၢႆ​ၼမ်​ၼႃႇ​ဢေႃႈ။</verse>
				<verse number="7">ပိူဝ်ႈ​ၼႆ​လႄႈ ၵူၼ်း​တင်း​လၢႆ​ၼၼ်ႉ ဢွၼ်​ၵၼ်​မႃး​ၵႃႈ​တီႈ​ မူဝ်းသေႇ ​လႄႈ​လဝ်ႊ​ဝႃႈ၊ ၵွပ်ႈ​ပိူဝ်ႈ​ဢၼ်​ႁဝ်း​ၶႃႈ​လၢတ်ႈ​ၶတ်း​ၵၼ်​တင်း ထႃႇဝရႃႉ​ၽြႃး တင်း​ၸဝ်ႈ​ႁဝ်း​လႄႈ ၽိတ်း​ပိူင်ႈ​မႅၼ်ႈ​ၶႃႈ​ယဝ်ႉ။ ၶႅၼ်း​တေႃႈ​သူး​တွင်း​ထႃႇဝရႃႉ​ၽြႃး ႁႂ်ႈ​မၼ်း​ၸဝ်ႈ​ပႄႇ​ပႅတ်ႈ​ငူး​ၸိူဝ်း​ၼႆႉ​သေ​ၵႃႈ​ၼႂ်း​ႁဝ်း​ၶႃႈ​ၼႆႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မူဝ်းသေႇ သူး​တွင်း​ပုၼ်ႈ​ၵူၼ်း​တင်း​လၢႆ​ဢေႃႈ။-</verse>
				<verse number="8">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ႁဵတ်း​ႁၢင်ႈ​ငူး​ၽႆး​သေ​လႄႈ ယုၵ်ႉ​ဝႆႉ​ၵႃႈ​တီႈ​ၼိူဝ်​သဝ်​တႃႉ။ ၵႃႈ​ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​တွတ်ႇ​ၼၼ်ႉ၊ ပေႃး​လူ​တူၺ်း​ၸိုင်၊ တၵ်း​လႆႈ​ဢသၢၵ်ႈ​ၵတ်း​ယဵၼ်​ၶျၢမ်း​သႃႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">မူဝ်းသေႇ ဢဝ်​တွင်း​လိူင်​ႁဵတ်း​ငူး​လႄႈ ဢဝ်​ယုၵ်ႉ​ဝႆႉ​ၵႃႈ​တီႈ​ၼိူဝ်​သဝ်​သေ​ယဝ်ႉ၊ ၵေႃႉ​ဢၼ်​ငူး​တွတ်ႇ​ၼၼ်ႉ၊ မိူဝ်ႈ​ဢၼ်​မၼ်း​လူ​တူၺ်း​ငူး​တွင်း​လိူင်​ၼၼ်ႉ​ၸိုင်၊ လႆႈ​ဢသၢၵ်ႈ​ၵတ်း​ယဵၼ်​ၶျၢမ်း​သႃႇ​ဢေႃႈ။</verse>
				<verse number="10">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​သမ်ႉ ဢွၼ်​ၵၼ်​ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ​ ဢေႃးပုတ်ႉ ​ဢေႃႈ။-</verse>
				<verse number="11">ၶဝ်​သမ်ႉ​လုၵ်ႉ​သေ​ၵႃႈ​တီႈ​ ဢေႃးပုတ်ႉ ​ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ​ ဢီႉယႃႉဢပႃႇရိမ်ႇ ၵႃႈ​ၼႂ်း​ထိူၼ်ႇ​ဢၼ်​မီး​ၽၢႆႇ​တၢင်း​ၼႃႈ မေႃႇၽႃႉ ၊ ၽၢႆႇ​တၢင်း​ဢၼ်​ၵၢင်​ဝၼ်း​ဢွၵ်ႇ​ၼၼ်ႉ​ဢေႃႈ။-</verse>
				<verse number="12">ၶဝ်​လုၵ်ႉ​သေ​ၵႃႈ​တီႈ​ၼၼ်ႈ​ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ​ႁိမ်း​ႁွင်ႈ​ ၸႃႇရိတ်ႉ ​ဢေႃႈ။-</verse>
				<verse number="13">ၶဝ်​သမ်ႉ​လုၵ်ႉ​သေ ၵႃႈ​တီႈ​ၼၼ်ႈ​ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ဢႃႇၼုၼ်ႇ ဢၼ်​မီး​ၵႃႈ​ၼႂ်း​ထိူၼ်ႇ ဢၼ်​ၸပ်း​လႅၼ်​လိၼ်​မိူင်း​ၵူၼ်း​ ဢႃႇမေႃးရီႉ ​ဢေႃႈ။ ၼမ်ႉ​ႁွင်ႈ​ ဢႃႇၼုၼ်ႇ ​ၼၼ်ႉ​ၸမ်ႉ၊ ပဵၼ်​ဢၼ်​ၶႅၼ်ႈ​ဢၼ်​ၶၼ်ႈ​ဝူင်ႈ​ၵၢင်​မိူင်း​ မေႃႇၽႃႉ တင်း​မိူင်း​ၵူၼ်း​ ဢႃႇမေႃးရီႉ ​ဢေႃႈ။-</verse>
				<verse number="14">မႅၼ်ႈ​ၸွမ်း​ၼင်ႇ​ၼၼ်​လႄႈ ဢၼ်​မႃး​ၼႂ်း​လိၵ်ႈ​တိုၵ်း​သိုၵ်း​ထႃႇဝရႃႉ​ၽြႃး​ၸမ်ႉ၊ ၼႂ်း​ၽူၼ်​လူင်​လူမ်း​လူင်၊ ၵႃႈ​တီႈ​ ဝႃႇႁိပ်ႇ ​ႁူၺ်ႈ​ႁွင်ႈ​ ဢႃႇၼုၼ်ႇ ​တင်း​လၢႆ၊-</verse>
				<verse number="15">ပၢၼ်း​တၢပ်ႈ​ႁူၺ်ႈ​ႁွင်ႈ ဢၼ်​လူင်း​ၸူး​ၵႃႈ​တီႈ တီႈ​ဢၼ်​ ဢႃႇရႃႉ ​ယူႇ​လႄႈ လဵပ်ႈ​ၵႃႈ​တီႈ​ႁိမ်း​လႅၼ်​လိၼ်​မိူင်း​ မေႃႇၽႃႉ ဢမ်ႇ​ႁူႉ​လၢႆ​သဵၼ်ႈ​လၢႆ​သၢႆ၊ မႃး​ၼင်ႇ​ၼႆ​ဢေႃႈ။-</verse>
				<verse number="16">ၶဝ်​သမ်ႉ​လုၵ်ႉ​သေ​ၵႃႈ​တီႈ​ၼၼ်ႈ ၵႂႃႇ​တၢင်း​ပႆ​တၢင်း​ၸူး​ၵႃႈ​တီႈ​ၼမ်ႉ​မေႃႇ​ ပႄႇရႃႉ ​ဢေႃႈ။ ၼမ်ႉ​မေႃႇ​ၼၼ်ႉ​ၸမ်ႉ၊ ပဵၼ်​ၼမ်ႉ​မေႃႇ ဢၼ်​ထႃႇဝရႃႉ​ၽြႃး ဢဝ်​လွင်ႈ​မၼ်း​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ႁႂ်ႈ​ၵူၼ်း​တင်း​လၢႆ​ၸူႉ​ၵၼ်​တုမ်​ၵၼ်​တႃႉ။ ၵဝ်​တၵ်း​ပၼ်​ၼမ်ႉ​တီႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="17">မိူဝ်ႈ​ၼၼ်ႉ မဵဝ်း​ ဢီႉသရေႇလႃႉ ​ဢွၼ်​ၵၼ်​ႁဵတ်း​ၵႂၢမ်း​လႄႈ​ဝႃႈ၊ ၼမ်ႉ​မေႃႇ​ဢိူၺ်း၊ ဢွၵ်ႇ​တႃႉ။ သူ​ဢွၼ်​ၵၼ်​ႁဵတ်း​ၵႂၢမ်း​တီႈ​မၼ်း​တႃႉ။-</verse>
				<verse number="18">ၼမ်ႉ​မေႃႇ​ဢၼ်​မူး​မၢတ်ႈ​ၽွင်း​မိူင်း​တင်း​လၢႆ​ဢွၼ်​ၵၼ်​ၶုတ်း၊ ဢၼ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​တင်း​လၢႆ ဢွၼ်​ၵၼ်​ဢဝ် တင်း​ၵၼ်း​ႁွၵ်ႇ​ၶုၼ်​တြႃး ဢိၵ်ႇ​တင်း​ၶွၼ်ႉ​တဝ်ႉ​ၶဝ်​ၶုတ်း​ၸွင်​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။ လုၵ်ႉ​သေ​ၵႃႈ​တီႈ​ထိူၼ်ႇ​ၼၼ်ႉ ၸူး​ၵႃႈ​တီႈ​ မတ်ႉတၼႃႇ ​လႄႈ​သင်ႇ၊-</verse>
				<verse number="19">ၶဝ်​ဢွၼ်​ၵၼ်​လုၵ်ႉ​သေ​ၵႃႈ​တီႈ​ မတ်ႉတၼႃႇ ​ၼၼ်ႉ ၵႂႃႇ​တၢင်း​ပႆ​တၢင်း​ၸူး​ၵႃႈ​တီႈ​ ၼႁႃႇလျေးလႃႉ ၊ သမ်ႉ​လုၵ်ႉ​သေ​ၵႃႈ​တီႈ​ ၼႁႃႇလျေးလႃႉ ​ၼၼ်ႉ ၸူး​ၵႃႈ​တီႈ​ ပႃႇမုတ်ႉ ၊-</verse>
				<verse number="20">သမ်ႉ​လုၵ်ႉ​သေ​ၵႃႈ​တီႈ​ ပႃႇမုတ်ႉ ​ၼၼ်ႉ ၸူး​ၵႃႈ​တီႈ ႁူၺ်ႈ​ႁွင်ႈ​ဢၼ်​မီး​ၵႃႈ​ၼႂ်း​ပၢင်ႇ​မိူင်း​ မေႃႇၽႃႉ ၵႃႈ​ၼိူဝ်​ပၢႆ​လွႆ​ ပီႉသၵႃႇ ဢၼ်​ဝၢႆႇ​ၼႃႈ​တေႃႇ​ထိူၼ်ႇ​ ယေႇသီႉမုၼ်ႇ ​ယူႇ​ၼၼ်ႉ​ဢေႃႈ။</verse>
				<verse number="21">မိူဝ်ႈ​ၼၼ်ႉ​မဵဝ်း​ ဢီႉသရေႇလႃႉ ပွႆႇ​ၸႂ်ႉ​သၢၼ်ႇတမၢၼ်ႇ​တင်း​လၢႆ ၵႂႃႇ​ၸူး​ၵႃႈ​တီႈ​ သီႉႁုၼ်ႇ ​ၶုၼ်​ႁေႃ​ၶမ်း ဢႃႇမေႃးရီႉ သေ​ယဝ်ႉ၊ ယွၼ်း​ဢၶႂၢင်ႉ​လႄႈ​ဝႃႈ၊-</verse>
				<verse number="22">ႁႂ်ႈ​ၵဝ်​ၶႃႈ​လႆႈ​ပႆ​လတ်း​ၵႃႈ​ၼႂ်း​ၵၢင်​မိူင်း​ၸဝ်ႈ​ႁဝ်း​လႄႈ​ၵႂႃႇ​သေ​ၵမ်း။ ႁဝ်း​ၶႃႈ​ဢမ်ႇ​ဝႄႉ​ဢမ်ႇ​ၶဝ်ႈ​ၵႃႈ​ၼႂ်း​ႁႆႊ​ၼႃး သူၼ်​ဢူးယဵၼ်ႇ​ၸပိတ်ႈ တင်း​လၢႆ​ၶႃႈ။ ႁဝ်း​ၶႃႈ​ဢမ်ႇ​ၵိၼ်​ၼမ်ႉ​တီႈ​ၼမ်ႉ​မေႃႇ​ၶႃႈ။ ႁဝ်း​ၶႃႈ​တၵ်း​ပႆ​ၸွမ်း ၵႃႈ​တီႈ​သဵၼ်ႈ​တၢင်း​ၶုၼ်​ၵူၺ်း တေႃႇ​ထိုင်​ႁွတ်ႈ​ႁႂ်ႈ​ထၼ်ႈ​ပေႃး ပူၼ်ႉ​လႅၼ်​လိၼ်​မိူင်း​ၸဝ်ႈ​ႁဝ်း​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၶုၼ်​ သီႉႁုၼ်ႇ ​ၼၼ်ႉ​ဢမ်ႇ​ပၼ်​ဢၶႂၢင်ႉ ဢၼ်​လႆႈ​ပႆ​လတ်း​ၵႃႈ​ၼႂ်း​ၵၢင်​မိူင်း​မၼ်း​ၵႂႃႇ​ၼၼ်ႉ​တီႈ​မဵဝ်း​ ဢီႉသရေႇလႃႉ ။ ၶုၼ်​ သီႉႁုၼ်ႇ ​ၼၼ်ႉ သမ်ႉ​ႁႂ်ႈ​ၵူၼ်း​မၼ်း​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​လႄႈ ဢွၵ်ႇ​ၵႂႃႇ​ၵႃႈ​တီႈ​ထိူၼ်ႇ ၸူး​တီႈ​ဢၼ်​ၶဝ်​မီး​ၼၼ်ႉ ႁႂ်ႈ​လႆႈ​ႁၢမ်ႈ​တၢပ်ႈ​ႁႄႉ​ၶႅၼ် မဵဝ်း​ ဢီႉသရေႇလႃႉ ​လႄႈ ႁွတ်ႈ​ထိုင်​ၵႃႈ​တီႈ ဝဵင်း​ ယႃႇႁတ်ႉ ​သေ​ယဝ်ႉ၊ တိုၵ်း​တေႃး​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="24">မဵဝ်း​ ဢီႉသရေႇလႃႉ ​တိုၵ်း​တေႃး​ယႃႉ​ပႅတ်ႈ​ၶုၼ်​ၼၼ်ႉ လူၺ်ႈ​ၶူမ်း​လၢပ်ႇ​ၶူမ်း​လႅဝ်း​လႄႈ သိမ်း​ဢဝ်​လိၼ်​ဢၼ်​ၶုၼ်​ၼၼ်ႉ​ပိူင်ႇ​ဢဝ်​ၵႃႈ​တီႈ ၸႃႉ​ၸဵမ်​ၼမ်ႉ​ႁွင်ႈ​ ဢႃႇၼုၼ်ႇ ​တေႃႇ​ထိုင်​ႁွတ်ႈ​ၼမ်ႉ​ႁွင်ႈ​ ယပ်ႉပုတ်ႉ ဢၼ်​ဝႃႈ​တီႈ​ယူႇ​ၵူၼ်း​မဵဝ်း​ ဢမ်ႇမုၼ်ႇ ​ၼၼ်ႉ​ဢေႃႈ။-</verse>
				<verse number="25">ၼင်ႇ​ၼၼ်​လႄႈ မဵဝ်း​ ဢီႉသရေႇလႃႉ ​သိမ်း​ဢဝ်​ဝဵင်း​ၵႃႈ​မီး​ၼၼ်ႉ​ဢေႃႈ။ မဵဝ်း​ ဢီႉသရေႇလႃႉ ​ဢွၼ်​ၵၼ်​ယူႇ​ၵႃႈ​ၼႂ်း​ဝဵင်း ဢၼ်​ၵူၼ်း​မဵဝ်း​ ဢႃႇမေႃးရီႉ ​ယူႇ​ၵႃႈ​မီး​ဢၼ်​ဝႃႈ ဝဵင်း​ ႁေႇသၽုၼ်ႇ ​ဢိၵ်ႇ​တင်း​ၵႃႈ​ပဵၼ် ဝၢၼ်ႈ​လဵၵ်ႉ​ဝဵင်း​ၼွႆႉ​မၼ်း တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="26">ဝဵင်း​ ႁေႇသၽုၼ်ႇ ​ၸမ်ႉ၊ ပဵၼ်​ဝဵင်း​ သီႉႁုၼ်ႇ ​ၶုၼ်​ႁေႃ​ၶမ်း​ ဢႃႇမေႃးရီႉ ဢၼ်​တိုၵ်း​သိုၵ်း​ၵၼ်​တင်း​ၶုၼ်​ႁေႃ​ၶမ်း ဢၼ်​ဢုပ်ႉ​ပိူင်ႇ​မိူင်း​ မေႃႇၽႃႉ မိူဝ်ႈ​ဢွၼ်​တၢင်း​ၼၼ်ႉ​လႄႈ ႁိမ်​ဢဝ်​မိူင်း​မၼ်း​တင်း​သဵင်ႈ​တင်း​လူင်​တေႃႇ​ထိုင်​ႁွတ်ႈ ၼမ်ႉ​ႁွင်ႈ​ ဢႃႇၼုၼ်ႇ ​ၼၼ်ႉ​ဢေႃႈ။-</verse>
				<verse number="27">သြႃႇ​လၢင်ႇ​ၵႃႇ ဢဝ်​လွင်ႈ​ၼၼ်ႉ​သေ​လႄႈ ၸၢပ်ႈ​လႄႈ​ဝႃႈ၊ ဢွၼ်​ၵၼ်​ၵႂႃႇ​ၵႃႈ​တီႈ​ဝဵင်း​ ႁေႇသၽုၼ်ႇ ​တႃႉ။ ႁႂ်ႈ​သမ်ႉ​ၶိုၼ်း​မႄး​ၵုမ်း​မႄး​ႁဵတ်း ဝဵင်း​ၶုၼ်​ သီႉႁုၼ်ႇ ​လႄႈ ႁႂ်ႈ​မၼ်း​သမ်ႉ​ၶိုၼ်း​တႄႇ​ပဵၼ်​တႃႉ။-</verse>
				<verse number="28">ပဵဝ်​ၽႆး​ဢွၵ်ႇ​သေ​ၵႃႈ​ၼႂ်း​ဝဵင်း​ ႁေႇသၽုၼ်ႇ ၊ ၽႆး​လုၵ်ႉ​ဢွၵ်ႇ​သေ​ၵႃႈ​ၼႂ်း​ဝဵင်း​ၶုၼ်​ သီႉႁုၼ်ႇ ​ၼၼ်ႉ​လႄႈ မႆႈ​ဝဵင်း​ ဢႃႇရႃႉ မိူင်း​ မေႃႇၽႃႉ ဢိၵ်ႇ​တင်း​ၶုၼ်​ၸိူဝ်း​ဢၼ်​ဢုပ်ႉ​ပိူင်ႇ​ၵႃႈ​တီႈ ဢၼ်​ပဵၼ်​ဢၼ်​သုင်​ၵႃႈ​တီႈ​ႁိမ်း ၼမ်ႉ​ႁွင်ႈ​ ဢႃႇၼုၼ်ႇ ​ၸိူဝ်း​ၼၼ်ႉ​ယဝ်ႉ။-</verse>
				<verse number="29">မိူင်း​ မေႃႇၽႃႉ ​ဢိူၺ်း၊ မႂ်း​မီး​ဢႃႉ​မင်ႇၵလႃႇ​ဢေႃႈ။ တပႄး​တပၢၼ်း​ ၶႄးမူႉသႃႉ ​ၶဝ်​ဢိူၺ်း၊ ဢၵျူဝ်း​သူ​လူႉ​ၵႂႃႇ​ယဝ်ႉ။ ၽြႃး​ၼၼ်ႉ ပၼ်​ဢၶႂၢင်ႉ​ဢၼ်​လုၵ်ႈ​ၸၢႆး​မၼ်း​တင်း​လၢႆ​လႆႈ​ပၢႆႈ​လႆႈ​ၼီ​၊ ဢၼ်​လုၵ်ႈ​ယိင်း​မၼ်း​တင်း​လၢႆ လႆႈ​ၶၢမ်ႇ​တၢင်း​ဢၼ်​တီႉ​လႆႈ​ၼၼ်ႉ​တီႈ​ သီႉႁုၼ်ႇ ​ၶုၼ်​ႁေႃ​ၶမ်း ဢႃႇမေႃးရီႉ ​ယဝ်ႉ​လူင်​ပႄႇ။-</verse>
				<verse number="30">ႁဝ်း​သမ်ႉ​တိုၵ်း​တေႃး​ၶဝ်​လႄႈ မိူင်း​ ႁေႇသၽုၼ်ႇ လူႉ​လႅဝ်​တေႃႇ​ထိုင်​ႁွတ်ႈ​ဝဵင်း​ တီႉၽုၼ်ႇ ​ယဝ်ႉ။ ႁဝ်း​ပႄႇ​ၽဵဝ်ႈ​ပႅတ်ႈ ၶဝ်​တေႃႇ​ထိုင်​ႁွတ်ႈ ဝဵင်း​ ၼေႃႇၽႃႉ ဢၼ်​ၸပ်း​ႁိမ်း​ဝဵင်း​ မေႇတေႇၽႃႉ ​ၼၼ်ႉ​ယဝ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ယူႇ​ၵႃႈ​ၼႂ်း​မိူင်း​ ဢႃႇမေႃးရီႉ ​ဢေႃႈ။-</verse>
				<verse number="32">မူဝ်းသေႇ ​ၵေႃႈ ပွႆႇ​ၸႂ်ႉ​ၵူၼ်း ႁႂ်ႈ​လႆႈ​လွမ်​တူၺ်း ဝဵင်း​ ယႃႇၸႃႇ ​သေ​လႄႈ ၶဝ်ႈ​သိမ်း​ဢဝ်​ဝၢၼ်ႈ​လဵၵ်ႉ​ဝဵင်း​ၼွႆႉ​မၼ်း​ၼၼ်ႉ​လႄႈ ႁေႃႈ​ၵူၼ်း​မဵဝ်း​ ဢႃႇမေႃးရီႉ ဢၼ်​ယူႇ​ၵႃႈ​တီႈ​ၼၼ်ႈ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​ဢေႃႈ။</verse>
				<verse number="33">ၶဝ်​ဢွၼ်​ၵၼ်​ငႅၵ်း​လႄႈ ၸွမ်း​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​မိူင်း​ ပႃႇသၢၼ်ႇ ​ဢေႃႈ။ ဢေႃႇၶႃႉ ​ၶုၼ်​ႁေႃ​ၶမ်း​ ပႃႇသၢၼ်ႇ ​ၼၼ်ႉ ပႃး​ဢဝ်​ၵူၼ်း​မၼ်း​တင်း​သဵင်ႈ​တင်း​လူင် ၶီႇ​ဢွၵ်ႇ​ၸူး​ႁႂ်ႈ​လႆႈ​တိုၵ်း​တေႃး​ၶဝ် ၵႃႈ​ၼႂ်း​တီႈ​ ဢေႇတြီႉ ​ဢေႃႈ။-</verse>
				<verse number="34">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ယႃႇ​ပေ​ၵူဝ်​မၼ်း။ ၵဝ်​ဢဝ်​မၼ်း​တင်း​ၵူၼ်း​မၼ်း​တင်း​သဵင်ႈ​တင်း​လူင် ဢိၵ်ႇ​တင်း​လိၼ်​မၼ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ယဝ်ႉ။ မႂ်း​တၵ်း​လႆႈ​ႁဵတ်း​တီႈ​မၼ်း​မိူၼ်​ၸိူဝ်ႉ​ၼင်ႇ​ဢၼ် မႂ်း​ႁဵတ်း​တီႈ​ သီႉႁုၼ်ႇ ​ၶုၼ်​ႁေႃ​ၶမ်း ဢႃႇမေႃးရီႉ ဢၼ်​ယူႇ​ၵႃႈ​တီႈ​ဝဵင်း​ ႁေႇသၽုၼ်ႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ၼင်ႇ​ၼၼ်​လႄႈ ၶဝ်​ဢဝ်​ၶုၼ်​ၼၼ်ႉ တင်း​လုၵ်ႈ​ၸၢႆး​မၼ်း​တင်း​လၢႆ ဢိၵ်ႇ​တင်း​ၵူၼ်း​မၼ်း​တင်း​သဵင်ႈ​တင်း​လူင် တၢႆ​တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း​လႄႈ သိမ်း​ဢဝ်​မိူင်း​မၼ်း​ဢေႃႈ။</verse>
			</chapter>
			<chapter number="22">
				<verse number="1">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ သမ်ႉ​ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​ၼႂ်း​ပၢင်ႇ​ပဵင်း​ မေႃႇၽႃႉ ဢၼ်​မီး​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ​သိုဝ်ႈ​ဝဵင်း​ ယေႇရီႉၶူဝ်း ​ဢေႃႈ။</verse>
				<verse number="2">ၶုၼ်​ ပႃႇလၵ်ႈ ​လုၵ်ႈ​ၸၢႆး​ ၸီႉၽေႃႇ ႁူႉ​ႁၼ်​လွင်ႈ​ၵႃႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​တီႈ​ၵူၼ်း​မဵဝ်း​ ဢႃႇမေႃးရီႉ ​ၸိူဝ်း​ၼၼ်ႉ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​သေ​ယဝ်ႉ၊-</verse>
				<verse number="3">ၵွပ်ႈ​ပိူဝ်ႈ​ဢၼ်​ၶဝ်​ၼမ်​ၵိုၼ်း​ၼႃႇ​လူင်​လၢင်​လႄႈ မိူင်း​ မေႃႇၽႃႉ ​ၵူဝ်​ႁႄ​ၼႃႇ​လူင်​လၢင်​ဢေႃႈ။ ၵွပ်ႈ​ပိူဝ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​လႄႈ မိူင်း​ မေႃႇၽႃႉ ​ၼၼ်ႉ ယၢပ်ႇ​ၸႂ်​ယုင်ႈ​ၸႂ်​လႄႈ၊-</verse>
				<verse number="4">လၢတ်ႈ​တီႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​မိူင်း​ မီႉတျၼ်ႇ ​တင်း​လၢႆ​လႄႈ​ဝႃႈ၊ မုၵ်ႉ​ၵူၼ်း​ၸိူဝ်း​ၵူၼ်း​ၼႆႉ တၵ်း​ယိုၼ်း​ၵိၼ်​ၵႃႈ​ဢၼ်​မီး​လဵပ်ႈ​ႁွပ်ႈ​ႁိမ်း​ႁွမ်း​ႁဝ်း​ၼႆႉ မိူၼ်​ၸိူဝ်ႉ​ၼင်ႇ​ဢၼ် ဝူဝ်း​ယိုၼ်း​ၵိၼ်​တူၼ်ႈ​ယိူဝ်ႈ​တူၼ်ႈ​ယႃႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ​ ပႃႇလၵ်ႈ လုၵ်ႈ​ၸၢႆး ၸီႉၽေႃႇ ​ပဵၼ်​ၶုၼ်​ႁေႃ​ၶမ်း​ မေႃႇၽႃႉ ​ဢေႃႈ။-</verse>
				<verse number="5">မၼ်း​ပွႆႇ​ၸႂ်ႉ​သၢၼ်ႇတမၢၼ်ႇ​တင်း​လၢႆ​ၵႂႃႇ​ၸူး​ၵႃႈ​တီႈ​ ပႃႇလၢမ်ႇ ၊ လုၵ်ႈ​ၸၢႆး​ ပေႃးရႃႉ ၵႃႈ​တီႈ​ဝဵင်း​ ပေႇသေႃႇ ဢၼ်​မီး​ၵႃႈ​တီႈ​ႁိမ်း​ၼမ်ႉ​ႁွင်ႈ ဢၼ်​ပဵၼ်​မိူင်း​ၵူၼ်း​မၼ်း​တင်း​လၢႆ​ၼၼ်ႉ ႁႂ်ႈ​လႆႈ​ႁွင်ႉ​ပၢင်း​ဢဝ်​မၼ်း​မႃး​လႄႈ သင်ႇ​လၢတ်ႈ​လႄႈ​ဝႃႈ၊ တူၺ်း​လူး၊ ၵူၼ်း​မဵဝ်း​ၼိုင်ႈ ဢၼ်​လုၵ်ႉ​သေ​ၵႃႈ​တီႈ​မိူင်း​ ဢေႇၵိပ်ႉတူႉ ​ပုၼ်ႉ ႁွတ်ႈ​မႃး​ၸိူဝ်း​ၼၼ်ႉ ႁူမ်ႇ​သုမ်ႇ​ၼႃႈ​လိၼ်​လႄႈ ၶျႃး​တီႈ​ယူႇ​ၶဝ်​ယူႇ​ၽၢႆႇ​ၼိုင်ႈ​တင်း​ၵဝ်​ယဝ်ႉ။-</verse>
				<verse number="6">ပိူဝ်ႈ​ၼႆ​လႄႈ မႃး​လႄႈ​ၵိၼ်ႇ​လႃႇ​ၵိၼ်ႇ​ဝႃႈ​ၵူၼ်း​မဵဝ်း​ၼႆႉ​ပုၼ်ႈ​ၵဝ်​သေ​ၵမ်း။ ၶဝ်​ႁႅင်း​ယႂ်ႇ​လိူဝ်​တွၼ်း​သေ​ၵဝ်​ဢေႃႈ။ ပေႃး​ႁဵတ်း​ၼင်ႇ​ၼၼ်​ၸိုင်၊ ၵဝ်​တိုၵ်း​တေႃး​ယႃႉ​ပႅတ်ႈ​ၶဝ်​လႄႈ လီ​ႁေႃႈ​ၶဝ်​ဢွၵ်ႇ​သေ ၵႃႈ​ၼႂ်း​မိူင်း​ၵဝ်​ၼႆႉ​လႆ တၵ်း​ႁေႃႈ​ဢွၵ်ႇ​လႆႈ​ဢေႃႈ။ ၵဝ်​ႁူႉ​လွင်ႈ​ဢၼ် ၵေႃႉ​ဢၼ်​ၸဝ်ႈ​ပၼ်​တၢင်း​လီ​ၼၼ်ႉ လႆႈ​ၶၢမ်ႇ​တၢင်း​လီ​မင်ႇၵလႃႇ ဢိၵ်ႇ​တင်း လွင်ႈ​ဢၼ် ၵေႃႉ​ဢၼ်​ၸဝ်ႈ​ၵိၼ်ႇ​လႃႇ​ၵိၼ်ႇ​ဝႃႈ​ၼၼ်ႉ ပဵၼ်​ၵေႃႉ​ဢၼ်​ထုၵ်ႇ​တၢင်း​ဢၼ် ၵိၼ်ႇ​လႃႇ​ၵိၼ်ႇ​ဝႃႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၼင်ႇ​ၼၼ်​လႄႈ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​မိူင်း​ မေႃႇၽႃႉ ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် မိူင်း​ မီႉတျၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ပႃး​ဢဝ်​လၢၵ်ႈ​သွင်ႇ တၢင်း​ဢၼ်​ႁဵတ်း​ဢတၢတ်ႈ​တင်း​လၢႆ​သေ​လႄႈ ၵႂႃႇ​လႄႈ​ႁွတ်ႈ​ထိုင်​ၵႃႈ​တီႈ​ ပႃႇလၢမ်ႇ ​သေ​ယဝ်ႉ၊ ဢဝ်​ၵႂၢမ်း​ၶုၼ်​ ပႃႇလၵ်ႈ ​ၼၼ်ႉ လၢတ်ႈ​တီႈ​မၼ်း​ဢေႃႈ။-</verse>
				<verse number="8">မၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ၶိုၼ်း​ၼႆႉ သူ​ယူႇ​ၵႃႈ​တီႈ​ၼႆႈ​လူး​ၵွၼ်ႇ​တႃႉ။ ၵဝ်​တၵ်း​ၶိုၼ်း​လၢတ်ႈ​တီႈ​သူ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​တီႈ​ၵဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မူး​မၢတ်ႈ​ၽွင်း​မိူင်း​ မေႃႇၽႃႉ ​ၸိူဝ်း​ၼၼ်ႉ ယူႇ​ၵႃႈ​တီႈ​ ပႃႇလၢမ်ႇ ​ၼၼ်ႉ​ဢေႃႈ။-</verse>
				<verse number="9">ၽြႃး​ပဵၼ်​ၸဝ်ႈ​မႃး​တီႈ​ ပႃႇလၢမ်ႇ ​လႄႈ​ထၢမ်​ဝႃႈ၊ ၵူၼ်း​ဢၼ်​မီး​ယူႇ​ၵႃႈ​တီႈ​မႂ်း​ၸိူဝ်း​ၼႆႉ​ၸိုင် ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">ပႃႇလၢမ်ႇ ​လဝ်ႊ​လၢတ်ႈ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ပႃႇလၵ်ႈ ​လုၵ်ႈ​ၸၢႆး​ ၸီႉၽေႃႇ ဢၼ်​ပဵၼ်​ၶုၼ်​ႁေႃ​ၶမ်း​ မေႃႇၽႃႉ ​ၼၼ်ႉ ပွႆႇ​ၸႂ်ႉ​ၵူၼ်း​မႃး​ၵႃႈ​တီႈ​ၶႃႈ​ၸဝ်ႈ​လႄႈ​ဝႃႈ၊-</verse>
				<verse number="11">ၵူၼ်း​ဢၼ်​လုၵ်ႉ​သေ​ၵႃႈ​တီႈ​မိူင်း​ ဢေႇၵိပ်ႉတူႉ ​ႁွတ်ႈ​မႃး​ၸိူဝ်း​ၼၼ်ႉ ႁူမ်ႇ​သုမ်ႇ​ၼႃႈ​လိၼ်​ဝႆႉ​ယဝ်ႉ။ ပိူဝ်ႈ​ၼႆ​လႄႈ မႃး​လႄႈ​ၵိၼ်ႇ​လႃႇ​ၵိၼ်ႇ​ဝႃႈ​ၶဝ်​ပုၼ်ႈ​ၵဝ်​သေ​ၵမ်း။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​တိုၵ်း​တေႃး​ယႃႉ​ပႅတ်ႈ​ၶဝ်​လႄႈ လီ​ႁေႃႈ​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ၵဝ်​ၼႆႉ​လႆ တၵ်း​ႁေႃႈ​ဢွၵ်ႇ​လႆႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၽြႃး​ပဵၼ်​ၸဝ်ႈ မီး​ဢမိင်ႉ​တီႈ​ ပႃႇလၢမ်ႇ ​လႄႈ​ဝႃႈ၊ မႂ်း​ဢမ်ႇ​လႆႈ​ၸွမ်း​လႆႈ​ၵႂႃႇ​လူၺ်ႈ​ၵၼ်​တင်း​ၶဝ်။ မႂ်း​ဢမ်ႇ​လႆႈ​ၵိၼ်ႇ​လႃႇ​ၵိၼ်ႇ​ဝႃႈ​ၵူၼ်း​မဵဝ်း​ၼၼ်ႉ။ ၶဝ်​ပဵၼ်​ၵူၼ်း​မဵဝ်း​ဢၼ်​လႆႈ​ၶၢမ်ႇ​တၢင်း​လီ​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၶိင်ႇ​ၵၢင်​ၼႂ်​ ပႃႇလၢမ်ႇ ​လုၵ်ႉ​လႄႈ​ၶိုၼ်း​လၢတ်ႈ​တီႈ​မူး​မၢတ်ႈ​ၽွင်း​မိူင်း​ၶုၼ်​ ပႃႇလၵ်ႈ ​ၸိူဝ်း​ၼၼ်ႉ​လႄႈ​ဝႃႈ၊ သူ​ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​သူ​သေ​ၵမ်း​တႃႉ။ ထႃႇဝရႃႉ​ၽြႃး ဢမ်ႇ​ပၼ်​ဢၶႂၢင်ႉ​ဢၼ်​လႆႈ​ၸွမ်း​လူၺ်ႈ​ၵၼ်​တင်း​သူ​ၼၼ်ႉ​တီႈ​ၵဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မိူဝ်ႈ​ၼၼ်ႉ မူး​မၢတ်ႈ​ၽွင်း​မိူင်း​ မေႃႇၽႃႉ ​ၸိူဝ်း​ၼၼ်ႉ​ၶိုၼ်း​မိူဝ်း​ၵႂႃႇ ၵႃႈ​တီႈ​ၶုၼ်​ ပႃႇလၵ်ႈ ​လႄႈ လဝ်ႊ​လၢတ်ႈ​လႄႈ​ဝႃႈ၊ ပႃႇလၢမ်ႇ ​ၼၼ်ႉ ဢမ်ႇ​မီး​ဢလူဝ်ႇ​ၶႂ်ႈ​ၸွမ်း​မႃး​လူၺ်ႈ​ၵၼ်​တင်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ၶုၼ်​ ပႃႇလၵ်ႈ ​ၼၼ်ႉ​သမ်ႉ​ပွႆႇ​ၸႂ်ႉ​သၢၼ်ႇတမၢၼ်ႇ ဢၼ်​ယဵင်ႈ​ၶႅၼ်း​ၼမ်​ၼႃႇ ဢၼ်​ဢရႃႇ​ယဵင်ႈ​ၶႅၼ်း​ယႂ်ႇ​ၼႃႇ​သေ​ၶဝ်​ၸိူဝ်း​ဢွၼ်​တၢင်း​ၼၼ်ႉ​ၵႂႃႇ​ဢေႃႈ။-</verse>
				<verse number="16">ၶဝ်​ၼၼ်ႉ​ႁွတ်ႈ​ထိုင်​ၵႃႈ​တီႈ​ ပႃႇလၢမ်ႇ ​လႄႈ ဢွၼ်​ၵၼ်​ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ ၶုၼ်​ ပႃႇလၵ်ႈ လုၵ်ႈ​ၸၢႆး​ ၸီႉၽေႃႇ ​ၼၼ်ႉ မီး​ဢမိင်ႉ​လႄႈ​ဝႃႈ​ၸမ်ႉ၊ ၼင်ႇ​ႁိုဝ်​ၸဝ်ႈ​တၵ်း​ဢမ်ႇ​မႃး​တီႈ​ၵဝ်​လႆႈ​ၸိုင် ယႃႇ​ပေ​ႁႂ်ႈ​ဢၼ်​လႂ်​လႆႈ​ႁႄႉ​လႆႈ​ၶႅၼ်​သေ​ၵမ်း၊-</verse>
				<verse number="17">ၵဝ်​တၵ်း​ယုၵ်ႉ​ယွင်ႈ​ၸဝ်ႈ​ဝႆႉ​ၵႃႈ​ၼႂ်း​မုၼ်​ၽုင်း​ဢၼ်​ယႂ်ႇ​ၼႃႇ​ဢေႃႈ။ တၵ်း​ပၼ်​ၵႃႈ​ဢၼ်​ၸဝ်ႈ​ယွၼ်း​ဢေႃႈ။ ပိူဝ်ႈ​ၼႆ​လႄႈ မႃး​လႄႈ​ၵိၼ်ႇ​လႃႇ​ၵိၼ်ႇ​ဝႃႈ ၵူၼ်း​မဵဝ်း​ၼႆႉ​ပုၼ်ႈ​ၵဝ်​သေ​ၵမ်း၊ ဝႃႈ​ၼင်ႇ​ၼႆ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ပႃႇလၢမ်ႇ ​ၵေႃႈ ၶိုၼ်း​လၢတ်ႈ​တီႈ​ၶႃႈ​ၵူၼ်း​ၶုၼ်​ ပႃႇလၵ်ႈ ​ၸိူဝ်း​ၼၼ်ႉ​လႄႈ​ဝႃႈ၊ ပိၵ်ႉ​သမ်ႉ​ၶုၼ်​ ပႃႇလၵ်ႈ ဢဝ်​ႁေႃ​မၼ်း​ၸဝ်ႈ​ဢၼ်​တဵမ်​ဝႆႉ​တင်း​ငိုၼ်း​ၶမ်း​ၼၼ်ႉ ပၼ်​တီႈ​ၵဝ်​သေ​ၵေႃႈ ၵဝ်​ဢမ်ႇ​ပူၼ်ႉ​ဢမ်ႇ​လိူဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၼၼ်ႉ​သေ​လႄႈ ႁဵတ်း​လွင်ႈ​တၢင်း​ဢၼ်​လဵၵ်ႉ​ဢၼ်​ယႂ်ႇ​သေ​ၸိူဝ်ႉ​သေ​ပိူင်​လႃး​လႃး​လႆႈ။-</verse>
				<verse number="19">ၼႂ်း​ဝႃႈ​ၼၼ်​သေ​ၵေႃႈ လွင်ႈ​ၼင်ႇ​ႁိုဝ်​ၵဝ်​တၵ်း​ႁူႉ​လွင်ႈ​ဢၼ် ထႃႇဝရႃႉ​ၽြႃး​တၵ်း​ထၢပ်ႈ​ထႅင်ႈ​လႄႈ မီး​ဢမိင်ႉ​တီႈ​ၵဝ်​ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင်၊ ၶိုၼ်း​ၼႆႉ​သူ​ယူႇ​ၵႃႈ​တီႈ​ၼႆႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၶိင်ႇ​ၵၢင်​ၶိုၼ်း ၽြႃး​ပဵၼ်​ၸဝ်ႈ​မႃး​တီႈ​ ပႃႇလၢမ်ႇ ​လႄႈ မီး​ဢမိင်ႉ​ဝႃႈ၊ ပေႃး​ၵူၼ်း​ၸိူဝ်း​ၼၼ်ႉ​မႃး ႁႂ်ႈ​လႆႈ​ႁွင်ႉ​မႂ်း​ၸိုင်၊ လုၵ်ႉ​လႄႈ​ၸွမ်း​ၵႂႃႇ​လူၺ်ႈ​ၵၼ်​တင်း​ၶဝ်​တႃႉ။ ၵူၺ်း​ၵႃႈ မႂ်း​တၵ်း​လႆႈ​ႁဵတ်း​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၶိင်ႇ​ၵၢင်​ၼႂ်၊ ပႃႇလၢမ်ႇ ​လုၵ်ႉ​လႄႈ ဢဝ်​ၵွပ်း​လီႈ​မၼ်း​တၢင်ႇ​သေ​ယဝ်ႉ၊ ၸွမ်း​လူၺ်ႈ​ၵၼ်​တင်း​မူး​မၢတ်ႈ​ၽွင်း​မိူင်း​ မေႃႇၽႃႉ ​ၸိူဝ်း​ၼၼ်ႉ​ၵႂႃႇ​ဢေႃႈ။</verse>
				<verse number="22">ၵွပ်ႈ​ပိူဝ်ႈ​ဢၼ်​မၼ်း​ၸွမ်း​ၵႂႃႇ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ တၢင်း​ၸႂ်​မႆႈ​ၶႆႈ​ၸႃႉ​ၽြႃး​ပဵၼ်​ၸဝ်ႈ​ဢွၵ်ႇ​လႄႈ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ၸုၵ်း​ယူႇ​ၵႃႈ​တီႈ​သဵၼ်ႈ​တၢင်း​ႁႂ်ႈ​လႆႈ​ႁၢမ်ႈ​တၢပ်ႈ​ႁႄႉ​ၶႅၼ်​မၼ်း​ဢေႃႈ။ မိူဝ်ႈ​ၼၼ်ႉ ၼႂ်း​မိူဝ်ႈ​ဢၼ်​မၼ်း​ၶီႇ​လီႈ​မၼ်း​သေ​လႄႈ ပႃး​ဢဝ်​ၵူၼ်း​ဢွၼ်ႇ​မၼ်း​သွင်​ၵေႃႉ​ၵႂႃႇ​ယူႇ​ၼၼ်ႉ​ၸိုင်၊-</verse>
				<verse number="23">လီႈ​မၼ်း​ၼၼ်ႉ ႁၼ်​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ဢဝ်​လၢပ်ႇ​မုင်း​သေ​လႄႈ ၸုၵ်း​ယူႇ​ၵႃႈ​တီႈ​သဵၼ်ႈ​တၢင်း​ၼၼ်ႉ​သေ​ယဝ်ႉ၊ ငႅၵ်း​ဢွၵ်ႇ​သဵၼ်ႈ​တၢင်း​လႄႈ ၶဝ်ႈ​ၵႂႃႇ​ၵႃႈ​ၼႂ်း​ပၢင်ႇ​တူင်ႈ​ႁႆႊ​တူင်ႈ​ၼႃး​သေ​ဢေႃႈ။ ပႃႇလၢမ်ႇ ​ၵေႃႈ ပေႃႉ​ယႅၼ်ႉ​လီႈ​မၼ်း ႁႂ်ႈ​မၼ်း​ၶိုၼ်း​မႃး​ၸူး​ၵႃႈ​တီႈ​သဵၼ်ႈ​တၢင်း​ဢေႃႈ။-</verse>
				<verse number="24">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး သမ်ႉ​ၸုၵ်း​ယူႇ​ၵႃႈ​တီႈ​သဵၼ်ႈ​တၢင်း​တီႈ​ဢၼ်​ၵိဝ်ႇ​ဢၼ်​ၵႅပ်ႈ ၵႃႈ​ၼႂ်း​ၵႄႇ​ဝူင်ႈ​ၵၢင်​သူၼ်​ဢူးယဵၼ်ႇ​ၸပိတ်ႈ မီး​ႁူဝ်ႉ​သွင်​ၽၢႆႇ​ၼၼ်ႉ​ဢေႃႈ။-</verse>
				<verse number="25">လီႈ​ၼၼ်ႉ သမ်ႉ​ၶိုၼ်း​ႁၼ်​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ​ထႅင်ႈ​သေ​ယဝ်ႉ၊ တိူဝ်ႉ​သႂ်ႇ​ၵႃႈ​တီႈ​ႁူဝ်ႉ​ၽၢႆႇ​ၼိုင်ႈ​လႄႈ ႁိပ်ႇ​တိၼ်​ ပႃႇလၢမ်ႇ ​ၸပ်း​ႁူဝ်ႉ​ၼၼ်ႉ​ဢေႃႈ။ ပႃႇလၢမ်ႇ ​ၵေႃႈ သမ်ႉ​ပေႃႉ​ယႅၼ်ႉ​ထႅင်ႈ​ဢေႃႈ။-</verse>
				<verse number="26">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၵေႃႈ ပူၼ်ႉ​ၵႂႃႇ​လႄႈ​ၸုၵ်း​ယူႇ​ၵႃႈ​တီႈ​ဢၼ်​ၵိတ်ႇ​ဢၼ်​ၵႅပ်ႈ​တီႈ​ဢၼ် ဢမ်ႇ​ငႅၵ်း​ဢွၵ်ႇ​သဵၼ်ႈ​တၢင်း​ၵႃႈ​တီႈ​ၽၢႆႇ​ၶႂႃ​ၽၢႆႇ​သၢႆႉ​လႆႈ​လႃး​လႃး​ၼၼ်ႉ​ဢေႃႈ။-</verse>
				<verse number="27">လီႈ​ၼၼ်ႉ သမ်ႉ​ၶိုၼ်း​ႁၼ်​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ထႅင်ႈ​သေ​ယဝ်ႉ၊ ၼွၼ်း​မူပ်ႇ​ယူႇ​ၵႃႈ​တီႈ​တႂ်ႈ ပႃႇလၢမ်ႇ ​ဢေႃႈ။ ပႃႇလၢမ်ႇ ​ၼၼ်ႉ​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​လႄႈ ဢဝ်​ၶွၼ်ႉ​တဝ်ႉ​မၼ်း​ပေႃႉ​ယႅၼ်ႉ​လီႈ​ၼၼ်ႉ​ဢေႃႈ။-</verse>
				<verse number="28">မိူဝ်ႈ​ၼၼ်ႉ​ထႃႇဝရႃႉ​ၽြႃး ၽုၺ်ႇ​သူပ်း​လီႈ​ၼၼ်ႉ​လႄႈ လီႈ​ၼၼ်ႉ​ထၢမ်​တီႈ​ ပႃႇလၢမ်ႇ ​လႄႈ​ဝႃႈ၊ ၵဝ်​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​မႂ်း ႁႂ်ႈ​မႂ်း​လႆႈ​ပေႃႉ​ယႅၼ်ႉ​ၵဝ်​တေႃႇ​ထိုင်​ႁွတ်ႈ​သၢမ်​ပွၵ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="29">ပႃႇလၢမ်ႇ ​လၢတ်ႈ​တီႈ​လီႈ​ၼၼ်ႉ​လႄႈ​ဝႃႈ၊ မႂ်း​ယဝ်ႉ​ယွၵ်ႇ​ၵဝ်​လူင်​ပႄႇ။ ၶႂ်ႈ​ႁႂ်ႈ​လၢပ်ႇ​မီး​ၵႃႈ​ၼႂ်း​မိုဝ်း​ၵဝ်​ၵူၺ်း​ယဝ်ႉ။ ပေႃး​မီး​ၸိုင်၊ တေႃႈ​လဵဝ်​ၼႆႉ ၵဝ်​တၵ်း​ဢဝ်​မႂ်း​တၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">လီႈ​ၼၼ်ႉ​ၵေႃႈ ထၢမ်​တီႈ​ ပႃႇလၢမ်ႇ ​လႄႈ​ဝႃႈ၊ ၵဝ်​ၼႆႉ​ပဵၼ်​လီႈ​မႂ်း ဢၼ်​လႆႈ​ၶၢမ်ႇ​တၢင်း​ဢၼ်​မႂ်း​ၶီႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢမ်ႇ​ၸႂ်ႈ​ႁိုဝ်။ ၵဝ်​ယၢမ်ႈ​တွၼ်ႉ​ႁဵတ်း​ၸိူဝ်ႉ​ၼင်ႇ​ၼႆ​တီႈ​မႂ်း​သေ​ပွၵ်ႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​တွၼ်ႉ​ႁဵတ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">မိူဝ်ႈ​ၼၼ်ႉ ထႃႇဝရႃႉ​ၽြႃး​ၽုၺ်ႇ​မၢၵ်ႇ​တႃ​ ပႃႇလၢမ်ႇ ​လႄႈ ပႃႇလၢမ်ႇ ​ႁၼ်​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ဢဝ်​လၢပ်ႇ​မုင်း​သေ​လႄႈ​ၸုၵ်း​ယူႇ​ၵႃႈ​တီႈ​သဵၼ်ႈ​တၢင်း​ၼၼ်ႉ​လႄႈ၊ မၼ်း​ၵူမ်ႈ​ႁူဝ်​ၵွမ်း​ႁူဝ်​သေ​လႄႈ မူပ်ႇ​တဵတ်ႇ​ဢေႃႈ။-</verse>
				<verse number="32">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ပေႃႉ​ယႅၼ်ႉ​လီႈ​မႂ်း​တေႃႇ​ထိုင်​ႁွတ်ႈ​သၢမ်​ပွၵ်ႈ​ၼင်ႇ​ႁိုဝ်။ ၵွပ်ႈ​ပိူဝ်ႈ​ဢၼ်​သဵၼ်ႈ​တၢင်း​ဢၼ်​မႂ်း​ၵႂႃႇ​ၼၼ်ႉ ပဵၼ်​ဢၼ်​ၶတ်း​ၵၼ်​တင်း​ၵဝ်​လႄႈ ၵဝ်​ဢွၵ်ႇ​မႃး ႁႂ်ႈ​လႆႈ​ႁႄႉ​ၶႅၼ်​မႂ်း​ယဝ်ႉ။-</verse>
				<verse number="33">လီႈ​ၸိုင် ႁၼ်​ၵဝ်​လႄႈ​ဝႄႈ​ပိူင်ႈ​သေ​ၵႃႈ​တီႈ​ၽၢႆႇ​ၼႃႈ​ၵဝ် တေႃႇ​ထိုင်​ႁွတ်ႈ​သၢမ်​ပွၵ်ႈ​ယဝ်ႉ။ သင်​ဢမ်ႇ​ဝႄႈ​ပိူင်ႈ​သေ​ၵႃႈ​တီႈ​ၵဝ်​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​လႆႈ​ဢဝ်​မႂ်း​တၢႆ​ဢမၢၼ်ႇ​ၶၼ်​ပဵၼ်​လႄႈ ပၼ်​ဢသၢၵ်ႈ​လီႈ​ၵူၺ်း​ၵတ်း​ယဵၼ်​ၶျၢမ်း​သႃႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ပႃႇလၢမ်ႇ ​ၵေႃႈ လၢတ်ႈ​တီႈ​တမၢၼ်ႇ​ၵၢင်​ႁၢဝ်​လႄႈ​ဝႃႈ၊ ၵဝ်​ၶႃႈ​ၽိတ်း​ပိူင်ႈ​ၶႃႈ​ယဝ်ႉ။ ၵဝ်​ၶႃႈ​ဢမ်ႇ​ႁူႉ​လွင်ႈ​ဢၼ်​ၸဝ်ႈ​ႁဝ်း​ၶႂၢင်​ႁႄႉ​ၵဝ်​ၶႃႈ ယူႇ​ၵႃႈ​တီႈ​သဵၼ်ႈ​တၢင်း​ၼၼ်ႉ​ၶႃႈ။ မိူဝ်ႈ​လဵဝ်​ၼႆႉ ပေႃး​ဢလူဝ်ႇ​ၸဝ်ႈ​ႁဝ်း​ဢမ်ႇ​မီး​ၸိုင်၊ ၵဝ်​ၶႃႈ​တၵ်း​ၶိုၼ်း​မိူဝ်း​ၵႂႃႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="35">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး မီး​ဢမိင်ႉ​တီႈ​ ပႃႇလၢမ်ႇ ​လႄႈ​ဝႃႈ၊ ၸွမ်း​လူၺ်ႈ​ၵၼ်​တင်း​ၵူၼ်း​ၸိူဝ်း​ၼၼ်ႉ​ၵႂႃႇ​တႃႉ။ ၵူၺ်း​ၵႃႈ မႂ်း​တၵ်း​လႆႈ​ႁေႃး​လၢတ်ႈ​ၵႂၢမ်း​ဢၼ်​ၵဝ်​သင်ႇ​လၢတ်ႈ​ဝႆႉ​ၼၼ်ႉ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​လႄႈ ပႃႇလၢမ်ႇ ​ၼၼ်ႉ ၸွမ်း​ၵႂႃႇ​လူၺ်ႈ​ၵၼ်​တင်း မူး​မၢတ်ႈ​ၽွင်း​မိူင်း ၶုၼ်​ ပႃႇလၵ်ႈ ​ၸိူဝ်း​ၼၼ်ႉ​ဢေႃႈ။</verse>
				<verse number="36">မိူဝ်ႈ​ဢၼ်​ၶုၼ်​ ပႃႇလၵ်ႈ ငိၼ်း​လွင်ႈ​ဢၼ်​ ပႃႇလၢမ်ႇ ​ႁွတ်ႈ​ထိုင်​ၼၼ်ႉ​ၸိုင်၊ ဢွၵ်ႇ​ၵႂႃႇ​ၸူး​ၵႃႈ​တီႈ​ဝဵင်း​ မေႃႇၽႃႉ ဝဵင်း​ၼိုင်ႈ ဢၼ်​မီး​ၵႃႈ​ႁိမ်း​ၼမ်ႉ​ႁွင်ႈ​ ဢႃႇၼုၼ်ႇ ဢၼ်​ပဵၼ်​ၶွပ်ႇ​ၼမ်ႉ​လႅၼ်​လိၼ်​ၼၼ်ႉ ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​ဢေႃႈ။-</verse>
				<verse number="37">ၶုၼ်​ ပႃႇလၵ်ႈ ​ၵေႃႈ လၢတ်ႈ​တီႈ​ ပႃႇလၢမ်ႇ ​လႄႈ​ဝႃႈ၊ ၵဝ်​ပွႆႇ​ၸႂ်ႉ​ၵႂႃႇ​ၶိူဝ်း​ၶိူဝ်း​ယႂ်း​ယႂ်း ႁႂ်ႈ​လႆႈ​ႁွင်ႉ​ပၢင်း​ဢဝ်​ၸဝ်ႈ​မႃး​ဢမ်ႇ​ၸႂ်ႈ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ၸဝ်ႈ​ဢမ်ႇ​မႃး။ ၵဝ်​ယုၵ်ႉ​ယွင်ႈ​ၸဝ်ႈ​ဝႆႉ ၵႃႈ​ၼႂ်း​မုၼ်​ၽုင်း​လႆႈ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="38">ပႃႇလၢမ်ႇ ၶိုၼ်း​လၢတ်ႈ​တီႈ​ ပႃႇလၵ်ႈ ​လႄႈ​ဝႃႈ၊ တူၺ်း​လူး၊ ၵဝ်​မႃး​ၸူး​ၵႃႈ​တီႈ​ၶုၼ်​လူင်​ယဝ်ႉ။ ၵူၺ်း​ၵႃႈ ၵဝ်​ပိူင်ႇ​လၢတ်ႈ​ၵႂၢမ်း​သေ​ၶေႃႈ​သေ​ၵမ်း​ႁိုဝ်။ ၵဝ်​တၵ်း​လၢတ်ႈ​ၵႂၢမ်း​ဢၼ်​ၽြႃး​ပဵၼ်​ၸဝ်ႈ​ဢဝ်​သႂ်ႇ​ဝႆႉ ၵႃႈ​တီႈ​သူပ်း​ၵဝ်​ၼၼ်ႉ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="39">ပႃႇလၢမ်ႇ ​ၼၼ်ႉ ၸွမ်း​လူၺ်ႈ​ၵၼ်​တင်း​ၶုၼ်​ ပႃႇလၵ်ႈ ​လႄႈ ၶဝ်​ၼၼ်ႉ​ႁွတ်ႈ​ထိုင်​ၵႃႈ​တီႈ ဝဵင်း​ ၵီႉရယတ်ႉႁူႉၸုတ်ႉ ​ဢေႃႈ။-</verse>
				<verse number="40">ၶုၼ်​ ပႃႇလၵ်ႈ ​ၵေႃႈ ဢဝ်​ဝူဝ်း​လႂ်​သူဝ်း​လႂ် ပုၵ်ႈ​ၸေႃႇ​လႄႈ ပၼ်​ၵႂႃႇ​ၵႃႈ​တီႈ​ ပႃႇလၢမ်ႇ ဢိၵ်ႇ​တင်း​မူး​မၢတ်ႈ​ၽွင်း​မိူင်း​ဢၼ်​မီး​ယူႇ​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ​ဢေႃႈ။</verse>
				<verse number="41">ဝၼ်း​မိူဝ်ႈ​ၽုၵ်ႈ ၶုၼ်​ ပႃႇလၵ်ႈ ​ႁွင်ႉ​ဢဝ်​ ပႃႇလၢမ်ႇ ​လႄႈ ဢဝ်​ၵႂႃႇ​သူင်ႇ​ႁွတ်ႈ​ထိုင်​ၵႃႈ​တီႈ​ၼိူဝ်​သၼ်​လွႆ ဢၼ်​ၸၢပ်ႈ​သႅင်ႇ​ၵၼ်​တင်း​ၽြႃး​ ပႃႇလႃႉ ​ၼၼ်ႉ ႁႂ်ႈ​မၼ်း​လႆႈ​ႁၼ်​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​မူတ်း​ၼၼ်ႉ​ဢေႃႈ။</verse>
			</chapter>
			<chapter number="23">
				<verse number="1">မိူဝ်ႈ​ၼၼ်ႉ​ ပႃႇလၢမ်ႇ ​လၢတ်ႈ​တီႈ​ၶုၼ်​ ပႃႇလၵ်ႈ ​လႄႈ​ဝႃႈ၊ တႄႇ​ႁဵတ်း​ယိတ်ႈပလၢင်ႇ​ၸဵတ်း​ဢၼ်​ၵႃႈ​တီႈ​ၼႆႈ​ပုၼ်ႈ​ၵဝ်​တႃႉ။ ပွင်​ႁႅၼ်း​ဝူဝ်း​ပေႃႈ​ၸဵတ်း​တူဝ် ဢိၵ်ႇ​တင်း​သူဝ်း​ပေႃႈ​ၸဵတ်း​တူဝ်​ပုၼ်ႈ​ၵဝ်​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="2">ၶုၼ်​ ပႃႇလၵ်ႈ ႁဵတ်း​ၸွမ်း​ၵႃႈ​ၼင်ႇ​ဢၼ် ပႃႇလၢမ်ႇ ​ဝႃႈ​ၼၼ်ႉ​သေ​ယဝ်ႉ၊ ၶုၼ်​ ပႃႇလၵ်ႈ ​ဢိၵ်ႇ​တင်း​ ပႃႇလၢမ်ႇ ​ၼၼ်ႉ ဢဝ်​ဝူဝ်း​ယေႈ​တူဝ် ဢိၵ်ႇ​တင်း​သူဝ်း​ယေႈ​တူဝ် ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ယေႈ​ဢၼ်​ဢေႃႈ။-</verse>
				<verse number="3">ပႃႇလၢမ်ႇ ​ၵေႃႈ​လၢတ်ႈ​တီႈ​ၶုၼ်​ ပႃႇလၵ်ႈ ​လႄႈ​ဝႃႈ၊ ၶုၼ်​လူင်​ၸုၵ်း​ယူႇ​ၵႃႈ​တီႈ​ႁိမ်း​ယိတ်ႈ​ဢၼ်​တုတ်ႇ​ၽႆး​ၼႆႉ​တႃႉ၊ ၵဝ်​တၵ်း​ၵႂႃႇ​ဢေႃႈ။ ထႃႇဝရႃႉ​ၽြႃး လီ​မႃး​ႁပ်ႉ​ႁူဝ်​တၢင်း​ၵဝ်​တၵ်း​မႃး​ဢေႃႈ။ ၵဝ်​တၵ်း​ၶိုၼ်း​မွၵ်ႇ​လၢတ်ႈ​ၵႃႈ​ဢၼ်​မၼ်း​ၸဝ်ႈ ၼႄ​ပျႃး​တီႈ​ၵဝ်​ၼၼ်ႉ​တီႈ​ၶုၼ်​လူင်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ဢုၼ်ႈ​လုၵ်ႈ​ၼိုင်ႈ​ဢေႃႈ။-</verse>
				<verse number="4">ၽြႃး​ပဵၼ်​ၸဝ်ႈ​ႁပ်ႉ​ႁူဝ်​တၢင်း​ ပႃႇလၢမ်ႇ ​သေ​ယဝ်ႉ၊ ပႃႇလၢမ်ႇ ​လဝ်ႊ​လၢတ်ႈ​တီႈ​မၼ်း​ၸဝ်ႈ​လႄႈ​ဝႃႈ၊ ၶႃႈ​ၸဝ်ႈ​မႄး​ႁႅၼ်း​ယိတ်ႈပလၢင်ႇ ၸဵတ်း​ဢၼ်​သေ​လႄႈ ဢဝ်​ဝူဝ်း​ပေႃႈ​ယေႈ​တူဝ် ဢိၵ်ႇ​တင်း​သူဝ်း​ပေႃႈ​ယေႈ​တူဝ်​ပုၵ်ႈ​ၸေႃႇ ၵႃႈ​ၼိူဝ်​ယိတ်ႈပလၢင်ႇ ယေႈ​ဢၼ်​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ထႃႇဝရႃႉ​ၽြႃး ဢဝ်​ၵႂၢမ်း​သႂ်ႇ​ဝႆႉ​ၵႃႈ​တီႈ​သူပ်း​ ပႃႇလၢမ်ႇ ​သေ​လႄႈ မီး​ဢမိင်ႉ​လႄႈ​ဝႃႈ၊ မႂ်း​ၶိုၼ်း​မိူဝ်း​ၸူး​ၵႃႈ​တီႈ​ၶုၼ်​ ပႃႇလၵ်ႈ ​လႄႈ​လၢတ်ႈ​ၸိူဝ်ႉ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="6">မိူဝ်ႈ​ဢၼ်​မၼ်း​ၶိုၼ်း​မႃး​ၼၼ်ႉ​ၸိုင် ၶုၼ်​လူင်​ဢိၵ်ႇ​တင်း မူး​မၢတ်ႈ​ၽွင်း​မိူင်း​ မေႃႇၽႃႉ ​တင်း​သဵင်ႈ​တင်း​လူင် ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ႁိမ်း​ယိတ်ႈ​ဢၼ်​တုတ်ႇ​ၽႆး​ၶုၼ်​လူင်​ၼၼ်ႉ​ဢေႃႈ။</verse>
				<verse number="7">မိူဝ်ႈ​ၼၼ်ႉ မၼ်း​ဢဝ်​တင်း​ၵႂၢမ်း​ပရေႃးၽႅတ်ႈ​သေ​လႄႈ ဢွၵ်ႇ​သူပ်း​ဝႃႈ​ၸမ်ႉ၊ ၶုၼ်​ ပႃႇလၵ်ႈ ​ႁွင်ႉ​ဢဝ်​ၵဝ်​သေ​ၵႃႈ​ၼႂ်း​မိူင်း​ ဢႃႇရမ်ႇ ​လႄႈ ၶုၼ်​ႁေႃ​ၶမ်း​ မေႃႇၽႃႉ ႁွင်ႉ​ဢဝ်​ၵဝ်​သေ ၵႃႈ​တီႈ​လွႆ​ၽၢႆႇ​ဝၼ်း​ဢွၵ်ႇ​တင်း​လၢႆ​ၼၼ်ႉ​လႄႈ​ဝႃႈ၊ မႃး​လႄႈ​ၵိၼ်ႇ​လႃႇ​ၵိၼ်ႇ​ဝႃႈ မဵဝ်း​ ယႃႇၵုပ်ႈ ပုၼ်ႈ​ၵဝ်​သေ​ၵမ်း။ မႃး​လႄႈ​ဢဝ်​မဵဝ်း​ ဢီႉသရေႇလႃႉ ​ဢၢပ်ႈ​ပၼ်​တီႈ​တၢင်း​လူႉ​တၢင်း​လႅဝ်​သေ​ၵမ်း၊ ဝႃႈ​ၼင်ႇ​ၼႆ​မႃး​ယဝ်ႉ။-</verse>
				<verse number="8">ၵဝ်​တၵ်း​ၵိၼ်ႇ​လႃႇ​ၵိၼ်ႇ​ဝႃႈ ၵေႃႉ​ဢၼ်​ၽြႃး​ပဵၼ်​ၸဝ်ႈ ဢမ်ႇ​ၵိၼ်ႇ​လႃႇ​ၵိၼ်ႇ​ဝႃႈ​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်။ ၵဝ်​တၵ်း​ဢဝ် ၵေႃႉ​ဢၼ်​ၽြႃး​ပဵၼ်​ၸဝ်ႈ ဢမ်ႇ​ဢဝ်​ဢၢပ်ႈ​ပၼ်​တီႈ​တၢင်း​လူႉ​တၢင်း​လႅဝ်​ၼၼ်ႉ ဢၢပ်ႈ​ပၼ်​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="9">ၵဝ်​ယူႇ​ၵႃႈ​တီႈ​ၼိူဝ်​မၢၵ်ႇ​ႁိၼ်​သေ​လႄႈ ႁၼ်​မၼ်း​ဢေႃႈ။ ၵဝ်​ယူႇ​ၵႃႈ​တီႈ​ၼိူဝ်​လွႆ​သေ​လႄႈ လူ​တူၺ်း​မၼ်း​ဢေႃႈ။ ၵူၼ်း​မဵဝ်း​ၼၼ်ႉ ယူႇ​မဵဝ်း​လဵဝ်​ၵူၺ်း​ၶဝ်​ဢေႃႈ။ ၶဝ်​ဢမ်ႇ​လႆႈ​လေႃး​လႄး​လူၺ်ႈ​ၵၼ်​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း။-</verse>
				<verse number="10">ၽူႈ​လႂ်​ၼပ်ႉ​ဢၢၼ်ႇ မုၼ်ႈ​လိၼ်​မဵဝ်း​ ယႃႇၵုပ်ႈ ​လႆႈ။ ၽူႈ​လႂ်​ၶပ်ႉ​လူ​ၶပ်ႉ​တူၺ်း​မဵဝ်း​ ဢီႉသရေႇလႃႉ ​သီႇ​ပုၼ်ႈ​ပုၼ်ႈ​ၼိုင်ႈ​လႆႈ။ ႁႂ်ႈ​ၵဝ်​တၢႆ​မိူၼ်​ၸိူဝ်ႉ​ၼင်ႇ​ဢၼ် ၵူၼ်း​သိုဝ်ႈ​တေႃႇ​တၢႆ​ၼၼ်ႉ​သေ​ၵမ်း​လူၺ်ႈ။ ႁႂ်ႈ​တီႈ​သုတ်း​တီႈ​ၵွႆ​ၵဝ်​ပဵၼ်​မိူၼ်​ၸိူဝ်ႉ​ၼင်ႇ​တီႈ​သုတ်း​တီႈ​ၵွႆ​မၼ်း​ၼၼ်ႉ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၶုၼ်​ ပႃႇလၵ်ႈ ​ၵေႃႈ​လၢတ်ႈ​တီႈ​ ပႃႇလၢမ်ႇ ​လႄႈ​ဝႃႈ၊ ၸဝ်ႈ​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၵဝ်။ ၵဝ်​ႁွင်ႉ​ၸဝ်ႈ​မႃး​ႁႂ်ႈ​ၸဝ်ႈ​ၵိၼ်ႇ​လႃႇ​ၵိၼ်ႇ​ဝႃႈ ရၢၼ်ႇ​သူႇ​ၵဝ်​ယဝ်ႉ။ တူၺ်း​လူး၊ ၸဝ်ႈ​ပၼ်​တၢင်း​လီ​တီႈ​ၶဝ်​လုမ်း​လုမ်း​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">မၼ်း​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဢမ်ႇ​လႆႈ​ႁဵတ်း​သတီႉ ႁႂ်ႈ​လႆႈ​လၢတ်ႈ​ၵႂၢမ်း​ဢၼ်​ထႃႇဝရႃႉ​ၽြႃး ဢဝ်​သႂ်ႇ​ဝႆႉ​ၵႃႈ​တီႈ​သူပ်း​ၵဝ်​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ၶုၼ်​ ပႃႇလၵ်ႈ ​လၢတ်ႈ​တီႈ​မၼ်း​လႄႈ​ဝႃႈ၊ ၸွမ်း​လူၺ်ႈ​ၵၼ်​တင်း​ၵဝ်​ၵႂႃႇ​တၢင်ႇ​တီႈ၊ တီႈ​ဢၼ်​ၸဝ်ႈ​ႁၼ်​ၶဝ်​လႆႈ​ၼၼ်ႉ​သေ​ၵမ်း။ ၵူၺ်း​ၵႃႈ ၸဝ်ႈ​ယင်း​ဢမ်ႇ​လႆႈ​ႁၼ်​ၶဝ်​တင်း​သဵင်ႈ​တင်း​လူင်​လႄႈ၊ ၵွမ်ႉ​ပေႃး​တၵ်း​လႆႈ​တူၺ်း​ႁၼ် ပွတ်း​ၼိုင်ႈ​ၵူၺ်း​ၼၼ်ႉ​ဢေႃႈ။ ၵိၼ်ႇ​လႃႇ​ၵိၼ်ႇ​ဝႃႈ​ၶဝ်​ၵႃႈ​တီႈ​ၼၼ်ႈ​ပုၼ်ႈ​ၵဝ်​သေ​ၵမ်း၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="14">ဢဝ်​ၵႂႃႇ​ၵႃႈ​တီႈ​ပၢင်ႇ​ပဵင်း​ ၸေႃးၽိမ်ႇ ၵႃႈ​ၼိူဝ်​လွႆ​ ပီႉသၵႃႇ ​လႄႈ တႄႇ​ႁဵတ်း​ယိတ်ႈပလၢင်ႇ​ၸဵတ်း​ဢၼ်​သေ​ယဝ်ႉ၊ ဢဝ်​ဝူဝ်း​ယေႈ​တူဝ် ဢိၵ်ႇ​တင်း​သူဝ်း​ပေႃႈ​ယေႈ​တူဝ်​ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ယေႈ​ဢၼ်​ဢေႃႈ။-</verse>
				<verse number="15">မၼ်း​လၢတ်ႈ​တီႈ​ၶုၼ်​ ပႃႇလၵ်ႈ ​လႄႈ​ဝႃႈ၊ ၸုၵ်း​ယူႇ​ၵႃႈ​တီႈ​ၼႆႈ​ႁိမ်း​ယိတ်ႈ​ဢၼ်​တုတ်ႇ​ၽႆး​ၶုၼ်​လူင်​ၼႆႉ​တႃႉ။ ၵဝ်​တၵ်း​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​ထႃႇဝရႃႉ​ၽြႃး ၵႃႈ​တီႈ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ထႃႇဝရႃႉ​ၽြႃး​ႁပ်ႉ​ႁူဝ်​တၢင်း​ ပႃႇလၢမ်ႇ ​လႄႈ ဢဝ်​ၵႂၢမ်း​သႂ်ႇ​ၵႃႈ​တီႈ​သူပ်း​မၼ်း​သေ​လႄႈ မီး​ဢမိင်ႉ​လႄႈ​ဝႃႈ၊ ၶိုၼ်း​မိူဝ်း​ၸူး​ၵႃႈ​တီႈ​ၶုၼ်​ ပႃႇလၵ်ႈ ​လႄႈ လၢတ်ႈ​ၸိူဝ်ႉ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="17">မိူဝ်ႈ​ဢၼ်​မၼ်း​ၶိုၼ်း​မႃး​ၼၼ်ႉ​ၸိုင်၊ ၶုၼ်​လူင် ဢိၵ်ႇ​လူၺ်ႈ​ၵၼ်​တင်း​မူး​မၢတ်ႈ​ၽွင်း​မိူင်း​ မေႃႇၽႃႉ ​တင်း​လၢႆ​ၼၼ်ႉ ၸုၵ်း​ယူႇ​ၵႃႈ​တီႈ​ႁိမ်း​ယိတ်ႈ​ဢၼ်​တုတ်ႇ​ၽႆး​ၶုၼ်​လူင်​ၼၼ်ႉ​ဢေႃႈ။ ၶုၼ်​ ပႃႇလၵ်ႈ ​ထၢမ်​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">မိူဝ်ႈ​ၼၼ်ႉ မၼ်း​ဢဝ်​တင်း​ၵႂၢမ်း​ပရေႃးၽႅတ်ႈ​သေ​လႄႈ ဢွၵ်ႇ​သူပ်း​ဝႃႈ​ၸမ်ႉ၊ ၶုၼ်​ ပႃႇလၵ်ႈ ​ဢိူၺ်း၊ လုၵ်ႉ​လႄႈ​ငိၼ်း​သေ​ၵမ်း။ လုၵ်ႈ​ၸၢႆး​ ၸီႉၽေႃႇ ​ဢိူၺ်း၊ ထွမ်ႇ​ၵႂၢမ်း​ၵဝ်​သေ​ၵမ်း။-</verse>
				<verse number="19">ၽြႃး​ပဵၼ်​ၸဝ်ႈ​ၼၼ်ႉ ပဵၼ်​ၵူၼ်း​ႁႂ်ႈ​လႆႈ​လၢတ်ႈ​ၵႂၢမ်း​မူႉ​သႃႇ​ဢမ်ႇ​ၸႂ်ႈ၊ မၼ်း​ၸဝ်ႈ​ပဵၼ်​လုၵ်ႈ​ၵူၼ်း ႁႂ်ႈ​လႆႈ​ၶုၵ်း​ၸႂ်​လႆႈ​မႆႈ​ၸႂ်​ၵွပ်ႈ​ဢမ်ႇ​ၸႂ်ႈ။ မၼ်း​ၸဝ်ႈ​မီး​ဢမိင်ႉ​သေ​ယဝ်ႉ၊ ယင်း​ဢမ်ႇ​ႁဵတ်း​ၸွမ်း​ၼင်ႇ​ၵႂၢမ်း​ၼၼ်ႉ​လႄႈ တၵ်း​ယူႇ​ႁိုဝ်။ မၼ်း​ၸဝ်ႈ​ဝႆႉ​ၵတီႉ​သေ​ယဝ်ႉ၊ ယင်း​ဢမ်ႇ​ႁႂ်ႈ​ၵတီႉ​ၼၼ်ႉ​တႄႇ​လႄႈ တၵ်း​ယူႇ​ႁိုဝ်။-</verse>
				<verse number="20">တူၺ်း​လူး၊ ၵဝ်​လႆႈ​ၶၢမ်ႇ​ဢမိင်ႉ​ၸဝ်ႈ​ႁႂ်ႈ​လႆႈ​ပၼ်​တၢင်း​လီ​ယဝ်ႉ။ မၼ်း​ၸဝ်ႈ​ပၼ်​တၢင်း​လီ​ယဝ်ႉ။ ၵဝ်​ဢမ်ႇ​ယႃႉ​တၢင်း​လီ​ၼၼ်ႉ​ပႅတ်ႈ​လႆႈ။-</verse>
				<verse number="21">မၼ်း​ၸဝ်ႈ​လူ​တူၺ်း​လွင်ႈ​တၢင်း​ဢၼ်​ဢမ်ႇ​တြႃး​ၵႃႈ​ၼႂ်း​မဵဝ်း​ ယႃႇၵုပ်ႈ ​ၼၼ်ႉ​ဢမ်ႇ​ၸႂ်ႈ။ မၼ်း​ၸဝ်ႈ​ႁၼ်​လွင်ႈ​တၢင်း​ဢၼ် ၸၢင်ႈ​ႁဵတ်း​ၶတ်း​ၶႅင်​ႁႅင်း​တႃႉ ၵႃႈ​ၼႂ်း​မဵဝ်း​ ဢီႉသရေႇလႃႉ ​ၼၼ်ႉ​ဢမ်ႇ​ၸႂ်ႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​ၼၼ်ႉ မီး​ယူႇ​လူၺ်ႈ​ၵၼ်​တင်း​မၼ်း​ဢေႃႈ။ သဵင်​တၢင်း​ဢၼ်​ၶုၼ်​ႁေႃ​ၶမ်း​ႁွင်ႉ​ပၢဝ်ႇ​ႁွင်ႉ​သေႃႇ​ၼၼ်ႉ လႆႈ​မီး​ယူႇ​ၵႃႈ​ၼႂ်း​ၶဝ်​ဢေႃႈ။-</verse>
				<verse number="22">ၽြႃး​ပဵၼ်​ၸဝ်ႈ​ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ဢေႃႈ။ မၼ်း​ၼၼ်ႉ ႁႅင်း​ယႂ်ႇ​ၼႃႇ​မိူၼ်​ၸိူဝ်ႉ​ၼင်ႇ ၸူင်​ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="23">ပိူဝ်ႈ​ၼႆ​လႄႈ ဢမ်ႇ​ဢဝ်​တင်း​ဢတၢတ်ႈ​ပိင်ႇ​ၺႃႇ ဢၼ်​လၢၵ်ႇ​လၢႆး​ၼၼ်ႉ​သေ​လႄႈ ပႄႉ​ၼႅင်ႇ​မဵဝ်း​ ယႃႇၵုပ်ႈ ​လႆႈ။ ဢမ်ႇ​ဢဝ်​တင်း​ဢတၢတ်ႈ​တၢင်း​ဢၼ်​ၸေႃႉ ဢၼ်​ႁဵတ်း​ၼၼ်ႉ​သေ​လႄႈ ပႄႉ​ၼႅင်ႇ​မဵဝ်း​ ဢီႉသရေႇလႃႉ ​လႆႈ။ တၵ်း​ဢွၼ်​ၵၼ်​ထွၵ်ႈ​လူၺ်ႈ​ၶိင်ႇ​ၵႃႇလႃႉ​မိူဝ်ႈ​လဵဝ်​ၼႆႉ​သေ​လႄႈ မီး​ထုင်း​မီး​ၽိင်ႈ​ဢၼ်​ဢဝ်​လွင်ႈ​မဵဝ်း​ ယႃႇၵုပ်ႈ မဵဝ်း​ ဢီႉသရေႇလႃႉ ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ႁဵတ်း​ၸိူဝ်ႉ​ၼင်ႇ​ႁိုဝ်​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၵူၼ်း​မဵဝ်း​ၼႆႉ​တၵ်း​လုၵ်ႉ​မိူၼ်​ၸိူဝ်ႉ​ၼင်ႇ​သၢင်ႇ​သီႈ​တူဝ်​မႄႈ​ဢေႃႈ။ တၵ်း​ယုၵ်ႉ​တူဝ်​ၵွင်ႇ​တူဝ်​မိူၼ်​ၸိူဝ်ႉ​ၼင်ႇ သၢင်ႇ​သီႈ​တူဝ်​ၼုမ်ႇ​ဢေႃႈ။ ၸူဝ်ႈ​ဢၼ်​ဢမ်ႇ​ပႆႇ​ၵိၼ်​တူဝ်​ဢၼ်​တီႉ​လႆႈ​လႄႈ ၸုပ်ႇ​ၵိၼ်​လိူတ်ႈ​တရိၵ်ႈသၢၼ်ႇ​ဢၼ်​ထုၵ်ႇ​ဢဝ်​တၢႆ​ၼၼ်ႉ​ၸိုင်၊ မၼ်း​ဢမ်ႇ​ၶိုၼ်း​မူပ်ႇ​ၶိုၼ်း​ၼွၼ်း​လႃး​လႃး၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">ၶုၼ်​ ပႃႇလၵ်ႈ ​ၵေႃႈ​လၢတ်ႈ​တီႈ​ ပႃႇလၢမ်ႇ ​လႄႈ​ဝႃႈ၊ ယႃႇ​ပေ​ၵိၼ်ႇ​လႃႇ​ၵိၼ်ႇ​ဝႃႈ​ၶဝ်​လႃး​လႃး​သေ​ၵမ်း။ တၢင်း​လီ​ၵေႃႈ​ယႃႇ​ပေ​ပၼ်​လႃး​လႃး​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="26">ပႃႇလၢမ်ႇ ​ၶိုၼ်း​လၢတ်ႈ​တီႈ​ၶုၼ်​ ပႃႇလၵ်ႈ ​လႄႈ​ဝႃႈ၊ ၵဝ်​လႆႈ​လၢတ်ႈ​တီႈ​ၶုၼ်​လူင်​ဝႆႉ​လႄႈ​ဝႃႈ၊ ၵဝ်​တၵ်း​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​မႃး​ယဝ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">ၶုၼ်​ ပႃႇလၵ်ႈ ​သမ်ႉ​ၶိုၼ်း​လၢတ်ႈ​တီႈ​ ပႃႇလၢမ်ႇ ​လႄႈ​ဝႃႈ၊ မႃး​သေ​ၵမ်း​တႃႉ။ ၵဝ်​တၵ်း​ဢဝ်​ၸဝ်ႈ​ၵႂႃႇ​ၵႃႈ​တီႈ​တၢင်ႇ​တီႈ​တၢင်ႇ​လႅၼ်​ဢေႃႈ။ ၽြႃး​ပဵၼ်​ၸဝ်ႈ​လီ​မီး​ဢလူဝ်ႇ​မၼ်း​ၸဝ်ႈ တၵ်း​မီး​ဢလူဝ်ႇ​ႁႂ်ႈ​လႆႈ​ၵိၼ်ႇ​လႃႇ​ၵိၼ်ႇ​ဝႃႈ​ၶဝ်​ပုၼ်ႈ​ၵဝ် ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="28">ၶုၼ်​ ပႃႇလၵ်ႈ ​ၼၼ်ႉ​ဢဝ်​ ပႃႇလၢမ်ႇ ​ၵႂႃႇ​ၵႃႈ​တီႈ​ပၢႆ​ၸိၵ်း​လွႆ​ ပေႇၵူႉရႃႉ ဢၼ်​ဝၢႆႇ​ၼႃႈ​တေႃႇ​ထိူၼ်ႇ​ ယေႇသီႉမုၼ်ႇ ​ၼၼ်ႉ​ဢေႃႈ။-</verse>
				<verse number="29">ပႃႇလၢမ်ႇ ​ၵေႃႈ​လၢတ်ႈ​တီႈ​ၶုၼ်​ ပႃႇလၵ်ႈ ​လႄႈ​ဝႃႈ၊ တႄႇ​ႁဵတ်း​ယိတ်ႈပလၢင်ႇ​ၸဵတ်း​ဢၼ်​ၵႃႈ​တီႈ​ၼႆႈ​ပုၼ်ႈ​ၵဝ်​တႃႉ။ ပွင်​ႁႅၼ်း​ဝူဝ်း​ပေႃႈ​ၸဵတ်း​တူဝ် ဢိၵ်ႇ​တင်း​သူဝ်း​ပေႃႈ​ၸဵတ်း​တူဝ်​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="30">ၶုၼ်​ ပႃႇလၵ်ႈ ​ႁဵတ်း​ၸွမ်း​ၵႃႈ​ၼင်ႇ​ဢၼ်​ ပႃႇလၢမ်ႇ ​ဝႃႈ​ၼၼ်ႉ​သေ​လႄႈ ဢဝ်​ဝူဝ်း​ယေႈ​တူဝ် ဢိၵ်ႇ​တင်း​သူဝ်း​ယေႈ​တူဝ်​ပုၵ်ႈ​ၸေႃႇ ၵႃႈ​ၼိူဝ်​ယိတ်ႈပလၢင်ႇ​ယေႈ​ဢၼ်​ဢေႃႈ။</verse>
			</chapter>
			<chapter number="24">
				<verse number="1">ပႃႇလၢမ်ႇ ​ႁူႉ​ႁၼ်​လွင်ႈ​ဢၼ်​ထႃႇဝရႃႉ​ၽြႃး မီး​ဢလူဝ်ႇ​ၶႂ်ႈ​ပၼ်​တၢင်း​လီ တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​သေ​ယဝ်ႉ၊ ယင်း​ဢမ်ႇ​ၵႂႃႇ​ႁႂ်ႈ​လႆႈ​ႁႃ​ဢဝ်​ဢတၢတ်ႈ​ပိင်ႇ​ၺႃႇ​ဢၼ်​လၢၵ်ႇ​လၢႆး​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​ၵႂႃႇ​မိူဝ်ႈ​ဢွၼ်​တၢင်း​ၼၼ်ႉ​လႄႈ ဝၢႆႇ​ၼႃႈ​ၸူး​ၵႃႈ​တီႈ​ထိူၼ်ႇ​ဢေႃႈ။-</verse>
				<verse number="2">ပႃႇလၢမ်ႇ ​ၼၼ်ႉ​မုင်ႈ​တူၺ်း​လႄႈ ႁၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸွမ်း​လူၺ်ႈ​မဵဝ်း​ၸိူဝ်ႉ​ၶိူဝ်း​ႁင်း​ၽႂ်​ႁင်း​မၼ်း ၶျႃး​တပ်ႉ​လႄႈ​ယူႇ​ၼၼ်ႉ​သေ​ယဝ်ႉ၊ ဝီႉၺိၺ်ႇ​ၽြႃး​ပဵၼ်​ၸဝ်ႈ​လူင်း​ႁွတ်ႈ​ထိုင်​ၵႃႈ​ၼိူဝ်​မၼ်း​လႄႈ၊-</verse>
				<verse number="3">မၼ်း​ဢဝ်​တင်း​ၵႂၢမ်း​ပရေႃးၽႅတ်ႈ​သေ​လႄႈ ဢွၵ်ႇ​သူပ်း​ဝႃႈ၊ ၵႂၢမ်း​ ပႃႇလၢမ်ႇ ​လုၵ်ႈ​ၸၢႆး​ ပေႃးရႃႉ ၊ ၵႂၢမ်း​ၵေႃႉ​ဢၼ်​လပ်း​တႃ​ယူႇ​ၼၼ်ႉ၊-</verse>
				<verse number="4">ၵႂၢမ်း​ၵေႃႉ​ဢၼ်​ငိၼ်း​ဢမိင်ႉ​ၽြႃး​ပဵၼ်​ၸဝ်ႈ၊ ၵေႃႉ​ဢၼ်​ၶုပ်ႉ​မူပ်ႇ​ယူႇ မၢၵ်ႇ​တႃ​ပိုတ်ႇ​ၵီႈ​ယူႇ​သေ​လႄႈ​ႁၼ်​ရူႇပႃႇရူင်ႇ ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ​ၸမ်ႉ၊-</verse>
				<verse number="5">မဵဝ်း​ ယႃႇၵုပ်ႈ ​ဢိူၺ်း၊ မူဝ်းၵႃႇ​မႂ်း​တင်း​လၢႆ၊ မဵဝ်း​ ဢီႉသရေႇလႃႉ ​ဢိူၺ်း၊ သုမ်ႉ​ထဵင်​မႂ်း​တင်း​လၢႆ ႁၢင်ႈ​လီ​ႁၢင်ႈ​ငၢမ်း​ၼႃႇ​လူင်​ပႄႇ။-</verse>
				<verse number="6">ၽႄႈ​ၵႂၢင်ႈ​ၸိူဝ်ႉ​ၼင်ႇ​ပၢင်ႇ​ႁူၺ်ႈ​ပၢင်ႇ​ႁွင်ႈ၊ ၸိူဝ်ႉ​ၼင်ႇ​သူၼ်​ဢူးယဵၼ်ႇ​ဢၼ်​မီး​ၵႃႈ​ႁိမ်း​ၼမ်ႉ​ႁွင်ႈ​ၼမ်ႉ​ၵႄး၊ ၸိူဝ်ႉ​ၼင်ႇ​တူၼ်ႈ​ ဢၵျေုႇ ဢၼ်​ထႃႇဝရႃႉ​ၽြႃး​ၽုၵ်ႇ​ဝႆႉ​သွမ်း​ဝႆႉ၊ ၸိူဝ်ႉ​ၼင်ႇ​တူၼ်ႈ​ ဢႃႇရိတ်ႉ ​ဢၼ်​ဢွၵ်ႇ​ၵႃႈ​တီႈ​ႁိမ်း​ၼမ်ႉ​ႁိမ်း​ၼွင်​တင်း​လၢႆ​ၼၼ်ႉ​လူင်​ပႄႇ။-</verse>
				<verse number="7">ၼမ်ႉ​တၵ်း​ဢွၵ်ႇ​ၵႃႈ​တီႈ​ပုင်း​ၼမ်ႉ​ဢႅင်ႇ​ၼမ်ႉ​မၼ်း​ၸိူဝ်း​ၼၼ်ႉ​လႄႈ​လႆ​ဢေႃႈ။ ၸိူဝ်ႉ​ၽၼ်း​မၼ်း​တၵ်း​တူၵ်း ၵႃႈ​တီႈ​ဢၼ် ၼမ်ႉ​လိူင်ႇ​ၼမ်ႉ​ၼမ်​ၼၼ်ႉ​ဢေႃႈ။ ၶုၼ်​ႁေႃ​ၶမ်း​မၼ်း တၵ်း​မုၼ်​ယႂ်ႇ​မုၼ်​သုင်​ၼႃႇ​သေ​ၶုၼ်​ ဢႃႇၵတ်ႉ ​လႄႈ သိုင်ႇ​ၸိုင်ႈ​ဝၢၼ်ႈ​မိူင်း​မၼ်း တၵ်း​လႆႈ​ၶၢမ်ႇ​တၢင်း​ဢၼ် ယုၵ်ႉ​ယွင်ႈ​ဢေႃႈ။-</verse>
				<verse number="8">ၽြႃး​ပဵၼ်​ၸဝ်ႈ​ၼုၵ်ႈ​ဢဝ်​မၼ်း ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​လႄႈ မၼ်း​ႁႅင်း​ယႂ်ႇ​ၼႃႇ​မိူၼ်​ၸိူဝ်ႉ​ၼင်ႇ​ဢၼ် ၸူင်​ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။ မၼ်း​တၵ်း​ၶူပ်း​တၵ်း​ၵဵဝ်ႉ​မဵဝ်း​ၵူၼ်း​ဢၼ်​ပဵၼ်​ရၢၼ်ႇ​သူႇ​မၼ်း​တင်း​လၢႆ​လႄႈ ႁၵ်း​လုပ်ႇ​ၶဝ်​ပႅတ်ႈ​ဢေႃႈ။ မၼ်း​တၵ်း​ဢဝ်​တင်း​ပိုၼ်​ၵၢင်ႇ​မၼ်း​ယိုဝ်း ႁႂ်ႈ​ထၼ်ႈ​ပေႃႈ​လူင်ႉ​ပေႃး​ပွင်ႇ​ဢေႃႈ။-</verse>
				<verse number="9">မၼ်း​မူပ်ႇ​လႄႈ​ယူႇ​ဢေႃႈ။ မၼ်း​မူပ်ႇ​လိူၼ်ႈ​ဢႅဝ်​မၼ်း မိူၼ်​ၸိူဝ်ႉ​ၼင်ႇ​သၢင်ႇ​သီႈ ဢိၵ်ႇ​တင်း​ၸိူဝ်ႉ​ၼင်ႇ​သၢင်ႇ​သီႈ​တူဝ်​မႄႈ​ၼၼ်ႉ​လႄႈ​ယူႇ​ဢေႃႈ။ ၽူႈ​လႂ်​တၵ်း​ႁတ်း​တိုၵ်း​ယူင်း​မၼ်း။ ၵေႃႉ​ဢၼ်​ပၼ်​တၢင်း​လီ​တီႈ​မႂ်း​ၼၼ်ႉ မီး​မင်ႇၵလႃႇ​ဢေႃႈ။ ၵေႃႉ​ဢၼ်​ၵိၼ်ႇ​လႃႇ​ၵိၼ်ႇ​ဝႃႈ​မႂ်း​ၼၼ်ႉ ၶၢမ်ႇ​တၢင်း​ဢၼ်​ၵိၼ်ႇ​လႃႇ​ၵိၼ်ႇ​ဝႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">မိူဝ်ႈ​ၼၼ်ႉ​ၶုၼ်​ ပႃႇလၵ်ႈ ​ၼၼ်ႉ ၸႂ်​မႆႈ​ၶႆႈ​ၸႃႉ​တီႈ​ ပႃႇလၢမ်ႇ ​လႄႈ တူပ်း​မိုဝ်း​သေ​ယဝ်ႉ၊ ၶုၼ်​ ပႃႇလၵ်ႈ လၢတ်ႈ​တီႈ​ ပႃႇလၢမ်ႇ ​လႄႈ​ဝႃႈ၊ ၵဝ်​ႁွင်ႉ​ၸဝ်ႈ​မႃး ႁႂ်ႈ​လႆႈ​ၵိၼ်ႇ​လႃႇ​ၵိၼ်ႇ​ဝႃႈ​ရၢၼ်ႇ​သူႇ​ၵဝ်​ဢေႃႈ။ တူၺ်း​လူး၊ ၸဝ်ႈ​ပၼ်​တၢင်း​လီ​ၵူၺ်း​ၵူၺ်း​တေႃႇ​ထိုင်​ႁွတ်ႈ​သၢမ်​ပွၵ်ႈ​ယဝ်ႉ​လူင်​ပႄႇ။-</verse>
				<verse number="11">ပိူဝ်ႈ​ၼႆ​လႄႈ ၼႅတ်ႈ​ပၢႆႈ​မိူဝ်း​ၵႂႃႇ​ၵႃႈ​တီႈ​မိူင်း တီႈ​ဢၼ်​ၸဝ်ႈ​ယူႇ​ၼၼ်ႉ​သေ​တႃႉ။ မိူဝ်ႈ​ဢွၼ်​တၢင်း​ၼၼ်ႉ ၵဝ်​မီး​တၢင်း​ၵျၢမ်ႇ​တၢင်း​ပွင် တၵ်း​ယုၵ်ႉ​ယွင်ႈ​ဝႆႉ ၵႃႈ​ၼႂ်း​မုၼ်​ၽုင်း​ဢၼ်​ယႂ်ႇ​ၼႃႇ​ဢေႃႈ။ ၵူၺ်း​ၵႃႈ ထႃႇဝရႃႉ​ၽြႃး​ႁၢမ်ႈ​တၢပ်ႈ​ႁႄႉ​ၶႅၼ် ႁႂ်ႈ​မုၼ်​ၽုင်း​ၸဝ်ႈ​ဢမ်ႇ​လႆႈ​ယႂ်ႇ​ၵႂၢင်ႈ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ပႃႇလၢမ်ႇ ​ၵေႃႈ​ၶိုၼ်း​လၢတ်ႈ​တီႈ​ၶုၼ်​ ပႃႇလၵ်ႈ ​လႄႈ​ဝႃႈ၊ ၵဝ်​လႆႈ​လၢတ်ႈ​တီႈ​သၢၼ်ႇတမၢၼ်ႇ ဢၼ်​ၶုၼ်​လူင်​ပွႆႇ​ၸႂ်ႉ​ၵႂႃႇ​ၸိူဝ်း​ၼၼ်ႉ​လႄႈ​ဝႃႈ၊-</verse>
				<verse number="13">ပိၵ်ႉ​သမ်ႉ​ၶုၼ်​ ပႃႇလၵ်ႈ ​ဢဝ်​ႁေႃ​မၼ်း​ၸဝ်ႈ ဢၼ်​တဵမ်​ဝႆႉ​တင်း​ငိုၼ်း​ၶမ်း​ၼၼ်ႉ​ပၼ်​တီႈ​ၵဝ်​သေ​ၵေႃႈ ၵဝ်​ဢမ်ႇ​ပူၼ်ႉ​ဢမ်ႇ​လိူဝ်​ၵႂၢမ်း​ထႃႇဝရႃႉ​ၽြႃး၊ ႁႂ်ႈ​လႆႈ​ၸွမ်း​လူၺ်ႈ​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ ႁဵတ်း​လွင်ႈ​တၢင်း​ဢၼ်​လီ ဢၼ်​ဢမ်ႇ​လီ​သေ​ၸိူဝ်ႉ​သေ​ပိူင်​လႆႈ။ ၵဝ်​တၵ်း​လၢတ်ႈ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​မႃး​ယဝ်ႉ​ဢမ်ႇ​ၸႂ်ႈ​ႁိုဝ်။</verse>
				<verse number="14">မိူဝ်ႈ​လဵဝ်​ၼႆႉ​ၸမ်ႉ၊ ၵဝ်​တၵ်း​ၶိုၼ်း​မိူဝ်း​ၸူး​ၵႃႈ​တီႈ​ၵူၼ်း​မဵဝ်း​ၸိူဝ်ႉ​ၶိူဝ်း​ၵဝ်​ဢေႃႈ။ ယေႃ၊ ၵမ်း​ၼႆႉ ၵဝ်​တၵ်း​လၢတ်ႈ​လွင်ႈ​ဢၼ်​ၵူၼ်း​မဵဝ်း​ၼႆႉ တၵ်း​ႁဵတ်း​ၸိူဝ်ႉ​ၼင်ႇ​ႁိုဝ် တီႈ​ၵူၼ်း​မဵဝ်း​ၶုၼ်​လူင် ၵႃႈ​ၼႂ်း​ၶိင်ႇ​ၵႃႇလႃႉ​ၵမ်း​လိုၼ်း​ၼၼ်ႉ တီႈ​ၶုၼ်​လူင်​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="15">မၼ်း​ဢဝ်​တင်း​ၵႂၢမ်း​ပရေႃးၽႅတ်ႈ​သေ​လႄႈ ဢွၵ်ႇ​သူပ်း​ဝႃႈ​ၸမ်ႉ၊ ၵႂၢမ်း​ ပႃႇလၢမ်ႇ ​လုၵ်ႈ​ၸၢႆး​ ပေႃးရႃႉ ၊ ၵႂၢမ်း​ၵေႃႉ​ဢၼ်​လပ်း​တႃ​ယူႇ​ၼၼ်ႉ၊-</verse>
				<verse number="16">ၵႂၢမ်း​ၵေႃႉ​ဢၼ်​ငိၼ်း​ဢမိင်ႉ​ၽြႃး​ပဵၼ်​ၸဝ်ႈ​လႄႈ လႆႈ​ၺၢၼ်ႇ​ဢၼ်​ၽြႃး​ဢၼ်​သုင်​ၼႃႇ​သေ​ပိူၼ်ႈ​ပၼ်​ၼၼ်ႉ ၵေႃႉ​ဢၼ်​ၶုပ်ႉ​မူပ်ႇ​ယူႇ၊ မၢၵ်ႇ​တႃ​ပိုတ်ႇ​ၵီႈ​ယူႇ​သေ​လႄႈ ႁၼ်​ရူႇပႃႇရူင်ႇ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ​ၸမ်ႉ၊-</verse>
				<verse number="17">ၵဝ်​ႁၼ်​မၼ်း​ဢေႃႈ။ ၵူၺ်း​ၵႃႈ ဢမ်ႇ​ပႆႇ​ၸႂ်ႈ​တေႃႈ​လဵဝ်​ၼႆႉ။ ၵဝ်​တူၺ်း​မၼ်း​ဢေႃႈ။ ၵူၺ်း​ၵႃႈ ဢမ်ႇ​ပႆႇ​ၸမ်။ လၢဝ်​လုၵ်ႈ​ၼိုင်ႈ တၵ်း​ဢွၵ်ႇ​ၵႃႈ​ၼႂ်း​မဵဝ်း​ ယႃႇၵုပ်ႈ ​လႄႈ ၵၼ်း​ႁွၵ်ႇ​ရႃႇ​ၸႃႉ တၵ်း​ပေႃႇ​ပဵၼ်​မႃး ၵႃႈ​ၼႂ်း​မဵဝ်း​ ဢီႉသရေႇလႃႉ ​ဢေႃႈ။ တၵ်း​ပေႃႉ​ယႅၼ်ႉ မိူင်း​ မေႃႇၽႃႉ တေႃႇ​ထိုင်​ႁွတ်ႈ​တီႈ​ၸွၵ်ႉ​တီႈ​ၸဵင်ႇ​လႄႈ ယႃႉ​ၽဵဝ်ႈ​ၶဝ်​ၸိူဝ်း​ဢၼ်​ဢမ်ႇ​တႄႇ​ဢမ်ႇ​ၼိမ်​ၸၢင်ႈ​ႁဵတ်း​တၢင်း​ဢၼ် ၶတ်း​ၶႅင်​ႁႅင်း​တႃႉ​တင်း​လၢႆ​ၼၼ်ႉ​ပႅတ်ႈ​ဢေႃႈ။-</verse>
				<verse number="18">မိူင်း​ ဢေႇတုမ်ႇ တၵ်း​ပဵၼ်​တီႈ​ဢၼ်​မၼ်း​ပိူင်ႇ​ဢေႃႈ။ မိူင်း​ ၸီႉရႃႉ တၵ်း​ပဵၼ်​တီႈ​ဢၼ် ရၢၼ်ႇ​သူႇ​မၼ်း​တင်း​လၢႆ​ပိူင်ႇ​ဢေႃႈ။ မဵဝ်း​ ဢီႉသရေႇလႃႉ ​ၼၼ်ႉ တၵ်း​ႁဵတ်း​ႁတ်း​ႁဵတ်း​ႁၢၼ်​ၼႃႇ​လူင်​လၢင်​ဢေႃႈ။-</verse>
				<verse number="19">ၵေႃႉ​ဢၼ်​ဢုပ်ႉ​ပိူင်ႇ​ပႃး​ၼိုင်ႈ​တၵ်း​ပေႃႇ​ဢွၵ်ႇ​မႃး​ၵႃႈ​ၼႂ်း​မဵဝ်း​ ယႃႇၵုပ်ႈ ​လႄႈ ယႃႉ​ၽဵဝ်ႈ​ၵူၼ်း​ဢၼ်​ၵိုတ်း​ဢၼ်​ၵျၢၼ်ႇ ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​တင်း​လၢႆ​ၼၼ်ႉ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">မၼ်း​သမ်ႉ​တူၺ်း​မိူင်း​ ဢႃႇမလႅၵ်ႉ ​လႄႈ ဢဝ်​တင်း​ၵႂၢမ်း​ပရေႃးၽႅတ်ႈ​သေ​လႄႈ ဢွၵ်ႇ​သူပ်း​ဝႃႈ​ထႅင်ႈ​ၸမ်ႉ၊ မဵဝ်း​ ဢႃႇမလႅၵ်ႉ ၊ ယၢမ်ႈ​လႆႈ​ပဵၼ်​ၸိၵ်း​ပဵၼ်​ၸွမ် ၵႃႈ​ၼိူဝ်​မဵဝ်း​ၵူၼ်း​တင်း​လၢႆ​ဢေႃႈ။ ၵူၺ်း​ၵႃႈ တီႈ​သုတ်း​တီႈ​ၵွႆ​မၼ်း​တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ပႅတ်ႈ မူတ်း​မူတ်း​သဵင်ႈ​သဵင်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မၼ်း​သမ်ႉ​တူၺ်း​မဵဝ်း​ ၵေႇၼီႉ ​လႄႈ ဢဝ်​တင်း​ၵႂၢမ်း​ပရေႃးၽႅတ်ႈ​သေ​လႄႈ ဢွၵ်ႇ​သူပ်း​ဝႃႈ​ၸမ်ႉ၊ တီႈ​ယူႇ​မႂ်း​မၼ်ႈ​ၶိူင်ႇ​ၼႅၼ်ႈ​ၼႃ​ဢေႃႈ။ ႁင်း​မႂ်း​တႄႇ​ဝႆႉ မီး​ယူႇ​ၵႃႈ​ၼိူဝ်​မၢၵ်ႇ​ႁိၼ်​မၢၵ်ႇ​ၽႃ​ယဝ်ႉ။-</verse>
				<verse number="22">ၵူၺ်း​ၵႃႈ မဵဝ်း​ ၵေႇၼီႉ ​တၵ်း​လႆႈ​ၶၢမ်ႇ​တၢင်း​ဢၼ်​ယႃႉ​ပႅတ်ႈ​ၽဵဝ်ႈ​ပႅတ်ႈ​ယူႇ တေႃႇ​ထိုင်​ႁွတ်ႈ ၶုၼ်​ ဢႃႇသူႉရီႉ သိမ်း​ဢဝ်​မႂ်း​ၵႂႃႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​သမ်ႉ ဢဝ်​တင်း​ၵႂၢမ်း​ပရေႃးၽႅတ်ႈ​သေ​လႄႈ ဢွၵ်ႇ​သူပ်း​ဝႃႈ​ထႅင်ႈ​ၸမ်ႉ၊ ဢလူဝ်း၊ ဢလူဝ်း ၽူႈ​လႂ်​တၵ်း​လႆႈ​ဢသၢၵ်ႈ ၵတ်း​ယဵၼ်​ၶျၢမ်း​သႃႇ ၼႂ်း​မိူဝ်ႈ​ဢၼ်​ၽြႃး​ပဵၼ်​ၸဝ်ႈ ႁဵတ်း​လွင်ႈ​တၢင်း​ၼႆႉ​ၼၼ်ႉ။-</verse>
				<verse number="24">ႁိူဝ်း​သၢင်း​ၽေႃး​တင်း​လၢႆ တၵ်း​လုၵ်ႉ​သေ​ၵႃႈ​တီႈ​ၽင်ႇ​ၼမ်ႉ​မိူင်း​ ၵိတ်ႉတဵမ် ​မႃး​လႄႈ ယႃႉ​ယူၵ်ႉ​မိူင်း​ ဢႃႇသူႉရီႉ ​လႄႈ ယႃႉ​ယူၵ်ႉ​မိူင်း​ ႁေႃးပႃႉ ​ဢေႃႈ။ မၼ်း​တၵ်း​လူႉ​လႅဝ်​ပႅတ်ႈ မူတ်း​မူတ်း​သဵင်ႈ​သဵင်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">ပႃႇလၢမ်ႇ ​ၼၼ်ႉ လုၵ်ႉ​လႄႈ​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​တီႈ​ယူႇ​မၼ်း​သေ​ဢေႃႈ။ ၶုၼ်​ ပႃႇလၵ်ႈ ​ၵေႃႈ​ၵႂႃႇ​သေ​ဢေႃႈ။</verse>
			</chapter>
			<chapter number="25">
				<verse number="1">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ယူႇ​ၵႃႈ​တီႈ​ သိတ်ႇတိမ်ႇ ​လႄႈ ၵူၼ်း​တင်း​လၢႆ​ဢွၼ်​ၵၼ်​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး​လူၺ်ႈ​ၵၼ်​တင်း မႄႈ​ယိင်း​ မေႃႇၽႃႉ ​တင်း​လၢႆ​ဢေႃႈ။-</verse>
				<verse number="2">ၶဝ်​ၼၼ်ႉ​ႁွင်ႉ​ဢဝ်​ၵူၼ်း​တင်း​လၢႆ​ၵႂႃႇ​ၵႃႈ​တီႈ​ပွႆး​ပုၵ်ႈ​ၸေႃႇ​ယိတ်ႈ​ၽြႃး​ၶဝ်​လႄႈ ၵူၼ်း​တင်း​လၢႆ​ဢွၼ်​ၵၼ် ၵိၼ်​ၼိူဝ်ႉ​ယိတ်ႈ​လႄႈ ၶုပ်ႉ​မူပ်ႇ​ၵူမ်ႈ​ၵွမ်း​ႁူဝ် ၵႃႈ​တီႈ​ၽၢႆႇ​ၼႃႈ​ၽြႃး​ၶဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸပ်း​ၸွမ်း​ၽြႃး ပႃႇလႃႉပေႇၵူႉရႃႉ ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ၊ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​တီႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="4">ထႃႇဝရႃႉ​ၽြႃး မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ႁွင်ႉ​ဢဝ်​ၶုၼ်​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ ႁႂ်ႈ​ဢဝ်​ၶဝ်​ၸိူဝ်း​ၼၼ်ႉ ႁွႆႈ​ဝႆႉ​ၵႃႈ​ၼႂ်း​ဢၼ်​လႅင်း​ၵၢင်​ဝၼ်း ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​ဢၼ်​ႁႅင်း​ယႂ်ႇ​ၼႃႇ ဝႄႈ​ပိူင်ႈ​သေ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မူဝ်းသေႇ ​သင်ႇ​လၢတ်ႈ​တီႈ​ၶုၼ်​ဢၼ်​ၸီႇ​ယၢင်ႇ​တြႃး​ၵူၼ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ​ဝႃႈ၊ သူ​ဢွၼ်​ၵၼ်​ဢဝ်​ၵူၼ်း​သူ ဢၼ်​ၸပ်း​ၸွမ်း​ၽြႃး ပႃႇလႃႉပေႇၵူႉရႃႉ ​ၸိူဝ်း​ၼၼ်ႉ​သေ​လႄႈ ဢဝ်​တၢႆ​ႁင်း​ၽႂ်​ႁင်း​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မိူဝ်ႈ​ၼၼ်ႉ​ၵူၼ်း​မဵဝ်း​ ဢီႉသရေႇလႃႉ ​ၵေႃႉ​ၼိုင်ႈ၊ ဢဝ်​မႄႈ​ယိင်း​ မီႉတျၼ်ႇ မႃး​ၸူး​ၵႃႈ​တီႈ​ပီႈ​မၼ်း​ၼွင်ႉ​မၼ်း​ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ မူဝ်းသေႇ ​ဢိၵ်ႇ​တင်း​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢၼ်​ဢွၼ်​ၵၼ်​ႁွင်ႉ​ႁႆႈ​ယူႇ ၵႃႈ​တီႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="7">ၽီႉၼႁတ်ႉ ​လုၵ်ႈ​ၸၢႆး​ ဢေးလႃႇၸႃႇ ဢၼ်​ပဵၼ်​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇရုၼ်ႇ ​ၼၼ်ႉ​ႁၼ်​သေ​ယဝ်ႉ၊ လုၵ်ႉ​သေ​ၵႃႈ​ၼႂ်း​ပရဵၵ်ႈသၢတ်ႈ​လႄႈ ယိပ်း​ၵမ်​ဢဝ်​ႁွၵ်ႇ​သေ​လႄႈ၊-</verse>
				<verse number="8">ၸွမ်း​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​ၵႂႃႇ​ၵႃႈ​ၼႂ်း​လုၵ်း​မူဝ်းၵႃႇ​သေ​ယဝ်ႉ၊ တႅင်း​သႂ်ႇ​သွင်​ၶႃ​ၼၼ်ႉ​ၵူပ်ႉ​ၵၼ်​ထၼ်ႈ​ပေႃး​ပွင်ႇ​ပဵဝ်​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​လႄႈ ပွင်ႇ​ပဵဝ်​တီႈ​ပုမ်​မႄႈ​ယိင်း​ၼၼ်ႉ​ၵႂႃႇ​ဢေႃႈ။ ၵွပ်ႈ​ပိူဝ်ႈ​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​လႄႈ ၽေး​ထၢတ်ႇ​ယဵၼ်​သေ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ၵႂႃႇ​ဢေႃႈ။-</verse>
				<verse number="9">ၵူၼ်း​ဢၼ်​တၢႆ​လူၺ်ႈ​ၽေး​ၼၼ်ႉ​ၸမ်ႉ၊ မီး​သွင်​မိုၼ်ႇ​ပၢႆ​သီႇ​ႁဵင်​ဢေႃႈ။</verse>
				<verse number="10">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="11">ၽီႉၼႁတ်ႉ ​လုၵ်ႈ​ၸၢႆး​ ဢေးလႃႇၸႃႇ ဢၼ်​ပဵၼ်​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇရုၼ်ႇ ​ၼၼ်ႉ ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၵဝ် ဝႄႈ​ပိူင်ႈ​သေ​ၵႃႈ​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၼႂ်း​လွင်ႈ​ဢၼ်​မၼ်း​ပႃး​ဢဝ် တၢင်း​ဢၼ်​ၵဝ်​ၸႂ်​ႁႅင်း​ၼႃႇ​ၼၼ်ႉ​သေ​လႄႈ ၸႂ်​ႁႅင်း​ၼႃႇ​တီႈ​ၶဝ်​ၼၼ်ႉ ႁႂ်ႈ​ၵဝ်​ထၼ်ႈ​ပေႃး ဢမ်ႇ​ပႄႇ​ၽဵဝ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လူၺ်ႈ​တၢင်း​ဢၼ်​ၵဝ်​ၸႂ်​ႁႅင်း​ၼႃႇ​ၼၼ်ႉ​ယဝ်ႉ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ မႂ်း​တၵ်း​လႆႈ​လၢတ်ႈ​တီႈ​မၼ်း​လႄႈ​ဝႃႈ​ၸမ်ႉ၊ ၵဝ်​ပၼ်​ပတီႉၺိၺ်ႇ​ၵတ်း​ယဵၼ်​ၶျၢမ်း​သႃႇ​ၵဝ်​တီႈ​မၼ်း​ဢေႃႈ။-</verse>
				<verse number="13">ပတီႉၺိၺ်ႇ​ၼၼ်ႉ​ဢၼ်​ဝႃႈ ပတီႉၺိၺ်ႇ​ဢၼ်​ၸၢပ်ႈ​သႅင်ႇ​ၵၼ်​တင်း​ဢရႃႇ​ယိတ်ႈပရေႃးႁဵၵ်ႈ​ဢၼ်​တႃႇ​သေႇ​ၼၼ်ႉ​တီႈ​မၼ်း ဢိၵ်ႇ​တင်း​တီႈ​ၸူဝ်ႈ​လုၵ်ႈ​ပၢၼ်​လၢၼ်​ၸိူဝ်ႉ​ၶိူဝ်း​မၼ်း လိုၼ်း​မၼ်း​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​ၸႂ်​ႁႅင်း​ၼႃႇ​ၽၢႆႇ​ၽြႃး​ပဵၼ်​ၸဝ်ႈ​မၼ်း​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ ပုၼ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၸိုဝ်ႈ​သဵင်​ၵူၼ်း​ ဢီႉသရေႇလႃႉ ​ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​လူၺ်ႈ​ၵၼ်​တင်း​မႄႈ​ယိင်း​ မီႉတျၼ်ႇ ​ၼၼ်ႉ​ၸမ်ႉ၊ ပဵၼ်​ ၸီႉမရီႉ ​လုၵ်ႈ​ၸၢႆး​ သႃႇလူႉ ​ဢၼ်​ပဵၼ်​ၵႄႇ​ပဵၼ်​ႁူဝ် တီႈ​မဵဝ်း​ပူႇ​မဵဝ်း​ပေႃႈ​မဵဝ်း​ၼိုင်ႈ ၼႂ်း​မဵဝ်း​ သီႉမုၼ်ႇ ​ဢေႃႈ။-</verse>
				<verse number="15">ၸိုဝ်ႈ​သဵင်​မႄႈ​ယိင်း​ မီႉတျၼ်ႇ ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ၼၼ်ႉ​ၸမ်ႉ ပဵၼ်​ ၵေႃႇၸၽီႉ လုၵ်ႈ​ယိင်း​ ၸူႉရႃႉ ဢၼ်​ပဵၼ်​ၵႄႇ​ပဵၼ်​ႁူဝ်​တီႈ​မဵဝ်း​ပူႇ​မဵဝ်း​ပေႃႈ​မဵဝ်း​ၼိုင်ႈ​ၼႂ်း​မဵဝ်း​ မီႉတျၼ်ႇ ​ဢေႃႈ။</verse>
				<verse number="16">ထႃႇဝရႃႉ​ၽြႃး မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="17">ယႃႉ​ယူၵ်ႉ​ၵူၼ်း​မဵဝ်း​ မီႉတျၼ်ႇ ​တင်း​လၢႆ​လႄႈ​ဢဝ်​တၢႆ​တႃႉ။-</verse>
				<verse number="18">လွင်ႈ​မၼ်း​ၸမ်ႉ ၶဝ်​ဢဝ်​ပရီႉယႄႇ​ဢၼ်​ၶဝ်​ဢဝ်​ပႅတ်ႉ​လႅၼ်​သူ​ၼႂ်း​လွင်ႈ​တၢင်း​ၽြႃး ပေႇၵူႉရႃႉ ​ဢိၵ်ႇ​တင်း​ၼႂ်း​လွင်ႈ​တၢင်း ၵေႃႇၸၽီႉ လုၵ်ႈ​ယိင်း​ၶုၼ်​ မီႉတျၼ်ႇ ၊ ၼွင်ႉ​ယိင်း​ၶဝ်​ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ၼႂ်း​ဝၼ်း​ဢၼ်​ၽေး​ႁွတ်ႈ​ထိုင်​ၵွပ်ႈ​ပိူဝ်ႈ​ၽြႃး ပေႇၵူႉရႃႉ ​ၼၼ်ႉ ၼမ်​ၼႃႇ​ယႃႉ​ယူၵ်ႉ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="26">
				<verse number="1">လိုၼ်း​သေ​ၽေး​ၼၼ်ႉ​ယဵၼ်​ယဝ်ႉ​ၼၼ်ႉ၊ ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​တင်း​ ဢေးလႃႇၸႃႇ ​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇရုၼ်ႇ ၼၼ်ႉ​လႄႈ​ဝႃႈ၊-</verse>
				<verse number="2">ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ်​သေ​လႄႈ ၼပ်ႉ​ဢၢၼ်ႇ​ဢဝ်​ၸရၢင်း ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​ဢၼ်​ဢသၢၵ်ႈ​လႆႈ​သၢဝ်း​ၼိုင်ႈ၊ ဢသၢၵ်ႈ​လိူဝ်​သၢဝ်း​ၵႂႃႇ​ဢၼ်​ဝႃႈ ၶဝ်​ၸိူဝ်း​ဢၼ်​တိုၵ်း​သိုၵ်း​လႆႈ​တင်း​သဵင်ႈ​တင်း​လူင်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မူဝ်းသေႇ ​ဢိၵ်ႇ​တင်း​ယိတ်ႈပရေႃးႁဵၵ်ႈ​ ဢေးလႃႇၸႃႇ သင်ႇ​လၢတ်ႈ​တီႈ​ၶဝ်​ၵႃႈ​ၼႂ်း​ပၢင်ႇ​ပဵင်း​ မေႃႇၽႃႉ ဢၼ်​မီး​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ သိုဝ်ႈ​ဝဵင်း​ ယေႇရီႉၶူဝ်း ​ၼၼ်ႉ​လႄႈ​ဝႃႈ၊-</verse>
				<verse number="4">တၵ်း​လႆႈ​ဢဝ်​ၸရၢင်း ၶဝ်​ၸိူဝ်း​ဢၼ်​ဢသၢၵ်ႈ​လႆႈ​သၢဝ်း​ၼိုင်ႈ၊ ဢသၢၵ်ႈ​လိူဝ်​သၢဝ်း​ၵႂႃႇ​ၼၼ်ႉ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး မီး​ဢမိင်ႉ တီႈ​ မူဝ်းသေႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ၵူၼ်း​မဵဝ်း​ ဢီႉသရေႇလႃႉ ​ဢၼ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၸိူဝ်း​ၼၼ်ႉ ရူႉပိၼ်ႇ ​ဢၼ်​ပဵၼ်​လုၵ်ႈ​ၸၢႆး​တူၼ်ႈ​ ဢီႉသရေႇလႃႉ ၊ လုၵ်ႈ​ၸၢႆး​ ရူႉပိၼ်ႇ ​တင်း​လၢႆ​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ႁႃႇၼေႃႉၶီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ႁႃႇၼုတ်ႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၽႃႇလုၺ်ႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၽႃႇလူႉ ၊-</verse>
				<verse number="6">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ႁေႇၸရေႃးၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ႁေႇၸရုၼ်ႇ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵႃႇမိတ်ႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၵႃႇမီႉ ​ဢေႃႈ။-</verse>
				<verse number="7">ၶဝ်​ၸိူဝ်း​ၼႆႉ​ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ရူႉပိၼ်ႇ ​လႄႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ၼၼ်ႉ​ၸမ်ႉ၊ မီး​သီႇ​မိုၼ်ႇ​သၢမ်​ႁဵင်​ၸဵတ်း​ပၢၵ်ႇ​ပၢႆ​သၢမ်​သိပ်း​ဢေႃႈ။-</verse>
				<verse number="8">လုၵ်ႈ​ၸၢႆး​ ၽႃႇလူႉ ပဵၼ် ဢေးလျႃႇၽႃႉ ​ဢေႃႈ။-</verse>
				<verse number="9">လုၵ်ႈ​ၸၢႆး​ ဢေးလျႃႇၽႃႉ ​တင်း​လၢႆ ပဵၼ်​ ၼေႇမုၺ်ႇလႃႉ၊ တႃႇသၼ်ႇ တင်း​ ဢၽီႉရမ်ႇ ​ဢေႃႈ။ တႃႇသၼ်ႇ တင်း​ ဢၽီႉရမ်ႇ ၸိူဝ်း​ၼႆႉ​ဢမ်ႇ​ၸႂ်ႈ​တၢင်ႇ​ၵေႃႉ၊ ပဵၼ်​ၶဝ်​ၸိူဝ်း​ဢၼ်​ပရဵၵ်ႈသၢတ်ႈ​တင်း​လၢႆ လိူၵ်ႈ​ၵဵပ်း​ဢဝ်​ႁွင်ႉ​ဢဝ်​ဢၼ်​ႁဵတ်း​တၢင်း​ဢၼ်​ၶတ်း​ၵၼ်​တင်း မူဝ်းသေႇ ​တင်း​ ဢႃႇရုၼ်ႇ ၼႂ်း​မိူဝ်ႈ​ဢၼ်​မုၵ်ႉ​ၸိူဝ်း​ ၵေႃးရႃႉ ႁဵတ်း​တၢင်း​ဢၼ်​ၶတ်း​ၵၼ်​တင်း ထႃႇဝရႃႉ​ၽြႃး ၼၼ်ႉ​ဢေႃႈ။-</verse>
				<verse number="10">လိၼ်​မိူင်း​ၽုၺ်ႇ​သူပ်း​တူဝ်​ၸဝ်ႈ​ၵဝ်ႇ​သေ​လႄႈ ဢိုၼ်​ၶဝ်​ဢိၵ်ႇ​တင်း​ ၵေႃးရႃႉ ၼႂ်း​မိူဝ်ႈ​ဢၼ်​မုၵ်ႉ​ၸိူဝ်း​မၼ်း​တၢႆ​ၼၼ်ႉ ယၢမ်း​မိူဝ်ႈ​ဢၼ်​ၽႆး​မႆႈ​ၵိၼ်​ၵူၼ်း​သွင်​ပၢၵ်ႇ​ႁႃႈ​သိပ်း​ပႅတ်ႈ​လႄႈ ႁႂ်ႈ​ၶဝ်​လႆႈ​ပဵၼ်​သၢၵ်ႈ​သေႇ ဢၼ်​ပၼ်​သတီႉ​ၼၼ်ႉ​ဢေႃႈ။-</verse>
				<verse number="11">ၵူၺ်း​ၵႃႈ လုၵ်ႈ​လၢင်း​ ၵေႃးရႃႉ ​ၼၼ်ႉ​ၸိူဝ်း​ၼၼ်ႉ​ဢမ်ႇ​တၢႆ။</verse>
				<verse number="12">လုၵ်ႈ​ၸၢႆး​ သီႉမုၼ်ႇ ဢၼ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၼေႇမုၺ်ႇလီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၼေႇမုၺ်ႇလႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ယႃႇမီႉၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ယႃႇမိၼ်ႇ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ယႃႇၶီႉၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ယႃႇၶိၼ်ႇ ၊-</verse>
				<verse number="13">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၸေးရႃႇႁီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၸေးရႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ သေႃးလီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ သေႃးလႃႉ ​ဢေႃႈ။-</verse>
				<verse number="14">ၶဝ်​ၸိူဝ်း​ၼႆႉ​ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ သီႉမုၼ်ႇ ​လႄႈ မီး​သွင်​မိုၼ်ႇ​သွင်​ႁဵင်​ပၢႆ​သွင်​ပၢၵ်ႇ​ဢေႃႈ။</verse>
				<verse number="15">လုၵ်ႈ​ၸၢႆး​ ၵၢတ်ႉ ဢၼ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၸေႇၽေႃႇၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၸေႇၽူၼ် ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ႁၵ်ႉၵိတ်ႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ႁၵ်ႉၵီႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ သူႉၼိတ်ႉ ဢၼ်​သိုပ်ႇ​လူင်း​မႃး​ၵႃႈ​တီႈ​ သူႉၼီႉ ၊-</verse>
				<verse number="16">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢေႃႇၸၼိတ်ႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ဢေႃႇၸၼီႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢေႇရိတ်ႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ဢေးရီႉ ။-</verse>
				<verse number="17">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢႃႇရေႃးတီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ဢႃႇရုတ်ႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢရေးလိတ်ႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ဢရေးလီႉ ​ဢေႃႈ။-</verse>
				<verse number="18">ၶဝ်​ၸိူဝ်း​ၼႆႉ​ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵၢတ်ႉ ​လႄႈ ၸွမ်း​လူၺ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း ၸရၢင်း​ၼၼ်ႉ​သေ​လႄႈ မီး​သီႇ​မိုၼ်ႇ​ပၢႆ​ႁႃႈ​ပၢၵ်ႇ​ဢေႃႈ။</verse>
				<verse number="19">လုၵ်ႈ​ၸၢႆး​ ယူႉတႃႉ ​ၸမ်ႉ၊ ပဵၼ်​ ဢေးရႃႉ ​တင်း​ ဢေႃးၼၼ်ႇ ​လႄႈ ဢေးရႃႉ ​တင်း​ ဢေႃးၼၼ်ႇ ​ၼၼ်ႉ​ၸိုင် တၢႆ​ၵႃႈ​တီႈ​မိူင်း​ ၶႃႇၼၢၼ်ႇ ​ဢေႃႈ။-</verse>
				<verse number="20">လုၵ်ႈ​ၸၢႆး​ ယူႉတႃႉ ဢၼ်​သမ်ႉ​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ သေးလႃႇၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ သေးလႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၽႃႇရၸီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၽေးရိတ်ႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၸႃႇရႁီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၸႃႇရႃႉ ​ဢေႃႈ။-</verse>
				<verse number="21">လုၵ်ႈ​ၸၢႆး​ ၽေးရိတ်ႉ ​တင်း​လၢႆ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ႁေႇၸရေႃးၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ႁေႇၸရုၼ်ႇ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ႁႃႇမူႉလီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ႁႃႇမူႉလႃႉ ​ဢေႃႈ။-</verse>
				<verse number="22">ၶဝ်​ၸိူဝ်း​ၼႆႉ ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​ ယူႉတႃႉ ​လႄႈ ၸွမ်း​လူၺ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ၼၼ်ႉ​သေ​လႄႈ၊ မီး​ၸဵတ်း​မိုၼ်ႇ​ႁူၵ်း​ႁဵင်​ပၢႆ​ႁႃႈ​ပၢၵ်ႇ​ဢေႃႈ။</verse>
				<verse number="23">လုၵ်ႈ​ၸၢႆး​ ဢီႉသၶႃႇ ဢၼ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ တေႃးလီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ တေႃးလႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၽူႉဝၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၽူႉဝႃႇ ၊-</verse>
				<verse number="24">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ယႃႇသူႉၽီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ယႃႇသုပ်ႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ သီႉမရေႃးၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ သီႉမရုၼ်ႇ ​ဢေႃႈ။-</verse>
				<verse number="25">ၶဝ်​ၸိူဝ်း​ၼႆႉ​ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​ ဢီႉသၶႃႇ ​လႄႈ ၸွမ်း​လူၺ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ၼၼ်ႉ​သေ​လႄႈ မီး​ႁူၵ်း​မိုၼ်ႇ​သီႇ​ႁဵင်​ပၢႆ​သၢမ်​ပၢၵ်ႇ​ဢေႃႈ။</verse>
				<verse number="26">လုၵ်ႈ​ၸၢႆး​ ၸေႇပူႉလုၼ်ႇ ​ဢၼ် ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း သႃႇရတီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ သရိတ်ႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢေႇလေႃးၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ ဢေႇလုၼ်ႇ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ယႃႇလေးလီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ယႃႇလေးလႃႉ ​ဢေႃႈ။-</verse>
				<verse number="27">ၶဝ်​ၸိူဝ်း​ၼႆႉ ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​ ၸေႇပူႉလုၼ်ႇ ​လႄႈ ၸွမ်း​လူၺ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ၼၼ်ႉ​သေ​လႄႈ မီး​ႁူၵ်း​မိုၼ်ႇ​ပၢႆ​ႁႃႈ​ပၢၵ်ႇ​ဢေႃႈ။</verse>
				<verse number="28">လုၵ်ႈ​ၸၢႆး​ ယူဝ်းသႅပ်ႈ ဢၼ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​ မၼႃႇ​သေႇ တင်း​ ဢေႇၽရိမ်ႇ ​ဢေႃႈ။-</verse>
				<verse number="29">လုၵ်ႈ​ၸၢႆး​ မၼႃႇ​သေႇ ​တင်း​လၢႆ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ မႃႇၶီႉရီႉ ဢၼ်​သိုပ်ႇ​လူင်း​မႃး​ၵႃႈ​တီႈ မႃႇၶီႉရႃႉ ​ဢေႃႈ။ မႃႇၶီႉရႃႉ ​ၼၼ်ႉ မီး​လုၵ်ႈ​ၸၢႆး​ ၵီႉလတ်ႉ ​လႄႈ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵီႉလတီႉ သိုပ်ႇ​လူင်း​မႃး​ၵႃႈ​တီႈ​ ၵီႉလတ်ႉ ​ၼၼ်ႉ​ဢေႃႈ။-</verse>
				<verse number="30">လုၵ်ႈ​ၸၢႆး​ ၵီႉလတ်ႉ ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ယေႇၸေႇရီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ယေႇၸေႇရႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ႁေႇလၵီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ႁေးလိၵ်ႉ ၊-</verse>
				<verse number="31">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢႃႇသရေးလီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ဢႃႇသရေးလႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း သေႇၶေးမီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ သေႇၶိမ်ႇ ၊-</verse>
				<verse number="32">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ သမီႉတီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ သမီႉတႃႇ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ႁေႇၽေးရီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ႁေႇၽႃႇ ​ဢေႃႈ။-</verse>
				<verse number="33">ၸလေႃးၽတ်ႉ ​လုၵ်ႈ​ၸၢႆး​ ႁေႇၽႃႇ ​ၼၼ်ႉ​ၸမ်ႉ၊ ဢမ်ႇ​မီး​လုၵ်ႈ​ၸၢႆး၊ မီး​လုၵ်ႈ​ယိင်း​ၵူၺ်း​ၵူၺ်း​ဢေႃႈ။ ၸိုဝ်ႈ​သဵင်​လုၵ်ႈ​ယိင်း​ ၸလေႃးၽတ်ႉ ​ၸိူဝ်း​ၼၼ်ႉ​ၸမ်ႉ၊ ပဵၼ်​ မႃႇလႃႇ၊ ၼေႃႇဢႃႇ၊ ႁေႃႇၵလႃႇ၊ မီႉၵလႃႇ၊ တီႉရၸႃႉ ​ဢေႃႈ။-</verse>
				<verse number="34">ၶဝ်​ၸိူဝ်း​ၼႆႉ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ မၼႃႇ​သေႇ လႄႈ ၸွမ်း​လူၺ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ၼၼ်ႉ​သေ​လႄႈ မီး​ႁႃႈ​မိုၼ်ႇ​သွင်​ႁဵင်​ပၢႆ​ၸဵတ်း​ပၢၵ်ႇ​ဢေႃႈ။</verse>
				<verse number="35">လုၵ်ႈ​ၸၢႆး​ ဢေႇၽရိမ်ႇ ဢၼ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း သူႉသလီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ သူႉသလႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ပေႇၶရီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ပေႇၶႃႇ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ တႃႇႁၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ တႃႇႁၼ် ​ဢေႃႈ။-</verse>
				<verse number="36">လုၵ်ႈ​ၸၢႆး​ သူႉသလႃႉ ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢေးရၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ဢေးရၼ်ႇ ​ဢေႃႈ။-</verse>
				<verse number="37">ၶဝ်​ၸိူဝ်း​ၼႆႉ​ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢေႇၽရိမ်ႇ ​လႄႈ ၸွမ်း​လူၺ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ၼၼ်ႉ​သေ​လႄႈ မီး​သၢမ်​မိုၼ်ႇ​သွင်​ႁဵင်​ပၢႆ​ႁႃႈ​ပၢၵ်ႇ​ဢေႃႈ။ ၶဝ်​ၸိူဝ်း​ၼႆႉ​ပဵၼ်​ၸူဝ်ႈ​လုၵ်ႈ​ပၢၼ်​လၢၼ်​ ယူဝ်းသႅပ်ႈ ​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ဢေႃႈ။</verse>
				<verse number="38">လုၵ်ႈ​ၸၢႆး​ ပိၼ်ႇယႃႇမိၼ်ႇ ဢၼ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ပေႇလီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ပေႇလႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢႃႇသပေႇလီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ဢႃႇသပေႇလႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢႁီႉရမီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ဢႁီႉရမ်ႇ ။-</verse>
				<verse number="39">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ သူႉၽမီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ သူႉၽမ်ႇ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ႁူႉၽမီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ႁူႉၽမ်ႇ ​ဢေႃႈ။-</verse>
				<verse number="40">လုၵ်ႈ​ၸၢႆး​ ပေႇလႃႉ ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢႃႇရတီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ဢႃႇရတႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၼေမၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၼေႇမၢၼ်ႇ ​ဢေႃႈ။-</verse>
				<verse number="41">ၶဝ်​ၸိူဝ်း​ၼႆႉ​ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ပိၼ်ႇယႃႇမိၼ်ႇ ​လႄႈ ၸွမ်း​လူၺ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ၼၼ်ႉ​သေ​လႄႈ မီး​သီႇ​မိုၼ်ႇ​ႁႃႈ​ႁဵင်​ပၢႆ​ႁူၵ်း​ပၢၵ်ႇ​ဢေႃႈ။</verse>
				<verse number="42">လုၵ်ႈ​ၸၢႆး​ တၢၼ်ႇ ဢၼ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ သူႉႁမီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ သူႉႁမ်ႇ ​ဢေႃႈ။ ၶဝ်​ၸိူဝ်း​ၼႆႉ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ တၢၼ်ႇ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ဢေႃႈ။-</verse>
				<verse number="43">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ သူႉႁမီႉ ဢၼ်​ၸွမ်း​လူၺ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ၼၼ်ႉ​ၵႃႈ​မီး​ၼၼ်ႉ မီး​ႁူၵ်း​မိုၼ်ႇ​သီႇ​ႁဵင်​ပၢႆ​သီႇ​ပၢၵ်ႇ​ဢေႃႈ။</verse>
				<verse number="44">လုၵ်ႈ​ၸၢႆး​ ဢႃႇသႃႇ ဢၼ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ယီႉမၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ယီႉမၼႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ယေႇသဝိတ်ႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ယေႇသဝီႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ပေႇရိတ်ႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ပေႇရီႉ ​ဢေႃႈ။-</verse>
				<verse number="45">လုၵ်ႈ​ၸၢႆး​ ပေႇရီႉ ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ႁေႇပေႇရီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ႁေႇပေႇရႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ မႃႇလၶျေးလီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ မႃႇလၶျေးလႃႉ ​ဢေႃႈ။-</verse>
				<verse number="46">ၸိုဝ်ႈ​သဵင်​လုၵ်ႈ​ယိင်း​ ဢႃႇသႃႇ ​ၸမ်ႉ၊ ပဵၼ်​ ၸႃႇရႃႉ ​ဢေႃႈ။-</verse>
				<verse number="47">ၶဝ်​ၸိူဝ်း​ၼႆႉ​ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ဢႃႇသႃႇ ​လႄႈ ၸွမ်း​လူၺ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ၼၼ်ႉ​သေ​လႄႈ မီး​ႁႃႈ​မိုၼ်ႇ​သၢမ်​ႁဵင်​ပၢႆ​သီႇ​ပၢၵ်ႇ​ဢေႃႈ။</verse>
				<verse number="48">လုၵ်ႈ​ၸၢႆး​ ၼပ်ႉထလီႉ ဢၼ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း ယႃႇၸေႇလီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ယႃႇၸေႇလႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵူႉၼိတ်ႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၵူႉၼီႉ ၊-</verse>
				<verse number="49">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ယေႇၸေႇရီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ယေႇၸေႇရႃႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ သီႉလမီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ သီႉလိမ်ႇ ​ဢေႃႈ။-</verse>
				<verse number="50">ၶဝ်​ၸိူဝ်း​ၼႆႉ​ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၼပ်ႉထလီႉ ​လႄႈ ၸွမ်း​လူၺ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း ၸရၢင်း​ၼၼ်ႉ​သေ​လႄႈ မီး​သီႇ​မိုၼ်ႇ​ႁႃႈ​ႁဵင်​ပၢႆ​သီႇ​ပၢၵ်ႇ​ဢေႃႈ။-</verse>
				<verse number="51">ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ ​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ၼၼ်ႉ​ၸမ်ႉ၊ မီး​ႁူၵ်း​သႅၼ်​ႁဵင်​ၼိုင်ႈ​ၸဵတ်း​ပၢၵ်ႇ​ပၢႆ​သၢမ်​သိပ်း​ဢေႃႈ။</verse>
				<verse number="52">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="53">ၵႃႈ​တီႈ​ၶဝ်​ၸိူဝ်း​ၼႆႉ​ၸိုင် မိူင်း​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ် ၽႄ​မႅင်ႇ​ၸွမ်း​ၵႃႈ​ၼင်ႇ​ဢၼ်​ၼပ်ႉ​ဢၢၼ်ႇ​ၸိုဝ်ႈ​သဵင်​ၶဝ်​ၼၼ်ႉ​ဢေႃႈ။-</verse>
				<verse number="54">ပေႃး​ၵူၼ်း​ၼမ်​ၸိုင် လိၼ်​ဢမူၺ်ႇ​ဢၼ်​ၼမ်၊ ပေႃး​ၵူၼ်း​ၵေႇ​ၸိုင်၊ လိၼ်​ဢမူၺ်ႇ​ဢၼ်​ၵေႇ၊ တၵ်း​လႆႈ​ၽႄ​လိၼ် ဢမူၺ်ႇ​မႅင်ႇ​ပၼ်​တီႈ​ၶဝ် ႁင်း​ၽႂ်​ႁင်း​မၼ်း​ၸွမ်း​လူၺ်ႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ဢေႃႈ။-</verse>
				<verse number="55">ၼႂ်း​ဝႃႈ​ၼၼ်​သေ​ၵေႃႈ မိူင်း​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တူၵ်း​ၸႃႇ​ၵွၵ်ႈ​သေ​လႄႈ ၽႄ​မႅင်ႇ​ပၼ်​ဢေႃႈ။ တၵ်း​လႆႈ​ၸွမ်း​လူၺ်ႈ​ၸိုဝ်ႈ​သဵင် ပီႈ​ၼွင်ႉ​ၸိူဝ်ႉ​ၶိူဝ်း​ပူႇ​ပေႃႈ​သေ​လႄႈ ၶၢမ်ႇ​ဢမူၺ်ႇ​ဢေႃႈ။-</verse>
				<verse number="56">ၸွမ်း​လူၺ်ႈ​တၢင်း​ဢၼ်​ၸႃႇ​ၵွၵ်ႈ​တူၵ်း​ၼၼ်ႉ​သေ​လႄႈ လိၼ်​ဢမူၺ်ႇ​ၶဝ်​တၵ်း​လႆႈ​ၶၢမ်ႇ​တၢင်း​ဢၼ်​ၽႄ​မႅင်ႇ​ၸွမ်း​ၵႃႈ​ၼင်ႇ​ဢၼ် ၵူၼ်း​ၵေႇ​ၵူၼ်း​ၼမ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="57">လုၵ်ႈ​ၸၢႆး​ လေႇဝီႉ ဢၼ်​လႆႈ​ၶၢမ်ႇ​တၢင်း​ဢၼ် ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵေႇရသေႃးၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၵေႇရသုၼ်ႇ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵေႃႇႁထီႉ ဢၼ်​သိုပ်ႇ​လူင်း​မႃး​ၵႃႈ​တီႈ​ ၵေႃႇႁတ်ႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ မေႇရႃႇရိတ်ႉ ဢၼ်​သိုပ်ႇ​လူင်း​မႃး​ၵႃႈ​တီႈ​ မေႇရႃႇရီႉ ​ဢေႃႈ။-</verse>
				<verse number="58">မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ လေႇဝီႉ ​ၸမ်ႉ၊ ပဵၼ်​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ လီႉပၼီႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ႁေႇပြေႃးၼီႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ မႃႇလီႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ မူႉသီႉ ၊ မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​ ၵေႃႇရသီႉ ​ဢေႃႈ။ ၵေႃႇႁတ်ႉ ​ၸမ်ႉ၊ မီး​လုၵ်ႈ​ၸၢႆး​ ဢႃႇမရမ်ႇ ​ဢေႃႈ။-</verse>
				<verse number="59">ၸိုဝ်ႈ​သဵင်​မေး​ ဢႃႇမရမ်ႇ ​ၸမ်ႉ၊ ပဵၼ်​ ယေႃးၶႄႇပိတ်ႉ လုၵ်ႈ​ယိင်း​ လေႇဝီႉ ဢၼ်​ၵိူတ်ႇ​လဵင်ႉ​မႃး​ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။ မႄႈ​ယိင်း​ၼၼ်ႉ​ၵိူတ်ႇ​လဵင်ႉ​ ဢႃႇရုၼ်ႇ ဢိၵ်ႇ​တင်း​ မူဝ်းသေႇ တင်း​ပီႈ​ၼၢင်း​ၶဝ်​ မီႉရီႉဢၢမ်ႇ ​ဢေႃႈ။-</verse>
				<verse number="60">လုၵ်ႈ​ၸၢႆး​ ဢႃႇရုၼ်ႇ ​ၸမ်ႉ၊ ပဵၼ်​ ၼႃႇတပ်ႉ၊ ဢၽီႉႁူႉ၊ ဢေးလႃႇၸႃႇ တင်း​ ဢီႉသမႃႇ ​ဢေႃႈ။-</verse>
				<verse number="61">ၼႃႇတပ်ႉ တင်း​ ဢၽီႉႁူႉ ​ၸိူဝ်း​ၼၼ်ႉ တၢႆ​ၼႂ်း​မိူဝ်ႈ​ဢၼ်​ၶဝ်​ဢဝ်​ၽႆး ဢၼ်​ဢမ်ႇ​ၸၢပ်ႈ​ဢမ်ႇ​သႅင်ႇ​ၼၼ်ႉ ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​သေ​ဢေႃႈ။-</verse>
				<verse number="62">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ၼႂ်း​ၸရၢင်း​ဢၼ်​ဝႃႈ​ၵူၼ်း​ၸၢႆး ဢၼ်​ဢသၢၵ်ႈ​လႆႈ​လိူၼ်​ၼိုင်ႈ​လႄႈ လိူၼ်​လိူဝ်​ၵႂႃႇ​ၵႃႈ​မီး​တင်း​သဵင်ႈ​တင်း​လူင်​ၸမ်ႉ၊ မီး​သွင်​မိုၼ်ႇ​ပၢႆ​သၢမ်​ႁဵင်​ဢေႃႈ။ ၵွပ်ႈ​ပိူဝ်ႈ​ဢၼ်​ဢမ်ႇ​ပၼ်​ၶဝ်​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​လႄႈ၊ ၶဝ်​ဢမ်ႇ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၶဝ်ႈ​ၼႂ်း​ၸရၢင်း​ၵူၼ်း ဢီႉသရေႇလႃႉ ​တင်း​လၢႆ။</verse>
				<verse number="63">ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ်​ မူဝ်းသေႇ ​ဢိၵ်ႇ​တင်း ယိတ်ႈပရေႃးႁဵၵ်ႈ​ ဢေးလႃႇၸႃႇ ဢၼ်​ၼပ်ႉ​ဢၢၼ်ႇ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​ၼႂ်း​ပၢင်ႇ​ပဵင်း​ မေႃႇၽႃႉ ၵႃႈ​တီႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ သိုဝ်ႈ​ဝဵင်း​ ယေႇရီႉၶူဝ်း ​ၸိူဝ်း​ၼၼ်ႉ ၼပ်ႉ​ဢၢၼ်ႇ​ဝႆႉ​ဢေႃႈ။-</verse>
				<verse number="64">ၼႂ်း​ၵူၼ်း​ၸိူဝ်း​ၼႆႉ၊ ၶဝ်​ၸိူဝ်း​ဢၼ်​ မူဝ်းသေႇ ​ဢိၵ်ႇ​တင်း​ယိတ်ႈပရေႃးႁဵၵ်ႈ​ ဢႃႇရုၼ်ႇ ဢၼ်​ၼပ်ႉ​ဢၢၼ်ႇ​ၵူၼ်း​မဵဝ်း ဢီႉသရေႇလႃႉ ​တင်း​လၢႆ ၵႃႈ​ၼႂ်း​ထိူၼ်ႇ​ သီႉၼႃႉ ​ၼၼ်ႉ ၼပ်ႉ​ဢၢၼ်ႇ​ဝႆႉ​ၼၼ်ႉ ဢမ်ႇ​ပႃး​သေ​ၵေႃႉ​သေ​ၵူၼ်း။-</verse>
				<verse number="65">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ ၶဝ်​ၸိူဝ်း​ၼၼ်ႉ​တၵ်း​လႆႈ​တၢႆ ၵႃႈ​ၼႂ်း​ထိူၼ်ႇ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ၼွၵ်ႈ​သေ​ ၵႃႇလႅပ်ႉ လုၵ်ႈ​ၸၢႆး​ ယေႇၽုၼ်ႇၼႃႉ ဢိၵ်ႇ​တင်း​ ယေႃးသူႉ လုၵ်ႈ​ၸၢႆး​ ၼုၼ်ႇ ​ၼၼ်ႉ၊ ၵူၼ်း​ၸိူဝ်း​ၼၼ်ႉ ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ သေ​ၵေႃႉ​သေ​ၵူၼ်း။</verse>
			</chapter>
			<chapter number="27">
				<verse number="1">မိူဝ်ႈ​ၼၼ်ႉ လုၵ်ႈ​ယိင်း​ ၸလေႃးၽတ်ႉ ဢၼ်​ပဵၼ်​လုၵ်ႈ​ၸၢႆး​ ၽေႇရႃႉ ၊ ဢၼ်​ပဵၼ်​လုၵ်ႈ​ၸၢႆး​ ၵီႉလတ်ႉ ၊ ဢၼ်​ပဵၼ်​လုၵ်ႈ​ၸၢႆး​ မႃႇၶီႉရႃႉ ဢၼ်​ပဵၼ်​လုၵ်ႈ​ၸၢႆး​ မၼႃႇ​သေႇ ​လႄႈ ၶဝ်ႈ​ပႃး​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း မၼႃႇ​သေႇ လုၵ်ႈ​ၸၢႆး​ ယူဝ်းသႅပ်ႈ ​ၼၼ်ႉ ၸိူဝ်း​ၼၼ်ႉ​ဢွၼ်​ၵၼ်​မႃး​ဢေႃႈ။ ၸိုဝ်ႈ​သဵင်​လုၵ်ႈ​ယိင်း​ၸိူဝ်း​ၼၼ်ႉ​ၸမ်ႉ၊ ပဵၼ်​ မႃႇလႃႇ၊ ၼေႃႇဢႃႇ၊ ႁေႃႇၵလႃႇ၊ မီႉၵလႃႇ၊ တီႉရၸႃႉ ​ဢေႃႈ။-</verse>
				<verse number="2">ၶဝ်​ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ မူဝ်းသေႇ ​တင်း​ယိတ်ႈပရေႃးႁဵၵ်ႈ​ ဢေးလႃႇၸႃႇ ​တင်း​ၶုၼ်​တင်း​လၢႆ ဢိၵ်ႇ​တင်း​ပရဵၵ်ႈသၢတ်ႈ​တင်း​သဵင်ႈ​တင်း​လူင် ၵႃႈ​တီႈ​ႁိမ်း​ၽၵ်း​တူ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​သေ​ယဝ်ႉ။-</verse>
				<verse number="3">လဝ်ႊ​လၢတ်ႈ​လႄႈ​ဝႃႈ၊ ပေႃႈ​ႁဝ်း​ၶႃႈ​တၢႆ​ၵႃႈ​ၼႂ်း​ထိူၼ်ႇ​ၶႃႈ​ဢေႃႈ။ မၼ်း​ဢမ်ႇ​ၶဝ်ႈ​ပႃး​ၼႂ်း​မုၵ်ႉ​ၼႂ်း​ၸိူဝ်း ၶဝ်​ၸိူဝ်း​ဢၼ်​ၸူႉ​ၵၼ်​တုမ်​ၵၼ်​ယူႇ​ၽၢႆႇ​ၼိုင်ႈ​တင်း​ထႃႇဝရႃႉ​ၽြႃး ဢၼ်​ဝႃႈ​မုၵ်ႉ​ၸိူဝ်း​ ၵေႃးရႃႉ ​ၼၼ်ႉ​ၶႃႈ၊ မၼ်း​တၢႆ​ၵွပ်ႈ​ပိူဝ်ႈ​ဢပႅတ်ႈ​မၼ်း​ၶႃႈ​ဢေႃႈ။ မၼ်း​ဢမ်ႇ​မီး​လုၵ်ႈ​ၸၢႆး​ၶႃႈ။-</verse>
				<verse number="4">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸိုဝ်ႈ​သဵင်​ပေႃႈ​ႁဝ်း​ၶႃႈ​ၼၼ်ႉ တၵ်း​လႆႈ​ႁၢႆ​သေ​ၵႃႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ႁဝ်း​ၶႃႈ၊ ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​မီး​လုၵ်ႈ​ၸၢႆး​ၼၼ်ႉ ၼင်ႇ​ႁိုဝ်​ၶႃႈ၊ ပၼ်​ဢမူၺ်ႇ​တီႈ​ႁဝ်း​ၶႃႈ လူၺ်ႈ​ၵၼ်​တင်း​ပီႈ​ၸၢႆး​ၼွင်ႉ​ၸၢႆး​ပေႃႈ​ႁဝ်း​ၶႃႈ​တင်း​လၢႆ​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ဢမူႉ​ၶဝ်​ၼၼ်ႉ​ၸိုင်၊ မူဝ်းသေႇ ​ဢဝ်​ဝႆႉ​ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး​ဢေႃႈ။</verse>
				<verse number="6">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="7">လုၵ်ႈ​ယိင်း​ ၸလေႃးၽတ်ႉ ​ၸိူဝ်း​ၼၼ်ႉ လၢတ်ႈ​သေႇ​ၶျႃႇ​ထုၵ်ႇ​လီ​ဢေႃႈ။ မႂ်း​တၵ်း​လႆႈ​ပၼ်​ဢၶႂၢင်ႉ ဢၼ်​လႆႈ​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း​ပီႈ​ၸၢႆး​ၼွင်ႉ​ၸၢႆး​ပေႃႈ​ၶဝ်​ၸိူဝ်း​ၼၼ်ႉ တီႈ​ၶဝ်​ဢမၢၼ်ႇ​ၶၼ်​ပဵၼ်​ဢေႃႈ။ မႂ်း​တၵ်း​လႆႈ​ႁႂ်ႈ​ဢုၵ်ႉ​ၸႃႇ​ဢမူၺ်ႇ​ပေႃႈ​ၶဝ်​ႁွတ်ႈ​ထိုင်​ၵႃႈ​ၼႂ်း​မိုဝ်း​ၶဝ်​ဢေႃႈ။-</verse>
				<verse number="8">မႂ်း​တၵ်း​လႆႈ​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ပေႃး​ၵူၼ်း​ယင်း​ဢမ်ႇ​မီး​လုၵ်ႈ​ၸၢႆး​လႄႈ​တၢႆ​ၵႂႃႇ​ၸိုင်၊ သူ​တၵ်း​လႆႈ​ႁႂ်ႈ​ဢုၵ်ႉ​ၸႃႇ​ဢမူၺ်ႇ​မၼ်း ႁွတ်ႈ​ထိုင်​ၵႃႈ​ၼႂ်း​မိုဝ်း​လုၵ်ႈ​ယိင်း​မၼ်း​ဢေႃႈ။-</verse>
				<verse number="9">ပေႃး​မၼ်း​ဢမ်ႇ​မီး​လုၵ်ႈ​ယိင်း​ၸိုင်၊ သူ​တၵ်း​လႆႈ​ဢဝ်​ဢုၵ်ႉ​ၸႃႇ​ဢမူၺ်ႇ​မၼ်း ပၼ်​တီႈ​ပီႈ​ၸၢႆး​ၼွင်ႉ​ၸၢႆး​မၼ်း​ဢေႃႈ။-</verse>
				<verse number="10">ပေႃး​မၼ်း​ဢမ်ႇ​မီး​ပီႈ​ၸၢႆး​ၼွင်ႉ​ၸၢႆး​ၸိုင်၊ သူ​တၵ်း​လႆႈ​ဢဝ်​ဢုၵ်ႉ​ၸႃႇ​ဢမူၺ်ႇ​မၼ်း ပၼ်​တီႈ​ပီႈ​ၸၢႆး​ၼွင်ႉ​ၸၢႆး​ပေႃႈ​မၼ်း​ဢေႃႈ၊-</verse>
				<verse number="11">ပေႃး​ပေႃႈ​မၼ်း​ဢမ်ႇ​မီး​ပီႈ​ၸၢႆး​ၼွင်ႉ​ၸၢႆး​ၸိုင်၊ သူ​တၵ်း​လႆႈ​ဢဝ်​ဢုၵ်ႉ​ၸႃႇ​ဢမူၺ်ႇ​မၼ်း ပၼ်​တီႈ​ပီႈ​ၼွင်ႉ​ဢွၵ်ႇ​ဢၼ်​ၸၢပ်ႈ​ၸမ်​ၸိူဝ်ႉ​ၶိူဝ်း​မၼ်း​လႄႈ ၵေႃႉ​ၼၼ်ႉ​တၵ်း​လႆႈ​ဢုပ်ႉ​ပိူင်ႇ​ဢေႃႈ။ ဢၼ်​ၼႆႉ​ၸမ်ႉ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ၊ တၵ်း​လႆႈ​ပဵၼ်​ထုင်း​ၽိင်ႈ​တြႃး ဢၼ်​ၸီႇ​ယၢင်ႇ​ဝႆႉ​ၼၼ်ႉ တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ မႂ်း​ၶိုၼ်ႈ​ၵႃႈ​တီႈ​ၼိူဝ်​လွႆ​ ဢပႃႇရိမ်ႇ ​ၼႆႉ​တႃႉ။ လူ​တူၺ်း​မိူင်း​ဢၼ်​ၵဝ်​ပၼ် တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​တႃႉ။-</verse>
				<verse number="13">မႂ်း​ႁၼ်​သေ​ယဝ်ႉ၊ မႂ်း​တၵ်း​လႆႈ​ႁွတ်ႈ​ထိုင်​ၵႃႈ​တီႈ​ၵူၼ်း​မဵဝ်း​မႂ်း​ၸူႉ​တုမ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​ပီႈ​ၸၢႆး​မႂ်း​ ဢႃႇရုၼ်ႇ လႆႈ​ႁွတ်ႈ​ထိုင်​ယဝ်ႉ​ၼၼ်ႉ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ သူ​လႆႈ​ႁဵတ်း​ၶတ်း​ၵၼ်​တင်း​ၵႂၢမ်း​ၵဝ်​ၵႃႈ​တီႈ​ထိူၼ်ႇ​ ၸီႉၼႃႉ ၼႂ်း​မိူဝ်ႈ​ဢၼ်​ပရဵၵ်ႈသၢတ်ႈ​တင်း​လၢႆ ႁဵတ်း​ဢူၼ်​ဢဵၼ်​ႁူၼ်ႈ​မေႃး​ၼၼ်ႉ​လႄႈ ဢမ်ႇ​ႁဵတ်း​ႁႂ်ႈ​တၢင်း​ဢၼ်​ၵဝ်​မူတ်း​ၸၢင်ႇ​ၼၼ်ႉ ထၢင်ႇ​သႃး​သိုဝ်ႈ​ၼႃႈ​တႂ်ႈ​တႃ​ၶဝ် ၵႃႈ​တီႈ​ၼမ်ႉ​ၼၼ်ႉ​မႃး​ယဝ်ႉ၊ ၼမ်ႉ​ၼၼ်ႉ​ၸိုင် ပဵၼ်​ၼမ်ႉ​ဢွၵ်ႇ​ႁူး​ မေႇရီႇၽႃႉ တီႈ​ ၵႃႇတေႇသႃႉ ၼႂ်း​ထိူၼ်ႇ​ ၸီႉၼႃႉ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">မူဝ်းသေႇ ​ၵေႃႈ လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊-</verse>
				<verse number="16">ၶႅၼ်း​တေႃႈ​ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ဢၼ်​ဢုပ်ႉ​ပိူင်ႇ​ဢသၢၵ်ႈ​ဝီႉၺိၺ်ႇ​သတ်ႉတဝႃႇ​တင်း​လၢႆ၊-</verse>
				<verse number="17">ၶၢၼ်း​ၵေႃႉ​ဢၼ်​ၶဝ်ႈ​ဢွၵ်ႇ​ၵႃႈ​တီႈ​ၽၢႆႇ​ၼႃႈ​ၶဝ်​လႆႈ ၵေႃႉ​ဢၼ်​ၼုၵ်ႈ​ဢဝ်​ၶဝ်​ဢွၵ်ႇ ဢဝ်​ၶဝ်​သႂၢင်း​ၶဝ်ႈ​လႆႈ​ၼၼ်ႉ သေ​ၵေႃႉ​သေ​ၵူၼ်း​ဝႆႉ​ၵႃႈ​ၼိူဝ်​ပရဵၵ်ႈသၢတ်ႈ​တင်း​လၢႆ ႁႂ်ႈ​ပရဵၵ်ႈသၢတ်ႈ​ထႃႇဝရႃႉ​ၽြႃး ဢမ်ႇ​လႆႈ​ပဵၼ်​ၸိူဝ်ႉ​ၼင်ႇ​သူဝ်း ဢၼ်​ဢမ်ႇ​မီး​ၵေႃႉ​ဢၼ်​ပႂ်ႉ​ဢၼ်​ထိင်း​ၼၼ်ႉ​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ႁွင်ႉ​ဢဝ်​ ယေႃးသူႉ ​လုၵ်ႈ​ၸၢႆး​ ၼုၼ်ႇ ဢၼ်​လႆႈ​ဝီႉၺိၺ်ႇ​ၸဝ်ႈ​ၼၼ်ႉ​လႄႈ ဢဝ်​မိုဝ်း​မႂ်း​တၢင်ႇ​ၵႃႈ​ၼိူဝ်​မၼ်း​တႃႉ။-</verse>
				<verse number="19">ဢဝ်​မၼ်း​ဝႆႉ​ၵႃႈ​တီႈ​ၽၢႆႇ​ၼႃႈ ယိတ်ႈပရေႃးႁဵၵ်ႈ​ ဢေးလႃႇၸႃႇ ဢိၵ်ႇ​တင်း​ပရဵၵ်ႈသၢတ်ႈ တင်း​သဵင်ႈ​တင်း​လူင်​လႄႈ သင်ႇ​လၢတ်ႈ​ဝႆႉ​တီႈ​မၼ်း ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၶဝ်​တႃႉ။-</verse>
				<verse number="20">ဢဝ်​မုၼ်​ၽုင်း​မႂ်း​ၵမ်ႈ​ၽွင်ႈ တၢင်ႇ​သႂ်ႇ​ပၼ်​ၵႃႈ​ၼိူဝ်​မၼ်း ႁႂ်ႈ​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ထွမ်ႇ​ဢဝ်​ၵႂၢမ်း​မၼ်း​တႃႉ။-</verse>
				<verse number="21">မၼ်း​ၼၼ်ႉ တၵ်း​လႆႈ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ ယိတ်ႈပရေႃးႁဵၵ်ႈ​ ဢေးလႃႇၸႃႇ ​လႄႈ၊ ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ၸွမ်း​ၼင်ႇ တြႃး​ဢၼ်​ ဢူႉရိမ်း ၸီႇ​ယၢင်ႇ​ႁဵတ်း​ထုင်း​ဝႆႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​သေ​လႄႈ တွင်ႈ​ထၢမ်​ပုၼ်ႈ​မၼ်း​ဢေႃႈ။ ၵႃႈ​ၼင်ႇ​ဢၼ် မၼ်း​ၸီႇ​ယၢင်ႇ​ၼၼ်ႉ၊ ၸႃႉ​ၸဵမ်​မၼ်း​လႄႈ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ဢၼ်​ဝႃႈ ပရဵၵ်ႈသၢတ်ႈ​တင်း​သဵင်ႈ​တင်း​လူင် တၵ်း​လႆႈ​ဢွၼ်​ၵၼ်​ၸွမ်း​လူၺ်ႈ​ၵႂၢမ်း​မၼ်း​သေ​လႄႈ​ဢွၵ်ႇ၊ တၵ်း​လႆႈ​ဢွၼ်​ၵၼ်​ၸွမ်း​လူၺ်ႈ​ၵႂၢမ်း​မၼ်း​သေ​လႄႈ​ၶဝ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မူဝ်းသေႇ ​ႁဵတ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​ဝႃႈ​ၼၼ်ႉ​လႄႈ၊-</verse>
				<verse number="22">ႁွင်ႉ​ဢဝ်​ ယေႃးသူႉ ​ဝႆႉ ၵႃႈ​တီႈ​ၽၢႆႇ​ၼႃႈ​ယိတ်ႈပရေႃးႁဵၵ်ႈ​ ဢေးလႃႇၸႃႇ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ ပရဵၵ်ႈသၢတ်ႈ​တင်း​သဵင်ႈ​တင်း​လူင်​သေ​လႄႈ၊-</verse>
				<verse number="23">ဢဝ်​မိုဝ်း​တၢင်ႇ​ၵႃႈ​ၼိူဝ်​မၼ်း​လႄႈ သင်ႇ​လၢတ်ႈ​ဝႆႉ​တီႈ​မၼ်း ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢဝ်​တင်း​ မူဝ်းသေႇ ပိင်း​ၺၢပ်ႈ​ဝႆႉ​ၼၼ်ႉ​ဢေႃႈ။</verse>
			</chapter>
			<chapter number="28">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၶိူင်ႈ​ပုၵ်ႈ​ၸေႃႇ​ၵဝ်၊ ဢႁႃႇရႃႉ​တၢင်း​ၵိၼ်​ၵဝ် ဢၼ်​ဢဝ်​တင်း​ၽႆး​ပုၵ်ႈ​ၸေႃႇ​လႄႈ ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း​ပုၼ်ႈ​ၵဝ်​ၼၼ်ႉ​ၸိုင်၊ သူ​တၵ်း​လႆႈ​ႁဵတ်း​သတီႉ ႁႂ်ႈ​လႆႈ​ပုၵ်ႈ​ၸေႃႇ​တီႈ​ၵဝ် မိူဝ်ႈ​ဢၼ်​ၶိင်ႇ​ထုၵ်ႇ​ၶႃႇ​ထုၵ်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မႂ်း​သမ်ႉ​တၵ်း​လႆႈ​သင်ႇ​လၢတ်ႈ​ထႅင်ႈ​လႄႈ​ဝႃႈ၊ ယိတ်ႈ​ဢၼ်​တုတ်ႇ​ၽႆး ဢၼ်​သူ​တၵ်း​လႆႈ​ဢဝ်​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ၸမ်ႉ၊ တၵ်း​လႆႈ​ပဵၼ်​သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ၊ ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ​ယေႈ​ဝၼ်း​သွင်​တူဝ် ပုၼ်ႈ​ယိတ်ႈ​ဢၼ်​တုတ်ႇ​ၽႆး​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="4">မႂ်း​တၵ်း​လႆႈ​ဢဝ်​သူဝ်း​ဢွၼ်ႇ​ၼၼ်ႉ​တူဝ်​ၼိုင်ႈ၊ ပုၵ်ႈ​ၸေႃႇ​ၶိင်ႇ​ႁူဝ်​ၼႂ်၊ တၵ်း​လႆႈ​ဢဝ်​သူဝ်း​ဢွၼ်ႇ​ၼၼ်ႉ​တူဝ်​ၼိုင်ႈ၊ ပုၵ်ႈ​ၸေႃႇ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="5">ၽွင်​ၶဝ်ႈ​မုၼ်း ဢေးၽႃႇ ​သိပ်း​ပုၼ်ႈ​ပုၼ်ႈ​ၼိုင်ႈ ဢၼ်​ဢဝ်​ၼမ်ႉ​မၼ်း ဢၼ်​ဢဝ်​မၢၵ်ႇ​ သၢၼ်ႇလုၼ်ႇ ​တမ်​လႄႈ​လႆႈ​ၼၼ်ႉ၊ ႁီႉၼႃႉ သီႇ​ပုၼ်ႈ​ပုၼ်ႈ​ၼိုင်ႈ​သႂ်ႇ​လေႃး​ၼၼ်ႉ မႂ်း​ၵေႃႈ​တၵ်း​လႆႈ​ဢဝ်​ပုၵ်ႈ​ၸေႃႇ ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​ဢေႃႈ၊-</verse>
				<verse number="6">ဢၼ်​ၼႆႉ​ၸမ်ႉ၊ ပဵၼ်​ယိတ်ႈ​တုတ်ႇ​ၽႆး ဢၼ်​လႆႈ​ႁဵတ်း​တႃႇ​သေႇ​ဢမ်ႇ​ထၢတ်ႇ ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​ၵႃႈ​ၼိူဝ်​လွႆ​ သီႉၼႃႉ ပုၼ်ႈ​ဢၢႆ​ဢၼ်​ႁွမ်​ဢၼ်​ႁူၺ်း၊ တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="7">ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​ၸမ်ႉ၊ တၵ်း​လႆႈ​ပဵၼ်​ၼမ်ႉ​ၸပိတ်ႈ ႁီႉၼႃႉ ​သီႇ​ပုၼ်ႈ​ပုၼ်ႈ​ၼိုင်ႈ ပုၼ်ႈ​သူဝ်း​ဢွၼ်ႇ​တူဝ်​ၼိုင်ႈ​ဢေႃႈ။ မႂ်း​တၵ်း​လႆႈ​ဢဝ်​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​ဢၼ်​ဝႃႈ ၼမ်ႉ​ၸပိတ်ႈ​ဢၼ်​ၽၢႆ​ၼႃႇ​ႁႅင်း​ၼႃႇ​ၼၼ်ႉ သွၼ်း​လေႃႇ​တီႈ​ထႃႇဝရႃႉ​ၽြႃး ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ဢေႃႈ။-</verse>
				<verse number="8">သူဝ်း​ဢွၼ်ႇ​တၢင်ႇ​တူဝ်​ၼၼ်ႉ​ၸိုင် မႂ်း​တၵ်း​လႆႈ​ဢဝ်​ပုၵ်ႈ​ၸေႃႇ​ၶိင်ႇ​ႁူဝ်​ၶမ်ႈ​လႄႈ ပႃး​မိူၼ်​ၸိူဝ်ႉ​ၼင်ႇ​ဢၼ် ပႃး​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢိၵ်ႇ​တင်း​တၢင်း​ပုၵ်ႈ​ၸေႃႇ ဢၼ်​သွၼ်း​လေႃႇ​ၶိင်ႇ​ၵၢင်​ၼႂ်​ၼၼ်ႉ​လႄႈ ႁဵတ်း​ယိတ်ႈ​ဢၼ်​ဢဝ်​တင်း​ၽႆး ပုၵ်ႈ​ၸေႃႇ​လႄႈ ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း​ပုၼ်ႈ​ထႃႇဝရႃႉ​ၽြႃး​ဢေႃႈ။</verse>
				<verse number="9">ဝၼ်း​ၵမ်​သိၼ် မႂ်း​တၵ်း​လႆႈ​ဢဝ်​သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ ဢၼ်​ဢမ်ႇ​ပႃး​ဢပႅတ်ႈ ဢိၵ်ႇ​တင်း​ၽွင်​ၶဝ်ႈ​မုၼ်း ဢေးၽႃႇ သိပ်း​ပုၼ်ႈ​ဢဝ်​သွင်​ပုၼ်ႈ​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​မၼ်း​ၼၼ်ႉ​ပုၵ်ႈ​ၸေႃႇ​ဢေႃႈ။-</verse>
				<verse number="10">ဢၼ်​ၼႆႉ​ၸမ်ႉ၊ ပဵၼ်​ယိတ်ႈ​ဢၼ်​တုတ်ႇ​ၽႆး ဢၼ်​ပုၵ်ႈ​ၸေႃႇ​ဝၼ်း​ၵမ်​သိၼ်​ၵူႈ​ဝၼ်း ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး ဢၼ်​ပုၵ်ႈ​ၸေႃႇ​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​ဢေႃႈ။</verse>
				<verse number="11">ဝၼ်း​လိူၼ်​မႂ်ႇ​ၶမ်ႈ​ၼိုင်ႈ မႂ်း​တၵ်း​လႆႈ​ဢဝ်​ယိတ်ႈ​ဢၼ်​တုတ်ႇ​ၽႆး​တီႈ​ထႃႇဝရႃႉ​ၽြႃး ဢၼ်​ဝႃႈ​ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​သွင်​တူဝ်၊ သူဝ်း​ပေႃႈ​တူဝ်​ၼိုင်ႈ၊ တင်း​သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ ဢၼ်​ဢမ်ႇ​ပႃး​ဢပႅတ်ႈ​ၸဵတ်း​တူဝ်၊-</verse>
				<verse number="12">ပုၼ်ႈ​ဝူဝ်း​ယေႈ​တူဝ် ၽွင်​ၶဝ်ႈ​မုၼ်း​ ဢေးၽႃႇ ​သၢမ်​ပုၼ်ႈ​ဢဝ်​ပုၼ်ႈ​ၼိုင်ႈ ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ပုၼ်ႈ​သူဝ်း​ပေႃႈ​တူဝ်​ၼိုင်ႈ၊ ၽွင်​ၶဝ်ႈ​မုၼ်း​ ဢေးၽႃႇ သိပ်း​ပုၼ်ႈ​ဢဝ်​သွင်​ပုၼ်ႈ​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ၊-</verse>
				<verse number="13">ပုၼ်ႈ​သူဝ်း​ဢွၼ်ႇ​ယေႈ​တူဝ် ၽွင်​ၶဝ်ႈ​မုၼ်း​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး ဢေးၽႃႇ ​သိပ်း​ပုၼ်ႈ​ပုၼ်ႈ​ၼိုင်ႈ ပုၼ်ႈ​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ပုၵ်ႈ​ၸေႃႇ​ပုၼ်ႈ​ယိတ်ႈ​ဢၼ်​တုတ်ႇ​ၽႆး​လႄႈ ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း ဢၼ်​ဝႃႈ တၢင်း​ပုၵ်ႈ​ၸေႃႇ​ဢၼ် ဢဝ်​တင်း​ၽႆး​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="14">ပုၼ်ႈ​ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​ၸမ်ႉ၊ တၵ်း​လႆႈ​ပဵၼ်​ၼမ်ႉ​ၸပိတ်ႈ ၶိုင်ႈ​ ႁီႉၼႃႉ ​ၼိုင်ႈ​ပုၼ်ႈ​ဝူဝ်း​ယေႈ​တူဝ်၊ ႁီႉၼႃႉ သၢမ်​ပုၼ်ႈ​ပုၼ်ႈ​ၼိုင်ႈ ပုၼ်ႈ​သူဝ်း​ပေႃႈ​ယေႈ​တူဝ် ႁီႉၼႃႉ ​သီႇ​ပုၼ်ႈ​ပုၼ်ႈ​ၼိုင်ႈ​ပုၼ်ႈ​သူဝ်း​ဢွၼ်ႇ​ယေႈ​တူဝ်​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ယိတ်ႈ​ဢၼ်​တုတ်ႇ​ၽႆး ဢၼ်​တၵ်း​လႆႈ​ပုၵ်ႈ​ၸေႃႇ​ၵူႈ​လိူၼ်​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="15">ပႄႉ​ပေႃႈ​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​တူဝ်​ၼိုင်ႈ​တီႈ​ထႃႇဝရႃႉ​ၽြႃး​ၼၼ်ႉ​ၵေႃႈ တၵ်း​လႆႈ​ဢဝ်​ပုၵ်ႈ​ၸေႃႇ ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး ဢၼ်​ပုၵ်ႈ​ၸေႃႇ​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​မၼ်း​ၸိူဝ်း​ၼၼ်ႉ​ၵေႃႈ တၵ်း​လႆႈ​ပုၵ်ႈ​ၸေႃႇ​ဢေႃႈ။</verse>
				<verse number="16">လိူၼ်​ပထမႃႉ​သိပ်း​သီႇ​ဝၼ်း၊ ပဵၼ်​ပွႆး​ ပႃႉသၶႃႇ ​ထႃႇဝရႃႉ​ၽြႃး​ဢေႃႈ။-</verse>
				<verse number="17">လႆႈ​သမ်ႉ သိပ်း​ႁႃႈ​ဝၼ်း​တၵ်း​လႆႈ​ၶၢမ်ႇ​ပွႆး​ၼၼ်ႉ​ဢေႃႈ။ ၸဵတ်း​ဝၼ်း​တဵမ်​တဵမ် တၵ်း​လႆႈ​ၵိၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ဢေႃႈ။-</verse>
				<verse number="18">ဝၼ်း​ပထမႃႉ​ၼၼ်ႉ တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လေႃးၵီႇ။-</verse>
				<verse number="19">သူ​တၵ်း​လႆႈ​ပုၵ်ႈ​ၸေႃႇ​တၢင်း​ဢၼ်​ဢဝ်​တင်း​ၽႆး​ပုၵ်ႈ​ၸေႃႇ ဢၼ်​ပဵၼ်​ယိတ်ႈ​ဢၼ်​ဢဝ်​တင်း​ၽႆး​ႁဵတ်း​တီႈ​ထႃႇဝရႃႉ​ၽြႃး ဢၼ်​ဝႃႈ ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​သွင်​တူဝ်၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ ဢၼ်​ဢမ်ႇ​ပႃး​ဢပႅတ်ႈ​ၸဵတ်း​တူဝ်​ဢေႃႈ။-</verse>
				<verse number="20">သူ​တၵ်း​လႆႈ​ဢဝ်​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း ဢၼ်​ဝႃႈ​ၽွင်​ၶဝ်ႈ​မုၼ်း​ ဢေးၽႃႇ သိပ်း​ပုၼ်ႈ​ဢဝ်​သၢမ်​ပုၼ်ႈ​ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ ပုၼ်ႈ​ဝူဝ်း​ယေႈ​တူဝ် ဢိၵ်ႇ​တင်း​သိပ်း​ပုၼ်ႈ​ဢဝ်​သွင်​ပုၼ်ႈ ပုၼ်ႈ​သူဝ်း​ပေႃႈ​တူဝ်​ၼိုင်ႈ​ၼၼ်ႉ​လႄႈ၊-</verse>
				<verse number="21">ဢဝ်​သိပ်း​ပုၼ်ႈ​ပုၼ်ႈ​ၼိုင်ႈ ပုၼ်ႈ​ယေႈ​တူဝ်​ႁႂ်ႈ​ပေႃး​ၸေး သူဝ်း​ပေႃႈ​ဢွၼ်ႇ​ၸဵတ်း​တူဝ်​ၼၼ်ႉ​ပုၵ်ႈ​ၸေႃႇ​ဢေႃႈ။-</verse>
				<verse number="22">ပႄႉ​ပေႃႈ​တူဝ်​ၼိုင်ႈ​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၵေႃႈ တၵ်း​လႆႈ​ပုၵ်ႈ​ၸေႃႇ​လႄႈ ႁဵတ်း​တၢင်း​ဢၼ်​ၽေႇ​ဢပႅတ်ႈ​ဢေႃႈ။-</verse>
				<verse number="23">ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး ဢၼ်​ပုၵ်ႈ​ၸေႃႇ​ၵူႈ​ၼႂ်​တႃႇ​သေႇ​ဢမ်ႇ​ထၢတ်ႇ​ၼၼ်ႉ၊ တၵ်း​လႆႈ​ဢဝ်​ယိတ်ႈ​ၸိူဝ်း​ၼၼ်ႉ ထၢပ်ႈ​ထႅင်ႈ​လႄႈ​ပုၵ်ႈ​ၸေႃႇ​ဢေႃႈ။-</verse>
				<verse number="24">ၼင်ႇ​ၼၼ်​လႄႈ တၵ်း​လႆႈ​ဢဝ်​ဢႁႃႇရႃႉ​တၢင်း​ၵိၼ် တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး ပုၵ်ႈ​ၸေႃႇ​လႄႈ ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း​ပုၼ်ႈ​ထႃႇဝရႃႉ​ၽြႃး ပုၵ်ႈ​ၸေႃႇ​ၸဵတ်း​ဝၼ်း​တဵမ်​တဵမ်​ၵူႈ​ဝၼ်း​ဢေႃႈ။-</verse>
				<verse number="25">တၵ်း​လႆႈ​ဢဝ်​ပုၵ်ႈ​ၸေႃႇ​ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး ဢၼ်​ပုၵ်ႈ​ၸေႃႇ​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​မၼ်း​ၼၼ်ႉ​ဢေႃႈ။ ဝၼ်း​သတ်ႉတမႃႉ​ၼၼ်ႉ​ၵေႃႈ သူ​တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လေႃးၵီႇ။</verse>
				<verse number="26">လိူဝ်​သေ​ၼၼ်ႉ၊ ၼႂ်း​ဝၼ်း​မၢၵ်ႇ​ဢၼ်​မၢၵ်ႇ​ဢွၼ်​တၢင်း​ၼၼ်ႉ မိူဝ်ႈ​ဢၼ်​သူ​ဢဝ်​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​မႂ်ႇ​မႃး​တီႈ​ထႃႇဝရႃႉ​ၽြႃး ၼႂ်း​ပွႆး​ၸဵတ်း​သတၢင်း​ၼၼ်ႉ​ၸိုင်၊ သူ​တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ၊ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လေႃးၵီႇ။-</verse>
				<verse number="27">သူ​တၵ်း​လႆႈ​ဢဝ်​ယိတ်ႈ​ဢၼ်​တုတ်ႇ​ၽႆး ဢၼ်​ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း​ပုၼ်ႈ​ထႃႇဝရႃႉ​ၽြႃး ဢၼ်​ဝႃႈ​ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​သွင်​တူဝ်၊ သူဝ်း​ပေႃႈ​တူဝ်​ၼိုင်ႈ၊ တင်း​သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ၸဵတ်း​တူဝ်၊-</verse>
				<verse number="28">ဢိၵ်ႇ​တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း​ဢၼ်​ဝႃႈ ၽွင်​ၶဝ်ႈ​မုၼ်း​ ဢေးၽႃႇ ​သိပ်း​ပုၼ်ႈ​ဢဝ်​သၢမ်​ပုၼ်ႈ ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ ပုၼ်ႈ​ဝူဝ်း​ယေႈ​တူဝ်​ဢိၵ်ႇ​တင်း သိပ်း​ပုၼ်ႈ​ဢဝ်​သွင်​ပုၼ်ႈ ပုၼ်ႈ​သူဝ်း​ပေႃႈ​တူဝ်​ၼိုင်ႈ​ၼၼ်ႉ၊-</verse>
				<verse number="29">တင်း​သိပ်း​ပုၼ်ႈ​ပုၼ်ႈ​ၼိုင်ႈ ပုၼ်ႈ​ယေႈ​တူဝ်​ႁႂ်ႈ​ပေႃး​ၸေး​သူဝ်း​ပေႃႈ​ဢွၼ်ႇ​ၸဵတ်း​တူဝ်​ၼၼ်ႉ၊-</verse>
				<verse number="30">ဢိၵ်ႇ​တင်း​ပႄႉ​ပေႃႈ​တူဝ်​ၼိုင်ႈ ပုၼ်ႈ​ဢၼ်​တၵ်း​ၽေႇ​ဢပႅတ်ႈ​သူ​ၼၼ်ႉ ပုၵ်ႈ​ၸေႃႇ​ဢေႃႈ။-</verse>
				<verse number="31">ၼင်ႇ​ၼၼ်​လႄႈ ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး ဢၼ်​ပုၵ်ႈ​ၸေႃႇ​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း​ၼၼ်ႉ သူ​တၵ်း​လႆႈ​ဢဝ်​တူဝ်​ယိတ်ႈ ဢၼ်​ဢမ်ႇ​ပႃး​ဢပႅတ်ႈ​တင်း​လၢႆ ဢိၵ်ႇ​တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​ၸိူဝ်း​ၼၼ်ႉ ထၢပ်ႈ​ထႅင်ႈ​လႄႈ ပုၵ်ႈ​ၸေႃႇ​ဢေႃႈ။</verse>
			</chapter>
			<chapter number="29">
				<verse number="1">လိူၼ်​သတ်ႉတမႃႉ ဝၼ်း​ပထမႃႉ​ၼၼ်ႉ၊ သူ​တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လေႃးၵီႇ။ ပဵၼ်​ဝၼ်း​ဢၼ်​တၵ်း​လႆႈ​ႁဵတ်း​တၢင်း​ဢၼ်​ပဝ်ႇ​ၼႄးၶရႃႇ​ဢေႃႈ။-</verse>
				<verse number="2">သူ​တၵ်း​လႆႈ​ဢဝ်​ယိတ်ႈ​ဢၼ် တုတ်ႇ​ၽႆး ပုၼ်ႈ​ဢၢႆ​ဢၼ်​ႁွမ်​ဢၼ်​ႁူၺ်း​တီႈ​ထႃႇဝရႃႉ​ၽြႃး​ဢၼ်​ဝႃႈ ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ဢၼ်​ဢမ်ႇ​ပႃး​ဢပႅတ်ႈ​ၸဵတ်း​တူဝ်၊-</verse>
				<verse number="3">ဢိၵ်ႇ​တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ဝႃႈ​ၽွင်​ၶဝ်ႈ​မုၼ်း​ ဢေးၽႃႇ ​သိပ်း​ပုၼ်ႈ​ဢဝ်​သၢမ်​ပုၼ်ႈ ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ ပုၼ်ႈ​ဝူဝ်း​ယေႈ​တူဝ် တင်း​သိပ်း​ပုၼ်ႈ​ဢဝ်​သွင်​ပုၼ်ႈ ပုၼ်ႈ​သူဝ်း​ပေႃႈ​တူဝ်​ၼိုင်ႈ​ၼၼ်ႉ၊-</verse>
				<verse number="4">တင်း​သိပ်း​ပုၼ်ႈ​ပုၼ်ႈ​ၼိုင်ႈ ပုၼ်ႈ​ယေႈ​တူဝ် ႁႂ်ႈ​ပေႃး​ၸေး​သူဝ်း​ပေႃႈ​ဢွၼ်ႇ​ၸဵတ်း​တူဝ်၊-</verse>
				<verse number="5">ဢိၵ်ႇ​တင်း​ပႄႉ​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​သူ​ၼၼ်ႉ​ပုၵ်ႈ​ၸေႃႇ၊-</verse>
				<verse number="6">ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး​ဝၼ်း​လိူၼ်​မႂ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း၊ ယိတ်ႈ​ဢၼ်​တုတ်ႇ​ၽႆး ဢၼ်​ႁဵတ်း​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း၊ ဢိၵ်ႇ​တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ ၸွမ်း​ၵႃႈ​ၼင်ႇ​ဢၼ်​ထုင်း​ၸၢမ်ႇ​မီး​ၼၼ်ႉ​လႄႈ ပဵၼ်​ပုၼ်ႈ​ဢၢႆ​ဢၼ်​ႁွမ်​ဢၼ်​ႁူၺ်း ယိတ်ႈ​ဢၼ်​ဢဝ်​တင်း​ၽႆး ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="7">ဝၼ်း​တႃႉသမႃႉ လိူၼ်​သတ်ႉတမႃႉ​ၼၼ်ႉ၊ သူ​တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​လႄႈ ၵမ်​ၵျၢင်ႉ​ၵႅၼ်ႇ​ၵႅၼ်ႇ​ၶႅင်​ၶႅင်​ၼႃႇ​လူင်​လၢင်​ဢေႃႈ။ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​ဢၼ်​လႂ်​လႃး​လႃး။-</verse>
				<verse number="8">ၼႂ်း​ဝၼ်း​ၼၼ်ႉ သူ​တၵ်း​လႆႈ​ဢဝ်​ယိတ်ႈ​ဢၼ်​တုတ်ႇ​ၽႆး ပုၼ်ႈ​ဢၢႆ​ဢၼ်​ႁွမ်​ဢၼ်​ႁူၺ်း​တီႈ​ထႃႇဝရႃႉ​ၽြႃး ဢၼ်​ဝႃႈ​ဝူဝ်း​ဢၼ်​ဢသၢၵ်ႈ​ၼုမ်ႇ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ဢၼ်​ဢမ်ႇ​ပႃး​ဢပႅတ်ႈ​ၸဵတ်း​တူဝ်၊-</verse>
				<verse number="9">ဢိၵ်ႇ​တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ဝႃႈ​ၽွင်​ၶဝ်ႈ​မုၼ်း​ ဢေးၽႃႇ ​သိပ်း​ပုၼ်ႈ​ဢဝ်​သၢမ်​ပုၼ်ႈ ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ ပုၼ်ႈ​ဝူဝ်း​ယေႈ​တူဝ်၊ တင်း​သိပ်း​ပုၼ်ႈ​ဢဝ်​သွင်​ပုၼ်ႈ ပုၼ်ႈ​သူဝ်း​ပေႃႈ​တူဝ်​ၼိုင်ႈ​ၼၼ်ႉ၊-</verse>
				<verse number="10">တင်း​သိပ်း​ပုၼ်ႈ​ပုၼ်ႈ​ၼိုင်ႈ ပုၼ်ႈ​ယေႈ​တူဝ်​ႁႂ်ႈ​ပေႃး​ၸေး​သူဝ်း​ပေႃႈ​ဢွၼ်ႇ​ၸဵတ်း​တူဝ်၊-</verse>
				<verse number="11">ဢိၵ်ႇ​တင်း​ပႄႉ​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ပုၵ်ႈ​ၸေႃႇ ၼွၵ်ႈ​သေ​ယိတ်ႈ​ဢၼ်​ၽေႇ​ဢပႅတ်ႈ​ပုၼ်ႈ​ဢၼ်​တၵ်း​ၽေႇ​ဢပႅတ်ႈ၊ ယိတ်ႈ​ဢၼ်​တုတ်ႇ​ၽႆး​ဢၼ်​ႁဵတ်း​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ၊ တင်း​တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း၊ ဢိၵ်ႇ​တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="12">ဝၼ်း​ဢၼ်​ထူၼ်ႈ​ထိုင်​သိပ်း​ႁႃႈ​ဝၼ်း လိူၼ်​သတ်ႉတမႃႉ​ၼၼ်ႉ၊ သူ​တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ သူ​ယင်း​ဢမ်ႇ​ႁဵတ်း​တၢင်း​ႁဵတ်း​လေႃးၵီႇ​လႄႈ တၵ်း​လႆႈ​ၶၢမ်ႇ​ပွႆး​ပုၼ်ႈ​ထႃႇဝရႃႉ​ၽြႃး ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="13">သူ​တၵ်း​လႆႈ​ဢဝ်​ယိတ်ႈ​ဢၼ်​တုတ်ႇ​ၽႆး ဢၼ်​ပဵၼ်​တၢင်း​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ပုၵ်ႈ​ၸေႃႇ​လႄႈ ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း​ပုၼ်ႈ​ထႃႇဝရႃႉ​ၽြႃး ဢၼ်​ဝႃႈ ဝူဝ်း​ပေႃႈ​ဢၼ်​ဢသၢၵ်ႈ​ၼုမ်ႇ​သိပ်း​သၢမ်​တူဝ်၊ သူဝ်း​ပေႃႈ​သွင်​တူဝ်၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ ဢၼ်​ဢမ်ႇ​ပႃး​ဢပႅတ်ႈ​သိပ်း​သီႇ​တူဝ်၊-</verse>
				<verse number="14">ဢိၵ်ႇ​တင်း တၢင်း​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း ဢၼ်​ဝႃႈ​ၽွင်​ၶဝ်ႈ​မုၼ်း​ ဢေးၽႃႇ ​သိပ်း​ပုၼ်ႈ​ဢဝ်​သၢမ်​ပုၼ်ႈ ဢၼ်​ဢဝ်​ၼမ်ႉ​မၼ်း​သႂ်ႇ​လေႃး​ၼၼ်ႉ ပုၼ်ႈ​ယေႈ​တူဝ်​ႁႂ်ႈ​ပေႃး​ၸေး​ဝူဝ်း​သိပ်း​သၢမ်​တူဝ် တင်း​သိပ်း​ပုၼ်ႈ​ဢဝ်​သွင်​ပုၼ်ႈ ပုၼ်ႈ​ယေႈ​တူဝ် ႁႂ်ႈ​ပေႃး​ၸေး သူဝ်း​ပေႃႈ​သွင်​တူဝ်၊-</verse>
				<verse number="15">တင်း​သိပ်း​ပုၼ်ႈ​ပုၼ်ႈ​ၼိုင်ႈ ပုၼ်ႈ​ယေႈ​တူဝ် ႁႂ်ႈ​ပေႃး​ၸေး​သူဝ်း​ပေႃႈ​ဢွၼ်ႇ​သိပ်း​သီႇ​တူဝ်။-</verse>
				<verse number="16">ဢိၵ်ႇ​တင်း​ပႄႉ​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​သူ​ၼၼ်ႉ​ပုၵ်ႈ​ၸေႃႇ၊ ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး ဢၼ်​ႁဵတ်း​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း၊ တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="17">ဝၼ်း​တူႉတီႉယႃႉ​ၼၼ်ႉ၊ သူ​တၵ်း​လႆႈ​ဢဝ်​ဝူဝ်း​ပေႃႈ ဢၼ်​ဢသၢၵ်ႈ​ၼုမ်ႇ​သိပ်း​သွင်​တူဝ်၊ သူဝ်း​ပေႃႈ​သွင်​တူဝ်၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ဢၼ်​ဢမ်ႇ​ပႃး​ဢပႅတ်ႈ သိပ်း​သီႇ​တူဝ်၊-</verse>
				<verse number="18">ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​သူဝ်း၊ ဝူဝ်း၊ သူဝ်း​ဢွၼ်ႇ​ၸိူဝ်း​ၼၼ်ႉ မႅၼ်ႈ​ၵႃႈ​ၼင်ႇ​ဢၼ်​ထုင်း​ၸၢမ်ႇ​မီး​ၼၼ်ႉ၊-</verse>
				<verse number="19">ဢိၵ်ႇ​တင်း​ပႄႉ​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ပုၵ်ႈ​ၸေႃႇ၊ ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး​ဢၼ်​ႁဵတ်း​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="20">ဝၼ်း​တႃႉတီႉယႃႉ​ၼၼ်ႉ၊ သူ​တၵ်း​လႆႈ​ဢဝ်​ဝူဝ်း​ပေႃႈ​သိပ်း​ဢဵတ်း​တူဝ်၊ သူဝ်း​ပေႃႈ​သွင်​တူဝ်၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ၊ ဢၼ်​ဢမ်ႇ​ပႃး​ဢပႅတ်ႈ သိပ်း​သီႇ​တူဝ်၊-</verse>
				<verse number="21">ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ​ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​သူဝ်း၊ ဝူဝ်း၊ သူဝ်း​ဢွၼ်ႇ​ၸိူဝ်း​ၼၼ်ႉ မႅၼ်ႈ​ၵႃႈ​ၼင်ႇ​ဢၼ်​ထုင်း​ၸၢမ်ႇ​မီး​ၼၼ်ႉ၊-</verse>
				<verse number="22">ဢိၵ်ႇ​တင်း​ပႄႉ​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ ပုၵ်ႈ​ၸေႃႇ၊ ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး​ဢၼ်​ႁဵတ်း​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ၊ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="23">ဝၼ်း​ၸတုၵ်ႉထႃႉ​ၼၼ်ႉ၊ သူ​တၵ်း​လႆႈ​ဢဝ်​ဝူဝ်း​ပေႃႈ​သိပ်း​တူဝ်၊ သူဝ်း​ပေႃႈ​သွင်​တူဝ်၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ ဢၼ်​ဢမ်ႇ​ပႃး​ဢပႅတ်ႈ သိပ်း​သီႇ​တူဝ်၊-</verse>
				<verse number="24">ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​သူဝ်း၊ ဝူဝ်း၊ သူဝ်း​ဢွၼ်ႇ​ၸိူဝ်း​ၼၼ်ႉ မႅၼ်ႈ​ၵႃႈ​ၼင်ႇ​ဢၼ်​ထုင်း​ၸၢမ်ႇ​မီး​ၼၼ်ႉ၊-</verse>
				<verse number="25">ဢိၵ်ႇ​တင်း​ပႄႉ​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ပုၵ်ႈ​ၸေႃႇ၊ ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး ဢၼ်​ႁဵတ်း​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="26">ဝၼ်း​ပိၼ်ႇၸမႃႉ​ၼၼ်ႉ၊ သူ​တၵ်း​လႆႈ​ဢဝ်​ဝူဝ်း​ပေႃႈ​ၵဝ်ႈ​တူဝ်၊ သူဝ်း​ပေႃႈ​သွင်​တူဝ်၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ၊ ဢၼ်​ဢမ်ႇ​ပႃး​ဢပႅတ်ႈ​သိပ်း​သီႇ​တူဝ်။-</verse>
				<verse number="27">ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​သူဝ်း၊ ဝူဝ်း၊ သူဝ်း​ဢွၼ်ႇ​ၸိူဝ်း​ၼၼ်ႉ မႅၼ်ႈ​ၵႃႈ​ၼင်ႇ​ဢၼ်​ထုင်း​ၸၢမ်ႇ​မီး​ၼၼ်ႉ၊-</verse>
				<verse number="28">ဢိၵ်ႇ​တင်း​ပႄႉ​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ပုၵ်ႈ​ၸေႃႇ၊ ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး​ဢၼ်​ႁဵတ်း​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ၊ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="29">ဝၼ်း​သႃႉထမႃႉ​ၼၼ်ႉ၊ သူ​တၵ်း​လႆႈ​ဢဝ်​ဝူဝ်း​ပေႃႈ​ပႅတ်ႇ​တူဝ်၊ သူဝ်း​ပေႃႈ​သွင်​တူဝ်၊ သူဝ်း​ပေႃႈ​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ၊ ဢၼ်​ဢမ်ႇ​ပႃး​ဢပႅတ်ႈ သိပ်း​သီႇ​တူဝ်၊-</verse>
				<verse number="30">ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​သူဝ်း၊ ဝူဝ်း၊ သူဝ်း​ဢွၼ်ႇ​ၸိူဝ်း​ၼၼ်ႉ မႅၼ်ႈ​ၵႃႈ​ၼင်ႇ​ဢၼ်​ထုင်း​ၸၢမ်ႇ​မီး​ၼၼ်ႉ၊-</verse>
				<verse number="31">ဢိၵ်ႇ​တင်း​ပႄႉ​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ပုၵ်ႈ​ၸေႃႇ​၊ ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး ဢၼ်​ႁဵတ်း​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="32">ဝၼ်း​သတ်ႉတမႃႉ​ၼၼ်ႉ သူ​တၵ်း​လႆႈ​ဢဝ်​ဝူဝ်း​ပေႃႈ​ၸဵတ်း​တူဝ်၊ သူဝ်း​ပေႃႈ​သွင်​တူဝ်၊ သူဝ်း​ပေႃႈ​ဢွၼ်ႇ ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ​ဢၼ်​ဢမ်ႇ​ပႃး​ဢပႅတ်ႈ သိပ်း​သီႇ​တူဝ်၊-</verse>
				<verse number="33">ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​သူဝ်း၊ ဝူဝ်း၊ သူဝ်း​ဢွၼ်ႇ​ၸိူဝ်း​ၼၼ်ႉ မႅၼ်ႈ​ၵႃႈ​ၼင်ႇ​ဢၼ်​ထုင်း​ၸၢမ်ႇ​မီး​ၼၼ်ႉ၊-</verse>
				<verse number="34">ဢိၵ်ႇ​တင်း​ပႄႉ​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ပုၵ်ႈ​ၸေႃႇ၊ ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး ဢၼ်​ႁဵတ်း​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ​ၼၼ်ႉ ၸိူဝ်း​ၼၼ်ႉ​ဢေႃႈ။</verse>
				<verse number="35">ဝၼ်း​ဢႃႉထမႃႉ​ၼၼ်ႉ၊ သူ​တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ သူ​ဢမ်ႇ​လႆႈ​ႁဵတ်း​တၢင်း​ႁဵတ်း​လေႃးၵီႇ။-</verse>
				<verse number="36">ၼႂ်း​ဝၼ်း​ၼၼ်ႉ သူ​တၵ်း​လႆႈ​ဢဝ်​ယိတ်ႈ​ဢၼ်​တုတ်ႇ​ၽႆး​ဢၼ်​ပဵၼ်​တၢင်း​ပုၵ်ႈ​ၸေႃႇ ဢၼ်​ဢဝ်​တင်း​ၽႆး ပုၵ်ႈ​ၸေႃႇ​လႄႈ ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း​ပုၼ်ႈ​ထႃႇဝရႃႉ​ၽြႃး ဢၼ်​ဝႃႈ​ဝူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃႈ​တူဝ်​ၼိုင်ႈ၊ သူဝ်း​ပေႃး​ဢွၼ်ႇ​ဢၼ်​ဢမ်ႇ​ပႆႇ​ၶွပ်ႈ​ၶူပ်ႇ ဢၼ်​ဢမ်ႇ​ပႃး​ဢပႅတ်ႈ​ၸဵတ်း​တူဝ်၊-</verse>
				<verse number="37">ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​သူဝ်း၊ ဝူဝ်း၊ သူဝ်း​ဢွၼ်ႇ​ၸိူဝ်း​ၼၼ်ႉ မႅၼ်ႈ​ၵႃႈ​ၼင်ႇ​ဢၼ်​ထုင်း​ၸၢမ်ႇ​မီး​ၼၼ်ႉ၊-</verse>
				<verse number="38">ဢိၵ်ႇ​တင်း​ပႄႉ​ပေႃႈ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ ပုၵ်ႈ​ၸေႃႇ၊ ၼွၵ်ႈ​သေ​ယိတ်ႈ​ဢၼ်​တုတ်ႇ​ၽႆး ဢၼ်​ႁဵတ်း​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း​တင်း​လၢႆ​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="39">ဢၼ်​ဝႃႈ​မႃး​ၸိူဝ်း​ၼႆႉ၊ သူ​တၵ်း​လႆႈ​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ၼႂ်း​ပွႆး​ဢၼ်​သူ​ၸီႇ​ယၢင်ႇ​ၶိင်ႇ​မၼ်း​ၶႃႇ​မၼ်း​ဝႆႉ​ၸိူဝ်း​ၼၼ်ႉ ၼွၵ်ႈ​သေ​တၢင်း​ပုၵ်ႈ​ၸေႃႇ​ဢၼ်​ႁဵတ်း​ၵတီႉ​သဵတ်ႈ​ၸႃႇ​တင်း​လၢႆ ဢိၵ်ႇ​တင်း​တၢင်း​ပုၵ်ႈ​ၸေႃႇ​ဢၼ်​ယူႇ​ဢလူဝ်ႇလူဝ်ႇ​လႄႈ​ႁဵတ်း​တင်း​လၢႆ ပုၼ်ႈ​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း တင်း​တၢင်း​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း တင်း​တၢင်း​ပုၵ်ႈ​ၸေႃႇ​မိၵ်ႉသႃႇႁႃယႃႉ​မၼ်း​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="40">ၼင်ႇ​ၼၼ်​လႄႈ မူဝ်းသေႇ ​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး မီး​ဢမိင်ႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
			</chapter>
			<chapter number="30">
				<verse number="1">မူဝ်းသေႇ ​သင်ႇ​လၢတ်ႈ​တီႈ​ၶဝ်​ၸိူဝ်း​ဢၼ်​ပဵၼ်​ၶုၼ်​ၵႃႈ​ၼိူဝ်​မဵဝ်း​တင်း​လၢႆ ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ​ဝႃႈ၊ ၵႂၢမ်း​ဢၼ်​ထႃႇဝရႃႉ​ၽြႃး​သမ်ႉ​မီး​ဢမိင်ႉ​လႄႈ​ဝႃႈ​ၸမ်ႉ၊-</verse>
				<verse number="2">ပေႃး​ၵူၼ်း​ၸၢႆး​ႁဵတ်း​ၵတီႉ​သဵတ်ႈ​ၸႃႇ​တီႈ​ထႃႇဝရႃႉ​ၽြႃး၊ ဢမ်ႇ​ၼၼ် ပေႃး​ႁဵတ်း​တၢင်း​ဢၼ်​ၵိၼ်ႇ​ဝႃႈ​လႄႈ မတ်ႉ​ၽုၵ်ႇ​ၸႂ်​ဝီႉၺိၺ်ႇ​မၼ်း​ဝႆႉ​ၸိုင်၊ ယင်း​ဢမ်ႇ​ႁႂ်ႈ​ၵႂၢမ်း​ဢၼ်​မၼ်း​လၢတ်ႈ​မၼ်း​ဝႃႈ​ၼၼ်ႉ​လႆႈ​လူႉ​လႄႈ မၼ်း​တၵ်း​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ဢွၵ်ႇ​သူပ်း​မၼ်း​ၼၼ်ႉ​ဢေႃႈ။</verse>
				<verse number="3">မိူဝ်ႈ​ဢၼ်​မႄႈ​ယိင်း​ဢသၢၵ်ႈ​ယင်း​လဵၵ်ႉ​လႄႈ ယူႇ​ၵႃႈ​တီႈ​ႁိူၼ်း​ပေႃႈ​မၼ်း​ယူႇ​ၼၼ်ႉ၊ ပေႃး​မၼ်း​ႁဵတ်း​ၵတီႉ​သဵတ်ႈ​ၸႃႇ​တီႈ​ထႃႇဝရႃႉ​ၽြႃး​လႄႈ တူဝ်​မၼ်း​မတ်ႉ​ၽုၵ်ႇ​တူဝ်​မၼ်း​ဝႆႉ​လႄႈ၊-</verse>
				<verse number="4">ပေႃႈ​မၼ်း​ၼၼ်ႉ ငိၼ်း​ၵႂၢမ်း​သဵတ်ႈ​ၸႃႇ​ၼၼ်ႉ ဢိၵ်ႇ​တင်း​ၵႂၢမ်း​ဢၼ်​မတ်ႉ​ၽုၵ်ႇ​ၸႂ်​ဝီႉၺိၺ်ႇ​မၼ်း​ၼၼ်ႉ​ယူႇ​သေ​လႄႈ တဵတ်ႇ​တဵတ်ႇ​ယူႇ​ၸိုင်၊ ၵႂၢမ်း​သဵတ်ႈ​ၸႃႇ​မၼ်း​ၵႃႈ​မီး​ၼၼ်ႉ တၵ်း​လႆႈ​တႄႇ​လႄႈ ၵႂၢမ်း​ဢၼ်​မၼ်း​မတ်ႉ​ၽုၵ်ႇ​ၸႂ်​ဝီႉၺိၺ်ႇ​မၼ်း​ဝႆႉ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ၊ တၵ်း​လႆႈ​တႄႇ​ဢေႃႈ။-</verse>
				<verse number="5">ဢမ်ႇ​ၼၼ်​ၵေႃႈ ပေႃး​ပေႃႈ​မၼ်း​ႁၢမ်ႈ​တၢပ်ႈ​ႁႄႉ​ၶႅၼ်​ၼႂ်း​ဝၼ်း​ဢၼ်​လႆႈ​ငိၼ်း​ၼၼ်ႉ​ၸိုင်၊ ၵႂၢမ်း​သဵတ်ႈ​ၸႃႇ​ဢၼ်​လႂ်​သေ​ဢမ်ႇ​ဝႃႈ၊ ၵႂၢမ်း​ဢၼ်​မၼ်း​မတ်ႉ​ၽုၵ်ႇ​ၸႂ်​ဝီႉၺိၺ်ႇ​မၼ်း​ဝႆႉ ဢၼ်​လႂ်​သေ​ဢမ်ႇ​ဝႃႈ ဢမ်ႇ​လႆႈ​တႄႇ။ ထႃႇဝရႃႉ​ၽြႃး​တၵ်း​ပွႆႇ​လွတ်ႈ​ၵွပ်ႈ​ပိူဝ်ႈ​ဢၼ် ပေႃႈ​မၼ်း​ႁၢမ်ႈ​တၢပ်ႈ​ႁႄႉ​ၶႅၼ်​ၼၼ်ႉ​ဢေႃႈ။</verse>
				<verse number="6">ပေႃး​မႄႈ​ယိင်း​ႁဵတ်း​ၵတီႉ​သဵတ်ႈ​ၸႃႇ၊ ဢမ်ႇ​ၼၼ် ဝႃႈ​ဢွၵ်ႇ​သူပ်း​ႁႂ်ႈ​လႆႈ​မတ်ႉ​ၽုၵ်ႇ​ၸႂ်​ဝီႉၺိၺ်ႇ​မၼ်း​ဝႆႉ​သေ​ယဝ်ႉ၊ ဢဝ်​ၽူဝ်​လႄႈ၊-</verse>
				<verse number="7">ၽူဝ်​မၼ်း​ၼၼ်ႉ​ငိၼ်း​လွင်ႈ​မၼ်း​တၢင်း​မၼ်း​လႄႈ ယူႇ​တဵတ်ႇ​တဵတ်ႇ​ယူႇ​ၼႂ်း​ဝၼ်း​ဢၼ်​လႆႈ​ငိၼ်း​ၼၼ်ႉ​ၸိုင်၊ ၵႂၢမ်း​သဵတ်ႈ​ၸႃႇ​မၼ်း​ၼၼ်ႉ​တၵ်း​လႆႈ​တႄႇ​လႄႈ ၵႂၢမ်း​ဢၼ်​မၼ်း​မတ်ႉ​ၽုၵ်ႇ​ၸႂ်​ဝီႉၺိၺ်ႇ​မၼ်း​ဝႆႉ​ၼၼ်ႉ တၵ်း​လႆႈ​တႄႇ​ဢေႃႈ။-</verse>
				<verse number="8">ဢမ်ႇ​ၼၼ်​ၵေႃႈ ပေႃး​ၽူဝ်​မၼ်း​ႁၢမ်ႈ​တၢပ်ႈ​ႁႄႉ​ၶႅၼ်​ၼႂ်း​ဝၼ်း​ဢၼ်​လႆႈ​ငိၼ်း​ၼၼ်ႉ​ၸိုင်၊ ၽူဝ်​မၼ်း​ၼၼ်ႉ တၵ်း​ပႄႇ​ၵႂၢမ်း​သဵတ်ႈ​ၸႃႇ​မၼ်း​ၼၼ်ႉ ဢိၵ်ႇ​တင်း​ၵႂၢမ်း​ဢၼ်​မၼ်း​ဝႃႈ​ဢွၵ်ႇ​သူပ်း​ႁႂ်ႈ​လႆႈ​မတ်ႉ​ၽုၵ်ႇ​ၸႂ်​ဝီႉၺိၺ်ႇ​မၼ်း​ဝႆႉ​ၼၼ်ႉ​ပႅတ်ႈ​လႄႈ၊ ထႃႇဝရႃႉ​ၽြႃး​တၵ်း​ပွႆႇ​လွတ်ႈ​ဢေႃႈ။</verse>
				<verse number="9">ၵတီႉ​သဵတ်ႈ​ၸႃႇ​မႄႈ​ယိင်း​ဢၼ်​ပဵၼ်​မႄႈ​မၢႆႈ၊ ဢမ်ႇ​ၼၼ် မႄႈ​ယိင်း​ဢၼ်​ပဵၼ်​မႄႈ​ႁၢင်ႉ​ၼၼ်ႉ ဢၼ်​ဝႃႈ​ၵႃႈ​ဢၼ်​မၼ်း​မတ်ႉ​ၽုၵ်ႇ​ၸႂ်​ဝီႉၺိၺ်ႇ​မၼ်း​ဝႆႉ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၸိုင် တၵ်း​လႆႈ​တႄႇ​ဢေႃႈ။-</verse>
				<verse number="10">မိူဝ်ႈ​ဢၼ်​မႄႈ​ယိင်း​ယင်း​မီး​ယူႇ​ၵႃႈ​ၼႂ်း​ႁိူၼ်း​ၽူဝ်​မၼ်း​လႄႈ​ယူႇ​ၼၼ်ႉ၊ ပေႃး​မၼ်း​ႁဵတ်း​ၵတီႉ​သဵတ်ႈ​ၸႃႇ၊ ဢမ်ႇ​ၼၼ် ပေႃး​မၼ်း​ဢဝ်​တင်း​တၢင်း​ဢၼ်​ၵိၼ်ႇ​ဢၼ်​ဝႃႈ​လႄႈ မတ်ႉ​ၽုၵ်ႇ​ၸႂ်​ဝီႉၺိၺ်ႇ​မၼ်း​ဝႆႉ​လႄႈ။-</verse>
				<verse number="11">ၽူဝ်​မၼ်း​ငိၼ်း​ယူႇ​သေ​ၵေႃႈ ဢမ်ႇ​ႁၢမ်ႈ​တၢပ်ႈ​ႁႄႉ​ၶႅၼ်​လႄႈ ယူႇ​တဵတ်ႇ​တဵတ်ႇ​ယူႇ​ၸိုင်၊ ၵတီႉ​သဵတ်ႈ​ၸႃႇ​မၼ်း​ၵႃႈ​မီး​ၼၼ်ႉ တၵ်း​လႆႈ​တႄႇ​လႄႈ တၢင်း​ဢၼ်​မၼ်း​မတ်ႉ​ၽုၵ်ႇ​ၸႂ်​ဝီႉၺိၺ်ႇ​မၼ်း​ဝႆႉ​ၵႃႈ​မီး​ၼၼ်ႉ တၵ်း​လႆႈ​တႄႇ​ဢေႃႈ။-</verse>
				<verse number="12">ဢမ်ႇ​ၼၼ်​ၵေႃႈ ပေႃး​ၽူဝ်​မၼ်း​လႆႈ​ပႄႇ​ပႅတ်ႈ​မူတ်း​မူတ်း​သဵင်ႈ​သဵင်ႈ​ၼႂ်း​ဝၼ်း​ဢၼ်​လႆႈ​ငိၼ်း​ၼၼ်ႉ​ၸိုင်၊ ၵႂၢမ်း​ဢၼ်​ဝႃႈ​ဢွၵ်ႇ​သူပ်း​မၼ်း​လႄႈ ၸၢပ်ႈ​သႅင်ႇ​ၵၼ်​တင်း​ၵတီႉ​သဵတ်ႈ​ၸႃႇ၊ ဢမ်ႇ​ၼၼ် တၢင်း​ဢၼ်​မတ်ႉ​ၽုၵ်ႇ​ၸႂ်​ဝီႉၺိၺ်ႇ​မၼ်း​ဝႆႉ​ၼၼ်ႉ​ၸိူဝ်း​ၼၼ်ႉ၊ ဢၼ်​လႂ်​သေ​ဢမ်ႇ​ဝႃႈ၊ ဢမ်ႇ​လႆႈ​တႄႇ။ ထႃႇဝရႃႉ​ၽြႃး​တၵ်း​ပွႆႇ​လွတ်ႈ​ၵွပ်ႈ​ပိူဝ်ႈ​ဢၼ်​ၽူဝ်​မၼ်း​ပႄႇ​ပႅတ်ႈ​ၼၼ်ႉ​ဢေႃႈ။</verse>
				<verse number="13">ၵတီႉ​သဵတ်ႈ​ၸႃႇ​ၵႃႈ​မီး၊ တၢင်း​ၵိၼ်ႇ​တၢင်း​ဝႃႈ​ဢၼ်​မတ်ႉ​ဢၼ်​ၽုၵ်ႇ​ဝႆႉ၊ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၵမ်​ၵျၢင်ႉ​ၵႅၼ်ႇ​ၵႅၼ်ႇ​ၶႅင်​ၶႅင်​ၼႃႇ​လူင်​လၢင်​ၵႃႈ​မီး​ၼၼ်ႉ​ၸိုင်၊ ၽူဝ်​မၼ်း​မီး​ဢၶႂၢင်ႉ​ဢၼ်​ပိူင်ႇ​ႁႂ်ႈ​တႄႇ၊ ၽူဝ်​မၼ်း​မီး​ဢၶႂၢင်ႉ​ဢၼ်​ပိူင်ႇ​ပႄႇ​ပႅတ်ႈ​ဢေႃႈ။-</verse>
				<verse number="14">ပေႃး​ၽူဝ်​မၼ်း​ယူႇ​တဵတ်ႇ​တဵတ်ႇ​ဝၼ်း​ၼိုင်ႈ​ယဝ်ႉ​ဝၼ်း​ၼိုင်ႈ​ယူႇ​ၸိုင်၊ ၽူဝ်​မၼ်း​ႁႂ်ႈ​ၵတီႉ​သဵတ်ႈ​ၸႃႇ​ဢၼ်​မၼ်း​ႁဵတ်း​ၵႃႈ​မီး ဢိၵ်ႇ​တင်း​တၢင်း​ဢၼ်​မတ်ႉ​ဢၼ်​ၽုၵ်ႇ​ဝႆႉ​ဢၼ်​မၼ်း​ႁဵတ်း​ၵႃႈ​မီး​ၼၼ်ႉ​တႄႇ​ဢေႃႈ။ မၼ်း​ၼၼ်ႉ​ႁႂ်ႈ​တႄႇ​ၵွပ်ႈ​ပိူဝ်ႈ​ဢၼ်​တူဝ်​ၸဝ်ႈ​ၵဝ်ႇ ယူႇ​တဵတ်ႇ​တဵတ်ႇ​ယူႇ​ၼႂ်း​ဝၼ်း​ဢၼ်​လႆႈ​ငိၼ်း​ၼၼ်ႉ​ယဝ်ႉ။-</verse>
				<verse number="15">လိုၼ်း​သေ​ဝၼ်း​ဢၼ်​ၽူဝ်​မၼ်း​လႆႈ​ငိၼ်း​ၵႂၢမ်း​ၼၼ်ႉ​ယဝ်ႉ​ၼၼ်ႉ၊ ပေႃး​ၽူဝ်​မၼ်း​ႁဵတ်း​ႁႂ်ႈ​လႆႈ​ပႄႇ​ပႅတ်ႈ​ၸိုင်၊ ၽူဝ်​မၼ်း​ၼၼ်ႉ တၵ်း​လႆႈ​ၶၢမ်ႇ​ဢပႅတ်ႈ​မၼ်း​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ဢၼ်​ၼႆႉ​ၸမ်ႉ၊ ပဵၼ်​ထုင်း​ၽိင်ႈ​တြႃး​ၵႃႈ​တီႈ​ၵႄႈ​ဝူင်ႈ​ၵၢင်​ၽူဝ်​တင်း​မေး၊ ၵႃႈ​တီႈ​ၵႄႈ​ဝူင်ႈ​ၵၢင်​ပေႃႈ​တင်း​လုၵ်ႈ​ယိင်း ဢၼ်​ဢသၢၵ်ႈ​ယင်း​လဵၵ်ႉ​ယင်း​ၼုမ်ႇ​ၵႃႈ​ၼႂ်း​ႁိူၼ်း​ပေႃႈ​မၼ်း​ၼၼ်ႉ ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
			</chapter>
			<chapter number="31">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="2">ယူႇ​ၽၢႆႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သေ​လႄႈ တွပ်ႇ​တႅၼ်း​ၶိုၼ်း​ဢပႅတ်ႈ​တီႈ​ၵူၼ်း​မဵဝ်း​ မီႉတျၼ်ႇ ​ၸိူဝ်း​ၼၼ်ႉ​တႃႉ။ ဢၼ်​ၼၼ်ႉ​ယဝ်ႉ​သေ​ယဝ်ႉ၊ မႂ်း​တၵ်း​လႆႈ​ႁွတ်ႈ​ထိုင်​ၵႃႈ​တီႈ​ဢၼ်​ၵူၼ်း​မဵဝ်း​မႂ်း​တင်း​လၢႆ ၸူႉ​တုမ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မူဝ်းသေႇ ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ႁွင်ႉ​ဢဝ်​ၵူၼ်း​ၵမ်ႈ​ၽွင်ႈ ႁႂ်ႈ​ယိပ်း​ၵမ်​လၢၵ်ႈ​ၼၢၵ်ႈ​သေ​လႄႈ ၶီႇ​သိုၵ်း​ၵႂႃႇ​ၵႃႈ​တီႈ​ၵူၼ်း​မဵဝ်း​ မီႉတျၼ်ႇ ​တင်း​လၢႆ ႁႂ်ႈ​လႆႈ​ႁဵတ်း​တၢင်း​ဢၼ်​ထႃႇဝရႃႉ​ၽြႃး​တွပ်ႇ​တႅၼ်း​ၶိုၼ်း​ဢပႅတ်ႈ တီႈ​ၵူၼ်း​မဵဝ်း​ မီႉတျၼ်ႇ ​ၸိူဝ်း​ၼၼ်ႉ​သေ။-</verse>
				<verse number="4">ၵႃႈ​တီႈ​ၼႂ်း​မဵဝ်း​တင်း​လၢႆ ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၼၼ်ႉ ၼုၵ်ႈ​ဢဝ်​ၵူၼ်း​ယေႈ​မဵဝ်း​ယေႈ​ႁဵင်​လႄႈ ႁႂ်ႈ​ၶီႇ​သိုၵ်း​သေ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="5">ၼႂ်း​ၵူၼ်း​မဵဝ်း​ ဢီႉသရေႇလႃႉ ပဵၼ်​မိုၼ်ႇ​ပဵၼ်​သႅၼ်​ၼၼ်ႉ ဢဝ်​တီႈ​ယေႈ​မဵဝ်း​ယေႈ​ႁဵင်​ဢၼ်​ဝႃႈ ၵူၼ်း​မိုၼ်ႇ​ၼိုင်ႈ​ပၢႆ​သွင်​ႁဵင် ဢၼ်​ပႃး​လၢၵ်ႈ​ၼၢၵ်ႈ​တိုၵ်း​သိုၵ်း​ၼၼ်ႉ ဢၢပ်ႈ​ပၼ်​လႄႈ၊-</verse>
				<verse number="6">မူဝ်းသေႇ ​ႁႂ်ႈ​ၶဝ်​ယေႈ​မဵဝ်း​ယေႈ​ႁဵင်​ၼၼ်ႉ၊ ဢိၵ်ႇ​တင်း​ ၽီႉၼႁတ်ႉ ​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢေးလႃႇၸႃႇ ဢၼ်​ပႃး​ဢဝ်​ၶိူင်ႈ​ပိူင်​ထႃႇၼႃႉ​တီႈ​မူတ်း​ၸၢင်ႇ​တင်း​လၢႆ ဢိၵ်ႇ​တင်း​ၼႄးၶရႃႇ​ပုၼ်ႈ​ဢၼ်​တၵ်း​ပဝ်ႇ​ၸိူဝ်း​ၼၼ်ႉ​ၼၼ်ႉ ၶီႇ​သိုၵ်း​ၵႂႃႇ​ဢေႃႈ။-</verse>
				<verse number="7">ၶဝ်​ၼၼ်ႉ တိုၵ်း​တေႃး​ၵူၼ်း​ မီႉတျၼ်ႇ ​တင်း​လၢႆ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​လႄႈ ဢဝ်​ၵူၼ်း​ၸၢႆး​တင်း​သဵင်ႈ​တင်း​လူင်​တၢႆ​ဢေႃႈ။-</verse>
				<verse number="8">ၼႂ်း​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ၼၼ်ႉ၊ ပႃး​ၶုၼ်​လူင်​ မီႉတျၼ်ႇ ​ဢၼ်​ဝႃႈ ဢေးဝီႉ၊ ရေႇၵိမ်ႇ၊ ၸူႉရႃႉ၊ ႁူႉရႃႉ၊ ရေးၽႃႉ ၶုၼ်​လူင်​ မီႉတျၼ်ႇ ႁႃႈ​ပႃး​ၼၼ်ႉ​ဢေႃႈ။ ပႃႇလၢမ်ႇ ​လုၵ်ႈ​ၸၢႆး​ ပေႃးရႃႉ ​ၼၼ်ႉ​ၵေႃႈ၊ ၶဝ်​ဢဝ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။-</verse>
				<verse number="9">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ တီႉ​လႆႈ​မႄႈ​ယိင်း​ မီႉတျၼ်ႇ ​ဢိၵ်ႇ​တင်း​လုၵ်ႈ​ဢွၼ်ႇ​လၢင်း​ဢွၼ်ႇ​ၶဝ်​တင်း​လၢႆ​လႄႈ သိမ်း​ဢဝ်​တရိၵ်ႈသၢၼ်ႇ​ၶဝ်၊ ၽုင်​သူဝ်း​ၽုင်​ပႄႉ​ၶဝ် ဢုၵ်ႉ​ၸႃႇ​ၶဝ်​ၵႃႈ​မီး​တင်း​သဵင်ႈ​တင်း​လူင်​ဢေႃႈ။-</verse>
				<verse number="10">ၶဝ်​ဢဝ်​ၽႆး​တုတ်ႇ​ဝဵင်း ဢၼ်​မီး​ယူႇ​ၼႂ်း​တီႈ​ယူႇ​ၶဝ်​ၼၼ်ႉ​ၵႃႈ​မီး ဢိၵ်ႇ​တင်း​လမ်း​တပ်ႉ​ၶဝ်​ၵႃႈ​မီး​ၼၼ်ႉ​ပႅတ်ႈ​ဢေႃႈ။-</verse>
				<verse number="11">ၶဝ်​သိမ်း​ဢဝ်​ဢုၵ်ႉ​ၸႃႇ​ဢၼ်​ႁိမ်​ႁူင်ႇ​လႆႈ​ၵႃႈ​မီး ဢိၵ်ႇ​တင်း​ၵႃႈ​ဢၼ်​တီႉ​လႆႈ​ဢၼ်​ဝႃႈ ၵူၼ်း​ဢိၵ်ႇ​တင်း​တရိၵ်ႈသၢၼ်ႇ​တင်း​လၢႆ​လႄႈ၊-</verse>
				<verse number="12">ဢဝ်​ၵူၼ်း​ဢၼ်​တီႉ​လႆႈ​ဢိၵ်ႇ​တင်း​တရိၵ်ႈသၢၼ်ႇ​ဢၼ်​တီႉ​လႆႈ တင်း​ဢုၵ်ႉ​ၸႃႇ ဢၼ်​ႁိမ်​ႁူင်ႇ​လႆႈ​ၼၼ်ႉ​မႃး​ၵႃႈ​တီႈ​ မူဝ်းသေႇ ​တင်း ယိတ်ႈပရေႃးႁဵၵ်ႈ​ ဢေးလႃႇၸႃႇ ဢိၵ်ႇ​တင်း​ပရဵၵ်ႈသၢတ်ႈ ၵူၼ်း​မဵဝ်း ဢီႉသရေႇလႃႉ ​တင်း​လၢႆ​တီႈ​ဢၼ်​ၶဝ်​ၶျႃး​တပ်ႉ​ယူႇ ၵႃႈ​ၼႂ်း​ပၢင်ႇ​ပဵင်း​ မေႃႇၽႃႉ ၵႃႈ​တီႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ သိုဝ်ႈ​ဝဵင်း​ ယေႇရီႉၶူဝ်း ​ၼၼ်ႉ​ဢေႃႈ။</verse>
				<verse number="13">မူဝ်းသေႇ ​ဢိၵ်ႇ​တင်း​ယိတ်ႈပရေႃးႁဵၵ်ႈ​ ဢေးလႃႇၸႃႇ တင်း​ၶုၼ်​ၵႃႈ​တီႈ​ပရဵၵ်ႈသၢတ်ႈ​တင်း​လၢႆ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ဢွၵ်ႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​ၶဝ်​ၵႃႈ​တီႈ​ၼွၵ်ႈ​တပ်ႉ​ဢေႃႈ။-</verse>
				<verse number="14">မူဝ်းသေႇ ​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင် တီႈ​ၶုၼ်​ပူဝ်ႇ​ႁူဝ်​သိုၵ်း​ဢၼ်​ဝႃႈ ပူဝ်ႇ​ဢၼ်​ဢုပ်ႉ​ၵႃႈ​ၼိူဝ် ၵူၼ်း​ယေႈ​ႁဵင်၊ တပ်ႉ​မူး​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ ဢၼ်​လုၵ်ႉ​သေ​ၵႃႈ​တီႈ​ဢၼ် တိုၵ်း​သိုၵ်း​ၶိုၼ်း​မႃး​ၸိူဝ်း​ၼၼ်ႉ​ဢေႃႈ။-</verse>
				<verse number="15">မူဝ်းသေႇ ​လၢတ်ႈ​တီႈ​ၶဝ်​လႄႈ​ဝႃႈ၊ သူ​လႆႈ​ႁႂ်ႈ​မႄႈ​ယိင်း​တင်း​သဵင်ႈ​တင်း​လူင် ဢသၢၵ်ႈ​လႆႈ​ၵတ်း​ယဵၼ်​ၶျၢမ်း​သႃႇ​ယူႇ​ႁိုဝ်။-</verse>
				<verse number="16">တူၺ်း​လူး၊ ၶဝ်​ၸိူဝ်း​ၼႆႉ​ၸွမ်း​တၢင်း​ၵျၢမ်ႇ​တၢင်း​ပွင်​ဢၼ်​ ပႃႇလၢမ်ႇ ​ပၼ်​ၼၼ်ႉ​သေ​လႄႈ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၽိတ်း​ပိူင်ႈ​ထႃႇဝရႃႉ​ၽြႃး​လူၺ်ႈ​ဢမူႉ​ၽြႃး​ ပေႇၵူႉရႃႉ ​ၼၼ်ႉ​လႄႈ ၽေး​ႁွတ်ႈ​ထိုင်​ၵႃႈ​တီႈ​ပရဵၵ်ႈသၢတ်ႈ​ထႃႇဝရႃႉ​ၽြႃး​လူင်​ပႄႇ။-</verse>
				<verse number="17">ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ ဢွၼ်​ၵၼ်​ဢဝ်​ၵူၼ်း​ၸၢႆး​ဢွၼ်ႇ​တင်း​သဵင်ႈ​တင်း​လူင်​တၢႆ​တႃႉ။ မႄႈ​ယိင်း​ဢၼ်​ယၢမ်ႈ​သိူၵ်ႈ​သမ်ႇ​ၵၼ်​တင်း ၵူၼ်း​ၸၢႆး​တင်း​သဵင်ႈ​တင်း​လူင်​ၵေႃႈ​ဢဝ်​တၢႆ​တႃႉ။-</verse>
				<verse number="18">ၵူၺ်း​ၵႃႈ မႄႈ​ယိင်း​ဢၼ်​ဢမ်ႇ​ပႆႇ​ယၢမ်ႈ​သိူၵ်ႈ​သမ်ႇ​ၵၼ်​တင်း​ၵူၼ်း​ၸၢႆး တင်း​သဵင်ႈ​တင်း​လူင်​ၼၼ်ႉ​ၸိုင်၊ ပၼ်​ဢသၢၵ်ႈ​ၵတ်း​ယဵၼ်​ၶျၢမ်း​သႃႇ​ပုၼ်ႈ​တူဝ်​သူ​တႃႉ။-</verse>
				<verse number="19">သူ​ယူႇ​ၵႃႈ​တီႈ​ၼွၵ်ႈ​တပ်ႉ​ၸဵတ်း​ဝၼ်း​တဵမ်​တဵမ်​တႃႉ။ ၵေႃႉ​ဢၼ်​ဢဝ်​ၵူၼ်း​တၢႆ၊ ၵေႃႉ​ဢၼ်​တိူဝ်ႉ​ထုၵ်ႇ​တူဝ်​တၢႆ​တင်း​သဵင်ႈ​တင်း​လူင်​ၶဝ်​ဢိူၺ်း၊ ႁႂ်ႈ​တူဝ်​သူ​ဢိၵ်ႇ​တင်း​ၶဝ်​ၸိူဝ်း​ဢၼ်​သူ​တီႉ​လႆႈ​ၸိူဝ်း​ၼၼ်ႉ မူတ်း​သႂ်​ၼႂ်း​ဝၼ်း​တႃႉတီႉယႃႉ ဢိၵ်ႇ​တင်း​ၼႂ်း​ဝၼ်း​သတ်ႉတမႃႉ​ၼၼ်ႉ​တႃႉ။-</verse>
				<verse number="20">ႁႂ်ႈ​ၶူဝ်း​ၼုင်ႈ​သူ​ၵႃႈ​မီး၊ ၶိူင်ႈ​ပိူင်​ၼင်​ၵႃႈ​မီး၊ ၶိူင်ႈ​ပိူင်​ဢၼ်​ဢဝ်​ၶူၼ်​ပႄႉ​တေႃး​ႁဵတ်း​ၵႃႈ​မီး၊ ၶိူင်ႈ​ပိူင်​ဢၼ်​ဢဝ်​မႆႉ​ဢဝ်​တွၵ်ႇ​ႁဵတ်း​ၵႃႈ​မီး​ၸိူဝ်း​ၼၼ်ႉ မူတ်း​သႂ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">ယိတ်ႈပရေႃးႁဵၵ်ႈ​ ဢေးလႃႇၸႃႇ ​ၵေႃႈ သင်ႇ​လၢတ်ႈ​တီႈ​ၵူၼ်း​သိုၵ်း​ဢၼ်​တိုၵ်း​သိုၵ်း​ၸိူဝ်း​ၼၼ်ႉ​လႄႈ​ဝႃႈ၊ ထုင်း​ၽိင်ႈ​တြႃး​ဢၼ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="22">ၶမ်း၊ ငိုၼ်း၊ တွင်း​လိူင်၊ လဵၵ်း၊ လဵၵ်း​ၽိူၵ်ႇ၊ ၸိုၼ်း၊-</verse>
				<verse number="23">ၶိူင်ႈ​ပိူင်​ဢၼ်​ၶၢမ်ႇ​ၽႆး​လႆႈ​ၵႃႈ​မီး​ၸိူဝ်း​ၼၼ်ႉ​ၸိုင်၊ သူ​တၵ်း​လႆႈ​ဢဝ်​ႁႂ်ႈ​မၼ်း​ၶဝ်ႈ​ၵႃႈ​တီႈ​ၼႂ်း​ၵၢင်​ၽႆး​သေ​လႄႈ မၼ်း​တၵ်း​မူတ်း​သႂ်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တၵ်း​လႆႈ​ဢဝ်​တင်း​ၼမ်ႉ​ဢၼ်​ႁႂ်ႈ​မူတ်း​သႂ်​ၼၼ်ႉ ႁႂ်ႈ​မၼ်း​မူတ်း​သႂ်​ဢေႃႈ။ ၶိူင်ႈ​ပိူင်​ၵႃႈ​ဢၼ်​ဢမ်ႇ​ၶၢမ်ႇ​ၽႆး​လႆႈ​ၼၼ်ႉ​ၸိုင် သူ​တၵ်း​လႆႈ​ဢဝ်​ႁႂ်ႈ​မၼ်း​ၶဝ်ႈ ၵႃႈ​ၼႂ်း​ၵၢင်​ၼမ်ႉ​ဢေႃႈ။-</verse>
				<verse number="24">သူ​တၵ်း​လႆႈ​သၵ်ႉ​လွႆး​ၶူဝ်း​ၼုင်ႈ​သူ​ၼႂ်း​ဝၼ်း​သတ်ႉတမႃႉ​လႄႈ​မီး​တၢင်း​ဢၼ်​မူတ်း​သႂ်​ဢေႃႈ။ လိုၼ်း​ၼၼ်ႉ​ၸင်ႇ တၵ်း​လႆႈ​ၶဝ်ႈ​ၵႃႈ​ၼႂ်း​တပ်ႉ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="26">မႂ်း​ဢိၵ်ႇ​တင်း​ယိတ်ႈပရေႃးႁဵၵ်ႈ​ ဢေးလႃႇၸႃႇ တင်း​ၵူၼ်း​ယႂ်ႇ​ၵူၼ်း​လူင် မဵဝ်း​ပူႇ​မဵဝ်း​ပေႃႈ​ၶဝ်​ၵႃႈ​ၼႂ်း​ပရဵၵ်ႈသၢတ်ႈ​တင်း​လၢႆ​ၼၼ်ႉ ဢွၼ်​ၵၼ်​ဢဝ်​တၢင်း​ဢၼ်​တီႉ​လႆႈ​သိမ်း​ဢဝ် ဢၼ်​ဝႃႈ​ၵူၼ်း​ဢိၵ်ႇ​တင်း​တရိၵ်ႈသၢၼ်ႇ​ၸိူဝ်း​ၼၼ်ႉ​လႄႈ၊-</verse>
				<verse number="27">ၽႄ​ႁဵတ်း​သွင်​ပုၼ်ႈ​သေ​ယဝ်ႉ၊ မႅင်ႇ​ပၼ်​တီႈ​ၶဝ်​ၸိူဝ်း​ဢၼ် ႁၢပ်ႇ​ဢမူႉ​သိုၵ်း​လႄႈ​ၵႂႃႇ​တိုၵ်း​သိုၵ်း​ၸိူဝ်း​ၼၼ်ႉ​ပုၼ်ႈ​ၼိုင်ႈ၊ တီႈ​ပရဵၵ်ႈသၢတ်ႈ​တင်း​လၢႆ​ပုၼ်ႈ​ၼိုင်ႈ​တႃႉ။-</verse>
				<verse number="28">ၽႃႇ​ၶႂၢႆး​ဢဝ်​ၶွၼ်ႇ​ဢၼ်​ၵူၼ်း​သိုၵ်း ဢၼ်​ၵႂႃႇ​တိုၵ်း​သိုၵ်း​ၸိူဝ်း​ၼၼ်ႉ တၵ်း​လႆႈ​ပၼ်​တီႈ​ထႃႇဝရႃႉ​ၽြႃး​ၼၼ်ႉ​လႄႈ ဢဝ်​ၵႃႈ​ၼႂ်း​ၵူၼ်း၊ ဝူဝ်း၊ လီႈ၊ သူဝ်း​တင်း​လၢႆ ယေႈ​ႁႃႈ​ပၢၵ်ႇ​ယေႈ​တူဝ်​လႄႈ၊-</verse>
				<verse number="29">ၼုၵ်ႈ​ဢွၵ်ႇ​သေ​ၵႃႈ​ၼႂ်း​ပုၼ်ႈ​ၶိုင်ႈ​ၼိုင်ႈ ဢၼ်​ၶဝ်​လႆႈ​ၶၢမ်ႇ​ၼၼ်ႉ​သေ​လႄႈ ပၼ်​တီႈ​ယိတ်ႈပရေႃးႁဵၵ်ႈ​ ဢေးလႃႇၸႃႇ ပုၼ်ႈ​ဢၼ်​တၵ်း​ႁဵတ်း​တၢင်း​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ​တီႈ​ထႃႇဝရႃႉ​ၽြႃး​တႃႉ။-</verse>
				<verse number="30">ၵႃႈ​ၼႂ်း​ပုၼ်ႈ​ၶိုင်ႈ​ၼိုင်ႈ ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ၶၢမ်ႇ​ၼၼ်ႉ​ၵေႃႈ မႂ်း​တၵ်း​လႆႈ​ဢဝ်​ၵႃႈ​ၼႂ်း​ၵူၼ်း၊ ဝူဝ်း၊ လီႈ၊ ၽုင်​သူဝ်း​ၽုင်​ပႄႉ၊ တရိၵ်ႈသၢၼ်ႇ​တင်း​သဵင်ႈ​တင်း​လူင် ယေႈ​ႁႃႈ​သိပ်း​ယေႈ​တူဝ်​လႄႈ ပၼ်​တီႈ​ၵူၼ်း​မဵဝ်း​ လေႇဝီႉ ဢၼ်​ပႂ်ႉ​သုမ်ႉ​ထဵင်​ထႃႇဝရႃႉ​ၽြႃး​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="31">မူဝ်းသေႇ ​ဢိၵ်ႇ​တင်း​ယိတ်ႈပရေႃးႁဵၵ်ႈ​ ဢေးလႃႇၸႃႇ ႁဵတ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။</verse>
				<verse number="32">တၢင်း​ဢၼ်​တီႉ​လႆႈ​သိမ်း​ဢဝ် ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ​ယူႇ ၵႃႈ​တီႈ​တၢင်း​ဢၼ် ၵူၼ်း​သိုၵ်း​တင်း​လၢႆ​တီႉ​ၵမ်​လႆႈ​ၼၼ်ႉ​ၸမ်ႉ၊ မီး​သူဝ်း​ႁူၵ်း​သႅၼ်​ၸဵတ်း​မိုၼ်ႇ​ပၢႆ​ႁႃႈ​ႁဵင်၊-</verse>
				<verse number="33">ဝူဝ်း​ၸဵတ်း​မိုၼ်ႇ​ပၢႆ​သွင်​ႁဵင်၊-</verse>
				<verse number="34">လီႈ​ႁူၵ်း​မိုၼ်ႇ​ပၢႆ​ႁဵင်​ၼိုင်ႈ၊-</verse>
				<verse number="35">မႄႈ​ယိင်း​ဢၼ်​ဢမ်ႇ​ပႆႇ​ယၢမ်ႈ​သိူၵ်ႈ​သမ်ႇ​ၵၼ်​တင်း​ၵူၼ်း​ၸၢႆး​ၼၼ်ႉ သၢမ်​မိုၼ်ႇ​ပၢႆ​ၸဵတ်း​ႁဵင်​ဢေႃႈ။-</verse>
				<verse number="36">ပုၼ်ႈ​ၶိုင်ႈ​ၼိုင်ႈ ဢၼ်​ၶဝ်​ၸိူဝ်း​ဢၼ်​ၵႂႃႇ​တိုၵ်း​သိုၵ်း​တင်း​လၢႆ လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ မီး​သူဝ်း​သၢမ်​သႅၼ်​သၢမ်​မိုၼ်ႇ​ၸဵတ်း​ႁဵင်​ပၢႆ​ႁႃႈ​ပၢၵ်ႇ​လႄႈ၊-</verse>
				<verse number="37">ၶွၼ်ႇ​ဢၼ်​ထႃႇဝရႃႉ​ၽြႃး​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ မီး​သူဝ်း​ႁူၵ်း​ပၢၵ်ႇ​ၸဵတ်း​သိပ်း​ပၢႆ​ႁႃႈ​တူဝ်​ဢေႃႈ။-</verse>
				<verse number="38">မီး​ဝူဝ်း​သၢမ်​မိုၼ်ႇ​ပၢႆ​ႁူၵ်း​ႁဵင်​တူဝ်​လႄႈ၊ ၶွၼ်ႇ​ဢၼ်​ထႃႇဝရႃႉ​ၽြႃး​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ မီး​ဝူဝ်း​ၸဵတ်း​သိပ်း​ပၢႆ​သွင်​တူဝ်​ဢေႃႈ။-</verse>
				<verse number="39">လီႈ​မီး​သၢမ်​မိုၼ်ႇ​ပၢႆ​ႁႃႈ​ပၢၵ်ႇ​လႄႈ ၶွၼ်ႇ​ဢၼ်​ထႃႇဝရႃႉ​ၽြႃး​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ မီး​လီႈ​ႁူၵ်း​သိပ်း​ပၢႆ​တူဝ်​ၼိုင်ႈ​ဢေႃႈ။-</verse>
				<verse number="40">ၵူၼ်း​မီး​မိုၼ်ႇ​ၼိုင်ႈ​ပၢႆ​ႁူၵ်း​ႁဵင်​လႄႈ၊ ၶွၼ်ႇ​ဢၼ်​ထႃႇဝရႃႉ​ၽြႃး​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ မီး​ၵူၼ်း​သၢမ်​သိပ်း​ပၢႆ​သွင်​ၵေႃႉ​ဢေႃႈ။-</verse>
				<verse number="41">မူဝ်းသေႇ ​ဢဝ်​ၶွၼ်ႇ​ဢၼ်​ပဵၼ် တၢင်း​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​ပုၼ်ႈ​ထႃႇဝရႃႉ​ၽြႃး​ၼၼ်ႉ ဢၢပ်ႈ​ပၼ်​တီႈ​ယိတ်ႈပရေႃးႁဵၵ်ႈ ဢေးလႃႇၸႃႇ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="42">လႆႈ​သမ်ႉ ပုၼ်ႈ​ၶိုင်ႈ​ၼိုင်ႈ ဢၼ်​ မူဝ်းသေႇ ​ၽႄ​ဢဝ်​ၵႃႈ​တီႈ​ၶဝ်​ၸိူဝ်း​ဢၼ်​တိုၵ်း​သိုၵ်း​ၼၼ်ႉ​သေ​လႄႈ ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊-</verse>
				<verse number="43">မီး​သူဝ်း​သၢမ်​သႅၼ်​သၢမ်​မိုၼ်ႇ​ၸဵတ်း​ႁဵင်​ပၢႆ​ႁႃႈ​ပၢၵ်ႇ၊-</verse>
				<verse number="44">ဝူဝ်း​သၢမ်​မိုၼ်ႇ​ပၢႆ​ႁူၵ်း​ႁဵင်၊-</verse>
				<verse number="45">လီႈ​သၢမ်​မိုၼ်ႇ​ပၢႆ​ႁႃႈ​ပၢၵ်ႇ၊-</verse>
				<verse number="46">ၵူၼ်း​မိုၼ်ႇ​ၼိုင်ႈ​ပၢႆ​ႁူၵ်း​ႁဵင်​ဢေႃႈ။-</verse>
				<verse number="47">မူဝ်းသေႇ ​ဢဝ်​ၵူၼ်း၊ တရိၵ်ႈသၢၼ်ႇ​ၵႃႈ​ၼႂ်း​ပုၼ်ႈ​ၶိုင်ႈ​ၼိုင်ႈ ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ၶၢမ်ႇ​ဢဝ်​ၼၼ်ႉ ယေႈ​ႁႃႈ​သိပ်း​ယေႈ​တူဝ်​လႄႈ ပၼ်​တီႈ​ၵူၼ်း​မဵဝ်း​ လေႇဝီႉ ဢၼ်​ပႂ်ႉ​သုမ်ႉ​ထဵင်​ထႃႇဝရႃႉ​ၽြႃး​ၸိူဝ်း​ၼၼ်ႉ​ဢေႃႈ။ ၼင်ႇ​ၼၼ်​လႄႈ ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ဢေႃႈ။</verse>
				<verse number="48">ပူဝ်ႇ​လူင်​ဢၼ်​ဢုပ်ႉ​ဢၼ်​ၶျုၵ်ႈ​ၵႃႈ​ၼႂ်း​မုၵ်ႉ​ၸိူဝ်း​ၵူၼ်း​တင်း​လၢႆ ဢၼ်​ပဵၼ်​မိုၼ်ႇ​ပဵၼ်​သႅၼ်​ဢၼ်​ဝႃႈ ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ယေႈ​ႁဵင်၊ တပ်ႉ​မူး​ဢၼ်​ဢုပ်ႉ​ၵႃႈ​ၼိူဝ်​ယေႈ​ပၢၵ်ႇ​ၸိူဝ်း​ၼၼ်ႉ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​တီႈ​ မူဝ်းသေႇ ​သေ​လႄႈ၊-</verse>
				<verse number="49">လဝ်ႊ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢွၼ်​ၵၼ်​ၶိုၼ်း​ၼပ်ႉ​ဢၢၼ်ႇ​ဢဝ်​ၸရၢင်း ၵူၼ်း​သိုၵ်း​ဢၼ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢုပ်ႉ​ၸိူဝ်း​ၼၼ်ႉ​လႄႈ ဢမ်ႇ​ယွမ်း​သေ​ၵေႃႉ​သေ​ၵူၼ်း​တီႈ​ၶႃႈ။-</verse>
				<verse number="50">ပိူဝ်ႈ​ၼႆ​လႄႈ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢွၼ်​ၵၼ်​ဢဝ်​တၢင်း​ဢၼ်​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ဢၼ်​ဝႃႈ​ၶိူင်ႈ​ၶမ်း​လႂ်၊ ပႃး​ၶေႃ​လႂ်၊ ဝႅၼ်​မိုဝ်း​လႂ်၊ မွင်း​ၵူၺ်း​လႂ်၊ ပႄႇ​ႁူ​လႂ်၊ မၢၵ်ႇ​ပူး​တီး​လႂ်၊ ၵႃႈ​ဢၼ်​ၵူၼ်း​ႁင်း​ၽႂ်​ႁင်း​မၼ်း​လႆႈ​ၸိူဝ်း​ၼၼ်ႉ မႃး​ပုၼ်ႈ​ဢၼ်​တၵ်း​ၽေႇ​ၵႃႈ​ၶၼ်​ဢသၢၵ်ႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="51">မူဝ်းသေႇ ​တင်း​ယိတ်ႈပရေႃးႁဵၵ်ႈ​ ဢေးလႃႇၸႃႇ ၶၢမ်ႇ​ဢဝ်​ၶမ်း​ၼၼ်ႉ ဢၼ်​ဝႃႈ​ၶိူင်ႈ​ပိူင်​ဢၼ်​ႁဵတ်း​ယဝ်ႉ​ၵႃႈ​မီး​ၼၼ်ႉ​ဢေႃႈ။-</verse>
				<verse number="52">ၼမ်ႉ​ၼၵ်း​ၶမ်း​တၢင်း​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ​ၵႃႈ​ဢၼ်​ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ယေႈ​ႁဵင် ဢိၵ်ႇ​တင်း​တပ်ႉ​မူး​ဢၼ်​ဢုပ်ႉ​ၵႃႈ​ၼိူဝ်​ယေႈ​ပၢၵ်ႇ​ၸိူဝ်း​ၼၼ်ႉ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ၸမ်ႉ၊ မီး​မိုၼ်ႇ​ၼိုင်ႈ​ႁူၵ်း​ႁဵင်​ၸဵတ်း​ပၢၵ်ႇ​ပၢႆ​ႁႃႈ​သိပ်း​ၵျၢပ်ႈ​ သၶေးလႃႉ ​ဢေႃႈ။-</verse>
				<verse number="53">လွင်ႈ​မၼ်း​ၸမ်ႉ ၵူၼ်း​သိုၵ်း​တင်း​လၢႆ လႆႈ​သိမ်း​ဢဝ်​ပုၼ်ႈ​တူဝ်​ၸဝ်ႈ​ၵဝ်ႇ​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="54">ၶမ်း​ဢၼ်​ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ယေႈ​ႁဵင် ဢိၵ်ႇ​တင်း​တပ်ႉ​မူး​ဢၼ်​ဢုပ်ႉ​ၵႃႈ​ၼိူဝ်​ယေႈ​ပၢၵ်ႇ​ၸိူဝ်း​ၼၼ်ႉ ပုၵ်ႈ​ၸေႃႇ​ၼၼ်ႉ​ၸိုင် မူဝ်းသေႇ ​တင်း​ယိတ်ႈပရေႃးႁဵၵ်ႈ​ ဢေးလႃႇၸႃႇ ဢဝ်​လႄႈ သႂၢင်း​ဝႆႉ​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ပုၼ်ႈ​ဢၼ်​ထႃႇဝရႃႉ​ၽြႃး တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။</verse>
			</chapter>
			<chapter number="32">
				<verse number="1">မဵဝ်း​ ရူႉပိၼ်ႇ ဢိၵ်ႇ​တင်း​ၵူၼ်း​မဵဝ်း​ ၵၢတ်ႉ ​တင်း​လၢႆ မၢၵ်ႈ​မီး​တရိၵ်ႈသၢၼ်ႇ​ၼမ်​ၼႃႇ​လႄႈ မိူဝ်ႈ​ဢၼ်​ၶဝ်​ႁၼ်​မိူင်း​ ယႃႇၸႃႇ တင်း​မိူင်း​ ၵီႉလတ်ႉ ပဵၼ်​တီႈ​ဢၼ်​တရိၵ်ႈသၢၼ်ႇ​တၵ်း​ၵိၼ်​လီ​ၼႃႇ​ၼၼ်ႉ​ၸိုင်၊-</verse>
				<verse number="2">ၵူၼ်း​မဵဝ်း​ ၵၢတ်ႉ ​ဢိၵ်ႇ​တင်း​ၵူၼ်း​မဵဝ်း​ ရူႉပိၼ်ႇ ​ၸိူဝ်း​ၼၼ်ႉ​ဢွၼ်​ၵၼ်​မႃး​ၵႃႈ​တီႈ​ မူဝ်းသေႇ တင်း​ယိတ်ႈပရေႃးႁဵၵ်ႈ​ ဢေးလႃႇၸႃႇ ဢိၵ်ႇ​တင်း​ၶုၼ်​ၵႃႈ​ၼႂ်း​ပရဵၵ်ႈသၢတ်ႈ​တင်း​လၢႆ​ၼၼ်ႉ​လႄႈ လဝ်ႊ​လၢတ်ႈ​ဝႃႈ၊-</verse>
				<verse number="3">ဢႃႇတရုတ်ႉ၊ တီႉၽုၼ်ႇ၊ ယႃႇၸႃႇ၊ ၼီႉမရႃႉ၊ ႁေႇသၽုၼ်ႇ၊ ဢေးလႃႇလေး၊ သေးၽမ်ႇ၊ ၼေႇပေႃႇ၊ ပေႃးၼႃႉ ၊-</verse>
				<verse number="4">ဢၼ်​ဝႃႈ​မိူင်း​ဢၼ်​ထႃႇဝရႃႉ​ၽြႃး တိုၵ်း​တေႃး​ယႃႉ​ပႅတ်ႈ ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼႆႉ​ၼႆႉ​ၸိုင် ထုၵ်ႇ​ၵၼ်​တင်း​တရိၵ်ႈသၢၼ်ႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၵေႃႈ မီး​တရိၵ်ႈသၢၼ်ႇ​ၼမ်​ၼႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="5">ၶဝ်​သမ်ႉ​လၢတ်ႈ​လႄႈ​ဝႃႈ၊ ပေႃး​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ လႆႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ၸိုင်၊ ၶႅၼ်း​တေႃႈ​ပၼ်​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ႁႂ်ႈ​လႆႈ​ပိူင်ႇ​သေ​ၵမ်း​တီႈ​ၶႃႈ၊ ယႃႇ​ပေ​ဢဝ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၵႂႃႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မူဝ်းသေႇ ​ၶိုၼ်း​လၢတ်ႈ​တီႈ​ၵူၼ်း​မဵဝ်း​ ၵၢတ်ႉ ​ဢိၵ်ႇ​တင်း​ၵူၼ်း​မဵဝ်း​ ရူႉပိၼ်ႇ ​ၸိူဝ်း​ၼၼ်ႉ​လႄႈ​ဝႃႈ၊ ပီႈ​ၼွင်ႉ​သူ​ၸိူဝ်း​ၼၼ်ႉ တၵ်း​လႆႈ​ၵႂႃႇ​တိုၵ်း​သိုၵ်း​လႄႈ သူ​တၵ်း​လႆႈ​ၵိုတ်း​သဝ်း​ယူႇ​ၵႃႈ​တီႈ​ၼႆႈ​ႁိုဝ်။-</verse>
				<verse number="7">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ယႃႉ​ၸႂ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​ဢမ်ႇ​ၶၢမ်ႈ​ဢမ်ႇ​ၵႂႃႇ ၵႃႈ​တီႈ​မိူင်း​ဢၼ် ထႃႇဝရႃႉ​ၽြႃး​ပၼ်​ၼၼ်ႉ​ၼင်ႇ​ႁိုဝ်။-</verse>
				<verse number="8">ပေႃး​သူ​ၸိူဝ်း​ၼၼ်ႉ​ႁဵတ်း​ၸိူဝ်ႉ​ၼင်ႇ​ၼႆ ၼႂ်း​မိူဝ်ႈ​ဢၼ်​ၵဝ်​ပွႆႇ​ၸႂ်ႉ​ၶဝ်​လုၵ်ႉ​သေ​ၵႃႈ​တီႈ​ ၵႃႇတေႇသပႃႇၼႃႇ ၵႂႃႇ​ႁႂ်ႈ​လႆႈ​လွမ်​တူၺ်း မိူင်း​ၸဝ်ႈ​ၼၼ်ႉ​ဢေႃႈ။-</verse>
				<verse number="9">ၶဝ်​ၼၼ်ႉ​ဢွၼ်​ၵၼ်​ၵႂႃႇ​တီႈ​ပၢင်ႇ​ႁူၺ်ႈ​ ဢေႇသၵေႃးလႃႉ ​လႄႈ တူၺ်း​ႁၼ်​မိူင်း​သေ​ယဝ်ႉ၊ ယႃႉ​ၸႂ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​ဢမ်ႇ​ၵႂႃႇ​ၵႃႈ​တီႈ​မိူင်း​ဢၼ်​ထႃႇဝရႃႉ​ၽြႃး​ပၼ်​ၼၼ်ႉ​ဢေႃႈ။-</verse>
				<verse number="10">မိူဝ်ႈ​ၼၼ်ႉ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​ဢွၵ်ႇ​သေ​လႄႈ မၼ်း​ၸဝ်ႈ​ၵိၼ်ႇ​လႄႈ​ဝႃႈ၊- လိူဝ်​သေ​ၵႃႇလႅပ်ႉ​လုၵ်ႈ​ၸၢႆး​ယေႇၽုၼ်ႇၼႃႉ ဢၼ်​ပဵၼ်​ၵူၼ်း​မဵဝ်း​ၵေးၼိတ်ႉ ဢိၵ်ႇ​တင်း​ယေႃးသူႉ လုၵ်ႈ​ၸၢႆး​ၼုၼ်ႇ​ၸိူဝ်း​ၼၼ်ႉ၊ ၵႃႈ​ၼႂ်း​ၶဝ်​ၸိူဝ်း​ဢၼ်​ဢွၵ်ႇ​သေ​ၵႃႈ​ၼႂ်း​မိူင်း​ဢေႇၵိပ်ႉတူႉ မႃး​ၼၼ်ႉ​လႄႈ ဢသၢၵ်ႈ​လႆႈ​သၢဝ်း​ၼိုင်ႈ​လႄႈ လိူဝ်​သၢဝ်း​ၵႂႃႇ​ၸိူဝ်း​ၼၼ်ႉ ၽူႈ​လႂ်​ဢမ်ႇ​လႆႈ​ႁၼ် မိူင်း​ဢၼ်​ၵဝ်​တိူင်ႇ​ဝႃႈ​တီႈ​ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ​ၸိူဝ်း​ၼၼ်ႉ​လႄႈ ပၼ်​ၼၼ်ႉ​သေ​ၵေႃႉ​သေ​ၵူၼ်း ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ၸွမ်း​လင်​ၵဝ်​မူတ်း​မူတ်း​ၼၼ်ႉ၊ လွင်ႈ​မၼ်း​ၸမ်ႉ သွင်​ၶႃ​ၸိုင် ၸွမ်း​လင်​ထႃႇဝရႃႉ​ၽြႃး​မူတ်း​မူတ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11"></verse>
				<verse number="12"></verse>
				<verse number="13">ၼင်ႇ​ၼၼ်​လႄႈ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ မၼ်း​ၸဝ်ႈ​ႁႂ်ႈ​ၶဝ်​လႄႇ​ၵႂႃႇ​လႄႇ​မႃး​ယူႇ​ၵႃႈ​ၼႂ်း​ထိူၼ်ႇ သီႇ​သိပ်း​ပီႊ​တဵမ်​တဵမ်​တေႃႇ​ထိုင်​ႁွတ်ႈ​ၵူၼ်း​ၵႃႈ​ဢၼ်​ႁဵတ်း​ဢမူႉ ဢၼ်​ႁၢႆႉ​ယုတ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ၸိူဝ်း​ၼၼ်ႉ ထၼ်ႈ​ပေႃး​လူႉ​လႅဝ်​ပႅတ်ႈ​ၼၼ်ႉ​ဢေႃႈ။-</verse>
				<verse number="14">တေႃႈ​လဵဝ်​ၼႆႉ​ၸမ်ႉ၊ သူ​ဢၼ်​ပဵၼ်​ၵေႃႉ​ဢၼ် ယဵင်ႈ​ၶႅၼ်း​ႁၢႆႉ​ယုတ်ႈ​ၸိူဝ်း​ၼႆႉ သမ်ႉ​ပေႃႇ​ဢွၵ်ႇ​မႃး တၢင်​တူဝ်​ပေႃႈ​သူ​ၸိူဝ်း​ၼၼ်ႉ ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး လႆႈ​ယဵင်ႈ​ၶႅၼ်း​ဢွၵ်ႇ​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ယဝ်ႉ​လူင်​ပႄႇ။-</verse>
				<verse number="15">ပေႃး​သူ​ယင်း​ဢမ်ႇ​ၸွမ်း​လင်​မၼ်း​ၸဝ်ႈ​လႄႈ ဝႄႈ​ပိူင်ႈ​ၵႂႃႇ​ၸိုင်၊ မၼ်း​ၸဝ်ႈ​တၵ်း​သမ်ႉ​ၶိုၼ်း​ၸုၼ်ႉ​ပႅတ်ႈ​ၵူၼ်း​မဵဝ်း​ၼႆႉ ၵႃႈ​ၼႂ်း​ထိူၼ်ႇ​လႄႈ၊ သူ​ၼႆႉ​တၵ်း​ယႃႉ​ၵူၼ်း​မဵဝ်း​ၼႆႉ တင်း​သဵင်ႈ​တင်း​လူင်​ပႅတ်ႈ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၶဝ်​ၼၼ်ႉ​ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​မၼ်း​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ၊ တၵ်း​တႄႇ​ႁဵတ်း​ၶွၵ်ႈ​သူဝ်း ပုၼ်ႈ​တရိၵ်ႈသၢၼ်ႇ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢိၵ်ႇ​တင်း​ဝဵင်း​ပုၼ်ႈ​လုၵ်ႈ​ဢွၼ်ႇ​လၢင်း​ဢွၼ်ႇ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ဝႆႉ​ၵႃႈ​တီႈ​ၼႆႈ​တီႈ​ၶႃႈ​ဢေႃႈ။-</verse>
				<verse number="17">ၵူၺ်း​ၵႃႈ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​ယိပ်း​ၵမ်​ဢဝ်​လၢၵ်ႈ​ၼၢၵ်ႈ​သေ​လႄႈ ပႃး​ၵႂႃႇ​ၵႃႈ​တီႈ​ၽၢႆႇ​ၼႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တေႃႇ​ထိုင်​ႁွတ်ႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ထၼ်ႈ​ပေႃး လႆႈ​ဢဝ်​ၶဝ်​ၵႂႃႇ​သူင်ႇ​ႁွတ်ႈ​ၵႃႈ​တီႈ တီႈ​ယူႇ​ၶဝ်​ၼၼ်ႉ​တီႈ​ၶႃႈ​ဢေႃႈ။ ၵွပ်ႈ​ပိူဝ်ႈ​ၵူၼ်း​ဢၼ် ယင်း​ၵိုတ်း​ယင်း​ၵျၢၼ်ႇ​မီး​ယူႇ ၵႃႈ​တီႈ​ၼႂ်း​မိူင်း​ၼႆႉ​ၸိူဝ်း​ၼၼ်ႉ​လႄႈ လုၵ်ႈ​ဢွၼ်ႇ​လၢင်း​ဢွၼ်ႇ​ၶႃႈ​ၸဝ်ႈ​ႁဝ်း​တင်း​လၢႆ​ၼႆႉ​ၸိူဝ်း​ၼၼ်ႉ တၵ်း​လႆႈ​ယူႇ​ၵႃႈ​တီႈ​ဝဵင်း​ဢၼ်​မၼ်ႈ​လီ​ၶိူင်ႇ​လီ​တီႈ​ၶႃႈ​ဢေႃႈ၊-</verse>
				<verse number="18">ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​ဢမ်ႇ​ၶိုၼ်း​ဢမ်ႇ​မႃး​ၵႃႈ​တီႈ​ႁိူၼ်း​တူဝ်​ၸဝ်ႈ​ၵဝ်ႇ တေႃႇ​ထိုင်​ႁွတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ထၼ်ႈ​ပေႃး​ၶဝ်​လႆႈ​ၶဝ်ႈ​ၶၢမ်ႇ​ဢမူၺ်ႇ​ႁင်း​ၽႂ်​ႁင်း​မၼ်း​ၼၼ်ႉ​တီႈ​ၶႃႈ၊-</verse>
				<verse number="19">ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢမ်ႇ​ၶႂ်ႈ​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း​ၶဝ် ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ပုၼ်ႉ​ၸိူဝ်း​ၼၼ်ႉ​တီႈ​ၶႃႈ၊ လိၼ်​တီႈ​ဢၼ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ၶၢမ်ႇ​ဢမူၺ်ႇ​ၼၼ်ႉ တူၵ်း​ၵႃႈ​တီႈ​ၽၢႆႇ​ၼႆႉ​ၼမ်ႉ​ႁွင်ႈ​ ယေႃးတၢၼ်ႇ ၊ ၵႃႈ​တီႈ​ၽၢႆႇ​ဝၼ်း​ဢွၵ်ႇ​ၼႆႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">မူဝ်းသေႇ ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ပေႃး​သူ​တၵ်း​ႁဵတ်း​ၸိူဝ်ႉ​ၼင်ႇ​ၼၼ် ဢၼ်​ဝႃႈ​ပေႃး​သူ​တၵ်း​ယိပ်း​ၵမ်​ဢဝ်​လၢၵ်ႈ​ၼၢၵ်ႈ​သေ​လႄႈ ၵႂႃႇ​တိုၵ်း​သိုၵ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ၊-</verse>
				<verse number="21">သူ​ၵႃႈ​ဢၼ်​ယိပ်း​ၵမ်​ဢဝ်​လၢၵ်ႈ​ၼၢၵ်ႈ​ၸိူဝ်း​ၼႆႉ တၵ်း​ၶၢမ်ႈ​ၵႂႃႇ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး တေႃႇ​ထိုင်​ႁွတ်ႈ​ထၼ်ႈ​ပေႃး ႁေႃႈ​ရၢၼ်ႇ​သူႇ​ထႃႇဝရႃႉ​ၽြႃး​တင်း​လၢႆ​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ၊-</verse>
				<verse number="22">ပႄႉ​ၼႅင်ႇ​မိူင်း​ၼၼ်ႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၼၼ်ႉ​ၸိုင်၊ လိုၼ်း​ၼၼ်ႉ သူ​ၼႆႉ​တၵ်း​ၵၢင်း​လွတ်ႈ​တင်း​ဢပႅတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သေ​လႄႈ ၶိုၼ်း​မႃး​ၵႃႈ​တီႈ​ၼႆႈ​ဢေႃႈ။ မိူင်း​ၼႆႉ တၵ်း​လႆႈ​ပဵၼ်​တီႈ​ဢၼ်​သူ ပႃး​တင်း​ဢၶႂၢင်ႉ​ထႃႇဝရႃႉ​ၽြႃး​သေ​လႄႈ​ပိူင်ႇ​ဢေႃႈ။-</verse>
				<verse number="23">ပေႃး​သူ​တၵ်း​ဢမ်ႇ​ႁဵတ်း​ၸိူဝ်ႉ​ၼင်ႇ​ၼၼ်​ၸမ်ႉ၊ သူ​တၵ်း​လႆႈ​မီး​တၢင်း​ဢၼ်​ၽိတ်း​ပိူင်ႈ​ထႃႇဝရႃႉ​ၽြႃး​ဢေႃႈ။ သူ​ႁူႉ​ၸႅင်ႈ​လွင်ႈ​ဢၼ်​ဢပႅတ်ႈ​သူ​ၼၼ်ႉ တၵ်း​ၸွမ်း​လႄႈ​ၶိုတ်း​သူ​ၼၼ်ႉ​တႃႉ။-</verse>
				<verse number="24">ဢွၼ်​ၵၼ်​တႄႇ​ႁဵတ်း​ဝဵင်း ပုၼ်ႈ​လုၵ်ႈ​ဢွၼ်ႇ​လၢင်း​ဢွၼ်ႇ​သူ ဢိၵ်ႇ​တင်း​ၶွၵ်ႈ​သူဝ်း​ပုၼ်ႈ​သူဝ်း​သူ​ဝႆႉ​တႃႉ။ ဢွၼ်​ၵၼ်​ႁဵတ်း​ၸွမ်း​ၼင်ႇ​ၵႃႈ​ဢၼ်​သူပ်း​သူ​ဝႃႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">ၵူၼ်း​မဵဝ်း​ ၵၢတ်ႉ ​ဢိၵ်ႇ​တင်း ၵူၼ်း​မဵဝ်း​ ရူႉပိၼ်ႇ ​တင်း​လၢႆ လဝ်ႊ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ် ၸဝ်ႈ​ႁဝ်း​မီး​ဢမိင်ႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="26">မေး​ဢိၵ်ႇ​တင်း​လုၵ်ႈ​ဢွၼ်ႇ​လၢင်း​ဢွၼ်ႇ​ၶႃႈ​ၸဝ်ႈ​ႁဝ်း​တင်း​လၢႆ တင်း​ၽုင်​သူဝ်း​ၽုင်​ဝူဝ်း​ၶႃႈ​ၸဝ်ႈ​ႁဝ်း​တင်း​သဵင်ႈ​တင်း​လူင် တၵ်း​လႆႈ​ၵိုတ်း​ယူႇ​ၵႃႈ​တီႈ​ၼႆႈ ၵႃႈ​ၼႂ်း​ဝဵင်း​တင်း​လၢႆ မိူင်း​ ၵီႉလတ်ႉ ​ၼႆႉ​တီႈ​ၶႃႈ​ဢေႃႈ။-</verse>
				<verse number="27">ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၸမ်ႉ၊ ၼင်ႇ​ၵႃႈ​ဢၼ်​ၸဝ်ႈ​ႁဝ်း​မီး​ဢမိင်ႉ​ၼၼ်ႉ တၵ်း​ယိပ်း​ၵမ်​ဢဝ်​လၢၵ်ႈ​ၼၢၵ်ႈ​သေ​လႄႈ ၶၢမ်ႈ​ၵႂႃႇ​ႁႂ်ႈ​လႆႈ​တိုၵ်း​သိုၵ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">ၵွပ်ႈ​ႁွႆး​ၼႆႉ​လႄႈ မူဝ်းသေႇ ​ဢဝ်​လွင်ႈ​ၶဝ်​သင်ႇ​လၢတ်ႈ​တီႈ​ယိတ်ႈပရေႃးႁဵၵ်ႈ​ ဢေးလႃႇၸႃႇ၊ ယေႃးသူႉ ​လုၵ်ႈ​ၸၢႆး​ ၼုၼ်ႇ ဢိၵ်ႇ​တင်း​ၵူၼ်း​ယႂ်ႇ​ၵူၼ်း​လူင် မဵဝ်း​ပူႇ​မဵဝ်း​ပေႃႈ​ၶဝ် ၵႃႈ​တီႈ​ၼႂ်း​မဵဝ်း​တင်း​လၢႆ ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ၊-</verse>
				<verse number="29">မူဝ်းသေႇ ​လၢတ်ႈ​လႄႈ​ဝႃႈ၊ ပေႃး​ၵူၼ်း​မဵဝ်း​ ၵၢတ်ႉ ဢိၵ်ႇ​တင်း​ၵူၼ်း​မဵဝ်း​ ရူႉပိၼ်ႇ ​ႁင်း​ၽႂ်​ႁင်း​မၼ်း ယိပ်း​ၵမ်​ဢဝ်​လၢၵ်ႈ​ၼၢၵ်ႈ ႁႂ်ႈ​လႆႈ​တိုၵ်း​သိုၵ်း​သေ​လႄႈ ဢွၼ်​ၵၼ်​ၶၢမ်ႈ​ၵႂႃႇ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ လူၺ်ႈ​ၵၼ်​တင်း​သူ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ သူ​ပႄႉ​ၼႅင်ႇ​မိူင်း​ၼၼ်ႉ​ယဝ်ႉ​ၸိုင်၊ သူ​တၵ်း​လႆႈ​ဢဝ်​မိူင်း​ ၵီႉလတ်ႉ ​ပၼ်​တီႈ​ၶဝ် ႁႂ်ႈ​ၶဝ်​လႆႈ​ပိူင်ႇ​ဢေႃႈ။-</verse>
				<verse number="30">ပေႃး​ဢမ်ႇ​ၼၼ် ပေႃး​ၶဝ်​ဢမ်ႇ​ယိပ်း​ၵမ်​ဢဝ်​လၢၵ်ႈ​ၼၢၵ်ႈ​သေ​လႄႈ ၶၢမ်ႈ​ၵႂႃႇ​လူၺ်ႈ​ၵၼ်​တင်း​သူ​ၸိုင်၊ ၶဝ်​တၵ်း​လႆႈ​ၶၢမ်ႇ​ဢဝ်​တီႈ​ဢၼ် တူဝ်​ၸဝ်ႈ​ၵဝ်ႇ​လႆႈ​ပိူင်ႇ​ၵႃႈ​ၼႂ်း​သူ ၵႃႈ​တီႈ​မိူင်း​ ၶႃႇၼၢၼ်ႇ ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ၵူၼ်း​မဵဝ်း​ ၵၢတ်ႉ ဢိၵ်ႇ​တင်း​ၵူၼ်း​မဵဝ်း​ ရူႉပိၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="32">ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​တၵ်း​ယိပ်း​ၵမ်​ဢဝ်​လၢၵ်ႈ​ၼၢၵ်ႈ​သေ​လႄႈ ၶၢမ်ႈ​ၵႂႃႇ​တီႈ​မိူင်း​ ၶႃႇၼၢၼ်ႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​ယဝ်ႉ၊ ဢမူၺ်ႇ​တီႈ​ဢၼ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​တၵ်း​ပိူင်ႇ​ၼၼ်ႉ တၵ်း​မီး​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">မိူဝ်ႈ​ၼၼ်ႉ မူဝ်းသေႇ ​ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​ သီႉႁုၼ်ႇ ၶုၼ်​ႁေႃ​ၶမ်း​ ဢႃႇမေႃးရီႉ ၊ သိုင်ႇ​ၸိုင်ႈ​ဝၢၼ်ႈ​မိူင်း​ ဢေႃႇၶႃႉ ၊ ၶုၼ်​ႁေႃ​ၶမ်း​ ပႃႇသၢၼ်ႇ ၊ ဢၼ်​ဝႃႈ​လိၼ်​မၼ်း​ဢၼ်​ၸွမ်း​လူၺ်ႈ​ဝဵင်း​မၼ်း ဢိၵ်ႇ​တင်း​ဝၢၼ်ႈ​ၼွၵ်ႈ​ၼႃး​ပၢင်ႇ​မၼ်း​တင်း​လၢႆ ဢၼ်​ဝႃႈ​ဝဵင်း​ဢၼ်​မီး​ၵူႈ​တီႈ​ၵူႈ​လႅၼ်၊ ၼႂ်း​ၼမ်ႉ​ၼႂ်း​လိၼ်​မၼ်း​ၸိူဝ်း​ၼၼ်ႉ ဢၢပ်ႈ​ပၼ်​တီႈ​ၵူၼ်း​မဵဝ်း​ ၵၢတ်ႉ ဢိၵ်ႇ​တင်း​ၵူၼ်း​မဵဝ်း​ ရူႉပိၼ်ႇ ​တင်း ၵူၼ်း​မဵဝ်း​ မၼႃႇ​သေႇ လုၵ်ႈ​ၸၢႆး​ ယူဝ်းသႅပ်ႈ ​ၼၼ်ႉ ၶိုင်ႈ​ၼိုင်ႈ​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="34">ၵူၼ်း​မဵဝ်း​ ၵၢတ်ႉ ​ၸိူဝ်း​ၼၼ်ႉ ဢွၼ်​ၵၼ်​တႄႇ​ႁဵတ်း​ တီႉပုၼ်ႇ၊ ဢႃႇတရုတ်ႉ၊ ဢႃႇရေႃႇ ၊-</verse>
				<verse number="35">ဢႃႇတရုတ်ႉသေႃႇၽၢၼ်ႇ၊ ယႃႇၸႃႇ၊ ယူဝ်းၽေႇႁႃႉ ၊-</verse>
				<verse number="36">ပႅတ်ႉၼီႉမရႃႉ၊ ပေႇသႃႇရၼ်ႇ ဢၼ်​ဝႃႈ ဝဵင်း​ဢၼ်​မၼ်ႈ​လီ​ၶိူင်ႇ​လီ​ၸိူဝ်း​ၼၼ်ႉ ဢိၵ်ႇ​တင်း​ၶွၵ်ႈ​သူဝ်း​တင်း​လၢႆ​ဢေႃႈ။-</verse>
				<verse number="37">ၵူၼ်း​မဵဝ်း​ ရူႉပိၼ်ႇ ​တင်း​လၢႆ ဢွၼ်​ၵၼ်​တႄႇ​ႁဵတ်း ႁေႇသၽုၼ်ႇ၊ ဢေးလႃႇလေး၊ ၵီႉရီႉယသိမ်း ၊-</verse>
				<verse number="38">ၼေႇပေႃႇ၊ ပႃႇလႃႉမေႃးၼႃႉ၊ ၸီႉပမႃႇ လႄႈ ဝဵင်း​ၸိူဝ်း​ၼၼ်ႉ လၢႆႈ​ၸိုဝ်ႈ​မႂ်ႇ​သဵင်​မႂ်ႇ​ဢေႃႈ။-</verse>
				<verse number="39">ၵူၼ်း​မဵဝ်း​ မႃႇၶီႉရႃႉ ဢၼ်​ပဵၼ်​လုၵ်ႈ​ၸၢႆး​ မၼႃႇ​သေႇ ​ၸိူဝ်း​ၼၼ်ႉ ဢွၼ်​ၵၼ်​ၵႂႃႇ​ၵႃႈ​တီႈ​ဝဵင်း​ ၵီႉလတ်ႉ ​လႄႈ သိမ်း​ဢဝ်​သေ​ယဝ်ႉ၊ ႁေႃႈ​ၵူၼ်း​မဵဝ်း​ ဢႃႇမေႃးရီႉ ​ဢၼ်​မီး​ယူႇ​ၵႃႈ​ၼႂ်း​မိူင်း​ၼၼ်ႉ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​သေ​ဢေႃႈ။-</verse>
				<verse number="40">မူဝ်းသေႇ ​ဢဝ်​မိူင်း​ ၵီႉလတ်ႉ ​ၼၼ်ႉ ဢၢပ်ႈ​ပၼ်​တီႈ​ၵူၼ်း​မဵဝ်း​ မႃႇၶီႉရႃႉ ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ​ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="41">ယႃႇဢီႉရႃႉ ၵူၼ်း​မဵဝ်း​ မၼႃႇ​သေႇ ​ၼၼ်ႉ​ၵေႃႈ ၵႂႃႇ​လႄႈ​သိမ်း​ဢဝ်​ဝၢၼ်ႈ​မၼ်း​ဝဵင်း​မၼ်း​တင်း​လၢႆ​ၼၼ်ႉ​သေ​ယဝ်ႉ၊ ႁွင်ႉ​ႁဵၵ်ႈ​ၸိုဝ်ႈ ႁႃႇဝုတ်ႉ​ယႃႇဢီႉရႃႉ ဢေႃႈ။-</verse>
				<verse number="42">ၼေႃႇပႃႉ ​ၵေႃႈ ၵႂႃႇ​လႄႈ​သိမ်း​ဢဝ်​ဝဵင်း​ ၵေးၼတ်ႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​သေ​ယဝ်ႉ၊ ဢဝ်​ၸိုဝ်ႈ​သဵင်​တူဝ်​ၸဝ်ႈ​ၵဝ်ႇ ႁွင်ႉ​ႁဵၵ်ႈ​ၸိုဝ်ႈ ၼေႃႇပႃႉ ဢေႃႈ။</verse>
			</chapter>
			<chapter number="33">
				<verse number="1">တၢင်း​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႂႃႇ​တၢင်း​ပႆ​တၢင်း​ၼႂ်း​မိူဝ်ႈ​ဢၼ်​ မူဝ်းသေႇ ​တင်း​ ဢႃႇရုၼ်ႇ ဢွၼ်​ႁူဝ်​လႄႈ ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၸွမ်း​လူၺ်ႈ​မုၵ်ႉ​ၶဝ်​ၸိူဝ်း​ၶဝ်​ၼၼ်ႉ​ၸိုင် ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="2">မူဝ်းသေႇ ​တႅမ်ႈ​တၢင်း​ဢၼ်​ၶဝ်​လုၵ်ႉ​လႄႈ ဢွၵ်ႇ​ၵႂႃႇ​ဢွၵ်ႇ​ပႆ​တင်း​လၢႆ ၸွမ်း​လူၺ်ႈ​တၢင်း​ဢၼ်​ၶဝ်​ၵႂႃႇ​တၢင်း​ပႆ​တၢင်း​ၸိူဝ်း​ၼၼ်ႉ​ဝႆႉ​ၸွမ်း​ၵႃႈ​ၼင်ႇ​ဢမိင်ႉ​ထႃႇဝရႃႉ​ၽြႃး​ၼၼ်ႉ​ဢေႃႈ။ တၢင်း​ဢၼ်​ၶဝ်​ၵႂႃႇ​တၢင်း​ပႆ​တၢင်း ၸွမ်း​လူၺ်ႈ​တၢင်း​ဢၼ်​ၶဝ်​လုၵ်ႉ​လႄႈ ဢွၵ်ႇ​ၵႂႃႇ​ဢွၵ်ႇ​ပႆ​ၸိူဝ်း​ၼၼ်ႉ​ၸမ်ႉ၊-</verse>
				<verse number="3">လိူၼ်​ပထမႃႉ​သိပ်း​ႁႃႈ​ဝၼ်း ၶဝ်​ဢွၵ်ႇ​သေ​ၵႃႈ​တီႈ​ဝဵင်း​ ရႃႇမသိတ်ႈ ​မႃး​ဢေႃႈ။ လိုၼ်း​သေ​ၶၢမ်ႇ​ပွႆး​ ပႃႉသၶႃႇ ​ယဝ်ႉ၊ ၼႂ်း​ဝၼ်း​မိူဝ်ႈ​ၽုၵ်ႈ​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​တင်း​မိုဝ်း​ဢၼ်​သုင်​ၼႃႇ​သေ​လႄႈ ဢွၵ်ႇ​သိုဝ်ႈ​ၼႃႈ​တႂ်ႈ​တႃ​ၵူၼ်း​ ဢေႇၵိပ်ႉတူႉ တင်း​သဵင်ႈ​တင်း​လူင်​မႃး၊-</verse>
				<verse number="4">ၼႂ်း​မိူဝ်ႈ​ဢၼ်​ၵူၼ်း​ ဢေႇၵိပ်ႉတူႉ ဢွၼ်​ၵၼ်​သၢင်း​ၵျူဝ်ႇ​လုၵ်ႈ​ၸၢႆး​တူၼ်ႈ​ၶဝ် ဢၼ်​ထႃႇဝရႃႉ​ၽြႃး ပၼ်​တၢမ်ႇ​တင်း​သဵင်ႈ​တင်း​လူင်​ယူႇ​ၼၼ်ႉ​ဢေႃႈ။ တီႈ​ၽြႃး​ၶဝ်​တင်း​လၢႆ​ၵေႃႈ ထႃႇဝရႃႉ​ၽြႃး​ၸီႇ​ယၢင်ႇ​ပၼ်​တၢမ်ႇ​ဢေႃႈ။-</verse>
				<verse number="5">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လုၵ်ႉ​သေ​ၵႃႈ​တီႈ​ဝဵင်း​ ရႃႇမသိတ်ႈ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ​ သူႉၵုတ်ႉ ​ဢေႃႈ။-</verse>
				<verse number="6">ၶဝ်​သမ်ႉ​လုၵ်ႉ​သေ​ၵႃႈ​တီႈ​ဝဵင်း​ သူႉၵုတ်ႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ​ဝဵင်း​ ဢေးသမ်ႇ ဢၼ်​ၸပ်း​ၵႃႈ​ႁိမ်း​ထိူၼ်ႇ​ဢေႃႈ။-</verse>
				<verse number="7">ၶဝ်​သမ်ႉ​လုၵ်ႉ​သေ​ၵႃႈ​တီႈ​ဝဵင်း​ ဢေးသမ်ႇ ၵႂႃႇ​တၢင်း​ပႆ​တၢင်း​လႄႈ​သမ်ႉ​ၶိုၼ်း​ဝၢႆႇ​ၸူး​ဝဵင်း​ ပီႉႁႁီႉရုတ်ႉ ဢၼ်​မီး​ၵႃႈ​တီႈ​ၽၢႆႇ​ၼႃႈ​ဝဵင်း​ ပႃႇလႃႇၸေႇၽုၼ်ႇ သေ​ယဝ်ႉ၊ ၶျႃး​ပၢင်​ၵႃႈ​တီႈ​ၽၢႆႇ​ၼႃႈ​ဝဵင်း​ မီႉၵတေႃးလႃႉ ​ဢေႃႈ။-</verse>
				<verse number="8">ၶဝ်​သမ်ႉ​လုၵ်ႉ​သေ​ၵႃႈ​တီႈ​ၽၢႆႇ​ၼႃႈ​ဝဵင်း​ ႁႁီႉရုတ်ႉ ၵႂႃႇ​တၢင်း​ပႆ​တၢင်း​လႄႈ ၽႃႇ​လတ်း​ၵႃႈ​ၼႂ်း​ၵၢင်​ပၢင်ႇ​လၢႆႇ​ၵႂႃႇ​သေ​ယဝ်ႉ၊ ၸွမ်း​တၢင်း​ၵႃႈ​ၼႂ်း​ထိူၼ်ႇ​ ဢေးသမ်ႇ ၵႂႃႇ​သၢမ်​ဝၼ်း​လႄႈ ၶျႃး​ပၢင်​ၵႃႈ​တီႈ​ မႃႇရႃႉ ​ဢေႃႈ။-</verse>
				<verse number="9">ၶဝ်​သမ်ႉ​လုၵ်ႉ​သေ​ၵႃႈ​တီႈ​ မႃႇရႃႉ ၵႂႃႇ​တၢင်း​ပႆ​တၢင်း​လႄႈ ႁွတ်ႈ​ထိုင်​ၵႃႈ​တီႈ​ ဢေးလိမ်း ​ဢေႃႈ။ ၵႃႈ​တီႈ​ ဢေးလိမ်း ​ၼၼ်ႉ မီး​ၼမ်ႉ​မေႃႇ​သိပ်း​သွင်​မေႃႇ တင်း​တူၼ်ႈ​ထၢၼ်​ၸဵတ်း​သိပ်း​တူၼ်ႈ​လႄႈ ၶဝ်​ၶျႃး​ပၢင်​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="10">ၶဝ်​သမ်ႉ​လုၵ်ႉ​သေ​ၵႃႈ​တီႈ​ ဢေးလိမ်း ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ​ႁိမ်း​ပၢင်ႇ​လၢႆႇ​ ဢေႇတုမ်ႇ ​ဢေႃႈ။-</verse>
				<verse number="11">ၶဝ်​သမ်ႉ​လုၵ်ႉ​သေ​ၵႃႈ​တီႈ ပၢင်ႇ​လၢႆႇ​ ဢေႇတုမ်ႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ထိူၼ်ႇ​ သိၼ်း ​ဢေႃႈ။-</verse>
				<verse number="12">ၶဝ်​သမ်ႉ​လုၵ်ႉ​သေ​ၵႃႈ​တီႈ ထိူၼ်ႇ​ သိၼ်း ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ တေႃးၽၵႃႇ ​ဢေႃႈ။-</verse>
				<verse number="13">ၶဝ်​သမ်ႉ​လုၵ်ႉ​သေ​ၵႃႈ​တီႈ​ တေႃးၽၵႃႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ဢႃႇလူႉသႃႉ ​ဢေႃႈ။-</verse>
				<verse number="14">ၶဝ်​သမ်ႉ​လုၵ်ႉ​သေ​ၵႃႈ​တီႈ​ ဢႃႇလူႉသႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ရေႇၽီႉတိမ်ႇ ဢၼ်​ဢမ်ႇ​မီး​ၼမ်ႉ​ပုၼ်ႈ​ဢၼ်​ၵူၼ်း​တင်း​လၢႆ တၵ်း​ၵိၼ်ႇ​ၼၼ်ႉ​ဢေႃႈ။-</verse>
				<verse number="15">ၶဝ်​သမ်ႉ​လုၵ်ႉ​သေ​ၵႃႈ​တီႈ ရေႇၽီႉတိမ်ႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ထိူၼ်ႇ​ သီႉၼႃႉ ​ဢေႃႈ။-</verse>
				<verse number="16">ၶဝ်​သမ်ႉ​လုၵ်ႉ​သေ​ၵႃႈ​တီႈ ထိူၼ်ႇ​ သီႉၼႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ၵီႉပြုတ်ႉႁတ်ႉတဝႃႇ ​ဢေႃႈ။-</verse>
				<verse number="17">ၶဝ်​သမ်ႉ​လုၵ်ႉ​သေ​ၵႃႈ​တီႈ ၵီႉပြုတ်ႉႁတ်ႉတဝႃႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ႁႃႇၸရုတ်ႉ ​ဢေႃႈ။-</verse>
				<verse number="18">ၶဝ်​သမ်ႉ​လုၵ်ႉ​သေ​ၵႃႈ​တီႈ ႁႃႇၸရုတ်ႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ရီႉသမႃႇ ​ဢေႃႈ။-</verse>
				<verse number="19">ၶဝ်​သမ်ႉ​လုၵ်ႉ​သေ​ၵႃႈ​တီႈ ရီႉသမႃႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ရိမ်ႇမုၼ်ႇၽႃးရိတ်ႉ ​ဢေႃႈ။-</verse>
				<verse number="20">ၶဝ်​သမ်ႉ​လုၵ်ႉ​သေ​ၵႃႈ​တီႈ ရိမ်ႇမုၼ်ႇၽႃးရိတ်ႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ လီႉပၼႃႉ ​ဢေႃႈ။-</verse>
				<verse number="21">ၶဝ်​သမ်ႉ​လုၵ်ႉ​သေ​ၵႃႈ​တီႈ လီႉပၼႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ရိတ်ႉသႃႇ ​ဢေႃႈ။-</verse>
				<verse number="22">ၶဝ်​သမ်ႉ​လုၵ်ႉ​သေ​ၵႃႈ​တီႈ ရိတ်ႉသႃႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ၵေးႁႃႉလႃႇသႃႉ ​ဢေႃႈ။-</verse>
				<verse number="23">ၶဝ်​သမ်ႉ​လုၵ်ႉ​သေ​ၵႃႈ​တီႈ ၵေးႁႃႉလႃႇသႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ လွႆ​ သႃႇၽႃႇ ​ဢေႃႈ။-</verse>
				<verse number="24">ၶဝ်​သမ်ႉ​လုၵ်ႉ​သေ​ၵႃႈ​တီႈ လွႆ​ သႃႇၽႃႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ႁႃႇရတႃႉ ​ဢေႃႈ။-</verse>
				<verse number="25">ၶဝ်​သမ်ႉ​လုၵ်ႉ​သေ​ၵႃႈ​တီႈ ႁႃႇရတႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ မၵ်ႉၵလုတ်ႉ ​ဢေႃႈ။-</verse>
				<verse number="26">ၶဝ်​သမ်ႉ​လုၵ်ႉ​သေ​ၵႃႈ​တီႈ မၵ်ႉၵလုတ်ႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ တႃႇႁတ်ႉ ​ဢေႃႈ။-</verse>
				<verse number="27">ၶဝ်​သမ်ႉ​လုၵ်ႉ​သေ​ၵႃႈ​တီႈ တႃႇႁတ်ႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ တႃႇရႃႉ ​ဢေႃႈ။-</verse>
				<verse number="28">ၶဝ်​သမ်ႉ​လုၵ်ႉ​သေ​ၵႃႈ​တီႈ တႃႇရႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ မီႉသၵႃႇ ​ဢေႃႈ။-</verse>
				<verse number="29">ၶဝ်​သမ်ႉ​လုၵ်ႉ​သေ​ၵႃႈ​တီႈ မီႉသၵႃႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ႁႃႇသႃႉမေႃးၼႃႉ ​ဢေႃႈ။-</verse>
				<verse number="30">ၶဝ်​သမ်ႉ​လုၵ်ႉ​သေ​ၵႃႈ​တီႈ ႁႃႇသႃႉမေႃးၼႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ မေႃးသရုတ်ႉ ​ဢေႃႈ။-</verse>
				<verse number="31">ၶဝ်​သမ်ႉ​လုၵ်ႉ​သေ​ၵႃႈ​တီႈ မေႃးသရုတ်ႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ပိၺ်ႇယႃႇၵၼ်ႇ ​ဢေႃႈ။-</verse>
				<verse number="32">ၶဝ်​သမ်ႉ​လုၵ်ႉ​သေ​ၵႃႈ​တီႈ ပိၺ်ႇယႃႇၵၼ်ႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ႁေႃရၵိတ်ႉၵတ်ႉ ​ဢေႃႈ။-</verse>
				<verse number="33">ၶဝ်​သမ်ႉ​လုၵ်ႉ​သေ​ၵႃႈ​တီႈ ႁေႃရၵိတ်ႉၵတ်ႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ယုတ်ႉၽႃႇသႃႉ ​ဢေႃႈ။-</verse>
				<verse number="34">ၶဝ်​သမ်ႉ​လုၵ်ႉ​သေ​ၵႃႈ​တီႈ ယုတ်ႉၽႃႇသႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ဢေႇပရေႃးၼႃႉ ​ဢေႃႈ။-</verse>
				<verse number="35">ၶဝ်​သမ်ႉ​လုၵ်ႉ​သေ​ၵႃႈ​တီႈ ဢေႇပရေႃးၼႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ဢေးၸယုၼ်းၵႃႇပႃႇ ​ဢေႃႈ။-</verse>
				<verse number="36">ၶဝ်​သမ်ႉ​လုၵ်ႉ​သေ​ၵႃႈ​တီႈ ဢေးၸယုၼ်းၵႃႇပႃႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ၵႃႇတေႇသႃႉ ၊ ထိူၼ်ႇ​ ၸီႉၼႃႉ ​ဢေႃႈ။-</verse>
				<verse number="37">ၶဝ်​သမ်ႉ​လုၵ်ႉ​သေ​ၵႃႈ​တီႈ ၵႃႇတေႇသႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ လွႆ​ ႁေႃးရႃႉ ၊ ၵႃႈ​ၼႂ်း​လႅၼ်​လိၼ်​မိူင်း​ ဢေႇတုမ်ႇ ​ဢေႃႈ။-</verse>
				<verse number="38">ၼႂ်း​ပီႊ​ဢၼ်​ထူၼ်ႈ​ထိုင်​သီႇ​သိပ်း​ပီႊ လိုၼ်း​သေ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ၊ လိူၼ်​ပိၼ်ႇၸမႃႉ၊ ဝၼ်း​ပထမႃႉ ယိတ်ႈပရေႃးႁဵၵ်ႈ​ ဢႃႇရုၼ်ႇ ၶိုၼ်ႈ​ၵႃႈ​ၼိူဝ်​လွႆ​ ႁေႃးရႃႉ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​သေ​လႄႈ၊​ႁွတ်ႈ​ဢၼိၵ်ႈၸႃႉ​ဢေႃႈ။-</verse>
				<verse number="39">မိူဝ်ႈ​ဢၼ်​ ဢႃႇရုၼ်ႇ ႁွတ်ႈ​ဢၼိၵ်ႈၸႃႉ ၵႃႈ​ၼိူဝ်​လွႆ​ ႁေႃးရႃႉ ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​ပၢၵ်ႇ​ပၢႆ​သၢဝ်း​သၢမ်​ပီႊ​ဢေႃႈ။-</verse>
				<verse number="40">လွင်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ႁွတ်ႈ​ထိုင်​ၼၼ်ႉ​ၸိုင် ၶုၼ်​လူင်​ ဢႃႇရတ်ႉ မဵဝ်း​ ၶႃႇၼၼီႉ ​ဢၼ်​ယူႇ​ပွတ်း​တၢင်း​ၸၢၼ်း ၵႃႈ​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ​ငိၼ်း​ဢေႃႈ။-</verse>
				<verse number="41">ၶဝ်​လုၵ်ႉ​သေ​ၵႃႈ​တီႈ​လွႆ​ ႁေႃးရႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ၸႃႇလႃႉမေႃႇၼႃႉ ​ဢေႃႈ။-</verse>
				<verse number="42">ၶဝ်​လုၵ်ႉ​သေ​ၵႃႈ​တီႈ​ ၸႃႇလႃႉမေႃႇၼႃႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ပူႉၼုၼ်ႇ ​ဢေႃႈ။-</verse>
				<verse number="43">ၶဝ်​လုၵ်ႉ​သေ​ၵႃႈ​တီႈ​ ပူႉၼုၼ်ႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ဢေႃးပုတ်ႉ ​ဢေႃႈ။-</verse>
				<verse number="44">ၶဝ်​လုၵ်ႉ​သေ​ၵႃႈ​တီႈ ဢေႃးပုတ်ႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ဢီႉယႃႉဢပႃႇရိမ်ႇ ၵႃႈ​ၼႂ်း​လႅၼ်​လိၼ် မိူင်း​ မေႃႇၽႃႉ ​ဢေႃႈ။-</verse>
				<verse number="45">ၶဝ်​လုၵ်ႉ​သေ​ၵႃႈ​တီႈ​ ဢီႉယိမ်ႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ တီႉၽုၼ်ႇၵၢတ်ႉ ​ဢေႃႈ။-</verse>
				<verse number="46">ၶဝ်​လုၵ်ႉ​သေ​ၵႃႈ​တီႈ​ တီႉၽုၼ်ႇၵၢတ်ႉ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ဢႃႇလမုၼ်ႇတီႉပလသိမ်ႇ ​ဢေႃႈ။-</verse>
				<verse number="47">ၶဝ်​လုၵ်ႉ​သေ​ၵႃႈ​တီႈ​ ဢႃႇလမုၼ်ႇတီႉပလသိမ်ႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ လွႆ​ ဢပႃႇရိမ်ႇ ၽၢႆႇ​ၼႃႈ​လွႆ​ ၼေႇပေႃႇ ဢေႃႈ။-</verse>
				<verse number="48">ၶဝ်​လုၵ်ႉ​သေ​ၵႃႈ​တီႈ​လွႆ​ ဢပႃႇရိမ်ႇ ၵႂႃႇ​တၢင်း​ပႆ​တၢင်း​လႄႈ ၶျႃး​ပၢင်​ၵႃႈ​တီႈ ပၢင်ႇ​ပဵင်း​ မေႃႇၽႃႉ ၊ ၵႃႈ​တီႈ ႁိမ်း​ၼမ်ႉ​ႁွင်ႈ​ ယေႃးတၢၼ်ႇ သိုဝ်ႈ​ဝဵင်း​ ယေႇရီႉၶူဝ်း ​ဢေႃႈ။-</verse>
				<verse number="49">ၼင်ႇ​ၼၼ်​လႄႈ ၶဝ်​ၶျႃး​ပၢင်​ၸွမ်း​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ၊ ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ ပႅတ်ႉယေႇသီႉမုတ်ႉ တေႃႇ​ထိုင်​ႁွတ်ႈ ဝဵင်း​ ဢႃႇပေႇလသိတ်ႉတိမ်း ၵႃႈ​ၼႂ်း​ပၢင်ႇ​ပဵင်း​ မေႃႇၽႃႉ ​ဢေႃႈ။</verse>
				<verse number="50">ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ၵႃႈ​ၼႂ်း​ပၢင်ႇ​ပဵင်း​ မေႃႇၽႃႉ ၊ ၵႃႈ​တီႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ သိုဝ်ႈ​ဝဵင်း​ ယေႇရီႉၶူဝ်း ​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="51">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ မိူဝ်ႈ​ဢၼ်​သူ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​လႄႈ ႁွတ်ႈ​ထိုင်​ၵႃႈ​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ​ၸိုင်၊-</verse>
				<verse number="52">သူ​တၵ်း​လႆႈ​ႁေႃႈ​ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင် ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ​လႄႈ ယႃႉ​ၽဵဝ်ႈ​မၢၵ်ႇ​ႁိၼ်​ဢၼ်​ၶဝ်​တွင်ႈ​ၶဝ်​ႁဵတ်း​ၵႃႈ​မီး ယႃႉ​ၽဵဝ်ႈ​ရုၵ်ႈ​ထူႉ​ဢၼ်​ၶဝ်​သွၼ်း​လေႃႇ​ၵႃႈ​မီး​ပႅတ်ႈ​လႄႈ ၵိူၼ်ႇ​လူမ်ႉ​ထႃႇၼႃႉ​တီႈ​သုင်​ၶဝ်​ၵႃႈ​မီး​ပႅတ်ႈ​ဢေႃႈ။-</verse>
				<verse number="53">ၵွပ်ႈ​ပိူဝ်ႈ​ဢၼ်​ၵဝ်​ပၼ်​သူ​ပိူင်ႇ​မိူင်း​ၼၼ်ႉ​လႄႈ၊ သူ​တၵ်း​လႆႈ​သိမ်း​ဢဝ်​မိူင်း​ၼၼ်ႉ​သေ​လႄႈ ပိူင်ႇ​ဢဝ်​လႄႈ၊ တူဝ်​သူ​တၵ်း​လႆႈ​ယူႇ​ဢေႃႈ။-</verse>
				<verse number="54">သူ​တၵ်း​လႆႈ​တူၵ်း​ၸႃႇ​ၵွၵ်ႈ​သေ​လႄႈ ၶၢမ်ႇ​ဢမူၺ်ႇ​လိၼ်​ၼၼ်ႉ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၸိူဝ်ႉ​ၶိူဝ်း​သူ​ဢေႃႈ။ ပေႃး​ၵူၼ်း​ၼမ်​ၸိုင်၊ ဢဝ်​လိၼ်​ဢၼ်​ၼမ်၊ ပေႃး​ၵူၼ်း​ၵေႇ​ၸိုင် ဢဝ်​လိၼ်​ဢၼ်​ၵေႇ၊ ပၼ်​ၶၢမ်ႇ​ဢမူၺ်ႇ​ဢေႃႈ။ တီႈ​လႂ်​တၼ်း​လႂ်​သေ​ဢမ်ႇ​ဝႃႈ၊ တီႈ​ဢၼ်​ၸႃႇ​ၵွၵ်ႈ​တူၵ်း​တီႈ​ၵူၼ်း​ႁင်း​ၽႂ်​ႁင်း​မၼ်း​ၼၼ်ႉ​ၸိုင် ၵႃႈ​တီႈ​ၼၼ်ႈ​တၵ်း​လႆႈ​ပဵၼ် တီႈ​ဢၼ်​မၼ်း​ပိူင်ႇ​ဢေႃႈ။ ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​သူ​သေ​လႄႈ သူ​တၵ်း​လႆႈ​ၶၢမ်ႇ​ဢမူၺ်ႇ​ဢေႃႈ။-</verse>
				<verse number="55">ပေႃး​သူ​ဢမ်ႇ​ႁေႃႈ​ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ​သဵင်ႈ​သဵင်ႈ​မူတ်း​မူတ်း​ၸိုင်၊ ၶဝ်​ၸိူဝ်း​ဢၼ်​သူ​ဝႆႉ​ၵိုတ်း​ဝႆႉ​ၵျၢၼ်ႇ​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ၶဵမ်​ၵႃႈ​တီႈ​မၢၵ်ႇ​တႃ​သူ ဢိၵ်ႇ​တင်း​ၸိူဝ်ႉ​ၼင်ႇ​ၼၢမ်​လႅမ်​ၵႃႈ​တီႈ​ပဵမ်ႉ​သူ​လႄႈ ယႃႉ​ယူၵ်ႉ​သူ​ၵႃႈ​ၼႂ်း​မိူင်း​ဢၼ်​သူ​ယူႇ​ၼၼ်ႉ​ဢေႃႈ။-</verse>
				<verse number="56">လိူဝ်​သေ​ၼၼ်ႉ ၵႃႈ​ၼင်ႇ​ဢၼ်​ၵဝ်​ၵျၢမ်ႇ​ပွင်​တၵ်း​ႁဵတ်း​တီႈ​ၶဝ်​ၼၼ်ႉ ၵဝ်​တၵ်း​ႁဵတ်း​တီႈ​သူ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="34">
				<verse number="1">ထႃႇဝရႃႉ​ၽြႃး သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ။-</verse>
				<verse number="2">မႂ်း​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ မိူဝ်ႈ​ဢၼ်​သူ​ႁွတ်ႈ​ထိုင်​ၵႃႈ​ၼႂ်း​မိူင်း​ ၶႃႇၼၢၼ်ႇ ၼၼ်ႉ​ၸိုင်၊ ၶွပ်ႇ​ၼမ်ႉ​လႅၼ်​လိၼ်​မိူင်း ဢၼ်​သူ​လႆႈ​ၶၢမ်ႇ​ဢမူၺ်ႇ​ဢၼ်​ဝႃႈ​မိူင်း​ ၶႃႇၼၢၼ်ႇ ၸွမ်း​ၵႃႈ​ၼင်ႇ​ဢၼ်​လႅၼ်​လိၼ်​မၼ်း​မီး​ဝႆႉ​ၼၼ်ႉ​ၸမ်ႉ၊-</verse>
				<verse number="3">ၼႃႈ​တၢင်း​ၸၢၼ်း​သူ​ၼၼ်ႉ တၵ်း​လႆႈ​ဢဝ်​ၵႃႈ​တီႈ​ထိူၼ်ႇ​ ၸီႉၼႃႉ ၸွမ်း​ၵႃႈ​ႁိမ်း​မိူင်း​ ဢေႇတုမ်ႇ ​လႄႈ၊ ၶွပ်ႇ​ၼမ်ႉ​လႅၼ်​လိၼ်​သူ ၽၢႆႇ​တၢင်း​ၸၢၼ်း​ၼၼ်ႉ တၵ်း​လႆႈ​လုၵ်ႉ​သေ​ၵႃႈ​တီႈ​ပၢႆ​လႅမ်​သုတ်း​ ၼွင်​ၼမ်ႉ​ၵိူဝ် ​ၽၢႆႇ​ဝၼ်း​ဢွၵ်ႇ​ၼၼ်ႉ​ၵႂႃႇ​ဢေႃႈ။-</verse>
				<verse number="4">ၶွပ်ႇ​ၼမ်ႉ​လႅၼ်​လိၼ်​ၼၼ်ႉ၊ တၵ်း​လႆႈ​လဵပ်ႈ​ၵႃႈ​တီႈ​ၼႃႈ​တၢင်း​ၸၢၼ်း ၵုင်း​ ဢႃႇၵႃႇရပ်ႉပိမ်း ​လႄႈ တႆႇ​ၸွမ်း​ၸူး​ၵႃႈ​တီႈ​ထိူၼ်ႇ​ ၸီႉၼႃႉ ​ဢေႃႈ။ သမ်ႉ​ဢဝ်​ၵႃႈ​တီႈ​ၼၼ်ႈ​လႄႈ တိူၵ်ႈ​ႁွတ်ႈ​ၵႃႈ​တီႈ​ၽၢႆႇ​တၢင်း​ၸၢၼ်း ဝၢၼ်ႈ​ ၵႃႇတေႇသပႃႇၼႃႇ ​လႄႈ သမ်ႉ​ၵႂႃႇ​ၵႃႈ​တီႈ​ဝၢၼ်ႈ ႁႃႇၸႃႇရုတ်ႉတႃႉ ၊ သမ်ႉ​တႆႇ​ၸွမ်း​ၸူး​ၵႃႈ​တီႈ​ ဢႃႇၸမုၼ်ႇ ​သေ​လႄႈ။-</verse>
				<verse number="5">ၶွပ်ႇ​ၼမ်ႉ​လႅၼ်​လိၼ်​ၼၼ်ႉ သမ်ႉ​တၵ်း​လႆႈ​ဢဝ်​ၵႃႈ​တီႈ​ဝၢၼ်ႈ ဢႃႇၸမုၼ်ႇ ​ၼၼ်ႉ ငႅၵ်း​ၵႂႃႇ​ၸူး​ၵႃႈ​တီႈ​ၼမ်ႉ​ႁွင်ႈ​ ဢေႇၵိပ်ႉတူႉ ​လႄႈ တီႈ​သုတ်း​တီႈ​တိူၵ်ႈ​မၼ်း မီး​ၵႃႈ​တီႈ​ပၢင်ႇ​လၢႆႇ​ဢေႃႈ။-</verse>
				<verse number="6">ၶွပ်ႇ​ၼမ်ႉ​လႅၼ်​လိၼ်​ၽၢႆႇ​ဝၼ်း​တူၵ်း​ၼၼ်ႉ တၵ်း​လႆႈ​ပဵၼ်​ပၢင်ႇ​လၢႆႇ​လူင်၊ တင်း​ၽင်ႇ​မၼ်း​လိၼ်​မၼ်း​ဢေႃႈ။ ဢၼ်​ၼၼ်ႉ​တၵ်း​လႆႈ​ပဵၼ် ၶွပ်ႇ​ၼမ်ႉ​လႅၼ်​လိၼ်​ၽၢႆႇ​ဝၼ်း​တူၵ်း​သူ​ၼၼ်ႉ​ဢေႃႈ။</verse>
				<verse number="7">ဢၼ်​တၵ်း​လႆႈ​ပဵၼ် ၶွပ်ႇ​ၼမ်ႉ​လႅၼ်​လိၼ်​သူ​ၽၢႆႇ​တၢင်း​ႁွင်ႇ​ၼၼ်ႉ​ၸမ်ႉ၊ သူ​တၵ်း​လႆႈ​ဢဝ်​ၵႃႈ​တီႈ​ပၢင်ႇ​လၢႆႇ​လူင်​တေႃႇ​လွႆ​ ႁေႃးရႃႉ ​လႄႈ၊-</verse>
				<verse number="8">ဢဝ်​ၵႃႈ​တီႈ​လွႆ​ ႁေႃးရႃႉ ​ၼၼ်ႉ​တေႃႇ​သူပ်း​သဵၼ်ႈ​တၢင်း​ ႁႃႇမတ်ႉ ​သေ​ယဝ်ႉ၊ ၶွပ်ႇ​ၼမ်ႉ​လႅၼ်​လိၼ်​ၼၼ်ႉ တၵ်း​လႆႈ​သမ်ႉ​ၵႂႃႇ​ၵႃႈ​တီႈ​ ၸေႇတတ်ႉ သေ​လႄႈ၊-</verse>
				<verse number="9">ၶွပ်ႇ​ၼမ်ႉ​လႅၼ်​လိၼ်​ၼၼ်ႉ တၵ်း​လႆႈ​ၵႂႃႇ​ၸူး​ၵႃႈ​တီႈ ၸီႉပြုၼ်ႇ ​လႄႈ၊ သုတ်း​သဵင်ႈ​ၵႃႈ​တီႈ​ဝၢၼ်ႈ​ ႁႃႇၸႃႇရေးၼၼ်ႇ ​ဢေႃႈ။ ဢၼ်​ၼၼ်ႉ​တၵ်း​လႆႈ​ပဵၼ် ၶွပ်ႇ​ၼမ်ႉ​လႅၼ်​လိၼ်​ၽၢႆႇ​တၢင်း​ႁွင်ႇ​သူ​ၼၼ်ႉ​ဢေႃႈ။</verse>
				<verse number="10">ၶွပ်ႇ​ၼမ်ႉ​လႅၼ်​လိၼ်​သူ ၽၢႆႇ​တၢင်း​ဢွၵ်ႇ​ၼၼ်ႉ​ၸမ်ႉ၊ သူ​တၵ်း​လႆႈ​ဢဝ်​ၵႃႈ​တီႈ​ဝၢၼ်ႈ​ ႁႃႇၸႃႇရေးၼၼ်ႇ တေႃႇ​ဝၢၼ်ႈ​ သေးၽမ်ႇ ​လႄႈ၊-</verse>
				<verse number="11">ဢၼ်​ၶႅၼ်ႈ​ဢၼ်​ၶၼ်ႈ​ၼၼ်ႉ တၵ်း​လႆႈ​လုၵ်ႉ​သေ​ၵႃႈ​တီႈ​ဝၢၼ်ႈ​ သေးၽမ်ႇ ​ၼၼ်ႉ ၸွမ်း​ၵႃႈ​တီႈ​ၽၢႆႇ​ဝၼ်း​ဢွၵ်ႇ​ဝၢၼ်ႈ​ ဢႃႇဢီႉၼႃႉ ​လႄႈ လူင်း​ၵႂႃႇ​ႁွတ်ႈ​ထိုင်​ဝၢၼ်ႈ ရီႉပလႃႉ ​ဢေႃႈ။ ၶွပ်ႇ​ၼမ်ႉ​လႅၼ်​လိၼ်​ၼၼ်ႉ တၵ်း​လႆႈ​သမ်ႉ​လုၵ်ႉ​သေ​ၵႃႈ​တီႈ​ဝၢၼ်ႈ​ၼၼ်ႉ​လူင်း​ၵႂႃႇ​လႄႈ ႁွတ်ႈ​ထိုင်​ၸဵင်ႇ​ၼွင်​ ၵိၼ်ႇၼီႇသရႅတ်ႉ ၽၢႆႇ​ဝၼ်း​ဢွၵ်ႇ​ၼၼ်ႉ​သေ​ယဝ်ႉ။-</verse>
				<verse number="12">ၶွပ်ႇ​ၼမ်ႉ​လႅၼ်​လိၼ်​ၼၼ်ႉ တၵ်း​လႆႈ​သမ်ႉ​ၸွမ်း​ၼမ်ႉ​ႁွင်ႈ​ ယေႃးတၢၼ်ႇ ​ၵႂႃႇ​လႄႈ သုတ်း​သဵင်ႈ​ၵႃႈ​တီႈ ၼွင်​ၼမ်ႉ​ၵိူဝ် ​ဢေႃႈ။ ဢၼ်​ၼႆႉ​ၸမ်ႉ​တၵ်း​လႆႈ​ပဵၼ်​မိူင်း​ဢၼ်​သူ​ပိူင်ႇ​ၼၼ်ႉ ၸွမ်း​လူၺ်ႈ​ၶွပ်ႇ​ၼမ်ႉ​လႅၼ်​လိၼ်​မၼ်း ဢၼ်​လဵပ်ႈ​ၸွမ်း​ႁိမ်း​မၼ်း​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">မူဝ်းသေႇ ​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ဢၼ်​ၼႆႉ​ၸမ်ႉ၊ ပဵၼ်​မိူင်း​ဢၼ်​သူ​တၵ်း​လႆႈ​တူၵ်း​ၸႃႇ​ၵွၵ်ႈ​သေ​လႄႈ ၶၢမ်ႇ​ဢမူၺ်ႇ၊ မိူင်း​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ ႁႂ်ႈ​ၽႄ​မႅင်ႇ​ပၼ်​တီႈ​မဵဝ်း​ၵဝ်ႈ​မဵဝ်း ဢိၵ်ႇ​တင်း​မဵဝ်း​ၶိုင်ႈ​ၼိုင်ႈ​ၼၼ်ႉ​ဢေႃႈ။-</verse>
				<verse number="14">ၵူၼ်း​မဵဝ်း​ ရူႉပိၼ်ႇ ​တင်း​လၢႆ ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ်၊ ၵူၼ်း​မဵဝ်း​ ၵၢတ်ႉ ​တင်း​လၢႆ ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ်​ၸိူဝ်း​ၼၼ်ႉ​ၸမ်ႉ၊ လႆႈ​ၶၢမ်ႇ​ဢဝ်​ဢမူၺ်ႇ​ၶဝ်​ယဝ်ႉ၊ ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​တင်း​လၢႆ​ၵေႃႈ လႆႈ​ၶၢမ်ႇ​ဢဝ်​ဢမူၺ်ႇ​ၶဝ်​ယဝ်ႉ။-</verse>
				<verse number="15">မဵဝ်း​သွင်​မဵဝ်း​ပၢႆ​ၶိုင်ႈ​မဵဝ်း​ၼိုင်ႈ​ၸိူဝ်း​ၼၼ်ႉ၊ လႆႈ​ၶၢမ်ႇ​ဢဝ်​ဢမူၺ်ႇ​ၶဝ် ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ၊ သိုဝ်ႈ​ဝဵင်း​ ယေႇရီႉၶူဝ်း ၼႃႈ​ဝၼ်း​ဢွၵ်ႇ​ၽၢႆႇ​ဢၼ်​ၵၢင်​ဝၼ်း​ဢွၵ်ႇ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ထႃႇဝရႃႉ​ၽြႃး သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="17">ၸိုဝ်ႈ​သဵင်​ၵူၼ်း​ၸိူဝ်း​ဢၼ် တၵ်း​လႆႈ​ဢဝ်​မိူင်း​ၼၼ်ႉ ၽႄ​မႅင်ႇ​တီႈ​သူ​ၼၼ်ႉ​ၸမ်ႉ၊ ပဵၼ်​ယိတ်ႈပရေႃးႁဵၵ်ႈ​ ဢေးလႃႇၸႃႇ ဢိၵ်ႇ​တင်း​ ယေႃးသူႉ ​လုၵ်ႈ​ၸၢႆး​ ၼုၼ်ႇ ​ဢေႃႈ။-</verse>
				<verse number="18">လိူဝ်​သေ​ၼၼ်ႉ သူ​တၵ်း​လႆႈ​လိူၵ်ႈ​ၵဵပ်း​ဢဝ်​ၵႃႈ​ၼႂ်း​ယေႈ​မဵဝ်း​ယေႈ​ၵေႃႉ ႁႂ်ႈ​လႆႈ​ႁဵတ်း​တၢင်း​ဢၼ်​ဢဝ်​မိူင်း ၽႄ​မႅင်ႇ​ပၼ်​ၼၼ်ႉ​ဢေႃႈ။-</verse>
				<verse number="19">ၸိုဝ်ႈ​သဵင်​ၵူၼ်း​ၸိူဝ်း​ၼၼ်ႉ​ၸမ်ႉ၊ ၵႃႈ​ၼႂ်း​ၵူၼ်း​မဵဝ်း​ ယူႉတႃႉ၊ ၵႃႇလႅပ်ႉ လုၵ်ႈ​ၸၢႆး​ ယေႇၽုၼ်ႇၼႃႉ ၊-</verse>
				<verse number="20">ၵႃႈ​ၼႂ်း​ၵူၼ်း​မဵဝ်း​ သီႉမုၼ်ႇ၊ သေႇမူၺ်ႇလႃႉ လုၵ်ႈ​ၸၢႆး​ ဢမီႉႁုတ်ႉ ၊-</verse>
				<verse number="21">ၵႃႈ​ၼႂ်း​ၵူၼ်း​မဵဝ်း​ ပိၼ်ႇယႃႇမိၼ်ႇ၊ ဢေးလီႉတတ်ႉ လုၵ်ႈ​ၸၢႆး ၶီႉသလုၼ်ႇ ၊-</verse>
				<verse number="22">ၵေႃႉ​ဢၼ်​ပဵၼ်​ၶုၼ်​ၵႃႈ​ၼႂ်း​ၵူၼ်း​မဵဝ်း​ တၢၼ်ႇ၊ ယေႃႇၵလီႉ လုၵ်ႈ​ၸၢႆး​ ပုၵ်ႉၵီႉ ၊-</verse>
				<verse number="23">ၵႃႈ​ၼႂ်း​လုၵ်ႈ​ၸၢႆး​ ယူဝ်းသႅပ်ႈ ​ၸိူဝ်း​ၼၼ်ႉ၊ ၵေႃႉ​ဢၼ်​ပဵၼ်​ၶုၼ်​ၵႃႈ​ၼႂ်း​ၵူၼ်း​မဵဝ်း​ မၼႃႇ​သေႇ၊ ႁၢၼ်ႇယေႇလႃႉ လုၵ်ႈ​ၸၢႆး ဢေႇၽုတ်ႉ ၊-</verse>
				<verse number="24">ၵေႃႉ​ဢၼ်​ပဵၼ်​ၶုၼ်​ၵႃႈ​ၼႂ်း​ၵူၼ်း​မဵဝ်း​ ဢေႇၽရိမ်ႇ၊ ၵေႇမူၺ်ႇလႃႉ လုၵ်ႈ​ၸၢႆး​ သီႉၽတၼ်ႇ ၊-</verse>
				<verse number="25">ၵေႃႉ​ဢၼ်​ပဵၼ်​ၶုၼ်​ၵႃႈ​ၼႂ်း​ၵူၼ်း​မဵဝ်း​ ၸေႇပူႉလုၼ်ႇ၊ ဢေးလီႉၸႃႇၽၢၼ်ႇ လုၵ်ႈ​ၸၢႆး​ ပႃႇၼၵ်ႉ ၊-</verse>
				<verse number="26">ၵေႃႉ​ဢၼ်​ပဵၼ်​ၶုၼ်​ၵႃႈ​ၼႂ်း​ၵူၼ်း​မဵဝ်း​ ဢီႉသၶႃႇ၊ ပႃႇလႃႉတေးလႃႉ လုၵ်ႈ​ၸၢႆး​ ဢႃႇၸၼ်ႇ ၊-</verse>
				<verse number="27">ၵေႃႉ​ဢၼ်​ပဵၼ်​ၶုၼ်​ၵႃႈ​ၼႂ်း​ၵူၼ်း​မဵဝ်း​ ဢႃႇသႃႇ၊ ဢႁီႉႁုတ်ႉ လုၵ်ႈ​ၸၢႆး​ သေႇလေႃႇမီႉ ၊-</verse>
				<verse number="28">ၵေႃႉ​ဢၼ်​ပဵၼ်​ၶုၼ်​ၵႃႈ​ၼႂ်း​ၵူၼ်း​မဵဝ်း​ ၼပ်ႉထလီႉ၊ ပေးတႃႇႁေးလႃႉ လုၵ်ႈ​ၸၢႆး​ ဢမီႉႁုတ်ႉ ​ဢေႃႈ။-</verse>
				<verse number="29">ၶဝ်​ၸိူဝ်း​ၼႆႉ​ပဵၼ်​ၵေႃႉ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ ႁႂ်ႈ​လႆႈ​ၽႄ​လိၼ်​ဢမူၺ်ႇ​ၼၼ်ႉ​မႅင်ႇ​ပၼ် တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ​ဢေႃႈ။</verse>
			</chapter>
			<chapter number="35">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​ၵႃႈ​တီႈ​ပၢင်ႇ​ပဵင်း​ မေႃႇၽႃႉ ၊ ၵႃႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ သိုဝ်ႈ​ဝဵင်း​ ယေႇရီႉၶူဝ်း ​ၼၼ်ႉ​လႄႈ​ဝႃႈ၊-</verse>
				<verse number="2">မႂ်း​တၵ်း​လႆႈ​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လွင်ႈ​ဢၼ်​ၶဝ်​တၵ်း​လႆႈ​ဢဝ်​ဝဵင်း​ၵမ်ႈ​ၽွင်ႈ​ၵႃႈ​ၼႂ်း​လိၼ် ဢၼ်​ၶဝ်​ၶၢမ်ႇ​ဢမူၺ်ႇ​လႄႈ​ပိူင်ႇ​ၼၼ်ႉ ပၼ်​တီႈ​ၵူၼ်း​မဵဝ်း​ လေႇဝီႉ ပုၼ်ႈ​ဢၼ်​ၶဝ်​တၵ်း​ယူႇ​လႄႈ လိၼ်​တီႈ​ဢၼ်​လဵပ်ႈ​ႁွပ်ႈ​ႁိမ်း​ဝဵင်း​ၸိူဝ်း​ၼၼ်ႉ​ၵေႃႈ တၵ်း​လႆႈ​ပၼ်​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="3">ဝဵင်း​ၸိူဝ်း​ၼၼ်ႉ တၵ်း​လႆႈ​ပဵၼ်​ပုၼ်ႈ​ဢၼ်​ၶဝ်​တၵ်း​ယူႇ​လႄႈ လိၼ်​ဢၼ်​လဵပ်ႈ​ႁွပ်ႈ​ႁိမ်း​ဝဵင်း​ၸိူဝ်း​ၼၼ်ႉ တၵ်း​လႆႈ​ပဵၼ်​ပုၼ်ႈ​သူဝ်း၊ ဝူဝ်း ဢိၵ်ႇ​တင်း​ဢုၵ်ႉ​ၸႃႇ​တင်း​တရိၵ်ႈသၢၼ်ႇ​ၶဝ်​ၵႃႈ​မီး​ဢေႃႈ။-</verse>
				<verse number="4">လိၼ်​ဢၼ်​လဵပ်ႈ​ႁွပ်ႈ​ႁိမ်း​ဝဵင်း​တင်း​လၢႆ ဢၼ်​သူ​ပၼ်​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ တၵ်း​လႆႈ​ၵႂၢင်း​ဢဝ်​ၵႃႈ​တီႈ ၸႃႉ​ၸဵမ်​လမ်း​ဝဵင်း​ဢွၵ်ႇ​ၵႂႃႇ သွၵ်ႇ​ႁဵင်​ၼိုင်ႈ​လဵပ်ႈ​ႁွပ်ႈ​ဢေႃႈ။-</verse>
				<verse number="5">သူ​တၵ်း​လႆႈ​တႅၵ်ႈ​ၼွၵ်ႈ​ဝဵင်း​ၽၢႆႇ​တၢင်း​ဢွၵ်ႇ​သွင်​ႁဵင်​သွၵ်ႇ၊ ၽၢႆႇ​တၢင်း​ၸၢၼ်း​သွင်​ႁဵင်​သွၵ်ႇ၊ ၽၢႆႇ​တၢင်း​တူၵ်း​သွင်​ႁဵင်​သွၵ်ႇ၊ ၽၢႆႇ​တၢင်း​ႁွင်ႇ​သွင်​ႁဵင်​သွၵ်ႇ​လႄႈ၊ ဝဵင်း​တၵ်း​လႆႈ​တႄႇ​ယူႇ​ၵႃႈ​ၼႂ်း​ၶိုင်ႈ​ၵၢင်​လိၼ်​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ တၵ်း​လႆႈ​ပဵၼ်​လိၼ် ဢၼ်​လဵပ်ႈ​ႁွပ်ႈ​ႁိမ်း​ဝဵင်း​ၶဝ်​ၼၼ်ႉ​ဢေႃႈ။-</verse>
				<verse number="6">ၵႃႈ​ၼႂ်း​ဝဵင်း​ဢၼ်​သူ​ပၼ်​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ၊ တၵ်း​လႆႈ​မီး​ဝဵင်း​တီႈ​ဢၼ်​ပၢႆႈ​ၵႂႃႇ​လႄႈ သွၼ်ႈ​ပိုင်ႈ​လႆႈ​ႁူၵ်း​ဝဵင်း ဢၼ်​သူ​တၵ်း​လႆႈ​ပၼ်​ပုၼ်ႈ​ဢၼ်​ၵေႃႉ​ဢၼ် ဢဝ်​ၵူၼ်း​တၢႆ​ၼၼ်ႉ တၵ်း​လႆႈ​ပၢႆႈ​ၵႂႃႇ​ၸူး​ၵႃႈ​တီႈ​ၼၼ်ႈ​ၼၼ်ႉ​ဢေႃႈ။ လိူဝ်​သေ​ဝဵင်း​ၸိူဝ်း​ၼၼ်ႉ၊ သူ​တၵ်း​လႆႈ​ပၼ်​ဝဵင်း​တၢင်ႇ​ဝဵင်း​သီႇ​သိပ်း​ပၢႆ​သွင်​ဝဵင်း​ဢေႃႈ။-</verse>
				<verse number="7">ၼင်ႇ​ၼၼ်​လႄႈ ဝဵင်း​ဢၼ်​သူ​တၵ်း​လႆႈ​ပၼ်​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၸမ်ႉ၊ မီး​ဝဵင်း​သီႇ​သိပ်း​ပၢႆ​ပႅတ်ႇ​ဝဵင်း ဢိၵ်ႇ​တင်း လိၼ်​ဢၼ်​လဵပ်ႈ​ႁွပ်ႈ​ႁိမ်း​ဝဵင်း​ၸိူဝ်း​ၼၼ်ႉ​ဢေႃႈ။-</verse>
				<verse number="8">ဝဵင်း​ဢၼ်​သူ​တၵ်း​လႆႈ​ၼုၵ်ႈ​ဢဝ်​ၵႃႈ​ၼႂ်း​လိၼ် ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ပိူင်ႇ​ၼၼ်ႉ​ၸိူဝ်း​ၼၼ်ႉ သူ​တၵ်း​လႆႈ​ဢဝ်​ၵႃႈ​တီႈ​ၶဝ်​ၸိူဝ်း​ဢၼ် လႆႈ​လိၼ်​ဢၼ်​ၼမ်​ၼၼ်ႉ ဝဵင်း​ဢၼ်​ၼမ်၊ တၵ်း​လႆႈ​ဢဝ်​ၵႃႈ​တီႈ​ၶဝ်​ၸိူဝ်း​ဢၼ် လႆႈ​လိၼ်​ဢၼ်​ၵေႇ​ၼၼ်ႉ၊ ဝဵင်း​ဢၼ်​ၵေႇ ပၼ်​ဢေႃႈ။ ၵူၼ်း​ႁင်း​ၽႂ်​ႁင်း​မၼ်း​လႂ် တၵ်း​လႆႈ​ၸွမ်း​ၵႃႈ​ၼင်ႇ​ဢၼ် မၼ်း​လႆႈ​ၶၢမ်ႇ​ဢမူၺ်ႇ​ၼၼ်ႉ​သေ​လႄႈ ၼုၵ်ႈ​ဢဝ်​ၵႃႈ​ၼႂ်း​ဝဵင်း​မၼ်း​တင်း​လၢႆ​လႄႈ ပၼ်​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢေႃႈ။</verse>
				<verse number="9">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊-</verse>
				<verse number="10">သင်ႇ​လၢတ်ႈ​တီႈ​ၵူၼ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ မိူဝ်ႈ​ဢၼ်​သူ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​သေ​လႄႈ ႁွတ်ႈ​ထိုင်​ၵႃႈ​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ​ၸိုင်၊-</verse>
				<verse number="11">သူ​တၵ်း​လႆႈ​လိူၵ်ႈ​ၵဵပ်း​ဝႆႉ ဝဵင်း​တီႈ​ဢၼ်​ပၢႆႈ​ၵႂႃႇ​လႄႈ သွၼ်ႈ​ပိုင်ႈ​လႆႈ​တီႈ​သူ ပုၼ်ႈ​ဢၼ်​ၵေႃႉ​ဢၼ် လိုမ်း​တူဝ်​လႄႈ ဢဝ်​ဢသၢၵ်ႈ ၵူၼ်း​တၢႆ​မႅၼ်ႈ​ၼၼ်ႉ တၵ်း​လႆႈ​ပၢႆႈ​ၵႂႃႇ​ၸူး​ၵႃႈ​တီႈ​ၼၼ်ႈ​ၼၼ်ႉ​ဢေႃႈ။-</verse>
				<verse number="12">ဝဵင်း​ၸိူဝ်း​ၼၼ်ႉ​ၸမ်ႉ၊ တၵ်း​လႆႈ​ပဵၼ်​ဝဵင်း တီႈ​ဢၼ်​သူ​ၵၢင်း​လွတ်ႈ​ၵႃႈ​ၼႂ်း မိုဝ်း​ၵေႃႉ​ဢၼ်​တၵ်း​ဢဝ်​တၢႆ​ၸွမ်း​ၼၼ်ႉ​လႄႈ​သွၼ်ႈ​ပိုင်ႈ ႁႂ်ႈ​ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​ၼၼ်ႉ ဢမ်ႇ​လႆႈ​တၢႆ​တေႃႇ​ထိုင်​ႁွတ်ႈ ၸူဝ်ႈ​ဢၼ်​မၼ်း​ဢမ်ႇ​ပႆႇ​ၽႅဝ်​ႁွတ်ႈ ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ​လႄႈ ၶၢမ်ႇ​တၢင်း​ဢၼ်​ၸီႇ​ယၢင်ႇ​တြႃး​ၼၼ်ႉ​ဢေႃႈ။-</verse>
				<verse number="13">ၵႃႈ​ၼႂ်း​ဝဵင်း​ဢၼ်​သူ​ပၼ်​ၸိူဝ်း​ၼၼ်ႉ တၵ်း​လႆႈ​မီး​ဝဵင်း​တီႈ​ဢၼ်​ပၢႆႈ​ၵႂႃႇ​လႄႈ သွၼ်ႈ​ပိုင်ႈ​လႆႈ​ႁူၵ်း​ဝဵင်း​ဢေႃႈ။-</verse>
				<verse number="14">သူ​တၵ်း​လႆႈ​ဢဝ် ၵႃႈ​တီႈ​ၽၢႆႇ​ဝၼ်း​ဢွၵ်ႇ​ၼမ်ႉ​ႁွင်ႈ​ ယေႃးတၢၼ်ႇ ဝဵင်း​သၢမ်​ဝဵင်း၊ ၵႃႈ​တီႈ​မိူင်း​ ၶႃႇၼၢၼ်ႇ ၊ ဝဵင်း​သၢမ်​ဝဵင်း​ပၼ်​လႄႈ ဝဵင်း​ၸိူဝ်း​ၼၼ်ႉ တၵ်း​လႆႈ​ပဵၼ်​ဝဵင်း​တီႈ​ဢၼ်​ပၢႆႈ​ၵႂႃႇ​လႄႈ သွၼ်ႈ​ပိုင်ႈ​လႆႈ​ဢေႃႈ။-</verse>
				<verse number="15">ဝဵင်း​ႁူၵ်း​ဝဵင်း​ၼၼ်ႉ​ၸမ်ႉ၊ တၵ်း​လႆႈ​ပဵၼ်​တီႈ​ဢၼ်​ပၢႆႈ​ၵႂႃႇ​လႄႈ သွၼ်ႈ​ပိုင်ႈ​လႆႈ​ပုၼ်ႈ ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​ၶႅၵ်ႇ​ဢၼ်​မီး​ယူႇ​ၵႃႈ​တီႈ​သူ ႁႂ်ႈ​ၵေႃႉ​ဢၼ်​လိုမ်း​တူဝ်​လႄႈ ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​ၵႃႈ​မီး​ၼၼ်ႉ လႆႈ​ပၢႆႈ​ၵႂႃႇ​ၸူး​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="16">ၼႂ်း​ဝႃႈ​ၼၼ်​သေ​ၵေႃႈ ပေႃး​မၼ်း​ဢဝ်​လၢၵ်ႈ​ၼၢၵ်ႈ​လဵၵ်း ပေႃႉ​ယႅၼ်ႉ​ထၼ်ႈ​ပေႃး​ႁႂ်ႈ​ဢသၢၵ်ႈ​ၵူၼ်း​တၢႆ​ၸိုင်၊ မၼ်း​ပဵၼ်​ၵူၼ်း​ဢၼ်​ဢဝ်​တၢႆ​ဢေႃႈ။ ၵူၼ်း​ဢၼ်​ဢဝ်​တၢႆ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="17">ပေႃး​မၼ်း​ဢဝ်​မၢၵ်ႇ​ႁိၼ်​ဢၼ်​တၢၼ်ႇ​ပေႃး ဢဝ်​ၵူၼ်း​တၢႆ​ၼၼ်ႉ ထိမ်ႈ​ႁႂ်ႈ​ဢသၢၵ်ႈ​ၵူၼ်း​တၢႆ​ၸိုင်၊ မၼ်း​ပဵၼ်​ၵူၼ်း​ဢၼ်​ဢဝ်​တၢႆ​ဢေႃႈ။ ၵူၼ်း​ဢၼ်​ဢဝ်​တၢႆ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="18">ပေႃး​ဢဝ်​လၢၵ်ႈ​ၼၢၵ်ႈ​မႆႉ ဢၼ်​တၢၼ်ႇ​ပေႃး​ဢဝ်​ၵူၼ်း​တၢႆ​ၼၼ်ႉ ပေႃႉ​ယႅၼ်ႉ​ႁႂ်ႈ​ဢသၢၵ်ႈ​ၵူၼ်း​တၢႆ​ၸိုင်၊ မၼ်း​ပဵၼ်​ၵူၼ်း​ဢၼ်​ဢဝ်​တၢႆ​ဢေႃႈ။ ၵူၼ်း​ဢၼ်​ဢဝ်​တၢႆ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="19">ၵေႃႉ​ဢၼ်​တၵ်း​ဢဝ်​တၢႆ​ၸွမ်း​ၼၼ်ႉ၊ တူဝ်​မၼ်း​တၵ်း​လႆႈ​ဢဝ်​ၵူၼ်း​ဢၼ် ဢဝ်​တၢႆ​ၼၼ်ႉ​တၢႆ​ဢေႃႈ။ မိူဝ်ႈ​ဢၼ်​မၼ်း​ထူပ်း​ႁၼ်​ၵေႃႉ​ၼၼ်ႉ​ၸိုင် မၼ်း​တၵ်း​လႆႈ​ဢဝ်​ၵေႃႉ​ၼၼ်ႉ​တၢႆ​ဢေႃႈ။-</verse>
				<verse number="20">ပေႃး​မၼ်း​ဝႆႉ​ၸႂ်​တီႈ​ပိူၼ်ႈ​လႄႈ ဢီး​တူၵ်း၊ ဢမ်ႇ​ၼၼ် ပေႃး​မၼ်း​လွမ်​ပႂ်ႉ​ယူႇ​သေ​လႄႈ ဢဝ်​တင်း​သေ​ၸိူဝ်ႉ​သေ​ပိူင်​ထိမ်ႈ​ထၼ်ႈ​ပေႃး​ႁႂ်ႈ​တၢႆ၊-</verse>
				<verse number="21">ပေႃး​မၼ်း​မီး​ၸႂ်​ဢၼ်​ၸင်း​လႄႈ ဢဝ်​မိုဝ်း​ပေႃႉ​ယႅၼ်ႉ​ထၼ်ႈ​ပေႃး​ႁႂ်ႈ​တၢႆ၊ ၵေႃႉ​ဢၼ်​ပေႃႉ​ယႅၼ်ႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ် ၵွပ်ႈ​ပိူဝ်ႈ​ဢၼ်​ပဵၼ်​ၵူၼ်း​ဢၼ်​ဢဝ်​တၢႆ​ၼၼ်ႉ​ဢေႃႈ။ ၵေႃႉ​ဢၼ်​တၵ်း​ဢဝ်​တၢႆ​ၸွမ်း​ၼၼ်ႉ၊ မိူဝ်ႈ​ဢၼ်​ထူပ်း​ႁၼ်​ၵေႃႉ​ၼၼ်ႉ​ၸိုင် မၼ်း​တၵ်း​လႆႈ​ဢဝ်​ၵေႃႉ​ၼၼ်ႉ​တၢႆ​ဢေႃႈ။-</verse>
				<verse number="22">ဢမ်ႇ​ၼၼ် ပေႃး​ၸႂ်​ဢၼ်​ၸင်း​ယင်း​ဢမ်ႇ​မီး​လႄႈ လိုမ်း​တူဝ်​ဢီး​တူၵ်း၊ ပေႃး​ယင်း​ဢမ်ႇ​လွမ်​ပႂ်ႉ​ယူႇ​လႄႈ ဢဝ်​တင်း​သေ​ၸိူဝ်ႉ​သေ​ပိူင်​ထိမ်ႈ​မႅၼ်ႈ၊-</verse>
				<verse number="23">ပေႃး​ဢမ်ႇ​ပဵၼ်​ရၢၼ်ႇ​သူႇ​မၼ်း၊ ဢမ်ႇ​မီး​ၸႂ်​ဢၼ်​ၸင်း​မၼ်း၊ ယင်း​ဢမ်ႇ​ႁၼ်​မၼ်း​လႄႈ ဢဝ်​တင်း​မၢၵ်ႇ​ႁိၼ်​ဢၼ်​တၢၼ်ႇ​ပေႃး​ဢဝ်​ၵူၼ်း​တၢႆ​ၼၼ်ႉ ထိမ်ႈ​ႁႂ်ႈ​တၢႆ​ၸိုင်၊-</verse>
				<verse number="24">ပရဵၵ်ႈသၢတ်ႈ​တင်း​လၢႆ တၵ်း​လႆႈ​ၸီႇ​ယၢင်ႇ​တြႃး​ၵႃႈ​တီႈ ဝူင်ႈ​ၵၢင်​ၵူၼ်း​ဢၼ်​ဢဝ်​တၢႆ တင်း​ၵေႃႉ​ဢၼ်​တၵ်း​ဢဝ်​တၢႆ​ၸွမ်း​ၼၼ်ႉ ၸွမ်း​ၵႃႈ​ၼင်ႇ​ဢၼ် တၵ်း​ၸီႇ​ယၢင်ႇ​ႁဵတ်း​ထုင်း​ဝႆႉ​မိူဝ်ႈ​လဵဝ်​ၼႆႉ​ၼၼ်ႉ​လႄႈ၊-</verse>
				<verse number="25">ပရဵၵ်ႈသၢတ်ႈ​တင်း​လၢႆ တၵ်း​လႆႈ​ၼုၵ်ႈ​ဢဝ်​ၵူၼ်း​ဢၼ်​ဢဝ်​တၢႆ​ၼၼ်ႉ​သေ​ၵႃႈ​ၼႂ်း​မိုဝ်း​ၵေႃႉ​ဢၼ် တၵ်း​ဢဝ်​တၢႆ​ၸွမ်း​ၼၼ်ႉ​လႄႈ ပရဵၵ်ႈသၢတ်ႈ​တၵ်း​လႆႈ​ဢဝ်​ၶိုၼ်း​ဝႆႉ ၵႃႈ​ၼႂ်း​ဝဵင်း​ဢၼ်​မၼ်း​ပၢႆႈ​ၵႂႃႇ​လႄႈ သွၼ်ႈ​ပိုင်ႈ​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။ မၼ်း​တၵ်း​လႆႈ​ယူႇ​ၵႃႈ​ၼႂ်း​ဝဵင်း​ၼၼ်ႉ တေႃႇ​ထိုင်​ႁွတ်ႈ​ၶုၼ်​ယိတ်ႈပရေႃးႁဵၵ်ႈ ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​ၼမ်ႉ​မၼ်း​ထမ်ႇမႃႉ ထွၵ်ႈ​သႂ်ႇ​ၼၼ်ႉ​တၢႆ​ၼၼ်ႉ​ဢေႃႈ။-</verse>
				<verse number="26">ပေႃး​ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​ၼၼ်ႉ ဢွၵ်ႇ​ၵႃႈ​ၼွၵ်ႈ​လႅၼ်​လိၼ်​ဝဵင်း​ဢၼ်​မၼ်း​ပၢႆႈ​ၵႂႃႇ​လႄႈ သွၼ်ႈ​ပိုင်ႈ​ၼၼ်ႉ​လႄႈ၊-</verse>
				<verse number="27">ၵေႃႉ​ဢၼ်​တၵ်း​ဢဝ်​တၢႆ​ၸွမ်း​ၼၼ်ႉ ထူပ်း​ႁၼ်​မၼ်း​ၵႃႈ​တီႈ​ၼွၵ်ႈ​လႅၼ်​လိၼ်​ဝဵင်း​ၼၼ်ႉ​လႄႈ ဢဝ်​မၼ်း​တၢႆ​ၸိုင်၊ ဢမ်ႇ​မီး​ဢပႅတ်ႈ​ဢၼ်​ဢဝ်​ဢသၢၵ်ႈ​ၵူၼ်း​တၢႆ။-</verse>
				<verse number="28">လွင်ႈ​မၼ်း​ၸမ်ႉ ၵေႃႉ​ၼၼ်ႉ​ထုၵ်ႇ​လီ​ယူႇ​ၵႃႈ​ၼႂ်း​ဝဵင်း ဢၼ်​မၼ်း​ပၢႆႈ​ၵႂႃႇ​လႄႈ သွၼ်ႈ​ပိုင်ႈ​ယူႇ​ၼၼ်ႉ​တေႃႇ​ထိုင်​ႁွတ်ႈ​ၶုၼ်​ယိတ်ႈပရေႃးႁဵၵ်ႈ​တၢႆ​ၼၼ်ႉ​ဢေႃႈ။ လိုၼ်း​သေ​ၶုၼ်​ယိတ်ႈပရေႃးႁဵၵ်ႈ​တၢႆ​ယဝ်ႉ​ၼၼ်ႉ ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​ၼၼ်ႉ မီး​ဢၶႂၢင်ႉ​ဢၼ်​လႆႈ​ၶိုၼ်း​မႃး​ၵႃႈ​တီႈ​လိၼ် ဢၼ်​မၼ်း​ပိူင်ႇ​ၼၼ်ႉ​ဢေႃႈ။-</verse>
				<verse number="29">ဢၼ်​ၼႆႉ​ၸမ်ႉ၊ တၵ်း​လႆႈ​ပဵၼ်​ထုင်း​ၽိင်ႈ​တြႃး​ဢၼ်​ၸီႇ​ယၢင်ႇ​ႁဵတ်း​ဝႆႉ တီႈ​သူ​တီႈ​ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ ၼႂ်း​တီႈ​ၵႃႈ​ဢၼ်​သူ​ယူႇ​ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="30">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​လႄႈ ပဵၼ်​ၵူၼ်း​ဢၼ်​ဢဝ်​တၢႆ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ဢမၢၼ်ႇ​ၶၼ်​ပဵၼ် ၸွမ်း​ၵႃႈ​ၼင်ႇ​ၵႂၢမ်း​ၵူၼ်း​ၶၢမ်ႇ​သၢၵ်ႈ​သေႇ​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပေႃး​မီး​ၵူၼ်း​ၶၢမ်ႇ​သၢၵ်ႈ​သေႇ​ၵေႃႉ​လဵဝ်​ၵူၺ်း​ၸိုင်၊ ဢမ်ႇ​လႆႈ​ဢဝ်​တၢႆ။-</verse>
				<verse number="31">သူ​ဢမ်ႇ​လႆႈ​ၶၢမ်ႇ​လႆႈ​ဢဝ်​ငိုၼ်း​ဢၼ်​ထုတ်ႇ​ဢဝ်​ဢသၢၵ်ႈ​ၵူၼ်း​ဢၼ်​ဢဝ်​တၢႆ ဢၼ်​ထိူၵ်ႈ​ၶၢမ်ႇ​တၢင်း​တၢႆ​ၼၼ်ႉ။ မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="32">သူ​ဢမ်ႇ​လႆႈ​ၶၢမ်ႇ​လႆႈ​ဢဝ်​ငိုၼ်း​ဢၼ်​ထုတ်ႇ​ဢဝ် ၵေႃႉ​ဢၼ်​ပၢႆႈ​ၵႂႃႇ ၵႃႈ​တီႈ​ဝဵင်း​တီႈ​ဢၼ်​မၼ်း​ပၢႆႈ​ၵႂႃႇ​လႄႈ သွၼ်ႈ​ပိုင်ႈ​ၼၼ်ႉ ႁႂ်ႈ​မၼ်း​လႆႈ​ၶိုၼ်း​လႄႈ ယူႇ​ၵႃႈ​တီႈ​ဢၼ်​မၼ်း​ယူႇ​ၵဝ်ႇ​ၵဝ်ႇ​ၼၼ်ႉ ၸူဝ်ႈ​ဢၼ်​ၶုၼ်​ယိတ်ႈပရေႃးႁဵၵ်ႈ​ဢမ်ႇ​ပႆႇ​တၢႆ​ၼၼ်ႉ။-</verse>
				<verse number="33">ၼင်ႇ​ၼၼ်​လႄႈ သူ​တၵ်း​ဢမ်ႇ​လႆႈ​ႁႂ်ႈ​မိူင်း​ဢၼ်​သူ​ယူႇ​ၼၼ်ႉ​ၵူဝ်ႈ​ၵိူၵ်ႇ။ လိူတ်ႈ​ၸိုင်​ၸၢင်ႈ​ႁႂ်ႈ​မိူင်း​ၵူဝ်ႈ​ၵိူၵ်ႇ​ဢေႃႈ။ လိူဝ်​သေ​ဢဝ်​တင်း​လိူတ်ႈ​ၵေႃႉ​ဢၼ်​ထွၵ်ႇ​ပႅတ်ႈ​လိူတ်ႈ​ၵူၼ်း​ၼၼ်ႉ​ၵူၺ်း​လႄႈ၊ ဢမ်ႇ​မီး​ၵႃႈ​သင် ႁႂ်ႈ​မိူင်း​ၵၢင်း​လွတ်ႈ​တင်း​လိူတ်ႈ​ဢၼ် ထွၵ်ႇ​ပႅတ်ႈ​ၼႂ်း​မၼ်း​ၼၼ်ႉ မူတ်း​သႂ်​လႆႈ။-</verse>
				<verse number="34">သူ​ဢမ်ႇ​လႆႈ​ႁႂ်ႈ​မိူင်း​ဢၼ်​သူ​တၵ်း​ယူႇ​လႄႈ ၵဝ်​ၵိင်း​ဝၢပ်ႈ​ယူႇ​ၼၼ်ႉ​ၵူဝ်ႈ​ၵိူၵ်ႇ။ ၵဝ်​ထႃႇဝရႃႉ​ၽြႃး ၵိင်း​ဝၢပ်ႈ​ယူႇ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="36">
				<verse number="1">ၵူၼ်း​ယႂ်ႇ​ၵူၼ်း​လူင်​ၵႃႈ​ၼႂ်း​မဵဝ်း​ပူႇ​မဵဝ်း​ပေႃႈ​ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​ ၵီႉလတ်ႉ လုၵ်ႈ​ၸၢႆး​ မႃႇၶီႉရႃႉ ဢၼ်​ပဵၼ်​လုၵ်ႈ​ၸၢႆး​ မၼႃႇ​သေႇ ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​ ယူဝ်းသႅပ်ႈ ​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​မႃး​ၵႃႈ​တီႈ​ မူဝ်းသေႇ ​ဢိၵ်ႇ​တင်း​ၶုၼ်​ဢၼ်​ပဵၼ်​ၵူၼ်း​ယႂ်ႇ​ၵူၼ်း​လူင် ၵႃႈ​ၼႂ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​လဝ်ႊ​ဝႃႈ၊-</verse>
				<verse number="2">ထႃႇဝရႃႉ​ၽြႃး​မီး​ဢမိင်ႉ​ႁႂ်ႈ​ၸဝ်ႈ​ႁဝ်း​ၶႃႈ​တူၵ်း​ၸႃႇ​ၵွၵ်ႈ​သေ​လႄႈ ဢဝ်​လိၼ်​ဢမူၺ်ႇ​ပၼ်​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​ၸဝ်ႈ​ႁဝ်း​ၶႃႈ လႆႈ​ၶၢမ်ႇ​ဢမိင်ႉ​တီႈ​ထႃႇဝရႃႉ​ၽြႃး ႁႂ်ႈ​ဢဝ်​လိၼ်​ဢမူၺ်ႇ​ပီႈ​ၸၢႆး​ႁဝ်း​ၶႃႈ ၸလေႃးၽတ်ႉ ​ၼၼ်ႉ ပၼ်​တီႈ​လုၵ်ႈ​ယိင်း​မၼ်း​တင်း​လၢႆ​ၶႃႈ​ဢေႃႈ။-</verse>
				<verse number="3">ပေႃး​ၶဝ်​ၼၼ်ႉ​ဢဝ်​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တၢင်ႇ​မဵဝ်း​ၸိုင်၊ လိၼ်​ဢမူၺ်ႇ​ၶဝ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ၼုၵ်ႈ​ဢွၵ်ႇ​သေ​ၵႃႈ​ၼႂ်း​ဢမူၺ်ႇ​ၸူဝ်ႈ​ပူႇ​ၸူဝ်ႈ​ပေႃႈ​ႁဝ်း​ၶႃႈ​လႄႈ ပႃး​ၵႂႃႇ​ၵႃႈ​ၼႂ်း​ဢမူၺ်ႇ​မဵဝ်း​ဢၼ်​ၶဝ်​ၶဝ်ႈ​ၼၼ်ႉ​ဢေႃႈ။ ၼင်ႇ​ၼၼ်​လႄႈ လိၼ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၼုၵ်ႈ​ဢွၵ်ႇ​သေ​ၵႃႈ​ၼႂ်း​လိၼ်​ဢမူၺ်ႇ​ႁဝ်း​ၶႃႈ​ၼႆႉ​ၵႂႃႇ​ၶႃႈ​ဢေႃႈ။-</verse>
				<verse number="4">မိူဝ်ႈ​ဢၼ်​ႁွတ်ႈ​ထိုင်​ပီႊ​ ယူႉပီႉလီႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိုင်၊ လိၼ်​ဢမူၺ်ႇ​ၶဝ်​ၼၼ်ႉ တၵ်း​တႄႇ​ယူႇ​သေႇ​သေႇ​ၵႃႈ​တီႈ​ဢမူၺ်ႇ​မဵဝ်း​ဢၼ်​ၶဝ်​ၶဝ်ႈ​ၼၼ်ႉ​ၶႃႈ​ဢေႃႈ။ ၼင်ႇ​ၼၼ်​လႄႈ​လိၼ်​ဢမူၺ်ႇ​ၶဝ်​ၼၼ်ႉ တၵ်း​မီး​တၢင်း​ဢၼ်​ၼုၵ်ႈ​ဢွၵ်ႇ​သေ ၵႃႈ​ၼႂ်း​ဢမူၺ်ႇ​မဵဝ်း​ပူႇ​မဵဝ်း​ပေႃႈ​ႁဝ်း​ၶႃႈ​ၵႂႃႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">မိူဝ်ႈ​ၼၼ်ႉ မူဝ်းသေႇ ​သင်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸွမ်း​ၵႃႈ​ၼင်ႇ​ဢၼ် ဢမိင်ႉ​ထႃႇဝရႃႉ​ၽြႃး​မီး​ၼၼ်ႉ​လႄႈ​ဝႃႈ​ၸမ်ႉ၊ ၵူၼ်း​မဵဝ်း​ ယူဝ်းသႅပ်ႈ ​တင်း​လၢႆ​ၼၼ်ႉ လၢတ်ႈ​ၵႂၢမ်း​ဢၼ်​ထုၵ်ႇ​ဢၼ်​လီ​ဢေႃႈ။-</verse>
				<verse number="6">ထႃႇဝရႃႉ​ၽြႃး​မီး​ဢမိင်ႉ​လူၺ်ႈ​လွင်ႈ​လုၵ်ႈ​ယိင်း​ ၸလေႃးၽတ်ႉ ​ၸိူဝ်း​ၼၼ်ႉ​ၸမ်ႉ၊ ႁႂ်ႈ​ၶဝ်​ဢဝ်​ၵၼ်​တင်း​ၵေႃႉ​ဢၼ်​ၶဝ်​ၵျိူၵ်ႈ​ၼၼ်ႉ​တႃႉ။ ၼႂ်း​ဝႃႈ​ၼၼ်​သေ​ၵေႃႈ ႁႂ်ႈ​ၶဝ်​ဢဝ်​ၵၼ်​တင်း​ၵူၼ်း​မဵဝ်း​ပူႇ​မဵဝ်း​ပေႃႈ​ၸိူဝ်ႉ​ၶိူဝ်း​ၶဝ်​ၼၼ်ႉ​ၵူၺ်း​တႃႉ။-</verse>
				<verse number="7">ၼင်ႇ​ၼၼ်​လႄႈ လိၼ်​ဢမူၺ်ႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢမ်ႇ​လႆႈ​ၶၢႆႉ​သေ​ၵႃႈ​တီႈ​မဵဝ်း​ၼိုင်ႈ ၵႂႃႇ​ၵႃႈ​တီႈ​မဵဝ်း​ၼိုင်ႈ။ လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ တၵ်း​လႆႈ​ယူႇ​ၵႃႈ​တီႈ​လိၼ်​ဢမူၺ်ႇ မဵဝ်း​ပူႇ​မဵဝ်း​ပေႃႈ​တူဝ်​ၸဝ်ႈ​ၵဝ်ႇ ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="8">မႄႈ​ယိင်း​ဢၼ်​မီး​လိၼ်​ဢမူၺ်ႇ ၵႃႈ​ၼႂ်း​မဵဝ်း​ၵူၼ်း​ ဢီႉသရေႇလႃႉ ​သေ​မဵဝ်း​မဵဝ်း​ၼၼ်ႉ တၵ်း​လႆႈ​ဢဝ်​ၵၼ်​တင်း ၵူၼ်း​မဵဝ်း​ပူႇ​မဵဝ်း​ပေႃႈ​တူဝ်​ၸဝ်ႈ​ၵဝ်ႇ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႆႈ​ၸၢမ်ႇ​ၸႃး​လိၼ်​ဢမူၺ်ႇ​မဵဝ်း​ပူႇ​မဵဝ်း​ပေႃႈ​ၶဝ်​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="9">ၼင်ႇ​ၼၼ်​လႄႈ လိၼ်​ဢမူၺ်ႇ​ဢမ်ႇ​လႆႈ​ၶၢႆႉ​သေ​ၵႃႈ​တီႈ​မဵဝ်း​ၼိုင်ႈ ၵႂႃႇ​ၵႃႈ​တီႈ​မဵဝ်း​ၼိုင်ႈ၊ လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ တၵ်း​လႆႈ​ယူႇ​ၵႃႈ​တီႈ​လိၼ်​ဢမူၺ်ႇ​ၶဝ်​ႁင်း​ၽႂ်​ႁင်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​သေ​လႄႈ လုၵ်ႈ​ယိင်း​ ၸလေႃးၽတ်ႉ ​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="11">မႃႇလႃႇ၊ တီႉရၸႃႉ၊ ႁေႃႇၵလႃႇ၊ မီႉၵလႃႇ၊ ၼေႃႇဢႃႇ၊ လုၵ်ႈ​ယိင်း​ ၸလေႃးၽတ်ႉ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​ၵၼ်​တင်း လုၵ်ႈ​ၸၢႆး​ပေႃႈ​လုင်း​ၶဝ်၊ လုၵ်ႈ​ၸၢႆး​ပေႃႈ​ဢၢဝ်​ၶဝ်​ဢေႃႈ။-</verse>
				<verse number="12">ၼင်ႇ​ၼၼ်​လႄႈ ၶဝ်​ႁဵတ်း​တၢင်း​ဢၼ်​ဢဝ်​ၵၼ် ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​ၵူၼ်း​မဵဝ်း​ မၼႃႇ​သေႇ ဢၼ်​ပဵၼ်​လုၵ်ႈ​ၸၢႆး​ ယူဝ်းသႅပ်ႈ ​ၼၼ်ႉ​လႄႈ လိၼ်​ဢမူၺ်ႇ​ၶဝ်​ၼၼ်ႉ တႄႇ​ယူႇ​ၵႃႈ​တီႈ​မဵဝ်း​ပူႇ​မဵဝ်း​ပေႃႈ​ၶဝ်​ဢေႃႈ။-</verse>
				<verse number="13">ဢၼ်​ၼႆႉ​ၸမ်ႉ၊ ပဵၼ်​ပိင်း​ၺၢပ်ႈ ဢိၵ်ႇ​တင်း​တၢင်း​ဢၼ်​ၸီႇ​ယၢင်ႇ​ႁဵတ်း​ဝႆႉ​တင်း​လၢႆ ဢၼ်​ထႃႇဝရႃႉ​ၽြႃး ဢဝ်​ မူဝ်းသေႇ ပိင်း​ၺၢပ်ႈ​ဝႆႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​ၼႂ်း​ပၢင်ႇ​ပဵင်း​ မေႃႇၽႃႉ ၊ ၵႃႈ​တီႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ​သိုဝ်ႈ​ဝဵင်း​ ယေႇရီႉၶူဝ်း ​ၼၼ်ႉ​ဢေႃႈ။ ၵျၢမ်း​ဢၼ်​ယူႇ​ၼႂ်း​ထိူၼ်ႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="5">
			<chapter number="1">
				<verse number="1">ၵႂၢမ်း​ဢၼ်​ မူဝ်းသေႇ ၶိုၼ်း​ႁေႃး​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ၼႂ်း​ထိူၼ်ႇ​လူင်​ၼႂ်း​ပၢင်ႇ​ပဵင်း​ ဢႃႇရၽႃႉ ၊ သိုဝ်ႈ​ သူႉၽႃႉ ၵႃႈ​တီႈ​ၵႄႇ​ဝူင်ႈ​ၵၢင်​ဝဵင်း​ ပႃႇရၼ်ႇ ၊ ဝဵင်း​ တေႃႇၽေးလႃႉ ၊ ဝဵင်း​ လႃႇပၢၼ်ႇ ၊ ဝဵင်း​ ႁႃႇၸရုတ်ႉ ၊ တင်း​ဝဵင်း​ တီႉၸႁပ်ႉ ​ၸိူဝ်း​ၼၼ်ႉ​ၼႆႉ​ၸမ်ႉ၊-</verse>
				<verse number="2">ဢဝ်​ၵႃႈ​တီႈ ႁေႃးရပ်ႉ ​ၸွမ်း​သဵၼ်ႈ​တၢင်း​လွႆ​ ၸီႉရႃႉ ၵႂႃႇ​တေႃႇ​ထိုင်​ႁွတ်ႈ​ၵႃႈ​တီႈ ၵႃႇတေႇသပႃႇၼႃႇ ​ၼၼ်ႉ ၶၢဝ်း​တၢင်း​ယၢၼ်​ၵၼ် သိပ်း​ဢဵတ်း​ဝၼ်း​ဢေႃႈ။-</verse>
				<verse number="3">သၢၵ်ႈ​ၵရဵတ်ႈ​သီႇ​သိပ်း​ပီႊ လိူၼ်​ဢေႇၵႃႉတႃႉသမႃႉ၊ ဝၼ်း​ပထမႃႉ၊ မူဝ်းသေႇ ​ႁေႃး​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​မၼ်း​လူၺ်ႈ​လွင်ႈ​ၶဝ်​ၼၼ်ႉ​ဢေႃႈ။-</verse>
				<verse number="4">ဝၢႆး​သေ​တိုၵ်း​တေႃး​ယႃႉ​ပႅတ်ႈ သီႉႁုၼ်ႇ ​ၶုၼ်​ႁေႃ​ၶမ်း​ ဢႃႇမေႃးရီႉ ဢၼ်​ယူႇ​ၵႃႈ​တီႈ​ဝဵင်း​ ႁေႇသၽုၼ်ႇ ​ဢိၵ်ႇ​တင်း ဢေႃႇၶႃႉ ၶုၼ်​ႁေႃ​ၶမ်း ပႃႇသၢၼ်ႇ ဢၼ်​ယူႇ​ၵႃႈ​တီႈ​ဝဵင်း​ ဢႃႇသတႃႇရုတ်ႉ မိူင်း​ ဢေႇတြီႉ ​ၼၼ်ႉ​ယဝ်ႉ​ၼၼ်ႉ၊-</verse>
				<verse number="5">မူဝ်းသေႇ ​ၸႃႉ​ႁေႃး​လၢတ်ႈ​တြႃး​ၼႆႉ ၵႃႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ၵႃႈ​ၼႂ်း​မိူင်း​ မေႃႇၽႃႉ ​လႄႈ​ဝႃႈ​ၸမ်ႉ။</verse>
				<verse number="6">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း မီး​ဢမိင်ႉ​တီႈ​ႁဝ်း ၵႃႈ​ၼႂ်း​တီႈ​ ႁေႃးရပ်ႉ ​ၼၼ်ႉ​ၸမ်ႉ၊ သူ​ယူႇ​ၵႃႈ​တီႈ​လွႆ​ၼႆႉ​ႁိုင်​ၼႃႇ​လႄႈ ပေႃး​ယဝ်ႉ။-</verse>
				<verse number="7">ဝၢႆႇ​ၶိုၼ်း​လႄႈ​ၵႂႃႇ​တၢင်း​ပႆ​တၢင်း​တႃႉ။ ဢွၼ်​ၵၼ်​ၶိုၼ်ႈ​ၵႂႃႇ​ၵႃႈ​တီႈ​မိူင်း​လွႆ​ ဢႃႇမေႃးရီႉ ဢိၵ်ႇ​တင်း​ၵႃႈ​တီႈ ၵႃႈ​ဢၼ်​ၸမ်​ၵၼ်​တင်း​တီႈ​ၼၼ်ႈ ၵႃႈ​တီႈ​ပၢင်ႇ​ပဵင်း​ ဢႃႇရၽႃႉ ၵႃႈ​တီႈ​ၼိူဝ်​လွႆ​ၼိူဝ်​ၵုင်း၊ ၵႃႈ​တီႈ​ႁူၺ်ႈ​တီႈ​ႁွင်ႈ၊ ၵႃႈ​တီႈ​ပွတ်း​တၢင်း​ၸၢၼ်း၊ ၵႃႈ​တီႈ​ႁိမ်း​ပၢင်ႇ​လၢႆႇ မိူင်း​ၵူၼ်း​ ၶႃႇၼၼီႉ တင်း​လွႆ​ လေႇပၼုၼ်ႇ တေႃႇ​ထိုင်​ႁွတ်ႈ ၼမ်ႉ​ႁွင်ႈ​လူင်​ ဢူႉၽရတ်ႉ ​ၼၼ်ႉ​တႃႉ။-</verse>
				<verse number="8">တူၺ်း​လူး၊ ၵဝ်​ဢဝ်​မိူင်း​ၼၼ်ႉ​ဝႆႉ ၵႃႈ​တီႈ​ၽၢႆႇ​ၼႃႈ​သူ​ယဝ်ႉ။ ဢွၼ်​ၵၼ်​ၶဝ်ႈ​လႄႈ သိမ်း​ဢဝ်​မိူင်း​ဢၼ်​ထႃႇဝရႃႉ​ၽြႃး​တိူင်ႇ​တီႈ ပူႇ​ပေႃႈ​သူ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၸိူဝ်း​ၼၼ်ႉ​လႄႈ ဝႃႈ​တၵ်း​ပၼ်​တီႈ​ၶဝ် ဢိၵ်ႇ​တင်း​မဵဝ်း​ၸိူဝ်ႉ​ၶိူဝ်း​ၶဝ် လိုၼ်း​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မိူဝ်ႈ​ၼၼ်ႉ ၵဝ်​လၢတ်ႈ​တီႈ​သူ​လႄႈ​ဝႃႈ​ၸမ်ႉ၊ ၵဝ်​ၵေႃႉ​လဵဝ်​ၵူၺ်း ဢမ်ႇ​ႁၢပ်ႇ​ဢဝ်​သူ​ၵႂႃႇ​လႆႈ။-</verse>
				<verse number="10">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼၼ်ႉ ႁႂ်ႈ​သူ​ယႂ်ႇ​ၽႄႈ​ၼမ်​ၵိုၼ်း​ၼႃႇ​လူင်​လၢင်​လႄႈ၊ ဝၼ်း​မိူဝ်ႈ​ၼႆႉ ၼပ်ႉ​ဢၢၼ်ႇ​သူ​လႄႈ သူ​ပဵၼ်​ၸိူဝ်ႉ​ၼင်ႇ လၢဝ်​ၵၢင်​ႁၢဝ်​ဢေႃႈ။-</verse>
				<verse number="11">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ပေႃႈ​သူ​ၼၼ်ႉ ႁႂ်ႈ​သူ​ယႂ်ႇ​ၽႄႈ​ၼမ်​ၵိုၼ်း​သေ​မိူဝ်ႈ​လဵဝ်​ၼႆႉ ႁဵင်​ပုၼ်ႈ​သေ​ၵမ်း​လူၺ်ႈ။ ႁႂ်ႈ​မၼ်း​ၸဝ်ႈ​ပၼ်​တၢင်း​လီ​တီႈ​သူ ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​ဝႆႉ​ၵတီႉ​တီႈ​သူ​ၼၼ်ႉ​သေ​ၵမ်း​လူၺ်ႈ။-</verse>
				<verse number="12">ၵဝ်​ၵေႃႉ​လဵဝ်​ၵူၺ်း တၵ်း​ႁၢပ်ႇ​ဢဝ်​ၶူဝ်း​ႁၢပ်ႇ​သူ​ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ၊ တၢင်း​ဢၼ်​ပွင်ႇ​ႁဵတ်း​ဢမူႉ​သူ ဢၼ်​ၼၵ်း​ၼႃႇ၊ တၢင်း​ဢၼ်​သူ​ၽိတ်း​ၵၼ်​ၽႅတ်ႇ​ၵၼ်​ၸိူဝ်း​ၼၼ်ႉ​ၵႂႃႇ​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="13">ၸွမ်း​လူၺ်ႈ​မဵဝ်း​သူ​တင်း​လၢႆ ၼၼ်ႉ​သေ​လႄႈ လိူၵ်ႈ​ၵဵပ်း​ဢဝ်​ၶဝ်​ၸိူဝ်း​ဢၼ် ပျေႉ​ၸုမ်ႇ​တင်း​ၺၢၼ်ႇ​ပိင်ႇ​ၺႃႇ​လႄႈ မီး​သရေႇ​ၼၼ်ႉ​တႃႉ။ ၵဝ်​တၵ်း​ၶၢၼ်း​ၶဝ်​ဝႆႉ ႁႂ်ႈ​ပဵၼ်​ၵႄႇ​ပဵၼ်​ႁူဝ်​ၵႃႈ​ၼိူဝ်​သူ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">သူ​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ လွင်ႈ​တၢင်း​ဢၼ်​ၸဝ်ႈ​ႁဝ်း​လၢတ်ႈ​ၼႆႉ​ၸိုင် ထုၵ်ႇ​လီ​ႁဵတ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ပိူဝ်ႈ​ၼႆ​လႄႈ ၵဝ်​လိူၵ်ႈ​ၵဵပ်း​ဢဝ်​ၵူၼ်း​ယႂ်ႇ​ၵူၼ်း​လူင် ၵႃႈ​တီႈ​မဵဝ်း​သူ​တင်း​လၢႆ​ၼၼ်ႉ ဢၼ်​ဝႃႈ​ၶဝ်​ၸိူဝ်း​ဢၼ် ပျေႉ​ၸုမ်ႇ​တင်း​ၺၢၼ်ႇ​ပိင်ႇ​ၺႃႇ​လႄႈ မီး​သရေႇ​ၼၼ်ႉ​သေ​လႄႈ ၶၢၼ်း​ဝႆႉ​ႁႂ်ႈ​ပဵၼ်​ၵႄႇ​ပဵၼ်​ႁူဝ် ၵႃႈ​ၼိူဝ်​သူ​ဢၼ်​ဝႃႈ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​ႁဵင်၊ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​ပၢၵ်ႇ၊ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​ႁႃႈ​သိပ်း၊ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​သိပ်း ဢိၵ်ႇ​တင်း​ၵူၼ်း​ဢၼ်​သေႃႇ​ဢၼ်​ၵျၢပ်ႈ​တင်း​လၢႆ​ဢေႃႈ။-</verse>
				<verse number="16">ၵဝ်​လႆႈ​သင်ႇ​လၢတ်ႈ​ဝႆႉ​တီႈ​ၶဝ်​ၸိူဝ်း​ဢၼ် ၸီႇ​ယၢင်ႇ​တြႃး​တီႈ​သူ​ၼၼ်ႉ​လႄႈ​ဝႃႈ၊ ထွမ်ႇ​ငိၼ်း​ဢမူႉ​ပီႈ​ၼွင်ႉ​သူ​သေ​လႄႈ၊ ပဵၼ်​ပီႈ​ၼွင်ႉ​ၼင်ႇ​ၵၼ်​ၵၼ်​ထူပ်း​တြႃး​ၵၼ်​သေ​ဢမ်ႇ​ဝႃႈ၊ ထူပ်း​ၵၼ်​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း သေ​ဢမ်ႇ​ဝႃႈ၊ ၸွမ်း​လူၺ်ႈ​တြႃး​သေ​လႄႈ ၸီႇ​ယၢင်ႇ​တႃႉ။-</verse>
				<verse number="17">သူ​ဢမ်ႇ​လႆႈ​ထွၵ်ႈ​ၼႃႈ​ၽူႈ​လႂ် ၼႂ်း​တၢင်း​ဢၼ်​ၸီႇ​ယၢင်ႇ​ဢမူႉ​တြႃး​ၼၼ်ႉ။ သူ​တၵ်း​လႆႈ​ထွမ်ႇ​ဢဝ်​ၵႂၢမ်း​ၵူၼ်း​ဢွၼ်ႇ​ဢိၵ်ႇ​တင်း​ၵႂၢမ်း​ၵူၼ်း​လူင် မိူၼ်​မိူၼ်​ၵၼ်​ဢေႃႈ။ သူ​ဢမ်ႇ​လႆႈ​ၵူဝ်​လႆႈ​ႁႄ​ၼႃႈ​ၵူၼ်း​လႃး​လႃး။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ပိူင်ႇ​ဢမူႉ​တြႃး​ဢေႃႈ။ ဢမူႉ​ဢၼ်​သူ​ဢမ်ႇ​ၸၢင်ႈ​ၸီႇ​ယၢင်ႇ​ၼၼ်ႉ​ၸိုင်၊ သူ​တၵ်း​လႆႈ​ဢဝ်​မႃး​ၸူး​ၵႃႈ​တီႈ​ၵဝ်​လႄႈ၊ ၵဝ်​ၵေႃႈ​တၵ်း​ထွမ်ႇ​ငိၼ်း​ဢေႃႈ၊ ဝႃႈ​ၼင်ႇ​ၼႆ​မႃး​ယဝ်ႉ။-</verse>
				<verse number="18">လွင်ႈ​တၢင်း​ၵႃႈ​ဢၼ်​သူ​တၵ်း​လႆႈ​ႁဵတ်း​ၼၼ်ႉ​ၵေႃႈ ၵဝ်​လႆႈ​သင်ႇ​လၢတ်ႈ​ဝႆႉ​မိူဝ်ႈ​ၼၼ်ႉ​မႃး​ယဝ်ႉ။</verse>
				<verse number="19">ႁဝ်း​လႆႈ​ဢွၼ်​ၵၼ်​လုၵ်ႉ​သေ​ၵႃႈ​တီႈ​ ႁေႃးရပ်ႉ ​ၼၼ်ႉ ၸွမ်း​ၵႃႈ​ၼႂ်း​ၵၢင်​ထိူၼ်ႇ​လူင်​ဢၼ်​လီ​ၵူဝ်​လီ​ႁႄ ဢၼ်​သူ​လႆႈ​ထူပ်း​မၼ်း​ႁၼ်​မၼ်း​ၵႃႈ​တီႈ ႁိမ်း​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​မိူင်း​လွႆ​ၵူၼ်း​ ဢႃႇမေႃးရီႉ ​ၼၼ်ႉ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ ၵႃႇတေႇသပႃႇၼႃႇ ​ပုၼ်ႉ​ဢေႃႈ။-</verse>
				<verse number="20">မိူဝ်ႈ​ၼၼ်ႉ ၵဝ်​လၢတ်ႈ​လႄႈ​ဝႃႈ၊ သူ​ႁွတ်ႈ​ထိုင်​ၵႃႈ​တီႈ​မိူင်း​လွႆ ၵူၼ်း​ ဢႃႇမေႃးရီႉ ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ပၼ်​တီႈ​ႁဝ်း​ၼၼ်ႉ​ယဝ်ႉ။-</verse>
				<verse number="21">တူၺ်း​လူး၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ ဢဝ်​မိူင်း​ဝႆႉ​ၵႃႈ​တီႈ​ၽၢႆႇ​ၼႃႈ​မႂ်း​ယဝ်ႉ။ ၶိုၼ်ႈ​လႄႈ​သိမ်း​ဢဝ်​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ပေႃႈ​မႂ်း မီး​ဢမိင်ႉ​တီႈ​မႂ်း​ၼၼ်ႉ​တႃႉ၊ ယႃႇ​ပေ​ၵူဝ်​ပေ​ႁႄ၊ ၸႂ်​ၵေႃႈ​ယႃႇ​ပေ​လူႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">မိူဝ်ႈ​ၼၼ်ႉ သူ​ၵႃႈ​မီး​ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၵဝ်​သေ​လႄႈ လဝ်ႊ​ဝႃႈ၊ ႁဝ်း​ၶႃႈ​တၵ်း​ပွႆႇ​ၸႂ်ႉ​ၵူၼ်း​ၵႂႃႇ ဢွၼ်​တၢင်း​ႁဝ်း​ၶႃႈ ႁႂ်ႈ​ၶဝ်​လွမ်​တူၺ်း​မိူင်း​ၼၼ်ႉ​သေ​လႄႈ မွၵ်ႇ​လၢတ်ႈ​လွင်ႈ​ဢၼ်​ႁဝ်း​ၶႃႈ တၵ်း​လႆႈ​ၵႂႃႇ​သဵၼ်ႈ​တၢင်း​ဢၼ်​လႂ် ဢိၵ်ႇ​တင်း လွင်ႈ​ဢၼ်​ႁဝ်း​ၶႃႈ တၵ်း​လႆႈ​ႁွတ်ႈ​ထိုင်​ဝဵင်း​ဢၼ်​လႂ်​ၼၼ်ႉ တီႈ​ႁဝ်း​ၶႃႈ ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="23">ၵႂၢမ်း​ဢၼ်​လဝ်ႊ​ဝႃႈ​ၼၼ်ႉ ထုၵ်ႇ​ၸႂ်​ၵဝ်​လႄႈ ၵဝ်​လိူၵ်ႈ​ၵဵပ်း​ဢဝ်​ၵူၼ်း​သိပ်း​သွင်​ၵေႃႉ ၵႃႈ​ၼႂ်း​သူ​ယေႈ​မဵဝ်း​ယေႈ​ၵေႃႉ​ဢေႃႈ။-</verse>
				<verse number="24">ၶဝ်​ၼၼ်ႉ ဢွၼ်​ၵၼ်​လဵပ်ႈ​ၵႂႃႇ​ၶိုၼ်ႈ​ၵႃႈ​ၼိူဝ်​လွႆ​လႄႈ ႁွတ်ႈ​ထိုင်​ၵႃႈ​တီႈ​ပၢင်ႇ​ႁူၺ်ႈ​ ဢေႇသၵေႃးလႃႉ ​သေ​ယဝ်ႉ၊ လွမ်​တူၺ်း​ဢေႃႈ။-</verse>
				<verse number="25">ၶဝ်​ဢွၼ်​ၵၼ်​ဢဝ်​မိုဝ်း​ၶဝ် ဢဝ်​မၢၵ်ႇ​မႆႉ​မၢၵ်ႇ​တွၵ်ႇ ဢၼ်​လႆႈ​ၵႃႈ​တီႈ​မိူင်း​ၼၼ်ႉ လူင်း​မႃး​ၸူး​ၵႃႈ​တီႈ​ႁဝ်း​လႄႈ မွၵ်ႇ​လၢတ်ႈ​လႄႈ​ဝႃႈ၊ မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ပၼ်​တီႈ​ႁဝ်း​ၼၼ်ႉ ပဵၼ်​မိူင်း​ဢၼ်​လီ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၵူၺ်း​ၵႃႈ သူ​ဢမ်ႇ​မီး​ဢလူဝ်ႇ​ၶႂ်ႈ​ၵႂႃႇ​လႄႈ ႁဵတ်း​တၢင်း​ဢၼ်​ၶတ်း​ၵၼ်​တင်း ဢမိင်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​သေ​ယဝ်ႉ၊-</verse>
				<verse number="27">ပွင်ႉ​ၶၢင်း​ပွင်ႉ​မိူၼ်ႇ ၵႃႈ​ၼႂ်း​မူဝ်းၵႃႇ​သူ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ၸင်း​ႁဝ်း​လႄႈ မၼ်း​ၸဝ်ႈ​ၼုၵ်ႈ​ဢဝ်​ႁဝ်း​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ႁႂ်ႈ​လႆႈ​ဢဝ်​ႁဝ်း​ဢၢပ်ႈ​ပၼ် ၵႃႈ​ၼႂ်း​မိုဝ်း​ၵူၼ်း​မဵဝ်း​ ဢႃႇမေႃးရီႉ ​တင်း​လၢႆ ႁႂ်ႈ​ၶဝ်​လႆႈ​ဢဝ်​ႁဝ်း​တၢႆ​လူင်​ပႄႇ။-</verse>
				<verse number="28">ႁဝ်း​တၵ်း​လႆႈ​ၵႂႃႇ​ၵႃႈ​တီႈ​လႂ်၊ ပီႈ​ၼွင်ႉ​ႁဝ်း​ၸိူဝ်း​ၼၼ်ႉ ဢွၼ်​ၵၼ်​ႁႂ်ႈ​ၸႂ်​ႁဝ်း​လူႉ​ၵႂႃႇ ဢူၼ်ႈ​ၵႂႃႇ​လႄႈ​ဝႃႈ၊ ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ​ၼၼ်ႉ ယဵင်ႈ​ၶႅၼ်း​ယႂ်ႇ​ၼႃႇ၊ တၢင်း​ဢၼ်​သုင်​ၶဝ်​ၵေႃႈ ယဵင်ႈ​ၶႅၼ်း​သုင်​ၼႃႇ​သေ​ႁဝ်း​ဢေႃႈ။ ဝဵင်း​ၸိူဝ်း​ၼၼ်ႉ​ၵေႃႈ မီး​လမ်း​ဝဵင်း​ဢၼ်​သုင်​ၶိုၼ်ႈ​ထိုင်​ၽႃႉ​ၵၢင်​ႁၢဝ်​ဢေႃႈ။ ႁဝ်း​လႆႈ​ႁၼ်​ၵူၼ်း​မဵဝ်း​ ဢႃႇၼၵႃႉ ​တင်း​လၢႆ ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မိူဝ်ႈ​ၼၼ်ႉ ၵဝ်​လၢတ်ႈ​တီႈ​သူ​လႄႈ​ဝႃႈ၊ ယႃႇ​ပေ​တူၵ်း​ၸႂ်။ ယႃႇ​ပေ​ၵူဝ်​ပေ​ႁႄ​ၶဝ်​ၼၼ်ႉ။-</verse>
				<verse number="30">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢၼ်​ဢွၼ်​ႁူဝ်​သူ​ၵႂႃႇ​ၼၼ်ႉ တၵ်း​ၸွႆႈ​သိုၵ်း​ထႅမ်​သိုၵ်း​သူ ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​ႁဵတ်း​ပုၼ်ႈ​သူ ၵႃႈ​ၼႂ်း​မိူင်း​ ဢေႇၵိပ်ႉတူႉ ​သိုဝ်ႈ​ၼႃႈ​တႂ်ႈ​တႃ​သူ၊-</verse>
				<verse number="31">ဢိၵ်ႇ​တင်း​ၵႃႈ​ၼႂ်း​ထိူၼ်ႇ​ဢၼ်​သူ​လႆႈ​ႁၼ်​လွင်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ႁွပ်ႇ​ဢုမ်ႈ​သူ မိူၼ်​ၸိူဝ်ႉ​ၼင်ႇ​ဢၼ် ပေႃႈ​ႁွပ်ႇ​ဢုမ်ႈ​လုၵ်ႈ​မၼ်း​ၼၼ်ႉ ၵႃႈ​ၼႂ်း​သဵၼ်ႈ​တၢင်း​ၵႃႈ​ဢၼ်​သူ​ၸွမ်း​မႃး တေႃႇ​ထိုင်​ႁွတ်ႈ​ၵႃႈ​တီႈ​ၼႆႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="32">ၼႂ်း​တီႈ​ႁဵင်း​ၼၼ်ႉ​ၸိုင် သူ​ဢမ်ႇ​ယုမ်ႇ​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ၊-</verse>
				<verse number="33">ဢၼ်​ဢွၼ်​ႁူဝ်​သူ ၵႃႈ​တီႈ​ၶိင်ႇ​ၵၢင်​ၶိုၼ်း​ၵႃႈ​ၼႂ်း​ၽႆး၊ ၵႃႈ​တီႈ​ၶိင်ႇ​ၵၢင်​ဝၼ်း ၵႃႈ​ၼႂ်း​မွၵ်ႇ​ၵုမ်ႈ ႁႂ်ႈ​လႆႈ​ႁႃ​ဢဝ်​တီႈ​ဢၼ်​သူ​တၵ်း​ၶျႃး​ပၢင်​မူဝ်းၵႃႇ​သူ ဢိၵ်ႇ​တင်း​ႁႂ်ႈ​လႆႈ​ၼႄ​ပျႃး​သဵၼ်ႈ​တၢင်း​ဢၼ် သူ​တၵ်း​လႆႈ​ၵႂႃႇ​လႆႈ​ပႆ​ၼၼ်ႉ​လူင်​ပႄႇ။</verse>
				<verse number="34">ထႃႇဝရႃႉ​ၽြႃး​ငိၼ်း​သဵင်​ၵႂၢမ်း​သူ​ၼၼ်ႉ​လႄႈ တၢင်း​ၸႂ်​မႆႈ​ၶႆႈ​ၸႃႉ​ဢွၵ်ႇ​သေ​ယဝ်ႉ၊ တိူင်ႇ​ဝႃႈ​လႄႈ​ဝႃႈ၊-</verse>
				<verse number="35">ၼွၵ်ႈ​သေ​ ၵႃႇလႅပ်ႉ လုၵ်ႈ​ၸၢႆး​ ယေႇၽုၼ်ႇၼႃႉ ​ၼၼ်ႉ ၵူၼ်း​မဵဝ်း​ဢၼ်​ႁၢႆႉ​ယုတ်ႈ​ၼႆႉ ဢမ်ႇ​လႆႈ​ႁၼ်​မိူင်း​လီ​မိူင်း​ငၢမ်း ဢၼ်​ၵဝ်​တိူင်ႇ​လႄႈ​ဝႃႈ တၵ်း​ပၼ်​တီႈ​ပူႇ​ပေႃႈ​သူ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ၵေႃႉ​သေ​ၵူၼ်း ဢမၢၼ်ႇ​ၶၼ်​ပဵၼ်။-</verse>
				<verse number="36">ၵေႃႉ​ၼၼ်ႉ​တၵ်း​လႆႈ​ႁၼ်​လႄႈ ၵဝ်​တၵ်း​ဢဝ်​မိူင်း​ဢၼ်​တိၼ်​မၼ်း​လႆႈ​ယဵပ်ႇ​ယဝ်ႉ​ၼၼ်ႉ​ပၼ်​တီႈ​မၼ်း ဢိၵ်ႇ​တင်း​ၸူဝ်ႈ​လုၵ်ႈ​ၸူဝ်ႈ​လၢင်း​မၼ်း ၵွပ်ႈ​ပိူဝ်ႈ​ဢၼ်​မၼ်း​ၸွမ်း​လင်​ထႃႇဝရႃႉ​ၽြႃး​လုမ်း​လုမ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">လိူဝ်​သေ​ၼၼ်ႉ ထႃႇဝရႃႉ​ၽြႃး​ၸႂ်​မႆႈ​ၶႆႈ​ၸႃႉ​တီႈ​ၵဝ်​ၵွပ်ႈ​ပိူဝ်ႈ​သူ​လႄႈ မီး​ဢမိင်ႉ​ဝႃႈ၊ မႂ်း​ဢမ်ႇ​လႆႈ​ၶဝ်ႈ​ၵႃႈ​ၼႂ်း​မိူင်း​ၼၼ်ႉ။-</verse>
				<verse number="38">ယေႃးသူႉ ​လုၵ်ႈ​ၸၢႆး​ ၼုၼ်ႇ ဢၼ်​ပဵၼ်​ၵူၼ်း​ၸွႆႈ​ၵူၼ်း​ထႅမ်​မႂ်း​ၼၼ်ႉ​တၵ်း​လႆႈ​ၶဝ်ႈ​ဢေႃႈ။ ၵွပ်ႈ​ပိူဝ်ႈ​ဢၼ်​မၼ်း​ပဵၼ်​ၵေႃႉ​ဢၼ် တၵ်း​ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၶၢမ်ႇ​ဢမူၺ်ႇ​ၼၼ်ႉ​လႄႈ၊ ပၼ်​ႁႅင်း​တီႈ​မၼ်း​တႃႉ။-</verse>
				<verse number="39">လုၵ်ႈ​ဢွၼ်ႇ​သူ​ဢၼ်​သူ​ဝႃႈ တၵ်း​ပဵၼ်​တီႈ​ဢၼ်​ပိူၼ်ႈ​တီႉ​ဢဝ်​သိမ်း​ဢဝ်​ဝႃႈ​ၼင်ႇ​ၼႆ​ၼၼ်ႉ ဢိၵ်ႇ​တင်း​လုၵ်ႈ​လၢင်း​သူ ဢၼ်​ဢမ်ႇ​ပႆႇ​ၸၵ်း​ၽႄ​ႁူႉ​ၶိင်ႇ​မိူဝ်ႈ​လႆႈ​ၼၼ်ႉ ၸိူဝ်း​ၼၼ်ႉ တၵ်း​လႆႈ​ၶဝ်ႈ​မိူင်း​ၼၼ်ႉ​လႄႈ ၵဝ်​တၵ်း​ဢဝ်​ပၼ်​တီႈ​ၶဝ်​လႄႈ ၶဝ်​တၵ်း​ပိူင်ႇ​ဢေႃႈ။-</verse>
				<verse number="40">သူ​ၸမ်ႉ၊ ဢွၼ်​ၵၼ်​ဝၢႆႇ​ၶိုၼ်း​လႄႈ ၵႂႃႇ​တၢင်း​ပႆ​တၢင်း​ၵႃႈ​ၼႂ်း​ထိူၼ်ႇ ၸွမ်း​သဵၼ်ႈ​တၢင်း​ပၢင်ႇ​လၢႆႇ​ ဢေႇတုမ်ႇ ၵႂႃႇ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">မိူဝ်ႈ​ၼၼ်ႉ သူ​ဢွၼ်​ၵၼ်​ၶိုၼ်း​လဝ်ႊ​လၢတ်ႈ​တီႈ​ၵဝ်​လႄႈ​ဝႃႈ၊ ႁဝ်း​ၶႃႈ​ၽိတ်း​ပိူင်ႈ​ထႃႇဝရႃႉ​ၽြႃး​မႅၼ်ႈ​ၶႃႈ​ယဝ်ႉ။ ႁဝ်း​ၶႃႈ​တၵ်း​ၵႂႃႇ​လႄႈ တိုၵ်း​သိုၵ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​သင်ႇ​လၢတ်ႈ​ဝႆႉ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ သူ​ၵႃႈ​မီး​ဢွၼ်​ၵၼ်​ယိပ်း​ၵမ်​လၢၵ်ႈ​ၼၢၵ်ႈ​ယူႇ​သေ​လႄႈ ႁႅၼ်း​ဝႆႉ​ဢွမ်ႈ​ပွမ်ႈ ႁႂ်ႈ​လႆႈ​ၶိုၼ်ႈ​ၵႃႈ​ၼိူဝ်​လွႆ​ဢေႃႈ။-</verse>
				<verse number="42">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​လႄႈ​ဝႃႈ​ၸမ်ႉ၊ သင်ႇ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ယႃႇ​ပေ​ၶိုၼ်ႈ​ၸူး။ ယႃႇ​ပေ​တိုၵ်း​တေႃး။ ၵဝ်​ဢမ်ႇ​မီး​ယူႇ​ၵႃႈ​ၼႂ်း​သူ။ ပေႃး​သူ​တိုၵ်း​ၸိုင်၊ သူ​တၵ်း​တူၵ်း​သုမ်း ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​သူ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="43">ၼင်ႇ​ၼၼ်​လႄႈ ၵဝ်​သင်ႇ​လၢတ်ႈ​တီႈ​သူ​သေ​ၵေႃႈ၊ သူ​ဢမ်ႇ​ထွမ်ႇ​ဢမ်ႇ​ဢဝ်။ သူ​ထဵင်​ပႅတ်ႈ​ဢမိင်ႉ​ထႃႇဝရႃႉ​ၽြႃး​လႄႈ ဢွၼ်​ၵၼ်​မီး​တၢင်း​ၸႂ်​ဢၼ်​ႁတ်း​ႁၢၼ် လိူဝ်​တွၼ်း​ၼႃႇ​လူင်​လၢင်​သေ​လႄႈ ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ဢေႃႈ။-</verse>
				<verse number="44">မိူဝ်ႈ​ၼၼ်ႉ ၵူၼ်း​မဵဝ်း​ ဢႃႇမေႃးရီႉ ဢၼ်​မီး​ဝႆႉ​ထႃႈ​ၵႃႈ​ၼိူဝ်​လွႆ​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​မႃး​ႁႄႉ​တိုၵ်း​သူ​သေ​ယဝ်ႉ၊ လိုပ်ႈ​လမ်း​ၸွမ်း​သူ မိူၼ်​ၸိူဝ်ႉ​ၼင်ႇ​ဢၼ် ၽိုင်ႈ​တင်း​လၢႆ​ဢုမ်ႇ​လႄႈ​လိုပ်ႈ​ၸွမ်း​ၼၼ်ႉ​သေ​လႄႈ ယႃႉ​ၽဵဝ်ႈ​သူ​ပႅတ်ႈ ၵႃႈ​ၼႂ်း​တီႈ​ ၸီႉရႃႉ ​တေႃႇ​ထိုင်​ႁွတ်ႈ ႁေႃႇမႃႇ ​ဢေႃႈ။-</verse>
				<verse number="45">သူ​ၵေႃႈ​ၶိုၼ်း​မႃး​လႄႈ ဢွၼ်​ၵၼ်​ႁွင်ႉ​ႁႆႈ​ၵႃႈ​တီႈ ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ ၵူၺ်း​ၵႃႈ ထႃႇဝရႃႉ​ၽြႃး​ဢမ်ႇ​ထွမ်ႇ​ဢဝ်​သဵင်​ႁွင်ႉ​သူ။ ဢမ်ႇ​ဝၢႆႇ​ႁူ​တေႃႇ​သူ။-</verse>
				<verse number="46">ပိူဝ်ႈ​ၼႆ​လႄႈ သူ​သမ်ႉ​လႆႈ​ၶိုၼ်း​ယူႇ ၵႃႈ​တီႈ​ ၵႃႇတေႇသႃႉ ​ၼၼ်ႉ မိုဝ်ႉ​ဝၼ်း​ၼမ်​ၼႃႇ​လူင်​လၢင် ၸွမ်း​ၵႃႈ​ၼင်ႇ​မိုဝ်ႉ​ဝၼ်း​ဢၼ်​သူ​လႆႈ​ယူႇ​ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">ႁဝ်း​ဝၢႆႇ​ၶိုၼ်း​လႄႈ​ၵႂႃႇ​တၢင်း​ပႆ​တၢင်း​ၸွမ်း​သဵၼ်ႈ​တၢင်း​ပၢင်ႇ​လၢႆႇ​ ဢေႇတုမ်ႇ ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​တီႈ​ၵဝ်​ၼၼ်ႉ​သေ​လႄႈ လႄႇ​လဵပ်ႈ​လွႆ​ ၸီႉရႃႉ ​ယူႇ မိုဝ်ႉ​ဝၼ်း​ၼမ်​ၼႃႇ​လူင်​လၢင်​ဢေႃႈ။-</verse>
				<verse number="2">ထႃႇဝရႃႉ​ၽြႃး​သင်ႇ​လၢတ်ႈ​တီႈ​ၵဝ်​လႄႈ​ဝႃႈ၊-</verse>
				<verse number="3">သူ​လႄႇ​လဵပ်ႈ​လွႆ​ၼႆႉ​ႁိုင်​ၼႃႇ​လႄႈ​ပေႃး​ယဝ်ႉ။ သမ်ႉ​ဝၢႆႇ​ၶိုၼ်း​ၵႂႃႇ​ၽၢႆႇ​တၢင်း​ႁွင်ႇ​လူး​ၵွၼ်ႇ​တႃႉ။-</verse>
				<verse number="4">မႂ်း​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ သူ​တၵ်း​လႆႈ​ပႆ​ၸွမ်း​ၵႃႈ​ၼႂ်း​လႅၼ်​လိၼ်​မိူင်း​ပီႈ​ၼွင်ႉ​သူ ၵူၼ်း​မဵဝ်း​ ဢေးသေႃး ဢၼ်​ယူႇ​ၵႃႈ​ၼႂ်း​မိူင်း​ ၸီႉရႃႉ ​ၸိူဝ်း​ၼၼ်ႉ​ၵႂႃႇ​ဢေႃႈ။ ၶဝ်​ၼၼ်ႉ​တၵ်း​ၵူဝ်​တၵ်း​ႁႄ​သူ​ဢေႃႈ။ ပိူဝ်ႈ​ၼႆ​လႄႈ တူဝ်​သူ​ႁဵတ်း​သတီႉ​တီႈ​တူဝ်​သူ​တႃႉ။-</verse>
				<verse number="5">ယႃႇ​ပေ​ၽိတ်း​ၵၼ်​တင်း​ၶဝ်​လႃး​လႃး။ မိူင်း​ၶဝ်​ၼၼ်ႉ​ၸိုင် ၵဝ်​ဢမ်ႇ​ပၼ်​တီႈ​သူ။ တၢၼ်ႇ​ၵႃႈ​တီႈ​ဢၼ်​တိၼ်​တၵ်း​ယဵပ်ႇ​သေ​ၵေႃႈ ၵဝ်​ဢမ်ႇ​ပၼ်​တီႈ​သူ၊ လွင်ႈ​မၼ်း​ၸမ်ႉ ၵဝ်​ဢဝ်​လွႆ​ ၸီႉရႃႉ ပၼ်​တီႈ​ ဢေးသေႃး ​ႁႂ်ႈ​မၼ်း​ပိူင်ႇ​ဢေႃႈ။-</verse>
				<verse number="6">သူ​တၵ်း​လႆႈ​ဢဝ်​ငိုၼ်း​သိုဝ်ႉ​ဢဝ်​တၢင်း​ၵိၼ်​တၢင်း​ၶူပ်း ပုၼ်ႈ​ဢၼ်​သူ​တၵ်း​ၵိၼ်​တၵ်း​ၶူပ်း ဢိၵ်ႇ​တင်း​ၼမ်ႉ​ပုၼ်ႈ​ဢၼ်​သူ​တၵ်း​ၵိၼ်​တၵ်း​သူတ်ႉ​ၼၼ်ႉ​တီႈ​ၶဝ်​ဢေႃႈ။-</verse>
				<verse number="7">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ ပၼ်​တၢင်း​လီ​တီႈ​မႂ်း​ၼႂ်း​ၵႃႈ​ဢၼ်​မႂ်း​ႁဵတ်း​မႂ်း​သၢင်ႈ​ၼၼ်ႉ​ယဝ်ႉ။ မၼ်း​ၸဝ်ႈ​ႁူႉ​လွင်ႈ​တၢင်း​ဢၼ်​သူ​ၵႂႃႇ​ၵႂႃႇ​မႃး​မႃး ၵႃႈ​ၼႂ်း​ထိူၼ်ႇ​လူင်​ၼႆႉ​ၼၼ်ႉ​ယူႇ​ဢေႃႈ။ သီႇ​သိပ်း​ပီႊ​တဵမ်​တဵမ်​ယဝ်ႉ​ၼႆႉ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း မီး​ယူႇ​လူၺ်ႈ​ၵၼ်​တင်း​မႂ်း​လႄႈ မႂ်း​ဢမ်ႇ​လူဝ်ႇ​ထႅင်ႈ​ၵႃႈ​သင်​လႃး​လႃး၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ယဝ်ႉ။</verse>
				<verse number="8">ႁဝ်း​ၵၢႆ​ၵႂႃႇ​ၵႃႈ​တီႈ​ႁိမ်း​ပီႈ​ၼွင်ႉ​ႁဝ်း ၵူၼ်း​မဵဝ်း​ ဢေးသေႃး ဢၼ်​ယူႇ​ၵႃႈ​ၼႂ်း​မိူင်း​ ၸီႉရႃႉ ​ၸိူဝ်း​ၼၼ်ႉ ပႅတ်ႈ​ၶဝ်​ဝႆႉ​သေ​လႄႈ ၸွမ်း​သဵၼ်ႈ​တၢင်း​ပၢင်ႇ​ပဵင်း​ ဢႃႇရၽႃႉ ဢၼ်​လုၵ်ႉ​သေ​ၵႃႈ​တီႈ​ဝဵင်း​ ဢေးလတ်ႉ ဢိၵ်ႇ​တင်း​ဝဵင်း​ ဢေးၸရုၼ်ႇၵႃႇပႃႉ ​ၼၼ်ႉ​သေ​ယဝ်ႉ၊ သမ်ႉ​ဝၢႆႇ​ၶိုၼ်း​လႄႈ ၸွမ်း​သဵၼ်ႈ​တၢင်း​ထိူၼ်ႇ​ မေႃႇၽႃႉ ​ဢေႃႈ။-</verse>
				<verse number="9">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ၵဝ်​လႄႈ​ဝႃႈ၊ ယႃႇ​ပေ​ယႃႉ​ယူၵ်ႉ​မိူင်း​ မေႃႇၽႃႉ ။ ယႃႇ​ပေ​တိုၵ်း​သိုၵ်း​ၵၼ်​တင်း​ၶဝ်။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ၵဝ်​ဢဝ်​မိူင်း​ ဢႃႇရႃႉ ပၼ်​တီႈ​ၵူၼ်း​မဵဝ်း​ လေႃးတႃႉ ႁႂ်ႈ​ၶဝ်​ပိူင်ႇ​ယဝ်ႉ​လႄႈ၊ ၵဝ်​ဢမ်ႇ​ဢဝ်​မိူင်း​ၶဝ်​ၼၼ်ႉ​ပၼ်​တီႈ​မႂ်း​ႁႂ်ႈ​မႂ်း​ပိူင်ႇ။-</verse>
				<verse number="10">ၵူၼ်း​မဵဝ်း​ ဢေႇမိမ်ႇ ဢၼ်​ပဵၼ်​ၵူၼ်း​ဢၼ်​ယႂ်ႇ​ၼႃႇ​ၼမ်​ၼႃႇ​သုင်​ၼႃႇ မိူၼ်​ၸိူဝ်ႉ​ၼင်ႇ​ၵူၼ်း​မဵဝ်း​ ဢႃႇၼၵႃႉ ​ၼၼ်ႉ ယူႇ​ၵႃႈ​တီႈ​မိူင်း​ၼၼ်ႉ မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="11">ပိူၼ်ႈ​မၢတ်ႈ​ၶဝ်​ၼၼ်ႉ ၶဝ်ႈ​ပႃး​ၵႃႈ​ၼႂ်း​ၵူၼ်း​ဢၼ်​ယႂ်ႇ​ၼႃႇ​ႁႅင်း​ၼႃႇ​မိူၼ်​ၸိူဝ်ႉ​ၼင်ႇ​ၵူၼ်း​မဵဝ်း​ ဢႃႇၼၵႃႉ ​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵူၼ်း​မိူင်း​ မေႃႇၽႃႉ ​တင်း​လၢႆ​ႁွင်ႉ​ၶဝ်​ၼၼ်ႉ ဢေႇမိမ်ႇ ​ဢေႃႈ။-</verse>
				<verse number="12">မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ၵူၼ်း​ ႁေႃးရီႉ ​တင်း​လၢႆ​ၵေႃႈ ယူႇ​ၵႃႈ​ၼႂ်း​မိူင်း​ ၸီႉရႃႉ ​ဢေႃႈ။ ၵူၼ်း​မဵဝ်း​ ဢေးသေႃး ​တင်း​လၢႆ ပုတ်ႈ​ဢဝ်​တီႈ​ၶဝ်​ၼၼ်ႉ​လႄႈ ပႄႇ​ၽဵဝ်ႈ​ၶဝ်​ပႅတ်ႈ​သေ​ယဝ်ႉ၊ ယူႇ​ၵႃႈ​ၼႂ်း​တီႈ​ယူႇ​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ႁဵတ်း​ၵႃႈ​တီႈ​မိူင်း​ဢၼ် ထႃႇဝရႃႉ​ၽြႃး​ပၼ်​ပိူင်ႇ​ၼၼ်ႉ​ဢေႃႈ။-</verse>
				<verse number="13">တေႃႈ​လဵဝ်​ၼႆႉ​လုၵ်ႉ​လႄႈ​ဢွၼ်​ၵၼ်​ၶၢမ်ႈ​ၼမ်ႉ​ႁွင်ႈ​ ၸေႇရိတ်ႉ ​တႃႉ၊ ဝႃႈ​ၼင်ႇ​ၼႆ​လႄႈ၊ ႁဝ်း​ဢွၼ်​ၵၼ်​ၶၢမ်ႈ​ၼမ်ႉ​ႁွင်ႈ​ ၸေႇရိတ်ႉ ​ဢေႃႈ။-</verse>
				<verse number="14">ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ် ဢဝ်​ၸႃႉ​ၸဵမ်​ဢၼ်​ႁဝ်း​လုၵ်ႉ​သေ​ၵႃႈ​တီႈ​ ၵႃႇတေႇသပႃႇၼႃႇ ၵႂႃႇ​တေႃႇ​ထိုင်​ႁွတ်ႈ​ဢၼ်​ႁဝ်း​ၶၢမ်ႈ​ၼမ်ႉ​ႁွင်ႈ​ ၸေႇရိတ်ႉ ဢၼ်​ဝႃႈ​တေႃႇ​ထိုင်​ႁွတ်ႈ​ၵူၼ်း​သိုၵ်း ၸုပ်ႈ​ဢွၼ်​တၢင်း​ၵႃႈ​မီး​ၼၼ်ႉ လႆႈ​လူႉ​ႁၢႆ​တၢႆ​ၵႂႃႇ​ၵႃႈ​ၼႂ်း​ၵၢင်​မုၵ်ႉ​ၵူၼ်း​ၸိူဝ်း​ၵူၼ်း ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၵိၼ်ႇ​ဝႃႈ​ၼၼ်ႉ​ၼၼ်ႉ လႆႈ​သၢမ်​သိပ်း​ပၢႆ​ပႅတ်ႇ​ပီႊ​ဢေႃႈ။-</verse>
				<verse number="15">ထႃႇဝရႃႉ​ၽြႃး​ယဵတ်ႇ​မိုဝ်း​မၼ်း​ၸဝ်ႈ​ယူႇ​ၽၢႆႇ​ၼိုင်ႈ​တင်း​ၶဝ် ႁႂ်ႈ​လႆႈ​ပႄႇ​ၽဵဝ်ႈ​ၶဝ်​ပႅတ်ႈ​သေ​ၵႃႈ​ၼႂ်း​ၵၢင်​မုၵ်ႉ​ၵူၼ်း​ၸိူဝ်း​ၵူၼ်း တေႃႇ​ထိုင်​ႁွတ်ႈ​ၶဝ်​ထၼ်ႈ​ပေႃး​လူႉ​ႁၢႆ​တၢႆ​ၵႂႃႇ​ၼၼ်ႉ​ဢေႃႈ။-</verse>
				<verse number="16">ၵူၼ်း​သိုၵ်း​ၸိူဝ်း​ၼၼ်ႉ လူႉ​ႁၢႆ​တၢႆ​သေ​ၵႃႈ​ၼႂ်း​ၵၢင်​မုၵ်ႉ​ၵူၼ်း​ၸိူဝ်း​ၵူၼ်း​သေ​ယဝ်ႉ၊-</verse>
				<verse number="17">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​လႄႈ​ဝႃႈ၊-</verse>
				<verse number="18">ဝၼ်း​မိူဝ်ႈ​ၼႆႉ မႂ်း​တၵ်း​လႆႈ​ၶၢမ်ႈ​လိၼ်​ ဢႃႇရႃႉ ဢၼ်​ပဵၼ်​လႅၼ်​လိၼ်​မိူင်း​ မေႃႇၽႃႉ ၵႂႃႇ​ဢေႃႈ။-</verse>
				<verse number="19">မိူဝ်ႈ​ဢၼ်​မႂ်း​ႁွတ်ႈ​ထိုင်​ၵႃႈ​တီႈ​ႁိမ်း​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​ၸိုင် ယႃႇ​ပေ​ယႃႉ​ယူၵ်ႉ​ၶဝ်။ ယႃႇ​ပေ​ၽိတ်း​ၵၼ်​တင်း​ၶဝ်​လႃး​လႃး။ ၵဝ်​ဢမ်ႇ​ဢဝ်​မိူင်း​ဢၼ်​ၵူၼ်း​မဵဝ်း​ ဢမ်ႇမုၼ်ႇ ​ၶဝ်​ယူႇ​ၼၼ်ႉ​ပၼ်​တီႈ​မႂ်း​ႁႂ်ႈ​မႂ်း​ပိူင်ႇ။ မိူင်း​ၼၼ်ႉ​ၸိုင်​ၵဝ်​ပၼ်​တီႈ​ၵူၼ်း​မဵဝ်း လေႃးတႃႉ ​ႁႂ်ႈ​ၶဝ်​ပိူင်ႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မိူင်း​ၼၼ်ႉ​ၵေႃႈ ပိူၼ်ႈ​မၢတ်ႈ​ပဵၼ်​တီႈ​ဢၼ်​ၵူၼ်း​ဢၼ်​ယႂ်ႇ​ၼႃႇ​ႁႅင်း​ၼႃႇ​ၼၼ်ႉ​ယူႇ​ဢေႃႈ။ ၵူၼ်း​ဢၼ်​ယႂ်ႇ​ၼႃႇ​ႁႅင်း​ၼႃႇ​ၸိူဝ်း​ၼၼ်ႉ ယူႇ​ၵႃႈ​ၼႂ်း​မိူင်း​ၼၼ်ႉ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ဢေႃႈ။ ၵူၼ်း​မိူင်း​ ဢမ်ႇမုၼ်ႇ ​တင်း​လၢႆ​ႁွင်ႉ​ၶဝ်​ၼၼ်ႉ ၸမ်ႇၸုမ်ႇမိမ်း ဢေႃႈ။-</verse>
				<verse number="21">ၵူၼ်း​မဵဝ်း​ၼၼ်ႉ​ပဵၼ်​ၵူၼ်း​ဢၼ်​ယႂ်ႇ​ၼႃႇ​ၼမ်​ၼႃႇ​သုင်​ၼႃႇ​မိူၼ်​ၸိူဝ်ႉ​ၼင်ႇ​ၵူၼ်း​မဵဝ်း​ ဢႃႇၼၵႃႉ ​ဢေႃႈ။ ၵူၺ်း​ၵႃႈ ထႃႇဝရႃႉ​ၽြႃး​ယႃႉ​ၶဝ်​ၼၼ်ႉ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၶဝ်​လႄႈ၊ ၶဝ်​ပုတ်ႈ​တီႈ​ၶဝ်​ၼၼ်ႉ​သေ​လႄႈ ယူႇ​ၵႃႈ​ၼႂ်း​တီႈ​ယူႇ​ၶဝ်​ၼၼ်ႉ၊-</verse>
				<verse number="22">မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​ယႃႉ​ၵူၼ်း​ ႁေႃးရီႉ ​တင်း​လၢႆ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ ၵူၼ်း​မဵဝ်း​ ဢေးသေႃး ဢၼ်​ယူႇ​ၵႃႈ​တီႈ​မိူင်း​ ၸီႉရႃႉ ​လႄႈ ၶဝ်​ပုတ်ႈ​တီႈ​ၶဝ်​ၼၼ်ႉ​လႄႈ ယူႇ​ၵႃႈ​ၼႂ်း​တီႈ​ယူႇ​ၶဝ်​ၼၼ်ႉ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="23">မိူၼ်​ၼင်ႇ​ၼၼ် ၵူၼ်း​ ဢႃႇဝိမ်ႇ ဢၼ်​ယၢမ်ႈ​ယူႇ​ၵႃႈ​ၼႂ်း​ဝၢၼ်ႈ​တင်း​လၢႆ​တေႃႇ​ထိုင်​ႁွတ်ႈ​ဝဵင်း​ ၵႃႇၸႃႉ ​ၸိူဝ်း​ၼၼ်ႉ​ၵေႃႈ၊ ၵူၼ်း​ ၵပ်ႉတေႃးရိမ်ႇ ဢၼ်​ဢွၵ်ႇ​သေ​ၵႃႈ​တီႈ​ဝဵင်း​ ၵပ်ႉတေႃး ​ၸိူဝ်း​ၼၼ်ႉ ဢွၼ်​ၵၼ်​ယႃႉ​ပႅတ်ႈ​လႄႈ ယူႇ​ၵႃႈ​ၼႂ်း​တီႈ​ယူႇ​ၶဝ်​ၼၼ်ႉ​ဢေႃႈ။</verse>
				<verse number="24">မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ သူ​ဢွၼ်​ၵၼ်​လုၵ်ႉ​လႄႈ ၵႂႃႇ​တၢင်း​ပႆ​တၢင်း​သေ​လႄႈ ၶၢမ်ႈ​ၼမ်ႉ​ႁွင်ႈ​ ဢႃႇၼုၼ်ႇ ​ၵႂႃႇ​တႃႉ။ ၵဝ်​ဢဝ်​ သီႉႁုၼ်ႇ ​ၵူၼ်း​ ဢႃႇမေႃးရီႉ ဢၼ်​ပဵၼ်​ၶုၼ်​ႁေႃ​ၶမ်း​ ႁေႇသၽုၼ်ႇ ​ဢိၵ်ႇ​တင်း​လိၼ်​မၼ်း ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢေႃႈ။ ဢွၼ်​ၵၼ်​ၸႃႉ​သိမ်း​ဢဝ်​လႄႈ တိုၵ်း​သိုၵ်း​ၵၼ်​တင်း​မၼ်း​ၼၼ်ႉ​တႃႉ။-</verse>
				<verse number="25">ဝၼ်း​မိူဝ်ႈ​ၼႆႉ ၵဝ်​တၵ်း​ၸႃႉ​ႁႂ်ႈ​တၢင်း​ဢၼ်​တူၵ်း​ၸႂ်​ၵွပ်ႈ​ပိူဝ်ႈ​မႂ်း ဢိၵ်ႇ​တင်း​တၢင်း​ဢၼ်​ၵူဝ်​ႁႄ​မႂ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၵူၼ်း​မဵဝ်း​တင်း​လၢႆ ဢၼ်​မီး​တႂ်ႈ​ၽႃႉ​ၵၢင်​ႁၢဝ်​ၵူႈ​တီႈ​ၵူႈ​လႅၼ် ဢၼ်​တၵ်း​ငိၼ်း​သတၢင်း​သဵင်​ၶၢဝ်ႇ​လွင်ႈ​မႂ်း​လႄႈ ႁွတ်ႈ​ထိုင်​တၢင်း​ဢၼ်​သၼ်ႇ​ဝႆ ဢိၵ်ႇ​တင်း​တၢင်း​ဢၼ်​ယၢပ်ႇ​ၸႂ်​ၽိုတ်ႇ​ၸႂ်​ၼႃႇ​လူင်​လၢင် ၵွပ်ႈ​ပိူဝ်ႈ​မႂ်း​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">ၵဝ်​ၵေႃႈ​ပွႆႇ​ၸႂ်ႉ​သၢၼ်ႇတမၢၼ်ႇ​တင်း​လၢႆ ဢွၵ်ႇ​သေ​ၵႃႈ​တီႈ​ထိူၼ်ႇ​ ၵေႇတမုတ်ႉ ​ၵႂႃႇ​ၵႃႈ​တီႈ​ သီႉႁုၼ်ႇ ၶုၼ်​ႁေႃ​ၶမ်း​ ႁေႇသၽုၼ်ႇ ​သေ​လႄႈ ဢဝ်​တင်း​ၵႂၢမ်း​မိၵ်ႉသႃႇႁႃယႃႉ​လၢတ်ႈ​လႄႈ​ဝႃႈ၊-</verse>
				<verse number="27">ႁႂ်ႈ​ၵဝ်​ၶႃႈ​လႆႈ​ၽႃႇ​လတ်း​ၵႃႈ​ၼႂ်း​မိူင်း​ၶုၼ်​လူင်​ၵႂႃႇ​သေ​ၵမ်း​လူၺ်ႈ။ တၵ်း​ၸွမ်း​သဵၼ်ႈ​တၢင်း​ၶုၼ်​ၵူၺ်း​ၶႃႈ​ဢေႃႈ။ ဢမ်ႇ​ဝႄႈ​ပိူင်ႈ​ၵႂႃႇ ၵႃႈ​တီႈ​ၽၢႆႇ​သၢႆႉ​ၽၢႆႇ​ၶႂႃ​ၶႃႈ။-</verse>
				<verse number="28">ၶုၼ်​လူင်​ၶၢႆ​တၢင်း​ၵိၼ်​တၢင်း​ၶူပ်း ပုၼ်ႈ​ဢၼ်​ၵဝ်​ၶႃႈ​တၵ်း​ၵိၼ်​တၵ်း​ၶူပ်း​ၼၼ်ႉ​ပၼ်​လႄႈ​ဢဝ်​ငိုၼ်း​သေ​ၵမ်း။ ၶၢႆ​ၼမ်ႉ​ပုၼ်ႈ​ဢၼ်​ၵဝ်​ၶႃႈ​တၵ်း​ၵိၼ်​တၵ်း​သူတ်ႉ​ၼၼ်ႉ​ပၼ်​လႄႈ ဢဝ်​ငိုၼ်း​သေ​ၵမ်း။-</verse>
				<verse number="29">ၵွမ်ႉ​ၵူၺ်း ႁႂ်ႈ​ၵဝ်​ၶႃႈ​လႆႈ​ဢဝ်​တိၼ်​ယဵပ်ႇ​ၵႂႃႇ ၵႃႈ​ၼႂ်း​မိူင်း​ၶုၼ်​လူင်​ၵူၺ်း မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​မဵဝ်း​ ဢေးသေႃး ​ဢၼ်​ယူႇ​ၵႃႈ​တီႈ​မိူင်း​ ၸီႉရႃႉ ဢိၵ်ႇ​တင်း​ၵူၼ်း​မဵဝ်း​ မေႃႇၽႃႉ ဢၼ်​ယူႇ​ၵႃႈ​တီႈ​လိၼ်​ ဢႃႇရႃႉ ​ၸိူဝ်း​ၼၼ်ႉ​ႁဵတ်း​တီႈ​ၵဝ်​ၶႃႈ​ၼၼ်ႉ တေႃႇ​ထိုင်​ႁွတ်ႈ​ၵဝ်​ၶႃႈ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ယဝ်ႉ​လႄႈ ႁွတ်ႈ​ထိုင်​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​ပၼ်​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="30">သီႉႁုၼ်ႇ ၶုၼ်​ႁေႃ​ၶမ်း​ ႁေႇသၽုၼ်ႇ ဢမ်ႇ​ပၼ်​ဢၶႂၢင်ႉ​ဢၼ်​ႁဝ်း​လႆႈ​ၽႃႇ​လတ်း​ၵႂႃႇ​ၼၼ်ႉ​တီႈ​ႁဝ်း။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ႁႂ်ႈ​ၸႂ်​သၽေႃး​မၼ်း​ၵႅၼ်ႇ​ၶႅင်​လႄႈ ႁႂ်ႈ​ႁူဝ်​ၸႂ်​မၼ်း​ႁၢဝ်ႈ​ပျၢင်း​ႁႂ်ႈ​လႆႈ​ဢဝ်​မၼ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း ၵႃႈ​ၼင်ႇ​ဢၼ်​ပဵၼ်​မႃး​မီး​ဝႆႉ​ယဝ်ႉ​ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="31">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ၵဝ်​လႄႈ​ဝႃႈ၊ တူၺ်း​လူး၊ ၵဝ်​ၸႃႉ​ဢဝ်​ၶုၼ်​ သီႉႁုၼ်ႇ ​ဢိၵ်ႇ​တင်း​လိၼ်​မၼ်း​ဢၢပ်ႈ​ပၼ်​တီႈ​မႂ်း​ဢေႃႈ။ ၸႃႉ​သိမ်း​ဢဝ်​ႁႂ်ႈ​လႆႈ​ၶၢမ်ႇ​ဢဝ်​ဢမူၺ်ႇ​လိၼ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">မိူဝ်ႈ​ၼၼ်ႉ ၶုၼ်​ သီႉႁုၼ်ႇ ​ဢိၵ်ႇ​တင်း​ၵူၼ်း​မၼ်း​တင်း​သဵင်ႈ​တင်း​လူင် ဢွၼ်​ၵၼ်​ဢွၵ်ႇ​မႃး​ႁႂ်ႈ​လႆႈ​ႁပ်ႉ​တိုၵ်း​ႁဝ်း ၵႃႈ​တီႈ​ဝဵင်း​ ယႃႇႁတ်ႉ ​ဢေႃႈ။-</verse>
				<verse number="33">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ဢဝ်​မၼ်း​ၼၼ်ႉ ဢၢပ်ႈ​ပၼ်​တီႈ​ႁဝ်း​လႄႈ ႁဝ်း​တိုၵ်း​တေႃး​ယႃႉ​ပႅတ်ႈ​ၸႃႉ​ၸဵမ်​မၼ်း ဢိၵ်ႇ​တင်း​လုၵ်ႈ​ၸၢႆး​မၼ်း​တင်း​လၢႆ​လႄႈ ၵူၼ်း​မၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="34">မိူဝ်ႈ​ၼၼ်ႉ ႁဝ်း​တိုၵ်း​ဢဝ်​ဝဵင်း​မၼ်း​ၵႃႈ​မီး​လႄႈ ယႃႉ​ၽဵဝ်ႈ​ၵူၼ်း​ၸၢႆး၊ ၵူၼ်း​ယိင်း၊ လုၵ်ႈ​ဢွၼ်ႇ​တင်း​သဵင်ႈ​တင်း​လူင် ၵႃႈ​တီႈ​ဝဵင်း​တင်း​လၢႆ​ပႅတ်ႈ​မူတ်း​မူတ်း​သဵင်ႈ​သဵင်ႈ တေႃႇ​ထိုင်​ႁွတ်ႈ​ထၼ်ႈ​ပေႃး​ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း​ဢေႃႈ။-</verse>
				<verse number="35">ၵွမ်ႉ​ၵႃႈ​တရိၵ်ႈသၢၼ်ႇ ဢိၵ်ႇ​တင်း​ဢုၵ်ႉ​ၸႃႇ​ဢၼ်​ႁိမ်​လႆႈ ၵႃႈ​တီႈ​ဝၢၼ်ႈ​ဝဵင်း​ဢၼ်​ႁဝ်း​တိုၵ်း​ဢဝ်​ၼၼ်ႉ​ၸိူဝ်း​ၼၼ်ႉ​ၵူၺ်း ႁဝ်း​သိမ်း​ဢဝ်​ပုၼ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="36">ၸႃႉ​ၸဵမ်​ဝဵင်း​ ဢႃႇရေႃႇ ​ဢၼ်​မီး​ၵႃႈ​တီႈ​ႁိမ်း​ပၢင်ႇ​ႁူၺ်ႈ​ ဢႃႇၼုၼ်ႇ ဢိၵ်ႇ​တင်း​ၸႃႉ​ၸဵမ်​ဝဵင်း​ ဢႃႇရႃႉ ​ဢၼ်​မီး​ၵႃႈ​ၼႂ်း​ပၢင်ႇ​ႁူၺ်ႈ​ၼၼ်ႉ​ၵႂႃႇ​လႄႈ တေႃႇ​ထိုင်​ႁွတ်ႈ​မိူင်း​ ၵီႉလတ်ႉ ​ၼၼ်ႉ၊ ဝဵင်း​ဢၼ်​တၼ်း​ၶူဝ်း​ယႂ်ႇ​လႄႈ ႁဝ်း​ဢမ်ႇ​ပႄႉ​ဢမ်ႇ​ၼႅင်ႇ​လႆႈ​ၼၼ်ႉ​ဢမ်ႇ​မီး​သေ​ဝဵင်း။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ဢဝ်​ၵႃႈ​မီး​ဢၢပ်ႈ​ပၼ်​တီႈ​ႁဝ်း​ဢေႃႈ။-</verse>
				<verse number="37">ၵူၺ်း​ၵႃႈ ၵႃႈ​တီႈ​လိၼ်​ဢၼ်​ၵူၼ်း​မဵဝ်း​ ဢမ်ႇမုၼ်ႇ ​ယူႇ​ဢၼ်​ဝႃႈ လိၼ်​ဢၼ်​ၸွမ်း​ႁိမ်း​ၼမ်ႉ​ႁွင်ႈ​ ယပ်ႉပုၵ်ႉ တင်း​ဝဵင်း​ဢၼ်​မီး​ၵႃႈ​ၼိူဝ်​လွႆ ၼိူဝ်​ၵုင်း​တင်း​လၢႆ ဢိၵ်ႇ​တင်း​ၵႃႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ႁႄႉ​ၶႅၼ်​ႁဝ်း​ဝႆႉ​ၼၼ်ႉ​ၸိုင်၊ ႁဝ်း​ဢမ်ႇ​သုတ်ႉ​ၸပ်း​သုတ်ႉ​ၸူး​လႃး​လႃး။</verse>
			</chapter>
			<chapter number="3">
				<verse number="1">မိူဝ်ႈ​ၼၼ်ႉ​ႁဝ်း​ဝၢႆႇ​ၶိုၼ်း​လႄႈ ၸွမ်း​တၢင်း​ၶိုၼ်ႈ​ၸူး​မိူင်း​ ပႃႇသၢၼ်ႇ ​ဢေႃႈ။ ဢေႃႇၶႃႉ ​ၶုၼ်​ႁေႃ​ၶမ်း​ ပႃႇသၢၼ်ႇ ​ၼၼ်ႉ ဢိၵ်ႇ​တင်း​ၵူၼ်း​မၼ်း​တင်း​သဵင်ႈ​တင်း​လူင် ဢွၼ်​ၵၼ်​ဢွၵ်ႇ​ႁႂ်ႈ​လႆႈ​ႁႄႉ​တိုၵ်း​ႁဝ်း​ၵႃႈ​တီႈ​ ဢေႇတြီႉ ​ၼၼ်ႉ​ဢေႃႈ။-</verse>
				<verse number="2">ထႃႇဝရႃႉ​ၽြႃး​မီး​ဢမိင်ႉ​တီႈ​ၵဝ်​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ။ ၵဝ်​တၵ်း​ဢဝ်​မၼ်း​ဢိၵ်ႇ​တင်း​ၵူၼ်း​မၼ်း​တင်း​သဵင်ႈ​တင်း​လူင် တင်း​လိၼ်​မၼ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​လႄႈ မႂ်း​တၵ်း​လႆႈ​ႁဵတ်း​တီႈ​မၼ်း​မိူၼ်​ၸိူဝ်ႉ​ၼင်ႇ​ဢၼ်​မႂ်း​ႁဵတ်း​တီႈ​ သီႉႁုၼ်ႇ ​ၶုၼ်​ႁေႃ​ၶမ်း​ ဢႃႇမေႃးရီႉ ဢၼ်​ယူႇ​ၵႃႈ​တီႈ​ဝဵင်း​ ႁေႇသၽုၼ်ႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၼင်ႇ​ၼၼ်​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ဢဝ်​ ဢေႃႇၶႃႉ ​ၶုၼ်​ႁေႃ​ၶမ်း​ ပႃႇသၢၼ်ႇ ဢိၵ်ႇ​တင်း​ၵူၼ်း​မၼ်း​တင်း​သဵင်ႈ​တင်း​လူင် ဢၢပ်ႈ​ပၼ်​ၵႃႈ​ၼႂ်း​မိုဝ်း​ႁဝ်း​လႄႈ ႁဝ်း​တိုၵ်း​တေႃး​ယႃႉ​ပႅတ်ႈ​မၼ်း​ၼၼ်ႉ တေႃႇ​ထိုင်​ႁွတ်ႈ​ထၼ်ႈ​ပေႃး​ဢမ်ႇ​ၵိုတ်း​ဢမ်ႇ​ၵျၢၼ်ႇ​သေ​ၵေႃႉ​သေ​ၵူၼ်း​ဢေႃႈ။-</verse>
				<verse number="4">မိူဝ်ႈ​ၼၼ်ႉ ႁဝ်း​တိုၵ်း​ဢဝ်​ဝဵင်း​မၼ်း​တင်း​သဵင်ႈ​တင်း​လူင်​လႄႈ ဝဵင်း​ဢၼ်​ႁဝ်း​ဢမ်ႇ​တိုၵ်း​ဢဝ်​ဢွၵ်ႇ​သေ​ၵႃႈ​ၼႂ်း​မိုဝ်း​မၼ်း​ၼၼ်ႉ ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​သေ​ဝဵင်း ဢၼ်​ဝႃႈ​ဝဵင်း​ႁူၵ်း​သိပ်း​ဝဵင်း ဢၼ်​ပဵၼ်​သိုင်ႇ​ ဢႃႇၵေႃႇၽႃႉ တင်း​သဵင်ႈ​တင်း​မူတ်း၊ မိူင်း​ၶုၼ်​ ဢေႃႇၶႃႉ ၶုၼ်​ႁေႃ​ၶမ်း​ ပႃႇသၢၼ်ႇ ​ၼၼ်ႉ​ဢေႃႈ။-</verse>
				<verse number="5">ဝဵင်း​ၵႃႈ​မီး​ၼၼ်ႉ​ပဵၼ်​ဝဵင်း​ဢၼ်​မၼ်ႈ​ၶိူင်ႇ​ဝႆႉ​တင်း​လမ်း​ဝဵင်း​ဢၼ်​သုင်​လႂ်၊ ၽၵ်း​တူ​ဝဵင်း​လႂ်၊ ၵိူၼ်ႇ​ၽၵ်း​တူ​လႂ်​ဢေႃႈ။ လိူဝ်​သေ​ၼၼ်ႉ မီး​ဝၢၼ်ႈ​ဢၼ်​ၼမ်​ၼႃႇ​ဢေႃႈ။-</verse>
				<verse number="6">ႁဝ်း​ယႃႉ​ၽဵဝ်ႈ​ၸိူဝ်း​ၼၼ်ႉ​ပႅတ်ႈ​မူတ်း​မူတ်း​သဵင်ႈ​သဵင်ႈ မိူၼ်​ၸိူဝ်ႉ​ၼင်ႇ​ဢၼ်​ႁဝ်း​ႁဵတ်း​တီႈ​ သီႉႁုၼ်ႇ ​ၶုၼ်​ႁေႃ​ၶမ်း​ ႁေႇသၽုၼ်ႇ ​ၼၼ်ႉ​လႄႈ ပႄႇ​ၽဵဝ်ႈ​ၵူႈ​ဝၢၼ်ႈ​ၵူႈ​ဝဵင်း ဢိၵ်ႇ​တင်း​ၵူၼ်း​ၸၢႆး၊ ၵူၼ်း​ယိင်း​၊ လုၵ်ႈ​ဢွၼ်ႇ​ၶဝ်​ပႅတ်ႈ​မူတ်း​မူတ်း​သဵင်ႈ​သဵင်ႈ​ဢေႃႈ။-</verse>
				<verse number="7">ၵူၺ်း​ၵႃႈ တရိၵ်ႈသၢၼ်ႇ​ၵႃႈ​မီး ဢိၵ်ႇ​တင်း​ဢုၵ်ႉ​ၸႃႇ​ဢၼ်​ႁိမ်​လႆႈ​ၵႃႈ​တီႈ​ဝဵင်း​ၸိူဝ်း​ၼၼ်ႉ​ၸိုင် ႁဝ်း​သိမ်း​ဢဝ်​ပုၼ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="8">မိူဝ်ႈ​ၼၼ်ႉ ႁဝ်း​သိမ်း​ဢဝ်​လိၼ် ၸႃႉ​ၸဵမ်​ၼမ်ႉ​ႁွင်ႈ​ ဢႃႇၼုၼ်ႇ ​တေႃႇ​ထိုင်​ႁွတ်ႈ​လွႆ​ ႁေႇရမုၼ်ႇ ​ၼၼ်ႉ​သေ​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း ၵူၼ်း​မဵဝ်း​ ဢႃႇမေႃးရီႉ ​သွင်​ပႃး ဢၼ်​မီး​ၽၢႆႇ​ဝၼ်း​ဢွၵ်ႇ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ဢေႃႈ။-</verse>
				<verse number="9">လွႆ​ ႁေႇရမုၼ်ႇ ​ၼၼ်ႉ​ၸမ်ႉ၊ ၵူၼ်း​ ၸီႉတုၼ်ႇ ​ၶဝ်​ႁွင်ႉ​ႁဵၵ်ႈ​ ၸီႉရုၼ်ႇ ၊ ၵူၼ်း​မဵဝ်း​ ဢႃႇမေႃးရီႉ ​ၶဝ်​ႁွင်ႉ​ႁဵၵ်ႈ ၸီႉၼီႉရႃႉ ​ဢေႃႈ။-</verse>
				<verse number="10">ႁဝ်း​သိမ်း​ဢဝ်​ဝဵင်း​ၵႃႈ​ဢၼ်​မီး​ၵႃႈ​ၼႂ်း​ပၢင်ႇ​ပဵင်း​မိူင်း​ ၵီႉလတ်ႉ ​တင်း​မိူင်း၊ မိူင်း​ ပႃႇသၢၼ်ႇ ​တင်း​မိူင်း တေႃႇ​ထိုင်​ႁွတ်ႈ​ဝဵင်း​ သႃႇလၵႃႉ ၊ တင်း​ဝဵင်း​ ဢေႇတြီႉ ဢၼ်​ၶဝ်ႈ​ပႃး​ၼႂ်း​မိူင်း​ၶုၼ်​ ဢေႃႇၶႃႉ မိူင်း​ ပႃႇသၢၼ်ႇ ​ၼၼ်ႉ​ဢေႃႈ။-</verse>
				<verse number="11">ၶဝ်​ၸိူဝ်း​ဢၼ်​သိုပ်ႇ​လူင်း​မႃး ၵႃႈ​တီႈ​မဵဝ်း​ၵူၼ်း​ဢၼ်​ယႂ်ႇ​ၼႃႇ​ႁႅင်း​ၼႃႇ​ၼၼ်ႉ​ၸိုင်၊ ၵိုတ်း​ၵျၢၼ်ႇ​ဝႆႉ​ ဢေႃႇၶႃႉ ၶုၼ်​ႁေႃ​ၶမ်း ပႃႇသၢၼ်ႇ ​ၼၼ်ႉ​ၵေႃႉ​လဵဝ်​ၵူၺ်း​ဢေႃႈ။ ၵူႇ​တီႈ​ၼွၼ်း​မၼ်း​ပဵၼ်​ၵူႇ​တီႈ​ၼွၼ်း​လဵၵ်း​လႄႈ မီး​ယူႇ​ၵႃႈ​တီႈ​ဝဵင်း​ ရပ်ႉပတ်ႉ မိူင်း​ၵူၼ်း​မဵဝ်း​ ဢမ်ႇမုၼ်ႇ ​ၼၼ်ႉ​ဢမ်ႇ​ၸႂ်ႈ​ႁိုဝ်။ ၵူႇ​လဵၵ်း​မၼ်း​ၼၼ်ႉ ၸွမ်း​လူၺ်ႈ​သွၵ်ႇ​ၵူၼ်း​သေ​လႄႈ ၼႃႈ​ယၢဝ်း​မၼ်း​မီး​ၵဝ်ႈ​သွၵ်ႇ ၼႃႈ​ပွတ်း​မၼ်း​မီး​သီႇ​သွၵ်ႇ​ဢေႃႈ။</verse>
				<verse number="12">လိၼ်​ၼၼ်ႉ​ၸိုင် ႁဝ်း​သိမ်း​ဢဝ်​မိူဝ်ႈ​ၼၼ်ႉ​ပုၼ်ႈ​ဢၼ်​ႁဝ်း​တၵ်း​ပိူင်ႇ​ဢေႃႈ။ ၵဝ်​ဢဝ်​ၸႃႉ​ၸဵမ်​ဝဵင်း​ ဢႃႇရေႃႇ ဢၼ်​မီး​ၵႃႈ​ၼႂ်း​ပၢင်ႇ​ႁူၺ်ႈ​ ဢႃႇၼုၼ်ႇ ​လႄႈ မိူင်း​လွႆ​ ၵီႉလတ်ႉ ​ၶိုင်ႈ​ၼိုင်ႈ ဢိၵ်ႇ​တင်း​ဝဵင်း​မၼ်း​တင်း​လၢႆ ဢၢပ်ႈ​ပၼ်​တီႈ​ၵူၼ်း​မဵဝ်း​ ရူႉပိၼ်ႇ ဢိၵ်ႇ​တင်း​ၵူၼ်း​မဵဝ်း​ ၵၢတ်ႉ ​ဢေႃႈ။-</verse>
				<verse number="13">ဢၼ်​ယင်း​ၵိုတ်း​ယင်း​ၵျၢၼ်ႇ ၵႃႈ​တီႈ​မိူင်း​လွႆ​ ၵီႉလတ်ႉ ​ဢိၵ်ႇ​တင်း​မိူင်း​ ပႃႇသၢၼ်ႇ ​တင်း​မိူင်း ဢၼ်​ပဵၼ်​မိူင်း​ၶုၼ်​ ဢေႃႇၶႃႉ ဢၼ်​ဝႃႈ သိုင်ႇ​ ဢႃႇၵေႃႇၽႃႉ ဢိၵ်ႇ​တင်း​မိူင်း​ ပႃႇသၢၼ်ႇ တင်း​မိူင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ​မိူင်း​တီႈ​ယူႇ ၵူၼ်း​မဵဝ်း​ဢၼ်​ယႂ်ႇ​ၼႃႇ​ႁႅင်း​ၼႃႇ​ၼၼ်ႉ​ၸိုင်၊ ၵဝ်​ဢၢပ်ႈ​ပၼ်​တီႈ​ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ဢေႃႈ။-</verse>
				<verse number="14">ယႃႇဢီႉရႃႉ ၵူၼ်း​မဵဝ်း​ မၼႃႇ​သေႇ ​ၼၼ်ႉ သိမ်း​ဢဝ်​သိုင်ႇ​ ဢႃႇၵေႃႇၽႃႉ ​တင်း​သိုင်ႇ​တေႃႇ​ထိုင်​ႁွတ်ႈ​လႅၼ်​လိၼ် ၵူၼ်း​မဵဝ်း​ ၵေႇသူႉရီႉ တင်း​ၵူၼ်း​မဵဝ်း​ မႃႇၶႃႇသီႉ ​သေ​လႄႈ​ႁွင်ႉ​ႁဵၵ်ႈ​ ပႃႇသၢၼ်ႇ ​ၼၼ်ႉ ႁႃႇဝုတ်ႉ​ယႃႇဢီႉရႃႉ ၸွမ်း​လူၺ်ႈ​ၸိုဝ်ႈ​သဵင်​တူဝ်​ၸဝ်ႈ​ၵဝ်ႇ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="15">မိူင်း​ ၵီႉလတ်ႉ ​ၸမ်ႉ၊ ၵဝ်​ပၼ်​တီႈ​ၵူၼ်း​မဵဝ်း​ မႃႇၶီႉရႃႉ ​ဢေႃႈ။-</verse>
				<verse number="16">တီႈ​ၵူၼ်း​မဵဝ်း​ ရူႉပိၼ်ႇ ဢိၵ်ႇ​တင်း​ၵူၼ်း​မဵဝ်း​ ၵၢတ်ႉ ​ၵေႃႈ၊ ၵဝ်​ဢဝ်​လိၼ်​ၸႃႉ​ၸဵမ်​ၵႃႈ​တီႈ​မိူင်း​ ၵီႉလတ်ႉ ​ၵႂႃႇ​တေႃႇ​ထိုင်​ႁွတ်ႈ ပၢင်ႇ​ႁူၺ်ႈ​ႁွင်ႈ​ ဢႃႇၼုၼ်ႇ ဢိၵ်ႇ​တင်း​လိၼ်​ဢၼ်​ၸွမ်း​ႁိမ်း​မၼ်း​ဢၼ်​ဝႃႈ တေႃႇ​ထိုင်​ႁွတ်ႈ​ၼမ်ႉ​ႁွင်ႈ​ ယပ်ႉပုၵ်ႉ ဢၼ်​ပဵၼ်​လႅၼ်​လိၼ် ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ၊-</verse>
				<verse number="17">ဢိၵ်ႇ​တင်း​ပၢင်ႇ​ပဵင်း​ ဢႃႇရၽႃႉ တင်း​ၼမ်ႉ​ႁွင်ႈ​ ယေႃးတၢၼ်ႇ ဢိၵ်ႇ​တင်း​လိၼ်​ဢၼ်​ၸွမ်း​ႁိမ်း​မၼ်း ဢဝ်​ၵႃႈ​တီႈ​ ၵိၼ်ႇၼီႇသရႅတ်ႉ ၵႂႃႇ​တေႃႇ​ထိုင်​ႁွတ်ႈ​ပၢင်ႇ​လၢႆႇ ဢၼ်​ၸၢပ်ႈ​သႅင်ႇ​ၵၼ်​တင်း ပၢင်ႇ​ပဵင်း​ ဢႃႇရၽႃႉ ဢၼ်​ဝႃႈ​ ၼွင်​ၼမ်ႉ​ၵိူဝ် ၵႃႈ​တီႈ​တႂ်ႈ​ပဵမ်ႉ​လွႆ​ ပီႉသၵႃႇ ၽၢႆႇ​ဝၼ်း​ဢွၵ်ႇ​ၼၼ်ႉ​ဢၢပ်ႈ​ပၼ်​ဢေႃႈ။-</verse>
				<verse number="18">မိူဝ်ႈ​ၼၼ်ႉ ၵဝ်​သင်ႇ​လၢတ်ႈ​တီႈ​သူ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢဝ်​လိၼ်​ၼႆႉ ပၼ်​တီႈ​သူ​ႁႂ်ႈ​သူ​လႆႈ​ပိူင်ႇ​ယဝ်ႉ။ ၼႂ်း​ဝႃႈ​ၼၼ်​သေ​ၵေႃႈ သူ​ၵႃႈ​ဢၼ်​ၸၢင်ႈ​မေႃ​တိုၵ်း​သိုၵ်း​တင်း​သဵင်ႈ​တင်း​လူင် တၵ်း​လႆႈ​ယိပ်း​ၵမ်​ဢဝ်​လၢၵ်ႈ​ၼၢၵ်ႈ​သေ​လႄႈ ဢွၼ်​ၵၼ်​ၶၢမ်ႈ​ၵႂႃႇ ၵႃႈ​တီႈ​ၽၢႆႇ​ၼႃႈ​ပီႈ​ၼွင်ႉ​သူ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="19">ၵူၺ်း​ၵႃႈ မေး​သူ၊ လုၵ်ႈ​ဢွၼ်ႇ​လၢင်း​ဢွၼ်ႇ​သူ၊ တရိၵ်ႈသၢၼ်ႇ​သူ၊ ၵွပ်ႈ​ပိူဝ်ႈ​ဢၼ်​ၵဝ်​ႁူႉ​လွင်ႈ​ဢၼ်​သူ​မီး​တရိၵ်ႈသၢၼ်ႇ​ၼမ်​ၼႃႇ​ၼၼ်ႉ​လႄႈ တၵ်း​လႆႈ​ယူႇ​ၵႃႈ​တီႈ​ဝဵင်း​ဢၼ်​ၵဝ်​ပၼ်​တီႈ​သူ​ၸိူဝ်း​ၼၼ်ႉ၊-</verse>
				<verse number="20">တေႃႇ​ထိုင်​ႁွတ်ႈ​ထႃႇဝရႃႉ​ၽြႃး ပၼ်​ၵတ်း​ယဵၼ်​ၶျၢမ်း​သႃႇ​တီႈ​ပီႈ​ၼွင်ႉ​သူ မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​ပၼ်​တီႈ​သူ​ၼၼ်ႉ​လႄႈ ၶဝ်ႈ​သိမ်း​ဢဝ်​လိၼ်​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ပၼ်​တီႈ​ၶဝ် ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ပုၼ်ႉ​ဢေႃႈ။ ဢၼ်​ၼၼ်ႉ​ယဝ်ႉ​တူဝ်ႈ​သေ​ယဝ်ႉ သူ​ၵႃႈ​မီး​တၵ်း​လႆႈ​ဢွၼ်​ၵၼ်​ၶိုၼ်း​မႃး​ၵႃႈ​တီႈ​လိၼ် ဢၼ်​တူဝ်​ၸဝ်ႈ​ၵဝ်ႇ​ထိူၵ်ႈ​ပိူင်ႇ​လႄႈ ၵဝ်​ပၼ်​ဝႆႉ​ၼၼ်ႉ​ႁင်း​ၽႂ်​ႁင်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မိူဝ်ႈ​ၼၼ်ႉ ၵဝ်​သင်ႇ​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ လွင်ႈ​တၢင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ႁဵတ်း​တီႈ​ၶုၼ်​ႁေႃ​ၶမ်း သွင်​ပႃး​ၼႆႉ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၸိုင်၊ မၢၵ်ႇ​တႃ​မႂ်း​လႆႈ​ႁၼ်​ယဝ်ႉ။ မိူၼ်​ၸိူဝ်ႉ​ၼင်ႇ​ၼၼ် ထႃႇဝရႃႉ​ၽြႃး​တၵ်း​ႁဵတ်း​တီႈ​မိူင်း​ၵႃႈ​ဢၼ်​မႂ်း ၶၢမ်ႈ​ၵႂႃႇ​ၸူး​ၼၼ်ႉ​ၵူႈ​မိူင်း​ဢေႃႈ။-</verse>
				<verse number="22">ယႃႇ​ပေ​ၵူဝ်​ပေ​ႁႄ​ၶဝ်။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼၼ်ႉ တၵ်း​ၸွႆႈ​သိုၵ်း​ထႅမ်​သိုၵ်း​ယူႇ​ၽၢႆႇ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">မိူဝ်ႈ​ၼၼ်ႉ ၵဝ်​တွင်း​ပၢၼ်ႇ​တီႈ​ထႃႇဝရႃႉ​ၽြႃး​လႄႈ​ဝႃႈ​ၸမ်ႉ၊-</verse>
				<verse number="24">ဢူဝ်း​ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ၸႃႉ​ၼႄ​ပျႃး​တၼ်း​ၶူဝ်း​ဢႃႇၼူႉၽေႃႇ​ၸဝ်ႈ​ႁဝ်း​ဢိၵ်ႇ​တင်း​မိုဝ်း​ၸဝ်ႈ​ႁဝ်း ဢၼ်​ႁႅင်း​ယႂ်ႇ​ၼႃႇ​ၼၼ်ႉ​တီႈ​ၶႃႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ။ ၵႃႈ​ၼိူဝ်​ၵၢင်​ႁၢဝ်​ဢိၵ်ႇ​တင်း​ၵႃႈ​ၼိူဝ်​လိၼ်​မိူင်း​ၼႆႉ မီး​ၽြႃး​ဢၼ်​လႂ်​ဢၼ်​တၵ်း​ၼႄ​ပျႃး​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ႁဵတ်း​ဝႆႉ​လႄႈ ၼႄ​ပျႃး​တၼ်း​ၶူဝ်း​ၸဝ်ႈ​ႁဝ်း​ၼၼ်ႉ​လႆႈ​တီႈ​ၶႃႈ၊-</verse>
				<verse number="25">ၶႅၼ်း​တေႃႈ​ပၼ်​ဢၶႂၢင်ႉ ႁႂ်ႈ​ၶႃႈ​ၸဝ်ႈ​လႆႈ​ၶၢမ်ႈ​ၵႂႃႇ​လႄႈ​ႁၼ်​မိူင်း ဢၼ်​လီ​ဢၼ်​ငၢမ်း​ဢၼ်​မီး​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ဢိၵ်ႇ​တင်း​မိူင်း​လွႆ​ဢၼ်​သေႇ​ၶျႃႇ​ႁၢင်ႈ​လီ​ၼၼ်ႉ တင်း​လွႆ​ လေႇပၼုၼ်ႇ သေ​ၵမ်း​တီႈ​ၶႃႈ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="26">ထႃႇဝရႃႉ​ၽြႃး​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​တီႈ​ၵဝ် ၵွပ်ႈ​ပိူဝ်ႈ​သူ​လႄႈ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်။ ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ၵဝ်​လႄႈ​ဝႃႈ၊ ပေႃး​တႃႉ၊ ၵမ်း​လိုၼ်း​ယႃႇ​ပေ​လဝ်ႊ​လၢတ်ႈ​လူၺ်ႈ​လွင်ႈ​ဢမူႉ​ၼႆႉ​ထႅင်ႈ။-</verse>
				<verse number="27">မႂ်း​ၶိုၼ်ႈ​ၵႃႈ​ၼိူဝ်​ပၢႆ​ၸိၵ်း​လွႆ​ ပီႉသၵႃႇ ​သေ​လႄႈ မုင်ႈ​တူၺ်း​ဝၼ်း​တူၵ်း​ဝၼ်း​ဢွၵ်ႇ ပႃႈ​ႁွင်ႇ​ပႃႈ​ၸၢၼ်း​လႄႈ လူ​တူၺ်း​မိူင်း​ၼၼ်ႉ​တႃႉ။ မႂ်း​ဢမ်ႇ​လႆႈ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၼႆႉ​ၵႂႃႇ။-</verse>
				<verse number="28">ၼႂ်း​ဝႃႈ​ၼၼ်​သေ​ၵေႃႈ သင်ႇ​လၢတ်ႈ​တီႈ​ ယေႃးသူႉ ​လႄႈ ႁႂ်ႈ​ၸႂ်​မၼ်း​မၼ်ႈ​ၶိူင်ႇ​တႃႉ။ ပၼ်​ႁႅင်း​တီႈ​မၼ်း​တႃႉ။ မၼ်း​တၵ်း​လႆႈ​ဢွၼ်​ႁူဝ် ၵူၼ်း​ၸိူဝ်း​ၼႆႉ​ၶၢမ်ႈ​ၵႂႃႇ​လႄႈ ႁႂ်ႈ​ၶဝ်​လႆႈ​ၶၢမ်ႇ​ဢမူၺ်ႇ​မိူင်း​ဢၼ်​မႂ်း​လႆႈ​ႁၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ၼင်ႇ​ၼၼ်​လႄႈ ႁဝ်း​လႆႈ​ယူႇ​ၵႃႈ​ၼႂ်း​ပၢင်ႇ​ႁူၺ်ႈ ဢၼ်​မီး​သိုဝ်ႈ​ဝဵင်း​ ပႅတ်ႉပေႇၵူႉရႃႉ ​ဢေႃႈ။</verse>
			</chapter>
			<chapter number="4">
				<verse number="1">တေႃႈ​လဵဝ်​ၼႆႉ ၵူၼ်း​မဵဝ်း​ ဢီႉသရေႇလႃႉ ​ၶဝ်​ဢိူၺ်း၊ လွင်ႈ​ၼင်ႇ​ႁိုဝ် သူ​တၵ်း​ဢသၢၵ်ႈ​လိပ်း​သေ​လႄႈ ၶဝ်ႈ​ၸၢမ်ႇ​ၸႃး​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ပေႃႈ​သူ​ၼၼ်ႉ တၵ်း​ပၼ်​တီႈ​သူ​ၼၼ်ႉ​ၸိုင်၊ ဢွၼ်​ၵၼ်​ထွမ်ႇ​ဢဝ်​ထုင်း​ၽိင်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ ဢၼ်​ၵဝ်​သွၼ်​ပၼ်​ပုၼ်ႈ​ဢၼ်​သူ​တၵ်း​ၵမ်​ၵျၢင်ႉ​ၼၼ်ႉ​တႃႉ။-</verse>
				<verse number="2">သူ​ဢမ်ႇ​လႆႈ​ဢဝ်​သႂ်ႇ​ထႅင်ႈ​တီႈ​ၵႂၢမ်း​ဢၼ်​ၵဝ်​သင်ႇ​လၢတ်ႈ​ဝႆႉ​ၼၼ်ႉ။ သူ​ဢမ်ႇ​လႆႈ​ၼုၵ်ႈ​ဢဝ်​ဢွၵ်ႇ​ပႅတ်ႈ​လႃး​လႃး။ သူ​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း ပိင်း​ၺၢပ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​သူ​ၸိူဝ်း​ၼၼ်ႉ​ဢေႃႈ။-</verse>
				<verse number="3">မၢၵ်ႇ​တႃ​သူ​လႆႈ​ႁၼ်​လွင်ႈ​တၢင်း​ဢၼ် ထႃႇဝရႃႉ​ၽြႃး​ႁဵတ်း​ၵွပ်ႈ​ပိူဝ်ႈ​ ပႃႇလႃႉပေႇၵူႉရႃႉ ​ၼၼ်ႉ​ယဝ်ႉ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ပႄႇ​ၽဵဝ်ႈ​ၵူၼ်း​ဢၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ ပႃႇလႃႉပေႇၵူႉရႃႉ ​တင်း​သဵင်ႈ​တင်း​လူင်​ၼၼ်ႉ ပႅတ်ႈ​သေ​ၵႃႈ​ၼႂ်း​သူ​ယဝ်ႉ။-</verse>
				<verse number="4">သူ​ၵႃႈ​ဢၼ်​ဢိင်​ပိုင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼၼ်ႉ​ၸိူဝ်း​ၼႆႉ​ၸမ်ႉ၊ ဢသၢၵ်ႈ​လိပ်း​ယူႇ​တေႃႇ​ထိုင်​ႁွတ်ႈ ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="5">ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ် သင်ႇ​လၢတ်ႈ​ဝႆႉ​တီႈ​ၵဝ်​ၼၼ်ႉ​သေ​လႄႈ ၵဝ်​သင်ႇ​သွၼ်​ပၼ်​ထုင်း​ၽိင်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​တင်း​လၢႆ တီႈ​သူ​ပုၼ်ႈ​ဢၼ်​သူ​တၵ်း​ၵမ်​ၵျၢင်ႉ ၵႃႈ​ၼႂ်း​မိူင်း​ဢၼ်​သူ​တၵ်း​ၶဝ်ႈ​လႄႈ ၸၢမ်ႇ​ၸႃး​ၼၼ်ႉ​ယဝ်ႉ။-</verse>
				<verse number="6">ပိူဝ်ႈ​ၼႆ​လႄႈ ဢွၼ်​ၵၼ်​ပႂ်ႉ​လႄႈ​ၵမ်​ၵျၢင်ႉ​ၸွမ်း​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၺၢၼ်ႇ​ပိင်ႇ​ၺႃႇ​သူ တၵ်း​ထၢင်ႇ​သႃး​သိုဝ်ႈ​ၼႃႈ​တႂ်ႈ​တႃ​ၵူၼ်း​မဵဝ်း​ၼမ်​ၼႃႇ ဢၼ်​တၵ်း​လႆႈ​ငိၼ်း​ထုင်း​ၽိင်ႈ​တြႃး​ၵႃႈ​မီး​ၸိူဝ်း​ၼႆႉ​လႄႈ လၢတ်ႈ​လႄႈ​ဝႃႈ၊ ၵူၼ်း​မဵဝ်း​ဢၼ်​ယႂ်ႇ​မျၢတ်ႈ​ၼႃႇ​ၼႆႉ ပဵၼ်​မဵဝ်း​ဢၼ်​ပျေႉ​ၸုမ်ႇ​တင်း​ၺၢၼ်ႇ​ပိင်ႇ​ၺႃႇ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ၸိူဝ်ႉ​ၼၼ်​ဢေႃႈ။-</verse>
				<verse number="7">ၵူၼ်း​မဵဝ်း​ယႂ်ႇ​မဵဝ်း​လူင်​ဢၼ်​လႂ် မီး​ၽြႃး​တၢင်ႇ​ပႃး​ဢၼ်​မီး​ၸပ်း​မီး​ၸမ်​တီႈ​ၶဝ်​ယူႇ မိူၼ်​ၸိူဝ်ႉ​ၼင်ႇ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း မီး​ၸပ်း​မီး​ၸမ်​ႁဝ်း​ယူႇ ၼႂ်း​မိူဝ်ႈ​ဢၼ်​ႁဝ်း​သူး​တွင်း​ယွၼ်း​ဢဝ်​တီႈ​မၼ်း​ၸဝ်ႈ​ၼၼ်ႉ။-</verse>
				<verse number="8">မီး​ၵူၼ်း​မဵဝ်း​ယႂ်ႇ​မဵဝ်း​လူင်​ဢၼ်​လႂ် ဢၼ်​လႆႈ​ၶၢမ်ႇ​ဢဝ်​ထုင်း​ၽိင်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​တင်း​လၢႆ ဢၼ်​သိုဝ်ႈ​တေႃႇ​တၢၼ်ႇ​ပဵင်း​ၵၼ်​တင်း​တြႃး တင်း​သဵင်ႈ​တင်း​လူင်​ၼႆႉ ဢၼ်​ၵဝ်​ဝႆႉ​ၵႃႈ​တီႈ​သူ​ဝၼ်း​မိူဝ်ႈ​ၼႆႉ​ၼၼ်ႉ။-</verse>
				<verse number="9">လွင်ႈ​ၼင်ႇ​ႁိုဝ် မႂ်း​တၵ်း​ဢမ်ႇ​လႆႈ​လူင်​လႆႈ​လိုမ်း လွင်ႈ​တၢင်း​ဢၼ်​မၢၵ်ႇ​တႃ​မႂ်း​လႆႈ​ႁၼ် ယၢမ်း​မိူဝ်ႈ​ဝၼ်း​ဢၼ်​မႂ်း​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၵႃႈ​တီႈ​ ႁေႃးရပ်ႉ ​ၼၼ်ႉ​ၸိူဝ်း​ၼၼ်ႉ​လႄႈ ဢမ်ႇ​လႆႈ​ႁႂ်ႈ​ၽၢတ်ႇ​ယၢၼ်​ၵၼ်​တင်း ႁူဝ်​ၸႂ်​မႂ်း​ၸူဝ်ႈ​ဢသၢၵ်ႈ​မႂ်း​ၵူၺ်း​ဢမ်ႇ​ၵႃး၊ တၵ်း​လႆႈ​ဢဝ်​လွင်ႈ​တၢင်း​ၸိူဝ်း​ၼၼ်ႉ သင်ႇ​သွၼ်​ပၼ်​တီႈ​လုၵ်ႈ​မႂ်း​လၢၼ်​မႂ်း​တင်း​လၢႆ​ၸိုင်၊ တူဝ်​မႂ်း​ႁဵတ်း​သတီႉ​တီႈ​တူဝ်​မႂ်း​လႄႈ ၵျူဝ်း​ၸႃး​ပႂ်ႉ​ႁူဝ်​ၸႂ်​မႂ်း​ယူႇ​တႃႉ။-</verse>
				<verse number="10">ဝၼ်း​မိူဝ်ႈ​ၼၼ်ႉ ထႃႇဝရႃႉ​ၽြႃး​မီး​ဢမိင်ႉ​တီႈ​ၵဝ်​လႄႈ​ဝႃႈ၊ ႁႂ်ႈ​ၵူၼ်း​တင်း​လၢႆ​ၸူႉ​ၵၼ်​တုမ်​ၵၼ်​တႃႉ။ ၵဝ်​တၵ်း​ႁႂ်ႈ​ၶဝ်​ငိၼ်း​ၵႂၢမ်း​ၵဝ်၊ ႁႂ်ႈ​ၶဝ်​လႆႈ​သွၼ်​ဢဝ် လွင်ႈ​ဢၼ်​တၵ်း​လႆႈ​ၵူဝ်​ၵဝ် ယူႇ​ၶိင်ႇ​ၵႃႇလႃႉ​ၵႃႈ​ဢၼ်​ၶဝ်​ဢသၢၵ်ႈ​ယင်း​လိပ်း​ယူႇ ၵႃႈ​ၼိူဝ်​လိၼ်​မိူင်း​ၼႆႉ​လႄႈ ဢဝ်​သင်ႇ​ပၼ်​သွၼ်​ပၼ်​တီႈ​လုၵ်ႈ​ၶဝ်​လၢင်း​ၶဝ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">သူ​ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​လႄႈ ၸုၵ်း​ယူႇ​ၵႃႈ​တႂ်ႈ​တိၼ်​လွႆ​ဢေႃႈ။ လွႆ​ၼၼ်ႉ​မီး​တၢင်း​ဢၼ် မႆႈ​ၽႆး​လုၵ်ႉ​ၶိုၼ်ႈ​ၵႃႈ​ၼႂ်း​ၶိုင်ႈ​ၵၢင်​ၽႃႉ​ၵၢင်​ႁၢဝ်​ယူႇ​သေ​လႄႈ ပျေႉ​ၸုမ်ႇ​ဝႆႉ​တင်း​ႁၢင်ႈ​ၽၢင်​ဢၼ်​လမ်၊ ၵွၼ်ႈ​ၽႃႈ​ၽူၼ်​တင်း​လပ်း​သိင်ႇ​ဢၼ်​ၼႃ​တၼ်​ၼႃႇ​လူင်​လၢင်​ဢေႃႈ။-</verse>
				<verse number="12">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​ဢွၵ်ႇ​သေ ၵႃႈ​တီႈ​ၼႂ်း​ၽႆး​ၼၼ်ႉ​ၸူး​တီႈ​သူ​ဢေႃႈ။ သူ​လႆႈ​ငိၼ်း​သဵင်​ၵႂၢမ်း​ၸဝ်ႈ​ဢေႃႈ။ သူ​ဢမ်ႇ​လႆႈ​ႁၼ်​ပုင်ႇ​ႁၼ်​ႁၢင်ႈ၊ လႆႈ​ငိၼ်း​သဵင်​ၵူၺ်း​ၵူၺ်း​ဢေႃႈ။-</verse>
				<verse number="13">မၼ်း​ၸဝ်ႈ​မီး​ဢမိင်ႉ​မွၵ်ႇ​လၢတ်ႈ​ပတီႉၺိၺ်ႇ​တြႃး ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ ပုၼ်ႈ​ဢၼ်​သူ​တၵ်း​ၵမ်​တၵ်း​ၵျၢင်ႉ​ဢၼ်​ဝႃႈ ပိင်း​ၺၢပ်ႈ​သိပ်း​ပိူင်​ၸိူဝ်း​ၼၼ်ႉ​တီႈ​သူ​လႄႈ တႅမ်ႈ​ဝႆႉ​ၵႃႈ​ၼိူဝ်​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ​ဢေႃႈ။-</verse>
				<verse number="14">မိူဝ်ႈ​ၼၼ်ႉ ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ၵဝ် ႁႂ်ႈ​ၵဝ်​လႆႈ​သင်ႇ​သွၼ်​ပၼ်​ထုင်း​ၽိင်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​တင်း​လၢႆ ပုၼ်ႈ​ဢၼ်​သူ​တၵ်း​ၵမ်​တၵ်း​ၵျၢင်ႉ​ၼႂ်း​မိူင်း​ဢၼ်​သူ​တၵ်း​ၶၢမ်ႈ​ၵႂႃႇ​လႄႈ ၸၢမ်ႇ​ၸႃး​ၼၼ်ႉ​ဢေႃႈ။</verse>
				<verse number="15">ၵွပ်ႈ​ပိူဝ်ႈ​ဢၼ်​သူ​ဢမ်ႇ​လႆႈ​ႁၼ်​ပုင်ႇ​ႁၢင်ႈ​ၵႃႈ​သင်​သေ​ၸိူဝ်ႉ​သေ​ပိူင် ၼႂ်း​ဝၼ်း​ဢၼ် ထႃႇဝရႃႉ​ၽြႃး​မီး​ဢမိင်ႉ​ဢွၵ်ႇ​သေ​ၵႃႈ​တီႈ​ၼႂ်း​ၽႆး​ၼၼ်ႉ​ၸူး​ၵႃႈ​တီႈ​သူ​ၼၼ်ႉ​လႄႈ၊-</verse>
				<verse number="16">လွင်ႈ​ၼင်ႇ​ႁိုဝ်​သူ​တၵ်း​ဢမ်ႇ​လႆႈ​ၽွၵ်ႈ​ပျၢၼ်ႇ​ၶိုၼ်း​လႄႈ ႁဵတ်း​ရုၵ်ႈ​ထူႉ​ဢၼ်​မီး​ပုင်ႇ​ႁၢင်ႈ​သေ​ၸိူဝ်ႉ​သေ​ပိူင် ဢၼ်​ဝႃႈ​ပုင်ႇ​ႁၢင်ႈ​ၵူၼ်း​ယိင်း​ၵူၼ်း​ၸၢႆး၊-</verse>
				<verse number="17">ပုင်ႇ​ႁၢင်ႈ​တရိၵ်ႈသၢၼ်ႇ​ဢၼ်​မီး​ၵႃႈ​ၼိူဝ်​လိၼ်​မိူင်း၊ ပုင်ႇ​ႁၢင်ႈ​ၼူၵ်ႉ​ဢၼ်​ၸၢင်ႈ​မိၼ်​ၵႃႈ​ၼိူဝ်​ၽႃႉ​ၵၢင်​ႁၢဝ်၊-</verse>
				<verse number="18">ပုင်ႇ​ႁၢင်ႈ​တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း ၵႃႈ​ၼိူဝ်​လိၼ်၊ ပုင်ႇ​ႁၢင်ႈ​ပႃ​ဢၼ်​ယူႇ​ၵႃႈ​ၼႂ်း​ၼမ်ႉ ၵႃႈ​တီႈ​တႂ်ႈ​တီႈ​တႅမ်ႇ​ၸိူဝ်း​ၼၼ်ႉ၊-</verse>
				<verse number="19">ဢိၵ်ႇ​တင်း​လွင်ႈ​ၼင်ႇ​ႁိုဝ်​သူ​ႁႅၼ်​တူၺ်း​ၽႃႉ​ၵၢင်​ႁၢဝ်​လႄႈ​ႁၼ်​ၵၢင်​ဝၼ်း လိူၼ် လၢဝ်​တင်း​လၢႆ​ဢၼ်​ဝႃႈ ၶိူင်ႈ​ပိူင်​ၽႃႉ​ၵၢင်​ႁၢဝ်​ၸိူဝ်း​ၼၼ်ႉ​သေ​ယဝ်ႉ၊ တၵ်း​ဢမ်ႇ​ပႃး​ၸွမ်း​တၢင်း​ဢၼ်​ပိူၼ်ႈ​တိုၵ်း​ယူင်း​ၸူဝ်း​ဢဝ်​သူ​လႄႈ ၵူဝ်း​ၵႂၢႆႇ​ႁဵတ်း​ဝၢတ်ႈ​တီႈ​ၶိူင်ႈ​ပိူင် ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ၽႄ​မႅင်ႇ​ပၼ်​တီႈ​ၵူၼ်း​မဵဝ်း​ၵႃႈ​ဢၼ်​မီး​ၵႃႈ​တႂ်ႈ​ၽႃႉ​ၵၢင်​ႁၢဝ်​ၸိူဝ်း​ၼၼ်ႉ​ၸိုင်၊ တူဝ်​သူ​ႁဵတ်း​သတီႉ​တီႈ​တူဝ်​သူ​တႃႉ။-</verse>
				<verse number="20">ထႃႇဝရႃႉ​ၽြႃး​ၼုၵ်ႈ​ဢဝ်​သူ​ဢွၵ်ႇ​သေ ၵႃႈ​ၼႂ်း​မုၵ်ႉ​ၽႆး​လဵၵ်း​ဢၼ်​ဝႃႈ​မိူင်း​ ဢေႇၵိပ်ႉတူႉ ​ၼၼ်ႉ​မႃး ႁႂ်ႈ​သူ​လႆႈ​ပဵၼ်​ၵူၼ်း​မဵဝ်း​ဢၼ်​ထိူၵ်ႈ​ၶၢမ်ႇ​ဢမူၺ်ႇ​ၼၼ်ႉ​တီႈ​မၼ်း​ၸဝ်ႈ ၵႃႈ​ၼင်ႇ​ဢၼ်​သူ​ပဵၼ်​ဝၼ်း​မိူဝ်ႈ​ၼႆႉ​ယဝ်ႉ။-</verse>
				<verse number="21">လိူဝ်​သေ​ၼၼ်ႉ ထႃႇဝရႃႉ​ၽြႃး​ၸႂ်​မႆႈ​ၶႆႈ​ၸႃႉ​တီႈ​ၵဝ်​ၵွပ်ႈ​ပိူဝ်ႈ​သူ​လႄႈ ၵိၼ်ႇ​ဝႃႈ​ႁႂ်ႈ​ၵဝ်​ဢမ်ႇ​လႆႈ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၵႂႃႇ ဢိၵ်ႇ​တင်း​ႁႂ်ႈ​ၵဝ်​ဢမ်ႇ​လႆႈ​ၶဝ်ႈ​ၵႃႈ​ၼႂ်း​မိူင်း​ဢၼ်​လီ​မျၢတ်ႈ ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ပၼ်​တီႈ​မႂ်း​ပုၼ်ႈ​ဢၼ်​မႂ်း​တၵ်း​ၶၢမ်ႇ​ဢမူၺ်ႇ​ၼၼ်ႉ​ဢေႃႈ။-</verse>
				<verse number="22">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵဝ်​တၵ်း​လႆႈ​တၢႆ​ၵႃႈ​တီႈ​မိူင်း​ၼႆႉ​ဢေႃႈ။ ၵဝ်​ဢမ်ႇ​လႆႈ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ။ သူ​ၸမ်ႉ၊ တၵ်း​ၶၢမ်ႈ​ၵႂႃႇ​လႄႈ​ၶဝ်ႈ​ၸၢမ်ႇ​ၸႃး မိူင်း​ဢၼ်​လီ​မျၢတ်ႈ​ၼႃႇ​ၼၼ်ႉ​ဢေႃႈ။-</verse>
				<verse number="23">လွင်ႈ​ၼင်ႇ​ႁိုဝ် သူ​တၵ်း​ဢမ်ႇ​လူင်​လိုမ်း​ပတီႉၺိၺ်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဝႆႉ​ၵႃႈ​တီႈ​သူ​ၼၼ်ႉ​ပႅတ်ႈ​သေ​လႄႈ ႁဵတ်း​ရုၵ်ႈ​ထူႉ​ဢၼ်​မီး​ပုင်ႇ​ႁၢင်ႈ​ၶိူင်ႈ​ပိူင်​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ႁၢမ်ႈ​တၢပ်ႈ​ႁႄႉ​ၶႅၼ်​သူ​ၼၼ်ႉ​ၸိုင်၊ တူဝ်​သူ​ႁဵတ်း​သတီႉ​တီႈ​တူဝ်​သူ​တႃႉ။-</verse>
				<verse number="24">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼၼ်ႉ ပဵၼ်​ၽႆး​ဢၼ်​မႆႈ၊ ပဵၼ်​ၽြႃး​ဢၼ်​ယုမ်ႇ​ငၢႆႈ လွင်ႈ​ဢၼ်​မီး​ဢပႅတ်ႈ​ဢေႃႈ။-</verse>
				<verse number="25">မိူဝ်ႈ​ဢၼ်​မႂ်း​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ သူ​ယူႇ​ၵႃႈ​တီႈ​မိူင်း​ၼၼ်ႉ​ႁိုင်​ၼႃႇ​လူင်​လၢင်​ယဝ်ႉ​ၼၼ်ႉ၊ ပေႃး​သူ​သမ်ႉ​ၽွၵ်ႈ​ပျၢၼ်ႇ​ၶိုၼ်း​သေ​လႄႈ ႁဵတ်း​ရုၵ်ႈ​ထူႉ​ဢၼ်​မီး​ပုင်ႇ​ႁၢင်ႈ​သေ​ၸိူဝ်ႉ​သေ​ပိူင်​လႄႈ ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ႁႂ်ႈ​လႆႈ​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၸိုင်၊-</verse>
				<verse number="26">ဝၼ်း​မိူဝ်ႈ​ၼႆႉ ၵဝ်​ဢဝ်​ၵၢင်​ႁၢဝ်​တင်း​လိၼ်​မိူင်း ႁဵတ်း​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​သူ​ၸမ်ႉ၊ သူ​ၼႆႉ​ဢမ်ႇ​ပေႃး​ႁိုင်​ပေႃး​ၼၢၼ်း တၵ်း​လႆႈ​လူႉ​ႁၢႆ​သေ​ၵႃႈ​တီႈ မိူင်း​ဢၼ်​သူ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၵႂႃႇ​လႄႈ​ၶဝ်ႈ​ၸၢမ်ႇ​ၸႃး​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။ ဢသၢၵ်ႈ​သူ​ဢမ်ႇ​လႆႈ​ယၢဝ်း​လႆႈ​ယိုၼ်း​ၵႃႈ​တီႈ​မိူင်း​ၼၼ်ႉ။ သူ​တၵ်း​လႆႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​မူတ်း​မူတ်း​သဵင်ႈ​သဵင်ႈ​ဢေႃႈ။-</verse>
				<verse number="27">ထႃႇဝရႃႉ​ၽြႃး​ၵေႃႈ တၵ်း​ႁႂ်ႈ​သူ​ၽၢတ်ႇ​ၽႄ​ၵၼ်​ၵႂႃႇ ၵႃႈ​ၼႂ်း​ၵူၼ်း​မဵဝ်း​တင်း​လၢႆ​ၵူႈ​တီႈ​ၵူႈ​လႅၼ်​လႄႈ သူ​တၵ်း​လႆႈ​ၵိုတ်း​ၵျၢၼ်ႇ​ဝႆႉ​ၵေႇ​ၵေႇ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တီႈ​ဢၼ်​မၼ်း​ၸဝ်ႈ​တၵ်း​ႁေႃႈ​သူ​ဢွၵ်ႇ​ပႅတ်ႈ​ၼၼ်ႉ​ဢေႃႈ။-</verse>
				<verse number="28">ၵႃႈ​တီႈ​ၼၼ်ႈ​ၸိုင်၊ သူ​တၵ်း​လႆႈ​ႁဵတ်း​ဝၢတ်ႈ​တီႈ​ၽြႃး​ဢၼ်​မိုဝ်း​ၵူၼ်း​ႁဵတ်း ဢၼ်​ဝႃႈ​ၽြႃး​မႆႉ၊ ၽြႃး​မၢၵ်ႇ​ႁိၼ် ဢၼ်​ဢမ်ႇ​ႁၼ်​လႆႈ၊ ဢမ်ႇ​ငိၼ်း​လႆႈ၊ ဢမ်ႇ​ၵိၼ်​လႆႈ၊ ဢမ်ႇ​ၼူမ်​လႆႈ​ၸိူဝ်း​ၼၼ်ႉ​ဢေႃႈ။-</verse>
				<verse number="29">ၵူၺ်း​ၵႃႈ မိူဝ်ႈ​ဢၼ်​သူ​ယူႇ​ၵႃႈ​တီႈ​ၼၼ်ႈ​လႄႈ သမ်ႉ​မီး​ဢလူဝ်ႇ​ၶႂ်ႈ​ႁႃ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ပေႃး​မႂ်း​ပႃး​တင်း​ႁူဝ်​ၸႂ်​သဵင်ႈ​သဵင်ႈ​ႁႃ​ဢဝ်​ၸိုင် မႂ်း​တၵ်း​လႆႈ​ထူပ်း​ဢေႃႈ။-</verse>
				<verse number="30">မိူဝ်ႈ​ဢၼ်​မႂ်း​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​လႄႈ လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼႆႉ တူၵ်း​ႁွတ်ႈ​ၵႃႈ​ၼိူဝ်​မႂ်း​ယဝ်ႉ​ၼၼ်ႉ ပေႃး​မႂ်း​ၶိုၼ်း​မႃး​ၸူး​ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း မိူဝ်ႈ​ၶိင်ႇ​ၵႃႇလႃႉ​ၵမ်း​လိုၼ်း​ၼၼ်ႉ​လႄႈ ထွမ်ႇ​ဢဝ်​ၵႂၢမ်း​မၼ်း​ၸဝ်ႈ​ၸိုင်၊-</verse>
				<verse number="31">ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ပဵၼ်​ၽြႃး​ဢၼ်​ၸၢင်ႈ​ဢဵတ်း​လူ​လႄႈ မၼ်း​ၸဝ်ႈ​တၵ်း​ဢမ်ႇ​ၸုၼ်ႉ​မႂ်း​ပႅတ်ႈ ဢမ်ႇ​ယႃႉ​ၽဵဝ်ႈ​မႂ်း​ပႅတ်ႈ၊ ဢမ်ႇ​လူင်​လိုမ်း​ပတီႉၺိၺ်ႇ​တြႃး​ပူႇ​မွၼ်ႇ​မႂ်း ဢၼ်​မၼ်း​ၸဝ်ႈ​တိူင်ႇ​ဝႃႈ​ဝႆႉ​တီႈ​ၶဝ်​ၼၼ်ႉ​ပႅတ်ႈ။</verse>
				<verse number="32">မႂ်း​တွင်ႈ​ထၢမ်​တူၺ်း​တီႈ​ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ်​ပူၼ်ႉ​မႃး​ယဝ်ႉ ၸူဝ်ႈ​ဢၼ်​မႂ်း​ဢမ်ႇ​ပႆႇ​ပဵၼ်​ပႆႇ​မီး ၸႃႉ​ၸဵမ်​ဝၼ်း​မိူဝ်ႈ​ဢၼ်​ၽြႃး​ပဵၼ်​ၸဝ်ႈ ၽၢၼ်ႇ​သၢင်း​ႁဵတ်း​ပဵၼ်​ၵူၼ်း ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ ဢိၵ်ႇ​တင်း​တီႈ​ၽႃႉ​ၵၢင်​ႁၢဝ်​ဢဝ်​ၸဵမ်​ၵႃႈ​တီႈ​ၽၢႆႇ​ၼိုင်ႈ​တေႃႇ​ထိုင်​ႁွတ်ႈ​ၽၢႆႇ​ၼိုင်ႈ​လႄႈ လွင်ႈ​ဢၼ်​ဢမူႉ​ဢၼ်​ယႂ်ႇ​ၼႃႇ​ထၢၼ်ႇ​ၼႆႉ​ယၢမ်ႈ​တွၼ်ႉ​လႆႈ​ပဵၼ်​ႁိုဝ် ဢမ်ႇ​ၼၼ်​ယၢမ်ႈ​တွၼ်ႉ​လႆႈ​ငိၼ်း​သတၢင်း​သဵင်​ၶၢဝ်ႇ ဢမူႉ​ဢၼ်​ၸိူဝ်ႉ​ၼင်ႇ​ၼႆ​ၼၼ်ႉ​ယဝ်ႉ​ႁိုဝ် ၼၼ်ႉ​တႃႉ။-</verse>
				<verse number="33">ၵူၼ်း​သေ​ၸိူဝ်ႉ​သေ​မဵဝ်း​ယၢမ်ႈ​တွၼ်ႉ​လႆႈ​ငိၼ်း​သဵင်​ၽြႃး​ပဵၼ်​ၸဝ်ႈ မီး​ဢမိင်ႉ​ဢွၵ်ႇ​သေ​ၵႃႈ​ၼႂ်း​ၽႆး​မိူၼ်​ၸိူဝ်ႉ​ၼင်ႇ​ဢၼ်​မႂ်း​လႆႈ​ငိၼ်း​ၼၼ်ႉ​လႄႈ ဢသၢၵ်ႈ​လႆႈ​ၵတ်း​ယဵၼ်​ၶျၢမ်း​သႃႇ​ႁိုဝ်။-</verse>
				<verse number="34">ၽြႃး​ပဵၼ်​ၸဝ်ႈ​ယၢမ်ႈ​လႆႈ​ဢဝ်​တင်း​တၢင်း​ဢၼ်​ၸၢမ်း​တူၺ်း၊ တၢင်း​ဢၼ်​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ တင်း​လွင်ႈ​တၢင်း​ဢၼ်​လီ​ဢၢမ်း၊ တၢင်း​ဢၼ်​ႁႂ်ႈ​ဢမူႉ​သိုၵ်း​ႁွတ်ႈ​ထိုင်၊ တၢင်း​ဢၼ်​ဢဝ်​မိုဝ်း​ၸဝ်ႈ​ဢၼ်​ႁႅင်း​ယႂ်ႇ​ႁဵတ်း၊ တၢင်း​ဢၼ်​ယဵတ်ႇ​ၶႅၼ်​ယဵတ်ႇ​မိုဝ်း​ၸဝ်ႈ၊ တၢင်း​ဢၼ်​ၼႄ​ပျႃး​ရူႇပႃႇရူင်ႇ ဢၼ်​လီ​ၵူဝ်​လီ​ႁႄ​ၸိူဝ်း​ၼၼ်ႉ​သေ​လႄႈ ၵႂႃႇ​လႄႈ​ၼုၵ်ႈ​ဢဝ်​ၵူၼ်း​သေ​ၸိူဝ်ႉ​သေ​မဵဝ်း ၵႃႈ​ၼႂ်း​ၵူၼ်း​သေ​ၸိူဝ်ႉ​သေ​မဵဝ်း​ပုၼ်ႈ​မၼ်း​ၸဝ်ႈ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ႁဵတ်း​တီႈ​သူ သိုဝ်ႈ​ၼႃႈ​တႂ်ႈ​တႃ​သူ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ႁိုဝ်။-</verse>
				<verse number="35">မႂ်း​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​ၼႄ​ပျႃး​လွင်ႈ​တၢင်း​ၼၼ်ႉ ႁႂ်ႈ​မႂ်း​လႆႈ​ႁူႉ​လွင်ႈ​ဢၼ်​ထႃႇဝရႃႉ​ၽြႃး၊ ပဵၼ်​ၽြႃး​ပဵၼ်​ၸဝ်ႈ ဢိၵ်ႇ​တင်း​လိူဝ်​သေ​မၼ်း​ၸဝ်ႈ​ၼၼ်ႉ ဢမ်ႇ​မီး​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ​ဢေႃႈ။-</verse>
				<verse number="36">မၼ်း​ၸဝ်ႈ​ႁႂ်ႈ​မႂ်း​လႆႈ​ငိၼ်း​သဵင်​ၸဝ်ႈ​ဢွၵ်ႇ​သေ​ၵႃႈ​ၼႂ်း​ၵၢင်​ႁၢဝ် ႁႂ်ႈ​လႆႈ​သင်ႇ​သွၼ်​ပၼ်​မႂ်း​ယဝ်ႉ။ ၵႃႈ​ၼိူဝ်​လိၼ်​မိူင်း​ၼႆႉ​ၵေႃႈ​မၼ်း​ၸဝ်ႈ​ၼႄ​ပျႃး​ၽႆး​မၼ်း​ၸဝ်ႈ​ဢၼ်​ယႂ်ႇ​ၼႃႇ​တီႈ​မႂ်း​လႄႈ မႂ်း​လႆႈ​ငိၼ်း​သဵင်​မၼ်း​ၸဝ်ႈ​ဢွၵ်ႇ​သေ​ၵႃႈ​ၼႂ်း​ၽႆး​ၼၼ်ႉ​ယဝ်ႉ။-</verse>
				<verse number="37">ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ႁၵ်ႉ​ပူႇ​မွၼ်ႇ​မႂ်း​ၸိူဝ်း​ၼၼ်ႉ​လႄႈ မၼ်း​ၸဝ်ႈ​လိူၵ်ႈ​ၵဵပ်း​ဢဝ် မဵဝ်း​ၸိူဝ်ႉ​ၶိူဝ်း​ၶဝ် လိုၼ်း​ၶဝ်​ၼၼ်ႉ​လႄႈ၊ မၼ်း​ၸဝ်ႈ​ဢဝ်​တင်း​တၢင်း​ဢၼ်​မၼ်း​ၸဝ်ႈ​မီး​ယူႇ​သိုဝ်ႈ​ၼႃႈ​တႂ်ႈ​တႃ​မႂ်း​ထၢင်ႇ​ထၢင်ႇ​သႃး​သႃး ဢိၵ်ႇ​တင်း​မႁႃႇ​တၼ်း​ၶူဝ်း ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး၊-</verse>
				<verse number="38">ႁႂ်ႈ​လႆႈ​ႁေႃႈ​ၵူၼ်း​မဵဝ်း​ဢၼ်​ၼမ်​ၵိုၼ်း​လႄႈ​ႁႅင်း​ယႂ်ႇ​ၼႃႇ​သေ​မႂ်း​ၸိူဝ်း​ၼၼ်ႉ ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မႂ်း​လႄႈ ဢဝ်​မႂ်း​သႂၢင်း​သႂ်ႇ​ပၼ်​ၵႃႈ​ၼႂ်း​လိၼ်​ၶဝ်​လႄႈ ႁႂ်ႈ​ၶၢမ်ႇ​ဢမူၺ်ႇ​မိူၼ်​ၸိူဝ်ႉ​ၼင်ႇ​ဢၼ်​ပဵၼ်​ဝၼ်း​မိူဝ်ႈ​ၼႆႉ​ၼၼ်ႉ​ယဝ်ႉ။-</verse>
				<verse number="39">ပိူဝ်ႈ​ၼႆ​လႄႈ လွင်ႈ​ဢၼ်​ထႃႇဝရႃႉ​ၽြႃး၊ ပဵၼ်​ၽြႃး​ပဵၼ်​ၸဝ်ႈ ၵႃႈ​ၼိူဝ်​တီႈ​ၵၢင်​ႁၢဝ်၊ ၵႃႈ​တႂ်ႈ​တီႈ​လိၼ်​မိူင်း​ၼႆႉ​လႄႈ ဢမ်ႇ​မီး​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ​ၸိုင်၊ ဝၼ်း​မိူဝ်ႈ​ၼႆႉ ႁူႉ​မၢတ်ႈ​လႄႈ​သႂၢင်း​သႂ်ႇ​ဝႆႉ​ၵႃႈ​ၼႂ်း​ႁူဝ်​ၸႂ်​မႂ်း​တႃႉ။-</verse>
				<verse number="40">မႂ်း​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ထုင်း​ၽိင်ႈ​တြႃး ဢိၵ်ႇ​တင်း​ပိင်း​ၺၢပ်ႈ​တြႃး​တင်း​လၢႆ ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ၼၼ်ႉ ႁႂ်ႈ​မႂ်း​ဢိၵ်ႇ​လူၺ်ႈ​ၵၼ်​တင်း​လုၵ်ႈ​လၢင်း​မႂ်း​လိုၼ်း​မႂ်း​ၼၼ်ႉ လႆႈ​ၵတ်း​ယဵၼ်​ၶျၢမ်း​သႃႇ ႁႂ်ႈ​ဢသၢၵ်ႈ​မႂ်း​လႆႈ​ယၢဝ်း​ယိုၼ်း​ယူႇ​တႃႇ​သေႇ ၵႃႈ​တီႈ​မိူင်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">မိူဝ်ႈ​ၼၼ်ႉ မူဝ်းသေႇ ၽႄ​ဢဝ်​ဝဵင်း​သၢမ်​ဝဵင်း​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ၊ ၽၢႆႇ​တၢင်း​ဢၼ်​ၵၢင်​ဝၼ်း​ဢွၵ်ႇ​ၼၼ်ႉ၊-</verse>
				<verse number="42">ႁႂ်ႈ​ၵေႃႉ​ဢၼ်​ယင်း​ဢမ်ႇ​ဝႆႉ​တၢင်း​ၽိတ်း​လႄႈ လိုမ်း​တူဝ်​ဢဝ်​ၵူၼ်း​ႁိူၼ်း​ၸမ်​ၵၼ်​တၢႆ​မႅၼ်ႈ​ၼၼ်ႉ လႆႈ​ဢၶႂၢင်ႉ​ဢၼ်​လႆႈ​ပၢႆႈ​ၵႂႃႇ​ၸူး​ၵႃႈ​တီႈ​ၼၼ်ႈ​လႄႈ ပၢႆႈ​ၵႂႃႇ​ၶဝ်ႈ​ၵႃႈ​ၼႂ်း​ဝဵင်း​ၸိူဝ်း​ၼၼ်ႉ​သေ​ဝဵင်း​ဝဵင်း​သေ​ယဝ်ႉ၊ လႆႈ​ၵတ်း​ယဵၼ်​ၶျၢမ်း​သႃႇ​ၼၼ်ႉ​ဢေႃႈ။-</verse>
				<verse number="43">ဝဵင်း​ၸိူဝ်း​ၼၼ်ႉ​ၸမ်ႉ၊ ပဵၼ်​ဝဵင်း​ ပေႇၸႃႇ ၵႃႈ​တီႈ​ထိူၼ်ႇ​ၵႃႈ​ၼႂ်း​ပၢင်ႇ​ပဵင်း​တီႈ​ယူႇ​ၵူၼ်း​မဵဝ်း​ ရူႉပိၼ်ႇ ၊ ဝဵင်း​ ရႃႇမုတ်ႉ ၵႃႈ​ၼႂ်း​မိူင်း​ ၵီႉလတ်ႉ တီႈ​ယူႇ​ၵူၼ်း​မဵဝ်း​ ၵၢတ်ႉ ၊ ဝဵင်း​ ၵေႃႇလၼ်ႇ ၵႃႈ​ၼႂ်း​မိူင်း​ ပႃႇသၢၼ်ႇ တီႈ​ယူႇ​ၵူၼ်း​မဵဝ်း​ မၼႃႇ​သေႇ ​ဢေႃႈ။</verse>
				<verse number="44">ဢၼ်​ၼႆႉ​ၸမ်ႉ၊ ပဵၼ်​တြႃး​ဢၼ်​ မူဝ်းသေႇ ​ဝႆႉ​ၵႃႈ​တီႈ​ၽၢႆႇ​ၼႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ၊-</verse>
				<verse number="45">ဢၼ်​ၼႆႉ​ယဝ်ႉ​ပဵၼ်​ၵႂၢမ်း​သၢၵ်ႈ​သေႇ​ထုင်း​ၽိင်ႈ​တြႃး၊ လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ၊ ဢၼ်​ မူဝ်းသေႇ ႁေႃး​လၢတ်ႈ​တီႈ​ၵူၼ်း​မဵဝ်း ဢီႉသရေႇလႃႉ ​တင်း​လၢႆ လိုၼ်း​ဢၼ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ၸိူဝ်း​ၼၼ်ႉ</verse>
				<verse number="46">ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ၵႃႈ​ၼႂ်း​ပၢင်ႇ​ႁူၺ်ႈ​သိုဝ်ႈ​ဝဵင်း​ ပႅတ်ႉပေႇၵူႉရႃႉ ၵႃႈ​ၼႂ်း​မိူင်း​ သီႉႁုၼ်ႇ ၶုၼ်​ႁေႃ​ၶမ်း​ ဢႃႇမေႃးရီႉ ဢၼ်​ယူႇ​ၵႃႈ​တီႈ​ဝဵင်း​ ႁေႇသၽုၼ်ႇ ၊ ဢၼ်​ မူဝ်းသေႇ ​ဢိၵ်ႇ​လူၺ်ႈ​ၵၼ်​တင်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တိုၵ်း​တေႃး​ယႃႉ​ပႅတ်ႈ​လိုၼ်း​ဢၼ် ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။-</verse>
				<verse number="47">ၶဝ်​သိမ်း​ဢဝ်​လိၼ်​ဢၼ်​မၼ်း​ပိူင်ႇ​ၼၼ်ႉ ဢိၵ်ႇ​တင်း​လိၼ်​ ဢေႃႇၶႃႉ ၶုၼ်​ႁေႃ​ၶမ်း​မိူင်း​ ပႃႇသၢၼ်ႇ ဢၼ်​ဝႃႈ​ၶုၼ်​ႁေႃ​ၶမ်း​ ဢႃႇမေႃးရီႉ တင်း​သွင်​ပႃး ဢၼ်​မီး​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ၽၢႆႇ​တၢင်း​ဢၼ်​ၵၢင်​ဝၼ်း​ဢွၵ်ႇ​ၼၼ်ႉ၊-</verse>
				<verse number="48">ဢဝ်​ၸႃႉ​ၸဵမ်​ဝဵင်း​ ဢႃႇရေႃႇ ဢၼ်​မီး​ၵႃႈ​ႁိမ်း​ပၢင်ႇ​ႁူၺ်ႈ​ ဢႃႇၼုၼ်ႇ တေႃႇ​ထိုင်​ႁွတ်ႈ​လွႆ​ ၸီႉဢုၼ်ႇ ​ဢၼ်​ဝႃႈ လွႆ​ ႁေႇရမုၼ်ႇ ​ၼၼ်ႉ။-</verse>
				<verse number="49">ဢိၵ်ႇ​တင်း ဢဝ်​ၵႃႈ​တီႈ​ပၢင်ႇ​ပဵင်း​ ဢႃႇရၽႃႉ ဢၼ်​မီး​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ၽၢႆႇ​ဝၼ်း​ဢွၵ်ႇ​ၼၼ်ႉ တင်း​သဵင်ႈ​တင်း​လူင် ၵႂႃႇ​တေႃႇ​ထိုင်​ႁွတ်ႈ​ၼွင်​ပၢင်ႇ​ပဵင်း ဢႃႇရၽႃႉ ၵႃႈ​တီႈ​တႂ်ႈ​ပဵမ်ႉ​လွႆ​ ပီႉသၵႃႇ ​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">မူဝ်းသေႇ ​သမ်ႉ​ႁွင်ႉ​ဢဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​လၢတ်ႈ​ဝႃႈ၊ ၵူၼ်း​မဵဝ်း​ ဢီႉသရေႇလႃႉ ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ထုင်း​ၽိင်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ ဢၼ်​ၵဝ်​ႁေႃး​လၢတ်ႈ​တီႈ​ႁူ​သူ​ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ ႁႂ်ႈ​သူ​လႆႈ​သွၼ်​ဢဝ်​လႄႈ ပႂ်ႉ​ၵမ်​ပႂ်ႉ​ၸွမ်း​တႃႉ။-</verse>
				<verse number="2">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ႁဝ်း ၵႃႈ​တီႈ​လွႆ​ ႁေႃးရပ်ႉ ​ၼၼ်ႉ​ဢေႃႈ။-</verse>
				<verse number="3">ပတီႉၺိၺ်ႇ​တြႃး​ၼၼ်ႉ​ၸိုင် ထႃႇဝရႃႉ​ၽြႃး​ႁဵတ်း​လူၺ်ႈ​ၵၼ်​တင်း​ပူႇ​မွၼ်ႇ​ႁဝ်း​ၸိူဝ်း​ၼၼ်ႉ​ဢမ်ႇ​ၸႂ်ႈ၊ မၼ်း​ၸဝ်ႈ​ႁဵတ်း​လူၺ်ႈ​ၵၼ်​တင်း​ႁဝ်း​ဢၼ်​ဝႃႈ ႁဝ်း​ၸိူဝ်း​ဢၼ်​ဢသၢၵ်ႈ​လိပ်း​ယူႇ​လႄႈ​မီး​ယူႇ​ၵႃႈ​တီႈ​ၼႆႈ ဝၼ်း​မိူဝ်ႈ​ၼႆႉ​ၵႃႈ​မီး​ၼႆႉ​ဢေႃႈ။-</verse>
				<verse number="4">ထႃႇဝရႃႉ​ၽြႃး တေႃႇ​ၼႃႈ​ၵၼ်​တင်း​သူ​သေ​လႄႈ မီး​ဢမိင်ႉ​ဢွၵ်ႇ​သေ​ၵႃႈ​ၼႂ်း​ၽႆး ၵႃႈ​တီႈ​ၼိူဝ်​လွႆ​ၼၼ်ႉ​ဢေႃႈ။-</verse>
				<verse number="5">မိူဝ်ႈ​ၼၼ်ႉ​ၵဝ်​ၸုၵ်း​ယူႇ​ၵႃႈ​ၼႂ်း​ၵႄႈ​ဝူင်ႈ​ၵၢင် ထႃႇဝရႃႉ​ၽြႃး​တင်း​သူ ႁႂ်ႈ​လႆႈ​ဢဝ်​ဢမိင်ႉ​ထႃႇဝရႃႉ​ၽြႃး ၼႄ​ပျႃး​တီႈ​သူ ၵွပ်ႈ​ပိူဝ်ႈ​ဢၼ်​သူ​ၵူဝ်​ၽႆး​ၼၼ်ႉ​လႄႈ ဢမ်ႇ​ႁတ်း​ၶိုၼ်ႈ​ၵႃႈ​ၼိူဝ်​လွႆ​ၼၼ်ႉ​ဢေႃႈ။-</verse>
				<verse number="6">ၵႂၢမ်း​ဢၼ်​မၼ်း​ၸဝ်ႈ​မီး​ဢမိင်ႉ​ဝႆႉ​လႄႈ​ဝႃႈ​ၸမ်ႉ၊ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၊ တီႈ​ဢၼ်​မႂ်း​ၶၢမ်ႇ​ႁဵတ်း​ၶႃႈ​ၼၼ်ႉ​ဢေႃႈ။-</verse>
				<verse number="7">လိူဝ်​သေ​ၵဝ်​ၼႆႉ ယႃႇ​ပေ​ၵူဝ်း​ၵႂၢႆႇ​ၽြႃး​တၢင်ႇ​သူႇ​တၢင်ႇ​ပႃး။</verse>
				<verse number="8">ယႃႇ​ပေ​ႁဵတ်း​ရုၵ်ႈ​ထူႉ​သၢင်း​ထူႉ​ပုင်ႇ​ႁၢင်ႈ​ၶိူင်ႈ​ပိူင်​ဢၼ်​မီး​ၵႃႈ​ၼိူဝ်​တီႈ​ၽႃႉ​ၵၢင်​ႁၢဝ်၊ ဢၼ်​မီး​ၵႃႈ​တႂ်ႈ​တီႈ​လိၼ်​မိူင်း၊ ဢၼ်​မီး​ၵႃႈ​ၼႂ်း​ၼမ်ႉ​တႂ်ႈ​လိၼ်​မိူင်း​ၸိူဝ်း​ၼၼ်ႉ​ပုၼ်ႈ​တူဝ်​ၸဝ်ႈ​ၵဝ်ႇ။-</verse>
				<verse number="9">ယႃႇ​ပေ​ၵူမ်ႈ​ႁူဝ်​ၵွမ်း​ႁူဝ်​တီႈ​ၶဝ်။ ယႃႇ​ပေ​ႁဵတ်း​ဝူတ်ႈ​ႁဵတ်း​ဝၢတ်ႈ​တီႈ​ၶဝ်။ လွင်ႈ​မၼ်း​ၸမ်ႉ ၵဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼႆႉ ပဵၼ်​ၽြႃး​ဢၼ်​ယုမ်ႇ​ငၢႆႈ​လွင်ႈ​ဢၼ်​ဢပႅတ်ႈ​မီး​တီႈ​မႂ်း၊ ၽြႃး​ဢၼ်​ၸီႇ​ယၢင်ႇ​တႅၼ်း​ပၼ်​ဢပႅတ်ႈ​ပေႃႈ​တင်း​လၢႆ​တီႈ​လုၵ်ႈ​လၢင်း ၸိူဝ်ႉ​ၶိူဝ်း​ၶဝ်​ၸိူဝ်း​ဢၼ်​ၸင်း​ၵဝ်​သိုပ်ႇ​သိုပ်ႇ​တၢမ်း​တၢမ်း​တေႃႇ​ထိုင်​ႁွတ်ႈ​သိုပ်ႈ​တႃႉတီႉယႃႉ၊ သိုပ်ႈ​ၸတုၵ်ႉထႃႉ​ၼၼ်ႉ၊-</verse>
				<verse number="10">ၽြႃး​ဢၼ်​ၼႄ​ပျႃး​ၵရူႉၼႃႇ​တီႈ​ၸိူဝ်ႉ​ၶိူဝ်း​ၶဝ်​ၸိူဝ်း​ဢၼ်​ႁၵ်ႉ​ၵဝ်​လႄႈ ၵမ်​ၵျၢင်ႉ​ပိင်း​ၺၢပ်ႈ​ၵဝ်​တင်း​လၢႆ​ၼၼ်ႉ​သိုပ်ႇ​သိုပ်ႇ​တၢမ်း​တၢမ်း​တေႃႇ​ထိုင်​ႁွတ်ႈ​သေ​ႁဵင်​သိုပ်ႈ သေ​မိုၼ်ႇ​သိုပ်ႈ​ၼိုင်ႈ​ဢေႃႈ။-</verse>
				<verse number="11">ယႃႇ​ပေ​ၼပ်ႉ​တေႃႈ​ဢဝ်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လၢတ်ႈ​ဝႃႈ​လၢႆ​လၢႆ​လွၵ်ႇ​လွၵ်ႇ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ဢမ်ႇ​မၢတ်ႈ​ၵေႃႉ​ဢၼ်​ၼပ်ႉ​တေႃႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​လၢတ်ႈ​ဝႃႈ​လၢႆ​လၢႆ​လွၵ်ႇ​လွၵ်ႇ​ၼၼ်ႉ ဢမ်ႇ​မီး​ဢပႅတ်ႈ​ၼၼ်ႉ။-</verse>
				<verse number="12">ပႂ်ႉ​ဝၼ်း​ၵမ်​သိၼ် ႁႂ်ႈ​ဝၼ်း​ၼၼ်ႉ​လႆႈ​မူတ်း​ၸၢင်ႇ​ၸွမ်း​ၵႃႈ​ၼင်ႇ​ဢၼ် ၽြႃး​ပဵၼ်​ၸဝ်ႈ​မႂ်း​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​တႃႉ။-</verse>
				<verse number="13">ၼႂ်း​ႁူၵ်း​ဝၼ်း​ၵႆႉ​ၵျူဝ်း​ၸႃး​လႄႈ ႁဵတ်း​တၢင်း​ႁဵတ်း​ၵူႈ​ၸိူဝ်ႉ​ၵူႈ​ပိူင်​တႃႉ။-</verse>
				<verse number="14">ဝၼ်း​သတ်ႉတမႃႉ ပဵၼ်​ဝၼ်း​ၵမ်​သိၼ်​ထႃႇဝရႃႉ​ၽြႃး​ပဵၼ်​ၸဝ်ႈ​မႂ်း​ဢေႃႈ။ ၼႂ်း​ဝၼ်း​ၼၼ်ႉ​ၸႃႉ​ၸဵမ်​မႂ်း​လႄႈ၊ လုၵ်ႈ​ၸၢႆး​မႂ်း၊ လုၵ်ႈ​ယိင်း​မႂ်း၊ ၶႃႈ​ၵူၼ်း​ၸၢႆး​မႂ်း၊ ၶႃႈ​ၵူၼ်း​ယိင်း​မႂ်း၊ ဝူဝ်း​မႂ်း၊ လီႈ​မႂ်း၊ တရိၵ်ႈသၢၼ်ႇ​မႂ်း၊ တင်း​ၶႅၵ်ႇ​ဢၼ်​မီး​ယူႇ​ၵႃႈ​ၼႂ်း​ၽၵ်း​တူ​မႂ်း​ၼၼ်ႉ ဢမ်ႇ​လႆႈ​ႁဵတ်း​ၵၢၼ်​တၢင်း​ႁဵတ်း၊ ၸိူဝ်ႉ​ၼင်ႇ​ဢၼ်​မႂ်း​လႆႈ​ယူႇ​ၼိမ်​ၼိမ်​လီ​လီ​ၼၼ်ႉ၊ ၶႃႈ​ၵူၼ်း​ၸၢႆး၊ ၶႃႈ​ၵူၼ်း​ယိင်း​မႂ်း​ၸိူဝ်း​ၼၼ်ႉ တၵ်း​လႆႈ​ယူႇ​ၼိမ်​ၼိမ်​လီ​လီ​ဢေႃႈ။-</verse>
				<verse number="15">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​မႂ်း​လႆႈ​ၶၢမ်ႇ​ႁဵတ်း​ၶႃႈ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ ဢိၵ်ႇ​တင်း​လွင်ႈ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢဝ်​တင်း​တၢင်း​ဢၼ်​ဢဝ်​မိုဝ်း​မၼ်း​ၸဝ်ႈ​ဢၼ်​ႁႅင်း​ယႂ်ႇ​ႁဵတ်း ဢိၵ်ႇ​တင်း​တၢင်း​ဢၼ် ယဵတ်ႇ​ၶႅၼ်​ယဵတ်ႇ​မိုဝ်း​မၼ်း​ၸဝ်ႈ​လႄႈ ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ၼၼ်ႉ​ၸိူဝ်း​ၼၼ်ႉ​တႃႉ။ ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း သင်ႇ​လၢတ်ႈ​ဝႆႉ​တီႈ​မႂ်း ႁႂ်ႈ​မႂ်း​ပႂ်ႉ​ဝၼ်း​ၵမ်​သိၼ်​ဢေႃႈ။-</verse>
				<verse number="16">လွင်ႈ​ၼင်ႇ​ႁိုဝ်​ဢသၢၵ်ႈ​မႂ်း​တၵ်း​ယိုၼ်း​ယၢဝ်း​လႄႈ မႂ်း​တၵ်း​လႆႈ​လီ​လႆႈ​ပဵၼ်​ၵႃႈ​ၼႂ်း​မိူင်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​ၼၼ်ႉ​ၸိုင်၊ ႁဵတ်း​ရူဝ်ႇ​သေႇ​ၵူဝ်​ယမ်​ပေႃႈ​မႄႈ​မႂ်း ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​သင်ႇ​လၢတ်ႈ​ဝႆႉ​ၼၼ်ႉ​တႃႉ။-</verse>
				<verse number="17">ယႃႇ​ပေ​ဢဝ်​ဢသၢၵ်ႈ​ၵူၼ်း​တၢႆ။-</verse>
				<verse number="18">ယႃႇ​ပေ​ၽိတ်း​ပိူင်ႈ​မေး​ပိူၼ်ႈ။-</verse>
				<verse number="19">ယႃႇ​ပေ​လၵ်ႉ​ဢုၵ်ႉ​ၸႃႇ​ၶူဝ်း​လဵင်း​ပိူၼ်ႈ။-</verse>
				<verse number="20">ယႃႇ​ပေ​ယူႇ​ၽၢႆႇ​ၼိုင်ႈ​သေ​လႄႈ ၶၢမ်ႇ​သၢၵ်ႈ​သေႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ လူၺ်ႈ​လွင်ႈ​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ။-</verse>
				<verse number="21">ယႃႇ​ပေ​မီး​ၸႂ်​ဢၼ်​ၸပ်း​ၸွႆး​ၶႂ်ႈ​လႆႈ​မေး​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ။ ယႃႇ​ပေ​မီး​ၸႂ်​ဢၼ်​ၶႂ်ႈ​လႆႈ​ၸႃႉ​ၸဵမ် ႁိူၼ်း​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​လႄႈ ႁႆႊ​ၼႃး​မၼ်း၊ ၶႃႈ​ၵူၼ်း​ၸၢႆး​မၼ်း၊ ၶႃႈ​ၵူၼ်း​ယိင်း​မၼ်း၊ ဝူဝ်း​မၼ်း၊ လီႈ​မၼ်း၊ တင်း​ဢုၵ်ႉ​ၸႃႇ​ၶူဝ်း​လဵင်း​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ သေ​ၸိူဝ်ႉ​သေ​ပိူင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၵႂၢမ်း​ၼၼ်ႉ​ၸိုင်၊ ထႃႇဝရႃႉ​ၽြႃး​ဢဝ်​တင်း​သဵင်​ဢၼ်​ယႂ်ႇ​ၼႃႇ​လူင်​လၢင် မီး​ဢမိင်ႉ​ဢွၵ်ႇ​သေ​ၵႃႈ​ၼႂ်း​ၽႆး၊ ၽႃႈ​ၽူၼ်​လပ်း​သိင်ႇ ဢၼ်​ၼႃ​တၼ်​ၼႃႇ​ၵႃႈ​ၼိူဝ်​လွႆ​ၼၼ်ႉ​ၸူး​တီႈ​သူ ပရဵၵ်ႈသၢတ်ႈ​တင်း​သဵင်ႈ​တင်း​လူင်​ဢေႃႈ။ မၼ်း​ၸဝ်ႈ​ဢမ်ႇ​ထၢပ်ႈ​လႄႈ​မီး​ဢမိင်ႉ​ထႅင်ႈ။ ၵႂၢမ်း​မၼ်း​ၸဝ်ႈ​ၼၼ်ႉ​ၵေႃႈ မၼ်း​ၸဝ်ႈ​တႅမ်ႈ​သႂ်ႇ​ၵႃႈ​ၼိူဝ်​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ​လႄႈ ဢဝ်​ဢၢပ်ႈ​ပၼ်​တီႈ​ၵဝ်​ဢေႃႈ။</verse>
				<verse number="23">မိူဝ်ႈ​ဢၼ် သူ​ငိၼ်း​သဵင်​ၵႂၢမ်း​ဢွၵ်ႇ​သေ​ၵႃႈ​ၼႂ်း​ၵႄႈ​ၵၢင်​လပ်း​သိင်ႇ​လႄႈ ပၢႆ​ၸိၵ်း​လွႆ​မီး​တၢင်း​ဢၼ်​မႆႈ​ၽႆး​ယူႇ​ၼၼ်ႉ​ၸိုင် သူ​ၵႃႈ​ဢၼ်​ပဵၼ်​ၶုၼ်​ၵႃႈ​တီႈ​မဵဝ်း​သူ​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​သူ​တင်း​သဵင်ႈ​တင်း​လူင် ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၵဝ်​သေ​လႄႈ​လဝ်ႊ​ဝႃႈ၊-</verse>
				<verse number="24">တူၺ်း​လူး၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ ၼႄ​ပျႃး​မုၼ်​တၼ်း​ၶူဝ်း​ဢႃႇၼူႉၽေႃႇ​မၼ်း​ၸဝ်ႈ​တီႈ​ႁဝ်း​ၶႃႈ ၶႃႈ​ယဝ်ႉ။ ႁဝ်း​ၶႃႈ​လႆႈ​ငိၼ်း​သဵင်​မၼ်း​ၸဝ်ႈ​ဢွၵ်ႇ​သေ​ၵႃႈ​ၼႂ်း​ၽႆး​ၼၼ်ႉ​ၶႃႈ​ယဝ်ႉ။ ဝၼ်း​မိူဝ်ႈ​ၼႆႉ ႁဝ်း​ၶႃႈ​လႆႈ​ႁူႉ​လႆႈ​ႁၼ်​လွင်ႈ​ဢၼ်​ၽြႃး​ပဵၼ်​ၸဝ်ႈ လၢတ်ႈ​ၵႂၢမ်း​တေႃႇ​ၵၼ်​တင်း​ၵူၼ်း​သေ​ၵေႃႈ၊ ၵူၼ်း​ယင်း​ဢသၢၵ်ႈ​လိပ်း​ယူႇ​ၼၼ်ႉ​ၶႃႈ​ယဝ်ႉ။-</verse>
				<verse number="25">ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁဝ်း​ၶႃႈ​တၵ်း​လႆႈ​တၢႆ​မိူဝ်ႈ​လဵဝ်​ၼႆႉ​ၼင်ႇ​ႁိုဝ်​ၶႃႈ။ ၽႆး​ဢၼ်​ယႂ်ႇ​ၼႃႇ​ၼႆႉ တၵ်း​မႆႈ​ႁဝ်း​ၶႃႈ​သုတ်း​ပႅတ်ႈ​ၶႃႈ​ဢေႃႈ။ ပေႃး​ႁဝ်း​ၶႃႈ​သမ်ႉ​လႆႈ​ငိၼ်း​သဵင်​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ မီး​ဢမိင်ႉ​ၼၼ်ႉ​ထႅင်ႈ​ၸိုင် ႁဝ်း​ၶႃႈ​တၵ်း​လႆႈ​တၢႆ​ၶႃႈ​ဢေႃႈ။-</verse>
				<verse number="26">ၼႂ်း​ၵူၼ်း​သတ်ႉတဝႃႇ​တင်း​သဵင်ႈ​တင်း​လူင် ၽူႈ​လႂ်​လႆႈ​ငိၼ်း​သဵင်​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ၼၼ်ႉ မီး​ဢမိင်ႉ​ဢွၵ်ႇ​သေ​ၵႃႈ​ၼႂ်း​ၽႆး မိူၼ်​ၸိူဝ်ႉ​ၼင်ႇ​ဢၼ် ႁဝ်း​ၶႃႈ​လႆႈ​ငိၼ်း​ၼႆႉ​လႄႈ ဢသၢၵ်ႈ​လိပ်း​ယူႇ​ၶႃႈ။-</verse>
				<verse number="27">ၸဝ်ႈ​ႁဝ်း​သုတ်ႉ​ၸပ်း​သုတ်ႉ​ၸူး​လႄႈ ထွမ်ႇ​ငိၼ်း​ၵႃႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​မီး​ဢမိင်ႉ​ၼၼ်ႉ​သေ​ၵမ်း​ၶႃႈ။ ဢဝ်​ၵႃႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ မီး​ဢမိင်ႉ​တီႈ​ၸဝ်ႈ​ႁဝ်း​ၼၼ်ႉ သင်ႇ​လၢတ်ႈ​တီႈ​ႁဝ်း​ၶႃႈ​သေ​ၵမ်း​ၶႃႈ။ ႁဝ်း​ၶႃႈ​တၵ်း​ဢွၼ်​ၵၼ်​ထွမ်ႇ​ဢဝ်​လႄႈ​ႁဵတ်း​ၸွမ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၼင်ႇ​ၼၼ်​လႄႈ ထႃႇဝရႃႉ​ၽြႃး​ငိၼ်း​ၵႂၢမ်း​ဢၼ်​သူ​လဝ်ႊ​လၢတ်ႈ​တီႈ​ၵဝ်​ၼၼ်ႉ​ဢေႃႈ။ ထႃႇဝရႃႉ​ၽြႃး​မီး​ဢမိင်ႉ​တီႈ​ၵဝ်​လႄႈ​ဝႃႈ၊ သဵင်​ၵႂၢမ်း​ဢၼ်​ၵူၼ်း​တင်း​လၢႆ​ၼႆႉ လဝ်ႊ​လၢတ်ႈ​တီႈ​မႂ်း​ၼၼ်ႉ​ၸိုင်၊ ၵဝ်​လႆႈ​ငိၼ်း​ယဝ်ႉ။ ၵႂၢမ်း​ဢၼ်​ၶဝ်​လဝ်ႊ​ဝႃႈ​ၵႃႈ​မီး​ၼၼ်ႉ ပဵၼ်​ဢၼ်​ထုၵ်ႇ​ဢၼ်​လီ​ဢေႃႈ။-</verse>
				<verse number="29">ဢိူဝ်ႈ။ မီး​ဢလူဝ်ႇ​ၶႂ်ႈ​ႁႂ်ႈ​ၶဝ်​မီး​ႁူဝ်​ၸႂ်​ဢၼ်​ၸိူဝ်ႉ​ၼင်ႇ​ၼၼ်​ၼႃႇ​လူင်​လၢင် လွင်ႈ​ၼင်ႇ​ႁိုဝ်​ၶဝ်​တၵ်း​ၵူဝ်​ႁႄ​ၵဝ်​လႄႈ ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၵဝ်​ၵႃႈ​မီး​ၸိူဝ်း​ၼၼ်ႉ​တႃႇ​သေႇ ႁႂ်ႈ​ၶဝ်​ဢိၵ်ႇ​တင်း​လုၵ်ႈ​လၢင်း​ၶဝ် သိုပ်ႇ​သိုပ်ႇ​တၢမ်း​တၢမ်း​လႆႈ​ၵတ်း​ယဵၼ်​ၶျၢမ်း​သႃႇ​ယဝ်ႉ။-</verse>
				<verse number="30">မႂ်း​ၵႂႃႇ​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ သူ​ၶိုၼ်း​မိူဝ်း​ၵႂႃႇ​ၵႃႈ​တီႈ​မူဝ်းၵႃႇ​သူ​သေ​တႃႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="31">မႂ်း​ၸမ်ႉ၊ ၸုၵ်း​ယူႇ​ၵႃႈ​တီႈ​ႁိမ်း​ၵဝ်​ၵႃႈ​တီႈ​ၼႆႈ​တႃႉ။ ၵဝ်​တၵ်း​ဢွၵ်ႇ​သူပ်း​လၢတ်ႈ​ပၼ်​ပိင်း​ၺၢပ်ႈ ဢိၵ်ႇ​တင်း​ထုင်း​ၽိင်ႈ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​တင်း​လၢႆ ဢၼ်​မႂ်း​တၵ်း​လႆႈ​သင်ႇ​သွၼ်​ပၼ်​တီႈ​ၶဝ် ပုၼ်ႈ​ဢၼ်​ၶဝ်​တၵ်း​ၵမ်​ၵျၢင်ႉ ၵႃႈ​တီႈ​မိူင်း​ဢၼ်​ၵဝ်​ပၼ်​တီႈ​ၶဝ် ပုၼ်ႈ​ဢၼ်​ၶဝ်​တၵ်း​ပိူင်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">ပိူဝ်ႈ​ၼႆ​လႄႈ သူ​တၵ်း​လႆႈ​ဢွၼ်​ၵၼ်​ပႂ်ႉ​ႁႂ်ႈ​လႆႈ​ၵမ်​ၵျၢင်ႉ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​သင်ႇ​လၢတ်ႈ​ဝႆႉ​တီႈ​သူ​ၼၼ်ႉ​ဢေႃႈ။ ဢမ်ႇ​လႆႈ​ဝႄႈ​ၵႂႃႇ​ပိူင်ႈ​ၵႂႃႇ​ၵႃႈ​တီႈ​ၽၢႆႇ​ၶႂႃ​ၽၢႆႇ​သၢႆႉ။-</verse>
				<verse number="33">သူ​တၵ်း​လႆႈ​ၸွမ်း​ၵႂႃႇ​ၸွမ်း​ပႆ ၵႃႈ​ၼႂ်း​သဵၼ်ႈ​တၢင်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​သင်ႇ​လၢတ်ႈ​ဝႆႉ​ၼၼ်ႉ​တင်း​သဵင်ႈ​တင်း​မူတ်း ႁႂ်ႈ​သူ​လႆႈ​ဢသၢၵ်ႈ​လိပ်း​ယူႇ၊ လႆႈ​လီ​လႆႈ​ပဵၼ်​ယူႇ​သေ​လႄႈ ဢသၢၵ်ႈ​ယိုၼ်း​ယၢဝ်း​ယူႇ ၵႃႈ​ၼႂ်း​မိူင်း​ဢၼ်​သူ​တၵ်း​ၶဝ်ႈ​ၸၢမ်ႇ​ၸႃး​ၼၼ်ႉ​ဢေႃႈ။</verse>
			</chapter>
			<chapter number="6">
				<verse number="1">ပိင်း​ၺၢပ်ႈ​တြႃး ဢိၵ်ႇ​တင်း​ထုင်း​ၽိင်ႈ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​တင်း​လၢႆ ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​သင်ႇ​လၢတ်ႈ​ဝႆႉ ႁႂ်ႈ​လႆႈ​သင်ႇ​သွၼ်​ပၼ်​တီႈ​သူ​ပုၼ်ႈ​ဢၼ်​သူ​တၵ်း​ၵမ်​ၵျၢင်ႉ​ၵႃႈ​ၼႂ်း​မိူင်း​ဢၼ်​သူ​တၵ်း​ၶၢမ်ႈ​ၵႂႃႇ​ၸူး​လႄႈ ၶဝ်ႈ​ၸၢမ်ႇ​ၸႃး၊-</verse>
				<verse number="2">လွင်ႈ​ၼင်ႇ​ႁိုဝ်​မႂ်း ဢိၵ်ႇ​တင်း​လုၵ်ႈ​ၸၢႆး​မႂ်း တင်း​လၢၼ်​ၸၢႆး​မႂ်း​တၵ်း​ၵူဝ်​ႁႄ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ပႂ်ႉ​ၵမ်​ပႂ်ႉ​ၸွမ်း​ထုင်း​ၽိင်ႈ​တြႃး ဢိၵ်ႇ​တင်း​ပိင်း​ၺၢပ်ႈ​တြႃး ဢၼ်​ၵဝ်​ဢဝ်​ဢၢပ်ႈ​ပၼ်​ဝႆႉ​တီႈ​မႂ်း ၵႃႈ​မီး​ၼၼ်ႉ​ယူႇ​ၸူဝ်ႈ​ဢသၢၵ်ႈ​မႂ်း ဢိၵ်ႇ​တင်း​လွင်ႈ​ၼင်ႇ​ႁိုဝ်​တၵ်း​ႁႂ်ႈ​ၸူဝ်ႈ​ဢသၢၵ်ႈ​မႂ်း​ယိုၼ်း​ယၢဝ်း​ၼၼ်ႉ​ၸမ်ႉ၊-</verse>
				<verse number="3">မဵဝ်း​ ဢီႉသရေႇလႃႉ ​ဢိူၺ်း၊ ဢွၼ်​ၵၼ်​ထွမ်ႇ​ဢဝ်​လႄႈ ႁဵတ်း​တင်း​သတီႉ​ပႂ်ႉ​ၵမ်​ပႂ်ႉ​ၸွမ်း ႁႂ်ႈ​မႂ်း​လႆႈ​လီ​လႆႈ​ပဵၼ်​လႄႈ ယႂ်ႇ​ၽႄႈ​ၼမ်​ၵိုၼ်း​မႃး​ၼႃႇ​လူင်​လၢင် ၵႃႈ​တီႈ​မိူင်း​ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​မႂ်း မီး​ၵတီႉ​ၸဝ်ႈ​ဝႆႉ​ၼၼ်ႉ​တႃႉ။-</verse>
				<verse number="4">မဵဝ်း​ ဢီႉသရေႇလႃႉ ​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ပဵၼ်​ထႃႇဝရႃႉ​ၽြႃး​သူႇ​လဵဝ်​ၵူၺ်း​ဢေႃႈ။-</verse>
				<verse number="5">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၸိုင် မႂ်း​တၵ်း​လႆႈ​ပႃး​တင်း​ၸႂ်​သဵင်ႈ​သဵင်ႈ၊ တင်း​ႁူဝ်​ၸႂ်​သဵင်ႈ​သဵင်ႈ၊ တင်း​တၢင်း​ဢၼ်​ၵတ်ႉ​ဢၼ်​ၶၼ်​ၵႃႈ​မီး​သေ​လႄႈ​ႁၵ်ႉ​ဢေႃႈ။-</verse>
				<verse number="6">မႂ်း​တၵ်း​လႆႈ​ဢဝ်​ၵႂၢမ်း​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ၼၼ်ႉ သႂၢင်း​ၸႂ်​မႂ်း​ဝႆႉ​ဢေႃႈ။-</verse>
				<verse number="7">ၵႂၢမ်း​ၼၼ်ႉ​ၸိုင် မႂ်း​တၵ်း​လႆႈ​ၵျူဝ်း​ၸႃး​ဢဝ်​သင်ႇ​သွၼ်​ပၼ်​တီႈ​လုၵ်ႈ​တီႈ​လၢင်း​မႂ်း​လႄႈ ၼင်ႈ​ယူႇ​ၵႃႈ​တီႈ​ႁိူၼ်း​မႂ်း​သေ​ဢမ်ႇ​ဝႃႈ၊ ၵႂႃႇ​ၵႃႈ​တီႈ​ၵၢင်​တၢင်း​ယူႇ​သေ​ဢမ်ႇ​ဝႃႈ၊ ၼွၼ်း​ယူႇ​သေ​ဢမ်ႇ​ဝႃႈ၊ လုၵ်ႉ​ယူႇ​သေ​ဢမ်ႇ​ဝႃႈ၊ လၢတ်ႈ​လွင်ႈ​ၵႂၢမ်း​ၼၼ်ႉ​ယူႇ​ဢေႃႈ။-</verse>
				<verse number="8">မႂ်း​တၵ်း​လႆႈ​ဢဝ်​ၵႂၢမ်း​ၼၼ်ႉ မတ်ႉ​ၸပ်း​ဝႆႉ​ၵႃႈ​တီႈ​မိုဝ်း​မႂ်း ပုၼ်ႈ​လၢၵ်ႈၶၼႃႇ​သၢၵ်ႈ​သေႇ​လႄႈ ၵႂၢမ်း​ၼၼ်ႉ​တၵ်း​လႆႈ​ပဵၼ်​ၶိူင်ႈ​ဢၼ်​ဝႆႉ​ၵႃႈ​တီႈ ၵႄႈ​ဝူင်ႈ​ၵၢင်​မၢၵ်ႇ​တႃ​မႂ်း​ၼၼ်ႉ​ဢေႃႈ။-</verse>
				<verse number="9">မႂ်း​တၵ်း​လႆႈ​ဢဝ်​တႅမ်ႈ​သႂ်ႇ​ဝႆႉ​ၵႃႈ​ၼိူဝ်​သဝ်​ၽၵ်း​တူ​ႁိူၼ်း​မႂ်း ဢိၵ်ႇ​တင်း​ၵႃႈ​ၼိူဝ်​ၽၵ်း​တူ​ဝဵင်း​မႂ်း​ဢေႃႈ။</verse>
				<verse number="10">မိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢဝ်​မႂ်း​မႃး ၵႃႈ​ၼႂ်း​မိူင်း​ဢၼ်​မၼ်း​ၸဝ်ႈ​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​မႂ်း​ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၸိူဝ်း​ၼၼ်ႉ ႁႂ်ႈ​လႆႈ​ဢဝ်​ဝဵင်း​ယႂ်ႇ​ဝဵင်း​မျၢတ်ႈ ဢၼ်​မႂ်း​ဢမ်ႇ​တႄႇ​ဢမ်ႇ​ႁဵတ်း၊-</verse>
				<verse number="11">ႁိူၼ်း​ဢၼ်​ပျေႉ​ၸုမ်ႇ​တဵမ်​ဝႆႉ​တင်း​ၶိူင်ႈ​ပိူင်​ဢၼ်​လီ​ဢၼ်​ငၢမ်း​ဢၼ်​မႂ်း​ယင်း​ဢမ်ႇ​ဢဝ်​သႂ်ႇ​ဢဝ်​သႂၢင်း၊ ၼမ်ႉ​မေႃႇ​ဢၼ်​မႂ်း​ဢမ်ႇ​ၶုတ်း​ဢမ်ႇ​ႁဵတ်း၊ သူၼ်​ဢူးယဵၼ်ႇ​ၸပိတ်ႈ​ဢိၵ်ႇ​တင်း​တူၼ်ႈ​ သၢၼ်ႇလုၼ်ႇ ​ဢၼ်​မႂ်း​ဢမ်ႇ​ၽုၵ်ႇ​ဢမ်ႇ​သွမ်ႈ​ၸိူဝ်း​ၼၼ်ႉ​ပၼ်​တီႈ​မႂ်း​လႄႈ မႂ်း​လႆႈ​ၵိၼ်​ဢိမ်ႇ​ၵိၼ်​တဵမ်​ယူႇ​ၼၼ်ႉ​ၸိုင်၊-</verse>
				<verse number="12">မႂ်း​ႁဵတ်း​သတီႉ​ႁႂ်ႈ​ဢမ်ႇ​လႆႈ​လူင်​လႆႈ​လိုမ်း​ထႃႇဝရႃႉ​ၽြႃး ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ တီႈ​ဢၼ်​ၶၢမ်ႇ​ႁဵတ်း​ၶႃႈ​ၼၼ်ႉ​မႃး​ၼၼ်ႉ​တႃႉ။-</verse>
				<verse number="13">မႂ်း​တၵ်း​လႆႈ​ၵူဝ်​ႁႄ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။ မႂ်း​တၵ်း​လႆႈ​ႁဵတ်း​ဝၢတ်ႈ​တီႈ​မၼ်း​ၸဝ်ႈ​ၵူၺ်း​လႄႈ ဢဝ်​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၵူၺ်း ႁဵတ်း​တၢင်း​ဢၼ်​တိူင်ႇ​ဝႃႈ​ဢေႃႈ။-</verse>
				<verse number="14">သူ​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး ၵႃႈ​တီႈ​ၽြႃး​တၢင်ႇ​သူႇ​တၢင်ႇ​ပႃး၊ ၽြႃး​ၵူၼ်း​မဵဝ်း​တင်း​လၢႆ​ဢၼ်​ယူႇ​လဵပ်ႈ​ႁွပ်ႈ​သူ​ယူႇ​ၼၼ်ႉ။-</verse>
				<verse number="15">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ပဵၼ်​ၽြႃး​ဢၼ်​ယုမ်ႇ​ငၢႆႈ လွင်ႈ​ဢၼ်​ဢပႅတ်ႈ​မီး​တီႈ​မႂ်း​ၼၼ်ႉ​ဢေႃႈ။ ၵူဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ၸႂ်​မႆႈ​ၶႆႈ​ၸႃႉ​တီႈ​မႂ်း​လႄႈ ပႄႇ​ၽဵဝ်ႈ​မႂ်း​ပႅတ်ႈ​သေ​ၵႃႈ​ၼိူဝ်​ၼႃႈ​လိၼ်​မိူင်း​ဢေႃႈ။-</verse>
				<verse number="16">သူ​ဢမ်ႇ​လႆႈ​ႁဵတ်း​တၢင်း​ဢၼ်​ၸၢမ်း​တူၺ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ မိူၼ်​ၸိူဝ်ႉ​ၼင်ႇ​ဢၼ်​ႁဵတ်း​တၢင်း​ဢၼ်​ၸၢမ်း​တူၺ်း​မၼ်း​ၸဝ်ႈ ၵႃႈ​တီႈ​ မတ်ႉသႃႇ ​ၼၼ်ႉ။-</verse>
				<verse number="17">သူ​တၵ်း​လႆႈ​ၵျူဝ်း​ၸႃး​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢိၵ်ႇ​တင်း​တၢင်း​ဢၼ်​မၼ်း​ၸဝ်ႈ​ၶၢမ်ႇ​သၢၵ်ႈ​သေႇ တင်း​ထုင်း​ၽိင်ႈ​တြႃး​မၼ်း​ၸဝ်ႈ ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ​တီႈ​သူ​ၸိူဝ်း​ၼၼ်ႉ​ဢေႃႈ။-</verse>
				<verse number="18">မႂ်း​တၵ်း​လႆႈ​ႁဵတ်း​လွင်ႈ​တၢင်း​ဢၼ်​သိုဝ်ႈ​တေႃႇ​ထုၵ်ႇ​လီ သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ႁႂ်ႈ​မႂ်း​လႆႈ​လီ​လႆႈ​ပဵၼ် ဢိၵ်ႇ​တင်း​ႁႂ်ႈ​မႂ်း​လႆႈ​ၶဝ်ႈ​ၸၢမ်ႇ​ၸႃး​မိူင်း​ဢၼ်​မျၢတ်ႈ​ဢၼ်​လီ ဢၼ်​ထႃႇဝရႃႉ​ၽြႃး တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​မႂ်း​ၸိူဝ်း​ၼၼ်ႉ​လႄႈ​ဝႃႈ၊-</verse>
				<verse number="19">တၵ်း​ႁေႃႈ​ရၢၼ်ႇ​သူႇ​မႂ်း​ၵႃႈ​မီး ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။</verse>
				<verse number="20">ဝၼ်း​လိုၼ်း​မိူဝ်း​ၼႃႈ၊ မိူဝ်ႈ​ဢၼ်​လုၵ်ႈ​ၸၢႆး​မႂ်း​တွင်ႈ​ထၢမ်​လႄႈ​ဝႃႈ၊ တၢင်း​ဢၼ်​မၼ်း​ၸဝ်ႈ​ၶၢမ်ႇ​သၢၵ်ႈ​သေႇ ဢိၵ်ႇ​တင်း​ထုင်း​ၽိင်ႈ​တြႃး​တင်း​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​တင်း​လၢႆ ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​သင်ႇ​လၢတ်ႈ​ဝႆႉ​ၼၼ်ႉ ၶႂ်ႈ​ဝႃႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၸိုင်၊-</verse>
				<verse number="21">မႂ်း​တၵ်း​လႆႈ​ၶိုၼ်း​လၢတ်ႈ​တီႈ​လုၵ်ႈ​ၸၢႆး​မႂ်း​လႄႈ​ဝႃႈ၊ ႁဝ်း​ပဵၼ်​ၶႃႈ​ၶုၼ်​ ၽႃႇရေႃး ၵႃႈ​တီႈ​မိူင်း​ ဢေႇၵိပ်ႉတူႉ ​ယူႇ​လႄႈ၊ ထႃႇဝရႃႉ​ၽြႃး ဢဝ်​တင်း​မိုဝ်း​ဢၼ်​ႁႅင်း​ယႂ်ႇ​ၼႃႇ ၼုၵ်ႈ​ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ဢေႃႈ။-</verse>
				<verse number="22">ထႃႇဝရႃႉ​ၽြႃး​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​လွင်ႈ​တၢင်း​ဢၼ်​လီ​ဢၢမ်း ဢၼ်​ယႂ်ႇ​ၼႃႇ ႁၢဝ်ႈ​ပျၢင်း​ၼႃႇ​တင်း​လၢႆ ၵႃႈ​ၼိူဝ်​မိူင်း​ ဢေႇၵိပ်ႉတူႉ ဢိၵ်ႇ​တင်း​ၵႃႈ​ၼိူဝ်​ၶုၼ်​ႁေႃ​ၶမ်း​ ၽႃႇရေႃး တင်း​ၵူၼ်း​ၼႂ်း​ႁၢင်ႈ​ၼႂ်း​ႁေႃ​မၼ်း​တင်း​သဵင်ႈ​တင်း​လူင်​ၼၼ်ႉ သိုဝ်ႈ​ၼႃႈ​တႂ်ႈ​တႃ​ႁဝ်း​သေ​ယဝ်ႉ၊-</verse>
				<verse number="23">ၼုၵ်ႈ​ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ၼၼ်ႉ​မႃး ႁႂ်ႈ​လႆႈ​ဢဝ်​ႁဝ်း​သႂၢင်း​သႂ်ႇ​လႄႈ ၶျႃး​ပၼ်​တီႈ​ယူႇ​ၵႃႈ​တီႈ​မိူင်း​ဢၼ် မၼ်း​ၸဝ်ႈ တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​ႁဝ်း​ၼၼ်ႉ​ဢေႃႈ။-</verse>
				<verse number="24">ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ႁဝ်း ႁႂ်ႈ​ႁဝ်း​ၵမ်​ၵျၢင်ႉ​ပိင်း​ၺၢပ်ႈ​ၼႆႉ​ၵူႈ​ၸိူဝ်ႉ​ၵူႈ​ပိူင်​လႄႈ ၵူဝ်​ႁႄ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ပုၼ်ႈ​ဢၵျူဝ်း​တူဝ်​ၸဝ်ႈ​ၵဝ်ႇ ႁႂ်ႈ​မၼ်း​ၸဝ်ႈ​လႆႈ​ပႂ်ႉ​ဢသၢၵ်ႈ​ႁဝ်း​ယူႇ မိူၼ်​ၸိူဝ်ႉ​ၼင်ႇ​ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="25">ပိူဝ်ႈ​ၼႆ​လႄႈ ပေႃး​ႁဝ်း​ႁဵတ်း​သတီႉ ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၵူႈ​ၸိူဝ်ႉ​ၵူႈ​ပိူင်​ၼႆႉ ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ သင်ႇ​လၢတ်ႈ​ဝႆႉ​တီႈ​ႁဝ်း​ၼၼ်ႉ​ၸိုင် တၵ်း​လႆႈ​ပဵၼ်​ဢၼ်​သိုဝ်ႈ​ဢၼ်​တေႃႇ​ပုၼ်ႈ​ႁဝ်း​ဢေႃႈ။</verse>
			</chapter>
			<chapter number="7">
				<verse number="1">မိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢဝ်​မႂ်း​သႂၢင်း​သႂ်ႇ​ၵႃႈ​ၼႂ်း​မိူင်း​ဢၼ် မႂ်း​တၵ်း​ၵႂႃႇ​လႄႈ​ၶဝ်ႈ​ၸၢမ်ႇ​ၸႃး​ၼၼ်ႉ​သေ​လႄႈ ႁေႃႈ​ၵူၼ်း​မဵဝ်း​ၼမ်​ၼႃႇ​ဢၼ်​ဝႃႈ​ၵူၼ်း​ ႁိတ်ႉတီႉ ၊ ၵူၼ်း​ ၵီႉရၵႃႇသီႉ ၊ ၵူၼ်း​ ဢႃႇမေႃးရီႉ ၊ ၵူၼ်း​ ၶႃႇၼၼီႉ ၊ ၵူၼ်း​ ၽေႇရၸီႉ ၊ ၵူၼ်း​ ႁီႉဝီႉ ၊ ၵူၼ်း​ ယေႇပူႉသီႉ ၊ ၵူၼ်း​မဵဝ်း​ဢၼ်​ယဵင်ႈ​ၶႅၼ်း​ယႂ်ႇ​သုင်​ၼႃႇ ၼမ်​ၵိုၼ်း​ၼႃႇ​သေ​မႂ်း​ၸဵတ်း​မဵဝ်း​ၼၼ်ႉ ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မႂ်း၊-</verse>
				<verse number="2">မိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ၼၼ်ႉ​ၸိုင်၊ မႂ်း​တၵ်း​လႆႈ​တိုၵ်း​တေႃး ယႃႉ​ပႅတ်ႈ​ၶဝ်​လႄႈ ပႄႇ​ၽဵဝ်ႈ​ၶဝ်​ပႅတ်ႈ​မူတ်း​မူတ်း​သဵင်ႈ​သဵင်ႈ​ဢေႃႈ။ ဢမ်ႇ​လႆႈ​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ၶဝ်​လႃး​လႃး။ ဢမ်ႇ​လႆႈ​ၼႄ​ပျႃး​ၵရူႉၼႃႇ​တီႈ​ၶဝ်။-</verse>
				<verse number="3">ဢမ်ႇ​လႆႈ​ႁဵတ်း​တၢင်း​ဢၼ် ပဵၼ်​ၵူပ်ႉ​ပဵၼ်​ၵူႈ​လူၺ်ႈ​ၵၼ်​တင်း​ၶဝ်။ ဢမ်ႇ​လႆႈ​ဢဝ်​လုၵ်ႈ​ယိင်း​မႂ်း​ပၼ်​တီႈ​လုၵ်ႈ​ၸၢႆး​မၼ်း။ ဢမ်ႇ​လႆႈ​ဢဝ်​လုၵ်ႈ​ယိင်း​မၼ်း​ပၼ်​တီႈ​လုၵ်ႈ​ၸၢႆး​မႂ်း။-</verse>
				<verse number="4">လွင်ႈ​မၼ်း​ၸမ်ႉ မၼ်း​တၵ်း​ႁဵတ်း​ႁႂ်ႈ​လုၵ်ႈ​ၸၢႆး​မႂ်း​ဢမ်ႇ​ၸွမ်း​လင်​ၵဝ်​လႄႈ ဝႄႈ​ပိူင်ႈ​ၵႂႃႇ​ႁႂ်ႈ​လႆႈ ႁဵတ်း​ဝၢတ်ႈ​တီႈ​ၽြႃး​တၢင်ႇ​သူႇ​တၢင်ႇ​ပႃး​ဢေႃႈ။ မိူဝ်ႈ​ၼၼ်ႉ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​တၵ်း​ဢွၵ်ႇ​လႄႈ မၼ်း​ၸဝ်ႈ​တၵ်း​ယႃႉ​ၽဵဝ်ႈ​သူ​ပႅတ်ႈ​ၵမ်း​လဵဝ်​ဢေႃႈ။-</verse>
				<verse number="5">ပိူဝ်ႈ​ၼႆ​လႄႈ သူ​တၵ်း​လႆႈ​ႁဵတ်း​တီႈ​ၶဝ်​ၼၼ်ႉ​ၸိူဝ်ႉ​ၼင်ႇ​ႁိုဝ်​ၸမ်ႉ၊ သူ​တၵ်း​လႆႈ​ၵိူၼ်ႇ​ယႃႉ​ယိတ်ႈပလၢင်ႇ​ၶဝ်​ပႅတ်ႈ​ဢေႃႈ။ တၵ်း​လႆႈ​ပေႃႉ​ထုပ်ႉ​သဝ်​တီႈ​ၵူဝ်း​ၵႂၢႆႇ​ၶဝ်​လႅဝ်​ပႅတ်ႈ​ဢေႃႈ။ တၵ်း​လႆႈ​ပမ်ႈ​တူၼ်ႈ​ ဢႃႇသရႃႉ ​ၶဝ်​လူမ်ႉ​ပႅတ်ႈ​ဢေႃႈ။ တၵ်း​လႆႈ​ဢဝ်​ရုၵ်ႈ​ထူႉ​သၢင်း​ထူႉ​ၶဝ် ဢၼ်​တွင်ႈ​ႁဵတ်း​ၼၼ်ႉ​တုတ်ႇ​ၽႆး​ပႅတ်ႈ​ဢေႃႈ။-</verse>
				<verse number="6">လွင်ႈ​မၼ်း​ၸမ်ႉ မႂ်း​ပဵၼ်​ၵူၼ်း​မဵဝ်း​ဢၼ်​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း လိူၵ်ႈ​ၵဵပ်း​ဢဝ်​မႂ်း ႁႂ်ႈ​မႂ်း​လႆႈ​ပဵၼ်​ၵူၼ်း​မဵဝ်း​ဢၼ် မၼ်း​ၸဝ်ႈ​ထိူၵ်ႈ​ပိူင်ႇ​သေ​ၵူၼ်း​မဵဝ်း​ၵႃႈ​ဢၼ် မီး​ၵႃႈ​ၼိူဝ် လိၼ်​မိူင်း​ၼႆႉ​ယဝ်ႉ။-</verse>
				<verse number="7">ထႃႇဝရႃႉ​ၽြႃး​ႁၵ်ႉ​မႂ်း​ၵွပ်ႈ​ပိူဝ်ႈ​ဢၼ် မႂ်း​ယဵင်ႈ​ၶႅၼ်း​ၼမ်​ၼႃႇ​သေ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​သဵင်ႈ​တင်း​လူင်​လႄႈ လိူၵ်ႈ​ၵဵပ်း​ဢဝ်​ဢမ်ႇ​ၸႂ်ႈ။ မႂ်း​ယဵင်ႈ​ၶႅၼ်း​ၵေႇ​ၼႃႇ​သေ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="8">ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ႁၵ်ႉ​မႂ်း ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ မီး​ဢလူဝ်ႇ​ၶႂ်ႈ​ႁႂ်ႈ​တၢင်း​ဢၼ်​တိူင်ႇ​ဝႃႈ ဢၼ်​မၼ်း​ၸဝ်ႈ​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​မႂ်း​ၼၼ်ႉ​တႄႇ​ပဵၼ်​လႄႈ၊ ထႃႇဝရႃႉ​ၽြႃး​ၸင်ႇ​ဢဝ်​တင်း​မိုဝ်း​ဢၼ်​ႁႅင်း​ယႂ်ႇ​ၼႃႇ ၼုၵ်ႈ​ဢဝ်​မႂ်း​လႄႈ ၵႄႇ​သႄႇ​ဢဝ်​မႂ်း လွတ်ႈ​သေ​ၵႃႈ​ၼႂ်း​တီႈ​ဢၼ်​မႂ်း​ၶၢမ်ႇ​ႁဵတ်း​ၶႃႈ ဢၼ်​ဝႃႈ​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ၽႃႇရေႃး ဢၼ်​ဢုပ်ႉ​ပိူင်ႇ​မိူင်း​ ဢေႇၵိပ်ႉတူႉ ​ၼၼ်ႉ​မႃး​ယဝ်ႉ။-</verse>
				<verse number="9">ပိူဝ်ႈ​ၼႆ​လႄႈ ႁူႉ​မၢတ်ႈ​လွင်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ပဵၼ်​ၽြႃး​ဢမၢၼ်ႇ​ၶၼ်​ပဵၼ်၊ ၽြႃး​ဢၼ်​ပႂ်ႉ​သဵတ်ႈ​ၸႃႇ၊ ဢၼ်​ႁႂ်ႈ​ၵႂၢမ်း​ပတီႉၺိၺ်ႇ​ၸဝ်ႈ ဢိၵ်ႇ​တင်း​ၵရူႉၼႃႇ​ၸဝ်ႈ တႄႇ​ယူႇ​တီႈ​ၶဝ်​ၸိူဝ်း​ဢၼ်​ႁၵ်ႉ​မၼ်း​ၸဝ်ႈ​လႄႈ ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၸဝ်ႈ​ယူႇ​သိုပ်ႇ​သိုပ်ႇ​တၢမ်း​တၢမ်း​တေႃႇ​ထိုင်​ႁွတ်ႈ ပဵၼ်​ႁဵင်​သိုပ်ႇ​ပဵၼ်​မိုၼ်ႇ​သိုပ်ႇ၊-</verse>
				<verse number="10">ဢၼ်​တွပ်ႇ​တႅၼ်း​ပၼ်​ဢပႅတ်ႈ​တီႈ​ၶဝ်​ၸိူဝ်း​ဢၼ်​ၸင်း​မၼ်း​ၸဝ်ႈ​သိုဝ်ႈ​ၼႃႈ​တႂ်ႈ​တႃ​ၶဝ် ႁႂ်ႈ​လႆႈ​ယႃႉ​ၶဝ်​ပႅတ်ႈ​ၼၼ်ႉ​တႃႉ။ မၼ်း​ၸဝ်ႈ​ယင်း​ဢမ်ႇ​ႁဵတ်း​ၵွႆႈ​ႁဵတ်း​ထိူင်း​တီႈ​ၶဝ်​ၸိူဝ်း​ဢၼ်​ၸင်း​မၼ်း​ၸဝ်ႈ​ၼၼ်ႉ​လႄႈ တၵ်း​တွပ်ႇ​တႅၼ်း​ပၼ်​ဢပႅတ်ႈ​ၶဝ် သိုဝ်ႈ​ၼႃႈ​တႂ်ႈ​တႃ​ၶဝ်​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ မႂ်း​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး ဢိၵ်ႇ​တင်း​ထုင်း​ၽိင်ႈ​တြႃး​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​တင်း​လၢႆ ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။</verse>
				<verse number="12">ပေႃး​သူ​ထွမ်ႇ​ဢဝ်​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​ၸိူဝ်း​ၼႆႉ ႁႂ်ႈ​လႆႈ​ပႂ်ႉ​ၵမ်​ပႂ်ႉ​ၸွမ်း​ၸိုင်၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ႁႂ်ႈ​ပတီႉၺိၺ်ႇ​ၸဝ်ႈ ဢိၵ်ႇ​တင်း​ၵရူႉၼႃႇ​ၸဝ်ႈ ဢၼ်​မၼ်း​ၸဝ်ႈ​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​မႂ်း​ၸိူဝ်း​ၼၼ်ႉ တႄႇ​ပဵၼ်​ဢေႃႈ။-</verse>
				<verse number="13">မၼ်း​ၸဝ်ႈ​တၵ်း​ႁၵ်ႉ​မႂ်း​ဢေႃႈ။ တၵ်း​ပၼ်​တၢင်း​လီ​တီႈ​မႂ်း​လႄႈ ႁႂ်ႈ​မႂ်း​ယႂ်ႇ​ၽႄႈ​ၼမ်​ၵိုၼ်း​မႃး​ဢေႃႈ။ တၵ်း​ပၼ်​တၢင်း​လီ​တီႈ​မၢၵ်ႇ​တွင်ႉ​မႂ်း၊ မၢၵ်ႇ​လိၼ်​ႁူင်း​လိၼ်​မႂ်း၊ ၶဝ်ႈ​ပိူၵ်ႇ​ၶဝ်ႈ​သၢၼ်​မႂ်း၊ ၼမ်ႉ​ၸပိတ်ႈ​မႂ်း၊ ၼမ်ႉ​မၼ်း​မႂ်း၊ တၢင်း​ဢၼ်​ဝူဝ်း​မႂ်း​ယႂ်ႇ​ၽႄႈ​ၼမ်​ၵိုၼ်း​မႃး၊ သူဝ်း​ဢွၼ်ႇ​ပႄႉ​ဢွၼ်ႇ​ၵႃႈ​ၼႂ်း​ၽုင်​သူဝ်း​ၽုင်​ပႄႉ​မႂ်း​ၸိူဝ်း​ၼၼ်ႉ ၵႃႈ​ၼႂ်း​မိူင်း​ဢၼ်​မၼ်း​ၸဝ်ႈ​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​မႂ်း​လႄႈ ဝႃႈ​တၵ်း​ပၼ်​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="14">မႂ်း​တၵ်း​လႆႈ​ပဵၼ်​ၵေႃႉ​ဢၼ်​ယဵင်ႈ​ၶႅၼ်း​လႆႈ​ၶၢမ်ႇ​တၢင်း​လီ ၼႃႇ​သေ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​သဵင်ႈ​တင်း​လူင်​လႄႈ ၵႃႈ​တီႈ​မႂ်း​ဢမ်ႇ​လႆႈ​မီး​ၵူၼ်း​ၸၢႆး​ၵူၼ်း​ယိင်း​ဢၼ်​မၼ် ဢမ်ႇ​မီး​လုၵ်ႈ​သေ​ၵေႃႉ​သေ​ၵူၼ်း ဢိၵ်ႇ​တင်း​တရိၵ်ႈသၢၼ်ႇ​တူဝ်​ပေႃႈ​တူဝ်​မႄႈ ဢၼ်​မၼ်​ဢမ်ႇ​မီး​လုၵ်ႈ​သေ​တူဝ်။-</verse>
				<verse number="15">ထႃႇဝရႃႉ​ၽြႃး​တၵ်း​ဢဝ်​တၢင်း​ၶႆႈ​တၢင်း​ပဵၼ်​ၵူႈ​ၸိူဝ်ႉ​ၵူႈ​ပိူင် ဢွၵ်ႇ​ပႅတ်ႈ​သေ​ၵႃႈ​တီႈ​မႂ်း​လႄႈ ဢမ်ႇ​ႁႂ်ႈ​တၢင်း​ၶႆႈ​တၢင်း​ပဵၼ်​ဢၼ်​ႁၢႆႉ​ဢၼ်​ယၢပ်ႇ တီႈ​မိူင်း​ ဢေႇၵိပ်ႉတူႉ ​ဢၼ်​မႂ်း​ႁူႉ​ယူႇ​ၸိူဝ်း​ၼၼ်ႉ​ၸပ်း​ၸွႆး​တီႈ​မႂ်း။ တၵ်း​ဢဝ်​ႁႂ်ႈ​ၸပ်း​ၸွႆး​တီႈ​ၶဝ်​ၸိူဝ်း​ဢၼ်​ၸင်း​မႂ်း​ၵႃႈ​မီး​ၼၼ်ႉ​ဢေႃႈ။-</verse>
				<verse number="16">မႂ်း​တၵ်း​လႆႈ​ယႃႉ​ၽဵဝ်ႈ​ၵူၼ်း​မဵဝ်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢၢပ်ႈ​ပၼ်​တီႈ​မႂ်း​ၼၼ်ႉ​ပႅတ်ႈ​တင်း​သဵင်ႈ​တင်း​လူင်​ဢေႃႈ။ မၢၵ်ႇ​တႃ​မႂ်း​ဢမ်ႇ​လႆႈ​ဢဵတ်း​လူ​ၶဝ်။ မႂ်း​ဢမ်ႇ​လႆႈ​ႁဵတ်း​ဝၢတ်ႈ​တီႈ​ၽြႃး​ၶဝ်။ ပေႃး​ႁဵတ်း​ဝၢတ်ႈ​ၸိုင် ဢၼ်​ၼၼ်ႉ​တၵ်း​ပဵၼ်​တူင်ႇ​ႁႅဝ်ႉ​တူင်ႇ​ၶိုမ်း​တီႈ​မႂ်း​ဢေႃႈ။-</verse>
				<verse number="17">ပေႃး​မႂ်း​ထၢင်ႇ​ၼႂ်း​ၸႂ်​လႄႈ​ဝႃႈ၊ ၵူၼ်း​မဵဝ်း​ၸိူဝ်း​ၼၼ်ႉ​ယဵင်ႈ​ၶႅၼ်း​ၼမ်​ၵိုၼ်း​ၼႃႇ​သေ​ၵဝ်​ဢေႃႈ။ ၵဝ်​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ ႁေႃႈ​ၶဝ်​ဢွၵ်ႇ​ပႅတ်ႈ​လႆႈ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="18">မႂ်း​ဢမ်ႇ​လႆႈ​ၵူဝ်​လႆႈ​ႁႄ​ၶဝ်။ မႂ်း​တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​တၢင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ႁဵတ်း​တီႈ​ၶုၼ် ၽႃႇရေႃး တင်း​မိူင်း​ ဢေႇၵိပ်ႉတူႉ ​တင်း​မိူင်း​ၼၼ်ႉ၊-</verse>
				<verse number="19">ဢိၵ်ႇ​တင်း​တၢင်း​ဢၼ်​ၸၢမ်း​တူၺ်း​ဢၼ်​ယႂ်ႇ​ၼႃႇ ဢၼ်​မၢၵ်ႇ​တႃ​မႂ်း​ႁၼ်​ၸိူဝ်း​ၼၼ်ႉ တင်း​ၼီႉမိၵ်ႈ​လၢၵ်ႈၶၼႃႇ၊ လွင်ႈ​တၢင်း​ဢၼ်​လီ​ဢၢမ်း၊ တၢင်း​ဢၼ်​ဢဝ်​တင်း​မိုဝ်း​ၸဝ်ႈ​ဢၼ်​ႁႅင်း​ၼႃႇ​ႁဵတ်း၊ တၢင်း​ဢၼ်​ယဵတ်ႇ​ၶႅၼ်​ၸဝ်ႈ၊ တၢင်း​ဢၼ်​မၼ်း​ၸဝ်ႈ​ၼႄ​ပျႃး ၼႂ်း​ၶိင်ႇ​မိူဝ်ႈ​ဢၼ်​မၼ်း​ၸဝ်ႈ ၼုၵ်ႈ​ဢဝ်​မႂ်း​ဢွၵ်ႇ​မႃး​ၼၼ်ႉ လီ​လီ​ငၢမ်း​ငၢမ်း​ဢေႃႈ။-</verse>
				<verse number="20">လိူဝ်​သေ​ၼၼ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ပွႆႇ​ၸႂ်ႉ​တေႃႇ​လႂ်​တႅၼ်​လႂ် ၵႂႃႇ​ၵႃႈ​တီႈ​ၶဝ် တေႃႇ​ထိုင်​ႁွတ်ႈ​ၶဝ်​ၸိူဝ်း​ဢၼ်​ၵိုတ်း​ၵျၢၼ်ႇ​ဝႆႉ​လႄႈ ပၢႆႈ​တဵတ်ႇ​ပၢႆႈ​မႅပ်ႉ​ယူႇ​ၼၼ်ႉ လူႉ​လႅဝ်​သေ​ၵႃႈ​တီႈ​ၽၢႆႇ​ၼႃႈ​မႂ်း​ၼၼ်ႉ​ဢေႃႈ။-</verse>
				<verse number="21">မႂ်း​ဢမ်ႇ​လႆႈ​မီး​တၢင်း​ဢၼ်​တူၵ်း​ၸႂ်​ၵွပ်ႈ​ပိူဝ်ႈ​ၶဝ်​ၼၼ်ႉ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢၼ်​ပဵၼ်​ၽြႃး​ဢၼ်​တၼ်း​ၶူဝ်း​ယႂ်ႇ​ၼႃႇ​လႄႈ​လီ​ၵူဝ်​လီ​ႁႄ​ၼၼ်ႉ မီး​ယူႇ​ၵႃႈ​ၼႂ်း​ၵၢင်​သူ​ဢေႃႈ။-</verse>
				<verse number="22">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ႁေႃႈ ၵူၼ်း​မဵဝ်း​ၸိူဝ်း​ၼၼ်ႉ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မႂ်း​ၵႂႃႇ ယေႈ​ဢိတ်း​ယေႈ​ဢိတ်း​ဢေႃႈ။ ၵွပ်ႈ​ပိူဝ်ႈ​ဢၼ်​ၵူဝ်​တူဝ်​ထိူၼ်ႇ​ႁၢႆႉ တၵ်း​ယႂ်ႇ​ၽႄႈ​ၼမ်​ၵိုၼ်း​မႃး​ယူႇ​ၽၢႆႇ​ၼိုင်ႈ​တင်း​မႂ်း​လႄႈ မႂ်း​ဢမ်ႇ​လႆႈ​ပႄႇ​ၽဵဝ်ႈ​ၶဝ်​ပႅတ်ႈ​ၵမ်း​လဵဝ်။-</verse>
				<verse number="23">ၵူၺ်း​ၵႃႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ဢဝ်​ၶဝ်​ဢၢပ်ႈ​ပၼ်​တီႈ​မႂ်း​လႄႈ ဢဝ်​တင်း​တၢင်း​ဢၼ်​ယႃႉ​ၽဵဝ်ႈ​ပႅတ်ႈ ဢၼ်​ယႂ်ႇ​ၼႃႇ​လူင်​လၢင်​ယႃႉ​ၽဵဝ်ႈ​ၶဝ်​ပႅတ်ႈ တေႃႇ​ထိုင်​ႁွတ်ႈ​ၶဝ်​လႆႈ​လူႉ​လႆႈ​လႅဝ်​ၼၼ်ႉ​ဢေႃႈ။-</verse>
				<verse number="24">ၶုၼ်​ႁေႃ​ၶမ်း​ၶဝ်​တင်း​လၢႆ​ၵေႃႈ မၼ်း​ၸဝ်ႈ​တၵ်း​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​လႄႈ မႂ်း​တၵ်း​လႆႈ​ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၶဝ် ႁၢႆ​ပႅတ်ႈ​သေ​ၵႃႈ​တႂ်ႈ​ၽႃႉ​ၵၢင်​ႁၢဝ်​ဢေႃႈ။ ၸူဝ်ႈ​ဢၼ်​မႂ်း​ဢမ်ႇ​ပႆႇ​ယႃႉ​ၽဵဝ်ႈ​ၶဝ်​ပႅတ်ႈ​ၼၼ်ႉ​ၸိုင်၊ ၽူႈ​လႂ်​ဢမ်ႇ​ၸုၵ်း​ၶၢမ်ႇ​ယူႇ​ၵႃႈ​တီႈ​ၽၢႆႇ​ၼႃႈ​မႂ်း​လႆႈ​သေ​ၵေႃႉ​သေ​ၵူၼ်း။-</verse>
				<verse number="25">မႂ်း​တၵ်း​လႆႈ​ဢဝ်​ရုၵ်ႈ​ထူႉ​သၢင်း​ထူႉ​ၽြႃး​ၶဝ် ဢၼ်​တွင်ႈ​ႁဵတ်း​ၸိူဝ်း​ၼၼ်ႉ​တုတ်ႇ​ၽႆး​ပႅတ်ႈ​ဢေႃႈ။ ဢမ်ႇ​လႆႈ​ၸႂ်​ၸပ်း​ၸႂ်​ၸွႆး​ငိုၼ်း​ၶမ်း​ဢၼ်​ပႃး​ၵႃႈ​တီႈ​ရုၵ်ႈ​ထူႉ​သၢင်း​ထူႉ​ၸိူဝ်း​ၼၼ်ႉ။ ဢမ်ႇ​လႆႈ​သိမ်း​လႆႈ​ဢဝ်။ ပေႃး​ဢဝ်​ၸိုင် ၵူဝ်​မႂ်း​တၵ်း​ထုၵ်ႇ​တူင်ႇ​ႁႅဝ်ႉ​တူင်ႇ​ၶိုမ်း​ၼၼ်ႉ​ဢေႃႈ။ ပဵၼ်​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လီ​ႁင်ႈ​ဢဵတ်ႇ​သဵတ်ႇ​ဢေႃႈ။-</verse>
				<verse number="26">မႂ်း​ဢမ်ႇ​လႆႈ​ဢဝ်​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​သႂၢင်း​ၶဝ်ႈ​ၵႃႈ​ၼႂ်း​ႁိူၼ်း​မႂ်း ႁႂ်ႈ​မႂ်း​ပဵၼ်​လွင်ႈ​တၢင်း​ဢၼ်​ထုၵ်ႇ​လီ​ၵိၼ်ႇ​လီ​ဝႃႈ မိူၼ်​ၸိူဝ်ႉ​ၼင်ႇ​လွင်ႈ​တၢင်း​ၼၼ်ႉ။ လွင်ႈ​တၢင်း​ၸိူဝ်း​ၼၼ်ႉ​ၼၼ်ႉ​ၸိုင်၊ မႂ်း​တၵ်း​လႆႈ​လီ​ႁင်ႈ​မူတ်း​မူတ်း​သဵင်ႈ​သဵင်ႈ​ဢေႃႈ။ မႂ်း​တၵ်း​လႆႈ​ဢဵတ်ႇ​သဵတ်ႇ​မူတ်း​မူတ်း​သဵင်ႈ​သဵင်ႈ​ဢေႃႈ။ ပဵၼ်​လွင်ႈ​တၢင်း​ဢၼ် ထုၵ်ႇ​လီ​ၵိၼ်ႇ​လီ​ဝႃႈ​ဢေႃႈ။</verse>
			</chapter>
			<chapter number="8">
				<verse number="1">လွင်ႈ​ၼင်ႇ​ႁိုဝ်​မႂ်း​ဢသၢၵ်ႈ​တၵ်း​လိပ်း​လႄႈ ယႂ်ႇ​ၽႄႈ​ၼမ်​ၵိုၼ်း​မႃး ဢိၵ်ႇ​တင်း​လွင်ႈ​ၼင်ႇ​ႁိုဝ်​မႂ်း​တၵ်း​လႆႈ​ၶဝ်ႈ​လႄႈ ၸၢမ်ႇ​ၸႃး​မိူင်း​ဢၼ်​ထႃႇဝရႃႉ​ၽြႃး​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​မႂ်း​ၸိူဝ်း​ၼၼ်ႉ​ၼၼ်ႉ​ၸိုင်၊ မႂ်း​တၵ်း​လႆႈ​ႁဵတ်း​သတီႉ ႁႂ်ႈ​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး ၵူႈ​ၸိူဝ်ႉ​ၵူႈ​ပိူင်​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="2">မႂ်း​တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း သဵၼ်ႈ​တၢင်း​သုတ်း​သုတ်း​သဵင်ႈ​သဵင်ႈ ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢဝ်​မႂ်း​သူင်ႇ​ၵႃႈ​ၼႂ်း​ထိူၼ်ႇ​သီႇ​သိပ်း​ပီႊ ဢၼ်​ပူၼ်ႉ​မႃး​ယဝ်ႉ​ၼႆႉ ႁႂ်ႈ​လႆႈ​ၶျႃး​မႂ်း​တူၵ်း​တီႈ​တႅမ်ႇ​သေ​လႄႈ ၸၢမ်း​တူၺ်း​မႂ်း​လႄႈ ႁူႉ​လွင်ႈ​ဢၼ်​မႂ်း​မီး​ၸႂ်​ဢၼ်​ၶႂ်ႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​မၼ်း​ၸဝ်ႈ​တင်း​လၢႆ​ႁိုဝ်။ ဢမ်ႇ​မီး​ႁိုဝ်​ၼၼ်ႉ​ဢေႃႈ။-</verse>
				<verse number="3">ၼင်ႇ​ၼၼ်​လႄႈ မၼ်း​ၸဝ်ႈ​ၶျႃး​မႂ်း​တူၵ်း​တီႈ​တႅမ်ႇ​လႄႈ ပၼ်​ႁႂ်ႈ​မႂ်း​ၶၢမ်ႇ​ဢိုပ်း​ၶၢမ်ႇ​ယၢၵ်ႈ​သေ​လႄႈ ဢဝ်​ မၼ်ႇၼႃႉ ​ဢၼ်​မႂ်း​ဢမ်ႇ​ႁူႉ ဢၼ်​ပူႇ​မွၼ်ႇ​မႂ်း​ဢမ်ႇ​တွၼ်ႉ​ႁူႉ​ၼၼ်ႉ လဵင်ႉ​လူ​မႂ်း​ႁႂ်ႈ​မႂ်း​လႆႈ​ႁူႉ​လွင်ႈ​ဢၼ် ၵူၼ်း​တၵ်း​လႆႈ​ဢဝ်​ၶဝ်ႈ​မုၼ်း​ၵူၺ်း​လဵင်ႉ​ၸႂ်​ဢမ်ႇ​ၸႂ်ႈ၊ တၵ်း​လႆႈ​ဢဝ်​တင်း​ၵႃႈ​ဢၼ်​ၽြႃး​ပဵၼ်​ၸဝ်ႈ​လၢတ်ႈ​ဝႆႉ​ၼၼ်ႉ လဵင်ႉ​ၸႂ်​ၼၼ်ႉ​ဢေႃႈ။-</verse>
				<verse number="4">သီႇ​သိပ်း​ပီႊ​ဢၼ်​ပူၼ်ႉ​မႃး​ယဝ်ႉ​ၼႆႉ၊ ၶူဝ်း​ၼုင်ႈ​ဢၼ်​မႂ်း​ၼုင်ႈ​မႆ​ၼၼ်ႉ​ဢမ်ႇ​ၵဝ်ႇ​ဢမ်ႇ​မွင်။ တိၼ်​မႂ်း​ၵေႃႈ​ဢမ်ႇ​ၵႂ်ႈ​ဢမ်ႇ​ပွင်း။-</verse>
				<verse number="5">မႂ်း​တၵ်း​လႆႈ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​သင်ႇ​သွၼ်​သုင်း​မႃႉ​မႂ်း မိူၼ်​ၸိူဝ်ႉ​ၼင်ႇ​ဢၼ်​ပေႃႈ​သင်ႇ​သွၼ်​သုင်း​မႃႉ​လုၵ်ႈ​ၸၢႆး​မၼ်း​ၼၼ်ႉ​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ မႂ်း​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ႁႂ်ႈ​မႂ်း​လႆႈ​ၸွမ်း​သဵၼ်ႈ​တၢင်း​မၼ်း​ၸဝ်ႈ​ၵႃႈ​မီး​ၼၼ်ႉ​လႄႈ ၵူဝ်​ႁႄ​မၼ်း​ၸဝ်ႈ​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ ဢဝ်​မႂ်း​သူင်ႇ​ၵႃႈ​တီႈ မိူင်း​ဢၼ်​လီ​ဢၼ်​ငၢမ်း၊ မိူင်း​ဢၼ်​ပျေႉ​ၸုမ်ႇ​တင်း​ၼမ်ႉ​ႁွင်ႈ​ၼမ်ႉ​ၵႄး၊ ၼမ်ႉ​ဢွၵ်ႇ​ႁူး၊ ၼမ်ႉ​ၼွင်​ဢၼ်​ဢွၵ်ႇ​ၵႃႈ​ၼႂ်း​ႁူၺ်ႈ​ၼႂ်း​လွႆ။-</verse>
				<verse number="8">မိူင်း​ဢၼ်​ပျေႉ​ၸုမ်ႇ​တင်း​ၶဝ်ႈ​ၵျုင်ႇ၊ ၶဝ်ႈ​မူႉ​ယေႃး၊ တူၼ်ႈ​မၢၵ်ႇ​ၸပိတ်ႈ၊ တူၼ်ႈ​မၢၵ်ႇ​လိူဝ်ႇ​သၢင်း​ၽေႃး၊ တူၼ်ႈ​မၢၵ်ႇ​ၸင်ႈ၊ မိူင်း​ဢၼ်​ပျေႉ​ၸုမ်ႇ​တင်း ၼမ်ႉ​မၼ်း​ သၢၼ်ႇလုၼ်ႇ ​တင်း​ၼမ်ႉ​ၽိုင်ႈ၊-</verse>
				<verse number="9">မိူင်း​ဢၼ်​ယင်း​ဢမ်ႇ​လူဝ်ႇ​ၵႃႈ​သင်​ထႅင်ႈ​လႃး​လႃး​လႄႈ လႆႈ​ၵိၼ်​ဢိမ်ႇ​ၵိၼ်​တဵမ်၊ မိူင်း​ဢၼ်​ပျေႉ​ၸုမ်ႇ​တင်း​မၢၵ်ႇ​ႁိၼ်​လဵၵ်း​လႄႈ လႆႈ​ၶုတ်း​ဢဝ်​တွင်း​လႅင်​ၵႃႈ​ၼႂ်း​လွႆ​ၼၼ်ႉ​ဢေႃႈ။-</verse>
				<verse number="10">မႂ်း​တၵ်း​လႆႈ​ၵိၼ်​ဢိမ်ႇ​ၵိၼ်​တဵမ်​ယူႇ​သေ​လႄႈ​ယွင်ႈ​ယေႃး ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၵွပ်ႈ​ပိူဝ်ႈ​မိူင်း​ဢၼ်​လီ​ဢၼ်​ငၢမ်း ဢၼ်​မၼ်း​ၸဝ်ႈ​ဢဵတ်း​လူ​ပၼ်​တီႈ​မႂ်း​ၼၼ်ႉ​ဢေႃႈ။</verse>
				<verse number="11">ႁဵတ်း​တင်း​သတီႉ​သေ​လႄႈ ဝႄႈ​ပႅတ်ႈ​တၢင်း​ဢၼ်​မႂ်း​လူင်​လိုမ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၼႂ်း​လွင်ႈ​ဢၼ်​မႂ်း​ဢမ်ႇ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး​မၼ်း​ၸဝ်ႈ ဢိၵ်ႇ​တင်း​လွင်ႈ​တၢင်း​ဢၼ် မၼ်း​ၸဝ်ႈ​ၸီႇ​ယၢင်ႇ​ဝႆႉ​တင်း​ထုင်း​ၽိင်ႈ​တြႃး​တင်း​လၢႆ ဢၼ်​ၵဝ်​သင်ႇ​လၢတ်ႈ​ဝႆႉ တီႈ​မႂ်း​ဝၼ်း​မိူဝ်ႈ​ၼႆႉ​ၼၼ်ႉ​တႃႉ။-</verse>
				<verse number="12">ၼႂ်း​မိူဝ်ႈ​ဢၼ်​မႂ်း​လႆႈ​ၵိၼ်​ဢိမ်ႇ​ၵိၼ်​တဵမ်​လႄႈ လႆႈ​ႁဵတ်း​ႁိူၼ်း​ႁဵတ်း​ယေး​ဢၼ်​လီ​ဢၼ်​ငၢမ်း​ယဝ်ႉ​ၼၼ်ႉ၊-</verse>
				<verse number="13">ၼႂ်း​မိူဝ်ႈ​ဢၼ်​ၽုင်​ဝူဝ်း​ၽုင်​သူဝ်း​မႂ်း ယႂ်ႇ​ၽႄႈ​ၼမ်​ၵိုၼ်း​မႃး၊ ၼႂ်း​မိူဝ်ႈ​ဢၼ်​ငိုၼ်း​ၶမ်း​မႂ်း ယႂ်ႇ​ၽႄႈ​ၼမ်​ၵိုၼ်း​မႃး၊ ၼႂ်း​မိူဝ်ႈ​ဢၼ်​ဢုၵ်ႉ​ၸႃႇ​ၶူဝ်း​လဵင်း​ၵႃႈ​ဢၼ်​မႂ်း​မီး ယႂ်ႇ​ၽႄႈ​ၼမ်​ၵိုၼ်း​မႃး​ယဝ်ႉ​ၼၼ်ႉ၊-</verse>
				<verse number="14">ၵူဝ်​ႁူဝ်​ၸႂ်​မႂ်း​တၵ်း​မီး​တၢင်း​ဢၼ် မႃႇၼႃႉ​ၸႂ်​သုင်​လႄႈ မႂ်း​တၵ်း​လူင်​လိုမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ တီႈ​ဢၼ်​မႂ်း​ၶၢမ်ႇ​ႁဵတ်း​ၶႃႈ​ၼၼ်ႉ​မႃး၊-</verse>
				<verse number="15">ဢၼ်​ဢဝ်​မႂ်း​သူင်ႇ ထၼ်ႈ​ပေႃး​ပူၼ်ႉ​ထိူၼ်ႇ​လူင်​ဢၼ်​လီ​ၵူဝ်​လီ​ႁႄ တီႈ​ဢၼ်​ငူး​ၽႆး​ဢိၵ်ႇ​တင်း​မႅင်း​ၵူၼ်ႈ​ငေႃး​လိူင်ႇ​လႄႈ မီး​လိၼ်​ဢၼ်​ႁႅင်ႈ​ဢၼ်​ႁွင်​လႄႈ၊ ဢမ်ႇ​မီး​ၼမ်ႉ​မီး​ၼၢႆး၊ ဢၼ်​ႁႂ်ႈ​ၼမ်ႉ​ဢွၵ်ႇ​သေ​ၵႃႈ​ၼႂ်း​မၢၵ်ႇ​ႁိၼ်​ဢၼ်​ပၢႆႇ​ၽႆး​မႃး​ပုၼ်ႈ​မႂ်း၊-</verse>
				<verse number="16">ဢၼ်​ဢဝ်​ မၼ်ႇၼႃႉ ဢၼ်​ပူႇ​မွၼ်ႇ​မႂ်း​ၸိူဝ်း​ၼၼ်ႉ​ဢမ်ႇ​တွၼ်ႉ​ႁူႉ​ၼၼ်ႉ လဵင်ႉ​လူ​မႂ်း​ၵႃႈ​ၼႂ်း​ထိူၼ်ႇ​ႁႂ်ႈ​လႆႈ​ၶျႃး​မႂ်း​တူၵ်း​တီႈ​တႅမ်ႇ​သေ​လႄႈ ၸၢမ်း​တူၺ်း​မႂ်း​လႄႈ ႁဵတ်း​ၵျေး​ၸူး​တီႈ​မႂ်း​မိူဝ်ႈ​ဢၼ်​ႁွတ်ႈ​ထိုင်​တီႈ​သုတ်း​မႂ်း​ၼၼ်ႉ​လႄႈ၊-</verse>
				<verse number="17">လၢတ်ႈ​ၵႃႈ​ၼႂ်း​ၸႂ်​မႂ်း​လႄႈ​ဝႃႈ၊ တၼ်း​ၶူဝ်း​ၵဝ် ဢိၵ်ႇ​တင်း​တၢင်း​ဢၼ်​မိုဝ်း​ၵဝ်​ၵတ်ႉ​ၶၼ်​ၼၼ်ႉ ႁႂ်ႈ​ၵဝ်​လႆႈ​ၸေး​ၸိမ်ႇ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="18">မႂ်း​တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၵူၺ်း​ဢေႃႈ။ လွင်ႈ​မၼ်း​ၸမ်ႉ မၼ်း​ၸဝ်ႈ​ပၼ်​တၢင်း​ၵတ်ႉ​တၢင်း​ၶၼ် ဢၼ်​ၸၢင်ႈ​လႆႈ​ၸေး​ၸိမ်ႇ​ၼၼ်ႉ​တီႈ​မႂ်း ႁႂ်ႈ​ပတီႉၺိၺ်ႇ​တြႃး​မၼ်း​ၸဝ်ႈ ဢၼ်​မၼ်း​ၸဝ်ႈ​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​မႂ်း​ၸိူဝ်း​ၼၼ်ႉ​ၼၼ်ႉ လႆႈ​တႄႇ​ပဵၼ် ၸိူဝ်ႉ​ၼင်ႇ​ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="19">ပေႃး​မႂ်း​လူင်​လိုမ်း​ထႃႇဝရႃႉ​ၽြႃး၊​ၽြႃး​ပဵၼ်​ၸဝ်ႈ​မႂ်း​သေ​လႄႈ ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး​လႄႈ ႁဵတ်း​ဝၢတ်ႈ​ၵူဝ်း​ၵႂၢႆႇ​ၶဝ်​ၸိုင်၊ ဝၼ်း​မိူဝ်ႈ​ၼႆႉ ၵဝ်​ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​သူ လွင်ႈ​ဢၼ်​သူ​တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢမၢၼ်ႇ​ၶၼ်​ပဵၼ်​ၼၼ်ႉ​ဢေႃႈ။-</verse>
				<verse number="20">ၸိူဝ်ႉ​ၼင်ႇ​ၵူၼ်း​မဵဝ်း​ဢၼ်​ထႃႇဝရႃႉ​ၽြႃး ႁဵတ်း​ႁႂ်ႈ​လူႉ​လႅဝ်​ၵႃႈ​တီႈ​ၽၢႆႇ​ၼႃႈ​သူ​ၼၼ်ႉ သူ​တၵ်း​လႆႈ ႁွတ်ႈ​ထိုင်​တၢင်း​လူႉ​တၢင်း​လႅဝ် ၵွပ်ႈ​ပိူဝ်ႈ​ဢၼ်​သူ​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼၼ်ႉ​ဢေႃႈ။</verse>
			</chapter>
			<chapter number="9">
				<verse number="1">မဵဝ်း​ ဢီႉသရေႇလႃႉ ​ဢိူၺ်း၊ ထွမ်ႇ​ငိၼ်း​တႃႉ။ ဝၼ်း​မိူဝ်ႈ​ၼႆႉ မႂ်း​ၸမ်ႉ​တၵ်း​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၵႂႃႇ ႁႂ်ႈ​လႆႈ​ၶဝ်ႈ​လႄႈ​တိုၵ်း​ဢဝ်​ၵူၼ်း​မဵဝ်း​ဢၼ်​ႁႅင်း​ယႂ်ႇ​ၼႃႇ​လႄႈ​ၼမ်​ၼႃႇ​သေ​မႂ်း၊ ဝဵင်း​လူင်​ဢၼ်​ပျေႉ​ၸုမ်ႇ​တင်း​လမ်း​ဝဵင်း ဢၼ်​ၶိုတ်း​ထိုင်​ၽႃႉ​ၵၢင်​ႁၢဝ်၊-</verse>
				<verse number="2">ၵူၼ်း​မဵဝ်း​ဢၼ်​ယႂ်ႇ​ၼႃႇ​သုင်​ၼႃႇ​ဢၼ်​ဝႃႈ ၵူၼ်း​မဵဝ်း​ ဢႃႇၼၵႃႉ ​ဢၼ်​မႂ်း​ႁူႉ​လႄႈ​ငိၼ်း​ၵႂၢမ်း​ဢၼ်​ဝႃႈ ၽူႈ​လႂ်​တၵ်း​ၸုၵ်း​ၶၢမ်ႇ​ယူႇ ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢႃႇၼၵႃႉ ​လႆႈ၊ ဝႃႈ​ၼင်ႇ​ၼႆ​ၼၼ်ႉ​ၸိူဝ်း​ၼၼ်ႉ​ယဝ်ႉ။-</verse>
				<verse number="3">ပိူဝ်ႈ​ၼႆ​လႄႈ ဝၼ်း​မိူဝ်ႈ​ၼႆႉ တူၵ်း​ၵၢင်​ၸႂ်​လွင်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ပဵၼ်​ၸဝ်ႈ​ဢၼ်​တၵ်း​ဢွၼ်​ႁူဝ်​မႂ်း​ၵႂႃႇ​မိူၼ်​ၸိူဝ်ႉ​ၼင်ႇ​ၽႆး​ဢၼ်​မႆႈ​ယူႇ​ၼၼ်ႉ​လႄႈ တၵ်း​ယႃႉ​ၽဵဝ်ႈ​ၶဝ်​ပႅတ်ႈ​လႄႈ ၶျႃး​တူၵ်း​တီႈ​တႅမ်ႇ​သိုဝ်ႈ​ၼႃႈ​တႂ်ႈ​တႃ​မႂ်း​ၼၼ်ႉ​တႃႉ။ မႂ်း​တၵ်း​လႆႈ​ႁေႃႈ​ၶဝ်​ဢွၵ်ႇ​ပႅတ်ႈ​သေ​လႄႈ ယႃႉ​ၽဵဝ်ႈ​ၶဝ်​ပႅတ်ႈ​ၶၼ်​ၶၼ်​ၽႂ်း​ၽႂ်း ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​တီႈ​မႂ်း​ၼၼ်ႉ​ဢေႃႈ။-</verse>
				<verse number="4">လိုၼ်း​သေ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ႁေႃႈ​ၶဝ်​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မႂ်း​ၼၼ်ႉ၊ မႂ်း​ဢမ်ႇ​လႆႈ​လၢတ်ႈ​ၵႃႈ​ၼႂ်း​ၸႂ်​လႄႈ​ဝႃႈ၊ ၵွပ်ႈ​ပိူဝ်ႈ​တၢင်း​သိုဝ်ႈ​တေႃႇ​ၵဝ်​လႄႈ ထႃႇဝရႃႉ​ၽြႃး​ဢဝ်​ၵဝ်​ၶဝ်ႈ​သႂၢင်း​လႄႈ ပၼ်​ၵဝ်​ပိူင်ႇ​မိူင်း​ၼႆႉ​ဢေႃႈ။ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ႁၢႆႉ​ဢၼ်​ႁုၵ်း​ၵူၼ်း​မဵဝ်း​ၸိူဝ်း​ၼၼ်ႉ​လႄႈ ထႃႇဝရႃႉ​ၽြႃး​ႁေႃႈ​ၶဝ်​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​လႃး​လႃး။-</verse>
				<verse number="5">ၵွပ်ႈ​ပိူဝ်ႈ​တၢင်း​သိုဝ်ႈ​တေႃႇ​ဢၼ်​မႂ်း​ႁဵတ်း၊ ဢမ်ႇ​ၼၼ် ၵွပ်ႈ​ပိူဝ်ႈ​ၸႂ်​သၽေႃး​ဢၼ်​မႂ်း​သိုဝ်ႈ​ယူဝ်း​ၼၼ်ႉ​လႄႈ၊ တၵ်း​လႆႈ​ၵႂႃႇ​လႄႈ​ၶဝ်ႈ​ၸၢမ်ႇ​ၸႃး​မိူင်း​ၼၼ်ႉ​ဢမ်ႇ​ၸႂ်ႈ။ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ႁၢႆႉ​ဢၼ်​ႁုၵ်း​ၵူၼ်း​မဵဝ်း​ၸိူဝ်း​ၼၼ်ႉ​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ ႁေႃႈ​ၶဝ်​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မႂ်း ႁႂ်ႈ​လႆႈ​ႁႂ်ႈ​ၵႂၢမ်း​ဢၼ် ထႃႇဝရႃႉ​ၽြႃး​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​မႂ်း ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၸိူဝ်း​ၼၼ်ႉ​ၼၼ်ႉ​တႄႇ​ပဵၼ်​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ တူၵ်း​ၵၢင်​ၸႂ်​လွင်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢဝ်​မိူင်း​ဢၼ်​လီ​ဢၼ်​ငၢမ်း​ၼၼ်ႉ ပၼ်​တီႈ​မႂ်း​ႁႂ်ႈ​မႂ်း​ပိူင်ႇ ၵွပ်ႈ​ပိူဝ်ႈ​တၢင်း​သိုဝ်ႈ​တေႃႇ​မႂ်း​ဢမ်ႇ​ၸႂ်ႈ​ၼၼ်ႉ​တႃႉ။ လွင်ႈ​မၼ်း​ၸမ်ႉ မႂ်း​ပဵၼ်​ၵူၼ်း​မဵဝ်း​ဢၼ်​လမ်း​ၶေႃး​ၵႅၼ်ႇ​ၶႅင်​ဢေႃႈ။-</verse>
				<verse number="7">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​တႃႉ။ ယႃႇ​ပေ​လူင်​ပေ​လိုမ်း​လွင်ႈ​ဢၼ်​မႂ်း ႁဵတ်း​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႆႈ​ဢွၵ်ႇ​ၵႃႈ​ၼႂ်း​ထိူၼ်ႇ​မႅၼ်ႈ​ၼၼ်ႉ။ ၸႃႉ​ၸဵမ်​ဝၼ်း​ဢၼ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ မႃး​တေႃႇ​ထိုင်​ႁွတ်ႈ​ၵႃႈ​တီႈ​ၼႆႈ​လႄႈ မႂ်း​ပုင်ႇ​ၵၢၼ်ႇ​ထႃႇဝရႃႉ​ၽြႃး​ယဝ်ႉ။-</verse>
				<verse number="8">ၵႃႈ​တီႈ​ ႁေႃးရပ်ႉ ​ၼၼ်ႉ​ၵေႃႈ မႂ်း​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​ဢွၵ်ႇ​လႄႈ မၼ်း​ၸဝ်ႈ​ၸႂ်​မႆႈ​ၶႆႈ​ၸႃႉ ႁႂ်ႈ​ထၼ်ႈ​ပေႃး​ငႃ​တၵ်း​ယႃႉ​ၽဵဝ်ႈ​မႂ်း​ပႅတ်ႈ​ဢေႃႈ။-</verse>
				<verse number="9">မိူဝ်ႈ​ဢၼ်​ၵဝ်​ၶိုၼ်ႈ​ၵႃႈ​ၼိူဝ်​လွႆ ႁႂ်ႈ​လႆႈ​ၶၢမ်ႇ​ဢဝ်​ၶႅပ်း​မၢၵ်ႇ​ႁိၼ်​ၽႅပ်ႉ​ဢၼ်​ဝႃႈ ၶႅပ်း​မၢၵ်ႇ​ႁိၼ်​ဢၼ်​တႅမ်ႈ​သႂ်ႇ​ပတီႉၺိၺ်ႇ​တြႃး ဢၼ်​ထႃႇဝရႃႉ​ၽြႃး​ႁဵတ်း​လူၺ်ႈ​ၵၼ်​တင်း​သူ​ၼၼ်ႉ​ၸိုင်၊ သီႇ​သိပ်း​ဝၼ်း​သီႇ​သိပ်း​ၶိုၼ်း​တဵမ်​တဵမ် ၵဝ်​ယင်း​ဢမ်ႇ​ၵိၼ်​ၶဝ်ႈ​မုၼ်း၊ ယင်း​ဢမ်ႇ​ၵိၼ်​ၼမ်ႉ​လႄႈ ယူႇ​ၵႃႈ​ၼိူဝ်​လွႆ​ၼၼ်ႉ​ဢေႃႈ။-</verse>
				<verse number="10">ထႃႇဝရႃႉ​ၽြႃး​ဢဝ်​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ ဢၼ်​ၽြႃး​ပဵၼ်​ၸဝ်ႈ​ဢဝ်​တင်း​ၼိဝ်ႉ​မိုဝ်း​တႅမ်ႈ​သႂ်ႇ​ၼၼ်ႉ ဢၢပ်ႈ​ပၼ်​တီႈ​ၵဝ်​ဢေႃႈ။ ၵႃႈ​ၼိူဝ်​သွင်​ၽႅၼ်ႇ​ၼၼ်ႉ လႆႈ​တႅမ်ႈ​ၸွမ်း​ၵႃႈ​ၼင်ႇ​ၵႂၢမ်း​ၵႃႈ​ဢၼ် ထႃႇဝရႃႉ​ၽြႃး​ဝႃႈ​ဢွၵ်ႇ​သူပ်း​သေ​ၵႃႈ​ၼႂ်း​ၽႆး​ၵႃႈ​ၼိူဝ်​လွႆ​ၼၼ်ႉ​သႂ်ႇ​ၼၼ်ႉ ၼႂ်း​ဝၼ်း​ဢၼ်​သူ​ၸူႉ​ၵၼ်​တုမ်​ၵၼ်​ယူႇ​ၼၼ်ႉ​ဢေႃႈ။-</verse>
				<verse number="11">မိူဝ်ႈ​ဢၼ်​ၸေး​သီႇ​သိပ်း​ဝၼ်း​သီႇ​သိပ်း​ၶိုၼ်း​ယဝ်ႉ​ၼၼ်ႉ​ၸိုင်၊ ထႃႇဝရႃႉ​ၽြႃး​ဢဝ်​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ​ဢၼ်​ဝႃႈ ၶႅပ်း​မၢၵ်ႇ​ႁိၼ်​ပတီႉၺိၺ်ႇ​ၸိူဝ်း​ၼၼ်ႉ ဢၢပ်ႈ​ပၼ်​တီႈ​ၵဝ်​သေ​ယဝ်ႉ၊-</verse>
				<verse number="12">ထႃႇဝရႃႉ​ၽြႃး​မီး​ဢမိင်ႉ​တီႈ​ၵဝ်​လႄႈ​ဝႃႈ၊ မႂ်း​လုၵ်ႉ​လႄႈ​လူင်း​ၵႂႃႇ​သေ​ၵႃႈ​တီႈ​ၼႆႈ​ၶၼ်​ၶၼ်​ၽႂ်း​ၽႂ်း​တႃႉ။ ၵူၼ်း​ဢၼ်​မႂ်း​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၸိူဝ်း​ၼၼ်ႉ ဢွၼ်​ၵၼ်​ၽွၵ်ႈ​ပျၢၼ်ႇ​ၶိုၼ်း​ၵႂႃႇ​ယဝ်ႉ။ ၶဝ်​ပိူင်ႈ​သေ​ၵႃႈ​ၼႂ်း​သဵၼ်ႈ​တၢင်း​ဢၼ်​ၵဝ်​သင်ႇ​လၢတ်ႈ​ဝႆႉ​ၼၼ်ႉ​ၵႂႃႇ​ၶၼ်​ၶၼ်​ၽႂ်း​ၽႂ်း​လႄႈ လေႃႇ​ႁဵတ်း​ရုၵ်ႈ​ထူႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ထႃႇဝရႃႉ​ၽြႃး​သမ်ႉ​လၢတ်ႈ​တီႈ​ၵဝ်​လႄႈ​ဝႃႈ၊ ၵဝ်​တူၺ်း​လႄႈ လႆႈ​ႁၼ်​ၵူၼ်း​မဵဝ်း​ၼႆႉ​ယဝ်ႉ။ တူၺ်း​လူး၊ ပဵၼ်​မဵဝ်း​ဢၼ်​လမ်း​ၶေႃး​ၵႅၼ်ႇ​ၶႅင်​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ ယႃႇ​ၵဝ်​တႃႉ။ ၵဝ်​တၵ်း​ယႃႉ​ၽဵဝ်ႈ​ၶဝ်​ပႅတ်ႈ​လႄႈ ထူ​မွတ်ႇ​ၼႃႇ​မႃႉ​ၸိုဝ်ႈ​သဵင်​ၶဝ်​ပႅတ်ႈ​သေ ၵႃႈ​တႂ်ႈ​ၽႃႉ​ၵၢင်​ႁၢဝ်​ဢေႃႈ။ မႂ်း​ၸမ်ႉ၊ ၵဝ်​တၵ်း​ႁႂ်ႈ​ပဵၼ်​မဵဝ်း​ဢၼ်​ႁႅင်း​ယႂ်ႇ​ၼႃႇ​လႄႈ ၼမ်​ၵိုၼ်း​ၼႃႇ​သေ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မိူဝ်ႈ​ၼၼ်ႉ ၵဝ်​ဝၢႆႇ​ၶိုၼ်း​လႄႈ​လူင်း​သေ​ၵႃႈ​ၼိူဝ်​လွႆ​မႃး​လႄႈ လွႆ​ၼၼ်ႉ​မႆႈ​ၽႆး​ယူႇ​ဢေႃႈ။-</verse>
				<verse number="16">ၶႅပ်း​မၢၵ်ႇ​ႁိၼ်​ပတီႉၺိၺ်ႇ သွင်​ၽႅၼ်ႇ​ၼၼ်ႉ​ၵေႃႈ မီး​ယူႇ​ၵႃႈ​ၼႂ်း​မိုဝ်း​ၵဝ်​သွင်​ၽၢႆႇ​ဢေႃႈ။ ၵဝ်​တူၺ်း​လႄႈ​လႆႈ​ႁၼ်​လွင်ႈ​ဢၼ်​သူ​ၽိတ်း​ပိူင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​လႄႈ သွၼ်း​လေႃႇ​ႁၢင်ႈ​ရုၵ်ႈ​ထူႉ​ဝူဝ်း​ဢွၼ်ႇ ဢိၵ်ႇ​တင်း​လွင်ႈ​ဢၼ်​သူ​ပိူင်ႈ​သဵၼ်ႈ​တၢင်း​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​သူ​ၼၼ်ႉ​ၵႂႃႇ ၶၼ်​ၶၼ်​ၽႂ်း​ၽႂ်း​ၼၼ်ႉ​သေ​ယဝ်ႉ၊-</verse>
				<verse number="17">ၵမ်​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ​ၼၼ်ႉ ဝတ်ႉ​ပႅတ်ႈ​သေ​ၵႃႈ​ၼႂ်း​မိုဝ်း​ၵဝ်​သွင်​ၶွၼ်​လႄႈ ႁၵ်း​ႁဵၵ်း​ပႅတ်ႈ​သေ​ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​သူ​ဢေႃႈ။-</verse>
				<verse number="18">ၵဝ်​လႆႈ​ၶုပ်ႉ​မူပ်ႇ​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး သီႇ​သိပ်း​ဝၼ်း​သီႇ​သိပ်း​ၶိုၼ်း​မိူၼ်​ၸိူဝ်ႉ​ၼင်ႇ​ၵမ်း​ဢွၼ်​တၢင်း​ၼၼ်ႉ၊ ယင်း​ဢမ်ႇ​ၵိၼ်​ၶဝ်ႈ​မုၼ်း၊ ယင်း​ဢမ်ႇ​ၵိၼ်​ၼမ်ႉ​လႄႈ​ယူႇ ၵွပ်ႈ​ပိူဝ်ႈ​ဢပႅတ်ႈ​ၵႃႈ​ဢၼ်​သူ​ၽိတ်း​ပိူင်ႈ​ၼႂ်း​လွင်ႈ​တၢင်း​ဢၼ်​သူ​ႁဵတ်း​တူႉ​ၸရိူၵ်ႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​မႅၼ်ႈ​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​လႆႈ​ဢွၵ်ႇ​ၼၼ်ႉ​ဢေႃႈ။-</verse>
				<verse number="19">လွင်ႈ​မၼ်း​ၸမ်ႉ ၵဝ်​ၵူဝ်​ႁႄ​တၢင်း​ၸႂ်​မႆႈ​ၶႆႈ​ၸႃႉ​ဢိၵ်ႇ​တင်း​တၢင်း​ဢၼ်​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​ဢၼ်​မႆႈ​ႁႅင်း​ၼႃႇ ဢၼ်​ထႃႇဝရႃႉ​ၽြႃး ဢွၵ်ႇ​ႁႅင်း​ယႂ်ႇ​ၼႃႇ​လူင်​လၢင်​တီႈ​သူ ႁႂ်ႈ​လႆႈ​ယႃႉ​ၽဵဝ်ႈ​သူ​ပႅတ်ႈ​ၼၼ်ႉ​ဢေႃႈ။ ၵူၺ်း​ၵႃႈ ထႃႇဝရႃႉ​ၽြႃး သမ်ႉ​ထွမ်ႇ​ဢဝ်​ၵႂၢမ်း​ၵဝ်​ပွၵ်ႈ​ၼၼ်ႉ​ထႅင်ႈ​ဢေႃႈ။-</verse>
				<verse number="20">ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ၸႂ်​မႆႈ​ၶႆႈ​ၸႃႉ​တီႈ​ ဢႃႇရုၼ်ႇ ​ႁႅင်း​ယႂ်ႇ​ၼႃႇ​လူင်​လၢင် ႁႂ်ႈ​လႆႈ​ယႃႉ​ၽဵဝ်ႈ​မၼ်း​ပႅတ်ႈ​ၼၼ်ႉ​လႄႈ၊ ပုၼ်ႈ​ ဢႃႇရုၼ်ႇ ​ၵေႃႈ ၵဝ်​သူး​တွင်း​ၶိင်ႇ​မိူဝ်ႈ​လဵဝ်​ၵၼ်​တင်း​ၼၼ်ႉ​ဢေႃႈ။-</verse>
				<verse number="21">ၵဝ်​ဢဝ်​တူႉ​ၸရိူၵ်ႈ​သူ​ဢၼ်​ဝႃႈ ဝူဝ်း​ဢွၼ်ႇ​ဢၼ်​သူ​ႁဵတ်း​ၼၼ်ႉ​ၽဝ်​ၽႆး​လႄႈ ထုပ်ႉ​တမ်​ၶိုတ်ႈ​လႅဝ် ႁႂ်ႈ​ပဵၼ်​မုၼ်ႈ​ပဵၼ်​ၽွင်​သေ​ယဝ်ႉ၊ ဢဝ်​မုၼ်ႈ​ဢဝ်​ၽွင်​မၼ်း​ၶျႃး​တူၵ်း​ပႅတ်ႈ​ၵႃႈ​ၼႂ်း​ၼမ်ႉ​ႁွင်ႈ ဢၼ်​ဢွၵ်ႇ​ၵႃႈ​ၼႂ်း​လွႆ​လူင်း​မႃး​ၼၼ်ႉ​ဢေႃႈ။-</verse>
				<verse number="22">ၵႃႈ​တီႈ​ တပေႇရႃႉ ဢိၵ်ႇ​တင်း​ၵႃႈ​တီႈ​ မတ်ႉသႃႇ တင်း​ၵႃႈ​တီႈ​ ၵီႉပြုတ်ႉႁတ်ႉတဝႃႇ ​ၵေႃႈ သူ​ဢွၼ်​ၵၼ်​ႁဵတ်း​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​ဢွၵ်ႇ​ဢေႃႈ။-</verse>
				<verse number="23">မိူဝ်ႈ​ဢၼ်​ထႃႇဝရႃႉ​ၽြႃး ပွႆႇ​ၸႂ်ႉ​သူ​ဢွၵ်ႇ​သေ​ၵႃႈ​တီႈ​ ၵႃႇတေႇသပႃႇၼႃႇ ​ၼၼ်ႉ ၵႂႃႇ​လႄႈ​လၢတ်ႈ​ဝႃႈ၊ ၶိုၼ်ႈ​ၵႂႃႇ​လႄႈ​သိမ်း​ဢဝ်​မိူင်း​ဢၼ် ၵဝ်​ပၼ်​တီႈ​သူ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ သူ​ဢွၼ်​ၵၼ်​တွပ်ႇ​ထဵင်​ဢမိင်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ပႅတ်ႈ​ဢေႃႈ။ သူ​ယင်း​ဢမ်ႇ​ယုမ်ႇ​မၼ်း​ၸဝ်ႈ၊ ယင်း​ဢမ်ႇ​ထွမ်ႇ​ဢဝ်​ၵႂၢမ်း​မၼ်း​ၸဝ်ႈ​လႄႈ​ယူႇ​ဢေႃႈ။-</verse>
				<verse number="24">သူ​ပုင်ႇ​ၵၢၼ်ႇ​ထႃႇဝရႃႉ​ၽြႃး ၸႃႉ​ၸဵမ်​မိုဝ်ႉ​ဝၼ်း​ဢၼ်​ၵဝ်​ႁူႉ​ၸၵ်း​သူ​ၼၼ်ႉ​မႃး​ယဝ်ႉ။-</verse>
				<verse number="25">ၼင်ႇ​ၼၼ်​လႄႈ ၵဝ်​လႆႈ​ၶုပ်ႉ​မူပ်ႇ​သီႇ​သိပ်း​ဝၼ်း​သီႇ​သိပ်း​ၶိုၼ်း ဢၼ်​ၵဝ်​လႆႈ​ၶုပ်ႉ​မူပ်ႇ​ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ တၵ်း​ယႃႉ​ၽဵဝ်ႈ​သူ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="26">ၵဝ်​သူး​တွင်း​တီႈ​ထႃႇဝရႃႉ​ၽြႃး​လႄႈ​လဝ်ႊ​ဝႃႈ၊ ဢူဝ်း​ၸဝ်ႈ​ၽြႃး​ပဵၼ်​ၸဝ်ႈ၊ ၶႅၼ်း​တေႃႈ​ယႃႇ​ပေ​ယႃႉ​ၽဵဝ်ႈ​ၵူၼ်း​မဵဝ်း​ၸဝ်ႈ​ႁဝ်း ဢၼ်​ပဵၼ်​ဢမူၺ်ႇ​ဢုၵ်ႉ​ၸႃႇ​ၸဝ်ႈ​ႁဝ်း ဢၼ်​ၸဝ်ႈ​ႁဝ်း​ဢဝ်​တင်း​တၼ်း​ၶူဝ်း​ၸဝ်ႈ​ႁဝ်း​ထုတ်ႇ​ဢဝ်​လႄႈ​ဢဝ်​တင်း​မိုဝ်း​ၸဝ်ႈ​ႁဝ်း ဢၼ်​ႁႅင်း​ယႂ်ႇ​ၼႃႇ​ၼုၵ်ႈ​ဢဝ်​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၸိူဝ်း​ၼႆႉ​ပႅတ်ႈ​သေ​ၵမ်း​တီႈ​ၶႃႈ၊-</verse>
				<verse number="27">ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ​ႁဝ်း၊ ဢႃႇပြႃႇႁၢမ်ႇ၊ ဢီႉၸၢၵ်ႈ တင်း​ ယႃႇၵုပ်ႈ ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ၊ ၶႅၼ်း​တေႃႈ​ယႃႇ​ပေ​တူၺ်း​မၢတ်ႈ​တၢင်း​ဢၼ် ၵူၼ်း​မဵဝ်း​ၼႆႉ မီး​ၸႂ်​သၽေႃး​ဢၼ်​ၵႅၼ်ႇ​ဢၼ်​ၶႅင်၊ တၢင်း​ဢၼ်​ၶဝ်​ၽိတ်း​ပိူင်ႈ​မႅၼ်ႈ​ဢပႅတ်ႈ​တူႉ​ၸရိူၵ်ႈ​ၶဝ်​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="28">ၵူဝ်​မိူင်း​တီႈ​ဢၼ်​ၸဝ်ႈ​ႁဝ်း​ၼုၵ်ႈ​ဢဝ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢွၵ်ႇ​မႃး​ၼၼ်ႉ​တၵ်း​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ဢမ်ႇ​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ဢဝ်​ၶဝ်​သႂၢင်း​ၶဝ်ႈ​ၵႃႈ​ၼႂ်း​မိူင်း​ဢၼ်​မၼ်း​ၸဝ်ႈ​မီး​ၵတီႉ​ဝႆႉ​တီႈ​ၶဝ်​ၼၼ်ႉ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ၸင်း​ၶဝ်​လႄႈ၊ မၼ်း​ၸဝ်ႈ​ဢဝ်​ၶဝ်​ဢွၵ်ႇ​ၵႂႃႇ​ႁႂ်ႈ​လႆႈ​ဢဝ်​ၶဝ်​တၢႆ​ၵႃႈ​တီႈ​ၼႂ်း​ထိူၼ်ႇ​ယဝ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​လူင်​ပႄႇ။-</verse>
				<verse number="29">ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​ၵူၼ်း​ၸဝ်ႈ​ႁဝ်း၊ ဢမူၺ်ႇ​ဢုၵ်ႉ​ၸႃႇ​ၸဝ်ႈ​ႁဝ်း ဢၼ်​ၸဝ်ႈ​ႁဝ်း​ဢဝ်​တင်း​မႁႃႇ​တၼ်း​ၶူဝ်း​ၸဝ်ႈ ဢိၵ်ႇ​တင်း​တၢင်း​ဢၼ်​ယဵတ်ႇ​ၶႅၼ်​ၸဝ်ႈ​သေ​လႄႈ ၼုၵ်ႈ​ဢဝ်​ဢွၵ်ႇ​မႃး​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="10">
				<verse number="1">မိူဝ်ႈ​ၼၼ်ႉ ထႃႇဝရႃႉ​ၽြႃး​မီး​ဢမိင်ႉ​တီႈ​ၵဝ်​လႄႈ​ဝႃႈ၊ ထၢၵ်ႇ​ႁဵတ်း​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ မိူၼ်​ၸိူဝ်ႉ​ၼင်ႇ​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ မိူဝ်ႈ​ဢွၼ်​တၢင်း​ၼၼ်ႉ​ထႅင်ႈ​လႄႈ ၶိုၼ်ႈ​မႃး​ၵႃႈ​တီႈ​ၵဝ်​ၵႃႈ​ၼိူဝ်​လွႆ​ၼႆႉ​ထႅင်ႈ​လူး​ၵွၼ်ႇ​တႃႉ။ တိူၵ်ႈ​တႃႇ​ၵေႃႈ ဢဝ်​တင်း​မႆႉ​ႁဵတ်း​တႃႉ။-</verse>
				<verse number="2">ၵဝ်​တၵ်း​ဢဝ်​ၵႂၢမ်း​ဢၼ်​ပႃး​ၵႃႈ​တီႈ ၶႅပ်း​မၢၵ်ႇ​ႁိၼ်​ဢၼ်​ၵမ်း​ဢွၼ်​တၢင်း​ဢၼ်​မႂ်း​ဢဝ်​ႁၵ်း​ႁဵၵ်း​ပႅတ်ႈ​ၼၼ်ႉ တႅမ်ႈ​သႂ်ႇ​ဝႆႉ​ၵႃႈ​ၼိူဝ်​ၶႅပ်း​မၢၵ်ႇ​ႁိၼ်​ၸိူဝ်း​ၼၼ်ႉ​ထႅင်ႈ​လႄႈ မႂ်း​တၵ်း​လႆႈ​ဢဝ်​သႂ်ႇ​ဝႆႉ​ၵႃႈ​ၼႂ်း​တိူၵ်ႈ​တႃႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၼင်ႇ​ၼၼ်​လႄႈ ၵဝ်​ဢဝ်​မႆႉ​ ဢၵႃႇသႃႉ ​ႁဵတ်း​တိူၵ်ႈ​တႃႇ​လႄႈ ထၢၵ်ႇ​ႁဵတ်း​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ မိူၼ်​ၸိူဝ်ႉ​ၼင်ႇ​ဢၼ်​ဢွၼ်​တၢင်း​ၼၼ်ႉ​သေ​ယဝ်ႉ၊ ယိပ်း​ၵမ်​ဢဝ်​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ​ၼၼ်ႉ​သေ​လႄႈ ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ဢေႃႈ။-</verse>
				<verse number="4">ၸွမ်း​ၵႃႈ​ၼင်ႇ​ဢၼ်​ပႃး​ၼႂ်း​လိၵ်ႈ​ဢၼ်​ဢွၼ်​တၢင်း​ၼၼ်ႉ​သေ​လႄႈ မၼ်း​ၸဝ်ႈ​တႅမ်ႈ​ပိင်း​ၺၢပ်ႈ​သိပ်း​ပိူင် ဢၼ်​ထႃႇဝရႃႉ​ၽြႃး​မီး​ဢမိင်ႉ​ဢွၵ်ႇ​သေ​ၵႃႈ​ၼႂ်း​ၽႆး​ၵႃႈ​ၼိူဝ်​လွႆ​ၸူး​တီႈ​သူ ၼႂ်း​ဝၼ်း​ဢၼ်​သူ​ၸူႉ​ၵၼ်​တုမ်​ၵၼ်​ၼၼ်ႉ သႂ်ႇ​ဝႆႉ​ၵႃႈ​ၼိူဝ်​ၶႅပ်း​မၢၵ်ႇ​ႁိၼ်​ၸိူဝ်း​ၼၼ်ႉ​လႄႈ ထႃႇဝရႃႉ​ၽြႃး​ဢဝ်​ဢၢပ်ႈ​ပၼ်​တီႈ​ၵဝ်​ဢေႃႈ။-</verse>
				<verse number="5">ၵဝ်​ၵေႃႈ​ဝၢႆႇ​ၶိုၼ်း​လႄႈ​လူင်း​သေ​ၵႃႈ​ၼိူဝ်​လွႆ​မႃး​သေ​ယဝ်ႉ၊ ဢဝ်​ၶႅပ်း​မၢၵ်ႇ​ႁိၼ်​ၸိူဝ်း​ၼၼ်ႉ သႂ်ႇ​ဝႆႉ​ၵႃႈ​ၼႂ်း​တိူၵ်ႈ​တႃႇ​ဢၼ်​ၵဝ်​ႁဵတ်း​ဝႆႉ​ၼၼ်ႉ​လႄႈ မီး​ယူႇ​ၵႃႈ​ၼႂ်း​ၼၼ်ႉ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="6">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​လုၵ်ႉ​သေ​ၵႃႈ​တီႈ​ၼမ်ႉ​မေႃႇ​ ပိၼ်ႇယႃႇၵၼ်ႇ ​ၸိူဝ်း​ၼၼ်ႉ ၵႂႃႇ​တၢင်း​ပႆ​တၢင်း​ၸူး​ၵႃႈ​တီႈ​ မူဝ်းသရႃႉ ​ဢေႃႈ။ ဢႃႇရုၼ်ႇ ​ႁွတ်ႈ​ဢၼိၵ်ႈၸႃႉ​ၵႃႈ​တီႈ​ၼၼ်ႈ​လႄႈ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​တီႈ​ၼၼ်ႈ​ဢေႃႈ။ လုၵ်ႈ​ၸၢႆး​မၼ်း​ ဢေးလႃႇၸႃႇ ​ၼၼ်ႉ လႆႈ​ပွင်​ႁဵတ်း​ဢမူႉ​ယိတ်ႈပရေႃးႁဵၵ်ႈ ၼႂ်း​ဢရႃႇ​မၼ်း​ၼၼ်ႉ​ဢေႃႈ။-</verse>
				<verse number="7">ၶဝ်​သမ်ႉ​လုၵ်ႉ​သေ​ၵႃႈ​တီႈ​ၼၼ်ႈ ၵႂႃႇ​တၢင်း​ပႆ​တၢင်း​ၸူး​ၵႃႈ​တီႈ​ ၵုတ်ႉၵူဝ်းတႃႉ ​ဢေႃႈ။ သမ်ႉ​လုၵ်ႉ​သေ​ၵႃႈ​တီႈ​ ၵုတ်ႉၵူဝ်းတႃႉ ၸူး​ၵႃႈ​တီႈ​ ယုတ်ႉၽႃႇသႃႉ ​တီႈ​ဢၼ်​မီး​ၼမ်ႉ​ႁွင်ႈ​ၼမ်ႉ​ၵႄး​ၼၼ်ႉ​ဢေႃႈ။-</verse>
				<verse number="8">မိူဝ်ႈ​ၼၼ်ႉ ထႃႇဝရႃႉ​ၽြႃး​ၽႄ​ဢဝ်​ၵူၼ်း​မဵဝ်း​ လေႇဝီႉ ​တင်း​လၢႆ​ဝႆႉ ႁႂ်ႈ​ၶဝ်​လႆႈ​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး ဢိၵ်ႇ​တင်း​ႁႂ်ႈ​လႆႈ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ပွင်​ႁဵတ်း​ဢမူႉ​မၼ်း​ၸဝ်ႈ ဢိၵ်ႇ​တင်း​ႁႂ်ႈ​လႆႈ​ဢဝ်​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​သေ​လႄႈ​ပၼ်​တၢင်း​လီ​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="9">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ မဵဝ်း​ လေႇဝီႉ ဢမ်ႇ​လႆႈ​ပုၼ်ႈ​လႆႈ​တႃႇ၊ ဢမ်ႇ​လႆႈ​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း​ပီႈ​ၼွင်ႉ​ၶဝ်။ ထႃႇဝရႃႉ​ၽြႃး ပဵၼ်​ဢမူၺ်ႇ​ဢၼ်​မၼ်း​လႆႈ​ၶၢမ်ႇ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​ပဵၼ်​ၸဝ်ႈ​မႂ်း မီး​ၵတီႉ​ဝႆႉ​တီႈ​မၼ်း​ၼၼ်ႉ​ဢေႃႈ။-</verse>
				<verse number="10">ၼင်ႇ​ၼၼ်​လႄႈ ၵဝ်​လႆႈ​သမ်ႉ​ၶိုၼ်း​ယူႇ​ၵႃႈ​ၼိူဝ်​လွႆ​သီႇ​သိပ်း​ဝၼ်း​သီႇ​သိပ်း​ၶိုၼ်း​ထႅင်ႈ​ပဵင်း​ထၢၼ်ႇ မိူဝ်ႈ​ဢွၼ်​တၢင်း​ၼၼ်ႉ​လႄႈ၊ မိူဝ်ႈ​ၼၼ်ႉ​ၵေႃႈ ထႃႇဝရႃႉ​ၽြႃး​ထွမ်ႇ​ဢဝ်​ၵႂၢမ်း​ၵဝ်​လႄႈ ထႃႇဝရႃႉ​ၽြႃး​ဢမ်ႇ​ယႃႉ​ၽဵဝ်ႈ​သူ​ပႅတ်ႈ။-</verse>
				<verse number="11">ထႃႇဝရႃႉ​ၽြႃး​မီး​ဢမိင်ႉ​တီႈ​ၵဝ်​လႄႈ​ဝႃႈ၊ လုၵ်ႉ​လႄႈ​ဢွၼ်​ႁူဝ်​ၵူၼ်း​တင်း​လၢႆ ၵႂႃႇ​တၢင်း​ပႆ​တၢင်း​တႃႉ။ ၶဝ်​တၵ်း​လႆႈ​ၵႂႃႇ​လႄႈ ၶဝ်ႈ​သိမ်း​ဢဝ်​မိူင်း​ဢၼ်​ၵဝ်​တိူင်ႇ​ဝႃႈ​ဝႆႉ တီႈ​ပူႇ​မွၼ်ႇ​ၶဝ်​ႁႂ်ႈ​လႆႈ​ပၼ်​တီႈ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မဵဝ်း​ ဢီႉသရေႇလႃႉ ​ဢိူၺ်း၊ လိူဝ်​သေ​တၢင်း​ဢၼ်​ၵူဝ်​ဢၼ်​ႁႄ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၢင်း​ဢၼ်​ၸွမ်း​ၼႂ်း​သဵၼ်ႈ​တၢင်း​မၼ်း​ၸဝ်ႈ​တင်း​သဵင်ႈ​တင်း​လူင်၊ တၢင်း​ဢၼ်​ႁၵ်ႉ​မၼ်း​ၸဝ်ႈ၊ တၢင်း​ဢၼ်​ပႃး​တင်း​ၸႂ်​သဵင်ႈ​သဵင်ႈ​တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ပွင်​ႁဵတ်း​ဢမူႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း၊-</verse>
				<verse number="13">တၢင်း​ဢၼ်​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ထႃႇဝရႃႉ​ၽြႃး ဢိၵ်ႇ​တင်း​ထုင်း​ၽိင်ႈ​မၼ်း​ၸဝ်ႈ​တင်း​လၢႆ ဢၼ်​ၵဝ်​ထွၵ်ႈ​လူၺ်ႈ​ဢၵျူဝ်း​မႂ်း​သေ​လႄႈ သင်ႇ​လၢတ်ႈ​ဝႆႉ​ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ​ၼၼ်ႉ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ယွၼ်း​ဢဝ်​လွင်ႈ​ဢၼ်​လႂ်။-</verse>
				<verse number="14">ၽႃႉ​ၵၢင်​ႁၢဝ်​ဢိၵ်ႇ​တင်း​ၵႃႈ​ၼိူဝ်​ၸိၵ်း​ၸွမ်​ၽႃႉ​ၵၢင်​ႁၢဝ်၊ လိၼ်​မိူင်း​ဢိၵ်ႇ​တင်း​ၵႃႈ​ဢၼ်​မီး​ၵႃႈ​ၼႂ်း​မၼ်း​ၸိူဝ်း​ၼၼ်ႉ ပဵၼ်​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပိူင်ႇ​ဢေႃႈ။-</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး​ၸႂ်​ၸပ်း​ၸႂ်​ပႅၼ်း​ပူႇ​မွၼ်ႇ​မႂ်း​သေ​လႄႈ ႁၵ်ႉ​ပႅင်း​လႄႈ​လိူၵ်ႈ​ၵဵပ်း​ဢဝ်​မဵဝ်း​ၸိူဝ်ႉ​ၶိူဝ်း​ၶဝ် လိုၼ်း​ၶဝ်​ဢၼ်​ဝႃႈ​မႂ်း​ၼႆႉ ၵႃႈ​ၼႂ်း​မဵဝ်း​ၵူၼ်း​တင်း​လၢႆ ၸိူဝ်ႉ​ၼင်ႇ​ဢၼ်​မီး​ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ ထိူဝ်​ႁိမ်း​ပၢႆ​ၼင်​ႁူဝ်​ၸႂ်​သူ​တႃႉ။ ၵမ်း​လိုၼ်း​ယႃႇ​ပေ​ႁႂ်ႈ​မီး​လမ်း​ၶေႃး​ဢၼ်​ၵႅၼ်ႇ​ဢၼ်​ၶႅင်။-</verse>
				<verse number="17">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ပဵၼ်​ၽြႃး​ၼိူဝ်​ၽြႃး၊ ၸဝ်ႈ​ၼိူဝ်​ၸဝ်ႈ၊ ၽြႃး​ဢၼ်​ယႂ်ႇ​မျၢတ်ႈ၊ ၽြႃး​ဢၼ်​ပျေႉ​ၸုမ်ႇ​တင်း​တၼ်း​ၶူဝ်း​လႄႈ​လီ​ၵူဝ်​လီ​ႁႄ၊ ၽြႃး​ဢၼ်​ယင်း​ဢမ်ႇ​ထွၵ်ႈ​လူၺ်ႈ​ၼႃႈ​ပိူၼ်ႈ၊ ယင်း​ဢမ်ႇ​ၵိၼ်​လၢၵ်ႈ​သွင်ႇ​တၢၼ်း​သူဝ်း​လႄႈ၊-</verse>
				<verse number="18">ယူႇ​ၽၢႆႇ​လုၵ်ႈ​ဢွၼ်ႇ​ဢၼ်​ဢမ်ႇ​မီး​ပေႃႈ​မီး​မႄႈ ဢိၵ်ႇ​တင်း မႄႈ​မူၵ်း​မႄႈ​မၢႆႈ​တင်း​လၢႆ​သေ​လႄႈ​ၸီႇ​ယၢင်ႇ​တြႃး၊ ၽြႃး​ဢၼ်​ႁၵ်ႉ​ၶႅၵ်ႇ​ဢႃႇၵၼ်ႇတူႉ​လႄႈ ဢဵတ်း​လူ​ပၼ်​တၢင်း​ၵိၼ်​တၢင်း​ၼုင်ႈ​ၼၼ်ႉ​ဢေႃႈ။-</verse>
				<verse number="19">ပိူဝ်ႈ​ၼႆ​လႄႈ ႁၵ်ႉ​ၶႅၵ်ႇ​ဢႃႇၵၼ်ႇတူႉ​တႃႉ။ လွင်ႈ​မၼ်း​ၸမ်ႉ သူ​ယၢမ်ႈ​ပဵၼ်​ၶႅၵ်ႇ​ဢႃႇၵၼ်ႇတူႉ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ယဝ်ႉ။-</verse>
				<verse number="20">မႂ်း​တၵ်း​လႆႈ​ၵူဝ်​ႁႄ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ပွင်​ႁဵတ်း​ဢမူႉ​ၸဝ်ႈ​ဢေႃႈ။ တၵ်း​လႆႈ​ၸပ်း​ၸွမ်း​ဢိင်​ပိုင်ႈ​မၼ်း​ၸဝ်ႈ​လႄႈ ဢဝ်​တင်း​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ ႁဵတ်း​တၢင်း​ဢၼ်​တိူင်ႇ​ဝႃႈ​ဢေႃႈ။-</verse>
				<verse number="21">မၼ်း​ၸဝ်ႈ​ပဵၼ်​မုၼ်​ၵုင်ႇ​သရေႇ​မႂ်း၊ ၽြႃး​ပဵၼ်​ၸဝ်ႈ​မႂ်း ဢၼ်​ႁဵတ်း​လွင်ႈ​တၢင်း​ဢၼ်​ယႂ်ႇ​ၼႃႇ ဢၼ်​လီ​ၵူဝ်​လီ​ႁႄ​တင်း​လၢႆ​ပုၼ်ႈ​မႂ်း၊ ဢၼ်​မၢၵ်ႇ​တႃ​မႂ်း​လႆႈ​ႁၼ်​ယဝ်ႉ ၼၼ်ႉ​ဢေႃႈ။-</verse>
				<verse number="22">ပူႇ​မွၼ်ႇ​မႂ်း​ၸိူဝ်း​ၼၼ်ႉ မီး​ၵူၼ်း​ၸဵတ်း​သိပ်း​ၵေႃႉ​ၵူၺ်း​လႄႈ ဢွၼ်​ၵၼ်​လူင်း​ၵႂႃႇ​ၵႃႈ​တီႈ မိူင်း​ ဢေႇၵိပ်ႉတူႉ ​ဢေႃႈ။ တေႃႈ​လဵဝ်​ၼႆႉ​ၸမ်ႉ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ႁႂ်ႈ​မႂ်း​ယႂ်ႇ​ၽႄႈ​ၼမ်​ၵိုၼ်း​မႃး​ထၼ်ႈ​ပေႃး တၢၼ်ႇ​လၢဝ်​ၵၢင်​ႁၢဝ်​ၸိူဝ်း​ၼၼ်ႉ​ယဝ်ႉ။</verse>
			</chapter>
			<chapter number="11">
				<verse number="1">ပိူဝ်ႈ​ၼႆ​လႄႈ မႂ်း​တၵ်း​လႆႈ​ႁၵ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ပႂ်ႉ​ၵမ်​ပႂ်ႉ​ၸွမ်း​တၢင်း​ဢၼ်​သၢင်ႈ​ႁဵတ်း​ဢမူႉ​မၼ်း​ၸဝ်ႈ၊ ထုင်း​ၽိင်ႈ​တြႃး​မၼ်း​ၸဝ်ႈ၊ လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ ဢိၵ်ႇ​တင်း​ပိင်း​ၺၢပ်ႈ​မၼ်း​ၸဝ်ႈ​တင်း​လၢႆ​ၼၼ်ႉ​ယူႇ​သေႇ​သေႇ​ဢေႃႈ။-</verse>
				<verse number="2">ၵဝ်​ဢမ်ႇ​လၢတ်ႈ​တီႈ​လုၵ်ႈ​လၢင်း​သူ ဢၼ်​ဢမ်ႇ​ႁူႉ​ဢမ်ႇ​ႁၼ်​ၸိူဝ်း​ၼၼ်ႉ။ တူဝ်​သူ​ႁူႉ​မၢတ်ႈ​တၢင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း သင်ႇ​သွၼ်​သုင်း​မႃႉ​ပၼ်၊ မုၼ်​ဢႃႇၼူႉၽေႃႇ​မၼ်း​ၸဝ်ႈ၊ တၢင်း​ဢၼ်​မၼ်း​ၸဝ်ႈ ဢဝ်​တင်း​မိုဝ်း​ၸဝ်ႈ​ဢၼ်​ႁႅင်း​ယႂ်ႇ​ၼႃႇ​ႁဵတ်း၊ တၢင်း​ဢၼ်​ယဵတ်ႇ​ၶႅၼ်​မၼ်း​ၸဝ်ႈ၊-</verse>
				<verse number="3">ၼီႉမိၵ်ႈ​လၢၵ်ႈၶၼႃႇ​တင်း​လၢႆ၊ လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​ဢၼ်​မၼ်း​ၸဝ်ႈ ႁႂ်ႈ​ပဵၼ်​ၵႃႈ​ၼႂ်း​မိူင်း​ ဢေႇၵိပ်ႉတူႉ တီႈ​ ၽႃႇရေႃး ၶုၼ်​ႁေႃ​ၶမ်း​ ဢေႇၵိပ်ႉတူႉ ဢိၵ်ႇ​တင်း​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း​တင်း​သဵင်ႈ​တင်း​လူင်၊-</verse>
				<verse number="4">လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​တီႈ​မုၵ်ႉ​ၸိူဝ်း​ပူဝ်ႇ​ပႃႇ​ၵူၼ်း​သိုၵ်း​ ဢေႇၵိပ်ႉတူႉ ဢၼ်​ဝႃႈ​တပ်ႉ​မႃႉ​ၶဝ် ဢိၵ်ႇ​တင်း​လေႃႉရထႃး​ၶဝ်၊ လွင်ႈ​တၢင်း​ဢၼ်​ထႃႇဝရႃႉ​ၽြႃး ႁႂ်ႈ​ၼမ်ႉ​ပၢင်ႇ​လၢႆႇ​ ဢေႇတုမ်ႇ ​ထူမ်ႈ​ႁူမ်ႇ​ၶဝ်၊ ၼႂ်း​မိူဝ်ႈ​ဢၼ်​ၶဝ်​လိုပ်ႈ​လမ်း​ၸွမ်း​သူ လွင်ႈ​တၢင်း​ဢၼ်​ထႃႇဝရႃႉ​ၽြႃး ယႃႉ​ၽဵဝ်ႈ​ၶဝ်​ပႅတ်ႈ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ၊-</verse>
				<verse number="5">လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​တီႈ​သူ​ၵႃႈ​ၼႂ်း​ထိူၼ်ႇ တေႃႇ​ထိုင်​ႁွတ်ႈ​သူ​ထၼ်ႈ​ပေႃး​ၽႅဝ်​မႃး​ၵႃႈ​တီႈ​ၼႆႈ၊-</verse>
				<verse number="6">လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​တီႈ​ တႃႇသၼ်ႇ တင်း​ ဢၽီႉရမ်ႇ လုၵ်ႈ​ၸၢႆး​ ဢေးလျႃႇၽႃႉ ၵူၼ်း​မဵဝ်း​ ရူႉပိၼ်ႇ ၊ လွင်ႈ​တၢင်း​ဢၼ်​လိၼ်​မိူင်း​တႅၵ်ႇ​ဢႃႈ​သူပ်း​သေ​လႄႈ​ဢိုၼ်​ၶဝ် ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​ၶဝ်၊ မူဝ်းၵႃႇ​ၶဝ် ဢိၵ်ႇ​တင်း​ၵႃႈ​ဢၼ်​ဢသၢၵ်ႈ​လိပ်း​ယူႇ​လႄႈ ပဵၼ်​ၶွင်​ၶဝ်​ၼၼ်ႉ​ၵႃႈ​ၼႂ်း​ၵၢင်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​ဝႆႉ​တႃႉ။-</verse>
				<verse number="7">မၢၵ်ႇ​တႃ​သူ​လႆႈ​ႁၼ်​လွင်ႈ​တၢင်း​ဢၼ်​ယႂ်ႇ​ၼႃႇ ဢၼ်​ထႃႇဝရႃႉ​ၽြႃး​ႁဵတ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​မႃး​ယဝ်ႉ။</verse>
				<verse number="8">ပိူဝ်ႈ​ၼႆ​လႄႈ သူ​တၵ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​သူ​ဝၼ်း​မိူဝ်ႈ​ၼႆႉ ႁႂ်ႈ​သူ​လႆႈ​မီး​ႁႅင်း​ဢၼ်​ယႂ်ႇ​ၼႃႇ​လႄႈ ၵႂႃႇ​ၶဝ်ႈ​ၸၢမ်ႇ​ၸႃး​မိူင်း​ဢၼ်​သူ​တၵ်း​ၵႂႃႇ​ၸၢမ်ႇ​ၸႃး​ၼၼ်ႉ။-</verse>
				<verse number="9">ဢိၵ်ႇ​တင်း ႁႂ်ႈ​ဢသၢၵ်ႈ​သူ​လႆႈ​ယိုၼ်း​ယၢဝ်း​ၵႃႈ​တီႈ​မိူင်း​ဢၼ်​ထႃႇဝရႃႉ​ၽြႃး တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​သူ​ႁႂ်ႈ​လႆႈ​ပၼ်​တီႈ​ၶဝ် ဢိၵ်ႇ​တင်း​မဵဝ်း​ၸိူဝ်ႉ​ၶိူဝ်း​ၶဝ်၊ မိူင်း​ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ​ဢေႃႈ။-</verse>
				<verse number="10">မိူင်း​ဢၼ်​သူ​တၵ်း​ၵႂႃႇ​လႄႈ​ၶဝ်ႈ​ၸၢမ်ႇ​ၸႃး​ၼၼ်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ​မိူင်း​ ဢေႇၵိပ်ႉတူႉ ​တီႈ​ဢၼ်​သူ​ဢွၵ်ႇ​မႃး​ဢၼ်​ဝႃႈ မိူင်း​ဢၼ်​မႂ်း​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​သေ​လႄႈ လႆႈ​ဢဝ်​တိၼ်​မႂ်း​ႁူတ်း​ၼမ်ႉ​ၸိူဝ်ႉ​ၼင်ႇ​ဢၼ်​ႁဵတ်း​ႁႆႊ​ၼၼ်ႉ​ဢမ်ႇ​ၸႂ်ႈ။-</verse>
				<verse number="11">မိူင်း​ဢၼ်​သူ​တၵ်း​ၵႂႃႇ​လႄႈ​ၶဝ်ႈ​ၸၢမ်ႇ​ၸႃး​ၼၼ်ႉ ပဵၼ်​မိူင်း​ဢၼ်​ပဵၼ်​ႁူၺ်ႈ​ပဵၼ်​လွႆ​လႄႈ ၶၢမ်ႇ​ၵိၼ်​ၼမ်ႉ​ၽႃႉ​ၼမ်ႉ​ၽူၼ်၊-</verse>
				<verse number="12">မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လုမ်း​လႃး​လႄႈ မၢၵ်ႇ​တႃ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း လူ​တူၺ်း​ယူႇ​ၸႃႉ​ၸဵမ်​ႁူဝ်​ပီႊ တေႃႇ​ထိုင်​ႁွတ်ႈ​ႁၢင်​ပီႊ​ဢေႃႈ။-</verse>
				<verse number="13">ပေႃး​သူ​ထွမ်ႇ​ဢဝ်​ပိင်း​ၺၢပ်ႈ​ၵဝ် ဢၼ်​ၵဝ်​သင်ႇ​လၢတ်ႈ​ဝႆႉ​ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ​ၸေး​ၸေး​ၸွတ်ႇ​ၸွတ်ႇ ႁႂ်ႈ​လႆႈ​ပႃး​တင်း​ၸႂ်​သဵင်ႈ​သဵင်ႈ၊ တင်း​ႁူဝ်​ၸႂ်​သဵင်ႈ​သဵင်ႈ​ႁၵ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ပွင်​ႁဵတ်း​ဢမူႉ​မၼ်း​ၸဝ်ႈ​ၼၼ်ႉ​ၸိုင်၊-</verse>
				<verse number="14">ၵဝ်​တၵ်း​ပၼ်​ၼမ်ႉ​ၽူၼ်​ဢၼ်​ၸၢပ်ႈ​သႅင်ႇ​ၵၼ်​တင်း​မိူင်း​သူ​ဢၼ်​ဝႃႈ ၽူၼ်​ဢွၼ်​တၢင်း၊ ၽူၼ်​ၵမ်း​လိုၼ်း​ၼၼ်ႉ ႁႂ်ႈ​မႂ်း​လႆႈ​သိမ်း​ဢဝ်​ၶဝ်ႈ​ပိူၵ်ႇ​မႂ်း၊ ၼမ်ႉ​ၸပိတ်ႈ​မႂ်း ဢိၵ်ႇ​တင်း​ၼမ်ႉ​မၼ်း​မႂ်း​ဢေႃႈ။-</verse>
				<verse number="15">ၵဝ်​တၵ်း​ႁႂ်ႈ​တူၼ်ႈ​ယိူဝ်ႈ​တူၼ်ႈ​ယႃႈ​ဢွၵ်ႇ​ၵႃႈ​တီႈ​ပၢင်ႇ​တီႈ​ပဵင်း​ပုၼ်ႈ​တရိၵ်ႈသၢၼ်ႇ​မႂ်း ႁႂ်ႈ​မႂ်း​လႆႈ​ၵိၼ်​ဢိမ်ႇ​ၵိၼ်​တဵမ်​ဢေႃႈ။-</verse>
				<verse number="16">တူဝ်​သူ​ႁဵတ်း​သတီႉ​တီႈ​တူဝ်​သူ ႁႂ်ႈ​ႁူဝ်​ၸႂ်​သူ​ဢမ်ႇ​လႆႈ​ၶၢမ်ႇ​တၢင်း​ဢၼ်​ပႅတ်ႉ​ဢၼ်​လႅၼ်​သေ​လႄႈ ၽိတ်း​တၢင်း​ပိူင်ႈ​တၢင်း​ၵႂႃႇ​လႄႈ ႁဵတ်း​ဝၢတ်ႈ​ၵူဝ်း​ၵႂၢႆႇ​ၽြႃး​တၢင်ႇ​သူႇ​တၢင်ႇ​ပႃး ၸိူဝ်း​ၼၼ်ႉ​တႃႉ။-</verse>
				<verse number="17">ပေႃး​ဢမ်ႇ​ၼၼ် တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​တၵ်း​ဢွၵ်ႇ​လႄႈ မၼ်း​ၸဝ်ႈ​တၵ်း​ဢိုတ်း​ၽႃႉ​ၵၢင်​ႁၢဝ် ႁႂ်ႈ​ၽူၼ်​ဢမ်ႇ​လႆႈ​တူၵ်း​လႄႈ​လိၼ်​ဢမ်ႇ​ပၼ်​မၢၵ်ႇ​မၼ်း​ႁူင်း​မၼ်း​ဢေႃႈ။ သူ​တၵ်း​လူႉ​လႅဝ်​ပႅတ်ႈ​သေ​ၵႃႈ​ၼႂ်း​မိူင်း ဢၼ်​လီ​ဢၼ်​ငၢမ်း​ဢၼ်​ထႃႇဝရႃႉ​ၽြႃး​ပၼ်​ၼၼ်ႉ ၶၼ်​ၶၼ်​ၽႂ်း​ၽႂ်း​ဢေႃႈ။-</verse>
				<verse number="18">ပိူဝ်ႈ​ၼႆ​လႄႈ သူ​တၵ်း​လႆႈ​ဢဝ်​ၵႂၢမ်း​ၵဝ်​ၼႆႉ​သႂၢင်း​သႂ်ႇ​ဝႆႉ​ၵႃႈ​ၼႂ်း​ႁူဝ်​ၸႂ်​သူ​လႄႈ ဢဝ်​မတ်ႉ​ၸပ်း​သႂ်ႇ​ဝႆႉ​ၵႃႈ​တီႈ​မိုဝ်း​မႂ်း​ပုၼ်ႈ​လၢၵ်ႈၶၼႃႇ​သၢၵ်ႈ​သေႇ​လႄႈ ပဵၼ်​ပုၼ်ႈ​ၶိူင်ႈ​ဢၼ်​ဝႆႉ​ၵႃႈ​တီႈ​ၵႄႈ​ဝူင်ႈ​ၵၢင်​မၢၵ်ႇ​တႃ​မႂ်း​ဢေႃႈ။-</verse>
				<verse number="19">သူ​တၵ်း​လႆႈ​ဢဝ်​ၵႂၢမ်း​ၼၼ်ႉ​သင်ႇ​သွၼ်​ပၼ်​တီႈ​လုၵ်ႈ​တီႈ​လၢင်း​မႂ်း​လႄႈ ၼင်ႈ​ယူႇ​ၵႃႈ​တီႈ​ႁိူၼ်း​သေ​ဢမ်ႇ​ဝႃႈ၊ ပႆ​တၢင်း​ယူႇ​သေ​ဢမ်ႇ​ဝႃႈ၊ ၼွၼ်း​ယူႇ​သေ​ဢမ်ႇ​ဝႃႈ၊ လုၵ်ႉ​ယူႇ​သေ​ဢမ်ႇ​ဝႃႈ၊ တၵ်း​လႆႈ​လၢတ်ႈ​လူၺ်ႈ​လွင်ႈ​ၵႂၢမ်း​ၼၼ်ႉ​ယူႇ​ဢေႃႈ။-</verse>
				<verse number="20">မႂ်း​တၵ်း​လႆႈ​ဢဝ်​ၵႂၢမ်း​ၼၼ်ႉ တႅမ်ႈ​သႂ်ႇ​ဝႆႉ​ၵႃႈ​တီႈ​သဝ်​ၽၵ်း​တူ​ႁိူၼ်း​မႂ်း ဢိၵ်ႇ​တင်း​ၽၵ်း​တူ​ဝဵင်း​မႂ်း​ၸိူဝ်း​ၼၼ်ႉ​ဢေႃႈ။-</verse>
				<verse number="21">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၸူဝ်ႈ​ဢသၢၵ်ႈ​သူ၊ ၸူဝ်ႈ​ဢသၢၵ်ႈ​လုၵ်ႈ​လၢင်း​သူ​ၸိူဝ်း​ၼၼ်ႉ တၵ်း​လႆႈ​ယိုၼ်း​ယၢဝ်း​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​သူ​ႁႂ်ႈ​လႆႈ​ပၼ်​တီႈ​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၸူဝ်ႈ​ဢသၢၵ်ႈ​ၽႃႉ​ၵၢင်​ႁၢဝ်​ယိုၼ်း​ယၢဝ်း​ယူႇ ၵႃႈ​တီႈ​ၼိူဝ်​လိၼ်​မိူင်း ၼၼ်ႉ​ဢေႃႈ။-</verse>
				<verse number="22">ပေႃး​သူ​ႁဵတ်း​သတီႉ​သေ​လႄႈ ပႂ်ႉ​ၸွမ်း​ပိင်း​ၺၢပ်ႈ​ဢၼ်​ၵဝ်​သင်ႇ​လၢတ်ႈ​ဝႆႉ​ၼႆႉ​တင်း​သဵင်ႈ​တင်း​မူတ်း​လႄႈ ၵမ်​ၵျၢင်ႉ​ႁႂ်ႈ​လႆႈ​ႁၵ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​လႄႈ ၸွမ်း​သဵၼ်ႈ​တၢင်း​မၼ်း​ၸဝ်ႈ​တင်း​သဵင်ႈ​တင်း​လူင်​လႄႈ၊ ၸႂ်​ၸပ်း​ၸႂ်​ပႅၼ်း​ဢိင်​ပိုင်ႈ​မၼ်း​ၸဝ်ႈ​ယူႇ​ၸိုင်၊-</verse>
				<verse number="23">ထႃႇဝရႃႉ​ၽြႃး​တၵ်း​ႁေႃႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၸိူဝ်း​ၼႆႉ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ​လႄႈ သူ​တၵ်း​ဢုပ်ႉ​ပိူင်ႇ​ၵူၼ်း​မဵဝ်း​ဢၼ်​ႁႅင်း​ယႂ်ႇ​ၼႃႇ​လႄႈ ၼမ်​ၵိုၼ်း​ၼႃႇ​သေ​သူ​ၸိူဝ်း​ၼၼ်ႉ​ဢေႃႈ။-</verse>
				<verse number="24">သူ​တၵ်း​လႆႈ​ပိူင်ႇ​ဢဝ်​ၵႃႈ​တီႈ​ၵႃႈ​ဢၼ်​တိၼ်​သူ​ယဵပ်ႇ​ၼၼ်ႉ​လႄႈ ဢဝ်​ၵႃႈ​တီႈ​ၸႃႉ​ၸဵမ်​ထိူၼ်ႇ တေႃႇ​ထိုင်​ႁွတ်ႈ​ လေႇပၼုၼ်ႇ ၊ ဢဝ်​ၵႃႈ​တီႈ​ၸႃႉ​ၸဵမ်​ၼမ်ႉ​ႁွင်ႈ​လူင် ဢူႉၽရတ်ႉ ​တေႃႇ​ထိုင်​ႁွတ်ႈ​ပၢင်ႇ​လၢႆႇ​တၢင်း​ဝၼ်း​တူၵ်း​ၼၼ်ႉ တၵ်း​လႆႈ​ၶဝ်ႈ​ၼႂ်း​လႅၼ်​လိၼ်​သူ​ဢေႃႈ။-</verse>
				<verse number="25">ၽူႈ​လႂ်​ဢမ်ႇ​ၸုၵ်း​ၶၢမ်ႇ​လႆႈ​ၵႃႈ​တီႈ​ၽၢႆႇ​ၼႃႈ​သူ​သေ​ၵေႃႉ​သေ​ၵူၼ်း။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ တၵ်း​ႁဵတ်း​ႁႂ်ႈ​တၢင်း​ဢၼ်​ၵူဝ်​ႁႄ​သူ၊ တၢင်း​ဢၼ်​တူၵ်း​ၸႂ်​လႂ်​တိုၼ်ႇ​ၵွပ်ႈ​ပိူဝ်ႈ​သူ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မိူင်း​ၵႃႈ​ဢၼ်​သူ​ဢဝ်​တိၼ်​ယဵပ်ႇ​ၼၼ်ႉ ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​ဢမိင်ႉ​ဝႆႉ​တီႈ​သူ​ၼၼ်ႉ​ဢေႃႈ။-</verse>
				<verse number="26">တူၺ်း​လူး၊ ၵဝ်​ဢဝ်​တၢင်း​ဢၼ်​ပၼ်​တၢင်း​လီ ဢိၵ်ႇ​တင်း​တၢင်း​ဢၼ်​ၵိၼ်ႇ​ဝႃႈ​သွင်​ပႃး၊-</verse>
				<verse number="27">ဢၼ်​ဝႃႈ ပေႃး​သူ​ထွမ်ႇ​ဢဝ်​ပိင်း​ၺၢပ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​သူ​ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ​ၸိုင်၊ တၢင်း​ဢၼ်​ပၼ်​တၢင်း​လီ၊-</verse>
				<verse number="28">ပေႃး​သူ​ဢမ်ႇ​ထွမ်ႇ​ဢဝ်​ပိင်း​ၺၢပ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၸိူဝ်း​ၼၼ်ႉ​လႄႈ ဝႄႈ​ပိူင်ႈ​သေ​သဵၼ်ႈ​တၢင်း​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​သူ​ဝၼ်း​မိူဝ်ႈ​ၼႆႉ​ၼၼ်ႉ​လႄႈ ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး​ဢၼ်​သူ​ဢမ်ႇ​တွၼ်ႉ​ႁူႉ​ၸိူဝ်း​ၼၼ်ႉ​ၵႂႃႇ​ၸိုင်၊ တၢင်း​ဢၼ်​ၵိၼ်ႇ​ဢၼ်​ဝႃႈ​ၼၼ်ႉ​ၸိူဝ်း​ၼၼ်ႉ ဝႆႉ​ၵႃႈ​တီႈ​ၽၢႆႇ​ၼႃႈ​သူ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="29">မိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢဝ်​သူ​သူင်ႇ​ႁွတ်ႈ​ထိုင်​ၵႃႈ​ၼႂ်း​မိူင်း​ဢၼ်​သူ​တၵ်း​ၵႂႃႇ​လႄႈ​ၶဝ်ႈ​ၸၢမ်ႇ​ၸႃး​ၼၼ်ႉ​ယဝ်ႉ​ၼၼ်ႉ​ၸိုင်၊ သူ​တၵ်း​လႆႈ​ဢဝ်​တၢင်း​လီ​မင်ႇၵလႃႇ​တၢင်ႇ​ဝႆႉ​ၵႃႈ​ၼိူဝ်​လွႆ​ ၵေႇရၸိမ်ႇ ​လႄႈ ဢဝ်​တၢင်း​ဢၼ်​ၵိၼ်ႇ​ဢၼ်​ဝႃႈ​တၢင်ႇ​ဝႆႉ​ၵႃႈ​ၼိူဝ်​လွႆ​ ဢေးပႃႇလႃႉ ​ဢေႃႈ။-</verse>
				<verse number="30">လွႆ​ၸိူဝ်း​ၼၼ်ႉ မီး​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ၽၢႆႇ​လင်​သဵၼ်ႈ​တၢင်း​ဢၼ်​မီး​ၽၢႆႇ​တၢင်း​ဢၼ်​ၵၢင်​ဝၼ်း​တူၵ်း​ၵႃႈ​ၼႂ်း​မိူင်း​ၵူၼ်း​ ၶႃႇၼၼီႉ ဢၼ်​ယူႇ​ၵႃႈ​ၼႂ်း​ပၢင်ႇ​ပဵင်း​ ဢႃႇရၽႃႉ သိုဝ်ႈ​ဝဵင်း​ ၵီႉလႃႉၵႃႇလႃႉ ၵႃႈ​ႁိမ်း​တူၼ်ႈ​မႆႉ​ၼိမ်​ မေႃႇရေး ​ၸိူဝ်း​ၼၼ်ႉ​ဢေႃႈ။-</verse>
				<verse number="31">သူ​တၵ်း​လႆႈ​ၶၢႆႉ​ၵႂႃႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ႁႂ်ႈ​လႆႈ​ၶဝ်ႈ​ၸၢမ်ႇ​ၸႃး မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ပၼ်​တီႈ​သူ​ၼၼ်ႉ​လႄႈ သူ​တၵ်း​လႆႈ​ၶဝ်ႈ​ၸၢမ်ႇ​ၸႃး​မိူင်း​ၼၼ်ႉ​လႄႈ ယူႇ​ၵႃႈ​ၼႂ်း​မၼ်း​ဢေႃႈ။-</verse>
				<verse number="32">သူ​တၵ်း​လႆႈ​ဢွၼ်​ၵၼ်​ပႂ်ႉ​ၸွမ်း​ႁႂ်ႈ​လႆႈ ၵမ်​ၵျၢင်ႉ​ထုင်း​ၽိင်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​ၵႃႈ​ဢၼ်​ၵဝ်​ဝႆႉ ၵႃႈ​တီႈ​ၽၢႆႇ​ၼႃႈ​သူ ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="12">
				<verse number="1">ထုင်း​ၽိင်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ ဢၼ်​သူ​တၵ်း​လႆႈ​ပႂ်ႉ​ၸွမ်း ႁႂ်ႈ​လႆႈ​ၵမ်​ၵျၢင်ႉ​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​သူ​ပၼ်​ႁႂ်ႈ​သူ​လႆႈ​ၶဝ်ႈ​ၸၢမ်ႇ​ၸႃး ၶိင်ႇ​ၵႃႇလႃႉ​မိုဝ်ႉ​ဝၼ်း​ၵႃႈ​ဢၼ်​သူ​ဢသၢၵ်ႈ​လိပ်း​ယူႇ​ၵႃႈ​ၼိူဝ်​လိၼ်​မိူင်း​ၼႆႉ​ၸိူဝ်း​ၼၼ်ႉ​ၸမ်ႉ၊-</verse>
				<verse number="2">သူ​တၵ်း​လႆႈ​ယႃႉ​ၽဵဝ်ႈ​တီႈ​ၵႃႈ​ဢၼ်​ၵူၼ်း​မဵဝ်း​ဢၼ်​သူ​လႆႈ​ဢုပ်ႉ​ပိူင်ႇ​ၵူႈ​ၸိူဝ်ႉ​ၵူႈ​မဵဝ်း ႁဵတ်း​ဝၢတ်ႈ​တီႈ​ၽြႃး​ၶဝ်​ၵႃႈ​တီႈ​ၼိူဝ်​လွႆ​လႂ်၊ ၵႃႈ​တီႈ​ၼိူဝ်​ၵုင်း​လႂ်၊ ၵႃႈ​တီႈ​တႂ်ႈ​တူၼ်ႈ​မႆႉ​ဢၼ်​ၶဵဝ်​လႂ်​ၸိူဝ်း​ၼၼ်ႉ ပႅတ်ႈ​မူတ်း​မူတ်း​သဵင်ႈ​သဵင်ႈ​ဢေႃႈ။-</verse>
				<verse number="3">တၵ်း​လႆႈ​ၵိူၼ်ႇ​ယႃႉ​ယိတ်ႈပလၢင်ႇ​ၶဝ်​တင်း​လၢႆ​ပႅတ်ႈ​ဢေႃႈ။ တၵ်း​လႆႈ ပေႃႉ​ထုပ်ႉ​သဝ်​တီႈ​ၵူဝ်း​ၵႂၢႆႇ​ၶဝ်​လႅဝ်​ပႅတ်ႈ​ဢေႃႈ။ တၵ်း​လႆႈ​ဢဝ်​တူၼ်ႈ​ ဢႃႇသရႃႉ ​ၶဝ်​တုတ်ႇ​ၽႆး​ပႅတ်ႈ​ဢေႃႈ။ တၵ်း​လႆႈ​ပမ်ႈ​ရုၵ်ႈ​ထူႉ​သၢင်း​ထူႉ ဢၼ်​ၶဝ်​တွင်ႈ​ႁဵတ်း​ၸိူဝ်း​ၼၼ်ႉ​လူမ်ႉ​ပႅတ်ႈ​ဢေႃႈ။ တၵ်း​လႆႈ​ပႄႇ​ၽဵဝ်ႈ​ၼႃႇ​မႃႉ​ၸိုဝ်ႈ​သဵင်​ၶဝ်​ပႅတ်ႈ​သေ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="4">သူ​ဢမ်ႇ​လႆႈ​လူ​ယိူင်ႈ​ၶဝ်​ၼၼ်ႉ​သေ​လႄႈ ႁဵတ်း​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ။-</verse>
				<verse number="5">သူ​တၵ်း​လႆႈ​ဢွၼ်​ၵၼ်​ႁႃ​လႄႈ မႃး​ၸူး​ၵႃႈ​တီႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ လိူၵ်ႈ​ၵဵပ်း​ဢဝ်​ၵႃႈ​ၼႂ်း​မဵဝ်း​သူ​ၵႃႈ​မီး ပုၼ်ႈ​ဢၼ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႄႇ ဢၼ်​ဝႃႈ​တီႈ​ဢၼ်​မၼ်း​ၸဝ်ႈ​တၵ်း​ၵိင်း​ဝၢပ်ႈ​ယူႇ​ၼၼ်ႉ​ဢေႃႈ။-</verse>
				<verse number="6">သူ​တၵ်း​လႆႈ​ဢွၼ်​ၵၼ်​ဢဝ်​ၸႃႉ​ၸဵမ်​ယိတ်ႈ​ဢၼ်​တုတ်ႇ​ၽႆး​လႂ်၊ ယိတ်ႈ​တၢင်ႇ​ၸိူဝ်ႉ​တၢင်ႇ​ပိူင်​လႂ်၊ ၶိူင်ႈ​ပုၵ်ႈ​ၸေႃႇ​သိပ်း​ပုၼ်ႈ​ပုၼ်ႈ​ၼိုင်ႈ​လႂ်၊ ၶိူင်ႈ​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​လႂ်၊ ၶိူင်ႈ​ပုၵ်ႈ​ၸေႃႇ​ဢၼ်​ၸၢပ်ႈ​သႅင်ႇ​ၵၼ်​တင်း​ၵတီႉ​သဵတ်ႈ​ၸႃႇ​လႂ်၊ ၶိူင်ႈ​ပုၵ်ႈ​ၸေႃႇ​ဢၼ်​ယူႇ​ဢလူဝ်ႇလူဝ်ႇ​လႄႈ​ႁဵတ်း​လႂ်၊ တူဝ်​ပေႃႈ​ဢွၼ်ႇ​ဢၼ်​ၵိူတ်ႇ​လဵင်ႉ​ဢွၼ်​တၢင်း​ပိူၼ်ႈ​ၵႃႈ​တီႈ​ၽုင်​သူဝ်း​ၽုင်​ဝူဝ်း​သူ​ၸိူဝ်း​ၼၼ်ႉ မႃး​ၸူး​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="7">သူ​တၵ်း​လႆႈ​ၵိၼ်​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၵႃႈ​တီႈ​ၼၼ်ႈ​ဢေႃႈ။ ၸႃႉ​ၸဵမ်​သူ​လႄႈ​ၵူၼ်း​ႁိူၼ်း​ၵူၼ်း​ယေး​သူ​တင်း​လၢႆ တၵ်း​လႆႈ​သႂၢင်ႇ​သိူဝ်း​ၵႃႈ​ၼႂ်း​ၵႃႈ​ဢၼ်​မိုဝ်း​သူ​လႆႈ​ႁဵတ်း ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ပၼ်​တၢင်း​လီ​ၼၼ်ႉ​ဢေႃႈ။-</verse>
				<verse number="8">သူ​တၵ်း​ဢမ်ႇ​လႆႈ​ႁဵတ်း​ၸွမ်း​ၵႃႈ​ဢၼ်​ႁဝ်း​ႁဵတ်း​ၵႃႈ​တီႈ​ၼႆႈ​ဝၼ်း​မိူဝ်ႈ​ၼႆႉ​ဢၼ်​ဝႃႈ၊ ၵူၼ်း​ၵူႈ​ၵေႃႉ​ၵူႈ​ၵူၼ်း​ႁဵတ်း​ၸွမ်း​ၵႃႈ​ဢၼ်​ထုၵ်ႇ​တႃ​တူဝ်​ၸဝ်ႈ​ၵဝ်ႇ​ႁင်း​ၽႂ်​ႁင်း​မၼ်း​ၼၼ်ႉ​ယူႇ​ၼႆႉ။-</verse>
				<verse number="9">သူ​ဢမ်ႇ​ပႆႇ​လႆႈ​ၶဝ်ႈ​ၵႃႈ​ၼႂ်း ၵတ်း​ယဵၼ်​ၶျၢမ်း​သႃႇ​တီႈ​ဢၼ်​ၶၢမ်ႇ​ဢမူၺ်ႇ ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ပၼ်​ၼၼ်ႉ။-</verse>
				<verse number="10">မိူဝ်ႈ​ဢၼ်​သူ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၵႂႃႇ​သေ​လႄႈ ယူႇ​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ပၼ်​ပုၼ်ႈ​ဢၼ်​သူ တၵ်း​ၶၢမ်ႇ​ဢမူၺ်ႇ မိူဝ်ႈ​ဢၼ်​မၼ်း​ၸဝ်ႈ​ပၼ်​သူ​ၵၢင်း​လွတ်ႈ​သေ​ရၢၼ်ႇ​သူႇ​သူ ၵႃႈ​ဢၼ်​မီး​ၵႃႈ​တီႈ​ႁိမ်း​သူ​လႄႈ သူ​လႆႈ​ယူႇ​ၼိမ်​ၼိမ်​လီ​လီ​ၼၼ်ႉ​ၸိုင်၊-</verse>
				<verse number="11">တၵ်း​လႆႈ​မီး​တီႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ လိူၵ်ႈ​ၵဵပ်း​ဢဝ်​ပုၼ်ႈ​ဢၼ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႄႇ​ယူႇ​ၼၼ်ႉ​လႄႈ သူ​တၵ်း​လႆႈ​ဢွၼ်​ၵၼ်​ဢဝ်​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ ဢၼ်​ဝႃႈ​ယိတ်ႈ​ဢၼ်​တုတ်ႇ​ၽႆး​သူ၊ ယိတ်ႈ​တၢင်ႇ​ၸိူဝ်ႉ​တၢင်ႇ​ဢၼ်​သူ၊ ၶိူင်ႈ​ပုၵ်ႈ​ၸေႃႇ​သိပ်း​ပုၼ်ႈ​ပုၼ်ႈ​ၼိုင်ႈ​သူ၊ ၶိူင်ႈ​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​ၵႃႈ​တီႈ​မိုဝ်း​သူ၊ ၶိူင်ႈ​ပုၵ်ႈ​ၸေႃႇ​ၵတီႉ​သဵတ်ႈ​ၸႃႇ​ဢၼ်​မျၢတ်ႈ​လီ​ဢၼ်​သူ​ႁဵတ်း​ၵတီႉ​သဵတ်ႈ​ၸႃႇ​တီႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​မႃး​ၸူး​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="12">ၸႃႉ​ၸဵမ်​သူ​လႄႈ​လုၵ်ႈ​ၸၢႆး​သူ၊ လုၵ်ႈ​ယိင်း​သူ၊ ၶႃႈ​ၵူၼ်း​ၸၢႆး​သူ၊ ၶႃႈ​ၵူၼ်း​ယိင်း​သူ၊ ၵူၼ်း​မဵဝ်း​ လေႇဝီႉ ဢၼ်​ယင်း​ဢမ်ႇ​မီး​ပုၼ်ႈ​မီး​တႃႇ၊ ယင်း​ဢမ်ႇ​လႆႈ​ၶၢမ်ႇ​ဢမူၺ်ႇ​လႄႈ​သွၼ်ႈ​ပိုင်ႈ​ယူႇ​ၵႃႈ​တီႈ​သူ​ၼၼ်ႉ တၵ်း​လႆႈ​ဢွၼ်​ၵၼ်​ႁဵတ်း​တၢင်း​ဢၼ်​သႂၢင်ႇ​သိူဝ်း​မူၼ်ႈ​ပျေႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။-</verse>
				<verse number="13">ႁဵတ်း​သတီႉ​ႁႂ်ႈ​ဢမ်ႇ​လႆႈ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ၵႃႈ​ၼႂ်း​တီႈ​ၵႃႈ​ဢၼ်​မႂ်း​ထူပ်း​ႁၼ်​ၵူႈ​တီႈ​ၵူႈ​လႅၼ်​ၼၼ်ႉ​တႃႉ။-</verse>
				<verse number="14">မႂ်း​တၵ်း​လႆႈ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​လႄႈ ႁဵတ်း​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​ၵႃႈ​တီႈ​မႂ်း​ၼၼ်ႉ ၵႃႈ​ၼႂ်း​တီႈ​ဢၼ်​ထႃႇဝရႃႉ​ၽြႃး လိူၵ်ႈ​ၵဵပ်း​ဢဝ်​ၵႃႈ​ၼႂ်း​မဵဝ်း​သူ​မဵဝ်း​ၼိုင်ႈ​ၼၼ်ႉ​ၵူၺ်း​ဢေႃႈ။-</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ သူ​မီး​ဢၶႂၢင်ႉ​ဢၼ်​လႆႈ​ၸွမ်း​ဢလူဝ်ႇ​ၵႃႈ​ဢၼ်​ၶႂ်ႈ​ၵိၼ်​ၶႂ်ႈ​ၶူပ်း​ၼၼ်ႉ​သေ​လႄႈ ဢဝ်​တၢႆ​ၵိၼ်​ၼိူဝ်ႉ​ၵႃႈ​တီႈ​ၼႂ်း​ၽၵ်း​တူ​မႂ်း​ၵူႈ​တီႈ​ၵူႈ​လႅၼ်​ၼၼ်ႉ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တၢင်း​လီ​ၼၼ်ႉ​ဢေႃႈ။ မိူၼ်​ၸိူဝ်ႉ​ၼင်ႇ​ဢၼ်​ၵိၼ်​ၵႂၢင်​ၵိၼ်​ယိူင်း​ၼၼ်ႉ၊ ၵေႃႉ​ဢၼ်​မူတ်း​သႂ်၊ ၵေႃႉ​ဢၼ်​ဢမ်ႇ​မူတ်း​သႂ် မီး​ဢၶႂၢင်ႉ​ဢၼ်​လႆႈ​ၵိၼ်​ၼိူဝ်ႉ​ၼၼ်ႉ​ဢေႃႈ။-</verse>
				<verse number="16">ၵူၺ်း​ၵႃႈ သူ​ဢမ်ႇ​လႆႈ​ၵိၼ်​လိူတ်ႈ။ တၵ်း​လႆႈ​ဢဝ်​ထွၵ်ႇ​ပႅတ်ႈ​ၵႃႈ​ၼိူဝ်​လိၼ် မိူၼ်​ၸိူဝ်ႉ​ၼင်ႇ​ၼမ်ႉ​ၼၼ်ႉ​ဢေႃႈ။-</verse>
				<verse number="17">မႂ်း​ဢမ်ႇ​လႆႈ​ဢဝ်​ၶဝ်ႈ​ပိူၵ်ႇ၊ ၼမ်ႉ​ၸပိတ်ႈ၊ ၼမ်ႉ​မၼ်း​ဢၼ်​ပဵၼ်​သိပ်း​ပုၼ်ႈ​ပုၼ်ႈ​ၼိုင်ႈ​မႂ်း၊ တူဝ်​ပေႃႈ​ဢွၼ်ႇ​ဢၼ်​ၵိူတ်ႇ​လဵင်ႉ​ဢွၼ်​တၢင်း​ၼႂ်း​ၽုင်​သူဝ်း​ၽုင်​ဝူဝ်း​မႂ်း၊ ၶိူင်ႈ​ပုၵ်ႈ​ၸေႃႇ​ၵတီႉ​သဵတ်ႈ​ၸႃႇ​မႂ်း​ဢၼ်​မႂ်း​ႁဵတ်း​ၵတီႉ​သဵတ်ႈ​ၸႃႇ ၶိူင်ႈ​ပုၵ်ႈ​ၸေႃႇ​ဢၼ်​ယူႇ​ဢလူဝ်ႇလူဝ်ႇ​လႄႈ​မႂ်း​ႁဵတ်း၊ ၶိူင်ႈ​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​ၵႃႈ​တီႈ​မိုဝ်း​မႂ်း​သေ​ၸိူဝ်ႉ​သေ​ပိူင်​ၼၼ်ႉ ၵိၼ်​ၵႃႈ​တီႈ​ၼႂ်း​ၽၵ်း​တူ​မႂ်း။-</verse>
				<verse number="18">ၸႃႉ​ၸဵမ်​မႂ်း​လႄႈ လုၵ်ႈ​ၸၢႆး​မႂ်း​လုၵ်ႈ​ယိင်း​မႂ်း၊ ၶႃႈ​ၵူၼ်း​ၸၢႆး​မႂ်း​ၶႃႈ​ၵူၼ်း​ယိင်း​မႂ်း၊ ၵူၼ်း​မဵဝ်း​ လေႇဝီႉ ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​ၼႂ်း​ၽၵ်း​တူ​မႂ်း​ၼၼ်ႉ တၵ်း​လႆႈ​ဢွၼ်​ၵၼ်​ၵိၼ်​ၵႃႈ​ၼႂ်း​တီႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း လိူၵ်ႈ​ၵဵပ်း​ဢဝ်​ၼၼ်ႉ​ဢေႃႈ။ မႂ်း​တၵ်း​လႆႈ​ႁဵတ်း​တၢင်း​ဢၼ်​သႂၢင်ႇ​သိူဝ်း​မူၼ်ႈ​ပျေႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၵႃႈ​ၼႂ်း​လွင်ႈ​တၢင်း​ၵႃႈ​ဢၼ် မိုဝ်း​မႂ်း​ႁဵတ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="19">ႁဵတ်း​သတီႉ​ႁႂ်ႈ​ဢမ်ႇ​လႆႈ​လူင်​လႆႈ​လိုမ်း ၵူၼ်း​မဵဝ်း​ လေႇဝီႉ ​ၸူဝ်ႈ​ၵႃႈ​ဢၼ်​ဢသၢၵ်ႈ​မႂ်း​ယင်း​လိပ်း​ယူႇ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ​တႃႉ။-</verse>
				<verse number="20">မိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ႁႂ်ႈ​လႅၼ်​လိၼ်​မိူင်း​မႂ်း​ၵႂၢင်ႈ​မႃး​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​ဝႆႉ​ၵတီႉ​ၼၼ်ႉ​လႄႈ မႂ်း​ဝႃႈ​ၵဝ်​မီး​ၸႂ်​ဢၼ်​ၶႂ်ႈ​ၵိၼ်​ၼိူဝ်ႉ​လႄႈ ၵဝ်​တၵ်း​ၵိၼ်​ၼိူဝ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ မႂ်း​မီး​ဢၶႂၢင်ႉ​ဢၼ်​လႆႈ​ၵိၼ်​ၼိူဝ်ႉ​ၸွမ်း​ၵႃႈ​ၼင်ႇ​ဢၼ်​မႂ်း​ၶႂ်ႈ​ၵိၼ်​ၼၼ်ႉ​ဢေႃႈ။-</verse>
				<verse number="21">ပေႃး​တီႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လိူၵ်ႈ​ၵဵပ်း​ဢဝ်​ပုၼ်ႈ​ဢၼ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႄႇ​ယူႇ​ၼၼ်ႉ ၵႆ​ၵၼ်​တင်း​တီႈ​ဢၼ်​မႂ်း​ယူႇ​ၼၼ်ႉ​ၸိုင်၊ မႂ်း​မီး​ဢၶႂၢင်ႉ​ဢၼ်​လႆႈ​ဢဝ်​ၵႃႈ​ၼႂ်း​ၽုင်​သူဝ်း​ၽုင်​ဝူဝ်း ဢၼ်​ထႃႇဝရႃႉ​ၽြႃး​ပၼ်​တီႈ​မႂ်း​ၼၼ်ႉ တၢႆ​ၸွမ်း​ၵႃႈ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ​ၼၼ်ႉ​လႄႈ ၵိၼ်​ၵႃႈ​တီႈ​ၼႂ်း​ၽၵ်း​တူ​မႂ်း ၸွမ်း​ၵႃႈ​ၼင်ႇ​ဢၼ်​မႂ်း​ၶႂ်ႈ​ၵိၼ်​ၼၼ်ႉ​ဢေႃႈ။-</verse>
				<verse number="22">မႂ်း​တၵ်း​လႆႈ​ၵိၼ်​ၼိူဝ်ႉ​ၼၼ်ႉ​မိူၼ်​ၸိူဝ်ႉ​ၼင်ႇ​ဢၼ်​ၵိၼ်​ၵႂၢင်​ၵိၼ်​ယိူင်း​ၼၼ်ႉ​ဢေႃႈ။ ၵေႃႉ​ဢၼ်​ဢမ်ႇ​မူတ်း​သႂ် တင်း​ၵေႃႉ​ဢၼ်​မူတ်း​သႂ် မီး​ဢၶႂၢင်ႉ​ဢၼ်​လႆႈ​ၵိၼ်​ၼိူဝ်ႉ​ၼၼ်ႉ​မိူၼ်​မိူၼ်​ၵၼ်​ဢေႃႈ။-</verse>
				<verse number="23">ၵူၺ်း​ၵႃႈ ႁဵတ်း​သတီႉ​ႁႂ်ႈ​ဢမ်ႇ​လႆႈ​ၵိၼ်​လိူတ်ႈ​မၼ်း​တႃႉ။ လိူတ်ႈ​ၸမ်ႉ၊ ပဵၼ်​ဢသၢၵ်ႈ​ဢေႃႈ။ မႂ်း​ဢမ်ႇ​လႆႈ​ၵိၼ်​ဢသၢၵ်ႈ​လူၺ်ႈ​ၵၼ်​တင်း​ၼိူဝ်ႉ။-</verse>
				<verse number="24">မႂ်း​ဢမ်ႇ​လႆႈ​ၵိၼ်​လိူတ်ႈ။ တၵ်း​လႆႈ​ဢဝ်​ထွၵ်ႇ​ပႅတ်ႈ​ၼိူဝ်​လိၼ် မိူၼ်​ၸိူဝ်ႉ​ၼင်ႇ​ၼမ်ႉ​ၼၼ်ႉ​ဢေႃႈ။-</verse>
				<verse number="25">လွင်ႈ​ၼင်ႇ​ႁိုဝ်​ၸႃႉ​ၸဵမ်​မႂ်း​လႄႈ​လုၵ်ႈ​လၢင်း​မႂ်း​လိုၼ်း​မႂ်း​ၸိူဝ်း​ၼၼ်ႉ တၵ်း​လႆႈ​လီ​လႆႈ​ပဵၼ်​ၼႂ်း​မိူဝ်ႈ​ဢၼ် မႂ်း​ႁဵတ်း​မႂ်း​သၢင်ႈ​လွင်ႈ​တၢင်း​ဢၼ် ထုၵ်ႇ​တႃ​ထႃႇဝရႃႉ​ၽြႃး​ယူႇ​ၼၼ်ႉ​ၸိုင်၊ မႂ်း​ဢမ်ႇ​လႆႈ​ၵိၼ်​လိူတ်ႈ​ၼၼ်ႉ။-</verse>
				<verse number="26">ၵူၺ်း​ၵွမ်ႉ​မႂ်း​တၵ်း​လႆႈ​ဢဝ်​ၶိူင်ႈ​ပုၵ်ႈ​ၸေႃႇ ဢၼ်​မူတ်း​ၸၢင်ႇ​ဢၼ်​မီး​ၵႃႈ​တီႈ​မႂ်း ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ဢၼ်​ႁဵတ်း​ၵတီႉ​သဵတ်ႈ​ၸႃႇ​ၼၼ်ႉ​သေ​လႄႈ မႃး​ၸူး​ၵႃႈ​တီႈ​ဢၼ်​ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ်​ၼၼ်ႉ​ဢေႃႈ။-</verse>
				<verse number="27">မႂ်း​တၵ်း​လႆႈ​ဢဝ်​ယိတ်ႈ​ဢၼ်​တုတ်ႇ​ၽႆး ဢၼ်​ဝႃႈ​ၼိူဝ်ႉ​မၼ်း​တင်း​လိူတ်ႈ​မၼ်း ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။ လိူတ်ႈ​တူဝ်​ယိတ်ႈ​မႂ်း​ၼၼ်ႉ​ၸိုင် တၵ်း​လႆႈ​ၶၢမ်ႇ​တၢင်း​ဢၼ်​သွၼ်း​လေႃႇ​ၵႃႈ​ၼိူဝ်​ယိတ်ႈပလၢင်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ၼိူဝ်ႉ​မၼ်း​ၼၼ်ႉ​ၸိုင် မႂ်း​တၵ်း​လႆႈ​ၵိၼ်​ဢေႃႈ။-</verse>
				<verse number="28">လွင်ႈ​ၼင်ႇ​ႁိုဝ်​ၸႃႉ​ၸဵမ်​မႂ်း​လႄႈ​လုၵ်ႈ​လၢင်း​မႂ်း လိုၼ်း​မႂ်း​သိုပ်ႇ​သိုပ်ႇ​တၢမ်း​တၢမ်း​ၸိူဝ်း​ၼၼ်ႉ တၵ်း​လႆႈ​လီ​လႆႈ​ပဵၼ်​ၼႂ်း​မိူဝ်ႈ​ဢၼ် မႂ်း​ႁဵတ်း​မႂ်း​သၢင်ႈ​လွင်ႈ​တၢင်း​ဢၼ်​လီ​လႄႈ ထုၵ်ႇ​တႃ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ​ၸိုင်၊ ထွမ်ႇ​ဢဝ်​လႄႈ ပႂ်ႉ​ၵမ်​ပႂ်ႉ​ၸွမ်း​ၵႂၢမ်း​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​တႃႉ။</verse>
				<verse number="29">မိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တီႇ​ၽဵဝ်ႈ​ၵူၼ်း​မဵဝ်း​တင်း​လၢႆ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မႂ်း ၵႃႈ​တီႈ​မိူင်း​ဢၼ်​မႂ်း​တၵ်း​ၵႂႃႇ​လႄႈ​ၶဝ်ႈ​ၸၢမ်ႇ​ၸႃး​ၼၼ်ႉ​လႄႈ မႂ်း​ၵေႃႈ​လႆႈ​ဢုပ်ႉ​ပိူင်ႇ​ၶဝ်​သေ​လႄႈ ယူႇ​ၵႃႈ​ၼႂ်း​မိူင်း​ၶဝ်​ၼၼ်ႉ​ၸိုင်၊-</verse>
				<verse number="30">တူဝ်​မႂ်း​ႁဵတ်း​သတီႉ​တီႈ​တူဝ်​မႂ်း ႁႂ်ႈ​မႂ်း​ဢမ်ႇ​လႆႈ​ထုၵ်ႇ​ႁႅဝ်ႉ​ထုၵ်ႇ​ၶိုမ်း​ၸွမ်း​ၶဝ်​လိုၼ်း​သေ​ၶဝ် လူႉ​လႅဝ်​ၵႃႈ​တီႈ​ၽၢႆႇ​ၼႃႈ​မႂ်း​ယဝ်ႉ​ၼၼ်ႉ ဢိၵ်ႇ​တင်း​ႁႂ်ႈ​ဢမ်ႇ​လႆႈ​တွင်ႈ​ထၢမ်​လူၺ်ႈ​လွင်ႈ​ၽြႃး​ၶဝ်​လႄႈ​ဝႃႈ၊ ၵူၼ်း​မဵဝ်း​ၸိူဝ်း​ၼႆႉ​ႁဵတ်း​ဝၢတ်ႈ​တီႈ​ၽြႃး​ၶဝ်​ၸိူဝ်ႉ​ၼင်ႇ​ႁိုဝ်။ ၵဝ်​တၵ်း ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တႃႉ။-</verse>
				<verse number="31">မႂ်း​ဢမ်ႇ​လႆႈ​လူ​ယိူင်ႈ​ၶဝ်​ၼၼ်ႉ​သေ​လႄႈ ႁဵတ်း​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း။ ၶဝ်​ၼၼ်ႉ​ႁဵတ်း​ၵႃႈ​ဢၼ်​ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​ၼၼ်ႉ တီႈ​ၽြႃး​ၶဝ်​ၸိူဝ်း​ၼၼ်ႉ​ယဝ်ႉ။ တေႃႈ​ၵႃႈ​လုၵ်ႈ​ၸၢႆး​ၶဝ် ဢိၵ်ႇ​တင်း​လုၵ်ႈ​ယိင်း​ၶဝ်​တင်း​လၢႆ​ၼၼ်ႉ၊ ၶဝ်​ယင်း​ဢဝ်​တုတ်ႇ​ၽႆး​တီႈ​ၽြႃး​ၶဝ်​ၼၼ်ႉ​ဢေႃႈ။-</verse>
				<verse number="32">ဢွၼ်​ၵၼ်​ပႂ်ႉ​ၸွမ်း​ႁႂ်ႈ​လႆႈ​ၵမ်​ၵျၢင်ႉ​ၵႃႈ​ဢၼ် ၵဝ်​သင်ႇ​လၢတ်ႈ​ဝႆႉ​တီႈ​သူ​ၸိူဝ်း​ၼၼ်ႉ​တႃႉ။ မႂ်း​ဢမ်ႇ​လႆႈ​ထၢပ်ႈ​လႄႈ​သႂ်ႇ​ထႅင်ႈ။ မႂ်း​ဢမ်ႇ​လႆႈ​ၼုၵ်ႈ​လႄႈ​ဢဝ်​ဢွၵ်ႇ​ပႅတ်ႈ။</verse>
			</chapter>
			<chapter number="13">
				<verse number="1">ပေႃး​ၵေႃႉ​ဢၼ်​ႁဵတ်း​ပရေႃးၽႅတ်ႈ၊ ၵေႃႉ​ဢၼ်​ၽၼ်​ႁၼ်​ၼၼ်ႉ​ပေႃႇ​မႃး​ၵႃႈ​ၼႂ်း​သူ​လႄႈ ပၼ်​ၼီႉမိၵ်ႈ​လၢၵ်ႈၶၼႃႇ​လွင်ႈ​တၢင်း​ဢၼ်​လီ​ဢၢမ်း​လႄႈ​လၢတ်ႈ​ဝႃႈ၊-</verse>
				<verse number="2">ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး​ဢၼ်​မႂ်း​ဢမ်ႇ​ႁူႉ​ၼၼ်ႉ​လႄႈ ႁဵတ်း​ဝၢတ်ႈ​တႃႉ​ႁဝ်း၊ ဝႃႈ​ၼင်ႇ​ၼႆ​လႄႈ ၼီႉမိၵ်ႈ​လၢၵ်ႈၶၼႃႇ​လွင်ႈ​တၢင်း​ဢၼ်​လီ​ဢၢမ်း​ၼၼ်ႉ​ပျေႉ​ၸုမ်ႇ​ၸိုင်၊-</verse>
				<verse number="3">မႂ်း​ဢမ်ႇ​လႆႈ​ထွမ်ႇ​လႆႈ​ဢဝ်​ၵႂၢမ်း​ၵေႃႉ​ဢၼ်​ႁဵတ်း​ပရေႃးၽႅတ်ႈ၊ ၵေႃႉ​ဢၼ်​ၽၼ်​ႁၼ်​ၼၼ်ႉ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ၸၢမ်း​တူၺ်း​ႁႂ်ႈ​လႆႈ​ႁူႉ​လွင်ႈ​ဢၼ်​သူ​ဢဝ်​တင်း​ၸႂ်​သဵင်ႈ​သဵင်ႈ တင်း​ႁူဝ်​ၸႂ်​သဵင်ႈ​သဵင်ႈ​ႁၵ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ႁိုဝ် ဢမ်ႇ​ႁၵ်ႉ​ႁိုဝ်​ၼၼ်ႉ​ဢေႃႈ။-</verse>
				<verse number="4">သူ​တၵ်း​လႆႈ​ၸွမ်း​လင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​လႄႈ ၵူဝ်​ႁႄ​မၼ်း​ၸဝ်ႈ​ဢေႃႈ၊ တၵ်း​လႆႈ​ပႂ်ႉ​ပိင်း​ၺၢပ်ႈ​မၼ်း​ၸဝ်ႈ​တင်း​လၢႆ​လႄႈ ထွမ်ႇ​ဢဝ်​ၵႂၢမ်း​မၼ်း​ၸဝ်ႈ​ဢေႃႈ။ တၵ်း​လႆႈ​ႁဵတ်း​ဝၢတ်ႈ​တီႈ​မၼ်း​ၸဝ်ႈ​လႄႈ ၸပ်း​ႁွႆႈ​မၼ်း​ၸဝ်ႈ​ဢေႃႈ။-</verse>
				<verse number="5">ၵေႃႉ​ဢၼ်​ႁဵတ်း​ပရေႃးၽႅတ်ႈ ဢိၵ်ႇ​တင်း​ၵေႃႉ​ဢၼ်​ၽၼ်​ႁၼ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ၵွပ်ႈ​ပိူဝ်ႈ​ဢၼ်​မၼ်း​ႁေႃး​လၢတ်ႈ​ႁႂ်ႈ​သူ​လႆႈ​ပိူင်ႈ​သေ​ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢၼ်​ၵႄႇ​သႄႇ​ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း မိူင်း​ ဢေႇၵိပ်ႉတူႉ တီႈ​ဢၼ်​သူ​ၶၢမ်ႇ​ႁဵတ်း​ၶႃႈ​ၼၼ်ႉ​မႃး​ၼၼ်ႉ ဢိၵ်ႇ​တင်း​ႁႂ်ႈ​လႆႈ​ႁႂ်ႈ​သူ​ဢွၵ်ႇ​သေ​ၵႃႈ​ၼႂ်း​သဵၼ်ႈ​တၢင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​သင်ႇ​လၢတ်ႈ​ဝႆႉ ပုၼ်ႈ​ဢၼ်​သူ​တၵ်း​ၸွမ်း​ၼၼ်ႉ​ဢေႃႈ။ ၼင်ႇ​ၼၼ်​လႄႈ မႂ်း​တၵ်း​လႆႈ​ပႄႇ​တူႉ​ၸရိူၵ်ႈ​ပႅတ်ႈ​သေ​ၵႃႈ​ၼႂ်း​မႂ်း​ဢေႃႈ။-</verse>
				<verse number="6">ပေႃး​ပီႈ​ၸၢႆး​ၼွင်ႉ​ၸၢႆး​ဢၼ်​ပဵၼ်​လုၵ်ႈ​ၸၢႆး​မႄႈ​မႂ်း၊ လုၵ်ႈ​ၸၢႆး​မႂ်း၊ လုၵ်ႈ​ယိင်း​မႂ်း၊ မေး​ဢၼ်​ယူႇ​ၵႃႈ​ၼႂ်း​ဝၢင်ႈ​ႁူဝ်​ဢူၵ်း​မႂ်း၊ ၵေႃႉ​သေႈ​ဢၼ်​မႂ်း​မၢတ်ႈ​ပဵၼ်​ၸိူဝ်ႉ​ၼင်ႇ​ဝီႉၺိၺ်ႇ​မႂ်း​ၼၼ်ႉ သေ​ၵေႃႉ​သေ​ၵူၼ်း​တဵတ်ႇ​တဵတ်ႇ​တိုၵ်း​ယူင်း​ၸူဝ်း​ဢဝ်​လႄႈ​ဝႃႈ၊ ၵႂႃႇ​တႃႉ​ႁဝ်း၊ ႁဵတ်း​ဝၢတ်ႈ​တီႈ​ၽြႃး​တၢင်ႇ​သူႇ​တၢင်ႇ​ပႃး​ဢၼ်​မႂ်း​ဢမ်ႇ​ႁူႉ၊ ပူႇ​ပေႃႈ​မႂ်း​ၵေႃႈ​ဢမ်ႇ​ႁူႉ၊-</verse>
				<verse number="7">ဢၼ်​ဝႃႈ​ၽြႃး​ဢၼ်​ၶဝ်​ၸိူဝ်း​ဢၼ်​ယူႇ​လဵပ်ႈ​ႁွပ်ႈ​မႂ်း​ယူႇ​ၵႃႈ​တီႈ​ဢၼ်​ၵႆ​ၵႆ​ၸမ်​ၸမ်၊ ဢဝ်​ၵႃႈ​တီႈ​လႅၼ်​လိၼ်​သုတ်း​လိၼ်​မိူင်း​ၽၢႆႇ​ၼိုင်ႈ တေႃႇ​ထိုင်​ႁွတ်ႈ​လႅၼ်​လိၼ်​သုတ်း​ၽၢႆႇ​ၼိုင်ႈ ၸိူဝ်း​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="8">မႂ်း​ဢမ်ႇ​လႆႈ​ႁပ်ႉ​တုင်း​ဢဝ်။ ဢမ်ႇ​လႆႈ​ထွမ်ႇ​လႆႈ​ဢဝ်​ၵႂၢမ်း​မၼ်း။ မၢၵ်ႇ​တႃ​မႂ်း​ဢမ်ႇ​လႆႈ​ဢဵတ်း​လူ​မၼ်း။ ဢမ်ႇ​လႆႈ​သေ​လၢႆ​မၼ်း။ ဢမ်ႇ​လႆႈ​ဢဝ်​မၼ်း သိူင်ႇ​ဝႆႉ​မႅပ်ႉ​ဝႆႉ။-</verse>
				<verse number="9">မႂ်း​တၵ်း​လႆႈ​ဢဝ်​မၼ်း​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။ မိုဝ်း​မႂ်း​တၵ်း​လႆႈ​ၸႃႉ​ႁဵတ်း​တၢင်း​ဢၼ်​ဢဝ်​မၼ်း​တၢႆ​သေ​လႄႈ လိုၼ်း​ၼၼ်ႉ မိုဝ်း​ၵူၼ်း​တင်း​သဵင်ႈ​တင်း​လူင်​တၵ်း​လႆႈ​ႁဵတ်း​ဢေႃႈ။-</verse>
				<verse number="10">ၵွပ်ႈ​ပိူဝ်ႈ​ဢၼ်​မၼ်း​ၵျၢမ်ႇ​ပွင်​ႁႂ်ႈ​မႂ်း​လႆႈ​ပိူင်ႈ​သေ​ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ တီႈ​ဢၼ်​မႂ်း​ၶၢမ်ႇ​ႁဵတ်း​ၶႃႈ​ၼၼ်ႉ​မႃး​ၼၼ်ႉ​လႄႈ မႂ်း​တၵ်း​လႆႈ​ဢဝ်​မၢၵ်ႇ​ႁိၼ် ထိမ်ႈ​မၼ်း​တၢႆ​ပႅတ်ႈ​သေ​ဢေႃႈ။-</verse>
				<verse number="11">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​လႆႈ​ငိၼ်း​လွင်ႈ​မၼ်း​လႄႈ မီး​ၸႂ်​ဢၼ်​ၵူဝ်​ဢၼ်​ႁႄ​သေ​ယဝ်ႉ၊ ၵမ်း​လိုၼ်း​တၵ်း​ဢမ်ႇ​ႁတ်း​ႁဵတ်း​ဢမူႉ​ဢၼ်​ဢမ်ႇ​တြႃး မိူၼ်​ၸိူဝ်ႉ​ၼင်ႇ​ဢၼ်​မီး​ယူႇ​ၵႃႈ​ၼႂ်း​သူ​ၼႆႉ​ဢေႃႈ။-</verse>
				<verse number="12">ပေႃး​မႂ်း​ငိၼ်း​ပိူၼ်ႈ​လၢတ်ႈ​လွင်ႈ​ဝဵင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​ပုၼ်ႈ​ဢၼ်​မႂ်း​တၵ်း​ယူႇ​ၼၼ်ႉ​သေ​ဝဵင်း​ဝဵင်း​လႄႈ​ဝႃႈ၊-</verse>
				<verse number="13">ၵူၼ်း​ဢႃႉထမ်ႇမႃႉ​ၵမ်ႈ​ၽွင်ႈ ဢွၵ်ႇ​သေ​ၵႃႈ​ၼႂ်း​မႂ်း​လႄႈ တိုၵ်း​ယူင်း​ၸူဝ်း​ဢဝ်​ၵူၼ်း​ဝဵင်း​ၶဝ်​ၼၼ်ႉ​လႄႈ​လၢတ်ႈ​ဝႃႈ၊ ၵႂႃႇ​လႄႈ​ႁဵတ်း​ဝၢတ်ႈ​တီႈ​ၽြႃး​တၢင်ႇ​သူႇ​တၢင်ႇ​ပႃး ဢၼ်​သူ​ဢမ်ႇ​ႁူႉ​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="14">မႂ်း​တၵ်း​လႆႈ​တွင်ႈ​ထၢမ်​ၸႅတ်ႈ​တူၺ်း​သပ်း​ႁႃ​လွင်ႈ​တၢင်း​ၼၼ်ႉ ၸေး​ၸေး​ၸွတ်ႇ​ၸွတ်ႇ​ဢေႃႈ။ ပေႃး​လွင်ႈ​ဢၼ်​လႆႈ​ႁဵတ်း​ဢမူႉ ဢၼ်​လီ​ႁင်ႈ​ဢဵတ်ႇ​သဵတ်ႇ​ၸိူဝ်ႉ​ၼင်ႇ​ၼၼ် ၵႃႈ​ၼႂ်း​မႂ်း​ၼၼ်ႉ​ပဵၼ်​ဢၼ်​ၸိုဝ်ႈ​ၸႂ်ႈ​မၢၼ်ႇ​မႅၼ်ႈ​ဢမၢၼ်ႇ​ၶၼ်​ပဵၼ်​ၸိုင်၊-</verse>
				<verse number="15">မႂ်း​တၵ်း​လႆႈ​ၶႃႈ​ၽၼ်း​ဢဝ်​ၵူၼ်း​ဝဵင်း​ၸိူဝ်း​ၼၼ်ႉ တၢႆ​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​ဢေႃႈ။ တၵ်း​လႆႈ​ယႃႉ​ၽဵဝ်ႈ​ၸႃႉ​ၸဵမ်​ဝဵင်း​ၼၼ်ႉ​လႄႈ ၵႃႈ​ဢၼ်​မီး​ၵႃႈ​ၼႂ်း​မၼ်း ဢိၵ်ႇ​တင်း​တရိၵ်ႈသၢၼ်ႇ​မၼ်း​ၸိူဝ်း​ၼၼ်ႉ​ပႅတ်ႈ​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​မူတ်း​မူတ်း​သဵင်ႈ​သဵင်ႈ​ဢေႃႈ။-</verse>
				<verse number="16">မႂ်း​တၵ်း​လႆႈ​ဢဝ်​ဢုၵ်ႉ​ၸႃႇ​ၵႃႈ​ဢၼ်​ႁိမ်​လႆႈ​ၼၼ်ႉ​ၸူႉ​ၵွင်​ဝႆႉ​ၵႃႈ​ၼႂ်း​ၵၢင်​တၢင်း​လူင်​သေ​လႄႈ​ဢဝ်​ၽႆး​တုတ်ႇ​ဝဵင်း​ၼၼ်ႉ​ဢိၵ်ႇ​တင်း​ဢုၵ်ႉ​ၸႃႇ ၵႃႈ​ဢၼ်​ႁိမ်​လႆႈ​ၼၼ်ႉ ၵူႈ​ၸိူဝ်ႉ​ၵူႈ​ဢၼ်​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။ ဝဵင်း​ၼၼ်ႉ​တၵ်း​လႆႈ​ပဵၼ် ပုမ်ႇ​လိၼ်​ၵွင်​လိၼ်​ယူႇ​တႃႇ​သေႇ​ဢေႃႈ။ ၵမ်း​လိုၼ်း​ဢမ်ႇ​လႆႈ​တႄႇ​လႆႈ​ႁဵတ်း။-</verse>
				<verse number="17">ဢုၵ်ႉ​ၸႃႇ​ဢၼ်​ထုၵ်ႇ​လီ​ၵိၼ်ႇ​လီ​ဝႃႈ​ၼၼ်ႉ​ဢမ်ႇ​လႆႈ​မီး​ၵႃႈ​ၼႂ်း​မိုဝ်း​မႂ်း​သေ​ၸိူဝ်ႉ​သေ​ပိူင် ႁႂ်ႈ​ထႃႇဝရႃႉ​ၽြႃး လႆႈ​ႁႂ်ႈ​ႁႅင်း​တၢင်း​ၸႂ်​မႆႈ​ၶႆႈ​ၸႃႉ မၼ်း​ၸဝ်ႈ​ထၢတ်ႇ​ယဵၼ်​လႄႈ ဢဵတ်း​လူ​မႂ်း မီး​ၵရူႉၼႃႇ​တီႈ​မႂ်း​လႄႈ​ႁႂ်ႈ​မႂ်း​ယႂ်ႇ​ၽႄႈ​ၼမ်​ၵိုၼ်း​မႃး​ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​တိူင်ႇ​ဝႃႈ​ဝႆႉ​တီႈ ပူႇ​မွၼ်ႇ​မႂ်း​ၸိူဝ်း​ၼၼ်ႉ။-</verse>
				<verse number="18">ၼႂ်း​မိူဝ်ႈ​ဢၼ်​မႂ်း​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ႁႂ်ႈ​လႆႈ​ၵမ်​ၵျၢင်ႉ​ပိင်း​ၺၢပ်ႈ​ၸဝ်ႈ ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ၼၼ်ႉ​လႄႈ သၢင်ႈ​ႁဵတ်း​လွင်ႈ​တၢင်း​ဢၼ်​ထုၵ်ႇ​တႃ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ယူႇ​ၼၼ်ႉ​ဢေႃႈ။</verse>
			</chapter>
			<chapter number="14">
				<verse number="1">သူ​ၼႆႉ​ပဵၼ်​လုၵ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။ ၵွပ်ႈ​ပိူဝ်ႈ​ၵူၼ်း​တၢႆ​လႄႈ သူ​ဢမ်ႇ​လႆႈ​ထိူဝ်​လႆႈ​ၽၼ်း​ၼိူဝ်ႉ​သူ။ သူ​ဢမ်ႇ​လႆႈ​ထႃ​ၶူၼ်​ႁူဝ်​ဢၼ်​မီး​သိုဝ်ႈ​ဝူင်ႈ​ၵၢင်​မၢၵ်ႇ​တႃ​သူ။-</verse>
				<verse number="2">လွင်ႈ​မၼ်း​ၸမ်ႉ မႂ်း​ပဵၼ်​ၵူၼ်း​မဵဝ်း​ဢၼ်​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။ ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ်​မႂ်း ႁႂ်ႈ​မႂ်း​လႆႈ​ပဵၼ်​မဵဝ်း​ဢၼ်​မၼ်း​ၸဝ်ႈ​ထိူၵ်ႈ​ပိူင်ႇ လိူဝ်​တွၼ်း​သေ​မဵဝ်း​ၵူၼ်း​ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ​ဢေႃႈ။</verse>
				<verse number="3">မႂ်း​ဢမ်ႇ​လႆႈ​ၵိၼ်​လႆႈ​ၶူပ်း ဢၼ်​လီ​ႁင်ႈ​ဢဵတ်ႇ​သဵတ်ႇ​ၼၼ်ႉ။-</verse>
				<verse number="4">တရိၵ်ႈသၢၼ်ႇ​ဢၼ်​သူ​လႆႈ​ၵိၼ်​ၸမ်ႉ၊ ပဵၼ်​ဝူဝ်း၊ သူဝ်း၊ ပႄႉ၊-</verse>
				<verse number="5">ယိူင်း၊ ၵႂၢင်၊ ၸၢတ်ႇ​ၶၢႆး၊ ပႄႉ​ထိူၼ်ႇ၊ ၽၢၼ်း၊ တိုင်၊ ယီး​ဢေႃႈ။-</verse>
				<verse number="6">ၵႃႈ​ၼႂ်း​တရိၵ်ႈသၢၼ်ႇ​တင်း​လၢႆ သူ​တၵ်း​လႆႈ​ၵိၼ်​တူဝ်​ၵႃႈ​ဢၼ်​ၵိပ်ႇ​တႅၵ်ႇ​သေ​လႄႈ တိၼ်​ပဵၼ်​ငၢမ်ႈ​ဝႆႉ​လႄႈ ၵဵဝ်ႉ​ဢိူင်ႈ​ၼၼ်ႉ​ဢေႃႈ။-</verse>
				<verse number="7">ၼႂ်း​ဝႃႈ​ၼၼ်​သေ​ၵေႃႈ တူဝ်​ဢၼ်​သူ​ဢမ်ႇ​လႆႈ​ၵိၼ်​ၼႂ်း​တူဝ်​ဢၼ်​ၵဵဝ်ႉ​ဢိူင်ႈ ဢိၵ်ႇ​တင်း​တူဝ်​ဢၼ်​တိၼ်​ပဵၼ်​ငၢမ်ႈ​ဝႆႉ​ၸိူဝ်း​ၼၼ်ႉ​ၸမ်ႉ၊ ပဵၼ်​ၵလႃးဢုၵ်ႉ၊ ပၢင်တၢႆး၊ ပၢင်တၢႆး​သ​ၽၢၼ်ႇ​ဢေႃႈ။ ပိၵ်ႉ​သမ်ႉ​ၵဵဝ်ႉ​ဢိူင်ႈ​သေ​ၵေႃႈ၊ ၵွပ်ႈ​ပိူဝ်ႈ​ဢၼ်​ၵိပ်ႇ​ဢမ်ႇ​တႅၵ်ႇ​လႄႈ ပဵၼ်​ဢၼ်​ဢမ်ႇ​မူတ်း​သႂ်​တီႈ​သူ။-</verse>
				<verse number="8">မူ​ၸိုင်၊ ပိၵ်ႉ​သမ်ႉ​ၵိပ်ႇ​တႅၵ်ႇ​သေ​ၵေႃႈ၊ ၵွပ်ႈ​ပိူဝ်ႈ​ဢၼ်​ဢမ်ႇ​ၵဵဝ်ႉ​ဢိူင်ႈ​လႄႈ ပဵၼ်​ဢၼ်​ဢမ်ႇ​မူတ်း​သႂ်​တီႈ​သူ။ သူ​ဢမ်ႇ​လႆႈ​ၵိၼ်​ၼိူဝ်ႉ​မၼ်း။ တူဝ်​တၢႆ​မၼ်း​ၵေႃႈ သူ​ဢမ်ႇ​လႆႈ​တိူဝ်ႉ​လႆႈ​ထုၵ်ႇ။-</verse>
				<verse number="9">တရိၵ်ႈသၢၼ်ႇ​ဢၼ်​ယူႇ​ၼႂ်း​ၼမ်ႉ​လႄႈ​သူ​မီး​ဢၶႂၢင်ႉ​ဢၼ်​လႆႈ​ၵိၼ်​တင်း​လၢႆ​ၼၼ်ႉ​ၸမ်ႉ၊ ပဵၼ်​တရိၵ်ႈသၢၼ်ႇ​ၵႃႈ​ဢၼ်​မီး​ပိၵ်ႇ​ဝီး ဢိၵ်ႇ​တင်း​ၵဵတ်း​ၼၼ်ႉ​ဢေႃႈ။-</verse>
				<verse number="10">တရိၵ်ႈသၢၼ်ႇ​ၵႃႈ​ဢၼ်​ဢမ်ႇ​မီး​ပိၵ်ႇ​ဝီး​တင်း​ၵဵတ်း​ၼၼ်ႉ​ၸိုင် သူ​ဢမ်ႇ​လႆႈ​ၵိၼ်။ ပဵၼ်​ဢၼ်​ဢမ်ႇ​မူတ်း​သႂ်​တီႈ​သူ။-</verse>
				<verse number="11">ၼူၵ်ႉ​ဢၼ်​မူတ်း​သႂ်​ၵူႈ​ၸိူဝ်ႉ​ၵူႈ​မဵဝ်း​ၸိုင် သူ​မီး​ဢၶႂၢင်ႉ​ဢၼ်​လႆႈ​ၵိၼ်​ဢေႃႈ။-</verse>
				<verse number="12">ၼူၵ်ႉ​ဢၼ်​သူ​ဢမ်ႇ​လႆႈ​ၵိၼ်​ၼၼ်ႉ​ၸမ်ႉ၊ ပဵၼ်​လၢင်း​တႃႉ​ၶမ်း၊ ႁုင်ႉ​လူင်၊ လၢင်း​တႃႉ​ပၢင်ႇ​လၢႆႇ၊-</verse>
				<verse number="13">ရႁႃႇ၊ မဵဝ်း​ႁုင်ႉ၊ ယဵဝ်ႈ​ၸွၵ်ႇ​ၵူႈ​မဵဝ်း၊-</verse>
				<verse number="14">မဵဝ်း​ၵႃ​လူင်​ၵူႈ​မဵဝ်း၊-</verse>
				<verse number="15">ၼူၵ်ႉ​ၵလႃးဢုၵ်ႉ၊ ၼူၵ်ႉ​ႁၢႆႉ၊ ၼူၵ်ႉ​ယၢင်း၊ မဵဝ်း​ယဵဝ်ႈ​ၵူႈ​မဵဝ်း၊-</verse>
				<verse number="16">ၵဝ်ႉ၊ တီး​တုတ်ႈ၊ ၵဝ်ႉ​ငိမ်၊-</verse>
				<verse number="17">ၼူၵ်ႉ​ဝုမ်ႇ​ပူဝ်ႇ၊ ၼူၵ်ႉ​ၸၢဝ်ႇ၊ ၵႃ​ၸႆး၊-</verse>
				<verse number="18">ၵွၼ်ႇ၊ မဵဝ်း​ၼူၵ်ႉ​ယၢင်း​လိူၼ်ႈ​ၵူႈ​မဵဝ်း၊ ၼူၵ်ႉ​တွႆႇ​ၵိူဝ် တင်း​ဝိင်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="19">တရိၵ်ႈသၢၼ်ႇ​ၵႃႈ​ဢၼ်​မီး​ပိၵ်ႇ​ယူႇ​လႄႈ ၸၢင်ႈ​ၵႂႃႇ​ၸၢင်ႈ​ၵၢၼ်း​ၸိူဝ်း​ၼၼ်ႉ ပဵၼ်​ဢၼ်​ဢမ်ႇ​မူတ်း​သႂ်​တီႈ​သူ။ သူ​ဢမ်ႇ​လႆႈ​ၵိၼ်။-</verse>
				<verse number="20">ၼူၵ်ႉ​ဢၼ်​မူတ်း​သႂ်​ၵူႈ​ၸိူဝ်ႉ​ၵူႈ​မဵဝ်း​ၸိုင်၊ သူ​မီး​ဢၶႂၢင်ႉ​ဢၼ်​လႆႈ​ၵိၼ်​ဢေႃႈ။-</verse>
				<verse number="21">တူဝ်​ဢၼ်​တၢႆ​ၵူၺ်း​မၼ်း​ၸိုင်၊ သူ​ဢမ်ႇ​လႆႈ​ၵိၼ်။ မႂ်း​မီး​ဢၶႂၢင်ႉ​ဢၼ်​လႆႈ​ပၼ်​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​မီး​ယူႇ​ၵႃႈ​ၼႂ်း​ၽၵ်း​တူ​မႂ်း​ၼၼ်ႉ ပုၼ်ႈ​ဢၼ်​မၼ်း​တၵ်း​ၵိၼ်​ဢေႃႈ။ ဢမ်ႇ​ၼၼ်​ၵေႃႈ မႂ်း​မီး​ဢၶႂၢင်ႉ​ဢၼ်​လႆႈ​ၶၢႆ​ပၼ်​တီႈ​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ဢေႃႈ။ မႂ်း​ပဵၼ်​ၵူၼ်း​မဵဝ်း​ဢၼ်​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ​ဢေႃႈ။ မႂ်း​ဢမ်ႇ​လႆႈ​ဢဝ်​ပႄႉ​ဢွၼ်ႇ​တူမ်ႈ​ႁုင်​ၼႂ်း​ၼမ်ႉ​ၼူမ်း​မႄႈ​မၼ်း။</verse>
				<verse number="22">ဢမျၢတ်ႈ​ဢၼ်​ယႂ်ႇ​ၽႄႈ​တူဝ်း​တွၼ်း​မႃး​တီႈ​ၸိူဝ်ႉ​ၽၼ်း​မႂ်း​ဢၼ်​ဝႃႈ ဢၼ်​ဢွၵ်ႇ​ပဵၼ်​မႃး​ၵႃႈ​ၼႂ်း​ႁႆႊ​ၼႂ်း​ၼႃး​ၵူႈ​ပီႊ​ၵူႈ​ပီႊ​ၼၼ်ႉ သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ​ၸိုင်၊ မႂ်း​တၵ်း​လႆႈ​ၽႄ​ဢွၵ်ႇ​ဝႆႉ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="23">မႂ်း​တၵ်း​လႆႈ​ၵိၼ်​ၶဝ်ႈ​ပိူၵ်ႇ​မႂ်း၊ ၼမ်ႉ​ၸပိတ်ႈ​မႂ်း၊ ၼမ်ႉ​မၼ်း​မႂ်း၊ တူဝ်​ပေႃႈ​ဢွၼ်ႇ​ဢၼ်​ၵိူတ်ႇ​လဵင်ႉ​မႃး​ဢွၼ်​တၢင်း​ပိူၼ်ႈ ၼႂ်း​ၽုင်​သူဝ်း​ၽုင်​ဝူဝ်း​မႂ်း သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၵႃႈ​ၼႂ်း​တီႈ​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ် ပုၼ်ႈ​ဢၼ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႄႇ​ယူႇ​ၼၼ်ႉ ႁႂ်ႈ​မႂ်း​လႆႈ​သွၼ်​ဢဝ်​လွင်ႈ​ၼင်ႇ​ႁိုဝ်​တၵ်း​လႆႈ​ၵူဝ်​လႆႈ​ႁႄ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ယူႇ​တႃႇ​သေႇ​ဢေႃႈ။-</verse>
				<verse number="24">ပေႃး​သဵၼ်ႈ​တၢင်း​ယၢဝ်း​ယဵတ်ႇ​ထၼ်ႈ​ပေႃး​မႂ်း​ဢမ်ႇ​ဢဝ်​ၵႂႃႇ​ၸူး​လႆႈ ၵွပ်ႈ​ပိူဝ်ႈ​ဢၼ်​တီႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လိူၵ်ႈ​ၵဵပ်း​ဢဝ် ပုၼ်ႈ​ဢၼ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ တႄႇ​ယူႇ​ၼႂ်း​မိူဝ်ႈ​ဢၼ်​မၼ်း​ၸဝ်ႈ​ပၼ်​တၢင်း​လီ​ၼၼ်ႉ ၵႆ​ယၢၼ်​ၵၼ်​တင်း​တီႈ​ဢၼ်​မႂ်း​ယူႇ​ၼၼ်ႉ​ၸိုင်၊-</verse>
				<verse number="25">မႂ်း​တၵ်း​လႆႈ​ၶၢႆ​ဢုၵ်ႉ​ၸႃႇ​ၼၼ်ႉ​သေ​လႄႈ ႁႂ်ႈ​ပဵၼ်​ငိုၼ်း​သေ​ယဝ်ႉ၊ ပူၵ်ႉ​ႁေႃႇ​ငိုၼ်း​ၼၼ်ႉ​သႂ်ႇ​ဝႆႉ​ၵႃႈ​ၼႂ်း​မိုဝ်း​မႂ်း​သေ​လႄႈ ပႃး​ဢဝ် ၵႂႃႇ​ၸူး​ၵႃႈ​တီႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လိူၵ်ႈ​ၵဵပ်း​ဢဝ်​ၼၼ်ႉ​လႄႈ၊-</verse>
				<verse number="26">သိုဝ်ႉ​ဢဝ်​ၵႃႈ​ၼင်ႇ​ဢၼ်​ၸႂ်​မႂ်း​မီး​ဢလူဝ်ႇ ဢၼ်​ဝႃႈ​သူဝ်း၊ ဝူဝ်း၊ ၼမ်ႉ​ၸပိတ်ႈ၊ ၼမ်ႉ​လဝ်ႈ​ၵႃႈ​ဢၼ်​ၸႂ်​မႂ်း​ယွၼ်း​ၵိၼ်​ၼၼ်ႉ​သေ​ယဝ်ႉ၊ ၵိၼ်​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၵႃႈ​တီႈ​ၼၼ်ႈ​လႄႈ၊ မႂ်း​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မႂ်း တၵ်း​လႆႈ​ဢွၼ်​ၵၼ်​ႁဵတ်း​တၢင်း​ဢၼ်​သႂၢင်ႇ​သိူဝ်း​မူၼ်ႈ​ပျေႃႇ​ဢေႃႈ။-</verse>
				<verse number="27">ၵူၼ်း​မဵဝ်း​ လေႇဝီႉ ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​ၽၵ်း​တူ​မႂ်း​ၼၼ်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​လႆႈ​ပုၼ်ႈ​လႆႈ​တႃႇ၊ ဢမ်ႇ​လႆႈ​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း​မႂ်း​လႄႈ၊ မႂ်း​ဢမ်ႇ​လႆႈ​ၸုၼ်ႉ​လႆႈ​ပႅတ်ႈ​မၼ်း။-</verse>
				<verse number="28">ၼႂ်း​တီႈ​သုတ်း​ပီႊ​တႃႉတီႉယႃႉ​ၼၼ်ႉ မႂ်း​တၵ်း​လႆႈ​ၽႄ​ဢဝ်​ဢမျၢတ်ႈ​ဢၼ်​ယႂ်ႇ​ၽႄႈ​တူဝ်း​တွၼ်း​မႃး​ပီႊ​ၼၼ်ႉ​သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ​ၵႃႈ​မီး​ဢွၵ်ႇ​သေ​လႄႈ သိမ်း​ဝႆႉ​ၵႃႈ​ၼႂ်း​ၽၵ်း​တူ​ဝဵင်း​ဢေႃႈ။-</verse>
				<verse number="29">ၵူၼ်း​မဵဝ်း​ လေႇဝီႉ ​ဢၼ်​ဢမ်ႇ​လႆႈ​ပုၼ်ႈ​လႆႈ​တႃႇ၊ ဢမ်ႇ​လႆႈ​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း​မႂ်း​ၼၼ်ႉ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း၊ လုၵ်ႈ​ဢွၼ်ႇ​ဢၼ်​ဢမ်ႇ​မီး​ပေႃႈ​မီး​မႄႈ၊ မႄႈ​မူၵ်း​မႄႈ​မၢႆႈ ဢၼ်​မီး​ၵႃႈ​ၼႂ်း​ၽၵ်း​တူ​ဝဵင်း​မႂ်း​ၸိူဝ်း​ၼၼ်ႉ တၵ်း​လႆႈ​မႃး​လႄႈ ၵိၼ်​ဢိမ်ႇ​ၵိၼ်​တဵမ်​ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႆႈ​ပၼ်​တၢင်း​လီ​တီႈ​မႂ်း ၼႂ်း​ၵၢၼ်​တၢင်း​ႁဵတ်း​ၵႃႈ​ဢၼ်​မိုဝ်း​မႂ်း​ႁဵတ်း​ၼၼ်ႉ​ဢေႃႈ။</verse>
			</chapter>
			<chapter number="15">
				<verse number="1">ၼႂ်း​တီႈ​သုတ်း​ၸဵတ်း​ပီႊ​ယေႈ​ပွၵ်ႈ တၵ်း​လႆႈ​ႁဵတ်း​တၢင်း​ဢၼ်​ပွႆႇ​လွတ်ႈ​ဢေႃႈ။-</verse>
				<verse number="2">တြႃး​တၢင်း​ဢၼ်​ပွႆႇ​လွတ်ႈ​ၸမ်ႉ၊ ၸဝ်ႈ​ၼီႈ​တၵ်း​လႆႈ​ပွႆႇ​လွတ်ႈ​ၵႃႈ​ဢၼ်​မၼ်း​ပၼ်​ၵူႈ​ပၼ်​ယိမ်​တီႈ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ်​ပၢဝ်ႇ​သေႃႇ​ၶိင်ႇ​ၵႃႇလႃႉ​တၢင်း​ဢၼ်​ထႃႇဝရႃႉ​ၽြႃး ပွႆႇ​လွတ်ႈ​ၼၼ်ႉ​ယဝ်ႉ​လႄႈ မၼ်း​ဢမ်ႇ​လႆႈ​ယွၼ်း​ၼီႈ​ၼၼ်ႉ​တီႈ​ၵူၼ်း​ႁိူၼ်း​ၸမ်​ၵၼ်​တင်း​မၼ်း ဢိၵ်ႇ​တင်း​ပီႈ​ၼွင်ႉ​မၼ်း​ၼၼ်ႉ။-</verse>
				<verse number="3">မႂ်း​မီး​ဢၶႂၢင်ႉ​ဢၼ်​လႆႈ​ယွၼ်း​ဢဝ်​တီႈ​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ဢေႃႈ။ ဢုၵ်ႉ​ၸႃႇ​မႂ်း​ၵႃႈ​ဢၼ်​မီး​တီႈ​ပီႈ​ၼွင်ႉ​မႂ်း​ၼၼ်ႉ​ၸိုင်၊ မႂ်း​ယင်း​ဢမ်ႇ​လႆႈ​ယွၼ်း​ဢဝ်​လႄႈ တၵ်း​လႆႈ​ပွႆႇ​လွတ်ႈ​ဢေႃႈ။-</verse>
				<verse number="4">လွင်ႈ​ၼင်ႇ​ႁိုဝ်​ၵူၼ်း​ယၢၵ်ႈ​ၵူၼ်း​ၽၢၼ် တၵ်း​ဢမ်ႇ​လႆႈ​မီး​တီႈ​မႂ်း​ၸိုင် မႂ်း​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။ ထႃႇဝရႃႉ​ၽြႃး တၵ်း​ပၼ်​တၢင်း​လီ​ယႂ်ႇ​ၼႃႇ​လူင်​လၢင်​တီႈ​မႂ်း ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း​ပုၼ်ႈ​ဢၼ်​မႂ်း​တၵ်း​ၶၢမ်ႇ​ဢမူၺ်ႇ​လႄႈ ပိူင်ႇ​ၼၼ်ႉ​ဢေႃႈ။-</verse>
				<verse number="5">ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၸေး​ၸေး​ၸွတ်ႇ​ၸွတ်ႇ ႁႂ်ႈ​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ၼၼ်ႉ​တႃႉ။-</verse>
				<verse number="6">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ပၼ်​တၢင်း​လီ​တီႈ​မႂ်း ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​ဝႆႉ​ၵတီႉ​တီႈ​မႂ်း​ၼၼ်ႉ​လႄႈ မႂ်း​တၵ်း​ပၼ်​ၵူႈ​ပၼ်​ယိမ်​တီႈ​ၵူၼ်း​မဵဝ်း​ၼမ်​ၼႃႇ​ဢေႃႈ။ မႂ်း​တၵ်း​ဢမ်ႇ​ၵူႈ​ဢဝ်​ယိမ်​ဢဝ်​တီႈ​ၶဝ်။ မႂ်း​တၵ်း​ဢုပ်ႉ​ပိူင်ႇ​ၵူၼ်း​မဵဝ်း​ၼမ်​ၼႃႇ​ဢေႃႈ။ ၶဝ်​တၵ်း​ဢမ်ႇ​ဢုပ်ႉ​ပိူင်ႇ​မႂ်း။-</verse>
				<verse number="7">ၼႂ်း​ပီႈ​ၼႂ်း​ၼွင်ႉ​မႂ်း ပေႃး​မီး​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၵႃႈ​တီႈ​ၼႂ်း​ဝဵင်း​သေ​ဝဵင်း​ဝဵင်း ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း​ၼၼ်ႉ​သေ​ၵေႃႉ​သေ​ၵူၼ်း​ၸိုင်၊ မႂ်း​ဢမ်ႇ​လႆႈ​ၶျုၵ်ႈ​ႁူဝ်​ၸႂ်​ဝႆႉ။ မိုဝ်း​မႂ်း​ၵေႃႈ​မႂ်း​ဢမ်ႇ​လႆႈ​ဢိုတ်း​ႁပ်း​ဝႆႉ​တီႈ​ပီႈ​ၼွင်ႉ​မႂ်း ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ။-</verse>
				<verse number="8">မႂ်း​တၵ်း​လႆႈ​ၽုၺ်ႇ​မိုဝ်း​မႂ်း​ၵႂၢင်ႈ​ၵႂၢင်ႈ​တီႈ​မၼ်း​လႄႈ ပၼ်​ၵူႈ​ပၼ်​ယိမ်​ႁႂ်ႈ​တၢင်း​ဢၼ်​မၼ်း​လူဝ်ႇ​ၼႂ်း​လွင်ႈ​တၢင်း​ဢၼ်​မၼ်း​ယၢၵ်ႈ​မၼ်း​ၽၢၼ်​ၼၼ်ႉ​ထၼ်ႈ​ပေႃး​ၵုမ်ႇ​ဢေႃႈ။-</verse>
				<verse number="9">ႁဵတ်း​သတီႉ​ႁႂ်ႈ​ဢမ်ႇ​လႆႈ​မီး​သၽေႃး​ဢၼ်​ၵူဝ်ႈ​ၵိူၵ်ႇ​ၵႃႈ​ၼႂ်း​ႁူဝ်​ၸႂ်​မႂ်း​လႄႈ​ဝႃႈ၊ ပီႊ​သတ်ႉတမႃႉ​ဢၼ်​ဝႃႈ​ပီႊ​တၢင်း​ဢၼ်​ပွႆႇ​လွတ်ႈ​ၼၼ်ႉ​ၸမ်ႉ​တၵ်း​ႁွတ်ႈ​ယဝ်ႉ၊ ဝႃႈ​ၼင်ႇ​ၼႆ​လႄႈ ၵိုဝ်​ႁူ​ၵိုဝ်​တႃ​ၸူး​တီႈ​ပီႈ​ၼွင်ႉ​မႂ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​လႄႈ ယင်း​ဢမ်ႇ​ပၼ်​ၵႃႈ​သင်​တီႈ​မၼ်း​လႄႈ​ယူႇ​သေ​ယဝ်ႉ၊ မၼ်း​ၼၼ်ႉ​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး ယူႇ​ၽၢႆႇ​ၼိုင်ႈ​တင်း​မႂ်း​လႄႈ ႁႂ်ႈ​မႂ်း​ႁွတ်ႈ​ထိုင်​ဢပႅတ်ႈ​ၼၼ်ႉ​တႃႉ။-</verse>
				<verse number="10">မႂ်း​တၵ်း​လႆႈ​ပၼ်​တီႈ​မၼ်း​ဢမၢၼ်ႇ​ၶၼ်​ပဵၼ်​ဢေႃႈ။ မိူဝ်ႈ​ဢၼ်​ပၼ်​ၼၼ်ႉ​ၸိုင် မႂ်း​ဢမ်ႇ​လႆႈ​မီး​ၸႂ်​ဢၼ်​သေ​လၢႆ။ လွင်ႈ​မၼ်း​ၸမ်ႉ၊ ၵွပ်ႈ​ပိူဝ်ႈ​တႃႇ​ၼႃႉ​ၼၼ်ႉ​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ပၼ်​တၢင်း​လီ​တီႈ​မႂ်း​ၵႃႈ​ၼႂ်း​ၵၢၼ်​ငၢၼ်း​မႂ်း​တင်း​သဵင်ႈ​တင်း​လူင် ဢိၵ်ႇ​တင်း​ၵႃႈ​ၼႂ်း​ၵႃႈ​ဢၼ်​မႂ်း​ဢဝ်​မိုဝ်း​မႂ်း​သၢင်ႈ​ႁဵတ်း​ၼၼ်ႉ​ဢေႃႈ။-</verse>
				<verse number="11">ၵေႃႉ​ဢၼ်​ယၢၵ်ႈ​ဢၼ်​ၽၢၼ် တၵ်း​ဢမ်ႇ​ထၢတ်ႇ​သေ​ၵႃႈ​ၼႂ်း​ဝၢၼ်ႈ​ၼႂ်း​မိူင်း။ ပိူဝ်ႈ​ၼႆ​လႄႈ ၵဝ်​သင်ႇ​လၢတ်ႈ​ဝႆႉ​တီႈ​မႂ်း​လႄႈ​ဝႃႈ၊ မႂ်း​တၵ်း​လႆႈ​ၽုၺ်ႇ​မိုဝ်း​မႂ်း​ၵႂၢင်ႈ​ၵႂၢင်ႈ​တီႈ​ပီႈ​ၼွင်ႉ​မႂ်း​ဢၼ်​ဝႃႈ ၵေႃႉ​ဢၼ်​ယၢၵ်ႈ​ဢၼ်​ၽၢၼ်၊ ၵေႃႉ​ဢၼ်​ၸုတ်ႈ​ဢၼ်​လုတ်ႈ ၵႃႈ​ၼႂ်း​မိူင်း​မႂ်း​ၼၼ်ႉ​ဢေႃႈ။</verse>
				<verse number="12">ပေႃး​ပီႈ​ၼွင်ႉ​မႂ်း၊ ၵူၼ်း​ၸၢႆး​မဵဝ်း​ ႁေႇပြႄး ၵူၼ်း​ယိင်း​မဵဝ်း​ ႁေႇပြႄး ​ပဵၼ်​ၶႃႈ​တီႈ​မႂ်း​လႄႈ ၶၢမ်ႇ​တၢင်း​ၸႂ်ႉ​တၢင်း​သွႆ​ႁူၵ်း​ပီႊ​သေ​ယဝ်ႉ၊ ႁွတ်ႈ​ထိုင်​ပီႈ​သတ်ႉတမႃႉ​ၸိုင်၊ မႂ်း​တၵ်း​လႆႈ​ပွႆႇ​မၼ်း​လွတ်ႈ​သေ​ဢေႃႈ။-</verse>
				<verse number="13">မိူဝ်ႈ​ဢၼ်​မႂ်း​ပွႆႇ​မၼ်း​လွတ်ႈ​ၼၼ်ႉ​ၸိုင်၊ မႂ်း​ယင်း​ဢမ်ႇ​ပွႆႇ​မၼ်း​လွတ်ႈ​တိၼ်​လၢႆ​မိုဝ်း​ပဝ်ႇ​လႄႈ၊-</verse>
				<verse number="14">မႂ်း​တၵ်း​လႆႈ​ဢဝ်​ၵႃႈ​ၼႂ်း​ၽုင်​သူဝ်း​မႂ်း၊ တလၢင်း​ယဵပ်ႇ​ၶဝ်ႈ​မႂ်း ၶိူင်ႈ​တီႈ​ၼူတ်ႈ​မၢၵ်ႇ​ၸပိတ်ႈ​မႂ်း​ၼၼ်ႉ​သေ​လႄႈ ပၼ်​တီႈ​မၼ်း​ယႂ်ႇ​ယႂ်ႇ​ၼမ်​ၼမ်​ဢေႃႈ။ မႂ်း​တၵ်း​လႆႈ​ပၼ်​တီႈ​မၼ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တၢင်း​လီ​တီႈ​မႂ်း​ၼၼ်ႉ​ဢေႃႈ။-</verse>
				<verse number="15">မႂ်း​တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​မႂ်း​ယၢမ်ႈ​လႆႈ​ၶၢမ်ႇ​ႁဵတ်း​ၶႃႈ​ၵႃႈ​ၼႂ်း​မိူင်း​ ဢေႇၵိပ်ႉတူႉ ဢိၵ်ႇ​တင်း​လွင်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ထုတ်ႇ​ၼုၵ်ႈ​ဢဝ်​မႂ်း​မႃး​ယဝ်ႉ​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၵဝ်​ဝႆႉ​ပိင်း​ၺၢပ်ႈ​ၼႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="16">ၵူၺ်း​ၵႃႈ ပေႃး​မၼ်း​လၢတ်ႈ​တီႈ​မႂ်း​လႄႈ​ဝႃႈ၊ ၵဝ်​ၶႃႈ​ဢမ်ႇ​မီး​ဢလူဝ်ႇ​ၶႂ်ႈ​ဢွၵ်ႇ​ၶႂ်ႈ​ၵႂႃႇ​ၶႃႈ။ ၵဝ်​ၶႃႈ​ႁၵ်ႉ​ပႅင်း​ၸဝ်ႈ​ႁဝ်း ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေႈ​ၸဝ်ႈ​ႁဝ်း​ၶႃႈ​ဢေႃႈ။ ၵဝ်​ၶႃႈ​ယူႇ​လႄႈ​မူၼ်ႈ​ပျေႃႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="17">မႂ်း​တၵ်း​လႆႈ​ဢဝ်​လဵၵ်း​ၸီး​လႄႈ ၸီး​ဝၢၼ်​ႁူ​မၼ်း​ၵႃႈ​တီႈ​ၽၵ်း​တူ​သေ​ယဝ်ႉ မၼ်း​ၼၼ်ႉ​တၵ်း​လႆႈ​ၶၢမ်ႇ​ႁဵတ်း​ၶႃႈ​တီႈ​မႂ်း​ယူႇ​တႃႇ​သေႇ​ဢေႃႈ။ မိူၼ်​ၼင်ႇ​ၼၼ် တီႈ​ၶႃႈ​ၵူၼ်း​ယိင်း​မႂ်း​ၵေႃႈ​မႂ်း​တၵ်း​လႆႈ​ႁဵတ်း​ဢေႃႈ။-</verse>
				<verse number="18">မိူဝ်ႈ​ဢၼ်​မႂ်း​ပွႆႇ​မၼ်း​လွတ်ႈ​ၼၼ်ႉ​ၸိုင်၊ မႂ်း​ဢမ်ႇ​လႆႈ​ထၢင်ႇ​ပဵၼ်​ဢၼ်​ယၢပ်ႇ​ဢၼ်​ယဵၼ်း။ လွင်ႈ​မၼ်း​ၸမ်ႉ မၼ်း​ၶၢမ်ႇ​တၢင်း​ၸႂ်ႉ​တၢင်း​သွႆ ႁူၵ်း​ပီႊ​တဵမ်​တဵမ်​သေ​လႄႈ ပွင်​ႁဵတ်း​ဢမူႉ​သွင်​ပုၼ်ႈ​ဢၼ်​ၵူၼ်း​ၵိၼ်​ၸၢင်ႈ​ၵိၼ်​ငႃ​ပွင်​ႁဵတ်း​ၼၼ်ႉ​ယဝ်ႉ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ပၼ်​တၢင်း​လီ​တီႈ​မႂ်း ၼႂ်း​ၵႃႈ​ဢၼ်​မႂ်း​ႁဵတ်း​ၼၼ်ႉ​ဢေႃႈ။</verse>
				<verse number="19">ၼႂ်း​ၽုင်​သူဝ်း​ၽုင်​ဝူဝ်း​မႂ်း​ၼၼ်ႉ၊ မႂ်း​တၵ်း​လႆႈ​ႁႂ်ႈ​တူဝ်​ပေႃႈ​ဢၼ်​ၵိူတ်ႇ​လဵင်ႉ​မႃး​ဢွၼ်​တၢင်း​ၵႃႈ​မီး​ၼၼ်ႉ မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။ ဝူဝ်း​ဢၼ်​ၵိူတ်ႇ​လဵင်ႉ​မႃး​ဢွၼ်​တၢင်း၊ သူဝ်း​ဢၼ်​ၵိူတ်ႇ​လဵင်ႉ​မႃး​ဢွၼ်​တၢင်း​ၼၼ်ႉ​ၸိုင် မႂ်း​ဢမ်ႇ​လႆႈ​ဢဝ်​သုင်း​ဢဝ်​သွင်ႇ။-</verse>
				<verse number="20">မႂ်း​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မႂ်း တၵ်း​လႆႈ​ဢဝ်​သူဝ်း၊ ဝူဝ်း​ၸိူဝ်း​ၼၼ်ႉ ၵူႈ​ပီႊ​ၵူႈ​ပီႊ​လႄႈ ၵိၼ်​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၼႂ်း​တီႈ​ဢၼ်​ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ်​ၼၼ်ႉ​ဢေႃႈ။-</verse>
				<verse number="21">ပေႃး​သူဝ်း၊ ဝူဝ်း​ၼၼ်ႉ​မီး​ဢပႅတ်ႈ​ဢၼ်​ဝႃႈ တၢင်း​ဢၼ်​တိၼ်​ၵႅင်ႉ​တိၼ်​ၵုၵ်ႈ၊ ဢမ်ႇ​ၼၼ် တၢင်း​ဢၼ်​တႃ​မွတ်ႇ​တႃ​ၵႅၵ်း၊ ဢပႅတ်ႈ​တၢင်ႇ​ၸိူဝ်ႉ​တၢင်ႇ​ဢၼ်​သေ​ၸိူဝ်ႉ​သေ​ပိူင်​ၸိုင်၊ မႂ်း​ဢမ်ႇ​လႆႈ​ဢဝ်​ပုၵ်ႈ​ၸေႃႇ​ယိတ်ႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း။-</verse>
				<verse number="22">မႂ်း​တၵ်း​လႆႈ​ဢဝ်​ၵိၼ်​ၵႃႈ​ၼႂ်း​ၽၵ်း​တူ​မႂ်း​ဢေႃႈ။ ၵေႃႉ​ဢၼ်​မူတ်း​သႂ် ၵေႃႉ​ဢၼ်​ဢမ်ႇ​မူတ်း​သႂ် တၵ်း​လႆႈ​ၵိၼ်​ၼင်ႇ​ၵၼ် မိူၼ်​ၸိူဝ်ႉ​ၼင်ႇ​ဢၼ်​ၵိၼ်​ၵႂၢင်​ၵိၼ်​ယိူင်း​ၼၼ်ႉ​ဢေႃႈ။-</verse>
				<verse number="23">ၵူၺ်း​ၵႃႈ ဢမ်ႇ​လႆႈ​ၵိၼ်​လိူတ်ႈ​မၼ်း။ တၵ်း​လႆႈ​ဢဝ်​ထွၵ်ႇ​ပႅတ်ႈ​ၵႃႈ​ၼိူဝ်​လိၼ်​မိူၼ်​ၸိူဝ်ႉ​ၼင်ႇ​ၼမ်ႉ​ၼၼ်ႉ​ဢေႃႈ။</verse>
			</chapter>
			<chapter number="16">
				<verse number="1">မၢတ်ႈ​တွင်း​လိူၼ်​ ဢပီႉပႃႉ ​ၼၼ်ႉ​ဝႆႉ​သေ​လႄႈ ၶၢမ်ႇ​ပွႆး​ ပႃႉသၶႃႇ တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တႃႉ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၶိင်ႇ​ၵၢင်​ၶိုၼ်း ၼႂ်း​လိူၼ်​ ဢပီႉပႃႉ ​ဢေႃႈ။-</verse>
				<verse number="2">မႂ်း​တၵ်း​လႆႈ​ဢဝ်​ၵႃႈ​ၼႂ်း​ၽုင်​သူဝ်း​ၽုင်​ဝူဝ်း​မႂ်း ပုၵ်ႈ​ၸေႃႇ​ယိတ်ႈ​ ပႃႉသၶႃႇ တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၵႃႈ​ၼႂ်း​တီႈ​ဢၼ်​ထႃႇဝရႃႉ​ၽြႃး လိူၵ်ႈ​ၵဵပ်း​ဢဝ်​ပုၼ်ႈ​ဢၼ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႄႇ​ၼၼ်ႉ​ဢေႃႈ။-</verse>
				<verse number="3">လွင်ႈ​ၼင်ႇ​ႁိုဝ်​တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မိုဝ်ႉ​ဝၼ်း ဢၼ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ ယူႇ​ၸူဝ်ႈ​ဢသၢၵ်ႈ​ၸိုင်၊ မႂ်း​ယင်း​ဢမ်ႇ​လႆႈ​ၵိၼ်​ၵပ်း​ၶဝ်ႈ​မုၼ်း​ဢၼ်​ပႃး​ၸိူဝ်ႉ​ပႅင်ႈ​လႄႈ၊ တၵ်း​လႆႈ​ၵိၼ်​ၵပ်း​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ဢၼ်​ဝႃႈ ၶဝ်ႈ​မုၼ်း​တုၵ်ႉ​ၶႃႉ​ၼၼ်ႉ ၸဵတ်း​ဝၼ်း​တဵမ်​တဵမ်​ဢေႃႈ။ လွင်ႈ​မၼ်း​ၸမ်ႉ မႂ်း​ႁိပ်ႈ​ၼႅတ်ႈ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​မႃး​ဢေႃႈ။-</verse>
				<verse number="4">ၸဵတ်း​ဝၼ်း​တဵမ်​တဵမ် ဢမ်ႇ​လႆႈ​ထူပ်း​လႆႈ​ႁၼ်​ၶဝ်ႈ​မုၼ်း ဢၼ်​ပႃး​ၸိူဝ်ႉ​ပႅင်ႈ​ၵႃႈ​တီႈ​ၼႂ်း​လႅၼ်​လိၼ်​မိူင်း တီႈ​ယူႇ​မႂ်း​လႃး​လႃး။ ၼိူဝ်ႉ​ယိတ်ႈ​ဢၼ်​မႂ်း​ပုၵ်ႈ​ၸေႃႇ​ၶိင်ႇ​ႁူဝ်​ၶမ်ႈ​ဝၼ်း​ပထမႃႉ​ၼၼ်ႉ ဢမ်ႇ​လႆႈ​ႁႂ်ႈ​ၵိုတ်း​ၵျၢၼ်ႇ​ဝႆႉ​တင်း​ၶိုၼ်း​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်။-</verse>
				<verse number="5">မႂ်း​ဢမ်ႇ​မီး​ဢၶႂၢင်ႉ​ဢၼ်​လႆႈ​ပုၵ်ႈ​ၸေႃႇ​ယိတ်ႈ​ ပႃႉသၶႃႇ ၵႃႈ​ၼႂ်း​ၽၵ်း​တူ​ဝဵင်း​မႂ်း ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း​ၵူႈ​တီႈ​ၵူႈ​လႅၼ်​ၼၼ်ႉ။-</verse>
				<verse number="6">မႂ်း​တၵ်း​လႆႈ​ပုၵ်ႈ​ၸေႃႇ​ယိတ်ႈ​ ပႃႉသၶႃႇ ​ၵႃႈ​ၼႂ်း​တီႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လိူၵ်ႈ​ၵဵပ်း​ဢဝ် ပုၼ်ႈ​ဢၼ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႄႇ​ယူႇ​ၼၼ်ႉ ၶိင်ႇ​ႁူဝ်​ၶမ်ႈ​မိူဝ်ႈ​ဢၼ်​ၵၢင်​ဝၼ်း​တူၵ်း၊ ၶိင်ႇ​ဢၼ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။-</verse>
				<verse number="7">မႂ်း​တၵ်း​လႆႈ​ဢဝ်​ပိင်ႈ​ႁၢင်း​ၽႆး​လႄႈ ၵိၼ်​ၵႃႈ​ၼႂ်း​တီႈ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လိူၵ်ႈ​ၵဵပ်း​ဢဝ်​ၼၼ်ႉ​သေ​ယဝ်ႉ၊ ၶိုၼ်း​မိူဝ်း​ၸူး​ၵႃႈ​တီႈ​မူဝ်းၵႃႇ​မႂ်း ၶိင်ႇ​ၵၢင်​ၼႂ်​ဢေႃႈ။-</verse>
				<verse number="8">ႁူၵ်း​ဝၼ်း​တဵမ်​တဵမ် မႂ်း​တၵ်း​လႆႈ​ၵိၼ်​ၶဝ်ႈ​မုၼ်း ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ဢေႃႈ။ ဝၼ်း​သတ်ႉတမႃႉ​ၼၼ်ႉ၊ မႂ်း​တၵ်း​လႆႈ​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ် ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။ ၼႂ်း​ဝၼ်း​ၼၼ်ႉ မႂ်း​ဢမ်ႇ​လႆႈ​ႁဵတ်း​ၵၢၼ်​ႁဵတ်း​ငၢၼ်း။</verse>
				<verse number="9">မႂ်း​တၵ်း​လႆႈ​ၼပ်ႉ​ဢၢၼ်ႇ​ၸဵတ်း​သတၢင်း​ပုၼ်ႈ​မႂ်း​ဢေႃႈ။ ၸႃႉ​ၸဵမ်​မိူဝ်ႈ​ဢၼ်​ၸႃႉ​ဢဝ်​ၶဵဝ်း​ပၢတ်ႇ​ၶဝ်ႈ​ၼၼ်ႉ​လႄႈ တၵ်း​လႆႈ​ၼပ်ႉ​ဢၢၼ်ႇ ၸဵတ်း​သတၢင်း​ဢေႃႈ။-</verse>
				<verse number="10">မႂ်း​တၵ်း​လႆႈ​ၶၢမ်ႇ​ပွႆး​ၸဵတ်း​သတၢင်း​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၸွမ်း​ၵႃႈ​ၼင်ႇ​ဢၼ် ၶိူင်ႈ​ပုၵ်ႈ​ၸေႃႇ​ဢၼ်​မႂ်း​ယူႇ​ဢလူဝ်ႇလူဝ်ႇ​လႄႈ ႁဵတ်း​ဢၼ်​မႂ်း​ဢဝ်​ပုၵ်ႈ​ၸေႃႇ​မႅၼ်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တၢင်း​လီ​တီႈ​မႂ်း​ၼၼ်ႉ ၼမ်​ၼမ်​ၵေႇ​ၵေႇ​ၼၼ်ႉ​ဢေႃႈ။-</verse>
				<verse number="11">မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း၊ လုၵ်ႈ​ယိင်း​မႂ်း၊ ၶႃႈ​ၵူၼ်း​ၸၢႆး​မႂ်း၊ ၶႃႈ​လုၵ်ႈ​ယိင်း​မႂ်း၊ ၵူၼ်း​မဵဝ်း​ လေႇဝီႉ ၊ ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​ၽၵ်း​တူ​မႂ်း၊ ၶႅၵ်ႇ​ဢႃႇၵၼ်ႇတူႉ၊ ၵေႃႉ​ဢၼ်​ဢမ်ႇ​မီး​ပေႃႈ​မီး​မႄႈ၊ မႄႈ​မူၵ်း​မႄႈ​မၢႆႈ ဢၼ်​မီး​ယူႇ​ၵႃႈ​ၼႂ်း​မႂ်း​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ်​ႁဵတ်း​တၢင်း​ဢၼ်​သႂၢင်ႇ​သိူဝ်း​မူၼ်ႈ​ပျေႃႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၵႃႈ​ၼႂ်း​တီႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း လိူၵ်ႈ​ၵဵပ်း​ဢဝ် ပုၼ်ႈ​ဢၼ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႄႇ​ၼၼ်ႉ​ဢေႃႈ။-</verse>
				<verse number="12">မႂ်း​တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​မႂ်း​ယၢမ်ႈ​လႆႈ​ၶၢမ်ႇ​ႁဵတ်း​ၶႃႈ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​လႄႈ ပႂ်ႉ​ၸွမ်း​ၵမ်​ၵျၢင်ႉ​ပိင်း​ၺၢပ်ႈ​တြႃး​ၸိူဝ်း​ၼႆႉ​ဢေႃႈ။</verse>
				<verse number="13">လိုၼ်း​သေ​ဢၼ်​မႂ်း​သိမ်း​ဢဝ်​ဢွၵ်ႇ​သေ​ၵႃႈ​ၼႂ်း​တလၢင်း​ယဵပ်ႇ​ၶဝ်ႈ ဢိၵ်ႇ​တင်း​ၶိူင်ႈ​တီႈ​ဢၼ်​ယဵပ်ႇ​မၢၵ်ႇ​ၸပိတ်ႈ​ၼၼ်ႉ​ယဝ်ႉ​ၼၼ်ႉ၊ မႂ်း​တၵ်း​လႆႈ​ၶၢမ်ႇ​ပွႆး​ႁဵတ်း​သုမ်ႉ​ထဵင်​ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="14">ၼႂ်း​မိူဝ်ႈ​ဢၼ်​ယင်း​တိုၵ်ႉ​ၶၢမ်ႇ​ပွႆး​ၼၼ်ႉ​ယူႇ​ၼၼ်ႉ၊ မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း၊ လုၵ်ႈ​ယိင်း​မႂ်း၊ ၶႃႈ​ၵူၼ်း​ၸၢႆး​မႂ်း၊ ၶႃႈ​ၵူၼ်း​ယိင်း​မႂ်း၊ ၵူၼ်း​မဵဝ်း​ လေႇဝီႉ ၊ ၶႅၵ်ႇ​ဢႃႇၵၼ်ႇတူႉ၊ ၵေႃႉ​ဢၼ်​ဢမ်ႇ​မီး​ပေႃႈ​မီး​မႄႈ၊ မႄႈ​မူၵ်း​မႄႈ​မၢႆႈ ဢၼ်​မီး​ၵႃႈ​ၼႂ်း​ၽၵ်း​တူ​မႂ်း​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ်​ႁဵတ်း​တၢင်း​ဢၼ်​သႂၢင်ႇ​သိူဝ်း​မူၼ်ႈ​ပျေႃႇ​ဢေႃႈ။-</verse>
				<verse number="15">ၸဵတ်း​ဝၼ်း​တဵမ်​တဵမ် မႂ်း​တၵ်း​လႆႈ​ၶၢမ်ႇ​ပွႆး​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၵႃႈ​ၼႂ်း​တီႈ​ဢၼ်​ထႃႇဝရႃႉ​ၽြႃး လိူၵ်ႈ​ၵဵပ်း​ဢဝ်​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တၢင်း​လီ​တီႈ​မႂ်း ၼႂ်း​ၵႃႈ​ဢၼ်​ယႂ်ႇ​ၽႄႈ​တူဝ်း​တွၼ်း​မႃး ဢိၵ်ႇ​တင်း​ၼႂ်း​ၵႃႈ​ဢၼ်​မႂ်း​ဢဝ်​မိုဝ်း​မႂ်း​ပွင်​ႁဵတ်း​ၼၼ်ႉ​လႄႈ မႂ်း​တၵ်း​လႆႈ​ႁဵတ်း​တၢင်း​ဢၼ်​သႂၢင်ႇ​သိူဝ်း​မူၼ်ႈ​ပျေႃႇ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="16">ၼႂ်း​မႂ်း​ၵႃႈ​ပဵၼ်​ၵူၼ်း​ၸၢႆး​တင်း​သဵင်ႈ​တင်း​လူင် တၵ်း​လႆႈ​ၼႄ​ပျႃး​ၼႃႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၼႂ်း​တီႈ​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ ယေႈ​ပီႊ​သၢမ်​ပွၵ်ႈ​ဢၼ်​ဝႃႈ ၶိင်ႇ​ဢၼ်​ၶၢမ်ႇ​ပွႆး​ၶဝ်ႈ​မုၼ်း ဢၼ်​ဢမ်ႇ​ပႃး​ၸိူဝ်ႉ​ပႅင်ႈ၊ ၶိင်ႇ​ဢၼ်​ၶၢမ်ႇ​ပွႆး​ၸဵတ်း​သတၢင်း၊ ၶိင်ႇ​ဢၼ်​ၶၢမ်ႇ​ပွႆး​ႁဵတ်း​သုမ်ႉ​ထဵင်​ၼၼ်ႉ​ဢေႃႈ။ မိူဝ်ႈ​ၼၼ်ႉ​ၶဝ်​ဢမ်ႇ​လႆႈ​မႃး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး တိၼ်​လၢႆ​မိုဝ်း​ပဝ်ႇ။-</verse>
				<verse number="17">ၵူၼ်း​ၵူႈ​ၵေႃႉ​တၵ်း​လႆႈ​သၢၵ်ႈ​ၵၢပ်ႈ​ၵႃႈ​ၼင်ႇ​ဢၼ် မၼ်း​တၢတ်ႈ​ၼိူင်ႇ​လႆႈ ၸွမ်း​ၵႃႈ​ၼင်ႇ​တၢင်း​လီ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​ၼၼ်ႉ​ဢေႃႈ။</verse>
				<verse number="18">မႂ်း​တၵ်း​လႆႈ​ၶၢၼ်း ၵူၼ်း​ဢၼ်​ၸီႇ​ယၢင်ႇ​တြႃး​ဢိၵ်ႇ​တင်း​ဢရႃႇသီႉ​တင်း​လၢႆ ဝႆႉ​ၵႃႈ​ၼႂ်း​ၽၵ်း​တူ​ဝဵင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း​ၵႃႈ​မီး​ၼၼ်ႉ ၸွမ်း​လူၺ်ႈ​မဵဝ်း​မႂ်း​ၸိူဝ်း​ၼၼ်ႉ​ဢေႃႈ။ ၶဝ်​ၼၼ်ႉ​တၵ်း​လႆႈ​ၸွမ်း​ၼင်ႇ​တြႃး​သေ​လႄႈ ၸီႇ​ယၢင်ႇ​တြႃး​တီႈ​ၵူၼ်း​တင်း​လၢႆ​ဢေႃႈ။-</verse>
				<verse number="19">မႂ်း​ဢမ်ႇ​လႆႈ​ဝႄႈ​ပိူင်ႈ​သဵၼ်ႈ​တၢင်း​တြႃး​သေ​လႄႈ​ၸီႇ​ယၢင်ႇ။ ဢမ်ႇ​လႆႈ​ထွၵ်ႈ​ၼႃႈ​ၵူၼ်း။ ဢမ်ႇ​လႆႈ​ၵိၼ်​လၢၵ်ႈ​သွင်ႇ။ လၢၵ်ႈ​သွင်ႇ​ၸိုင် ၸၢင်ႈ​ႁႂ်ႈ​တႃ​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​လပ်း​ၵႂႃႇ​မွတ်ႇ​ၵႂႃႇ​လႄႈ ၸၢင်ႈ​ႁႂ်ႈ​ၵႂၢမ်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ ပိူင်ႈ​ၵႂႃႇ​ၽိတ်း​ၵႂႃႇ​ဢေႃႈ။-</verse>
				<verse number="20">လွင်ႈ​ၼင်ႇ​ႁိုဝ်​မႂ်း​တၵ်း​ဢသၢၵ်ႈ​လိပ်း​ယူႇ​လႄႈ ၶၢမ်ႇ​ဢဝ်​ဢမူၺ်ႇ​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း​ၼၼ်ႉ​ၸိုင်၊ မႂ်း​တၵ်း​လႆႈ​ၸွမ်း​သဵၼ်ႈ​တၢင်း​တြႃး​ဢၼ်​သိုဝ်ႈ​ဢၼ်​တေႃႇ​ၵူၺ်း​ဢေႃႈ။-</verse>
				<verse number="21">မႂ်း​ဢမ်ႇ​လႆႈ​ဢဝ်​တူၼ်ႈ​မႆႉ​သေ​ၸိူဝ်ႉ​သေ​မဵဝ်း​ၽုၵ်ႇ​ႁဵတ်း တူၼ်ႈ​ ဢႃႇသရႃႉ ၵႃႈ​တီႈ​ႁိမ်း​ယိတ်ႈပလၢင်ႇ ဢၼ်​မႂ်း​တႄႇ​ႁဵတ်း​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ​လႃး​လႃး။-</verse>
				<verse number="22">ဢမ်ႇ​လႆႈ​ဢဝ်​သဝ်​တီႈ​ၵူဝ်း​ၵႂၢႆႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၸင်း​ၼၼ်ႉ​တႄႇ​ဝႆႉ​ပူၵ်း​ဝႆႉ။</verse>
			</chapter>
			<chapter number="17">
				<verse number="1">မႂ်း​ဢမ်ႇ​လႆႈ​ဢဝ်​သူဝ်း၊ ဝူဝ်း​ဢၼ်​ပႃး​ဢပႅတ်ႈ၊ ဢၼ်​လၢၵ်ႈၶၼႃႇ​ယုတ်ႈ​ယွမ်း​ၼၼ်ႉ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း။ ယိတ်ႈ​ၸိူဝ်ႉ​ၼင်ႇ​ၼၼ်​ၸိုင် ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။-</verse>
				<verse number="2">ၵႃႈ​ၼႂ်း​မႂ်း၊ ၵႃႈ​ၼႂ်း​ၽၵ်း​တူ​ဝဵင်း​မႂ်း ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​သေ​ဝဵင်း​ဝဵင်း​ၼၼ်ႉ ပေႃး​ပိူၼ်ႈ​ထူပ်း​ၵူၼ်း​ၸၢႆး ၵူၼ်း​ယိင်း​ဢၼ်​ပူၼ်ႉ​လိူဝ်​ပတီႉၺိၺ်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ႁဵတ်း​တူႉ​ၸရိူၵ်ႈ​မႅၼ်ႈ​သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ၊-</verse>
				<verse number="3">ဢၼ်​ၵႂႃႇ​လႄႈ​ႁဵတ်း​ဝၢတ်ႈ​ၵူဝ်း​ၵႂၢႆႇ​ၽြႃး​တၢင်ႇ​သူႇ​တၢင်ႇ​ပႃး​ဢၼ်​ဝႃႈ ၵၢင်​ဝၼ်း၊ လိူၼ်၊ ၶိူင်ႈ​ပိူင်​ၽႃႉ​ၵၢင်​ႁၢဝ် ဢၼ်​ၵဝ်​ဢမ်ႇ​သင်ႇ​လၢတ်ႈ​ဝႆႉ​ၸိူဝ်း​ၼၼ်ႉ​လႄႈ၊-</verse>
				<verse number="4">ပိူၼ်ႈ​လၢတ်ႈ​တီႈ​မႂ်း​လႄႈ မႂ်း​လႆႈ​ငိၼ်း​လွင်ႈ​မၼ်း​တၢင်း​မၼ်း​သေ​ယဝ်ႉ၊ တွင်ႈ​ထၢမ်​ၸႅတ်ႈ​တူၺ်း​ၸေး​ၸေး​ၸွတ်ႇ​ၸွတ်ႇ​လႄႈ ထူပ်း​ႁၼ်​လွင်ႈ​ဢၼ် ပဵၼ်​ဢၼ်​ၸိုဝ်ႈ​ဢၼ်​ၸႂ်ႈ​ဢၼ်​မၢၼ်ႇ​ဢၼ်​မႅၼ်ႈ​လႄႈ လႆႈ​ႁဵတ်း​ဢမူႉ​ဢၼ်​လီ​ႁင်ႈ​ဢဵတ်ႇ​သဵတ်ႇ​ၸိူဝ်ႉ​ၼင်ႇ​ၼၼ်​ၼၼ်ႉ ၵႃႈ​ၼႂ်း​မဵဝ်း​ ဢီႉသရေႇလႃႉ ​ယဝ်ႉ​ၼၼ်ႉ​ၸိုင်၊-</verse>
				<verse number="5">မႂ်း​တၵ်း​လႆႈ​ဢဝ်​ၵူၼ်း​ၸၢႆး ၵူၼ်း​ယိင်း​ဢၼ်​ႁဵတ်း​တူႉ​ၸရိူၵ်ႈ​မႅၼ်ႈ​ၼၼ်ႉ​ဢွၵ်ႇ​ၸူး​ၵႃႈ​တီႈ​ၽၵ်း​တူ​ဝဵင်း​မႂ်း​လႄႈ ဢဝ်​မၢၵ်ႇ​ႁိၼ်​ထိမ်ႈ​ႁႂ်ႈ​ထၼ်ႈ​ပေႃး​တၢႆ​ဢေႃႈ။-</verse>
				<verse number="6">ပေႃး​မီး​ၵူၼ်း​ၶၢမ်ႇ​သၢၵ်ႈ​သေႇ​သွင်​ၵေႃႉ သၢမ်​ၵေႃႉ​ၸိုင်၊ ၵေႃႉ​ဢၼ်​ထိူၵ်ႈ​တၢႆ​ၼၼ်ႉ တၵ်း​လႆႈ​ၶၢမ်ႇ​တၢင်း​တၢႆ​ဢေႃႈ။ ပေႃး​မီး​ၵူၼ်း​ၶၢမ်ႇ​သၢၵ်ႈ​သေႇ​ၵေႃႉ​လဵဝ်​ၵူၺ်း​ၸိုင်၊ ဢမ်ႇ​လႆႈ​ၶၢမ်ႇ​တၢင်း​တၢႆ။-</verse>
				<verse number="7">မိုဝ်း​ၵူၼ်း​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ တၵ်း​လႆႈ​ၸႃႉ​ႁဵတ်း​တၢင်း​ဢၼ်​ဢဝ်​မၼ်း​တၢႆ​သေ​လႄႈ လိုၼ်း​ၼၼ်ႉ​ၵူၼ်း​တင်း​သဵင်ႈ​တင်း​လူင် တၵ်း​လႆႈ​ႁဵတ်း​ဢေႃႈ။ ၼင်ႇ​ၼၼ်​လႄႈ မႂ်း​တၵ်း​လႆႈ​ပႄႇ​တူႉ​ၸရိူၵ်ႈ​ပႅတ်ႈ​သေ​ၵႃႈ​ၼႂ်း​မႂ်း​ဢေႃႈ။-</verse>
				<verse number="8">ပေႃး​ဢမူႉ​တၢင်း​ဢၼ်​ဢဝ်​ဢသၢၵ်ႈ​ၵူၼ်း​တၢႆ၊ ဢမူႉ​တၢင်း​ဢၼ်​ထူပ်း​တြႃး​ၵၼ်၊ ဢမူႉ​တၢင်း​ဢၼ်​ၵူၼ်း​ၼင်ႇ​ၵၼ်​ၵၼ်​ပေႃႉ​ယႅၼ်ႉ​ၵၼ်၊ ဢမူႉ​တၢင်း​ဢၼ်​လၢတ်ႈ​ၸႃ​ထဵင်​ၵၼ် ၵႃႈ​ၼႂ်း​ၽၵ်း​တူ​ဝဵင်း​မႂ်း​ၼၼ်ႉ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​မႂ်း​လႄႈ မႂ်း​ဢမ်ႇ​ၸီႇ​ယၢင်ႇ​တႅပ်း​တတ်း​လႆႈ​ၸိုင်၊ မႂ်း​တၵ်း​လႆႈ​လုၵ်ႉ​လႄႈ​ၵႂႃႇ​ၸူး​ၵႃႈ​တီႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း လိူၵ်ႈ​ၵဵပ်း​ဢဝ်​ၼၼ်ႉ​လႄႈ၊-</verse>
				<verse number="9">ၸူး​ၵႃႈ​တီႈ​ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ​တင်း​လၢႆ ဢိၵ်ႇ​တင်း​ၵေႃႉ​ဢၼ်​ႁဵတ်း​ၵူၼ်း​ဢၼ်​ၸီႇ​ယၢင်ႇ ၼႂ်း​ၶိင်ႇ​မိူဝ်ႈ​ပၢၼ်​ၼၼ်ႉ​ၼၼ်ႉ​လႄႈ လဝ်ႊ​ထၢမ်​လွင်ႈ​တၢင်း​ဢၼ်​ၸီႇ​ယၢင်ႇ​သေ​ယဝ်ႉ၊ ၶဝ်​ၼၼ်ႉ​တၵ်း​လႆႈ​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း ၸွမ်း​ၵႃႈ​ဢၼ်​ထုၵ်ႇ​လီ​ၸီႇ​ယၢင်ႇ​ၼၼ်ႉ​တီႈ​မႂ်း​လႄႈ၊-</verse>
				<verse number="10">မႂ်း​တၵ်း​လႆႈ​ႁဵတ်း​ၸွမ်း​ၵႃႈ​ၼင်ႇ​လွင်ႈ​တၢင်း​ဢၼ်​ထုၵ်ႇ​လီ​ၸီႇ​ယၢင်ႇ​ဢၼ်​ၶဝ်​ၽုၺ်ႇ​ဢွၵ်ႇ​ၼႄ​ပျႃး​ၵႃႈ​ၼႂ်း တီႈ​ဢၼ်​ထႃႇဝရႃႉ​ၽြႃး လိူၵ်ႈ​ၵဵပ်း​ဢဝ်​ၼၼ်ႉ​ပႂ်ႉ​ၸွမ်း​ႁႂ်ႈ​လႆႈ​ႁဵတ်း​ၵႃႈ​ၼင်ႇ​ဢၼ်​ၶဝ်​သင်ႇ​သွၼ်​ပၼ်​တီႈ​မႂ်း​ၼၼ်ႉ​ဢေႃႈ။-</verse>
				<verse number="11">မႂ်း​တၵ်း​လႆႈ​ႁဵတ်း​ၸွမ်း​ၵႃႈ​ၼင်ႇ​လွင်ႈ​တၢင်း​ဢၼ်​ထုၵ်ႇ​လီ​ၸီႇ​ယၢင်ႇ​ထမ်ႇမသၢတ်ႈ ဢၼ်​ၶဝ်​သွၼ်​ပၼ်​တီႈ​မႂ်း ဢိၵ်ႇ​တင်း​လွင်ႈ​တၢင်း​ဢၼ်​ထုၵ်ႇ​လီ​တႅပ်း​တတ်း ဢၼ်​ၶဝ်​မွၵ်ႇ​လၢတ်ႈ​တီႈ​မႂ်း​ၼၼ်ႉ​ဢေႃႈ။ မႂ်း​ဢမ်ႇ​လႆႈ​ဝႄႈ​ပိူင်ႈ​သေ​ၵႃႈ​တီႈ​လွင်ႈ​တၢင်း​ဢၼ် ထုၵ်ႇ​လီ​ၸီႇ​ယၢင်ႇ​ဢၼ်​ၶဝ်​ၽုၺ်ႇ​ဢွၵ်ႇ​ၼႄ​ပျႃး​တီႈ​မႂ်း​ၼၼ်ႉ​ၵႂႃႇ ၵႃႈ​တီႈ​ၽၢႆႇ​သၢႆႉ​ၽၢႆႇ​ၶႂႃ။-</verse>
				<verse number="12">ၵေႃႉ​ဢၼ်​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ယိတ်ႈပရေႃးႁဵၵ်ႈ ဢၼ်​ၸုၵ်း​ယူႇ​ႁႂ်ႈ​လႆႈ​ပႂ်ႉ​ဢမူႉ​ၸဝ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း၊ ဢမ်ႇ​ၼၼ် ၵႂၢမ်း​ၵေႃႉ​ဢၼ်​ႁဵတ်း​ၵူၼ်း​ဢၼ်​ၸီႇ​ယၢင်ႇ​ၼၼ်ႉ​လႄႈ ႁဵတ်း​ႁတ်း​ႁတ်း​ႁၢၼ်​ႁၢၼ်​ၼၼ်ႉ​ၸိုင် တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ။ မႂ်း​တၵ်း​လႆႈ​ပႄႇ​တူႉ​ၸရိူၵ်ႈ​ပႅတ်ႈ​သေ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="13">ၵူၼ်း​တင်း​သဵင်ႈ​တင်း​လူင်​တၵ်း​ငိၼ်း​လႄႈ မီး​ၸႂ်​ဢၼ်​ၵူဝ်​ဢၼ်​ႁႄ​ယူႇ​သေ​လႄႈ ၵမ်း​လိုၼ်း​ယင်း​ဢမ်ႇ​ႁဵတ်း​ႁတ်း​ႁတ်း​ႁၢၼ်​ႁၢၼ်​လႄႈ​တၵ်း​ယူႇ​ဢေႃႈ။</verse>
				<verse number="14">မိူဝ်ႈ​ဢၼ်​မႂ်း​ႁွတ်ႈ​ထိုင်​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း​လႄႈ မႂ်း​ၸၢမ်ႇ​ၸႃး​လႄႈ​ယူႇ​ၼၼ်ႉ၊ ပေႃး​မႂ်း​ဝႃႈ၊ ၵဝ်​တၵ်း​ယုၵ်ႉ​ယွင်ႈ​သေ​ၵေႃႉ​သေ​ၵူၼ်း​ဝႆႉ​ၼႂ်း​ဢရႃႇ​ၶုၼ်​ႁေႃ​ၶမ်း မိူၼ်​ၸိူဝ်ႉ​ၼင်ႇ​ၵူၼ်း​မဵဝ်း​ၵႃႈ​ဢၼ်​ယူႇ​ၵႃႈ​တီႈ​လဵပ်ႈ​ႁွပ်ႈ​ၵဝ်​ယူႇ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="15">မႂ်း​တၵ်း​လႆႈ​ယုၵ်ႉ​ယွင်ႈ​ၵေႃႉ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လိူၵ်ႈ​ၵဵပ်း​ဢဝ်​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။ တၵ်း​လႆႈ​ဢဝ်​ၵႃႈ​ၼႂ်း​ပီႈ​ၼႂ်း​ၼွင်ႉ​မႂ်း​ၼၼ်ႉ​ၵေႃႉ​ၼိုင်ႈ​ယုၵ်ႉ​ယွင်ႈ​ဝႆႉ​ဢေႃႈ။ ဢမ်ႇ​လႆႈ​ဢဝ်​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ဢမ်ႇ​ၸႂ်ႈ​ၼႂ်း​ပီႈ​ၼႂ်း​ၼွင်ႉ​ၼၼ်ႉ​ယုၵ်ႉ​ယွင်ႈ​ဝႆႉ။-</verse>
				<verse number="16">မၼ်း​ဢမ်ႇ​လႆႈ​လဵင်ႉ​မႃႉ ၼမ်​ၼႃႇ​လူင်​လၢင်​ပုၼ်ႈ​မၼ်း။ ဢမ်ႇ​လႆႈ​ႁႂ်ႈ​ၵူၼ်း​ၶိုၼ်း​မိူဝ်း​ၸူး​ၵႃႈ​တီႈ​မိူင်း​ ဢေႇၵိပ်ႉတူႉ ႁႂ်ႈ​မႃႉ​လႆႈ​မီး​ယႂ်ႇ​မီး​ၼမ်။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး၊​မီး​ဢမိင်ႉ​ဝႆႉ​တီႈ​သူ​လႄႈ​ဝႃႈ သူ​ဢမ်ႇ​လႆႈ​ၶိုၼ်း​မိူဝ်း​ၸွမ်း​သဵၼ်ႈ​တၢင်း​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">လွင်ႈ​ၼင်ႇ​ႁိုဝ်​ႁူဝ်​ၸႂ်​မၼ်း​တၵ်း​ၵၢင်း​လွတ်ႈ​တင်း တၢင်း​ဢၼ်​ၽွၵ်ႈ​ပျၢၼ်ႇ​ၶိုၼ်း​ၵႂႃႇ​ၸိုင် မၼ်း​ဢမ်ႇ​လႆႈ​ဢဝ်​မေး​ၼမ်​ၼႃႇ​လူင်​လၢင်။ ငိုၼ်း​ၶမ်း​ၵေႃႈ​ဢမ်ႇ​လႆႈ​ၸူႉ​လႆႈ​ႁွမ်​ၼမ်​ၼႃႇ​လူင်​လၢင်။-</verse>
				<verse number="18">မိူဝ်ႈ​ဢၼ်​မၼ်း​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ မၼ်း​တၵ်း​လႆႈ​တႅမ်ႈ​ဢဝ်​ၵူး​ဢဝ်​လိၵ်ႈ​ထမ်ႇမႃႉ​ပိင်း​ၺၢပ်ႈ​တြႃး​ၼႆႉ​ဢွၵ်ႇ​သေ​ၵႃႈ​ၼႂ်း​လိၵ်ႈ ဢၼ်​မီး​ဝႆႉ​ၵႃႈ​တီႈ​ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​လႄႈ၊-</verse>
				<verse number="19">လိၵ်ႈ​ၼၼ်ႉ​တၵ်း​လႆႈ​မီး​ယူႇ​တီႈ​မၼ်း​သေ​လႄႈ မၼ်း​တၵ်း​လႆႈ​လူ​တူၺ်း​ၽတ်း​တူၺ်း​ၵႃႈ​ၼႂ်း​လိၵ်ႈ​ၼၼ်ႉ​ယူႇ​ၸူဝ်ႈ​ဢသၢၵ်ႈ​မၼ်း ႁႂ်ႈ​မၼ်း​လႆႈ​သွၼ်​ဢဝ်​လွင်ႈ​တၢင်း​ဢၼ်​လီ​ၵူဝ်​လီ​ႁႄ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​လႄႈ ပႂ်ႉ​ၸွမ်း​ႁႂ်ႈ​လႆႈ​ၵမ်​လႆႈ​ၵျၢင်ႉ​ၵႂၢမ်း​ပိင်း​ၺၢပ်ႈ​တြႃး​ၼႆႉ တင်း​ထုင်း​ၽိင်ႈ​တြႃး​ၼႆႉ​ၵူႈ​ၸိူဝ်ႉ​ၵူႈ​ပိူင်၊-</verse>
				<verse number="20">ဢိၵ်ႇ​တင်း​ႁႂ်ႈ​ႁူဝ်​ၸႂ်​မၼ်း ဢမ်ႇ​လႆႈ​မႃႇၼႃႉ​ပူၵ်း​ပႅၼ်​သေ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ပီႈ​ၼွင်ႉ​မၼ်း​သေ​ယဝ်ႉ၊ ဝႄႈ​ပိူင်ႈ​သေ​ၵႃႈ​တီႈ​သဵၼ်ႈ​တၢင်း​တြႃး​ၵႂႃႇ ၵႃႈ​တီႈ​ၽၢႆႇ​ၶႂႃ​ၽၢႆႇ​သၢႆႉ​ပုၼ်ႈ​ဢၼ်​မၼ်း ဢိၵ်ႇ​တင်း​လုၵ်ႈ​လၢင်း​မၼ်း​တင်း​လၢႆ တၵ်း​လႆႈ​ၸူဝ်ႈ​ဢသၢၵ်ႈ​ယၢဝ်း​ယိုၼ်း​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း ၵႃႈ​ၼႂ်း​ၵၢင်​မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။</verse>
			</chapter>
			<chapter number="18">
				<verse number="1">ယိတ်ႈပရေႃးႁဵၵ်ႈ ၵူၼ်း​မဵဝ်း​ လေႇဝီႉ ဢၼ်​ဝႃႈ​ၵူၼ်း​မဵဝ်း​ လေႇဝီႉ ​တင်း​သဵင်ႈ​တင်း​လူင်​ၼၼ်ႉ ဢမ်ႇ​လႆႈ​မီး​ပုၼ်ႈ​မီး​တႃႇ ၵႃႈ​ၼႂ်း​မဵဝ်း​ ဢီႉသရေႇလႃႉ ။ ၶဝ်​တၵ်း​လႆႈ​ၵိၼ်​ၶိူင်ႈ​ပုၵ်ႈ​ၸေႃႇ​ဢၼ်​ဢဝ်​တင်း​ၽႆး​ႁဵတ်း​ၼၼ်ႉ ဢိၵ်ႇ​တင်း​ဢမူၺ်ႇ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="2">ပိူဝ်ႈ​ၼႆ​လႄႈ ၶဝ်​ဢမ်ႇ​လႆႈ​ၶၢမ်ႇ​ဢမူၺ်ႇ ၼႂ်း​ပီႈ​ၼႂ်း​ၼွင်ႉ​ၶဝ်။ ထႃႇဝရႃႉ​ၽြႃး​ပဵၼ်​ဢမူၺ်ႇ​ၶဝ် ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​မီး​ဢမိင်ႉ​ဝႆႉ​တီႈ​ၶဝ်​ၼၼ်ႉ​ဢေႃႈ။-</verse>
				<verse number="3">ပဵၼ်​ဝူဝ်း​သေ​ဢမ်ႇ​ဝႃႈ၊ ပဵၼ်​သူဝ်း​သေ​ဢမ်ႇ​ဝႃႈ၊ ပုၼ်ႈ​တႃႇ​ဢၼ်​ယိတ်ႈပရေႃးႁဵၵ်ႈ​တၵ်း​လႆႈ​ၶၢမ်ႇ​ဢဝ်​တီႈ​ၵူၼ်း​တင်း​လၢႆ ဢၼ်​ဝႃႈ​ၶဝ်​ၸိူဝ်း​ဢၼ် ဢဝ်​ႁဵတ်း​ယိတ်ႈ​ပုၵ်ႈ​ၸေႃႇ​ၼၼ်ႉ​ၸမ်ႉ၊ ၶဝ်​တၵ်း​လႆႈ​ဢဝ်​ႁူဝ်​မႃႇ​မၼ်း​ၽၢၵ်ႇ​ၼိုင်ႈ၊ ၵႅမ်ႈ​သွင်​ၽၢၵ်ႇ၊ ႁိူၼ်း​ၶီႈ​မၼ်း လူႇ​တၢၼ်း​တီႈ​ၶဝ်​ဢေႃႈ။-</verse>
				<verse number="4">ၶဝ်ႈ​ပိူၵ်ႇ၊ ၼမ်ႉ​ၸပိတ်ႈ၊ ၼမ်ႉ​မၼ်း၊ ၶူၼ်​သူဝ်း​ဢၼ်​သိမ်း​ဢဝ်​ဢွၼ်​တၢင်း​ၼၼ်ႉ​ၵေႃႈ မႂ်း​တၵ်း​လႆႈ​ဢဝ်​လူႇ​ဢဝ်​တၢၼ်း​ဢေႃႈ။-</verse>
				<verse number="5">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း လိူၵ်ႈ​ၵဵပ်း​ဢဝ်​မၼ်း​ၵႃႈ​ၼႂ်း​မဵဝ်း​မႂ်း​တင်း​သဵင်ႈ​တင်း​လူင်​ႁႂ်ႈ​မၼ်း ဢိၵ်ႇ​တင်း​လုၵ်ႈ​လၢင်း​မၼ်း​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ လႆႈ​ၸုၵ်း​ယူႇ​ႁႂ်ႈ​လႆႈ​ပႂ်ႉ​ဢမူႉ​ၸဝ်ႈ ၼႂ်း​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ယူႇ​တႃႇ​သေႇ​ဢေႃႈ။-</verse>
				<verse number="6">ပေႃး​ၵူၼ်း​မဵဝ်း​ လေႇဝီႉ သေ​ၵေႃႉ​သေ​ၵူၼ်း လုၵ်ႉ​သေ​ၵႃႈ​တီႈ​ၼႂ်း​ၽၵ်း​တူ​ဝဵင်း​မိူင်း​ ဢီႉသရေႇလႃႉ တင်း​သဵင်ႈ​တင်း​လူင်​သေ​ဝဵင်း​ဝဵင်း ဢၼ်​မၼ်း​သွၼ်ႈ​ပိုင်ႈ​ယူႇ​ၼၼ်ႉ​လႄႈ မီး​ၸႂ်​ဢၼ်​မီး​ၸေႇတၼႃႇ​ႁႅင်း​ယႂ်ႇ​ၼႃႇ​သေ​လႄႈ မႃး​ႁွတ်ႈ​မႃး​ထိုင်​ၵႃႈ​တီႈ​ဢၼ် ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ်​ၼၼ်ႉ​ၸိုင်၊-</verse>
				<verse number="7">မၼ်း​တၵ်း​လႆႈ​ပွင်​ႁဵတ်း​ဢမူႉ​ၸဝ်ႈ ၼႂ်း​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း မိူၼ်​ၸိူဝ်ႉ​ၼင်ႇ​ဢၼ် ပီႈ​ၼွင်ႉ​မၼ်း​ၵူၼ်း​မဵဝ်း လေႇဝီႉ ဢၼ်​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​တီႈ​ၼၼ်ႈ​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="8">ၼွၵ်ႈ​သေ​ဢၼ်​မၼ်း​လႆႈ ၼႂ်း​တီႈ​ဢၼ်​မၼ်း​ၶၢႆ​ဢမူၺ်ႇ​မၼ်း​လႄႈ​လႆႈ​ၼၼ်ႉ၊ မၼ်း​ဢိၵ်ႇ​တင်း​ၶဝ်​ၼၼ်ႉ တၵ်း​လႆႈ​ၶၢမ်ႇ​ဢဝ်​ပုၼ်ႈ ဢဝ်​တႃႇ တၢၼ်ႇ​ပဵင်း​ၵၼ်​ဢေႃႈ။</verse>
				<verse number="9">မိူဝ်ႈ​ဢၼ်​မႂ်း​ႁွတ်ႈ​ထိုင်​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း​ၼၼ်ႉ​ၸိုင်၊ မႂ်း​ဢမ်ႇ​လႆႈ​သွၼ်​ဢဝ်​ႁႂ်ႈ​လႆႈ​ႁဵတ်း​ၸွမ်း​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​ၵူၼ်း​မဵဝ်း​ၸိူဝ်း​ၼၼ်ႉ​ႁဵတ်း​ၼၼ်ႉ။-</verse>
				<verse number="10">ၼႂ်း​သူ​ဢမ်ႇ​လႆႈ​မီး​ၵေႃႉ​ဢၼ်​ဢဝ်​လုၵ်ႈ​ၸၢႆး​လုၵ်ႈ​ယိင်း​မၼ်း တုတ်ႇ​ၽႆး​သေ​လႄႈ​ပုၵ်ႈ​ၸေႃႇ။ ၵေႃႉ​ဢၼ်​ဢဝ်​တင်း​ၺၢၼ်ႇ​မၼ်း ႁေႃး​လၢတ်ႈ​လွင်ႈ​တၢင်း​ဢၼ်​တၵ်း​ပဵၼ်​မႃး၊ ၵေႃႉ​ဢၼ်​တူၺ်း​ပေႇ​တၢင်ႇ​ၶိင်ႇ​ၵႃႇလႃႉ၊ ၵေႃႉ​ဢၼ်​ႁဵတ်း​ဢတၢတ်ႈ​ၽီ​မေႃ၊ ၵေႃႉ​ဢၼ်​မီး​ၽိူဝ်ႉ​လႄႈ​ၸၢင်ႈ​ႁဵတ်း၊-</verse>
				<verse number="11">ၵေႃႉ​ဢၼ်​ၸၢင်ႈ​ၸေႃႉ​ၸၢင်ႈ​ႁဵတ်း​တီႈ​ပိူၼ်ႈ၊ ၵေႃႉ​ဢၼ်​ပူး​ပွင်း​လူၺ်ႈ​ၵၼ်​တင်း​ၽီ​ႁၢႆႉ၊ ၵေႃႉ​ဢၼ်​ပွင်​ႁဵတ်း​ဢတၢတ်ႈ​ဝိၵ်ႉၸႃႇ ၵေႃႉ​ဢၼ်​တွင်ႈ​ထၢမ်​ၵူၼ်း​ဢၼ်​တၢႆ​ယဝ်ႉ​ၼၼ်ႉ​သေ​ၵေႃႉ​သေ​ၵူၼ်း။-</verse>
				<verse number="12">ၶဝ်​ၸိူဝ်း​ဢၼ်​ၸၢင်ႈ​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​ထႃႇဝရႃႉ​ၽြႃး​ဢေႃႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ႁေႃႈ​ၶဝ်​ၼၼ်ႉ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မႂ်း ၵွပ်ႈ​ပိူဝ်ႈ​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="13">မႂ်း​တၵ်း​လႆႈ​မီး​တၢင်း​ဢၼ်​ၸေး​ၸုမ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။</verse>
				<verse number="14">ၵူၼ်း​မဵဝ်း​ဢၼ်​မႂ်း​တၵ်း​လႆႈ​ဢုပ်ႉ​ပိူင်ႇ​ၸိူဝ်း​ၼၼ်ႉ ၸၢင်ႈ​ထွမ်ႇ​ဢဝ်​ၵႂၢမ်း​ၵေႃႉ​ဢၼ်​တူၺ်း​ပေႇ​တၢင်ႇ​ၶိင်ႇ​ၵႃႇလႃႉ၊ ၵေႃႉ​ဢၼ်​ဢဝ်​တင်း​ၺၢၼ်ႇ​မၼ်း​ႁေႃး​လၢတ်ႈ​လွင်ႈ​တၢင်း​ဢၼ်​တၵ်း​ပဵၼ်​မႃး​ၼၼ်ႉ​ၸိူဝ်း​ၼၼ်ႉ​ဢေႃႈ။ မႂ်း​ၸမ်ႉ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢမ်ႇ​ပၼ်​ဢၶႂၢင်ႉ ဢၼ်​လႆႈ​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ။-</verse>
				<verse number="15">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ႁႂ်ႈ​ပရေႃးၽႅတ်ႈ ဢၼ်​မိူၼ်​ၸိူဝ်ႉ​ၼင်ႇ​ၵဝ်​ၼႆႉ​ၵေႃႉ​ၼိုင်ႈ ပေႃႇ​ဢွၵ်ႇ​မႃး​ၵႃႈ​ၼႂ်း​မႂ်း ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​ၼၼ်ႉ​ပုၼ်ႈ​မႂ်း​ဢေႃႈ။ ၵႂၢမ်း​မၼ်း​ၼၼ်ႉ​ၸိုင် မႂ်း​တၵ်း​လႆႈ​ထွမ်ႇ​ဢဝ်​ဢေႃႈ။-</verse>
				<verse number="16">ၸွမ်း​ၵႃႈ​ၼင်ႇ​ဢၼ်​မႂ်း​တွင်း​ပၢၼ်ႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၵႃႈ​တီႈ​ ႁေႃးရပ်ႉ ၼႂ်း​ဝၼ်း​ဢၼ်​ၸူႉ​ၵၼ်​တုမ်​ၵၼ်​ၼၼ်ႉ​လႄႈ​ဝႃႈ၊ ၵမ်း​လိုၼ်း​ယႃႇ​ႁႂ်ႈ​ၵဝ်​ၶႃႈ​လႆႈ​ငိၼ်း​သဵင်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​ၼၼ်ႉ​သေ​ၵမ်း။ ယႃႇ​ႁႂ်ႈ​ၵဝ်​ၶႃႈ​လႆႈ​ႁၼ်​ၽႆး​ဢၼ်​ယႂ်ႇ​ၼႃႇ​ၼႆႉ​သေ​ၵမ်း။ ၵူဝ်​ၵဝ်​ၶႃႈ​တၵ်း​တၢႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​လႄႈ၊-</verse>
				<verse number="17">ထႃႇဝရႃႉ​ၽြႃး​မီး​ဢမိင်ႉ​တီႈ​ၵဝ်​လႄႈ​ဝႃႈ၊ ၵႂၢမ်း​ဢၼ်​ၶဝ်​လဝ်ႊ​ဝႃႈ​ၼၼ်ႉ​ပဵၼ်​ဢၼ်​ထုၵ်ႇ​ဢၼ်​လီ​ဢေႃႈ။-</verse>
				<verse number="18">ၵဝ်​တၵ်း​ႁႂ်ႈ​ပရေႃးၽႅတ်ႈ​ဢၼ်​မိူၼ်​ၸိူဝ်ႉ​ၼင်ႇ​မႂ်း​ၵေႃႉ​ၼိုင်ႈ ပေႃႇ​ဢွၵ်ႇ​မႃး​ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ပုၼ်ႈ​ၶဝ်​လႄႈ ဢဝ်​ၵႂၢမ်း​ၵဝ်​သႂ်ႇ​ပၼ်​ၵႃႈ​ၼႂ်း​သူပ်း​မၼ်း​သေ​ယဝ်ႉ၊ မၼ်း​တၵ်း​လႆႈ​ဢဝ်​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မၼ်း​ၼၼ်ႉ မွၵ်ႇ​လၢတ်ႈ​တီႈ​ၶဝ်​ဢေႃႈ။-</verse>
				<verse number="19">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ် ဢၼ်​မၼ်း​တၵ်း​ႁေႃး​လၢတ်ႈ​ၼႂ်း​ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ​လႄႈ​ယူႇ​ၼၼ်ႉ​ၸမ်ႉ၊ ၵဝ်​တၵ်း​ၸႅတ်ႈ​ထၢမ်​ၵေႃႉ​ၼၼ်ႉ​ဢေႃႈ။-</verse>
				<verse number="20">ပရေႃးၽႅတ်ႈ​ဢၼ်​ႁေႃး​လၢတ်ႈ​ၵႂၢမ်း ဢၼ်​ၵဝ်​ဢမ်ႇ​သင်ႇ​လၢတ်ႈ​ဝႆႉ ႁႂ်ႈ​မၼ်း​လၢတ်ႈ​ၼၼ်ႉ​ၼႂ်း​ၼႃႇ​မႃႉ​ၸိုဝ်ႈ​သဵင်​ၵဝ်​ႁတ်း​ႁတ်း​ႁၢၼ်​ႁၢၼ်၊ ဢမ်ႇ​ၼၼ် ႁေႃး​လၢတ်ႈ​ၼႂ်း​ၼႃႇ​မႃႉ​ၸိုဝ်ႈ​သဵင်​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ပေႃး​မႂ်း​လၢတ်ႈ​ၼႂ်း​ၸႂ်​လႄႈ​ဝႃႈ၊ ႁဝ်း​တၵ်း​ႁူႉ​လွင်ႈ​ဢၼ်​ထႃႇဝရႃႉ​ၽြႃး ဢမ်ႇ​မီး​ဢမိင်ႉ​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၸိုင်၊-</verse>
				<verse number="22">မိူဝ်ႈ​ဢၼ်​ပရေႃးၽႅတ်ႈ​ႁေႃး​လၢတ်ႈ​ၼႂ်း​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ၼၼ်ႉ၊ ပေႃး​လွင်ႈ​တၢင်း​ၼၼ်ႉ ဢမ်ႇ​ပဵၼ်၊ ပေႃး​ဢမ်ႇ​ပျေႉ​ၸုမ်ႇ​ၸိုင်၊ လွင်ႈ​တၢင်း​ၼၼ်ႉ​ပဵၼ်​လွင်ႈ​တၢင်း​ဢၼ်​ထႃႇဝရႃႉ​ၽြႃး ဢမ်ႇ​မီး​ဢမိင်ႉ​ဝႆႉ၊ ပဵၼ်​လွင်ႈ​တၢင်း​ဢၼ်​ပရေႃးၽႅတ်ႈ​ႁေႃး​လၢတ်ႈ​ႁတ်း​ႁတ်း​ႁၢၼ်​ႁၢၼ်​ၵူၺ်း​ဢေႃႈ။ မႂ်း​ဢမ်ႇ​လႆႈ​ၵူဝ်​လႆႈ​ႁႄ​မၼ်း​ၼၼ်ႉ။</verse>
			</chapter>
			<chapter number="19">
				<verse number="1">မိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တီႇ​ၽဵဝ်ႈ​ၵူၼ်း​မဵဝ်း​ဢၼ်​ယူႇ​ၵႃႈ​တီႈ​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ပၼ်​တီႈ​မႂ်း​ၼၼ်ႉ​ပႅတ်ႈ​သေ​လႄႈ မႂ်း​ၵေႃႈ​ၶဝ်ႈ​ၸၢမ်ႇ​ၸႃး​လႄႈ ယူႇ​ၵႃႈ​ၼႂ်း​ဝဵင်း​ၶဝ် ၵႃႈ​ၼႂ်း​ႁိူၼ်း​ၶဝ်​ယေး​ၶဝ်​ၼၼ်ႉ​ၸိုင်၊-</verse>
				<verse number="2">မႂ်း​တၵ်း​လႆႈ​ၽႄ​ဢဝ်​ဝဵင်း​သၢမ်​ဝဵင်း ၵႃႈ​တီႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ပၼ်​တီႈ​မႂ်း​ႁႂ်ႈ​မႂ်း​ပိူင်ႇ​ၼၼ်ႉ​ဢေႃႈ။-</verse>
				<verse number="3">လွင်ႈ​ၼင်ႇ​ႁိုဝ်​ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​ၼၼ်ႉ ၵူႈ​ၵေႃႉ​တၵ်း​ပၢႆႈ​ၵႂႃႇ​ၸူး​ၵႃႈ​တီႈ​ၼၼ်ႈ​လႆႈ​ၸိုင် မႂ်း​တၵ်း​လႆႈ​ပွင်​ႁဵတ်း​ပွင်​မႄး​သဵၼ်ႈ​တၢင်း​သၢႆ​တႃႈ​လႄႈ ဢဝ်​ၼႂ်း​လႅၼ်​လိၼ်​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ပၼ် ပုၼ်ႈ​ဢၼ်​မႂ်း​တၵ်း​လႆႈ​ၶၢမ်ႇ​ဢမူၺ်ႇ​ၼၼ်ႉ ႁဵတ်း​သၢမ်​ပွတ်း​ဢေႃႈ။-</verse>
				<verse number="4">လွင်ႈ​ဢၼ်​ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​လႄႈ တၵ်း​လႆႈ​ပၢႆႈ​ၵႂႃႇ​ၸူး​ၵႃႈ​တီႈ​ၼၼ်ႈ​ႁႂ်ႈ​ဢသၢၵ်ႈ​မၼ်း​လႆႈ​ၵတ်း​ယဵၼ်​ၶျၢမ်း​သႃႇ​ၼၼ်ႉ​ၸမ်ႉ၊ ၵေႃႉ​ဢၼ်​ယင်း​ဢမ်ႇ​မီး​တၢင်း​ဢၼ်​ဝႆႉ​တၢင်း​ၽိတ်း​တီႈ​ၵၼ်​ဝႆႉ မိူဝ်ႈ​ဢွၼ်​တင်း​ၼၼ်ႉ​လႄႈ​လိုမ်း​တူဝ် ဢဝ်​ၵူၼ်း​ႁိူၼ်း​ၸမ်​ၵၼ်​တင်း​မၼ်း​တၢႆ​မႅၼ်ႈ၊-</verse>
				<verse number="5">မိူၼ်​ၸိူဝ်ႉ​ၼင်ႇ​ယၢမ်း​မိူဝ်ႈ​ဢၼ် ၵူၼ်း​ဢၼ်​ၵႂႃႇ​ၵႃႈ​တီႈ​ထိူၼ်ႇ​လူၺ်ႈ​ၵၼ်​တင်း​ၵေႃႉ​သေႈ​မၼ်း ႁႂ်ႈ​လႆႈ​တႅပ်း​ၽိုၼ်း​ႁွၼ်း​ၽိုၼ်း​လႄႈ ဢဝ်​တႃ​မၢတ်ႇ​ပမ်ႈ​တူၼ်ႈ​မႆႉ​လူမ်ႉ​ယူႇ​သေ​လႄႈ တႃ​မၢတ်ႇ​မၼ်း​သွၼ်ႇ​ၵၼ်း​မၼ်း​လႄႈ တိူဝ်ႉ​ထုၵ်ႇ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​မႅၼ်ႈ​လႄႈ တၢႆ​ၼၼ်ႉ​ၼၼ်ႉ​ၸိုင်၊ တၵ်း​လႆႈ​ပၢႆႈ​ၵႂႃႇ​ၸူး​ၵႃႈ​တီႈ​ဝဵင်း​ၼၼ်ႉ​သေ​ဝဵင်း​ဝဵင်း​လႄႈ ဢသၢၵ်ႈ​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="6">ပေႃး​ဢမ်ႇ​ၼၼ် ၵူဝ်​ၵေႃႉ​ဢၼ်​တၵ်း​ႁႂ်ႈ​တၢႆ​ၸွမ်း​ၼၼ်ႉ တၵ်း​လိုပ်ႈ​ၸွမ်း​ၼႂ်း​မိူဝ်ႈ​ဢၼ် ၸႂ်​မၼ်း​ယင်း​တိုၵ်ႉ​မႆႈ​ယူႇ​လိူတ်ႇ​ယူႇ​ၼၼ်ႉ​သေ​လႄႈ ၶိုတ်း​မၼ်း​ၵွပ်ႈ​ပိူဝ်ႈ​ဢၼ်​သဵၼ်ႈ​တၢင်း​ၵႆ​ၼႃႇ​ၼၼ်ႉ​လႄႈ ဢဝ်​မၼ်း​တၢႆ​ဢေႃႈ။ မၼ်း​ဢမ်ႇ​ထုၵ်ႇ​လီ​ၶၢမ်ႇ​တၢႆ ၸိူဝ်ႉ​ၼင်ႇ​ၼၼ်။ လွင်ႈ​မၼ်း​ၸမ်ႉ မၼ်း​ဢမ်ႇ​မီး​တၢင်း​ဢၼ်​ဝႆႉ​တၢင်း​ၽိတ်း​တီႈ​ၵေႃႉ​ၼၼ်ႉ​ဝႆႉ​မိူဝ်ႈ​ဢွၼ်​တၢင်း​ၼၼ်ႉ။-</verse>
				<verse number="7">ပိူဝ်ႈ​ၼႆ​လႄႈ ၵဝ်​သင်ႇ​လၢတ်ႈ​ဝႆႉ​တီႈ​မႂ်း​လႄႈ​ဝႃႈ၊ မႂ်း​တၵ်း​လႆႈ​ၽႄ​ဢဝ်​ဝဵင်း​သၢမ်​ဝဵင်း​ဝႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ပေႃး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ႁႂ်ႈ​လႅၼ်​လိၼ်​မိူင်း​မႂ်း​ယႂ်ႇ​ၵႂၢင်ႈ​ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​မႂ်း​ၼၼ်ႉ​လႄႈ ပၼ်​မိူင်း​ၵႃႈ​ဢၼ်​မၼ်း​ၸဝ်ႈ​ဝႆႉ​ၵတီႉ တၵ်း​ပၼ်​တီႈ​ပူႇ​မွၼ်ႇ​မႂ်း​ၸိူဝ်း​ၼၼ်ႉ​တီႈ​မႂ်း၊-</verse>
				<verse number="9">ပေႃး​မႂ်း​ပႂ်ႉ​ၸွမ်း​ႁႂ်ႈ​လႆႈ​ၵမ်​ၵျၢင်ႉ​ပိင်း​ၺၢပ်ႈ​ၸဝ်ႈ​ၼႆႉ ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ၼၼ်ႉ​လႄႈ မီး​ၸႂ်​ဢၼ်​ႁၵ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ၸွမ်း​သဵၼ်ႈ​တၢင်း​မၼ်း​ၸဝ်ႈ​ယူႇ​သေႇ​သေႇ​ၸိုင်၊ ၼွၵ်ႈ​သေ​ဝဵင်း​သၢမ်​ဝဵင်း ဢၼ်​ဝႃႈ​မႃး​ယဝ်ႉ​ၼႆႉ​ၼၼ်ႉ၊ မႂ်း​တၵ်း​လႆႈ​ၽႄ​ဢဝ်​ဝဵင်း​တၢင်ႇ​ဝဵင်း​သၢမ်​ဝဵင်း​ထၢပ်ႈ​ထႅင်ႈ၊-</verse>
				<verse number="10">ႁႂ်ႈ​လိူတ်ႈ​ၵေႃႉ​ဢၼ်​ဢမ်ႇ​ထိူၵ်ႈ​ၶၢမ်ႇ​တၢင်း​တၢႆ​ၼၼ်ႉ ဢမ်ႇ​လႆႈ​ၶၢမ်ႇ​တၢင်း​ဢၼ်​ထွၵ်ႇ​သႂ်ႇ​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ပၼ်​ပုၼ်ႈ​ဢၼ်​မႂ်း​တၵ်း​ၶၢမ်ႇ​ဢမူၺ်ႇ​ၼၼ်ႉ​လႄႈ လိူတ်ႈ​ဢမ်ႇ​လႆႈ​ႁွတ်ႈ​ထိုင်​ၵႃႈ​ၼိူဝ်​မႂ်း​ဢေႃႈ။-</verse>
				<verse number="11">ၼႄး​ၼိုင်ႈ​ၸမ်ႉ၊ ပေႃး​ၵေႃႉ​ဢၼ်​ဝႆႉ​တၢင်း​ၽိတ်း​တီႈ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​လႄႈ လွမ်​ပႂ်ႉ​ယူႇ​သေ​လႄႈ​လုၵ်ႉ​ပေႃႉ​ယႅၼ်ႉ​ႁႂ်ႈ​ထၼ်ႈ​ပေႃး​တၢႆ​သေ​ယဝ်ႉ၊ လႅၼ်ႈ​ပၢႆႈ​ၵႂႃႇ​ၸူး​ၵႃႈ​တီႈ​ဝဵင်း​ၸိူဝ်း​ၼၼ်ႉ​သေ​ဝဵင်း​ဝဵင်း​ၸိုင်၊-</verse>
				<verse number="12">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၵႃႈ​တီႈ​ဝဵင်း​တီႈ​ယူႇ​မၼ်း​ၼၼ်ႉ​ၸိူဝ်း​ၼၼ်ႉ တၵ်း​လႆႈ​ပွႆႇ​ၸႂ်ႉ​ၵူၼ်း​ၵႂႃႇ​လႄႈ ဢဝ်​မၼ်း​ဢွၵ်ႇ​သေ​ၵႃႈ​တီႈ​ၼၼ်ႈ​မႃး​သေ​ယဝ်ႉ၊ ဢဝ်​မၼ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵေႃႉ​ဢၼ် တၵ်း​ႁႂ်ႈ​တၢႆ​ၸွမ်း​ၼၼ်ႉ ႁႂ်ႈ​မၼ်း​လႆႈ​တၢႆ​ဢေႃႈ။-</verse>
				<verse number="13">မၢၵ်ႇ​တႃ​မႂ်း​ဢမ်ႇ​လႆႈ​ဢဵတ်း​လူ​မၼ်း။ မႂ်း​တၵ်း​လႆႈ​ပႄႇ​ၽဵဝ်ႈ​လိူတ်ႈ​ၵေႃႉ​ဢၼ်​ထိူၵ်ႈ​ၶၢမ်ႇ​တၢင်း​တၢႆ​ၼၼ်ႉ​ပႅတ်ႈ​သေ​ၵႃႈ​ၼႂ်း​မဵဝ်း​ ဢီႉသရေႇလႃႉ ႁႂ်ႈ​မႂ်း​လႆႈ​လီ​ပဵၼ်​ၵတ်း​ယဵၼ်​ၶျၢမ်း​သႃႇ​ဢေႃႈ။</verse>
				<verse number="14">မႂ်း​ဢမ်ႇ​လႆႈ​ၶၢႆႉ​သဝ်​တီႈ​မၢတ်ႈ​တီႈ​တွင်း​လႅၼ်​ၵူၼ်း​ႁိူၼ်း​ၸမ်​ၵၼ်​တင်း​မႂ်း​ဢၼ်​ၵူၼ်း​ၵဝ်ႇ​မိူဝ်ႈ​ၵွၼ်ႇ​ဢွၼ်​ၼႆႉ​ၸိူဝ်း​ၼၼ်ႉ ပၵ်း​ဝႆႉ​ၵႃႈ​ၼႂ်း​လိၼ်​တီႈ​ဢၼ်​မႂ်း​ၶၢမ်ႇ​ဢမူၺ်ႇ​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ပၼ်​တီႈ​မႂ်း​ႁႂ်ႈ​မႂ်း​ပိူင်ႇ​ၼၼ်ႉ။-</verse>
				<verse number="15">ပေႃး​ၵူၼ်း​ၶၢမ်ႇ​သၢၵ်ႈ​သေႇ​ၵေႃႉ​လဵဝ်​ၵူၺ်း​ယူႇ​ၽၢႆႇ​ၼိုင်ႈ​တင်း​သေ​ၵေႃႉ​သေ​ၵူၼ်း ၼႂ်း​မိူဝ်ႈ​ဢၼ်​ၸႅတ်ႈ​ထၢမ်​တူႉ​ၸရိူၵ်ႈ ဢၼ်​ၵူၼ်း​ႁဵတ်း​မႅၼ်ႈ​တၢင်ႇ​ဢပႅတ်ႈ ဢၼ်​ၽိတ်း​ပိူင်ႈ​မႅၼ်ႈ​သေ​ၸိူဝ်ႉ​သေ​ပိူင်​ၼၼ်ႉ​ၸိုင်၊ ၵႂၢမ်း​မၼ်း​ၼၼ်ႉ ဢမ်ႇ​လႆႈ​တႄႇ။ ၵႂၢမ်း​ဢၼ်​ၵူၼ်း​ၶၢမ်ႇ​သၢၵ်ႈ​သေႇ​သွင်​ၵေႃႉ ၵႂၢမ်း​ဢၼ်​ၵူၼ်း​ၶၢမ်ႇ​သၢၵ်ႈ​သေႇ​သၢမ်​ၵေႃႉ​လၢတ်ႈ​ၼၼ်ႉ တၵ်း​လႆႈ​တႄႇ​ဢေႃႈ။-</verse>
				<verse number="16">ပေႃး​ၵူၼ်း​ၶၢမ်ႇ​သၢၵ်ႈ​သေႇ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​သေ​ၵေႃႉ​သေ​ၵူၼ်း ယူႇ​ၽၢႆႇ​ၼိုင်ႈ​တင်း​ပိူၼ်ႈ​တၢင်ႇ​ၵေႃႉ​လႄႈ ၶၢမ်ႇ​သၢၵ်ႈ​သေႇ လွင်ႈ​ဢၼ်​ၵေႃႉ​ၼၼ်ႉ​ႁဵတ်း​ဢၼ်​ႁၢႆႉ​ယုတ်ႈ​ၼၼ်ႉ​ၸိုင်၊-</verse>
				<verse number="17">သွင်​ၶႃ​ဢၼ်​ထူပ်း​တြႃး​ၵၼ်​ၼၼ်ႉ တၵ်း​လႆႈ​မႃး​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ယိတ်ႈပရေႃးႁဵၵ်ႈ တင်း​ၵူၼ်း​ဢၼ်​ၸီႇ​ယၢင်ႇ​တြႃး​တင်း​လၢႆ ဢၼ်​မီး​ယူႇ​ၼႂ်း​ၸူဝ်ႈ​ပၢၼ်​ၼၼ်ႉ​လႄႈ၊-</verse>
				<verse number="18">ၵူၼ်း​ဢၼ်​ၸီႇ​ယၢင်ႇ​တြႃး​ၸိူဝ်း​ၼၼ်ႉ တၵ်း​လႆႈ​ၸႅတ်ႈ​ထၢမ်​ၸေး​ၸေး​ၸွတ်ႇ​ၸွတ်ႇ​လႄႈ၊ ပေႃး​ၵူၼ်း​ၶၢမ်ႇ​သၢၵ်ႈ​သေႇ​ၼၼ်ႉ ပဵၼ်​ၵူၼ်း​ၶၢမ်ႇ​သၢၵ်ႈ​သေႇ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​လႄႈ​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ယူႇ​ၽၢႆႇ​ၼိုင်ႈ​တင်း​ပီႈ​ၼွင်ႉ​မၼ်း​ယဝ်ႉ​ၸိုင်၊-</verse>
				<verse number="19">သူ​တၵ်း​လႆႈ​ႁဵတ်း​တီႈ​မၼ်း​ၸွမ်း​ၵႃႈ​ၼင်ႇ​ဢၼ် မၼ်း​ၵျၢမ်ႇ​ပွင်​တၵ်း​ႁဵတ်း​တီႈ​ပီႈ​ၼွင်ႉ​မၼ်း​ၼၼ်ႉ​ဢေႃႈ။ ၼင်ႇ​ၼၼ်​လႄႈ သူ​တၵ်း​လႆႈ​ပႄႇ​ၽဵဝ်ႈ​တူႉ​ၸရိူၵ်ႈ​ဢပႅတ်ႈ ပႅတ်ႈ​သေ​ၵႃႈ​ၼႂ်း​သူ​ဢေႃႈ။-</verse>
				<verse number="20">ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ​ၼၼ်ႉ တၵ်း​ငိၼ်း​လႄႈ​မီး​ၸႂ်​ဢၼ်​ၵူဝ်​ဢၼ်​ႁႄ​ယူႇ​သေ​လႄႈ ၵမ်း​လိုၼ်း​ယင်း​ဢမ်ႇ​ႁဵတ်း​တူႉ​ၸရိူၵ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ တၵ်း​ယူႇ​ဢေႃႈ။-</verse>
				<verse number="21">မၢၵ်ႇ​တႃ​မႂ်း​ဢမ်ႇ​လႆႈ​ဢဵတ်း​လူ။ ဢသၢၵ်ႈ​ပုၼ်ႈ​ဢသၢၵ်ႈ၊ မၢၵ်ႇ​တႃ​ပုၼ်ႈ​မၢၵ်ႇ​တႃ၊ ၶဵဝ်ႈ​ပုၼ်ႈ​ၶဵဝ်ႈ၊ မိုဝ်း​ပုၼ်ႈ​မိုဝ်း၊ တိၼ်​ပုၼ်ႈ​တိၼ်၊ တၵ်း​လႆႈ​ပၼ်​တၢမ်ႇ​ဢေႃႈ။</verse>
			</chapter>
			<chapter number="20">
				<verse number="1">မိူဝ်ႈ​ဢၼ်​မႂ်း​ဢွၵ်ႇ​ႁႂ်ႈ​လႆႈ​တိုၵ်း​သိုၵ်း​ၵၼ်​တင်း​ရၢၼ်ႇ​သူႇ​မႂ်း​လႄႈ​ႁၼ်​မႃႉ၊ လေႃႉရထႃး၊ ၵူၼ်း​ဢၼ်​ယဵင်ႈ​ၶႅၼ်း​ၼမ်​ၼႃႇ​သေ​မႂ်း​ၼၼ်ႉ​ၸိုင်၊ ယႃႇ​ပေ​ၵူဝ်​ပေ​ႁႄ​ၶဝ်။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ၼၼ်ႉ မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။-</verse>
				<verse number="2">မိူဝ်ႈ​ဢၼ်​ၶိင်ႇ​ဢၼ်​တိုၵ်း​သိုၵ်း​ၸမ်​မႃး​ၼၼ်ႉ​ၸိုင် ယိတ်ႈပရေႃးႁဵၵ်ႈ​တၵ်း​လႆႈ​သုတ်ႉ​ၸပ်း​သုတ်ႉ​ၸူး​လႄႈ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊-</verse>
				<verse number="3">မဵဝ်း​ ဢီႉသရေႇလႃႉ ​ဢိူၺ်း၊ ဝၼ်း​မိူဝ်ႈ​ၼႆႉ သူ​သုတ်ႉ​ၸပ်း​သုတ်ႉ​ၸူး​ႁႂ်ႈ​လႆႈ​တိုၵ်း​သိုၵ်း​ၵၼ်​တင်း​ရၢၼ်ႇ​သူႇ​သူ​ယဝ်ႉ​လႄႈ ယႃႇ​ပေ​မီး​တၢင်း​ဢၼ်​ၸႂ်​လူႉ။ ယႃႇ​ပေ​ၵူဝ်​ပေ​ႁႄ။ ယႃႇ​ပေ​သၼ်ႇ​ပေ​ဝႆ။ ယႃႇ​ပေ​တူၵ်း​ၸႂ်​လႂ်​တိုၼ်ႇ​ၵွပ်ႈ​ပိူဝ်ႈ​ၶဝ်​ၼၼ်ႉ။-</verse>
				<verse number="4">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ ပဵၼ်​ၸဝ်ႈ​ဢၼ်​ၵႂႃႇ​လူၺ်ႈ​ၵၼ်​တင်း​သူ ႁႂ်ႈ​လႆႈ​တိုၵ်း​သိုၵ်း​ၵၼ်​တင်း​ရၢၼ်ႇ​သူႇ​သူ ပုၼ်ႈ​သူ​လႄႈ​ၵႄႇ​သႄႇ​ၶျွတ်ႈ​ဢဝ်​သူ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ပူဝ်ႇ​ၶဝ်​ၵေႃႈ​တၵ်း​လႆႈ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ပေႃး​မီး​ၵေႃႉ​ဢၼ်​ႁဵတ်း​ႁိူၼ်း​ဢၼ်​မႂ်ႇ​လႄႈ ဢမ်ႇ​ပႆႇ​လႆႈ​ၶိုၼ်ႈ​ႁိူၼ်း​မႂ်ႇ​ၸိုင်၊ ႁႂ်ႈ​မၼ်း​ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း​မၼ်း​သေ။ ပေႃး​ဢမ်ႇ​ၼၼ် ၵူဝ်​မၼ်း​တၵ်း​တၢႆ​ၼႂ်း​တီႈ​ဢၼ်​တိုၵ်း​သိုၵ်း​ၼၼ်ႉ​လႄႈ ပိူၼ်ႈ​တၢင်ႇ​ၵေႃႉ​တၵ်း​ၶိုၼ်ႈ​ႁိူၼ်း​မႂ်ႇ​မၼ်း​ၼၼ်ႉ​ဢေႃႈ။-</verse>
				<verse number="6">ပေႃး​မီး​ၵေႃႉ​ဢၼ်​ၽုၵ်ႇ​သူၼ်​ဢူးယဵၼ်ႇ​ၸပိတ်ႈ​လႄႈ ဢမ်ႇ​ပႆႇ​လႆႈ​ၵိၼ်​မၢၵ်ႇ​မၼ်း​ၸိုင်၊ ႁႂ်ႈ​မၼ်း​ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း​မၼ်း​သေ။ ၵူဝ်​မၼ်း​တၵ်း​တၢႆ​ၼႂ်း​တီႈ​ဢၼ်​တိုၵ်း​သိုၵ်း​ၼၼ်ႉ​လႄႈ ပိူၼ်ႈ​တၢင်ႇ​ၵေႃႉ​တၵ်း​ၵိၼ်​မၢၵ်ႇ​မၼ်း​ၼၼ်ႉ​ဢေႃႈ။-</verse>
				<verse number="7">ပေႃး​မီး​ၵေႃႉ​ဢၼ်​မၢႆ​ၵၼ်​တင်း​မႄႈ​ယိင်း​ဝႆႉ​လႄႈ ဢမ်ႇ​ပႆႇ​လႆႈ​သိမ်း​ဢဝ်​ၸိုင်၊ ႁႂ်ႈ​မၼ်း​ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း​မၼ်း​သေ။ ၵူဝ်​မၼ်း​တၵ်း​တၢႆ​ၼႂ်း​တီႈ​ဢၼ်​တိုၵ်း​သိုၵ်း​ၼၼ်ႉ​လႄႈ ပိူၼ်ႈ​တၢင်ႇ​ၵေႃႉ​တၵ်း​သိမ်း​ဢဝ်​မႄႈ​ယိင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ပူဝ်ႇ​ၸိူဝ်း​ၼၼ်ႉ​တၵ်း​သမ်ႉ​လႆႈ​လၢတ်ႈ​တီႈ​ၵူၼ်း​တင်း​လၢႆ​ထႅင်ႈ​လႄႈ​ဝႃႈ၊ ပေႃး​မီး​ၵေႃႉ​ဢၼ်​မီး​သၽေႃး​ဢၼ်​ၸၢင်ႈ​ၵူဝ်​ၸၢင်ႈ​ႁႄ​လႄႈ ၸႂ်​လူႉ​ၼၼ်ႉ​ၸိုင်၊ ႁႂ်ႈ​မၼ်း​ၶိုၼ်း​မိူဝ်း​ၵႂႃႇ ၵႃႈ​တီႈ​ႁိူၼ်း​မၼ်း​သေ။ ပေႃး​ဢမ်ႇ​ၼၼ် ၵူဝ်​ၸႂ်​ပီႈ​ၼွင်ႉ​မၼ်း​တၵ်း​ၸိူမ်ႈ​ယၢႆႈ​ၵႂႃႇ​မိူၼ်​ၸိူဝ်ႉ​ၼင်ႇ​ၸႂ်​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ပူဝ်ႇ​ၸိူဝ်း​ၼၼ်ႉ​လၢတ်ႈ​တီႈ​ၵူၼ်း​တင်း​လၢႆ​ယဝ်ႉ​တူဝ်​ယဝ်ႉ​ၸင်ႇ တၵ်း​လႆႈ​ၶၢၼ်း​တပ်ႉ​မူး​ပူဝ်ႇ​ပႃႇ​ဝႆႉ ပုၼ်ႈ​ဢၼ်​တၵ်း​ပဵၼ်​ႁူဝ်​ၵူၼ်း​တင်း​လၢႆ​ဢေႃႈ။</verse>
				<verse number="10">မိူဝ်ႈ​ဢၼ်​မႂ်း​သုတ်ႉ​ၸပ်း​သုတ်ႉ​ၸူး ဝဵင်း​သေ​ဝဵင်း​ဝဵင်း​ႁႂ်ႈ​လႆႈ​တိုၵ်း​သိုၵ်း​ၼၼ်ႉ​ၸိုင်၊ တၵ်း​လႆႈ​ႁွင်ႉ​ပၢဝ်ႇ​ႁွင်ႉ​လၢတ်ႈ​တီႈ​ဝဵင်း​ၼၼ်ႉ ႁႂ်ႈ​လႆႈ​ထၢတ်ႇ​သိုၵ်း​ယဵၼ်​သိုၵ်း​ဢေႃႈ။-</verse>
				<verse number="11">ပေႃး​ဝဵင်း​ၼၼ်ႉ​ၶိုၼ်း​လၢတ်ႈ​ၵႂၢမ်း​ဢၼ်​သိုၵ်း​ပေႇ​သိုၵ်း​ယဵၼ်​လႄႈ ၽုၺ်ႇ​ၽၵ်း​တူ​ဝဵင်း​ဝႆႉ​တီႈ​မႂ်း​ၸိုင်၊ ၵူၼ်း​ၵႃႈ​ဢၼ်​မီး​ၵႃႈ​ၼႂ်း​ဝဵင်း​ၼၼ်ႉ တၵ်း​လႆႈ​သၢၵ်ႈ​ၶွၼ်ႇ​ပၼ်​ၶွၼ်ႇ​တီႈ​မႂ်း​လႄႈ ၵိုတ်ႉ​ႁၢပ်ႇ​ဢမူႉ​မႂ်း​ဢေႃႈ။-</verse>
				<verse number="12">ပေႃး​ဢမ်ႇ​ၼၼ် ပေႃး​ယင်း​ဢမ်ႇ​လၢတ်ႈ​ၵႂၢမ်း​ဢၼ်​သိုၵ်း​ပေႇ​သိုၵ်း​ယဵၼ်​တီႈ​မႂ်း​လႄႈ ႁပ်ႉ​ၶၢမ်ႇ​ႁပ်ႉ​တိုၵ်း​မႂ်း​ယူႇ​ၸိုင်၊ မႂ်း​တၵ်း​လႆႈ​လွမ်ႉ​ႁွပ်ႈ​ဝဵင်း​ၼၼ်ႉ​ဝႆႉ​လႄႈ၊-</verse>
				<verse number="13">မိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ၼၼ်ႉ​ၸိုင်၊ မႂ်း​တၵ်း​လႆႈ​ဢဝ်​ၵူၼ်း​ၸၢႆး​ၵႃႈ​မီး တၢႆ​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​ဢေႃႈ။-</verse>
				<verse number="14">မႂ်း​တၵ်း​လႆႈ​သိမ်း​ဢဝ်​မႄႈ​ယိင်း​လႂ်၊ လုၵ်ႈ​ဢွၼ်ႇ​လႂ်၊ တရိၵ်ႈသၢၼ်ႇ​လႂ်၊ ဢုၵ်ႉ​ၸႃႇ​ၵႃႈ​ဢၼ်​မီး​ၵႃႈ​ၼႂ်း​ဝဵင်း ဢၼ်​ဝႃႈ​ဢုၵ်ႉ​ၸႃႇ ၵႃႈ​ဢၼ်​ႁိမ်​လႆႈ​ၼၼ်ႉ​ပုၼ်ႈ​မႂ်း​လႄႈ၊ ၵိၼ်​ဢုၵ်ႉ​ၸႃႇ​ဢၼ်​လႆႈ​ၵႃႈ​ၼႂ်း​မိုဝ်း​ရၢၼ်ႇ​သူႇ​မႂ်း ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢဝ်​ဢၢပ်ႈ​ပၼ်​တီႈ​မႂ်း​ၼၼ်ႉ​ဢေႃႈ။-</verse>
				<verse number="15">ၼင်ႇ​ၼၼ်​လႄႈ မႂ်း​တၵ်း​လႆႈ​ႁဵတ်း​တီႈ​ဝဵင်း​ဢၼ်​ၵႆ​ၵၼ်​တင်း​မႂ်း ၵႃႈ​မီး​ဢၼ်​ဢမ်ႇ​ၶဝ်ႈ​ပႃး​ၼႂ်း​ဝဵင်း​ဢၼ် ၵူၼ်း​မဵဝ်း​ၸိူဝ်း​ၼႆႉ​ယူႇ​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="16">မႂ်း​ဢမ်ႇ​လႆႈ​ႁႂ်ႈ​ၵူၼ်း​သတ်ႉတဝႃႇ​ဢၼ်​ထူၺ်ႈ​ၸႂ်​ယူႇ​ၵႃႈ​ၼႂ်း​ဝဵင်း​တီႈ​ယူႇ​ၵူၼ်း​မဵဝ်း​ၸိူဝ်း​ၼႆႉ ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ပၼ်​ပုၼ်ႈ​ဢၼ်​မႂ်း​တၵ်း​ၶၢမ်ႇ​ဢမူၺ်ႇ​ၼၼ်ႉ​ၸိူဝ်း​ၼၼ်ႉ ဢသၢၵ်ႈ​လႆႈ​လိပ်း​ယူႇ​သေ​ၵေႃႉ​သေ​ၵူၼ်း။-</verse>
				<verse number="17">မႂ်း​တၵ်း​လႆႈ​ယႃႉ​ၽဵဝ်ႈ​ၶဝ်​ဢၼ်​ဝႃႈ ၵူၼ်း​ ႁိတ်ႉတီႉ ၊ ၵူၼ်း​ ဢႃႇမေႃးရီႉ ၊ ၵူၼ်း​ ၶႃႇၼၼီႉ ၊ ၵူၼ်း​ ၽေႇရၸီႉ ၊ ၵူၼ်း​ ႁီႉဝီႉ ၊ ၵူၼ်း​ ယေႇပူႉသီႉ ၸိူဝ်း​ၼၼ်ႉ​ပႅတ်ႈ​မူတ်း​မူတ်း​သဵင်ႈ​သဵင်ႈ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ</verse>
				<verse number="18">ႁႂ်ႈ​ၶဝ်​ဢမ်ႇ​လႆႈ​သွၼ်​ပၼ်​သူ​ႁႂ်ႈ​သူ​လႆႈ​ႁဵတ်း​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​ၶဝ်​ႁဵတ်း​တီႈ​ၽြႃး​ၶဝ်​ၸိူဝ်း​ၼၼ်ႉ​လႄႈ မႂ်း​လႆႈ​ၽိတ်း​ပိူင်ႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ​ဢေႃႈ။-</verse>
				<verse number="19">မိူဝ်ႈ​ဢၼ်​မႂ်း​လွမ်ႉ​ႁွပ်ႈ​ဝဵင်း​သေ​ဝဵင်း​ဝဵင်း​ယူႇ​ႁိုင်​ၼႃႇ​ႁႂ်ႈ​လႆႈ​တိုၵ်း​ဢဝ်​ၼၼ်ႉ​ၸိုင်၊ မႂ်း​ဢမ်ႇ​လႆႈ​ဢဝ်​တႃ​မၢတ်ႇ​တႃ​မႅတ်း တီႇ​ပမ်ႈ​တႅပ်း​ၽၼ်း​တူၼ်ႈ​မႆႉ​တင်း​လၢႆ။ လွင်ႈ​မၼ်း​ၸမ်ႉ ၶဝ်​ၼၼ်ႉ​ပဵၼ်​တီႈ​ဢၼ်​မႂ်း​ၵိၼ်​လႄႈ မႂ်း​ဢမ်ႇ​လႆႈ​ပမ်ႈ​ၶဝ်​လူမ်ႉ။ တူၼ်ႈ​မႆႉ​ဢၼ်​ဢွၵ်ႇ​ၵႃႈ​တီႈ​လိၼ်​ၼၼ်ႉ ပဵၼ်​ၵူၼ်း​လႄႈ​မႂ်း​တၵ်း​လႆႈ​ႁဵတ်း​တၢင်း​ဢၼ်​လွမ်ႉ​ႁွပ်ႈ​မၼ်း​ဝႆႉ​ႁိုဝ်။-</verse>
				<verse number="20">ၵူၺ်း​ၵႃႈ တူၼ်ႈ​မႆႉ​ဢၼ်​မႂ်း​ႁူႉ​လွင်ႈ​ဢၼ်​ဢမ်ႇ​လႆႈ​ၵိၼ်​ၼၼ်ႉ​ၸိုင်၊ မႂ်း​မီး​ဢၶႂၢင်ႉ​ဢၼ်​လႆႈ​ယႃႉ​ပႅတ်ႈ​လႄႈ ပမ်ႈ​လူမ်ႉ​သေ​လႄႈ ႁဵတ်း​ၶိူင်ႈ​ပိူင်​ဢၼ်​တိုၵ်း​သိုၵ်း​တေႃႇ​ဝဵင်း​ဢၼ်​တိုၵ်း​သိုၵ်း​ၵၼ်​တင်း​မႂ်း​ၼၼ်ႉ တေႃႇ​ထိုင်​ႁွတ်ႈ​ဝဵင်း​ၼၼ်ႉ​ထၼ်ႈ​ပေႃး​တူၵ်း​သုမ်း​ၼၼ်ႉ​ဢေႃႈ။</verse>
			</chapter>
			<chapter number="21">
				<verse number="1">ပေႃး​ထူပ်း​ႁၼ်​တူဝ်​တၢႆ​ၵူၼ်း ၵႃႈ​တီႈ​ၼွၵ်ႈ​တီႈ​ပၢင်ႇ​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း​ႁႂ်ႈ​မႂ်း​ပိူင်ႇ​ၼၼ်ႉ​လႄႈ ဢမ်ႇ​ႁူႉ​လွင်ႈ​ဢၼ်​ၽူႈ​လႂ်​ဢဝ်​မၼ်း​တၢႆ​ၼၼ်ႉ​ၸိုင်၊-</verse>
				<verse number="2">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ဢိၵ်ႇ​တင်း​ၵူၼ်း​ဢၼ်​ၸီႇ​ယၢင်ႇ​တြႃး​တင်း​လၢႆ တၵ်း​လႆႈ​ဢွၼ်​ၵၼ်​ဢွၵ်ႇ​မႃး​လႄႈ တႅၵ်ႈ​ၶိုပ်ႈ​တူၺ်း တေႃႇ​ထိုင်​ႁွတ်ႈ​ဝၢၼ်ႈ​ဝဵင်း ဢၼ်​မီး​လဵပ်ႈ​ႁွပ်ႈ​တူဝ်​တၢႆ​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="3">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵႃႈ​ၼႂ်း​ဝဵင်း​ဢၼ်​ၸမ်​ၵၼ်​တင်း​တူဝ်​တၢႆ​ၼၼ်ႉ​သေ​ပိူၼ်ႈ​ၼၼ်ႉ တၵ်း​လႆႈ​ဢဝ်​ဝူဝ်း​မႄႈ​ဢွၼ်ႇ ဢၼ်​ဢမ်ႇ​ပႆႇ​တွၼ်ႉ​ယၢမ်ႈ​ႁဵတ်း​တၢင်း​ဢၼ်​ဢဝ်​ၵၢၼ်း​တၢင်ႇ၊ တၢင်း​ဢၼ်​ၸႂ်ႉ​ဢၼ်​သွႆ​ၼၼ်ႉ​တူဝ်​ၼိုင်ႈ​လႄႈ၊-</verse>
				<verse number="4">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵႃႈ​ၼႂ်း​ဝဵင်း​ၼၼ်ႉ​ၸိူဝ်း​ၼၼ်ႉ တၵ်း​လႆႈ​ဢဝ်​ဝူဝ်း​မႄႈ​ဢွၼ်ႇ​ၼၼ်ႉ လူင်း​ၵႂႃႇ​ၵႃႈ​တီႈ​ႁူၺ်ႈ​ၼမ်ႉ​ႁွင်ႈ ဢၼ်​ၼမ်ႉ​ဢမ်ႇ​ထၢတ်ႇ​၊ တီႈ​ဢၼ်​ဢမ်ႇ​ထိူၼ်ႇ​ဢမ်ႇ​ထႆ၊ ဢမ်ႇ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼၼ်ႉ​သေ​လႄႈ ႁၵ်း​ၶေႃး​ဝူဝ်း​မႄႈ​ဢွၼ်ႇ​ၼၼ်ႉ ၵႃႈ​တီႈ​ႁူၺ်ႈ​ႁွင်ႈ​ၼၼ်ႉ​သေ​ယဝ်ႉ၊-</verse>
				<verse number="5">ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ​တင်း​လၢႆ​တၵ်း​လႆႈ​ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လိူၵ်ႈ​ၵဵပ်း​ဢဝ်​ၶဝ်​ၼၼ်ႉ ႁႂ်ႈ​ၶဝ်​လႆႈ​ပွင်​ႁဵတ်း​ဢမူႉ​မၼ်း​ၸဝ်ႈ ဢိၵ်ႇ​တင်း​ႁႂ်ႈ​ၶဝ်​လႆႈ​ပၼ်​တၢင်း​လီ​ၼႂ်း​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ၼၼ်ႉ​လႄႈ တၵ်း​လႆႈ​ၸီႇ​ယၢင်ႇ​တႅပ်း​တတ်း​ဢမူႉ​တၢင်း​ဢၼ်​ထူပ်း​တြႃး၊ ဢမူႉ​တၢင်း​ဢၼ်​ပေႃႉ​ယႅၼ်ႉ ၵႃႈ​မီး​ၸွမ်း​ၵႃႈ​ၼင်ႇ​ၵႂၢမ်း​ၶဝ်​ၼၼ်ႉ​ဢေႃႈ။-</verse>
				<verse number="6">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵႃႈ​ၼႂ်း​ဝဵင်း​ဢၼ်​ၸမ်​ၵၼ်​တင်း​တူဝ်​တၢႆ​ၼၼ်ႉ​သေ​ပိူၼ်ႈ​ၼၼ်ႉ​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ်​သုၵ်ႈ​မိုဝ်း​ၶဝ်​သႂ်ႇ​ၵႃႈ​ၼိူဝ်​ဝူဝ်း​မႄႈ​ဢွၼ်ႇ​ဢၼ်​ႁၵ်း​ၶေႃး​ပႅတ်ႈ​ယဝ်ႉ ၵႃႈ​တီႈ​ႁူၺ်ႈ​ႁွင်ႈ​ၼၼ်ႉ​ၼၼ်ႉ​ယူႇ​သေ​လႄႈ မွၵ်ႇ​လၢတ်ႈ​ဝႃႈ၊-</verse>
				<verse number="7">မိုဝ်း​ႁဝ်း​ၼႆႉ ဢမ်ႇ​ထွၵ်ႇ​လိူတ်ႈ​ၼႆႉ၊ မၢၵ်ႇ​တႃ​ႁဝ်း​ၼႆႉ​ဢမ်ႇ​ႁၼ်။-</verse>
				<verse number="8">ဢူဝ်း​ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ၵူၼ်း​ၸဝ်ႈ​ႁဝ်း​မဵဝ်း​ ဢီႉသရေႇလႃႉ ဢၼ်​ၸဝ်ႈ​ႁဝ်း​ထုတ်ႇ​ဢဝ်​ၼႆႉ​လႄႈ၊ ယႃႇ​ပေ​ႁႂ်ႈ​လိူတ်ႈ​ၵေႃႉ​ဢၼ်​ဢမ်ႇ​ထုၵ်ႇ​တၢႆ​ၼႆႉ ႁွတ်ႈ​ထိုင်​ၵႃႈ​ၼိူဝ်​ၵူၼ်း​ၸဝ်ႈ​ႁဝ်း​မဵဝ်း​ ဢီႉသရေႇလႃႉ သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ ပေႃး​ႁဵတ်း​ၼင်ႇ​ၼၼ်​ၸိုင်၊ ၶဝ်​တၵ်း​လွတ်ႈ​တင်း​လိူတ်ႈ​ၼၼ်ႉ​ဢေႃႈ။-</verse>
				<verse number="9">ၼင်ႇ​ၼၼ်​လႄႈ မႂ်း​တၵ်း​လႆႈ​ပႄႇ​ၽဵဝ်ႈ​လိူတ်ႈ​ၵေႃႉ​ဢၼ်​ဢမ်ႇ​ထိူၵ်ႈ​တၢႆ​ၼၼ်ႉ​ပႅတ်ႈ​သေ​ၵႃႈ​ၼႂ်း​သူ မိူဝ်ႈ​ဢၼ်​မႂ်း​ႁဵတ်း​လွင်ႈ​တၢင်း​ဢၼ်​သိုဝ်ႈ​ဢၼ်​တေႃႇ သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ၼၼ်ႉ​ဢေႃႈ။</verse>
				<verse number="10">မိူဝ်ႈ​ဢၼ်​မႂ်း​ဢွၵ်ႇ​ႁႂ်ႈ​လႆႈ​တိုၵ်း​သိုၵ်း​ၵၼ်​တင်း​ရၢၼ်ႇ​သူႇ​မႂ်း​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​သေ​ယဝ်ႉ၊ မႂ်း​တီႉ​ဢဝ်​ၶဝ်​လႆႈ​လႄႈ၊-</verse>
				<verse number="11">ႁၼ်​မႄႈ​ယိင်း​ဢၼ်​ႁၢင်ႈ​လီ​ၼႂ်း​ၶဝ်​ၸိူဝ်း​ဢၼ်​တီႉ​ဢဝ်​လႆႈ​ၼၼ်ႉ​လႄႈ မီး​ဢလူဝ်ႇ​ၶႂ်ႈ​ဢဝ်​ႁဵတ်း​မေး​ၸိုင်၊-</verse>
				<verse number="12">မႂ်း​တၵ်း​လႆႈ​ဢဝ်​မၼ်း​မႃး​ၵႃႈ​တီႈ​ႁိူၼ်း​မႂ်း​လႄႈ မၼ်း​ၼၼ်ႉ​ႁဵတ်း​တၢင်း​ဢၼ်​ထႃ​ႁူဝ် ဢိၵ်ႇ​တင်း​တၢင်း​ဢၼ်​ထိူဝ်​တႅပ်း​ၼဵပ်ႉ​မိုဝ်း​ယူႇ၊-</verse>
				<verse number="13">ထွတ်ႇ​ပႅတ်ႈ​ၶူဝ်း​ၼုင်ႈ​ဢၼ်​တီႉ​ဢဝ်​လႆႈ​ၼၼ်ႉ​ယူႇ၊ ၶၢင်း​ၶီ​ၶၢင်း​ၽၢၼ်​လူၺ်ႈ​လွင်ႈ​ပေႃႈ​မႄႈ​မၼ်း​ယူႇ​လိူၼ်​ၼိုင်ႈ​တဵမ်​တဵမ်​သေ​ယဝ်ႉ၊ လိုၼ်း​ၼၼ်ႉ​မႂ်း​တၵ်း​လႆႈ​ၶဝ်ႈ​ၸူး​တီႈ​မၼ်း​သေ​လႄႈ ပဵၼ်​ၽူဝ်​မၼ်း​လႄႈ မၼ်း​ၼၼ်ႉ​တၵ်း​ပဵၼ်​မေး​မႂ်း​ဢေႃႈ။-</verse>
				<verse number="14">ၵမ်း​လိုၼ်း ပေႃး​မႂ်း​ဢမ်ႇ​မီး​ၸႂ်​ဢၼ်​မူၼ်ႈ​ဢၼ်​ပျေႃႇ​လူၺ်ႈ​ၵၼ်​တင်း​မၼ်း​ၸိုင် မႂ်း​တၵ်း​လႆႈ​ပၼ်​ဢၶႂၢင်ႉ​ဢၼ် မၼ်း​လႆႈ​ၵႂႃႇ​ၵမ်ႈ​ၸႂ်​မၼ်း​ဢေႃႈ။ ၵွပ်ႈ​ပိူဝ်ႈ​ဢၼ်​မႂ်း​ၶျႃး​မၼ်း​တူၵ်း​တီႈ​တႅမ်ႇ​လႄႈ ဢမ်ႇ​လႆႈ​ၶၢႆ​ဢဝ်​ငိုၼ်း​လႃး​လႃး။ ဢမ်ႇ​လႆႈ​ႁဵတ်း​တီႈ​မၼ်း​မိူၼ်​ၸိူဝ်ႉ​ၼင်ႇ​ၶႃႈ။</verse>
				<verse number="15">ပေႃး​ၵူၼ်း​ၵေႃႉ​ၼိုင်ႈ​မီး​မေး​သွင်​ၵေႃႉ​ဢၼ်​ဝႃႈ မေး​ဢၼ်​မၼ်း​ႁၵ်ႉ​မၼ်း​ပႅင်း ဢိၵ်ႇ​တင်း​မေး​ဢၼ်​မၼ်း​ၸင်း​ၼၼ်ႉ​လႄႈ သွင်​ၶႃ​ဢၼ်​ဝႃႈ မေး​ဢၼ်​မၼ်း​ႁၵ်ႉ​မၼ်း​ပႅင်း ဢိၵ်ႇ​တင်း​မေး​ဢၼ်​မၼ်း​ၸင်း​ၼၼ်ႉ ၵိူတ်ႇ​လဵင်ႉ​လုၵ်ႈ​ၸၢႆး​ၼင်ႇ​ၵၼ်​သေ​ယဝ်ႉ၊ ၵေႃႉ​ဢၼ်​ၵိူတ်ႇ​လဵင်ႉ​ဢွၼ်​တၢင်း​ၼၼ်ႉ​ပဵၼ်​လုၵ်ႈ​ၸၢႆး​မေး​ဢၼ်​ၸင်း​ၼၼ်ႉ​ၸိုင်၊-</verse>
				<verse number="16">မိူဝ်ႈ​ဢၼ်​ၵေႃႉ​ၼၼ်ႉ​ႁႂ်ႈ​လုၵ်ႈ​ၸၢႆး​မၼ်း​တင်း​လၢႆ​ၶၢမ်ႇ​ဢမူၺ်ႇ​ဢုၵ်ႉ​ၸႃႇ​မၼ်း​ၼၼ်ႉ မၼ်း​ဢမ်ႇ​လႆႈ​ဢဝ်​လုၵ်ႈ​ၸၢႆး​မေး​ဢၼ်​မၼ်း​ႁၵ်ႉ​မၼ်း​ပႅင်း​ၼၼ်ႉ ယုၵ်ႉ​ယွင်ႈ​ဝႆႉ​ၼႂ်း​ဢရႃႇ​လုၵ်ႈ​ၸၢႆး​တူၼ်ႈ ၵႃႈ​ၼိူဝ်​လုၵ်ႈ​ၸၢႆး​မေး​ဢၼ်​မၼ်း​ၸင်း​ဢၼ်​ပဵၼ်​လုၵ်ႈ​ၸၢႆး​တူၼ်ႈ ဢမၢၼ်ႇ​ၶၼ်​ပဵၼ်​ၼၼ်ႉ။-</verse>
				<verse number="17">မၼ်း​တၵ်း​လႆႈ​ႁပ်ႉ​တုင်း​ဢဝ်​လွင်ႈ​ဢၼ်​လုၵ်ႈ​ၸၢႆး​မေး ဢၼ်​မၼ်း​ၸင်း​ၼၼ်ႉ​ပဵၼ်​လုၵ်ႈ​ၸၢႆး​တူၼ်ႈ​ၼၼ်ႉ​လႄႈ ပၼ်​ဢမူၺ်ႇ​ဢုၵ်ႉ​ၸႃႇ သွင်​ပုၼ်ႈ​တီႈ​မၼ်း​ဢေႃႈ။ လွင်ႈ​မၼ်း​ၸမ်ႉ မၼ်း​ၼၼ်ႉ​ပဵၼ်​ၵေႃႇၸႃႉ​ႁူဝ်​ပိုင်း​ႁႅင်း​ပေႃႈ​မၼ်း​ဢေႃႈ။ ဢရႃႇ​လုၵ်ႈ​ၸၢႆး​တူၼ်ႈ​ၸၢပ်ႈ​သႅင်ႇ​ၵၼ်​တင်း​မၼ်း​ၼၼ်ႉ​ဢေႃႈ။</verse>
				<verse number="18">ပေႃး​သေ​ၵေႃႉ​သေ​ၵူၼ်း မီး​လုၵ်ႈ​ၸၢႆး​ဢၼ်​ႁဵတ်း​ၸႂ်​ၼူၵ်ႇ​ၸႂ်​ၼႃ ဢၼ်​မီး​ၸႂ်​သၽေႃး​ဢၼ်​ၵျၢမ်း​လိူင်း​ၼႃႇ​လႄႈ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ပေႃႈ​ၵႂၢမ်း​မႄႈ ဢၼ်​ပိၵ်ႉ​သမ်ႉ​ပေႃႈ​မႄႈ​သင်ႇ​သွၼ်​သေ​ၵေႃႈ ဢမ်ႇ​ၶၢမ်ႇ​ဢမ်ႇ​ဢဝ်​တၢင်း​ဢၼ်​သင်ႇ​သွၼ်​ၼၼ်ႉ​ၸိုင်၊-</verse>
				<verse number="19">ပေႃႈ​မႄႈ​မၼ်း​တၵ်း​လႆႈ​တိုတ်ႉ​ၸၼ်​ဢဝ်​မၼ်း​လႄႈ ဢဝ်​ဢွၵ်ႇ​ၸူး​ၵႃႈ​တီႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ဝဵင်း​ဢၼ်​မၼ်း​ယူႇ ဢိၵ်ႇ​တင်း ၵႃႈ​တီႈ​ႁူး​ၽၵ်း​တူ​တီႈ​ဢၼ်​မၼ်း​ယူႇ​ၼၼ်ႉ​သေ​ယဝ်ႉ၊-</verse>
				<verse number="20">လဝ်ႊ​လၢတ်ႈ​တီႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ဝဵင်း​ၼၼ်ႉ​ၸိူဝ်း​ၼၼ်ႉ​လႄႈ​ဝႃႈ၊ လုၵ်ႈ​ၸၢႆး​ႁဝ်း​ၶႃႈ​ၼႆႉ​ပဵၼ်​ၵေႃႉ​ဢၼ်​ႁဵတ်း​ၸႂ်​ၼူၵ်ႇ​ၸႂ်​ၼႃ၊ ၵေႃႉ​ဢၼ်​မီး​ၸႂ်​သၽေႃး​ဢၼ်​ၵျၢမ်း​လိူင်း​ၼႃႇ​လႄႈ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ႁဝ်း​ၶႃႈ ၶႃႈ​ဢေႃႈ။ ပဵၼ်​ၵေႃႉ​ဢၼ်​ၵိၼ်​ပူၼ်ႉ​ၵိၼ်​လိူဝ်၊ ၵေႃႉ​ဢၼ်​သူတ်ႉ​ပူၼ်ႉ​သူတ်ႉ​လိူဝ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၵူၼ်း​ၸၢႆး​ဝဵင်း​ၼၼ်ႉ​တင်း​သဵင်ႈ​တင်း​လူင် တၵ်း​လႆႈ​ဢွၼ်​ၵၼ်​ဢဝ်​မၢၵ်ႇ​ႁိၼ်​ထိမ်ႈ​မၼ်း​ၼၼ်ႉ ႁႂ်ႈ​ထၼ်ႈ​ပေႃး​တၢႆ​ဢေႃႈ။ ၼင်ႇ​ၼၼ်​လႄႈ မႂ်း​တၵ်း​လႆႈ​ပႄႇ​ၽဵဝ်ႈ​တူႉ​ၸရိူၵ်ႈ​ဢပႅတ်ႈ ပႅတ်ႈ​သေ​ၵႃႈ​ၼႂ်း​မႂ်း​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​လႆႈ​ငိၼ်း​လႄႈ​မီး​ၸႂ်​ဢၼ်​ၵူဝ်​ဢၼ်​ႁႄ​ဢေႃႈ။</verse>
				<verse number="22">ပေႃး​မီး​ၵေႃႉ​ဢၼ်​ႁဵတ်း​ဢပႅတ်ႈ​ဢၼ်​ထုၵ်ႇ​တၢႆ​ၼၼ်ႉ​လႄႈ မႂ်း​ဢဝ်​ႁွႆႈ​ၵႃႈ​တီႈ​သဝ်​လၵ်း​သေ​လႄႈ ဢဝ်​တၢႆ​ၸိုင်၊-</verse>
				<verse number="23">တူဝ်​တၢႆ​မၼ်း​ၼၼ်ႉ ဢမ်ႇ​လႆႈ​မီး​ဝႆႉ​ၵႃႈ​တီႈ​သဝ်​လၵ်း​တင်း​ၶိုၼ်း။ မႂ်း​တၵ်း​လႆႈ​ဢဝ်​ၽင်​လိၼ်​ပႅတ်ႈ​ၼႂ်း​ဝၼ်း​ၼၼ်ႉ​ၵမ်း​လဵဝ်​ဢေႃႈ။ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​ႁွႆႈ​ဢဝ်​ၽႅၼ်​ၵႃႈ​တီႈ​သဝ်​မႆႉ​သဝ်​လၵ်း​ၼၼ်ႉ ပဵၼ်​တၢင်း​ဢၼ်​ၽြႃး​ပဵၼ်​ၸဝ်ႈ​ၵိၼ်ႇ​ဝႃႈ​ဢေႃႈ။ လွင်ႈ​ၼင်ႇ​ႁိုဝ်​တၵ်း​ဢမ်ႇ​ႁႂ်ႈ​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​ပုၼ်ႈ​ဢၼ် မႂ်း​တၵ်း​ၶၢမ်ႇ​ဢမူၺ်ႇ​ၼၼ်ႉ​ၵူဝ်ႈ​ၵိူၵ်ႇ​ၸိုင်၊ မႂ်း​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။</verse>
			</chapter>
			<chapter number="22">
				<verse number="1">မႂ်း​ႁၼ်​သူဝ်း​ဝူဝ်း​ပီႈ​ၼွင်ႉ​မႂ်း​ၽိတ်း​တၢင်း​ပိူင်ႈ​တၢင်း​ၵႂႃႇ​လႄႈ မႂ်း​ဢမ်ႇ​လႆႈ​ယူႇ​တဵတ်ႇ​တဵတ်ႇ​ယူႇ၊ မႂ်း​တၵ်း​လႆႈ​ဢဝ်​ၶိုၼ်း​သူင်ႇ​ပၼ် တီႈ​ပီႈ​ၼွင်ႉ​မႂ်း​ၼၼ်ႉ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="2">ပေႃး​ပီႈ​ၼွင်ႉ​မႂ်း​ၼၼ်ႉ ဢမ်ႇ​မီး​ၸမ်​ၵၼ်​တင်း​မႂ်း၊ ဢမ်ႇ​ၼၼ် ပေႃး​မႂ်း​ဢမ်ႇ​ႁူႉ​မၼ်း​ၸိုင်၊ တၵ်း​လႆႈ​ဢဝ်​သူဝ်း​ဝူဝ်း​ၼၼ်ႉ​မႃး​ၵႃႈ​တီႈ​ႁိူၼ်း​မႂ်း၊ တၵ်း​လႆႈ​မီး​ယူႇ​ၵႃႈ​တီႈ​မႂ်း​တေႃႇ​ထိုင်​ႁွတ်ႈ​ပီႈ​ၼွင်ႉ​မႂ်း​ၼၼ်ႉ​ၸွမ်း​ႁႃ​လႄႈ မႂ်း​ၵေႃႈ​ဢၢပ်ႈ​ပၼ်​တီႈ​မၼ်း​ၼၼ်ႉ​ဢေႃႈ။-</verse>
				<verse number="3">ၼင်ႇ​ၼၼ်​လႄႈ မႂ်း​တၵ်း​လႆႈ​ႁဵတ်း​တီႈ​လီႈ​မၼ်း၊ တၵ်း​လႆႈ​ႁဵတ်း​တီႈ​ၶူဝ်း​လဵင်း​မၼ်း၊ တၵ်း​လႆႈ​ႁဵတ်း​တီႈ ဢုၵ်ႉ​ၸႃႇ​ပီႈ​ၼွင်ႉ​မႂ်း​ဢၼ်​ႁၢႆ​ၵႂႃႇ​သေ​ၸိူဝ်ႉ​သေ​ပိူင် ဢၼ်​မၼ်း​ၶၢမ်ႇ​တၢင်း​ဢၼ်​ႁၢႆ​ၵႂႃႇ​ၼၼ်ႉ​လႄႈ မႂ်း​ထူပ်း​မႅၼ်ႈ​ၼၼ်ႉ​ဢေႃႈ။ မႂ်း​ဢမ်ႇ​လႆႈ​ယူႇ​တဵတ်ႇ​တဵတ်ႇ​ယူႇ။-</verse>
				<verse number="4">မႂ်း​ႁၼ်​လီႈ​ဝူဝ်း​ပီႈ​ၼွင်ႉ​မႂ်း​လူမ်ႉ​တူၵ်း​ယူႇ​ၵႃႈ​တီႈ​ၵၢင်​တၢင်း​လႄႈ မႂ်း​ဢမ်ႇ​လႆႈ​ယူႇ​တဵတ်ႇ​တဵတ်ႇ​ယူႇ၊ တၵ်း​လႆႈ​ၸွႆႈ​ထႅမ်​မႃႉ​ၸႃႉ​မၼ်း​ၼၼ်ႉ​လႄႈ ႁႂ်ႈ​လုၵ်ႉ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="5">မႄႈ​ယိင်း​ဢမ်ႇ​လႆႈ​ၼုင်ႈ​ၶူဝ်း​ၵူၼ်း​ၸၢႆး။ ၵူၼ်း​ၸၢႆး​ၵေႃႈ​ဢမ်ႇ​လႆႈ​ၼုင်ႈ​ၶူဝ်း​မႄႈ​ယိင်း။ ၶဝ်​ၸိူဝ်း​ဢၼ်​ၼုင်ႈ​ၸိူဝ်ႉ​ၼင်ႇ​ၼၼ်​ၵႃႈ​မီး​ၼၼ်ႉ ပဵၼ်​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။</verse>
				<verse number="6">ပေႃး​ႁင်း​ၼူၵ်ႉ​ဢၼ်​ပႃး​လုၵ်ႈ​ဢွၼ်ႇ​မၼ်း၊ ဢမ်ႇ​ၼၼ် ၶႆႇ​မၼ်း​လႄႈ ၼူၵ်ႉ​မႄႈ​ငွမ်း​လုၵ်ႈ​ဢွၼ်ႇ​မၼ်း၊ ဢမ်ႇ​ၼၼ် ၶႆႇ​မၼ်း​ၼၼ်ႉ​မီး​ယူႇ​ၵႃႈ​တီႈ​ၽၢႆႇ​ၼႃႈ​မႂ်း ၵႃႈ​ၼိူဝ်​တူၼ်ႈ​မႆႉ၊ ၵႃႈ​ၼိူဝ်​လိၼ်​ၼႂ်း​သဵၼ်ႈ​တၢင်း​ၸိုင် မႂ်း​ဢမ်ႇ​လႆႈ​ဢဝ်​ၼူၵ်ႉ​မႄႈ​ၼၼ်ႉ ဢိၵ်ႇ​လူၺ်ႈ​ၵၼ်​တင်း​လုၵ်ႈ​ဢွၼ်ႇ​မၼ်း။-</verse>
				<verse number="7">မႂ်း​တၵ်း​လႆႈ​ပွႆႇ​ၼူၵ်ႉ​မႄႈ​ၼၼ်ႉ​ပႅတ်ႈ​သေ​လႄႈ သိမ်း​ဢဝ်​လုၵ်ႈ​ဢွၼ်ႇ​မၼ်း​ၵူၺ်း ႁႂ်ႈ​မႂ်း​လႆႈ​လီ​လႆႈ​ပဵၼ်​လႄႈ ၸူဝ်ႈ​ဢသၢၵ်ႈ​ယၢဝ်း​ယိုၼ်း​ဢေႃႈ။-</verse>
				<verse number="8">မိူဝ်ႈ​ဢၼ်​မႂ်း​ႁဵတ်း​ႁိူၼ်း​ဢၼ်​မႂ်ႇ​ၼၼ်ႉ မႂ်း​တၵ်း​လႆႈ​ႁဵတ်း​ဢၼ်​ႁႄႉ​ဢၼ်​ၵင်ႈ​ဝႆႉ​ၵႃႈ​တီႈ​လဵပ်ႈ​ႁွပ်ႈ​ၸွမ်း​ႁိမ်း​မုင်း​မၼ်း ႁႂ်ႈ​ၵူၼ်း​ဢမ်ႇ​လႆႈ​တူၵ်း​သေ​ၵႃႈ​ၼိူဝ်​မုင်း​ႁိူၼ်း​တၢႆ​လႄႈ လိူတ်ႈ​ႁွတ်ႈ​ထိုင်​ၵႃႈ​ၼိူဝ်​ႁိူၼ်း​မႂ်း​ၼၼ်ႉ​ဢေႃႈ။-</verse>
				<verse number="9">မႂ်း​ဢမ်ႇ​လႆႈ​ဢဝ်​ၸိူဝ်ႉ​ၽၼ်း​ဢၼ်​ပႅၵ်ႇ​ပိူင်ႈ​ၵၼ်​ၼၼ်ႉ​ဝၢၼ်ႇ​ပိုၼ်​လူၺ်ႈ​ၵၼ် ၵႃႈ​ၼႂ်း​သူၼ်​ဢူးယဵၼ်ႇ​ၸပိတ်ႈ​မႂ်း၊ ပေႃး​ဝၢၼ်ႇ​ၸိူဝ်ႉ​ၼင်ႇ​ၼၼ်​ၸိုင်၊ မၢၵ်ႇ​ၵႃႈ​မီး​ဢၼ်​ဝႃႈ​ၸိူဝ်ႉ​ၽၼ်း ဢၼ်​မႂ်း​ဝၢၼ်ႇ​မႂ်း​ပိုၼ် ဢိၵ်ႇ​တင်း​တၢင်း​ဢၼ်​ယႂ်ႇ​ၽႄႈ​တူဝ်း​တွၼ်း​မႃး​တီႈ​သူၼ်​ဢူးယဵၼ်ႇ​ၸပိတ်ႈ​မႂ်း​ၼၼ်ႉ တၵ်း​လႆႈ​ပဵၼ်​ဢၼ်​သုမ်း​ဢၼ်​ၸွမ်း​တီႈ​မႂ်း​ဢေႃႈ။-</verse>
				<verse number="10">မႂ်း​ဢမ်ႇ​လႆႈ​ဢဝ်​ဝူဝ်း​တင်း​လီႈ ၽၢၵ်ႈ​ၵိုၵ်း​ၵၼ်​သေ​လႄႈ​ထႆ​ၼႃး။-</verse>
				<verse number="11">မႂ်း​ဢမ်ႇ​လႆႈ​ၼုင်ႈ​ၶူဝ်း​ၼုင်ႈ ဢၼ်​ဢဝ်​ၵုၺ်​တင်း​ၶူၼ်​သူဝ်း​လေႃး​ၵၼ်​သေ​လႄႈ တေႃး​ႁဵတ်း​ၼၼ်ႉ။-</verse>
				<verse number="12">မႂ်း​တၵ်း​လႆႈ​ႁဵတ်း​ပူႈ​ႁွႆႈ​သႂ်ႇ​ၵႃႈ​တီႈ​ႁိမ်း​ၸဵင်ႇ​ၶူဝ်း​ၼုင်ႈ​ဢၼ်​မႂ်း​ၼုင်ႈ​မႆ​သီႇ​ၽၢႆႇ​ၼၼ်ႉ​ဢေႃႈ။</verse>
				<verse number="13">ပေႃး​သေ​ၵေႃႉ​သေ​ၵူၼ်း​ဢဝ်​မႄႈ​ယိင်း​လႄႈ ၶဝ်ႈ​ၸူး​တီႈ​မၼ်း​သေ​ယဝ်ႉ၊ ငိၼ်း​ၸင်း​မၼ်း​လႄႈ၊-</verse>
				<verse number="14">ႁဵတ်း​ႁႂ်ႈ​ပဵၼ်​လွင်ႈ​တၢင်း​ဢၼ်​လီ​သႄႉ​လီ​သွမ်း​တီႈ​မၼ်း​လႄႈ ယႃႉ​သရေႇ​မၼ်း​လႄႈ​ဝႃႈ၊ ၵဝ်​ဢဝ်​မႄႈ​ယိင်း​ၼႆႉ​လႄႈ မိူဝ်ႈ​ဢၼ်​ၵဝ်​သိူၵ်ႈ​သမ်ႇ​ၵၼ်​တင်း​မၼ်း​ၼၼ်ႉ ၵဝ်​ဢမ်ႇ​ထူပ်း​လၢၵ်ႈၶၼႃႇ​သၢၵ်ႈ​သေႇ​ၵၼ်ႇ​ၺႃႇ​ဢၼ်​ၸႅတ်ႈ​ၼၼ်ႉ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="15">ပေႃႈ​မႄႈ​ၽူႈ​ယိင်း​ၼၼ်ႉ တၵ်း​လႆႈ​ဢဝ်​လၢၵ်ႈၶၼႃႇ​သၢၵ်ႈ​သေႇ​ၵၼ်ႇ​ၺႃႇ​ၸႅတ်ႈ​ၼၼ်ႉ​ၵႂႃႇ​ၸူး​ၵႃႈ​တီႈ​ၵူၼ်း ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ဝဵင်း​ၼၼ်ႉ​ၵႃႈ​တီႈ​ၽၵ်း​တူ​ဝဵင်း​ၼၼ်ႉ​လႄႈ၊-</verse>
				<verse number="16">ပေႃႈ​မႄႈ​ယိင်း​ၼၼ်ႉ​တၵ်း​လႆႈ​လဝ်ႊ​လၢတ်ႈ​တီႈ​ၵူၼ်း ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ​လႄႈ​ဝႃႈ၊ ၵဝ်​ၶႃႈ​ဢဝ်​လုၵ်ႈ​ယိင်း​ၵဝ်​ၶႃႈ ပၼ်​တီႈ​ၵူၼ်း​ၸၢႆး​ၼႆႉ​ၶႃႈ​ယဝ်ႉ။ မၼ်း​ၼၼ်ႉ​ၸင်း​မၼ်း​လႄႈ၊-</verse>
				<verse number="17">ႁဵတ်း​ႁႂ်ႈ​ပဵၼ်​လွင်ႈ​တၢင်း​ဢၼ်​လီ​သႄႉ​လီ​သွမ်း​တီႈ​မၼ်း​လႄႈ​ဝႃႈ၊ ၵဝ်​ဢမ်ႇ​ထူပ်း​လၢၵ်ႈၶၼႃႇ​သၢၵ်ႈ​သေႇ​ၵၼ်ႇ​ၺႃႇ​ၸႅတ်ႈ​တီႈ​လုၵ်ႈ​ယိင်း​မႂ်း၊ ဝႃႈ​ၼင်ႇ​ၼႆ​သေ​ၵေႃႈ ဢၼ်​ၼႆႉ​ၸမ်ႉ၊ ပဵၼ်​လၢၵ်ႈၶၼႃႇ​သၢၵ်ႈ​သေႇ​ၵၼ်ႇ​ၺႃႇ​ၸႅတ်ႈ​တီႈ​လုၵ်ႈ​ယိင်း​ၵဝ်​ၶႃႈ ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ ဢဝ်​ၶူဝ်း​ၼၼ်ႉ​ၽႄႇ​ၵီႈ​ၼႄ​ပျႃး​ၵႃႈ​တီႈ​ၽၢႆႇ​ၼႃႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ဝဵင်း​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="18">မိူဝ်ႈ​ၼၼ်ႉ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ဝဵင်း​ၼၼ်ႉ​ၸိူဝ်း​ၼၼ်ႉ တၵ်း​လႆႈ​ဢဝ်​ၵေႃႉ​ၼၼ်ႉ​သေ​လႄႈ​ပေႃႉ​ယႅၼ်ႉ​သေ​ယဝ်ႉ၊-</verse>
				<verse number="19">ႁႂ်ႈ​ယေႃႇ​သေ​ငိုၼ်း​ၵျၢပ်ႈ​ သၶေးလႃႉ ​ပၢၵ်ႇ​ၵျၢပ်ႈ​လႄႈ ပၼ်​တီႈ​ပေႃႈ​မႄႈ​ယိင်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ၼၼ်ႉ​ယႃႉ​သရေႇ​ၵၼ်ႇ​ၺႃႇ​မဵဝ်း​ ဢီႉသရေႇလႃႉ ​ဢေႃႈ။ မႄႈ​ယိင်း​ၼၼ်ႉ​တၵ်း​လႆႈ​ပဵၼ်​မေး​မၼ်း​လႄႈ၊ ၸူဝ်ႈ​ဢသၢၵ်ႈ​မၼ်း​ဢမ်ႇ​လႆႈ​ပႅတ်ႈ​ၵၼ်​တင်း​မႄႈ​ယိင်း​ၼၼ်ႉ။-</verse>
				<verse number="20">ဢမ်ႇ​ၼၼ် ပေႃး​ၵႂၢမ်း​ၽူဝ်​မၼ်း​ၸႂ်ႈ​လႄႈ လၢၵ်ႈၶၼႃႇ​သၢၵ်ႈ​သေႇ​ၵၼ်ႇ​ၺႃႇ​ၸႅတ်ႈ ဢမ်ႇ​မီး​တီႈ​မႄႈ​ယိင်း​ၼၼ်ႉ​ၸိုင်၊-</verse>
				<verse number="21">ၶဝ်​တၵ်း​လႆႈ​ဢဝ်​မႄႈ​ယိင်း​ၼၼ်ႉ​ဢွၵ်ႇ​ဝႆႉ​ၵႃႈ​တီႈ​ႁူး​ၽၵ်း​တူ​ႁိူၼ်း​ပေႃႈ​မၼ်း​သေ​လႄႈ ၵူၼ်း​ၸၢႆး​ဝဵင်း​ၼၼ်ႉ​တၵ်း​လႆႈ​ဢွၼ်​ၵၼ်​ဢဝ်​မၢၵ်ႇ​ႁိၼ်​ထိမ်ႈ​မၼ်း​ႁႂ်ႈ​ထၼ်ႈ​ပေႃး​တၢႆ​ဢေႃႈ။ လွင်ႈ​မၼ်း​ၸမ်ႉ မၼ်း​ၸွမ်း​လူၺ်ႈ​မေႇ​ထုင်ႇ​ဢၼ်​ဢမ်ႇ​တြႃး ၵႃႈ​ၼႂ်း​ႁိူၼ်း​ပေႃႈ​မၼ်း​လႄႈ​ႁဵတ်း​ဢမူႉ​ဢၼ်​ႁၢႆႉ​မိူၵ်ႈ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ယဝ်ႉ။ ၼင်ႇ​ၼၼ်​လႄႈ မႂ်း​တၵ်း​လႆႈ​ပႄႇ​တူႉ​ၸရိူၵ်ႈ​ဢပႅတ်ႈ ပႅတ်ႈ​သေ​ၵႃႈ​ၼႂ်း​မႂ်း​ဢေႃႈ။</verse>
				<verse number="22">ပေႃး​ထူပ်း​မႅၼ်ႈ​ၵူၼ်း​ၸၢႆး​တၢင်ႇ​ၵေႃႉ​ၼွၼ်း​လူၺ်ႈ​ၵၼ်​တင်း​မႄႈ​ယိင်း ဢၼ်​မီး​ၽူဝ်​ယူႇ​ၼၼ်ႉ​ၸိုင်၊ ၵူၼ်း​ၸၢႆး​ဢၼ်​ၼွၼ်း​လူၺ်ႈ​မၼ်း ဢိၵ်ႇ​တင်း​မႄႈ​ယိင်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​တင်း​သွင်​ၵေႃႉ​ဢေႃႈ။ ၼင်ႇ​ၼၼ်​လႄႈ မႂ်း​တၵ်း​လႆႈ​ပႄႇ​တူႉ​ၸရိူၵ်ႈ​ဢပႅတ်ႈ ပႅတ်ႈ​သေ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="23">ပေႃး​မီး​ၵၼ်ႇ​ၺႃႇ​လုၵ်ႈ​ယိင်း​သၢဝ် ဢၼ်​မၢႆ​ၵၼ်​ဝႆႉ​တင်း​ၵူၼ်း​ၸၢႆး​ယဝ်ႉ​ၼၼ်ႉ​လႄႈ ၵူၼ်း​ၸၢႆး​တၢင်ႇ​ၵေႃႉ​ထူပ်း​မၼ်း​ၼၼ်ႉ​ၵႃႈ​ၼႂ်း​ဝဵင်း​လႄႈ ၼွၼ်း​လူၺ်ႈ​ၵၼ်​တင်း​မၼ်း​ၸိုင်၊-</verse>
				<verse number="24">သူ​တၵ်း​လႆႈ​ဢဝ်​သွင်​ၶႃ​ၼၼ်ႉ​ဢွၵ်ႇ​ၸူး​ၵႃႈ​တီႈ​ၽၵ်း​တူ​ဝဵင်း​သေ​လႄႈ ဢဝ်​မၢၵ်ႇ​ႁိၼ်​ထိမ်ႈ​သွင်​ၶႃ ဢၼ်​ဝႃႈ​မႄႈ​ယိင်း​ၼၼ်ႉ​ၵွပ်ႈ​ပိူဝ်ႈ​ဢၼ်​မၼ်း​မီး​ယူႇ​ၵႃႈ​ၼႂ်း​ဝဵင်း​သေ​ၵေႃႈ မၼ်း​ဢမ်ႇ​ႁွင်ႉ​ဢမ်ႇ​သႅၼ်ႇ ဢိၵ်ႇ​တင်း​ၵူၼ်း​ၸၢႆး​ၼၼ်ႉ​ၵွပ်ႈ​ပိူဝ်ႈ​ဢၼ်​မၼ်း​ၶျႃး​မေး​ပိူၼ်ႈ​တူၵ်း​တီႈ​တႅမ်ႇ​ၼၼ်ႉ ႁႂ်ႈ​ထၼ်ႈ​ပေႃး​တၢႆ​တင်း​သွင်​ၵေႃႉ​ဢေႃႈ။ ၼင်ႇ​ၼၼ်​လႄႈ မႂ်း​တၵ်း​လႆႈ​ပႄႇ​တူႉ​ၸရိူၵ်ႈ​ဢပႅတ်ႈ ပႅတ်ႈ​သေ​ၵႃႈ​ၼႂ်း​မႂ်း​ဢေႃႈ။-</verse>
				<verse number="25">ပေႃး​ၵူၼ်း​ၸၢႆး​တၢင်ႇ​ၵေႃႉ​ထူပ်း​ႁၼ်​ၵၼ်ႇ​ၺႃႇ​လုၵ်ႈ​ယိင်း​သၢဝ် ဢၼ်​မၢႆ​ၵၼ်​ဝႆႉ​တင်း​ၵူၼ်း​ၸၢႆး​ယဝ်ႉ​ၼၼ်ႉ​ၵႃႈ​ၼႂ်း​ထိူၼ်ႇ​လႄႈ ႁဵတ်း​ပႄႉ​ႁဵတ်း​ၼႅင်ႇ​ၼွၼ်း​လူၺ်ႈ​ၵၼ်​တင်း​မၼ်း​ၸိုင်၊ ၵူၼ်း​ၸၢႆး​ဢၼ်​ၼွၼ်း​လူၺ်ႈ​ၵၼ်​တင်း​မၼ်း​ၼၼ်ႉ ၵေႃႉ​လဵဝ်​ၵူၺ်း​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ။-</verse>
				<verse number="26">မႂ်း​ဢမ်ႇ​လႆႈ​ႁဵတ်း​ၵႃႈ​သင်​တီႈ​မႄႈ​ယိင်း​ၼၼ်ႉ​လႃး​လႃး။ မႄႈ​ယိင်း​ၼၼ်ႉ​ဢမ်ႇ​မီး​ဢပႅတ်ႈ ဢၼ်​ထိူၵ်ႈ​ၶၢမ်ႇ​တၢင်း​ဢၼ်​ဢဝ်​တၢႆ။ လွင်ႈ​မၼ်း​ၸမ်ႉ ဢမူႉ​ၼၼ်ႉ​မိူၼ်​ၸိူဝ်ႉ​ၼင်ႇ​ၵူၼ်း​ဢၼ်​လုၵ်ႉ​ယူႇ​ၽၢႆႇ​ၼိုင်ႈ​တင်း​ၵူၼ်း​ႁိူၼ်း​ၸမ်​ၵၼ်​တင်း​မၼ်း​လႄႈ ဢဝ်​တၢႆ​ၼၼ်ႉ​ဢေႃႈ။-</verse>
				<verse number="27">မၼ်း​ထူပ်း​ႁၼ်​မႄႈ​ယိင်း​ၼၼ်ႉ​ၵႃႈ​ၼႂ်း​ထိူၼ်ႇ​လႄႈ ပိၵ်ႉ​သမ်ႉ​မႄႈ​ယိင်း​ႁွင်ႉ​သႅၼ်ႇ​သေ​ၵေႃႈ ဢမ်ႇ​မီး​ၵေႃႉ​ဢၼ်​ၸွႆႈ​ဢၼ်​ထႅမ်​မၼ်း။-</verse>
				<verse number="28">ပေႃး​ၵူၼ်း​ၸၢႆး​ထူပ်း​မႄႈ​ယိင်း​ဢၼ်​ဢမ်ႇ​ပႆႇ​မၢႆ​ၵၼ်​ဝႆႉ​တင်း​ၵူၼ်း​ၸၢႆး​ၼၼ်ႉ​လႄႈ တိုတ်ႉ​ၸၼ်​ၼွၼ်း​လူၺ်ႈ​ၵၼ်​တင်း​မၼ်း​လႄႈ ပိူၼ်ႈ​ထူပ်း​ႁၼ်​မႅၼ်ႈ​ၸိုင်၊-</verse>
				<verse number="29">ၵူၼ်း​ၸၢႆး​ဢၼ်​ၼွၼ်း​လူၺ်ႈ​ၵၼ်​တင်း​မၼ်း​ၼၼ်ႉ​တၵ်း​လႆႈ​ယေႃႇ​ပၼ်​သေ​ပၼ်​ငိုၼ်း​ႁႃႈ​သိပ်း​တီႈ​ပေႃႈ​ၵူၼ်း​ယိင်း​ၼၼ်ႉ​ဢေႃႈ။ ၵူၼ်း​ယိင်း​ၼၼ်ႉ​ၵေႃႈ တၵ်း​လႆႈ​ပဵၼ်​မေး​မၼ်း​ဢေႃႈ။ ၵွပ်ႈ​ပိူဝ်ႈ​ဢၼ်​ၶျႃး​မၼ်း​တူၵ်း​တီႈ​တႅမ်ႇ​လႄႈ ၸူဝ်ႈ​ဢသၢၵ်ႈ​ဢမ်ႇ​လႆႈ​ပႅတ်ႈ​မၼ်း။-</verse>
				<verse number="30">သေ​ၵေႃႉ​သေ​ၵူၼ်း ဢမ်ႇ​လႆႈ​သိမ်း​ဢဝ်​မေး​ပေႃႈ​မၼ်း​လႄႈ​ႁဵတ်း​တၢင်း​ဢၼ် ၽုၺ်ႇ​ပိုတ်ႇ​ၶူဝ်း​ၼုင်ႈ​ပေႃႈ​မၼ်း။</verse>
			</chapter>
			<chapter number="23">
				<verse number="1">ၵေႃႉ​ဢၼ်​ၶႆႇ​ႁမ်​လူႉ​လႅဝ်၊ ၵေႃႉ​ဢၼ်​ပိူၼ်ႈ​တႅပ်း​လိမ်ႇ​ႁမ်​မၼ်း​ပႅတ်ႈ​ၼၼ်ႉ​ဢမ်ႇ​လႆႈ​ၶဝ်ႈ​လႆႈ​ပႃး​ၵႃႈ​ၼႂ်း​ပရဵၵ်ႈသၢတ်ႈ​ထႃႇဝရႃႉ​ၽြႃး။-</verse>
				<verse number="2">လုၵ်ႈ​ဢၼ်​မၢၼ်း​တၢင်း​ၼၼ်ႉ ဢမ်ႇ​လႆႈ​ၶဝ်ႈ​လႆႈ​ပႃး​ၵႃႈ​ၼႂ်း​ပရဵၵ်ႈသၢတ်ႈ​ထႃႇဝရႃႉ​ၽြႃး။ ဢမ်ႇ​လႆႈ​ၶဝ်ႈ​ႁႂ်ႈ​ထၼ်ႈ​ပေႃး​ထူၼ်ႈ​ထိုင်​သိပ်း​သိုပ်ႇ။-</verse>
				<verse number="3">ၵူၼ်း​မဵဝ်း​ ဢမ်ႇမုၼ်ႇ ဢိၵ်ႇ​တင်း​ၵူၼ်း​မဵဝ်း​ မေႃႇၽႃႉ ​ၵေႃႈ​ဢမ်ႇ​လႆႈ​ၶဝ်ႈ​လႆႈ​ပႃး​ၵႃႈ​ၼႂ်း​ပရဵၵ်ႈသၢတ်ႈ​ထႃႇဝရႃႉ​ၽြႃး ၶိင်ႇ​ၵႃႇလႃႉ​သိုပ်ႇ​တၢမ်း​လၢမ်း​ၵႂႃႇ ႁႂ်ႈ​ထၼ်ႈ​ပေႃး​ထူၼ်ႈ​ထိုင်​သိပ်း​သိုပ်ႇ​ၼၼ်ႉ​လႄႈ ၵူၼ်း​ဢၼ်​ၸၢပ်ႈ​သႅင်ႇ​ၵၼ်​တင်း​မဵဝ်း​ၸိူဝ်း​ၼၼ်ႉ ဢမ်ႇ​လႆႈ​ၶဝ်ႈ​လႆႈ​ပႃး​ၵႃႈ​ၼႂ်း​ပရဵၵ်ႈသၢတ်ႈ​ထႃႇဝရႃႉ​ၽြႃး။-</verse>
				<verse number="4">လွင်ႈ​မၼ်း​ၸမ်ႉ မိူဝ်ႈ​ဢၼ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ၊ ၶဝ်​ဢမ်ႇ​ဢဝ်​ၶဝ်ႈ​မုၼ်း​တင်း​ၼမ်ႉ​ႁပ်ႉ​ႁူဝ်​တၢင်း​မႂ်း။ ၶဝ်​ၸၢင်ႈ​ဢဝ်​ငႃ​ဢဝ်​ ပႃႇလၢမ်ႇ လုၵ်ႈ​ၸၢႆး​ ပေႃးရႃႉ ဢၼ်​ယူႇ​ၵႃႈ​တီႈ​ဝဵင်း​ ပေႇသေႃႇ မိူင်း​ မေႇသေႃးပေႃးတႃႇမီႉ ​ၼၼ်ႉ​မႃး ႁႂ်ႈ​လႆႈ​ၵိၼ်ႇ​ဝႃႈ​မႂ်း​ဢေႃႈ။-</verse>
				<verse number="5">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ ပႃႇလၢမ်ႇ ​ၼၼ်ႉ။ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ႁၵ်ႉ​မႂ်း​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ႁႂ်ႈ​တၢင်း​ဢၼ်​ၵိၼ်ႇ​ဝႃႈ​ၼၼ်ႉ ပဵၼ်​တၢင်း​လီ​မင်ႇၵလႃႇ​တီႈ​မႂ်း​ဢေႃႈ။-</verse>
				<verse number="6">ၸူဝ်ႈ​ဢၼ်​ဢသၢၵ်ႈ​မႂ်း​တႃႇ​သေႇ​ၼၼ်ႉ မႂ်း​ဢမ်ႇ​လႆႈ​ပွင်​လႆႈ​ႁဵတ်း​ၵတ်း​ယဵၼ်​ၶျၢမ်း​သႃႇ​ၶဝ်၊ ၸေး​ၸိမ်ႇ​ၶဝ်​လႃး​လႃး။</verse>
				<verse number="7">ၵူၼ်း​မဵဝ်း​ ဢေႇတုမ်ႇ ​ၸမ်ႉ၊ မႂ်း​ဢမ်ႇ​လႆႈ​ၸင်း။ မၼ်း​ၼၼ်ႉ​ပဵၼ်​ပီႈ​ၼွင်ႉ​မႂ်း​ဢေႃႈ။ ၵူၼ်း​မဵဝ်း​ ဢေႇၵိပ်ႉတူႉ ​ၵေႃႈ​မႂ်း​ဢမ်ႇ​လႆႈ​ၸင်း။ မႂ်း​ယၢမ်ႈ​လႆႈ​ပဵၼ်​ၶႅၵ်ႇ​ဢႃႇၵၼ်ႇတူႉ ၵႃႈ​ၼႂ်း​မိူင်း​မၼ်း​ၼၼ်ႉ​မႃး​ယဝ်ႉ။-</verse>
				<verse number="8">လုၵ်ႈ​လၢင်း​မဵဝ်း​ၶဝ်​ဢၼ်​ထူၼ်ႈ​ထိုင်​ႁွတ်ႈ​သၢမ်​သိုပ်ႇ​ၼၼ်ႉ မီး​ဢၶႂၢင်ႉ​ဢၼ်​လႆႈ​ၶဝ်ႈ​လႆႈ​ပႃး​ၵႃႈ​ၼႂ်း​ပရဵၵ်ႈသၢတ်ႈ​ထႃႇဝရႃႉ​ၽြႃး​ဢေႃႈ။</verse>
				<verse number="9">မိူဝ်ႈ​ဢၼ်​မႂ်း​ႁဵတ်း​တပ်ႉ​လႄႈ ဢွၵ်ႇ​ၸူး​ႁႂ်ႈ​လႆႈ​တိုၵ်း​သိုၵ်း​ၵၼ်​တင်း​ရၢၼ်ႇ​သူႇ​မႂ်း​ယူႇ​ၼၼ်ႉ​ၸိုင်၊ ဝႄႈ​ပႅတ်ႈ​လွင်ႈ​တၢင်း​ဢၼ်​ဢမ်ႇ​တြႃး​ၵႃႈ​မီး​တႃႉ။-</verse>
				<verse number="10">ၼႂ်း​သူ​ပေႃး​မီး​ၵေႃႉ​ဢၼ်​ဢမ်ႇ​မူတ်း​သႂ်​လူၺ်ႈ​လွင်ႈ​ဢၼ်​ၸၢင်ႈ​ႁွတ်ႈ​ထိုင်​ၼႂ်း ၶိင်ႇ​ၵၢင်​ၶိုၼ်း​ၼၼ်ႉ​ၸိုင်၊ မၼ်း​တၵ်း​လႆႈ​ဢွၵ်ႇ​ၵႃႈ​တီႈ​ၼွၵ်ႈ​တပ်ႉ​သေ​ဢေႃႈ။ ဢမ်ႇ​လႆႈ​ၶဝ်ႈ​ၵႃႈ​ၼႂ်း​တပ်ႉ။-</verse>
				<verse number="11">မိူဝ်ႈ​ဢၼ်​ၵၢင်​ဝၼ်း​ၶမ်ႈ​ၸိုင် မၼ်း​တၵ်း​လႆႈ​ဢၢပ်ႇ​ၼမ်ႉ​လႄႈ ၵၢင်​ဝၼ်း​တူၵ်း​ယဝ်ႉ​ၸင်ႇ တၵ်း​လႆႈ​ၶဝ်ႈ​ၵႃႈ​ၼႂ်း​တပ်ႉ​ဢေႃႈ။-</verse>
				<verse number="12">မႂ်း​တၵ်း​လႆႈ​မီး​တီႈ​ၵႃႈ​တီႈ​ၼွၵ်ႈ​တပ်ႉ​တီႈ​ဢၼ်​မႂ်း​ဢွၵ်ႇ​ၸူး​လႆႈ​ၼၼ်ႉ​ဢေႃႈ။-</verse>
				<verse number="13">မႂ်း​တၵ်း​လႆႈ​ပႃး​ၸေႃး​ၵႃႈ​ၼႂ်း​လၢၵ်ႈ​ၼၢၵ်ႈ​မႂ်း​လႄႈ မိူဝ်ႈ​ဢၼ်​မႂ်း​ၼင်ႈ​ၵႃႈ​တီႈ​ၼွၵ်ႈ​ၼၼ်ႉ​ၸိုင်၊ မႂ်း​တၵ်း​လႆႈ​ဢဝ်​ၶုတ်း​လိၼ်​လႄႈ လိုၼ်း​ၼၼ်ႉ​တၵ်း​လႆႈ​ဝၢႆႇ​ၶိုၼ်း​လႄႈ ထူမ်​ၽၢႆႈ​လူင်​ဢၼ်​ဢွၵ်ႇ​ၵႃႈ​ၼႂ်း​မႂ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ​ၵႂႃႇ​ၵႂႃႇ​မႃး​မႃး​ယူႇ​ၵႃႈ​ၼႂ်း​တပ်ႉ​မႂ်း ႁႂ်ႈ​လႆႈ​ၵႄႇ​သႄႇ​ၶျွတ်ႈ​ဢဝ်​မႂ်း​လႄႈ ဢဝ်​ရၢၼ်ႇ​သူႇ​မႂ်း ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢေႃႈ။ ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​မၼ်း​ၸဝ်ႈ​တၵ်း​ဢမ်ႇ​ႁၼ်​လွင်ႈ​တၢင်း​ဢၼ်​ဢမ်ႇ​မူတ်း​သႂ်​သေ​ၸိူဝ်ႉ​သေ​ပိူင် ၵႃႈ​ၼႂ်း​မႂ်း​လႄႈ ဝႄႈ​ပႅတ်ႈ​သေ​ၵႃႈ​တီႈ​မႂ်း​ၵႂႃႇ​ၸိုင်၊ တပ်ႉ​မႂ်း​တၵ်း​လႆႈ​မူတ်း​ၸၢင်ႇ​ဢေႃႈ။</verse>
				<verse number="15">ၶႃႈ​ဢၼ်​ပၢႆႈ​ဢွၵ်ႇ​သေ​ၵႃႈ​တီႈ​ၸဝ်ႈ​မၼ်း​လႄႈ ႁွတ်ႈ​ထိုင်​ၵႃႈ​တီႈ​မႂ်း​ၼၼ်ႉ​ၸိုင် မႂ်း​ဢမ်ႇ​လႆႈ​ဢဝ်​ၶိုၼ်း​ဢၢပ်ႈ​ၶိုၼ်း​ပၼ်​တီႈ​ၸဝ်ႈ​မၼ်း။-</verse>
				<verse number="16">မၼ်း​ၼၼ်ႉ​မီး​ဢၶႂၢင်ႉ ဢၼ်​လႆႈ​ယူႇ​လူၺ်ႈ​ၵၼ်​တင်း​မႂ်း​ၵႃႈ​ၼႂ်း​မႂ်း၊ ၵႃႈ​တီႈ​ဢၼ်​မၼ်း​လိူၵ်ႈ​ၵဵပ်း​ဢဝ်​ၵႃႈ​ၼႂ်း​ၽၵ်း​တူ​ဝဵင်း​မႂ်း​သေ​ဝဵင်း​ဝဵင်း တီႈ​ဢၼ်​မၼ်း​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ​ဢေႃႈ။ မႂ်း​ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​မၼ်း။-</verse>
				<verse number="17">ၵႃႈ​ၼႂ်း​ၵူၼ်း​ယိင်း​မဵဝ်း​ ဢီႉသရေႇလႃႉ ​တင်း​လၢႆ ဢမ်ႇ​လႆႈ​မီး​မႄႈ​မွၵ်ႇ​ယႃႈ။ ၵႃႈ​ၼႂ်း​ၵူၼ်း​ၸၢႆး​မဵဝ်း​ ဢီႉသရေႇလႃႉ ​တင်း​လၢႆ ဢမ်ႇ​လႆႈ​မီး​ၵေႃႉ​ဢၼ်​ၸၢင်ႈ​ၸွမ်း​ဢလူဝ်ႇ​ၽူႈ​ၸၢႆး​ၼင်ႇ​ၵၼ်​ၵၼ်​ၼၼ်ႉ။-</verse>
				<verse number="18">ငိုၼ်း​ဢၼ်​ႁဵတ်း​မႄႈ​မွၵ်ႇ​ယႃႈ​လႄႈ​လႆႈ၊ ငိုၼ်း​ဢၼ်​ၶၢႆ​မႃ​လႄႈ​လႆႈ​ၼၼ်ႉ၊ မႂ်း​ဢမ်ႇ​လႆႈ​ဢဝ်​သႂၢင်း​ၶဝ်ႈ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ႁႂ်ႈ​လႆႈ​ၽေႇ​ၵတီႉ​သဵတ်ႈ​ၸႃႇ။ သွင်​ၸိူဝ်ႉ​သွင်​ပိူင်​ၼၼ်ႉ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။</verse>
				<verse number="19">မႂ်း​ဢမ်ႇ​လႆႈ​ပၼ်​ၵူႈ​ပၼ်​ယိမ်​သေ​လႄႈ ဢဝ်​ဢတူဝ်း​ၶီႈ​မၼ်း ဢၼ်​ဝႃႈ​ၶီႈ​ငိုၼ်း၊ ၶီႈ​တၢင်း​ၵိၼ်​တၢင်း​ၶူပ်း၊ ၶီႈ​ၵႃႈ​ဢၼ်​ပၼ်​ၵူႈ​ပၼ်​ယိမ်​လႄႈ ဢဝ်​ဢတူဝ်း​ၶီႈ​မၼ်း​ၼၼ်ႉ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း။-</verse>
				<verse number="20">တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼၼ်ႉ​ၸိုင် မႂ်း​ပၼ်​ၵူႈ​ပၼ်​ယိမ်​သေ​လႄႈ ဢဝ်​ဢတူဝ်း​ၶီႈ​မၼ်း​လႆႈ​ဢေႃႈ။ လွင်ႈ​ၼင်ႇ​ႁိုဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ပၼ်​တၢင်း​လီ​တီႈ​လွင်ႈ​တၢင်း​ဢၼ်​မႂ်း​ဢဝ်​မိုဝ်း​ႁဵတ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ ၵႃႈ​ၼႂ်း​မိူင်း​ဢၼ်​မႂ်း​တၵ်း​ၵႂႃႇ​လႄႈ ၶဝ်ႈ​ၸၢမ်ႇ​ၸႃး​ၼၼ်ႉ​ၸိုင်၊ မႂ်း​ဢမ်ႇ​လႆႈ​ပၼ်​ၵူႈ​ပၼ်​ယိမ်​သေ​လႄႈ ဢဝ်​ဢတူဝ်း​ၶီႈ​မၼ်း တီႈ​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​ၼၼ်ႉ။-</verse>
				<verse number="21">ပေႃး​မႂ်း​ဝႆႉ​ၵတီႉ​သဵတ်ႈ​ၸႃႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၸိုင်၊ မႂ်း​ဢမ်ႇ​လႆႈ​ၵွႆႈ​ႁဵတ်း​ၼၢၼ်း​ႁဵတ်း။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ယွၼ်း​ဢဝ်​တီႈ​မႂ်း​ဢမၢၼ်ႇ​ၶၼ်​ပဵၼ်​ဢေႃႈ။ တၵ်း​ပဵၼ်​ဢပႅတ်ႈ​တီႈ​မႂ်း​ဢေႃႈ။-</verse>
				<verse number="22">ပေႃး​မႂ်း​ယင်း​ဢမ်ႇ​ဝႆႉ​ၵတီႉ​သဵတ်ႈ​ၸႃႇ​လႄႈ​ယူႇ​ၸိုင် ဢမ်ႇ​ပဵၼ်​ဢပႅတ်ႈ​တီႈ​မႂ်း။-</verse>
				<verse number="23">ၵႂၢမ်း​ဢၼ်​မႂ်း​ဝႃႈ​ဢွၵ်ႇ​သူပ်း​မႂ်း​ဝႆႉ​ယဝ်ႉ​ၼၼ်ႉ​ၸိုင် မႂ်း​တၵ်း​လႆႈ​ပႂ်ႉ​ၸွမ်း​လႄႈ ႁဵတ်း​ၸွမ်း​လူၺ်ႈ​တၢင်း​ဢၼ်​မႂ်း​ဢဝ်​ၶိူင်ႈ​ပုၵ်ႈ​ၸေႃႇ ဢၼ်​မႂ်း​ယူႇ​ဢလူဝ်ႇလူဝ်ႇ​လႄႈ ႁဵတ်း​ဢၼ်​မႂ်း​ဢဝ်​တင်း​သူပ်း​မႂ်း​ဝႆႉ​ၵတီႉ​ဝႆႉ​ၼၼ်ႉ​သေ​လႄႈ ႁဵတ်း​ၵတီႉ​သဵတ်ႈ​ၸႃႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။-</verse>
				<verse number="24">မိူဝ်ႈ​ဢၼ်​မႂ်း​ၶဝ်ႈ​ၵႃႈ​ၼႂ်း​သူၼ်​ဢူးယဵၼ်ႇ​ၸပိတ်ႈ​ၵူၼ်း​ႁိူၼ်း​ၸမ်​ၵၼ်​တင်း​မႂ်း​ၼၼ်ႉ​ၸိုင်၊ မႂ်း​မီး​ဢၶႂၢင်ႉ​ဢၼ်​လႆႈ​ၵိၼ် မၢၵ်ႇ​ၸပိတ်ႈ​ဢိမ်ႇ​ဢိမ်ႇ​တဵမ်​တဵမ် ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​ၵေႃႈ ဢမ်ႇ​လႆႈ​သိမ်း​လႆႈ​ဢဝ်။-</verse>
				<verse number="25">မိူဝ်ႈ​ဢၼ်​မႂ်း​ၶဝ်ႈ​ၵႃႈ​ၼႂ်း​ၼႃး​ၵူၼ်း​ႁိူၼ်း​ၸမ်​ၵၼ်​တင်း​မႂ်း​ၼၼ်ႉ​ၸိုင်၊ မႂ်း​မီး​ဢၶႂၢင်ႉ​ဢၼ်​လႆႈ​ဢဝ်​မိုဝ်း​မႂ်း​ယၵ်း​ဝိတ်း​ဢဝ်​ႁူင်း​ၶဝ်ႈ​သေ​ၵေႃႈ မႂ်း​ဢမ်ႇ​လႆႈ​ဢဝ်​ၶဵဝ်း​ပၢတ်ႇ​ဢဝ်​ထိူဝ်​ဢဝ်။</verse>
			</chapter>
			<chapter number="24">
				<verse number="1">မိူဝ်ႈ​ဢၼ်​သေ​ၵေႃႉ​သေ​ၵူၼ်း​ဢဝ်​မေး​လႄႈ​ယူႇ​လူၺ်ႈ​ၼွၼ်း​လူၺ်ႈ​ယဝ်ႉ​ၼၼ်ႉ၊ ပေႃး​မၼ်း​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​တီႈ​မႄႈ​ယိင်း​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​ထူပ်း​ႁၼ်​လွင်ႈ​ဢၼ်​လီ​တၢင်ႇ​ဢပႅတ်ႈ​ၼၼ်ႉ​ၸိုင်၊ မၼ်း​တၵ်း​လႆႈ​တႅမ်ႈ​လိၵ်ႈ​ဢၼ်​ပုတ်း​ဢၼ်​ၶၢတ်ႇ​သေ​လႄႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း​ၼၼ်ႉ​သေ​ယဝ်ႉ၊ ပွႆႇ​မၼ်း​ၼၼ်ႉ​ဢွၵ်ႇ​သေ​ၵႃႈ​ၼႂ်း​ႁိူၼ်း​မၼ်း​ဢေႃႈ။-</verse>
				<verse number="2">မၼ်း​ၼၼ်ႉ​လိုၼ်း​သေ​ဢၼ်​ဢွၵ်ႇ​သေ​ၵႃႈ​ၼႂ်း​ႁိူၼ်း​ၽူဝ်​မၼ်း​ၵႂႃႇ​ယဝ်ႉ​ၼၼ်ႉ၊ မီး​ဢၶႂၢင်ႉ​ဢၼ်​လႆႈ​ပဵၼ်​မေး​ၵူၼ်း​တၢင်ႇ​ၵေႃႉ​ဢေႃႈ။-</verse>
				<verse number="3">ပေႃး​ၽူဝ်​ဢၼ်​ဢဝ်​လိုၼ်း​ၼၼ်ႉ​ၸင်း​မၼ်း​လႄႈ တႅမ်ႈ​လိၵ်ႈ​ဢၼ်​ပုတ်း​ဢၼ်​ၶၢတ်ႇ​ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း​သေ​ယဝ်ႉ၊ ပွႆႇ​မၼ်း​ဢွၵ်ႇ​သေ​ၵႃႈ​ၼႂ်း​ႁိူၼ်း​မၼ်း၊ ဢမ်ႇ​ၼၼ် ပေႃး​ၽူဝ်​ဢၼ်​လိုၼ်း​ၼၼ်ႉ​ဢၼ်​ဢဝ်​မၼ်း​ႁဵတ်း​မေး​ၼၼ်ႉ​တၢႆ​ၸိုင်၊-</verse>
				<verse number="4">ၽူဝ်​ၵဝ်ႇ​မၼ်း​ဢၼ်​ပွႆႇ​မၼ်း​လွတ်ႈ​ၼၼ်ႉ၊ ၵမ်း​လိုၼ်း​ဢမ်ႇ​လႆႈ​သမ်ႉ​ၶိုၼ်း​သိမ်း​ၶိုၼ်း​ဢဝ်​မၼ်း လိုၼ်း​သေ​ဢၼ်​မၼ်း​လႆႈ​ၶၢမ်ႇ​တၢင်း​ဢၼ်​ၵူဝ်ႈ​ၵိူၵ်ႇ​ယဝ်ႉ​ၼၼ်ႉ။ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ မႂ်း​ဢမ်ႇ​လႆႈ​ႁႂ်ႈ​ဢပႅတ်ႈ​ႁွတ်ႈ​ထိုင်​ၵႃႈ​တီႈ​မိူင်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​ပုၼ်ႈ​ဢၼ်​မႂ်း​တၵ်း​ၶၢမ်ႇ​ဢမူၺ်ႇ​ၼၼ်ႉ။</verse>
				<verse number="5">ပေႃး​သေ​ၵေႃႉ​သေ​ၵူၼ်း ဢဝ်​မေး​မႂ်ႇ​မႂ်ႇ​ၸိုင်၊ မၼ်း​ဢမ်ႇ​လႆႈ​ၵႂႃႇ​တိုၵ်း​သိုၵ်း။ ဢမ်ႇ​လႆႈ​ပွင်​ႁဵတ်း​ဢမူႉ​ၵူၼ်း။ တၵ်း​လႆႈ​ယူႇ​လွတ်ႈ​ယူႇ​ၵႃႈ​တီႈ​ႁိူၼ်း​မၼ်း​တင်း​ပီႊ​လႄႈ ႁႂ်ႈ​မေး​ဢၼ်​မၼ်း​ဢဝ်​ၼၼ်ႉ​လႆႈ​ပျေႃႇ​ၸႂ်​မူၼ်ႈ​ၸႂ်​ယူႇ​ဢေႃႈ။-</verse>
				<verse number="6">ၽူႈ​လႂ်​ဢမ်ႇ​လႆႈ​ၶၢမ်ႇ​လႆႈ​ဢဝ် ဢၼ်​ပွင်ႇ​ဢၼ်​ၵမ်ႉ​ၶႅပ်း​မၢၵ်ႇ​ႁိၼ်​ဢၼ်​ၵႃႈ​ၼိူဝ်​လူၺ်​ၶိုတ်ႈ၊ ဢမ်ႇ​ၼၼ် ၶႅပ်း​မၢၵ်ႇ​ႁိၼ်​ဢၼ်​ၵႃႈ​တႂ်ႈ​လူၺ်​ၶိုတ်ႈ​ၼၼ်ႉ။ လွင်ႈ​မၼ်း​ၸမ်ႉ ပဵၼ်​ဢၼ်​ၶၢမ်ႇ​ဢၼ်​ဢဝ်​ဢၼ်​ပွင်ႇ​ဢၼ်​ၵမ်ႉ​ဢသၢၵ်ႈ​ၵူၼ်း​ဢေႃႈ။-</verse>
				<verse number="7">ပေႃး​ထူပ်း​ႁၼ်​သေ​ၵေႃႉ​သေ​ၵူၼ်း လၵ်ႉ​ဢဝ်​ၼႂ်း​ပီႈ​ၼႂ်း​ၼွင်ႉ​ၸိူဝ်ႉ​ၶိူဝ်း​မၼ်း ၵူၼ်း​မဵဝ်း​ ဢီႉသရေႇလႃႉ ​ၵႂႃႇ​သေ​လႄႈ ဢဝ်​ဝႆႉ​ၼႂ်း​ဢရႃႇ​ၶႃႈ​မၼ်း​သေ​ဢမ်ႇ​ဝႃႈ၊ ၶၢႆ​ပႅတ်ႈ​သေ​ဢမ်ႇ​ဝႃႈ​ၼၼ်ႉ​ၸိုင် ၽူႈ​လၵ်ႉ​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ။ ၼင်ႇ​ၼၼ်​လႄႈ မႂ်း​တၵ်း​လႆႈ​ပႄႇ​တူႉ​ၸရိူၵ်ႈ​ဢပႅတ်ႈ ပႅတ်ႈ​သေ​ၵႃႈ​ၼႂ်း​မႂ်း​ဢေႃႈ။-</verse>
				<verse number="8">ယၢမ်း​မိူဝ်ႈ​ဢၼ်​ၽေး​တုတ်ႈ​ႁွတ်ႈ​ထိုင်​ၼၼ်ႉ​ၸိုင်၊ ႁဵတ်း​သတီႉ​လႄႈ ပႂ်ႉ​ၸွမ်း​ၵႃႈ​ၼင်ႇ​ဢၼ်​ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ​တင်း​လၢႆ သင်ႇ​သွၼ်​ပၼ်​တီႈ​မႂ်း​ၼၼ်ႉ​ၸေး​ၸေး​ၸွတ်ႇ​ၸွတ်ႇ​တႃႉ။ ၸွမ်း​ၵႃႈ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​ၶဝ်​ၼၼ်ႉ​လႄႈ သူ​တၵ်း​လႆႈ​ဢွၼ်​ၵၼ်​ပႂ်ႉ​ၸွမ်း​ၵမ်​ၵျၢင်ႉ​ဢေႃႈ။-</verse>
				<verse number="9">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​တၢင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ႁဵတ်း​တီႈ​ မီႉရီႉဢၢမ်ႇ ၼႂ်း​မိူဝ်ႈ​ဢၼ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ယင်း​တိုၵ်ႉ​ၸွမ်း​တၢင်း​ယူႇ​ၼၼ်ႉ​တႃႉ။</verse>
				<verse number="10">ပေႃး​မႂ်း​ပၼ်​ၵူႈ​ပၼ်​ယိမ်​သေ​ၸိူဝ်ႉ​သေ​ပိူင်​တီႈ​ၵူၼ်း​ႁိူၼ်း​ၸမ်​ၵၼ်​တင်း​မႂ်း​ၸိုင်၊ မႂ်း​ဢမ်ႇ​လႆႈ​ၶဝ်ႈ​ၵႃႈ​ၼႂ်း​ႁိူၼ်း​မၼ်း​ႁႂ်ႈ​လႆႈ​ဢဝ်​ဢုၵ်ႉ​ၸႃႇ​ၶူဝ်း​လဵင်း ဢၼ်​မၼ်း​တၵ်း​ပွင်ႇ​တၵ်း​ၵမ်ႉ​ဝႆႉ​ၼၼ်ႉ။-</verse>
				<verse number="11">မႂ်း​တၵ်း​လႆႈ​ၸုၵ်း​ယူႇ​ၵႃႈ​တီႈ​ၼွၵ်ႈ​လႄႈ မၼ်း​ၼၼ်ႉ​တၵ်း​လႆႈ​ဢဝ်​ဢုၵ်ႉ​ၸႃႇ​ၶူဝ်း​လဵင်း​ဢၼ်​ဝႆႉ ဢၼ်​ပွင်ႇ​ဢၼ်​ၵမ်ႉ​ၼၼ်ႉ ဢွၵ်ႇ​မႃး​ၵႃႈ​တီႈ​ၼွၵ်ႈ​ၸူး​တီႈ​ဢၼ်​မႂ်း​မီး​ၼၼ်ႉ​ဢေႃႈ။-</verse>
				<verse number="12">ပေႃး​ၵေႃႉ​ၼၼ်ႉ​ပဵၼ်​ၵူၼ်း​ယၢၵ်ႈ​ၵူၼ်း​ၽၢၼ်​ၸိုင်၊ မႂ်း​ဢမ်ႇ​လႆႈ​ဢဝ်​ဢုၵ်ႉ​ၸႃႇ​ၶူဝ်း​လဵင်း​ဢၼ်​မၼ်း​ပွင်ႇ​ၵမ်ႉ​ဝႆႉ​ၼၼ်ႉ ဝႆႉ​ၵႃႈ​တီႈ​မႂ်း​သေ​လႄႈ​ၼွၼ်း။-</verse>
				<verse number="13">လွင်ႈ​ၼင်ႇ​ႁိုဝ်​မၼ်း​တၵ်း​လႆႈ​ဢဝ်​ၶူဝ်း​လဵင်း​မၼ်း​ႁူမ်ႇ​မႆ​ယူႇ၊ ၼွၼ်း​လပ်း​ယူႇ​သေ​လႄႈ​ပၼ်​တၢင်း​လီ​တီႈ​မႂ်း​ၸိုင်၊ မိူဝ်ႈ​ဢၼ်​ၵၢင်​ဝၼ်း​တူၵ်း​ၼၼ်ႉ မႂ်း​တၵ်း​လႆႈ​ဢဝ်​ဢုၵ်ႉ​ၸႃႇ​ၶူဝ်း​လဵင်း​ဢၼ်​မၼ်း​ပွင်ႇ​ၵမ်ႉ​ဝႆႉ​ၼၼ်ႉ ၶိုၼ်း​ပၼ်​ဢမၢၼ်ႇ​ၶၼ်​ပဵၼ်​ဢေႃႈ။ တၵ်း​ပဵၼ်​လွင်ႈ​တၢင်း​ဢၼ် သိုဝ်ႈ​တေႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။-</verse>
				<verse number="14">ၵူၼ်း​ၵိၼ်​ၸၢင်ႈ​ၵိၼ်​ငႃ​ဢၼ်​ယၢၵ်ႈ​ဢၼ်​ၽၢၼ် ဢၼ်​ၸုတ်ႈ​ဢၼ်​လုတ်ႈ​ၼၼ်ႉ ပဵၼ်​ပီႈ​ပဵၼ်​ၼွင်ႉ​ၸိူဝ်ႉ​ၶိူဝ်း​လဵဝ်​ၵၼ်​တင်း​မႂ်း​သေ​ဢမ်ႇ​ဝႃႈ၊ ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​မိူင်း​မႂ်း​ၵႃႈ​ၼႂ်း​ၽၵ်း​တူ​မႂ်း​ၼၼ်ႉ​သေ​ဢမ်ႇ​ဝႃႈ၊ မႂ်း​ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး။-</verse>
				<verse number="15">မႂ်း​တၵ်း​လႆႈ​ပၼ်​ၵႃႈ​ၸၢင်ႈ​ၶၼ်​ငႃ​မၼ်း​ၵူႈ​ဝၼ်း​ဢေႃႈ။ ယင်း​ဢမ်ႇ​ပၼ်​လႄႈ​ယႃႇ​ပေ​ႁႂ်ႈ​ၵၢင်​ဝၼ်း​တၼ်း​တူၵ်း။ ၵွပ်ႈ​ပိူဝ်ႈ​ဢၼ်​မၼ်း​ယၢၵ်ႈ​ၽၢၼ်​လႄႈ မၼ်း​မီး​တၢင်း​ဢၼ်​ၸႂ်​ၸပ်း​ၸႂ်​ၸွႆး​ၵႃႈ​ၶၼ်​မၼ်း​ၼၼ်ႉ​ယူႇ​ဢေႃႈ။ ပေႃး​ဢမ်ႇ​ၼၼ် ၵူဝ်​မၼ်း​တၵ်း​တၢင်ႇ​ဢပႅတ်ႈ​သေ​လႄႈ ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​လႄႈ ဢပႅတ်ႈ​တၵ်း​ႁွတ်ႈ​ထိုင်​တီႈ​မႂ်း​ဢေႃႈ။</verse>
				<verse number="16">ပေႃႈ​ဢမ်ႇ​လႆႈ​ၶၢမ်ႇ​တၢႆ​တၢင်​တူဝ်​လုၵ်ႈ​လၢင်း။ လုၵ်ႈ​လၢင်း​ဢမ်ႇ​လႆႈ​ၶၢမ်ႇ​တၢႆ​တၢင်​တူဝ်​ပေႃႈ။ ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ၶၢမ်ႇ​တၢႆ​ၵွပ်ႈ​ပိူဝ်ႈ​ဢပႅတ်ႈ​တူဝ်​ၸဝ်ႈ​ၵဝ်ႇ​ၵူၺ်း​ဢေႃႈ။-</verse>
				<verse number="17">ၼႂ်း​ဢမူႉ​ဢၼ်​ထူပ်း​တြႃး​ၵၼ်​ၼၼ်ႉ၊ မႂ်း​ဢမ်ႇ​လႆႈ​ဝႄႈ​ပိူင်ႈ​သဵၼ်ႈ​တၢင်း​တြႃး​သေ​လႄႈ​ၸီႇ​ယၢင်ႇ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢိၵ်ႇ​တင်း​ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ​ၼၼ်ႉ။ ၶူဝ်း​ၼုင်ႈ​တၢင်း​မႆ​မႄႈ​မူၵ်း​မႄႈ​မၢႆႈ​ၼၼ်ႉ​ၸိုင် မႂ်း​ဢမ်ႇ​လႆႈ​ၶၢမ်ႇ​လႆႈ​ဢဝ် ဢၼ်​ပွင်ႇ​ဢၼ်​ၵမ်ႉ။-</verse>
				<verse number="18">မႂ်း​တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ် မႂ်း​ယၢမ်ႈ​လႆႈ​ၶၢမ်ႇ​ႁဵတ်း​ၶႃႈ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ ဢိၵ်ႇ​တင်း​လွင်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၵႄႇ​သႄႇ​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​တီႈ​ၼၼ်ႈ​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ၵဝ်​ၸင်ႇ​ဝႆႉ​ပိင်း​ၺၢပ်ႈ​တီႈ​မႂ်း​ပုၼ်ႈ​ဢၼ်​မႂ်း​တၵ်း​လႆႈ​ႁဵတ်း​လႆႈ​ၸွမ်း​လွင်ႈ​တၢင်း​ၼႆႉ​ဢေႃႈ။-</verse>
				<verse number="19">မိူဝ်ႈ​ဢၼ်​မႂ်း​ပၢတ်ႇ​ဢဝ်​မၢၵ်ႇ​ဢဝ်​ႁူင်း​ၵႃႈ​တီႈ​ႁႆႊ​တီႈ​ၼႃး​မႂ်း​လႄႈ လူင်​လိုမ်း​လိုၼ်ႈ​ၶဝ်ႈ​သေ​လိုၼ်ႈ​လိုၼ်ႈ​ဝႆႉ​ၼၼ်ႉ​ၸိုင်၊ ဢမ်ႇ​လႆႈ​ၶိုၼ်း​လႄႈ​ဢဝ်။ လွင်ႈ​ၼင်ႇ​ႁိုဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ပၼ်​တၢင်း​လီ​တီႈ​မႂ်း​ၼႂ်း​လွင်ႈ​တၢင်း​ၵႃႈ​ဢၼ်​မႂ်း​ဢဝ်​မိုဝ်း​ႁဵတ်း​ၼၼ်ႉ​ၸိုင်၊ လိုၼ်ႈ​ၶဝ်ႈ​ၼၼ်ႉ တၵ်း​လႆႈ​ဝႆႉ​ပုၼ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း၊ ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ ဢိၵ်ႇ​တင်း​မႄႈ​မူၵ်း​မႄႈ​မၢႆႈ​ဢေႃႈ။-</verse>
				<verse number="20">မိူဝ်ႈ​ဢၼ်​မႂ်း​ပေႃႉ​ၽတ်ႉ​ဢဝ်​မၢၵ်ႇ​တူၼ်ႈ​ သၢၼ်ႇလုၼ်ႇ ​မႂ်း​ၼၼ်ႉ​ၸိုင်၊ မႂ်း​ဢမ်ႇ​လႆႈ​သမ်ႉ​ၶိုၼ်း​ပေႃႉ​ၽတ်ႉ​ၵိင်ႇ​မၼ်း​ၶႃႊ​မၼ်း​ထႅင်ႈ။ တၵ်း​လႆႈ​ဝႆႉ​ပုၼ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း၊ ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ ဢိၵ်ႇ​တင်း​မႄႈ​မူၵ်း​မႄႈ​မၢႆႈ​ဢေႃႈ။-</verse>
				<verse number="21">မိူဝ်ႈ​ဢၼ်​မႂ်း​ဝိတ်း​ဢဝ်​မၢၵ်ႇ​ၸပိတ်ႈ​ၵႃႈ​တီႈ​သူၼ်​ဢူးယဵၼ်ႇ​ၸပိတ်ႈ​မႂ်း​ၼၼ်ႉ​ၸိုင်၊ မႂ်း​ဢမ်ႇ​လႆႈ​သမ်ႉ​ၶိုၼ်း​ၵဵပ်း​ဢဝ်​သိမ်း​ဢဝ်​မၢၵ်ႇ​မၼ်း​ထႅင်ႈ။ တၵ်း​လႆႈ​ဝႆႉ​ပုၼ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း၊ ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ ဢိၵ်ႇ​တင်း​မႄႈ​မူၵ်း​မႄႈ​မၢႆႈ​ဢေႃႈ။-</verse>
				<verse number="22">မႂ်း​တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​မႂ်း​ယၢမ်ႈ​လႆႈ​ၶၢမ်ႇ​ႁဵတ်း​ၶႃႈ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ၵဝ်​ၸင်ႇ​ဝႆႉ​ပိင်း​ၺၢပ်ႈ​တီႈ​မႂ်း ပုၼ်ႈ​ဢၼ်​မႂ်း​တၵ်း​လႆႈ​ႁဵတ်း​လႆႈ​ၸွမ်း​လွင်ႈ​တၢင်း​ၼႆႉ​ဢေႃႈ။</verse>
			</chapter>
			<chapter number="25">
				<verse number="1">မိူဝ်ႈ​ဢၼ်​ၵူၼ်း​ၼင်ႇ​ၵၼ်​ၵၼ်​မီး​ဢမူႉ​တီႈ​ၵၼ်​လႄႈ လဝ်ႊ​လၢတ်ႈ​တီႈ​ၶုၼ်​ယူႇ​သေ​လႄႈ ထူပ်း​တြႃး​ၵၼ်​ၵႃႈ​တီႈ​ၽၢႆႇ​ၼႃႈ​ၶုၼ်​တင်း​လၢႆ​ၼၼ်ႉ​ၸိုင်၊ ၶဝ်​တၵ်း​လႆႈ​ၸီႇ​ယၢင်ႇ​ႁႂ်ႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​လွတ်ႈ​ဢပႅတ်ႈ​လႄႈ ႁႂ်ႈ​ၵေႃႉ​ဢၼ်​ႁၢႆႉ​ႁုၵ်း​ၼၼ်ႉ ၶၢမ်ႇ​တၢင်း​ဢၼ်​သုမ်း​ဢေႃႈ။-</verse>
				<verse number="2">ပေႃး​ၵေႃႉ​ဢၼ်​ႁၢႆႉ​ႁုၵ်း​ၼၼ်ႉ​ထိူၵ်ႈ​ၶၢမ်ႇ​တၢင်း​ဢၼ်​ပေႃႉ​ဢၼ်​ယႅၼ်ႉ​ၸိုင်၊ ၵူၼ်း​ဢၼ်​ၸီႇ​ယၢင်ႇ​တြႃး​ၼၼ်ႉ တၵ်း​လႆႈ​ႁႂ်ႈ​ဢဝ် ၵေႃႉ​ၼၼ်ႉ​ၶျႃး​တူၵ်း​သေ​လႄႈ ပေႃႉ​ယႅၼ်ႉ​သိုဝ်ႈ​ၼႃႈ​တႂ်ႈ​တႃ​တူဝ်​ၸဝ်ႈ​ၵဝ်ႇ ၸွမ်း​လူၺ်ႈ​ဢပႅတ်ႈ​မၼ်း ၵမ်း​တၢမ်ႇ​ၵႃႈ​ၼႆႉ​ၼိုင်ႈ​ၵႃႈ​ၼၼ်ႉ​ၼိုင်ႈ​ၼၼ်ႉ​ဢေႃႈ။-</verse>
				<verse number="3">ၼႂ်း​ဝႃႈ​ၼၼ်​သေ​ၵေႃႈ မၼ်း​မီး​ဢၶႂၢင်ႉ​ဢၼ်​လႆႈ​ပၼ်​ၵမ်း​တၢမ်ႇ​သီႇ​သိပ်း​ၵမ်း​ၵူၺ်း​လႄႈ ဢမ်ႇ​လႆႈ​ပူၼ်ႉ​လႆႈ​လိူဝ်။ ပေႃး​ပူၼ်ႉ​လိူဝ်​သေ​လႄႈ ပေႃႉ​ယႅၼ်ႉ​ၵမ်း​တၢမ်ႇ​ၼမ်​ၼႃႇ​သေ​ၼႆႉ​ၸိုင်၊ ၵူဝ်​ပီႈ​ၼွင်ႉ​မႂ်း​ၼၼ်ႉ တၵ်း​မိူၼ်​ၸိူဝ်ႉ​ၼင်ႇ​ႁၢင်ႈ​ပဵၼ်​ၵေႃႉ​ဢၼ်​ယုတ်ႈ​ဢၼ်​မိူၵ်ႈ​ၼၼ်ႉ​ၵႂႃႇ​ဢေႃႈ။-</verse>
				<verse number="4">မႂ်း​ဢမ်ႇ​လႆႈ​မတ်ႉ​သူပ်း​ဝူဝ်း​ဢၼ်​ယဵပ်ႇ​ၶဝ်ႈ​ၼူတ်ႈ​ၶဝ်ႈ​ၼၼ်ႉ​ဝႆႉ။</verse>
				<verse number="5">ပေႃး​သေ​ၵေႃႉ​သေ​ၵူၼ်း ၼႂ်း​ပီႈ​ၼႂ်း​ၼွင်ႉ​ဢၼ်​ယူႇ​လူၺ်ႈ​ၵၼ်​ၼၼ်ႉ ယင်း​ဢမ်ႇ​မီး​လုၵ်ႈ​မီး​လၢင်း​လႄႈ​တၢႆ​ၵႂႃႇ​ၸိုင်၊ မေး​ၵေႃႉ​ဢၼ်​တၢႆ​ၼၼ်ႉ ဢမ်ႇ​လႆႈ​ဢဝ်​ၵၼ်​တင်း​ၵူၼ်း​ၼွၵ်ႈ​ပီႈ​ၼွၵ်ႈ​ၼွင်ႉ​မၼ်း။ ၼွင်ႉ​ၸၢႆး​ၽူဝ်​မၼ်း​တၵ်း​လႆႈ​ၶဝ်ႈ​ၸူး​တီႈ​မၼ်း​လႄႈ သိမ်း​ဢဝ်​မၼ်း​ႁဵတ်း​မေး​လႄႈ ႁဵတ်း​ဝၢတ်ႈ​ဢၼ်​ၼွင်ႉ​ၸၢႆး​ၽူဝ်​ထုၵ်ႇ​လီ​ႁဵတ်း​ၼၼ်ႉ​တီႈ​မၼ်း​ဢေႃႈ။-</verse>
				<verse number="6">လွင်ႈ​ၼင်ႇ​ႁိုဝ်​တၵ်း​ႁႂ်ႈ​ၸိုဝ်ႈ​သဵင်​ပီႈ​ၸၢႆး​ဢမ်ႇ​ႁၢႆ​သေ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ၸိုင်၊ လုၵ်ႈ​ၸၢႆး​ဢၼ်​မၼ်း​ၵိူတ်ႇ​လဵင်ႉ​ဢွၼ်​တၢင်း​ပိူၼ်ႈ​ၼၼ်ႉ တၵ်း​လႆႈ​ၶၢမ်ႇ​ဢဝ်​ဢရႃႇ​ၸိုဝ်ႈ​သဵင်​ပေႃႈ​လုင်း​မၼ်း​ဢၼ်​တၢႆ​ၵႂႃႇ​ၼၼ်ႉ​ဢေႃႈ။-</verse>
				<verse number="7">ပေႃး​ၵူၼ်း​ၸၢႆး​ၼၼ်ႉ​ဢမ်ႇ​မီး​ဢလူဝ်ႇ​ၶႂ်ႈ​ဢဝ်​မေး​ပီႈ​ၸၢႆး​မၼ်း​ၸိုင်၊ မေး​ပီႈ​ၸၢႆး​မၼ်း​ၼၼ်ႉ တၵ်း​လႆႈ​ၵႂႃႇ​ၸူး​ၵႃႈ​တီႈ​ၽၵ်း​တူ​ဝဵင်း တီႈ​ဢၼ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​မီး​ၼၼ်ႉ​သေ​လႄႈ​လဝ်ႊ​လၢတ်ႈ​ဝႃႈ၊ ၼွင်ႉ​ၸၢႆး​ၽူဝ်​ၵဝ်​ၶႃႈ​ဢမ်ႇ​မီး​ဢလူဝ်ႇ​ၶႂ်ႈ​ႁႂ်ႈ​ၸိုဝ်ႈ​သဵင်​ပီႈ​ၸၢႆး​မၼ်း တႄႇ​ယူႇ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ၼႆႉ​ၶႃႈ။ မၼ်း​ဢမ်ႇ​မီး​ဢလူဝ်ႇ​ၶႂ်ႈ​ႁဵတ်း​ဝၢတ်ႈ​ဢၼ်​ၼွင်ႉ​ၸၢႆး​ၽူဝ်​ထုၵ်ႇ​လီ​ႁဵတ်း​ၼၼ်ႉ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ဝဵင်း​ၼၼ်ႉ​ၸိူဝ်း​ၼၼ်ႉ တၵ်း​လႆႈ​ႁွင်ႉ​ဢဝ်​မၼ်း​ၼၼ်ႉ​လႄႈ​တွင်ႈ​ထၢမ်​ဢေႃႈ။ ပေႃး​မၼ်း​ၵႅၼ်ႇ​ၶႅင်​ၼႃႇ​လူင်​လၢင်​ယူႇ​သေ​လႄႈ​လၢတ်ႈ​ဝႃႈ၊ ၵဝ်​ၶႃႈ​ဢမ်ႇ​မီး​ဢလူဝ်ႇ​ၶႂ်ႈ​ဢဝ်​မၼ်း​ၼႆႉ​ၶႃႈ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="9">ပီႈ​လူဝ်း​မၼ်း​ၼၼ်ႉ တၵ်း​လႆႈ​သုတ်ႉ​ၸမ်​ၵႃႈ​တီႈ​ႁိမ်း​မၼ်း ၵႃႈ​တီႈ​ၽၢႆႇ​ၼႃႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ​လႄႈ ထွတ်ႇ​ဢဝ်​ၶႅပ်း​တိၼ်​မၼ်း​သေ​ၵႃႈ​တီႈ​တိၼ်​မၼ်း​ယူႇ၊ ထူမ်ႇ​ၼမ်ႉ​လၢႆး​သႂ်ႇ​ၵႃႈ​တီႈ​ၼႃႈ​မၼ်း​ယူႇ​သေ​လႄႈ ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ ထုၵ်ႇ​လီ​ႁဵတ်း​ၸိူဝ်ႉ​ၼင်ႇ​ၼႆ​တီႈ​ၵေႃႉ​ဢၼ်​ဢမ်ႇ​မီး​ဢလူဝ်ႇ​ၶႂ်ႈ​တႄႇ​ႁဵတ်း​ႁိူၼ်း​ပီႈ​ၸၢႆး​တူဝ်​ၸဝ်ႈ​ၵဝ်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">လိုၼ်း​ၼၼ်ႉ ၸိုဝ်ႈ​သဵင်​မၼ်း​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ဝႃႈ မဵဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ထွတ်ႇ​ဢဝ်​ၶႅပ်း​တိၼ်၊ ဝႃႈ​ၼင်ႇ​ၼႆ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ဢေႃႈ။</verse>
				<verse number="11">ၼႂ်း​မိူဝ်ႈ​ဢၼ်​ၵူၼ်း​ၸၢႆး​ၼင်ႇ​ၵၼ်​ၵၼ်​ၽိတ်း​ၵၼ်​ယူႇ​ၼၼ်ႉ၊ ပေႃး​မေး​ၵူၼ်း​ၸၢႆး​ၵေႃႉ​ၼိုင်ႈ​သုတ်ႉ​ၸမ်​ၵႃႈ​ႁိမ်း​ႁႂ်ႈ​လႆႈ​ၵႄႇ​သႄႇ​ၼုၵ်ႈ​ဢဝ်​ၽူဝ်​မၼ်း ဢွၵ်ႇ​သေ​ၵႃႈ​ၼႂ်း​မိုဝ်း​ၵေႃႉ​ဢၼ်​ပေႃႉ​ယႅၼ်ႉ​ၼၼ်ႉ​လႄႈ ယိုၼ်ႈ​မိုဝ်း​မၼ်း​ယိပ်း​ၵမ်​ၶိူင်ႈ​ၵူၼ်း​ၸၢႆး​ၵေႃႉ​ၼၼ်ႉ​မႅၼ်ႈ​ၸိုင်၊-</verse>
				<verse number="12">မႂ်း​တၵ်း​လႆႈ​တႅပ်း​မိုဝ်း​မႄႈ​ယိင်း​ၼၼ်ႉ​ပႅတ်ႈ​ဢေႃႈ။ မၢၵ်ႇ​တႃ​မႂ်း​ဢမ်ႇ​လႆႈ​ဢဵတ်း​လူ​မၼ်း။-</verse>
				<verse number="13">ၵႃႈ​ၼႂ်း​ထူင်​မႂ်း​ၼၼ်ႉ ဢမ်ႇ​လႆႈ​မီး​လုၵ်ႈ​ၶၼ်​ဢၼ်​ပႅၵ်ႇ​ပိူင်ႈ​ၵၼ်​ဢၼ်​ဝႃႈ လုၵ်ႈ​ၶၼ်​ဢၼ်​ယႂ်ႇ၊ လုၵ်ႈ​ၶၼ်​ဢၼ်​လဵၵ်ႉ​ၼၼ်ႉ။-</verse>
				<verse number="14">ၵႃႈ​ၼႂ်း​ႁိူၼ်း​မႂ်း​ၼၼ်ႉ ဢမ်ႇ​လႆႈ​မီး​ၶိူင်ႈ​တူင်​ၶိူင်ႈ​တႅၵ်ႈ​ဢၼ်​ပႅၵ်ႇ​ပိူင်ႈ​ၵၼ်​ဢၼ်​ဝႃႈ ၶိူင်ႈ​တူင်​ဢၼ်​ယႂ်ႇ၊ ၶိူင်ႈ​တူင်​ဢၼ်​လဵၵ်ႉ​ၼၼ်ႉ။-</verse>
				<verse number="15">လွင်ႈ​ၼင်ႇ​ႁိုဝ်​ဢသၢၵ်ႈ​မႂ်း​တၵ်း​ယၢဝ်း​ယိုၼ်း​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ပၼ်​ၼၼ်ႉ​ၸိုင်၊ မႂ်း​တၵ်း​လႆႈ​မီး​လုၵ်ႈ​ၶၼ်​ဢၼ်​မၢၼ်ႇ​ဢၼ်​မႅၼ်ႈ၊ ၶိူင်ႈ​တူင်​ၶိူင်ႈ​တႅၵ်ႈ​ဢၼ်​မၢၼ်ႇ​ဢၼ်​မႅၼ်ႈ​ဢေႃႈ။-</verse>
				<verse number="16">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ႁဵတ်း​လွင်ႈ​တၢင်း​ၸိူဝ်ႉ​ၼင်ႇ​ၼၼ်​ၼၼ်ႉ ဢၼ်​ဝႃႈ​ၶဝ်​ၸိူဝ်း​ဢၼ်​ႁဵတ်း​ဢၼ်​ဢမ်ႇ​တြႃး​ၵႃႈ​မီး​ၼၼ်ႉ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။</verse>
				<verse number="17">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​ၵူၼ်း​မဵဝ်း​ ဢႃႇမလႅၵ်ႉ ​တင်း​လၢႆ​ႁဵတ်း​တီႈ​မႂ်း ၵႃႈ​တီႈ​ၵၢင်​တၢင်း​ၼႂ်း​မိူဝ်ႈ​ဢၼ်​မႂ်း​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ယူႇ​ၼၼ်ႉ၊-</verse>
				<verse number="18">ဢၼ်​ဝႃႈ​လွင်ႈ​ဢၼ်​ႁႄႉ​ႁပ်ႉ​မႂ်း​လႄႈ တိုၵ်း​တေႃး​ယႃႉ​ပႅတ်ႈ​ၶဝ်​ၸိူဝ်း​ဢၼ်​မီး​ၽၢႆႇ​လင်​သုတ်း​မႂ်း ၵႃႈ​ဢၼ်​ႁႅင်း​လဵၵ်ႉ​ႁႅင်း​ဢူၼ်ႈ ၼႂ်း​မိူဝ်ႈ​ဢၼ်​မႂ်း​ယင်း​တိုၵ်ႉ​ႁႅင်း​လဵၵ်ႉ​ႁႅင်း​ဢူၼ်ႈ​လႄႈ ႁိူဝ်ႉ​ၼူၼ်း​ယူႇ​ၼၼ်ႉ ဢိၵ်ႇ​တင်း​လွင်ႈ​ဢၼ်​ၶဝ်​ဢမ်ႇ​ၵူဝ်​ႁႄ​ၽြႃး​ပဵၼ်​ၸဝ်ႈ​ၼၼ်ႉ​တႃႉ။-</verse>
				<verse number="19">ပိူဝ်ႈ​ၼႆ​လႄႈ မိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ၵႄႇ​သႄႇ​ဢဝ်​မႂ်း​လွတ်ႈ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​မႂ်း​တင်း​သဵင်ႈ​တင်း​လူင် ဢၼ်​ယူႇ​လဵပ်ႈ​ႁွပ်ႈ​မႂ်း​ၼၼ်ႉ​လႄႈ ပၼ်​မႂ်း​ၵတ်း​ယဵၼ်​ၶျၢမ်း​သႃႇ​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ပၼ်​မႂ်း​ပိူင်ႇ​ပုၼ်ႈ​ဢၼ် တၵ်း​ၶၢမ်ႇ​ဢမူၺ်ႇ​ၼၼ်ႉ​ၸိုင် တၵ်း​လႆႈ​ပႄႇ​ၽဵဝ်ႈ​တီႈ​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မဵဝ်း​ ဢႃႇမလႅၵ်ႉ ​ပႅတ်ႈ​သေ​ၵႃႈ​တႂ်ႈ​ၽႃႉ​ၵၢင်​ႁၢဝ်​ဢေႃႈ။ မႂ်း​ဢမ်ႇ​လႆႈ​လူင်​လႆႈ​လိုမ်း။</verse>
			</chapter>
			<chapter number="26">
				<verse number="1">မိူဝ်ႈ​ဢၼ်​မႂ်း​ႁွတ်ႈ​ထိုင်​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​ပုၼ်ႈ​ဢၼ်​မႂ်း​တၵ်း​ၶၢမ်ႇ​ဢမူၺ်ႇ​ၼၼ်ႉ​ၸၢမ်ႇ​ၸႃး​လႄႈ ယူႇ​ၵႃႈ​တီႈ​ၼၼ်ႈ​ၼၼ်ႉ​ၸိုင်၊-</verse>
				<verse number="2">မႂ်း​တၵ်း​လႆႈ​ဢဝ်​ဢၼ်​ဢွၼ်​တၢင်း​သုတ်း​ပိူၼ်ႈ ၼႂ်း​မၢၵ်ႇ​ၼႂ်း​ႁူင်း​ဢၼ်​မၢၵ်ႇ​ဢွၼ်​တၢင်း​ၵႃႈ​တီႈ​လိၼ်​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​ၼၼ်ႉ​ၵူႈ​ၸိူဝ်ႉ​ၵူႈ​ပိူင်​သေ​လႄႈ သႂ်ႇ​ၵႃႈ​ၼႂ်း​ပဵတ်ႈ​ၼႂ်း​ၵူၺ်​သေ​ယဝ်ႉ၊ ၵႂႃႇ​ၸူး​ၵႃႈ​တီႈ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လိူၵ်ႈ​ၵဵပ်း​ဢဝ်​ပုၼ်ႈ​ဢၼ် ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တၵ်း​တႄႇ​ယူႇ​ၼၼ်ႉ​လႄႈ၊-</verse>
				<verse number="3">သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ယိတ်ႈပရေႃးႁဵၵ်ႈ​ဢၼ်​မီး​ၼႂ်း​ၸူဝ်ႈ​ၼႂ်း​ပၢၼ်​ၼၼ်ႉ​သေ​လႄႈ​လၢတ်ႈ​ဝႃႈ၊ ဝၼ်း​မိူဝ်ႈ​ၼႆႉ​ၵဝ်​ၶႃႈ​ႁပ်ႉ​တုင်း​ဢဝ်​လွင်ႈ​ဢၼ်​ၵဝ်​ၶႃႈ ႁွတ်ႈ​ထိုင်​ၵႃႈ​တီႈ​မိူင်း​ဢၼ် ထႃႇဝရႃႉ​ၽြႃး​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​ႁဝ်း​ၶႃႈ ႁႂ်ႈ​လႆႈ​ပၼ်​တီႈ​ႁဝ်း​ၶႃႈ​ၼၼ်ႉ​ယဝ်ႉ​ၼၼ်ႉ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ၶႃႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ယိတ်ႈပရေႃးႁဵၵ်ႈ​ၼၼ်ႉ​တၵ်း​လႆႈ​ဢဝ်​ပဵတ်ႈ​ဢဝ်​ၵူၺ်​ၼၼ်ႉ​ၵႃႈ​ၼႂ်း​မိုဝ်း​မႂ်း​လႄႈ ၶျႃး​ဝႆႉ​ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။-</verse>
				<verse number="5">မႂ်း​ၵေႃႈ​တၵ်း​လႆႈ​လဝ်ႊ​လၢတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ​ဝႃႈ၊ ပေႃႈ​ၶႃႈ​ၸဝ်ႈ​ပဵၼ်​ၵူၼ်း​မဵဝ်း​ သူႉရီႉ ဢၼ် ၸမ်​တၵ်း​လူႉ​လႅဝ်​ၼၼ်ႉ​တီႈ​ၶႃႈ​ဢေႃႈ။ မၼ်း​လူင်း​ၵႂႃႇ​ၸူး​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ၼႂ်း​မိူဝ်ႈ​ဢၼ်​ယင်း​တိုၵ်ႉ​ပဵၼ်​ၵူၼ်း​ဢၼ်​ၵေႇ​ၼႃႇ​လႄႈ သွၼ်ႈ​ပိုင်ႈ​ယူႇ​ၵႃႈ​တီႈ​ၼၼ်ႈ​ယူႇ​ၼၼ်ႉ​ၸိုင်၊ မၼ်း​ပဵၼ်​မဵဝ်း​ၵူၼ်း​ဢၼ်​ယႂ်ႇ​ၼႃႇ​ႁႅင်း​ၼႃႇ​ၼမ်​ၼႃႇ​မႃး​တီႈ​ၶႃႈ​ဢေႃႈ။-</verse>
				<verse number="6">ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ ႁဵတ်း​ယၢပ်ႇ​ႁဵတ်း​ယဵၼ်း​တီႈ​ၶႃႈ​ၸဝ်ႈ​ႁဝ်း​ၶဝ် ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ႁဝ်း​ၶဝ်​လႄႈ ႁႂ်ႈ​ၶၢမ်ႇ​ႁဵတ်း​ၶႃႈ ၵိတ်ႇ​ၸႂ်​ၵႅၼ်း​ၸႂ်​ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="7">ၶႃႈ​ၸဝ်ႈ​ႁဝ်း​ၶဝ်​ဢွၼ်​ၵၼ်​ႁွင်ႉ​သႅၼ်ႇ​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ​သေ​ယဝ်ႉ၊ ထႃႇဝရႃႉ​ၽြႃး​ထွမ်ႇ​ဢဝ်​သဵင်​ၶႃႈ​ၸဝ်ႈ​ႁဝ်း​ၶဝ်​လႄႈ လူ​တူၺ်း​တုၵ်ႉ​ၶႃႉ​တၢင်း​ၽၢၼ်​ၶႃႈ​ၸဝ်ႈ​ႁဝ်း​ၶဝ် ဢိၵ်ႇ​တင်း​တၢင်း​ဢၼ် ၶႃႈ​ၸဝ်ႈ​ႁဝ်း​ၶဝ်​ႁဵတ်း​ၵၢၼ်​ဢၼ်​ယၢပ်ႇ​ဢၼ်​ၽိုတ်ႇ တင်း​တၢင်း​ဢၼ်​ၶႃႈ​ၸဝ်ႈ​ႁဝ်း​ၶဝ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">မိူဝ်ႈ​ၼၼ်ႉ ထႃႇဝရႃႉ​ၽြႃး​ဢဝ်​တင်း​တၢင်း​ဢၼ်​ဢဝ်​မိုဝ်း​ၸဝ်ႈ ဢၼ်​ႁႅင်း​ယႂ်ႇ​ၼႃႇ​ႁဵတ်း​ဢိၵ်ႇ​တင်း တၢင်း​ဢၼ် ယဵတ်ႇ​ၶႅၼ်​ၸဝ်ႈ တင်း​လွင်ႈ​တၢင်း​ဢၼ်​လီ​ၵူဝ်​လီ​ႁႄ​ဢၼ်​ယႂ်ႇ​ၼႃႇ တင်း​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ​ၸိူဝ်း​ၼၼ်ႉ ၼုၵ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ်​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​သေ​ယဝ်ႉ၊-</verse>
				<verse number="9">ဢဝ်​မႃး​ၵႃႈ​တီႈ​ၼႆႈ​လႄႈ ဢဵတ်း​လူ​ပၼ်​မိူင်း​ဢၼ် ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼႆႉ​တီႈ​ၶႃႈ​ဢေႃႈ။-</verse>
				<verse number="10">တေႃႈ​လဵဝ်​ၼႆႉ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ဢဝ်​မၢၵ်ႇ​ဢၼ်​မၢၵ်ႇ​ဢွၼ်​တၢင်း​သုတ်း​ပိူၼ်ႈ ၵႃႈ​တီႈ​လိၼ်​ဢၼ်​ၸဝ်ႈ​ႁဝ်း ဢဵတ်း​လူ​ပၼ်​တီႈ​ၶႃႈ​ၸဝ်ႈ​ၼၼ်ႉ​မႃး​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ တၵ်း​လႆႈ​ဢဝ်​ၶျႃး​ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ႁဵတ်း​ဝၢတ်ႈ​ၵူဝ်း​ၵႂၢႆႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။-</verse>
				<verse number="11">ၸႃႉ​ၸဵမ်​မႂ်း​လႄႈ​ၵူၼ်း​မဵဝ်း​ လေႇဝီႉ တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​မႂ်း​ၼၼ်ႉ တၵ်း​လႆႈ​ဢွၼ်​ၵၼ် ႁဵတ်း​တၢင်း​ဢၼ်​သိူဝ်း​ၸူမ်း​မူၼ်ႈ​ပျေႃႇ ၵႃႈ​ၼႂ်း​ၵျေး​ၸူး​ၵႃႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း ဢိၵ်ႇ​တင်း​ၵူၼ်း​ႁိူၼ်း ၵူၼ်း​ယေး​မႂ်း​ၼၼ်ႉ​ဢေႃႈ။</verse>
				<verse number="12">မိူဝ်ႈ​ဢၼ်​မႂ်း​ၵဵပ်း​ဢဝ်​ၵႃႈ​ဢၼ်​ပဵၼ်​တၢင်း​ဢၼ်​ယႂ်ႇ​ၽႄႈ​တူဝ်း​တွၼ်း​မႃး​ၼၼ်ႉ သိပ်း​ပုၼ်ႈ​ပုၼ်ႈ​ၼိုင်ႈ ပုၼ်ႈ​သၢမ်​ပီႊ​ၼႂ်း​ပီႊ​တႃႉတီႉယႃႉ ဢၼ်​ပဵၼ်​ပီႊ​ဢၼ်​လႆႈ​ပၼ်​သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ​လႄႈ ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ မႂ်း​တၵ်း​လႆႈ​ဢဝ်​လဵင်ႉ​လူ​ၵူၼ်း​မဵဝ်း​ လေႇဝီႉ ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း၊ ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ၊ မႄႈ​မူၵ်း​မႄႈ​မၢႆႈ ႁႂ်ႈ​ၶဝ်​လႆႈ​ၵိၼ်​ဢိမ်ႇ​ၵိၼ်​တဵမ် ၵႃႈ​ၼႂ်း​ၽၵ်း​တူ​မႂ်း​ၼၼ်ႉ​သေ​ယဝ်ႉ၊-</verse>
				<verse number="13">မႂ်း​တၵ်း​လႆႈ​လဝ်ႊ​လၢတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ဢဝ်​ဢုၵ်ႉ​ၸႃႇ​ဢၼ်​မူတ်း​ၸၢင်ႇ​ဢွၵ်ႇ​သေ​ၵႃႈ​ၼႂ်း​ႁိူၼ်း​ၶႃႈ​ၸဝ်ႈ​ႁဝ်း​လႄႈ ပၼ်​တီႈ​ၵူၼ်း​မဵဝ်း​ လေႇဝီႉ ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း၊ ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ၊ မႄႈ​မူၵ်း​မႄႈ​မၢႆႈ ၸွမ်း​ၵႃႈ​ၼင်ႇ​ဢၼ် ၸဝ်ႈ​ႁဝ်း​သင်ႇ​လၢတ်ႈ​ဝႆႉ​တီႈ​ၶႃႈ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ဢမ်ႇ​ပူၼ်ႉ​ဢမ်ႇ​လိူဝ် ပိင်း​ၺၢပ်ႈ​ၸဝ်ႈ​တင်း​လၢႆ​တီႈ​ၶႃႈ၊ ဢမ်ႇ​လူင်​ဢမ်ႇ​လိုမ်း​တီႈ​ၶႃႈ၊-</verse>
				<verse number="14">ၶႃႈ​ၸဝ်ႈ​ဢမ်ႇ​ဢဝ်​ၼႂ်း​ဢုၵ်ႉ​ၸႃႇ​ၼၼ်ႉ​ၵိၼ် ၼႂ်း​မိူဝ်ႈ​ဢၼ်​ပွင်​ႁဵတ်း​ဢမူႉ​မႃႇ​သႃႇ​ယူႇ​ၼၼ်ႉ​တီႈ​ၶႃႈ၊ ၶႃႈ​ၸဝ်ႈ​ဢမ်ႇ​ဢဝ်​ၵႃႈ​ၼႂ်း​မၼ်း​ၵႂႃႇ ၼႂ်း​မိူဝ်ႈ​ဢၼ်​ၶႃႈ​ၸဝ်ႈ​ပဵၼ်​ဢၼ်​ဢမ်ႇ​မူတ်း​သႂ်​ၼၼ်ႉ​တီႈ​ၶႃႈ၊ ၶႃႈ​ၸဝ်ႈ​ဢမ်ႇ​ဢဝ်​ၼႂ်း​မၼ်း​ပၼ်​ပုၼ်ႈ ၵေႃႉ​ဢၼ်​တၢႆ​ၼၼ်ႉ​တီႈ​ၶႃႈ၊ ၶႃႈ​ၸဝ်ႈ​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၶႃႈ​ၸဝ်ႈ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​သင်ႇ​လၢတ်ႈ​ဝႆႉ​တီႈ​ၶႃႈ​ၸဝ်ႈ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="15">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် တီႈ​ယူႇ​ဢၼ်​မူတ်း​ၸၢင်ႇ​ၸဝ်ႈ​ႁဝ်း​ၼၼ်ႉ​ၵူမ်ႈ​တူၺ်း​လႄႈ ပၼ်​တၢင်း​လီ​တီႈ​ၵူၼ်း​ၸဝ်ႈ​ႁဝ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​တီႈ​မိူင်း​ဢၼ်​ၸဝ်ႈ​ႁဝ်း​ပၼ်​တီႈ​ၶႃႈ​ၸဝ်ႈ​ႁဝ်း​ၶဝ် ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​တိူင်ႇ​ဝႃႈ​ဝႆႉ တီႈ​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ၊ မိူင်း​ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ဝၼ်း​မိူဝ်ႈ​ၼႆႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း သင်ႇ​လၢတ်ႈ​ဝႆႉ​တီႈ​မႂ်း​ႁႂ်ႈ​မႂ်း​လႆႈ​ၵမ်​ၵျၢင်ႉ​ထုင်း​ၽိင်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​လႄႈ မႂ်း​ၵေႃႈ​တၵ်း​လႆႈ​ပႃး​တင်း​ၸႂ်​သဵင်ႈ​သဵင်ႈ တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ပႂ်ႉ​ၵမ်​ပႂ်ႉ​ၸွမ်း​ဢေႃႈ။-</verse>
				<verse number="17">ဝၼ်း​မိူဝ်ႈ​ၼႆႉ မႂ်း​ႁပ်ႉ​တုင်း​ဢဝ်​လွင်ႈ​ဢၼ်​ထႃႇဝရႃႉ​ၽြႃး ပဵၼ်​ၽြႃး​ပဵၼ်​ၸဝ်ႈ​မႂ်း ဢိၵ်ႇ​တင်း​လွင်ႈ​တၢင်း​ဢၼ် မႂ်း​တၵ်း​ၸွမ်း သဵၼ်ႈ​တၢင်း​မၼ်း​ၸဝ်ႈ​လႄႈ​ပႂ်ႉ​ၸွမ်း​ထုင်း​ၽိင်ႈ​တြႃး​မၼ်း​ၸဝ်ႈ ဢိၵ်ႇ​တင်း​ပိင်း​ၺၢပ်ႈ​တြႃး​မၼ်း​ၸဝ်ႈ တင်း​လွင်ႈ​တၢင်း​ဢၼ် မၼ်း​ၸဝ်ႈ​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​လႄႈ ထွမ်ႇ​ဢဝ်​ၵႂၢမ်း​မၼ်း​ၸဝ်ႈ​ၼၼ်ႉ​ယဝ်ႉ။-</verse>
				<verse number="18">ဝၼ်း​မိူဝ်ႈ​ၼႆႉ ထႃႇဝရႃႉ​ၽြႃး​ၵေႃႈ​ႁပ်ႉ​တုင်း​ဢဝ် လွင်ႈ​ဢၼ်​မႂ်း​ပဵၼ်​ၵူၼ်း​မၼ်း​ၸဝ်ႈ​တႄႉ​တႄႉ​ဝႃႈ​ဝႃႈ ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​ဝႆႉ​ၵတီႉ​ၸဝ်ႈ​ၼၼ်ႉ ႁႂ်ႈ​မႂ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​မၼ်း​ၸဝ်ႈ​ၵႃႈ​မီး​တင်း​သဵင်ႈ​တင်း​လူင်၊-</verse>
				<verse number="19">ဢိၵ်ႇ​တင်း​လွင်ႈ​ဢၼ်​မၼ်း​ၸဝ်ႈ​တၵ်း​ႁႂ်ႈ​မုၼ်​သရေႇ​ၵိၵ်ႉ​တီႉ တၢင်း​ဢၼ်​ၸိုဝ်ႈ​မႂ်း​သဵင်​မႂ်း ဢွၵ်ႇ​ပူၼ်ႉ​ပႅၼ်​လိူဝ်​တွၼ်း​ၼႃႇ​သေ​မဵဝ်း​ၵူၼ်း​တင်း​လၢႆ ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ တင်း​လွင်ႈ​ဢၼ်​တၵ်း​ႁႂ်ႈ​မႂ်း​ပဵၼ်​မဵဝ်း​ၵူၼ်း​ဢၼ်​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၸွမ်း​ၵႃႈ​ၼင်ႇ​ဢၼ် ၵတီႉ​ၸဝ်ႈ​မီး​ဝႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="27">
				<verse number="1">မူဝ်းသေႇ ​ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​သင်ႇ​လၢတ်ႈ​ဝႆႉ​တီႈ​ၵူၼ်း​တင်း​လၢႆ​လႄႈ​ဝႃႈ​ၸမ်ႉ၊ ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​သူ​ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ​တႃႉ။-</verse>
				<verse number="2">မိူဝ်ႈ​ဢၼ်​မႂ်း​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​လႄႈ ႁွတ်ႈ​ထိုင်​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း​ၼၼ်ႉ​ၸိုင်၊ မႂ်း​တၵ်း​လႆႈ​ဢဝ်​မၢၵ်ႇ​ႁိၼ်​ဢၼ်​ယႂ်ႇ​ၼႃႇ​တင်း​လၢႆ​ပူၵ်း​တင်ႈ​ဝႆႉ​သေ​လႄႈ ဢဝ်​ဢၢင်းၵတေႇ​ႁၢင်ႈ​ၶိူင်ႈ​တႃး​ဝႆႉ​ဢေႃႈ။-</verse>
				<verse number="3">လွင်ႈ​ၼင်ႇ​ႁိုဝ်​မႂ်း​တၵ်း​လႆႈ​ၶဝ်ႈ​ၸၢမ်ႇ​ၸႃး​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ပၼ်​တီႈ​မႂ်း၊ မိူင်း​ဢၼ်​ၼမ်ႉ​ၼူမ်း တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​မႂ်း​ၼၼ်ႉ​ၸိူဝ်း​ၼၼ်ႉ မီး​ၵတီႉ​ၸဝ်ႈ​ဝႆႉ​ၼၼ်ႉ​ၸိုင်၊ မႂ်း​ၶၢမ်ႈ​ၵႂႃႇ​သေ​ယဝ်ႉ၊ တၵ်း​လႆႈ​တႅမ်ႈ​ၵႂၢမ်း​တြႃး​ၼႆႉ ၵူႈ​ၸိူဝ်ႉ​ၵူႈ​ပိူင်​ဝႆႉ​ၵႃႈ​ၼိူဝ်​မၢၵ်ႇ​ႁိၼ်​ၸိူဝ်း​ၼၼ်ႉ​ဢေႃႈ။-</verse>
				<verse number="4">သူ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၵႂႃႇ​သေ​ယဝ်ႉ၊ တၵ်း​လႆႈ​ဢဝ်​မၢၵ်ႇ​ႁိၼ်​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​သူ ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ ပူၵ်း​တင်ႈ​ဝႆႉ​ၵႃႈ​ၼိူဝ်​လွႆ​ ဢေးပႃႇလႃႉ ​လႄႈ ဢဝ်​ဢၢင်းၵတေႇ​ႁၢင်ႈ​ၶိူင်ႈ​တႃး​ဝႆႉ​ဢေႃႈ။-</verse>
				<verse number="5">ၵႃႈ​တီႈ​ၼၼ်ႈ မႂ်း​တၵ်း​လႆႈ​တႄႇ​ႁဵတ်း​ယိတ်ႈပလၢင်ႇ ပုၼ်ႈ​ထႃႇဝရႃႉ​ၽြႃး၊​ၽြႃး​ပဵၼ်​ၸဝ်ႈ​မႂ်း​ဢၼ်​ဝႃႈ ယိတ်ႈပလၢင်ႇ​မၢၵ်ႇ​ႁိၼ်​ဢေႃႈ။ မႂ်း​ဢမ်ႇ​လႆႈ​ဢဝ်​ၶိူင်ႈ​လဵၵ်း​ယုၵ်ႉ​သႂ်ႇ​ၵႃႈ​ၼိူဝ်​မၼ်း။-</verse>
				<verse number="6">မႂ်း​တၵ်း​လႆႈ​ဢဝ်​တင်း​မၢၵ်ႇ​ႁိၼ်​ဢၼ်​ဢမ်ႇ​ထၢၵ်ႇ​ဢမ်ႇ​မႄး​ၼၼ်ႉ တႄႇ​ႁဵတ်း​ယိတ်ႈပလၢင်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။ မႂ်း​တၵ်း​လႆႈ​ဢဝ်​ယိတ်ႈ​ဢၼ်​တုတ်ႇ​ၽႆး​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။-</verse>
				<verse number="7">ယိတ်ႈ​မိၵ်ႉသႃႇႁႃယႃႉ​ၵေႃႈ မႂ်း​တၵ်း​လႆႈ​ဢဝ်​ပုၵ်ႈ​ၸေႃႇ​လႄႈ ၵိၼ်​ၶူပ်း​ၵႃႈ​တီႈ​ၼၼ်ႈ​ယူႇ​သေ​လႄႈ ႁဵတ်း​တၢင်း​ဢၼ်​သိူဝ်း​ၸူမ်း​မူၼ်ႈ​ပျေႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢေႃႈ။-</verse>
				<verse number="8">မႂ်း​တၵ်း​လႆႈ​ဢဝ်​ၵႂၢမ်း​တြႃး​ၼႆႉ​ၵူႈ​ၸိူဝ်ႉ​ၵူႈ​ပိူင် တႅမ်ႈ​သႂ်ႇ​ဝႆႉ​ၵႃႈ​ၼိူဝ်​မၢၵ်ႇ​ႁိၼ်​ၸိူဝ်း​ၼၼ်ႉ​သေႇ​သေႇ​ၶျႃႇ​ၶျႃႇ​လီ​လီ​ငၢမ်း​ငၢမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မူဝ်းသေႇ ​ဢိၵ်ႇ​တင်း​ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ​တင်း​လၢႆ သမ်ႉ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ​ဝႃႈ၊ မဵဝ်း​ ဢီႉသရေႇလႃႉ ​ဢိူၺ်း၊ ဢွၼ်​ၵၼ်​ယူႇ​တဵတ်ႇ​တဵတ်ႇ​လႄႈ​ထွမ်ႇ​ငိၼ်း​တႃႉ။ ဝၼ်း​မိူဝ်ႈ​ၼႆႉ မႂ်း​ပဵၼ်​မဵဝ်း​ၵူၼ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ယဝ်ႉ။-</verse>
				<verse number="10">ပိူဝ်ႈ​ၼႆ​လႄႈ မႂ်း​တၵ်း​လႆႈ​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ၵမ်​ၵျၢင်ႉ​ပိင်း​ၺၢပ်ႈ​မၼ်း​ၸဝ်ႈ ဢိၵ်ႇ​တင်း​ထုင်း​ၽိင်ႈ​တြႃး​ၸဝ်ႈ ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ၼႂ်း​ဝၼ်း​ၼၼ်ႉ မူဝ်းသေႇ ​သမ်ႉ​သင်ႇ​လၢတ်ႈ​ဝႆႉ​တီႈ​ၵူၼ်း​တင်း​လၢႆ​လႄႈ​ဝႃႈ၊-</verse>
				<verse number="12">လိုၼ်း​သေ​ဢၼ်​သူ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၵႂႃႇ​ယဝ်ႉ​ၼၼ်ႉ၊ ၶဝ်​ၸိူဝ်း​ဢၼ်​တၵ်း​လႆႈ​ၸုၵ်း​ယူႇ​ၵႃႈ​ၼိူဝ်​လွႆ​ ၵေႇရၸိမ်ႇ ႁႂ်ႈ​လႆႈ​ပၼ်​တၢင်း​လီ​တီႈ​ၵူၼ်း​တင်း​လၢႆ​ၸမ်ႉ၊ ပဵၼ်​ သီႉမုၼ်ႇ၊ လေႇဝီႉ၊ ယူႉတႃႉ၊ ဢီႉသၶႃႇ၊ ယူဝ်းသႅပ်ႈ တင်း​ ပိၼ်ႇယႃႇမိၼ်ႇ ​ဢေႃႈ။-</verse>
				<verse number="13">ၶဝ်​ၸိူဝ်း​ဢၼ်​တၵ်း​လႆႈ​ၸုၵ်း​ယူႇ​ၵႃႈ​ၼိူဝ်​လွႆ​ ဢေးပႃႇလႃႉ ႁႂ်ႈ​လႆႈ​ၵိၼ်ႇ​ဝႃႈ​ၸမ်ႉ၊ ပဵၼ်​ ရူႉပိၼ်ႇ၊ ၵၢတ်ႉ၊ ဢႃႇသႃႇ၊ ၸေႇပူႉလုၼ်ႇ၊ တၢၼ်ႇ တင်း​ ၼပ်ႉထလီႉ ​ဢေႃႈ။-</verse>
				<verse number="14">မိူဝ်ႈ​ၼၼ်ႉ ၵႂၢမ်း​ဢၼ်​ၵူၼ်း​မဵဝ်း​ လေႇဝီႉ တၵ်း​လႆႈ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​သေ​လႄႈ ႁွင်ႉ​မွၵ်ႇ​ႁွင်ႉ​လၢတ်ႈ​တီႈ​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၼၼ်ႉ​ၸမ်ႉ၊-</verse>
				<verse number="15">ႁႂ်ႈ​ၵေႃႉ​ဢၼ်​ႁဵတ်း​ရုၵ်ႈ​ထူႉ​သၢင်း​ထူႉ​ဢၼ်​တွင်ႈ​ႁဵတ်း​ၶၵ်း​ႁဵတ်း၊ ရုၵ်ႈ​ထူႉ​သၢင်း​ထူႉ​ဢၼ်​သွၼ်း​ႁဵတ်း​လေႃႇ​ႁဵတ်း ဢၼ်​ပဵၼ်​ၶိူင်ႈ​ပိူင် ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​ထႃႇဝရႃႉ​ၽြႃး ဢၼ်​ၵူၼ်း​ၸၢင်ႈ​ၵူၼ်း​မေႃ​ဢဝ်​မိုဝ်း​ႁဵတ်း​ၼၼ်ႉ​သေ​လႄႈ ဝႆႉ​ၵႃႈ​တီႈ​ဢၼ်​လပ်ႉ​ဢၼ်​သိူင်ႇ​ၼၼ်ႉ​ၼၼ်ႉ မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ႁႂ်ႈ​ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ပေႃႈ​တီႈ​မႄႈ​မၼ်း​ၼၼ်ႉ မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ႁႂ်ႈ​ၵေႃႉ​ဢၼ်​ၶၢႆႉ​တီႈ​သဝ်၊ တီႈ​မၢတ်ႈ​တီႈ​တွင်း​လႅၼ်​ၵူၼ်း​ႁိူၼ်း​ၸမ်​ၵၼ်​ၼၼ်ႉ မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ႁႂ်ႈ​ၵေႃႉ​ဢၼ် ႁႂ်ႈ​ၵူၼ်း​တႃ​မွတ်ႇ​ၽိတ်း​တၢင်း​ပိူင်ႈ​တၢင်း​ၼၼ်ႉ မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ႁႂ်ႈ​ၵေႃႉ​ဢၼ်​ဝႄႈ​ပိူင်ႈ​သဵၼ်ႈ​တၢင်း​တြႃး​သေ​လႄႈ ၸီႇ​ယၢင်ႇ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း၊ ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ၊ မႄႈ​မူၵ်း​မႄႈ​မၢႆႈ​ၸိူဝ်း​ၼၼ်ႉ​ၼၼ်ႉ မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ႁႂ်ႈ​ၵေႃႉ​ဢၼ်​ၼွၼ်း​လူၺ်ႈ​မေး​ပေႃႈ​မၼ်း​ၼၼ်ႉ မီး​ဢႃႉ​မင်ႇၵလႃႇ ၵွပ်ႈ​ပိူဝ်ႈ​ဢၼ်​မၼ်း​ႁဵတ်း​တၢင်း​ဢၼ် ၽုၺ်ႇ​ပိုတ်ႇ​ၶူဝ်း​ၼုင်ႈ​ပေႃႈ​မၼ်း​ၼၼ်ႉ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ႁႂ်ႈ​ၵေႃႉ​ဢၼ်​ၼွၼ်း​လူၺ်ႈ​တရိၵ်ႈသၢၼ်ႇ​သေ​ၸိူဝ်ႉ​သေ​မဵဝ်း​ၼၼ်ႉ မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ႁႂ်ႈ​ၵေႃႉ​ဢၼ်​ၼွၼ်း​လူၺ်ႈ​ပီႈ​ၼၢင်း​ၼွင်ႉ​ယိင်း​မၼ်း ဢၼ်​ဝႃႈ​လုၵ်ႈ​ယိင်း​ပေႃႈ​မၼ်း လုၵ်ႈ​ယိင်း​မႄႈ​မၼ်း​ၼၼ်ႉ​ၼၼ်ႉ မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ႁႂ်ႈ​ၵေႃႉ​ဢၼ်​ၼွၼ်း​လူၺ်ႈ​ဢွၵ်ႇ​ၼၢႆး​မၼ်း​ၼၼ်ႉ မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ႁႂ်ႈ​ၵေႃႉ​ဢၼ်​လွမ်​တဵတ်ႇ​လွမ်​မႅပ်ႉ​သေ​လႄႈ ပေႃႉ​ယႅၼ်ႉ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​ၼၼ်ႉ​မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ႁႂ်ႈ​ၵေႃႉ​ဢၼ်​ဢဝ်​ၵႃႈ​မၼ်း​ၶၼ်​မၼ်း ႁႂ်ႈ​လႆႈ​ဢဝ်​ဢသၢၵ်ႈ​ၵူၼ်း ဢၼ်​ဢမ်ႇ​မီး​ဢပႅတ်ႈ​ၼၼ်ႉ​တၢႆ​ၼၼ်ႉ မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ႁႂ်ႈ​ၵေႃႉ​ဢၼ်​ဢမ်ႇ​ၸွမ်း​ၵႂၢမ်း​ပိင်း​ၺၢပ်ႈ​တြႃး​ၸိူဝ်း​ၼႆႉ​သေ​လႄႈ ၵမ်​ၵျၢင်ႉ​ယူႇ​မၼ်ႈ​မၼ်ႈ​ၶိူင်ႇ​ၶိူင်ႇ​ၼၼ်ႉ မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​တၵ်း​လႆႈ​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="28">
				<verse number="1">ပေႃး​မႂ်း​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၸေး​ၸေး​ၸွတ်ႇ​ၸွတ်ႇ ႁႂ်ႈ​လႆႈ​ပႂ်ႉ​ၸွမ်း​ၵမ်​ၵျၢင်ႉ​ပိင်း​ၺၢပ်ႈ​ၸဝ်ႈ ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​တင်း​သဵင်ႈ​တင်း​လူင်​ၼၼ်ႉ​ၸိုင် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ယုၵ်ႉ​ယွင်ႈ​မႂ်း​လိူဝ်​တွၼ်း​ၼႃႇ​သေ​ၵူၼ်း​မဵဝ်း​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="2">ပေႃး​မႂ်း​တၵ်း​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ​ၸိုင်၊ တၢင်း​လီ​မင်ႇၵလႃႇ​ၵူႈ​ၸိူဝ်ႉ​ၵူႈ​ပိူင် ဢၼ်​တၵ်း​တူၵ်း​ႁွတ်ႈ​ၵႃႈ​ၼိူဝ်​မႂ်း​လႄႈ ၽႅဝ်​ထိုင်​ၵႃႈ​တီႈ​မႂ်း​ၸမ်ႉ၊-</verse>
				<verse number="3">မႂ်း​တၵ်း​မီး​မင်ႇၵလႃႇ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ဢေႃႈ။ တၵ်း​မီး​မင်ႇၵလႃႇ​ၵႃႈ​ၼႂ်း​ႁႆႊ​ၼႂ်း​ၼႃး​ဢေႃႈ။-</verse>
				<verse number="4">တၵ်း​မီး​မင်ႇၵလႃႇ​တီႈ​မၢၵ်ႇ​တွင်ႉ​တူဝ်​ၶၼ်ႇ​ထႃႇ​မႂ်း၊ တီႈ​မၢၵ်ႇ​လိၼ်​ႁူင်း​လိၼ်​မႂ်း၊ တီႈ​မၢၵ်ႇ​တွင်ႉ​တရိၵ်ႈသၢၼ်ႇ​မႂ်း၊ တီႈ​တၢင်း​ဢၼ်​ယႂ်ႇ​ၽႄႈ​တူဝ်း​တွၼ်း​မႃး​တီႈ​ဝူဝ်း​မႂ်း၊ တီႈ​တူဝ်​ဢွၼ်ႇ​ၽုင်​သူဝ်း​ၽုင်​ပႄႉ​မႂ်း​ဢေႃႈ။-</verse>
				<verse number="5">တၵ်း​မီး​မင်ႇၵလႃႇ​တီႈ​ပဵတ်ႈ​မႂ်း​ၵူၺ်​မႂ်း၊ တီႈ​ၵွၵ်း​ဢၼ်​ၼူတ်ႈ​ၶဝ်ႈ​မုၼ်း​မႂ်း​ၼၼ်ႉ​ဢေႃႈ။-</verse>
				<verse number="6">တၵ်း​မီး​မင်ႇၵလႃႇ​မိူဝ်ႈ​ဢၼ်​မႂ်း​ၶဝ်ႈ​ၵႃႈ​ၼႂ်း​ႁိူၼ်း​မႂ်း​ဢေႃႈ။ တၵ်း​မီး​မင်ႇၵလႃႇ​မိူဝ်ႈ​ဢၼ်​မႂ်း​ဢွၵ်ႇ​ၵႃႈ​ၼွၵ်ႈ​ဢေႃႈ။-</verse>
				<verse number="7">ထႃႇဝရႃႉ​ၽြႃး တၵ်း​ႁႂ်ႈ​ရၢၼ်ႇ​သူႇ​မႂ်း ဢၼ်​လုၵ်ႉ​ယူႇ​ၽၢႆႇ​ၼိုင်ႈ​တင်း​မႂ်း​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​တိုၵ်း​တေႃး​ယႃႉ​ပႅတ်ႈ​သိုဝ်ႈ​ၼႃႈ​တႂ်ႈ​တႃ​မႂ်း​ဢေႃႈ။ ၶဝ်​ၸွမ်း​သဵၼ်ႈ​တၢင်း​သဵၼ်ႈ​လဵဝ်​ၵူၺ်း​မႃး​ႁႂ်ႈ​လႆႈ​တိုၵ်း​တေႃး​မႂ်း​လႄႈ တၵ်း​ၸွမ်း​သဵၼ်ႈ​တၢင်း​ၸဵတ်း​သဵၼ်ႈ​သေ​လႄႈ ဢွၵ်ႇ​ပၢႆႈ​သေ​ၵႃႈ​တီႈ​ၽၢႆႇ​ၼႃႈ​မႂ်း​ၵႂႃႇ​ဢေႃႈ။-</verse>
				<verse number="8">ထႃႇဝရႃႉ​ၽြႃး​တၵ်း​မီး​ဢမိင်ႉ ႁႂ်ႈ​မင်ႇၵလႃႇ​လႆႈ​ႁွတ်ႈ​ထိုင်​ၵႃႈ​ၼိူဝ်​မႂ်း​တီႈ​တိူၵ်ႈ​ၽၼ်ႇတႃႇ​မႂ်း​ဢိၵ်ႇ​တင်း တီႈ​လွင်ႈ​တၢင်း​ၵႃႈ​ဢၼ်​မႂ်း​ဢဝ်​မိုဝ်း​ႁဵတ်း​ၼၼ်ႉ​ဢေႃႈ။ မၼ်း​ၸဝ်ႈ​တၵ်း​ပၼ်​တၢင်း​လီ​မင်ႇၵလႃႇ​တီႈ​မႂ်း ၵႃႈ​ၼႂ်း​မိူင်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ပၼ်​တီႈ​မႂ်း​ၼၼ်ႉ​ဢေႃႈ။-</verse>
				<verse number="9">ပေႃး​မႂ်း​ပႂ်ႉ​ၵမ်​ပႂ်ႉ​ၵျၢင်ႉ​ပိင်း​ၺၢပ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တင်း​လၢႆ​လႄႈ ၸွမ်း​သဵၼ်ႈ​တၢင်း​မၼ်း​ၸဝ်ႈ​ၸိုင်၊ ထႃႇဝရႃႉ​ၽြႃး​တၵ်း​ႁႂ်ႈ​မႂ်း​ပဵၼ်​ၵူၼ်း​မဵဝ်း​ဢၼ်​မူတ်း​ၸၢင်ႇ​ပုၼ်ႈ​မၼ်း​ၸဝ်ႈ ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​တိူင်ႇ​ဝႃႈ​ဝႆႉ​တီႈ​မႂ်း​ၼၼ်ႉ​ဢေႃႈ။-</verse>
				<verse number="10">ၵူၼ်း​မဵဝ်း​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင် တၵ်း​ႁူႉ​ႁၼ်​လွင်ႈ​ဢၼ်​မႂ်း​လႆႈ​ၶၢမ်ႇ​တၢင်း​ဢၼ် ဢဝ်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ႁွင်ႉ​ႁဵၵ်ႈ​ဝႃႈ​ၼၼ်ႉ​လႄႈ ၵူဝ်​ႁႄ​မႂ်း​ဢေႃႈ။-</verse>
				<verse number="11">ထႃႇဝရႃႉ​ၽြႃး​တၵ်း​ႁႂ်ႈ​မႂ်း​မၢၵ်ႈ​မီး​ပျေႉ​ၸုမ်ႇ​လႄႈ လႆႈ​လီ​လႆႈ​ပဵၼ်​ဝႆႉ​တင်း​မၢၵ်ႇ​တွင်ႉ​တူဝ်​ၶၼ်ႇ​ထႃႇ​မႂ်း၊ မၢၵ်ႇ​တွင်ႉ​တရိၵ်ႈသၢၼ်ႇ​မႂ်း၊ မၢၵ်ႇ​လိၼ်​ႁူင်း​လိၼ်​မႂ်း​ၸိူဝ်း​ၼၼ်ႉ ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး​တိူင်ႇ​ဝႃႈ​ဝႆႉ တီႈ​ပူႇ​မွၼ်ႇ​မႂ်း​ႁႂ်ႈ​လႆႈ​ပၼ်​တီႈ​မႂ်း​ၼၼ်ႉ​ဢေႃႈ။-</verse>
				<verse number="12">ထႃႇဝရႃႉ​ၽြႃး တၵ်း​ၽုၺ်ႇ​တိူၵ်ႈ​ၽၼ်ႇတႃႇ​မၼ်း​ၸဝ်ႈ​ဢၼ်​ဝႃႈ ၽႃႉ​ၵၢင်​ႁၢဝ်​ၼၼ်ႉ​ႁႂ်ႈ​ၽူၼ်​တူၵ်း​လူင်း​ၵႃႈ​ၼိူဝ်​မိူင်း​မႂ်း မိူဝ်ႈ​ဢၼ်​ၶိင်ႇ​မၼ်း​ထုၵ်ႇ​ၼၼ်ႉ ဢိၵ်ႇ​တင်း​ႁႂ်ႈ​လႆႈ​ပၼ်​တၢင်း​လီ တီႈ​လွင်ႈ​တၢင်း​ၵႃႈ​ဢၼ်​မႂ်း​ဢဝ်​မိုဝ်း​ႁဵတ်း​ၼၼ်ႉ​ဢေႃႈ။ မႂ်း​တၵ်း​မီး​ဢၶႂၢင်ႉ​ဢၼ်​လႆႈ​ပၼ်​ၵူႈ​ပၼ်​ယိမ် တီႈ​ၵူၼ်း​မဵဝ်း​ၼမ်​ၼႃႇ​ဢေႃႈ။ မႂ်း​တၵ်း​ဢမ်ႇ​ၵူႈ​ဢဝ်​ယိမ်​ဢဝ်။-</verse>
				<verse number="13">ထႃႇဝရႃႉ​ၽြႃး​ယင်း​ဢမ်ႇ​ႁႂ်ႈ​မႂ်း​ပဵၼ်​ႁၢင်​လႄႈ တၵ်း​ႁႂ်ႈ​မႂ်း​ပဵၼ်​ႁူဝ်​ဢေႃႈ။ မႂ်း​ယင်း​ဢမ်ႇ​လႆႈ​ယူႇ​ၵႃႈ​တႂ်ႈ​လႄႈ တၵ်း​မီး​ဢၶႂၢင်ႉ​ဢၼ်​လႆႈ​ယူႇ​ၵႃႈ​ၼိူဝ်​ၵူၺ်း​ဢေႃႈ။ ပေႃး​မႂ်း​ထွမ်ႇ​ဢဝ်​ပိင်း​ၺၢပ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ ႁႂ်ႈ​လႆႈ​ပႂ်ႉ​ၸွမ်း​လႄႈ​ၵမ်​ၵျၢင်ႉ၊-</verse>
				<verse number="14">ပေႃး​ဢမ်ႇ​ဝႄႈ​ပိူင်ႈ​သေ​ၵႃႈ​ၼႂ်း​သဵၼ်ႈ​တၢင်း​ၵႂၢမ်း​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​သူ​ဝၼ်း​မိူဝ်ႈ​ၼႆႉ​ၼၼ်ႉ​ၵႂႃႇ ၵႃႈ​တီႈ​ၽၢႆႇ​သၢႆႉ​ၽၢႆႇ​ၶႂႃ၊ ဢမ်ႇ​ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး​လႄႈ ႁဵတ်း​ဝၢတ်ႈ​ၸိုင်၊ မႂ်း​တၵ်း​လႆႈ​ဢေႃႈ။</verse>
				<verse number="15">ပေႃး​မႂ်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ႁႂ်ႈ​လႆႈ​ပႂ်ႉ​ၸွမ်း​ၵမ်​ၵျၢင်ႉ​ပိင်း​ၺၢပ်ႈ​မၼ်း​ၸဝ်ႈ ဢိၵ်ႇ​တင်း​ထုင်း​ၽိင်ႈ​တြႃး​မၼ်း​ၸဝ်ႈ ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ၼၼ်ႉ​ၸိုင်၊ ဢႃႉ​မင်ႇၵလႃႇ​တၢင်း​ဢၼ်​ၵိၼ်ႇ​ဢၼ်​ဝႃႈ ၵႃႈ​ဢၼ်​တၵ်း​တူၵ်း​ႁွတ်ႈ​ၵႃႈ​ၼိူဝ်​မႂ်း​လႄႈ ၽႅဝ်​ထိုင်​ၵႃႈ​တီႈ​မႂ်း​ၼၼ်ႉ​ၸမ်ႉ၊-</verse>
				<verse number="16">မႂ်း​တၵ်း​မီး​ဢႃႉ​မင်ႇၵလႃႇ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ဢေႃႈ။ တၵ်း​မီး​ဢႃႉ​မင်ႇၵလႃႇ​ၵႃႈ​ၼႂ်း​ႁႆႊ​ၼႂ်း​ၼႃး​ဢေႃႈ။-</verse>
				<verse number="17">တၵ်း​မီး​ဢႃႉ​မင်ႇၵလႃႇ​တီႈ​ပဵတ်ႈ​မႂ်း​ၵူၺ်​မႂ်း၊ တီႈ​ၵွၵ်း​ဢၼ်​ၼူတ်ႈ​ၶဝ်ႈ​မုၼ်း​မႂ်း​ၼၼ်ႉ​ဢေႃႈ။-</verse>
				<verse number="18">တၵ်း​မီး​ဢႃႉ​မင်ႇၵလႃႇ​တီႈ​မၢၵ်ႇ​တွင်ႉ​တူဝ်​ၶၼ်ႇ​ထႃႇ​မႂ်း၊ တီႈ​မၢၵ်ႇ​လိၼ်​ႁူင်း​လိၼ်​မႂ်း၊ တီႈ​တၢင်း​ဢၼ်​ယႂ်ႇ​ၽႄႈ​တူဝ်း​တွၼ်း​မႃး​တီႈ​ဝူဝ်း​မႂ်း၊ တီႈ​တူဝ်​ဢွၼ်ႇ​ၽုင်​သူဝ်း​ၽုင်​ပႄႉ​မႂ်း​ဢေႃႈ။-</verse>
				<verse number="19">တၵ်း​မီး​ဢႃႉ​မင်ႇၵလႃႇ မိူဝ်ႈ​ဢၼ်​မႂ်း​ၶဝ်ႈ​ၵႃႈ​ၼႂ်း​ႁိူၼ်း​မႂ်း​ဢေႃႈ။ တၵ်း​မီး​ဢႃႉ​မင်ႇၵလႃႇ မိူဝ်ႈ​ဢၼ်​မႂ်း​ဢွၵ်ႇ​ၵႃႈ​ၼွၵ်ႈ​ဢေႃႈ။-</verse>
				<verse number="20">ထႃႇဝရႃႉ​ၽြႃး​တၵ်း​ႁႂ်ႈ​တၢင်း​ဢၼ်​ၵိၼ်ႇ​ဢၼ်​လႃႇ၊ တၢင်း​ဢၼ်​ယႃႉ​ဢၼ်​ယူၵ်ႉ၊ တၢင်း​ဢၼ်​သႄႉ​ဢၼ်​သွမ်း​တူၵ်း​ႁွတ်ႈ​ၵႃႈ​ၼိူဝ်​မႂ်း ၼႂ်း​လွင်ႈ​တၢင်း​ၵႃႈ​ဢၼ်​မႂ်း​ဢဝ်​မိုဝ်း​ႁဵတ်း​ၼၼ်ႉ တေႃႇ​ထိုင်​ႁွတ်ႈ​မႂ်း​ထၼ်ႈ​ပေႃး​ႁွတ်ႈ​ထိုင်​တၢင်း​ဢၼ်​လူႉ​လႅဝ်​လႄႈ သုမ်း​ၸွမ်း​ၶၼ်​ၶၼ်​ၽႂ်း​ၽႂ်း ၵွပ်ႈ​ပိူဝ်ႈ​ဢပႅတ်ႈ​တူႉ​ၸရိူၵ်ႈ ဢၼ်​မႂ်း​ႁဵတ်း​မႅၼ်ႈ​လႄႈ ၸုၼ်ႉ​ပႅတ်ႈ​ၵဝ်​ၼၼ်ႉ​ဢေႃႈ။-</verse>
				<verse number="21">ထႃႇဝရႃႉ​ၽြႃး​တၵ်း​ႁႂ်ႈ​ၵႃႇလႃႉ​ႁႃႈ​လႅင်​မိူင်း ၸပ်း​တီႈ​မႂ်း​တေႃႇ​ထိုင်​ႁွတ်ႈ​မၼ်း​ၸဝ်ႈ​ထၼ်ႈ​ပေႃး ပႄႇ​ၽဵဝ်ႈ​မႂ်း​ပႅတ်ႈ​သေ​ၵႃႈ​ၼႂ်း​မိူင်း​ဢၼ်​မႂ်း​ၵႂႃႇ​လႄႈ​ၶဝ်ႈ​ၸၢမ်ႇ​ၸႃး​ၼၼ်ႉ​ဢေႃႈ။-</verse>
				<verse number="22">ထႃႇဝရႃႉ​ၽြႃး​တၵ်း​ဢဝ်​တင်း​တူႇ​လႃႇ တၢင်း​ဢၼ်​ၶႆႈ​ၼၢဝ်၊ တၢင်း​ၶႆႈ​တၢင်း​ပဵၼ်​ဢၼ်​မႆႈ​ဢၼ်​ႁွၼ်ႉ၊ တၢင်း​ၶႆႈ​တၢင်း​ပဵၼ်​ဢၼ်​မိူၼ်​ၸိူဝ်ႉ​ၼင်ႇ​ၽႆး​မႆႈ၊ ၽေး​လၢပ်ႇ၊ ၽေး​ဢၼ်​လူမ်း​တိူဝ်ႉ​ထုၵ်ႇ​သႂ်ႇ​လႄႈ မၢၵ်ႇ​မၼ်း​ႁူင်း​မၼ်း​လိပ်ႈ​ၵႂႃႇ​ၽင်ႉ​ၵႂႃႇ၊ ၽေး​ဢၼ်​မၢၵ်ႇ​မၼ်း​ႁူင်း​မၼ်း သႃး​ၵႂႃႇ​ၼဝ်ႈ​ၵႂႃႇ​ၸိူဝ်း​ၼၼ်ႉ ပၼ်​တၢမ်ႇ​တီႈ​မႂ်း​လႄႈ ၽေး​ၸိူဝ်း​ၼၼ်ႉ တၵ်း​လိုပ်ႈ​ၸွမ်း​မႂ်း​တေႃႇ​ထိုင်​ႁွတ်ႈ​မႂ်း​ထၼ်ႈ​ပေႃး​လူႉ​လႅဝ်​ဢေႃႈ။-</verse>
				<verse number="23">ၽႃႉ​ၵၢင်​ႁၢဝ်​ဢၼ်​မီး​ယူႇ​ၵႃႈ​ၼိူဝ်​ႁူဝ်​မႂ်း​ၼၼ်ႉ တၵ်း​ပဵၼ်​တွင်း​လိူင်​လႄႈ၊ လိၼ်​ဢၼ်​မီး​ယူႇ​ၵႃႈ​တႂ်ႈ​မႂ်း​ၼၼ်ႉ တၵ်း​ပဵၼ်​လဵၵ်း​ဢေႃႈ။-</verse>
				<verse number="24">ထႃႇဝရႃႉ​ၽြႃး​တၵ်း​ႁႂ်ႈ​ၼမ်ႉ​ၽူၼ်​ဢၼ်​တူၵ်း​သႂ်ႇ​ၵႃႈ​ၼိူဝ်​မိူင်း​မႂ်း​ၼၼ်ႉ ပဵၼ်​မုၼ်ႈ​လိၼ်၊ ပဵၼ်​ၽုၼ်ႇ​မုၵ်ႉ​သေ​လႄႈ တၵ်း​တူၵ်း​သႂ်ႇ​ၵႃႈ​ၼိူဝ်​မႂ်း​တေႃႇ​ထိုင်​ႁွတ်ႈ​မႂ်း​ထၼ်ႈ​ပေႃး​လူႉ​လႅဝ်​ဢေႃႈ။-</verse>
				<verse number="25">ထႃႇဝရႃႉ​ၽြႃး​တၵ်း​ပၼ်​ႁႂ်ႈ​မႂ်း​လႆႈ​ၶၢမ်ႇ​တၢင်း​ဢၼ်​တိုၵ်း​တေႃး​ယႃႉ​ပႅတ်ႈ​ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​မႂ်း​ဢေႃႈ။ မႂ်း​ၸွမ်း​သဵၼ်ႈ​တၢင်း​သဵၼ်ႈ​လဵဝ်​ၵူၺ်း ၵႂႃႇ​ႁႂ်ႈ​လႆႈ​တိုၵ်း​တေႃး​ၶဝ်​လႄႈ တၵ်း​ၸွမ်း​သဵၼ်ႈ​တၢင်း​ၸဵတ်း​သဵၼ်ႈ​သေ​လႄႈ ဢွၵ်ႇ​ပၢႆႈ​သေ​ၵႃႈ​တီႈ​ၽၢႆႇ​ၼႃႈ​ၶဝ်​လႄႈ ပိဝ်​သဵၼ်​ၵႂႃႇ၊ ပိဝ်​သဵၼ်​မႃး ယူႇ​ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း ဢၼ်​မီး​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ​ဢေႃႈ။-</verse>
				<verse number="26">တူဝ်​တၢႆ​မႂ်း​ၼၼ်ႉ​တၵ်း​လႆႈ​ပဵၼ်​ပုၼ်ႈ​ၼူၵ်ႉ​ၵၢင်​ႁၢဝ် တင်း​တူဝ်​ထိူၼ်ႇ​ႁၢႆႉ​တင်း​လၢႆ​တၵ်း​ၵိၼ်​တၵ်း​ၶူပ်း​ဢေႃႈ။ ၵေႃႉ​ဢၼ်​တၵ်း​ႁေႃႈ​တရိၵ်ႈသၢၼ်ႇ​ၸိူဝ်း​ၼၼ်ႉ​ပႅတ်ႈ​ဢမ်ႇ​မီး​သေ​ၵေႃႉ​သေ​ၵူၼ်း။-</verse>
				<verse number="27">ထႃႇဝရႃႉ​ၽြႃး တၵ်း​ဢဝ်​တုမ်ႇ​ၸဵပ်း​တုမ်ႇ​ၽီ​မိူင်း​ ဢေႇၵိပ်ႉတူႉ ၊ တၢင်း​ပဵၼ်​မႅင်း​သရိူၵ်ႈ၊ တၢင်း​ပဵၼ်​ႁိတ်း၊ တၢင်း​ပဵၼ်​ႁဝ်ႈ ဢၼ်​ဢမ်ႇ​ႁၢႆ​လႆႈ​ၸိူဝ်း​ၼၼ်ႉ ပၼ်​တၢမ်ႇ​တီႈ​မႂ်း​ဢေႃႈ။-</verse>
				<verse number="28">ထႃႇဝရႃႉ​ၽြႃး​တၵ်း​ဢဝ်​တၢင်း​ပဵၼ်​ဢၼ်​ယွင်ႇ​ဢၼ်​မႃႈ၊ တၢင်း​ပဵၼ်​ဢၼ်​တႃ​မွတ်ႇ၊ တၢင်း​ပဵၼ်​ဢၼ်​ၵႂင်​ၸႂ်​ယုင်ႈ​ၸႂ်​ၸိူဝ်း​ၼၼ်ႉ ပၼ်​တၢမ်ႇ​တီႈ​မႂ်း​ဢေႃႈ။-</verse>
				<verse number="29">မႂ်း​တၵ်း​လႆႈ​ၵုမ်း​ၵီႈ​ၵုမ်း​ၵမ်း​ၵႃႈ​တီႈ​ၶိင်ႇ​ၵၢင်​ဝၼ်း​တဵင်ႈ မိူၼ်​ၸိူဝ်ႉ​ၼင်ႇ​ဢၼ်​ၵေႃႉ​ဢၼ်​တႃ​မွတ်ႇ လႆႈ​ၵုမ်း​ၵီႈ​ၵုမ်း​ၵမ်း​ၵႃႈ​ၼႂ်း​လပ်း​သိင်ႇ​မၼ်း​ၼၼ်ႉ​ဢေႃႈ။ မႂ်း​ဢမ်ႇ​လႆႈ​လီ​လႆႈ​ပဵၼ်​ၼႂ်း​သဵၼ်ႈ​တၢင်း​ဢၼ်​မႂ်း​ၵႂႃႇ​ၸိူဝ်း​ၼၼ်ႉ။ မႂ်း​တၵ်း​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး၊ တၢင်း​ဢၼ်​ႁိမ်​ဢဝ်​ႁူင်ႇ​ဢဝ်​ၵူၺ်း​ၵူၺ်း​ယူႇ​တႃႇ​သေႇ​ဢေႃႈ။ ၵေႃႉ​ဢၼ်​တၵ်း​ၵႄႇ​သႄႇ​ၶျွတ်ႈ​ဢဝ်​ဢမ်ႇ​မီး​သေ​ၵေႃႉ​သေ​ၵူၼ်း။-</verse>
				<verse number="30">မႂ်း​မၢႆ​ၵၼ်​တင်း​မႄႈ​ယိင်း​ဝႆႉ​လႄႈ ၵူၼ်း​တၢင်ႇ​ၵေႃႉ​တၵ်း​လႆႈ​ၼွၼ်း​လူၺ်ႈ​မၼ်း​ဢေႃႈ။ မႂ်း​ႁဵတ်း​ႁိူၼ်း​ႁဵတ်း​ယေး​လႄႈ၊ မႂ်း​ဢမ်ႇ​လႆႈ​ယူႇ။ မႂ်း​ၽုၵ်ႇ​သူၼ်​ဢူးယဵၼ်ႇ​ၸပိတ်ႈ​လႄႈ မႂ်း​ဢမ်ႇ​လႆႈ​ဝိတ်း​လႆႈ​ဢဝ်​မၢၵ်ႇ​မၼ်း။-</verse>
				<verse number="31">ဢဝ်​ဝူဝ်း​မႂ်း​တၢႆ​သိုဝ်ႈ​ၼႃႈ​တႂ်ႈ​တႃ​မႂ်း​လႄႈ၊ မႂ်း​ဢမ်ႇ​လႆႈ​ၵိၼ်။ ႁဵတ်း​ပႄႉ​ႁဵတ်း​ၼႅင်ႇ​ဢဝ်​လီႈ​မႂ်း​ၵႂႃႇ​သေ​ၵႃႈ​တီႈ​ၽၢႆႇ​ၼႃႈ​မႂ်း​လႄႈ ၵမ်း​လိုၼ်း​ဢမ်ႇ​လႆႈ​သမ်ႉ​ၶိုၼ်း​မႅင်ႇ​ၶိုၼ်း​ပၼ်။ ဢဝ်​သူဝ်း​မႂ်း​တင်း​လၢႆ​ဢၢပ်ႈ​ပၼ်​တီႈ​ရၢၼ်ႇ​သူႇ​မႂ်း​လႄႈ ၵေႃႉ​ဢၼ်​ၵႄႇ​သႄႇ​ၼုၵ်ႈ​ဢဝ်​မႂ်း​ဢမ်ႇ​မီး​သေ​ၵေႃႉ​သေ​ၵူၼ်း။-</verse>
				<verse number="32">ဢဝ်​လုၵ်ႈ​ၸၢႆး​လုၵ်ႈ​ယိင်း​မႂ်း​ဢၢပ်ႈ​ပၼ်​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​လႄႈ မၢၵ်ႇ​တႃ​မႂ်း​တၵ်း​မုင်ႈ​တူၺ်း​ယူႇ​သေ​လႄႈ ႁႅင်း​တၵ်း​ဢူၼ်ႈ​ၵႂႃႇ​ယွမ်း​ၵႂႃႇ​ၵွပ်ႈ​ပိူဝ်ႈ​ၶဝ်​ၼၼ်ႉ​ယူႇ​တင်း​ဝၼ်း​ဢေႃႈ။ မိုဝ်း​မႂ်း​ၵေႃႈ​ဢမ်ႇ​လႆႈ​မီး​ႁႅင်း။-</verse>
				<verse number="33">ၵူၼ်း​မဵဝ်း​ဢၼ်​မႂ်း​ဢမ်ႇ​ႁူႉ​ၸၵ်း​မိုတ်ႈ​ၵိုဝ်း​ၼၼ်ႉ​တၵ်း​ၵိၼ်​မၢၵ်ႇ​လိၼ်​ႁူင်း​လိၼ်​မႂ်း ဢိၵ်ႇ​တင်း​ဢုၵ်ႉ​ၸႃႇ​ဢၼ်​မႂ်း​သၢင်ႈ​ႁဵတ်း​လႄႈ​လႆႈ​ၼၼ်ႉ​ဢေႃႈ။ မႂ်း​တၵ်း​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး၊ တၢင်း​ဢၼ်​ၶိုတ်ႈ​လႅဝ်​ၼူတ်ႈ​လႅဝ်​ၵူၺ်း​ၵူၺ်း​ယူႇ​တႃႇ​သေႇ​ဢေႃႈ။-</verse>
				<verse number="34">ၼင်ႇ​ၼၼ်​လႄႈ မႂ်း​တၵ်း​လႆႈ​ပဵၼ်​ဢၼ်​ယွင်ႇ​ဢၼ်​မႃႈ​ၵႂႃႇ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​မၢၵ်ႇ​တႃ​မႂ်း​လႆႈ​ထူပ်း​လႆႈ​ႁၼ်​ၼၼ်ႉ​ဢေႃႈ။-</verse>
				<verse number="35">ထႃႇဝရႃႉ​ၽြႃး​တၵ်း​ဢဝ်​တုမ်ႇ​ၸဵပ်း​တုမ်ႇ​ၽီ​ဢၼ်​ဢမ်ႇ​ႁၢႆ​လႆႈ​ၼၼ်ႉ ပၼ်​တၢမ်ႇ​တီႈ​ႁူဝ်​ၶဝ်ႇ​မႂ်း​တင်း​တီႈ​တိၼ်​မႂ်း​ၵူၺ်း​ဢမ်ႇ​ၵႃး၊ တၵ်း​ပၼ်​တီႈ​ၸႃႉ​ၸဵမ်​ၽႃႇ​တိၼ်​မႂ်း​လႄႈ တေႃႇ​ထိုင်​ႁွတ်ႈ​ၸိၵ်း​ႁူဝ်​မႂ်း​ဢေႃႈ။</verse>
				<verse number="36">ထႃႇဝရႃႉ​ၽြႃး​တၵ်း​ဢဝ်​မႂ်း ဢိၵ်ႇ​တင်း​ၶုၼ်​ႁေႃ​ၶမ်း​ဢၼ်​မႂ်း​ယုၵ်ႉ​ယွင်ႈ​ဝႆႉ​ၼၼ်ႉ ၵႂႃႇ​ၵႃႈ​တီႈ​ဢၼ်​ၵူၼ်း​မဵဝ်း​ဢၼ်​မႂ်း ဢိၵ်ႇ​တင်း​ပူႇ​မွၼ်ႇ​မႂ်း​တင်း​လၢႆ​ဢမ်ႇ​ႁူႉ​ၸၵ်း​မိုတ်ႈ​ၵိုဝ်း​ၼၼ်ႉ​မီး​ၼၼ်ႉ​လႄႈ မႂ်း​တၵ်း​လႆႈ​ႁဵတ်း​ဝၢတ်ႈ​တီႈ​ၽြႃး​တၢင်ႇ​သူႇ​တၢင်ႇ​ပႃး၊ ၽြႃး​မႆႉ၊ ၽြႃး​မၢၵ်ႇ​ႁိၼ်​ၸိူဝ်း​ၼၼ်ႉ​ဢေႃႈ။-</verse>
				<verse number="37">မႂ်း​တၵ်း​လႆႈ​ပဵၼ်​တီႈ​ဢၼ်​လီ​ဢၢမ်း၊ တီႈ​ဢၼ်​ႁဵတ်း​ဢပုမ်ႇ​တႅၵ်ႈ၊ တီႈ​ဢၼ်​သႄႉ​သွမ်း ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၵႃႈ​တီႈ​ဢၼ်​ထႃႇဝရႃႉ​ၽြႃး ဢဝ်​မႂ်း​ၵႂႃႇ​ၼၼ်ႉ​ဢေႃႈ။-</verse>
				<verse number="38">မႂ်း​ဢဝ်​ၸိူဝ်ႉ​ၽၼ်း​ၼမ်​ၼႃႇ​ၵႂႃႇ​ၸူး​ၵႃႈ​တီႈ​ႁႆႊ​တီႈ​ၼႃး​လႄႈ တၵ်း​လႆႈ​သိမ်း​ဢဝ်​ၵေႇ​ၼႃႇ ၵွပ်ႈ​ပိူဝ်ႈ​ဢၼ်​မႅင်း​ၵႅင်း​ၶူပ်း​ၵိၼ်​ၼၼ်ႉ​ဢေႃႈ။-</verse>
				<verse number="39">မႂ်း​ၽုၵ်ႇ​သူၼ်​ဢူးယဵၼ်ႇ​ၸပိတ်ႈ​သေ​လႄႈ လုမ်း​လႃး​လႄႈ​မႂ်း​ဢမ်ႇ​လႆႈ​ၵိၼ်​ၼမ်ႉ​ၸပိတ်ႈ။ ဢမ်ႇ​လႆႈ​ဝိတ်း​ဢဝ်​မၢၵ်ႇ​မၼ်း ၵွပ်ႈ​ပိူဝ်ႈ​ဢၼ်​မူင်ႈ​ၶူပ်း​ၵိၼ်​ၼၼ်ႉ။-</verse>
				<verse number="40">မႂ်း​မီး​တူၼ်ႈ​ သၢၼ်ႇလုၼ်ႇ တီႈ​ဢၼ်​မႂ်း​ယူႇ​ၵူႈ​တီႈ​ၵူႈ​လႅၼ်​လႄႈ မႂ်း​ဢမ်ႇ​လႆႈ​ဢဝ်​ၼမ်ႉ​မၼ်း​ သၢၼ်ႇလုၼ်ႇ ​တႃး​တူဝ်​မႂ်း ၵွပ်ႈ​ပိူဝ်ႈ​ဢၼ်​မၢၵ်ႇ​မၼ်း​ဢမ်ႇ​တၼ်း​သုၵ်း​လႄႈ​ႁူင်ႈ​တူၵ်း​ၼၼ်ႉ။-</verse>
				<verse number="41">မႂ်း​ၵိူတ်ႇ​လဵင်ႉ​လုၵ်ႈ​ၸၢႆး​လုၵ်ႈ​ယိင်း​လႄႈ ဢမ်ႇ​လႆႈ​မူၼ်ႈ​လႆႈ​ပျေႃႇ​လူၺ်ႈ​ၵၼ်​တင်း​ၶဝ်။ ၶဝ်​တၵ်း​လႆႈ​ၶၢမ်ႇ​တၢင်း​ဢၼ်​ရၢၼ်ႇ​သူႇ​သိမ်း​ဢဝ်​ၵႂႃႇ​ဢေႃႈ။-</verse>
				<verse number="42">မႅင်း​ၵႅင်း​တင်း​လၢႆ တၵ်း​ၶူပ်း​တၵ်း​ယႃႉ​တူၼ်ႈ​မႆႉ​တူၼ်ႈ​တွၵ်ႇ​ၵႃႈ​မီး ဢိၵ်ႇ​တင်း​မၢၵ်ႇ​လိၼ်​ႁူင်း​လိၼ်​မႂ်း​ၵႃႈ​မီး​ဢေႃႈ။-</verse>
				<verse number="43">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​ယူႇ​ၵႃႈ​ၼႂ်း​မႂ်း​ၼၼ်ႉ တၵ်း​ယႂ်ႇ​မႃး​သုင်​မႃး​ၶိုၼ်ႈ​ၵႃႈ​ၼိူဝ်​မႂ်း​ယူႇ​လႄႈ မႂ်း​ၸမ်ႉ၊ တၵ်း​လႆႈ​တႅမ်ႇ​ၵႂႃႇ​ယေႃႈ​ၵႂႃႇ​ယူႇ​ဢေႃႈ။-</verse>
				<verse number="44">မၼ်း​ၼၼ်ႉ​တၵ်း​မီး​ဢၶႂၢင်ႉ​ဢၼ်​လႆႈ​ပၼ်​ၵူႈ​ပၼ်​ယိမ်​တီႈ​မႂ်း​ဢေႃႈ။ မႂ်း​ၸမ်ႉ၊ ဢမ်ႇ​လႆႈ​ပၼ်​ၵူႈ​ပၼ်​ယိမ်​တီႈ​မၼ်း။ မၼ်း​ၼၼ်ႉ​တၵ်း​ပဵၼ်​ႁူဝ်​လႄႈ မႂ်း​ၸမ်ႉ၊ တၵ်း​ပဵၼ်​ႁၢင်​ဢေႃႈ။-</verse>
				<verse number="45">ဢႃႉ​မင်ႇၵလႃႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ၵႃႈ​မီး​ၸိူဝ်း​ၼႆႉ တၵ်း​တူၵ်း​ႁွတ်ႈ​ၵႃႈ​ၼိူဝ်​မႂ်း​ယူႇ၊ လိုပ်ႈ​ၸွမ်း​လမ်း​ၸွမ်း​မႂ်း​ယူႇ​သေ​လႄႈ ၶိုတ်း​မႂ်း​တေႃႇ​ထိုင်​ႁွတ်ႈ​မႂ်း​ထၼ်ႈ​ပေႃး​လူႉ​လႅဝ် ၵွပ်ႈ​ပိူဝ်ႈ​ဢၼ်​မႂ်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ႁႂ်ႈ​လႆႈ​ပႂ်ႉ​ၸွမ်း​ပိင်း​ၺၢပ်ႈ​ၸဝ်ႈ ဢိၵ်ႇ​တင်း​ထုင်း​ၽိင်ႈ​တြႃး​ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="46">တၵ်း​ပဵၼ်​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​ယူႇ​ၵႃႈ​ၼိူဝ်​မႂ်း ဢိၵ်ႇ​တင်း​ၵႃႈ​ၼိူဝ်​ၸိူဝ်ႉ​ၶိူဝ်း​မႂ်း​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="47">ၵွပ်ႈ​ပိူဝ်ႈ​ဢၼ်​မႂ်း​ဢမ်ႇ​ပႃး​တင်း​ၸႂ်​ဢၼ်​ၸူမ်း​သိူဝ်း၊ ၸႂ်​ဢၼ်​မူၼ်ႈ​ပျေႃႇ​လူၺ်ႈ​လွင်ႈ​တၢင်း​ဢၼ်​မၢၵ်ႈ​မီး​ပျေႉ​ၸုမ်ႇ​ဝႆႉ တင်း​ၵႃႈ​ဢၼ်​မီး​ၼၼ်ႉ​သေ​လႄႈ ပွင်​ႁဵတ်း​ဢမူႉ​ၽြႃး​ပဵၼ်​ၸဝ်ႈ​မႂ်း​ထႃႇဝရႃႉ​ၽြႃး​လႄႈ၊-</verse>
				<verse number="48">မႂ်း​တၵ်း​လႆႈ​ပႃး​ဢဝ်​တင်း​တၢင်း​ဢၼ်​တွင်ႉ​မႆႈ​သႆႈ​လိူတ်ႇ၊ တၢင်း​ဢၼ်​ယၢၵ်ႇ​ၼမ်ႉ၊ တၢင်း​ဢၼ်​ဢမ်ႇ​မီး​ၶူဝ်း​ၼုင်ႈ​ယူႇ​တူဝ်​ပူၺ်၊ တၢင်း​ဢၼ်​ယၢၵ်ႈ​ၽၢၼ်​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ​သေ​လႄႈ ပွင်​ႁဵတ်း​ဢမူႉ​ရၢၼ်ႇ​သူႇ​မႂ်း​တင်း​လၢႆ ဢၼ်​ထႃႇဝရႃႉ​ၽြႃး ပွႆႇ​ၸႂ်ႉ​မႃး​တိုၵ်း​တေႃး​မႂ်း​ၼၼ်ႉ​ဢေႃႈ။ မၼ်း​ၸဝ်ႈ​တၵ်း​ဢဝ်​ၵၢၼ်း​လဵၵ်း​တၢင်ႇ​သႂ်ႇ​ဝႆႉ​ၵႃႈ​ၼိူဝ်​ၶေႃး​မႂ်း တေႃႇ​ထိုင်​ႁွတ်ႈ​ထၼ်ႈ​ပေႃး​မၼ်း​ၸဝ်ႈ​ယႃႉ​ၽဵဝ်ႈ​မႂ်း​ပႅတ်ႈ​ၼၼ်ႉ​ဢေႃႈ။-</verse>
				<verse number="49">ထႃႇဝရႃႉ​ၽြႃး​တၵ်း​ႁွင်ႉ​ဢဝ်​ၵူၼ်း​မဵဝ်း​ဢၼ်​ၶၼ်​ၽႂ်း​ၸိူဝ်ႉ​ၼင်ႇ​ဢၼ်​ႁုင်ႉ​လူင်​ၸၢင်ႈ​မိၼ်​ၼၼ်ႉ၊ ၵူၼ်း​မဵဝ်း​ဢၼ်​မႂ်း​ဢမ်ႇ​ၸၢင်ႈ​ႁူႉ​ၵႂၢမ်း​ၶဝ်၊-</verse>
				<verse number="50">ၵူၼ်း​မဵဝ်း​ဢၼ်​ပျေႉ​ၸုမ်ႇ​တင်း ၼႃႈ​ဢၼ်​လိူင်း​ၵျၢမ်း​ၼႃႇ​ယူႇ​သေ​လႄႈ ဢမ်ႇ​ၸၢင်ႈ​ရူဝ်ႇ​သေႇ​ၵူဝ်​ယမ်​ၵေႃႉ​ဢၼ်​ဢသၢၵ်ႈ​ယႂ်ႇ၊ ဢမ်ႇ​ၸၢင်ႈ​ဢဵတ်း​လူ​ၵေႃႉ​ဢၼ်​ဢသၢၵ်ႈ​လဵၵ်ႉ​ၼၼ်ႉ​သေ​ၵႃႈ​တီႈ​ႁိမ်း​လႅၼ်​သုတ်း​လိၼ်​မိူင်း​တီႈ​ဢၼ်​ၵႆ​ပုၼ်ႉ မႃး​တိုၵ်း​တေႃး​မႂ်း​ဢေႃႈ။-</verse>
				<verse number="51">ၵူၼ်း​မဵဝ်း​ၼၼ်ႉ တၵ်း​လႆႈ​ၵိၼ်​မၢၵ်ႇ​တွင်ႉ​တရိၵ်ႈသၢၼ်ႇ​မႂ်း၊ မၢၵ်ႇ​လိၼ်​ႁူင်း​လိၼ်​မႂ်း တေႃႇ​ထိုင်​ႁွတ်ႈ​မႂ်း​ထၼ်ႈ​ပေႃး​လူႉ​လႅဝ်​ဢေႃႈ။ တၵ်း​ဢမ်ႇ​ဝႆႉ​ၵိုတ်း​ဝႆႉ​ၵျၢၼ်ႇ​ၶဝ်ႈ​ပိူၵ်ႇ​ၶဝ်ႈ​သၢၼ်၊ ၼမ်ႉ​ၸပိတ်ႈ၊ ၼမ်ႉ​မၼ်း၊ တၢင်း​ဢၼ်​ယႂ်ႇ​ၽႄႈ​တူဝ်း​တွၼ်း​မႃး​တီႈ​ဝူဝ်း​မႂ်း၊ တူဝ်​လဵၵ်ႉ​တူဝ်​ဢွၼ်ႇ​ၵႃႈ​ၼႂ်း​ၽုင်​သူဝ်း​ၽုင်​ပႄႉ​မႂ်း​ၼၼ်ႉ​လႃး​လႃး တေႃႇ​ထိုင်​ႁွတ်ႈ​ထၼ်ႈ​ပေႃး မၼ်း​ၸဝ်ႈ​ႁႂ်ႈ​မႂ်း​လူႉ​လႅဝ်​ဢေႃႈ။-</verse>
				<verse number="52">တၵ်း​လွမ်ႉ​ႁွပ်ႈ​မႂ်း​ဝႆႉ​ၵႃႈ​ၼႂ်း​ၽၵ်း​တူ​ဝဵင်း​မႂ်း​ၵႃႈ​မီး​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​ထၼ်ႈ​ပေႃး​လမ်း​ဝဵင်း​ဢၼ်​သုင်​ၼႃႇ​လႄႈ​မၼ်ႈ​ၶိူင်ႇ၊ ဢၼ်​မႂ်း​ဢိင်​ပိုင်ႈ​ယူႇ ၵႃႈ​ၼႂ်း​မိူင်း​မႂ်း​တင်း​မိူင်း​ၼၼ်ႉ​ၸိူဝ်း​ၼၼ်ႉ ၵိူၼ်ႇ​တူၵ်း​ပင်း​တူၵ်း​ဢေႃႈ။ တၵ်း​လွမ်ႉ​ႁွပ်ႈ​မႂ်း​ဝႆႉ​ၵႃႈ​ၼႂ်း​ၽၵ်း​တူ​ဝဵင်း​မႂ်း​ၵႃႈ​မီး ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း​ၼၼ်ႉ​တင်း​မိူင်း​ဢေႃႈ။-</verse>
				<verse number="53">မိူဝ်ႈ​ဢၼ်​လွမ်ႉ​ႁွပ်ႈ​ဝႆႉ​ၼင်ႇ​ၼၼ်​လႄႈ မႂ်း​ၵိတ်ႇ​ၸႂ်​ၵႅၼ်း​ၸႂ်​လူၺ်ႈ​တၢင်း​ဢၼ်​ရၢၼ်ႇ​သူႇ​မႂ်း ႁႂ်ႈ​မႂ်း​ၵိတ်ႇ​ၸႂ်​ၵႅၼ်း​ၸႂ်​ယူႇ​ၼၼ်ႉ​ၸိုင်၊ မႂ်း​တၵ်း​လႆႈ​ၵိၼ်​မၢၵ်ႇ​တူဝ်​ၶၼ်ႇ​ထႃႇ​မႂ်း​ဢၼ်​ဝႃႈ ၼိူဝ်ႉ​လုၵ်ႈ​ၸၢႆး​မႂ်း​လုၵ်ႈ​ယိင်း​မႂ်း ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ပၼ်​တီႈ​မႂ်း​ၼၼ်ႉ​ဢေႃႈ။-</verse>
				<verse number="54">မိူဝ်ႈ​ဢၼ်​လွမ်ႉ​ႁွပ်ႈ​ဝႆႉ​ၼင်ႇ​ၼၼ်​လႄႈ မႂ်း​ၵိတ်ႇ​ၸႂ်​ၵႅၼ်း​ၸႂ်​လူၺ်ႈ​တၢင်း​ဢၼ်​ရၢၼ်ႇ​သူႇ​မႂ်း ႁႂ်ႈ​မႂ်း​ၵိတ်ႇ​ၸႂ်​ၵႅၼ်း​ၸႂ်​ယူႇ​ၵႃႈ​ၼႂ်း​ၽၵ်း​တူ​ဝဵင်း​မႂ်း​ၵႃႈ​မီး​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊ ၵူၼ်း​ၸၢႆး​ဢၼ်​ၼိူဝ်ႉ​ဢူၼ်ႈ​ၼိူဝ်ႉ​ဢွၼ်ႇ ၼုမ်ႇ​လီ​မူႈ​လီ​ၼႃႇ​လူင်​လၢင်​ၼၼ်ႉ၊ တၵ်း​မီး​ၸႂ်​ဢၼ်​သီႈ​ၵေႉ​ႁေႈ​တႃ​တီႈ​ပီႈ​ၼွင်ႉ​မၼ်း ဢိၵ်ႇ​တင်း​မေး​မၼ်း ဢၼ်​မီး​ၵႃႈ​ၼႂ်း​ဝၢင်ႈ​ႁူဝ်​ဢူၵ်း​မၼ်း၊ တင်း​လုၵ်ႈ​မၼ်း​လၢင်း​မၼ်း ဢၼ်​ယင်း​ၵိုတ်း​ဝႆႉ​ၵျၢၼ်ႇ​ဝႆႉ​တီႈ​မၼ်း​ၼၼ်ႉ၊-</verse>
				<verse number="55">ထၼ်ႈ​ပေႃး​ဢမ်ႇ​မႅင်ႇ​ပၼ်​ၽႄ​ပၼ်​ၼိူဝ်ႉ​လုၵ်ႈ​မၼ်း​လၢင်း​မၼ်း​ဢၼ်​မၼ်း​ၵိၼ်​ယူႇ​ၼၼ်ႉ ၵွပ်ႈ​ပိူဝ်ႈ​ဢၼ်​တၢင်း​ၵိၼ်​တၢင်း​ၶူပ်း ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​တီႈ​မၼ်း​သေ​ၸိူဝ်ႉ​သေ​ပိူင်​လႃး​လႃး​ၼၼ်ႉ​ဢေႃႈ။-</verse>
				<verse number="56">မိူဝ်ႈ​ဢၼ်​လွမ်ႉ​ႁွပ်ႈ​ဝႆႉ​ၼင်ႇ​ၼၼ်​လႄႈ မႂ်း​ၵိတ်ႇ​ၸႂ်​ၵႅၼ်း​ၸႂ်​လူၺ်ႈ​တၢင်း​ဢၼ်​ရၢၼ်ႇ​သူႇ​မႂ်း ႁႂ်ႈ​မႂ်း​ၵိတ်ႇ​ၸႂ်​ၵႅၼ်း​ၸႂ်​ၵႃႈ​ၼႂ်း​ၽၵ်း​တူ​ဝဵင်း​မႂ်း​ၵႃႈ​မီး​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊ မႄႈ​ယိင်း​ဢၼ်​ၼိူဝ်ႉ​ဢူၼ်ႈ​ၼိူဝ်ႉ​ဢွၼ်ႇ ၼုမ်ႇ​လီ​မူႈ​လီ​ၼႃႇ​လူင်​လၢင်​လႄႈ ဢမ်ႇ​ႁတ်း​ယဵပ်ႇ​ႁတ်း​တမ်း​တီႈ​လိၼ် ၵွပ်ႈ​ပိူဝ်ႈ​တၢင်း​ဢၼ်​ၼိူဝ်ႉ​မၼ်း​ဢူၼ်ႈ​လီ​ဢွၼ်ႇ​လီ၊ ၼုမ်ႇ​လီ​မူႈ​လီ​ၼၼ်ႉ တၵ်း​မီး​ၸႂ်​ဢၼ်​သီႈ​ၵေႉ​ႁေႈ​တႃ​တီႈ​ၽူဝ်​မၼ်း ဢၼ်​မီး​ၵႃႈ​ၼႂ်း​ဝၢင်ႈ​ႁူဝ်​ဢူၵ်း​မၼ်း ဢိၵ်ႇ​တင်း​လုၵ်ႈ​ၸၢႆး​မၼ်း​လုၵ်ႈ​ယိင်း​မၼ်း၊-</verse>
				<verse number="57">လူၺ်ႈ​လွင်ႈ​ႁႄႇ​ဢၼ်​ဢွၵ်ႇ​သေ​ၵႃႈ​ၼႂ်း​ဝူင်ႈ​ၵၢင်​ၶႃ​ၵၢင်​တိၼ်​မၼ်း​တင်း​လုၵ်ႈ​ဢွၼ်ႇ​ဢၼ်​မၼ်း​ၵိူတ်ႇ​လဵင်ႉ​မႃး​ၼၼ်ႉ​သေ​လႄႈ လွမ်​ၵိၼ်​တဵတ်ႇ​တဵတ်ႇ​ၵူၺ်း​မၼ်း ၵွပ်ႈ​ပိူဝ်ႈ​ဢၼ်​ဢမ်ႇ​မီး​တၢင်း​ၵိၼ်​တၢင်း​ၶူပ်း​သေ​ၸိူဝ်ႉ​သေ​ပိူင်​လႃး​လႃး​ၼၼ်ႉ​ဢေႃႈ။-</verse>
				<verse number="58">ပေႃး​မႂ်း​ယင်း​ဢမ်ႇ​ပႂ်ႉ​ၸွမ်း​ၵမ်​ၵျၢင်ႉ​ၵႂၢမ်း​တြႃး​ၼႆႉ​ၵူႈ​ၸိူဝ်ႉ​ၵူႈ​ပိူင် ဢၼ်​တႅမ်ႈ​သႂ်ႇ​ဝႆႉ​ၵႃႈ​ၼႂ်း​ၵျၢမ်း​လိၵ်ႈ​ၼႆႉ​ၼၼ်ႉ ႁႂ်ႈ​လႆႈ​ၵူဝ်​လႆႈ​ႁႄ​ၼႃႇ​မႃႉ​ၸိုဝ်ႈ​သဵင်​ဢၼ်​မုၼ်​ယႂ်ႇ​ၼႃႇ​လႄႈ လီ​ၵူဝ်​လီ​ႁႄ​ဢၼ်​ဝႃႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ​ယူႇ​ၸိုင်၊-</verse>
				<verse number="59">ထႃႇဝရႃႉ​ၽြႃး​တၵ်း​ႁႂ်ႈ​ၽေး​ဢၼ်​မႂ်း​လႆႈ​ၶၢမ်ႇ၊ ၽေး​ဢၼ်​ၸိူဝ်ႉ​ၶိူဝ်း​မႂ်း​လႆႈ​ၶၢမ်ႇ​ၸိူဝ်း​ၼၼ်ႉ ပဵၼ်​ၽေး​ဢၼ်​လီ​ဢၢမ်း၊ ၽေး​ဢၼ်​ယႂ်ႇ​ၼႃႇ​လႄႈ​မၼ်ႈ​ၶိူင်ႇ၊ ဝူၺ်ႇတၼႃႇ​တၢင်း​ၶႆႈ​တၢင်း​ပဵၼ်​ဢၼ်​ႁႅင်း​ယႂ်ႇ​ၼႃႇ​လႄႈ​မၼ်ႈ​ၶိူင်ႇ​ဢေႃႈ။-</verse>
				<verse number="60">လိူဝ်​သေ​ၼၼ်ႉ မၼ်း​ၸဝ်ႈ​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ် မိူင်း​ ဢေႇၵိပ်ႉတူႉ ဢၼ်​မႂ်း​ၸၢင်ႈ​ၵူဝ်​ၸၢင်ႈ​ႁႄ​ၵႃႈ​မီး​ၸိူဝ်း​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​မႂ်း​သေ​လႄႈ တၢင်း​ၶႆႈ​တၢင်း​ပဵၼ်​ၸိူဝ်း​ၼၼ်ႉ တၵ်း​ၸပ်း​ၸွႆး​ယူႇ​တီႈ​မႂ်း​ဢေႃႈ။-</verse>
				<verse number="61">လိူဝ်​သေ​ၼၼ်ႉ ထႃႇဝရႃႉ​ၽြႃး​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်၊ ၽေး​ဢူႉ​ပၢတ်ႈ ဢၼ်​ဢမ်ႇ​တႅမ်ႈ​သႂ်ႇ​ဝႆႉ​ၵႃႈ​တီႈ​ၵျၢမ်း​ပိင်း​ၺၢပ်ႈ​တီႈ​ၼႆႉ​ၵႃႈ​မီး​ၸိူဝ်း​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​မႂ်း​တေႃႇ​ထိုင်​ႁွတ်ႈ​မႂ်း​ထၼ်ႈ​ပေႃး​လူႉ​လႅဝ်​ဢေႃႈ။-</verse>
				<verse number="62">ပိၵ်ႉ​သမ်ႉ​မႂ်း​လႆႈ​ၼမ်​ၵိုၼ်း​မိူၼ်​ၸိူဝ်ႉ​ၼင်ႇ​လၢဝ်​ၵၢင်​ႁၢဝ်​သေ​ၵေႃႈ၊ တၵ်း​လႆႈ​ပဵၼ်​ဢၼ်​လဵၵ်ႉ​ဢၼ်​ၵေႇ ၵွပ်ႈ​ပိူဝ်ႈ​ဢၼ်​မႂ်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ​ဢေႃႈ။-</verse>
				<verse number="63">မိူၼ်​ၸိူဝ်ႉ​ၼင်ႇ​ဢၼ်​ထႃႇဝရႃႉ​ၽြႃး​ၸူမ်း​သိူဝ်း​ၵႃႈ​ၼႂ်း​လွင်ႈ​တၢင်း​ဢၼ် ႁဵတ်း​ၵျေး​ၸူး​တီႈ​သူ​လႄႈ ႁႂ်ႈ​သူ​ယႂ်ႇ​ၽႄႈ​ၼမ်​ၵိုၼ်း​ၼၼ်ႉ၊ ထႃႇဝရႃႉ​ၽြႃး​တၵ်း​သမ်ႉ​ၸူမ်း​သိူဝ်း​ၵႃႈ​ၼႂ်း​လွင်ႈ​တၢင်း​ဢၼ်​ယႃႉ​ၽဵဝ်ႈ​သူ​ပႅတ်ႈ​လႄႈ ႁႂ်ႈ​ဢၵျူဝ်း​သူ​လူႉ​ၼၼ်ႉ​သေ​လႄႈ သူ​တၵ်း​လႆႈ​ႁွတ်ႈ​ထိုင်​တၢင်း​ဢၼ်​ၸၵ်ႉ​ၼုၵ်ႈ​ဢွၵ်ႇ​သေ​ၵႃႈ​ၼႂ်း​မိူင်း​ဢၼ်​မႂ်း​တၵ်း​ၵႂႃႇ​လႄႈ ၶဝ်ႈ​ၸၢမ်ႇ​ၸႃး​ၼၼ်ႉ​ဢေႃႈ။-</verse>
				<verse number="64">ထႃႇဝရႃႉ​ၽြႃး​တၵ်း​ဢဝ်​မႂ်း​ၸၢတ်ႇ​ပိုၼ်​ပႅတ်ႈ​ၵႃႈ​ၼႂ်း ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸႃႉ​ၸဵမ်​လႅၼ်​သုတ်း​လိၼ်​မိူင်း​ၽၢၵ်ႇ​ၼိုင်ႈ တေႃႇ​ထိုင်​ႁွတ်ႈ​လႅၼ်​သုတ်း​လိၼ်​မိူင်း​ၽၢၵ်ႇ​ၼိုင်ႈ​ၼၼ်ႉ​သေ​လႄႈ မႂ်း​တၵ်း​လႆႈ​ႁဵတ်း​ဝၢတ်ႈ​တီႈ​ၽြႃး​တၢင်ႇ​သူႇ​တၢင်ႇ​ပႃး ဢၼ်​မႂ်း​ဢိၵ်ႇ​တင်း​ပူႇ​မွၼ်ႇ​မႂ်း​တင်း​လၢႆ​ဢမ်ႇ​တွၼ်ႉ​ႁူႉ ဢၼ်​ဝႃႈ​ၽြႃး​မႆႉ၊ ၽြႃး​မၢၵ်ႇ​ႁိၼ်​ၸိူဝ်း​ၼၼ်ႉ​ဢေႃႈ။-</verse>
				<verse number="65">ၵႃႈ​ၼႂ်း​ၵူၼ်း​မဵဝ်း​ၸိူဝ်း​ၼၼ်ႉ မႂ်း​တၵ်း​ဢမ်ႇ​လႆႈ​မီး​တၢင်း​ဢၼ်​သၢၵ်ႈ​သႃႇ။ ဢမ်ႇ​လႆႈ​မီး​တီႈ​ဢၼ်​ၽႃႇ​တိၼ်​မႂ်း​တၵ်း​ယဵပ်ႇ​တၵ်း​တမ်း။ ထႃႇဝရႃႉ​ၽြႃး​တၵ်း​ၸီႇ​ယၢင်ႇ​ပၼ် တၢင်း​ဢၼ်​ႁူဝ်​ၸႂ်​သၼ်ႇ​ဝႆ၊ တၢင်း​ဢၼ်​မၢၵ်ႇ​တႃ​မုင်ႈ​တူၺ်း​လႄႈ​ႁႅင်း​သဵင်ႈ​ၵႂႃႇ၊ တၢင်း​ဢၼ်​ငိၼ်း​ၽၢၼ်​ထိုင်​ၸႂ်​ၸိူဝ်း​ၼၼ်ႉ​သေ​လႄႈ၊-</verse>
				<verse number="66">ဢသၢၵ်ႈ​မႂ်း​တၵ်း​လႆႈ​ႁွႆႈ​ယွၼ်ႇ​ဝႆႉ ၵႃႈ​တီႈ​ၽၢႆႇ​ၼႃႈ​မႂ်း​ယူႇ၊ တၵ်း​မႆႈ​ၸႂ်​ၵူဝ်​ယူႇ​တင်း​ဝၼ်း​တင်း​ၶိုၼ်း​လႄႈ ယင်း​ဢမ်ႇ​ႁူႉ​လွင်ႈ​ဢၼ် တၵ်း​ၵၢင်း​လွတ်ႈ​တင်း​ၽေး​တၢႆ​ႁိုဝ်။ ဢမ်ႇ​ၵၢင်း​လွတ်ႈ​ႁိုဝ်​ၼၼ်ႉ​လႄႈ​ယူႇ​ဢေႃႈ။-</verse>
				<verse number="67">ၶိင်ႇ​ၵၢင်​ၼႂ်​ၼၼ်ႉ မႂ်း​တၵ်း​လၢတ်ႈ​လႄႈ​ဝႃႈ၊ ႁႂ်ႈ​ႁွတ်ႈ​ထိုင်​ၶိင်ႇ​ၵၢင်​ၶမ်ႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​လႄႈ ၶိင်ႇ​ၵၢင်​ၶမ်ႈ​ၼၼ်ႉ မႂ်း​တၵ်း​လၢတ်ႈ​လႄႈ​ဝႃႈ၊ ႁႂ်ႈ​ႁွတ်ႈ​ထိုင်​ၶိင်ႇ​ၵၢင်​ၼႂ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ယူႇ​ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ႁူဝ်​ၸႂ်​မႂ်း​ၵူဝ်​ႁႄ ဢၼ်​မႂ်း​လႆႈ​ၵူဝ်​ႁႄ​ၼၼ်ႉ ဢိၵ်ႇ​တင်း​ၵွပ်ႈ​ပိူဝ်ႈ​လွင်ႈ​တၢင်း​ဢၼ်​မၢၵ်ႇ​တႃ​မႂ်း​လႆႈ​ႁၼ်​ၼၼ်ႉ​ဢေႃႈ။-</verse>
				<verse number="68">ထႃႇဝရႃႉ​ၽြႃး​သမ်ႉ​တၵ်း​ဢဝ်​ႁိူဝ်း​သၢင်း​ၽေႃး​ဢဝ်​မႂ်း​ၵႂႃႇ​သူင်ႇ ၵႃႈ​တီႈ​မိူင်း​ ဢေႇၵိပ်ႉတူႉ ၸွမ်း​သဵၼ်ႈ​တၢင်း​ဢၼ်​မၼ်း​ၸဝ်ႈ မီး​ဢမိင်ႉ​တီႈ​မႂ်း​လႄႈ​ဝႃႈ၊ သဵၼ်ႈ​တၢင်း​ၼၼ်ႉ​ၸိုင် ၵမ်း​လိုၼ်း​မႂ်း​ဢမ်ႇ​လႆႈ​ႁၼ်၊ ဝႃႈ​ၼင်ႇ​ၼႆ​သေ​လႄႈ သူ​တၵ်း​လႆႈ​ၶၢမ်ႇ​တၢင်း​ဢၼ် ဢဝ်​ၶၢႆ​ပၼ်​တီႈ​ရၢၼ်ႇ​သူႇ​သူ ႁႂ်ႈ​လႆႈ​ပဵၼ်​ၶႃႈ​ၵူၼ်း​ၸၢႆး၊ ၶႃႈ​ၵူၼ်း​ယိင်း​ၵႃႈ​ၼႂ်း​မိူင်း​ၼၼ်ႉ​လႄႈ ၽူႈ​လႂ်​သေ​ၵေႃႉ​သေ​ၵူၼ်း တၵ်း​ဢမ်ႇ​မီး​ဢလူဝ်ႇ​ၶႂ်ႈ​သိုဝ်ႉ​ဢဝ်​မႂ်း၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="29">
				<verse number="1">ဢၼ်​ၼႆႉ​ၸမ်ႉ၊ ပဵၼ်​ၵႂၢမ်း​ပတီႉၺိၺ်ႇ ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ႁႂ်ႈ​မၼ်း​ႁဵတ်း​လူၺ်ႈ​ၵၼ်​တင်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​ၼႂ်း​မိူင်း​ မေႃႇၽႃႉ ​ၼၼ်ႉ​ၼွၵ်ႈ​သေ​ပတီႉၺိၺ်ႇ​ဢၼ်​ထႃႇဝရႃႉ​ၽြႃး၊ ႁဵတ်း​လူၺ်ႈ​ၵၼ်​တင်း​ၶဝ်​ၵႃႈ​တီႈ ႁေႃးရပ်ႉ ​ၼၼ်ႉ​ဢေႃႈ။-</verse>
				<verse number="2">မူဝ်းသေႇ ​သမ်ႉ​ႁွင်ႉ​ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ သူ​လႆႈ​ႁၼ်​ၵႃႈ​ဢၼ်​ထႃႇဝရႃႉ​ၽြႃး​ႁဵတ်း​သိုဝ်ႈ​ၼႃႈ​တႂ်ႈ​တႃ​မႂ်း​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵႃႈ​တီႈ​ၸႃႉ​ၸဵမ်​ၶုၼ်​ ၽႃႇရေႃး ​လႄႈ ၶႃႈ​မၼ်း​ၵူၼ်း​မၼ်း​တင်း​သဵင်ႈ​တင်း​လူင် တင်း​ၵႃႈ​တီႈ​မိူင်း​မၼ်း​တင်း​မိူင်း​ၼၼ်ႉ၊-</verse>
				<verse number="3">ဢၼ်​ဝႃႈ​လွင်ႈ​တၢင်း​ဢၼ်​ၸၢမ်း​တူၺ်း​ဢၼ်​ယႂ်ႇ​ၼႃႇ​ဢၼ်​မၢၵ်ႇ​တႃ​မႂ်း​လႆႈ​ႁၼ်၊ ၼီႉမိၵ်ႈ​လၢၵ်ႈၶၼႃႇ၊ တၼ်း​ၶူဝ်း​ဢၼ်​လၢၵ်ႇ​လၢႆး ဢၼ်​ယႂ်ႇ​ၼႃႇ​လူင်​လၢင်​တင်း​လၢႆ​ၸိူဝ်း​ၼၼ်ႉ​မႃး​ယဝ်ႉ။-</verse>
				<verse number="4">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး​ဢမ်ႇ​ပႆႇ​ပၼ်​ႁူဝ်​ၸႂ်​ဢၼ်​ႁူႉ​လႆႈ၊ မၢၵ်ႇ​တႃ​ဢၼ်​ႁၼ်​လႆႈ၊ ႁူ​ဢၼ်​ငိၼ်း​လႆႈ​ၼၼ်ႉ​တီႈ​သူ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ယဝ်ႉ။-</verse>
				<verse number="5">သီႇ​သိပ်း​ပီႊ​တဵမ်​တဵမ် ၵဝ်​ဢဝ်​သူ​သူင်ႇ​ၵႃႈ​ၼႂ်း​ထိူၼ်ႇ​မႃး​ယဝ်ႉ။ ၶူဝ်း​ၼုင်ႈ​ဢၼ်​သူ​ၼုင်ႈ​မႆႈ​ၼၼ်ႉ ဢမ်ႇ​ၵဝ်ႇ​ဢမ်ႇ​မွင်။ ၶႅပ်း​တိၼ်​ဢၼ်​သူ​တိုဝ်း​ၵေႃႈ ဢမ်ႇ​ၵဝ်ႇ​ဢမ်ႇ​မွင်။-</verse>
				<verse number="6">သူ​ယင်း​ဢမ်ႇ​ၵိၼ်​ၶဝ်ႈ​မုၼ်း၊ ယင်း​ဢမ်ႇ​သူတ်ႉ​ၼမ်ႉ​ၸပိတ်ႈ​တင်း​ၼမ်ႉ​လဝ်ႈ​လႄႈ ယူႇ​ႁႂ်ႈ​လႆႈ​မီး​ဢၶႂၢင်ႉ​ဢၼ်​လႆႈ​ႁူႉ​ၸၵ်း​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ဢၼ်​သူ​ႁွတ်ႈ​ထိုင်​ၵႃႈ​တီႈ​ၼႆႈ​ၼၼ်ႉ၊ သီႉႁုၼ်ႇ ၶုၼ်​ႁေႃ​ၶမ်း​ ႁေႇသၽုၼ်ႇ တင်း​ ဢေႃႇၶႃႉ ၶုၼ်​ႁေႃ​ၶမ်း​ ပႃႇသၢၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ႁႂ်ႈ​လႆႈ​တိုၵ်း​တေႃး​ႁဝ်း​လႄႈ ႁဝ်း​တိုၵ်း​တေႃး​ယႃႉ​ပႅတ်ႈ​ၶဝ်​သေ​ယဝ်ႉ၊-</verse>
				<verse number="8">သိမ်း​ဢဝ်​မိူင်း​ၶဝ်​လႄႈ ပၼ်​တီႈ​မဵဝ်း​ ရူႉပိၼ်ႇ ၊ မဵဝ်း​ ၵၢတ်ႉ ၊ မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၼၼ်ႉ​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ ဢွၼ်​ၵၼ်​ပႂ်ႉ​ၸွမ်း​ၵႂၢမ်း​ပတီႉၺိၺ်ႇ​ၼႆႉ​သေ​လႄႈ ၵမ်​ၵျၢင်ႉ​ႁႂ်ႈ​သူ​လႆႈ​လီ​လႆႈ​ပဵၼ်​ၵႃႈ​ၼႂ်း​ၵႃႈ​ဢၼ်​သူ​ႁဵတ်း​ၼၼ်ႉ​တႃႉ။</verse>
				<verse number="10">သူ​ၸိူဝ်း​ၼႆႉ​ဢၼ်​ဝႃႈ ၵူၼ်း​ယႂ်ႇ​ၵူၼ်း​လူင်​သူ၊ မဵဝ်း​သူ​ၵူႈ​မဵဝ်း၊ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​သူ၊ ၶုၼ်​ဢရႃႇသီႉသူ၊ ၵူၼ်း​ၸၢႆး​မဵဝ်း​ ဢီႉသရေႇလႃႉ ​ၵႃႈ​မီး၊-</verse>
				<verse number="11">လုၵ်ႈ​ဢွၼ်ႇ​လၢင်း​ဢွၼ်ႇ​သူ၊ မေး​သူ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​မီး​ယူႇ​ၼႂ်း​တပ်ႉ​မႂ်း ၸႃႉ​ၸဵမ်​ၵေႃႉ​ဢၼ်​ၽၼ်း​ၽိုၼ်း တေႃႇ​ထိုင်​ႁွတ်ႈ​ၵေႃႉ​ဢၼ်​တဵၵ်း​ၼမ်ႉ​ၼၼ်ႉ​တင်း​သဵင်ႈ​တင်း​လူင် ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဝၼ်း​မိူဝ်ႈ​ၼႆႉ၊-</verse>
				<verse number="12">ႁႂ်ႈ​လႆႈ​ၶဝ်ႈ​ပႃး​ၵႃႈ​ၼႂ်း​ပတီႉၺိၺ်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢိၵ်ႇ​တင်း​ၵႃႈ​ၼႂ်း​သဵတ်ႈ​ၸႃႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ႁဵတ်း​လူၺ်ႈ​ၵၼ်​တင်း​မႂ်း​ဝၼ်း​မိူဝ်ႈ​ၼႆႉ​ၼၼ်ႉ၊-</verse>
				<verse number="13">ဢိၵ်ႇ​တင်း​ႁႂ်ႈ​မၼ်း​ၸဝ်ႈ လႆႈ​ဢဝ်​မႂ်း​ၶၢၼ်း​ဝႆႉ​ၵႃႈ​ၼႂ်း​ဢရႃႇ​မဵဝ်း​ၵူၼ်း​မၼ်း​ၸဝ်ႈ​ဝၼ်း​မိူဝ်ႈ​ၼႆႉ ဢိၵ်ႇ​တင်း​ႁႂ်ႈ​မၼ်း​ၸဝ်ႈ​လႆႈ​ပဵၼ်​ၽြႃး​ပဵၼ်​ၸဝ်ႈ​မႂ်း ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​လၢတ်ႈ​တီႈ​မႂ်း​မႃး​ယဝ်ႉ​ၼၼ်ႉ​လႄႈ တိူင်ႇ​ဝႃႈ​ဝႆႉ​တီႈ​ပေႃႈ​မႂ်း ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၸိူဝ်း​ၼၼ်ႉ​ဢေႃႈ။-</verse>
				<verse number="14">လိူဝ်​သေ​ၼၼ်ႉ ပတီႉၺိၺ်ႇ​ၼႆႉ​သဵတ်ႈ​ၸႃႇ​ၼႆႉ​ၸိုင် ၵဝ်​ႁဵတ်း​လူၺ်ႈ​ၵၼ်​တင်း​သူ​ၵူၺ်း​ဢမ်ႇ​ၵႃး၊-</verse>
				<verse number="15">ၵဝ်​ႁဵတ်း​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ၸုၵ်း​ယူႇ​ၵႃႈ​တီႈ​ၼႆႈ​ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ဝၼ်း​မိူဝ်ႈ​ၼႆႉ ဢိၵ်ႇ​တင်း​ၶဝ်​ၸိူဝ်း​ဢၼ်​ဢမ်ႇ​ပႃး​ၼႂ်း​ႁဝ်း​ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="16">သူ​ႁူႉ​လွင်ႈ​ဢၼ်​ႁဝ်း​လႆႈ​ယူႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ဢိၵ်ႇ​တင်း​လွင်ႈ​ဢၼ်​ႁဝ်း​ၸွမ်း​တၢင်း​ၽႃႇ​လတ်း​ၵႃႈ​ၼႂ်း​ၵူၼ်း​မဵဝ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢၼ်​သူ​ပူၼ်ႉ​မႃး​ယဝ်ႉ​ၼၼ်ႉ​ယူႇ​ဢေႃႈ။-</verse>
				<verse number="17">သူ​လႆႈ​ႁၼ်​ၶိူင်ႈ​ပိူင်​ဢၼ်​လီ​ႁင်ႈ​ဢဵတ်ႇ​သဵတ်ႇ​ၶဝ်​ဢၼ်​ဝႃႈ ရုၵ်ႈ​ထူႉ​ၶဝ်​ဢၼ်​ပဵၼ်​မႆႉ၊ ပဵၼ်​မၢၵ်ႇ​ႁိၼ်၊ ပဵၼ်​ၶမ်း​ပဵၼ်​ငိုၼ်း​လႄႈ မီး​ၵႃႈ​တီႈ​ၶဝ်​ၼၼ်ႉ​မႃး​ယဝ်ႉ။-</verse>
				<verse number="18">မီး​တီႈ​ဢၼ်​မႆႈ​ၸႂ်​လူၺ်ႈ​လွင်ႈ​ဢၼ် ၵူၼ်း​ၸၢႆး၊ ၵူၼ်း​ယိင်း၊ ပီႈ​ၼွင်ႉ၊ မဵဝ်း​ၸိူဝ်ႉ​ၶိူဝ်း​ၼႂ်း​သူ​ဢၼ်​မီး​ႁူဝ်​ၸႂ် ဢၼ်​ဝႄႈ​ပိူင်ႈ​သေ​ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ဝၼ်း​မိူဝ်ႈ​ၼႆႉ​သေ​လႄႈ ၵႂႃႇ​ႁဵတ်း​ဝၢတ်ႈ​တီႈ​ၽြႃး​ၵူၼ်း​မဵဝ်း​ၸိူဝ်း​ၼၼ်ႉ​ၼၼ်ႉ တၵ်း​ပႃး​ၵႃႈ​ၼႂ်း​သူ ဢိၵ်ႇ​တင်း​လွင်ႈ​ဢၼ်​ႁၢၵ်ႈ​တူၼ်ႈ​ဢၼ်​ၸၢင်ႈ​မၢၵ်ႇ​မၢၵ်ႇ​ဢၼ်​ၶူမ်​ၼႃႇ တင်း​မႂ်​ တေႃးၼႃႉ ​ၼၼ်ႉ တၵ်း​ဢွၵ်ႇ​မႃး​ၵႃႈ​ၼႂ်း​သူ၊-</verse>
				<verse number="19">တင်း​လွင်ႈ​ဢၼ် ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ တၵ်း​လၢတ်ႈ​ၵႃႈ​ၼႂ်း​ႁူဝ်​ၸႂ်​မၼ်း ၼႂ်း​မိူဝ်ႈ​ဢၼ်​မၼ်း​ငိၼ်း​ၵႂၢမ်း​တၢင်း​ဢၼ်​တိူင်ႇ​ဝႃႈ​ဝႆႉ​ၼၼ်ႉ​လႄႈ​ဝႃႈ၊ ပိၵ်ႉ​သမ်ႉ​ၵဝ်​ၵမ်​ၵျၢင်ႉ​ၸွမ်း​ၵႃႈ​ၼင်ႇ​ဢၼ်​ၸႂ်​ၵဝ်​ၵႅၼ်ႇ​ၶႅင်​ၼၼ်ႉ​လႄႈ ဢဝ်​တၢင်း​ဢၼ်​မဝ်း​လဝ်ႈ​ထၢပ်ႈ​ထႅင်ႈ​ၵႃႈ​ၼိူဝ် တၢင်း​ဢၼ်​ယၢၵ်ႇ​ၼမ်ႉ​ၼၼ်ႉ​သေ​ၵေႃႈ၊ ၵဝ်​တၵ်း​ၵတ်း​ယဵၼ်​ၶျၢမ်း​သႃႇ​ယူႇ​ဢေႃႈ၊ ဝႃႈ​ၼင်ႇ​ၼႆ​လႄႈ တူဝ်​ၸဝ်ႈ​ၵဝ်ႇ​တၵ်း​ပၼ်​တၢင်း​လီ​တီႈ​တူဝ်​ၸဝ်ႈ​ၵဝ်ႇ​ၼၼ်ႉ​ဢေႃႈ။-</verse>
				<verse number="20">ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် ထႃႇဝရႃႉ​ၽြႃး တၵ်း​ဢမ်ႇ​ပွႆႇ​လွတ်ႈ​ဢပႅတ်ႈ​လႃး​လႃး။ တၢင်း​ဢၼ်​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢိၵ်ႇ​တင်း​ၸႂ်​ၸဝ်ႈ​ဢၼ်​ယုမ်ႇ​ငၢႆႈ​လွင်ႈ​ဢၼ်​မီး​ဢပႅတ်ႈ​ၼၼ်ႉ တၵ်း​ဢွၵ်ႇ​ၵႂၼ်း​ၽႆး​ယူႇ​ၽၢႆႇ​ၼိုင်ႈ တင်း​ၵေႃႉ​ၼၼ်ႉ​လႄႈ ဢႃႉ​မင်ႇၵလႃႇ​ၵႃႈ​ဢၼ်​တႅမ်ႈ​သႂ်ႇ​ဝႆႉ​ၵႃႈ​ၼႂ်း​ၵျၢမ်း​လိၵ်ႈ​ၼႆႉ​တင်း​သဵင်ႈ​တင်း​လူင် တၵ်း​တႄႇ​ယူႇ​ၵႃႈ​ၼိူဝ်​ၵေႃႉ​ၼၼ်ႉ​ဢေႃႈ။ ထႃႇဝရႃႉ​ၽြႃး တၵ်း​မွတ်ႇ​ၸိုဝ်ႈ​သဵင်​ၵေႃႉ​ၼၼ်ႉ​ပႅတ်ႈ​သေ​ၵႃႈ​တႂ်ႈ​ၽႃႉ​ၵၢင်​ႁၢဝ်​ဢေႃႈ။-</verse>
				<verse number="21">ထႃႇဝရႃႉ​ၽြႃး​တၵ်း​ၽႄ​ဢဝ်​ၵေႃႉ​ၼၼ်ႉ​ဢွၵ်ႇ​သေ​ၵႃႈ​ၼႂ်း​မဵဝ်း​ ဢီႉသရေႇလႃႉ ၵူႈ​မဵဝ်း​လႄႈ ဝႆႉ​ပုၼ်ႈ​ဢၼ်​တၵ်း​ပၼ်​ဢပႅတ်ႈ​ၸွမ်း​ၵႃႈ​ၼင်ႇ​ဢႃႉ​မင်ႇၵလႃႇ​ပတီႉၺိၺ်ႇ ၵႃႈ​ဢၼ်​တႅမ်ႈ​သႂ်ႇ​ဝႆႉ​ၵႃႈ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ၼႆႉ​ၸိူဝ်း​ၼၼ်ႉ​ဢေႃႈ။-</verse>
				<verse number="22">လုၵ်ႈ​လၢင်း​မဵဝ်း​သူ ဢၼ်​တၵ်း​ပဵၼ်​မႃး​လိုၼ်း​သူ ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​လုၵ်ႉ​သေ​ၵႃႈ​တီႈ​ၵႆ​မႃး​ၸိူဝ်း​ၼၼ်ႉ တၵ်း​ဢွၼ်​ၵၼ်​တွင်ႈ​ထၢမ်​ၼႂ်း​မိူဝ်ႈ​ဢၼ် ၶဝ်​ႁၼ်​ၽေး​ဢူႉ​ပၢတ်ႈ​မိူင်း​ၼၼ်ႉ ဢိၵ်ႇ​တင်း​တၢင်း​ၶႆႈ​တၢင်း​ပဵၼ်​ဢၼ်​ထႃႇဝရႃႉ​ၽြႃး တၵ်း​ႁႂ်ႈ​ၶႆႈ​ႁႂ်ႈ​ပဵၼ်​ၸိူဝ်း​ၼၼ်ႉ၊-</verse>
				<verse number="23">တင်း​လွင်ႈ​ဢၼ်​မိူင်း​တၢင်ႇ​မိူင်း​ပဵၼ်​ၵၢၼ်ႉ​တင်း​ၵိူဝ်​ဢၼ်​ၽႆး​မႆႈ​ၼၼ်ႉ​ဝႆႉ​ၵူၺ်း​ၵူၺ်း​သေ​လႄႈ ဢမ်ႇ​ပဵၼ်​ၸိူဝ်ႉ​ပဵၼ်​ၽၼ်း၊ ဢမ်ႇ​မၢၵ်ႇ​မၢၵ်ႇ​မၼ်း​ႁူင်း​မၼ်း၊ တူၼ်ႈ​ယိူဝ်ႈ​တူၼ်ႈ​ယႃႇ​ဢမ်ႇ​ဢွၵ်ႇ​လႄႈ ပဵၼ်​ၸိူဝ်ႉ​ၼင်ႇ​တၢင်း​ဢၼ်​ၵိူၼ်ႇ​ပင်း​လူႉ​လႅဝ် ဝဵင်း​ သေႃးတုမ်ႇ ၊ ဝဵင်း​ ၵေႃးမေႃးရႃႉ ၊ ဝဵင်း​ ဢႃႇတမႃႇ ၊ ဝဵင်း​ ၸေႇၽူဝ်းဢိမ်း ဢၼ်​ထႃႇဝရႃႉ​ၽြႃး ပႃး​တင်း​တၢင်း​ၸႂ်​မႆႈ​ၶႆႈ​ၸႃႉ ဢိၵ်ႇ​တင်း​တၢင်း​ဢၼ်​တေႃး​သႃႉ​ဢွၵ်ႇ​လႄႈ ၶႂမ်ႈ​ပိၼ်ႈ​ပႅတ်ႈ​ၼၼ်ႉ။-</verse>
				<verse number="24">ၶဝ်​ဢၼ်​ဝႃႈ ၵူၼ်း​ၵူႈ​မဵဝ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​တွင်ႈ​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ထႃႇဝရႃႉ​ၽြႃး​ႁဵတ်း​ၸိူဝ်ႉ​ၼင်ႇ​ၼႆ​တီႈ​မိူင်း​ၼႆႉ​ၼင်ႇ​ႁိုဝ်။ ဢၢႆ​ႁႅင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ဢၼ်​ယႂ်ႇ​ၼႃႇ​လူင်​လၢင်​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">ပိူၼ်ႈ​တၵ်း​ၶိုၼ်း​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၶဝ်​ၼၼ်ႉ ၸုၼ်ႉ​ပႅတ်ႈ​ပတီႉၺိၺ်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​ၶဝ် ဢၼ်​မၼ်း​ၸဝ်ႈ​ႁဵတ်း​ဝႆႉ​လူၺ်ႈ​ၵၼ်​တင်း​ၶဝ် ၼႂ်း​မိူဝ်ႈ​ဢၼ်​မၼ်း​ၸဝ်ႈ​ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​သေ​လႄႈ၊-</verse>
				<verse number="26">ၵႂႃႇ​ႁဵတ်း​ဝၢတ်ႈ​ၵူဝ်း​ၵႂၢႆႇ​တီႈ​ၽြႃး​တၢင်ႇ​သူႇ​တၢင်ႇ​ပႃး ဢၼ်​ၶဝ်​ဢမ်ႇ​တွၼ်ႉ​ႁူႉ​တွၼ်ႉ​ၸႅင်ႈ၊ ဢၼ်​မၼ်း​ၸဝ်ႈ​ဢမ်ႇ​ပၼ်​တီႈ​ၶဝ်​ၼၼ်ႉ​လႄႈ၊-</verse>
				<verse number="27">တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​သႂ်ႇ​မိူင်း​ၼႆႉ​ႁႂ်ႈ​ဢႃႉ​မင်ႇၵလႃႇ ၵႃႈ​ဢၼ်​တႅမ်ႈ​သႂ်ႇ​ဝႆႉ​ၵႃႈ​ၼႂ်း​ၵျၢမ်း​လိၵ်ႈ​ၼႆႉ​ၸိူဝ်း​ၼၼ်ႉ​တူၵ်း​ႁွတ်ႈ​ၵႃႈ​ၼိူဝ်​မိူင်း​ၼႆႉ​သေ​ယဝ်ႉ၊-</verse>
				<verse number="28">ထႃႇဝရႃႉ​ၽြႃး​ပႃး​တင်း​တၢင်း​ဢၼ်​ၸႂ်​မႆႈ​ၶႆႈ​ၸႃႉ၊ တၢင်း​ဢၼ်​တေႃး​သႃႉ​ဢွၵ်ႇ တၢင်း​ဢၼ်​ၸႂ်​မႆႈ​ၸႂ်​လိူတ်ႇ​ဢၼ်​ႁၢဝ်ႈ​ပျၢင်း​ၼႃႇ ထွတ်ႇ​ထူၺ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ၶဝ်​လႄႈ ထိမ်ႈ​ပႅတ်ႈ​ၵႃႈ​ၼႂ်း​မိူင်း​တၢင်ႇ​တီႈ​တၢင်ႇ​လႅၼ် မိူၼ်​ၸိူဝ်ႉ​ၼင်ႇ​ဢၼ်​ပဵၼ်​ဝၼ်း​မိူဝ်ႈ​ၼႆႉ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">လွင်ႈ​တၢင်း​ဢၼ်​ဢမ်ႇ​ထၢင်ႇ​သႃး​ၸိူဝ်း​ၼၼ်ႉ ပဵၼ်​ပုၼ်ႈ​တႃႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ဢေႃႈ။ လွင်ႈ​တၢင်း​ဢၼ်​မၼ်း​ၸဝ်ႈ​ၽုၺ်ႇ​ဢွၵ်ႇ​ၼႄ​ပျႃး​ၸိူဝ်း​ၼၼ်ႉ ပဵၼ်​ပုၼ်ႈ​တႃႇ​ႁဝ်း ဢိၵ်ႇ​တင်း​လုၵ်ႈ​လၢင်း​ႁဝ်း​ယူႇ ၶိင်ႇ​ၵႃႇလႃႉ​တႃႇ​သေႇ​ဢမ်ႇ​ထၢတ်ႇ ႁႂ်ႈ​ႁဝ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ၵႂၢမ်း​ပိင်း​ၺၢပ်ႈ​တြႃး​ၼႆႉ တင်း​သဵင်ႈ​တင်း​လူင်​ဢေႃႈ။</verse>
			</chapter>
			<chapter number="30">
				<verse number="1">မိူဝ်ႈ​ဢၼ်​လွင်ႈ​တၢင်း​ၸိူဝ်း​ၼႆႉ​ၵႃႈ​မီး​ဢၼ်​ဝႃႈ တၢင်း​လီ​မင်ႇၵလႃႇ ဢိၵ်ႇ​တင်း​ဢႃႉ​မင်ႇၵလႃႇ တၢင်း​ဢၼ်​ၵိၼ်ႇ​ဢၼ်​ဝႃႈ ဢၼ်​ၵဝ်​ဝႆႉ​ၵႃႈ​တီႈ​ၽၢႆႇ​ၼႃႈ​မႂ်း​မႃး​ယဝ်ႉ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မႂ်း​လႄႈ မႂ်း​ယူႇ​ၵႃႈ​ၼႂ်း​မဵဝ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​တီႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢဝ်​မႂ်း​ႁေႃႈ​ဢွၵ်ႇ​ၸူး​ၸိူဝ်း​ၼၼ်ႉ​သေ​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​တၢင်း​ၸိူဝ်း​ၼၼ်ႉ​သေ​ယဝ်ႉ၊-</verse>
				<verse number="2">ၶိုၼ်း​မႃး​ၸူး​ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ မႂ်း​ဢိၵ်ႇ​တင်း​လုၵ်ႈ​လၢင်း​မႂ်း​တင်း​လၢႆ ဢွၼ်​ၵၼ်​ပႃး​တင်း​ၸႂ်​သဵင်ႈ​သဵင်ႈ တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ထွမ်ႇ​ဢဝ်​ၵႂၢမ်း​မၼ်း​ၸဝ်ႈ ၸွမ်း​ၵႃႈ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ယဝ်ႉ​ၼၼ်ႉ​ၸိုင်၊-</verse>
				<verse number="3">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​သမ်ႉ​ၶိုၼ်း​သိမ်း​ဢဝ်​မႂ်း​သေ​ၵႃႈ​ၼႂ်း​တၢင်း​ဢၼ်​သိမ်း​ဢဝ်​မႂ်း​ၵႂႃႇ​ၼၼ်ႉ​လႄႈ ဢဵတ်း​လူ​မႂ်း​သေ​ယဝ်ႉ၊ ၶိုၼ်း​မႃး​လႄႈ​သိမ်း​ဢဝ်​မႂ်း​သေ​ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​တီႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဢဝ်​မႂ်း​ၸၢတ်ႇ​ပိုၼ်​ပႅတ်ႈ​ၼၼ်ႉ​ဢေႃႈ။-</verse>
				<verse number="4">ပိၵ်ႉ​သမ်ႉ​ၵူၼ်း​မႂ်း​ၵမ်ႈ​ၽွင်ႈ လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႅတ်ႈ​တေႃႇ​ထိုင်​ႁွတ်ႈ​ၵႃႈ​တီႈ​ဢၼ်​ၵႆ​ၼႃႇ သေ​ပိုၼ်ႉ​တႂ်ႈ​ၽႃႉ​ၵၢင်​ႁၢဝ်​သေ​ၵေႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​သိမ်း​ဢဝ်​မႂ်း​သေ​ၵႃႈ​တီႈ​ၼၼ်ႈ​လႄႈ ဢဝ်​မႂ်း​ဢွၵ်ႇ​သေ​ၵႃႈ​တီႈ​ၼၼ်ႈ​မႃး​ဢေႃႈ။-</verse>
				<verse number="5">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​သမ်ႉ​ဢဝ်​မႂ်း​ၶိုၼ်း​မႃး​ၵႃႈ​ၼႂ်း​မိူင်း​ဢၼ်​ပူႇ​မႂ်း​မွၼ်ႇ​မႂ်း​ၶဝ်ႈ​ၸၢမ်ႇ​ၸႃး​ၼၼ်ႉ​လႄႈ မႂ်း​ၵေႃႈ​တၵ်း​လႆႈ​ၶဝ်ႈ​ၸၢမ်ႇ​ၸႃး​ဢေႃႈ။ မိူဝ်ႈ​ၼၼ်ႉ မၼ်း​ၸဝ်ႈ​တၵ်း​သမ်ႉ​ႁဵတ်း​ၵျေး​ၸူး​တီႈ​မႂ်း​လႄႈ ႁႂ်ႈ​မႂ်း​ယဵင်ႈ​ၶႅၼ်း​ယႂ်ႇ​ၽႄႈ​ၼမ်​ၵိုၼ်း​ၼႃႇ​လိူဝ်​တွၼ်း​သေ ပူႇ​မႂ်း​မွၼ်ႇ​မႂ်း​ၸိူဝ်း​ၼၼ်ႉ​ဢေႃႈ။-</verse>
				<verse number="6">မၼ်း​ၸဝ်ႈ​တၵ်း​ထိူဝ်​ႁိမ်း​ပၢႆ​ၼင်​ႁူဝ်​ၸႂ်​မႂ်း ဢိၵ်ႇ​တင်း​ႁူဝ်​ၸႂ်​ၸိူဝ်ႉ​ၶိူဝ်း​မႂ်း ႁႂ်ႈ​လႆႈ​ပႃး​တင်း​ၸႂ်​သဵင်ႈ​သဵင်ႈ ဢိၵ်ႇ​တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ႁၵ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ႁႂ်ႈ​ဢသၢၵ်ႈ​မႂ်း​လႆႈ​လိပ်း​ဢေႃႈ။-</verse>
				<verse number="7">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ႁႂ်ႈ​ဢႃႉ​မင်ႇၵလႃႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ၵႃႈ​မီး​ၸိူဝ်း​ၼႆႉ​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​ရၢၼ်ႇ​သူႇ​မႂ်း ဢိၵ်ႇ​တင်း​ၵႃႈ​ၼိူဝ်​ၶဝ်​ၸိူဝ်း​ဢၼ်​ၸင်း​မႂ်း​လႄႈ ၼိၵ်ႈ​ၸၢၵ်ႈ​ငႅၼ်း​သႄး​မႂ်း​ၸိူဝ်း​ၼၼ်ႉ​ဢေႃႈ။-</verse>
				<verse number="8">မႂ်း​တၵ်း​လႆႈ​ၶိုၼ်း​မႃး​လႄႈ​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး​သေ​လႄႈ ပႂ်ႉ​ၸွမ်း​ပိင်း​ၺၢပ်ႈ​ၸဝ်ႈ​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ​ဢေႃႈ။-</verse>
				<verse number="9">ပေႃး​မႂ်း​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ပႂ်ႉ​ၸွမ်း​ပိင်း​ၺၢပ်ႈ​ၸဝ်ႈ ဢိၵ်ႇ​တင်း​ထုင်း​ၽိင်ႈ​တြႃး​ၸဝ်ႈ ဢၼ်​တႅမ်ႈ​သႂ်ႇ​ဝႆႉ​ၵႃႈ​ၼႂ်း​ၵျၢမ်း​ပိင်း​ၺၢပ်ႈ​တီႉ​ၼႆႉ​ၸိူဝ်း​ၼၼ်ႉ၊ ပေႃး​မႂ်း​ပႃး​တင်း​ၸႂ်​သဵင်ႈ​သဵင်ႈ ဢိၵ်ႇ​တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ၶိုၼ်း​ၸူး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၸိုင်၊-</verse>
				<verse number="10">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ႁႂ်ႈ​မႂ်း​ပျေႉ​ၸုမ်ႇ​လိူင်ႇ​ၸႂ်​ၼႂ်း​ၵႃႈ​ဢၼ်​မႂ်း​ဢဝ်​မိုဝ်း​ႁဵတ်း​ၼၼ်ႉ ဢိၵ်ႇ​တင်း​ၼႂ်း​မၢၵ်ႇ​တွင်ႉ​တူဝ်​ၶၼ်ႇ​ထႃႇ​မႂ်း၊ မၢၵ်ႇ​တွင်ႉ​တရိၵ်ႈသၢၼ်ႇ​မႂ်း တင်း​မၢၵ်ႇ​လိၼ်​ႁူင်း​လိၼ်​မႂ်း​ၸိူဝ်း​ၼၼ်ႉ​ပုၼ်ႈ​ဢၵျူဝ်း​မႂ်း​ဢေႃႈ။ ထႃႇဝရႃႉ​ၽြႃး​တၵ်း​ၸူမ်း​သိူဝ်း​မူၼ်ႈ​ပျေႃႇ​ၼႂ်း​မႂ်း ပုၼ်ႈ​ဢၵျူဝ်း​မႂ်း​မိူၼ်​ၸိူဝ်ႉ​ၼင်ႇ​ဢၼ် မၼ်း​ၸဝ်ႈ​ၸူမ်း​သိူဝ်း​မူၼ်ႈ​ပျေႃႇ​ၼႂ်း​ပူႇ​မႂ်း​မွၼ်ႇ​မႂ်း​ၸိူဝ်း​ၼၼ်ႉ​ဢေႃႈ။</verse>
				<verse number="11">ပိင်း​ၺၢပ်ႈ​တြႃး​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ဝၼ်း​မိူဝ်ႈ​ၼႆႉ​ၼၼ်ႉ ပဵၼ်​တြႃး​ဢၼ်​မႂ်း​ဢမ်ႇ​ႁူႉ​ၸႅင်ႈ​လႆႈ​ဢမ်ႇ​ၸႂ်ႈ။ ၵႆ​ၵၼ်​တင်း​မႂ်း​ဢမ်ႇ​ၸႂ်ႈ။-</verse>
				<verse number="12">မီး​ၵႃႈ​တီႈ​ၵၢင်​ႁၢဝ်​ပုၼ်ႈ​ႁႂ်ႈ​မႂ်း​ထၼ်ႈ​ပေႃး​လႆႈ​တွင်ႈ​ထၢမ်​လႄႈ​ဝႃႈ၊ ၽူႈ​လႂ်​တၵ်း​ၶိုၼ်ႈ​ၵႃႈ​ၼိူဝ်​ၵၢင်​ႁၢဝ်​သေ​လႄႈ ဢဝ်​တြႃး​ၼၼ်ႉ​မႃး​ၵႃႈ​တီႈ​ႁဝ်း​ႁႂ်ႈ​ႁဝ်း​လႆႈ​ထွမ်ႇ​ဢဝ်​ပႂ်ႉ​ၵမ်​ပႂ်ႉ​ၸွမ်း၊ ဝႃႈ​ၼင်ႇ​ၼႆ​ၼၼ်ႉ​ဢမ်ႇ​ၸႂ်ႈ။-</verse>
				<verse number="13">မီး​ၵႃႈ​တီႈ​ၽၢႆႇ​ပုၼ်ႉ​ပၢင်ႇ​လၢႆႇ ႁႂ်ႈ​မႂ်း​ထၼ်ႈ​ပေႃး​လႆႈ​တွင်ႈ​ထၢမ်​လႄႈ​ဝႃႈ၊ ၽူႈ​လႂ်​တၵ်း​ၶၢမ်ႈ​ပၢင်ႇ​လၢႆႇ​ၵႂႃႇ​သေ​လႄႈ​ဢဝ်​တြႃး​ၼၼ်ႉ​မႃး​ၵႃႈ​တီႈ​ႁဝ်း ႁႂ်ႈ​ႁဝ်း​လႆႈ​ထွမ်ႇ​ဢဝ်​လႄႈ​ပႂ်ႉ​ၸွမ်း၊ ဝႃႈ​ၼင်ႇ​ၼႆ​ၼၼ်ႉ​ဢမ်ႇ​ၸႂ်ႈ။-</verse>
				<verse number="14">တြႃး​ၸဝ်ႈ​ၼၼ်ႉ မီး​ၸမ်​ၵၼ်​တင်း​မႂ်း​ၼႃႇ​လူင်​လၢင်​လႄႈ မီး​ယူႇ​ၵႃႈ​ၼႂ်း​သူပ်း​မႂ်း ဢိၵ်ႇ​တင်း​ၵႃႈ​ၼႂ်း​ႁူဝ်​ၸႂ်​မႂ်း ပုၼ်ႈ​ဢၼ်​မႂ်း​တၵ်း​ပႂ်ႉ​ၵမ်​ပႂ်ႉ​ၸွမ်း​ဢေႃႈ။-</verse>
				<verse number="15">တူၺ်း​လူး၊ ၵဝ်​ဢဝ်​တၢင်း​ဢၼ်​ဢသၢၵ်ႈ​လိပ်း​တင်း​တၢင်း​ဢၼ်​ၵတ်း​ယဵၼ်​ၶျၢမ်း​သႃႇ ဢိၵ်ႇ​တင်း​တၢင်း​ဢၼ်​တၢႆ တင်း​တၢင်း​ဢၼ်​တုၵ်ႉ​ၶႃႉ​ၶၢၼ်​ၸႂ်​ဝႆႉ​ၵႃႈ​တီႈ​ၽၢႆႇ​ၼႃႈ​မႂ်း​ဝၼ်း​မိူဝ်ႈ​ၼႆႉ​ယဝ်ႉ။-</verse>
				<verse number="16">လွင်ႈ​ၼင်ႇ​ႁိုဝ်​မႂ်း​တၵ်း​ဢသၢၵ်ႈ​လိပ်း​လႄႈ ယႂ်ႇ​ၽႄႈ​ၼမ်​ၵိုၼ်း​မႃး ဢိၵ်ႇ​တင်း​လွင်ႈ​ၼင်ႇ​ႁိုဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ပၼ်​တၢင်း​လီ​တီႈ​မႂ်း​ၵႃႈ​ၼႂ်း​မိူင်း​ဢၼ်​မႂ်း​တၵ်း​ၵႂႃႇ​လႄႈ ၸၢမ်ႇ​ၸႃး​ၼၼ်ႉ​ၸိုင်၊ ၵဝ်​သင်ႇ​လၢတ်ႈ​ဝႆႉ​တီႈ​မႂ်း​လႄႈ​ဝႃႈ၊ ႁၵ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​သေ​လႄႈ ၸွမ်း​သဵၼ်ႈ​တၢင်း​မၼ်း​ၸဝ်ႈ​လႄႈ ပႂ်ႉ​ၵမ်​ပႂ်ႉ​ၵျၢင်ႉ​ပိင်း​ၺၢပ်ႈ​မၼ်း​ၸဝ်ႈ ဢိၵ်ႇ​တင်း​ထုင်း​ၽိင်ႈ​တြႃး​မၼ်း​ၸဝ်ႈ တင်း​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ပေႃး​ဢမ်ႇ​ၼၼ် ပေႃး​ႁူဝ်​ၸႂ်​မႂ်း​ပိူင်ႈ​ၵႂႃႇ​သေ​လႄႈ မႂ်း​ယင်း​ဢမ်ႇ​ထွမ်ႇ​ဢမ်ႇ​ဢဝ်​လႄႈ ၸွမ်း​တၢင်း​ဢၼ်​ပိူၼ်ႈ​တိုၵ်း​ယူင်း​ၸူဝ်း​ဢဝ်​ၼၼ်ႉ​သေ​လႄႈ ႁဵတ်း​ဝၢတ်ႈ​ၵူဝ်း​ၵႂၢႆႇ​ၽြႃး​တၢင်ႇ​သူႇ​တၢင်ႇ​ပႃး​ၸိုင်၊-</verse>
				<verse number="18">ၵဝ်​ပၼ်​သတီႉ​တီႈ​သူ​ဝၼ်း​မိူဝ်ႈ​ၼႆႉ လွင်ႈ​ဢၼ်​သူ​တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢမၢၼ်ႇ​ၶၼ်​ပဵၼ်​လႄႈ ၸူဝ်ႈ​ဢသၢၵ်ႈ​သူ တၵ်း​ဢမ်ႇ​ယၢဝ်း​ဢမ်ႇ​ယိုၼ်း​ၵႃႈ​ၼႂ်း​မိူင်း​ဢၼ်​မႂ်း​တၵ်း​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၵႂႃႇ​လႄႈ ၶဝ်ႈ​ၸၢမ်ႇ​ၸႃး​ၼၼ်ႉ​ဢေႃႈ။-</verse>
				<verse number="19">ၵဝ်​ဢဝ်​ၵၢင်​ႁၢဝ်​တင်း​လိၼ်​မိူင်း​တိူင်ႇ​ဝႃႈ​ယူႇ​ၽၢႆႇ​ၼိုင်ႈ​တင်း​မႂ်း လူၺ်ႈ​လွင်ႈ​ဢၼ်​ၵဝ်​ဢဝ်​တၢင်း​ဢၼ်​ဢသၢၵ်ႈ​လိပ်း၊ တၢင်း​ဢၼ်​တၢႆ၊ တၢင်း​ဢၼ်​ပၼ်​တၢင်း​လီ၊ တၢင်း​ဢၼ်​ၵိၼ်ႇ​ဢၼ်​ဝႃႈ ဝႆႉ​ၵႃႈ​တီႈ​ၽၢႆႇ​ၼႃႈ​မႂ်း​ၼၼ်ႉ​ဢေႃႈ။-</verse>
				<verse number="20">ပိူဝ်ႈ​ၼႆ​လႄႈ မႂ်း​လိူၵ်ႈ​ၵဵပ်း​ဢဝ်​တၢင်း​ဢၼ်​ဢသၢၵ်ႈ​လိပ်း ႁႂ်ႈ​မႂ်း​ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​လႆႈ​ဢသၢၵ်ႈ​လိပ်း​ယူႇ​သေ​လႄႈ ႁၵ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ထွမ်ႇ​ဢဝ်​ၵႂၢမ်း​မၼ်း​ၸဝ်ႈ​လႄႈ ႁွႆႈ​ၸပ်း​ယူႇ​တီႈ​မၼ်း​ၸဝ်ႈ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ပဵၼ်​တၢင်း​ဢၼ်​မႂ်း​ဢသၢၵ်ႈ​လိပ်း တင်း​တၢင်း​ဢၼ်​ၸူဝ်ႈ​ဢသၢၵ်ႈ​မႂ်း​ယၢဝ်း​ယိုၼ်း​ၼၼ်ႉ ဢိၵ်ႇ​တင်း​ႁႂ်ႈ​မႂ်း​လႆႈ​ယူႇ​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​မႂ်း ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၸိူဝ်း​ၼၼ်ႉ​လႄႈ​ဝႃႈ၊ တၵ်း​ပၼ်​တီႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="31">
				<verse number="1">မူဝ်းသေႇ ​သမ်ႉ​ၵႂႃႇ​လႄႈ ႁေႃး​လၢတ်ႈ​ၵႂၢမ်း​ၸိူဝ်း​ၼႆႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ​ဝႃႈ​ၸမ်ႉ၊-</verse>
				<verse number="2">ၵဝ်​ၼႆႉ​ဢသၢၵ်ႈ​တဵမ်​ပၢၵ်ႇ​ပၢႆ​သၢဝ်း​ပီႊ​ဝၼ်း​မိူဝ်ႈ​ၼႆႉ​ယဝ်ႉ။ ၵမ်း​လိုၼ်း​ၵဝ်​ဢမ်ႇ​တၢတ်ႈ​ၼိူင်ႇ​ႁႂ်ႈ​လႆႈ​ၶဝ်ႈ​ဢွၵ်ႇ​ၵႃႈ​တီႈ​ၽၢႆႇ​ၼႃႈ​သူ​လႆႈ​ယဝ်ႉ။ ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ၵဝ်​လႄႈ​ဝႃႈ၊ မႂ်း​ဢမ်ႇ​လႆႈ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၼႆ၊ ဝႃႈ​ၼင်ႇ​ၼႆ​ဝႆႉ​ယဝ်ႉ။-</verse>
				<verse number="3">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ဢွၼ်​ႁူဝ်​မႂ်း​ၶၢမ်ႈ​ၵႂႃႇ​လႄႈ ယႃႉ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၸိူဝ်း​ၼၼ်ႉ​ပႅတ်ႈ​သေ​ယဝ်ႉ၊ မႂ်း​တၵ်း​လႆႈ​ၶဝ်ႈ​ၸၢမ်ႇ​ၸႃး​တီႈ​ယူႇ​ၶဝ်​ဢေႃႈ။ ယေႃးသူႉ ​ၵေႃႈ တၵ်း​လႆႈ​ဢွၼ်​ႁူဝ်​မႂ်း​ၵႂႃႇ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ၼၼ်ႉ​ဢေႃႈ။-</verse>
				<verse number="4">ထႃႇဝရႃႉ​ၽြႃး​တၵ်း​ႁဵတ်း​တီႈ​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် မၼ်း​ၸဝ်ႈ​ႁဵတ်း​တီႈ​ သီႉႁုၼ်ႇ တင်း​ ဢေႃႇၶႃႉ ၶုၼ်​ႁေႃ​ၶမ်း​ ဢႃႇမေႃးရီႉ ​ၸိူဝ်း​ၼၼ်ႉ ဢိၵ်ႇ​တင်း​တီႈ​မိူင်း​ၶဝ်​ဢၼ်​မၼ်း​ၸဝ်ႈ​ယႃႉ​ပႅတ်ႈ​ၼၼ်ႉ​ဢေႃႈ။-</verse>
				<verse number="5">ထႃႇဝရႃႉ​ၽြႃး​တၵ်း​ဢဝ်​ၶဝ်​ဢၢပ်ႈ​ပၼ်​တီႈ​သူ​လႄႈ သူ​တၵ်း​လႆႈ​ႁဵတ်း​တီႈ​ၶဝ်​ၸွမ်း​ၵႃႈ​ၼင်ႇ​ပိင်း​ၺၢပ်ႈ ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​သူ​ၼၼ်ႉ​ဢေႃႈ။-</verse>
				<verse number="6">ဢဝ်​ႁႅင်း​လႄႈ​မီး​တၢင်း​ဢၼ်​ႁတ်း​ႁၢၼ်​တႃႉ။ ယႃႇ​ပေ​မႆႈ​ၸႂ်။ ယႃႇ​ပေ​ၵူဝ်​ႁႄ​ၶဝ်။ တူဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ၵႂႃႇ​လူၺ်ႈ​ၵၼ်​တင်း​မႂ်း​ဢေႃႈ။ မၼ်း​ၸဝ်ႈ​တၵ်း​ဢမ်ႇ​ၸုၼ်ႉ​မႂ်း​ပႅတ်ႈ၊ တၵ်း​ဢမ်ႇ​ပႅတ်ႈ​မႂ်း​ဝႆႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မူဝ်းသေႇ ​သမ်ႉ ႁွင်ႉ​ဢဝ်​ ယေႃးသူႉ ​သေ​လႄႈ လၢတ်ႈ​တီႈ​မၼ်း​သိုဝ်ႈ​ၼႃႈ​တႂ်ႈ​တႃ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ​ဝႃႈ၊ ဢွၼ်​ၵၼ်​ဢဝ်​ႁႅင်း​လႄႈ​မီး​တၢင်း​ဢၼ်​ႁတ်း​ႁၢၼ်​တႃႉ။ လွင်ႈ​မၼ်း​ၸမ်ႉ မႂ်း​တၵ်း​လႆႈ​ၵႂႃႇ​လူၺ်ႈ​ၵၼ်​တင်း ၵူၼ်း​တင်း​လၢႆ​ၸိူဝ်း​ၼႆႉ​ၶဝ်ႈ​ၵႃႈ​ၼႂ်း​မိူင်း​ဢၼ်​ထႃႇဝရႃႉ​ၽြႃး တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​ၶဝ်​လႄႈ​ဝႃႈ တၵ်း​ပၼ်​တီႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ ႁႂ်ႈ​ၶဝ်​လႆႈ​ၶၢမ်ႇ​ဢမူၺ်ႇ​ဢေႃႈ။-</verse>
				<verse number="8">တူဝ်​ထႃႇဝရႃႉ​ၽြႃး တၵ်း​ဢွၼ်​ႁူဝ်​မႂ်း​ၵႂႃႇ​လႄႈ မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။ မၼ်း​ၸဝ်ႈ​တၵ်း​ဢမ်ႇ​ၸုၼ်ႉ​မႂ်း​ပႅတ်ႈ၊ တၵ်း​ဢမ်ႇ​ပႅတ်ႈ​မႂ်း​ဝႆႉ၊ ယႃႇ​ပေ​မႆႈ​ၸႂ်၊ ယႃႇ​ပေ​ၸႂ်​လူႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မူဝ်းသေႇ ​တႅမ်ႈ​ပိင်း​ၺၢပ်ႈ​တြႃး​ၼႆႉ​ဝႆႉ​လႄႈ ဢဝ်​ဢၢပ်ႈ​ပၼ်​တီႈ​ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ဢၼ်​ႁၢပ်ႇ​တိူၵ်ႈ​ပတီႉၺိၺ်ႇ​ထႃႇဝရႃႉ​ၽြႃး​ၼၼ်ႉ​ၸိူဝ်း​ၼၼ်ႉ ဢိၵ်ႇ​တင်း​တီႈ​ၵႃႈ​ပဵၼ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​သေ​လႄႈ၊-</verse>
				<verse number="10">မူဝ်းသေႇ ​သင်ႇ​လၢတ်ႈ​ဝႆႉ​လႄႈ​ဝႃႈ​ၸမ်ႉ၊ ၼႂ်း​တီႈ​သုတ်း​ၸဵတ်း​ပီႊ မိူဝ်ႈ​ဢၼ်​ႁွတ်ႈ​ထိုင်​ပီႊ​ဢၼ်​ၶၢၼ်း​ဝႆႉ ႁႂ်ႈ​လႆႈ​ပွႆႇ​ၶႃႈ​လွတ်ႈ၊ ၶိင်ႇ​ဢၼ်​ၶၢမ်ႇ​ပွႆး​ႁဵတ်း​သုမ်ႉ​ထဵင်​ၼၼ်ႉ၊-</verse>
				<verse number="11">မိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢွၼ်​ၵၼ်​မႃး​ႁႂ်ႈ​လႆႈ​ၼႄ​ပျႃး​တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼႂ်း​တီႈ​ဢၼ်​မၼ်း​ၸဝ်ႈ​တၵ်း​လိူၵ်ႈ​ၵဵပ်း​ဢဝ်​ၼၼ်ႉ​ၸိုင် မႂ်း​တၵ်း​လႆႈ​ၽတ်း​ပိင်း​ၺၢပ်ႈ​တြႃး​ၼႆႉ​ၵႃႈ​တီႈ​ၽၢႆႇ​ၼႃႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ႁႂ်ႈ​ၶဝ်​လႆႈ​ငိၼ်း​ဢေႃႈ။-</verse>
				<verse number="12">ႁႂ်ႈ​ၵူၼ်း​တင်း​လၢႆ​ဢၼ်​ဝႃႈ​ၵူၼ်း​ၸၢႆး၊ ၵူၼ်း​ယိင်း၊ လုၵ်ႈ​ဢွၼ်ႇ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​ၽၵ်း​တူ​မႂ်း​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​ႁႂ်ႈ​ၶဝ်​လႆႈ​ငိၼ်း​လႄႈ​သွၼ်​ဢဝ်​သေ​ယဝ်ႉ၊ ၵူဝ်​ႁႄ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ပႂ်ႉ​ၸွမ်း​ၵမ်​ၵျၢင်ႉ​ၵႂၢမ်း​ပိင်း​ၺၢပ်ႈ​တြႃး​ၼႆႉ​တင်း​သဵင်ႈ​တင်း​မူတ်း၊-</verse>
				<verse number="13">ဢိၵ်ႇ​တင်း​ႁႂ်ႈ​လုၵ်ႈ​ဢွၼ်ႇ​ၶဝ် ဢၼ်​ဢမ်ႇ​ပႆႇ​ႁူႉ​ပႆႇ​ၸႅင်ႈ​ၸိူဝ်း​ၼၼ်ႉ​လႆႈ​ငိၼ်း​လႄႈ သွၼ်​ဢဝ်​ႁႂ်ႈ​လႆႈ​ၵူဝ်​လႆႈ​ႁႄ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ယူႇ ၸူဝ်ႈ​ဢၼ်​သူ​ယင်း​ယူႇ​ၵႃႈ​တီႈ​မိူင်း​ဢၼ်​သူ​တၵ်း​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​သေ​လႄႈ ၶဝ်ႈ​ၸၢမ်ႇ​ၸႃး​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၶိင်ႇ​မိုဝ်ႉ​ဝၼ်း​ဢၼ်​မႂ်း​တၵ်း​လႆႈ​တၢႆ​ၼၼ်ႉ​ၸမ်​မႃး​ယဝ်ႉ။ ႁွင်ႉ​ဢဝ်​ ယေႃးသူႉ ​လႄႈ သွင်​ၶိူဝ်​ဢွၼ်​ၵၼ်​မႃး​ၵႃႈ​တီႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ ႁႂ်ႈ​ၵဝ်​လႆႈ​သင်ႇ​လၢတ်ႈ​ဝႆႉ​တီႈ​မၼ်း​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မူဝ်းသေႇ ​တင်း​ ယေႃးသူႉ ဢွၼ်​ၵၼ်​ၵႂႃႇ​လႄႈ​ၶဝ်ႈ​ၵႃႈ​ၼႂ်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="15">ထႃႇဝရႃႉ​ၽြႃး​ဢဝ်​သဝ်​မွၵ်ႇ​ၵုမ်ႈ​ထၢင်ႇ​သႃး​မႃး​ၵႃႈ​ၼႂ်း​မူဝ်းၵႃႇ​ၸဝ်ႈ​လႄႈ သဝ်​မွၵ်ႇ​ၵုမ်ႈ​ၼၼ်ႉ​တႄႇ​ယူႇ​ၵႃႈ​ၼိူဝ်​ၽၵ်း​တူ​မူဝ်းၵႃႇ​ၸဝ်ႈ​ဢေႃႈ။-</verse>
				<verse number="16">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ မႂ်း​တၵ်း​လႆႈ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မႂ်း​ၸိူဝ်း​ၼၼ်ႉ​ဢေႃႈ။ ၵူၼ်း​မဵဝ်း​ၼႆႉ​တၵ်း​လုၵ်ႉ​လႄႈ ၽိတ်း​ပိူင်ႈ​လူၺ်ႈ​ၵၼ်​တင်း​ၽြႃး ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ပဵၼ်​ၵႃႈ​တီႈ​မိူင်း​ဢၼ်​ၶဝ်​တၵ်း​ၵႂႃႇ​ႁႂ်ႈ​လႆႈ​ယူႇ​လူၺ်ႈ​ၵၼ်​တင်း​ၶဝ်​ၼၼ်ႉ​ၸိူဝ်း​ၼၼ်ႉ​လႄႈ ၸုၼ်ႉ​ၵဝ်​ပႅတ်ႈ​သေ​လႄႈ ယႃႉ​ပတီႉၺိၺ်ႇ​တြႃး ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​ၶဝ်​ဝႆႉ​ၼၼ်ႉ​ပႅတ်ႈ​ဢေႃႈ။-</verse>
				<verse number="17">ဝၼ်း​မိူဝ်ႈ​ၼၼ်ႉ တၢင်း​ၸႂ်​မႆႈ​ၶႆႈ​ၸႃႉ​ၵဝ်​တၵ်း​ဢွၵ်ႇ​လႄႈ ၵဝ်​တၵ်း​ၸုၼ်ႉ​ၶဝ်​ပႅတ်ႈ​ဢေႃႈ။ ၵဝ်​တၵ်း​ဝၢႆႇ​ၼႃႈ​ပႅတ်ႈ​ၶဝ်​ဢေႃႈ။ ၶဝ်​ၼၼ်ႉ​တၵ်း​လူႉ​လႅဝ်​လႄႈ ၽေး​တၢမ်ႇ​ရၢၼ်ႇ​မၼ်း​ၼမ်​ၼႃႇ​တၵ်း​တူၵ်း​ႁွတ်ႈ​ၵႃႈ​ၼိူဝ်​ၶဝ်​ဢေႃႈ။ ဝၼ်း​မိူဝ်ႈ​ၼၼ်ႉ ၶဝ်​တၵ်း​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၽြႃး​ပဵၼ်​ၸဝ်ႈ​ႁဝ်း​ဢမ်ႇ​မီး​ၵႃႈ​ၼႂ်း​ႁဝ်း​လႄႈ ၽေး​တၢမ်ႇ​ၸိူဝ်း​ၼႆႉ​ႁွတ်ႈ​ထိုင်​ၵႃႈ​ၼိူဝ်​ႁဝ်း​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၵွပ်ႈ​ပိူဝ်ႈ​တူႉ​ၸရိူၵ်ႈ​ၵႃႈ​ဢၼ်​ၶဝ်​ႁဵတ်း​လႄႈ ဝႄႈ​ပိူင်ႈ​ၵႂႃႇ​ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ​လႄႈ၊ ဝၼ်း​မိူဝ်ႈ​ၼၼ်ႉ ၵဝ်​တၵ်း​ဝၢႆႇ​ၼႃႈ​ၵဝ်​ပႅတ်ႈ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="19">တေႃႈ​လဵဝ်​ၼႆႉ တႅမ်ႈ​တၢင်း​ဢၼ်​ႁဵတ်း​ၵႂၢမ်း​ထမ်ႇမႃႉ​ၼႆႉ​ဝႆႉ​ပုၼ်ႈ​သူ​လႄႈ ဢဝ်​သွၼ်​ပၼ်​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​တႃႉ။ ၵႂၢမ်း​ဢၼ်​ႁဵတ်း​ၼႆႉ​ၼၼ်ႉ​ၸိုင်၊ ဢဝ်​ႁႂ်ႈ​ၶဝ်​ဢူမ်​သူပ်း​ဝႆႉ ႁႂ်ႈ​လႆႈ​ပဵၼ်​သၢၵ်ႈ​သေႇ​ပုၼ်ႈ​ၵဝ်​ယူႇ​ၽၢႆႇ​ၼိုင်ႈ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​တႃႉ။-</verse>
				<verse number="20">လွင်ႈ​မၼ်း​ၸမ်ႉ မိူဝ်ႈ​ဢၼ်​ၵဝ်​ဢဝ်​ၶဝ်​သႂၢင်း​ၶဝ်ႈ​ၵႃႈ​ၼႂ်း​မိူင်း​ဢၼ်​ၵဝ်​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​ၶဝ် ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ​လႆ​ယူႇ​ၼၼ်ႉ​သေ​လႄႈ ၶဝ်​လႆႈ​ၵိၼ်​ဢိမ်ႇ​ၵိၼ်​တဵမ်​သေ​ယဝ်ႉ၊ ပီး​မၼ်း​မႃး​ၼၼ်ႉ​ၸိုင်၊ ၶဝ်​တၵ်း​ဝႄႈ​ပိူင်ႈ​ၵႂႃႇ​ၸူး​ၽြႃး​တၢင်ႇ​သူႇ​တၢင်ႇ​ပႃး​လႄႈ ႁဵတ်း​ဝၢတ်ႈ​ၵူဝ်း​ၵႂၢႆႇ​ဢေႃႈ။ တၵ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၵဝ်​လႄႈ ယႃႉ​ပတီႉၺိၺ်ႇ​တြႃး​ၵဝ်​ပႅတ်ႈ​ဢေႃႈ။-</verse>
				<verse number="21">မိူဝ်ႈ​ဢၼ်​ၽေး​တၢမ်ႇ​ရၢၼ်ႇ​မၼ်း​ၼမ်​ၼႃႇ တူၵ်း​ႁွတ်ႈ​ၵႃႈ​ၼိူဝ်​ၶဝ်​ၼၼ်ႉ​ၸိုင် ၵႂၢမ်း​ဢၼ်​ႁဵတ်း​ၼႆႉ​ၼၼ်ႉ တၵ်း​ၶၢမ်ႇ​သၢၵ်ႈ​သေႇ​ယူႇ​ၵႃႈ​တီႈ​ၽၢႆႇ​ၼႃႈ​ၶဝ်​ဢေႃႈ။ ၸိူဝ်ႉ​ၶိူဝ်း​ၶဝ်​ၼၼ်ႉ ဢမ်ႇ​လႆႈ​လူင်​လႆႈ​လိုမ်း​တၢင်း​ဢၼ်​ဢူမ်​သူပ်း​ဝႆႉ​ၼၼ်ႉ။ တေႃႈ​လဵဝ်​ၼႆႉ ၸဵမ်​မိူဝ်ႈ​ၸူဝ်ႈ​ဢၼ် ၵဝ်​ဢမ်ႇ​ပႆႇ​ဢဝ်​ၶဝ်​သႂၢင်း​ၶဝ်ႈ​ၵႃႈ​ၼႂ်း​မိူင်း​ဢၼ်​ၵဝ်​တိူင်ႇ​ဝႃႈ​ဝႆႉ​ၼၼ်ႉ​ၸိုင်၊ ၵဝ်​ႁူႉ​တၢင်း​ၵျၢမ်ႇ​တၢင်း​ပွင်​ဢၼ်​ၶဝ်​ၵျၢမ်ႇ​ပွင်​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၼင်ႇ​ၼၼ်​လႄႈ မူဝ်းသေႇ ​တႅမ်ႈ​တၢင်း​ဢၼ်​ႁဵတ်း​ၵႂၢမ်း​ထမ်ႇမႃႉ​ၼႆႉ​ဝႆႉ ၼႂ်း​ဝၼ်း​ၼၼ်ႉ​ၵမ်း​လဵဝ်​လႄႈ သွၼ်​ပၼ်​တီႈ​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="23">မၼ်း​ၸဝ်ႈ​သမ်ႉ​သင်ႇ​လၢတ်ႈ​ဝႆႉ​တီႈ​ ယေႃးသူႉ လုၵ်ႈ​ၸၢႆး​ ၼုၼ်ႇ ​ၼၼ်ႉ​လႄႈ​ဝႃႈ၊ ဢဝ်​ႁႅင်း​လႄႈ​မီး​တၢင်း​ဢၼ်​ႁတ်း​ႁၢၼ်​တႃႉ။ မႂ်း​တၵ်း​လႆႈ​ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သႂၢင်း​ၶဝ်ႈ​ၵႃႈ​ၼႂ်း​မိူင်း​ဢၼ်​ၵဝ်​တိူင်ႇ​ဝႃႈ​ဝႆႉ​ၼၼ်ႉ​ဢေႃႈ။ ၵဝ်​တၵ်း​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မိူဝ်ႈ​ဢၼ်​ မူဝ်းသေႇ ​တႅမ်ႈ​ၵႂၢမ်း​ပိင်း​ၺၢပ်ႈ​တြႃး​ၼႆႉ​ဝႆႉ ၵႃႈ​ၼႂ်း​လိၵ်ႈ​ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊-</verse>
				<verse number="25">မူဝ်းသေႇ ​သင်ႇ​လၢတ်ႈ​ဝႆႉ​တီႈ​ၵူၼ်း​မဵဝ်း​ လေႇဝီႉ ဢၼ်​ႁၢပ်ႇ​တိူၵ်ႈ​ပတီႉၺိၺ်ႇ​ထႃႇဝရႃႉ​ၽြႃး​ၼၼ်ႉ​ၸိူဝ်း​ၼၼ်ႉ​လႄႈ​ဝႃႈ၊-</verse>
				<verse number="26">ဢဝ်​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ၼႆႉ တၢင်ႇ​ဝႆႉ​ၵႃႈ​ႁိမ်း​တိူၵ်ႈ​ပတီႉၺိၺ်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ႁႂ်ႈ​ပဵၼ်​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​မႂ်း​တႃႉ။-</verse>
				<verse number="27">ၵဝ်​ႁူႉ​လွင်ႈ​ဢၼ်​မႂ်း​မီး​သၽေႃး​ဢၼ်​ၸၢင်ႈ​ပုင်ႇ​ၵၢၼ်ႇ၊ သၽေႃး​ဢၼ်​လမ်း​ၶေႃး​ၵႅၼ်ႇ​ၶႅင်​ၼၼ်ႉ​ယူႇ​ဢေႃႈ။ တူၺ်း​လူး၊ တေႃႈ​ၵႃႈ​ၼႂ်း​မိူဝ်ႈ​ဢၼ်​ၵဝ်​ယင်း​တိုၵ်ႉ​ဢသၢၵ်ႈ​လိပ်း​လႄႈ​ယူႇ​လူၺ်ႈ​ၵၼ်​တင်း​သူ​ယူႇ​ဝၼ်း​မိူဝ်ႈ​ၼႆႉ သူ​ပုင်ႇ​ၵၢၼ်ႇ​ထႃႇဝရႃႉ​ၽြႃး​ယဝ်ႉ။ လိုၼ်း​ဢၼ်​ၵဝ်​တၢႆ​သေ​ယဝ်ႉ​ၼၼ်ႉ၊ သူ​တၵ်း​ယဵင်ႈ​ၶႅၼ်း​ႁဵတ်း​လိူဝ်​တွၼ်း​ၼႃႇ​သေ​ၼၼ်ႉ​လူး​ၵွၼ်ႇ​ဢေႃႈ။-</verse>
				<verse number="28">ႁႂ်ႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၵႃႈ​ၼႂ်း​မဵဝ်း​သူ​ၵူႈ​မဵဝ်း ဢိၵ်ႇ​တင်း​ၶုၼ်​ဢရႃႇသီႉသူ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​ၵႃႈ​တီႈ​ၵဝ်​ၼႆႉ ႁႂ်ႈ​ၵဝ်​လႆႈ​ဢဝ်​ၵႂၢမ်း​ၸိူဝ်း​ၼႆႉ​ႁေႃး​လၢတ်ႈ​ထိုင်​ႁူ​ၶဝ်​လႄႈ ႁွင်ႉ​တီႈ​ၵၢင်​ႁၢဝ်​တင်း​လိၼ်​မိူင်း ႁႂ်ႈ​ပဵၼ်​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​ၶဝ်​တႃႉ။-</verse>
				<verse number="29">လွင်ႈ​မၼ်း​ၸမ်ႉ ၵဝ်​ႁူႉ​လွင်ႈ​ဢၼ်​လိုၼ်း​သေ​ဢၼ်​ၵဝ်​တၢႆ​ယဝ်ႉ​ၼၼ်ႉ၊ သူ​တၵ်း​ၽွၵ်ႈ​ပျၢၼ်ႇ​ၵႂႃႇ​တႄႉ​တႄႉ​ဝႃႈ​ဝႃႈ​လႄႈ ဝႄႈ​ပိူင်ႈ​သေ​သဵၼ်ႈ​တၢင်း​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​သူ​ၼၼ်ႉ​ၵႂႃႇ​ၼၼ်ႉ​ယူႇ​ဢေႃႈ။ ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ၵမ်း​လိုၼ်း​ၼၼ်ႉ ၽေး​ဢူႉ​ပၢတ်ႈ​တၵ်း​တူၵ်း​ႁွတ်ႈ ၵႃႈ​ၼိူဝ်​သူ ၵွပ်ႈ​ပိူဝ်ႈ​ဢၼ်​သူ​ႁဵတ်း​တူႉ​ၸရိူၵ်ႈ​ဢပႅတ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ဢဝ်​လွင်ႈ​တၢင်း​ဢၼ်​သူ​ဢဝ်​မိုဝ်း​ႁဵတ်း​ၼၼ်ႉ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">မူဝ်းသေႇ ​ဢဝ်​ၵႂၢမ်း​တၢင်း​ဢၼ်​ႁဵတ်း​ၵႂၢမ်း​ၼႆႉ​ၼၼ်ႉ​လၢတ်ႈ​ထိုင်​ႁူ ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ႁႂ်ႈ​ထၼ်ႈ​ပေႃး​ယဝ်ႉ​ပေႃး​တူဝ်ႈ​ဢေႃႈ။ ၵႂၢမ်း​ဢၼ်​ဝႃႈ​ၼၼ်ႉ​ၸမ်ႉ။</verse>
			</chapter>
			<chapter number="32">
				<verse number="1">ၽႃႉ​ၵၢင်​ႁၢဝ်​ဢိူၺ်း၊ ဝၢႆႇ​ႁူ​တေႃႇ​ၵဝ်​တႃႉ။ ၵဝ်​တၵ်း​လၢတ်ႈ​ဢေႃႈ။ လိၼ်​မိူင်း​ဢိူၺ်း၊ ထွမ်ႇ​ငိၼ်း​ၵႂၢမ်း​ဢၼ်​ၵဝ်​ဝႃႈ​ဢွၵ်ႇ​သူပ်း​ၼႆႉ​တႃႉ။-</verse>
				<verse number="2">တေႇသၼႃႇ​ၵဝ်​တၵ်း​ယွတ်ႇ​တူၵ်း​ယူႇ မိူၼ်​ၸိူဝ်ႉ​ၼင်ႇ​ၼမ်ႉ​ၽူၼ်​လႄႈ ၵႂၢမ်း​ၵဝ်​တၵ်း​ဢွႆ​တူၵ်း​ယူႇ​မိူၼ်​ၸိူဝ်ႉ​ၼင်ႇ​ၼမ်ႉ​ၼၢႆး​ဢေႃႈ။ တၵ်း​ပဵၼ်​မိူၼ်​ၸိူဝ်ႉ​ၼင်ႇ​ၽူၼ်​ယွႆး​ဢၼ်​တူၵ်း​သႂ်ႇ​ၵႃႈ​ၼိူဝ်​တူၼ်ႈ​ၵႃႈ​ဢၼ်​ၼုမ်ႇ​လီ​ဢူၼ်ႈ​လီ ဢိၵ်ႇ​တင်း​မိူၼ်​ၸိူဝ်ႉ​ၼင်ႇ​ႁႃႇ​ၽူၼ်​ၵႃႈ​ၼိူဝ် တူၼ်ႈ​ယိူဝ်ႈ​တူၼ်ႈ​ယႃႈ​ၼၼ်ႉ​ဢေႃႈ။-</verse>
				<verse number="3">ၵဝ်​တၵ်း​ႁွင်ႉ​ပၢဝ်ႇ​ႁွင်ႉ​လၢတ်ႈ​လူၺ်ႈ​လွင်ႈ ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​လႄႈ၊ ဢွၼ်​ၵၼ်​ယွင်ႈ​ယေႃး​မုၼ်​ဢႃႇၼူႉၽေႃႇ ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​တႃႉ။-</verse>
				<verse number="4">မၢၵ်ႇ​ႁိၼ်​မၢၵ်ႇ​ၽႃ​ၼၼ်ႉ​ဢမူႉ​မၼ်း​ၸဝ်ႈ ပဵၼ်​ဢၼ်​ၸေး​ၸုမ်ႇ​ဝႆႉ​လႄႈ သဵၼ်ႈ​တၢင်း​မၼ်း​ၸဝ်ႈ​ၵႃႈ​မီး​ၼၼ်ႉ မႅၼ်ႈ​ၸွမ်း​တြႃး​ဝႆႉ​ဢေႃႈ။ မၼ်း​ၸဝ်ႈ​ပဵၼ်​ၽြႃး​ဢၼ်​ပႂ်ႉ​သဵတ်ႈ​ၸႃႇ၊ ဢၼ်​ၵၢင်း​လွတ်ႈ​တင်း​ဢပႅတ်ႈ​လႄႈ ပဵၼ်​ဢၼ်​ၸိုဝ်ႈ​ၸႂ်ႈ​သိုဝ်ႈ​တေႃႇ​ဢေႃႈ။-</verse>
				<verse number="5">ၶဝ်​ႁဵတ်း​ႁၢႆႉ​ႁဵတ်း​မိူၵ်ႈ တီႈ​မၼ်း​ၸဝ်ႈ​ယဝ်ႉ။ ဢမ်ႇ​ၸႂ်ႈ​လုၵ်ႈ​ၸႂ်ႈ​လၢင်း​မၼ်း​ၸဝ်ႈ​ယဝ်ႉ။ ပဵၼ်​ဢၼ်​ၵူဝ်ႈ​ဢၼ်​ၵႂၵ်း​ဝႆႉ​တီႈ​ၶဝ်​ယဝ်ႉ။ ၶဝ်​ပဵၼ်​မဵဝ်း​ဢၼ်​ၸၢင်ႈ​ပႅၼ်း​ၸၢင်ႈ​ႁၢႆႉ​လႄႈ ၸႂ်​ၵူတ်ႉ​ၸႂ်​ငေႃး​ဢေႃႈ။-</verse>
				<verse number="6">ၵူၼ်း​ဢၼ်​မိူၵ်ႈ​လႄႈ ဢမ်ႇ​မီး​ပိင်ႇ​ၺႃႇ​ၶဝ်​ဢိူၺ်း၊ သူ​တၵ်း​တွပ်ႇ​တႅၼ်း​ၶိုၼ်း​ၵျေး​ၸူး​ထႃႇဝရႃႉ​ၽြႃး​ၸိူဝ်ႉ​ၼင်ႇ​ၼၼ်​ႁိုဝ်။ မၼ်း​ၸဝ်ႈ​ပဵၼ်​ပေႃႈ​ဢၼ်​ႁႂ်ႈ​မႂ်း​ပဵၼ်​မႃး​ဢမ်ႇ​ၸႂ်ႈ​ႁိုဝ်။ ႁဵတ်း​ႁႂ်ႈ​မႂ်း​ပဵၼ်​လႄႈ​ႁႂ်ႈ​တႄႇ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="7">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၶိင်ႇ​မိုဝ်ႉ​ဝၼ်း​မိူဝ်ႈ​ၵွၼ်ႇ​ဢွၼ်​ၼႆႉ​ၸိူဝ်း​ၼၼ်ႉ​တႃႉ။ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ၶူပ်ႇ​ပီႊ​ဢၼ်​သိုပ်ႇ​တၢမ်း​လၢမ်း​မႃး​ၼမ်​ၼႃႇ​ယဝ်ႉ​ၸိူဝ်း​ၼၼ်ႉ​တႃႉ။ တွင်ႈ​ထၢမ်​တီႈ​ပေႃႈ​မႂ်း​တႃႉ။ မၼ်း​တၵ်း​ၽုၺ်ႇ​ဢွၵ်ႇ​ၼႄ​ပျႃး​တီႈ​မႂ်း​ဢေႃႈ။ တွင်ႈ​ထၢမ်​တီႈ​ၵူၼ်း​ထဝ်ႈ​ၵူၼ်း​ၵႄႇ​မႂ်း​တင်း​လၢႆ​တႃႉ။ ၶဝ်​တၵ်း​မွၵ်ႇ​တၵ်ႉ​လၢတ်ႈ​တီႈ​မႂ်း​ဢေႃႈ။-</verse>
				<verse number="8">မိူဝ်ႈ​ဢၼ်​ၽြႃး​ဢၼ်​သုင်​ၼႃႇ​သေ​ပိူၼ်ႈ ဢဝ်​လိၼ်​ဢမူၺ်ႇ​မႅင်ႇ​ပၼ်​တီႈ​ၵူၼ်း​ၵူႈ​မဵဝ်း​လႄႈ ၽႄ​ၸိူဝ်ႉ​ၶိူဝ်း​ၵူၼ်း​တင်း​လၢႆ​ဝႆႉ​ၼၼ်ႉ​ၸိုင်၊ မၼ်း​ၸဝ်ႈ​ၸီႇ​ယၢင်ႇ​ဢၼ်​ၶႅၼ်ႈ​ဢၼ်​ၶၼ်ႈ​တီႈ​ယူႇ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="9">ပုၼ်ႈ​တႃႇ​ထႃႇဝရႃႉ​ၽြႃး​ၸမ်ႉ၊ ပဵၼ်​မဵဝ်း​ၵူၼ်း​မၼ်း​ၸဝ်ႈ​ဢေႃႈ။ မဵဝ်း​ ယႃႇၵုပ်ႈ ​ၼၼ်ႉ ပဵၼ်​တီႈ​ဢၼ်​မၼ်း​ၸဝ်ႈ ၶၢမ်ႇ​ဢမူၺ်ႇ​ဢေႃႈ။-</verse>
				<verse number="10">မၼ်း​ၸဝ်ႈ​ထူပ်း​ႁၼ်​မၼ်း​ၵႃႈ​ၼႂ်း​တီႈ​ဢၼ်​သဵတ်ႇ​ၵူၼ်း​ယဵၼ်​ၵူၼ်း ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း ဢၼ်​ပဝ်ႇ​ဢၼ်​လၢပ်ႈ​ဝႆႉ​လႄႈ တူဝ်​ႁၢႆႉ​တူဝ်​ၵျၢမ်း​ႁွင်ႉ​ယူႇ​ၶၢင်း​ယူႇ​ၼၼ်ႉ​ဢေႃႈ။ မၼ်း​ၸဝ်ႈ​လွမ်ႉ​ႁွပ်ႈ​ၵႅတ်ႇ​ၶေႇ​ႁႄႉ​ၵင်ႈ​မၼ်း​ယူႇ၊ လုမ်း​လႃး​ပႂ်ႉ​ထိင်း​မၼ်း​ယူႇ​သေ​လႄႈ ပႂ်ႉ​လူ​ပႂ်ႉ​တူၺ်း​မၼ်း​ယူႇ​မိူၼ်​ၸိူဝ်ႉ​ၼင်ႇ​ႁူၺ်ႇ​တႃ​ဢေႃႈ။-</verse>
				<verse number="11">ၸိူဝ်ႉ​ၼင်ႇ​ဢၼ် လၢင်း​တႃႉ​ၶမ်း​ယႃႉ​တဝ်ႉ​ႁင်း​မၼ်း​ယူႇ​သေ​လႄႈ မိၼ်​ယွပ်ႇ​ယူႇ​ၵႃႈ​ၼိူဝ်​လုၵ်ႈ​ဢွၼ်ႇ​မၼ်း​ၼၼ်ႉ မၼ်း​ၸဝ်ႈ​ၵီႈ​ပိၵ်ႇ​မၼ်း​ၸဝ်ႈ​ယူႇ၊ ဢဝ်​ၶဝ်​ယူႇ​သေ​လႄႈ ဢဝ်​တၢင်ႇ​ၵႃႈ​ၼိူဝ်​ပိၵ်ႇ​မၼ်း​ၸဝ်ႈ​ၵႂႃႇ​လႄႈ၊-</verse>
				<verse number="12">ထႃႇဝရႃႉ​ၽြႃး​ပႃး​လဵဝ်​ၵူၺ်း ဢဝ်​မၼ်း​သူင်ႇ​ဢေႃႈ။ ၽြႃး​တၢင်ႇ​သူႇ​တၢင်ႇ​ပႃး​ဢမ်ႇ​မီး​လူၺ်ႈ​ၵၼ်​တင်း​မၼ်း​ၼၼ်ႉ​လႃး​လႃး။-</verse>
				<verse number="13">မၼ်း​ၸဝ်ႈ​ႁႂ်ႈ​မၼ်း​ၶီႇ​ယဵပ်ႇ​ၵႃႈ​ၼိူဝ်​ထႃႇၼႃႉ တီႈ​ဢၼ်​သုင်​မျၢတ်ႈ​ၼႃႇ ၵႃႈ​တီႈ​လိၼ်​မိူင်း​ၼႆႉ​ၸိူဝ်း​ၼၼ်ႉ​ၵႂႃႇ ဢိၵ်ႇ​တင်း​ႁႂ်ႈ​မၼ်း​ၵိၼ်​တၢင်း​ဢၼ်​ယႂ်ႇ​ၽႄႈ​တူဝ်း​တွၼ်း​မႃး တီႈ​ႁႆႊ​တီႈ​ၼႃး​လႄႈ ႁႂ်ႈ​မၼ်း​သူတ်ႉ​လုတ်ႇ​ၼမ်ႉ​ၽိုင်ႈ​ၵႃႈ​ၼႂ်း​မၢၵ်ႇ​ႁိၼ်၊ ၼမ်ႉ​မၼ်း​ၵႃႈ​ၼႂ်း​မၢၵ်ႇ​ႁိၼ်​လဵၵ်း​ပၢႆႇ၊-</verse>
				<verse number="14">ၼမ်ႉ​ၼူမ်း​ဝူဝ်း​ဢၼ်​ၵၢမ်ႈ၊ ၼမ်ႉ​ၼူမ်း​သူဝ်း၊ ၵွၼ်ႈ​ၶႆ​ၵွၼ်ႈ​မၼ်း​သူဝ်း​ဢွၼ်ႇ ဢိၵ်ႇ​တင်း​သူဝ်း​ပေႃႈ​မဵဝ်း​ ပႃႇသၢၼ်ႇ ၊ ပႄႉ​ပေႃႈ​တင်း​လၢႆ၊ ၵွၼ်ႈ​ၶႆ​ၵွၼ်ႈ​မၼ်း​မၢၵ်ႇ​လၼ်း ၶဝ်ႈ​ၵျုင်ႇ​ၸိူဝ်း​ၼၼ်ႉ​လႄႈ၊ မႂ်း​လႆႈ​ၵိၼ်​လိူတ်ႈ​မၢၵ်ႇ​ၸပိတ်ႈ​ဢၼ်​ၸႅတ်ႈ​ဢေႃႈ။</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ ယေႇသူႉရုၼ်ႇ ​ၼၼ်ႉ ပီး​မၼ်း​မႃး​လႄႈ၊ ဢဝ်​တိၼ်​ပိတ်ႉ​ဢေႃႈ။ ပီး​မၼ်း​ယူႇ၊ ပီး​ပုၵ်း​ယူႇ၊ ပျေႉ​ၸုမ်ႇ​တင်း​ၵွၼ်ႈ​ၶႆ​ၵွၼ်ႈ​မၼ်း​ယူႇ​သေ​လႄႈ ၸုၼ်ႉ​ပႅတ်ႈ​ၽြႃး​ပဵၼ်​ၸဝ်ႈ ဢၼ်​ႁဵတ်း​ႁႂ်ႈ​မၼ်း​ပဵၼ်​ၼၼ်ႉ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​မၢၵ်ႇ​ႁိၼ်​မၢၵ်ႇ​ၽႃ တီႈ​ဢၼ်​ၵႄႇ​သႄႇ​ၶျွတ်ႈ​ဢဝ်​မၼ်း​ၼၼ်ႉ​ဢေႃႈ။-</verse>
				<verse number="16">ၶဝ်​ဢဝ်​ၽြႃး​တၢင်ႇ​သူႇ​တၢင်ႇ​ပႃး​ႁႂ်ႈ​မၼ်း​ၸဝ်ႈ​ၽိတ်း​ၸႂ်​ဢေႃႈ။ ၶဝ်​ဢဝ်​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢေႃႈ။-</verse>
				<verse number="17">ၶဝ်​ပုၵ်ႈ​ၸေႃႇ​ယိတ်ႈ​တီႈ​ၽီ​ႁၢႆႉ​ဢၼ်​ဢမ်ႇ​ၸႂ်ႈ​ၽြႃး၊ ၽြႃး​ဢၼ်​ၶဝ်​ဢမ်ႇ​တွၼ်ႉ​ႁူႉ​ၸၵ်း၊ ၽြႃး​ဢၼ်​မႂ်ႇ​ဢၼ်​ပူႇ​မွၼ်ႇ​သူ​ဢမ်ႇ​တွၼ်ႉ​ၵူဝ်​တွၼ်ႉ​ႁႄ​ၸိူဝ်း​ၼၼ်ႉ​ဢေႃႈ။-</verse>
				<verse number="18">မႂ်း​ဢမ်ႇ​မၢတ်ႈ​ဢမ်ႇ​တွင်း​မၢၵ်ႇ​ႁိၼ်​မၢၵ်ႇ​ၽႃ​ဢၼ်​ႁႂ်ႈ​မႂ်း​ပဵၼ်​မႃး​ၼၼ်ႉ။ မႂ်း​လူင်​လိုမ်း​ၽြႃး​ပဵၼ်​ၸဝ်ႈ ဢၼ်​ၵိူတ်ႇ​လဵင်ႉ​မႂ်း​မႃး​ၼၼ်ႉ​ပႅတ်ႈ​ယဝ်ႉ။-</verse>
				<verse number="19">ထႃႇဝရႃႉ​ၽြႃး​ႁၼ်​လွင်ႈ​တၢင်း​ၼၼ်ႉ​လႄႈ ၶၢၼ်ႉ​ႁၼ်​ၶဝ်​ၵွပ်ႈ​ပိူဝ်ႈ​တၢင်း​ဢၼ် လုၵ်ႈ​ၸၢႆး​လုၵ်ႈ​ယိင်း​မၼ်း​ၸဝ်ႈ ၸုၼ်ႉ​ပႅတ်ႈ​မၼ်း​ၸဝ်ႈ​ၼၼ်ႉ​သေ​ယဝ်ႉ၊-</verse>
				<verse number="20">မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ဝၢႆႇ​ၼႃႇ​ၵဝ်​ပႅတ်ႈ​သေ​ၵႃႈ​တီႈ​ၶဝ်​ဢေႃႈ။ ၵဝ်​တၵ်း​တူၺ်း​တီႈ​သုတ်း​ၶဝ်​တၵ်း​ပဵၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ။ ၶဝ်​ပဵၼ်​မဵဝ်း​ဢၼ်​သၽေႃး​ၵႅၼ်ႇ​ၶႅင်၊ လုၵ်ႈ​ၸၢႆး​လုၵ်ႈ​ယိင်း​ဢၼ်​ဢမ်ႇ​မီး​သဵတ်ႈ​ၸႃႇ​ဢေႃႈ။-</verse>
				<verse number="21">ၶဝ်​ဢဝ်​လွင်ႈ​တၢင်း​ဢၼ်​ဢမ်ႇ​ၸႂ်ႈ​ၽြႃး ႁဵတ်း​ႁႂ်ႈ​ၵဝ်​ၽိတ်း​ၸႂ်​ယဝ်ႉ။ ၶဝ်​ဢဝ်​လွင်ႈ​တၢင်း​ဢၼ်​လၢႆ​လၢႆ​ဢမ်ႇ​ပွင်​လွင်ႈ​ၵႃႈ​သင်​ၼၼ်ႉ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ယဝ်ႉ။ ပိူဝ်ႈ​ၼႆ​လႄႈ ၵဝ်​တၵ်း​ဢဝ်​ၵူၼ်း​မဵဝ်း​ဢၼ်​ဢမ်ႇ​လႆႈ​လွင်ႈ​ၼၼ်ႉ၊ ႁဵတ်း​ႁႂ်ႈ​ၶဝ်​ၽိတ်း​ၸႂ်​ဢေႃႈ။ ၵဝ်​တၵ်း​ဢဝ်​မဵဝ်း​ၵူၼ်း​ဢၼ်​ဢမ်ႇ​မီး​ပိင်ႇ​ၺႃႇ​ၼၼ်ႉ ႁဵတ်း​ႁႂ်ႈ​ၶဝ်​ၸႂ်​မႆႈ​ၶႆႈ​ၸႃႉ​ဢေႃႈ။-</verse>
				<verse number="22">တၢင်း​ၸႂ်​မႆႈ​ၶႆႈ​ၸႃႉ​ၵဝ်​ဢွၵ်ႇ​လႄႈ​ပဵၼ်​ၽႆး​သေ​ယဝ်ႉ၊ တၵ်း​မႆႈ​တေႃႇ​ထိုင်​ႁွတ်ႈ​မိူင်း​မရၼႃႉ တီႈ​ဢၼ်​လိုၵ်ႉ​ၼႃႇ သေ​ပိူၼ်ႈ​ၼၼ်ႉ​ဢေႃႈ။ တၵ်း​ႁႂ်ႈ​လိၼ် ဢိၵ်ႇ​တင်း​တၢင်း​ဢၼ်​ယႂ်ႇ​ၽႄႈ​တူဝ်း​တွၼ်း​မႃး​တီႈ​မၼ်း​မႆႈ​သုတ်း​ၵႂႃႇ​လႄႈ တုတ်ႇ​ၽဝ်​ႁၢၵ်ႈ​လွႆ​တိၼ်​လွႆ​ပႅတ်ႈ​ဢေႃႈ။-</verse>
				<verse number="23">ၵဝ်​တၵ်း​ဢဝ်​ၽေး​ဢူႉ​ပၢတ်ႈ​တင်း​လၢႆ ၸူႉ​ၵွင်​ဝႆႉ​ၵႃႈ​ၼိူဝ်​ၶဝ်​ဢေႃႈ။ ၵဝ်​တၵ်း​ယိုဝ်း​ပိုၼ်​ၵဝ်​တင်း​သဵင်ႈ​တင်း​မူတ်း​သႂ်ႇ​တီႈ​ၶဝ်​ဢေႃႈ။-</verse>
				<verse number="24">ၶဝ်​တၵ်း​လႆႈ​ၶၢမ်ႇ​တၢင်း​ဢၼ်​ယွမ်​ၵႂႃႇ​ႁဵဝ်ႇ​ၵႂႃႇ​လူၺ်ႈ​တၢင်း​ဢၼ်​ဢိုပ်း​ဢၼ်​ယၢၵ်ႈ​ၼၼ်ႉ​လႄႈ သုမ်း​ၸွမ်း​လူၺ်ႈ​တၢင်း​ဢၼ်​မႆႈ​ႁွၼ်ႉ​ပဵၼ်​ႁႃႈ​ၵႃႇလႃႉ ဢိၵ်ႇ​တင်း​ၽေး​တၢင်း​ဢၼ်​ယႃႉ​ပႅတ်ႈ​ဢၼ်​ၶူမ်​ၶတ်း​ၼႃႇ​ၼၼ်ႉ​ဢေႃႈ။ ၵဝ်​တၵ်း​ပွႆႇ​ၸႂ်ႉ​ၶဵဝ်ႈ​တူဝ်​ႁၢႆႉ ဢိၵ်ႇ​တင်း​ၵွင်ႉ​တူဝ်​ဢၼ်​ၸၢင်ႈ လိူၼ်ႈ​ၸၢင်ႈ​ၵၢၼ်း ၵႃႈ​ၼိူဝ်​လိၼ်​ၸိူဝ်း​ၼၼ်ႉ​ၸူး​တီႈ​ၶဝ်​ဢေႃႈ၊-</verse>
				<verse number="25">ၽေး​လၢပ်ႇ​ၵႃႈ​တီႈ​ၼွၵ်ႈ​ႁိူၼ်း၊ ၽေး​ဢၼ်​လီ​ၵူဝ်​လီ​ႁႄ​ၵႃႈ​တီႈ​ၼႂ်း​ႁိူၼ်း တၵ်း​ယႃႉ​ၽဵဝ်ႈ​ၽူႈ​မၢဝ်ႇ​ဢိၵ်ႇ​တင်း​ၽူႈ​သၢဝ်၊ လုၵ်ႈ​ဢွၼ်ႇ​ဢၼ်​ၵိၼ်​ၼူမ်း ဢိၵ်ႇ​တင်း​ၵေႃႉ​ဢၼ်​ႁူဝ်​ႁွၵ်ႇ​ၼၼ်ႉ​ပႅတ်ႈ​ဢေႃႈ။-</verse>
				<verse number="26">သင်​ၵဝ်​ဢမ်ႇ​ၵူဝ်​ဢမ်ႇ​ႁႄ​မၢၼ်ႇ​မႃႇၼႃႉ​ရၢၼ်ႇ​သူႇ၊-</verse>
				<verse number="27">သင်​ၵဝ်​ဢမ်ႇ​ၵူဝ်​ၶဝ်​ၸိူဝ်း​ဢၼ် ႁဵတ်း​ၶတ်း​ၵၼ်​တင်း​ၶဝ်​ၼၼ်ႉ​တၵ်း​ဢဝ်​ၽိတ်း​ဢဝ်​ပိူင်ႈ​သေ​လႄႈ​လၢတ်ႈ​ဝႃႈ၊ ႁဝ်း​မီး​မိုဝ်း​ဢၼ်​သုင်​ၼႃႇ​ယဝ်ႉ။ ထႃႇဝရႃႉ​ၽြႃး​ဢမ်ႇ​ႁဵတ်း​ဢမူႉ​ၼႆႉ​တင်း​သဵင်ႈ​တင်း​မူတ်း​ၵူၺ်ႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၵဝ်​မီး​တၢင်း​ၵျၢမ်ႇ​တၢင်း​ပွင် တၵ်း​ဢဝ်​ၶဝ်​ၸၢတ်ႇ​ပိုၼ်​ပႅတ်ႈ​တီႈ​ဢၼ်​ၵႆ​လႄႈ ႁႂ်ႈ​တၢင်း​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶဝ်​ထၼ်ႈ​ပေႃး​ထၢတ်ႇ​ယဵၼ်​သေ​ၵႃႈ​ၼႂ်း​ၵူၼ်း​တင်း​လၢႆ​ဢေႃႈ။-</verse>
				<verse number="28">လွင်ႈ​မၼ်း​ၸမ်ႉ ၶဝ်​ၼၼ်ႉ​ပဵၼ်​မဵဝ်း​ၵူၼ်း​ဢၼ်​ဢမ်ႇ​မီး​ပိင်ႇ​ၺႃႇ​သတီႉ၊ မဵဝ်း​ဢၼ်​ၵၢင်း​လွတ်ႈ​တင်း​ၺၢၼ်ႇ​ဢေႃႈ။-</verse>
				<verse number="29">ဢိူဝ်ႈ၊ ၶႂ်ႈ​ႁႂ်ႈ​ၶဝ်​မီး​ၺၢၼ်ႇ​လႄႈ ႁူႉ​ၸႅင်ႈ​ဢမူႉ​ၼႆႉ​ၵူၺ်း​ယဝ်ႉ။ ဢိူဝ်ႈ၊ ၶႂ်ႈ​ႁႂ်ႈ​ၶဝ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​တီႈ​သုတ်း​ၶဝ် ဢၼ်​ပဵၼ်​လိုၼ်း​လင်​သုတ်း​ၼၼ်ႉ​ၵူၺ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">သင်​မၢၵ်ႇ​ႁိၼ်​မၢၵ်ႇ​ၽႃ​ၶဝ်​ၼၼ်ႉ ဢမ်ႇ​ဢဝ်​ၶဝ်​ၶၢႆႉ​ပႅတ်ႈ၊ ထႃႇဝရႃႉ​ၽြႃး​ဢမ်ႇ​ဢဝ်​ၶဝ်​ဢၢပ်ႈ​ပၼ်​ၸိုင်၊ ၵေႃႉ​ၼိုင်ႈ​တၵ်း​ႁေႃႈ ၵူၼ်း​ႁဵင်​ၼိုင်ႈ​ပႅတ်ႈ​လူင်​ပႄႇ။ ၵူၼ်း​သွင်​ၵေႃႉ​တၵ်း​ႁႂ်ႈ​ၵူၼ်း​မိုၼ်ႇ​ၼိုင်ႈ​ဢွၵ်ႇ​ပၢႆႈ​လူင်​ပႄႇ။-</verse>
				<verse number="31">ပိၵ်ႉ​သမ်ႉ​ရၢၼ်ႇ​သူႇ​ႁဝ်း​တင်း​လၢႆ ၸီႇ​ယၢင်ႇ​တႅပ်း​တတ်း​သေ​ၵေႃႈ မၢၵ်ႇ​ႁိၼ်​မၢၵ်ႇ​ၽႃ​ၶဝ် ဢမ်ႇ​မိူၼ်​ၵၼ်​တင်း​မၢၵ်ႇ​ႁိၼ်​မၢၵ်ႇ​ၽႃ​ႁဝ်း။-</verse>
				<verse number="32">ၶိူဝ်း​တူၼ်ႈ​မၢၵ်ႇ​ၸပိတ်ႈ​ၶဝ်​ၼၼ်ႉ ပဵၼ်​မဵဝ်း​တူၼ်ႈ​မၢၵ်ႇ​ၸပိတ်ႈ​ သေႃးတုမ်ႇ ၊ ပဵၼ်​မဵဝ်း​တူၼ်ႈ​ဢၼ်​ဢွၵ်ႇ​ၵႃႈ​တီႈ လိၼ် ၵေႃးမေႃးရႃႉ ​ဢေႃႈ။ မၢၵ်ႇ​ၸပိတ်ႈ​ၶဝ်​ၼၼ်ႉ ပဵၼ်​မၢၵ်ႇ​တူၼ်ႈ​ဢၼ်​ၶူမ်​လႄႈ ပုၵ်ႉ​မၢၵ်ႇ​ၸပိတ်ႈ​ၶဝ်​ၼၼ်ႉ ပျေႉ​ၸုမ်ႇ​ဝႆႉ​တင်း ဢရႃႉသႃႇ​ဢၼ်​ၶူမ်​ၶတ်း​ၼႃႇ​ဢေႃႈ။-</verse>
				<verse number="33">ၼမ်ႉ​ၸပိတ်ႈ​ၶဝ်​ၼၼ်ႉ ပဵၼ်​ၵွင်ႉ​ၼၵႃး​လႄႈ ပဵၼ်​ၵွင်ႉ​ပဵၼ်​ယၢင်​ငူး​ႁၢႆႉ ဢၼ်​ႁၢဝ်ႈ​ၵျၢမ်း​ၼႃႇ​ဢေႃႈ။-</verse>
				<verse number="34">လွင်ႈ​တၢင်း​ၼႆႉ​ၸိုင်၊ သိမ်း​ဝႆႉ​မီး​ယူႇ​ၵႃႈ​တီႈ​ၵဝ်​လႄႈ တွၵ်ႇ​တၼ်း​သိၵ်ႈ​ဝႆႉ ၵႃႈ​တီႈ​တိူၵ်ႈ​ၽၼ်ႇတႃႇ​ၵဝ်​ယဝ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="35">ၵဝ်​ပိူင်ႇ​ဢၶႂၢင်ႉ​ဢၼ်​လႆႈ​ၸီႇ​ယၢင်ႇ​ဢပႅတ်ႈ​တြႃး၊ ဢၶႂၢင်ႉ​ဢၼ်​လႆႈ​တွပ်ႇ​တႅၼ်း​ၶိုၼ်း ၸွမ်း​လူၺ်ႈ​ဢပႅတ်ႈ​ၼႂ်း​မိူဝ်ႈ​ဢၼ်​တိၼ်​ၶဝ်​ပရၢတ်ႈ​ၼၼ်ႉ​ဢေႃႈ။ ၶိင်ႇ​မိုဝ်ႉ​ဝၼ်း​ဢၼ်​ၽေး​တၵ်း​ႁွတ်ႈ​ထိုင်​ၵႃႈ​တီႈ​ၶဝ်​ၼၼ်ႉ​ၸမ်​ယဝ်ႉ။ လွင်ႈ​တၢင်း​ဢၼ်​တၵ်း​တူၵ်း​ႁွတ်ႈ​ၵႃႈ​ၼိူဝ်​ၶဝ်​ၼၼ်ႉ တၵ်း​ၸဵဝ်း​ၽႅဝ်​မႃး​ၶၼ်​ၶၼ်​ၽႂ်း​ၽႂ်း​ဢေႃႈ။-</verse>
				<verse number="36">ထႃႇဝရႃႉ​ၽြႃး​တၵ်း​ၸီႇ​ယၢင်ႇ​တြႃး တီႈ​ၵူၼ်း​မၼ်း​ၸဝ်ႈ​တင်း​လၢႆ​လႄႈ ၶုၵ်း​ၸႂ်​လႆႈ​မႆႈ​ၸႂ်​ၵွပ်ႈ​ပိူဝ်ႈ​ၶႃႈ​မၼ်း​ၸဝ်ႈ​ၸိူဝ်း​ၼၼ်ႉ မိူဝ်ႈ​ဢၼ်​မၼ်း​ၸဝ်ႈ​ႁၼ်​လွင်ႈ​ဢၼ် ႁႅင်း​တၼ်း​ၶူဝ်း​သဵင်ႈ​ၵႂႃႇ​မူတ်း​ၵႂႃႇ၊ လွင်ႈ​ဢၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ၊ ၵေႃႉ​ဢၼ်​လွတ်ႈ​ဢမ်ႇ​မီး​သေ​ၵေႃႉ​သေ​ၵူၼ်း​ၼၼ်ႉ​သေ​လႄႈ၊-</verse>
				<verse number="37">လၢတ်ႈ​လႄႈ​ဝႃႈ​ၽြႃး​ၶဝ်၊ မၢၵ်ႇ​ႁိၼ်​မၢၵ်ႇ​ၽႃႇ​ဢၼ်​ၶဝ်​သွၼ်ႈ​ပိုင်ႈ​ယူႇ၊-</verse>
				<verse number="38">ဢၼ်​ၵိၼ်​ၵွၼ်ႈ​ၶႆ​ၵွၼ်ႈ​မၼ်း​တၢင်း​ဢၼ်​ၶဝ်​ပုၵ်ႈ​ၸေႃႇ​ၼၼ်ႉ​လႄႈ သူတ်ႉ​ၼမ်ႉ​ၸပိတ်ႈ​ၶိူင်ႈ​ပုၵ်ႈ​ၸေႃႇ ဢၼ်​ၶဝ်​သွၼ်း​လေႃႇ​ၸိူဝ်း​ၼၼ်ႉ​ၼၼ်ႉ မီး​ၵႃႈ​လႂ်။ ႁႂ်ႈ​ၶဝ်​ၼၼ်ႉ​ဢွၼ်​ၵၼ်​လုၵ်ႉ​လႄႈ ပႂ်ႉ​ၸွႆႈ​ပႂ်ႉ​ထႅမ်​သူ​သေ​ၵမ်း​လူၺ်ႈ။ ႁႂ်ႈ​ၶဝ်​ၼၼ်ႉ​ဢွၼ်​ၵၼ်​ႁဵတ်း​ဢၼ်​ႁႄႉ​ဢၼ်​ၵင်ႈ​တီႈ​သူ​သေ​ၵမ်း​လူၺ်ႈ။-</verse>
				<verse number="39">ဢွၼ်​ၵၼ်​လူ​တူၺ်း လွင်ႈ​ဢၼ်​ၵဝ်​ၼႆႉ ပဵၼ်​ၸဝ်ႈ​ၼၼ်ႉ​တႄႉ​တႄႉ​ဝႃႈ​ဝႃႈ​လႄႈ ၼွၵ်ႈ​သေ​ၵဝ်​ၼႆႉ ဢမ်ႇ​မီး​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ​တႃႉ။ ၵဝ်​ၼႆႉ​ႁႂ်ႈ​ဢသၢၵ်ႈ​တၢႆ​လႄႈ ၵဝ်​ၼႆႉ​ႁႂ်ႈ​ဢသၢၵ်ႈ​လိပ်း​ဢေႃႈ။ ၵဝ်​ၼႆႉ​ပေႃႉ​ယႅၼ်ႉ​ႁႂ်ႈ​ၸဵပ်း​ႁႂ်ႈ​သႅပ်ႇ​လႄႈ ၵဝ်​ၼႆႉ​ႁႂ်ႈ​တၢင်း​ၸဵပ်း​တၢင်း​သႅပ်ႇ​ႁၢႆ​ဢေႃႈ။ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ၵႄႇ​သႄႇ​ၼုၵ်ႈ​ဢဝ်​ၵႃႈ​ၼႂ်း​မိုဝ်း​ၵဝ်​လႆႈ။-</verse>
				<verse number="40">ၵဝ်​ယုၵ်ႉ​မိုဝ်း​ၵဝ်​ၶိုၼ်ႈ​ၵႃႈ​ၼိူဝ်​ၵၢင်​ႁၢဝ်​သေ​လႄႈ​တိူင်ႇ​လႄႈ​ဝႃႈ၊ ၵႃႈ​ၼင်ႇ​ဢၼ်​ၵဝ်​ဢသၢၵ်ႈ​ယင်း​လိပ်း​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ၊-</verse>
				<verse number="41">ပေႃး​ၵဝ်​လပ်ႉ​လၢပ်ႇ​ၵဝ်​ဢၼ်​ႁိူဝ်ႈ​မၢပ်ႈ​မႅပ်ႈ​ၼၼ်ႉ​လႄႈ ဢဝ်​မိုဝ်း​ၵဝ်​ယိပ်း​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​ၸိုင်၊ ၵဝ်​တၵ်း​ၸီႇ​ယၢင်ႇ​ဢပႅတ်ႈ​တြႃး​တီႈ​ရၢၼ်ႇ​သူႇ​ၵဝ်​လႄႈ တွပ်ႇ​တႅၼ်း​ၶိုၼ်း​ၸွမ်း​လူၺ်ႈ​ဢပႅတ်ႈ တီႈ​ၶဝ်​ၸိူဝ်း​ဢၼ်​ၸင်း​ၵဝ်​ၼၼ်ႉ​ဢေႃႈ။-</verse>
				<verse number="42">ၵဝ်​တၵ်း​ႁႂ်ႈ​ပိုၼ်​ၵဝ်​မဝ်း​လိူတ်ႈ​လႄႈ လၢပ်ႇ​ၵဝ်​လႅဝ်း​ၵဝ်​တၵ်း​လႆႈ​ၵိၼ်​ၼိူဝ်ႉ ဢိၵ်ႇ​တင်း​လိူတ်ႈ​ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ် ဢဝ်​တၢႆ​တင်း​ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​တီႉ​လႆႈ တင်း​ၵွၵ်း​ႁူဝ်​ၵူၼ်း​ဢၼ်​ပဵၼ်​ၵူၼ်း​ယႂ်ႇ​ၵူၼ်း​လူင် ၼႂ်း​ရၢၼ်ႇ​သူႇ​တင်း​လၢႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="43">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၶဝ်​ဢိူၺ်း၊ သူ​ဢွၼ်​ၵၼ်​မီး​တၢင်း​ဢၼ်​ၸူမ်း​သိူဝ်း​မူၼ်ႈ​ပျေႃႇ ၵွပ်ႈ​ပိူဝ်ႈ​ၵူၼ်း​မၼ်း​ၸဝ်ႈ​တင်း​လၢႆ​ၼၼ်ႉ​တႃႉ။ လွင်ႈ​မၼ်း​ၸမ်ႉ မၼ်း​ၸဝ်ႈ​တၵ်း​ပၼ်​တၢမ်ႇ​ၸွမ်း​လူၺ်ႈ​လိူတ်ႈ​ၶႃႈ​မၼ်း​ၸဝ်ႈ​ၸိူဝ်း​ၼၼ်ႉ​လႄႈ ၸီႇ​ယၢင်ႇ​ဢပႅတ်ႈ​တြႃး တီႈ​ရၢၼ်ႇ​သူႇ​မၼ်း​ၸဝ်ႈ​ဢေႃႈ။ မၼ်း​ၸဝ်ႈ​တၵ်း​ႁဵတ်း​တၢင်း​ဢၼ်​ၽေႇ​ဢပႅတ်ႈ​ပုၼ်ႈ​မိူင်း​မၼ်း​ၸဝ်ႈ ဢိၵ်ႇ​တင်း​ၵူၼ်း​မဵဝ်း​မၼ်း​ၸဝ်ႈ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="44">မူဝ်းသေႇ ​မႃး​လႄႈ ဢိၵ်ႇ​တင်း​ ယေႃးသူႉ လုၵ်ႈ​ၸၢႆး​ ၼုၼ်ႇ ​ၼၼ်ႉ ဢွၼ်​ၵၼ်​ဢဝ်​ၵႂၢမ်း​ဢၼ်​ႁဵတ်း​ၵႂၢမ်း​ၼႆႉ မွၵ်ႇ​လၢတ်ႈ​ထိုင်​ႁူ​ၵူၼ်း​တင်း​လၢႆ​ဢေႃႈ။-</verse>
				<verse number="45">ၼင်ႇ​ၼၼ်​လႄႈ မူဝ်းသေႇ ​ဢဝ်​ၵႂၢမ်း​ၵႃႈ​မီး​ၸိူဝ်း​ၼႆႉ​မွၵ်ႇ​လၢတ်ႈ​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ယဝ်ႉ​တူဝ်ႈ​ယဝ်ႉ၊-</verse>
				<verse number="46">ၸင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ သူ​ဢွၼ်​ၵၼ်​ဢဝ်​ၵႂၢမ်း ၵႃႈ​ဢၼ်​ၵဝ်​ၶၢမ်ႇ​သၢၵ်ႈ​သေႇ​တီႈ​သူ​ဝၼ်း​မိူဝ်ႈ​ၼႆႉ ဢၼ်​သူ​တၵ်း​လႆႈ​သင်ႇ​လၢတ်ႈ​ဝႆႉ တီႈ​လုၵ်ႈ​လၢင်း​သူ ႁႂ်ႈ​ၶဝ်​လႆႈ​ပႂ်ႉ​ၸွမ်း​ၵမ်​ၵျၢင်ႉ​ၵႂၢမ်း​ပိင်း​ၺၢပ်ႈ​တြႃး​ၼႆႉ တင်း​သဵင်ႈ​တင်း​မူတ်း​ၸိူဝ်း​ၼၼ်ႉ သႂၢင်း​ၸႂ်​ဝႆႉ​တႃႉ။-</verse>
				<verse number="47">လွင်ႈ​တၢင်း​ၼႆႉ ပဵၼ်​ဢၼ်​ၸေႃႉ​ၸႄႉ​မဝ်​မၢင်​ဢမ်ႇ​ၸႂ်ႈ၊ ပဵၼ်​ဢသၢၵ်ႈ​သူ​ဢေႃႈ။ ၵွပ်ႈ​ပိူဝ်ႈ​လွင်ႈ​တၢင်း​ၼႆႉ​လႄႈ ၸူဝ်ႈ​ဢသၢၵ်ႈ​သူ​တၵ်း​ယၢဝ်း​ယိုၼ်း​ၵႃႈ​ၼႂ်း​မိူင်း​ဢၼ်​သူ တၵ်း​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​လႄႈ ၶဝ်ႈ​ၸၢမ်ႇ​ၸႃး​ၼၼ်ႉ​ဢေႃႈ။-</verse>
				<verse number="48">ၼႂ်း​မိုဝ်ႉ​ဝၼ်း​ၼၼ်ႉ​ၵမ်း​လဵဝ်၊ ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊-</verse>
				<verse number="49">မႂ်း​ၶိုၼ်ႈ​ၵႃႈ​ၼိူဝ်​ႁၢၼ်ႉ​လွႆ​ ဢပႃႇရိမ်ႇ ၵႃႈ​ၼိူဝ်​လွႆ​ ၼေႇပေႃႇ ဢၼ်​မီး​ၵႃႈ​ၼႂ်း​မိူင်း​ မေႃႇၽႃႉ သိုဝ်ႈ​ဝဵင်း​ ယေႇရီႉၶူဝ်း ပုၼ်ႉ​သေ​လႄႈ လူ​တူၺ်း​မိူင်း​ ၶႃႇၼၢၼ်ႇ ဢၼ်​ၵဝ်​တၵ်း​ပၼ်​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပုၼ်ႈ​ဢၼ်​ၶဝ်​တၵ်း​ပိူင်ႇ​ၼၼ်ႉ​တႃႉ။-</verse>
				<verse number="50">မႂ်း​တၢႆ​ၵႃႈ​ၼိူဝ်​လွႆ​ဢၼ်​မႂ်း​ၶိုၼ်ႈ​ၵႂႃႇ​ၼၼ်ႉ​သေ​လႄႈ ႁွတ်ႈ​ထိုင်​ၵႃႈ​တီႈ​ဢၼ်​ၵူၼ်း​မဵဝ်း​မႂ်း​တင်း​လၢႆ​ၸူႉ​တုမ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​ပီႈ​ၸၢႆး​မႂ်း​ ဢႃႇရုၼ်ႇ ​တၢႆ​ၵႃႈ​ၼိူဝ်​လွႆ​ ႁေႃးရႃႉ ​လႄႈ ႁွတ်ႈ​ထိုင်​ၵႃႈ​တီႈ​ဢၼ်​ၵူၼ်း​မဵဝ်း​မၼ်း​တင်း​လၢႆ​ၸူႉ​တုမ်​ၼၼ်ႉ​တႃႉ။-</verse>
				<verse number="51">လွင်ႈ​မၼ်း​ၸမ်ႉ သွင်​ၶိူဝ်​ၽိတ်း​ပိူင်ႈ​ၵဝ်​ၵႃႈ​ၼႂ်း​ၶိုင်ႈ​ၵၢင် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​တီႈ​ၼမ်ႉ​ဢွၵ်ႇ​ႁူး​ မေႇရီႇၽႃႉ ၊ ဝၢၼ်ႈ​ ၵႃႇတေႇသႃႉ ၊ ထိူၼ်ႇ​ ၸီႉၼႃႉ ​ၼၼ်ႉ​လႄႈ ဢမ်ႇ​ႁႂ်ႈ​ၵဝ်​ပဵၼ်​ဢၼ်​မူတ်း​ၸၢင်ႇ ၵႃႈ​ၼႂ်း​ၶိုင်ႈ​ၵၢင်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ယဝ်ႉ။-</verse>
				<verse number="52">ပိူဝ်ႈ​ၼႆ​လႄႈ ပိၵ်ႉ​သမ်ႉ​မႂ်း​လႆႈ​ဢဝ်​မၢၵ်ႇ​တႃ​မႂ်း​ႁၼ်​မိူင်း​မီး​ယူႇ​ၵႃႈ​တီႈ​ၽၢႆႇ​ၼႃႈ​မႂ်း​ၼၼ်ႉ​သေ​ၵေႃႈ မႂ်း​ဢမ်ႇ​လႆႈ​ၵႂႃႇ​လႄႈ ၶဝ်ႈ​ၵႃႈ​ၼႂ်း​မိူင်း​ဢၼ်​ၵဝ်​တၵ်း​ပၼ်​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="33">
				<verse number="1">ၵႂၢမ်း​မင်ႇၵလႃႇ​ဢၼ်​ မူဝ်းသေႇ ​ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ ပၼ်​တၢင်း​လီ​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸူဝ်ႈ​ဢၼ်​မၼ်း​ဢမ်ႇ​ပႆႇ​တၢႆ ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="2">ထႃႇဝရႃႉ​ၽြႃး​လုၵ်ႉ​သေ​ၵႃႈ​ၼိူဝ်​လွႆ​ သီႉၼႃႉ ​မႃး​လႄႈ မၼ်း​ၸဝ်ႈ​ၵၢင်​ဝၼ်း​ဢွၵ်ႇ​သေ​ၵႃႈ​တီႈ​ ၸီႉရႃႉ ​မႃး​ဢေႃႈ။ မၼ်း​ၸဝ်ႈ​ႁိူဝ်ႈ​လႅင်း​သၢႆ​ဢရွင်ႇ​မၼ်း​ၸဝ်ႈ​သေ​ၵႃႈ​ၼိူဝ်​လွႆ​ ပႃႇရၼ်ႇ ​လႄႈ ဢွၵ်ႇ​သေ​ၵႃႈ​ၼႂ်း​ၶဝ်​ၸိူဝ်း​ဢၼ်​မူတ်း​ၸၢင်ႇ ပဵၼ်​ႁဵင်​ပဵၼ်​မိုၼ်ႇ​ၼၼ်ႉ​မႃး​လႄႈ ၽႆး​ထမ်ႇမႃႉ​တြႃး လုၵ်ႉ​ႁိူဝ်ႈ​ၵႃႈ​တီႈ​မိုဝ်း​ၽၢႆႇ​ၶႂႃ​မၼ်း​ၸဝ်ႈ​ၼၼ်ႉ​ပုၼ်ႈ​ၶဝ်​ဢေႃႈ။-</verse>
				<verse number="3">မၼ်း​ၸဝ်ႈ​ႁၵ်ႉ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢမၢၼ်ႇ​ၶၼ်​ပဵၼ်​ဢေႃႈ။ ၵူၼ်း​မူတ်း​ၸၢင်ႇ​မၼ်း​ၸဝ်ႈ​ၵႃႈ​မီး​တင်း​သဵင်ႈ​တင်း​လူင် မီး​ယူႇ​ၵႃႈ​ၼႂ်း​မိုဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶဝ်​ၶုပ်ႉ​မူပ်ႇ​ၵႃႈ​တီႈ​ႁိမ်း​တိၼ်​ၸဝ်ႈ​ႁဝ်း​လႄႈ ႁပ်ႉ​ထွမ်ႇ​ဢဝ်​ၵႂၢမ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="4">မူဝ်းသေႇ ​သင်ႇ​လၢတ်ႈ​ဝႆႉ​ထမ်ႇမႃႉ​တြႃး​တီႈ​ႁဝ်း ဢၼ်​ဝႃႈ​ဢမူၺ်ႇ​ပုၼ်ႈ​ဢၼ်​ပရဵၵ်ႈသၢတ်ႈ မဵဝ်း​ ယႃႇၵုပ်ႈ ​တၵ်း​လႆႈ​ၶၢမ်ႇ​ၼၼ်ႉ​ဢေႃႈ။-</verse>
				<verse number="5">မၼ်း​ၸဝ်ႈ​ပဵၼ်​ၶုၼ်​ႁေႃ​ၶမ်း ၵႃႈ​ၼႂ်း​ ယေႇသူႉရုၼ်ႇ မိူဝ်ႈ​ဢၼ်​ၵူၼ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ၵႃႈ​ၼႂ်း​ၵူၼ်း​တင်း​လၢႆ​ဢၼ်​ဝႃႈ မဵဝ်း​ ဢီႉသရေႇလႃႉ ​ၵူႈ​မဵဝ်း ႁဵတ်း​မုၵ်ႉ​ႁဵတ်း​ၸိူဝ်း​ၸူႉ​ၵၼ်​တုမ်​ၵၼ်​ၼၼ်ႉ​ဢေႃႈ။-</verse>
				<verse number="6">ႁႂ်ႈ​မဵဝ်း​ ရူႉပိၼ်ႇ ​ယင်း​ဢမ်ႇ​တၢႆ​လႄႈ ဢသၢၵ်ႈ​လိပ်း​ယူႇ​သေ​ၵမ်း​လူၺ်ႈ။ ႁႂ်ႈ​ၵူၼ်း​မဵဝ်း​မၼ်း​လဵၵ်ႉ​ၵေႇ​ဢေႇ​မၢင်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၵႂၢမ်း​မင်ႇၵလႃႇ​မဵဝ်း​ ယူႉတႃႉ ​ၸမ်ႉ၊ မၼ်း​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ထွမ်ႇ​ဢဝ်​သဵင်​ၵႂၢမ်း​ ယူႉတႃႉ ​သေ​လႄႈ ဢဝ်​မၼ်း​မႃး​ၸူး​ၵႃႈ​တီႈ​ဢၼ် ၵူၼ်း​မဵဝ်း​လဵဝ်​ၵၼ်​တင်း​မၼ်း​မီး​ၼၼ်ႉ​သေ​ၵမ်း​တီႈ​ၶႃႈ၊ ႁႂ်ႈ​မိုဝ်း​မၼ်း​ၼၼ်ႉ တၢၼ်ႇ​ပေႃး​ၵုမ်ႇ​ပုၼ်ႈ​မၼ်း​သေ​ၵမ်း​လူၺ်ႈ။ ၸဝ်ႈ​ႁဝ်း​တၵ်း​ယူႇ​ၽၢႆႇ​ၼိုင်ႈ​တင်း​ရၢၼ်ႇ​သူႇ​မၼ်း​သေ​လႄႈ မႃး​ၸႃႉ​ၸွႆႈ​ထႅမ်​မၼ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မဵဝ်း​ လေႇဝီႉ ​ၸမ်ႉ မၼ်း​ဝႃႈ​ ထူႉမိမ်း ၸဝ်ႈ​ႁဝ်း​တင်း​ ဢူႉရိမ်း ၸဝ်ႈ​ႁဝ်း မီး​ယူႇ​ၵႃႈ​တီႈ​ၵူၼ်း​မူတ်း​ၸၢင်ႇ​ၸဝ်ႈ​ႁဝ်း ဢၼ်​ၸဝ်ႈ​ႁဝ်း​ၸၢမ်း​တူၺ်း​ၵႃႈ​တီႈ​ မတ်ႉသႃႇ ​လႄႈ မႂ်း​ႁဵတ်း​ၶတ်း​ၵၼ်​ၵႃႈ​တီႈ​ၼမ်ႉ​ဢွၵ်ႇ​ႁူး​ မေႇရီႇၽႃႉ ၊-</verse>
				<verse number="9">ဢၼ်​လၢတ်ႈ​လွင်ႈ​ပေႃႈ​မၼ်း​မႄႈ​မၼ်း​လႄႈ​ဝႃႈ၊ ၵဝ်​ဢမ်ႇ​ႁူႉ​ဢမ်ႇ​ႁၼ်​မၼ်း၊ ဝႃႈ​ၼင်ႇ​ၼႆ​လႄႈ ဢမ်ႇ​မၢတ်ႈ​ဢမ်ႇ​တွင်း​ပီႈ​မၼ်း​ၼွင်ႉ​မၼ်း၊ ဢမ်ႇ​ႁူႉ​ဢမ်ႇ​ၸႅင်ႈ​လုၵ်ႈ​မၼ်း​လၢင်း​မၼ်း​ၼၼ်ႉ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၶဝ်​ထွမ်ႇ​ဢဝ်​ၵႂၢမ်း​ၸဝ်ႈ​ႁဝ်း​ၵူၺ်း​လႄႈ ပႂ်ႉ​ၸွမ်း​ပတီႉၺိၺ်ႇ​တြႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="10">ၶဝ်​တၵ်း​ဢဝ်​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ သင်ႇ​သွၼ်​ပၼ်​တီႈ​မဵဝ်း​ ယႃႇၵုပ်ႈ ​လႄႈ ဢဝ်​တြႃး​ၸဝ်ႈ​ႁဝ်း သင်ႇ​သွၼ်​ပၼ်​တီႈ​မဵဝ်း​ ဢီႉသရေႇလႃႉ ​တီႈ​ၶႃႈ​ဢေႃႈ။ ၶဝ်​တၵ်း​ဢဝ်​ၼၢမ်ႇ​သႃႇ​ဢၼ်​တုတ်ႇ​ၽႆး တၢင်ႇ​ဝႆႉ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​လႄႈ ဢဝ်​ယိတ်ႈ​ဢၼ်​တုတ်ႇ​ၽႆး​တင်း​တူဝ် တၢင်ႇ​ၵႃႈ​ၼိူဝ်​ယိတ်ႈပလၢင်ႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="11">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ပၼ်​တၢင်း​လီ​တီႈ​ဢုၵ်ႉ​ၸႃႇ​မၼ်း​လႄႈ ႁပ်ႉ​တုင်း​ဢဝ်​လွင်ႈ​တၢင်း​ဢၼ်​မၼ်း​ဢဝ်​မိုဝ်း​သၢင်ႈ​ႁဵတ်း​ၼၼ်ႉ​သေ​ၵမ်း​တီႈ​ၶႃႈ၊ ၶႅၼ်း​တေႃႈ​တႅင်း​သႂ်ႇ​ဢႅဝ်​ၶဝ်​ၸိူဝ်း​ဢၼ်​လုၵ်ႉ​ယူႇ​ၽၢႆႇ​ၼိုင်ႈ​တင်း​မၼ်း ဢိၵ်ႇ​တင်း​ၶဝ်​ၸိူဝ်း​ဢၼ်​ၸင်း​မၼ်း​ၸိူဝ်း​ၼၼ်ႉ ပွင်ႇ​ပႅတ်ႈ​ႁႂ်ႈ​ၶဝ်​ဢမ်ႇ​လုၵ်ႉ​လႆႈ မိူဝ်ႈ​ၵမ်း​လိုၼ်း​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မဵဝ်း​ ပိၼ်ႇယႃႇမိၼ်ႇ ​ၸမ်ႉ၊ မၼ်း​ဝႃႈ၊ ၵေႃႉ​ဢၼ်​ထႃႇဝရႃႉ​ၽြႃး ႁၵ်ႉ​ပႅင်း​ၼၼ်ႉ တၵ်း​လႆႈ​ယူႇ​လူင်ႉ​လူင်ႉ​လွတ်ႈ​လွတ်ႈ ၵႃႈ​တီႈ​ႁိမ်း​မၼ်း​ၸဝ်ႈ​ဢေႃႈ။ မၼ်း​ၸဝ်ႈ​တၵ်း​ႁူမ်ႇ​ငမ်း​မၼ်း​ဝႆႉ​ယူႇ​တင်း​ဝၼ်း​လႄႈ မၼ်း​တၵ်း​လႆႈ​ယူႇ​ၵႃႈ​တီႈ​ၵႄႈ​ႁူဝ်​မႃႇ​မၼ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မဵဝ်း​ ယူဝ်းသႅပ်ႈ ​ၸမ်ႉ၊ မၼ်း​ဝႃႈ၊ ႁႂ်ႈ​မိူင်း​မၼ်း​လႆႈ​ၶၢမ်ႇ​မင်ႇၵလႃႇ​တီႈ​ထႃႇဝရႃႉ​ၽြႃး ၵႃႈ​ၼႂ်း​ၽၼ်ႇတႃႇ​ၽႃႉ​ၵၢင်​ႁၢဝ်၊ ၼမ်ႉ​ၼၢႆး၊ လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ ဢၼ်​မူပ်ႇ​ယူႇ​ၼွၼ်း​ယူႇ​ၵႃႈ​တီႈ​တႂ်ႈ၊-</verse>
				<verse number="14">ၽၼ်ႇတႃႇ​ဢၼ်​ၵၢင်​ဝၼ်း​ႁႂ်ႈ​ပဵၼ်၊ ၽၼ်ႇတႃႇ​ဢၼ်​လိူၼ်​ႁႂ်ႈ​ယႂ်ႇ​မႃး၊-</verse>
				<verse number="15">ဢၼ်​လီ​ဢၼ်​မျၢတ်ႈ​ၵႃႈ​တီႈ​လွႆ​လူင်​ဢၼ်​ပဵၼ်​ဝႆႉ​မီး​ဝႆႉ ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ၊ ၽၼ်ႇတႃႇ​ၵႃႈ​တီႈ​လွႆ​ဢွၼ်ႇ ဢၼ်​မီး​ယူႇ​ၵူႈ​ၸူဝ်ႈ​ၵူႈ​ပၢၼ်၊-</verse>
				<verse number="16">ၽၼ်ႇတႃႇ​လိၼ်​မိူင်း ဢိၵ်ႇ​တင်း​တၢင်း​ဢၼ်​ၸေး​ၸုမ်ႇ​မၼ်း၊ ၵျေး​ၸူး​ၸဝ်ႈ​ဢၼ်​ယူႇ​ၵႃႈ​တီႈ ယုမ်း​မႆႉ​ၼၼ်ႉ​ၸိူဝ်း​ၼၼ်ႉ​သေ​ၵမ်း​လူၺ်ႈ။ ႁႂ်ႈ​မင်ႇၵလႃႇ​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​ႁူဝ်​ ယူဝ်းသႅပ်ႈ ၊ ၵႃႈ​ၼိူဝ်​ၸိၵ်း​ႁူဝ်​ၵေႃႉ​ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၼႂ်း​ပီႈ​ၼွင်ႉ​မၼ်း​ၼၼ်ႉ​သေ​ၵမ်း​လူၺ်ႈ။-</verse>
				<verse number="17">မုၼ်​ၽုင်း​မၼ်း​ပဵၼ် လုၵ်ႈ​တူၼ်ႈ​ဝူဝ်း​ငၢၼ်​ ဢုၵ်ႉသၽႃႉ ​လႄႈ ၶဝ်​လႅမ်​မၼ်း​ၼၼ်ႉ​ပဵၼ်​ၶဝ်​လႅမ်​ၸူင်​ဢေႃႈ။ မၼ်း​တၵ်း​ဢဝ်​တင်း​ၶဝ်​လႅမ်​မၼ်း​ၸိူဝ်း​ၼၼ်ႉ ပတ်ႉ​သၢႆႇ​တမ်​တေႃး​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢၼ်​ဝႃႈ​ၶဝ်​ၸိူဝ်း​ဢၼ်​ယူႇ တေႃႇ​ထိုင်​ႁွတ်ႈ​လႅၼ်​သုတ်း​လိၼ်​မိူင်း​ပုၼ်ႉ​ၼၼ်ႉ မိူဝ်ႈ​လဵဝ်​ၵမ်း​လဵဝ်​ၵၼ်​ဢေႃႈ။ ၶဝ်​ပဵၼ်​ၵူၼ်း​မဵဝ်း​ ဢေႇၽရိမ်ႇ ၊ ပဵၼ်​မိုၼ်ႇ​ပဵၼ်​မိုၼ်ႇ ၶဝ်​ပဵၼ်​ၵူၼ်း​မဵဝ်း​ မၼႃႇ​သေႇ ပဵၼ်​ႁဵင်​ပဵၼ်​ႁဵင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မဵဝ်း​ ၸေႇပူႉလုၼ်ႇ ​ၸမ်ႉ၊ မၼ်း​ဝႃႈ၊ မဵဝ်း​ ၸေႇပူႉလုၼ်ႇ ​ဢိူၺ်း၊ ၸူမ်း​သိူဝ်း​မူၼ်ႈ​ပျေႃႇ​ၵႃႈ​ၼႂ်း​လွင်ႈ​တၢင်း​ဢၼ်​မႂ်း ဢွၵ်ႇ​ၵႂႃႇ​ဢွၵ်ႇ​ပႆ​ၼၼ်ႉ​တႃႉ။ မဵဝ်း​ ဢီႉသၶႃႇ ​ဢိူၺ်း၊ ၸူမ်း​သိူဝ်း​မူၼ်ႈ​ပျေႃႇ​ယူႇ​ၵႃႈ​တီႈ​မူဝ်းၵႃႇ​မႂ်း​ၼၼ်ႉ​တႃႉ။-</verse>
				<verse number="19">ၶဝ်​ၼၼ်ႉ​တၵ်း​ႁွင်ႉ​ဢဝ်​ဢွၼ်​ဢဝ်​မဵဝ်း​ၵူၼ်း​ၼမ်​ၼႃႇ ၸူး​ၵႃႈ​တီႈ​လွႆ​ၸဝ်ႈ​လႄႈ တၵ်း​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​ၸွမ်း​လူၺ်ႈ​တြႃး​ၵႃႈ​တီႈ​ၼၼ်ႈ​ဢေႃႈ။ ၶဝ်​တၵ်း​ၸုပ်ႇ​ၵိၼ်​လုတ်ႇ​ၵိၼ်​ၼူမ်း​ၸေး​ၸိမ်ႇ​ပၢင်ႇ​လၢႆႇ ဢိၵ်ႇ​တင်း​ၽၼ်ႇတႃႇ​ဢၼ်​သိမ်း​သိူင်ႇ​မီး​ဝႆႉ ၵႃႈ​ၼႂ်း​သၢႆး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မဵဝ်း​ ၵၢတ်ႉ ​ၸမ်ႉ၊ မၼ်း​ဝႃႈ၊ ႁႂ်ႈ​ၵေႃႉ​ဢၼ်​ႁႂ်ႈ​မဵဝ်း​ ၵၢတ်ႉ ယႂ်ႇ​ၵႂၢင်ႈ​ၼၼ်ႉ​မီး​မင်ႇၵလႃႇ​သေ​ၵမ်း​လူၺ်ႈ။ မဵဝ်း​ၼၼ်ႉ​ယူႇ​မိူၼ်​ၸိူဝ်ႉ​ၼင်ႇ​သၢင်ႇ​သီႈ​မႄႈ​လႄႈ ၸၢင်ႈ​ယႃႉ​ၸၢင်ႈ​သိၵ်ႇ​ၶႅၼ်​မိုဝ်း ဢိၵ်ႇ​တင်း​ၸိၵ်း​ႁူဝ်​ပႅတ်ႈ​ဢေႃႈ။-</verse>
				<verse number="21">ပုၼ်ႈ​တႃႇ​ဢၼ်​ဢွၼ်​တၢင်း​သုတ်း​ၸိုင် မၼ်း​လိူၵ်ႈ​ၵဵပ်း​ဢဝ်​ပုၼ်ႈ​တူဝ်​ၵဝ် ၵွပ်ႈ​ပိူဝ်ႈ​ဢၼ်​ပုၼ်ႈ​တႃႇ​ၶုၼ်​တြႃး​ၼၼ်ႉ လႆႈ​ၶၢမ်ႇ​တၢင်း​ဢၼ်​ၽႄ​ဝႆႉ​ထႃႈ ၵႃႈ​တီႈ​ၼၼ်ႈ​ယဝ်ႉ​ၼၼ်ႉ​ဢေႃႈ။ မၼ်း​ၸွမ်း​လူၺ်ႈ​ၵၼ်​တင်း​ၵူၼ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ၵႃႈ​ၼႂ်း​ၵူၼ်း​တင်း​လၢႆ​ၸိူဝ်း​ၼၼ်ႉ​လႄႈ ႁဵတ်း​ဢမူႉ​တြႃး​ထႃႇဝရႃႉ​ၽြႃး ဢိၵ်ႇ​တင်း​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ ၵႃႈ​ၼႂ်း​မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">မဵဝ်း​ တၢၼ်ႇ ​ၸမ်ႉ၊ မၼ်း​ဝႃႈ၊ မဵဝ်း​ တၢၼ်ႇ ​ပဵၼ်​သၢင်ႇ​သီႈ​တူဝ်​ၼုမ်ႇ ဢၼ်​ၵျွၵ်း​ဝႅၼ်​ဢွၵ်ႇ​သေ​ၵႃႈ​ၼႂ်း​မိူင်း​ ပႃႇသၢၼ်ႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မဵဝ်း​ ၼပ်ႉထလီႉ ​ၸမ်ႉ၊ မၼ်း​ဝႃႈ၊ မဵဝ်း​ ၼပ်ႉထလီႉ ​ဢိူၺ်း၊ မၢၵ်ႈ​မီး​ဢိမ်ႇ​တဵမ်​ဝႆႉ​တင်း​ၵျေး​ၸူး​ၸဝ်ႈ​လႄႈ ပျေႉ​ၸုမ်ႇ​ဝႆႉ​တင်း​မင်ႇၵလႃႇ​ဢၼ်​ထႃႇဝရႃႉ​ၽြႃး​ပၼ်​ၼၼ်ႉ​ယူႇ​သေ​လႄႈ ၶဝ်ႈ​ၸၢမ်ႇ​ၸႃး​ပွတ်း​တၢင်း​တူၵ်း ဢိၵ်ႇ​တင်း​ပွတ်း​တၢင်း​ၸၢၼ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မဵဝ်း​ ဢႃႇသႃႇ ​ၸမ်ႉ၊ မၼ်း​ဝႃႈ၊ ႁႂ်ႈ​မဵဝ်း​ ဢႃႇသႃႇ ​မီး​မင်ႇၵလႃႇ လိူဝ်​တွၼ်း​ၼႃႇ​သေ​လုၵ်ႈ​လၢင်း​တင်း​လၢႆ​သေ​ၵမ်း​လူၺ်ႈ။ ႁႂ်ႈ​မၼ်း​ထုၵ်ႇ​ၸႂ်​ၵျိူၵ်ႈ​ၸႂ်​ပီႈ​ၼွင်ႉ​မၼ်း​လႄႈ ဢဝ်​တိၼ်​မၼ်း​ၸွမ်ႇ​ၸုမ်ႇ​သႂ်ႇ​ၵႃႈ​ၼႂ်း​ၼမ်ႉ​မၼ်း​သေ​ၵမ်း​လူၺ်ႈ။-</verse>
				<verse number="25">ၵိူၼ်ႇ​သွတ်ႇ​ၽၵ်း​တူ​မႂ်း​ၸိူဝ်း​ၼၼ်ႉ တၵ်း​ပဵၼ်​လဵၵ်း​ပဵၼ်​တွင်း​လိူင်​ဢေႃႈ။ ၵႃႈ​ၼင်ႇ​ဢၼ်​ၶိင်ႇ​မိုဝ်ႉ​ဝၼ်း​မႂ်း​ပဵၼ်​ၼၼ်ႉ၊ ၵတ်း​ယဵၼ်​ၶျၢမ်း​သႃႇ​မႂ်း​တၵ်း​မီး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">မၼ်း​သမ်ႉ​ဝႃႈ၊ ယေႇသူႉရုၼ်ႇ ​ဢိူၺ်း၊ ၵေႃႉ​ဢၼ်​မိူၼ်​ၵၼ်​တင်း​ၽြႃး​ပဵၼ်​ၸဝ်ႈ ဢၼ်​ၶီႇ​ၽႃႉ​ၵၢင်​ႁၢဝ် ႁႂ်ႈ​လႆႈ​ၸွႆႈ​ထႅမ်​မႂ်း​လႄႈ ပႃး​တင်း​မုၼ်​ၽုင်း​ဢႃႇၼူႉၽေႃႇ ယူႇ​ၵႃႈ​ၼိူဝ်​မွၵ်ႇ​ၵုမ်ႈ​ၼၼ်ႉ ဢမ်ႇ​မီး​လႃး​လႃး။-</verse>
				<verse number="27">ၽြႃး​ပဵၼ်​ၸဝ်ႈ​ဢၼ်​ဢွၼ်​တၢင်း​သုတ်း​ၼၼ်ႉ ပဵၼ်​တီႈ​ဢၼ်​မႂ်း​သွၼ်ႈ​ပိုင်ႈ​လႄႈ ဢဝ်​တင်း​ၼိၵ်ႈၸႃႉ​ထႃႇဝရႃႉ​ၶႅၼ်​မိုဝ်း​ၸဝ်ႈ​ၵမ်ႉ​ထွၵ်ႈ​မႂ်း​ဢေႃႈ။ မၼ်း​ၸဝ်ႈ​တၵ်း​ႁေႃႈ​ရၢၼ်ႇ​သူႇ ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​မႂ်း​လႄႈ ပၼ်​ဢၶႂၢင်ႉ​လႄႈ​ဝႃႈ၊ ယႃႉ​ၽဵဝ်ႈ​ၶဝ်​ပႅတ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">မဵဝ်း​ ဢီႉသရေႇလႃႉ ​တၵ်း​လႆႈ​ယူႇ​လူင်ႉ​လူင်ႉ​လွတ်ႈ​လွတ်ႈ​လႄႈ ၼမ်ႉ​ဢွၵ်ႇ​ႁူး​ဢၼ်​ဝႃႈ ယႃႇၵုပ်ႈ ​ၼၼ်ႉ တၵ်း​တူၵ်း​တီႈ​တူၵ်း​လႅၼ် မဵဝ်း​လဵဝ်​ၵူၺ်း​မၼ်း​ယူႇ​ၵႃႈ​တီႈ​မိူင်း​ဢၼ်​ပျေႉ​ၸုမ်ႇ​ဝႆႉ​တင်း​ၶဝ်ႈ​ပိူၵ်ႇ​တင်း​ၼမ်ႉ​ၸပိတ်ႈ​လႄႈ ၼမ်ႉ​ၼၢႆး​တၵ်း​တူၵ်း​သေ​ၵႃႈ​ၼိူဝ်​ၵၢင်​ႁၢဝ်​ယူႇ​ၸိၵ်း​ၸိၵ်း​ၼၼ်ႉ​ဢေႃႈ။-</verse>
				<verse number="29">မဵဝ်း​ ဢီႉသရေႇလႃႉ ​ဢိူၺ်း၊ မႂ်း​ၼႆႉ​မီး​မင်ႇၵလႃႇ​ဢေႃႈ။ မဵဝ်း​ဢၼ်​ထႃႇဝရႃႉ​ၽြႃး​ၵႄႇ​သႄႇ​ၶျွတ်ႈ​ဢဝ်​ဢိူၺ်း၊ ၽူႈ​လႂ်​တၵ်း​မိူၼ်​ၵၼ်​တင်း​မႂ်း။ မၼ်း​ၸဝ်ႈ​ၼၼ်ႉ ပဵၼ်​လၢၵ်ႈ​ၼၢၵ်ႈ​ၶိူင်ႈ​ႁႄႉ​ၶိူင်ႈ​ၵင်ႈ ဢၼ်​ႁႄႉ​ၵင်ႈ​မႂ်း၊ လၢၵ်ႈ​ၼၢၵ်ႈ​လၢပ်ႇ​လႅဝ်း ဢၼ်​ယုၵ်ႉ​ယွင်ႈ​မႂ်း​ဢေႃႈ။ ရၢၼ်ႇ​သူႇ​မႂ်း​တင်း​လၢႆ တၵ်း​ႁဵတ်း​တၢင်း​ဢၼ်​ထိမ်ႇ​ဢၼ်​မႅပ်း​မႂ်း​လႄႈ မႂ်း​တၵ်း​လႆႈ​ယဵပ်ႇ​လႆႈ​ယမ်​ၵႃႈ​ၼိူဝ် ထႃႇၼႃႉ​တီႈ​ဢၼ်​သုင်​ဢၼ်​မျၢတ်ႈ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="34">
				<verse number="1">လိုၼ်း​ၼၼ်ႉ မူဝ်းသေႇ ​လုၵ်ႉ​သေ​ၵႃႈ​တီႈ​ပၢင်ႇ​ပဵင်း​ မေႃႇၽႃႉ ​ၵႂႃႇ​လႄႈ ၶိုၼ်ႈ​ၵႃႈ​ၼိူဝ်​လွႆ​ ၼေႇပေႃႇ ​ၸူး​ၵႃႈ​ၼိူဝ်​ၸိၵ်း​ ပီႉသၵႃႇ ၊ သိုဝ်ႈ​ဝဵင်း​ ယေႇရီႉၶူဝ်း ​ၼၼ်ႉ​သေ​ယဝ်ႉ၊ ထႃႇဝရႃႉ​ၽြႃး ၼႄ​ပျႃး​မိူင်း​ ၵီႉလတ်ႉ တင်း​သဵင်ႈ​တင်း​လူင်​တေႃႇ​ထိုင်​ႁွတ်ႈ​ဝဵင်း​ တၢၼ်ႇ ၊-</verse>
				<verse number="2">မိူင်း​ ၼပ်ႉထလီႉ ​တင်း​သဵင်ႈ​တင်း​လူင်၊ မိူင်း​ ဢေႇၽရိမ်ႇ ၊ မိူင်း​ မၼႃႇ​သေႇ ဢိၵ်ႇ​တင်း​မိူင်း​ ယူႉတႃႉ တင်း​သဵင်ႈ​တင်း​လူင်​တေႃႇ​ထိုင်​ႁွတ်ႈ​ပၢင်ႇ​လၢႆႇ တၢင်း​ဝၼ်း​တူၵ်း၊-</verse>
				<verse number="3">ပွတ်း​တၢင်း​ၸၢၼ်း​ဢိၵ်ႇ​တင်း​ပၢင်ႇ​ပဵင်း​ၵႄႈ​လွႆ​ဝဵင်း​ ယေႇရီႉၶူဝ်း ဢၼ်​ဝႃႈ​ဝဵင်း​တူၼ်ႈ​ထၢၼ်​ၼၼ်ႉ တေႃႇ​ထိုင်​ႁွတ်ႈ​ဝဵင်း​ ၸေႃးရႃႉ ​ၼၼ်ႉ တီႈ​မၼ်း​ဢေႃႈ။-</verse>
				<verse number="4">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​မၼ်း​လႄႈ​ဝႃႈ၊ မိူင်း​ၼႆႉ​ပဵၼ်​မိူင်း​ဢၼ်​ၵဝ်​တိူင်ႇ​ဝႃႈ​ဝႆႉ​တီႈ​ ဢႃႇပြႃႇႁၢမ်ႇ၊ ဢီႉၸၢၵ်ႈ တင်း​ ယႃႇၵုပ်ႈ ​လႄႈ​ဝႃႈ၊ ၵဝ်​တၵ်း​ပၼ်​တီႈ​ၸိူဝ်ႉ​ၶိူဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဝႆႉ​ၼၼ်ႉ​ဢေႃႈ။ ၵဝ်​ပၼ်​ဢၶႂၢင်ႉ​ဢၼ်​မႂ်း​လႆႈ​ဢဝ်​မၢၵ်ႇ​တႃ​မႂ်း​ႁၼ်​ဢေႃႈ။ ၵူၺ်း​ၵႃႈ မႂ်း​ဢမ်ႇ​လႆႈ​ၶၢမ်ႈ​ၵႂႃႇ​ၵႃႈ​တီႈ​ၼၼ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ၼင်ႇ​ၼၼ်​လႄႈ မူဝ်းသေႇ ၶႃႈ​ထႃႇဝရႃႉ​ၽြႃး​ၼၼ်ႉ ႁွတ်ႈ​ဢၼိၵ်ႈၸႃႉ ၵႃႈ​တီႈ​ၼၼ်ႈ​ၵႃႈ​ၼႂ်း​မိူင်း​ မေႃႇၽႃႉ ​ၼၼ်ႉ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၼၼ်ႉ​လႄႈ၊-</verse>
				<verse number="6">မၼ်း​ၸဝ်ႈ​ဢဝ်​မၼ်း​သၢင်း​ၵျူဝ်ႇ​ၵႃႈ​တီႈ​ၵႄႈ​ႁူၺ်ႈ​ၵႄႈ​လွႆ​သေ​တီႈ​တီႈ​ၵႃႈ​ၼႂ်း​မိူင်း​ မေႃႇၽႃႉ သိုဝ်ႈ​ဝဵင်း​ ပႅတ်ႉပေႇၵူႉရႃႉ ​ၼၼ်ႉ​ဢေႃႈ။ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁူႉ​ပႃႇ​ႁဵဝ်ႈ​သၢင်း​ၶႅင်း​မၼ်း​ၼၼ်ႉ​ႁၢၼ်ႉ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="7">မိူဝ်ႈ​ဢၼ်​ မူဝ်းသေႇ ​ႁွတ်ႈ​ဢၼိၵ်ႈၸႃႉ​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​ပၢၵ်ႇ​ပၢႆ​သၢဝ်း​ပီႊ​ဢေႃႈ။ တႃ​မၼ်း​ဢမ်ႇ​ပႆႇ​မူဝ်း၊ ႁႅင်း​မၼ်း​ၵေႃႈ ဢမ်ႇ​ပႆႇ​ဢူၼ်ႈ​ပႆႇ​ယွမ်း။-</verse>
				<verse number="8">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢွၼ်​ၵၼ်​ႁဵတ်း​တၢင်း​ဢၼ်​ထိုင်​ၸႂ်​ႁႆႈ​ႁွင်ႉ​ပုၼ်ႈ​ မူဝ်းသေႇ သၢမ်​သိပ်း​ဝၼ်း​တဵမ်​တဵမ် ၵႃႈ​ၼႂ်း​ပၢင်ႇ​ပဵင်း​မိူင်း​ မေႃႇၽႃႉ ​ၼၼ်ႉ​ဢေႃႈ။ ၼင်ႇ​ၼၼ်​လႄႈ ၶိင်ႇ​မိုဝ်ႉ​ဝၼ်း​ဢၼ်​ထိုင်​ၸႂ်​ႁႆႈ​ႁွင်ႉ​လႄႈ ၶၢင်း​ၶီ​ၶၢင်း​ၽၢၼ်​ပုၼ်ႈ​ မူဝ်းသေႇ ​ၼၼ်ႉ​ယဝ်ႉ တူဝ်ႈ​ဢေႃႈ။-</verse>
				<verse number="9">ယေႃးသူႉ ​လုၵ်ႈ​ၸၢႆး​ ၼုၼ်ႇ ​ၼၼ်ႉ​ပဵၼ်​ၵေႃႉ​ဢၼ်​ပျေႉ​ၸုမ်ႇ​ဝႆႉ​တင်း​ၸႂ်​ၺၢၼ်ႇ​ပိင်ႇ​ၺႃႇ ၵွပ်ႈ​ပိူဝ်ႈ​ဢၼ်​ မူဝ်းသေႇ ဢဝ်​မိုဝ်း​တၢင်ႇ​ၵႃႈ​ၼိူဝ်​မၼ်း​ယဝ်ႉ​ၼၼ်ႉ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၼ်​ၵၼ်​ထွမ်ႇ​ဢဝ်​ၵႂၢမ်း​မၼ်း​သေ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="10">လိုၼ်း​ၼၼ်ႉ ပရေႃးၽႅတ်ႈ​ဢၼ်​မိူၼ်​ၸိူဝ်ႉ​ၼင်ႇ​ မူဝ်းသေႇ ​ဢၼ်​ထႃႇဝရႃႉ​ၽြႃး လႆႈ​မိုတ်ႈ​ၵိုဝ်း​ၼႃႈ​တေႃႇ​ၼႃႈ​ၵၼ်​တင်း​မၼ်း၊-</verse>
				<verse number="11">ၼႂ်း​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း ၵႃႈ​ဢၼ်​ထႃႇဝရႃႉ​ၽြႃး​ပွႆႇ​ၸႂ်ႉ​မၼ်း​ၵႂႃႇ​ႁဵတ်း​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵႃႈ​တီႈ​ၸႃႉ​ၸဵမ် ၶုၼ်​ ၽႃႇရေႃး ​တင်း​ၶႃႈ​မၼ်း​ၵူၼ်း​မၼ်း​တင်း​သဵင်ႈ​တင်း​လူင်​လႄႈ မိူင်း​မၼ်း​တင်း​သဵင်ႈ​တင်း​မူတ်း၊-</verse>
				<verse number="12">ဢိၵ်ႇ​တင်း​ၼႂ်း​လွင်ႈ​တၢင်း​ဢၼ်​မၼ်း​ၸဝ်ႈ​ဢဝ်​မိုဝ်း​ၸဝ်ႈ​ဢၼ်​ႁႅင်း​ယႂ်ႇ​ၼႃႇ ႁဵတ်း​တင်း​လွင်ႈ​တၢင်း​ဢၼ်​လီ​ၵူဝ်​လီ​ႁႄ ဢၼ်​ မူဝ်းသေႇ ၼႄ​ပျႃး​သိုဝ်ႈ​ၼႃႈ​တႂ်ႈ​တႃ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၼၼ်ႉ ဢမ်ႇ​ပေႃႇ​ဢမ်ႇ​မႃး​ၵႃႈ​ၼႂ်း​မဵဝ်း​ ဢီႉသရေႇလႃႉ သေ​ၸဝ်ႈ​သေ​ပႃး။ ၵျၢမ်း​ဢၼ်​ႁေႃး​တြႃး​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="6">
			<chapter number="1">
				<verse number="1">လိုၼ်း​ဢၼ်​ မူဝ်းသေႇ ၶႃႈ​ထႃႇဝရႃႉ​ၽြႃး​ၼၼ်ႉ​ႁွတ်ႈ​ဢၼိၵ်ႈၸႃႉ​ယဝ်ႉ​ၼၼ်ႉ၊ ထႃႇဝရႃႉ​ၽြႃး​မီး​ဢမိင်ႉ​တီႈ​ ယေႃးသူႉ ​လုၵ်ႈ​ၸၢႆး​ ၼုၼ်ႇ ဢၼ်​ပဵၼ်​ၵူၼ်း​ႁူမ်ႈ​ၵူၼ်း​ပွင်း​ မူဝ်းသေႇ ​ၼၼ်ႉ​လႄႈ​ဝႃႈ၊-</verse>
				<verse number="2">ၶႃႈ​ၵဝ်​ မူဝ်းသေႇ ​ႁွတ်ႈ​ဢၼိၵ်ႈၸႃႉ​ယဝ်ႉ။ ပိူဝ်ႈ​ၼႆ​လႄႈ မႂ်း​ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင်​ၸိူဝ်း​ၼႆႉ ဢွၼ်​ၵၼ်​လုၵ်ႉ​တေႃႈ​လဵဝ်​ၼႆႉ​လႄႈ ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၵႂႃႇ ၵႃႈ​တီႈ​မိူင်း​ဢၼ်​ၵဝ်​တၵ်း​ပၼ်​တီႈ​ၶဝ်​ဢၼ်​ဝႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​တႃႉ။-</verse>
				<verse number="3">လိၼ်​ၵႃႈ​ဢၼ်​ၽႃႇ​တိၼ်​သူ​လႆႈ​ယဵပ်ႇ​ၼၼ်ႉ​ၸိုင် ၵဝ်​တၵ်း​ပၼ်​တီႈ​သူ​ၸွမ်း​ၵႃႈ​ၼင်ႇ​ဢၼ်​ၵဝ်​ဝႆႉ​ၵတီႉ​တီႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="4">ဢဝ်​ၵႃႈ​တီႈ​ထိူၼ်ႇ​လူင်​ဢိၵ်ႇ​တင်း​လွႆ​ လေႇပၼုၼ်ႇ ​ၼၼ်ႉ တေႃႇ​ထိုင်​ႁွတ်ႈ​ၼမ်ႉ​ႁွင်ႈ​လူင်​ ဢူႉၽရတ်ႉ ၵႃႈ​ပဵၼ်​မိူင်း​ ႁိတ်ႉတီႉ တင်း​သဵင်ႈ​တင်း​မူတ်း၊ လႆႈ​သမ်ႉ ဢဝ်​တေႃႇ​ထိုင်​ႁွတ်ႈ​ပၢင်ႇ​လၢႆႇ​လူင်​ၽၢႆႇ​ၵၢင်​ဝၼ်း​တူၵ်း​ၼၼ်ႉ တၵ်း​လႆႈ​ပဵၼ်​ၼမ်ႉ​သူ​လိၼ်​သူ​ဢေႃႈ။-</verse>
				<verse number="5">ၸူဝ်ႈ​ဢသၢၵ်ႈ​မႂ်း​ၼႆႉ ၽူႈ​လႂ်​ဢမ်ႇ​ၸုၵ်း​ဢမ်ႇ​ၶၢမ်ႇ​ယူႇ​ၵႃႈ​တီႈ​ၽၢႆႇ​ၼႃႈ​မႂ်း​လႆႈ​သေ​ၵေႃႉ​သေ​ၵူၼ်း။ ၵဝ်​တၵ်း​မီး​လူၺ်ႈ​ၵၼ်​တင်း​မႂ်း​မိူၼ်​ၸိူဝ်ႉ​ၼင်ႇ​ဢၼ် ၵဝ်​မီး​လူၺ်ႈ​ၵၼ်​တင်း​ မူဝ်းသေႇ ​ၼၼ်ႉ​ဢေႃႈ။ ၵဝ်​တၵ်း​ဢမ်ႇ​ၸုၼ်ႉ​ပႅတ်ႈ​မႂ်း။ ၵဝ်​တၵ်း​ဢမ်ႇ​ပႅတ်ႈ​မႂ်း​ဝႆႉ။-</verse>
				<verse number="6">ဢဝ်​ႁႅင်း​လႄႈ​မီး​တၢင်း​ဢၼ်​ႁတ်း​ႁၢၼ်​တႃႉ။ မႂ်း​တၵ်း​လႆႈ​ႁဵတ်း​ႁႂ်ႈ​ၵူၼ်း​တင်း​လၢႆ​ၼႆႉ လႆႈ​ၶၢမ်ႇ​ဢမူၺ်ႇ​မိူင်း​ဢၼ်​ၵဝ်​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​ၶဝ်​လႄႈ​ဝႃႈ တၵ်း​ပၼ်​ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="7">ၵူၺ်း​ၵွမ်ႉ​ဢဝ်​ႁႅင်း​လႄႈ​မီး​တၢင်း​ဢၼ်​ႁတ်း​ႁၢၼ်​ၼႃႇ​လူင်​လၢင် ပႂ်ႉ​ၸွမ်း​ႁႂ်ႈ​လႆႈ​ၵမ်​ၵျၢင်ႉ​ၸွမ်း​ၵႃႈ​ၼင်ႇ​တြႃး​ဢၼ်​ၶႃႈ​ၵဝ်​ မူဝ်းသေႇ ​သင်ႇ​လၢတ်ႈ ဝႆႉ​ၼၼ်ႉ​တႃႉ။ လွင်ႈ​ၼင်ႇ​ႁိုဝ်​မႂ်း​တၵ်း​ပႄႉ​ၼႅင်ႇ​ၵႃႈ​တီႈ​ၵႃႈ​ဢၼ်​မႂ်း​ၵႂႃႇ​မႂ်း​ပႆ​ၼၼ်ႉ​ၸိုင် ယႃႇ​ပေ​ဝႄႈ​ပိူင်ႈ​တြႃး​ၼၼ်ႉ​ၵႂႃႇ​ၵႃႈ​တီႈ​ၽၢႆႇ​ၶႂႃ​ၽၢႆႇ​သၢႆႉ။-</verse>
				<verse number="8">လွင်ႈ​ၼင်ႇ​ႁိုဝ်​မႂ်း​တၵ်း​လႆႈ​ပႂ်ႉ​ၸွမ်း​ႁႂ်ႈ​လႆႈ​ၵမ်​ၵျၢင်ႉ​ၵႃႈ​ဢၼ်​တႅမ်ႈ​ဝႆႉ​ၵႃႈ​ၼႂ်း​ၵျၢမ်း​ပိင်း​ၺၢပ်ႈ​တီႉ​ၼႆႉ​ၸိုင်၊ ၵျၢမ်း​လိၵ်ႈ​ၼႆႉ​ဢမ်ႇ​လႆႈ​ၽၢတ်ႇ​သေ ယၢၼ်​သေ သူပ်း​မႂ်း။ မႂ်း​တၵ်း​လႆႈ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ၼႂ်း​မၼ်း​ယူႇ ၵူႈ​ဝၼ်း​ၵူႈ​ၶိုၼ်း​ဢမ်ႇ​ထၢတ်ႇ​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၢင်း​ၵျၢမ်ႇ​တၢင်း​ပွင်​မႂ်း​တၵ်း​ပဵၼ်​လႄႈ တၵ်း​ပႄႉ​ၼႅင်ႇ​ဢေႃႈ။-</verse>
				<verse number="9">ၵဝ်​သင်ႇ​လၢတ်ႈ​တီႈ​မႂ်း​ဝႆႉ​ယဝ်ႉ​ဢမ်ႇ​ၸႂ်ႈ​ႁိုဝ်။ ဢဝ်​ႁႅင်း​လႄႈ​မီး​တၢင်း​ဢၼ်​ႁတ်း​ႁၢၼ်​တႃႉ။ ယႃႇ​ပေ​ၵူဝ်​ပေ​ႁႄ။ ယႃႇ​ပေ​ၸႂ်​လူႉ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​မီး​လူၺ်ႈ​ၵၼ်​တင်း​မႂ်း ၵႃႈ​တီႈ​ၵႃႈ​ဢၼ်​မႂ်း​ၵႂႃႇ​မႂ်း​ပႆ​ၸိူဝ်း​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">မိူဝ်ႈ​ၼၼ်ႉ ယေႃးသူႉ ​ႁွင်ႉ​ဢဝ်​ၶဝ်​ၸိူဝ်း​ဢၼ်​ပဵၼ်​ၶုၼ်​ပူဝ်ႇ​ၵူၼ်း​တင်း​လၢႆ​ၸိူဝ်း​ၼၼ်ႉ​သေ​လႄႈ​သင်ႇ​လၢတ်ႈ​ဝႃႈ၊-</verse>
				<verse number="11">ဢွၼ်​ၵၼ်​လႄႇ​ၵႂႃႇ​ၼႂ်း​တပ်ႉ​တင်း​သဵင်ႈ​တင်း​မူတ်း​သင်ႇ​လၢတ်ႈ​ဝႆႉ​တီႈ​ၵူၼ်း​တင်း​လၢႆ​လႄႈ​ဝႃႈ၊ ဢွၼ်​ၵၼ်​မႄး​ႁႅၼ်း​တၢင်း​ၵိၼ်​တၢင်း​ၶူပ်း​ဝႆႉ ၵွပ်ႈ​ပိူဝ်ႈ​ဢၼ်​သူ​တၵ်း​လႆႈ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၼႆႉ​ၵႂႃႇ​ၼႂ်း​သၢမ်​ဝၼ်း ႁႂ်ႈ​လႆႈ​ၶဝ်ႈ​ၸၢမ်ႇ​ၸႃး​မိူင်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တၵ်း​ပၼ်​သူ​ပိူင်ႇ​ၼၼ်ႉ​တႃႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ယေႃးသူႉ ​သမ်ႉ​ႁွင်ႉ​ဢဝ်​ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ၊ ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၸိူဝ်း​ၼၼ်ႉ​လႄႈ​လၢတ်ႈ​လႄႈ​ဝႃႈ၊-</verse>
				<verse number="13">သူ​ဢွၼ်​ၵၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵႂၢမ်း​ဢၼ်​ မူဝ်းသေႇ ​ၶႃႈ​ထႃႇဝရႃႉ​ၽြႃး​ၼၼ်ႉ သင်ႇ​လၢတ်ႈ​ဝႆႉ​တီႈ​သူ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ တၵ်း​ပၼ်​ၵတ်း​ယဵၼ်​ၶျၢမ်း​သႃႇ​တီႈ​သူ​လႄႈ ၶျႃး​တီႈ​ယူႇ​သူ​ပၼ်​ၵႃႈ​တီႈ​မိူင်း​ၼႆႉ​ဢေႃႈ။-</verse>
				<verse number="14">မေး​သူ၊ လုၵ်ႈ​ဢွၼ်ႇ​သူ ဢိၵ်ႇ​တင်း​တရိၵ်ႈသၢၼ်ႇ​သူ တၵ်း​လႆႈ​ၵိုတ်း​သဝ်း​ယူႇ​ၵႃႈ​တီႈ​မိူင်း​ဢၼ်​ မူဝ်းသေႇ ​ပၼ် ၽၢႆႇ​တၢင်း​ဢွၵ်ႇ​ၼမ်ႉ​ႁွင်ႈ​ ယေႃးတၢၼ်ႇ ​ၼႆႉ​ဢေႃႈ။ ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ၵႃႈ​ၼႂ်း​သူ​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ယိပ်း​ၵမ်​လၢၵ်ႈ​ၼၢၵ်ႈ​သေ​လႄႈ ဢွၼ်​ႁူဝ်​ပီႈ​ၼွင်ႉ​သူ​ၶၢမ်ႈ​ၵႂႃႇ​လႄႈ​ၸွႆႈ​ထႅမ်​မႃႉ​ၸႃႉ​ၶဝ်၊-</verse>
				<verse number="15">တေႃႇ​ထိုင်​ႁွတ်ႈ​ထႃႇဝရႃႉ​ၽြႃး ထၼ်ႈ​ပေႃး​ပၼ်​ၵတ်း​ယဵၼ်​ၶျၢမ်း​သႃႇ​တီႈ​ပီႈ​ၼွင်ႉ​သူ မိူၼ်​ၸိူဝ်ႉ​ၼင်ႇ​ဢၼ် ပၼ်​တီႈ​သူ​ၼၼ်ႉ​လႄႈ ၶဝ်​လႆႈ​သိမ်း​လႆႈ​ဢဝ်​မိူင်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ပၼ်​ၼၼ်ႉ​တႃႉ။ လိုၼ်း​ၼၼ်ႉ သူ​ၸင်ႇ​တၵ်း​လႆႈ​ၶိုၼ်း​မႃး​တီႈ​မိူင်း​ဢၼ်​သူ​ပိူင်ႇ​ၼႆႉ​လႄႈ ၶဝ်ႈ​ၸၢမ်ႇ​ၸႃး​မိူင်း​ဢၼ်​ မူဝ်းသေႇ ၶႃႈ​ထႃႇဝရႃႉ​ၽြႃး​ၼၼ်ႉ ပၼ်​ၵႃႈ​တီႈ​ၽၢႆႇ​ၼႆႉ​ၼမ်ႉ​ႁွင်ႈ​ ယေႃးတၢၼ်ႇ ၽၢႆႇ​တၢင်း​ဢၼ်​ၵၢင်​ဝၼ်း​ဢွၵ်ႇ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၶဝ်​ၼၼ်ႉ​ၵေႃႈ ဢွၼ်​ၵၼ်​ၶိုၼ်း​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ ႁဝ်း​ၶႃႈ​တၵ်း​ႁဵတ်း​ၸွမ်း​ၵႃႈ​ဢၼ်​ၸဝ်ႈ​ႁဝ်း​သင်ႇ​လၢတ်ႈ​ဝႆႉ​ၼၼ်ႉ​ၶႃႈ​ဢေႃႈ။ ႁဝ်း​ၶႃႈ​တၵ်း​ၵႂႃႇ​ၵႃႈ​တီႈ​ၵႃႈ​ဢၼ်​ၸဝ်ႈ​ႁဝ်း​ပွႆႇ​ၸႂ်ႉ​ၵႂႃႇ​ၼၼ်ႉ​ၶႃႈ​ဢေႃႈ။-</verse>
				<verse number="17">ႁဝ်း​ၶႃႈ​တၵ်း​ထွမ်ႇ​ဢဝ်​ၵႂၢမ်း​ၸဝ်ႈ​ႁဝ်း​ၶႃႈ မိူၼ်​ၸိူဝ်ႉ​ၼင်ႇ​ဢၼ်​ႁဝ်း​ၶႃႈ​ထွမ်ႇ​ဢဝ်​ၵႂၢမ်း​ မူဝ်းသေႇ ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၶႃႈ​ဢေႃႈ။ ပိူဝ်ႈ​ၼႆ​လႄႈ ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​မီး​လူၺ်ႈ​ၵၼ်​တင်း​ၸဝ်ႈ​ႁဝ်း မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​မီး​လူၺ်ႈ​ၵၼ်​တင်း​ မူဝ်းသေႇ ​ၼၼ်ႉ​သေ​ၵမ်း​လူၺ်ႈ။-</verse>
				<verse number="18">ၵေႃႉ​ဢၼ်​ပူၼ်ႉ​လိူဝ်​ဢမိင်ႉ​ၸဝ်ႈ​ႁဝ်း​လႄႈ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵႃႈ​ဢၼ်​ၸဝ်ႈ​ႁဝ်း​လၢတ်ႈ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ၶႃႈ​ဢေႃႈ။ ၵူၺ်း​ၵွမ်ႉ​ဢဝ်​ႁႅင်း​သေ​ၵမ်း​ၶႃႈ။ မီး​တၢင်း​ဢၼ်​ႁတ်း​ႁၢၼ်​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="2">
				<verse number="1">မိူဝ်ႈ​ၼၼ်ႉ ယေႃးသူႉ ​လုၵ်ႈ​ၸၢႆး​ ၼုၼ်ႇ ​ၼၼ်ႉ တဵတ်ႇ​တဵတ်ႇ​ပွႆႇ​ၸႂ်ႉ​ၶဵဝ်​လွတ်ႈ​ၽၢႆႇ​ၼႂ်း​သွင်​ၵေႃႉ ဢွၵ်ႇ​သေ​ၵႃႈ​တီႈ​ဝဵင်း​ သိတ်ႇတိမ်ႇ ​ၵႂႃႇ​လႄႈ သင်ႇ​လၢတ်ႈ​ဝႃႈ၊ ၵႂႃႇ​လႄႈ​လူ​တူၺ်း​မိူင်း​ဢိၵ်ႇ​တင်း​ဝဵင်း​ ယေႇရီႉၶူဝ်း ​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ သွင်​ၶႃ​ၼၼ်ႉ​ၵႂႃႇ​လႄႈ ၶဝ်ႈ​ၵႃႈ​ၼႂ်း​ႁိူၼ်း​မႄႈ​မွၵ်ႇ​ယႃႈ ဢၼ်​လႆႈ​ၸိုဝ်ႈ​ ရႃႇၶပ်ႉ ​သေ​လႄႈ ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="2">ပိူၼ်ႈ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ယေႇရီႉၶူဝ်း ​လႄႈ​ဝႃႈ၊ ၵူၼ်း​မဵဝ်း​ ဢီႉသရေႇလႃႉ ​ၵမ်ႈ​ၽွင်ႈ​ၶဝ်ႈ​မႃး​ၵႃႈ​ၼႂ်း​ဝဵင်း​ၼႆႉ​ၶမ်ႈ​ၼႆႉ​ႁႂ်ႈ​လႆႈ​လွမ်​တူၺ်း​မိူင်း​ၼႆႉ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="3">ၶုၼ်​ႁေႃ​ၶမ်း​ ယေႇရီႉၶူဝ်း ​ၼၼ်ႉ​ပွႆႇ​ၸႂ်ႉ​ၵႂႃႇ​ၵႃႈ​တီႈ​ ရႃႇၶပ်ႉ ​လႄႈ​မီး​ဢမိင်ႉ​ဝႃႈ၊ ဢဝ်​ၶဝ်​ၸိူဝ်း​ဢၼ်​ႁွတ်ႈ​မႃး​ၵႃႈ​တီႈ​မႂ်း​လႄႈ ၶဝ်ႈ​ၵႃႈ​ၼႂ်း​ႁိူၼ်း​မႂ်း​ၼၼ်ႉ ဢၢပ်ႈ​တႃႉ။ ၶဝ်​ႁွတ်ႈ​မႃး​ႁႂ်ႈ​လႆႈ​လွမ်​တူၺ်း​မိူင်း​ၼႆႉ​တင်း​မိူင်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မႄႈ​ယိင်း​ၼၼ်ႉ​ဢဝ်​သွင်​ၶႃ​ၼၼ်ႉ​သိူင်ႇ​ဝႆႉ​သေ​ယဝ်ႉ၊ ၶိုၼ်း​လၢတ်ႈ​လႄႈ​ဝႃႈ၊ ၸႂ်ႈ​တႄႉ။ ၵူၼ်း​ႁွတ်ႈ​မႃး​ၵႃႈ​တီႈ​ၵဝ်​ၶႃႈ​ၶႃႈ​ဢေႃႈ။ ၵူၺ်း​ၵႃႈ ၵဝ်​ၶႃႈ​ဢမ်ႇ​ႁူႉ​လွင်ႈ​ဢၼ်​ၶဝ်​လုၵ်ႉ​သေ​ၵႃႈ​တီႈ​လႂ်​မႃး​ၼၼ်ႉ​ၶႃႈ။-</verse>
				<verse number="5">မိူဝ်ႈ​ဢၼ်​ၵၢင်​ဝၼ်း​ၶမ်ႈ​လႄႈ​ထိုင်​ၶိင်ႇ​ဢၼ်​ဢိုတ်း​ၽၵ်း​တူ​ၼၼ်ႉ​ၸိုင်၊ သွင်​ၶႃ​ၼၼ်ႉ​ဢွၵ်ႇ​ၵႂႃႇ​သေ​ၶႃႈ​ဢေႃႈ။ ၵဝ်​ၶႃႈ​ဢမ်ႇ​ႁူႉ​လွင်ႈ​ဢၼ်​သွင်​ၶႃ​ဢွၵ်ႇ​ၵႂႃႇ​ၵႃႈ​တီႈ​လႂ်​ၼၼ်ႉ​ၶႃႈ။ လိုပ်ႈ​ၸွမ်း​လမ်း​ၸွမ်း​ၶၼ်​ၶၼ်​ဝႆး​ဝႆး​ၶႃႈ​တႃႉ။ လီ​ၶိုတ်း​တၵ်း​ၶိုတ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၵူၺ်း​ၵႃႈ မၼ်း​ဢဝ်​သွင်​ၶႃ​ၶိုၼ်ႈ​ၵႃႈ​ၼိူဝ်​မုင်း​ႁိူၼ်း​သေ​လႄႈ ဢဝ်​သိူင်ႇ​ဝႆႉ​ၵႃႈ​ၼႂ်း​ၵၢၼ်ႈ​တူၼ်ႈ​ပၢၼ်ႇ ဢၼ်​မၼ်း​ၽႄႇ​သိူဝ်ႇ​ဝႆႉ ၵႃႈ​ၼိူဝ်​မုင်း​ႁိူၼ်း​ၼၼ်ႉ​ယဝ်ႉ။-</verse>
				<verse number="7">ၵူၼ်း​ၸိူဝ်း​ၼၼ်ႉ​ဢွၼ်​ၵၼ်​လိုပ်ႈ​ၸွမ်း​လမ်း​ၸွမ်း​ၵႃႈ​ၼႂ်း​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ တေႃႇ​ထိုင်​ႁွတ်ႈ​တိုဝ်ႉ​တႃႈ​တီႈ​ဢၼ်​ၶၢမ်ႈ​ၼမ်ႉ​ႁွင်ႈ​ၼၼ်ႉ​ဢေႃႈ။ မိူဝ်ႈ​ဢၼ်​ၶဝ်​ၸိူဝ်း​ဢၼ်​လိုပ်ႈ​ၸွမ်း​လမ်း​ၸွမ်း​ၼၼ်ႉ ႁွတ်ႈ​ၵႃႈ​တီႈ​ၼွၵ်ႈ​ဝဵင်း​ယဝ်ႉ​ၼၼ်ႉ​ၸိုင် ၶဝ်​ဢိုတ်း​ၽၵ်း​တူ​ဝဵင်း​ဝႆႉ​သေ​ဢေႃႈ။</verse>
				<verse number="8">ၸူဝ်ႈ​ဢၼ်​သွင်​ၶႃ​ၼၼ်ႉ​ဢမ်ႇ​ပႆႇ​ၼွၼ်း​ၼၼ်ႉ​ၸိုင် မၼ်း​ၼၼ်ႉ​ၶိုၼ်ႈ​ၵႃႈ​ၼိူဝ်​မုင်း​ႁိူၼ်း​တီႈ​ဢၼ်​သွင်​ၶႃ​မီး​ၼၼ်ႉ​သေ​လႄႈ​လၢတ်ႈ​လႄႈ​ဝႃႈ၊-</verse>
				<verse number="9">ၵဝ်​ၶႃႈ​ႁူႉ​လွင်ႈ​ဢၼ်​ထႃႇဝရႃႉ​ၽြႃး ဢဝ်​မိူင်း​ၼႆႉ​ပၼ်​တီႈ​သူ​ၸဝ်ႈ ဢိၵ်ႇ​တင်း​လွင်ႈ​ဢၼ်​ၵူဝ်​ဢၼ်​ႁႄ​သူ​ၸဝ်ႈ​ဢၼ်​ယႂ်ႇ​ၼႃႇ​လူင်​လၢင်​ၼၼ်ႉ​တူၵ်း​ႁွတ်ႈ​ၵႃႈ​ၼိူဝ်​ႁဝ်း​ၶႃႈ​လႄႈ ႁူဝ်​ၸႂ်​ၵူၼ်း​ဝၢၼ်ႈ​ၵူၼ်း​မိူင်း​ၵႃႈ​မီး​ၸိူမ်ႈ​ယၢႆႈ​ၵႂႃႇ ၵွပ်ႈ​ပိူဝ်ႈ​သူ​ၼၼ်ႉ​ၶႃႈ​ဢေႃႈ။-</verse>
				<verse number="10">ႁဝ်း​ၶႃႈ​လႆႈ​ငိၼ်း​လွင်ႈ​ဢၼ်​ထႃႇဝရႃႉ​ၽြႃး ႁႂ်ႈ​ၼမ်ႉ​ပၢင်ႇ​လၢႆႇ​ ဢေႇတုမ်ႇ ယူတ်း​ႁႅင်ႈ​ၵႂႃႇ​ၵႃႈ​တီႈ​ၽၢႆႇ​ၼႃႈ​သူ​ၸဝ်ႈ ၼႂ်း​မိူဝ်ႈ​ဢၼ်​သူ​ၸဝ်ႈ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ ဢိၵ်ႇ​တင်း​လွင်ႈ​ဢၼ်​သူ​ၸဝ်ႈ​ႁဵတ်း​တီႈ​ၶုၼ်​ႁေႃ​ၶမ်း​ ဢႃႇမေႃးရီႉ သွင်​ပႃး​ဢၼ်​ယူႇ ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ဢၼ်​ဝႃႈ​ သီႉႁုၼ်ႇ တင်း​ ဢေႃႇၶႃႉ ဢၼ်​သူ​ၸဝ်ႈ​ယႃႉ​ပႅတ်ႈ​မူတ်း​မူတ်း​ၼၼ်ႉ​ၶႃႈ​ယဝ်ႉ။-</verse>
				<verse number="11">မိူဝ်ႈ​ဢၼ်​ႁဝ်း​ၶႃႈ​ငိၼ်း​လွင်ႈ​မၼ်း​တၢင်း​မၼ်း​ၼၼ်ႉ​ၸိုင်၊ ႁူဝ်​ၸႂ်​ႁဝ်း​ၶႃႈ​ၸိူမ်ႈ​ယၢႆႈ​ၵႂႃႇ​လႄႈ တၢင်း​ဢၼ်​ၵတ်ႉ​ၶၼ်​ႁတ်း​ႁၢၼ် ဢမ်ႇ​ၵိုတ်း​ၵျၢၼ်ႇ​ဝႆႉ​ၵႃႈ​တီႈ​သေ​ၵေႃႉ​သေ​ၵူၼ်း​လႃး​လႃး ၵွပ်ႈ​ပိူဝ်ႈ​သူ​ၸဝ်ႈ​ၶႃႈ​ယဝ်ႉ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၸဝ်ႈ​ၼၼ်ႉ ပဵၼ်​ၽြႃး​ၵႃႈ​ၼႂ်း​ၽုင်ႇ​ၵၢင်​ႁၢဝ်​ၵႃႈ​ၼိူဝ် ဢိၵ်ႇ​တင်း​ၵႃႈ​တီႈ​လိၼ်​မိူင်း​ၵႃႈ​တႂ်ႈ​ၶႃႈ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ သွင်​ၸဝ်ႈ​ဢဝ်​ထႃႇဝရႃႉ​ၽြႃး တိူင်ႇ​ဝႃႈ​လူၺ်ႈ​လွင်ႈ​ဢၼ် ၵွပ်ႈ​ပိူဝ်ႈ​ဢၼ်​ၵဝ်​ၶႃႈ​ႁဵတ်း​ၵျေး​ၸူး​တီႈ​သွင်​ၸဝ်ႈ​လႄႈ သွင်​ၸဝ်ႈ​ၵေႃႈ​တၵ်း​ႁဵတ်း​ၵျေး​ၸူး​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၵဝ်​ၶႃႈ​တင်း​လၢႆ​ၼၼ်ႉ​လႄႈ ဢဝ်​လၢၵ်ႈၶၼႃႇ​သၢၵ်ႈ​သေႇ ဢၼ်​ၸိုဝ်ႈ​ဢၼ်​ၸႂ်ႈ​ပၼ်​ဝႆႉ​တီႈ​ၵဝ်​ၶႃႈ၊-</verse>
				<verse number="13">ဢိၵ်ႇ​တင်း​လွင်ႈ​ဢၼ်​သူ​ၸဝ်ႈ​ယင်း​ဢမ်ႇ​ဢဝ်​ပေႃႈ​ၵဝ်​ၶႃႈ​မႄႈ​ၵဝ်​ၶႃႈ၊ ပီႈ​ၸၢႆး​ၼွင်ႉ​ၸၢႆး​ၵဝ်​ၶႃႈ၊ ပီႈ​ၼၢင်း​ၼွင်ႉ​ယိင်း​ၵဝ်​ၶႃႈ၊ ဢိၵ်ႇ​တင်း ၵူၼ်း​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၶဝ်​ၼၼ်ႉ​တၢႆ​လႄႈ၊ တၵ်း​ပၼ်​ၵတ်း​ယဵၼ်​ၶျၢမ်း​သႃႇ​တီႈ​ႁဝ်း​ၶႃႈ​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ သွင်​ၶႃ​ၼၼ်ႉ ႁပ်ႉ​တုင်း​ဢဝ်​လႄႈ​ဝႃႈ၊-</verse>
				<verse number="14">ပေႃး​မႂ်း​ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး​ဢမူႉ​ႁႃး​ၼႆႉ​ၸိုင်၊ ႁႂ်ႈ​ဢသၢၵ်ႈ​ႁႃး​ၼႆႉ ပဵၼ်​တၢင်း​ဢၼ်​ႁပ်ႉ​တုင်း​ဢဝ်​ပုၼ်ႈ​ဢသၢၵ်ႈ​မႂ်း​တႃႉ။ မိူဝ်ႈ​ဢၼ်​ထႃႇဝရႃႉ​ၽြႃး ဢဝ်​မိူင်း​ၼႆႉ​ပၼ်​တီႈ​ႁဝ်း​ၼၼ်ႉ​ၸိုင်၊ ႁဝ်း​တၵ်း​ႁဵတ်း​ၵျေး​ၸူး​တီႈ​မႂ်း​လႄႈ ပႂ်ႉ​သဵတ်ႈ​ၸႃႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၵွပ်ႈ​ပိူဝ်ႈ​ဢၼ်​ႁိူၼ်း​မၼ်း​မီး​ၵႃႈ​ၼိူဝ်​လမ်း​ဝဵင်း မၼ်း​ယူႇ​ၵႃႈ​ၼိူဝ်​လမ်း​ဝဵင်း​ၼၼ်ႉ​လႄႈ မၼ်း​ဢဝ်​ၸိူၵ်ႈ​ဢဝ်​သွင်​ၶႃ​ၼၼ်ႉ​ယွၼ်ႇ​တူၵ်း​သေ ၵႃႈ​ၼိူဝ်​ႁူး​လၢင်း​တဵၼ်​ယူႇ​သေ​လႄႈ သင်ႇ​လၢတ်ႈ​လႄႈ​ဝႃႈ၊-</verse>
				<verse number="16">လွင်ႈ​ၼင်ႇ​ႁိုဝ်​ၶဝ်​ၸိူဝ်း​ဢၼ်​လိုပ်ႈ​ၸွမ်း​လမ်း​ၸွမ်း​သွင်​ၸဝ်ႈ​ၼၼ်ႉ တၵ်း​ဢမ်ႇ​လႆႈ​ႁူပ်ႉ​ထူပ်း​သွင်​ၸဝ်ႈ​ၸိုင် ပၢႆႈ​ၵႂႃႇ​ၸူး​ၵႃႈ​တီႈ​ၼိူဝ်​လွႆ​သေ​လႄႈ တဵတ်ႇ​ယူႇ​သေ​သၢမ်​ဝၼ်း​ၼိုင်ႈ​တေႃႇ​ထိုင်​ႁွတ်ႈ​ၶဝ်​ၸိူဝ်း​ဢၼ်​လိုပ်ႈ​ၸွမ်း​လမ်း​ၸွမ်း​ၼၼ်ႉ​ၶိုၼ်း​မႃး​ယဝ်ႉ​ၼၼ်ႉ​သေ​ၵမ်း။ လိုၼ်း​ၼၼ်ႉ​ၸင်ႇ​ၵႂႃႇ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">သွင်​ၶႃ​ၼၼ်ႉ​လၢတ်ႈ​တီႈ​မၼ်း​လႄႈ​ဝႃႈ၊ ႁႃး​တၵ်း​ၵၢင်း​လွတ်ႈ​တင်း​ဢပႅတ်ႈ​ၼႂ်း​ၵႂၢမ်း​သဵတ်ႈ​ၸႃႇ​ဢၼ်​မႂ်း​ႁႂ်ႈ​ႁႃး​ၵိၼ်ႇ​ဝႃႈ​ၼၼ်ႉ​ဢေႃႈ။-</verse>
				<verse number="18">တူၺ်း​လူး၊ မိူဝ်ႈ​ဢၼ်​ႁဝ်း​ႁွတ်ႈ​ထိုင်​ၵႃႈ​ၼႂ်း​မိူင်း​ၼႆႉ​ၼၼ်ႉ​ၸိုင်၊ မႂ်း​တၵ်း​လႆႈ​ဢဝ်​ၸိူၵ်ႈ​ဢၼ်​လႅင်​သဵၼ်ႈ​ၼႆႉ မတ်ႉ​ဝႆႉ​ၵႃႈ​ၼႂ်း​ႁူး​လၢင်း​တဵၼ် ဢၼ်​မႂ်း​ဢဝ်​ႁႃး​ယွၼ်ႇ​တူၵ်း​ၼႆႉ​လႄႈ ႁွင်ႉ​ဢဝ်​ပေႃႈ​မႂ်း​မႄႈ​မႂ်း၊ ပီႈ​ၸၢႆး​ၼွင်ႉ​ၸၢႆး​မႂ်း​ဢိၵ်ႇ​တင်း ၵူၼ်း​ႁိူၼ်း​ၵူၼ်း​ယေး​ပေႃႈ​မႂ်း​ၵႃႈ​မီး​ၼၼ်ႉ ဝႆႉ​ၵႃႈ​ၼႂ်း​ႁိူၼ်း​မႂ်း​ဢေႃႈ။-</verse>
				<verse number="19">ၵူၺ်း​ၵႃႈ ၵေႃႉ​ဢၼ်​ဢွၵ်ႇ​သေ​ၵႃႈ​ၼႂ်း​ၽၵ်း​တူ​ႁိူၼ်း​မႂ်း​လႄႈ ၵႂႃႇ​ၵႃႈ​တီႈ​ၵၢင်​တၢင်း​ၼၼ်ႉ​ၸမ်ႉ၊ ႁႂ်ႈ​လိူတ်ႈ​မၼ်း​တူၵ်း​ႁွတ်ႈ​ၵႃႈ​ၼိူဝ်​ႁူဝ်​မၼ်း​တႃႉ။ ႁႃး​ၸမ်ႉ၊ တၵ်း​ၵၢင်း​လွတ်ႈ​ဢေႃႈ။ ၵေႃႉ​ဢၼ်​မီး​ယူႇ​လူၺ်ႈ​ၵၼ်​တင်း​မႂ်း​ၵႃႈ​ၼႂ်း​ႁိူၼ်း​ၼႆႉ​ၼၼ်ႉ​ၸမ်ႉ၊ ပေႃး​မိုဝ်း​သေ​ၵေႃႉ​သေ​ၵူၼ်း​ႁွတ်ႈ​ထိုင်​ၵႃႈ​ၼိူဝ်​မၼ်း​ၸိုင်၊ ႁႂ်ႈ​လိူတ်ႈ​မၼ်း​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​ႁႃး​တႃႉ။-</verse>
				<verse number="20">ပေႃး​မႂ်း​ၽုၺ်ႇ​ဢွၵ်ႇ​ၼႄ​ပျႃး​ဢမူႉ​ႁႃး​ၵေႃႈ ႁႃး​တၵ်း​ၵၢင်း​လွတ်ႈ​တင်း​ၵႂၢမ်း​သဵတ်ႈ​ၸႃႇ​ဢၼ်​မႂ်း ႁႂ်ႈ​ႁႃး​ၵိၼ်ႇ​ဝႃႈ​ၼႆႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="21">မၼ်း​ၼၼ်ႉ​လၢတ်ႈ​လႄႈ​ဝႃႈ၊ ႁႂ်ႈ​ပဵၼ်​ၸွမ်း​ၵႃႈ​ၼင်ႇ​ၵႂၢမ်း​သွင်​ၸဝ်ႈ​ၼၼ်ႉ​သေ​ၵမ်း​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ပွႆႇ​သွင်​ၶႃ​ၼၼ်ႉ​ၵႂႃႇ​လႄႈ သွင်​ၶႃ​ၼၼ်ႉ​ၵႂႃႇ​ဢေႃႈ။ မၼ်း​ၵေႃႈ​ဢဝ်​ၸိူၵ်ႈ​ဢၼ်​လႅင်​ၼၼ်ႉ​မတ်ႉ​ဝႆႉ​ၵႃႈ​ၼႂ်း​ႁူး​လၢင်း​တဵၼ်​ဢေႃႈ။-</verse>
				<verse number="22">သွင်​ၶႃ​ၼၼ်ႉ​ၵႂႃႇ​လႄႈ​ႁွတ်ႈ​ထိုင်​ၵႃႈ​ၼိူဝ်​လွႆ​သေ​ယဝ်ႉ၊ ယူႇ​သၢမ်​ဝၼ်း​တေႃႇ​ထိုင်​ႁွတ်ႈ ၶဝ်​ၸိူဝ်း​ဢၼ် လိုပ်ႈ​ၸွမ်း​လမ်း​ၸွမ်း​ၼၼ်ႉ ထၼ်ႈ​ပေႃး​ၶိုၼ်း​မိူဝ်း​ယဝ်ႉ​ၼၼ်ႉ​ဢေႃႈ။-</verse>
				<verse number="23">သွင်​ၶႃ​ၼၼ်ႉ​ဝၢႆႇ​ၶိုၼ်း​လႄႈ လူင်း​သေ​ၵႃႈ​ၼိူဝ်​လွႆ​သေ​လႄႈ ၶၢမ်ႈ​ၼမ်ႉ​ႁွင်ႈ​လႄႈ​ႁွတ်ႈ​ထိုင်​ၵႃႈ​တီႈ​ ယေႃးသူႉ လုၵ်ႈ​ၸၢႆး​ ၼုၼ်ႇ သေ​ယဝ်ႉ၊ ဢွၼ်​ၵၼ်​မွၵ်ႇ​လၢတ်ႈ ၵႃႈ​ဢၼ်​ပဵၼ်​တီႈ​သွင်​ၶႃ​ၼၼ်ႉ​ဢေႃႈ။-</verse>
				<verse number="24">သွင်​ၶႃ​လဝ်ႊ​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ ထႃႇဝရႃႉ​ၽြႃး ဢဝ်​မိူင်း​ၼၼ်ႉ​တင်း​သဵင်ႈ​တင်း​မူတ်း​ဢၢပ်ႈ​ပၼ်​တီႈ​ႁဝ်း​ၶႃႈ​ဢမၢၼ်ႇ​ၶၼ်​ပဵၼ်​ၶႃႈ​ယဝ်ႉ။ ႁူဝ်​ၸႂ်​ၵူၼ်း​ဝၢၼ်ႈ​ၵူၼ်း​မိူင်း​ၵႃႈ​မီး​ၼၼ်ႉ ၸိူမ်ႈ​ယၢႆႈ​ၵႂႃႇ​ၵွပ်ႈ​ပိူဝ်ႈ​ႁဝ်း​ၶႃႈ​ယဝ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="3">
				<verse number="1">ယေႃးသူႉ ​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ မၼ်း​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ၶၢႆႉ​သေ​ၵႃႈ​တီႈ​ဝဵင်း​ သိတ်ႇတိမ်ႇ ​ၼၼ်ႉ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​သေ​ယဝ်ႉ၊ ၶျႃး​ပၢင်​ယူႇ​ၵႃႈ​တီႈ​ၼၼ်ႈ ၸူဝ်ႈ​ဢၼ်​ၶဝ်​ဢမ်ႇ​ပႆႇ​ၶၢမ်ႈ​ၼမ်ႉ​ႁွင်ႈ​ၵႂႃႇ​ၼၼ်ႉ​ဢေႃႈ။-</verse>
				<verse number="2">မိူဝ်ႈ​ဢၼ်​ပူၼ်ႉ​သၢမ်​ဝၼ်း​ယဝ်ႉ​ၼၼ်ႉ​ၸိုင်၊ ၶုၼ်​ပူဝ်ႇ​တင်း​လၢႆ ဢွၼ်​ၵၼ်​လႄႇ​ၵႃႈ​ၼႂ်း​တပ်ႉ​တင်း​သဵင်ႈ​တင်း​မူတ်း​လႄႈ၊-</verse>
				<verse number="3">သင်ႇ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ မိူဝ်ႈ​ဢၼ်​သူ​ႁၼ်​တိူၵ်ႈ​ပတီႉၺိၺ်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢိၵ်ႇ​တင်း​ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ဢၼ်​ႁၢပ်ႇ​တိူၵ်ႈ​တႃႇ​ၸဝ်ႈ​ၸိူဝ်း​ၼၼ်ႉ​ၸိုင်၊ သူ​တၵ်း​လႆႈ​ဢွၼ်​ၵၼ်​ၶၢႆႉ​တီႈ​ယူႇ​သူ​သေ​လႄႈ ၸွမ်း​ဢေႃႈ။-</verse>
				<verse number="4">ဝူင်ႈ​ၵၢင်​တိူၵ်ႈ​တႃႇ​ၸဝ်ႈ​တင်း​သူ​ၼၼ်ႉ တၵ်း​လႆႈ​မီး​သွင်​ႁဵင်​သွၵ်ႇ​ၸမ်​ၸမ် ၸွမ်း​လူၺ်ႈ​တၢင်း​ဢၼ်​ၶပ်ႉ​ဢၼ်​တႅၵ်ႈ​မၼ်း​ဢေႃႈ။ သူ​ယႃႇ​ပေ​သုတ်ႉ​ၸပ်း​သုတ်ႉ​ၸူး​တီႈ​မၼ်း ႁႂ်ႈ​သူ​လႆႈ​ႁူႉ​သဵၼ်ႈ​တၢင်း​ဢၼ်​သူ​တၵ်း​လႆႈ​ၵႂႃႇ​ၼၼ်ႉ။ လွင်ႈ​မၼ်း​ၸမ်ႉ သူ​ဢမ်ႇ​ပႆႇ​ယၢမ်ႈ​တွၼ်ႉ​လႆႈ​ၸွမ်း​သဵၼ်ႈ​တၢင်း​ၼႆႉ​သေ​ၽဝ်ႇ​သေ​ပွၵ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ယေႃးသူႉ ​သင်ႇ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ တူဝ်​သူ​ႁႂ်ႈ​တူဝ်​သူ​မူတ်း​ၸၢင်ႇ​တႃႉ။ လွင်ႈ​မၼ်း​ၸမ်ႉ ဝၼ်း​မိူဝ်ႈ​ၽုၵ်ႈ ထႃႇဝရႃႉ​ၽြႃး​တၵ်း​ႁဵတ်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ၵႃႈ​ၼႂ်း​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">လႆႈ​သမ်ႉ ယေႃးသူႉ ​ႁွင်ႉ​ဢဝ်​ယိတ်ႈပရေႃးႁဵၵ်ႈ​တင်း​လၢႆ​သေ​လႄႈ​လၢတ်ႈ​လႄႈ​ဝႃႈ၊ သူ​ဢွၼ်​ၵၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ၸဝ်ႈ​သေ​လႄႈ ဢွၼ်​ႁူဝ်​ၵူၼ်း​တင်း​လၢႆ​ၶၢမ်ႈ​ၵႂႃႇ​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ၼၼ်ႉ​ဢွၼ်​ၵၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ၸဝ်ႈ​လႄႈ ဢွၼ်​ႁူဝ်​ၵူၼ်း​တင်း​လၢႆ​ၵႂႃႇ​ဢေႃႈ။-</verse>
				<verse number="7">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ ယေႃးသူႉ ​လႄႈ​ဝႃႈ၊ ဝၼ်း​မိူဝ်ႈ​ၼႆႉ ၵဝ်​တၵ်း​ၸႃႉ​ႁဵတ်း​တၢင်း​ဢၼ်​ယုၵ်ႉ​ယွင်ႈ​မႂ်း​သိုဝ်ႈ​ၼႃႈ​တႂ်ႈ​တႃ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ႁႂ်ႈ​ၶဝ်​လႆႈ​ႁူႉ​လွင်ႈ​ဢၼ်​ၵဝ်​တၵ်း​မီး​ယူႇ​လူၺ်ႈ​ၵၼ်​တင်း​မႂ်း မိူၼ်​ၸိူဝ်ႉ​ၼင်ႇ​ဢၼ် ၵဝ်​လႆႈ​မီး​ယူႇ​လူၺ်ႈ​ၵၼ်​တင်း​ မူဝ်းသေႇ ​ယဝ်ႉ​ၼၼ်ႉ​ဢေႃႈ။-</verse>
				<verse number="8">မႂ်း​သင်ႇ​လၢတ်ႈ​တီႈ​ယိတ်ႈပရေႃးႁဵၵ်ႈ ဢၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ၸဝ်ႈ​ၸိူဝ်း​ၼၼ်ႉ​လႄႈ​ဝႃႈ၊ မိူဝ်ႈ​ဢၼ်​သူ​ႁွတ်ႈ​ထိုင်​ၵႃႈ​တီႈ​ၽင်ႇ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ၸိုင်၊ သူ​တၵ်း​လႆႈ​ၸုၵ်း​ၵိုတ်း​ယူႇ​ၵႃႈ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ၊ ဝႃႈ​ၼင်ႇ​ၼႆ​ဝႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ယေႃးသူႉ ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ သူ​ဢွၼ်​ၵၼ်​မႃး​လႄႈ ထွမ်ႇ​ငိၼ်း​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ယေႃးသူႉ ​သမ်ႉ လၢတ်ႈ​ထႅင်ႈ​လႄႈ​ဝႃႈ၊ သူ​တၵ်း​လႆႈ​ႁူႉ​လွင်ႈ​ဢၼ် ၽြႃး​ပဵၼ်​ၸဝ်ႈ​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​မီး​ယူႇ​ၵႃႈ​ၼႂ်း​သူ​လႄႈ မၼ်း​ၸဝ်ႈ​တၵ်း​ႁေႃႈ​ၵူၼ်း​ ၶႃႇၼၼီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ႁီႉဝီႉ ၊ ၵူၼ်း​ ၽေႇရၸီႉ ၊ ၵူၼ်း​ ၵီႉရၵႃႇသီႉ ၊ ၵူၼ်း​ ဢႃႇမေႃးရီႉ ၊ ၵူၼ်း​ ယေႇပူႉသီႉ ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​သေ ၵႃႈ​တီႈ​ၽၢႆႇ​ၼႃႈ​သူ​ဢမၢၼ်ႇ​ၶၼ်​ပဵၼ်​ၼၼ်ႉ ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊-</verse>
				<verse number="11">တူၺ်း​လူး၊ တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး ဢၼ်​ဢုပ်ႉ​ပိူင်ႇ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​ၼၼ်ႉ တၵ်း​ဢွၼ်​ႁူဝ်​သူ​ၶၢမ်ႈ​ၵႂႃႇ​ၵႃႈ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ ဢွၼ်​ၵၼ်​လိူၵ်ႈ​ၵဵပ်း​ဢဝ်​ၵူၼ်း​သိပ်း​သွင်​ၵေႃႉ ၵႃႈ​ၼႂ်း​မဵဝ်း​ ဢီႉသရေႇလႃႉ ​ၵူႈ​မဵဝ်း ယေႈ​မဵဝ်း​ယေႈ​ၵေႃႉ​တႃႉ။-</verse>
				<verse number="13">မိူဝ်ႈ​ဢၼ်​ၽႃႇ​တိၼ်​ယိတ်ႈပရေႃးႁဵၵ်ႈ ဢၼ်​ႁၢပ်ႇ​တိူၵ်ႈ​တႃႇ​ထႃႇဝရႃႉ​ၽြႃး ၸဝ်ႈ​ဢၼ်​ဢုပ်ႉ​ပိူင်ႇ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​ၼၼ်ႉ​ၸိူဝ်း​ၼၼ်ႉ ယဵပ်ႇ​သႂ်ႇ​ၵႃႈ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ၵမ်း​လဵဝ်​ၼၼ်ႉ​ၸိုင်၊ ၼမ်ႉ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ဢၼ်​ဝႃႈ ၼမ်ႉ​ဢၼ်​လုၵ်ႉ​သေ​ၵႃႈ​တီႈ​ၽၢႆႇ​ၼိူဝ်​လႆ​လူင်း​မႃး​ၼၼ်ႉ​တၵ်း​ၶၢတ်ႇ​လႄႈ မီး​တၢင်း​ဢၼ်​သူတ်ႇ​ၵွင်​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၵူၼ်း​တင်း​လၢႆ​ဢွၼ်​ၵၼ်​ၶၢႆႉ​သေ​ၵႃႈ​တီႈ မူဝ်းၵႃႇ​ၶဝ်​ႁႂ်ႈ​လႆႈ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​လႄႈ ယိတ်ႈပရေႃးႁဵၵ်ႈ​ဢၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ၸဝ်ႈ​ၸိူဝ်း​ၼၼ်ႉ ဢွၼ်​ႁူဝ်​ၵူၼ်း​တင်း​လၢႆ​ၵႂႃႇ​သေ​ယဝ်ႉ၊-</verse>
				<verse number="15">မိူဝ်ႈ​ဢၼ်​ၶဝ်​ၸိူဝ်း​ဢၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ၸဝ်ႈ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​လႄႈ တိၼ်​ယိတ်ႈပရေႃးႁဵၵ်ႈ ဢၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ၸဝ်ႈ​ၸိူဝ်း​ၼၼ်ႉ ၸွမ်ႇ​ၸုမ်ႇ​သႂ်ႇ​ၵႃႈ​ၼႂ်း​ၼမ်ႉ​ၼၼ်ႉ​ၸိုင်၊ ပိၵ်ႉ​သမ်ႉ​ၼမ်ႉ​ႁွင်ႈ​ ယေႃးတၢၼ်ႇ ​လူၼ်ႉ​ၽင်ႇ​လူၼ်ႉ​ႁိမ်း​တင်း​သဵင်ႈ​တင်း​မူတ်း ၼႂ်း​ၵႃႈ​ဢၼ်​ပဵၼ်​ၶိင်ႇ​ဢၼ်​ပၢတ်ႇ​ၶဝ်ႈ​ၼၼ်ႉ​ယူႇ​သေ​ၵေႃႈ၊-</verse>
				<verse number="16">ၼမ်ႉ​ဢၼ်​လုၵ်ႉ​သေ​ၵႃႈ​တီႈ​ၽၢႆႇ​ၼိူဝ်​လႆ​လူင်း​မႃး​ၼၼ်ႉ ၵိုတ်း​သဝ်း​ယူႇ​လႄႈ သူတ်ႇ​ၶိုၼ်ႈ​ၵွင်​ၶိုၼ်ႈ​ယူႇ​ၵႃႈ​တီႈ​ဢၼ်​ၵႆ​ၵႃႈ​တီႈ​ႁိမ်း ဝဵင်း​ ဢႃႇထၢမ်ႇ ​ဢၼ်​မီး​ၵႃႈ​တီႈ​ႁိမ်း​ဝဵင်း​ ၸႃႇရတၼ်ႇ ​ၼၼ်ႉ​ဢေႃႈ။ ၼမ်ႉ​ဢၼ်​လႆ​ၵႂႃႇ​ၸူး​ၵႃႈ​တီႈ​ပၢင်ႇ​လၢႆႇ​ပၢင်ႇ​ပဵင်း ဢႃႇရၽႃႉ ဢၼ်​ဝႃႈ ပၢင်ႇ​လၢႆႇ ၼမ်ႉ​ၵိူဝ် ​ၼၼ်ႉ​ၵေႃႈ ၶၢတ်ႇ​ၶေႃး​ၵႂႃႇ သဵင်ႈ​မူတ်း​ၵႂႃႇ​လႄႈ ၵူၼ်း​တင်း​လၢႆ​ဢွၼ်​ၵၼ်​ၶၢမ်ႈ​ၵႂႃႇ​သိုဝ်ႈ​ဝဵင်း​ ယေႇရီႉၶူဝ်း ​ဢေႃႈ။-</verse>
				<verse number="17">ယိတ်ႈပရေႃးႁဵၵ်ႈ ဢၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​ၸိူဝ်း​ၼၼ်ႉ ယဵပ်ႇ​သႂ်ႇ​ၵႃႈ​ၼိူဝ်​လိၼ် ၵႃႈ​ၼႂ်း​ၵၢင်​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​မၼ်ႈ​မၼ်ႈ​ၶိူင်ႇ​ၶိူင်ႇ​ယူႇ​သေ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႆႈ​ပႆ​တၢင်း ၵႃႈ​ၼိူဝ်​လိၼ် ၶၢမ်ႈ​ၵႂႃႇ​တေႃႇ​ထိုင်​ႁွတ်ႈ​ၵူၼ်း​တင်း​သဵင်ႈ​တင်း​လူင်​ထၼ်ႈ​ပေႃး​လႆႈ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၵႂႃႇ​တင်း​သဵင်ႈ​တင်း​မူတ်း​ၼၼ်ႉ​ဢေႃႈ။</verse>
			</chapter>
			<chapter number="4">
				<verse number="1">မိူဝ်ႈ​ဢၼ်​ၵူၼ်း​တင်း​သဵင်ႈ​တင်း​လူင်​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ သဵင်ႈ​သဵင်ႈ​မူတ်း​မူတ်း​ယဝ်ႉ​ၼၼ်ႉ​ၸိုင်၊ ထႃႇဝရႃႉ​ၽြႃး​မီး​ဢမိင်ႉ​တီႈ ယေႃးသူႉ ​လႄႈ​ဝႃႈ၊-</verse>
				<verse number="2">လိူၵ်ႈ​ၵဵပ်း​ဢဝ်​ၵူၼ်း​သိပ်း​သွင်​ၵေႃႉ ၵႃႈ​ၼႂ်း​ၵူၼ်း​တင်း​လၢႆ​ယေႈ​မဵဝ်း​ယေႈ​ၵေႃႉ​လႄႈ၊-</verse>
				<verse number="3">သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ သူ​ဢဝ်​မၢၵ်ႇ​ႁိၼ်​သိပ်း​သွင်​လုၵ်ႈ​ၵႃႈ​ၼႂ်း​ၵၢင်​ၼမ်ႉ​ႁွင်ႈ​ ယေႃးတၢၼ်ႇ တီႈ​ဢၼ်​တိၼ်​ယိတ်ႈပရေႃးႁဵၵ်ႈ ၸိူဝ်း​ၼၼ်ႉ​ယဵပ်ႇ​သႂ်ႇ​မၼ်ႈ​မၼ်ႈ​ၶိူင်ႇ​ၶိူင်ႇ​ၼၼ်ႉ​လႄႈ ဢဝ်​ၵႂႃႇ​လူၺ်ႈ​ၵၼ်​တင်း​သူ​သေ​လႄႈ ဝႆႉ​ၵႃႈ​တီႈ​ဢၼ်​သူ​တၵ်း​ၶျႃး​ပၢင်​မိူဝ်ႈ​ၶမ်ႈ​ၼႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="4">ယေႃးသူႉ ​ႁွင်ႉ​ဢဝ်​ၵူၼ်း​သိပ်း​သွင်​ၵေႃႉ ဢၼ်​မၼ်း​မၵ်း​ၶၢၼ်း​ဝႆႉ​ထႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ယေႈ​မဵဝ်း​ယေႈ​ၵေႃႉ​ၼၼ်ႉ​ၸိူဝ်း​ၼၼ်ႉ​သေ​လႄႈ၊-</verse>
				<verse number="5">ယေႃးသူႉ ​သင်ႇ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၶၢမ်ႈ​ၵႂႃႇ​ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ၵႃႈ​ၼႂ်း​ၵၢင်​ၼမ်ႉ​ႁွင်ႈ​ ယေႃးတၢၼ်ႇ ​လႄႈ ဢဝ်​မၢၵ်ႇ​ႁိၼ်​ယေႈ​ၵေႃႉ​ယေႈ​လုၵ်ႈ​မႅၵ်ႇ​သႂ်ႇ​ၵႃႈ​ၼိူဝ်​ႁူဝ်​မႃႇ​သူ ၵႂႃႇ​ၸွမ်း​ၵႃႈ​ၼင်ႇ​ဢၼ်​ၼပ်ႉ​ဢၢၼ်ႇ​မဵဝ်း​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​တႃႉ။-</verse>
				<verse number="6">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် တၵ်း​လႆႈ​ပဵၼ်​သၢၵ်ႈ​သေႇ​ဝႆႉ​ၵႃႈ​ၼႂ်း​သူ​ပုၼ်ႈ​လွင်ႈ​ၼင်ႇ​ႁိုဝ် မိူဝ်ႈ​ဢၼ်​လုၵ်ႈ​လၢင်း​သူ​တွင်ႈ​ထၢမ် ၼႂ်း​ၶိင်ႇ​ၵႃႇလႃႉ​ၵမ်း​လိုၼ်း​ပုၼ်ႉ​လႄႈ​ဝႃႈ၊ မၢၵ်ႇ​ႁိၼ်​ၸိူဝ်း​ၼႆႉ​ၸမ်ႉ၊ ၶႂ်ႈ​ဝႃႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၼၼ်ႉ၊-</verse>
				<verse number="7">သူ​တၵ်း​လႆႈ​ၶိုၼ်း​လၢတ်ႈ​လႄႈ​ဝႃႈ၊ ၼမ်ႉ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ ၶၢတ်ႇ​ၵႂႃႇ​ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​ဢေႃႈ။ မိူဝ်ႈ​ဢၼ်​တိူၵ်ႈ​တႃႇ​ၸဝ်ႈ​ၼၼ်ႉ ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ၸိုင်၊ ၼမ်ႉ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ​ၶၢတ်ႇ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။ ၼင်ႇ​ၼၼ်​လႄႈ မၢၵ်ႇ​ႁိၼ်​ၸိူဝ်း​ၼႆႉ တၵ်း​ပဵၼ်​ပုၼ်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​လႆႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​ၸွမ်း​ၵႃႈ​ၼင်ႇ​ဢၼ်​ ယေႃးသူႉ ​သင်ႇ​လၢတ်ႈ​ဝႆႉ​ၼၼ်ႉ​လႄႈ ဢဝ်​မၢၵ်ႇ​ႁိၼ်​သိပ်း​သွင်​လုၵ်ႈ​ၵႃႈ​ၼႂ်း​ၵၢင်​ၼမ်ႉ​ႁွင်ႈ​ ယေႃးတၢၼ်ႇ မႅၼ်ႈ​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး မီး​ဢမိင်ႉ​တီႈ​ ယေႃးသူႉ ​ၼၼ်ႉ၊ ၸွမ်း​ၵႃႈ​ၼင်ႇ​ဢၼ် ၼပ်ႉ​ဢၢၼ်ႇ​မဵဝ်း​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ မႅၵ်ႇ​ပႃး​ၵႂႃႇ​လူၺ်ႈ​ၵၼ်​တင်း​ၶဝ်​ၸူး​ၵႃႈ​တီႈ တီႈ​ဢၼ်​တၵ်း​ၶျႃး​ပၢင်​ၼၼ်ႉ​လႄႈ ၶျႃး​ဝႆႉ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="9">လႆႈ​သမ်ႉ ယေႃးသူႉ ​ဢဝ်​မၢၵ်ႇ​ႁိၼ်​သိပ်း​သွင်​လုၵ်ႈ​ပၵ်း​ဝႆႉ​ၵႃႈ​ၼႂ်း​ၵၢင်​ၼမ်ႉ​ႁွင်ႈ​ ယေႃးတၢၼ်ႇ ​ၵႃႈ​တီႈ​ဢၼ်​တိၼ်​ယိတ်ႈပရေႃးႁဵၵ်ႈ ဢၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ၸဝ်ႈ​ၸိူဝ်း​ၼၼ်ႉ ယဵပ်ႇ​သႂ်ႇ​ၼၼ်ႉ​လႄႈ မီး​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="10">ယိတ်ႈပရေႃးႁဵၵ်ႈ​ဢၼ်​ႁၢပ်ႇ​တိူၵ်ႈ​တႃႇ​ၸဝ်ႈ​ၸိူဝ်း​ၼၼ်ႉ ၸုၵ်း​ယူႇ​ၵႃႈ​ၼႂ်း​ၵၢင်​ၼမ်ႉ​ႁွင်ႈ​ ယေႃးတၢၼ်ႇ တေႃႇ​ထိုင်​ႁွတ်ႈ​ၵႃႈ​ဢၼ်​ထႃႇဝရႃႉ​ၽြႃး မီး​ဢမိင်ႉ​တီႈ​ ယေႃးသူႉ ႁႂ်ႈ​လႆႈ​လၢတ်ႈ​ဝႆႉ​တီႈ​ၵူၼ်း​တင်း​လၢႆ​ၼၼ်ႉ ထၼ်ႈ​ပေႃး​ယဝ်ႉ​တူဝ်ႈ​ယဝ်ႉ​တင်း​သဵင်ႈ​တင်း​မူတ်း ၸွမ်း​ၵႃႈ​ၼင်ႇ​ဢၼ် မူဝ်းသေႇ ​သင်ႇ​လၢတ်ႈ​ဝႆႉ​တီႈ​ ယေႃးသူႉ ​ၼၼ်ႉ​ဢေႃႈ။ ၵူၼ်း​တင်း​လၢႆ​ၼၼ်ႉ​ၵေႃႈ ႁိပ်ႈ​ၼႅတ်ႈ​သေ​လႄႈ​ၶၢမ်ႈ​ဢေႃႈ။-</verse>
				<verse number="11">ၵူၼ်း​တင်း​သဵင်ႈ​တင်း​လူင်​ၶၢမ်ႈ​တင်း​သဵင်ႈ​တင်း​မူတ်း​သေ​ယဝ်ႉ၊ တိူၵ်ႈ​တႃႇ​ထႃႇဝရႃႉ​ၽြႃး ဢိၵ်ႇ​တင်း​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ၶၢမ်ႈ​ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၵူၼ်း​တင်း​လၢႆ​ဢေႃႈ။-</verse>
				<verse number="12">ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ၊ ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၸိူဝ်း​ၼၼ်ႉ ယိပ်း​ၵမ်​လၢၵ်ႈ​ၼၢၵ်ႈ​သေ​လႄႈ ဢွၼ်​ႁူဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၶၢမ်ႈ​ၵႂႃႇ​ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="13">ၵူၼ်း​သီႇ​မိုၼ်ႇ​ၼိုင်ႈ​ၸမ်​ၸမ် ဢၼ်​မႄး​ႁႅၼ်း​ဝႆႉ​ႁႂ်ႈ​လႆႈ​တိုၵ်း​သိုၵ်း​ၸိူဝ်း​ၼၼ်ႉ ၶၢမ်ႈ​ၵႂႃႇ​ၸူး​ၵႃႈ​တီႈ​ပၢင်ႇ​ပဵင်း​ဝဵင်း​ ယေႇရီႉၶူဝ်း သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ႁႂ်ႈ​လႆႈ​တိုၵ်း​သိုၵ်း​ဢေႃႈ။-</verse>
				<verse number="14">ၼႂ်း​ဝၼ်း​ၼၼ်ႉ ထႃႇဝရႃႉ​ၽြႃး ယုၵ်ႉ​ယွင်ႈ​ ယေႃးသူႉ ​သိုဝ်ႈ​ၼႃႈ​တႂ်ႈ​တႃ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ​လႄႈ၊ ၶဝ်​ၼၼ်ႉ​ဢွၼ်​ၵၼ်​ၵူဝ်​ႁႄ​မၼ်း ၸူဝ်ႈ​ဢၼ်​ဢသၢၵ်ႈ​မၼ်း​ယင်း​လိပ်း​ယူႇ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​ၶဝ်​ၵူဝ်​ႁႄ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="15">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ ယေႃးသူႉ ​လႄႈ​ဝႃႈ၊-</verse>
				<verse number="16">သင်ႇ​လၢတ်ႈ​ႁႂ်ႈ​ယိတ်ႈပရေႃးႁဵၵ်ႈ​ဢၼ်​ႁၢပ်ႇ​တိူၵ်ႈ​တႃႇ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ၶိုၼ်ႈ​မႃး​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="17">ယေႃးသူႉ ​သင်ႇ​လၢတ်ႈ​တီႈ​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​လႄႈ​ဝႃႈ၊ ဢွၵ်ႇ​သေ​ၵႃႈ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ၶိုၼ်ႈ​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မိူဝ်ႈ​ဢၼ်​ယိတ်ႈပရေႃးႁဵၵ်ႈ​ဢၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​ၵၢင်​ၼမ်ႉ​ႁွင်ႈ​ ယေႃးတၢၼ်ႇ ၶိုၼ်ႈ​မႃး​လႄႈ ၽႃႇ​တိၼ်​ၶဝ်​ယဵပ်ႇ​ၵႃႈ​ၼိူဝ်​ၵုင်း​ၼၼ်ႉ​ၸိုင်၊ ၼမ်ႉ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ ၶိုၼ်း​မႃး​ၵႃႈ​တီႈ တီႈ​မၼ်း​ၼၼ်ႉ​လႄႈ ထူမ်ႈ​ၽင်ႇ​မၼ်း​တင်း​သဵင်ႈ​တင်း​မူတ်း မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="19">လိူၼ်​ပထမႃႉ ဝၼ်း​တႃႉသမႃႉ​ၼၼ်ႉ၊ ၵူၼ်း​တင်း​လၢႆ​ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ၶိုၼ်ႈ​မႃး​လႄႈ ၶျႃး​တပ်ႉ​ယူႇ​ၵႃႈ​တီႈ​ ၵီႉလႃႉၵႃႇလႃႉ ၵႃႈ​တီႈ​လႅၼ်​လိၼ်​ၽၢႆႇ​ဝၼ်း​ဢွၵ်ႇ ဝဵင်း​ ယေႇရီႉၶူဝ်း ​ၼၼ်ႉ​ဢေႃႈ။-</verse>
				<verse number="20">မၢၵ်ႇ​ႁိၼ်​သိပ်း​သွင်​လုၵ်ႈ ဢၼ်​ၶဝ်​ဢဝ်​ဢွၵ်ႇ​သေ​ၵႃႈ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ​ၸိူဝ်း​ၼၼ်ႉ​ၸိုင်၊ ယေႃးသူႉ ​ဢဝ်​ပၵ်း​ဝႆႉ​ၵႃႈ​တီႈ ၵီႉလႃႉၵႃႇလႃႉ ​ၼၼ်ႉ​ဢေႃႈ။-</verse>
				<verse number="21">တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵေႃႈ မၼ်း​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​လုၵ်ႈ​လၢင်း​သူ​တွင်ႈ​ထၢမ်​တီႈ​ပေႃႈ​ၶဝ် ၼႂ်း​ၶိင်ႇ​ၵႃႇလႃႉ​ၵမ်း​လိုၼ်း​ၼၼ်ႉ​လႄႈ​ဝႃႈ၊ မၢၵ်ႇ​ႁိၼ်​ၸိူဝ်း​ၼႆႉ​ၸမ်ႉ၊ ၶႂ်ႈ​ဝႃႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="22">သူ​တၵ်း​လႆႈ​ႁႂ်ႈ​လုၵ်ႈ​လၢင်း​သူ​ႁူႉ​လႄႈ​ဝႃႈ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼႆႉ ပႆ​ၵႃႈ​ၼိူဝ်​လိၼ်​ဢၼ်​ယူတ်း​ဢၼ်​ႁႅင်ႈ​သေ​လႄႈ ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၼႆႉ​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ႁႂ်ႈ​ၼမ်ႉ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ယူတ်း​ႁႅင်ႈ​ၵႂႃႇ​ၵႃႈ​တီႈ​ၽၢႆႇ​ၼႃႈ​သူ​တေႃႇ​ထိုင်​ႁွတ်ႈ​သူ​ထၼ်ႈ​ပေႃး​လႆႈ​ၶၢမ်ႈ​မႃး​မိူၼ်​ၸိူဝ်ႉ​ၼင်ႇ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ႁဵတ်း​တီႈ​ပၢင်ႇ​လၢႆႇ​ ဢေႇတုမ်ႇ ဢၼ်​မၼ်း​ၸဝ်ႈ​ႁႂ်ႈ​ယူတ်း​ႁႅင်ႈ​ၵႂႃႇ​ၵႃႈ​တီႈ​ၽၢႆႇ​ၼႃႈ​ႁဝ်း တေႃႇ​ထိုင်​ႁွတ်ႈ​ႁဝ်း​ထၼ်ႈ​ပေႃး​လႆႈ​ၶၢမ်ႈ​မႃး​ၼၼ်ႉ၊-</verse>
				<verse number="24">ႁႂ်ႈ​ၵူၼ်း​ၼိူဝ်​လိၼ်​မိူင်း​တင်း​သဵင်ႈ​တင်း​လူင် လႆႈ​ႁူႉ​လွင်ႈ​ဢၼ်​မိုဝ်း​ထႃႇဝရႃႉ​ၽြႃး မီး​ႁႅင်း​တၼ်း​ၶူဝ်း​ဢၼ်​ယႂ်ႇ​ၼႃႇ ဢိၵ်ႇ​တင်း​ႁႂ်ႈ​ၶဝ်​လႆႈ​ၵူဝ်​လႆႈ​ႁႄ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ယူႇ​တႃႇ​သေႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="5">
				<verse number="1">မိူဝ်ႈ​ဢၼ်​ၶုၼ်​လူင်​ ဢႃႇမေႃးရီႉ ​ဢၼ်​ယူႇ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ ယေႃးတၢၼ်ႇ ​တင်း​သဵင်ႈ​တင်း​လူင် ဢိၵ်ႇ​တင်း​ၶုၼ်​လူင်​ ၶႃႇၼၼီႉ ဢၼ်​ယူႇ​ၵႃႈ​ႁိမ်း​ပၢင်ႇ​လၢႆႇ​တင်း​သဵင်ႈ​တင်း​လူင်​ၼၼ်ႉ ႁူႉ​ငိၼ်း​လွင်ႈ​ဢၼ်​ထႃႇဝရႃႉ​ၽြႃး ႁႂ်ႈ​ၼမ်ႉ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ယူတ်း​ႁႅင်ႈ​ၵႂႃႇ​ၵႃႈ​တီႈ ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တေႃႇ​ထိုင်​ႁွတ်ႈ​ႁဝ်း​ထၼ်ႈ​ပေႃး​လႆႈ​ၶၢမ်ႈ​မႃး​ၼၼ်ႉ​ၸိုင်၊ ႁူဝ်​ၸႂ်​ၶဝ်​ၸိူမ်ႈ​ယၢႆႈ​ၵႂႃႇ​လႄႈ တၢင်း​ဢၼ်​ၵတ်ႉ​ၶၼ်​ႁတ်း​ႁၢၼ်​ၶဝ်​ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​တီႈ​ၶဝ်​လႃး​လႃး ၵွပ်ႈ​ပိူဝ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ဢေႃႈ။</verse>
				<verse number="2">မိူဝ်ႈ​ၼၼ်ႉ ထႃႇဝရႃႉ​ၽြႃး​မီး​ဢမိင်ႉ​တီႈ​ ယေႃးသူႉ ​လႄႈ​ဝႃႈ၊ မႂ်း​ဢဝ်​မၢၵ်ႇ​ႁိၼ်​လဵၵ်း​ပၢႆႇ​ႁဵတ်း​မိတ်ႈ​သေ​လႄႈ၊ သမ်ႉ​ပၼ်​မင်ႇၵလႃႇ တၢင်း​ဢၼ်​ထိူဝ်​ႁိမ်း တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ထႅင်ႈ​ပွၵ်ႈ​ၼိုင်ႈ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="3">ယေႃးသူႉ ​ဢဝ်​မၢၵ်ႇ​ႁိၼ်​လဵၵ်း​ပၢႆႇ​ႁဵတ်း​မိတ်ႈ​လႄႈ ပၼ်​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ပၢႆ​ၼင် တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​တီႈ​လွႆ​ပၢႆ​ၼင်​ၼၼ်ႉ​ဢေႃႈ။-</verse>
				<verse number="4">လွင်ႈ​ဢၼ်​ ယေႃးသူႉ ​လႆႈ​ပၼ်​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸမ်ႉ၊ ၵႃႈ​ပဵၼ်​ၵူၼ်း​ၸၢႆး​ဢၼ်​ပဵၼ်​ၵူၼ်း​သိုၵ်း ဢၼ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၸိူဝ်း​ၼၼ်ႉ တၢႆ​ၵႃႈ​ၼႂ်း​ထိူၼ်ႇ​ၸွမ်း​တႃႈ​ၸွမ်း​တၢင်း လိုၼ်း​သေ​ဢၼ်​ၶဝ်​ဢွၵ်ႇ​သေ​ၵႃႈ​ၼႂ်း မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​ဢွၵ်ႇ​သေ​ၵႃႈ​ၼႂ်း​မိူင်း​ၼၼ်ႉ​မႃး​တင်း​သဵင်ႈ​တင်း​လူင်​ၼၼ်ႉ​ၸိုင်၊ လႆႈ​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ဝႆႉ​ယဝ်ႉ။ ၶဝ်​ၸိူဝ်း​ဢၼ်​ၵိူတ်ႇ​လဵင်ႉ​ၵႃႈ​ၼႂ်း​ထိူၼ်ႇ​ၸွမ်း​တႃႈ​ၸွမ်း​တၢင်း တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ ဢမ်ႇ​ပႆႇ​လႆႈ​ၶၢမ်ႇ​မင်ႇၵလႃႇ တၢင်း​ဢၼ်​ထိူဝ်​ႁိမ်း။-</verse>
				<verse number="6">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​လႄႇ​ၵႂႃႇ​လႄႇ​မႃး​ယူႇ​ၵႃႈ​ၼႂ်း​ထိူၼ်ႇ​သီႇ​သိပ်း​ပီႊ​တဵမ်​တဵမ် တေႃႇ​ထိုင်​ႁွတ်ႈ​ၵူၼ်း​ၸၢႆး​ဢၼ်​ပဵၼ် ၵူၼ်း​သိုၵ်း​ဢၼ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး တင်း​သဵင်ႈ​တင်း​လူင်​ၼၼ်ႉ​ထၼ်ႈ​ပေႃး​တၢႆ ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး​ၼၼ်ႉ​ဢေႃႈ။ ထႃႇဝရႃႉ​ၽြႃး​တိူင်ႇ​ဝႃႈ​ဝႆႉ​လွင်ႈ​ဢၼ်​ၶဝ်​တၵ်း​ဢမ်ႇ​လႆႈ​ႁၼ်​မိူင်း​ဢၼ်​ထႃႇဝရႃႉ​ၽြႃး တိူင်ႇ​ဝႃႈ​ဝႆႉ​လွင်ႈ​ဢၼ်​တၵ်း​ပၼ်​တီႈ​ႁဝ်း​ၼၼ်ႉ တီႈ​ပူႇ​မွၼ်ႇ​ႁဝ်း​ဢၼ်​ဝႃႈ မိူင်း​ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ​ဝႆႉ​ယဝ်ႉ။-</verse>
				<verse number="7">တီႈ​လုၵ်ႈ​လၢင်း​ၶဝ်​ဢၼ်​မၼ်း​ၸဝ်ႈ​ႁႂ်ႈ​ပဵၼ်​တၢင်​တူဝ်​ၶဝ်​ၸိူဝ်း​ၼၼ်ႉ​ၸမ်ႉ၊ ယေႃးသူႉ ​ပၼ်​မင်ႇၵလႃႇ တၢင်း​ဢၼ်​ထိူဝ်​ႁိမ်း​တီႈ​ၶဝ် ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ပႆႇ​လႆႈ​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း ပိူဝ်ႈ​ဢၼ်​ပိူၼ်ႈ​ဢမ်ႇ​ပၼ်​မင်ႇၵလႃႇ တီႈ​ၶဝ်​ၸွမ်း​တႃႈ​ၸွမ်း​တၢင်း​ၼၼ်ႉ​ဢေႃႈ။-</verse>
				<verse number="8">ၵူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ ဢွၼ်​ၵၼ်​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​သေ​ယဝ်ႉ၊ ယူႇ​ၵႃႈ​ၼႂ်း​တီႈ​ယူႇ​ၶဝ်​ၵႃႈ​ၼႂ်း​တပ်ႉ တေႃႇ​ထိုင်​ႁွတ်ႈ တၢင်း​ၸဵပ်း​ၶဝ်​ထၼ်ႈ​ပေႃး​ႁၢႆ​ၼၼ်ႉ​ဢေႃႈ။-</verse>
				<verse number="9">ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ ဝၼ်း​မိူဝ်ႈ​ၼႆႉ​ၵဝ်​ပႄႇ​လွင်ႈ​တၢင်း​ဢၼ်​လီ​သႄႉ​သွမ်း​ဢၼ်​ၸၢပ်ႈ​သႅင်ႇ​ၵၼ်​တင်း မိူင်း​ ဢေႇၵိပ်ႉတူႉ ​ၼၼ်ႉ ပႅတ်ႈ​သေ​ၵႃႈ​တီႈ​သူ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ ၵႃႈ​တီႈ​ၼၼ်ႈ လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ​ ၵီႉလႃႉၵႃႇလႃႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="10">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၶျႃး​တပ်ႉ​ယူႇ​ၵႃႈ​ၼႂ်း​တီႈ​ ၵီႉလႃႉၵႃႇလႃႉ ​ၼၼ်ႉ​လႄႈ ၶၢမ်ႇ​ပွႆး​ ပႃႉသၶႃႇ ၵႃႈ​ၼႂ်း​ပၢင်ႇ​ပဵင်း​ ယေႇရီႉၶူဝ်း ​ၼၼ်ႉ​ၼႂ်း​လိူၼ်​ၼၼ်ႉ လႆႈ​သိပ်း​သီႇ​ဝၼ်း ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="11">ၶဝ်​ၶၢမ်ႇ​ပွႆး​ ပႃႉသၶႃႇ ​သေ​ယဝ်ႉ၊ ဝၼ်း​မိူဝ်ႈ​ၽုၵ်ႈ​ၼၼ်ႉ၊ ၶဝ်​လႆႈ​ၵိၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​တင်း​ၶဝ်ႈ​တႅၵ်ႇ ဢၼ်​ဢဝ်​ၶဝ်ႈ​မိူင်း​ၼၼ်ႉ​ႁဵတ်း​ၼၼ်ႉ ၼႂ်း​ဝၼ်း​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="12">လိုၼ်း​သေ​ဢၼ်​ၶဝ်​ၵိၼ်​ၶဝ်ႈ​မိူင်း​ ၶႃႇၼၢၼ်ႇ ​ၼၼ်ႉ​ယဝ်ႉ​ၼၼ်ႉ၊ ဝၼ်း​မိူဝ်ႈ​ၽုၵ်ႈ​ၼၼ်ႉ မၼ်ႇၼႃႉ ​ထၢတ်ႇ​ၵႂႃႇ​သေ​ဢေႃႈ။ ၵမ်း​လိုၼ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ဢမ်ႇ​လႆႈ​ မၼ်ႇၼႃႉ ။ ၼႂ်း​ပီႊ​ၼၼ်ႉ​ၶဝ်​လႆႈ​ၵိၼ်​မၢၵ်ႇ​ၵိၼ်​ႁူင်း ဢၼ်​ပဵၼ်​ၵႃႈ​တီႈ​မိူင်း​ ၶႃႇၼၢၼ်ႇ ​ၼၼ်ႉ​ဢေႃႈ။</verse>
				<verse number="13">ယေႃးသူႉ ​ၼၼ်ႉ ၼႂ်း​မိူဝ်ႈ​ဢၼ်​ယင်း​တိုၵ်ႉ​မီး​ယူႇ​ၵႃႈ​တီႈ​ႁိမ်း​ဝဵင်း​ ယေႇရီႉၶူဝ်း ​ၼၼ်ႉ​ၸိုင်၊ မုင်ႈ​တူၺ်း​လႄႈ​လႆႈ​ႁၼ်​ၵူၼ်း​ၵေႃႉ​ၼိုင်ႈ ထွတ်ႇ​လၢပ်ႇ​ယိပ်း​ၵမ်​ယူႇ​သေ​လႄႈ ၸုၵ်း​ၶႂၢင်​ယူႇ​ၼၼ်ႉ​သေ​ယဝ်ႉ၊ ယေႃးသူႉ ​ၵႂႃႇ​ၸူး​ၵႃႈ​တီႈ​မၼ်း​ၼၼ်ႉ​လႄႈ​ထၢမ်​ဝႃႈ၊ မႂ်း​ပဵၼ်​ၵေႃႉ​ဢၼ်​ယူႇ​ၽၢႆႇ​ႁဝ်း​ႁိုဝ်။ ပဵၼ်​ၵေႃႉ​ဢၼ်​ယူႇ​ၽၢႆႇ​ရၢၼ်ႇ​သူႇ​ႁဝ်း​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">မၼ်း​ၼၼ်ႉ​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၸိူဝ်ႉ​ၼင်ႇ​ၼၼ်၊ ပဵၼ်​ၶုၼ်​ပူဝ်ႇ​ဢၼ်​ဢုပ်ႉ​ပိူင်ႇ​ပူဝ်ႇ​ပႃႇ​ထႃႇဝရႃႉ​ၽြႃး​လႄႈ ၵဝ်​မႃး​တေႃႈ​လဵဝ်​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ယေႃးသူႉ ​ၵေႃႈ​မူပ်ႇ​တဵတ်ႇ​ၵႃႈ​ၼိူဝ်​လိၼ်​လႄႈ ၵူဝ်း​ၵႂၢႆႇ​ယူႇ​သေ​လႄႈ လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​တၵ်း​မီး​ဢမိင်ႉ​တီႈ​ၶႃႈ​ၸဝ်ႈ​ႁဝ်း​ၼႆႉ​ၸိူဝ်ႉ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="15">ၶုၼ်​ပူဝ်ႇ​ဢၼ်​ဢုပ်ႉ​ပိူင်ႇ​ပူဝ်ႇ​ပႃႇ​ထႃႇဝရႃႉ​ၽြႃး​ၼၼ်ႉ လၢတ်ႈ​တီႈ​ ယေႃးသူႉ ​လႄႈ​ဝႃႈ၊ ထွတ်ႇ​ၶႅပ်း​တိၼ်​မႂ်း​သေ​ၵႃႈ​တီႈ​တိၼ်​မႂ်း​တႃႉ။ တီႈ​ဢၼ်​မႂ်း​ယဵပ်ႇ​ၼၼ်ႉ​ၸမ်ႉ၊ ပဵၼ်​ဢၼ်​မူတ်း​ၸၢင်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊ ယေႃးသူႉ ႁဵတ်း​ၸွမ်း​ၸိူဝ်ႉ​ၼင်ႇ​ၼၼ်​ဢေႃႈ။</verse>
			</chapter>
			<chapter number="6">
				<verse number="1">မိူဝ်ႈ​ၼၼ်ႉ ဝဵင်း​ ယေႇရီႉၶူဝ်း ​ဢိုတ်း​ႁပ်း​ဝႆး​ၼႃႇ​လူင်​လၢင် ၵွပ်ႈ​ပိူဝ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​လႄႈ ၵူၼ်း​ဢၼ်​ၶဝ်ႈ​ၵူၼ်း​ဢၼ်​ဢွၵ်ႇ ဢမ်ႇ​မီး​သေ​ၵေႃႉ​သေ​ၵူၼ်း။-</verse>
				<verse number="2">ထႃႇဝရႃႉ​ၽြႃး​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ တူၺ်း​လူး၊ ၵဝ်​ဢဝ်​ဝဵင်း​ ယေႇရီႉၶူဝ်း ​ဢိၵ်ႇ​တင်း​ၶုၼ်​ႁေႃ​ၶမ်း​မၼ်း တင်း​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ယဝ်ႉ။-</verse>
				<verse number="3">ပိူဝ်ႈ​ၼႆ​လႄႈ သူ​တၵ်း​လႆႈ​လဵပ်ႈ​ႁွပ်ႈ​ဝဵင်း​ၼၼ်ႉ​လႄႈ၊ ၵူၼ်း​သိုၵ်း​တင်း​သဵင်ႈ​တင်း​လူင် တၵ်း​လႆႈ​ႁဵတ်း​တၢင်း​ဢၼ်​လဵပ်ႈ​ႁွပ်ႈ​ဝဵင်း​ၼၼ်ႉ ပွၵ်ႈ​ၼိုင်ႈ​ဢေႃႈ။ မႂ်း​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ၼၼ်​ႁူၵ်း​ဝၼ်း​ဢေႃႈ။-</verse>
				<verse number="4">ယိတ်ႈပရေႃးႁဵၵ်ႈ​ၸဵတ်း​ၵေႃႉ တၵ်း​လႆႈ​ဢဝ်​ၼႄးၶရႃႇ​ ယူႉပီႉလီႉ ​ၸဵတ်း​ဢၼ် ဢွၼ်​ႁူဝ်​တိူၵ်ႈ​တႃႇ​ၸဝ်ႈ​ၵႂႃႇ​ဢေႃႈ။ ၵႃႈ​တီႈ​ဝၼ်း​သတ်ႉတမႃႉ​ၼၼ်ႉ၊ သူ​တၵ်း​လႆႈ​လဵပ်ႈ​ႁွပ်ႈ​ဝဵင်း​ၼၼ်ႉ​ႁႂ်ႈ​ထၼ်ႈ​ပေႃး​ထူၼ်ႈ​ထိုင်​ႁွတ်ႈ​ၸဵတ်း​ပွၵ်ႈ​လႄႈ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ တၵ်း​လႆႈ​ပဝ်ႇ​ၼႄးၶရႃႇ​ၸိူဝ်း​ၼၼ်ႉ​ဢေႃႈ။-</verse>
				<verse number="5">မိူဝ်ႈ​ဢၼ်​ၶဝ်​ဢဝ်​ၼႄးၶရႃႇ​ ယူႉပီႉလီႉ ​ပဝ်ႇ​သဵင်​ဢၼ်​ယၢဝ်း​ၼႃႇ​လူင်​လၢင်​လႄႈ သူ​ငိၼ်း​သဵင်​ၼႄးၶရႃႇ​ၼၼ်ႉ​ၸိုင်၊ ၵူၼ်း​တင်း​သဵင်ႈ​တင်း​လူင်​တၵ်း​လႆႈ​ဢွၼ်​ၵၼ်​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​လူင်​လၢင်​ႁွင်ႉ​သႅၼ်ႇ​လႄႈ လမ်း​ဝဵင်း​ၼၼ်ႉ​တၵ်း​လူမ်ႉ​ပင်း​ၵႂႃႇ တင်း​သဵင်ႈ​တင်း​မူတ်း​ဢေႃႈ။ မိူဝ်ႈ​ၼၼ်ႉ​ၵူၼ်း​တင်း​လၢႆ​တၵ်း​လႆႈ​ၶိုၼ်ႈ​ၸူး​ၵႃႈ​တီႈ​သိုဝ်ႈ​ၽႂ်​သိုဝ်ႈ​မၼ်း​ၵူႈ​ၵေႃႉ​ၵူႈ​ၵူၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ယေႃးသူႉ ​လုၵ်ႈ​ၸၢႆး​ ၼုၼ်ႇ ​ႁွင်ႉ​ဢဝ်​ယိတ်ႈပရေႃးႁဵၵ်ႈ​တင်း​လၢႆ​သေ​လႄႈ သင်ႇ​လၢတ်ႈ​လႄႈ​ဝႃႈ၊ သူ​ဢွၼ်​ၵၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ၸဝ်ႈ​ၵႂႃႇ​လႄႈ ႁႂ်ႈ​ယိတ်ႈပရေႃးႁဵၵ်ႈ​ၸဵတ်း​ၵေႃႉ ဢဝ်​ၼႄးၶရႃႇ​ ယူႉပီႉလီႉ ​ၸဵတ်း​ဢၼ် ဢွၼ်​ႁူဝ်​တိူၵ်ႈ​တႃႇ​ထႃႇဝရႃႉ​ၽြႃး​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">တီႈ​ၵူၼ်း​တင်း​လၢႆ​ၵေႃႈ၊ ၶဝ်​လၢတ်ႈ​လႄႈ​ဝႃႈ၊ သူ​ဢွၼ်​ၵၼ်​ၵႂႃႇ​လႄႇ​လဵပ်ႈ​ႁွပ်ႈ​ဝဵင်း​တႃႉ။ ႁႂ်ႈ​ၵူၼ်း​ဢၼ်​ယိပ်း​ၵမ်​လၢၵ်ႈ​ၼၢၵ်ႈ​ၸိူဝ်း​ၼၼ်ႉ ဢွၼ်​ႁူဝ်​တိူၵ်ႈ​တႃႇ​ထႃႇဝရႃႉ​ၽြႃး​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ယေႃးသူႉ ​သင်ႇ​လၢတ်ႈ​တီႈ​ၵူၼ်း​တင်း​လၢႆ​ၼၼ်ႉ​သေ​ယဝ်ႉ၊ ယိတ်ႈပရေႃးႁဵၵ်ႈ​ဢၼ်​ဢဝ်​ၼႄးၶရႃႇ​ ယူႉပီႉလီႉ ​ၸဵတ်း​ဢၼ် ၵႂႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၸဵတ်း​ၵေႃႉ​ၼၼ်ႉ ပဝ်ႇ​ၼႄးၶရႃႇ​သေ​လႄႈ​ၵႂႃႇ​ဢေႃႈ။ တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​ၼၼ်ႉ ၸွမ်း​လင်​ၶဝ်​ၼၼ်ႉ​ၵႂႃႇ​ဢေႃႈ။-</verse>
				<verse number="9">ၵူၼ်း​ဢၼ်​ယိပ်း​ၵမ်​လၢၵ်ႈ​ၼၢၵ်ႈ​ၸိူဝ်း​ၼၼ်ႉ ဢွၼ်​ႁူဝ်​ယိတ်ႈပရေႃးႁဵၵ်ႈ​ဢၼ်​ပဝ်ႇ​ၼႄးၶရႃႇ​ၸိူဝ်း​ၼၼ်ႉ​ၵႂႃႇ​လႄႈ၊ ၼႂ်း​မိူဝ်ႈ​ဢၼ် ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ပဝ်ႇ​ၼႄးၶရႃႇ​ယူႇ​သေ​လႄႈ​ၵႂႃႇ​ယူႇ​ၼၼ်ႉ​ၸိုင်၊ တပ်ႉ​ဢၼ်​လိုၼ်း​လင်​ၼၼ်ႉ ဢွၼ်​ၵၼ်​ၸွမ်း​ၵႃႈ​တီႈ ၽၢႆႇ​လင်​တိူၵ်ႈ​တႃႇ​ၸဝ်ႈ​ၼၼ်ႉ​ဢေႃႈ။-</verse>
				<verse number="10">ယေႃးသူႉ ​ၵေႃႈ သင်ႇ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ၼႂ်း​ၸူဝ်ႈ​ဢၼ်​ဢမ်ႇ​ပႆႇ​ႁွတ်ႈ​ထိုင်​ဝၼ်း​ဢၼ်​ၵဝ်​သင်ႇ​လၢတ်ႈ​ဝႆႉ ႁႂ်ႈ​လႆႈ​ႁွင်ႉ​သႅၼ်ႇ​ၼၼ်ႉ​ၸိုင်၊ သူ​ဢမ်ႇ​လႆႈ​ႁွင်ႉ​သႅၼ်ႇ​လႃး​လႃး ဢမ်ႇ​လႆႈ​ႁဵတ်း​သဵင်​သေ​ၸိူဝ်ႉ​သေ​ပိူင်​လႃး​လႃး။ ဢမ်ႇ​လႆႈ​လၢတ်ႈ​ၵႂၢမ်း​သေ​ၶေႃႈ​သေ​ၵမ်း။ ႁွတ်ႈ​ထိုင်​ဝၼ်း​ၼၼ်ႉ​ယဝ်ႉ​ၸင်ႇ တၵ်း​လႆႈ​ႁွင်ႉ​သႅၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၼင်ႇ​ၼၼ်​လႄႈ မၼ်း​ႁႂ်ႈ​တိူၵ်ႈ​တႃႇ​ထႃႇဝရႃႉ​ၽြႃး​ၼၼ်ႉ လဵပ်ႈ​ႁွပ်ႈ​ဝဵင်း​လႄႇ​ၵႂႃႇ​ၸွမ်း​ၵႃႈ​တီႈ​ႁိမ်း​မၼ်း​ပွၵ်ႈ​ၼိုင်ႈ​သေ​ယဝ်ႉ၊ ၶဝ်​ၶိုၼ်း​ၶဝ်ႈ​ၵႃႈ​ၼႂ်း​တပ်ႉ​လႄႈ ႁႂ်ႈ​ပူၼ်ႉ​ၶိုၼ်း​ၵႃႈ​ၼႂ်း​တပ်ႉ​ၼၼ်ႉ​သေ​ဢေႃႈ။</verse>
				<verse number="12">ယေႃးသူႉ ​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ဢွၼ်​ၵၼ်​ႁၢပ်ႇ​ဢဝ်​တိူၵ်ႈ​တႃႇ​ထႃႇဝရႃႉ​ၽြႃး​ဢေႃႈ။-</verse>
				<verse number="13">ယိတ်ႈပရေႃးႁဵၵ်ႈ​ၸဵတ်း​ၵေႃႉ ဢၼ်​ဢဝ်​ၼႄးၶရႃႇ​ ယူႉပီႉလီႉ ​ၸဵတ်း​ဢၼ်​ၵႂႃႇ ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ထႃႇဝရႃႉ​ၽြႃး​ၸိူဝ်း​ၼၼ်ႉ ၵႂႃႇ​ယူႇ​တိၵ်း​တိၵ်း​သေ​လႄႈ ပဝ်ႇ​ၼႄးၶရႃႇ​ၸိူဝ်း​ၼၼ်ႉ​ဢေႃႈ။ ၵူၼ်း​ဢၼ်​ယိပ်း​ၵမ်​ဢဝ်​လၢၵ်ႈ​ၼၢၵ်ႈ​ၸိူဝ်း​ၼၼ်ႉ ဢွၼ်​ႁူဝ်​ၶဝ်​ၼၼ်ႉ​ၵႂႃႇ​လႄႈ ၼႂ်း​မိူဝ်ႈ​ဢၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ယင်း​တိုၵ်ႉ​ပဝ်ႇ​ၼႄးၶရႃႇ​ယူႇ​သေ​လႄႈ​ၵႂႃႇ​ယူႇ​ၼၼ်ႉ​ၸိုင်၊ တပ်ႉ​ဢၼ်​လိုၼ်း​လင်​ၼၼ်ႉ ဢွၼ်​ၵၼ်​ၸွမ်း​ၵႃႈ​တီႈ​ၽၢႆႇ​လင်​တိူၵ်ႈ​တႃႇ​ထႃႇဝရႃႉ​ၽြႃး​ဢေႃႈ။-</verse>
				<verse number="14">ဝၼ်း​တူႉတီႉယႃႉ​ၼၼ်ႉ​ၵေႃႈ ၶဝ်​လဵပ်ႈ​ႁွပ်ႈ​ဝဵင်း​ပွၵ်ႈ​ၼိုင်ႈ​လႄႈ သမ်ႉ​ၶိုၼ်း​မႃး​ၵႃႈ​ၼႂ်း​တပ်ႉ​သေ​ဢေႃႈ။ ၶဝ်​ႁဵတ်း​ၸိူဝ်ႉ​ၼင်ႇ​ၼၼ် ႁူၵ်း​ဝၼ်း​ဢေႃႈ။-</verse>
				<verse number="15">ဝၼ်း​သတ်ႉတမႃႉ​ၼၼ်ႉ ၶဝ်​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ၸဵမ်​မိူဝ်ႈ​မိူင်း​ၸႃႉ​လႅင်း​လႄႈ လဵပ်ႈ​ႁွပ်ႈ​ဝဵင်း​ၼၼ်ႉ​မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၼၼ်ႉ​ၸဵတ်း​ပွၵ်ႈ​ဢေႃႈ။ ၼႂ်း​ဝၼ်း​ၼၼ်ႉ​ၵူၺ်း၊ ၶဝ်​လႆႈ​လဵပ်ႈ​ႁွပ်ႈ​ဝဵင်း​ၼၼ်ႉ တေႃႇ​ထိုင်​ႁွတ်ႈ​ၸဵတ်း​ပွၵ်ႈ​ဢေႃႈ။-</verse>
				<verse number="16">ၼႂ်း​ပွၵ်ႈ​သတ်ႉတမႃႉ​ၼၼ်ႉ၊ မိူဝ်ႈ​ဢၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ပဝ်ႇ​ၼႄးၶရႃႇ​ၸိူဝ်း​ၼၼ်ႉ​ၸိုင် ယေႃးသူႉ ​သင်ႇ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ဢွၼ်​ၵၼ်​ႁွင်ႉ​သႅၼ်ႇ​တႃႉ။ ထႃႇဝရႃႉ​ၽြႃး​ပၼ်​ဝဵင်း​တီႈ​သူ​ယဝ်ႉ။-</verse>
				<verse number="17">ဝဵင်း​ဢိၵ်ႇ​တင်း​ၵႃႈ​ဢၼ်​မီး​ၼႂ်း​မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​လႄႈ ဢဝ်​ဢၢပ်ႈ​ပၼ်​တီႈ​ထႃႇဝရႃႉ​ၽြႃး​ဢေႃႈ။ ၵူၺ်း​ၵွမ်ႉ မႄႈ​မွၵ်ႇ​ယႃႈ​ ရႃႇၶပ်ႉ ဢိၵ်ႇ​တင်း​ၵႃႈ​ဢၼ်​မီး​လူၺ်ႈ​ၵၼ်​တင်း​မၼ်း ၵႃႈ​ၼႂ်း​ႁိူၼ်း​မၼ်း​ၼၼ်ႉ​ၵူၺ်း တၵ်း​လႆႈ​ၵတ်း​ယဵၼ်​ၶျၢမ်း​သႃႇ ၵွပ်ႈ​ပိူဝ်ႈ​ဢၼ်​မၼ်း​ဢဝ်​တမၢၼ်ႇ​ၵူၼ်း​ၸႂ်ႉ ဢၼ်​ႁဝ်း​ပွႆႇ​ၸႂ်ႉ​ၸိူဝ်း​ၼၼ်ႉ သိူင်ႇ​မႅပ်ႉ​ဝႆႉ​ၼၼ်ႉ​ဢေႃႈ။-</verse>
				<verse number="18">သူ​ဢွၼ်​ၵၼ်​ႁဵတ်း​တၢင်း​သတီႉ​သေ​လႄႈ ဝႄႈ​ပႅတ်ႈ​လွင်ႈ​တၢင်း​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ​တႃႉ။ ပေႃး​ဢမ်ႇ​ၼၼ် ၵူဝ်​မိူဝ်ႈ​ဢၼ် သူ​ႁဵတ်း​ႁႂ်ႈ​မၼ်း​ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ယဝ်ႉ​ၼၼ်ႉ၊ သူ​တၵ်း​သိမ်း​ဢဝ်​လွင်ႈ​တၢင်း​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ​ၼၼ်ႉ​သေ​လႄႈ ႁႂ်ႈ​တပ်ႉ​ ဢီႉသရေႇလႃႉ ​လႆႈ​ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ၼၼ်ႉ​လႄႈ ယႃႉ​ယူၵ်ႉ​မၼ်း​ဢေႃႈ။-</verse>
				<verse number="19">ငိုၼ်း​ၶမ်း၊ ၶိူင်ႈ​တွင်း​လိူင်၊ ၶိူင်ႈ​လဵၵ်း​ၵႃႈ​မီး​ၼၼ်ႉ ပဵၼ်​ဢၼ်​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး​လႄႈ တၵ်း​လႆႈ​ဢွၼ်​ၵၼ်​ဢဝ်​သႂၢင်း​သႂ်ႇ​ဝႆႉ ၵႃႈ​ၼႂ်း​ၽၼ်ႇတႃႇ​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ၼင်ႇ​ၼၼ်​လႄႈ ၵူၼ်း​တင်း​လၢႆ​ဢွၼ်​ၵၼ်​ႁွင်ႉ​သႅၼ်ႇ​လႄႈ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ၵေႃႈ​ပဝ်ႇ​ၼႄးၶရႃႇ​ၸိူဝ်း​ၼၼ်ႉ​ဢေႃႈ။ မိူဝ်ႈ​ဢၼ်​ၵူၼ်း​တင်း​လၢႆ ငိၼ်း​သဵင်​ၼႄးၶရႃႇ​ၼၼ်ႉ​ၸိုင် ၵူၼ်း​တင်း​လၢႆ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​လႄႈ လမ်း​ဝဵင်း​ၼၼ်ႉ​လူမ်ႉ​ပင်း​ၵႂႃႇ​တင်း​သဵင်ႈ​တင်း​မူတ်း တေႃႇ​ထိုင်​ႁွတ်ႈ​ထၼ်ႈ​ပေႃး​ၵူၼ်း​တင်း​လၢႆ​လႆႈ​ၶိုၼ်ႈ​ၸူး​ၵႃႈ​ၼႂ်း​ဝဵင်း​ၼၼ်ႉ ၵႃႈ​တီႈ​သိုဝ်ႈ​ၽႂ်​သိုဝ်ႈ​မၼ်း​ၵူႈ​ၵေႃႉ​ၵူႈ​ၵူၼ်း​လႄႈ သိမ်း​ဢဝ်​ဝဵင်း​ၼၼ်ႉ​ဢေႃႈ။-</verse>
				<verse number="21">ၶဝ်​ဢဝ်​ၵႃႈ​ဢၼ်​မီး​ၵႃႈ​ၼႂ်း​ဝဵင်း​ၼၼ်ႉ ဢၼ်​ဝႃႈ​ၵူၼ်း​ယိင်း​ၵူၼ်း​ၸၢႆး၊ လဵၵ်ႉ​လဵၵ်ႉ၊ ယႂ်ႇ​ယႂ်ႇ၊ သူဝ်း၊ ဝူဝ်း၊ လီႈ ၼၼ်ႉ​သေ​လႄႈ ယႃႉ​ပႅတ်ႈ​လူၺ်ႈ​ၶူမ်း​လၢပ်ႇ​ၶူမ်း​လႅဝ်း တင်း​သဵင်ႈ​တင်း​မူတ်း​ဢေႃႈ။-</verse>
				<verse number="22">ယေႃးသူႉ ​သင်ႇ​လၢတ်ႈ​တီႈ​သွင်​ၶႃ ဢၼ်​ၵႂႃႇ​လွမ်​တူၺ်း​မိူင်း​ၼၼ်ႉ​လႄႈ​ဝႃႈ၊ ၵႃႈ​ၼင်ႇ​ဢၼ်​သွင်​ၶိူဝ်​လႆႈ​ၵိၼ်ႇ​ဝႃႈ​ဝႆႉ​ၼၼ်ႉ၊ သွင်​ၶိူဝ်​ၵႂႃႇ​ၵႃႈ​ၼႂ်း​ႁိူၼ်း​မႄႈ​မွၵ်ႇ​ယႃႈ​ၼၼ်ႉ​သေ​လႄႈ ဢဝ်​မႄႈ​ယိင်း​ၼၼ်ႉ​ဢိၵ်ႇ​တင်း ၵႃႈ​ဢၼ်​မီး​တီႈ​မၼ်း​ၼၼ်ႉ​ဢွၵ်ႇ​မႃး​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="23">ၵူၼ်း​ဢွၼ်ႇ​ဢၼ်​ပဵၼ်​ၶဵဝ်​လွတ်ႈ​ၽၢႆႇ​ၼႂ်း​ၸိူဝ်း​ၼၼ်ႉ ၶဝ်ႈ​ၵႂႃႇ​လႄႈ​ဢဝ်​ ရႃႇၶပ်ႉ ​ဢိၵ်ႇ​တင်း​ပေႃႈ​မၼ်း၊ မႄႈ​မၼ်း၊ ပီႈ​ၸၢႆး​ၼွင်ႉ​ၸၢႆး​မၼ်း၊ ၵႃႈ​ဢၼ်​မီး​တီႈ​မၼ်း​ၸိူဝ်း​ၼၼ်ႉ​ဢွၵ်ႇ​မႃး​ဢေႃႈ။ ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​ၵႃႈ​မီး​ၵေႃႈ ၶဝ်​ဢဝ်​ဢွၵ်ႇ​မႃး​လႄႈ​ဝႆႉ​ၵႃႈ​တီႈ​ၼွၵ်ႈ​တပ်ႉ ဢီႉသရေႇလႃႉ ​သေ​ယဝ်ႉ၊-</verse>
				<verse number="24">ဢဝ်​ၽႆး​တုတ်ႇ​ဝဵင်း​ဢိၵ်ႇ​တင်း​ၵႃႈ​ဢၼ်​မီး​ၵႃႈ​ၼႂ်း​ဝဵင်း​ၼၼ်ႉ​ပႅတ်ႈ​ဢေႃႈ။ ၵူၺ်း​ၵႃႈ ငိုၼ်း​ၶမ်း၊ ၶိူင်ႈ​တွင်း​လိူင်၊ ၶိူင်ႈ​လဵၵ်း​ၸိူဝ်း​ၼၼ်ႉ​ၸိုင်၊ ၶဝ်​ဢဝ်​သႂၢင်း​သႂ်ႇ​ဝႆႉ​ၵႃႈ​ၼႂ်း​ၽၼ်ႇတႃႇ​ထႃႇဝရႃႉ​ၽြႃး​ဢေႃႈ။-</verse>
				<verse number="25">ယေႃးသူႉ ​ပၼ်​ဢသၢၵ်ႈ မႄႈ​မွၵ်ႇ​ယႃႈ​ ရႃႇၶပ်ႉ ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး ပေႃႈ​မၼ်း​တင်း​ၵႃႈ​ဢၼ်​မီး​တီႈ​မၼ်း​ၸိူဝ်း​ၼၼ်ႉ ၵတ်း​ယဵၼ်​ၶျၢမ်း​သႃႇ​ဢေႃႈ။ မၼ်း​ၼၼ်ႉ​လႆႈ​ယူႇ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။ လွင်ႈ​မၼ်း​ၸမ်ႉ ပဵၼ်​ၵွပ်ႈ​ပိူဝ်ႈ​ဢၼ်​မၼ်း​ဢဝ်​တမၢၼ်ႇ​ၵူၼ်း​ၸႂ်ႉ ဢၼ်​ ယေႃးသူႉ ​ပွႆႇ​ၸႂ်ႉ​ၵႂႃႇ ႁႂ်ႈ​လႆႈ​လွမ်​တူၺ်း​ဝဵင်း​ ယေႇရီႉၶူဝ်း ​ၸိူဝ်း​ၼၼ်ႉ သိူင်ႇ​မႅပ်ႉ​ဝႆႉ​ၼၼ်ႉ​ဢေႃႈ။-</verse>
				<verse number="26">မိူဝ်ႈ​ၼၼ်ႉ​ ယေႃးသူႉ ​ႁဵတ်း​တၢင်း​ဢၼ်​ၵိၼ်ႇ​ဝႃႈ​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ ႁႂ်ႈ​ၵေႃႉ​ဢၼ်​လုၵ်ႉ​လႄႈ ၶိုၼ်း​တႄႇ​ႁဵတ်း​ဝဵင်း​ ယေႇရီႉၶူဝ်း ​ၼႆႉ​ၼၼ်ႉ ပဵၼ်​ၵေႃႉ​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​ၵမ်း​လူၺ်ႈ။ မၼ်း​ၼၼ်ႉ​တၵ်း​သုမ်း​ၸွမ်း​လုၵ်ႈ​ၸၢႆး​တူၼ်ႈ​မၼ်း တႄႇ​ႁဵတ်း​ငဝ်ႈ​ႁၢၵ်ႈ​လမ်း​ဝဵင်း​လႄႈ တၵ်း​သုမ်း​ၸွမ်း​လုၵ်ႈ​ၸၢႆး​လိုၼ်း​မၼ်း​သေ​လႄႈ ပူၵ်း​တင်ႈ​ၽၵ်း​တူ​ဝဵင်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ၼင်ႇ​ၼၼ်​လႄႈ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ ယေႃးသူႉ ​လႄႈ သတၢင်း​သဵင်​ၶၢဝ်ႇ​မၼ်း​ၼၼ်ႉ​ႁူင်​ႁၢင်း​ၸွတ်ႇ​တူဝ်ႈ​ၵႂႃႇ တင်း​ဝၢၼ်ႈ​တင်း​မိူင်း​ဢေႃႈ။</verse>
			</chapter>
			<chapter number="7">
				<verse number="1">ၵူၺ်း​ၵႃႈ ၵူၼ်း​မဵဝ်း​ ဢီႉသရေႇလႃႉ မီး​ဢပႅတ်ႈ​ဢၼ်​ၽိတ်း​ပိူင်ႈ​ၼႂ်း​လွင်ႈ​တၢင်း​ဢၼ် ထုၵ်ႇ​ၵိၼ်ႇ​ထုၵ်ႇ​ဝႃႈ​ၼၼ်ႉ ၵွပ်ႈ​ပိူဝ်ႈ​ဢၼ် ဢႃႇၶၼ်ႇ ဢၼ်​ပဵၼ်​လုၵ်ႈ​ၸၢႆး​ ၵႃႇမီႉ ဢၼ်​ပဵၼ်​လုၵ်ႈ​ၸၢႆး​ ၸႃႇပတီႉ ဢၼ်​ပဵၼ်​လုၵ်ႈ​ၸၢႆး​ ၸေးရႃႉ ၊ မဵဝ်း​ ယူႉတႃႉ ​ၼၼ်ႉ​သိမ်း​ဢဝ်​လွင်ႈ​တၢင်း​ဢၼ် ထုၵ်ႇ​ၵိၼ်ႇ​ထုၵ်ႇ​ဝႃႈ​ၼၼ်ႉ​လႄႈ၊ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​ၸူး​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="2">ယေႃးသူႉ ​ၵေႃႈ​ပွႆႇ​ၸႂ်ႉ​ၵူၼ်း​ဢွၵ်ႇ​သေ​ၵႃႈ​တီႈ​ဝဵင်း​ ယေႇရီႉၶူဝ်း ​ၵႂႃႇ​ၵႃႈ​တီႈ ဝဵင်း​ ဢႃႇဢီႉ ဢၼ်​မီး​ၵႃႈ​ႁိမ်း​ဝဵင်း​ ပေႇသဝႅၼ်ႇ ၵႃႈ​တီႈ​ၽၢႆႇ​ဝၼ်း​ဢွၵ်ႇ​ဝဵင်း​ ပေႇသလႃႉ ​ၼၼ်ႉ​လႄႈ သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ၶိုၼ်ႈ​ၵႂႃႇ​လႄႈ​လူ​တူၺ်း​မိူင်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ ၵူၼ်း​ၸိူဝ်း​ၼၼ်ႉ​ဢွၼ်​ၵၼ်​ၵႂႃႇ​လႄႈ လူ​တူၺ်း​ဝဵင်း​ ဢႃႇဢီႉ သေ​ယဝ်ႉ၊-</verse>
				<verse number="3">ၶိုၼ်း​မႃး​ၵႃႈ​တီႈ​ ယေႃးသူႉ ​လႄႈ လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ယႃႇ​ပေ​ႁႂ်ႈ​ၵူၼ်း​ၵႃႈ​မီး​ၶိုၼ်ႈ​ၵႂႃႇ​သေ​ၵမ်း​ၶႃႈ။ ႁႂ်ႈ​ၵူၼ်း​သေ​သွင်​ႁဵင်​သၢမ်​ႁဵင်​ၼိုင်ႈ ၶိုၼ်ႈ​ၵႂႃႇ​လႄႈ​တိုၵ်း​တေႃး​ယႃႉ​ပႅတ်ႈ ဝဵင်း​ ဢႃႇဢီႉ ​ၼၼ်ႉ​သေ​ၵမ်း​ၶႃႈ။ ယႃႇ​ပေ​ႁႂ်ႈ​ၵူၼ်း​ၵႃႈ​မီး​တင်း​သဵင်ႈ​တင်း​လူင် ယၢပ်ႇ​ၸႂ်​ၽိုတ်ႇ​ၸႂ်​လူၺ်ႈ​လွင်ႈ​ဢၼ် ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ၼၼ်ႉ​သေ​ၵမ်း​ၶႃႈ။ ၶဝ်​ၼၼ်ႉ​မီး​ၵေႇ​ၼႃႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">ၵူၼ်း​သေ​သၢမ်​ႁဵင်​ၼိုင်ႈ ၵႃႈ​ၼႂ်း​ၵူၼ်း​တင်း​လၢႆ​ၼၼ်ႉ ဢွၼ်​ၵၼ်​ၶီႇ​ၶိုၼ်ႈ​ၵႂႃႇ​လႄႈ လႆႈ​ဢွၵ်ႇ​ပၢႆႈ​ၶိုၼ်း​သေ​ၵႃႈ​တီႈ​ၽၢႆႇ​ၼႃႈ​ၵူၼ်း​ဝဵင်း​ ဢႃႇဢီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="5">ၵူၼ်း​ဝဵင်း​ ဢႃႇဢီႉ ​ၸိူဝ်း​ၼၼ်ႉ တိုၵ်း​တေႃး​ဢဝ်​တၢႆ​ပႅတ်ႈ​ၵူၼ်း​သၢမ်​သိပ်း​ပၢႆ​ႁူၵ်း​ၵေႃႉ​ဢေႃႈ။ ၶဝ်​ၼၼ်ႉ​လိုပ်ႈ​ၸွမ်း​လမ်း​ၸွမ်း​ၶဝ် ၸႃႉ​ၸဵမ်​ၽၵ်း​တူ​ဝဵင်း​တေႃႇ​ထိုင်​ႁွတ်ႈ​ၵႃႈ​တီႈ​ သေႇပရိမ်ႇ ​လႄႈ တိုၵ်း​တေႃး​ယႃႉ​ပႅတ်ႈ​ၶဝ် ၼႂ်း​တီႈ​ဢၼ်​လူင်း​လွႆ​ၼၼ်ႉ​လႄႈ ႁူဝ်​ၸႂ်​ၵူၼ်း​ၸိူဝ်း​ၼၼ်ႉ ၸိူမ်ႈ​ယၢႆႈ​လႄႈ​ပဵၼ်​ၸိူဝ်ႉ​ၼင်ႇ​ၼမ်ႉ​ၵႂႃႇ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ယေႃးသူႉ ​သိၵ်ႇ​ၶူဝ်း​ၼုင်ႈ​မၼ်း​ပႅတ်ႈ​သေ​လႄႈ ဢိၵ်ႇ​လူၺ်ႈ​ၵၼ်​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢွၼ်​ၵၼ်​ဢဝ်​မုၼ်ႈ​လိၼ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​ၶဝ်​သေ​လႄႈ မူပ်ႇ​တဵတ်ႇ​ယူႇ​ၵႃႈ​ၼိူဝ်​လိၼ် ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ထႃႇဝရႃႉ​ၽြႃး တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ဢေႃႈ။-</verse>
				<verse number="7">ယေႃးသူႉ ​လဝ်ႊ​လၢတ်ႈ​လႄႈ​ဝႃႈ၊ ဢလူဝ်း၊ ဢူဝ်း​ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ဢဝ်​ၵူၼ်း​တင်း​လၢႆ​ၼႆႉ ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​မႃး​ႁႂ်ႈ​လႆႈ​ဢဝ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​ ဢႃႇမေႃးရီႉ ​ၸိူဝ်း​ၼႆႉ​လႄႈ ၶၢမ်ႇ​တၢင်း​ဢၼ်​ယႃႉ​ပႅတ်ႈ​ၼင်ႇ​ႁိုဝ်​တီႈ​ၶႃႈ၊ သင်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​လႆႈ​မီး​ၸႂ်​ဢၼ်​တဵတ်ႇ​လီ​ၼိမ်​လီ​သေ​လႄႈ ယူႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ၸိုင် ယဵင်ႈ​ၶႅၼ်း​တၵ်း​လီ​တီႈ​ၶႃႈ​ဢေႃႈ။-</verse>
				<verse number="8">ဢူဝ်း ၸဝ်ႈ​ၽြႃး​တီႈ​ၶႃႈ၊ လိုၼ်း​သေ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဝၢႆႇ​လင်​ပၼ်​တီႈ​ရၢၼ်ႇ​သူႇ​ယဝ်ႉ​ၼၼ်ႉ၊ ၶႃႈ​ၸဝ်ႈ​တၵ်း​လႆႈ​လၢတ်ႈ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊-</verse>
				<verse number="9">ၵူၼ်း​ ၶႃႇၼၼီႉ ဢိၵ်ႇ​တင်း​ၵူၼ်း​ဝၢၼ်ႈ​ၵူၼ်း​မိူင်း​ၼႆႉ​တင်း​သဵင်ႈ​တင်း​လူင် တၵ်း​ငိၼ်း​လွင်ႈ​မၼ်း​တၢင်း​မၼ်း​လႄႈ ဢွၼ်​ၵၼ်​လွမ်ႉ​ႁွပ်ႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​သေ​လႄႈ ပႄႇ​ၽဵဝ်ႈ​ၼႃႇ​မႃႉ​ၸိုဝ်ႈ​သဵင်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ပႅတ်ႈ​သေ​ၵႃႈ​ၼိူဝ်​လိၼ်​မိူင်း​ၼႆႉ​တီႈ​ၶႃႈ​ဢေႃႈ။ ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ဢၼ်​ယႂ်ႇ​မျၢတ်ႈ​ၼႃႇ​ၼၼ်ႉ​ၸိုင်၊ ၸဝ်ႈ​ႁဝ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ ယေႃးသူႉ ​လႄႈ​ဝႃႈ၊ လုၵ်ႉ​တႃႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မူပ်ႇ​တဵတ်ႇ​ယူႇ​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။-</verse>
				<verse number="11">မဵဝ်း​ ဢီႉသရေႇလႃႉ ​ၼႆႉ​ၽိတ်း​ပိူင်ႈ​ယဝ်ႉ။ ၶဝ်​ပူၼ်ႉ​လိူဝ်​ပတီႉၺိၺ်ႇ​တြႃး​ၵဝ် ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​ၶဝ်​ၼၼ်ႉ​ယဝ်ႉ။ ၶဝ်​ဢဝ်​ၵႃႈ​ၼႂ်း​လွင်ႈ​တၢင်း​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ​ၼၼ်ႉ သိမ်း​ဝႆႉ​ဢမၢၼ်ႇ​ၶၼ်​ပဵၼ်​ယဝ်ႉ။ ၶဝ်​လၵ်ႉ​ဢဝ်​လွမ်​ဢဝ်​လႄႈ ႁဵတ်း​ပရီႉယႄႇ​သေ​လႄႈ ဢဝ်​ဝႆႉ​ၵႃႈ​ၼႂ်း​ဢုၵ်ႉ​ၸႃႇ​ၶူဝ်း​လဵင်း​ၶဝ်​ယဝ်ႉ။-</verse>
				<verse number="12">ပိူဝ်ႈ​ၼႆ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢမ်ႇ​ၸုၵ်း​ဢမ်ႇ​ၶၢမ်ႇ​ယူႇ​ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​လႆႈ​လႄႈ လႆႈ​ဝၢႆႇ​လင်​ပၼ်​တီႈ​ရၢၼ်ႇ​သူႇ​ၶဝ် ၵွပ်ႈ​ပိူဝ်ႈ​ဢၼ်​ၶဝ်​ပဵၼ်​ၵေႃႉ​ဢၼ်​ထုၵ်ႇ​ၵိၼ်​ထုၵ်ႇ​ဝႃႈ​ၼၼ်ႉ​ဢေႃႈ။ ပေႃး​သူ​ဢမ်ႇ​ပႄႇ​ၽဵဝ်ႈ​ၵေႃႉ​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ​ၼၼ်ႉ​ပႅတ်ႈ​သေ​ၵႃႈ​ၼႂ်း​သူ​ၸိုင် ၵဝ်​ဢမ်ႇ​ယူႇ​လူၺ်ႈ​ၵၼ်​တင်း​သူ​လႃး​လႃး။-</verse>
				<verse number="13">လုၵ်ႉ​လႄႈ ႁႂ်ႈ​ၵူၼ်း​တင်း​လၢႆ​မူတ်း​ၸၢင်ႇ​တႃႉ။ သင်ႇ​လၢတ်ႈ​လႄႈ​ဝႃႈ၊ တူဝ်​သူ​ႁႂ်ႈ​တူဝ်​သူ​မူတ်း​ၸၢင်ႇ​ပုၼ်ႈ​ဝၼ်း​မိူဝ်ႈ​ၽုၵ်ႈ​တႃႉ၊ ဝႃႈ​ၼင်ႇ​ၼႆ​တႃႉ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​မီး​ဢမိင်ႉ​ၸမ်ႉ၊ မဵဝ်း​ ဢီႉသရေႇလႃႉ ​ဢိူၺ်း၊ လွင်ႈ​တၢင်း​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ​ၼၼ်ႉ မီး​ၵႃႈ​ၼႂ်း​သူ​သေ​ၸိူဝ်ႉ​သေ​ပိူင်​ဢေႃႈ။ ၸူဝ်ႈ​ဢၼ်​သူ​ဢမ်ႇ​ပႆႇ​ပႄႇ​ၽဵဝ်ႈ​လွင်ႈ​တၢင်း​ဢၼ်​ထုၵ်ႇ​ၵိၼ်​ထုၵ်ႇ​ဝႃႈ​ၼၼ်ႉ​ပႅတ်ႈ​သေ​ၵႃႈ​ၼႂ်း​သူ​ၼၼ်ႉ​ၸိုင်၊ သူ​ဢမ်ႇ​ၸုၵ်း​ဢမ်ႇ​ၶၢမ်ႇ​ယူႇ​ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​သူ​လႆႈ။-</verse>
				<verse number="14">ၶိင်ႇ​ၵၢင်​ၼႂ်​မိူဝ်ႈ​ၽုၵ်ႈ​ၼၼ်ႉ သူ​တၵ်း​လႆႈ​ၸွမ်း​လူၺ်ႈ​မဵဝ်း​သေ​လႄႈ​သုတ်ႉ​မႃး​ဢေႃႈ။ မဵဝ်း​ဢၼ်​ထႃႇဝရႃႉ​ၽြႃး​မၢတ်ႈ​မၢႆ​ၼၼ်ႉ တၵ်း​လႆႈ​ၸွမ်း​လူၺ်ႈ​ၶိူဝ်း​ပီႈ​ၶိူဝ်း​ၼွင်ႉ​သေ​လႄႈ သုတ်ႉ​မႃး​ဢေႃႈ။ ၶိူဝ်း​ပီႈ​ၶိူဝ်း​ၼွင်ႉ​ဢၼ်​ထႃႇဝရႃႉ​ၽြႃး​မၢတ်ႈ​မၢႆ​ၼၼ်ႉ တၵ်း​လႆႈ​ၸွမ်း​လူၺ်ႈ​ဢၼ်​ပဵၼ်​ႁိူၼ်း​ပဵၼ်​ယေး​သေ​လႄႈ သုတ်ႉ​မႃး​ဢေႃႈ။ ဢၼ်​ပဵၼ်​ႁိူၼ်း​ပဵၼ်​ယေး​ဢၼ်​ထႃႇဝရႃႉ​ၽြႃး​မၢတ်ႈ​မၢႆ​ၼၼ်ႉ တၵ်း​လႆႈ​သုတ်ႉ​မႃး​ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ​ဢေႃႈ။-</verse>
				<verse number="15">တၵ်း​လႆႈ​ဢဝ်​ၵေႃႉ​ဢၼ်​မၼ်း​ၸဝ်ႈ​မၢတ်ႈ​မၢႆ​ပႃး​တင်း လွင်ႈ​တၢင်း​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ​ၼၼ်ႉ ဢိၵ်ႇ​တင်း​ၵႃႈ​ဢၼ်​မီး တီႈ​မၼ်း​ၼၼ်ႉ​တုတ်ႇ​ၽႆး​ပႅတ်ႈ​ဢေႃႈ။ လွင်ႈ​မၼ်း​ၸမ်ႉ မၼ်း​ပူၼ်ႉ​လိူဝ်​ပတီႉၺိၺ်ႇ​တြႃး​ထႃႇဝရႃႉ​ၽြႃး​လႄႈ ႁဵတ်း​လွင်ႈ​တၢင်း​ဢၼ်​ႁၢႆႉ​မိူၵ်ႈ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၼင်ႇ​ၼၼ်​လႄႈ ယေႃးသူႉ ​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​မႃး ၸွမ်း​လူၺ်ႈ​မဵဝ်း​ၶဝ်​ၼၼ်ႉ​လႄႈ မၼ်း​ၸဝ်ႈ​မၢတ်ႈ​မၢႆ​မဵဝ်း​ ယူႉတႃႉ ​ဢေႃႈ။-</verse>
				<verse number="17">မၼ်း​သမ်ႉ​ဢဝ်​မဵဝ်း​ ယူႉတႃႉ ​ၼၼ်ႉ​မႃး​လႄႈ၊ မၼ်း​ၸဝ်ႈ​မၢတ်ႈ​မၢႆ​ၶိူဝ်း​ပီႈ​ၶိူဝ်း​ၼွင်ႉ​ ၸေႇရီႉ ​ဢေႃႈ။ မၼ်း​သမ်ႉ​ဢဝ်​ၶိူဝ်း​ပီႈ​ၶိူဝ်း​ၼွင်ႉ​ ၸေႇရီႉ ​ၼၼ်ႉ​မႃး ၸွမ်း​လူၺ်ႈ​ဢၼ်​ပဵၼ်​ႁိူၼ်း​ပဵၼ်​ယေး​ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ​လႄႈ၊ မၼ်း​ၸဝ်ႈ​မၢတ်ႈ​မၢႆ​ဢၼ်​ပဵၼ်​ႁိူၼ်း​ပဵၼ်​ယေး​ ၸႃႇပတီႉ ​ဢေႃႈ။-</verse>
				<verse number="18">မၼ်း​သမ်ႉ​ဢဝ်​ဢၼ်​ပဵၼ်​ႁိူၼ်း​ပဵၼ်​ယေး​ၼၼ်ႉ​ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ​မႃး​လႄႈ မၼ်း​ၸဝ်ႈ​မၢတ်ႈ​မၢႆ​ ဢႃႇၶၼ်ႇ ဢၼ်​ပဵၼ်​လုၵ်ႈ​ၸၢႆး​ ၵႃႇမီႉ ဢၼ်​ပဵၼ်​လုၵ်ႈ​ၸၢႆး​ ၸႃႇပတီႉ ဢၼ်​ပဵၼ်​လုၵ်ႈ​ၸၢႆး​ ၸေးရႃႉ မဵဝ်း​ ယူႉတႃႉ ​ၼၼ်ႉ​ဢေႃႈ။-</verse>
				<verse number="19">ယေႃးသူႉ ​ၵေႃႈ​လၢတ်ႈ​တီႈ​ ဢႃႇၶၼ်ႇ ​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ ယွင်ႈ​ယေႃး​မုၼ်​ၽုင်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​လႄႈ ၽုၺ်ႇ​ဢွၵ်ႇ​ၼႄ​ပျႃး​တွင်း​ပၢၼ်ႇ​ဢပႅတ်ႈ​မႂ်း​တီႈ​မၼ်း​ၸဝ်ႈ​တႃႉ။ မွၵ်ႇ​လၢတ်ႈ​လွင်ႈ​တၢင်း​ဢၼ်​မႂ်း​ႁဵတ်း​မႅၼ်ႈ​ၼၼ်ႉ တီႈ​ၵဝ်​တႃႉ။ ယႃႇ​ပေ​သိူင်ႇ​ဝႆႉ​ဢမ်​ဝႆႉ​တီႈ​ၵဝ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="20">ဢႃႇၶၼ်ႇ ​ၼၼ်ႉ​ၶိုၼ်း​လဝ်ႊ​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ၊ ၵဝ်​ၶႃႈ​ၽိတ်း​ပိူင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၶႃႈ​ယဝ်ႉ။ လွင်ႈ​တၢင်း​ဢၼ်​ၵဝ်​ၶႃႈ​ႁဵတ်း​မႅၼ်ႈ​ၼၼ်ႉ​ၸမ်ႉ၊-</verse>
				<verse number="21">မိူဝ်ႈ​ဢၼ်​ၵဝ်​ၶႃႈ​ႁၼ်​သိူဝ်ႈ​ယၢဝ်း​ ပႃႇပူႉလုၼ်ႇ ​ဢၼ်​လီ​ဢၼ်​မျၢတ်ႈ ငိုၼ်း​သွင်​ပၢၵ်ႇ​ၵျၢပ်ႈ​ သၶေးလႃႉ ၊ တုမ်​ၶမ်း​ဢၼ်​ၼမ်ႉ​ၼၵ်း​မၼ်း​မီး ႁႃႈ​သိပ်း​ၵျၢပ်ႈ​ သၶေးလႃႉ ​ၼၼ်ႉ ၵႃႈ​ၼႂ်း​ဢုၵ်ႉ​ၸႃႇ​ၶူဝ်း​လဵင်း ဢၼ်​ႁိမ်​ဢဝ်​ၸိူဝ်း​ၼၼ်ႉ​ၸိုင်၊ ၵဝ်​ၶႃႈ​ၸႂ်​ၸပ်း​ၸႂ်​ၸွႆး​လႄႈ သိမ်း​ဢဝ်​မႅၼ်ႈ​ၶႃႈ​ယဝ်ႉ။ ဢုၵ်ႉ​ၸႃႇ​ၸိူဝ်း​ၼၼ်ႉ​သိူင်ႇ​ဝႆႉ​မီး​ယူႇ​ၵႃႈ​ၼႂ်း​လိၼ် ၵႃႈ​ၼႂ်း​မူဝ်းၵႃႇ​ၵဝ်​ၶႃႈ​သေ​လႄႈ ငိုၼ်း​ၼၼ်ႉ​မီး​ၵႃႈ​တီႈ​တႂ်ႈ​သုတ်း​ပိူၼ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">မိူဝ်ႈ​ၼၼ်ႉ ယေႃးသူႉ ​ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ​ၵႂႃႇ​လႄႈ၊ ၶဝ်​ၼၼ်ႉ​လႅၼ်ႈ​ၶဝ်ႈ​ၵႃႈ​ၼႂ်း​မူဝ်းၵႃႇ​သေ​ယဝ်ႉ၊ ထူပ်း​ႁၼ်​ဢုၵ်ႉ​ၸႃႇ​ၼၼ်ႉ သိူင်ႇ​ဝႆႉ​မီး​ယူႇ​ၵႃႈ​ၼႂ်း​မူဝ်းၵႃႇ​လႄႈ ငိုၼ်း​မီး​ယူႇ​ၵႃႈ​တီႈ​တႂ်ႈ​သုတ်း​ပိူၼ်ႈ​ဢေႃႈ။-</verse>
				<verse number="23">ၶဝ်​ဢဝ်​ဢွၵ်ႇ​သေ​ၵႃႈ​ၼႂ်း​မူဝ်းၵႃႇ ၵႂႃႇ​ၸူး​ၵႃႈ​တီႈ​ ယေႃးသူႉ ​ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ​သေ​လႄႈ ဢဝ်​ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="24">ယေႃးသူႉ ​ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ဢဝ်​ ဢႃႇၶၼ်ႇ လုၵ်ႈ​ၸၢႆး​ ၸေးရႃႉ ဢိၵ်ႇ​တင်း​ငိုၼ်း​ၼၼ်ႉ၊ သိူဝ်ႈ​ယၢဝ်း​ၼၼ်ႉ၊ တုမ်​ၶမ်း​ၼၼ်ႉ၊ လုၵ်ႈ​ၸၢႆး​မၼ်း၊ လုၵ်ႈ​ယိင်း​မၼ်း၊ ဝူဝ်း​မၼ်း၊ လီႈ​မၼ်း၊ သူဝ်း​မၼ်း၊ မူဝ်းၵႃႇ​မၼ်း၊ ၵႃႈ​ဢၼ်​မီး​တီႈ​မၼ်း​ၼၼ်ႉ ၵႂႃႇ​ၵႃႈ​တီႈ​ၶူင်ႈ​ႁူၺ်ႈ​ ဢႃႇၶေႃႇ သေ​ယဝ်ႉ။-</verse>
				<verse number="25">ယေႃးသူႉ ​လၢတ်ႈ​တီႈ​မၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ယႃႉ​ယူၵ်ႉ​ႁဝ်း​ၼင်ႇ​ႁိုဝ်။ ဝၼ်း​မိူဝ်ႈ​ၼႆႉ ထႃႇဝရႃႉ​ၽြႃး​တၵ်း​ယႃႉ​ယူၵ်ႉ​မႂ်း​ဢေႃႈ၊ ဝႃႈ​ၼင်ႇ​ၼႆ​သေ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ဢဝ်​မၢၵ်ႇ​ႁိၼ်​ထိမ်ႈ​မၼ်း​ဢေႃႈ။ သမ်ႉ​ဢွၼ်​ၵၼ်​ဢဝ်​ၶဝ်​ၼၼ်ႉ​တုတ်ႇ​ၽႆး​ပႅတ်ႈ​လႄႈ ဢဝ်​မၢၵ်ႇ​ႁိၼ်​ထိမ်ႈ​ဢေႃႈ။-</verse>
				<verse number="26">ဢွၼ်​ၵၼ်​ဢဝ်​မၢၵ်ႇ​ႁိၼ်​ၼမ်​ၼႃႇ​ၵွင်​ဝႆႉ​ၵႃႈ​ၼိူဝ်​မၼ်း​လႄႈ မီး​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။ ထႃႇဝရႃႉ​ၽြႃး​ၵေႃႈ ထၢတ်ႇ​ယဵၼ်​ႁႅင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​သေ​ဢေႃႈ။ ၸွမ်း​လူၺ်ႈ​လွင်ႈ​ၼၼ်ႉ​လႄႈ၊ ၶူင်ႈ​ႁူၺ်ႈ​ၼၼ်ႉ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ ၶူင်ႈ​ႁူၺ်ႈ​ ဢႃႇၶေႃႇ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
			</chapter>
			<chapter number="8">
				<verse number="1">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ ယေႃးသူႉ ​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ။ ယႃႇ​ပေ​ၸႂ်​လူႉ။ ႁွင်ႉ​ဢဝ်​ၵူၼ်း​သိုၵ်း ဢၼ်​ပႃး​လူၺ်ႈ​ၵၼ်​တင်း​မႂ်း​ၵႃႈ​မီး​တင်း​သဵင်ႈ​တင်း​လူင်​သေ​လႄႈ ဢွၼ်​ၵၼ်​လုၵ်ႉ​လႄႈ​ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ ဢႃႇဢီႉ ​တႃႉ။ တူၺ်း​လူး၊ ၵဝ်​တၵ်း​ဢဝ်​ၶုၼ်​လူင်​ ဢႃႇဢီႉ ​ဢိၵ်ႇ​တင်း​ၵူၼ်း​မၼ်း​တင်း​လၢႆ၊ ဝဵင်း​မၼ်း၊ လိၼ်​မၼ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢေႃႈ။-</verse>
				<verse number="2">မႂ်း​တၵ်း​လႆႈ​ႁဵတ်း​တီႈ​ဝဵင်း​ ဢႃႇဢီႉ ​တင်း​ၶုၼ်​လူင်​မၼ်း မိူၼ်​ၸိူဝ်ႉ​ၼင်ႇ​ဢၼ်​မႂ်း​ႁဵတ်း​တီႈ​ဝဵင်း​ ယေႇရီႉၶူဝ်း တင်း​ၶုၼ်​လူင်​မၼ်း​ၼၼ်ႉ​ဢေႃႈ။ သူ​တၵ်း​လႆႈ​သိမ်း​ဢဝ်​ဢုၵ်ႉ​ၸႃႇ​ဢၼ်​ႁိမ်​လႆႈ ဢိၵ်ႇ​တင်း​တရိၵ်ႈသၢၼ်ႇ​တင်း​လၢႆ​ၼၼ်ႉ​ၵူၺ်း​ပုၼ်ႈ​သူ​ဢေႃႈ။ မႂ်း​ဝႆႉ​တပ်ႉ​သိုၵ်း​မူၵ်း​ၵႃႈ​တီႈ​ၽၢႆႇ​လင်​ဝဵင်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="3">ယေႃးသူႉ ​ဢိၵ်ႇ​တင်း​ၵူၼ်း​သိုၵ်း​တင်း​သဵင်ႈ​တင်း​လူင်​ဢွၼ်​ၵၼ်​လုၵ်ႉ​ႁႂ်ႈ​လႆႈ​ၶိုၼ်ႈ​ၸူး​ဝဵင်း​ ဢႃႇဢီႉ ​ၼၼ်ႉ​ဢေႃႈ။ ယေႃးသူႉ ​ၼၼ်ႉ လိူၵ်ႈ​ၵဵပ်း​ဢဝ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ သၢမ်​မိုၼ်ႇ​သေ​လႄႈ ပွႆႇ​ၸႂ်ႉ​ၵႂႃႇ​ၶိင်ႇ​ၵၢင်​ၶိုၼ်း​လႄႈ၊-</verse>
				<verse number="4">သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ တူၺ်း​လူး၊ သူ​ႁဵတ်း​တပ်ႉ​သိုၵ်း​မူၵ်း​ယူႇ​ၵႃႈ​တီႈ​ၽၢႆႇ​လင်​ဝဵင်း​ႁႂ်ႈ​လႆႈ​တိုၵ်း​ဝဵင်း​ၼၼ်ႉ​တႃႉ။ ယႃႇ​ပေ​ၵႂႃႇ​ႁႂ်ႈ​ယၢၼ်​ၵၼ်​တင်း​ဝဵင်း​ၼႃႇ​လူင်​လၢင်။ ၽွမ်ႉ​ၵၼ်​မႄး​ႁႅၼ်း​ဝႆႉ​ထႃႈ​တႃႉ။-</verse>
				<verse number="5">ၵဝ်​ဢိၵ်ႇ​တင်း​ၵူၼ်း​ဢၼ်​ပႃး​တီႈ​ၵဝ်​တင်း​သဵင်ႈ​တင်း​လူင်​ၼၼ်ႉ တၵ်း​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ႁိမ်း​ဝဵင်း​ဢေႃႈ။ မိူဝ်ႈ​ဢၼ်​ၶဝ်​ဢွၵ်ႇ​မႃး​ႁႂ်ႈ​လႆႈ​တိုၵ်း​တေႃး​ႁဝ်း​မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၼၼ်ႉ​ၸိုင်၊ ႁဝ်း​တၵ်း​ဢွၵ်ႇ​ပၢႆႈ​ၶိုၼ်း​သေ​ၵႃႈ​တီႈ​ၽၢႆႇ​ၼႃႈ​ၶဝ်၊-</verse>
				<verse number="6">တေႃႇ​ထိုင်​ႁွတ်ႈ​ထၼ်ႈ​ပေႃး​ႁဝ်း​တၵ်း​ႁႂ်ႈ​ၶဝ်​ၽၢတ်ႇ​ယၢၼ်​ၵၼ်​တင်း​ဝဵင်း​ၵွပ်ႈ​ပိူဝ်ႈ​ဢၼ်​ၶဝ်​တၵ်း​လိုပ်ႈ​ၸွမ်း​ႁဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၶဝ်​တၵ်း​လၢတ်ႈ​လႄႈ​ဝႃႈ၊ ၶဝ်​ဢွၵ်ႇ​ပၢႆႈ​သေ​ၵႃႈ​တီႈ​ၽၢႆႇ​ၼႃႈ​ႁဝ်း မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ ႁဝ်း​တၵ်း​ဢွၵ်ႇ​ပၢႆႈ​သေ​ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ၼၼ်ႉ သူ​တၵ်း​လႆႈ​လုၵ်ႉ​သေ​ၵႃႈ​တီႈ​တပ်ႉ​သိုၵ်း​မူၵ်း​ၼၼ်ႉ​လႄႈ တိုၵ်း​ဢဝ်​ဝဵင်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ တၵ်း​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​သူ​ဢေႃႈ။-</verse>
				<verse number="8">မိူဝ်ႈ​ဢၼ်​တိုၵ်း​ဢဝ်​ဝဵင်း​လႄႈ လႆႈ​ယဝ်ႉ​ၼၼ်ႉ​သူ​တၵ်း​လႆႈ​ဢဝ်​ၽႆး​တုတ်ႇ​ဝဵင်း​ဢေႃႈ။ သူ​တၵ်း​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၼၼ်ႉ​ဢေႃႈ။ ၼေႈ၊ ၵဝ်​သင်ႇ​လၢတ်ႈ​တီႈ​သူ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၼင်ႇ​ၼၼ်​လႄႈ ယေႃးသူႉ ​ပွႆႇ​ၸႂ်ႉ​ၶဝ်​ၵႂႃႇ​လႄႈ ၶဝ်​ၼၼ်ႉ​ဢွၼ်​ၵၼ်​ၵႂႃႇ​ႁႂ်ႈ​လႆႈ​ႁဵတ်း​သိုၵ်း​မူၵ်း​လႄႈ ယူႇ​ၵႃႈ​ၼႂ်း​ဝူင်ႈ​ၵၢင်​ဝဵင်း​ ပေႇသလႃႉ တင်း​ဝဵင်း​ ဢႃႇဢီႉ ၵႃႈ​တီႈ​ၽၢႆႇ​ဝၼ်း​တူၵ်း​ဝဵင်း​ ဢႃႇဢီႉ ​ၼၼ်ႉ​ဢေႃႈ။ ယေႃးသူႉ ​ၸမ်ႉ ယူႇ​ၵႃႈ​ၼႂ်း​ၵူၼ်း​တင်း​လၢႆ​ယူႇ​ႁႂ်ႈ​ပူၼ်ႉ​ၶိုၼ်း​သေ​ဢေႃႈ။-</verse>
				<verse number="10">ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ ယေႃးသူႉ ​လုၵ်ႉ​လႄႈ​ၼပ်ႉ​ဢၢၼ်ႇ​ၵူၼ်း​တင်း​လၢႆ​သေ​ယဝ်ႉ၊ ဢိၵ်ႇ​လူၺ်ႈ​ၵၼ်​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ၶီႇ​ၶိုၼ်ႈ​ၵႂႃႇ​ၸူး​ၵႃႈ​တီႈ​ၽၢႆႇ​ၼႃႈ ၵူၼ်း​ဝဵင်း​ ဢႃႇဢီႉ ​တင်း​လၢႆ​ၼၼ်ႉ​ဢေႃႈ။-</verse>
				<verse number="11">ၵူၼ်း​သိုၵ်း​ဢၼ်​ပႃး​လူၺ်ႈ​ၵၼ်​တင်း​မၼ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢွၼ်​ၵၼ်​ၶိုၼ်ႈ​လႄႈ သုတ်ႉ​ၸပ်း​သုတ်ႉ​ၸူး​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ဝဵင်း​လႄႈ ၶျႃး​တပ်ႉ​ယူႇ​ၵႃႈ​တီႈ​ၽၢႆႇ​တင်း​ႁွင်ႇ​ဝဵင်း​ ဢႃႇဢီႉ ​ၼၼ်ႉ​ဢေႃႈ။ ၼႂ်း​ဝူင်ႈ​ၵၢင်​ၶဝ်​တင်း​ဝဵင်း​ ဢႃႇဢီႉ ​ၼၼ်ႉ မီး​ၶူင်ႈ​ႁူၺ်ႈ​ဢၼ်​ၼိုင်ႈ​ဢေႃႈ။-</verse>
				<verse number="12">မၼ်း​သမ်ႉ​ဢဝ်​ၵူၼ်း​ႁႃႈ​ႁဵင်​ၸမ်​ၸမ်​ဝႆႉ ႁႂ်ႈ​လႆႈ​ႁဵတ်း​သိုၵ်း​မူၵ်း​ၵႃႈ​ၼႂ်း​ၵႄႈ​ဝူင်ႈ​ၵၢင်​ဝဵင်း​ ပေႇသလႃႉ တင်း​ဝဵင်း​ ဢႃႇဢီႉ ၽၢႆႇ​ဝၼ်း​တူၵ်း​ဝဵင်း​ ဢႃႇဢီႉ ​ၼၼ်ႉ​ဢေႃႈ။-</verse>
				<verse number="13">ၼင်ႇ​ၼၼ်​လႄႈ မိူဝ်ႈ​ဢၼ်​ၶဝ်​ၶျႃး​တီႈ​ယူႇ​ပၼ်​တီႈ​ၵူၼ်း​တင်း​လၢႆ ဢၼ်​ဝႃႈ ပူဝ်ႇ​ပႃႇ​ၵႃႈ​ဢၼ်​မီး​ၽၢႆႇ​တၢင်း​ႁွင်ႇ​ဝဵင်း ဢိၵ်ႇ​တင်း​ၵူၼ်း​သိုၵ်း​မူၵ်း​ဢၼ်​မီး​ၽၢႆႇ​တၢင်း​ဝၼ်း​တူၵ်း​ဝဵင်း​ၸိူဝ်း​ၼၼ်ႉ​ယဝ်ႉ​ၼၼ်ႉ​ၸိုင်၊ ၼႂ်း​ၶိုၼ်း​ၼၼ်ႉ​ၵမ်း​လဵဝ် ယေႃးသူႉ ​ၵႂႃႇ​ၸူး​ၵႃႈ​ၼႂ်း​ၵၢင်​ၶူင်ႈ​ႁူၺ်ႈ​ဢေႃႈ။-</verse>
				<verse number="14">မိူဝ်ႈ​ဢၼ်​ၶုၼ်​လူင်​ ဢႃႇဢီႉ ႁၼ်​လွင်ႈ​တၢင်း​ၼၼ်ႉ​ၸိုင်၊ ၶဝ်​ဢွၼ်​ၵၼ်​ႁိပ်ႈ​ၼႅတ်ႈ​လႄႈ​လုၵ်ႉ​ၸဝ်ႉ​ၸဝ်ႉ​သေ​လႄႈ ၵူၼ်း​ၸၢႆး​ဝဵင်း​ၼၼ်ႉ​ၸိူဝ်း​ၼၼ်ႉ​ဢၼ်​ဝႃႈ ၶုၼ်​လူင်​ဢိၵ်ႇ​တင်း​ၵူၼ်း​မၼ်း​တင်း​သဵင်ႈ​တင်း​လူင်​ၼၼ်ႉ ၶီႇ​ၵႂႃႇ​ၸူး​ၵႃႈ​တီႈ​ဢၼ်​ၶဝ်​ၶိၼ်း​ၵၼ်​ဝႆႉ ၵႃႈ​တီႈ​ၽၢႆႇ​ၼႃႈ​ပၢင်ႇ​ပဵင်း​ ဢႃႇရၽႃႉ ​ၼၼ်ႉ ႁႂ်ႈ​လႆႈ​တိုၵ်း​ၵၼ်​တင်း ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။ ၵူၺ်း​ၵႃႈ မၼ်း​ဢမ်ႇ​ႁူႉ​လွင်ႈ​ဢၼ် တပ်ႉ​သိုၵ်း​မူၵ်း​မီး​ၵႃႈ​တီႈ​ၽၢႆႇ​လင်​ဝဵင်း​ၼၼ်ႉ။-</verse>
				<verse number="15">ယေႃးသူႉ ​ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ ႁဵတ်း​ၸိူဝ်ႉ​ၼင်ႇ​ႁၢင်ႈ​သုမ်း​သေ​လႄႈ ဢွၼ်​ၵၼ်​ဢွၵ်ႇ​ပၢႆႈ​ၸွမ်း​သဵၼ်ႈ​တၢင်း​ထိူၼ်ႇ​ဢေႃႈ။-</verse>
				<verse number="16">ၵူၼ်း​ၸၢႆး​ၵႃႈ​ဢၼ်​မီး​ၵႃႈ​ၼႂ်း​ဝဵင်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁွင်ႉ​ဢဝ်​ႁႂ်ႈ​လႆႈ​လိုပ်ႈ​ၸွမ်း​လမ်း​ၸွမ်း​ၶဝ်​ၼၼ်ႉ​လႄႈ၊ ၶဝ်​ဢွၼ်​ၵၼ်​လိုပ်ႈ​ၸွမ်း​လမ်း​ၸွမ်း​ ယေႃးသူႉ ​လႄႈ မီး​တၢင်း​ဢၼ်​ၽၢတ်ႇ​ယၢၼ်​ၵၼ်​တင်း​ဝဵင်း​ၵႂႃႇ​ဢေႃႈ။-</verse>
				<verse number="17">ၵူၼ်း​ၸၢႆး​ၼႂ်း​ဝဵင်း​ ဢႃႇဢီႉ တင်း​ဝဵင်း​ ပေႇသလႃႉ ဢၼ်​ယင်း​ဢမ်ႇ​လိုပ်ႈ​ၸွမ်း​လမ်း​ၸွမ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ​ယူႇ​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။ ၶဝ်​ပွႆႇ​ဝဵင်း​ပဝ်ႇ​ဝဵင်း​ၵူင်​ဝႆႉ​ယူႇ​သေ​လႄႈ ဢွၼ်​ၵၼ်​လိုပ်ႈ​ၸွမ်း​လမ်း​ၸွမ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="18">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ ယေႃးသူႉ ​လႄႈ​ဝႃႈ၊ ဢဝ်​ႁွၵ်ႇ​ဢၼ်​မႂ်း​ယိပ်း​ၵမ်​ၼၼ်ႉ ယဵင်း​ငႃ​သႂ်ႇ​ၵႃႈ​တီႈ​ဝဵင်း​ ဢႃႇဢီႉ ​တႃႉ။ ၵဝ်​တၵ်း​ဢဝ်​ဝဵင်း​ၼၼ်ႉ​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​လႄႈ၊ ယေႃးသူႉ ​ဢဝ်​ႁွၵ်ႇ​ဢၼ်​မၼ်း​ယိပ်း​ၵမ်​ၼၼ်ႉ ယဵင်း​ငႃ​သႂ်ႇ​ၵႃႈ​တီႈ​ဝဵင်း​ၼၼ်ႉ​ဢေႃႈ။-</verse>
				<verse number="19">ၵူၼ်း​သိုၵ်း​မူၵ်း​ၸိူဝ်း​ၼၼ်ႉ လုၵ်ႉ​သေ​ၵႃႈ​တီႈ​ယူႇ​ၶဝ်​ၼၼ်ႉ​ၵမ်း​လဵဝ်​လႄႈ လႅၼ်ႈ​ၵႂႃႇ​ၼႂ်း​မိူဝ်ႈ​ဢၼ်​မၼ်း​ယိုၼ်ႈ​မိုဝ်း​မၼ်း​ၼၼ်ႉ​လႄႈ ၶဝ်ႈ​ႁွတ်ႈ​ၶဝ်ႈ​ထိုင်​မႅၼ်ႈ​ၵႃႈ​ၼႂ်း​ဝဵင်း​သေ​ယဝ်ႉ၊ သိမ်း​ဢဝ်​ဝဵင်း​လႄႈ​ႁိပ်ႈ​ၼႅတ်ႈ​ဢဝ်​ၽႆး​တုတ်ႇ​ဢေႃႈ။-</verse>
				<verse number="20">မိူဝ်ႈ​ဢၼ်​ၵူၼ်း​ဝဵင်း​ ဢႃႇဢီႉ ​ၸိူဝ်း​ၼၼ်ႉ​တူၺ်း​ၶိုၼ်း​လႄႈ ႁၼ်​ၵႂၼ်း​ၽႆး​ဢၼ်​မႆႈ​ဝဵင်း​ၼၼ်ႉ​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​ယူႇ​ၼၼ်ႉ​ၸိုင်၊ ၶဝ်​ဢမ်ႇ​ၸၢင်ႈ​ႁဵတ်း​ၸိူဝ်ႉ​ၼင်ႇ​ႁိုဝ် ႁႂ်ႈ​လႆႈ​ပၢႆႈ​ၵႂႃႇ​ၸူး​ၵႃႈ​တီႈ​သေ​တီႈ​သေ​တၢင်း​လႆႈ။ ၶဝ်​ၸိူဝ်း​ဢၼ်​ဢွၵ်ႇ​ပၢႆႈ​ၵႂႃႇ​ၸူး​ၵႃႈ​တီႈ​ထိူၼ်ႇ​ၼၼ်ႉ​ၵေႃႈ ဢွၼ်​ၵၼ်​ဝၢႆႇ​ၶိုၼ်း​လႄႈ တိုၵ်း​တေႃး​ၶဝ်​ၸိူဝ်း​ဢၼ်​လိုပ်ႈ​ၸွမ်း​လမ်း​ၸွမ်း​ၼၼ်ႉ​ဢေႃႈ။-</verse>
				<verse number="21">ယေႃးသူႉ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၸိူဝ်း​ၼၼ်ႉ ႁၼ်​လွင်ႈ​ဢၼ်​ၵူၼ်း​တပ်ႉ​သိုၵ်း​မူၵ်း​ၸိူဝ်း​ၼၼ်ႉ​လႆႈ​ဝဵင်း​လႄႈ ၵႂၼ်း​ၽႆး​ဢွၵ်ႇ​ယူႇ​ၵႃႈ​တီႈ​ဝဵင်း​ၼၼ်ႉ​သေ​ယဝ်ႉ၊ သမ်ႉ​ဢွၼ်​ၵၼ်​ဝၢႆႇ​ၶိုၼ်း​လႄႈ​တိုၵ်း​တေႃး​ဢဝ်​တၢႆ ၵူၼ်း​ဝဵင်း​ ဢႃႇဢီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="22">ၵူၼ်း​ၽၢႆႇ​ၶဝ်​သမ်ႉ​ဢွၵ်ႇ​သေ​ၵႃႈ​ၼႂ်း​ဝဵင်း​မႃး​တိုၵ်း​တေႃး​ၶဝ်​ၼၼ်ႉ​လႄႈ ၶဝ်​ၼၼ်ႉ​မီး​ၵႃႈ​ၼႂ်း​ၵႄႈ​ဝူင်ႈ​ၵၢင်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်ႉ​ၼင်ႇ​ၼၼ်၊ ၵမ်ႈ​ၽွင်ႈ​ၽၢႆႇ​ၼိုင်ႈ၊ ၵမ်ႈ​ၽွင်ႈ​ၽၢႆႇ​ၼိုင်ႈ​လႄႈ ၶဝ်​တိုၵ်း​တေႃး​ယႃႉ​ပႅတ်ႈ​ၶဝ်​ၼၼ်ႉ​ထၼ်ႈ​ပေႃး ၶဝ်​ဢမ်ႇ​ပၼ်​ႁႂ်ႈ​ၶဝ်​ၼၼ်ႉ​လွတ်ႈ၊ ဢမ်ႇ​ပၼ်​ၶဝ်​ၼၼ်ႉ​ၵိုတ်း​သေ​ၵေႃႉ​သေ​ၵူၼ်း​ဢေႃႈ။-</verse>
				<verse number="23">ၶဝ်​တီႉ​လႆႈ​တူဝ်​လိပ်း​ၶုၼ်​လူင်​ ဢႃႇဢီႉ ​လႄႈ ဢွၼ်​ၵၼ်​ဢဝ်​မႃး​ၸူး​ၵႃႈ​တီႈ​ ယေႃးသူႉ ​ဢေႃႈ။-</verse>
				<verse number="24">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢဝ်​ၵူၼ်း​ဝဵင်း​ ဢႃႇဢီႉ ​တင်း​သဵင်ႈ​တင်း​လူင် တၢႆ​ၵႃႈ​တီႈ​ပၢင်ႇ​ပဵင်း​ဢၼ်​ဝႃႈ​ထိူၼ်ႇ တီႈ​ဢၼ်​ၶဝ်​လိုပ်ႈ​ၸွမ်း​လမ်း​ၸွမ်း​ၼၼ်ႉ​ယဝ်ႉ​တူဝ်ႈ​ယဝ်ႉ​လႄႈ ၶဝ်​ၵႃႈ​မီး​ၼၼ်ႉ​လူမ်ႉ​တၢႆ​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​ထၼ်ႈ​ပေႃး ႁွတ်ႈ​ထိုင်​တၢင်း​ဢၼ် လူႉ​လႅဝ်​ပႅတ်ႈ​ၼၼ်ႉ​သေ​ယဝ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​သမ်ႉ​ၶိုၼ်း​မႃး​ၵႃႈ​တီႈ​ဝဵင်း​ ဢႃႇဢီႉ ​လႄႈ ယႃႉ​ၽဵဝ်ႈ​ၶဝ်​ပႅတ်ႈ​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​ဢေႃႈ။-</verse>
				<verse number="25">ၶဝ်​ၸိူဝ်း​ဢၼ်​လူမ်ႉ​တၢႆ​ၼႂ်း​ဝၼ်း​ၼၼ်ႉ​ၸဵမ်​ယိင်း​ၸဵမ်​ၸၢႆး ဢၼ်​ဝႃႈ​ၵူၼ်း​ၼႂ်း​ဝဵင်း​ ဢႃႇဢီႉ ​ၵႃႈ​မီး​တင်း​သဵင်ႈ​တင်း​လူင် မီး​သေ​မိုၼ်ႇ​ပၢႆ​သွင်​ႁဵင်​ၼိုင်ႈ​ဢေႃႈ။-</verse>
				<verse number="26">ယေႃးသူႉ ​ဢမ်ႇ​ၵူႈ​ဢမ်ႇ​သိမ်း​ဢဝ်​မိုဝ်း​မၼ်း ဢၼ်​ဢဝ်​ႁွၵ်ႇ​ယဵင်း​ငႃ​ယူႇ​ၼၼ်ႉ​တေႃႇ​ထိုင်​ႁွတ်ႈ​ထၼ်ႈ​ပေႃး မၼ်း​ယႃႉ​ၽဵဝ်ႈ​ၵူၼ်း​ဝဵင်း​ ဢႃႇဢီႉ ​ၵႃႈ​မီး​ၼၼ်ႉ​ပႅတ်ႈ​တင်း​သဵင်ႈ​တင်း​မူတ်း​ၼၼ်ႉ။-</verse>
				<verse number="27">ၵွမ်ႉ​ၵႃႈ တရိၵ်ႈသၢၼ်ႇ​ဢိၵ်ႇ​တင်း​ဢုၵ်ႉ​ၸႃႇ​ဝဵင်း​ၼၼ်ႉ​ဢၼ်​ႁိမ်​လႆႈ​ၼၼ်ႉ​ၵူၺ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ သိမ်း​ဢဝ်​ႁႂ်ႈ​ပဵၼ် ဢုၵ်ႉ​ၸႃႇ​ဢၼ်​ႁိမ်​ဢဝ်​ပုၼ်ႈ​တူဝ်​ၸဝ်ႈ​ၵဝ်ႇ ၸွမ်း​ၵႃႈ​ၼင်ႇ​ၵႂၢမ်း​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ ယေႃးသူႉ ​ၼၼ်ႉ​ဢေႃႈ။-</verse>
				<verse number="28">ယေႃးသူႉ ​ၵေႃႈ ဢဝ်​ၽႆး​တုတ်ႇ​ဝဵင်း​ ဢႃႇဢီႉ ​လႄႈ ႁႂ်ႈ​ပဵၼ်​ပုမ်ႇ​လိၼ်​ၵွင်​လိၼ်​ယူႇ​တႃႇ​သေႇ​ဢၼ်​ဝႃႈ တီႈ​ဢၼ်​ယႃႉ​ၽဵဝ်ႈ​ပႅတ်ႈ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="29">မၼ်း​ဢဝ်​ၶုၼ်​လူင်​ ဢႃႇဢီႉ ​ႁွႆႈ​ဝႆႉ​ၵႃႈ​တီႈ​တူၼ်ႈ​မႆႉ တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​လႄႈ မိူဝ်ႈ​ဢၼ်​ၵၢင်​ဝၼ်း​ၶမ်ႈ​ၼၼ်ႉ​ၸိုင်၊ ယေႃးသူႉ မီး​ဢမိင်ႉ​လႄႈ​ၶဝ်​ဢဝ်​တူဝ်​တၢႆ​မၼ်း​ၶျႃး​တူၵ်း​ၵႃႈ​တီႈ​တူၼ်ႈ​မႆႉ​သေ​ယဝ်ႉ၊ ဢဝ်​ပႅတ်ႈ​ဝႆႉ​ၵႃႈ​တီႈ​ႁူး​ၽၵ်း​တူ​ဝဵင်း​ၼၼ်ႉ​သေ​လႄႈ ဢဝ်​မၢၵ်ႇ​ႁိၼ်​ၵွင်​သႂ်ႇ​ၵႃႈ​ၼိူဝ်​မၼ်း ၵွင်​ယႂ်ႇ​ၼႃႇ​လူင်​လၢင်​မီး​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="30">မိူဝ်ႈ​ၼၼ်ႉ ယေႃးသူႉ ​တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​ၼိူဝ်​လွႆ​ ဢေးပႃႇလႃႉ ၊-</verse>
				<verse number="31">ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ၶႃႈ​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ မႅၼ်ႈ​ၵႃႈ​ၼင်ႇ​ဢၼ်​တႅမ်ႈ​သႂ်ႇ​မီး​ဝႆႉ​ၵႃႈ​ၼႂ်း​ၵျၢမ်း​ပိင်း​ၺၢပ်ႈ​တီႉ​ မူဝ်းသေႇ ဢၼ်​ဝႃႈ​ယိတ်ႈပလၢင်ႇ​ဢၼ်​ဢဝ်​မၢၵ်ႇ​ႁိၼ်​ဢၼ်​ဢမ်ႇ​ထၢၵ်ႇ​ဢမ်ႇ​မႄး​ၸိူဝ်း​ၼၼ်ႉ​ႁဵတ်း ဢၼ်​ၵူၼ်း​ယင်း​ဢမ်ႇ​ဢဝ်​ၶိူင်ႈ​လဵၵ်း​ယုၵ်ႉ​သႂ်ႇ​ၵႃႈ​ၼိူဝ်​မၼ်း၊ ဝႃႈ​ၼင်ႇ​ၼႆ​ၼၼ်ႉ​သေ​လႄႈ ဢွၼ်​ၵၼ်​သၢၵ်ႈ​ၵၢပ်ႈ​ယိတ်ႈ​ဢၼ်​တုတ်ႇ​ၽႆး​ပုၼ်ႈ​ထႃႇဝရႃႉ​ၽြႃး​လႄႈ ပုၵ်ႈ​ၸေႃႇ​ယိတ်ႈ​မိၵ်ႉသႃႇႁႃယႃႉ ၵႃႈ​ၼိူဝ်​ၼၼ်ႉ​ဢေႃႈ။-</verse>
				<verse number="32">မၼ်း​ၵူး​တႅမ်ႈ​ပိင်း​ၺၢပ်ႈ​တြႃး​ မူဝ်းသေႇ ဢၼ်​ မူဝ်းသေႇ ​တႅမ်ႈ​ဝႆႉ​ၼၼ်ႉ​သႂ်ႇ​ၵႃႈ​ၼိူဝ်​မၢၵ်ႇ​ႁိၼ်​ၸိူဝ်း​ၼၼ်ႉ ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="33">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်၊ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၶဝ်၊ ၶုၼ်​ပူဝ်ႇ​ၶဝ်၊ ၵူၼ်း​ဢၼ်​ၸီႇ​ယၢင်ႇ​တြႃး​ၶဝ်​ဢၼ်​ဝႃႈ ၵူၼ်း​မဵဝ်း​ၶဝ်​ၸႅတ်ႈ​ၸႅတ်ႈ ဢိၵ်ႇ​တင်း​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ၸိူဝ်း​ၼၼ်ႉ ဢွၼ်​ၵၼ်​ၸုၵ်း​ယူႇ​ၵႃႈ​တီႈ​သွင်​ၽၢႆႇ​တိူၵ်ႈ​တႃႇ​ၸဝ်ႈ ၵႃႈ​တီႈ​ၽၢႆႇ​ၼႃႈ ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ဢၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​ၸိူဝ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​လွႆ​ ၵေႇရၸိမ်ႇ ၵူၼ်း​ၶိုင်ႈ​ၼိုင်ႈ ၵႃႈ​တီႈ​ၽၢႆႇ​ၼႃႈ​လွႆ​ ဢေးပႃႇလႃႉ ၵူၼ်း​ၶိုင်ႈ​ၼိုင်ႈ ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ၶႃႈ​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ လွင်ႈ​ဢၼ်​ၶဝ်​တၵ်း​လႆႈ​ပၼ်​တၢင်း​လီ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ မိူဝ်ႈ​ဢွၼ်​တၢင်း​ၼၼ်ႉ​သေ​ယဝ်ႉ၊-</verse>
				<verse number="34">မၼ်း​ၽတ်း​ႁေႃး​ၵႂၢမ်း​တြႃး​ၵႃႈ​မီး ဢၼ်​ဝႃႈ​တၢင်း​လီ​မင်ႇၵလႃႇ ဢိၵ်ႇ​တင်း​တၢင်း​ဢၼ်​ၵိၼ်ႇ​ဢၼ်​ဝႃႈ ဢႃႉ​မင်ႇၵလႃႇ​ၸွမ်း​ၵႃႈ​ဢၼ်​တႅမ်ႈ​သႂ်ႇ​ဝႆႉ​ၵႃႈ​ၼႂ်း​ၵျၢမ်း​ပိင်း​ၺၢပ်ႈ​တီႉ​ၼၼ်ႉ​ဢေႃႈ။-</verse>
				<verse number="35">ၼႂ်း​ၵႂၢမ်း​ဢၼ်​ မူဝ်းသေႇ ​သင်ႇ​လၢတ်ႈ​ဝႆႉ​ၼၼ်ႉ ၵႂၢမ်း​ဢၼ်​ ယေႃးသူႉ ​ဢမ်ႇ​ၽတ်း​ဢမ်ႇ​ႁေႃး​ၵႃႈ​တီႈ​ၽၢႆႇ​ၼႃ​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ဢိၵ်ႇ​တင်း​ၵူၼ်း​ယိင်း၊ လုၵ်ႈ​ဢွၼ်ႇ၊ ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ဢၼ်​မီး​ယူႇ​ၵႃႈ​တီႈ​ၶဝ်​ၼၼ်ႉ​ၸိူဝ်း​ၼၼ်ႉ ဢမ်ႇ​မီး​သေ​ၶေႃႈ​သေ​ၵမ်း။</verse>
			</chapter>
			<chapter number="9">
				<verse number="1">မိူဝ်ႈ​ဢၼ်​ၶုၼ်​လူင်​ၵႃႈ​ဢၼ်​ယူႇ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ ယေႃးတၢၼ်ႇ ၵႃႈ​ၼိူဝ်​ႁၢၼ်ႉ​လွႆ၊ ၵႃႈ​တႂ်ႈ​တီႈ​ဢၼ်​ပၢင်ႇ​ဢၼ်​ပဵင်း၊ ၵႃႈ​တီႈ​ၸွမ်း​ႁိမ်း​ၽင်ႇ​မႁႃႇ​ပၢင်ႇ​လၢႆႇ တင်း​သဵင်ႈ​တင်း​မူတ်း သိုဝ်ႈ​လွႆ​ လေႇပၼုၼ်ႇ ဢၼ်​ဝႃႈ​ၶုၼ်​လူင်​မဵဝ်း​ ႁိတ်ႉတီႉ၊ ဢႃႇမေႃးရီႉ၊ ၶႃႇၼၼီႉ၊ ၽေႇရၸီႉ၊ ႁီႉဝီႉ၊ ယေႇပူႉသီႉ ​ၸိူဝ်း​ၼၼ်ႉ ငိၼ်း​လွင်ႈ​မၼ်း​တၢင်း​မၼ်း​ၼၼ်ႉ​ၸိုင်၊-</verse>
				<verse number="2">ၶဝ်​ၽွမ်ႉ​ၵၼ်​ၸူႉ​ၵၼ်​တုမ်​ၵၼ် ႁႂ်ႈ​လႆႈ​တိုၵ်း​တေႃး​ ယေႃးသူႉ ​ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="3">ၵူၼ်း​ဝဵင်း​ ၵီႉပွင်ႇ ​တင်း​လၢႆ​ၵေႃႈ ငိၼ်း​လွင်ႈ​တၢင်း​ဢၼ်​ ယေႃးသူႉ ႁဵတ်း​တီႈ​ဝဵင်း​ ယေႇရီႉၶူဝ်း ဢိၵ်ႇ​တင်း​ဝဵင်း​ ဢႃႇဢီႉ ​ၼၼ်ႉ​သေ​ယဝ်ႉ၊-</verse>
				<verse number="4">ႁဵတ်း​ပရီႉယႄႇ​လႄႈ ႁဵတ်း​ၸိူဝ်ႉ​ၼင်ႇ​ဢၼ်​ပဵၼ်​သၢၼ်ႇတမၢၼ်ႇ​ၼၼ်ႉ ဢဝ်​ထူင်​ဢၼ်​ၵဝ်ႇ​မွင်​တၢင်ႇ​သႂ်ႇ​ၵႃႈ​ၼိူဝ်​လီႈ​ၶဝ်၊ ဢဝ်​တဝ်ႈ​ၼင်​ၼမ်ႉ​ၸပိတ်ႈ​ဢၼ်​ၵဝ်ႇ​မွင်​ယွၵ်း​ၶၢတ်ႇ​ၸွၵ်း​ႁုပ်ႇ​ၼၼ်ႉ၊-</verse>
				<verse number="5">တိုဝ်း​သွၵ်း​တိၼ်​ဢၼ်​ၵဝ်ႇ​မွင်​ၵုပ်း​မႄး​ၼၼ်ႉ​လႄႈ ၼုင်ႈ​မႆ​ၶူဝ်း​ၼုင်ႈ​တၢင်း​မႆ​ဢၼ်​ၵဝ်ႇ​မွင်​ၼၼ်ႉ​ဢေႃႈ။ တၢင်း​ၵိၼ်​တၢင်း​ၶူပ်း​ၶဝ်​ၵႃႈ​မီး​ၼၼ်ႉ ပဵၼ်​ဢၼ်​ႁႅင်ႈ​ဢၼ်​သႃး​ဝႆႉ​ဢေႃႈ။-</verse>
				<verse number="6">ၶဝ်​ဢွၼ်​ၵၼ်​ၵႂႃႇ​ၸူး​ၵႃႈ​တီႈ​ ယေႃးသူႉ ၵႃႈ​တီႈ​တပ်ႉ​ ၵီႉလႃႉၵႃႇလႃႉ ​ၼၼ်ႉ​သေ​လႄႈ လဝ်ႊ​လၢတ်ႈ​တီႈ​မၼ်း​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ႁဝ်း​ၶႃႈ​လုၵ်ႉ​သေ​ၵႃႈ​တီႈ​မိူင်း​ဢၼ်​ၵႆ​ပုၼ်ႉ​ႁွတ်ႈ​မႃး​ၶႃႈ​ယဝ်ႉ။ ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵေႃႈ လၢတ်ႈ​တီႈ​ၵူၼ်း​ ႁီႉဝီႉ ​ၸိူဝ်း​ၼၼ်ႉ​လႄႈ​ဝႃႈ၊ ႁဝ်း​ဢမ်ႇ​ႁူႉ​လွင်ႈ​ဢၼ်​သူ​ယူႇ​ၵႃႈ​တီႈ​ႁိမ်း​ႁဝ်း​ႁိုဝ် ဢမ်ႇ​ယူႇ​ႁိုဝ်​ၼၼ်ႉ​လႆႈ၊ ႁဝ်း​တၵ်း​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​သူ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ၶဝ်​ဢွၼ်​ၵၼ်​လဝ်ႊ​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ ႁဝ်း​ၶႃႈ​ပဵၼ်​ၶႃႈ​ၸဝ်ႈ​ႁဝ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ယေႃးသူႉ ​ၵေႃႈ ထၢမ်​တီႈ​ၶဝ်​လႄႈ​ဝႃႈ၊ သူ​ပဵၼ်​ၽူႈ​လႂ်။ သူ​လုၵ်ႉ​သေ​ၵႃႈ​တီႈ​လႂ်​မႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၶဝ်​ၶိုၼ်း​လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ်​လုၵ်ႉ​သေ​ၵႃႈ​တီႈ​မိူင်း​ဢၼ်​ၵႆ​ၼႃႇ​ပုၼ်ႉ​မႃး ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ၼၼ်ႉ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ႁဝ်း​ၶဝ် လႆႈ​ငိၼ်း​သတၢင်း​သဵင်​ၶၢဝ်ႇ​မၼ်း​ၸဝ်ႈ ဢိၵ်ႇ​တင်း​ၵႃႈ​ဢၼ်​မၼ်း​ၸဝ်ႈ​ႁဵတ်း​ၵႃႈ​ၼႂ်း​မိူင်း​ ဢေႇၵိပ်ႉတူႉ ၊-</verse>
				<verse number="10">တင်း​ၵႃႈ​ဢၼ်​မၼ်း​ၸဝ်ႈ​ႁဵတ်း​တီႈ​ၶုၼ်​လူင်​ ဢႃႇမေႃးရီႉ ​သွင်​ပႃး ဢၼ်​မီး​ၽၢႆႇ​ဝၼ်း​ဢွၵ်ႇ​ၼမ်ႉ​ႁွင်ႈ​ ယေႃးတၢၼ်ႇ ဢၼ်​ဝႃႈ​ သီႉႁုၼ်ႇ ၶုၼ်​ႁေႃ​ၶမ်း​ ႁေႇသၽုၼ်ႇ တင်း​ ဢေႃႇၶႃႉ ၶုၼ်​ႁေႃ​ၶမ်း​ ပႃႇသၢၼ်ႇ ဢၼ်​ယူႇ​ၵႃႈ​ၼႂ်း​ဝဵင်း​ ဢႃႇသတႃႇရုတ်ႉ ​ၼၼ်ႉ​ယဝ်ႉ​တီႈ​ၶႃႈ​ယဝ်ႉ။-</verse>
				<verse number="11">ပိူဝ်ႈ​ၼႆ​လႄႈ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၶႃႈ​ၸဝ်ႈ​ႁဝ်း​ၶဝ် ဢိၵ်ႇ​တင်း​ၵူၼ်း​ဝၢၼ်ႈ​ၵူၼ်း​မိူင်း​ၶႃႈ​ၸဝ်ႈ​ႁဝ်း​ၶဝ်​တင်း​သဵင်ႈ​တင်း​လူင်​ၼၼ်ႉ သင်ႇ​လၢတ်ႈ​တီႈ​ၶႃႈ​ၸဝ်ႈ​ႁဝ်း​ၶဝ်​လႄႈ​ဝႃႈ၊ ပႃး​ဢဝ်​တၢင်း​ၵိၼ်​တၢင်း​ၶူပ်း​ၵႃႈ​ၼႂ်း​မိုဝ်း​သူ ပုၼ်ႈ​ဢၼ်​သူ​တၵ်း​ၵႂႃႇ​တၢင်း​ပႆ​တၢင်း​သေ​လႄႈ ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​ၶဝ်​ၼၼ်ႉ​လႄႈ၊ လဝ်ႊ​လၢတ်ႈ​တီႈ​ၶဝ်​လႄႈ​ဝႃႈ၊ ႁဝ်း​ၶႃႈ​ပဵၼ်​ၶႃႈ​သူ​ၸဝ်ႈ​ၶႃႈ​ဢေႃႈ။ ႁဵတ်း​မိၵ်ႉသႃႇႁႃယႃႉ​လူၺ်ႈ​ၵၼ်​တင်း​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="12">ၶဝ်ႈ​မုၼ်း​ၶႃႈ​ၸဝ်ႈ​ႁဝ်း​ၶဝ်​ၼႆႉ​ၸမ်ႉ၊ ၼႂ်း​ဝၼ်း​ဢၼ်​ၶႃႈ​ၸဝ်ႈ​ႁဝ်း​ၶဝ် ဢွၵ်ႇ​မႃး​ႁႂ်ႈ​လႆႈ​ႁွတ်ႈ​ထိုင်​ၵႃႈ​တီႈ​သူ​ၸဝ်ႈ​ၼၼ်ႉ ၶႃႈ​ၸဝ်ႈ​ႁဝ်း​ၶဝ် ဢဝ်​ၵႃႈ​ၼႂ်း​ႁိူၼ်း​ၶႃႈ​ၸဝ်ႈ​ႁဝ်း​ၶဝ်​ၼႂ်း​မိူဝ်ႈ​ဢၼ်​မၼ်း​ယင်း​ဢုၼ်ႇ​ယင်း​မႆႈ​ယူႇ​ၼၼ်ႉ​လႄႈ မႃး​ပုၼ်ႈ​ဢၼ်​တၵ်း​ႁဵတ်း​တၢင်း​ၵိၼ်​တၢင်း​ၶူပ်း​တီႈ​ၶႃႈ​ဢေႃႈ။ မိူဝ်ႈ​လဵဝ်​ၼႆႉ​ၸမ်ႉ၊ တူၺ်း​တီႈ​ၶႃႈ​လူး၊ မီး​တၢင်း​ဢၼ်​ႁႅင်ႈ​ၵႂႃႇ​သႃး​ၵႂႃႇ​ယဝ်ႉ​တီႈ​ၶႃႈ​ဢေႃႈ။-</verse>
				<verse number="13">တဝ်ႈ​ထူင်​ၼင် ဢၼ်​ၶႃႈ​ၸဝ်ႈ​ႁဝ်း​ၶဝ်​ဢဝ်​ၼမ်ႉ​ၸပိတ်ႈ​သႂ်ႇ​တဵမ်​ဝႆႉ​ၼႆႉ ပဵၼ်​ဢၼ်​မႂ်ႇ​တီႈ​ၶႃႈ​ဢေႃႈ။ တူၺ်း​တီႈ​ၶႃႈ​လူး၊ မီး​တၢင်း​ဢၼ်​ယွၵ်း​သိၵ်ႇ​ယဝ်ႉ​တီႈ​ၶႃႈ​ဢေႃႈ။ ၶူဝ်း​ၼုင်ႈ​တၢင်း​မႆ​ၸိူဝ်း​ၼႆႉ ၶႅပ်း​တိၼ်​ၸိူဝ်း​ၼႆႉ​ၵေႃႈ၊ ၵဝ်ႇ​မွင်​ၵႂႃႇ​ၵွပ်ႈ​ပိူဝ်ႈ​ဢၼ် ၶၢဝ်း​တၢင်း​ၵႆ​ၼႃႇ​လူင်​လၢင်​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ၶဝ်​ၵေႃႈ​ယင်း​ဢမ်ႇ​လဝ်ႊ​ဢမ်ႇ​ယွၼ်း​ဢၶႂၢင်ႉ​တီႈ​သူပ်း​ထႃႇဝရႃႉ​ၽြႃး​လႄႈ ဢဝ်​တၢင်း​ၵိၼ်​တၢင်း​ၶူပ်း​ၶဝ်​ၼၼ်ႉ​ၵိၼ်​ဢေႃႈ။-</verse>
				<verse number="15">ယေႃးသူႉ ​ၵေႃႈ ႁႂ်ႈ​ၶဝ်​ၵၢင်း​လွတ်ႈ​တင်း​ဢမူႉ​သိုၵ်း​သေ​လႄႈ ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​ၶဝ် ႁႂ်ႈ​ၶဝ်​လႆႈ​ဢသၢၵ်ႈ​ၵတ်း​ယဵၼ်​ၶျၢမ်း​သႃႇ​ဢေႃႈ။ ၶုၼ်​ပရဵၵ်ႈသၢတ်ႈ​တင်း​လၢႆ​ၵေႃႈ ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ တီႈ​ၶဝ်​ၼၼ်ႉ​ဢေႃႈ။-</verse>
				<verse number="16">မိူဝ်ႈ​ဢၼ်​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​ၶဝ်​လႄႈ လႆႈ​သၢမ်​ဝၼ်း​ယဝ်ႉ​ၼၼ်ႉ​ၸိုင်၊ ၶဝ်​ငိၼ်း​လွင်ႈ​ဢၼ်​ၶဝ်​ၼၼ်ႉ ပဵၼ်​ၵူၼ်း​ဢၼ်​ၸမ်​လႄႈ​ယူႇ​ၵႃႈ​တီႈ​ႁိမ်း​ၶဝ်​ဢေႃႈ။-</verse>
				<verse number="17">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵႂႃႇ​တၢင်း​ပႆ​တၢင်း​လႄႈ ၼႂ်း​ဝၼ်း​ဢၼ်​ထူၼ်ႈ​သၢမ်​ဝၼ်း​ၼၼ်ႉ​ႁွတ်ႈ​ထိုင်​ၵႃႈ​တီႈ​ဝဵင်း​ၶဝ်​ၼၼ်ႉ​ဢေႃႈ။ ဝဵင်း​ၶဝ်​ၼၼ်ႉ​ၸမ်ႉ၊ ပဵၼ်​ဝဵင်း​ ၵီႉပွင်ႇ ၊ ဝဵင်း​ ၶေႇၽီႉရႃႉ ၊ ဝဵင်း​ ပေႇရုတ်ႉ ၊ ဝဵင်း​ ၵီႉရယတ်ႉယႃႇရိမ်ႇ ​ဢေႃႈ။-</verse>
				<verse number="18">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢမ်ႇ​တိုၵ်း​တေႃး​ယႃႉ​ပႅတ်ႈ​ၶဝ်​ၼၼ်ႉ ၵွပ်ႈ​ပိူဝ်ႈ​ဢၼ်​ၶုၼ်​ပရဵၵ်ႈသၢတ်ႈ​တင်း​လၢႆ ၵိၼ်ႇ​ဝႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ၼၼ်ႉ​လႄႈ ပရဵၵ်ႈသၢတ်ႈ​တင်း​သဵင်ႈ​တင်း​လူင် တၢင်ႇ​ဢပႅတ်ႈ​တီႈ​ၶုၼ်​ၸိူဝ်း​ၼၼ်ႉ​လႄႈ ပွင်ႉ​ၶၢင်း​ပွင်ႉ​မိူၼ်ႇ​ဢေႃႈ။-</verse>
				<verse number="19">ၶုၼ်​ၵႃႈ​မီး​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​လၢတ်ႈ​တီႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင်​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ႁဝ်း​ႁဵတ်း​တၢင်း​ဢၼ် ၵိၼ်ႇ​ဝႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ယဝ်ႉ​လႄႈ ႁဝ်း​ဢမ်ႇ​လႆႈ​တိူဝ်ႉ​လႆႈ​ထုၵ်ႇ​ၶဝ်။-</verse>
				<verse number="20">ႁဝ်း​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၶဝ်​ဝႃႈ​ၼႆ​ၸမ်ႉ၊ ႁဝ်း​ၵူဝ်​တၢမ်ႇ​ဢပႅတ်ႈ​တၵ်း​ႁွတ်ႈ​ထိုင်​ၵႃႈ​ၼိူဝ်​ႁဝ်း ၵွပ်ႈ​ပိူဝ်ႈ​ဢၼ်​ႁဝ်း​ၵိၼ်ႇ​ဝႃႈ​တီႈ​ၶဝ်​မႅၼ်ႈ​ၼၼ်ႉ​လႄႈ ႁဝ်း​တၵ်း​လႆႈ​ႁႂ်ႈ​ဢသၢၵ်ႈ​ၶဝ်​ၵတ်း​ယဵၼ်​ၶျၢမ်း​သႃႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၶုၼ်​ၸိူဝ်း​ၼၼ်ႉ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ႁႂ်ႈ​ဢသၢၵ်ႈ​ၶဝ် လႆႈ​ၵတ်း​ယဵၼ်​ၶျၢမ်း​သႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ ၶဝ်​ၼၼ်ႉ ပဵၼ်​ၵေႃႉ​ဢၼ်​ၽၼ်း​ၽိုၼ်း၊ ၵေႃႉ​ဢၼ်​တဵၵ်း​ၼမ်ႉ​ပုၼ်ႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင် မႅၼ်ႈ​ၵႃႈ​ၼင်ႇ​ဢၼ် ၶုၼ်​တင်း​လၢႆ​မီး​ဢမိင်ႉ​ၼၼ်ႉ​ဢေႃႈ။</verse>
				<verse number="22">ယေႃးသူႉ ​ႁွင်ႉ​ဢဝ်​ၶဝ်​သေ​လႄႈ​လၢတ်ႈ​လႄႈ​ဝႃႈ၊ သူ​ၼႆႉ​ပိၵ်ႉ​သမ်ႉ​ယူႇ​ၵႃႈ​တီႈ​ႁိမ်း​ႁဝ်း​ယူႇ​သေ​ၵေႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​လၢတ်ႈ​လႄႈ​ဝႃႈ၊ ႁဝ်း​ၶႃႈ​လုၵ်ႉ​သေ​ၵႃႈ​တီႈ​ဢၼ်​ၵႆ​ၼႃႇ​လူင်​လၢင်​ပုၼ်ႉ​မႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ ပႅတ်ႉ​လႅၼ်​ႁဝ်း​ၼင်ႇ​ႁိုဝ်။-</verse>
				<verse number="23">တေႃႈ​လဵဝ်​ၼႆႉ သူ​ပဵၼ်​ၵေႃႉ​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ​လႄႈ၊ ၵႃႈ​ၼႂ်း​သူ​ၼႆႉ ၵေႃႉ​ဢၼ်​လႆႈ​ၶၢမ်ႇ​ႁဵတ်း​ၶႃႈ​ဢၼ်​ဝႃႈ ၵေႃႉ​ဢၼ်​ၽၼ်း​ၽိုၼ်း၊ ၵေႃႉ​ဢၼ်​တဵၵ်း​ၼမ်ႉ​ပုၼ်ႈ​ႁိူၼ်း​ၽြႃး​ပဵၼ်​ၸဝ်ႈ​ၵဝ် တၵ်း​ဢမ်ႇ​လႆႈ​ထၢတ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၶဝ်​ၵေႃႈ​ၶိုၼ်း​လဝ်ႊ​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ လႆႈ​ႁူႉ​လႆႈ​ငိၼ်း​လွင်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၶႃႈ​မၼ်း​ၸဝ်ႈ​ၼၼ်ႉ ႁႂ်ႈ​လႆႈ​ဢဝ်​မိူင်း​ၼႆႉ​တင်း​သဵင်ႈ​တင်း​မူတ်း​ပၼ်​တီႈ​သူ​ၸဝ်ႈ ဢိၵ်ႇ​တင်း​ႁႂ်ႈ​လႆႈ​ပႄႇ​ၽဵဝ်ႈ​ၵူၼ်း​ဝၢၼ်ႈ​ၵူၼ်း​မိူင်း​ၼႆႉ တင်း​သဵင်ႈ​တင်း​လူင်​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ​ၸဝ်ႈ​ၼၼ်ႉ​တႄႉ​တႄႉ​ဝႃႈ​ဝႃႈ​လႄႈ၊ ၶႃႈ​ၸဝ်ႈ​ႁဝ်း​ၶဝ် ၵူဝ်​ဢသၢၵ်ႈ​ၶႃႈ​ၸဝ်ႈ​ႁဝ်း​ၶဝ်​တၵ်း​သုမ်း ၵွပ်ႈ​ပိူဝ်ႈ​သူ​ၸဝ်ႈ​ၼႃႇ​လူင်​လၢင်​လႄႈ လႆႈ​ႁဵတ်း​ဢမူႉ​ၼႆႉ​တီႈ​ၶႃႈ​ဢေႃႈ။-</verse>
				<verse number="25">တေႃႈ​လဵဝ်​ၼႆႉ တူၺ်း​တီႈ​ၶႃႈ​လူး၊ ၶႃႈ​ၸဝ်ႈ​ႁဝ်း​ၶဝ်​ၼႆႉ မီး​ယူႇ​ၵႃႈ​ၼႂ်း​မိုဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၵႃႈ​ၼင်ႇ​ဢၼ်​ၸဝ်ႈ​ႁဝ်း​ထၢင်ႇ​ပဵၼ်​ဢၼ်​ထုၵ်ႇ​ဢၼ်​လီ၊ ဢၼ်​မႅၼ်ႈ​ၸွမ်း​တြႃး​ၸိူဝ်ႉ​ၼင်ႇ​ႁိုဝ်​တီႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ ႁဵတ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၼင်ႇ​ၼၼ်​လႄႈ မၼ်း​ႁဵတ်း​တီႈ​ၶဝ်​လႄႈ ၵႄႇ​သႄႇ​ၼုၵ်ႈ​ဢဝ်​ၶဝ် ၵႃႈ​ၼႂ်း​မိုဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​ဢမ်ႇ​လႆႈ​ဢဝ်​ၶဝ်​ၼၼ်ႉ​တၢႆ​လႄႈ၊-</verse>
				<verse number="27">ၼႂ်း​မိုဝ်ႉ​ဝၼ်း​ၼၼ်ႉ​ ယေႃးသူႉ ​ၸီႇ​ယၢင်ႇ​ဝႆႉ ႁႂ်ႈ​ၶဝ်​ၼၼ်ႉ​လႆႈ​ပဵၼ်​ၵေႃႉ​ဢၼ်​ၽၼ်း​ၽိုၼ်း၊ ၵေႃႉ​ဢၼ်​တဵၵ်း​ၼမ်ႉ​ပုၼ်ႈ​ပရဵၵ်ႈသၢတ်ႈ ဢိၵ်ႇ​တင်း ပုၼ်ႈ​ယိတ်ႈပလၢင်ႇ​ထႃႇဝရႃႉ​ၽြႃး ဢၼ်​တႄႇ​ဝႆႉ​ၼႂ်း​တီႈ​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
			</chapter>
			<chapter number="10">
				<verse number="1">မိူဝ်ႈ​ဢၼ် ဢတေႃးၼီႉၸေႇတႅၵ်ႉ ၶုၼ်​လူင်​ ယေႇရူႉသလႅမ်ႇ ​ငိၼ်း​လွင်ႈ​ဢၼ်​ ယေႃးသူႉ ​တိုၵ်း​ဢဝ်​ဝဵင်း​ ဢႃႇဢီႉ ​လႄႈ ယႃႉ​ၽဵဝ်ႈ​ပႅတ်ႈ​မူတ်း​မူတ်း​သဵင်ႈ​သဵင်ႈ​ဢၼ်​ဝႃႈ​ႁဵတ်း​တီႈ​ဝဵင်း​ ဢႃႇဢီႉ တင်း​ၶုၼ်​လူင်​မၼ်း မိူၼ်​ၸိူဝ်ႉ​ၼင်ႇ​ဢၼ်​ႁဵတ်း​တီႈ​ဝဵင်း​ ယေႇရီႉၶူဝ်း တင်း​ၶုၼ်​လူင်​မၼ်း​ၼၼ်ႉ ဢိၵ်ႇ​တင်း​လွင်ႈ​ဢၼ်​ၵူၼ်း​ဝဵင်း​ ၵီႉပွင်ႇ ​ၸိူဝ်း​ၼၼ်ႉ ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​လႄႈ ယူႇ​လူၺ်ႈ​ၵၼ်​တင်း​ၶဝ်​ၼၼ်ႉ​ၸိုင်၊-</verse>
				<verse number="2">ၶဝ်​ၵူဝ်​ႁႄ​ၼႃႇ​လူင်​လၢင်​ၵွပ်ႈ​ပိူဝ်ႈ​ဢၼ်​ဝဵင်း​ ၵီႉပွင်ႇ ​ၼၼ်ႉ ပဵၼ်​ဝဵင်း​ဢၼ်​ယႂ်ႇ​ၼႃႇ မိူၼ်​ၸိူဝ်ႉ​ၼင်ႇ​ဝဵင်း​ၸဝ်ႈ​ၼၼ်ႉ ဢိၵ်ႇ​တင်း ၵွပ်ႈ​ပိူဝ်ႈ​ဢၼ်​ယႂ်ႇ​ၼႃႇ​သေ​ဝဵင်း​ ဢႃႇဢီႉ ​လႄႈ ၵူၼ်း​ၸၢႆး​ဝဵင်း​ၼၼ်ႉ​ၵႃႈ​မီး ပဵၼ်​ၵူၼ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="3">မိူဝ်ႈ​ၼၼ်ႉ​ ဢတေႃးၼီႉၸေႇတႅၵ်ႉ ၶုၼ်​လူင်​ ယေႇရူႉသလႅမ်ႇ ပွႆႇ​ၸႂ်ႉ​ၸူး​ၵႃႈ​တီႈ​ ႁေႃႇႁၢမ်ႇ ၶုၼ်​လူင် ႁေႇပြုၼ်ႇ၊ ပီႉရမ်ႇ ​ၶုၼ်​လူင်​ ယႃႇမုတ်ႉ၊ ယႃႇၽျႃႉ ၶုၼ်​လူင်​ လႃႇၶီႉသႃႉ၊ တေႇပီႉရႃႉ ​ၶုၼ်​လူင်​ ဢေႇၵလုၼ်ႇ ​ၸိူဝ်း​ၼၼ်ႉ​လႄႈ​ဝႃႈ၊-</verse>
				<verse number="4">ဢွၼ်​ၵၼ်​မႃး​ၵႃႈ​တီႈ​ၵဝ်​လႄႈ ၸွႆႈ​ထႅမ်​ၵဝ်​ႁႂ်ႈ​လႆႈ​တိုၵ်း​တေႃး​ယႃႉ​ပႅတ်ႈ​ဝဵင်း​ ၵီႉပွင်ႇ ​သေ​ၵမ်း။ လွင်ႈ​မၼ်း​ၸမ်ႉ ဝဵင်း​ၼၼ်ႉ​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​ ယေႃးသူႉ တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="5">ၶုၼ်​လူင်​ ဢႃႇမေႃးရီႉ ​ႁႃႈ​ပႃး​ဢၼ်​ဝႃႈ ၶုၼ်​လူင်​ ယေႇရူႉသလႅမ်ႇ ၊ ၶုၼ်​လူင်​ ႁေႇပြုၼ်ႇ ၊ ၶုၼ်​လူင်​ ယႃႇမုတ်ႉ ၊ ၶုၼ်​လူင်​ လႃႇၶီႉသႃႉ ၊ ၶုၼ်​လူင်​ ဢေႇၵလုၼ်ႇ ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​လႄႈ ပႃး​ဢဝ်​တင်း​ပူဝ်ႇ​ပႃႇ ၵူၼ်း​သိုၵ်း​ၶဝ်​ၵႃႈ​မီး​ၶီႇ​သိုၵ်း​မႃး​လႄႈ ၶျႃး​တပ်ႉ​ၵႃႈ​တီႈ​ၽၢႆႇ​ၼႃႈ​ဝဵင်း​ ၵီႉပွင်ႇ ​သေ​လႄႈ တိုၵ်း​တေႃး​ဢေႃႈ။-</verse>
				<verse number="6">ၵူၼ်း​ဝဵင်း​ ၵီႉပွင်ႇ ​ၸိူဝ်း​ၼၼ်ႉ ပွႆႇ​ၸႂ်ႉ​ၸူး​ၵႃႈ​တီႈ​ ယေႃးသူႉ ​ၵႃႈ​တီႈ​တပ်ႉ​ၵႃႈ​ၼႂ်း​ ၵီႉလႃႉၵႃႇလႃႉ ​လႄႈ လဝ်ႊ​လၢတ်ႈ​လႄႈ​ဝႃႈ၊ ယႃႇ​ပေ​ႁႂ်ႈ​မိုဝ်း​ၸဝ်ႈ​ႁဝ်း ႁဵတ်း​ထိူင်း​ႁဵတ်း​ၼၢၼ်း​တီႈ​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ၊ မႃး​ၶၼ်​ၶၼ်​ၽႂ်း​ၽႂ်း​သေ​လႄႈ ၸွႆႈ​ထႅမ်​ၵႄႇ​သႄႇ​ဢဝ်​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ၊ ၶုၼ်​လူင်​ ဢႃႇမေႃးရီႉ ၵႃႈ​ဢၼ်​ယူႇ​ၵႃႈ​ၼိူဝ်​ႁၢၼ်ႉ​လွႆ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​ႁႂ်ႈ​လႆႈ​တိုၵ်း​တေႃး​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ယေႃးသူႉ ​ၵေႃႈ​ဢိၵ်ႇ​တင်း​ၶဝ်​ၸိူဝ်း​ဢၼ်​ၸၢင်ႈ​မေႃ​ဢမူႉ​သိုၵ်း တင်း​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​လုၵ်ႉ​သေ​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​ၶိုၼ်ႈ​ၵႂႃႇ​ဢေႃႈ။-</verse>
				<verse number="8">ထႃႇဝရႃႉ​ၽြႃး​မီး​ဢမိင်ႉ​တီႈ​ ယေႃးသူႉ ​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ​ၶဝ်။ ၵဝ်​တၵ်း​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢေႃႈ။ ၽူႈ​လႂ်​သေ​ၵေႃႉ​သေ​ၵူၼ်း တၵ်း​ဢမ်ႇ​ၸုၵ်း​ၶၢမ်ႇ​ယူႇ​ၵႃႈ​တီႈ​ၽၢႆႇ​ၼႃႈ​မႂ်း​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ယေႃးသူႉ ၵိုင်ႉၵၢင်ႉ​ႁူပ်ႉ​ထူပ်း​တိုၵ်း​တေႃး​ၶဝ်​ၵမ်း​လဵဝ် ၵွပ်ႈ​ပိူဝ်ႈ​ဢၼ်​မၼ်း​လုၵ်ႉ​သေ​ၵႃႈ​တီႈ​ ၵီႉလႃႉၵႃႇလႃႉ ၶီႇ​ၵႂႃႇ​တင်း​ၶိုၼ်း​ၼၼ်ႉ​သေ​ယဝ်ႉ၊-</verse>
				<verse number="10">ထႃႇဝရႃႉ​ၽြႃး​ႁႂ်ႈ​ၶဝ်​တူၵ်း​သုမ်း​ၵႃႈ​တီႈ ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ႁဵတ်း​တၢင်း​ဢၼ်​ဢဝ်​တၢႆ​ဢၼ်​ယႂ်ႇ​ၼႃႇ​ဢဝ်​ၶဝ်​တၢႆ ၵႃႈ​တီႈ​ႁိမ်း​ဝဵင်း​ ၵီႉပွင်ႇ ​သေ​လႄႈ လိုပ်ႈ​ၸွမ်း​လမ်း​ၸွမ်း​ၶဝ် ၵႃႈ​ၼႂ်း​သဵၼ်ႈ​တၢင်း​ဢၼ်​ၶိုၼ်ႈ​ၸူး​ၵႃႈ​တီႈ​ဝဵင်း​ ပေႇသေႃႇရုၼ်ႇ ​ၼၼ်ႉ​လႄႈ တိုၵ်း​တေႃး​ယႃႉ​ပႅတ်ႈ​တေႃႇ​ထိုင်​ႁွတ်ႈ ဝဵင်း​ ဢၸေႇၵႃႇ ဢိၵ်ႇ​တင်း​ၵႃႈ​တီႈ​ဝဵင်း​ မိၵ်ႉၵတႃႇ ပုၼ်ႉ​ဢေႃႈ။-</verse>
				<verse number="11">ၼႂ်း​မိူဝ်ႈ​ဢၼ်​ၶဝ်​ၼၼ်ႉ​ဢွၵ်ႇ​ပၢႆႈ​သေ​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ယင်း​တိုၵ်ႉ​မီး​ယူႇ​ၵႃႈ​ၼႂ်း​သဵၼ်ႈ​တၢင်း​ဢၼ် လူင်း​ၸူး​ဝဵင်း​ ပေႇသေႃႇရုၼ်ႇ ​ယူႇ​ၼၼ်ႉ​ၸိုင်၊ ထႃႇဝရႃႉ​ၽြႃး​ဢဝ်​မၢၵ်ႇ​ႁဵပ်း​ဢၼ်​ယႂ်ႇ​ၼႃႇ ၶျႃး​သေ​ၵႃႈ​ၼိူဝ်​ၵၢင်​ႁၢဝ်​တူၵ်း​လူင်း​သႂ်ႇ ၵႃႈ​ၼိူဝ်​ၶဝ်​တေႃႇ​ထိုင်​ႁွတ်ႈ​ဝဵင်း​ ဢၸေႇၵႃႇ ​လႄႈ ၶဝ်​ၼၼ်ႉ​တၢႆ​ဢေႃႈ။ ၶဝ်​ၸိူဝ်း​ဢၼ်​တၢႆ​လူၺ်ႈ​မၢၵ်ႇ​ႁဵပ်း​ၸိူဝ်း​ၼၼ်ႉ ယဵင်ႈ​ၶႅၼ်း​ၼမ်​ၼႃႇ​သေ ၶဝ်​ၸိူဝ်း​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢဝ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ​ဢေႃႈ။-</verse>
				<verse number="12">ၼႂ်း​ဝၼ်း​ဢၼ်​ထႃႇဝရႃႉ​ၽြႃး ဢဝ်​ၵူၼ်း​ ဢႃႇမေႃးရီႉ ​ၸိူဝ်း​ၼၼ်ႉ​ဢၢပ်ႈ​ပၼ်​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ၊ ယေႃးသူႉ ​သူး​တွင်း​တီႈ​ထႃႇဝရႃႉ​ၽြႃး​သေ​ယဝ်ႉ၊ လၢတ်ႈ​ဢွၵ်ႇ​သူပ်း​သိုဝ်ႈ​ၼႃႈ​တႂ်ႈ​တႃ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၵၢင်​ဝၼ်း​ဢိူၺ်း၊ မႂ်း​ယူႇ​ၼိမ်​ၼိမ်​ၵႃႈ​ၼိူဝ်​ဝဵင်း​ ၵီႉပွင်ႇ ​လႄႈ၊ လိူၼ်​ဢိူၺ်း၊ မႂ်း​ယူႇ​ၼိမ်​ၼိမ်​ၵႃႈ​ၼိူဝ်​ၶူင်ႈ​ႁူၺ်ႈ​ ဢႃႇယလုၼ်ႇ ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="13">ၵၢင်​ဝၼ်း​ယူႇ​ၼိမ်​ၼိမ်​လႄႈ လိူၼ်​ၵေႃႈ​ၵိုတ်း​သဝ်း​ယူႇ​တေႃႇ​ထိုင်​ႁွတ်ႈ​ၵူၼ်း​မဵဝ်း​ၶဝ်​လႆႈ​ပၼ်​တၢမ်ႇ​ဢပႅတ်ႈ​တီႈ​ရၢၼ်ႇ​သူႇ​ၶဝ်​ၸိူဝ်း​ၼၼ်ႉ ထၼ်ႈ​ပေႃး​ယဝ်ႉ​တူဝ်ႈ​ယဝ်ႉ​ၼၼ်ႉ​ဢေႃႈ။ ဢၼ်​တႅမ်ႈ​ဝႆႉ​မီး​ယူႇ​ၵႃႈ​ၼႂ်း​လိၵ်ႈ​ ယႃႇသႃႇ ​ၼၼ်ႉ​ၸမ်ႉ၊ ၵၢင်​ဝၼ်း​ၵိုတ်း​သဝ်း​ယူႇ​ၵႃႈ​ၼႂ်း​ၵၢင်​ၽႃႉ​ၵၢင်​ႁၢဝ်​လႄႈ ဢမ်ႇ​ႁဵတ်း​ႁိပ်ႈ​ႁဵတ်း​ၼႅတ်ႈ​ႁႂ်ႈ​လႆႈ​တူၵ်း​လႄႈ ယူႇ​သေ​ဝၼ်း​ၼိုင်ႈ​ၸမ်​ၸမ်​ဢေႃႈ၊ ဝႃႈ​ၼင်ႇ​ၼႆ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="14">ထႃႇဝရႃႉ​ၽြႃး​ထွမ်ႇ​ဢဝ်​ၵႂၢမ်း​ၵူၼ်း​လႄႈ ၵႃႈ​ပူၼ်ႉ​မႃး​ဢမ်ႇ​တွၼ်ႉ​ပဵၼ်​ဝၼ်း​ၸိူဝ်ႉ​ၼင်ႇ​ၼၼ်​သေ​ဝၼ်း။ လိုၼ်း​ၼၼ်ႉ​ၵေႃႈ​ဢမ်ႇ​ပဵၼ်။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ယူႇ​ၽၢႆႇ​မဵဝ်း​ ဢီႉသရေႇလႃႉ ​သေ​လႄႈ​တိုၵ်း​သိုၵ်း​ဢေႃႈ။-</verse>
				<verse number="15">လိုၼ်း​ၼၼ်ႉ ယေႃးသူႉ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ၶိုၼ်း​မိူဝ်း​ၸူး​ၵႃႈ​တီႈ​တပ်ႉ​ ၵီႉလႃႉၵႃႇလႃႉ ​သေ​ဢေႃႈ။</verse>
				<verse number="16">ၶုၼ်​လူင်​ႁႃႈ​ပႃး​ၼၼ်ႉ​ဢွၵ်ႇ​ပၢႆႈ​လႄႈ တဵတ်ႇ​မႅပ်ႉ​ယူႇ​ၵႃႈ​ၼႂ်း​ႁူး​ထမ်ႈ​ မိၵ်ႉၵတႃႇ ​ဢေႃႈ။-</verse>
				<verse number="17">ပိူၼ်ႈ​လဝ်ႊ​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ လႆႈ​ထူပ်း​ႁၼ်​ၶုၼ်​လူင်​ႁႃႈ​ပႃး​ၼၼ်ႉ တဵတ်ႇ​မႅပ်ႉ​ယူႇ​ၵႃႈ​ၼႂ်း​ႁူး​ထမ်ႈ​ မိၵ်ႉၵတႃႇ ​ၼၼ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="18">ယေႃးသူႉ ​သင်ႇ​လၢတ်ႈ​လႄႈ​ဝႃႈ၊ ဢဝ်​မၢၵ်ႇ​ႁိၼ်​ဢၼ်​ယႂ်ႇ​ဢၼ်​လူင်​ၵိင်ႈ​သႂ်ႇ​ဝႆႉ​ၵႃႈ​တီႈ​ပၢၵ်ႇ​ထမ်ႈ​ၼၼ်ႉ​လႄႈ ဝႆႉ​ၵူၼ်း​ၵႃႈ​တီႈ​ႁိမ်း​မၼ်း ႁႂ်ႈ​လႆႈ​ပႂ်ႉ​ယူႇ​တႃႉ။-</verse>
				<verse number="19">သူ​ၸမ်ႉ၊ ယႃႇ​ပေ​ၵိုတ်း​ယူႇ​သဝ်း​ယူႇ။ ဢွၼ်​ၵၼ်​လိုပ်ႈ​ၸွမ်း​လမ်း​ၸွမ်း​ရၢၼ်ႇ​သူႇ​သူ​လႄႈ တိုၵ်း​တေႃး​ယႃႉ​ပႅတ်ႈ​ၵႃႈ​ဢၼ်​တူၵ်း​လိုၼ်း​လင်​သုတ်း​ပိူၼ်ႈ​ၸိူဝ်း​ၼၼ်ႉ​တႃႉ။ ယႃႇ​ပေ​ႁႂ်ႈ​ၶဝ်​လႆႈ​ၶဝ်ႈ​ၵႃႈ​ၼႂ်း​ဝဵင်း​ၶဝ်။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​သူ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မိူဝ်ႈ​ဢၼ်​ ယေႃးသူႉ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​တၢင်း​ဢၼ်​ဢဝ်​တၢႆ​ဢၼ်​ယႂ်ႇ​ၼႃႇ​လူင်​လၢင်​ဢဝ်​ၶဝ်​တၢႆ​ယဝ်ႉ​တူဝ်ႈ​ယဝ်ႉ တေႃႇ​ထိုင်​ႁွတ်ႈ​ၶဝ်​ထၼ်ႈ​ပေႃး​လႆႈ​ၶၢမ်ႇ​တၢင်း​ဢၼ်​ပႄႇ​ၽဵဝ်ႈ​ပႅတ်ႈ​ၼၼ်ႉ​လႄႈ ၶဝ်​ၸိူဝ်း​ဢၼ် ယင်း​ၵိုတ်း​ယင်း​ၵျၢၼ်ႇ​ၼၼ်ႉ လႆႈ​ၶဝ်ႈ​ယူႇ​ၼႂ်း​ဝဵင်း​ဢၼ်​မၼ်ႈ​ၶိူင်ႇ​တင်း​လၢႆ​ယဝ်ႉ​ၼၼ်ႉ​ၸိုင်၊-</verse>
				<verse number="21">ၵူၼ်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ၶိုၼ်း​မႃး​ၸူး​ၵႃႈ​တီႈ​တပ်ႉ​တီႈ​ ယေႃးသူႉ ၵႃႈ​တီႈ​ မိၵ်ႉၵတႃႇ ​ၼၼ်ႉ​ၼိမ်​ၼိမ်​လီ​လီ​ဢေႃႈ။ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​လႆႈ​မႅပ်ႈ​လိၼ်ႉ​ၸူး​တီႈ​ၵူၼ်း​မဵဝ်း​ ဢီႉသရေႇလႃႉ ​သေ​ၵေႃႉ​သေ​ၵူၼ်း။-</verse>
				<verse number="22">မိူဝ်ႈ​ၼၼ်ႉ​ ယေႃးသူႉ ​ၵေႃႈ​သင်ႇ​လၢတ်ႈ​လႄႈ​ဝႃႈ၊ ၽုၺ်ႇ​ပၢၵ်ႇ​ထမ်ႈ​ၼၼ်ႉ​သေ​လႄႈ ဢဝ်​ၶုၼ်​လူင်​ႁႃႈ​ပႃး​ၼၼ်ႉ​ဢွၵ်ႇ​သေ​ၵႃႈ​ၼႂ်း​ထမ်ႈ​လႄႈ ဢဝ်​မႃး​ၵႃႈ​တီႈ​ၵဝ်​ၼႆႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="23">ၶဝ်​ႁဵတ်း​ၸိူဝ်ႉ​ၼင်ႇ​ၼၼ်​လႄႈ ဢဝ်​ၶုၼ်​လူင်​ႁႃႈ​ပႃး​ၼၼ်ႉ ဢၼ်​ဝႃႈ​ၶုၼ်​လူင်​ ယေႇရူႉသလႅမ်ႇ ၊ ၶုၼ်​လူင်​ ႁေႇပြုၼ်ႇ ၊ ၶုၼ်​လူင်​ ယႃႇမုတ်ႉ ၊ ၶုၼ်​လူင်​ လႃႇၶီႉသႃႉ ၊ ၶုၼ်​လူင်​ ဢေႇၵလုၼ်ႇ ​ၸိူဝ်း​ၼၼ်ႉ​ဢွၵ်ႇ​သေ​ၵႃႈ​ၼႂ်း​ထမ်ႈ​မႃး​တီႈ​မၼ်း​ဢေႃႈ။-</verse>
				<verse number="24">မိူဝ်ႈ​ဢၼ်​ၶဝ်​ဢဝ်​ၶုၼ်​လူင်​ၸိူဝ်း​ၼၼ်ႉ​ဢွၵ်ႇ​မႃး​ၸူး​ၵႃႈ​တီႈ​ ယေႃးသူႉ ​ယဝ်ႉ​ၼၼ်ႉ​ၸိုင်၊ ယေႃးသူႉ ​ႁွင်ႉ​ဢဝ်​ၵူၼ်း​မဵဝ်း ဢီႉသရေႇလႃႉ ​တင်း​သဵင်ႈ​တင်း​လူင် မႃး​သေ​လႄႈ​လၢတ်ႈ​တီႈ​ၶုၼ်​ပူဝ်ႇ​ဢၼ်​ၶီႇ​သိုၵ်း​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​သေ​လႄႈ ဢဝ်​တိၼ်​သူ​တၢင်ႇ​သႂ်ႇ​ၵႃႈ​ၼိူဝ်​ၵွင်ႇ​ၵေႃႈ​ၶုၼ်​လူင်​ၸိူဝ်း​ၼႆႉ​တႃႉ၊ ဝႃႈ​ၼင်ႇ​ၼႆ​လႄႈ ၶဝ်​ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​လႄႈ ဢဝ်​တိၼ်​ၶဝ်​တၢင်ႇ​သႂ်ႇ​ၵႃႈ​ၼိူဝ်​ၵွင်ႇ​ၵေႃႈ​ၶဝ်​ၼၼ်ႉ​ဢေႃႈ။-</verse>
				<verse number="25">ယေႃးသူႉ ​ၵေႃႈ​သမ်ႉ​လၢတ်ႈ​တီႈ​ၶဝ်​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ။ ယႃႇ​ပေ​ၸႂ်​လူႉ။ ဢဝ်​ႁႅင်း​လႄႈ​မီး​ၸႂ်​ဢၼ်​ႁတ်း​ႁၢၼ်​တႃႉ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​တၵ်း​ႁဵတ်း​ၸိူဝ်ႉ​ၼင်ႇ​ၼႆ​တီႈ​ရၢၼ်ႇ​သူႇ​သူ ၵႃႈ​ဢၼ်​သူ​လႆႈ​တိုၵ်း​တေႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="26">လိုၼ်း​ၼၼ်ႉ ယေႃးသူႉ ပေႃႉ​တႅင်း​ၶဝ်​ၼၼ်ႉ​လႄႈ ဢဝ်​ၶဝ်​တၢႆ​သေ​ယဝ်ႉ၊ ဢဝ်​ႁွႆႈ​ဝႆႉ​ၵႃႈ​တီႈ​တူၼ်ႈ​မႆႉ​ႁႃႈ​တူၼ်ႈ​ဢေႃႈ။ ၶဝ်​ႁွႆႈ​ဝႆႉ​ၵႃႈ​တီႈ​တူၼ်ႈ​မႆႉ​ၸိူဝ်း​ၼၼ်ႉ​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​လႄႈ၊-</verse>
				<verse number="27">မိူဝ်ႈ​ဢၼ်​ထိုင်​ႁွတ်ႈ​ၶိင်ႇ​ဢၼ်​ၵၢင်​ဝၼ်း​တူၵ်း​ၼၼ်ႉ​ၸိုင်၊ ယေႃးသူႉ ​မီး​ဢမိင်ႉ​လႄႈ​ဢွၼ်​ၵၼ်​ဢဝ်​ၶဝ်​ၼၼ်ႉ ၶျႃး​တူၵ်း​ၵႃႈ​တီႈ​တူၼ်ႈ​မႆႉ​သေ​ယဝ်ႉ၊ ဢဝ်​ၶဝ်​ပႅတ်ႈ​သႂ်ႇ​ဝႆႉ​ၵႃႈ​ၼႂ်း​ထမ်ႈ တီႈ​ဢၼ်​ၶဝ်​တဵတ်ႇ​မႅပ်ႉ​ယူႇ​ၼၼ်ႉ​သေ​လႄႈ ဢဝ်​မၢၵ်ႇ​ႁိၼ်​ဢၼ်​ယႂ်ႇ​ဢၼ်​လူင်​ၵွင်​သႂ်ႇ​ဝႆႉ​ၵႃႈ​တီႈ​ပၢၵ်ႇ​ထမ်ႈ​ၼၼ်ႉ​လႄႈ မီး​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="28">ၼႂ်း​ဝၼ်း​ၼၼ်ႉ ယေႃးသူႉ တိုၵ်း​ဢဝ်​ဝဵင်း​ မိၵ်ႉၵတႃႇ ​လႄႈ တိုၵ်း​တေႃး​ယႃႉ​ပႅတ်ႈ​ဝဵင်း​ၼၼ်ႉ ဢိၵ်ႇ​တင်း​ၶုၼ်​လူင်​မၼ်း လူၺ်ႈ​ၶူမ်း​လၢပ်ႇ​ၶူမ်း​လႅဝ်း​သေ​လႄႈ ယင်း​ဢမ်ႇ​ႁႂ်ႈ​လႆႈ​ၵိုတ်း​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း​လႄႈ ယႃႉ​ၽဵဝ်ႈ​ၶဝ် ဢိၵ်ႇ​တင်း​ၵႃႈ​ဢၼ်​မီး​ၵႃႈ​ၼႂ်း​ဝဵင်း​ၼၼ်ႉ​ၸိူဝ်း​ၼၼ်ႉ​ပႅတ်ႈ​သဵင်ႈ​သဵင်ႈ​မူတ်း​မူတ်း​ဢေႃႈ။ မၼ်း​ႁဵတ်း​တီႈ​ၶုၼ်​လူင်​ မိၵ်ႉၵတႃႇ ​မိူၼ်​ၸိူဝ်ႉ​ၼင်ႇ​ဢၼ်​မၼ်း​ႁဵတ်း​တီႈ​ၶုၼ်​လူင်​ ယေႇရီႉၶူဝ်း ​ၼၼ်ႉ​ဢေႃႈ။-</verse>
				<verse number="29">လိုၼ်း​ၼၼ်ႉ ယေႃးသူႉ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ ၶီႇ​ဢွၵ်ႇ​သေ​ၵႃႈ​တီႈ​ဝဵင်း​ မိၵ်ႉၵတႃႇ ​ၼၼ်ႉ ၸူး​ၵႃႈ​တီႈ​ဝဵင်း​ လီႉပၼႃႉ ​လႄႈ တိုၵ်း​တေႃး​ဝဵင်း​ လီႉပၼႃႉ ​ၼၼ်ႉ​လႄႈ၊-</verse>
				<verse number="30">ထႃႇဝရႃႉ​ၽြႃး​ဢဝ်​ဝဵင်း​ၼၼ်ႉ ဢိၵ်ႇ​တင်း​ၶုၼ်​လူင်​မၼ်း ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ မၼ်း​တိုၵ်း​တေႃး​ယႃႉ​ပႅတ်ႈ​ဝဵင်း​ၼၼ်ႉ ဢိၵ်ႇ​တင်း​ၵူၼ်း​ၵႃႈ​ဢၼ်​မီး​ၵႃႈ​ၼႂ်း​မၼ်း​ၼၼ်ႉ လူၺ်ႈ​ၶူမ်း​လၢပ်ႇ​ၶူမ်း​လႅဝ်း​လႄႈ ဢမ်ႇ​ႁႂ်ႈ​လႆႈ​ၵိုတ်း​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း။ မၼ်း​ႁဵတ်း​တီႈ​ၶုၼ်​လူင်​ၼၼ်ႉ​မိူၼ်​ၸိူဝ်ႉ​ၼင်ႇ​ဢၼ် မၼ်း​ႁဵတ်း​တီႈ​ၶုၼ်​လူင်​ဝဵင်း​ ယေႇရီႉၶူဝ်း ​ၼၼ်ႉ​ဢေႃႈ။-</verse>
				<verse number="31">ယေႃးသူႉ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ သမ်ႉ​ၶီႇ​ဢွၵ်ႇ​သေ​ၵႃႈ​တီႈ​ဝဵင်း​ လီႉပၼႃႉ ​ၼၼ်ႉ​ၸူး​ၵႃႈ​တီႈ​ဝဵင်း​ လႃႇၶီႉသႃႉ ​လႄႈ​ၶျႃး​တပ်ႉ​သေ​ယဝ်ႉ၊ တိုၵ်း​တေႃး​ဝဵင်း​ၼၼ်ႉ​ဢေႃႈ။-</verse>
				<verse number="32">ထႃႇဝရႃႉ​ၽြႃး ဢဝ်​ဝဵင်း​ လႃႇၶီႉသႃႉ ​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သေ​ယဝ်ႉ၊ ၼႂ်း​ဝၼ်း​တူႉတီႉယႃႉ​ၼၼ်ႉ မၼ်း​လႆႈ​ဝဵင်း​ၼၼ်ႉ​လႄႈ တိုၵ်း​တေႃး​ယႃႉ​ပႅတ်ႈ​ဝဵင်း​ၼၼ်ႉ ဢိၵ်ႇ​တင်း​ၵူၼ်း​ၵႃႈ​ဢၼ်​မီး​ၵႃႈ​ၼႂ်း​မၼ်း​ၼၼ်ႉ လူၺ်ႈ​ၶူမ်း​လၢပ်ႇ​ၶူမ်း​လႅဝ်း​မိူၼ်​ၸိူဝ်ႉ​ၼင်ႇ​ဢၼ် မၼ်း​ႁဵတ်း​တီႈ​ဝဵင်း​ လီႉပၼႃႉ ​ၼၼ်ႉ​ဢေႃႈ။-</verse>
				<verse number="33">မိူဝ်ႈ​ၼၼ်ႉ ႁေႃႇရမ်ႇ ​ၶုၼ်​လူင်​ ၵေႇၸႃႇ ၊ မႃး​ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ ဝဵင်း​ လႃႇၶီႉသႃႉ ​ၼၼ်ႉ​လႄႈ ယေႃးသူႉ ​တိုၵ်း​တေႃး​ယႃႉ​ပႅတ်ႈ​မၼ်း​ၼၼ်ႉ ဢိၵ်ႇ​တင်း​ၵူၼ်း​မၼ်း​တင်း​လၢႆ တေႃႇ​ထိုင်​ႁွတ်ႈ​ထၼ်ႈ​ပေႃး​ဢမ်ႇ​ၵိုတ်း​ဢမ်ႇ​ၵျၢၼ်ႇ​သေ​ၵေႃႉ​သေ​ၵူၼ်း​ဢေႃႈ။-</verse>
				<verse number="34">ယေႃးသူႉ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ သမ်ႉ​ၶီႇ​ဢွၵ်ႇ​သေ​ၵႃႈ​တီႈ​ဝဵင်း​ လႃႇၶီႉသႃႉ ​ၼၼ်ႉ ၸူး​ၵႃႈ​တီႈ​ဝဵင်း​ ဢေႇၵလုၼ်ႇ ​လႄႈ ၶျႃး​တပ်ႉ​သေ​ယဝ်ႉ၊ တိုၵ်း​တေႃး​ဝဵင်း​ၼၼ်ႉ​ဢေႃႈ။-</verse>
				<verse number="35">ၶဝ်​လႆႈ​ၼႂ်း​ဝၼ်း​ၼၼ်ႉ​ၵမ်း​လဵဝ်​လႄႈ တိုၵ်း​တေႃး​ယႃႉ​ပႅတ်ႈ​ဝဵင်း​ၼၼ်ႉ လူၺ်ႈ​ၶူမ်း​လၢပ်ႇ​ၶူမ်း​လႅဝ်း​လႄႈ ယႃႉ​ၽဵဝ်ႈ​ၵူၼ်း​ၵႃႈ​ဢၼ်​မီး​ၼႂ်း​မၼ်း​ၼၼ်ႉ​ပႅတ်ႈ​မူတ်း​မူတ်း​သဵင်ႈ​သဵင်ႈ​မိူၼ်​ၸိူဝ်ႉ​ၼင်ႇ​ဢၼ် မၼ်း​ႁဵတ်း​တီႈ​ဝဵင်း​ လႃႇၶီႉသႃႉ ​ၼၼ်ႉ​ဢေႃႈ။-</verse>
				<verse number="36">ယေႃးသူႉ ​ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ သမ်ႉ​ၶီႇ​ဢွၵ်ႇ​သေ​ၵႃႈ​တီႈ​ဝဵင်း​ ဢေႇၵလုၼ်ႇ ​ၼၼ်ႉ ၸူး​ၵႃႈ​တီႈ​ဝဵင်း​ ႁေႇပြုၼ်ႇ ​လႄႈ တိုၵ်း​တေႃး​ဝဵင်း​ၼၼ်ႉ​ဢေႃႈ။-</verse>
				<verse number="37">ၶဝ်​လႆႈ​ဝဵင်း​ၼၼ်ႉ​လႄႈ တိုၵ်း​တေႃး​ယႃႉ​ပႅတ်ႈ​ဝဵင်း​ၼၼ်ႉ၊ ၶုၼ်​လူင်​မၼ်း၊ ဝဵင်း​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​မၼ်း တင်း​ၵူၼ်း ၵႃႈ​ဢၼ်​မီး​ၵႃႈ​ၼႂ်း​မၼ်း​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​ဢေႃႈ။ မၼ်း​ယင်း​ဢမ်ႇ​ႁႂ်ႈ​ၵိုတ်း​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း​လႄႈ ပႄႇ​ၽဵဝ်ႈ​ဝဵင်း​ၼၼ်ႉ​ဢိၵ်ႇ​တင်း​ၵူၼ်း​ၵႃႈ​ဢၼ်​မီး​ၵႃႈ​ၼႂ်း​မၼ်း​ၼၼ်ႉ​ပႅတ်ႈ မူတ်း​မူတ်း​သဵင်ႈ​သဵင်ႈ မိူၼ်​ၸိူဝ်ႉ​ၼင်ႇ​ဢၼ်​မၼ်း​ႁဵတ်း​တီႈ​ဝဵင်း​ ဢေႇၵလုၼ်ႇ ​ၼၼ်ႉ​ဢေႃႈ။-</verse>
				<verse number="38">ယေႃးသူႉ ​ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ​ဢွၼ်​ၵၼ်​ၶိုၼ်း​မႃး​ၸူး​ၵႃႈ​တီႈ​ဝဵင်း​ တေႇပီႉရႃႉ ​လႄႈ တိုၵ်း​တေႃး​ဝဵင်း​ၼၼ်ႉ​ဢေႃႈ။-</verse>
				<verse number="39">မၼ်း​လႆႈ​ဝဵင်း​ၼၼ်ႉ​ဢိၵ်ႇ​တင်း​ၶုၼ်​လူင်​မၼ်း တင်း​ဝဵင်း​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​မၼ်း​လႄႈ တိုၵ်း​တေႃး​ယႃႉ​ပႅတ်ႈ​ၶဝ်​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​လႄႈ ပႄႇ​ၽဵဝ်ႈ​ၵူၼ်း​ၵႃႈ​ဢၼ်​မီး​ၵႃႈ​ၼႂ်း​မၼ်း​ၼၼ်ႉ​ပႅတ်ႈ​မူတ်း​မူတ်း​သဵင်ႈ​သဵင်ႈ ထၼ်ႈ​ပေႃး​ဢမ်ႇ​ႁႂ်ႈ​ၵိုတ်း​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း​ဢေႃႈ။ မၼ်း​ႁဵတ်း​တီႈ​ဝဵင်း​ တေႇပီႉရႃႉ ဢိၵ်ႇ​တင်း​ၶုၼ်​လူင်​မၼ်း မိူၼ်​ၸိူဝ်ႉ​ၼင်ႇ​ဢၼ်​မၼ်း​ႁဵတ်း​တီႈ​ ႁေႇပြုၼ်ႇ တင်း​ၶုၼ်​လူင်​မၼ်း ဢိၵ်ႇ​တင်း​တီႈ​ လီႉပၼႃႉ တင်း​ၶုၼ်​လူင်​မၼ်း​ၼၼ်ႉ​ဢေႃႈ။-</verse>
				<verse number="40">ၼင်ႇ​ၼၼ်​လႄႈ ယေႃးသူႉ ​တိုၵ်း​တေႃး​ယႃႉ​ပႅတ်ႈ​မိူင်း​တင်း​မိူင်း​ဢၼ်​ဝႃႈ ၵႃႈ​ၼိူဝ်​ႁၢၼ်ႉ​လွႆ၊ ၵႃႈ​တီႈ​ပွတ်း​တၢင်း​ၸၢၼ်း၊ ၵႃႈ​တႂ်ႈ​တီႈ​ဢၼ်​ပၢင်ႇ​ဢၼ်​ပဵင်း၊ ၵႃႈ​တီႈ​ပဵမ်ႉ​လွႆ ဢိၵ်ႇ​တင်း​ၶုၼ်​လူင်​တင်း​သဵင်ႈ​တင်း​လူင်​လႄႈ ယင်း​ဢမ်ႇ​ႁႂ်ႈ​ၵိုတ်း​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း​လႄႈ ပႄႇ​ၽဵဝ်ႈ​ၵႃႈ​ဢၼ်​ထူၺ်ႈ​ၸႂ်​ဢွၵ်ႇ​ထူၺ်ႈ​ၸႂ်​ၶဝ်ႈ​ယူႇ​ၼၼ်ႉ​ပႅတ်ႈ မူတ်း​မူတ်း​သဵင်ႈ​သဵင်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="41">ယေႃးသူႉ ​တိုၵ်း​တေႃး​ယႃႉ​ပႅတ်ႈ​ၶဝ် ဢဝ်​ၵႃႈ​တီႈ​ဝဵင်း​ ၵႃႇတေႇသပႃႇၼႃႇ တေႃႇ​ထိုင်​ႁွတ်ႈ​ဝဵင်း​ ၵႃႇၸႃႉ ​ၼၼ်ႉ ဢိၵ်ႇ​တင်း​ဢဝ် ၵႃႈ​တီႈ​မိူင်း​ ၵေႃးသိၼ်ႇ တင်း​သဵင်ႈ​တင်း​မူတ်း တေႃႇ​ထိုင်​ႁွတ်ႈ​ဝဵင်း​ ၵီႉပွင်ႇ ​ၼၼ်ႉ​လႄႈ၊-</verse>
				<verse number="42">ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ တိုၵ်း​သိုၵ်း​ယူႇ​ၽၢႆႇ​ၵူၼ်း​ ဢီႉသရေႇလႃႉ ​ၼၼ်ႉ၊ တိုၵ်း​ဢဝ်​ၵႃႈ​ပဵၼ်​ၶုၼ်​လူင်​ၸိူဝ်း​ၼၼ်ႉ ဢိၵ်ႇ​တင်း​မိူင်း​ၶဝ်​ၼၼ်ႉ​ၵမ်း​လဵဝ်​ၵၼ်​ဢေႃႈ။-</verse>
				<verse number="43">လိုၼ်း​ၼၼ်ႉ ယေႃးသူႉ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ဢွၼ်​ၵၼ်​ၶိုၼ်း​မိူဝ်း​ၸူး ၵႃႈ​တီႈ​တပ်ႉ​ ၵီႉလႃႉၵႃႇလႃႉ သေ​ဢေႃႈ။</verse>
			</chapter>
			<chapter number="11">
				<verse number="1">မိူဝ်ႈ​ဢၼ်​ ယႃႇၽိၼ်း ၶုၼ်​လူင်​ ႁႃႇၸေႃႇ ငိၼ်း​လွင်ႈ​မၼ်း​တၢင်း​မၼ်း​ၼၼ်ႉ​ၸိုင်၊ မၼ်း​ပွႆႇ​ၸႂ်ႉ​ၸူး​ၵႃႈ​တီႈ​ ယေႃးပပ်ႉ ၶုၼ်​လူင်​ မႃႇတုၼ်ႇ ၊ ၶုၼ်​လူင်​ သီႉမြုၼ်ႇ ၊ ၶုၼ်​လူင်​ ဢႃႇၶသပ်ႉ ၊-</verse>
				<verse number="2">ဢိၵ်ႇ​တင်း​ၵႃႈ​တီႈ​ၶုၼ်​လူင်​တင်း​လၢႆ ဢၼ်​မီး​ၵႃႈ​တီႈ​ပွတ်း​တၢင်း​ႁွင်ႇ​ၵႃႈ​ၼိူဝ်​ႁၢၼ်ႉ​လွႆ၊ ၵႃႈ​ၼႂ်း​ပၢင်ႇ​ပဵင်း ဢႃႇရၽႃႉ ၵႃႈ​တီႈ​ၽၢႆႇ​တၢင်း​ၸၢၼ်း ဝဵင်း​ ၵိၼ်ႇၼီႇသရႅတ်ႉ ၊ ၵႃႈ​တႂ်ႈ​တီႈ​ဢၼ်​ပၢင်ႇ​ဢၼ်​ပဵင်း၊ ၵႃႈ​ၼိူဝ်​တီႈ​ဢၼ်​သုင် မိူင်း​ တေႃႇရႃႉ ၽၢႆႇ​ဝၼ်း​တူၵ်း​ၸိူဝ်း​ၼၼ်ႉ၊-</verse>
				<verse number="3">ဢိၵ်ႇ​တင်း​ၵႃႈ​တီႈ​ၵူၼ်း​ ၶႃႇၼၼီႉ ဢၼ်​ယူႇ​ဝၼ်း​တူၵ်း​ဝၼ်း​ဢွၵ်ႇ​ၵူၼ်း​ ဢႃႇမေႃးရီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ၽေႇရၸီႉ ၊ ၵူၼ်း​ ယေႇပူႉသီႉ ဢၼ်​ယူႇ​ၵႃႈ​ၼိူဝ်​ႁၢၼ်ႉ​လွႆ၊ ၵူၼ်း​ ႁီႉဝီႉ ​ဢၼ်​ယူႇ​ၵႃႈ​တီႈ​တိၼ်​လွႆ​ ႁေႇရမုၼ်ႇ မိူင်း​ မီႉၸပႃႇ ​ၸိူဝ်း​ၼၼ်ႉ​လႄႈ၊-</verse>
				<verse number="4">ၶဝ်​ၼၼ်ႉ​ဢွၼ်​ၵၼ်​ပႃး​ဢဝ်​ပူဝ်ႇ​ပႃႇ​ၶဝ် ၵူၼ်း​ဢၼ်​ၼမ်​ၼႃႇ​လူင်​လၢင် ဢၼ်​ၼပ်ႉ​ဢၢၼ်ႇ​ပဵၼ်​ၸိူဝ်ႉ​ၼင်ႇ​မဵတ်ႉ​ႁိၼ်​မဵတ်ႉ​သၢႆး ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ ဢိၵ်ႇ​တင်း​မႃႉ​လႂ်၊ လေႃႉရထႃး​လႂ် ၼမ်​ၼႃႇ​လူင်​လၢင်​ဢွၵ်ႇ​မႃး​ဢေႃႈ။-</verse>
				<verse number="5">ၶုၼ်​လူင်​ၵႃႈ​မီး​ၼၼ်ႉ​ၸူႉ​ၵၼ်​တုမ်​ၵၼ်​သေ​လႄႈ ၶီႇ​မႃး​လႄႈ​ၶျႃး​တပ်ႉ​ယူႇ​မုၵ်ႉ​လဵဝ်​ၵၼ် ၵႃႈ​တီႈ​ႁိမ်း​ၼွင်​ မေႇရုမ်ႇ ​ၼၼ်ႉ ႁႂ်ႈ​လႆႈ​တိုၵ်း​တေႃး​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="6">ထႃႇဝရႃႉ​ၽြႃး​မီး​ဢမိင်ႉ​တီႈ​ ယေႃးသူႉ ​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ​ၵွပ်ႈ​ပိူဝ်ႈ​ၶဝ်။ ၵဝ်​တၵ်း​ဢဝ်​ၶဝ်​ၵႃႈ​မီး​ၼၼ်ႉ ဢၢပ်ႈ​ပၼ်​တီႈ​တၢင်း​တၢႆ ၵႃႈ​တီႈ​ၽၢႆႇ​ၼႃႈ​မဵဝ်း​ ဢီႉသရေႇလႃႉ ​ဝၼ်း​မိူဝ်ႈ​ၽုၵ်ႈ​ၵႃႈ​တီႈ​ၶိင်ႇ​ၼႆႉ​ၼၼ်ႉ​ဢေႃႈ။ မႂ်း​တၵ်း​လႆႈ​တႅပ်း​ဢဵၼ်​တိၼ်​မႃႉ​ၶဝ်​ၸိူဝ်း​ၼၼ်ႉ​ၶၢတ်ႇ​လႄႈ ဢဝ်​ၽႆး​တုတ်ႇ​ရထႃး​ၶဝ်​ၸိူဝ်း​ၼၼ်ႉ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ယေႃးသူႉ ​ၵေႃႈ​ၶီႇ​ဢဝ်​ၵူၼ်း​သိုၵ်း​မၼ်း​တင်း​လၢႆ​ၵႂႃႇ​လႄႈ ၵိုင်ႉၵၢင်ႉ​ႁူပ်ႉ​ထူပ်း​ၶဝ်​ၵႃႈ​တီႈ​ႁိမ်း​ၼွင်​ မေႇရုမ်ႇ သေ​ယဝ်ႉ၊ တိုၵ်း​တေႃး​ဢေႃႈ။-</verse>
				<verse number="8">ထႃႇဝရႃႉ​ၽြႃး​ဢဝ်​ၶဝ်​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ၶဝ်​တိုၵ်း​တေႃး​ယႃႉ​ပႅတ်ႈ​ၶဝ်​ၼၼ်ႉ​လႄႈ လိုပ်ႈ​ၸွမ်း​လမ်း​ၸွမ်း​တေႃႇ​ထိုင်​ႁွတ်ႈ​ဝဵင်း​လူင်​ ၸီႉတုၼ်ႇ ၊ ဝဵင်း​ မီႉသရၽေႃႇသမိမ်ႈ ၊ ပၢင်ႇ​ႁူၺ်ႈ​ မီႉၸႃႉ ၽၢႆႇ​ဝၼ်း​ဢွၵ်ႇ​ၼၼ်ႉ​လႄႈ တိုၵ်း​တေႃး​ယႃႉ​ပႅတ်ႈ​ႁႂ်ႈ​ထၼ်ႈ​ပေႃး ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း​ဢေႃႈ။-</verse>
				<verse number="9">ယေႃးသူႉ ​ႁဵတ်း​တီႈ​ၶဝ်​ၼၼ်ႉ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​မၼ်း​ၼၼ်ႉ​လႄႈ တႅပ်း​ဢဵၼ်​တိၼ်​မႃႉ​ၶဝ်​ၸိူဝ်း​ၼၼ်ႉ​ၶၢတ်ႇ​ပႅတ်ႈ​လႄႈ ဢဝ်​ၽႆး​တုတ်ႇ​ရထႃး​ၶဝ်​ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="10">မိူဝ်ႈ​ၼၼ်ႉ ယေႃးသူႉ ​ဝၢႆႇ​ၶိုၼ်း​မႃး​လႄႈ​တိုၵ်း​ဢဝ်​ဝဵင်း​ ႁႃႇၸေႃႇ ​သေ​ယဝ်ႉ၊ ဢဝ်​တင်း​လၢပ်ႇ​ၶႃႈ​ၽၼ်း​ၶုၼ်​လူင်​မၼ်း​ပႅတ်ႈ​ဢေႃႈ။ မိူဝ်ႈ​ဢွၼ်​တၢင်း​ၼၼ်ႉ၊ ဝဵင်း​ ႁႃႇၸေႃႇ ​ပဵၼ်​ငဝ်ႈ​ပဵၼ်​ႁူဝ် မိူင်း​ၸိူဝ်း​ၼၼ်ႉ​ဢေႃႈ။-</verse>
				<verse number="11">ၶဝ်​ဢဝ်​ၵူၼ်း​ၵႃႈ​ဢၼ်​မီး ၵႃႈ​ၼႂ်း​ဝဵင်း​ၼၼ်ႉ​တၢႆ​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​လႄႈ ယႃႉ​ၽဵဝ်ႈ​ၶဝ်​ၼၼ်ႉ​ပႅတ်ႈ မူတ်း​မူတ်း​သဵင်ႈ​သဵင်ႈ​ဢေႃႈ။ ၶဝ်​ဢမ်ႇ​ဝႆႉ​ႁႂ်ႈ​ၵေႃႉ​ဢၼ် ထူၺ်ႈ​ၸႂ်​ဢွၵ်ႇ​ထူၺ်ႈ​ၸႂ်​ၶဝ်ႈ​ၼၼ်ႉ လႆႈ​ၵိုတ်း​ၵျၢၼ်ႇ​ယူႇ​သေ​ၵေႃႉ​သေ​ၵူၼ်း။ မၼ်း​ဢဝ်​ၽႆး​တုတ်ႇ​ဝဵင်း​ ႁႃႇၸေႃႇ ​ၼၼ်ႉ​ပႅတ်ႈ​ဢေႃႈ။-</verse>
				<verse number="12">ယေႃးသူႉ ​တိုၵ်း​ဢဝ်​ၵႃႈ​ပဵၼ်​ဝဵင်း​ၶုၼ်​လူင်​ၸိူဝ်း​ၼၼ်ႉ ဢိၵ်ႇ​တင်း​ၶုၼ်​လူင်​ဝဵင်း​ၸိူဝ်း​ၼၼ်ႉ​လႄႈ တိုၵ်း​တေႃး​ယႃႉ​ပႅတ်ႈ​ၶဝ်​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​လႄႈ ယႃႉ​ၽဵဝ်ႈ​ၶဝ်​ပႅတ်ႈ​သဵင်ႈ​သဵင်ႈ​မူတ်း​မူတ်း​ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ၶႃႈ​ထႃႇဝရႃႉ​ၽြႃး ၼၼ်ႉ​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="13">ၵူၺ်း​ၵႃႈ ၼွၵ်ႈ​သေ​ဝဵင်း​ ႁႃႇၸေႃႇ ​ၼၼ်ႉ ဝဵင်း​ဢၼ်​တႄႇ​ယူႇ​ၵႃႈ​ၼိူဝ်​လွႆ​ၼိူဝ်​ၵုင်း​ၸိူဝ်း​ၼၼ်ႉ​ၸိုင် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢမ်ႇ​တုတ်ႇ​ၽႆး​ပႅတ်ႈ။ ယေႃးသူႉ ​တုတ်ႇ​ၽႆး​ပႅတ်ႈ​ဝဵင်း​ၼၼ်ႉ​ဝဵင်း​လဵဝ်​ၵူၺ်း​ဢေႃႈ။-</verse>
				<verse number="14">ၵူၺ်း​ၵွမ်ႉ ဢုၵ်ႉ​ၸႃႇ​ၵႃႈ​ဢၼ်​ႁိမ်​လႆႈ​ဢိၵ်ႇ​တင်း​တရိၵ်ႈသၢၼ်ႇ​ၵႃႈ​တီႈ​ဝဵင်း​ၸိူဝ်း​ၼၼ်ႉ​ၵူၺ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​သိမ်း​ဢဝ်​ပုၼ်ႈ​ၶဝ်​ဢေႃႈ။ ၶဝ်​တိုၵ်း​တေႃး​ယႃႉ​ပႅတ်ႈ​ၵူၼ်း​ၸိူဝ်း​ၼၼ်ႉ တင်း​သဵင်ႈ​တင်း​လူင် လူၺ်ႈ​ၶူမ်း​လၢပ်ႇ​ၶူမ်း​လႅဝ်း တေႃႇ​ထိုင်​ႁွတ်ႈ​ၶဝ်​ယႃႉ​ၽဵဝ်ႈ​ၶဝ်​ၼၼ်ႉ​ပႅတ်ႈ​ဢေႃႈ။ ၶဝ်​ဢမ်ႇ​ႁႂ်ႈ​ၵေႃႉ​ဢၼ်​ထူၺ်ႈ​ၸႂ်​ဢွၵ်ႇ​ထူၺ်ႈ​ၸႂ်​ၶဝ်ႈ​ၼၼ်ႉ လႆႈ​ၵိုတ်း​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း။-</verse>
				<verse number="15">ၵႃႈ​ၼင်ႇ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ မူဝ်းသေႇ ၶႃႈ​မၼ်း​ၸဝ်ႈ​ၼၼ်ႉ၊ မူဝ်းသေႇ ​သင်ႇ​လၢတ်ႈ​ဝႆႉ​တီႈ​ ယေႃးသူႉ ​ဢေႃႈ။ ယေႃးသူႉ ​ၵေႃႈ​ႁဵတ်း​ၸွမ်း​ၸိူဝ်ႉ​ၼင်ႇ​ၼၼ်​ဢေႃႈ။ မၼ်း​ဢမ်ႇ​ဢဝ်​ၵိုတ်း​ဝႆႉ​ၵျၢၼ်ႇ​ဝႆႉ လွင်ႈ​တၢင်း​ၵႃႈ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ သေ​ၸိူဝ်ႉ​သေ​ဢၼ်။</verse>
				<verse number="16">ၼင်ႇ​ၼၼ်​လႄႈ ယေႃးသူႉ ​သိမ်း​ဢဝ်​မိူင်း​ၼၼ်ႉ​တင်း​မိူင်း​ဢၼ်​ဝႃႈ​ၵႃႈ​ၼိူဝ်​ႁၢၼ်ႉ​လွႆ၊ ၵႃႈ​တီႈ​ပွတ်း​တၢင်း​ၸၢၼ်း​ၵႃႈ​မီး၊ မိူင်း​ ၵေႃးသိၼ်ႇ ​တင်း​မိူင်း၊ ၵႃႈ​တႂ်ႈ​တီႈ​ဢၼ်​ပၢင်ႇ​ဢၼ်​ပဵင်း ၵႃႈ​တီႈ​ပၢင်ႇ​ပဵင်း​ ဢႃႇရၽႃႉ ၊ ၵႃႈ​ၼိူဝ်​ႁၢၼ်ႉ​လွႆ ဢီႉသရေႇလႃႉ ဢိၵ်ႇ​တင်း​ၵႃႈ​တႂ်ႈ​တီႈ​ဢၼ်​ပၢင်ႇ​ဢၼ်​ပဵင်း​မၼ်း၊-</verse>
				<verse number="17">ဢၼ်​ဝႃႈ​ၸႃႉ​ၸဵမ်​လွႆ​ ႁႃႇလိၵ်ႉ ဢၼ်​မီး​ၼႂ်း​သဵၼ်ႈ​တၢင်း​ ၸီႉရႃႉ တေႃႇ​ထိုင်​ႁွတ်ႈ​ဝဵင်း​ ပႃႉလၵတ်ႉ ၊ ဢၼ်​မီး​ၼႂ်း​ပၢင်ႇ​ႁူၺ်ႈ​ လေႇပၼုၼ်ႇ ၵႃႈ​တီႈ​တိၼ်​လွႆ​ ႁေႇရမုၼ်ႇ ​ၼၼ်ႉ​လႄႈ ပႄႉ​ၼႅင်ႇ​ၶုၼ်​လူင်​တင်း​သဵင်ႈ​တင်း​လူင်​ၸိူဝ်း​ၼၼ်ႉ​သေ​ယဝ်ႉ၊ ၶႃႈ​ၽၼ်း​ဢဝ်​ၶဝ်​တၢႆ​ပႅတ်ႈ​ဢေႃႈ။-</verse>
				<verse number="18">ယေႃးသူႉ ​လႆႈ​တိုၵ်း​သိုၵ်း​ၵၼ်​တင်း​ၶုၼ်​လူင်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၶိင်ႇ​ၵႃႇလႃႉ​ႁိုင်​ၼႃႇ​ဢေႃႈ။-</verse>
				<verse number="19">ၼွၵ်ႈ​သေ​ၵူၼ်း​ ႁီႉဝီႉ ဢၼ်​ဝႃႈ​ၵူၼ်း​ဝဵင်း​ ၵီႉပွင်ႇ ​ၸိူဝ်း​ၼၼ်ႉ၊ ဝဵင်း​ဢၼ်​ႁဵတ်း​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢမ်ႇ​မီး​သေ​တီႈ​သေ​ဝဵင်း။ ၶဝ်​လႆႈ​တိုၵ်း​လႆႈ​သိမ်း​ဢဝ်​ဝဵင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ဢေႃႈ။-</verse>
				<verse number="20">လွင်ႈ​မၼ်း​ၸမ်ႉ ထႃႇဝရႃႉ​ၽြႃး မီး​ဢလူဝ်ႇ​ၶႂ်ႈ​ႁႂ်ႈ​ႁူဝ်​ၸႂ်​ၶဝ် ၵႅၼ်ႇ​ၶႅင်​တေႃႇ​ထိုင်​ႁွတ်ႈ ႁႂ်ႈ​ၶဝ်​ထၼ်ႈ​ပေႃး ႁႄႉ​ႁပ်ႉ​ႁႄႉ​တိုၵ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​မၼ်း​ၸဝ်ႈ​လႆႈ​ယႃႉ​ၽဵဝ်ႈ​ၶဝ်​ပႅတ်ႈ​မူတ်း​မူတ်း​သဵင်ႈ​သဵင်ႈ ဢိၵ်ႇ​တင်း​ႁႂ်ႈ​ၶဝ်​ဢမ်ႇ​လႆႈ​ထူပ်း​ၵျေး​ၸူး​ၸဝ်ႈ​လႄႈ မၼ်း​ၸဝ်ႈ​လႆႈ​ပႄႇ​ၽဵဝ်ႈ​ၶဝ်​ပႅတ်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="21">ၼႂ်း​ၶိင်ႇ​မိူဝ်ႈ​ၼၼ်ႉ ယေႃးသူႉ ​ၶီႇ​ၵႂႃႇ​လႄႈ ပႄႇ​ၽဵဝ်ႈ​ၵူၼ်း​ ဢႃႇၼၵႃႉ ​တင်း​လၢႆ​ပႅတ်ႈ​သေ​ၵႃႈ​တီႈ​ၼိူဝ်​ႁၢၼ်ႉ​လွႆ၊ ၵႃႈ​တီႈ​ဝဵင်း​ ႁေႇပြုၼ်ႇ ၊ ဝဵင်း​ တေႇပီႉရႃႉ ၊ ဝဵင်း​ ဢႃႇၼပ်ႉ ၊ ၵႃႈ​ၼိူဝ်​ႁၢၼ်ႉ​လွႆ​ ယူႉတႃႉ ၊ ဢိၵ်ႇ​တင်း​ၵႃႈ​ၼိူဝ်​ႁၢၼ်ႉ​လွႆ ဢီႉသရေႇလႃႉ ​ၵႃႈ​မီး​ၼၼ်ႉ​လႄႈ ယႃႉ​ၽဵဝ်ႈ​ၶဝ်​ဢိၵ်ႇ​တင်း​ဝဵင်း​ၶဝ်​ပႅတ်ႈ သဵင်ႈ​သဵင်ႈ​မူတ်း​မူတ်း​ဢေႃႈ။-</verse>
				<verse number="22">ၼွၵ်ႈ​သေ​ဢၼ်​ၵိုတ်း​ၵျၢၼ်ႇ​ဝႆႉ​ၵႃႈ​ၼႂ်း​ဝဵင်း​ ၵႃႇၸႃႉ ၊ ဝဵင်း​ ၵႃႇသႃႉ ၊ ဝဵင်း​ ဢႃႇၸုတ်ႉ ​ၸိူဝ်း​ၼၼ်ႉ၊ ၵူၼ်း​ ဢႃႇၼၵႃႉ ​ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ ၵႃႈ​ၼႂ်း​မိူင်း​ ဢီႉသရေႇလႃႉ ​သေ​ၵေႃႉ​သေ​ၵူၼ်း။-</verse>
				<verse number="23">ၼင်ႇ​ၼၼ်​လႄႈ​ ယေႃးသူႉ သိမ်း​ဢဝ်​မိူင်း​ၼၼ်ႉ​တင်း​မိူင်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​ၼၼ်ႉ​လႄႈ ယေႃးသူႉ မႅင်ႇ​ၽႄ​ပၼ်​ဢမူၺ်ႇ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸွမ်း​လူၺ်ႈ​မဵဝ်း​ၽႂ်​မဵဝ်း​မၼ်း​သေ​ယဝ်ႉ၊ သိုၵ်း​ထၢတ်ႇ​ယဵၼ်​ၵႂႃႇ​သေ​တင်း​မိူင်း​ဢေႃႈ။</verse>
			</chapter>
			<chapter number="12">
				<verse number="1">ၶုၼ်​လူင်​မိူင်း​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တိုၵ်း​တေႃး​ယႃႉ​ပႅတ်ႈ​လႄႈ​သိမ်း​ဢဝ်​ၽၢႆႇ​တၢင်း​ဢွၵ်ႇ​ၼမ်ႉ​ႁွင်ႈ​ ယေႃးတၢၼ်ႇ တီႈ​တၢင်း​ဢၼ်​ၵၢင်​ဝၼ်း​ဢွၵ်ႇ ဢဝ်​ၵႃႈ​တီႈ​ၸႃႉ​ၸဵမ်​ပၢင်ႇ​ႁူၺ်ႈ​ ဢႃႇၼုၼ်ႇ ​တေႃႇ​ထိုင်​ႁွတ်ႈ​လွႆ​ ႁေႇရမုၼ်ႇ ​လႄႈ ပၢင်ႇ​ပဵင်း​ ဢႃႇရၽႃႉ ၵႃႈ​ဢၼ်​မီး​ၽၢႆႇ​ဝၼ်း​ဢွၵ်ႇ​ၼၼ်ႉ​ၸိူဝ်း​ၼၼ်ႉ​ၸမ်ႉ၊-</verse>
				<verse number="2">သီႉႁုၼ်ႇ ​ၶုၼ်​ႁေႃ​ၶမ်း​ ဢႃႇမေႃးရီႉ ဢၼ်​ယူႇ​ၵႃႈ​ၼႂ်း​ဝဵင်း​ ႁေႇသၽုၼ်ႇ ​လႄႈ လႆႈ​ဢုပ်ႉ​ပိူင်ႇ​ၸႃႉ​ၸဵမ် ဝဵင်း​ ဢႃႇရေႃႇ ၵႃႈ​တီႈ​ႁိမ်း​ပၢင်ႇ​ႁူၺ်ႈ​ ဢႃႇၼုၼ်ႇ ဢိၵ်ႇ​တင်း​ၵႃႈ​တီႈ​ၶိုင်ႈ​ၵၢင်​ပၢင်ႇ​ႁူၺ်ႈ​ၼၼ်ႉ​ၵႂႃႇ​လႄႈ ပႃး​တင်း​မိူင်း​ ၵီႉလတ်ႉ ​ၶိုင်ႈ​ၼိုင်ႈ တေႃႇ​ထိုင်​ႁွတ်ႈ​ၼမ်ႉ​ႁွင်ႈ​ ယပ်ႉပုၵ်ႉ ဢၼ်​ပဵၼ်​လႅၼ်​လိၼ်​မိူင်း​ၵူၼ်း​မဵဝ်း​ ဢမ်ႇမုၼ်ႇ ​ၼၼ်ႉ၊-</verse>
				<verse number="3">ဢိၵ်ႇ​တင်း​ပၢင်ႇ​ပဵင်း​ ဢႃႇရၽႃႉ ဢဝ်​ၸႃႉ​ၸဵမ်​ၼွင်​ ၵိၼ်ႇၼီႇသရႅတ်ႉ ၵႃႈ​တီႈ​ၽၢႆႇ​ဝၼ်း​ဢွၵ်ႇ​တေႃႇ​ထိုင်​ႁွတ်ႈ ၼွင်​ပၢင်ႇ​ပဵင်း​ ဢႃႇရၽႃႉ ဢၼ်​ဝႃႈ ၼွင်​ၼမ်ႉ​ၵိူဝ် ၵႃႈ​တီႈ​ၽၢႆႇ​ဝၼ်း​ဢွၵ်ႇ​ၼၼ်ႉ၊ ၵႃႈ​တီႈ​သဵၼ်ႈ​တၢင်း​ဢၼ်​ၵႂႃႇ​ၸူး ၵႃႈ​တီႈ​ဝဵင်း​ ပႅတ်ႉယေႇသီႉမုတ်ႉ ၊ ၸွမ်း​ၵႂႃႇ​ၽၢႆႇ​တၢင်း​ၸၢၼ်း ၵႃႈ​တီႈ​တႂ်ႈ​ပဵမ်ႉ​လွႆ​တိၼ်​လွႆ​ ပီႉသၵႃႇ ​ၼၼ်ႉ​ပႃး​ၼိုင်ႈ။-</verse>
				<verse number="4">ဢေႃႇၶႃႉ ၶုၼ်​ႁေႃ​ၶမ်း​ ပႃႇသၢၼ်ႇ ​ဢၼ်​ပဵၼ်​ၵေႃႉ​ဢၼ်​ၵိုတ်း​ၵျၢၼ်ႇ​ဝႆႉ​ၼႂ်း​မဵဝ်း​ၵူၼ်း​ဢၼ် ယႂ်ႇ​ၼႃႇ​ႁႅင်း​ၼႃႇ​ၼၼ်ႉ ဢၼ်​ယူႇ​ၵႃႈ​တီႈ​ဝဵင်း​ ဢႃႇသတႃႇရုတ်ႉ တင်း​ဝဵင်း​ ဢေႇတြီႉ ​လႄႈ၊-</verse>
				<verse number="5">လႆႈ​ဢုပ်ႉ​ပိူင်ႇ​လွႆ​ ႁေႇရမုၼ်ႇ ၊ မိူင်း​ သႃႇလၵႃႉ ၊ မိူင်း​ ပႃႇသၢၼ်ႇ ​တင်း​မိူင်း တေႃႇ​ထိုင်​ႁွတ်ႈ​လႅၼ်​လိၼ်​ၵူၼ်း​ ၵေႇသူႉရီႉ ဢိၵ်ႇ​တင်း ၵူၼ်း​ မႃႇၶႃႇသီႉ ​တင်း​လၢႆ​ၼၼ်ႉ ဢိၵ်ႇ​တင်း​မိူင်း​ ၵီႉလတ်ႉ ​ၶိုင်ႈ​ၼိုင်ႈ​ၼၼ်ႉ​ပႃး​ၼိုင်ႈ​ဢေႃႈ။-</verse>
				<verse number="6">မူဝ်းသေႇ ​ၶႃႈ​ထႃႇဝရႃႉ​ၽြႃး ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​တိုၵ်း​တေႃး​ယႃႉ​ပႅတ်ႈ​သွင်​ၶႃ​ၼၼ်ႉ​လႄႈ မူဝ်းသေႇ ​ၶႃႈ​ထႃႇဝရႃႉ​ၽြႃး​ၼၼ်ႉ ဢဝ်​မိူင်း​ၶဝ်​ၼၼ်ႉ​ပၼ်​တီႈ​ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ၊ ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၸိူဝ်း​ၼၼ်ႉ​ပိူင်ႇ​ဢေႃႈ။</verse>
				<verse number="7">ၶုၼ်​လူင်​မိူင်း​ဢၼ် ယေႃးသူႉ ​ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​တိုၵ်း​တေႃး​ယႃႉ​ပႅတ်ႈ ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ ယေႃးတၢၼ်ႇ ဢဝ်​ၵႃႈ​တီႈ​ၸႃႉ​ၸဵမ်​ ပႃႉလၵတ်ႉ ၼႂ်း​ပၢင်ႇ​ႁူၺ်ႈ​ လေႇပၼုၼ်ႇ ​တေႃႇ​ထိုင်​ႁွတ်ႈ​လွႆ​ ႁႃႇလၵ်ႉ ၵႃႈ​တီႈ​သဵၼ်ႈ​တၢင်း​ဢၼ်​ၵႂႃႇ ၸီႉရႃႉ ဢၼ်​ ယေႃးသူႉ ​ဢဝ်​ပၼ်​တီႈ​မဵဝ်း​ ဢီႉသရေႇလႃႉ ​တင်း​လၢႆ ပိူင်ႇ​ၸွမ်း​လူၺ်ႈ​မဵဝ်း​ၽႂ်​မဵဝ်း​မၼ်း၊-</verse>
				<verse number="8">ၵႃႈ​ၼိူဝ်​ႁၢၼ်ႉ​လွႆ​လႂ်၊ ၵႃႈ​တႂ်ႈ​တီႈ​ဢၼ်​ပၢင်ႇ​ဢၼ်​ပဵင်း​လႂ်၊ ၵႃႈ​တီႈ​ပၢင်ႇ​ပဵင်း​ ဢႃႇရၽႃႉ ​လႂ်၊ ၵႃႈ​တီႈ​ပဵမ်ႉ​လွႆ​လႂ်၊ ၵႃႈ​ၼႂ်း​ထိူၼ်ႇ၊ ၵႃႈ​တီႈ​ပွတ်း​တင်း​ၸၢၼ်း၊ တီႈ​ဢၼ်​ၵူၼ်း​ ႁိတ်ႉတီႉ ၊ ၵူၼ်း​ ဢႃႇမေႃးရီႉ ၊ ၵူၼ်း​ ၶႃႇၼၼီႉ ၊ ၵူၼ်း​ ၽေႇရၸီႉ ၊ ၵူၼ်း​ ႁီႉဝီႉ ၊ ၵူၼ်း​ ယေႇပူႉသီႉ ​တင်း​လၢႆ​ယူႇ​ၼၼ်ႉ​ၸိူဝ်း​ၼၼ်ႉ​ၸမ်ႉ၊-</verse>
				<verse number="9">ၶုၼ်​လူင်​ ယေႇရီႉၶူဝ်း ​ပႃး​ၼိုင်ႈ၊ ၶုၼ်​လူင်​ ဢႃႇဢီႉ ဢၼ်​မီး​ၵႃႈ​တီႈ​ႁိမ်း​ ပေႇသလႃႉ ​ၼၼ်ႉ​ပႃး​ၼိုင်ႈ၊-</verse>
				<verse number="10">ၶုၼ်​လူင်​ ယေႇရူႉသလႅမ်ႇ ​ပႃး​ၼိုင်ႈ၊ ၶုၼ်​လူင်​ ႁေႇပြုၼ်ႇ ​ပႃး​ၼိုင်ႈ၊-</verse>
				<verse number="11">ၶုၼ်​လူင်​ ယႃႇမုတ်ႉ ​ပႃး​ၼိုင်ႈ၊ ၶုၼ်​လူင်​ လႃႇၶီႉသႃႉ ​ပႃး​ၼိုင်ႈ၊-</verse>
				<verse number="12">ၶုၼ်​လူင်​ ဢေႇၵလုၼ်ႇ ​ပႃး​ၼိုင်ႈ၊ ၶုၼ်​လူင်​ ၵေႇၸႃႇ ​ပႃး​ၼိုင်ႈ၊-</verse>
				<verse number="13">ၶုၼ်​လူင်​ တေႇပီႉရႃႉ ​ပႃး​ၼိုင်ႈ၊ ၶုၼ်​လူင်​ ၵေႇတႃႇ ​ပႃး​ၼိုင်ႈ၊-</verse>
				<verse number="14">ၶုၼ်​လူင်​ ႁေႃႇမႃႇ ​ပႃး​ၼိုင်ႈ၊ ၶုၼ်​လူင်​ ဢႃႇရတ်ႉ ​ပႃး​ၼိုင်ႈ၊-</verse>
				<verse number="15">ၶုၼ်​လူင်​ လီႉပၼႃႉ ​ပႃး​ၼိုင်ႈ၊ ၶုၼ်​လူင်​ ဢတူႉလမ်ႇ ​ပႃး​ၼိုင်ႈ၊-</verse>
				<verse number="16">ၶုၼ်​လူင်​ မိၵ်ႉၵတႃႇ ​ပႃး​ၼိုင်ႈ၊ ၶုၼ်​လူင်​ ပေႇသလႃႉ ​ပႃး​ၼိုင်ႈ၊-</verse>
				<verse number="17">ၶုၼ်​လူင်​ တႃႇပႂႃႇ ​ပႃး​ၼိုင်ႈ၊ ၶုၼ်​လူင်​ ႁေႇၽႃႇ ​ပႃး​ၼိုင်ႈ၊-</verse>
				<verse number="18">ၶုၼ်​လူင်​ ဢႃႇၽႅၵ်ႉ ​ပႃး​ၼိုင်ႈ၊ ၶုၼ်​လူင်​ လႃႇသရုၼ်ႇ ​ပႃး​ၼိုင်ႈ၊-</verse>
				<verse number="19">ၶုၼ်​လူင်​ မႃႇတုၼ်ႇ ​ပႃး​ၼိုင်ႈ၊ ၶုၼ်​လူင်​ ႁႃႇၸေႃႇ ​ပႃး​ၼိုင်ႈ၊-</verse>
				<verse number="20">ၶုၼ်​လူင်​ သီႉမရုၼ်ႇမေႇရုၼ်ႇ ​ပႃး​ၼိုင်ႈ၊ ၶုၼ်​လူင်​ ဢႃႇၶသပ်ႉ ​ပႃး​ၼိုင်ႈ၊-</verse>
				<verse number="21">ၶုၼ်​လူင်​ တႃႇၼိတ်ႉ ​ပႃး​ၼိုင်ႈ၊ ၶုၼ်​လူင်​ မေႇၵိတ်ႉတေႃႇ ​ပႃး​ၼိုင်ႈ၊-</verse>
				<verse number="22">ၶုၼ်​လူင်​ ၵေႇတေႇသႃႉ ​ပႃး​ၼိုင်ႈ၊ ၶုၼ်​လူင်​ ယေႃးၵၼမ်ႇ ​ၵႃႈ​ၼိူဝ်​လွႆ​ ၵရမေႇလႃႉ ​ပႃး​ၼိုင်ႈ၊-</verse>
				<verse number="23">ၶုၼ်​လူင်​ တေႃႇရႃႉ ၵႃႈ​ၼိူဝ်​တီႈ​ဢၼ်​သုင်​မိူင်း​ တေႃႇရႃႉ ​ပႃး​ၼိုင်ႈ၊ ၶုၼ်​လူင်​ ၵေႃးဢိမ်ႇ ၵႃႈ​တီႈ​မိူင်း​ ၵီႉလႃႉၵႃႇလႃႉ ​ၼၼ်ႉ​ပႃး​ၼိုင်ႈ၊-</verse>
				<verse number="24">ၶုၼ်​လူင်​ တီႉရၸႃႉ ​ပႃး​ၼိုင်ႈ၊ ၶုၼ်​လူင်​တင်း​သဵင်ႈ​တင်း​လူင်​ၼၼ်ႉ​ပွင်း​ၵၼ် မီး​သၢမ်​သိပ်း​ပၢႆ​ဢဵတ်း​ပႃး​ဢေႃႈ။</verse>
			</chapter>
			<chapter number="13">
				<verse number="1">မိူဝ်ႈ​ဢၼ်​ ယေႃးသူႉ ​ထဝ်ႈ​လႄႈ ဢသၢၵ်ႈ​ၵႄႇ​ထူၼ်ႈ​ယဝ်ႉ​ၼၼ်ႉ​ၸိုင်၊ ထႃႇဝရႃႉ​ၽြႃး မီး​ဢမိင်ႉ​တီႈ​မၼ်း​လႄႈ​ဝႃႈ၊ မႂ်း​ၼႆႉ​ထဝ်ႈ​လႄႈ​ဢသၢၵ်ႈ ၵႄႇ​ထူၼ်ႈ​ယဝ်ႉ။ လိၼ်​ဢၼ်​တၵ်း​လႆႈ​သိမ်း​ဢဝ်​ၵေႃႈ ယင်း​ၵိုတ်း​ယင်း​ၵျၢၼ်ႇ​ယူႇ​ၼမ်​ၼႃႇ​လူး​ၵွၼ်ႇ​ဢေႃႈ။-</verse>
				<verse number="2">လိၼ်​ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ​ၸမ်ႉ၊ ပဵၼ်​မိူင်း​ ၽီႉလိတ်ႉတီႉ ​တင်း​မိူင်း ဢိၵ်ႇ​တင်း​မိူင်း​ၵူၼ်း​ ၵေႇသူႉရီႉ ​တင်း​သဵင်ႈ​တင်း​မူတ်း၊-</verse>
				<verse number="3">ဢဝ်​ၵႃႈ​တီႈ​ၸႃႉ​ၸဵမ် ၼမ်ႉ​ႁွင်ႈ​ သီႉႁေႃႇရႃႉ ဝၼ်း​ဢွၵ်ႇ​မိူင်း​ ဢေႇၵိပ်ႉတူႉ တေႃႇ​ထိုင်​ႁွတ်ႈ​လႅၼ်​လိၼ်​ဝဵင်း​ ဢေႇၵြုၼ်ႇ ၵႃႈ​တီႈ​ၽၢႆႇ​တၢင်း​ႁွင်ႇ​ၼၼ်ႉ၊ မိူင်း​ဢၼ်​မၢတ်ႈ​ပဵၼ်​မိူင်း​ၵူၼ်း​ ၶႃႇၼၼီႉ ၊ ဢၼ်​ဝႃႈ​မိူင်း​ၶုၼ်​ ၽီႉလိတ်ႉတီႉ ​ႁႃႈ​ပႃး တီႈ​ဢၼ်​ၵူၼ်း​ ၵႃႇၸႃႇသီႉ ၊ ၵူၼ်း​ ဢႃႇၸေႃႇတီႉ ၊ ၵူၼ်း​ ဢေးသၵလေႃးၼီႉ ၊ ၵူၼ်း​ ၵိတ်ႉတီႉ ၊ ၵူၼ်း​ ဢေးၵျေႃးၼီႉ ဢိၵ်ႇ​တင်း ၵူၼ်း​ ဢႃႇဝိမ်ႇ ဢၼ်​မီး​ၵႃႈ​တီႈ​ၽၢႆႇ​တၢင်း​ၸၢၼ်း​ၼၼ်ႉ​ယူႇ​ၼၼ်ႉ၊-</verse>
				<verse number="4">မိူင်း​ၵူၼ်း​ ၶႃႇၼၼီႉ ​တင်း​သဵင်ႈ​တင်း​မူတ်း​ဢိၵ်ႇ​တင်း​ မေႇရႃႉ ဢၼ်​ၵူၼ်း​မိူင်း​ ၸီႉတုၼ်ႇ ​ပိူင်ႇ​ၼၼ်ႉ တေႃႇ​ထိုင်​ႁွတ်ႈ​ဝဵင်း​ ဢႃႇၽႅၵ်ႉ ၸူး​တီႈ​လႅၼ်​လိၼ်​မိူင်း​ ဢႃႇမေႃးရီႉ ​ၼၼ်ႉ၊-</verse>
				<verse number="5">မိူင်း​ၵူၼ်း​ ၵေႇပလႃႉ ၊ မိူင်း​ လေႇပၼုၼ်ႇ ​တင်း​သဵင်ႈ​တင်း​မူတ်း ၽၢႆႇ​တၢင်း​ၵၢင်​ဝၼ်း​ဢွၵ်ႇ ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ ပႃႉလၵတ်ႉ ၵႃႈ​တီႈ​တိၼ်​လွႆ​ ႁေႇရမုၼ်ႇ တေႃႇ​ထိုင်​ႁွတ်ႈ​တီႈ​ဢၼ်​ၶဝ်ႈ​ၸူး​ၵႃႈ​ၼႂ်း​မိူင်း​ ႁႃႇမတ်ႉ ​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="6">ၵူၼ်း​ဢၼ်​ယူႇ​ၵႃႈ​ၼိူဝ်​ႁၢၼ်ႉ​လွႆ ဢဝ်​ၵႃႈ​တီႈ​ၸႃႉ​ၸဵမ်​လွႆ​ လေႇပၼုၼ်ႇ တေႃႇ​ထိုင်​ႁွတ်ႈ​ဝဵင်း​ မီႉသရၽေႃႇသမိမ်ႈ ​ၼၼ်ႉ တင်း​သဵင်ႈ​တင်း​လူင်​ဢၼ်​ဝႃႈ ၵူၼ်း​ ၸီႉတေႃးၼီႉ ​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၸိုင်၊ ၵဝ်​တၵ်း​ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ ၵူၺ်း​ၵႃႈ မႂ်း​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​သေ​လႄႈ မႅင်ႇ​ၽႄ​လိၼ်​ၼၼ်ႉ​ပၼ်​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸွမ်း​ၵႃႈ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​တႃႉ။-</verse>
				<verse number="7">မိူဝ်ႈ​လဵဝ်​ၼႆႉ ၽႄ​မိူင်း​ၼႆႉ​မႅင်ႇ​ပၼ်​ဢမူၺ်ႇ​တီႈ မဵဝ်း​ၵဝ်ႈ​မဵဝ်း ဢိၵ်ႇ​တင်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ဢိၵ်ႇ​တင်း​မဵဝ်း​ၼၼ်ႉ​ၶိုင်ႈ​ၼိုင်ႈ​လႄႈ မဵဝ်း​ ရူႉပိၼ်ႇ ၊ မဵဝ်း​ ၵၢတ်ႉ ​ၸိူဝ်း​ၼၼ်ႉ လႆႈ​ၶၢမ်ႇ​ဢဝ်​ဢမူၺ်ႇ​ၶဝ်​ဢၼ်​ မူဝ်းသေႇ ​ပၼ်​တီႈ​ၶဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ​ၶႃႈ​ထႃႇဝရႃႉ​ၽြႃး ပၼ်​တီႈ​ၶဝ်​ၼၼ်ႉ​ယဝ်ႉ။-</verse>
				<verse number="9">လိၼ်​ၼၼ်ႉ​ၸမ်ႉ၊ ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ ဢႃႇရေႃႇ ဢၼ်​မီး​ၵႃႈ​ႁိမ်း​ပၢင်ႇ​ႁူၺ်ႈ​ ဢႃႇၼုၼ်ႇ ဢိၵ်ႇ​တင်း​ဝဵင်း​ဢၼ်​မီး​ၵႃႈ​တီႈ​ၶိုင်ႈ​ၵၢင်​ပၢင်ႇ​ႁူၺ်ႈ​ၵႂႃႇ​လႄႈ ပႃး​တင်း​ပၢင်ႇ​ပဵင်း​ မေႇတေႇၽႃႉ တင်း​သဵင်ႈ​တင်း​မူတ်း​တေႃႇ​ထိုင်​ႁွတ်ႈ​ဝဵင်း​ တီႉၽုၼ်ႇ ​ၼၼ်ႉ၊-</verse>
				<verse number="10">ၵႃႈ​ပဵၼ်​ဝဵင်း​ သီႉႁုၼ်ႇ ၶုၼ်​ႁေႃ​ၶမ်း​ ဢႃႇမေႃးရီႉ ဢၼ်​ႁဵတ်း​ၶုၼ်​ၵႃႈ​ၼႂ်း​ဝဵင်း​ ႁေႇသၽုၼ်ႇ ​ၼၼ်ႉ​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​လႅၼ်​လိၼ်​မိူင်း​ၵူၼ်း​မဵဝ်း​ ဢမ်ႇမုၼ်ႇ ​ၼၼ်ႉ၊-</verse>
				<verse number="11">မိူင်း​ ၵီႉလတ်ႉ လိၼ်​ဢၼ်​ၵူၼ်း​ ၵေႇသူႉရီႉ တင်း​ၵူၼ်း​ မႃႇၶႃႇသီႉ ​ယူႇ​ၼၼ်ႉ၊ လွႆ​ ႁေႇရမုၼ်ႇ ​ၵႃႈ​မီး၊ မိူင်း​ ပႃႇသၢၼ်ႇ တင်း​သဵင်ႈ​တင်း​မူတ်း တေႃႇ​ထိုင်​ႁွတ်ႈ​မိူင်း​ သႃႇလၵႃႉ ။-</verse>
				<verse number="12">မိူင်း​ ဢေႃႇၶႃႉ ၶုၼ်​ႁေႃ​ၶမ်း​ ပႃႇသၢၼ်ႇ ​ဢၼ်​ႁဵတ်း​ၶုၼ်​ၵႃႈ​ၼႂ်း​ဝဵင်း​ ဢႃႇသတႃႇရုတ်ႉ တင်း​ဝဵင်း​ ဢေႇတြီႉ ဢၼ်​ပဵၼ်​ၵေႃႉ​ဢၼ်​ၵိုတ်း​ဢၼ်​ၵျၢၼ်ႇ​ဝႆႉ​ၼႂ်း​မဵဝ်း​ၵူၼ်း ဢၼ်​ယႂ်ႇ​ၼႃႇ​ႁႅင်း​ၼႃႇ​ၼၼ်ႉ​ၸိူဝ်း​ၼၼ်ႉ​ဢေႃႈ။ ၶဝ်​ၼၼ်ႉ​ၸိုင်၊ မူဝ်းသေႇ ​တိုၵ်း​တေႃး​ယႃႉ​ပႅတ်ႈ​လႄႈ ႁေႃႈ​ဢွၵ်ႇ​ပႅတ်ႈ​ဢေႃႈ။-</verse>
				<verse number="13">ၼႂ်း​ဝႃႈ​ၼၼ်​သေ​ၵေႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢမ်ႇ​ႁေႃႈ​ၵူၼ်း​ ၵေႇသူႉရီႉ ဢိၵ်ႇ​တင်း​ၵူၼ်း​ မႃႇၶႃႇသီႉ ​ၸိူဝ်း​ၼၼ်ႉ​ဢွၵ်ႇ​ပႅတ်ႈ။ ၵူၼ်း​ ၵေႇသူႉရီႉ တင်း​ၵူၼ်း​ မႃႇၶႃႇသီႉ ​ၸိူဝ်း​ၼၼ်ႉ လႆႈ​ယူႇ​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ယူႇ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="14">ၵူၺ်း​ၵွမ်ႉ တီႈ​ၵူၼ်း​မဵဝ်း​ လေႇဝီႉ ၵူၺ်း မၼ်း​ၸဝ်ႈ​ဢမ်ႇ​ပၼ်​ဢမူၺ်ႇ။ ယိတ်ႈ​ဢၼ်​ဢဝ်​တင်း​ၽႆး​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ ပဵၼ်​ဢမူၺ်ႇ​မၼ်း ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​ဢမိင်ႉ​ဝႆႉ​တီႈ​မၼ်း​ၼၼ်ႉ​ဢေႃႈ။</verse>
				<verse number="15">မူဝ်းသေႇ ​ပၼ်​ဢမူၺ်ႇ​တီႈ​ၵူၼ်း​မဵဝ်း​ ရူႉပိၼ်ႇ ​တင်း​လၢႆ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="16">ၶွပ်ႇ​ၼမ်ႉ​လႅၼ်​လိၼ်​ၶဝ်​ၸမ်ႉ၊ ၸႃႉ​ၸဵမ်​ဝဵင်း​ ဢႃႇရေႃႇ ဢၼ်​မီး​ၵႃႈ​ႁိမ်း​ပၢင်ႇ​ႁူၺ်ႈ​ ဢႃႇၼုၼ်ႇ ဢိၵ်ႇ​တင်း​ဝဵင်း​ဢၼ်​မီး​ၵႃႈ​တီႈ​ၶိုင်ႈ​ၵၢင်​ပၢင်ႇ​ႁူၺ်ႈ​ၼၼ်ႉ​လႄႈ ပၢင်ႇ​ပဵင်း​ မေႇတေႇၽႃႉ ​တင်း​သဵင်ႈ​တင်း​မူတ်း၊-</verse>
				<verse number="17">ဝဵင်း​ ႁေႇသၽုၼ်ႇ ဢိၵ်ႇ​တင်း​ဝဵင်း​မၼ်း​ၵႃႈ​ဢၼ်​မီး​ၵႃႈ​တီႈ​ပၢင်ႇ​တီႈ​ပဵင်း၊ ဝဵင်း​ တီႉၽုၼ်ႇ ၊ ဝဵင်း​ ပႃႇမုတ်ႉပႃႇလႃႉ ၊ ဝဵင်း​ ပႅတ်ႉပႃႇလမွင်ႇ ၊-</verse>
				<verse number="18">ဝဵင်း​ ယႃႇႁႃႉၸႃႇ ၊ ဝဵင်း​ ၵေႇတမုတ်ႉ ၊ ဝဵင်း​ မေႇၽတ်ႉ ၊-</verse>
				<verse number="19">ဝဵင်း​ ၵီႉရႃႉယသိမ်း ၊ ဝဵင်း​ ၸီႉပမႃႇ ၊ ဝဵင်း​ ၸႃႇရိတ်ႉသႃႇႁႃႉ ဢၼ်​မီး​ၵႃႈ​ၼိူဝ်​လွႆ ဢၼ်​မီး​ၵႃႈ​ၼႂ်း​ၶူင်ႈ​ႁူၺ်ႈ၊-</verse>
				<verse number="20">ဝဵင်း​ ပႅတ်ႉပေႇၵူႉရႃႉ ၊ ပဵမ်ႉ​လွႆ​ ပီႉသၵႃႇ ၊ ဝဵင်း​ ပႅတ်ႉယေႇသီႉမုတ်ႉ ၊-</verse>
				<verse number="21">ဝဵင်း​ၵႃႈ​ဢၼ်​မီး​ၵႃႈ​တီႈ​ပၢင်ႇ​တီႈ​ပဵင်း ဢိၵ်ႇ​တင်း​မိူင်း​ သီႉႁုၼ်ႇ ၶုၼ်​ႁေႃ​ၶမ်း​ ဢႃႇမေႃးရီႉ ဢၼ်​လႆႈ​ႁဵတ်း​ၶုၼ် ၵႃႈ​ၼႂ်း​ဝဵင်း​ ႁေႇသၽုၼ်ႇ ၊ ဢၼ်​ မူဝ်းသေႇ ​တိုၵ်း​တေႃး​ယႃႉ​ပႅတ်ႈ​လူၺ်ႈ​ၵၼ်​တင်း ၶုၼ်​လူင်​ မီႉတျၼ်ႇ ဢၼ်​ဝႃႈ​ ဢေးဝီႉ၊ ရေႇၵိမ်ႇ၊ ၸူႉရႃႉ၊ ႁူႉရႃႉ၊ ရေးၽႃႉ ဢၼ်​ပဵၼ်​ၶုၼ်​တႂ်ႈ​ သီႉႁုၼ်ႇ ​လႄႈ ယူႇ​ၵႃႈ​ၼႂ်း​မိူင်း​မၼ်း​ၼၼ်ႉ​ဢေႃႈ။-</verse>
				<verse number="22">ပႃႇလၢမ်ႇ လုၵ်ႈ​ၸၢႆး​ ပေႃးရႃႉ ဢၼ်​ႁဵတ်း​ပရေႃးၽႅတ်ႈ​ၼၼ်ႉ​ၵေႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢဝ်​လၢပ်ႇ​ၶႃႈ​ၽၼ်း​ပႅတ်ႈ​ပႃး​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢႆ​ၼၼ်ႉ​ဢေႃႈ။-</verse>
				<verse number="23">ၶွပ်ႇ​ၼမ်ႉ​လႅၼ်​လိၼ်​တီႈ​ယူႇ​ၵူၼ်း​မဵဝ်း​ ရူႉပိၼ်ႇ ​ၸိူဝ်း​ၼၼ်ႉ​ၸမ်ႉ၊ ပဵၼ်​ၼမ်ႉ​ႁွင်ႈ​ ယေႃးတၢၼ်ႇ ဢိၵ်ႇ​တင်း ၽင်ႇ​မၼ်း​ႁိမ်း​မၼ်း​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ဝၢၼ်ႈ​ပဵၼ်​ဝဵင်း ဢၼ်​ၵူၼ်း​မဵဝ်း​ ရူႉပိၼ်ႇ ​ၶဝ်​လႆႈ​ၶၢမ်ႇ​ဢမူၺ်ႇ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ် ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။</verse>
				<verse number="24">မူဝ်းသေႇ ​ပၼ်​ဢမူၺ်ႇ​တီႈ​ၵူၼ်း​မဵဝ်း​ ၵၢတ်ႉ ​တင်း​လၢႆ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="25">ၶွပ်ႇ​ၼမ်ႉ​လႅၼ်​လိၼ်​ၶဝ်​ၸမ်ႉ၊ ၸႃႉ​ၸဵမ်​ဝဵင်း​ ယႃႇၸႃႇ ​လႄႈ ဝဵင်း​ ၵီႉလတ်ႉ ​ၵႃႈ​မီး၊ မိူင်း​ၵူၼ်း​မဵဝ်း​ ဢမ်ႇမုၼ်ႇ ​ၶိုင်ႈ​ၼိုင်ႈ​တေႃႇ​ထိုင်​ႁွတ်ႈ​ဝဵင်း​ ဢႃႇရေႃႇ ဢၼ်​မီး​ၵႃႈ​တီႈ​ၽၢႆႇ​ၼႃႈ​ဝဵင်း​ ရပ်ႉပႃႇ ​ၼၼ်ႉ၊-</verse>
				<verse number="26">လႆႈ​သမ်ႉ ၸႃႉ​ၸဵမ်​ဝဵင်း​ ႁေႇသၽုၼ်ႇ ၊ တေႃႇ​ထိုင်​ႁွတ်ႈ​ဝဵင်း​ ရႃႇမတ်ႉ​မီႉၸပႃႇ တင်း​ဝဵင်း​ ပေႇတေႃႇၼိမ်း ​ၼၼ်ႉ၊ လႆႈ​သမ်ႉ ၸႃႉ​ၸဵမ်​ဝဵင်း​ မႁႃႇၼိမ်ႇ တေႃႇ​ထိုင်​ႁွတ်ႈ​လိၼ်​ဝဵင်း​ လိတ်ႉပီႉရႃႉ ​ၼၼ်ႉ၊-</verse>
				<verse number="27">ၵႃႈ​တီႈ​ၼႂ်း​ပၢင်ႇ​ႁူၺ်ႈ​ၵေႃႈ ဝဵင်း​ ပေႇသႃႇရမ်ႇ ၊ ဝဵင်း​ ပႅတ်ႉၼီႉမရႃႉ ၊ ဝဵင်း​ သူႉၵုတ်ႉ ၊ ဝဵင်း​ ၸႃႇၽုၼ်ႇ ၊ ၵႃႈ​ဢၼ်​ၵိုတ်း​ဢၼ်​ၵျၢၼ်ႇ​ဝႆႉ​ၵႃႈ​တီႈ​မိူင်း​ သီႉႁုၼ်ႇ ၶုၼ်​ႁေႃ​ၶမ်း​ ႁေႇသၽုၼ်ႇ ၊ ၼမ်ႉ​ႁွင်ႈ​ ယေႃးတၢၼ်ႇ ဢိၵ်ႇ​တင်း​ၽင်ႇ​မၼ်း​ႁိမ်း​မၼ်း တေႃႇ​ထိုင်​ႁွတ်ႈ​တီႈ​သုတ်း​တီႈ​သဵင်ႈ​ၼမ်ႉ​ၼွင်​ ၵိၼ်ႇၼီႇသရႅတ်ႉ ၵႃႈ​တီႈ​ၽၢႆႇ​ဝၼ်း​ဢွၵ်ႇ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ဢေႃႈ။-</verse>
				<verse number="28">ဢၼ်​ၼႆႉ​ၸမ်ႉ၊ ပဵၼ်​ဝၢၼ်ႈ​ပဵၼ်​ဝဵင်း​ဢၼ်​ၵူၼ်း​မဵဝ်း​ ၵၢတ်ႉ ​ၶဝ်​လႆႈ​ၶၢမ်ႇ​ဢမူၺ်ႇ​ၸွမ်း​လူၺ်ႈ မဵဝ်း​ပီႈ​မဵဝ်း​ၼွင်ႉ​ၶဝ်​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။</verse>
				<verse number="29">မူဝ်းသေႇ ပၼ်​ဢမူၺ်ႇ​တီႈ​ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​လႄႈ ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၸိူဝ်း​ၼၼ်ႉ လႆႈ​ၶၢမ်ႇ​ဢမူၺ်ႇ​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="30">ၶွပ်ႇ​ၼမ်ႉ​လႅၼ်​လိၼ်​ၶဝ်​ၸမ်ႉ၊ ၸႃႉ​ၸဵမ်​ဝဵင်း​ မႁႃႇၼိမ်ႇ ​လႄႈ မိူင်း​ ပႃႇသၢၼ်ႇ ​တင်း​သဵင်ႈ​တင်း​မူတ်း​ဢၼ်​ဝႃႈ မိူင်း​ ဢေႃႇၶႃႉ ၶုၼ်​ႁေႃ​ၶမ်း​ ပႃႇသၢၼ်ႇ ​ၼၼ်ႉ​တင်း​သဵင်ႈ​တင်း​မူတ်း၊ ၵႃႈ​ပဵၼ်​ဝဵင်း​ ယႃႇဢီႉရႃႉ ဢၼ်​ပႃး​ၵႃႈ​တီႈ​မိူင်း​ ပႃႇသၢၼ်ႇ ​ၼၼ်ႉ ႁူၵ်း​သိပ်း​ဝဵင်း​ၼၼ်ႉ​ဢေႃႈ။-</verse>
				<verse number="31">မိူင်း​ ၵီႉလတ်ႉ ​ၶိုင်ႈ​ၼိုင်ႈ၊ ဝဵင်း​ ဢႃႇသတႃႇရုတ်ႉ တင်း​ဝဵင်း​ ဢေႇတြီႉ ဢၼ်​ပဵၼ်​ဝဵင်း​ၵႃႈ​ၼႂ်း​မိူင်း​ ဢေႃႇၶႃႉ ၵႃႈ​တီႈ​မိူင်း​ ပႃႇသၢၼ်ႇ ​ၼၼ်ႉ​ၸိူဝ်း​ၼၼ်ႉ​ၸိုင်၊ ပဵၼ်​ပုၼ်ႈ​ၵူၼ်း​မဵဝ်း​ မႃႇၶီႉရႃႉ လုၵ်ႈ​ၸၢႆး​ မၼႃႇ​သေႇ ဢၼ်​ဝႃႈ​ပုၼ်ႈ ၵူၼ်း​မဵဝ်း​ မႃႇၶီႉရႃႉ ​ၶိုင်ႈ​ၼိုင်ႈ​ၼၼ်ႉ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="32">ဢၼ်​ၼႆႉ​ၸမ်ႉ၊ ပဵၼ်​ဢမူၺ်ႇ ဢၼ်​ မူဝ်းသေႇ ​ၽႄ​မႅင်ႇ​ပၼ် ၵႃႈ​ၼႂ်း​ပၢင်ႇ​ပဵင်း​ မေႃႇၽႃႉ ၊ ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ သိုဝ်ႈ​ဝဵင်း​ ယေႇရီႉၶူဝ်း ၽၢႆႇ​ဝၼ်း​ဢွၵ်ႇ​ၼၼ်ႉ​ဢေႃႈ။-</verse>
				<verse number="33">တီႈ​မဵဝ်း​ လေႇဝီႉ ​ၸိုင်၊ မူဝ်းသေႇ ​ဢမ်ႇ​မႅင်ႇ​ဢမ်ႇ​ပၼ်​ဢမူၺ်ႇ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ပဵၼ်​ဢမူၺ်ႇ​ၶဝ် ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​ဢမိင်ႉ​ဝႆႉ​တီႈ​ၶဝ်​ၼၼ်ႉ​ဢေႃႈ။</verse>
			</chapter>
			<chapter number="14">
				<verse number="1">လႆႈ​သမ်ႉ ဢၼ်​ၸိူဝ်း​ၼႆႉ​ၸမ်ႉ၊ ပဵၼ်​ဢမူၺ်ႇ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ၶၢမ်ႇ​ဢဝ်​ၵႃႈ​ၼႂ်း​မိူင်း​ ၶႃႇၼၢၼ်ႇ ဢၼ်​ယိတ်ႈပရေႃးႁဵၵ်ႈ​ ဢေးလႃႇၸႃႇ၊ ယေႃးသူႉ ​လုၵ်ႈ​ၸၢႆး​ ၼုၼ်ႇ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​ၶုၼ်​ၵႃႈ​ၼႂ်း​မဵဝ်း​ပူႇ​မဵဝ်း​ပေႃႈ​ၶဝ် ၵႃႈ​ၼႂ်း​မဵဝ်း​ၵူၼ်း​ ဢီႉသရေႇလႃႉ ​တင်း​လၢႆ​ၼၼ်ႉ ၽႄ​မႅင်ႇ​ပၼ်​တီႈ​ၶဝ်၊-</verse>
				<verse number="2">ၸွမ်း​လူၺ်ႈ​တၢင်း​ဢၼ်​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​သေ​လႄႈ မႅင်ႇ​ပၼ်​ဢမူၺ်ႇ​ၶဝ်​ၼၼ်ႉ မႅၼ်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢဝ်​တင်း​ မူဝ်းသေႇ ​သင်ႇ​လၢတ်ႈ​ဝႆႉ​ပုၼ်ႈ​မဵဝ်း​ၵဝ်ႈ​မဵဝ်း​ပၢႆ​ၶိုင်ႈ​ၼၼ်ႉ​ဢေႃႈ။-</verse>
				<verse number="3">မူဝ်းသေႇ ​ၼၼ်ႉ လႆႈ​ပၼ်​ဢမူၺ်ႇ တီႈ​မဵဝ်း​သွင်​မဵဝ်း​ပၢႆ​ၶိုင်ႈ​ၼၼ်ႉ ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ယဝ်ႉ။ တီႈ​ၵူၼ်း​မဵဝ်း​ လေႇဝီႉ ​တင်း​လၢႆ​ၸိုင်၊ မၼ်း​ဢမ်ႇ​ပၼ်​ဢမူၺ်ႇ​လူၺ်ႈ​ၵၼ်​တင်း​ၶဝ်​ၼၼ်ႉ။-</verse>
				<verse number="4">လွင်ႈ​မၼ်း​ၸမ်ႉ ၵူၼ်း​မဵဝ်း​ ယူဝ်းသႅပ်ႈ ​ၼၼ်ႉ​ပဵၼ်​သွင်​မဵဝ်း​ၵႂႃႇ​ဢၼ်​ဝႃႈ မဵဝ်း​ မၼႃႇ​သေႇ တင်း​မဵဝ်း​ ဢေႇၽရိမ်ႇ ​ၼၼ်ႉ​လႄႈ ဢမ်ႇ​ပၼ်​ပုၼ်ႈ​ပၼ်​တႃႇ​တီႈ​ၵူၼ်း​မဵဝ်း​ လေႇဝီႉ ​တင်း​လၢႆ ၼႂ်း​လိၼ်​ၼၼ်ႉ​လိူဝ်​သေ​ဝဵင်း​ပုၼ်ႈ​ဢၼ်​ၶဝ်​တၵ်း​ယူႇ ဢိၵ်ႇ​တင်း​လိၼ်​ဢၼ်​လဵပ်ႈ​ႁွပ်ႈ​ႁိမ်း​ဝဵင်း​ၸိူဝ်း​ၼၼ်ႉ​ပုၼ်ႈ​ဢၼ်​တၵ်း​ဝႆႉ​တရိၵ်ႈသၢၼ်ႇ​ၶဝ်​တင်း​ဢုၵ်ႉ​ၸႃႇ​ၶဝ်​ၼၼ်ႉ။-</verse>
				<verse number="5">ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​သေ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ႁဵတ်း​ၸွမ်း​လႄႈ ၽႄ​မႅင်ႇ​ၽႄ​ပၼ်​လိၼ်​ၼၼ်ႉ​ဢေႃႈ။</verse>
				<verse number="6">မိူဝ်ႈ​ၼၼ်ႉ​ၵူၼ်း​မဵဝ်း​ ယူႉတႃႉ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​တီႈ​ ယေႃးသူႉ ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​ၼၼ်ႉ​လႄႈ၊ ၵႃႇလႅပ်ႉ လုၵ်ႈ​ၸၢႆး​ ယေႇၽုၼ်ႇၼႃႉ ၵူၼ်း​မဵဝ်း​ ၵေးၼိတ်ႉ ​ၼၼ်ႉ လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ၸဝ်ႈ​ႁဝ်း​ႁူႉ​လွင်ႈ​ၵႂၢမ်း​ဢၼ်​ထႃႇဝရႃႉ​ၽြႃး ဢဝ်​လွင်ႈ​ၸဝ်ႈ​ႁဝ်း​တင်း​ၵဝ်​ၶႃႈ​မီး​ဢမိင်ႉ​ဝႆႉ​တီႈ​ မူဝ်းသေႇ ၵူၼ်း​ၽြႃး​ပဵၼ်​ၸဝ်ႈ ၵႃႈ​တီႈ​ ၵႃႇတေႇသပႃႇၼႃႇ ​ၼၼ်ႉ​ယူႇ​ၶႃႈ​ဢေႃႈ။-</verse>
				<verse number="7">မိူဝ်ႈ​ဢၼ်​ မူဝ်းသေႇ ၶႃႈ​ၽြႃး​ပဵၼ်​ၸဝ်ႈ​ၼၼ်ႉ ပွႆႇ​ၸႂ်ႉ​ၵဝ်​ၶႃႈ​ဢွၵ်ႇ​သေ​ၵႃႈ​တီႈ​ ၵႃႇတေႇသပႃႇၼႃႇ ႁႂ်ႈ​လႆႈ​လွမ်​တူၺ်း​မိူင်း​ၼႆႉ​ၼၼ်ႉ​ၸိုင်၊ ဢသၢၵ်ႈ​ၵဝ်​ၶႃႈ​လႆႈ​သီႇ​သိပ်း​ၶႃႈ​ဢေႃႈ။ ၵဝ်​ၶႃႈ​ၶိုၼ်း​လၢတ်ႈ​ၶိုၼ်း​လဝ်ႊ​တီႈ​မၼ်း ၸွမ်း​ၵႃႈ​ၼင်ႇ​ဢၼ်​ၸႂ်​ၵဝ်​ၶႃႈ​ထၢင်ႇ​ၼၼ်ႉ​ၶႃႈ​ဢေႃႈ။-</verse>
				<verse number="8">ပိၵ်ႉ​သမ်ႉ​ပီႈ​ၼွင်ႉ​ဢၼ်​ၸွမ်း​လူၺ်ႈ​ၵၼ်​တင်း​ၵဝ်​ၶႃႈ​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​တၢင်း​ဢၼ်​ႁႂ်ႈ​ႁူဝ်​ၸႂ်​ၵူၼ်း​တင်း​လၢႆ ၸိူမ်ႈ​ယၢႆႈ​ၵႂႃႇ​သေ​ၵေႃႈ ၵဝ်​ၶႃႈ​ၸွမ်း​လင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​လုမ်း​လုမ်း​ၶႃႈ​ဢေႃႈ။-</verse>
				<verse number="9">ၼႂ်း​ဝၼ်း​ၼၼ်ႉ မူဝ်းသေႇ ​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​ၸွမ်း​လင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​လုမ်း​လုမ်း​ၼၼ်ႉ​လႄႈ၊ လိၼ်​ဢၼ်​တိၼ်​မႂ်း​လႆႈ​ယဵပ်ႇ​ယဝ်ႉ​ၼၼ်ႉ တၵ်း​လႆႈ​ပဵၼ်​ဢမူၺ်ႇ​မႂ်း​ဢိၵ်ႇ​တင်း​လုၵ်ႈ​လၢၼ်​မႂ်း​ယူႇ​တႃႇ​သေႇ​ဢမ်ႇ​ထၢတ်ႇ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ၶႃႈ​ဢေႃႈ။-</verse>
				<verse number="10">တေႃႈ​လဵဝ်​ၼႆႉ တူၺ်း​ၶႃႈ​လူး၊ ထႃႇဝရႃႉ​ၽြႃး​ၼၼ်ႉ ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​ဢမိင်ႉ​ဝႆႉ​ၼၼ်ႉ​သေ​လႄႈ ႁႂ်ႈ​ဢသၢၵ်ႈ​ၵဝ်​ၶႃႈ​လိပ်း​ယူႇ​သီႇ​သိပ်း​ပၢႆ​ႁႃႈ​ပီႊ​တဵမ်​တဵမ်၊ ၸႃႉ​ၸဵမ်​မိုဝ်ႉ​ဝၼ်း​ဢၼ်​ထႃႇဝရႃႉ​ၽြႃး၊ မီး​ဢမိင်ႉ​ၸိူဝ်ႉ​ၼင်ႇ​ၼႆ​ဝႆႉ​တီႈ​ မူဝ်းသေႇ ၼႂ်း​မိူဝ်ႈ​ဢၼ် မဵဝ်း​ ဢီႉသရေႇလႃႉ ​ယင်း​တိုၵ်ႉ​လႄႇ​ၵႂႃႇ​လႄႇ​မႃး​ယူႇ ၵႃႈ​တီႈ​ထိူၼ်ႇ​ၼၼ်ႉ​ၶႃႈ​ဢေႃႈ။ တေႃႈ​လဵဝ်​ၼႆႉ​ၸမ်ႉ၊ ဢသၢၵ်ႈ​ၵဝ်​ၶႃႈ​လႆႈ ပႅတ်ႇ​သိပ်း​ပၢႆ​ႁႃႈ​ပီႊ​ဝၼ်း​မိူဝ်ႈ​ၼႆႉ​ၶႃႈ​ယဝ်ႉ။-</verse>
				<verse number="11">ၵူၺ်း​ၵႃႈ ၵဝ်​ၶႃႈ​ယင်း​မီး​ႁႅင်း​ၼႂ်း​ဝၼ်း​မိူဝ်ႈ​ၼႆႉ မိူၼ်​ၸိူဝ်ႉ​ၼင်ႇ​ဢၼ်​မီး​ဝၼ်း​ဢၼ်​ မူဝ်းသေႇ ပွႆႇ​ၸႂ်ႉ​ၼၼ်ႉ​ၶႃႈ​ဢေႃႈ။ မိူၼ်​ၸိူဝ်ႉ​ၼင်ႇ​ဢၼ် ႁႅင်း​ၵဝ်​ၶႃႈ​မီး​ႁႂ်ႈ​လႆႈ​ပွင်​ႁဵတ်း​ဢမူႉ​တၢင်း​ဢၼ်​တိုၵ်း​သိုၵ်း ဢိၵ်ႇ​တင်း​ဢမူႉ​တၢင်း​ဢၼ်​ၶဝ်ႈ​ဢၼ်​ဢွၵ်ႇ မိူဝ်ႈ​ယၢမ်း​ၼၼ်ႉ​ၼၼ်ႉ၊ မိူဝ်ႈ​လဵဝ်​ၼႆႉ​ၵေႃႈ ႁႅင်း​ၵဝ်​ၶႃႈ​ယင်း​မီး​ယူႇ​ၶႃႈ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ ဢၢပ်ႈ​ပၼ်​လွႆ​ဢၼ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ၼႂ်း​ဝၼ်း​မိူဝ်ႈ​ၼၼ်ႉ​ၼႆႉ​တီႈ​ၵဝ်​ၶႃႈ​သေ​ၵမ်း​ၶႃႈ။ ၼႂ်း​ဝၼ်း​မိူဝ်ႈ​ၼၼ်ႉ ၸဝ်ႈ​ႁဝ်း​လႆႈ​ငိၼ်း​လွင်ႈ​ဢၼ်​ၵူၼ်း​ ဢႃႇၼၵႃႉ ​မီး​ၵႃႈ​ၼိူဝ်​လွႆ​ၼႆႉ ဢိၵ်ႇ​တင်း​လွင်ႈ​ဢၼ်​မီး​ဝဵင်း​ဢၼ်​ယႂ်ႇ​ၼႃႇ​လႄႈ မၼ်ႈ​ၶိူင်ႇ​ၼၼ်ႉ​ယဝ်ႉ​ၶႃႈ​ယဝ်ႉ။ ၼႂ်း​ဝႃႈ​ၼၼ်​သေ​ၵေႃႈ ပေႃး​ထႃႇဝရႃႉ​ၽြႃး မီး​ယူႇ​လူၺ်ႈ​ၵၼ်​တင်း​ၵဝ်​ၶႃႈ​ၸိုင်၊ ၵဝ်​ၶႃႈ​ႁဵတ်း​ႁႂ်ႈ​လႆႈ​ႁေႃႈ​ၶဝ်​ဢွၵ်ႇ​ပႅတ်ႈ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ၼၼ်ႉ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မိူဝ်ႈ​ၼၼ်ႉ ယေႃးသူႉ ​ပၼ်​တၢင်း​လီ​တီႈ​မၼ်း​ဢေႃႈ။ မိူင်း​ ႁေႇပြုၼ်ႇ ​ၵေႃႈ မၼ်း​ဢၢပ်ႈ​ပၼ်​တီႈ​ ၵႃႇလႅပ်ႉ လုၵ်ႈ​ၸၢႆး​ ယေႇၽုၼ်ႇၼႃႉ ​ၼၼ်ႉ ႁႂ်ႈ​ပဵၼ်​ပုၼ်ႈ​ဢမူၺ်ႇ​မၼ်း​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ မိူင်း​ ႁေႇပြုၼ်ႇ ​ၼၼ်ႉ လႆႈ​ပဵၼ်​လိၼ်​ဢမူၺ်ႇ​ ၵႃႇလႅပ်ႉ လုၵ်ႈ​ၸၢႆး​ ယေႇၽုၼ်ႇၼႃႉ ၵူၼ်း​မဵဝ်း​ ၵေးၼိတ်ႉ ​ၼၼ်ႉ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ ၵွပ်ႈ​ပိူဝ်ႈ​ဢၼ်​မၼ်း​ၸွမ်း​လင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​လုမ်း​လုမ်း​ၼၼ်ႉ​ဢေႃႈ။-</verse>
				<verse number="15">ဝဵင်း​ ႁေႇပြုၼ်ႇ ​ၼၼ်ႉ မိူဝ်ႈ​ဢွၼ်​တၢင်း​ၼၼ်ႉ မီး​ၸိုဝ်ႈ ၵီႉရယႃႉသႃႇၽႃႇ ​ဢေႃႈ။ ဢႃႇၽႃႇ ​ၼၼ်ႉ​ပဵၼ်​ၵူၼ်း​လူင် ၵႃႈ​ၼႂ်း​ၵူၼ်း​မဵဝ်း​ ဢႃႇၼၵႃႉ ​ဢေႃႈ။ မိူဝ်ႈ​ၼၼ်ႉ​သိုၵ်း​ထၢတ်ႇ​ယဵၼ်​ၵႂႃႇ​သေ​တင်း​မိူင်း​ဢေႃႈ။</verse>
			</chapter>
			<chapter number="15">
				<verse number="1">လိၼ်​ဢၼ်​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​သေ​လႄႈ ၵူၼ်း​မဵဝ်း​ ယူႉတႃႉ ​တင်း​လၢႆ​လႆႈ​ၶၢမ်ႇ​ၸွမ်း​လူၺ်ႈ မဵဝ်း​ပီႈ​မဵဝ်း​ၼွင်ႉ​ၶဝ်​ႁင်း​ၽႂ်​ႁင်း​မၼ်း​ၼၼ်ႉ​ၸမ်ႉ၊ ၸၢပ်ႈ​ႁွတ်ႈ​လႅၼ်​လိၼ်​မိူင်း​ ဢေႇတုမ်ႇ တင်း​ထိူၼ်ႇ​ ၸီႉၼႃႉ ​ၵႃႈ​တီႈ ၽၢႆႇ​တင်း​ၸၢၼ်း​သုတ်း​သေ​ပိူၼ်ႈ​ၼၼ်ႉ​ဢေႃႈ။-</verse>
				<verse number="2">ၶွပ်ႇ​ၼမ်ႉ​လႅၼ်​လိၼ်​ၶဝ်​ၽၢႆႇ​တၢင်း​ၸၢၼ်း​ၼၼ်ႉ လုၵ်ႉ​သေ​ၵႃႈ​တီႈ​ပၢႆ​လႅမ်​သုတ်း​ ၼွင်​ၼမ်ႉ​ၵိူဝ် ဢၼ်​ဝႃႈ​ၵႃႈ​တီႈ​ၵူတ်ႉ​ၼမ်ႉ​ဢၼ်​ဝၢႆႇ​ၼႃႈ​တေႃႇ​ၽၢႆႇ​တၢင်း​ၸၢၼ်း​ၼၼ်ႉ​လႄႈ၊-</verse>
				<verse number="3">တႆႇ​ၸွမ်း​ၵႃႈ​တီႈ​ၼႃႈ​တၢင်း​ၸၢၼ်း​ၵုင်း ဢႃႇၵႃႇရပ်ႉပိမ်း ၵႂႃႇ​ႁွတ်ႈ​ထိုင်​ၵႃႈ​တီႈ​ထိူၼ်ႇ​ ၸီႉၼႃႉ ​သေ​ယဝ်ႉ၊ သမ်ႉ​ၶိုၼ်ႈ​ၵႃႈ​တီႈ​ၽၢႆႇ​တၢင်း​ၸၢၼ်း​ဝၢၼ်ႈ ၵႃႇတေႇသပႃႇၼႃႇ ​လႄႈ တႆႇ​ၸွမ်း​ၵႂႃႇ​ၸူး​ဝၢၼ်ႈ​ ႁေႇၸရုၼ်ႇ ​သေ​လႄႈ ၶိုၼ်း​ၸူး​ဝၢၼ်ႈ​ ဢႃႇတႃႇ ​လႄႈ​လဵပ်ႈ​ၵႂႃႇ​ၸူး​ၵႃႈ​တီႈ​ဝၢၼ်ႈ​ ၵႃးၵႃႉ ​ယဝ်ႉ၊-</verse>
				<verse number="4">ၸင်ႇ​တႆႇ​ၸွမ်း​ၸူး​ၵႃႈ​တီႈ​ဝၢၼ်ႈ​ ဢႃႇၸမုၼ်ႇ ​သေ​လႄႈ သမ်ႉ​လုၵ်ႉ​ဢွၵ်ႇ​ၵႂႃႇ​ၸူး​ၵႃႈ​တီႈ​ၼမ်ႉ​ႁွင်ႈ​ ဢေႇၵိပ်ႉတူႉ ​လႄႈ တီႈ​သုတ်း​တီႈ​တိူၵ်ႈ​ၶွပ်ႇ​ၼမ်ႉ​လႅၼ်​လိၼ်​ၶဝ်​ၼၼ်ႉ မီး​ၵႃႈ​တီႈ​ပၢင်ႇ​လၢႆႇ​ဢေႃႈ။ ဢၼ်​ၼႆႉ​ၸမ်ႉ၊ တၵ်း​လႆႈ​ပဵၼ်​ၶွပ်ႇ​ၼမ်ႉ​လႅၼ်​လိၼ်​သူ ၼႃႈ​တၢင်း​ၸၢၼ်း​ဢေႃႈ။-</verse>
				<verse number="5">ၶွပ်ႇ​ၼမ်ႉ​လႅၼ်​လိၼ် ၽၢႆႇ​တၢင်း​ဢွၵ်ႇ​ၼၼ်ႉ ပဵၼ်​ ၼွင်​ၼမ်ႉ​ၵိူဝ် တေႃႇ​ထိုင်​ႁွတ်ႈ​သူပ်း​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။ ၶွပ်ႇ​ၼမ်ႉ​လႅၼ်​လိၼ်​ၽၢႆႇ​တၢင်း​ႁွင်ႇ​ၼၼ်ႉ လုၵ်ႉ​သေ​ၵႃႈ​တီႈ​ၵူတ်ႉ​ၼွင်​ၼၼ်ႉ တီႈ​သူပ်း​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​လႄႈ၊-</verse>
				<verse number="6">လႅၼ်​လိၼ်​ၼၼ်ႉ​ၶိုၼ်ႈ​ၸူး​ဝၢၼ်ႈ​ ပေႇသေႃႇၵလႃႉ ​သေ​ယဝ်ႉ၊ တႆႇ​လဵပ်ႈ​ၸွမ်း​ႁိမ်း​ၽၢႆႇ​တၢင်း​ႁွင်ႇ ဝၢၼ်ႈ​ ပေႇသရႃႇပႃႉ ​လႄႈ လႅၼ်​လိၼ်​ၼၼ်ႉ​ၶိုၼ်ႈ​ၸူး​ၵႃႈ​တီႈ​မၢၵ်ႇ​ႁိၼ်​ ပေႃႇႁၼ်ႇ လုၵ်ႈ​ၸၢႆး​ ရူႉပိၼ်ႇ ​သေ​လႄႈ၊-</verse>
				<verse number="7">လႅၼ်​လိၼ်​ၼၼ်ႉ​သမ်ႉ​ဢွၵ်ႇ​သေ​ၵႃႈ​တီႈ​ၶူင်ႈ​ႁူၺ်ႈ​ ဢႃႇၶေႃႇ ​လႄႈ ၶိုၼ်ႈ​ၸူး​ၵႃႈ​တီႈ​ဝၢၼ်ႈ​ တေႇပီႉရႃႉ သေ​ယဝ်ႉ၊ ငႅၵ်း​ၵႂႃႇ​ၽၢႆႇ​တၢင်း​ႁွင်ႇ​ၸူး​ၵႃႈ​တီႈ​ ၵီႉလႃႉၵႃႇလႃႉ ဢၼ်​မီး​သိုဝ်ႈ​ၵုင်း​ ဢတုမ်ႇမိမ်း ဢၼ်​မီး​ၵႃႈ​တီႈ​ၽၢႆႇ​တၢင်း​ၸၢၼ်း ၼမ်ႉ​ႁွင်ႈ​လႄႈ လႅၼ်​လိၼ်​ၼၼ်ႉ တႆႇ​ၸွမ်း​ၸူး ၵႃႈ​တီႈ​ၼွင်​ ဢႅၼ်ႇသေႇမိတ်ႉ ​သေ​ယဝ်ႉ၊ တီႈ​သုတ်း​တီႈ​တိူၵ်ႈ​မၼ်း မီး​ၵႃႈ​တီႈ​ၼမ်ႉ​ဢွၵ်ႇ​ႁူး​ ဢႅၼ်ႇရေႃႇၵေးလႃႉ ​ၼၼ်ႉ​ဢေႃႈ။-</verse>
				<verse number="8">လႅၼ်​လိၼ်​ၼၼ်ႉ​သမ်ႉ တႆႇ​ၶိုၼ်ႈ​ၸွမ်း​ၵႃႈ​ႁိမ်း​ၶူင်ႈ​ႁူၺ်ႈ​လုၵ်ႈ​ၸၢႆး​ ႁိၼ်ႇၼုမ်ႇ ၸူး​ၵႃႈ​တီႈ​ၽၢႆႇ​တၢင်း​ၸၢၼ်း တီႈ​ ယေႇပူႉသီႉ ဢၼ်​ပဵၼ်​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ လႅၼ်​လိၼ်​ၼၼ်ႉ​သမ်ႉ ၶိုၼ်ႈ​ၵႃႈ​ၼိူဝ်​ပၢႆ​ၸိၵ်း​လွႆ ဢၼ်​မီး​ၵႃႈ​တီႈ​သိုဝ်ႈ​ၶူင်ႈ​ႁူၺ်ႈ​ ႁိၼ်ႇၼုမ်ႇ ၼႃႈ​ဝၼ်း​တူၵ်း ဢၼ်​ပဵၼ်​တီႈ​သုတ်း​ၶူင်ႈ​ႁူၺ်ႈ​ ရေႇၽဵမ်ႇ ၼႃႈ​တၢင်း​ႁွင်ႇ​ၼၼ်ႉ​ဢေႃႈ။-</verse>
				<verse number="9">လႅၼ်​လိၼ်​ၼၼ်ႉ​သမ်ႉ​လုၵ်ႉ​သေ​ၵႃႈ​တီႈ​ၼိူဝ်​ပၢႆ​ၸိၵ်း​လွႆ​ၼၼ်ႉ လူင်း​ၵႂႃႇ​ၸူး​ၵႃႈ​တီႈ ၼမ်ႉ​ဢွၵ်ႇ​ႁူး​ ၼေႇၽတေႃႇ ​လႄႈ သုတ်း​တိူၵ်ႈ​ၵႃႈ​တီႈ​ဝဵင်း​ဢၼ်​ၸၢပ်ႈ​သႅင်ႇ​ၵၼ်​တင်း​လွႆ ဢေႇၽရိမ်ႇ ​ၼၼ်ႉ ၸိူဝ်း​ၼၼ်ႉ​သေ​ယဝ်ႉ၊ လႅၼ်​လိၼ်​ၼၼ်ႉ​သမ်ႉ တႆႇ​ၸွမ်း​ၸူး​ၵႃႈ​တီႈ​ဝဵင်း​ ပႃႇလႃႉ ဢၼ်​ပဵၼ် ၵီႉရယတ်ႉယႃႇရိမ်ႇ ​ၼၼ်ႉ​လႄႈ၊-</verse>
				<verse number="10">လႅၼ်​လိၼ်​ၼၼ်ႉ​သမ်ႉ​လုၵ်ႉ​သေ​ၵႃႈ​တီႈ​ဝဵင်း​ ပႃႇလႃႉ ​ၼၼ်ႉ လဵပ်ႈ​ၵႂႃႇ​ၽၢႆႇ​တၢင်း​တူၵ်း တေႃႇ​ထိုင်​ႁွတ်ႈ​လွႆ​ ၸီႉရႃႉ ယဝ်ႉ၊ ၸင်ႇ​သမ်ႉ​တႆႇ​ၸွမ်း​ၵႃႈ​တီႈ​ၽၢႆႇ​တၢင်း​ႁွင်ႇ​လွႆ​ ယႃႇရိမ်း ဢၼ်​ဝႃႈ​လွႆ​ ၶေႇသလုၼ်ႇ ​ၼၼ်ႉ​လႄႈ လူင်း​ၵႂႃႇ​ၸူး​ၵႃႈ​တီႈ​ဝဵင်း​ ပႅတ်ႉသေးမိတ်ႉ ​သေ​ယဝ်ႉ၊ တႆႇ​ၸွမ်း​ၸူး​ၵႃႈ​တီႈ​ဝဵင်း​ တီႉမၼႃႉ ​ဢေႃႈ။-</verse>
				<verse number="11">လႅၼ်​လိၼ်​ၼၼ်ႉ​သမ်ႉ​ဢွၵ်ႇ​ၵႂႃႇ​ၽၢႆႇ​တၢင်း​ႁွင်ႇ​ၸူး ၵႃႈ​တီႈ​ဝဵင်း​ ဢေႇၵြုၼ်ႇ ​လႄႈ လႅၼ်​လိၼ်​ၼၼ်ႉ ငႅၵ်း​ၵႂႃႇ​ၸူး​ၵႃႈ​တီႈ​ဝၢၼ်ႈ​ သီႉၵြုၼ်ႇ သေ​ယဝ်ႉ၊ တႆႇ​ၸွမ်း​ၵႂႃႇ​ၸူး ၵႃႈ​တီႈ​လွႆ​ ပႃႇလႃႉ ​လႄႈ ဢွၵ်ႇ​ၵႂႃႇ​ၸူး​ၵႃႈ​တီႈ​ဝၢၼ်ႈ​ ယႃႇပၼေးလႃႉ ​သေ​ယဝ်ႉ၊ တီႈ​သုတ်း​တီႈ​တိူၵ်ႈ မၼ်း​မီး​ၵႃႈ​တီႈ​ပၢင်ႇ​လၢႆႇ​ဢေႃႈ။-</verse>
				<verse number="12">ၶွပ်ႇ​ၼမ်ႉ​လႅၼ်​လိၼ်​ၼႃႈ​ဝၼ်း​တူၵ်း​ၼၼ်ႉ ပဵၼ်​ပၢင်ႇ​လၢႆႇ​လူင် ဢိၵ်ႇ​တင်း​ၽင်ႇ​မၼ်း​ႁိမ်း​မၼ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ၶွပ်ႇ​ၼမ်ႉ​လႅၼ်​လိၼ်​တီႈ​ယူႇ ၵူၼ်း​မဵဝ်း​ ယူႉတႃႉ ​တင်း​လၢႆ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ် ႁင်း​ၽႂ်​ႁင်း​မၼ်း​ဢေႃႈ။</verse>
				<verse number="13">တီႈ​ ၵႃႇလႅပ်ႉ ​လုၵ်ႈ​ၸၢႆး​ ယေႇၽုၼ်ႇၼႃႉ ​ၵေႃႈ ယေႃးသူႉ ​ပၼ်​ပုၼ်ႈ​ပၼ်​တႃႇ ပႃး​ၵႃႈ​ၼႂ်း​ၵူၼ်း​မဵဝ်း​ ယူႉတႃႉ ​တင်း​လၢႆ ဢၼ်​ဝႃႈ​ဝဵင်း​ ဢႃႇၽႃႉ ဢၼ်​ပဵၼ်​ပေႃႈ​ ဢႃႇၼၵႃႉ ဢၼ်​ဝႃႈ​ဝဵင်း​ ႁေႇပြုၼ်ႇ ​ၼၼ်ႉ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ ယေႃးသူႉ ​ၼၼ်ႉ​ဢေႃႈ။-</verse>
				<verse number="14">ၵႃႇလႅပ်ႉ ​ၼၼ်ႉ ႁေႃႈ​ၵူၼ်း​ ဢႃႇၼၵႃႉ ​သၢမ်​ၵေႃႉ​ဢၼ်​ဝႃႈ​ သေးသႆး၊ ဢႁီႉမၼ်ႇ၊ တႃႇလမေး ​ၸိူဝ်း​ၼၼ်ႉ ဢွၵ်ႇ​ပႅတ်ႈ​သေ​ၵႃႈ​ၼႂ်း​ဝဵင်း​ၼၼ်ႉ​သေ​ယဝ်ႉ၊-</verse>
				<verse number="15">သမ်ႉ​ၶီႇ​ၵႂႃႇ​ၸူး​ၵႃႈ​တီႈ​ၵူၼ်း​ဝဵင်း​ တေႇပီႉရႃႉ ​ၼၼ်ႉ​ဢေႃႈ။ ဝဵင်း​ တေႇပီႉရႃႉ ​ၼၼ်ႉ မိူဝ်ႈ​ဢွၼ်​တၢင်း​ၼၼ်ႉ မီး​ၸိုဝ်ႈ​ ၵီႉရယႃႉသေႃႇၽႃႉ ​ဢေႃႈ။-</verse>
				<verse number="16">မိူဝ်ႈ​ၼၼ်ႉ​ ၵႃႇလႅပ်ႉ ​လၢတ်ႈ​လႄႈ​ဝႃႈ၊ ၵဝ်​တၵ်း​ဢဝ်​လုၵ်ႈ​ယိင်း​ၵဝ်​ ဢႃႇၶသႃႉ ပၼ်​ၵၼ်​တင်း​ၵေႃႉ​ဢၼ်​တိုၵ်း​တေႃး​ယႃႉ​ပႅတ်ႈ ဝဵင်း​ ၵီႉရယႃႉသေႃႇၽႃႉ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="17">ဢေႃးထၼ်ႇယေႇလႃႉ လုၵ်ႈ​ၸၢႆး​ ၵေးၼတ်ႉ ဢၼ်​ပဵၼ်​ၼွင်ႉ​ၸၢႆး​ ၵႃႇလႅပ်ႉ ​ၼၼ်ႉ တိုၵ်း​ဢဝ်​ဝဵင်း​ၼၼ်ႉ​လႄႈ၊ မၼ်း​ဢဝ်​လုၵ်ႈ​ယိင်း​မၼ်း​ ဢႃႇၶသႃႉ ပၼ်​ၵၼ်​တင်း​မၼ်း​ၼၼ်ႉ​ဢေႃႈ။-</verse>
				<verse number="18">မိူဝ်ႈ​ဢၼ်​မႄႈ​ယိင်း​ၼၼ်ႉ​မႃး​ၸူး​တီႈ​ၽူဝ်​မၼ်း​ၼၼ်ႉ​ၸိုင် မၼ်း​တိုၵ်း​ယူင်း​ၸူဝ်း​ဢဝ်​ၽူဝ်​မၼ်း ႁႂ်ႈ​လႆႈ​ယွၼ်း​ဢဝ်​ၵႂၢၵ်ႈ​လိၼ်​သေ​ၵႂၢၵ်ႈ​ၼိုင်ႈ​တီႈ​ပေႃႈ​မၼ်း​သေ​ယဝ်ႉ၊ လူင်း​သေ​ၵႃႈ​ၼိူဝ်​လီႈ​မၼ်း​လႄႈ၊ ၵႃႇလႅပ်ႉ ထၢမ်​တီႈ​မၼ်း​လႄႈ​ဝႃႈ၊ မႂ်း​ၶႂ်ႈ​လႆႈ​ၵႃႈ​သင်၊ ဝႃႈ​ၼင်ႇ​ၼႆ​လႄႈ၊-</verse>
				<verse number="19">မၼ်း​ၶိုၼ်း​လၢတ်ႈ​လႄႈ​ဝႃႈ၊ ပၼ်​တၢင်း​လီ​တီႈ​ၵဝ်​ၶႃႈ​သေ​ၵမ်း​ၶႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ပၼ်​လိၼ်​ၼႃႈ​တၢင်း​ၸၢၼ်း​ၼၼ်ႉ တီႈ​ၵဝ်​ၶႃႈ​ယဝ်ႉ​လႄႈ၊ ၼမ်ႉ​ဢွၵ်ႇ​ႁူး​ၵေႃႈ​ပၼ်​လူး​ၵွၼ်ႇ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ပၼ်​ၼမ်ႉ​ဢွၵ်ႇ​ႁူး​ဢၼ်​ၵႃႈ​ၼိူဝ်​ဢိၵ်ႇ​တင်း ၼမ်ႉ​ဢွၵ်ႇ​ႁူး​ဢၼ်​ၵႃႈ​တႂ်ႈ​ၸိူဝ်း​ၼၼ်ႉ​တီႈ​မၼ်း​ဢေႃႈ။</verse>
				<verse number="20">ဢၼ်​ၼႆႉ​ၸမ်ႉ၊ ပဵၼ်​လိၼ်​ဢမူၺ်ႇ​ၵူၼ်း​မဵဝ်း​ ယူႉတႃႉ ​တင်း​လၢႆ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။-</verse>
				<verse number="21">ဝဵင်း​ၵူၼ်း​မဵဝ်း​ ယူႉတႃႉ ​တင်း​လၢႆ ဢၼ်​မီး​ၽၢႆႇ​တၢင်း​တႂ်ႈ​သုတ်း​သေ​ပိူၼ်ႈ ဢၼ်​ၸမ်​ၵၼ်​တၢမ်း​ၵၼ်​တင်း​လႅၼ်​လိၼ်​မိူင်း​ ဢေႇတုမ်ႇ ၵႃႈ​ၼႂ်း​ပွတ်း​တၢင်း​ၸၢၼ်း​ၼၼ်ႉ​ၸိူဝ်း​ၼၼ်ႉ​ၸမ်ႉ၊ မီး​ဝဵင်း​ ၵပ်ႉၸေးလႃႉ ၊ ဝဵင်း​ ဢေးတေႇရႃႉ ၊ ဝဵင်း​ ယႃႇၵူႉရႃႉ ၊-</verse>
				<verse number="22">ဝဵင်း​ ၵီႉၼႃႉ ၊ ဝဵင်း​ တီႉမေႃးၼႃႉ ၊ ဝဵင်း​ ဢႃႇတတႃႇ ၊-</verse>
				<verse number="23">ဝဵင်း​ ၵႃႇတေးသႃႉ ၊ ဝဵင်း​ ႁႃႇၸေႃႇ ၊ ဝဵင်း​ ဢီႉသၼၼ်ႇ ၊-</verse>
				<verse number="24">ဝဵင်း​ ၸီႉၽႃႉ ၊ ဝဵင်း​ တေႇလိမ်ႇ ၊ ဝဵင်း​ ပေႇလုတ်ႉ ၊-</verse>
				<verse number="25">ဝဵင်း​ ႁႃႇၸေႃႇႁတတ်ႉတႃႇ ၊ ဝဵင်း​ ၵီႉရဢုတ်ႉ​ႁေႇၸရုၼ်ႇ ဢၼ်​ဝႃႈ ဝဵင်း​ ႁႃႇၸေႃႇ ၊-</verse>
				<verse number="26">ဝဵင်း​ ဢႃႇမၼ်ႇ ၊ ဝဵင်း​ သေႇမႃႉ ၊ ဝဵင်း​ မေႃႇလတႃႉ ၊-</verse>
				<verse number="27">ဝဵင်း​ ႁႃႇၸႃႇၵတ်ႉတႃႉ ၊ ဝဵင်း​ ႁေႇၸမုၼ်ႇ ၊ ဝဵင်း​ ပႅတ်ႉပႃႇလိတ်ႉ ၊-</verse>
				<verse number="28">ဝဵင်း​ ႁႃႇၸႃႇသုၺ်ႇလႃႉ ၊ ဝဵင်း​ ပေႇရသေႇၽႃႉ ၊ ဝဵင်း​ ပႅတ်ႉၸႃႇသယႃႇ ၊-</verse>
				<verse number="29">ဝဵင်း​ ပႃႇလႃႉ ၊ ဝဵင်း​ ဢီႉဢိမ်ႇ ၊ ဝဵင်း​ ဢႃႇၸိမ်ႇ ၊-</verse>
				<verse number="30">ဝဵင်း​ ဢေႇလႃႉတေႃႇလတ်ႉ ၊ ဝဵင်း​ ၶေႇသီႉလႃႉ ၊ ဝဵင်း​ ႁေႃႇမႃႇ ၊-</verse>
				<verse number="31">ဝဵင်း​ ၸီႉၵလတ်ႉ ၊ ဝဵင်း​ မႃႇတမၼ်းၼႃႉ ၊ ဝဵင်း​ သၼ်ႇသၼ်ႇၼႃႉ ၊-</verse>
				<verse number="32">ဝဵင်း​ လေႇပွတ်ႉ ၊ ဝဵင်း​ သီႉလႁိမ်ႇ ၊ ဝဵင်း​ ဢႃႇဢိၼ်ႇ ၊ ဝဵင်း​ ရိမ်ႇမုၼ်ႇ ​ၸိူဝ်း​ၼၼ်ႉ​လႄႈ၊ ဝဵင်း​ဢၼ်​မီး​ဢိၵ်ႇ​လူၺ်ႈ​ၵၼ်​တင်း​ဝၢၼ်ႈ​မၼ်း​ၸိူဝ်း​ၼၼ်ႉ ပွင်း​ၵၼ်​ပဵၼ်​သၢဝ်း​ပၢႆ​ၵဝ်ႈ​ဝဵင်း​ဢေႃႈ။-</verse>
				<verse number="33">ၵႃႈ​တႂ်ႈ​တီႈ​ပၢင်ႇ​တီႈ​ပဵင်း​ၵေႃႈ၊ မီး​ဝဵင်း​ ဢေးသတေႃးလႃႉ ၊ ဝဵင်း​ ၸေႃးရႃႉ ၊ ဝဵင်း​ ဢႃႇသၼႃႇ ။-</verse>
				<verse number="34">ဝဵင်း​ ၸႃႇၼေႃႇ ၊ ဝဵင်း​ ဢိၼ်ႇၵၼ်ႇၼိမ်ႇ ၊ ဝဵင်း​ တႃႇပႂႃႇ ၊ ဝဵင်း​ ဢေႇၼမ်ႇ ၊-</verse>
				<verse number="35">ဝဵင်း​ ယႃႇမုတ်ႉ ၊ ဝဵင်း​ ဢတူႉလမ်ႇ ၊ ဝဵင်း​ သေႃႇၶေႃႇ ၊ ဝဵင်း​ ဢၸေႇၵႃႇ ၊-</verse>
				<verse number="36">ဝဵင်း​ သႃႇရိမ်း ၊ ဝဵင်း​ ဢတီႉသိမ်ႇ ၊ ဝဵင်း​ ၵတေးရႃႉ ၊ ဝဵင်း​ ၵတေႇရေႃႇသိမ်း ​ၸိူဝ်း​ၼၼ်ႉ​လႄႈ၊ ဝဵင်း​ဢၼ်​မီး ဢိၵ်ႇ​လူၺ်ႈ​ၵၼ်​တင်း​ဝၢၼ်ႈ​မၼ်း​ၸိူဝ်း​ၼၼ်ႉ ပွင်း​ၵၼ်​ပဵၼ်​သိပ်း​သီႇ​ဝဵင်း​ဢေႃႈ။-</verse>
				<verse number="37">ၼွၵ်ႈ​သေ​ၼၼ်ႉ မီး​ဝဵင်း​ ၸေႇၼၼ်ႇ ၊ ဝဵင်း​ ႁတႃႇသႃႉ ၊ ဝဵင်း​ မီႉၵႃႇတလႃႉၵတ်ႉ ၊-</verse>
				<verse number="38">ဝဵင်း​ တီႉလၼ်ႇ ၊ ဝဵင်း​ မီႉၸပႃႇ ၊ ဝဵင်း​ ယေႃးၵသေႇလႃႉ ၊-</verse>
				<verse number="39">ဝဵင်း​ လႃႇၶီႉသႃႉ ၊ ဝဵင်း​ ပေႃႇၸၵတ်ႉ ၊ ဝဵင်း​ ဢေႇၵလုၼ်ႇ ၊-</verse>
				<verse number="40">ဝဵင်း​ ၵပ်ႉပုၼ်ႇ ၊ ဝဵင်း​ လႃႇမၼ်ႇ ၊ ဝဵင်း​ ၵီႉသလိတ်ႉ ၊-</verse>
				<verse number="41">ဝဵင်း​ ၵႃႇတေႉရုတ်ႉ ၊ ဝဵင်း​ ပႅတ်ႉတႃႇၵုၼ်ႇ ၊ ဝဵင်း​ ၼေႇမႃႉ ၊ ဝဵင်း​ မိၵ်ႉၵတႃႇ ​ၸိူဝ်း​ၼၼ်ႉ​လႄႈ၊ ဝဵင်း​ဢၼ်​မီး ဢိၵ်ႇ​လူၺ်ႈ​ၵၼ်​တင်း​ဝၢၼ်ႈ​မၼ်း​ၸိူဝ်း​ၼၼ်ႉ ပွင်း​ၵၼ်​ပဵၼ်​သိပ်း​ႁူၵ်း​ဝဵင်း​ဢေႃႈ။-</verse>
				<verse number="42">ၼွၵ်ႈ​သေ​ၼၼ်ႉ မီး​ဝဵင်း​ လီႉပၼႃႉ ၊ ဝဵင်း​ ဢေႇသႃႇ ၊ ဝဵင်း​ ဢႃႇသၼ်ႇ ၊-</verse>
				<verse number="43">ဝဵင်း​ ယီႉၽတႃႉ ၊ ဝဵင်း​ ဢႃႇသၼႃႇ ၊ ဝဵင်း​ ၼေႇၸိပ်ႉ ၊-</verse>
				<verse number="44">ဝဵင်း​ ၵီႉလႃႉ ၊ ဝဵင်း​ ဢၵ်ႇၸိပ်ႉ ၊ ဝဵင်း​ မရေးသႃႉ ​ၸိူဝ်း​ၼၼ်ႉ​လႄႈ၊ ဝဵင်း​ဢၼ်​မီး ဢိၵ်ႇ​လူၺ်ႈ​ၵၼ် တင်း​ဝၢၼ်ႈ​မၼ်း​ၸိူဝ်း​ၼၼ်ႉ ပွင်း​ၵၼ်​ပဵၼ်​ၵဝ်ႈ​ဝဵင်း​ဢေႃႈ။-</verse>
				<verse number="45">ၼွၵ်ႈ​သေ​ၼၼ်ႉ မီး​ဝဵင်း​ ဢေႇၵြုၼ်ႇ ဢိၵ်ႇ​တင်း​ဝၢၼ်ႈ​မၼ်း​ဝဵင်း​မၼ်း​ၸိူဝ်း​ၼၼ်ႉ၊-</verse>
				<verse number="46">ဢဝ်​ၵႃႈ​တီႈ​ဝဵင်း​ ဢေႇၵြုၼ်ႇ တေႃႇ​ထိုင်​ႁွတ်ႈ​ပၢင်ႇ​လၢႆႇ ၵႃႈ​ပဵၼ်​ဝဵင်း​ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ ဢၼ်​ၸမ်​ၵၼ်​တၢမ်း​ၵၼ်​တင်း ဢႃႇၸုတ်ႉ ​ၼၼ်ႉ​ၸိူဝ်း​ၼၼ်ႉ၊-</verse>
				<verse number="47">ဝဵင်း​ ဢႃႇၸုတ်ႉ ဢိၵ်ႇ​တင်း​ဝၢၼ်ႈ​မၼ်း​ဝဵင်း​မၼ်း​တင်း​လၢႆ၊ ဝဵင်း​ ၵႃႇၸႃႉ ဢိၵ်ႇ​တင်း​ဝၢၼ်ႈ​မၼ်း​ဝဵင်း​မၼ်း​တင်း​လၢႆ တေႃႇ​ထိုင်​ႁွတ်ႈ​ၼမ်ႉ​ႁွင်ႈ​ ဢေႇၵိပ်ႉတူႉ ၊ ဢိၵ်ႇ​တင်း​ပၢင်ႇ​လၢႆႇ​လူင် တင်း​ၽင်ႇ​မၼ်း​ႁိမ်း​မၼ်း​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="48">ၵႃႈ​ၼိူဝ်​ႁၢၼ်ႉ​လွႆ​ၵေႃႈ မီး​ဝဵင်း​ သမီႉရႃႉ ၊ ဝဵင်း​ ယတ်ႉတီႉရႃႉ ၊ ဝဵင်း​ ၸေႃႇၶေႃႇ ၊-</verse>
				<verse number="49">ဝဵင်း​ တၼ်ႇၼႃႉ ၊ ဝဵင်း​ ၵီႉရယတ်ႉသၼ်ႇၼႃႉ ဢၼ်​ဝႃႈ​ဝဵင်း​ တေႇပီႉရႃႉ ၊-</verse>
				<verse number="50">ဝဵင်း​ ဢႃႇၼပ်ႉ ၊ ဝဵင်း​ ဢေးသတမေႃႇ ၊ ဝဵင်း​ ဢႃႇၼိမ်ႇ ၊-</verse>
				<verse number="51">ဝဵင်း​ ၵေႃးသိၼ်ႇ ၊ ဝဵင်း​ ႁေႃးလုၼ်ႇ ၊ ဝဵင်း​ ၵီႉလေႃႇ ​ၸိူဝ်း​ၼၼ်ႉ​လႄႈ၊ ဝဵင်း​ဢၼ်​မီး​ဢိၵ်ႇ​လူၺ်ႈ​ၵၼ်​တင်း​ဝၢၼ်ႈ​မၼ်း​ၼၼ်ႉ​ၸိူဝ်း​ၼၼ်ႉ ပွင်း​ၵၼ်​ပဵၼ်​သိပ်း​ပၢႆ​ဢဵတ်း​ဝဵင်း​ဢေႃႈ။-</verse>
				<verse number="52">ၼွၵ်ႈ​သေ​ၼၼ်ႉ မီး​ဝဵင်း​ ဢႃႇရပ်ႉ ၊ ဝဵင်း​ တူႉမႃႇ ၊ ဝဵင်း​ ဢေႇသၼ်ႇ ၊-</verse>
				<verse number="53">ဝဵင်း​ ယႃႇၼုမ်ႇ ၊ ဝဵင်း​ ပႅတ်ႉတႃႇပႂႃႇ ၊ ဝဵင်း​ ဢႃႇၽႅတ်ႉ ၊-</verse>
				<verse number="54">ဝဵင်း​ ႁူမ်ႇတႃႉ ၊ ဝဵင်း​ ၵီႉရယႃႉသႃႇၽႃႇ ဢၼ်​ဝႃႈ​ဝဵင်း​ ႁေႇပြုၼ်ႇ ၊ ဝဵင်း​ ၸီႉဢေႃႇရႃႉ ​ၸိူဝ်း​ၼၼ်ႉ​လႄႈ၊ ဝဵင်း​ဢၼ်​မီး​ဢိၵ်ႇ​လူၺ်ႈ​ၵၼ်​တင်း​ဝၢၼ်ႈ​မၼ်း​ၼၼ်ႉ​ၸိူဝ်း​ၼၼ်ႉ ပွင်း​ၵၼ်​ပဵၼ်​ၵဝ်ႈ​ဝဵင်း​ဢေႃႈ။-</verse>
				<verse number="55">ၼွၵ်ႈ​သေ​ၼၼ်ႉ မီး​ဝဵင်း​ မဢုၼ်ႇ ၊ ဝဵင်း​ ၵရမေႇလႃႉ ၊ ဝဵင်း​ ၸီႉၽႃႉ ၊ ဝဵင်း​ ယုတ်ႉတႃႉ ၊-</verse>
				<verse number="56">ဝဵင်း​ ယေႇၸရေႇလႃႉ ၊ ဝဵင်း​ ယေႃႇၵတမ်ႇ ၊ ဝဵင်း​ ၸႃႇၼေႃႇ ၊-</verse>
				<verse number="57">ဝဵင်း​ ၵဢီၼႃႉ ၊ ဝဵင်း​ ၵီႉၽႃႉ ၊ ဝဵင်း​ တီႉမၼႃႉ ​ၸိူဝ်း​ၼၼ်ႉ​လႄႈ၊ ဝဵင်း​ဢၼ်​မီး​ဢိၵ်ႇ​လူၺ်ႈ​ၵၼ်​တင်း​ဝၢၼ်ႈ​မၼ်း​ၼၼ်ႉ​ၸိူဝ်း​ၼၼ်ႉ ပွင်း​ၵၼ်​ပဵၼ်​သိပ်း​ဝဵင်း​ဢေႃႈ။-</verse>
				<verse number="58">ၼွၵ်ႈ​သေ​ၼၼ်ႉ မီး​ဝဵင်း​ ႁႃႇလႁူႉ ၊ ဝဵင်း​ ပႅတ်ႉၸူႉရႃႉ ၊ ဝဵင်း​ ၵေးတေႃး ၊-</verse>
				<verse number="59">ဝဵင်း​ မႃႇရုတ်ႉ ၊ ဝဵင်း​ ပေႇသၼုတ်ႉ ၊ ဝဵင်း​ ဢေးလႃႉတေႇၵုၼ်ႇ ​ၸိူဝ်း​ၼၼ်ႉ​လႄႈ၊ ဝဵင်း​ဢၼ်​မီး​ဢိၵ်ႇ​လူၺ်ႈ​ၵၼ်​တင်း​ဝၢၼ်ႈ​မၼ်း​ၼၼ်ႉ​ၸိူဝ်း​ၼၼ်ႉ ပွင်း​ၵၼ်​ပဵၼ်​ႁူၵ်း​ဝဵင်း​ဢေႃႈ။-</verse>
				<verse number="60">ၼွၵ်ႈ​သေ​ၼၼ်ႉ မီး​ဝဵင်း​ ၵီႉရယတ်ႉပႃႇလႃႉ ဢၼ်​ဝႃႈ ၵီႉရယတ်ႉယႃႇရိမ်ႇ ၊ ဝဵင်း​ ရပ်ႉပႃႇ ​ၸိူဝ်း​ၼၼ်ႉ​လႄႈ၊ ဝဵင်း​ဢၼ်​မီး ဢိၵ်ႇ​လူၺ်ႈ​ၵၼ်​တင်း​ဝၢၼ်ႈ​မၼ်း​ၼၼ်ႉ ၸိူဝ်း​ၼၼ်ႉ ပွင်း​ၵၼ်​ပဵၼ် သွင်​ဝဵင်း​ဢေႃႈ။-</verse>
				<verse number="61">ၵႃႈ​တီႈ​ထိူၼ်ႇ​ၵေႃႈ မီး​ဝဵင်း​ ပေႇသရႃႇပႃႉ ၊ ဝဵင်း​ မိတ်ႉတိၼ်း ၊ ဝဵင်း​ သေႇၵႃႇၵႃႉ ၊-</verse>
				<verse number="62">ဝဵင်း​ ၼီႉပသၼ်ႇ ၊ ဝဵင်း​ ၵိူဝ် ၊ ဝဵင်း​ ဢႅၼ်ႇၵေးတီႉ ​ၸိူဝ်း​ၼၼ်ႉ​လႄႈ၊ ဝဵင်း​ဢၼ်​မီး​လူၺ်ႈ​ၵၼ်​တင်း​ဝၢၼ်ႈ​မၼ်း​ၼၼ်ႉ​ၸိူဝ်း​ၼၼ်ႉ ပွင်း​ၵၼ်​ပဵၼ်​ႁူၵ်း​ဝဵင်း​ဢေႃႈ။-</verse>
				<verse number="63">ၵူၼ်း​ ယေႇပူႉသီႉ ဢၼ်​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ၸမ်ႉ၊ ၵူၼ်း​မဵဝ်း​ ယူႉတႃႉ ​တင်း​လၢႆ​ၼၼ်ႉ ယင်း​ဢမ်ႇ​ႁေႃႈ​ၶဝ်​ဢွၵ်ႇ​ပႅတ်ႈ​လႆႈ​လႄႈ၊ ၵူၼ်း​ ယေႇပူႉသီႉ ​ၸိူဝ်း​ၼၼ်ႉ ယူႇ​လူၺ်ႈ​ၵၼ်​တင်း​ၵူၼ်း​မဵဝ်း​ ယူႉတႃႉ ​တင်း​လၢႆ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ယူႇ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
			</chapter>
			<chapter number="16">
				<verse number="1">လိၼ်​ဢၼ်​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​သေ​လႄႈ ၵူၼ်း​မဵဝ်း​ ယူဝ်းသႅပ်ႈ ​တင်း​လၢႆ​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ ဢွၵ်ႇ​သေ​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​ၵႃႈ​ႁိမ်း​ဝဵင်း​ ယေႇရီႉၶူဝ်း ၵႃႈ​တီႈ​ၼွင်​ ယေႇရီႉၶူဝ်း ၽၢႆႇ​တၢင်း​ဝၼ်း​ဢွၵ်ႇ​ၼၼ်ႉ​ၵႂႃႇ​လႄႈ ပႃႇ​ထိူၼ်ႇ​ဢၼ်​လုၵ်ႉ​ၵႃႈ​တီႈ​ဝဵင်း​ ယေႇရီႉၶူဝ်း ​ၶိုၼ်ႈ​ၵႂႃႇ ပွင်ႇ​ႁွတ်ႈ​မိူင်း​ႁၢၼ်ႉ​လွႆ​ၸူး​ၵႃႈ​တီႈ​ဝဵင်း​ ပေႇသလႃႉ ​ၼၼ်ႉ​လႄႈ၊-</verse>
				<verse number="2">သမ်ႉ​ဢွၵ်ႇ​သေ​ၵႃႈ​တီႈ​ဝဵင်း​ ပေႇသလႃႉ ​ၼၼ်ႉ ၸူး​ၵႃႈ​တီႈ​ဝဵင်း​ လူႉၸႃႉ ​သေ​လႄႈ တႆႇ​ၸွမ်း​ၵႂႃႇ​ၸူး​ၵႃႈ​တီႈ​လႅၼ်​လိၼ်​ၵူၼ်း​ ဢႃႇၶီႉ ၵႃႈ​တီႈ​ဝဵင်း​ ဢႃႇတရုတ်ႉ ​သေ​ယဝ်ႉ၊-</verse>
				<verse number="3">လူင်း​ၵႂႃႇ​ၽၢႆႇ​ဝၼ်း​တူၵ်း ၸူး​ၵႃႈ​တီႈ​လႅၼ်​လိၼ်​ၵူၼ်း​ ယႃႇၽႃႉလေးတီႉ ​သမ်ႉ​ၸူး​ၵႃႈ​တီႈ​ဝဵင်း​ ပႅတ်ႉႁေႃႇရုၼ်ႇ ဢၼ်​ၵႃႈ​တႂ်ႈ ဢိၵ်ႇ​တင်း​ၸူး​ၵႃႈ​တီႈ​ဝဵင်း​ ၵေႇၸႃႇ ​လႄႈ တီႈ​သုတ်း​တီႈ​တိူၵ်ႈ​မၼ်း မီး​ၵႃႈ​တီႈ​ပၢင်ႇ​လၢႆႇ​ဢေႃႈ။-</verse>
				<verse number="4">ၼင်ႇ​ၼၼ်​လႄႈ လုၵ်ႈ​ၸၢႆး​ ယူဝ်းသႅပ်ႈ ဢၼ်​ဝႃႈ​ မၼႃႇ​သေႇ ​တင်း​ ဢေႇၽရိမ်ႇ ​ၸိူဝ်း​ၼၼ်ႉ လႆႈ​ၶၢမ်ႇ​ဢဝ်​ဢမူၺ်ႇ​ၶဝ်​ဢေႃႈ။</verse>
				<verse number="5">ၶွပ်ႇ​ၼမ်ႉ​လႅၼ်​လိၼ်​ၵူၼ်း​မဵဝ်း​ ဢေႇၽရိမ်ႇ ​တင်း​လၢႆ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ၸမ်ႉ၊ လႅၼ်​လိၼ်​ဢမူၺ်ႇ​ၶဝ်​ၵႃႈ​တီႈ​ၽၢႆႇ​တၢင်း​ဝၼ်း​ဢွၵ်ႇ​ၼၼ်ႉ လုၵ်ႉ​သေ​ၵႃႈ​တီႈ​ဝဵင်း​ ဢႃႇတရုတ်ႉဢတ်ႉတႃႉ ၵႂႃႇ​ၵႃႈ​တီႈ​ဝဵင်း​ ပႅတ်ႉႁေႃႇရုၼ်ႇ ဢၼ်​ၵႃႈ​ၼိူဝ်​လႄႈ၊-</verse>
				<verse number="6">လႅၼ်​လိၼ်​ၼၼ်ႉ​ဢွၵ်ႇ​ၵႂႃႇ​ၼႃႈ​ဝၼ်း​တူၵ်း​ၵႃႈ​တီႈ​ၽၢႆႇ​တၢင်း​ႁွင်ႇ ဝဵင်း​ မိတ်ႉမေးသႃႉ ​သေ​ယဝ်ႉ၊ လႅၼ်​လိၼ်​ၼၼ်ႉ​သမ်ႉ ငႅၵ်း​ၵႂႃႇ​ၼႃႈ​ဝၼ်း​ဢွၵ်ႇ ၸူး​ၵႃႈ​တီႈ​ဝဵင်း​ တႃႇၼတ်ႉသီႉလေႃႇ ​လႄႈ တႆႇ​ၸွမ်း​ၵႂႃႇ​ၸူး​ၵႃႈ​တီႈ​ဝဵင်း​ ယႃႇၼေႃႇႁႃႉ ​သေ​လႄႈ၊-</verse>
				<verse number="7">သမ်ႉ​လုၵ်ႉ​သေ​ၵႃႈ​တီႈ​ဝဵင်း​ ယႃႇၼေႃႇႁႃႉ လူင်း​ၸူး​ၵႃႈ​တီႈ​ဝဵင်း​ ဢႃႇတရုတ်ႉ ဢိၵ်ႇ​တင်း​ၸူး​ၵႃႈ​တီႈ​ဝဵင်း​ ၼႃႇရတ်ႉ ​လႄႈ​ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရီႉၶူဝ်း သေ​ယဝ်ႉ၊ တီႈ​သုတ်း​တီႈ​တိူၵ်ႈ​မၼ်း မီး​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။-</verse>
				<verse number="8">လႆႈ​သမ်ႉ လႅၼ်​လိၼ်​ၼၼ်ႉ​လုၵ်ႉ​သေ​ၵႃႈ​တီႈ​ဝဵင်း​ တႃႇပႂႃႇ ၵႂႃႇ​ၼႃႈ​ဝၼ်း​တူၵ်း ၸူး​ၵႃႈ​တီႈ​ၼမ်ႉ​ႁွင်ႈ​ ၵႃႇၼႃႉ ​လႄႈ တီႈ​သုတ်း​တီႈ​တိူၵ်ႈ​မၼ်း​မီး​ၵႃႈ​တီႈ​ပၢင်ႇ​လၢႆႇ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ဢမူၺ်ႇ​ၵူၼ်း​မဵဝ်း​ ဢေႇၽရိမ်ႇ ​တင်း​လၢႆ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​လႄႈ၊-</verse>
				<verse number="9">ပႃး​တင်း​ဝဵင်း​ၵႃႈ​ဢၼ်​ၽႄ​ဢဝ် ၵႃႈ​ၼႂ်း​လိၼ်​ဢမူၺ်ႇ​ၵူၼ်း​မဵဝ်း​ မၼႃႇ​သေႇ ​တင်း​လၢႆ​ၼၼ်ႉ ဝႆႉ​ပုၼ်ႈ​ၵူၼ်း​မဵဝ်း ဢေႇၽရိမ်ႇ ​ၸိူဝ်း​ၼၼ်ႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="10">ၶဝ်​ဢမ်ႇ​ႁေႃႈ​ၵူၼ်း​ ၶႃႇၼၼီႉ ဢၼ်​ယူႇ​ၵႃႈ​ၼႂ်း​ဝဵင်း​ ၵေႇၸႃႇ ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​လႄႈ ၵူၼ်း​ ၶႃႇၼၼီႉ ​ၸိူဝ်း​ၼၼ်ႉ ယူႇ​ၵႃႈ​ၼႂ်း​ၵူၼ်း​မဵဝ်း​ ဢေႇၽရိမ်ႇ ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​လႄႈ လႆႈ​ပဵၼ်​ၶႃႈ ၶၢမ်ႇ​တၢင်း​ၸႂ်ႉ​တၢင်း​သွႆ​ယူႇ​ဢေႃႈ။</verse>
			</chapter>
			<chapter number="17">
				<verse number="1">လိၼ်​ဢၼ်​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​သေ​လႄႈ ၵူၼ်း​မဵဝ်း​ မၼႃႇ​သေႇ ဢၼ်​ပဵၼ်​လုၵ်ႈ​ၸၢႆး​တူၼ်ႈ​ ယူဝ်းသႅပ်ႈ ​ၼၼ်ႉ ၸိူဝ်း​ၼၼ်ႉ​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​ မႃႇၶီႉရႃႉ ပေႃႈ​ ၵီႉလတ်ႉ ဢၼ်​ဝႃႈ​လုၵ်ႈ​ၸၢႆး​တူၼ်ႈ​ မၼႃႇ​သေႇ ​ၼၼ်ႉ ပဵၼ်​ၵူၼ်း​သိုၵ်း​ၼၼ်ႉ​လႄႈ မၼ်း​လႆႈ​မိူင်း​ ၵီႉလတ်ႉ တင်း​မိူင်း​ ပႃႇသၢၼ်ႇ ​ဢေႃႈ။-</verse>
				<verse number="2">ၼွၵ်ႈ​သေ​ၼၼ်ႉ လိၼ်​ဢၼ်​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​သေ​လႄႈ​မႅင်ႇ​ပၼ်​ၼၼ်ႉ​ၸိုင် ပဵၼ်​ပုၼ်ႈ​လုၵ်ႈ​ၸၢႆး​ မၼႃႇ​သေႇ ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ဢၼ်​ဝႃႈ၊ ပုၼ်ႈ​ၵူၼ်း​မဵဝ်း​ ဢပျေႇၸႃႇ ၊ ၵူၼ်း​မဵဝ်း​ ႁေးလိၵ်ႉ ၊ ၵူၼ်း​မဵဝ်း​ ဢႃႇသရေးလႃႉ ၊ ၵူၼ်း​မဵဝ်း​ သေႇၶိမ်ႇ ၊ ၵူၼ်း​မဵဝ်း​ ႁေႇၽႃႇ ၊ ၵူၼ်း​မဵဝ်း​ သမီႉတႃႇ ​ၸိူဝ်း​ၼၼ်ႉ​ဢေႃႈ။ ၶဝ်​ၸိူဝ်း​ၼႆႉ ပဵၼ်​ၵူၼ်း​ၸၢႆး​မဵဝ်း​ မၼႃႇ​သေႇ ဢၼ်​ပဵၼ်​လုၵ်ႈ​ၸၢႆး​ ယူဝ်းသႅပ်ႈ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="3">ၵူၺ်း​ၵႃႈ တီႈ​ ၸလေႃးၽတ်ႉ ၊ ဢၼ်​ပဵၼ်​လုၵ်ႈ​ၸၢႆး​ ႁေႇၽႃႇ ၊ ဢၼ်​ပဵၼ်​လုၵ်ႈ​ၸၢႆး​ ၵီႉလတ်ႉ ၊ ဢၼ်​ပဵၼ်​လုၵ်ႈ​ၸၢႆး​ မႃႇၶီႉရႃႉ ၊ ဢၼ်​ပဵၼ်​လုၵ်ႈ​ၸၢႆး​ မၼႃႇ​သေႇ ​ၼၼ်ႉ​ၼၼ်ႉ၊ ဢမ်ႇ​မီး​လုၵ်ႈ​ၸၢႆး။ မီး​လုၵ်ႈ​ယိင်း​ၵူၺ်း​ၵူၺ်း​ဢေႃႈ။ ၸိုဝ်ႈ​သဵင်​လုၵ်ႈ​ယိင်း​မၼ်း​ၼၼ်ႉ​ၸမ်ႉ၊ ပဵၼ်​ မႃႇလႃႇ၊ ၼေႃႇဢႃႇ၊ ႁေႃႇၵလႃႇ၊ မီႉၵလႃႇ တင်း​ တီႉရၸႃႉ ​ဢေႃႈ။-</verse>
				<verse number="4">ၶဝ်​ၼၼ်ႉ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၽၢႆႇ​ၼႃႈ​ယိတ်ႈပရေႃးႁဵၵ်ႈ​ ဢေးလႃႇၸႃႇ ဢိၵ်ႇ​တင်း​ ယေႃးသူႉ လုၵ်ႈ​ၸၢႆး​ ၼုၼ်ႇ တင်း​ၶုၼ်​တင်း​လၢႆ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ႁႂ်ႈ​မၼ်း​ပၼ်​ဢၶႂၢင်ႉ ဢၼ်​ႁဝ်း​ၶႃႈ​လႆႈ​ၶၢမ်ႇ​ဢဝ်​ဢမူၺ်ႇ​လူၺ်ႈ​ၵၼ်​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ႁဝ်း​ၶႃႈ​ၼၼ်ႉ တီႈ​ႁဝ်း​ၶႃႈ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​လႄႈ၊ မၼ်း​ပၼ်​ဢၶႂၢင်ႉ​ဢၼ်​ၶဝ်​လႆႈ​ၶၢမ်ႇ​ဢဝ်​ဢမူၺ်ႇ​လူၺ်ႈ​ၵၼ်​တင်း​ပီႈ​ၼွင်ႉ​ပေႃႈ​ၶဝ် ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="5">ၼင်ႇ​ၼၼ်​လႄႈ ၼွၵ်ႈ​သေ​မိူင်း​ ၵီႉလတ်ႉ တင်း​မိူင်း​ ပႃႇသၢၼ်ႇ ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ၊ မဵဝ်း​ မၼႃႇ​သေႇ ယင်း​လႆႈ​ထႅင်ႈ​သိပ်း​ပုၼ်ႈ​သိပ်း​ၸူႉ၊-</verse>
				<verse number="6">ၵွပ်ႈ​ပိူဝ်ႈ​ဢၼ်​လုၵ်ႈ​ယိင်း​ မၼႃႇ​သေႇ ​ၸိူဝ်း​ၼၼ်ႉ လႆႈ​ၶၢမ်ႇ​ဢဝ်​ဢမူၺ်ႇ​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း​တင်း​လၢႆ​ၼၼ်ႉ​ဢေႃႈ။ လုၵ်ႈ​ၸၢႆး​ မၼႃႇ​သေႇ ​ၵမ်ႈ​ၽွင်ႈ လႆႈ​ပိူင်ႇ​မိူင်း​ ၵီႉလတ်ႉ ​ၼၼ်ႉ​ဢေႃႈ။-</verse>
				<verse number="7">ၶွပ်ႇ​ၼမ်ႉ​လႅၼ်​လိၼ်​ မၼႃႇ​သေႇ ​ၼၼ်ႉ လုၵ်ႉ​သေ​ၵႃႈ​တီႈ​ဝဵင်း​ ဢႃႇသႃႇ ၵႂႃႇ​ၸူး​ၵႃႈ​တီႈ​ဝဵင်း​ မိတ်ႉမေးသႃႉ ဢၼ်​မီး​ၵႃႈ​တီႈ​ၽၢႆႇ​ၼႃႈ​ဝဵင်း​ သေႇၶိမ်ႇ ​လႄႈ လႅၼ်​လိၼ်​ၼၼ်ႉ​ၸွမ်း​ၵႂႃႇ​ၵႃႈ​တီႈ​ၽၢႆႇ​ၶႂႃ​ၸူး​ၵႃႈ​တီႈ​ယူႇ ၵူၼ်း​ဝဵင်း​ ဢိၼ်ႇတႃႇပႂႃႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="8">လိၼ်​ဝဵင်း​ တႃႇပႂႃႇ ​ၼၼ်ႉ​ၸိုင် ၵူၼ်း​ မၼႃႇ​သေႇ ​ပိူင်ႇ​ဢဝ်​လႄႈ ၵူၼ်း​ ဢေႇၽရိမ်ႇ ​ပိူင်ႇ​ဢဝ်​ဝဵင်း​ တႃႇပႂႃႇ ​ဢၼ်​မီး​ၵႃႈ​ႁိမ်း​လႅၼ်​လိၼ်​ မၼႃႇ​သေႇ ​ၼၼ်ႉ​ဢေႃႈ။-</verse>
				<verse number="9">လႆႈ​သမ်ႉ လႅၼ်​လိၼ်​ၼၼ်ႉ​လူင်း​ၸူး​ၵႃႈ​တီႈ​ၼမ်ႉ​ႁွင်ႈ​ ၵႃႇၼႃႉ ၽၢႆႇ​တၢင်း​ၸၢၼ်း​ၼမ်ႉ​ႁွင်ႈ​ၼၼ်ႉ​လႄႈ ဝဵင်း​ၸိူဝ်း​ၼႆႉ​ၸိုင် ဢေႇၽရိမ်ႇ လႆႈ​ပိူင်ႇ​ဢဝ်​ၵႃႈ​ၼႂ်း​ဝဵင်း​ မၼႃႇ​သေႇ ​တင်း​လၢႆ​လႄႈ လႅၼ်​လိၼ်​ မၼႃႇ​သေႇ မီး​ၽၢႆႇ​တၢင်း​ႁွင်ႇ​ၼမ်ႉ​ႁွင်ႈ​ၼၼ်ႉ​ယူႇ​သေ​လႄႈ တီႈ​သုတ်း​တီႈ​တိူၵ်ႈ​မၼ်း ပဵၼ်​ၵႃႈ​တီႈ​ပၢင်ႇ​လၢႆႇ​ဢေႃႈ။-</verse>
				<verse number="10">ၵႃႈ​တီႈ​ၽၢႆႇ​တၢင်း​ၸၢၼ်း ပဵၼ်​လိၼ်​ ဢေႇၽရိမ်ႇ ၊ ၵႃႈ​တီႈ​ၽၢႆႇ​တၢင်း​ႁွင်ႇ​ပဵၼ်​လိၼ်​ မၼႃႇ​သေႇ ​လႄႈ ၼမ်ႉ​ပၢင်ႇ​လၢႆႇ​ပဵၼ်​ၶွပ်ႇ​ၼမ်ႉ​လႅၼ်​လိၼ်​မၼ်း​ယူႇ​သေ​လႄႈ ၵႃႈ​တီႈ​ၼႃႈ​တၢင်း​ႁွင်ႇ​ၼၼ်ႉ ၶိုတ်း​ထိုင်​လိၼ်​ ဢႃႇသႃႇ ၊ ၵႃႈ​တီႈ​ၼႃႈ​တၢင်း​ဢွၵ်ႇ ၶိုတ်း​ထိုင်​လိၼ် ဢီႉသၶႃႇ ​ယူႇ​ဢေႃႈ။-</verse>
				<verse number="11">ဝဵင်း​ဢၼ်​မဵဝ်း​ မၼႃႇ​သေႇ လႆႈ​ၵႃႈ​ၼႂ်း​လိၼ်​ ဢီႉသၶႃႇ ​တင်း​လိၼ်​ ဢႃႇသႃႇ ​ၼၼ်ႉ​ၸမ်ႉ၊ ပဵၼ်​ဝဵင်း​ ပႅတ်ႉသၼ်ႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ ဢီႉပလမ်ႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ၵူၼ်း​ဝဵင်း​ တေႃႇရႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ တီႈ​ဢၼ်​ပဵၼ်​လွႆ​ပဵၼ်​ၵုင်း​သၢမ်​တီႈ ဢၼ်​ဝႃႈ​ၵူၼ်း​ဝဵင်း​ ဢိၼ်ႇတေႃးရႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ၵူၼ်း​ဝဵင်း​ တႃႇၼၵ်ႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ၵူၼ်း​ဝဵင်း​ မေႇၵိတ်ႉတေႃႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၸိူဝ်း​ၼၼ်ႉ​ဢေႃႈ။-</verse>
				<verse number="12">ၵူၺ်း​ၵႃႈ ၵူၼ်း​မဵဝ်း​ မၼႃႇ​သေႇ ​တင်း​လၢႆ ဢမ်ႇ​ႁေႃႈ​ၵူၼ်း​ဢၼ်​ယူႇ​ၵႃႈ​ၼႂ်း ဝဵင်း​ၸိူဝ်း​ၼၼ်ႉ​ဢွၵ်ႇ​ပႅတ်ႈ​လႆႈ​လႄႈ၊ ၵူၼ်း​ ၶႃႇၼၼီႉ ​ၸိူဝ်း​ၼၼ်ႉ ၼိူင်ႇ​ယူႇ​ၶႅၼ်​ယူႇ​ၵႃႈ​ၼႂ်း​မိူင်း​ၼၼ်ႉ​ဢေႃႈ။-</verse>
				<verse number="13">မိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႅင်း​ယႂ်ႇ​ၽႄႈ​ၼမ်​ၵိုၼ်း​မႃး​ၼၼ်ႉ​ၸိုင်၊ ၶဝ်​ယင်း​ဢမ်ႇ​ႁေႃႈ​ၵူၼ်း​ ၶႃႇၼၼီႉ ​ဢွၵ်ႇ​ပႅတ်ႈ​တင်း​သဵင်ႈ​တင်း​မူတ်း​လႄႈ ႁႂ်ႈ​ၶဝ်​ပဵၼ်​ၶႃႈ ၶၢမ်ႇ​တၢင်း​ၸႂ်ႉ​တၢင်း​သွႆ​ယူႇ​ဢေႃႈ။</verse>
				<verse number="14">ၵူၼ်း​မဵဝ်း​ ယူဝ်းသႅပ်ႈ ​တင်း​လၢႆ ဢွၼ်​ၵၼ်​လဝ်ႊ​ထၢမ်​တီႈ​ ယေႃးသူႉ ​လႄႈ​ဝႃႈ၊ ထႃႇဝရႃႉ​ၽြႃး​ပၼ်​တၢင်း​လီ​မင်ႇၵလႃႇ​တီႈ​ၵဝ်​ၶႃႈ​သေ​ယဝ်ႉ၊ ၵဝ်​ၶႃႈ​ပဵၼ်​မဵဝ်း​ယႂ်ႇ​မဵဝ်း​လူင်​ယူႇ​လႄႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ပၼ်​တႃႇ​လဵဝ်​ပုၼ်ႈ​လဵဝ်​ၵူၺ်း​တီႈ​ၵဝ်​ၶႃႈ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="15">ယေႃးသူႉ ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ ပေႃး​မႂ်း​ပဵၼ်​မဵဝ်း​ယႂ်ႇ​မဵဝ်း​လူင်​ၸိုင်၊ ၶိုၼ်ႈ​ၸူး​ၵႃႈ​တီႈ​ပႃႇ​မႆႉ​လႄႈ တီႇ​ပမ်ႈ​တႅပ်း​ၽၼ်း​ပုၼ်ႈ​မႂ်း​ၵႃႈ​ၼႂ်း မိူင်း​ၵူၼ်း​ ၽေႇရၸီႉ တင်း​ၵူၼ်း​ ရေႇၽဵမ်ႇ ​ၼၼ်ႉ ၵွပ်ႈ​ပိူဝ်ႈ​ဢၼ် ႁၢၼ်ႉ​လွႆ​ ဢေႇၽရိမ်ႇ ပဵၼ်​ဢၼ်​ၵိတ်ႇ​ဢၼ်​ၵႅပ်ႈ​ပုၼ်ႈ​မႂ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၵူၼ်း​မဵဝ်း​ ယူဝ်းသႅပ်ႈ ​ၸိူဝ်း​ၼၼ်ႉ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ႁၢၼ်ႉ​လွႆ​ ဢေႇၽရိမ်ႇ ​ၼၼ်ႉ ဢမ်ႇ​ပေႃး​ပုၼ်ႈ​ႁဝ်း​ၶႃႈ​ၶႃႈ။ ၵူၼ်း​ ၶႃႇၼၼီႉ ​ၵႃႈ​ဢၼ်​ယူႇ​ၵႃႈ​တီႈ​ဢၼ်​ပၢင်ႇ​ဢၼ်​ပဵင်း ဢၼ်​ဝႃႈ​ၶဝ်​ၸိူဝ်း​ဢၼ်​ယူႇ​တီႈ​ဝဵင်း​ ပႅတ်ႉသၼ်ႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ တင်း​ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ပၢင်ႇ​ပဵင်း ယေႇၸရေႇလႃႉ ​ၼၼ်ႉ​ၸိူဝ်း​ၼၼ်ႉ ပျေႉ​ၸုမ်ႇ​ဝႆႉ​တင်း​လေႃႉရထႃး​လဵၵ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="17">ယေႃးသူႉ ​လၢတ်ႈ​တီႈ ၵူၼ်း​မဵဝ်း​ ယူဝ်းသႅပ်ႈ ဢၼ်​ဝႃႈ​မဵဝ်း​ ဢေႇၽရိမ်ႇ ၊ တင်း​မဵဝ်း​ မၼႃႇ​သေႇ ​ၸိူဝ်း​ၼၼ်ႉ​လႄႈ​ဝႃႈ၊ မႂ်း​ပဵၼ်​မဵဝ်း​ယႂ်ႇ​မဵဝ်း​လူင်​လႄႈ မီး​ႁႅင်း​ဢၼ်​ယႂ်ႇ​ၼႃႇ​လူင်​လၢင်​ဢေႃႈ။ မႂ်း​ဢမ်ႇ​လႆႈ​ဢဝ်​ပုၼ်ႈ​လဵဝ်​တႃႇ​လဵဝ်​ၵူၺ်ႉ။ ၵႃႈ​ၼိူဝ်​ႁၢၼ်ႉ​လွႆ​ၵေႃႈ တၵ်း​လႆႈ​ပဵၼ်​ပုၼ်ႈ​မႂ်း​ဢေႃႈ။-</verse>
				<verse number="18">ပဵၼ်​ပႃႇ​မႆႉ​ပႃႇ​ၸိင်​လႄႈ မႂ်း​တၵ်း​လႆႈ​တီႇ​ပမ်ႈ​တႅပ်း​ၽၼ်း​ဢေႃႈ။ တီႈ​သုတ်ႉ​တီႈ​တိူၵ်ႈ​မၼ်း​ၵေႃႈ တၵ်း​လႆႈ​ပဵၼ်​ပုၼ်ႈ​မႂ်း​ဢေႃႈ။ ပိၵ်ႉ​သမ်ႉ​ၵူၼ်း​ ၶႃႇၼၼီႉ ​တင်း​လၢႆ ပျေႉ​ၸုမ်ႇ​ဝႆႉ​တင်း​ရထႃး​လဵၵ်း​လႄႈ ႁႅင်း​ယႂ်ႇ​ၼႃႇ​သေ​ၵေႃႈ မႂ်း​တၵ်း​လႆႈ ႁေႃႈ​ၶဝ်​ဢွၵ်ႇ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ သီႉလေႃႇ ​လႄႈ ဢွၼ်​ၵၼ်​ပူၵ်း​တင်ႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၵႃႈ​တီႈ​ၼၼ်ႈ​ဢေႃႈ။ မိူင်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တႅမ်ႇ​ၵႃႈ​တီႈ​ၽၢႆႇ​ၼႃႈ​ၶဝ်​ဢေႃႈ။-</verse>
				<verse number="2">မိူဝ်ႈ​ၼၼ်ႉ ယင်း​ၵိုတ်း​ၵူၼ်း​မဵဝ်း​ ဢီႉသရေႇလႃႉ ​ၸဵတ်း​မဵဝ်း ဢၼ်​ဢမ်ႇ​ပႆႇ​လႆႈ​ၶၢမ်ႇ​တၢင်း​ဢၼ်​ၽႄ​လိၼ်​ဢမူၺ်ႇ​ၶဝ်​မႅင်ႇ​လႄႈ၊-</verse>
				<verse number="3">ယေႃးသူႉ ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ သူ​ႁဵတ်း​ထိူင်း​ႁဵတ်း​ၼၢၼ်း​လွင်ႈ​ဢၼ်​ၶဝ်ႈ​လႄႈ​သိမ်း​ဢဝ်​လိၼ် ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​သူ​ပၼ်​ၼၼ်ႉ​လႄႈ တၵ်း​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။-</verse>
				<verse number="4">ဢွၼ်​ၵၼ်​လိူၵ်ႈ​ၵဵပ်း​ဢဝ်​ၵႃႈ​ၼႂ်း​သူ​ယေႈ​မဵဝ်း​သၢမ်​ၵေႃႉ​တႃႉ။ ၵဝ်​တၵ်း​ပွႆႇ​ၸႂ်ႉ​ၶဝ်​လႄႈ၊ ၶဝ်​ၼၼ်ႉ​တၵ်း​လႆႈ​လုၵ်ႉ​လႄႈ လႄႇ​ၵႂႃႇ​ၵႃႈ​ၼႂ်း​ဝၢၼ်ႈ​ၼႂ်း​မိူင်း​လႄႈ တႅမ်ႈ​မၢႆ​ဢဝ်​ၸွမ်း​ၵႃႈ​ၼင်ႇ​ဢၼ် ၶဝ်​ထိူၵ်ႈ​ၶၢမ်ႇ​ဢဝ်​ဢမူၺ်ႇ​ၼၼ်ႉ​သေ​ယဝ်ႉ၊ တၵ်း​လႆႈ​ၶိုၼ်း​မႃး​ၵႃႈ​တီႈ​ၵဝ်​ဢေႃႈ။-</verse>
				<verse number="5">ၶဝ်​တၵ်း​လႆႈ​တတ်း​မိူင်း​ႁဵတ်း​ၸဵတ်း​ပွတ်း​သေ​ဢေႃႈ။ မဵဝ်း​ ယူႉတႃႉ ​တၵ်း​လႆႈ​ယူႇ​ၵႃႈ​ၼႂ်း​တီႈ​ယူႇ​မၼ်း​ၽၢႆႇ​တၢင်း​ၸၢၼ်း​ဢေႃႈ။ မဵဝ်း​ ယူဝ်းသႅပ်ႈ ​တၵ်း​လႆႈ​ယူႇ​ၵႃႈ​ၼႂ်း​တီႈ​ယူႇ​မၼ်း​ၽၢႆႇ​တၢင်း​ႁွင်ႇ​ဢေႃႈ။-</verse>
				<verse number="6">သူ​တႅမ်ႈ​မၢႆ​ဢဝ်​မိူင်း​ႁဵတ်း​ၸဵတ်း​ပွတ်း​သေ​ယဝ်ႉ၊ တၵ်း​လႆႈ​ဢဝ်​ပုင်ႇ​လိၼ်​မႃး​ၸူး​ၵႃႈ​တီႈ​ၵဝ်​ဢေႃႈ။ ၵဝ်​တၵ်း​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ပုၼ်ႈ​သူ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၵႃႈ​တီႈ​ၼႆႈ​ဢေႃႈ။-</verse>
				<verse number="7">ၵူၼ်း​မဵဝ်း​ လေႇဝီႉ ​တင်း​လၢႆ ဢမ်ႇ​လႆႈ​မီး​ပုၼ်ႈ​မီး​တႃႇ​ၵႃႈ​ၼႂ်း​သူ။ ဢရႃႇ​ယိတ်ႈပရေႃးႁဵၵ်ႈ​ထႃႇဝရႃႉ​ၽြႃး​ၼၼ်ႉ ပဵၼ်​ဢမူၺ်ႇ​ၶဝ်​ဢေႃႈ။ မဵဝ်း​ ၵၢတ်ႉ ၊ မဵဝ်း​ ရူႉပိၼ်ႇ ၊ မဵဝ်း​ မၼႃႇ​သေႇ ၶိုင်ႈ​ၼိုင်ႈ​ၸိူဝ်း​ၼၼ်ႉ ၶၢမ်ႇ​ဢဝ်​ဢမူၺ်ႇ​ဢၼ်​ မူဝ်းသေႇ ​ၶႃႈ​ထႃႇဝရႃႉ​ၽြႃး ပၼ်​တီႈ​ၶဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵူၼ်း​ၸိူဝ်း​ၼၼ်ႉ​ဢွၼ်​ၵၼ်​လုၵ်ႉ​လႄႈ​ၵႂႃႇ​ဢေႃႈ။ ယေႃးသူႉ ​ၵေႃႈ​သင်ႇ​လၢတ်ႈ​တီႈ​ၶဝ်​ၸိူဝ်း​ဢၼ်​ၵႂႃႇ​ႁႂ်ႈ​လႆႈ​တႅမ်ႈ​မၢႆ​ဢဝ်​ပုင်ႇ​မိူင်း​ၸိူဝ်း​ၼၼ်ႉ​လႄႈ​ဝႃႈ၊ သူ​ၵႂႃႇ​လႄႈ​ဢွၼ်​ၵၼ်​လႄႇ​ၵႃႈ​ၼႂ်း​ဝၢၼ်ႈ​ၼႂ်း​မိူင်း​သေ​လႄႈ တႅမ်ႈ​မၢႆ​ဢဝ်​သေ​ယဝ်ႉ၊ ၶိုၼ်း​မႃး​ၸူး​ၵႃႈ​တီႈ​ၵဝ်​တႃႉ။ ၵဝ်​တၵ်း​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ပုၼ်ႈ​သူ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ သီႉလေႃႇ ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">ၶဝ်​ၵႂႃႇ​လႄႈ ဢွၼ်​ၵၼ်​လႄႇ​ၵႃႈ​ၼႂ်း​ဝၢၼ်ႈ​ၼႂ်း​မိူင်း​သေ​လႄႈ တႅမ်ႈ​မၢႆ​ဢဝ်​မိူင်း​ႁဵတ်း​ၸဵတ်း​ပွတ်း ၸွမ်း​ၵႃႈ​ၼင်ႇ​ဢၼ်​မီး​ဝၢၼ်ႈ​မီး​ဝဵင်း​ၼၼ်ႉ​သႂ်ႇ​ၵႃႈ​ၼႂ်း​လိၵ်ႈ​ယဝ်ႉ​ၸင်ႇ ၶိုၼ်း​မႃး​ၸူး​ၵႃႈ​တီႈ​ ယေႃးသူႉ ၵႃႈ​တီႈ​တပ်ႉ​ သီႉလေႃႇ ​ၼၼ်ႉ​ဢေႃႈ။-</verse>
				<verse number="10">ယေႃးသူႉ ​ၵေႃႈ ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ သီႉလေႃႇ ​လႄႈ ယေႃးသူႉ ​ၽႄ​လိၼ်​ၼၼ်ႉ​ပၼ်​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸွမ်း​လူၺ်ႈ​မဵဝ်း​ၽႂ်​မဵဝ်း​မၼ်း​ဢေႃႈ။</verse>
				<verse number="11">ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​သေ​လႄႈ ၵူၼ်း​မဵဝ်း​ ပိၼ်ႇယႃႇမိၼ်ႇ ​တင်း​လၢႆ လႆႈ​ၶၢမ်ႇ​ဢဝ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ၸမ်ႉ၊ ၼမ်ႉ​လိၼ်​ၶဝ်​ၼၼ်ႉ တူၵ်း​ၵႃႈ​တီႈ​ၵႄႇ​ဝူင်ႈ​ၵၢင် ၵူၼ်း​မဵဝ်း​ ယူႉတႃႉ တင်း​ၵူၼ်း​မဵဝ်း​ ယူဝ်းသႅပ်ႈ ​ၸိူဝ်း​ၼၼ်ႉ​ဢေႃႈ။-</verse>
				<verse number="12">ၶွပ်ႇ​ၼမ်ႉ​လႅၼ်​လိၼ်​ၶဝ်​ၽၢႆႇ​တၢင်း​ႁွင်ႇ​ၼၼ်ႉ ဢွၵ်ႇ​သေ​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​လႄႈ လႅၼ်​လိၼ်​ၼၼ်ႉ​ၶိုၼ်ႈ​ၸူး​ၵႃႈ​တီႈ​ၼႃႈ​တၢင်း​ႁွင်ႇ​ဝဵင်း​ ယေႇရီႉၶူဝ်း ​သေ​ယဝ်ႉ၊ ၶိုၼ်ႈ​ၸွမ်း​ၵႃႈ​ၼိူဝ်​ႁၢၼ်ႉ​လွႆ​ၽၢႆႇ​ဝၼ်း​တူၵ်း​လႄႈ တီႈ​သုတ်း​တီႈ​တိူၵ်ႈ​မၼ်း မီး​ၵႃႈ​တီႈ​ထိူၼ်ႇ​ ပေႇသဝႅၼ်ႇ ​ဢေႃႈ။-</verse>
				<verse number="13">လႅၼ်​လိၼ်​ၼၼ်ႉ​သမ်ႉ​လုၵ်ႉ​သေ​ၵႃႈ​တီႈ​ၼၼ်ႈ တႆႇ​ၸွမ်း​ၵႂႃႇ​ၸူး​ဝဵင်း​ လူႉၸႃႉ ၵႃႈ​ႁိမ်း​ဝဵင်း​ လူႉၸႃႉ ​ဢၼ်​ဝႃႈ ဝဵင်း​ ပေႇသလႃႉ ​ၼၼ်ႉ ၵႃႈ​တီႈ​ၼႃႈ​တၢင်း​ၸၢၼ်း​မၼ်း​လႄႈ လႅၼ်​လိၼ်​ၼၼ်ႉ လူင်း​ႁွတ်ႈ​ထိုင်​ၵႃႈ​တီႈ​ဝဵင်း​ ဢႃႇတရုတ်ႉဢတ်ႉတႃႉ ၵႃႈ​ႁိမ်း​တိၼ်​လွႆ​ဢၼ်​မီး​ၽၢႆႇ​တၢင်း​ၸၢၼ်း​ဝဵင်း​ ပႅတ်ႉႁေႃႇရုၼ်ႇ ဢၼ်​ၵႃႈ​တႂ်ႈ​ၼၼ်ႉ​ဢေႃႈ။-</verse>
				<verse number="14">လႅၼ်​လိၼ်​ၼၼ်ႉ​သမ်ႉ ဢွၵ်ႇ​သေ​ၵႃႈ​တီႈ​လွႆ ဢၼ်​မီး​ၵႃႈ​တီႈ​ၽၢႆႇ​ၼႃႈ​ဝဵင်း​ ပႅတ်ႉႁေႃႇရုၼ်ႇ ဢၼ်​ၵႃႈ​တႂ်ႈ​ၼႃႈ​တၢင်း​ၸၢၼ်း​မၼ်း​ၼၼ်ႉ​သေ​လႄႈ ငႅၵ်း​လဵပ်ႈ​ၸွမ်း​ႁိမ်း​ၽၢႆႇ​ၼႃႈ​တၢင်း​ဝၼ်း​တူၵ်း ဝၢႆႇ​ၼႃႈ​ၵႂႃႇ​ၸူး​ၽၢႆႇ​တၢင်း​ၸၢၼ်း​သေ​ယဝ်ႉ၊ တီႈ​သုတ်း​တီႈ​တိူၵ်ႈ​မၼ်း ပဵၼ်​ၵႃႈ​တီႈ​ဝဵင်း​ ၵီႉရယတ်ႉပႃႇလႃႉ ​ဢၼ်​ဝႃႈ​ ယႃႇရိမ်း ဢၼ်​ၵူၼ်း​မဵဝ်း​ ယူႉတႃႉ ​ယူႇ​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ၶွပ်ႇ​ၼမ်ႉ​လႅၼ်​လိၼ်​ၽၢႆႇ​ဝၼ်း​တူၵ်း​ဢေႃႈ။-</verse>
				<verse number="15">လႅၼ်​လိၼ်​ၼႃႈ​တၢင်း​ၸၢၼ်း ဢၼ်​လုၵ်ႉ​သေ​ၵႃႈ​တီႈ​လႅၼ်​လိၼ်​သုတ်း​ဝဵင်း​ ၵီႉရယတ်ႉယႃႇရိမ်ႇ ​ၵႂႃႇ​ၼၼ်ႉ ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ဝၼ်း​တူၵ်း​ၼၼ်ႉ​လႄႈ သုတ်း​တိူၵ်ႈ​ၵႃႈ​တီႈ​ၼမ်ႉ​ဢွၵ်ႇ​ႁူး​ ၼေႇၽတေႃႇ ​သေ​ယဝ်ႉ၊-</verse>
				<verse number="16">လႅၼ်​လိၼ်​ၼၼ်ႉ​လူင်း​ၸူး​ၵႃႈ​တီႈ​တိၼ်​လွႆ​သုတ်း ဢၼ်​မီး​ၵႃႈ​တီႈ​ၽၢႆႇ​ၼႃႈ​ၶူင်ႈ​ႁူၺ်ႈ​ ႁိၼ်ႇၼုမ်ႇ ၵႃႈ​ၼႂ်း​ပၢင်ႇ​ႁူၺ်ႈ​ ရေႇၽဵမ်ႇ ၽၢႆႇ​ၼႃႈ​တၢင်း​ႁွင်ႇ​ၼၼ်ႉ​သေ​လႄႈ သမ်ႉ​လူင်း​ၵႂႃႇ​ၵႃႈ​ၼႂ်း​ၶူင်ႈ​ႁူၺ်ႈ​ ႁိၼ်ႇၼုမ်ႇ ၽၢႆႇ​တၢင်း​ၸၢၼ်း​ဝဵင်း​ ယေႇပူႉသီႉ ​ယဝ်ႉ၊ သုတ်း​တိူၵ်ႈ​ၵႃႈ​တီႈ​ဝၢၼ်ႈ​ ဢႅၼ်ႇရေႃႇၵေးလႃႉ ​လႄႈ၊-</verse>
				<verse number="17">ၵႃႈ​တီႈ​ၽၢႆႇ​ၼႃႈ​တၢင်း​ႁွင်ႇ​ၼၼ်ႉ ဢွၵ်ႇ​ၵႂႃႇ​ၸူး​ၵႃႈ​တီႈ​ဝၢၼ်ႈ​ ဢႅၼ်ႇသေႇမိတ်ႉ တင်း​ဝၢၼ်ႈ​ ၵႄးလီႉလုၵ်ႉ ဢၼ်​မီး​သိုဝ်ႈ​ၵုင်း​ ဢတုမ်ႇမိမ်း ​ၼၼ်ႉ​သေ​ယဝ်ႉ၊ လူင်း​ၸူး​ၵႃႈ​တီႈ​မၢၵ်ႇ​ႁိၼ်​ ပေႃႇႁၼ်ႇ လုၵ်ႈ​ၸၢႆး​ ရူႉပိၼ်ႇ ​ဢေႃႈ။-</verse>
				<verse number="18">သမ်ႉ​တႆႇ​ၸွမ်း​ၵႃႈ​တီႈ​ႁိမ်း​ၽၢႆႇ​ဢၼ်​သိုဝ်ႈ​ပၢင်ႇ​ပဵင်း​ ဢႃႇရၽႃႉ ၽၢႆႇ​တၢင်း​ႁွင်ႇ​မၼ်း​ၼၼ်ႉ​သေ​လႄႈ လူင်း​ၸူး​ၵႃႈ​ၼႂ်း​ပၢင်ႇ​ပဵင်း​ ဢႃႇရၽႃႉ ​ၼၼ်ႉ​သေ​ယဝ်ႉ၊-</verse>
				<verse number="19">လႅၼ်​လိၼ်​ၼၼ်ႉ​တႆႇ​ၸွမ်း​ၵႃႈ​ႁိမ်း​ဝဵင်း​ ပႅတ်ႉႁေႃႇၵလႃႉ ၽၢႆႇ​တၢင်း​ႁွင်ႇ​မၼ်း​လႄႈ သုတ်း​တိူၵ်ႈ​ၵႃႈ​တီႈ​ၵူတ်ႉ​ၼွင်​ၼမ်ႉ​ၵိူဝ် ၽၢႆႇ​တၢင်း​ႁွင်ႇ​မၼ်း ၵႃႈ​တီႈ​သူပ်း​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ၶွပ်ႇ​ၼမ်ႉ​လႅၼ်​လိၼ်​ၼႃႈ​တၢင်း​ၸၢၼ်း​ဢေႃႈ။-</verse>
				<verse number="20">ၼမ်ႉ​ႁွင်ႈ​ ယေႃးတၢၼ်ႇ ​ပဵၼ်​ၶွပ်ႇ​ၼမ်ႉ​လႅၼ်​လိၼ်​ၼႃႈ​ဝၼ်း​ဢွၵ်ႇ​ဢေႃႈ။ ဢၼ်​ၼႆႉ​ၸမ်ႉ၊ ၸွမ်း​လူၺ်ႈ​လႅၼ်​လိၼ်​လဵပ်ႈ​ႁွပ်ႈ​ၼၼ်ႉ​သေ​လႄႈ​ပဵၼ်​ၼမ်ႉ​ပဵၼ်​လိၼ် ဢၼ်​ၵူၼ်း​မဵဝ်း​ ပိၼ်ႇယႃႇမိၼ်ႇ လႆႈ​ၶၢမ်ႇ​ဢဝ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ဢေႃႈ။-</verse>
				<verse number="21">ဝဵင်း​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ၸမ်ႉ၊ ပႃး​ဝဵင်း​ ယေႇရီႉၶူဝ်း ၊ ဝဵင်း​ ပႅတ်ႉႁေႃႇၵလႃႉ ၊ ဝဵင်း​ ဢေးမိၵ်ႉၵၸိၵ်ႉ ၊-</verse>
				<verse number="22">ဝဵင်း​ ပေႇသရႃႇပႃႉ ၊ ဝဵင်း​ ၸေႇမရိမ်ႇ ၊ ဝဵင်း​ ပေႇသလႃႉ ၊-</verse>
				<verse number="23">ဝဵင်း​ ဢႃႇဝိမ်ႇ ၊ ဝဵင်း​ ပရႃႉ ၊ ဝဵင်း​ ဢေႃႇၽရႃႉ ၊-</verse>
				<verse number="24">ဝဵင်း​ ၶေႇၽႃႇႁႃႇမေႃႇၼႆႇ ၊ ဝဵင်း​ ဢေႃးၽၼီႉ ၊ ဝဵင်း​ ၵႃႇၽႃႉ ဢၼ်​ဝႃႈ​ဝဵင်း​သိပ်း​သွင်​ဝဵင်း ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၸိူဝ်း​ၼၼ်ႉ၊-</verse>
				<verse number="25">ဝဵင်း​ ၵီႉပွင်ႇ ၊ ဝဵင်း​ ရႃႇမႃႉ ၊ ဝဵင်း​ ပေႇရုတ်ႉ ၊-</verse>
				<verse number="26">ဝဵင်း​ မီႉၸပႃႇ ၊ ဝဵင်း​ ၶေႇၽီႉရႃႉ ၊ ဝဵင်း​ မေႃႇၸႃႉ ၊-</verse>
				<verse number="27">ဝဵင်း​ ရေႇၵိမ်ႇ ၊ ဝဵင်း​ ဢီႉရႃႉပေႇလႃႉ ၊ ဝဵင်း​ တႃႇရလႃႉ ၊-</verse>
				<verse number="28">ဝဵင်း​ ၸေးလႃႉ ၊ ဝဵင်း​ ဢေးလပ်ႉ ၊ ဝဵင်း​ ယေႇပူႉသီႉ ၊ ဢၼ်​ဝႃႈ​ဝဵင်း​ ယေႇရူႉသလႅမ်ႇ ၊ ဝဵင်း​ ၵီႉပႃႉ ၊ ဝဵင်း​ ၵီႉရယတ်ႉ ဢၼ်​ဝႃႈ ဝဵင်း​သိပ်း​သီႇ​ဝဵင်း ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၸိူဝ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ဢမူၺ်ႇ​ၵူၼ်း​မဵဝ်း​ ပိၼ်ႇယႃႇမိၼ်ႇ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ဢေႃႈ။</verse>
			</chapter>
			<chapter number="19">
				<verse number="1">ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ၵမ်း​တူႉတီႉယႃႉ​သေ​လႄႈ သီႉမုၼ်ႇ ​ဢၼ်​ဝႃႈ​ၵူၼ်း​မဵဝ်း​ သီႉမုၼ်ႇ ​တင်း​လၢႆ​ၼၼ်ႉ လႆႈ​ၶၢမ်ႇ​ဢဝ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ၸမ်ႉ၊ လိၼ်​ဢမူၺ်ႇ​ၶဝ်​ၼၼ်ႉ မီး​ယူႇ​ၵႃႈ​ၼႂ်း​လိၼ်​ဢမူၺ်ႇ​ၵူၼ်း​မဵဝ်း​ ယူႉတႃႉ ​ဢေႃႈ။-</verse>
				<verse number="2">ဝဵင်း​ဢၼ်​မီး​ၵႃႈ​တီႈ​လိၼ်​ဢမူၺ်ႇ​ၶဝ်​ၼၼ်ႉ​ၸမ်ႉ၊ ပႃး​ဝဵင်း​ ပေႇရသေႇၽႃႉ ၊ ဝဵင်း​ သေးၽႃႉ ၊ ဝဵင်း​ မေႃႇလတႃႇ ၊-</verse>
				<verse number="3">ဝဵင်း​ ႁႃႇၸႃႇသႂႃႇလႃႉ ၊ ဝဵင်း​ ပႃႇလႃႉ ၊ ဝဵင်း​ ဢႃႇၸိမ်ႇ ၊-</verse>
				<verse number="4">ဝဵင်း​ ဢေႇလႃႉတေႃႇလတ်ႉ ၊ ဝဵင်း​ ပေႇသူႇလႃႉ ၊ ဝဵင်း​ ႁေႃႇမႃႇ ၊-</verse>
				<verse number="5">ဝဵင်း​ ၸီႉၵလတ်ႉ ၊ ဝဵင်း​ ပႅတ်ႉမႃႇၵပုတ်ႉ ၊ ဝဵင်း​ ႁႃႇၸႃႇသူႉသႃး ၊-</verse>
				<verse number="6">ဝဵင်း​ ပႅတ်ႉလေးပွတ်ႉ ၊ ဝဵင်း​ သရူႉႁိၼ်ႇ ဢၼ်​ဝႃႈ​ဝဵင်း​သိပ်း​သၢမ်​ဝဵင်း ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၸိူဝ်း​ၼၼ်ႉ၊-</verse>
				<verse number="7">ဝဵင်း​ ဢႃႇဢိၼ်ႇ ၊ ဝဵင်း​ ရိမ်ႇမုၼ်ႇ ၊ ဝဵင်း​ ဢေႇသေႃႇ ၊ ဝဵင်း​ ဢႃႇသၼ်ႇ ဢၼ်​ဝႃႈ​ဝဵင်း​သီႇ​ဝဵင်း ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၸိူဝ်း​ၼၼ်ႉ၊-</verse>
				<verse number="8">ဢိၵ်ႇ​တင်း​ဝၢၼ်ႈ​ၵႃႈ​ဢၼ်​မီး​ႁိမ်း​ႁွမ်း​လဵပ်ႈ​ႁွပ်ႈ​ဝဵင်း​ဢၼ်​ဝႃႈ​မႃး​ယဝ်ႉ​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​ဝဵင်း​ ပႃႇလတ်ႉပေႇရႃႉ ဢၼ်​ဝႃႈ ဝဵင်း​ ရႃႇမတ်ႉ ​ၵႃႈ​တီႈ​ပွတ်း​တၢင်း​ၸၢၼ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ဢမူၺ်ႇ​ၵူၼ်း​မဵဝ်း​ သီႉမုၼ်ႇ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ဢေႃႈ။-</verse>
				<verse number="9">လိၼ်​ဢမူၺ်ႇ​ သီႉမုၼ်ႇ ​ၼၼ်ႉ​လႆႈ​ၼုၵ်ႈ​ဢဝ်​ၵႃႈ​ၼႂ်း​ပုၼ်ႈ​ၼႂ်း​တႃႇ​လိၼ်​ဢမူၺ်ႇ ၵူၼ်း​မဵဝ်း​ ယူႉတႃႉ ​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ်​ပုၼ်ႈ​တႃႇ​ၵူၼ်း​မဵဝ်း​ ယူႉတႃႉ ​ၼၼ်ႉ ယႂ်ႇ​ၵႂၢင်ႈ​ၼႃႇ​လႄႈ၊ ၵူၼ်း​မဵဝ်း​ သီႉမုၼ်ႇ ​လႆႈ​ၶၢမ်ႇ​ဢဝ်​လိၼ်​ဢမူၺ်ႇ​ၵႃႈ​ၼႂ်း​လိၼ်​ဢမူၺ်ႇ​ၶဝ်​ၼၼ်ႉ​ဢေႃႈ။</verse>
				<verse number="10">ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ၵမ်း​တႃႉတီႉယႃႉ​သေ​လႄႈ ၵူၼ်း​မဵဝ်း​ ၸေႇပူႉလုၼ်ႇ ​တင်း​လၢႆ​ၼၼ်ႉ လႆႈ​ၶၢမ်ႇ​ဢဝ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ၸမ်ႉ၊ ၶွပ်ႇ​ၼမ်ႉ​လႅၼ်​လိၼ်​ဢမူၺ်ႇ​ၶဝ်​ၼၼ်ႉ ၵႂႃႇ​တေႃႇ​ထိုင်​ႁွတ်ႈ​ဝဵင်း​ ၸႃႇရိတ်ႉ ​လႄႈ၊-</verse>
				<verse number="11">လႅၼ်​လိၼ်​ၼၼ်ႉ​ၶိုၼ်ႈ​ၵႂႃႇ​တၢင်း​ဝၼ်း​တူၵ်း​ၸူး​ၵႃႈ​တီႈ ဝဵင်း​ မရႃႇလႃႉ ​လႄႈ ၶိုတ်း​ထိုင်​ၵႃႈ​တီႈ​ဝဵင်း​ တပ်ႉပသိတ်ႉ ၊ သမ်ႉ​ၶိုတ်း​ထိုင်​ၵႃႈ​တီႈ​ၼမ်ႉ​ႁွင်ႈ​ဢၼ်​မီး​ၵႃႈ​တီႈ​ၽၢႆႇ​ၼႃႈ​ဝဵင်း​ ယေႃးၵၼမ်ႇ ​ၼၼ်ႉ​ဢေႃႈ။-</verse>
				<verse number="12">လႆႈ​သမ်ႉ လုၵ်ႉ​သေ​ၵႃႈ​တီႈ​ဝဵင်း​ ၸႃႇရိတ်ႉ ​ၼၼ်ႉ ငႅၵ်း​ၵႂႃႇ​ၽၢႆႇ​ဝၼ်း​ဢွၵ်ႇ​တၢင်း​ဢၼ်​ၵၢင်​ဝၼ်း​ဢွၵ်ႇ​ၼၼ်ႉ ၸူး​ၵႃႈ​တီႈ​ဝဵင်း​ ၶီႉသလုတ်ႉတႃႇပေႃႇ ​သေ​လႄႈ သမ်ႉ​ဢွၵ်ႇ​ၸူး​ၵႃႈ​တီႈ​ဝဵင်း​ တႃႇပရုတ်ႉ ​လႄႈ ၶိုၼ်ႈ​ၸူး​ၵႃႈ​တီႈ​ဝဵင်း​ ယႃႇၽျႃႉ ​ဢေႃႈ။-</verse>
				<verse number="13">သမ်ႉ​လုၵ်ႉ​သေ​ၵႃႈ​တီႈ​ၼၼ်ႈ တႆႇ​ၸွမ်း​ၽၢႆႇ​ဝၼ်း​ဢွၵ်ႇ​ၸူး​ၵႃႈ​တီႈ​ဝဵင်း​ ၵိတ်ႉတႁေႇၽႃႉ ဢိၵ်ႇ​တင်း​ဝဵင်း​ ဢိတ်ႇတၵႃႇၸိၼ်း ​လႄႈ သုတ်း​တိူၵ်ႈ​ၵႃႈ​တီႈ​ဝဵင်း​ ရိမ်ႇမုၼ်ႇ ဢၼ်​ၸၢပ်ႈ​သႅင်ႇ​ၵၼ်​တင်း​ဝဵင်း​ ၼေႇဢႃႇ ​ၼၼ်ႉ​ဢေႃႈ။-</verse>
				<verse number="14">လႅၼ်​လိၼ်​ၼၼ်ႉ​ငႅၵ်း​ၵႂႃႇ​ၵႃႈ​တီႈ​ၽၢႆႇ​တၢင်း​ႁွင်ႇ​ၸူး​ၵႃႈ​တီႈ​ဝဵင်း​ ႁၼ်ႇၼသုၼ်ႇ ​လႄႈ တီႈ​သုတ်း​တီႈ​တိူၵ်ႈ​မၼ်း​မီး​ၵႃႈ​တီႈ​ၶူင်ႈ​ႁူၺ်ႈ​ ယီႉၽႃႉထေးလႃႉ ​ဢေႃႈ။-</verse>
				<verse number="15">ၼွၵ်ႈ​သေ​ၼၼ်ႉ ပႃး​ဝဵင်း​ ၵတ်ႉတတ်ႉ ၊ ဝဵင်း​ ၼႁႃႇလႃႇလႃႉ ၊ ဝဵင်း​ သီႉမရုၼ်ႇ ၊ ဝဵင်း​ ဢီႇတလႃႉ ၊ ဝဵင်း​ ပႅတ်ႉလႁႅမ်ႇ ဢၼ်​ဝႃႈ ဝဵင်း​သိပ်း​သွင်​ဝဵင်း ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="16">ဢၼ်​ၼႆႉ​ၸမ်ႉ၊ ပႃး​ဝၢၼ်ႈ​မၼ်း​ဝဵင်း​မၼ်း​ယူႇ​သေ​လႄႈ ပဵၼ်​ဢမူၺ်ႇ​ၵူၼ်း​မဵဝ်း​ ၸေႇပူႉလုၼ်ႇ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ဢေႃႈ။</verse>
				<verse number="17">ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ၵမ်း​ၸတုၵ်ႉထႃႉ​သေ​လႄႈ ဢီႉသၶႃႇ ​ဢၼ်​ဝႃႈ ၵူၼ်း​မဵဝ်း​ ဢီႉသၶႃႇ ​တင်း​လၢႆ​ၼၼ်ႉ လႆႈ​ၶၢမ်ႇ​ဢဝ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ၸမ်ႉ၊-</verse>
				<verse number="18">ၶွပ်ႇ​ၼမ်ႉ​လႅၼ်​လိၼ်​ၶဝ်​ၼၼ်ႉ ပႃး​ဝဵင်း​ ယေႇၸရေႇလႃႉ ၊ ဝဵင်း​ ၶေႇသူႉလုတ်ႉ ၊ ဝဵင်း​ သူႉၼိမ်ႇ ၊-</verse>
				<verse number="19">ဝဵင်း​ ႁႃႇၽရိမ်ႇ ၊ ဝဵင်း​ သီႉႁုၼ်ႇ ၊ ဝဵင်း​ ဢႃႇၼႁႃႇရတ်ႉ ၊-</verse>
				<verse number="20">ဝဵင်း​ ရပ်ႉပိတ်ႉ ၊ ဝဵင်း​ ၵီႉသုၼ်ႇ ၊ ဝဵင်း​ ဢႃႇပႅတ်ႉ ၊-</verse>
				<verse number="21">ဝဵင်း​ ရေႇမိတ်ႉ ၊ ဝဵင်း​ ဢိၼ်ႇၵၼ်ႇၼိမ်ႇ ၊ ဝဵင်း​ ဢိၼ်ႇႁတ်ႉတႃႇ ၊ ဝဵင်း​ ပႅတ်ႉပတ်ႉၸိတ်ႉ ယူႇ​သေ​လႄႈ၊-</verse>
				<verse number="22">လႅၼ်​လိၼ်​ၼၼ်ႉ​ႁွတ်ႈ​ထိုင်​ၵႃႈ​တီႈ​ဝဵင်း​ တႃႇပေႃႇ ၊ ဝဵင်း​ သႃႇႁႃႇၸီႉမႃႉ ၊ ဝဵင်း​ ပႅတ်ႉသေးမိတ်ႉ ​လႄႈ တီႈ​သုတ်း​တီႈ​တိူၵ်ႈ​မၼ်း မီး​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။ မီး​ဝဵင်း​သိပ်း​ႁူၵ်း​ဝဵင်း​ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="23">ဢၼ်​ၼႆႉ​ၸမ်ႉ၊ ပႃး​ဝၢၼ်ႈ​မၼ်း​ဝဵင်း​မၼ်း​ယူႇ​သေ​လႄႈ ပဵၼ်​ဢမူၺ်ႇ​ၵူၼ်း​မဵဝ်း​ ဢီႉသၶႃႇ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ဢေႃႈ။</verse>
				<verse number="24">ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ၵမ်း​ပိၼ်ႇၸမႃႉ​သေ​လႄႈ၊ ၵူၼ်း​မဵဝ်း​ ဢႃႇသႃႇ ​တင်း​လၢႆ​ၼၼ်ႉ လႆႈ​ၶၢမ်ႇ​ဢဝ် ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ၸမ်ႉ၊-</verse>
				<verse number="25">ၶွပ်ႇ​ၼမ်ႉ​လႅၼ်​လိၼ်​ၶဝ်​ၼၼ်ႉ ပႃး​ဝဵင်း​ ႁေႇလၵတ်ႉ ၊ ဝဵင်း​ ႁႃႇလီႉ ၊ ဝဵင်း​ ပေႇတိၼ်ႇ ၊ ဝဵင်း​ ဢႃႇၶသပ်ႉ ၊-</verse>
				<verse number="26">ဝဵင်း​ ဢႃႇလမ်ႇမေးလႅၵ်ႉ ၊ ဝဵင်း​ ဢႃႇမတ်ႉ ၊ ဝဵင်း​ မီႉသလႃႇ ယူႇ​သေ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ၵရမေႇလႃႉ ၊ ၵႃႈ​တီႈ​ၽၢႆႇ​ဝၼ်း​တူၵ်း ဢိၵ်ႇ​တင်း ဝဵင်း​ သီႉႁေႃႇရႃႉလီႉပၼတ်ႉ ​ဢေႃႈ။-</verse>
				<verse number="27">လႆႈ​သမ်ႉ ငႅၵ်း​ၸူး​ၵႃႈ​တီႈ​ၽၢႆႇ​ၵၢင်​ဝၼ်း​ဢွၵ်ႇ​လႄႈ ၵႂႃႇ​ၵႃႈ​တီႈ ဝဵင်း​ ပႅတ်ႉတႃႇၵုၼ်ႇ ​သေ​ယဝ်ႉ၊ တႆႇ​ၸွမ်း​ၸူး ၵႃႈ​တီႈ​မိူင်း​ ၸေႇပူႉလုၼ်ႇ ဢိၵ်ႇ​တင်း​ၶူင်ႈ​ႁူၺ်ႈ​ ယီႉၽႃႉထေးလႃႉ ၵႃႈ​တီႈ​ၽၢႆႇ​တၢင်း​ႁွင်ႇ​ဝဵင်း​ ပေႉသမိၵ်ႇ တင်း​ဝဵင်း​ ၼယေးလႃႉ ​လႄႈ သုတ်း​တိူၵ်ႈ​ၵႃႈ​တီႈ​ဝဵင်း​ ၵႃႇပူႉလႃႉ ၽၢႆႇ​တၢင်း​သၢႆႉ​မၼ်း၊-</verse>
				<verse number="28">ဝဵင်း​ ႁေႇပြုၼ်ႇ ၊ ဝဵင်း​ ရႃႇႁေႃႇၽႃႉ ၊ ဝဵင်း​ ႁမ်ႇမုၼ်ႇ ၊ ဝဵင်း​ ၵႃႇၼႃႉ တေႃႇ​ထိုင်​ႁွတ်ႈ​ဝဵင်း​လူင်​ ၸီႉတုၼ်ႇ ​သေ​ယဝ်ႉ၊-</verse>
				<verse number="29">လႅၼ်​လိၼ်​ၼၼ်ႉ ငႅၵ်း​ၸူး​ၵႃႈ​တီႈ​ဝဵင်း​ ရႃႇမႃႉ တင်း​ဝဵင်း​ တူႉရူႉ ဢၼ်​မၼ်ႈ​ၶိူင်ႇ​ၼၼ်ႉ​လႄႈ လႅၼ်​လိၼ်​ၼၼ်ႉ သမ်ႉ​ငႅၵ်း​ၸူး​ဝဵင်း​ ႁေႃႇသႃႉ ​သေ​လႄႈ၊ တီႈ​သုတ်း​တီႈ​တိူၵ်ႈ​မၼ်း​မီး​ၵႃႈ​တီႈ​ပၢင်ႇ​လၢႆႇ ၵႃႈ​တီႈ​ႁိမ်း​ဢိူင်ႇ​ ဢႃႇၶၸိပ်ႉ ​ၼၼ်ႉ​ဢေႃႈ။-</verse>
				<verse number="30">သမ်ႉ​ပႃး​ဝဵင်း​ ဢုမ်းမႃႉ ၊ ဝဵင်း​ ဢႃႇၽႅၵ်ႉ ၊ ဝဵင်း​ ရႃႇႁေႃႇၽႃႉ ၊ မီး​ဝဵင်း​သၢဝ်း​ပၢႆ​သွင်​ဝဵင်း ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="31">ဢၼ်​ၼႆႉ​ၸမ်ႉ၊ ပႃး​ဝၢၼ်ႈ​မၼ်း​ဝဵင်း​မၼ်း​ယူႇ​သေ​လႄႈ ပဵၼ်​ဢမူၺ်ႇ​ၵူၼ်း​မဵဝ်း​ ဢႃႇသႃႇ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ် ၼၼ်ႉ​ဢေႃႈ။</verse>
				<verse number="32">ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ၵမ်း​သႃႉထမႃႉ​သေ​လႄႈ ၼပ်ႉထလီႉ ​ဢၼ်​ဝႃႈ ၵူၼ်း​မဵဝ်း​ ၼပ်ႉထလီႉ ​တင်း​လၢႆ​ၼၼ်ႉ လႆႈ​ၶၢမ်ႇ​ဢဝ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ၸမ်ႉ၊-</verse>
				<verse number="33">ၶွပ်ႇ​ၼမ်ႉ​လႅၼ်​လိၼ်​ၶဝ်​ၼၼ်ႉ လုၵ်ႉ​သေ​ၵႃႈ​တီႈ​ဝဵင်း​ ႁေးလပ်ႉ ၊ ပႃႇ​မႆႉ​ၼိမ်​ၵႃႈ​တီႈ​ဝဵင်း​ ၸႃႇၼၼ်ႇၼိမ်ႇ ၊ ဝဵင်း​ ဢႃႇတမီႉၼေးၵႅပ်ႉ ၊ ဝဵင်း​ ယႃႇပၼေးလႃႉ ​ၸိူဝ်း​ၼၼ်ႉ ၵႂႃႇ​ၵႃႈ​တီႈ​ဝဵင်း​ လႃႇၵုမ်း ​လႄႈ တီႈ​သုတ်း​တီႈ​တိူၵ်ႈ​မၼ်း မီး​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။-</verse>
				<verse number="34">လႅၼ်​လိၼ်​ၼၼ်ႉ​သမ်ႉ ငႅၵ်း​ၵႂႃႇ​ၽၢႆႇ​တၢင်း​ဝၼ်း​တူၵ်း ၸူး​ၵႃႈ​တီႈ​ဝဵင်း​ ဢႃႇၸၼုတ်ႉတႃႇပေႃႇ ​လႄႈ သမ်ႉ​လုၵ်ႉ​သေ​ၵႃႈ​တီႈ​ၼၼ်ႈ ႁွတ်ႈ​ထိုင်​ၵႃႈ​တီႈ​ဝဵင်း​ ႁူႉၵုၵ်ႉ ​သေ​ယဝ်ႉ၊ ၽၢႆႇ​ၼႃႈ​တၢင်း​ၸၢၼ်း ၶိုတ်း​ထိုင်​မိူင်း​ ၸေႇပူႉလုၼ်ႇ ၊ ၽၢႆႇ​ၼႃႈ​တင်း​တူၵ်း​ၶိုတ်း​ထိုင်​မိူင်း​ ဢႃႇသႃႇ ၊ ၽၢႆႇ​ၼႃႈ​တၢင်း​ဢွၵ်ႇ ၶိုတ်း​ထိုင်​မိူင်း​ ယူႉတႃႉ ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။-</verse>
				<verse number="35">ဝဵင်း​ဢၼ်​မၼ်ႈ​ၶိူင်ႇ​ၸမ်ႉ၊ ပဵၼ်​ဝဵင်း​ ၸိတ်ႉတိမ်ႇ ၊ ဝဵင်း​ ၸေးရႃႉ ၊ ဝဵင်း​ ႁႃႇမတ်ႉ ၊ ဝဵင်း​ ရၵ်ႉၵတ်ႉ ၊ ဝဵင်း​ ၵိၼ်ႇၼီႇသရႅတ်ႉ ၊-</verse>
				<verse number="36">ဝဵင်း​ ဢႃႇတမႃႇ ၊ ဝဵင်း​ ရႃႇမႃႉ ၊ ဝဵင်း​ ႁႃႇၸေႃႇ ၊-</verse>
				<verse number="37">ဝဵင်း​ ၵေႇတေႇသႃႉ ၊ ဝဵင်း​ ဢေႇတြီႉ ၊ ဝဵင်း​ ဢိၼ်ႇႁႃႇၸေႃႇ ၊-</verse>
				<verse number="38">ဝဵင်း​ ဢီႉရုၼ်ႇ ၊ ဝဵင်း​ မီႉၵတလေးလႃႉ ၊ ဝဵင်း​ ႁေႃႇရဵမ်ႇ ၊ ဝဵင်း​ ပေႉသၼတ်ႉ ၊ ဝဵင်း​ ပႅတ်ႉသေးမိတ်ႉ ဢၼ်​ဝႃႈ ဝဵင်း​သိပ်း​ၵဝ်ႈ​ဝဵင်း ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ဢေႃႈ။-</verse>
				<verse number="39">ဢၼ်​ၼႆႉ​ၸမ်ႉ၊ ပႃး​ဝၢၼ်ႈ​မၼ်း​ဝဵင်း​မၼ်း​သေ​လႄႈ ပဵၼ်​ဢမူၺ်ႇ​ၵူၼ်း​မဵဝ်း​ ၼပ်ႉထလီႉ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ဢေႃႈ။</verse>
				<verse number="40">ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ၵမ်း​သတ်ႉတမႃႉ​သေ​လႄႈ၊ ၵူၼ်း​မဵဝ်း​ တၢၼ်ႇ ​တင်း​လၢႆ​ၼၼ်ႉ လႆႈ​ၶၢမ်ႇ​ဢဝ်​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ၸမ်ႉ၊-</verse>
				<verse number="41">ၶွပ်ႇ​ၼမ်ႉ​လႅၼ်​လိၼ်​ဢမူၺ်ႇ​ၶဝ်​ၼၼ်ႉ​ပႃး​ဝဵင်း​ ၸေႃးရႃႉ ၊ ဝဵင်း​ ဢေးသတေႃးလႃႉ ၊ ဝဵင်း​ ဢီႉရသေးမႅတ်ႉ ၊-</verse>
				<verse number="42">ဝဵင်း​ သႃႇလပ်ပိၼ်ႇ ၊ ဝဵင်း​ ဢႃႇၸလုၼ်ႇ ၊ ဝဵင်း​ ယေႇသလႃႉ ၊-</verse>
				<verse number="43">ဝဵင်း​ ဢေႇလုၼ်ႇ ၊ ဝဵင်း​ တီႉမၼႃႇတႃႉ ၊ ဝဵင်း​ ဢေႇၵြုၼ်ႇ ၊-</verse>
				<verse number="44">ဝဵင်း​ ဢေးလတေးၵႃႉ ၊ ဝဵင်း​ ၵီႉပေႉသုၼ်ႇ ၊ ဝဵင်း​ ပႃႇလတ်ႉ ၊-</verse>
				<verse number="45">ဝဵင်း​ ယေႇႁုတ်ႉ ၊ ဝဵင်း​ ပေႇၼပႄးရၵ်ႉ ၊ ဝဵင်း​ ၵႃႇသႃႇရိမ်ႇမုၼ်ႇ ၊-</verse>
				<verse number="46">ဝဵင်း​ မေႇယႃႇၵုၼ်ႇ ၊ ဝဵင်း​ ရၵ်ႉၵုၼ်ႉ ဢိၵ်ႇ​တင်း​လိၼ်​ဢၼ်​မီး​ၵႃႈ​တီႈ​ၽၢႆႇ​ၼႃႈ​ဝဵင်း​ ယႃႇၽေႃႇ ​ဢေႃႈ။-</verse>
				<verse number="47">ၶွပ်ႇ​ၼမ်ႉ​လႅၼ်​လိၼ်​ၵူၼ်း​မဵဝ်း​ တၢၼ်ႇ ယင်း​ပူၼ်ႉ​သေ​ၸိူဝ်း​ၼႆႉ​ၵႂႃႇ​လူး​ၵွၼ်ႇ​ဢေႃႈ။ လွင်ႈ​မၼ်း​ၸမ်ႉ ၵူၼ်း​မဵဝ်း​ တၢၼ်ႇ ​ၼၼ်ႉ ၶီႇ​သိုၵ်း​တိုၵ်း​တေႃး​ဝဵင်း​ လေႇသႃႉ သေ​လႄႈ ဢဝ်​လႄႈ​တိုၵ်း​တေႃး​ယႃႉ​ပႅတ်ႈ​သေ​ယဝ်ႉ သိမ်း​ဢဝ်​လႄႈ​ၶျႃး​တီႈ​ယူႇ ယူႇ​ၵႃႈ​ၼႂ်း​မၼ်း​သေ​လႄႈ ႁွင်ႉ​ႁဵၵ်ႈ​ဝဵင်း​ လေႇသႃႉ ​ၼၼ်ႉ ၸိုဝ်ႈ​ဝဵင်း​ တၢၼ်ႇ ၸွမ်း​လူၺ်ႈ​ၸိုဝ်ႈ​သဵင်​ပေႃႈ​မဵဝ်း​ၶဝ်​ တၢၼ်ႇ ​ၼၼ်ႉ​ဢေႃႈ။-</verse>
				<verse number="48">ဢၼ်​ၼႆႉ​ၸမ်ႉ၊ ပႃး​ဝၢၼ်ႈ​မၼ်း​ဝဵင်း​မၼ်း​သေ​လႄႈ ပဵၼ်​ဢမူၺ်ႇ​ၵူၼ်း​မဵဝ်း​ တၢၼ်ႇ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ဢေႃႈ။</verse>
				<verse number="49">ၼင်ႇ​ၼၼ်​လႄႈ ၶဝ်​ႁဵတ်း​တၢင်း​ဢၼ်​ၽႄ​ၼႃႈ​လိၼ်​မႅင်ႇ​ပၼ်​ပုၼ်ႈ​ဢၼ် တၵ်း​ပဵၼ်​ဢမူၺ်ႇ​ၼၼ်ႉ ၸွမ်း​လူၺ်ႈ​ၶွပ်ႇ​ၼမ်ႉ​လႅၼ်​လိၼ်​မၼ်း ႁင်း​ၽႂ်​ႁင်း​မၼ်း​ၼၼ်ႉ​ယဝ်ႉ​တူဝ်ႈ​ယဝ်ႉ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸင်ႇ​ဢွၼ်​ၵၼ်​ပၼ်​ဢမူၺ်ႇ တီႈ​ ယေႃးသူႉ လုၵ်ႈ​ၸၢႆး​ ၼုၼ်ႇ ​ၼၼ်ႉ ၵႃႈ​ၼႂ်း​ၶဝ်​ဢေႃႈ။-</verse>
				<verse number="50">ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၼၼ်ႉ​သေ​လႄႈ ၶဝ်​ပၼ်​ဝဵင်း​ဢၼ် မၼ်း​ယွၼ်း​ဢဝ်​ဢၼ်​ဝႃႈ ဝဵင်း​ တီႉမၼႃႇ​သေႃႇရႃႉ ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​ၼၼ်ႉ တီႈ​မၼ်း​သေ​ယဝ်ႉ၊ မၼ်း​တႄႇ​ႁဵတ်း​ဝဵင်း​သေ​လႄႈ​ယူႇ​ဢေႃႈ။-</verse>
				<verse number="51">ဢၼ်​ၼႆႉ​ၸမ်ႉ၊ ပဵၼ်​လိၼ်​တီႈ​ဢၼ်​ၶၢမ်ႇ​ဢဝ်​ဢမူၺ်ႇ ႁင်း​ၽႂ်​ႁင်း​မၼ်း ဢၼ်​ယိတ်ႈပရေႃးႁဵၵ်ႈ​ ဢေးလႃႇၸႃႇ၊ ယေႃးသူႉ လုၵ်ႈ​ၸၢႆး​ ၼုၼ်ႇ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​ၶုၼ်​ၵႃႈ​ၼႂ်း မဵဝ်း​ပူႇ​မဵဝ်း​ပေႃႈ​ၶဝ်​ၵႃႈ​ၼႂ်း​မဵဝ်း​ၵူၼ်း​ ဢီႉသရေႇလႃႉ ​တင်း​လၢႆ​ၼၼ်ႉ တူၵ်း​ၸႃႇ​ၵွၵ်ႈ​သေ​လႄႈ ၽႄ​မႅင်ႇ​ပၼ်​ပုၼ်ႈ​ဢၼ်​တၵ်း​ပဵၼ်​ဢမူၺ်ႇ​ၼၼ်ႉ ၵႃႈ​ၼႂ်း​ဝဵင်း​ သီႉလေႃႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​တီႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။ ၼင်ႇ​ၼၼ်​လႄႈ ၶဝ်​ႁဵတ်း​တၢင်း​ဢၼ်​ၽႄ​လိၼ်​ၼၼ်ႉ​မႅင်ႇ​ပၼ်​လႄႈ ယဝ်ႉ​တူဝ်ႈ​သေ​ဢေႃႈ။</verse>
			</chapter>
			<chapter number="20">
				<verse number="1">ထႃႇဝရႃႉ​ၽြႃး သမ်ႉ​မီး​ဢမိင်ႉ​တီႈ​ ယေႃးသူႉ ​လႄႈ​ဝႃႈ၊-</verse>
				<verse number="2">မႂ်း​တၵ်း​လႆႈ​သင်ႇ​လၢတ်ႈ​ဝႆႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ​ၸမ်ႉ၊ လိူၵ်ႈ​ၵဵပ်း​ဢဝ်​ဝဵင်း​တီႈ​ဢၼ်​ပၢႆႈ​ၸူး​လႄႈ​သွၼ်ႈ​ပိုင်ႈ​ၼၼ်ႉ ၸွမ်း​ၵႃႈ​ၼင်ႇ​ဢၼ် ၵဝ်​ဢဝ်​ မူဝ်းသေႇ ​သင်ႇ​လၢတ်ႈ​ဝႆႉ​တီႈ​သူ​ၼၼ်ႉ၊-</verse>
				<verse number="3">ပုၼ်ႈ​ဢၼ်​ၵေႃႉ​ဢၼ်​လိုမ်း​တူဝ်​လႄႈ ယင်း​ဢမ်ႇ​ၵျၢမ်ႇ​ပွင်​ဢဝ်​တၢႆ​လႄႈ ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​ၼၼ်ႉ တၵ်း​လႆႈ​ပၢႆႈ​ၸူး​လႄႈ သွၼ်ႈ​ပိုင်ႈ​ၼၼ်ႉ​ဝႆႉ​တႃႉ။ တၵ်း​လႆႈ​ပဵၼ်​ဝဵင်း​ဢၼ် သူ​ၵၢင်း​လွတ်ႈ​ၵႃႈ​ၼႂ်း​မိုဝ်း​ၵေႃႉ​ဢၼ် တၵ်း​ဢဝ်​တၢႆ​ၸွမ်း​ၼၼ်ႉ​လႄႈ​သွၼ်ႈ​ပိုင်ႈ​ဢေႃႈ။-</verse>
				<verse number="4">ၵေႃႉ​ၼၼ်ႉ​တၵ်း​လႆႈ​ပၢႆႈ​ၸူး​ၵႃႈ​တီႈ​ဝဵင်း​ၸိူဝ်း​ၼၼ်ႉ​သေ​ဝဵင်း​ဝဵင်း​လႄႈ ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ​ဝဵင်း​သေ​လႄႈ မွၵ်ႇ​လၢတ်ႈ​ဢမူႉ​မၼ်း​ၼၼ်ႉ ထိုင်​ႁူ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ဝဵင်း​ၼၼ်ႉ​ၸိူဝ်း​ၼၼ်ႉ​သေ​ယဝ်ႉ၊ ၶဝ်​ၼၼ်ႉ​တၵ်း​လႆႈ​ႁွင်ႉ​ဢဝ်​မၼ်း​ၶဝ်ႈ​ၵႃႈ​ၼႂ်း​ဝဵင်း​ၸူး​တီႈ​ၶဝ်​ၼၼ်ႉ​လႄႈ​ၶျႃး​တီႈ​ယူႇ​မၼ်း​ပၼ်​ၵႃႈ​ၼႂ်း​ၶဝ်​ၼၼ်ႉ​ဢေႃႈ။-</verse>
				<verse number="5">ပေႃး​ၵေႃႉ​ဢၼ်​တၵ်း​ဢဝ်​တၢႆ​ၸွမ်း​ၼၼ်ႉ လိုပ်ႈ​ၸွမ်း​လမ်း​ၸွမ်း​မၼ်း​ၼၼ်ႉ​မႃး​ၸိုင်၊ ၶဝ်​ဢမ်ႇ​လႆႈ​ဢဝ်​ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း။ လွင်ႈ​မၼ်း​ၸမ်ႉ မၼ်း​ၼၼ်ႉ​လိုမ်း​တူဝ်​သေ​လႄႈ ယင်း​ဢမ်ႇ​ဝႆႉ​တၢင်း​ၽိတ်း​တီႈ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​လႄႈ တိူဝ်ႉ​ထုၵ်ႇ​ဢဝ်​တၢႆ​မႅၼ်ႈ​ဢေႃႈ။-</verse>
				<verse number="6">မၼ်း​ၼၼ်ႉ တၵ်း​လႆႈ​ယူႇ​ၵႃႈ​ၼႂ်း​ဝဵင်း​ၼၼ်ႉ တေႃႇ​ထိုင်​ႁွတ်ႈ​မၼ်း​ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ​လႄႈ၊ ၶၢမ်ႇ​တၢင်း​ဢၼ် ၸီႇ​ယၢင်ႇ​တႅပ်း​တတ်း​တြႃး ဢိၵ်ႇ​တင်း​တေႃႇ​ထိုင်​ႁွတ်ႈ​ၶုၼ်​ယိတ်ႈပရေႃးႁဵၵ်ႈ ဢၼ်​မီး​ၸူဝ်ႈ​ပၢၼ်​ၼၼ်ႉ​ထၼ်ႈ​ပေႃး​တၢႆ​ယဝ်ႉ​ၼၼ်ႉ​ဢေႃႈ။ လိုၼ်း​ၼၼ်ႉ​ၸင်ႇ၊ ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​ၼၼ်ႉ တၵ်း​လႆႈ​မီး​ဢၶႂၢင်ႉ​ဢၼ်​လႆႈ​ၶိုၼ်း​မႃး​လႄႈ ယူႇ​ၵႃႈ​ၼႂ်း​ဝဵင်း​မၼ်း ၵႃႈ​တီႈ​ႁိူၼ်း​တီႈ​ယူႇ​မၼ်း ၵႃႈ​ၼႂ်း​ဝဵင်း​ဢၼ်​မၼ်း​လႆႈ​ဢွၵ်ႇ​ပၢႆႈ​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ၶဝ်​လိူၵ်ႈ​ၵဵပ်း​ဢဝ်​ဝဵင်း​ ၵေႇတေႇသႃႉ ၵႃႈ​ၼႂ်း​မိူင်း​ ၵႃႇလီႉလႄး ၵႃႈ​ၼိူဝ်​ႁၢၼ်ႉ​လွႆ​ ၼပ်ႉထလီႉ ၊ ဝဵင်း​ သေႇၶိမ်ႇ ၵႃႈ​ၼိူဝ်​ႁၢၼ်ႉ​လွႆ ဢေႇၽရိမ်ႇ ၊ ဝဵင်း​ ၵီႉရယႃႉသႃႇၽႃႇ ဢၼ်​ဝႃႈ​ဝဵင်း​ ႁေႇပြုၼ်ႇ ၵႃႈ​ၼိူဝ်​ႁၢၼ်ႉ​လွႆ​ ယူႉတႃႉ ​ၸိူဝ်း​ၼၼ်ႉ​ဝႆႉ​ဢေႃႈ။-</verse>
				<verse number="8">ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ သိုဝ်ႈ​ဝဵင်း​ ယေႇရီႉၶူဝ်း ၽၢႆႇ​ဝၼ်း​ဢွၵ်ႇ​မၼ်း​ၼၼ်ႉ​ၵေႃႈ၊ ၶဝ်​တိုၵ်း​ဢဝ်​ဝဵင်း​ ပေႇၸႃႇ ၵႃႈ​တီႈ​ထိူၼ်ႇ ၵႃႈ​ၼႂ်း​ပၢင်ႇ​ပဵင်း​ၵႃႈ​ၼႂ်း​ဢိူင်ႇ ရူႉပိၼ်ႇ ၊ ဝဵင်း​ ရႃႇမုတ်ႉ ၵႃႈ​တီႈ​မိူင်း​ ၵီႉလတ်ႉ ၵႃႈ​ၼႂ်း​ဢိူင်ႇ​ ၵၢတ်ႉ ၊ ဝဵင်း​ ၵေႃႇလၼ်ႇ ၵႃႈ​တီႈ​မိူင်း​ ပႃႇသၢၼ်ႇ ၊ ၵႃႈ​ၼႂ်း​ဢိူင်ႇ​ မၼႃႇ​သေႇ ​ၸိူဝ်း​ၼၼ်ႉ​ဝႆႉ​ဢေႃႈ။-</verse>
				<verse number="9">ဝဵင်း​ၸိူဝ်း​ၼႆႉ​ၸမ်ႉ၊ ပဵၼ်​ဝဵင်း​ဢၼ်​လိူၵ်ႈ​ၵဵပ်း​ဝႆႉ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​သွၼ်ႈ​ပိုင်ႈ​ယူႇ​ၵႃႈ​ၼႂ်း​ၶဝ်​ၼၼ်ႉ ႁႂ်ႈ​ၵေႃႉ​ဢၼ်​လိုမ်း​တူဝ်​လႄႈ ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​ၼၼ်ႉ မီး​ဢၶႂၢင်ႉ​ဢၼ်​လႆႈ​ပၢႆႈ​ၸူး​လႄႈ ၵၢင်း​လွတ်ႈ​တၢင်း​မိုဝ်း​ၵေႃႉ​ဢၼ် တၵ်း​ဢဝ်​တၢႆ​ၸွမ်း​ၼၼ်ႉ တေႃႇ​ထိုင်​ႁွတ်ႈ​မၼ်း​လႆႈ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ​ၼၼ်ႉ​ဢေႃႈ။</verse>
			</chapter>
			<chapter number="21">
				<verse number="1">ၶဝ်​ၸိူဝ်း​ဢၼ်​ပဵၼ်​ၶုၼ်​ၵႃႈ​ၼႂ်း​မဵဝ်း​ပူႇ​မဵဝ်း​ပေႃႈ ၵႃႈ​ၼႂ်း​မဵဝ်း​ၵူၼ်း​ လေႇဝီႉ ​ၼၼ်ႉ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​တီႈ ယိတ်ႈပရေႃးႁဵၵ်ႈ​ ဢေးလႃႇၸႃႇ ဢိၵ်ႇ​တင်း​ ယေႃးသူႉ လုၵ်ႈ​ၸၢႆး​ ၼုၼ်ႇ တင်း​ၶဝ်​ၸိူဝ်း​ဢၼ်​ပဵၼ်​ၶုၼ်​ၵႃႈ​ၼႂ်း​မဵဝ်း​ပူႇ​မဵဝ်း​ပေႃႈ ၵႃႈ​ၼႂ်း​မဵဝ်း​ၵူၼ်း​ ဢီႉသရေႇလႃႉ ​ၸိူဝ်း​ၼၼ်ႉ​သေ​လႄႈ၊-</verse>
				<verse number="2">လဝ်ႊ​လၢတ်ႈ​တီႈ​ၶဝ်​ၵႃႈ​ၼႂ်း​ဝဵင်း​ သီႉလေႃႇ မိူင်း​ ၶႃႇၼၢၼ်ႇ ​ၼၼ်ႉ​လႄႈ​ဝႃႈ၊ ထႃႇဝရႃႉ​ၽြႃး​ဢဝ်​ မူဝ်းသေႇ ​သင်ႇ​လၢတ်ႈ ႁႂ်ႈ​ဢဝ်​ဝဵင်း​ပုၼ်ႈ​ဢၼ်​ႁဝ်း​ၶႃႈ​တၵ်း​ယူႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​ဝဵင်း​ၸိူဝ်း​ၼၼ်ႉ ပုၼ်ႈ​တရိၵ်ႈသၢၼ်ႇ​ႁဝ်း​ၶႃႈ​ၼၼ်ႉ​ပၼ်​တီႈ​ႁဝ်း​ၶႃႈ​ၼၼ်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="3">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢဝ်​ဝဵင်း​ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​ဝဵင်း​ၼၼ်ႉ ၵႃႈ​ၼႂ်း​လိၼ်​ဢမူၺ်ႇ​ၶဝ်​ၼၼ်ႉ ပၼ်​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="4">တူၵ်း​ၸႃႇ​ၵွၵ်ႈ​သေ​လႄႈ မဵဝ်း​ပီႈ​မဵဝ်း​ၼွင်ႉ​ၵႃႈ​ၼႂ်း​ၵူၼ်း​မဵဝ်း​ ၵေႃႇႁတ်ႉ ​ၼၼ်ႉ​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ လုၵ်ႈ​လၢၼ်​ယိတ်ႈပရေႃးႁဵၵ်ႈ ဢႃႇရုၼ်ႇ ဢၼ်​ၶဝ်ႈ​ပႃး​ၵႃႈ​ၼႂ်း​ၵူၼ်း​မဵဝ်း​ လေႇဝီႉ ​ၼၼ်ႉ​ၸိူဝ်း​ၼၼ်ႉ လႆႈ​ဝဵင်း​ၵႃႈ​ၼႂ်း​ဢိူင်ႇ​ ယူႉတႃႉ ၊ ဢိူင်ႇ​ သီႉမုၼ်ႇ တင်း​ဢိူင်ႇ​ ပိၼ်ႇယႃႇမိၼ်ႇ ​ၼၼ်ႉ သိပ်း​ပၢႆ​သၢမ်​ဝဵင်း ၵွပ်ႈ​ပိူဝ်ႈ​တၢင်း​ဢၼ်​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ၼၼ်ႉ​ဢေႃႈ။-</verse>
				<verse number="5">ၵူၼ်း​မဵဝ်း​ ၵေႃႇႁတ်ႉ ဢၼ်​ၵိုတ်း​ဢၼ်​ၵျၢၼ်ႇ​ၸိူဝ်း​ၼၼ်ႉ လႆႈ​ဝဵင်း​ၵႃႈ​ၼႂ်း​ဢိူင်ႇ​ ဢေႇၽရိမ်ႇ ၊ ဢိူင်ႇ​ တၢၼ်ႇ ​တင်း​ဢိူင်ႇ​ မၼႃႇ​သေႇ ​ၶိုင်ႈ​ၼိုင်ႈ​ၼၼ်ႉ သိပ်း​ဝဵင်း​ၵွပ်ႈ​ပိူဝ်ႈ​တၢင်း​ဢၼ် ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ၼၼ်ႉ​ဢေႃႈ။-</verse>
				<verse number="6">ၵူၼ်း​မဵဝ်း​ ၵေႇရသုၼ်ႇ ​တင်း​လၢႆ လႆႈ​ဝဵင်း​ၵႃႈ​ၼႂ်း​ဢိူင်ႇ​ ဢီႉသၶႃႇ ၊ ဢိူင်ႇ​ ဢႃႇသႃႇ ၊ ဢိူင်ႇ​ ၼပ်ႉထလီႉ တင်း​ မၼႃႇ​သေႇ ​ၶိုင်ႈ​ၼိုင်ႈ ၵႃႈ​တီႈ​မိူင်း​ ပႃႇသၢၼ်ႇ ​ၼၼ်ႉ သိပ်း​ပၢႆ​သၢမ်​ဝဵင်း ၵွပ်ႈ​ပိူဝ်ႈ​တၢင်း​ဢၼ်​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ၼၼ်ႉ​ဢေႃႈ။-</verse>
				<verse number="7">ၵူၼ်း​မဵဝ်း​ မေႇရႃႇရီႉ ​တင်း​လၢႆ​ၼၼ်ႉ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​သေ​လႄႈ လႆႈ​ဝဵင်း​ၵႃႈ​ၼႂ်း​ဢိူင်ႇ​ ရူႉပိၼ်ႇ ၊ ဢိူင်ႇ​ ၵၢတ်ႉ တင်း​ဢိူင်ႇ​ ၸေႇပူႉလုၼ်ႇ ​ၼၼ်ႉ သိပ်း​ပၢႆ​သွင်​ဝဵင်း​ဢေႃႈ။-</verse>
				<verse number="8">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​သေ​လႄႈ ပၼ်​ဝဵင်း​ၸိူဝ်း​ၼၼ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ၸိူဝ်း​ၼၼ်ႉ တီႈ​ၵူၼ်း​မဵဝ်း​ လေႇဝီႉ ​တင်း​လၢႆ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢဝ်​တင်း​ မူဝ်းသေႇ ​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။</verse>
				<verse number="9">ၶဝ်​ဢဝ်​ဝဵင်း​ဢၼ် တၵ်း​ဢဝ်​ၸိုဝ်ႈ​ဢဝ်​သဵင်​သေ​လႄႈ ဝႃႈ​ဝႆႉ​ၵႃႈ​တီႈ​ၼႆႈ​ၸိူဝ်း​ၼၼ်ႉ ၵႃႈ​ၼႂ်း​ဢိူင်ႇ​ၵူၼ်း​မဵဝ်း​ ယူႉတႃႉ ၊ ဢိူင်ႇ​ၵူၼ်း​မဵဝ်း​ သီႉမုၼ်ႇ ​ၼၼ်ႉ​ပၼ်​ဢေႃႈ။-</verse>
				<verse number="10">ဝဵင်း​ၸိူဝ်း​ၼႆႉ ပဵၼ်​ပုၼ်ႈ​လုၵ်ႈ​လၢၼ်​ ဢႃႇရုၼ်ႇ ၊ ဢၼ်​ၶဝ်ႈ​ပႃး​ၼႂ်း​မဵဝ်း​ပီႈ​မဵဝ်း​ၼွင်ႉ​ၵူၼ်း​မဵဝ်း​ ၵေႃႇႁတ်ႉ ဢၼ်​ၶဝ်ႈ​ပႃး​ၼႂ်း ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ၵွပ်ႈ​ပိူဝ်ႈ​တၢင်း​ဢၼ်​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ၵမ်း​ပထမႃႉ​ၼၼ်ႉ ၸၢပ်ႈ​သႅင်ႇ​ၵၼ်​တင်း​ၶဝ်​ၼၼ်ႉ​ဢေႃႈ။-</verse>
				<verse number="11">ၶဝ်​ဢဝ်​ဝဵင်း​ ဢႃႇၽႃႉ ဢၼ်​ပဵၼ်​ပေႃႈ​ ဢႃႇၼၵႃႉ ဢၼ်​ဝႃႈ​ဝဵင်း​ ႁေႇပြုၼ်ႇ ၵႃႈ​ၼိူဝ်​ႁၢၼ်ႉ​လွႆ​ ယူႉတႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ၼၼ်ႉ​ပၼ်​တီႈ​ၶဝ်​ၼၼ်ႉ​ဢေႃႈ။-</verse>
				<verse number="12">ၵူၺ်း​ၵႃႈ ႁႆႊ​ၼႃး​မၼ်း​လႂ်၊ ဝၢၼ်ႈ​မၼ်း​လႂ်​ၼၼ်ႉ​ၸိုင်၊ ၶဝ်​ပၼ်​တီႈ​ ၵႃႇလႅပ်ႉ လုၵ်ႈ​ၸၢႆး​ ယေႇၽုၼ်ႇၼႃႉ ​ၼၼ်ႉ ႁႂ်ႈ​မၼ်း​ပိူင်ႇ​ဢေႃႈ။-</verse>
				<verse number="13">ၶဝ်​ဢဝ်​ဝဵင်း​ ႁေႇပြုၼ်ႇ ဢၼ်​ပဵၼ်​ဝဵင်း​တီႈ​ဢၼ် ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​ၼၼ်ႉ တၵ်း​ပၢႆႈ​ၸူး​လႄႈ​သွၼ်ႈ​ပိုင်ႈ​ၼၼ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ လီႉပၼႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="14">ဝဵင်း​ ယတ်ႉတီႉရႃႉ ​ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ဢေးသတေႇမေႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="15">ဝဵင်း​ ႁေႃးလုၼ်ႇ ​ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ တေႇပီႉရႃႉ ​ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="16">ဝဵင်း​ ဢႃႇဢီႉၼႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ယုတ်ႉတႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ပႅတ်ႉသေးမိတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း ဢၼ်​ဝႃႈ​ဝဵင်း​ၵဝ်ႈ​ဝဵင်း​ၵႃႈ​ၼႂ်း​ဢိူင်ႇ​သွင်​ဢိူင်ႇ​ၼၼ်ႉ ပၼ်​တီႈ​လုၵ်ႈ​လၢၼ်​ယိတ်ႈပရေႃးႁဵၵ်ႈ​ ဢႃႇရုၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="17">ၵႃႈ​ၼႂ်း​ဢိူင်ႇ​ ပိၼ်ႇယႃႇမိၼ်ႇ ​ၵေႃႈ ၶဝ်​ဢဝ်​ဝဵင်း​ ၵီႉပွင်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ၵေႇပႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="18">ဝဵင်း​ ဢႃႇၼသုတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ဢႃႇလမုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း ဢၼ်​ဝႃႈ​ဝဵင်း​သီႇ​ဝဵင်း​ၼၼ်ႉ​ပၼ်​ဢေႃႈ။-</verse>
				<verse number="19">ဝဵင်း​ၵႃႈ​ဢၼ်​ယိတ်ႈပရေႃးႁဵၵ်ႈ လုၵ်ႈ​လၢၼ်​ ဢႃႇရုၼ်ႇ ​ၸိူဝ်း​ၼၼ်ႉ​လႆႈ​တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ မီး​သိပ်း​ပၢႆ​သၢမ်​ဝဵင်း ဢိၵ်ႇ​လူၺ်ႈ​ၵၼ်​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="20">မဵဝ်း​ပီႈ​မဵဝ်း​ၼွင်ႉ​ၵူၼ်း​မဵဝ်း​ ၵေႃႇႁတ်ႉ ဢၼ်​ၶဝ်ႈ​ပႃး​ၵႃႈ​ၼႂ်း​ၵူၼ်း​မဵဝ်း​ လေႇဝီႉ ​လႄႈ ယင်း​ၵိုတ်း​ယင်း​ၵျၢၼ်ႇ​ယူႇ​ၸိူဝ်း​ၼၼ်ႉ လႆႈ​ဝဵင်း​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​တူၵ်း​ၸႃႇ​ၵွၵ်ႈ​ၶဝ်​ၼၼ်ႉ ၵႃႈ​ၼႂ်း​ဢိူင်ႇ​ ဢေႇၽရိမ်ႇ ​ဢေႃႈ။-</verse>
				<verse number="21">ၶဝ်​ဢဝ်​ဝဵင်း​ သေႇၶိမ်ႇ ၵႃႈ​ၼိူဝ်​ႁၢၼ်ႉ​လွႆ ဢေႇၽရိမ်ႇ ဢၼ်​ပဵၼ်​ဝဵင်း​တီႈ​ဢၼ်​ၵေႃႉ​ဢၼ် ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​ၼၼ်ႉ တၵ်း​ပၢႆႈ​ၸူး​လႄႈ​သွၼ်ႈ​ပိုင်ႈ​ၼၼ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ၵေႇၸႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="22">ဝဵင်း​ ၵီႉပၸိမ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ပေႇသေႃႇရုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း ဢၼ်​ဝႃႈ​ဝဵင်း​သီႇ​ဝဵင်း​ၼၼ်ႉ ပၼ်​တီႈ​ၶဝ်​ၼၼ်ႉ​ဢေႃႈ။-</verse>
				<verse number="23">ၵႃႈ​ၼႂ်း​ဢိူင်ႇ​ တၢၼ်ႇ ​ၵေႃႈ ၶဝ်​ဢဝ်​ဝဵင်း​ ဢေးလတေးၵႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ၵိပ်ႉပသုၼ်ႇ ဢိၵ်ႇ​တင်း လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="24">ဝဵင်း​ ဢႃႇၸလုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ တင်း​ဝဵင်း​ ၵႃႇသႃႇရိမ်ႇမုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ဢၼ်​ဝႃႈ ဝဵင်း​သီႇ​ဝဵင်း​ၼၼ်ႉ​ပၼ်​တီႈ​ၶဝ်​ၼၼ်ႉ​ဢေႃႈ။-</verse>
				<verse number="25">ၵႃႈ​ၼႂ်း​ဢိူင်ႇ​ မၼႃႇ​သေႇ ​ၶိုင်ႈ​ၼိုင်ႈ​ၵေႃႈ ၶဝ်​ဢဝ်​ဝဵင်း​ တႃႇၼၵ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ တင်း​ဝဵင်း​ ၵႃႇသႃႇရိမ်ႇမုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ဢၼ်​ဝႃႈ ဝဵင်း​သွင်​ဝဵင်း​ၼၼ်ႉ​ပၼ်​တီႈ​ၶဝ်​ၼၼ်ႉ​ဢေႃႈ။-</verse>
				<verse number="26">ဝဵင်း​ၵႃႈ​ဢၼ်​မဵဝ်း​ပီႈ​မဵဝ်း​ၼွင်ႉ ၵူၼ်း​မဵဝ်း​ ၵေႃႇႁတ်ႉ ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ လႆႈ​တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ မီး​သိပ်း​ဝဵင်း​ဢိၵ်ႇ​လူၺ်ႈ​ၵၼ်​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="27">တီႈ​ၵူၼ်း​မဵဝ်း​ ၵေႇရသုၼ်ႇ ဢၼ်​ၶဝ်ႈ​ပႃး​ၵႃႈ​ၼႂ်း​မဵဝ်း​ပီႈ​မဵဝ်း​ၼွင်ႉ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၵေႃႈ ၶဝ်​ဢဝ်​ဝဵင်း​ ၵေႃႇလၼ်ႇ ၵႃႈ​ၼႂ်း​မိူင်း​ ပႃႇသၢၼ်ႇ ဢၼ်​ပဵၼ်​ဝဵင်း​တီႈ​ဢၼ် ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​ၼၼ်ႉ တၵ်း​လႆႈ​ပၢႆႈ​ၸူး​လႄႈ​သွၼ်ႈ​ပိုင်ႈ​ၼၼ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း တင်း​ဝဵင်း​ ပေႇသႃႉတေႇရႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း ဢၼ်​ဝႃႈ​ဝဵင်း​သွင်​ဝဵင်း​ၵႃႈ​ၼႂ်း​ဢိူင်ႇ​ မၼႃႇ​သေႇ ၶိုင်ႈ​ၼိုင်ႈ​ၼၼ်ႉ​ပၼ်​ဢေႃႈ။-</verse>
				<verse number="28">ၵႃႈ​ၼႂ်း​ဢိူင်ႇ​ ဢီႉသၶႃႇ ​ၵေႃႈ ၶဝ်​ဢဝ်​ဝဵင်း​ ၵီႉသုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ တႃႇပရေႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="29">ဝဵင်း​ ယႃႇမုတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ဢိၼ်ႇၵၼ်ႇၼိမ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ဢၼ်​ဝႃႈ ဝဵင်း​သီႇ​ဝဵင်း​ၼၼ်ႉ​ပၼ်​ဢေႃႈ။-</verse>
				<verse number="30">ၵႃႈ​ၼႂ်း​ဢိူင်ႇ​ ဢႃႇသႃႇ ​ၵေႃႈ ၶဝ်​ဢဝ်​ဝဵင်း​ မီႉသလႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ဢႃႇပတုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="31">ဝဵင်း​ ႁေႇလၵတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ရႃႇႁေႃႇၽႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ဢၼ်​ဝႃႈ ဝဵင်း​သီႇ​ဝဵင်း​ၼၼ်ႉ​ပၼ်​ဢေႃႈ။-</verse>
				<verse number="32">ၵႃႈ​ၼႂ်း​ဢိူင်ႇ​ ၼပ်ႉထလီႉ ​ၵေႃႈ ၶဝ်​ဢဝ်​ဝဵင်း​ ၵေႇတေႇသႃႉ ၵႃႈ​ၼႂ်း​မိူင်း​ ၵႃႇလီႉလႄး ဢၼ်​ပဵၼ်​ဝဵင်း​တီႈ​ဢၼ် ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ​ၼၼ်ႉ တၵ်း​လႆႈ​ပၢႆႈ​ၸူး​လႄႈ​သွၼ်ႈ​ပိုင်ႈ​ၼၼ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ႁမ်ႇမုတ်ႉတေႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း တင်း​ဝဵင်း​ ၵႃႇတၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ဢၼ်​ဝႃႈ ဝဵင်း​သၢမ်​ဝဵင်း​ၼၼ်ႉ​ပၼ်​ဢေႃႈ။-</verse>
				<verse number="33">ဝဵင်း​ၵႃႈ​ဢၼ်​ၵူၼ်း​မဵဝ်း​ ၵေႇရသုၼ်ႇ ​ၸိူဝ်း​ၼၼ်ႉ ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​သေ​လႄႈ လႆႈ​တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ မီး​သိပ်း​ပၢႆ​သၢမ်​ဝဵင်း ဢိၵ်ႇ​လူၺ်ႈ​ၵၼ်​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ၸိူဝ်း​ၼၼ်ႉ​ဢေႃႈ။</verse>
				<verse number="34">တီႈ​မဵဝ်း​ပီႈ​မဵဝ်း​ၼွင်ႉ​ၵူၼ်း​မဵဝ်း​ မေႇရႃႇရီႉ ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ​ၵႃႈ​ၼႂ်း​ၵူၼ်း​မဵဝ်း​ လေႇဝီႉ ​ၼၼ်ႉ​ၵေႃႈ၊ ၶဝ်​ဢဝ်​ဝဵင်း​ ယေႃးၵၼမ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ၵႃႇတႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="35">ဝဵင်း​ တီႉမၼႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း တင်း​ဝဵင်း​ ၼႁႃႇလႃႇလႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း ဢၼ်​ဝႃႈ​ဝဵင်း​သီႇ​ဝဵင်း​ၵႃႈ​ၼႂ်း​ဢိူင်ႇ​ ၸေႇပူႉလုၼ်ႇ ​ၼၼ်ႉ​ပၼ်​ဢေႃႈ။-</verse>
				<verse number="36">ၵႃႈ​ၼႂ်း​ဢိူင်ႇ​ ရူႉပိၼ်ႇ ​ၵေႃႈ ၶဝ်​ဢဝ်​ဝဵင်း​ ပေႇၸႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ယႃႇႁႃႉၸႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="37">ဝဵင်း​ ၵေႇတမုတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း တင်း​ဝဵင်း​ မေႇၽတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ဢၼ်​ဝႃႈ ဝဵင်း​သီႇ​ဝဵင်း​ၼၼ်ႉ​ပၼ်​ဢေႃႈ။-</verse>
				<verse number="38">ၵႃႈ​ၼႂ်း​ဢိူင်ႇ​ ၵၢတ်ႉ ​ၵေႃႈ ၶဝ်​ဢဝ်​ဝဵင်း​ ရႃႇမုတ်ႉ ၵႃႈ​ၼႂ်း​မိူင်း​ ၵီႉလတ်ႉ ဢၼ်​ပဵၼ်​ဝဵင်း​တီႈ​ဢၼ်​ၵေႃႉ​ဢၼ် ဢဝ်​ဢသၢၵ်ႈ​ၵူၼ်း​တၢႆ​မႅၼ်ႈ တၵ်း​လႆႈ​ပၢႆႈ​ၸူး​လႄႈ​သွၼ်ႈ​ပိုင်ႈ​ၼၼ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ မႁႃႇၼိမ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="39">ဝဵင်း​ ႁေႇသၽုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ယႃႇၸႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ဢၼ်​ဝႃႈ ဝဵင်း​သီႇ​ဝဵင်း​ၼၼ်ႉ​ပၼ်​ဢေႃႈ။-</verse>
				<verse number="40">ဝဵင်း​ၵႃႈ​မီး​ၸိူဝ်း​ၼႆႉ​ၸမ်ႉ၊ ပဵၼ်​ဝဵင်း​ဢၼ်​ၵူၼ်း​ မေႇရႃႇရီႉ ဢၼ်​ယင်း​ၵိုတ်း​ယင်း​ၵျၢၼ်ႇ ၵႃႈ​တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ လႆႈ​ၶၢမ်ႇ​ဢဝ် ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ၶဝ်​ၼၼ်ႉ​ဢေႃႈ။ ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​လႄႈ ၶဝ်​လႆႈ​ဝဵင်း​သိပ်း​ပၢႆ​သွင်​ဝဵင်း​ဢေႃႈ။-</verse>
				<verse number="41">ဝဵင်း​ဢၼ်​ၵူၼ်း​မဵဝ်း​ လေႇဝီႉ လႆႈ​ၵႃႈ​ၼႂ်း​မိူင်း​တီႈ​ယူႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ တင်း​သဵင်ႈ​တင်း​လူင်​ၸမ်ႉ၊ မီး​ဝဵင်း​သီႇ​သိပ်း​ပၢႆ​ပႅတ်ႇ​ဝဵင်း ဢိၵ်ႇ​လူၺ်ႈ​ၵၼ်​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="42">ဝဵင်း​ၵႃႈ​မီး​ၸိူဝ်း​ၼႆႉ​ၼၼ်ႉ ပႃး​လိၼ်​တီႈ​ဢၼ်​လဵပ်ႈ​ႁွပ်ႈ​ၸွမ်း​ႁိမ်း​မၼ်း​ဝႆႉ​ယူႇ​ဢေႃႈ။ ဝဵင်း​ၵႃႈ​မီး​တင်း​သဵင်ႈ​တင်း​လူင် ပဵၼ်​မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="43">ၼင်ႇ​ၼၼ်​လႄႈ ထႃႇဝရႃႉ​ၽြႃး​ဢဝ်​မိူင်း​ၵႃႈ​ဢၼ်​မၼ်း​ၸဝ်ႈ တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​လႄႈ​ဝႃႈ၊ တၵ်း​ပၼ် ဝႃႈ​ၼင်ႇ​ၼႆ​ဝႆႉ​ၼၼ်ႉ ပၼ်​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ၶဝ်​ၼၼ်ႉ​သိမ်း​ဢဝ်​သေ​လႄႈ​ယူႇ​ၵႃႈ​ၼႂ်း​မၼ်း​ဢေႃႈ။-</verse>
				<verse number="44">ထႃႇဝရႃႉ​ၽြႃး​ပၼ်​ဢၶႂၢင်ႉ​ဢၼ်​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​ၶဝ်​ၼၼ်ႉ ၼိမ်​လီ​ယဵၼ်​လီ​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​ၶဝ်​ၼၼ်ႉ​လႄႈ ရၢၼ်ႇ​သူႇ​ဢမ်ႇ​ၸုၵ်း​ၶၢမ်ႇ​ယူႇ​ၵႃႈ​တီႈ​ၽၢႆႇ​ၼႃႈ​ၶဝ်​လႆႈ သေ​ၵေႃႉ​သေ​ၵူၼ်း။ ထႃႇဝရႃႉ​ၽြႃး ဢဝ်​ရၢၼ်ႇ​သူႇ​ၶဝ်​တင်း​သဵင်ႈ​တင်း​လူင် ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ဢေႃႈ။-</verse>
				<verse number="45">တၢင်း​လီ​ဢၼ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢမ်ႇ​လုတ်ႈ​ဢမ်ႇ​ယွမ်း​သေ​ၸိူဝ်ႉ​သေ​ဢၼ်၊ ၵႃႈ​မီး​ၼၼ်ႉ​ပဵၼ်​တင်း​သဵင်ႈ​တင်း​လူင်​ဢေႃႈ။</verse>
			</chapter>
			<chapter number="22">
				<verse number="1">မိူဝ်ႈ​ၼၼ်ႉ ယေႃးသူႉ ​ႁွင်ႉ​ဢဝ်​ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ၊ ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၸိူဝ်း​ၼၼ်ႉ​လႄႈ သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊-</verse>
				<verse number="2">သူ​ႁဵတ်း​ၸွမ်း​ၵႃႈ​ဢၼ်​ မူဝ်းသေႇ ​ၶႃႈ​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​သူ​ၼၼ်ႉ​လႄႈ ထွမ်ႇ​ဢဝ်​ၵႂၢမ်း​ၵႃႈ​ဢၼ်​ၵဝ်​သင်ႇ​လၢတ်ႈ​တီႈ​သူ​ၼၼ်ႉ​ယဝ်ႉ။-</verse>
				<verse number="3">သူ​ယင်း​ဢမ်ႇ​ၸုၼ်ႉ​ဢမ်ႇ​ပႅတ်ႈ​ပီႈ​ၼွင်ႉ​သူ မိုဝ်ႉ​ဝၼ်း​ၼမ်​ၼႃႇ​လူင်​လၢင်​ၼၼ်ႉ ထၼ်ႈ​ပေႃး​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​လႄႈ ပႂ်ႉ​ၸွမ်း​ၵႃႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၸီႇ​ယၢင်ႇ​သင်ႇ​လၢတ်ႈ​ဝႆႉ​ၼၼ်ႉ​ယဝ်ႉ။-</verse>
				<verse number="4">တေႃႈ​လဵဝ်​ၼႆႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ပၼ်​ဢၶႂၢင်ႉ​တၢင်း​ဢၼ် ၼိမ်​လီ​ယဵၼ်​လီ​တီႈ​ပီႈ​ၼွင်ႉ​သူ​တင်း​လၢႆ ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​ၵတီႉ​ဝႆႉ​ၼၼ်ႉ​ယဝ်ႉ။ ပိူဝ်ႈ​ၼႆ​လႄႈ သူ​ဢွၼ်​ၵၼ်​ဝၢႆႇ​ၶိုၼ်း​လႄႈ မိူဝ်း​ၵႂႃႇ​ၸူး​ၵႃႈ​တီႈ​မူဝ်းၵႃႇ​တီႈ​ယူႇ​သူ ဢိၵ်ႇ​တင်း​လိၼ်​တီႈ​ဢၼ်​သူ​ပိူင်ႇ​ဢၼ်​ မူဝ်းသေႇ ၶႃႈ​ထႃႇဝရႃႉ​ၽြႃး​ပၼ်​တီႈ​သူ ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ပုၼ်ႉ​ၼၼ်ႉ​တႃႉ။-</verse>
				<verse number="5">ၵူၺ်း​ၵႃႈ ၵႆႉ​ၵျူဝ်း​ၸႃး​လႄႈ ဢွၼ်​ၵၼ်​ႁဵတ်း​သတီႉ​ႁႂ်ႈ​လႆႈ​ၵမ်​ၵျၢင်ႉ​ပိင်း​ၺၢပ်ႈ ဢိၵ်ႇ​တင်း​တြႃး​ဢၼ်​ မူဝ်းသေႇ ​ၶႃႈ​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​သူ​ၼၼ်ႉ​လႄႈ ပွင်​ႁဵတ်း​ဢမူႉ​တၢင်း​ဢၼ်​ပႃး​တင်း​ႁူဝ်​ၸႂ်​သဵင်ႈ​သဵင်ႈ ႁၵ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ၊ တၢင်း​ဢၼ်​ၵႂႃႇ​မႃး​ၵႃႈ​ၼႂ်း​သဵၼ်ႈ​တၢင်း​မၼ်း​ၸဝ်ႈ​ၵႃႈ​မီး၊ တၢင်း​ဢၼ်​ပႂ်ႉ​ၸွမ်း​ပိင်း​ၺၢပ်ႈ​မၼ်း​ၸဝ်ႈ၊ တၢင်း​ဢၼ်​ႁွႆႈ​ၸပ်း​ယူႇ​ၵႃႈ​တီႈ​မၼ်း​ၸဝ်ႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ယေႃးသူႉ ​ပၼ်​တၢင်း​လီ​တီႈ​ၶဝ်​လႄႈ ပွႆႇ​ၶဝ်​မိူဝ်း​ၵႂႃႇ​သေ​ဢေႃႈ။ ၶဝ်​ၵေႃႈ​မိူဝ်း​ၵႂႃႇ​ၸူး​ၵႃႈ​တီႈ မူဝ်းၵႃႇ​တီႈ​ယူႇ​ၶဝ်​ၼၼ်ႉ​သေ​ဢေႃႈ။-</verse>
				<verse number="7">ၵႃႈ​တီႈ​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၼၼ်ႉ​ၸိုင် မူဝ်းသေႇ ​ဢဝ်​လိၼ်​ၵႃႈ​တီႈ​မိူင်း​ ပႃႇသၢၼ်ႇ ​ပၼ်​ဝႆႉ​ယဝ်ႉ။ တီႈ​မဵဝ်း​ၼၼ်ႉ​ၶိုင်ႈ​ၼိုင်ႈ​ၸမ်ႉ၊ ယေႃးသူႉ ​ပၼ်​လိၼ်​လူၺ်ႈ​ၵၼ်​တင်း​ပီႈ​ၼွင်ႉ​ၶဝ် ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ ယေႃးတၢၼ်ႇ ​ၼႆႉ​ဢေႃႈ။ ယေႃးသူႉ ​ၵေႃႈ​ပွႆႇ​ၶဝ်​မိူဝ်း​ၵႂႃႇ​ၸူး​ၵႃႈ​တီႈ​မူဝ်းၵႃႇ​တီႈ​ယူႇ​ၶဝ်​ၼၼ်ႉ​လႄႈ ပၼ်​တၢင်း​လီ​တီႈ​ၶဝ်​လႄႈ​ဝႃႈ၊-</verse>
				<verse number="8">ဢွၼ်​ၵၼ်​ဢဝ်​ၸေး​ၸိမ်ႇ​တၢင်း​ဢၼ်​မၢၵ်ႈ​မီး​ၼမ်​ၼႃႇ၊ တရိၵ်ႈသၢၼ်ႇ​ၼမ်​ၼႃႇ၊ ငိုၼ်း​ၶမ်း၊ တွင်း​လိူင်၊ လဵၵ်း၊ ၶိူင်ႈ​ၼုင်ႈ​ၶိူင်ႈ​မႆ​ၼမ်​ၼႃႇ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​မူဝ်းၵႃႇ​တီႈ​ယူႇ​သူ​ၼၼ်ႉ​တႃႉ။ ဢဝ်​ဢုၵ်ႉ​ၸႃႇ​ဢၼ်​ႁိမ်​ဢဝ်​ၵႃႈ​တီႈ​ရၢၼ်ႇ​သူႇ​သူ​လႄႈ​လႆႈ​ၸိူဝ်း​ၼၼ်ႉ ၽႄ​မႅင်ႇ​ပၼ်​တီႈ​ပီႈ​တီႈ​ၼွင်ႉ​သူ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ၊ ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​ၼႂ်း​ဝဵင်း​ သီႉလေႃႇ ဢၼ်​မီး​ၵႃႈ​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ​လႄႈ မိူဝ်း​ၵႂႃႇ​ႁႂ်ႈ​လႆႈ​ႁွတ်ႈ​ထိုင် ၵႃႈ​တီႈ​မိူင်း​ ၵီႉလတ်ႉ ၊ လိၼ်​ဢၼ်​ၶဝ်​ထိူၵ်ႈ​ပိူင်ႇ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢဝ်​တင်း​ မူဝ်းသေႇ မီး​ဢမိင်ႉ​ဝႆႉ​ၼၼ်ႉ​ဢေႃႈ။</verse>
				<verse number="10">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ဢၼ်​မီး​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ​ၸိုင်၊ ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ၊ ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၸိူဝ်း​ၼၼ်ႉ ဢွၼ်​ၵၼ်​တႄႇ​ႁဵတ်း​ယိတ်ႈပလၢင်ႇ​ၵႃႈ​တီႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ၊ ယိတ်ႈပလၢင်ႇ​လူင် ဢၼ်​ထၢင်ႇ​သႃး​ၼႃႇ​လူင်​လၢင်​ၼၼ်ႉ​ဢေႃႈ။-</verse>
				<verse number="11">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ငိၼ်း​ပိူၼ်ႈ​လၢတ်ႈ​လႄႈ​ဝႃႈ၊ ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ၊ ၵူၼ်း​မဵဝ်း​ မၼႃႇ​သေႇ ၶိုင်ႈ​ၼိုင်ႈ​ၸိူဝ်း​ၼၼ်ႉ ဢွၼ်​ၵၼ်​တႄႇ​ႁဵတ်း​ယိတ်ႈပလၢင်ႇ​တီႈ​ဢၼ်​သိုဝ်ႈ​မိူင်း​ ၶႃႇၼၢၼ်ႇ ၵႃႈ​တီႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ၊ တီႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ၶၢမ်ႈ​ၵႂႃႇ​ယဝ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ငိၼ်း​လွင်ႈ​မၼ်း​တၢင်း​မၼ်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ သီႉလေႃႇ ႁႂ်ႈ​လႆႈ​ၶီႇ​သိုၵ်း​ၸူး​ၶဝ်​ၼၼ်ႉ​ဢေႃႈ။-</verse>
				<verse number="13">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပွႆႇ​ၸႂ်ႉ​ယိတ်ႈပရေႃးႁဵၵ်ႈ​ ၽီႉၼႁတ်ႉ လုၵ်ႈ​ၸၢႆး​ ဢေးလႃႇၸႃႇ ၊-</verse>
				<verse number="14">ဢိၵ်ႇ​တင်း​ၶုၼ်​သိပ်း​ၼိုင်ႈ ဢၼ်​ပဵၼ်​ၶုၼ်​ၼႂ်း​မဵဝ်း​ပူႇ​မဵဝ်း​ပေႃႈ ယေႈ​မဵဝ်း​ယေႈ​ပႃး ၼႂ်း​မဵဝ်း​ၵူၼ်း​ ဢီႉသရေႇလႃႉ ၵူႈ​မဵဝ်း​ၼၼ်ႉ ၵႂႃႇ​ၵႃႈ​တီႈ​မိူင်း​ ၵီႉလတ်ႉ တီႈ​ဢၼ်​ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ၊ ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၸိူဝ်း​ၼၼ်ႉ​မီး​ၼၼ်ႉ​ဢေႃႈ။ ၶဝ်​ၼၼ်ႉ ပဵၼ်​ငဝ်ႈ​ပဵၼ်​ႁူဝ်​တီႈ​မဵဝ်း​ပူႇ​မဵဝ်း​ပေႃႈ​ၶဝ်​ၼၼ်ႉ ႁင်း​ၽႂ်​ႁင်း​မၼ်း ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ပဵၼ်​ႁဵင်​ပဵၼ်​မိုၼ်ႇ​ဢေႃႈ။-</verse>
				<verse number="15">ၶဝ်​ႁွတ်ႈ​ထိုင်​ၵႃႈ​တီႈ ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ၊ ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၸိူဝ်း​ၼၼ်ႉ​ၵႃႈ​တီႈ​မိူင်း​ ၵီႉလတ်ႉ ​လႄႈ ဢွၼ်​ၵၼ်​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊-</verse>
				<verse number="16">ပရဵၵ်ႈသၢတ်ႈ​ထႃႇဝရႃႉ​ၽြႃး တင်း​သဵင်ႈ​တင်း​လူင်​ၼၼ်ႉ​သင်ႇ​လၢတ်ႈ​မႃး​လႄႈ​ဝႃႈ​ၸမ်ႉ၊ ဢပႅတ်ႈ​ဢၼ်​သူ​ၽိတ်း​ပိူင်ႈ​ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ႁႂ်ႈ​ဢမ်ႇ​လႆႈ​ၸွမ်း​လင်​ထႃႇဝရႃႉ​ၽြႃး​လႄႈ ပိူင်ႈ​ၵႂႃႇ​ဝၼ်း​မိူဝ်ႈ​ၼႆႉ လူၺ်ႈ​လွင်ႈ​တၢင်း​ဢၼ်​သူ​တႄႇ​ႁဵတ်း​ယိတ်ႈပလၢင်ႇ ႁႂ်ႈ​လႆႈ​ပုင်ႇ​ၵၢၼ်ႇ​ထႃႇဝရႃႉ​ၽြႃး​ၼၼ်ႉ​ၼႆႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။-</verse>
				<verse number="17">လွင်ႈ​ၼင်ႇ​ႁိုဝ်​သူ​တၵ်း​ဢမ်ႇ​ၸွမ်း​လင်​ထႃႇဝရႃႉ​ၽြႃး​လႄႈ ပိူင်ႈ​ၵႂႃႇ​ၼၼ်ႉ​ၸိုင်၊ ဢပႅတ်ႈ​ ပေႇၵူႉရႃႉ ဢၼ်​ၽေး​လူင် ထၼ်ႈ​ပေႃး​ႁွတ်ႈ​ထိုင် ၵႃႈ​ၼိူဝ်​ပရဵၵ်ႈသၢတ်ႈ​ထႃႇဝရႃႉ​ၽြႃး​ယဝ်ႉ​သေ​ၵေႃႈ ႁဝ်း​ယင်း​ဢမ်ႇ​ပႆႇ​မူတ်း​ပႆႇ​သႂ်​ယူႇ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ၼၼ်ႉ ဢမ်ႇ​ပေႃး​ဢမ်ႇ​ၵုမ်ႇ​ပုၼ်ႈ​ႁဝ်း​ႁိုဝ်။-</verse>
				<verse number="18">သူ​ပုင်ႇ​ၵၢၼ်ႇ​ထႃႇဝရႃႉ​ၽြႃး​ဝၼ်း​မိူဝ်ႈ​ၼႆႉ​လႄႈ ဝၼ်း​မိူဝ်ႈ​ၽုၵ်ႈ​မၼ်း​ၸဝ်ႈ​တၵ်း​ၸႂ်​မႆႈ​ၶႆႈ​ၸႃႉ​တီႈ​ပရဵၵ်ႈသၢတ်ႈ​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢေႃႈ။-</verse>
				<verse number="19">ၵူၺ်း​ၵႃႈ ပေႃး​လိၼ်​တီႈ​ဢၼ်​သူ​ပိူင်ႇ​ၼႆႉ ပဵၼ်​ဢၼ်​ၵူဝ်ႈ​ၵိူၵ်ႇ​ၸိုင်၊ ၶၢမ်ႈ​ၵႂႃႇ​ၸူး​ၵႃႈ​တီႈ​လိၼ်​ဢၼ်​ထႃႇဝရႃႉ​ၽြႃး​ပိူင်ႇ​ဢဝ်​လႄႈ သုမ်ႉ​ထဵင်​ၸဝ်ႈ​မီး​ယူႇ​ၼၼ်ႉ​သေ​ယဝ်ႉ၊ ပိူင်ႇ​ဢဝ်​ႁူမ်ႈ​လူၺ်ႈ​ၵၼ်​တင်း​ႁဝ်း​တႃႉ။ ယႃႇ​ပေ​ပုင်ႇ​ၵၢၼ်ႇ​ထႃႇဝရႃႉ​ၽြႃး။ ယႃႇ​ပေ​ပုင်ႇ​ၵၢၼ်ႇ​ႁဝ်း လူၺ်ႈ​လွင်ႈ​ဢၼ်​သူ​တႄႇ​ႁဵတ်း​ယိတ်ႈပလၢင်ႇ​ပုၼ်ႈ​သူ ၼွၵ်ႈ​သေ​ယိတ်ႈပလၢင်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၼၼ်ႉ။-</verse>
				<verse number="20">ဢႃႇၶၼ်ႇ လုၵ်ႈ​ၸၢႆး​ ၸေးရႃႉ ​ၼၼ်ႉ ၽိတ်း​ပိူင်ႈ​လူၺ်ႈ​လွင်ႈ​တၢင်း​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ​ၼၼ်ႉ​လႄႈ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ တူၵ်း​ႁွတ်ႈ​ၵႃႈ​ၼိူဝ်​ပရဵၵ်ႈသၢတ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢမ်ႇ​ၸႂ်ႈ​ႁိုဝ်။ ၵေႃႉ​ၼၼ်ႉ​လႆႈ​တၢႆ​ၵေႃႉ​လဵဝ်​ၵူၺ်း​မၼ်း ၵွပ်ႈ​ပိူဝ်ႈ​ဢပႅတ်ႈ​ဢၼ်​မၼ်း​ၽိတ်း​ပိူင်ႈ​ၼၼ်ႉ​ဢမ်ႇ​ၸႂ်ႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">မိူဝ်ႈ​ၼၼ်ႉ ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ၊ ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​လၢတ်ႈ​တီႈ​ၶုၼ်​ဢၼ်​ပဵၼ်​ငဝ်ႈ​ပဵၼ်​ႁူဝ် ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ပဵၼ်​ႁဵင်​ပဵၼ်​မိုၼ်ႇ​ၸိူဝ်း​ၼၼ်ႉ​လႄႈ​ဝႃႈ၊-</verse>
				<verse number="22">ထႃႇဝရႃႉ​ၽြႃး ၽြႃး​ၼိူဝ်​ၽြႃး​တင်း​လၢႆ၊ ထႃႇဝရႃႉ​ၽြႃး ၽြႃး​ၼိူဝ်​ၽြႃး​တင်း​လၢႆ​ၼၼ်ႉ တူဝ်​မၼ်း​ၸဝ်ႈ​ႁူႉ​ယူႇ​လႄႈ၊ မဵဝ်း​ ဢီႉသရေႇလႃႉ ​ၵေႃႈ တူဝ်​ၶဝ်​တၵ်း​လႆႈ​ႁူႉ​ဢေႃႈ။ ပေႃး​ႁဝ်း​မီး​တၢင်း​ၵျၢမ်ႇ​တၢင်း​ပွင် ဢၢင်ႈ​တၵ်း​ပုင်ႇ​ၵၢၼ်ႇ၊ တၢင်း​ၵျၢမ်ႇ​တၢင်း​ပွင် ဢၼ်​တၵ်း​ၽိတ်း​ပိူင်ႈ​ထႃႇဝရႃႉ​ၽြႃး​လႄႈ တႄႇ​ႁဵတ်း​ယိတ်ႈပလၢင်ႇ ႁႂ်ႈ​ဢမ်ႇ​လႆႈ​ၸွမ်း​လင်​ထႃႇဝရႃႉ​ၽြႃး​လႄႈ ဝႄႈ​ပိူင်ႈ​ၵႂႃႇ​ၸိုင်၊ ယႃႇ​ပေ​ႁႂ်ႈ​လွတ်ႈ​ၽေး ဝၼ်း​မိူဝ်ႈ​ၼႆႉ​သေ​ၵမ်း​လူၺ်ႈ။-</verse>
				<verse number="23">ပေႃး​မီး​တၢင်း​ၵျၢမ်ႇ​တၢင်း​ပွင် ဢၢင်ႈ​တၵ်း​ဢဝ်​ယိတ်ႈ​ဢၼ်​တုတ်ႇ​ၽႆး၊ ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ ပုၵ်ႈ​ၸေႃႇ၊ ၶိူင်ႈ​ပုၵ်ႈ​ၸေႃႇ​မိၵ်ႉသႃႇႁႃယႃႉ ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ၵေႃႈ ႁႂ်ႈ​ထႃႇဝရႃႉ​ၽြႃး​ၼၼ်ႉ တူဝ်​မၼ်း​ၸဝ်ႈ ၸႅတ်ႈ​ထၢမ်​ၸႅတ်ႈ​တူၺ်း​သေ​ၵမ်း​လူၺ်ႈ။-</verse>
				<verse number="24">ၵူၺ်း​ၵႃႈ ႁဝ်း​ႁဵတ်း​ၸိူဝ်ႉ​ၼင်ႇ​ၼႆ​ၵွပ်ႈ​ပိူဝ်ႈ​ဢၼ်​မႆႈ​ၸႂ်​ၵွပ်ႈ​လႄႈ ၵျၢမ်ႇ​ပွင်​လွင်ႈ​ဢၼ်​ထုၵ်ႇ​လီ​ႁဵတ်း​ၼၼ်ႉ​လႄႈ​ဝႃႈ၊ ၶိင်ႇ​ၵႃႇလႃႉ​မိူဝ်ႈ​ၵမ်း​လိုၼ်း​ပုၼ်ႉ၊ လုၵ်ႈ​သူ​လၢၼ်​သူ တၵ်း​လၢတ်ႈ​တီႈ​လုၵ်ႈ​ႁဝ်း​လၢၼ်​ႁဝ်း​လႄႈ​ဝႃႈ၊ သူ​ၸၢပ်ႈ​သႅင်ႇ​ၵၼ်​တင်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ ၸိူဝ်ႉ​ၼင်ႇ​ႁိုဝ်။-</verse>
				<verse number="25">ထႃႇဝရႃႉ​ၽြႃး​ၼၼ်ႉ ၶၼ်ႈ​ၶႅၼ်ႈ​ၵႃႈ​တီႈ​ဝူင်ႈ​ၵၢင်​ႁဝ်း​တင်း​သူ​သေ​လႄႈ ဝႆႉ​ၼမ်ႉ​ႁွင်ႈ​ ယေႃးတၢၼ်ႇ ​ယဝ်ႉ။ ၵူၼ်း​မဵဝ်း​ ရူႉပိၼ်ႇ ​ၶဝ်​တင်း​ၵူၼ်း​မဵဝ်း​ ၵၢတ်ႉ ​ၶဝ်​ဢိူၺ်း၊ သူ​ဢမ်ႇ​မီး​ပုၼ်ႈ​မီး​တႃႇ ၼႂ်း​ထႃႇဝရႃႉ​ၽြႃး​လႃး​လႃး၊ ဝႃႈ​ၼင်ႇ​ၼႆ​ၼၼ်ႉ​လႄႈ၊ လုၵ်ႈ​သူ​လၢင်း​သူ​တၵ်း​ႁဵတ်း​ႁႂ်ႈ​လုၵ်ႈ​ႁဝ်း​လၢင်း​ႁဝ်း ယင်း​ဢမ်ႇ​ၵူဝ်​ဢမ်ႇ​ႁႄ​ထႃႇဝရႃႉ​ၽြႃး​ၼၼ်ႉ​လႄႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ပိူဝ်ႈ​ၼႆ​လႄႈ ႁဝ်း​ဝႃႈ၊ ဢွၼ်​ၵၼ်​မႄး​ႁႅၼ်း​ႁႂ်ႈ​လႆႈ​တႄႇ​ႁဵတ်း​ယိတ်ႈပလၢင်ႇ​တႃႉ​ႁဝ်း၊ ဝႃႈ​ၼင်ႇ​ၼႆ​လႄႈ ႁဵတ်း​တၢင်း​ၵျၢမ်ႇ​တၢင်း​ပွင် ဢၼ်​တၵ်း​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး၊ ဢိၵ်ႇ​တင်း​ယိတ်ႈ​တၢင်ႇ​ၸိူဝ်ႉ​တၢင်ႇ​မဵဝ်း​ဢမ်ႇ​ၸႂ်ႈ။-</verse>
				<verse number="27">ယိတ်ႈပလၢင်ႇ​ၼႆႉ တၵ်း​ပဵၼ်​သၢၵ်ႈ​သေႇ​ၵႃႈ​တီႈ​ဝူင်ႈ​ၵၢင်​ႁဝ်း​တင်း​သူ၊ ဝူင်ႈ​ၵၢင်​လုၵ်ႈ​ႁဝ်း​လၢၼ်​ႁဝ်း​တင်း​လုၵ်ႈ​သူ​လၢၼ်​သူ လွင်ႈ​ဢၼ်​ႁဝ်း​တၵ်း​လႆႈ​ႁဵတ်း​ၸႃႉ​ၸဵမ်​ယိတ်ႈ​ဢၼ်​တုတ်ႇ​ၽႆး​လႄႈ ယိတ်ႈ​တၢင်ႇ​ၸိူဝ်ႉ​တင်း​မဵဝ်း၊ တင်း​ၶိူင်ႈ​ပုၵ်ႈ​ၸေႃႇ​မိၵ်ႉသႃႇႁႃယႃႉ​သေ​လႄႈ ပွင်​ႁဵတ်း​ဢမူႉ​ထႃႇဝရႃႉ​ၽြႃး ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ ဢိၵ်ႇ​တင်း​လွင်ႈ​ဢၼ်​လုၵ်ႈ​သူ​လၢၼ်​သူ​တၵ်း​ဢမ်ႇ​လႆႈ​လၢတ်ႈ​တီႈ​လုၵ်ႈ​ႁဝ်း​လၢၼ်​ႁဝ်း ၶိင်ႇ​ၵႃႇလႃႉ​ၵမ်း​လိုၼ်း​ပုၼ်ႉ​လႄႈ​ဝႃႈ၊ သူ​ဢမ်ႇ​မီး​ပုၼ်ႈ​မီး​တႃႇ​ၼႂ်း​ထႃႇဝရႃႉ​ၽြႃး​လႃး​လႃး၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="28">ပိူဝ်ႈ​ၼႆ​လႄႈ ႁဝ်း​ဝႃႈ၊ ပေႃး​ၶဝ်​လၢတ်ႈ​တီႈ​ႁဝ်း​ဢိၵ်ႇ​တင်း​လုၵ်ႈ​ႁဝ်း​လၢၼ်​ႁဝ်း​ၵႃႈ​တီႈ​ၶိင်ႇ​ၵႃႇလႃႉ​ၵမ်း​လိုၼ်း​ပုၼ်ႉ​လႄႈ ဝႃႈ​ၸိူဝ်ႉ​ၼင်ႇ​ၼၼ်​ၸိုင်၊ ႁဝ်း​တၵ်း​မီး​တီႈ​ဢၼ်​ၶိုၼ်း​လၢတ်ႈ​လႄႈ​ဝႃႈ၊ သူ​တူၺ်း​ပုင်ႇ​ႁၢင်ႈ​ယိတ်ႈပလၢင်ႇ​ထႃႇဝရႃႉ​ၽြႃး ဢၼ်​ပေႃႈ​ႁဝ်း​ၸိူဝ်း​ၼၼ်ႉ ႁဵတ်း​ဝႆႉ​ႁႂ်ႈ​လႆႈ​ပုၵ်ႈ​ၸေႃႇ​ၸႃႉ​ၸဵမ်​ယိတ်ႈ​ဢၼ်​တုတ်ႇ​ၽႆး​လႄႈ ယိတ်ႈ​တၢင်ႇ​ၸိူဝ်ႉ​တၢင်ႇ​မဵဝ်း​ဢမ်ႇ​ၸႂ်ႈ၊ ႁဵတ်း​ဝႆႉ​ႁႂ်ႈ​လႆႈ​ပဵၼ် သၢၵ်ႈ​သေႇ​ၵႃႈ​တီႈ​ဝူင်ႈ​ၵၢင်​ႁဝ်း​တင်း​သူ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ။-</verse>
				<verse number="29">ႁႂ်ႈ​ဢမူႉ​တၢင်း​ဢၼ်​ပုင်ႇ​ၵၢၼ်ႇ​ထႃႇဝရႃႉ​ၽြႃး​လႄႈ ယင်း​ဢမ်ႇ​ၸွမ်း​လင်​မၼ်း​ၸဝ်ႈ​လႄႈ ဝႄႈ​ပိူင်ႈ​ၵႂႃႇ​လူၺ်ႈ​တၢင်း​ဢၼ် တႄႇ​ႁဵတ်း​ယိတ်ႈပလၢင်ႇ​တၢင်ႇ​ၸိူဝ်ႉ​တၢင်ႇ​ဢၼ် ၼွၵ်ႈ​သေ​ယိတ်ႈပလၢင်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ဢၼ်​မီး ၵႃႈ​တီႈ​ၽၢႆႇ​ၼႃႈ​သုမ်ႉ​ထဵင်​ၸဝ်ႈ​ၼၼ်ႉ​သေ​လႄႈ ႁဵတ်း​ၸႃႉ​ၸဵမ်​ယိတ်ႈ​ဢၼ်​တုတ်ႇ​ၽႆး​လႄႈ ယိတ်ႈ​တၢင်ႇ​ၸိူဝ်ႉ​တၢင်ႇ​မဵဝ်း တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​ၼၼ်ႉ ၵႆ​ၵၼ်​တင်း​ႁဝ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">မိူဝ်ႈ​ဢၼ်​ယိတ်ႈပရေႃးႁဵၵ်ႈ​ ၽီႉၼႁတ်ႉ ဢိၵ်ႇ​တင်း​ၶုၼ်​ပရဵၵ်ႈသၢတ်ႈ​တင်း​လၢႆ ဢၼ်​ဝႃႈ​ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ၵူၼ်း​မဵဝ်း​ ဢီႉသရေႇလႃႉ ပဵၼ်​ႁဵင်​ပဵၼ်​မိုၼ်ႇ​ၸိူဝ်း​ၼၼ်ႉ​လႄႈ မီး​လူၺ်ႈ​ၵၼ်​တင်း​မၼ်း​ၼၼ်ႉ လႆႈ​ငိၼ်း​ၵႂၢမ်း​ဢၼ်​ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ​တင်း​ၵူၼ်း​မဵဝ်း​ မၼႃႇ​သေႇ လၢတ်ႈ​ၼၼ်ႉ​ၸိုင်၊ ပဵၼ်​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၶဝ်​ဢေႃႈ။-</verse>
				<verse number="31">ယိတ်ႈပရေႃးႁဵၵ်ႈ​ ၽီႉၼႁတ်ႉ လုၵ်ႈ​ၸၢႆး​ ဢေးလႃႇၸႃႇ ​ၼၼ်ႉ​ၵေႃႈ လၢတ်ႈ​တီႈ​ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ ၵၢတ်ႉ ​တင်း​ၵူၼ်း​မဵဝ်း​ မၼႃႇ​သေႇ ​ၸိူဝ်း​ၼၼ်ႉ​လႄႈ​ဝႃႈ၊ ဝၼ်း​မိူဝ်ႈ​ၼႆႉ ႁဝ်း​ႁူႉ​ႁၼ်​လွင်ႈ​ဢၼ်​ထႃႇဝရႃႉ​ၽြႃး မီး​ယူႇ​ၵႃႈ​ၼႂ်း​ႁဝ်း​ၵွပ်ႈ​ပိူဝ်ႈ​ဢၼ်​သူ​ဢမ်ႇ​ႁဵတ်း​ၽိတ်း​ႁဵတ်း​ပိူင်ႈ ထႃႇဝရႃႉ​ၽြႃး​ၼၼ်ႉ​ၼႆ​ဢေႃႈ။ တေႃႈ​လဵဝ်​ၼႆႉ သူ​ၵႄႇ​သႄႇ​လိတ်ႈ​ဢဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵႃႈ​ၼႂ်း​မိုဝ်း​ထႃႇဝရႃႉ​ၽြႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">မိူဝ်ႈ​ၼၼ်ႉ ယိတ်ႈပရေႃးႁဵၵ်ႈ​ ၽီႉၼႁတ်ႉ လုၵ်ႈ​ၸၢႆး​ ဢေးလႃႇၸႃႇ ဢိၵ်ႇ​တင်း​ၶုၼ်​ၸိူဝ်း​ၼၼ်ႉ​ဢွၼ်​ၵၼ်​ၽၢတ်ႇ​သေ ၵူၼ်း​မဵဝ်း​ ရူႉပိၼ်ႇ တင်း​ၵူၼ်း​မဵဝ်း​ ၵၢတ်ႉ ​ၸိူဝ်း​ၼၼ်ႉ​လႄႈ ဢွၵ်ႇ​သေ​ၵႃႈ​တီႈ​မိူင်း​ ၵီႉလတ်ႉ ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ ၶႃႇၼၢၼ်ႇ ၸူး​တီႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ ၶိုၼ်း​မွၵ်ႇ​လၢတ်ႈ​ၵႂၢမ်း​ၶဝ်​ၼၼ်ႉ​သေ​ယဝ်ႉ၊-</verse>
				<verse number="33">ၵႂၢမ်း​ၼၼ်ႉ​ပဵၼ်​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ​ဢေႃႈ။ လိုၼ်း​ၼၼ်ႉ ၶဝ်​ဢမ်ႇ​လၢတ်ႈ​လွင်ႈ​ဢၼ်​တၵ်း​ၶီႇ​သိုၵ်း​ၶိုၼ်ႈ ႁႂ်ႈ​လႆႈ​ယႃႉ​ပႅတ်ႈ​မိူင်း​တီႈ​ဢၼ်​ၵူၼ်း​မဵဝ်း​ ရူႉပိၼ်ႇ တင်း​ၵူၼ်း​မဵဝ်း​ ၵၢတ်ႉ ​ၸိူဝ်း​ၼၼ်ႉ​ယူႇ​ၼၼ်ႉ​ထႅင်ႈ။-</verse>
				<verse number="34">ၵူၼ်း​မဵဝ်း​ ရူႉပိၼ်ႇ ​တင်း​ၵူၼ်း​မဵဝ်း​ ၵၢတ်ႉ ​ၸိူဝ်း​ၼၼ်ႉ​ၵေႃႈ ႁွင်ႉ​ႁဵၵ်ႈ​ၸိုဝ်ႈ​ယိတ်ႈပလၢင်ႇ​ၼၼ်ႉ ဢေတႃႉ ဢေႃႈ။ လွင်ႈ​မၼ်း​ၸမ်ႉ ၶဝ်​ဝႃႈ၊ မၼ်း​ၶၢမ်ႇ​သၢၵ်ႈ​သေႇ ၵႃႈ​တီႈ​ဝူင်ႈ​ၵၢင်​ႁဝ်း လူၺ်ႈ​လွင်ႈ​ဢၼ်​ထႃႇဝရႃႉ​ၽြႃး ပဵၼ်​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="23">
				<verse number="1">မိူဝ်ႈ​ဢၼ်​ထႃႇဝရႃႉ​ၽြႃး​ပၼ်​ဢၶႂၢင်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​လွတ်ႈ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ်​တင်း​သဵင်ႈ​တင်း​လူင် ဢၼ်​ယူႇ​လဵပ်ႈ​ႁွပ်ႈ​ႁိမ်း​ႁွမ်း​ၶဝ်​ၸိူဝ်း​ၼၼ်ႉ​လႄႈ၊ ယူႇ​ၼိမ်​လီ​ယဵၼ်​လီ​ယူႇ​ၶိင်ႇ​မိုဝ်ႉ​ဝၼ်း​ၼမ်​ၼႃႇ​ၼၼ်ႉ​ၸိုင်၊ ယေႃးသူႉ ​ၼၼ်ႉ​ထဝ်ႈ​လႄႈ ဢသၢၵ်ႈ​ၵႄႇ​ထူၼ်ႈ​သေ​ယဝ်ႉ၊-</verse>
				<verse number="2">ႁွင်ႉ​ဢဝ်​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၶဝ်၊ ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ်​ၶဝ်၊ ၵူၼ်း​ဢၼ်​ၸီႇ​ယၢင်ႇ​တြႃး​ၶဝ် တင်း​ဢရႃႇသီႉ​ၶဝ်​တင်း​လၢႆ​သေ​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ၼႆႉ​ထဝ်ႈ​လႄႈ ဢသၢၵ်ႈ​ၵႄႇ​ထူၼ်ႈ​ယဝ်ႉ။-</verse>
				<verse number="3">သူ​လႆႈ​ႁူႉ​လႆႈ​ႁၼ်​ၵႃႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ႁဵတ်း​တီႈ​ၵူၼ်း​မဵဝ်း​တင်း​သဵင်ႈ​တင်း​လူင်​ၸိူဝ်း​ၼႆႉ ၵွပ်ႈ​ပိူဝ်ႈ​သူ​ၼၼ်ႉ​ယဝ်ႉ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ပဵၼ်​ၸဝ်ႈ​ဢၼ်​တိုၵ်း​သိုၵ်း​ပုၼ်ႈ​သူ​ယဝ်ႉ။-</verse>
				<verse number="4">တူၺ်း​လူး၊ ၵဝ်​တူၵ်း​ၸႃႇ​ၵွၵ်ႈ​လႄႈ ၽႄ​ၵူၼ်း​မဵဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼႆႉ ပၼ်​ပုၼ်ႈ​ဢၼ်​တၵ်း​ပဵၼ်​ဢမူၺ်ႇ​မဵဝ်း​သူ​တင်း​လၢႆ ဢဝ်​ၵႃႈ​တီႈ​ၸႃႉ​ၸဵမ်​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​လႄႈ ပႃး​တင်း​ၵူၼ်း​မဵဝ်း​ၵႃႈ​ဢၼ်​ၵဝ် ပႄႇ​မူတ်း​ပႅတ်ႈ​ယဝ်ႉ​ၸိူဝ်း​ၼၼ်ႉ​ၵႂႃႇ တေႃႇ​ထိုင်​ႁွတ်ႈ​ပၢင်ႇ​လၢႆႇ​လူင် ၵႃႈ​တီႈ​ၽၢႆႇ​ဢၼ်​ၵၢင်​ဝၼ်း​တူၵ်း​ၼၼ်ႉ​ယဝ်ႉ။-</verse>
				<verse number="5">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ တၵ်း​ႁေႃႈ​ၶဝ်​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​သူ​လႄႈ ပႄႇ​ၽဵဝ်ႈ​ၶဝ်​ပႅတ်ႈ ႁႂ်ႈ​သူ​ထၼ်ႈ​ပေႃး​ဢမ်ႇ​လႆႈ​ႁၼ်​သေ​ယဝ်ႉ၊ သူ​တၵ်း​လႆႈ​ပိူင်ႇ​ဢဝ်​လိၼ်​ၶဝ် မႅၼ်ႈ​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ ဢွၼ်​ၵၼ်​မီး​ၸႂ်​ဢၼ်​ႁတ်း​ႁၢၼ်​ၼႃႇ​လူင်​လၢင် ႁႂ်ႈ​လႆႈ​ပႂ်ႉ​ၸွမ်း​ၵမ်​ၵျၢင်ႉ​ၵႃႈ​ဢၼ်​တႅမ်ႈ​သႂ်ႇ​ဝႆႉ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ မူဝ်းသေႇ ​ၼၼ်ႉ ပုၼ်ႈ​လွင်ႈ​ၼင်ႇ​ႁိုဝ် သူ​တၵ်း​ဢမ်ႇ​ဝႄႈ​ပိူင်ႈ​သေ​ၵႃႈ​တီႈ​သဵၼ်ႈ​တၢင်း​ၼၼ်ႉ ၵႂႃႇ​ၵႃႈ​တီႈ​ၽၢႆႇ​သၢႆႉ​ၽၢႆႇ​ၶႂႃ၊-</verse>
				<verse number="7">ဢိၵ်ႇ​တင်း​လွင်ႈ​ၼင်ႇ​ႁိုဝ် သူ​တၵ်း​ဢမ်ႇ​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​ၵူၼ်း​မဵဝ်း​ၸိူဝ်း​ၼႆႉ​ဢၼ်​ဝႃႈ ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ​ၵႃႈ​ၼႂ်း​သူ​ၼႆႉ​ၼၼ်ႉ၊ ဢမ်ႇ​ဢွၵ်ႇ​သူပ်း​ဝႃႈ​လူၺ်ႈ​ၸိုဝ်ႈ​သဵင်​ၽြႃး​ၶဝ်​ၼၼ်ႉ ဢမ်ႇ​ဢဝ်​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ၊ ဢမ်ႇ​ႁဵတ်း​ဝၢတ်ႈ၊ ဢမ်ႇ​ၵူမ်ႈ​ႁူဝ်​ၵွမ်း​ႁူဝ်​လႄႈ၊-</verse>
				<verse number="8">ႁွႆႈ​ၸပ်း​ယူႇ​ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ မိူၼ်​ၸိူဝ်ႉ​ၼင်ႇ​ဢၼ် ၵမ်​ၵျၢင်ႉ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ၼၼ်ႉ​တႃႉ။-</verse>
				<verse number="9">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ႁေႃႈ​ၵူၼ်း​မဵဝ်း​ဢၼ်​ယႂ်ႇ​ၼႃႇ​လႄႈ ႁႅင်း​ၼႃႇ​ၸိူဝ်း​ၼၼ်ႉ ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ​ယဝ်ႉ။ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​လႄႈ ၽူႈ​လႂ်​ဢမ်ႇ​ၸုၵ်း​ၶၢမ်ႇ​ၵႃႈ​တီႈ​ၽၢႆႇ​ၼႃႈ​သူ​လႆႈ​လႃး​လႃး၊-</verse>
				<verse number="10">သူ​ၵေႃႉ​ၼိုင်ႈ​တၵ်း​ႁႂ်ႈ​ပိူၼ်ႈ​ႁဵင်​ၼိုင်ႈ​ဢွၵ်ႇ​ပၢႆႈ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ပဵၼ်​ၸဝ်ႈ​ဢၼ်​တိုၵ်း​သိုၵ်း​ပုၼ်ႈ​သူ မႅၼ်ႈ​ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ မီး​ဢမိင်ႉ​ဝႆႉ​တီႈ​သူ​ၼၼ်ႉ​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ ဢွၼ်​ၵၼ်​ႁဵတ်း​သတီႉ​တီႈ​တူဝ်​သူ ႁႂ်ႈ​သူ​လႆႈ​ႁၵ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ယူႇ​တႃႉ။-</verse>
				<verse number="12">ပေႃး​ဢမ်ႇ​ၼၼ် ပေႃး​သူ​သုတ်ႈ​ယွမ်း​ၵႂႃႇ​သေ​လႄႈ ႁွႆႈ​ၸပ်း​ယူႇ​ၵႃႈ​တီႈ ၶဝ်​ၸိူဝ်း​ဢၼ်​ယင်း​ၵိုတ်း​ဝႆႉ​ၵျၢၼ်ႇ​ဝႆႉ​သေ​ၵႃႈ​ၼႂ်း​ၵူၼ်း​မဵဝ်း​ၸိူဝ်း​ၼၼ်ႉ​ၼႆႉ​ဢၼ်​ဝႃႈ ၶဝ်​ၸိူဝ်း​ဢၼ်​ၵိုတ်း​ၵျၢၼ်ႇ​ဝႆႉ​ၵႃႈ​ၼႂ်း​သူ​ၸိူဝ်း​ၼႆႉ​လႄႈ သွင်ႇ​မင်ႇၵလႃႇ​ဢဝ်​ၵၼ်​တင်း​ၶဝ်၊ ၶဝ်ႈ​ဢွၵ်ႇ​ၵႃႈ​ၼႂ်း​ၶဝ်၊ ၶဝ်​ၵေႃႈ​ၶဝ်ႈ​ဢွၵ်ႇ​ၵႃႈ​ၼႂ်း​သူ​ယူႇ​ၸိုင်၊-</verse>
				<verse number="13">ဢွၼ်​ၵၼ်​ႁူႉ​မၢတ်ႈ​လွင်ႈ​ဢၼ်​ဝၼ်း​လိုၼ်း​မိူဝ်း​ၼႃႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ တၵ်း​ဢမ်ႇ​ႁေႃႈ​ၵူၼ်း​မဵဝ်း​ၸိူဝ်း​ၼႆႉ ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ၊ ၶဝ်​တၵ်း​ပဵၼ်​တူင်ႇ​ႁႅဝ်ႉ​တူင်ႇ​ၶိုမ်း၊ တမ်ႇ​ၵၢင်ႈ၊ ၶွၼ်ႉ​ႁေႃႈ​ၵႃႈ​တီႈ​ပဵမ်ႉ​သူ၊ ၼၢမ်​လႅမ်​ၵႃႈ​တီႈ​မၢၵ်ႇ​တႃ​သူ​ယူႇ​တေႃႇ​ထိုင်​ႁွတ်ႈ​သူ​ထၼ်ႈ​ပေႃး​လႆႈ​လူႉ​လႆႈ​ႁၢႆ​သေ​ၵႃႈ​တီႈ မိူင်း​ဢၼ်​လီ​ဢၼ်​ငၢမ်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ပၼ်​တီႈ​သူ​ၼႆ​ၼၼ်ႉ​ဢမၢၼ်ႇ​ၶၼ်​ပဵၼ်​တႃႉ။-</verse>
				<verse number="14">ၵဝ်​ၸမ်ႉ၊ ဝၼ်း​မိူဝ်ႈ​ၼႆႉ ၸမ်​တၵ်း​ၵႂႃႇ​သဵၼ်ႈ​တၢင်း​ဢၼ် ၵူၼ်း​လိၼ်​မိူင်း​တင်း​သဵင်ႈ​တင်း​လူင်​ၵႂႃႇ​ၼၼ်ႉ​ယဝ်ႉ။ သူ​ႁူႉ​လွင်ႈ​ဢၼ်​တၢင်း​လီ ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​မီး​ဢမိင်ႉ​ဝႆႉ​ပုၼ်ႈ​သူ​ၼၼ်ႉ ယင်း​ဢမ်ႇ​သုတ်ႈ​ဢမ်ႇ​ယွမ်း​သေ​ၸိူဝ်ႉ​သေ​ပိူင်​လႄႈ ပျေႉ​ၸုမ်ႇ​တင်း​သဵင်ႈ​တင်း​မူတ်း​ယဝ်ႉ​တီႈ​သူ​ၼၼ်ႉ​ယူႇ ၵႃႈ​ၼႂ်း​ၸႂ်​သူ​ၵႃႈ​မီး ၵႃႈ​ၼႂ်း​ႁူဝ်​ၸႂ်​သူ​ၵႃႈ​မီး​ဢေႃႈ။-</verse>
				<verse number="15">ၸိူဝ်ႉ​ၼင်ႇ​ဢၼ်​တၢင်း​လီ တင်း​သဵင်ႈ​တင်း​လူင် ႁွတ်ႈ​ထိုင်​ၵႃႈ​ၼိူဝ်​သူ မႅၼ်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​မီး​ဢမိင်ႉ​ဝႆႉ​ၼၼ်ႉ၊ မိူၼ်​ၼင်ႇ​ၼၼ် ထႃႇဝရႃႉ​ၽြႃး တၵ်း​ႁႂ်ႈ​ၽေး​ဢူႉ​ပၢတ်ႈ တင်း​သဵင်ႈ​တင်း​လူင် ႁွတ်ႈ​ထိုင်​ၵႃႈ​ၼိူဝ်​သူ တေႃႇ​ထိုင်​ႁွတ်ႈ​ထၼ်ႈ​ပေႃး မၼ်း​ၸဝ်ႈ​ယႃႉ​ၽဵဝ်ႈ​သူ​ပႅတ်ႈ​သေ​ၵႃႈ​ၼႂ်း​မိူင်း​ဢၼ်​လီ​ဢၼ်​ငၢမ်း ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ပၼ်​တီႈ​သူ​ၼႆႉ​ၼၼ်ႉ​ဢေႃႈ။-</verse>
				<verse number="16">မိူဝ်ႈ​ဢၼ်​သူ​ၽိတ်း​ပိူင်ႈ​ပတီႉၺိၺ်ႇ​တြႃး​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​သင်ႇ​လၢတ်ႈ​ဝႆႉ​တီႈ​သူ​ၼၼ်ႉ​သေ​လႄႈ ၵႂႃႇ​ႁဵတ်း​ဝၢတ်ႈ​ၵူမ်ႈ​ႁူဝ်​ၵွမ်း​ႁူဝ်​တီႈ​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ​ၸိုင်၊ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး တၵ်း​ဢွၵ်ႇ​လႄႈ သူ​တၵ်း​လူႉ​ႁၢႆ​သေ ၵႃႈ​တီႈ​မိူင်း​ဢၼ်​လီ​ဢၼ်​ငၢမ်း ဢၼ်​မၼ်း​ၸဝ်ႈ​ပၼ်​တီႈ​သူ​ဝႆႉ​ၼႆႉ ၶၼ်​ၶၼ်​ဝႆး​ဝႆး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="24">
				<verse number="1">ယေႃးသူႉ ​ႁႂ်ႈ​မဵဝ်း​ ဢီႉသရေႇလႃႉ ​ၵူႈ​မဵဝ်း​ၸူႉ​ၵၼ်​တုမ်​ၵၼ် ၵႃႈ​တီႈ​ဝဵင်း​ သေႇၶိမ်ႇ ​လႄႈ ႁွင်ႉ​ဢဝ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၵႃႈ​ၼႂ်း​မဵဝ်း​ ဢီႉသရေႇလႃႉ ၊ ၵူၼ်း​ဢၼ်​ပဵၼ်​ငဝ်ႈ​ပဵၼ်​ႁူဝ်​ၶဝ်၊ ၵူၼ်း​ဢၼ်​ၸီႇ​ယၢင်ႇ​တြႃး​ၶဝ် တင်း​ဢရႃႇသီႉ​ၶဝ်​တင်း​လၢႆ​သေ​ယဝ်ႉ၊ ၶဝ်​ၼၼ်ႉ​ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="2">မိူဝ်ႈ​ၼၼ်ႉ ယေႃးသူႉ ​ႁေႃး​လၢတ်ႈ တီႈ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ​ၸမ်ႉ၊ ပူႇ​မွၼ်ႇ​သူ​ဢၼ်​ဝႃႈ​ တေႇရႃႉ ဢၼ်​ပဵၼ်​ပေႃႈ​ ဢႃႇပြႃႇႁၢမ်ႇ တင်း​ ၼႃႇၶေႃႇ ​ၸိူဝ်း​ၼၼ်ႉ​ၼၼ်ႉ ယူႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​လူင်​ၶိင်ႇ​ၵႃႇလႃႉ​မိူဝ်ႈ​ဢွၼ်​ၼႆႉ​ၼၼ်ႉ​သေ​လႄႈ ႁဵတ်း​ဝၢတ်ႈ​တီႈ​ၽြႃး​တၢင်ႇ​သူႇ​တၢင်ႇ​ပႃး​ဢေႃႈ။-</verse>
				<verse number="3">ပေႃႈ​သူ​ ဢႃႇပြႃႇႁၢမ်ႇ ​ၼၼ်ႉ​ၸမ်ႉ၊ ၵဝ်​ႁွင်ႉ​ဢဝ်​သေ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​လူင်​လႄႈ ဢဝ်​သူင်ႇ​ႁွတ်ႈ​ၵႃႈ​ၼႂ်း​မိူင်း​ ၶႃႇၼၢၼ်ႇ ၵူႈ​တီႈ​ၵူႈ​လႅၼ်​သေ​ယဝ်ႉ၊ ႁႂ်ႈ​မဵဝ်း​ၸိူဝ်ႉ​ၶိူဝ်း​မၼ်း​ယႂ်ႇ​ၽႄႈ​ၼမ်​ၵိုၼ်း​မႃး​ယူႇ​သေ​လႄႈ ပၼ်​ ဢီႉၸၢၵ်ႈ ​တီႈ​မၼ်း​ဢေႃႈ။-</verse>
				<verse number="4">တီႈ​ ဢီႉၸၢၵ်ႈ ​ၵေႃႈ ၵဝ်​ပၼ်​ ယႃႇၵုပ်ႈ ​တင်း​ ဢေးသေႃး ​လႄႈ တီႈ​ ဢေးသေႃး ​ၵေႃႈ ၵဝ်​ပၼ်​ပိူင်ႇ​လွႆ​ ၸီႉရႃႉ ​ဢေႃႈ။ ယႃႇၵုပ်ႈ ​ဢိၵ်ႇ​တင်း​လုၵ်ႈ​မၼ်း​လၢင်း​မၼ်း ဢွၼ်​ၵၼ်​လူင်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="5">ၵဝ်​ပွႆႇ​ၸႂ်ႉ​ မူဝ်းသေႇ တင်း​ ဢႃႇရုၼ်ႇ ​သေ​လႄႈ သင်ႇ​သွၼ်​သုင်း​မႃႉ​မိူင်း​ ဢေႇၵိပ်ႉတူႉ ၸွမ်း​ၵႃႈ​ၼင်ႇ​ဢၼ် ၵဝ်​ႁဵတ်း​ၵႃႈ​ၼႂ်း​မၼ်း​ၼၼ်ႉ​ဢေႃႈ။ လိုၼ်း​သေ​ၼၼ်ႉ ၵဝ်​ၸင်ႇ​ၼုၵ်ႈ​ဢဝ်​သူ​ဢွၵ်ႇ​မႃး​ဢေႃႈ။-</verse>
				<verse number="6">ၼင်ႇ​ၼၼ်​လႄႈ ၵဝ်​ၼုၵ်ႈ​ဢဝ်​ပေႃႈ​သူ​တင်း​လၢႆ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ၶဝ်​ႁွတ်ႈ​ထိုင်​ၵႃႈ​တီႈ​ပၢင်ႇ​လၢႆႇ​သေ​ယဝ်ႉ၊ ၵူၼ်း​ ဢေႇၵိပ်ႉတူႉ ​တင်း​လၢႆ​ၼၼ်ႉ​ပႃး​ဢဝ်​ရထႃး ဢိၵ်ႇ​တင်း​ၵူၼ်း​သိုၵ်း​ၶီႇ​မႃႉ​လိုပ်ႈ​ၸွမ်း​လမ်း​ၸွမ်း​ပေႃႈ​သူ​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​ပၢင်ႇ​လၢႆႇ ဢေႇတုမ်ႇ ​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ဢၼ်​ၶဝ်​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​ၼၼ်ႉ​ၸိုင်၊ ၵဝ်​ဢဝ်​ဢၼ်​လပ်း​သိင်ႇ​ဝႆႉ​ၵႃႈ​တီႈ​ဝူင်ႈ​ၵၢင်​သူ​တင်း​ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ​လႄႈ ႁႂ်ႈ​ၼမ်ႉ​ပၢင်ႇ​လၢႆႇ​ႁွတ်ႈ​ထိုင်​ၵႃႈ​ၼိူဝ်​ၶဝ်​လႄႈ ထူမ်ႈ​ႁူမ်ႇ​ၶဝ်​ပႅတ်ႈ​ဢေႃႈ။ မၢၵ်ႇ​တႃ​သူ​လႆႈ​ႁၼ်​လွင်ႈ​တၢင်း​ဢၼ်​ၵဝ်​ႁဵတ်း​ၵႃႈ​ၼႂ်း မိူင်း​ ဢေႇၵိပ်ႉတူႉ ​ၼၼ်ႉ​မႃး​ယဝ်ႉ။ ၵႃႈ​ၼႂ်း​ထိူၼ်ႇ​ၵေႃႈ၊ သူ​လႆႈ​ယူႇ​မိုဝ်ႉ​ဝၼ်း​ၼမ်​ၼႃႇ​လူင်​လၢင်​ဢေႃႈ။-</verse>
				<verse number="8">လိုၼ်း​ၼၼ်ႉ ၵဝ်​ဢဝ်​သူ​သူင်ႇ​ႁွတ်ႈ​ၵႃႈ​တီႈ​မိူင်း​ၵူၼ်း​ ဢႃႇမေႃးရီႉ ​ဢၼ်​ယူႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​လႄႈ မိူဝ်ႈ​ဢၼ်​ၶဝ်​တိုၵ်း​ၵၼ်​တင်း​သူ​ၼၼ်ႉ​ၸိုင်၊ ၵဝ်​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​သူ​လႄႈ သူ​လႆႈ​သိမ်း​ဢဝ်​လိၼ်​ၶဝ်​ၼၼ်ႉ​ဢေႃႈ။ ၵဝ်​ပႄႇ​ၽဵဝ်ႈ​ၶဝ်​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ​ဢေႃႈ။-</verse>
				<verse number="9">ပႃႇလၵ်ႈ ​လုၵ်ႈ​ၸၢႆး​ ၸီႉၽေႃႇ ၶုၼ်​ႁေႃ​ၶမ်း​ မေႃႇၽႃႉ ​ၼၼ်ႉ လုၵ်ႉ​လႄႈ​တိုၵ်း​တေႃး​မဵဝ်း​ ဢီႉသရေႇလႃႉ ​သေ​ယဝ်ႉ၊ ပွႆႇ​ၸႂ်ႉ​လႄႈ​ႁွင်ႉ​ဢဝ်​ ပႃႇလၢမ်ႇ လုၵ်ႈ​ၸၢႆး​ ပေႃးရႃႉ မႃး​ႁႂ်ႈ​လႆႈ​ၵိၼ်ႇ​ဝႃႈ​သူ​ဢေႃႈ။-</verse>
				<verse number="10">ၵူၺ်း​ၵႃႈ ၵွပ်ႈ​ပိူဝ်ႈ​ဢၼ်​ၵဝ်​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ ပႃႇလၢမ်ႇ ​ၼၼ်ႉ​လႄႈ၊ မၼ်း​ၼၼ်ႉ ပၼ်​တၢင်း​လီ​တီႈ​သူ​ယူႇ​ၶိူဝ်း​ၶိူဝ်း​ယႂ်း​ယႂ်း​လႄႈ ၵဝ်​ၵႄႇ​သႄႇ​ၼုၵ်ႈ​ဢဝ်​သူ​သေ​ၵႃႈ​ၼႂ်း​မိုဝ်း​မၼ်း​ၼၼ်ႉ​ဢေႃႈ။-</verse>
				<verse number="11">လိုၼ်း​ၼၼ်ႉ သူ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရီႉၶူဝ်း ​သေ​ယဝ်ႉ၊ ၵူၼ်း​ ယေႇရီႉၶူဝ်း ၵူၼ်း​ ဢႃႇမေႃးရီႉ ၊ ၵူၼ်း​ ၽေႇရၸီႉ ၊ ၵူၼ်း​ ၶႃႇၼၼီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ၵီႉရၵႃႇသီႉ ၊ ၵူၼ်း​ ႁီႉဝီႉ ၊ ၵူၼ်း​ ယေႇပူႉသီႉ ​ၸိူဝ်း​ၼၼ်ႉ​ဢွၼ်​ၵၼ်​တိုၵ်း​တေႃး​သူ​လႄႈ ၵဝ်​ဢဝ်​ၶဝ်​ၼၼ်ႉ​ဢၢပ်ႈ​ပၼ်​ၵႃႈ​ၼႂ်း​မိုဝ်း​သူ​ဢေႃႈ။-</verse>
				<verse number="12">ၵဝ်​ပွႆႇ​ၸႂ်ႉ​တေႃႇ​လႂ်​တႅၼ်​လႂ်​ၵႂႃႇ​ဢွၼ်​တၢင်း​သူ​သေ​လႄႈ ႁေႃႈ​ၶုၼ်​လူင်​ ဢႃႇမေႃးရီႉ သွင်​ပႃး​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ​ဢေႃႈ။ ယင်း​ဢမ်ႇ​ပႃး​လၢပ်ႇ​သူ​ၵၢင်ႇ​သူ​လႄႈ​ပဵၼ်​ဢေႃႈ။-</verse>
				<verse number="13">ၵဝ်​ဢဝ်​လိၼ် ဢၼ်​သူ​ဢမ်ႇ​ႁဵတ်း ဢိၵ်ႇ​တင်း​ဝဵင်း​ဢၼ်​သူ​ဢမ်ႇ​တႄႇ​ၼၼ်ႉ​ပၼ်​တီႈ​သူ​လႄႈ သူ​လႆႈ​ယူႇ​ဢေႃႈ။ သူ​လႆႈ​ၵိၼ်​သူၼ်​ဢူးယဵၼ်ႇ​မၢၵ်ႇ​ၸပိတ်ႈ ဢိၵ်ႇ​တင်း​သူၼ်​ဢူးယဵၼ်ႇ​ သၢၼ်ႇလုၼ်ႇ ဢၼ်​သူ​ဢမ်ႇ​ၽုၵ်ႇ​ဢမ်ႇ​သွမ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ။</verse>
				<verse number="14">တေႃႈ​လဵဝ်​ၼႆႉ ဢွၼ်​ၵၼ်​ၵူဝ်​ႁႄ​ထႃႇဝရႃႉ​ၽြႃး​လႄႈ မီး​တၢင်း​ဢၼ်​ၸႂ်​ၽိူၵ်ႇ​ၸႂ်​ၶၢဝ်​တၢင်း​ဢၼ်​ပႂ်ႉ​သဵတ်ႈ​ၸႃႇ​သေ​လႄႈ ႁဵတ်း​ဝၢတ်ႈ​တီႈ​မၼ်း​ၸဝ်ႈ​တႃႉ။ ပႄႇ​ပႅတ်ႈ​ၽြႃး​ဢၼ်​ပူႇ​ပေႃႈ​သူ​ႁဵတ်း​ဝၢတ်ႈ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​လူင် ဢိၵ်ႇ​တင်း​ၵႃႈ​တီႈ​မိူင်း​ ဢေႇၵိပ်ႉတူႉ ​ၸိူဝ်း​ၼၼ်ႉ​သေ​လႄႈ ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​ၵူၺ်း​တႃႉ။-</verse>
				<verse number="15">ဢမ်ႇ​ၼၼ်​ၵေႃႈ ပေႃး​သူ​ထၢင်ႇ​လႄႈ​ဝႃႈ၊ ဢမ်ႇ​လီ​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး၊ ဝႃႈ​ၼင်ႇ​ၼႆ​ၸိုင်၊ ဝၼ်း​မိူဝ်ႈ​ၼႆႉ လိူၵ်ႈ​ၵဵပ်း​ဢဝ်​လွင်ႈ​ဢၼ်​တၵ်း​လႆႈ​ႁဵတ်း​ဝၢတ်ႈ​တီႈ​ၽြႃး​ဢၼ်​လႂ် ဢၼ်​ဝႃႈ​တီႈ​ၽြႃး​ဢၼ်​ပူႇ​ပေႃႈ​သူ​ႁဵတ်း​ဝၢတ်ႈ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​လူင် ၸိူဝ်း​ၼၼ်ႉ​ႁိုဝ်။ ဢမ်ႇ​ၼၼ် တီႈ​ၽြႃး​ၵူၼ်း​မိူင်း​ ဢႃႇမေႃးရီႉ တီႈ​ဢၼ်​သူ​ယူႇ​ၼႆႉ​ၸိူဝ်း​ၼၼ်ႉ​ႁိုဝ်​ၼၼ်ႉ​တႃႉ။ ၵဝ်​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​ၵဝ်​ၸမ်ႉ၊ တၵ်း​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​ၵူၺ်း​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">ၵူၼ်း​တင်း​လၢႆ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ႁႂ်ႈ​လွင်ႈ​တၢင်း​ဢၼ်​ၸုၼ်ႉ​ပႅတ်ႈ​ထႃႇဝရႃႉ​ၽြႃး ႁႂ်ႈ​လႆႈ​ႁဵတ်း​ဝၢတ်ႈ​တီႈ​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ ၵႆ​ၵၼ်​တင်း​ႁဝ်း​ၶႃႈ​သေ​ၵမ်း​လူၺ်ႈ။-</verse>
				<verse number="17">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ ၼုၵ်ႈ​ဢဝ်​ႁဝ်း​ၶႃႈ​ဢိၵ်ႇ​တင်း​ပေႃႈ​ႁဝ်း​ၶႃႈ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ တီႈ​ဢၼ်​ၶၢမ်ႇ​ႁဵတ်း​ၶႃႈ​ၼၼ်ႉ​လႄႈ ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​ဢၼ်​ယႂ်ႇ​ၼႃႇ​တင်း​လၢႆ ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ႁဝ်း​ၶႃႈ​လႄႈ ၸွမ်း​ပႂ်ႉ​ႁဝ်း​ၶႃႈ​ၵႃႈ​ၼႂ်း​သဵၼ်ႈ​တၢင်း ၵႃႈ​ဢၼ်​ႁဝ်း​ၶႃႈ​ၵႂႃႇ​ႁဝ်း​ၶႃႈ​ပႆ ဢိၵ်ႇ​တင်း​ၵႃႈ​ၼႂ်း​ၵူၼ်း​မဵဝ်း​ၵႃႈ​ဢၼ်​ႁဝ်း​ၶႃႈ​ၽႃႇ​လတ်း​ၵႃႈ​ၼႂ်း​ၶဝ်​ၼၼ်ႉ​မႃး​ယဝ်ႉ​ၶႃႈ​ယဝ်ႉ။-</verse>
				<verse number="18">ထႃႇဝရႃႉ​ၽြႃး ႁေႃႈ​ၵူၼ်း​ၵႃႈ​ဢၼ်​ယူႇ​ၵႃႈ​တီႈ​မိူင်း​ၼႆႉ​ဢၼ်​ဝႃႈ ၵူၼ်း​ ဢႃႇမေႃးရီႉ ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ႁဝ်း​ၶႃႈ​ယဝ်ႉ​ၶႃႈ​ယဝ်ႉ။ ပိူဝ်ႈ​ၼႆ​လႄႈ ႁဝ်း​ၶႃႈ​တၵ်း​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​ၶႃႈ​ဢေႃႈ။ မၼ်း​ၸဝ်ႈ​ၼၼ်ႉ ပဵၼ်​ၽြႃး​ပဵၼ်​ၸဝ်ႈ​ႁဝ်း​ၶႃႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ယေႃးသူႉ ​ၵေႃႈ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ သူ​ဢမ်ႇ​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​လႆႈ။ မၼ်း​ၸဝ်ႈ​ၼၼ်ႉ​ပဵၼ်​ၽြႃး​ဢၼ်​မူတ်း​ၸၢင်ႇ၊ ၽြႃး​ဢၼ်​ယုမ်ႇ​ငၢႆႈ​လွင်ႈ​ဢၼ်​ဢပႅတ်ႈ​မီး​ၼၼ်ႉ​ဢေႃႈ။ မၼ်း​ၸဝ်ႈ​တၵ်း​ဢမ်ႇ​ယိူၼ်ႉ​ၶၢမ်ႇ​ဢပႅတ်ႈ​ဢၼ်​သူ​ပူၼ်ႉ​လိူဝ်၊ ဢပႅတ်ႈ​ဢၼ်​သူ​ၽိတ်း​ပိူင်ႈ​ၸိူဝ်း​ၼၼ်ႉ။-</verse>
				<verse number="20">ပေႃး​သူ​ၸုၼ်ႉ​ပႅတ်ႈ​ထႃႇဝရႃႉ​ၽြႃး​လႄႈ ႁဵတ်း​ဝၢတ်ႈ​တီႈ​ၽြႃး​တၢင်ႇ​ဝၢၼ်ႈ​တၢင်ႇ​မိူင်း​ၸိုင်၊ မၼ်း​ၸဝ်ႈ​တၵ်း​ဝၢႆႇ​ၶိုၼ်း​လႄႈ ၼိၵ်ႈ​ၸၢၵ်ႈ​ငႅၼ်း​သႄး​သူ ယႃႉ​ၽဵဝ်ႈ​သူ​ပႅတ်ႈ လိုၼ်း​သေ​ဢၼ်​မၼ်း​ၸဝ်ႈ​ႁဵတ်း​ၵျေး​ၸူး​တီႈ​သူ​ယဝ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="21">ၵူၼ်း​တင်း​လၢႆ​ၶိုၼ်း​လဝ်ႊ​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ ဢမ်ႇ​ၸႂ်ႈ​ၶႃႈ။ ႁဝ်း​ၶႃႈ​တၵ်း​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​ၵူၺ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ယေႃးသူႉ ​ၵေႃႈ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ တူဝ်​သူ​ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ ယူႇ​ၽၢႆႇ​ၼိုင်ႈ​တင်း​တၢင်း​သူ​လွင်ႈ​ဢၼ်​သူ​လိူၵ်ႈ​ၵဵပ်း​ဢဝ် ထႃႇဝရႃႉ​ၽြႃး ႁႂ်ႈ​လႆႈ​ႁဵတ်း​ဝၢတ်ႈ​တီႈ​မၼ်း​ၸဝ်ႈ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၼၼ်ႉ​ဢွၼ်​ၵၼ်​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="23">မၼ်း​ၵေႃႈ​လၢတ်ႈ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ပႄႇ​ပႅတ်ႈ​ၽြႃး​တၢင်ႇ​ဝၢၼ်ႈ​တၢင်ႇ​မိူင်း ဢၼ်​မီး​ၵႃႈ​ၼႂ်း​သူ​ၸိူဝ်း​ၼၼ်ႉ​သေ​လႄႈ ဢဝ်​ႁူဝ်​ၸႂ်​သူ​ၵူမ်ႈ​ၵွမ်း​ၸူး​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၵူၼ်း​တင်း​လၢႆ​ၵေႃႈ ဢွၼ်​ၵၼ်​လဝ်ႊ​လၢတ်ႈ​တီႈ​ ယေႃးသူႉ ​လႄႈ​ဝႃႈ၊ ႁဝ်း​ၶႃႈ​တၵ်း​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​ၶႃႈ​ဢေႃႈ။ တၵ်း​ထွမ်ႇ​ဢဝ်​ၵႂၢမ်း​မၼ်း​ၸဝ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">ယေႃးသူႉ ​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ၵူၼ်း​တင်း​လၢႆ ၼႂ်း​ဝၼ်း​ၼၼ်ႉ​လႄႈ ဝႆႉ​ထုင်း​ၽိင်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​ၼၼ်ႉ ပုၼ်ႈ​ၶဝ်​ၵႃႈ​တီႈ​ဝဵင်း​ သေႇၶိမ်ႇ ​ၼၼ်ႉ​ဢေႃႈ။-</verse>
				<verse number="26">ၵႂၢမ်း​ၼၼ်ႉ​ၵေႃႈ ယေႃးသူႉ ​တႅမ်ႈ​သႂ်ႇ​ဝႆႉ​ၵႃႈ​ၼႂ်း​ထမ်ႇမႃႉ​ၵျၢမ်း​လိၵ်ႈ​ၽြႃး​ပဵၼ်​ၸဝ်ႈ​လႄႈ ဢဝ်​မၢၵ်ႇ​ႁိၼ်​လူင်​ပူၵ်း​တင်ႈ​ဝႆႉ ၵႃႈ​တီႈ​တႂ်ႈ​တူၼ်ႈ​မႆႉ​ၼိမ် ဢၼ်​မီး​ၵႃႈ​ႁိမ်း​ထႃႇၼႃႉ​တီႈ​မူတ်း​ၸၢင်ႇ​ထႃႇဝရႃႉ​ၽြႃး​ၼၼ်ႉ​သေ​ယဝ်ႉ၊-</verse>
				<verse number="27">ယေႃးသူႉ ​လၢတ်ႈ​တီႈ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ တူၺ်း​လူး၊ မၢၵ်ႇ​ႁိၼ်​ၼႆႉ​တၵ်း​လႆႈ​ပဵၼ်​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​ႁဝ်း​ဢေႃႈ။ မၼ်း​လႆႈ​ငိၼ်း​ၵႂၢမ်း​ဢၼ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​တီႈ​ႁဝ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ယဝ်ႉ။ ပိူဝ်ႈ​ၼႆ​လႄႈ မၼ်း​တၵ်း​လႆႈ​ပဵၼ်​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​သူ ႁႂ်ႈ​သူ​ၵၢင်း​လွတ်ႈ​တင်း တၢင်း​ဢၼ်​ထဵင်​ပႅတ်ႈ​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="28">ယေႃးသူႉ ​ပွႆႇ​ၵူၼ်း​တင်း​လၢႆ​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ တီႈ​ဢၼ်​ၶဝ်​လႆႈ​ၶၢမ်ႇ​ဢမူၺ်ႇ​ၼၼ်ႉ ႁင်း​ၽႂ်​ႁင်း​မၼ်း​သေ​ဢေႃႈ။</verse>
				<verse number="29">လိုၼ်း​ၼၼ်ႉ​ၸင်ႇ၊ ယေႃးသူႉ ​လုၵ်ႈ​ၸၢႆး​ ၼုၼ်ႇ ၶႃႈ​ထႃႇဝရႃႉ​ၽြႃး​ၼၼ်ႉ၊ ဢသၢၵ်ႈ​လႆႈ​ပၢၵ်ႇ​ပၢႆ​သိပ်း​ပီႊ​သေ​ယဝ်ႉ ႁွတ်ႈ​ဢၼိၵ်ႈၸႃႉ​သေ​ဢေႃႈ။-</verse>
				<verse number="30">ၶဝ်​ဢဝ်​မၼ်း​သၢင်း​ၵျူဝ်ႇ​ၵႃႈ​တီႈ​လိၼ် တီႈ​ဢၼ်​မၼ်း​ၶၢမ်ႇ​ဢမူၺ်ႇ ၵႃႈ​ၼႂ်း​ဝဵင်း​ တီႉမၼႃႇ​သေႃႇရႃႉ ဢၼ်​မီး​ၵႃႈ​ၼိူဝ်​ႁၢၼ်ႉ​လွႆ ဢေႇၽရိမ်ႇ ၽၢႆႇ​တၢင်း​ႁွင်ႇ​ၵုင်း​ ၵႃႇသႃႉ ​ၼၼ်ႉ​ဢေႃႈ။-</verse>
				<verse number="31">ၼႂ်း​ၸူဝ်ႈ​ပၢၼ်​ ယေႃးသူႉ ​ၼၼ်ႉ ဢိၵ်ႇ​တင်း​ၼႂ်း​ၸူဝ်ႈ​ပၢၼ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ဢၼ်​ဢသၢၵ်ႈ​ယင်း​လိပ်း​ယူႇ လိုၼ်း​ ယေႃးသူႉ ​လႄႈ ႁူႉ​လွင်ႈ​တၢင်း​ၵႃႈ​ဢၼ်​ထႃႇဝရႃႉ​ၽြႃး ႁဵတ်း​ပုၼ်ႈ​မဵဝ်း​ ဢီႉသရေႇလႃႉ ​ၼၼ်ႉ​ၸိူဝ်း​ၼၼ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="32">လုပ်ႇ​ ယူဝ်းသႅပ်ႈ ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢဝ်​ၵႃႈ​တီႈ​မိူင်း​ ဢေႇၵိပ်ႉတူႉ ​မႃး​ၸိူဝ်း​ၼၼ်ႉ​ၸိုင်၊ ၶဝ်​ဢဝ်​သၢင်း​ၵျူဝ်ႇ​ဝႆႉ ၵႃႈ​ၼႂ်း​ဢိူင်ႇ​ဝဵင်း​ သေႇၶိမ်ႇ ၵႃႈ​တီႈ​ၵႂၢၵ်ႈ​လိၼ်​ဢၼ်​ ယႃႇၵုပ်ႈ ​ဢဝ်​တင်း​ငိုၼ်း​ပၢၵ်ႇ​ၵျၢပ်ႈ​သိုဝ်ႉ​ဢဝ်​တီႈ​လုၵ်ႈ​ၸၢႆး​ ႁႃႇမေႃႇ ၵေႃႉ​ဢၼ်​ပဵၼ်​ပေႃႈ သေႇၶိမ်ႇ ​ၼၼ်ႉ ၸိူဝ်း​ၼၼ်ႉ​ၼၼ်ႉ​ဢေႃႈ။ ၵႂၢၵ်ႈ​လိၼ်​ၼၼ်ႉ ပဵၼ်​လိၼ်​ဢမူၺ်ႇ​ၵူၼ်း​မဵဝ်း​ ယူဝ်းသႅပ်ႈ ​ၸိူဝ်း​ၼၼ်ႉ​ဢေႃႈ။-</verse>
				<verse number="33">ဢေးလႃႇၸႃႇ လုၵ်ႈ​ၸၢႆး​ ဢႃႇရုၼ်ႇ ​ၼၼ်ႉ​ၵေႃႈ ႁွတ်ႈ​ဢၼိၵ်ႈၸႃႉ​သေ​ဢေႃႈ။ ၶဝ်​ဢဝ်​မၼ်း​သၢင်း​ၵျူဝ်ႇ​ၵႃႈ​တီႈ​ၵုင်း​ ၽီႉၼႁတ်ႉ လုၵ်ႈ​ၸၢႆး​မၼ်း ဢၼ်​ၵူၼ်း​တင်း​လၢႆ​ပၼ်​တီႈ​လုၵ်ႈ​ၸၢႆး​မၼ်း​ၼၼ်ႉ ၵႃႈ​ၼိူဝ်​ႁၢၼ်ႉ​လွႆ ဢေႇၽရိမ်ႇ ​ၼၼ်ႉ​ဢေႃႈ။ လိၵ်ႈ​မၢတ်ႈ​လွင်ႈ​ယေႃးသူႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="7">
			<chapter number="1">
				<verse number="1">လိုၼ်း​ဢၼ်​ ယေႃးသူႉ ႁွတ်ႈ​ဢၼိၵ်ႈၸႃႉ​ယဝ်ႉ​ၼၼ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လဝ်ႊ​ထၢမ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၵႃႈ​ၼႂ်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၽူႈ​လႂ်​တၵ်း​လႆႈ​ၶီႇ​ၶိုၼ်ႈ​ဢွၼ်​တၢင်း​ပိူၼ်ႈ​ၸူး​ၵႃႈ​တီႈ​ၵူၼ်း​ ၶႃႇၼၼီႉ ​တင်း​လၢႆ ႁႂ်ႈ​လႆႈ​တိုၵ်း​တေႃး​ၶဝ်​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="2">ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ယူႉတႃႉ ​တၵ်း​လႆႈ​ၶီႇ​ၶိုၼ်ႈ​ဢေႃႈ။ ၵဝ်​ဢဝ်​မိူင်း​ၼၼ်ႉ​ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ယူႉတႃႉ ​ၼၼ်ႉ​လၢတ်ႈ​တီႈ​ပီႈ​ၸၢႆး​မၼ်း​ သီႉမုၼ်ႇ ​လႄႈ​ဝႃႈ၊ ၸွမ်း​လူၺ်ႈ​ၵၼ်​တင်း​ၵဝ်​ၶိုၼ်ႈ​ၵႂႃႇ​ၵႃႈ​တီႈ​လိၼ်​ဢမူၺ်ႇ​ၵဝ်​ၼၼ်ႉ ႁႂ်ႈ​လႆႈ​တိုၵ်း​တေႃး​ၵူၼ်း​ ၶႃႇၼၼီႉ ​ၸိူဝ်း​ၼၼ်ႉ​သေ​ၵမ်း။ ၵႃႈ​တီႈ​လိၼ်​ဢမူၺ်ႇ​မႂ်း​ၵေႃႈ ၵဝ်​တၵ်း​ၸွမ်း​ၵႂႃႇ​လူၺ်ႈ​ၵၼ်​တင်း​မႂ်း​ဢေႃႈ​၊ ဝႃႈ​ၼင်ႇ​ၼႆ​လႄႈ၊ သီႉမုၼ်ႇ ​ၸွမ်း​ၶိုၼ်ႈ​ၵႂႃႇ​ဢေႃႈ။-</verse>
				<verse number="4">ယူႉတႃႉ ​ၼၼ်ႉ​ၶီႇ​ၶိုၼ်ႈ​ၵႂႃႇ​လႄႈ​ထႃႇဝရႃႉ​ၽြႃး​ဢဝ်​ၵူၼ်း​ ၶႃႇၼၼီႉ ဢိၵ်ႇ​တင်း​ၵူၼ်း​ ၽေႇရၸီႉ ​တင်း​လၢႆ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​သေ​ယဝ်ႉ ၶဝ်​တိုၵ်း​တေႃး​ယႃႉ​ပႅတ်ႈ​ၶဝ်​ၼၼ်ႉ ၵႃႈ​တီႈ​ဝဵင်း​ ပေးၸႅၵ်ႉ ​ၼၼ်ႉ​ၵူၼ်း​မိုၼ်ႇ​ၼိုင်ႈ​ဢေႃႈ။-</verse>
				<verse number="5">ၶဝ်​ထူပ်း​ႁၼ်​ၶုၼ်​ ဢတေႃးၼီႉပေးၸႅၵ်ႉ ၵႃႈ​ၼႂ်း​ဝဵင်း​ ပေးၸႅၵ်ႉ ​ၼၼ်ႉ​လႄႈ တိုၵ်း​တေႃး​မၼ်း​သေ​လႄႈ ယႃႉ​ပႅတ်ႈ​ၵူၼ်း​ ၶႃႇၼၼီႉ ဢိၵ်ႇ​တင်း​ၵူၼ်း​ ၽေႇရၸီႉ ​ၸိူဝ်း​ၼၼ်ႉ​သေ​ယဝ်ႉ၊-</verse>
				<verse number="6">ဢတေႃးၼီႉပေးၸႅၵ်ႉ ​ၼၼ်ႉ​ဢွၵ်ႇ​ပၢႆႈ​ဢေႃႈ။ ၶဝ်​လိုပ်ႈ​ၸွမ်း​လမ်း​ၸွမ်း​မၼ်း​လႄႈ​တီႉ​လႆႈ​သေ​ယဝ်ႉ တႅပ်း​မႄႈ​မိုဝ်း​မၼ်း​မႄႈ​တိၼ်​မၼ်း​ပႅတ်ႈ​ဢေႃႈ။-</verse>
				<verse number="7">ဢတေႃးၼီႉပေးၸႅၵ်ႉ ​လၢတ်ႈ​လႄႈ​ဝႃႈ၊ ၶုၼ်​လူင်​ၸဵတ်း​သိပ်း​ဢၼ်​လႆႈ​ၶၢမ်ႇ​တၢင်း​ဢၼ်​တႅပ်း​မႄႈ​မိုဝ်း​မႄႈ​တိၼ်​ၸိူဝ်း​ၼၼ်ႉ လႆႈ​ၵဵပ်း​ၵိၼ်​ဢၼ်​ယွႆႈ​ဢၼ်​ယႅမ်း ၵႃႈ​တႂ်ႈ​ၶူင်ႇ​တီႈ​ၵိၼ်​ၵဝ်​ဢေႃႈ။ ၸွမ်း​ၵႃႈ​ၼင်ႇ​ဢၼ်​ၵဝ်​ယၢမ်ႈ​ႁဵတ်း​မႃး​ၼၼ်ႉ​သေ​လႄႈ ၽြႃး​ပဵၼ်​ၸဝ်ႈ​ပၼ်​ဢပႅတ်ႈ​တီႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ဢဝ်​မၼ်း​ၼၼ်ႉ​သူင်ႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ မၼ်း​ၼၼ်ႉ​တၢႆ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="8">ၵူၼ်း​မဵဝ်း​ ယူႉတႃႉ ​ၸိူဝ်း​ၼၼ်ႉ တိုၵ်း​တေႃး​ဝဵင်း​ ယေႇရူႉသလႅမ်ႇ ​လႄႈ သိမ်း​ဢဝ်​သေ​ယဝ်ႉ ယႃႉ​ပႅတ်ႈ​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​လႄႈ ဢဝ်​ၽႆး​တုတ်ႇ​ဝဵင်း​ၼၼ်ႉ​ဢေႃႈ။-</verse>
				<verse number="9">လိုၼ်း​ၼၼ်ႉ ၵူၼ်း​မဵဝ်း​ ယူႉတႃႉ ​ၸိူဝ်း​ၼၼ်ႉ​လူင်း​ၵႂႃႇ​ႁႂ်ႈ​လႆႈ​တိုၵ်း​တေႃး​ၵူၼ်း​ ၶႃႇၼၼီႉ ဢၼ်​ယူႇ​ၵႃႈ​တီႈ​ၼိူဝ်​ႁၢၼ်ႉ​လွႆ ၵႃႈ​တီႈ​ပွတ်း​တၢင်း​ၸၢၼ်း ဢိၵ်ႇ​တင်း​ၵႃႈ​တႂ်ႈ​တီႈ​ဢၼ်​ပၢင်ႇ​ဢၼ်​ပဵင်း​ၼၼ်ႉ​ဢေႃႈ။-</verse>
				<verse number="10">ၵူၼ်း​မဵဝ်း​ ယူႉတႃႉ ​ၸိူဝ်း​ၼၼ်ႉ သမ်ႉ​ၶီႇ​သိုၵ်း​ၵႂႃႇ​ၸူး​ၵႃႈ​တီႈ​ၵူၼ်း​ ၶႃႇၼၼီႉ ဢၼ်​ယူႇ​ၵႃႈ​ၼႂ်း​ဝဵင်း​ ႁေႇပြုၼ်ႇ ​ဢၼ်​မီး​ၸိုဝ်ႈ​သဵင်​ၵဝ်ႇ ၵီႉရယႃႉသႃႇၽႃႇ ​ၼၼ်ႉ​လႄႈ​တိုၵ်း​တေႃး​ယႃႉ​ပႅတ်ႈ ဢႁီႉမၼ်ႇ၊ သေး​သေး တင်း​ တႃႇလမေး ​ၸိူဝ်း​ၼၼ်ႉ​ဢေႃႈ။</verse>
				<verse number="11">ၶဝ်​သမ်ႉ​လုၵ်ႉ​သေ​ၵႃႈ​တီႈ​ၼၼ်ႈ ၶီႇ​သိုၵ်း​ၵႂႃႇ​ၸူး​ၵႃႈ​တီႈ​ၶဝ်​ၸိူဝ်း​ဢၼ်​ပဵၼ် ၵူၼ်း​ဝဵင်း​ တေႇပီႉရႃႉ ​ၼၼ်ႉ​ဢေႃႈ။ ၸိုဝ်ႈ​ၵဝ်ႇ​သဵင်​ၵဝ်ႇ​ဝဵင်း​ တေႇပီႉရႃႉ ​ၼၼ်ႉ​ၸမ်ႉ၊ ပဵၼ်​ ၵီႉရယႃႉသေႃႇၽႃႉ ​ဢေႃႈ။-</verse>
				<verse number="12">မိူဝ်ႈ​ၼၼ်ႉ ၵႃႇလႅပ်ႉ ​လၢတ်ႈ​လႄႈ​ဝႃႈ၊ ၵဝ်​တၵ်း​ဢဝ်​လုၵ်ႈ​ယိင်း​ၵဝ်​ ဢႃႇၶသႃႉ ပၼ်​ၵၼ်​တင်း​ၵေႃႉ​ဢၼ်​တိုၵ်း​ဢဝ် ဝဵင်း​ ၵီႉရယႃႉသေႃႇၽႃႉ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">ဢေႃးထၼ်ႇယေႇလႃႉ လုၵ်ႈ​ၸၢႆး​ ၵေးၼတ်ႉ ဢၼ်​ပဵၼ်​ၼွင်ႉ​ၸၢႆး​ ၵႃႇလႅပ်ႉ ​ၼၼ်ႉ တိုၵ်း​ဢဝ်​ဝဵင်း​ၼၼ်ႉ​လႄႈ၊ မၼ်း​ဢဝ်​လုၵ်ႈ​ယိင်း​မၼ်း​ ဢႃႇၶသႃႉ ပၼ်​ၵၼ်​တင်း​မၼ်း​ၼၼ်ႉ​ဢေႃႈ။-</verse>
				<verse number="14">မိူဝ်ႈ​ဢၼ်​မႄႈ​ယိင်း​ၼၼ်ႉ​မႃး​ၸူး​တီႈ​ၽူဝ်​မၼ်း​ၼၼ်ႉ​ၸိုင်၊ မၼ်း​တိုၵ်း​ယူင်း​ၸူဝ်း​ဢဝ်​ၽူဝ်​မၼ်း ႁႂ်ႈ​လႆႈ​ယွၼ်း​ဢဝ်​ၵႂၢၵ်ႈ​လိၼ်​သေ​ၵႂၢၵ်ႈ​ၼိုင်ႈ​တီႈ​ပေႃႈ​မၼ်း​သေ​ယဝ်ႉ လူင်း​သေ​ၵႃႈ​ၼိူဝ်​လီႈ​မၼ်း​သေ​လႄႈ ၵႃႇလႅပ်ႉ ​ထၢမ်​တီႈ​မၼ်း​လႄႈ​ဝႃႈ၊ မႂ်း​ၶႂ်ႈ​လႆႈ​ၵႃႈ​သင်၊ ဝႃႈ​ၼင်ႇ​ၼႆ​လႄႈ၊-</verse>
				<verse number="15">မၼ်း​ၶိုၼ်း​လၢတ်ႈ​လႄႈ​ဝႃႈ၊ ပၼ်​တၢင်း​လီ​တီႈ​ၵဝ်​ၶႃႈ​သေ​ၵမ်း​ၶႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ပၼ်​လိၼ်​ၼႃႈ​တၢင်း​ၸၢၼ်း​ၼၼ်ႉ တီႈ​ၵဝ်​ၶႃႈ​ယဝ်ႉ​လႄႈ ၼမ်ႉ​ဢွၵ်ႇ​ႁူး​ၵေႃႈ​ပၼ်​လူး​ၵွၼ်ႇ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵႃႇလႅပ်ႉ ​ပၼ်​ၼမ်ႉ​ဢွၵ်ႇ​ႁူး​ဢၼ်​ၵႃႈ​ၼိူဝ်​ဢိၵ်ႇ​တင်း ၼမ်ႉ​ဢွၵ်ႇ​ႁူး​ဢၼ်​ၵႃႈ​တႂ်ႈ​ၸိူဝ်း​ၼၼ်ႉ​တီႈ​မၼ်း​ဢေႃႈ။</verse>
				<verse number="16">ၵူၼ်း​မဵဝ်း​ၸိူဝ်ႉ​ၶိူဝ်း​ ၵေႇၼီႉ ၵေႃႉ​ဢၼ်​ပဵၼ်​ပူႇ​ၼၢႆး​ မူဝ်းသေႇ ​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​သေ​ၵႃႈ​တီႈ​ဝဵင်း​တူၼ်ႈ​ထၢၼ် ၸွမ်း​လူၺ်ႈ​ၵၼ်​တင်း​ၵူၼ်း​မဵဝ်း​ ယူႉတႃႉ ​တင်း​လၢႆ ၶိုၼ်ႈ​ၵႂႃႇ​ၸူး​ၵႃႈ​တီႈ​ထိူၼ်ႇ​ ယူႉတႃႉ ၵႃႈ​တီႈ​ၽၢႆႇ​တၢင်း​ၸၢၼ်း​ဝဵင်း​ ဢႃႇရတ်ႉ ​လႄႈ ၵႂႃႇ​တူၵ်း​တီႈ​ယူႇ​တီႈ​သဝ်း​လူၺ်ႈ​ၵၼ်​တင်း​ၶဝ်​ၼၼ်ႉ​ဢေႃႈ။-</verse>
				<verse number="17">ယူႉတႃႉ ​သမ်ႉ​ၸွမ်း​လူၺ်ႈ​ၵၼ်​တင်း​ပီႈ​ၸၢႆး​မၼ်း​ သီႉမုၼ်ႇ ၵႂႃႇ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​ ၶႃႇၼၼီႉ ​ဢၼ်​ယူႇ​ၵႃႈ​တီႈ​ဝဵင်း​ ၸေးၽတ်ႉ ​ၼၼ်ႉ​သေ​လႄႈ ယႃႉ​ၽဵဝ်ႈ​ဝဵင်း​ၼၼ်ႉ​ပႅတ်ႈ​မူတ်း​မူတ်း​သေ​ယဝ်ႉ ဝဵင်း​ၼၼ်ႉ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ​ ႁေႃႇမႃႇ ​ဢေႃႈ။-</verse>
				<verse number="18">ယူႉတႃႉ ​သမ်ႉ​တိုၵ်း​ဢဝ်​ဝဵင်း​ ၵႃႇၸႃႉ ဢိၵ်ႇ​တင်း​ဢိူင်ႇ​ဝဵင်း​မၼ်း၊ ဝဵင်း​ ဢႃႇသၵေႇလုၼ်ႇ ​ဢိၵ်ႇ​တင်း​ဢိူင်ႇ​ဝဵင်း​မၼ်း၊ တင်း​ဝဵင်း​ ဢေႇၵြုၼ်ႇ ဢိၵ်ႇ​တင်း​ဢိူင်ႇ​ဝဵင်း​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="19">ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ ယူႉတႃႉ ​လႄႈ မၼ်း​ၼၼ်ႉ​ႁေႃႈ​ၶဝ်​ၸိူဝ်း​ဢၼ်​ယူႇ​ၵႃႈ​ၼိူဝ်​ႁၢၼ်ႉ​လွႆ​တင်း​လၢႆ​ဢွၵ်ႇ​ပႅတ်ႈ​ဢေႃႈ။ ၵူၼ်း​ဢၼ်​ယူႇ​ၵႃႈ​ၼႂ်း​ပၢင်ႇ​ၼႂ်း​ပဵင်း​တင်း​လၢႆ​ၸိုင် မၼ်း​ဢမ်ႇ​ႁေႃႈ​ဢွၵ်ႇ​ပႅတ်ႈ​လႆႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​မီး​လေႃႉရထႃး​လဵၵ်း​ဢေႃႈ။-</verse>
				<verse number="20">ၶဝ်​ဢဝ်​ဝဵင်း​ ႁေႇပြုၼ်ႇ ​ပၼ်​တီႈ​ ၵႃႇလႅပ်ႉ ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ​သင်ႇ​လၢတ်ႈ​ဝႆႉ​ၼၼ်ႉ​လႄႈ မၼ်း​ၼၼ်ႉ​ႁေႃႈ​ၵူၼ်း​ ဢႃႇၼၵႃႉ သၢမ်​ၵေႃႉ​ဢွၵ်ႇ​ပႅတ်ႈ​သေ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="21">ၵူၼ်း​မဵဝ်း​ ပိၼ်ႇယႃႇမိၼ်ႇ ယင်း​ဢမ်ႇ​ႁေႃႈ​ၵူၼ်း​ ယေႇပူႉသီႉ ​တင်း​လၢႆ ဢၼ်​ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ ဢွၵ်ႇ​ပႅတ်ႈ​သေ​ၵႃႈ​တီႈ​ၼၼ်ႈ​လႄႈ ၵူၼ်း​ ယေႇပူႉသီႉ ​ၸိူဝ်း​ၼၼ်ႉ ယူႇ​လူၺ်ႈ​ၵၼ်​တင်း​ၵူၼ်း​မဵဝ်း​ ပိၼ်ႇယႃႇမိၼ်ႇ ​တင်း​လၢႆ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="22">ၵူၼ်း​မဵဝ်း​ ယူဝ်းသႅပ်ႈ ​ၵေႃႈ ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း​ ပေႇသလႃႉ ​လႄႈ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ၶဝ်​ဢေႃႈ။-</verse>
				<verse number="23">ၵူၼ်း​မဵဝ်း​ ယူဝ်းသႅပ်ႈ ​ၸိူဝ်း​ၼၼ်ႉ ပွႆႇ​ၸႂ်ႉ​ႁႂ်ႈ​လႆႈ​လွမ်​တူၺ်း​ဝဵင်း​ ပေႇသလႃႉ ​ဢေႃႈ။ ၸိုဝ်ႈ​ၵဝ်ႇ​သဵင်​ၵဝ်ႇ​ဝဵင်း​ၼၼ်ႉ​ၸမ်ႉ ပဵၼ်​ဝဵင်း​ လူႉၸႃႉ ​ဢေႃႈ။-</verse>
				<verse number="24">ၶဵဝ်​လွတ်ႈ​ၽၢႆႇ​ၼႂ်း​ၸိူဝ်း​ၼၼ်ႉ ထူပ်း​ႁၼ်​ၵူၼ်း​ၵေႃႉ​ၼိုင်ႈ ဢွၵ်ႇ​ၵႃႈ​ၼႂ်း​ဝဵင်း​ၼၼ်ႉ​မႃး​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ၼႄ​ပၼ်​သဵၼ်ႈ​တၢင်း​ဢၼ်​ၶဝ်ႈ​ၸူး​ၵႃႈ​ၼႂ်း​ဝဵင်း​တႃႉ။ ပေႃး​မႂ်း​ၼႄ​ပၼ်​ၸိူဝ်ႉ​ၼင်ႇ​ၼၼ်​ၸိုင် ႁဝ်း​တၵ်း​ပၼ်​ၵတ်း​ယဵၼ်​ၶျၢမ်း​သႃႇ​တီႈ​မႂ်း​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="25">ၵေႃႉ​ၼၼ်ႉ​ၼႄ​ပၼ်​သဵၼ်ႈ​တၢင်း​ဢၼ်​ၶဝ်ႈ​ၸူး​ၵႃႈ​ၼႂ်း​ဝဵင်း​သေ​ယဝ်ႉ ၶဝ်​ၼၼ်ႉ​တိုၵ်း​တေႃး​ယႃႉ​ဝဵင်း​ၼၼ်ႉ​ပႅတ်ႈ လူၺ်ႈ​ၶူမ်း​လၢပ်ႇ​ၶူမ်း​လႅဝ်း​လႄႈ​ပွႆႇ​ၵေႃႉ​ၼၼ်ႉ ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မၼ်း​တင်း​သဵင်ႈ​တင်း​လူင်​လွတ်ႈ​ဢေႃႈ။-</verse>
				<verse number="26">ၵေႃႉ​ၼၼ်ႉ​ၵႂႃႇ​ၵႃႈ​တီႈ မိူင်း​ ႁိတ်ႉတီႉ ​လႄႈ တႄႇ​ႁဵတ်း​ဝဵင်း​သေ​ယဝ်ႉ၊ ႁွင်ႉ​ႁဵၵ်ႈ​ၸိုဝ်ႈ​ဝဵင်း​ၼၼ်ႉ​ လူႉၸႃႉ ​ဢေႃႈ။ ၸိုဝ်ႈ​သဵင်​ၼၼ်ႉ ၸပ်း​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="27">မဵဝ်း​ မၼႃႇ​သေႇ ​ၼၼ်ႉ ယင်း​ဢမ်ႇ​ႁေႃႈ​ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ဝဵင်း​ ပႅတ်ႉသၼ်ႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ တႃႇၼၵ်ႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ဝဵင်း​ တေႃႇရႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ဝဵင်း​ ဢီႉပလမ်ႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ဝဵင်း​ မေႇၵိတ်ႉတေႃႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​လႄႈ ၵူၼ်း​ ၶႃႇၼၼီႉ ​ၸိူဝ်း​ၼၼ်ႉ ၼိူင်ႇ​ၶႅၼ်​သေ​လႄႈ​ယူႇ​ဢေႃႈ။-</verse>
				<verse number="28">လိုၼ်း​ၼၼ်ႉ မိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႅင်း​ယႂ်ႇ​မႃး​ၼၼ်ႉ​ၸိုင် ပိၵ်ႉ​သမ်ႉ​ၶဝ်​ဢမ်ႇ​ႁေႃႈ​ၵူၼ်း​ ၶႃႇၼၼီႉ ​တင်း​လၢႆ​ဢွၵ်ႇ​ပႅတ်ႈ​သေ​ၵေႃႈ ၶဝ်​ႁႂ်ႈ​ၶဝ်​ၼၼ်ႉ​လႆႈ​ပဵၼ်​ၶႃႈ ၶၢမ်ႇ​တၢင်း​ၸႂ်ႉ​တၢင်း​သွႆ​ဢေႃႈ။-</verse>
				<verse number="29">မိူၼ်​ၼင်ႇ​ၼၼ် မဵဝ်း​ ဢေႇၽရိမ်ႇ ယင်း​ဢမ်ႇ​ႁေႃႈ​ၵူၼ်း​ ၶႃႇၼၼီႉ ဢၼ်​ယူႇ​ၵႃႈ​တီႈ​ဝဵင်း​ ၵေႇၸႃႇ ​ၼၼ်ႉ ဢွၵ်ႇ​ပႅတ်ႈ​လႄႈ ၵူၼ်း​ ၶႃႇၼၼီႉ ​ၸိူဝ်း​ၼၼ်ႉ ယူႇ​လူၺ်ႈ​ၵၼ်​တင်း​ၶဝ်​ၵႃႈ​ၼႂ်း​ဝဵင်း​ ၵေႇၸႃႇ ​ၼၼ်ႉ​ယူႇ​ဢေႃႈ။-</verse>
				<verse number="30">မိူၼ်​ၼင်ႇ​ၼၼ် မဵဝ်း​ ဢႃႇသႃႇ ​ယင်း​ဢမ်ႇ​ႁေႃႈ​ၵူၼ်း​ဝဵင်း​ ၵီႉတရုၼ်ႇ ဢိၵ်ႇ​တင်း​ၵူၼ်း​ဝဵင်း​ ၼႁႃႇလေႃးလႃႉ ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​လႄႈ ၵူၼ်း​ ၶႃႇၼၼီႉ ​ၸိူဝ်း​ၼၼ်ႉ ယူႇ​လူၺ်ႈ​ၵၼ်​တင်း​ၶဝ်​သေ​လႄႈ လႆႈ​ပဵၼ်​ၶႃႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ယူႇ​ဢေႃႈ။-</verse>
				<verse number="31">မိူၼ်​ၼင်ႇ​ၼၼ် မဵဝ်း​ ဢႃႇသႃႇ ​ယင်း​ဢမ်ႇ​ႁေႃႈ​ၵူၼ်း​ဝဵင်း​ ဢၵ်ႉၶေႃႇ ၊ ၵူၼ်း​ဝဵင်း​ ၸီႉတုၼ်ႇ ၊ ၵူၼ်း​ဝဵင်း​ ဢႃႇလပ်ႉ ၊ ၵူၼ်း​ဝဵင်း​ ဢႃႇၶၸိပ်ႉ ၊ ၵူၼ်း​ဝဵင်း​ ႁေႇလပႃႉ ၊ ၵူၼ်း​ဝဵင်း​ ဢႃႇၽႅတ်ႉ ၊ ၵူၼ်း​ဝဵင်း​ ရႃႇႁေႃႇၽႃႉ ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​လႄႈ၊-</verse>
				<verse number="32">ၵူၼ်း​မဵဝ်း​ ဢႃႇသႃႇ ​ၸိူဝ်း​ၼၼ်ႉ​ယူႇ​လူၺ်ႈ​ၵၼ်​တင်း​ၵူၼ်း​ ၶႃႇၼၼီႉ ​ၸိူဝ်း​ၼၼ်ႉ​ဢေႃႈ။ ၶဝ်​ဢမ်ႇ​ႁေႃႈ​ၶဝ်​ၼၼ်ႉ​ဢွၵ်ႇ​ပႅတ်ႈ။-</verse>
				<verse number="33">မိူၼ်​ၼင်ႇ​ၼၼ် မဵဝ်း​ ၼပ်ႉထလီႉ ယင်း​ဢမ်ႇ​ႁေႃႈ​ၵူၼ်း​ဝဵင်း​ ပႅတ်ႉသေးမိတ်ႉ တင်း​ၵူၼ်း​ဝဵင်း​ ပေႉသၼတ်ႉ ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​လႄႈ ယူႇ​လူၺ်ႈ​ၵၼ်​တင်း​ၵူၼ်း​ ၶႃႇၼၼီႉ ဢၼ်​ယူႇ​ၵႃႈ​တီႈ​မိူင်း​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵူၼ်း​ဝဵင်း​ ပႅတ်ႉသေးမိတ်ႉ ဢိၵ်ႇ​တင်း​ၵူၼ်း​ဝဵင်း​ ပေႉသၼတ်ႉ ​ၸိူဝ်း​ၼၼ်ႉ လႆႈ​ပဵၼ်​ၶႃႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ယူႇ​ဢေႃႈ။-</verse>
				<verse number="34">ၵူၼ်း​ ဢႃႇမေႃးရီႉ ​တင်း​လၢႆ ႁဵတ်း​ႁႂ်ႈ​ၵူၼ်း​မဵဝ်း​ တၢၼ်ႇ ယူႇ​ၵႃႈ​ၼိူဝ်​ႁၢၼ်ႉ​လွႆ​တႄး​လွႆ​လႄႈ ဢမ်ႇ​ပၼ်​ဢၶႂၢင်ႉ​ဢၼ်​လႆႈ​ယူႇ​ၵႃႈ​တႂ်ႈ​တီႈ​ပၢင်ႇ​တီႈ​ပဵင်း။-</verse>
				<verse number="35">ၵူၼ်း​ ဢႃႇမေႃးရီႉ ​ၸိူဝ်း​ၼၼ်ႉ ၼိူင်ႇ​ၶႅၼ်​ယူႇ​ၵႃႈ​ၼိူဝ်​လွႆ​ ႁေးရိတ်ႉ ၵႃႈ​ၼႂ်း​ဝဵင်း​ ဢႃႇၸလုၼ်ႇ တင်း​ဝဵင်း​ သႃႇလပိမ်ႇ ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ႁႅင်း​မိုဝ်း​ၵူၼ်း​မဵဝ်း​ ယူဝ်းသႅပ်ႈ ​ၼၼ်ႉ ပႄႉ​ၼႅင်ႇ​ႁႂ်ႈ​ၶဝ်​ၼၼ်ႉ​ထၼ်ႈ​ပေႃး​လႆႈ​ပဵၼ်​ၶႃႈ ၶၢမ်ႇ​တၢင်း​ၸႂ်ႉ​တၢင်း​သွႆ​ဢေႃႈ။-</verse>
				<verse number="36">လိၼ်​တီႈ​ဢၼ်​ၵူၼ်း​ ဢႃႇမေႃးရီႉ ​ၸိူဝ်း​ၼၼ်ႉ​လႆႈ​ယူႇ​ၼၼ်ႉ ပဵၼ်​တီႈ​ဢၼ်​ဢဝ်​ၸႃႉ​ၸဵမ်​ၵႃႈ​တီႈ​ၵုင်း ဢႃႇၵႃႇရပ်ႉပိမ်း ဢိၵ်ႇ​တင်း​မၢၵ်ႇ​ႁိၼ်​မၢၵ်ႇ​ၽႃ​ၼၼ်ႉ​လႄႈ​ၶိုၼ်ႈ​ၵႂႃႇ​ဢေႃႈ။</verse>
			</chapter>
			<chapter number="2">
				<verse number="1">တမၢၼ်ႇ​ထႃႇဝရႃႉ​ၽြႃး လုၵ်ႉ​သေ​ၵႃႈ​တီႈ​ဝဵင်း​ ၵီႉလႃႉၵႃႇလႃႉ မႃး​ၵႃႈ​တီႈ​ဝဵင်း​ ပေႃႇၶိမ်း ​လႄႈ မီး​ဢမိင်ႉ​လႄႈ​ဝႃႈ၊ ၵဝ်​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး ၵႃႈ​တီႈ​မိူင်း​ဢၼ်​ၵဝ်​တိူင်ႇ​ဝႃႈ​ဝႆႉ​တီႈ​ပူႇ​မွၼ်ႇ​သူ​ၸိူဝ်း​ၼၼ်ႉ​ၼႆႉ​ယဝ်ႉ။ ၵဝ်​လႆႈ​ဝႃႈ၊ ၵဝ်​တၵ်း​ဢမ်ႇ​ယႃႉ​ပတီႉၺိၺ်ႇ ဢၼ်​ၵဝ်​ႁဵတ်း​ဝႆႉ​လူၺ်ႈ​ၵၼ်​တင်း​သူ​ၼၼ်ႉ​ပႅတ်ႈ​လႄႈ ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="2">သူ​ဢမ်ႇ​လႆႈ​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ် တင်း​ၵူၼ်း​ဝၢၼ်ႈ​ၵူၼ်း​မိူင်း​ၼႆႉ​ၸိူဝ်း​ၼၼ်ႉ။ သူ​တၵ်း​လႆႈ​ၵိူၼ်ႇ​ယႃႉ​ယိတ်ႈပလၢင်ႇ​ၶဝ်​ပႅတ်ႈ​သေ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ သူ​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ႁဵတ်း​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။-</verse>
				<verse number="3">ပိူဝ်ႈ​ၼႆ​လႄႈ ၵဝ်​သမ်ႉ​လႆႈ​ဝႃႈ၊ ၵဝ်​တၵ်း​ဢမ်ႇ​ႁေႃႈ​ၶဝ်​ၼၼ်ႉ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ။ ၶဝ်​ၼၼ်ႉ​တၵ်း​ပဵၼ်​ၼၢမ်​လႅမ်​ၵႃႈ​တီႈ​ပဵမ်ႉ​သူ​လႄႈ ၽြႃး​ၶဝ်​ၼၼ်ႉ​ၵေႃႈ တၵ်း​ပဵၼ်​တူင်ႇ​ႁႅဝ်ႉ​တူင်ႇ​ၶိုမ်း​ၵႃႈ​တီႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မိူဝ်ႈ​ဢၼ်​တမၢၼ်ႇ​ထႃႇဝရႃႉ​ၽြႃး မီး​ဢမိင်ႉ​ၸိူဝ်ႉ​ၼင်ႇ​ၼႆ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ​ၸိုင် ၵူၼ်း​တင်း​လၢႆ​ဢွၼ်​ၵၼ်​ၵိဝ်​သဵင်​သေ​လႄႈ​ႁွင်ႉ​ႁႆႈ​ဢေႃႈ။-</verse>
				<verse number="5">တီႈ​ၼၼ်ႈ​ၸိုင် ၶဝ်​ႁွင်ႉ​ႁဵၵ်ႈ​ၸိုဝ်ႈ ပေႃႇၶိမ်း ​လႄႈ ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​တီႈ​ထႃႇဝရႃႉ​ၽြႃး ၵႃႈ​တီႈ​ၼၼ်ႈ​ဢေႃႈ။</verse>
				<verse number="6">မိူဝ်ႈ​ၼၼ်ႉ မိူဝ်ႈ​ဢၼ်​ ယေႃးသူႉ ပွႆႇ​ၵူၼ်း​တင်း​လၢႆ​ၼၼ်ႉ​ၸိုင် ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ႁင်း​ၽႂ်​ႁင်း​မၼ်း ဢွၼ်​ၵၼ်​ၵႂႃႇ​ၸူး​ၵႃႈ​တီႈ​ဢမူၺ်ႇ​ၶဝ် ႁႂ်ႈ​လႆႈ​သိမ်း​ဢဝ်​လိၼ်​ၶဝ်​ဢေႃႈ။-</verse>
				<verse number="7">ၼႂ်း​ၸူဝ်ႈ​ပၢၼ်​ ယေႃးသူႉ ​ၼၼ်ႉ ဢိၵ်ႇ​တင်း​ၼႂ်း​ၸူဝ်ႈ​ပၢၼ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ဢၼ်​ဢသၢၵ်ႈ​လိပ်း​ယူႇ လိုၼ်း​ ယေႃးသူႉ ​လႄႈ ႁၼ်​လွင်ႈ​တၢင်း​ၵႃႈ​ဢၼ် ထႃႇဝရႃႉ​ၽြႃး​ႁဵတ်း​ပုၼ်ႈ​မဵဝ်း​ ဢီႉသရေႇလႃႉ ​ၼၼ်ႉ​ၸိူဝ်း​ၼၼ်ႉ၊ ၵူၼ်း​တင်း​လၢႆ​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="8">ယေႃးသူႉ ​လုၵ်ႈ​ၸၢႆး​ ၼုၼ်ႇ ၶႃႈ​ထႃႇဝရႃႉ​ၽြႃး​ၼၼ်ႉ ဢသၢၵ်ႈ​လႆႈ​ပၢၵ်ႇ​ပၢႆ​သိပ်း​ပီႊ​သေ​ယဝ်ႉ ႁွတ်ႈ​ဢၼိၵ်ႈၸႃႉ​သေ​ဢေႃႈ။-</verse>
				<verse number="9">ၶဝ်​ဢဝ်​မၼ်း​သၢင်း​ၵျူဝ်ႇ​ၵႃႈ​တီႈ​လိၼ်​တီႈ​ဢၼ်​မၼ်း​ၶၢမ်ႇ​ဢမူၺ်ႇ ၵႃႈ​ၼႂ်း​ဝဵင်း​ တီႉမၼႃႇႁေႇရိတ်ႉ ဢၼ်​မီး​ၵႃႈ​ၼိူဝ်​ႁၢၼ်ႉ​လွႆ ဢေႇၽရိမ်ႇ ၽၢႆႇ​တၢင်း​ႁွင်ႇ​ၵုင်း​ ၵႃႇသႃႉ ​ၼၼ်ႉ​ဢေႃႈ။-</verse>
				<verse number="10">ၵူၼ်း​ၵႃႈ​ဢၼ်​ပဵၼ်​ၼႂ်း​ၸူဝ်ႈ​ပၢၼ်​ၼၼ်ႉ​ၵေႃႈ ႁွတ်ႈ​ထိုင်​ၵႃႈ​တီႈ​ဢၼ်​ၵူၼ်း​မဵဝ်း​ၶဝ် ၸူႉ​တုမ်​ၼၼ်ႉ​သေ​သဵင်ႈ​ဢေႃႈ။ ၵူၼ်း​ဢၼ်​ပဵၼ်​သိုပ်ႇ​လိုၼ်း​ၶဝ် ဢၼ်​ဢမ်ႇ​ႁူႉ​ထႃႇဝရႃႉ​ၽြႃး ဢိၵ်ႇ​တင်း​လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​ပုၼ်ႈ​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၼၼ်ႉ​ပေႃႇ​မႃး​ဢေႃႈ။</verse>
				<verse number="11">မိူဝ်ႈ​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​တူႉ​ၸရိူၵ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ဢွၼ်​ၵၼ်​ႁဵတ်း​ဝၢတ်ႈ​တီႈ​ၽြႃး ပႃႇလႃႉ ​တင်း​လၢႆ​ဢေႃႈ။-</verse>
				<verse number="12">ၶဝ်​ၸုၼ်ႉ​ပႅတ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​ၶဝ် ဢၼ်​ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ၼၼ်ႉ​သေ​လႄႈ ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး ဢၼ်​ၶဝ်ႈ​ပႃး​ၵႃႈ​ၼႂ်း​ၽြႃး​ၵူၼ်း​မဵဝ်း​ဢၼ်​ယူႇ ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​ၶဝ်​ၼၼ်ႉ​လႄႈ ၵူမ်ႈ​ႁူဝ်​ၵွမ်း​ႁူဝ်​သေ​လႄႈ တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​ဢေႃႈ။-</verse>
				<verse number="13">ၶဝ်​ဢွၼ်​ၵၼ်​ၸုၼ်ႉ​ပႅတ်ႈ​ထႃႇဝရႃႉ​ၽြႃး​လႄႈ ႁဵတ်း​ဝၢတ်ႈ​တီႈ​ၽြႃး ပႃႇလႃႉ တင်း​ၽြႃး ဢႃႇသတရိတ်ႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​ႁႅင်း​ယႂ်ႇ​ၼႃႇ​လူင်​လၢင် တီႈ​မဵဝ်း​ ဢီႉသရေႇလႃႉ ​လႄႈ မၼ်း​ၸဝ်ႈ​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ႁိမ်​ဢဝ်​ၶဝ်​ၼၼ်ႉ​လႄႈ ဢဝ်​ၶဝ်​ၶၢႆ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ ဢၼ်​ယူႇ​လဵပ်ႈ​ႁွပ်ႈ​ၶဝ်​ၼၼ်ႉ​သေ​လႄႈ လိုၼ်း​ၼၼ်ႉ​ႁႂ်ႈ​ၶဝ်​ထၼ်ႈ​ပေႃး​ဢမ်ႇ​ၸုၵ်း​ၶၢမ်ႇ​ယူႇ​ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​ၶဝ်​လႆႈ​လႃး​လႃး။-</verse>
				<verse number="15">ၼႂ်း​တီႈ​ၵႃႈ​ဢၼ်​ၶဝ်​ဢွၵ်ႇ​ၵႂႃႇ​ဢွၵ်ႇ​ပႆ​ၵူႈ​တီႈ​ၵူႈ​လႅၼ်​ၼၼ်ႉ မိုဝ်း​ထႃႇဝရႃႉ​ၽြႃး ၸွမ်း​ႁႄႉ​ၸွမ်း​ၶႅၼ်​ၶဝ်​ယူႇ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး ဢွၵ်ႇ​သူပ်း​ဝႃႈ ဢိၵ်ႇ​တင်း​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​တိူင်ႇ​ဝႃႈ​ဝႆႉ​တီႈ​ၶဝ်​ၼၼ်ႉ​လႄႈ ၶဝ်​လႆႈ​ႁွတ်ႈ​ထိုင်​တုၵ်ႉ​ၶႃႉ​တၢင်း​ၽၢၼ်​ၼႃႇ​လူင်​လၢင်​ဢေႃႈ။-</verse>
				<verse number="16">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး ႁႂ်ႈ​ၵူၼ်း​လူင်​ဢၼ်​ၸီႇ​ယၢင်ႇ​တြႃး ဢၼ်​ၵႄႇ​သႄႇ​ဢဝ်​ၶဝ်​လွတ်ႈ သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ႁိမ်​ဢဝ်​ၶဝ်​ၼၼ်ႉ​ၸိူဝ်း​ၼၼ်ႉ ပေႃႇ​ဢွၵ်ႇ​ပဵၼ်​မႃး​ဢေႃႈ။-</verse>
				<verse number="17">ၵူၺ်း​ၵႃႈ ၶဝ်​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ၸိူဝ်း​ၼၼ်ႉ။ ၶဝ်​ၽိတ်း​ပိူင်ႈ​လူၺ်ႈ​ၵၼ်​တင်း​ၽြႃး​တၢင်ႇ​သူႇ​တၢင်ႇ​ပႃး​လႄႈ ဢွၼ်​ၵၼ်​ၵူမ်ႈ​ႁူဝ်​ၵွမ်း​ႁူဝ်​ၶဝ်​ၸူး​ဢေႃႈ။ ၶဝ်​ဝႄႈ​ပိူင်ႈ​သေ​ၵႃႈ​တီႈ​သဵၼ်ႈ​တၢင်း​ဢၼ်​ပူႇ​မွၼ်ႇ​ၶဝ်​တင်း​လၢႆ​ၵမ်​ၵျၢင်ႉ​ပိင်း​ၺၢပ်ႈ​ထႃႇဝရႃႉ​ၽြႃး​လႄႈ ၸွမ်း​ယူႇ​ၼၼ်ႉ​ၵႂႃႇ​ၶၼ်​ၶၼ်​ၽႂ်း​ၽႂ်း​သေ​ယဝ်ႉ၊ ဢမ်ႇ​ၵမ်​ၵျၢင်ႉ​ၸိူဝ်ႉ​ၼင်ႇ​ၼၼ်။-</verse>
				<verse number="18">မိူဝ်ႈ​ဢၼ်​ထႃႇဝရႃႉ​ၽြႃး ႁႂ်ႈ​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ၸိူဝ်း​ၼၼ်ႉ​ပေႃႇ​ဢွၵ်ႇ​ပဵၼ်​မႃး​ၼၼ်ႉ​ၸိုင် ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ၼၼ်ႉ​လႄႈ ၵႄႇ​သႄႇ​ဢဝ်​ၶဝ်​လွတ်ႈ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ်​ၼၼ်ႉ ၼႂ်း​ၸူဝ်ႈ​ပၢၼ်​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ၼၼ်ႉ​တဵမ်​တဵမ်​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​လွင်ႈ​တၢင်း​ဢၼ်​ၶဝ်​ၶၢင်း​ၶီ​ၶၢင်း​ၽၢၼ် ၵွပ်ႈ​ပိူဝ်ႈ​ၶဝ်​ၸိူဝ်း​ဢၼ်​ယႃႉ​ယူၵ်ႉ​ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၼၼ်ႉ​ဢေႃႈ။-</verse>
				<verse number="19">လိုၼ်း​သေ​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ၼၼ်ႉ​တၢႆ​ယဝ်ႉ​ၼၼ်ႉ ၶဝ်​ၼၼ်ႉ​သမ်ႉ​ဝၢႆႇ​ၶိုၼ်း​လႄႈ ယဵင်ႈ​ၶႅၼ်း​ႁၢႆႉ​မိူၵ်ႈ​ၼႃႇ​သေ​ပူႇ​မွၼ်ႇ​ၶဝ်​ၼၼ်ႉ ၼႂ်း​လွင်ႈ​တၢင်း​ဢၼ်​ၶဝ်​ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး​ႁႂ်ႈ​လႆႈ​ႁဵတ်း​ဝၢတ်ႈ​တီႈ​ၶဝ်​ၼၼ်ႉ​လႄႈ ဢွၼ်​ၵၼ်​ၵူမ်ႈ​ႁူဝ်​ၵွမ်း​ႁူဝ်​ၶဝ်​ၸူး​ဢေႃႈ။ ၶဝ်​ဢမ်ႇ​ပႄႇ​ဢမ်ႇ​ပႅတ်ႈ​တၢင်း​ၵမ်​တၢင်း​ၵျၢင်ႉ​ၶဝ် ဢိၵ်ႇ​တင်း​သဵၼ်ႈ​တၢင်း​ၶဝ် ဢၼ်​ၽၢင်ႈ​ၵႂႃႇ​တိူဝ်ႉ​ၵႂႃႇ​ၼၼ်ႉ။-</verse>
				<verse number="20">တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​ႁႅင်း​ယႂ်ႇ​ၼႃႇ​လူင်​လၢင် တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵူၼ်း​မဵဝ်း​ၼႆႉ​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်​လႄႈ ပူၼ်ႉ​လိူဝ်​ပတီႉၺိၺ်ႇ​ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​ပူႇ​မွၼ်ႇ​ၶဝ်​ၼၼ်ႉ​ယဝ်ႉ​လႄႈ၊-</verse>
				<verse number="21">ၵမ်း​လိုၼ်း​ၵဝ်​တၵ်း​ဢမ်ႇ​ႁေႃႈ​ၵူၼ်း​မဵဝ်း​ဢၼ်​ၵိုတ်း​ၵျၢၼ်ႇ ဝၢႆး​လိုၼ်း​သေ​ ယေႃးသူႉ ​တၢႆ​ယဝ်ႉ​ၼၼ်ႉ ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၶဝ်​သေ​ၸိူဝ်ႉ​သေ​မဵဝ်း။-</verse>
				<verse number="22">ႁႂ်ႈ​လႆႈ​ဢဝ်​ၶဝ်​ၼၼ်ႉ​ၸၢမ်း​တူၺ်း​မဵဝ်း​ ဢီႉသရေႇလႃႉ လွင်ႈ​ဢၼ်​ၶဝ်​တၵ်း​ပႂ်ႉ​ၵမ်​ပႂ်ႉ​ၵျၢင်ႉ ႁႂ်ႈ​လႆႈ​ၸွမ်း​သဵၼ်ႈ​တၢင်း​ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​ဢၼ် ပူႇ​မွၼ်ႇ​ၶဝ်​ပႂ်ႉ​ၵမ်​ပႂ်ႉ​ၵျၢင်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="23">ထႃႇဝရႃႉ​ၽြႃး​ယင်း​ဢမ်ႇ​ႁေႃႈ​ၵူၼ်း​မဵဝ်း​ၸိူဝ်း​ၼၼ်ႉ​ဢွၵ်ႇ​ပႅတ်ႈ​ၶၼ်​ၶၼ်​ၽႂ်း​ၽႂ်း​လႄႈ ႁႂ်ႈ​ၵိုတ်း​ၵျၢၼ်ႇ​ယူႇ​ဢေႃႈ။ မၼ်း​ၸဝ်ႈ​ဢမ်ႇ​ဢဝ်​ၶဝ်​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ ယေႃးသူႉ ​ၼၼ်ႉ။</verse>
			</chapter>
			<chapter number="3">
				<verse number="1">ၵူၼ်း​မဵဝ်း​ဢၼ်​ထႃႇဝရႃႉ​ၽြႃး ဝႆႉ​ၵိုတ်း​ဝႆႉ​ၵျၢၼ်ႇ​ႁႂ်ႈ​လႆႈ​ၸၢမ်း​တူၺ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢၼ်​ဝႃႈ ၶဝ်​ၸိူဝ်း​ဢၼ်​ဢမ်ႇ​ႁူႉ ဢမူႉ​သိုၵ်း​ၵႃႈ​ဢၼ်​တိုၵ်း​ၵႃႈ​တီႈ​မိူင်း​ ၶႃႇၼၢၼ်ႇ ​ၼၼ်ႉ​-</verse>
				<verse number="2">ဢိၵ်ႇ​တင်း​ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​သိုပ်ႇ​သိုပ်ႇ​တၢမ်း​တၢမ်း ဢၼ်​ဝႃႈ​ၶဝ်​ၸိူဝ်း​ဢၼ်​ဢမ်ႇ​ပႆႇ​ႁူႉ​ဢမူႉ​သိုၵ်း​ၼၼ်ႉ တၵ်း​သွၼ်​ဢဝ်​ဢတၢတ်ႈ​သိုၵ်း​လႄႈ ႁႂ်ႈ​ၸၢင်ႈ​ႁႂ်ႈ​မေႃ​ၼၼ်ႉ​ၸိူဝ်း​ၼၼ်ႉ​ၸမ်ႉ၊-</verse>
				<verse number="3">ပဵၼ်​ၶုၼ်​ ၽီႉလိတ်ႉတီႉ ​ႁႃႈ​ပႃး၊ ၵႃႈ​ပဵၼ်​ၵူၼ်း​ ၶႃႇၼၼီႉ ၊ ၵူၼ်း​ ၸီႉတုၼ်ႇ ၊ ၵူၼ်း​ ႁီႉဝီႉ ၊ ဢၼ်​ယူႇ​ၵႃႈ​ၼိူဝ်​လွႆ​ လေႇပၼုၼ်ႇ ဢဝ်​ၵႃႈ​တီႈ​လွႆ​ ပႃႇလႃႉႁေရမုၼ်ႇ တေႃႇ​ထိုင်​ႁွတ်ႈ​သူပ်း​သဵၼ်ႈ​တၢင်း​ ႁႃႇမတ်ႉ ​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="4">ၶဝ်​ၼၼ်ႉ ပဵၼ်​ပုၼ်ႈ​ဢၼ်​တၵ်း​ဢဝ်​ၸၢမ်း​တူၺ်း​မဵဝ်း​ ဢီႉသရေႇလႃႉ ႁႂ်ႈ​လႆႈ​ႁူႉ​လွင်ႈ​ဢၼ် ၶဝ်​တၵ်း​ၵမ်​ၵျၢင်ႉ​ၸွမ်း​ၵႃႈ​ၼင်ႇ​ပိင်း​ၺၢပ်ႈ​ထႃႇဝရႃႉ​ၽြႃး ဢၼ်​မၼ်း​ၸဝ်ႈ​တင်း​ မူဝ်းသေႇ သင်ႇ​လၢတ်ႈ​ဝႆႉ​တီႈ​ပူႇ​မွၼ်ႇ​ၶဝ်​ၼၼ်ႉ​ႁိုဝ်။ ဢမ်ႇ​ၵမ်​ၵျၢင်ႉ​ႁိုဝ်​ၼၼ်ႉ​ဢေႃႈ။-</verse>
				<verse number="5">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ယူႇ​ၵႃႈ​ၼႂ်း​ၵူၼ်း​ ၶႃႇၼၼီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ဢႃႇမေႃးရီႉ ၊ ၵူၼ်း​ ၽေႇရၸီႉ ၊ ၵူၼ်း​ ႁီႉဝီႉ ၊ ၵူၼ်း​ ယေႇပူႉသီႉ ​ၸိူဝ်း​ၼၼ်ႉ​လႄႈ​-</verse>
				<verse number="6">ႁဵတ်း​တၢင်း​ဢၼ်​ဢဝ်​ၵၼ်​တင်း​လုၵ်ႈ​ယိင်း​ၶဝ်​ယူႇ၊ ဢဝ်​လုၵ်ႈ​ယိင်း​ၶဝ်​ပၼ်​ၵၼ်​တင်း​ၶဝ်​ၼၼ်ႉ​ယူႇ​သေ​လႄႈ ဢွၼ်​ၵၼ်​ႁဵတ်း​ဝၢတ်ႈ​တီႈ​ၽြႃး​ၶဝ်​ယူႇ​ဢေႃႈ။</verse>
				<verse number="7">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ လူင်​လိုမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​ပႅတ်ႈ​သေ​ယဝ်ႉ၊ ဢွၼ်​ၵၼ်​ႁဵတ်း​ဝၢတ်ႈ​တီႈ​ၽြႃး ပႃႇလႃႉ ​တင်း​လၢႆ ဢိၵ်ႇ​တင်း​တူၼ်ႈ​ ဢႃႇသရႃႉ ​ၶဝ်​ဢေႃႈ။-</verse>
				<verse number="8">ပိူဝ်ႈ​ၼႆ​လႄႈ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​ႁႅင်း​ယႂ်ႇ​ၼႃႇ​လူင်​လၢင် တီႈ​မဵဝ်း​ ဢီႉသရေႇလႃႉ ​လႄႈ မၼ်း​ၸဝ်ႈ​ဢဝ်​ၶဝ်​ၶၢႆ​ပၼ်​တီႈ ၶူႉသၼ်ႇရီႉသသိမ်ႇ ၊ ၶုၼ်​ႁေႃ​ၶမ်း​ မေႇသေႃးပေႃးတႃႇမီႉ သေ​ယဝ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ၶၢမ်ႇ​ႁဵတ်း​ၶႃႈ​တီႈ​ၶုၼ်​လူင် ၶူႉသၼ်ႇရီႉသသိမ်ႇ ​ၼၼ်ႉ ပႅတ်ႇ​ပီႊ​တဵမ်​တဵမ်​ဢေႃႈ။-</verse>
				<verse number="9">မိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​ၼၼ်ႉ​ၸိုင် ထႃႇဝရႃႉ​ၽြႃး​ႁႂ်ႈ​ၵေႃႉ​ဢၼ်​ၵႄႇ​သႄႇ​ၶျွတ်ႈ​ဢဝ် ဢၼ်​ဝႃႈ​ၼွင်ႉ​ၸၢႆး ၵႃႇလႅပ်ႉ၊ ဢေႃးထၼ်ႇယေႇလႃႉ ဢၼ်​ပဵၼ်​လုၵ်ႈ​ၸၢႆး ၵေးၼတ်ႉ ​ၼၼ်ႉ ပေႃႇ​ဢွၵ်ႇ​ပဵၼ်​မႃး​ပုၼ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="10">ဝီႉၺိၺ်ႇ​ထႃႇဝရႃႉ​ၽြႃး တူၵ်း​ႁွတ်ႈ​ၵႃႈ​ၼိူဝ်​မၼ်း​ၼၼ်ႉ​သေ​ယဝ်ႉ မၼ်း​ၼၼ်ႉ​လႆႈ​ၸီႇ​ယၢင်ႇ​မဵဝ်း​ ဢီႉသရေႇလႃႉ ​သေ​လႄႈ ၶီႇ​သိုၵ်း​လႄႈ ထႃႇဝရႃႉ​ၽြႃး​ဢဝ်​ ၶူႉသၼ်ႇရီႉသသိမ်ႇ ၶုၼ်​ႁေႃ​ၶမ်း​ မေႇသေႃးပေႃးတႃႇမီႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း​သေ​ယဝ်ႉ မၼ်း​ၼၼ်ႉ​ပႄႉ​ၼႅင်ႇ​ၶုၼ်​လူင်​ ၶူႉသၼ်ႇရီႉသသိမ်ႇ ​ၼၼ်ႉ​ဢေႃႈ။-</verse>
				<verse number="11">မိူင်း​တင်း​မိူင်း ၼိမ်​လီ​ယဵၼ်​လီ သီႇ​သိပ်း​ပီႊ​တဵမ်​တဵမ်​လႄႈ၊ ဢေႃးထၼ်ႇယေႇလႃႉ လုၵ်ႈ​ၸၢႆး​ ၵေးၼတ်ႉ ​ၼၼ်ႉ တၢႆ​သေ​ဢေႃႈ။</verse>
				<verse number="12">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ သမ်ႉ​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ ထႃႇဝရႃႉ​ၽြႃး​ထႅင်ႈ​ဢေႃႈ။ ထႃႇဝရႃႉ​ၽြႃး ႁႂ်ႈ​ ဢေႇၵလုၼ်ႇ ၶုၼ်​ႁေႃ​ၶမ်း မေႃႇၽႃႉ ပျေႉ​ၸုမ်ႇ​တင်း​ႁႅင်း​တၼ်း​ၶူဝ်း​ယူႇ​ၽၢႆႇ​ၼိုင်ႈ​တင်း​မဵဝ်း​ ဢီႉသရေႇလႃႉ ၵွပ်ႈ​ပိူဝ်ႈ​ဢၼ်​ၶဝ်​ႁဵတ်း​တူႉ​ၸရိူၵ်ႈ သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ထႅင်ႈ​ၼၼ်ႉ​ဢေႃႈ။-</verse>
				<verse number="13">ၶုၼ်​ၼၼ်ႉ ႁႂ်ႈ​ၵူၼ်း​မဵဝ်း​ ဢမ်ႇမုၼ်ႇ ဢိၵ်ႇ​တင်း​ၵူၼ်း​မဵဝ်း​ ဢႃႇမလႅၵ်ႉ ​တင်း​လၢႆ​ၸူႉ​ၵၼ်​တုမ်​ၵၼ်​တီႈ​မၼ်း​လႄႈ ၶီႇ​ၵႂႃႇ​တိုၵ်း​တေႃး​ယႃႉ​ပႅတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သေ​လႄႈ သိမ်း​ဢဝ်​ဝဵင်း​တူၼ်ႈ​ထၢၼ်​သေ​ယဝ်ႉ၊-</verse>
				<verse number="14">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ၶၢမ်ႇ​ႁဵတ်း​ၶႃႈ​တီႈ​ ဢေႇၵလုၼ်ႇ ၶုၼ်​ႁေႃ​ၶမ်း​ မေႃႇၽႃႉ ​ၼၼ်ႉ သိပ်း​ပႅတ်ႇ​ပီႊ​ဢေႃႈ။-</verse>
				<verse number="15">မိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​ၼၼ်ႉ​ၸိုင် ထႃႇဝရႃႉ​ၽြႃး​ႁႂ်ႈ​ၵေႃႉ​ဢၼ်​ၵႄႇ​သႄႇ​ၶျွတ်ႈ​ဢဝ်​ဢၼ်​ဝႃႈ​ ဢေႇႁူႉတႃႉ ၊ လုၵ်ႈ​ၸၢႆး​ ၵေးရႃႉ ၊ မဵဝ်း​ ပိၼ်ႇယႃႇမိၼ်ႇ ၊ ဢၼ်​ၸၢင်ႈ​ဢဝ်​ၶွၼ်​သၢႆႉ​ယိပ်း​သုင်း​ၼၼ်ႉ ပေႃႇ​ဢွၵ်ႇ​ပဵၼ်​မႃး​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢဝ်​လၢၵ်ႈ​သွင်ႇ​သႂ်ႇ​ပၼ်​ၵႃႈ​ၼႂ်း​မိုဝ်း​မၼ်း​ၼၼ်ႉ ၵႂႃႇ​ၸူး​ၵႃႈ​တီႈ​ ဢေႇၵလုၼ်ႇ ၊ ၶုၼ်​ႁေႃ​ၶမ်း​ မေႃႇၽႃႉ ​ၼၼ်ႉ​ဢေႃႈ။-</verse>
				<verse number="16">ဢေႇႁူႉတႃႉ ​ၼၼ်ႉ ႁဵတ်း​လၢပ်ႇ​ဢၼ်​မီး​ၶူမ်း​သွင်​ၽၢႆႇ​ဢၼ်​တၢင်း​ယၢဝ်း​မၼ်း​မီး​သွၵ်ႇ​ၼိုင်ႈ​လႄႈ ဢဝ်​မတ်ႉ​ၸပ်း​သႂ်ႇ​ဝႆႉ​ၵႃႈ​တီႈ​ၶႃ​ၶွၼ်​ၶႂႃ​မၼ်း ၵႃႈ​ၼႂ်း​ၶူဝ်း​ၼုင်ႈ​မၼ်း​သေ​ယဝ်ႉ​-</verse>
				<verse number="17">ဢဝ်​လၢၵ်ႈ​သွင်ႇ​သၢၵ်ႈ​တီႈ​ ဢေႇၵလုၼ်ႇ ၶုၼ်​ႁေႃ​ၶမ်း​ မေႃႇၽႃႉ ​ၼၼ်ႉ​ဢေႃႈ။ ဢေႇၵလုၼ်ႇ ​ၼၼ်ႉ ပဵၼ်​ၵေႃႉ​ဢၼ်​ပီး​ပုၵ်း​ၼႃႇ​လူင်​လၢင်​ဢေႃႈ။-</verse>
				<verse number="18">ဢေႇႁူႉတႃႉ ​ၼၼ်ႉ ဢဝ်​လၢၵ်ႈ​သွင်ႇ​သၢၵ်ႈ​လႄႈ​ယဝ်ႉ​တူဝ်ႈ​ယဝ်ႉ​ၸင်ႇ ပွႆႇ​ၶဝ်​ၸိူဝ်း​ဢၼ်​လႆႈ​ႁပ်ႉ​လၢၵ်ႈ​သွင်ႇ​ၼၼ်ႉ​ၵႂႃႇ​သေ​လႄႈ၊-</verse>
				<verse number="19">တူဝ်​မၼ်း​လုၵ်ႉ​သေ​ၵႃႈ​တီႈ​မေႃႇ​မၢၵ်ႇ​ႁိၼ်​တင်း​လၢႆ ဢၼ်​မီး​ၵႃႈ​တီႈ​ႁိမ်း​ဝဵင်း​ ၵီႉလႃႉၵႃႇလႃႉ ​ၼၼ်ႉ​ၶိုၼ်း​မႃး​လႄႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ပဵၼ်​ၸဝ်ႈ​တီႈ​ၶႃႈ၊ ၶႃႈ​ၸဝ်ႈ​မီး​လွင်ႈ​ဢၼ်​တၵ်း​တဵတ်ႇ​တဵတ်ႇ​လွမ်​လဝ်ႊ​လွမ်​လၢတ်ႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ယူႇ​တဵတ်ႇ​တဵတ်ႇ​ယဵၼ်​ယဵၼ်၊ ဝႃႈ​ၼင်ႇ​ၼႆ​လႄႈ ၵူၼ်း​ၵႃႈ​ဢၼ်​ၸုၵ်း​ၶႃး​ၸႃး​ယူႇ​ၵႃႈ​တီႈ​မၼ်း​ၸဝ်ႈ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ၵႂႃႇ​သေ​ၵႃႈ​တီႈ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="20">မိူဝ်ႈ​ၼၼ်ႉ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ယင်း​တိုၵ်ႉ​ၼင်ႈ​ယူႇ​ၵေႃႉ​လဵဝ်​ၵူၺ်း​မၼ်း​ၸဝ်ႈ ၵႃႈ​တီႈ​ႁေႃ​ၵတ်း​ႁေႃ​ယဵၼ် ဢၼ်​ယူႇ​မိူဝ်ႈ​ၶိင်ႇ​မႆႈ​ၼၼ်ႉ​ယူႇ​ၼၼ်ႉ ဢေႇႁူႉတႃႉ သုတ်ႉ​ၸပ်း​သုတ်ႉ​ၸူး​လႄႈ​လဝ်ႊ​ဝႃႈ၊ ၶႃႈ​ၸဝ်ႈ​ပႃး​ဢဝ်​ဢမိင်ႉ​ၽြႃး​ပဵၼ်​ၸဝ်ႈ​မႃး​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် မၼ်း​ၸဝ်ႈ​လုၵ်ႉ​သေ​ၵႃႈ​တီႈ တီႈ​ၼင်ႈ​မၼ်း​ၸဝ်ႈ​ဢေႃႈ။-</verse>
				<verse number="21">ဢေႇႁူႉတႃႉ ​ၼၼ်ႉ ယဵတ်ႇ​မိုဝ်း​ၶွၼ်​သၢႆႉ​မၼ်း​သေ​လႄႈ ၸူၵ်း​ထွတ်ႇ​ဢဝ်​လၢပ်ႇ​သေ​ၵႃႈ​တီႈ​ၶႃ​ၶွၼ်​ၶႂႃ​မၼ်း​လႄႈ တႅင်း​သႂ်ႇ​ပုမ်​မၼ်း​ၸဝ်ႈ​ၼၼ်ႉ​သေ​ယဝ်ႉ၊-</verse>
				<verse number="22">ၵၼ်း​မၼ်း​ၸူမ်​ၶဝ်ႈ​ၸွမ်း​လင်​မၢၵ်ႈ​မၼ်း​လႄႈ ၵွၼ်ႈ​ၶႆ​ၵွၼ်ႈ​မၼ်း​ႁူမ်ႇ​သုမ်ႇ​လၢပ်ႇ​ဝႆႉ​ထၼ်ႈ​ပေႃး​ဢမ်ႇ​ထွတ်ႇ​ဢဝ်​လႆႈ​သေ​ၵႃႈ​ၼႂ်း​ပုမ်​မၼ်း​ၼၼ်ႉ​လႄႈ မၢၵ်ႈ​လၢပ်ႇ​ပွင်ႇ​ဢွၵ်ႇ​ၵႂႃႇ ၵႃႈ​တီႈ​ၽၢႆႇ​တၢင်း​ၵူၼ်ႈ​မၼ်း​ယူႇ​ဢေႃႈ။-</verse>
				<verse number="23">မိူဝ်ႈ​ၼၼ်ႉ ဢေႇႁူႉတႃႉ ​ၼၼ်ႉ ဢွၵ်ႇ​ၸူး​ၵႃႈ​တီႈ​ၼႃႈ​ႁေႃ​သေ​ယဝ်ႉ၊ ဢိုတ်း​ၽၵ်း​တူ​လုၵ်း​ၸိူဝ်း​ၼၼ်ႉ​ဝႆႉ​သေ​လႄႈ ၶတ်း​သေႃး​ဝႆႉ​သေ​ဢေႃႈ။-</verse>
				<verse number="24">လိုၼ်း​သေ​ဢၼ်​မၼ်း​ဢွၵ်ႇ​ၵႂႃႇ​ယဝ်ႉ​ၼၼ်ႉ ၶႃႈ​မၼ်း​ၸဝ်ႈ​ၵမ်ႈ​ၽွင်ႈ​မႃး​လႄႈ ထူပ်း​ႁၼ်​လွင်ႈ​ဢၼ်​ၽၵ်း​တူ​ၶတ်း​သေႃး​ဝႆႉ​ၼၼ်ႉ​သေ​ယဝ်ႉ လၢတ်ႈ​လႄႈ​ဝႃႈ၊ မၼ်း​ၸဝ်ႈ​ႁူမ်ႇ​သုမ်ႇ​တိၼ်​မၼ်း​ၸဝ်ႈ​ၵႃႈ​ၼႂ်း​ႁေႃ​ၵတ်း​ႁေႃ​ယဵၼ် ဢၼ်​မၼ်း​ၸဝ်ႈ​ယူႇ​မိူဝ်ႈ​ၶိင်ႇ​မႆႈ​ၼၼ်ႉ ဢမၢၼ်ႇ​ၶၼ်​ပဵၼ်​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ​-</verse>
				<verse number="25">ဢွၼ်​ၵၼ်​ပႂ်ႉ​ထႃႈ​ယူႇ​တေႃႇ​ထိုင်​ႁွတ်ႈ​ၶဝ်​ထၼ်ႈ​ပေႃး​လီ​ဢူၵ်း​လီ​ဢၢႆ​ယဝ်ႉ​ၸင်ႇ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ဢမ်ႇ​ၽုၺ်ႇ​ၽၵ်း​တူ​ၸိူဝ်း​ၼၼ်ႉ​လႄႈ ၶဝ်​ဢဝ်​သေႃး​ၽုၺ်ႇ​လႄႈ​ထူပ်း​ႁၼ်​ၸဝ်ႈ​ၶဝ်​ၼၼ်ႉ​လူမ်ႉ​တၢႆ​ဝႆႉ​မီး​ယူႇ​ၵႃႈ​ၼိူဝ်​လိၼ်​ယဝ်ႉ​ၼၼ်ႉ​ဢေႃႈ။-</verse>
				<verse number="26">ၼႂ်း​မိူဝ်ႈ​ဢၼ် ၶဝ်​ပႂ်ႉ​ထႃႈ​ယူႇ​ၸိူဝ်ႉ​ၼင်ႇ​ၼၼ်​ၼၼ်ႉ၊ ဢေႇႁူႉတႃႉ ​ၼၼ်ႉ ပူၼ်ႉ​မေႃႇ​မၢၵ်ႇ​ႁိၼ်​ၸိူဝ်း​ၼၼ်ႉ​ၵႂႃႇ​သေ​လႄႈ လွတ်ႈ​ၽေး​လွတ်ႈ​ရၢၼ်ႇ​ႁွတ်ႈ​ထိုင်​ၵႃႈ​တီႈ​ဝၢၼ်ႈ​ ၸီႉရပ်ႉ ​ဢေႃႈ။-</verse>
				<verse number="27">ႁွတ်ႈ​ထိုင်​သေ​ယဝ်ႉ ဢဝ်​ၼႄးၶရႃႇ​ပဝ်ႇ​တိုင်ႈ​ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​လူင်း​ၵႃႈ​ၼိူဝ်​ႁၢၼ်ႉ​လွႆ​ၸွမ်း​လူၺ်ႈ​ၵၼ်​တင်း​မၼ်း​ယူႇ​သေ​လႄႈ မၼ်း​ၵေႃႈ​ဢွၼ်​ႁူဝ်​ၶဝ်​ၵႂႃႇ​ဢေႃႈ။-</verse>
				<verse number="28">မၼ်း​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ၸွမ်း​ပႃႈ​လင်​ၵဝ်​တႃႉ။ ထႃႇဝရႃႉ​ၽြႃး ဢဝ်​ရၢၼ်ႇ​သူႇ​သူ ၵူၼ်း​ မေႃႇၽႃႉ ​တင်း​လၢႆ ဢၢပ်ႈ​ပၼ်​ၵႃႈ​ၼႂ်း​မိုဝ်း​သူ​ယဝ်ႉ၊ ဝႃႈ​ၼင်ႇ​ၼႆ​လႄႈ ၶဝ်​ဢွၼ်​ၵၼ်​လူင်း​ၸွမ်း​ပႃႈ​လင်​မၼ်း​လႄႈ ပႂ်ႉ​ႁႄႉ​ပႂ်ႉ​ၶၢမ်ႇ​ယူႇ​ၵႃႈ​တီႈ​တိုဝ်ႉ​တႃႈ တီႈ​ဢၼ်​ၶၢမ်ႈ​ၼမ်ႉ​ႁွင်ႈ ယေႃးတၢၼ်ႇ သဵၼ်ႈ​တၢင်း​ဢၼ်​ၵႂႃႇ​ၸူး ၵႃႈ​တီႈ​မိူင်း​ မေႃႇၽႃႉ ​ၼၼ်ႉ​သေ​လႄႈ ဢမ်ႇ​ပၼ်​ႁႂ်ႈ​ၽူႈ​လႂ်​လႆႈ​ၶၢမ်ႈ​သေ​ၵေႃႉ​သေ​ၵူၼ်း။-</verse>
				<verse number="29">မိူဝ်ႈ​ၼၼ်ႉ ၶဝ်​တိုၵ်း​တေႃး​ယႃႉ​ပႅတ်ႈ​ၵူၼ်း​ မေႃႇၽႃႉ ဢၼ်​ပီး​လီ​မၼ်း​လီ​လႄႈ​ႁႅင်း​ယႂ်ႇ​ၼႃႇ​ၼၼ်ႉ မိုၼ်ႇ​ၼိုင်ႈ​လႄႈ ဢမ်ႇ​လွတ်ႈ​ၵႂႃႇ​သေ​ၵေႃႉ​သေ​ၵူၼ်း။-</verse>
				<verse number="30">ၼင်ႇ​ၼၼ်​လႄႈ မဵဝ်း​ မေႃႇၽႃႉ တူၵ်း​သုမ်း​ၵႃႈ​တီႈ​မိုဝ်း​မဵဝ်း​ ဢီႉသရေႇလႃႉ ၼႂ်း​ဝၼ်း​ၼၼ်ႉ​လႄႈ မိူင်း​တင်း​မိူင်း​ၼိမ်​လီ​ယဵၼ်​လီ​ယူႇ ပႅတ်ႇ​သိပ်း​ပီႊ​တဵမ်​တဵမ်​ဢေႃႈ။</verse>
				<verse number="31">လိုၼ်း​သေ​မၼ်း​ၼၼ်ႉ သမ်းၵႃး ​ဢၼ်​ပဵၼ်​လုၵ်ႈ​ၸၢႆး​ ဢႃႇၼတ်ႉ ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​ ၽီႉလိတ်ႉတီႉ ႁူၵ်း​ပၢၵ်ႇ​လူၺ်ႈ​ၶွၼ်ႉ​လႅမ်​ဝူဝ်း​ၼၼ်ႉ ပေႃႇ​ဢွၵ်ႇ​မႃး​လႄႈ မၼ်း​ၵေႃႈ​ၵႄႇ​သႄႇ​ၶျွတ်ႈ​ဢဝ်​မဵဝ်း​ ဢီႉသရေႇလႃႉ ​ဢေႃႈ။</verse>
			</chapter>
			<chapter number="4">
				<verse number="1">လိုၼ်း​သေ ဢေႇႁူႉတႃႉ ​တၢႆ​ယဝ်ႉ​ၼၼ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သမ်ႉ ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ​-</verse>
				<verse number="2">ထႃႇဝရႃႉ​ၽြႃး​ဢဝ်​ၶဝ်​ၶၢႆ​ပၼ်​တီႈ​ ယႃႇၽိၼ်း ၶုၼ်​ႁေႃ​ၶမ်း​ ၶႃႇၼၢၼ်ႇ ဢၼ်​ႁဵတ်း​ၶုၼ်​ၵႃႈ​တီႈ​ဝဵင်း​ ႁႃႇၸေႃႇ ​ၼၼ်ႉ​ဢေႃႈ။ ၶုၼ်​ပူဝ်ႇ​ၶျုၵ်ႈ​မၼ်း​ၸမ်ႉ၊ ပဵၼ်​ သီႉသရႃႉ ဢၼ်​ယူႇ​ၵႃႈ​တီႈ​ဝဵင်း​ ႁႃႇရေႃးသိၵ်ႉ မိူင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼၼ်ႉ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​ဢေႃႈ။ လွင်ႈ​မၼ်း​ၸမ်ႉ ၶုၼ်​ၼၼ်ႉ​မီး​လေႃႉရထႃး​လဵၵ်း​ၵဝ်ႈ​ပၢၵ်ႇ​လႄႈ ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼႃႇ​လူင်​လၢင် သၢဝ်း​ပီႊ​တဵမ်​တဵမ်​ဢေႃႈ။-</verse>
				<verse number="4">မိူဝ်ႈ​ၼၼ်ႉ ပရေႃးၽႅတ်ႈ​မႄႈ​ယိင်း​ တေႇပေႃးရႃႇ ဢၼ်​ပဵၼ်​မေး​ လပီႉတုတ်ႉ ​ၼၼ်ႉ လႆႈ​ၸီႇ​ယၢင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="5">မၼ်း​ၼၼ်ႉ ယူႇ​ၵႃႈ​တီႈ​တႂ်ႈ​တူၼ်ႈ​ထၢၼ်​ တေႇပေႃးရႃႇ ဢၼ်​မီး​ၵႄႈ​ဝူင်ႈ​ၵၢင် ဝဵင်း​ ရႃႇမႃႉ တင်း​ဝဵင်း​ ပေႇသလႃႉ ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​ၼၼ်ႉ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႆႈ​ၶိုၼ်ႈ​ၵႂႃႇ​ၸူး​မၼ်း ႁႂ်ႈ​လႆႈ​ၶၢမ်ႇ​ဢဝ်​တၢင်း​ဢၼ်​ၸီႇ​ယၢင်ႇ​တီႈ​မၼ်း​ၼၼ်ႉ​ဢေႃႈ။-</verse>
				<verse number="6">မၼ်း​ၼၼ်ႉ သမ်ႉ​ပွႆႇ​ၸႂ်ႉ​လႄႈ​ႁွင်ႉ​ဢဝ်​ ပႃႇရၵ်ႉ လုၵ်ႈ​ၸၢႆး​ ဢၽီႉၼွင်ႇ သေ​ၵႃႈ​တီႈ​ဝဵင်း​ ၵေႇတေႇသႃႉ ဢိူင်ႇ​ ၼပ်ႉထလီႉ ​ၼၼ်ႉ​မႃး​သေ​ယဝ်ႉ၊ သင်ႇ​လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ​ၸမ်ႉ၊ မႂ်း​ၵႂႃႇ​လႄႈ ဢွၼ်​ဢဝ်​ၸူး​ၵႃႈ​တီႈ​လွႆ တႃႇပေႃႇ ​လႄႈ ပႃး​ဢဝ်​ၵူၼ်း​မိုၼ်ႇ​ၼိုင်ႈ​ၵႃႈ​ၼႂ်း​ၵူၼ်း​မဵဝ်း​ ၼပ်ႉထလီႉ ၊ ၵူၼ်း​မဵဝ်း​ ၸေႇပူႉလုၼ်ႇ ​ၸိူဝ်း​ၼၼ်ႉ​ၵႂႃႇ​တႃႉ။-</verse>
				<verse number="7">ၵဝ်​ၵေႃႈ​တၵ်း​ဢွၼ်​ဢဝ် သီႉသရႃႉ ပူဝ်ႇ​ၶျုၵ်ႈ​ၶုၼ်​ ယႃႇၽိၼ်း ဢိၵ်ႇ​တင်း​လေႃႉရထႃး​မၼ်း​တင်း​ပူဝ်ႇ​ပႃႇ​မၼ်း​တင်း​လၢႆ မႃး​ၸူး​ၵႃႈ​တီႈ​မႂ်း​ၵႃႈ​တီႈ​ၼမ်ႉ​ႁွင်ႈ​ ၵီႉသုၼ်ႇ ​ၼၼ်ႉ​လႄႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ပႃႇရၵ်ႉ ​ၵေႃႈ လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ပေႃး​ၸဝ်ႈ​ႁဝ်း​ၵႂႃႇ​လူၺ်ႈ​ၵၼ်​တင်း​ၵဝ်​ၶႃႈ​ၸိုင် ၵဝ်​ၶႃႈ​တၵ်း​ၵႂႃႇ​ၶႃႈ​ဢေႃႈ။ ပေႃး​ၸဝ်ႈ​ႁဝ်း​ဢမ်ႇ​ၵႂႃႇ​ၸမ်ႉ ၵဝ်​ၶႃႈ​ဢမ်ႇ​ၵႂႃႇ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၵဝ်​တၵ်း​ၵႂႃႇ​လူၺ်ႈ​ၵၼ်​တင်း​မႂ်း​ဢမၢၼ်ႇ​ၶၼ်​ပဵၼ်​ဢေႃႈ။ ၵူၺ်း​ၵႃႈ တၢင်း​ဢၼ်​မႂ်း​ၵႂႃႇ​မႂ်း​ပႆ​ၼၼ်ႉ တၵ်း​ဢမ်ႇ​ပဵၼ်​မုၼ်​သရေႇ​တီႈ​မႂ်း။ ထႃႇဝရႃႉ​ၽြႃး​တၵ်း​ဢဝ်​ သီႉသရႃႉ ၶၢႆ​ပၼ်​တီႈ​မႄႈ​ယိင်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ တေႇပေႃးရႃႇ ၸင်ႇ​လုၵ်ႉ​လႄႈ​ၵႂႃႇ​လူၺ်ႈ​ၵၼ်​တင်း​ ပႃႇရၵ်ႉ ၸူး​ၵႃႈ​တီႈ​ဝဵင်း​ ၵေႇတေႇသႃႉ ​ဢေႃႈ။-</verse>
				<verse number="10">ပႃႇရၵ်ႉ ​ၼၼ်ႉ​ႁွင်ႉ​ဢဝ်​ၵူၼ်း​မဵဝ်း​ ၸေႇပူႉလုၼ်ႇ ၊ ၵူၼ်း​မဵဝ်း​ ၼပ်ႉထလီႉ ​တင်း​လၢႆ​မႃး​ၵႃႈ​တီႈ​ဝဵင်း​ ၵေႇတေႇသႃႉ ​လႄႈ ပႃး​ဢဝ်​တင်း​ၵူၼ်း​ဢၼ်​ၸွမ်း​မၼ်း​မိုၼ်ႇ​ၼိုင်ႈ​ၼၼ်ႉ ၶီႇ​ၶိုၼ်ႈ​ၵႂႃႇ​ဢေႃႈ။ တေႇပေႃးရႃႇ ​ၵေႃႈ ၸွမ်း​လူၺ်ႈ​ၵၼ်​တင်း​မၼ်း​ၶိုၼ်ႈ​ၵႂႃႇ​ဢေႃႈ။-</verse>
				<verse number="11">ႁေႇပႃႇ ​ၵူၼ်း​မဵဝ်း​ ၵေႇၼီႉ ဢၼ်​ၶဝ်ႈ​ပႃး​ၵႃႈ​ၼႂ်း​လုၵ်ႈ​လၢင်း​ ႁေႃးပပ်ႉ ပူႇ​ၼၢႆး​ မူဝ်းသေႇ ​ၼၼ်ႉ​ၽၢတ်ႇ​ယၢၼ် ၵူၼ်း​ ၵေႇၼီႉ ​တင်း​လၢႆ​သေ​လႄႈ ၵင်ႈ​မူဝ်းၵႃႇ​မၼ်း​ယူႇ​ၵႃႈ​တီႈ​ႁိမ်း​တူၼ်ႈ​မႆႉ​ၼိမ် ၵႃႈ​တီႈ​ ၸႃႇၼၼ်ႇၼိမ်ႇ ဢၼ်​မီး​ၵႃႈ​ႁိမ်း​ဝဵင်း​ ၵေႇတေႇသႃႉ ​ၼၼ်ႉ​ဢေႃႈ။-</verse>
				<verse number="12">ၶဝ်​မွၵ်ႇ​လၢတ်ႈ​လွင်ႈ​ဢၼ်​ ပႃႇရၵ်ႉ လုၵ်ႈ​ၸၢႆး​ ဢၽီႉၼွင်ႇ ၶိုၼ်ႈ​ၸူး​ၵႃႈ​ၼိူဝ်​လွႆ​ တႃႇပေႃႇ ​ၼၼ်ႉ​တီႈ​ သီႉသရႃႉ သေ​ယဝ်ႉ၊-</verse>
				<verse number="13">သီႉသရႃႉ ​ၼၼ်ႉ ႁႂ်ႈ​လေႃႉရထႃး​မၼ်း​ၵႃႈ​မီး ဢၼ်​ဝႃႈ​လေႃႉရထႃး​လဵၵ်း​ၵဝ်ႈ​ပၢၵ်ႇ​ၼၼ်ႉ ဢိၵ်ႇ​တင်း​ၵူၼ်း​မၼ်း​တင်း​သဵင်ႈ​တင်း​လူင် လုၵ်ႉ​သေ​ၵႃႈ​တီႈ​ဝဵင်း​ ႁႃႇရေႃးသိၵ်ႉ မိူင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼၼ်ႉ မႃး​ၸူး​ၵႃႈ​တီႈ​ၼမ်ႉ​ႁွင်ႈ​ ၵီႉသုၼ်ႇ ​ဢေႃႈ။-</verse>
				<verse number="14">တေႇပေႃးရႃႇ လၢတ်ႈ​တီႈ​ ပႃႇရၵ်ႉ ​လႄႈ​ဝႃႈ၊ လုၵ်ႉ​တႃႉ။ ဝၼ်း​မိူဝ်ႈ​ၼႆႉ​ၸမ်ႉ ပဵၼ်​ဝၼ်း​ဢၼ်​ထႃႇဝရႃႉ​ၽြႃး​ဢဝ်​ သီႉသရႃႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ယဝ်ႉ​ဢေႃႈ။ ထႃႇဝရႃႉ​ၽြႃး​ၼၼ်ႉ ဢွၼ်​ႁူဝ်​မႂ်း​ၵႂႃႇ​ယဝ်ႉ​ဢမ်ႇ​ၸႂ်ႈ​ႁိုဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပႃႇရၵ်ႉ လူင်း​သေ​ၵႃႈ​ၼိူဝ်​လွႆ​ တႃႇပေႃႇ ​လႄႈ ၵူၼ်း​မိုၼ်ႇ​ၼိုင်ႈ​ၸွမ်း​ပႃႈ​လင်​မၼ်း​ယူႇ​ဢေႃႈ။-</verse>
				<verse number="15">ထႃႇဝရႃႉ​ၽြႃး​ႁႂ်ႈ​ သီႉသရႃႉ ဢိၵ်ႇ​တင်း​လေႃႉရထႃး​မၼ်း​ၵႃႈ​မီး တင်း​ပူဝ်ႇ​ပႃႇ​ၵူၼ်း​သိုၵ်း​မၼ်း​ၵႃႈ​မီး​ၸိူဝ်း​ၼၼ်ႉ တူၵ်း​သုမ်း​လူၺ်ႈ​ၶူမ်း​လၢပ်ႇ​ၶူမ်း​လႅဝ်း ၵႃႈ​တီႈ​ၽၢႆႇ​ၼႃႈ​ ပႃႇရၵ်ႉ ​လႄႈ သီႉသရႃႉ ​ၼၼ်ႉ လူင်း​သေ​ၵႃႈ​ၼိူဝ်​လေႃႉရထႃး​မၼ်း​သေ​လႄႈ ပႆ​တိၼ်​ဢွၵ်ႇ​ပၢႆႈ​ၵႂႃႇ​ဢေႃႈ။-</verse>
				<verse number="16">ပႃႇရၵ်ႉ ​ၼၼ်ႉ​လိုပ်ႈ​ၸွမ်း​လမ်း​ၸွမ်း​လေႃႉရထႃး ဢိၵ်ႇ​တင်း​ပူဝ်ႇ​ပႃႇ​ၵူၼ်း​သိုၵ်း​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​ဝဵင်း​ ႁႃႇရေႃးသိၵ်ႉ မိူင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼၼ်ႉ​လႄႈ ပူဝ်ႇ​ပႃႇ​ၵူၼ်း​သိုၵ်း​ သီႉသရႃႉ ​ၵႃႈ​မီး​ၼၼ်ႉ လူမ်ႉ​တၢႆ​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​ဢေႃႈ။ ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း။-</verse>
				<verse number="17">သီႉသရႃႉ ​ၼၼ်ႉ ပႆ​တိၼ်​ဢွၵ်ႇ​ပၢႆႈ​ၵႂႃႇ​ၸူး​ၵႃႈ​တီႈ​မူဝ်းၵႃႇ​ ယေႇလႃႉ မေး​ ႁေႇပႃႇ ၵူၼ်း​မဵဝ်း​ ၵေႇၼီႉ ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​မီး​ဝႆႉ​ၵႃႈ​တီႈ​ဝူင်ႈ​ၵၢင်​ ယႃႇၽိၼ်း ၶုၼ်​ႁေႃ​ၶမ်း​ ႁႃႇၸေႃႇ ဢိၵ်ႇ​တင်း​မဵဝ်း​ၸိူဝ်ႉ​ၶိူဝ်း​ ႁေႇပႃႇ ၵူၼ်း​ ၵေႇၼီႉ ​ၼၼ်ႉ​ယူႇ​ဢေႃႈ။-</verse>
				<verse number="18">ယေႇလႃႉ ​ၼၼ်ႉ ဢွၵ်ႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​ သီႉသရႃႉ ​သေ​လႄႈ​ႁွင်ႉ​ဝႃႈ၊ ၸဝ်ႈ​ႁဝ်း၊ ၶဝ်ႈ​မႃး​သေ​ၵမ်း​ၶႃႈ။ ၶဝ်ႈ​မႃး​ၵႃႈ​တီႈ​ၵဝ်​ၶႃႈ​ၼႆႉ​သေ​ၵမ်း​ၶႃႈ။ ယႃႇ​ပေ​မႆႈ​ၸႂ်​ၶီ​ၸႂ်​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ မၼ်း​ဝႄႉ​ၶဝ်ႈ​ၵႃႈ​တီႈ​မၼ်း​ၼၼ်ႉ​ၵႃႈ​ၼႂ်း​မူဝ်းၵႃႇ​လႄႈ မၼ်း​ၼၼ်ႉ​ဢဝ်​ၽႃႈ​ဝႆ​ႁူမ်ႇ​သုမ်ႇ​မၼ်း​ဝႆႉ​ဢေႃႈ။-</verse>
				<verse number="19">မၼ်း​ၵေႃႈ​ယွၼ်း​လႄႈ​ဝႃႈ ပၼ်​ၼမ်ႉ​ဢိတ်း​ဢွၼ်ႇ​ၼိုင်ႈ​တီႈ​ၵဝ်​သေ​ၵမ်း။ ၵဝ်​တွင်ႉ​မႆႈ​ၼမ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် မၼ်း​ၼၼ်ႉ​ၽုၺ်ႇ​တဝ်ႈ​ၼမ်ႉ​ၼူမ်း​လႄႈ ပၼ်​ၵိၼ်​သေ​ယဝ်ႉ သမ်ႉ​ႁူမ်ႇ​သုမ်ႇ​မၼ်း​ဝႆႉ​သေ​ဢေႃႈ။-</verse>
				<verse number="20">မၼ်း​ၵေႃႈ​သမ်ႉ​သင်ႇ​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ​မူဝ်းၵႃႇ​သေ​ၵမ်း။ ပေႃး​သေ​ၵေႃႉ​သေ​ၵူၼ်း​မႃး​တွင်ႈ​ထၢမ်​တီႈ​မႂ်း​လႄႈ​ဝႃႈ၊ ၵႃႈ​တီႈ​ၼႆႈ မီး​ၵူၼ်း​ၸၢႆး​ႁိုဝ်။ ဝႃႈ​ၼင်ႇ​ၼႆ​ၸိုင် မႂ်း​လၢတ်ႈ​လႄႈ​ဝႃႈ၊ ဢမ်ႇ​မီး​ၵူၺ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မိူဝ်ႈ​ၼၼ်ႉ​ ယေႇလႃႉ မေး​ ႁေႇပႃႇ ​ၼၼ်ႉ​ယိပ်း​ၵမ်​ဢဝ်​သႄႈ​မူဝ်းၵႃႇ​တင်း​ၶွၼ်ႉ​တွၵ်ႇ​သေ​လႄႈ တဵတ်ႇ​တဵတ်ႇ​ၵႂႃႇ​ၸူး​ၵႃႈ​တီႈ​မၼ်း​လႄႈ ဢဝ်​သႄႈ​ၼၼ်ႉ တွၵ်ႇ​သႂ်ႇ​ၵႃႈ​တီႈ​သီႈ​မႅပ်ႉ​မၼ်း တေႃႇ​ထိုင်​ႁွတ်ႈ​ထၼ်ႈ​ပေႃး​ၸပ်း​လိၼ်​ဝႆႉ​ဢေႃႈ။ လွင်ႈ​မၼ်း​ၸမ်ႉ မၼ်း​ယင်း​တိုၵ်ႉ​ၼွၼ်း​လပ်း​ယူႇ​လႄႈ ႁိူဝ်ႉ​ဢမ်ႇ​ပႆႇ​ပေႇ​ဢေႃႈ။ ၼင်ႇ​ၼၼ်​လႄႈ မၼ်း​တၢႆ​ဢေႃႈ။-</verse>
				<verse number="22">မိူဝ်ႈ​ဢၼ်​ ပႃႇရၵ်ႉ ​ၸွမ်း​ႁႃ​ သီႉသရႃႉ ​ၼၼ်ႉ​ၸိုင် ယေႇလႃႉ ​ဢွၵ်ႇ​မႃး​ႁပ်ႉ​ႁူဝ်​တၢင်း​မၼ်း​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ၶဝ်ႈ​မႃး​သေ​ၵမ်း​ၶႃႈ။ ၶႃႈ​ၸဝ်ႈ​တၵ်း​ၼႄ​ပၼ်​ၵေႃႉ​ဢၼ်​ၸဝ်ႈ​ႁဝ်း​ႁႃ​ၼၼ်ႉ တီႈ​ၸဝ်ႈ​ႁဝ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​မႃး​ၸူး​တီႈ​မၼ်း​ၼၼ်ႉ​လႄႈ ထူပ်း​ႁၼ်​ သီႉသရႃႉ ​ၼၼ်ႉ​တၢႆ​ယဵတ်ႇ​ယူႇ​ယဝ်ႉ​လႄႈ သႄႈ​သဵပ်ႇ​ၵႃႈ​တီႈ​သီႈ​မႅပ်ႉ​မၼ်း​ယူႇ​ဢေႃႈ။-</verse>
				<verse number="23">ၼင်ႇ​ၼၼ်​လႄႈ ထႃႇဝရႃႉ​ၽြႃး​ဢဝ်​ ယႃႇၽိၼ်း ၶုၼ်​ႁေႃ​ၶမ်း​ ႁႃႇၸေႃႇ ၶျႃး​တူၵ်း​တီႈ​တႅမ်ႇ ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၼႂ်း​ဝၼ်း​ၼၼ်ႉ​သေ​ယဝ်ႉ၊-</verse>
				<verse number="24">ႁႅင်း​မိုဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပႄႉ​ၼႅင်ႇ​ ယႃႇၽိၼ်း ၶုၼ်​ႁေႃ​ၶမ်း​ ႁႃႇၸေႃႇ ​ယူႇ​တိၵ်း​တိၵ်း​ယူႇ တေႃႇ​ထိုင်​ႁွတ်ႈ​ထၼ်ႈ​ပေႃး ယႃႉ​ၽဵဝ်ႈ​ ယႃႇၽိၼ်း ၶုၼ်​ႁေႃ​ၶမ်း​ ႁႃႇၸေႃႇ ​ၼၼ်ႉ​ပႅတ်ႈ​ဢေႃႈ။</verse>
			</chapter>
			<chapter number="5">
				<verse number="1">တေႇပေႃးရႃႇ တင်း​ ပႃႇရၵ်ႉ ​လုၵ်ႈ​ၸၢႆး​ ဢၽီႉၼွင်ႇ ​ၼၼ်ႉ ႁဵတ်း​ၵႂၢမ်း​ၼႂ်း​ဝၼ်း​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="2">ၵွပ်ႈ​ပိူဝ်ႈ​ဢၼ် ၶုၼ်​ဢၼ်​ပဵၼ်​ငဝ်ႈ​ပဵၼ်​ႁူဝ်​ၸိူဝ်း​ၼၼ်ႉ ႁဵတ်း​ႁူဝ်​ဢွၼ်​ႁူဝ်​မဵဝ်း​ ဢီႉသရေႇလႃႉ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​ၵူၼ်း​တင်း​လၢႆ ပႃး​တင်း​ၸႂ်​ၸေႇတၼႃႇ​ဢဝ်​တူဝ်​ၸဝ်ႈ​ၵဝ်ႇ​လူႇ​ၼၼ်ႉ​လႄႈ ဢွၼ်​ၵၼ်​ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး​တႃႉ။-</verse>
				<verse number="3">ၶုၼ်​ႁေႃ​ၶမ်း​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ၶုၼ်​ၶဝ်​ဢိူၺ်း၊ ဢွၼ်​ၵၼ်​ဝၢႆႇ​ႁူ​ႁေႈ​ႁူ​သူ​တႃႉ။ ၵဝ်​ဢၼ်​ဝႃႈ​ၵဝ်​ၼႆႉ​တၵ်း​ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး​ဢေႃႈ။ ၵဝ်​တၵ်း​ႁဵတ်း​ၵႂၢမ်း​ယွင်ႈ​ယေႃး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="4">ထႃႇဝရႃႉ​ၽြႃး​တီႈ​ၶႃႈ​ဢိူၺ်း၊ မိူဝ်ႈ​ဢၼ်​ၸဝ်ႈ​ႁဝ်း​လုၵ်ႉ​သေ​ၵႃႈ​တီႈ​လွႆ​ ၸီႉရႃႉ ​ၵႂႃႇ၊ မိူဝ်ႈ​ဢၼ်​ၸဝ်ႈ​ႁဝ်း​လုၵ်ႉ​သေ​ၵႃႈ​တီႈ​ထိူၼ်ႇ​ ဢေႇတုမ်ႇ ၶီႇ​ၵႂႃႇ​ၼၼ်ႉ လိၼ်​မိူင်း​သၼ်ႇ​ဝႆ​လႄႈ ၽႃႉ​ၵၢင်​ႁၢဝ်​ယွတ်ႇ​ႁူဝ်ႈ​တူၵ်း​ယူႇ၊ ၽႃႈ​ၽူၼ်​တင်း​လၢႆ​ၵေႃႈ ယွတ်ႇ​ၼမ်ႉ​ႁူဝ်ႈ​ၼမ်ႉ​တူၵ်း​ယူႇ​တီႈ​ၶႃႈ​ဢေႃႈ။-</verse>
				<verse number="5">လွႆ​တင်း​လၢႆ​ၼၼ်ႉ တူင်ႉ​ၼိုင်​ၶွၼ်း​ၶဝ်ႇ​ယူႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ လွႆ​ သီႉၼႃႉ ​ၼၼ်ႉ တူင်ႉ​ၼိုင်​ၶွၼ်း​ၶဝ်ႇ​ယူႇ​ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ​ဢေႃႈ။</verse>
				<verse number="6">ၼႂ်း​ၸူဝ်ႈ​ပၢၼ်​ သမ်း​ၵႃး လုၵ်ႈ​ၸၢႆး​ ဢႃႇၼတ်ႉ ​ၼၼ်ႉ ဢိၵ်ႇ​တင်း​ၼႂ်း​ၸူဝ်ႈ​ပၢၼ်​ ယေႇလႃႉ ​ၼၼ်ႉ၊ သဵၼ်ႈ​တၢင်း​လူင်​တင်း​လၢႆ မီး​တၢင်း​ဢၼ်​သဵတ်ႇ​ဢၼ်​ယဵၼ်​ဝႆႉ​လႄႈ ၵူၼ်း​ၵႂႃႇ​တၢင်း​ပႆ​တၢင်း​တင်း​လၢႆ ပႆ​ၸွမ်း​ၵႂႃႇ​ၸွမ်း​သဵၼ်ႈ​တၢင်း​ဢၼ်​ၵူတ်ႉ​ဢၼ်​ငွၵ်း​ဢေႃႈ။-</verse>
				<verse number="7">ဝၢၼ်ႈ​ၼွၵ်ႈ​ၼႃး​ပၢင်ႇ​တင်း​လၢႆ မီး​တၢင်း​ဢၼ်​သဵတ်ႇ​ဢၼ်​ယဵၼ်​ဝႆႉ​ဢေႃႈ။ မီး​တၢင်း​ဢၼ်​သဵတ်ႇ​ဢၼ်​ယဵၼ်​ဝႆႉ တေႃႇ​ထိုင်​ႁွတ်ႈ​ၵဝ်​ တေႇပေႃးရႃႇ ​ၼႆႉ​ပေႃႇ​ဢွၵ်ႇ​မႃး၊ တေႃႇ​ထိုင်​ႁွတ်ႈ​ၵဝ်​ၼႆႉ​ပေႃႇ​ဢွၵ်ႇ​မႃး ပဵၼ်​မႄႈ​မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="8">ၶဝ်​လိူၵ်ႈ​ၵဵပ်း​ဢဝ်​ၽြႃး​ဢၼ်​မႂ်ႇ​ဢေႃႈ။ မိူဝ်ႈ​ၼၼ်ႉ ပဵၼ်​သိုၵ်း​ပဵၼ်​သိူဝ်​ၵႃႈ​ၼႂ်း​ၽၵ်း​တူ​ဝဵင်း​ၶဝ်​ဢေႃႈ။ မိူဝ်ႈ​ၼၼ်ႉ လႆႈ​ႁၼ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​သေ​ဢၼ်၊ ႁွၵ်ႇ​သေ​မၢၵ်ႈ ၵႃႈ​ၼႂ်း​မဵဝ်း​ ဢီႉသရေႇလႃႉ ​သီႇ​မိုၼ်ႇ​ၼၼ်ႉ​ႁိုဝ်။-</verse>
				<verse number="9">ၵဝ်​ၸႂ်​ဢူၼ်ႈ​ဢွၼ်ႇ​ၼူပ်ႈ​ၸူး​တီႈ​ၶုၼ်​မဵဝ်း​ ဢီႉသရေႇလႃႉ ​ဢၼ်​ဝႃႈ ၶဝ်​ၸိူဝ်း​ဢၼ်​မီး​ၸႂ်​ၸေႇတၼႃႇ​သေ​လႄႈ ဢဝ်​တူဝ်​ၸဝ်ႈ​ၵဝ်ႇ​လူႇ​ၵႃႈ​ၼႂ်း​ၵူၼ်း​တင်း​လၢႆ​ၼၼ်ႉ​ဢေႃႈ။ ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး​တႃႉ။-</verse>
				<verse number="10">ၵေႃႉ​ဢၼ်​ၶီႇ​လီႈ​ဢၼ်​ၽိူၵ်ႇ​ဢၼ်​ၶၢဝ်၊ ၵေႃႉ​ဢၼ်​ၼင်ႈ​ယူႇ​ၵႃႈ​ၼိူဝ်​ၵေႃႇ​ၸေႃး​တၢၼ်း​သိူဝ်ႇ၊ ၵေႃႉ​ဢၼ်​ၵႂႃႇ​တၢင်း​ပႆ​တၢင်း​ၶဝ်​ဢိူၺ်း၊ ဢွၼ်​ၵၼ်​ၶႆႈ​ၸႂ်​ဝူၼ်ႉ​ၸႂ်​လူး။-</verse>
				<verse number="11">မိူဝ်ႈ​ဢၼ်​ငိၼ်း​သဵင်​ၶဝ်​ၸိူဝ်း​ဢၼ် ယိုဝ်း​ၵၢင်ႇ​ယိုဝ်း​ပိုၼ်​ၼၼ်ႉ ၵႃႈ​ၼႂ်း​တီႈ​ဢၼ်​တဵၵ်း​ၼမ်ႉ​ၸိူဝ်း​ၼၼ်ႉ​ၸိုင် တၵ်း​လႆႈ​ဢွၼ်​ၵၼ်​ယွင်ႈ​ယေႃး​ဢမူႉ​ဢၼ်​တြႃး​ထႃႇဝရႃႉ​ၽြႃး​ဢၼ်​ဝႃႈ ဢမူႉ​မၼ်း​ၸဝ်ႈ​ႁဵတ်း​ၸွမ်း​ၼင်ႇ​တြႃး​တီႈ​ဝၢၼ်ႈ​ဝဵင်း​ ဢီႉသရေႇလႃႉ ​တင်း​လၢႆ​ၼၼ်ႉ ၵႃႈ​တီႈ​ၼၼ်ႈ​ဢေႃႈ။ မိူဝ်ႈ​ၼၼ်ႉ ၵူၼ်း​ထႃႇဝရႃႉ​ၽြႃး​တင်း​လၢႆ တၵ်း​ဢွၼ်​ၵၼ်​ၶိုၼ်း​လူင်း​ၸူး ၵႃႈ​တီႈ​ၽၵ်း​တူ​ၶဝ်​ဢေႃႈ။-</verse>
				<verse number="12">တိုၼ်ႇ​မႃး​သေ​ၵမ်း။ တိုၼ်ႇ​မႃး​သေ​ၵမ်း။ တေႇပေႃးရႃႇ ​ဢိူၺ်း၊ တိုၼ်ႇ​မႃး​သေ​ၵမ်း။ တိုၼ်ႇ​မႃး​သေ​ၵမ်း။ ႁဵတ်း​ၵႂၢမ်း​သေ​ၵမ်း။ ပႃႇရၵ်ႉ ​ဢိူၺ်း၊ လုၵ်ႉ​သေ​ၵမ်း။ လုၵ်ႈ​ၸၢႆး​ ဢၽီႉၼွင်ႇ ​ဢိူၺ်း၊ ဢဝ်​ၶဝ်​ၸိူဝ်း​ဢၼ်​မႂ်း​တီႉ​ၵမ်​ၶျုၵ်ႈ​ဝႆႉ​ၼၼ်ႉ ၵႂႃႇ​တီႉ​ၵမ်​ၶျုၵ်ႈ​ဝႆႉ​သေ​ၵမ်း။</verse>
				<verse number="13">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ​ၵႃႈ​ၼႂ်း​ၶုၼ်​တင်း​လၢႆ ဢိၵ်ႇ​တင်း​ၵူၼ်း​တင်း​လၢႆ​ၼၼ်ႉ ဢွၼ်​ၵၼ်​လူင်း​ၸူး​ဢေႃႈ။ ထႃႇဝရႃႉ​ၽြႃး​လူင်း​ၸူး​ၵႃႈ​တီႈ​ၶဝ် ၵႃႈ​ၼႂ်း​ၶဝ်​ၸိူဝ်း​ဢၼ်​ႁႅင်း​တၼ်း​ၶူဝ်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ်​တူၵ်း​တီႈ​ယူႇ​တီႈ​သဝ်း ၵႃႈ​ၼႂ်း​တီႈ​ယူႇ​ ဢႃႇမလႅၵ်ႉ ​ၼၼ်ႉ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ဢိူင်ႇ ဢေႇၽရိမ်ႇ ​လူင်း​ၸူး​ဢေႃႈ။ လိုၼ်း​မႂ်း​ၼၼ်ႉ ၵူၼ်း​မဵဝ်း​ ပိၼ်ႇယႃႇမိၼ်ႇ ပႃး​မႃး​ၵႃႈ​ၼႂ်း​ၵူၼ်း​မဵဝ်း​မႂ်း​တင်း​လၢႆ​ၼၼ်ႉ​ဢေႃႈ။ ၶုၼ်​တင်း​လၢႆ​ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​မဵဝ်း​ မႃႇၶီႉရႃႉ ၊ ၶဝ်​ၸိူဝ်း​ဢၼ်​ၸၢင်ႈ​ယိပ်း​ၵမ်​ၵၼ်း​ႁွၵ်ႇ​ရႃႇၸႃႉ​ၼၼ်ႉ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​မဵဝ်း​ ၸေႇပူႉလုၼ်ႇ ​ၼၼ်ႉ​သေ​လႄႈ လူင်း​ၸူး​ဢေႃႈ။-</verse>
				<verse number="15">ၵူၼ်း​ ဢီႉသၶႃႇ ​တင်း​လၢႆ​ၵေႃႈ ပႃး​လူၺ်ႈ​ၵၼ်​တင်း​ တေႇပေႃးရႃႇ ​လႄႈ မဵဝ်း​ ဢီႉသၶႃႇ ဢိၵ်ႇ​လူၺ်ႈ​ၵၼ်​တင်း​ ပႃႇရၵ်ႉ ဢွၼ်​ၵၼ် ပႆ​တိၼ်​လႅၼ်ႈ​ၸူး​ၵႃႈ​တီႈ​ပၢင်ႇ​တီႈ​ႁူၺ်ႈ​ဢေႃႈ။ ၵႃႈ​တီႈ​ၼမ်ႉ​ပဵၼ်​ႁွင်ႈ​ပဵၼ်​ၵႄး တီႈ​ယူႇ​မဵဝ်း​ ရူႉပိၼ်ႇ ​ၼၼ်ႉ မီး​တၢင်း​ဢၼ်​ဝႆႉ​ၸႂ်​ႁႅင်း​ယႂ်ႇ​ၼႃႇ ၼမ်​ၼႃႇ​လူင်​လၢင်​ဢေႃႈ။-</verse>
				<verse number="16">ႁဵတ်း​သင်​လႄႈ မႂ်း​ၼင်ႈ​ယူႇ​ၼႂ်း​ၵႄႈ​ၼႂ်း​ၵၢင်​ၶွၵ်ႈ​သူဝ်း ႁႂ်ႈ​လႆႈ​ထွမ်ႇ​လႆႈ​ငိၼ်း​သဵင်​ဢၼ်​ၽုင်​သူဝ်း​ႁွင်ႉ​ၼၼ်ႉ​ၼင်ႇ​ႁိုဝ်။ ၵႃႈ​တီႈ​ၼမ်ႉ​ပဵၼ်​ႁွင်ႈ​ပဵၼ်​ၵႄး တီႈ​ယူႇ​မဵဝ်း​ ရူႉပိၼ်ႇ ​ၼၼ်ႉ မီး​တၢင်း​ဢၼ်​ၶႆႈ​ၸႂ်​ဝူၼ်ႉ​ၸႂ်​ႁႅင်း​ယႂ်ႇ​ၼႃႇ​ၼမ်​ၼႃႇ​ဢေႃႈ။-</verse>
				<verse number="17">မိူင်း​ ၵီႉလတ်ႉ ​ၼၼ်ႉ​ယူႇ​ၼိမ်​ၼိမ်​ယူႇ ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ဢေႃႈ။ မဵဝ်း​ တၢၼ်ႇ ​ၼၼ်ႉ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵိုတ်း​သဝ်း​ယူႇ​ၵႃႈ​တီႈ​ႁိမ်း​တႃႈ​ႁိူဝ်း​သၢင်း​ၽေႃး​တင်း​လၢႆ​ၼၼ်ႉ​ၼင်ႇ​ႁိုဝ်။ မဵဝ်း​ ဢႃႇသႃႇ ​ၵေႃႈ ၼင်ႈ​ယူႇ​ၵႃႈ​ႁိမ်း​ၽင်ႇ​ပၢင်ႇ​လၢႆႇ​လႄႈ ယူႇ​ၼိမ်​ၼိမ် ယူႇ​ၵႃႈ​တီႈ​ၵူတ်ႉ​ၼမ်ႉ​မၼ်း​ၸိူဝ်း​ၼၼ်ႉ​လူင်​ပႄႇ။-</verse>
				<verse number="18">မဵဝ်း​ ၸေႇပူႉလုၼ်ႇ ​ၸမ်ႉ ပဵၼ်​ဢၼ်​ႁတ်း​ႁၢၼ်​တေႃႇ​ထိုင်​ႁွတ်ႈ​ထၼ်ႈ​ပေႃး ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ​လႄႈ​မဵဝ်း​ ၼပ်ႉထလီႉ ၵေႃႈ​ႁဵတ်း​မိူၼ်​ၸိူဝ်ႉ​ၼင်ႇ​ၼၼ် ၵႃႈ​တီႈ​ဢၼ်​သုင်​တင်း​လၢႆ​ၵႃႈ​ၼႂ်း​ထိူၼ်ႇ​ၼၼ်ႉ​ဢေႃႈ။-</verse>
				<verse number="19">ၶုၼ်​ႁေႃ​ၶမ်း​တင်း​လၢႆ ဢွၼ်​ၵၼ်​မႃး​လႄႈ​တိုၵ်း​သိုၵ်း​ဢေႃႈ။ ၶုၼ်​ႁေႃ​ၶမ်း​ ၶႃႇၼၼီႉ ​ၸိူဝ်း​ၼၼ်ႉ ဢွၼ်​ၵၼ်​တိုၵ်း​သိုၵ်း ၵႃႈ​တီႈ​ဝဵင်း​ တႃႇၼၵ်ႉ ၵႃႈ​တီႈ​ႁိမ်း​ၼမ်ႉ​ မေႇၵိတ်ႉတေႃႇ ​ၼၼ်ႉ​ဢေႃႈ။ ၵူၺ်း​ၵႃႈ ၶဝ်​ႁိမ်​ဢဝ်​ငိုၼ်း​လႄႈ​ဢမ်ႇ​လႆႈ။-</verse>
				<verse number="20">ၸွႆႈ​သိုၵ်း​ထႅမ်​သိုၵ်း​သေ​ၵႃႈ​ၼိူဝ်​ၵၢင်​ႁၢဝ်​ယူႇ​ဢေႃႈ။ လၢဝ်​တင်း​လၢႆ​ယူႇ​ၵႃႈ​ၼႂ်း​တီႈ​ဢၼ်​ၶဝ်​ပၼ်ႇ​လဵပ်ႈ​ယူႇ​ၸိူဝ်း​ၼၼ်ႉ ၸွႆႈ​သိုၵ်း​ထႅမ်​သိုၵ်း​တေႃႇ​ သီႉသရႃႉ ​ဢေႃႈ။-</verse>
				<verse number="21">ၼမ်ႉ​ႁွင်ႈ​ ၵီႉသုၼ်ႇ ပတ်ႉ​ထူဝ်း​ဢဝ်​ၶဝ်​ၵႂႃႇ​ယဝ်ႉ။ ၼမ်ႉ​ႁွင်ႈ​ဢၼ်​မီး​ဝႆႉ​ၸႃႉ​ၸဵမ် မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ဢၼ်​ဝႃႈ​ၼမ်ႉ​ႁွင်ႈ​ ၵီႉသုၼ်ႇ ​ၼၼ်ႉ​ဢေႃႈ။ ဝီႉၺိၺ်ႇ​ၵဝ်​ဢိူၺ်း၊ မီး​တင်း​ႁႅင်း​တၼ်း​ၶူဝ်း​သေ​လႄႈ​ၶီႇ​ယဵပ်ႇ​ၵႂႃႇ​တႃႉ။-</verse>
				<verse number="22">မိူဝ်ႈ​ၼၼ်ႉ ၵိပ်ႇ​မႃႉ​တင်း​လၢႆ​ထိပ်ႇ​ၽၢင်ႈ​လိၼ် ၵွပ်ႈ​ပိူဝ်ႈ​ဢၼ်​ၵူၼ်း​ဢၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ ႁိပ်ႈ​ၼႅတ်ႈ​ႁေႃႈ​ငိုတ်ႈ​ယူႇ၊ ႁိပ်ႈ​ၼႅတ်ႈ​ႁေႃႈ​ငိုတ်ႈ​ယူႇ​သေ​လႄႈ ၶီႇ​မႃႉ​ၵႂႃႇ​ၼၼ်ႉ​ဢေႃႈ။-</verse>
				<verse number="23">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး သင်ႇ​လၢတ်ႈ​လႄႈ​ဝႃႈ၊ ၵိၼ်ႇ​ဝႃႈ​ဝဵင်း​ မေႇရေႃးၸႃႉ ​တႃႉ။ ၵိၼ်ႇ​ဝႃႈ​ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ဝဵင်း​ၼၼ်ႉ ၼႃႇ​ၼႃႇ​တႃႉ။ လွင်ႈ​မၼ်း​ၸမ်ႉ ၶဝ်​ဢမ်ႇ​ၽွမ်ႉ​ၵၼ်​တင်း​ၵူၼ်း​ဢၼ်​ႁႅင်း​ယႂ်ႇ​ၼႃႇ​ၵႃႈ​တီႈ​ၽၢႆႇ​ထႃႇဝရႃႉ​ၽြႃး​လႄႈ ၸွႆႈ​ထႅမ်​မႃႉ​ၸႃႉ​ၵႃႈ​တီႈ​ၽၢႆႇ ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="24">ယေႇလႃႉ ​မေး​ ႁေႇပႃႇ ၵူၼ်း​မဵဝ်း​ ၵေႇၼီႉ ​ၼၼ်ႉ​မီး​မင်ႇၵလႃႇ​ဢၼ်​မျၢတ်ႈ​ၼႃႇ​လူင်​လၢင် လိူဝ်​တွၼ်း​ၼႃႇ​သေ​မႄႈ​ယိင်း​တင်း​လၢႆ​ဢေႃႈ။ မၼ်း​မီး​မင်ႇၵလႃႇ​ဢၼ်​မျၢတ်ႈ​ၼႃႇ​လူင်​လၢင် လိူဝ်​တွၼ်း​ၼႃႇ​သေ​မႄႈ​ယိင်း​တင်း​လၢႆ ဢၼ်​ယူႇ​ၵႃႈ​ၼႂ်း​မူဝ်းၵႃႇ​ဢေႃႈ။</verse>
				<verse number="25">ၵေႃႉ​ၼၼ်ႉ​ယွၼ်း​ၼမ်ႉ​လႄႈ မၼ်း​ပၼ်​ၼမ်ႉ​ၼူမ်း​ဢေႃႈ။ ဢဝ်​ၵွၵ်း​ဢၼ်​ၶုၼ်​သုင်း​ၼၼ်ႉ သႂ်ႇ​ၼမ်ႉ​ၼူမ်း​ၵၢမ်ႈ​ပၼ်​ဢေႃႈ။-</verse>
				<verse number="26">မၼ်း​ယဵတ်ႇ​မိုဝ်း​မၼ်း​ဢဝ်​သႄႈ​မူဝ်းၵႃႇ​လႄႈ ဢဝ်​တင်း​မိုဝ်း​ၶွၼ်​ၶႂႃ​မၼ်း​ယိပ်း​ၵမ်​ဢဝ်​ၶွၼ်ႉ​တွၵ်ႇ​ၵူၼ်း​ဢၼ်​ႁဵတ်း​ဢၼ်​သၢင်ႈ​သေ​ယဝ်ႉ ဢဝ်​ၶွၼ်ႉ​တွၵ်ႇ​ၼၼ်ႉ​တွၵ်ႇ​သႂ်ႇ​ သီႉသရႃႉ ​လႄႈ တွၵ်ႇ​သႂ်ႇ​ႁႂ်ႈ​ၵွၵ်း​ႁူဝ်​မၼ်း​ထၼ်ႈ​ပေႃး​တႅၵ်ႇ​ဢေႃႈ။ မၼ်း​တွၵ်ႇ​သဵပ်ႇ​သႂ်ႇ​လႄႈ သဵပ်ႇ​တႅင်း​သႂ်ႇ​သီႈ​မႅပ်ႉ​မၼ်း​ပွင်ႇ​ပဵဝ်​ၵႂႃႇ​ဢေႃႈ။-</verse>
				<verse number="27">ၵေႃႉ​ၼၼ်ႉ ၵူမ်ႈ​မူပ်ႇ​ယူႇ၊ လူမ်ႉ​ယူႇ၊ ယဵတ်ႇ​ယူႇ​ဢိူၼ်​လိူၼ် ၵႃႈ​တီႈ​တိၼ်​မၼ်း​ဢေႃႈ။ ၵေႃႉ​ၼၼ်ႉ​ၵူမ်ႈ​မူပ်ႇ​ယူႇ၊ လူမ်ႉ​ယူႇ​ၵႃႈ​တီႈ​တိၼ်​မၼ်း​လႄႈ လူမ်ႉ​တၢႆ​ယူႇ​ၵႃႈ​တီႈ​ဢၼ်​ၵူမ်ႈ​မူပ်ႇ​ၼၼ်ႉ​ဢေႃႈ။-</verse>
				<verse number="28">မႄႈ​မၼ်း​ၼၼ်ႉ ယူႇ​ၵႃႈ​တီႈ​ႁူး​လၢင်း​တဵၼ် လွမ်​တူၺ်း​ယူႇ​သေ​လႄႈ​ဝႃႈ၊ မႄႈ​ သီႉသရႃႉ ယူႇ​ၵႃႈ​တီႈ​ႁူး​ၽႃ​သေ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ လေႃႉရထႃး​မၼ်း​ၼၼ်ႉ​ၼၢၼ်း​မႃး​ၼင်ႇ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မၢၵ်ႇ​လေႃႉရထႃး​မၼ်း​ၸိူဝ်း​ၼၼ်ႉ ထိူင်း​ၼင်ႇ​ႁိုဝ်။ ဝႃႈ​ၼင်ႇ​ၼႆ​ယူႇ​ဢေႃႈ။-</verse>
				<verse number="29">ၸိူင်ႉ​ၼၢင်း​မၼ်း ဢၼ်​မီး​ပိင်ႇ​ၺႃႇ​ၸိူဝ်း​ၼၼ်ႉ ၶိုၼ်း​လဝ်ႊ​လၢတ်ႈ​ၵူၺ်း​ဢမ်ႇ​ၵႃး၊ တူဝ်​မၼ်း​ၶိုၼ်း​လၢတ်ႈ​တီႈ​တူဝ်​မၼ်း​လႄႈ​ဝႃႈ​ၸမ်ႉ၊-</verse>
				<verse number="30">ၶဝ်​ထူပ်း​ႁၼ်​လႄႈ ၶဝ်​ဢဝ်​ဢုၵ်ႉ​ၸႃႇ​ဢၼ်​ႁိမ်​လႆႈ​ၼၼ်ႉ ၽႄ​မႅင်ႇ​ယူႇ​ဢမ်ႇ​ၸႂ်ႈ​ႁိုဝ်။ ပုၼ်ႈ​ၵူၼ်း​သိုၵ်း​ယေႈ​ၵေႃႉ၊ ၵၼ်ႇ​ၺႃႇ​လုၵ်ႈ​ယိင်း​သၢဝ်​ယေႈ​ၵေႃႉ​သွင်​ၵေႃႉ၊ ပုၼ်ႈ​ သီႉသရႃႉ ​ၸမ်ႉ၊ ၶူဝ်း​ၼုင်ႈ​ဢၼ်​ယွမ်ႉ​ပဵၼ်​မွၵ်ႇ​ပဵၼ်​မႂ်၊ ၶိူင်ႈ​ၶူဝ်း​ၼုင်ႈ​ဢၼ်​ဢဝ်​ယွမ်ႉ​ပဵၼ်​မွၵ်ႇ​ပဵၼ်​မႂ်​တမ်ႇ​ၵၢမ်း​ၵၼ်​လႄႈ​ႁၢင်ႈ​ၶိူင်ႈ၊ ၶိူင်ႈ​ၶူဝ်း​ၼုင်ႈ​ဢၼ်​ဢဝ်​ယွမ်ႉ​ပဵၼ်​မွၵ်ႇ​ပဵၼ်​မႂ်​လႄႈ တမ်ႇ​ၵၢမ်း​ၵၼ်​ႁၢင်ႈ​ၶိူင်ႈ၊ သွင်​ၽၢၵ်ႇ​သွင်​ၼႃႈ​ၼၼ်ႉ ပုၼ်ႈ​ဢၼ်​တၵ်း​ပဵၼ်​ဢုၵ်ႉ​ၸႃႇ​ဢၼ်​ႁိမ်​လႆႈ​ၼၼ်ႉ​လႄႈ ႁွႆႈ​ဝႆႉ​ၵႃႈ​တီႈ​ၶေႃး​မၼ်း​ၼၼ်ႉ​ၸိုင် မီး​ဝႆႉ​ယဝ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ယူႇ​ဢေႃႈ။-</verse>
				<verse number="31">ဢူဝ်း​ထႃႇဝရႃႉ​ၽြႃး၊ ႁႂ်ႈ​ရၢၼ်ႇ​သူႇ​ၸဝ်ႈ​ႁဝ်း​တင်း​သဵင်ႈ​တင်း​လူင်​ၼၼ်ႉ ႁွတ်ႈ​ထိုင်​တၢင်း​လူႉ​တၢင်း​လႅဝ်​ၸိူဝ်ႉ​ၼင်ႇ​ၼၼ်​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​ႁၵ်ႉ​မၼ်း​ၸဝ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​ၵၢင်​ဝၼ်း ဢၼ်​ပႃး​ႁႅင်း​တၼ်း​ၶူဝ်း​သေ​လႄႈ​ဢွၵ်ႇ​မႃး​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။ လိုၼ်း​ၼၼ်ႉ​မိူင်း​တင်း​မိူင်း ၼိမ်​လီ​ယဵၼ်​လီ​သီႇ​သိပ်း​ပီႊ​တဵမ်​တဵမ်​ဢေႃႈ။</verse>
			</chapter>
			<chapter number="6">
				<verse number="1">လႆႈ​သမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ထႅင်ႈ​လႄႈ ထႃႇဝရႃႉ​ၽြႃး​သမ်ႉ​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ မီႉတျၼ်ႇ ၸဵတ်း​ပီႊ​တဵမ်​တဵမ်​ဢေႃႈ။-</verse>
				<verse number="2">မဵဝ်း​ မီႉတျၼ်ႇ ​ၼၼ်ႉ ႁဵတ်း​ပႄႉ​ႁဵတ်း​ၼႅင်ႇ​မဵဝ်း​ ဢီႉသရေႇလႃႉ ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​မႄး​ႁဵတ်း​ႁွင်ႈ​ႁဵတ်း​ၶူး​ဢၼ်​မီး​ၵႃႈ​တီႈ​ၵႄႈ​လွႆ ဢိၵ်ႇ​တင်း​ႁူး​ထမ်ႈ​ႁူး​လွႆ​တၢင်ႇ​တီႈ​ဢၼ်​မၼ်ႈ​ဢၼ်​ၶိူင်ႇ​တင်း​လၢႆ​ပုၼ်ႈ​ၶဝ် ၵွပ်ႈ​ပိူဝ်ႈ​မဵဝ်း​ မီႉတျၼ်ႇ ​ၼၼ်ႉ​ဢေႃႈ။-</verse>
				<verse number="3">မိူဝ်ႈ​ဢၼ်​မဵဝ်း​ ဢီႉသရေႇလႃႉ ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ယဝ်ႉ​ၼၼ်ႉ​ၸိုင် ၵူၼ်း​မိူင်း​ မီႉတျၼ်ႇ ဢိၵ်ႇ​တင်း​ၵူၼ်း​မိူင်း​ ဢႃႇမလႅၵ်ႉ တင်း​ၵူၼ်း​မိူင်း​ဝၼ်း​ဢွၵ်ႇ​တင်း​လၢႆ ဢွၼ်​ၵၼ်​မႃး​လႄႈ၊-</verse>
				<verse number="4">ၶီႇ​သိုၵ်း​ၶဝ်​သေ​လႄႈ ၶျႃး​တပ်ႉ​ၶဝ်​သေ​ယဝ်ႉ ပႄႇ​ၽဵဝ်ႈ​ပႅတ်ႈ​မၢၵ်ႇ​လိၼ်​ႁူင်း​လိၼ်​တေႃႇ​ထိုင်​ႁွတ်ႈ ဝဵင်း​ ၵႃႇၸႃႉ ​ယူႇ​သေ​လႄႈ ဢမ်ႇ​ဝႆႉ​ၵိုတ်း​ဝႆႉ​ၵျၢၼ်ႇ​ပုၼ်ႈ​ဢၼ်​တၵ်း​ၵိၼ်​တၵ်း​ၶူပ်း ဢိၵ်ႇ​တင်း​သူဝ်း၊ ဝူဝ်း၊ လီႈ သေ​ၸိူဝ်ႉ​သေ​ပိူင်။-</verse>
				<verse number="5">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၶဝ်​ၼၼ်ႉ​ပႃး​တင်း​တရိၵ်ႈသၢၼ်ႇ​ၶဝ်​တင်း​မူဝ်းၵႃႇ​ၶဝ်​သေ​လႄႈ မႃး​ၼမ်​ၼႃႇ​လူင်​လၢင် မိူၼ်​ၸိူဝ်ႉ​ၼင်ႇ​မႅင်း​ၵႅင်း​ၼၼ်ႉ​ဢေႃႈ။ ၶဝ်​ဢိၵ်ႇ​တင်း​ၵလႃးဢုၵ်ႉ​ၶဝ်​ၸိူဝ်း​ၼၼ်ႉ ၼမ်​ၼႃႇ​ထၼ်ႈ​ပေႃး ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​လႄႈ ဢွၼ်​ၵၼ်​မႃး​ႁႂ်ႈ​လႆႈ​ယႃႉ​ဝၢၼ်ႈ​ယႃႉ​မိူင်း​ပႅတ်ႈ​ဢေႃႈ။-</verse>
				<verse number="6">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တူၵ်း​တႅမ်ႇ​တူၵ်း​ယေႃႈ​ၼႃႇ​လူင်​လၢင် ၵွပ်ႈ​ပိူဝ်ႈ​ၵူၼ်း​မဵဝ်း​ မီႉတျၼ်ႇ ​ၸိူဝ်း​ၼၼ်ႉ​လႄႈ ၵူၼ်း​မဵဝ်း ဢီႉသရေႇလႃႉ ​တင်း​လၢႆ ဢွၼ်​ၵၼ်​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​ဢေႃႈ။</verse>
				<verse number="7">ၼင်ႇ​ၼၼ်​လႄႈ မိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး ၵွပ်ႈ​ပိူဝ်ႈ​ၵူၼ်း​မဵဝ်း​ မီႉတျၼ်ႇ ​တင်း​လၢႆ​ၼၼ်ႉ​ၸိုင်၊-</verse>
				<verse number="8">ထႃႇဝရႃႉ​ၽြႃး ပွႆႇ​ၸႂ်ႉ​ပရေႃးၽႅတ်ႈ​ၵေႃႉ​ၼိုင်ႈ မႃး​ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ မၼ်း​ၼၼ်ႉ​လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ဢဝ်​သူ​ဢွၵ်ႇ​သေ​ၵႃႈ​ၼႂ်း​တီႈ​ဢၼ်​ၶၢမ်ႇ​ႁဵတ်း​ၶႃႈ​ၼၼ်ႉ​မႃး​ယဝ်ႉ။-</verse>
				<verse number="9">ၵဝ်​ၵႄႇ​သႄႇ​ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိုဝ်း​ၵူၼ်း​ ဢေႇၵိပ်ႉတူႉ ​တင်း​လၢႆ ဢိၵ်ႇ​တင်း​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​သူ​တင်း​သဵင်ႈ​တင်း​လူင်​ၼၼ်ႉ​လႄႈ ႁေႃႈ​ၶဝ်​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​သူ​လႄႈ ဢဝ်​မိူင်း​ၶဝ်​ပၼ်​တီႈ​သူ​ယဝ်ႉ။-</verse>
				<verse number="10">ၵဝ်​ပိင်း​ၺၢပ်ႈ​ဝႆႉ​တီႈ​သူ​လႄႈ​ဝႃႈ၊ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။ ယႃႇ​ပေ​ၵူဝ်​ပေ​ႁႄ​ၽြႃး​ၵူၼ်း​ ဢႃႇမေႃးရီႉ ဢၼ်​သူ​ယူႇ​ၵႃႈ​ၼႂ်း​မိူင်း​ၶဝ်​ၼၼ်ႉ ဝႃႈ​ၼင်ႇ​ၼႆ​သေ​ၵေႃႈ၊ သူ​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">လႆႈ​သမ်ႉ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး မႃး​လႄႈ​ၼင်ႈ​ယူႇ​ၵႃႈ​တီႈ​တႂ်ႈ​တူၼ်ႈ​မႆႉ​ၼိမ် ၵႃႈ​တီႈ​ဝၢၼ်ႈ​ ဢေႃႇၽရႃႉ ဢၼ်​ ယေႃးသႃႉ ၵူၼ်း​မဵဝ်း​ ဢပျေႇၸႃႇ ပိူင်ႇ​ၼၼ်ႉ​ဢေႃႈ။ ၵီႉတီႉဢုၼ်ႇ လုၵ်ႈ​ၸၢႆး​မၼ်း​ၼၼ်ႉ ပေႃႉ​ၶဝ်ႈ​ၵျုင်ႇ​မၼ်း​ယူႇ​ၵႃႈ​ၼႂ်း​ၶုမ်​ၶိူင်ႈ​ယဵပ်ႇ​မၢၵ်ႇ​ၸပိတ်ႈ ႁႂ်ႈ​လႆႈ​ဢဝ်​သိူင်ႇ​ဢဝ်​မႅပ်ႉ ၵူၼ်း​မဵဝ်း​ မီႉတျၼ်ႇ ​တင်း​လၢႆ​ဢေႃႈ။-</verse>
				<verse number="12">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ပေႃႇ​မႃး​တီႈ​မၼ်း​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ၼႆႉ​ဢိူၺ်း၊ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">ၵီႉတီႉဢုၼ်ႇ ​ၼၼ်ႉ ၶိုၼ်း​လၢတ်ႈ​လႄႈ​ဝႃႈ၊ ၸဝ်ႈ​ၵဝ်​ၶႃႈ​ဢိူၺ်း၊ ပေႃး​ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ႁဝ်း​ၶႃႈ​ဢမၢၼ်ႇ​ၶၼ်​ပဵၼ်​ၸိုင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ဢမူႉ​လူင်​ၼႆႉ​ႁွတ်ႈ​ထိုင်​ၵႃႈ​ၼိူဝ်​ႁဝ်း​ၶႃႈ​ၼင်ႇ​ႁိုဝ်​ၶႃႈ။ လွင်ႈ​တၢင်း​ဢၼ်​လီ​ဢၢမ်း​ဢၼ်​မၼ်း​ၸဝ်ႈ ႁဵတ်း​ၵႃႈ​ၼင်ႇ​ဢၼ်​ပူႇ​ပေႃႈ​ႁဝ်း​ၶႃႈ လၢတ်ႈ​တီႈ​ႁဝ်း​ၶႃႈ​လႄႈ​ဝႃႈ၊ ထႃႇဝရႃႉ​ၽြႃး​ၼုၵ်ႈ​ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ဢေႃႈ၊ ဝႃႈ​ၼင်ႇ​ၼႆ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ မီး​ၵႃႈ​လႂ်​ၶႃႈ။ တေႃႈ​လဵဝ်​ၼႆႉ ထႃႇဝရႃႉ​ၽြႃး​ၸုၼ်ႉ​ပႅတ်ႈ​ႁဝ်း​ၶႃႈ​လႄႈ ဢဝ်​ႁဝ်း​ၶႃႈ​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​မဵဝ်း​ မီႉတျၼ်ႇ ​တင်း​လၢႆ​ယဝ်ႉ​လူင်​ပႄႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">ထႃႇဝရႃႉ​ၽြႃး​ၼၼ်ႉ​ယႅၵ်ႉ​တူၺ်း​မၼ်း​လႄႈ​မီး​ဢမိင်ႉ​လႄႈ​ဝႃႈ၊ ဢိင်​ပိုင်ႈ​တၼ်း​ၶူဝ်း​ဢၼ်​မႂ်း​လႆႈ​တေႃႈ​လဵဝ်​ၼႆႉ​ယူႇ​သေ​လႄႈ ၵႂႃႇ​တႃႉ။ မႂ်း​တၵ်း​လႆႈ​ၵႄႇ​သႄႇ​ၼုၵ်ႈ​ဢဝ်​မဵဝ်း​ ဢီႉသရေႇလႃႉ ၵႃႈ​ၼႂ်း​မိုဝ်း​ၵူၼ်း​မဵဝ်း​ မီႉတျၼ်ႇ ​တင်း​လၢႆ​ၼၼ်ႉ​ဢေႃႈ။ ၵဝ်​ပွႆႇ​ၸႂ်ႉ​မႂ်း​ယဝ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မၼ်း​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၵဝ်​ၶႃႈ​ဢိူၺ်း၊ ၵဝ်​ၶႃႈ​ၼႆႉ​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​ၵႄႇ​သႄႇ​ၼုၵ်ႈ​ဢဝ်​မဵဝ်း​ ဢီႉသရေႇလႃႉ လႆႈ​ၶႃႈ။ ၼႂ်း​မဵဝ်း​ မၼႃႇ​သေႇ ​ၼႆႉ ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ၶႃႈ ပဵၼ်​ဢၼ်​ယၢၵ်ႈ​ဢၼ်​ၽၢၼ်​ၼႃႇ​သေ​ပိူၼ်ႈ​ၶႃႈ​ဢေႃႈ။ ၵဝ်​ၶႃႈ​ၼႆႉ​ၵေႃႈ ပဵၼ်​ၵေႃႉ​ဢၼ်​ယုတ်ႈ​ဢၼ်​ယွမ်း​ၼႃႇ​သေ​ပိူၼ်ႈ ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ၶႃႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="16">ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ၵဝ်​တၵ်း​မီး​ယူႇ​လူၺ်ႈ​ၵၼ်​တင်း​မႂ်း​ဢမၢၼ်ႇ​ၶၼ်​ပဵၼ်​လႄႈ မႂ်း​တၵ်း​လႆႈ​တိုၵ်း​တေႃး​ယႃႉ​ပႅတ်ႈ​ၵူၼ်း​မဵဝ်း​ မီႉတျၼ်ႇ ​တင်း​လၢႆ မိူၼ်​ၸိူဝ်ႉ​ၼင်ႇ​ဢၼ်​တိုၵ်း​တေႃး​ယႃႉ​ပႅတ်ႈ​ၵူၼ်း​ၵေႃႉ​လဵဝ်​ၵူၺ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မၼ်း​ၵေႃႈ​တွင်း​ပၢၼ်ႇ​တီႈ​မၼ်း​ၸဝ်ႈ​လႄႈ​ဝႃႈ၊ တေႃႈ​လဵဝ်​ၼႆႉ ပေႃး​ၵဝ်​ၶႃႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ၸိုင် ၶႅၼ်း​တေႃႈ​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ လွင်ႈ​ဢၼ်​ပဵၼ်​ၸဝ်ႈ​ႁဝ်း​ဢၼ်​လၢတ်ႈ​ၵႂၢမ်း​တေႃႇ​ၵၼ်​တင်း​ၵဝ်​ၶႃႈ​ၼၼ်ႉ​သေ​ၵမ်း​ၶႃႈ။-</verse>
				<verse number="18">ၶႅၼ်း​တေႃႈ​ယႃႇ​ပေ​ၵႂႃႇ​သေ​ၵႃႈ​တီႈ​ၼႆႈ တေႃႇ​ထိုင်​ႁွတ်ႈ​ၵဝ်​ၶႃႈ​ၶိုၼ်း​မႃး​တီႈ​ၸဝ်ႈ​ႁဝ်း​လႄႈ ဢဝ်​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ မႃး​တၢင်ႇ​တမ်း​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ယူႇ​တေႃႇ​ထိုင်​ႁွတ်ႈ​မႂ်း​ၶိုၼ်း​မႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ၵီႉတီႉဢုၼ်ႇ ​ၼၼ်ႉ​ၶဝ်ႈ​ၵႃႈ​ၼႂ်း​လႄႈ မႄး​ႁဵတ်း​မႄး​ႁႅၼ်း​ပႄႉ​ဢွၼ်ႇ​တူဝ်​ၼိုင်ႈ ဢိၵ်ႇ​တင်း​ၶဝ်ႈ​မုၼ်း​ၶႅပ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ ဢၼ်​ဢဝ်​တင်း​ၽွင်​ၶဝ်ႈ​မုၼ်း ဢေးၽႃႇ ​ၼိုင်ႈ​ႁဵတ်း​ၼၼ်ႉ​ဢေႃႈ။ မၼ်း​ဢဝ်​ၼိူဝ်ႉ​ပႄႉ​ၼၼ်ႉ​သႂ်ႇ​ၵႃႈ​ၼႂ်း​ပဵတ်ႈ​လႄႈ ဢဝ်​ၼမ်ႉ​တူမ်ႈ​ၼိူဝ်ႉ​ပႄႉ​ၼၼ်ႉ ထွၵ်ႇ​သႂ်ႇ​ၵႃႈ​ၼႂ်း​မေႃႈ​သေ​ယဝ်ႉ ဢဝ်​မႃး​ၵႃႈ​တီႈ​မၼ်း​ၸဝ်ႈ​ၵႃႈ​တႂ်ႈ​တူၼ်ႈ​မႆႉ​ၼိမ်​ၼၼ်ႉ​လႄႈ သၢၵ်ႈ​ၵၢပ်ႈ​ဢေႃႈ။-</verse>
				<verse number="20">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ​ၵေႃႈ မီး​ဢမိင်ႉ​တီႈ​မၼ်း​လႄႈ​ဝႃႈ၊ ဢဝ်​ၼိူဝ်ႉ​ၼၼ်ႉ​ဢိၵ်ႇ​တင်း​ၶဝ်ႈ​မုၼ်း​ၶႅပ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၸိူဝ်း​ၼၼ်ႉ တၢင်ႇ​ဝႆႉ​ၵႃႈ​ၼိူဝ်​မၢၵ်ႇ​ႁိၼ်​ၼႆႉ​တႃႉ။ ဢဝ်​ၼမ်ႉ​တူမ်ႈ​ၼိူဝ်ႉ​ၼၼ်ႉ​ထွၵ်ႇ​ႁူတ်း​သႂ်ႇ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="21">မိူဝ်ႈ​ၼၼ်ႉ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ ဢဝ်​ပၢႆ​ၶွၼ်ႉ​တဝ်ႉ​ဢၼ်​မိုဝ်း​မၼ်း​ယိပ်း​ၵမ်​ယူႇ​ၼၼ်ႉ ယိုၼ်ႈ​လႄႈ​တိူဝ်ႉ​သႂ်ႇ​ၼိူဝ်ႉ ဢိၵ်ႇ​တင်း​ၶဝ်ႈ​မုၼ်း​ၶႅပ်း ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၸိူဝ်း​ၼၼ်ႉ​သေ​လႄႈ ၽႆး​လုၵ်ႉ​ဢွၵ်ႇ​မႃး​ၵႃႈ​ၼႂ်း​မၢၵ်ႇ​ႁိၼ်​ၼၼ်ႉ​လႄႈ မႆႈ​ၼိူဝ်ႉ​ဢိၵ်ႇ​တင်း​ၶဝ်ႈ​မုၼ်း​ၶႅပ်း ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၸိူဝ်း​ၼၼ်ႉ​သေ​ယဝ်ႉ၊ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ လပ်ႉ​ႁၢႆ​ၵႂႃႇ​သေ​ဢေႃႈ။-</verse>
				<verse number="22">မိူဝ်ႈ​ဢၼ်​ ၵီႉတီႉဢုၼ်ႇ ​ႁူႉ​ႁၼ်​လွင်ႈ​ဢၼ်​ပဵၼ်​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ​ၸိုင်၊ ၵီႉတီႉဢုၼ်ႇ ​လဝ်ႊ​လၢတ်ႈ​လႄႈ​ဝႃႈ၊ ဢူဝ်း​ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၵဝ်​ၶႃႈ​ၼႆႉ​လႆႈ​တေႃႇ​ၼႃႈ​ၵၼ်​တင်း​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​သေ​လႄႈ ႁၼ်​ယဝ်ႉ​တီႈ​ၶႃႈ​လူင်​ပႄႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်-</verse>
				<verse number="23">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ႁႂ်ႈ​မႂ်း​ၵတ်း​ယဵၼ်​ၶျၢမ်း​သႃႇ​တႃႉ။ ယႃႇ​ပေ​မႆႈ​ၸႂ်။ မႂ်း​ဢမ်ႇ​လႆႈ​တၢႆ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မိူဝ်ႈ​ၼၼ်ႉ ၵီႉတီႉဢုၼ်ႇ ​ၼၼ်ႉ တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး ၵႃႈ​တီႈ​ၼၼ်ႈ​လႄႈ​ႁွင်ႉ​ႁဵၵ်ႈ​ၸိုဝ်ႈ​ ယေႇႁေႃးဝႃႇ​သႃႇလုမ်ႇ ​ဢေႃႈ။ မီး​ယူႇ​ၵႃႈ​တီႈ​ဝၢၼ်ႈ​ ဢေႃႇၽရႃႉ တီႈ​ဢၼ်​ၵူၼ်း​ ဢပျေႇၸႃႇ ယူႇ​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="25">ၼႂ်း​ၶိုၼ်း​ၼၼ်ႉ​ၵမ်း​လဵဝ် ထႃႇဝရႃႉ​ၽြႃး​မီး​ဢမိင်ႉ​တီႈ​မၼ်း​လႄႈ​ဝႃႈ၊ မႂ်း​ဢဝ်​ဝူဝ်း​ၼုမ်ႇ​ဢွၼ်ႇ​ပေႃႈ​မႂ်း ဢိၵ်ႇ​တင်း​ဝူဝ်း​ပေႃႈ​တူႉတီႉယႃႉ ဢၼ်​ဢသၢၵ်ႈ​လႆႈ​ၸဵတ်း​ပီႊ​ၼၼ်ႉ​သေ​ယဝ်ႉ ၵိူၼ်ႇ​ယႃႉ​ယိတ်ႈပလၢင်ႇ​ၽြႃး ပႃႇလႃႉ ဢၼ်​ပေႃႈ​မႂ်း​တႄႇ​ႁဵတ်း​ၼၼ်ႉ​ပႅတ်ႈ​လႄႈ ၽၼ်း​လူမ်ႉ​တူၼ်ႈ​ ဢႃႇသရႃႉ ဢၼ်​မီး​ၵႃႈ​တီႈ​ႁိမ်း​မၼ်း​ၼၼ်ႉ​ပႅတ်ႈ​တႃႉ။-</verse>
				<verse number="26">တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၵႃႈ​ၼိူဝ် ပၢႆ​ၸိၵ်း​ထႃႇၼႃႉ​တီႈ​ဢၼ်​မၼ်ႈ​ဢၼ်​ၶိူင်ႇ​ၼႆႉ ၸွမ်း​ၵႃႈ​ၼင်ႇ​တၢင်း​ဢၼ်​လီ​မႄး​လီ​ႁႅၼ်း​ၼၼ်ႉ​သေ​ယဝ်ႉ၊ ဢဝ်​ဝူဝ်း​ပေႃႈ​တူႉတီႉယႃႉ ဢိၵ်ႇ​လူၺ်ႈ​ၵၼ်​တင်း​မႆႉ တူၼ်ႈ​ ဢႃႇသရႃႉ ဢၼ်​မႂ်း​တၵ်း​ၽၼ်း​လူမ်ႉ​ၼၼ်ႉ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ၵီႉတီႉဢုၼ်ႇ ​ၵေႃႈ ႁွင်ႉ​ဢဝ်​ၶႃႈ​မၼ်း​သိပ်း​ၵေႃႉ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ် ၵူဝ်​ႁႄ​ၵူၼ်း​ႁိူၼ်း​ၵူၼ်း​ယေး​ပေႃႈ​မၼ်း ဢိၵ်ႇ​တင်း​ၵူၼ်း​ဝဵင်း​တင်း​လၢႆ​လႄႈ မၼ်း​ဢမ်ႇ​ႁတ်း​ႁဵတ်း​ၼႂ်း​ၶိင်ႇ​ၵၢင်​ဝၼ်း၊ မၼ်း​ႁဵတ်း​ၼႂ်း​ၶိင်ႇ​ၵၢင်​ၶိုၼ်း​ဢေႃႈ။-</verse>
				<verse number="28">မိူဝ်ႈ​ဢၼ်​ၵူၼ်း​ဝဵင်း​တင်း​လၢႆ လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ၼၼ်ႉ​ၸိုင် ၶဝ်​ထူပ်း​ႁၼ်​ယိတ်ႈပလၢင်ႇ​ၽြႃး ပႃႇလႃႉ ၵိူၼ်ႇ​လူႉ​ယူႇ တူၼ်ႈ​ ဢႃႇသရႃႉ ဢၼ်​မီး​ၵႃႈ​တီႈ​ႁိမ်း​မၼ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၽၼ်း​လူမ်ႉ​ယူႇ ဢဝ်​ဝူဝ်း​ပေႃႈ​တူႉတီႉယႃႉ ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ ဢၼ်​တႄႇ​ႁဵတ်း​ဝႆႉ​ၼၼ်ႉ​ယူႇ​ၼၼ်ႉ​သေ​ယဝ်ႉ၊-</verse>
				<verse number="29">ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ်​လၢတ်ႈ​ၵၼ်​ထၢမ်​ၵၼ်​လႄႈ​ဝႃႈ၊ ၽူႈ​လႂ်​ႁဵတ်း​ဢမူႉ​ၼႆႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၸႅတ်ႈ​ထၢမ်​ၸႅတ်ႈ​တူၺ်း​ၵၼ်​ၸိူဝ်ႉ​ၼင်ႇ​ၼၼ်​သေ​ယဝ်ႉ ၵမ်ႈ​ၽွင်ႈ​လၢတ်ႈ​လႄႈ​ဝႃႈ၊ ၵီႉတီႉဢုၼ်ႇ လုၵ်ႈ​ၸၢႆး​ ယေႃးသႃႉ ​ၼၼ်ႉ ႁဵတ်း​ဢမူႉ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">မိူဝ်ႈ​ၼၼ်ႉ ၵူၼ်း​ဝဵင်း​တင်း​လၢႆ ဢွၼ်​ၵၼ်​လၢတ်ႈ​တီႈ​ ယေႃးသႃႉ ​လႄႈ​ဝႃႈ၊ ဢဝ်​လုၵ်ႈ​ၸၢႆး​မႂ်း​ၼၼ်ႉ ဢွၵ်ႇ​ႁႂ်ႈ​မၼ်း​လႆႈ​ၶၢမ်ႇ​တၢႆ ၵွပ်ႈ​ပိူဝ်ႈ​ဢၼ်​မၼ်း​ၵိူၼ်ႇ​ယႃႉ​ယိတ်ႈပလၢင်ႇ​ၽြႃး ပႃႇလႃႉ ​ပႅတ်ႈ​လႄႈ ၽၼ်း​လူမ်ႉ​တူၼ်ႈ​ ဢႃႇသရႃႉ ဢၼ်​မီး​ၵႃႈ​တီႈ​ႁိမ်း​မၼ်း​ၼၼ်ႉ​ပႅတ်ႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="31">ယေႃးသႃႉ ​ၶိုၼ်း​လၢတ်ႈ​တီႈ​ၶဝ်​ၸိူဝ်း​ဢၼ် ၸုၵ်း​ယူႇ​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မၼ်း တင်း​သဵင်ႈ​တင်း​လူင်​ၼၼ်ႉ​လႄႈ​ဝႃႈ၊ သူ​တၵ်း​ယူႇ​ၽၢႆႇ​ၽြႃး ပႃႇလႃႉ ​သေ​လႄႈ​လၢတ်ႈ​ဢမူႉ​ႁိုဝ်။ သူ​တၵ်း​ၵႄႇ​သႄႇ​ၶျွတ်ႈ​ဢဝ်​မၼ်း​ႁိုဝ်။ ႁႂ်ႈ​ၵေႃႉ​ဢၼ်​ယူႇ​ၽၢႆႇ​မၼ်း​သေ​လႄႈ လၢတ်ႈ​ဢမူႉ​ၼၼ်ႉ ၶၢမ်ႇ​တၢႆ​ၼႂ်း​ၶိင်ႇ​ၵၢင်​ၼႂ်​ၼႆႉ​ၵမ်း​လဵဝ်​သေ။ ပေႃး​မၼ်း​ၸႂ်ႈ​ၽြႃး​ၸိုင် ႁႂ်ႈ​မၼ်း​ယူႇ​ၽၢႆႇ​တူဝ်​ၸဝ်ႈ​ၵဝ်ႇ​သေ​လႄႈ လၢတ်ႈ​ဢမူႉ​မၼ်း ၵွပ်ႈ​ပိူဝ်ႈ​ဢၼ်​သေ​ၵေႃႉ​သေ​ၵူၼ်း ၵိူၼ်ႇ​ယႃႉ​ယိတ်ႈပလၢင်ႇ​မၼ်း​ပႅတ်ႈ​ၼၼ်ႉ​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">ပိူဝ်ႈ​ၼႆ​လႄႈ ၼႂ်း​ဝၼ်း​ၼၼ်ႉ ၶဝ်​ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​မၼ်း​ၼၼ်ႉ ယေႇရုပ်ႉပႃႇလႃႉ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​သေ​ၵေႃႉ​သေ​ၵူၼ်း ၵိူၼ်ႇ​ယႃႉ​ပႅတ်ႈ​ယိတ်ႈပလၢင်ႇ​ ပႃႇလႃႉ ​ၼၼ်ႉ​လႄႈ ႁႂ်ႈ​ ပႃႇလႃႉ ​ယူႇ​ၽၢႆႇ​တူဝ်​ၸဝ်ႈ​ၵဝ်ႇ​သေ​လႄႈ လၢတ်ႈ​ဢမူႉ​ၵၼ်​တင်း​မၼ်း​ၼၼ်ႉ​သေ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="33">မိူဝ်ႈ​ၼၼ်ႉ ၵူၼ်း​မိူင်း​ မီႉတျၼ်ႇ ဢိၵ်ႇ​တင်း​ၵူၼ်း​မိူင်း​ ဢႃႇမလႅၵ်ႉ တင်း​ၵူၼ်း​မိူင်း​ဝၼ်း​ဢွၵ်ႇ​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​သေ​လႄႈ ၶၢမ်ႈ​မႃး​လႄႈ​ၶျႃး​တပ်ႉ​ၶဝ် ၵႃႈ​ၼႂ်း​ပၢင်ႇ​ႁူၺ်ႈ​ ယေႇၸရေႇလႃႉ ​ဢေႃႈ။-</verse>
				<verse number="34">ဝီႉၺိၺ်ႇ​ထႃႇဝရႃႉ​ၽြႃး ႁွတ်ႈ​ထိုင်​ၵႃႈ​ၼိူဝ်​ ၵီႉတီႉဢုၼ်ႇ ​သေ​ယဝ်ႉ မၼ်း​ပဝ်ႇ​ၼႄးၶရႃႇ​ၵႂႃႇ​လႄႈ ၵူၼ်း​မဵဝ်း​ ဢပျေႇၸႃႇ ဢွၼ်​ၵၼ်​ၸွမ်း​လင်​မၼ်း​ဢေႃႈ။-</verse>
				<verse number="35">မၼ်း​ပွႆႇ​ၸႂ်ႉ​တမၢၼ်ႇ​တင်း​လၢႆ​ၵႂႃႇ​ၼႂ်း​ဢိူင်ႇ​ မၼႃႇ​သေႇ ၵူႈ​တီႈ​ၵူႈ​လႅၼ်​လႄႈ ၶဝ်​ၼၼ်ႉ​ဢွၼ်​ၵၼ်​ၸွမ်း​လင်​မၼ်း​ဢေႃႈ။ မၼ်း​သမ်ႉ​ပွႆႇ​ၸႂ်ႉ​တမၢၼ်ႇ​တင်း​လၢႆ​ၵႂႃႇ ၵႃႈ​တီႈ​ဢိူင်ႇ​ ဢႃႇသႃႇ ၊ ဢိူင်ႇ​ ၸေႇပူႉလုၼ်ႇ ၊ ဢိူင်ႇ​ ၼပ်ႉထလီႉ ​လႄႈ ၶဝ်​ၼၼ်ႉ​ၵေႃႈ​ဢွၼ်​ၵၼ်​မႃး​ႁႂ်ႈ​လႆႈ​ထူပ်း​ႁၼ်​ၶဝ်​ဢေႃႈ။-</verse>
				<verse number="36">ၵီႉတီႉဢုၼ်ႇ ​ၵေႃႈ လဝ်ႊ​ယွၼ်း​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ပေႃး​ၸဝ်ႈ​ႁဝ်း​တၵ်း​ဢဝ်​ၶႃႈ​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸွမ်း​ၵႃႈ​ၼင်ႇ​ဢၼ် ၸဝ်ႈ​ႁဝ်း​မီး​ဢမိင်ႉ​ဝႆႉ​ၼၼ်ႉ​ဢမၢၼ်ႇ​ၶၼ်​ပဵၼ်​ၸိုင်၊-</verse>
				<verse number="37">ၶႃႈ​ၸဝ်ႈ​တၵ်း​ဢဝ်​ၶူၼ်​သူဝ်း​တူဝ်​ၼိုင်ႈ​ဝႆႉ​ၵႃႈ​တီႈ​တလၢင်း​ယဵပ်ႇ​ၶဝ်ႈ​တီႈ​ၶႃႈ​ဢေႃႈ။ ပေႃး​ၼမ်ႉ​ၼၢႆး​ယမ်း​ၶူၼ်​သူဝ်း​ၵူၺ်း​လႄႈ ၼိူဝ်​ၼႃႈ​လိၼ်​တင်း​သဵင်ႈ​တင်း​လူင် ႁႅင်ႈ​ႁွင်​ယူႇ​ၸိုင် ၶႃႈ​ၸဝ်ႈ​တၵ်း​လႆႈ​ႁူႉ​လွင်ႈ​ဢၼ်​ၸဝ်ႈ​ႁဝ်း တၵ်း​ဢဝ်​ၶႃႈ​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​မဵဝ်း​ ဢီႉသရေႇလႃႉ မႅၼ်ႈ​ၵႃႈ​ၼင်ႇ​ဢၼ်​ၸဝ်ႈ​ႁဝ်း​မီး​ဢမိင်ႉ​ဝႆႉ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ ပဵၼ်​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="38">မၼ်း​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ႁုပ်ႈ​ဢဝ်​ၶူၼ်​သူဝ်း​ၼၼ်ႉ​သေ​ယဝ်ႉ မိပ်ႇ​ပၼ်ႈ​ႁႂ်ႈ​ၼမ်ႉ​ၼၢႆး​ဢွၵ်ႇ​ၵႃႈ​ၼႂ်း​ၶူၼ်​သူဝ်း​ၼၼ်ႉ​လႄႈ ၼမ်ႉ​ၼၢႆး​ၼၼ်ႉ​လႆႈ​တဵမ်​မေႃႈ​ဢႅင်ႇ​လုၵ်ႈ​ၼိုင်ႈ​ဢေႃႈ။-</verse>
				<verse number="39">ၵီႉတီႉဢုၼ်ႇ သမ်ႉ​လဝ်ႊ​ယွၼ်း​တီႈ​ၽြႃး​ပဵၼ်​ၸဝ်ႈ​ထႅင်ႈ​လႄႈ​ဝႃႈ၊ ၶႅၼ်း​တေႃႈ​ယႃႇ​ပေ​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ဢွၵ်ႇ​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​တၵ်း​လဝ်ႊ​ယွၼ်း​ထႅင်ႈ​ၵမ်း​ၼိုင်ႈ​ၵူၺ်း​လူး​ၵွၼ်ႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ပၼ်​ဢၶႂၢင်ႉ​ဢၼ်​လႆႈ​ဢဝ် ၶူၼ်​သူဝ်း​တူဝ်​ၼိုင်ႈ​ၸၢမ်း​တူၺ်း​မိူဝ်ႈ​လဵဝ်​ၼႆႉ​ထႅင်ႈ​ပွၵ်ႈ​ၼိုင်ႈ​လူး​ၵွၼ်ႇ​သေ​ၵမ်း​တီႈ​ၶႃႈ။ ႁႂ်ႈ​ၶူၼ်​သူဝ်း​ၵူၺ်း​ႁႅင်ႈ​ႁွင်​ဝႆႉ​လႄႈ ၼႃႈ​လိၼ်​တင်း​သဵင်ႈ​တင်း​မူတ်း​ယမ်း​ၼမ်ႉ​ၼၢႆး​ယူႇ​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="40">ၼႂ်း​ၶိုၼ်း​ၼၼ်ႉ​ၵေႃႈ ၽြႃး​ပဵၼ်​ၸဝ်ႈ​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။ ၶူၼ်​သူဝ်း​ၼၼ်ႉ​ၵူၺ်း​ႁႅင်ႈ​ႁွင်​ဝႆႉ​လႄႈ ၼႃႈ​လိၼ်​တင်း​သဵင်ႈ​တင်း​မူတ်း​ယမ်း​ၼမ်ႉ​ၼၢႆး​ယူႇ​ဢေႃႈ။</verse>
			</chapter>
			<chapter number="7">
				<verse number="1">ယေႇရုပ်ႉပႃႇလႃႉ ဢၼ်​ဝႃႈ​ ၵီႉတီႉဢုၼ်ႇ ​ၼၼ်ႉ ဢိၵ်ႇ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​မီး​တီႈ​မၼ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ၶျႃး​တပ်ႉ​ၶဝ်​ၵႃႈ​တီႈ​ႁိမ်း​ၼမ်ႉ​ဢွၵ်ႇ​ႁူး​ ႁႃႇရုတ်ႉ ​လႄႈ တပ်ႉ​ မီႉတျၼ်ႇ ​ၼၼ်ႉ မီး​ၵႃႈ​တီႈ​ၽၢႆႇ​တၢင်း​ႁွင်ႇ​ၶဝ်​ၵႃႈ​တီႈ​ႁိမ်း​လွႆ​ မေႃႇရေး ၵႃႈ​ၼႂ်း​ပၢင်ႇ​ႁူၺ်ႈ​ၼၼ်ႉ​ဢေႃႈ။-</verse>
				<verse number="2">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ ၵီႉတီႉဢုၼ်ႇ ​လႄႈ​ဝႃႈ၊ ၵူၼ်း​တင်း​လၢႆ​ဢၼ်​ပႃး​တီႈ​မႂ်း​ၼႆႉ ပဵၼ်​ဢၼ်​ၼမ်​ၼႃႇ​လူင်​လၢင်​လႄႈ ၵဝ်​ဢမ်ႇ​ဢဝ်​ၵူၼ်း​ မီႉတျၼ်ႇ ​တင်း​လၢႆ​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်။ ၵူၼ်း​မဵဝ်း​ ဢီႉသရေႇလႃႉ တၵ်း​ယူႇ​ၽၢႆႇ​ၼိုင်ႈ​တင်း​ၵဝ်​သေ​လႄႈ ဢုပ်ႇ​ဢၢတ်ႇ​လႄႈ​ဝႃႈ၊ ႁႅင်း​မိုဝ်း​ၵဝ်​ၼႆႉ ၵႄႇ​သႄႇ​ၶျွတ်ႈ​ဢဝ်​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ ၵႂႃႇ​လႄႈ​ပၢဝ်ႇ​သေႃႇ​ထိုင်​ႁူ​ၵူၼ်း​တင်း​လၢႆ​လႄႈ​ဝႃႈ၊ ႁႂ်ႈ​ၵေႃႉ​ဢၼ်​ၸၢင်ႈ​ၵူဝ်​ႁႄ​လႄႈ​တူၵ်း​ၸႂ်​ၼၼ်ႉ ဝၢႆႇ​ၶိုၼ်း​လႄႈ​လုၵ်ႉ​သေ​ၵႃႈ​တီႈ​လွႆ​ ၵီႉလတ်ႉ ​ၼႆႉ မိူဝ်း​ၵႂႃႇ​သေ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​သွင်​မိုၼ်ႇ​ပၢႆ​သွင်​ႁဵင် ဢွၼ်​ၵၼ်​ၶိုၼ်း​မိူဝ်း​ၵႂႃႇ​လႄႈ ၵိုတ်း​ဝႆႉ​ၵူၼ်း​မိုၼ်ႇ​ၼိုင်ႈ​ၵူၺ်း​ဢေႃႈ။-</verse>
				<verse number="4">ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ ၵီႉတီႉဢုၼ်ႇ ​ထႅင်ႈ​လႄႈ​ဝႃႈ၊ ၵူၼ်း​ၸိူဝ်း​ၼႆႉ ယင်း​ၼမ်​ၼႃႇ​လူင်​လၢင်​ဢေႃႈ။ ႁွင်ႉ​ၶဝ်​လူင်း​ၸူး​ၵႃႈ​တီႈ​တႃႈ​ၼမ်ႉ​တႃႉ။ ၵဝ်​တၵ်း​ၸၢမ်း​တူၺ်း​ၶဝ် ၵႃႈ​တီႈ​ၼၼ်ႈ​ပုၼ်ႈ​မႂ်း​ဢေႃႈ။ မိူဝ်ႈ​ၼၼ်ႉ ပေႃး​ၵဝ်​လၢတ်ႈ​လႄႈ​ဝႃႈ၊ ၵေႃႉ​ဢၼ်​ၸိူဝ်ႉ​ၼင်ႇ​ၼႆ​ၼၼ်ႉ တၵ်း​လႆႈ​ၵႂႃႇ​လူၺ်ႈ​ၵၼ်​တင်း​မႂ်း​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​တၵ်း​လႆႈ​ၵႂႃႇ​ဢေႃႈ။ ပေႃး​ၵဝ်​လၢတ်ႈ​လႄႈ​ဝႃႈ၊ ၵေႃႉ​ဢၼ်​ၸိူဝ်ႉ​ၼင်ႇ​ၼႆ​ၼၼ်ႉ ဢမ်ႇ​လႆႈ​ၵႂႃႇ​လူၺ်ႈ​ၵၼ်​တင်း​မႂ်း၊ ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ဢမ်ႇ​လႆႈ​ၵႂႃႇ​ၵူၺ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="5">မၼ်း​ႁွင်ႉ​ဢဝ်​ၵူၼ်း​ၸိူဝ်း​ၼၼ်ႉ လူင်း​ၸူး​ၵႃႈ​တီႈ​တႃႈ​ၼမ်ႉ​လႄႈ ထႃႇဝရႃႉ​ၽြႃး​မီး​ဢမိင်ႉ​တီႈ​ ၵီႉတီႉဢုၼ်ႇ ​လႄႈ​ဝႃႈ၊ ၽႄ​ဢဝ်​ၵေႃႉ​ဢၼ်​ဢဝ်​လိၼ်ႉ​သေ​လႄႈ လေး​ၵိၼ်​ၸိူဝ်ႉ​ၼင်ႇ​ဢၼ်​မႃ​လေး​ၵိၼ်​ၼမ်ႉ​ၼၼ်ႉ​ၸူႉ​ၼိုင်ႈ ဢိၵ်ႇ​တင်း​ၵေႃႉ​ဢၼ်​ဢဝ်​ႁူဝ်​ၶဝ်ႇ​တဝ်ႉ​သေ​လႄႈ ၵူမ်ႈ​ၵိၼ်​ၼၼ်ႉ​ၸူႉ​ၼိုင်ႈ သွင်​ၸူႉ​ၼၼ်ႉ​ဝႆႉ​ႁင်း​ၽႂ်​ႁင်း​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ဢဝ်​ဢူင်ႈ​မိုဝ်း​ၶဝ်​ဢဝ်​ၼမ်ႉ​သေ​လႄႈ၊ လေး​ၵိၼ်​ၼၼ်ႉ ၼပ်ႉ​ဢၢၼ်ႇ​ပွင်း​ၵၼ်​မီး​ၵူၼ်း သၢမ်​ပၢၵ်ႇ​ဢေႃႈ။ ၵူၼ်း​ဢၼ်​ၵိုတ်း​ဢၼ်​ၵျၢၼ်ႇ ၵႃႈ​မီး​ၼၼ်ႉ​ၸိုင် ဢဝ်​ႁူဝ်​ၶဝ်ႇ​ၶဝ်​တဝ်ႉ​သေ​လႄႈ ၵူမ်ႈ​မူပ်ႇ​ႁႂ်ႈ​လႆႈ​ၵိၼ်​ၼမ်ႉ​ဢေႃႈ။-</verse>
				<verse number="7">ထႃႇဝရႃႉ​ၽြႃး​မီး​ဢမိင်ႉ​တီႈ​ ၵီႉတီႉဢုၼ်ႇ ​လႄႈ​ဝႃႈ၊ ၵဝ်​တၵ်း​ဢဝ်​တင်း​ၵူၼ်း​ဢၼ်​လေး​သေ​လႄႈ​ၵိၼ်​သၢမ်​ပၢၵ်ႇ​ၼၼ်ႉ ၵႄႇ​သႄႇ​ၶျွတ်ႈ​ဢဝ်​မႂ်း​လႄႈ ဢဝ်​ၵူၼ်း​ မီႉတျၼ်ႇ ​တင်း​လၢႆ ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢေႃႈ။ ႁႂ်ႈ​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ မိူဝ်း​ၵႂႃႇ​ၵႃႈ​တီႈ တီႈ​ယူႇ​ၶဝ်​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၶဝ်​ဢွၼ်​ၵၼ်​ဢဝ်​ၸရိပ်ႈ​တၢင်း​ၵိၼ်​ၵူၼ်း​တင်း​လၢႆ ဢိၵ်ႇ​တင်း​ၼႄးၶရႃႇ​ၶဝ်​ၼၼ်ႉ​သေ​လႄႈ မၼ်း​ပွႆႇ​ၵူၼ်း​မဵဝ်း​ ဢီႉသရေႇလႃႉ ဢၼ်​ၵိုတ်း​ဢၼ်​ၵျၢၼ်ႇ​တင်း​သဵင်ႈ​တင်း​လူင်​ၼၼ်ႉ မိူဝ်း​ၵႂႃႇ​ၸူး​ၵႃႈ​တီႈ​မူဝ်းၵႃႇ​ၶဝ်​သေ​ယဝ်ႉ၊ ဝႆႉ​ၵိုတ်း​ၵူၼ်း​သၢမ်​ပၢၵ်ႇ​ၼၼ်ႉ​ၵူၺ်း​တီႈ​မၼ်း​ဢေႃႈ။ တပ်ႉ​ၵူၼ်း​ မီႉတျၼ်ႇ ​ၸိူဝ်း​ၼၼ်ႉ မီး​ၵႃႈ​တီႈ​ႁၢၼ်ႉ​တႂ်ႈ​မၼ်း ၵႃႈ​ၼႂ်း​ပၢင်ႇ​ႁူၺ်ႈ​ဢေႃႈ။</verse>
				<verse number="9">ၼႂ်း​ၶမ်ႈ​ၼၼ်ႉ​ၵမ်း​လဵဝ် ထႃႇဝရႃႉ​ၽြႃး​မီး​ဢမိင်ႉ​တီႈ​မၼ်း​လႄႈ​ဝႃႈ၊ လုၵ်ႉ​တႃႉ။ ၶီႇ​လူင်း​ၵႂႃႇ​ၸူး​ၵႃႈ​တီႈ​တပ်ႉ​ၼၼ်ႉ​တႃႉ။ ၵဝ်​လႆႈ​ဢဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​မႂ်း​ယဝ်ႉ။-</verse>
				<verse number="10">ပေႃး​မႂ်း​ဢမ်ႇ​ႁတ်း​ၶီႇ​လူင်း​ၵႂႃႇ​ၸူး​ၸိုင်၊ ပႃး​ဢဝ်​ၶႃႈ​မႂ်း​ ၽူႉရႃႉ ​သေ​လႄႈ တူဝ်​မႂ်း​လူင်း​ၵႂႃႇ​တႃႉ။-</verse>
				<verse number="11">မႂ်း​တၵ်း​ငိၼ်း​လွင်ႈ​ဢၼ်​ၶဝ်​လၢတ်ႈ​ၵၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ။ လိုၼ်း​ၼၼ်ႉ ႁႅင်း​မိုဝ်း​မႂ်း​တၵ်း​ႁႅင်း​ယႂ်ႇ ႁႂ်ႈ​လႆႈ​ၶီႇ​လူင်း​ၵႂႃႇ​ၸူး​ၵႃႈ​တီႈ​တပ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ မၼ်း​ပႃး​ဢဝ်​ၶႃႈ​မၼ်း​ ၽူႉရႃႉ ​သေ​လႄႈ လူင်း​ၵႂႃႇ​ၸူး​ၵႃႈ​တီႈ​ႁိမ်း​တီႈ​သုတ်း​တပ်ႉ​တီႈ​ဢၼ်​ၵူၼ်း​ဢၼ်​မႄး​ႁႅၼ်း​လၢၵ်ႈ​ၼၢၵ်ႈ​ဝႆႉ​ယဝ်ႉ တင်း​လၢႆ​မီး​ၼၼ်ႉ​ဢေႃႈ။-</verse>
				<verse number="12">ၵူၼ်း​မိူင်း​ မီႉတျၼ်ႇ ​ဢိၵ်ႇ​တင်း ၵူၼ်း​မိူင်း​ ဢႃႇမလႅၵ်ႉ ​တင်း​ၵူၼ်း​မိူင်း​ဝၼ်း​ဢွၵ်ႇ တင်း​သဵင်ႈ​တင်း​လူင်​ၸိူဝ်း​ၼၼ်ႉ ဢွၼ်​ၵၼ်​ၶျႃး​ၼွၼ်း​ယူႇ ၵႃႈ​တီႈ​ပၢင်ႇ​ႁူၺ်ႈ​ၼၼ်ႉ​လႄႈ ၼမ်​ၼႃႇ​မိူၼ်​ၸိူဝ်ႉ​ၼင်ႇ​မႅင်း​ၵႅင်း​ဢေႃႈ။ ၵလႃးဢုၵ်ႉ​ၶဝ်​ၵေႃႈ​ၼမ်​ၼႃႇ​မိူၼ်​ၸိူဝ်ႉ​ၼင်ႇ သၢႆး​ၼမ်ႉ​သမ်ႇ​မုၵ်ႉ​တြႃႇ​လႄႈ ထၼ်ႈ​ပေႃး​ဢမ်ႇ​ႁူႉ​လႆႈ​ဢေႃႈ။-</verse>
				<verse number="13">မိူဝ်ႈ​ဢၼ်​ ၵီႉတီႉဢုၼ်ႇ ​ၼၼ်ႉ ႁွတ်ႈ​ထိုင်​ၼၼ်ႉ​ၸိုင် ၵူၼ်း​ၵေႃႉ​ၼိုင်ႈ​ၶိုၼ်း​လၢတ်ႈ​လွင်ႈ​ဢၼ်​မၼ်း​လႆႈ​ၼွၼ်း​ၽၼ်​ႁၼ်​ၼၼ်ႉ တီႈ​ၵေႃႉ​သေႈ​မၼ်း​လႄႈ​ဝႃႈ၊ ဢၼ်​ၵဝ်​ၼွၼ်း​ၽၼ်​ႁၼ်​ၸမ်ႉ ၶဝ်ႈ​မုၼ်း​မူႉ​ယေႃး​ၶႅပ်း​ၼိုင်ႈ ၵိင်ႈ​မႃး​သႂ်ႇ​ၵႃႈ​ၼႂ်း​တပ်ႉ​ မီႉတျၼ်ႇ ​လႄႈ ႁူပ်ႉ​ထူပ်း​မူဝ်းၵႃႇ​လင်​ၼိုင်ႈ​သေ​ယဝ်ႉ တိူဝ်ႉ​ထုၵ်ႇ​သႂ်ႇ​လႄႈ ၶႂမ်ႈ​ပိၼ်ႈ​ၵိူၼ်ႇ​ၶျႃး​တူၵ်း​ပႅတ်ႈ​သေ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="14">ၵေႃႉ​သေႈ​မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ ပဵၼ်​တၢင်ႇ​ၸိူဝ်ႉ​တၢင်ႇ​ဢၼ်​ဢမ်ႇ​ၸႂ်ႈ။ ပဵၼ်​လၢပ်ႇ​ ၵီႉတီႉဢုၼ်ႇ လုၵ်ႈ​ၸၢႆး​ ယေႃးသႃႉ ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။ ၽြႃး​ပဵၼ်​ၸဝ်ႈ​လႆႈ​ဢဝ်​မဵဝ်း​ မီႉတျၼ်ႇ ဢိၵ်ႇ​တင်း​ပူဝ်ႇ​ပႃႇ​တင်း​သဵင်ႈ​တင်း​လူင် ဢၢပ်ႈ​ပၼ် ၵႃႈ​ၼႂ်း​မိုဝ်း​မၼ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မိူဝ်ႈ​ဢၼ်​ ၵီႉတီႉဢုၼ်ႇ ငိၼ်း​တၢင်း​ဢၼ်​ၶႆႈ​ဢၼ်​လၢတ်ႈ တၢင်း​ဢၼ်​ၼွၼ်း​ၽၼ်​ႁၼ် ဢိၵ်ႇ​တင်း​ဢၼၢၵ်ႈ​ဢထိၵ်ႈပႄႇ​မၼ်း​ၼၼ်ႉ​ၸိုင် မၼ်း​ၵူဝ်း​ၵႂၢႆႇ​လႄႈ​ၶိုၼ်း​မိူဝ်း​ၸူး​ၵႃႈ​တီႈ​တပ်ႉ​ ဢီႉသရေႇလႃႉ ​သေ​ယဝ်ႉ လၢတ်ႈ​လႄႈ​ဝႃႈ၊ ဢွၼ်​ၵၼ်​လုၵ်ႉ​တႃႉ။ ထႃႇဝရႃႉ​ၽြႃး​လႆႈ​ဢဝ်​ပူဝ်ႇ​ပႃႇ​ မီႉတျၼ်ႇ ​တင်း​လၢႆ​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">မိူဝ်ႈ​ၼၼ်ႉ မၼ်း​ၽႄ​ၵူၼ်း​သၢမ်​ပၢၵ်ႇ​ၼၼ်ႉ ႁဵတ်း​သၢမ်​မုၵ်ႉ​သေ​လႄႈ ဢဝ်​ၼႄးၶရႃႇ​တင်း​လၢႆ ဢိၵ်ႇ​တင်း​မေႃႈ​ဢၼ်​ပဝ်ႇ​တင်း​လၢႆ တင်း​ၵၢၼ်ႈ​ၽႆး​ဢၼ်​ပႃး​ၵႃႈ​ၼႂ်း​မေႃႈ​ၸိူဝ်း​ၼၼ်ႉ သႂ်ႇ​ပၼ်​ၵႃႈ​ၼႂ်း​မိုဝ်း​ၶဝ်​ၼၼ်ႉ ၵူႈ​ၵေႃႉ​ဢေႃႈ။-</verse>
				<verse number="17">မၼ်း​သင်ႇ​လၢတ်ႈ​လႄႈ​ဝႃႈ၊ တူၺ်း​ၵဝ်​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ်​ၵဝ်​ႁဵတ်း​ၼၼ်ႉ​တႃႉ။ မိူဝ်ႈ​ဢၼ်​ၵဝ်​ႁွတ်ႈ​ထိုင်​ၵႃႈ​တီႈ​ႁိမ်း​တီႈ​သုတ်း​တပ်ႉ​ၼၼ်ႉ​ၸိုင် သူ​ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ်​ၵဝ်​ႁဵတ်း​ၼၼ်ႉ​တႃႉ။-</verse>
				<verse number="18">မိူဝ်ႈ​ဢၼ်​ၵဝ် ဢိၵ်ႇ​တင်း​ၶဝ်​ၸိူဝ်း​ဢၼ်​ပႃး​တီႈ​ၵဝ်​ၵႃႈ​မီး​ၼၼ်ႉ ပဝ်ႇ​ၼႄးၶရႃႇ​ၼၼ်ႉ​ၸိုင် သူ​ဢွၼ်​ၵၼ်​ပဝ်ႇ​ၼႄးၶရႃႇ​သူ ၵႃႈ​တီႈ​ႁိမ်း​ႁွမ်း​တပ်ႉ​ၼၼ်ႉ တင်း​တပ်ႉ​ၵူႈ​ၽၢႆႇ​ၵူႈ​ပႃႈ​သေ​လႄႈ ႁွင်ႉ​သႅၼ်ႇ​လႄႈ​ဝႃႈ၊ ပုၼ်ႈ​ထႃႇဝရႃႉ​ၽြႃး ဢိၵ်ႇ​တင်း​ပုၼ်ႈ​ ၵီႉတီႉဢုၼ်ႇ ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၼင်ႇ​ၼၼ်​လႄႈ ၵီႉတီႉဢုၼ်ႇ ​ဢိၵ်ႇ​တင်း​ၵူၼ်း​ပၢၵ်ႇ​ၼိုင်ႈ ဢၼ်​ပႃး​တီႈ​မၼ်း​ၸိူဝ်း​ၼၼ်ႉ ႁွတ်ႈ​ထိုင်​ၵႂႃႇ​တီႈ​ႁိမ်း​တီႈ​သုတ်း​တပ်ႉ ၼႂ်း​ငဝ်ႈ​ၶိင်ႇ​လႄႉ​ၵမ်း​ၶိုင်ႈ​ၵၢင်​မိူဝ်ႈ​ဢၼ်​ၶဝ်​ၸင်ႇ​ၸႃႉ​လႄႉ​ၵၼ်​ပႂ်ႉ​ၵၢင်​ၼၼ်ႉ​သေ​ယဝ်ႉ ဢွၼ်​ၵၼ်​ပဝ်ႇ​ၼႄးၶရႃႇ​လႄႈ ပေႃႉ​မေႃႈ​ဢၼ်​မိုဝ်း​ၶဝ်​ယိပ်း​ၵမ်​ယူႇ​ၸိူဝ်း​ၼၼ်ႉ​တႅၵ်ႇ​ဢေႃႈ။-</verse>
				<verse number="20">ၵူၼ်း​သၢမ်​မုၵ်ႉ​ၸိူဝ်း​ၼၼ်ႉ ပဝ်ႇ​ၼႄးၶရႃႇ​လႄႈ ပေႃႉ​မေႃႈ​တႅၵ်ႇ​သေ​ယဝ်ႉ ၵႃႈ​တီႈ​မိုဝ်း​ၶွၼ်​သၢႆႉ​ယိပ်း​ၵမ်​ၵၢၼ်ႈ​ၽႆး​ယူႇ၊ ၵႃႈ​တီႈ​မိုဝ်း​ၶွၼ်​ၶႂႃ ယိပ်း​ၵမ်​ၼႄးၶရႃႇ ပုၼ်ႈ​ဢၼ်​တၵ်း​ပဝ်ႇ​ၼၼ်ႉ​ယူႇ​သေ​လႄႈ ဢွၼ်​ၵၼ်​ႁွင်ႉ​သႅၼ်ႇ​လႄႈ​ဝႃႈ၊ လၢပ်ႇ​ပုၼ်ႈ​ထႃႇဝရႃႉ​ၽြႃး ဢိၵ်ႇ​တင်း​ပုၼ်ႈ​ ၵီႉတီႉဢုၼ်ႇ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၶဝ်​ၸုၵ်း​ယူႇ​ၵႃႈ​ၼႂ်း​တီႈ​ၽႂ်​တီႈ​မၼ်း ၵူႈ​ၵေႃႉ​ၵူႈ​ၵူၼ်း ၵႃႈ​တီႈ​လဵပ်ႈ​ႁွပ်ႈ​တပ်ႉ​ၼၼ်ႉ​လႄႈ ပူဝ်ႇ​ပႃႇ​ၵူၼ်း​သိုၵ်း​တင်း​သဵင်ႈ​တင်း​လူင်​ၼၼ်ႉ ၶုၼ်ႇ​လႅၼ်ႈ​ယူႇ၊ ႁွင်ႉ​သႅၼ်ႇ​ယူႇ​သေ​လႄႈ ဢွၼ်​ၵၼ်​ဢွၵ်ႇ​ပၢႆႈ​ဢေႃႈ။-</verse>
				<verse number="22">ၶဝ်​ပဝ်ႇ​ၼႄးၶရႃႇ​သၢမ်​ပၢၵ်ႇ​ၼၼ်ႉ​လႄႈ ထႃႇဝရႃႉ​ၽြႃး​ႁႂ်ႈ​ၵူၼ်း​သိုၵ်း​ၵႃႈ​မီး​ၼၼ်ႉ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ် ဢဝ်​လၢပ်ႇ​ၶႃႈ​ၽၼ်း​ၵၼ်​လႄႈ ပူဝ်ႇ​ပႃႇ​ၵူၼ်း​သိုၵ်း​ၸိူဝ်း​ၼၼ်ႉ ဢွၼ်​ၵၼ်​ပၢႆႈ​ၸူး​ၵႃႈ​တီႈ​ဝဵင်း​ ပႅတ်ႉသိတ်ႉတႃႇ ၼႂ်း​တီႈ​ ၸေးရရတ်ႉ ဢိၵ်ႇ​တင်း ၵႃႈ​တီႈ​လိၼ်​ဝဵင်း ဢႃႇပေႇလႃႉမႁေႃႇလႃႉ ၵႃႈ​ႁိမ်း​ဝဵင်း​ တပ်ႉပတ်ႉ ​ၼၼ်ႉ​ဢေႃႈ။-</verse>
				<verse number="23">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ​ၵႃႈ​တီႈ​ဢိူင်ႇ​ ၼပ်ႉထလီႉ ၊ ဢိူင်ႇ​ ဢႃႇသႃႇ တင်း​ဢိူင်ႇ​ မၼႃႇ​သေႇ မႃး​ၸူႉ​ၵၼ်​တုမ်​ၵၼ်​သေ​လႄႈ လိုပ်ႈ​ၸွမ်း​လမ်း​ၸွမ်း​ၵူၼ်း​ မီႉတျၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="24">ၵီႉတီႉဢုၼ်ႇ ​ၵေႃႈ ပွႆႇ​ၸႂ်ႉ​တမၢၼ်ႇ​တင်း​လၢႆ ၵႂႃႇ​ၵႃႈ​တီႈ​ၼိူဝ်​ႁၢၼ်ႉ​လွႆ ဢေႇၽရိမ်ႇ ၵူႈ​တီႈ​ၵူႈ​လႅၼ်​လႄႈ သင်ႇ​လၢတ်ႈ​လႄႈ​ဝႃႈ၊ ဢွၼ်​ၵၼ်​လူင်း​မႃး​ႁႂ်ႈ​လႆႈ​ႁႄႉ​တၢင်း ၵူၼ်း​ မီႉတျၼ်ႇ ​ၸိူဝ်း​ၼၼ်ႉ​လႄႈ ဢဝ်​ၼမ်ႉ​ႁွင်ႈ​တေႃႇ​ထိုင်​ႁွတ်ႈ​ဝၢၼ်ႈ​ ပႅတ်ႉပႃႇရႃႇ ဢၼ်​ဝႃႈ ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ ဢွၼ်​တၢင်း​ၶဝ်​တႃႉ၊ ဝႃႈ​ၼင်ႇ​ၼႆ​လႄႈ၊ ၵူၼ်း​ ဢေႇၽရိမ်ႇ တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​လႄႈ ဢဝ်​ၼမ်ႉ​ႁွင်ႈ​တေႃႇ​ထိုင်​ႁွတ်ႈ ဝၢၼ်ႈ​ ပႅတ်ႉပႃႇရႃႇ ဢၼ်​ဝႃႈ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ဢေႃႈ။-</verse>
				<verse number="25">ၶဝ်​တီႉ​ၵမ်​ဢဝ် ၶုၼ်​ပူဝ်ႇ​ၶျုၵ်ႈ မီႉတျၼ်ႇ သွင်​ၵေႃႉ​ဢၼ်​ဝႃႈ​ ဢေႃးရၽႃႉ တင်း​ ၸေးၽႃႉ ​လႄႈ ဢဝ်​ ဢေႃးရၽႃႉ ​တၢႆ ၵႃႈ​ၼိူဝ်​မၢၵ်ႇ​ႁိၼ်​ ဢေႃးရၽႃႉ ဢဝ်​ ၸေးၽႃႉ ​တၢႆ ၵႃႈ​တီႈ​ၶူင်ႇ​ၼူတ်ႈ မၢၵ်ႇ​ၸပိတ်ႈ​ ၸေးၽႃႉ သေ​ယဝ်ႉ၊ လိုပ်ႈ​ၸွမ်း​လမ်း​ၸွမ်း​ၵူၼ်း​ မီႉတျၼ်ႇ ​ၸိူဝ်း​ၼၼ်ႉ​လႄႈ ဢဝ်​ၵွၵ်း​ႁူဝ်​ ဢေႃးရၽႃႉ တင်း​ၵွၵ်း​ႁူဝ်​ ၸေးၽႃႉ ​ၼၼ်ႉ မႃး​ၸူး​ၵႃႈ​တီႈ​ ၵီႉတီႉဢုၼ်ႇ ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။</verse>
			</chapter>
			<chapter number="8">
				<verse number="1">ၵူၼ်း​ ဢေႇၽရိမ်ႇ ​ၸိူဝ်း​ၼၼ်ႉ လၢတ်ႈ​တီႈ​မၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ယင်း​ဢမ်ႇ​ႁွင်ႉ​ဢဝ်​ႁဝ်း​ၶႃႈ​မိူဝ်ႈ​ဢၼ်​ၸဝ်ႈ​ၵႂႃႇ တိုၵ်း​ၵူၼ်း​ မီႉတျၼ်ႇ ​ၸိူဝ်း​ၼၼ်ႉ​လႄႈ ႁဵတ်း​တီႈ​ႁဝ်း​ၶႃႈ​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​လႄႈ တၢင်ႇ​ဢပႅတ်ႈ​တီႈ​မၼ်း​ၼႃႇ​လူင်​လၢင်​ဢေႃႈ။-</verse>
				<verse number="2">မၼ်း​ၵေႃႈ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ႁဵတ်း​ယဝ်ႉ​ၸိူဝ်ႉ​ၼင်ႇ​ႁိုဝ်​ႁႂ်ႈ​မိူၼ်​ၸိူဝ်ႉ​ၼင်ႇ​ဢၼ်​သူ​ႁဵတ်း​ၼၼ်ႉ။ တၢင်း​ဢၼ်​ ဢေႇၽရိမ်ႇ ၸွမ်း​ၵဵပ်း​ဢဝ်​မၢၵ်ႇ​ၸပိတ်ႈ​ၼၼ်ႉ လီ​လိူဝ်​တွၼ်း​ၼႃႇ​သေ တၢင်း​ဢၼ်​ ဢပျေႇၸႃႇ သိမ်း​ဢဝ်​မၢၵ်ႇ​ၸပိတ်ႈ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="3">ၽြႃး​ပဵၼ်​ၸဝ်ႈ​ဢဝ်​ၶုၼ်​ပူဝ်ႇ​ၶျုၵ်ႈ​ မီႉတျၼ်ႇ ဢၼ်​ဝႃႈ​ ဢေႃးရၽႃႉ တင်း​ ၸေးၽႃႉ ​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ယဝ်ႉ။ ၵဝ်​ႁဵတ်း​ၸိူဝ်ႉ​ၼင်ႇ​ႁိုဝ် လႆႈ​ႁႂ်ႈ​မိူၼ်​ၸိူဝ်ႉ​ၼင်ႇ​ဢၼ်​သူ​ႁဵတ်း​ယဝ်ႉ​ၼၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ တၢင်း​ၸႂ်​မႆႈ​ၶႆႈ​ၸႃႉ​ၶဝ်​ပေႇ​ၵႂႃႇ​မိူဝ်ႈ​ဢၼ်​ၶဝ်​လႆႈ​ငိၼ်း​ၵႂၢမ်း ဢၼ်​မၼ်း​ၶိုၼ်း​လၢတ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ။-</verse>
				<verse number="4">ၵီႉတီႉဢုၼ်ႇ ​ၼၼ်ႉ ႁွတ်ႈ​ထိုင်​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​သေ​ယဝ်ႉ မၼ်း​ဢိၵ်ႇ​တင်း​ၵူၼ်း​သၢမ်​ပၢၵ်ႇ ဢၼ်​မီး​တီႈ​မၼ်း​ၸိူဝ်း​ၼၼ်ႉ ယၢပ်ႇ​ၸႂ်​ႁိူဝ်ႉ​ၸႂ်​ယူႇ​သေ​လႄႈ ဢွၼ်​ၵၼ်​ၶၢမ်ႈ​လႄႈ​လိုပ်ႈ​လမ်း​ၸွမ်း​ၵႂႃႇ​ဢေႃႈ။-</verse>
				<verse number="5">မၼ်း​ယွၼ်း​တီႈ​ၵူၼ်း​ဝဵင်း​ သူႉၵုတ်ႉ ​တင်း​လၢႆ​လႄႈ​ဝႃႈ၊ ပၼ်​ၶဝ်ႈ​မုၼ်း​တီႈ​ၶဝ်​ၸိူဝ်း​ဢၼ် ၸွမ်း​လင်​ၵဝ်​ၸိူဝ်း​ၼႆႉ​သေ​ၵမ်း။ ၶဝ်​ၼႆႉ ယၢပ်ႇ​ၸႂ်​ႁိူဝ်ႉ​ၸႂ်​ယဝ်ႉ။ မိူဝ်ႈ​လဵဝ်​ၼႆႉ​ၵဝ်​ၸွမ်း​ႁႃ​ ၸေးၽႁႃႉ တင်း​ ၸႃႇလမုၼ်ႇၼႃႉ ဢၼ်​ပဵၼ်​ၶုၼ်​လူင်​ မီႉတျၼ်ႇ ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="6">ၶုၼ်​ဝဵင်း​ သူႉၵုတ်ႉ ​ၸိူဝ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ လွင်ႈ​ၼင်ႇ​ႁိုဝ်​ႁဝ်း​တၵ်း​လႆႈ​ပၼ်​ၶဝ်ႈ​မုၼ်း​တီႈ​ပူဝ်ႇ​ပႃႇ​ၵူၼ်း​သိုၵ်း​မႂ်း​ၸိုင်၊ ၸေးၽႁႃႉ တင်း​ ၸႃႇလမုၼ်ႇၼႃႉ ​ၼၼ်ႉ​မီး​ၵႃႈ​ၼႂ်း​မိုဝ်း​မႂ်း​ယဝ်ႉ​ႁိုဝ်။ ဝႃႈ​ၼင်ႇ​ၼႆ​သေ​ဢေႃႈ။-</verse>
				<verse number="7">ၵီႉတီႉဢုၼ်ႇ ​ၵေႃႈ​လၢတ်ႈ​လႄႈ​ဝႃႈ၊ ပေႃး​ပဵၼ်​ၼင်ႇ​ၼၼ်​ၸိုင် မိူဝ်ႈ​ဢၼ်​ထႃႇဝရႃႉ​ၽြႃး​ဢဝ်​ ၸေးၽႁႃႉ ​တင်း​ ၸႃႇလမုၼ်ႇၼႃႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵဝ်​ၼၼ်ႉ ၵဝ်​တၵ်း​ဢဝ်​တင်း​တူၼ်ႈ​ၼၢမ်​ထိူၼ်ႇ ဢိၵ်ႇ​တင်း​တူၼ်ႈ​ၼၢမ်​လိၼ် ပေႃႉ​ယႅၼ်ႉ​လင်​သူ ႁႂ်ႈ​ပေႃး​တႅၵ်ႇ​ပေႃး​လႅဝ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">လုၵ်ႉ​သေ​ၵႃႈ​တီႈ​ၼၼ်ႈ ၶိုၼ်ႈ​ၸူး​ၵႃႈ​တီႈ​ဝဵင်း​ ပေႇၼူၺ်ႇလႃႉ ​လႄႈ သမ်ႉ​ယွၼ်း​တီႈ​ၶဝ်​ၼၼ်ႉ​ၸိူဝ်ႉ​ၼင်ႇ​ၼၼ်​သေ​ၵေႃႈ၊ ၵူၼ်း​ဝဵင်း​ ပေႇၼူၺ်ႇလႃႉ ​ၸိူဝ်း​ၼၼ်ႉ​ၶိုၼ်း​လၢတ်ႈ​မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​ဝဵင်း​ သူႉၵုတ်ႉ ​ၸိူဝ်း​ၼၼ်ႉ​ၶိုၼ်း​လၢတ်ႈ​ၼၼ်ႉ​ဢေႃႈ။-</verse>
				<verse number="9">မၼ်း​ၵေႃႈ​လၢတ်ႈ​တီႈ​ၵူၼ်း​ဝဵင်း​ ပေႇၼူၺ်ႇလႃႉ ​ၸိူဝ်း​ၼၼ်ႉ​လႄႈ​ဝႃႈ၊ မိူဝ်ႈ​ဢၼ်​ၵဝ်​ၶိုၼ်း​မႃး​ၼိမ်​ၼိမ်​လီ​လီ​ၼၼ်ႉ​ၸိုင် ၵဝ်​တၵ်း​ၵိူၼ်ႇ​ယႃႉ​တိူၵ်ႈ​တီႈ​တိုၵ်း​သိုၵ်း​ၼႆႉ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ၼၼ်ႉ​ ၸေးၽႁႃႉ တင်း​ ၸႃႇလမုၼ်ႇၼႃႉ ​ၸိူဝ်း​ၼၼ်ႉ​ပႃး​ပူဝ်ႇ​ပႃႇ​ၵူၼ်း​သိုၵ်း မိုၼ်ႇ​ၼိုင်ႈ​ပၢႆ​ႁႃႈ​ႁဵင်​ၸမ်​ၸမ်​ၵူၺ်း​ဢၼ်​ပဵၼ်​ၵႃႈ​ဢၼ်​ၵိုတ်း​ဢၼ်​ၵျၢၼ်ႇ ၵႃႈ​ၼႂ်း​ၵူၼ်း​ၼႃႈ​ဝၼ်း​ဢွၵ်ႇ​တင်း​သဵင်ႈ​တင်း​လူင်​ၼၼ်ႉ​သေ​လႄႈ မီး​ယူႇ​ၵႃႈ​တီႈ​ဝဵင်း​ ၵႃႇၵေႃႇ ၵွပ်ႈ​ပိူဝ်ႈ ဢၼ်​ၶဝ်​ၸိူဝ်း​ဢၼ်​ယိပ်း​ၵမ်​လၢပ်ႇ​လူမ်ႉ​တၢႆ သႅၼ်​ၼိုင်ႈ​ပၢႆ​သွင်​မိုၼ်ႇ​ယဝ်ႉ​ၼၼ်ႉ​ဢေႃႈ။-</verse>
				<verse number="11">ၵီႉတီႉဢုၼ်ႇ ၶီႇ​ၵႂႃႇ​သဵၼ်ႈ​တၢင်း​ၶဝ်​ၸိူဝ်း​ဢၼ် ယူႇ​ၵႃႈ​ၼႂ်း​မူဝ်းၵႃႇ​ၼၼ်ႉ​ၽၢႆႇ​ဝၼ်း​ဢွၵ်ႇ​ဝဵင်း​ ၼေႃႇပႃႉ တင်း​ဝဵင်း​ ယူပ်ႉပေႇႁႃႉ ​လႄႈ တိုၵ်း​တေႃး​ယႃႉ​ပႅတ်ႈ​ပူဝ်ႇ​ပႃႇ​ၵူၼ်း​သိုၵ်း​တင်း​လၢႆ ၵွပ်ႈ​ပိူဝ်ႈ​ဢၼ်​ပူဝ်ႇ​ပႃႇ​ၵူၼ်း​သိုၵ်း​ၸိူဝ်း​ၼၼ်ႉ ယင်း​ဢမ်ႇ​မႆႈ​ၸႂ်​ၶီ​ၸႂ်​လႄႈ​ယူႇ​ၼၼ်ႉ​သေ​ယဝ်ႉ၊-</verse>
				<verse number="12">ၸေးၽႁႃႉ တင်း​ ၸႃႇလမုၼ်ႇၼႃႉ ​ၸိူဝ်း​ၼၼ်ႉ ဢွၵ်ႇ​ပၢႆႈ​လႄႈ မၼ်း​လိုပ်ႈ​ၸွမ်း​လမ်း​ၸွမ်း​သေ​လႄႈ တီႉ​လႆႈ​ ၸေးၽႁႃႉ တင်း​ ၸႃႇလမုၼ်ႇၼႃႉ ၶုၼ်​လူင်​ မီႉတျၼ်ႇ သွင်​ပႃး​ၼၼ်ႉ​လႄႈ ယႃႉ​ပူဝ်ႇ​ပႃႇ​ၵူၼ်း​သိုၵ်း​ၶဝ်​ၼၼ်ႉ​ပႅတ်ႈ​ဢေႃႈ။</verse>
				<verse number="13">ၵီႉတီႉဢုၼ်ႇ ​လုၵ်ႈ​ၸၢႆး​ ယေႃးသႃႉ ​ၼၼ်ႉ လုၵ်ႉ​သေ​ၵႃႈ​တီႈ​ဢၼ်​တိုၵ်း​သိုၵ်း​ၼၼ်ႉ​ၶိုၼ်း​မႃး​သဵၼ်ႈ​တၢင်း​လွႆ ဢၼ်​ၶိုၼ်ႈ​ၵႃႈ​တီႈ ႁေႇၶႃးရိတ်ႉ ​လႄႈ၊-</verse>
				<verse number="14">တီႉ​လႆႈ​ၵူၼ်း​ဢွၼ်ႇ ၵူၼ်း​ဝဵင်း​ သူႉၵုတ်ႉ ​ၵေႃႉ​ၼိုင်ႈ​သေ​ယဝ်ႉ၊ ၸႅတ်ႈ​ထၢမ်​လႄႈ ၵေႃႉ​ၼၼ်ႉ​တႅမ်ႈ​မၢႆ​ၸိုဝ်ႈ​သဵင်​ၶုၼ်​ သူႉၵုတ်ႉ ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၶဝ် ၸဵတ်း​သိပ်း​ပၢႆ​ၸဵတ်း​ၵေႃႉ ပၼ်​တီႈ​မၼ်း​ဢေႃႈ။-</verse>
				<verse number="15">မၼ်း​ၵေႃႈ​မႃး​ၸူး​ၵႃႈ​တီႈ​ၵူၼ်း​ဝဵင်း​ သူႉၵုတ်ႉ ​ၸိူဝ်း​ၼၼ်ႉ​လႄႈ​ဝႃႈ၊ ဢွၼ်​ၵၼ်​တူၺ်း ၸေးၽႁႃႉ တင်း​ ၸႃႇလမုၼ်ႇၼႃႉ ဢၼ်​သူ ဢဝ်​သႄႉ​သွမ်း​ၵဝ်​လႄႈ​ဝႃႈ၊ လွင်ႈ​ၼင်ႇ​ႁိုဝ်​ႁဝ်း​တၵ်း​လႆႈ​ပၼ်​ၶဝ်ႈ​မုၼ်း​တီႈ​ၵူၼ်း​သိုၵ်း​မႂ်း​ဢၼ်​ယၢပ်ႇ​ၸႂ်​ႁိူဝ်ႉ​ၸႂ် တင်း​လၢႆ​ၼၼ်ႉ​ၸိုင် ၸေးၽႁႃႉ တင်း​ ၸႃႇလမုၼ်ႇၼႃႉ ​ၸိူဝ်း​ၼၼ်ႉ မီး​ၵႃႈ​ၼႂ်း​မိုဝ်း​မႂ်း​ယဝ်ႉ​ႁိုဝ်။ ဝႃႈ​ၼင်ႇ​ၼႆ​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="16">ႁွင်ႉ​ဢဝ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵႃႈ​ၼႂ်း​ဝဵင်း​ၼၼ်ႉ​ၸိူဝ်း​ၼၼ်ႉ​မႃး​လႄႈ ဢဝ်​တင်း​တူၼ်ႈ​ၼၢမ်​ထိူၼ်ႇ ဢိၵ်ႇ​တင်း​တူၼ်ႈ​ၼၢမ်​လိၼ် သင်ႇ​သွၼ်​သုင်း​မႃႉ ၵူၼ်း​ဝဵင်း​ သူႉၵုတ်ႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="17">တိူၵ်ႈ​တီႈ​တိုၵ်း​သိုၵ်း​ဝဵင်း​ ပေႇၼူၺ်ႇလႃႉ ​ၼၼ်ႉ​ၵေႃႈ မၼ်း​ၵိူၼ်ႇ​ယႃႉ​ပႅတ်ႈ​လႄႈ ဢဝ်​ၵူၼ်း​ဝဵင်း​တင်း​လၢႆ​တၢႆ​ဢေႃႈ။-</verse>
				<verse number="18">မိူဝ်ႈ​ၼၼ်ႉ မၼ်း​တွင်ႈ​ထၢမ်​တီႈ​ ၸေးၽႁႃႉ တင်း​ ၸႃႇလမုၼ်ႇၼႃႉ ​ၸိူဝ်း​ၼၼ်ႉ​လႄႈ​ဝႃႈ၊ ၶဝ်​ၸိူဝ်း​ဢၼ်​သူ​ဢဝ်​တၢႆ​ၵႃႈ​ၼႂ်း​ဝဵင်း​ တႃႇပေႃႇ ​ၼၼ်ႉ ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၶဝ်​ၵႃႈ​မီး​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ​ဢၼ်​ၸဝ်ႈ​ႁဝ်း​ပဵၼ်​ၼႆႉ​လႄႈ ပျေႉ​ၸုမ်ႇ​ဝႆႉ​တင်း​ႁၢင်ႈ​ၽၢင်​လုၵ်ႈ​ၸၢႆး​ၶုၼ်​ႁေႃ​ၶမ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="19">မၼ်း​ၵေႃႈ​လၢတ်ႈ​လႄႈ​ဝႃႈ၊ ၶဝ်​ၼၼ်ႉ​ပဵၼ်​ၼွင်ႉ​ၸၢႆး​ၵဝ်၊ လုၵ်ႈ​ၸၢႆး​မႄႈ​ၵဝ်​လူင်​ပႄႇ။ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢသၢၵ်ႈ​လိပ်း​ယူႇ​ၼၼ်ႉ သင်​သူ​ပၼ်​ဢသၢၵ်ႈ​ၵတ်း​ယဵၼ်​ၶျၢမ်း​သႃႇ​တီႈ​ၶဝ်​ၼၼ်ႉ​မႅၼ်ႈ​ၸိုင် ၵဝ်​ယင်း​ဢမ်ႇ​ဢဝ်​သူ​တၢႆ​လႄႈ တၵ်း​ယူႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="20">သမ်ႉ​လၢတ်ႈ​တီႈ​ ယေႇသႃႇ လုၵ်ႈ​ၸၢႆး​တူၼ်ႈ​မၼ်း​လႄႈ​ဝႃႈ၊ လုၵ်ႉ​လႄႈ​ဢဝ်​ၶဝ်​ၼႆႉ​တၢႆ​တႃႉ၊ ဝႃႈ​ၼင်ႇ​ၼႆ​သေ​ၵေႃႈ လုၵ်ႈ​ၸၢႆး​ၼၼ်ႉ ယင်း​ဢမ်ႇ​ထွတ်ႇ​ဢမ်ႇ​ဢဝ်​လၢပ်ႇ​မၼ်း​ဢွၵ်ႇ​လႄႈ​ယူႇ ပိူဝ်ႈ​ဢၼ်​မၼ်း​ၵူဝ်​ၵွပ်ႈ​ပိူဝ်ႈ​ဢၼ်​ဢသၢၵ်ႈ​မၼ်း​ယင်း​လဵၵ်ႉ​ယင်း​ဢွၼ်ႇ​ၼၼ်ႉ​ဢေႃႈ။-</verse>
				<verse number="21">ၸေးၽႁႃႉ တင်း​ ၸႃႇလမုၼ်ႇၼႃႉ ​ၸိူဝ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ တူဝ်​ၸဝ်ႈ​ႁဝ်း​လုၵ်ႉ​လႄႈ​ၶႃႈ​ၽၼ်း​ႁဝ်း​ၶႃႈ​ပႅတ်ႈ​တႃႉ။ ႁႅင်း​တၼ်း​ၶူဝ်း​ၸၢင်ႈ​ပဵၼ်​ၸွမ်း​ၵႃႈ​ၼင်ႇ​ဢၼ် ၵူၼ်း​ပဵၼ်​ၼၼ်ႉ​ဢေႃႈ​၊ ဝႃႈ​ၼင်ႇ​ၼႆ​သေ​ယဝ်ႉ၊ ၵီႉတီႉဢုၼ်ႇ ​လုၵ်ႉ​လႄႈ ဢဝ်​ ၸေးၽႁႃႉ တင်း​ ၸႃႇလမုၼ်ႇၼႃႉ တၢႆ​သေ​ယဝ်ႉ ထွတ်ႇ​ဢဝ်​လၢဝ်​ၶမ်း​ဢၼ်​ႁၢင်ႈ​ၶိူင်ႈ​ၵႃႈ​တီႈ​ၶေႃး​ၵလႃးဢုၵ်ႉ​ၶဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="22">မိူဝ်ႈ​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လဝ်ႊ​လၢတ်ႈ​တီႈ​ ၵီႉတီႉဢုၼ်ႇ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ၵႄႇ​သႄႇ​ၼုၵ်ႈ​ဢဝ်​ႁဝ်း​ၶႃႈ ဢွၵ်ႇ​သေ​ၵႃႈ​ၼႂ်း​မိုဝ်း​ၵူၼ်း​ မီႉတျၼ်ႇ ​ၸိူဝ်း​ၼၼ်ႉ​လႄႈ ၸဝ်ႈ​ႁဝ်း​ဢိၵ်ႇ​တင်း​ၸူဝ်ႈ​လုၵ်ႈ​ပၢၼ်​လၢၼ်​ၸဝ်ႈ​ႁဝ်း ဢုပ်ႉ​ပိူင်ႇ​ၵႃႈ​ၼိူဝ်​ႁဝ်း​ၶႃႈ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="23">ၵီႉတီႉဢုၼ်ႇ ​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ဢမ်ႇ​လႆႈ​ဢုပ်ႉ​ပိူင်ႇ​သူ။ လုၵ်ႈ​ၸၢႆး​ၵဝ်​ၵေႃႈ​ဢမ်ႇ​လႆႈ​ဢုပ်ႉ​ပိူင်ႇ​သူ။ ထႃႇဝရႃႉ​ၽြႃး​တၵ်း​လႆႈ​ဢုပ်ႉ​ပိူင်ႇ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၵီႉတီႉဢုၼ်ႇ ​သမ်ႉ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၵဝ်​မီး​ဢလူဝ်ႇ​ၶႂ်ႈ​ယွၼ်း​ဢဝ်​တီႈ​သူ ႁႂ်ႈ​သူ​ၵႃႈ​မီး​တင်း​သဵင်ႈ​တင်း​လူင် လႆႈ​ဢဝ်​ပေႇ​ႁူ​ဢၼ်​သူ​ႁိမ်​ဢဝ်​လႄႈ​လႆႈ​ၸိူဝ်း​ၼၼ်ႉ​ပၼ်​တီႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​ပဵၼ်​မဵဝ်း​ ဢီႉသမေႇလႃႉ ​လႄႈ ၸၢင်ႈ​တိုဝ်း​ပေႇ​ႁူ​ၶမ်း​ဢေႃႈ။-</verse>
				<verse number="25">ၶဝ်​ၵေႃႈ​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၶႃႈ​တၵ်း​ပႃး​ၸေႇတၼႃႇ​သေ​လႄႈ​ပၼ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢဝ်​ၽႃႈ​ဝႆ​သိူဝ်ႇ​သေ​လႄႈ ၵူၼ်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ဢဝ်​ပေႇ​ႁူ​ဢၼ်​ၶဝ်​ႁိမ်​ဢဝ်​လႄႈ​လႆႈ​ၸိူဝ်း​ၼၼ်ႉ​ၶျႃး​သႂ်ႇ​ဢေႃႈ။-</verse>
				<verse number="26">ဢၼ်​ၸင်ႈ​ဢၼ်​ႁိဝ်ႈ​ပေႇ​ႁူ​ၶမ်း ဢၼ်​မၼ်း​ယွၼ်း​ဢဝ်​ၼၼ်ႉ​ၸမ်ႉ မီး​ႁဵင်​ပၢႆ​ၸဵတ်း​ပၢၵ်ႇ​ၵျၢပ်ႈ​ သၶေးလႃႉ ​ဢေႃႈ။ ၼွၵ်ႈ​သေ​ၼၼ်ႉ လၢဝ်​ၶမ်း​လႂ်၊ ၶိူင်ႈ​ႁွႆႈ​ႁူ​လႂ်၊ ၶူဝ်း​ဢၼ်​လႅင်​ၵမ်ႇ ဢၼ်​ၶုၼ်​လူင်​ မီႉတျၼ်ႇ ​ၸိူဝ်း​ၼၼ်ႉ​ၼုင်ႈ ႁၢင်ႈ​ၶိူင်ႈ​ၼၼ်ႉ ဢိၵ်ႇ​တင်း​ၸိူၵ်ႈ​ၶေႃး​ၵလႃးဢုၵ်ႉ တင်း​လၢႆ​ၸိူဝ်း​ၼၼ်ႉ ယင်း​လႆႈ​လူး​ၵွၼ်ႇ​ဢေႃႈ။-</verse>
				<verse number="27">ၵီႉတီႉဢုၼ်ႇ ဢဝ်​ၶိူင်ႈ​ၸိူဝ်း​ၼၼ်ႉ ႁဵတ်း​သိူဝ်ႈ​သုပ်း​ၸဝ်ႈ​လႄႈ ဝႆႉ​ၵႃႈ​တီႈ​ဝဵင်း​ ဢေႃႇၽရႃႉ တီႈ​ယူႇ​မၼ်း​ၼၼ်ႉ​သေ​ယဝ်ႉ၊ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ၸၢင်ႈ​ၽိတ်း​ပိူင်ႈ​လူၺ်ႈ​သိူဝ်ႈ​သုပ်း​ၸဝ်ႈ​ၼၼ်ႉ​သေ​လႄႈ​ၵႂႃႇ​ဢေႃႈ။ လွင်ႈ​တၢင်း​ၼၼ်ႉ ပဵၼ်​တူင်ႇ​ႁႅဝ်ႉ​တူင်ႇ​ၶိုမ်း​တီႈ ၵီႉတီႉဢုၼ်ႇ ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="28">ၼင်ႇ​ၼၼ်​လႄႈ မဵဝ်း​ မီႉတျၼ်ႇ ​လႆႈ​ၶၢမ်ႇ​တၢင်း​ဢၼ်​တူၵ်း​သုမ်း ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ လိုၼ်း​ၼၼ်ႉ ၶဝ်​ယင်း​ဢမ်ႇ​ငွၵ်ႈ​ႁူဝ်​ၶဝ်​လႆႈ​လႄႈ​ယူႇ​ဢေႃႈ။ ၼႂ်း​ၸူဝ်ႈ​ပၢၼ်​ ၵီႉတီႉဢုၼ်ႇ ​ၼၼ်ႉ မိူင်း​တင်း​မိူင်း​ၼိမ်​လီ​ယဵၼ်​လီ သီႇ​သိပ်း​ပီႊ​တဵမ်​တဵမ် ဢေႃႈ။</verse>
				<verse number="29">ယေႇရုပ်ႉပႃႇလႃႉ လုၵ်ႈ​ၸၢႆး​ ယေႃးသႃႉ ​ၼၼ်ႉ​ၵႂႃႇ​လႄႈ​ယူႇ​ၵႃႈ​တီႈ​ႁိူၼ်း​မၼ်း​ဢေႃႈ။-</verse>
				<verse number="30">ၵီႉတီႉဢုၼ်ႇ ​ၼၼ်ႉ မေး​ၼမ်​လႄႈ​လုၵ်ႈ​ၸၢႆး​ဢၼ်​လႆႈ​ၵႃႈ​တီႈ​တူဝ်​မၼ်း​မီး​ၸဵတ်း​သိပ်း​ၵေႃႉ​ဢေႃႈ။-</verse>
				<verse number="31">မေး​ၼွႆႉ​မၼ်း​ဢၼ်​ယူႇ​ၵႃႈ​တီႈ​ဝဵင်း​ သေႇၶိမ်ႇ ​ၼၼ်ႉ ၵိူတ်ႇ​လဵင်ႉ​လုၵ်ႈ​ၸၢႆး​မႃး​လႄႈ မၼ်း​ႁွင်ႉ​ႁဵၵ်ႈ​ၸိုဝ်ႈ လုၵ်ႈ​ၸၢႆး​ၼၼ်ႉ ဢၽီႉမလႅၵ်ႉ ​ဢေႃႈ။-</verse>
				<verse number="32">ၵီႉတီႉဢုၼ်ႇ ​လုၵ်ႈ​ၸၢႆး​ ယေႃးသႃႉ ​ၼၼ်ႉ ဢသၢၵ်ႈ​ယႂ်ႇ​လႄႈ​ၵႄႇ​ထူၼ်ႈ​သေ​ယဝ်ႉ ႁွတ်ႈ​ဢၼိၵ်ႈၸႃႉ​လႄႈ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ ၵႃႈ​ၼႂ်း​သၢင်း​ၶႅင်း​ပေႃႈ​မၼ်း​ ယေႃးသႃႉ ၵႃႈ​တီႈ​ဝဵင်း​ ဢေႃႇၽရႃႉ တီႈ​ယူႇ​ၵူၼ်း​ ဢပျေႇၸႃႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="33">မိူဝ်ႈ​ဢၼ်​ ၵီႉတီႉဢုၼ်ႇ ​ၼၼ်ႉ​တၢႆ​ယဝ်ႉ​ၼၼ်ႉ​ၸိုင် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၽွၵ်ႈ​ပျၢၼ်ႇ​ၶိုၼ်း​လႄႈ ၽိတ်း​ပိူင်ႈ​လူၺ်ႈ​ၽြႃး ပႃႇလႃႉ ​တင်း​လၢႆ​သေ​ယဝ်ႉ ဢဝ်​ ပႃႇလႃႉပေႇရိတ်ႉ ယုၵ်ႉ​ယွင်ႈ​ဝႆႉ​ၼႂ်း​ဢရႃႇ​ၽြႃး​ၶဝ်​ဢေႃႈ။-</verse>
				<verse number="34">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ယင်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် ဢၼ်​ၵႄႇ​သႄႇ​ၼုၵ်ႈ​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ် ဢၼ်​မီး​လဵပ်ႈ​ႁွပ်ႈ​ၶဝ်​ယူႇ​ၼၼ်ႉ​လႄႈ၊-</verse>
				<verse number="35">ဢမ်ႇ​ၶိုၼ်း​တွပ်ႇ​ၶိုၼ်း​ႁဵတ်း​ၵျေး​ၸူး​တီႈ​မဵဝ်း​ ယေႇရုပ်ႉပႃႇလႃႉ ဢၼ်​ဝႃႈ​ ၵီႉတီႉဢုၼ်ႇ ​ၼၼ်ႉ မႅၼ်ႈ​ၼင်ႇ​ၵျေး​ၸူး​ၵႃႈ​ဢၼ်​မၼ်း​လႆႈ​ႁဵတ်း​တီႈ မဵဝ်း​ ဢီႉသရေႇလႃႉ ​ၼၼ်ႉ​လႄႈ​ယူႇ​ဢေႃႈ။</verse>
			</chapter>
			<chapter number="9">
				<verse number="1">ဢၽီႉမလႅၵ်ႉ ​လုၵ်ႈ​ၸၢႆး ယေႇရုပ်ႉပႃႇလႃႉ ​ၼၼ်ႉ ၵႂႃႇ​ၵႃႈ​တီႈ​ဝဵင်း​ သေႇၶိမ်ႇ တီႈ​ဢၼ်​လုင်း​မၼ်း​တင်း​လၢႆ​ယူႇ​ၼၼ်ႉ​လႄႈ တၵ်ႉ​လၢတ်ႈ​တီႈ​ၶဝ် ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ပူႇ​မၼ်း ဢၼ်​ပဵၼ်​ပေႃႈ​မႄႈ​မၼ်း​တင်း​လၢႆ​ၼၼ်ႉ​သေ​လႄႈ​ဝႃႈ၊-</verse>
				<verse number="2">ၵဝ်​တွင်း​ပၢၼ်ႇ​သူ​ႁႂ်ႈ​သူ​လႆႈ​လၢတ်ႈ​ထိုင်​ႁူ ၵူၼ်း​ဝဵင်း​ သေႇၶိမ်ႇ ​တင်း​သဵင်ႈ​တင်း​လူင်​လႄႈ​ဝႃႈ၊ လုၵ်ႈ​ၸၢႆး​ ယေႇရုပ်ႉပႃႇလႃႉ ၸဵတ်း​သိပ်း​ၵေႃႉ​ၼၼ်ႉ ထုၵ်ႇ​လီ​လႆႈ​ဢုပ်ႉ​ပိူင်ႇ​သူ​ႁိုဝ်။ လုၵ်ႈ​ၸၢႆး​ၵေႃႉ​လဵဝ်​ၵူၺ်း​ထုၵ်ႇ​လီ​လႆႈ​ဢုပ်ႉ​ပိူင်ႇ​သူ​ႁိုဝ်။ သူ​ဢွၼ်​ၵၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၵဝ်​ပဵၼ်​လုပ်ႇ​သူ​ၼိူဝ်ႉ​သူ​ၼၼ်ႉ​သေ​ၵမ်း၊ ဝႃႈ​ၸိူဝ်ႉ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵႂၢမ်း​ၵႃႈ​မီး​ၼၼ်ႉ​ၸိုင် လုင်း​မၼ်း​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​လၢတ်ႈ​ထိုင်​ႁူ​ၵူၼ်း​ဝဵင်း​ သေႇၶိမ်ႇ တင်း​သဵင်ႈ​တင်း​လူင်​လႄႈ ၶဝ်​ၼၼ်ႉ မီး​ၸႂ်​ဢၼ်​ဢူၼ်ႈ​ၼူပ်ႈ​ၵွမ်း​ၸူး​ၶႂ်ႈ​ၸွမ်း​လင်​ ဢၽီႉမလႅၵ်ႉ ​ၼၼ်ႉ​လႄႈ ဢွၼ်​ၵၼ်​လၢတ်ႈ​လႄႈ​ဝႃႈ၊ မၼ်း​ၼႆႉ ပဵၼ်​ပီႈ​ၼွင်ႉ​ႁဝ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">ထုတ်ႇ​ဢဝ်​ငိုၼ်း​ၸဵတ်း​သိပ်း​ၵျၢပ်ႈ​ဢွၵ်ႇ​သေ​ၵႃႈ​ၼႂ်း​ႁိူၼ်း​ ပႃႇလႃႉပေႇရိတ်ႉ ​လႄႈ ပၼ်​တီႈ​မၼ်း​သေ​ယဝ်ႉ၊ ဢၽီႉမလႅၵ်ႉ ​ၼၼ်ႉ ဢဝ်​ငိုၼ်း​ၼၼ်ႉ​ၸၢင်ႈ​ငႃ​ဢဝ် ၶဝ်​ၸိူဝ်း​ဢၼ်​လၢႆ​လၢႆ​လွၵ်ႇ​လွၵ်ႇ​လႄႈ မဝ်​မၢင်​ၼၼ်ႉ​ၸွမ်း​လင်​မၼ်း​ဢေႃႈ။-</verse>
				<verse number="5">မၼ်း​သမ်ႉ​ၵႂႃႇ​ၵႃႈ​တီႈ​ႁိူၼ်း​ပေႃႈ​မၼ်း ဢၼ်​မီး​ၵႃႈ​တီႈ​ဝဵင်း​ ဢေႃႇၽရႃႉ ​ၼၼ်ႉ​လႄႈ ဢဝ်​ပီႈ​မၼ်း​ၼွင်ႉ​မၼ်း ဢၼ်​ပဵၼ်​လုၵ်ႈ​ၸၢႆး​ ယေႇရုပ်ႉပႃႇလႃႉ ၸဵတ်း​သိပ်း​ၵေႃႉ​ၸိူဝ်း​ၼၼ်ႉ တၢႆ​ၵႃႈ​ၼိူဝ်​မၢၵ်ႇ​ႁိၼ်​လုၵ်ႈ​လဵဝ်​ၵၼ်​ဢေႃႈ။ ၵူၺ်း​ၵႃႈ ယေႃးသမ်ႇ လုၵ်ႈ​ၸၢႆး​ ယေႇရုပ်ႉပႃႇလႃႉ ဢၼ်​လဵၵ်ႉ​သေ​ပိူၼ်ႈ​ၼၼ်ႉ ၵိုတ်း​ၵျၢၼ်ႇ​ဝႆႉ ၵွပ်ႈ​ပိူဝ်ႈ​ဢၼ်​မၼ်း​တဵတ်ႇ​မႅပ်ႉ​ယူႇ​ၼၼ်ႉ​ဢေႃႈ။-</verse>
				<verse number="6">ၵူၼ်း​ဝဵင်း​ သေႇၶိမ်ႇ ​တင်း​သဵင်ႈ​တင်း​လူင်​ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ မီႉလေႃႇ ​တင်း​လၢႆ​ၼၼ်ႉ ၸူႉ​ၵၼ်​တုမ်​ၵၼ်​သေ​လႄႈ ၵႂႃႇ​လႄႈ ဢဝ်​ ဢၽီႉမလႅၵ်ႉ ​ၼၼ်ႉ ၶၢၼ်း​ဝႆႉ​ၼႂ်း​ဢရႃႇ​ၶုၼ်​ႁေႃ​ၶမ်း​ၶဝ် ၵႃႈ​တီႈ​ႁိမ်း​တူၼ်ႈ​မႆႉ​ၼိမ် သဝ်​တီႈ​မၢတ်ႈ​တီႈ​တွင်း​ဢၼ်​မီး​ၵႃႈ​ၼႂ်း​ဝဵင်း​ သေႇၶိမ်ႇ ​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ဢၼ်​ပိူၼ်ႈ​လၢတ်ႈ​လွင်ႈ​တၢင်း​ၼၼ်ႉ တီႈ​ ယေႃးသမ်ႇ ​ၼၼ်ႉ​ၸိုင် မၼ်း​ၵႂႃႇ​လႄႈ​ၸုၵ်း​ယူႇ​ၵႃႈ​ၼိူဝ်​ပၢႆ​လွႆ​ ၵေႇရၸိမ်ႇ ​ယူႇ​သေ​လႄႈ ၵိဝ်​သဵင်​ႁွင်ႉ​ပၢဝ်ႇ​ႁွင်ႉ​လၢတ်ႈ​လႄႈ​ဝႃႈ​ၸမ်ႉ ၵူၼ်း​ဝဵင်း​ သေႇၶိမ်ႇ ​ၶဝ်​ဢိူၺ်း၊ လွင်ႈ​ၼင်ႇ​ႁိုဝ်​ၽြႃး​ပဵၼ်​ၸဝ်ႈ​တၵ်း​ထွမ်ႇ​ငိၼ်း​ၵႂၢမ်း​သူ​ၸိုင် ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၵဝ်​တႃႉ။-</verse>
				<verse number="8">ၽဝ်ႇ​ၼိုင်ႈ တူၼ်ႈ​မႆႉ​တင်း​လၢႆ ဢွၼ်​ၵၼ်​ဢွၵ်ႇ​ၵႂႃႇ​ႁႂ်ႈ​လႆႈ​ၶၢၼ်း​ဝႆႉ ၼႂ်း​ဢရႃႇ​ၶုၼ်​ႁေႃ​ၶမ်း​ဢၼ်​တၵ်း​ဢုပ်ႉ​ပိူင်ႇ​ၶဝ်​လႄႈ ပၼ်​ၽိၵ်ႈ​သိၵ်ႈ​ၼၼ်ႉ​လႄႈ လဝ်ႊ​လၢတ်ႈ​တီႈ​တူၼ်ႈ​ သၢၼ်ႇလုၼ်ႇ ​လႄႈ​ဝႃႈ၊ ဢုပ်ႉ​ပိူင်ႇ​ၵႃႈ​ၼိူဝ်​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">တူၼ်ႈ​ သၢၼ်ႇလုၼ်ႇ ​ၼၼ်ႉ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​တၵ်း​လႆႈ​ၸုၼ်ႉ​ပႅတ်ႈ​ၵွၼ်ႈ​ၶႆ​ၵွၼ်ႈ​မၼ်း​ၵဝ် ဢၼ်​ၵူၼ်း​ဢဝ်​လုမ်း​လႃး သရေႇ​ၽြႃး သရေႇ​ၵူၼ်း​ၼၼ်ႉ​သေ​လႄႈ ၵႂႃႇ​ႁူမ်ႇ​ငမ်း​ၵႂႃႇ​ငမ်း​ၶိုၼ်း​ယူႇ ၵႃႈ​ၼိူဝ်​တူၼ်ႈ​မႆႉ​တင်း​လၢႆ​ႁိုဝ်။ ဝႃႈ​ၼင်ႇ​ၼႆ​သေ​ဢေႃႈ။-</verse>
				<verse number="10">တူၼ်ႈ​မႆႉ​ၸိူဝ်း​ၼၼ်ႉ​သမ်ႉ​လဝ်ႊ​လၢတ်ႈ​တီႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​လႄႈ​ဝႃႈ၊ ၸဝ်ႈ​ႁဝ်း​မႃး​လႄႈ​ဢုပ်ႉ​ပိူင်ႇ​ၵႃႈ​ၼိူဝ်​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ၼၼ်ႉ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​တၵ်း​လႆႈ​ၸုၼ်ႉ​ပႅတ်ႈ​ဢရႃႉသႃႇ​ဢၼ်​ဝၢၼ်​ဢၼ်​ၸဵမ်း ဢိၵ်ႇ​တင်း​မၢၵ်ႇ​ဢၼ်​လီ​ဢၼ်​ငၢမ်း​ၵဝ်​သေ​လႄႈ ၵႂႃႇ​ႁူမ်ႇ​ငမ်း​ၵႂႃႇ​ငမ်း​ၶိုၼ်း​ယူႇ ၵႃႈ​ၼိူဝ်​တူၼ်ႈ​မႆႉ​တင်း​လၢႆ​ႁိုဝ်။ ဝႃႈ​ၼင်ႇ​ၼႆ​သေ​ဢေႃႈ။-</verse>
				<verse number="12">တူၼ်ႈ​မႆႉ​ၸိူဝ်း​ၼၼ်ႉ​သမ်ႉ​လဝ်ႊ​လၢတ်ႈ​တီႈ ၶိူဝ်း​တူၼ်ႈ​မၢၵ်ႇ​ၸပိတ်ႈ​လႄႈ​ဝႃႈ၊ ၸဝ်ႈ​ႁဝ်း​မႃး​လႄႈ ဢုပ်ႉ​ပိူင်ႇ​ၵႃႈ​ၼိူဝ်​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">ၶိူဝ်း​တူၼ်ႈ​မၢၵ်ႇ​ၸပိတ်ႈ​လၢတ်ႈ​လႄႈ​ဝႃႈ၊ ၵဝ်​တၵ်း​လႆႈ​ၸုၼ်ႉ​ပႅတ်ႈ​ၼမ်ႉ​ၸပိတ်ႈ​ၵဝ် ဢၼ်​ႁႂ်ႈ​ၸႂ်​ၽြႃး ဢိၵ်ႇ​တင်း​ၸႂ်​ၵူၼ်း​သႂၢင်ႇ​သိူဝ်း​ၼၼ်ႉ​သေ​လႄႈ ၵႂႃႇ​ႁူမ်ႇ​ငမ်း​ၵႂႃႇ​ငမ်း​ၶိုၼ်း​ယူႇ ၵႃႈ​ၼိူဝ်​တူၼ်ႈ​မႆႉ​တင်း​လၢႆ​ႁိုဝ်။ ဝႃႈ​ၼင်ႇ​ၼႆ​သေ​ဢေႃႈ။-</verse>
				<verse number="14">မိူဝ်ႈ​ၼၼ်ႉ တူၼ်ႈ​မႆႉ​တင်း​သဵင်ႈ​တင်း​လူင်​ၼၼ်ႉ သမ်ႉ​လဝ်ႊ​လၢတ်ႈ​တီႈ​တူၼ်ႈ​ၼၢမ်​လိၼ်​လႄႈ​ဝႃႈ၊ ၸဝ်ႈ​ႁဝ်း​မႃး​လႄႈ ဢုပ်ႉ​ပိူင်ႇ​ၵႃႈ​ၼိူဝ်​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="15">တူၼ်ႈ​ၼၢမ်​လိၼ်​ၼၼ်ႉ​ၶိုၼ်း​လၢတ်ႈ​တီႈ​တူၼ်ႈ​မႆႉ​ၸိူဝ်း​ၼၼ်ႉ​လႄႈ​ဝႃႈ၊ ပေႃး​သူ​ဢဝ်​ၵဝ်​ၶၢၼ်း​ဝႆႉ ႁႂ်ႈ​လႆႈ​ပဵၼ်​ၶုၼ်​ႁေႃ​ၶမ်း​လႄႈ ပၼ်​ၽိၵ်ႈ​သိၵ်ႈ​ဢမၢၼ်ႇ​ၶၼ်​ပဵၼ်​ၸိုင် ဢွၼ်​ၵၼ်​မႃး​လႄႈ​သွၼ်ႈ​ပိုင်ႈ​ယူႇ​ၵႃႈ​တီႈ​တႂ်ႈ​ႁူမ်ႈ​ၵဝ်​တႃႉ။ ပေႃး​ဢမ်ႇ​ၼၼ် ႁႂ်ႈ​ၽႆး​ဢွၵ်ႇ​ၵႃႈ​ၼႂ်း တူၼ်ႈ​ၼၢမ်​လိၼ်​လႄႈ မႆႈ​တူၼ်ႈ​ ဢႃႇရိတ်ႉလေႇပၼုၼ်ႇ ​တင်း​လၢႆ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မိူဝ်ႈ​လဵဝ်​ၼႆႉ သူ​ဢဝ်​ ဢၽီႉမလႅၵ်ႉ ​ၶၢၼ်း​ဝႆႉ​ၼႂ်း​ဢရႃႇ​ၶုၼ်​ႁေႃ​ၶမ်း​ယဝ်ႉ​လႄႈ သူ​ပႂ်ႉ​သဵတ်ႈ​ၸႃႇ​လႄႈ​ႁဵတ်း​သိုဝ်ႈ​သိုဝ်ႈ​တေႃႇ​တေႃႇ​ႁိုဝ်။ သူ​ႁဵတ်း​လီ​လီ​ငၢမ်း​ငၢမ်း​တီႈ​ ယေႇရုပ်ႉပႃႇလႃႉ ​ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း တွပ်ႇ​တႅၼ်း​ပၼ်​ၵျေး​ၸူး​တီႈ​မၼ်း ၸွမ်း​ၵႃႈ​ၼင်ႇ​ဢၼ်​မၼ်း​ႁဵတ်း​ၵျေး​ၸူး​လႄႈ ထိူၵ်ႈ​ၶၢမ်ႇ​ၼၼ်ႉ​ယဝ်ႉ​ႁိုဝ်။-</verse>
				<verse number="17">ပေႃႈ​ၵဝ်​ၼၼ်ႉ တိုၵ်း​သိုၵ်း​ပုၼ်ႈ​သူ​လႄႈ ဝႆႉ​ၸႂ်​ၸုၼ်ႉ​ဢသၢၵ်ႈ​မၼ်း​သေ​လႄႈ ၵႄႇ​သႄႇ​ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိုဝ်း​မဵဝ်း​ မီႉတျၼ်ႇ ​ယဝ်ႉ။-</verse>
				<verse number="18">သူ​ဢွၼ်​ၵၼ်​လုၵ်ႉ​ယူႇ​ၽၢႆႇ​ၼိုင်ႈ​တင်း​ပီႈ​ၼွင်ႉ​ပေႃႈ​ၵဝ်​ၸိူဝ်း​ၼၼ်ႉ ဝၼ်း​မိူဝ်ႈ​ၼႆႉ​လႄႈ ဢဝ်​လုၵ်ႈ​ၸၢႆး​မၼ်း​ၸဵတ်း​သိပ်း​ၵေႃႉ​ၼၼ်ႉ​တၢႆ​ၵႃႈ​ၼိူဝ် မၢၵ်ႇ​ႁိၼ်​လုၵ်ႈ​လဵဝ်​ၵၼ်​သေ​ယဝ်ႉ၊ ဢဝ်​ ဢၽီႉမလႅၵ်ႉ ဢၼ်​ပဵၼ်​လုၵ်ႈ​ၸၢႆး​မႄႈ​ယိင်း​ၶႃႈ​ၼၼ်ႉ ႁဵတ်း​ၶုၼ်​ႁေႃ​ၶမ်း​ၵႃႈ​ၼိူဝ်​ၵူၼ်း​ဝဵင်း​ သေႇၶိမ်ႇ ​တင်း​လၢႆ ၵွပ်ႈ​ပိူဝ်ႈ​ဢၼ်​မၼ်း​ပဵၼ်​ပီႈ​ၼွင်ႉ​သူ​ၼၼ်ႉ​ယဝ်ႉ​လူင်​ပႄႇ။-</verse>
				<verse number="19">မိူဝ်ႈ​လဵဝ်​ၼႆႉ ပေႃး​သူ​ပႂ်ႉ​သဵတ်ႈ​ၸႃႇ​လႄႈ​ႁဵတ်း​လီ​လီ​ငၢမ်း​ငၢမ်း​တီႈ​ ယေႇရုပ်ႉပႃႇလႃႉ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​ၸိူဝ်း​ၼၼ်ႉ​ဝၼ်း​မိူဝ်ႈ​ၼႆႉ​ယဝ်ႉ​ၸိုင် ဢွၼ်​ၵၼ်​ၸူမ်း​သိူဝ်း​ၼႂ်း​ ဢၽီႉမလႅၵ်ႉ ​ၼၼ်ႉ​တႃႉ။ မၼ်း​ၼၼ်ႉ​ၵေႃႈ ႁႂ်ႈ​ၸူမ်း​သိူဝ်း​ၼႂ်း​သူ​သေ​ၵမ်း​လူၺ်ႈ။-</verse>
				<verse number="20">ပေႃး​ဢမ်ႇ​ၼၼ်​ၸိုင် ႁႂ်ႈ​ၽႆး​ဢွၵ်ႇ​သေ​ၵႃႈ​ၼႂ်း​ ဢၽီႉမလႅၵ်ႉ ​လႄႈ မႆႈ​ၵူၼ်း​ဝဵင်း​ သေႇၶိမ်ႇ ​တင်း​လၢႆ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း မီႉလေႃႇ ​ၼၼ်ႉ​သေ​ၵမ်း​လူၺ်ႈ။ ႁႂ်ႈ​ၽႆး​ဢွၵ်ႇ​သေ​ၵႃႈ​ၼႂ်း​ၵူၼ်း​ဝဵင်း​ သေႇၶိမ်ႇ ​တင်း​လၢႆ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ မီႉလေႃႇ ​ၼၼ်ႉ​လႄႈ မႆႈ​ ဢၽီႉမလႅၵ်ႉ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="21">ယေႃးသမ်ႇ ​ၼၼ်ႉ ၶုၼ်ႇ​လႅၼ်ႈ​လႄႈ​ဢွၵ်ႇ​ပၢႆႈ​ၶၼ်​ၶၼ်​ၽႂ်း​ၽႂ်း​လႄႈ​ၵႂႃႇ​ၸူး​ၵႃႈ​တီႈ​ဝဵင်း​ ပႄႇရႃႉ ​လႄႈ ယူႇ​ၵႃႈ​တီႈ​ၼၼ်ႈ ၵွပ်ႈ​ပိူဝ်ႈ​ဢၼ်​ၵူဝ်​ပီႈ​ၸၢႆး​မၼ်း​ ဢၽီႉမလႅၵ်ႉ ​ၼၼ်ႉ​ဢေႃႈ။</verse>
				<verse number="22">ဢၽီႉမလႅၵ်ႉ ​ၼၼ်ႉ ႁဵတ်း​ၶုၼ်​ၵႃႈ​ၼိူဝ်​မဵဝ်း​ ဢီႉသရေႇလႃႉ သၢမ်​ပီႊ​သေ​ယဝ်ႉ၊-</verse>
				<verse number="23">ၽြႃး​ပဵၼ်​ၸဝ်ႈ ပွႆႇ​ၸႂ်ႉ​ဝီႉၺိၺ်ႇ​ဢၼ်​ႁၢႆႉ​ၸူး​ၵႃႈ​တီႈ​ဝူင်ႈ​ၵၢင်​ ဢၽီႉမလႅၵ်ႉ ​တင်း​ၵူၼ်း​ဝဵင်း​ သေႇၶိမ်ႇ ​ၸိူဝ်း​ၼၼ်ႉ​လႄႈ ၵူၼ်း​ဝဵင်း​ သေႇၶိမ်ႇ ​ၸိူဝ်း​ၼၼ်ႉ ၽိုၼ်ႉ​သဵတ်ႈ​ၸႃႇ​ ဢၽီႉမလႅၵ်ႉ ​ဢေႃႈ။-</verse>
				<verse number="24">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​ဢပႅတ်ႈ​ဢၼ်​ႁဵတ်း​ႁၢႆႉ​ၵျၢမ်း​ၼႃႇ​လူင်​လၢင်​တီႈ​လုၵ်ႈ​ၸၢႆး​ ယေႇရုပ်ႉပႃႇလႃႉ ၸဵတ်း​သိပ်း​ၵေႃႉ​ၼၼ်ႉ တၵ်း​လႆႈ​တူၵ်း​ႁွတ်ႈ​လႄႈ လိူတ်ႈ​ၶဝ်​ၼၼ်ႉ​တၵ်း​လႆႈ​ႁွတ်ႈ​ထိုင်​ၵႃႈ​ၼိူဝ်​ ဢၽီႉမလႅၵ်ႉ ၼွင်ႉ​ၸၢႆး​ၶဝ်​ဢၼ်​ဢဝ်​ၶဝ်​တၢႆ​ၼၼ်ႉ ဢိၵ်ႇ​တင်း​ၵႃႈ​ၼိူဝ်​ၵူၼ်း​ဝဵင်း​ သေႇၶိမ်ႇ ​တင်း​လၢႆ ဢၼ်​ၽွမ်ႉ​ၵၼ်​ၸွႆႈ​ထႅမ်​ႁႅင်း​မိုဝ်း​မၼ်း ႁႂ်ႈ​မၼ်း​လႆႈ​ဢဝ်​ပီႈ​ၸၢႆး​ၼွင်ႉ​ၸၢႆး​မၼ်း​တၢႆ​ၼၼ်ႉ​ၸိုင် ၸင်ႇ​ပဵၼ်​ဢေႃႈ။-</verse>
				<verse number="25">ၵူၼ်း​ သေႇၶိမ်ႇ ​ၸိူဝ်း​ၼၼ်ႉ ဝႆႉ​ၽူႈ​ဝႆႉ​ၵူၼ်း ႁႂ်ႈ​လႆႈ​ပႂ်ႉ​လွမ်​ပႂ်ႉ​ၵျၢမ်ႇ​မၼ်း​ၵႃႈ​ၼိူဝ်​ပၢႆ​လွႆ​ပၢႆ​ၵုင်း​လႄႈ ၶဝ်​ၼၼ်ႉ​ႁိမ်​ဢဝ်​ဢုၵ်ႉ​ၸႃႇ​ၶူဝ်း​လဵင်း​ၵူၼ်း ၵႃႈ​ဢၼ်​ၵႂႃႇ​မႃး​သဵၼ်ႈ​တၢင်း​ၼၼ်ႉ​ဢေႃႈ။ ပိူၼ်ႈ​လဝ်ႊ​လၢတ်ႈ​လွင်ႈ​ၼၼ်ႉ တီႈ​ ဢၽီႉမလႅၵ်ႉ ​ယူႇ​ဢေႃႈ။-</verse>
				<verse number="26">ၵႃႇလႃႉ ဢၼ်​ပဵၼ်​လုၵ်ႈ​ၸၢႆး​ ဢေးပႅတ်ႉ ​ၼၼ်ႉ ပႃး​ဢဝ်​တင်း​ပီႈ​ၼွင်ႉ​မၼ်း​မႃး​လႄႈ ၶဝ်ႈ​ယူႇ​ၽၢႆႇ​ဝဵင်း​ သေႇၶိမ်ႇ ​လႄႈ ၵူၼ်း​ဝဵင်း​ သေႇၶိမ်ႇ ​ၸိူဝ်း​ၼၼ်ႉ ၸႂ်​ပိုင်ႈ​ၸႂ်​ဢိင်​မၼ်း​ဢေႃႈ။-</verse>
				<verse number="27">ၶဝ်​ဢွၵ်ႇ​ၸူး​ၵႃႈ​တီႈ​တူင်ႈ​ႁႆႊ​တူင်ႈ​ၼႃး​ၶဝ်​ယူႇ၊ ၵဵပ်း​ဢဝ်​သိမ်း​ဢဝ်​မၢၵ်ႇ​ၸပိတ်ႈ​ၶဝ်​ယူႇ၊ ဢဝ်​တိၼ်​ယဵပ်ႇ​မၢၵ်ႇ​ၸပိတ်ႈ​ယူႇ၊ ႁဵတ်း​ၶိူင်ႈ​ပုၵ်ႈ​ၸေႃႇ​တၢင်း​ဢၼ်​မူၼ်ႈ​ဢၼ်​ပျေႃႇ​ယူႇ​သေ​လႄႈ ၵႂႃႇ​ၵႃႈ​တီႈ​ၵျွင်း​ၽြႃး​ၶဝ်​လႄႈ ၵိၼ်​ၶူပ်း​ယူႇ၊ သူတ်ႉ​ဢိုၵ်ႉ​ယူႇ​သေ​လႄႈ ဢွၼ်​ၵၼ်​ၵိၼ်ႇ​လႃႇ ဢၽီႉမလႅၵ်ႉ ​ဢေႃႈ။-</verse>
				<verse number="28">ၵႃႇလႃႉ လုၵ်ႈ​ၸၢႆး​ ဢေးပႅတ်ႉ ​ၼၼ်ႉ​လၢတ်ႈ​လႄႈ​ဝႃႈ၊ ဢၽီႉမလႅၵ်ႉ ​ၼၼ်ႉ​ၸမ်ႉ ပဵၼ်​ၽူႈ​လႂ်။ သေႇၶိမ်ႇ ​ၸမ်ႉ ပဵၼ်​ၽူႈ​လႂ်​လႄႈ ႁႂ်ႈ​ႁဝ်း​လႆႈ​ပႂ်ႉ​ဢမူႉ​မၼ်း။ မၼ်း​ပဵၼ်​လုၵ်ႈ​ၸၢႆး​ ယေႇရုပ်ႉပႃႇလႃႉ ​ဢမ်ႇ​ၸႂ်ႈ​ႁိုဝ်။ ၸေႇပူႉလႃႉ ​ၼၼ်ႉ ပဵၼ်​ၵေႃႉ​ဢၼ်​ႁၢပ်ႇ​ဢမူႉ​မၼ်း​ဢမ်ႇ​ၸႂ်ႈ​ႁိုဝ်။ ဢွၼ်​ၵၼ်​ႁၢပ်ႇ​ဢမူႉ​ၵူၼ်း​ ႁႃႇမေႃႇ ဢၼ်​ပဵၼ်​ပေႃႈ​ သေႇၶိမ်ႇ ​ၼၼ်ႉ​ၸိူဝ်း​ၼၼ်ႉ​တႃႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁဝ်း​တၵ်း​လႆႈ​ႁၢပ်ႇ​ဢမူႉ​မၼ်း​ၼၼ်ႉ​ၼင်ႇ​ႁိုဝ်။-</verse>
				<verse number="29">ႁႂ်ႈ​ၵူၼ်း​တင်း​လၢႆ​ၼႆႉ ႁွတ်ႈ​ထိုင်​ၵႃႈ​ၼႂ်း​မိုဝ်း​ၵဝ်​သေ​ၵမ်း​လူၺ်ႈ။ ပေႃး​ပဵၼ်​ၼင်ႇ​ၼၼ်​ၸိုင် ၵဝ်​တၵ်း​ပႄႇ​ ဢၽီႉမလႅၵ်ႉ ​ၼၼ်ႉ​ပႅတ်ႈ​သေ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ သမ်ႉ​လၢတ်ႈ​ၵႂႃႇ​တီႈ​ ဢၽီႉမလႅၵ်ႉ ​လႄႈ​ဝႃႈ၊ ဢဝ်​ႁႂ်ႈ​ပူဝ်ႇ​ပႃႇ​ၵူၼ်း​သိုၵ်း​မႂ်း​ယႂ်ႇ​ၽႄႈ​ၼမ်​ၵိုၼ်း​မႃး​သေ​လႄႈ ဢွၵ်ႇ​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">မိူဝ်ႈ​ဢၼ်​မဵဝ်ႉ​ဢုၵ်ႉ​ ၸေႇပူႉလႃႉ ငိၼ်း​ၵႂၢမ်း​ ၵႃႇလႃႉ လုၵ်ႈ​ၸၢႆး​ ဢေးပႅတ်ႉ ​ၼၼ်ႉ​ၸိုင် တၢင်း​ၸႂ်​မႆႈ​ၶႆႈ​ၸႃႉ​မၼ်း​ဢွၵ်ႇ​လႄႈ​-</verse>
				<verse number="31">မၼ်း​ႁဵတ်း​ပရီႉယႄႇ​ပွႆႇ​ၸႂ်ႉ​ၵူၼ်း​ၵႂႃႇ​ၸူး​ၵႃႈ​တီႈ​ ဢၽီႉမလႅၵ်ႉ ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ တူၺ်း​လူး၊ ၵႃႇလႃႉ ​လုၵ်ႈ​ၸၢႆး​ ဢေးပႅတ်ႉ ဢိၵ်ႇ​တင်း​ပီႈ​ၼွင်ႉ​မၼ်း​တင်း​လၢႆ မႃး​ၵႃႈ​တီႈ​ဝဵင်း​ သေႇၶိမ်ႇ ​လႄႈ ႁဵတ်း​ႁႂ်ႈ​ဝဵင်း​ယူႇ​ၽၢႆႇ​ၼိုင်ႈ​တင်း​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="32">ပိူဝ်ႈ​ၼႆ​လႄႈ ၶိင်ႇ​ၵၢင်​ၶိုၼ်း ၸဝ်ႈ​ႁဝ်း​ဢိၵ်ႇ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​မီး​တီႈ​ၸဝ်ႈ​ႁဝ်း​ၼၼ်ႉ လုၵ်ႉ​လႄႈ​လွမ်​ပႂ်ႉ​ယူႇ​ၵႃႈ​တီႈ​တူင်ႈ​ႁႆႊ​တူင်ႈ​ၼႃး​တဵတ်ႇ​တဵတ်ႇ​သေ​ၵမ်း​တီႈ​ၶႃႈ။-</verse>
				<verse number="33">ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ ၶိင်ႇ​ၵၢင်​ဝၼ်း​ၸႃႉ​ဢွၵ်ႇ​ၼၼ်ႉ လုၵ်ႉ​လႄႈ​တိုၵ်း​တေႃး​ဝဵင်း​သေ​ၵမ်း​တီႈ​ၶႃႈ။ မိူဝ်ႈ​ဢၼ်​မၼ်း ဢိၵ်ႇ​တင်း​ၶဝ်​ၸိူဝ်း​ဢၼ်​မီး​တီႈ​မၼ်း​ၼၼ်ႉ ဢွၼ်​ၵၼ်​ဢွၵ်ႇ​ႁႂ်ႈ​လႆႈ​ႁႄႉ​ၶႅၼ်​တိုၵ်း​တေႃး​ၼၼ်ႉ​ၸိုင်၊ ၸဝ်ႈ​ႁဝ်း​ၶႅၼ်း​တေႃႈ​ႁဵတ်း​ၵႃႈ​ၼင်ႇ​ဢၼ်​သၢင်ႇ​ထုၵ်ႇ​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="34">ဢၽီႉမလႅၵ်ႉ ​ဢိၵ်ႇ​လူၺ်ႈ​ၵၼ်​တင်း​ၵူၼ်း ၵႃႈ​ဢၼ်​မီး​တီႈ​မၼ်း​ၼၼ်ႉ ဢွၼ်​ၵၼ်​လုၵ်ႉ​ၶိင်ႇ​ၵၢင်​ၶိုၼ်း​လႄႈ ၽႄ​ႁဵတ်း​သီႇ​တပ်ႉ​သေ​ယဝ်ႉ၊ လွမ်​ပႂ်ႉ​ဝဵင်း​ သေႇၶိမ်ႇ ​ယူႇ​ဢေႃႈ။-</verse>
				<verse number="35">ၵႃႇလႃႉ လုၵ်ႈ​ၸၢႆး​ ဢေးပႅတ်ႉ ​ဢွၵ်ႇ​လႄႈ​ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ​ဝဵင်း​ဢေႃႈ။ ဢၽီႉမလႅၵ်ႉ ဢိၵ်ႇ​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​မီး​တီႈ​မၼ်း​ၼၼ်ႉ​ၵေႃႈ ဢွၼ်​ၵၼ်​လုၵ်ႉ​ၵႃႈ​တီႈ​ဢၼ်​လွမ်​ပႂ်ႉ​ယူႇ​ၼၼ်ႉ​လႄႈ၊-</verse>
				<verse number="36">ၵႃႇလႃႉ ႁၼ်​ၵူၼ်း​ၸိူဝ်း​ၼၼ်ႉ​သေ​ယဝ်ႉ လၢတ်ႈ​တီႈ​ ၸေႇပူႉလႃႉ ​လႄႈ​ဝႃႈ၊ တူၺ်း​လူး၊ ၵူၼ်း​ၼမ်​ၼႃႇ​လုၵ်ႉ​သေ​ၵႃႈ​ၼိူဝ်​ပၢႆ​လွႆ​ပၢႆ​ၵုင်း​ပုၼ်ႉ​လူင်း​မႃး​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၸေႇပူႉလႃႉ ​ၶိုၼ်း​လၢတ်ႈ​လႄႈ​ဝႃႈ၊ ၸဝ်ႈ​ႁၼ်​ၵွင်ႉ​ငဝ်း​လွႆ​ၼၼ်ႉ​ပဵၼ်​မိူၼ်​ၸိူဝ်ႉ​ၼင်ႇ​ၵူၼ်း​ဝႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ၵႃႇလႃႉ သမ်ႉ​လၢတ်ႈ​လႄႈ​ဝႃႈ၊ တူၺ်း​လူး၊ ၵူၼ်း​ၵမ်ႈ​ၽွင်ႈ​လူင်း​သေ​ၵႃႈ​ၼိူဝ်​သၼ်​လွႆ​ၼၼ်ႉ​မႃး​ဢေႃႈ။ ၵူၼ်း​ၵမ်ႈ​ၽွင်ႈ​ၵေႃႈ​ၸွမ်း​သဵၼ်ႈ​တၢင်း​တူၼ်ႈ​မႆႉ​ၼိမ် ၵူၼ်း​ဢၼ်​ႁဵတ်း​ၽိူဝ်ႉ​ၼၼ်ႉ​မႃး​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="38">ၸေႇပူႉလႃႉ လၢတ်ႈ​တီႈ​မၼ်း​လႄႈ​ဝႃႈ၊ သူပ်း​ၸဝ်ႈ​ဢၼ်​လၢတ်ႈ​လႄႈ​ဝႃႈ၊ ဢၽီႉမလႅၵ်ႉ ပဵၼ်​ၽူႈ​လႂ်​ႁႂ်ႈ​ႁဝ်း​လႆႈ​ႁၢပ်ႇ​ဢမူႉ​မၼ်း၊ ဝႃႈ​ၼင်ႇ​ၼႆ​ၼၼ်ႉ၊ တေႃႈ​လဵဝ်​ၼႆႉ​မီး​ၵႃႈ​လႂ်။ ၵူၼ်း​ၸိူဝ်း​ၼၼ်ႉ​ပဵၼ်​ၵူၼ်း​ဢၼ်​ၸဝ်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​လႄႈ​ယူႇ​ၼၼ်ႉ​ဢမ်ႇ​ၸႂ်ႈ​ႁိုဝ်။ တေႃႈ​လဵဝ်​ၼႆႉ​ဢွၵ်ႇ​လႄႈ​တိုၵ်း​ၵၼ်​တင်း​ၶဝ်​ၼၼ်ႉ​သေ​ၵမ်း​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="39">ၵႃႇလႃႉ ​ၼၼ်ႉ​ဢွၵ်ႇ​ၵႃႈ​တီႈ​ၽၢႆႇ​ၼႃႈ​ၵူၼ်း​ဝဵင်း​ သေႇၶိမ်ႇ ​တင်း​လၢႆ​လႄႈ တိုၵ်း​ၵၼ်​တင်း​ ဢၽီႉမလႅၵ်ႉ ​ဢေႃႈ။-</verse>
				<verse number="40">ဢၽီႉမလႅၵ်ႉ ​လိုပ်ႈ​ၸွမ်း​လမ်း​ၸွမ်း​မၼ်း​လႄႈ မၼ်း​ဢွၵ်ႇ​ပၢႆႈ​ၵႃႈ​တီႈ​ၽၢႆႇ​ၼႃႈ​မၼ်း​ၼၼ်ႉ​သေ​ယဝ်ႉ၊ ၵူၼ်း​ၼမ်​ၼႃႇ​ၼၼ်ႉ ၶၢမ်ႇ​တၢင်း​ဢၼ်​တိူဝ်ႉ​ဢၼ်​မၢတ်ႇ​လႄႈ လူမ်ႉ​တၢႆ​တေႃႇ​ထိုင်​ႁွတ်ႈ​ႁူး​ၽၵ်း​တူ​ဝဵင်း​ဢေႃႈ။-</verse>
				<verse number="41">ဢၽီႉမလႅၵ်ႉ ​ၼၼ်ႉ ယူႇ​ၵႃႈ​တီႈ​ဝဵင်း​ ဢရူႉမႃႇ ​လႄႈ ၸေႇပူႉလႃႉ ​ၼၼ်ႉ ႁေႃႈ​ ၵႃႇလႃႉ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​ဢွၵ်ႇ ႁႂ်ႈ​ဢမ်ႇ​လႆႈ​ယူႇ​ၵႃႈ​ၼႂ်း​ဝဵင်း​ သေႇၶိမ်ႇ ​ဢေႃႈ။-</verse>
				<verse number="42">ဝၼ်း​မိူဝ်ႈ​ၽုၵ်ႈ ၵူၼ်း​တင်း​လၢႆ​ဢွၵ်ႇ​ၸူး​ၵႃႈ​တီႈ​တူင်ႈ​ႁႆႊ​တူင်ႈ​ၼႃး​လႄႈ ပိူၼ်ႈ​လၢတ်ႈ​လွင်ႈ​ၼၼ်ႉ​တီႈ​ ဢၽီႉမလႅၵ်ႉ ​သေ​ယဝ်ႉ​-</verse>
				<verse number="43">မၼ်း​ဢဝ်​ၵူၼ်း​မၼ်း​တင်း​လၢႆ ၽႄ​ႁဵတ်း​သၢမ်​မုၵ်ႉ​သေ​လႄႈ လွမ်​ပႂ်ႉ​ယူႇ​ၵႃႈ​တီႈ​တူင်ႈ​ႁႆႊ​တူင်ႈ​ၼႃး​လႄႈ မိူဝ်ႈ​ဢၼ်​ႁၼ်​ၵူၼ်း​ဝဵင်း​တင်း​လၢႆ​ဢွၵ်ႇ​ၼၼ်ႉ​ၸိုင် လုၵ်ႉ​လႄႈ​တိုၵ်း​တေႃး​ယႃႉ​ပႅတ်ႈ​ၶဝ်​ဢေႃႈ။-</verse>
				<verse number="44">ဢၽီႉမလႅၵ်ႉ ​ဢိၵ်ႇ​လူၺ်ႈ​ၵၼ်​တင်း​ၵူၼ်း​မုၵ်ႉ​ၼိုင်ႈ​ၶုၼ်ႇ​လႅၼ်ႈ​ၶိုၼ်ႈ​ၸူး​လႄႈ ဢွၼ်​ၵၼ်​ၸုၵ်း​ပႂ်ႉ​ယူႇ​ၵႃႈ​တီႈ​ႁူး​ၽၵ်း​တူ​ဝဵင်း​ဢေႃႈ။ ၵူၼ်း​သွင်​မုၵ်ႉ​ၸမ်ႉ ဢွၼ်​ၵၼ်​ၶုၼ်ႇ​လႅၼ်ႈ​ၸူး​ၵႃႈ​တီႈ​ၵူၼ်း​ဢၼ်​မီး​ၵႃႈ​ၼႂ်း​တူင်ႈ​ႁႆႊ​တူင်ႈ​ၼႃး​ၸိူဝ်း​ၼၼ်ႉ​လႄႈ ဢဝ်​တၢႆ​ဢေႃႈ။-</verse>
				<verse number="45">ဢၽီႉမလႅၵ်ႉ ​တိုၵ်း​တေႃး​ဝဵင်း​ၼၼ်ႉ​တင်း​ဝၼ်း​လႄႈ လႆႈ​ဝဵင်း​သေ​ယဝ်ႉ ဢဝ်​ၵူၼ်း​ဢၼ်​ထူပ်း​ၵႃႈ​ၼႂ်း​ဝဵင်း​ၼၼ်ႉ​ၸိူဝ်း​ၼၼ်ႉ​တၢႆ​လႄႈ ၵိူၼ်ႇ​ယႃႉ​လမ်း​ဝဵင်း​ပႅတ်ႈ​သေ​လႄႈ ဢဝ်​ၵိူဝ်​ၸၢတ်ႇ​ပိုၼ်​ၵႃႈ​တီႈ​ဝဵင်း​ၼၼ်ႉ​ဢေႃႈ။</verse>
				<verse number="46">မိူဝ်ႈ​ဢၼ်​ၵူၼ်း​ၼႂ်း​တိူၵ်ႈ​တီႈ​တိုၵ်း​သိုၵ်း​ သေႇၶိမ်ႇ ​တင်း​သဵင်ႈ​တင်း​လူင် ငိၼ်း​လွင်ႈ​ၼၼ်ႉ​ၸိုင်၊ ၶဝ်​ၸူႉ​ၵၼ်​တုမ်​ၵၼ်​ၵႃႈ​ၼႂ်း​လုၵ်း​ဢၼ်​မၼ်ႈ​ၶိူင်ႇ ၵႃႈ​တီႈ​ၵျွင်း​ၽြႃး​ ပေႇရိတ်ႉ ​ဢေႃႈ။-</verse>
				<verse number="47">မိူဝ်ႈ​ဢၼ်​ပိူၼ်ႈ​လၢတ်ႈ​လွင်ႈ​ဢၼ်​ၵူၼ်း​ၼႂ်း​တိူၵ်ႈ​တီႈ​တိုၵ်း​သိုၵ်း​ သေႇၶိမ်ႇ ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​ၼၼ်ႉ​တီႈ​ ဢၽီႉမလႅၵ်ႉ ​ၼၼ်ႉ​ၸိုင်၊-</verse>
				<verse number="48">ၸႃႉ​ၸဵမ်​တူဝ်​ ဢၽီႉမလႅၵ်ႉ ​လႄႈ​ၶဝ်​ၸိူဝ်း​ဢၼ်​မီး​တီႈ​မၼ်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ၶိုၼ်ႈ​ၸူး​ၵႃႈ​တီႈ​လွႆ ၸႃႇလမုၼ်ႇ ​သေ​လႄႈ၊ ဢၽီႉမလႅၵ်ႉ ​ဢဝ်​တႃ​မၢတ်ႇ တႅပ်း​ၽၼ်း​ၵိင်ႇ​မႆႉ​လႄႈ ႁၢပ်ႇ​တၢင်ႇ​ၵႃႈ​ၼိူဝ်​ႁူဝ်​မႃႇ​မၼ်း​သေ​ယဝ်ႉ၊ လၢတ်ႈ​တီႈ​ၶဝ်​ၸိူဝ်း​ဢၼ်​မီး​တီႈ​မၼ်း​ၼၼ်ႉ​လႄႈ​ဝႃႈ၊ ၵႃႈ​ၼင်ႇ​ဢၼ်​သူ​ႁၼ်​ၵဝ်​ႁဵတ်း​ၼႆႉ သူ​ဢွၼ်​ၵၼ်​ႁဵတ်း​ၸွမ်း​ၶၼ်​ၶၼ်​ၽႂ်း​ၽႂ်း​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="49">ၵူၼ်း​မၼ်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​တႅပ်း​ၽၼ်း​ၵိင်ႇ​မႆႉ​ႁင်း​ၽႂ်​ႁင်း​မၼ်း​မိူၼ်​ၸိူဝ်ႉ​ၼင်ႇ​ၼၼ်​လႄႈ ၸွမ်း​လင် ဢၽီႉမလႅၵ်ႉ ​ၵႂႃႇ​သေ​လႄႈ ဢဝ်​သႂ်ႇ​ၵႃႈ​တီႈ​လုၵ်း​ဢၼ်​မၼ်ႈ​ၶိူင်ႇ​ၼၼ်ႉ​လႄႈ ဢဝ်​ၽႆး​တုတ်ႇ​လုၵ်း​ဢၼ်​မၼ်ႈ​ၶိူင်ႇ​ၼၼ်ႉ​ပႃး​လူၺ်ႈ​ၵၼ်​တင်း​ၶဝ်​ဢေႃႈ။ ၼင်ႇ​ၼၼ်​လႄႈ ၵူၼ်း​ၼႂ်း​တိူၵ်ႈ​တီႈ​တိုၵ်း​သိုၵ်း​ သေႇၶိမ်ႇ တင်း​သဵင်ႈ​တင်း​လူင်​ၼၼ်ႉ ၵူၼ်း​ၸၢႆး​ၵူၼ်း​ယိင်း​တၢႆ​သေ​ႁဵင်​ၼိုင်ႈ​ၸမ်​ၸမ်​ဢေႃႈ။-</verse>
				<verse number="50">လိုၼ်း​ၼၼ်ႉ​ ဢၽီႉမလႅၵ်ႉ ​ၼၼ်ႉ ၵႂႃႇ​ၸူး​ၵႃႈ​တီႈ​ဝဵင်း​ ထေႇပႅတ်ႉ ​လႄႈ ၶျႃး​တပ်ႉ​ယူႇ​ၽၢႆႇ​ၼိုင်ႈ​တင်း ဝဵင်း​ ထေႇပႅတ်ႉ ​ၼၼ်ႉ​သေ​လႄႈ တိုၵ်း​ဢဝ်​ဢေႃႈ။-</verse>
				<verse number="51">ၵူၺ်း​ၵႃႈ ၵႃႈ​ၼႂ်း​ဝဵင်း​ၼၼ်ႉ​မီး​တိူၵ်ႈ​တီႈ​တိုၵ်း​သိုၵ်း​ဢၼ်​မၼ်ႈ​ၶိူင်ႇ​ဢၼ်​ၼိုင်ႈ​လႄႈ ၽူႈ​ယိင်း​ၽူႈ​ၸၢႆး​ၵူၼ်း​ဝဵင်း​ၵႃႈ​မီး​ၼၼ်ႉ ဢွၼ်​ၵၼ်​ပၢႆႈ​ၶဝ်ႈ​ၵႃႈ​ၼႂ်း​တိူၵ်ႈ​တီႈ​တိုၵ်း​သိုၵ်း​ၼၼ်ႉ​သေ​ယဝ်ႉ ဢိုတ်း​ၽၵ်း​တူ​ဝႆႉ​သေ​လႄႈ ဢွၼ်​ၵၼ်​ၶိုၼ်ႈ​ယူႇ​ၵႃႈ​ၼိူဝ်​မုင်း​တိူၵ်ႈ​တီႈ​တိုၵ်း​သိုၵ်း​ၼၼ်ႉ​ဢေႃႈ။-</verse>
				<verse number="52">ဢၽီႉမလႅၵ်ႉ ​ၼၼ်ႉ မႃး​ၸူး​ၵႃႈ​တီႈ​တိူၵ်ႈ​တီႈ​တိုၵ်း​သိုၵ်း​ၼၼ်ႉ​လႄႈ တိုၵ်း​တေႃး​ယူႇ​သေ​လႄႈ မိူဝ်ႈ​ဢၼ်​မၼ်း​သုတ်ႉ​ၸပ်း​သုတ်ႉ​ၸူး ၵႃႈ​တီႈ​ႁူး​ၽၵ်း​တူ​တိူၵ်ႈ​တီႈ​တိုၵ်း​သိုၵ်း​ၼၼ်ႉ ႁႂ်ႈ​လႆႈ​ဢဝ်​ၽႆး​တုတ်ႇ​ၼၼ်ႉ​ၸိုင်၊-</verse>
				<verse number="53">မႄႈ​ယိင်း​ၵေႃႉ​ၼိုင်ႈ ဢဝ်​ၽၢၵ်ႇ​မၢၵ်ႇ​ႁိၼ်​လူၺ်​ၽၢၵ်ႇ​ၼိုင်ႈ ထိမ်ႈ​တူၵ်း​သႂ်ႇ​ၵႃႈ​ၼိူဝ်​ႁူဝ် ဢၽီႉမလႅၵ်ႉ ​လႄႈ လုပ်ႇ​ၵွၵ်း​ႁူဝ်​မၼ်း​တႅၵ်ႇ​လႅဝ်​ၵႂႃႇ​ဢေႃႈ။-</verse>
				<verse number="54">မၼ်း​ႁွင်ႉ​ဢဝ်​ၵူၼ်း​ဢွၼ်ႇ​ဢၼ်​ယိပ်း​လၢၵ်ႈ​ၼၢၵ်ႈ​မၼ်း​ၼၼ်ႉ​ၶၼ်​ၶၼ်​ၽႂ်း​ၽႂ်း​လႄႈ​လၢတ်ႈ​ဝႃႈ၊ ၼင်ႇ​ႁိုဝ်​ၵူၼ်း​တင်း​လၢႆ တၵ်း​ဢမ်ႇ​မီး​တီႈ​လၢတ်ႈ​လႄႈ​ဝႃႈ၊ မႄႈ​ယိင်း​ဢဝ်​မၼ်း​တၢႆ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင် ထွတ်ႇ​ဢဝ်​လၢပ်ႇ​မႂ်း​ဢွၵ်ႇ​သေ​လႄႈ ဢဝ်​ၵဝ်​တၢႆ​တႃႉ၊ ဝႃႈ​ၼင်ႇ​ၼႆ​လႄႈ ၵူၼ်း​ဢွၼ်ႇ​မၼ်း​ၼၼ်ႉ​တႅင်း​သႂ်ႇ​မၼ်း​လႄႈ မၼ်း​တၢႆ​ဢေႃႈ။-</verse>
				<verse number="55">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁူႉ​ႁၼ်​လွင်ႈ​ဢၼ်​ ဢၽီႉမလႅၵ်ႉ ​တၢႆ​ၼၼ်ႉ​သေ​ယဝ်ႉ ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ဢၼ်​ၶဝ်​ယူႇ​ၼၼ်ႉ​ႁင်း​ၽႂ်​ႁင်း​မၼ်း​သေ​ဢေႃႈ။-</verse>
				<verse number="56">ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​တွပ်ႇ​တႅၼ်း​ပၼ်​တူႉ​ၸရိူၵ်ႈ​ဢပႅတ်ႈ ဢၼ်​ ဢၽီႉမလႅၵ်ႉ ႁဵတ်း​မႅၼ်ႈ​တီႈ​ပေႃႈ​မၼ်း​လႄႈ ဢဝ်​ပီႈ​မၼ်း​ၼွင်ႉ​မၼ်း​ၸဵတ်း​သိပ်း​ၵေႃႉ တၢႆ​ၼၼ်ႉ​ဢေႃႈ။-</verse>
				<verse number="57">တူႉ​ၸရိူၵ်ႈ​ဢပႅတ်ႈ​ၵႃႈ​ဢၼ် ၵူၼ်း​ဝဵင်း​ သေႇၶိမ်ႇ ​ၸိူဝ်း​ၼၼ်ႉ​ႁဵတ်း​ၼၼ်ႉ​ၵေႃႈ ၽြႃး​ပဵၼ်​ၸဝ်ႈ ႁႂ်ႈ​တူၵ်း​ႁွတ်ႈ​ၵႃႈ​ၼိူဝ်​ႁူဝ်​ၶဝ်​သေ​ယဝ်ႉ၊ ၶဝ်​လႆႈ​ၶၢမ်ႇ​မႅၼ်ႈ​ၸွမ်း​ၵႃႈ​ၼင်ႇ​ၵႂၢမ်း​ဢၼ်​ ယေႃးသမ်ႇ လုၵ်ႈ​ၸၢႆး​ ယေႇရုပ်ႉပႃႇလႃႉ ၵိၼ်ႇ​ဝႃႈ​ၼၼ်ႉ​ဢေႃႈ။</verse>
			</chapter>
			<chapter number="10">
				<verse number="1">လိုၼ်း​သေ​ ဢၽီႉမလႅၵ်ႉ ​ၼၼ်ႉ၊ တေႃးလႃႉ ​လုၵ်ႈ​ၸၢႆး​ ၽူႉဝႃႇ လုၵ်ႈ​ၸၢႆး​ တေႃးတေႃး ၵူၼ်း​မဵဝ်း​ ဢီႉသၶႃႇ ​ၼၼ်ႉ ပေႃႇ​မႃး​ႁႂ်ႈ​လႆႈ​ၵႄႇ​သႄႇ​ၶျွတ်ႈ​ဢဝ်​မဵဝ်း​ ဢီႉသရေႇလႃႉ ​လႄႈ ယူႇ​ၵႃႈ​တီႈ​ဝဵင်း​ သမီႉရႃႉ ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​ၼၼ်ႉ​ဢေႃႈ။-</verse>
				<verse number="2">ၵေႃႉ​ၼၼ်ႉ​ၸီႇ​ယၢင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ ​သၢဝ်း​ပၢႆ​သၢမ်​ပီႊ​သေ​ယဝ်ႉ တၢႆ​လႄႈ​သၢင်း​ၵျူဝ်ႇ​ၵႃႈ​တီႈ ဝဵင်း​ သမီႉရႃႉ ​ဢေႃႈ။</verse>
				<verse number="3">လိုၼ်း​သေ​မၼ်း​ၼၼ်ႉ ယႃႇဢီႉရႃႉ ၵူၼ်း​မိူင်း​ ၵီႉလတ်ႉ ​ပေႃႇ​မႃး​လႄႈ ၸီႇ​ယၢင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ ​သၢဝ်း​ပၢႆ​သွင်​ပီႊ​တဵမ်​တဵမ်​ဢေႃႈ။-</verse>
				<verse number="4">ၶုၼ်​ၼၼ်ႉ​မီး​လုၵ်ႈ​ၸၢႆး​သၢမ်​သိပ်း​ၵေႃႉ​ဢၼ်​ၶီႇ​လီႈ​ဢွၼ်ႇ​သၢမ်​သိပ်း​တူဝ်​ယူႇ​သေ​လႄႈ ၵိၼ်​ဝဵင်း​သၢမ်​သိပ်း​ဝဵင်း ဢၼ်​ႁွင်ႉ​ႁဵၵ်ႈ​ၸိုဝ်ႈ ႁႃႇဝုတ်ႉ​ယႃႇဢီႉရႃႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​လႄႈ မီး​ၵႃႈ​ၼႂ်း​မိူင်း​ ၵီႉလတ်ႉ ​ၼၼ်ႉ​ဢေႃႈ။-</verse>
				<verse number="5">ယႃႇဢီႉရႃႉ ​ၼၼ်ႉ​တၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​တီႈ​ဝဵင်း​ ၵႃႇမုၼ်ႇ ​ဢေႃႈ။</verse>
				<verse number="6">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သမ်ႉ ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ႁဵတ်း​ဝၢတ်ႈ​တီႈ​ၽြႃး ပႃႇလႃႉ ၊ ၽြႃး​ ဢႃႇသတႃႇရုတ်ႉ ၊ ၽြႃး​မိူင်း​ သူႉရီႉ ၊ ၽြႃး​မိူင်း​ ၸီႉတုၼ်ႇ ၊ ၽြႃး​မိူင်း​ မေႃႇၽႃႉ ၊ ၽြႃး​ၵူၼ်း​မဵဝ်း​ ဢမ်ႇမုၼ်ႇ ၊ ၽြႃး​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ယူႇ​သေ​လႄႈ ၸုၼ်ႉ​ပႅတ်ႈ​ထႃႇဝရႃႉ​ၽြႃး​လႄႈ ဢမ်ႇ​ႁဵတ်း​ဝၢတ်ႈ​တီႈ​မၼ်း​ၸဝ်ႈ။-</verse>
				<verse number="7">တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​တီႈ​မဵဝ်း​ ဢီႉသရေႇလႃႉ ​လႄႈ မၼ်း​ၸဝ်ႈ​ဢဝ်​ၶဝ်​ၶၢႆ​ပၼ်​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ဢိၵ်ႇ​တင်း​ၵႃႈ​ၼႂ်း​မိုဝ်း​ၵူၼ်း​ ဢမ်ႇမုၼ်ႇ ​တင်း​လၢႆ​သေ​ယဝ်ႉ၊-</verse>
				<verse number="8">ၶဝ်​ၼၼ်ႉ​ယႃႉ​ယူၵ်ႉ​ၼိၵ်ႈ​ၸၢၵ်ႈ​ငႅၼ်း​သႄး ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၼႂ်း​ပီႊ​ၼၼ်ႉ​ၵမ်း​လဵဝ်​လႄႈ သိပ်း​ပႅတ်ႇ​ပီႊ​တဵမ်​တဵမ် ၶဝ်​ၼိၵ်ႈ​ၸၢၵ်ႈ​ငႅၼ်း​သႄး ၵူၼ်း​မဵဝ်း​ ဢီႉသရေႇလႃႉ ၵႃႈ​ဢၼ်​ယူႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ၵႃႈ​ၼႂ်း​မိူင်း​တီႈ​ဢၼ်​ၵူၼ်း​ ဢႃႇမေႃးရီႉ ​တင်း​လၢႆ​ယူႇ​ၼၼ်ႉ ဢၼ်​ပဵၼ်​မိူင်း​ ၵီႉလတ်ႉ ​ၼၼ်ႉ​ဢေႃႈ။-</verse>
				<verse number="9">ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ​ၼၼ်ႉ​ၵေႃႈ ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ႁႂ်ႈ​လႆႈ​တိုၵ်း​တေႃး​ၵူၼ်း​မဵဝ်း​ ယူႉတႃႉ ၊ ၵူၼ်း​မဵဝ်း​ ပိၼ်ႇယႃႇမိၼ်ႇ ၊ ၵူၼ်း​မဵဝ်း​ ဢေႇၽရိမ်ႇ ​ၼၼ်ႉ​ဢေႃႈ။ ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁွတ်ႈ​ထိုင်​တၢင်း​ဢၼ်​တုၵ်ႉ​ၶႃႉ​တၢင်း​ၽၢၼ်​ယႂ်ႇ​ၼႃႇ​လူင်​လၢင်​ဢေႃႈ။-</verse>
				<verse number="10">မိူဝ်ႈ​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ၽိတ်း​ပိူင်ႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ။ ၸုၼ်ႉ​ပႅတ်ႈ​ၽြႃး​ပဵၼ်​ၸဝ်ႈ​ႁဝ်း​ၶႃႈ​ၸိူဝ်း​ၼႆႉ​သေ​လႄႈ ဢွၼ်​ၵၼ်​ႁဵတ်း​ဝၢတ်ႈ​တီႈ​ၽြႃး ပႃႇလႃႉ ​တင်း​လၢႆ မႅၼ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၵဝ်​ၵႄႇ​သႄႇ​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိုဝ်း​ၵူၼ်း​ ဢေႇၵိပ်ႉတူႉ ၊ ၵူၼ်း​ ဢႃႇမေႃးရီႉ ၊ ၵူၼ်း​မဵဝ်း​ ဢမ်ႇမုၼ်ႇ ၊ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​မႃး​ယဝ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="12">မိူဝ်ႈ​ဢၼ်​ၵူၼ်း​ ၸီႉတုၼ်ႇ ၊ ၵူၼ်း​ ဢႃႇမလႅၵ်ႉ ၊ ၵူၼ်း​ မေႃးၼီႉ ​ၸိူဝ်း​ၼၼ်ႉ ၼိၵ်ႈ​ၸၢၵ်ႈ​ငႅၼ်း​သႄး​သူ​ၼၼ်ႉ​ၵေႃႈ၊ သူ​ႁွင်ႉ​သႅၼ်ႇ​တီႈ​ၵဝ်​လႄႈ ၵဝ်​ၵႄႇ​သႄႇ​ၼုၵ်ႈ​ဢဝ်​သူ​ဢွၵ်ႇ​သေ ၵႃႈ​ၼႂ်း​မိုဝ်း​ၶဝ်​ၼၼ်ႉ​ဢေႃႈ။-</verse>
				<verse number="13">ၵူၺ်း​ၵႃႈ ၵွပ်ႈ​ပိူဝ်ႈ​ဢၼ်​သူ​ၸုၼ်ႉ​ပႅတ်ႈ​ၵဝ်​လႄႈ ႁဵတ်း​ဝၢတ်ႈ​တီႈ​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ​လႄႈ ၵမ်း​လိုၼ်း​ၵဝ်​ဢမ်ႇ​ၵႄႇ​သႄႇ​ၼုၵ်ႈ​ဢဝ်​သူ။-</verse>
				<verse number="14">ၵႂႃႇ​လႄႈ​ဢွၼ်​ၵၼ်​ႁွင်ႉ​သႅၼ်ႇ​တီႈ​ၽြႃး​ဢၼ်​သူ​လိူၵ်ႈ​ၵဵပ်း​ဢဝ်​ၸိူဝ်း​ၼၼ်ႉ​တႃႉ။ ႁႂ်ႈ​ၶဝ်​ၼၼ်ႉ​ၵႄႇ​သႄႇ​ၼုၵ်ႈ​ဢဝ်​သူ ၼႂ်း​ၶိင်ႇ​ၵႃႇလႃႉ​ဢၼ်​ဢမူႉ​ႁွတ်ႈ​ထိုင်​ယူႇ​ၼႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵေႃႈ လဝ်ႊ​ယွၼ်း​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ၽိတ်း​ပိူင်ႈ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ၶႅၼ်း​တေႃႈ​ႁဵတ်း​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ၸွမ်း​ၵႃႈ​ၼင်ႇ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ၊ လွင်ႈ​ၼင်ႇ​ႁိုဝ် ၸဝ်ႈ​ႁဝ်း​တၵ်း​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼႂ်း​ဝၼ်း​မိူဝ်ႈ​ၼႆႉ​ၼၼ်ႉ​ၵူၺ်း​ၸိုင် ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တွင်း​ပၢၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="16">ဢွၼ်​ၵၼ်​ပႄႇ​ပႅတ်ႈ​ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ​သေ​လႄႈ ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​ဢေႃႈ။ မိူဝ်ႈ​ၼၼ်ႉ ထႃႇဝရႃႉ​ၽြႃး​ၼႅင်​ၸႂ် ၵွပ်ႈ​ပိူဝ်ႈ​တုၵ်ႉ​ၶႃႉ​တၢင်း​ၽၢၼ် ဢၼ်​မဵဝ်း​ ဢီႉသရေႇလႃႉ ​လႆႈ​ၶၢမ်ႇ​ၼၼ်ႉ​ဢေႃႈ။-</verse>
				<verse number="17">ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ​ၼၼ်ႉ ၸူႉ​ၵၼ်​တုမ်​ၵၼ်​လႄႈ ၶျႃး​တပ်ႉ​ၶဝ်​ၵႃႈ​တီႈ​မိူင်း​ ၵီႉလတ်ႉ ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ၸူႉ​ၵၼ်​တုမ်​ၵၼ်​လႄႈ​ၶျႃး​တပ်ႉ​ၶဝ် ၵႃႈ​တီႈ​ဝဵင်း​ မီႉၸပႃႇ ​ဢေႃႈ။-</verse>
				<verse number="18">ၵူၼ်း​တင်း​လၢႆ​ဢၼ်​ဝႃႈ ၶုၼ်​မိူင်း​ ၵီႉလတ်ႉ ​ၸိူဝ်း​ၼၼ်ႉ တိူင်ႇ​ပၢင်ႇ​လၢတ်ႈ​ၸႃ​ၵၼ်​လႄႈ​ဝႃႈ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၸႃႉ​တိုၵ်း​တေႃး​ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ​ဢွၼ်​တၢင်း​ပိူၼ်ႈ​ၼၼ်ႉ၊ ႁႂ်ႈ​ၵေႃႉ​ၼၼ်ႉ​ပဵၼ်​ၸိၵ်း​ပဵၼ်​ၸွမ် ၵူၼ်း​ဝၢၼ်ႈ​ၵူၼ်း​မိူင်း​ ၵီႉလတ်ႉ တင်း​သဵင်ႈ​တင်း​လူင်​သေ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="11">
				<verse number="1">ယေႇၽသႃႉ ၵူၼ်း​မဵဝ်း​ ၵီႉလတ်ႉ ​ၼၼ်ႉ ပဵၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​လူင်​လၢင်​ဢေႃႈ။ မၼ်း​ၼၼ်ႉ​ပဵၼ်​လုၵ်ႈ​ၸၢႆး​မႄႈ​မွၵ်ႇ​ယႃႈ​လႄႈ ပေႃႈ​မၼ်း​ၸမ်ႉ၊ ပဵၼ်​ ၵီႉလတ်ႉ ​ဢေႃႈ။-</verse>
				<verse number="2">မေး​ ၵီႉလတ်ႉ ​ၼၼ်ႉ ၵိူတ်ႇ​လဵင်ႉ​လုၵ်ႈ​ၸၢႆး​တင်း​လၢႆ​မႃး​တီႈ​မၼ်း​လႄႈ မိူဝ်ႈ​ဢၼ်​လုၵ်ႈ​ၸၢႆး​မေး​မၼ်း​ၸိူဝ်း​ၼၼ်ႉ ယႂ်ႇ​မႃး​ၼၼ်ႉ​ၸိုင်၊ ၶဝ်​ၼၼ်ႉ​ဢွၼ်​ၵၼ်​ႁေႃႈ​ ယေႇၽသႃႉ ​ဢွၵ်ႇ​ပႅတ်ႈ​သေ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​ပဵၼ်​လုၵ်ႈ​ၸၢႆး​မႄႈ​ယိင်း​တၢင်ႇ​တီႈ​တၢင်ႇ​လႅၼ်​လႄႈ မႂ်း​ဢမ်ႇ​လႆႈ​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ယေႇၽသႃႉ ​ဢွၵ်ႇ​ပၢႆႈ​သေ​ၵႃႈ​တီႈ​ပီႈ​ၼွင်ႉ​မၼ်း​ၸိူဝ်း​ၼၼ်ႉ​ၵႂႃႇ​လႄႈ ယူႇ​ၵႃႈ​တီႈ​မိူင်း​ တေႃႇၽႃႉ ​သေ​ယဝ်ႉ၊ ၶဝ်​ၸိူဝ်း​ဢၼ်​လႄႇ​လၢဝ်း​မဝ်​မၢင်​ၼၼ်ႉ ၸူႉ​ၵၼ်​တုမ်​ၵၼ်​တီႈ​မၼ်း​လႄႈ ၸွမ်း​လင်​မၼ်း​ယူႇ​ဢေႃႈ။-</verse>
				<verse number="4">လိုၼ်း​ၼၼ်ႉ ႁိုင်​တၢၼ်ႇ​တၢၼ်ႇ ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ တိုၵ်း​တေႃး​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="5">ၼင်ႇ​ၼၼ်​လႄႈ မိူဝ်ႈ​ဢၼ်​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​တိုၵ်း​တေႃး​မဵဝ်း​ ဢီႉသရေႇလႃႉ ​ၼၼ်ႉ​ၸိုင်၊ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵူၼ်း​မိူင်း​ ၵီႉလတ်ႉ ​ၸိူဝ်း​ၼၼ်ႉ ဢွၼ်​ၵၼ်​ၵႂႃႇ​ႁႂ်ႈ​လႆႈ​ႁွင်ႉ​ဢဝ်​ ယေႇၽသႃႉ သေ​ၵႃႈ​ၼႂ်း​မိူင်း​ တေႃႇၽႃႉ ​ၼၼ်ႉ​လႄႈ​-</verse>
				<verse number="6">လၢတ်ႈ​တီႈ​ ယေႇၽသႃႉ ​လႄႈ​ဝႃႈ၊ မႃး​လႄႈ​ႁဵတ်း​ၶုၼ်​ပူဝ်ႇ​ၶျုၵ်ႈ​ႁဝ်း ႁႂ်ႈ​ႁဝ်း​လႆႈ​တိုၵ်း​ၵၼ်​တင်း​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="7">ယေႇၽသႃႉ ​လၢတ်ႈ​တီႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵူၼ်း​မိူင်း​ ၵီႉလတ်ႉ ​ၸိူဝ်း​ၼၼ်ႉ​လႄႈ​ဝႃႈ၊ သူ​ၸင်း​ၵဝ်​လႄႈ​ႁေႃႈ​ၵဝ်​ဢွၵ်ႇ​သေ​ၵႃႈ​ၼႂ်း​ႁိူၼ်း​ပေႃႈ​ၵဝ်​မႃး​ယဝ်ႉ​ဢမ်ႇ​ၸႂ်ႈ​ႁိုဝ်။ တေႃႈ​လဵဝ်​ၼႆႉ မိူဝ်ႈ​ဢၼ်​သူ​ႁွတ်ႈ​ထိုင်​တုၵ်ႉ​ၶႃႉ​တၢင်း​ၽၢၼ်​ၸိုင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​မႃး​ၵႃႈ​တီႈ​ၵဝ်​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵူၼ်း​မိူင်း​ ၵီႉလတ်ႉ ​ၸိူဝ်း​ၼၼ်ႉ​ၶိုၼ်း​တွင်း​ပၢၼ်ႇ​တီႈ​ ယေႇၽသႃႉ ​လႄႈ​ဝႃႈ၊ ပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​လႄႈ မိူဝ်ႈ​လဵဝ်​ၼႆႉ​ႁဝ်း​သမ်ႉ​မႃး​တီႈ​ၸဝ်ႈ ႁႂ်ႈ​ၸဝ်ႈ​လႆႈ​ၵႂႃႇ​လူၺ်ႈ​ၵၼ်​တင်း​ႁဝ်း​လႄႈ တိုၵ်း​ၵၼ်​တင်း​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​သေ​ယဝ်ႉ ပဵၼ်​ၸိၵ်း​ပဵၼ်​ၸွမ်​ၵူၼ်း​ဝၢၼ်ႈ​ၵူၼ်း​မိူင်း​ ၵီႉလတ်ႉ ​တင်း​လၢႆ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">ယေႇၽသႃႉ ​ထၢမ်​တီႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵူၼ်း​မိူင်း​ ၵီႉလတ်ႉ ​ၸိူဝ်း​ၼၼ်ႉ​လႄႈ​ဝႃႈ၊ ပေႃး​သူ​သမ်ႉ​ၶိုၼ်း​ဢဝ်​ၵဝ်​မိူဝ်း​ႁႂ်ႈ​လႆႈ​တိုၵ်း​ၵၼ်​တင်း​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​လႄႈ ထႃႇဝရႃႉ​ၽြႃး​ဢဝ်​ၶဝ်​ဢၢပ်ႈ​ပၼ်​ၵႃႈ​တီႈ​ၽၢႆႇ​ၼႃႈ​ၵဝ်​ၸိုင် ၵဝ်​တၵ်း​လႆႈ​ပဵၼ်​ၸိၵ်း​ပဵၼ်​ၸွမ်​သူ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵူၼ်း​မိူင်း​ ၵီႉလတ်ႉ ​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​လၢတ်ႈ​တီႈ​ ယေႇၽသႃႉ ​လႄႈ​ဝႃႈ၊ ပေႃး​ႁဝ်း​ဢမ်ႇ​ႁဵတ်း​ၸွမ်း​ၵႃႈ​ၼင်ႇ​ၵႂၢမ်း​ဢၼ်​ၸဝ်ႈ​လၢတ်ႈ​ၼၼ်ႉ​ၸိုင် ႁႂ်ႈ​ထႃႇဝရႃႉ​ၽြႃး ပဵၼ်​သၢၵ်ႈ​သေႇ​ၵႃႈ​တီႈ​ဝူင်ႈ​ၵၢင်​ၸဝ်ႈ​တင်း​ႁဝ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ယေႇၽသႃႉ ၵႂႃႇ​လူၺ်ႈ​ၵၼ်​တင်း ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵူၼ်း​မိူင်း​ ၵီႉလတ်ႉ ​ၸိူဝ်း​ၼၼ်ႉ​လႄႈ ၵူၼ်း​တင်း​လၢႆ ဢဝ်​မၼ်း​ၶၢၼ်း​ဝႆႉ​ၼႂ်း​ဢရႃႇ​ၸိၵ်း​ၸွမ်​ၶုၼ်​ပူဝ်ႇ​ၶျုၵ်ႈ​ဢေႃႈ။ ယေႇၽသႃႉ ​ၵေႃႈ ဢဝ်​ၵႂၢမ်း​မၼ်း​ၵူႈ​ၸိူဝ်ႉ​ၵူႈ​ပိူင်​ၶိုၼ်း​လဝ်ႊ​ၶိုၼ်း​လၢတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ မီႉၸပႃႇ ​ဢေႃႈ။-</verse>
				<verse number="12">လိုၼ်း​ၼၼ်ႉ ယေႇၽသႃႉ ပွႆႇ​ၸႂ်ႉ​သၢၼ်ႇတမၢၼ်ႇ​တင်း​လၢႆ​ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​မဵဝ်း​ ဢမ်ႇမုၼ်ႇ ​လႄႈ တွင်ႈ​ထၢမ်​လႄႈ​ဝႃႈ၊ ၸဝ်ႈ​မႃး​တီႈ​ၵဝ် ႁႂ်ႈ​လႆႈ​တိုၵ်း​တေႃး​ဝၢၼ်ႈ​မိူင်း​ၵဝ်​လႄႈ ၸဝ်ႈ​ၸၢပ်ႈ​သႅင်ႇ​ၵၼ်​တင်း​ၵဝ်​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">ၶုၼ်​ႁေႃ​ၶမ်း​မဵဝ်း​ ဢမ်ႇမုၼ်ႇ ​ၶိုၼ်း​လၢတ်ႈ​တီႈ​သၢၼ်ႇတမၢၼ်ႇ​ ယေႇၽသႃႉ ​ၸိူဝ်း​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မဵဝ်း​ ဢီႉသရေႇလႃႉ ႁိမ်​ဢဝ်​လိၼ်​ၵဝ် ၸႃႉ​ၸဵမ်​ၼမ်ႉ​ႁွင်ႈ​ ဢႃႇၼုၼ်ႇ ​တေႃႇ​ထိုင်​ႁွတ်ႈ​ၼမ်ႉ​ႁွင်ႈ​ ယပ်ႉပုၵ်ႉ တင်း​ၼမ်ႉ​ႁွင်ႈ​ ယေႃးတၢၼ်ႇ ၼႂ်း​မိူဝ်ႈ​ဢၼ် ၶဝ်​လုၵ်ႉ​သေ​ၵႃႈ​တီႈ​မိူင်း​ ဢေႇၵိပ်ႉတူႉ ​မႃး​ၼၼ်ႉ​လႄႈ ၵဝ်​ႁဵတ်း​ဢေႃႈ။ လိၼ်​ၼၼ်ႉ​ၸိုင် မိူဝ်ႈ​လဵဝ်​ၼႆႉ​ၶိုၼ်း​ပၼ်​လီ​လီ​ငၢမ်း​ငၢမ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ယေႇၽသႃႉ ​ၼၼ်ႉ​ပွႆႇ​ၸႂ်ႉ​သၢၼ်ႇတမၢၼ်ႇ​တင်း​လၢႆ​ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​မဵဝ်း​ ဢမ်ႇမုၼ်ႇ ​ၼၼ်ႉ​လႄႈ​လၢတ်ႈ​ဝႃႈ၊-</verse>
				<verse number="15">ယေႇၽသႃႉ ​သင်ႇ​လၢတ်ႈ​မႃး​လႄႈ​ဝႃႈ​ၸမ်ႉ၊ မဵဝ်း​ ဢီႉသရေႇလႃႉ ​ႁိမ်​ဢဝ်​လိၼ်​ မေႃႇၽႃႉ ဢိၵ်ႇ​တင်း​လိၼ်​ၵူၼ်း​မဵဝ်း​ ဢမ်ႇမုၼ်ႇ ဢမ်ႇ​ၸႂ်ႈ။-</verse>
				<verse number="16">မိူဝ်ႈ​ဢၼ်​မဵဝ်း​ ဢီႉသရေႇလႃႉ ​လုၵ်ႉ​သေ​ၵႃႈ​တီႈ​မိူင်း​ ဢေႇၵိပ်ႉတူႉ ​မႃး​လႄႈ ပႆ​လတ်း​ၵႃႈ​ၼႂ်း​ထိူၼ်ႇ​ၸူး​ပၢင်ႇ​လၢႆႇ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ဝၢၼ်ႈ​ ၵႃႇတေႇသႃႉ ​ၼၼ်ႉ​ၸိုင်၊-</verse>
				<verse number="17">မဵဝ်း​ ဢီႉသရေႇလႃႉ ​ပွႆႇ​ၸႂ်ႉ​သၢၼ်ႇတမၢၼ်ႇ​တင်း​လၢႆ​ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ဢေႇတုမ်ႇ ​လႄႈ ယွၼ်း​ဢၶႂၢင်ႉ​လႄႈ​ဝႃႈ၊ ႁႂ်ႈ​ႁဝ်း​ၶႃႈ​လႆႈ​ပႆ​လတ်း​ၵႃႈ​ၼႂ်း​မိူင်း​ၶုၼ်​လူင်​ၵႂႃႇ​သေ​ၵမ်း၊ ဝႃႈ​ၼင်ႇ​ၼႆ​သေ​ၵေႃႈ၊ ၶုၼ်​ႁေႃ​ၶမ်း​ ဢေႇတုမ်ႇ ဢမ်ႇ​ထွမ်ႇ​ဢမ်ႇ​ဢဝ်။ မိူၼ်​ၸိူဝ်ႉ​ၼင်ႇ​ၼၼ် ၶဝ်​သမ်ႉ​ပွႆႇ​ၸႂ်ႉ​ၵႂႃႇ​ၵႃႈ​တီႈ​ၶုၼ်​ႁေႃ​ၶမ်း​ မေႃႇၽႃႉ ​လႄႈ ၵွပ်ႈ​ပိူဝ်ႈ​ဢၼ်​မၼ်း​ၼၼ်ႉ​ၵေႃႈ ဢမ်ႇ​ပၼ်​ဢၶႂၢင်ႉ​လႄႈ မဵဝ်း​ ဢီႉသရေႇလႃႉ လႆႈ​ယူႇ​ၵႃႈ​တီႈ​ ၵႃႇတေႇသႃႉ ​ဢေႃႈ။-</verse>
				<verse number="18">လိုၼ်း​ၼၼ်ႉ ၶဝ်​ပႆ​လတ်း​ၵႃႈ​ၼႂ်း​ထိူၼ်ႇ​ယူႇ၊ လဵပ်ႈ​ၸွမ်း​ႁိမ်း​မိူင်း​ ဢေႇတုမ်ႇ ဢိၵ်ႇ​တင်း​မိူင်း​ မေႃႇၽႃႉ ​ယူႇ​သေ​လႄႈ ႁွတ်ႈ​ထိုင်​ၵႃႈ​တီႈ​ၽၢႆႇ​ဝၼ်း​ဢွၵ်ႇ​မိူင်း​ မေႃႇၽႃႉ ​သေ​ယဝ်ႉ ၶျႃး​တပ်ႉ​ၶဝ်​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ဢႃႇၼုၼ်ႇ ​ဢေႃႈ။ မိူဝ်ႈ​ၼၼ်ႉ ၶဝ်​ဢမ်ႇ​ၶဝ်ႈ​ၵႂႃႇ​ၵႃႈ​ၼႂ်း​ၼမ်ႉ​ၼႂ်း​လိၼ်​မိူင်း​ မေႃႇၽႃႉ ။ ၼမ်ႉ​ႁွင်ႈ​ ဢႃႇၼုၼ်ႇ ​ၼၼ်ႉ ပဵၼ်​ၶွပ်ႇ​ၼမ်ႉ​လႅၼ်​လိၼ်​မိူင်း​ မေႃႇၽႃႉ ​ဢေႃႈ။-</verse>
				<verse number="19">မဵဝ်း​ ဢီႉသရေႇလႃႉ ​သမ်ႉ​ပွႆႇ​ၸႂ်ႉ​သၢၼ်ႇတမၢၼ်ႇ​တင်း​လၢႆ ၵႂႃႇ​ၸူး​ၵႃႈ​တီႈ​ သီႉႁုၼ်ႇ ၶုၼ်​ႁေႃ​ၶမ်း ႁေႇသၽုၼ်ႇ မဵဝ်း​ ဢႃႇမေႃးရီႉ ​ၼၼ်ႉ​လႄႈ မဵဝ်း​ ဢီႉသရေႇလႃႉ ​ယွၼ်း​ဢၶႂၢင်ႉ​လႄႈ​ဝႃႈ၊ ႁႂ်ႈ​ႁဝ်း​ၶႃႈ​လႆႈ​ပႆ​လတ်း​ၵႃႈ​ၼႂ်း​မိူင်း​ၶုၼ်​လူင်​ၵႂႃႇ​ၸူး​ၵႃႈ​တီႈ တီႈ​ယူႇ​ႁဝ်း​ၶႃႈ​ၼၼ်ႉ သေ​ၵမ်း၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="20">သီႉႁုၼ်ႇ ​ၼၼ်ႉ​ဢမ်ႇ​ယုမ်ႇ​မဵဝ်း​ ဢီႉသရေႇလႃႉ ၊ ဢမ်ႇ​ပၼ်​ဢၶႂၢင်ႉ​ဢၼ်​လႆႈ​ပႆ​လတ်း​ၵႃႈ​ၼႂ်း​မိူင်း​မၼ်း​ၼၼ်ႉ​ၵႂႃႇ ဢမ်ႇ​ၵႃး၊ သီႉႁုၼ်ႇ ​ၼၼ်ႉ ႁႂ်ႈ​ၵူၼ်း​မၼ်း​တင်း​သဵင်ႈ​တင်း​လူင်​ၸူႉ​ၵၼ်​တုမ်​ၵၼ်​လႄႈ ၶျႃး​တပ်ႉ​ၵႃႈ​တီႈ​ဝဵင်း​ ယႃႇႁတ်ႉ ​သေ​ယဝ်ႉ တိုၵ်း​တေႃး​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="21">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢဝ်​ၶုၼ်​ သီႉႁုၼ်ႇ ဢိၵ်ႇ​လူၺ်ႈ​ၵၼ်​တင်း​ၵူၼ်း​မၼ်း​ၵႃႈ​မီး​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​မဵဝ်း​ ဢီႉသရေႇလႃႉ ​လႄႈ ၶဝ်​တိုၵ်း​တေႃး​ယႃႉ​ပႅတ်ႈ​ၶဝ်​ၼၼ်ႉ​ဢေႃႈ။ ၼင်ႇ​ၼၼ်​လႄႈ မဵဝ်း​ ဢီႉသရေႇလႃႉ သိမ်း​ဢဝ်​ၼမ်ႉ​ဢဝ်​လိၼ်​ၵူၼ်း​ ဢႃႇမေႃးရီႉ ​ဢၼ်​ယူႇ​ၵႃႈ​တီႈ​မိူင်း​ၼၼ်ႉ​တင်း​သဵင်ႈ​တင်း​မူတ်း​ဢေႃႈ။-</verse>
				<verse number="22">ၶဝ်​သိမ်း​ဢဝ်​ၼမ်ႉ​ဢဝ်​လိၼ်​ၵူၼ်း​ ဢႃႇမေႃးရီႉ ​ၸိူဝ်း​ၼၼ်ႉ တင်း​သဵင်ႈ​တင်း​မူတ်း​ၸႃႉ​ၸဵမ်​ၼမ်ႉ​ႁွင်ႈ​ ဢႃႇၼုၼ်ႇ တေႃႇ​ထိုင်​ႁွတ်ႈ​ၼမ်ႉ​ႁွင်ႈ​ ယပ်ႉပုၵ်ႉ ဢိၵ်ႇ​တင်း​ၸႃႉ​ၸဵမ်​ထိူၼ်ႇ​တေႃႇ​ထိုင်​ႁွတ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။-</verse>
				<verse number="23">ၼင်ႇ​ၼၼ်​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​လႆႈ​ၼုၵ်ႈ​ဢဝ်​ၼမ်ႉ​ဢဝ်​လိၼ် ၵူၼ်း​ ဢႃႇမေႃးရီႉ ​ၸိူဝ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​မဵဝ်း​ ဢီႉသရေႇလႃႉ ​ယဝ်ႉ​လႄႈ ၸဝ်ႈ​တၵ်း​လႆႈ​သိမ်း​ဢဝ်​ႁိုဝ်။-</verse>
				<verse number="24">ၸဝ်ႈ​တၵ်း​လႆႈ​သိမ်း​ဢဝ်​ၼမ်ႉ​ဢဝ်​လိၼ်​ဢၼ်​ၽြႃး​ၸဝ်ႈ​ဢၼ်​ဝႃႈ ၶႄးမူႉသႃႉ ​ၼၼ်ႉ ပၼ်​ပိူင်ႇ​ၼၼ်ႉ​ဢမ်ႇ​ၸႂ်ႈ​ႁိုဝ်။ မိူၼ်​ၸိူဝ်ႉ​ၼင်ႇ​ၼၼ် ႁဝ်း​တၵ်း​လႆႈ​သိမ်း​ဢဝ်​ၼမ်ႉ​ဢဝ်​လိၼ်​ၶဝ်​ၸိူဝ်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ႁဝ်း​ၼၼ်ႉ​ဢေႃႈ။-</verse>
				<verse number="25">ၸဝ်ႈ​ယဵင်ႈ​ၶႅၼ်း​မျၢတ်ႈ​လီ​ၼႃႇ​သေ​ ပႃႇလၵ်ႈ လုၵ်ႈ​ၸၢႆး​ ၸီႉၽေႃႇ ၶုၼ်​ႁေႃ​ၶမ်း​ မေႃႇၽႃႉ ​ၼၼ်ႉ​ႁိုဝ်။ မၼ်း​ၼၼ်ႉ​ယၢမ်ႈ​ၽိတ်း​ၵၼ်​တင်း​မဵဝ်း​ ဢီႉသရေႇလႃႉ ​ႁိုဝ်။ ယၢမ်ႈ​တိုၵ်း​သိုၵ်း​ၵၼ်​ႁိုဝ်။-</verse>
				<verse number="26">ၼႂ်း​မိူဝ်ႈ​ဢၼ်​မဵဝ်း​ ဢီႉသရေႇလႃႉ ​ယူႇ​ၵႃႈ​တီႈ​ဝဵင်း​ ႁေႇသၽုၼ်ႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ ဢႃႇရေႃႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝၢၼ်ႈ​ဝဵင်း​ဢၼ်​မီး​ၸွမ်း​ၼမ်ႉ​ႁွင်ႈ​ ဢႃႇၼုၼ်ႇ ​တင်း​သဵင်ႈ​တင်း​လူင်​ၼၼ်ႉ သၢမ်​ပၢၵ်ႇ​ပီႊ​တဵမ်​တဵမ်​ယူႇ​ၼၼ်ႉ​ၸိုင် ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢမ်ႇ​ၶိုၼ်း​လႆႈ​ၼင်ႇ​ႁိုဝ်။-</verse>
				<verse number="27">ပိူဝ်ႈ​ၼႆ​လႄႈ ၵဝ်​ဢမ်ႇ​ၽိတ်း​ပိူင်ႈ​ၸဝ်ႈ။ ၸဝ်ႈ​တိုၵ်း​တေႃး​ၵဝ်​လႄႈ​ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​ဢေႃႈ။ ႁႂ်ႈ​ထႃႇဝရႃႉ​ၽြႃး ဢၼ်​ပဵၼ်​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ၼၼ်ႉ ၸီႇ​ယၢင်ႇ​တႅပ်း​တၢတ်ႈ​တြႃး ဝၼ်း​မိူဝ်ႈ​ၼႆႉ​ၵႃႈ​တီႈ​ဝူင်ႈ​ၵၢင်​ၵူၼ်း​မဵဝ်း​ ဢီႉသရေႇလႃႉ ​တင်း​ၵူၼ်း​မဵဝ်း​ ဢမ်ႇမုၼ်ႇ ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၵူၺ်း​ၵႃႈ ၶုၼ်​ႁေႃ​ၶမ်း​ၵူၼ်း​မဵဝ်း​ ဢမ်ႇမုၼ်ႇ ​ၼၼ်ႉ ယင်း​ဢမ်ႇ​ထွမ်ႇ​ဢမ်ႇ​ဢဝ် ၵႂၢမ်း​ဢၼ်​ ယေႇၽသႃႉ သင်ႇ​လၢတ်ႈ​ၵႂႃႇ​ၼၼ်ႉ​လႄႈ​ယူႇ​ဢေႃႈ။-</verse>
				<verse number="29">မိူဝ်ႈ​ၼၼ်ႉ ဝီႉၺိၺ်ႇ​ထႃႇဝရႃႉ​ၽြႃး တူၵ်း​ႁွတ်ႈ​ၵႃႈ​ၼိူဝ်​ ယေႇၽသႃႉ ​လႄႈ မၼ်း​ၼၼ်ႉ​ၽႃႇ​လတ်း​မိူင်း​ ၵီႉလတ်ႉ တင်း​မိူင်း​ မၼႃႇ​သေႇ ​သေ​ယဝ်ႉ၊ ပူၼ်ႉ​ဝဵင်း​ မီႉၸပႃႇ မိူင်း​ ၵီႉလတ်ႉ ​ၵႂႃႇ​လႄႈ ၶီႇ​ၵႂႃႇ​ၸူး​ၵႃႈ​တီႈ​ဢၼ် ၵူၼ်း​မဵဝ်း​ ဢမ်ႇမုၼ်ႇ ​မီး​ၼၼ်ႉ​ဢေႃႈ။-</verse>
				<verse number="30">ယေႇၽသႃႉ ​ၼၼ်ႉ ႁဵတ်း​ၵတီႉ​သဵတ်ႈ​ၸႃႇ​တီႈ​ထႃႇဝရႃႉ​ၽြႃး​သေ​လႄႈ​လဝ်ႊ​လၢတ်ႈ​ဝႃႈ၊ ပေႃး​ၸဝ်ႈ​ႁဝ်း​ဢဝ်​ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶႃႈ​ၸဝ်ႈ​ဢမၢၼ်ႇ​ၶၼ်​ပဵၼ်​ၸိုင်၊-</verse>
				<verse number="31">ၵေႃႉ​ဢၼ်​ဢွၵ်ႇ​သေ​ၵႃႈ​ၼႂ်း​ႁူး​ၽၵ်း​တူ​ႁိူၼ်း​ၶႃႈ​ၸဝ်ႈ​မႃး ႁႂ်ႈ​လႆႈ​ႁပ်ႉ​ႁူဝ်​တၢင်း​ၶႃႈ​ၸဝ်ႈ ၼႂ်း​မိူဝ်ႈ​ဢၼ်​ၶႃႈ​ၸဝ်ႈ​လုၵ်ႉ​သေ​ၵႃႈ​တီႈ ဢၼ်​ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ​မီး​ၼၼ်ႉ ၶိုၼ်း​မႃး​ၼိမ်​ၼိမ်​လီ​လီ​ၼၼ်ႉ​ၼၼ်ႉ တၵ်း​လႆႈ​ပဵၼ်​ဢုၵ်ႉ​ၸႃႇ​ထႃႇဝရႃႉ​ၽြႃး​ဢမၢၼ်ႇ​ၶၼ်​ပဵၼ်​လႄႈ ၶႃႈ​ၸဝ်ႈ​တၵ်း​ဢဝ်​ႁဵတ်း​ယိတ်ႈ​ဢၼ်​တုတ်ႇ​ၽႆး​ပုၵ်ႈ​ၸေႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="32">ယေႇၽသႃႉ ​ၶီႇ​ၵႂႃႇ​ၸူး ၵႃႈ​တီႈ​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ ႁႂ်ႈ​လႆႈ​တိုၵ်း​ၵၼ်​တင်း​ၶဝ်​ၼၼ်ႉ​လႄႈ ထႃႇဝရႃႉ​ၽြႃး​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း​သေ​ယဝ်ႉ၊-</verse>
				<verse number="33">မၼ်း​တိုၵ်း​တေႃး​ယႃႉ​ပႅတ်ႈ​ဝဵင်း​သၢဝ်း​ၼိုင်ႈ​ၸႃႉ​ၸဵမ်​ဝဵင်း​ ဢႃႇရေႃႇ ​တေႃႇ​ထိုင်​ႁွတ်ႈ​ဝဵင်း​ မိၼ်းၼိတ်ႉ ဢိၵ်ႇ​တင်း​တေႃႇ​ထိုင်​ႁွတ်ႈ ဢႃႇပေႇလႃႉၶေႇရမိမ်း ​ၼၼ်ႉ​လႄႈ ဢဝ်​ၶဝ်​တၢႆ​ၼႃႇ​လူင်​လၢင်​ဢေႃႈ။ ၼင်ႇ​ၼၼ်​လႄႈ ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​တူၵ်း​သုမ်း​ၵႃႈ​တီႈ​ၽၢႆႇ​ၼႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။</verse>
				<verse number="34">မိူဝ်ႈ​ဢၼ်​ ယေႇၽသႃႉ ​ၼၼ်ႉ​ႁွတ်ႈ​မႃး​ၵႃႈ​တီႈ​ႁိူၼ်း​မၼ်း​ၵႃႈ​ၼႂ်း​ဝဵင်း​ မီႉၸပႃႇ ​ၼၼ်ႉ​ၸိုင် လုၵ်ႈ​ယိင်း​မၼ်း​ႁႆႇ​ၵွင်​ယူႇ၊ ၵႃႈ​ယူႇ​သေ​လႄႈ ဢွၵ်ႇ​မႃး​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​ဢေႃႈ။ မၼ်း​ၼၼ်ႉ​ပဵၼ်​လုၵ်ႈ​ယိင်း​ၵေႃႉ​လဵဝ်​ၵူၺ်း​တီႈ​မၼ်း​လႄႈ ၼွၵ်ႈ​သေ​မၼ်း​ၼၼ်ႉ မၼ်း​ဢမ်ႇ​မီး​လုၵ်ႈ​ၸၢႆး​လုၵ်ႈ​ယိင်း။-</verse>
				<verse number="35">မၼ်း​ႁၼ်​မၼ်း​ၼၼ်ႉ​သေ​ယဝ်ႉ တိုတ်ႉ​သိၵ်ႇ​ၶူဝ်း​ၼုင်ႈ​မၼ်း​သေ​လႄႈ​လၢတ်ႈ​ဝႃႈ၊ ဢလူဝ်း၊ ဢလူဝ်း၊ လုၵ်ႈ​ယိင်း​ၵဝ်​ဢိူၺ်း၊ မႂ်း​ၼႆႉ​ၶျႃး​ၵဝ်​တူၵ်း​တီႈ​တႅမ်ႇ​ၼႃႇ​လူင်​လၢင်​ယဝ်ႉ​လူင်​ပႄႇ။ ပဵၼ်​ၵေႃႉ​ဢၼ်​ယႃႉ​ယူၵ်ႉ​ၵဝ်​ၵေႃႉ​ၼိုင်ႈ​လူင်​ပႄႇ။ ၵဝ်​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​ဝႆႉ​ယဝ်ႉ။ ဢၶႂၢင်ႉ​ဢၼ်​လႆႈ​ၼုၵ်ႈ​ဢဝ်​ဢမ်ႇ​မီး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="36">မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၸဝ်ႈ​ပေႃႈ​ဢိူၺ်း၊ ပေႃး​ၸဝ်ႈ​ပေႃႈ​လႆႈ​ဝႃႈ​ဢွၵ်ႇ​သူပ်း​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​ယဝ်ႉ​ၸိုင်၊ ႁဵတ်း​တီႈ​ၵဝ်​ၶႃႈ​ၸွမ်း​ၵႃႈ​ၼင်ႇ​ဢၼ်​လႆႈ​ဝႃႈ​ဢွၵ်ႇ​သူပ်း​လဝ်ႊ​လၢတ်ႈ​ယဝ်ႉ​ၼၼ်ႉ​သေ​ၵမ်း​ၶႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​တွပ်ႇ​တႅၼ်း​ပၼ်​ဢပႅတ်ႈ​တီႈ​ရၢၼ်ႇ​သူႇ​ၸဝ်ႈ​ပေႃႈ ဢၼ်​ဝႃႈ​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ ႁႂ်ႈ​ၸႂ်​ၸဝ်ႈ​ပေႃႈ​လႆႈ​ပေႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">မၼ်း​ၼၼ်ႉ​သမ်ႉ​လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ ၶႅၼ်း​တေႃႈ​ပၼ်​ဢၶႂၢင်ႉ​ၼႆႉ​သေ​ၵမ်း​ၶႃႈ။ ႁႂ်ႈ​လႆႈ​ယူႇ​လွတ်ႈ​ယူႇ​သွင်​လိူၼ်​တဵမ်​တဵမ် ႁႂ်ႈ​ၵဝ်​ၶႃႈ​ဢိၵ်ႇ​လူၺ်ႈ​ၵၼ်​တင်း​ၵေႃႉ​သေႈ​ၵဝ်​ၶႃႈ​တင်း​လၢႆ လႆႈ​လႄႇ​ၵႂႃႇ​လႄႇ​မႃး​ၵႃႈ​ၼိူဝ်​သၼ်​လွႆ​တႄး​လွႆ​သေ​လႄႈ ႁွင်ႉ​ႁႆႈ​ၶၢင်း​ၶီ​ၶၢင်း​ၽၢၼ် လူၺ်ႈ​လွင်ႈ​ဢၼ်​ၵဝ်​ၶႃႈ​ယင်း​ပဵၼ်​သၢဝ်​ၵၼ်ႇ​ၺႃႇ​ယူႇ​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="38">ပေႃႈ​မၼ်း​လၢတ်ႈ​လႄႈ​ဝႃႈ၊ ၵႂႃႇ​တႃႉ၊ ဝႃႈ​ၼင်ႇ​ၼႆ​သေ​လႄႈ ၶိၼ်း​ဝႆႉ​သွင်​လိူၼ်​လႄႈ ပွႆႇ​ၵႂႃႇ​သေ​ယဝ်ႉ၊ မၼ်း​ၼၼ်ႉ​ဢိၵ်ႇ​လူၺ်ႈ​ၵၼ်​တင်း ၵေႃႉ​သေႈ​မၼ်း​တင်း​လၢႆ ဢွၼ်​ၵၼ်​ၵႂႃႇ​လႄႈ ႁွင်ႉ​ႁႆႈ​ၶၢင်း​ၶီ​ၶၢင်း​ၽၢၼ်​လူၺ်ႈ​လွင်ႈ​ဢၼ် မၼ်း​ယင်း​ပဵၼ်​သၢဝ်​ၵၼ်ႇ​ၺႃႇ​ယူႇ​ၼၼ်ႉ ၵႃႈ​ၼိူဝ်​သၼ်​လွႆ​တႄး​လွႆ​ဢေႃႈ။-</verse>
				<verse number="39">မိူဝ်ႈ​ဢၼ်​ၸေး​သွင်​လိူၼ်​ယဝ်ႉ​ၼၼ်ႉ၊ မၼ်း​ၼၼ်ႉ​ၶိုၼ်း​မႃး​ၸူး​ၵႃႈ​တီႈ​ပေႃႈ​မၼ်း​လႄႈ ပေႃႈ​မၼ်း​ဢဝ်​ႁဵတ်း​ၸွမ်း​ၵႃႈ​ၼင်ႇ​ဢၼ် ၵတီႉ​သဵတ်ႈ​ၸႃႇ ဢၼ်​မၼ်း​ႁဵတ်း​ဝႆႉ​ၼၼ်ႉ​မီး​ၼၼ်ႉ​ဢေႃႈ။ မၼ်း​ၼၼ်ႉ​ပဵၼ်​ၵေႃႉ​ဢၼ်​ဢမ်ႇ​ပႆႇ​တွၼ်ႉ​ယၢမ်ႈ​တိူဝ်ႉ​ထုၵ်ႇ​ၵၼ်​တင်း​ၵူၼ်း​ၸၢႆး။-</verse>
				<verse number="40">လိုၼ်း​ၼၼ်ႉ ပဵၼ်​ထုင်း​ၸၢမ်ႇ​ ဢီႉသရေႇလႃႉ ဢၼ်​လုၵ်ႈ​ယိင်း​သၢဝ်​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ၵႂႃႇ​ႁႂ်ႈ​လႆႈ​ယွင်ႈ​ယေႃး​လုၵ်ႈ​ယိင်း​ ယေႇၽသႃႉ ၵူၼ်း​မဵဝ်း​ ၵီႉလတ်ႉ ​ၼၼ်ႉ ယေႈ​ပီႊ​သီႇ​ဝၼ်း​တဵမ်​တဵမ်​ၵူႈ​ပီႊ​ဢေႃႈ။</verse>
			</chapter>
			<chapter number="12">
				<verse number="1">ၵူၼ်း​မဵဝ်း​ ဢေႇၽရိမ်ႇ ​တင်း​လၢႆ ၸူႉ​ၵၼ်​တုမ်​ၵၼ်​လႄႈ​ၶီႇ​ၵႂႃႇ​ၽၢႆႇ​တၢင်း​ႁွင်ႇ​သေ​ယဝ်ႉ ၶဝ်​လၢတ်ႈ​တီႈ​ ယေႇၽသႃႉ ​လႄႈ​ဝႃႈ၊ ၸဝ်ႈ​ယင်း​ဢမ်ႇ​ႁွင်ႉ​ဢမ်ႇ​ၸူဝ်း​ႁဝ်း​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶီႇ​ၵႂႃႇ​ႁႂ်ႈ​လႆႈ​တိုၵ်း​တေႃး​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​ၼင်ႇ​ႁိုဝ်။ ႁဝ်း​တၵ်း​ဢဝ်​ၽႆး​တုတ်ႇ​ႁိူၼ်း​ၸဝ်ႈ​ၵႃႈ​ၼိူဝ်​ၸဝ်ႈ​ၼႆႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="2">ယေႇၽသႃႉ ​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ဢိၵ်ႇ​တင်း​ၵူၼ်း​ၵဝ်​တင်း​လၢႆ မီး​ဢမူႉ​ဢၼ်​ယႂ်ႇ​ၼႃႇ​တီႈ​ၵၼ်​တင်း​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​လႄႈ မိူဝ်ႈ​ဢၼ်​ၵဝ်​ႁွင်ႉ​ၸူဝ်း​ဢဝ်​သူ​ၼၼ်ႉ​ၸိုင် သူ​ယင်း​ဢမ်ႇ​ၵႄႇ​သႄႇ​ၼုၵ်ႈ​ဢဝ်​ၵဝ် ဢွၵ်ႇ​သေ​ၵႃႈ​ၼႂ်း​မိုဝ်း​ၶဝ်​ၼၼ်ႉ​လႄႈ​ယူႇ​ဢေႃႈ။-</verse>
				<verse number="3">မိူဝ်ႈ​ဢၼ်​ၵဝ်​ႁူႉ​ႁၼ်​လွင်ႈ​ဢၼ်​သူ​ဢမ်ႇ​ၵႄႇ​သႄႇ​ၼုၵ်ႈ​ဢဝ်​ၵဝ်​ၼၼ်ႉ​ၸိုင် ၵဝ်​ၸုၼ်ႉ​ဢသၢၵ်ႈ​ၵဝ်​သေ​လႄႈ ၶီႇ​ၵႂႃႇ​ႁႂ်ႈ​လႆႈ​တိုၵ်း​ၵၼ်​တင်း​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​လႄႈ ထႃႇဝရႃႉ​ၽြႃး ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵဝ်​ယဝ်ႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​မႃး​တီႈ​ၵဝ်​ဝၼ်း​မိူဝ်ႈ​ၼႆႉ ႁႂ်ႈ​လႆႈ​တိုၵ်း​တေႃး​ၵဝ်​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">ယေႇၽသႃႉ ႁႂ်ႈ​ၵူၼ်း​မိူင်း​ ၵီႉလတ်ႉ ​ၵႃႈ​မီး​ၼၼ်ႉ ၸူႉ​ၵၼ်​တုမ်​ၵၼ်​သေ​လႄႈ တိုၵ်း​ၵၼ်​တင်း​မဵဝ်း​ ဢေႇၽရိမ်ႇ ​ဢေႃႈ။ ၵူၼ်း​မိူင်း​ ၵီႉလတ်ႉ ​ၸိူဝ်း​ၼၼ်ႉ တိုၵ်း​တေႃး​ယႃႉ​ပႅတ်ႈ​ၵူၼ်း​မဵဝ်း​ ဢေႇၽရိမ်ႇ ​တင်း​လၢႆ ၵွပ်ႈ​ပိူဝ်ႈ​ဢၼ်​ၶဝ်​သႄႉ​သွမ်း​လႄႈ​ဝႃႈ၊ သူ​ဢၼ်​ပဵၼ်​ၵူၼ်း​မိူင်း​ ၵီႉလတ်ႉ ​ၸိူဝ်း​ၼႆႉ ပဵၼ်​ၵူၼ်း​မဵဝ်း​ ဢေႇၽရိမ်ႇ ဢၼ်​ဢွၵ်ႇ​ပၢႆႈ​သေ​ၵႃႈ​ၼႂ်း​မဵဝ်း​ ဢေႇၽရိမ်ႇ ဢိၵ်ႇ​တင်း​မဵဝ်း​ မၼႃႇ​သေႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="5">ၵူၼ်း​မိူင်း​ ၵီႉလတ်ႉ ​တင်း​လၢႆ ဢွၼ်​ၵၼ်​ႁႄႉ​တၢင်း​တီႈ​ဢၼ်​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ၵႃႈ​တီႈ​ၽၢႆႇ​ၼႃႈ​ၵူၼ်း​ ဢေႇၽရိမ်ႇ ​ၸိူဝ်း​ၼၼ်ႉ​ဝႆႉ​လႄႈ မိူဝ်ႈ​ဢၼ်​ၵူၼ်း​ ဢေႇၽရိမ်ႇ ဢၼ်​ပၢႆႈ​လႄႈ​လွတ်ႈ​ၵႂႃႇ​ၼၼ်ႉ သေ​ၵေႃႉ​သေ​ၵူၼ်း​ယွၼ်း​ဢၶႂၢင်ႉ​လႄႈ​ဝႃႈ၊ ႁႂ်ႈ​လႆႈ​ၶၢမ်ႈ​ၵႂႃႇ​သေ​ၵမ်း၊ ဝႃႈ​ၼင်ႇ​ၼႆ​ၸိုင်၊ ၵူၼ်း​မိူင်း​ ၵီႉလတ်ႉ ​တင်း​လၢႆ ၸႅတ်ႈ​ထၢမ်​လႄႈ​ဝႃႈ၊ မႂ်း​ၼႆႉ​ပဵၼ်​ၵူၼ်း​မဵဝ်း​ ဢေႇၽရိမ်ႇ ​ႁိုဝ်။ ဝႃႈ​ၼင်ႇ​ၼႆ​လႄႈ ပေႃး​မၼ်း​လၢတ်ႈ​လႄႈ​ဝႃႈ ဢမ်ႇ​ၸႂ်ႈ​ၶႃႈ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ၶဝ်​လၢတ်ႈ​တီႈ​မၼ်း​လႄႈ​ဝႃႈ၊ မႂ်း​လၢတ်ႈ​ၵႂၢမ်း​ဢၼ်​ဝႃႈ သီႉပေႃးလႅတ်ႉ ​ၼၼ်ႉ​လူး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၸီႉပေႃးလႅတ်ႉ ၊ ဝႃႈ​ၼင်ႇ​ၼႆ ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​ၸၢင်ႈ​လၢတ်ႈ​ၵႂၢမ်း​ၼၼ်ႉ ႁႂ်ႈ​ပီႇ​ၼၼ်ႉ​ဢေႃႈ။ ၶဝ်​တီႉ​ၵမ်​ဢဝ်​ၵေႃႉ​ဢၼ်​လၢတ်ႈ ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ ဢဝ်​တၢႆ​ၵႃႈ​တီႈ​ဢၼ်​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ဢေႃႈ။ မိူဝ်ႈ​ၼၼ်ႉ ၵူၼ်း​မဵဝ်း​ ဢေႇၽရိမ်ႇ ​တၢႆ သီႇ​မိုၼ်ႇ​ပၢႆ​သၢမ်​ႁဵင်​ဢေႃႈ။-</verse>
				<verse number="7">ယေႇၽသႃႉ ​ၼၼ်ႉ​ၸီႇ​ယၢင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ ​ႁူၵ်း​ပီႊ​တဵမ်​တဵမ်​ဢေႃႈ။ မိူဝ်ႈ​ၼၼ်ႉ ယေႇၽသႃႉ ၵူၼ်း​မိူင်း​ ၵီႉလတ်ႉ ​ၼၼ်ႉ တၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ ၵႃႈ​တီႈ​ဝဵင်း​ ၵီႉလတ်ႉ ဝဵင်း​ၼိုင်ႈ​ဢေႃႈ။</verse>
				<verse number="8">လိုၼ်း​သေ​ ယေႇၽသႃႉ ​ၼၼ်ႉ၊ ဢီႉပၸၼ်ႇ ​ၵူၼ်း​ဝဵင်း​ ပႅတ်ႉလႁႅမ်ႇ ​ၼၼ်ႉ ၸီႇ​ယၢင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="9">ၶုၼ်​ၼၼ်ႉ မီး​လုၵ်ႈ​ၸၢႆး​သၢမ်​သိပ်း ဢိၵ်ႇ​တင်း​လုၵ်ႈ​ယိင်း​ဢၼ်​မၼ်း​ပွႆႇ​ၵႂႃႇ​တၢင်ႇ​တီႈ​တၢင်ႇ​လႅၼ်​သၢမ်​သိပ်း တင်း​လုၵ်ႈ​ပႂ်ႉ​ဢၼ်​ယူႇ​တၢင်ႇ​တီႈ​တၢင်ႇ​လႅၼ်​လႄႈ မၼ်း​သိမ်း​ဝႆႉ​ပုၼ်ႈ​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ သၢမ်​သိပ်း​ဢေႃႈ။ မၼ်း​ၼၼ်ႉ​ၸီႇ​ယၢင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ ၸဵတ်း​ပီႊ​တဵမ်​တဵမ်​ဢေႃႈ။-</verse>
				<verse number="10">မိူဝ်ႈ​ၼၼ်ႉ ဢီႉပၸၼ်ႇ ​ၼၼ်ႉ​တၢႆ​လႄႈ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ​ဢေႃႈ။-</verse>
				<verse number="11">လိုၼ်း​သေ​ ဢီႉပၸၼ်ႇ ​ၼၼ်ႉ၊ ဢေႇလုၼ်ႇ ​ၵူၼ်း​မဵဝ်း​ ၸေႇပူႉလုၼ်ႇ ​ၼၼ်ႉ​ၸီႇ​ယၢင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ သိပ်း​ပီႊ​တဵမ်​တဵမ်​ဢေႃႈ။-</verse>
				<verse number="12">ဢေႇလုၼ်ႇ ​ၵူၼ်း​မဵဝ်း​ ၸေႇပူႉလုၼ်ႇ ​ၼၼ်ႉ​တၢႆ​လႄႈ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ ၵႃႈ​တီႈ​ဝဵင်း​ ဢႃႇၸလုၼ်ႇ ဢိူင်ႇ​ ၸေႇပူႉလုၼ်ႇ ​ဢေႃႈ။-</verse>
				<verse number="13">လိုၼ်း​သေ​မၼ်း​ၼၼ်ႉ ဢႃႇပတုၼ်ႇ ​လုၵ်ႈ​ၸၢႆး​ ႁီႉလေးလႃႉ ၵူၼ်း​ဝဵင်း​ ပီႉရသုၼ်ႇ ​ၼၼ်ႉ ၸီႇ​ယၢင်ႇ​ၵႃႈ​ၼိူဝ် မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="14">ၶုၼ်​ၼၼ်ႉ​မီး​လုၵ်ႈ​ၸၢႆး​သီႇ​သိပ်း၊ လၢၼ်​ၸၢႆး​သၢမ်​သိပ်း ဢၼ်​ၶီႇ​လီႈ​ဢွၼ်ႇ​ၸဵတ်း​သိပ်း​တူဝ်​ဢေႃႈ။ မၼ်း​ၼၼ်ႉ ၸီႇ​ယၢင်ႇ​ၵႃႈ​ၼိူဝ် မဵဝ်း​ ဢီႉသရေႇလႃႉ ပႅတ်ႇ​ပီႊ​တဵမ်​တဵမ်​ဢေႃႈ။-</verse>
				<verse number="15">မိူဝ်ႈ​ၼၼ်ႉ ဢႃႇပတုၼ်ႇ လုၵ်ႈ​ၸၢႆး​ ႁီႉလေးလႃႉ ၊ ၵူၼ်း​ဝဵင်း​ ပီႉရသုၼ်ႇ ​ၼၼ်ႉ​တၢႆ​လႄႈ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​တီႈ​ဝဵင်း​ ပီႉရသုၼ်ႇ ဢိူင်ႇ​ ဢေႇၽရိမ်ႇ ၵႃႈ​ၼိူဝ်​ႁၢၼ်ႉ​လွႆ ဢႃႇမလႅၵ်ႉ ​ၼၼ်ႉ​ဢေႃႈ။</verse>
			</chapter>
			<chapter number="13">
				<verse number="1">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သမ်ႉ​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ထႃႇဝရႃႉ​ၽြႃး​ဢဝ်​ၶဝ်​ဢၢပ်ႈ​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​တင်း​လၢႆ သီႇ​သိပ်း​ပီႊ​တဵမ်​တဵမ်​ဢေႃႈ။-</verse>
				<verse number="2">မိူဝ်ႈ​ၼၼ်ႉ မီး​ၵူၼ်း​ဝဵင်း​ ၸေႃးရႃႉ ၊ မဵဝ်း​ၸိူဝ်ႉ​ၶိူဝ်း​ တၢၼ်ႇ ဢၼ်​လႆႈ​ၸိုဝ်ႈ​လႆႈ​သဵင်​ မႃႇၼေႃႇ ၵေႃႉ​ၼိုင်ႈ​ဢေႃႈ။ မေး​မၼ်း​ၼၼ်ႉ ဢမ်ႇ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ပဵၼ်​ဢၼ်​မၼ်​ဢေႃႈ။-</verse>
				<verse number="3">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ပေႃႇ​မႃး​တီႈ​မႄႈ​ယိင်း​ၼၼ်ႉ​သေ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ တူၺ်း​လူး၊ မိူဝ်ႈ​လဵဝ်​ၼႆႉ မႂ်း​ၼႆႉ​ပဵၼ်​ဢၼ်​မၼ်​လႄႈ ဢမ်ႇ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း။ မႂ်း​တၵ်း​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။-</verse>
				<verse number="4">ပိူဝ်ႈ​ၼႆ​လႄႈ ႁဵတ်း​သတီႉ​တႃႉ။ ယႃႇ​ပေ​ၵိၼ်​ၼမ်ႉ​ၸပိတ်ႈ။ ယႃႇ​ပေ​ၵိၼ်​လဝ်ႈ။ ယႃႇ​ပေ​ၵိၼ်​တၢင်း​ၵိၼ်​ဢၼ်​ဢမ်ႇ​မူတ်း​သႂ်​ၼၼ်ႉ။-</verse>
				<verse number="5">လွင်ႈ​မၼ်း​ၸမ်ႉ မႂ်း​တၵ်း​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။ မၼ်း​ၼၼ်ႉ ဢမ်ႇ​လႆႈ​ၶၢမ်ႇ​တၢင်း​ဢၼ်​ထႃ​ႁူဝ်။ လွင်ႈ​မၼ်း​ၸမ်ႉ လုၵ်ႈ​ဢွၼ်ႇ​ၼၼ်ႉ​တၵ်း​လႆႈ​ပဵၼ်​ၵူၼ်း​ ၼႃႇၸရီႉ ​ၽြႃး​ပဵၼ်​ၸဝ်ႈ ၸႃႉ​ၸဵမ်​ၼႂ်း​တွင်ႉ​မႄႈ​မၼ်း​ၼၼ်ႉ​ဢေႃႈ။ မၼ်း​တၵ်း​ၸႃႉ​ႁဵတ်း​တၢင်း​ဢၼ်​ၵႄႇ​သႄႇ​ၼုၵ်ႈ​ဢဝ်​မဵဝ်း​ ဢီႉသရေႇလႃႉ ​ဢွၵ်ႇ​သေ​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မႄႈ​ယိင်း​ၼၼ်ႉ​ၵေႃႈ ၵႂႃႇ​လႄႈ​လၢတ်ႈ​တီႈ​ၽူဝ်​မၼ်း​လႄႈ​ဝႃႈ၊ ၵူၼ်း​ၽြႃး​ပဵၼ်​ၸဝ်ႈ​ၵေႃႉ​ၼိုင်ႈ ဢၼ်​မီး​ၼႃႈ​ဢၼ်​လီ​ၵူဝ်​လီ​ႁႄ​ၸိူဝ်ႉ​ၼင်ႇ​ၼႃႈ​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​ၼၼ်ႉ မႃး​ၸူး​ၵႃႈ​တီႈ​ၵဝ်​ၶႃႈ​ၶႃႈ​ဢေႃႈ။ ၵဝ်​ၶႃႈ​ၵေႃႈ​ဢမ်ႇ​ထၢမ်​လွင်ႈ​ဢၼ်​မၼ်း​လုၵ်ႉ​ၵႃႈ​တီႈ​လႂ်​မႃး​ၼၼ်ႉ​ၶႃႈ။ မၼ်း​ၵေႃႈ​ဢမ်ႇ​လၢတ်ႈ​ၸိုဝ်ႈ​လၢတ်ႈ​သဵင်​မၼ်း​တီႈ​ၵဝ်​ၶႃႈ​ၶႃႈ။-</verse>
				<verse number="7">ၵူၺ်း​ၵႃႈ မၼ်း​လၢတ်ႈ​တီႈ​ၵဝ်​ၶႃႈ​လႄႈ​ဝႃႈ၊ တူၺ်း​လူး၊ မႂ်း​ၼႆႉ​တၵ်း​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။ ယႃႇ​ပေ​ၵိၼ်​ၼမ်ႉ​ၸပိတ်ႈ။ ယႃႇ​ပေ​ၵိၼ်​လဝ်ႈ။ ယႃႇ​ပေ​ၵိၼ်​တၢင်း​ၵိၼ်​ဢၼ်​ဢမ်ႇ​မူတ်း​သႂ်​ၼၼ်ႉ။ လွင်ႈ​မၼ်း​ၸမ်ႉ လုၵ်ႈ​ဢွၼ်ႇ​ၼၼ်ႉ​တၵ်း​လႆႈ​ပဵၼ်​ၵူၼ်း​ ၼႃႇၸရီႉ ​ၽြႃး​ပဵၼ်​ၸဝ်ႈ ဢဝ်​ၸႃႉ​ၸဵမ်​ၼႂ်း​တွင်ႉ​မႄႈ​မၼ်း​လႄႈ တေႃႇ​ထိုင်​ႁွတ်ႈ​ဝၼ်း​ဢၼ်​မၼ်း​တၢႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">မိူဝ်ႈ​ၼၼ်ႉ မႃႇၼေႃႇ လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၸဝ်ႈ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၵူၼ်း​ၽြႃး​ပဵၼ်​ၸဝ်ႈ ဢၼ်​ၸဝ်ႈ​ႁဝ်း​ပွႆႇ​ၸႂ်ႉ​မႃး​ၼၼ်ႉ သမ်ႉ​မႃး​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ထႅင်ႈ​လႄႈ သင်ႇ​သွၼ်​ပၼ်​လွင်ႈ​ဢၼ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ် တီႈ​လုၵ်ႈ​ဢွၼ်ႇ​ဢၼ်​တၵ်း​ၵိူတ်ႇ​လဵင်ႉ​မႃး​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">ၽြႃး​ပဵၼ်​ၸဝ်ႈ​ထွမ်ႇ​ဢဝ်​ၵႂၢမ်း​ မႃႇၼေႃႇ ​လႄႈ တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ သမ်ႉ​ၶိုၼ်း​မႃး​ၵႃႈ​တီႈ​မႄႈ​ယိင်း​ၼၼ်ႉ ၼႂ်း​မိူဝ်ႈ​ဢၼ်​မၼ်း​ၼင်ႈ​ယူႇ​ၵႃႈ​ၼႂ်း​တူင်ႈ​ၼႃး​ၼၼ်ႉ​ဢေႃႈ။ မိူဝ်ႈ​ၼၼ်ႉ ၽူဝ်​မၼ်း​ မႃႇၼေႃႇ ​ၼၼ်ႉ ဢမ်ႇ​မီး​လူၺ်ႈ​ၵၼ်​တင်း​မၼ်း။-</verse>
				<verse number="10">မႄႈ​ယိင်း​ၼၼ်ႉ​ႁိပ်ႈ​ၼႅတ်ႈ​လႄႈ ၶုၼ်ႇ​လႅၼ်ႈ​ၵႂႃႇ​ၸူး​ၵႃႈ​တီႈ​ၽူဝ်​မၼ်း​ၶၼ်​ၶၼ်​ၽႂ်း​ၽႂ်း​သေ​လႄႈ မွၵ်ႇ​လၢတ်ႈ​လႄႈ​ဝႃႈ၊ တူၺ်း​လူး၊ ၵေႃႉ​ဢၼ်​မႃး​မိူဝ်ႈ​ဝၼ်း​ဢွၼ်​ၼၼ်ႉ​ၼၼ်ႉ မိူဝ်ႈ​လဵဝ်​ၼႆႉ​ပေႃႇ​မႃး​တီႈ​ၵဝ်​ၶႃႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">မႃႇၼေႃႇ လုၵ်ႉ​လႄႈ​ၸွမ်း​လူၺ်ႈ​ၵၼ်​တင်း​မေး​မၼ်း​ၵႂႃႇ​ၵႃႈ​တီႈ​ၵေႃႉ​ၼၼ်ႉ​လႄႈ တွင်ႈ​ထၢမ်​လႄႈ​ဝႃႈ၊ ၸဝ်ႈ​ၸႂ်ႈ​ၵေႃႉ​ဢၼ်​လၢတ်ႈ​တီႈ​မႄႈ​ယိင်း​ၼႆႉ​ၼၼ်ႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​လၢတ်ႈ​လႄႈ​ဝႃႈ၊ ၸႂ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မႃႇၼေႃႇ ​ၵေႃႈ​လဝ်ႊ​ထၢမ်​လႄႈ​ဝႃႈ၊ ႁႂ်ႈ​ၵႂၢမ်း​ၸဝ်ႈ​ႁဝ်း​ၼၼ်ႉ ပျေႉ​ၸုမ်ႇ​သေ​ၵမ်း​လူၺ်ႈ။ လုၵ်ႈ​ဢွၼ်ႇ​ၼၼ်ႉ​တၵ်း​ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​ၶႃႈ။ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​မၼ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး လၢတ်ႈ​တီႈ​ မႃႇၼေႃႇ ​လႄႈ​ဝႃႈ၊ ၵႃႈ​ဢၼ်​ၵဝ်​မွၵ်ႇ​လၢတ်ႈ​ဝႆႉ​ၼၼ်ႉ မႄႈ​ယိင်း​ၼႆႉ တၵ်း​လႆႈ​ဝႄႈ​ပႅတ်ႈ​ဢေႃႈ။-</verse>
				<verse number="14">မၼ်း​ဢမ်ႇ​လႆႈ​ၵိၼ်​ၵႃႈ​ဢၼ်​ပဵၼ်​တီႈ​တူၼ်ႈ​ၶိူဝ်း​မၢၵ်ႇ​ၸပိတ်ႈ​သေ​ၸိူဝ်ႉ​သေ​ပိူင်။ မၼ်း​ဢမ်ႇ​လႆႈ​ၵိၼ်​ၸႃႉ​ၸဵမ် ၼမ်ႉ​ၸပိတ်ႈ​လႄႈ​လဝ်ႈ။ မၼ်း​ဢမ်ႇ​လႆႈ​ၵိၼ်​တၢင်း​ၵိၼ်​ဢၼ်​ဢမ်ႇ​မူတ်း​သႂ်​ၼၼ်ႉ။ ၵႃႈ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ​ၼၼ်ႉ မၼ်း​တၵ်း​လႆႈ​ပႂ်ႉ​လႆႈ​ၵမ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မႃႇၼေႃႇ ​ၵေႃႈ​လဝ်ႊ​လၢတ်ႈ​တီႈ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​လႄႈ​ဝႃႈ၊ ႁႂ်ႈ​လႆႈ​ႁၢမ်ႈ​တၢပ်ႈ​ၸဝ်ႈ​ႁဝ်း​ဝႆႉ​တေႃႇ​ထိုင်​ႁွတ်ႈ​မႄး​ႁႅၼ်း​ပႄႉ​ဢွၼ်ႇ​မႃး​ပုၼ်ႈ​ၸဝ်ႈ​ႁဝ်း​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="16">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၶိုၼ်း​လၢတ်ႈ​တီႈ​ မႃႇၼေႃႇ ​လႄႈ​ဝႃႈ ပိၵ်ႉ​သမ်ႉ​မႂ်း​ႁၢမ်ႈ​တၢပ်ႈ​ၵဝ်​ဝႆႉ​သေ​ၵေႃႈ၊ ၵဝ်​တၵ်း​ဢမ်ႇ​ၵိၼ်​တၢင်း​ၵိၼ်​မႂ်း။ ပေႃး​မႂ်း​မီး​ဢလူဝ်ႇ​ၶႂ်ႈ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​ၸိုင်၊ မႂ်း​တၵ်း​လႆႈ​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​ဢၼ်​မၼ်း​ၼၼ်ႉ​ပဵၼ်​တမၢၼ်ႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ​ၸိုင် မႃႇၼေႃႇ ​ဢမ်ႇ​ပႆႇ​ႁူႉ။-</verse>
				<verse number="17">မႃႇၼေႃႇ ​ၵေႃႈ တွင်ႈ​ထၢမ်​တီႈ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ​လႄႈ​ဝႃႈ၊ လွင်ႈ​ၼင်ႇ​ႁိုဝ်​ႁဝ်း​ၶႃႈ တၵ်း​လႆႈ​ယွင်ႈ​ယေႃး​ၸဝ်ႈ​ႁဝ်း ၼႂ်း​မိူဝ်ႈ​ဢၼ်​ၵႂၢမ်း​ၸဝ်ႈ​ႁဝ်း​ပျေႉ​ၸုမ်ႇ​ၼၼ်ႉ​ၸိုင်၊ ၸိုဝ်ႈ​သဵင်​ၸဝ်ႈ​ႁဝ်း​ၸမ်ႉ ႁွင်ႉ​ႁဵၵ်ႈ​ၸိုဝ်ႈ​သဵင်​ၸိူဝ်ႉ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ထၢမ်​ၸိုဝ်ႈ​သဵင်​ၵဝ်​ၼင်ႇ​ႁိုဝ်။ ပဵၼ်​ၸိုဝ်ႈ​သဵင်​ဢၼ်​လီ​ဢၢမ်း​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မႃႇၼေႃႇ ဢဝ်​ပႄႉ​ဢွၼ်ႇ​ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​လႄႈ ပုၵ်ႈ​ၸေႃႇ​ၵႃႈ​ၼိူဝ်​မၢၵ်ႇ​ႁိၼ်​တီႈ​ထႃႇဝရႃႉ​ၽြႃး​ဢေႃႈ။ လွင်ႈ​တၢင်း​ဢၼ်​လီ​ဢၢမ်း​ဢၼ်​ မႃႇၼေႃႇ ​ၶဝ်​ၽူဝ်​မေး​ၼၼ်ႉ လႆႈ​တူၺ်း​လႄႈ​ႁၼ်​ၼၼ်ႉ​ၸမ်ႉ၊-</verse>
				<verse number="20">ၼႂ်း​မိူဝ်ႈ​ဢၼ်​ပဵဝ်​ၽႆး​ယင်း​တိုၵ်ႉ​ဢွၵ်ႇ​သေ​ၵႃႈ​ၼိူဝ်​ယိတ်ႈပလၢင်ႇ​ၶိုၼ်ႈ​ၵႃႈ​ၼိူဝ်​ၵၢင်​ႁၢဝ်​ယူႇ​ၼၼ်ႉ​ၸိုင်၊ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ ၶိုၼ်ႈ​ၸွမ်း​ၵႃႈ​ၼႂ်း​ပဵဝ်​ၽႆး​ယိတ်ႈပလၢင်ႇ​ၼၼ်ႉ​ဢေႃႈ။ မႃႇၼေႃႇ ​သွင်​ၶႃ​ၽူဝ်​မေး​ၼၼ်ႉ တူၺ်း​ႁၼ်​သေ​ယဝ်ႉ၊ ၵူမ်ႈ​မူပ်ႇ​တဵတ်ႇ​ယူႇ​ၵႃႈ​ၼိူဝ်​လိၼ်​ဢေႃႈ။-</verse>
				<verse number="21">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ ဢမ်ႇ​သမ်ႉ​ၶိုၼ်း​ပေႃႇ​မႃး​တီႈ​ မႃႇၼေႃႇ ​သွင်​ၶႃ​ၽူဝ်​မေး​ၼၼ်ႉ​ထႅင်ႈ။ မိူဝ်ႈ​ၼၼ်ႉ မႃႇၼေႃႇ ​ႁူႉ​လွင်ႈ​ဢၼ် ပဵၼ်​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="22">မႃႇၼေႃႇ ​ၵေႃႈ လၢတ်ႈ​တီႈ​မေး​မၼ်း​လႄႈ​ဝႃႈ၊ ႁဝ်း​တၵ်း​လႆႈ​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။ လွင်ႈ​မၼ်း​ၸမ်ႉ ႁဝ်း​ႁၼ်​ၽြႃး​ပဵၼ်​ၸဝ်ႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="23">မေး​မၼ်း​ၶိုၼ်း​လၢတ်ႈ​လႄႈ​ဝႃႈ၊ ပေႃး​ထႃႇဝရႃႉ​ၽြႃး မီး​ဢလူဝ်ႇ​ၶႂ်ႈ​ဢဝ်​ႁဝ်း​တၢႆ​ၸိုင်၊ မၼ်း​ၸဝ်ႈ​ဢမ်ႇ​ၶၢမ်ႇ​ဢဝ်​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​ၵႃႈ​တီႈ​မိုဝ်း​ႁဝ်း။ လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼႆႉ​ၵေႃႈ မၼ်း​ၸဝ်ႈ​ဢမ်ႇ​ၼႄ​ဢမ်ႇ​ပျႃး။ ၵႂၢမ်း​ဢၼ်​ၸိူဝ်ႉ​ၼင်ႇ​ၼႆ မိူဝ်ႈ​လဵဝ်​ၼႆႉ​ၼၼ်ႉ​ၵေႃႈ၊ မၼ်း​ၸဝ်ႈ​ဢမ်ႇ​မီး​ဢမိင်ႉ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မႄႈ​ယိင်း​ၼၼ်ႉ ၵိူတ်ႇ​လဵင်ႉ​လုၵ်ႈ​ၸၢႆး​မႃး​လႄႈ ႁွင်ႉ​ႁဵၵ်ႈ​ၸိုဝ်ႈ​ သၢမ်ႇ​သုၼ်ႇ ​ဢေႃႈ။ လုၵ်ႈ​ဢွၼ်ႇ​ၼၼ်ႉ​ယႂ်ႇ​မႃး​လႄႈ ထႃႇဝရႃႉ​ၽြႃး​ပၼ်​တၢင်း​လီ​တီႈ​မၼ်း​ဢေႃႈ။-</verse>
				<verse number="25">ဝီႉၺိၺ်ႇ​ထႃႇဝရႃႉ​ၽြႃး​ၼၼ်ႉ မၢင်​ၽဝ်ႇ​မၢင်​ပွၵ်ႈ ၸႃႉ​တိုၵ်း​ယူင်း​ၸူဝ်း​ဢဝ်​မၼ်း ၵႃႈ​တီႈ​တပ်ႉ​မဵဝ်း​ တၢၼ်ႇ ၼႂ်း​ဝူင်ႈ​ၵၢင်​ဝဵင်း​ ၸေႃးရႃႉ တင်း​ဝဵင်း​ ဢေးသတေႃးလႃႉ ​ၼၼ်ႉ​ဢေႃႈ။</verse>
			</chapter>
			<chapter number="14">
				<verse number="1">ၽဝ်ႇ​ၼိုင်ႈ​ သၢမ်ႇ​သုၼ်ႇ လူင်း​ၵႂႃႇ​ၵႃႈ​တီႈ​ဝဵင်း​ တီႉမၼႃႉ ​လႄႈ ႁၼ်​မႄႈ​ယိင်း​ၵေႃႉ​ၼိုင်ႈ ဢၼ်​ပဵၼ်​မဵဝ်း​ ၽီႉလိတ်ႉတီႉ ၵႃႈ​တီႈ​ဝဵင်း​ တီႉမၼႃႉ ​ၼၼ်ႉ​သေ​ယဝ်ႉ၊-</verse>
				<verse number="2">ၶိုၼ်း​မႃး​ၸူး​ၵႃႈ​တီႈ​ပေႃႈ​မႄႈ​မၼ်း​လႄႈ​လၢတ်ႈ​ဝႃႈ ၵဝ်​ၶႃႈ​ႁၼ်​မႄႈ​ယိင်း​ၵေႃႉ​ၼိုင်ႈ ဢၼ်​ပဵၼ်​မဵဝ်း​ ၽီႉလိတ်ႉတီႉ ၵႃႈ​တီႈ​ဝဵင်း​ တီႉမၼႃႉ ​ၼၼ်ႉ​ယဝ်ႉ။ တွင်ႈ​ယွၼ်း​ဢဝ်​လႄႈ ပၼ်​ပုၼ်ႈ​ဢၼ်​တၵ်း​ပဵၼ်​မေး​ၵဝ်​ၶႃႈ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="3">ပေႃႈ​မႄႈ​မၼ်း​ၵေႃႈ​တွင်ႈ​ထၢမ်​လႄႈ​ဝႃႈ၊ လွင်ႈ​ၼင်ႇ​ႁိုဝ်​မႂ်း​တၵ်း​လႆႈ​ၵႂႃႇ​လႄႈ ဢဝ်​မေး​ၵႃႈ​ၼႂ်း​ၵူၼ်း​ ၽီႉလိတ်ႉတီႉ ဢၼ်​ဢမ်ႇ​တွၼ်ႉ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၸိူဝ်း​ၼၼ်ႉ​ၸိုင်၊ ၵႃႈ​ၼႂ်း​လုၵ်ႈ​ယိင်း​ပီႈ​မႂ်း​ၼွင်ႉ​မႂ်း ဢိၵ်ႇ​တင်း​ၵႃႈ​ၼႂ်း​လုၵ်ႈ​ယိင်း​မဵဝ်း​ၸိူဝ်ႉ​ၶိူဝ်း​ႁဝ်း​ၼႆႉ ဢမ်ႇ​မီး​မႄႈ​ယိင်း​သေ​ၵေႃႉ​သေ​ၵူၼ်း​ႁိုဝ်။ ဝႃႈ​ၼင်ႇ​ၼႆ​သေ​ၵေႃႈ၊ သၢမ်ႇ​သုၼ်ႇ ​လၢတ်ႈ တီႈ​ပေႃႈ​မၼ်း​လႄႈ​ဝႃႈ တွင်ႈ​ယွၼ်း​ဢဝ်​မၼ်း​ၼၼ်ႉ​လႄႈ ပၼ်​ၵဝ်​ၶႃႈ​သေ​ၵမ်း။ မၼ်း​ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်​ၶႃႈ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ပေႃႈ​မႄႈ​မၼ်း​ၼၼ်ႉ ဢမ်ႇ​ႁူႉ​လွင်ႈ​ဢၼ်​ပဵၼ်​ၵွပ်ႈ​ပိူဝ်ႈ​ထႃႇဝရႃႉ​ၽြႃး​ၼၼ်ႉ။ လွင်ႈ​မၼ်း​ၸမ်ႉ မၼ်း​ႁႃ​ဢမူႉ​တီႈ​ၵူၼ်း​ ၽီႉလိတ်ႉတီႉ ​တင်း​လၢႆ​ဢေႃႈ။ မိူဝ်ႈ​ၶိင်ႇ​ၵႃႇလႃႉ​ၼၼ်ႉ ၵူၼ်း​ ၽီႉလိတ်ႉတီႉ ဢုပ်ႉ​ပိူင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ ယူႇ​ဢေႃႈ။-</verse>
				<verse number="5">မိူဝ်ႈ​ၼၼ်ႉ သၢမ်ႇ​သုၼ်ႇ ဢိၵ်ႇ​တင်း​ပေႃႈ​မႄႈ​မၼ်း​ၸိူဝ်း​ၼၼ်ႉ လူင်း​ၸူး​ၵႃႈ​တီႈ​ဝဵင်း​ တီႉမၼႃႉ ​လႄႈ ႁွတ်ႈ​ထိုင်​ၵႃႈ​တီႈ​သူၼ်​ဢူးယဵၼ်ႇ​ၸပိတ်ႈ​ တီႉမၼႃႉ ​ၸိူဝ်း​ၼၼ်ႉ​သေ​ယဝ်ႉ၊ သၢင်ႇ​သီႈ​တူဝ်​ၼုမ်ႇ​တူဝ်​ၼိုင်ႈ​ထူပ်း​ႁၼ်​မၼ်း​လႄႈ ႁွင်ႉ​ႁဝ်ႇ​ၶၢင်း​ၸူး​ဢေႃႈ။-</verse>
				<verse number="6">မိူဝ်ႈ​ၼၼ်ႉ ဝီႉၺိၺ်ႇ​ထႃႇဝရႃႉ​ၽြႃး တူၵ်း​ႁွတ်ႈ​ၵႃႈ​ၼိူဝ်​မၼ်း​ၼႃႇ​လူင်​လၢင်​လႄႈ မၼ်း​ဢမ်ႇ​ပႃး​သေ​ၸိူဝ်ႉ​သေ​ပိူင်​ၵႃႈ​တီႈ​မိုဝ်း​မၼ်း​လႄႈ မၼ်း​တိုတ်ႉ​သိၵ်ႇ​သၢင်ႇ​သီႈ​ၼၼ်ႉ​ၶၢတ်ႇ မိူၼ်​ၸိူဝ်ႉ​ၼင်ႇ​ဢၼ်​တိုတ်ႉ​သိၵ်ႇ​ပႄႉ​ဢွၼ်ႇ​ၶၢတ်ႇ​ၼၼ်ႉ​ဢေႃႈ။ ၵူၺ်း​ၵႃႈ မၼ်း​ဢမ်ႇ​မွၵ်ႇ​ဢမ်ႇ​လၢတ်ႈ​လွင်ႈ​တၢင်း​ဢၼ် မၼ်း​ႁဵတ်း​ၼၼ်ႉ​တီႈ​ပေႃႈ​မႄႈ​မၼ်း။-</verse>
				<verse number="7">မၼ်း​လူင်း​ၸူး​လႄႈ တၵ်ႉ​လၢတ်ႈ​ၵၼ်​တင်း​မႄႈ​ယိင်း​သေ​ယဝ်ႉ၊ မႄႈ​ယိင်း​ၼၼ်ႉ​ပဵၼ်​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ သၢမ်ႇ​သုၼ်ႇ ​ဢေႃႈ။-</verse>
				<verse number="8">ႁိုင်​တၢၼ်ႇ​တၢၼ်ႇ​သေ​ယဝ်ႉ၊ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၵႂႃႇ ႁႂ်ႈ​လႆႈ​သိမ်း​ဢဝ်​မႄႈ​ယိင်း​ၼၼ်ႉ​ယူႇ​ၼၼ်ႉ​ၸိုင်၊ မၼ်း​ဝႄႈ​ပိူင်ႈ​ဢွၵ်ႇ​သေ​ၵႃႈ​ၼႂ်း​သဵၼ်ႈ​တၢင်း​ၵႂႃႇ ႁႂ်ႈ​လႆႈ​လူ​လႆႈ​တူၺ်း တူဝ်​သၢင်ႇ​သီႈ​ၼၼ်ႉ​လႄႈ ထူပ်း​ႁၼ်​ၽုင်​ၽိုင်ႈ ဢိၵ်ႇ​တင်း​ၼမ်ႉ​ၽိုင်ႈ​ၵႃႈ​ၼႂ်း​တူဝ်​သၢင်ႇ​သီႈ​ၼၼ်ႉ​သေ​ယဝ်ႉ၊-</verse>
				<verse number="9">ဢဝ်​မိုဝ်း​မၼ်း​ၸူၵ်း​ၵမ်​ဢဝ်​လႄႈ​ၵိၼ်​ၸွမ်း​တၢင်း​ၵႂႃႇ​ယူႇ​ဢေႃႈ။ မၼ်း​ႁွတ်ႈ​ထိုင်​ၵႃႈ​တီႈ​ပေႃႈ​မႄႈ​မၼ်း​သေ​ယဝ်ႉ၊ ဢဝ်​ပၼ်​တီႈ​ၶဝ်​လႄႈ ၶဝ်​ၵေႃႈ​ၵိၼ်​ဢေႃႈ။ ၵူၺ်း​ၵႃႈ မၼ်း​ဢမ်ႇ​မွၵ်ႇ​ဢမ်ႇ​လၢတ်ႈ​လွင်ႈ​ဢၼ် မၼ်း​ၸူၵ်း​ၵမ်​ဢဝ်​ၼမ်ႉ​ၽိုင်ႈ​ၼၼ်ႉ​ၵႃႈ​ၼႂ်း​တူဝ်​သၢင်ႇ​သီႈ​ၼၼ်ႉ​တီႈ​ၶဝ်​ၼၼ်ႉ။</verse>
				<verse number="10">ပေႃႈ​မၼ်း​ၵေႃႈ သမ်ႉ​ၶိုၼ်း​လူင်း​ၸူး​ၵႃႈ​တီႈ​မႄႈ​ယိင်း​ၼၼ်ႉ​ထႅင်ႈ​လႄႈ သၢမ်ႇ​သုၼ်ႇ ႁဵတ်း​ပွႆး​ၸွမ်း​ၵႃႈ​ၼင်ႇ​ဢၼ်​ထုင်း​ၸၢမ်ႇ​ၽူႈ​မၢဝ်ႇ​မီး​ၼၼ်ႉ​ဢေႃႈ။-</verse>
				<verse number="11">မိူဝ်ႈ​ဢၼ်​ၶဝ်​ႁၼ် သၢမ်ႇ​သုၼ်ႇ ​ၼၼ်ႉ​ၸိုင် ၶဝ်​ႁွင်ႉ​ပၢင်း​ဢဝ်​ၵေႃႉ​သေႈ​သၢမ်​သိပ်း​ၵေႃႉ မႃး​ႁႂ်ႈ​လႆႈ​ၶၢမ်ႇ​ပွႆး​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="12">သၢမ်ႇ​သုၼ်ႇ ​ၵေႃႈ လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၵဝ်​တၵ်း​လၢတ်ႈ​ၵႂၢမ်း​သိူင်ႇ​ၵႂၢမ်း​ဢမ်​တီႈ​သူ​ဢေႃႈ။ ပေႃး​သူ​ၽုၺ်ႇ​ဢွၵ်ႇ​ၼႄ​ပျႃး ၼႂ်း​ၸဵတ်း​ဝၼ်း​မိူဝ်ႈ​ၶၢမ်ႇ​ပွႆး​ၼႆႉ​လႄႈ ၵႄႇ​လိတ်ႈ​လႆႈ​ၸိုင်၊ ၵဝ်​တၵ်း​ပၼ်​သိူဝ်ႈ​ယၢဝ်း​သၢမ်​သိပ်း ဢိၵ်ႇ​တင်း​သိူဝ်ႈ​ဢၼ်​တၵ်း​ပုတ်ႈ​တၵ်း​လၢႆႈ သၢမ်​သိပ်း​တီႈ​သူ​ဢေႃႈ။-</verse>
				<verse number="13">ပေႃး​သူ​ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး​တီႈ​ၵဝ်​လႆႈ​ၸိုင်၊ သူ​တၵ်း​လႆႈ​ပၼ်​သိူဝ်ႈ​ယၢဝ်း​သၢမ်​သိပ်း ဢိၵ်ႇ​တင်း​သိူဝ်ႈ​ဢၼ်​တၵ်း​ပုတ်ႈ​တၵ်း​လၢႆႈ သၢမ်​သိပ်း​တီႈ​ၵဝ်​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ဢွၼ်​ၵၼ်​ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ မွၵ်ႇ​လၢတ်ႈ​ၵႂၢမ်း​သိူင်ႇ​ၵႂၢမ်း​ဢမ်​မႂ်း ႁႂ်ႈ​ႁဝ်း​ငိၼ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မၼ်း​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ၵႃႈ​ၼႂ်း​ၵေႃႉ​ဢၼ်​ၸၢင်ႈ​ၵိၼ်​ၸၢင်ႈ​ၶူပ်း​ၼၼ်ႉ တၢင်း​ၵိၼ်​တၢင်း​ၶူပ်း​ဢွၵ်ႇ​မႃး​လႄႈ ၵႃႈ​ၼႂ်း​ၵေႃႉ​ဢၼ်​ၵတ်ႉ​ၶၼ်​ႁႅင်း​ယႂ်ႇ​ၼၼ်ႉ ဢၼ်​ဝၢၼ်​ဢၼ်​ၸဵမ်း​ဢွၵ်ႇ​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ဢၼၢၵ်ႈ​ဢထိၵ်ႈပႄႇ ၵႂၢမ်း​သိူင်ႇ​ၵႂၢမ်း​ဢမ်​ၼၼ်ႉ​ၸိုင် ၶဝ်​ႁႃ​ဢဝ်​သၢမ်​ဝၼ်း​တဵမ်​တဵမ်​လႄႈ ဢမ်ႇ​ထူပ်း​ဢမ်ႇ​လႆႈ။-</verse>
				<verse number="15">ႁွတ်ႈ​ထိုင်​ဝၼ်း​ၸတုၵ်ႉထႃႉ​သေ​ယဝ်ႉ၊ ၶဝ်​ၼၼ်ႉ​လၢတ်ႈ​တီႈ​မေး​ သၢမ်ႇ​သုၼ်ႇ ​ၼၼ်ႉ​လႄႈ​ဝႃႈ၊ မႂ်း​တၵ်း​လႆႈ​ၶျေႃး​ၽူဝ်​မႂ်း ႁႂ်ႈ​မၼ်း​ၽုၺ်ႇ​ဢွၵ်ႇ​ၼႄ​ပျႃး​ဢၼၢၵ်ႈ​ဢထိၵ်ႈပႄႇ​ၵႂၢမ်း​သိူင်ႇ​ၵႂၢမ်း​ဢမ်​ၼၼ်ႉ​ဢေႃႈ။ ပေႃး​ဢမ်ႇ​ၼၼ် ႁဝ်း​တၵ်း​ဢဝ်​ၽႆး​တုတ်ႇ​မႂ်း​ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​ဢေႃႈ။ မႂ်း​ႁွင်ႉ​ပၢင်း​ႁဝ်း​မႃး​ႁႂ်ႈ​လႆႈ​ႁိမ်​ဢဝ်​ဢုၵ်ႉ​ၸႃႇ​ႁဝ်း​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မေး​ သၢမ်ႇ​သုၼ်ႇ ႁႆႈ​ႁွင်ႉ​ၵႃႈ​တီႈ​ၽၢႆႇ​ၼႃႈ​မၼ်း​သေ​လႄႈ​လၢတ်ႈ​လႄႈ​ဝႃႈ၊ ၸဝ်ႈ​ၸင်း​ၵဝ်​ၶႃႈ​ဢေႃႈ။ ၸဝ်ႈ​ဢမ်ႇ​ႁၵ်ႉ​ၵဝ်​ၶႃႈ။ ၸဝ်ႈ​လၢတ်ႈ​ၵႂၢမ်း​သိူင်ႇ​ၵႂၢမ်း​ဢမ်​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ၶႃႈ​လႄႈ ၸဝ်ႈ​ယင်း​ဢမ်ႇ​ၼႄ​ပျႃး​တီႈ​ၵဝ်​ၶႃႈ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ တေႃႈ​ၵႃႈ​ပေႃႈ​မႄႈ​ၵဝ်​ၼၼ်ႉ၊ ၵဝ်​ယင်း​ဢမ်ႇ​ၼႄ​ပျႃး​လႄႈ ၵဝ်​တၵ်း​လႆႈ​ၼႄ​ပျႃး​တီႈ​မႂ်း​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="17">မၼ်း​ၼၼ်ႉ​ႁႆႈ​ႁွင်ႉ​ၵႃႈ​တီႈ​ၽၢႆႇ​ၼႃႈ​မၼ်း​တင်း​ၸဵတ်း​ဝၼ်း ၼႂ်း​မိူဝ်ႈ​ဢၼ်​ၶၢမ်ႇ​ပွႆး​ယူႇ​ၼၼ်ႉ​လႄႈ ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ မၼ်း​ၽုၺ်ႇ​ဢွၵ်ႇ​ၼႄ​ပျႃး​တီႈ​မၼ်း​ၼၼ်ႉ ၵွပ်ႈ​ပိူဝ်ႈ​ဢၼ်​တုၵ်း​တဝ်​ၼႃႇ​လူင်​လၢင်​ၼၼ်ႉ​ဢေႃႈ။ မၼ်း​ၼၼ်ႉ​ၵေႃႈ ဢဝ်​ဢၼၢၵ်ႈ​ၵႂၢမ်း​သိူင်ႇ​ၵႂၢမ်း​ဢမ်​ၼၼ်ႉ ၶိုၼ်း​မွၵ်ႇ​လၢတ်ႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="18">ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ ၸူဝ်ႈ​ဢၼ်​ၵၢင်​ဝၼ်း​ဢမ်ႇ​ပႆႇ​တၼ်း​တူၵ်း​ၼၼ်ႉ​ၸိုင်၊ ၵူၼ်း​ဝဵင်း​ၸိူဝ်း​ၼၼ်ႉ​ဢွၼ်​ၵၼ်​မႃး​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ဢၼ်​လႂ်​ဝၢၼ်​ၸဵမ်း​လိူဝ်​တွၼ်း​သေ​ၼမ်ႉ​ၽိုင်ႈ။ ဢၼ်​လႂ်​ၵတ်ႉ​ၶၼ်​ႁႅင်း​ၼႃႇ​သေ​သၢင်ႇ​သီႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ပေႃး​သူ​ဢမ်ႇ​ဢဝ်​ဝူဝ်း​မႄႈ​ၼုမ်ႇ​ၵဝ်​ထႆ​ၸိုင်၊ သူ​ႁႃ​ဢဝ်​ဢၼၢၵ်ႈ​ၵႂၢမ်း​သိူင်ႇ​ၵႂၢမ်း​ဢမ်​ၵဝ်​လႄႈ ဢမ်ႇ​ထူပ်း​ဢမ်ႇ​ႁၼ်​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ဝီႉၺိၺ်ႇ​ထႃႇဝရႃႉ​ၽြႃး တူၵ်း​ႁွတ်ႈ​ၵႃႈ​ၼိူဝ်​ သၢမ်ႇ​သုၼ်ႇ ၼႃႇ​လူင်​လၢင်​သေ​ယဝ်ႉ၊ မၼ်း​လူင်း​ၸူး​ၵႃႈ​တီႈ​ဝဵင်း​ ဢႃႇသၵေႇလုၼ်ႇ ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​ဝဵင်း​ၼၼ်ႉ​တၢႆ သၢမ်​သိပ်း​သေ​ယဝ်ႉ၊ ႁိမ်​ဢဝ်​ဢုၵ်ႉ​ၸႃႇ​ၶူဝ်း​လဵင်း​ၶဝ်​ၼၼ်ႉ​သေ​လႄႈ ပၼ်​ၶူဝ်း​ၼုင်ႈ​ၶူဝ်း​မႆ​တီႈ​ၶဝ်​ၸိူဝ်း​ဢၼ် ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​ၵႂၢမ်း​သိူင်ႇ​ၵႂၢမ်း​ဢမ်​ၸိူဝ်း​ၼၼ်ႉ​သေ​ယဝ်ႉ၊ တၢင်း​ၸႂ်​မႆႈ​ၶႆႈ​ၸႃႉ​မၼ်း​ဢွၵ်ႇ​လႄႈ မၼ်း​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​ပေႃႈ​မၼ်း​ၼၼ်ႉ​သေ​ဢေႃႈ။-</verse>
				<verse number="20">မေး​ သၢမ်ႇ​သုၼ်ႇ ​ၼၼ်ႉ​ၸမ်ႉ၊ ၶဝ်​ဢဝ်​ပၼ်​တီႈ​ၵေႃႉ​သေႈ​မၼ်း ဢၼ်​မၼ်း​ဢဝ်​ႁဵတ်း​ၵေႃႉ​ႁဵတ်း​သေႈ​မၼ်း​ၼၼ်ႉ​သေ​ဢေႃႈ။</verse>
			</chapter>
			<chapter number="15">
				<verse number="1">လိုၼ်း​ၼၼ်ႉ ႁိုင်​တၢၼ်ႇ​တၢၼ်ႇ​သေ​ယဝ်ႉ ၼႂ်း​ၶိင်ႇ​မိူဝ်ႈ​ဢၼ်​ပၢတ်ႇ​ၶဝ်ႈ​ၵျုင်ႇ​ၼၼ်ႉ၊ သၢမ်ႇ​သုၼ်ႇ ​ပႃး​ဢဝ်​ပႄႉ​ဢွၼ်ႇ​သေ​လႄႈ ၵႂႃႇ​ႁႂ်ႈ​လႆႈ​သူႇ​လႆႈ​ၸႂ်း​မေး​မၼ်း​လႄႈ ၵျၢမ်ႇ​ငႃ​တၵ်း​ၶဝ်ႈ​ၸူး​တီႈ​မၼ်း ၵႃႈ​ၼႂ်း​လုၵ်း​မၼ်း​ၼၼ်ႉ​လႄႈ ပူႇ​ၼၢႆး​မၼ်း​ႁႄႉ​ၶႅၼ်​ႁႂ်ႈ​ဢမ်ႇ​လႆႈ​ၶဝ်ႈ​ၸူး​လႄႈ​ဝႃႈ၊-</verse>
				<verse number="2">ၵွပ်ႈ​ပိူဝ်ႈ​ဢၼ်​ၵဝ်​ထၢင်ႇ​မႂ်း​ၸင်း​မၼ်း​တႄႉ​တႄႉ​ဝႃႈ​ဝႃႈ​ယဝ်ႉ​လႄႈ၊ ၵဝ်​လႆႈ​ဢဝ်​မၼ်း​ပၼ်​တီႈ​ၵေႃႉ​သေႈ​မႂ်း​ယဝ်ႉ။ ၼွင်ႉ​ယိင်း​မၼ်း​ၼၼ်ႉ ယဵင်ႈ​ၶႅၼ်း​ႁၢင်ႈ​လီ​သေ​မၼ်း​ဢမ်ႇ​ၸႂ်ႈ​ႁိုဝ်။ ဢဝ်​ၼွင်ႉ​ယိင်း​မၼ်း​ၼၼ်ႉ ပုၼ်ႈ​တၢင်​တူဝ်​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">သၢမ်ႇ​သုၼ်ႇ ​လၢတ်ႈ​တီႈ​ၶဝ်​လႄႈ​ဝႃႈ၊ ၵမ်း​ၼႆႉ ၵဝ်​တၵ်း​လွတ်ႈ​တင်း​တီႈ​ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ တၵ်း​တၢင်ႇ​ဢပႅတ်ႈ​ၼႂ်း​မိူဝ်ႈ​ဢၼ် ၵဝ်​ႁဵတ်း​ဢပႅတ်ႈ​တီႈ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">သၢမ်ႇ​သုၼ်ႇ ​ၵႂႃႇ​လႄႈ တီႉ​ဢဝ်​မႃ​ၼႆး​သၢမ်​ပၢၵ်ႇ​သေ​လႄႈ ဢဝ်​ၵၢၼ်ႈ​ၽႆး​လႄႈ ႁဵတ်း​ႁႂ်ႈ​ႁၢင်​မႃ​ၼႆး​ဢၼ်​ၼိုင်ႈ​လႄႈ​ဢၼ်​ၼိုင်ႈ ႁွမ်း​ၵၼ်​သေ​ယဝ်ႉ၊ ဢဝ်​ၵၢၼ်ႈ​ၽႆး​မတ်ႉ​ၸပ်း​ၵႃႈ​တီႈ​ၵႄႈ​ႁၢင်​သွင်​ဢၼ်​သေ​လႄႈ၊-</verse>
				<verse number="5">ဢဝ်​ၽႆး​ၸပ်း​တီႈ​ၵၢၼ်ႈ​ၽႆး​ၸိူဝ်း​ၼၼ်ႉ​ယဝ်ႉ​ၸင်ႇ ဢဝ်​ပွႆႇ​ပႅတ်ႈ​ၵႃႈ​ၼႂ်း​တူင်ႈ​ၼႃး​ၶဝ်ႈ​ၵျုင်ႇ​ၵူၼ်း​ ၽီႉလိတ်ႉတီႉ ​တင်း​လၢႆ​လႄႈ ၽႆး​မႆႈ​လိုၼ်ႈ​ၶဝ်ႈ​ၵျုင်ႇ​ၶဝ်၊ တူၼ်ႈ​ၶဝ်ႈ​ၵျုင်ႇ​ၶဝ်၊ တင်း​သူၼ်​ဢူးယဵၼ်ႇ​ သၢၼ်ႇလုၼ်ႇ ​ၶဝ်​ဢေႃႈ။-</verse>
				<verse number="6">ၵူၼ်း​ ၽီႉလိတ်ႉတီႉ ​တင်း​လၢႆ​ၵေႃႈ တွင်ႈ​ထၢမ်​လႄႈ​ဝႃႈ၊ ၽူႈ​လႂ်​ႁဵတ်း​ဢမူႉ​ၼႆႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၶိုၼ်း​လၢတ်ႈ​လႄႈ​ဝႃႈ၊ သၢမ်ႇ​သုၼ်ႇ လုၵ်ႈ​ၶူၺ်​ၵူၼ်း​ဝဵင်း​ တီႉမၼႃႉ ​ၼၼ်ႉ​ႁဵတ်း​ယဝ်ႉ။ ၶဝ်​ဢဝ်​မေး​မၼ်း​ပၼ်​တီႈ​ၵေႃႉ​သေႈ​မၼ်း​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​ ၽီႉလိတ်ႉတီႉ ​တင်း​လၢႆ ဢွၼ်​ၵၼ်​မႃး​လႄႈ ဢဝ်​မႄႈ​ယိင်း​ၼၼ်ႉ ဢိၵ်ႇ​တင်း​ပေႃႈ​မၼ်း​တုတ်ႇ​ၽဝ်​ၽႆး​ပႅတ်ႈ​ဢေႃႈ။-</verse>
				<verse number="7">သၢမ်ႇ​သုၼ်ႇ ​ၵေႃႈ လၢတ်ႈ​တီႈ​ၶဝ်​လႄႈ​ဝႃႈ၊ ပေႃး​သူ​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​တၵ်း​ႁဵတ်း​ႁႂ်ႈ​ပေႇ​ၸႂ်​ၵဝ်​လူး​ၵွၼ်ႇ​ဢေႃႈ။ ပေႇ​ၸႂ်​ၵဝ်​ယဝ်ႉ ၵဝ်​ၸင်ႇ​တၵ်း​ယူႇ​ၼိမ်​ၼိမ်​လီ​လီ​ဢေႃႈ၊ ဝႃႈ​ၼင်ႇ​ၼႆ​ယူႇ​သေ​လႄႈ၊-</verse>
				<verse number="8">ႁဵတ်း​တၢင်း​ဢၼ်​ၶႃႈ​ၽၼ်း​ဢဝ်​တၢႆ​ဢၼ်​ယႂ်ႇ​ၼႃႇ​လူင်​လၢင်​ယူႇ​သေ​လႄႈ တိုၵ်း​တေႃး​ပေႃႉ​ယႅၼ်ႉ​ငဝ်ႈ​ၵုမ်ႇ​ၶႅပ်း​ၶႃ​ၶဝ်​ပႅတ်ႈ​သေ​ယဝ်ႉ၊ လူင်း​ၵႂႃႇ​လႄႈ ယူႇ​ၵႃႈ​ၼႂ်း​ၵႄႈ​ငၢပ်ႇ​မၢၵ်ႇ​ႁိၼ်​မၢၵ်ႇ​ၽႃ​ ဢေးတမ်ႇ ​ဢေႃႈ။</verse>
				<verse number="9">လႆႈ​သမ်ႉ ၵူၼ်း​ ၽီႉလိတ်ႉတီႉ ​တင်း​လၢႆ ၶီႇ​ၶိုၼ်ႈ​ၵႂႃႇ​လႄႈ​ၶျႃး​တပ်ႉ​ၶဝ်​ၵႃႈ​ၼႂ်း​မိူင်း​ ယူႉတႃႉ ​သေ​လႄႈ ယူႇ​ၸွတ်ႇ​ယူႇ​တူဝ်ႈ​ၵႃႈ​တီႈ လေးႁီႉ ​ဢေႃႈ။-</verse>
				<verse number="10">ၵူၼ်း​ ယူႉတႃႉ ​တင်း​လၢႆ​ၵေႃႈ​တွင်ႈ​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ၶီႇ​မႃး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၶီႇ​မႃး​ႁႂ်ႈ​လႆႈ​တီႉ​မတ်ႉ​ဢဝ်​ သၢမ်ႇ​သုၼ်ႇ ​လႄႈ ႁဵတ်း​တီႈ​မၼ်း​မိူၼ်​ၸိူဝ်ႉ​ၼင်ႇ​ဢၼ်​မၼ်း​ႁဵတ်း​တီႈ​ႁဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ၵူၼ်း​ ယူႉတႃႉ သၢမ်​ႁဵင် ဢွၼ်​ၵၼ်​လူင်း​ၸူး​ၵႃႈ​တီႈ​ၵႄႈ​ငၢပ်ႇ​မၢၵ်ႇ​ႁိၼ်​မၢၵ်ႇ​ၽႃ​ ဢေးတမ်ႇ ​ၼၼ်ႉ​သေ​လႄႈ တွင်ႈ​ထၢမ်​တီႈ​ သၢမ်ႇ​သုၼ်ႇ ​လႄႈ​ဝႃႈ၊ မႂ်း​ဢမ်ႇ​ႁူႉ​လွင်ႈ​ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ ပဵၼ်​ၸဝ်ႈ​ႁဝ်း​ၼၼ်ႉ​ႁိုဝ်။ မႂ်း​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ႁဝ်း၊ ဝႃႈ​ၼင်ႇ​ၼႆ​လႄႈ၊ မၼ်း​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ႁဵတ်း​တီႈ​ၶဝ် မိူၼ်​ၸိူဝ်ႉ​ၼင်ႇ​ဢၼ်​ၶဝ်​ႁဵတ်း​တီႈ​ၵဝ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၶဝ်​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ မိူဝ်ႈ​လဵဝ်​ၼႆႉ​ႁဝ်း​မႃး​ႁႂ်ႈ​လႆႈ​တီႉ​မတ်ႉ​မႂ်း​သေ​လႄႈ ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ သၢမ်ႇ​သုၼ်ႇ ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ သူ​ၵိၼ်ႇ​ဝႃႈ​လွင်ႈ​ဢၼ်​တူဝ်​သူ တၵ်း​ဢမ်ႇ​ႁဵတ်း​တီႈ​ၵဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">ၶဝ်​ၼၼ်ႉ​ၵေႃႈ​ဢွၼ်​ၵၼ်​လၢတ်ႈ​တီႈ​မၼ်း​လႄႈ​ဝႃႈ၊ ႁဝ်း​ဢမ်ႇ​ႁဵတ်း။ ၵူၺ်း​ၵႃႈ ႁဝ်း​တၵ်း​မတ်ႉ​ၽုၵ်ႇ​မႂ်း​ၼႃႇ​ၼႃႇ​သေ​လႄႈ ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၼၼ်ႉ​ဢေႃႈ။ ႁဝ်း​ဢမ်ႇ​ဢဝ်​မႂ်း​တၢႆ​ဢမၢၼ်ႇ​ၶၼ်​ပဵၼ်၊ ဝႃႈ​ၼင်ႇ​ၼႆ​ယူႇ​သေ​လႄႈ ဢဝ်​ၸိူၵ်ႈ​မႂ်ႇ​သွင်​သဵၼ်ႈ​မတ်ႉ​ၽုၵ်ႇ​မၼ်း​လႄႈ ဢဝ်​မၼ်း​ဢွၵ်ႇ​သေ​ၵႃႈ​ၼႂ်း​မၢၵ်ႇ​ႁိၼ်​မၢၵ်ႇ​ၽႃ​ၼၼ်ႉ ၶိုၼ်း​ၶိုၼ်ႈ​မႃး​ဢေႃႈ။-</verse>
				<verse number="14">မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​တီႈ​ လေးႁီႉ ​ၼၼ်ႉ​ၸိုင် ၵူၼ်း​ ၽီႉလိတ်ႉတီႉ ​တင်း​လၢႆ​ဢွၼ်​ၵၼ်​ႁုၼ်ႉ​ဢေႃႈ။ ဝီႉၺိၺ်ႇ​ထႃႇဝရႃႉ​ၽြႃး တူၵ်း​ႁွတ်ႈ​ၵႃႈ​ၼိူဝ်​မၼ်း​ၼႃႇ​လူင်​လၢင်​သေ​ယဝ်ႉ၊ ၸိူၵ်ႈ​ဢၼ်​မတ်ႉ​ၽုၵ်ႇ​ၵႃႈ​တီႈ​မိုဝ်း​မၼ်း​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​မႆ​ပၢၼ်ႇ ဢၼ်​တိူဝ်ႉ​ၽႆး​ၼၼ်ႉ​မႃး​လႄႈ ဢၼ်​မတ်ႉ​ဢၼ်​ၽုၵ်ႇ​ၼၼ်ႉ လွတ်ႈ​သေ​ၵႃႈ​တီႈ​မိုဝ်း​မၼ်း​ၵႂႃႇ​ဢေႃႈ။-</verse>
				<verse number="15">မၼ်း​ၵေႃႈ​ထူပ်း​ႁၼ်​လုပ်ႇ​ၵၢင်း​လီႈ ဢၼ်​ယင်း​လိပ်း​ဝႆႉ​ၼၼ်ႉ​လႄႈ ယိုၼ်ႈ​မိုဝ်း​ယိပ်း​ၵမ်​ဢဝ်​သေ​ယဝ်ႉ၊ ဢဝ်​ၵူၼ်း​တၢႆ​ႁဵင်​ၼိုင်ႈ​ဢေႃႈ။-</verse>
				<verse number="16">သၢမ်ႇ​သုၼ်ႇ ​ၼၼ်ႉ​လၢတ်ႈ​လႄႈ​ဝႃႈ၊ ဢဝ်​တင်း​လုပ်ႇ​ၵၢင်း​လီႈ ပဵၼ်​ၵွင်​ပဵၼ်​ၵွင်​လႄႈ ဢဝ်​တင်း​လုပ်ႇ​ၵၢင်း​လီႈ ဢဝ်​ၵူၼ်း​တၢႆ​ႁဵင်​ၼိုင်ႈ​ယဝ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="17">လိုၼ်း​သေ​ဢၼ်​ဝႃႈ​ယဝ်ႉ​ၼၼ်ႉ မၼ်း​ဢဝ်​လုပ်ႇ​ၵၢင်း​လီႈ​ၼၼ်ႉ ထိမ်ႈ​ပႅတ်ႈ​သေ​ၵႃႈ​ၼႂ်း​မိုဝ်း​မၼ်း​လႄႈ ၵႃႈ​တီႈ​ၼၼ်ႈ​လႆႈ​ၸိုဝ်ႈ ရႃႇမတ်ႉလေးႁီႉ ​ဢေႃႈ။-</verse>
				<verse number="18">မၼ်း​ၼၼ်ႉ ယၢၵ်ႇ​ၼမ်ႉ​ၼႃႇ​လူင်​လၢင်​လႄႈ သူး​တွင်း​တီႈ​ထႃႇဝရႃႉ​ၽြႃး​ယူႇ​သေ​လႄႈ​ဝႃႈ၊ ၸဝ်ႈ​ႁဝ်း​ဢဝ်​မိုဝ်း​ၶႃႈ​ၸဝ်ႈ​ႁဝ်း​ပၼ် တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ဢၼ်​ယႂ်ႇ​ၼႃႇ​ၼႆႉ​ယဝ်ႉ​လႄႈ မိူဝ်ႈ​လဵဝ်​ၼႆႉ ၶႃႈ​ၸဝ်ႈ​ယၢၵ်ႇ​ၼမ်ႉ​ယူႇ​သေ​လႄႈ​တၵ်း​လႆႈ​တၢႆ​လႄႈ ႁွတ်ႈ​ထိုင်​ၵႃႈ​ၼႂ်း​မိုဝ်း​ၵူၼ်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၸိူဝ်း​ၼၼ်ႉ​တီႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">ၽြႃး​ပဵၼ်​ၸဝ်ႈ​ၽႃႇ​သပ်း ၵႃႈ​တီႈ​ၶူင်ႈ​ႁူၺ်ႈ​ၵႃႈ​ၼႂ်း​တီႈ လေးႁီႉ ​ၼၼ်ႉ​လႄႈ ၼမ်ႉ​ဢွၵ်ႇ​မႃး​ဢေႃႈ။ မၼ်း​ၼၼ်ႉ​ၵိၼ်​ၼမ်ႉ​သေ​ယဝ်ႉ ၶိုၼ်း​ထူၺ်ႈ​ၸႂ်​လႄႈ​ႁွမ်​ႁႅင်း​ယူႇ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ တီႈ​ၶူင်ႈ​ႁူၺ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ ဢိၼ်ႇႁၵ်ႉၵေႃးရႃႉ ​လႄႈ မီး​ယူႇ​ၵႃႈ​တီႈ လေးႁီႉ ​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="20">သၢမ်ႇ​သုၼ်ႇ ​ၵေႃႈ ၸီႇ​ယၢင်ႇ​ၵႃႈ​ၼိူဝ် မဵဝ်း​ ဢီႉသရေႇလႃႉ ၸူဝ်ႈ​ပၢၼ်​ၵူၼ်း​ ၽီႉလိတ်ႉတီႉ ​ၼၼ်ႉ သၢဝ်း​ပီႊ​ဢေႃႈ။</verse>
			</chapter>
			<chapter number="16">
				<verse number="1">လိုၼ်း​ၼၼ်ႉ သၢမ်ႇ​သုၼ်ႇ ​ၵႂႃႇ​ၵႃႈ​တီႈ​ဝဵင်း​ ၵႃႇၸႃႉ ​လႄႈ ထူပ်း​ႁၼ်​မႄႈ​မွၵ်ႇ​ယႃႈ​သေ​ယဝ်ႉ၊ ၶဝ်ႈ​ၸူး​ၵႃႈ​တီႈ​မၼ်း​ၼၼ်ႉ​လႄႈ​ယူႇ​ဢေႃႈ။-</verse>
				<verse number="2">ၵူၼ်း​ဝဵင်း​ ၵႃႇၸႃႉ ​ၸိူဝ်း​ၼၼ်ႉ ငိၼ်း​လွင်ႈ​ဢၼ်​ သၢမ်ႇ​သုၼ်ႇ ႁွတ်ႈ​ထိုင်​ၵႃႈ​တီႈ​ၼၼ်ႈ​ၼၼ်ႉ​သေ​ယဝ်ႉ၊ ဢွၼ်​ၵၼ်​လွမ်ႉ​ႁွပ်ႈ​မၼ်း​ဝႆႉ​ယူႇ၊ လွမ်​ၵျၢမ်ႇ​လွမ်​တူၺ်း​ၵႃႈ​တီႈ​ႁူး​ၽၵ်း​တူ​ဝဵင်း​ၼၼ်ႉ​တင်း​ၶိုၼ်း​ယူႇ​သေ​လႄႈ ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​တင်း​ၶိုၼ်း​လႄႈ​ဝႃႈ၊ ၶိင်ႇ​ၵၢင်​ၼႂ် မိူဝ်ႈ​ဢၼ်​မိူင်း​လႅင်း​ၼၼ်ႉ ႁဝ်း​တၵ်း​ဢဝ်​မၼ်း​တၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">သၢမ်ႇ​သုၼ်ႇ ​ၼၼ်ႉ​ၼွၼ်း​တေႃႇ​ထိုင်​ႁွတ်ႈ​ၶိင်ႇ​တဵင်ႈ​ၶိုၼ်း​သေ​ယဝ်ႉ၊ လုၵ်ႉ​ၶိင်ႇ​မိူဝ်ႈ​ဢၼ်​တဵင်ႈ​ၶိုၼ်း​ၼၼ်ႉ​လႄႈ ဢဝ်​မႂ်​ၽၵ်း​တူ​ဝဵင်း ဢိၵ်ႇ​တင်း​သဝ်​ၽၵ်း​တူ​မၼ်း​သွင်​လႅမ်ႈ​သေ​လႄႈ ထူၺ်ႈ​ဢဝ်​ပႃး​ၵိူၼ်ႇ​ၽၵ်း​တူ ဢိၵ်ႇ​တင်း​ၵႃႈ​မီး​ၼၼ်ႉ​သေ​ယဝ်ႉ တၢင်ႇ​သႂ်ႇ​ၵႃႈ​ၼိူဝ်​ႁူဝ်​မႃႇ​မၼ်း​ၵႂႃႇ​လႄႈ ပႅတ်ႈ​ဝႆႉ​ၵႃႈ​ၼိူဝ်​ပၢႆ​လွႆ ၵႃႈ​တီႈ​ၽၢႆႇ​ၼႃႈ​ဝဵင်း​ ႁေႇပြုၼ်ႇ ​ဢေႃႈ။</verse>
				<verse number="4">လိုၼ်း​ၼၼ်ႉ ႁိုင်​တၢၼ်ႇ​တၢၼ်ႇ​သေ​ယဝ်ႉ၊ မၼ်း​ၼၼ်ႉ​သမ်ႉ ငိၼ်း​ႁၵ်ႉ​ငိၼ်း​ပႅင်း​မႄႈ​ယိင်း​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ​လႆႈ​သဵင်​ တေႇလီႉလႃႉ ဢၼ်​ယူႇ​ၵႃႈ​တီႈ​ၶူင်ႈ​ႁူၺ်ႈ​ ၸေႃႇရိၵ်ႉ ​ၼၼ်ႉ​ဢေႃႈ။-</verse>
				<verse number="5">ၶုၼ်​ ၽီႉလိတ်ႉတီႉ ​တင်း​လၢႆ မႃး​ၸူး​ၵႃႈ​တီႈ​မႄႈ​ယိင်း​ၼၼ်ႉ​လႄႈ​လၢတ်ႈ​လႄႈ​ဝႃႈ၊ ၶျေႃး​ဝွၼ်း​မၼ်း​လႄႈ တွင်ႈ​ထၢမ်​ၸၢမ်း​တူၺ်း လွင်ႈ​ဢၼ်​ႁႅင်း​ဢၼ်​ယႂ်ႇ​တီႈ​မၼ်း​ၼၼ်ႉ တႄႇ​ယူႇ​ၵွပ်ႈ​ပိူဝ်ႈ​လွင်ႈ​တၢင်း​ဢၼ်​လႂ်၊ ဢိၵ်ႇ​တင်း​လွင်ႈ​ဢၼ်​ႁဝ်း​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ ပႄႉ​ၼႅင်ႇ​မၼ်း​ႁႂ်ႈ​လႆႈ​မတ်ႉ​ၽုၵ်ႇ​ဢဝ်​မၼ်း​လႄႈ ၼိၵ်ႈ​ၸၢၵ်ႈ​ငႅၼ်း​သႄး​မၼ်း​လႆႈ​ၼၼ်ႉ​သေ​ၵမ်း။ ႁဝ်း​တၵ်း​ၽွမ်ႉ​ၵၼ်​ပၼ်​ငိုၼ်း​ႁဵင်​ပၢႆ​ပၢၵ်ႇ​ၵျၢပ်ႈ​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">တေႇလီႉလႃႉ ​ၵေႃႈ လၢတ်ႈ​တီႈ​ သၢမ်ႇ​သုၼ်ႇ ​လႄႈ​ဝႃႈ၊ ၶႅၼ်း​တေႃႈ​မွၵ်ႇ​လၢတ်ႈ​လွင်ႈ​ဢၼ် ႁႅင်း​ဢၼ်​ယႂ်ႇ​တီႈ​ၸဝ်ႈ​ၼၼ်ႉ တႄႇ​ယူႇ​ၵွပ်ႈ​ပိူဝ်ႈ​လွင်ႈ​တၢင်း​ဢၼ်​လႂ် ဢိၵ်ႇ​တင်း​လွင်ႈ​ဢၼ်​တၵ်း​လႆႈ​ဢဝ်​ၵႃႈ​သင်​မတ်ႉ​ၽုၵ်ႇ​ၸဝ်ႈ ႁႂ်ႈ​ၼိၵ်ႈ​ၸၢၵ်ႈ​ငႅၼ်း​သႄး​ၸဝ်ႈ​လႆႈ​ၸိူဝ်ႉ​ၼင်ႇ​ႁိုဝ်​ၼၼ်ႉ တီႈ​ၵဝ်​ၶႃႈ​သေ​ၵမ်း။ ၵဝ်​ၶႃႈ​တွင်း​ပၢၼ်ႇ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="7">သၢမ်ႇ​သုၼ်ႇ ​လၢတ်ႈ​တီႈ​မၼ်း​လႄႈ​ဝႃႈ၊ ပေႃး​ဢဝ်​ၸိူၵ်ႈ​ၼင်​ဢၼ်​လိပ်း​ၸဵတ်း​သဵၼ်ႈ ဢၼ်​ဢမ်ႇ​ပႆႇ​ႁႅင်ႈ​ႁွင်​သေ​ပွၵ်ႈ​ၼၼ်ႉ မတ်ႉ​ၽုၵ်ႇ​ၵဝ်​ၸိုင် ႁႅင်း​ၵဝ်​တၵ်း​ဢူၼ်ႈ​ၵႂႃႇ​လႄႈ ၵဝ်​တၵ်း​ပဵၼ်​မိူၼ်​ၸိူဝ်ႉ​ၼင်ႇ​ပိူၼ်ႈ​တၢင်ႇ​ၵေႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မိူဝ်ႈ​ၼၼ်ႉ ၶုၼ်​ ၽီႉလိတ်ႉတီႉ ​ၸိူဝ်း​ၼၼ်ႉ ဢဝ်​ၸိူၵ်ႈ​ၼင်​ဢၼ်​လိပ်း​ၸဵတ်း​သဵၼ်ႈ ဢၼ်​ဢမ်ႇ​ပႆႇ​ႁႅင်ႈ​ႁွင်​သေ​ပွၵ်ႈ​ၼၼ်ႉ​မႃး​လႄႈ မႄႈ​ယိင်း​ၼၼ်ႉ​ဢဝ်​မတ်ႉ​ၽုၵ်ႇ​ သၢမ်ႇ​သုၼ်ႇ ​ဢေႃႈ။-</verse>
				<verse number="9">မႄႈ​ယိင်း​ၼၼ်ႉ ႁႂ်ႈ​ၶဝ်​ၸိူဝ်း​ဢၼ်​လွမ်​ပႂ်ႉ​လွမ်​တူၺ်း​မီး​ဝႆႉ​ယူႇ ၵႃႈ​ၼႂ်း​လုၵ်း​တၢင်း​ၼႂ်း​ၼၼ်ႉ​လႄႈ မၼ်း​လၢတ်ႈ​လႄႈ​ဝႃႈ၊ သၢမ်ႇ​သုၼ်ႇ ​ဢိူၺ်း၊ ၵူၼ်း​ ၽီႉလိတ်ႉတီႉ ​တင်း​လၢႆ​မႃး​တိုၵ်း​ၸဝ်ႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​တိုတ်ႉ​ၸိူၵ်ႈ​ၸိူဝ်း​ၼၼ်ႉ​ၶၢတ်ႇ မိူၼ်​ၸိူဝ်ႉ​ၼင်ႇ​ဢၼ်​တိုတ်ႉ​မႆ​ပၢၼ်ႇ​ဢၼ်​တိူဝ်ႉ​ၽႆး​ၼၼ်ႉ​ၶၢတ်ႇ​ၼၼ်ႉ​ဢေႃႈ။ ၼင်ႇ​ၼၼ်​လႄႈ ဢမ်ႇ​လႆႈ​ႁူႉ​ႁႅင်း​မၼ်း။-</verse>
				<verse number="10">တေႇလီႉလႃႉ ​ၵေႃႈ လၢတ်ႈ​တီႈ​ သၢမ်ႇ​သုၼ်ႇ ​လႄႈ​ဝႃႈ၊ ၸဝ်ႈ​ယဝ်ႉ​ယွၵ်ႇ​ၵဝ်​ၶႃႈ​လႄႈ လၢတ်ႈ​ၵႂၢမ်း​မူႉ​သႃႇ​တီႈ​ၵဝ်​ၶႃႈ​ယဝ်ႉ။ တေႃႈ​လဵဝ်​ၼႆႉ​ၶႅၼ်း​တေႃႈ​လၢတ်ႈ​ပၼ်​လွင်ႈ​ဢၼ် တၵ်း​လႆႈ​ဢဝ်​ၵႃႈ​သင်​မတ်ႉ​ၽုၵ်ႇ​ၸဝ်ႈ​ၼၼ်ႉ​သေ​ၵမ်း။ ၵဝ်​ၶႃႈ​တွင်း​ပၢၼ်ႇ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">မၼ်း​လၢတ်ႈ​လႄႈ​ဝႃႈ၊ ပေႃး​ဢဝ်​ၸိူၵ်ႈ​ဢၼ်​မႂ်ႇ​ဢၼ်​ဢမ်ႇ​ပႆႇ​တွၼ်ႉ​သုင်း​သွင်ႇ​ၼၼ်ႉ မတ်ႉ​ၽုၵ်ႇ​ၵဝ်​ၼႃႇ​ၼႃႇ​ၸိုင်၊ ႁႅင်း​ၵဝ်​တၵ်း​ဢူၼ်ႈ​ၵႂႃႇ​လႄႈ ၵဝ်​တၵ်း​ပဵၼ်​မိူၼ်​ၸိူဝ်ႉ​ၼင်ႇ​ပိူၼ်ႈ​တၢင်ႇ​ၵေႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="12">တေႇလီႉလႃႉ ​ဢဝ်​ၸိူၵ်ႈ​ဢၼ်​မႂ်ႇ​တင်း​လၢႆ​လႄႈ ဢဝ်​မတ်ႉ​ၽုၵ်ႇ​မၼ်း​သေ​ယဝ်ႉ၊ လၢတ်ႈ​တီႈ​မၼ်း​လႄႈ​ဝႃႈ၊ သၢမ်ႇ​သုၼ်ႇ ​ဢိူၺ်း၊ ၵူၼ်း​ ၽီႉလိတ်ႉတီႉ ​တင်း​လၢႆ​မႃး​တိုၵ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၸိူဝ်း​ဢၼ်​လွမ်​ပႂ်ႉ​လွမ်​တူၺ်း​ၼၼ်ႉ​ၵေႃႈ မီး​ဝႆႉ​ယူႇ​ၵႃႈ​ၼႂ်း​လုၵ်း​တၢင်း​ၼႂ်း​ဢေႃႈ။ မၼ်း​တိုတ်ႉ​ၸိူၵ်ႈ​ၼၼ်ႉ​ၶၢတ်ႇ​သေ​ၵႃႈ​တီႈ​ၶႅၼ်​မၼ်း​ၼၼ်ႉ မိူၼ်​ၸိူဝ်ႉ​ၼင်ႇ​မႆ​ၶဵမ်​ဢေႃႈ။-</verse>
				<verse number="13">တေႇလီႉလႃႉ ​ၵေႃႈ လၢတ်ႈ​တီႈ​ သၢမ်ႇ​သုၼ်ႇ ​လႄႈ​ဝႃႈ၊ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​လႄႈ ၸဝ်ႈ​ယဝ်ႉ​ယွၵ်ႇ​ၵဝ်​ၶႃႈ​သေ​လႄႈ လၢတ်ႈ​မူႉ​သႃႇ​တီႈ​ၵဝ်​ၶႃႈ​ယဝ်ႉ။ လၢတ်ႈ​ပၼ်​လွင်ႈ​ဢၼ်​တၵ်း​လႆႈ​ဢဝ်​ၵႃႈ​သင်​မတ်ႉ​ၽုၵ်ႇ​ၸဝ်ႈ​ၼၼ်ႉ​တီႈ​ၵဝ်​ၶႃႈ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​လၢတ်ႈ​လႄႈ​ဝႃႈ၊ ပေႃး​ဢဝ်​ၶူၼ်​ႁူဝ်​ၵဝ်​ၸဵတ်း​ယွမ်ႇ​ၼႆႉ​တေႃး​သႂ်ႇ​လေႃး​ၵႃႈ​ၼႂ်း​ႁုၵ်ႇ​ၸိုင် ႁႅင်း​ၵဝ်​တၵ်း​ဢူၼ်ႈ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မႄႈ​ယိင်း​ၼၼ်ႉ ႁဵတ်း​ၸိူဝ်ႉ​ၼင်ႇ​ၼၼ်​လႄႈ ဢဝ်​တႅမ်​တွၵ်ႇ​ၸပ်း​ဝႆႉ​ၵႃႈ​တီႈ​ၵီႇ​သေ​လႄႈ လၢတ်ႈ​လႄႈ​ဝႃႈ၊ သၢမ်ႇ​သုၼ်ႇ ​ဢိူၺ်း၊ ၵူၼ်း​ ၽီႉလိတ်ႉတီႉ ​တင်း​လၢႆ​မႃး​တိုၵ်း​ၸဝ်ႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ သၢမ်ႇ​သုၼ်ႇ ​တိုၼ်ႇ​လႄႈ ပႃး​ဢဝ်​တႅမ်၊ သဝ်​လၵ်း​ၵီႇ ဢိၵ်ႇ​တင်း​ၼိူဝ်ႉ​ႁုၵ်ႇ​ၸိူဝ်း​ၼၼ်ႉ​သေ​လႄႈ​ၵႂႃႇ​ဢေႃႈ။-</verse>
				<verse number="15">မႄႈ​ယိင်း​ၼၼ်ႉ​ၵေႃႈ လၢတ်ႈ​လႄႈ​ဝႃႈ၊ ၸဝ်ႈ​ယင်း​ဢမ်ႇ​ပႃး​ႁူဝ်​ၸႂ်​လႄႈ ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ​လၢတ်ႈ​လႄႈ​ဝႃႈ၊ ၵဝ်​ႁၵ်ႉ​မႂ်း​ဢေႃႈ၊ ဝႃႈ​ၼင်ႇ​ၼႆ​လႆႈ​ၼင်ႇ​ႁိုဝ်။ ၸဝ်ႈ​ယဝ်ႉ​ယွၵ်ႇ​ၵဝ်​ၶႃႈ တေႃႇ​ထိုင်​ႁွတ်​သၢမ်​ပွၵ်ႈ​ယဝ်ႉ။ ဢမ်ႇ​ပႆႇ​မွၵ်ႇ​လၢတ်ႈ​လွင်ႈ​ဢၼ်​ႁႅင်း​ဢၼ်​ယႂ်ႇ​တီႈ​ၸဝ်ႈ​ၼၼ်ႉ တႄႇ​ယူႇ​ၵွပ်ႈ​ပိူဝ်ႈ​လွင်ႈ​တၢင်း​ဢၼ်​လႂ်​ၼၼ်ႉ တီႈ​ၵဝ်​ၶႃႈ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၼင်ႇ​ၼၼ်​လႄႈ ၵွပ်ႈ​ပိူဝ်ႈ​ဢၼ်​မၼ်း​ၼၼ်ႉ​တုၵ်း​တဝ်​ယူႇ​ၵူႈ​မိုဝ်ႉ​ၵူႈ​ဝၼ်း​သေ​လႄႈ တိုၵ်း​ယူင်း​မၼ်း​ယူႇ​ၼၼ်ႉ​လႄႈ ႁူဝ်​ၸႂ်​မၼ်း​ပဵၼ်​ဢၼ်​ယၢပ်ႇ​ဢၼ်​ၽိုတ်ႇ တေႃႇ​ထိုင်​ႁွတ်ႈ​ထၼ်ႈ​ပေႃး​ဢသၢၵ်ႈ​မၼ်း​ၸမ်​တၵ်း​တၢႆ​ၼၼ်ႉ​လႄႈ၊-</verse>
				<verse number="17">မၼ်း​ၸင်ႇ​ဢဝ်​ၵႃႈ​ဢၼ်​မီး​ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ လၢတ်ႈ​ပၼ်​လႄႈ​ဝႃႈ၊ ၶူၼ်​ႁူဝ်​ၵဝ်​ၼႆႉ ဢမ်ႇ​ပႆႇ​တွၼ်ႉ​ထႃ​သေ​ပွၵ်ႈ။ ၸႃႉ​ၸဵမ်​ၵႃႈ​ၼႂ်း​တွင်ႉ​မႄႈ​ၵဝ်​လႄႈ ၵဝ်​ပဵၼ်​ၵူၼ်း​ ၼႃႇၸရီႉ ​ၽြႃး​ပဵၼ်​ၸဝ်ႈ​ဢေႃႈ။ ပေႃး​ထႃ​ၶူၼ်​ႁူဝ်​ၵဝ်​ၸိုင်၊ ႁႅင်း​ၵဝ်​တၵ်း​ဢူၼ်ႈ​ၵႂႃႇ​လႄႈ ၵဝ်​တၵ်း​ပဵၼ်​မိူၼ်​ၸိူဝ်ႉ​ၼင်ႇ​ပိူၼ်ႈ​တၢင်ႇ​ၵေႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">တေႇလီႉလႃႉ ​ႁူႉ​ႁၼ်​လွင်ႈ​ဢၼ်​မၼ်း​ဢဝ်​ၵႃႈ​ဢၼ်​မီး ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ​လၢတ်ႈ​ပၼ်​ၼၼ်ႉ​သေ​ယဝ်ႉ၊ သမ်ႉ​ပွႆႇ​ၸႂ်ႉ​လႄႈ ႁွင်ႉ​ဢဝ်​ၶုၼ်​ ၽီႉလိတ်ႉတီႉ ​ၸိူဝ်း​ၼၼ်ႉ​လႄႈ သင်ႇ​လၢတ်ႈ​ၵႂႃႇ​လႄႈ​ဝႃႈ၊ မႃး​ထႅင်ႈ​ပွၵ်ႈ​ၼိုင်ႈ​ၼႆ​လူး​ၵွၼ်ႇ​သေ​ၵမ်း။ မၼ်း​ၼၼ်ႉ​ဢဝ်​ၵႃႈ​ဢၼ်​မီး ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ​လၢတ်ႈ​ပၼ်​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ ၽီႉလိတ်ႉတီႉ ​ၸိူဝ်း​ၼၼ်ႉ ပႃး​ဢဝ်​တင်း​ငိုၼ်း​ၵႃႈ​ၼႂ်း​မိုဝ်း​ၶဝ်​သေ​လႄႈ မႃး​တီႈ​မၼ်း​ၼၼ်ႉ​ဢေႃႈ။-</verse>
				<verse number="19">မၼ်း​ဢဝ်​ႁူဝ်​ၶဝ်ႇ​မၼ်း​မွၼ်​ႁူဝ်​ သၢမ်ႇ​သုၼ်ႇ ​ႁႂ်ႈ​ၼွၼ်း​လပ်း​သေ​ယဝ်ႉ၊ ႁွင်ႉ​ဢဝ်​ၵူၼ်း​ၵေႃႉ​ၼိုင်ႈ ထႃ​ၶူၼ်​ႁူဝ်​မၼ်း​ၸဵတ်း​ယွမ်ႇ​ၼၼ်ႉ​ပႅတ်ႈ​သေ​လႄႈ ၸႃႉ​ႁဵတ်း​တၢင်း​ဢၼ်​ယႃႉ​ယူၵ်ႉ​မၼ်း​လႄႈ ႁႅင်း​မၼ်း​သုတ်ႈ​ယွမ်း​ႁၢႆ​ၵႂႃႇ​ဢေႃႈ။-</verse>
				<verse number="20">မၼ်း​ၼၼ်ႉ​လၢတ်ႈ​လႄႈ​ဝႃႈ၊ သၢမ်ႇ​သုၼ်ႇ ​ဢိူၺ်း၊ ၵူၼ်း​ ၽီႉလိတ်ႉတီႉ ​တင်း​လၢႆ​မႃး​တိုၵ်း​ၸဝ်ႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​တိုၼ်ႇ​လႄႈ​ဝႃႈ၊ ၵဝ်​တၵ်း​ဢွၵ်ႇ​ၵႂႃႇ​မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၵူႈ​ပွၵ်ႈ​ၼၼ်ႉ​လႄႈ ၵျူဝ်း​ၸႃး​ဢဝ်​ႁႅင်း​ဢွၵ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ မၼ်း​ဢမ်ႇ​ႁူႉ​လွင်ႈ​ဢၼ်​ထႃႇဝရႃႉ​ၽြႃး​ၸုၼ်ႉ​မၼ်း​ပႅတ်ႈ​ၼၼ်ႉ။-</verse>
				<verse number="21">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ တီႉ​ၵမ်​ဢဝ်​မၼ်း​လႄႈ ၶွၵ်း​ႁူၺ်ႇ​တႃ​မၼ်း​ပႅတ်ႈ​သေ​ယဝ်ႉ၊ ဢဝ်​မၼ်း​လူင်း​ၵႂႃႇ​ၵႃႈ​တီႈ​ဝဵင်း​ ၵႃႇၸႃႉ ​သေ​လႄႈ ဢဝ်​တင်း​ၸိူၵ်ႈ​တွင်း​လိူင်​မတ်ႉ​ၽုၵ်ႇ​မၼ်း​လႄႈ မၼ်း​လႆႈ​ဢဝ်​တင်း​လူၺ်​ၶိုတ်ႈ​ယူႇ​ၵႃႈ​တီႈ​ႁိူၼ်း​ထွင်ႇ​ဢေႃႈ။-</verse>
				<verse number="22">ၵူၺ်း​ၵႃႈ လိုၼ်း​သေ​ဢၼ်​ထႃ​ၶူၼ်​ႁူဝ်​မၼ်း​ယဝ်ႉ​ၼၼ်ႉ၊ ၶူၼ်​ႁူဝ်​မၼ်း​သမ်ႉ​ၶိုၼ်း​ဢွၵ်ႇ​မႃး​ယူႇ​ဢေႃႈ။</verse>
				<verse number="23">ၶုၼ်​ ၽီႉလိတ်ႉတီႉ ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ် ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​လူင်​တီႈ​ၽြႃး​ၶဝ်​ တႃႇၵုၼ်ႇ ​ၼၼ်ႉ​လႄႈ ႁဵတ်း​တၢင်း​ဢၼ်​ၸူမ်း​သိူဝ်း​မူၼ်ႈ​ပျေႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ဝႃႈ၊ ၽြႃး​ႁဝ်း​ဢဝ်​ သၢမ်ႇ​သုၼ်ႇ ဢၼ်​ပဵၼ်​ရၢၼ်ႇ​သူႇ​ႁဝ်း​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ႁဝ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၵူၼ်း​တင်း​လၢႆ​ၼၼ်ႉ မိူဝ်ႈ​ဢၼ်​ႁၼ်​မၼ်း​ၼၼ်ႉ​ၸိုင်၊ ယွင်ႈ​ယေႃး​ၽြႃး​ၶဝ်​လႄႈ​ဝႃႈ၊ ၽြႃး​ႁဝ်း​ဢဝ်​ရၢၼ်ႇ​သူႇ​ႁဝ်း​ဢၼ်​ယႃႉ​ၽဵဝ်ႈ​မိူင်း​ႁဝ်း​ပႅတ်ႈ​လႄႈ ဢဝ်​ၵူၼ်း​ႁဝ်း​တၢႆ​ၼမ်​ၼႃႇ​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ႁဝ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မိူဝ်ႈ​ဢၼ်​ႁူဝ်​ၸႂ်​ၶဝ်​သႂၢင်ႇ​သိူဝ်း​ၼၼ်ႉ​ၸိုင် ၶဝ်​လၢတ်ႈ​လႄႈ​ဝႃႈ၊ ႁွင်ႉ​ဢဝ်​ သၢမ်ႇ​သုၼ်ႇ ​မႃး​တႃႉ။ ႁႂ်ႈ​မၼ်း​လဵၼ်ႈ​မၼ်း​ပျႃႉ​ပုၼ်ႈ​ႁဝ်း​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ႁွင်ႉ​ဢဝ်​ သၢမ်ႇ​သုၼ်ႇ ​ဢွၵ်ႇ​သေ​ၵႃႈ​ၼႂ်း​ႁိူၼ်း​ထွင်ႇ​မႃး​လႄႈ မၼ်း​လႆႈ​လဵၼ်ႈ​လႆႈ​ပျႃႉ ၵႃႈ​တီႈ​ၽၢႆႇ​ၼႃႈ​ၶဝ်​ဢေႃႈ။ ၶဝ်​ဢဝ်​မၼ်း​ဝႆႉ​ၵႃႈ​ၼႂ်း​ၵႄႈ​ဝူင်ႈ​ၵၢင်​သဝ်​ႁိူၼ်း​တိူၵ်ႈ​ဢေႃႈ။-</verse>
				<verse number="26">သၢမ်ႇ​သုၼ်ႇ ​ၵေႃႈ​လၢတ်ႈ​တီႈ​ၵူၼ်း​ဢွၼ်ႇ ဢၼ်​ၸုင်​မိုဝ်း​မၼ်း​ၼၼ်ႉ​လႄႈ​ဝႃႈ၊ ပၼ်​ဢၶႂၢင်ႉ​ဢၼ်​မိုဝ်း​ၵဝ်​လႆႈ​ၵမ်​ထုပ်ႉ​သဝ် ဢၼ်​ထွၵ်ႈ​ၵမ်ႉ​ႁိူၼ်း​တိူၵ်ႈ​ၼႆႉ ႁႂ်ႈ​ၵဝ်​လႆႈ​ဢိင်​သဝ်​ၸိူဝ်း​ၼၼ်ႉ​ယူႇ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ၵႃႈ​တီႈ​ႁိူၼ်း​တိူၵ်ႈ​ၼၼ်ႉ မီး​တဵမ်​ဝႆႉ​တင်း​ၵူၼ်း​ၸၢႆး​ၵူၼ်း​ယိင်း​ဢေႃႈ။ ၶုၼ်​ ၽီႉလိတ်ႉတီႉ တင်း​သဵင်ႈ​တင်း​လူင်​ၵေႃႈ​မီး​ၵႃႈ​တီႈ​ၼၼ်ႈ​ဢေႃႈ။ ၵႃႈ​ၼိူဝ်​မုင်း​ႁိူၼ်း​တိူၵ်ႈ​ၼၼ်ႉ​ၵေႃႈ ၵူၼ်း​ၸၢႆး​ၵူၼ်း​ယိင်း​ဢၼ်​လူ​တူၺ်း​ သၢမ်ႇ​သုၼ်ႇ လဵၼ်ႈ​ယူႇ​ပျႃႉ​ယူႇ​ၼၼ်ႉ မီး​သေ​သၢမ်​ႁဵင်​ၼိုင်ႈ​ဢေႃႈ။-</verse>
				<verse number="28">သၢမ်ႇ​သုၼ်ႇ ​ၵေႃႈ​သူး​တွင်း​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ၶႅၼ်း​တေႃႈ​ၶိုၼ်း​ပၼ်​ႁႅင်း​ထႅင်ႈ​ပွၵ်ႈ​လဵဝ်​ၼႆႉ​ၵူၺ်း ႁႂ်ႈ​ၶႃႈ​ၸဝ်ႈ​လႆႈ​ပၼ်​တၢမ်ႇ​ဢပႅတ်ႈ​တီႈ​ၵူၼ်း​ ၽီႉလိတ်ႉတီႉ ​တင်း​လၢႆ ဢၼ်​ၶွၵ်း​မၢၵ်ႇ​တႃ​ၶႃႈ​ၸဝ်ႈ​သွင်​ၽၢႆႇ​ပႅတ်ႈ​ၼၼ်ႉ ၶိင်ႇ​မိူဝ်ႈ​လဵဝ်​ၼႆႉ​ၵမ်း​လဵဝ်​သေ​ၵမ်း​တီႈ​ၶႃႈ​ၸဝ်ႈ​ၽြႃး၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="29">သၢမ်ႇ​သုၼ်ႇ ​ယိပ်း​ၵမ်​သဝ်​ၵၢင်​ဢၼ်​ထွၵ်ႈ​ၵမ်ႉ​ႁိူၼ်း​တိူၵ်ႈ​သွင်​လႅမ်ႈ​ၼၼ်ႉ​လႄႈ ဢဝ်​မိုဝ်း​ၶွၼ်​ၶႂႃ​တဝ်ႉ​လႅမ်ႈ​ၼိုင်ႈ၊ မိုဝ်း​ၶွၼ်​သၢႆႉ​တဝ်ႉ​လႅမ်ႈ​ၼိုင်ႈ​ယူႇ​သေ​ယဝ်ႉ၊-</verse>
				<verse number="30">သၢမ်ႇ​သုၼ်ႇ ​သူး​တွင်း​လႄႈ​ဝႃႈ၊ ႁႂ်ႈ​ၶႃႈ​ၸဝ်ႈ​လႆႈ​တၢႆ​လူၺ်ႈ​ၵၼ်​တင်း ၵူၼ်း​ ၽီႉလိတ်ႉတီႉ ​ၸိူဝ်း​ၼႆႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​လႄႈ ဢဝ်​ႁႅင်း​ဢွၵ်ႇ​လႄႈ ၵွင်ႇ​တူဝ်​မၼ်း​တူၵ်း​သေ​ယဝ်ႉ၊ ႁိူၼ်း​တိူၵ်ႈ​ၼၼ်ႉ​လူမ်ႉ​တူၵ်း​သႂ်ႇ​ၵႃႈ​ၼိူဝ်​ၶုၼ်​တင်း​လၢႆ ဢိၵ်ႇ​တင်း​ၵႃႈ​ၼိူဝ်​ၵူၼ်း​တင်း​သဵင်ႈ​တင်း​လူင်​ဢၼ်​မီး​ၵႃႈ​ၼႂ်း​မၼ်း​ၼၼ်ႉ​ဢေႃႈ။ ၼင်ႇ​ၼၼ်​လႄႈ ၶဝ်​ၸိူဝ်း​ဢၼ်​မၼ်း​ဢဝ်​တၢႆ ၼႂ်း​မိူဝ်ႈ​ဢၼ်​မၼ်း​တၢႆ​ၼၼ်ႉ ယဵင်ႈ​ၶႅၼ်း​ၼမ်​ၼႃႇ​သေ ၶဝ်​ၸိူဝ်း​ဢၼ်​မၼ်း​ဢဝ်​တၢႆ​မႃး​ၼႂ်း​မိူဝ်ႈ​ဢၼ် မၼ်း​ဢသၢၵ်ႈ​လိပ်း​ယူႇ​ၼၼ်ႉ​ဢေႃႈ။-</verse>
				<verse number="31">မိူဝ်ႈ​ၼၼ်ႉ ၼွင်ႉ​ၸၢႆး​မၼ်း​တင်း​လၢႆ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​တင်း​သဵင်ႈ​တင်း​လူင်​ၼၼ်ႉ​ဢွၼ်​ၵၼ်​လူင်း​မႃး​လႄႈ ႁၢမ်​ဢဝ်​တူဝ်​တၢႆ​မၼ်း​ၶိုၼ်ႈ​ၵႂႃႇ​သေ​ယဝ်ႉ၊ သၢင်း​ၵျူဝ်ႇ​ၵႃႈ​တီႈ​ဝူင်ႈ​ၵၢင်​ဝဵင်း​ ၸေႃးရႃႉ တင်း​ဝဵင်း​ ဢေးသတေႃးလႃႉ ၵႃႈ​ၼႂ်း​သၢင်း​ၶႅင်း​ပေႃႈ​မၼ်း​ မႃႇၼေႃႇ ​ၼၼ်ႉ​ဢေႃႈ။ မၼ်း​ၼၼ်ႉ​လႆႈ​ၸီႇ​ယၢင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ သၢဝ်း​ပီႊ​ဢေႃႈ။</verse>
			</chapter>
			<chapter number="17">
				<verse number="1">မိူဝ်ႈ​ၼၼ်ႉ​မီး​ၵူၼ်း​လွႆ​ ဢေႇၽရိမ်ႇ ​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ​ မီႉၶႃႇ ​ဢေႃႈ။-</verse>
				<verse number="2">မၼ်း​ၼၼ်ႉ​လၢတ်ႈ​တီႈ​မႄႈ​မၼ်း​လႄႈ​ဝႃႈ၊ ငိုၼ်း​ႁဵင်​ပၢႆ​ပၢၵ်ႇ​ၵျၢပ်ႈ ဢၼ်​ႁၢႆ​ၵႂႃႇ​သေ​ၵႃႈ​တီႈ​မႄႈ​ႁဝ်း ဢၼ်​မႄႈ​ႁဝ်း​ဢဝ်​လွင်ႈ​မၼ်း​ၵိၼ်ႇ​လႃႇ​ၵိၼ်ႇ​ဝႃႈ​လႄႈ တီႈ​ႁူ​ၵဝ်​ၶႃႈ​ၵေႃႈ​လၢတ်ႈ​ထိုင်​ၼၼ်ႉ မီး​ၵႃႈ​တီႈ​ၵဝ်​ၶႃႈ​ဢေႃႈ။ ၵဝ်​ၶႃႈ​ဢဝ်​မႅၼ်ႈ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် မႄႈ​မၼ်း​လၢတ်ႈ​လႄႈ​ဝႃႈ ႁႂ်ႈ​လုၵ်ႈ​ၸၢႆး​ၵဝ်​လႆႈ​ၶၢမ်ႇ​တၢင်း​လီ​တီႈ​ထႃႇဝရႃႉ​ၽြႃး​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ၼၼ်ႉ မၼ်း​ဢဝ်​ငိုၼ်း​ႁဵင်​ပၢႆ​ပၢၵ်ႇ​ၵျၢပ်ႈ​ၼၼ်ႉ ၶိုၼ်း​ပၼ်​တီႈ​မႄႈ​မၼ်း​လႄႈ၊ မႄႈ​မၼ်း​လၢတ်ႈ​လႄႈ​ဝႃႈ၊ ၵဝ်​လႆႈ​ဢဝ်​ငိုၼ်း​ၼႆႉ ႁႂ်ႈ​မူတ်း​ၸၢင်ႇ​တီႈ​ထႃႇဝရႃႉ​ၽြႃး ပုၼ်ႈ​လုၵ်ႈ​ၸၢႆး​ၵဝ်​ႁႂ်ႈ​လႆႈ​ဢဝ်​ႁဵတ်း​ရုၵ်ႈ​ထူႉ​ဢၼ်​တွင်ႈ​ႁဵတ်း​ၶၵ်း​ႁဵတ်း ဢိၵ်ႇ​တင်း​ရုၵ်ႈ​ထူႉ​ဢၼ်​သွၼ်း​ႁဵတ်း​လေႃႇ​ႁဵတ်း​ၼၼ်ႉ​ဝႆႉ​ထႃႈ​ယဝ်ႉ။ ပိူဝ်ႈ​ၼႆ​လႄႈ ၵဝ်​တၵ်း​ၶိုၼ်း​ဢဝ်​ပၼ်​တီႈ​မႂ်း​တေႃႈ​လဵဝ်​ၼႆႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">မၼ်း​ၼၼ်ႉ​ဢဝ်​ငိုၼ်း​ၼၼ်ႉ ပၼ်​တီႈ​မႄႈ​မၼ်း​ဢေႃႈ။ မႄႈ​မၼ်း​ၵေႃႈ ဢဝ်​သွင်​ပၢၵ်ႇ​ၵျၢပ်ႈ​ဢၢပ်ႈ​ပၼ်​တီႈ​ၸၢင်ႈ​ၶမ်း​သေ​ယဝ်ႉ၊ မၼ်း​ၼၼ်ႉ ႁဵတ်း​ရုၵ်ႈ​ထူႉ​ဢၼ်​တွင်ႈ​ႁဵတ်း​ၶၵ်း​ႁဵတ်း​တင်း​ရုၵ်ႈ​ထူႉ​ဢၼ်​သွၼ်း​ႁဵတ်း​လေႃႇ​ႁဵတ်း​သေ​လႄႈ မီး​ဝႆႉ​ယူႇ​ၵႃႈ​တီႈ​ႁိူၼ်း​ မီႉၶႃႇ ​ၼၼ်ႉ​ဢေႃႈ။-</verse>
				<verse number="5">ၵေႃႉ​ၼၼ်ႉ​ဢၼ်​ဝႃႈ မီႉၶႃႇ ​ၼၼ်ႉ မီး​ၵျွင်း​ၽြႃး​လႄႈ ႁဵတ်း​သိူဝ်ႈ​သုပ်း​ၸဝ်ႈ ဢိၵ်ႇ​တင်း​ရုၵ်ႈ​ထူႉ​ တေႇရၽိမ်ႇ ​သေ​လႄႈ ဢဝ်​လုၵ်ႈ​ၸၢႆး​မၼ်း​ၵေႃႉ​ၼိုင်ႈ ၶၢၼ်း​ဝႆႉ​ၵႃႈ​ၼႂ်း​ဢရႃႇ​ယိတ်ႈပရေႃးႁဵၵ်ႈ​မၼ်း​ဢေႃႈ။-</verse>
				<verse number="6">မိူဝ်ႈ​ၶိင်ႇ​ၼၼ်ႉ ၶုၼ်​ႁေႃ​ၶမ်း​ ဢီႉသရေႇလႃႉ ​ဢမ်ႇ​မီး။ ၵူၼ်း​ၵူႈ​ၵေႃႉ​ၵူႈ​ၵူၼ်း ႁဵတ်း​ၸွမ်း​ၵႃႈ​ဢၼ်​ထုၵ်ႇ​တႃ​တူဝ်​ၸဝ်ႈ​ၵဝ်ႇ ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။-</verse>
				<verse number="7">ၵူၼ်း​ဢွၼ်ႇ​ဢၼ်​ပဵၼ်​ၵူၼ်း​ဝဵင်း​ ပႅတ်ႉလႁႅမ်ႇ ၼႂ်း​ဢိူင်ႇ​ ယူႉတႃႉ ဢၼ်​ပဵၼ်​ၵူၼ်း​မဵဝ်း​ လေႇဝီႉ ဢၼ်​ယူႇ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း ယူႉတႃႉ ​ၼၼ်ႉ သွၼ်ႈ​ပိုင်ႈ​ယူႇ​ၵႃႈ​ၼႂ်း​ဝဵင်း​ၼၼ်ႉ​လႄႈ​-</verse>
				<verse number="8">လုၵ်ႉ​သေ​ၵႃႈ​တီႈ​ဝဵင်း​ၼၼ်ႉ​ဢၼ်​ဝႃႈ​ဝဵင်း​ ပႅတ်ႉလႁႅမ်ႇ ၼႂ်း​ဢိူင်ႇ​ ယူႉတႃႉ ​ၼၼ်ႉ ဢွၵ်ႇ​ၵႂႃႇ​ႁႂ်ႈ​လႆႈ​သွၼ်ႈ​ပိုင်ႈ ၼႂ်း​တီႈ​ဢၼ်​ထူပ်း​ႁၼ်​လႆႈ​ၼၼ်ႉ​လႄႈ ႁွတ်ႈ​ထိုင်​ၵႃႈ​တီႈ​ႁိူၼ်း​ မီႉၶႃႇ လွႆ​ ဢေႇၽရိမ်ႇ ​ၼႂ်း​မိူဝ်ႈ​ဢၼ် မၼ်း​ယင်း​တိုၵ်ႉ​ၵႂႃႇ​တၢင်း​ပႆ​တၢင်း​ယူႇ​ၼၼ်ႉ​ဢေႃႈ။-</verse>
				<verse number="9">မီႉၶႃႇ ​ၼၼ်ႉ​ၵေႃႈ ထၢမ်​တီႈ​မၼ်း​လႄႈ​ဝႃႈ၊ မႂ်း​လုၵ်ႉ​သေ​ၵႃႈ​တီႈ​လႂ်​မႃး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ပဵၼ်​ၵူၼ်း​မဵဝ်း​ လေႇဝီႉ ၊ ၵူၼ်း​ဝဵင်း​ ပႅတ်ႉလႁႅမ်ႇ ၼႂ်း​ဢိူင်ႇ​ ယူႉတႃႉ ​ဢေႃႈ။ ၵဝ်​လႄႇ​ၵႂႃႇ​ႁႂ်ႈ​လႆႈ​သွၼ်ႈ​ပိုင်ႈ​တီႈ​ဢၼ်​ထူပ်း​လႆႈ​ၼၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်-</verse>
				<verse number="10">မီႉၶႃႇ လၢတ်ႈ​တီႈ​မၼ်း​လႄႈ​ဝႃႈ၊ ယူႇ​လူၺ်ႈ​ၵၼ်​တင်း​ၵဝ်​ၶႃႈ​သေ​ၵမ်း။ ႁဵတ်း​ပေႃႈ​ၵဝ်​ၶႃႈ၊ ယိတ်ႈပရေႃးႁဵၵ်ႈ​ၵဝ်​ၶႃႈ​သေ​ၵမ်း။ ၵဝ်​ၶႃႈ​တၵ်း​ပၼ်​ငိုၼ်း​ယေႈ​ပီႊ​သိပ်း​ၵျၢပ်ႈ ဢိၵ်ႇ​တင်း​ၶူဝ်း​ၼုင်ႈ​ၶူဝ်း​မႆ၊ တၢင်း​ၵိၼ်​တၢင်း​ၶူပ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​မဵဝ်း​ လေႇဝီႉ ​ၼၼ်ႉ​ၶဝ်ႈ​ၸူး​ဢေႃႈ။-</verse>
				<verse number="11">ၵူၼ်း​မဵဝ်း​ လေႇဝီႉ ​ၼၼ်ႉ ၶျႃး​ၸႂ်​မၼ်း​ၼႂ်း​လွင်ႈ​ဢၼ်​တၵ်း​ယူႇ​လူၺ်ႈ​ၵၼ်​တင်း​ၵေႃႉ​ၼၼ်ႉ​လႄႈ ၵူၼ်း​ဢွၼ်ႇ​ၼၼ်ႉ ပဵၼ်​တီႈ​ၵေႃႉ​ၼၼ်ႉ မိူၼ်​ၸိူဝ်ႉ​ၼင်ႇ​လုၵ်ႈ​ၸၢႆး​မၼ်း​ၵေႃႉ​ၼိုင်ႈ ၼႂ်း​လုၵ်ႈ​ၸၢႆး​မၼ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="12">မီႉၶႃႇ ​ၼၼ်ႉ​ၵေႃႈ ဢဝ်​ၵူၼ်း​မဵဝ်း​ လေႇဝီႉ ​ၼၼ်ႉ ၶၢၼ်း​ဝႆႉ​ၼႂ်း​ဢရႃႇ​ယိတ်ႈပရေႃးႁဵၵ်ႈ​သေ​ယဝ်ႉ၊ ၵူၼ်း​ဢွၼ်ႇ​ၼၼ်ႉ ႁဵတ်း​ယိတ်ႈပရေႃးႁဵၵ်ႈ​မၼ်း​လႄႈ ယူႇ​ၵႃႈ​တီႈ​ႁိူၼ်း​ မီႉၶႃႇ ​ၼၼ်ႉ​ဢေႃႈ။-</verse>
				<verse number="13">မီႉၶႃႇ ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ မိူဝ်ႈ​လဵဝ်​ၼႆႉ ၵဝ်​ႁူႉ​လွင်ႈ​ဢၼ် ထႃႇဝရႃႉ​ၽြႃး တၵ်း​ႁဵတ်း​ၵျေး​ၸူး​တီႈ​ၵဝ် ၵွပ်ႈ​ပိူဝ်ႈ​ဢၼ်​ၵူၼ်း​မဵဝ်း​ လေႇဝီႉ ပဵၼ်​ယိတ်ႈပရေႃးႁဵၵ်ႈ​ၵဝ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">မိူဝ်ႈ​ၶိင်ႇ​ၼၼ်ႉ ၶုၼ်​ႁေႃ​ၶမ်း​ ဢီႉသရေႇလႃႉ ​ဢမ်ႇ​မီး။ မိူဝ်ႈ​ၶိင်ႇ​ၼၼ်ႉ ၵူၼ်း​မဵဝ်း​ တၢၼ်ႇ ​တင်း​လၢႆ ႁႃ​လိၼ်​တီႈ​ဢၼ်​ၶဝ်​တၵ်း​ၶၢမ်ႇ​ဢမူၺ်ႇ​လႄႈ​ယူႇ​ဢေႃႈ။ လွင်ႈ​မၼ်း​ၸမ်ႉ တေႃႇ​ထိုင်​ႁွတ်ႈ​ၶိင်ႇ​မိုဝ်ႉ​ဝၼ်း​ၼၼ်ႉ​လႄႈ ဢမူၺ်ႇ​ၶဝ်​ဢမ်ႇ​ပႆႇ​ႁွတ်ႈ​ထိုင်​ၵႃႈ​ၼႂ်း​မိုဝ်း​ၶဝ်​ၼႂ်း မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ။-</verse>
				<verse number="2">ပိူဝ်ႈ​ၼႆ​လႄႈ ၵူၼ်း​မဵဝ်း​ တၢၼ်ႇ ​ၸိူဝ်း​ၼၼ်ႉ ဢဝ်​ၵႃႈ​ၼႂ်း​ၵူၼ်း​မဵဝ်း​ၶဝ်​ၵႃႈ​ဢၼ်​မီး​ၼၼ်ႉ​လႄႈ ပွႆႇ​ၸႂ်ႉ​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ႁႃႈ​ၵေႃႉ ဢွၵ်ႇ​သေ​ၵႃႈ​တီႈ​ဝဵင်း​ ၸေႃးရႃႉ ဢိၵ်ႇ​တင်း​ဝဵင်း​ ဢေးသတေႃးလႃႉ ​ၼၼ်ႉ ၵႂႃႇ​ႁႂ်ႈ​လႆႈ​ႁဵတ်း​ၽၢႆႇ​ၼႂ်း​တီႈ​မိူင်း​သေ​လႄႈ လူ​တူၺ်း​လွမ်​တူၺ်း​လႄႈ သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ၵႂႃႇ​လႄႈ​လွမ်​တူၺ်း​မိူင်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ၼၼ်ႉ​ႁွတ်ႈ​ထိုင် ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​ၵႃႈ​တီႈ​ႁိူၼ်း​ မီႉၶႃႇ ​ၼၼ်ႉ​သေ​ယဝ်ႉ၊ သွၼ်ႈ​ပိုင်ႈ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="3">မိူဝ်ႈ​ဢၼ်​ၶဝ်​ယင်း​မီး​ယူႇ​ၵႃႈ​တီႈ​ႁိမ်း​ႁိူၼ်း​ မီႉၶႃႇ ​ၼၼ်ႉ​ၸိုင်၊ ၶဝ်​တွင်း​သဵင်​ၵႂၢမ်း​ၵူၼ်း​ဢွၼ်ႇ​မဵဝ်း​ လေႇဝီႉ ​ၼၼ်ႉ​လႄႈ ဝႄႉ​ၶဝ်ႈ​ၸူး​ၵႃႈ​တီႈ​မၼ်း​ၼၼ်ႉ​သေ​လႄႈ တွင်ႈ​ထၢမ်​လႄႈ​ဝႃႈ၊ ၽူႈ​လႂ်​ဢဝ်​မႂ်း​မႃး​သူင်ႇ​ႁွတ်ႈ​ၵႃႈ​တီႈ​ၼႆႈ။ မႂ်း​သၢင်ႈ​ႁဵတ်း​ၵၢၼ်​ငၢၼ်း​ၵႃႈ​သင်​ယူႇ​ၵႃႈ​တီႈ​ၼႆႈ။ မႂ်း​မီး​လွင်ႈ​ၵႃႈ​သင်​ၵႃႈ​တီႈ​ၼႆႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="4">မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ မီႉၶႃႇ ​ၼႆႉ​ႁဵတ်း​ၸိူဝ်ႉ​ၼင်ႇ​ၼႆ​ၸိူဝ်ႉ​ၼင်ႇ​ၼၼ်​တီႈ​ၵဝ်​သေ​လႄႈ ၸင်ႇ​ဢဝ်​ၵဝ်​လႄႈ၊ ၵဝ်​လႆႈ​ႁဵတ်း​ယိတ်ႈပရေႃးႁဵၵ်ႈ​မၼ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶဝ်​ၼၼ်ႉ​ၵေႃႈ၊ လၢတ်ႈ​တီႈ​မၼ်း​လႄႈ​ဝႃႈ၊ ၶႅၼ်း​တေႃႈ​တွင်ႈ​ထၢမ်​ၽြႃး​ပဵၼ်​ၸဝ်ႈ ႁႂ်ႈ​ႁဝ်း​ၶႃႈ​လႆႈ​ႁူႉ​လွင်ႈ​ဢၼ်​သဵၼ်ႈ​တၢင်း​ႁဝ်း​ၶႃႈ ဢၼ်​ႁဝ်း​ၶႃႈ​တၵ်း​ၵႂႃႇ​ၼၼ်ႉ တၵ်း​ပဵၼ်​ႁိုဝ်။ ဢမ်ႇ​ပဵၼ်​ႁိုဝ်​ၼၼ်ႉ​သေ​ၵမ်း။ ႁဝ်း​ၶႃႈ​တွင်း​ပၢၼ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="6">ယိတ်ႈပရေႃးႁဵၵ်ႈ​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၵႂႃႇ​ၼိမ်​ၼိမ်​တႃႉ။ ထႃႇဝရႃႉ​ၽြႃး လူ​တူၺ်း​သဵၼ်ႈ​တၢင်း​ဢၼ်​သူ​ၵႂႃႇ​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">မိူဝ်ႈ​ၼၼ်ႉ ၵူၼ်း​ႁႃႈ​ၵေႃႉ​ၼၼ်ႉ ဢွၵ်ႇ​ၵႂႃႇ​လႄႈ​ႁွတ်ႈ​ထိုင်​ၵႃႈ​တီႈ​ဝဵင်း​ လေႇသႃႉ သေ​ယဝ်ႉ၊ ႁၼ်​လွင်ႈ​ဢၼ်​ၵူၼ်း​ဝဵင်း​ၸိူဝ်း​ၼၼ်ႉ ယင်း​ဢမ်ႇ​ထၢင်ႇ​ဢမ်ႇ​ထိူမ်​လႄႈ ယူႇ​မိူၼ်​ၸိူဝ်ႉ​ၼင်ႇ​ၵူၼ်း​ဝဵင်း​ ၸီႉတုၼ်ႇ ​ၸိူဝ်း​ၼၼ်ႉ​ယူႇ၊ ယင်း​ဢမ်ႇ​မႆႈ​ၸႂ်​လႄႈ​ယူႇ​ၼိမ်​ၼိမ်​ယူႇ ဢိၵ်ႇ​တင်း​လွင်ႈ​ဢၼ်​ဢမ်ႇ​မီး​ၶုၼ်​သေ​ၵေႃႉ​သေ​ၵူၼ်း​ဢၼ်​ဢုပ်ႉ​ပိူင်ႇ​ၶဝ်​လႄႈ မီး​ဢၶႂၢင်ႉ​ဢၼ်​ႁဵတ်း ႁႂ်ႈ​ၶဝ်​လီ​ဢူၵ်း​လီ​ဢၢႆ​ၼႂ်း​လွင်ႈ​တၢင်း​သေ​ၸိူဝ်ႉ​သေ​ပိူင်​လႆႈ တင်း​လွင်ႈ​ဢၼ်​ၶဝ်​ၵႆ​ၵၼ်​တင်း​ၵူၼ်း​ဝဵင်း​ ၸီႉတုၼ်ႇ ​တင်း​လၢႆ​လႄႈ ဢမ်ႇ​ႁဵတ်း​တၢင်း​ဢၼ်​ၶဝ်ႈ​ဢၼ်​ဢွၵ်ႇ​တီႈ​ပိူၼ်ႈ သေ​ၵေႃႉ​သေ​ၵူၼ်း​ၼၼ်ႉ​သေ​ယဝ်ႉ၊-</verse>
				<verse number="8">ဢွၼ်​ၵၼ်​ၶိုၼ်း​မႃး​ၸူး​ၵႃႈ​တီႈ​ဝဵင်း​ ၸေႃးရႃႉ ​တင်း​ဝဵင်း​ ဢေးသတေႃးလႃႉ တီႈ​ဢၼ်​ပီႈ​ၼွင်ႉ​ၸိူဝ်ႉ​ၶိူဝ်း​ၶဝ်​မီး​ၼၼ်ႉ​လႄႈ ပီႈ​ၼွင်ႉ​ၸိူဝ်ႉ​ၶိူဝ်း​ၶဝ်​ၸိူဝ်း​ၼၼ်ႉ ဢွၼ်​ၵၼ်​ထၢမ်​လႄႈ​ဝႃႈ။ သူ​မီး​လွင်ႈ​ဢၼ်​တၵ်း​ၶိုၼ်း​လၢတ်ႈ​ၸိူဝ်ႉ​ၼင်ႇ​ႁိုဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">ၶဝ်​ၼၼ်ႉ​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ လုၵ်ႉ​လႄႈ​ၵႂႃႇ​တိုၵ်း​တေႃး​ၶဝ်​တႃႉ​ႁဝ်း။ ႁဝ်း​ႁၼ်​မိူင်း​ၼၼ်ႉ​ယဝ်ႉ​လႄႈ ပဵၼ်​မိူင်း​ဢၼ်​လီ​ဢၼ်​ငၢမ်း​ဢေႃႈ။ သူ​ယင်း​ယူႇ​ၼိမ်​ၼိမ်​လီ​လီ​ယူႇ​ႁိုဝ်။ ယႃႇ​ပေ​ႁဵတ်း​ၵွႆႈ​ႁဵတ်း​ထိူင်း​လွင်ႈ​ဢၼ်​တၵ်း​လႆႈ​ၵႂႃႇ​လႄႈ ၶဝ်ႈ​သိမ်း​ဢဝ်​ၸၢမ်ႇ​ၸႃး​မိူင်း​ၼၼ်ႉ​သေ​ၵမ်း။-</verse>
				<verse number="10">မိူဝ်ႈ​ဢၼ်​သူ​ၵႂႃႇ​ၼၼ်ႉ သူ​တၵ်း​ထူပ်း​ႁၼ်​ၵူၼ်း​မဵဝ်း​ဢၼ်​ဢမ်ႇ​ထၢင်ႇ​ဢမ်ႇ​ထိူမ်​ၵႃႈ​သင် ဢိၵ်ႇ​တင်း​မိူင်း​ဢၼ်​ၵႂၢင်ႈ​လီ​လႃး​လီ​ဢေႃႈ။ ၽြႃး​ပဵၼ်​ၸဝ်ႈ​လႆႈ​ဢၢပ်ႈ​ပၼ်​ၵႃႈ​ၼႂ်း​မိုဝ်း​သူ​ယဝ်ႉ။ ပဵၼ်​တီႈ​ဢၼ်​ဢမ်ႇ​လူဝ်ႇ​ထႅင်ႈ​သေ​ၸိူဝ်ႉ​သေ​ပိူင် ဢၼ်​မီး​ၵႃႈ​ၼိူဝ်​လိၼ်​မိူင်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ၵူၼ်း​မဵဝ်း​ တၢၼ်ႇ ​ႁူၵ်း​ပၢၵ်ႇ ပႃး​ဢဝ်​တင်း​လၢၵ်ႈ​ၼၢၵ်ႈ​တိုၵ်း​သိုၵ်း​ယူႇ​သေ​လႄႈ ၶီႇ​ဢွၵ်ႇ​သေ​ၵႃႈ​တီႈ​ဝဵင်း​ ၸေႃးရႃႉ တင်း​ဝဵင်း​ ဢေးသတေႃးလႃႉ ​လႄႈ​ၵႂႃႇ​ဢေႃႈ။-</verse>
				<verse number="12">ၶဝ်​ၶီႇ​ၵႂႃႇ​လႄႈ ၶျႃး​တပ်ႉ​ၶဝ်​ၵႃႈ​တီႈ​ဝဵင်း​ ၵီႉရယတ်ႉယႃႇရိမ်ႇ ၼႂ်း​ဢိူင်ႇ​ ယူႉတႃႉ ​ဢေႃႈ။ ပိူဝ်ႈ​ၼႆ​လႄႈ ၶဝ်​ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႉ တပ်ႉ​မဵဝ်း​ တၢၼ်ႇ ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။ မီး​ၵႃႈ​တီႈ​ၽၢႆႇ​လင်​ဝဵင်း​ ၵီႉရယတ်ႉယႃႇရိမ်ႇ ​ဢေႃႈ။-</verse>
				<verse number="13">ၶဝ်​ၼၼ်ႉ​သမ်ႉ​လုၵ်ႉ​ၵႃႈ​တီႈ​ၼၼ်ႈ​သေ​လႄႈ ၵႂႃႇ​ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​လႄႈ ႁွတ်ႈ​ထိုင်​ၵႃႈ​တီႈ​ႁိူၼ်း​ မီႉၶႃႇ ​ဢေႃႈ။</verse>
				<verse number="14">မိူဝ်ႈ​ၼၼ်ႉ ၵူၼ်း​ႁႃႈ​ၵေႃႉ​ဢၼ်​ၵႂႃႇ​ႁႂ်ႈ​လႆႈ​လွမ်​တူၺ်း​လိၼ် ဝဵင်း​ လေႇသႃႉ ​ၼၼ်ႉ လၢတ်ႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​လႄႈ​ဝႃႈ၊ သူ​ႁူႉ​လွင်ႈ​ဢၼ် သိူဝ်ႈ​သုပ်း​ၸဝ်ႈ၊ ရုၵ်ႈ​ထူႉ​ တေႇရၽိမ်ႇ ၊ ရုၵ်ႈ​ထူႉ​ဢၼ်​တွင်ႈ​ႁဵတ်း​ၶၵ်း​ႁဵတ်း၊ ရုၵ်ႈ​ထူႉ​ဢၼ်​သွၼ်း​ႁဵတ်း​လေႃႇ​ႁဵတ်း မီး​ၵႃႈ​ၼႂ်း​ႁိူၼ်း​ၼႆႉ​ႁိုဝ်။ မိူဝ်ႈ​လဵဝ်​ၼႆႉ ၶႆႈ​ၸႂ်​ဝူၼ်ႉ​ၸႂ်​လွင်ႈ​ဢၼ်​သူ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="15">ၶဝ်​ဢွၼ်​ၵၼ်​ငႅၵ်း​ၵႂႃႇ​ၸူး​ၵႃႈ​တီႈ​ၼၼ်ႈ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ႁိူၼ်း​တီႈ​ယူႇ​ၵူၼ်း​ဢွၼ်ႇ​မဵဝ်း​ လေႇဝီႉ ဢၼ်​ဝႃႈ​ႁိူၼ်း မီႉၶႃႇ ​ၼၼ်ႉ​လႄႈ တၵ်ႉ​လၢတ်ႈ​ၵၼ်​တင်း​မၼ်း​ၼၼ်ႉ​ဢေႃႈ။-</verse>
				<verse number="16">ၵူၼ်း​မဵဝ်း​ တၢၼ်ႇ ​ႁူၵ်း​ပၢၵ်ႇ​ဢၼ်​ပႃး​လၢၵ်ႈ​ၼၢၵ်ႈ​တိုၵ်း​သိုၵ်း​ၸိူဝ်း​ၼၼ်ႉ ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ​ဢေႃႈ။-</verse>
				<verse number="17">ၵူၼ်း​ႁႃႈ​ၵေႃႉ​ဢၼ်​ၵႂႃႇ​ႁႂ်ႈ​လႆႈ​လွမ်​တူၺ်း​မိူင်း​ၸိူဝ်း​ၼၼ်ႉ ၶိုၼ်ႈ​ၸူး​လႄႈ​ၶဝ်ႈ​ၵႂႃႇ​ၵႃႈ​ၼႂ်း​ႁိူၼ်း​သေ​ယဝ်ႉ၊ သိမ်း​ဢဝ်​ရုၵ်ႈ​ထူႉ ဢၼ်​တွင်ႈ​ႁဵတ်း​ၶၵ်း​ႁဵတ်း၊ သိူဝ်ႈ​သုပ်း​ၸဝ်ႈ၊ ရုၵ်ႈ​ထူႉ​ တေႇရၽိမ်ႇ ၊ ရုၵ်ႈ​ထူႉ​ဢၼ်​သွၼ်း​ႁဵတ်း​လေႃႇ​ႁဵတ်း​ၸိူဝ်း​ၼၼ်ႉ​ဢေႃႈ။ ယိတ်ႈပရေႃးႁဵၵ်ႈ​ၼၼ်ႉ​ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ ဢိၵ်ႇ​လူၺ်ႈ​ၵၼ်​တင်း​ၵူၼ်း​ႁူၵ်း​ပၢၵ်ႇ​ဢၼ်​ပႃး​လၢၵ်ႈ​ၼၢၵ်ႈ​တိုၵ်း​သိုၵ်း​ၸိူဝ်း​ၼၼ်ႉ​ဢေႃႈ။-</verse>
				<verse number="18">မိူဝ်ႈ​ဢၼ်​ၵူၼ်း​ၸိူဝ်း​ၼၼ်ႉ ၶဝ်ႈ​ၵႃႈ​ၼႂ်း​ႁိူၼ်း​ မီႉၶႃႇ ​လႄႈ သိမ်း​ဢဝ်​ရုၵ်ႈ​ထူႉ​ဢၼ်​တွင်ႈ​ႁဵတ်း​ၶၵ်း​ႁဵတ်း၊ သိူဝ်ႈ​သုပ်း​ၸဝ်ႈ၊ ရုၵ်ႈ​ထူႉ​ တေႇရၽိမ်ႇ ၊ ရုၵ်ႈ​ထူႉ​ဢၼ်​သွၼ်း​ႁဵတ်း​လေႃႇ​ႁဵတ်း​ၸိူဝ်း​ၼၼ်ႉ​ယဝ်ႉ​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ​ၼၼ်ႉ တွင်ႈ​ထၢမ်​တီႈ​ၶဝ်​လႄႈ​ဝႃႈ၊ သူ​ႁဵတ်း​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">ၶဝ်​ၼၼ်ႉ​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ယူႇ​တဵတ်ႇ​တဵတ်ႇ​သေ​ၵမ်း။ ဢဝ်​မိုဝ်း​ၸဝ်ႈ​တူမ်း​သူပ်း​ၸဝ်ႈ​ယူႇ​သေ​လႄႈ ၵႂႃႇ​လူၺ်ႈ​ၵၼ်​တင်း​ႁဝ်း​ၶႃႈ​သေ​ၵမ်း။ ႁဵတ်း​ပေႃႈ​ႁဝ်း​ၶႃႈ၊ ယိတ်ႈပရေႃးႁဵၵ်ႈ​ႁဝ်း​ၶႃႈ​သေ​ၵမ်း။ လီ​ႁဵတ်း​ယိတ်ႈပရေႃးႁဵၵ်ႈ​တီႈ​ႁိူၼ်း​လဵဝ်​ၵူၺ်း​ႁိုဝ်။ ဢမ်ႇ​ၼၼ် လီ​ႁဵတ်း​ယိတ်ႈပရေႃးႁဵၵ်ႈ​တီႈ​မဵဝ်း​ၼိုင်ႈ၊ တင်း​ပီႈ​ၼွင်ႉ​ၸိူဝ်ႉ​ၶိူဝ်း​ၶိူဝ်း​ၼိုင်ႈ ၵႃႈ​ၼႂ်း​မဵဝ်း​ ဢီႉသရေႇလႃႉ ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="20">ယိတ်ႈပရေႃးႁဵၵ်ႈ​ၼၼ်ႉ မီး​ၸႂ်​ဢၼ်​ၸူမ်း​သိူဝ်း​မူၼ်ႈ​ပျေႃႇ​လႄႈ ဢဝ်​သိူဝ်ႈ​သုပ်း၊ ရုၵ်ႈ​ထူႉ​ တေႇရၽိမ်ႇ ၊ ရုၵ်ႈ​ထူႉ​ဢၼ်​တွင်ႈ​ႁဵတ်း ၶၵ်း​ႁဵတ်း​ၼၼ်ႉ​သေ​ယဝ်ႉ၊ ပႃး​ၸွမ်း​ၵႂႃႇ​ၵႃႈ​ၼႂ်း​မုၵ်ႉ​ၵူၼ်း​ၸိူဝ်း​ၵူၼ်း​ၼၼ်ႉ​ဢေႃႈ။-</verse>
				<verse number="21">ၶဝ်​ၼၼ်ႉ​ဝၢႆႇ​ၶိုၼ်း​ၵႂႃႇ​လႄႈ ဢဝ်​လုၵ်ႈ​ဢွၼ်ႇ​လႂ်၊ တရိၵ်ႈသၢၼ်ႇ​လႂ်၊ ၶူဝ်း​ႁၢပ်ႇ​လႂ် ဝႆႉ​ဢွၼ်​တၢင်း​ၶဝ်​ဢေႃႈ။</verse>
				<verse number="22">မိူဝ်ႈ​ဢၼ်​ၵႆ​ၵၼ်​တင်း​ႁိူၼ်း​ မီႉၶႃႇ ယဝ်ႉ​ၼၼ်ႉ​ၸိုင်၊ ၵူၼ်း​ဢၼ်​ယူႇ​ႁိူၼ်း​ၸမ်​ၵၼ်​တင်း​ႁိူၼ်း​ မီႉၶႃႇ ​ၼၼ်ႉ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​သေ​လႄႈ လိုပ်ႈ​ၸွမ်း​လမ်း​ၸွမ်း​ႁႂ်ႈ​ထၼ်ႈ​ပေႃး​ၶိုတ်း​ၵူၼ်း​မဵဝ်း​ တၢၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="23">မိူဝ်ႈ​ဢၼ်​ၶဝ်​ႁွင်ႉ​သႅၼ်ႇ​တီႈ​ၵူၼ်း​မဵဝ်း​ တၢၼ်ႇ ​ၸိူဝ်း​ၼၼ်ႉ​ၸိုင်၊ ၶဝ်​ၼၼ်ႉ​ဝၢႆႇ​ၼႃႈ​ၶဝ်​ၶိုၼ်း​ယူႇ​သေ​လႄႈ​တွင်ႈ​ထၢမ်​တီႈ​ မီႉၶႃႇ ​လႄႈ​ဝႃႈ၊ မႂ်း​ၼႆႉ​မီး​လွင်ႈ​ၵႃႈ​သင်​လႄႈ ပႃး​ဢဝ်​တင်း​မုၵ်ႉ​ၵူၼ်း​ၸိူဝ်း​ၵူၼ်း​ထၢၼ်ႇ​ၼႆႉ​ၸွမ်း​မႃး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="24">မၼ်း​ၼၼ်ႉ​လၢတ်ႈ​လႄႈ​ဝႃႈ သူ​ဢဝ်​ၽြႃး​ဢၼ်​ၵဝ်​ႁဵတ်း​ၸိူဝ်း​ၼၼ်ႉ ဢိၵ်ႇ​တင်း​ယိတ်ႈပရေႃးႁဵၵ်ႈ​သေ​လႄႈ ၵႂႃႇ​လူင်​ပႄႇ။ ၼွၵ်ႈ​သေ​ၼၼ်ႉ ၵဝ်​ယင်း​မီး​လွင်ႈ​တၢင်း​ဢၼ်​လႂ်​လူး​ၵွၼ်ႇ။ ၵူၺ်း​ၵႃႈ သူ​ယင်း​ထၢမ်​လႄႈ​ဝႃႈ၊ မီး​လွင်ႈ​ၵႃႈ​သင်၊ ဝႃႈ​ၼင်ႇ​ၼႆ​လူင်​ပႄႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="25">ၵူၼ်း​မဵဝ်း​ တၢၼ်ႇ ​ၸိူဝ်း​ၼၼ်ႉ လၢတ်ႈ​တီႈ​မၼ်း​လႄႈ​ဝႃႈ၊ ယႃႇ​ပေ​ႁႂ်ႈ​ၵႃႈ​ၼႂ်း​ႁဝ်း​ၼႆႉ လႆႈ​ငိၼ်း​ၵႂၢမ်း​မႂ်း​သေ​ၵမ်း။ ပေႃး​ဢမ်ႇ​ၼၼ် ၵူၼ်း​ဢၼ် ၸႂ်​လမ်​သႆႈ​ၵမ်ႇ​ၸိူဝ်း​ၼၼ်ႉ တၵ်း​ဢွၼ်​ၵၼ်​ႁဵတ်း​တီႈ​မႂ်း​လႄႈ ဢသၢၵ်ႈ​မႂ်း​ဢိၵ်ႇ​တင်း​ဢသၢၵ်ႈ​ၵူၼ်း​ႁိူၼ်း​ၵူၼ်း​ယေး​မႂ်း​တင်း​လၢႆ ၸၢင်ႈ​ၶႄး​တၵ်း​သုမ်း​ဢေႃႈ၊ ဝႃႈ​ၼင်ႇ​ၼႆ​ယူႇ​သေ​လႄႈ၊-</verse>
				<verse number="26">ၵူၼ်း​မဵဝ်း​ တၢၼ်ႇ ​ၸိူဝ်း​ၼၼ်ႉ​ၵႂႃႇ​တၢင်း​ပႆ​တၢင်း​ယူႇ​ဢေႃႈ။ မီႉၶႃႇ ​ၼၼ်ႉ​ႁူႉ​ႁၼ်​လွင်ႈ​ဢၼ်​ၶဝ်​ပဵၼ်​ဢၼ်​ႁႅင်း​ယႂ်ႇ​ၼႃႇ​သေ​မၼ်း​ၼၼ်ႉ​သေ​ယဝ်ႉ၊ ဝၢႆႇ​ၶိုၼ်း​လႄႈ​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​မၼ်း​သေ​ဢေႃႈ။-</verse>
				<verse number="27">ၶဝ်​ၼၼ်ႉ​ဢဝ်​ၶိူင်ႈ​ပိူင်​ဢၼ်​ မီႉၶႃႇ ႁဵတ်း​ၼၼ်ႉ ဢိၵ်ႇ​တင်း​ယိတ်ႈပရေႃးႁဵၵ်ႈ​ဢၼ်​ယူႇ​ၵႃႈ​တီႈ​မၼ်း​ၼၼ်ႉ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ လေႇသႃႉ တီႈ​ဢၼ်​ၵူၼ်း​တင်း​လၢႆ ယင်း​ဢမ်ႇ​ထၢင်ႇ​ဢမ်ႇ​ထိူမ်​ၵႃႈ​သင်​လႄႈ ယူႇ​ၼိမ်​ၼိမ်​လီ​လီ​ၼၼ်ႉ​သေ​ယဝ်ႉ၊ တိုၵ်း​တေႃး​ယႃႉ​ၶဝ်​ပႅတ်ႈ လူၺ်ႈ​ၶူမ်း​လၢပ်ႇ​ၶူမ်း​လႅဝ်း​လႄႈ ဢဝ်​ၽႆး​တုတ်ႇ​ဝဵင်း​ပႅတ်ႈ​ဢေႃႈ။-</verse>
				<verse number="28">ၵွပ်ႈ​ပိူဝ်ႈ​ဢၼ်​ၵႆ​ၵၼ်​တင်း​ဝဵင်း​ ၸီႉတုၼ်ႇ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​ဢမ်ႇ​ႁဵတ်း​တၢင်း​ဢၼ်​ၶဝ်ႈ​ဢၼ်​ဢွၵ်ႇ​တီႈ​ပိူၼ်ႈ သေ​ၵေႃႉ​သေ​ၵူၼ်း​ၼၼ်ႉ​လႄႈ ဢမ်ႇ​မီး​ၵေႃႉ​ဢၼ်​ၵႄႇ​သႄႇ​ၼုၵ်ႈ​ဢဝ်​ၶဝ်။ ဝဵင်း​ၼၼ်ႉ​မီး​ယူႇ​ၵႃႈ​ၼႂ်း​ပၢင်ႇ​ႁူၺ်ႈ ဢၼ်​မီး​ၵႃႈ​တီႈ​ႁိမ်း​ဝဵင်း​ ပႅတ်ႉရႁေႃႇၽႃႉ ​ၼၼ်ႉ​ဢေႃႈ။ ၵႃႈ​တီႈ​ၼၼ်ႈ ၶဝ်​တႄႇ​ႁဵတ်း​ဝဵင်း​ဢၼ်​မႂ်ႇ​သေ​လႄႈ​ယူႇ​ဢေႃႈ။-</verse>
				<verse number="29">ဝဵင်း​ၼၼ်ႉ​ၸိုင် ၶဝ်​ၸွမ်း​လူၺ်ႈ​ၸိုဝ်ႈ​သဵင်​ တၢၼ်ႇ ဢၼ်​ပဵၼ်​ပေႃႈ​မဵဝ်း​ၶဝ် ဢၼ်​ပဵၼ်​လုၵ်ႈ​ၸၢႆး​ ဢီႉသရေႇလႃႉ ​ၼၼ်ႉ​သေ​လႄႈ ႁွင်ႉ​ႁဵၵ်ႈ​ၸိုဝ်ႈ ဝဵင်း​ တၢၼ်ႇ ​ဢေႃႈ။ ၸိုဝ်ႈ​ၵဝ်ႇ​သဵင်​ၵဝ်ႇ​ဝဵင်း​ၼၼ်ႉ​ၸမ်ႉ၊ ပဵၼ်​ လေႇသႃႉ ​ဢေႃႈ။-</verse>
				<verse number="30">ၵူၼ်း​မဵဝ်း​ တၢၼ်ႇ ​ၸိူဝ်း​ၼၼ်ႉ ဢဝ်​ရုၵ်ႈ​ထူႉ ဢၼ်​ မီႉၶႃႇ တွင်ႈ​ႁဵတ်း​ၶၵ်း​ႁဵတ်း​ၼၼ်ႉ တႄႇ​ဝႆႉ​တင်ႈ​ဝႆႉ​ပုၼ်ႈ​ၶဝ်​လႄႈ ယေႃးၼသၼ်ႇ လုၵ်ႈ​ၸၢႆး​ ၵေႇရသုၼ်ႇ လုၵ်ႈ​ၸၢႆး​ မူဝ်းသေႇ ​ၼၼ်ႉ ဢိၵ်ႇ​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း​တင်း​လၢႆ ႁဵတ်း​ယိတ်ႈပရေႃးႁဵၵ်ႈ​တီႈ​မဵဝ်း​ တၢၼ်ႇ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ဢၼ် ဢဝ်​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၶၢႆႉ​တီႈ​ၵႂႃႇ​ၼၼ်ႉ​ဢေႃႈ။-</verse>
				<verse number="31">ၼင်ႇ​ၼၼ်​လႄႈ ၶဝ်​ဢဝ်​ရုၵ်ႈ​ထူႉ​ဢၼ်​ မီႉၶႃႇ သွၼ်း​ႁဵတ်း​လေႃႇ​ႁဵတ်း​ၼၼ်ႉ တႄႇ​ဝႆႉ​တင်ႈ​ဝႆႉ​ၼႂ်း​ၶိင်ႇ​ၵႃႇလႃႉ ၸူဝ်ႈ​ပၢၼ်​ဢၼ်​ႁိူၼ်း​ၽြႃး​ပဵၼ်​ၸဝ်ႈ မီး​ယူႇ​ၵႃႈ​တီႈ​ဝဵင်း​ သီႉလေႃႇ ​ၼၼ်ႉ တဵမ်​တဵမ်​ၼၼ်ႉ​ဢေႃႈ။</verse>
			</chapter>
			<chapter number="19">
				<verse number="1">မိူဝ်ႈ​ၶိင်ႇ​ၼၼ်ႉ မိူဝ်ႈ​ဢၼ်​ၶုၼ်​ႁေႃ​ၶမ်း​ ဢီႉသရေႇလႃႉ ဢမ်ႇ​မီး​ၼၼ်ႉ​ၸိုင်၊ မီး​ၵူၼ်း​မဵဝ်း​ လေႇဝီႉ ဢၼ်​သွၼ်ႈ​ပိုင်ႈ​ယူႇ​ၵႃႈ​တီႈ​ႁိမ်း​ၸဵင်ႇ​လႅၼ်​သုတ်း​ႁၢၼ်ႉ​လွႆ ဢေႇၽရိမ်ႇ ​လႄႈ သိမ်း​ဢဝ်​မႄႈ​ယိင်း​ဢၼ်​ပဵၼ်​ၵူၼ်း​ဝဵင်း​ ပႅတ်ႉလႁႅမ်ႇ ၼႂ်း​ဢိူင်ႇ​ ယူႉတႃႉ ​သေ​လႄႈ ႁဵတ်း​မေး​ၼွႆႉ​ၼၼ်ႉ​ၵေႃႉ​ၼိုင်ႈ​ဢေႃႈ။-</verse>
				<verse number="2">မေး​ၼွႆႉ​မၼ်း​ၼၼ်ႉ​ၽိတ်း​ပိူင်ႈ​မၼ်း​လႄႈ ၽၢတ်ႇ​ယၢၼ်​ၵၼ်​တင်း​မၼ်း​ၵႂႃႇ​ၵႃႈ​တီႈ​ႁိူၼ်း​ပေႃႈ​တူဝ်​ၸဝ်ႈ​ၵဝ်ႇ ၵႃႈ​တီႈ​ဝဵင်း​ ပႅတ်ႉလႁႅမ်ႇ ၼႂ်း​ဢိူင်ႇ​ ယူႉတႃႉ ​ၼၼ်ႉ​သေ​ယဝ်ႉ၊ ယူႇ​ၵႃႈ​တီႈ​ၼၼ်ႈ​သီႇ​လိူၼ်​ဢေႃႈ။-</verse>
				<verse number="3">မိူဝ်ႈ​ဢၼ်​ၽူဝ်​မၼ်း​ၼၼ်ႉ​လုၵ်ႉ​လႄႈ ပႃး​ဢဝ်​တင်း​ၵူၼ်း​ဢွၼ်ႇ​ၵေႃႉ​ၼိုင်ႈ ဢိၵ်ႇ​တင်း​လီႈ​သွင်​တူဝ်​သေ​လႄႈ ၸွမ်း​ၵႂႃႇ​ႁႂ်ႈ​လႆႈ​ၶျေႃး​ဝွၼ်း​မၼ်း​ၼၼ်ႉ​လႄႈ ဢဝ်​မၼ်း​ၼၼ်ႉ​ၶိုၼ်း​မႃး​ၼၼ်ႉ​ၸိုင် မၼ်း​ၼၼ်ႉ​ဢဝ်​မၼ်း​သႂၢင်း​ၶဝ်ႈ​ၵႃႈ​ၼႂ်း​ႁိူၼ်း​ပေႃႈ​တူဝ်​ၸဝ်ႈ​ၵဝ်ႇ​လႄႈ ပေႃႈ​မၼ်း​ၼၼ်ႉ​ထူပ်း​ႁၼ်​လုၵ်ႈ​ၶူၺ်​သေ​ယဝ်ႉ၊ မီး​ၸႂ်​ဢၼ်​ၸူမ်း​သိူဝ်း ၼႂ်း​တၢင်း​ဢၼ်​ထူပ်း​ႁၼ်​ၼၼ်ႉ​ဢေႃႈ။-</verse>
				<verse number="4">ပိူဝ်ႈ​ၼႆ​လႄႈ ပူႇ​ၼၢႆး​မၼ်း​ဢၼ်​ဝႃႈ ပေႃႈ​မႄႈ​ယိင်း​ၼၼ်ႉ​ႁပ်ႉ​ဢဝ်​မၼ်း​လႄႈ မၼ်း​ယူႇ​ၵႃႈ​တီႈ​ပူႇ​ၼၢႆး​မၼ်း​ၼၼ်ႉ သၢမ်​ဝၼ်း​တဵမ်​တဵမ်​ဢေႃႈ။ ၼင်ႇ​ၼၼ်​လႄႈ ၶဝ်​ၵိၼ်​ၶူပ်း​ယူႇ၊ ၼွၼ်း​ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="5">ဝၼ်း​ၸတုၵ်ႉထႃႉ​ၼၼ်ႉ မိူဝ်ႈ​ဢၼ်​ၶဝ် လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ မၼ်း​မႄး​ႁႅၼ်း​ႁႂ်ႈ​လႆႈ​ဢွၵ်ႇ​ၵႂႃႇ​ၼၼ်ႉ​ၸိုင်၊ ပေႃႈ​မႄႈ​ယိင်း​ၼၼ်ႉ လၢတ်ႈ​တီႈ​လုၵ်ႈ​ၶူၺ်​လႄႈ​ဝႃႈ၊ ၵိၼ်​ၶဝ်ႈ​မုၼ်း​သေ​ဢိတ်း​ၼိုင်ႈ​လႄႈ ႁႂ်ႈ​ၸႂ်​လီ​သေ​ယဝ်ႉ​ၸင်ႇ​ၵႂႃႇ​သေ​ၵမ်း၊ ဝႃႈ​ၼင်ႇ​ၼႆ​လႄႈ၊-</verse>
				<verse number="6">သွင်​ၶႃ​ၼၼ်ႉ​ၼင်ႈ​ယူႇ၊ ၵိၼ်​ၶူပ်း​ယူႇ​သေ​လႄႈ ယူႇ​တင်း​သွင်​ၵေႃႉ​ဢေႃႈ။ ပေႃႈ​မႄႈ​ယိင်း​ၼၼ်ႉ​ၵေႃႈ​လၢတ်ႈ​တီႈ​လုၵ်ႈ​ၶူၺ်​လႄႈ​ဝႃႈ၊ ၶျႃး​ၸႂ်​သေ​ၵမ်း။ ၶိုၼ်း​ၼႆႉ​ၵေႃႈ​ႁႂ်ႈ​ပူၼ်ႉ​သေ​လႄႈ မူၼ်ႈ​ၸႂ်​ပျေႃႇ​ၸႂ်​လႄႈ​ယူႇ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မိူဝ်ႈ​ဢၼ်​မၼ်း​သမ်ႉ​လုၵ်ႉ​ႁႂ်ႈ​လႆႈ​ၵႂႃႇ​ၼၼ်ႉ​ၸိုင်၊ ပူႇ​ၼၢႆး​မၼ်း​တိုၵ်း​ယူင်း​ၸူဝ်း​ဢဝ်​မၼ်း​လႄႈ မၼ်း​သမ်ႉ​ၶိုၼ်း​ၼွၼ်း​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="8">ဝၼ်း​ပိၼ်ႇၸမႃႉ​ၼၼ်ႉ မိူဝ်ႈ​ဢၼ်​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ ႁႂ်ႈ​လႆႈ​ၵႂႃႇ​ၼၼ်ႉ​ၸိုင်၊ ပေႃႈ​မႄႈ​ယိင်း​ၼၼ်ႉ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ႁႂ်ႈ​ၸႂ်​လီ​သေ​လႄႈ​ယူႇ​တေႃႇ​ထိုင်​ႁွတ်ႈ​ၵၢင်​ဝၼ်း​ၸၢႆႉ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ သွင်​ၶႃ​ၼၼ်ႉ​သမ်ႉ​ၵိၼ်​ၶူပ်း​ယူႇ​ထႅင်ႈ​တင်း​သွင်​ၵေႃႉ​ဢေႃႈ။-</verse>
				<verse number="9">မိူဝ်ႈ​ဢၼ်​ၵေႃႉ​ၼၼ်ႉ​ဢိၵ်ႇ​တင်း​မေး​ၼွႆႉ​မၼ်း တင်း​ၵူၼ်း​ဢွၼ်ႇ​မၼ်း​သမ်ႉ​ၶိုၼ်း​ဢွၼ်​ၵၼ်​လုၵ်ႉ​ႁႂ်ႈ​လႆႈ​ၵႂႃႇ​ၼၼ်ႉ​ၸိုင်၊ ပေႃႈ​မႄႈ​ယိင်း ဢၼ်​ပဵၼ်​ပူႇ​ၼၢႆး​မၼ်း​ၼၼ်ႉ​လၢတ်ႈ​လႄႈ​ဝႃႈ၊ တူၺ်း​လူး၊ ၵၢင်​ဝၼ်း​ၸမ်​တၵ်း​ၶမ်ႈ​ယဝ်ႉ။ ၶိုၼ်း​ၼႆႉ​ၵေႃႈ​ယူႇ​လႄႈ​ႁႂ်ႈ​ပူၼ်ႉ​သေ​ၵမ်း။ ၶိင်ႇ​ၵၢင်​ဝၼ်း ၸမ်​တၵ်း​သဵင်ႈ​ယဝ်ႉ။ ၼွၼ်း​ၵႃႈ​တီႈ​ၼႆႈ​သေ​လႄႈ​မူၼ်ႈ​ၸႂ်​ပျေႃႇ​ၸႂ်​ယူႇ​သေ​ၵမ်း။ မိူဝ်ႈ​ၽုၵ်ႈ​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ တီႈ​ယူႇ​တူဝ်​ၸဝ်ႈ​ၵဝ်ႇ​သေ​ၵမ်း၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="10">မၼ်း​ယင်း​ဢမ်ႇ​ႁႂ်ႈ​ပူၼ်ႉ​ၶိုၼ်း​ၼၼ်ႉ​သေ​လႄႈ​လုၵ်ႉ​လႄႈ​ဢွၵ်ႇ​ၵႂႃႇ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ႁိမ်း​ဝဵင်း​ ယေႇပုတ်ႉ ​ဢၼ်​ဝႃႈ ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ လီႈ​ဢၼ်​တၢင်ႇ​ၵွပ်း​သွင်​တူဝ် ဢိၵ်ႇ​တင်း​မေး​ၼွႆႉ​မၼ်း​ၵေႃႈ ပႃး​တီႈ​မၼ်း​ယူႇ​ဢေႃႈ။</verse>
				<verse number="11">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​ႁိမ်း​ဝဵင်း​ ယေႇပုတ်ႉ ​ၼၼ်ႉ​ၸိုင် ၵွပ်ႈ​ပိူဝ်ႈ​ဢၼ်​ၵၢင်​ဝၼ်း​ၶမ်ႈ​လႄႈ ၵူၼ်း​ဢွၼ်ႇ​မၼ်း​ၼၼ်ႉ လၢတ်ႈ​တီႈ​ၸဝ်ႈ​မၼ်း​လႄႈ​ဝႃႈ၊ မႃး​သေ​ၵမ်း။ ဝႄႉ​ၶဝ်ႈ​ၸူး​ၵႃႈ​ၼႂ်း​ဝဵင်း​ၵူၼ်း​ ယေႇပူႉသီႉ ​ၸိူဝ်း​ၼႆႉ​သေ​လႄႈ ၼွၼ်း​တႃႉ​ႁဝ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">ၸဝ်ႈ​မၼ်း​လၢတ်ႈ​လႄႈ​ဝႃႈ၊ ႁဝ်း​တၵ်း​ဢမ်ႇ​ဝႄႉ​ၶဝ်ႈ​ၸူး​ၵႃႈ​တီႈ​ဝဵင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ဢမ်ႇ​ၸႂ်ႈ​မဵဝ်း​ ဢီႉသရေႇလႃႉ ​ယူႇ​ၼၼ်ႉ။ တၵ်း​ၵႂႃႇ​ၵႃႈ​တီႈ​ဝဵင်း​ ၵီႉပႃႉ ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မၼ်း​ၼၼ်ႉ​သမ်ႉ​လၢတ်ႈ​တီႈ​ၵူၼ်း​ဢွၼ်ႇ​မၼ်း​လႄႈ​ဝႃႈ၊ ဝႄႉ​ၶဝ်ႈ​ၸူး​ၵႃႈ​တီႈ​ဝဵင်း​ၸိူဝ်း​ၼႆႉ​သေ​ဝဵင်း​ဝဵင်း​လႄႈ ႁႂ်ႈ​ပူၼ်ႉ​ၶိင်ႇ​ၵၢင်​ၶိုၼ်း​ၼႆႉ ၵႃႈ​တီႈ​ဝဵင်း​ ၵီႉပႃႉ ၊ ဢမ်ႇ​ၼၼ် ၵႃႈ​တီႈ​ဝဵင်း​ ရႃႇမႃႉ ​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="14">သမ်ႉ​ပူၼ်ႉ​သေ​ၵႃႈ​တီႈ​ၼၼ်ႈ​ၵႂႃႇ​လႄႈ မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​ႁိမ်း​ဝဵင်း​ ၵီႉပႃႉ ၼႂ်း​ဢိူင်ႇ​ ပိၼ်ႇယႃႇမိၼ်ႇ ​ၼၼ်ႉ​ၸိုင် ၵၢင်​ဝၼ်း​တူၵ်း​သေ​ဢေႃႈ။-</verse>
				<verse number="15">ၶဝ်​ဝႄႉ​ၸူး​ၵႃႈ​တီႈ​ၼၼ်ႈ ႁႂ်ႈ​လႆႈ​ၶဝ်ႈ​လႄႈ​ႁႂ်ႈ​ပူၼ်ႉ​ၶိုၼ်း​ၵႃႈ​ၼႂ်း​ဝဵင်း​ ၵီႉပႃႉ ​ၼၼ်ႉ​လႄႈ မၼ်း​ၶဝ်ႈ​ၵႃႈ​ၼႂ်း​ဝဵင်း​ၼၼ်ႉ​သေ​ယဝ်ႉ၊ ၼင်ႈ​ယူႇ​ၵႃႈ​တီႈ​ၵၢင်​တၢင်း​ဝဵင်း ၵွပ်ႈ​ပိူဝ်ႈ​ဢၼ်​ၽူႈ​လႂ်​ဢမ်ႇ​ပႆႇ​ႁပ်ႉ​ဢဝ်​ၵႂႃႇ​သႂၢင်း​ၶဝ်ႈ​ၵႃႈ​ၼႂ်း​ႁိူၼ်း​မၼ်း ႁႂ်ႈ​လႆႈ​သွၼ်ႈ​ပိုင်ႈ​ယူႇ​ၼၼ်ႉ​ဢေႃႈ။-</verse>
				<verse number="16">မိူဝ်ႈ​ၼၼ်ႉ ၵူၼ်း​ထဝ်ႈ​ၵေႃႉ​ၼိုင်ႈ လုၵ်ႉ​သေ​ၵႃႈ​တီႈ​ဢၼ်​ႁဵတ်း​ႁႆႊ​ႁဵတ်း​ၼႃး​ၼၼ်ႉ​မႃး​ၶိင်ႇ​မိူဝ်ႈ​ဢၼ်​ၵၢင်​ဝၼ်း​ၶမ်ႈ​ၼၼ်ႉ​ဢေႃႈ။ ၵေႃႉ​ၼၼ်ႉ​ပဵၼ်​ၵူၼ်း​ႁၢၼ်ႉ​လွႆ​ ဢေႇၽရိမ်ႇ ​လႄႈ သွၼ်ႈ​ပိုင်ႈ​ယူႇ​ၵႃႈ​တီႈ​ဝဵင်း​ ၵီႉပႃႉ ​ၼၼ်ႉ​ဢေႃႈ။ ၵူၼ်း​ဝဵင်း​တင်း​လၢႆ​ၼၼ်ႉ ပဵၼ်​ၵူၼ်း​မဵဝ်း ပိၼ်ႇယႃႇမိၼ်ႇ ​ဢေႃႈ။-</verse>
				<verse number="17">မၼ်း​ၼၼ်ႉ​မုင်ႈ​တူၺ်း​လႄႈ​ႁၼ်​ၶႅၵ်ႇ​ၵေႃႉ​ၼိုင်ႈ မီး​ယူႇ​ၵႃႈ​တီႈ​ၵၢင်​တၢင်း​ဝဵင်း​ၼၼ်ႉ​သေ​ယဝ်ႉ၊ ၵူၼ်း​ထဝ်ႈ​ၼၼ်ႉ​တွင်ႈ​ထၢမ်​လႄႈ​ဝႃႈ၊ မႂ်း​တၵ်း​ၵႂႃႇ​ၵႃႈ​တီႈ​လႂ်။ မႂ်း​လုၵ်ႉ​ၵႃႈ​တီႈ​လႂ်​မႃး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">မၼ်း​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၶႃႈ​လုၵ်ႉ​သေ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ၼႂ်း​ဢိူင်ႇ​ ယူႉတႃႉ ၵႂႃႇ​ၵႃႈ​တီႈ​ႁိမ်း​ၸဵင်ႇ​လႅၼ်​သုတ်း​ႁၢၼ်ႉ​လွႆ ဢေႇၽရိမ်ႇ ​ၼၼ်ႉ​ၶႃႈ​ဢေႃႈ။ ၵဝ်​ၶႃႈ​ၼႆႉ​ပဵၼ်​ၵူၼ်း​ၵႃႈ​တီႈ​ၼၼ်ႈ​ၶႃႈ​ဢေႃႈ။ ၵဝ်​ၶႃႈ​ၵႂႃႇ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ၼႂ်း​ဢိူင်ႇ​ ယူႉတႃႉ ​သေ​ယဝ်ႉ၊ တေႃႈ​လဵဝ်​ၼႆႉ ၵဝ်​ၶႃႈ​ၵႂႃႇ​ၸူး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၶႃႈ​ဢေႃႈ။ ၽူႈ​လႂ်​ဢမ်ႇ​ပႆႇ​ဢဝ်​ၵဝ်​ၶႃႈ​ၵႂႃႇ​သႂၢင်း​ၶဝ်ႈ​ၵႃႈ​ၼႂ်း​ႁိူၼ်း​မၼ်း​ၶႃႈ။-</verse>
				<verse number="19">ယိူဝ်ႈ​ႁႅင်ႈ​ဢိၵ်ႇ​တင်း​တၢင်ႇ​ၸိူဝ်ႉ​တၢင်ႇ​ပိူင်​ပုၼ်ႈ​ဢၼ်​တၵ်း​လဵင်ႉ​တၵ်း​ဢွႆႇ​လီႈ​ၵေႃႈ မီး​ယဝ်ႉ​ၶႃႈ​ဢေႃႈ။ ၶဝ်ႈ​မုၼ်း​ဢိၵ်ႇ​တင်း​ၼမ်ႉ​ၸပိတ်ႈ​ပုၼ်ႈ​ၵဝ်​ၶႃႈ၊ ဢိၵ်ႇ​တင်း​မႄႈ​ယိင်း​ၶႃႈ​ၸဝ်ႈ​ႁဝ်း တင်း​ၵူၼ်း​ဢွၼ်ႇ​ဢၼ်​ၸွမ်း​မႃး​လူၺ်ႈ​ၵၼ်​တင်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၵေႃႈ မီး​ယဝ်ႉ​ၶႃႈ​ဢေႃႈ။ ဢမ်ႇ​လူဝ်ႇ​ထႅင်ႈ​သေ​ၸိူဝ်ႉ​သေ​ပိူင်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၵူၼ်း​ထဝ်ႈ​ၼၼ်ႉ​ၵေႃႈ လၢတ်ႈ​လႄႈ​ဝႃႈ၊ ႁႂ်ႈ​ၵတ်း​ယဵၼ်​ၶျၢမ်း​သႃႇ​မီး​တီႈ​မႂ်း​သေ​ၵမ်း​လူၺ်ႈ။ ၵႃႈ​ဢၼ်​မႂ်း​လူဝ်ႇ​ၼၼ်ႉ​ၸိုင် ႁႂ်ႈ​မီး​ပုၼ်ႈ​တႃႇ​ၵဝ်​တႃႉ။ ၵူၺ်း​ၵွမ်ႉ​ယႃႇ​ပေ​ႁႂ်ႈ​ပူၼ်ႉ​ၶိုၼ်း​ၵႃႈ​တီႈ​ၵၢင်​တၢင်း​ၼႆႉ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="21">ဢဝ်​မၼ်း​ၵႂႃႇ​သႂၢင်း​ၶဝ်ႈ​ၵႃႈ​ၼႂ်း​ႁိူၼ်း​တူဝ်​ၸဝ်ႈ​ၵဝ်ႇ​သေ​လႄႈ လဵင်ႉ​ဢွႆႇ​ပၼ်​လီႈ​မၼ်း​ၸိူဝ်း​ၼၼ်ႉ​ဢေႃႈ။ ၶဝ်​ၵေႃႈ​သုၵ်ႈ​တိၼ်​သေ​လႄႈ ၵိၼ်​ၶူပ်း​ဢေႃႈ။</verse>
				<verse number="22">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​မီး​တၢင်း​ဢၼ်​မူၼ်ႈ​ၸႂ်​ပျေႃႇ​ၸႂ်​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ ၵူၼ်း​ဝဵင်း​ၼၼ်ႉ ဢၼ်​ပဵၼ်​ၵူၼ်း​ဢႃႉထမ်ႇမႃႉ​ၼၼ်ႉ​ၵမ်ႈ​ၽွင်ႈ ဢွၼ်​ၵၼ်​လွမ်ႉ​ႁွပ်ႈ​ႁိူၼ်း​သေ​လႄႈ ပေႃႉ​ထုပ်ႉ​ၽၵ်း​တူ​ဢေႃႈ။ တီႈ​ၵူၼ်း​ထဝ်ႈ​ၸဝ်ႈ​ႁိူၼ်း​ၼၼ်ႉ​ၵေႃႈ ၶဝ်​ႁွင်ႉ​လႄႈ​ဝႃႈ၊ ဢဝ်​ၵူၼ်း​ၸၢႆး​ဢၼ်​ၶဝ်ႈ​ၵႃႈ​တီႈ​ႁိူၼ်း​မႂ်း​ၼႆႉ​ၼၼ်ႉ​ဢွၵ်ႇ​မႃး ႁႂ်ႈ​ႁဝ်း​လႆႈ​ႁူႉ​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၸဝ်ႈ​ႁိူၼ်း​ၼၼ်ႉ​ၵေႃႈ​ဢွၵ်ႇ​ၸူး​တီႈ​ၶဝ်​သေ​လႄႈ တွင်း​ပၢၼ်ႇ​လႄႈ​ဝႃႈ၊ ပီႈ​ၼွင်ႉ​ၶဝ်​ဢိူၺ်း၊ ယႃႇ​ပေ​ႁဵတ်း​ဢမူႉ​ဢၼ်​ႁုၵ်း​ဢၼ်​ႁၢႆႉ​ၸိူဝ်ႉ​ၼင်ႇ​ၼႆ​သေ​ၵမ်း၊ ၵွပ်ႈ​ပိူဝ်ႈ​ဢၼ်​ၵေႃႉ​ၼႆႉ​ပဵၼ်​ၵေႃႉ​ဢၼ်​သွၼ်ႈ​ပိုင်ႈ​ၵႃႈ​တီႈ​ႁိူၼ်း​ၵဝ်​ၶႃႈ​လႄႈ ယႃႇ​ပေ​ႁဵတ်း​တၢင်း​ဢၼ်​ယုတ်ႈ​ဢၼ်​မိူၵ်ႈ​ၼႆႉ​သေ​ၵမ်း။-</verse>
				<verse number="24">တူၺ်း​လူး၊ ၵႃႈ​တီႈ​ၼႆႈ​မီး​လုၵ်ႈ​ယိင်း​သၢဝ်​ၵဝ်​ၶႃႈ ဢၼ်​ပဵၼ်​ၵၼ်ႇ​ၺႃႇ​ဢိၵ်ႇ​တင်း​မေး​ၼွႆႉ​မၼ်း​ၼၼ်ႉ​ၶႃႈ​ဢေႃႈ။ ၵဝ်​ၶႃႈ​တၵ်း​ဢဝ်​ၶဝ်​ဢွၵ်ႇ​လႄႈ​ပၼ်​ၶႃႈ​ဢေႃႈ။ ယႃႉ​သရေႇ​ၶဝ်​သေ​ၵမ်း။ ႁဵတ်း​ၸွမ်း​ၵႃႈ​ၼင်ႇ​ဢၼ်​သူ​မီး​ဢလူဝ်ႇ​ၼၼ်ႉ​တီႈ​ၶဝ်​သေ​ၵမ်း၊ ၵူၺ်း​ၵႃႈ ယႃႇ​ပေ​ႁဵတ်း​ဢမူႉ​ဢၼ်​ယုတ်ႈ​ဢၼ်​မိူၵ်ႈ​ၸိူဝ်ႉ​ၼင်ႇ​ၼႆ​တီႈ​ၵေႃႉ​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="25">ၶဝ်​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​မၼ်း။ ပိူဝ်ႈ​ၼႆ​လႄႈ ၵေႃႉ​ၼၼ်ႉ ဢဝ်​မေး​ၼွႆႉ​မၼ်း​ဢွၵ်ႇ​ပၼ်​တီႈ​ၶဝ်​သေ​လႄႈ၊ ၶဝ်​ၼၼ်ႉ​ႁူႉ​မၼ်း​လႄႈ ႁဵတ်း​ဢႃႉထမ်ႇမႃႉ​တီႈ​မၼ်း​တင်း​ၶိုၼ်း​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​သေ​ယဝ်ႉ၊ ႁူဝ်​မိူင်း​သႂ်​ၸင်ႇ​ပွႆႇ​မၼ်း​သေ​ဢေႃႈ။-</verse>
				<verse number="26">မိူဝ်ႈ​ဢၼ်​ႁူဝ်​မိူင်း​သႂ်​ၼၼ်ႉ​ၸိုင်၊ မႄႈ​ယိင်း​ၼၼ်ႉ​မႃး​လႄႈ လူမ်ႉ​ယူႇ​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ႁိူၼ်း​တီႈ​ဢၼ်​ၸဝ်ႈ​မၼ်း​မီး​ၼၼ်ႉ​သေ​လႄႈ ယူႇ​တေႃႇ​ထိုင်​ႁွတ်ႈ​မိူင်း​လႅင်း​ယဝ်ႉ​ၼၼ်ႉ​ဢေႃႈ။-</verse>
				<verse number="27">ၶိင်ႇ​ၵၢင်​ၼႂ်​ၼၼ်ႉ၊ ၸဝ်ႈ​မၼ်း​ၼၼ်ႉ​လုၵ်ႉ​လႄႈ ၽုၺ်ႇ​ၽၵ်း​တူ​ႁိူၼ်း​သေ​ယဝ်ႉ ဢွၵ်ႇ​ႁႂ်ႈ​လႆႈ​ၵႂႃႇ​တၢင်း​ပႆ​တၢင်း​လႄႈ ႁၼ်​မေး​ၼွႆႉ​မၼ်း​ၼၼ်ႉ လူမ်ႉ​ဝႆႉ​ယူႇ​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ႁိူၼ်း​လႄႈ ဢဝ်​မိုဝ်း​တၢင်ႇ​ၵႃႈ​ၼိူဝ်​ၶူင်ႇ​ၽၵ်း​တူ​ယူႇ​ၼၼ်ႉ​သေ​ယဝ်ႉ၊-</verse>
				<verse number="28">လၢတ်ႈ​လႄႈ​ဝႃႈ၊ လုၵ်ႉ​လႄႈ​ၵႂႃႇ​တႃႉ​ႁဝ်း၊ ဝႃႈ​ၼင်ႇ​ၼႆ​သေ​ၵေႃႈ၊ မၼ်း​ၼၼ်ႉ​ယင်း​ဢမ်ႇ​ၶိုၼ်း​လၢတ်ႈ​လႄႈ​ယူႇ​ဢေႃႈ။ မိူဝ်ႈ​ၼၼ်ႉ ၵူၼ်း​ၸၢႆး​ၼၼ်ႉ ဢဝ်​မၼ်း​ၼၼ်ႉ​တၢင်ႇ​ၵႃႈ​ၼိူဝ်​လီႈ​သေ​လႄႈ လုၵ်ႉ​ၵႂႃႇ​ၸူး​ၵႃႈ​တီႈ တီႈ​ယူႇ​မၼ်း​ဢေႃႈ။-</verse>
				<verse number="29">မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​ၼႂ်း​ႁိူၼ်း​မၼ်း​ၼၼ်ႉ​ၸိုင်၊ မၼ်း​ဢဝ်​လၢပ်ႇ​လႄႈ​ယိပ်း​ၵမ်​ဢဝ်​မေး​ၼွႆႉ​မၼ်း​ၼၼ်ႉ​သေ​ယဝ်ႉ တႅပ်း​တူဝ်​မၼ်း​ၼၼ်ႉ ၸွမ်း​လူၺ်ႈ​ပွင်ႈ​လုပ်ႇ​မၼ်း​တင်း​လၢႆ ႁဵတ်း​သိပ်း​သွင်​ပွတ်း​သေ​လႄႈ ဢဝ်​ပၼ်​ၵႂႃႇ​ၵႃႈ​ၼႂ်း​မိူင်း​ ဢီႉသရေႇလႃႉ ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="30">ၼင်ႇ​ၼၼ်​လႄႈ ၶဝ်​ၸိူဝ်း​ဢၼ်​ႁူႉ​ႁၼ်​ၵႃႈ​မီး​ၼၼ်ႉ ဢွၼ်​ၵၼ်​လၢတ်ႈ​လႄႈ​ဝႃႈ၊ ၸႃႉ​ၸဵမ်​ဝၼ်း​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​လႄႈ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ ၽူႈ​လႂ်​ဢမ်ႇ​ႁဵတ်း​ဢမူႉ​ၸိူဝ်ႉ​ၼင်ႇ​ၼႆ​သေ​ၵေႃႉ​သေ​ၵူၼ်း။ ၽူႈ​လႂ်​ဢမ်ႇ​ပႆႇ​တွၼ်ႉ​ႁၼ်​သေ​ၽဝ်ႇ​သေ​ပွၵ်ႈ။ ဢွၼ်​ၵၼ်​ၶႆႈ​ၸႂ်​ဝူၼ်ႉ​ၸႂ်​လႄႈ တိူင်ႇ​ပၢင်ႇ​ၸီႇ​ယၢင်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="20">
				<verse number="1">မိူဝ်ႈ​ၼၼ်ႉ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢွၼ်​ၵၼ်​လုၵ်ႉ​လႄႈ​ပရဵၵ်ႈသၢတ်ႈ​တင်း​လၢႆ ဢဝ်​ၵႃႈ​တီႈ​ဝဵင်း​ တၢၼ်ႇ တေႃႇ​ထိုင်​ႁွတ်ႈ​ဝဵင်း​ ပေႇရသေႇၽႃႉ ​ၼၼ်ႉ​လႄႈ ပႃး​တင်း​ၵူၼ်း​မိူင်း​ ၵီႉလတ်ႉ ​ၸိူဝ်း​ၼၼ်ႉ​သေ​လႄႈ ၸူႉ​ၵၼ်​တုမ်​ၵၼ် မိူၼ်​ၸိူဝ်ႉ​ၼင်ႇ​ၵူၼ်း​ၵေႃႉ​လဵဝ်​ၵူၺ်း​ၼၼ်ႉ​ၵႃႈ​တီႈ ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ မီႉၸပႃႇ ​ၼၼ်ႉ​ဢေႃႈ။-</verse>
				<verse number="2">ၵူၼ်း​ယႂ်ႇ​ၵူၼ်း​လူင်​ၵႃႈ​ၼႂ်း​ၵူၼ်း​တင်း​လၢႆ ဢၼ်​ဝႃႈ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ၵူႈ​မဵဝ်း​ၼၼ်ႉ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ ပရဵၵ်ႈသၢတ်ႈ​တီႈ​ၸူႉ​တီႈ​တုမ်​ၵူၼ်း​ၽြႃး​ပဵၼ်​ၸဝ်ႈ​တင်း​လၢႆ​လႄႈ မီး​ၵူၼ်း​သိုၵ်း​ပႆ​တိၼ် ဢၼ်​ယိပ်း​ၵမ်​လၢၵ်ႈ​ၼၢၵ်ႈ​လၢပ်ႇ​ၼၼ်ႉ သီႇ​သႅၼ်​ဢေႃႈ။-</verse>
				<verse number="3">ၵူၼ်း​မဵဝ်း​ ပိၼ်ႇယႃႇမိၼ်ႇ ​တင်း​လၢႆ လႆႈ​ငိၼ်း​လွင်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၶိုၼ်ႈ​ၸူး​ၵႃႈ​တီႈ​ဝဵင်း​ မီႉၸပႃႇ ​ၼၼ်ႉ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​တွင်ႈ​ထၢမ်​လႄႈ​ဝႃႈ၊ ဢမူႉ​ဢႃႉထမ်ႇမႃႉ​ၼၼ်ႉ ပဵၼ်​မႃး​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">ၵူၼ်း​မဵဝ်း​ လေႇဝီႉ ၽူဝ်​မႄႈ​ယိင်း​ဢၼ်​လႆႈ​ၶၢမ်ႇ​တၢင်း​တၢႆ​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​ဢိၵ်ႇ​တင်း​မေး​ၼွႆႉ​ၵဝ်​ၶႃႈ​မႃး​ၵႃႈ​တီႈ​ဝဵင်း​ ၵီႉပႃႉ ၼႂ်း​လိၼ်​ ပိၼ်ႇယႃႇမိၼ်ႇ ​ၼၼ်ႉ ႁႂ်ႈ​လႆႈ​ပူၼ်ႉ​ၶိုၼ်း​ၵႃႈ​တီႈ​ၼၼ်ႈ​ၶႃႈ​ဢေႃႈ။-</verse>
				<verse number="5">ၶိင်ႇ​ၵၢင်​ၶိုၼ်း​ၵူၼ်း​ ၵီႉပႃႉ ​ၸိူဝ်း​ၼၼ်ႉ​ဢွၼ်​ၵၼ်​လုၵ်ႉ​ယူႇ​ၽၢႆႇ​ၼိုင်ႈ တင်း​ၵဝ်​ၶႃႈ​လႄႈ လွမ်ႉ​ႁွပ်ႈ​ႁိူၼ်း​တီႈ​ဢၼ် ၵဝ်​ၶႃႈ​သွၼ်ႈ​ပိုင်ႈ​ၼၼ်ႉ​ယူႇ​သေ​လႄႈ ဢၢင်ႈ​တၵ်း​ဢဝ်​ၵဝ်​ၶႃႈ​တၢႆ​ၶႃႈ​ဢေႃႈ။ ၶဝ်​ယႃႉ​သရေႇ​မေး​ၼွႆႉ​ၵဝ်​ၶႃႈ​ထၼ်ႈ​ပေႃး​တၢႆ​ၶႃႈ​ဢေႃႈ။-</verse>
				<verse number="6">ၵဝ်​ၶႃႈ​ၵေႃႈ​ဢဝ်​တူဝ်​တၢႆ​မေး​ၼွႆႉ​ၵဝ်​ၶႃႈ​ၼၼ်ႉ​လႄႈ တႅပ်း​ႁဵတ်း​ပွတ်း​ႁဵတ်း​တွၼ်ႈ​သေ​ယဝ်ႉ၊ ဢဝ်​ပၼ်​ၵႂႃႇ​ၵႃႈ​ၼႂ်း​မိူင်း​ဢၼ် မဵဝ်း​ ဢီႉသရေႇလႃႉ ​ၶၢမ်ႇ​ဢမူၺ်ႇ​ၼၼ်ႉ ၵူႈ​တီႈ​ၵူႈ​လႅၼ်​ၶႃႈ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​ႁဵတ်း​ဢမူႉ​ဢၼ်​ၵူဝ်ႈ​ဢၼ်​ၵိူၵ်ႇ၊ ဢမူႉ​ဢၼ်​ယုတ်ႈ​ဢၼ်​မိူၵ်ႈ ၵႃႈ​ၼႂ်း​မဵဝ်း​ ဢီႉသရေႇလႃႉ ​ၶႃႈ​ယဝ်ႉ။-</verse>
				<verse number="7">တူၺ်း​လူး၊ သူ​ၸဝ်ႈ​ဢၼ်​ပဵၼ်​မဵဝ်း​ ဢီႉသရေႇလႃႉ ​ၵႃႈ​မီး​တင်း​သဵင်ႈ​တင်း​လူင်​ၶဝ်​ဢိူၺ်း၊ တိူင်ႇ​ပၢင်ႇ​ၵၼ်​သေ​လႄႈ​ၸီႇ​ယၢင်ႇ​ၵႃႈ​တီႈ​ၼႆႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵူၼ်း​ၵႃႈ​မီး​ၼၼ်ႉ ဢွၼ်​ၵၼ်​လုၵ်ႉ​မိူၼ်​ၸိူဝ်ႉ​ၼင်ႇ​ၵူၼ်း​ၵေႃႉ​လဵဝ်​ၵူၺ်း​ၼၼ်ႉ​လႄႈ​လၢတ်ႈ​ဝႃႈ၊ ႁဝ်း​ဢမ်ႇ​ၵႂႃႇ​ၵႃႈ​တီႈ​မူဝ်းၵႃႇ​ႁဝ်း​သေ​ၵေႃႉ​သေ​ၵူၼ်း။ ႁဝ်း​ဢမ်ႇ​ၶိုၼ်း​မိူဝ်း​ၸူး​ၵႃႈ​တီႈ​ႁိူၼ်း​ႁဝ်း​သေ​ၵေႃႉ​သေ​ၵူၼ်း။-</verse>
				<verse number="9">ႁဝ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​ၵႃႈ​တီႈ​ဝဵင်း​ ၵီႉပႃႉ ​ၼၼ်ႉ​ဝႃႈ​ၼႆ​ၸမ်ႉ၊ ႁဝ်း​တၵ်း​တူၵ်း​ၸႃႇ​ၵွၵ်ႈ​သေ​လႄႈ​ၶီႇ​ၵႂႃႇ​ဢေႃႈ။-</verse>
				<verse number="10">ႁဝ်း​တၵ်း​လိူၵ်ႈ​ၵဵပ်း​ဢဝ်​ၵႃႈ​ၼႂ်း​ၵူၼ်း​ယေႈ​ပၢၵ်ႇ​ယေႈ​သိပ်း၊ ၼႂ်း​ယေႈ​ႁဵင်​ယေႈ​ပၢၵ်ႇ၊ ၼႂ်း​ယေႈ​မိုၼ်ႇ​ယေႈ​ႁဵင် ၵႃႈ​တီႈ​မဵဝ်း​ ဢီႉသရေႇလႃႉ ​ၵူႈ​မဵဝ်း ႁႂ်ႈ​လႆႈ​ၸွမ်း​သူင်ႇ​ၸရိပ်ႈ​တၢင်း​ၵိၼ် ပုၼ်ႈ​ၵူၼ်း​တင်း​လၢႆ​လွင်ႈ​ၼင်ႇ​ႁိုဝ် ၼႂ်း​မိူဝ်ႈ​ဢၼ်​ၶဝ်​ႁွတ်ႈ​ထိုင် ၵႃႈ​တီႈ​ဝဵင်း​ ၵီႉပႃႉ ၼႂ်း​ဢိူင်ႇ​ ပိၼ်ႇယႃႇမိၼ်ႇ ​ၼၼ်ႉ ၶဝ်​တၵ်း​ပၼ်​တၢမ်ႇ​ဢပႅတ်ႈ​မႅၼ်ႈ​ၸွမ်း​ၼင်ႇ ဢမူႉ​ဢၼ်​ယုတ်ႈ​ဢၼ်​မိူၵ်ႈ​ၵႃႈ​ဢၼ်​ၶဝ်​ၼၼ်ႉ ႁဵတ်း​ၵႃႈ​ၼႂ်း​မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="11">ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၼၼ်ႉ ၸူႉ​ၵၼ်​တုမ်​ၵၼ်​ၽၢႆႇ​ၼိုင်ႈ​တင်း​ဝဵင်း​ၼၼ်ႉ​လႄႈ ႁဵတ်း​မုၵ်ႉ​ႁဵတ်း​ၸိူဝ်း မိူၼ်​ၸိူဝ်ႉ​ၼင်ႇ​ၵူၼ်း​ၵေႃႉ​လဵဝ်​ၵူၺ်း​ၼၼ်ႉ​လႄႈ​ယူႇ​ဢေႃႈ။</verse>
				<verse number="12">မဵဝ်း​ ဢီႉသရေႇလႃႉ ​ၵူႈ​မဵဝ်း​ၼၼ်ႉ ပွႆႇ​ၸႂ်ႉ​ၵူၼ်း​ၵႂႃႇ​ၵႃႈ​ၼႂ်း​လိၼ်​ ပိၼ်ႇယႃႇမိၼ်ႇ ၵူႈ​တီႈ​ၵူႈ​လႅၼ်​လႄႈ​သင်ႇ​လၢတ်ႈ​လႄႈ​ဝႃႈ၊ ဢမူႉ​ဢႃႉထမ်ႇမႃႉ​ဢၼ်​လႆႈ​ႁဵတ်း​မႃး​ယဝ်ႉ​ၵႃႈ​ၼႂ်း​သူ​ၼႆႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။-</verse>
				<verse number="13">တေႃႈ​လဵဝ်​ၼႆႉ​ဢွၼ်​ၵၼ်​ဢဝ်​ၵူၼ်း​ဢႃႉထမ်ႇမႃႉ ဢၼ်​မီး​ၵႃႈ​တီႈ​ဝဵင်း​ ၵီႉပႃႉ ​ၸိူဝ်း​ၼၼ်ႉ​ဢၢပ်ႈ​ပၼ်​တီႈ​ႁဝ်း ႁႂ်ႈ​ႁဝ်း​လႆႈ​ဢဝ်​ၶဝ်​တၢႆ​လႄႈ ပႄႇ​ၽဵဝ်ႈ​ဢပႅတ်ႈ​တူႉ​ၸရိူၵ်ႈ​ပႅတ်ႈ​သေ​ၵႃႈ​ၼႂ်း​မဵဝ်း​ ဢီႉသရေႇလႃႉ ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ ၵူၺ်း​ၵႃႈ ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ပီႈ​ၼွင်ႉ​ၶဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​လႄႈ၊-</verse>
				<verse number="14">ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ၵူႈ​ဝၢၼ်ႈ​ၵူႈ​ဝဵင်း​မႃး​လႄႈ ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ ၵီႉပႃႉ ႁႂ်ႈ​လႆႈ​ၵႂႃႇ​တိုၵ်း​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="15">မိူဝ်ႈ​ၼၼ်ႉ ၼွၵ်ႈ​သေ​ၵူၼ်း​ၸၢႆး​လီ ၵႃႈ​တီႈ​ဝဵင်း​ ၵီႉပႃႉ ဢၼ်​ၼပ်ႉ​ဢၢၼ်ႇ​ပွင်း​ၵၼ်​မီး​ၸဵတ်း​ပၢၵ်ႇ​ၼၼ်ႉ၊ ၵူၼ်း​မဵဝ်း​ ပိၼ်ႇယႃႇမိၼ်ႇ ဢၼ်​လုၵ်ႉ​သေ​ၵူႈ​ဝၢၼ်ႈ​ၵူႈ​ဝဵင်း​မႃး​ၸိူဝ်း​ၼၼ်ႉ ၼပ်ႉ​ဢၢၼ်ႇ​ပွင်း​ၵၼ်​ၸမ်ႉ၊ မီး​ၵေႃႉ​ဢၼ်​ယိပ်း​ၵမ်​လၢၵ်ႈ​ၼၢၵ်ႈ​လၢပ်ႇ သွင်​မိုၼ်ႇ​ပၢႆ​ႁူၵ်း​ႁဵင်​ဢေႃႈ။-</verse>
				<verse number="16">ၵႃႈ​ၼႂ်း​ၵူၼ်း​ၵႃႈ​မီး​ၼၼ်ႉ​ၼၼ်ႉ ပႃး​ၵူၼ်း​ၸၢႆး​လီ ဢၼ်​ၸၢင်ႈ​ဢဝ်​မိုဝ်း​ၶွၼ်​သၢႆႉ​သုင်း​သွင်ႇ​လႄႈ ဢဝ်​မၢၵ်ႇ​ၵူင်​ၵွၼ်​ပိုတ်း​ႁႂ်ႈ​မႅၼ်ႈ​သဵၼ်ႈ​ၶူၼ်​ႁူဝ်​သဵၼ်ႈ​ၼိုင်ႈ​လႄႈ ဢမ်ႇ​ပိူင်ႈ​ၵႂႃႇ​ၼၼ်ႉ​ၸဵတ်း​ပၢၵ်ႇ​ဢေႃႈ။-</verse>
				<verse number="17">ၼွၵ်ႈ​သေ​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ၊ ၵူၼ်း​မဵဝ်း​ ဢီႉသရေႇလႃႉ ဢၼ်​ယိပ်း​ၵမ်​လၢၵ်ႈ​ၼၢၵ်ႈ​လၢပ်ႇ​ၼၼ်ႉ​ၸမ်ႉ၊ ၼပ်ႉ​ဢၢၼ်ႇ​ပွင်း​ၵၼ်​လႄႈ မီး​သီႇ​သႅၼ်​ဢေႃႈ။ ၶဝ်​ၼၼ်ႉ​ပဵၼ်​ၵူၼ်း​သိုၵ်း​တင်း​သဵင်ႈ​တင်း​မူတ်း​ဢေႃႈ။</verse>
				<verse number="18">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၼ်​ၵၼ်​လုၵ်ႉ​လႄႈ ၶိုၼ်ႈ​ၸူး​ၵႃႈ​တီႈ​ဝဵင်း​ ပေႇသလႃႉ ​သေ​လႄႈ လဝ်ႊ​ထၢမ်​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ၵႃႈ​ၼႂ်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ၽူႈ​လႂ်​တၵ်း​လႆႈ​ဢွၼ်​ႁူဝ်​ၶီႇ​ၵႂႃႇ​ႁႂ်ႈ​လႆႈ​တိုၵ်း​ၵၼ်​တင်း​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ယူႉတႃႉ ​တၵ်း​လႆႈ​ဢွၼ်​ႁူဝ်​ၶီႇ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​လုၵ်ႉ​လႄႈ ၵႂႃႇ​ၶျႃး​တပ်ႉ​ၶဝ်​ၵႃႈ​တီႈ​ႁိမ်း​ဝဵင်း​ ၵီႉပႃႉ ​သေ​ယဝ်ႉ၊-</verse>
				<verse number="20">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ၶီႇ​ၵႂႃႇ​ႁႂ်ႈ​လႆႈ​တိုၵ်း​ၵၼ်​တင်း ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ​လႄႈ ၵူၼ်း​မဵဝ်း ဢီႉသရေႇလႃႉ ​ၸိူဝ်း​ၼၼ်ႉ ယၼ်ႇ​တပ်ႉ​ၶၢင်း​တပ်ႉ​ၶဝ်​ႁႂ်ႈ​လႆႈ​တိုၵ်း​ၵၼ်​တင်း​ၶဝ်​ၼၼ်ႉ​ၵႃႈ​တီႈ​ဝဵင်း​ ၵီႉပႃႉ ​ၼၼ်ႉ​လႄႈ ယူႇ​ဢေႃႈ။-</verse>
				<verse number="21">ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​ဝဵင်း​ ၵီႉပႃႉ ​ၼၼ်ႉ​မႃး​သေ​ယဝ်ႉ၊ ၼႂ်း​ဝၼ်း​ၼၼ်ႉ​ဢဝ်​ၵူၼ်း​မဵဝ်း​ ဢီႉသရေႇလႃႉ လူမ်ႉ​တၢႆ​ၵႃႈ​ၼိူဝ်​လိၼ်​သွင်​မိုၼ်ႇ​ပၢႆ​သွင်​ႁဵင်​ဢေႃႈ။-</verse>
				<verse number="22">ၼႂ်း​ဝႃႈ​ၼၼ်​သေ​ၵေႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​ၸႂ်​ဢၼ်​ႁတ်း​ႁၢၼ်​သေ​လႄႈ သမ်ႉ​ၶိုၼ်း​ယၼ်ႇ​တပ်ႉ​ၶၢင်း​တပ်ႉ​ၶဝ်ႈ ၵႃႈ​တီႈ​ဢၼ်​ၶဝ်​ယၼ်ႇ​တပ်ႉ​ၶၢင်း​တပ်ႉ​ဝၼ်း​ပထမႃႉ​ၼၼ်ႉ​ဢေႃႈ။-</verse>
				<verse number="23">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၶိုၼ်ႈ​ၸူး​လႄႈ​ႁွင်ႉ​ႁႆႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ယူႇ​သေ​လႄႈ လဝ်ႊ​ထၢမ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၶႃႈ​ၸဝ်ႈ​ႁဝ်း​တၵ်း​လႆႈ​သမ်ႉ​ၶိုၼ်း​ၶီႇ​ၵႂႃႇ​တိုၵ်း​ၵၼ်​တင်း ၼွင်ႉ​ၶႃႈ​ၸဝ်ႈ​ႁဝ်း​ ပိၼ်ႇယႃႇမိၼ်ႇ ​ၼၼ်ႉ​ထႅင်ႈ​လူး​ၵွၼ်ႇ​တီႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၶီႇ​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၼႂ်း​ဝၼ်း​တူႉတီႉယႃႉ​ၼၼ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး ၵႃႈ​တီႈ​ႁိမ်း​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ​လႄႈ၊-</verse>
				<verse number="25">ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ဢွၵ်ႇ​ၵႃႈ​ၼႂ်း​ဝဵင်း​ ၵီႉပႃႉ ​ၼၼ်ႉ​မႃး​သေ​ယဝ်ႉ၊ ဢဝ်​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​လူမ်ႉ​တၢႆ ၵႃႈ​ၼိူဝ်​လိၼ် မိုၼ်ႇ​ပၢႆ​ပႅတ်ႇ​ႁဵင်​ဢေႃႈ။ ၶဝ်​ၼၼ်ႉ​ပဵၼ်​ၵေႃႉ​ဢၼ်​ယိပ်း​ၵမ်​လၢၵ်ႈ​ၼၢၵ်ႈ​လၢပ်ႇ တင်း​သဵင်ႈ​တင်း​မူတ်း​ဢေႃႈ။-</verse>
				<verse number="26">မိူဝ်ႈ​ၼၼ်ႉ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ဢိၵ်ႇ​တင်း​ၵူၼ်း​တင်း​လၢႆ ဢွၼ်​ၵၼ်​ၶိုၼ်ႈ​ၸူး​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ပေႇသလႃႉ ​သေ​ယဝ်ႉ ႁွင်ႉ​ႁႆႈ​ယူႇ၊ ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ယူႇ၊ ၵမ်​တၢင်း​ၵိၼ်​တင်း​ဝၼ်း တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ယူႇ​သေ​လႄႈ ဢဝ်​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ယိတ်ႈ​မိၵ်ႉသႃႇႁႃယႃႉ​တင်း​လၢႆ ပုၵ်ႈ​ၸေႃႇ​ဢေႃႈ။-</verse>
				<verse number="27">ၵွပ်ႈ​ပိူဝ်ႈ​ဢၼ်​တိူၵ်ႈ​တႃႇ​ပတီႉၺိၺ်ႇ​ၸဝ်ႈ မီး​ယူႇ​ၵႃႈ​တီႈ​ၼၼ်ႈ​ၼႂ်း​ၶိင်ႇ​မိုဝ်ႉ​ဝၼ်း​ၼၼ်ႉ​လႄႈ ၽီႉၼႁတ်ႉ လုၵ်ႈ​ၸၢႆး​ ဢေးလႃႇၸႃႇ ဢၼ်​ပဵၼ်​လုၵ်ႈ​ၸၢႆး​ ဢႃႇရုၼ်ႇ ​ၼၼ်ႉ ပႂ်ႉ​ဢမူႉ​ၵႃႈ​တီႈ​ၽၢႆႇ​ၼႃႈ​တိူၵ်ႈ​ၸဝ်ႈ​ၼၼ်ႉ​ယူႇ ၼႂ်း​ၶိင်ႇ​မိုဝ်ႉ​ဝၼ်း​ၼၼ်ႉ​လႄႈ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​လဝ်ႊ​ထၢမ်​တီႈ​ထႃႇဝရႃႉ​ၽြႃး​လႄႈ​ဝႃႈ၊-</verse>
				<verse number="28">ၶႃႈ​ၸဝ်ႈ​ႁဝ်း​တၵ်း​သမ်ႉ​လႆႈ​ၶိုၼ်း​ၵႂႃႇ​လႄႈ တိုၵ်း​ၵၼ်​တင်း​ၼွင်ႉ​ၸၢႆး​ၶႃႈ​ၸဝ်ႈ​ႁဝ်း​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ​ထႅင်ႈ​တီႈ​ၶႃႈ​ႁိုဝ်။ ယင်း​ဢမ်ႇ​ၵႂႃႇ​လႄႈ တၵ်း​လႆႈ​ယူႇ​တီႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၵႂႃႇ​တႃႉ။ ၼႂ်း​ဝၼ်း​မိူဝ်ႈ​ၽုၵ်ႈ၊ ၵဝ်​တၵ်း​ဢဝ်​မၼ်း​ၼၼ်ႉ​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဝႆႉ​ၶဝ်​ၸိူဝ်း​ဢၼ်​လွမ်ႉ​ပႂ်ႉ​ၼၼ်ႉ​ၵႃႈ​တီႈ​လဵပ်ႈ​ႁွပ်ႈ​ဝဵင်း​ ၵီႉပႃႉ ​ၼၼ်ႉ​သေ​ယဝ်ႉ၊-</verse>
				<verse number="30">ၼႂ်း​ဝၼ်း​တႃႉတီႉယႃႉ​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၶီႇ​ၵႂႃႇ​ၸူး​ၵႃႈ​တီႈ​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ​လႄႈ ယၼ်ႇ​တပ်ႉ​ၶၢင်း​တပ်ႉ​ၶဝ်​ၵႃႈ​တီႈ​ႁိမ်း​ဝဵင်း​ ၵီႉပႃႉ ​ၼၼ်ႉ မိူၼ်​ၸိူဝ်ႉ​ၼင်ႇ​ၵမ်း​ဢွၼ်​တၢင်း​ၼၼ်ႉ​သေ​လႄႈ​ယူႇ​ဢေႃႈ။-</verse>
				<verse number="31">ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ဢွၵ်ႇ​ႁႂ်ႈ​လႆႈ​တိုၵ်း​ၵူၼ်း​တင်း​လၢႆ​လႄႈ ၵႆ​ယၢၼ်​ၵၼ်​တင်း​ဝဵင်း​ၵႂႃႇ​ဢေႃႈ။ ၶဝ်​ၼၼ်ႉ​ၸင်ႇ​ၸႃႉ​တိုၵ်း​တေႃး​ယႃႉ​ပႅတ်ႈ​လႄႈ ဢဝ်​ၵူၼ်း​တင်း​လၢႆ​တၢႆ​မိူၼ်​ၸိူဝ်ႉ​ၼင်ႇ​ၵမ်း​ဢွၼ်​တၢင်း​ၼၼ်ႉ ၵႃႈ​ၼႂ်း​သဵၼ်ႈ​တၢင်း​ဢၼ်​ၶိုၼ်ႈ​ၸူး​ၵႃႈ​တီႈ​ဝဵင်း​ ပေႇသလႃႉ ဢိၵ်ႇ​တင်း​သဵၼ်ႈ​တၢင်း​ဢၼ်​ၶိုၼ်ႈ​ၸူး​ၵႃႈ​တီႈ​ဝဵင်း​ ၵီႉပႃႉ ​ၼၼ်ႉ​ၵႃႈ​ၼႂ်း​ထိူၼ်ႇ​ၼၼ်ႉ​လႄႈ ၵူၼ်း​တၢႆ​သေ​သၢမ်​သိပ်း​ၼိုင်ႈ​ၸမ်​ၸမ်​ဢေႃႈ။-</verse>
				<verse number="32">ပိၵ်ႉ​သမ်ႉ​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ လၢတ်ႈ​ၵၼ်​လႄႈ​ဝႃႈ၊ ၶဝ်​ၼၼ်ႉ​တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​ႁဝ်း​မိူၼ်​ၸိူဝ်ႉ​ၼင်ႇ​ၵမ်း​ဢွၼ်​တၢင်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လၢတ်ႈ​ၵၼ်​လႄႈ​ဝႃႈ၊ ပၢႆႈ​တႃႉ​ႁဝ်း၊ ယွၵ်ႇ​ဢဝ်​ၶဝ်​ၵႆ​ယၢၼ်​ၵၼ်​တင်း​ဝဵင်း​ၸူး​ၵႃႈ​တီႈ​သဵၼ်ႈ​တၢင်း​တင်း​လၢႆ​တႃႉ​ႁဝ်း၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="33">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် လုၵ်ႉ​သေ​ၵႃႈ​တီႈ​ဢၼ်​ၶဝ်​ယူႇ​ၼၼ်ႉ​လႄႈ ယၼ်ႇ​တပ်ႉ​ၶၢင်း​တပ်ႉ ၵႃႈ​တီႈ​ဝဵင်း​ ပႃႇလႃႉတႃႇမႃႇ ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ဢၼ်​လွမ်​ပႂ်ႉ​လႄႈ​ယူႇ​ၸိူဝ်း​ၼၼ်ႉ​ၵေႃႈ လုၵ်ႉ​သေ​ၵႃႈ​တီႈ​ပၢင်ႇ​ပဵင်း​ ၵေႇပႃႉ တီႈ​ဢၼ်​ၶဝ်​ယူႇ​ၼၼ်ႉ​သေ​ယဝ်ႉ၊-</verse>
				<verse number="34">ၵူၼ်း​ၸၢႆး​လီ​မဵဝ်း​ ဢီႉသရေႇလႃႉ မိုၼ်ႇ​ၼိုင်ႈ​ၼၼ်ႉ ၶီႇ​ၸူး​ၵႃႈ​တီႈ​ဝဵင်း​ ၵီႉပႃႉ ​လႄႈ၊ တၢင်း​ဢၼ်​ႁႄႉ​ႁပ်ႉ​တိုၵ်း​တေႃး​ၼၼ်ႉ​ပဵၼ်​ဢၼ်​ယၢပ်ႇ​ၼႃႇ​လူင်​လၢင် ၵွပ်ႈ​ပိူဝ်ႈ​ဢၼ်​ၶဝ်​ၼၼ်ႉ ဢမ်ႇ​ႁူႉ​လွင်ႈ​ဢၼ်​ၽေး​ၸမ်​တၵ်း​ႁွတ်ႈ​ထိုင်​တီႈ​ၶဝ်​ၼၼ်ႉ​ဢေႃႈ။-</verse>
				<verse number="35">ထႃႇဝရႃႉ​ၽြႃး​ႁႂ်ႈ​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ၊ ၼႂ်း​ဝၼ်း​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ယႃႉ​ၽဵဝ်ႈ​ၵူၼ်း​မဵဝ်း​ ပိၼ်ႇယႃႇမိၼ်ႇ ​ပႅတ်ႈ သွင်​မိုၼ်ႇ​ပၢႆ​သွင်​ႁဵင်​ပၢႆ​ပၢၵ်ႇ​ၼိုင်ႈ​ဢေႃႈ။ ၶဝ်​ၼၼ်ႉ ပဵၼ်​ၵူၼ်း​ဢၼ်​ယိပ်း​ၵမ်​လၢၵ်ႈ​ၼၢၵ်ႈ​လၢပ်ႇ တင်း​သဵင်ႈ​တင်း​မူတ်း​ဢေႃႈ။-</verse>
				<verse number="36">ၼင်ႇ​ၼၼ်​လႄႈ ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ႁူႉ​ႁၼ်​လွင်ႈ​ဢၼ်​ၶဝ်​တူၵ်း​သုမ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵူၼ်း​မဵဝ်း ဢီႉသရေႇလႃႉ ​တင်း​လၢႆ မိူဝ်ႈ​ၸႃႉ​မၼ်း​ဢွၼ်​ၵၼ်​သုတ်ႉ​ၶိုၼ်ႈ ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ၵွပ်ႈ​ပိူဝ်ႈ​ဢၼ် ဢိင်​ပိုင်ႈ​ၶဝ်​ၸိူဝ်း​ဢၼ်​လွမ်​ပႂ်ႉ​ယူႇ ဢၼ်​ၶဝ်​ဝႆႉ​ၵႃႈ​တီႈ​ႁိမ်း​ဝဵင်း​ ၵီႉပႃႉ ​ၼၼ်ႉ​ဢေႃႈ။</verse>
				<verse number="37">ၶဝ်​ၸိူဝ်း​ဢၼ်​လွမ်​ပႂ်ႉ​ယူႇ​ၼၼ်ႉ ႁိပ်ႈ​ၼႅတ်ႈ​လႄႈ​ဢွၼ်​ၵၼ်​လႅၼ်ႈ​ၶဝ်ႈ​ၵႃႈ​တီႈ​ဝဵင်း​ ၵီႉပႃႉ ​သေ​ယဝ်ႉ၊ လႄႇ​ၸွတ်ႇ​တူဝ်ႈ​ၵူႈ​ၸွၵ်ႉ​ၵူႈ​ၸဵင်ႇ​ယူႇ​သေ​လႄႈ တိုၵ်း​တေႃး​ယႃႉ​ပႅတ်ႈ​ဝဵင်း​တင်း​ဝဵင်း လူၺ်ႈ​ၶူမ်း​လၢပ်ႇ​ၶူမ်း​လႅဝ်း​ဢေႃႈ။-</verse>
				<verse number="38">တီႈ​မၢတ်ႈ​တီႈ​တွင်း​ဢၼ်​ၶႅၼ်ႈ​ၵၼ်​ဝႆႉ ၵႃႈ​တီႈ​ၵႄႈ​ဝူင်ႈ​ၵၢင်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​လွမ်​ပႂ်ႉ​ယူႇ​ၸိူဝ်း​ၼၼ်ႉ​ၸမ်ႉ၊ တၵ်း​လႆႈ​ႁႂ်ႈ​ၵႂၼ်း​ၽႆး​ဢၼ်​ယႂ်ႇ​ၼႃႇ​လူင်​လၢင် ဢွၵ်ႇ​ၶိုၼ်ႈ​သေ​ၵႃႈ​ၼႂ်း​ဝဵင်း​ၼၼ်ႉ​ဢေႃႈ။-</verse>
				<verse number="39">မိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ သုတ်ႉ​ၶိုၼ်း​ၼႂ်း​မိူဝ်ႈ​ဢၼ်​ယင်း​တိုၵ်း​သိုၵ်း​ယူႇ​ၼၼ်ႉ​ၸိုင်၊ ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ၸင်ႇ​ၸႃႉ​တိုၵ်း​တေႃး​ယႃႉ​ပႅတ်ႈ​လႄႈ ဢဝ်​ၵူၼ်း​မဵဝ်း​ ဢီႉသရေႇလႃႉ ​တၢႆ​သေ​သၢမ်​သိပ်း​ၼိုင်ႈ​ၸမ်​ၸမ်၊ ၵွပ်ႈ​ပိူဝ်ႈ​ဢၼ်​ၶဝ်​လၢတ်ႈ​လႄႈ​ဝႃႈ၊ ၶဝ်​တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​ႁဝ်း မိူၼ်​ၸိူဝ်ႉ​ၼင်ႇ​ဢၼ်​ၶဝ်​သုမ်း​သိုၵ်း မိူဝ်ႈ​ၵမ်း​ဢွၼ်​တၢင်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="40">ၵူၺ်း​ၵႃႈ မိူဝ်ႈ​ဢၼ်​ၵႂၼ်း​ၽႆး​ၸင်ႇ​ၸႃႉ​ဢွၵ်ႇ​ၵႃႈ​ၼႂ်း​ဝဵင်း​လႄႈ ပဵၼ်​လိမ်ႇ​လူင်​ၶိုၼ်ႈ​ယူႇ​ၼၼ်ႉ​ၸိုင် ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ဝၢႆႇ​တူၺ်း​ၶိုၼ်း​တၢင်း​လင်​လႄႈ ႁၼ်​ပဵဝ်​ၽႆး​ဢၼ်​မႆႈ​ဝဵင်း​ၼၼ်ႉ ၶိုၼ်ႈ​ၵႃႈ​ၼိူဝ်​ၵၢင်​ႁၢဝ်​ယူႇ​ၼၼ်ႉ​သေ​ယဝ်ႉ၊-</verse>
				<verse number="41">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သမ်ႉ​ဝၢႆႇ​ၶိုၼ်း​ၸူး​ၼၼ်ႉ​လႄႈ ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ တူၵ်း​ၸႂ်​ၵူဝ်​ႁႄ​ၼႃႇ​လူင်​လၢင်​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​ႁူႉ​ႁၼ်​လွင်ႈ​ဢၼ်​ၽေး​ႁွတ်ႈ​ထိုင်​ၵႃႈ​ၼိူဝ်​ၶဝ်​ယဝ်ႉ​ၼၼ်ႉ​ဢေႃႈ။-</verse>
				<verse number="42">ပိူဝ်ႈ​ၼႆ​လႄႈ ပိၵ်ႉ​သမ်ႉ​ၶဝ်​ဢွၼ်​ၵၼ်​ဝၢႆႇ​ၶိုၼ်း​ဢွၵ်ႇ​ပၢႆႈ​သေ​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸူး​သဵၼ်ႈ​တၢင်း​ထိူၼ်ႇ​သေ​ၵေႃႈ၊ ၶဝ်​ၸိူဝ်း​ဢၼ်​ၸွမ်း​တိုၵ်း​ၼၼ်ႉ ၶိုတ်း​ၶဝ်​သေ​လႄႈ ယႃႉ​ၽဵဝ်ႈ​ၶဝ်​ၼၼ်ႉ ဢိၵ်ႇ​တင်း​ၶဝ်​ၸိူဝ်း​ဢၼ်​ဢွၵ်ႇ​ၵႃႈ​ၼႂ်း​ဝဵင်း​မႃး​ၼၼ်ႉ ၵႃႈ​ၼႂ်း​သဵၼ်ႈ​တၢင်း​ၼၼ်ႉ​ဢေႃႈ။-</verse>
				<verse number="43">ၶဝ်​လွမ်ႉ​ႁွပ်ႈ​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ​ယူႇ၊ လိုပ်ႈ​ၸွမ်း​လမ်း​ၸွမ်း​ယူႇ​သေ​လႄႈ ယဵပ်ႇ​ၶဝ်​ပႅတ်ႈ​ၵႃႈ​တီႈ​ဢၼ်​ၶဝ်​ၸိူဝ်း​ၼၼ်ႉ​ၵႂႃႇ တေႃႇ​ထိုင်​ႁွတ်ႈ​ဝဵင်း​ ၵီႉပႃႉ ၽၢႆႇ​ၵၢင်​ဝၼ်း​ဢွၵ်ႇ​ၼၼ်ႉ​ဢေႃႈ။-</verse>
				<verse number="44">မိူဝ်ႈ​ၼၼ်ႉ ၵူၼ်း​မဵဝ်း​ ပိၼ်ႇယႃႇမိၼ်ႇ လူမ်ႉ​တၢႆ​မိုၼ်ႇ​ၼိုင်ႈ​ပၢႆ​ပႅတ်ႇ​ႁဵင်​ဢေႃႈ။ ၶဝ်​ၼၼ်ႉ ပဵၼ်​ၵေႃႉ​ဢၼ်​ႁႅင်း​ယႂ်ႇ​ၼႃႇ​တင်း​သဵင်ႈ​တင်း​လူင်​ဢေႃႈ။-</verse>
				<verse number="45">ၼႂ်း​မိူဝ်ႈ​ဢၼ်​ၶဝ်​ၼၼ်ႉ ငႅၵ်း​လႄႈ​ပၢႆႈ​ၵႂႃႇ​ၵႃႈ​တီႈ​ထိူၼ်ႇ​ၸူး​ၵႃႈ​တီႈ​မၢၵ်ႇ​ႁိၼ်​မၢၵ်ႇ​ၽႃ ရိမ်ႇမုၼ်ႇ ​ၼၼ်ႉ​ယူႇ​ၼၼ်ႉ​ၸိုင်၊ ၶဝ်​ၸွမ်း​ၵဵပ်း​ဢဝ်​ဢၼ်​တူၵ်း​ဢၼ်​ႁူင်ႈ​မၼ်း ၵႃႈ​တႃႈ​ၵႃႈ​တၢင်း​ၼၼ်ႉ​လႄႈ လႆႈ​ၵူၼ်း​ႁႃႈ​ႁဵင်​ဢေႃႈ။ ၶဝ်​ဢဝ်​ႁႅင်း​လိုပ်ႈ​ၸွမ်း​လမ်း​ၸွမ်း​ၶဝ်​ၼၼ်ႉ တေႃႇ​ထိုင်​ႁွတ်ႈ​ဝဵင်း​ ၵီႉတုမ်ႇ ​လႄႈ လႆႈ​ဢဝ်​ၵူၼ်း​တၢႆ​ထႅင်ႈ​သွင်​ႁဵင်​ဢေႃႈ။-</verse>
				<verse number="46">ၼင်ႇ​ၼၼ်​လႄႈ ၵူၼ်း​မဵဝ်း​ ပိၼ်ႇယႃႇမိၼ်ႇ ဢၼ်​လူမ်ႉ​တၢႆ​ၼႂ်း​ဝၼ်း​ၼၼ်ႉ​ၸိူဝ်း​ၼၼ်ႉ မီး​ၵူၼ်း​သွင်​မိုၼ်ႇ​ပၢႆ​ႁႃႈ​ႁဵင် ဢၼ်​ပႃး​လၢပ်ႇ​ပႃး​လႅဝ်း​ၵူၺ်း​ၵူၺ်း​ဢေႃႈ။ ၶဝ်​ၼၼ်ႉ ပဵၼ်​ၵေႃႉ​ဢၼ်​ႁႅင်း​ယႂ်ႇ​ၼႃႇ​တင်း​သဵင်ႈ​တင်း​မူတ်း​ဢေႃႈ။-</verse>
				<verse number="47">ၵူၼ်း​ႁူၵ်း​ပၢၵ်ႇ​ငႅၵ်း​လႄႈ​ပၢႆႈ​ၵႂႃႇ ၵႃႈ​တီႈ​ထိူၼ်ႇ​ၸူး​ၵႃႈ​တီႈ မၢၵ်ႇ​ႁိၼ်​မၢၵ်ႇ​ၽႃ​ ရိမ်ႇမုၼ်ႇ ​ၼၼ်ႉ​သေ​လႄႈ ယူႇ​ၵႃႈ​ၼႂ်း​မၢၵ်ႇ​ႁိၼ်​မၢၵ်ႇ​ၽႃ ရိမ်ႇမုၼ်ႇ ​ၼၼ်ႉ​သီႇ​လိူၼ်​ဢေႃႈ။-</verse>
				<verse number="48">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ သမ်ႉ​ဝၢႆႇ​ၶိုၼ်း​ၸူး​ၵႃႈ​တီႈ​ၵူၼ်း​မဵဝ်း​ ပိၼ်ႇယႃႇမိၼ်ႇ ​တင်း​လၢႆ​သေ​လႄႈ တိုၵ်း​တေႃး​ယႃႉ​ပႅတ်ႈ ၵူၼ်း​ၵႃႈ​ဢၼ်​မီး​ၵႃႈ​ၼႂ်း​ဝဵင်း ဢိၵ်ႇ​တင်း​တရိၵ်ႈသၢၼ်ႇ​တင်း​ၵႃႈ​ဢၼ်​ထူပ်း​ႁၼ်​ၼၼ်ႉ လူၺ်ႈ​ၶူမ်း​လၢပ်ႇ​ၶူမ်း​လႅဝ်း​လႄႈ ဢဝ်​ၽႆး​တုတ်ႇ​ဝၢၼ်ႈ​ဝဵင်း​ၵႃႈ​ဢၼ်​ထူပ်း​ၼၼ်ႉ​ဢေႃႈ။</verse>
			</chapter>
			<chapter number="21">
				<verse number="1">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ ၵႃႈ​တီႈ​ဝဵင်း​ မီႉၸပႃႇ ​လႄႈ​ဝႃႈ၊ ႁဝ်း​သေ​ၵေႃႉ​သေ​ၵူၼ်း ဢမ်ႇ​လႆႈ​ဢဝ်​လုၵ်ႈ​ယိင်း​ႁဝ်း​ပၼ်​တီႈ ၵူၼ်း​မဵဝ်း​ ပိၼ်ႇယႃႇမိၼ်ႇ ၊ ဝႃႈ​ၼင်ႇ​ၼႆ​ဝႆႉ​ထႃႈ​ယဝ်ႉ။-</verse>
				<verse number="2">ၵူၼ်း​တင်း​လၢႆ​မႃး​ၵႃႈ​တီႈ​ဝဵင်း​ ပေႇသလႃႉ ​လႄႈ ယူႇ​ၵႃႈ​တီႈ​ၼၼ်ႈ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ယူႇ၊ ၵိဝ်​သဵင်​လႄႈ​ႁွင်ႉ​ႁႆႈ​ၼႃႇ​လူင်​လၢင်​ယူႇ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="3">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ၊ ဢမူႉ​ဢၼ်​မဵဝ်း​ၼိုင်ႈ လုတ်ႈ​ႁၢမ်း​ၵႂႃႇ​ၵႃႈ​ၼႂ်း​မဵဝ်း​ ဢီႉသရေႇလႃႉ ​တင်း​လၢႆ​ၼႆႉ​ၼၼ်ႉ ပဵၼ်​မႃး​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ဝၼ်း​မိူဝ်ႈ​ၽုၵ်ႈ​ၼၼ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ ၵူၼ်း​တင်း​လၢႆ​လုၵ်ႉ​သေ​လႄႈ ဢွၼ်​ၵၼ်​တႄႇ​ႁဵတ်း​ယိတ်ႈပလၢင်ႇ​လႄႈ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ယိတ်ႈ​မိၵ်ႉသႃႇႁႃယႃႉ​တင်း​လၢႆ​ဢေႃႈ။-</verse>
				<verse number="5">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​တွင်ႈ​ထၢမ်​လႄႈ​ဝႃႈ၊ ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​ၵူႈ​မဵဝ်း​ၼႆႉ ၽူႈ​လႂ်​ယင်း​ဢမ်ႇ​မႃး​ႁူမ်ႈ​လူၺ်ႈ​ၵၼ်​တင်း​ပရဵၵ်ႈသၢတ်ႈ​တင်း​လၢႆ ၵႃႈ​တီႈ​ထႃႇဝရႃႉ​ၽြႃး​လႄႈ​ယူႇ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ ၶဝ်​လႆႈ​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ ဢၼ်​ယႂ်ႇ​ၼႃႇ​လူၺ်ႈ​လွင်ႈ​ၵေႃႉ​ဢၼ်​ယင်း​ဢမ်ႇ​မႃး​ၵႃႈ​တီႈ​ထႃႇဝရႃႉ​ၽြႃး တီႈ​ဝဵင်း​ မီႉၸပႃႇ ​လႄႈ​ယူႇ​ၼၼ်ႉ​လႄႈ​ဝႃႈ၊ ႁႂ်ႈ​ၵေႃႉ​ၼၼ်ႉ​လႆႈ​ၶၢမ်ႇ​တၢင်း​ဢၼ် ဢဝ်​တၢႆ​ဢမၢၼ်ႇ​ၶၼ်​ပဵၼ်​တႃႉ၊ ဝႃႈ​ၼင်ႇ​ၼႆ​ဝႆႉ​ထႃႈ​ယဝ်ႉ။-</verse>
				<verse number="6">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​ၼွင်ႉ​ၸၢႆး​ၶဝ်​ ပိၼ်ႇယႃႇမိၼ်ႇ ​ၼၼ်ႉ​ယူႇ​သေ​လႄႈ​လၢတ်ႈ​ၵၼ်​လႄႈ​ဝႃႈ၊ ၼႂ်း​မဵဝ်း​ ဢီႉသရေႇလႃႉ ​တင်း​လၢႆ​ၼႆႉ​မဵဝ်း​ၼိုင်ႈ လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​ယဝ်ႉ ၼႂ်း​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="7">ၵွပ်ႈ​ပိူဝ်ႈ​ဢၼ်​ႁဝ်း​ဢဝ်​ထႃႇဝရႃႉ​ၽြႃး တိူင်ႇ​ဝႃႈ​လႄႈ ၵိၼ်ႇ​ဝႃႈ​လွင်ႈ​ဢၼ်​ႁဝ်း​တၵ်း​ဢမ်ႇ​လႆႈ​ဢဝ်​လုၵ်ႈ​ယိင်း​ႁဝ်း​ပၼ်​တီႈ​ၶဝ်​ၼၼ်ႉ​လႄႈ ႁဝ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ် ႁႂ်ႈ​လႆႈ​မႄႈ​ယိင်း​ပၼ် ပုၼ်ႈ​ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၶဝ်​သမ်ႉ​တွင်ႈ​ထၢမ်​လႄႈ​ဝႃႈ၊ ၼႂ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ၽူႈ​လႂ်​ယင်း​ဢမ်ႇ​မႃး​ၵႃႈ​တီႈ​ထႃႇဝရႃႉ​ၽြႃး တီႈ​ဝဵင်း​ မီႉၸပႃႇ ​လႄႈ​ယူႇ၊ ဝႃႈ​ၼင်ႇ​ၼႆ​သေ​ယဝ်ႉ၊ ႁူႉ​ႁၼ်​လွင်ႈ​ဢၼ်​ၵူၼ်း​ဝဵင်း​ ယႃႇပႅတ်ႉ မိူင်း​ ၵီႉလတ်ႉ ​ၸိူဝ်း​ၼၼ်ႉ​ဢမ်ႇ​မႃး​ဢမ်ႇ​ႁွတ်ႈ ၵႃႈ​တီႈ​တပ်ႉ​ပရဵၵ်ႈသၢတ်ႈ တီႈ​ၸူႉ​တီႈ​တုမ်​ၼၼ်ႉ​သေ​ၵေႃႉ​သေ​ၵူၼ်း​ၼၼ်ႉ​ဢေႃႈ။-</verse>
				<verse number="9">မိူဝ်ႈ​ဢၼ်​ၼပ်ႉ​ဢၢၼ်ႇ​တူၺ်း​ၵူၼ်း​တင်း​လၢႆ​ၼၼ်ႉ​ၸိုင်၊ ၵူၼ်း​ဝဵင်း​ ယႃႇပႅတ်ႉ မိူင်း​ ၵီႉလတ်ႉ ​ၼၼ်ႉ​ဢမ်ႇ​ပႃး​သေ​ၵေႃႉ​သေ​ၵူၼ်း။-</verse>
				<verse number="10">မိူဝ်ႈ​ၼၼ်ႉ ပရဵၵ်ႈသၢတ်ႈ​ၸိူဝ်း​ၼၼ်ႉ ပွႆႇ​ၸႂ်ႉ​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​လူင်​လၢင်​ၼၼ်ႉ မိုၼ်ႇ​ၼိုင်ႈ​ပၢႆ​သွင်​ႁဵင်​သေ​လႄႈ သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ သူ​ဢွၼ်​ၵၼ်​ၵႂႃႇ​လႄႈ​တိုၵ်း​တေႃး​ယႃႉ​ပႅတ်ႈ​ၵူၼ်း​ၸၢႆး​ၵူၼ်း​ယိင်း​လုၵ်ႈ​ဢွၼ်ႇ​ၵူၼ်း​ဝဵင်း​ ယႃႇပႅတ်ႉ ​မိူင်း​ ၵီႉလတ်ႉ ​ၸိူဝ်း​ၼၼ်ႉ လူၺ်ႈ​ၶူမ်း​လၢပ်ႇ​ၶူမ်း​လႅဝ်း​တႃႉ။-</verse>
				<verse number="11">လွင်ႈ​ဢၼ်​သူ​တၵ်း​လႆႈ​ႁဵတ်း​ၸမ်ႉ၊ သူ​ပႄႇ​ၽဵဝ်ႈ​ၵူၼ်း​ၸၢႆး​ၵႃႈ​မီး​ဢိၵ်ႇ​တင်း ၵူၼ်း​ယိင်း​ဢၼ်​လႆႈ​တိူဝ်ႉ​ထုၵ်ႇ​ၵၼ်​တင်း​ၵူၼ်း​ၸၢႆး​ယဝ်ႉ​တင်း​သဵင်ႈ​တင်း​လူင်​ၼၼ်ႉ​ပႅတ်ႈ​မူတ်း​မူတ်း​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="12">ၶဝ်​ၼၼ်ႉ​ထူပ်း​ၵူၼ်း​ယိင်း​သၢဝ်​ၵၼ်ႇ​ၺႃႇ ဢၼ်​ဢမ်ႇ​ပႆႇ​တိူဝ်ႉ​ထုၵ်ႇ​ၵၼ်​တင်း​ၵူၼ်း​ၸၢႆး​ၼၼ်ႉ​သီႇ​ပၢၵ်ႇ ၵႃႈ​ၼႂ်း​ၵူၼ်း​ဝဵင်း​ ယႃႇပႅတ်ႉ မိူင်း​ ၵီႉလတ်ႉ ​ၸိူဝ်း​ၼၼ်ႉ​လႄႈ ဢဝ်​ၶဝ်​မႃး​ၵႃႈ​တီႈ​တပ်ႉ ၵႃႈ​တီႈ​ဝဵင်း​ သီႉလေႃႇ ဢၼ်​မီး​ၵႃႈ​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ​ဢေႃႈ။-</verse>
				<verse number="13">လႆႈ​သမ်ႉ ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၼၼ်ႉ ပွႆႇ​ၸႂ်ႉ​လႄႈ​လၢတ်ႈ​တီႈ​ၵူၼ်း​မဵဝ်း​ ပိၼ်ႇယႃႇမိၼ်ႇ ဢၼ်​မီး​ယူႇ​ၵႃႈ​တီႈ​မၢၵ်ႇ​ႁိၼ်​မၢၵ်ႇ​ၽႃ ရိမ်ႇမုၼ်ႇ ​ၼၼ်ႉ ၸိူဝ်း​ၼၼ်ႉ​လႄႈ မွၵ်ႇ​လၢတ်ႈ​လွင်ႈ​တၢင်း​ဢၼ်​ထၢတ်ႇ​သိုၵ်း​ယဵၼ်​သိုၵ်း​ယဝ်ႉ​ၼၼ်ႉ တီႈ​ၶဝ်​ၼၼ်ႉ​ဢေႃႈ။-</verse>
				<verse number="14">မိူဝ်ႈ​ၼၼ်ႉ ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​မႃး​လႄႈ ၶဝ်​ဢဝ်​လုၵ်ႈ​ယိင်း​ၵူၼ်း​ဝဵင်း​ ယႃႇပႅတ်ႉ မိူင်း​ ၵီႉလတ်ႉ ဢၼ်​ဝႆႉ​ပၼ်​ဢသၢၵ်ႈ​လိပ်း​ဝႆႉ​ၸိူဝ်း​ၼၼ်ႉ ပၼ်​ၵၼ်​တင်း​ၶဝ်​ၼၼ်ႉ​ဢေႃႈ။ ၵူၺ်း​ၵႃႈ မႄႈ​ယိင်း​ၸိူဝ်း​ၼၼ်ႉ ဢမ်ႇ​ပေႃး​ဢမ်ႇ​ၵုမ်ႇ။-</verse>
				<verse number="15">ၵူၼ်း​တင်း​လၢႆ​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ မဵဝ်း​ ပိၼ်ႇယႃႇမိၼ်ႇ ​ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး​ႁဵတ်း​တၢင်း​ဢၼ် ၵိူၼ်ႇ​ပင်း​လူႉ​လႅဝ် ၵႃႈ​ၼႂ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ။-</verse>
				<verse number="16">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵႃႈ​ၼႂ်း​ပရဵၵ်ႈသၢတ်ႈ​ၸိူဝ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​လႆႈ​ပႄႇ​ၽဵဝ်ႈ​မႄႈ​ယိင်း​ပႅတ်ႈ​သေ ၵႃႈ​ၼႂ်း​မဵဝ်း​ ပိၼ်ႇယႃႇမိၼ်ႇ ​ၼၼ်ႉ​လႄႈ ႁဝ်း​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ် ႁႂ်ႈ​လႆႈ​မႄႈ​ယိင်း​ပုၼ်ႈ​ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="17">သမ်ႉ​လၢတ်ႈ​လႄႈ​ဝႃႈ၊ လွင်ႈ​ၼင်ႇ​ႁိုဝ်​မဵဝ်း​ၼိုင်ႈ တၵ်း​ဢမ်ႇ​လႆႈ​မွတ်ႇ​ႁၢႆ​သေ​ၵႃႈ​ၼႂ်း​မဵဝ်း​ ဢီႉသရေႇလႃႉ ​တင်း​လၢႆ​ၸိုင်၊ တၵ်း​လႆႈ​မီး​လိၼ် တီႈ​ဢၼ်​တၵ်း​ၶၢမ်ႇ​ဢမူၺ်ႇ​ပုၼ်ႈ​ၵူၼ်း​မဵဝ်း​ ပိၼ်ႇယႃႇမိၼ်ႇ ဢၼ်​ၵၢင်း​လွတ်ႈ​တၢင်း​ၽေး​တၢႆ​ၸိူဝ်း​ၼၼ်ႉ​ဢေႃႈ။-</verse>
				<verse number="18">ၼႂ်း​ဝႃႈ​ၼၼ်​သေ​ၵေႃႈ ႁဝ်း​ဢမ်ႇ​ဢဝ်​လုၵ်ႈ​ယိင်း​ႁဝ်း​ပၼ်​ၵၼ်​တင်း​ၶဝ် ၵွပ်ႈ​ပိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁဵတ်း​တၢင်း​ဢၼ်​တိူင်ႇ​လႄႈ​ဝႃႈ၊ ႁႂ်ႈ​ၵေႃႉ​ဢၼ်​ဢဝ်​လုၵ်ႈ​ယိင်း​မၼ်း​ပၼ်​ၵၼ်​တင်း​မဵဝ်း​ ပိၼ်ႇယႃႇမိၼ်ႇ ​ၼၼ်ႉ ပဵၼ်​ၵေႃႉ​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="19">သမ်ႉ​လၢတ်ႈ​လႄႈ​ဝႃႈ၊ တူၺ်း​လူး၊ ၸၢင်ႈ​ၶၢမ်ႇ​ပွႆး​ဢၸႅၼ်ႇ​ပုၼ်ႈ​ထႃႇဝရႃႉ​ၽြႃး ၼႂ်း​လိၼ်​ သီႉလေႃႇ ၼႃႈ​တၢင်း​ႁွင်ႇ ဝဵင်း​ ပေႇသလႃႉ ၊ ၼႃႈ​ဝၼ်း​ဢွၵ်ႇ သဵၼ်ႈ​တၢင်း​ဢၼ်​လုၵ်ႉ​ၵႃႈ​တီႈ​ဝဵင်း​ ပေႇသလႃႉ ၵႂႃႇ​ၸူး​ၵႃႈ​တီႈ​ဝဵင်း​ သေႇၶိမ်ႇ ၊ ၼႃႈ​တၢင်း​ၸၢၼ်း ဝဵင်း​ လေႇပေႃႇၼႃႉ ​ၼၼ်ႉ ယေႈ​ပီႊ​ယေႈ​ပွၵ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="20">သင်ႇ​လၢတ်ႈ​တီႈ​ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ​လႄႈ​ဝႃႈ၊ သူ​ၵႂႃႇ​လႄႈ​လွမ်​ပႂ်ႉ​ယူႇ​ၵႃႈ​တီႈ​သူၼ်​ဢူးယဵၼ်ႇ​မၢၵ်ႇ​ၸပိတ်ႈ​တႃႉ။-</verse>
				<verse number="21">မိူဝ်ႈ​ဢၼ်​လုၵ်ႈ​ယိင်း​ဝဵင်း​ သီႉလေႃႇ ​ၸိူဝ်း​ၼၼ်ႉ ၵႃႈ​ယူႇ​ဝႅၼ်​ယူႇ​သေ​လႄႈ မႃး​ႁႂ်ႈ​လႆႈ​ၶၢမ်ႇ​ပွႆး​ၼၼ်ႉ​ၸိုင်၊ သူ​ဢွၵ်ႇ​သေ​ၵႃႈ​ၼႂ်း​သူၼ် ဢူးယဵၼ်ႇ​ၸပိတ်ႈ​သေ​လႄႈ တီႉ​ၵမ်​ဢဝ်​လုၵ်ႈ​ယိင်း​ဝဵင်း​ သီႉလေႃႇ ​ၸိူဝ်း​ၼၼ်ႉ ႁင်း​ၽႂ်​ႁင်း​မၼ်း​ပုၼ်ႈ​ဢၼ်​တၵ်း​ႁႂ်ႈ​ပဵၼ်​မေး​တူဝ်​ၸဝ်ႈ​ၵဝ်ႇ​လႄႈ ဢဝ်​မိူဝ်း​ၵႂႃႇ​ၵႃႈ​တီႈ​မိူင်း​ ပိၼ်ႇယႃႇမိၼ်ႇ ​ပုၼ်ႉ​တႃႉ။-</verse>
				<verse number="22">မိူဝ်ႈ​ဢၼ်​ပေႃႈ​ၶဝ်၊ ဢမ်ႇ​ၼၼ် ပီႈ​ၸၢႆး​ၼွင်ႉ​ၸၢႆး​ၶဝ် မႃး​ၵႃႈ​တီႈ​ႁဝ်း​လႄႈ ႁဵတ်း​ဢမူႉ​ၼၼ်ႉ​ၸိုင်၊ ႁဝ်း​တၵ်း​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ထွၵ်ႈ​လူၺ်ႈ​ၼႃႈ​ႁဝ်း​သေ​လႄႈ ဢဵတ်း​လူ​ပၼ်​တီႈ​ႁဝ်း​သေ​ၵမ်း။ ၼႂ်း​မိူဝ်ႈ​ဢၼ်​ႁဝ်း​တိုၵ်း​သိုၵ်း​ၼၼ်ႉ၊ ႁဝ်း​ဢမ်ႇ​လႆႈ​ဢဝ်​မေး​ပၼ်​ပုၼ်ႈ​ၶဝ်​ၵူႈ​ၵေႃႉ​ၵူႈ​ၵူၼ်း​ႁင်း​ၽႂ်​ႁင်း​မၼ်း။ သူ​ၵေႃႈ​ဢမ်ႇ​လႆႈ​ဢဝ်​ပၼ်​ၵၼ်​တင်း​ၶဝ် ၵွပ်ႈ​ပိူဝ်ႈ​ဢၼ်​ဢပႅတ်ႈ​တၵ်း​ႁွတ်ႈ​ထိုင် ၵႃႈ​တီႈ​သူ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ႁဵတ်း​ၸိူဝ်ႉ​ၼင်ႇ​ၼၼ်​လႄႈ ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၶဝ်​ၼၼ်ႉ​သေ​လႄႈ တီႉ​ၵမ်​ဢဝ်​မႄႈ​ယိင်း​ဢၼ်​ၵႃႈ​ယူႇ​ဝႅၼ်​ယူႇ​ၸိူဝ်း​ၼၼ်ႉ ပုၼ်ႈ​ဢၼ်​တၵ်း​ႁဵတ်း​မေး​ၶဝ်​လႄႈ ဢဝ်​ၶဝ်​ၵႂႃႇ​ဢေႃႈ။ ၶဝ်​ၶိုၼ်း​ႁွတ်ႈ​ထိုင်​ၵႃႈ​တီႈ​လိၼ်​ဢၼ်​ၶဝ်​ၶၢမ်ႇ​ဢမူၺ်ႇ​ၼၼ်ႉ​သေ​ယဝ်ႉ၊ ၶိုၼ်း​မႄး​ႁဵတ်း​ဝဵင်း​သေ​လႄႈ​ယူႇ​ဢေႃႈ။-</verse>
				<verse number="24">မိူဝ်ႈ​ၼၼ်ႉ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵေႃႈ ဢွၼ်​ၵၼ်​လုၵ်ႉ​သေ​ၵႃႈ​တီႈ​ၼၼ်ႈ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မဵဝ်း​တူဝ်​ၸဝ်ႈ​ၵဝ်ႇ၊ တီႈ​ယူႇ​ပီႈ​ၼွင်ႉ​ၸိူဝ်ႉ​ၶိူဝ်း​တူဝ်​ၸဝ်ႈ​ၵဝ်ႇ၊ လိၼ်​တီႈ​ဢၼ်​တူဝ်​ၸဝ်ႈ​ၵဝ်ႇ​ၶၢမ်ႇ​ဢမူၺ်ႇ​ၼၼ်ႉ ႁင်း​ၽႂ်​ႁင်း​မၼ်း​သေ​ဢေႃႈ။-</verse>
				<verse number="25">ၼႂ်း​ၶိင်ႇ​မိုဝ်ႉ​ဝၼ်း​ၼၼ်ႉ ၶုၼ်​ႁေႃ​ၶမ်း​ ဢီႉသရေႇလႃႉ ​ဢမ်ႇ​မီး။ ၵူႈ​ၵေႃႉ​ၵူႈ​ၵူၼ်း​ႁဵတ်း​ၸွမ်း​ၵႃႈ​ဢၼ်​ထုၵ်ႇ​တႃ​တူဝ်​ၸဝ်ႈ​ၵဝ်ႇ ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။ လိၵ်ႈ​မၢတ်ႈ​လွင်ႈ​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="8">
			<chapter number="1">
				<verse number="1">ၶိင်ႇ​ၵႃႇလႃႉ​မိူဝ်ႈ​ဢၼ်​ၵူၼ်း​လူင်​ဢၼ်​ၸီႇ​ယၢင်ႇ​တြႃး​တင်း​လၢႆ ဢုပ်ႉ​ပိူင်ႇ​ဝၢၼ်ႈ​မိူင်း​ယူႇ​ၼၼ်ႉ​ၸိုင်၊ မီး​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ၵႃႈ​ၼႂ်း​မိူင်း​ၼၼ်ႉ​လႄႈ ၵူၼ်း​ဝဵင်း​ ပႅတ်ႉလႁႅမ်ႇ မိူင်း​ ယူႉတႃႉ ​ၵေႃႉ​ၼိုင်ႈ ပႃး​ဢဝ်​မေး​မၼ်း​ဢိၵ်ႇ​တင်း​လုၵ်ႈ​ၸၢႆး​မၼ်း​သွင်​ၵေႃႉ​သေ​လႄႈ ၵႂႃႇ​ႁႂ်ႈ​လႆႈ​သွၼ်ႈ​ပိုင်ႈ​ၵႃႈ​တီႈ​မိူင်း​ မေႃႇၽႃႉ ​ဢေႃႈ။-</verse>
				<verse number="2">ၸိုဝ်ႈ​သဵင်​ၵေႃႉ​ၼၼ်ႉ​ၸမ်ႉ၊ ပဵၼ်​ ဢေးလီႉမလႅၵ်ႉ ၊ ၸိုဝ်ႈ​သဵင်​မေး​မၼ်း​ၸမ်ႉ၊ ပဵၼ်​ ၼေႃးမီႉ ၊ ၸိုဝ်ႈ​သဵင်​လုၵ်ႈ​ၸၢႆး​မၼ်း​သွင်​ၵေႃႉ​ၼၼ်ႉ​ၸမ်ႉ၊ ပဵၼ်​ မႁႃႇလုၼ်ႇ တင်း​ ၶီႉလျုၼ်ႇ ​ဢေႃႈ။ ၶဝ်​ၼၼ်ႉ​ပဵၼ်​ၵူၼ်း​ ဢေႇၽရတ်ႉ ၊ ဝဵင်း​ ပႅတ်ႉလႁႅမ်ႇ မိူင်း​ ယူႉတႃႉ ​လႄႈ ၵႂႃႇ​ၵႃႈ​တီႈ​မိူင်း​ မေႃႇၽႃႉ ​သေ​လႄႈ ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="3">ဢေးလီႉမလႅၵ်ႉ ၽူဝ်​ ၼေႃးမီႉ ​ၼၼ်ႉ​တၢႆ​လႄႈ မၼ်း​ဢိၵ်ႇ​တင်း​လုၵ်ႈ​ၸၢႆး​မၼ်း​သွင်​ၵေႃႉ​ၼၼ်ႉ ၵိုတ်း​ၵျၢၼ်ႇ​ဝႆႉ​ဢေႃႈ။-</verse>
				<verse number="4">သွင်​ၶႃ​ၼၼ်ႉ ႁဵတ်း​တၢင်း​ဢၼ်​ပဵၼ်​ႁိူၼ်း​ပဵၼ်​ယေး​လူၺ်ႈ​ၵၼ်​တင်း​မႄႈ​ယိင်း​မိူင်း​ မေႃႇၽႃႉ ​ၼၼ်ႉ​လႄႈ ၵေႃႉ​ၼိုင်ႈ​ၸမ်ႉ၊ လႆႈ​ၸိုဝ်ႈ​ ဢေႃးရပႃႉ ၊ ၵေႃႉ​ၼိုင်ႈ​ၸမ်ႉ၊ လႆႈ​ၸိုဝ်ႈ​ ရူႉထႃႉ ​လႄႈ ၶဝ်​ယူႇ​ၵႃႈ​တီႈ​မိူင်း​ၼၼ်ႉ​သေ​သိပ်း​ပီႊ​ၼိုင်ႈ​သေ​ယဝ်ႉ၊-</verse>
				<verse number="5">မႁႃႇလုၼ်ႇ ဢိၵ်ႇ​တင်း​ ၶီႉလျုၼ်ႇ ​ၸိူဝ်း​ၼၼ်ႉ​တၢႆ​လႄႈ ၼေႃးမီႉ ​ၼၼ်ႉ​ယင်း​ဢမ်ႇ​မီး​လုၵ်ႈ​ၸၢႆး၊ ဢမ်ႇ​မီး​ၽူဝ်​လႄႈ ၵိုတ်း​ၵျၢၼ်ႇ​ဝႆႉ​ဢေႃႈ။</verse>
				<verse number="6">မၼ်း​ၸင်ႇ​လုၵ်ႉ ဢိၵ်ႇ​လူၺ်ႈ​ၵၼ်​တင်း​လုၵ်ႈ​ပႂ်ႉ​မၼ်း​သွင်​ၵေႃႉ ႁႂ်ႈ​လႆႈ​ဢွၵ်ႇ​သေ​ၵႃႈ​ၼႂ်း​မိူင်း​ မေႃႇၽႃႉ ၶိုၼ်း​မိူဝ်း​ၵႂႃႇ​ဢေႃႈ။ လွင်ႈ​မၼ်း​ၸမ်ႉ မၼ်း​ယူႇ​ၵႃႈ​ၼႂ်း​မိူင်း​ မေႃႇၽႃႉ ​သေ​လႄႈ လႆႈ​ငိၼ်း​လွင်ႈ​ဢၼ်​ထႃႇဝရႃႉ​ၽြႃး မႃး​လူ​မႃး​တူၺ်း​ၵူၼ်း​မၼ်း​ၸဝ်ႈ​တင်း​လၢႆ​လႄႈ ဢဵတ်း​လူ​ပၼ်​ၶဝ်ႈ​မုၼ်း​ၼၼ်ႉ​ဢေႃႈ။-</verse>
				<verse number="7">မၼ်း​ဢွၵ်ႇ​သေ​ၵႃႈ​တီႈ​ဢၼ်​မၼ်း​သွၼ်ႈ​ပိုင်ႈ​ယူႇ​ၼၼ်ႉ​ႁူမ်ႈ​လူၺ်ႈ​ၵၼ်​တင်း​လုၵ်ႈ​ပႂ်ႉ​မၼ်း​သွင်​ၵေႃႉ​ၼၼ်ႉ​သေ​ယဝ်ႉ၊ ၶဝ်​ၼၼ်ႉ ၵႂႃႇ​တၢင်း​ပႆ​တၢင်း​ႁႂ်ႈ​လႆႈ​ၶိုၼ်း​မိူဝ်း​ၸူး​ၵႃႈ​တီႈ​မိူင်း​ ယူႉတႃႉ ​ဢေႃႈ။-</verse>
				<verse number="8">ၼေႃးမီႉ ​ၼၼ်ႉ​လၢတ်ႈ​တီႈ​လုၵ်ႈ​ပႂ်ႉ​မၼ်း​သွင်​ၵေႃႉ​ၼၼ်ႉ​လႄႈ​ဝႃႈ၊ သွင်​ၶိူဝ်​ၵႂႃႇ​လႄႈ ၶိုၼ်း​မိူဝ်း​ၸူး​ၵႃႈ​တီႈ​ႁိူၼ်း​မႄႈ​သွင်​ၶိူဝ် ႁင်း​ၽႂ်​ႁင်း​မၼ်း​တႃႉ။ ႁႂ်ႈ​ထႃႇဝရႃႉ​ၽြႃး ႁဵတ်း​ၵျေး​ၸူး​တီႈ​သွင်​ၶိူဝ် မိူၼ်​ၸိူဝ်ႉ​ၼင်ႇ​ဢၼ်​သွင်​ၶိူဝ်​ႁဵတ်း​ၵျေး​ၸူး​တီႈ​ၶဝ်​ၸိူဝ်း​ဢၼ်​တၢႆ​ၵႂႃႇ​ယဝ်ႉ ဢိၵ်ႇ​တင်း​တီႈ​ၵဝ်​ၼႆႉ​ၼၼ်ႉ​သေ​ၵမ်း​လူၺ်ႈ။-</verse>
				<verse number="9">ႁႂ်ႈ​ထႃႇဝရႃႉ​ၽြႃး ဢဵတ်း​လူ​ပၼ်​ဢၶႂၢင်ႉ ႁႂ်ႈ​သွင်​ၶိူဝ်​လႆႈ​ယူႇ​ၵတ်း​ယဵၼ်​ၶျၢမ်း​သႃႇ ၵႃႈ​ၼႂ်း​ႁိူၼ်း​ၽူဝ်​သွင်​ၶိူဝ်​ႁင်း​ၽႂ်​ႁင်း​မၼ်း​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ယူႇ​သေ​လႄႈ ၼူမ်​သွင်​ၶႃ​ဢေႃႈ။ သွင်​ၶႃ​ၵေႃႈ ၵိဝ်​သဵင်​လႄႈ​ႁွင်ႉ​ႁႆႈ​ယူႇ​သေ​လႄႈ လၢတ်ႈ​တီႈ​မၼ်း​လႄႈ​ဝႃႈ၊-</verse>
				<verse number="10">ဢမ်ႇ​ၸႂ်ႈ​ၶႃႈ​ၵူၺ်ႉ၊ ႁဝ်း​ၶႃႈ​တၵ်း​ၸွမ်း​ၵၼ်​တင်း​ၸဝ်ႈ​ႁဝ်း မိူဝ်း​ၵႂႃႇ​ၸူး​ၵႃႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ၸဝ်ႈ​ႁဝ်း​ၼၼ်ႉ​ဢမၢၼ်ႇ​ၶၼ်​ပဵၼ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၼေႃးမီႉ ​ၵေႃႈ​လၢတ်ႈ​လႄႈ​ဝႃႈ၊ လုၵ်ႈ​ယိင်း​ၵဝ်​ၶဝ်​ဢိူၺ်း၊ ၶိုၼ်း​မိူဝ်း​ၵႂႃႇ​တႃႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တၵ်း​လႆႈ​ၸွမ်း​လူၺ်ႈ​ၵၼ်​တင်း​ၵဝ်​ၵႂႃႇ​ၼင်ႇ​ႁိုဝ်။ ၵဝ်​ယင်း​မီး​လုၵ်ႈ​ၸၢႆး​ယူႇ​ၵႃႈ​ၼႂ်း​တွင်ႉ​ၵဝ်​ၼႆႉ ပုၼ်ႈ​ဢၼ်​တၵ်း​ပဵၼ်​ၽူဝ်​သွင်​ၶိူဝ်​လူး​ၵွၼ်ႇ​ႁိုဝ်။-</verse>
				<verse number="12">လုၵ်ႈ​ယိင်း​ၵဝ်​ၶဝ်​ဢိူၺ်း၊ ဝၢႆႇ​ၶိုၼ်း​လႄႈ​မိူဝ်း​ၵႂႃႇ​တႃႉ။ ၵဝ်​ၼႆႉ​ဢသၢၵ်ႈ​ဢရွႆႇ​ယႂ်ႇ​ယဝ်ႉ​လႄႈ ဢမ်ႇ​ထုၵ်ႇ​ယူႇ​လူၺ်ႈ​ၵၼ်​တင်း​ၽူဝ်။ ဢမ်ႇ​ၼၼ် ပေႃး​ၵဝ်​လၢတ်ႈ​လႄႈ​ဝႃႈ၊ ၵဝ်​မီး​တီႈ​ဢၼ်​တၵ်း​မုင်ႈ​ထႃႈ​မွင်း​ထႃႈ​ယူႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊ ပေႃး​ၵဝ်​ဢဝ်​ၽူဝ်​ၶိုၼ်း​ၼႆႉ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​တင်း​လၢႆ​မႃး​ၸိုင်၊-</verse>
				<verse number="13">သွင်​ၶိူဝ်​တၵ်း​ပႂ်ႉ​ထႃႈ​ယူႇ​တေႃႇ​ထိုင်​ႁွတ်ႈ​ၶဝ်​ၼၼ်ႉ​ထၼ်ႈ​ပေႃး​ယႂ်ႇ​မႃး​ၼၼ်ႉ​လူး​ၵွၼ်ႇ​ႁိုဝ်။ ယင်း​ဢမ်ႇ​ဢဝ်​ၽူဝ်​လႄႈ တၵ်း​မုင်ႈ​ထႃႈ​မွင်း​ထႃႈ​ၶဝ်​ၼၼ်ႉ​ယူႇ​ႁိုဝ်။ လုၵ်ႈ​ယိင်း​ၵဝ်​ၶဝ်​ဢိူၺ်း၊ ဢမ်ႇ​လႆႈ​ပဵၼ်​ၸိူဝ်ႉ​ၼင်ႇ​ၼၼ်။ တီႈ​ၵဝ်​ၼႆႉ​ပဵၼ်​ဢၼ်​ယၢပ်ႇ​ၸႂ်​ၶူမ်​ၸႂ်​ၼႃႇ​သေ​တီႈ​သူ​ဢေႃႈ။ လွင်ႈ​မၼ်း​ၸမ်ႉ မိုဝ်း​ထႃႇဝရႃႉ​ၽြႃး​ၶႂၢင်​ယူႇ​ၵႃႈ​တီႈ​ၵဝ်​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">သွင်​ၶႃ​ၼၼ်ႉ​သမ်ႉ​ၵိဝ်​သဵင်​သေ​လႄႈ ႁွင်ႉ​ႁႆႈ​ထႅင်ႈ​ဢေႃႈ။ မိူဝ်ႈ​ၼၼ်ႉ​ ဢေႃးရပႃႉ ၼူမ်​မႄႈ​ၸဝ်ႈ​မၼ်း​သေ​ဢေႃႈ။ ရူႉထႃႉ ​ၸမ်ႉ၊ ယင်း​ႁွႆႈ​ၸပ်း​ယူႇ​ၵႃႈ​တီႈ​မႄႈ​ၸဝ်ႈ​မၼ်း​ဢေႃႈ။-</verse>
				<verse number="15">ၼေႃးမီႉ ​ၵေႃႈ​လၢတ်ႈ​လႄႈ​ဝႃႈ၊ တူၺ်း​လူး၊ ပီႈ​လူဝ်း​မႂ်း​ၼၼ်ႉ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ဢွၵ်ႇ​မၼ်း ဢိၵ်ႇ​တင်း​ၽြႃး​ဢွၵ်ႇ​မၼ်း​ယဝ်ႉ။ ၸွမ်း​လင်​ပီႈ​လူဝ်း​မႂ်း​ၼၼ်ႉ​မိူဝ်း​ၵႂႃႇ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">ရူႉထႃႉ ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ​ၸိုင် ယႃႇ​ပေ​တွင်း​ပၢၼ်ႇ​ႁႂ်ႈ​လႆႈ​ၸုၼ်ႉ​ပႅတ်ႈ​ၸဝ်ႈ​ႁဝ်း​သေ​လႄႈ ႁဵတ်း​ႁႂ်ႈ​ဢမ်ႇ​လႆႈ​ၸွမ်း​လင်​ၸဝ်ႈ​ႁဝ်း​လႄႈ ၶိုၼ်း​မိူဝ်း​ၵႂႃႇ​သေ​ၵမ်း။ ၵဝ်​ၶႃႈ​တၵ်း​ၸွမ်း​ၵႂႃႇ​ၵႃႈ​တီႈ​ၵႃႈ​ဢၼ်​ၸဝ်ႈ​ႁဝ်း​ၵႂႃႇ​ၼၼ်ႉ​ၶႃႈ​ဢေႃႈ။ ၵဝ်​ၶႃႈ​တၵ်း​ၼွၼ်း​ၵႃႈ​တီႈ​ၵႃႈ​ဢၼ်​ၸဝ်ႈ​ႁဝ်း​ၼွၼ်း​ၶႃႈ​ဢေႃႈ။ မဵဝ်း​ၸဝ်ႈ​ႁဝ်း​ၼၼ်ႉ​တၵ်း​ပဵၼ်​မဵဝ်း​ၵဝ်​ၶႃႈ၊ ၽြႃး​ၸဝ်ႈ​ႁဝ်း​ၼၼ်ႉ တၵ်း​ပဵၼ်​ၽြႃး​ၵဝ်​ၶႃႈ​ၶႃႈ​ဢေႃႈ။-</verse>
				<verse number="17">ၵဝ်​ၶႃႈ​တၵ်း​တၢႆ​ၵႃႈ​တီႈ​ဢၼ်​ၸဝ်ႈ​ႁဝ်း​တၢႆ​ၼၼ်ႉ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​တီႈ​ၼၼ်ႈ​ၶႃႈ​ဢေႃႈ။ ၼွၵ်ႈ​သေ​တၢင်း​တၢႆ​ၼၼ်ႉ ပေႃး​ၵဝ်​ၶႃႈ​ၽၢတ်ႇ​ယၢၼ်​ၵၼ်​တင်း​ၸဝ်ႈ​ႁဝ်း ၵွပ်ႈ​ပိူဝ်ႈ​ဢမူႉ​တၢင်ႇ​ၸိူဝ်ႉ​တၢင်ႇ​ဢၼ်​ၸိုင်၊ ႁႂ်ႈ​ထႃႇဝရႃႉ​ၽြႃး ႁဵတ်း​လိူဝ်​တွၼ်း​သေ​ၼၼ်ႉ​တီႈ​ၵဝ်​ၶႃႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မိူဝ်ႈ​ဢၼ်​မၼ်း​ႁူႉ​ႁၼ်​လွင်ႈ​ဢၼ်​မၼ်း​ၼၼ်ႉ မီး​ၸႂ်​ဢၼ်​မၼ်ႈ​ၶိူင်ႇ​ႁႂ်ႈ​လႆႈ​ၸွမ်း​လူၺ်ႈ​ၵၼ်​တင်း​မၼ်း​ၼၼ်ႉ​ၸိုင်၊ မၼ်း​ယူႇ​တဵတ်ႇ​တဵတ်ႇ​ယူႇ​သေ​ဢေႃႈ။</verse>
				<verse number="19">ၼင်ႇ​ၼၼ်​လႄႈ သွင်​ၶႃ​ၼၼ်ႉ​ဢွၼ်​ၵၼ်​ၵႂႃႇ​တေႃႇ​ထိုင်​ႁွတ်ႈ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ​ဢေႃႈ။ မိူဝ်ႈ​ဢၼ်​သွင်​ၶႃ ႁွတ်ႈ​ထိုင်​ၵႃႈ​တီႈ​ဝဵင်း​ ပႅတ်ႉလႁႅမ်ႇ ​ၼၼ်ႉ​ၸိုင်၊ တင်း​ဝဵင်း​ဢူၼ်​ဢဵၼ်​ႁူၼ်ႈ​မေႃး​ၵၼ် လူၺ်ႈ​လွင်ႈ​သွင်​ၶႃ​လႄႈ လၢတ်ႈ​ၵၼ်​ထၢမ်​ၵၼ်​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ ပဵၼ်​ ၼေႃးမီႉ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မၼ်း​ၵေႃႈ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ယႃႇ​ပေ​ႁွင်ႉ​ၵဝ်​ၶႃႈ​လႄႈ​ဝႃႈ ၼေႃးမီႉ ​သေ​ၵမ်း။ ႁွင်ႉ​ဝႃႈ​ မႃႇရႃႉ သေ​ၵမ်း။ ၸဝ်ႈ​မႁႃႇ​တၼ်း​ၶူဝ်း​ၼၼ်ႉ ႁဵတ်း​လွင်ႈ​တၢင်း​ဢၼ်​ၶူမ်​ၼႃႇ​လူင်​လၢင်​ၼၼ်ႉ​တီႈ​ၵဝ်​ၶႃႈ​ယဝ်ႉ။-</verse>
				<verse number="21">ၵဝ်​ၶႃႈ​ပျေႉ​ၸုမ်ႇ​လိူင်ႇ​ၸႂ်​ယူႇ​သေ​လႄႈ​ဢွၵ်ႇ​ၵႂႃႇ​ဢေႃႈ။ မိူဝ်ႈ​လဵဝ်​ၼႆႉ​ၸမ်ႉ၊ ၸုတ်ႈ​လုတ်ႈ​ယၢၵ်ႈ​ၽၢၼ်​ယူႇ​သေ​လႄႈ မီး​တူဝ်​လဵဝ်​ၵူၺ်း​သေ​ယဝ်ႉ၊ ထႃႇဝရႃႉ​ၽြႃး​ၸင်ႇ​ဢဝ်​ၵဝ်​ၶႃႈ​ၶိုၼ်း​သူင်ႇ​ယဝ်ႉ။ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ၶၢမ်ႇ​သၢၵ်ႈ​သေႇ​ၽၢႆႇ​ၼိုင်ႈ တင်း​ၵဝ်​ၶႃႈ​လႄႈ ၸဝ်ႈ​ဢၼၼ်ႇတႃႉ​တၼ်း​ၶူဝ်း ႁႂ်ႈ​ၵဝ်​ၶႃႈ​မီး​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ယဝ်ႉ​လႄႈ၊ ႁဵတ်း​ႁိုဝ်​လႄႈ​သူ​ၸဝ်ႈ​ယင်း​ႁွင်ႉ​ႁဵၵ်ႈ​ၵဝ်​ၶႃႈ​ၸိုဝ်ႈ​ ၼေႃးမီႉ ယူႇ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၼင်ႇ​ၼၼ်​လႄႈ ၼေႃးမီႉ ​ဢိၵ်ႇ​တင်း​လုၵ်ႈ​ပႂ်ႉ​မၼ်း​ ရူႉထႃႉ မႄႈ​ယိင်း​မိူင်း​ မေႃႇၽႃႉ ဢၼ်​လုၵ်ႉ​သေ​ၵႃႈ​တီႈ​မိူင်း​ မေႃႇၽႃႉ ၸွမ်း​မႃး​လူၺ်ႈ​ၵၼ်​တင်း​မၼ်း​ၼၼ်ႉ ၶိုၼ်း​မႃး​လႄႈ​ႁွတ်ႈ​ထိုင် ၵႃႈ​တီႈ​ဝဵင်း​ ပႅတ်ႉလႁႅမ်ႇ ၼႂ်း​ၶိင်ႇ​ဢၼ်​ၸႃႉ​ပၢတ်ႇ​ၶဝ်ႈ​မူႉ​ယေႃး​ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">ၼေႃးမီႉ ​ၼၼ်ႉ မီး​ပီႈ​ၼွင်ႉ​ၽူဝ်​မၼ်း​ဢၼ်​မၢၵ်ႈ​မီး​ၼႃႇ​လူင်​လၢင်​လႄႈ ပဵၼ်​ၸိူဝ်ႉ​ၶိူဝ်း​ ဢေးလီႉမလႅၵ်ႉ ​ၼၼ်ႉ​ၵေႃႉ​ၼိုင်ႈ​ဢေႃႈ။ ၸိုဝ်ႈ​သဵင်​မၼ်း​ၸမ်ႉ၊ ပဵၼ်​ ပေႃးၸႃႉ ​ဢေႃႈ။-</verse>
				<verse number="2">ရူႉထႃႉ ​မႄႈ​ယိင်း​မိူင်း​ မေႃႇၽႃႉ ​ၼၼ်ႉ ယွၼ်း​ဢၶႂၢင်ႉ​တီႈ​ ၼေႃးမီႉ ​လႄႈ​ဝႃႈ၊ ႁႂ်ႈ​ၵဝ်​ၶႃႈ​လႆႈ​ၵႂႃႇ​ၵႃႈ​တီႈ​တူင်ႈ​ၼႃး​လႄႈ ၵဵပ်း​ႁူင်း​ၶဝ်ႈ​ဢၼ်​တူၵ်း​ဢၼ်​ႁေႈ​ၼၼ်ႉ​ၵႃႈ​တီႈ​ၽၢႆႇ​လင်​ၵေႃႉ​ဢၼ်​ၵဝ်​ၶႃႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​မၼ်း​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ၵႂႃႇ​တႃႉ၊ လုၵ်ႈ​ယိင်း​ၵဝ်​ဢိူၺ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မၼ်း​ၼၼ်ႉ​ၵႂႃႇ​လႄႈ​ႁွတ်ႈ​သေ​ယဝ်ႉ ၵဵပ်း​ႁူင်း​ၶဝ်ႈ​ဢၼ်​တူၵ်း​ဢၼ်​ႁေႈ​ၼၼ်ႉ ၵႃႈ​တီႈ​ၽၢႆႇ​လင်​ၶဝ်​ၸိူဝ်း​ဢၼ်​ပၢတ်ႇ​ၶဝ်ႈ​ၼၼ်ႉ​သေ​လႄႈ ယင်း​ဢမ်ႇ​တင်ႈ​ၸႂ်​တင်ႈ​ၶေႃး​လႄႈ တူၵ်း​ႁွတ်ႈ​ၵႃႈ​ၼႂ်း​ၼႃး​ဢၼ်​ ပေႃးၸႃႉ ပီႈ​ၼွင်ႉ​ၸိူဝ်ႉ​ၶိူဝ်း​ ဢေးလီႉမလႅၵ်ႉ ​ၼၼ်ႉ​ပိူင်ႇ​ၼၼ်ႉ​ဢေႃႈ။-</verse>
				<verse number="4">မိူဝ်ႈ​ၼၼ်ႉ ပေႃးၸႃႉ လုၵ်ႉ​သေ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ​မႃး​လႄႈ တၵ်ႉ​လၢတ်ႈ​တီႈ​ၶဝ်​ၸိူဝ်း​ဢၼ်​ပၢတ်ႇ​ၶဝ်ႈ​ၼၼ်ႉ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး မီး​ယူႇ​လူၺ်ႈ​ၵၼ်​တင်း​သူ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ ၶဝ်​ၼၼ်ႉ​ၵေႃႈ​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ပၼ်​တၢင်း​လီ​တီႈ​ၸဝ်ႈ​ႁဝ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ပေႃးၸႃႉ ​ၵေႃႈ​ထၢမ်​တီႈ​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ၶဝ်​ၸိူဝ်း​ဢၼ်​ပၢတ်ႇ​ၶဝ်ႈ​ၼၼ်ႉ​လႄႈ​ဝႃႈ၊ မႄႈ​ယိင်း​ဢွၼ်ႇ​ၼႆႉ​ၸၢပ်ႈ​သႅင်ႇ​ၵၼ်​တင်း​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ၶဝ်​ၸိူဝ်း​ဢၼ်​ပၢတ်ႇ​ၶဝ်ႈ​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ပဵၼ်​မႄႈ​ယိင်း​ဢွၼ်ႇ​မဵဝ်း​ မေႃႇၽႃႉ ဢၼ်​လုၵ်ႉ​သေ​ၵႃႈ​တီႈ​မိူင်း​ မေႃႇၽႃႉ ​ၸွမ်း​လူၺ်ႈ​ၵၼ်​တင်း​ ၼေႃးမီႉ ​မႃး​ၼၼ်ႉ​ၶႃႈ​ဢေႃႈ။-</verse>
				<verse number="7">မၼ်း​ယွၼ်း​ဢၶႂၢင်ႉ​လႄႈ​ဝႃႈ၊ ႁႂ်ႈ​ၵဝ်​ၶႃႈ​လႆႈ​ၵဵပ်း​ဢဝ်​ႁူင်း​ၶဝ်ႈ ဢၼ်​တူၵ်း​ဢၼ်​ႁေႈ​ၼၼ်ႉ ၵႃႈ​ၼႂ်း​လိုၼ်ႈ​ၶဝ်ႈ​ၵႃႈ​တီႈ​ၽၢႆႇ​လင်​ၶဝ်​ၸိူဝ်း​ဢၼ်​ပၢတ်ႇ​ၶဝ်ႈ​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​လႄႈ​ၶဝ်ႈ​မႃး​သေ​ယဝ်ႉ ၼွၵ်ႈ​သေ​ဢၼ်​မၼ်း​ယူႇ​ၼႂ်း​သုမ်ႉ​ၵမ်း​ဢွၼ်ႇ​ၼိုင်ႈ​ၼၼ်ႉ၊ မၼ်း​ႁဵတ်း​ယူႇ​ၸဵမ်​မိူဝ်ႈ​ၶိင်ႇ​ၵၢင်​ၼႂ်​ၼၼ်ႉ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ပေႃးၸႃႉ ​ၵေႃႈ​လၢတ်ႈ​တီႈ​ ရူႉထႃႉ ​လႄႈ​ဝႃႈ၊ ထွမ်ႇ​ငိၼ်း​သေ​ၵမ်း။ လုၵ်ႈ​ယိင်း​ၵဝ်​ဢိူၺ်း၊ ယႃႇ​ပေ​ၵႂႃႇ​ႁႂ်ႈ​လႆႈ​ၵဵပ်း​ဢဝ်​ႁူင်း​ၶဝ်ႈ​ဢၼ်​တူၵ်း​ဢၼ်​ႁေႈ​ၼၼ်ႉ ၵႃႈ​တီႈ​ၼႃး​တၢင်ႇ​တူင်ႈ​တၢင်ႇ​ဢၼ်​သေ​ၵမ်း။ ယင်း​ဢမ်ႇ​ဢွၵ်ႇ​သေ​ၵႃႈ​တီႈ​ၼႆႈ​လႄႈ ႁဵတ်း​ၵေႃႉ​ၸပ်း​ၸွမ်း​ၵႃႈ​တီႈ​ၶႃႈ​ၵူၼ်း​ယိင်း​ၵဝ်​ၸိူဝ်း​ၼႆႉ​ယူႇ​သေ​ၵမ်း။-</verse>
				<verse number="9">လူ​တူၺ်း​မၢတ်ႈ​တွင်း လွၵ်း​ၼႃး​ဢၼ်​ၶဝ်​ပၢတ်ႇ​သေ​လႄႈ ၸွမ်း​လင်​ၶဝ်​ယူႇ​သေ​ၵမ်း။ လွင်ႈ​ၼင်ႇ​ႁိုဝ်​ၵူၼ်း​ဢွၼ်ႇ​ၶဝ်​တၵ်း​ဢမ်ႇ​လႆႈ​ယႃႉ​ယူၵ်ႉ​မႂ်း​ၸိုင် ၵဝ်​သင်ႇ​လၢတ်ႈ​ဝႆႉ​ယဝ်ႉ ဢမ်ႇ​ၸႂ်ႈ​ႁိုဝ်။ ပေႃး​ယၢၵ်ႇ​ၼမ်ႉ​ၸိုင်၊ ၵႂႃႇ​ၸူး​ၵႃႈ​တီႈ​မေႃႈ​ၼမ်ႉ​လႄႈ ၵိၼ်​ၼမ်ႉ​ဢၼ်​ၵူၼ်း​ဢွၼ်ႇ​ၶဝ်​တဵၵ်း​ၼၼ်ႉ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">မၼ်း​ၵူမ်ႈ​ႁူဝ်​ၶုပ်ႉ​မူပ်ႇ​တဵတ်ႇ​ယူႇ​ၵႃႈ​ၼိူဝ်​လိၼ်​သေ​လႄႈ လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​ၶႃႈ​လႆႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း ႁႂ်ႈ​ၸဝ်ႈ​ႁဝ်း​ထၼ်ႈ​ပေႃး​ႁူႉ​ၸၵ်း​မိုတ်ႈ​ၵိုဝ်း​ၵဝ်​ၶႃႈ ဢၼ်​ဝႃႈ​ၵေႃႉ​ဢၼ်​ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၼႆႉ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ပေႃးၸႃႉ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ပိူၼ်ႈ​မွၵ်ႇ​လၢတ်ႈ​လွင်ႈ​ၵႃႈ​ဢၼ်​မႂ်း​လုမ်း​လႃး​တီႈ​မႄႈ​ၸဝ်ႈ​မႂ်း လိုၼ်း​သေ​ဢၼ်​ၽူဝ်​မႂ်း​တၢႆ​ယဝ်ႉ​ၼၼ်ႉ ဢိၵ်ႇ​တင်း​လွင်ႈ​ဢၼ်​မႂ်း​ၸုၼ်ႉ​ပႅတ်ႈ​ပေႃႈ​မႄႈ​မႂ်း ဢိၵ်ႇ​တင်း​မိူင်း​တီႈ​ဢၼ်​မႂ်း​ၵိူတ်ႇ​လဵင်ႉ​မႃး​ၼၼ်ႉ​သေ​လႄႈ မႃး​ၵႃႈ​တီႈ​ၵူၼ်း​မိူင်း​ဢၼ်​မႂ်း​ဢမ်ႇ​တွၼ်ႉ​ႁူႉ ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ​တီႈ​ၵဝ်​သေႇ​ၶျႃႇ​လီ​ငၢမ်း​ယဝ်ႉ။-</verse>
				<verse number="12">ႁႂ်ႈ​ထႃႇဝရႃႉ​ၽြႃး ပၼ်​ဢၵျူဝ်း​လွင်ႈ​တၢင်း​ၼၼ်ႉ တီႈ​မႂ်း​သေ​ၵမ်း​လူၺ်ႈ။ ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢၼ်​မႂ်း​သုတ်ႉ​ၸပ်း​သုတ်ႉ​ၸူး​ႁႂ်ႈ​လႆႈ​သွၼ်ႈ​ပိုင်ႈ​ၵႃႈ​တီႈ​တႂ်ႈ​ႁူမ်ႈ​ပိၵ်ႇ​ၸဝ်ႈ​ၼၼ်ႉ ၶျႃး​ပၼ်​သူး​ဢၼ်​ၸေး​ၸုမ်ႇ​ၼၼ်ႉ​တီႈ​မႂ်း​သေ​ၵမ်း​လူၺ်ႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">မၼ်း​ၵေႃႈ​လၢတ်ႈ​လႄႈ​ဝႃႈ၊ ၸဝ်ႈ​ဢိူၺ်း၊ ႁႂ်ႈ​ၵဝ်​ၶႃႈ​လႆႈ​ၼႃႈ​လႆႈ​တႃ​တီႈ​ၸဝ်ႈ​ႁဝ်း​သေ​ၵမ်း​လူၺ်ႈ။ ပိၵ်ႉ​သမ်ႉ​ၵဝ်​ၶႃႈ​ဢမ်ႇ​မိူၼ်​ၵၼ်​တင်း​ၶႃႈ​မႄႈ​ယိင်း​ၸဝ်ႈ​ႁဝ်း​သေ​ၵေႃႈ၊ ၸဝ်ႈ​ႁဝ်း​ႁႂ်ႈ​ၵဝ်​ၶႃႈ​ငိၼ်း​ၸူမ်း​ငိၼ်း​သိူဝ်း​လႄႈ လၢတ်ႈ​ၵႂၢမ်း​လေႃးၵဝၢတ်ႈ​တေႃႇ​ၵဝ်​ၶႃႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၶိင်ႇ​ဢၼ်​ၵိၼ်​တၢင်း​ၵိၼ်​တၢင်း​ၶူပ်း​ၼၼ်ႉ ပေႃးၸႃႉ ​လၢတ်ႈ​တီႈ​မၼ်း​လႄႈ​ဝႃႈ၊ မႃး​ၵႃႈ​တီႈ​ၼႆႈ​လႄႈ​ၵိၼ်​ၶဝ်ႈ​မုၼ်း​တႃႉ။ ဢဝ်​ၵမ်​တၢင်း​ၵိၼ်​မႂ်း ၸမ်ႈ​ၵႃႈ​ၼႂ်း​ၼမ်ႉ​ပုင်း​ယေႇ​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ၼင်ႈ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ပၢတ်ႇ​ၶဝ်ႈ​ၼၼ်ႉ​သေ​ယဝ်ႉ၊ ပေႃးၸႃႉ ဢဝ်​ၶဝ်ႈ​တႅၵ်ႇ​ယိုၼ်ႈ​ပၼ်​လႄႈ၊ မၼ်း​ၵိၼ်​ဢိမ်ႇ​ၵိၼ်​တဵမ်​ယဝ်ႉ​လႄႈ၊ ယင်း​ႁႂ်ႈ​ၵိုတ်း​ၵျၢၼ်ႇ​ဝႆႉ​ယူႇ​လူး​ၵွၼ်ႇ​ဢေႃႈ။-</verse>
				<verse number="15">မိူဝ်ႈ​ဢၼ်​မၼ်း​လုၵ်ႉ​ၵႂႃႇ​ႁႂ်ႈ​လႆႈ​ၵဵပ်း​ႁူင်း​ၶဝ်ႈ​ဢၼ်​တူၵ်း​ဢၼ်​ႁေႈ​ၼၼ်ႉ​ၸိုင်၊ ပေႃးၸႃႉ ​သင်ႇ​လၢတ်ႈ​တီႈ​ၵူၼ်း​ဢွၼ်ႇ​မၼ်း​တင်း​လၢႆ​လႄႈ​ဝႃႈ၊ ႁႂ်ႈ​မၼ်း​လႆႈ​ၵဵပ်း​ဢဝ်​ႁူင်း​ၶဝ်ႈ​ဢၼ်​တူၵ်း​ဢၼ်​ႁေႈ​ၵႃႈ​ၼႂ်း​ၵႄႈ​လိုၼ်ႈ​ၶဝ်ႈ​ၸိူဝ်း​ၼၼ်ႉ​သေ​ၵမ်း။ ယႃႇ​ပေ​ႁႂ်ႈ​မၼ်း​မီး​တၢင်း​ဢၼ်​ဢူၵ်း​ဢၼ်​ဢၢႆ။-</verse>
				<verse number="16">ၵႃႈ​ၼႂ်း​လိုၼ်ႈ​ၶဝ်ႈ​ၸိူဝ်း​ၼၼ်ႉ​ၵေႃႈ တိုတ်ႉ​ထွတ်ႇ​ဢဝ်​ၵမ်ႈ​ၽွင်ႈ​လႄႈ ၶျႃး​တူၵ်း​ဝႆႉ​ပုၼ်ႈ​မၼ်း​သေ​ၵမ်း။ ႁႂ်ႈ​မၼ်း​လႆႈ​ၵဵပ်း​ဢဝ်​သေ​ၵမ်း။ ယႃႇ​ပေ​ၼႄး​မၼ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၼင်ႇ​ၼၼ်​လႄႈ မၼ်း​ၵဵပ်း​ႁူင်း​ၶဝ်ႈ​ဢၼ်​တူၵ်း​ဢၼ်​ႁေႈ​ၼၼ်ႉ ၵႃႈ​တီႈ​တူင်ႈ​ၼႃး​ၼၼ်ႉ တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​လႄႈ၊ ပေႃႉ​ၶဝ်ႈ​ဢၼ်​လႆႈ​ၵဵပ်း​ဢဝ်​ၼၼ်ႉ​သေ​ယဝ်ႉ၊ ပဵၼ်​ၶဝ်ႈ​သၢၼ်​မူႉ​ယေႃး​သေ ဢေးၽႃႇ ​ၼိုင်ႈ​ဢေႃႈ။</verse>
				<verse number="18">မၼ်း​ဢဝ်​ၶဝ်ႈ​သၢၼ်​ၼၼ်ႉ​လႄႈ မိူဝ်း​ၵႂႃႇ​ၶဝ်ႈ​ၵႃႈ​ၼႂ်း​ဝဵင်း​သေ​ယဝ်ႉ၊ မႄႈ​ၸဝ်ႈ​မၼ်း​ႁၼ်​ၶဝ်ႈ​သၢၼ်​ဢၼ် မၼ်း​လႆႈ​ၵဵပ်း​ဢဝ်​ၼၼ်ႉ​ဢေႃႈ။ မၼ်း​ဢဝ်​ဢၼ်​မၼ်း​ႁႂ်ႈ​ၵိုတ်း​ၵျၢၼ်ႇ​ဝႆႉ​လိုၼ်း​သေ​ဢၼ်​မၼ်း ၵိၼ်​ဢိမ်ႇ​ၵိၼ်​တဵမ်​ယဝ်ႉ​ၼၼ်ႉ​ဢွၵ်ႇ​လႄႈ ပၼ်​တီႈ​မႄႈ​ၸဝ်ႈ​မၼ်း​ဢေႃႈ။-</verse>
				<verse number="19">မႄႈ​ၸဝ်ႈ​မၼ်း​ၵေႃႈ ဢွၵ်ႇ​သူပ်း​လႄႈ​ဝႃႈ၊ ဝၼ်း​မိူဝ်ႈ​ၼႆႉ မႂ်း​ၵဵပ်း​ႁူင်း​ၶဝ်ႈ​ဢၼ်​တူၵ်း​ဢၼ်​ႁေႈ​ၼၼ်ႉ​ၵႃႈ​တီႈ​လႂ်။ မႂ်း​ႁဵတ်း​ၵႃႈ​တီႈ​လႂ်။ ႁႂ်ႈ​ၵေႃႉ​ဢၼ်​ႁူႉ​ၸၵ်း​မိုတ်ႈ​ၵိုဝ်း​မႂ်း​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​မွၵ်ႇ​လၢတ်ႈ​လွင်ႈ​ဢၼ် မၼ်း​ႁဵတ်း​ႁူမ်ႈ​လူၺ်ႈ​ၵၼ်​တင်း​ၽူႈ​လႂ်​ၼၼ်ႉ​တီႈ​မႄႈ​ၸဝ်ႈ​မၼ်း​လႄႈ​ဝႃႈ၊ ၸိုဝ်ႈ​သဵင်​ၵေႃႉ​ဢၼ်​ၵဝ်​ၶႃႈ​ႁဵတ်း​ႁူမ်ႈ​လူၺ်ႈ​ၵၼ် ဝၼ်း​မိူဝ်ႈ​ၼႆႉ​ၼၼ်ႉ​ၸမ်ႉ၊ ပဵၼ်​ ပေႃးၸႃႉ ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="20">ၼေႃးမီႉ ​လၢတ်ႈ​တီႈ​လုၵ်ႈ​ပႂ်ႉ​မၼ်း​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ဢၼ်​ယင်း​ႁဵတ်း​ၵျေး​ၸူး​တီႈ​ၵေႃႉ​ဢၼ်​လိပ်း​ဢိၵ်ႇ​တင်း​ၵေႃႉ​ဢၼ်​တၢႆ​ယဝ်ႉ​ၼၼ်ႉ ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ ပၼ်​တၢင်း​လီ​မင်ႇၵလႃႇ​တီႈ​မၼ်း​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။ ၼေႃးမီႉ သမ်ႉ​လၢတ်ႈ​လႄႈ​ဝႃႈ၊ ၵေႃႉ​ၼၼ်ႉ​ပဵၼ်​ၵေႃႉ​ဢၼ်​ၶဝ်ႈ​ပႃး​ၼႂ်း​မဵဝ်း​ၸိူဝ်ႉ​ၶိူဝ်း ဢၼ်​ၸမ်​ၵၼ်​တင်း​ႁဝ်း​လႄႈ ပဵၼ်​ၼႂ်း​ၶဝ်​ၸိူဝ်း​ဢၼ်​ပိူင်ႇ​ထုတ်ႇ​ဢဝ်​ႁဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မိူဝ်ႈ​ၼၼ်ႉ​ ရူႉထႃႉ မႄႈ​ယိင်း​မိူင်း​ မေႃႇၽႃႉ ​ၼၼ်ႉ​မွၵ်ႇ​လၢတ်ႈ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ။ ၵေႃႉ​ၼၼ်ႉ​လၢတ်ႈ​တီႈ​ၵဝ်​ၶႃႈ​လႄႈ​ဝႃႈ၊ မႂ်း​ၸပ်း​ၸွမ်း​လူၺ်ႈ​ၵၼ်​တင်း​ၵူၼ်း​ဢွၼ်ႇ​ၵဝ်​တင်း​လၢႆ​ယူႇ တေႃႇ​ထိုင်​ႁွတ်ႈ​တၢင်း​ဢၼ်​ပၢတ်ႇ​ၶဝ်ႈ​ၵဝ်​ထၼ်ႈ​ပေႃး​ယဝ်ႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">ၼေႃးမီႉ ​လၢတ်ႈ​တီႈ​လုၵ်ႈ​ပႂ်ႉ​မၼ်း​ ရူႉထႃႉ ​ၼၼ်ႉ​လႄႈ​ဝႃႈ၊ မႂ်း​လီ​ႁဵတ်း​ၵေႃႉ​ၸပ်း​ၸွမ်း​လူၺ်ႈ​ၵၼ်​တင်း​ၶႃႈ​မႄႈ​ယိင်း​မၼ်း​တင်း​လၢႆ​ၼၼ်ႉ​ယူႇ​ဢေႃႈ။ ဢမ်ႇ​လီ​ႁႂ်ႈ​ၶဝ်​ထူပ်း​ႁၼ်​မႂ်း​ၵႃႈ​ၼႂ်း​ၼႃး​တၢင်ႇ​တူင်ႈ​တၢင်ႇ​ဢၼ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၼင်ႇ​ၼၼ်​လႄႈ မၼ်း​ၸပ်း​ၸွမ်း​လူၺ်ႈ​ၵၼ်​တင်း​ၶႃႈ​မႄႈ​ယိင်း​ ပေႃးၸႃႉ ​ၸိူဝ်း​ၼၼ်ႉ ႁႂ်ႈ​လႆႈ​ၵဵပ်း​ဢဝ်​ႁူင်း​ၶဝ်ႈ​ဢၼ်​တူၵ်း​ဢၼ်​ႁေႈ​ၼၼ်ႉ တေႃႇ​ထိုင်​ႁွတ်ႈ​တၢင်း​ဢၼ်​ပၢတ်ႇ​ၶဝ်ႈ​မူႉ​ယေႃး ဢိၵ်ႇ​တင်း​တၢင်း​ဢၼ်​ပၢတ်ႇ​ၶဝ်ႈ​ၵျုင်ႇ​ထၼ်ႈ​ပေႃး​ယဝ်ႉ​ၼၼ်ႉ​ယူႇ​သေ​လႄႈ ယူႇ​ၵႃႈ​တီႈ​မႄႈ​ၸဝ်ႈ​မၼ်း​ၼၼ်ႉ​ယူႇ​ဢေႃႈ။</verse>
			</chapter>
			<chapter number="3">
				<verse number="1">မိူဝ်ႈ​ၼၼ်ႉ မႄႈ​ၸဝ်ႈ​မၼ်း​ ၼေႃးမီႉ ​ၼၼ်ႉ ထၢမ်​တီႈ​မၼ်း​လႄႈ​ဝႃႈ၊ လုၵ်ႈ​ယိင်း​ၵဝ်​ဢိူၺ်း၊ လွင်ႈ​ၼင်ႇ​ႁိုဝ်​မႂ်း​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ၸိုင်၊ ၵဝ်​ဢမ်ႇ​လႆႈ​ႁႃ​တီႈ​ဢၼ်​ၼိမ်​ဢၼ်​လီ​ပုၼ်ႈ​မႂ်း​ႁိုဝ်။-</verse>
				<verse number="2">ပေႃးၸႃႉ ​ၸဝ်ႈ​ၶႃႈ​မႄႈ​ယိင်း ဢၼ်​မႂ်း​ႁဵတ်း​ၵေႃႉ​ႁဵတ်း​သေႈ​ၸိူဝ်း​ၼၼ်ႉ​ၼၼ်ႉ ပဵၼ်​ပီႈ​ပဵၼ်​ၼွင်ႉ​ႁဝ်း​ဢမ်ႇ​ၸႂ်ႈ​ႁိုဝ်။ တူၺ်း​လူး၊ ၶိုၼ်း​ၼႆႉ မၼ်း​လၢင်​ၶဝ်ႈ​မူႉ​ယေႃး​ယူႇ​ၵႃႈ​တီႈ​တလၢင်း​ယဵပ်ႇ​ၶဝ်ႈ​ဢေႃႈ။-</verse>
				<verse number="3">မႂ်း​ဢၢပ်ႇ​ၼမ်ႉ​သေ​လႄႈ ဢဝ်​ၼမ်ႉ​မၼ်း​တႃး​လႄႈ ၼုင်ႈ​ၶူဝ်း​ႁၢင်ႈ​ၶိူင်ႈ​သေ​ယဝ်ႉ၊ လူင်း​ၸူး​ၵႃႈ​တီႈ​တလၢင်း​ယဵပ်ႇ​ၶဝ်ႈ​ၼၼ်ႉ​တႃႉ။ ၸူဝ်ႈ​ဢၼ်​မၼ်း​ဢမ်ႇ​ပႆႇ​ၵိၼ်​ပႆႇ​ၶူပ်း​ယဝ်ႉ​ၼၼ်ႉ​ၸိုင်၊ ယႃႇ​ပေ​ၼႄ​ပျႃး​တူဝ်​ၸဝ်ႈ​ၵဝ်ႇ​တီႈ​မၼ်း​လႃး​လႃး။-</verse>
				<verse number="4">မိူဝ်ႈ​ဢၼ်​မၼ်း​ၼွၼ်း​ၼၼ်ႉ​ၸိုင်၊ မၢတ်ႈ​တွင်း​တီႈ​ဢၼ်​မၼ်း​ၼွၼ်း​ၼၼ်ႉ​သေ​လႄႈ ၶဝ်ႈ​ၵႂႃႇ​လႄႈ​ၽုၺ်ႇ​ပိုတ်ႇ​ၶူဝ်း​လဵင်း ဢၼ်​ႁူမ်ႇ​တိၼ်​မၼ်း​ၼၼ်ႉ​သေ​ယဝ်ႉ၊ ၼွၼ်း​တႃႉ။ မၼ်း​တၵ်း​လၢတ်ႈ​လွင်ႈ​ဢၼ်​မႂ်း​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​တီႈ​မႂ်း​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">မၼ်း​ႁပ်ႉ​တုင်း​ဢဝ်​လႄႈ​ဝႃႈ၊ ၵဝ်​ၶႃႈ​တၵ်း​ႁဵတ်း​ၸွမ်း​ၵႃႈ​ဢၼ်​မႄႈ​ႁဝ်း​သင်ႇ​လၢတ်ႈ​ဝႆႉ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="6">လူင်း​ၸူး​ၵႃႈ​တီႈ​တလၢင်း​ယဵပ်ႇ​ၶဝ်ႈ​ၼၼ်ႉ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ်​မႄႈ​ၸဝ်ႈ​မၼ်း​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ဢၼ်​ ပေႃးၸႃႉ ​ၼၼ်ႉ​ၵိၼ်​ၶူပ်း​လႄႈ သႂၢင်ႇ​ၸႂ်​သိူဝ်း​ၸႂ်​ယူႇ​သေ​လႄႈ ၵႂႃႇ​ၼွၼ်း​ၵႃႈ​တီႈ​ႁိမ်း​တီႈ​သုတ်း​ၵွင်​ၶဝ်ႈ​ၼၼ်ႉ​ယဝ်ႉ​ၼၼ်ႉ​ၸိုင်၊ မၼ်း​တဵတ်ႇ​တဵတ်ႇ​သုတ်ႉ​ၸပ်း​သုတ်ႉ​ၸူး​လႄႈ ၽုၺ်ႇ​ပိုတ်ႇ​ၶူဝ်း​လဵင်း​ဢၼ်​ႁူမ်ႇ​တိၼ်​မၼ်း​ၼၼ်ႉ​သေ​ယဝ်ႉ၊ ၼွၼ်း​ဢေႃႈ။-</verse>
				<verse number="8">ၶိင်ႇ​တဵင်ႈ​ၶိုၼ်း ၵူၼ်း​ၸၢႆး​ၼၼ်ႉ​တူၵ်း​ၸႂ်​လႄႈ​ဝၢႆႇ​ၸူး​သေ​ယဝ်ႉ၊ ႁူႉ​လွင်ႈ​ဢၼ်​မႄႈ​ယိင်း​မီး​ၵႃႈ​တီႈ​ပၢႆ​တိၼ်​မၼ်း​ၼၼ်ႉ​ယူႇ​သေ​လႄႈ၊-</verse>
				<verse number="9">ထၢမ်​လႄႈ​ဝႃႈ၊ မႂ်း​ပဵၼ်​ၽူႈ​လႂ်​ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ပဵၼ်​ ရူႉထႃႉ ၊ မႄႈ​ယိင်း​ၶႃႈ​ၸဝ်ႈ​ႁဝ်း​ၶႃႈ​ဢေႃႈ။ ၶႅၼ်း​တေႃႈ​ဢဝ်​ႁိမ်း​ၸဵင်ႇ​လႅမ်​ၶူဝ်း​လဵင်း​ၸဝ်ႈ​ႁဝ်း​ႁူမ်ႇ​ၶႃႈ​ၸဝ်ႈ​ႁဝ်း​သေ​ၵမ်း​ၶႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ပဵၼ်​ၵေႃႉ​ဢၼ်​ပိူင်ႇ​ထုတ်ႇ​ဢဝ်​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">မၼ်း​ၼၼ်ႉ​လၢတ်ႈ​လႄႈ​ဝႃႈ၊ လုၵ်ႈ​ယိင်း​ၵဝ်​ဢိူၺ်း၊ ႁႂ်ႈ​ထႃႇဝရႃႉ​ၽြႃး​ပၼ်​တၢင်း​လီ​တီႈ​မႂ်း​သေ​ၵမ်း​လူၺ်ႈ။ မႂ်း​ယင်း​ဢမ်ႇ​ၸွမ်း​လင် ၽူႈ​မၢဝ်ႇ​ဢၼ်​ယၢၵ်ႈ​ဢၼ်​ၽၢၼ်၊ ၽူႈ​မၢဝ်ႇ​ဢၼ်​ၸၢင်ႈ​မၢၵ်ႈ​ၸၢင်ႈ​မီး​သေ​ၵေႃႉ​သေ​ၵူၼ်း​လႄႈ ၵျေး​ၸူး​ဢၼ်​မႂ်း​ႁဵတ်း​ၵမ်း​လိုၼ်း​ၼႆႉ ယဵင်ႈ​ၶႅၼ်း​ယႂ်ႇ​ၼႃႇ​သေ ၵျေး​ၸူး​ဢၼ်​မႂ်း​ႁဵတ်း ၵမ်း​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="11">တေႃႈ​လဵဝ်​ၼႆႉ​ယႃႇ​ပေ​မႆႈ​ၸႂ်။ လုၵ်ႈ​ယိင်း​ၵဝ်​ဢိူၺ်း၊ ၵဝ်​တၵ်း​ႁဵတ်း​ၸွမ်း​ၵႃႈ​ဢၼ်​မႂ်း​ယွၼ်း​ၼၼ်ႉ​ဢေႃႈ။ ဝဵင်း​ဢၼ်​ၵူၼ်း​မဵဝ်း​ၵဝ်​ယူႇ​ၼႆႉ​တင်း​ဝဵင်း ႁူႉ​လွင်ႈ​ဢၼ်​မႂ်း​ပဵၼ်​မႄႈ​ယိင်း​ဢၼ်​ပျေႉ​ၸုမ်ႇ​ဝႆႉ​တင်း​သီႇ​လႃႉ​ၼၼ်ႉ​ယူႇ​ဢေႃႈ။-</verse>
				<verse number="12">ၵဝ်​ၼႆႉ​ပဵၼ်​ၵေႃႉ​ဢၼ်​ပိူင်ႇ​ထုတ်ႇ​ဢဝ်​ၸႂ်ႈ​တႄႉ​တႄႉ​ဢေႃႈ။ ၵူၺ်း​ၵႃႈ ၵေႃႉ​ဢၼ်​ပိူင်ႇ​ထုတ်ႇ​ဢဝ်​ဢၼ်​ယဵင်ႈ​ၶႅၼ်း​ၸမ်​ၼႃႇ​သေ​ၵဝ်​ၼႆႉ​ၼၼ်ႉ ယင်း​မီး​ယူႇ​ၵေႃႉ​ၼိုင်ႈ​လူး​ၵွၼ်ႇ​ဢေႃႈ။-</verse>
				<verse number="13">ၶိုၼ်း​ၼႆႉ​ၸိုင် သဝ်း​လူး​ၵွၼ်ႇ​တႃႉ။ ပေႃး​မၼ်း​ၼၼ်ႉ​ၶႂ်ႈ​ႁဵတ်း​ဝၢတ်ႈ ၵေႃႉ​ဢၼ်​ပိူင်ႇ​ထုတ်ႇ​ဢဝ်​ၸိုင်​လီ​ယဝ်ႉ။ ႁႂ်ႈ​မၼ်း​ႁဵတ်း​ဝၢတ်ႈ​ၵေႃႉ​ဢၼ်​ပိူင်ႇ​ထုတ်ႇ​ဢဝ်​ၼၼ်ႉ​တႃႉ။ ပေႃး​မၼ်း​ၼၼ်ႉ​ဢမ်ႇ​ၶႂ်ႈ​ႁဵတ်း​ဝၢတ်ႈ​ၵေႃႉ​ဢၼ်​ပိူင်ႇ​ထုတ်ႇ​ဢဝ်​ၼၼ်ႉ​တီႈ​မႂ်း​ၸိုင်၊ ၵႃႈ​ၼင်ႇ​ဢၼ် ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ ၵဝ်​တၵ်း​ႁဵတ်း​ဝၢတ်ႈ​ၵေႃႉ​ဢၼ်​ပိူင်ႇ​ထုတ်ႇ​ဢဝ်​ၼၼ်ႉ​တီႈ​မႂ်း​ဢေႃႈ။ ၼွၼ်း​ယူႇ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​လူး​ၵွၼ်ႇ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မၼ်း​ၼွၼ်း​ၵႃႈ​တီႈ​ႁိမ်း​တိၼ်​မၼ်း​ၼၼ်ႉ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​သေ​ယဝ်ႉ၊ လုၵ်ႉ​မိူဝ်ႈ​ဢၼ်​ဢမ်ႇ​ပႆႇ​တၼ်း​ႁွတ်ႈ​ထိုင်​ၶိင်ႇ​ဢၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ႁူႉ​ၵၼ်​လႆႈ​ၼၼ်ႉ​သေ​ဢေႃႈ။ လွင်ႈ​မၼ်း​ၸမ်ႉ မၼ်း​ၼၼ်ႉ​လၢတ်ႈ​လႄႈ​ဝႃႈ၊ ယႃႇ​ပေ​ႁႂ်ႈ​ၽူႈ​လႂ်​လႆႈ​ႁူႉ​လွင်ႈ​ဢၼ်​မႄႈ​ယိင်း​မႃး​ၵႃႈ​တီႈ​တလၢင်း​ယဵပ်ႇ​ၶဝ်ႈ​ၼႆႉ​သေ​ၵမ်း၊ ဝႃႈ​ၼင်ႇ​ၼႆ​ဝႆႉ​ဢေႃႈ။-</verse>
				<verse number="15">မၼ်း​ၼၼ်ႉ​သမ်ႉ​လၢတ်ႈ​လႄႈ​ဝႃႈ၊ ဢဝ်​ၽႃႈ​မႆ​ဢၼ်​ပႃး​ၵႃႈ​တီႈ​မႂ်း​ၼၼ်ႉ​မႃး​လႄႈ​ၽႄႇ​သိူဝ်ႇ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၽႄႇ​ၵီႈ​သေ​လႄႈ မၼ်း​ၼၼ်ႉ​တုင်း​ဢဝ်​ၶဝ်ႈ​မူႉ​ယေႃး​ႁူၵ်း​ ဢေႃးမေႇ သႂ်ႇ​လႄႈ တၢင်ႇ​ပၼ်​ၵႃႈ​ၼိူဝ်​မၼ်း​သေ​ယဝ်ႉ၊ မၼ်း​ၼၼ်ႉ​ၵႂႃႇ​ၵႃႈ​ၼႂ်း​ဝဵင်း​ဢေႃႈ။-</verse>
				<verse number="16">မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​တီႈ​မႄႈ​ၸဝ်ႈ​မၼ်း​ၼၼ်ႉ​ၸိုင်၊ မႄႈ​ၸဝ်ႈ​မၼ်း​ၼၼ်ႉ​ထၢမ်​လႄႈ​ဝႃႈ၊ လုၵ်ႈ​ယိင်း​ၵဝ်​ဢိူၺ်း၊ ပဵၼ်​မႃး​ၸိူဝ်ႉ​ၼင်ႇ​ႁိုဝ်​တီႈ​မႂ်း၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​မွၵ်ႇ​လၢတ်ႈ​ၵႃႈ​ဢၼ်​ၵေႃႉ​ၼၼ်ႉ ႁဵတ်း​တီႈ​မၼ်း​ၼၼ်ႉ​ဢေႃႈ။-</verse>
				<verse number="17">မၼ်း​လၢတ်ႈ​လႄႈ​ဝႃႈ၊ ၵေႃႉ​ၼၼ်ႉ​ဢဝ်​ၶဝ်ႈ​မူႉ​ယေႃး​ႁူၵ်း​ ဢေႃးမေႇ ​ၼႆႉ ပၼ်​တီႈ​ၵဝ်​ၶႃႈ​လႄႈ​ဝႃႈ၊ မႂ်း​ဢမ်ႇ​လႆႈ​မိူဝ်း​ၵႂႃႇ​တိၼ်​လၢႆ​မိုဝ်း​ပဝ်ႇ ၸူး​ၵႃႈ​တီႈ​မႄႈ​ၸဝ်ႈ​မႂ်း​ၼၼ်ႉ၊ ဝႃႈ​ၼင်ႇ​ၼႆ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မၼ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ လုၵ်ႈ​ယိင်း​ၵဝ်​ဢိူၺ်း၊ ၼင်ႈ​ယူႇ​ၼိမ်​ၼိမ်​လီ​လီ တေႃႇ​ထိုင်​ႁွတ်ႈ​ႁႂ်ႈ​ထၼ်ႈ​ပေႃး​လႆႈ​ႁူႉ​လွင်ႈ​ဢၼ် ဢမူႉ​ၼႆႉ​တၵ်း​ယဝ်ႉ​တၵ်း​တူဝ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​တႃႉ။ ၵူၼ်း​ၸၢႆး​ၼၼ်ႉ တၵ်း​ဢမ်ႇ​ယူႇ​ၼိမ်​ၼိမ်​လီ​လီ​တေႃႇ​ထိုင်​ႁွတ်ႈ​ထၼ်ႈ​ပေႃး​ႁႂ်ႈ​ဢမူႉ​ၼႆႉ​ယဝ်ႉ​တူဝ်ႈ​ၼႂ်း​ဝၼ်း​မိူဝ်ႈ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="4">
				<verse number="1">မိူဝ်ႈ​ၼၼ်ႉ ပေႃးၸႃႉ ​ၶိုၼ်ႈ​ၸူး​ၵႃႈ​တီႈ​ႁူး​ၽၵ်း​တူ​ဝဵင်း​လႄႈ ၼင်ႈ​ယူႇ​ၵႃႈ​တီႈ​ၼၼ်ႈ​သေ​ယဝ်ႉ၊ ႁၼ်​ၵေႃႉ​ဢၼ်​ပိူင်ႇ​ထုတ်ႇ​ဢဝ် ဢၼ်​ ပေႃးၸႃႉ ​လၢတ်ႈ​ဝႆႉ​ၼၼ်ႉ​ပႆ​တၢင်း​ၵႂႃႇ​ၼၼ်ႉ​လႄႈ ႁွင်ႉ​ဢဝ်​မၼ်း​ၼၼ်ႉ​လႄႈ​ဝႃႈ၊ ၵေႃႉ​ၼႆႉ​ဢိူၺ်း၊ ဝႄႉ​လႄႈ​ၼင်ႈ​ၵႃႈ​တီႈ​ၼႆႈ​လူး​ၵွၼ်ႇ​သေ​ၵမ်း၊ ဝႃႈ​ၼင်ႇ​ၼႆ​လႄႈ၊ မၼ်း​ၼၼ်ႉ​ဝႄႉ​လႄႈ​ၼင်ႈ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="2">မၼ်း​သမ်ႉ​ႁွင်ႉ​ဢဝ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ဝဵင်း​ၼၼ်ႉ​သိပ်း​ၼိုင်ႈ​လႄႈ​လၢတ်ႈ​ဝႃႈ၊ ၼင်ႈ​ၵႃႈ​တီႈ​ၼႆႈ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၼၼ်ႉ​ၵေႃႈ​ၼင်ႈ​ဢေႃႈ။-</verse>
				<verse number="3">မၼ်း​လၢတ်ႈ​တီႈ​ၵေႃႉ​ဢၼ်​ပိူင်ႇ​ထုတ်ႇ​ဢဝ်​ၼၼ်ႉ​လႄႈ​ဝႃႈ၊ ၼေႃးမီႉ ​ဢၼ်​လုၵ်ႉ​သေ​ၵႃႈ​တီႈ​မိူင်း​ မေႃႇၽႃႉ ၶိုၼ်း​မႃး​ၼၼ်ႉ တၵ်း​ၶၢႆ​ၵႂၢၵ်ႈ​လိၼ်​ဢၼ်​ပီႈ​ၸၢႆး​ႁဝ်း ဢေးလီႉမလႅၵ်ႉ ​ပိူင်ႇ​ၼၼ်ႉ​လႄႈ၊-</verse>
				<verse number="4">ၵဝ်​ၶႃႈ​မီး​တၢင်း​ၵျၢမ်ႇ​တၢင်း​ပွင် တၵ်း​မွၵ်ႇ​လၢတ်ႈ​တီႈ​ၸဝ်ႈ​လႄႈ​ဝႃႈ၊ သိုဝ်ႉ​ဢဝ်​ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ်​ၼင်ႈ​ယူႇ​ၵႃႈ​တီႈ​ၼႆႈ ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၵူၼ်း​မဵဝ်း​ႁဝ်း​တင်း​လၢႆ​ၼႆႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ ပေႃး​ၸဝ်ႈ​မီး​ဢလူဝ်ႇ​ၶႂ်ႈ​ထုတ်ႇ​ဢဝ်​ၸိုင် ထုတ်ႇ​ဢဝ်​သေ​ၵမ်း။ ပေႃး​ဢမ်ႇ​မီး​ဢလူဝ်ႇ​ၶႂ်ႈ​ထုတ်ႇ​ဢဝ်​ၸိုင် မွၵ်ႇ​လၢတ်ႈ​တီႈ​ၵဝ်​ၶႃႈ​ႁႂ်ႈ​ၵဝ်​ၶႃႈ​လႆႈ​ႁူႉ​သေ​ၵမ်း​တႃႉ။ ၼွၵ်ႈ​သေ​ၸဝ်ႈ​ၼႆႉ ဢမ်ႇ​မီး​ၵေႃႉ​ဢၼ်​ပိူင်ႇ​ထုတ်ႇ​ဢဝ်​ယဝ်ႉ။ ၵဝ်​ၶႃႈ​တူၵ်း​လိုၼ်း​ၸဝ်ႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​တၵ်း​ထုတ်ႇ​ဢဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ၼၼ်ႉ​ ပေႃးၸႃႉ ​လၢတ်ႈ​လႄႈ​ဝႃႈ၊ ၼႂ်း​မိုဝ်ႉ​ဝၼ်း​ဢၼ်​ၸဝ်ႈ​သိုဝ်ႉ​ဢဝ်​ၵႂၢၵ်ႈ​လိၼ်​ၵႃႈ​တီႈ​မိုဝ်း​ ၼေႃးမီႉ ​ၼၼ်ႉ၊ တၵ်း​လႆႈ​သိုဝ်ႉ​ဢဝ်​ၵႃႈ​တီႈ​မိုဝ်း​ ရူႉထႃႉ မႄႈ​ယိင်း​မဵဝ်း​ မေႃႇၽႃႉ မေး​ၵေႃႉ​ဢၼ်​တၢႆ​ယဝ်ႉ​ၼၼ်ႉ ႁႂ်ႈ​လႆႈ​ဢဝ်​ဢမူၺ်ႇ​ဢုၵ်ႉ​ၸႃႇ ၵေႃႉ​ဢၼ်​တၢႆ​ယဝ်ႉ​ၼၼ်ႉ ၵမ်ႉ​ထွၵ်ႈ​ၸိုဝ်ႈ​သဵင်​မၼ်း​ၼၼ်ႉ​လူး​ၵွၼ်ႇ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ၵေႃႉ​ဢၼ်​ပိူင်ႇ​ထုတ်ႇ​ဢဝ်​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​ဢမ်ႇ​ထုတ်ႇ​ဢဝ်​ပုၼ်ႈ​တူဝ်​ၸဝ်ႈ​ၵဝ်ႇ​လႆႈ။ ပေႃး​ထုတ်ႇ​ဢဝ်​ၸိုင် မီး​တီႈ​ဢၼ်​ၵူဝ်​ဢမူၺ်ႇ​ဢုၵ်ႉ​ၸႃႇ​တူဝ်​ၸဝ်ႈ​ၵဝ်ႇ​တၵ်း​လူႉ​ဢေႃႈ။ ၵွပ်ႈ​ပိူဝ်ႈ​ဢၼ်​ၵဝ်​ၶႃႈ​ဢမ်ႇ​ထုတ်ႇ​ဢဝ်​လႆႈ​ၼၼ်ႉ​လႄႈ ဢဝ်​လွင်ႈ​တၢင်း​ဢၼ်​ၵဝ်​ၶႃႈ​ပိူင်ႇ​ထုတ်ႇ​ဢဝ်​ၼၼ်ႉ ထုတ်ႇ​ဢဝ်​ပုၼ်ႈ​ၸဝ်ႈ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ထုင်း​ၸၢမ်ႇ​ ဢီႉသရေႇလႃႉ မိူဝ်ႈ​ဢွၼ်​ၼႆႉ ဢၼ်​ၸၢပ်ႈ​သႅင်ႇ​လူၺ်ႈ​လွင်ႈ​ဢမူႉ​တၢင်း​ဢၼ်​ထုတ်ႇ​ဢဝ်၊ ဢမူႉ​တၢင်း​ဢၼ်​လႅၵ်ႈ​လၢႆႈ ဢုၵ်ႉ​ၸႃႇ​ႁႂ်ႈ​ၵႃႈ​မီး​ပဵၼ်​ဢၼ်​မၼ်ႈ​ၶိူင်ႇ​ၼၼ်ႉ​ၸမ်ႉ၊ ၵူၼ်း​ၵေႃႉ​ၼိုင်ႈ ထွတ်ႇ​ဢဝ်​ၶႅပ်း​တိၼ်​မၼ်း​သေ​လႄႈ ဢၢပ်ႈ​ပၼ်​တီႈ​ၵေႃႉ​ၼိုင်ႈ​ဢေႃႈ။ ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ ႁႂ်ႈ​သၢၵ်ႈ​သေႇ​လႆႈ​တႄႇ​ပဵၼ်​ၼႂ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="8">ပိူဝ်ႈ​ၼႆ​လႄႈ ၵေႃႉ​ဢၼ်​ပိူင်ႇ​ထုတ်ႇ​ဢဝ်​ၼၼ်ႉ လၢတ်ႈ​တီႈ​ ပေႃးၸႃႉ ​လႄႈ​ဝႃႈ၊ သိုဝ်ႉ​ဢဝ်​ပုၼ်ႈ​ၸဝ်ႈ​သေ​ၵမ်း၊ ဝႃႈ​ၼင်ႇ​ၼႆ​သေ​လႄႈ ထွတ်ႇ​ၶႅပ်း​တိၼ်​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="9">ပေႃးၸႃႉ ​ၵေႃႈ​လၢတ်ႈ​တီႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ ဢိၵ်ႇ​တင်း​ၵူၼ်း​တင်း​လၢႆ​ၼၼ်ႉ​လႄႈ​ဝႃႈ၊ ဝၼ်း​မိူဝ်ႈ​ၼႆႉ သူ​ၸဝ်ႈ​ပဵၼ်​သၢၵ်ႈ​သေႇ​လွင်ႈ​ဢၼ်​ၵဝ်​ၶႃႈ​သိုဝ်ႉ​ဢဝ်​ဢုၵ်ႉ​ၸႃႇ​ ဢေးလီႉမလႅၵ်ႉ ၊ ဢုၵ်ႉ​ၸႃႇ​ ၶီႉလျုၼ်ႇ ၊ ဢုၵ်ႉ​ၸႃႇ​ မႁႃႇလုၼ်ႇ ၵႃႈ​မီး​ၼၼ်ႉ ၵႃႈ​ၼႂ်း​မိုဝ်း​ ၼေႃးမီႉ ​ၼၼ်ႉ​ဢေႃႈ။-</verse>
				<verse number="10">လိူဝ်​သေ​ၼၼ်ႉ ၵဝ်​ၶႃႈ​သိုဝ်ႉ​ဢဝ်​ ရူႉထႃႉ မႄႈ​ယိင်း​မဵဝ်း​ မေႃႇၽႃႉ ၊ မေး​ မႁႃႇလုၼ်ႇ ​ၼၼ်ႉ​ႁဵတ်း​မေး​ၵဝ်​ၶႃႈ ႁႂ်ႈ​လႆႈ​ဢဝ်​ဢမူၺ်ႇ​ဢုၵ်ႉ​ၸႃႇ​ၵေႃႉ​ဢၼ်​တၢႆ​ယဝ်ႉ​ၼၼ်ႉ ၵမ်ႉ​ထွၵ်ႈ​ၸိုဝ်ႈ​သဵင်​မၼ်း ႁႂ်ႈ​ၸိုဝ်ႈ​သဵင်​ၵေႃႉ​ဢၼ်​တၢႆ​ယဝ်ႉ​ၼၼ်ႉ ဢမ်ႇ​လႆႈ​ထၢတ်ႇ​သေ​ၵႃႈ​ၼႂ်း​မုၵ်ႉ​ၸိူဝ်း​ပီႈ​ၼွင်ႉ​မၼ်း ဢိၵ်ႇ​တင်း​ၵႃႈ​ၼႂ်း​ၽၵ်း​တူ​တီႈ​ယူႇ​မၼ်း​ၼၼ်ႉ​ဢေႃႈ။ သူ​ၸဝ်ႈ​ပဵၼ်​သၢၵ်ႈ​သေႇ​ဝၼ်း​မိူဝ်ႈ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၵူၼ်း​ၵႃႈ​ဢၼ်​မီး​ၵႃႈ​ၼႂ်း​ၽၵ်း​တူ​ဝဵင်း ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ပဵၼ်​သၢၵ်ႈ​သေႇ​ဢေႃႈ။ ႁႂ်ႈ​ထႃႇဝရႃႉ​ၽြႃး ႁဵတ်း​ႁႂ်ႈ​မႄႈ​ယိင်း​ဢၼ်​ႁွတ်ႈ​ထိုင်​ၵႃႈ​ၼႂ်း​ႁိူၼ်း​မႂ်း​ၼၼ်ႉ ပဵၼ်​ၸိူဝ်ႉ​ၼင်ႇ​ ရႃႇၶေႇလႃႉ ဢိၵ်ႇ​တင်း လေႇဢႃႇ သွင်​ၵေႃႉ​ဢၼ်​တႄႇ​ႁဵတ်း​မဵဝ်း​ ဢီႉသရေႇလႃႉ ​ၼၼ်ႉ​သေ​ၵမ်း​လူၺ်ႈ။ မႂ်း​ၵေႃႈ​ႁႂ်ႈ​ပျေႉ​ၸုမ်ႇ​တင်း တၢင်း​ၵတ်ႉ​တၢင်း​ၶၼ် ၵႃႈ​တီႈ​ ဢေႇၽရတ်ႉ ​လႄႈ မီး​တၢင်း​ဢၼ်​သရေႇ​ႁူင်​ႁၢင်း ၵႃႈ​တီႈ​ဝဵင်း​ ပႅတ်ႉလႁႅမ်ႇ ​သေ​ၵမ်း​လူၺ်ႈ။-</verse>
				<verse number="12">ၵွပ်ႈ​ပိူဝ်ႈ​ၸိူဝ်ႉ​ၽၼ်း​ဢၼ်​ထႃႇဝရႃႉ​ၽြႃး တၵ်း​ဢဝ်​ၵႃႈ​ၼႂ်း​မႄႈ​ယိင်း​ဢၼ် ဢသၢၵ်ႈ​ၼုမ်ႇ​ၼႆႉ​ပၼ်​တီႈ​မႂ်း​ၼၼ်ႉ​လႄႈ ႁႂ်ႈ​မဵဝ်း​ၸိူဝ်ႉ​ၶိူဝ်း​မႂ်း ပဵၼ်​ၸိူဝ်ႉ​ၼင်ႇ​မဵဝ်း​ၸိူဝ်ႉ​ၶိူဝ်း​ ၽေးရိတ်ႉ ဢၼ်​ တႃႇမႃႇ ​မေး​ ယူႉတႃႉ ​ၵိူတ်ႇ​လဵင်ႉ​မႃး​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၼင်ႇ​ၼၼ်​လႄႈ ပေႃးၸႃႉ သိမ်း​ဢဝ်​ ရူႉထႃႉ ​လႄႈ ႁူမ်ႈ​ၵၼ်​ယူႇ​သေ​လႄႈ၊ ၶဝ်ႈ​ၸူး​တီႈ​မၼ်း​သေ​ယဝ်ႉ၊ ထႃႇဝရႃႉ​ၽြႃး ႁႂ်ႈ​မၼ်း​ပႃး​ပတိၵ်ႉသၼ်ႇထေႇ​လႄႈ မၼ်း​ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။-</verse>
				<verse number="14">မႄႈ​ယိင်း​တင်း​လၢႆ​ၵေႃႈ​လၢတ်ႈ​တီႈ​ ၼေႃးမီႉ ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ဢၼ်​ဢမ်ႇ​ႁႂ်ႈ​မႂ်း​ပဵၼ်​ၵေႃႉ​ဢၼ်​ဢမ်ႇ​မီး​ၵေႃႉ​ဢၼ်​ပိူင်ႇ​ထုတ်ႇ​ဢဝ်​မႂ်း ဝၼ်း​မိူဝ်ႈ​ၼႆႉ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။ ႁႂ်ႈ​ၸိုဝ်ႈ​သဵင်​မၼ်း မီး​တၢင်း​ဢၼ်​ႁူင်​ႁၢင်း ၵႃႈ​ၼႂ်း​မဵဝ်း​ ဢီႉသရေႇလႃႉ သေ​ၵမ်း​လူၺ်ႈ။-</verse>
				<verse number="15">ႁႂ်ႈ​မၼ်း​ပဵၼ်​ၵေႃႉ​ဢၼ် မႄး​ၵုမ်း​မႄး​ႁဵတ်း​ဢသၢၵ်ႈ​မႂ်း၊ ၵေႃႉ​ဢၼ်​လုမ်း​လႃး​မႂ်း လီ​လီ​ငၢမ်း​ငၢမ်း ၼႂ်း​မိူဝ်ႈ​ဢၼ်​မႂ်း​ဢသၢၵ်ႈ​ယႂ်ႇ​ၼၼ်ႉ​သေ​ၵမ်း​လူၺ်ႈ။ လုၵ်ႈ​ပႂ်ႉ​မႂ်း​ဢၼ်​ႁၵ်ႉ​မႂ်း​လႄႈ ယဵင်ႈ​ၶႅၼ်း​လီ​တီႈ​မႂ်း​လိူဝ်​တွၼ်း​ၼႃႇ​သေ လုၵ်ႈ​ၸၢႆး​ၸဵတ်း​ၵေႃႉ​ၼၼ်ႉ​ၼႆႉ လႆႈ​ၵိူတ်ႇ​လဵင်ႉ​မၼ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၼေႃးမီႉ ဢဝ်​လုၵ်ႈ​ဢွၼ်ႇ​ၼၼ်ႉ ႁွပ်ႇ​ဢုမ်ႈ​လႄႈ​လူ​ထိင်း​ဢေႃႈ။-</verse>
				<verse number="17">မႄႈ​ယိင်း​ဢၼ်​ႁိူၼ်း​ၸမ်​ၵၼ်​တင်း​လၢႆ​ၵေႃႈ ဢွၼ်​ၵၼ်​ပၼ်​ၸိုဝ်ႈ​ပၼ်​သဵင်​လႄႈ​ဝႃႈ၊ ၼေႃးမီႉ ​လႆႈ​လုၵ်ႈ​ၸၢႆး​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ ႁွင်ႉ​ႁဵၵ်ႈ​ၸိုဝ်ႈ​မၼ်း ဢူဝ်းပိတ်ႉ ​ဢေႃႈ။ မၼ်း​ၼၼ်ႉ​ၸမ်ႉ၊ ပဵၼ်​ပေႃႈ​ ယေႇသႄး ၊ ၵေႃႉ​ဢၼ်​ပဵၼ်​ပေႃႈ​ တႃႇဝိတ်ႈ ​ၼၼ်ႉ​ဢေႃႈ။-</verse>
				<verse number="18">ၸူဝ်ႈ​လုၵ်ႈ​ပၢၼ်​လၢၼ်​ ၽေးရိတ်ႉ ​ၸမ်ႉ၊ ၽေးရိတ်ႉ မီး​လုၵ်ႈ​ၸၢႆး​ ႁေႇၸရုၼ်ႇ ၊-</verse>
				<verse number="19">ႁေႇၸရုၼ်ႇ မီး​လုၵ်ႈ​ၸၢႆး​ ရမ်ႇ၊ ရမ်ႇ မီး​လုၵ်ႈ​ၸၢႆး​ ဢမီႉၼတပ်ႉ ၊-</verse>
				<verse number="20">ဢမီႉၼတပ်ႉ မီး​လုၵ်ႈ​ၸၢႆး​ ၼႃႇသုၼ်ႇ၊ ၼႃႇသုၼ်ႇ ​မီး​လုၵ်ႈ​ၸၢႆး သႃႇလမုၼ်ႇ ၊-</verse>
				<verse number="21">သႃႇလမုၼ်ႇ မီး​လုၵ်ႈ​ၸၢႆး​ ပေႃးၸႃႉ၊ ပေႃးၸႃႉ မီး​လုၵ်ႈ​ၸၢႆး​ ဢူဝ်းပိတ်ႉ ၊-</verse>
				<verse number="22">ဢူဝ်းပိတ်ႉ မီး​လုၵ်ႈ​ၸၢႆး​ ယေႇသႄး၊ ယေႇသႄး မီး​လုၵ်ႈ​ၸၢႆး​ တႃႇဝိတ်ႈ ​ဢေႃႈ။ ဝုတ်ႉထူႉ​ရူႉထႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="9">
			<chapter number="1">
				<verse number="1">မိူဝ်ႈ​ၼၼ်ႉ မီး​ၵူၼ်း​မဵဝ်း​ ဢေႇၽရိမ်ႇ ​ဢၼ်​ယူႇ​ၵႃႈ​တီႈ​ဝဵင်း​ ရႃႇမသိမ်းၸူႉပိမ်း ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​လႄႈ လႆႈ​ၸိုဝ်ႈ ဢေးလႃႉၵႃႇၼႃႉ ဢၼ်​ပဵၼ်​လုၵ်ႈ​ၸၢႆး​ ယေႇရေႃးႁမ်ႇ ၊ ဢၼ်​ပဵၼ်​လုၵ်ႈ​ၸၢႆး​ ဢေးလီႉႁူႉ ၊ ဢၼ်​ပဵၼ်​လုၵ်ႈ​ၸၢႆး တေႃႇႁူႉ ၊ ဢၼ်​ပဵၼ်​လုၵ်ႈ​ၸၢႆး​ ၸူႉၽႃႉ ​ၼၼ်ႉ​ၵေႃႉ​ၼိုင်ႈ​ဢေႃႈ။-</verse>
				<verse number="2">ၵေႃႉ​ၼၼ်ႉ​မီး​မေး​သွင်​ၵေႃႉ​လႄႈ ၵေႃႉ​ၼိုင်ႈ​ၸမ်ႉ၊ မီး​ၸိုဝ်ႈ​ ႁၼ်ႇၼႃႉ ၊ ၵေႃႉ​ၼိုင်ႈ​ၸမ်ႉ မီး​ၸိုဝ်ႈ​ ပေႇၼိၼ်ႇၼႃႉ ​ဢေႃႈ။ ပေႇၼိၼ်ႇၼႃႉ ​ၼၼ်ႉ​ၸိုင် မီး​လုၵ်ႈ​မီး​လၢင်း​ဢေႃႈ။ ႁၼ်ႇၼႃႉ ​ၸမ်ႉ၊ ဢမ်ႇ​မီး။-</verse>
				<verse number="3">ၵူၼ်း​ၸၢႆး​ၼၼ်ႉ ယၢမ်ႈ​လုၵ်ႉ​သေ​ၵႃႈ​တီႈ​တီႈ​ယူႇ​မၼ်း​သေ​လႄႈ ၶိုၼ်ႈ​ၸူး​ၵႃႈ​တီႈ​ဝဵင်း​ သီႉလေႃႇ ၵူႈ​ပီႊ​ၵူႈ​ပီႊ​ႁႂ်ႈ​လႆႈ​ၵူဝ်း​ၵႂၢႆႇ​လႄႈ​ပုၵ်ႈ​ၸေႃႇ ယိတ်ႈ​တီႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ဢေႃႈ။ ယိတ်ႈပရေႃးႁဵၵ်ႈ​ထႃႇဝရႃႉ​ၽြႃး ႁေႃႇၽၼီႉ တင်း​ ၽီႉၼႁတ်ႉ လုၵ်ႈ​ၸၢႆး​ ဢေးလီႉ ​ၸိူဝ်း​ၼၼ်ႉ ယူႇ​ၵႃႈ​တီႈ​ဝဵင်း​ သီႉလေႃႇ ​ၼၼ်ႉ​ဢေႃႈ။-</verse>
				<verse number="4">ဢေးလႃႉၵႃႇၼႃႉ ​ၼၼ်ႉ၊ မိူဝ်ႈ​ဢၼ်​ထိုင်​ၶိင်ႇ​ဝၼ်း​ဢၼ်​ပုၵ်ႈ​ၸေႃႇ​ယိတ်ႈ​ၼၼ်ႉ​ၸိုင်၊ မႅင်ႇ​ပုၼ်ႈ​မႅင်ႇ​တႃႇ​ပၼ်​တီႈ​မေး​မၼ်း​ ပေႇၼိၼ်ႇၼႃႉ ဢိၵ်ႇ​တင်း လုၵ်ႈ​ယိင်း​မၼ်း​လုၵ်ႈ​ၸၢႆး​မၼ်း​တင်း​လၢႆ​ဢေႃႈ။-</verse>
				<verse number="5">တီႈ​ ႁၼ်ႇၼႃႉ ​ၸိုင် ၵွပ်ႈ​ပိူဝ်ႈ​ဢၼ်​မၼ်း​ႁၵ်ႉ​လႄႈ မၼ်း​မႅင်ႇ​ပုၼ်ႈ​မႅင်ႇ​တႃႇ​ပၼ်​သွင်​ပုၼ်ႈ​ဢေႃႈ။ ထႃႇဝရႃႉ​ၽြႃး ဢမ်ႇ​ပၼ်​ဢၶႂၢင်ႉ​ဢၼ်​လႆႈ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​တီႈ​မၼ်း​ၼၼ်ႉ။-</verse>
				<verse number="6">ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ဢမ်ႇ​ပၼ်​ဢၶႂၢင်ႉ​ဢၼ်​လႆႈ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ၼၼ်ႉ​လႄႈ ရၢၼ်ႇ​သူႇ​မၼ်း​ၸၢင်ႈ​ယႃႉ​ယူၵ်ႉ​မၼ်း​ၼႃႇ​လူင်​လၢင် ႁႂ်ႈ​မၼ်း​လႆႈ​ၸႂ်​သဝ်ႈ​ၸႂ်​လမ်​ဢေႃႈ။-</verse>
				<verse number="7">ၵႃႈ​ၼင်ႇ​ဢၼ်​ၵူၼ်း​ၸၢႆး​ၼၼ်ႉ​ယၢမ်ႈ​ႁဵတ်း​ၸိူဝ်ႉ​ၼင်ႇ​ၼၼ် ၵူႈ​ပီႊ​ၵူႈ​ပီႊ​ၼႂ်း​မိူဝ်ႈ​ဢၼ်​မၼ်း​ၶိုၼ်ႈ​ၸူး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ၊ ရၢၼ်ႇ​သူႇ​မၼ်း​ယႃႉ​ယူၵ်ႉ​မၼ်း​ဢေႃႈ။ ပိူဝ်ႈ​ၼႆ​လႄႈ မၼ်း​ယင်း​ဢမ်ႇ​ၵိၼ်​တၢင်း​ၵိၼ်​လႄႈ ၸင်ႇ​ႁႆႈ​ႁွင်ႉ​သေ​လႄႈ​ယူႇ​ဢေႃႈ။-</verse>
				<verse number="8">ၽူဝ်​မၼ်း​ ဢေးလႃႉၵႃႇၼႃႉ ​ၼၼ်ႉ​ထၢမ်​တီႈ​မၼ်း​လႄႈ​ဝႃႈ၊ ႁၼ်ႇၼႃႉ ​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​မႂ်း​ႁႆႈ​ႁွင်ႉ​ၼင်ႇ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ယင်း​ဢမ်ႇ​ၵိၼ်​ဢမ်ႇ​ၶူပ်း​လႄႈ​ယူႇ​ၼင်ႇ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၸႂ်​လဵၵ်ႉ​ၸႂ်​ဢူၼ်ႈ​ၼင်ႇ​ႁိုဝ်။ ၵဝ်​ယဵင်ႈ​ၶႅၼ်း​လီ​တီႈ​မႂ်း​လိူဝ်​တွၼ်း​ၼႃႇ​သေ လုၵ်ႈ​ၸၢႆး​သိပ်း​ၼိုင်ႈ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">လိုၼ်း​သေ​ဢၼ် ၶဝ်​ၵိၼ်​ၶူပ်း​ၵႃႈ​တီႈ​ဝဵင်း​ သီႉလေႃႇ ​ယဝ်ႉ​ၼၼ်ႉ၊ ႁၼ်ႇၼႃႉ ​လုၵ်ႉ​ၵႂႃႇ​လႄႈ ၼႂ်း​မိူဝ်ႈ​ဢၼ်​ယိတ်ႈပရေႃးႁဵၵ်ႈ ဢေးလီႉ ယင်း​တိုၵ်ႉ​ၼင်ႈ​ယူႇ​ၵႃႈ​တီႈ​ႁိမ်း​သဝ်​ပိၵ်ႈ​မၢၼ်ႇ​ထႃႇဝရႃႉ​ၽြႃး​ၼၼ်ႉ​ၸိုင်၊-</verse>
				<verse number="10">မၼ်း​မီး​တင်း​ၸႂ်​ဢၼ်​ႁဵဝ်ႇ​ၸွပ်ႈ​လႄႈ သူး​တွင်း​တီႈ​ထႃႇဝရႃႉ​ၽြႃး​ယူႇ​သေ​လႄႈ ၼမ်ႉ​တႃ​တူၵ်း​ၼမ်​ၼႃႇ​ယူႇ​ဢေႃႈ။-</verse>
				<verse number="11">မၼ်း​ႁဵတ်း​ၵတီႉ​သဵတ်ႈ​ၸႃႇ​လႄႈ​ဝႃႈ​ၸမ်ႉ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​တီႈ​ၶႃႈ၊ ပေႃး​ၸဝ်ႈ​ႁဝ်း​တၵ်း​လူ​တူၺ်း​တၢင်း​ဢၼ်​ၶႃႈ​ၸဝ်ႈ​ႁဝ်း​ၶၢၼ်​ၸႂ်​ၼႆႉ​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ​ႁဝ်း​သေ​ယဝ်ႉ၊ ဢမ်ႇ​လူင်​ဢမ်ႇ​လိုမ်း​ၶႃႈ​ၸဝ်ႈ​ႁဝ်း​လႄႈ ဢဵတ်း​လူ​ပၼ်​လုၵ်ႈ​ၸၢႆး​တီႈ​ၶႃႈ​ၸဝ်ႈ​ႁဝ်း​ၸိုင်၊ ယင်း​ဢမ်ႇ​ႁဵတ်း​တၢင်း​ဢၼ်​ထႃ​ႁူဝ်​မၼ်း​လႃး​လႃး​လႄႈ၊ ၶႃႈ​ၸဝ်ႈ​တၵ်း​ဢဝ်​မၼ်း​ဢၢပ်ႈ​ပၼ်​တီႈ​ထႃႇဝရႃႉ​ၽြႃး​ၸူဝ်ႈ​ဢသၢၵ်ႈ​မၼ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​သူး​တွင်း​ယူႇ​ႁိုင်​ၼႃႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ၸိုင်၊ ဢေးလီႉ လူ​တူၺ်း​လႄႈ ႁၼ်​သူပ်း​မၼ်း​ဢေႃႈ။-</verse>
				<verse number="13">ႁၼ်ႇၼႃႉ ​သူး​တွင်း​ၼႂ်း​ႁူဝ်​ၸႂ်​မၼ်း​လႄႈ ပိၵ်ႉ​သမ်ႉ​သီႇ​သူပ်း​မၼ်း​တူင်ႉ​သေ​ၵေႃႈ၊ ၵွပ်ႈ​ပိူဝ်ႈ​ဢၼ်​သဵင်​ၵႂၢမ်း​ဢမ်ႇ​ဢွၵ်ႇ​လႄႈ၊ ဢေးလီႉ ထၢင်ႇ​မၼ်း​မဝ်း​လဝ်ႈ​လႄႈ၊-</verse>
				<verse number="14">လၢတ်ႈ​တီႈ​မၼ်း​လႄႈ​ဝႃႈ၊ မႂ်း​ၼႆႉ​တၵ်း​မဝ်း​လဝ်ႈ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ပႄႇ​ၼမ်ႉ​ၸပိတ်ႈ​ပႅတ်ႈ​သေ​ၵႃႈ​တီႈ​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ႁၼ်ႇၼႃႉ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၶႃႈ​ၸဝ်ႈ။ ၵဝ်​ၶႃႈ​ၼႆႉ ပဵၼ်​မႄႈ​ယိင်း​ဢၼ်​ၸႂ်​လဵၵ်ႉ​ၸႂ်​ဢူၼ်ႈ​ၶႃႈ​ဢေႃႈ။ ၵဝ်​ၶႃႈ​ဢမ်ႇ​သူတ်ႉ​ဢမ်ႇ​ၵိၼ်​ၼမ်ႉ​ၸပိတ်ႈ​ၼမ်ႉ​လဝ်ႈ​ၼမ်ႉ​ၵမ်​ၶႃႈ။ ၵဝ်​ၶႃႈ​ဢဝ်​ႁူဝ်​ၸႂ်​သွၼ်း​လေႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ယူႇ​ၶႃႈ​ဢေႃႈ။-</verse>
				<verse number="16">ၶႃႈ​ၸဝ်ႈ​ႁဝ်း​ၼႆႉ​ၸိုင်၊ ယႃႇ​ပေ​ထၢင်ႇ​ပဵၼ်​မႄႈ​ယိင်း​ဢႃႉထမ်ႇမႃႉ​သေ​ၵမ်း​ၶႃႈ။ ၵွပ်ႈ​ပိူဝ်ႈ​လွင်ႈ​ဢၼ်​လီ​ၶၢင်း​ၶီ​ၶၢင်း​ၽၢၼ်၊ လွင်ႈ​ဢၼ်​ငိၼ်း​ၽၢၼ်​ထိုင်​ၸႂ်​ၼမ်​ၼႃႇ​လႄႈ ၵဝ်​ၶႃႈ​လဝ်ႊ​လၢတ်ႈ​ယူႇ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="17">ဢေးလီႉ ဢွၵ်ႇ​သူပ်း​လၢတ်ႈ​လႄႈ​ဝႃႈ၊ ၵႂႃႇ​ၼိမ်​ၼိမ်​လီ​လီ​တႃႉ။ ႁႂ်ႈ​ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢဵတ်း​လူ​ပၼ်​ၵႃႈ​ဢၼ်​မႂ်း လႆႈ​သူး​တွင်း​ယဝ်ႉ​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ႁႂ်ႈ​ၶႃႈ​ၸဝ်ႈ​လႆႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵႂႃႇ​လႄႈ​ၵိၼ်​တၢင်း​ၵိၼ်​တၢင်း​ၶူပ်း​ယူႇ​သေ​လႄႈ ၼႃႈ​မၼ်း​ယင်း​ဢမ်ႇ​ငိူဝ်ႈ​ဢမ်ႇ​ငဝ်​ထႅင်ႈ​လႄႈ​ယူႇ​ဢေႃႈ။</verse>
				<verse number="19">ၶဝ်​ၼၼ်ႉ ဢွၼ်​ၵၼ်​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ၵူဝ်း​ၵႂၢႆႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​ယဝ်ႉ၊ ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း​ၶဝ် ဢၼ်​မီး​ၵႃႈ​တီႈ​ဝဵင်း​ ရႃႇမႃႉ ​ၼၼ်ႉ​သေ​ဢေႃႈ။ ဢေးလႃႉၵႃႇၼႃႉ ​ၼၼ်ႉ ၶဝ်ႈ​ၸူး​တီႈ​မေး​မၼ်း​ ႁၼ်ႇၼႃႉ ​ၼၼ်ႉ​လႄႈ ထႃႇဝရႃႉ​ၽြႃး​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း​သေ​ယဝ်ႉ၊-</verse>
				<verse number="20">ႁၼ်ႇၼႃႉ ပႃး​ပတိၵ်ႉသၼ်ႇထေႇ​လႄႈ မိူဝ်ႈ​ဢၼ်​ၶိင်ႇ​ၵႃႇလႃႉ​ၸေး​ၼၼ်ႉ၊ ၵိူတ်ႇ​လဵင်ႉ​လုၵ်ႈ​ၸၢႆး​မႃး​လႄႈ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ သမူၺ်ႇလႃႉ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​ၶႃႈ​သူး​တွင်း​ယွၼ်း​ဢဝ်​မၼ်း​တီႈ​ထႃႇဝရႃႉ​ၽြႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ဢေးလႃႉၵႃႇၼႃႉ ​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မၼ်း​ၵႃႈ​မီး ဢွၼ်​ၵၼ်​ၶိုၼ်ႈ​ၸူး​ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​ဢၼ်​ႁဵတ်း​ၵူႈ​ပီႊ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ဢၼ်​ၸၢပ်ႈ​သႅင်ႇ​ၵၼ်​တင်း ၵတီႉ​သဵတ်ႈ​ၸႃႇ​မၼ်း​ၼၼ်ႉ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="22">ႁၼ်ႇၼႃႉ ​ၸိုင်​ဢမ်ႇ​ၵႂႃႇ။ လွင်ႈ​မၼ်း​ၸမ်ႉ မၼ်း​လၢတ်ႈ​တီႈ​ၽူဝ်​မၼ်း​လႄႈ​ဝႃႈ၊ လုၵ်ႈ​ဢွၼ်ႇ​ၼႆႉ​ၽၢတ်ႇ​ၼူမ်း​ယဝ်ႉ ၵဝ်​ၶႃႈ​ၸင်ႇ​တၵ်း​ဢဝ်​မၼ်း​ၶိုၼ်ႈ​ၸူး​ႁႂ်ႈ​မၼ်း​ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ယူႇ​ၵႃႈ​တီႈ​ၼၼ်ႈ​သေႇ​သေႇ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="23">ၽူဝ်​မၼ်း​ ဢေးလႃႉၵႃႇၼႃႉ ႁပ်ႉ​တုင်း​ဢဝ်​လႄႈ​ဝႃႈ၊ ႁဵတ်း​ၵႃႈ​ၼင်ႇ​ဢၼ်​ၸႂ်​မီး​ၼၼ်ႉ​တႃႉ။ ယူႇ​တေႃႇ​ထိုင်​ႁွတ်ႈ​မႂ်း​ႁႂ်ႈ​မၼ်း​ၽၢတ်ႇ​ၼူမ်း​ၼၼ်ႉ​တႃႉ။ ၵွမ်ႉ​ၵႃႈ​ႁႂ်ႈ​ထႃႇဝရႃႉ​ၽြႃး ႁႂ်ႈ​ၵတီႉ​မၼ်း​ၸဝ်ႈ​တႄႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​လႄႈ မေး​မၼ်း​ၼၼ်ႉ ၵိုတ်း​သဝ်း​ယူႇ​လႄႈ ဢဝ်​ၼူမ်း​တိုၵ်း​ပၼ်​တီႈ​လုၵ်ႈ​ၸၢႆး​ဢွၼ်ႇ​မၼ်း​ယူႇ တေႃႇ​ထိုင်​ႁွတ်ႈ​မၼ်း ႁႂ်ႈ​ၽၢတ်ႇ​ၼူမ်း​ၼၼ်ႉ​ဢေႃႈ။-</verse>
				<verse number="24">မၼ်း​ႁႂ်ႈ​ၽၢတ်ႇ​ၼူမ်း​ယဝ်ႉ မၼ်း​ၸင်ႇ​ဢဝ်​လုၵ်ႈ​ဢွၼ်ႇ ဢိၵ်ႇ​တင်း​ဝူဝ်း​သၢမ်​တူဝ်၊ ၽွင်​ၶဝ်ႈ​မုၼ်း​ ဢေးၽႃႇ ​ၼိုင်ႈ၊ ၼမ်ႉ​ၸပိတ်ႈ​မူၵ်ႇ​ၼိုင်ႈ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ႁိူၼ်း​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ သီႉလေႃႇ ​ဢေႃႈ။ မိူဝ်ႈ​ၼၼ်ႉ လုၵ်ႈ​ဢွၼ်ႇ​ၼၼ်ႉ ဢသၢၵ်ႈ​ယင်း​လဵၵ်ႉ​ယင်း​ဢွၼ်ႇ​ဢေႃႈ။-</verse>
				<verse number="25">ၶဝ်​ဢွၼ်​ၵၼ်​ဢဝ်​ဝူဝ်း​တၢႆ​လႄႈ ဢဝ်​လုၵ်ႈ​ဢွၼ်ႇ​ၼၼ်ႉ​ၶဝ်ႈ​ၸူး​ၵႃႈ​တီႈ​ ဢေးလီႉ ယူႇ​သေ​လႄႈ၊-</verse>
				<verse number="26">ႁၼ်ႇၼႃႉ ​လဝ်ႊ​လၢတ်ႈ​လႄႈ​ဝႃႈ၊ ဢူဝ်း​ၸဝ်ႈ​ႁဝ်း၊ ၵႃႈ​ၼင်ႇ​ဢၼ်​ၸဝ်ႈ​ႁဝ်း​ဢသၢၵ်ႈ​လိပ်း​ယူႇ​ၼၼ်ႉ၊ ၸဝ်ႈ​ႁဝ်း​ဢိူၺ်း၊ ၵဝ်​ၶႃႈ​ၼႆႉ​ပဵၼ်​မႄႈ​ယိင်း​ဢၼ်​ၸုၵ်း​ယူႇ​ၵႃႈ​တီႈ​ႁိမ်း​ၸဝ်ႈ​ႁဝ်း ၵႃႈ​တီႈ​ၼႆႈ​ၼၼ်ႉ​သေ​လႄႈ သူး​တွင်း​တီႈ​ထႃႇဝရႃႉ​ၽြႃး မိူဝ်ႈ​ဝၼ်း​ၼၼ်ႉ​ၶႃႈ​ဢေႃႈ။-</verse>
				<verse number="27">မိူဝ်ႈ​ၼၼ်ႉ ၵဝ်​ၶႃႈ​သူး​တွင်း​ႁႂ်ႈ​လႆႈ​လုၵ်ႈ​ဢွၼ်ႇ​ၼႆႉ​ၶႃႈ​ဢေႃႈ။ ထႃႇဝရႃႉ​ၽြႃး​ဢဵတ်း​လူ​ပၼ်​ၵႃႈ​ၼင်ႇ​ဢၼ်​ၵဝ်​ၶႃႈ​ယွၼ်း​ဢဝ်​ၼၼ်ႉ​ၶႃႈ​ယဝ်ႉ။-</verse>
				<verse number="28">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၵဝ်​ၶႃႈ​ႁႂ်ႈ​မၼ်း​ပဵၼ်​ၵေႃႉ​ဢၼ် ၶၢမ်ႇ​တၢင်း​ဢၼ်​ဢၢပ်ႈ​ပၼ်​တီႈ​ထႃႇဝရႃႉ​ၽြႃး​ၶႃႈ​ယဝ်ႉ။ မၼ်း​တၵ်း​လႆႈ​ပဵၼ်​ၵေႃႉ​ဢၼ် ၶၢမ်ႇ​တၢင်း​ဢၼ်​ဢၢပ်ႈ​ပၼ်​တီႈ​ထႃႇဝရႃႉ​ၽြႃး ၸူဝ်ႈ​ဢသၢၵ်ႈ​မၼ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢေးလႃႉၵႃႇၼႃႉ ၵူဝ်း​ၵႂၢႆႇ​ထႃႇဝရႃႉ​ၽြႃး​ၵႃႈ​တီႈ​ၼၼ်ႈ​ဢေႃႈ။</verse>
			</chapter>
			<chapter number="2">
				<verse number="1">လႆႈ​သမ်ႉ ႁၼ်ႇၼႃႉ ​သူး​တွင်း​ပထၼႃႇ​လႄႈ​ဢွၵ်ႇ​သူပ်း​ဝႃႈ​ၸမ်ႉ၊ ႁူဝ်​ၸႂ်​ၶႃႈ​ၸဝ်ႈ​ၼႆႉ မီး​တၢင်း​ဢၼ်​သႂၢင်ႇ​သိူဝ်း​ယူႇ​ၼႂ်း​ထႃႇဝရႃႉ​ၽြႃး​လႄႈ ၶဝ်​လႅမ်​ၶႃႈ​ၸဝ်ႈ​ၼႆႉ မီး​တၢင်း​ဢၼ်​သုင်​ယူႇ​ၼႂ်း​ထႃႇဝရႃႉ​ၽြႃး​တီႈ​ၶႃႈ​ဢေႃႈ။ သူပ်း​ၶႃႈ​ၸဝ်ႈ​ၼႆႉ လၢတ်ႈ​ၵႂၢမ်း​ဢၼ်​ဢုပ်ႇ​ဝၢဝ်း​ၵႃႈ​ၼိူဝ်​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ​ယူႇ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ၸူမ်း​သိူဝ်း​မူၼ်ႈ​ပျေႃႇ​ၼႂ်း​ၵျေး​ၸူး​တၢင်း​ဢၼ်​ၸဝ်ႈ​ႁဝ်း ၵႄႇ​သႄႇ​ၶျွတ်ႈ​ဢဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="2">ၽူႈ​လႂ်​ဢမ်ႇ​မူတ်း​ၸၢင်ႇ​မိူၼ်​ၸိူဝ်ႉ​ၼင်ႇ​ဢၼ်​ထႃႇဝရႃႉ​ၽြႃး​မူတ်း​ၸၢင်ႇ​ၼၼ်ႉ​တီႈ​ၶႃႈ၊ ၼွၵ်ႈ​သေ​ၸဝ်ႈ​ႁဝ်း​ၼႆႉ၊ ၽြႃး​တၢင်ႇ​သူႇ​တၢင်ႇ​ပႃး​ဢမ်ႇ​မီး​တီႈ​ၶႃႈ၊ မၢၵ်ႇ​ႁိၼ်​မၢၵ်ႇ​ၽႃ​တီႈ​ဢၼ်​သွၼ်ႈ​ပိုင်ႈ ဢၼ်​မိူၼ်​ၸိူဝ်ႉ​ၼင်ႇ​ၽြႃး​ပဵၼ်​ၸဝ်ႈ​ႁဝ်း​ၶႃႈ ဢမ်ႇ​မီး​တီႈ​ၶႃႈ၊-</verse>
				<verse number="3">ယႃႇ​ပေ​လၢတ်ႈ​ၵႂၢမ်း​ဢၼ်​ဢုပ်ႇ​ဢၢတ်ႇ​ႁဵတ်း​တူဝ်​လႃး​လႃး​သေ​ၵမ်း။ ယႃႇ​ပေ​ႁႂ်ႈ​ၵႂၢမ်း​ဢၼ်​ၸွၵ်ႇ​ၵႃး​လူ​လၢႆ​ဢွၵ်ႇ​ၵႃႈ​ၼႂ်း​သူပ်း​လႃး​လႃး​သေ​ၵမ်း။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ပဵၼ် သပိင်ႇၺူႉတႃႉ​ၽြႃး​တီႈ​ၶႃႈ​ဢေႃႈ။ မၼ်း​ၸဝ်ႈ​ၸင်ႈ​တူၺ်း​ႁိဝ်ႈ​တူၺ်း​တၢင်း​ၵမ်​တၢင်း​ၵျၢင်ႉ​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="4">ပိုၼ်​ၵၢင်ႇ​ဢၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ယိပ်း​ၵမ်​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁၵ်း​ပႅတ်ႈ​လႄႈ ၶဝ်​ၸိူဝ်း​ဢၼ်​ၸၢင်ႈ​လူမ်ႉ​ၼၼ်ႉ မီး​တၢင်း​ဢၼ်​ဢဝ်​ႁႅင်း​တၼ်း​ၶူဝ်း​ႁတ်ႉ​ဢႅဝ်​ယူႇ​တီႈ​ၶႃႈ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​ၵိၼ်​ဢိမ်ႇ​ၵိၼ်​တဵမ်​ၼၼ်ႉ လႆႈ​ႁဵတ်း​ၵူၼ်း​ၵိၼ်​ၸၢင်ႈ​ၵိၼ်​ငႃ​ႁႂ်ႈ​လႆႈ​တၢင်း​ၵိၼ်​လႄႈ ၶဝ်​ၸိူဝ်း​ဢၼ်​ဢိုပ်း​ယၢၵ်ႈ​ၼၼ်ႉ ဢွၼ်​ၵၼ်​ဢိမ်ႇ​တဵမ်​တီႈ​ၶႃႈ​ယဝ်ႉ။ ၵေႃႉ​ဢၼ်​မၼ်း​ဢမ်ႇ​မီး​လုၵ်ႈ​ၼၼ်ႉ လႆႈ​ၵိူတ်ႇ​လဵင်ႉ​မႃး​ၸဵတ်း​ၵေႃႉ​လႄႈ၊ ၵေႃႉ​ဢၼ်​လုၵ်ႈ​လၢင်း​ၼမ်​ၼႃႇ​ၼၼ်ႉ လႆႈ​ႁႅင်း​ဢူၼ်ႈ​ႁႅင်း​ယွမ်း​တီႈ​ၶႃႈ​ယဝ်ႉ။-</verse>
				<verse number="6">ထႃႇဝရႃႉ​ၽြႃး​ပိူင်ႇ​ဢမူႉ ဢၼ်​ႁႂ်ႈ​တၢႆ၊ ဢမူႉ​ဢၼ်​ႁႂ်ႈ​ဢသၢၵ်ႈ​လိပ်း​လႄႈ မၼ်း​ၸဝ်ႈ​ပိူင်ႇ​ဢမူႉ​ဢၼ်​ၶျႃး​တူၵ်း​ၵႃႈ​တီႈ​မိူင်း​မရၼႃႉ၊ ဢမူႉ​ဢၼ်​ႁႂ်ႈ​လုၵ်ႉ​ၶိုၼ်း​တီႈ​ၶႃႈ​ဢေႃႈ။-</verse>
				<verse number="7">ထႃႇဝရႃႉ​ၽြႃး​ႁဵတ်း​ႁႂ်ႈ​ယၢၵ်ႈ​ၽၢၼ် ဢိၵ်ႇ​တင်း​ႁႂ်ႈ​မၢၵ်ႈ​မီး​လႄႈ မၼ်း​ၸဝ်ႈ​ပိူင်ႇ​ဢမူႉ​ဢၼ်​ၶျႃး​တူၵ်း​တီႈ​တႅမ်ႇ၊ ဢမူႉ​ဢၼ်​ယုၵ်ႉ​ယွင်ႈ​တီႈ​ၶႃႈ​ဢေႃႈ။-</verse>
				<verse number="8">မၼ်း​ၸဝ်ႈ​ယုၵ်ႉ​ယွင်ႈ​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​သေ​ၵႃႈ​ၼႂ်း​မုၼ်ႈ​လိၼ် ဢိၵ်ႇ​တင်း​ၵေႃႉ​ဢၼ်​ဢိုပ်း​ဢၼ်​ယၢၵ်ႈ​သေ​ၵႃႈ​ၼႂ်း​ၵွင်​ၶီႈ​ဝူဝ်း​လႄႈ မၼ်း​ၸဝ်ႈ​ပၼ်​ဢၶႂၢင်ႉ​ဢၼ်​လႆႈ​ၼင်ႈ​လူၺ်ႈ​ၵၼ်​တင်း​လုၵ်ႈ​ၶုၼ်​တင်း​လၢႆ ဢၶႂၢင်ႉ​ဢၼ်​လႆႈ​ၶၢမ်ႇ​ဢမူၺ်ႇ ပလၢင်ႇ​ဢၼ်​မုၼ်​ၽုင်း​ယႂ်ႇ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ပိူင်ႇ​သဝ်​လိၼ်​မိူင်း​တင်း​လၢႆ​လႄႈ မၼ်း​ၸဝ်ႈ​တႄႇ​ႁဵတ်း​လေႃးၵထၢတ်ႈ ၵႃႈ​ၼိူဝ်​သဝ်​ၸိူဝ်း​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="9">မၼ်း​ၸဝ်ႈ​တၵ်း​ပႂ်ႉ​ၸွႆႈ​ထႅမ်​မႃႉ​ၸႃႉ​တိၼ်​ၶဝ်​ၸိူဝ်း​ဢၼ်​မူတ်း​ၸၢင်ႇ​မၼ်း​ၸဝ်ႈ​ၼၼ်ႉ​လႄႈ၊ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၵ်း​လႆႈ​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​ၵႃႈ​တီႈ​ၼႂ်း​လပ်း​သိင်ႇ​တီႈ​ၶႃႈ​ဢေႃႈ။ ၽူႈ​လႂ်​ဢမ်ႇ​ပႄႉ​ၼႅင်ႇ​လႆႈ ၵွပ်ႈ​ပိူဝ်ႈ​တၢင်း​ၵတ်ႉ​တၢင်း​ၶၼ်​တူဝ်​ၸဝ်ႈ​ၵဝ်ႇ​ၼၼ်ႉ​တီႈ​ၶႃႈ၊-</verse>
				<verse number="10">ၶဝ်​ၸိူဝ်း​ဢၼ်​ၶတ်း​ၶႅင်​ႁႅင်း​တႃႉ ထႃႇဝရႃႉ​ၽြႃး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ႁၵ်း​ႁဵၵ်း​ပႅတ်ႈ​လႄႈ မၼ်း​ၸဝ်ႈ​တၵ်း​ႁႂ်ႈ​ၽႃႉ​လင်​သေ ၵႃႈ​ၼိူဝ်​ၽႃႉ​ၵၢင်​ႁၢဝ်​တေႃႇ​ၶဝ်​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​ၼႆႉ တၵ်း​ၸီႇ​ယၢင်ႇ​တြႃး​တေႃႇ​ထိုင်​ႁွတ်ႈ​တီႈ​သုတ်း​လိၼ်​မိူင်း​တီႈ​ၶႃႈ​ဢေႃႈ။ မၼ်း​ၸဝ်ႈ​တၵ်း​ႁႂ်ႈ​ၶုၼ်​ႁေႃ​ၶမ်း​ဢၼ်​မၼ်း​ၸဝ်ႈ​ၶၢၼ်း​ဝႆႉ​ၼၼ်ႉ ပျေႉ​ၸုမ်ႇ​တင်း​ဢဵၼ်​ႁႅင်း​လႄႈ ယုၵ်ႉ​ယွင်ႈ​ၶဝ်​လႅမ်​ၵေႃႉ​ဢၼ်​ၶၢမ်ႇ​ၽိၵ်ႈ​သိၵ်ႈ ဢၼ်​မၼ်း​ၸဝ်ႈ​ပၼ်​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">လိုၼ်း​ၼၼ်ႉ ဢေးလႃႉၵႃႇၼႃႉ ​ၼၼ်ႉ ၵႂႃႇ​ၸူး​ၵႃႈ​တီႈ​ႁိူၼ်း​မၼ်း​ဢၼ်​မီး​ၵႃႈ​တီႈ​ဝဵင်း​ ရႃႇမႃႉ ​ၼၼ်ႉ​သေ​လႄႈ လုၵ်ႈ​ဢွၼ်ႇ​ၼၼ်ႉ လႆႈ​ႁဵတ်း​ဝၢတ်ႈ​ပွင်​ဢမူႉ​ထႃႇဝရႃႉ​ၽြႃး၊ ၵႃႈ​တီႈ​ၽၢႆႇ​ၼႃႈ​ယိတ်ႈပရေႃးႁဵၵ်ႈ​ ဢေးလီႉ ​ၼၼ်ႉ​ယူႇ​ဢေႃႈ။</verse>
				<verse number="12">လုၵ်ႈ​ၸၢႆး​ ဢေးလီႉ ​ၸိူဝ်း​ၼၼ်ႉ ပဵၼ်​ၵူၼ်း​ဢႃႉထမ်ႇမႃႉ​လႄႈ ဢမ်ႇ​ႁူႉ​ထႃႇဝရႃႉ​ၽြႃး။-</verse>
				<verse number="13">ထုင်း​ၸၢမ်ႇ​ဢၼ်​ယိတ်ႈပရေႃးႁဵၵ်ႈ​လႆႈ​ႁဵတ်း​ၼႂ်း​ၵူၼ်း​တင်း​လၢႆ​ၸမ်ႉ၊ ယၢမ်း​မိူဝ်ႈ​ဢၼ်​သေ​ၵေႃႉ​သေ​ၵူၼ်း​ပုၵ်ႈ​ၸေႃႇ​ယိတ်ႈ​လႄႈ ယင်း​တိုၵ်ႉ​တူမ်ႈ​ၼိူဝ်ႉ​ယူႇ​ၼၼ်ႉ​ၸိုင်၊ ၵူၼ်း​ၸႂ်ႉ​ၵူၼ်း​သွႆ​ယိတ်ႈပရေႃးႁဵၵ်ႈ​ၵေႃႉ​ၼိုင်ႈ​ယိပ်း​ၵမ်​ဢဝ်​ၶေႃ​ၵွင်ႉ​ၼိူဝ်ႉ ဢၼ်​မီး​သၢမ်​ငႅမ်ႈ​ၼၼ်ႉ​ယူႇ​သေ​လႄႈ​မႃး​လႄႈ၊-</verse>
				<verse number="14">သႄႇ​တမ်​သႂ်ႇ​ၵႃႈ​ၼႂ်း​မေႃႈ​ၶၢင်၊ မေႃႈ​မႅၼ်ႈ၊ မေႃႈ​လူင်၊ မေႃႈ​ဢွၼ်ႇ​လႄႈ ၵႃႈ​ဢၼ်​ၸပ်း​ပႃး​တီႈ​ၶေႃ​ၵွင်ႉ​ၼိူဝ်ႉ​ၼၼ်ႉ​မႃး​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ​ၸင်ႇ​သိမ်း​ဢဝ်​ဢေႃႈ။ ၼင်ႇ​ၼၼ်​လႄႈ ၶဝ်​ဢွၼ်​ၵၼ်​ႁဵတ်း​ၵႃႈ​ၼႂ်း​ဝဵင်း​ သီႉလေႃႇ တီႈ​ၵူၼ်း​မဵဝ်း​ ဢီႉသရေႇလႃႉ ၵႃႈ​ဢၼ် ႁွတ်ႈ​မႃး​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="15">လိူဝ်​သေ​ၼၼ်ႉ ၸူဝ်ႈ​ဢၼ်​ဢမ်ႇ​ပႆႇ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​တုတ်ႇ​ၽႆး​ၼၼ်ႉ​ၸိုင်၊ ၵူၼ်း​ၸႂ်ႉ​ၵူၼ်း​သွႆ​ယိတ်ႈပရေႃးႁဵၵ်ႈ​ၸင်ႇ​မႃး​လႄႈ လၢတ်ႈ​တီႈ​ၵေႃႉ​ဢၼ်​ပုၵ်ႈ​ၸေႃႇ​ယိတ်ႈ​ၼၼ်ႉ​လႄႈ​ဝႃႈ၊ ပၼ်​ၼိူဝ်ႉ​ပုၼ်ႈ​ဢၼ်​တၵ်း​ပိင်ႈ​ပုၼ်ႈ​ယိတ်ႈပရေႃးႁဵၵ်ႈ​သေ​ၵမ်း။ မၼ်း​ဢမ်ႇ​ဢဝ်​ၼိူဝ်ႉ​ဢၼ်​တူမ်ႈ​ယဝ်ႉ​ၼၼ်ႉ​တီႈ​မႂ်း​ၵူၺ်ႉ။ တၵ်း​ဢဝ်​ၼိူဝ်ႉ​ဢၼ်​လိပ်း​ၵူၺ်း​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ပေႃး​ၵေႃႉ​ၼၼ်ႉ​လၢတ်ႈ​လႄႈ​ဝႃႈ၊ ႁႂ်ႈ​လႆႈ​ဢဝ်​ၵွၼ်ႈ​ၶႆ​ၵွၼ်ႈ​မၼ်း​တုတ်ႇ​ၽႆး​ဢွၼ်​တၢင်း​လူး​ၵွၼ်ႇ​သေ​ၵမ်း။ လိုၼ်း​ၼၼ်ႉ​ၸင်ႇ​ၵွႆႈ​ဢဝ်​ၵႃႈ​ဢၼ်​ၸႂ်​မီး​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ၸိုင်၊ မၼ်း​ၼၼ်ႉ​ၸင်ႇ​ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ၊ တၵ်း​လႆႈ​ပၼ်​တီႈ​ၵဝ်​မိူဝ်ႈ​လဵဝ်​ၼႆႉ​ဢေႃႈ။ ပေႃး​ဢမ်ႇ​ၼၼ် ၵဝ်​တၵ်း​ႁဵတ်း​ဢႃႉထမ်ႇမႃႉ​ႁိမ်​ဢဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ဢပႅတ်ႈ​ၵူၼ်း​ၼုမ်ႇ​ၵူၼ်း​ၵမ်​ၸိူဝ်း​ၼၼ်ႉ ယႂ်ႇ​ၼႃႇ​လူင်​လၢင်​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​ၶဝ်​ႁဵတ်း​ႁႂ်ႈ​ၵူၼ်း​တင်း​လၢႆ လီ​ႁင်ႈ​ဢဵတ်ႇ​သဵတ်ႇ​တၢင်း​ဢၼ်​ႁဵတ်း​ဝၢတ်ႈ​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။</verse>
				<verse number="18">လုၵ်ႈ​ဢွၼ်ႇ​ဢၼ်​ဝႃႈ သမူၺ်ႇလႃႉ ​ၼၼ်ႉ ၼုင်ႈ​ႁတ်ႉ​သိူဝ်ႈ​သုပ်း​ပိၵ်ႈ​သေ​လႄႈ ပွင်​ႁဵတ်း​ဢမူႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="19">မႄႈ​မၼ်း​ၸၢင်ႈ​ယဵပ်ႉ​သိူဝ်ႈ​ယၢဝ်း​ဢွၼ်ႇ​ပုၼ်ႈ​မၼ်း​သေ​လႄႈ ဢဝ်​မႃး​တီႈ​မၼ်း​ၵူႈ​ပီႊ​ၵူႈ​ပီႊ ၼႂ်း​မိူဝ်ႈ​ဢၼ်​ပေႃႈ​မႄႈ​မၼ်း ၶိုၼ်ႈ​ၸူး​ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​ဢၼ်​ယၢမ်ႈ​လႆႈ​ႁဵတ်း​ယူႇ​ၵူႈ​ပီႊ​ၼၼ်ႉ​ဢေႃႈ။</verse>
				<verse number="20">ၽဝ်ႇ​ၼိုင်ႈ​ ဢေးလီႉ ပၼ်​တၢင်း​လီ​တီႈ​ ဢေးလႃႉၵႃႇၼႃႉ သွင်​ၶႃ​ၽူဝ်​မေး​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး​ပၼ်​မဵဝ်း​ၸိူဝ်ႉ​ၶိူဝ်း​တီႈ​မႂ်း ၼႂ်း​မႄႈ​ယိင်း​ၼႆႉ တၢင်​တူဝ်​လုၵ်ႈ​ၸၢႆး​ဢၼ်​လႆႈ​ယွၼ်း​ဢဝ် ဢၼ်​သူ​ယွၼ်း​ဢဝ်​တီႈ​ထႃႇဝရႃႉ​ၽြႃး​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။ သွင်​ၶႃ​ၼၼ်ႉ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​တီႈ​ယူႇ​သွင်​ၶႃ​ၼၼ်ႉ​လႄႈ၊-</verse>
				<verse number="21">ထႃႇဝရႃႉ​ၽြႃး​မႃး​လူ​မႃး​တူၺ်း ႁၼ်ႇၼႃႉ ​သေ​ယဝ်ႉ၊ မၼ်း​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​သၢမ်​ၵေႃႉ လုၵ်ႈ​ယိင်း​သွင်​ၵေႃႉ​ဢေႃႈ။ လုၵ်ႈ​ဢွၼ်ႇ​ဢၼ်​ဝႃႈ သမူၺ်ႇလႃႉ ​ၼၼ်ႉ ယႂ်ႇ​သုင်​မႃး​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။</verse>
				<verse number="22">ဢေးလီႉ ​ထဝ်ႈ​ၵႄႇ​ၼႃႇ​သေ​ယဝ်ႉ၊ ႁူႉ​ငိၼ်း​လွင်ႈ​ၵႃႈ​ဢၼ်​လုၵ်ႈ​ၸၢႆး​မၼ်း​တင်း​လၢႆ​ႁဵတ်း​တီႈ​ၵူၼ်း​ ဢီႉသရေႇလႃႉ တင်း​သဵင်ႈ​တင်း​လူင် ဢိၵ်ႇ​တင်း​လွင်ႈ​ဢၼ်​ၶဝ်​ၽိတ်း​ပိူင်ႈ​မႄႈ​ယိင်း ဢၼ်​ၸူႉ​တုမ်​ၵႃႈ​တီႈ​ႁိမ်း​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​သေ​လႄႈ၊-</verse>
				<verse number="23">သင်ႇ​သွၼ်​သုင်း​မႃႉ​ၶဝ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ႁဵတ်း​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။ တူႉ​ၸရိူၵ်ႈ​ဢၼ်​သူ​ႁဵတ်း​တင်း​လၢႆ​ၼၼ်ႉ​ၸိုင် ၵူၼ်း​တင်း​သဵင်ႈ​တင်း​လူင်​ၸိူဝ်း​ၼႆႉ​လၢတ်ႈ​လႄႈ​ၵဝ်​လႆႈ​ငိၼ်း​ဢေႃႈ။-</verse>
				<verse number="24">ဢမ်ႇ​လီ​ၵူၺ်ႉ။ လုၵ်ႈ​ၸၢႆး​ၵဝ်​ၶဝ်​ဢိူၺ်း၊ သတၢင်း​သဵင်​ၶၢဝ်ႇ​ဢၼ်​ၵဝ်​ငိၼ်း​ၼၼ်ႉ ပဵၼ်​သတၢင်း​ဢၼ်​လီ​ဢမ်ႇ​ၸႂ်ႈ။ သူ​ဢွၼ်​ၵၼ်​ႁဵတ်း​ႁႂ်ႈ​ၵူၼ်း​ထႃႇဝရႃႉ​ၽြႃး​တင်း​လၢႆ​ၽိတ်း​ပိူင်ႈ​လူင်​ပႄႇ။-</verse>
				<verse number="25">ပေႃး​ၵူၼ်း​ၼင်ႇ​ၵၼ်​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၽိတ်း​ပိူင်ႈ​ၵၼ်​ၸိုင်၊ ၽြႃး​ပဵၼ်​ၸဝ်ႈ​တၵ်း​ၸႅတ်ႈ​ထၢမ်​ၸီႇ​ယၢင်ႇ​ဢေႃႈ။ ပေႃး​ၵူၼ်း​ၽိတ်း​ပိူင်ႈ​ထႃႇဝရႃႉ​ၽြႃး​ၸိုင် ၽူႈ​လႂ်​တၵ်း​တွင်း​ပၢၼ်ႇ​ပုၼ်ႈ​မၼ်း၊ ဝႃႈ​ၼင်ႇ​ၼႆ​သေ​ၵေႃႈ၊ ၶဝ်​ၼၼ်ႉ​ဢမ်ႇ​ထွမ်ႇ​ဢဝ်​ၵႂၢမ်း​ပေႃႈ​ၶဝ်။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​မီး​ဢလူဝ်ႇ​ႁႂ်ႈ​လႆႈ​ဢဝ်​ၶဝ်​တၢႆ​ဢေႃႈ။-</verse>
				<verse number="26">လုၵ်ႈ​ဢွၼ်ႇ​ဢၼ်​ဝႃႈ သမူၺ်ႇလႃႉ ​ၼၼ်ႉ​ယႂ်ႇ​သုင်​မႃး​ယူႇ​သေ​လႄႈ လႆႈ​ၼႃႈ​လႆႈ​တႃ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ဢေႃႈ။</verse>
				<verse number="27">ၵူၼ်း​ၽြႃး​ပဵၼ်​ၸဝ်ႈ​ၵေႃႉ​ၼိုင်ႈ မႃး​ၵႃႈ​တီႈ​ ဢေးလီႉ ​လႄႈ လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​ပေႃႇ​မႃး​တီႈ​မဵဝ်း​ပေႃႈ​မႂ်း ဢၼ်​လႆႈ​ယူႇ​ၼႂ်း​မိူင်း​ ဢေႇၵိပ်ႉတူႉ တီႈ​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="28">ၵဝ်​လိူၵ်ႈ​ၵဵပ်း​ဢဝ်​မၼ်း​ၵႃႈ​ၼႂ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​မၼ်း​လႆႈ​ပဵၼ်​ယိတ်ႈပရေႃးႁဵၵ်ႈ​ၵဝ် ဢၼ်​လႆႈ​ပႂ်ႉ​ဢမူႉ​တၢင်း​ဢၼ်​ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ၵဝ်၊ တၢင်း​ဢၼ်​တုတ်ႇ​ၽႆး​ၼၢမ်ႇ​သႃႇ၊ တၢင်း​ဢၼ်​ၼုင်ႈ​သိူဝ်ႈ​သုပ်း​ၵႃႈ​တီႈ​ၽၢႆႇ​ၼႃႈ​ၵဝ်​ဢမ်ႇ​ၸႂ်ႈ​ႁိုဝ်။ ၵဝ်​ဢဝ်​ၶိူင်ႈ​ပုၵ်ႈ​ၸေႃႇ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢဝ်​တင်း​ၽႆး​ႁဵတ်း​ၵႃႈ​မီး​ၼၼ်ႉ ပၼ်​တီႈ​မဵဝ်း​ပေႃႈ​မႂ်း​ဢမ်ႇ​ၸႂ်ႈ​ႁိုဝ်။-</verse>
				<verse number="29">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢဝ်​တိၼ်​ထိပ်ႇ​ယိတ်ႈ​ၵဝ် ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၵဝ် ဢၼ်​ၵဝ်​ၸီႇ​ယၢင်ႇ​ဝႆႉ​ၵႃႈ​တီႈ​ႁိူၼ်း​တီႈ​ယူႇ​ၵဝ်​ၼၼ်ႉ​ၼင်ႇ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ယုၵ်ႉ​ယွင်ႈ​လုၵ်ႈ​ၸၢႆး​မႂ်း​တင်း​လၢႆ​ဝႆႉ​ၵႃႈ​ၼိူဝ်​ၵဝ် ႁႂ်ႈ​သူ​ပီး​လီ​မၼ်း​လီ​လူၺ်ႈ​ၶိူင်ႈ​ပိူင်​ဢၼ်​မျၢတ်ႈ​ၼႃႇ​သေ​ပိူၼ်ႈ ၼႂ်း​ၶိူင်ႈ​ပုၵ်ႈ​ၸေႃႇ​ဢၼ်​ၵူၼ်း​ၵဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လူႇ​တၢၼ်း​ၵႃႈ​မီး​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ၵွပ်ႈ​ပိူဝ်ႈ​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ​ၸမ်ႉ၊ ပိၵ်ႉ​သမ်ႉ​ၵဝ်​လႆႈ​ဝႃႈ၊ မဵဝ်း​ၸိူဝ်ႉ​ၶိူဝ်း​မႂ်း၊ မဵဝ်း​ၸိူဝ်ႉ​ၶိူဝ်း​ပေႃႈ​မႂ်း​ၼၼ်ႉ တၵ်း​လႆႈ​ၵႂႃႇ​မႃး​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​ယူႇ​တႃႇ​သေႇ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ လႆႈ​သမ်ႉ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ႁႂ်ႈ​ၵတီႉ​ၼၼ်ႉ​ၵႆ​ၵၼ်​တင်း​ၵဝ်​သေ။ ၵဝ်​တၵ်း​ယုၵ်ႉ​ယွင်ႈ​ၶဝ်​ၸိူဝ်း​ဢၼ်​ယုၵ်ႉ​ယွင်ႈ​ၵဝ်​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၵဝ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​မုၼ်​ၵုင်ႇ​သရေႇလူႉ​ဢေႃႈ။-</verse>
				<verse number="31">တူၺ်း​လူး၊ ၶိင်ႇ​မိုဝ်ႉ​ဝၼ်း​ဢၼ် ၵဝ်​တၵ်း​တႅပ်း​ႁႅင်း​မိုဝ်း​မႂ်း ဢိၵ်ႇ​တင်း​ႁႅင်း​မိုဝ်း​မဵဝ်း​ၸိူဝ်ႉ​ၶိူဝ်း​ပေႃႈ​မႂ်း ႁႂ်ႈ​ၵေႃႉ​ဢၼ်​ထဝ်ႈ ထၼ်ႈ​ပေႃး​ဢမ်ႇ​လႆႈ​မီး​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မႂ်း​သေ​ၵေႃႉ​သေ​ၵူၼ်း​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="32">မႂ်း​တၵ်း​လႆႈ​ႁၼ်​ၽေး​ဢူႉ​ပၢတ်ႈ ႁွတ်ႈ​ထိုင်​ၵႃႈ​ၼိူဝ်​ႁိူၼ်း​ၵဝ် ၼႂ်း​ၵႃႈ​ဢၼ်​ၵဝ်​ပၼ်​တီႈ​မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။ ၼႂ်း​မဵဝ်း​ၸိူဝ်ႉ​ၶိူဝ်း​မႂ်း​ၼႆႉ ဢမ်ႇ​လႆႈ​မီး​ၵေႃႉ​ဢၼ်​ထဝ်ႈ​ဢၼ်​ၵႄႇ​သေ​ၵေႃႉ​သေ​ၵူၼ်း​တႃႇ​သေႇ။-</verse>
				<verse number="33">ၵဝ်​တၵ်း​ဢမ်ႇ​တႅပ်း​ပႅတ်ႈ​ပႄႇ​ပႅတ်ႈ​ၵူၼ်း​မဵဝ်း​ၸိူဝ်ႉ​ၶိူဝ်း​မႂ်း ၵူႈ​ၵေႃႉ​ၵူႈ​ၵူၼ်း​သေ​ၵႃႈ​တီႈ​ယိတ်ႈပလၢင်ႇ​ၵဝ် ႁႂ်ႈ​မၢၵ်ႇ​တႃ​မႂ်း​လႆႈ​လူႉ​လႄႈ ႁူဝ်​ၸႂ်​မႂ်း​လႆႈ​ႁဵဝ်ႇ​လႆႈ​ၸွပ်ႈ။ ၸူဝ်ႈ​လုၵ်ႈ​မႂ်း​လၢၼ်​မႂ်း​ၸိူဝ်း​ၼၼ်ႉ​တၵ်း​လႆႈ​တၢႆ ၸူဝ်ႈ​ဢၼ်​ဢသၢၵ်ႈ​ဢရွႆႇ​ၶဝ် ဢမ်ႇ​ပႆႇ​ၵႄႇ​ပႆႇ​ထဝ်ႈ​ၼၼ်ႉ​ဢေႃႈ။-</verse>
				<verse number="34">ၼီႉမိၵ်ႈ​ဢၼ်​တၵ်း​ပၼ်​တီႈ​မႂ်း​လႄႈ ႁွတ်ႈ​ထိုင်​ၵႃႈ​တီႈ​လုၵ်ႈ​ၸၢႆး​မႂ်း​ ႁေႃႇၽၼီႉ တင်း​ ၽီႉၼႁတ်ႉ သွင်​ၵေႃႉ​ၼၼ်ႉ​ၸမ်ႉ၊ သွင်​ၶႃ​ၼၼ်ႉ တၵ်း​တၢႆ​ၼႂ်း​ဝၼ်း​လဵဝ်​ၵၼ်​ဢေႃႈ။-</verse>
				<verse number="35">လႆႈ​သမ်ႉ ၵဝ်​တၵ်း​ႁႂ်ႈ​ယိတ်ႈပရေႃးႁဵၵ်ႈ​ဢၼ်​ပႂ်ႉ​သဵတ်ႈ​ၸႃႇ​လႄႈ ၸွမ်း​ၵႃႈ​ၼင်ႇ​ဢၼ်​မီး​ၵႃႈ​ၼႂ်း​ႁူဝ်​ၸႂ်​ၵဝ်​ၼၼ်ႉ​ပေႃႇ​ဢွၵ်ႇ​ပဵၼ်​မႃး​ဢေႃႈ။ ၵဝ်​တၵ်း​ႁဵတ်း​ပၼ် ႁိူၼ်း​ဢၼ်​မၼ်ႈ​ၶိူင်ႇ​ပုၼ်ႈ​မၼ်း​လႄႈ​ဝႃႈ၊ မၼ်း​တၵ်း​လႆႈ​ၵႂႃႇ​မႃး​ယူႇ ၵႃႈ​တီႈ​ၽၢႆႇ​ၼႃႈ​ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ ဢၼ်​ၵဝ်​ပၼ်​ၼၼ်ႉ​တႃႇ​သေႇ​ဢေႃႈ။-</verse>
				<verse number="36">ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၵႃႈ​တီႈ​မဵဝ်း​ၸိူဝ်ႉ​ၶိူဝ်း​မႂ်း​ၼႆႉ​ၵူႈ​ၵေႃႉ​ၵူႈ​ၵူၼ်း​ၼၼ်ႉ တၵ်း​ဢွၼ်​ၵၼ်​မႃး​ၵႃႈ​တီႈ​မၼ်း​လႄႈ ဝႆႈ​သႃ​ႁႂ်ႈ​လႆႈ​ငိုၼ်း​ဢွၼ်ႇ​သေ​ၶႅပ်း​ၶဝ်ႈ​မုၼ်း​ဢွၼ်ႇ​သေ​ႁူၺ်ႇ​သေ​လႄႈ​တွင်း​ပၢၼ်ႇ​ဝႃႈ၊ ၸႂ်ႉ​သွႆ​ၵဝ်​ၶႃႈ​ၼႂ်း​ဢမူႉ​ဢရႃႇ​ယိတ်ႈပရေႃးႁဵၵ်ႈ​သေ​ၸိူဝ်ႉ​သေ​ပိူင်​ႁႂ်ႈ​ၵဝ်​ၶႃႈ​လႆႈ​ၵိၼ်​ၶဝ်ႈ​မုၼ်း​သေ​ၵွၼ်ႈ​သေ​ၵမ်း​တႃႉ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="3">
				<verse number="1">လုၵ်ႈ​ဢွၼ်ႇ​ဢၼ်​ဝႃႈ​ သမူၺ်ႇလႃႉ ​ၼၼ်ႉ ပွင်​ႁဵတ်း​ဢမူႉ​ထႃႇဝရႃႉ​ၽြႃး​ယူႇ​ၵႃႈ​တီႈ​ၽၢႆႇ​ၼႃႈ​ ဢေးလီႉ ​ဢေႃႈ။ မိူဝ်ႈ​ၶိင်ႇ​ၵႃႇလႃႉ​ၼၼ်ႉ၊ ၼုၵ်ႈၵပၢတ်ႈ​ထႃႇဝရႃႉ​ၽြႃး ၵေႇ​မၢင်​ဢေႃႈ။ ရူႇပႃႇရူင်ႇ​ဢၼ်​ထၢင်ႇ​ထၢင်ႇ​သႃး​သႃး​ဢမ်ႇ​မီး။-</verse>
				<verse number="2">ၽဝ်ႇ​ၼိုင်ႈ ၶိင်ႇ​ဢၼ်​ ဢေးလီႉ ​ၼၼ်ႉ ၼွၼ်း​ယူႇ​ၵႃႈ​တီႈ​တီႈ​ယူႇ​မၼ်း​လႄႈ တႃ​မၼ်း​မူဝ်း​ထၼ်ႈ​ပေႃး​ဢမ်ႇ​ႁၼ်​လႆႈ​ယူႇ၊-</verse>
				<verse number="3">ၽႆး​တဵၼ်း​ၽြႃး​ပဵၼ်​ၸဝ်ႈ​ဢမ်ႇ​ပႆႇ​မွတ်ႇ​လႄႈ သမူၺ်ႇလႃႉ ​ၵေႃႈ​ၼွၼ်း​ယူႇ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး တီႈ​ဢၼ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​မီး​ၼၼ်ႉ​ၼၼ်ႉ၊-</verse>
				<verse number="4">ထႃႇဝရႃႉ​ၽြႃး​ႁွင်ႉ​ သမူၺ်ႇလႃႉ ​လႄႈ မၼ်း​ဢိူဝ်​လႄႈ​ဝႃႈ၊ ၵဝ်​ၶႃႈ​မီး​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="5">လႅၼ်ႈ​ၵႂႃႇ​ၸူး​ၵႃႈ​တီႈ​ ဢေးလီႉ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ႁွင်ႉ​ၵဝ်​ၶႃႈ​လႄႈ ၵဝ်​ၶႃႈ​မႃး​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​ႁွင်ႉ​ၵူၺ်ႉ။ သမ်ႉ​ၶိုၼ်း​ၼွၼ်း​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​သမ်ႉ​ၶိုၼ်း​ၵႂႃႇ​လႄႈ​ၼွၼ်း​ဢေႃႈ။-</verse>
				<verse number="6">လႆႈ​သမ်ႉ​ထႃႇဝရႃႉ​ၽြႃး​ႁွင်ႉ​လႄႈ​ဝႃႈ၊ သမူၺ်ႇလႃႉ ​ဢိူၺ်း၊ ဝႃႈ​ၼင်ႇ​ၼႆ​သေ​ယဝ်ႉ၊ သမူၺ်ႇလႃႉ ​လုၵ်ႉ​သေ​လႄႈ​ၵႂႃႇ​ၸူး​ၵႃႈ​တီႈ​ ဢေးလီႉ ​လႄႈ​လၢတ်ႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ႁွင်ႉ​ၵဝ်​ၶႃႈ​လႄႈ ၵဝ်​ၶႃႈ​မႃး​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​ႁွင်ႉ​ၵူၺ်ႉ။ လုၵ်ႈ​ၸၢႆး​ၵဝ်​ဢိူၺ်း၊ သမ်ႉ​ၶိုၼ်း​ၼွၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">သမူၺ်ႇလႃႉ ​ၼၼ်ႉ ဢမ်ႇ​ပႆႇ​ႁူႉ​ထႃႇဝရႃႉ​ၽြႃး။ ဢမ်ႇ​ပႆႇ​လႆႈ​ၶၢမ်ႇ​ပျႃႇ​တိၵ်ႈ​ၸဝ်ႈ။-</verse>
				<verse number="8">ပွၵ်ႈ​တႃႉတီႉယႃႉ ထႃႇဝရႃႉ​ၽြႃး​ႁွင်ႉ​ သမူၺ်ႇလႃႉ ​လႄႈ၊ မၼ်း​လုၵ်ႉ​သေ​လႄႈ ၵႂႃႇ​ၵႃႈ​တီႈ​ ဢေးလီႉ ​လႄႈ လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ် ၸဝ်ႈ​ႁဝ်း​ႁွင်ႉ​ၵဝ်​ၶႃႈ​လႄႈ၊ ၵဝ်​ၶႃႈ​မႃး​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ဢေးလီႉ ႁူႉ​သၢႆ​ငၢႆ​လွင်ႈ​ဢၼ်​ထႃႇဝရႃႉ​ၽြႃး​ႁွင်ႉ​လုၵ်ႈ​ဢွၼ်ႇ​ၼၼ်ႉ​သေ​ယဝ်ႉ၊-</verse>
				<verse number="9">ဢေးလီႉ ​သင်ႇ​လၢတ်ႈ​တီႈ​ သမူၺ်ႇလႃႉ ​လႄႈ​ဝႃႈ၊ မႂ်း​ၵႂႃႇ​လႄႈ​ၼွၼ်း​လူး​ၵွၼ်ႇ​တႃႉ။ ပေႃး​မၼ်း​ၸဝ်ႈ​ႁွင်ႉ​ၵမ်း​လိုၼ်း​ၸိုင်၊ မႂ်း​တၵ်း​လႆႈ​လဝ်ႊ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ မီး​ဢမိင်ႉ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ႁဝ်း​ငိၼ်း​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ သမူၺ်ႇလႃႉ ​ၵႂႃႇ​လႄႈ ၼွၼ်း​ၵႃႈ​တီႈ​တီႈ​ယူႇ​မၼ်း​ၼၼ်ႉ​ဢေႃႈ။-</verse>
				<verse number="10">ထႃႇဝရႃႉ​ၽြႃး​ၵေႃႈ​မႃး​ၸုၵ်း​ယူႇ​မိူၼ်​ၸိူဝ်ႉ​ၼင်ႇ​ၵမ်း​ဢွၼ်​တၢင်း​ၼၼ်ႉ​သေ​လႄႈ​ႁွင်ႉ​ဝႃႈ၊ သမူၺ်ႇလႃႉ ​ဢိူၺ်း၊ သမူၺ်ႇလႃႉ ​ဢိူၺ်း၊ ဝႃႈ​ၼင်ႇ​ၼႆ​သေ​ယဝ်ႉ၊ သမူၺ်ႇလႃႉ ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​မီး​ဢမိင်ႉ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ႁဝ်း​ငိၼ်း​ယူႇ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">ထႃႇဝရႃႉ​ၽြႃး​မီး​ဢမိင်ႉ​တီႈ​ သမူၺ်ႇလႃႉ ​လႄႈ​ဝႃႈ၊ တူၺ်း​လူး၊ ၵဝ်​တၵ်း​ႁဵတ်း​သေ​ၸိူဝ်ႉ​သေ​ပိူင်​တီႈ​မဵဝ်း​ ဢီႉသရေႇလႃႉ ႁႂ်ႈ​ႁူ​ၶဝ်​ၸိူဝ်း​ဢၼ်​ငိၼ်း​သတၢင်း​ၵူႈ​ၵေႃႉ​ၵူႈ​ၵူၼ်း​ၼၼ်ႉ​လႆႈ​ၶူမ်း​လႆႈ​ၵၢႆး​တင်း​သွင်​ၽၢႆႇ​ဢေႃႈ။-</verse>
				<verse number="12">ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ႁဵတ်း​တီႈ​ ဢေးလီႉ ၵႃႈ​ဢၼ်​ၵဝ်​ဝႃႈ​ဝႆႉ လူၺ်ႈ​လွင်ႈ​ၵူၼ်း​ႁိူၼ်း​မၼ်း​ၼၼ်ႉ ဢဝ်​ၸႃႉ​ၸဵမ်​ငဝ်ႈ​တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​မၼ်း​ဢေႃႈ။-</verse>
				<verse number="13">ၵဝ်​လၢတ်ႈ​ဝႆႉ​တီႈ​မၼ်း လွင်ႈ​ဢၼ်​ၵဝ်​တၵ်း​ၸီႇ​ယၢင်ႇ​ပၼ်​တၢမ်ႇ​တီႈ​ၵူၼ်း​ႁိူၼ်း​မၼ်း​တင်း​လၢႆ​တႃႇ​သေႇ​ပုၼ်ႈ​တူႉ​ၸရိူၵ်ႈ​ဢပႅတ်ႈ ဢၼ်​မၼ်း​ႁူႉ​ယူႇ​ၼၼ်ႉ ၵွပ်ႈ​ပိူဝ်ႈ​ဢၼ်​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ႁဵတ်း​ထၼ်ႈ​ပေႃး​ႁႂ်ႈ​တၢင်း​ဢၼ်​ၵိၼ်ႇ​ဢၼ်​ဝႃႈ ႁွတ်ႈ​ထိုင်​ၵႃႈ​ၼိူဝ်​တူဝ်​ၸဝ်ႈ​ၵဝ်ႇ​လႄႈ မၼ်း​ဢမ်ႇ​သင်ႇ​သွၼ်​သုင်း​မႃႉ​ၶဝ်​ၼႃႇ​ၼႃႇ​ၼၼ်ႉ​ဢေႃႈ။-</verse>
				<verse number="14">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၵဝ်​ၵိၼ်ႇ​ဝႃႈ​တီႈ​ၵူၼ်း​ႁိူၼ်း​ ဢေးလီႉ ​တင်း​လၢႆ ႁႂ်ႈ​ဢပႅတ်ႈ​ၵူၼ်း​ႁိူၼ်း​ ဢေးလီႉ ​ၸိူဝ်း​ၼၼ်ႉ ဢမ်ႇ​လႆႈ​ပေႇ​လူၺ်ႈ​ယိတ်ႈ တင်း​ၶိူင်ႈ​ပုၵ်ႈ​ၸေႃႇ​ၼၼ်ႉ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">သမူၺ်ႇလႃႉ ​ၼၼ်ႉ ၼွၼ်း​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​သေ​ယဝ်ႉ​ၸင်ႇ ၽုၺ်ႇ​ၽၵ်း​တူ​ႁိူၼ်း​ထႃႇဝရႃႉ​ၽြႃး​ဢေႃႈ။ သမူၺ်ႇလႃႉ ​ဢမ်ႇ​ႁတ်း​မွၵ်ႇ​လၢတ်ႈ​ရူႇပႃႇရူင်ႇ​ဢၼ်​ႁၼ်​ၼၼ်ႉ​တီႈ​ ဢေးလီႉ ။-</verse>
				<verse number="16">ဢေးလီႉ ​ႁွင်ႉ​ဢဝ်​ သမူၺ်ႇလႃႉ ​လႄႈ​ဝႃႈ၊ သမူၺ်ႇလႃႉ ​လုၵ်ႈ​ၸၢႆး​ၵဝ်​ဢိူၺ်း၊ ဝႃႈ​ၼင်ႇ​ၼႆ​သေ​ယဝ်ႉ သမူၺ်ႇလႃႉ ဢိူဝ်​လႄႈ​ဝႃႈ၊ ၵဝ်​ၶႃႈ​မီး​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မၼ်း​ၼၼ်ႉ​ၵေႃႈ​ဝႃႈ၊ မၼ်း​ၸဝ်ႈ​မီး​ဢမိင်ႉ​ၸိူဝ်ႉ​ၼင်ႇ​ႁိုဝ်​တီႈ​မႂ်း။ ၶႅၼ်း​တေႃႈ​ယႃႇ​ပေ​သိူင်ႇ​မႅပ်ႉ​ဝႆႉ​တီႈ​ၵဝ်။ ပေႃး​မႂ်း​သိူင်ႇ​မႅပ်ႉ​ဝႆႉ​ၵႃႈ​ဢၼ်​မၼ်း​ၸဝ်ႈ​မီး​ဢမိင်ႉ​တီႈ​မႂ်း​ၼၼ်ႉ​သေ​ၸိူဝ်ႉ​သေ​ပိူင်​ၸိုင်၊ ႁႂ်ႈ​မၼ်း​ၸဝ်ႈ​ႁဵတ်း​လွင်ႈ​တၢင်း​ၸိူဝ်း​ၼၼ်ႉ​ၵူၺ်း​ဢမ်ႇ​ၵႃး​လႄႈ လိူဝ်​တွၼ်း​သေ​လွင်ႈ​တၢင်း​ၸိူဝ်း​ၼၼ်ႉ​တီႈ​မႂ်း​သေ​ၵမ်း​လူၺ်ႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">သမူၺ်ႇလႃႉ ​ၼၼ်ႉ ဢမ်ႇ​သိူင်ႇ​ဢမ်ႇ​မႅပ်ႉ​ဝႆႉ​သေ​ၸိူဝ်ႉ​သေ​ပိူင်။ ၶိုၼ်း​မွၵ်ႇ​လၢတ်ႈ​ပၼ်​ငိၼ်း​တင်း​သဵင်ႈ​တင်း​မူတ်း​ဢေႃႈ။ မၼ်း​ၼၼ်ႉ​ၵေႃႈ ႁပ်ႉ​တုင်း​ဢဝ်​လႄႈ​ဝႃႈ၊ ပေႃး​ပဵၼ်​ထႃႇဝရႃႉ​ၽြႃး​ၸိုင်၊ ႁႂ်ႈ​မၼ်း​ၸဝ်ႈ​ႁဵတ်း​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​မီး​ဢလူဝ်ႇ​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">သမူၺ်ႇလႃႉ ​ၼၼ်ႉ ယႂ်ႇ​မႃး​ယူႇ​သေ​လႄႈ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​မၼ်း​လႄႈ ဢမ်ႇ​ပၼ်​ဢၶႂၢင်ႉ​ႁႂ်ႈ​ၵႂၢမ်း​မၼ်း တူၵ်း​ၽၢၵ်ႈ​လၢၵ်ႈ​လိၼ်​သေ​ၶေႃႈ​သေ​ၵမ်း။-</verse>
				<verse number="20">ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ တၢၼ်ႇ တေႃႇ​ထိုင်​ႁွတ်ႈ​ဝဵင်း​ ပေႇရသေႇၽႃႉ ​ၼၼ်ႉ ႁူႉ​လွင်ႈ​ဢၼ်​ သမူၺ်ႇလႃႉ လႆႈ​ၶၢမ်ႇ​တၢင်း​ဢၼ် တႄႇ​ပဵၼ်​ပရေႃးၽႅတ်ႈ​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="21">ထႃႇဝရႃႉ​ၽြႃး​ပေႃႇ​မႃး​ယူႇ​ၵႃႈ​တီႈ​ဝဵင်း​ သီႉလေႃႇ ၶိူဝ်း​ၶိူဝ်း​ယႂ်း​ယႂ်း​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ဢဝ်​ၼုၵ်ႈၵပၢတ်ႈ​ထႃႇဝရႃႉ​ၽြႃး ပၼ်​ပျႃႇ​တိၵ်ႈ​တီႈ​ သမူၺ်ႇလႃႉ ၵႃႈ​ၼႂ်း​ဝဵင်း​ သီႉလေႃႇ ​ၼၼ်ႉ​လႄႈ ၵႂၢမ်း​ သမူၺ်ႇလႃႉ ​ၼၼ်ႉ​ၵေႃႈ ၸွတ်ႇ​တူဝ်ႈ​ၵႃႈ​ၼႂ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​မူတ်း​ဢေႃႈ။</verse>
			</chapter>
			<chapter number="4">
				<verse number="1">လႆႈ​သမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢွၼ်​ၵၼ်​ၶီႇ​သိုၵ်း​ၵႂႃႇ​ႁႂ်ႈ​လႆႈ​တိုၵ်း​ၵူၼ်း​ ၽီႉလိတ်ႉတီႉ ​တင်း​လၢႆ​လႄႈ ၶျႃး​တပ်ႉ​ၵႃႈ​တီႈ​ႁိမ်း​ဝဵင်း ဢေႇပႃႇၼေႇၸႃႇ ​သေ​လႄႈ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ၶျႃး​တပ်ႉ​ၵႃႈ​တီႈ​ဝဵင်း​ ဢႃႇၽႅၵ်ႉ ​ဢေႃႈ။-</verse>
				<verse number="2">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ၶၢင်း​တပ်ႉ​သေ​လႄႈ တိုၵ်း​ၵၼ်​တင်း​မဵဝ်း​ ဢီႉသရေႇလႃႉ ​လႄႈ မဵဝ်း​ ဢီႉသရေႇလႃႉ ​တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​လႄႈ ၶဝ်​ဢဝ်​ႁူဝ်​ႁၢၼ်​ၵူၼ်း​သိုၵ်း ဢၼ်​မီး​ၵႃႈ​ၼႂ်း​ပၢင်ႇ​ပဵင်း​ၼၼ်ႉ​တၢႆ​သေ သီႇ​ႁဵင်​ၼိုင်ႈ​ဢေႃႈ။-</verse>
				<verse number="3">မိူဝ်ႈ​ဢၼ်​ၵူၼ်း​တင်း​လၢႆ​ၼၼ်ႉ ႁွတ်ႈ​ထိုင်​ၵႃႈ​ၼႂ်း​တပ်ႉ​ၼၼ်ႉ​ၸိုင်၊ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ လၢတ်ႈ​ၵၼ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ထႃႇဝရႃႉ​ၽြႃး​ႁႂ်ႈ​ႁဝ်း​တူၵ်း​သုမ်း ၵႃႈ​တီႈ​ၽၢႆႇ​ၼႃႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ဝၼ်း​မိူဝ်ႈ​ၼႆႉ​ၼင်ႇ​ႁိုဝ်။ ဢွၼ်​ၵၼ်​ၵႂႃႇ​ဢဝ်​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး ဢွၵ်ႇ​သေ​ၵႃႈ​တီႈ​ဝဵင်း​ သီႉလေႃႇ ​မႃး​တီႈ​ႁဝ်း ႁႂ်ႈ​လႆႈ​ႁွတ်ႈ​ထိုင်​ၵႃႈ​ၼႂ်း​ႁဝ်း​လႄႈ ၵႄႇ​သႄႇ​ၶျွတ်ႈ​ဢဝ်​ႁဝ်း​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ႁဝ်း​တႃႉ​ႁဝ်း၊ ဝႃႈ​ၼင်ႇ​ၼႆ​လႄႈ၊-</verse>
				<verse number="4">ၵူၼ်း​တင်း​လၢႆ​ၼၼ်ႉ ပွႆႇ​ၸႂ်ႉ​ၵူၼ်း​ၸူး​ၵႃႈ​တီႈ​ဝဵင်း​ သီႉလေႃႇ ​လႄႈ ၶဝ်​ဢွၼ်​ၵၼ်​ဢဝ်​တိူၵ်ႈ​တႃႇ​ပတီႉၺိၺ်ႇ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ဢၼ်​ယူႇ​ၵႃႈ​ၼႂ်း​ၵႄႈ​ဝူင်ႈ​ၵၢင်​ ၶေႇရူႉၽဵမ်ႇ ​ၼၼ်ႉ​မႃး​လႄႈ၊ ႁေႃႇၽၼီႉ တင်း​ ၽီႉၼႁတ်ႉ ​လုၵ်ႈ​ၸၢႆး​ ဢေးလီႉ ​သွင်​ၵေႃႉ​ၼၼ်ႉ ပႃး​လူၺ်ႈ​ၵၼ်​တင်း​တိူၵ်ႈ​တႃႇ​ပတီႉၺိၺ်ႇ​ၸဝ်ႈ​မႃး​ဢေႃႈ။-</verse>
				<verse number="5">မိူဝ်ႈ​ဢၼ်​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး ႁွတ်ႈ​ထိုင်​ၵႃႈ​ၼႂ်း​တပ်ႉ​ၼၼ်ႉ​ၸိုင်၊ ၵူၼ်း​မဵဝ်း​ ဢီႉသရေႇလႃႉ ​ၵႃႈ​မီး​ၼၼ်ႉ ဢွၼ်​ၵၼ်​ႁုၼ်ႉ​တေႃႇ​ထိုင်​ႁွတ်ႈ​ထၼ်ႈ​ပေႃး​သဵင်​လိၼ်​မိူင်း​လင်​မေႃး​ဢေႃႈ။-</verse>
				<verse number="6">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ငိၼ်း​သဵင်​ဢၼ်​ႁုၼ်ႉ​ၼၼ်ႉ​သေ​ယဝ်ႉ၊ ထၢမ်​ၵၼ်​လႄႈ​ဝႃႈ၊ သဵင်​ဢၼ်​ႁုၼ်ႉ​လႄႈ​လင်​မေႃး​ၼႃႇ လူင်​လၢင်​ၵႃႈ​တီႈ​တပ်ႉ​ ႁေႇပြႄး ​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​သေ​လႄႈ ႁူႉ​လွင်ႈ​ဢၼ်​တိူၵ်ႈ​တႃႇ​ထႃႇဝရႃႉ​ၽြႃး ႁွတ်ႈ​ထိုင်​ၵႃႈ​ၼႂ်း​တပ်ႉ​ၼၼ်ႉ​ဢေႃႈ။-</verse>
				<verse number="7">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ၵူဝ်​ႁႄ​လႄႈ​လၢတ်ႈ​ဝႃႈ၊ ၽြႃး​ပဵၼ်​ၸဝ်ႈ​ႁွတ်ႈ​ထိုင်​ၵႃႈ​ၼႂ်း​တပ်ႉ​ၶဝ်​ၼၼ်ႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​လႄႈ သမ်ႉ​ဝႃႈ​ႁဝ်း​ၼႆႉ​မီး​ဢႃႉ​မင်ႇၵလႃႇ​ဢေႃႈ။ ဢမ်ႇ​တွၼ်ႉ​ပဵၼ်​ၸိူဝ်ႉ​ၼင်ႇ​ၼႆ​သေ​ပွၵ်ႈ။-</verse>
				<verse number="8">ႁဝ်း​ၼႆႉ​မီး​ဢႃႉ​မင်ႇၵလႃႇ​ဢေႃႈ။ ၽူႈ​လႂ်​တၵ်း​ၵႄႇ​သႄႇ​ဢဝ်​ႁဝ်း​လွတ်ႈ​သေ​ၵႃႈ​ၼႂ်း​မိုဝ်း​ၽြႃး​ဢၼ်​တၼ်း​ၶူဝ်း​ယႂ်ႇ​ၼႃႇ​ၸိူဝ်း​ၼႆႉ။ ၽြႃး​ၸိူဝ်း​ၼႆ​ၸမ်ႉ၊ ပဵၼ်​ၽြႃး​ဢၼ်​ဢဝ်​တင်း​ၽေး​ၵူႈ​ၸိူဝ်ႉ​ၵူႈ​ပိူင်​ပၼ်​တၢမ်ႇ တီႈ​ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ ၵႃႈ​ၼႂ်း​ထိူၼ်ႇ​ၼၼ်ႉ​ဢေႃႈ။-</verse>
				<verse number="9">ၵူၼ်း​ ၽီႉလိတ်ႉတီႉ ​ၶဝ်​ဢိူၺ်း၊ ဢွၼ်​ၵၼ်​ဢဝ်​ႁႅင်း​လႄႈ​ႁဵတ်း​ၵူၼ်း​ၸၢႆး​ႁႂ်ႈ​သူ​ဢမ်ႇ​လႆႈ​ၶၢမ်ႇ​ႁဵတ်း​ၶႃႈ​တီႈ​ၵူၼ်း​ ႁေႇပြႄး ​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၶဝ်​လႆႈ​ၶၢမ်ႇ​ႁဵတ်း​ၶႃႈ​တီႈ​သူ​ၼၼ်ႉ​တႃႉ။ ဢွၼ်​ၵၼ်​ႁဵတ်း​ၵူၼ်း​ၸၢႆး​လႄႈ တိုၵ်း​သိုၵ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ တိုၵ်း​သိုၵ်း​လႄႈ မဵဝ်း​ ဢီႉသရေႇလႃႉ ​သမ်ႉ​ၶိုၼ်း တူၵ်း​သုမ်း​သေ​ယဝ်ႉ၊ ဢွၵ်ႇ​ပၢႆႈ​ၸူး​ၵႃႈ​တီႈ​မူဝ်းၵႃႇ တီႈ​ယူႇ​တူဝ်​ၸဝ်ႈ​ၵဝ်ႇ​ၵူႈ​ၵေႃႉ​ၵူႈ​ၵူၼ်း​သေ​ဢေႃႈ။ ပဵၼ်​တၢင်း​ဢၼ်​ၶႃႈ​ၽၼ်း​ဢဝ်​တၢႆ​ဢၼ်​ယႂ်ႇ​ၼႃႇ​လူင်​လၢင်​လႄႈ ႁူဝ်​ႁၢၼ်​ၵူၼ်း​သိုၵ်း​ပႆ​တိၼ်​မဵဝ်း​ ဢီႉသရေႇလႃႉ ​လူမ်ႉ​တၢႆ သၢမ်​မိုၼ်ႇ​ဢေႃႈ။-</verse>
				<verse number="11">တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ပိူၼ်ႈ​သိမ်း​ဢဝ်​ၵႂႃႇ​လႄႈ ႁေႃႇၽၼီႉ တင်း​ ၽီႉၼႁတ်ႉ ဢၼ်​ပဵၼ်​လုၵ်ႈ​ၸၢႆး​ ဢေးလီႉ သွင်​ၵေႃႉ​ၼၼ်ႉ သုမ်း​ဢသၢၵ်ႈ​သေ​ဢေႃႈ။</verse>
				<verse number="12">ၵူၼ်း​မဵဝ်း​ ပိၼ်ႇယႃႇမိၼ်ႇ ၵေႃႉ​ၼိုင်ႈ လုၵ်ႉ​သေ​ၵႃႈ​ၼႂ်း​တီႈ​ဢၼ်​တိုၵ်း​သိုၵ်း​ၼၼ်ႉ လႅၼ်ႈ​ပၢႆႈ​မႃး​လႄႈ သိၵ်ႇ​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ​ယူႇ၊ ဢဝ်​မုၼ်ႈ​လိၼ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​တူဝ်​ၸဝ်ႈ​ၵဝ်ႇ​ယူႇ​သေ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ သီႉလေႃႇ ​ၼႂ်း​ဝၼ်း​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="13">မိူဝ်ႈ​ဢၼ်​ၵေႃႉ​ၼၼ်ႉ​ႁွတ်ႈ​ထိုင်​ၼၼ်ႉ​ၸိုင်၊ ဢေးလီႉ ​ၼင်ႈ​ယူႇ​ၵႃႈ​ၼိူဝ်​ၶူင်ႇ​ၵႃႈ​တီႈ​ႁိမ်း​သဵၼ်ႈ​တၢင်း​လႄႈ ႁူဝ်​ၸႂ်​မၼ်း​သၼ်ႇ​ဝႆ​ယူႇ ၵွပ်ႈ​ပိူဝ်ႈ​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ​လႄႈ​ပႂ်ႉ​ယူႇ​ဢေႃႈ။ ၵေႃႉ​ၼၼ်ႉ​ႁွတ်ႈ​ထိုင်​ၵႃႈ​ၼႂ်း​ဝဵင်း​လႄႈ​မွၵ်ႇ​လၢတ်ႈ​လွင်ႈ​မၼ်း​တၢင်း​မၼ်း​သေ​ယဝ်ႉ၊ ဝဵင်း​တင်း​ဝဵင်း​ဢွၼ်​ၵၼ်​သႅၼ်ႇ​ႁွင်ႉ​ဢေႃႈ။-</verse>
				<verse number="14">ဢေးလီႉ ​ငိၼ်း​သဵင်​ဢၼ်​သႅၼ်ႇ​ႁွင်ႉ​ၼၼ်ႉ​လႄႈ​ထၢမ်​ဝႃႈ၊ သဵင်​ဢၼ်​ဢူၼ်​ဢဵၼ်​မေႃး​မႄး​ၼႆႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ၵေႃႉ​ၼၼ်ႉ​ႁိပ်ႈ​ၼႅတ်ႈ​မႃး​လႄႈ လဝ်ႊ​လၢတ်ႈ​တီႈ​ ဢေးလီႉ ​ဢေႃႈ။-</verse>
				<verse number="15">မိူဝ်ႈ​ၼၼ်ႉ ဢေးလီႉ ​ၼၼ်ႉ​ဢသၢၵ်ႈ​လႆႈ​ၵဝ်ႈ​သိပ်း​ပၢႆ​ပႅတ်ႇ​ပီႊ​ယဝ်ႉ​လႄႈ သၢႆ​တႃ​ပွင်ႇ​ၵႂႃႇ​တေႃႇ​ထိုင်​ႁွတ်ႈ​ထၼ်ႈ​ပေႃး တႃ​ဢမ်ႇ​ႁၼ်​လႆႈ​ယဝ်ႉ။-</verse>
				<verse number="16">ၵေႃႉ​ၼၼ်ႉ​လဝ်ႊ​လၢတ်ႈ​တီႈ​ ဢေးလီႉ ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​ၵေႃႉ​ဢၼ် လုၵ်ႉ​သေ​ၵႃႈ​တီႈ​ဢၼ်​တိုၵ်း​သိုၵ်း​ၼၼ်ႉ ႁွတ်ႈ​မႃး​ၶႃႈ​ဢေႃႈ။ ၵဝ်​ၶႃႈ​ပၢႆႈ​ဢွၵ်ႇ​သေ​ၵႃႈ​ၼႂ်း​တီႈ​ဢၼ်​တိုၵ်း​သိုၵ်း​ၼၼ်ႉ​ဝၼ်း​မိူဝ်ႈ​ၼႆႉ​လႄႈ​မႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ထၢမ်​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ ဢမူႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="17">ၵေႃႉ​ဢၼ်​မႃး​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​ၼၼ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ မဵဝ်း​ ဢီႉသရေႇလႃႉ ​ဢွၵ်ႇ​ပၢႆႈ​ၵႃႈ​တီႈ​ၽၢႆႇ​ၼႃႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​ၶႃႈ​ၽၼ်း​ဢၼ်​ဢဝ်​တၢႆ ဢၼ်​ယႂ်ႇ​ၼႃႇ​လူင်​လၢင်​ၶႃႈ​ယဝ်ႉ။ လုၵ်ႈ​ၸၢႆး​ၸဝ်ႈ​ႁဝ်း​ ႁေႃႇၽၼီႉ တင်း​ ၽီႉၼႁတ်ႉ သွင်​ၵေႃႉ​ၼၼ်ႉ တၢႆ​ယဝ်ႉ​ၶႃႈ​ယဝ်ႉ။ တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၵေႃႈ လႆႈ​ၶၢမ်ႇ​တၢင်း​ဢၼ်​ပိူၼ်ႈ​သိမ်း​ဢဝ်​ၵႂႃႇ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မိူဝ်ႈ​ဢၼ်​ၵေႃႉ​ၼၼ်ႉ​မွၵ်ႇ​လၢတ်ႈ​လွင်ႈ​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ​ၸိုင်၊ မၼ်း​ပိၼ်ႈ​တူၵ်း​ၵႃႈ​ၼိူဝ်​ၶူင်ႇ​ဢၼ်​မၼ်း​ၼင်ႈ​ယူႇ ၵႃႈ​ႁိမ်း​ၽၵ်း​တူ​ၼၼ်ႉ​ၵႂႃႇ​တၢင်း​လင်​သေ​ယဝ်ႉ၊ ၶေႃး​မၼ်း​ႁၵ်း​လႄႈ​တၢႆ​သေ​ဢေႃႈ။ မၼ်း​ၼၼ်ႉ​ပဵၼ်​ၵေႃႉ​ဢၼ်​ဢသၢၵ်ႈ​ယႂ်ႇ​လႄႈ တူဝ်​ၼၵ်း​ၼႃႇ​ဢေႃႈ။ မၼ်း​လႆႈ​ၸီႇ​ယၢင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ သီႇ​သိပ်း​ပီႊ​ဢေႃႈ။</verse>
				<verse number="19">လုၵ်ႈ​ပႂ်ႉ​မၼ်း​မေး​ ၽီႉၼႁတ်ႉ ​ၼၼ်ႉ​ပႃး​ပတိၵ်ႉသၼ်ႇထေႇ​ၵႄႇ​ထူၼ်ႈ​လႄႈ ၸမ်​ၶိင်ႇ​မၼ်း​ၶႃႇ​မၼ်း​ယဝ်ႉ​လႄႈ မိူဝ်ႈ​ဢၼ်​လႆႈ​ငိၼ်း​သတၢင်း​လွင်ႈ​ဢၼ် တိူၵ်ႈ​တႃႇ​ၽြႃး​ပဵၼ်​ၸဝ်ႈ​လႆႈ​ၶၢမ်ႇ​တၢင်း​ဢၼ်​ပိူၼ်ႈ​သိမ်း​ဢဝ် ဢိၵ်ႇ​တင်း​လွင်ႈ​ဢၼ်​ပေႃႈ​ၸဝ်ႈ​မၼ်း​တင်း​ၽူဝ်​မၼ်း​တၢႆ​ၼၼ်ႉ​ၸိုင်၊ ၵူမ်ႈ​မူပ်ႇ​လႄႈ ၵိူတ်ႇ​လဵင်ႉ​လုၵ်ႈ​ၵမ်း​လဵဝ် ၵွပ်ႈ​ပိူဝ်ႈ​ဢၼ်​ဝူၺ်ႇတၼႃႇ​မၼ်း​ႁွတ်ႈ​ထိုင်​ၼၼ်ႉ​ဢေႃႈ။-</verse>
				<verse number="20">မိူဝ်ႈ​ဢၼ်​မၼ်း​ၸမ်​တၵ်း​တၢႆ​ၼၼ်ႉ​ၸိုင်၊ မႄႈ​ယိင်း​ဢၼ်​ၸုၵ်း​ယူႇ​ၵႃႈ​တီႈ​ႁိမ်း​မၼ်း​ၸိူဝ်း​ၼၼ်ႉ​ဢွၼ်​ၵၼ်​လၢတ်ႈ​တီႈ​မၼ်း​လႄႈ​ဝႃႈ၊ ယႃႇ​ပေ​မႆႈ​ၸႂ်။ မႂ်း​ၵိူတ်ႇ​လဵင်ႉ​လုၵ်ႈ​ၸၢႆး​မႃး​ယဝ်ႉ၊ ဝႃႈ​ၼင်ႇ​ၼႆ​သေ​ၵေႃႈ မၼ်း​ယင်း​ဢမ်ႇ​တၵ်း​သဵင်၊ ယင်း​ဢမ်ႇ​ဝႆႉ​ဢမူႉ​လႄႈ​ယူႇ​ဢေႃႈ။-</verse>
				<verse number="21">လႆႈ​သမ်ႉ မၼ်း​ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ဢွၼ်ႇ​ၼၼ်ႉ ဢီႉၶပုတ်ႉ ​လႄႈ​ဝႃႈ၊ မုၼ်​သရေႇ​မဵဝ်း​ ဢီႉသရေႇလႃႉ လပ်ႉ​ႁၢႆ​ၵႂႃႇ​ၵွပ်ႈ​ပိူဝ်ႈ​ဢၼ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ လႆႈ​ၶၢမ်ႇ​တၢင်း​ဢၼ်​ပိူၼ်ႈ​သိမ်း​ဢဝ်​ၵႂႃႇ ဢိၵ်ႇ​တင်း​ၵွပ်ႈ​ပိူဝ်ႈ​ဢမူႉ​ပေႃႈ​ၸဝ်ႈ​တင်း​ၽူဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​လႄႈ၊-</verse>
				<verse number="22">သမ်ႉ​လၢတ်ႈ​လႄႈ​ဝႃႈ၊ မုၼ်​သရေႇ​မဵဝ်း​ ဢီႉသရေႇလႃႉ လပ်ႉ​ႁၢႆ​ၵႂႃႇ​ၵွပ်ႈ​ပိူဝ်ႈ​ဢၼ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ လႆႈ​ၶၢမ်ႇ​တၢင်း​ဢၼ်​ပိူၼ်ႈ​သိမ်း​ဢဝ်​ၵႂႃႇ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="5">
				<verse number="1">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​လႄႈ ဢွၵ်ႇ​သေ​ၵႃႈ​ၼႂ်း​ဝဵင်း​ ဢေႇပႃႇၼေႇၸႃႇ ၵႂႃႇ​ၵႃႈ​တီႈ ဝဵင်း​ ဢႃႇၸုတ်ႉ ​ဢေႃႈ။-</verse>
				<verse number="2">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ သူင်ႇ​ႁွတ်ႈ​ၵႃႈ​ၼႂ်း​ၵျွင်း​ တႃႇၵုၼ်ႇ ​လႄႈ ဢဝ်​ဝႆႉ​ၵႃႈ​ႁိမ်း​ တႃႇၵုၼ်ႇ ​ၼၼ်ႉ​ဢေႃႈ။-</verse>
				<verse number="3">ၵူၼ်း​ဝဵင်း​ ဢႃႇၸုတ်ႉ ​ၸိူဝ်း​ၼၼ်ႉ လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​သေ​ယဝ်ႉ၊ ထူပ်း​ႁၼ်​ တႃႇၵုၼ်ႇ ​ၼၼ်ႉ လူမ်ႉ​ဢူပ်ႇ​ပူပ်ႇ​ၵႃႈ​ၼိူဝ်​လိၼ် ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ထႃႇဝရႃႉ​ၽြႃး​ၼၼ်ႉ​ယူႇ​လႄႈ၊ သမ်ႉ​ဢွၼ်​ၵၼ်​ဢဝ်​ တႃႇၵုၼ်ႇ ​ၼၼ်ႉ​ၶိုၼ်း​တင်ႈ​ဝႆႉ​ၵႃႈ​ၼႂ်း​တီႈ​ယူႇ​မၼ်း​ဢေႃႈ။-</verse>
				<verse number="4">လႆႈ​သမ်ႉ ၶဝ်​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​မိူဝ်ႈ​ၽုၵ်ႈ​ၼၼ်ႉ​သေ​ယဝ်ႉ၊ ထူပ်း​ႁၼ်​ တႃႇၵုၼ်ႇ ​ၼၼ်ႉ​လူမ်ႉ​ဢူပ်ႇ​ပူပ်ႇ​ၵႃႈ​ၼိူဝ်​လိၼ် ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ထႃႇဝရႃႉ​ၽြႃး​ယူႇ၊ ၵွၵ်း​ႁူဝ်​မၼ်း​တင်း​ၽႃႇ​မိုဝ်း​မၼ်း​သွင်​ၶွၼ် ၶၢတ်ႇ​လႄႈ​တၢင်ႇ​ဝႆႉ​ၵႃႈ​ၼိူဝ်​ၶူင်ႇ​ၽၵ်း​တူ​ယူႇ​သေ​လႄႈ တူဝ်​ တႃႇၵုၼ်ႇ ​ၵူၺ်း​ၵိုတ်း​ၵျၢၼ်ႇ​ဝႆႉ​ယူႇ​ဢုၼ်​လုၼ်​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ယိတ်ႈပရေႃးႁဵၵ်ႈ​ တႃႇၵုၼ်ႇ ​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​ၶဝ်ႈ​ၵႃႈ​ၼႂ်း​ၵျွင်း​ တႃႇၵုၼ်ႇ ​ၼၼ်ႉ မီး​ထုင်း​ၸၢမ်ႇ ဢၼ်​ဢမ်ႇ​ယဵပ်ႇ​ဢမ်ႇ​ၶၢမ်ႈ​ၶူင်ႇ​ၽၵ်း​တူ​ၵျွင်း​ တႃႇၵုၼ်ႇ ဢၼ်​မီး​ၵႃႈ​တီႈ​ဝဵင်း​ ဢႃႇၸုတ်ႉ ​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="6">မိုဝ်း​ထႃႇဝရႃႉ​ၽြႃး တဵၵ်း​သႂ်ႇ​တဵင်​သႂ်ႇ​ၵႃႈ​ၼိူဝ်​ၶဝ်​ၸိူဝ်း​ဢၼ်​ယူႇ ၵႃႈ​တီႈ​ဝဵင်း​ ဢႃႇၸုတ်ႉ ​ၼၼ်ႉ ၼၵ်း​ၼႃႇ​လူင်​လၢင်​သေ​လႄႈ၊ မၼ်း​ၸဝ်ႈ​ယႃႉ​ၽဵဝ်ႈ​ၶဝ်​ပႅတ်ႈ​လႄႈ ဢဝ်​တင်း​မႅင်း​သရိူၵ်ႈ​ပၼ်​တၢမ်ႇ​တီႈ​ၶဝ် ဢၼ်​ဝႃႈ​ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ဝဵင်း​ ဢႃႇၸုတ်ႉ ဢိၵ်ႇ​တင်း ဢိူင်ႇ​ဝဵင်း​ၼၼ်ႉ​ဢေႃႈ။-</verse>
				<verse number="7">ၵူၼ်း​ဝဵင်း​ ဢႃႇၸုတ်ႉ ​ၸိူဝ်း​ၼၼ်ႉ ႁၼ်​လွင်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ လၢတ်ႈ​လႄႈ​ဝႃႈ၊ တိူၵ်ႈ​တႃႇ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ ဢမ်ႇ​လႆႈ​မီး​ၵႃႈ​တီႈ​ႁဝ်း ၵွပ်ႈ​ပိူဝ်ႈ​ဢၼ်​မိုဝ်း​မၼ်း​ၸဝ်ႈ​တၢင်ႇ​သႂ်ႇ​တဵင်​သႂ်ႇ ၵႃႈ​ၼိူဝ်​ႁဝ်း​ဢိၵ်ႇ​တင်း​ၵႃႈ​ၼိူဝ်​ၽြႃး​ႁဝ်း တႃႇၵုၼ်ႇ ​ၼၼ်ႉ ၼၵ်း​ၼႃႇ​လူင်​လၢင်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="8">ပွႆႇ​ၸႂ်ႉ​လႄႈ​ႁႂ်ႈ​ၶုၼ်​ ၽီႉလိတ်ႉတီႉ ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​ယဝ်ႉ၊ တွင်ႈ​ထၢမ်​လႄႈ​ဝႃႈ၊ တၵ်း​လႆႈ​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ ႁဵတ်း​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ၶဝ်​ၵေႃႈ​ဢွၼ်​ၵၼ် ၶိုၼ်း​လၢတ်ႈ​လႄႈ​ဝႃႈ၊ ႁႂ်ႈ​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ ၵႂႃႇ​ဝႆႉ​ၵႃႈ​တီႈ​ဝဵင်း​ ၵႃႇသႃႉ ​ပုၼ်ႉ​သေ၊ ဝႃႈ​ၼင်ႇ​ၼႆ​လႄႈ ဢွၼ်​ၵၼ်​ဢဝ် တိူၵ်ႈ​တႃႇ​ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ၵႂႃႇ​ဢေႃႈ။-</verse>
				<verse number="9">လိုၼ်း​သေ​ဢၼ်​ၶဝ်​ဢဝ်​ၵႂႃႇ​ဝႆႉ​ၼၼ်ႉ​ယဝ်ႉ​ၼၼ်ႉ မိုဝ်း​ထႃႇဝရႃႉ​ၽြႃး ႁဵတ်း​တၢင်း​ဢၼ် ယႃႉ​ၽဵဝ်ႈ​ပႅတ်ႈ​ဢၼ်​ယႂ်ႇ​ၼႃႇ​တီႈ​ဝဵင်း​ၼၼ်ႉ​လႄႈ မၼ်း​ၸဝ်ႈ​ပၼ်​တၢမ်ႇ​တီႈ​ၵူၼ်း​ၶူး​ၵူၼ်း​ဝဵင်း​လဵၵ်ႉ​လဵၵ်ႉ​ယႂ်ႇ​ယႂ်ႇ​သေ​ယဝ်ႉ၊ ၶဝ်​ၼၼ်ႉ​လႆႈ​ၶၢမ်ႇ​တၢင်း​ဢၼ် မႅင်း​သရိူၵ်ႈ​ဢွၵ်ႇ​ၵႃႈ​ၼႂ်း​တူဝ်​ၼႂ်း​ၶိင်း​ၶဝ်​ဢေႃႈ။</verse>
				<verse number="10">လႆႈ​သမ်ႉ ၶဝ်​ဢွၼ်​ၵၼ်​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ ၵႂႃႇ​သူင်ႇ​ၵႃႈ​တီႈ​ဝဵင်း​ ဢေႇၵြုၼ်ႇ ​လႄႈ၊ မိူဝ်ႈ​ဢၼ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ ႁွတ်ႈ​ထိုင်​ၵႃႈ​တီႈ​ဝဵင်း​ ဢေႇၵြုၼ်ႇ ​ၼၼ်ႉ​ၸိုင်၊ ၵူၼ်း​ဝဵင်း​ ဢေႇၵြုၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ႁွင်ႉ​သႅၼ်ႇ​လႄႈ​ဝႃႈ၊ ၶဝ်​ဢွၼ်​ၵၼ်​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မႃး​ႁႂ်ႈ​လႆႈ​ဢဝ်​ႁဝ်း​ဢိၵ်ႇ​တင်း​ၵူၼ်း​ႁဝ်း​တင်း​လၢႆ တၢႆ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">ပွႆႇ​ၸႂ်ႉ​လႄႈ ႁႂ်ႈ​ၶုၼ်​ ၽီႉလိတ်ႉတီႉ ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​လႄႈ​လၢတ်ႈ​လႄႈ​ဝႃႈ၊ ပွႆႇ​တိူၵ်ႈ​တႃႇ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၵႂႃႇ​လႄႈ ႁႂ်ႈ​မၼ်း​ၶိုၼ်း​ၸူး​ၵႃႈ​တီႈ​တီႈ​ဢၼ်​မၼ်း​ယူႇ​ၼၼ်ႉ ႁႂ်ႈ​မၼ်း​ဢမ်ႇ​လႆႈ​ဢဝ်​ႁဝ်း ဢိၵ်ႇ​တင်း​ၵူၼ်း​ႁဝ်း​တင်း​လၢႆ​တၢႆ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ တၢင်း​ၶႆႈ​တၢင်း​ပဵၼ်​ဢၼ်​ၸၢင်ႈ​ႁႂ်ႈ​တၢႆ​ၼၼ်ႉ ၸွတ်ႇ​တူဝ်ႈ​ၵႂႃႇ​ၵႃႈ​ၼႂ်း​ဝဵင်း​တင်း​ဝဵင်း​ၼၼ်ႉ​လႄႈ မိုဝ်း​ၽြႃး​ပဵၼ်​ၸဝ်ႈ ပဵၼ်​ဢၼ်​ၼၵ်း​ၼႃႇ​လူင်​လၢင် ၵႃႈ​တီႈ​ၼၼ်ႈ​ဢေႃႈ။-</verse>
				<verse number="12">ၶဝ်​ၸိူဝ်း​ဢၼ်​တၢႆ​ၼၼ်ႉ လႆႈ​ၶၢမ်ႇ​တၢင်း​ဢၼ်​ပၼ်​တၢမ်ႇ​လူၺ်ႈ တၢင်း​ၶႆႈ​တၢင်း​ပဵၼ် မႅင်း​သရိူၵ်ႈ​လႄႈ သဵင်​ဢၼ်​ဝဵင်း​ၼၼ်ႉ​ႁွင်ႉ​သႅၼ်ႇ​ၼၼ်ႉ ၶိုၼ်ႈ​ၸူး​ၵႃႈ​ၼိူဝ်​ၽႃႉ​ၵၢင်​ႁၢဝ်​ဢေႃႈ။</verse>
			</chapter>
			<chapter number="6">
				<verse number="1">တိူၵ်ႈ​တႃႇ​ထႃႇဝရႃႉ​ၽြႃး​ၼၼ်ႉ ယူႇ​ၵႃႈ​တီႈ​မိူင်း​ ၽီႉလိတ်ႉတီႉ ၸဵတ်း​လိူၼ်​သေ​ယဝ်ႉ၊-</verse>
				<verse number="2">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ႁွင်ႉ​ဢဝ်​ယိတ်ႈပရေႃးႁဵၵ်ႈ​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​ႁဵတ်း​ပရေႃးၽႅတ်ႈ​ၼၼ်ႉ​သေ​လႄႈ တွင်ႈ​ထၢမ်​လႄႈ​ဝႃႈ၊ ႁဝ်း​တၵ်း​လႆႈ​ဢဝ်​တိူၵ်ႈ​တႃႇ​ထႃႇဝရႃႉ​ၽြႃး​ႁဵတ်း​ၸိူဝ်ႉ​ၼင်ႇ​ႁိုဝ်။ မွၵ်ႇ​လၢတ်ႈ​တီႈ​ႁဝ်း​လွင်ႈ​ဢၼ်​ႁဝ်း​တၵ်း​လႆႈ​ဢဝ်​တင်း​ၵႃႈ​သင်​သေ​လႄႈ ပွႆႇ​ၸႂ်ႉ​ၵႂႃႇ​ဝႆႉ​ၵႃႈ​တီႈ​ဢၼ်​မၼ်း​ယူႇ​ၵဝ်ႇ​ၵဝ်ႇ​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၶဝ်​ၵေႃႈ​လၢတ်ႈ​လႄႈ​ဝႃႈ၊ ပေႃး​ပွႆႇ​တိူၵ်ႈ​တႃႇ​ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ၵႂႃႇ​ၸိုင်၊ ယႃႇ​ပေ​ပွႆႇ​ၵႂႃႇ​တူဝ်​လၢႆ​လၢႆ​လွၵ်ႇ​လွၵ်ႇ၊ တၵ်း​လႆႈ​ပၼ်​ၶိူင်ႈ​ပုၵ်ႈ​ၸေႃႇ တူႉ​ၸရိူၵ်ႈ​ၵႂႃႇ​ဢမၢၼ်ႇ​ၶၼ်​ပဵၼ်​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၢင်း​ၶႆႈ​တၢင်း​ပဵၼ်​သူ တၵ်း​ထၢတ်ႇ​ယဵၼ်​ဢေႃႈ။ သူ​တၵ်း​ႁူႉ​လွင်ႈ​ဢၼ်​မိုဝ်း​မၼ်း​ၸဝ်ႈ​ဢမ်ႇ​ပႆႇ​ၶၢႆႉ​သေ​ၵႃႈ​တီႈ​သူ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၶဝ်​ၼၼ်ႉ​ၵေႃႈ​ထၢမ်​လႄႈ​ဝႃႈ၊ ႁဝ်း​တၵ်း​လႆႈ​ဢဝ်​လွင်ႈ​တၢင်း​ဢၼ်​လႂ် ႁဵတ်း​ၶိူင်ႈ​ပုၵ်ႈ​ၸေႃႇ​ပုၼ်ႈ​ဢၼ် တၵ်း​ၽေႇ​တူႉ​ၸရိူၵ်ႈ​ပၼ်​ၵႂႃႇ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၶိုၼ်း​လၢတ်ႈ​လႄႈ​ဝႃႈ၊ တၵ်း​လႆႈ​ပၼ်​ၵႂႃႇ​မႅင်း​သရိူၵ်ႈ​ၶမ်း​ႁႃႈ​ဢၼ် တင်း​ၼူ​ၶမ်း​ႁႃႈ​တူဝ် ၸွမ်း​လူၺ်ႈ​တၢင်း​ဢၼ် ၼပ်ႉ​ဢၢၼ်ႇ​ၶုၼ်​ ၽီႉလိတ်ႉတီႉ ​ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ တၢင်း​ၶႆႈ​တၢင်း​ပဵၼ်​ၸပ်း​တီႈ​သူ ဢိၵ်ႇ​တင်း​တီႈ​ၶုၼ်​သူ​ၸိူဝ်း​ၼၼ်ႉ ပႃး​လဵဝ်​ၵၼ်​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ သူ​တၵ်း​လႆႈ​ႁဵတ်း​ပုင်ႇ​ႁၢင်ႈ​မႅင်း​သရိူၵ်ႈ ဢိၵ်ႇ​တင်း​ပုင်ႇ​ႁၢင်ႈ​ၼူ​ဢၼ်​ၸၢင်ႈ​ယႃႉ​လိၼ်​ၼၼ်ႉ​သေ​လႄႈ ယွင်ႈ​ယေႃး​မုၼ်​ၵုင်ႇ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ဢေႃႈ။ မၼ်း​ၸဝ်ႈ​ၸၢင်ႈ​ၶႄး​တၵ်း​ႁႂ်ႈ​မိုဝ်း​မၼ်း​ၸဝ်ႈ မဝ်​သေ​ၵႃႈ​ၼိူဝ်​သူ ဢိၵ်ႇ​တင်း​ၵႃႈ​ၼိူဝ်​ၽြႃး​သူ တင်း​ၵႃႈ​ၼိူဝ်​လိၼ်​သူ​ဢေႃႈ။-</verse>
				<verse number="6">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​မီး​ႁူဝ်​ၸႂ်​ဢၼ်​ၵႅၼ်ႇ​ၶႅင် မိူၼ်​ၸိူဝ်ႉ​ၼင်ႇ​ဢၼ် ၶုၼ်​ႁေႃ​ၶမ်း​ ၽႃႇရေႃး ဢိၵ်ႇ​တင်း​ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ​မီး​ႁူဝ်​ၸႂ်​ဢၼ်​ၵႅၼ်ႇ​ၶႅင်​ၼၼ်ႉ​ၼင်ႇ​ႁိုဝ်။ မိူဝ်ႈ​ဢၼ်​မၼ်း​ၸဝ်ႈ​ၼႄ​ပျႃး​လွင်ႈ​တၢင်း​ဢၼ် လၢၵ်ႇ​လၢႆး​ၵႃႈ​ၼႂ်း​ၶဝ်​ၼႃႇ​လူင်​လၢင်​ၼၼ်ႉ​ယဝ်ႉ​ၼၼ်ႉ​ၸိုင်၊ ၶဝ်​ၼၼ်ႉ​ပွႆႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ၶဝ်​လႆႈ​ၵႂႃႇ​ဢေႃႈ။-</verse>
				<verse number="7">မိူဝ်ႈ​လဵဝ်​ၼႆႉ ဢဝ်​လေႃႉ​ဢၼ်​မႂ်ႇ​မႄး​ႁႅၼ်း​သေ​ယဝ်ႉ၊ ဢဝ်​ဝူဝ်း​မႄႈ​သွင်​တူဝ်​ဢၼ်​ဢမ်ႇ​ပႆႇ​ယၢမ်ႈ​တၢင်ႇ​ၵၢၼ်း​လႄႈ မီး​လုၵ်ႈ​ယဝ်ႉ​ၼၼ်ႉ ႁၢင်ႈ​သႂ်ႇ​တီႈ​လေႃႉ​ၼၼ်ႉ​လႄႈ ဢဝ်​လုၵ်ႈ​ဢွၼ်ႇ​ၶဝ်​ၼၼ်ႉ ၽၢတ်ႇ​ယၢၼ်​ၵၼ်​တင်း​ၶဝ်​သေ​လႄႈ ၶိုၼ်း​သူင်ႇ​ဝႆႉ​ၵႃႈ​တီႈ တီႈ​ဢၼ်​ၶဝ်​ယူႇ​ၼၼ်ႉ​တႃႉ။-</verse>
				<verse number="8">ဢဝ်​တိူၵ်ႈ​တႃႇ​ထႃႇဝရႃႉ​ၽြႃး တၢင်ႇ​သႂ်ႇ​ၼိူဝ်​လေႃႉ​ၼၼ်ႉ​လႄႈ ဢဝ်​ၶိူင်ႈ​ၶမ်း​ဢၼ်​သူ​ၶိုၼ်း​ပၼ်​ပုၼ်ႈ​တၢင်း​ပုၵ်ႈ​ၸေႃႇ​ဢၼ် ၽေႇ​တူႉ​ၸရိူၵ်ႈ​ၼၼ်ႉ သႂ်ႇ​ၼႂ်း​တိူၵ်ႈ​တႃႇ​ဢွၼ်ႇ တၢင်ႇ​လုၵ်ႈ​တၢင်ႇ​ဢၼ်​ဝႆႉ​ၵႃႈ​ႁိမ်း​တိူၵ်ႈ​တႃႇ​ၸဝ်ႈ​သေ​ယဝ်ႉ၊ ပွႆႇ​ပႅတ်ႈ​လႄႈ​ႁႂ်ႈ​ၵႂႃႇ​သေ။-</verse>
				<verse number="9">ပေႃး​တိူၵ်ႈ​တႃႇ​ၸဝ်ႈ​ၼၼ်ႉ ၸွမ်း​သဵၼ်ႈ​တၢင်း​ဝဵင်း​ ပႅတ်ႉသေးမိတ်ႉ တၢင်း​ဢၼ်​ၵႂႃႇ​ၵႃႈ​တီႈ​မိူင်း​တူဝ်​ၸဝ်ႈ​ၵဝ်ႇ​ၼၼ်ႉ​ၸိုင်၊ မၼ်း​ၸဝ်ႈ​ၼၼ်ႉ ပဵၼ်​ၸဝ်ႈ​ဢၼ်​ႁဵတ်း​ၽေး​လူင်​သႂ်ႇ​တီႈ​ႁဝ်း​ၼၼ်ႉ​ယဝ်ႉ။ ပေႃး​ဢမ်ႇ​ၼၼ် ႁဝ်း​တၵ်း​ႁူႉ​လွင်ႈ​ဢၼ်​မိုဝ်း​မၼ်း​ၸဝ်ႈ​ဢမ်ႇ​ပၼ်​တၢမ်ႇ​တီႈ​ႁဝ်း​လႄႈ ႁဝ်း​ယူႇ​ဢလူဝ်ႇလူဝ်ႇ​လႆႈ​ၶၢမ်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="10">ၵူၼ်း​တင်း​လၢႆ​ႁဵတ်း​ၸွမ်း​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ဢဝ်​ဝူဝ်း​မႄႈ​သွင်​တူဝ် ဢၼ်​မီး​လုၵ်ႈ​ယဝ်ႉ​ၼၼ်ႉ ႁၢင်ႈ​သႂ်ႇ​တီႈ​လေႃႉ​ၼၼ်ႉ​လႄႈ ဢဝ်​လုၵ်ႈ​ဢွၼ်ႇ​ၶဝ်​ၶင်​ဝႆႉ​ၵႃႈ​ၼႂ်း​တီႈ​ယူႇ​ၶဝ်​ဢေႃႈ။-</verse>
				<verse number="11">ၶဝ်​ဢွၼ်​ၵၼ်​ဢဝ်​တိူၵ်ႈ​တႃႇ​ထႃႇဝရႃႉ​ၽြႃး ဢိၵ်ႇ​တင်း​တိူၵ်ႈ​တႃႇ​ဢွၼ်ႇ​ဢၼ်​မီး​ၼူ​ၶမ်း ဢိၵ်ႇ​တင်း​ပုင်ႇ​ႁၢင်ႈ​မႅင်း​သရိူၵ်ႈ​ၸိူဝ်း​ၼၼ်ႉ တၢင်ႇ​သႂ်ႇ​ၵႃႈ​ၼိူဝ်​လေႃႉ​ၼၼ်ႉ​ဢေႃႈ။-</verse>
				<verse number="12">ဝူဝ်း​မႄႈ​ၸိူဝ်း​ၼၼ်ႉ ၸွမ်း​သဵၼ်ႈ​တၢင်း ပႅတ်ႉသေးမိတ်ႉ ​သိုဝ်ႈ​သိုဝ်ႈ​လႄႈ ႁွင်ႉ​ယူႇ​မေႃး​ယူႇ​သေ​လႄႈ ၼႂ်း​မိူဝ်ႈ​ဢၼ်​ယင်း​တိုၵ်ႉ​ၵႂႃႇ​ၼၼ်ႉ​လႄႈ ၸွမ်း​သဵၼ်ႈ​တၢင်း​လူင်​ၵူၺ်း​ယူႇ​သေ​လႄႈ၊ ဢမ်ႇ​ဝႄႈ​ပိူင်ႈ​ၵႂႃႇ​ၽၢႆႇ​သၢႆႉ​ၽၢႆႇ​ၶႂႃ​လႄႈ​ၵႂႃႇ​ဢေႃႈ။ ၶုၼ်​ ၽီႉလိတ်ႉတီႉ ​ၸိူဝ်း​ၼၼ်ႉ ၸွမ်း​လင်​ဝူဝ်း​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​လႅၼ်​လိၼ်​ဝဵင်း​ ပႅတ်ႉသေးမိတ်ႉ ​ဢေႃႈ။-</verse>
				<verse number="13">ၵူၼ်း​ဝဵင်း​ ပႅတ်ႉသေးမိတ်ႉ ​ၸိူဝ်း​ၼၼ်ႉ ပၢတ်ႇ​ၶဝ်ႈ​ၵျုင်ႇ​ၵႃႈ​ၼႂ်း​ပၢင်ႇ​ႁူၺ်ႈ​ယူႇ​သေ​လႄႈ မုင်ႈ​တူၺ်း​လႄႈ​ႁၼ်​တိူၵ်ႈ​တႃႇ​ၸဝ်ႈ​ၼၼ်ႉ​သေ​ယဝ်ႉ၊ ဢွၼ်​ၵၼ်​ၸူမ်း​သိူဝ်း​မူၼ်ႈ​ပျေႃႇ ၵွပ်ႈ​ပိူဝ်ႈ​ဢၼ်​ႁၼ်​ၼၼ်ႉ​ဢေႃႈ။-</verse>
				<verse number="14">လေႃႉ​ၼၼ်ႉ​ၶဝ်ႈ​ၵႂႃႇ​ၵႃႈ​ၼႂ်း​တူင်ႈ​ၼႃး​ ယေႃးသူႉ ၵူၼ်း​ဝဵင်း​ ပႅတ်ႉသေးမိတ်ႉ ​ၼၼ်ႉ​သေ​လႄႈ ၵိုတ်း​သဝ်း​ယူႇ​ၵႃႈ​တီႈ​ႁိမ်း​မၢၵ်ႇ​ႁိၼ်​လူင် ၵႃႈ​တီႈ​ၼၼ်ႈ​ဢေႃႈ။ ၶဝ်​ၽႃႇ​လေႃႉ​ၸၵ်း​လေႃႉ​သေ​ယဝ်ႉ၊ ဢဝ်​ဝူဝ်း​မႄႈ​ၸိူဝ်း​ၼၼ်ႉ ႁဵတ်း​ယိတ်ႈ​ဢၼ်​တုတ်ႇ​ၽႆး​လႄႈ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ဢေႃႈ။</verse>
				<verse number="15">မိူဝ်ႈ​ၼၼ်ႉ ၵူၼ်း​မဵဝ်း​ လေႇဝီႉ ​တင်း​လၢႆ ဢွၼ်​ၵၼ်​ၶျႃး​တိူၵ်ႈ​တႃႇ​ထႃႇဝရႃႉ​ၽြႃး ဢိၵ်ႇ​တင်း​တိူၵ်ႈ​တႃႇ​ဢွၼ်ႇ​ဢၼ်​မီး​ၶိူင်ႈ​ၶမ်း​ၼၼ်ႉ​လူင်း​လႄႈ ဢဝ်​တၢင်ႇ​ဝႆႉ​ၵႃႈ​ၼိူဝ်​မၢၵ်ႇ​ႁိၼ်​လူင်​ၼၼ်ႉ​သေ​ယဝ်ႉ၊ ၵူၼ်း​ဝဵင်း​ ပႅတ်ႉသေးမိတ်ႉ ​ၸိူဝ်း​ၼၼ်ႉ ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​မဵဝ်း​ယိတ်ႈ​တင်း​လၢႆ​တီႈ​ထႃႇဝရႃႉ​ၽြႃး ၼႂ်း​ဝၼ်း​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="16">ၶုၼ်​ ၽီႉလိတ်ႉတီႉ ​ႁႃႈ​ပႃး​ၼၼ်ႉ ႁၼ်​လွင်ႈ​တၢင်း​ၼၼ်ႉ​သေ​ယဝ်ႉ၊ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ဢေႇၵြုၼ်ႇ ​ၼႂ်း​ဝၼ်း​ၼၼ်ႉ​ၵမ်း​လဵဝ်​သေ​ဢေႃႈ။-</verse>
				<verse number="17">ပုင်ႇ​ႁၢင်ႈ​မႅင်း​သရိူၵ်ႈ​ၶမ်း​ဢၼ်​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ၶိုၼ်း​ပၼ်​ပုၼ်ႈ​ၶိူင်ႈ​ပုၵ်ႈ​ၸေႃႇ ဢၼ်​ၽေႇ​တူႉ​ၸရိူၵ်ႈ​ၼၼ်ႉ တီႈ​ထႃႇဝရႃႉ​ၽြႃး​ၼၼ်ႉ​ၸမ်ႉ၊ ပဵၼ်​ပုၼ်ႈ​ဝဵင်း​ ဢႃႇၸုတ်ႉ ​ဢၼ်​ၼိုင်ႈ၊ ပုၼ်ႈ​ဝဵင်း​ ၵႃႇၸႃႉ ဢၼ်​ၼိုင်ႈ၊ ပုၼ်ႈ​ဝဵင်း​ ဢႃႇသၵေႇလုၼ်ႇ ဢၼ်​ၼိုင်ႈ၊ ပုၼ်ႈ​ဝဵင်း​ ၵႃႇသႃႉ ဢၼ်​ၼိုင်ႈ၊ ပုၼ်ႈ​ဝဵင်း​ ဢေႇၵြုၼ်ႇ ဢၼ်​ၼိုင်ႈ​ဢေႃႈ။-</verse>
				<verse number="18">ၼူ​ၶမ်း​ၸိူဝ်း​ၼၼ်ႉ​ၸမ်ႉ၊ ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ဝၢၼ်ႈ​ဝဵင်း​ဢၼ်​ၸၢပ်ႈ​သႅင်ႇ​ၵၼ်​တင်း ၶုၼ်​လူင်​ ၽီႉလိတ်ႉတီႉ ​ႁႃႈ​ပႃး​ၼၼ်ႉ၊ ပဵၼ်​ဝဵင်း​ဢၼ်​မၼ်ႈ​ၶိူင်ႇ​သေ​ဢမ်ႇ​ဝႃႈ၊ ပဵၼ်​ဝၢၼ်ႈ​ထိူၼ်ႇ​သေ​ဢမ်ႇ​ဝႃႈ၊ တေႃႇ​ထိုင်​ႁွတ်ႈ​မၢၵ်ႇ​ႁိၼ်​လူင် တီႈ​ဢၼ်​ၶဝ်​ဢဝ်​တိူၵ်ႈ​တႃႇ​ထႃႇဝရႃႉ​ၽြႃး​တၢင်ႇ​ဝႆႉ​ၼၼ်ႉ​ဢေႃႈ။ မၢၵ်ႇ​ႁိၼ်​ၼၼ်ႉ​ၸမ်ႉ၊ မီး​ၵႃႈ​ၼႂ်း​တူင်ႈ​ၼႃး​ ယေႃးသူႉ ၵူၼ်း​ဝဵင်း​ ပႅတ်ႉသေးမိတ်ႉ ​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="19">မၼ်း​ၸဝ်ႈ​ပၼ်​တၢမ်ႇ​တီႈ​ၵူၼ်း​ဝဵင်း​ ပႅတ်ႉသေးမိတ်ႉ ​ၸိူဝ်း​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​လွမ်​တူၺ်း​ၵႃႈ​ၼႂ်း​တိူၵ်ႈ​တႃႇ​ထႃႇဝရႃႉ​ၽြႃး မႅၼ်ႈ​ၼၼ်ႉ​လႄႈ ႁႂ်ႈ​ၵူၼ်း​တၢႆ​ႁႃႈ​မိုၼ်ႇ​ပၢႆ​ၸဵတ်း​သိပ်း​ဢေႃႈ။ ၵူၼ်း​တင်း​လၢႆ​ဢွၼ်​ၵၼ်​ႁႆႈ​ႁွင်ႉ​ပွင်ႉ​ၶၢင်း​ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး​ဢဝ်​တင်း တၢင်း​ဢၼ်​ယႃႉ​ပႅတ်ႈ​ဢၼ်​ယႂ်ႇ​ၼႃႇ​ပၼ်​တၢမ်ႇ​တီႈ​ၵူၼ်း​တင်း​လၢႆ​ၼၼ်ႉ​ဢေႃႈ။</verse>
				<verse number="20">ၵူၼ်း​ဝဵင်း​ ပႅတ်ႉသေးမိတ်ႉ ​ၸိူဝ်း​ၼၼ်ႉ လၢတ်ႈ​လႄႈ​ဝႃႈ၊ ၽူႈ​လႂ်​တၵ်း​ၸုၵ်း​ၶၢမ်ႇ​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ဢၼ်​မူတ်း​ၸၢင်ႇ​ၼႆႉ​လႆႈ။ မၼ်း​ၸဝ်ႈ​တၵ်း​လုၵ်ႉ​သေ​ၵႃႈ​တီႈ​ႁဝ်း​လႄႈ ၵႂႃႇ​ၸူး​ၵႃႈ​တီႈ​ၽူႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="21">ၶဝ်​ပွႆႇ​ၸႂ်ႉ​ၵူၼ်း​ၸူး​ၵႃႈ​တီႈ ၵူၼ်း​ဝဵင်း​ ၵီႉရယတ်ႉယႃႇရိမ်ႇ ​တင်း​လၢႆ​လႄႈ သင်ႇ​လၢတ်ႈ​ၵႂႃႇ​လႄႈ​ဝႃႈ၊ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ သမ်ႉ​ၶိုၼ်း​ဢဝ်​တိူၵ်ႈ​တႃႇ​ထႃႇဝရႃႉ​ၽြႃး​မႃး​သူင်ႇ​ယဝ်ႉ။ သူ​ဢွၼ်​ၵၼ်​လူင်း​မႃး​လႄႈ ဢဝ်​ၵႂႃႇ​ဝႆႉ​ၵႃႈ​တီႈ​သူ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="7">
				<verse number="1">ၵူၼ်း​ဝဵင်း​ ၵီႉရယတ်ႉယႃႇရိမ်ႇ ​ၸိူဝ်း​ၼၼ်ႉ ဢွၼ်​ၵၼ်​မႃး​လႄႈ​ဢဝ်​တိူၵ်ႈ​တႃႇ​ထႃႇဝရႃႉ​ၽြႃး​ၵႂႃႇ​သေ​ယဝ်ႉ၊ ဝႆႉ​ၵႃႈ​ၼႂ်း​ႁိူၼ်း​ ဢၽီႉၼတပ်ႉ ဢၼ်​မီး​ၵႃႈ​တီႈ​ၼိူဝ်​လွႆ​ၼၼ်ႉ​လႄႈ ႁႂ်ႈ​လုၵ်ႈ​ၸၢႆး​မၼ်း​ ဢေးလႃႇၸႃႇ ​ၼၼ်ႉ​မူတ်း​ၸၢင်ႇ ႁႂ်ႈ​လႆႈ​ပႂ်ႉ​တိူၵ်ႈ​တႃႇ​ထႃႇဝရႃႉ​ၽြႃး​ဢေႃႈ။</verse>
				<verse number="2">ၶိင်ႇ​မိူဝ်ႈ​ဢၼ်​တိူၵ်ႈ​တႃႇ​ၸဝ်ႈ​ၼၼ်ႉ​မီး​ယူႇ​ၵႃႈ​တီႈ​ဝဵင်း​ ၵီႉရယတ်ႉယႃႇရိမ်ႇ ​ၼၼ်ႉ ႁိုင်​ၼႃႇ​ပဵၼ်​သၢဝ်း​ပီႊ​တဵမ်​တဵမ်​လႄႈ၊ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ဢွၼ်​ၵၼ်​ၶၢင်း​ၶီ​ၶၢင်း​ၽၢၼ်​တေႃႇ​ထႃႇဝရႃႉ​ၽြႃး​ဢေႃႈ။-</verse>
				<verse number="3">လႆႈ​သမ်ႉ သမူၺ်ႇလႃႉ သင်ႇ​သွၼ်​သုင်း​မႃႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ​ဝႃႈ၊ ပေႃး​သူ​ပႃး​တင်း​ႁူဝ်​ၸႂ်​သဵင်ႈ​သဵင်ႈ ၶိုၼ်း​မႃး​ၸူး​တီႈ​ထႃႇဝရႃႉ​ၽြႃး​ၸိုင် ပႄႇ​ပႅတ်ႈ​ၽြႃး​တၢင်ႇ​သူႇ​တၢင်ႇ​ပႃး ဢိၵ်ႇ​တင်း​ၽြႃး​ ဢႃႇသတရိၵ်ႉ ​တင်း​လၢႆ​ၼၼ်ႉ​သေ​ၵႃႈ​တီႈ​သူ​လႄႈ မႄး​ႁႅၼ်း​ႁူဝ်​ၸႂ်​သူ ပုၼ်ႈ​ထႃႇဝရႃႉ​ၽြႃး​လႄႈ ႁဵတ်း​ဝၢတ်ႈ​တီႈ​မၼ်း​ၸဝ်ႈ​ၼၼ်ႉ​ၵူၺ်း​သေ​ၵမ်း။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် မၼ်း​ၸဝ်ႈ​တၵ်း​ၵႄႇ​သႄႇ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="4">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၼ်​ၵၼ်​ပႄႇ​ပႅတ်ႈ​ၽြႃး ပႃႇလႃႉ ဢိၵ်ႇ​တင်း​ၽြႃး ဢႃႇသတရိၵ်ႉ ​ၸိူဝ်း​ၼၼ်ႉ​သေ​လႄႈ ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး ၵူၺ်း​ဢေႃႈ။-</verse>
				<verse number="5">သမူၺ်ႇလႃႉ ​ၵေႃႈ​သင်ႇ​လၢတ်ႈ​လႄႈ​ဝႃႈ၊ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ မီႉၸပႃႇ ​တႃႉ။ ၵဝ်​တၵ်း​သူး​တွင်း​တီႈ​ထႃႇဝရႃႉ​ၽြႃး​ပုၼ်ႈ​သူ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="6">ၶဝ်​ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ မီႉၸပႃႇ ​သေ​ယဝ်ႉ၊ ဢွၼ်​ၵၼ်​တဵၵ်း​ၼမ်ႉ​ယူႇ၊ ဢဝ်​သွၼ်း​လေႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ယူႇ၊ ၵမ်​တၢင်း​ၵိၼ်​ၼႂ်း​ဝၼ်း​ၼၼ်ႉ​ၵမ်း​လဵဝ်​ယူႇ​သေ​လႄႈ ႁပ်ႉ​တုင်း​ဢဝ်​လႄႈ​ဝႃႈ၊ ႁဝ်း​ၶႃႈ​ၼႆႉ​ၽိတ်း​ပိူင်ႈ​ထႃႇဝရႃႉ​ၽြႃး​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ သမူၺ်ႇလႃႉ ​ၼၼ်ႉ ၸႅတ်ႈ​ထၢမ်​ၸီႇ​ယၢင်ႇ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵႃႈ​တီႈ​ဝဵင်း​ မီႉၸပႃႇ ​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ​ငိၼ်း​လွင်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ မီႉၸပႃႇ ​ၼၼ်ႉ​ၸိုင်၊ ၶုၼ်​ ၽီႉလိတ်ႉတီႉ ​ၸိူဝ်း​ၼၼ်ႉ ၶီႇ​သိုၵ်း​ၸူး​ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ငိၼ်း​လွင်ႈ​မၼ်း​တၢင်း​မၼ်း​ၼၼ်ႉ​သေ​ယဝ်ႉ၊ ၵူဝ်​ႁႄ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="8">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၼ်​ၵၼ်​လၢတ်ႈ​တီႈ​ သမူၺ်ႇလႃႉ ​လႄႈ​ဝႃႈ၊ ယင်း​ဢမ်ႇ​ယူႇ​ဢမ်ႇ​သဝ်း​လႄႈ​သူး​တွင်း​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ ပုၼ်ႈ​ႁဝ်း​ၶႃႈ ႁႂ်ႈ​မၼ်း​ၸဝ်ႈ​ၵႄႇ​သႄႇ​ဢဝ်​ႁဝ်း​ၶႃႈ​လွတ်ႈ​သေ​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">သမူၺ်ႇလႃႉ ​ၵေႃႈ ဢဝ်​သူဝ်း​ဢွၼ်ႇ​ဢၼ်​ၵိၼ်​ၼူမ်း​ၼၼ်ႉ​သေ​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​တင်း​တူဝ်​တီႈ​ထႃႇဝရႃႉ​ၽြႃး​သေ​လႄႈ သူး​တွင်း​တီႈ​ထႃႇဝရႃႉ​ၽြႃး​ပုၼ်ႈ​မဵဝ်း​ ဢီႉသရေႇလႃႉ ​လႄႈ ထႃႇဝရႃႉ​ၽြႃး​ထွမ်ႇ​ဢဝ်​ၵႂၢမ်း​မၼ်း​ဢေႃႈ။-</verse>
				<verse number="10">ၼႂ်း​မိူဝ်ႈ​ဢၼ်​ သမူၺ်ႇလႃႉ ယင်း​တိုၵ်ႉ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​ၼၼ်ႉ​ယူႇ​ၼၼ်ႉ​ၸိုင် ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး ႁႂ်ႈ​လႆႈ​တိုၵ်း​တေႃး​မဵဝ်း​ ဢီႉသရေႇလႃႉ ​ဢေႃႈ။ ထႃႇဝရႃႉ​ၽြႃး​ၵေႃႈ ႁႂ်ႈ​ၽႃႉ​လင်​ၵႃႈ​ၼိူဝ်​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ႁႅင်း​ယႂ်ႇ​ၼႃႇ​လူင်​လၢင်​ၼႂ်း​ဝၼ်း​ၼၼ်ႉ​လႄႈ ယႃႉ​ၶဝ်​ပႅတ်ႈ​သေ​ယဝ်ႉ၊ ၶဝ်​ၼၼ်ႉ​တူၵ်း​သုမ်း ၵႃႈ​တီႈ​ၽၢႆႇ​ၼႃႈ မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="11">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ဝဵင်း​ မီႉၸပႃႇ ​လႄႈ လိုပ်ႈ​ၸွမ်း​လမ်း​ၸွမ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​လႄႈ တိုၵ်း​တေႃး​ယႃႉ​ပႅတ်ႈ​ၶဝ်​ၼၼ်ႉ​တေႃႇ​ထိုင်​ႁွတ်ႈ​ဝဵင်း​ ပႅတ်ႉၵႃႇ ​ဢေႃႈ။-</verse>
				<verse number="12">မိူဝ်ႈ​ၼၼ်ႉ သမူၺ်ႇလႃႉ ​ဢဝ်​မၢၵ်ႇ​ႁိၼ်​လႄႈ ပူၵ်း​တင်ႈ​ဝႆႉ​ၵႃႈ​တီႈ​ဝူင်ႈ​ၵၢင်​ဝဵင်း​ မီႉၸပႃႇ တင်း​ဝဵင်း​ သႅၼ်ႇ ​သေ​လႄႈ​ႁွင်ႉ​ႁဵၵ်ႈ​ၸိုဝ်ႈ​မၼ်း ဢေႇပႃႇၼေႇၸႃႇ ​လႄႈ​ဝႃႈ၊ ထႃႇဝရႃႉ​ၽြႃး​ၸွႆႈ​ထႅမ်​မႃႉ​ၸႃႉ​ႁဝ်း တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ၼင်ႇ​ၼၼ်​လႄႈ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ တူၵ်း​သုမ်း​သေ​ယဝ်ႉ၊ လိုၼ်း​ၼၼ်ႉ ဢမ်ႇ​ၶဝ်ႈ​ဢမ်ႇ​မႃး​ၵႃႈ​ၼႂ်း​ၼမ်ႉ​ၼႂ်း​လိၼ်​မဵဝ်း​ ဢီႉသရေႇလႃႉ ​လႄႈ မိုဝ်း​ထႃႇဝရႃႉ​ၽြႃး​ၼၼ်ႉ ႁၢမ်ႈ​တၢပ်ႈ​ႁႄႉ​ၶႅၼ်​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ယူႇ​ၼႂ်း​ၸူဝ်ႈ​ပၢၼ်​ သမူၺ်ႇလႃႉ ​ၼၼ်ႉ​တဵမ်​တဵမ်​ဢေႃႈ။-</verse>
				<verse number="14">ဝၢၼ်ႈ​ဝဵင်း​ဢၼ်​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ လႆႈ​သိမ်း​ဢဝ်​ၵႃႈ​တီႈ​မဵဝ်း​ ဢီႉသရေႇလႃႉ ​ယဝ်ႉ​ၼၼ်ႉ ဢဝ်​ၵႃႈ​တီႈ​ဝဵင်း​ ဢေႇၵြုၼ်ႇ တေႃႇ​ထိုင်​ႁွတ်ႈ​ဝဵင်း​ ၵႃႇသႃႉ ​ၼၼ်ႉ​ၵေႃႈ လႆႈ​ၶိုၼ်း​ပၼ်​တီႈ​မဵဝ်း​ ဢီႉသရေႇလႃႉ ​ဢေႃႈ။ ဢိူင်ႇ​ဝဵင်း​လိၼ်​ဝဵင်း​ၸိူဝ်း​ၼၼ်ႉ​ၵေႃႈ ၵူၼ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ဢေႃႈ။ မိူဝ်ႈ​ၼၼ်ႉ သိုၵ်း​ထၢတ်ႇ​သေ​ယဵၼ်​သေ​ၵႃႈ​ၼႂ်း​ၵႄႈ​ဝူင်ႈ​ၵၢင်​ၵူၼ်း​မဵဝ်း​ ဢီႉသရေႇလႃႉ ​ဢိၵ်ႇ​တင်း​ၵူၼ်း​ ဢႃႇမေႃးရီႉ ​တင်း​လၢႆ​ဢေႃႈ။-</verse>
				<verse number="15">သမူၺ်ႇလႃႉ ​ၼၼ်ႉ​ၸီႇ​ယၢင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ ၸူဝ်ႈ​ဢသၢၵ်ႈ​မၼ်း​ဢေႃႈ။-</verse>
				<verse number="16">မၼ်း​ၼၼ်ႉ မီး​ဢလႄႉ​ထုင်း​ၸၢမ်ႇ ဢၼ်​လႄႇ​လဵပ်ႈ​ၵႂႃႇ​ၵႃႈ​တီႈ​ဝဵင်း​ ပေႇသလႃႉ ၊ ဝဵင်း​ ၵီႉလႃႉၵႃႇလႃႉ ၊ ဝဵင်း​ မီႉၸပႃႇ ​ၸိူဝ်း​ၼၼ်ႉ​ၵူႈ​ပီႊ​ၵူႈ​ပီႊ​လႄႈ ၸီႇ​ယၢင်ႇ​ဢမူႉ​တီႈ မဵဝ်း​ ဢီႉသရေႇလႃႉ ​ၼႂ်း​ၵူႈ​တီႈ​ၵူႈ​လႅၼ်​ၸိူဝ်း​ၼၼ်ႉ​ဢေႃႈ။-</verse>
				<verse number="17">မိူဝ်ႈ​ဢၼ်​မၼ်း​ၶိုၼ်း​မႃး​ၼၼ်ႉ​ၸိုင်၊ မၼ်း​ၶိုၼ်း​မႃး​ၵႃႈ​တီႈ​ဝဵင်း​ ရႃႇမႃႉ ၵွပ်ႈ​ပိူဝ်ႈ​ဢၼ်​ႁိူၼ်း​မၼ်း မီး​ၵႃႈ​တီႈ​ၼၼ်ႈ​လႄႈ​ၸီႇ​ယၢင်ႇ​ဢမူႉ တီႈ​မဵဝ်း​ ဢီႉသရေႇလႃႉ ၵႃႈ​တီႈ​ၼၼ်ႈ​လႄႈ တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး ၵႃႈ​တီႈ​ၼၼ်ႈ​ဢေႃႈ။</verse>
			</chapter>
			<chapter number="8">
				<verse number="1">သမူၺ်ႇလႃႉ ​ၼၼ်ႉ မိူဝ်ႈ​ဢၼ်​ဢသၢၵ်ႈ​မၼ်း​ယႂ်ႇ​ယဝ်ႉ​ၼၼ်ႉ​ၸိုင် ဢဝ်​လုၵ်ႈ​ၸၢႆး​မၼ်း​တင်း​လၢႆ​ၶၢၼ်း​ဝႆႉ ႁႂ်ႈ​လႆႈ​ပဵၼ်​ၵူၼ်း​လူင်​ဢၼ်​ၸီႇ​ယၢင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="2">ၸိုဝ်ႈ​သဵင်​လုၵ်ႈ​ၸၢႆး​တူၼ်ႈ​မၼ်း​ၸမ်ႉ၊ ပဵၼ်​ ယူဝ်းဢေးလႃႉ ၊ ၸိုဝ်ႈ​သဵင်​လုၵ်ႈ​ၸၢႆး​တူႉတီႉယႃႉ​ၸမ်ႉ၊ ပဵၼ်​ ဢၽီႉရႃႉ ​ဢေႃႈ။ ၶဝ်​ၼၼ်ႉ ႁဵတ်း​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ၵႃႈ​တီႈ​ဝဵင်း​ ပေႇရသေႇၽႃႉ ​ဢေႃႈ။-</verse>
				<verse number="3">ၼႂ်း​ဝႃႈ​ၼၼ်​သေ​ၵေႃႈ လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ဢမ်ႇ​ၸွမ်း​သဵၼ်ႈ​တၢင်း​မၼ်း။ သွင်​ၶႃ​မီး​ၸႂ်​ဢၼ်​ဝႄႈ​ပိူင်ႈ​ၵႂႃႇ​ၸူး​ၵႃႈ​တီႈ​ၸီး​ပႂႃး​ဢၼ်​ဢမ်ႇ​တြႃး​ၼၼ်ႉ​လႄႈ ၵိၼ်​လၢၵ်ႈ​သွင်ႇ​ယူႇ​သေ​လႄႈ ယႃႉ​တြႃး​ဢေႃႈ။-</verse>
				<verse number="4">မိူဝ်ႈ​ၼၼ်ႉ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၼၼ်ႉ ၸူႉ​ၵၼ်​တုမ်​ၵၼ်​သေ​လႄႈ မႃး​ၸူး​ၵႃႈ​တီႈ​ သမူၺ်ႇလႃႉ ၵႃႈ​ၼႂ်း​ဝဵင်း​ ရႃႇမႃႉ ​ၼၼ်ႉ​သေ​ယဝ်ႉ၊-</verse>
				<verse number="5">ဢွၼ်​ၵၼ်​လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ တူၺ်း​ၶႃႈ​လူး၊ ၸဝ်ႈ​ႁဝ်း​ဢသၢၵ်ႈ​ယႂ်ႇ​ယဝ်ႉ​ၶႃႈ​ယဝ်ႉ၊ လုၵ်ႈ​ၸၢႆး​ၸဝ်ႈ​ႁဝ်း​ၸိူဝ်း​ၼၼ်ႉ ယင်း​ဢမ်ႇ​ၸွမ်း​သဵၼ်ႈ​တၢင်း​ၸဝ်ႈ​ႁဝ်း​လႄႈ​ယူႇ​ၶႃႈ​ယဝ်ႉ။ ၶႅၼ်း​တေႃႈ​ယုၵ်ႉ​ယွင်ႈ​ၶုၼ်​ႁေႃ​ၶမ်း​ဢၼ်​တၵ်း​လႆႈ​ၸီႇ​ယၢင်ႇ​ၵႃႈ​ၼိူဝ်​ႁဝ်း​ၶႃႈ မိူၼ်​ၸိူဝ်ႉ​ၼင်ႇ​ၵူၼ်း​မဵဝ်း​တင်း​သဵင်ႈ​တင်း​လူင်​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ဢမူႉ​ဢၼ်​ၶဝ်​လဝ်ႊ​လၢတ်ႈ​လႄႈ​ဝႃႈ၊ ပၼ်​ၶုၼ်​ႁေႃ​ၶမ်း​ဢၼ်​တၵ်း​ၸီႇ​ယၢင်ႇ​ၵႃႈ​ၼိူဝ်​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ၼၼ်ႉ ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​ သမူၺ်ႇလႃႉ ​လႄႈ သမူၺ်ႇလႃႉ ​သူး​တွင်း​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="7">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ သမူၺ်ႇလႃႉ ​လႄႈ​ဝႃႈ၊ ထွမ်ႇ​ဢဝ်​ၵႂၢမ်း​ၵႃႈ​ဢၼ်​ၵူၼ်း​တင်း​လၢႆ​လၢတ်ႈ​တီႈ​မႂ်း​ၼၼ်ႉ​တႃႉ။ ၶဝ်​ပႄႇ​ပႅတ်ႈ​မႂ်း​ၵူၺ်း​ဢမ်ႇ​ၸႂ်ႈ။ ၵဝ်​ၵေႃႈ ၶဝ်​ပႄႇ​ပႅတ်ႈ​ႁႂ်ႈ​ၵဝ်​ဢမ်ႇ​လႆႈ​ဢုပ်ႉ​ပိူင်ႇ​ၵႃႈ​ၼိူဝ်​ၶဝ်​ယဝ်ႉ။-</verse>
				<verse number="8">ၸွမ်း​ၵႃႈ​ၼင်ႇ​တၢင်း​ၵမ်​တၢင်း​ၵျၢင်ႉ​ဢၼ်​ၶဝ်​ၵမ်​ၵျၢင်ႉ ၸႃႉ​ၸဵမ်​မိုဝ်ႉ​ဝၼ်း​ဢၼ်​ၵဝ်​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ ၼႂ်း​လွင်ႈ​ဢၼ်​ၶဝ်​ၸုၼ်ႉ​ပႅတ်ႈ​ၵဝ်​လႄႈ ႁဵတ်း​ဝၢတ်ႈ​တီႈ​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ​သေ​လႄႈ ၶဝ်​ႁဵတ်း​တီႈ​မႂ်း​ဢေႃႈ။-</verse>
				<verse number="9">မိူဝ်ႈ​လဵဝ်​ၼႆႉ​ၸိုင်၊ ထွမ်ႇ​ဢဝ်​ၵႂၢမ်း​ၶဝ်​တႃႉ။ ၵူၺ်း​ၵႃႈ ပၼ်​သတီႉ​ႁၢမ်ႈ​တၢပ်ႈ​ႁႄႉ​ၶႅၼ်​ၼႃႇ​လူင်​လၢင်​လႄႈ ၼႄ​ပၼ်​ထုင်း​ၸၢမ်ႇ​ၶုၼ်​ႁေႃ​ၶမ်း ဢၼ်​တၵ်း​ဢုပ်ႉ​ပိူင်ႇ​ၶဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">သမူၺ်ႇလႃႉ ​ၵေႃႈ ဢဝ်​ဢမိင်ႉ​ထႃႇဝရႃႉ​ၽြႃး​ၵႃႈ​မီး ၶိုၼ်း​မွၵ်ႇ​လၢတ်ႈ​တီႈ​ၶဝ်​ၸိူဝ်း​ဢၼ် ယွၼ်း​ၶုၼ်​ႁေႃ​ၶမ်း​ၼၼ်ႉ​လႄႈ​ဝႃႈ၊-</verse>
				<verse number="11">ထုင်း​ၸၢမ်ႇ​ၶုၼ်​ႁေႃ​ၶမ်း ဢၼ်​တၵ်း​ဢုပ်ႉ​ပိူင်ႇ​သူ​ၼၼ်ႉ​ၸမ်ႉ၊ မၼ်း​တၵ်း​ဢဝ်​လုၵ်ႈ​ၸၢႆး​သူ​ၶၢၼ်း​ဝႆႉ​ၼႂ်း​ဢရႃႇ​ၵေႃႉ​ဢၼ်​ပႂ်ႉ​ထိင်း​လေႃႉရထႃး​မၼ်း၊ ၵေႃႉ​ဢၼ်​ပႂ်ႉ​ထိင်း​မႃႉ​မၼ်း​ၸိူဝ်း​ၼၼ်ႉ​လႄႈ ၵမ်ႈ​ၽွင်ႈ​တၵ်း​လႆႈ​ၶုၼ်ႇ​လႅၼ်ႈ​ဢွၼ်​တၢင်း​လေႃႉရထႃး​မၼ်း​ဢေႃႈ။-</verse>
				<verse number="12">မၼ်း​တၵ်း​ၶၢၼ်း​ၶဝ်​ဝႆႉ ႁႂ်ႈ​ပဵၼ်​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ႁဵင်၊ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ႁႃႈ​သိပ်း​လႄႈ တၵ်း​ဢဝ်​ၵမ်ႈ​ၽွင်ႈ​ဝႆႉ​ႁႂ်ႈ​လႆႈ​ထႆ​ၼႃး​ထိူၼ်ႇ​ၼႃး၊ ၵမ်ႈ​ၽွင်ႈ​ႁႂ်ႈ​လႆႈ​ပၢတ်ႇ​ၶဝ်ႈ၊ ၵမ်ႈ​ၽွင်ႈ​ႁႂ်ႈ​လႆႈ​ႁဵတ်း​ၶိူင်ႈ​တိုၵ်း​သိုၵ်း ဢိၵ်ႇ​တင်း​ၶိူင်ႈ​လေႃႉရထႃး​ဢေႃႈ။-</verse>
				<verse number="13">လုၵ်ႈ​ယိင်း​သူ​တင်း​လၢႆ​ၵေႃႈ မၼ်း​တၵ်း​ဢဝ်​ၶၢၼ်း​ဝႆႉ​ႁႂ်ႈ​ပဵၼ်​ၵေႃႉ​ဢၼ်​ပွင်​ႁႅၼ်း​ပွင်​မႄး​ၼမ်ႉ​မၼ်း​ဢၼ်​ႁွမ်​ဢၼ်​ႁူၺ်း ပုၼ်ႈ​ဢၼ်​တၵ်း​လုပ်ႈ​တၵ်း​တႃး၊ ၵေႃႉ​ဢၼ်​ႁဵတ်း​ၸတေႃႇၵႄး ၊ ၵေႃႉ​ဢၼ်​ၼိုင်ႈ​ၶဝ်ႈ​မုၼ်း​ဢေႃႈ။-</verse>
				<verse number="14">မၼ်း​တၵ်း​ဢဝ်​တူင်ႈ​ႁႆႊ​တူင်ႈ​ၼႃး​သူ၊ သူၼ်​ဢူးယဵၼ်ႇ​ၸပိတ်ႈ​သူ၊ သူၼ်​ဢူးယဵၼ်ႇ​ သၢၼ်ႇလုၼ်ႇ ​သူ ဢၼ်​လီ​ၼႃႇ​သေ​ပိူၼ်ႈ​ၼၼ်ႉ​လႄႈ ပၼ်​တီႈ​ၶႃႈ​မၼ်း​ၵူၼ်း​မၼ်း​ဢေႃႈ။-</verse>
				<verse number="15">မၼ်း​တၵ်း​ဢဝ်​ၸိူဝ်ႉ​ၽၼ်း​သူ၊ မၢၵ်ႇ​ၸပိတ်ႈ​သူ​သိပ်း​ပုၼ်ႈ​ပုၼ်ႈ​ၼိုင်ႈ​လႄႈ​ပၼ်​တီႈ​ၶဝ်​ၸိူဝ်း​ဢၼ်​မီး​ဢရႃႇ တီႈ​မၼ်း​ဢိၵ်ႇ​တင်း ၶဝ်​ၸိူဝ်း​ဢၼ်​ၵိုတ်ႉ​ႁၢပ်ႇ​ဢမူႉ​တီႈ​မၼ်း​ၼၼ်ႉ​ဢေႃႈ။-</verse>
				<verse number="16">မၼ်း​တၵ်း​ဢဝ်​ၶႃႈ​ၵူၼ်း​ၸၢႆး၊ ၶႃႈ​ၵူၼ်း​ယိင်း​သူ၊ ၵူၼ်း​ၸႂ်ႉ​ၵူၼ်း​သွႆ​ဢၼ်​လီ​ၼႃႇ​သေ​ပိူၼ်ႈ​တီႈ​သူ၊ လီႈ​သူ​သေ​လႄႈ ႁႂ်ႈ​ပွင်​ႁဵတ်း​ဢမူႉ​မၼ်း​ဢေႃႈ။-</verse>
				<verse number="17">ၽုင်​သူဝ်း​သူ၊ သိပ်း​ပုၼ်ႈ​ပုၼ်ႈ​ၼိုင်ႈ​ၵေႃႈ မၼ်း​တၵ်း​ဢဝ်​လႄႈ သူ​တၵ်း​လႆႈ​ၶၢမ်ႇ​ႁဵတ်း​ၶႃႈ​တီႈ​မၼ်း​ဢေႃႈ။-</verse>
				<verse number="18">ၶိင်ႇ​မိုဝ်ႉ​ဝၼ်း​ၼၼ်ႉ သူ​တၵ်း​လႆႈ​သႅၼ်ႇ​ႁွင်ႉ​ၵွပ်ႈ​ပိူဝ်ႈ​ၶုၼ်​ႁေႃ​ၶမ်း​ဢၼ်​သူ​လိူၵ်ႈ​ၵဵပ်း​ဢဝ်​ၼၼ်ႉ​လႄႈ၊ ထႃႇဝရႃႉ​ၽြႃး​တၵ်း​ဢမ်ႇ​ထွမ်ႇ​ဢမ်ႇ​ငိၼ်း​ၵႂၢမ်း​သူ​ၼႂ်း​ၶိင်ႇ​မိုဝ်ႉ​ဝၼ်း​ၼၼ်ႉ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၼႂ်း​ဝႃႈ​ၼၼ်​သေ​ၵေႃႈ ၵူၼ်း​တင်း​လၢႆ​ယင်း​ဢမ်ႇ​ထွမ်ႇ​ဢဝ်​ၵႂၢမ်း​ သမူၺ်ႇလႃႉ ​လႄႈ ဢွၼ်​ၵၼ်​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၶႃႈ၊ ၶႂ်ႈ​လႆႈ​ၶုၼ်​ႁေႃ​ၶမ်း ဢၼ်​တၵ်း​ဢုပ်ႉ​ပိူင်ႇ​ၵႃႈ​ၼိူဝ်​ႁဝ်း​ၶႃႈ၊-</verse>
				<verse number="20">ႁႂ်ႈ​ႁဝ်း​ၶႃႈ​လႆႈ​မိူၼ်​ၵၼ်​တင်း​ၵူၼ်း​ၵူႈ​မဵဝ်း​လႄႈ၊ ၶုၼ်​ႁေႃ​ၶမ်း​ႁဝ်း​ၶႃႈ​လႆႈ​ၸီႇ​ယၢင်ႇ​ၵႃႈ​ၼိူဝ်​ႁဝ်း​ၶႃႈ​ယူႇ၊ လႆႈ​ၶဝ်ႈ​ၶဝ်ႈ​ဢွၵ်ႇ​ဢွၵ်ႇ​ၵႃႈ​တီႈ​ၽၢႆႇ​ၼႃႈ​ႁဝ်း​ၶႃႈ​ယူႇ​သေ​လႄႈ ၵႂႃႇ​တိုၵ်း​သိုၵ်း​ပုၼ်ႈ​ႁဝ်း​ၶႃႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">သမူၺ်ႇလႃႉ လႆႈ​ငိၼ်း​ၵႂၢမ်း​ၵူၼ်း​တင်း​လၢႆ​ၼၼ်ႉ တင်း​သဵင်ႈ​တင်း​မူတ်း​သေ​ယဝ်ႉ၊ ဢဝ်​လဝ်ႊ​လၢတ်ႈ​ထိုင်​ႁူ​ထႃႇဝရႃႉ​ၽြႃး​ဢေႃႈ။-</verse>
				<verse number="22">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ သမူၺ်ႇလႃႉ ​လႄႈ​ဝႃႈ၊ ထွမ်ႇ​ဢဝ်​ၵႂၢမ်း​ၶဝ်​သေ​လႄႈ ယုၵ်ႉ​ယွင်ႈ​ၶုၼ်​ႁေႃ​ၶမ်း​ပုၼ်ႈ​ၶဝ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ သမူၺ်ႇလႃႉ ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ သူ​ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​တီႈ​ယူႇ​သူ ႁင်း​ၽႂ်​ႁင်း​မၼ်း​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="9">
				<verse number="1">မိူဝ်ႈ​ၼၼ်ႉ မီး​ၵူၼ်း​မဵဝ်း​ ပိၼ်ႇယႃႇမိၼ်ႇ ဢၼ်​လႆႈ​ၸိုဝ်ႈ​ ၵီႉသႃႉ ဢၼ်​ပဵၼ်​လုၵ်ႈ​ၸၢႆး​ ဢပျေႇလႃႉ ၊ ဢၼ်​ပဵၼ်​လုၵ်ႈ​ၸၢႆး​ ၸေႇရေႃႇ ၊ ဢၼ်​ပဵၼ်​လုၵ်ႈ​ၸၢႆး​ ပေႇၶေႃႇရတ်ႉ ၊ ဢၼ်​ပဵၼ်​လုၵ်ႈ​ၸၢႆး​ ဢႃႇၽီႉ ၵူၼ်း​မဵဝ်း​ ပိၼ်ႇယႃႇမိၼ်ႇ ​ၼၼ်ႉ​ၵေႃႉ​ၼိုင်ႈ​ဢေႃႈ။ မၼ်း​ၼၼ်ႉ​ပဵၼ်​ၵေႃႉ​ဢၼ်​မၢၵ်ႈ​မီး​ဢုၵ်ႉ​ၸႃႇ​ၼမ်​ၼႃႇ​လူင်​လၢင်​ဢေႃႈ။-</verse>
				<verse number="2">မၼ်း​ၼၼ်ႉ​မီး​လုၵ်ႈ​ၸၢႆး​ဢၼ်​လႆႈ​ၸိုဝ်ႈ​ သေႃးလူႉ ဢၼ်​ပဵၼ်​ၵေႃႉ​ဢၼ်​ႁၢင်ႈ​လီ​လႄႈ လၢၵ်ႇ​လၢႆး​ၼၼ်ႉ​ၵေႃႉ​ၼိုင်ႈ​ဢေႃႈ။ ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ၊ ၵေႃႉ​ဢၼ်​ႁၢင်ႈ​လီ​ၼႃႇ​သေ​ၵေႃႉ​ၼၼ်ႉ​ဢမ်ႇ​မီး​သေ​ၵေႃႉ​သေ​ၵူၼ်း။ ဢဝ်​ၵႃႈ​တီႈ​ႁူဝ်​မႃႇ​မၼ်း​ၶိုၼ်ႈ​ၵႃႈ​ၼိူဝ်​ၼၼ်ႉ​ၵေႃႉ​ၼၼ်ႉ သုင်​ပူၼ်ႉ​သေ​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​ဢၼ်​ၽုင်​လီႈ​ ၵီႉသႃႉ ပေႃႈ​ သေႃးလူႉ ​ၼၼ်ႉ ႁၢႆ​ၵႂႃႇ​လႄႈ ၵီႉသႃႉ ​လၢတ်ႈ​တီႈ​လုၵ်ႈ​ၸၢႆး​မၼ်း​ သေႃးလူႉ ​လႄႈ​ဝႃႈ၊ မႂ်း​ႁွင်ႉ​ဢဝ်​ၵူၼ်း​ဢွၼ်ႇ​ၵေႃႉ​ၼိုင်ႈ​သေ​လႄႈ လုၵ်ႉ​လႄႈ​ၵႂႃႇ​ၸွမ်း​ႁႃ​လီႈ​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="4">မၼ်း​ၼၼ်ႉ လႄႇ​ႁႃ​ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ဢိၵ်ႇ​တင်း​ၵႃႈ​တီႈ​မိူင်း​ သႃႇလီႉသႃႉ ၵူႈ​တီႈ​ၵူႈ​လႅၼ်​လႄႈ ဢမ်ႇ​ထူပ်း​ဢမ်ႇ​ႁၼ်​သေ​ယဝ်ႉ၊ ၶဝ်​သမ်ႉ​လႄႇ​ႁႃ​ၵႃႈ​တီႈ​မိူင်း​ သႃႇလိမ်း ​လႄႈ ဢမ်ႇ​ထူပ်း​ဢမ်ႇ​ႁၼ်။ လႆႈ​သမ်ႉ မၼ်း​ၼၼ်ႉ​လႄႇ​ႁႃ​ၵႃႈ​တီႈ​မိူင်း​ ပိၼ်ႇယႃႇမိၼ်ႇ ၵူႈ​တီႈ​ၵူႈ​လႅၼ်​သေ​ၵေႃႈ ဢမ်ႇ​ထူပ်း​ဢမ်ႇ​ႁၼ်။-</verse>
				<verse number="5">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​မိူင်း​ ၸူႉၽႃႉ ​ၼၼ်ႉ​ၸိုင်၊ သေႃးလူႉ ​လၢတ်ႈ​တီႈ​ၵူၼ်း​ဢွၼ်ႇ​မၼ်း​လႄႈ​ဝႃႈ၊ ၶိုၼ်း​မိူဝ်း​တႃႉ​ႁဝ်း။ ပေႃး​ဢမ်ႇ​ၼၼ် ပေႃႈ​ႁဝ်း​ၼၼ်ႉ​ဢမ်ႇ​မႆႈ​ၸႂ်​ၵွပ်ႈ​ပိူဝ်ႈ​လီႈ​ၸိူဝ်း​ၼၼ်ႉ​လႄႈ၊ တၵ်း​မႆႈ​ၸႂ်​ၵွပ်ႈ​ပိူဝ်ႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ၵူၼ်း​ဢွၼ်ႇ​မၼ်း​လၢတ်ႈ​လႄႈ​ဝႃႈ၊ တူၺ်း​ၶႃႈ​လူး၊ ၵႃႈ​တီႈ​ဝဵင်း​ၼႆႉ မီး​ၵူၼ်း​ၽြႃး​ပဵၼ်​ၸဝ်ႈ ဢၼ်​မီး​သရေႇ​ၼႃႈ​တႃ​ႁူင်​ႁၢင်း​ၵေႃႉ​ၼိုင်ႈ​ဢေႃႈ၊ ၵႂၢမ်း​ၵႃႈ​ဢၼ်​မၼ်း​ၼၼ်ႉ​လၢတ်ႈ​ၼၼ်ႉ ၸၢင်ႈ​ပျေႉ​ၸုမ်ႇ​ဢမၢၼ်ႇ​ၶၼ်​ပဵၼ်​ဢေႃႈ။ ၵႂႃႇ​ၵႃႈ​တီႈ​မၼ်း​တႃႉ​ႁဝ်း။ မၼ်း​ၸၢင်ႈ​ၶႄး​တၵ်း​ၼႄ​ပၼ်​သဵၼ်ႈ​တၢင်း​ဢၼ်​ႁဝ်း​တၵ်း​လႆႈ​ၵႂႃႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">သေႃးလူႉ ​ၵေႃႈ​ထၢမ်​တီႈ​ၵူၼ်း​ဢွၼ်ႇ​မၼ်း​လႄႈ​ဝႃႈ၊ ပေႃး​ႁဝ်း​ၵႂႃႇ​ၸိုင် တၵ်း​လႆႈ​ဢဝ်​ၵႃႈ​သင်​လူႇ​တၢၼ်း။ ၶဝ်ႈ​မုၼ်း​ဢၼ်​ပႃး​မႃး​ၵႃႈ​ၼႂ်း​ၶွင်​ႁဝ်း​ၼၼ်ႉ​သဵင်ႈ​ၵႂႃႇ​ယဝ်ႉ။ တၢင်း​လူႇ​တၢင်း​တၢၼ်း​ဢၼ်​တၵ်း​လႆႈ​လူႇ​တၢၼ်း​တီႈ ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​ဢမ်ႇ​မီး​သေ​ၸိူဝ်ႉ​သေ​ပိူင်။ တီႈ​ႁဝ်း​ယင်း​မီး​ၵႃႈ​သင် မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">ၵူၼ်း​ဢွၼ်ႇ​ၼၼ်ႉ​ၵေႃႈ ၶိုၼ်း​လၢတ်ႈ​တီႈ​ သေႃးလူႉ ​လႄႈ​ဝႃႈ၊ တူၺ်း​ၶႃႈ​လူး၊ ၼႂ်း​မိုဝ်း​ၵဝ်​ၶႃႈ​ၼႆႉ ယင်း​မီး​ငိုၼ်း​မၢတ်ႈ​ၼိုင်ႈ​ၶႃႈ​ဢေႃႈ။ တၵ်း​ဢဝ်​ဢၼ်​ၼၼ်ႉ​ပၼ်​တီႈ​ၵူၼ်း​ၽြႃး​ပဵၼ်​ၸဝ်ႈ ပုၼ်ႈ​ဢၼ်​မၼ်း​ၼႄ​ပၼ်​သဵၼ်ႈ​တၢင်း​တီႈ​ႁဝ်း​ၶႃႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ၊ ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပေႃး​သေ​ၵေႃႉ​သေ​ၵူၼ်း​တၵ်း​ၵႂႃႇ ႁႂ်ႈ​လႆႈ​ထၢမ်​တီႈ​ၽြႃး​ပဵၼ်​ၸဝ်ႈ​ၸိုင်၊ မၼ်း​ၸၢင်ႈ​ဝႃႈ၊ ၵႂႃႇ​ၵႃႈ​တီႈ​ၵူၼ်း​ဢၼ်​ႁၼ်​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ ပရေႃးၽႅတ်ႈ​တေႃႈ​လဵဝ်​ၼႆႉ​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ ၵူၼ်း​ဢၼ်​ႁၼ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="10">သေႃးလူႉ ​ၵေႃႈ​လၢတ်ႈ​တီႈ​ၵူၼ်း​ဢွၼ်ႇ​မၼ်း​လႄႈ​ဝႃႈ၊ လီ​ယဝ်ႉ၊ ၵႂႃႇ​တႃႉ​ႁဝ်း၊ ဝႃႈ​ၼင်ႇ​ၼႆ​သေ​လႄႈ ဢွၼ်​ၵၼ်​ၵႂႃႇ​ၸူး​ၵႃႈ​တီႈ​ဝဵင်း တီႈ​ဢၼ်​ၵူၼ်း​ၽြႃး​ပဵၼ်​ၸဝ်ႈ​မီး​ၼၼ်ႉ​ဢေႃႈ။-</verse>
				<verse number="11">ၼႂ်း​မိူဝ်ႈ​ဢၼ်​သွင်​ၶႃ​ယင်း​တိုၵ်ႉ​ၶိုၼ်ႈ​ၵႂႃႇ​ၵႃႈ​ၼိူဝ်​ၵုင်း​ၼွၵ်ႈ​ဝဵင်း​ယူႇ​ၼၼ်ႉ​ၸိုင်၊ ၶဝ်​ထူပ်း​ႁၼ်​မႄႈ​ယိင်း​သၢဝ်​တင်း​လၢႆ​ဢွၵ်ႇ​မႃး ႁႂ်ႈ​လႆႈ​တဵၵ်း​ၼမ်ႉ​လႄႈ ထၢမ်​တီႈ​ၶဝ်​ၼၼ်ႉ​လႄႈ​ဝႃႈ၊ ၵႃႈ​တီႈ​ၼႆႈ​မီး​ၵူၼ်း​ဢၼ်​ႁၼ်​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">ၶဝ်​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ မီး​ၶႃႈ​ဢေႃႈ။ မၼ်း​မႃး​မီး​ယူႇ​ဢွၼ်​တၢင်း​သူ​ၸဝ်ႈ​ၶႃႈ​ဢေႃႈ။ ၵႂႃႇ​ၶၼ်​ၶၼ်​ၽႂ်း​ၽႂ်း​တႃႉ။ မၼ်း​ႁွတ်ႈ​မႃး​ၵႃႈ​တီႈ​ဝဵင်း​ၼႆႉ​ဝၼ်း​မိူဝ်ႈ​ၼႆႉ​ယဝ်ႉ။ ၵူၼ်း​တင်း​လၢႆ​ဢဝ်​ပွႆး​ယိတ်ႈ​ၶိုၼ်ႈ​ၵႃႈ​ၼိူဝ်​ထႃႇၼႃႉ​တီႈ​သုင်​ဝၼ်း​မိူဝ်ႈ​ၼႆႉ​ၶႃႈ​ဢေႃႈ။-</verse>
				<verse number="13">ပေႃး​သူ​ၸဝ်ႈ​ၶဝ်ႈ​ၵႃႈ​ၼႂ်း​ဝဵင်း​ၸိုင်၊ သူ​ၸဝ်ႈ​တၵ်း​ထူပ်း​ႁၼ်​မၼ်း​ၵမ်း​လဵဝ် ၸူဝ်ႈ​ဢၼ်​မၼ်း​ဢမ်ႇ​ပႆႇ​ၶိုၼ်ႈ​ၵႃႈ​ၼိူဝ်​ထႃႇၼႃႉ​တီႈ​သုင် ႁႂ်ႈ​လႆႈ​ၵိၼ်​ၼၼ်ႉ​ဢေႃႈ။ ၸူဝ်ႈ​ဢၼ်​မၼ်း​ဢမ်ႇ​ပႆႇ​ႁွတ်ႈ​ထိုင်​ၼၼ်ႉ​ၸိုင်၊ ၵူၼ်း​တင်း​လၢႆ​ဢမ်ႇ​ၸၢင်ႈ​ၵိၼ် ၵွပ်ႈ​ပိူဝ်ႈ​ဢၼ်​မၼ်း​ၸၢင်ႈ​ပၼ်​တၢင်း​လီ ၼႂ်း​ပွႆး​ယိတ်ႈ​ၼၼ်ႉ​ဢေႃႈ။ လိုၼ်း​ၼၼ်ႉ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ပၢင်း​ၼၼ်ႉ​ၸင်ႇ​ၵိၼ်​ဢေႃႈ။ ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ သူ​ၸဝ်ႈ​ၵႂႃႇ​ၸူး​တႃႉ။ သူ​ၸဝ်ႈ​တၵ်း​ထူပ်း​ႁၼ်​မၼ်း​ၵမ်း​လဵဝ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">သွင်​ၶႃ​ၼၼ်ႉ ၶိုၼ်ႈ​ၸူး​ၵႃႈ​တီႈ​ဝဵင်း​လႄႈ ၶဝ်ႈ​ၵႃႈ​ၼႂ်း​ဝဵင်း​သေ​ယဝ်ႉ၊ သမူၺ်ႇလႃႉ ​ၼၼ်ႉ​ဢွၵ်ႇ​မႃး​ႁပ်ႉ​ဢဝ်​သွင်​ၶႃ ႁႂ်ႈ​လႆႈ​ၶိုၼ်ႈ​ၵႃႈ​ၼိူဝ်​ထႃႇၼႃႉ​တီႈ​သုင်​ၼၼ်ႉ​ဢေႃႈ။</verse>
				<verse number="15">ဝၼ်း​မိူဝ်ႈ​ဝႃး​ၼၼ်ႉ ၸူဝ်ႈ​ဢၼ်​ သေႃးလူႉ ​ဢမ်ႇ​ပႆႇ​ႁွတ်ႈ​ထိုင်​ၼၼ်ႉ​ၸိုင်၊ ထႃႇဝရႃႉ​ၽြႃး​မီး​ဢမိင်ႉ​ထိုင်​ႁူ​ သမူၺ်ႇလႃႉ ​ဝႆႉ​လႄႈ​ဝႃႈ၊-</verse>
				<verse number="16">ဝၼ်း​မိူဝ်ႈ​ၽုၵ်ႈ​ၶိင်ႇ​ၼႆႉ ၵဝ်​တၵ်း​ပွႆႇ​ၸႂ်ႉ​ၵူၼ်း​ၵေႃႉ​ၼိုင်ႈ လုၵ်ႉ​သေ​ၵႃႈ​တီႈ​မိူင်း​ ပိၼ်ႇယႃႇမိၼ်ႇ ​မႃး​ၸူး​ၵႃႈ​တီႈ​မႂ်း​ဢေႃႈ။ မႂ်း​တၵ်း​လႆႈ​ပၼ်​ၽိၵ်ႈ​သိၵ်ႈ​တၢင်း​ဢၼ်​ႁူတ်း​ၼမ်ႉ​မၼ်း​တီႈ​မၼ်း​ၼၼ်ႉ​လႄႈ ၶၢၼ်း​မၼ်း​ဝႆႉ​ၼႂ်း​ဢရႃႇ​ၶုၼ်​ၵူၼ်း​ၵဝ်​မဵဝ်း​ ဢီႉသရေႇလႃႉ ​ဢေႃႈ။ မၼ်း​ၼၼ်ႉ တၵ်း​လႆႈ​ၵႄႇ​သႄႇ​ၼုၵ်ႈ​ဢဝ်​ၵူၼ်း​ၵဝ်​တင်း​လၢႆ လွတ်ႈ​သေ​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵဝ်​လူ​တူၺ်း​ၵူၼ်း​ၵဝ်​တင်း​လၢႆ ၵွပ်ႈ​ပိူဝ်ႈ​ဢၼ်​သဵင်​ဢၼ် ၶဝ်​ႁွင်ႉ​သႅၼ်ႇ​ၼၼ်ႉ ႁွတ်ႈ​ထိုင်​ၵႃႈ​တီႈ​ၵဝ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မိူဝ်ႈ​ဢၼ်​ သမူၺ်ႇလႃႉ ႁၼ်​ သေႃးလူႉ ​ၼၼ်ႉ​ၸိုင်၊ ထႃႇဝရႃႉ​ၽြႃး မီး​ဢမိင်ႉ​တီႈ​မၼ်း​လႄႈ​ဝႃႈ၊ တူၺ်း​ၵေႃႉ​ဢၼ်​ၵဝ်​လၢတ်ႈ​ဝႆႉ​တီႈ​မႂ်း​ၼၼ်ႉ​တႃႉ။ ၵေႃႉ​ၼႆႉ​တၵ်း​လႆႈ​ဢုပ်ႉ​ပိူင်ႇ​ၵူၼ်း​ၵဝ်​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မိူဝ်ႈ​ၼၼ်ႉ သေႃးလူႉ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ သမူၺ်ႇလႃႉ ၵႃႈ​ၼႂ်း​ႁူး​ၽၵ်း​တူ​ၼၼ်ႉ​သေ​လႄႈ​တွင်ႈ​ထၢမ်​လႄႈ​ဝႃႈ၊ ၶႅၼ်း​တေႃႈ​ၼႄ​ပၼ်​ႁိူၼ်း ၵေႃႉ​ဢၼ်​ႁၼ်​ၼၼ်ႉ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">သမူၺ်ႇလႃႉ ​ၶိုၼ်း​လၢတ်ႈ​တီႈ​ သေႃးလူႉ ​လႄႈ​ဝႃႈ၊ ၵဝ်​ၼႆႉ​ပဵၼ်​ၵေႃႉ​ဢၼ်​ႁၼ်​ဢေႃႈ။ ၶိုၼ်ႈ​ၵႂႃႇ​ထႃႈ​ၵဝ်​ၵႃႈ​ၼိူဝ်​ထႃႇၼႃႉ​တီႈ​သုင်​ၼၼ်ႉ ဢွၼ်​တၢင်း​ၵဝ်​တႃႉ။ ဝၼ်း​မိူဝ်ႈ​ၼႆႉ မႂ်း​တၵ်း​လႆႈ​ၵိၼ်​လူၺ်ႈ​ၵၼ်​တင်း​ၵဝ်​ဢေႃႈ။ ၼႂ်​ၽုၵ်ႈ ၵဝ်​ၸင်ႇ​တၵ်း​ပွႆႇ​မႂ်း​ၵႂႃႇ​လႄႈ​ၽုၺ်ႇ​ဢွၵ်ႇ​ၼႄ​ပျႃး ၵႃႈ​ဢၼ်​မီး​ၵႃႈ​ၼႂ်း​ႁူဝ်​ၸႂ်​မႂ်း​ၼၼ်ႉ​ဢေႃႈ။-</verse>
				<verse number="20">လီႈ​မႂ်း​ဢၼ်​ႁၢႆ​ၵႂႃႇ​ဝၼ်း​မိူဝ်ႈ​သိုၼ်း​ၸိူဝ်း​ၼၼ်ႉ​ၵေႃႈ ယႃႇ​ပေ​ၶုၵ်း​ၸႂ်​လႆႈ​မႆႈ​ၸႂ်​ၵွပ်ႈ​ထူပ်း​ႁၼ်​ယဝ်ႉ။ လွင်ႈ​တၢင်း​ဢၼ်​ထုၵ်ႇ​လီ​ၶႂ်ႈ​လႆႈ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ၼႆႉ ၵႃႈ​မီး​ၼၼ်ႉ ပဵၼ်​ပုၼ်ႈ​ၽူႈ​လႂ်။ ပဵၼ်​ပုၼ်ႈ​မႂ်း​ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​မႂ်း​ၵႃႈ​မီး​ၼၼ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">သေႃးလူႉ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​မဵဝ်း​ ပိၼ်ႇယႃႇမိၼ်ႇ ၊ မဵဝ်း​ဢၼ်​လဵၵ်ႉ​ဢၼ်​ၼွႆႉ​သေ​ပိူၼ်ႈ ၵႃႈ​ၼႂ်း​မဵဝ်း​ ဢီႉသရေႇလႃႉ ​တင်း​လၢႆ​ဢမ်ႇ​ၸႂ်ႈ​ၶႃႈ​ႁိုဝ်။ ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ၶႃႈ​ၼႆႉ ပဵၼ်​ဢၼ်​လဵၵ်ႉ​ဢၼ်​ၼွႆႉ​သေ​ပိူၼ်ႈ​ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​ၵႃႈ​ဢၼ်​ပဵၼ်​ၵႃႈ​ၼႂ်း​မဵဝ်း​ ပိၼ်ႇယႃႇမိၼ်ႇ ​ၼၼ်ႉ​ဢမ်ႇ​ၸႂ်ႈ​ၶႃႈ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​လၢတ်ႈ​တီႈ​ၵဝ်​ၶႃႈ ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">မိူဝ်ႈ​ၼၼ်ႉ သမူၺ်ႇလႃႉ ႁွင်ႉ​ဢဝ်​ သေႃးလူႉ ဢိၵ်ႇ​တင်း​ၵူၼ်း​ဢွၼ်ႇ​မၼ်း​လႄႈ သႂၢင်း​ၶဝ်ႈ​ၵႃႈ​ၼႂ်း​လုၵ်း​ၶႅၵ်ႇ​သေ​ယဝ်ႉ၊ ႁႂ်ႈ​သွင်​ၶႃ​ၼင်ႈ​ၵႃႈ​တီႈ​ဢၼ်​မျၢတ်ႈ​ၼႃႇ​သေ​ပိူၼ်ႈ ၵႃႈ​ၼႂ်း​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ပၢင်း​မႃး သၢမ်​သိပ်း​ၵေႃႉ​ၼၼ်ႉ​ဢေႃႈ။-</verse>
				<verse number="23">သမူၺ်ႇလႃႉ ​ႁွင်ႉ​ဢဝ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ပွႆး​ၼၼ်ႉ​လႄႈ​ဝႃႈ၊ ဢဝ်​ပုၼ်ႈ​ဢၼ်​ၵဝ်​ဢၢပ်ႈ​ပၼ်​ဝႆႉ​တီႈ​မႂ်း​လႄႈ သင်ႇ​လၢတ်ႈ​ဝႆႉ​တီႈ​မႂ်း​လႄႈ​ဝႃႈ၊ မႂ်း​ဢဝ်​ဝႆႉ​ၶေႃ​ၶေႃ​တႃႉ၊ ဝႃႈ​ၼင်ႇ​ၼႆ​ၼၼ်ႉ​မႃး​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="24">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ပွႆး​ၼၼ်ႉ ဢဝ်​ႁူဝ်​မႃႇ​ဢိၵ်ႇ​တင်း​ၸိူဝ်း​ဢၼ်​သႂ်ႇ​ဝႆႉ​ၵႃႈ​ၼိူဝ်​မၼ်း​ၼၼ်ႉ​မႃး​သေ​လႄႈ တမ်း​ပၼ်​ၵႃႈ​တီႈ​ၽၢႆႇ​ၼႃႈ​ သေႃးလူႉ ​ဢေႃႈ။ သမူၺ်ႇလႃႉ ​ၵေႃႈ လၢတ်ႈ​လႄႈ​ဝႃႈ၊ တူၺ်း​ၸိူဝ်း​ဢၼ်​ဢဝ်​ဝႆႉ​ၵိုတ်း​ဝႆႉ​ၵျၢၼ်ႇ​ၼႆႉ​သေ​လႄႈ ဢဝ်​ဝႆႉ​ၵႃႈ​တီႈ​ၽၢႆႇ​ၼႃႈ​မႂ်း​လႄႈ​ၵိၼ်​တႃႉ။ ဢဝ်​သိမ်း​ဝႆႉ​ယူႇ​ပုၼ်ႈ​မႂ်း တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ၸွမ်း​ၵႃႈ​ၼင်ႇ​ဢၼ်​ၵဝ်​လၢတ်ႈ​လႄႈ​ဝႃႈ၊ ၵဝ်​ႁွင်ႉ​ပၢင်း​ၵူၼ်း​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ ၼႂ်း​ဝၼ်း​ၼၼ်ႉ သေႃးလူႉ ​ၵိၼ်​လူၺ်ႈ​ၵၼ်​တင်း​ သမူၺ်ႇလႃႉ ​ဢေႃႈ။-</verse>
				<verse number="25">သွင်​ၶႃ​ဢွၼ်​ၵၼ်​လူင်း​သေ​ၵႃႈ​ၼိူဝ်​ထႃႇၼႃႉ​တီႈ​သုင်​ၼၼ်ႉ​လႄႈ ၶဝ်ႈ​ၵႃႈ​ၼႂ်း​ဝဵင်း​သေ​ယဝ်ႉ၊ သမူၺ်ႇလႃႉ ​တင်း​ သေႃးလူႉ ​ၼၼ်ႉ လၢတ်ႈ​ၵၼ်​ၸႃ​ၵၼ်​ယူႇ​ၵႃႈ​ၼိူဝ်​မုင်း​ႁိူၼ်း​ဢေႃႈ။</verse>
				<verse number="26">သွင်​ၶႃ​ၼၼ်ႉ လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ မိူဝ်ႈ​ဢၼ်​မိူင်း​လႅင်း​ၼၼ်ႉ၊ သမူၺ်ႇလႃႉ ႁွင်ႉ​ၸူး​တီႈ​ သေႃးလူႉ ၵႃႈ​ၼိူဝ်​မုင်း​ႁိူၼ်း​သေ​လႄႈ​လၢတ်ႈ​လႄႈ​ဝႃႈ၊ လုၵ်ႉ​တႃႉ။ ၵဝ်​တၵ်း​ပွႆႇ​မႂ်း​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ သေႃးလူႉ လုၵ်ႉ​လႄႈ၊ သွင်​ၶႃ​ဢၼ်​ဝႃႈ​မၼ်း ဢိၵ်ႇ​တင်း​ သမူၺ်ႇလႃႉ ​ၼၼ်ႉ ဢွၵ်ႇ​ၵႂႃႇ​ၵႃႈ​ၼွၵ်ႈ​ဢေႃႈ။-</verse>
				<verse number="27">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​လူင်း​ၵႂႃႇ ၵႃႈ​တီႈ​ႁိမ်း​တီႈ​သုတ်း​ဝဵင်း​ယူႇ​ၼၼ်ႉ​ၸိုင် သမူၺ်ႇလႃႉ ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ လၢတ်ႈ​ႁႂ်ႈ​ၵူၼ်း​ဢွၼ်ႇ​မႂ်း​ၵႂႃႇ​ဢွၼ်​တၢင်း​တႃႉ၊ ဝႃႈ​ၼင်ႇ​ၼႆ​လႄႈ ၵူၼ်း​ဢွၼ်ႇ​ၼၼ်ႉ​ၵႂႃႇ​ဢွၼ်​တၢင်း​သေ​ယဝ်ႉ၊ မၼ်း​သမ်ႉ​လၢတ်ႈ​လႄႈ​ဝႃႈ၊ ၸုၵ်း​ၵိုတ်း​ယူႇ​ၵမ်း​ဢွၼ်ႇ​ၼိုင်ႈ ႁႂ်ႈ​ၵဝ်​လႆႈ​မွၵ်ႇ​လၢတ်ႈ​ဢမိင်ႉ​ၽြႃး​ပဵၼ်​ၸဝ်ႈ​တီႈ​မႂ်း​တႃႉ၊ ဝႃႈ​ၼင်ႇ​ၼႆ​ယူႇ​သေ​လႄႈ။</verse>
			</chapter>
			<chapter number="10">
				<verse number="1">သမူၺ်ႇလႃႉ ​ဢဝ်​တဝ်ႈ​ၼမ်ႉ​မၼ်း​လႄႈ​ထွၵ်ႇ​ၼမ်ႉ​မၼ်း​သႂ်ႇ​ၵႃႈ​ၼိူဝ်​ႁူဝ်​ သေႃးလူႉ ​သေ​ယဝ်ႉ၊ ၼူမ်​မၼ်း​သေ​လႄႈ​လၢတ်ႈ​ဝႃႈ ပဵၼ်​ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ပၼ်​ၽိၵ်ႈ​သိၵ်ႈ​တၢင်း​ဢၼ်​ႁူတ်း​ၼမ်ႉ​မၼ်း​လႄႈ ၶၢၼ်း​မႂ်း​ဝႆႉ​ၼႂ်း​ဢရႃႇ​ၶုၼ် ၵႃႈ​ၼိူဝ်​မဵဝ်း​ၵူၼ်း​ဢမူၺ်ႇ​မၼ်း​ၸဝ်ႈ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="2">ဝၼ်း​မိူဝ်ႈ​ၼႆႉ မိူဝ်ႈ​ဢၼ်​မႂ်း​ၽၢတ်ႇ​ၵၼ်​တင်း​ၵဝ်​ၵႂႃႇ​ယဝ်ႉ​ၼၼ်ႉ​ၸိုင်၊ မႂ်း​တၵ်း​ထူပ်း​ႁၼ်​ၵူၼ်း​သွင်​ၵေႃႉ ၵႃႈ​တီႈ​ႁိမ်း​သၢင်း​ၶႅင်း​ ရႃႇၶေႇလႃႉ ဝၢၼ်ႈ​ ၸေႇလၸႃႉ ၵႃႈ​တီႈ​ႁိမ်း​လႅၼ်​လိၼ်​ ပိၼ်ႇယႃႇမိၼ်ႇ ​ပုၼ်ႉ​ဢေႃႈ။ သွင်​ၶႃ​ၼၼ်ႉ​တၵ်း​မွၵ်ႇ​လၢတ်ႈ​တီႈ​မႂ်း​လႄႈ​ဝႃႈ လီႈ​ဢၼ်​မႂ်း​ၵႂႃႇ​ႁႃ​ၸိူဝ်း​ၼၼ်ႉ​ထူပ်း​ယဝ်ႉ၊တူၺ်း​လူး၊ ပေႃႈ​မႂ်း​ၼၼ်ႉ ဢမ်ႇ​မႆႈ​ၸႂ်​ၵွပ်ႈ​လီႈ​ၸိူဝ်း​ၼၼ်ႉ​လႄႈ၊ မႆႈ​ၸႂ်​ၵွပ်ႈ​မႂ်း​ယူႇ​သေ​လႄႈ​ဝႃႈ ၵဝ်​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​ၵွပ်ႈ​ပိူဝ်ႈ​လုၵ်ႈ​ၸၢႆး​ၵဝ်​ၼၼ်ႉ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ဢၼ်​မႂ်း​ပူၼ်ႉ​သေ​ၵႃႈ​တီႈ​ၼၼ်ႈ​လႄႈ ႁွတ်ႈ​ထိုင်​ၵႃႈ​တီႈ​တူၼ်ႈ​မႆႉ​ၼိမ်​ တႃႇပေႃႇ ​ၼၼ်ႉ​ၸိုင်၊ မႂ်း​တၵ်း​ထူပ်း​ၵၼ်​တင်း​ၵူၼ်း​သၢမ်​ၵေႃႉ ဢၼ်​ၶိုၼ်ႈ​ၸူး​ၵႃႈ​တီႈ​ၽြႃး​ပဵၼ်​ၸဝ်ႈ ၵႃႈ​တီႈ​ဝဵင်း​ ပေႇသလႃႉ ဢၼ်​ဝႃႈ​ၵေႃႉ​ဢၼ်​ပႃး​ဢဝ် ပႄႉ​ဢွၼ်ႇ​သၢမ်​တူဝ်​ၵေႃႉ​ၼိုင်ႈ၊ ၵေႃႉ​ဢၼ်​ပႃး​ဢဝ် ၶဝ်ႈ​မုၼ်း​သၢမ်​လုၵ်ႈ​ၵေႃႉ​ၼိုင်ႈ၊ ၵေႃႉ​ဢၼ်​ပႃႈ​ဢဝ်​ထူင်​ၼမ်ႉ​ၸပိတ်ႈ​ၵေႃႉ​ၼိုင်ႈ​ဢေႃႈ။-</verse>
				<verse number="4">ၶဝ်​ၼၼ်ႉ တၵ်း​တၵ်ႉ​ၵၼ်​တင်း​မႂ်း​သေ​လႄႈ ဢဝ်​ၶဝ်ႈ​မုၼ်း​သွင်​လုၵ်ႈ​ပၼ်​တီႈ​မႂ်း​လႄႈ မႂ်း​တၵ်း​လႆႈ​ႁပ်ႉ​တုင်း​ဢဝ်​ၵႃႈ​တီႈ​မိုဝ်း​ၶဝ်​ၼၼ်ႉ​ဢေႃႈ။-</verse>
				<verse number="5">လိုၼ်း​ၼၼ်ႉ​မိူဝ်ႈ​ဢၼ်​မႂ်း​ႁွတ်ႈ​ထိုင်​ၵႃႈ​တီႈ​လွႆ​ၽြႃး​ပဵၼ်​ၸဝ်ႈ တီႈ​ဢၼ်​မီး​တပ်ႉ​ၵူၼ်း​ ၽီႉလိတ်ႉတီႉ ​ၼၼ်ႉ​လႄႈ၊ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ဝဵင်း​ၼၼ်ႉ​ၸိုင်၊ မႂ်း​တၵ်း​ထူပ်း​ႁၼ်​မုၵ်ႉ​ၸိူဝ်း​ပရေႃးၽႅတ်ႈ ပႃး​ဢဝ်​တင်း​တရေႃး၊ ၵွင်​ၶဵတ်ႇ၊ ပီႇ၊ တိင်ႇ​ယူႇ၊ လူင်း​သေ​ၵႃႈ​ၼိူဝ်​ထႃႇၼႃႉ တီႈ​သုင်​ၼၼ်ႉ​မႃး​ယူႇ​သေ​လႄႈ၊ ႁဵတ်း​ပရေႃးၽႅတ်ႈ​ယူႇ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ဝီႉၺိၺ်ႇ​ၽြႃး​ပဵၼ်​ၸဝ်ႈ​တၵ်း​တူၵ်း​ႁွတ်ႈ​ၵႃႈ​ၼိူဝ်​မႂ်း​ၼႃႇ​လူင်​လၢင်​လႄႈ မႂ်း​တၵ်း​ႁဵတ်း​ပရေႃးၽႅတ်ႈ​လူၺ်ႈ​ၵၼ်​တင်း​ၶဝ်​ၼၼ်ႉ​လႄႈ ပဵၼ်​ၵေႃႉ​ဢၼ်​လၢၵ်ႇ​ပိူင်ႈ​ဢေႃႈ။-</verse>
				<verse number="7">မိူဝ်ႈ​ဢၼ်​ၼီႉမိၵ်ႈ​လၢၵ်ႈၶၼႃႇ​ၸိူဝ်း​ၼႆႉ ပဵၼ်​မႃး​တီႈ​မႂ်း​ၼၼ်ႉ​ၸိုင်၊ ႁဵတ်း​ၸွမ်း​ၵႃႈ​ၼင်ႇ​ဢၼ်​သၢင်ႇ​ထုၵ်ႇ​ၼၼ်ႉ​တႃႉ။ ၽြႃး​ပဵၼ်​ၸဝ်ႈ​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။-</verse>
				<verse number="8">မႂ်း​ၵေႃႈ​တၵ်း​လႆႈ​လူင်း​ၵႂႃႇ​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ပုၼ်ႉ​ဢွၼ်​တၢင်း​ၵဝ်​ဢေႃႈ။ ၵဝ်​ၵေႃႈ​တၵ်း​လူင်း​ၸူး ၵႃႈ​တီႈ​မႂ်း​ၼၼ်ႉ ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ယိတ်ႈ​မိၵ်ႉသႃႇႁႃယႃႉ​ဢေႃႈ။ မႂ်း​တၵ်း​လႆႈ​ပႂ်ႉ​ထႃႈ​ယူႇ​ၸဵတ်း​ဝၼ်း တေႃႇ​ထိုင်​ႁွတ်ႈ​ၵဝ်​မႃး​တီႈ​မႂ်း​လႄႈ ၼႄ​ပၼ်​လွင်ႈ​တၢင်း​ဢၼ်​မႂ်း​တၵ်း​လႆႈ​ႁဵတ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မိူဝ်ႈ​ဢၼ်​မၼ်း​ဝၢႆႇ​ၶိုၼ်း ႁႂ်ႈ​လႆႈ​ဢွၵ်ႇ​သေ​ၵႃႈ​တီႈ​ သမူၺ်ႇလႃႉ ​ၵႂႃႇ​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​ပၼ်​ႁူဝ်​ၸႂ်​ဢၼ်​လၢၵ်ႇ​ပိူင်ႈ​လႄႈ ၼီႉမိၵ်ႈ​လၢၵ်ႈၶၼႃႇ​ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ ပဵၼ်​မႃး​ၼႂ်း​ဝၼ်း​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="10">မိူဝ်ႈ​ဢၼ်​သွင်​ၶႃ​ႁွတ်ႈ​ထိုင်​မႃး​ၵႃႈ​တီႈ​လွႆ​ၼၼ်ႉ​ၸိုင်၊ မုၵ်ႉ​ၸိူဝ်း​ပရေႃးၽႅတ်ႈ​ႁႄႉ​ႁပ်ႉ​ဢဝ်​မၼ်း​လႄႈ​ဝီႉၺိၺ်ႇ​ၽြႃး​ပဵၼ်​ၸဝ်ႈ တူၵ်း​ႁွတ်ႈ​ၵႃႈ​ၼိူဝ်​မၼ်း​ၼႃႇ​လူင်​လၢင်​သေ​ယဝ်ႉ၊ မၼ်း​ႁဵတ်း​ပရေႃးၽႅတ်ႈ​လူၺ်ႈ​ၵၼ်​တင်း​ၶဝ်​ၼၼ်ႉ​ဢေႃႈ။-</verse>
				<verse number="11">မိူဝ်ႈ​ဢၼ်​ၶဝ်​ၸိူဝ်း​ဢၼ်​ႁူႉ​ၸၵ်း​မိုတ်ႈ​ၵိုဝ်း​မၼ်း မိူဝ်ႈ​ဢွၼ်​ၼႆႉ​ၼၼ်ႉ ႁၼ်​လွင်ႈ​ဢၼ်​မၼ်း​ႁဵတ်း​ပရေႃးၽႅတ်ႈ​လူၺ်ႈ​ၵၼ်​တင်း​ပရေႃးၽႅတ်ႈ​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊ ၵူၼ်း​တင်း​လၢႆ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တွင်ႈ​ထၢမ်​ၵၼ်​လႄႈ​ဝႃႈ၊ ပဵၼ်​ၸိူဝ်ႉ​ၼင်ႇ​ႁိုဝ်​မႃး​တီႈ​လုၵ်ႈ​ၸၢႆး​ ၵီႉသႃႉ ​ၼၼ်ႉ​ၼႆ။ သေႃးလူႉ ​ၼႆႉ​ၵေႃႈ​ၶဝ်ႈ​ပႃး​ၼႂ်း​ပရေႃးၽႅတ်ႈ​တင်း​လၢႆ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵူၼ်း​ၵႃႈ​တီႈ​ၼၼ်ႈ ၵေႃႉ​ၼိုင်ႈ​ၶိုၼ်း​လၢတ်ႈ​လႄႈ​ဝႃႈ၊ ပေႃႈ​ၶဝ်​ၸမ်ႉ​ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​လႄႈ ၵႂၢမ်း​ဢၼ်​ဝႃႈ​ သေႃးလူႉ ​ၵေႃႈ ၶဝ်ႈ​ပႃး​ၼႂ်း​ပရေႃးၽႅတ်ႈ​တင်း​လၢႆ​ႁိုဝ်။ ဝႃႈ​ၼင်ႇ​ၼႆ​ၼၼ်ႉ ပဵၼ်​ထုင်း​ဝႆႉ​ဢေႃႈ။-</verse>
				<verse number="13">မိူဝ်ႈ​ဢၼ်​မၼ်း​ႁဵတ်း​ပရေႃးၽႅတ်ႈ​ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ မၼ်း​ထိုင်​ၵႂႃႇ​ၵႃႈ​တီႈ​ထႃႇၼႃႉ​တီႈ​သုင်​ၼၼ်ႉ​ဢေႃႈ။</verse>
				<verse number="14">ပေႃႈ​ၼႃႉ သေႃးလူႉ ​ထၢမ်​တီႈ​ သေႃးလူႉ ဢိၵ်ႇ​တင်း​ၵူၼ်း​ဢွၼ်ႇ​မၼ်း​လႄႈ​ဝႃႈ သွင်​ၶိူဝ်​ၵႂႃႇ​ၵႃႈ​တီႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ ၵႂႃႇ​ႁႂ်ႈ​လႆႈ​ႁႃ​လီႈ​ၸိူဝ်း​ၼၼ်ႉ​ဢေႃႈ။ မိူဝ်ႈ​ဢၼ်​ႁူႉ​ႁၼ်​လွင်ႈ​ဢၼ်​ဢမ်ႇ​ထူပ်း​ၼၼ်ႉ​ၸိုင်၊ ႁႃး​သွင်​ၵေႃႉ​ႁွတ်ႈ​ထိုင်​ၵႂႃႇ​ၵႃႈ​တီႈ သမူၺ်ႇလႃႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ပေႃႈ​ၼႃႉ သေႃးလူႉ ​ၵေႃႈ​ထၢမ်​လႄႈ​ဝႃႈ၊ မွၵ်ႇ​လၢတ်ႈ​လွင်ႈ​ဢၼ်​ သမူၺ်ႇလႃႉ လၢတ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​တီႈ​ၵဝ်​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">သေႃးလူႉ ​ၶိုၼ်း​လၢတ်ႈ​တီႈ​ပေႃႈ​ၼႃႉ​မၼ်း​လႄႈ​ဝႃႈ၊ မၼ်း​ၼၼ်ႉ​လၢတ်ႈ​ပၼ်​လွင်ႈ​ဢၼ်​ထူပ်း​ႁၼ်​လီႈ​ၸိူဝ်း​ၼၼ်ႉ​ယဝ်ႉ​ၼၼ်ႉ လႅင်း​လႅင်း​ဢေႃႈ၊ ဝႃႈ​ၼင်ႇ​ၼႆ​ၵူၺ်း​လႄႈ ယင်း​ဢမ်ႇ​လၢတ်ႈ​လွင်ႈ​ဝၢၼ်ႈ​လွင်ႈ​မိူင်း ဢၼ်​ သမူၺ်ႇလႃႉ ​လၢတ်ႈ​ၼၼ်ႉ​လႄႈ​ယူႇ​ဢေႃႈ။</verse>
				<verse number="17">လႆႈ​သမ်ႉ သမူၺ်ႇလႃႉ ​ၼၼ်ႉ ႁွင်ႉ​ဢဝ်​ၵူၼ်း​တင်း​လၢႆ ႁႂ်ႈ​ၸူႉ​ၵၼ်​တုမ်​ၵၼ်​ၵႃႈ​တီႈ​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ မီႉၸပႃႇ ​လႄႈ၊-</verse>
				<verse number="18">လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​ၼုၵ်ႈ​ဢဝ်​မဵဝ်း​ ဢီႉသရေႇလႃႉ ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​လႄႈ ၵႄႇ​သႄႇ​ဢဝ်​သူ​လွတ်ႈ​သေ​ၵႃႈ​ၼႂ်း​မိုဝ်း​ၵူၼ်း​ ဢေႇၵိပ်ႉတူႉ ​တင်း​လၢႆ ဢိၵ်ႇ​တင်း​သိုင်ႇ​ၸိုင်ႈ​ဝၢၼ်ႈ​မိူင်း​ၵႃႈ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​သူ​ၼၼ်ႉ​ဢေႃႈ။-</verse>
				<verse number="19">ၵူၺ်း​ၵႃႈ သူ​ပႄႇ​ပႅတ်ႈ​ၽြႃး​ပဵၼ်​ၸဝ်ႈ​သူ ဢၼ်​ၵႄႇ​သႄႇ​ဢဝ်​သူ​လွတ်ႈ​သေ​ၵႃႈ​ၼႂ်း​ၽေး​ဢူႉ​ပၢတ်ႈ​တုၵ်ႉ​ၶႃႉ​တၢင်း​ၽၢၼ်​သူ ၵႃႈ​မီး​ၼၼ်ႉ​ဝၼ်း​မိူဝ်ႈ​ၼႆႉ​သေ​လႄႈ၊ ဢွၼ်​ၵၼ်​လဝ်ႊ​လၢတ်ႈ​တီႈ​မၼ်း​ၸဝ်ႈ​လႄႈ​ဝႃႈ ယုၵ်ႉ​ယွင်ႈ​ၶုၼ်​ႁေႃ​ၶမ်း​ဝႆႉ​ၵႃႈ​ၼိူဝ်​ႁဝ်း​ၶႃႈ​သေ​ၵမ်း၊ ဝႃႈ​ၼင်ႇ​ၼႆ​ယဝ်ႉ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ၸွမ်း​လူၺ်ႈ​မဵဝ်း​ၽႂ်​မဵဝ်း​မၼ်း​ယေႈ​ႁဵင်​ယေႈ​ႁဵင်​ၼင်ႇ​ၵၼ်၊ ႁင်း​ၽႂ်​ႁင်း​မၼ်း ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၼင်ႇ​ၼၼ်​လႄႈ သမူၺ်ႇလႃႉ ႁႂ်ႈ​ၵူႈ​မဵဝ်း​သုတ်ႉ​ၸပ်း​သုတ်ႉ​ၸူး​လႄႈ မဵဝ်း​ ပိၼ်ႇယႃႇမိၼ်ႇ လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​မၢတ်ႈ​မၢႆ​ဝႆႉ​ဢေႃႈ။-</verse>
				<verse number="21">မၼ်း​ႁႂ်ႈ​မဵဝ်း​ ပိၼ်ႇယႃႇမိၼ်ႇ ​သုတ်ႉ​ၸပ်း​သုတ်ႉ​ၸူး​ၸွမ်း​လူၺ်ႈ​မဵဝ်း​ပီႈ​မဵဝ်း​ၼွင်ႉ​ႁင်း​ၽႂ်​ႁင်း​မၼ်း​လႄႈ မဵဝ်း​ပီႈ​မဵဝ်း​ၼွင်ႉ မႃႇတရီႉ ​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​မၢတ်ႈ​မၢႆ​ဝႆႉ​ဢေႃႈ။ သေႃးလူႉ လုၵ်ႈ​ၸၢႆး ၵီႉသႃႉ ၼၼ်ႉ လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​မၢတ်ႈ​မၢႆ​ဝႆႉ​လႄႈ မိူဝ်ႈ​ဢၼ်​ၶဝ်​ႁႃ​မၼ်း​ၼၼ်ႉ​ၸိုင် ဢမ်ႇ​ထူပ်း​ဢမ်ႇ​ႁၼ်​မၼ်း။-</verse>
				<verse number="22">ၶဝ်​သမ်ႉ​လဝ်ႊ​ထၢမ်​တီႈ​ထႃႇဝရႃႉ​ၽြႃး​ထႅင်ႈ​လႄႈ​ဝႃႈ၊ သေ​ၵေႃႉ​သေ​ၵူၼ်း​တၵ်း​လႆႈ​မႃး​လူး​ၵွၼ်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ။ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ မၼ်း​ၼၼ်ႉ​တဵတ်ႇ​မႅပ်ႉ​ယူႇ​ၵႃႈ​ၼႂ်း​ၵႄႈ​ၶူဝ်း​ၵႄႈ​လဵင်း​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၶဝ်​ဢွၼ်​ၵၼ်​လႅၼ်ႈ​ၵႂႃႇ​လႄႈ ႁွင်ႉ​ဢဝ်​မၼ်း​မႃး​ဢေႃႈ။ သေႃးလူႉ ​ၼၼ်ႉ မိူဝ်ႈ​ဢၼ်​ၸုၵ်း​ၵႃႈ​ၼႂ်း​ၵၢင်​ၵူၼ်း​တင်း​လၢႆ​ၼၼ်ႉ​ၸိုင်၊ ဢဝ်​ၵႃႈ​တီႈ​ႁူဝ်​မႃႇ​မၼ်း​ၶိုၼ်ႈ​ၵႃႈ​ၼိူဝ်​ၼၼ်ႉ မၼ်း​သုင်​ပူၼ်ႉ​သေ​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="24">သမူၺ်ႇလႃႉ ​ၵေႃႈ​လၢတ်ႈ​တီႈ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ ဢွၼ်​ၵၼ်​တူၺ်း​ၵူၼ်း​ဢၼ်​ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ်​ၼႆႉ​တႃႉ။ ၼႂ်း​ၵူၼ်း​တင်း​သဵင်ႈ​တင်း​လူင် ၵေႃႉ​ဢၼ်​မိူၼ်​ၵၼ်​တင်း​မၼ်း ဢမ်ႇ​မီး​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​သဵင်ႈ​တင်း​လူင် ႁွင်ႉ​သႅၼ်ႇ​လႄႈ​ဝႃႈ၊ ႁႂ်ႈ​ဢသၢၵ်ႈ​ၸဝ်ႈ​ၶုၼ်​ႁေႃ​ၶမ်း​ႁဝ်း​မၼ်ႈ​ၶိူင်ႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">သမူၺ်ႇလႃႉ ​ၵေႃႈ ဢဝ်​တြႃး​တၢင်း​ဢၼ်​ၶုၼ်​ၵမ်​ၶုၼ်​ၵျၢင်ႉ မွၵ်ႇ​လၢတ်ႈ​တီႈ​ၵူၼ်း​တင်း​လၢႆ​လႄႈ၊ တႅမ်ႈ​သႂ်ႇ​ဝႆႉ​ၵႃႈ​ၼႂ်း​လိၵ်ႈ​သေ​လႄႈ၊ ဢဝ်​ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​ယဝ်ႉ၊ သမူၺ်ႇလႃႉ ပွႆႇ​ၵူၼ်း​တင်း​သဵင်ႈ​တင်း​လူင်​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​ၽႂ်​ႁိူၼ်း​မၼ်း​သေ​ဢေႃႈ။</verse>
				<verse number="26">သေႃးလူႉ ​ၵေႃႈ​ၵႂႃႇ​ၸူး​ၵႃႈ​တီႈ​ႁိူၼ်း​မၼ်း ၵႃႈ​တီႈ​ဝဵင်း​ ၵီႉပႃႉ ​လႄႈ မုၵ်ႉ​ၵူၼ်း​ၸိူဝ်း​ၵူၼ်း​ဢၼ်​ၽြႃး​ပဵၼ်​ၸဝ်ႈ​တိုၵ်း​ယူင်း​ႁူဝ်​ၸႂ်​ၶဝ်​ၼၼ်ႉ ဢွၼ်​ၵၼ်​ၸပ်း​ၵႂႃႇ​ၸွမ်း​ၵႂႃႇ​ဢေႃႈ။-</verse>
				<verse number="27">ၵူၺ်း​ၵႃႈ ၵူၼ်း​ဢႃႉထမ်ႇမႃႉ​ၵမ်ႈ​ၽွင်ႈ၊ ဢွၼ်​ၵၼ်​လၢတ်ႈ​လႄႈ​ဝႃႈ၊ ၵေႃႉ​ၼႆႉ​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​ၵႄႇ​သႄႇ​ဢဝ်​ႁဝ်း​လွတ်ႈ၊ ဝႃႈ​ၼင်ႇ​ၼႆ​ယူႇ​သေ​လႄႈ၊ ယင်း​ဢမ်ႇ​သၢၵ်ႈ​ဢမ်ႇ​ပၼ်​လၢၵ်ႈ​သွင်ႇ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​မၼ်း​လႄႈ​ယူႇ​သေ​ၵေႃႈ၊ သေႃးလူႉ ​ယင်း​ဢမ်ႇ​ဢဝ်​ၶဝ်ႈ​ၼႂ်း​ႁူ​မၼ်း​လႄႈ​ယူႇ​ဢေႃႈ။</verse>
			</chapter>
			<chapter number="11">
				<verse number="1">လိုၼ်း​ၼၼ်ႉ ၼႃႇႁတ်ႉ ၵူၼ်း​မဵဝ်း​ ဢမ်ႇမုၼ်ႇ ​ၶီႇ​သိုၵ်း​မႃး​လႄႈ ၶျႃး​တပ်ႉ​ၵႃႈ​တီႈ​ႁိမ်း​ဝဵင်း​ ယႃႇပႅတ်ႉၵီႉလတ်ႉ သေ​ယဝ်ႉ၊ ၵူၼ်း​ဝဵင်း​ ယႃႇပႅတ်ႉ ၵႃႈ​မီး​ၼၼ်ႉ ဢွၼ်​ၵၼ်​လဝ်ႊ​လၢတ်ႈ​တီႈ​ၶုၼ်​ ၼႃႇႁတ်ႉ ​ၼၼ်ႉ​လႄႈ​ဝႃႈ၊ ႁဵတ်း​မိၵ်ႉသႃႇႁႃယႃႉ​လူၺ်ႈ​ၵၼ်​တင်း​ႁဝ်း​ၶႃႈ​သေ​ၵမ်း​ၶႃႈ။ ႁဝ်း​ၶႃႈ​တၵ်း​ၶၢမ်ႇ​ႁဵတ်း​ၶႃႈ​တီႈ​ၸဝ်ႈ​ႁဝ်း​ၶႃႈ ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="2">ၼႃႇႁတ်ႉ ​ၵူၼ်း​မဵဝ်း​ ဢမ်ႇမုၼ်ႇ ​ၼၼ်ႉ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ပေႃး​သူ​ပၼ်​ဢၶႂၢင်ႉ​ဢၼ်​လႆႈ​ၶွၵ်း​မၢၵ်ႇ​တႃ​ၶွၼ်​ၶႂႃ​ၵႃႈ​ဢၼ်​မီး​တီႈ​သူ​ၼၼ်ႉ​ဢွၵ်ႇ​လႄႈ ႁႂ်ႈ​ၵဝ်​လႆႈ​ႁႂ်ႈ​လွင်ႈ​တၢင်း​ၼၼ်ႉ ပဵၼ်​တီႈ​ဢၼ်​သႄႉ​ဢၼ်​သွမ်း​တီႈ​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၵူၺ်း​ၸိုင်၊ တၵ်း​ႁဵတ်း​မိၵ်ႉသႃႇႁႃယႃႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="3">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ဝဵင်း​ ယႃႇပႅတ်ႉ ​ၸိူဝ်း​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ ၶႅၼ်း​တေႃႈ​ယိူၼ်ႉ​ထႃႈ​ယူႇ​သေ​ၸဵတ်း​ဝၼ်း​ၼိုင်ႈ ႁႂ်ႈ​ႁဝ်း​ၶႃႈ​လႆႈ​ပွႆႇ​ၸႂ်ႉ​တမၢၼ်ႇ​တင်း​လၢႆ​ၵႂႃႇ​ၵႃႈ​ၼႂ်း​မိူင်း​ ဢီႉသရေႇလႃႉ ၵူႈ​တီႈ​ၵူႈ​လႅၼ်​သေ​ၵမ်း​ၶႃႈ။ မိူဝ်ႈ​ၼၼ်ႉ ပေႃး​ၵေႃႉ​ဢၼ်​တၵ်း​ၵႄႇ​သႄႇ​ဢဝ်​ႁဝ်း​ၶႃႈ​လွတ်ႈ​ၼၼ်ႉ​ဢမ်ႇ​ပေႃႇ​ဢမ်ႇ​မီး​ၸိုင်၊ ႁဝ်း​ၶႃႈ​တၵ်း​ဢွၵ်ႇ​ၸူး​ၵႃႈ​တီႈ​ၶုၼ်​လူင်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">တမၢၼ်ႇ​ၸိူဝ်း​ၼၼ်ႉ​ႁွတ်ႈ​ထိုင်​ၵႃႈ​တီႈ​ဝဵင်း​ ၵီႉပႃႉ တီႈ​ယူႇ​ သေႃးလူႉ ​ၼၼ်ႉ​လႄႈ ဢဝ်​ၵႂၢမ်း​ၸိူဝ်း​ၼၼ်ႉ​မွၵ်ႇ​လၢတ်ႈ​ထိုင်​ႁူ​ၵူၼ်း​တင်း​လၢႆ​သေ​ယဝ်ႉ၊ ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ်​ၵိဝ်​သဵင်​သေ​လႄႈ​ႁႆႈ​ႁွင်ႉ​ဢေႃႈ။-</verse>
				<verse number="5">မိူဝ်ႈ​ၼၼ်ႉ သေႃးလူႉ ၸွမ်း​လင်​ၽုင်​ဝူဝ်း​ယူႇ​သေ​လႄႈ လုၵ်ႉ​သေ​ၵႃႈ​တီႈ​တူင်ႈ​ႁႆႊ​တူင်ႈ​ၼႃး​ႁွတ်ႈ​မႃး​လႄႈ သေႃးလူႉ ​ၼၼ်ႉ​ထၢမ်​လႄႈ​ဝႃႈ၊ ၵူၼ်း​တင်း​လၢႆ​ႁႆႈ​ႁွင်ႉ​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ဢွၼ်​ၵၼ်​ဢဝ်​ၵႂၢမ်း​ၵူၼ်း​ဝဵင်း​ ယႃႇပႅတ်ႉ ​ၸိူဝ်း​ၼၼ်ႉ​မွၵ်ႇ​လၢတ်ႈ​ဢေႃႈ။-</verse>
				<verse number="6">မိူဝ်ႈ​ဢၼ်​ သေႃးလူႉ ​ငိၼ်း​ၵႂၢမ်း​ၼၼ်ႉ​ၸိုင်၊ ဝီႉၺိၺ်ႇ​ၽြႃး​ပဵၼ်​ၸဝ်ႈ​တူၵ်း​ႁွတ်ႈ​ၵႃႈ​ၼိူဝ်​မၼ်း​ၼႃႇ​လူင်​လၢင်​လႄႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ဢွၵ်ႇ​ႁႅင်း​ယႂ်ႇ​ၼႃႇ​ယူႇ​သေ​လႄႈ၊-</verse>
				<verse number="7">မၼ်း​ဢဝ်​ဝူဝ်း​ၵူႈ​ၼိုင်ႈ​တႅပ်း​ၽၼ်း​ပဵၼ်​ၵွၼ်ႈ​ပဵၼ်​မမ်ႈ​သေ​ယဝ်ႉ၊ သႂ်ႇ​ပၼ်​ၵႃႈ​ၼႂ်း​မိုဝ်း​တမၢၼ်ႇ​တင်း​လၢႆ ၵႂႃႇ​ၵႃႈ​ၼႂ်း​မိူင်း​ ဢီႉသရေႇလႃႉ ၵူႈ​တီႈ​ၵူႈ​လႅၼ်​လႄႈ ႁႂ်ႈ​ၵျေႃႇ​ၺႃႇ​လႄႈ​ဝႃႈ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ဢွၵ်ႇ​ၸွမ်း​လင်​ သေႃးလူႉ ဢိၵ်ႇ​တင်း​ သမူၺ်ႇလႃႉ ​ၼၼ်ႉ​ၸိုင်၊ တၵ်း​လႆႈ​ႁဵတ်း​တီႈ​ဝူဝ်း​ၵေႃႉ​ၼၼ်ႉ မိူၼ်​ၸိူဝ်ႉ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး တူၵ်း​ႁွတ်ႈ​ၵႃႈ​ၼိူဝ်​ၵူၼ်း​တင်း​လၢႆ​လႄႈ ၶဝ်​ၽွမ်ႉ​ၵၼ်​ဢွၵ်ႇ​မႃး​မိူၼ်​ၸိူဝ်ႉ​ၼင်ႇ​ၵူၼ်း​ၵေႃႉ​လဵဝ်​ဢေႃႈ။-</verse>
				<verse number="8">မၼ်း​ဢဝ်​ၸရၢင်း​ၵူၼ်း​ၵႃႈ​တီႈ​ဝဵင်း​ ပေးၸႅၵ်ႉ ​လႄႈ မီး​ၵူၼ်း​မဵဝ်း​ ဢီႉသရေႇလႃႉ ​သၢမ်​သႅၼ်၊ ၵူၼ်း​မဵဝ်း​ ယူႉတႃႉ သၢမ်​မိုၼ်ႇ​ဢေႃႈ။-</verse>
				<verse number="9">ၶဝ်​သင်ႇ​လၢတ်ႈ​တီႈ​တမၢၼ်ႇ​ၸိူဝ်း​ၼၼ်ႉ​လႄႈ​ဝႃႈ၊ သူ​မွၵ်ႇ​လၢတ်ႈ​တီႈ​ၵူၼ်း​ဝဵင်း​ ယႃႇပႅတ်ႉ၊ ၵီႉလတ်ႉ ​ၸိူဝ်း​ၼၼ်ႉ​လႄႈ​ဝႃႈ၊ ဝၼ်း​မိူဝ်ႈ​ၽုၵ်ႈ၊ မိူဝ်ႈ​ဢၼ်​ထိုင်​ၶိင်ႇ​လႅတ်ႇ​မႆႈ​ၼၼ်ႉ၊ သူ​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ​၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ တမၢၼ်ႇ​ၸိူဝ်း​ၼၼ်ႉ​ႁွတ်ႈ​ထိုင်​လႄႈ မွၵ်ႇ​လၢတ်ႈ​တီႈ​ၵူၼ်း​ဝဵင်း​ ယႃႇပႅတ်ႉ ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ​ၸူမ်း​သိူဝ်း​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ ၵူၼ်း​ဝဵင်း​ ယႃႇပႅတ်ႉ ​ၸိူဝ်း​ၼၼ်ႉ လဝ်ႊ​လၢတ်ႈ​တီႈ​ၶုၼ်​ ၼႃႇႁတ်ႉ ​လႄႈ​ဝႃႈ၊ ဝၼ်း​မိူဝ်ႈ​ၽုၵ်ႈ​ႁဝ်း​ၶႃႈ​တၵ်း​ဢွၵ်ႇ​ၸူး​ၵႃႈ​တီႈ​ၸဝ်ႈ​ႁဝ်း​ၶႃႈ​လႄႈ ၸဝ်ႈ​ႁဝ်း​တၵ်း​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​မီး​ဢလူဝ်ႇ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ဝၼ်း​မိူဝ်ႈ​ၽုၵ်ႈ သေႃးလူႉ ​ၽႄ​ၵူၼ်း​မၼ်း ႁဵတ်း​သၢမ်​တပ်ႉ​သေ​ယဝ်ႉ၊ ၶဝ်ႈ​ၸူး​ၵႃႈ​ၼႂ်း​မုၵ်ႉ​ၸိူဝ်း​ရၢၼ်ႇ​သူႇ​ၶိင်ႇ​ၵၢင်​ၼႂ်​သေ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​တေႃႇ​ထိုင်​ႁွတ်ႈ​ၶိင်ႇ​လႅတ်ႇ​မႆႈ​လႄႈ၊ ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ ၽၢတ်ႇ​ၽႄ​ၵၼ်​ၵႂႃႇ​တေႃႇ​ထိုင်​ႁွတ်ႈ​ထၼ်ႈ​ပေႃး သွင်​ၵေႃႉ​ဢမ်ႇ​လႆႈ​ၸပ်း​လႆႈ​ႁူမ်ႈ​ၵၼ်​ဢေႃႈ။</verse>
				<verse number="12">ၵူၼ်း​တင်း​လၢႆ​ၵေႃႈ​ဢွၼ်​ၵၼ်​လဝ်ႊ​လၢတ်ႈ​တီႈ​ သမူၺ်ႇလႃႉ ​လႄႈ​ဝႃႈ၊ ၶဝ်​ၸိူဝ်း​ဢၼ်​ဝႃႈ၊ သေႃးလူႉ ​တၵ်း​လႆႈ​ဢုပ်ႉ​ပိူင်ႇ​ႁဝ်း​ႁိုဝ်။ ဝႃႈ​ၸိူဝ်ႉ​ၼင်ႇ​ၼႆ​မႅၼ်ႈ​ၼၼ်ႉ​ၸမ်ႉ၊ ပဵၼ်​ၽူႈ​လႂ်။ ႁွင်ႉ​ဢဝ်​ၶဝ်​ၼၼ်ႉ​မႃး​ႁႂ်ႈ​ႁဝ်း​ၶႃႈ​လႆႈ​ဢဝ်​ၶဝ်​တၢႆ​ပႅတ်ႈ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">သေႃးလူႉ ​လၢတ်ႈ​လႄႈ​ဝႃႈ၊ ဢမ်ႇ​လႆႈ​ဢဝ်​ၵူၼ်း​တၢႆ​ၼႂ်း​ဝၼ်း​မိူဝ်ႈ​ၼႆႉ​သေ​ၵေႃႉ​သေ​ၵူၼ်း။ ဝၼ်း​မိူဝ်ႈ​ၼႆႉ ထႃႇဝရႃႉ​ၽြႃး​ႁဵတ်း​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် ၼႂ်း​မဵဝ်း​ ဢီႉသရေႇလႃႉ ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">သမူၺ်ႇလႃႉ ​ၵေႃႈ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ဢွၼ်​ၵၼ်​ၵႂႃႇ​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​လႄႈ သမ်ႉ​ၶိုၼ်း​မႄး​ၵုမ်း​မႄး​ႁဵတ်း သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​တႃႉ​ႁဝ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="15">ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ၵႂႃႇ​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​လႄႈ ယုၵ်ႉ​ယွင်ႈ​ သေႃးလူႉ ​ဝႆႉ​ၼႂ်း​ဢရႃႇ​ၶုၼ်​ႁေႃ​ၶမ်း ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ ၵီႉလႃႉၵႃႇလႃႉ ​ၼၼ်ႉ​ဢေႃႈ။ ၵႃႈ​တီႈ​ၼၼ်ႈ​ၵေႃႈ ၶဝ်​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​မိၵ်ႉသႃႇႁႃယႃႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ၊ သေႃးလူႉ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​ၵႃႈ​မီး​ၼၼ်ႉ ႁဵတ်း​တၢင်း​ဢၼ်​ၸူမ်း​သိူဝ်း​မူၼ်ႈ​ပျေႃႇ​ၼႃႇ​လူင်​လၢင်​ၵႃႈ​တီႈ​ၼၼ်ႈ​ဢေႃႈ။</verse>
			</chapter>
			<chapter number="12">
				<verse number="1">သမူၺ်ႇလႃႉ ၵေႃႈ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ​ဝႃႈ၊ တူၺ်း​လူး၊ ၵဝ်​ထွမ်ႇ​ဢဝ်​ၵႂၢမ်း​ဢၼ် သူ​လၢတ်ႈ​တီႈ​ၵဝ် ၵႃႈ​မီး​ၼၼ်ႉ​လႄႈ ယုၵ်ႉ​ယွင်ႈ​ၶုၼ်​ႁေႃ​ၶမ်း​ဝႆႉ​ၵႃႈ​ၼိူဝ်​သူ​ယဝ်ႉ။-</verse>
				<verse number="2">မိူဝ်ႈ​လဵဝ်​ၼႆႉ ၶုၼ်​ႁေႃ​ၶမ်း​ၼၼ်ႉ​ဢွၼ်​ႁူဝ်​သူ​ယူႇ​ဢေႃႈ။ ၵဝ်​ၸမ်ႉ ဢသၢၵ်ႈ​ယႂ်ႇ​လႄႈ​ၶူၼ်​ႁူဝ်​ႁွၵ်ႇ​ယဝ်ႉ။ လုၵ်ႈ​ၸၢႆး​ၵဝ်​တင်း​လၢႆ​ၵေႃႈ​မီး​ယူႇ​ၵႃႈ​တီႈ​သူ​ဢေႃႈ။ ၵဝ်​ၼႆႉ ဢွၼ်​ႁူဝ်​သူ​ၸႃႉ​ၸဵမ်​မိူဝ်ႈ​ဢၼ်​ဢသၢၵ်ႈ​ယင်း​လဵၵ်ႉ​လႄႈ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ယဝ်ႉ။-</verse>
				<verse number="3">ၵဝ်​ယင်း​မီး​ယူႇ​ၵႃႈ​တီႈ​ၼႆႈ​ဢေႃႈ။ ယူႇ​ၽၢႆႇ​ၼိုင်ႈ​တင်း​ၵဝ်​သေ​လႄႈ ၶၢမ်ႇ​သၢၵ်ႈ​သေႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ​ၸဝ်ႈ​ၼႆႉ​တႃႉ။ ၵဝ်​ယၢမ်ႈ​တွၼ်ႉ​လႆႈ​ဢဝ်​ဝူဝ်း​ၽူႈ​လႂ်။ ၵဝ်​ယၢမ်ႈ​တွၼ်ႉ​လႆႈ​ဢဝ်​လီႈ​ၽူႈ​လႂ်။ ၵဝ်​ယၢမ်ႈ​တွၼ်ႉ​လႆႈ​ပႅတ်ႉ​လႆႈ​လႅၼ်​ၽူႈ​လႂ်။ ၵဝ်​ယၢမ်ႈ​တွၼ်ႉ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ၽူႈ​လႂ်။ ၵဝ်​ယၢမ်ႈ​တွၼ်ႉ​လႆႈ​ၵိၼ်​လၢၵ်ႈ​သွင်ႇ​ၵႃႈ​တီႈ​မိုဝ်း​ၽူႈ​လႂ် ႁႂ်ႈ​မၢၵ်ႇ​တႃ​ၵဝ်​ထၼ်ႈ​ပေႃး​မွတ်ႇ။ ပေႃး​ၵဝ်​လႆႈ​ဢဝ်​မႅၼ်ႈ​ယဝ်ႉ​ၸိုင် ၵဝ်​တၵ်း​ၶိုၼ်း​တႅၼ်း​ပၼ်​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="4">ၶဝ်​ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၼႆႉ​ဢမ်ႇ​ပႅတ်ႉ​ဢမ်ႇ​လႅၼ်​ႁဝ်း​ၶႃႈ။ ဢမ်ႇ​ၼိၵ်ႈ​ၸၢၵ်ႈ​ငႅၼ်း​သႄး​ႁဝ်း​ၶႃႈ။ ဢမ်ႇ​ဢဝ်​ဢုၵ်ႉ​ၸႃႇ​ၵႃႈ​ၼႂ်း​မိုဝ်း​ၽူႈ​လႂ်​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မၼ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး ပဵၼ်​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​သူ၊ ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ​ၸဝ်ႈ​ၼႆႉ​ၵေႃႈ ပဵၼ်​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​သူ လွင်ႈ​ဢၼ်​သူ​ဢမ်ႇ​ထူပ်း​ဢမ်ႇ​ႁၼ်​ဢုၵ်ႉ​ၸႃႇ​ပိူၼ်ႈ ၵႃႈ​ၼႂ်း​မိုဝ်း​ၵဝ်​ၼၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ မၼ်း​ၸဝ်ႈ​ပဵၼ်​သၢၵ်ႈ​သေႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">လႆႈ​သမ်ႉ သမူၺ်ႇလႃႉ ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ မၼ်း​ၸဝ်ႈ​ၼၼ်ႉ​ပဵၼ်​ထႃႇဝရႃႉ​ၽြႃး​ဢၼ်​ယုၵ်ႉ​ယွင်ႈ​ မူဝ်းသေႇ ဢိၵ်ႇ​တင်း​ ဢႃႇရုၼ်ႇ ​လႄႈ ဢဝ်​ပူႇ​မွၼ်ႇ​သူ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။-</verse>
				<verse number="7">မိူဝ်ႈ​လဵဝ်​ၼႆႉ သူ​ဢွၼ်​ၵၼ်​ယူႇ​တဵတ်ႇ​တဵတ်ႇ​ယဵၼ်​ယဵၼ်​တႃႉ။ ၵဝ်​တၵ်း​တိူင်ႇ​ပၢင်ႇ​လၢတ်ႈ​ၸႃ​ၵၼ်​တင်း​သူ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး လူၺ်ႈ​လွင်ႈ​တၢင်း​ဢၼ်​ထႃႇဝရႃႉ​ၽြႃး ၸွမ်း​ၼင်ႇ​တြႃး​သေ​လႄႈ ႁဵတ်း​တီႈ​သူ​ဢိၵ်ႇ​တင်း​ပူႇ​မွၼ်ႇ​သူ​ၸိူဝ်း​ၼၼ်ႉ​ၼၼ်ႉ​ဢေႃႈ။-</verse>
				<verse number="8">မိူဝ်ႈ​ဢၼ်​ ယႃႇၵုပ်ႈ ​ႁွတ်ႈ​ထိုင်​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ပူႇ​မွၼ်ႇ​သူ​ၸိူဝ်း​ၼၼ်ႉ​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​ၼၼ်ႉ​ၸိုင်၊ ထႃႇဝရႃႉ​ၽြႃး​ပွႆႇ​ၸႂ်ႉ​ မူဝ်းသေႇ ဢိၵ်ႇ​တင်း​ ဢႃႇရုၼ်ႇ ​သေ​လႄႈ ၼုၵ်ႈ​ဢဝ်​ပူႇ​မွၼ်ႇ​သူ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​လႄႈ ၶျႃး​တီႈ​ယူႇ​ၶဝ်​ပၼ်​ၵႃႈ​တီႈ​ၼႆႈ​ဢေႃႈ။-</verse>
				<verse number="9">ၵူၺ်း​ၵႃႈ ၶဝ်​လူင်​လိုမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​လႄႈ၊ မၼ်း​ၸဝ်ႈ​ဢဝ်​ၶဝ်​ၶၢႆ​ပၼ်​ၵႃႈ​ၼႂ်း​မိုဝ်း​ သီႉသရႃႉ ၶုၼ်​ပူဝ်ႇ​ၶျုၵ်ႈ​ ႁႃႇၸေႃႇ ဢိၵ်ႇ​တင်း​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​တင်း​လၢႆ ဢိၵ်ႇ​တင်း​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ မေႃႇၽႃႉ ​ၼၼ်ႉ​သေ​ယဝ်ႉ၊ ၶဝ်​ၼၼ်ႉ ဢွၼ်​ၵၼ်​တိုၵ်း​တေႃး​ၶဝ်​ဢေႃႈ။-</verse>
				<verse number="10">လႆႈ​သမ်ႉ ၶဝ်​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ်​ၽိတ်း​ပိူင်ႈ​ၵွပ်ႈ​ပိူဝ်ႈ​ဢၼ်​လႆႈ​ၸုၼ်ႉ​ပႅတ်ႈ​ၸဝ်ႈ​ႁဝ်း​လႄႈ ႁဵတ်း​ဝၢတ်ႈ​တီႈ​ၽြႃး ပႃႇလႃႉ ဢိၵ်ႇ​တင်း​ၽြႃး​ ဢႃႇသတရိၵ်ႉ ​ၼၼ်ႉ​ယဝ်ႉ​တီႈ​ၶႃႈ​ယဝ်ႉ၊ ၼႂ်း​ဝႃႈ​ၼၼ်​သေ​ၵေႃႈ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ် ၵႃႈ​ၼႂ်း​မိုဝ်း​ရၢၼ်ႇ​သူႇ​သေ​ၵမ်း​တီႈ​ၶႃႈ၊ တၵ်း​ႁဵတ်း​ဝၢတ်ႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">ထႃႇဝရႃႉ​ၽြႃး​ပွႆႇ​ၸႂ်ႉ​ ယေႇရုပ်ႉပႃႉပေႇလႃႉ၊ ပေႇတၼ်ႇ၊ ယေႇၽသႃႉ၊ သမူၺ်ႇလႃႉ ​ၸိူဝ်း​ၼၼ်ႉ​သေ​လႄႈ ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ ဢၼ်​လဵပ်ႈ​ႁွပ်ႈ​သူ​ဝႆႉ​ၼၼ်ႉ​သေ​ယဝ်ႉ၊ သူ​လႆႈ​ယူႇ​လူင်ႉ​လီ​လွတ်ႈ​လီ​ဢေႃႈ။-</verse>
				<verse number="12">လိုၼ်း​ၼၼ်ႉ မိူဝ်ႈ​ဢၼ်​သူ​ႁၼ်​ ၼႃႇႁတ်ႉ ၊ ၶုၼ်​ႁေႃ​ၶမ်း​ၵူၼ်း​မဵဝ်း​ ဢမ်ႇမုၼ်ႇ ၶီႇ​သိုၵ်း​မႃး​ၼၼ်ႉ​ၸိုင် ပိၵ်ႉ​သမ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ႁဵတ်း​ၶုၼ်​ႁေႃ​ၶမ်း​သူ​ယူႇ​သေ​ၵေႃႈ သူ​လဝ်ႊ​လၢတ်ႈ​တီႈ​ၵဝ်​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ။ ၶုၼ်​ႁေႃ​ၶမ်း​တၵ်း​လႆႈ​ဢုပ်ႉ​ပိူင်ႇ​ၵႃႈ​ၼိူဝ်​ႁဝ်း​ၶႃႈ ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မိူဝ်ႈ​လဵဝ်​ၼႆႉ​ၸိုင်၊ သူ​ဢွၼ်​ၵၼ်​လူ​တူၺ်း​ၶုၼ်​ႁေႃ​ၶမ်း ဢၼ်​သူ​လိူၵ်ႈ​ၵဵပ်း​ဢဝ်​လႄႈ​ယွၼ်း​ဢဝ်​ၼၼ်ႉ​တႃႉ။ တူၺ်း​လူး၊ ထႃႇဝရႃႉ​ၽြႃး​ယုၵ်ႉ​ယွင်ႈ​ၵေႃႉ​ၼိုင်ႈ ဝႆႉ​ႁႂ်ႈ​ပဵၼ်​ၶုၼ်​ႁေႃ​ၶမ်း​ၵႃႈ​ၼိူဝ်​သူ​ယဝ်ႉ။-</verse>
				<verse number="14">ပေႃး​သူ​ၵူဝ်​ႁႄ​ထႃႇဝရႃႉ​ၽြႃး​လႄႈ ႁဵတ်း​ဝၢတ်ႈ​ယူႇ၊ ယင်း​ဢမ်ႇ​ပူၼ်ႉ​လိူဝ်​ပိင်း​ၺၢပ်ႈ​မၼ်း​ၸဝ်ႈ​လႄႈ ထွမ်ႇ​ဢဝ်​ၵႂၢမ်း​မၼ်း​ၸဝ်ႈ​ယူႇ​ၸိုင်၊ သူ​ဢိၵ်ႇ​တင်း​ၶုၼ်​ႁေႃ​ၶမ်း​ဢၼ်​ဢုပ်ႉ​ပိူင်ႇ​သူ​ၼၼ်ႉ တၵ်း​ပဵၼ်​ၵေႃႉ​ဢၼ်​ၸွမ်း​လင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ယူႇ မၼ်ႈ​မၼ်ႈ​ၶိူင်ႇ​ၶိူင်ႇ​ဢေႃႈ။-</verse>
				<verse number="15">ပေႃး​ဢမ်ႇ​ၼၼ် ပေႃး​သူ​ဢမ်ႇ​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး​လႄႈ ပူၼ်ႉ​လိူဝ်​ပိင်း​ၺၢပ်ႈ​ထႃႇဝရႃႉ​ၽြႃး​ၸိုင်၊ မိုဝ်း​ထႃႇဝရႃႉ​ၽြႃး​ၼၼ်ႉ တၵ်း​ယူႇ​ၽၢႆႇ​ၼိုင်ႈ​တင်း​သူ မိူၼ်​ၸိူဝ်ႉ​ၼင်ႇ​ဢၼ်​ယူႇ​ၽၢႆႇ​ၼိုင်ႈ​တင်း​ပူႇ​မွၼ်ႇ​သူ​ၸိူဝ်း​ၼၼ်ႉ​ဢေႃႈ။-</verse>
				<verse number="16">မိူဝ်ႈ​လဵဝ်​ၼႆႉ ယူႇ​ၼိမ်​ၼိမ်​လီ​လီ​သေ​လႄႈ လူ​တူၺ်း​ဢမူႉ​လူင်​ဢၼ်​ထႃႇဝရႃႉ​ၽြႃး တၵ်း​ႁဵတ်း​သိုဝ်ႈ​ၼႃႈ​တႂ်ႈ​တႃ​သူ​ၼၼ်ႉ​တႃႉ။-</verse>
				<verse number="17">ဝၼ်း​မိူဝ်ႈ​ၼႆႉ ပဵၼ်​ၶိင်ႇ​ဢၼ်​ပၢတ်ႇ​ၶဝ်ႈ​ၵျုင်ႇ​ဢမ်ႇ​ၸႂ်ႈ​ႁိုဝ်။ ၵူၺ်း​ၵႃႈ ၵဝ်​တၵ်း​သူး​တွင်း​တီႈ​ထႃႇဝရႃႉ​ၽြႃး​လႄႈ မၼ်း​ၸဝ်ႈ​တၵ်း​ႁႂ်ႈ​ၽူၼ်​တူၵ်း ဢိၵ်ႇ​လူၺ်ႈ​ၵၼ်​တင်း​ၽႃႉ​လင်​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ သူ​တၵ်း​ႁၼ်​လႄႈ​ႁူႉ​သၢႆ​ငၢႆ​လွင်ႈ​ဢၼ်​ဢပႅတ်ႈ ဢၼ်​သူ​ၽိတ်း​ပိူင်ႈ​မႅၼ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​သူ​ယွၼ်း​ဢဝ်​ၶုၼ်​ႁေႃ​ၶမ်း​ၼၼ်ႉ ယႂ်ႇ​ၼႃႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="18">သမူၺ်ႇလႃႉ သူး​တွင်း​တီႈ​ထႃႇဝရႃႉ​ၽြႃး​လႄႈ ၼႂ်း​ဝၼ်း​ၼၼ်ႉ ထႃႇဝရႃႉ​ၽြႃး​ႁႂ်ႈ​ၽူၼ်​တူၵ်း​ဢိၵ်ႇ​လူၺ်ႈ​ၵၼ်​တင်း​ၽႃႉ​လင်​လႄႈ ၵူၼ်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ၵူဝ်​ႁႄ​ထႃႇဝရႃႉ​ၽြႃး ဢိၵ်ႇ​တင်း​ သမူၺ်ႇလႃႉ ၼႃႇ​လူင်​လၢင်​ဢေႃႈ။-</verse>
				<verse number="19">ၵူၼ်း​တင်း​သဵင်ႈ​တင်း​လူင်​ၵေႃႈ ဢွၼ်​ၵၼ်​တွင်း​ပၢၼ်ႇ​တီႈ​ သမူၺ်ႇလႃႉ ​လႄႈ​ဝႃႈ၊ လွင်ႈ​ၼင်ႇ​ႁိုဝ်​ႁဝ်း​ၶႃႈ​တၵ်း​ဢမ်ႇ​လႆႈ​တၢႆ​ၸိုင်၊ ၶႅၼ်း​တေႃႈ​သူး​တွင်း​ပုၼ်ႈ​ႁဝ်း​ၶႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ႁဝ်း​သေ​ၵမ်း။ ႁဝ်း​ၶႃႈ​ၼႆႉ​ဢဝ်​တူႉ​ၸရိူၵ်ႈ​တၢင်း​ဢၼ်​ယွၼ်း​ဢဝ်​ၶုၼ်​ႁေႃ​ၶမ်း​ၼႆႉ ထၢပ်ႈ​သႂ်ႇ​တီႈ​ဢပႅတ်ႈ​ႁဝ်း​ၶႃႈ​ၵႃႈ​မီး​ၼၼ်ႉ​ထႅင်ႈ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">သမူၺ်ႇလႃႉ ​ၵေႃႈ လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ယႃႇ​ပေ​မႆႈ​ၸႂ်။ သူ​ႁဵတ်း​တူႉ​ၸရိူၵ်ႈ​ၵႃႈ​မီး​ၼႆႉ​မႅၼ်ႈ​သေ​ၵေႃႈ ယႃႇ​ပေ​ဝႄႈ​ပိူင်ႈ​သဵၼ်ႈ​တၢင်း​ဢၼ်​ၸွမ်း​လင်​ထႃႇဝရႃႉ​ၽြႃး​ယူႇ​ၼၼ်ႉ။ ပႃး​တင်း​ႁူဝ်​ၸႂ်​သဵင်ႈ​သဵင်ႈ​မူတ်း​မူတ်း​သေ​လႄႈ ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​တႃႉ။-</verse>
				<verse number="21">ယႃႇ​ပေ​ဝႄႈ​ပိူင်ႈ​သဵၼ်ႈ​တၢင်း​လႄႈ ၸွမ်း​လင်​လွင်ႈ​တၢင်း​ဢၼ်​ပဵၼ်​ဢၼ်​လၢႆ​လၢႆ​ဢမ်ႇ​ပွင်​လွင်ႈ၊ ဢၼ်​ဢမ်ႇ​ႁဵတ်း​ၵျေး​ၸူး၊ ဢၼ်​ဢမ်ႇ​ၵႄႇ​သႄႇ​ၶျွတ်ႈ​ဢဝ်​ၸိူဝ်း​ၼၼ်ႉ။ လွင်ႈ​တၢင်း​ၸိူဝ်း​ၼၼ်ႉ​ပဵၼ်​ဢၼ်​လၢႆ​လၢႆ ဢမ်ႇ​ပွင်​လွင်ႈ​ၵႃႈ​သင်​ဢေႃႈ။-</verse>
				<verse number="22">ထႃႇဝရႃႉ​ၽြႃး​တၵ်း​ထွၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​သေ​လႄႈ ဢမ်ႇ​ၸုၼ်ႉ​ပႅတ်ႈ​ၵူၼ်း​မၼ်း​ၸဝ်ႈ။ ပဵၼ်​ဢၼ်​ထုၵ်ႇ​ၸႂ်​မႅၼ်ႈ​ၸႂ်​ထႃႇဝရႃႉ​ၽြႃး​ၼၼ်ႉ ႁႂ်ႈ​လႆႈ​ၶၢၼ်း​သူ​ဝႆႉ ၼႂ်း​ဢရႃႇ​ၵူၼ်း​မၼ်း​ၸဝ်ႈ​ဢေႃႈ။-</verse>
				<verse number="23">ၵဝ်​ၸမ်ႉ၊ ႁႂ်ႈ​ဢမူႉ​တၢင်း​ဢၼ်​ၽိတ်း​ပိူင်ႈ​ထႃႇဝရႃႉ​ၽြႃး ဢၼ်​ယင်း​ဢမ်ႇ​သူး​တွင်း​ပုၼ်ႈ​သူ​လႄႈ​ယူႇ​ၼၼ်ႉ ၵႆ​ၵၼ်​တင်း​ၵဝ်​သေ​ၵမ်း​လူၺ်ႈ။ သဵၼ်ႈ​တၢင်း​ဢၼ်​လီ​ငၢမ်း​သိုဝ်ႈ​တေႃႇ​ၼၼ်ႉ​ၵေႃႈ ၵဝ်​တၵ်း​ၼႄ​ပျႃး​တီႈ​သူ​လူး​ၵွၼ်ႇ​ဢေႃႈ။-</verse>
				<verse number="24">ၵူၺ်း​ၵွမ်ႉ ဢွၼ်​ၵၼ်​ၵူဝ်​ႁႄ​ထႃႇဝရႃႉ​ၽြႃး​လႄႈ ပႃး​တင်း​ႁူဝ်​ၸႂ်​သဵင်ႈ​သဵင်ႈ​မူတ်း​မူတ်း ဢိၵ်ႇ​တင်း​သဵတ်ႈ​ၸႃႇ​သေ​လႄႈ ႁဵတ်း​ဝၢတ်ႈ​တီႈ​မၼ်း​ၸဝ်ႈ​တႃႉ။ ဢွၼ်​ၵၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​မၼ်း​ၸဝ်ႈ​ႁဵတ်း​ပုၼ်ႈ​သူ​ထၢၼ်ႇ​လႂ်​ယဝ်ႉ​ၼၼ်ႉ​တႃႉ။-</verse>
				<verse number="25">ပေႃး​ဢမ်ႇ​ၼၼ် ပေႃး​သူ​ယင်း​ထၢပ်ႈ​ထႅင်ႈ​လႄႈ​ႁဵတ်း​တူႉ​ၸရိူၵ်ႈ​ယူႇ​ၸိုင်၊ သူ​ဢိၵ်ႇ​လူၺ်ႈ​ၵၼ်​တင်း​ၶုၼ်​ႁေႃ​ၶမ်း​သူ တၵ်း​လႆႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="13">
				<verse number="1">သေႃးလူႉ ​ၼၼ်ႉ ႁဵတ်း​ၶုၼ်​ႁေႃ​ၶမ်း​တီႈ​ၵူၼ်း​မဵဝ်း​ ဢီႉသရေႇလႃႉ ပီႊ​ၼိုင်ႈ​လိူဝ်​လိူဝ်​သေ သွင်​ပီႊ​ၼိုင်ႈ​ယဝ်ႉ​လႄႈ၊-</verse>
				<verse number="2">မၼ်း​ၸင်ႇ​လိူၵ်ႈ​ၵဵပ်း​ဢဝ် ၵူၼ်း​မဵဝ်း​ ဢီႉသရေႇလႃႉ ​သၢမ်​ႁဵင်​သေ​ယဝ်ႉ၊ ဢဝ်​သွင်​ႁဵင်​ဝႆႉ​ၵႃႈ​တီႈ​ သေႃးလူႉ ၵႃႈ​ၼႂ်း​ဝဵင်း​ မိၵ်ႉမတ်ႉ ဢိၵ်ႇ​တင်း​ၵႃႈ​ၼိူဝ်​လွႆ​ ပေႇသလႃႉ ​ၼၼ်ႉ ဢဝ်​ႁဵင်​ၼိုင်ႈ​ဝႆႉ​ၵႃႈ​တီႈ​ ယေႃးၼသၼ်ႇ ၵႃႈ​ၼႂ်း​ဝဵင်း​ ၵီႉပႃႉ ၼႂ်း​လိၼ်​ ပိၼ်ႇယႃႇမိၼ်ႇ ​ၼၼ်ႉ​သေ​လႄႈ ပွႆႇ​ၵူၼ်း​ဢၼ်​ၵိုတ်း​ဢၼ်​ၵျၢၼ်ႇ​ၸိူဝ်း​ၼၼ်ႉ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မူဝ်းၵႃႇ​ၶဝ်​ႁင်း​ၽႂ်​ႁင်း​မၼ်း​သေ​ဢေႃႈ။-</verse>
				<verse number="3">ယေႃးၼသၼ်ႇ ​ၼၼ်ႉ တိုၵ်း​တေႃး​ယႃႉ​ပႅတ်ႈ တပ်ႉ​ ၽီႉလိတ်ႉတီႉ ဢၼ်​မီး​ၵႃႈ​တီႈ​ဝဵင်း​ ၵေႇပႃႉ ​ၼၼ်ႉ​လႄႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ငိၼ်း​လွင်ႈ​မၼ်း​တၢင်း​မၼ်း​ဢေႃႈ။ သေႃးလူႉ ​ၵေႃႈ ပဝ်ႇ​တိုင်ႈ​ၼႄးၶရႃႇ​ၵႃႈ​ၼႂ်း​မိူင်း​တင်း​မိူင်း​လႄႈ ႁွင်ႉ​ပၢဝ်ႇ​ႁွင်ႉ​လၢတ်ႈ​လႄႈ​ဝႃႈ၊ ႁႂ်ႈ​ၵူၼ်း​ ႁေႇပြႄး ​တင်း​လၢႆ ႁူႉ​ငိၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ႁူႉ​ငိၼ်း​လွင်ႈ​ဢၼ်​ သေႃးလူႉ ​တိုၵ်း​တေႃး​ယႃႉ​ပႅတ်ႈ​တပ်ႉ​ ၽီႉလိတ်ႉတီႉ ဢိၵ်ႇ​တင်း​လွင်ႈ​ဢၼ်​မဵဝ်း​ ဢီႉသရေႇလႃႉ ပဵၼ်​တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​လႄႈ ၵူၼ်း​တင်း​လၢႆ​ဢွၼ်​ၵၼ်​ၸွမ်း​လင် သေႃးလူႉ ​လႄႈ ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​ဢေႃႈ။</verse>
				<verse number="5">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ၵေႃႈ ႁႂ်ႈ​လေႃႉရထႃး​သၢမ်​မိုၼ်ႇ၊ မႃႉ​ႁူၵ်း​ႁဵင်၊ ၵူၼ်း​ၼမ်​ၼႃႇ​မိူၼ်​ၸိူဝ်ႉ​ၼင်ႇ မဵတ်ႉ​ႁိၼ်​မဵတ်ႉ​သၢႆး​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ ၸူႉ​ၵၼ်​တုမ်​ၵၼ်​ႁႂ်ႈ​လႆႈ​တိုၵ်း​တေႃး​ၵၼ်​တင်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သေ​ယဝ်ႉ၊ ၶီႇ​သိုၵ်း​ၶိုၼ်ႈ​ၸူး​လႄႈ ၶျႃး​တပ်ႉ​ၵႃႈ​တီႈ​ဝဵင်း​ မိၵ်ႉမတ်ႉ ၽၢႆႇ​ဝၼ်း​ဢွၵ်ႇ​ဝဵင်း​ ပႅတ်ႉဢႃႇဝႅၼ်ႇ ​ဢေႃႈ။-</verse>
				<verse number="6">မိူဝ်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ႁူႉ​ႁၼ်​လွင်ႈ​ဢၼ်​တူဝ်​ၸဝ်ႈ​ၵဝ်ႇ​လႆႈ​ၶၢမ်ႇ​တုၵ်ႉ​ၶႃႉ​တၢင်း​ဢၼ်​ယၢပ်ႇ​ၼႃႇ​လူင်​လၢင် ၵွပ်ႈ​ပိူဝ်ႈ​ဢၼ်​ႁွတ်ႈ​ထိုင်​တၢင်း​ဢၼ်​ၵိတ်ႇ​ဢၼ်​ၵိၼ်း​ၼၼ်ႉ​ၸိုင်၊ ၵူၼ်း​တင်း​လၢႆ​ဢွၼ်​ၵၼ်​တဵတ်ႇ​မႅပ်ႉ​ၵႃႈ​ၼႂ်း​ႁူး​ထမ်ႈ​ႁူး​လွႆ၊ ယုမ်း​မႆႉ​ယုမ်း​ၶိူဝ်း၊ ၵႄႈ​မၢၵ်ႇ​ႁိၼ်​မၢၵ်ႇ​ၽႃ၊ ၸိၵ်း​လွႆ​ပၢႆ​လွႆ၊ ႁူး​လိၼ်​ၶုမ်​လိၼ် ၸိူဝ်း​ၼၼ်ႉ​သေ​လႄႈ​ယူႇ​ဢေႃႈ။-</verse>
				<verse number="7">ၵူၼ်း​ ႁေႇပြႄး ​ၵမ်ႈ​ၽွင်ႈ ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​လႄႈ ၵႂႃႇ​ၵႃႈ​တီႈ​မိူင်း​ ၵၢတ်ႉ တင်း​မိူင်း​ ၵီႉလတ်ႉ ပုၼ်ႉ​ယဝ်ႉ။ သေႃးလူႉ ​ၸမ်ႉ၊ ယင်း​ယူႇ​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​လႄႈ ၵူၼ်း​တင်း​လၢႆ​သၼ်ႇ​သၼ်ႇ​သၢႆ​သၢႆ ၸွမ်း​လင်​မၼ်း​ယူႇ​ဢေႃႈ။-</verse>
				<verse number="8">သေႃးလူႉ ​ပႂ်ႉ​ထႃႈ​ယူႇ​ၸဵတ်း​ဝၼ်း​ၸွမ်း​ၵႃႈ​ၼင်ႇ​ဢၼ်​ သမူၺ်ႇလႃႉ ၶိၼ်း​ၶိင်ႇ​မၼ်း​ဝႆႉ​ၼၼ်ႉ​သေ​ၵေႃႈ၊ သမူၺ်ႇလႃႉ ဢမ်ႇ​ႁွတ်ႈ​ဢမ်ႇ​မႃး ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​လႄႈ ၵူၼ်း​တင်း​လၢႆ​ဢွၼ်​ၵၼ် ၽူင်ႉ​ပၢႆႈ​ယၢႆႈ​ၼီ​သေ​ၵႃႈ​တီႈ​မၼ်း​ဢေႃႈ။-</verse>
				<verse number="9">သေႃးလူႉ ​ၵေႃႈ​လၢတ်ႈ​လႄႈ​ဝႃႈ၊ ဢဝ်​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​မိၵ်ႉသႃႇႁႃယႃႉ​တင်း​လၢႆ​မႃး​ၵႃႈ​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ဢဝ်​ယိတ်ႈ​ဢၼ်​တုတ်ႇ​ၽႆး​ၼၼ်ႉ​ပုၵ်ႈ​ၸေႃႇ​ဢေႃႈ။-</verse>
				<verse number="10">မိူဝ်ႈ​ဢၼ်​မၼ်း​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​ၼၼ်ႉ​ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ သမူၺ်ႇလႃႉ ​ႁွတ်ႈ​မႃး​လႄႈ၊ သေႃးလူႉ ​ၼၼ်ႉ ဢွၵ်ႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​လႄႈ ပၼ်​တၢင်း​လီ​တီႈ​မၼ်း​ၼၼ်ႉ​သေ​ယဝ်ႉ၊-</verse>
				<verse number="11">သမူၺ်ႇလႃႉ ​ထၢမ်​လႄႈ​ဝႃႈ၊ မႂ်း​ႁဵတ်း​ၸိူဝ်ႉ​ၼင်ႇ​ႁိုဝ်​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ သေႃးလူႉ ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​ၶႃႈ​ႁူႉ​ႁၼ်​လွင်ႈ​ဢၼ် ၵူၼ်း​တင်း​လၢႆ​ၽူင်ႉ​ပၢႆႈ​ယၢႆႈ​ၼီ​သေ​ၵႃႈ​တီႈ​ၵဝ်​ၶႃႈ၊ လွင်ႈ​ဢၼ်​ၸဝ်ႈ​ဢမ်ႇ​ႁွတ်ႈ​မႃး​မိုဝ်ႉ​ဝၼ်း​ဢၼ်​ၶိၼ်း​ဝႆႉ၊ လွင်ႈ​ဢၼ်​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ မိၵ်ႉမတ်ႉ ​ၼၼ်ႉ​လႄႈ၊-</verse>
				<verse number="12">ၵဝ်​ၶႃႈ​ဝႃႈ၊ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ တၵ်း​ၶီႇ​လူင်း​မႃး​ၸူး​ၵႃႈ​တီႈ​ၵဝ် ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​လႄႈ၊ ၵဝ်​ယင်း​ဢမ်ႇ​ပႆႇ​တွင်း​ပၢၼ်ႇ​တီႈ​ထႃႇဝရႃႉ​ၽြႃး​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ ၵဝ်​ၶႃႈ​ယိူၼ်ႉ​ၸႂ်​ၵဝ်​ၶႃႈ​သေ​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​မႅၼ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">သမူၺ်ႇလႃႉ ​ၵေႃႈ လၢတ်ႈ​တီႈ​ သေႃးလူႉ ​လႄႈ​ဝႃႈ၊ မႂ်း​လႆႈ​ႁဵတ်း​တၢင်း​ဢၼ်​မိူၵ်ႈ​ယဝ်ႉ။ မႂ်း​ဢမ်ႇ​ပႂ်ႉ​ပိင်း​ၺၢပ်ႈ​တြႃး ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​လူင်​ပႄႇ။ ပေႃး​ပႂ်ႉ​ထႃႈ​မႅၼ်ႈ​ၸိုင်၊ ထႃႇဝရႃႉ​ၽြႃး​တၵ်း​ႁႂ်ႈ​ဢႃႇၼႃႇ​မႂ်း​တႄႇ​ယူႇ​ၵႃႈ​ၼႂ်း​မဵဝ်း​ ဢီႉသရေႇလႃႉ ၸႃႉ​ၸဵမ်​ဝၼ်း​မိူဝ်ႈ​ၼႆႉ​ၵႂႃႇ​တႃႇ​သေႇ​ဢမ်ႇ​ထၢတ်ႇ​ယဝ်ႉ။ မိူဝ်ႈ​လဵဝ်​ၼႆႉ​ၸမ်ႉ၊ ဢႃႇၼႃႇ​မႂ်း​ဢမ်ႇ​လႆႈ​တႄႇ။ ထႃႇဝရႃႉ​ၽြႃး​ႁႃ​ဢဝ်​ၵေႃႉ​ဢၼ် ထုၵ်ႇ​ၸႂ်​မႅၼ်ႈ​ၸႂ်​မၼ်း​ၸဝ်ႈ​ၼၼ်ႉ​ယဝ်ႉ။-</verse>
				<verse number="14">ထႃႇဝရႃႉ​ၽြႃး​မီး​ဢမိင်ႉ​ႁႂ်ႈ​ၵေႃႉ​ၼၼ်ႉ လႆႈ​ပဵၼ်​ၶုၼ်​ၵႃႈ​ၼိူဝ်​ၵူၼ်း​မဵဝ်း​မၼ်း​ၸဝ်ႈ​ယဝ်ႉ။ လွင်ႈ​မၼ်း​ၸမ်ႉ မႂ်း​ၼႆႉ​ဢမ်ႇ​ၵမ်​ဢမ်ႇ​ၵျၢင်ႉ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="15">သမူၺ်ႇလႃႉ ​လုၵ်ႉ​လႄႈ​ဢွၵ်ႇ​သေ​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ၶိုၼ်း​ၸူး​ၵႃႈ​တီႈ​ဝဵင်း​ ၵီႉပႃႉ ၼႂ်း​လိၼ်​ ပိၼ်ႇယႃႇမိၼ်ႇ ​ၼၼ်ႉ​ဢေႃႈ။ သေႃးလူႉ ၼပ်ႉ​ဢၢၼ်ႇ​ၵူၼ်း​ဢၼ်​မီး​ယူႇ​ၵႃႈ​တီႈ​မၼ်း​ၸိူဝ်း​ၼၼ်ႉ​လႄႈ မီး​သေ​ႁူၵ်း​ပၢၵ်ႇ​ၼိုင်ႈ​ၵူၺ်း​ဢေႃႈ။-</verse>
				<verse number="16">သေႃးလူႉ ​ဢိၵ်ႇ​တင်း​လုၵ်ႈ​ၸၢႆး​မၼ်း​ ယေႃးၼသၼ်ႇ တင်း​ၵူၼ်း​တင်း​လၢႆ ဢၼ်​မီး​ၵႃႈ​တီႈ​ၶဝ်​ၼၼ်ႉ ယူႇ​ၵႃႈ​တီႈ​ဝဵင်း​ ၵေႇပႃႉ ၼႂ်း​လိၼ် ပိၼ်ႇယႃႇမိၼ်ႇ ​ၼၼ်ႉ​ဢေႃႈ။ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ၶျႃး​တပ်ႉ​ၵႃႈ​တီႈ​ဝဵင်း​ မိၵ်ႉမတ်ႉ ​ဢေႃႈ။-</verse>
				<verse number="17">ၶဝ်​ၸိူဝ်း​ဢၼ်​တၵ်း​ႁိမ်​ဢဝ်​ႁူင်ႇ​ဢဝ်​ၸိူဝ်း​ၼၼ်ႉ ႁဵတ်း​သၢမ်​တပ်ႉ​သေ​လႄႈ ဢွၵ်ႇ​သေ​ၵႃႈ​ၼႂ်း​တပ်ႉ​ ၽီႉလိတ်ႉတီႉ ​ၼၼ်ႉ​သေ​ယဝ်ႉ၊ တပ်ႉ​ၼိုင်ႈ​ဝၢႆႇ​ၼႃႈ​ၸွမ်း​သဵၼ်ႈ​တၢင်း​ဢၼ်​ၵႂႃႇ​ၸူး ဝဵင်း​ ဢေႃႇၽရႃႉ မိူင်း​ သႂႃႇလႃႉ ​ဢေႃႈ။-</verse>
				<verse number="18">တပ်ႉ​ၼိုင်ႈ​ဝၢႆႇ​ၼႃႈ​ၸွမ်း​သဵၼ်ႈ​တၢင်း​ဢၼ်​ၵႂႃႇ​ၸူး ဝဵင်း​ ပႅတ်ႉႁေႃႇရုၼ်ႇ ​ဢေႃႈ။ တပ်ႉ​ၼိုင်ႈ​ဝၢႆႇ​ၼႃႈ​ၸွမ်း​သဵၼ်ႈ​တၢင်း လႅၼ်​လိၼ်​မိူင်း ဢၼ်​ဝၢႆႇ​ၼႃႈ​တေႃႇ ၶူင်ႈ​ႁူၺ်ႈ​ ၸေႇပူဝ်းဢိမ်ႇ ၽၢႆႇ​တၢင်း​ထိူၼ်ႇ​ၼၼ်ႉ​ဢေႃႈ။</verse>
				<verse number="19">ၵွပ်ႈ​ပိူဝ်ႈ​ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ​ဝႃႈ၊ ၵူဝ်​ၵူၼ်း​ ႁေႇပြႄး တၵ်း​ႁဵတ်း​ႁွၵ်ႇ​ႁဵတ်း​လၢပ်ႇ ဝႃႈ​ၼင်ႇ​ၼႆ​လႄႈ၊ ၼႂ်း​မိူင်း​ ဢီႉသရေႇလႃႉ ၵူႈ​တီႈ​ၵူႈ​လႅၼ်​ၼၼ်ႉ ဢမ်ႇ​မီး​ၸၢင်ႈ​လဵၵ်း​သေ​ၵေႃႉ​သေ​ၵူၼ်း။-</verse>
				<verse number="20">ၵူၼ်း​ ဢီႉသရေႇလႃႉ ​တင်း​သဵင်ႈ​တင်း​လူင် လႆႈ​လူင်း​ၸူး​ၵႃႈ​တီႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ႁႂ်ႈ​သိၵ်ႈ​ထိူၼ်ႇ၊ သဵမ်၊ တႃ​မၢတ်ႇ၊ ၸေႃး ၶဝ်​လႆႈ​ၽၢႆ၊-</verse>
				<verse number="21">ၼႂ်း​မိူဝ်ႈ​ဢၼ် သိၵ်ႈ​ထိူၼ်ႇ၊ သဵမ်၊ ၶၵ်း​လင်​သၢမ်​လႅမ်ႈ၊ တႃ​မၢတ်ႇ၊ လဵၵ်း​သဵပ်ႇ​ဢၼ်​လႅမ်​ၸိူဝ်း​ၼၼ်ႉ မီး​တၢင်း​ဢၼ်​ထိုင်ႉ​ဝႆႉ​ပုၵ်း​ဝႆႉ​ၼၼ်ႉ​ဢေႃႈ။-</verse>
				<verse number="22">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မိူဝ်ႈ​ဢၼ်​တိုၵ်း​သိုၵ်း​ၼၼ်ႉ၊ ဢမ်ႇ​လႆႈ​ထူပ်း​လႆႈ​ႁၼ်​လၢပ်ႇ​တင်း​ႁွၵ်ႇ ၼႂ်း​မိုဝ်း​ၶဝ်​ၸိူဝ်း​ဢၼ် မီး​ယူႇ​လူၺ်ႈ​ၵၼ်​တင်း​ သေႃးလူႉ တင်း​ ယေႃးၼသၼ်ႇ ​ၼၼ်ႉ​ၸိူဝ်း​ၼၼ်ႉ​သေ​ၵေႃႉ​သေ​ၵူၼ်း။ ၵူၺ်း​ၵႃႈ လႆႈ​ထူပ်း​လႆႈ​ႁၼ်​တီႈ​ သေႃးလူႉ တင်း​လုၵ်ႈ​ၸၢႆး​မၼ်း​ ယေႃးၼသၼ်ႇ ​ၼၼ်ႉ​ၵူၺ်း​ဢေႃႈ။-</verse>
				<verse number="23">မိူဝ်ႈ​ၼၼ်ႉ တပ်ႉ​ၵူၼ်း​ ၽီႉလိတ်ႉတီႉ ​ၼၼ်ႉ ဢွၵ်ႇ​ၸူး​ၵႃႈ​တီႈ သူပ်း​သဵၼ်ႈ​တၢင်း​ၵႄႈ​လွႆ​ဢၼ်​ၵႂႃႇ​ၸူး ဝဵင်း​ မိၵ်ႉမတ်ႉ ​ၼၼ်ႉ​ဢေႃႈ။</verse>
			</chapter>
			<chapter number="14">
				<verse number="1">ဝၼ်း​ၼိုင်ႈ​ ယေႃးၼသၼ်ႇ လုၵ်ႈ​ၸၢႆး​ သေႃးလူႉ ​ၼၼ်ႉ ယင်း​ဢမ်ႇ​ယွၼ်း​ဢၶႂၢင်ႉ​တီႈ​ၸဝ်ႈ​ပေႃႈ​မၼ်း​လႄႈ ႁွင်ႉ​ဢဝ်​ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ​သေ​လႄႈ​လၢတ်ႈ​ဝႃႈ၊ မႃး​ဢိူၺ်း၊ ၶၢမ်ႈ​ၵႂႃႇ​ၸူး​ၵႃႈ​တီႈ​တပ်ႉ​ ၽီႉလိတ်ႉတီႉ ဢၼ်​မီး​ယူႇ​ၵႃႈ​တီႈ​ၽၢႆႇ​ပုၼ်ႉ​ၼၼ်ႉ​တႃႉ​ႁႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">သေႃးလူႉ ​ယူႇ​ၵႃႈ​တီႈ​တီႈ​သုတ်း​လႅၼ်​လိၼ်​ဝဵင်း​ ၵီႉပႃႉ ၵႃႈ​တႂ်ႈ​တူၼ်ႈ​မၢၵ်ႇ​ၸင်ႈ ဢၼ်​မီး​ၵႃႈ​ၼႂ်း​ဝၢၼ်ႈ​ မီႉၵြုၼ်ႇ ​ၼၼ်ႉ​လႄႈ ၶဝ်​ၸိူဝ်း​ဢၼ်​မီး​လူၺ်ႈ​ၵၼ်​တင်း​မၼ်း​ၼၼ်ႉ မီး​သေ​ႁူၵ်း​ပၢၵ်ႇ​ၼိုင်ႈ​ၵူၺ်း​ဢေႃႈ။-</verse>
				<verse number="3">ဢႁီႉယႃႉ လုၵ်ႈ​ၸၢႆး​ ဢႁီႉတုပ်ႉ ဢၼ်​ပဵၼ်​ပီႈ​ၸၢႆး​ ဢီႉၶပုတ်ႉ ၊ ဢၼ်​ပဵၼ်​လုၵ်ႈ​ၸၢႆး​ ၽီႉၼႁတ်ႉ ဢၼ်​ပဵၼ်​လုၵ်ႈ​ၸၢႆး​ ဢေးလီႉ ​လႄႈ ပဵၼ်​ၵေႃႉ​ဢၼ် ၼုင်ႈ​သိူဝ်ႈ​သုပ်း​သေ​လႄႈ ပဵၼ်​ယိတ်ႈပရေႃးႁဵၵ်ႈ​ထႃႇဝရႃႉ​ၽြႃး ၵႃႈ​တီႈ​ဝဵင်း​ သီႉလေႃႇ ​ၼၼ်ႉ​ၵေႃႈ​မီး​ဢေႃႈ။ ၵူၼ်း​တင်း​လၢႆ​ဢမ်ႇ​ႁူႉ​လွင်ႈ​ဢၼ် ယေႃးၼသၼ်ႇ ၵႂႃႇ​ၼၼ်ႉ။</verse>
				<verse number="4">ၵႃႈ​တီႈ​ဝူင်ႈ​ၵၢင်​ၵႄႈ​လွႆ​ဢၼ်​ ယေႃးၼသၼ်ႇ ​ၸမ်​ၶၢမ်ႈ​ၵႂႃႇ​ၸူး​ၵႃႈ​တီႈ​တပ်ႉ​ ၽီႉလိတ်ႉတီႉ ​ၼၼ်ႉ​ၸိူဝ်း​ၼၼ်ႉ၊ ၽၢႆႇ​ၼိုင်ႈ​မီး​ၸဵင်ႇ​လႅမ်​မၢၵ်ႇ​ၽႃ​လူင်​ဢၼ်​ၼိုင်ႈ​လႄႈ၊ ၽၢႆႇ​ၼိုင်ႈ​ၵေႃႈ​မီး​ၸဵင်ႇ​လႅမ်​မၢၵ်ႇ​ၽႃ​လူင်​ဢၼ်​ၼိုင်ႈ​ဢေႃႈ။ မၢၵ်ႇ​ၽႃ​ဢၼ်​ၼိုင်ႈ လႆႈ​ၸိုဝ်ႈ​ ပေႃႇၸိၵ်ႉ ​လႄႈ ဢၼ်​ၼိုင်ႈ​လႆႈ​ၸိုဝ်ႈ သေႇၼေႇ ​ဢေႃႈ။-</verse>
				<verse number="5">ဢၼ်​ၼိုင်ႈ​ၸမ်ႉ၊ တင်ႈ​ၶိုၼ်း​ယူႇ​ၽၢႆႇ​တၢင်း​ႁွင်ႇ သိုဝ်ႈ​ဝဵင်း​ မိၵ်ႉမတ်ႉ ​လႄႈ၊ ဢၼ်​ၼိုင်ႈ​ၸမ်ႉ၊ တင်ႈ​ၶိုၼ်ႈ​ယူႇ​ၽၢႆႇ​တၢင်း​ၸၢၼ်း​သိုဝ်ႈ​ဝဵင်း​ ၵေႇပႃႉ ​ဢေႃႈ။-</verse>
				<verse number="6">ယေႃးၼသၼ်ႇ ​လၢတ်ႈ​တီႈ​ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ​လႄႈ​ဝႃႈ၊ မႃး​ဢိူၺ်း၊ ၶၢမ်ႈ​ၵႂႃႇ​ၸူး​ၵႃႈ​တီႈ​တပ်ႉ​ၵူၼ်း​ဢၼ်​ဢမ်ႇ​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ၸိူဝ်း​ၼၼ်ႉ​တႃႉ​ႁႃး။ ထႃႇဝရႃႉ​ၽြႃး​ၸၢင်ႈ​ၶႄး တၵ်း​ပႂ်ႉ​ဢမူႉ​ႁႃး​ဢေႃႈ။ လွင်ႈ​မၼ်း​ၸမ်ႉ ဢမ်ႇ​မီး​လွင်ႈ​ဢၼ်​တၵ်း​ႁႄႉ​တၵ်း​ၶႅၼ် တၢင်း​ဢၼ်​ထႃႇဝရႃႉ​ၽြႃး​ၵႄႇ​သႄႇ​ၶျွတ်ႈ​ဢဝ်​ၵူၼ်း​ၼမ်​ၼမ် ဢမ်ႇ​ၼၼ် ၵူၼ်း​ၵေႇ​ၵေႇ​ၼၼ်ႉ၊ ဝႃႈ​ၼင်ႇ​ၼႆ သေ​ယဝ်ႉ၊-</verse>
				<verse number="7">ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ႁဵတ်း​ၸွမ်း​ၵႃႈ​ၼင်ႇ​ဢၼ်​ၸႂ်​ၸဝ်ႈ​ႁဝ်း​မီး​ၼၼ်ႉ​သေ​ၵမ်း။ ဝၢႆႇ​ၵႂႃႇ​ၸူး​သေ​ၵမ်း။ တူၺ်း​ၶႃႈ​လူး၊ ၵဝ်​ၶႃႈ​တၵ်း​ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​ၸဝ်ႈ​ႁဝ်း​မီး​ၼၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">ယေႃးၼသၼ်ႇ ​လၢတ်ႈ​လႄႈ​ဝႃႈ၊ ႁႃး​တၵ်း​ၶၢမ်ႈ​ၵႂႃႇ​ၸူး​ၵႃႈ​တီႈ​ၶဝ်​ၼၼ်ႉ​လႄႈ ၼႄ​ပျႃး​တူဝ်​ႁႃး​တီႈ​ၶဝ်​ၼၼ်ႉ​ဢေႃႈ။-</verse>
				<verse number="9">ပေႃး​ၶဝ်​လၢတ်ႈ​တီႈ​ႁႃး​လႄႈ​ဝႃႈ၊ ၵိုတ်း​သဝ်း​ယူႇ​တေႃႇ​ထိုင်​ႁွတ်ႈ​ႁဝ်း​မႃး​ၸူး​တီႈ​သူ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ၸိုင်၊ ႁႃး​ယင်း​ဢမ်ႇ​ၶိုၼ်ႈ​ၸူး​ၵႃႈ​တီႈ​ၶဝ်​လႄႈ တၵ်း​လႆႈ​ၸုၵ်း​ၶၢမ်ႇ​ယူႇ​တီႈ​ဢၼ်​ႁႃး​ယူႇ​ၼၼ်ႉ​ဢေႃႈ။-</verse>
				<verse number="10">ဢမ်ႇ​ၼၼ်​ၵေႃႈ ပေႃး​ၶဝ်​လၢတ်ႈ​လႄႈ​ဝႃႈ၊ ၶိုၼ်ႈ​မႃး​ၸူး​ၵႃႈ​တီႈ​ႁဝ်း​တႃႉ၊ ဝႃႈ​ၼင်ႇ​ၼႆ​ၸိုင်၊ ႁႃး​တၵ်း​လႆႈ​ၶိုၼ်ႈ​ၸူး​ဢေႃႈ။ ထႃႇဝရႃႉ​ၽြႃး​ဢဝ်​ၶဝ်​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ႁႃး​ယဝ်ႉ။ ဢၼ်​ၼႆႉ​တၵ်း​လႆႈ​ပဵၼ်​ပုၵ်ႉ​ပႃႉ​ၼီႉမိၵ်ႈ​တီႈ​ႁႃး​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">သွင်​ၶႃ​ၼႄ​ပျႃး​တူဝ်​သွင်​ၶႃ​တီႈ​တပ်ႉ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​လႄႈ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​လၢတ်ႈ​လႄႈ​ဝႃႈ၊ တူၺ်း​လူး၊ ၵူၼ်း​ ႁေႇပြႄး ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​တီႈ​ၼႂ်း​ၶုမ်​ၼႂ်း​ႁူး​ဢၼ်​ၶဝ်​တဵတ်ႇ​မႅပ်ႉ​ယူႇ​ၼၼ်ႉ​မႃး​လူင်​ပႄႇ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="12">ၵူၼ်း​တပ်ႉ​ၸိူဝ်း​ၼၼ်ႉ​လၢတ်ႈ​တီႈ​ ယေႃးၼသၼ်ႇ ​ဢိၵ်ႇ​တင်း​ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ​လႄႈ​ဝႃႈ၊ ၶိုၼ်ႈ​မႃး​ၸူး​ၵႃႈ​တီႈ​ႁဝ်း​တႃႉ၊ ႁဝ်း​တၵ်း​ၼႄ​ပျႃး​သေ​ၸိူဝ်ႉ​သေ​ပိူင်​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယေႃးၼသၼ်ႇ ​လၢတ်ႈ​တီႈ​ၵူၼ်း​ဢွၼ်ႇ ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ​လႄႈ​ဝႃႈ၊ ၸွမ်း​လင်​ၵဝ်​ၶိုၼ်ႈ​တႃႉ။ ထႃႇဝရႃႉ​ၽြႃး ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မဵဝ်း​ ဢီႉသရေႇလႃႉ ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">ယေႃးၼသၼ်ႇ ၵၢၼ်း​သီႇ​တိၼ်​ၶိုၼ်ႈ​လႄႈ​ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ​ၵေႃႈ​ၸွမ်း​ဢေႃႈ။ ၶဝ်​ၼၼ်ႉ လူမ်ႉ​တူၵ်း​ၵႃႈ​တီႈ​ၽၢႆႇ​ၼႃႈ​ ယေႃးၼသၼ်ႇ ​လႄႈ ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ ၸွမ်း​ဢဝ်​တၢႆ​ပႅတ်ႈ​ၵႃႈ​တီႈ​ၽၢႆႇ​လင်​ၸဝ်ႈ​မၼ်း​ဢေႃႈ။-</verse>
				<verse number="14">တၢင်း​ဢၼ်​ၶႃႈ​ၽၼ်း​ဢဝ်​တၢႆ ဢၼ်​ ယေႃးၼသၼ်ႇ ဢိၵ်ႇ​တင်း​ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း​ႁဵတ်း​ၵမ်း ပထမႃႉ​ၼၼ်ႉ​ၸမ်ႉ၊ ၵႃႈ​ၼႂ်း​တီႈ​ဢၼ်​ပဵင်း​ထၢၼ်ႇ​တူင်ႈ​ၼႃး ဢၼ်​ဝူဝ်း​ၵူႈ​ၼိုင်ႈ​ထိူၼ်ႇ​ထႆ​လႆႈ​ၼၼ်ႉ၊ ၵူၼ်း​တၢႆ​သေ သၢဝ်း​ၼိုင်ႈ​ဢေႃႈ။-</verse>
				<verse number="15">ၵႃႈ​ၼႂ်း​တပ်ႉ​ဢၼ်​မီး​ၵႃႈ​တီႈ​ပၢင်ႇ​တီႈ​ပဵင်း ဢိၵ်ႇ​တင်း​ၵႃႈ​ၼႂ်း​ၵူၼ်း​တင်း​သဵင်ႈ​တင်း​လူင်​ၼၼ်ႉ မီး​တၢင်း​ဢၼ်​သၼ်ႇ​ဝႆ​လႄႈ ၵူၼ်း​တပ်ႉ​ၸိူဝ်း​ၼၼ်ႉ ဢိၵ်ႇ​တင်း​ၵူၼ်း​ဢၼ်​ႁိမ်​ဢဝ်​ႁူင်ႇ​ဢဝ်​ၸိူဝ်း​ၼၼ်ႉ​ၵေႃႈ​သၼ်ႇ​ဝႆ​လႄႈ လိၼ်​မိူင်း​ၵေႃႈ​တူင်ႉ​ၼိုင်​ထၼ်ႈ​ပေႃး​မီး​တၢင်း​ဢၼ်​သၼ်ႇ​ဝႆ​ဢၼ်​ယႂ်ႇ​ၼႃႇ​လူင်​လၢင်​ဢေႃႈ။</verse>
				<verse number="16">ၵူၼ်း​ပႂ်ႉ​ၵၢင်​ၵႃႈ​တီႈ​ဝဵင်း​ ၵီႉပႃႉ ၼႂ်း​လိၼ်​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ​လူ​တူၺ်း​လႄႈ ႁၼ်​မုၵ်ႉ​ၵူၼ်း​ၸိူဝ်း​ၵူၼ်း​ၸိူဝ်း​ၼၼ်ႉ သုတ်ႈ​ၵႂႃႇ​ယွမ်း​ၵႂႃႇ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တမ်​ၵၼ်​ယႅၼ်း​ၵၼ်​ယူႇ​သေ​လႄႈ​ၵႂႃႇ​ဢေႃႈ။-</verse>
				<verse number="17">မိူဝ်ႈ​ၼၼ်ႉ သေႃးလူႉ ​ၸီႇ​ယၢင်ႇ​တီႈ​ၶဝ်​ၸိူဝ်း​ဢၼ်​မီး​တီႈ​မၼ်း​ၼၼ်ႉ​လႄႈ​ဝႃႈ၊ ၼပ်ႉ​ဢၢၼ်ႇ​ၵူၼ်း​တင်း​လၢႆ ႁႂ်ႈ​လႆႈ​ႁူႉ​လွင်ႈ​ဢၼ်​ၽူႈ​လႂ်​ၵေႃႉ​လႂ်​ဢွၵ်ႇ​သေ​ၵႃႈ​တီႈ​ႁဝ်း​ၵႂႃႇ​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ ၶဝ်​ဢွၼ်​ၵၼ်​ၼပ်ႉ​ဢၢၼ်ႇ​လႄႈ ယေႃးၼသၼ်ႇ ​ဢိၵ်ႇ​တင်း​ၵူၼ်း​ဢွၼ်ႇ ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ​ဢမ်ႇ​မီး။-</verse>
				<verse number="18">သေႃးလူႉ ​လၢတ်ႈ​တီႈ​ ဢႁီႉယႃႉ ​လႄႈ​ဝႃႈ၊ ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​မႃး​ၵႃႈ​တီႈ​ၼႆႈ​သေ​ၵမ်း။ လွင်ႈ​မၼ်း​ၸမ်ႉ ၼႂ်း​ၶိင်ႇ​မိူဝ်ႈ​ၼၼ်ႉ တိူၵ်ႈ​တႃႇ​ၽြႃး​ပဵၼ်​ၸဝ်ႈ​မီး​ယူႇ​တီႈ​ၵူၼ်း​မဵဝ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၼႂ်း​မိူဝ်ႈ​ဢၼ်​ သေႃးလူႉ ​ယင်း​တိုၵ်ႉ​လၢတ်ႈ​ၵႂၢမ်း​တေႃႇ​ၵၼ်​တင်း​ယိတ်ႈပရေႃးႁဵၵ်ႈ​ယူႇ​ၼၼ်ႉ​ၸိုင်၊ သဵင်​ဢၼ်​ႁုၼ်ႉ​ဢၼ်​မေႃး ၵႃႈ​တီႈ​တပ်ႉ​ ၽီႉလိတ်ႉတီႉ ​ၼၼ်ႉ​ယႂ်ႇ​မႃး​ယူႇ​လႄႈ သေႃးလူႉ ​လၢတ်ႈ​တီႈ​ယိတ်ႈပရေႃးႁဵၵ်ႈ​လႄႈ​ဝႃႈ၊ ယိုတ်း​ဢဝ်​မိုဝ်း​ၶိုၼ်း​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="20">သေႃးလူႉ ​ဢိၵ်ႇ​တင်း​ၵူၼ်း​ၵႃႈ​ဢၼ်​မီး​တီႈ​မၼ်း​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​သေ​လႄႈ ၶီႇ​သိုၵ်း​ၸူး​လႄႈ​ထူပ်း​ႁၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ဢဝ်​လၢပ်ႇ​ဢဝ်​လႅဝ်း​ၽၼ်း​ၵၼ်​ယူႇ​သေ​လႄႈ မီး​တၢင်း​ဢၼ်​တပ်ႉ​လူႉ​တပ်ႉ​တႅၵ်ႇ ဢၼ်​ယႂ်ႇ​ၼႃႇ​လူင်​လၢင်​ဢေႃႈ။-</verse>
				<verse number="21">ၵူၼ်း​ ႁေႇပြႄး ဢၼ်​ၶဝ်ႈ​ယူႇ​ၽၢႆႇ​ၵူၼ်း​ ၽီႉလိတ်ႉတီႉ ၊ မိူဝ်ႈ​ဢွၼ်​တၢင်း​ၼၼ်ႉ​လႄႈ လုၵ်ႉ​သေ​ၵႃႈ​တီႈ​ၵူႈ​တီႈ​ၵူႈ​လႅၼ် ၸွမ်း​လူၺ်ႈ​ၵၼ်​တင်း​ၶဝ်​ၼၼ်ႉ​သေ​လႄႈ ၶိုၼ်ႈ​ၸူး​ၵႃႈ​တီႈ​တပ်ႉ​ၼၼ်ႉ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၶၢႆႉ​ပုတ်ႈ​မႃး​ယူႇ​ၽၢႆႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢၼ်​ပႃး​တီႈ​ သေႃးလူႉ တင်း​ ယေႃးၼသၼ်ႇ ​ၼၼ်ႉ​သေ​ဢေႃႈ။-</verse>
				<verse number="22">ၵူၼ်း​မဵဝ်း​ ဢီႉသရေႇလႃႉ ​ၵႃႈ​ဢၼ်​တဵတ်ႇ​မႅပ်ႉ​လႄႈ​ယူႇ​ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​ၸိူဝ်း​ၼၼ်ႉ​ၵေႃႈ မိူဝ်ႈ​ဢၼ်​ၶဝ်​ငိၼ်း​လွင်ႈ​ဢၼ် ၵူၼ်း​ ၽီႉလိတ်ႉတီႉ ​ဢွၵ်ႇ​ပၢႆႈ​ၼၼ်ႉ​ၸိုင် ၶီႇ​သိုၵ်း​လႄႈ​လိုပ်ႈ​ၸွမ်း​လမ်း​ၸွမ်း​ၼႃႇ​လူင်​လၢင်​ဢေႃႈ။-</verse>
				<verse number="23">ၼင်ႇ​ၼၼ်​လႄႈ ထႃႇဝရႃႉ​ၽြႃး​ၵႄႇ​သႄႇ​ၶျွတ်ႈ​ဢဝ်​မဵဝ်း​ ဢီႉသရေႇလႃႉ ​ၼႂ်း​ဝၼ်း​ၼၼ်ႉ​လႄႈ၊ ဢမူႉ​သိုၵ်း​ၼၼ်ႉ ပူၼ်ႉ​သေ​ၵႃႈ​တီႈ​ဝဵင်း​ ပႅတ်ႉဢႃႇဝႅၼ်ႇ ​ၵႂႃႇ​ဢေႃႈ။</verse>
				<verse number="24">ၼႂ်း​ဝၼ်း​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ၶၢမ်ႇ​တုၵ်ႉ​ၶႃႉ​တၢင်း​ဢၼ်​ၶၢၼ်​ၸႂ်​ဢေႃႈ။ လွင်ႈ​မၼ်း​ၸမ်ႉ သေႃးလူႉ ပၼ်​တၢင်း​ဢၼ်​ၵိၼ်ႇ​ဢၼ်​ဝႃႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ႁႂ်ႈ​ၵေႃႉ​ဢၼ်​ၵိၼ်​တၢင်း​ၵိၼ်​တၢင်း​ၶူပ်း ၸူဝ်ႈ​ဢၼ်​ဢမ်ႇ​ပႆႇ​ႁွတ်ႈ​ထိုင်​ၶိင်ႇ​ႁူဝ်​ၶမ်ႈ​လႄႈ ၵဝ်​ဢမ်ႇ​ပႆႇ​ပေႇ​ၸႂ်​ၵဝ်​တီႈ​ရၢၼ်ႇ​သူႇ​ၵဝ်​ၸိူဝ်း​ၼၼ်ႉ​ၼၼ်ႉ၊ ထုၵ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း၊-</verse>
				<verse number="25">ၵူၼ်း​ၵႃႈ​မီး​ၼၼ်ႉ ႁွတ်ႈ​ထိုင်​ၵႃႈ​ၼႂ်း​ပႃႇ​မႆႉ​ပႃႇ​တွၵ်ႇ​လႄႈ ၼမ်ႉ​ၽိုင်ႈ​မီး​ယူႇ​ၵႃႈ​ၼိူဝ်​လိၼ်​ဢေႃႈ။-</verse>
				<verse number="26">မိူဝ်ႈ​ဢၼ်​ၵူၼ်း​တင်း​လၢႆ​ၶဝ်ႈ​ၵႃႈ​ၼႂ်း​ပႃႇ​မႆႉ​ပႃႇ​တွၵ်ႇ​ၼၼ်ႉ​ၸိုင်၊ ပိၵ်ႉ​သမ်ႉ​ၼမ်ႉ​ၽိုင်ႈ​ယွတ်ႇ​တူၵ်း​ယူႇ​ၸိၵ်း​ၸိၵ်း​သေ​ၵေႃႈ၊ ၵွပ်ႈ​ပိူဝ်ႈ​ဢၼ် ၵူၼ်း​တင်း​လၢႆ​ၵူဝ်​ႁႄ​တၢင်း​ဢၼ်​ၵိၼ်ႇ​ဢၼ်​ဝႃႈ​ၼၼ်ႉ​လႄႈ ၽူႈ​လႂ်​ဢမ်ႇ​ဢဝ်​မိုဝ်း​မၼ်း ဢဝ်​သႂ်ႇ​ၵႃႈ​တီႈ​သူပ်း​မၼ်း သေ​ၵေႃႉ​သေ​ၵူၼ်း။-</verse>
				<verse number="27">ၵူၺ်း​ၵႃႈ ယေႃးၼသၼ်ႇ ​ၸမ်ႉ၊ ၵွပ်ႈ​ပိူဝ်ႈ​ဢၼ်​ဢမ်ႇ​ငိၼ်း​လွင်ႈ​ဢၼ် ၸဝ်ႈ​ပေႃႈ​မၼ်း​ပၼ်​တၢင်း​ဢၼ်​ၵိၼ်ႇ​ဢၼ်​ဝႃႈ​တီႈ​ၵူၼ်း​တင်း​လၢႆ​ၼၼ်ႉ​လႄႈ ဢဝ်​ပၢႆ​ၵၼ်း​ႁွၵ်ႇ​ဢၼ်​မၼ်း​ယိပ်း​ၵမ်​ၼၼ်ႉ ၸွမ်ႇ​ၸုမ်ႇ​ၵႃႈ​ၼႂ်း​ႁူဝ်​ၼမ်ႉ​ႁူင်း​ၽိုင်ႈ​လႄႈ ဢဝ်​မိုဝ်း​မၼ်း​ဢဝ်​သႂ်ႇ​သူပ်း​သေ​ယဝ်ႉ မၢၵ်ႇ​တႃ​ၸိုၼ်ႈ​လီ​လႅင်း​လီ​မႃး​ဢေႃႈ။-</verse>
				<verse number="28">မိူဝ်ႈ​ၼၼ်ႉ ၵူၼ်း​ၵေႃႉ​ၼိုင်ႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ပေႃႈ​ၸဝ်ႈ​ႁဝ်း​ပၼ်​တၢင်း​ဢၼ်​ၵိၼ်ႇ​ဢၼ်​ဝႃႈ​ၼႃႇ​လူင်​လၢင် တီႈ​ၵူၼ်း​တင်း​လၢႆ​လႄႈ​ဝႃႈ၊ ႁႂ်ႈ​ၵေႃႉ​ဢၼ်​ၵိၼ်​တၢင်း​ၵိၼ်​ဝၼ်း​မိူဝ်ႈ​ၼႆႉ​ၼၼ်ႉ​ထုၵ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵူၼ်း​တင်း​လၢႆ​ၵေႃႈ ႁိူဝ်ႉ​ၼူၼ်း​ႁႅင်း​ဢူၼ်ႈ​သေ​လႄႈ​ယူႇ​ဢေႃႈ။-</verse>
				<verse number="29">ယေႃးၼသၼ်ႇ ​ၵေႃႈ​လၢတ်ႈ​လႄႈ​ဝႃႈ၊ ၸဝ်ႈ​ပေႃႈ​ၵဝ်​ၼၼ်ႉ ယႃႉ​ယူၵ်ႉ​ၵူၼ်း​ဝၢၼ်ႈ​ၵူၼ်း​မိူင်း​ယဝ်ႉ။ တူၺ်း​လွင်ႈ​ဢၼ်​မၢၵ်ႇ​တႃ​ၵဝ်​ၸိုၼ်ႈ​လီ​လႅင်း​လီ​ၵွပ်ႈ​ပိူဝ်ႈ​ဢၼ်​ၵဝ်​ၵိၼ်​ၼမ်ႉ​ၽိုင်ႈ​ၼႆႉ​ဢိတ်း​ဢွၼ်ႇ​ၼိုင်ႈ​ၵူၺ်း​ၼၼ်ႉ​သေ​ၵမ်း​တႃႉ။-</verse>
				<verse number="30">သင်​ၵူၼ်း​တင်း​လၢႆ လႆႈ​ၵိၼ်​ဢုၵ်ႉ​ၸႃႇ​ရၢၼ်ႇ​သူႇ​ဢၼ်​ၶဝ်​ထူပ်း​ႁၼ်​ၼၼ်ႉ ၸွမ်း​ၵႃႈ​ၼင်ႇ​ဢၼ်​ၶဝ်​ၶႂ်ႈ​ၵိၼ်​ၼၼ်ႉ ၼႂ်း​ဝၼ်း​မိူဝ်ႈ​ၼႆႉ​ၸိုင်၊ ဢၵျူဝ်း​တၵ်း​ယႂ်ႇ​ၼႃႇ​လူင်​လၢင်​ထၢၼ်ႇ​လႂ်​ၼၼ်ႉ​လူင်​ပႄႇ။ လႆႈ​မီး​တၢင်း​ဢၼ်​ၶႃႈ​ၽၼ်း​ဢဝ်​တၢႆ​ၵူၼ်း​ ၽီႉလိတ်ႉတီႉ ​တင်း​လၢႆ ဢၼ်​ယဵင်ႈ​ၶႅၼ်း​ယႂ်ႇ​ၼႃႇ​ၼၼ်ႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ၼႂ်း​ဝၼ်း​ၼၼ်ႉ ၶဝ်​တိုၵ်း​တေႃး​ယႃႉ​ပႅတ်ႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢဝ်​ၵႃႈ​တီႈ​ဝဵင်း​ မိၵ်ႉမတ်ႉ ​တေႃႇ​ထိုင်​ႁွတ်ႈ ဝဵင်း​ ဢႃႇၸလုၼ်ႇ ​ဢေႃႈ။ ၵူၼ်း​တင်း​လၢႆ​ႁိူဝ်ႉ​ၼူၼ်း​ႁႅင်း​ဢူၼ်ႈ​ၼႃႇ​လူင်​လၢင်​လႄႈ၊-</verse>
				<verse number="32">ၵူၼ်း​တင်း​လၢႆ​ဢွၼ်​ၵၼ်​ႁိမ်​ဢဝ်​ႁူင်ႇ​ဢဝ်​ဢုၵ်ႉ​ၸႃႇ​ရၢၼ်ႇ​သူႇ​ဢၼ်​ဝႃႈ​သူဝ်း၊ ဝူဝ်း၊ ဝူဝ်း​ဢွၼ်ႇ၊ ၵူၼ်း​တင်း​လၢႆ​သေ​ယဝ်ႉ၊ ဢဝ်​တၢႆ​ၵႃႈ​ၼိူဝ်​လိၼ်​လႄႈ ၵူၼ်း​တင်း​လၢႆ​ၵိၼ်​ဢိၵ်ႇ​လူၺ်ႈ​ၵၼ်​တင်း​လိူတ်ႈ​မၼ်း​ဢေႃႈ။</verse>
				<verse number="33">ပိူၼ်ႈ​ဢွၼ်​ၵၼ်​လဝ်ႊ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ ၵူၼ်း​တင်း​လၢႆ​ဢွၼ်​ၵၼ်​ၵိၼ်​ဢိၵ်ႇ​လူၺ်ႈ​ၵၼ်​တင်း​လိူတ်ႈ​မၼ်း​ၸိူဝ်ႉ​ၼင်ႇ​ၼၼ်​လႄႈ ၽိတ်း​ပိူင်ႈ​ထႃႇဝရႃႉ​ၽြႃး​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​လၢတ်ႈ​လႄႈ​ဝႃႈ၊ သူ​ၼႆႉ​သဵတ်ႈ​ၸႃႇ​လူႉ​ယဝ်ႉ။ ဢွၼ်​ၵၼ်​ၵိင်ႈ​ဢဝ်​မၢၵ်ႇ​ႁိၼ်​ဢၼ်​ယႂ်ႇ​ၼႃႇ​မႃး​တီႈ​ၵဝ်​ဝၼ်း​မိူဝ်ႈ​ၼႆႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="34">သေႃးလူႉ ​သမ်ႉ​လၢတ်ႈ​လႄႈ​ဝႃႈ၊ ဢွၼ်​ၵၼ်​ၵႂႃႇ​ၵႃႈ​ၼႂ်း​ၵူၼ်း​တင်း​လၢႆ​ၵေႃႉ​ႁူး​ၵေႃႉ​တၢင်း​လႄႈ​မွၵ်ႇ​လၢတ်ႈ​လႄႈ​ဝႃႈ၊ ႁႂ်ႈ​ၵူၼ်း​ႁင်း​ၽႂ်​ႁင်း​မၼ်း ဢဝ်​သူဝ်း​ဝူဝ်း​မၼ်း​မႃး​ၵႃႈ​တီႈ​ၼႆႈ​သေ​လႄႈ ဢဝ်​တၢႆ​လႄႈ​ၵိၼ်​ၵႃႈ​တီႈ​ၼႆႈ​သေ။ ယႃႇ​ပေ​ၵိၼ်​ဢိၵ်ႇ​လူၺ်ႈ​ၵၼ်​တင်း​လိူတ်ႈ​မၼ်း​လႄႈ​ၽိတ်း​ပိူင်ႈ​ထႃႇဝရႃႉ​ၽြႃး၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​သဵင်ႈ​တင်း​လူင် ဢဝ်​သူဝ်း​ဝူဝ်း​ၶဝ်​မႃး မိူဝ်ႈ​ၶမ်ႈ​ၼၼ်ႉ​ႁင်း​ၽႂ်​ႁင်း​မၼ်း​လႄႈ ဢဝ်​တၢႆ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="35">သေႃးလူႉ ​ၵေႃႈ တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး​ဢေႃႈ။ ဢၼ်​ၼၼ်ႉ​ၸမ်ႉ၊ ပဵၼ်​ယိတ်ႈပလၢင်ႇ ပထမႃႉ​ဢၼ်​မၼ်း​တႄႇ​ႁဵတ်း​ပုၼ်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="36">လႆႈ​သမ်ႉ သေႃးလူႉ ​လၢတ်ႈ​လႄႈ​ဝႃႈ၊ ႁဝ်း​ဢွၼ်​ၵၼ်​လူင်း​လႄႈ​လိုပ်ႈ​ၸွမ်း​ၵူၼ်း​ ၽီႉလိတ်ႉတီႉ ​တင်း​လၢႆ ၶိင်ႇ​ၵၢင်​ၶိုၼ်း​လႄႈ ယင်း​ဢမ်ႇ​ႁႂ်ႈ​လႆႈ​ၵိုတ်း​လႆႈ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း​လႄႈ ယႃႉ​ၽဵဝ်ႈ​ၶဝ်​ပႅတ်ႈ​တေႃႇ​ထိုင်​ႁွတ်ႈ​မိူင်း​လႅင်း​တႃႉ​ႁဝ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၵေႃႈ​ႁပ်ႉ​တုင်း​ဢဝ်​လႄႈ​ဝႃႈ၊ ႁဵတ်း​ၸွမ်း​ၵႃႈ​ၼင်ႇ​ဢၼ်​ၸႂ်​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယိတ်ႈပရေႃးႁဵၵ်ႈ​လၢတ်ႈ​လႄႈ​ဝႃႈ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၽြႃး​ပဵၼ်​ၸဝ်ႈ​ၵႃႈ​တီႈ​ၼႆႈ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">သေႃးလူႉ ​ၵေႃႈ တွင်း​ပၢၼ်ႇ​ယွၼ်း​ဢၶႂၢင်ႉ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ၶႃႈ​ၸဝ်ႈ​တၵ်း​လႆႈ​လူင်း​လႄႈ​လိုပ်ႈ​ၸွမ်း​ၵူၼ်း​ ၽီႉလိတ်ႉတီႉ ​တင်း​လၢႆ​တီႈ​ၶႃႈ​ႁိုဝ်။ ၸဝ်ႈ​ႁဝ်း​တၵ်း​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မဵဝ်း​ ဢီႉသရေႇလႃႉ တီႈ​ၶႃႈ​ႁိုဝ်၊ ဝႃႈ​ၼင်ႇ​ၼႆ​သေ​ၵေႃႈ၊ မၼ်း​ၸဝ်ႈ​ဢမ်ႇ​ၶိုၼ်း​ပျၢၼ်ႇ​ၶိုၼ်း​လၢတ်ႈ​ၼႂ်း​ဝၼ်း​ၼၼ်ႉ။-</verse>
				<verse number="38">သေႃးလူႉ ​ၵေႃႈ​လၢတ်ႈ​လႄႈ​ဝႃႈ၊ ၵူၼ်း​ဢၼ်​မီး​ဢရႃႇ​ၵႃႈ​ၼႂ်း​ၵူၼ်း​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၼႆႈ ႁႂ်ႈ​လႆႈ​ႁူႉ​ႁၼ်​လွင်ႈ​ဢၼ်​ၽိတ်း​ပိူင်ႈ​ၼႂ်း​ဝၼ်း​မိူဝ်ႈ​ၼႆႉ​ၼၼ်ႉ ပဵၼ်​လွင်ႈ​တၢင်း​ဢၼ်​လႂ်​ၼၼ်ႉ​တႃႉ။-</verse>
				<verse number="39">ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢၼ်​ၵႄႇ​သႄႇ​ၶျွတ်ႈ​ဢဝ်​မဵဝ်း​ ဢီႉသရေႇလႃႉ ​ၼၼ်ႉ ဢသၢၵ်ႈ​လိပ်း​ယူႇ​ၼၼ်ႉ၊ ပဵၼ်​လုၵ်ႈ​ၸၢႆး​ၵဝ် ယေႃးၼသၼ်ႇ ​သေ​ၵေႃႈ တၵ်း​လႆႈ​တၢႆ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၼႂ်း​ၵူၼ်း​တင်း​လၢႆ​ၼၼ်ႉ ၽူႈ​လႂ်​ဢမ်ႇ​ၶိုၼ်း​လဝ်ႊ​ၶိုၼ်း​လၢတ်ႈ​သေ​ၵေႃႉ​သေ​ၵူၼ်း။-</verse>
				<verse number="40">မၼ်း​ၵေႃႈ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ​ဝႃႈ၊ သူ​ဢွၼ်​ၵၼ်​ယူႇ​ၽၢႆႇ​ၼိုင်ႈ​တႃႉ။ ၵဝ်​ဢိၵ်ႇ​တင်း​လုၵ်ႈ​ၸၢႆး​ၵဝ်​ ယေႃးၼသၼ်ႇ တၵ်း​ယူႇ​ၽၢႆႇ​ၼိုင်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​လဝ်ႊ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ ႁဵတ်း​ၵႃႈ​ၼင်ႇ​ဢၼ်​ၸႂ်​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="41">သေႃးလူႉ ​သူး​တွင်း​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​လႄႈ​ဝႃႈ၊ ၶႅၼ်း​တေႃႈ​ၸီႇ​ယၢင်ႇ​သိုဝ်ႈ​သိုဝ်ႈ​တေႃႇ​တေႃႇ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​မၢတ်ႈ​မၢႆ​ သေႃးလူႉ ​တင်း ယေႃးၼသၼ်ႇ ​လႄႈ ၵူၼ်း​တင်း​လၢႆ​လွတ်ႈ​ဢေႃႈ။-</verse>
				<verse number="42">သေႃးလူႉ ​ၵေႃႈ လၢတ်ႈ​လႄႈ​ဝႃႈ၊ တူၵ်း​ၸႃႇ​ၵွၵ်ႈ​ပုၼ်ႈ​ၵဝ် ဢိၵ်ႇ​တင်း​လုၵ်ႈ​ၸၢႆး​ၵဝ် ယေႃးၼသၼ်ႇ ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​မၢတ်ႈ​မၢႆ ယေႃးၼသၼ်ႇ ​ဢေႃႈ။-</verse>
				<verse number="43">သေႃးလူႉ ​ၵေႃႈ လၢတ်ႈ​တီႈ​ ယေႃးၼသၼ်ႇ ​လႄႈ​ဝႃႈ၊ မွၵ်ႇ​လၢတ်ႈ​လွင်ႈ​တၢင်း​ဢၼ်​မႂ်း​ႁဵတ်း​ၼၼ်ႉ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယေႃးၼသၼ်ႇ ​မွၵ်ႇ​လၢတ်ႈ​တီႈ​မၼ်း​လႄႈ​ဝႃႈ၊ ၵဝ်​ၶႃႈ​လႆႈ​ဢဝ်​တင်း​ပၢႆ​ၵၼ်း​ႁွၵ်ႇ ဢၼ်​ၵဝ်​ၶႃႈ​ယိပ်း​ၵမ်​ၼၼ်ႉ ဢဝ်​ၼမ်ႉ​ၽိုင်ႈ​ဢိတ်း​ဢွၼ်ႇ​ၼိုင်ႈ​လႄႈ ၸိမ်း​တူၺ်း​မႅၼ်ႈ​ၶႃႈ​ယဝ်ႉ။ ဢလူဝ်း၊ ၵဝ်​ၶႃႈ​တၵ်း​လႆႈ​တၢႆ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="44">သေႃးလူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ယေႃးၼသၼ်ႇ ​ဢိူၺ်း၊ ပေႃး​မႂ်း​ၼႆႉ​ဢမ်ႇ​တၢႆ​ဢမၢၼ်ႇ​ၶၼ်​ပဵၼ်​ၸိုင်၊ ယင်း​ဢမ်ႇ​ၵႃး​ဢၼ်​ၼၼ်ႉ​လႄႈ ႁႂ်ႈ​ၽြႃး​ပဵၼ်​ၸဝ်ႈ​ႁဵတ်း​လိူဝ်​တွၼ်း​သေ​ၼၼ်ႉ​တီႈ​ၵဝ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ၵေႃႈ။-</verse>
				<verse number="45">ၵူၼ်း​တင်း​လၢႆ​ဢွၼ်​ၵၼ်​လဝ်ႊ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ ယေႃးၼသၼ်ႇ ဢၼ်​ႁဵတ်း​ၵျေး​ၸူး​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​မဵဝ်း​ ဢီႉသရေႇလႃႉ ​ၼႆႉ​ယဝ်ႉ​ၼႆႉ တၵ်း​လႆႈ​တၢႆ​ၶႃႈ​ႁိုဝ်။ ယႃႇ​ႁႂ်ႈ​ပဵၼ်​ၸိူဝ်ႉ​ၼင်ႇ​ၼၼ်​သေ​ၵမ်း​ၶႃႈ။ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ၊ ၶူၼ်​ႁူဝ်​မၼ်း​ဢမ်ႇ​လႆႈ​တူၵ်း​ၵႃႈ​ၼိူဝ်​လိၼ်​သေ​သဵၼ်ႈ​ၶႃႈ။ မၼ်း​ၼႆႉ​ၽွမ်ႉ​လူၺ်ႈ​ၵၼ်​တင်း​ၽြႃး​ပဵၼ်​ၸဝ်ႈ​ဝၼ်း​မိူဝ်ႈ​ၼႆႉ​သေ​လႄႈ ႁဵတ်း​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ ၵူၼ်း​တင်း​လၢႆ​ၵႄႇ​သႄႇ​ၼုၵ်ႈ​ဢဝ် ယေႃးၼသၼ်ႇ ႁႂ်ႈ​ဢသၢၵ်ႈ​မၼ်း​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="46">လိုၼ်း​ၼၼ်ႉ သေႃးလူႉ ​လုၵ်ႉ​သေ​ၵႃႈ​တီႈ​ဢၼ်​လိုပ်ႈ​ၸွမ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ၼၼ်ႉ ၶိုၼ်း​ၶိုၼ်ႈ​မိူဝ်း​ၵႂႃႇ​သေ​ဢေႃႈ။ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ၵေႃႈ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ဢၼ်​ၶဝ်​ယူႇ​ၶဝ်​သဝ်း​ၼၼ်ႉ​သေ​ဢေႃႈ။</verse>
				<verse number="47">ၼင်ႇ​ၼၼ်​လႄႈ သေႃးလူႉ လႆႈ​မီး​ဢႃႇၼႃႇ​ဢၼ်​ဢုပ်ႉ​ပိူင်ႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ ​သေ​ယဝ်ႉ၊ တိုၵ်း​တေႃး​ရၢၼ်ႇ​သူႇ​မၼ်း ၵႃႈ​ဢၼ်​လဵပ်ႈ​ႁွပ်ႈ​မၼ်း​ယူႇ​ၵူႈ​ၽၢႆႇ​ၵူႈ​ပႃႈ​ဢၼ်​ဝႃႈ ၵူၼ်း​မိူင်း​ မေႃႇၽႃႉ ၊ ၵူၼ်း​မဵဝ်း​ ဢမ်ႇမုၼ်ႇ ၊ ၵူၼ်း​မိူင်း​ ဢေႇတုမ်ႇ ၊ ၶုၼ်​ ၸေႃႇၽႃႉ ​ၼမ်​ၼႃႇ၊ ၵူၼ်း​ ၽီႉလိတ်ႉတီႉ ​တင်း​လၢႆ​ၸိူဝ်း​ၼၼ်ႉ​လႄႈ၊ ၵႃႈ​တီႈ​ၵႃႈ​ဢၼ်​မၼ်း​ၶီႇ​သိုၵ်း​ၵႂႃႇ​ၼၼ်ႉ မၼ်း​ပႄႉ​ၼႅင်ႇ​ၶဝ်​ဢေႃႈ။-</verse>
				<verse number="48">မၼ်း​ႁဵတ်း​ႁတ်း​ႁတ်း​ႁၢၼ်​ႁၢၼ်​ၼႃႇ​လူင်​လၢင်​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​မဵဝ်း​ ဢႃႇမလႅၵ်ႉ ​တင်း​လၢႆ​သေ​လႄႈ၊ ၵႄႇ​သႄႇ​ဢဝ်​မဵဝ်း​ ဢီႉသရေႇလႃႉ လွတ်ႈ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် ႁိမ်​ဢဝ်​ႁူင်ႇ​ဢဝ်​ၶဝ်​ၼၼ်ႉ​ၼၼ်ႉ​ဢေႃႈ။-</verse>
				<verse number="49">လုၵ်ႈ​ၸၢႆး​ သေႃးလူႉ ​ၸမ်ႉ၊ ပဵၼ်​ ယေႃးၼသၼ်ႇ၊ ဢီႉထဝီႉ၊ မေႇလၶီႉသႂႃႇ ​ဢေႃႈ။ ၸိုဝ်ႈ​သဵင်​လုၵ်ႈ​ယိင်း​မၼ်း​သွင်​ၵေႃႉ​ၸမ်ႉ၊ ၸိုဝ်ႈ​သဵင်​ၵေႃႉ​ယႂ်ႇ​ၼၼ်ႉ​ပဵၼ်​ မေးရပ်ႉ ​၊ ၸိုဝ်ႈ​သဵင်​ၵေႃႉ​လဵၵ်ႉ​ၼၼ်ႉ​ပဵၼ် မီႉၶႃႇလႃႉ ​ဢေႃႈ။-</verse>
				<verse number="50">ၸိုဝ်ႈ​သဵင်​မေး​ သေႃးလူႉ ​ၸမ်ႉ၊ ပဵၼ်​ ဢႁီႉၼွင်ႇ လုၵ်ႈ​ယိင်း​ ဢႁီႉမတ်ႉ ​ဢေႃႈ။ ၸိုဝ်ႈ​သဵင်​ၶုၼ်​ပူဝ်ႇ​ၶျုၵ်ႈ​မၼ်း​ၸမ်ႉ၊ ပဵၼ်​ ဢႃႉပၼႃး လုၵ်ႈ​ၸၢႆး​ ၼေးရႃႉ ပေႃႈ​ၼႃႉ​ သေႃးလူႉ ​ဢေႃႈ။-</verse>
				<verse number="51">ၵီႉသႃႉ ဢၼ်​ပဵၼ်​ပေႃႈ သေႃးလူႉ ဢိၵ်ႇ​တင်း​ ၼေးရႃႉ ဢၼ်​ပဵၼ်​ပေႃႈ​ ဢႃႉပၼႃး ​ၼၼ်ႉ ပဵၼ်​လုၵ်ႈ​ၸၢႆး ဢပျေႇလႃႉ ​ဢေႃႈ။-</verse>
				<verse number="52">ၸူဝ်ႈ​ပၢၼ်​ သေႃးလူႉ ​ၼၼ်ႉ၊ လႆႈ​တိုၵ်း​သိုၵ်း​ၵူၼ်း​ ၽီႉလိတ်ႉတီႉ ​တင်း​လၢႆ ၼႃႇ​လူင်​လၢင်​ဢေႃႈ။ မိူဝ်ႈ​ဢၼ်​ သေႃးလူႉ ​ထူပ်း​ႁၼ်​ၵေႃႉ​ဢၼ်​ႁႅင်း​ယႂ်ႇ၊ ၵေႃႉ​ဢၼ်​ႁတ်း​ႁၢၼ်​ၼၼ်ႉ​ၸိုင် မၼ်း​မီး​ထုင်း​ၸၢမ်ႇ​ဢၼ်​ႁွင်ႉ​ဝႆႉ​သိမ်း​ဝႆႉ​ဢေႃႈ။</verse>
			</chapter>
			<chapter number="15">
				<verse number="1">လႆႈ​သမ်ႉ​ သမူၺ်ႇလႃႉ ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ ထႃႇဝရႃႉ​ၽြႃး ပွႆႇ​ၸႂ်ႉ​ၵဝ်​ႁႂ်ႈ​ၵဝ်​လႆႈ​ပၼ်​ၽိၵ်ႈ​သိၵ်ႈ​တီႈ​မႂ်း၊ ႁႂ်ႈ​မႂ်း​လႆႈ​ဢုပ်ႉ​ပိူင်ႇ​ၵူၼ်း​မၼ်း​ၸဝ်ႈ​မဵဝ်း​ ဢီႉသရေႇလႃႉ ​မႃး​ယဝ်ႉ။ ပိူဝ်ႈ​ၼႆ​လႄႈ မိူဝ်ႈ​လဵဝ်​ၼႆႉ​ထွမ်ႇ​ငိၼ်း​ၵႂၢမ်း​ထႃႇဝရႃႉ​ၽြႃး​တႃႉ။-</verse>
				<verse number="2">ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​မၢတ်ႈ​တွင်း​လွင်ႈ​တၢင်း​ဢၼ်​ၵူၼ်း​မဵဝ်း​ ဢႃႇမလႅၵ်ႉ ႁဵတ်း​တီႈ​မဵဝ်း​ ဢီႉသရေႇလႃႉ ​ဢၼ်​ဝႃႈ လွင်ႈ​တၢင်း​ဢၼ်​ႁၢမ်ႈ​တၢပ်ႈ​ႁႄႉ​ၶႅၼ်​ၵႃႈ​တီႈ​သဵၼ်ႈ​တၢင်း ၼႂ်း​မိူဝ်ႈ​ဢၼ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဝႆႉ​ယဝ်ႉ။-</verse>
				<verse number="3">မိူဝ်ႈ​လဵဝ်​ၼႆႉ ၵႂႃႇ​လႄႈ​တိုၵ်း​တေႃး​ယႃႉ​ပႅတ်ႈ​မဵဝ်း​ ဢႃႇမလႅၵ်ႉ ​ၼၼ်ႉ​တႃႉ။ ယင်း​ဢမ်ႇ​မီး​တၢင်း​ဢၼ်​သေ​လၢႆ​လႄႈ ယႃႉ​ၽဵဝ်ႈ​ၵႃႈ​ဢၼ်​ၶဝ်​မီး​ၼၼ်ႉ​ပႅတ်ႈ​မူတ်း​မူတ်း​သဵင်ႈ​သဵင်ႈ​တႃႉ။ ဢဝ်​တၢႆ​ၵူၼ်း​ၸၢႆး၊ ၵူၼ်း​ယိင်း၊ လုၵ်ႈ​ဢွၼ်ႇ၊ ၵေႃႉ​ဢၼ်​ယင်း​ၵိၼ်​ၼူမ်း​ယူႇ၊ သူဝ်း၊ ဝူဝ်း၊ ၵလႃးဢုၵ်ႉ၊ လီႈ​တင်း​လၢႆ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="4">သေႃးလူႉ ႁႂ်ႈ​ၵူၼ်း​တင်း​လၢႆ​ၸူႉ​ၵၼ်​တုမ်​ၵၼ်​သေ​ယဝ်ႉ၊ ဢဝ်​ၸရၢင်း​ၶဝ်​ၵႃႈ​တီႈ​ဝဵင်း​ တေႇလိမ်ႇ ​လႄႈ ႁူဝ်​ႁၢၼ်​ၵူၼ်း​သိုၵ်း ပႆ​တိၼ်​မီး​သွင်​သႅၼ်၊ ႁူဝ်​ႁၢၼ်​ၵူၼ်း​သိုၵ်း​ ယူႉတႃႉ မီး​မိုၼ်ႇ​ၼိုင်ႈ​ဢေႃႈ။-</verse>
				<verse number="5">သေႃးလူႉ ​ၵေႃႈ ၶီႇ​သိုၵ်း​ၸူး​ၵႃႈ​တီႈ​ဝဵင်း​ ဢႃႇမလႅၵ်ႉ ​လႄႈ သိူင်ႇ​မူၵ်း​ယူႇ​ၵႃႈ​တီႈ​ၶူင်ႈ​ႁူၺ်ႈ​သေ​ယဝ်ႉ၊-</verse>
				<verse number="6">သေႃးလူႉ ​ပွႆႇ​ၸႂ်ႉ​ၸူး​ၵႃႈ​တီႈ​ၵူၼ်း​ ၵေႇၼီႉ ​တင်း​လၢႆ​သေ​လႄႈ သင်ႇ​လၢတ်ႈ​လႄႈ​ဝႃႈ၊ ဢွၼ်​ၵၼ်​ဢွၵ်ႇ​လႄႈ​လူင်း​ၵႂႃႇ​သေ​ၵႃႈ​ၼႂ်း ၵူၼ်း​ ဢႃႇမလႅၵ်ႉ ​တင်း​လၢႆ​တႃႉ။ ၵူဝ်​ၵဝ်​တၵ်း​ယႃႉ​သူ​ပႅတ်ႈ​ပႃး​လူၺ်ႈ​ၵၼ်​တင်း​ၶဝ်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ သူ​လႆႈ​ႁဵတ်း​ၵျေး​ၸူး​ဝႆႉ​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ၼႂ်း​မိူဝ်ႈ​ဢၼ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ၊ ၵူၼ်း​ ၵေႇၼီႉ ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ၵႂႃႇ​သေ​ၵႃႈ​ၼႂ်း​ၵူၼ်း​ ဢႃႇမလႅၵ်ႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="7">သေႃးလူႉ ​တိုၵ်း​တေႃး​ယႃႉ​ပႅတ်ႈ​ၵူၼ်း​ ဢႃႇမလႅၵ်ႉ ​ၸိူဝ်း​ၼၼ်ႉ ဢဝ်​တီႈ​ဝဵင်း​ ႁႃႇဝီႉလႃႉ ၸူး​သဵၼ်ႈ​တၢင်း​ဢၼ်​ၵႂႃႇ​ၸူး​ဝဵင်း​ သူႉရႃႉ ဢၼ်​သိုဝ်ႈ​မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။-</verse>
				<verse number="8">မၼ်း​တီႉ​လႆႈ​တူဝ်​လိပ်း​ ဢႃႇၵတ်ႉ ၶုၼ်​ႁေႃ​ၶမ်း​ ဢႃႇမလႅၵ်ႉ ​ၼၼ်ႉ​လႄႈ ယႃႉ​ၽဵဝ်ႈ​ၵူၼ်း​တင်း​သဵင်ႈ​တင်း​လူင်​ပႅတ်ႈ​မူတ်း​မူတ်း​သဵင်ႈ​သဵင်ႈ လူၺ်ႈ​ၶူမ်း​လၢပ်ႇ​ၶူမ်း​လႅဝ်း​ဢေႃႈ။-</verse>
				<verse number="9">ၵူၺ်း​ၵႃႈ သေႃးလူႉ ဢိၵ်ႇ​တင်း​ၵူၼ်း​တင်း​လၢႆ သေ​လၢႆ​ၶုၼ်​ ဢႃႇၵတ်ႉ ဢိၵ်ႇ​တင်း​သူဝ်း​ဝူဝ်း​ဢၼ်​မျၢတ်ႈ​ပၢၼ်​ၵၢင်၊ သူဝ်း​ဢၼ်​ပီး​လီ​မၼ်း​လီ၊ သူဝ်း​ဢွၼ်ႇ​တင်း​လၢႆ ၵႃႈ​ဢၼ်​ပဵၼ်​ဢၼ်​လီ​ဢၼ်​ငၢမ်း​ၼၼ်ႉ​လႄႈ ဢမ်ႇ​ယႃႉ​ၽဵဝ်ႈ​ပႅတ်ႈ​မူတ်း​မူတ်း​သဵင်ႈ​သဵင်ႈ။ ၵူၺ်း​ၵႃႈ ယႃႉ​ဢၼ်​ဢမ်ႇ​ၶဝ်ႈ​ဢသုင်း​ဢသွင်ႇ ဢၼ်​ယုတ်ႈ​ဢၼ်​ယွၵ်း​ၼၼ်ႉ​ပႅတ်ႈ​မူတ်း​မူတ်း​သဵင်ႈ​သဵင်ႈ​ဢေႃႈ။</verse>
				<verse number="10">မိူဝ်ႈ​ၼၼ်ႉ​ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ သမူၺ်ႇလႃႉ ​လႄႈ​ဝႃႈ​ၸမ်ႉ၊-</verse>
				<verse number="11">ၵဝ်​ၶုၵ်း​ၸႂ်​လႆႈ​လႄႈ မႆႈ​ၸႂ်​လူၺ်ႈ​လွင်ႈ​ဢၼ်​ၵဝ်​ဢဝ်​ သေႃးလူႉ ၶၢၼ်း​ဝႆႉ​ၼႂ်း​ဢရႃႇ​ၶုၼ်​ႁေႃ​ၶမ်း​ၼၼ်ႉ​ဢေႃႈ။ မၼ်း​ဝၢႆႇ​ၶိုၼ်း​သေ​လႄႈ​ဢမ်ႇ​ၸွမ်း​လင်​ၵဝ်၊ ဢမ်ႇ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၵဝ်၊ ဝႃႈ​ၼင်ႇ​ၼႆ​ဢေႃႈ။ သမူၺ်ႇလႃႉ မႆႈ​ၸႂ်​ၶီ​ၸႂ်​ၼႃႇ​လူင်​လၢင်​လႄႈ ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​တင်း​ၶိုၼ်း​သေ​ယဝ်ႉ၊-</verse>
				<verse number="12">မိူဝ်ႈ​ဢၼ်​မၼ်း​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​ သေႃးလူႉ ​ၼၼ်ႉ​ၸိုင်၊ ပိူၼ်ႈ​လၢတ်ႈ​လွင်ႈ​ဢၼ်​ သေႃးလူႉ ​ႁွတ်ႈ​ထိုင်​ၵႃႈ​တီႈ​ဝဵင်း​ ၵရမေႇလႃႉ ​လႄႈ ပူၵ်း​သဝ်​ပႄႉ​ၼႅင်ႇ​သေ​ယဝ်ႉ၊ ဝၢႆႇ​ၶိုၼ်း​လႄႈ​ပူၼ်ႉ​ၵႂႃႇ​သေ​လႄႈ လူင်း​ၸူး​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​ၼၼ်ႉ​တီႈ​ သမူၺ်ႇလႃႉ ​ဢေႃႈ။-</verse>
				<verse number="13">သမူၺ်ႇလႃႉ ​ၵႂႃႇ​ၸူး​ၵႃႈ​တီႈ​ သေႃးလူႉ ​လႄႈ သေႃးလူႉ ​တၵ်ႉ​လၢတ်ႈ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး​ပၼ်​တၢင်း​လီ​တီႈ​ၸဝ်ႈ​သေ​ၵမ်း​လူၺ်ႈ။ ၵဝ်​ၶႃႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ဢမိင်ႉ​ထႃႇဝရႃႉ​ၽြႃး​မီး​ၼၼ်ႉ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">သမူၺ်ႇလႃႉ ​ၵေႃႈ​ထၢမ်​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ သဵင်​ဢၼ်​သူဝ်း​ႁွင်ႉ​ၶဝ်ႈ​ၵႃႈ​ၼႂ်း​ႁူ​ၵဝ်၊ သဵင်​ဢၼ်​ဝူဝ်း​ႁွင်ႉ​ဢၼ်​ၵဝ်​လႆႈ​ငိၼ်း​ၼႆႉ​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="15">သေႃးလူႉ ​လၢတ်ႈ​လႄႈ​ဝႃႈ၊ ၶဝ်​ဢွၼ်​ၵၼ်​ဢဝ်​ၸိူဝ်း​ၼၼ်ႉ ၵႃႈ​တီႈ​ၵူၼ်း​မဵဝ်း​ ဢႃႇမလႅၵ်ႉ ​တင်း​လၢႆ​ပုၼ်ႉ​ၼၼ်ႉ​မႃး​ၶႃႈ​ယဝ်ႉ။ ၵူၼ်း​တင်း​လၢႆ​သေ​လၢႆ​သူဝ်း​ဝူဝ်း​ဢၼ်​လီ​ၼႃႇ​သေ​ပိူၼ်ႈ​ၼၼ်ႉ ႁႂ်ႈ​လႆႈ​ဢဝ်​ပုၵ်ႈ​ၸေႃႇ​ယိတ်ႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ၼၼ်ႉ​လႄႈ ယႃႉ​ဢၼ်​ၵိုတ်း​ဢၼ်​ၵျၢၼ်ႇ​ၵႃႈ​မီး​ၼၼ်ႉ​ပႅတ်ႈ​မူတ်း​မူတ်း​သဵင်ႈ​သဵင်ႈ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">သမူၺ်ႇလႃႉ ​ၵေႃႈ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ သဝ်း​လူး​ၵွၼ်ႇ ၵဝ်​တၵ်း​ၶိုၼ်း​မွၵ်ႇ​လၢတ်ႈ​ၵႂၢမ်း​ဢၼ်​ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​မိူဝ်ႈ​ၶမ်ႈ​ဝႃး​ၼၼ်ႉ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လၢတ်ႈ​လႄႈ​ဝႃႈ၊ လၢတ်ႈ​ၶႃႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">သမူၺ်ႇလႃႉ ​ၵေႃႈ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​မႂ်း​ထၢင်ႇ​တူဝ်​မႂ်း​ပဵၼ်​ၵေႃႉ​ဢၼ်​လဵၵ်ႉ​ဢၼ်​ၼွႆႉ​ယူႇ​ၼၼ်ႉ​ၸိုင်၊ မႂ်း​ႁွတ်ႈ​ထိုင်​ၵႃႈ​တီႈ​ၸိၵ်း​ၸွမ်​မဵဝ်း​ ဢီႉသရေႇလႃႉ ​တင်း​လၢႆ​ယဝ်ႉ​ဢမ်ႇ​ၸႂ်ႈ​ႁိုဝ်။ ထႃႇဝရႃႉ​ၽြႃး​ပၼ်​ၽိၵ်ႈ​သိၵ်ႈ​တီႈ​မႂ်း ႁႂ်ႈ​မႂ်း​ပဵၼ်​ၶုၼ်​ႁေႃ​ၶမ်း ဢီႉသရေႇလႃႉ ​ဢေႃႈ။-</verse>
				<verse number="18">ထႃႇဝရႃႉ​ၽြႃး​ပွႆႇ​ၸႂ်ႉ​မႂ်း​ၵႂႃႇ​ၵႃႈ​တီႈ​ဢၼ်​ၵႆ​လႄႈ မီး​ဢမိင်ႉ​လႄႈ​ဝႃႈ၊ ၵႂႃႇ​လႄႈ​ယႃႉ​ၽဵဝ်ႈ​ၵူၼ်း​မဵဝ်း​ ဢႃႇမလႅၵ်ႉ ဢၼ်​ဢပႅတ်ႈ​ၼမ်​ၼႃႇ​ၸိူဝ်း​ၼၼ်ႉ​ပႅတ်ႈ​တႃႉ။ တိုၵ်း​တေႃး​ယႃႉ​ပႅတ်ႈ​ၶဝ်​တေႃႇ​ထိုင်​ႁွတ်ႈ​ၶဝ်​ထၼ်ႈ​ပေႃး​လူႉ​လႅဝ်​ႁၢႆ​လၢႆ​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ် မႂ်း​ယင်း​ဢမ်ႇ​ထွမ်ႇ​ဢမ်ႇ​ဢဝ်​ဢမိင်ႉ​ၽြႃး​ပဵၼ်​ၸဝ်ႈ​လႄႈ ႁိမ်​ဢဝ်​ႁူင်ႇ​ဢဝ်​ဢုၵ်ႉ​ၸႃႇ​ရၢၼ်ႇ​သူႇ​ၸိူဝ်း​ၼၼ်ႉ​သေ​လႄႈ ႁဵတ်း​တူႉ​ၸရိူၵ်ႈ​ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="20">သေႃးလူႉ ​လၢတ်ႈ​တီႈ​ သမူၺ်ႇလႃႉ ​လႄႈ​ဝႃႈ၊ ၵဝ်​ၶႃႈ​ထွမ်ႇ​ဢဝ်​ဢမိင်ႉ​ထႃႇဝရႃႉ​ၽြႃး​ဢမၢၼ်ႇ​ၶၼ်​ပဵၼ်​ယဝ်ႉ​လႄႈ ၸွမ်း​သဵၼ်ႈ​တၢင်း​ဢၼ်​ထႃႇဝရႃႉ​ၽြႃး​ပွႆႇ​ၸႂ်ႉ​ၵဝ်​ၶႃႈ​ၵႂႃႇ​ၼၼ်ႉ​ယဝ်ႉ။ ၵဝ်​ၶႃႈ​ဢဝ်​ ဢႃႇၵတ်ႉ ၶုၼ်​ႁေႃ​ၶမ်း​ ဢႃႇမလႅၵ်ႉ မႃး​လႄႈ ယႃႉ​ၽဵဝ်ႈ​ၵူၼ်း​မဵဝ်း ဢႃႇမလႅၵ်ႉ ​တင်း​လၢႆ​ပႅတ်ႈ​မူတ်း​မူတ်း​သဵင်ႈ​သဵင်ႈ​ယဝ်ႉ။-</verse>
				<verse number="21">ၵူၺ်း​ၵႃႈ ၵူၼ်း​တင်း​လၢႆ​ဢွၼ်​ၵၼ်​သိမ်း​ဢဝ်​သူဝ်း၊ ဝူဝ်း ဢၼ်​ဝႃႈ​လွင်ႈ​တၢင်း​ဢၼ်​လီ​ၼႃႇ​သေ​ပိူၼ်ႈ ၵႃႈ​ၼႂ်း​လွင်ႈ​တၢင်း​ဢၼ်​ထုၵ်ႇ​လီ​ယႃႉ​ပႅတ်ႈ​ၼၼ်ႉ ဢွၵ်ႇ​သေ​ၵႃႈ​ၼႂ်း​လွင်ႈ​တၢင်း​ဢၼ်​ႁိမ်​ဢဝ်​ႁူင်ႇ​ဢဝ်​တင်း​လၢႆ​ၼၼ်ႉ ႁႂ်ႈ​လႆႈ​ဢဝ်​ပုၵ်ႈ​ၸေႃႇ​ယိတ်ႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ၵႃႈ​ၼႂ်း​ဝဵင်း​ ၵီႉလႃႉၵႃႇလႃႉ ​ၼၼ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">သမူၺ်ႇလႃႉ ​ၵေႃႈ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ထုၵ်ႇ​ၸႂ်​ၵျိူၵ်ႈ​ၸႂ်​တၢင်း​ဢၼ်​ပုၵ်ႈ​ၸေႃႇ​ယိတ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ် တၢင်း​ဢၼ်​ထွမ်ႇ​ဢဝ်​ဢမိင်ႉ​ၸဝ်ႈ​ၼၼ်ႉ​ႁိုဝ်။ တူၺ်း​လူး၊ တၢင်း​ဢၼ်​ၸွမ်း​ဢလူဝ်ႇ​ၸဝ်ႈ​ၼၼ်ႉ ယဵင်ႈ​ၶႅၼ်း​လီ​သေ​မဵဝ်း​ယိတ်ႈ​ဢေႃႈ။ တၢင်း​ဢၼ်​ထွမ်ႇ​ဢဝ်​ၼၼ်ႉ ယဵင်ႈ​ၶႅၼ်း​လီ​သေ​ၵွၼ်ႈ​ၶႆ​ၵွၼ်ႈ​မၼ်း​သူဝ်း​ပေႃႈ​ဢေႃႈ။-</verse>
				<verse number="23">သၽေႃး​ဢၼ်​တွပ်ႇ​ဢၼ်​ထဵင်​ၼၼ်ႉ ပဵၼ်​ၸိူဝ်ႉ​ၼင်ႇ​ဢၼ်​ႁဵတ်း​ၵေႃႉ​ႁူမ်ႈ​ပွင်း​လူၺ်ႈ​ၵၼ်​တင်း​ၽီ​ႁၢႆႉ​ဢေႃႈ။ သၽေႃး​ဢၼ်​ၵႅၼ်ႇ​ၶႅင်​ၼၼ်ႉ​ပဵၼ်​ၸိူဝ်ႉ​ၼင်ႇ​တၢင်း​ဢၼ်​ဢမ်ႇ​ႁူႉ​ၽြႃး​တြႃး​လႄႈ ၵူဝ်း​ၵႂၢႆႇ​ရုၵ်ႈ​ထူႉ​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ်​မႂ်း​ပႄႇ​ပႅတ်ႈ​ၵႂၢမ်း​ထႃႇဝရႃႉ​ၽြႃး​ၼၼ်ႉ​လႄႈ မၼ်း​ၸဝ်ႈ​ပႄႇ​မႂ်း​ပႅတ်ႈ​သေ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">သေႃးလူႉ ​ၵေႃႈ တွင်း​ပၢၼ်ႇ​တီႈ​ သမူၺ်ႇလႃႉ ​လႄႈ​ဝႃႈ၊ ၵဝ်​ၶႃႈ​ၽိတ်း​ပိူင်ႈ​ၶႃႈ​ယဝ်ႉ။ ၵဝ်​ၶႃႈ​ပူၼ်ႉ​လိူဝ်​ဢမိင်ႉ​ထႃႇဝရႃႉ​ၽြႃး ဢိၵ်ႇ​တင်း​ၵႂၢမ်း​ဢၼ်​ၸဝ်ႈ​လၢတ်ႈ​ၼၼ်ႉ ၵွပ်ႈ​ပိူဝ်ႈ​ဢၼ်​ၵဝ်​ၶႃႈ​ၵူဝ်​ၵူၼ်း​တင်း​လၢႆ​လႄႈ ထွမ်ႇ​ဢဝ်​ၵႂၢမ်း​ၶဝ်​ၼၼ်ႉ​ၶႃႈ​ယဝ်ႉ။-</verse>
				<verse number="25">မိူဝ်ႈ​လဵဝ်​ၼႆႉ​ၸိုင် ယိူၼ်ႉ​ၶၢမ်ႇ​ၵဝ်​ၶႃႈ​သေ​ၵမ်း။ ၶႅၼ်း​တေႃႈ​ၶိုၼ်း​မႃး​လူၺ်ႈ​ၵၼ်​တင်း​ၵဝ်​ၶႃႈ ႁႂ်ႈ​ၵဝ်​ၶႃႈ​လႆႈ​ၵူဝ်း​ၵႂၢႆႇ​ထႃႇဝရႃႉ​ၽြႃး​သေ​ၵမ်း၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="26">သမူၺ်ႇလႃႉ လၢတ်ႈ​တီႈ​ သေႃးလူႉ ​လႄႈ​ဝႃႈ၊ ၵဝ်​တၵ်း​ဢမ်ႇ​ၶိုၼ်း​မႃး​လူၺ်ႈ​ၵၼ်​တင်း​မႂ်း။ ၵွပ်ႈ​ပိူဝ်ႈ​ဢၼ်​မႂ်း​ပႄႇ​ပႅတ်ႈ​ဢမိင်ႉ​ထႃႇဝရႃႉ​ၽြႃး​လႄႈ ထႃႇဝရႃႉ​ၽြႃး​ပႄႇ​ပႅတ်ႈ​မႂ်း​သေ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="27">မိူဝ်ႈ​ဢၼ်​ သမူၺ်ႇလႃႉ ​ဝၢႆႇ​ၶိုၼ်း​ႁႂ်ႈ​လႆႈ​ၵႂႃႇ​ၼၼ်ႉ​ၸိုင်၊ မၼ်း​ယိပ်း​ၸၼ်​ဢဝ်​ႁိမ်း​ၸဵင်ႇ​သိူဝ်ႈ​ယၢဝ်း​ သမူၺ်ႇလႃႉ ​လႄႈ သိူဝ်ႈ​ယၢဝ်း​ၼၼ်ႉ​သိၵ်ႇ​ၶၢတ်ႇ​ၵႂႃႇ​ဢေႃႈ။-</verse>
				<verse number="28">သမူၺ်ႇလႃႉ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ဝၼ်း​မိူဝ်ႈ​ၼႆႉ ထႃႇဝရႃႉ​ၽြႃး​သိၵ်ႇ​ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​ ဢီႉသရေႇလႃႉ ဢွၵ်ႇ​သေ​တီႈ​မႂ်း​လႄႈ ပၼ်​တီႈ​ၵူၼ်း​ႁိူၼ်း​ၸမ်​ၵၼ်​တင်း​မႂ်း​ဢၼ်​လီ​သေ​မႂ်း​ၼၼ်ႉ​ယဝ်ႉ။-</verse>
				<verse number="29">လိူဝ်​သေ​ၼႆႉ၊ ၽြႃး​ဢၼ်​ပဵၼ်​တၢင်း​ၵတ်ႉ​တၢင်း​ၶၼ်​မဵဝ်း​ ဢီႉသရေႇလႃႉ ​ၼၼ်ႉ​ဢမ်ႇ​ၸၢင်ႈ​သုင်း​မူႉ​သႃႇ၊ ဢမ်ႇ​ၸၢင်ႈ​ၶုၵ်း​ၸႂ်​လႆႈ​မႆႈ​ၸႂ်​ၵွပ်ႈ။ လွင်ႈ​ၼင်ႇ​ႁိုဝ်​တၵ်း​လႆႈ​ၶုၵ်း​ၸႂ်​လႆႈ​မႆႈ​ၸႂ်​ၵွပ်ႈ​ၸိုင် မၼ်း​ၸဝ်ႈ​ပဵၼ်​ၵူၼ်း​ဢမ်ႇ​ၸႂ်ႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="30">မၼ်း​တွင်း​ပၢၼ်ႇ​လႄႈ​ဝႃႈ၊ ၵဝ်​ၶႃႈ​ၽိတ်း​ပိူင်ႈ​ၶႃႈ​ယဝ်ႉ။ ၼႂ်း​ဝႃႈ​ၼၼ်​သေ​ၵေႃႈ မိူဝ်ႈ​လဵဝ်​ၼႆႉ​ၶႅၼ်း​တေႃႈ​ႁဵတ်း​ႁႂ်ႈ မုၼ်​ၵုင်ႇ​သရေႇ​ၵဝ်​ၶႃႈ​မီး​ၵႃႈ​တီႈ​ၽၢႆႇ​ၼႃႈ​ၵူၼ်း ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​မဵဝ်း​ၵဝ်​ၶႃႈ​တင်း​လၢႆ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​မဵဝ်း​ ဢီႉသရေႇလႃႉ ​လႄႈ ၶိုၼ်း​မႃး​လူၺ်ႈ​ၵၼ်​တင်း​ၵဝ်​ၶႃႈ ႁႂ်ႈ​ၵဝ်​ၶႃႈ​လႆႈ​ၵူဝ်း​ၵႂၢႆႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​လႄႈ၊-</verse>
				<verse number="31">သမူၺ်ႇလႃႉ ​ဝၢႆႇ​ၶိုၼ်း​ၸွမ်း​လင်​ သေႃးလူႉ ​မႃး​လႄႈ သေႃးလူႉ ​ၼၼ်ႉ ၵူဝ်း​ၵႂၢႆႇ​ထႃႇဝရႃႉ​ၽြႃး​ဢေႃႈ။</verse>
				<verse number="32">မိူဝ်ႈ​ၼၼ်ႉ သမူၺ်ႇလႃႉ လၢတ်ႈ​လႄႈ​ဝႃႈ၊ ႁွင်ႉ​ဢဝ်​ ဢႃႇၵတ်ႉ ၶုၼ်​ႁေႃ​ၶမ်း​ ဢႃႇမလႅၵ်ႉ ​ၼၼ်ႉ​မႃး​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​လႄႈ ဢႃႇၵတ်ႉ ​ၼၼ်ႉ ၸူမ်း​ၸူမ်း​သိူဝ်း​သိူဝ်း​သေ​လႄႈ​မႃး​ဢေႃႈ။ လွင်ႈ​မၼ်း​ၸမ်ႉ ဢႃႇၵတ်ႉ ​ဝႃႈ၊ ၽေး​တၢင်း​တၢႆ​ၸိုင် ပူၼ်ႉ​ၵႂႃႇ​ဢမၢၼ်ႇ​ၶၼ်​ပဵၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">သမူၺ်ႇလႃႉ ​လၢတ်ႈ​လႄႈ​ဝႃႈ၊ ၸိူဝ်ႉ​ၼင်ႇ​ဢၼ်​လၢပ်ႇ​မႂ်း​လႅဝ်း​မႂ်း​ႁဵတ်း​ႁႂ်ႈ​မႄႈ​ယိင်း​တင်း​လၢႆ​သုမ်း​လုၵ်ႈ​သုမ်း​လၢင်း​ၼၼ်ႉ၊ မႄႈ​မႂ်း​တၵ်း​လႆႈ​ပဵၼ် မႄႈ​ယိင်း​ဢၼ် သုမ်း​လုၵ်ႈ​သုမ်း​လၢင်း​ၼႃႇ​သေ​မႄႈ​ယိင်း​တင်း​လၢႆ​ဢေႃႈ ဝႃႈ​ၼင်ႇ​ၼႆ​သေ​လႄႈ သမူၺ်ႇလႃႉ တႅပ်း​ ဢႃႇၵတ်ႉ ​ၼၼ်ႉ ပဵၼ်​ပွတ်း​ပဵၼ်​တွၼ်ႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ ၵီႉလႃႉၵႃႇလႃႉ ​ၼၼ်ႉ​ဢေႃႈ။-</verse>
				<verse number="34">မိူဝ်ႈ​ၼၼ်ႉ သမူၺ်ႇလႃႉ ၵႂႃႇ​ၵႃႈ​တီႈ​ဝဵင်း​ ရႃႇမႃႉ ​လႄႈ သေႃးလူႉ ​ၶိုၼ်း​မိူဝ်း​ၵႂႃႇ​ၵႃႈ​တီႈ​ႁေႃ​ၸဝ်ႈ ဝဵင်း​ ၵီႉပႃႉ ​တီႈ​ယူႇ​မၼ်း​ၼၼ်ႉ​သေ​ဢေႃႈ။-</verse>
				<verse number="35">လိုၼ်း​ၼၼ်ႉ​ သမူၺ်ႇလႃႉ ​ၼၼ်ႉ​ဢမ်ႇ​မႃး​သူႇ​မႃး​ၸႂ်း​ သေႃးလူႉ တေႃႇ​ထိုင်​ႁွတ်ႈ​ဝၼ်း​ဢၼ်​မၼ်း​ႁွတ်ႈ​ဢၼိၵ်ႈၸႃႉ​ၼၼ်ႉ။ ၵူၺ်း​ၵႃႈ သမူၺ်ႇလႃႉ ​ၼၼ်ႉ ၸႂ်​ဢမ်ႇ​သႃႇ​ၶၢင်း​ၶီ​ၶၢင်း​ၽၢၼ်​လူၺ်ႈ​လွင်ႈ​ သေႃးလူႉ ​သေ​လႄႈ​ယူႇ​ဢေႃႈ။ ထႃႇဝရႃႉ​ၽြႃး​မႆႈ​ၸႂ် ၵွပ်ႈ​ပိူဝ်ႈ​ဢၼ်​လႆႈ​ၶၢၼ်း​ သေႃးလူႉ ​ဝႆႉ ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း​ၼၼ်ႉ​ဢေႃႈ။</verse>
			</chapter>
			<chapter number="16">
				<verse number="1">လႆႈ​သမ်ႉ ထႃႇဝရႃႉ​ၽြႃး​မီး​ဢမိင်ႉ​တီႈ​ သမူၺ်ႇလႃႉ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​ပႄႇ​ပႅတ်ႈ​ သေႃးလူႉ ​သေ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​လႄႈ မႂ်း​တၵ်း​ၸႂ်​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ်​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ဢဝ်​ၼမ်ႉ​မၼ်း​ထႅမ်​ႁႂ်ႈ​ၼမ်ႉ​တဝ်ႈ​မႂ်း​တဵမ်​လႄႈ​ၵႂႃႇ​တႃႉ။ ၵဝ်​တၵ်း​ပွႆႇ​ၸႂ်ႉ​မႂ်း​ၸူး​ၵႃႈ​တီႈ​ ယေႇသႄး ၵူၼ်း​ဝဵင်း​ ပႅတ်ႉလႁႅမ်ႇ ​ၼၼ်ႉ​ဢေႃႈ။ ၵဝ်​ဢဝ်​ၼႂ်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ မႄး​ႁႅၼ်း​ၶုၼ်​ႁေႃ​ၶမ်း​ပႃး​ၼိုင်ႈ ဝႆႉ​ပုၼ်ႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">သမူၺ်ႇလႃႉ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​ၵႂႃႇ​လႆႈ​တီႈ​ၶႃႈ၊ ပေႃး​ သေႃးလူႉ ငိၼ်း​ၸိုင် မၼ်း​တၵ်း​ဢဝ်​ၶႃႈ​ၸဝ်ႈ​တၢႆ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ပႃး​ဢဝ်​ဝူဝ်း​မႄႈ​သိုဝ်ႇ​သေ​လႄႈ​လၢတ်ႈ​လႄႈ​ဝႃႈ၊ ၵဝ်​မႃး​ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​တီႈ​ထႃႇဝရႃႉ​ၽြႃး​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="3">ယေႇသႄး ​ၼၼ်ႉ​ၵေႃႈ ႁွင်ႉ​ပၢင်း​ဢဝ်​မႃး​ၵႃႈ​တီႈ​ပွႆး​ယိတ်ႈ​တႃႉ။ မိူဝ်ႈ​ၼၼ်ႉ ၵဝ်​တၵ်း​ၼႄ​ပျႃး​လွင်ႈ​ဢၼ်​မႂ်း​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​တီႈ​မႂ်း​ဢေႃႈ။ မႂ်း​တၵ်း​လႆႈ​ပၼ်​ၽိၵ်ႈ​သိၵ်ႈ​တီႈ​ၵေႃႉ​ဢၼ် ၵဝ်​ဢဝ်​ၸိုဝ်ႈ​သဵင်​ဢွၵ်ႇ​လၢတ်ႈ​ၼႄ​ပျႃး​တီႈ​မႂ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">သမူၺ်ႇလႃႉ ႁဵတ်း​ၸွမ်း​ၵႃႈ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​လႄႈ ၵႂႃႇ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ​ဢေႃႈ။ မိူဝ်ႈ​ၼၼ်ႉ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​ဝဵင်း​ ပႅတ်ႉလႁႅမ်ႇ ​ၸိူဝ်း​ၼၼ်ႉ သၼ်ႇ​သၼ်ႇ​သၢႆ​သၢႆ​ယူႇ​သေ​လႄႈ ဢွၼ်​ၵၼ်​ဢွၵ်ႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​လႄႈ လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ပၼ်​ၵတ်း​ယဵၼ်​ၶျၢမ်း​သႃႇ​ယူႇ​သေ​လႄႈ​မႃး​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">မၼ်း​လၢတ်ႈ​လႄႈ​ဝႃႈ၊ ပၼ်​ၵတ်း​ယဵၼ်​ၶျၢမ်း​သႃႇ​ယူႇ​သေ​လႄႈ၊ ၵဝ်​မႃး​ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​တီႈ​ထႃႇဝရႃႉ​ၽြႃး​ယဝ်ႉ။ ႁႂ်ႈ​တူဝ်​သူ​မူတ်း​ၸၢင်ႇ​ယူႇ​သေ​လႄႈ မႃး​ၵႃႈ​တီႈ​ပွႆး​ယိတ်ႈ​ႁူမ်ႈ​လူၺ်ႈ​ၵၼ်​တင်း​ၵဝ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ႁႂ်ႈ​ ယေႇသႄး ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​မူတ်း​ၸၢင်ႇ​လႄႈ ႁွင်ႉ​ပၢင်း​ဢဝ်​မႃး​ၵႃႈ​တီႈ​ပွႆး​ယိတ်ႈ​ဢေႃႈ။-</verse>
				<verse number="6">မိူဝ်ႈ​ဢၼ်​ၶဝ်​ႁွတ်ႈ​မႃး​ၼၼ်ႉ​ၸိုင်၊ မၼ်း​လူ​တူၺ်း​ ဢေးလျႃႇၽႃႉ ​လႄႈ ၶႆႈ​ၸႂ်​ဝႃႈ၊ ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ ဢၼ်​ထႃႇဝရႃႉ​ၽြႃး​ပၼ်​ၼၼ်ႉ မီး​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​ဢမၢၼ်ႇ​ၶၼ်​ပဵၼ်​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="7">ထႃႇဝရႃႉ​ၽြႃး​မီး​ဢမိင်ႉ​တီႈ​ သမူၺ်ႇလႃႉ ​လႄႈ​ဝႃႈ၊ ယႃႇ​ပေ​လူ​ပေ​တူၺ်း​ၼႃႈ​မၼ်း ဢိၵ်ႇ​တင်း​တၢင်း​သုင်​မၼ်း။ ၵဝ်​ပႄႇ​မၼ်း​ပႅတ်ႈ​ယဝ်ႉ။ ထႃႇဝရႃႉ​ၽြႃး ႁၼ်​မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​ႁၼ်​ၼၼ်ႉ​ဢမ်ႇ​ၸႂ်ႈ။ ၵူၼ်း​ၸိုင်​ၸၢင်ႈ​လူ​တူၺ်း​ႁၢင်ႈ​ၽၢင်​ဢေႃႈ။ ထႃႇဝရႃႉ​ၽြႃး​ၸမ်ႉ ၸၢင်ႈ​လူ​တူၺ်း​ႁူဝ်​ၸႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">လႆႈ​သမ်ႉ ယေႇသႄး ​ၼၼ်ႉ​ႁွင်ႉ​ဢဝ်​ ဢၽီႉၼတပ်ႉ ​လႄႈ ႁႂ်ႈ​မၼ်း​ၵၢႆ​ၵႂႃႇ​ၵႃႈ​တီႈ​ၽၢႆႇ​ၼႃႈ​ သမူၺ်ႇလႃႉ ​သေ​ယဝ်ႉ၊ သမူၺ်ႇလႃႉ ​လၢတ်ႈ​လႄႈ​ဝႃႈ၊ ၵေႃႉ​ၼႆႉ​ၵေႃႈ​ထႃႇဝရႃႉ​ၽြႃး ဢမ်ႇ​လိူၵ်ႈ​ၵဵပ်း​ဢဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">လႆႈ​သမ်ႉ ယေႇသႄး ​ၼၼ်ႉ ႁႂ်ႈ​ သီႉမႃႇ ၵၢႆ​ၵႂႃႇ​သေ​ယဝ်ႉ၊ သမူၺ်ႇလႃႉ ​သမ်ႉ​ဝႃႈ၊ ၵေႃႉ​ၼႆႉ​ၵေႃႈ​ထႃႇဝရႃႉ​ၽြႃး ဢမ်ႇ​လိူၵ်ႈ​ၵဵပ်း​ဢဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">လႆႈ​သမ်ႉ ယေႇသႄး ​ၼၼ်ႉ ႁႂ်ႈ​လုၵ်ႈ​ၸၢႆး​တင်း​ၸဵတ်း​ၵေႃႉ​ၼၼ်ႉ​ၵၢႆ​ၵႂႃႇ​ၵႃႈ​တီႈ​ၽၢႆႇ​ၼႃႈ​ သမူၺ်ႇလႃႉ ​သေ​ယဝ်ႉ၊ သမူၺ်ႇလႃႉ ​လၢတ်ႈ​တီႈ​ ယေႇသႄး ​လႄႈ​ဝႃႈ၊ ၶဝ်​ၼႆႉ​ၵေႃႈ​ထႃႇဝရႃႉ​ၽြႃး​ဢမ်ႇ​လိူၵ်ႈ​ၵဵပ်း​ဢဝ်၊ ဝႃႈ​ၼင်ႇ​ၼႆ​လႄႈ၊-</verse>
				<verse number="11">သမူၺ်ႇလႃႉ ​ထၢမ်​တီႈ​ ယေႇသႄး ​လႄႈ​ဝႃႈ၊ လုၵ်ႈ​ၸၢႆး​မႂ်း​မီး​ၵႃႈ​တီႈ​ၼႆႈ​တင်း​သဵင်ႈ​တင်း​မူတ်း​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၼၼ်ႉ​လၢတ်ႈ​လႄႈ​ဝႃႈ ယင်း​မီး​လုၵ်ႈ​ၸၢႆး​ဢၼ်​လဵၵ်ႉ​သေ​ပိူၼ်ႈ​လူး​ၵွၼ်ႇ​ၶႃႈ​ဢေႃႈ။ မၼ်း​ၼၼ်ႉ​လဵင်ႉ​ထိင်း​သူဝ်း​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ သမူၺ်ႇလႃႉ လၢတ်ႈ​တီႈ​ ယေႇသႄး ​လႄႈ​ဝႃႈ၊ ပွႆႇ​ၸႂ်ႉ​ၵူၼ်း​ၵႂႃႇ​လႄႈ ႁွင်ႉ​ဢဝ်​မၼ်း​ၼၼ်ႉ​မႃး​သေ​ၵမ်း။ ၸူဝ်ႈ​ဢၼ်​မၼ်း​ၼၼ်ႉ​ဢမ်ႇ​ပႆႇ​ႁွတ်ႈ​မႃး​ၼၼ်ႉ​ၸိုင်၊ ႁဝ်း​ဢမ်ႇ​လႆႈ​ၶဝ်ႈ​ၼင်ႈ​ၵႃႈ​ၼႂ်း​ပွႆး​ၵူၺ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">မၼ်း​ပွႆႇ​ၸႂ်ႉ​လႄႈ​ႁွင်ႉ​ဢဝ်​မၼ်း​ၼၼ်ႉ​မႃး​ဢေႃႈ။ မၼ်း​ၼၼ်ႉ မီး​ၶူၼ်​ႁူဝ်​ဢၼ်​ယင်း​လႅင်​ယူႇ​လႄႈ မီး​ၼႃႈ​တႃ​ဢၼ်​လီ​ႁၵ်ႉ ဢိၵ်ႇ​တင်း​ႁၢင်ႈ​ၽၢင်​ဢၼ်​ႁၢင်ႈ​လီ​ဢေႃႈ။ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ မႂ်း​လုၵ်ႉ​လႄႈ​ပၼ်​ၽိၵ်ႈ​သိၵ်ႈ​တႃႉ။ ပဵၼ်​ၵေႃႉ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">သမူၺ်ႇလႃႉ ​ၼၼ်ႉ​ၵေႃႈ ဢဝ်​တဝ်ႈ​ၼမ်ႉ​မၼ်း​လႄႈ ပၼ်​ၽိၵ်ႈ​သိၵ်ႈ​တီႈ​မၼ်း ၵႃႈ​ၼႂ်း​မုၵ်ႉ​ၸိူဝ်း​ပီႈ​ဢၢႆႈ​မၼ်း​ၸိူဝ်း​ၼၼ်ႉ​ဢေႃႈ။ ၸႃႉ​ၸဵမ်​မိုဝ်ႉ​ဝၼ်း​ၼၼ်ႉ​လႄႈ ဝီႉၺိၺ်ႇ​ၽြႃး​ပဵၼ်​ၸဝ်ႈ​တူၵ်း​ႁွတ်ႈ​ၵႃႈ​ၼိူဝ်​ တႃႇဝိတ်ႈ ​ၼႃႇ​လူင်​လၢင်​ဢေႃႈ။ သမူၺ်ႇလႃႉ ​လုၵ်ႉ​လႄႈ​ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ရႃႇမႃႉ သေ​ဢေႃႈ။</verse>
				<verse number="14">ဝီႉၺိၺ်ႇ​ထႃႇဝရႃႉ​ၽြႃး ဢွၵ်ႇ​သေ​ၵႃႈ​တီႈ သေႃးလူႉ ​လႄႈ ဝီႉၺိၺ်ႇ​ဢၼ်​ႁၢႆႉ​ၵႃႈ​တီႈ​ထႃႇဝရႃႉ​ၽြႃး​ၼၼ်ႉ ၸၢင်ႈ​ယႃႉ​ယူၵ်ႉ​မၼ်း​ဢေႃႈ။-</verse>
				<verse number="15">ၶႃႈ​ သေႃးလူႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ တူၺ်း​တီႈ​ၶႃႈ​လူး၊ ဝီႉၺိၺ်ႇ​ဢၼ်​ႁၢႆႉ​ၵႃႈ​တီႈ​ၽြႃး​ပဵၼ်​ၸဝ်ႈ​ၼၼ်ႉ ၸၢင်ႈ​ယႃႉ​ယူၵ်ႉ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="16">ၸဝ်ႈ​ႁဝ်း​ၶႅၼ်း​တေႃႈ​မီး​ဢမိင်ႉ​တီႈ​ၶႃႈ​ၸဝ်ႈ​ႁဝ်း ဢၼ်​ၶႃး​ၸႃး​ၸဝ်ႈ​ႁဝ်း​ယူႇ​ၸိူဝ်း​ၼႆႉ လႆႈ​ႁႃ​ဢဝ်​ၵေႃႉ​ဢၼ်​မေႃ​လဵတ်း​တိင်ႇ​သဵင်​လီ​သဵင်​ဝၢၼ်​ၼၼ်ႉ​သေ​ၵမ်း​တီႈ​ၶႃႈ၊ ယၢမ်း​မိူဝ်ႈ​ဢၼ်​ဝီႉၺိၺ်ႇ​ဢၼ်​ႁၢႆႉ​ၵႃႈ​တီႈ​ၽြႃး​ပဵၼ်​ၸဝ်ႈ​မႃး​ၼၼ်ႉ​ၸိုင်၊ မၼ်း​ၼၼ်ႉ​တၵ်း​ဢဝ်​မိုဝ်း​မၼ်း​လဵတ်း​တိင်ႇ​လႄႈ ၸဝ်ႈ​ႁဝ်း​တၵ်း​လႆႈ​တၢင်း​ဢၼ်​သၢၵ်ႈ​သႃႇ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="17">သေႃးလူႉ ​မီး​ဢမိင်ႉ​တီႈ​ၶႃႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ႁႃ​ဢဝ်​ၵေႃႉ​ဢၼ်​မေႃ​လဵတ်း​တိင်ႇ​သဵင်​လီ​သဵင်​ဝၢၼ်​ၼၼ်ႉ​ပုၼ်ႈ​ၵဝ်​လႄႈ ႁွင်ႉ​ဢဝ်​မႃး​ၵႃႈ​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="18">ၵူၼ်း​ဢွၼ်ႇ​ၵေႃႉ​ၼိုင်ႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​လႆႈ​ထူပ်း​လႆႈ​ႁၼ်​လုၵ်ႈ​ၸၢႆး​ ယေႇသႄး ၵူၼ်း​ဝဵင်း​ ပႅတ်ႉလႁႅမ်ႇ ဢၼ်​မေႃ​လဵတ်း​တိင်ႇ၊ ဢၼ်​မီး​တၢင်း​ဢၼ်​ၵတ်ႉ​ၶၼ်​ႁတ်း​ႁၢၼ်၊ ဢၼ်​ၸၢင်ႈ​ႁဵတ်း​ဢမူႉ​တိုၵ်း​သိုၵ်း၊ ဢၼ်​ႁူႉ​ၸႅင်ႈ​ၵႂၢမ်း​ပိင်ႇ​ၺႃႇ၊ ဢၼ်​မီး​ႁၢင်ႈ​ၽၢင်​ဢၼ်​ႁၢင်ႈ​လီ​ၼၼ်ႉ ၵေႃႉ​ၼိုင်ႈ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​မၼ်း​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ပိူဝ်ႈ​ၼႆ​လႄႈ သေႃးလူႉ ပွႆႇ​ၸႂ်ႉ​ၵူၼ်း​ၵႂႃႇ​ၵႃႈ​တီႈ​ ယေႇသႄး ​လႄႈ မီး​ဢမိင်ႉ​လႄႈ​ဝႃႈ၊ ပွႆႇ​ၸႂ်ႉ​လုၵ်ႈ​ၸၢႆး​မႂ်း​ တႃႇဝိတ်ႈ ဢၼ်​ပဵၼ်​ၵူၼ်း​လဵင်ႉ​သူဝ်း ထိင်း​သူဝ်း​ၼၼ်ႉ​မႃး​ၵႃႈ​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ယေႇသႄး ​ၼၼ်ႉ ဢဝ်​လီႈ​ဢၼ်​တၢင်ႇ​သႂ်ႇ​ၶဝ်ႈ​မုၼ်း​တူဝ်​ၼိုင်ႈ ဢိၵ်ႇ​တင်း​တဝ်ႈ​ၼမ်ႉ​ၸပိတ်ႈ​တင်း​ပႄႉ​ဢွၼ်ႇ​တူဝ်​ၼိုင်ႈ​သေ​လႄႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ တႃႇဝိတ်ႈ လုၵ်ႈ​ၸၢႆး​မၼ်း​ၼၼ်ႉ ၵႂႃႇ​ၸူး​ၵႃႈ​တီႈ​ သေႃးလူႉ ​ဢေႃႈ။-</verse>
				<verse number="21">တႃႇဝိတ်ႈ ​ၼၼ်ႉ ၵႂႃႇ​ၸူး​ၵႃႈ​တီႈ​ သေႃးလူႉ ​သေ​ယဝ်ႉ၊ ၶႃး​ၸႃး​လႄႈ သေႃးလူႉ ​ၼၼ်ႉ ႁၵ်ႉ​မၼ်း​ၼႃႇ​လူင်​လၢင်​လႄႈ ၶၢၼ်း​မၼ်း​ဝႆႉ​ၼႂ်း​ဢရႃႇ​ၵူၼ်း​ဢၼ်​ပႃး​လၢၵ်ႈ​ၼၢၵ်ႈ​ၸဝ်ႈ​ဢေႃႈ။-</verse>
				<verse number="22">သေႃးလူႉ ​ၵေႃႈ ပွႆႇ​ၸႂ်ႉ​ၸူး​ၵႃႈ​တီႈ​ ယေႇသႄး ​လႄႈ ယွၼ်း​ဢၶႂၢင်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ တႃႇဝိတ်ႈ ​ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်​လႄႈ ႁႂ်ႈ​မၼ်း​ၶႃး​ၸႃး​ယူႇ​ၵႃႈ​တီႈ​ၵဝ်​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ယၢမ်း​မိူဝ်ႈ​ဢၼ်​ဝီႉၺိၺ်ႇ​ဢၼ်​ႁၢႆႉ​ၵႃႈ​တီႈ​ၽြႃး​ပဵၼ်​ၸဝ်ႈ​ၼၼ်ႉ​ႁွတ်ႈ​ထိုင်​ၵႃႈ​ၼိူဝ်​ သေႃးလူႉ ​ၼၼ်ႉ​ၸိုင်၊ တႃႇဝိတ်ႈ ​ဢဝ်​တိင်ႇ​သေ​လႄႈ ဢဝ်​မိုဝ်း​မၼ်း​လဵတ်း​သေ​ယဝ်ႉ၊ သေႃးလူႉ ​ၼၼ်ႉ​ၸင်ႇ​သၢၵ်ႈ​သႃႇ​ၶႅၼ်း​မႃး​ယူႇ၊ ၸင်ႇ​ယူႇ​လီ​ၵိၼ်​ဝၢၼ်​ယူႇ​သေ​လႄႈ ဝီႉၺိၺ်ႇ​ဢၼ်​ႁၢႆႉ​ၸင်ႇ​ဢွၵ်ႇ​ၵႂႃႇ​သေ​ၵႃႈ​ၼႂ်း​မၼ်း​ဢေႃႈ။</verse>
			</chapter>
			<chapter number="17">
				<verse number="1">ၽဝ်ႇ​ၼိုင်ႈ ၵူၼ်း​ ၽီႉလိတ်ႉတီႉ ​တင်း​လၢႆ သေႃႇ​ဢဝ်​ပူဝ်ႇ​ပႃႇ​ၶဝ်​ႁႂ်ႈ​လႆႈ​တိုၵ်း​သိုၵ်း​လႄႈ ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ သေႃႇၶေႃႇ ၼႂ်း​လိၼ်​ ယူႉတႃႉ ​သေ​ယဝ်ႉ၊ ၶျႃး​တပ်ႉ​ၶဝ်​ၵႃႈ​တီႈ​ ဢေႇၽႅတ်ႉတမ်ႇမိမ်း ၼႂ်း​ၵႄႈ​ဝူင်ႈ​ၵၢင်​ဝဵင်း​ သေႃႇၶေႃႇ တင်း​ဝဵင်း​ ဢၸေႇၵႃႇ ​ဢေႃႈ။-</verse>
				<verse number="2">သေႃးလူႉ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸူႉ​ၵၼ်​တုမ်​ၵၼ်​လႄႈ ၶျႃး​တပ်ႉ​ၶဝ်​ၵႃႈ​ၼႂ်း​ပၢင်ႇ​ႁူၺ်ႈ​ ဢေးလႃႇ ​လႄႈ ဢွၼ်​ၵၼ်​ယၼ်ႇ​တပ်ႉ​ၶၢင်း​တပ်ႉ​ၶဝ် ႁႂ်ႈ​လႆႈ​တိုၵ်း​ၵၼ်​တင်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="3">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ၸုၵ်း​ယူႇ​ၵႃႈ​ၼိူဝ်​လွႆ​ၽၢႆႇ​ၼိုင်ႈ၊ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ၸုၵ်း​ယူႇ​ၵႃႈ​ၼိူဝ်​လွႆ​ၽၢႆႇ​ၼိုင်ႈ​လႄႈ ၶူင်ႈ​ႁူၺ်ႈ​မီး​ၵႃႈ​တီႈ​ၵႄႈ​ဝူင်ႈ​ၵၢင်​ၶဝ်​ဢေႃႈ။-</verse>
				<verse number="4">ၵူၼ်း​သိုၵ်း​ဢၼ်​လႆႈ​ၸိုဝ်ႈ ၵေႃးလျတ်ႈ ၵူၼ်း​ဝဵင်း​ ၵႃႇသႃႉ ဢၼ်​တၢင်း​သုင်​မၼ်း​မီး​ႁူၵ်း​သွၵ်ႇ​ပၢႆ​ၶိုပ်ႈ​ၼၼ်ႉ ဢွၵ်ႇ​ၵႃႈ​ၼႂ်း​တပ်ႉ​ ၽီႉလိတ်ႉတီႉ မႃး​ဢေႃႈ။-</verse>
				<verse number="5">မၼ်း​ၼၼ်ႉ ၵႃႈ​ၼိူဝ်​ႁူဝ်​တိုဝ်း​မွၵ်ႇ​ႁူဝ်​တွင်း​လိူင်​သေ​လႄႈ ၼုင်ႈ​သိူဝ်ႈ​ၶႅပ်း​တွင်း​လိူင်​ဢၼ်​ၶၼ်​ၸင်ႈ​မၼ်း​မီး ႁႃႈ​ႁဵင်​ၵျၢပ်ႈ​ သၶေးလႃႉ ​ၼၼ်ႉ​ဢေႃႈ။-</verse>
				<verse number="6">မၼ်း​တိုဝ်း​သုပ်း​သွၵ်း​တိၼ်​တွင်း​လိူင်​ယူႇ၊ ၵႃႈ​တီႈ​ၵႄႈ​ႁူဝ်​မႃႇ​မၼ်း ပႃး​တင်း​ၶႂၢၵ်ႇ​လႅမ်​တွင်း​လိူင်​ယူႇ​ဢေႃႈ။-</verse>
				<verse number="7">ၵၼ်း​ႁွၵ်ႇ​မၼ်း​ၸမ်ႉ၊ ယႂ်ႇ​ပဵင်း​တၢၼ်ႇ​သီႈ​ပၼ်ႉ​ႁမ်း​ႁုၵ်ႇ​ဢေႃႈ။ မၢၵ်ႇ​ႁွၵ်ႇ​မၼ်း​ၸမ်ႉ၊ ၶၼ်​ၸင်ႈ​မၼ်း​မီး​လဵၵ်း​ႁူၵ်း​ပၢၵ်ႇ​ၵျၢပ်ႈ​ သၶေးလႃႉ ​ဢေႃႈ။ ၵေႃႉ​ဢၼ်​ပႃး​ဢဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​မၼ်း​ၵေႃႉ​ၼိုင်ႈ​လႆႈ​ၵႂႃႇ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="8">မၼ်း​ၼၼ်ႉ​ၸုၵ်း​ယူႇ​သေ​လႄႈ ႁွင်ႉ​သႅၼ်ႇ​ၸူး​တီႈ​ပူဝ်ႇ​ပႃႇ​ၵူၼ်း​တပ်ႉ​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢွၵ်ႇ​မႃး​ယၼ်ႇ​တပ်ႉ​ၶၢင်း​တပ်ႉ​ယူႇ​ၼင်ႇ​ႁိုဝ်။ ၵဝ်​ၼႆႉ​ပဵၼ်​ၵူၼ်း​ ၽီႉလိတ်ႉတီႉ ဢမ်ႇ​ၸႂ်ႈ​ႁိုဝ်။ သူ​ၸိုင်​ပဵၼ်​ၶႃႈ​ သေႃးလူႉ ​ဢမ်ႇ​ၸႂ်ႈ​ႁိုဝ်။ လိူၵ်ႈ​ၵဵပ်း​ဢဝ်​ၵူၼ်း​ၵေႃႉ​ၼိုင်ႈ​ပုၼ်ႈ​သူ​လႄႈ ႁႂ်ႈ​မၼ်း​ဢွၵ်ႇ​မႃး​ၸူး​တီႈ​ၵဝ်​တႃႉ။-</verse>
				<verse number="9">ပေႃး​မၼ်း​တိုၵ်း​ၵဝ်​လႄႈ ဢဝ်​တၢႆ​လႆႈ​ၸိုင်၊ ႁဝ်း​တၵ်း​လႆႈ​ၶၢမ်ႇ​ႁဵတ်း​ၶႃႈ​သူ​ဢေႃႈ။ ပေႃး​ဢမ်ႇ​ၼၼ် ပေႃး​ၵဝ်​တိုၵ်း​ၵေႃႉ​ၼၼ်ႉ​လႄႈ ဢဝ်​တၢႆ​လႆႈ​ၸိုင်၊ သူ​တၵ်း​လႆႈ​ၶၢမ်ႇ​ႁဵတ်း​ၶႃႈ​ႁဝ်း​လႄႈ ၵိုတ်ႉ​ႁၢပ်ႇ​ဢမူႉ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">လႆႈ​သမ်ႉ ၵူၼ်း​ ၽီႉလိတ်ႉတီႉ ​ၼၼ်ႉ​ဝႃႈ၊ ဝၼ်း​မိူဝ်ႈ​ၼႆႉ ၵဝ်​ယွၼ်း​ၶဵင်ႇ​ယွၼ်း​တႃႉ​သူ​ဢေႃႈ။ ပၼ်​ၵူၼ်း​ၵေႃႉ​ၼိုင်ႈ တီႈ​ၵဝ်​ႁႂ်ႈ​ႁႃး​လႆႈ​တိုၵ်း​ၵၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">သေႃးလူႉ ဢိၵ်ႇ​တင်း​ၵူၼ်း​ ဢီႉသရေႇလႃႉ ​တင်း​သဵင်ႈ​တင်း​လူင် လႆႈ​ငိၼ်း​ၵႂၢမ်း​ၵူၼ်း​ ၽီႉလိတ်ႉတီႉ ​ၼၼ်ႉ​သေ​ယဝ်ႉ၊ ၸႂ်​လူႉ​လႄႈ​ၵူဝ်​ႁႄ​ၼႃႇ​လူင်​လၢင်​ဢေႃႈ။</verse>
				<verse number="12">တႃႇဝိတ်ႈ ​ပဵၼ်​လုၵ်ႈ​ၸၢႆး​ၵူၼ်း​ ဢေႇၽရတ်ႉ ဝဵင်း​ ပႅတ်ႉလႁႅမ်ႇ မိူင်း​ ယူႉတႃႉ ဢၼ်​လႆႈ​ၸိုဝ်ႈ​ ယေႇသႄး ​ၼၼ်ႉ​ဢေႃႈ။ ၵေႃႉ​ၼၼ်ႉ မီး​လုၵ်ႈ​ၸၢႆး​ပႅတ်ႇ​ၵေႃႉ​ဢေႃႈ။ ၼႂ်း​ၸူဝ်ႈ​ပၢၼ်​ သေႃးလူႉ ​ၼၼ်ႉ မၼ်း​ၼၼ်ႉ​ပဵၼ်​ၵေႃႉ​ဢၼ်​ဢသၢၵ်ႈ​ယႂ်ႇ​ထဝ်ႈ​ၵႄႇ​ၼႃႇ​လူင်​လၢင်​ဢေႃႈ။-</verse>
				<verse number="13">ၼႂ်း​လုၵ်ႈ​ၸၢႆး​ ယေႇသႄး ​ၼၼ်ႉ ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​သၢမ်​ၵေႃႉ ၵိုတ်ႉ​ႁၢပ်ႇ​ဢမူႉ​သိုၵ်း​လႄႈ ၸွမ်း​လင်​ သေႃးလူႉ ​ယူႇ​ဢေႃႈ။ ၸိုဝ်ႈ​သဵင်​လုၵ်ႈ​ၸၢႆး​မၼ်း​သၢမ်​ၵေႃႉ​ဢၼ်​ၵႂႃႇ​ၵိုတ်ႉ​ႁၢပ်ႇ​ယူႇ​ၼၼ်ႉ​ၸမ်ႉ၊ လုၵ်ႈ​ၸၢႆး​တူၼ်ႈ​ပဵၼ် ဢေးလျႃႇၽႃႉ ၊ လုၵ်ႈ​ၸၢႆး​တူႉတီႉယႃႉ​ပဵၼ်​ ဢၽီႉၼတပ်ႉ ၊ လုၵ်ႈ​ၸၢႆး​တႃႉတီႉယႃႉ ပဵၼ်​ သီႉမႃႇ ​ဢေႃႈ။-</verse>
				<verse number="14">တႃႇဝိတ်ႈ ​ၼၼ်ႉ ပဵၼ်​လုၵ်ႈ​ၸၢႆး​ဢၼ်​လဵၵ်ႉ​သေ​ပိူၼ်ႈ​ဢေႃႈ။ လုၵ်ႈ​ၸၢႆး​လူင်​သၢမ်​ၵေႃႉ​ၼၼ်ႉ​ၸွမ်း​လင် သေႃးလူႉ ​ယူႇ​သေ​ၵေႃႈ၊-</verse>
				<verse number="15">တႃႇဝိတ်ႈ ​ၸမ်ႉ၊ လွင်ႈ​ၼင်ႇ​ႁိုဝ်​တၵ်း​လႆႈ​လဵင်ႉ​ထိင်း​သူဝ်း​ပေႃႈ​မၼ်း ၵႃႈ​တီႈ​ဝဵင်း​ ပႅတ်ႉလႁႅမ်ႇ ​ၼၼ်ႉ​ၸိုင်၊ ၵႂႃႇ​ၵႂႃႇ​ၶိုၼ်း​ၶိုၼ်း​ၵႃႈ​တီႈ သေႃးလူႉ ​ၼၼ်ႉ​ယူႇ​ဢေႃႈ။-</verse>
				<verse number="16">ၵူၼ်း​ ၽီႉလိတ်ႉတီႉ ​ၵေႃႉ​ၼၼ်ႉ ၶိင်ႇ​ၵၢင်​ၼႂ်​ပွၵ်ႈ​ၼိုင်ႈ၊ ၶိင်ႇ​ႁူဝ်​ၶမ်ႈ​ပွၵ်ႈ​ၼိုင်ႈ သုတ်ႉ​ၸပ်း​သုတ်ႉ​ၸူး​လႄႈ ၼႄ​ပျႃး​တူဝ်​မၼ်း​ယူႇ​သီႇ​သိပ်း​ဝၼ်း​တဵမ်​တဵမ်​ဢေႃႈ။-</verse>
				<verse number="17">မိူဝ်ႈ​ၼၼ်ႉ ယေႇသႄး ​သင်ႇ​လၢတ်ႈ​တီႈ​လုၵ်ႈ​ၸၢႆး​မၼ်း​ တႃႇဝိတ်ႈ ​လႄႈ​ဝႃႈ၊ ဢဝ်​ၶဝ်ႈ​တႅၵ်ႇ​ ဢေးၽႃႇ ​ၼိုင်ႈ ဢိၵ်ႇ​တင်း​ၶဝ်ႈ​မုၼ်း​သိပ်း​ႁူၺ်ႇ​ၸိူဝ်း​ၼႆႉ​ပုၼ်ႈ​ပီႈ​ဢၢႆႈ​မႂ်း​ၸိူဝ်း​ၼၼ်ႉ​သေ​လႄႈ ဢဝ်​ၵႂႃႇ​ၶၼ်​ၶၼ်​ၽႂ်း​ၽႂ်း​ၸူး​ၵႃႈ​တီႈ​တပ်ႉ​တီႈ​ဢၼ် ပီႈ​ဢၢႆႈ​မႂ်း​ၸိူဝ်း​ၼၼ်ႉ​မီး​ၼၼ်ႉ​တႃႉ။-</verse>
				<verse number="18">ၼမ်ႉ​ၼူမ်း​ၵၢမ်ႈ​သိပ်း​ၵွၼ်ႈ​ၼႆႉ​ၵေႃႈ ဢဝ်​လႄႈ​သၢၵ်ႈ​ပၼ်​တီႈ​ၶုၼ်​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ႁဵင်​ၼိုင်ႈ​ၶဝ်​ၼၼ်ႉ​တႃႉ။ လူ​တူၺ်း​လွင်ႈ​ဢၼ်​ပီႈ​ဢၢႆႈ​မႂ်း​ၸိူဝ်း​ၼၼ်ႉ မီး​တၢင်း​ဢၼ်​ယူႇ​လီ​ၵိၼ်​ဝၢၼ်​ယူႇ​ႁိုဝ်။ ဢမ်ႇ​မီး​ႁိုဝ်​ၼၼ်ႉ​သေ​ယဝ်ႉ၊ ၶၢမ်ႇ​ဢဝ်​သၢၵ်ႈ​သေႇ​တီႈ​ၶဝ်​သေ​ၸိူဝ်ႉ​သေ​ပိူင်​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မိူဝ်ႈ​ၼၼ်ႉ ၸႃႉ​ၸဵမ်​ သေႃးလူႉ ​လႄႈ​ၶဝ်​ၼၼ်ႉ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် တိုၵ်း​တေႃး​ၵၼ်​တင်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ယူႇ​သေ​လႄႈ မီး​ယူႇ​ၵႃႈ​တီႈ​ပၢင်ႇ​ႁူၺ်ႈ​ ဢေးလႃႇ ​ၼၼ်ႉ​ဢေႃႈ။-</verse>
				<verse number="20">တႃႇဝိတ်ႈ ​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ဢဝ်​သူဝ်း​တင်း​လၢႆ​ဢၢပ်ႈ​ပၼ်​တီႈ​ၵူၼ်း​ဢၼ်​လဵင်ႉ​သူဝ်း​ထိင်း​သူဝ်း​သေ​ယဝ်ႉ၊ ဢဝ်​ၸိူဝ်း​ၼၼ်ႉ​ၵႂႃႇ​ၸွမ်း​ၵႃႈ​ၼင်ႇ​ဢၼ်​ပေႃႈ​မၼ်း​ ယေႇသႄး သင်ႇ​လၢတ်ႈ​ဝႆႉ​တီႈ​မၼ်း​ၼၼ်ႉ​လႄႈ ႁွတ်ႈ​ထိုင်​ၵႃႈ​တီႈ​ဝႅင်း​လေႃႉ​ၶဝ် ၼႂ်း​မိူဝ်ႈ​ဢၼ် ပူဝ်ႇ​ပႃႇ​ၵူၼ်း​သိုၵ်း​ဢၼ်​ၶီႇ​ၵႂႃႇ ၵႃႈ​တီႈ​ပၢင်​သိုၵ်း​ယူႇ​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​သဵင်​ဢၼ်​တိုၵ်း​သိုၵ်း​ႁွင်ႉ​သႅၼ်ႇ​ယူႇ​ၼၼ်ႉ​ဢေႃႈ။-</verse>
				<verse number="21">လွင်ႈ​မၼ်း​ၸမ်ႉ ၵူၼ်း​တပ်ႉ​ ဢီႉသရေႇလႃႉ ဢိၵ်ႇ​တင်း​ၵူၼ်း​တပ်ႉ​ ၽီႉလိတ်ႉတီႉ ​ၸိူဝ်း​ၼၼ်ႉ လႆႈ​ယၼ်ႇ​တပ်ႉ​ၶၢင်း​တပ်ႉ​တေႃႇ​ၵၼ်​ယူႇ​ဢေႃႈ။-</verse>
				<verse number="22">တႃႇဝိတ်ႈ ​ၼၼ်ႉ ဢဝ်​ဢၼ်​ပႃး​မႃး​တီႈ​မၼ်း​ၸိူဝ်း​ၼၼ်ႉ​ဢၢပ်ႈ​ဝႆႉ​ၵႃႈ​ၼႂ်း​မိုဝ်း​ၵေႃႉ​ဢၼ်​ပႂ်ႉ​ၶူဝ်း​ပႂ်ႉ​လဵင်း​ၼၼ်ႉ​သေ​ယဝ်ႉ၊ ၶုၼ်ႇ​လႅၼ်ႈ​ၵႂႃႇ​ၵႃႈ​ၼႂ်း​မုၵ်ႉ​ၸိူဝ်း​ၵူၼ်း​သိုၵ်း​ၸိူဝ်း​ၼၼ်ႉ​လႄႈ တၵ်ႉ​လၢတ်ႈ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="23">ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​လၢတ်ႈ​ၵႂၢမ်း​တေႃႇ​ၶဝ်​ယူႇ​ၼၼ်ႉ​ၸိုင်၊ ၵူၼ်း​သိုၵ်း​ဢၼ်​လႆႈ​ၸိုဝ်ႈ​ ၵေႃးလျတ်ႈ ၵူၼ်း​ဝဵင်း​ ၵႃႇသႃႉ ၊ ၵူၼ်း​ ၽီႉလိတ်ႉတီႉ ​ၼၼ်ႉ ဢွၵ်ႇ​သေ​ၵႃႈ​ၼႂ်း​တပ်ႉ​ ၽီႉလိတ်ႉတီႉ ​မႃး​လႄႈ​လၢတ်ႈ​ဝႃႈ မိူၼ်​ၸိူဝ်ႉ​ၼင်ႇ​ဝၼ်း​ဢွၼ်​တၢင်း​ၼၼ်ႉ​လႄႈ တႃႇဝိတ်ႈ ​လႆႈ​ငိၼ်း​ၵႂၢမ်း​ၼၼ်ႉ​ဢေႃႈ။-</verse>
				<verse number="24">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ႁၼ်​ၵေႃႉ​ၼၼ်ႉ​သေ​ယဝ်ႉ၊ ဢွၼ်​ၵၼ်​ဢွၵ်ႇ​ပၢႆႈ​သေ​ၵႃႈ​တီႈ​ၽၢႆႇ​ၼႃႈ​မၼ်း​လႄႈ ၵူဝ်​ႁႄ​ၼႃႇ​လူင်​လၢင်​ဢေႃႈ။-</verse>
				<verse number="25">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ လၢတ်ႈ​ၵၼ်​လႄႈ​ဝႃႈ၊ သူ​လႆႈ​ႁၼ်​ၵေႃႉ​ဢၼ်​ဢွၵ်ႇ​မႃး​ၼၼ်ႉ​ယဝ်ႉ​ႁိုဝ်။ မၼ်း​ယွၼ်း​ၶဵင်ႇ​ယွၼ်း​တႃႉ မဵဝ်း​ ဢီႉသရေႇလႃႉ ​ယူႇ​သေ​လႄႈ​ဢွၵ်ႇ​မႃး​လူင်​ပႄႇ။ တီႈ​ၵေႃႉ​ဢၼ်​ဢဝ်​မၼ်း​တၢႆ​ၼၼ်ႉ​ၸိုင်၊ ၶုၼ်​ႁေႃ​ၶမ်း​တၵ်း​ပၼ်​ၸေး​ၸိမ်ႇ​ဢၼ်​ယႂ်ႇ​ၼႃႇ​လႄႈ ဢဝ်​လုၵ်ႈ​ယိင်း​ၸဝ်ႈ​ပၼ်​ဢေႃႈ။ တၵ်း​ႁႂ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​မၼ်း​လွတ်ႈ​ဢမူႉ​ၶုၼ်​ၵႃႈ​ၼႂ်း​မိူင်း​ ဢီႉသရေႇလႃႉ ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">တႃႇဝိတ်ႈ ​ၵေႃႈ​ထၢမ်​တီႈ​ၶဝ်​ၸိူဝ်း​ဢၼ်​ၸုၵ်း​ယူႇ​ၵႃႈ​တီႈ​ႁိမ်း​မၼ်း​ၼၼ်ႉ​လႄႈ​ဝႃႈ၊ ၵေႃႉ​ဢၼ်​ဢဝ်​ၵူၼ်း​ ၽီႉလိတ်ႉတီႉ ​ၼၼ်ႉ​တၢႆ​လႄႈ ပႄႇ​ၽဵဝ်ႈ​တၢင်း​ဢၼ်​ဢူၵ်း​ဢၼ်​ဢၢႆ​ဢၼ်​မဵဝ်း​ ဢီႉသရေႇလႃႉ ​လႆႈ​ၶၢမ်ႇ​ၼၼ်ႉ ပႅတ်ႈ​မူတ်း​မူတ်း​သဵင်ႈ​သဵင်ႈ​ၼၼ်ႉ တၵ်း​လႆႈ​ဢၵျူဝ်း​ၸိူဝ်ႉ​ၼင်ႇ​ႁိုဝ်။ ၵူၼ်း​ ၽီႉလိတ်ႉတီႉ ​ဢၼ်​ဢမ်ႇ​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ၼၼ်ႉ ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​လႄႈ လႆႈ​သႄႉ​သွမ်း​ပူဝ်ႇ​ပႃႈ​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ၼၼ်ႉ​ယူႇ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="27">ၵူၼ်း​တင်း​လၢႆ​ၶိုၼ်း​လၢတ်ႈ​ၸိူဝ်ႉ​ၼင်ႇ​ၵမ်း​ဢွၼ်​တၢင်း​ၼၼ်ႉ​လႄႈ​ဝႃႈ၊ ၵေႃႉ​ဢၼ်​ဢဝ်​ၵူၼ်း​ၼၼ်ႉ​တၢႆ​ၼၼ်ႉ တၵ်း​လႆႈ​ဢၵျူဝ်း​ဢၼ်​ၸိူဝ်ႉ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ဢေးလျႃႇၽႃႉ ဢၼ်​ပဵၼ်​ပီႈ​ဢၢႆႈ​မၼ်း​ၵေႃႉ​ယႂ်ႇ​ၼၼ်ႉ ငိၼ်း​မၼ်း​လၢတ်ႈ​တေႃႇ​ၵၼ်​တင်း​မၼ်း​ၼၼ်ႉ​သေ​ယဝ်ႉ၊ တၢင်း​ၸႂ်​မႆႈ​ၶႆႈ​ၸႃႉ​ဢွၵ်ႇ​တီႈ​ တႃႇဝိတ်ႈ ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​မႂ်း​လူင်း​မႃး​ၵႃႈ​တီႈ​ၼႆႈ​ၼင်ႇ​ႁိုဝ်။ မႂ်း​ဢဝ်​သူဝ်း​ဢၼ်​မီး​ၵေႇ​ၼႃႇ​ၸိူဝ်း​ၼၼ်ႉ ဢၢပ်ႈ​ဝႆႉ​ၵႃႈ​ၼႂ်း​မိုဝ်း​ၽူႈ​လႂ်​ၵႃႈ​တီႈ​ထိူၼ်ႇ​ၼၼ်ႉ။ ၵဝ်​ႁူႉ​တၢင်း​ဢၼ်​မႂ်း​မႃႇၼႃႉ​ယႂ်ႇ၊ တၢင်း​ဢၼ်​ႁူဝ်​ၸႂ်​မႂ်း​ႁၢႆႉ​ယုတ်ႈ​ၼၼ်ႉ​ယူႇ​ဢေႃႈ။ မႂ်း​လူင်း​မႃး​ႁႂ်ႈ​လႆႈ​လူ​တူၺ်း​ပွႆး​သိုၵ်း​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">တႃႇဝိတ်ႈ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​ႁဵတ်း​ၵႃႈ​သင်။ မိူဝ်ႈ​လဵဝ်​ၼႆႉ​ဢမ်ႇ​မီး​လွင်ႈ​ဢၼ်​တၵ်း​လီ​လၢတ်ႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="30">သမ်ႉ​ဝၢႆႇ​ၵႂႃႇ​ၸူး​ၵႃႈ​တီႈ​ပိူၼ်ႈ​တၢင်ႇ​ၵေႃႉ​သေ​လႄႈ​ထၢမ်​မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၼၼ်ႉ​လႄႈ ၵူၼ်း​တင်း​လၢႆ​ၶိုၼ်း​လၢတ်ႈ​မိူၼ်​ၸိူဝ်ႉ​ၼင်ႇ​ဢွၼ်​တၢင်း​ၼၼ်ႉ​ဢေႃႈ။</verse>
				<verse number="31">မိူဝ်ႈ​ဢၼ်​ပိူၼ်ႈ​ငိၼ်း​ၵႂၢမ်း​ဢၼ်​ တႃႇဝိတ်ႈ ​လၢတ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ၶဝ်​ဢဝ်​လဝ်ႊ​လၢတ်ႈ​တီႈ​ သေႃးလူႉ ​လႄႈ သေႃးလူႉ ​ႁွင်ႉ​ဢဝ်​ တႃႇဝိတ်ႈ ​ဢေႃႈ။-</verse>
				<verse number="32">တႃႇဝိတ်ႈ ​ၵေႃႈ​လဝ်ႊ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ ယႃႇ​ပေ​ႁႂ်ႈ​ၽူႈ​လႂ်​သေ​ၵေႃႉ​သေ​ၵူၼ်း လႆႈ​ၸႂ်​လူႉ​ၵွပ်ႈ​ပိူဝ်ႈ​ၵူၼ်း​ၼၼ်ႉ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ႁဝ်း​တၵ်း​ၵႂႃႇ​လႄႈ​တိုၵ်း​တေႃး​ၵူၼ်း​ ၽီႉလိတ်ႉတီႉ ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="33">သေႃးလူႉ ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ မႂ်း​ဢမ်ႇ​ၵႂႃႇ​တိုၵ်း​တေႃး​ၵူၼ်း​ ၽီႉလိတ်ႉတီႉ ​ၼၼ်ႉ​လႆႈ​ၵူၺ်ႉ။ မႂ်း​ပဵၼ်​ၵေႃႉ​ဢၼ်​ယင်း​လဵၵ်ႉ​ယင်း​ၼုမ်ႇ​ယူႇ​ဢေႃႈ။ ၵေႃႉ​ၼၼ်ႉ ပဵၼ်​ႁူဝ်​ႁၢၼ်​ၵူၼ်း​သိုၵ်း​မႃး​ၸဵမ်​မိူဝ်ႈ​ဢၼ်​မၼ်း​ယင်း​ၼုမ်ႇ​ၼၼ်ႉ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="34">တႃႇဝိတ်ႈ ​ၵေႃႈ​လဝ်ႊ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ မိူဝ်ႈ​ဢၼ်​ၶႃႈ​ၸဝ်ႈ​ႁဝ်း​ၼႆႉ​ယင်း​တိုၵ်ႉ​လဵင်ႉ​ထိင်း​သူဝ်း​ပေႃႈ​ၶႃႈ​ၸဝ်ႈ​ယူႇ​ၼၼ်ႉ​ၸိုင်၊ သၢင်ႇ​သီႈ​တင်း​မီ​မႃး​ၶူပ်း​ၵၢပ်ႈ​ဢဝ်​သူဝ်း​ဢွၼ်ႇ​ၵႃႈ​ၼႂ်း​ၽုင်​သူဝ်း​ၵႂႃႇ​တီႈ​ၶႃႈ​ဢေႃႈ။-</verse>
				<verse number="35">ၶႃႈ​ၸဝ်ႈ​လိုပ်ႈ​လမ်း​ၸွမ်း​ၵႂႃႇ​ဢဝ်​တၢႆ​ပႅတ်ႈ​သေ​လႄႈ ၼုၵ်ႈ​ဢဝ်​သူဝ်း​ဢွၼ်ႇ​ၵႃႈ​ၼႂ်း​သူပ်း​မၼ်း​ၼၼ်ႉ​မႃး​တီႈ​ၶႃႈ​ဢေႃႈ။ မိူဝ်ႈ​ဢၼ်​မီ​လုၵ်ႉ​ၸုၵ်း​ပူဝ်ႉ​သႂ်ႇ​ၶႃႈ​ၸဝ်ႈ​ၼၼ်ႉ​ၸိုင်၊ ၶႃႈ​ၸဝ်ႈ​ၵမ်​တိုတ်ႉ​ၼူတ်ႇ​မၼ်း​လႄႈ ပေႃႉ​ယႅၼ်ႉ​ဢဝ်​တၢႆ​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="36">ၶႃႈ​ၸဝ်ႈ​ႁဝ်း​ၼႆႉ ဢဝ်​သၢင်ႇ​သီႈ ဢိၵ်ႇ​တင်း​မီ​တၢႆ​သွင်​တူဝ်​ယဝ်ႉ​တီႈ​ၶႃႈ​ဢေႃႈ။ ၵူၼ်း​ ၽီႉလိတ်ႉတီႉ ​ဢၼ်​ဢမ်ႇ​ၶၢမ်ႇ​မင်ႇၵလႃႇ​တၢင်း​ဢၼ်​ထိူဝ်​ႁိမ်း​ၼႆႉ တၵ်း​ပဵၼ်​မိူၼ်​ၸိူဝ်ႉ​ၼင်ႇ​တူဝ်​ၼၼ်ႉ​တူဝ်​ၼိုင်ႈ ၵွပ်ႈ​ပိူဝ်ႈ​ဢၼ်​မၼ်း​သႄႉ​သွမ်း​ပူဝ်ႇ​ပႃႇ​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="37">တႃႇဝိတ်ႈ ​သမ်ႉ လဝ်ႊ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး ဢၼ်​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​ၵႃႈ​ၼႂ်း​မိုဝ်း​သၢင်ႇ​သီႈ ဢိၵ်ႇ​တင်း​ၵႃႈ​ၼႂ်း​မိုဝ်း​မီ​ၼၼ်ႉ တၵ်း​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​ၼႆႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ သေႃးလူႉ ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၵႂႃႇ​တႃႉ။ ႁႂ်ႈ​ထႃႇဝရႃႉ​ၽြႃး မီး​ယူႇ​လူၺ်ႈ​ၵၼ်​တင်း​မႂ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="38">သေႃးလူႉ ​ၵေႃႈ​ဢဝ်​ၶူဝ်း​ၼုင်ႈ​ၸဝ်ႈ​ၼုင်ႈ​ပၼ်​ တႃႇဝိတ်ႈ ​သေ​ယဝ်ႉ၊ ဢဝ်​မွၵ်ႇ​ႁူဝ်​တွင်း​လိူင်​တိုဝ်း​ပၼ်​ၵႃႈ​ၼိူဝ်​ႁူဝ်​မၼ်း​လႄႈ ဢဝ်​သိူဝ်ႈ​ၶႅပ်း​လဵၵ်း​ၼုင်ႈ​ပၼ်​ဢေႃႈ။-</verse>
				<verse number="39">တႃႇဝိတ်ႈ ​ဢဝ်​လၢပ်ႇ​ၸဝ်ႈ မတ်ႉ​သႂ်ႇ​ၵႃႈ​ၼိူဝ်​ၶူဝ်း​ၼုင်ႈ​မၼ်း​သေ​လႄႈ ၵျူဝ်း​ၸႃး​ငႃ​တၵ်း​ၵႂႃႇ ၵွပ်ႈ​ပိူဝ်ႈ​ဢၼ် မၼ်း​ဢမ်ႇ​ပႆႇ​တွၼ်ႉ​ယၢမ်ႈ​လႆႈ​ၸၢမ်း​တူၺ်း​လၢၵ်ႈ​ၼၢၵ်ႈ​ၼၼ်ႉ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ တႃႇဝိတ်ႈ ​လဝ်ႊ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ ၶႃႈ​ၸဝ်ႈ​ဢမ်ႇ​ပႃး​ဢဝ်​ၸိူဝ်း​ၼႆႉ​သေ​လႄႈ ၵႂႃႇ​လႆႈ​တီႈ​ၶႃႈ၊ ၶႃႈ​ၸဝ်ႈ​ဢမ်ႇ​ပႆႇ​တွၼ်ႉ​ယၢမ်ႈ​လႆႈ​ၸၢမ်း​တူၺ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ တႃႇဝိတ်ႈ ​ၶိုၼ်း​ၵႄႈ​ထွတ်ႇ​သေ​ဢေႃႈ။-</verse>
				<verse number="40">လႆႈ​သမ်ႉ မၼ်း​ယိပ်း​ၵမ်​ဢဝ်​ၶွၼ်ႉ​တဝ်ႉ​မၼ်း​သေ​လႄႈ လိူၵ်ႈ​ၵဵပ်း​ဢဝ်​မၢၵ်ႇ​ႁိၼ်​ဢၼ်​ၶျေႃး​လီ ၵႃႈ​ၼႂ်း​ၼမ်ႉ​ႁွင်ႈ​ႁႃႈ​လုၵ်ႈ​လႄႈ ဢဝ်​သႂ်ႇ​ၵႃႈ​ၼႂ်း​ၶိူင်ႈ​ပိူင်​ၵူၼ်း​လဵင်ႉ​သူဝ်း​ဢၼ်​ဝႃႈ​ထူင်​မၼ်း​ၼၼ်ႉ​သေ​ယဝ်ႉ၊ ၵူင်​ၵွၼ်​ၵေႃႈ​ယိပ်း​ၵမ်​ဢဝ်​သေ​လႄႈ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၵူၼ်း​ ၽီႉလိတ်ႉတီႉ ​ၼၼ်ႉ​ဢေႃႈ။</verse>
				<verse number="41">ၵူၼ်း​ ၽီႉလိတ်ႉတီႉ ​ၼၼ်ႉ​ၵေႃႈ မႃး​ယူႇ​သေ​လႄႈ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ တႃႇဝိတ်ႈ ​ၼၼ်ႉ​လႄႈ ၵေႃႉ​ဢၼ်​ပႃး​ၶိူင်ႈ​ႁႄႉ​လၢၵ်ႈ​ၼၢၵ်ႈ​မၼ်း​ၼၼ်ႉ​ၵေႃႈ ၵႂႃႇ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="42">ၵူၼ်း​ ၽီႉလိတ်ႉတီႉ ​ၼၼ်ႉ၊ မိူဝ်ႈ​ဢၼ်​တူၺ်း​လႄႈ​ႁၼ်​ တႃႇဝိတ်ႈ ​ၼၼ်ႉ​ၸိုင်၊ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​မၼ်း​ဢေႃႈ။ လွင်ႈ​မၼ်း​ၸမ်ႉ မၼ်း​ပဵၼ်​ၵေႃႉ​ဢၼ်​ယင်း​ၼုမ်ႇ၊ ၵေႃႉ​ဢၼ်​ၶူၼ်​ႁူဝ်​ယင်း​လႅင်​လႄႈ ၼႃႈ​ႁၢင်ႈ​လီ​ယူႇ​ဢေႃႈ။-</verse>
				<verse number="43">ၵူၼ်း​ ၽီႉလိတ်ႉတီႉ ​ၼၼ်ႉ​ၵေႃႈ ထၢမ်​တီႈ​ တႃႇဝိတ်ႈ ​လႄႈ​ဝႃႈ၊ ၵဝ်​ၼႆႉ​ပဵၼ်​မႃ​လႄႈ မႂ်း​ဢဝ်​ၶွၼ်ႉ​တဝ်ႉ​မႃး​ၸူး​ၵႃႈ​တီႈ​ၵဝ်​ႁိုဝ်။ ဝႃႈ​ၼင်ႇ​ၼႆ​ယူႇ​သေ​လႄႈ ၵူၼ်း​ ၽီႉလိတ်ႉတီႉ ​ၼၼ်ႉ ဢဝ်​ၽြႃး​မၼ်း​တင်း​လၢႆ​တိူင်ႇ​လႄႈ​ၵိၼ်ႇ​လႃႇ​ တႃႇဝိတ်ႈ ​ဢေႃႈ။-</verse>
				<verse number="44">လႆႈ​သမ်ႉ ၵူၼ်း​ ၽီႉလိတ်ႉတီႉ ​ၼၼ်ႉ လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ မႃး​ၸူး​တီႈ​ၵဝ်​ၼႆႉ​တႃႉ။ ၵဝ်​တၵ်း​ဢဝ်​ၼိူဝ်ႉ​မႂ်း​ပၼ်​တီႈ​ၼူၵ်ႉ​ၵၢင်​ႁၢဝ် ဢိၵ်ႇ​တင်း​တူဝ်​ထိူၼ်ႇ​ႁၢႆႉ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="45">တႃႇဝိတ်ႈ ​ၵေႃႈ​လၢတ်ႈ​တီႈ​ၵူၼ်း​ ၽီႉလိတ်ႉတီႉ ​ၼၼ်ႉ​လႄႈ​ဝႃႈ၊ မႂ်း​ပႃး​ဢဝ်​တင်း​ႁွၵ်ႇ၊ တင်း​လၢပ်ႇ၊ တင်း​ၶႂၢၵ်ႇ​လႅမ်​သေ​လႄႈ မႃး​ၸူး​ၵႃႈ​တီႈ​ၵဝ်​ဢေႃႈ။ ၵဝ်​ၸိုင် ပႃး​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ၽြႃး​ပူဝ်ႇ​ပႃႇ​ ဢီႉသရေႇလႃႉ ဢၼ်​မႂ်း​သႄႉ​သွမ်း​ၼၼ်ႉ​သေ​လႄႈ မႃး​ၸူး​ၵႃႈ​တီႈ​မႂ်း​ဢေႃႈ။-</verse>
				<verse number="46">ထႃႇဝရႃႉ​ၽြႃး​ၼၼ်ႉ တၵ်း​ဢဝ်​မႂ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵဝ်​ဝၼ်း​မိူဝ်ႈ​ၼႆႉ​လႄႈ ၵဝ်​တၵ်း​ဢဝ်​မႂ်း​တၢႆ​လႄႈ တႅပ်း​ႁူဝ်​မႂ်း​ဢေႃႈ။ ၵဝ်​တၵ်း​ဢဝ်​တူဝ်​တၢႆ​ၵူၼ်း​ ၽီႉလိတ်ႉတီႉ ​ၸိူဝ်း​ၼႆႉ ပၼ်​တီႈ​ၼူၵ်ႉ​ၵၢင်​ႁၢဝ်​ဢိၵ်ႇ​တင်း​တူဝ်​ထိူၼ်ႇ​ႁၢႆႉ​တင်း​လၢႆ ၼႂ်း​ဝၼ်း​မိူဝ်ႈ​ၼႆႉ​ဢေႃႈ။ ၵူၼ်း​လိၼ်​မိူင်း​တင်း​သဵင်ႈ​တင်း​လူင်​တၵ်း​လႆႈ​ႁူႉ​လွင်ႈ​ဢၼ် ၽြႃး​ပဵၼ်​ၸဝ်ႈ​မီး​ယူႇ​ၵႃႈ​တီႈ​မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="47">ပရဵၵ်ႈသၢတ်ႈ​ၼႆႉ​တင်း​သဵင်ႈ​တင်း​လူင် တၵ်း​လႆႈ​ႁူႉ​လွင်ႈ​ဢၼ်​ထႃႇဝရႃႉ​ၽြႃး ဢမ်ႇ​ဢဝ်​တင်း​ႁွၵ်ႇ​တင်း​လၢပ်ႇ​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ပိူင်ႇ​ဢမူႉ​သိုၵ်း​လႄႈ မၼ်း​ၸဝ်ႈ​တၵ်း​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ႁဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="48">မိူဝ်ႈ​ဢၼ်​ၵူၼ်း​ ၽီႉလိတ်ႉတီႉ ​ၼၼ်ႉ​လုၵ်ႉ​လႄႈ​မႃး​ယူႇ​သေ​လႄႈ​သုတ်ႉ​ၸပ်း​သုတ်ႉ​ၸူး ႁႂ်ႈ​လႆႈ​ထူပ်း​ၵၼ်​တင်း​ တႃႇဝိတ်ႈ ​ၼၼ်ႉ​ၸိုင်၊ တႃႇဝိတ်ႈ ​ၵေႃႈ​ႁိပ်ႈ​ၼႅတ်ႈ​လႄႈ၊ ၶုၼ်ႇ​လႅၼ်ႈ​ၸူး​ပူဝ်ႇ​ပႃႇ​ၶဝ်​ၼၼ်ႉ ႁႂ်ႈ​လႆႈ​ႁူပ်ႉ​ထူပ်း​ၵၼ်​တင်း ၵူၼ်း​ ၽီႉလိတ်ႉတီႉ ​ၼၼ်ႉ​ၶၼ်​ၶၼ်​ၽႂ်း​ၽႂ်း​သေ​ယဝ်ႉ၊-</verse>
				<verse number="49">တႃႇဝိတ်ႈ ​ၸူၵ်း​ဢဝ်​မၢၵ်ႇ​ႁိၼ်​ၵႃႈ​ၼႂ်း​ထူင်​ပႃး​မၼ်း​လုၵ်ႈ​ၼိုင်ႈ​သေ​လႄႈ ထိမ်ႈ​သိုင်း​သႂ်ႇ​လႄႈ​ၸပ်း​သႂ်ႇ​ၼႃႈ​ၽၢၵ်ႇ​ၵူၼ်း​ ၽီႉလိတ်ႉတီႉ ​ၼၼ်ႉ​လႄႈ မၢၵ်ႇ​ႁိၼ်​ၼၼ်ႉ လူင်း​ပွင်ႇ​ၶဝ်ႈ​ၵႃႈ​ၼႂ်း​ၼႃႈ​ၽၢၵ်ႇ​မၼ်း​သေ​ယဝ်ႉ၊ မၼ်း​ၼၼ်ႉ​လူမ်ႉ​မူပ်ႇ​တူၵ်း​ၵႃႈ​ၼိူဝ်​လိၼ်​ဢေႃႈ။-</verse>
				<verse number="50">ၼင်ႇ​ၼၼ်​လႄႈ တႃႇဝိတ်ႈ ​ၼၼ်ႉ​ဢဝ်​ၵူင်​ၵွၼ်​တင်း​မၢၵ်ႇ​ႁိၼ်​လုၵ်ႈ​ၼိုင်ႈ ပႄႉ​ၼႅင်ႇ​ၵူၼ်း​ ၽီႉလိတ်ႉတီႉ ​ၼၼ်ႉ​လႄႈ မႅၼ်ႈ​ၸပ်း​သႂ်ႇ​ၵူၼ်း​ ၽီႉလိတ်ႉတီႉ ​ၼၼ်ႉ​သေ​လႄႈ ဢဝ်​မၼ်း​တၢႆ​ဢေႃႈ။ ၼႂ်း​မိုဝ်း​ တႃႇဝိတ်ႈ ​ၼၼ်ႉ​ယင်း​ဢမ်ႇ​မီး​လၢပ်ႇ​မီး​လႅဝ်း​သေ​မၢၵ်ႈ။-</verse>
				<verse number="51">မိူဝ်ႈ​ၼၼ်ႉ တႃႇဝိတ်ႈ ၶုၼ်ႇ​လႅၼ်ႈ​ၵႂႃႇ​လႄႈ တဵၵ်း​ယဵပ်ႇ​ၵူၼ်း​ ၽီႉလိတ်ႉတီႉ ​ၼၼ်ႉ​ယူႇ​သေ​လႄႈ ထွတ်ႇ​ဢဝ်​လၢပ်ႇ​မၼ်း ၵႃႈ​ၼႂ်း​ၵပ်း​သေ​ယဝ်ႉ၊ ဢဝ်​မၼ်း​တၢႆ​လႄႈ တႅပ်း​ဢဝ်​ႁူဝ်​မၼ်း​ဢေႃႈ။ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ႁၼ်​လွင်ႈ​ဢၼ်​ၵူၼ်း​သိုၵ်း​ၼၼ်ႉ တၢႆ​ၼၼ်ႉ​သေ​ယဝ်ႉ၊ ဢွၼ်​ၵၼ်​ဢွၵ်ႇ​ပၢႆႈ​ဢေႃႈ။-</verse>
				<verse number="52">မိူဝ်ႈ​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ​တင်း​လၢႆ လုၵ်ႉ​လႄႈ​ႁုၼ်ႉ​ႁိူဝ်ႇ​ယူႇ​သေ​လႄႈ ဢွၼ်​ၵၼ်​လိုပ်ႈ​ၸွမ်း​လမ်း​ၸွမ်း​ၵူၼ်း​ ၽီႉလိတ်ႉတီႉ ​တင်း​လၢႆ တေႃႇ​ထိုင်​ႁွတ်ႈ​ဝဵင်း​ ၵႃႇသႃႉ ဢိၵ်ႇ​တင်း​တေႃႇ​ထိုင်​ႁွတ်ႈ​ၽၵ်း​တူ​ဝဵင်း​ ဢေႇၵြုၼ်ႇ ​ၼၼ်ႉ​ဢေႃႈ။ ၵူၼ်း​ ၽီႉလိတ်ႉတီႉ ​ဢၼ်​တိူဝ်ႉ​မၢတ်ႇ​ၸိူဝ်း​ၼၼ်ႉ ဢွၼ်​ၵၼ်​လူမ်ႉ​တူၵ်း​ဢဝ်​ၵႃႈ​တီႈ​ၸႃႉ​ၸဵမ်​သဵၼ်ႈ​တၢင်း​ဝဵင်း​ သႃႇရိမ်း ​တေႃႇ​ထိုင်​ႁွတ်ႈ​ဝဵင်း​ ၵႃႇသႃႉ တင်း​ဝဵင်း​ ဢေႇၵြုၼ်ႇ ​ၼၼ်ႉ​ဢေႃႈ။-</verse>
				<verse number="53">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လုၵ်ႉ​သေ​ၵႃႈ​တီႈ​ဢၼ်​လိုပ်ႈ​ၸွမ်း​လမ်း​ၸွမ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ၶိုၼ်း​မႃး​လႄႈ ႁိမ်​လႆႈ​ႁူင်ႇ​လႆႈ​တပ်ႉ​ၶဝ်​ၼၼ်ႉ​ဢေႃႈ။-</verse>
				<verse number="54">တႃႇဝိတ်ႈ ​ဢဝ်​ၵွၵ်း​ႁူဝ်​ၵူၼ်း​ ၽီႉလိတ်ႉတီႉ ​ၼၼ်ႉ​လႄႈ ပႃး​ဢဝ်​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။ ဢဝ်​လၢၵ်ႈ​ၼၢၵ်ႈ​ၸုမ်ႇ​မၼ်း​ၼၼ်ႉ​ဝႆႉ​ၵႃႈ​ၼႂ်း​မူဝ်းၵႃႇ​မၼ်း​ဢေႃႈ။</verse>
				<verse number="55">သေႃးလူႉ ​ၼၼ်ႉ​မိူဝ်ႈ​ဢၼ်​ႁၼ်​ တႃႇဝိတ်ႈ ​ဢွၵ်ႇ​ၵႂႃႇ ႁႂ်ႈ​လႆႈ​တိုၵ်း​တေႃး​ၵူၼ်း​ ၽီႉလိတ်ႉတီႉ ​ၼၼ်ႉ​ၸိုင်၊ ထၢမ်​တီႈ​ၶုၼ်​ပူဝ်ႇ​ၶျုၵ်ႈ​မၼ်း​ ဢႃႉပၼႃး ​လႄႈ​ဝႃႈ၊ ဢႃႉပၼႃး ​ဢိူၺ်း၊ ၵူၼ်း​ဢွၼ်ႇ​ၼႆႉ​ၸိုင် ပဵၼ်​လုၵ်ႈ​ၸၢႆး​ၽူႈ​လႂ်၊ ဝႃႈ​ၼင်ႇ​ၼႆ​ဢေႃႈ။ ဢႃႉပၼႃး ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ၵႃႈ​ၼင်ႇ​ဢၼ်​ၸဝ်ႈ​ႁဝ်း​ဢသၢၵ်ႈ​လိပ်း​ယူႇ​ၼၼ်ႉ၊ ၶႃႈ​ၸဝ်ႈ​ႁဝ်း​ဢမ်ႇ​ႁူႉ​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="56">ၶုၼ်​ႁေႃ​ၶမ်း​ၵေႃႈ မီး​ဢမိင်ႉ​လႄႈ​ဝႃႈ၊ ၸႅတ်ႈ​တူၺ်း​ထၢမ်​တူၺ်း​လွင်ႈ​ဢၼ်​ၵူၼ်း​ဢွၼ်ႇ​ၼႆႉ​ပဵၼ်​လုၵ်ႈ​ၸၢႆး​ၽူႈ​လႂ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="57">မိူဝ်ႈ​ဢၼ်​ တႃႇဝိတ်ႈ လုၵ်ႉ​သေ​ၵႃႈ​တီႈ​ဢၼ်​ဢဝ်​ၵူၼ်း​ ၽီႉလိတ်ႉတီႉ ​ၼၼ်ႉ​တၢႆ​ၼၼ်ႉ​ၶိုၼ်း​မႃး​ၼၼ်ႉ​ၸိုင်​၊ ဢႃႉပၼႃး ​ႁွင်ႉ​ဢဝ်​လႄႈ ဢဝ်​မၼ်း​ဢၼ်​ဢဝ်​မိုဝ်း​ယိပ်း​ၵမ်​ဢဝ်​ၵွၵ်း​ႁူဝ်​ၵူၼ်း​ ၽီႉလိတ်ႉတီႉ ​ၼၼ်ႉ​ယူႇ​ၼၼ်ႉ ၵႂႃႇ​ၸူး​ၵႃႈ​တီႈ​ သေႃးလူႉ ​သေ​ယဝ်ႉ၊-</verse>
				<verse number="58">သေႃးလူႉ ​ထၢမ်​တီႈ​မၼ်း​လႄႈ​ဝႃႈ၊ ၵူၼ်း​ဢွၼ်ႇ​ဢိူၺ်း၊ မႂ်း​ပဵၼ်​လုၵ်ႈ​ၸၢႆး​ၽူႈ​လႂ်၊ ဝႃႈ​ၼင်ႇ​ၼႆ​ဢေႃႈ။ တႃႇဝိတ်ႈ ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ပဵၼ်​လုၵ်ႈ​ၸၢႆး​ၶႃႈ​ၸဝ်ႈ​ႁဝ်း​ ယေႇသႄး ၵူၼ်း​ဝဵင်း​ ပႅတ်ႉလႁႅမ်ႇ ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">မိူဝ်ႈ​ဢၼ်​မၼ်း​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​တီႈ​ သေႃးလူႉ ​ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ ႁူဝ်​ၸႂ်​ ယေႃးၼသၼ်ႇ လုၵ်ႈ​ၸၢႆး​ သေႃးလူႉ ​ၼၼ်ႉ မီး​တၢင်း​ဢၼ်​သွတ်ႇ​ၵဵဝ်ႈ​ၶဵၼ်း​ၶွတ်ႇ​လူၺ်ႈ​ၵၼ်​တင်း​ႁူဝ်​ၸႂ်​ တႃႇဝိတ်ႈ ​ယူႇ​သေ​လႄႈ ႁၵ်ႉ​မၼ်း​ပဵင်း​တၢၼ်ႇ​ႁူဝ်​ၸႂ်​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="2">သေႃးလူႉ ​ဢဝ်​ တႃႇဝိတ်ႈ ​ဝႆႉ​ၼႂ်း​ဝၼ်း​ၼၼ်ႉ​ၵမ်း​လဵဝ်​လႄႈ ၵမ်း​လိုၼ်း​ဢမ်ႇ​ပၼ်​ဢၶႂၢင်ႉ ဢၼ်​မၼ်း​လႆႈ​ၵႂႃႇ​ယူႇ​ၵႃႈ​တီႈ​ႁိူၼ်း​ပေႃႈ​မၼ်း။-</verse>
				<verse number="3">မိူဝ်ႈ​ၼၼ်ႉ​ ယေႃးၼသၼ်ႇ ႁဵတ်း​မိၵ်ႉသႃႇႁႃယႃႉ​လူၺ်ႈ​ၵၼ်​တင်း​ တႃႇဝိတ်ႈ ၵွပ်ႈ​ပိူဝ်ႈ​ဢၼ်​ႁၵ်ႉ​မၼ်း​ၼၼ်ႉ ပဵင်း​တၢၼ်ႇ​ႁူဝ်​ၸႂ်​တူဝ်​ၸဝ်ႈ​ၵဝ်ႇ​ၼၼ်ႉ​သေ​ယဝ်ႉ၊-</verse>
				<verse number="4">ထွတ်ႇ​ဢဝ်​သိူဝ်ႈ​ယၢဝ်း​ဢၼ်​မၼ်း​ၼုင်ႈ​ယူႇ​ၼၼ်ႉ​သေ​လႄႈ ပၼ်​တီႈ​ တႃႇဝိတ်ႈ ဢိၵ်ႇ​လူၺ်ႈ​ၵၼ်​တင်း​ၶိူင်ႈ​ၼုင်ႈ​တၢင်း​မႆ​မၼ်း၊ လၢပ်ႇ​မၼ်း၊ ၵၢင်ႇ​မၼ်း၊ သၢႆ​ႁတ်ႉ​ဢႅဝ်​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="5">တႃႇဝိတ်ႈ ​ၼၼ်ႉ ၵႂႃႇ​ၵႃႈ​တီႈ​ၵႃႈ​ဢၼ်​ သေႃးလူႉ ​ပွႆႇ​ၸႂ်ႉ​မၼ်း​ၵႂႃႇ​ၼၼ်ႉ​လႄႈ ဢဝ်​တင်း​သတီႉ​ပိင်ႇ​ၺႃႇ​သေ​လႄႈ​ပွင်​ႁဵတ်း​ဢေႃႈ။ သေႃးလူႉ ​ၶၢၼ်း​မၼ်း​ဝႆႉ​ၼႂ်း​ဢရႃႇ​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​သိုၵ်း​တင်း​လၢႆ​လႄႈ မၼ်း​မီး​သရေႇ​ၼႃႈ​တႃ​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင် ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၶႃႈ​ၵူၼ်း​ သေႃးလူႉ ​ၸိူဝ်း​ၼၼ်ႉ​ဢေႃႈ။</verse>
				<verse number="6">ၼႂ်း​မိူဝ်ႈ​ဢၼ်​ၶဝ်ႈ​မႃး​ၼႂ်း​ၶိင်ႇ​မိူဝ်ႈ​ဢၼ် တႃႇဝိတ်ႈ ​လုၵ်ႉ​သေ​ၵႃႈ​တီႈ​ဢၼ် ဢဝ်​ၵူၼ်း​ ၽီႉလိတ်ႉတီႉ ​ၼၼ်ႉ တၢႆ​ၼၼ်ႉ​ၶိုၼ်း​မႃး​ၼၼ်ႉ​ယူႇ​ၼၼ်ႉ​ၸိုင်၊ မႄႈ​ယိင်း​တင်း​လၢႆ​ဢွၵ်ႇ​သေ​ၵႃႈ​ၼႂ်း​ဝၢၼ်ႈ​ဝဵင်း​ ဢီႉသရေႇလႃႉ ​တင်း​သဵင်ႈ​တင်း​လူင်​မႃး​လႄႈ ႁဵတ်း​ၵႂၢမ်း​ယူႇ၊ ၵႃႈ​ဝႅၼ်​ယူႇ၊ ပႃး​ဢဝ်​တင်း​ၵွင်​ၶဵတ်ႇ ဢိၵ်ႇ​တင်း​ၸႂ်​ဢၼ်​သႂၢင်ႇ​သိူဝ်း​တင်း​မဵဝ်း​တူႇရီႉယႃႇ​ယူႇ​သေ​လႄႈ ႁပ်ႉ​ႁူဝ်​တၢင်း​ၶုၼ်​လူင်​ သေႃးလူႉ ​ဢေႃႈ။-</verse>
				<verse number="7">မႄႈ​ယိင်း​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ၵႂၢမ်း​ပဵၼ်​လႄႉ​ပဵၼ်​ၵမ်း ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ႁဵတ်း​မူၼ်ႈ​ႁဵတ်း​ပျေႃႇ​ယူႇ​ၼၼ်ႉ​သေ​လႄႈ​ဝႃႈ၊ သေႃးလူႉ ​ဢဝ်​တၢႆ​ပဵၼ်​ႁဵင်​ပဵၼ်​ႁဵင်​လႄႈ တႃႇဝိတ်ႈ ​ဢဝ်​တၢႆ​ပဵၼ်​မိုၼ်ႇ​ပဵၼ်​မိုၼ်ႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">သေႃးလူႉ ​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​လႄႈ ၵႂၢမ်း​ၼၼ်ႉ​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​မၼ်း​လႄႈ​မၼ်း​ဝႃႈ၊ ၶဝ်​ၼႆႉ​ဢွၼ်​ၵၼ်​ပၼ်​တီႈ​ တႃႇဝိတ်ႈ ပဵၼ်​မိုၼ်ႇ​ပဵၼ်​မိုၼ်ႇ​လႄႈ ပၼ်​တီႈ​ၵဝ်​ပဵၼ်​ႁဵင်​ပဵၼ်​ႁဵင်​ၵူၺ်း​ဢေႃႈ။ ၼွၵ်ႈ​သေ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ၼႆႉ မၼ်း​တၵ်း​လႆႈ​ဢၼ်​လႂ်​ထႅင်ႈ​လူး​ၵွၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၸႃႉ​ၸဵမ်​မိုဝ်ႉ​ဝၼ်း​ၼၼ်ႉ​လႄႈ သေႃးလူႉ ​ပႂ်ႉ​လွမ်​ပႂ်ႉ​တူၺ်း​ တႃႇဝိတ်ႈ ​ယူႇ​သေႇ​သေႇ​ဢေႃႈ။-</verse>
				<verse number="10">ဝၼ်း​မိူဝ်ႈ​ၽုၵ်ႈ​ၼၼ်ႉ ဝီႉၺိၺ်ႇ​ဢၼ်​ႁၢႆႉ​ၵႃႈ​တီႈ​ထႃႇဝရႃႉ​ၽြႃး​ၼၼ်ႉ​တူၵ်း​ႁွတ်ႈ​ၵႃႈ​ၼိူဝ်​ သေႃးလူႉ ​သေ​ယဝ်ႉ၊ သေႃးလူႉ ႁဵတ်း​ပရေႃးၽႅတ်ႈ ယူႇ​ၵႃႈ​ၼႂ်း​ၵၢင်​ႁေႃ​ၸဝ်ႈ​ၼၼ်ႉ​လႄႈ တႃႇဝိတ်ႈ ​လဵတ်း​တိင်ႇ​မိူၼ်​ၸိူဝ်ႉ​ၼင်ႇ​ဢၼ်​မၼ်း​ႁဵတ်း​ၵူႈ​ဝၼ်း​ၼၼ်ႉ​ဢေႃႈ။ သေႃးလူႉ ​ဢဝ်​မိုဝ်း​မၼ်း​ယိပ်း​ၵမ်​ႁွၵ်ႇ​မၼ်း​ယူႇ​သေ​လႄႈ၊-</verse>
				<verse number="11">ဢဝ်​ႁွၵ်ႇ​မၼ်း​ၼၼ်ႉ​ပုင်ႈ​သႂ်ႇ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ၵဝ်​တၵ်း​တႅင်း​သႂ်ႇ​ တႃႇဝိတ်ႈ ​ၵူပ်ႉ​ၽႃ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ တႃႇဝိတ်ႈ ငႅၵ်း​ပႅတ်ႈ​သေ​ၵႃႈ​တီႈ​မၼ်း​ၼၼ်ႉ​သွင်​ပွၵ်ႈ​ဢေႃႈ။-</verse>
				<verse number="12">ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ဢွၵ်ႇ​သေ​ၵႃႈ​တီႈ​ သေႃးလူႉ ​လႄႈ မီး​ယူႇ​လူၺ်ႈ​ၵၼ်​တင်း​ တႃႇဝိတ်ႈ ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ သေႃးလူႉ ​ၵူဝ်​ႁႄ​ တႃႇဝိတ်ႈ ​ယူႇ​သေ​လႄႈ၊-</verse>
				<verse number="13">ဢဝ်​မၼ်း​ၶၢႆႉ​ဢွၵ်ႇ​သေ​ၵႃႈ​တီႈ​ဢထမ်ႇ​ၸဝ်ႈ​ၼၼ်ႉ​လႄႈ ပၼ်​ဢရႃႇ​ဢၼ်​လႆႈ​ဢုပ်ႉ​ပိူင်ႇ​ၵူၼ်း​ႁဵင်​ၼိုင်ႈ​သေ​ဢေႃႈ။ မၼ်း​လႆႈ​ၶဝ်ႈ​ဢွၵ်ႇ ၵႂႃႇ​မႃး​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ဢေႃႈ။-</verse>
				<verse number="14">တႃႇဝိတ်ႈ ​ၼၼ်ႉ ပႃး​တင်း​ပိင်ႇ​ၺႃႇ​သတီႉ​ႁဵတ်း​ၵူႈ​ၸိူဝ်ႉ​ၵူႈ​ပိူင်​ယူႇ​လႄႈ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="15">မိူဝ်ႈ​ဢၼ်​ သေႃးလူႉ ​ႁၼ်​လွင်ႈ​ဢၼ်​မၼ်း​ပႃး​တင်း​ပိင်ႇ​ၺႃႇ​သတီႉ​ၼႃႇ​လူင်​လၢင်​သေ​လႄႈ သၢင်ႈ​ႁဵတ်း​ယူႇ​ၼၼ်ႉ​ၸိုင်၊ ယဵင်ႈ​ၶႅၼ်း​ၵူဝ်​ႁႄ​မၼ်း​ဢေႃႈ။-</verse>
				<verse number="16">ၵူၺ်း​ၵႃႈ ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း​ၵူၼ်း​မဵဝ်း​ ယူႉတႃႉ တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ႁၵ်ႉ​ တႃႇဝိတ်ႈ ​ဢေႃႈ။ လွင်ႈ​မၼ်း​ၸမ်ႉ မၼ်း​ၸၢင်ႈ​ၶဝ်ႈ​ဢွၵ်ႇ​ၵႂႃႇ​မႃး​ၵႃႈ​တီႈ​ၽၢႆႇ​ၼႃႈ​ၶဝ်​ဢေႃႈ။</verse>
				<verse number="17">ၽဝ်ႇ​ၼိုင်ႈ သေႃးလူႉ ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ တူၺ်း​လူး၊ ၵဝ်​တၵ်း​ဢဝ်​လုၵ်ႈ​ယိင်း​ၵဝ်​ၵေႃႉ​ယႂ်ႇ​ မေးရပ်ႉ ​ၼၼ်ႉ ပၼ်​ၵၼ်​တင်း​မႂ်း​ဢေႃႈ။ ၵူၺ်း​ၵွမ်ႉ​မႂ်း​ႁတ်း​ႁၢၼ်​ပုၼ်ႈ​ၵဝ်​လႄႈ ႁဵတ်း​တၢင်း​ဢၼ်​တိုၵ်း​သိုၵ်း​ပုၼ်ႈ​ထႃႇဝရႃႉ​ၽြႃး​ၵူၺ်း​တႃႉ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ သေႃးလူႉ ​ဝႃႈ၊ ယႃႇ​ပေ​ႁႂ်ႈ​မိုဝ်း​ၵဝ်​လႆႈ​ႁွတ်ႈ​ထိုင်​ၵႃႈ​ၼိူဝ်​မၼ်း​လႄႈ ႁႂ်ႈ​မိုဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မၼ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">တႃႇဝိတ်ႈ ​ၵေႃႈ လဝ်ႊ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ ၶႃႈ​ၸဝ်ႈ​ၼႆႉ​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်။ ဢသၢၵ်ႈ​ၶႃႈ​ၸဝ်ႈ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶႃႈ​ၸဝ်ႈ​ၼၼ်ႉ မျၢတ်ႈ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ၸိူဝ်ႉ​ၼင်ႇ​ႁိုဝ်​လႄႈ ၶႃႈ​ၸဝ်ႈ​တၵ်း​လႆႈ​ပဵၼ်​လုၵ်ႈ​ၶူၺ်​ၶုၼ်​ႁေႃ​ၶမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၵူၺ်း​ၵႃႈ မိူဝ်ႈ​ဢၼ်​ထိုင်​ၶိင်ႇ​ဢၼ်​တၵ်း​လႆႈ​ဢဝ်​ မေးရပ်ႉ လုၵ်ႈ​ယိင်း​ သေႃးလူႉ ​ပၼ်​ၵၼ်​တင်း​ တႃႇဝိတ်ႈ ​ၼၼ်ႉ​ၸိုင်၊ ဢဝ်​ပၼ်​ၵၼ်​တင်း ဢတြေးလႃႉ မဵဝ်း​ မေႇႁေႃႇလသီႉ ​ၼၼ်ႉ​သေ​ဢေႃႈ။-</verse>
				<verse number="20">လႆႈ​သမ်ႉ မီႉၶႃႇလႃႉ လုၵ်ႈ​ယိင်း​ သေႃးလူႉ ​ၼၼ်ႉ ႁၵ်ႉ​ တႃႇဝိတ်ႈ ​ဢေႃႈ။ မိူဝ်ႈ​ဢၼ်​ၶဝ်​လဝ်ႊ​လၢတ်ႈ​လွင်ႈ​တၢင်း​ၼၼ်ႉ တီႈ သေႃးလူႉ ​ၼၼ်ႉ​ၸိုင်၊ ပဵၼ်​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​မၼ်း​လႄႈ၊-</verse>
				<verse number="21">သေႃးလူႉ ​ဝႃႈ၊ ၵဝ်​တၵ်း​ဢဝ်​ပၼ်​ၵၼ်​တင်း​မၼ်း ႁႂ်ႈ​ပဵၼ်​တူင်ႇ​ႁႅဝ်ႉ​တူင်ႇ​ၶိုမ်း​တီႈ​မၼ်း​လႄႈ ႁႂ်ႈ​မိုဝ်း​ၵူၼ်း​ ၽီႉလိတ်ႉတီႉ ႁဵတ်း​ရၢၼ်ႇ​သူႇ​တေႃႇ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ သေႃးလူႉ ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ဝၼ်း​မိူဝ်ႈ​ၼႆႉ ၵမ်း​တူႉတီႉယႃႉ​ၼႆႉ​ၸိုင်၊ မႂ်း​တၵ်း​လႆႈ​ပဵၼ်​လုၵ်ႈ​ၶူၺ်​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">သေႃးလူႉ ​ၼၼ်ႉ သင်ႇ​လၢတ်ႈ​တီႈ​ၵူၼ်း​ၼႂ်း​ႁေႃ​ၸဝ်ႈ​ၵမ်ႈ​ၽွင်ႈ​လႄႈ​ဝႃႈ၊ သူ​တၵ်း​လႆႈ​တဵတ်ႇ​တဵတ်ႇ​သွပ်ႉ​သႅပ်ႉ​လၢတ်ႈ​တီႈ တႃႇဝိတ်ႈ ​လႄႈ​ဝႃႈ၊ ၶုၼ်​ႁေႃ​ၶမ်း​ႁၵ်ႉ​ပႅင်း​မႂ်း​လႄႈ ၶႃႈ​ၶုၼ်​ႁေႃ​ၶမ်း​တင်း​သဵင်ႈ​တင်း​လူင်​ၵေႃႈ​ႁၵ်ႉ​ပႅင်း​မႂ်း​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မႂ်း​ထုၵ်ႇ​ပဵၼ်​လုၵ်ႈ​ၶူၺ်​ၶုၼ်​ႁေႃ​ၶမ်း​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="23">ၶႃႈ​ သေႃးလူႉ ​ၸိူဝ်း​ၼၼ်ႉ ဢဝ်​ၵႂၢမ်း​ၼၼ်ႉ​လၢတ်ႈ​တီႈ​ တႃႇဝိတ်ႈ ​ဢေႃႈ။ တႃႇဝိတ်ႈ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​ၵူၼ်း​ၽၢၼ် ဢၼ်​ဢမ်ႇ​မီး​သရေႇ​ယူႇ​လူင်​လၢင်​လႄႈ သူ​ထၢင်ႇ​လွင်ႈ​တၢင်း​ဢၼ်​ႁဵတ်း​လုၵ်ႈ​ၶူၺ်​ၶုၼ်​ႁေႃ​ၶမ်း​ၼၼ်ႉ ပဵၼ်​လွင်ႈ​တၢင်း​ဢၼ်​မဝ်​မၢင်​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၶႃႈ​ သေႃးလူႉ ​ၸိူဝ်း​ၼၼ်ႉ​ၵေႃႈ ၶိုၼ်း​လဝ်ႊ​လၢတ်ႈ​တီႈ​ၸဝ်ႈ​ၶဝ်​လႄႈ​ဝႃႈ၊ တႃႇဝိတ်ႈ ​လၢတ်ႈ​ဝႃႈ​ၸိူဝ်ႉ​ၼင်ႇ​ၼႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">သေႃးလူႉ ​သင်ႇ​လၢတ်ႈ​ထႅင်ႈ​လႄႈ​ဝႃႈ၊ သူ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ လွင်ႈ​ၼင်ႇ​ႁိုဝ်​ၶုၼ်​ႁေႃ​ၶမ်း တၵ်း​ပေႇ​ၸႂ်​တီႈ​ရၢၼ်ႇ​သူႇ​မၼ်း​ၸဝ်ႈ​ၼၼ်ႉ​ၸိုင်၊ ၼွၵ်ႈ​သေ​ပၢႆ​ၼင်​ၵူၼ်း​ ၽီႉလိတ်ႉတီႉ ​ပၢၵ်ႇ​ၼိုင်ႈ​ၼၼ်ႉ၊ ၶုၼ်​ႁေႃ​ၶမ်း​ဢမ်ႇ​မီး​ဢလူဝ်ႇ​ၶႂ်ႈ​လႆႈ​လၢၵ်ႈ​သွင်ႇ​ပၼ်ႇ​ၼႃႇ တၢင်ႇ​ၸိူဝ်ႉ​တၢင်ႇ​ဢၼ်၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ သေႃးလူႉ ​မီး​တၢင်း​ၵျၢမ်ႇ​တၢင်း​ပွင် တၵ်း​ႁႂ်ႈ​ တႃႇဝိတ်ႈ သုမ်း​လူၺ်ႈ မိုဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="26">မိူဝ်ႈ​ဢၼ်​ၶႃႈ​ သေႃးလူႉ ​ၸိူဝ်း​ၼၼ်ႉ ဢဝ်​ၵႂၢမ်း​ၼၼ်ႉ​လၢတ်ႈ​တီႈ​ တႃႇဝိတ်ႈ ​ၼၼ်ႉ​ၸိုင်၊ တႃႇဝိတ်ႈ ​ထုၵ်ႇ​ၸႂ်​ၵျိူၵ်ႈ​ၸႂ်​လူၺ်ႈ​လွင်ႈ​ဢၼ် တၵ်း​လႆႈ​ပဵၼ်​လုၵ်ႈ​ၶူၺ်​ၶုၼ်​ႁေႃ​ၶမ်း​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ၸူဝ်ႈ​ဢၼ်​ၶိင်ႇ​မိုဝ်ႉ​ဝၼ်း​ဢၼ်​မၵ်း​ၶိၼ်း​ဝႆႉ​ၼၼ်ႉ ဢမ်ႇ​ပႆႇ​ၸေး​ၼၼ်ႉ​ၸိုင်၊-</verse>
				<verse number="27">တႃႇဝိတ်ႈ ​လုၵ်ႉ​လႄႈ ပႃး​ဢဝ်​ၵူၼ်း​မၼ်း​တင်း​လၢႆ​ၵႂႃႇ​သေ​လႄႈ ဢဝ်​ၵူၼ်း​ ၽီႉလိတ်ႉတီႉ ​တၢႆ​သွင်​ပၢၵ်ႇ​သေ​ယဝ်ႉ၊ ဢဝ်​ပၢႆ​ၼင် ၶဝ်​မႃး​လႄႈ ဢဝ်​ဢၼ်​ၼပ်ႉ​ဢၼ်​ဢၢၼ်ႇ​ဢၼ်​ၸေး​ၸုမ်ႇ​ၼၼ်ႉ​သၢၵ်ႈ​တီႈ​ၶုၼ်​ႁေႃ​ၶမ်း ႁႂ်ႈ​လႆႈ​ပဵၼ်​လုၵ်ႈ​ၶူၺ်​ၶုၼ်​ႁေႃ​ၶမ်း​ဢေႃႈ။ သေႃးလူႉ ​ၵေႃႈ ဢဝ်​လုၵ်ႈ​ယိင်း​တူဝ်​ၸဝ်ႈ​ၵဝ်ႇ မီႉၶႃႇလႃႉ ​ၼၼ်ႉ ပၼ်​တီႈ​မၼ်း​ဢေႃႈ။-</verse>
				<verse number="28">သေႃးလူႉ ​ႁူႉ​ႁၼ်​လွင်ႈ​ဢၼ်​ထႃႇဝရႃႉ​ၽြႃး မီး​ယူႇ​လူၺ်ႈ​ၵၼ်​တင်း​ တႃႇဝိတ်ႈ ဢိၵ်ႇ​တင်း​လွင်ႈ​ဢၼ်​လုၵ်ႈ​ယိင်း​တူဝ်​ၸဝ်ႈ​ၵဝ်ႇ မီႉၶႃႇလႃႉ ​ႁၵ်ႉ​မၼ်း​ၼၼ်ႉ​လႄႈ၊-</verse>
				<verse number="29">သေႃးလူႉ ​မီး​ၸႂ်​ဢၼ်​ယဵင်ႈ​ၶႅၼ်း​ၵူဝ်​ႁႄ​ တႃႇဝိတ်ႈ ​လႄႈ ဝႆႉ​ၸႂ်​ႁဵတ်း​တၢင်း​ၽိတ်း​တီႈ​ တႃႇဝိတ်ႈ ယူႇ​တႃႇ​သေႇ​ဢေႃႈ။-</verse>
				<verse number="30">လႆႈ​သမ်ႉ ၶုၼ်​ ၽီႉလိတ်ႉတီႉ ​တင်း​လၢႆ ၶီႇ​သိုၵ်း​မႃး​ဢေႃႈ။ ပွၵ်ႈ​လႂ်​သေ​ဢမ်ႇ​ဝႃႈ၊ မိူဝ်ႈ​ဢၼ်​ၶဝ်​ၶီႇ​သိုၵ်း​မႃး​ၼၼ်ႉ​ၸိုင်၊ တႃႇဝိတ်ႈ ​ယဵင်ႈ​ၶႅၼ်း​ပႃး​တင်း​ပိင်ႇ​ၺႃႇ​သတီႉ​ၼႃႇ​သေ​ၶႃႈ​ သေႃးလူႉ တင်း​သဵင်ႈ​တင်း​လူင် ထၼ်ႈ​ပေႃး​ၼႃႇ​မႃႉ​ၸိုဝ်ႈ​သဵင်​မၼ်း မီး​တၢင်း​ဢၼ်​ပိူၼ်ႈ​ရူဝ်ႇ​သေႇ​ၵူဝ်​ယမ်​ဢေႃႈ။</verse>
			</chapter>
			<chapter number="19">
				<verse number="1">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ သေႃးလူႉ ​သင်ႇ​လၢတ်ႈ​တီႈ​လုၵ်ႈ​ၸၢႆး​မၼ်း​ ယေႃးၼသၼ်ႇ ဢိၵ်ႇ​တင်း​ၶႃႈ​မၼ်း​တင်း​သဵင်ႈ​တင်း​လူင် ႁႂ်ႈ​ၶဝ်​ဢဝ်​ တႃႇဝိတ်ႈ ​တၢႆ​ဢေႃႈ။-</verse>
				<verse number="2">ယေႃးၼသၼ်ႇ ​လုၵ်ႈ​ၸၢႆး​ သေႃးလူႉ ​ၼၼ်ႉ ႁၵ်ႉ​ တႃႇဝိတ်ႈ ​ၼႃႇ​လူင်​လၢင်​လႄႈ လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၸဝ်ႈ​ပေႃႈ​ၵဝ်​ သေႃးလူႉ ​ၼၼ်ႉ ၵျၢမ်ႇ​ႁႃ​ႁႂ်ႈ​လႆႈ​ဢဝ်​မႂ်း​တၢႆ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ႁဵတ်း​သတီႉ​တီႈ​တူဝ်​ၸဝ်ႈ​ၵဝ်ႇ​ယူႇ​ၵႃႈ​ၼႂ်း​တီႈ​ဢၼ်​လပ်ႉ​ဢၼ်​သိူင်ႇ​ၼၼ်ႉ ၶိင်ႇ​ၵၢင်​ၼႂ်​သေ​လႄႈ တဵတ်ႇ​မႅပ်ႉ​ယူႇ​တႃႉ။-</verse>
				<verse number="3">ၵဝ်​တၵ်း​ဢွၵ်ႇ​ၵႂႃႇ​လႄႈ​ၶႃး​ၸႃး​ၸဝ်ႈ​ပေႃႈ​ၵဝ်​ၵႃႈ​ၼႂ်း​ထိူၼ်ႇ တီႈ​ဢၼ်​မႂ်း​မီး​ၼၼ်ႉ​ယူႇ​သေ​လႄႈ လၢတ်ႈ​ၵႂၢမ်း​တေႃႇ​ၵၼ်​တင်း ၸဝ်ႈ​ပေႃႈ​ၵဝ်​လူၺ်ႈ​လွင်ႈ​မႂ်း​ဢေႃႈ။ ၵႃႈ​ဢၼ်​ၵဝ်​လႆႈ​ထူပ်း​လႆႈ​ႁၼ်​ၼၼ်ႉ​ၸိုင်၊ ၵဝ်​တၵ်း​မွၵ်ႇ​လၢတ်ႈ​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ယေႃးၼသၼ်ႇ ​ၼၼ်ႉ လၢတ်ႈ​ၵႂၢမ်း​လီ​လူၺ်ႈ​လွင်ႈ​ တႃႇဝိတ်ႈ တီႈ​ၸဝ်ႈ​ပေႃႈ​မၼ်း​လႄႈ​ဝႃႈ၊ ၶႅၼ်း​တေႃႈ​ယႃႇ​ပေ​ႁႂ်ႈ​ၶုၼ်​လူင်​ၽိတ်း​ပိူင်ႈ​ၶႃႈ​ၸဝ်ႈ​ႁဝ်း​ တႃႇဝိတ်ႈ ​ၼၼ်ႉ သေ​ၵမ်း​တီႈ​ၶႃႈ၊ မၼ်း​ၼၼ်ႉ​ဢမ်ႇ​ၽိတ်း​ပိူင်ႈ​ၸဝ်ႈ​ႁဝ်း​တီႈ​ၶႃႈ၊ ၵႃႈ​ဢၼ်​မၼ်း​ႁဵတ်း​ၼၼ်ႉ ပဵၼ်​ဢၼ်​လီ​ၼႃႇ​လူင်​လၢင်​တီႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ။-</verse>
				<verse number="5">မၼ်း​ယင်း​ဢမ်ႇ​သေ​လၢႆ​ဢသၢၵ်ႈ​မၼ်း​လႄႈ ဢဝ်​ၵူၼ်း​ ၽီႉလိတ်ႉတီႉ ​ၼၼ်ႉ တၢႆ​သေ​ယဝ်ႉ၊ ထႃႇဝရႃႉ​ၽြႃး ႁဵတ်း​ၵျေး​ၸူး​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် ဢၼ်​ယႂ်ႇ​ၼႃႇ​ပုၼ်ႈ​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​တီႈ​ၶႃႈ​ဢေႃႈ။ ၸဝ်ႈ​ႁဝ်း​ႁၼ်​လႄႈ​ၸူမ်း​သိူဝ်း​တီႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​တၵ်း​ႁဵတ်း​ဢပႅတ်ႈ​လူၺ်ႈ​လွင်ႈ​လိူတ်ႈ​ဢၼ်​ဢမ်ႇ​မီး​ဢပႅတ်ႈ​ၼၼ်ႉ ၼႂ်း​လွင်ႈ​ဢၼ်​လွင်ႈ​မၼ်း​ယင်း​ဢမ်ႇ​မီး​လႄႈ တၵ်း​ဢဝ်​ တႃႇဝိတ်ႈ ​တၢႆ​ၼၼ်ႉ​ၼင်ႇ​ႁိုဝ်​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">သေႃးလူႉ ​ထွမ်ႇ​ဢဝ်​ၵႂၢမ်း​ ယေႃးၼသၼ်ႇ ​လႄႈ တိူင်ႇ​ဝႃႈ​ၵိၼ်ႇ​ဝႃႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ၊ မၼ်း​ဢမ်ႇ​လႆႈ​ၶၢမ်ႇ​တၢင်း​တၢႆ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ယေႃးၼသၼ်ႇ ႁွင်ႉ​ဢဝ်​ တႃႇဝိတ်ႈ ​လႄႈ မွၵ်ႇ​လၢတ်ႈ​လွင်ႈ​တၢင်း​ၼၼ်ႉ​ၵူႈ​ၸိူဝ်ႉ​ၵူႈ​ပိူင်​သေ​ယဝ်ႉ၊ ဢဝ်​ တႃႇဝိတ်ႈ ​သမ်ႉ​ၶိုၼ်း​သႂၢင်း​ၶဝ်ႈ​ၵႃႈ​တီႈ​ သေႃးလူႉ ​ဢေႃႈ။ မၼ်း​လႆႈ​ယူႇ​ၵႃႈ​တီႈ​ဢထမ်ႇ​ၸဝ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="8">လႆႈ​သမ်ႉ မိူဝ်ႈ​ဢၼ်​ဢမူႉ​သိုၵ်း​သမ်ႉ​ပေႃႇ​မႃး​ထႅင်ႈ​ၼၼ်ႉ​ၸိုင် တႃႇဝိတ်ႈ ​ဢွၵ်ႇ​လႄႈ​တိုၵ်း​တေႃး​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​သေ​လႄႈ ႁဵတ်း​တၢင်း​ဢၼ်​ၶႃႈ​ၽၼ်း​ဢဝ်​တၢႆ ဢၼ်​ယႂ်ႇ​ၼႃႇ​လူင်​လၢင်​ဢဝ်​ၶဝ်​တၢႆ​လႄႈ ၶဝ်​ၼၼ်ႉ​လႆႈ​ဢွၵ်ႇ​ပၢႆႈ​သေ​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="9">ၼႂ်း​မိူဝ်ႈ​ဢၼ်​ သေႃးလူႉ ​ယင်း​တိုၵ်ႉ​ယိပ်း​ၵမ်​ႁွၵ်ႇ​မၼ်း​ၵႃႈ​ၼႂ်း​မိုဝ်း​မၼ်း​ယူႇ​သေ​လႄႈ ၼင်ႈ​ယူႇ​ၵႃႈ​ၼႂ်း​ႁေႃ​ၸဝ်ႈ​ၼၼ်ႉ​ၸိုင်၊ ဝီႉၺိၺ်ႇ​ဢၼ်​ႁၢႆႉ​ၵႃႈ​တီႈ​ထႃႇဝရႃႉ​ၽြႃး တူၵ်း​ႁွတ်ႈ​ၵႃႈ​ၼိူဝ်​မၼ်း​လႄႈ တႃႇဝိတ်ႈ ​ၵေႃႈ​လဵတ်း​တိင်ႇ​ယူႇ​ဢေႃႈ။-</verse>
				<verse number="10">မိူဝ်ႈ​ၼၼ်ႉ သေႃးလူႉ ​ဢဝ်​ႁွၵ်ႇ​မၼ်း​ၵျူဝ်း​ၸႃး​ပုင်ႈ​သႂ်ႇ​ တႃႇဝိတ်ႈ ​ၵူပ်ႉ​ၽႃ​သေ​ၵေႃႈ၊ မၼ်း​ၼၼ်ႉ ငႅၵ်း​ပၢႆႈ​ဢွၵ်ႇ​သေ​ၵႃႈ​တီႈ​ သေႃးလူႉ ​လႄႈ ႁွၵ်ႇ​ၼၼ်ႉ​သဵပ်ႇ​ပၵ်း​ယူႇ​ၵႃႈ​တီႈ​ၽႃ​ဢေႃႈ။ တႃႇဝိတ်ႈ ​ၼၼ်ႉ​ဢွၵ်ႇ​ပၢႆႈ​လႄႈ လႆႈ​လွတ်ႈ​ၼႂ်း​ၶိုၼ်း​ၼၼ်ႉ​ဢေႃႈ။-</verse>
				<verse number="11">သေႃးလူႉ ​ပွႆႇ​ၸႂ်ႉ​ၵူၼ်း​ၵႂႃႇ​ၵႃႈ​တီႈ​ႁိူၼ်း​ တႃႇဝိတ်ႈ ႁႂ်ႈ​လႆႈ​ပႂ်ႉ​မၼ်း​ယူႇ​သေ​လႄႈ ဢဝ်​မၼ်း​တၢႆ​ၶိင်ႇ​ၵၢင်​ၼႂ်​ဢေႃႈ။ မီႉၶႃႇလႃႉ မေး​ တႃႇဝိတ်ႈ ​ၼၼ်ႉ လၢတ်ႈ​တီႈ​မၼ်း​လႄႈ​ဝႃႈ၊ ပေႃး​ၸဝ်ႈ​ဢမ်ႇ​ၵႄႇ​သႄႇ​ၼုၵ်ႈ​ဢဝ်​ဢသၢၵ်ႈ​ၸဝ်ႈ​ၼႂ်း​ၶိုၼ်း​ၼႆႉ​ၸိုင် ၸဝ်ႈ​တၵ်း​လႆႈ​ၶၢမ်ႇ​တၢႆ ဝၼ်း​မိူဝ်ႈ​ၽုၵ်ႈ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="12">ဢဝ်​ တႃႇဝိတ်ႈ ယွၼ်ႇ​တူၵ်း​ၵႃႈ​တီႈ​ႁူး​လၢင်း​တဵၼ်​လႄႈ မၼ်း​ၼၼ်ႉ​ၵႂႃႇ​လႄႈ​ဢွၵ်ႇ​ပၢႆႈ​လႄႈ​လွတ်ႈ​ဢေႃႈ၊-</verse>
				<verse number="13">မီႉၶႃႇလႃႉ ​ၼၼ်ႉ​ၵေႃႈ ဢဝ်​ရုၵ်ႈ​ထူႉ​ တေႇရပ်ႉ ​သေ​လႄႈ​ၼွၼ်း​ဝႆႉ​ၵႃႈ​ၼိူဝ်​ၵူႇ​တီႈ​ၼွၼ်း​သေ​ယဝ်ႉ၊ ဢဝ်​ၶူဝ်း​ဢၼ်​ဢဝ်​ၶူၼ်​ပႄႉ​တေႃး​ႁဵတ်း​ၼၼ်ႉ ဝႆႉ​ၵႃႈ​တီႈ​ႁူဝ်​ၼွၼ်း​သေ​လႄႈ ဢဝ်​ၽႃႈ​မႆ​ႁူမ်ႇ​ဝႆႉ​ဢေႃႈ။-</verse>
				<verse number="14">မိူဝ်ႈ​ဢၼ်​ သေႃးလူႉ ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ​မႃး ႁႂ်ႈ​လႆႈ​တီႉ​ဢဝ်​ တႃႇဝိတ်ႈ ​ၼၼ်ႉ​ၸိုင်၊ မေး​မၼ်း​လၢတ်ႈ​လႄႈ​ဝႃႈ၊ တႃႇဝိတ်ႈ မီး​တၢင်း​ၶႆႈ​တၢင်း​ပဵၼ်​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">သေႃးလူႉ ​ၵေႃႈ သမ်ႉ​ၶိုၼ်း​ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ​ၸိူဝ်း​ၼၼ်ႉ ၵႂႃႇ​ႁႂ်ႈ​လႆႈ​လူ​တူၺ်း​ တႃႇဝိတ်ႈ ​လႄႈ​ဝႃႈ၊ ဢဝ်​မၼ်း​ဢိၵ်ႇ​လူၺ်ႈ​ၵၼ်​တင်း​ၵူႇ​ၼွၼ်း​မၼ်း​မႃး ႁႂ်ႈ​ၵဝ်​လႆႈ​ဢဝ်​မၼ်း​တၢႆ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="16">မိူဝ်ႈ​ဢၼ်​ၵူၼ်း​ၸႂ်ႉ​ၵူၼ်း​သွႆ​ၸိူဝ်း​ၼၼ်ႉ ၶဝ်ႈ​ၵႂႃႇ​ၵႃႈ​ၼႂ်း​ၼၼ်ႉ​ၸိုင်၊ ထူပ်း​ႁၼ်​ရုၵ်ႈ​ထူႉ​ တေႇရပ်ႉ ​မီး​ယူႇ​ၵႃႈ​ၼိူဝ်​ၵူႇ​တီႈ​ၼွၼ်း ဢိၵ်ႇ​တင်း​ၶူဝ်း​ဢၼ်​ဢဝ်​ၶူၼ်​ပႄႉ​တေႃး​ႁဵတ်း​ၼၼ်ႉ မီး​ၵႃႈ​တီႈ​ႁူဝ်​ၼွၼ်း​ၼၼ်ႉ​ဢေႃႈ။-</verse>
				<verse number="17">သေႃးလူႉ ​ၵေႃႈ​ထၢမ်​တီႈ​ မီႉၶႃႇလႃႉ ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ပႅတ်ႉ​လႅၼ်​ၵဝ်​ၸိူဝ်ႉ​ၼင်ႇ​ၼႆ​သေ​လႄႈ ပွႆႇ​ရၢၼ်ႇ​သူႇ​ၵဝ်​ပႅတ်ႈ​ထၼ်ႈ​ပေႃး​မၼ်း​လႆႈ​လွတ်ႈ​ၵႂႃႇ​ယဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မီႉၶႃႇလႃႉ ​ၶိုၼ်း​လဝ်ႊ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ မၼ်း​ဝႃႈ၊ ပွႆႇ​ၵဝ်​ၵႂႃႇ​တႃႉ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​တၵ်း​လႆႈ​ဢဝ်​မႂ်း​တၢႆ​ၼင်ႇ​ႁိုဝ်။ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၼင်ႇ​ၼၼ်​လႄႈ တႃႇဝိတ်ႈ ​ဢွၵ်ႇ​ပၢႆႈ​လႄႈ​လွတ်ႈ​ၵႂႃႇ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ သမူၺ်ႇလႃႉ ၵႃႈ​ၼႂ်း​ဝဵင်း​ ရႃႇမႃႉ ​လႄႈ မွၵ်ႇ​လၢတ်ႈ​လွင်ႈ​ၵႃႈ​ဢၼ်​ သေႃးလူႉ ​ႁဵတ်း​တီႈ​မၼ်း​ၼၼ်ႉ​သေ​လႄႈ မၼ်း​ဢိၵ်ႇ​လူၺ်ႈ​ၵၼ်​တင်း​ သမူၺ်ႇလႃႉ ​ၼၼ်ႉ ၵႂႃႇ​လႄႈ​ယူႇ​ၵႃႈ​တီႈ​ဝၢၼ်ႈ ၼႃႇယုတ်ႉ ​ဢေႃႈ။-</verse>
				<verse number="19">ပိူၼ်ႈ​လဝ်ႊ​လၢတ်ႈ လွင်ႈ​ဢၼ်​ တႃႇဝိတ်ႈ ​မီး​ၵႃႈ​တီႈ​ဝၢၼ်ႈ​ ၼႃႇယုတ်ႉ ၼႂ်း​လိၼ်​ဝဵင်း​ ရႃႇမႃႉ ​ၼၼ်ႉ​တီႈ​ သေႃးလူႉ ​လႄႈ၊-</verse>
				<verse number="20">သေႃးလူႉ ​သမ်ႉ​ၶိုၼ်း​ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ​မၼ်း​ႁႂ်ႈ​လႆႈ​တီႉ​ၵမ်​ဢဝ်​ တႃႇဝိတ်ႈ ​ဢေႃႈ။ မိူဝ်ႈ​ဢၼ်​ၶဝ်​ၼၼ်ႉ​ႁၼ်​မုၵ်ႉ​ၸိူဝ်း​ပရေႃးၽႅတ်ႈ​တင်း​လၢႆ ႁဵတ်း​ပရေႃးၽႅတ်ႈ​ယူႇ၊ သမူၺ်ႇလႃႉ ၵေႃႉ​ႁဵတ်း​ၵႄႇ​ႁဵတ်း​ႁူဝ်​ၶဝ်​ယူႇ​သေ​လႄႈ ၸုၵ်း​ယူႇ​ၼၼ်ႉ​ၸိုင်၊ ဝီႉၺိၺ်ႇ​ၽြႃး​ပဵၼ်​ၸဝ်ႈ တူၵ်း​ႁွတ်ႈ​ၵႃႈ​ၼိူဝ်​ၵူၼ်း​ၸႂ်ႉ​ၵူၼ်း​သွႆ​ သေႃးလူႉ ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ​ၵေႃႈ​လႆႈ​ႁဵတ်း​ပရေႃးၽႅတ်ႈ​ယူႇ​ဢေႃႈ။-</verse>
				<verse number="21">မိူဝ်ႈ​ဢၼ်​ပိူၼ်ႈ​လဝ်ႊ​လၢတ်ႈ​တီႈ​ သေႃးလူႉ ​ၼၼ်ႉ​ၸိုင် မၼ်း​ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ​မၼ်း​တၢင်ႇ​ၸိူဝ်း​ၵႂႃႇ​လႄႈ ၶဝ်​ၼၼ်ႉ​ၵေႃႈ​လႆႈ​ႁဵတ်း​ပရေႃးၽႅတ်ႈ​ယူႇ​ဢေႃႈ။ ၵမ်း​တႃႉတီႉယႃႉ သေႃးလူႉ ​ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ​မၼ်း​တၢင်ႇ​ၸိူဝ်း​ၵႂႃႇ​လႄႈ ၶဝ်​ၼၼ်ႉ​ၵေႃႈ​လႆႈ​ႁဵတ်း​မိူၼ်​ၸိူဝ်ႉ​ၼင်ႇ​ၼၼ်​ယူႇ​ဢေႃႈ။-</verse>
				<verse number="22">မိူဝ်ႈ​ၼၼ်ႉ​တူဝ်​မၼ်း​ၵႂႃႇ​ၵႃႈ​တီႈ​ဝဵင်း​ ရႃႇမႃႉ ​လႄႈ​ႁွတ်ႈ​ထိုင်​ၵႃႈ​တီႈ​ၼမ်ႉ​မေႃႇ​လူင် ဢၼ်​မီး​ၵႃႈ​တီႈ​ဝၢၼ်ႈ​ ၸေႇၶူႉ ​ၼၼ်ႉ​သေ​ယဝ်ႉ၊ တွင်ႈ​ထၢမ်​လႄႈ​ဝႃႈ၊ သမူၺ်ႇလႃႉ ​ဢိၵ်ႇ​တင်း​ တႃႇဝိတ်ႈ ​ၼၼ်ႉ​မီး​ယူႇ​ၵႃႈ​လႂ်၊ ဝႃႈ​ၼင်ႇ​ၼႆ​လႄႈ၊ ၵူၼ်း​ၵေႃႉ​ၼိုင်ႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ မီး​ယူႇ​ၵႃႈ​တီႈ​ဝၢၼ်ႈ​ ၼႃႇယုတ်ႉ ၼႂ်း​လိၼ်​ဝဵင်း​ ရႃႇမႃႉ ​ၼၼ်ႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="23">မၼ်း​ၵႂႃႇ​ၸူး​ၵႃႈ​တီႈ​ဝၢၼ်ႈ​ ၼႃႇယုတ်ႉ ၼႂ်း​လိၼ်​ဝဵင်း​ ရႃႇမႃႉ ​ၼၼ်ႉ​လႄႈ ဝီႉၺိၺ်ႇ​ၽြႃး​ပဵၼ်​ၸဝ်ႈ​တူၵ်း​ႁွတ်ႈ​ၵႃႈ​ၼိူဝ်​မၼ်း​သေ​ယဝ်ႉ၊ မၼ်း​ၵေႃႈ​လႆႈ​ႁဵတ်း​ပရေႃးၽႅတ်ႈ​ယူႇ​သေ​လႄႈ ၵႂႃႇ​တေႃႇ​ထိုင်​ႁွတ်ႈ​ဝၢၼ်ႈ​ ၼႃႇယုတ်ႉ ​ၼႂ်း​လိၼ်​ဝဵင်း​ ရႃႇမႃႉ ​ဢေႃႈ။-</verse>
				<verse number="24">ၶူဝ်း​ၼုင်ႈ​မၼ်း​ၵေႃႈ​မၼ်း​ထွတ်ႇ​ပႅတ်ႈ​လႄႈ လႆႈ​ႁဵတ်း​ပရေႃးၽႅတ်ႈ​မိူၼ်​ၸိူဝ်ႉ​ၼင်ႇ​ၼၼ် ၵႃႈ​တီႈ​ၽၢႆႇ​ၼႃႈ​ သမူၺ်ႇလႃႉ ​ယူႇ​သေ​လႄႈ ယင်း​ဢမ်ႇ​ပႃး​ၶူဝ်း​ၼုင်ႈ​တၢင်း​မႆ​လႄႈ လူမ်ႉ​ယူႇ​ၶိုၼ်း​ၼိုင်ႈ​လႄႈ​ဝၼ်း​ၼိုင်ႈ​ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ မီး​ထုင်း​ၸၢမ်ႇ​ဢၼ်​ဝႃႈ၊ သေႃးလူႉ ​ၵေႃႈ ၶဝ်ႈ​ပႃး​ၼႂ်း​ပရေႃးၽႅတ်ႈ​တင်း​လၢႆ​ႁိုဝ်။ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
			</chapter>
			<chapter number="20">
				<verse number="1">တႃႇဝိတ်ႈ ဢွၵ်ႇ​ပၢႆႈ​သေ​ၵႃႈ​တီႈ​ဝၢၼ်ႈ​ ၼႃႇယုတ်ႉ ၼႂ်း​လိၼ်​ဝဵင်း​ ရႃႇမႃႉ ​ၼၼ်ႉ​လႄႈ ႁွတ်ႈ​ထိုင်​ၵႃႈ​တီႈ​ ယေႃးၼသၼ်ႇ ​သေ​ယဝ်ႉ၊ ထၢမ်​လႄႈ​ဝႃႈ၊ ၵဝ်​ၶႃႈ​လႆႈ​ႁဵတ်း​ၵႃႈ​သင်​ယဝ်ႉ။ ၵဝ်​ၶႃႈ​မီး​ဢပႅတ်ႈ​ၵႃႈ​သင်။ ၵဝ်​ၶႃႈ​လႆႈ​ႁဵတ်း​တူႉ​ၸရိူၵ်ႈ​ၵႃႈ​သင် ႁႂ်ႈ​ၸဝ်ႈ​ပေႃႈ​ၸဝ်ႈ​ႁဝ်း​လႆႈ​ႁႃ​ဢသၢၵ်ႈ​ၵဝ်​ၶႃႈ​ယူႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="2">မၼ်း​ၼၼ်ႉ​ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ ႁႂ်ႈ​ဢမူႉ​ၼႆႉ​ၵႆ​ၵၼ်​တင်း​မႂ်း​သေ​ၵမ်း​လူၺ်ႈ။ မႂ်း​ဢမ်ႇ​လႆႈ​တၢႆ​ၵူၺ်ႉ။ ၸဝ်ႈ​ပေႃႈ​ၵဝ်​ၼၼ်ႉ ယင်း​ဢမ်ႇ​မွၵ်ႇ​ဢမ်ႇ​လၢတ်ႈ​တီႈ​ၵဝ်​လႄႈ ဢမ်ႇ​ၸၢင်ႈ​ႁဵတ်း​ဢမူႉ​ဢၼ်​ယႂ်ႇ​ဢၼ်​လဵၵ်ႉ​သေ​ၸိူဝ်ႉ​သေ​ပိူင်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မၼ်း​တၵ်း​သိူင်ႇ​မႅပ်ႉ​ဢမူႉ​ၼႆႉ​ဝႆႉ​ႁႂ်ႈ​ၵဝ်​ဢမ်ႇ​ႁူႉ​ၼင်ႇ​ႁိုဝ်။ ဢမူႉ​ၼႆႉ​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">တႃႇဝိတ်ႈ ​ၵေႃႈ ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ​လႄႈ​ဝႃႈ၊ ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ ႁူႉ​လွင်ႈ​ဢၼ်​ၵဝ်​ၶႃႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ၼၼ်ႉ​ဢမၢၼ်ႇ​ၶၼ်​ပဵၼ်​လႄႈ​ဝႃႈ၊ ယႃႇ​ပေ​ႁႂ်ႈ​ ယေႃးၼသၼ်ႇ ​ႁူႉ​ဢမူႉ​ၼႆႉ။ ၵူဝ်​မၼ်း​တၵ်း​မီး​ၸႂ်​ဢၼ်​ဢမ်ႇ​သႃႇ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ။ ၵႃႈ​ၼင်ႇ​ဢၼ် ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ၊ ၵႃႈ​ၼင်ႇ​ဢၼ်​ဢသၢၵ်ႈ​ၸဝ်ႈ​ႁဝ်း​လိပ်း​ယူႇ​ၼၼ်ႉ၊ ၵႃႈ​တီႈ​ၵႄႈ​ဝူင်ႈ​ၵၢင်​တၢင်း​တၢႆ​တင်း​ၵဝ်​ၶႃႈ​ၼႆႉ​ၸိုင်၊ မီး​ၸူဝ်ႈ​ယၢင်ႈ​တိၼ်​ၼိုင်ႈ​ၵူၺ်း​ဢမၢၼ်ႇ​ၶၼ်​ပဵၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ယေႃးၼသၼ်ႇ ​ၵေႃႈ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၵဝ်​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​ႁူဝ်​ၸႂ်​မႂ်း​မီး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="5">တႃႇဝိတ်ႈ ​လၢတ်ႈ​တီႈ​ ယေႃးၼသၼ်ႇ ​လႄႈ​ဝႃႈ၊ ဝၼ်း​မိူဝ်ႈ​ၽုၵ်ႈ​ၼၼ်ႉ ပဵၼ်​ဝၼ်း​လိူၼ်​မႂ်ႇ​လႄႈ ၵဝ်​ၶႃႈ​ယင်း​ဢမ်ႇ​ၼင်ႈ​ယူႇ​ၵႃႈ​တီႈ​ၶူင်ႇ​တီႈ​ၵိၼ်​လူၺ်ႈ​ၵၼ်​တင်း​ၶုၼ်​ႁေႃ​ၶမ်း​လႄႈ ဢမ်ႇ​ထုၵ်ႇ​လီ​ယူႇ။ ၼႂ်း​ဝႃႈ​ၼၼ်​သေ​ၵေႃႈ ႁႂ်ႈ​ၵဝ်​ၶႃႈ​လႆႈ​ၵႂႃႇ​လႄႈ​တဵတ်ႇ​မႅပ်ႉ​ယူႇ ၵႃႈ​ၼႂ်း​ထိူၼ်ႇ​တေႃႇ​ထိုင်​ႁွတ်ႈ​ႁူဝ်​ၶမ်ႈ​ဝၼ်း​တႃႉတီႉယႃႉ​ၼၼ်ႉ​သေ​ၵမ်း။-</verse>
				<verse number="6">ပေႃး​ၸဝ်ႈ​ပေႃႈ​ၸဝ်ႈ​ႁဝ်း ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​ၵဝ်​ၶႃႈ​ဢမ်ႇ​မီး​ၼၼ်ႉ​ၸိုင်၊ ၶႅၼ်း​တေႃႈ​လဝ်ႊ​လၢတ်ႈ​လႄႈ​ဝႃႈ၊ တႃႇဝိတ်ႈ ယွၼ်း​ဢၶႂၢင်ႉ​ၼႃႇ​လူင်​လၢင် ႁႂ်ႈ​လႆႈ​ၵႂႃႇ​ၸူး​ၵႃႈ​တီႈ​ဝဵင်း​ ပႅတ်ႉလႁႅမ်ႇ ​တီႈ​ယူႇ​မၼ်း​ပုၼ်ႉ ၵွပ်ႈ​ပိူဝ်ႈ​ဢၼ်​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​ၸိူဝ်း​ၼၼ်ႉ မီး​ၶိင်ႇ​ဢၼ်​ၶၢမ်ႇ​ပွႆး​ဢၸႅၼ်ႇ​ၵူႈ​ပီႊ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ၵမ်း။-</verse>
				<verse number="7">ပေႃး​မၼ်း​ၸဝ်ႈ​လၢတ်ႈ​လႄႈ​ဝႃႈ၊ လီ​ယဝ်ႉ၊ ဝႃႈ​ၼင်ႇ​ၼႆ​ၸိုင်၊ ၶႃႈ​ၸဝ်ႈ​ႁဝ်း​ၼႆႉ​လႆႈ​ၵတ်း​ယဵၼ်​ၶျၢမ်း​သႃႇ​ယဝ်ႉ။ ပေႃး​ဢမ်ႇ​ၼၼ် ပေႃး​မၼ်း​ၸဝ်ႈ​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​ၸိုင်၊ တူၵ်း​ၵၢင်​ၸႂ်​လွင်ႈ​ဢၼ်​မၼ်း​ၸဝ်ႈ​မီး​တၢင်း​ၵျၢမ်ႇ​တၢင်း​ပွင် ဢၼ်​တၵ်း​ႁဵတ်း​ၽေး​ၼၼ်ႉ​သေ​ၵမ်း။-</verse>
				<verse number="8">ႁဵတ်း​ၵျေး​ၸူး​တီႈ​ၶႃႈ​ၸဝ်ႈ​ႁဝ်း​သေ​ၵမ်း။ ၸဝ်ႈ​ႁဝ်း​ႁဵတ်း​ပတီႉၺိၺ်ႇ​ထႃႇဝရႃႉ​ၽြႃး လူၺ်ႈ​ၵၼ်​တင်း​ၶႃႈ​ၸဝ်ႈ​ႁဝ်း​ၼႆႉ​ယဝ်ႉ။ ၼႂ်း​ဝႃႈ​ၼၼ်​သေ​ၵေႃႈ ပေႃး​ဢပႅတ်ႈ​မီး​တီႈ​ၶႃႈ​ၸဝ်ႈ​ႁဝ်း​ၼႆႉ​ၸိုင်၊ တူဝ်​ၸဝ်ႈ​ႁဝ်း​ဢဝ်​ၵဝ်​ၶႃႈ​တၢႆ​သေ​ၵမ်း။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တၵ်း​လႆႈ​ဢဝ်​ၵဝ်​ၶႃႈ​ၵႂႃႇ​ၸူး​ၵႃႈ​တီႈ ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ယေႃးၼသၼ်ႇ ​လၢတ်ႈ​လႄႈ​ဝႃႈ၊ ႁႂ်ႈ​ဢမူႉ​ၸိူဝ်ႉ​ၼင်ႇ​ၼၼ် ၵႆ​ၵၼ်​တင်း​မႂ်း​သေ​ၵမ်း​လူၺ်ႈ။ ပေႃး​ၵဝ်​ႁူႉ​လွင်ႈ​ဢၼ်​ၸဝ်ႈ​ပေႃႈ​ၵဝ် တၵ်း​ႁဵတ်း​ၽေး​တီႈ​မႂ်း​ဢမၢၼ်ႇ​ၶၼ်​ပဵၼ်​ၸိုင်၊ ၵဝ်​ယင်း​ဢမ်ႇ​မွၵ်ႇ​ဢမ်ႇ​လၢတ်ႈ​မႂ်း​လႄႈ​တၵ်း​ယူႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">တႃႇဝိတ်ႈ ​ၵေႃႈ​ထၢမ်​တီႈ​ ယေႃးၼသၼ်ႇ ​လႄႈ​ဝႃႈ၊ ပေႃး​ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ​ၶိုၼ်း​လၢတ်ႈ​တီႈ​ၸဝ်ႈ​ႁဝ်း ၵျၢမ်း​ႁၢဝ်ႈ​ၼႃႇ​လူင်​လၢင်​ၸိုင်၊ ၽူႈ​လႂ်​တၵ်း​ၶိုၼ်း​မွၵ်ႇ​လၢတ်ႈ​ပၼ်​တီႈ​ၵဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">ယေႃးၼသၼ်ႇ လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ မႃး​တႃႉ။ ၵႂႃႇ​ၸူး​ၵႃႈ​တီႈ​ထိူၼ်ႇ​တႃႉ​ႁႃး၊ ဝႃႈ​ၼင်ႇ​ၼႆ​သေ​လႄႈ သွင်​ၶႃ​ဢွၵ်ႇ​ၵႂႃႇ​ၸူး​ၵႃႈ​တီႈ​ထိူၼ်ႇ​ဢေႃႈ။-</verse>
				<verse number="12">ယေႃးၼသၼ်ႇ ​ၵေႃႈ​သမ်ႉ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢသၢၵ်ႈ​လိပ်း​ယူႇ​ၼၼ်ႉ၊ မိူဝ်ႈ​ဢၼ်​ၵဝ်​ၸၢမ်း​တူၺ်း​တီႈ​ၸဝ်ႈ​ပေႃႈ​ၵဝ် ၼႂ်း​ဝၼ်း​မိူဝ်ႈ​ၽုၵ်ႈ၊ ဝၼ်း​မိူဝ်ႈ​ႁိုဝ်း၊ မိူဝ်ႈ​ၶိင်ႇ​ၼႆႉ​ၸမ်​ၸမ်​ၼၼ်ႉ​ယဝ်ႉ​ၼၼ်ႉ၊ ပေႃး​မၼ်း​ၸဝ်ႈ​မီး​တၢင်း​ၵျၢမ်ႇ​တၢင်း​ပွင်​ဢၼ်​လီ​တီႈ​ တႃႇဝိတ်ႈ ​ၸိုင် ၵဝ်​ယင်း​ဢမ်ႇ​ပွႆႇ​ၸႂ်ႉ​လႄႈ​မွၵ်ႇ​လၢတ်ႈ​မႂ်း​လႄႈ​တၵ်း​ယူႇ​ႁိုဝ်။-</verse>
				<verse number="13">ပေႃး​ဢမ်ႇ​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ယင်း​ဢမ်ႇ​ၵႃး​ဢၼ်​ၼၼ်ႉ​လႄႈ ႁႂ်ႈ​ထႃႇဝရႃႉ​ၽြႃး ႁဵတ်း​လိူဝ်​တွၼ်း​ၼႃႇ​သေ​ၼၼ်ႉ တီႈ​ ယေႃးၼသၼ်ႇ ​သေ​ၵမ်း​လူၺ်ႈ။ ပေႃး​ၸဝ်ႈ​ပေႃႈ​ၵဝ်​ၼၼ်ႉ မီး​ဢလူဝ်ႇ​ၶႂ်ႈ​ႁဵတ်း​ၽေး​သႂ်ႇ​မႂ်း​ၸိုင်၊ ၵဝ်​တၵ်း​မွၵ်ႇ​လၢတ်ႈ​တီႈ​မႂ်း​လႄႈ တၵ်း​ပွႆႇ​မႂ်း​ႁႂ်ႈ​မႂ်း​လႆႈ​ၵႂႃႇ​ၼိမ်​ၼိမ်​လီ​လီ​ဢေႃႈ။ ႁႂ်ႈ​ထႃႇဝရႃႉ​ၽြႃး မီး​ယူႇ​လူၺ်ႈ​ၵၼ်​တင်း​မႂ်း မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​မီး​ယူႇ​လူၺ်ႈ​ၵၼ်​တင်း​ၸဝ်ႈ​ပေႃႈ​ၵဝ်​မႃး​ယဝ်ႉ​ၼၼ်ႉ​သေ​ၵမ်း​လူၺ်ႈ။-</verse>
				<verse number="14">ၼႂ်း​မိူဝ်ႈ​ဢၼ်​ၵဝ်​ယင်း​တိုၵ်ႉ​ဢသၢၵ်ႈ​လိပ်း​ယူႇ​ၼႆႉ မႂ်း​တၵ်း​လႆႈ​ႁဵတ်း​ၵျေး​ၸူး​ထႃႇဝရႃႉ​ၽြႃး​ၼၼ်ႉ​တီႈ​ၵဝ် ႁႂ်ႈ​ၵဝ်​ဢမ်ႇ​လႆႈ​တၢႆ​ၵူၺ်း​ဢမ်ႇ​ၵႃး၊-</verse>
				<verse number="15">တၵ်း​လႆႈ​ႁႂ်ႈ​ၵျေး​ၸူး​မႂ်း ဢမ်ႇ​လႆႈ​ထၢတ်ႇ​လႆႈ​ၶၢတ်ႇ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ယူႇ​တႃႇ​သေႇ​ဢေႃႈ။ ၸႂ်ႈ​တႄႉ​တႄႉ​ဢေႃႈ။ တၵ်း​လႆႈ​ႁႂ်ႈ​ဢမ်ႇ​ထၢတ်ႇ​ဢမ်ႇ​ၶၢတ်ႇ လိူဝ်​သေ​ထႃႇဝရႃႉ​ၽြႃး ၽဵဝ်ႈ​ရၢၼ်ႇ​သူႇ တႃႇဝိတ်ႈ ​ပႅတ်ႈ​သေ​ၵႃႈ​ၼိူဝ်​လိၼ်​မိူင်း မူတ်း​မူတ်း​သဵင်ႈ​သဵင်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၼင်ႇ​ၼၼ်​လႄႈ ယေႃးၼသၼ်ႇ ​သမ်ႉ​ႁဵတ်း​ပတီႉၺိၺ်ႇ​ဝႆႉ​လူၺ်ႈ​ၵၼ်​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ တႃႇဝိတ်ႈ ​ဢေႃႈ။ လိုၼ်း​ၼၼ်ႉ ထႃႇဝရႃႉ​ၽြႃး​ႁႃ​ဢဝ်​လွင်ႈ​မၼ်း​ၵႃႈ​တီႈ​ရၢၼ်ႇ​သူႇ​ တႃႇဝိတ်ႈ ​တင်း​လၢႆ​ဢေႃႈ။-</verse>
				<verse number="17">ယေႃးၼသၼ်ႇ ​ၼၼ်ႉ​သမ်ႉ​ႁႂ်ႈ​ တႃႇဝိတ်ႈ ​ၵိၼ်ႇ​ဝႃႈ​ထႅင်ႈ လူၺ်ႈ​တၢင်း​ဢၼ်​မၼ်း​ႁၵ်ႉ​မၼ်း​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​ႁၵ်ႉ​မၼ်း​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​ႁၵ်ႉ​ဝီႉၺိၺ်ႇ​တူဝ်​ၸဝ်ႈ​ၵဝ်ႇ​ၼၼ်ႉ​ဢေႃႈ။-</verse>
				<verse number="18">လႆႈ​သမ်ႉ ယေႃးၼသၼ်ႇ ​လၢတ်ႈ​တီႈ​မၼ်း​လႄႈ​ဝႃႈ၊ ဝၼ်း​မိူဝ်ႈ​ၽုၵ်ႈ​ၼၼ်ႉ ပဵၼ်​ဝၼ်း​လိူၼ်​မႂ်ႇ​လႄႈ တၵ်း​ဢွၼ်​ၵၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​မႂ်း​ဢမ်ႇ​မီး​ၼၼ်ႉ​ၵွပ်ႈ​ပိူဝ်ႈ​ဢၼ် တီႈ​ၼင်ႈ​မႂ်း​ပဝ်ႇ​ဝႆႉ​ၼၼ်ႉ​ဢေႃႈ။-</verse>
				<verse number="19">မႂ်း​ယူႇ​သၢမ်​ဝၼ်း​သေ​ယဝ်ႉ၊ တၵ်း​လႆႈ​လူင်း​မႃး​ၶၼ်​ၶၼ်​ၽႂ်း​ၽႂ်း​လႄႈ ႁွတ်ႈ​ထိုင်​ၵႃႈ​တီႈ​ဢၼ်​မႂ်း​တဵတ်ႇ​မႅပ်ႉ​ယူႇ ၼႂ်း​မိူဝ်ႈ​ဢၼ်​မႂ်း​မီး​ဢမူႉ​ၵမ်း​ဢွၼ်​တၢင်း​ၼၼ်ႉ​သေ​လႄႈ ယူႇ​ၵႃႈ​တီႈ​ႁိမ်း​မၢၵ်ႇ​ႁိၼ်​ ဢေႇၸေႇလႃႉ ​ၼၼ်ႉ​ဢေႃႈ။-</verse>
				<verse number="20">ၵဝ်​ၵေႃႈ​တၵ်း​ႁဵတ်း​ၸိူဝ်ႉ​ၼင်ႇ​ႁၢင်ႈ​ယိုဝ်း​ၸၢၵ်ႈ​လႄႈ တၵ်း​ယိုဝ်း​ပိုၼ်​ၵႂႃႇ​ၵႃႈ​တီႈ​မၢၵ်ႇ​ႁိၼ်​ၼၼ်ႉ သၢမ်​လႅမ်ႈ​ဢေႃႈ။-</verse>
				<verse number="21">ၵဝ်​တၵ်း​ပွႆႇ​ၸႂ်ႉ​ၵူၼ်း​ဢွၼ်ႇ​ၵႂႃႇ​လႄႈ​ဝႃႈ၊ ၵႂႃႇ​ႁႃ​ပိုၼ်​ၸိူဝ်း​ၼၼ်ႉ​မႃး​တႃႉ၊ ဝႃႈ​ၼင်ႇ​ၼႆ​လႄႈ၊ ပေႃး​ၵဝ်​လၢတ်ႈ​တီႈ​ၵူၼ်း​ဢွၼ်ႇ​ၼၼ်ႉ​လႄႈ​ဝႃႈ၊ တူၺ်း​လူး၊ ပိုၼ်​ၸိူဝ်း​ၼၼ်ႉ​မီး​ၵႃႈ​တီႈ​ၽၢႆႇ​ၼႆႉ​မႂ်း​ဢေႃႈ၊ ဝႃႈ​ၼင်ႇ​ၼႆ​ၸိုင်၊ မႂ်း​ဢဝ်​ၸိူဝ်း​ၼၼ်ႉ​လႄႈ​မႃး​သေ​ၵမ်း။ ၵႃႈ​ၼင်ႇ​ဢၼ် ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ မႂ်း​လႆႈ​ၵတ်း​ယဵၼ်​ၶျၢမ်း​သႃႇ​လႄႈ၊ ဢမ်ႇ​မီး​ၽေး​ယဝ်ႉ။-</verse>
				<verse number="22">ဢမ်ႇ​ၼၼ် ပေႃး​ၵဝ်​လၢတ်ႈ​တီႈ​ၵူၼ်း​ဢွၼ်ႇ​လႄႈ​ဝႃႈ၊ ပိုၼ်​ၸိူဝ်း​ၼၼ်ႉ​ပူၼ်ႉ​မႂ်း​ၵႂႃႇ​ယဝ်ႉ၊ ဝႃႈ​ၼင်ႇ​ၼႆ​ၸိုင်၊ ၵႂႃႇ​တႃႉ။ ထႃႇဝရႃႉ​ၽြႃး ပွႆႇ​ၸႂ်ႉ​မႂ်း​ၵႂႃႇ​ဢေႃႈ။-</verse>
				<verse number="23">ၼႂ်း​လွင်ႈ​ဢၼ်​ႁႃး​သွင်​ၵေႃႉ​လၢတ်ႈ​ၵၼ်​ၼႆႉ​ၸမ်ႉ၊ ႁႂ်ႈ​ထႃႇဝရႃႉ​ၽြႃး မီး​ယူႇ​ၵႃႈ​တီႈ​ဝူင်ႈ​ၵၢင်​မႂ်း​တင်း​ၵဝ်​ယူႇ​တႃႇ​သေႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၼင်ႇ​ၼၼ်​လႄႈ တႃႇဝိတ်ႈ ​တဵတ်ႇ​မႅပ်ႉ​ယူႇ​ၵႃႈ​တီႈ​ထိူၼ်ႇ​ဢေႃႈ။ မိူဝ်ႈ​ဢၼ်​ႁွတ်ႈ​ထိုင်​ဝၼ်း​လိူၼ်​မႂ်ႇ​ၼၼ်ႉ​ၸိုင်၊ ၶုၼ်​ႁေႃ​ၶမ်း ၼင်ႈ​ႁႂ်ႈ​လႆႈ​ၵိၼ်​တၢင်း​ၵိၼ်​တၢင်း​ၶူပ်း​ဢေႃႈ။-</verse>
				<verse number="25">ၵႃႈ​ၼင်ႇ​ဢၼ်​ထုင်း​ၸၢမ်ႇ​ၸဝ်ႈ​မီး​ၼၼ်ႉ၊ ၶုၼ်​ႁေႃ​ၶမ်း​ၼင်ႈ​ၵႃႈ​ၼိူဝ်​တီႈ​ၼင်ႈ​မၼ်း ဢၼ်​ဝႃႈ​တီႈ​ၼင်ႈ​ဢၼ်​မီး​ၵႃႈ​တီႈ​ႁိမ်း​ၽႃ​သေ​ယဝ်ႉ၊ ယေႃးၼသၼ်ႇ ​လုၵ်ႉ​လႄႈ ဢႃႉပၼႃး ၼင်ႈ​ၵႃႈ​တီႈ​ႁိမ်း​ သေႃးလူႉ ​ဢေႃႈ။ တီႈ​ၼင်ႈ​ တႃႇဝိတ်ႈ ​ၼၼ်ႉ ပဝ်ႇ​လၢပ်ႈ​ဝႆႉ​ဢေႃႈ။-</verse>
				<verse number="26">ၵူၺ်း​ၵႃႈ ၼႂ်း​ဝၼ်း​ၼၼ်ႉ သေႃးလူႉ ​ဢမ်ႇ​လၢတ်ႈ​ၵႃႈ​သင်​လူၺ်ႈ​လွင်ႈ​မၼ်း​လႄႈ​ထၢင်ႇ​ဝႃႈ၊ လွင်ႈ​တၢင်း​သေ​ၸိူဝ်ႉ​သေ​ပိူင်​ႁွတ်ႈ​ထိုင်​ၵႃႈ​ၼိူဝ်​မၼ်း​ဢေႃႈ။ မၼ်း​ဢမ်ႇ​မူတ်း​သႂ်၊ မၼ်း​ဢမ်ႇ​မူတ်း​သႂ်​ဢမၢၼ်ႇ​ၶၼ်​ပဵၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ဝၼ်း​မိူဝ်ႈ​ၽုၵ်ႈ၊ ဝၼ်း​ဢၼ်​ပဵၼ်​လိုၼ်း​သေ ဝၼ်း​လိူၼ်​မႂ်ႇ​ၶမ်ႈ​ၼိုင်ႈ​လႄႈ ပဵၼ်​ဝၼ်း​တူႉတီႉယႃႉ​ၼၼ်ႉ၊ ၵွပ်ႈ​ပိူဝ်ႈ​ဢၼ်​တီႈ​ၼင်ႈ​ တႃႇဝိတ်ႈ ပဝ်ႇ​လၢပ်ႈ​ဝႆႉ​ၼၼ်ႉ​လႄႈ သေႃးလူႉ ​ထၢမ်​တီႈ​လုၵ်ႈ​ၸၢႆး​မၼ်း​ ယေႃးၼသၼ်ႇ ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ လုၵ်ႈ​ၸၢႆး ယေႇသႄး ​ၼၼ်ႉ ယင်း​ဢမ်ႇ​မႃး​ၵႃႈ​တီႈ​ပွႆး​ၵိၼ်​ၸဝ်ႈ​ဝၼ်း​မိူဝ်ႈ​ဝႃး ဢိၵ်ႇ​တင်း​ဝၼ်း​မိူဝ်ႈ​ၼႆႉ​လႄႈ​ယူႇ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="28">ယေႃးၼသၼ်ႇ ၶိုၼ်း​လဝ်ႊ​လၢတ်ႈ​တီႈ​ သေႃးလူႉ ​လႄႈ​ဝႃႈ၊ တႃႇဝိတ်ႈ ​ယွၼ်း​ဢၶႂၢင်ႉ​တီႈ​ၶႃႈ​ၸဝ်ႈ​ၼႃႇ​လူင်​လၢင် ႁႂ်ႈ​လႆႈ​ၵႂႃႇ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ​ပုၼ်ႉ​လႄႈ တွင်း​ပၢၼ်ႇ​လႄႈ​ဝႃႈ၊-</verse>
				<verse number="29">ပၼ်​ဢၶႂၢင်ႉ ႁႂ်ႈ​ၵဝ်​ၶႃႈ​လႆႈ​ၵႂႃႇ​သေ​ၵမ်း။ ပီႈ​ၼွင်ႉ​ၸိူဝ်ႉ​ၶိူဝ်း​ႁဝ်း​ၶႃႈ​ၸိူဝ်း​ၼၼ်ႉ၊ ႁဵတ်း​ပွႆး​ယိတ်ႈ​ၵႃႈ​တီႈ​ဝဵင်း​ၼၼ်ႉ​ၶႃႈ​ဢေႃႈ။ ပီႈ​ၸၢႆး​ၵဝ်​ၶႃႈ​ၵေႃႈ သင်ႇ​လၢတ်ႈ​မႃး​တီႈ​ၵဝ်​ၶႃႈ​ၶႃႈ​ယဝ်ႉ။ ပေႃး​ၵဝ်​ၶႃႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ဢမၢၼ်ႇ​ၶၼ်​ပဵၼ်​ၸိုင်၊ ၶႅၼ်း​တေႃႈ​ပၼ်​ဢၶႂၢင်ႉ ႁႂ်ႈ​ၵဝ်​ၶႃႈ​လႆႈ​ၵႂႃႇ​ႁၼ်​ပီႈ​ၸၢႆး​ၵဝ်​ၶႃႈ​ၸိူဝ်း​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ မၼ်း​ဢမ်ႇ​မႃး​ၵႃႈ​တီႈ​ပွႆး​ၵိၼ်​ၸဝ်ႈ​ၼႆႉ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">မိူဝ်ႈ​ၼၼ်ႉ သေႃးလူႉ ​ၸႂ်​မႆႈ​ၶႆႈ​ၸႃႉ​တီႈ​ ယေႃးၼသၼ်ႇ ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ လုၵ်ႈ​ၸၢႆး​မႄႈ​ယိင်း​ဢၼ်​ႁၢႆႉ​မိူၵ်ႈ​လႄႈ လဵၼ်ႈ​ၽူဝ်​ဢွၼ်ႇ​ၼႆႉ​ဢိူၺ်း၊ ၵဝ်​ဢမ်ႇ​ႁူႉ​လွင်ႈ​ဢၼ်​မႂ်း​ယူႇ​ၽၢႆႇ​လုၵ်ႈ​ၸၢႆး​ ယေႇသႄး ​ၼၼ်ႉ တေႃႇ​ထိုင်​ႁွတ်ႈ​မႂ်း​ထၼ်ႈ​ပေႃး​တၵ်း​လႆႈ​ဢူၵ်း​လႆႈ​ဢၢႆ ဢိၵ်ႇ​တင်း​တေႃႇ​ထိုင်​ႁွတ်ႈ​သိၼ်ႈ​မႄႈ​မႂ်း​ထၼ်ႈ​ပေႃး​တၵ်း​လွၼ်ႈ​လႄႈ ဢူၵ်း​ဢၢႆ​ၼၼ်ႉ​ႁိုဝ်။-</verse>
				<verse number="31">ၸူဝ်ႈ​ဢၼ်​လုၵ်ႈ​ၸၢႆး​ ယေႇသႄး ​ၼၼ်ႉ ယင်း​လိပ်း​ယူႇ​ၵႃႈ​ၼိူဝ်​လိၼ်​မိူင်း​ၼႆႉ​ၸိုင်၊ မႂ်း​ဢိၵ်ႇ​တင်း​သိုင်ႇ​ၸိုင်ႈ​ဝၢၼ်ႈ​မိူင်း​မႂ်း​ဢမ်ႇ​လႆႈ​တႄႇ။ ပိူဝ်ႈ​ၼႆ​လႄႈ ပွႆႇ​ၸႂ်ႉ​ၵႂႃႇ​မိူဝ်ႈ​လဵဝ်​ၼႆႉ​လႄႈ ႁွင်ႉ​ဢဝ်​မၼ်း​မႃး​တႃႉ။ မၼ်း​တၵ်း​လႆႈ​ၶၢမ်ႇ​တၢႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="32">ယေႃးၼသၼ်ႇ ​ၶိုၼ်း​လဝ်ႊ​ထၢမ်​တီႈ​ၸဝ်ႈ​ပေႃႈ​မၼ်း​ သေႃးလူႉ ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ တႃႇဝိတ်ႈ ​ၼၼ်ႉ တၵ်း​လႆႈ​တၢႆ​ၼင်ႇ​ႁိုဝ်​တီႈ​ၶႃႈ၊ မၼ်း​ႁဵတ်း​ၵႃႈ​သင်​ယဝ်ႉ​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="33">သေႃးလူႉ ​ဢဝ်​ႁွၵ်ႇ​ပုင်ႈ​သႂ်ႇ​ႁႂ်ႈ​မႅၼ်ႈ​မၼ်း​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼၼ်​လႄႈ ယေႃးၼသၼ်ႇ ​ႁူႉ​လွင်ႈ​ဢၼ်​ၸဝ်ႈ​ပေႃႈ​မၼ်း မီး​တၢင်း​ၵျၢမ်ႇ​တၢင်း​ပွင် တၵ်း​ဢဝ်​ တႃႇဝိတ်ႈ ​တၢႆ​ၼၼ်ႉ​သေ​ယဝ်ႉ၊-</verse>
				<verse number="34">ယေႃးၼသၼ်ႇ ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​သေ​လႄႈ လုၵ်ႉ​ၵႂႃႇ​သေ​ၵႃႈ​တီႈ​ၶူင်ႇ​တီႈ​ၵိၼ်​ၼၼ်ႉ​လႄႈ၊ ယင်း​ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း ၼႂ်း​ဝၼ်း​လိူၼ်​မႂ်ႇ​သွင်​ၶမ်ႈ​ၼၼ်ႉ​လႄႈ​ယူႇ​ဢေႃႈ။ လွင်ႈ​မၼ်း​ၸမ်ႉ မၼ်း​မီး​ၸႂ်​ဢၼ်​ႁဵဝ်ႇ​ၸွပ်ႈ​ပုၼ်ႈ​ တႃႇဝိတ်ႈ ၵွပ်ႈ​ပိူဝ်ႈ​ဢၼ် ၸဝ်ႈ​ပေႃႈ​မၼ်း​ယႃႉ​သရေႇ​ တႃႇဝိတ်ႈ ​ၼၼ်ႉ​ဢေႃႈ။</verse>
				<verse number="35">မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ၵၢင်​ၼႂ်​ၼၼ်ႉ​ၸိုင်၊ ယေႃးၼသၼ်ႇ ​သမ်ႉ​ပႃး​ဢဝ်​ၵူၼ်း​ဢွၼ်ႇ​မၼ်း​သေ​လႄႈ ၵႂႃႇ​ၵႃႈ​တီႈ​ထိူၼ်ႇ ၶိင်ႇ​ဢၼ်​ၶိၼ်း​ၵၼ်​ဝႆႉ​တင်း​ တႃႇဝိတ်ႈ ​ၼၼ်ႉ​ဢေႃႈ။-</verse>
				<verse number="36">မၼ်း​လၢတ်ႈ​တီႈ​ၵူၼ်း​ဢွၼ်ႇ​ၼၼ်ႉ​လႄႈ​ဝႃႈ၊ ၶုၼ်ႇ​လႅၼ်ႈ​ၵႂႃႇ​လႄႈ ႁႃ​ဢဝ်​ပိုၼ်​ဢၼ်​ၵဝ်​တၵ်း​ယိုဝ်း​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​လႄႈ၊ ၼႂ်း​မိူဝ်ႈ​ဢၼ်​ၵူၼ်း​ဢွၼ်ႇ​ယင်း​တိုၵ်ႉ​ၶုၼ်ႇ​လႅၼ်ႈ​ၵႂႃႇ​ယူႇ​ၼၼ်ႉ​ၸိုင်၊ ယိုဝ်း​ပိုၼ်​လႅမ်ႈ​ၼိုင်ႈ ႁႂ်ႈ​ပူၼ်ႉ​မၼ်း​ၼၼ်ႉ​ၵႂႃႇ​ဢေႃႈ။-</verse>
				<verse number="37">မိူဝ်ႈ​ဢၼ်​ၵူၼ်း​ဢွၼ်ႇ​ၼၼ်ႉ​ႁွတ်ႈ​ထိုင်​ၵႃႈ​တီႈ​ဢၼ်​ပိုၼ် ဢၼ်​ ယေႃးၼသၼ်ႇ ​ယိုဝ်း​ၼၼ်ႉ​တူၵ်း​ၼၼ်ႉ​ၸိုင်၊ ယေႃးၼသၼ်ႇ ႁွင်ႉ​ၸွမ်း​လင်​ၵူၼ်း​ဢွၼ်ႇ​ၼၼ်ႉ​လႄႈ​ဝႃႈ၊ ပိုၼ်​လႅမ်ႈ​ၼိုင်ႈ​ပူၼ်ႉ​မႂ်း​ၵႂႃႇ​ယဝ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​လႄႈ၊-</verse>
				<verse number="38">ယေႃးၼသၼ်ႇ သမ်ႉ​ႁွင်ႉ​ၸွမ်း​လင်​ၵူၼ်း​ဢွၼ်ႇ​ၼၼ်ႉ​လႄႈ​ဝႃႈ၊ ႁိပ်ႈ​ၼႅတ်ႈ​လႄႈ​ၶုၼ်ႇ​လႅၼ်ႈ​ၵႂႃႇ​ၶၼ်​ၶၼ်​ၽႂ်း​ၽႂ်း​တႃႉ။ ယႃႇ​ပေ​ယူႇ၊ ဝႃႈ​ၼင်ႇ​ၼႆ​ဢေႃႈ။ ၵူၼ်း​ဢွၼ်ႇ​ ယေႃးၼသၼ်ႇ ​ၵေႃႈ ၵဵပ်း​ဢဝ်​ပိုၼ်​ၸိူဝ်း​ၼၼ်ႉ​သေ​လႄႈ​မႃး​ၸူး​ၵႃႈ​တီႈ​ၸဝ်ႈ​မၼ်း​ဢေႃႈ။-</verse>
				<verse number="39">ၵူၺ်း​ၵႃႈ ၵူၼ်း​ဢွၼ်ႇ​ၼၼ်ႉ ဢမ်ႇ​ႁူႉ​လွင်ႈ​ၼၼ်ႉ။ ယေႃးၼသၼ်ႇ ​ဢိၵ်ႇ​တင်း​ တႃႇဝိတ်ႈ ​ၵူၺ်း​ႁူႉ​လွင်ႈ​ၼၼ်ႉ​ဢေႃႈ။-</verse>
				<verse number="40">ယေႃးၼသၼ်ႇ ​ဢဝ်​လၢၵ်ႈ​ၼၢၵ်ႈ​မၼ်း ဢၢပ်ႈ​ပၼ်​တီႈ​ၵူၼ်း​ဢွၼ်ႇ​မၼ်း​သေ​လႄႈ​သင်ႇ​လၢတ်ႈ​ဝႃႈ၊ မႂ်း​ၵႂႃႇ​လႄႈ​ဢဝ်​ၸိူဝ်း​ၼႆႉ ၵႂႃႇ​ၵႃႈ​တီႈ​ဝဵင်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="41">လိုၼ်း​သေ​ၵူၼ်း​ဢွၼ်ႇ​ၼၼ်ႉ​ၵႂႃႇ​ယဝ်ႉ​ၼၼ်ႉ၊ တႃႇဝိတ်ႈ ​လုၵ်ႉ​ဢွၵ်ႇ​သေ​ၵႃႈ​တီႈ​ၽၢႆႇ​တၢင်း​ၸၢၼ်း​မႃး​လႄႈ၊ ၶုပ်ႉ​မူပ်ႇ​ၵႃႈ​တီႈ​ၼိူဝ်​လိၼ်​သေ​လႄႈ ၵူမ်ႈ​ႁူဝ်​တေႃႇ​ထိုင်​ႁွတ်ႈ​သၢမ်​ပွၵ်ႈ​သေ​ယဝ်ႉ၊ သွင်​ၶႃ​ၼၼ်ႉ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼူမ်​ၵၼ်​ယူႇ၊ ၼမ်ႉ​တႃ​တူၵ်း​ၼင်ႇ​ၵၼ်​ယူႇ တေႃႇ​ထိုင်​ႁွတ်ႈ​ တႃႇဝိတ်ႈ ယဵင်ႈ​ၶႅၼ်း​ႁဵတ်း​လိူဝ်​တွၼ်း​ၼႃႇ​လူင်​လၢင်​ဢေႃႈ။-</verse>
				<verse number="42">ယေႃးၼသၼ်ႇ ​ၵေႃႈ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ထွၵ်ႈ​လူၺ်ႈ​လွင်ႈ​ဢၼ်​ႁႃး​သွင်​ၵေႃႉ​ဢဝ်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​လႄႈ ၵိၼ်ႇ​ဝႃႈ​တီႈ​ၵၼ်​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး မီး​ယူႇ​ၵႃႈ​တီႈ​ဝူင်ႈ​ၵၢင်​မႂ်း​တင်း​ၵဝ်၊ ၵႃႈ​တီႈ​ဝူင်ႈ​ၵၢင်​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​တႃႇ​သေႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ​ၼၼ်ႉ​လႄႈ၊ ၵႂႃႇ​ၼိမ်​ၼိမ်​လီ​လီ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ တႃႇဝိတ်ႈ ​လုၵ်ႉ​ၵႂႃႇ​လႄႈ ယေႃးၼသၼ်ႇ ​ၵေႃႈ ၶဝ်ႈ​ၵႂႃႇ​ၵႃႈ​ၼႂ်း​ဝဵင်း​သေ​ဢေႃႈ။</verse>
			</chapter>
			<chapter number="21">
				<verse number="1">မိူဝ်ႈ​ၼၼ်ႉ တႃႇဝိတ်ႈ ​ႁွတ်ႈ​ထိုင်​ၵႃႈ​တီႈ​ဝဵင်း​ ၼေႃႇပႃႉ တီႈ​ဢၼ်​ယိတ်ႈပရေႃးႁဵၵ်ႈ​ ဢႁီႉမလႅၵ်ႉ ​မီး​ၼၼ်ႉ​လႄႈ ဢႁီႉမလႅၵ်ႉ ​ၼၼ်ႉ သၼ်ႇ​သၼ်ႇ​သၢႆ​သၢႆ​ယူႇ​သေ​လႄႈ​မႃး​ႁပ်ႉ​ႁူဝ်​တၢင်း​ တႃႇဝိတ်ႈ ​လႄႈ​ထၢမ်​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ယင်း​ဢမ်ႇ​ပႃး​ၵူၼ်း​သေ​ၵေႃႉ​သေ​ၵူၼ်း​လႄႈ​မႃး​ၵေႃႉ​လဵဝ်​ၵူၺ်း​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="2">တႃႇဝိတ်ႈ ​လၢတ်ႈ​တီႈ​ယိတ်ႈပရေႃးႁဵၵ်ႈ​ ဢႁီႉမလႅၵ်ႉ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၶုၼ်​ႁေႃ​ၶမ်း​ဢၢပ်ႈ​ပၼ် ဢမူႉ​ၸဝ်ႈ​ဢၼ်​ၼိုင်ႈ​တီႈ​ၵဝ်​ၶႃႈ​လႄႈ​မီး​ဢမိင်ႉ​ဝႃႈ၊ ယႃႇ​ပေ​ႁႂ်ႈ​ၽူႈ​လႂ်​ႁူႉ​လွင်ႈ​ဢမူႉ​ဢၼ်​ၵဝ်​ပွႆႇ​ၸႂ်ႉ​မႂ်း​လႄႈ သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ​လႄႈ ၵဝ်​ၶႃႈ​ပွႆႇ​ၸႂ်ႉ​ၵူၼ်း​ဢွၼ်ႇ​ၵဝ်​ၶႃႈ​တင်း​လၢႆ​ၵႂႃႇ​ဢွၼ်​တၢင်း ႁႂ်ႈ​လႆႈ​ၵိုတ်း​ပႂ်ႉ​ထႃႈ​ယူႇ​ၵႃႈ​တီႈ​ဢၼ်​ၸိူဝ်း​ၼႆႉ ၵႃႈ​တီႈ​ဢၼ်​ၸိူဝ်း​ၼၼ်ႉ​ၶႃႈ​ယဝ်ႉ။-</verse>
				<verse number="3">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ တေႃႈ​လဵဝ်​ၼႆႉ​ၸိုင် ၵႃႈ​တီႈ​မိုဝ်း​ၸဝ်ႈ​ႁဝ်း​ၼႆႉ​မီး​ၵႃႈ​သင်​ၶႃႈ၊ ဢဝ်​ၶဝ်ႈ​မုၼ်း​ႁႃႈ​လုၵ်ႈ၊ ဢမ်ႇ​ၼၼ် ၵႃႈ​ဢၼ်​ထူပ်း​ႁၼ်​ၼၼ်ႉ ပၼ်​ၵႃႈ​ၼႂ်း​မိုဝ်း​ၵဝ်​ၶႃႈ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ယိတ်ႈပရေႃးႁဵၵ်ႈ​ၵေႃႈ ၶိုၼ်း​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၵႃႈ​တီႈ​မိုဝ်း​ၵဝ်​ၼႆႉ ဢမ်ႇ​မီး​ၶဝ်ႈ​မုၼ်း​ဢၼ်​ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ၵိၼ်​ၼၼ်ႉ။ မီး​ၶဝ်ႈ​မုၼ်း​ဢၼ်​မူတ်း​ၸၢင်ႇ​ၵူၺ်း​ဢေႃႈ။ ၵူၺ်း​ၵွမ်ႉ​ပေႃး​ၵူၼ်း​ဢွၼ်ႇ​ၸိူဝ်း​ၼၼ်ႉ ဝႄႈ​ပႅတ်ႈ​မႄႈ​ယိင်း​ၵူၺ်း​ၸိုင် ၵဝ်​တၵ်း​ပၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">တႃႇဝိတ်ႈ ​ၵေႃႈ ၶိုၼ်း​လၢတ်ႈ​တီႈ​ယိတ်ႈပရေႃးႁဵၵ်ႈ​လႄႈ​ဝႃႈ၊ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁူမ်ႈ​ပွင်း​လူၺ်ႈ​ၵၼ်​တင်း​မႄႈ​ယိင်း လႆႈ​သၢမ်​ဝၼ်း​ၸမ်​ၸမ်​ၶႃႈ​ယဝ်ႉ၊ မိူဝ်ႈ​ဢၼ်​ၵဝ်​ၶႃႈ​ဢွၵ်ႇ​မႃး​ၼၼ်ႉ​ၸိုင် ၶိူင်ႈ​ပိူင်​ၵူၼ်း​ဢွၼ်ႇ​ၸိူဝ်း​ၼၼ်ႉ မူတ်း​ၸၢင်ႇ​ယူႇ​ၶႃႈ​ဢေႃႈ။ ၶဝ်ႈ​မုၼ်း​ၼၼ်ႉ​ၵေႃႈ​ပဵၼ်​ၶဝ်ႈ​မုၼ်း​ဢၼ် ၵူႈ​ၵေႃႉ​ၵူႈ​ၵူၼ်း​ၵိၼ်​လႆႈ​ယူႇ​ၶႃႈ​ဢေႃႈ။ လွင်ႈ​မၼ်း​ၸမ်ႉ ဝၼ်း​မိူဝ်ႈ​ၼႆႉ ၶဝ်ႈ​မုၼ်း​ၼၼ်ႉ တၵ်း​ပဵၼ်​ဢၼ်​မူတ်း​ၸၢင်ႇ​လူၺ်ႈ​လွင်ႈ​ၶိူင်ႈ​ပိူင်​ၶဝ်​ၼၼ်ႉ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၼင်ႇ​ၼၼ်​လႄႈ ယိတ်ႈပရေႃးႁဵၵ်ႈ​ၼၼ်ႉ ဢဝ်​ၶဝ်ႈ​မုၼ်း​ဢၼ်​မူတ်း​ၸၢင်ႇ​ၼၼ်ႉ​ပၼ်​တီႈ​မၼ်း ၵွပ်ႈ​ပိူဝ်ႈ​ဢၼ်​ဢမ်ႇ​မီး​ၶဝ်ႈ​မုၼ်း​တၢင်ႇ​ဢၼ် ၼွၵ်ႈ​သေ​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ ဢၼ်​လႆႈ​ၼုၵ်ႈ​ဢဝ်​သေ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ႁႂ်ႈ​လႆႈ​ဢဝ်​ၶဝ်ႈ​မုၼ်း​ဢၼ်​မႂ်ႇ​တၢင်ႇ​ဝႆႉ ၼႂ်း​ဝၼ်း​ဢၼ်​လႆႈ​ၼုၵ်ႈ​ဢဝ်​ၼၼ်ႉ​ဢေႃႈ။-</verse>
				<verse number="7">ၼႂ်း​ဝၼ်း​ၼၼ်ႉ ၵေႃႉ​ဢၼ်​ၶဝ်ႈ​ပႃး​ၼႂ်း​ၶႃႈ​ၵူၼ်း​ သေႃးလူႉ ​ၸိူဝ်း​ၼၼ်ႉ ၵေႃႉ​ၼိုင်ႈ မီး​ယူႇ​ၵႃႈ​တီႈ​ၼၼ်ႈ​လႄႈ ၵိုတ်း​သဝ်း​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ ၸိုဝ်ႈ​သဵင်​မၼ်း​ၼၼ်ႉ​ၸမ်ႉ ပဵၼ်​ တေႃႉၵႃႉ ၵူၼ်း​မဵဝ်း​ ဢေႇတုမ်ႇ ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ဢၼ်​လဵင်ႉ​ထိင်း​သူဝ်း သေႃးလူႉ ​တင်း​လၢႆ​ၼၼ်ႉ​ဢေႃႈ။</verse>
				<verse number="8">တႃႇဝိတ်ႈ ​ၵေႃႈ​လၢတ်ႈ​တီႈ​ ဢႁီႉမလႅၵ်ႉ ​လႄႈ​ဝႃႈ၊ ၵႃႈ​တီႈ​ၸဝ်ႈ​ႁဝ်း​ၼႆႉ​မီး​ႁွၵ်ႇ​လႂ်၊ လၢပ်ႇ​လႂ်​ၶႃႈ​ႁိုဝ်။ ၵွပ်ႈ​ပိူဝ်ႈ​ဢၼ် ဢမူႉ​ၶုၼ်​ႁေႃ​ၶမ်း​မီး​တၢင်း​ဢၼ်​ႁိပ်ႈ​ၼႅတ်ႈ​လႄႈ ၵဝ်​ၶႃႈ​ဢမ်ႇ​တၼ်း​ပႃး​ႁွၵ်ႇ​လႂ်​၊ လၢၵ်ႈ​ၼၢၵ်ႈ​လႂ် သေ​ၸိူဝ်ႉ​သေ​ပိူင်​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">ယိတ်ႈပရေႃးႁဵၵ်ႈ​လၢတ်ႈ​လႄႈ​ဝႃႈ၊ လၢပ်ႇ​ ၵေႃးလျတ်ႈ ​ၵူၼ်း​ ၽီႉလိတ်ႉတီႉ ​ဢၼ်​မႂ်း​ဢဝ်​တၢႆ​ပႅတ်ႈ​ၵႃႈ​တီႈ​ပၢင်ႇ​ႁူၺ်ႈ ဢေးလႃႇ ​ၼၼ်ႉ ႁေႃႇ​ၶဵၼ်း​ၽႅၼ်ႇ​ယူႇ​သေ​လႄႈ မီး​ၵႃႈ​တီႈ​ၽၢႆႇ​လင်​သိူဝ်ႈ​သုပ်း​ၸဝ်ႈ​ၼၼ်ႉ​ဢေႃႈ။ ၶႂ်ႈ​ဢဝ်​ၵေႃႈ​ဢဝ်​တႃႉ။ လၢပ်ႇ​တၢင်ႇ​မၢၵ်ႈ​တၢင်ႇ​ဢၼ်​ဢမ်ႇ​မီး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ တႃႇဝိတ်ႈ ​လၢတ်ႈ​လႄႈ​ဝႃႈ၊ လၢပ်ႇ​ဢၼ်​မိူၼ်​ၵၼ်​တင်း​လၢပ်ႇ​ၼၼ်ႉ​ဢမ်ႇ​မီး​ၶႃႈ​ယဝ်ႉ။ ပၼ်​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၼႂ်း​ဝၼ်း​ၼၼ်ႉ​ၵမ်း​လဵဝ်၊ တႃႇဝိတ်ႈ ​လုၵ်ႉ​သေ​လႄႈ ဢွၵ်ႇ​ပၢႆႈ​ၵွပ်ႈ​ပိူဝ်ႈ​ဢၼ်​ၵူဝ်​ႁႄ​ သေႃးလူႉ ​ၼၼ်ႉ​လႄႈ ၵႂႃႇ​ၸူး​ၵႃႈ​တီႈ​ ဢႃႇၶိတ်ႉ ၶုၼ်​လူင်​ ၵႃႇသႃႉ ​ဢေႃႈ။-</verse>
				<verse number="11">ၶႃႈ​ၶုၼ်​ ဢႃႇၶိတ်ႉ ​ၸိူဝ်း​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ ၵေႃႉ​ၼႆႉ​ပဵၼ်​ တႃႇဝိတ်ႈ ၶုၼ်​ႁေႃ​ၶမ်း​မိူင်း​ပုၼ်ႉ ဢမ်ႇ​ၸႂ်ႈ​ႁိုဝ်။ ၶဝ်​ဢွၼ်​ၵၼ်​ၵႃႈ​ဝႅၼ်​ယူႇ​သေ​လႄႈ ဢဝ်​လွင်ႈ​မၼ်း​ႁဵတ်း​ၵႂၢမ်း​ပဵၼ်​လႄႉ​ပဵၼ်​ၵမ်း​လႄႈ​ဝႃႈ၊ သေႃးလူႉ ​ဢဝ်​တၢႆ​ပဵၼ်​ႁဵင်​ပဵၼ်​ႁဵင်​လႄႈ တႃႇဝိတ်ႈ ဢဝ်​တၢႆ​ပဵၼ်​မိုၼ်ႇ​ပဵၼ်​မိုၼ်ႇ​ယဝ်ႉ၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">တႃႇဝိတ်ႈ ​ဢဝ်​ၵႂၢမ်း​ၼၼ်ႉ​သႂ်ႇ​ၸႂ်​မၼ်း​ဝႆႉ​လႄႈ ၵူဝ်​ႁႄ​ ဢႃႇၶိတ်ႉ ၶုၼ်​လူင်​ ၵႃႇသႃႉ ​ၼၼ်ႉ​ၼႃႇ​လူင်​လၢင်​ယူႇ​သေ​လႄႈ၊-</verse>
				<verse number="13">ႁဵတ်း​ၼင်ႇ​ႁၢင်ႈ​မၼ်း​ယွင်ႇ​မၼ်း​မႃႈ​ယူႇ၊ ႁဵတ်း​ၸိူဝ်ႉ​ၼင်ႇ​ႁၢင်ႈ​ပဵၼ်​ၵူၼ်း​ယွင်ႇ​ၵႃႈ​ၼႂ်း​မိုဝ်း​ၶဝ်​ယူႇ​သေ​လႄႈ ၶိတ်ႇ​တႅမ်ႈ​ၵႃႈ​တီႈ​မႂ်​ၽၵ်း​တူ​ယူႇ၊ ႁႂ်ႈ​ၼမ်ႉ​လၢႆး​မၼ်း​ယွႆႉ​တူၵ်း​ၵႃႈ​ၼူတ်ႇ​ၵၢင်း​မၼ်း​ယူႇ​ဢေႃႈ။-</verse>
				<verse number="14">မိူဝ်ႈ​ၼၼ်ႉ ၶုၼ်​ ဢႃႇၶိတ်ႉ လၢတ်ႈ​တီႈ​ၶႃႈ​မၼ်း​ၵူၼ်း​မၼ်း​တင်း​လၢႆ​လႄႈ​ဝႃႈ၊ တူၺ်း​လူး၊ ၵေႃႉ​ၼႆႉ​ပဵၼ်​ၵူၼ်း​ယွင်ႇ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢဝ်​မၼ်း​သႂၢင်း​ၶဝ်ႈ​ၵႃႈ​တီႈ​ၵဝ်​ၼင်ႇ​ႁိုဝ်။-</verse>
				<verse number="15">ၵဝ်​လူဝ်ႇ​ၵူၼ်း​ယွင်ႇ​လႄႈ သူ​ဢဝ်​ၵေႃႉ​ၼႆႉ​သႂၢင်း​ၶဝ်ႈ​ႁႂ်ႈ​လႆႈ​ႁဵတ်း​ၵူၼ်း​ယွင်ႇ​ၵႃႈ​တီႈ​ၽၢႆႇ​ၼႃႈ​ၵဝ်​ႁိုဝ်။ ၵေႃႉ​ၼႆႉ​တၵ်း​လႆႈ​ၶဝ်ႈ​ၵႃႈ​ၼႂ်း​ႁေႃ​ၸဝ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="22">
				<verse number="1">ပိူဝ်ႈ​ၼႆ​လႄႈ တႃႇဝိတ်ႈ ​ဢွၵ်ႇ​သေ​ၵႃႈ​တီႈ​ၼၼ်ႈ​လႄႈ ၵၢင်း​လွတ်ႈ​တင်း​ၽေး​ယူႇ​သေ​လႄႈ ႁွတ်ႈ​ထိုင်​ၵႃႈ​တီႈ​ႁူး​ထမ်ႈ​ ဢတူႉလမ်ႇ ​ဢေႃႈ။ ပီႈ​ၸၢႆး​မၼ်း​တင်း​လၢႆ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​တင်း​သဵင်ႈ​တင်း​လူင် ငိၼ်း​လွင်ႈ​မၼ်း​သေ​ယဝ်ႉ၊ ဢွၼ်​ၵၼ်​လူင်း​ၸူး​တီႈ​မၼ်း ၵႃႈ​တီႈ​ၼၼ်ႈ​ဢေႃႈ။-</verse>
				<verse number="2">ၵႃႈ​ပဵၼ်​ၵေႃႉ​ဢၼ်​မီး​ဢမူႉ၊ ၵေႃႉ​ဢၼ်​ထုၵ်ႇ​ၼီႈ​ထုၵ်ႇ​ၶွတ်ႇ၊ ၵေႃႉ​ဢၼ်​ၶီ​ၸႂ်​ၶူမ်​ၸႂ်​ၸိူဝ်း​ၼၼ်ႉ ၵႂႃႇ​ၸူႉ​ၵၼ်​တုမ်​ၵၼ်​ၵႃႈ​တီႈ​မၼ်း​လႄႈ မၼ်း​လႆႈ​ဢုပ်ႉ​ၵႃႈ​ၼိူဝ်​ၶဝ်​ဢေႃႈ။ ၵူၼ်း​ဢၼ်​မီး​တီႈ​မၼ်း​ၼၼ်ႉ မီး​သေ​သီႇ​ပၢၵ်ႇ​ၼိုင်ႈ​ဢေႃႈ။-</verse>
				<verse number="3">တႃႇဝိတ်ႈ ​လုၵ်ႉ​သေ​ၵႃႈ​တီႈ​ၼၼ်ႈ​ၵႂႃႇ​ၵႃႈ​တီႈ​ဝဵင်း​ မီႉၸပႃႇ မိူင်း​ မေႃႇၽႃႉ ​သေ​လႄႈ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ မေႃႇၽႃႉ ​လႄႈ​ဝႃႈ၊ ၸူဝ်ႈ​ဢၼ်​ၵဝ်​ၶႃႈ​ဢမ်ႇ​ပႆႇ​ႁူႉ​လွင်ႈ​ဢၼ် ၽြႃး​ပဵၼ်​ၸဝ်ႈ​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၵဝ်​ၶႃႈ​ၼၼ်ႉ​ၸိုင်၊ ၶႅၼ်း​တေႃႈ​ပၼ်​ဢၶႂၢင်ႉ​ႁႂ်ႈ​ပေႃႈ​မႄႈ​ၵဝ်​ၶႃႈ​ၸိူဝ်း​ၼၼ်ႉ ဢွၵ်ႇ​မႃး​လႄႈ​လႆႈ​ယူႇ​ၵႃႈ​တီႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">ဢဝ်​ၶဝ်​သႂၢင်း​ၶဝ်ႈ​ၵႃႈ​တီႈ​ၶုၼ်​ႁေႃ​ၶမ်း​ မေႃႇၽႃႉ ​လႄႈ ၶဝ်​ၼၼ်ႉ လႆႈ​ယူႇ​ၵႃႈ​တီႈ​ၶုၼ်​ၼၼ်ႉ​ၸူဝ်ႈ​ဢၼ်​ တႃႇဝိတ်ႈ ​ယင်း​ယူႇ​ၵႃႈ​တီႈ​ႁူး​ထမ်ႈ ဢၼ်​မၼ်ႈ​ၶိူင်ႇ​ၼၼ်ႉ​ဢေႃႈ။-</verse>
				<verse number="5">လႆႈ​သမ်ႉ ပရေႃးၽႅတ်ႈ​ ၵၢတ်ႉ လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ယႃႇ​ပေ​ယူႇ​ၵႃႈ​တီႈ​ႁူး​ထမ်ႈ​ဢၼ်​မၼ်ႈ​ၶိူင်ႇ​ၼၼ်ႉ။ ဢွၵ်ႇ​လႄႈ​ၵႂႃႇ​ၵႃႈ​တီႈ မိူင်း​ ယူႉတႃႉ ​ပုၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊ တႃႇဝိတ်ႈ ​ၵႂႃႇ​လႄႈ​ႁွတ်ႈ​ထိုင်​ၵႃႈ​တီႈ​ထိူၼ်ႇ​ ႁႃႇရိတ်ႉ ​ဢေႃႈ။</verse>
				<verse number="6">မိူဝ်ႈ​ၼၼ်ႉ ၼႂ်း​မိူဝ်ႈ​ဢၼ်​ သေႃးလူႉ ​ယင်း​တိုၵ်ႉ​ယိပ်း​ၵမ်​ႁွၵ်ႇ​ယူႇ​သေ​လႄႈ ၼင်ႈ​ယူႇ​ၵႃႈ​တီႈ​ဝဵင်း​ ၵီႉပႃႉ ၵႃႈ​တႂ်ႈ​တူၼ်ႈ​မႆႉ​ဢၼ်​မီး​ၵႃႈ​ၼိူဝ်​ၵုင်း​လႄႈ ၶႃႈ​မၼ်း​ၵူၼ်း​မၼ်း​တင်း​သဵင်ႈ​တင်း​လူင် ၸုၵ်း​လွမ်ႉ​ႁွပ်ႈ​မၼ်း​ယူႇ​ၼၼ်ႉ​ၸိုင်၊ သေႃးလူႉ ​ၼၼ်ႉ ငိၼ်း​လွင်ႈ​ဢၼ်​ထူပ်း​ႁၼ်​ တႃႇဝိတ်ႈ ​ဢိၵ်ႇ​တင်း ၶဝ်​ၸိူဝ်း​ဢၼ် မီး​လူၺ်ႈ​ၵၼ်​တင်း​မၼ်း​ၼၼ်ႉ​လႄႈ၊-</verse>
				<verse number="7">သေႃးလူႉ ​လၢတ်ႈ​တီႈ​ၶႃႈ​မၼ်း​ၵူၼ်း​မၼ်း ဢၼ်​ၸုၵ်း​လွမ်ႉ​ႁွပ်ႈ​မၼ်း​ယူႇ​ၸိူဝ်း​ၼၼ်ႉ​လႄႈ​ဝႃႈ၊ ၵူၼ်း​မဵဝ်း​ ပိၼ်ႇယႃႇမိၼ်ႇ ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ လုၵ်ႈ​ၸၢႆး​ ယေႇသႄး ​ၼၼ်ႉ တၵ်း​ဢဝ်​တူင်ႈ​ႁႆႊ​တူင်ႈ​ၼႃး ဢိၵ်ႇ​တင်း​သူၼ်​ဢူးယဵၼ်ႇ​ၸပိတ်ႈ​တင်း​လၢႆ ၽႄ​မႅင်ႇ​ပၼ်​တီႈ​သူ​ၵႃႈ​မီး​ႁိုဝ်။ တၵ်း​ဢဝ်​သူ​ၵႃႈ​မီး​ၼႆႉ ၶၢၼ်း​ဝႆႉ​ၼႂ်း​ဢရႃႇ​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ယေႈ​ႁဵင်၊ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ယေႈ​ပၢၵ်ႇ​ႁိုဝ်။-</verse>
				<verse number="8">ၵွပ်ႈ​ပိူဝ်ႈ​ဢၼ်​မၼ်း​ႁဵတ်း​ၸိူဝ်ႉ​ၼင်ႇ​ၼၼ်​လႄႈ သူ​ၵႃႈ​မီး​ဢွၼ်​ၵၼ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​ၵဝ်​ႁိုဝ်။ ၼႂ်း​သူ​ၼႆႉ​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လဝ်ႊ​လၢတ်ႈ​လွင်ႈ​ဢၼ်​လုၵ်ႈ​ၸၢႆး​ၵဝ် ႁဵတ်း​မိၵ်ႉသႃႇႁႃယႃႉ​လူၺ်ႈ​ၵၼ်​တင်း​လုၵ်ႈ​ၸၢႆး​ ယေႇသႄး ​ၼၼ်ႉ။ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​မႆႈ​ၸႂ်​ၶီ​ၸႂ်​လူၺ်ႈ​ၵဝ်။ ၽူႈ​လႂ်​ယင်း​ဢမ်ႇ​မွၵ်ႇ​ဢမ်ႇ​လၢတ်ႈ​လွင်ႈ​ဢၼ်​လုၵ်ႈ​ၸၢႆး​ၵဝ် တိုၵ်း​ယူင်း​ၶႃႈ​ၵဝ်​ႁႂ်ႈ​မၼ်း​လႆႈ​ပႂ်ႉ​လွမ်​ပႂ်ႉ​တူၺ်း​ၵဝ် မိူၼ်​ၸိူဝ်ႉ​ၼင်ႇ​ဢၼ်​ႁဵတ်း​ယူႇ​ဝၼ်း​မိူဝ်ႈ​ၼႆႉ​ၼၼ်ႉ​လႄႈ​ယူႇ​လူင်​ပႄႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">တေႃႉၵႃႉ ၵူၼ်း​မဵဝ်း​ ဢေႇတုမ်ႇ ဢၼ်​ဢုပ်ႉ​ၵႃႈ​ၼိူဝ်​ၶႃႈ​ၵူၼ်း​ သေႃးလူႉ ​ၼၼ်ႉ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ႁၼ်​လုၵ်ႈ​ၸၢႆး ယေႇသႄး ​ၼၼ်ႉ ႁွတ်ႈ​ထိုင်​ၵႃႈ​တီႈ​ဝဵင်း​ ၼေႃႇပႃႉ ၸူး​ၵႃႈ​တီႈ​ ဢႁီႉမလႅၵ်ႉ လုၵ်ႈ​ၸၢႆး​ ဢႁီႉတုပ်ႉ ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="10">မၼ်း​ၼၼ်ႉ​တွင်ႈ​ထၢမ်​တီႈ​ထႃႇဝရႃႉ​ၽြႃး​ပုၼ်ႈ​မၼ်း​လႄႈ ဢဝ်​ၸရိပ်ႈ​တၢင်း​ၵိၼ် ဢိၵ်ႇ​တင်း​လၢပ်ႇ​ ၵေႃးလျတ်ႈ ​ၵူၼ်း​ ၽီႉလိတ်ႉတီႉ ​ၼၼ်ႉ ပၼ်​တီႈ​မၼ်း​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">ၶုၼ်​ႁေႃ​ၶမ်း​ပွႆႇ​ၸႂ်ႉ​ႁွင်ႉ​ဢဝ်​ယိတ်ႈပရေႃးႁဵၵ်ႈ​ ဢႁီႉမလႅၵ်ႉ လုၵ်ႈ​ၸၢႆး​ ဢႁီႉတုပ်ႉ ဢိၵ်ႇ​တင်း​ၵႃႈ​ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​မၼ်း ဢၼ်​ဝႃႈ​ယိတ်ႈပရေႃးႁဵၵ်ႈ​ဢၼ်​ယူႇ​ၵႃႈ​တီႈ​ဝဵင်း​ ၼေႃႇပႃႉ ​ၸိူဝ်း​ၼၼ်ႉ​လႄႈ ၶဝ်​ၵႃႈ​မီး​ၼၼ်ႉ ဢွၼ်​ၵၼ်​ႁွတ်ႈ​မႃး​တီႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="12">သေႃးလူႉ ​ၵေႃႈ​လၢတ်ႈ​လႄႈ​ဝႃႈ၊ လုၵ်ႈ​ၸၢႆး​ ဢႁီႉတုပ်ႉ ​ဢိူၺ်း၊ ထွမ်ႇ​ငိၼ်း​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​မီး​ယူႇ​ၶႃႈ​ဢေႃႈ​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">သေႃးလူႉ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢိၵ်ႇ​တင်း​လုၵ်ႈ​ၸၢႆး​ ယေႇသႄး ​ၼၼ်ႉ ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​ၵဝ် ၼႂ်း​လွင်ႈ​ဢၼ်​မႂ်း​ဢဝ်​ၶဝ်ႈ​မုၼ်း​တင်း​လၢပ်ႇ​ပၼ်​တီႈ​မၼ်း​လႄႈ တွင်ႈ​ထၢမ်​တီႈ​ၽြႃး​ပဵၼ်​ၸဝ်ႈ​ပုၼ်ႈ​မၼ်း ႁႂ်ႈ​မၼ်း​လႆႈ​လုၵ်ႉ​ယူႇ​ၽၢႆႇ​ၼိုင်ႈ​တင်း​ၵဝ်​သေ​လႄႈ လွမ်​ၵျၢမ်ႇ​ၵဝ်​ယူႇ​ၵႃႈ​ၼင်ႇ​ဢၼ်​မၼ်း​ႁဵတ်း​ယူႇ​ဝၼ်း​မိူဝ်ႈ​ၼႆႉ​ၼၼ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">ဢႁီႉမလႅၵ်ႉ ​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၼႂ်း​ၶႃႈ​ၼႂ်း​ၵူၼ်း​ၸဝ်ႈ​ႁဝ်း​ၵႃႈ​မီး​ၽူႈ​လႂ်​တၵ်း​မီး​သဵတ်ႈ​ၸႃႇ မိူၼ်​ၸိူဝ်ႉ​ၼင်ႇ တႃႇဝိတ်ႈ ဢၼ်​ပဵၼ်​လုၵ်ႈ​ၶူၺ်​ၸဝ်ႈ ဢၼ်​ပဵၼ်​ၵေႃႉ​ဢၼ်​လႆႈ​ၶဝ်ႈ​လႆႈ​ဢွၵ်ႇ​တီႈ​ၸဝ်ႈ​ၵမ်ႈ​ၸႂ်​လႄႈ မီး​သရေႇ​ၵႃႈ​တီႈ​ႁေႃ​ၸဝ်ႈ​ၼၼ်ႉ​တီႈ​ၶႃႈ၊-</verse>
				<verse number="15">ၵဝ်​ၶႃႈ​ၸႃႉ​ႁဵတ်း​တၢင်း​ဢၼ်​တွင်ႈ​ထၢမ်​တီႈ​ၽြႃး​ပဵၼ်​ၸဝ်ႈ​ပုၼ်ႈ​မၼ်း ၼႂ်း​ဝၼ်း​ၼၼ်ႉ​တီႈ​ၶႃႈ​ႁိုဝ်။ ႁႂ်ႈ​ဢမူႉ​ၼၼ်ႉ ၵႆ​ၵၼ်​တင်း​ၵဝ်​ၶႃႈ​သေ​ၵမ်း​လူၺ်ႈ။ ယႃႇ​ပေ​ႁႂ်ႈ​ၶုၼ်​ႁေႃ​ၶမ်း​တၢင်ႇ​ဢပႅတ်ႈ​တီႈ​ၶႃႈ​ၸဝ်ႈ​ၼႆႉ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ဢမ်ႇ​ႁူႉ​ဢၼ်​လဵၵ်ႉ​ဢၼ်​ယႂ်ႇ​လူၺ်ႈ​လွင်ႈ​ဢမူႉ​ၼႆႉ​လႃး​လႃး​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၶုၼ်​ႁေႃ​ၶမ်း​လၢတ်ႈ​လႄႈ​ဝႃႈ၊ ဢႁီႉမလႅၵ်ႉ ​ဢိူၺ်း၊ မႂ်း​ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​မႂ်း​ၵႃႈ​မီး တၵ်း​လႆႈ​ၶၢမ်ႇ​တၢႆ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="17">မီး​ဢမိင်ႉ​တီႈ​ၵူၼ်း​သိုၵ်း​ပႆ​တိၼ်​ဢၼ်​လွမ်ႉ​လဵပ်ႈ​ႁွပ်ႈ​ယူႇ​ၸိူဝ်း​ၼၼ်ႉ​လႄႈ​ဝႃႈ၊ ဢွၼ်​ၵၼ်​ဝၢႆႇ​ၶိုၼ်း​လႄႈ​ဢဝ်​ယိတ်ႈပရေႃးႁဵၵ်ႈ​ထႃႇဝရႃႉ​ၽြႃး​ၸိူဝ်း​ၼႆႉ​တၢႆ ၵွပ်ႈ​ပိူဝ်ႈ​ဢၼ်​ၶဝ်​ယူႇ​ၽၢႆႇ​ တႃႇဝိတ်ႈ ​လႄႈ ပိၵ်ႉ​သမ်ႉ​ႁူႉ​လွင်ႈ​ဢၼ်​မၼ်း​ဢွၵ်ႇ​ပၢႆႈ​ၼၼ်ႉ​ယူႇ​သေ​ၵေႃႈ ဢမ်ႇ​မွၵ်ႇ​ဢမ်ႇ​လၢတ်ႈ​တီႈ​ၵဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ၵေႃႈ၊ ၶႃႈ​ၵူၼ်း​ၶုၼ်​ႁေႃ​ၶမ်း​ၸိူဝ်း​ၼၼ်ႉ ယင်း​ဢမ်ႇ​ၶႂ်ႈ​ယိုၼ်ႈ​မိုဝ်း​ၶဝ်​သေ​လႄႈ ယႃႉ​ပႅတ်ႈ ယိတ်ႈပရေႃးႁဵၵ်ႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​လႄႈ​ယူႇ​ဢေႃႈ။-</verse>
				<verse number="18">လႆႈ​သမ်ႉ ၶုၼ်​ႁေႃ​ၶမ်း​မီး​ဢမိင်ႉ​တီႈ​ တေႃႉၵႃႉ ​လႄႈ​ဝႃႈ၊ မႂ်း​ဝၢႆႇ​ၶိုၼ်း​လႄႈ​ယႃႉ​ပႅတ်ႈ​ယိတ်ႈပရေႃးႁဵၵ်ႈ​ၸိူဝ်း​ၼႆႉ​တႃႉ၊ ဝႃႈ​ၼင်ႇ​ၼႆ​လႄႈ၊ တေႃႉၵႃႉ ၵူၼ်း​မဵဝ်း​ ဢေႇတုမ်ႇ ​ၼၼ်ႉ ဝၢႆႇ​ၶိုၼ်း​လႄႈ​ယႃႉ​ပႅတ်ႈ​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​လႄႈ ဢဝ်​ပႅတ်ႈ​သိပ်း​ပၢႆ​ႁႃႈ​ပႃး ဢၼ်​ၼုင်ႈ​သိူဝ်ႈ​သုပ်း​ပိၵ်ႈ​ၼၼ်ႉ​တၢႆ​ၼႂ်း​ဝၼ်း​ၼၼ်ႉ​ဢေႃႈ။-</verse>
				<verse number="19">ဝဵင်း​ ၼေႃႇပႃႉ ဢၼ်​ယိတ်ႈပရေႃးႁဵၵ်ႈ​ပိူင်ႇ​ၼၼ်ႉ​ၵေႃႈ မၼ်း​တိုၵ်း​တေႃး​ယႃႉ​ၽဵဝ်ႈ ၸႃႉ​ၸဵမ်​ၵူၼ်း​ၸၢႆး၊ ၵူၼ်း​ယိင်း၊ လုၵ်ႈ​ဢွၼ်ႇ​ႁၢႆး၊ လုၵ်ႈ​ဢွၼ်ႇ​ဢၼ်​ၵိၼ်​ၼူမ်း​လႄႈ ဝူဝ်း၊ လီႈ၊ သူဝ်း​တင်း​လၢႆ​ပႅတ်ႈ​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​ဢေႃႈ။-</verse>
				<verse number="20">ၼႂ်း​လုၵ်ႈ​ၸၢႆး​ ဢႁီႉမလႅၵ်ႉ ဢၼ်​ပဵၼ်​လုၵ်ႈ​ၸၢႆး​ ဢႁီႉတုပ်ႉ ​ၼၼ်ႉ​ၸိူဝ်း​ၼၼ်ႉ​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ​ ဢႃႇပျႃႇထႃႇ ​ၼၼ်ႉ လွတ်ႈ​လႄႈ​ပၢႆႈ​ၵႂႃႇ​ၸူး ၵႃႈ​တီႈ​ဢၼ်​ တႃႇဝိတ်ႈ ​မီး​ၼၼ်ႉ​ဢေႃႈ။-</verse>
				<verse number="21">ဢႃႇပျႃႇထႃႇ ​ၼၼ်ႉ​မွၵ်ႇ​လၢတ်ႈ​လွင်ႈ​ဢၼ်​ သေႃးလူႉ ​ဢဝ်​ယိတ်ႈပရေႃးႁဵၵ်ႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​တၢႆ​ၼၼ်ႉ​တီႈ​ တႃႇဝိတ်ႈ သေ​ယဝ်ႉ၊-</verse>
				<verse number="22">တႃႇဝိတ်ႈ ​လၢတ်ႈ​တီႈ​ ဢႃႇပျႃႇထႃႇ ​ၼၼ်ႉ​လႄႈ​ဝႃႈ၊ ၵဝ်​ႁူႉ​သၢႆ​ငၢႆ​လွင်ႈ​ဢၼ်​ တေႃႉၵႃႉ ၵူၼ်း​မဵဝ်း​ ဢေႇတုမ်ႇ ​ၼၼ်ႉ တၵ်း​မွၵ်ႇ​လၢတ်ႈ​တီႈ​ သေႃးလူႉ ​ၼၼ်ႉ​ယူႇ ၼႂ်း​မိုဝ်ႉ​ဝၼ်း​ဢၼ်​ၵဝ်​ထူပ်း​ႁၼ်​မၼ်း ၵႃႈ​တီႈ​ၼၼ်ႈ​ၵမ်း​လဵဝ်​ဢေႃႈ။ ၵဝ်​လႆႈ​ပဵၼ်​လွင်ႈ​ဢၼ်​ႁႂ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​မႂ်း​ၵႃႈ​မီး​ၼၼ်ႉ လႆႈ​တၢႆ​ယဝ်ႉ​လူင်​ပႄႇ။-</verse>
				<verse number="23">ယူႇ​လူၺ်ႈ​ၵၼ်​တင်း​ၵဝ်​တႃႉ။ ယႃႇ​ပေ​မႆႈ​ၸႂ်။ ၵေႃႉ​ဢၼ်​ႁႃ​ဢသၢၵ်ႈ​ၵဝ်​ၼၼ်ႉ​ႁႃ​ဢသၢၵ်ႈ​မႂ်း​ဢေႃႈ။ ပေႃး​ယူႇ​လူၺ်ႈ​ၵၼ်​တင်း​ၵဝ်​ၸိုင်၊ တၵ်း​ၵၢင်း​လွတ်ႈ​တင်း​ၽေး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="23">
				<verse number="1">လႆႈ​သမ်ႉ ပိူၼ်ႈ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ တူၺ်း​လူး၊ ၵူၼ်း​ ၽီႉလိတ်ႉတီႉ ​တိုၵ်း​တေႃး​ဝဵင်း​ ၵီႉလႃႉ ​လႄႈ ႁိမ်​ႁူင်ႇ​ဢဝ်​တလၢင်း​ယဵပ်ႇ​ၶဝ်ႈ​တင်း​လၢႆ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="2">တႃႇဝိတ်ႈ ​လဝ်ႊ​ထၢမ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၶႃႈ​ၸဝ်ႈ​တၵ်း​လႆႈ​ၵႂႃႇ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​လႄႈ၊ ထႃႇဝရႃႉ​ၽြႃး​မီး​ဢမိင်ႉ​တီႈ​ တႃႇဝိတ်ႈ ​လႄႈ​ဝႃႈ၊ ၵႂႃႇ​လႄႈ​တိုၵ်း​တေႃး​ယႃႉ​ပႅတ်ႈ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​သေ​လႄႈ ၵႄႇ​သႄႇ​ၶျွတ်ႈ​ဢဝ်​ဝဵင်း​ ၵီႉလႃႉ ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵူၼ်း​ တႃႇဝိတ်ႈ ​ၸိူဝ်း​ၼၼ်ႉ​ၵေႃႈ လၢတ်ႈ​တီႈ​မၼ်း​လႄႈ​ဝႃႈ၊ ႁဝ်း​ၼႆႉ​တေႃႈ​ၵႃႈ​ၵႃႈ​တီႈ​မိူင်း​ ယူႉတႃႉ ​ၼႆႉ​ယင်း​ၵူဝ်​ႁႄ​ယူႇ​ဢေႃႈ။ လိူဝ်​သေ​ၼၼ်ႉ​ဢမ်ႇ​ၵႃး၊ မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​ဝဵင်း​ ၵီႉလႃႉ ​လႄႈ ၶဵင်ႇ​တိုၵ်း​ၵၼ်​တင်း​ပူဝ်ႇ​ပႃႇ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊ ယဵင်ႈ​ၶႅၼ်း​တၵ်း​မီး​တီႈ​ဢၼ်​လီ​ၵူဝ်​လီ​ႁႄ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">လႆႈ​သမ်ႉ တႃႇဝိတ်ႈ ​လဝ်ႊ​ထၢမ်​တီႈ​ထႃႇဝရႃႉ​ၽြႃး​ထႅင်ႈ​လႄႈ၊ ထႃႇဝရႃႉ​ၽြႃး​ၶိုၼ်း​လၢတ်ႈ​လႄႈ​ဝႃႈ၊ လုၵ်ႉ​လႄႈ​လူင်း​ၵႂႃႇ​ၵႃႈ​တီႈ​ဝဵင်း​ ၵီႉလႃႉ တႃႉ။ ၵဝ်​တၵ်း​ဢဝ်​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="5">တႃႇဝိတ်ႈ ​ဢိၵ်ႇ​တင်း​ၵူၼ်း​မၼ်း​တင်း​လၢႆ လူင်း​ၵႂႃႇ​ၵႃႈ​တီႈ​ဝဵင်း​ ၵီႉလႃႉ ​လႄႈ တိုၵ်း​ၵၼ်​တင်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​သေ​ယဝ်ႉ၊ သိမ်း​ဢဝ်​တရိၵ်ႈသၢၼ်ႇ​ၶဝ်​လႄႈ ႁဵတ်း​တၢင်း​ဢၼ်​ၶႃႈ​ၽၼ်း​ဢဝ်​ၶဝ်​တၢႆ ဢၼ်​ယႂ်ႇ​ၼႃႇ​လူင်​လၢင်​ဢဝ်​ၶဝ်​တၢႆ​ဢေႃႈ။ ၼင်ႇ​ၼၼ်​လႄႈ တႃႇဝိတ်ႈ ​ၵႄႇ​သႄႇ​ၶျွတ်ႈ​ဢဝ်​ဝဵင်း​ ၵီႉလႃႉ ​ၼၼ်ႉ​ဢေႃႈ။-</verse>
				<verse number="6">မိူဝ်ႈ​ဢၼ်​ ဢႃႇပျႃႇထႃႇ လုၵ်ႈ​ၸၢႆး​ ဢႁီႉမလႅၵ်ႉ ​ၼၼ်ႉ ဢွၵ်ႇ​ပၢႆႈ​မႃး​ၸူး​ၵႃႈ​တီႈ​ တႃႇဝိတ်ႈ ၵႃႈ​တီႈ​ဝဵင်း​ ၵီႉလႃႉ ​ၼၼ်ႉ​ၸိုင်၊ မၼ်း​ပႃး​ဢဝ်​သိူဝ်ႈ​သုပ်း​ၸဝ်ႈ​သေ​လႄႈ​လူင်း​မႃး​ဢေႃႈ။-</verse>
				<verse number="7">ပိူၼ်ႈ​လဝ်ႊ​လၢတ်ႈ​လွင်ႈ​ဢၼ်​ တႃႇဝိတ်ႈ ႁွတ်ႈ​မႃး​ၵႃႈ​တီႈ​ဝဵင်း​ ၵီႉလႃႉ ​ၼၼ်ႉ တီႈ​ သေႃးလူႉ ​သေ​ယဝ်ႉ သေႃးလူႉ ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ဢဝ်​မၼ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵဝ်​ယဝ်ႉ။ မၼ်း​ၶဝ်ႈ​ၵႃႈ​ၼႂ်း​ဝဵင်း​ဢၼ်​မီး​ၽၵ်း​တူ ဢိၵ်ႇ​တင်း​ၵိူၼ်ႇ​ၽၵ်း​တူ​ၼၼ်ႉ​သေ​လႄႈ ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="8">သေႃးလူႉ ​ႁွင်ႉ​ဢဝ်​ၵူၼ်း​မၼ်း​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​ႁႂ်ႈ​လႆႈ​ၶီႇ​သိုၵ်း​လူင်း​ၸူး​ၵႃႈ​တီႈ​ဝဵင်း​ ၵီႉလႃႉ ​လႄႈ လွမ်ႉ​ႁွပ်ႈ​ တႃႇဝိတ်ႈ ဢိၵ်ႇ​တင်း​ၵူၼ်း​မၼ်း​တင်း​လၢႆ​ဢေႃႈ။-</verse>
				<verse number="9">တႃႇဝိတ်ႈ ​ႁူႉ​ႁၼ်​လွင်ႈ​ဢၼ်​ သေႃးလူႉ ၵျူဝ်း​ၸႃး​ႁဵတ်း​တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​တီႈ​မၼ်း​ၼၼ်ႉ​လႄႈ လၢတ်ႈ​တီႈ​ယိတ်ႈပရေႃးႁဵၵ်ႈ​ ဢႃႇပျႃႇထႃႇ ​လႄႈ​ဝႃႈ၊ ဢဝ်​သိူဝ်ႈ​သုပ်း​ၸဝ်ႈ​မႃး​ၵႃႈ​တီႈ​ၼႆႈ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ၼၼ်ႉ တႃႇဝိတ်ႈ ​လဝ်ႊ​ထၢမ်​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ၊ ၶႃႈ​ၸဝ်ႈ​ႁဝ်း​လႆႈ​ငိၼ်း​လွင်ႈ​ဢၼ် သေႃးလူႉ မီး​တၢင်း​ၵျၢမ်ႇ​တၢင်း​ပွင်​တၵ်း​မႃး​ၵႃႈ​တီႈ​ဝဵင်း​ ၵီႉလႃႉ ​ၼႆႉ​လႄႈ ယႃႉ​ပႅတ်ႈ​ဝဵင်း​ၵွပ်ႈ​ပိူဝ်ႈ​ၶႃႈ​ၸဝ်ႈ​ႁဝ်း​ၼၼ်ႉ ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။-</verse>
				<verse number="11">ၵူၼ်း​ဝဵင်း​ ၵီႉလႃႉ ​ၸိူဝ်း​ၼႆႉ တၵ်း​ဢဝ်​ၶႃႈ​ၸဝ်ႈ​ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း​တီႈ​ၶႃႈ​ႁိုဝ်။ သေႃးလူႉ ​တၵ်း​မႃး​မႅၼ်ႈ​ၸွမ်း​ၵႃႈ​ၼင်ႇ​ဢၼ်​ၶႃႈ​ၸဝ်ႈ​ႁဝ်း​ငိၼ်း​ၼၼ်ႉ​တီႈ​ၶႃႈ​ႁိုဝ်။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ ၶႃႈ​ၸဝ်ႈ​ႁဝ်း​တွင်း​ပၢၼ်ႇ​ႁႂ်ႈ​ၸဝ်ႈ​ႁဝ်း​မီး​ဢမိင်ႉ​တီႈ​ၶႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ သေႃးလူႉ ​တၵ်း​လူင်း​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">လႆႈ​သမ်ႉ တႃႇဝိတ်ႈ ​လဝ်ႊ​ထၢမ်​လႄႈ​ဝႃႈ၊ ၵူၼ်း​ဝဵင်း​ ၵီႉလႃႉ ​ၸိူဝ်း​ၼႆႉ တၵ်း​ဢဝ်​ၶႃႈ​ၸဝ်ႈ​ႁဝ်း ဢိၵ်ႇ​တင်း​ၵူၼ်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ သေႃးလူႉ ​ၶႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၶဝ်​ၼၼ်ႉ​တၵ်း​ဢဝ်​မႂ်း​ဢၢပ်ႈ​ပၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မိူဝ်ႈ​ၼၼ်ႉ တႃႇဝိတ်ႈ ​လုၵ်ႉ​ဢိၵ်ႇ​လူၺ်ႈ​ၵၼ်​တင်း​ၵူၼ်း​မၼ်း​ဢၼ်​မီး​သေ​ႁူၵ်း​ပၢၵ်ႇ​ၼိုင်ႈ​ၸိူဝ်း​ၼၼ်ႉ​လႄႈ ဢွၵ်ႇ​သေ​ၵႃႈ​ၼႂ်း​ဝဵင်း​ ၵီႉလႃႉ သေ​ယဝ်ႉ၊ ၵႂႃႇ​ၵႃႈ​တီႈ​ဢၼ်​ၶဝ်​ၵႂႃႇ​လႆႈ ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။ ပိူၼ်ႈ​လဝ်ႊ​လၢတ်ႈ​လွင်ႈ​ဢၼ်​ တႃႇဝိတ်ႈ ဢွၵ်ႇ​သေ​ၵႃႈ​ၼႂ်း​ဝဵင်း​ ၵီႉလႃႉ ​လႄႈ လွတ်ႈ​ၵႂႃႇ​ၼၼ်ႉ တီႈ​ သေႃးလူႉ ​လႄႈ၊ မၼ်း​ၼၼ်ႉ​ယင်း​ဢမ်ႇ​ၵႂႃႇ​လႄႈ​ယူႇ​ဢေႃႈ။</verse>
				<verse number="14">တႃႇဝိတ်ႈ ​ၼၼ်ႉ​ယူႇ​ၵႃႈ​ၼႂ်း​ထိူၼ်ႇ​ၵႃႈ​တီႈ​ဢၼ်​မၼ်ႈ​ဢၼ်​ၶိူင်ႇ​ၸိူဝ်း​ၼၼ်ႉ​လႄႈ ၵိုတ်း​သဝ်း​ယူႇ​ၵႃႈ​တီႈ​ၵႄႈ​ႁူၺ်ႈ​ၵႃႈ​ၼိူဝ်​လွႆ ၵႃႈ​ၼႂ်း​ထိူၼ်ႇ​ ၸီႉၽႃႉ ​လႄႈ ပိၵ်ႉ​သမ်ႉ​ သေႃးလူႉ ​ႁႃ​မၼ်း​ယူႇ​ၵူႈ​ဝၼ်း​သေ​ၵေႃႈ ၽြႃး​ပဵၼ်​ၸဝ်ႈ​ဢမ်ႇ​ဢဝ်​မၼ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း​ၼၼ်ႉ။-</verse>
				<verse number="15">မိူဝ်ႈ​ၼၼ်ႉ​ တႃႇဝိတ်ႈ ​ႁူႉ​ႁၼ်​လွင်ႈ​ဢၼ်​ သေႃးလူႉ ဢွၵ်ႇ​မႃး​ႁႂ်ႈ​လႆႈ​ႁႃ​ဢဝ်​ဢသၢၵ်ႈ​မၼ်း​တၢႆ​ၼၼ်ႉ​လႄႈ၊ ၼႂ်း​မိူဝ်ႈ​ဢၼ်​ တႃႇဝိတ်ႈ ယင်း​တိုၵ်ႉ​မီး​ယူႇ​ၵႃႈ​တီႈ​ထိူၼ်ႇ​ ၸီႉၽႃႉ ၵႃႈ​ၼႂ်း​ပႃႇ​မႆႉ​ပႃႇ​တွၵ်ႇ​ၼၼ်ႉ​ၸိုင်၊-</verse>
				<verse number="16">ယေႃးၼသၼ်ႇ ​လုၵ်ႈ​ၸၢႆး​ သေႃးလူႉ ​ၼၼ်ႉ လုၵ်ႉ​လႄႈ​ၵႂႃႇ​ၸူး​ၵႃႈ​တီႈ​ တႃႇဝိတ်ႈ ​ၵႃႈ​ၼႂ်း​ပႃႇ​မႆႉ​ပႃႇ​တွၵ်ႇ​ၼၼ်ႉ​သေ​လႄႈ၊ ၵမ်ႉ​ထွၵ်ႈ​ႁႂ်ႈ​မၼ်း​သွၼ်ႈ​ပိုင်ႈ​ၽြႃး​ပဵၼ်​ၸဝ်ႈ​ၼႃႇ​ၼႃႇ​လႄႈ၊-</verse>
				<verse number="17">လၢတ်ႈ​တီႈ​မၼ်း​လႄႈ​ဝႃႈ၊ ယႃႇ​ပေ​မႆႈ​ၸႂ်။ မႂ်း​တၵ်း​ၵၢင်း​လွတ်ႈ​သေ​ၵႃႈ​ၼႂ်း​မိုဝ်း​ၸဝ်ႈ​ပေႃႈ​ၵဝ်​ၶႃႈ​ သေႃးလူႉ ​လႄႈ ပဵၼ်​ၶုၼ်​ႁေႃ​ၶမ်း ဢီႉသရေႇလႃႉ ​ဢေႃႈ။ တႂ်ႈ​မႂ်း​တၵ်း​မီး​ၵဝ်​ၶႃႈ​ၵူၺ်း​ဢၼ်​ဢရႃႇ​ယႂ်ႇ​ၼႃႇ​ဢေႃႈ။ လွင်ႈ​ဢၼ်​တၵ်း​ပဵၼ်​ၸိူဝ်ႉ​ၼင်ႇ​ၼၼ်​ၼၼ်ႉ​ၵေႃႈ ၸဝ်ႈ​ပေႃႈ​ၵဝ်​ၶႃႈ​ သေႃးလူႉ ​ၼၼ်ႉ​ႁူႉ​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="18">သွင်​ၶႃ​ႁဵတ်း​ပတီႉၺိၺ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​ယဝ်ႉ၊ တႃႇဝိတ်ႈ ​ယူႇ​ၵႃႈ​ၼႂ်း​ပႃႇ​မႆႉ​ပႃႇ​တွၵ်ႇ​လႄႈ ယေႃးၼသၼ်ႇ ​ၶိုၼ်း​မိူဝ်း​ၵႂႃႇ ၵႃႈ​တီႈ​ႁိူၼ်း​မၼ်း​သေ​ဢေႃႈ။-</verse>
				<verse number="19">လႆႈ​သမ်ႉ ၵူၼ်း​ ၸီႉၽႃႉ ​တင်း​လၢႆ ဢွၼ်​ၵၼ်​ၶိုၼ်ႈ​ၸူး​ၵႃႈ​တီႈ​ သေႃးလူႉ ၵႃႈ​တီႈ​ဝဵင်း​ ၵီႉပႃႉ ​ၼၼ်ႉ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ တႃႇဝိတ်ႈ ​ၼၼ်ႉ တဵတ်ႇ​မႅပ်ႉ​ယူႇ​ၵႃႈ​ၼႂ်း​ၶႃႈ​ၸဝ်ႈ​ႁဝ်း​ၶဝ် ၵႃႈ​ၼႂ်း​တီႈ​ဢၼ်​မၼ်ႈ​ဢၼ်​ၶိူင်ႇ​ၵႃႈ​တီႈ​ပႃႇ​မႆႉ​ပႃႇ​တွၵ်ႇ ၵႃႈ​ၼိူဝ်​လွႆ​ ႁၶီႉလႃႉ ဢၼ်​မီး​ၵႃႈ​တီႈ​ၽၢႆႇ​တၢင်း​ၸၢၼ်း​ ယေႇသီႉမုၼ်ႇ ​ၼၼ်ႉ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="20">ပိူဝ်ႈ​ၼႆ​လႄႈ ၸဝ်ႈ​ၶုၼ်​လူင်​တီႈ​ၶႃႈ၊ ၶႅၼ်း​တေႃႈ​လူင်း​ၵႂႃႇ ၵႃႈ​ၼင်ႇ​ဢၼ်​ၸဝ်ႈ​ႁဝ်း​ၶႂ်ႈ​လူင်း​ၵႂႃႇ​ၼၼ်ႉ​သေ​ၵမ်း​တီႈ​ၶႃႈ၊ လွင်ႈ​တၢင်း​ဢၼ်​ဢဝ်​ၵေႃႉ​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၸဝ်ႈ​ႁဝ်း​ၼၼ်ႉ ပဵၼ်​ပုၼ်ႈ​ပဵၼ်​တႃႇ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="21">သေႃးလူႉ ​လၢတ်ႈ​လႄႈ​ဝႃႈ၊ ႁႂ်ႈ​သူ​ၼႆႉ​ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​လီ​မင်ႇၵလႃႇ​တီႈ​ထႃႇဝရႃႉ​ၽြႃး​သေ​ၵမ်း​လူၺ်ႈ။ သူ​ၼႆႉ​ဢဵတ်း​လူ​ၵဝ်​ယဝ်ႉ။-</verse>
				<verse number="22">မိူဝ်ႈ​လဵဝ်​ၼႆႉ သူ​ၵႂႃႇ​လႄႈ​ႁဵတ်း​ႁႂ်ႈ​ယဵင်ႈ​ၶႅၼ်း​သေႇ​ၶျႃႇ​လီ​ငၢမ်း​လႄႈ ႁူႉ​ႁၼ်​တီႈ​ဢၼ်​မၼ်း​တဵတ်ႇ​မႅပ်ႉ​ယူႇ​ၼၼ်ႉ ဢိၵ်ႇ​တင်း​လွင်ႈ​ဢၼ်​ၽူႈ​လႂ်​ႁၼ်​မၼ်း​ယဝ်ႉ​ၼၼ်ႉ​ဝႆႉ​ထႃႈ​တႃႉ။ ပိူၼ်ႈ​လဝ်ႊ​လၢတ်ႈ​လွင်ႈ​ဢၼ်​မၼ်း​ႁဵတ်း​လၵ်း​ႁဵတ်း​လႅမ်​ၼႃႇ​လူင်​လၢင်​ၼၼ်ႉ​တီႈ​ၵဝ်​ယဝ်ႉ။-</verse>
				<verse number="23">ပိူဝ်ႈ​ဢၼ်​ပဵၼ်​ၼင်ႇ​ၼၼ်​လႄႈ လူ​တူၺ်း​မၢတ်ႈ​တွင်း​တီႈ​ဢၼ်​မၼ်း​တဵတ်ႇ​မႅပ်ႉ​သွၼ်ႈ​ပိုင်ႈ​ယူႇ ၵူႈ​တီႈ​ၵူႈ​လႅၼ်​ၼၼ်ႉ​သေ​ယဝ်ႉ၊ ဢဝ်​တၢင်း​ဢၼ်​သေႇ​ၶျႃႇ​လီ​ငၢမ်း​ၼၼ်ႉ ၶိုၼ်း​မႃး​ၸူး​ၵႃႈ​တီႈ​ၵဝ်​တႃႉ။ ၵဝ်​တၵ်း​ၸွမ်း​လူၺ်ႈ​ၵၼ်​တင်း​သူ​ၵႂႃႇ​ဢေႃႈ။ ပေႃး​မၼ်း​မီး​ၵႃႈ​တီႈ​မိူင်း​ၼၼ်ႉ​ၸိုင်၊ ၵဝ်​တၵ်း​ႁႃ​ဢဝ်​မၼ်း​ဢွၵ်ႇ​ၵႃႈ​ၼႂ်း​ၵူၼ်း​ ယူႉတႃႉ ပဵၼ်​ႁဵင်​ပဵၼ်​မိုၼ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="24">ၶဝ်​ၼၼ်ႉ​လုၵ်ႉ​လႄႈ​ၵႂႃႇ​ၵႃႈ​တီႈ​ထိူၼ်ႇ​ ၸီႉၽႃႉ ဢွၼ်​တၢင်း​ သေႃးလူႉ ​ဢေႃႈ။ တႃႇဝိတ်ႈ ​ဢိၵ်ႇ​တင်း​ၵူၼ်း​မၼ်း​တင်း​လၢႆ​ၼၼ်ႉ မီး​ယူႇ​ၵႃႈ​ၼႂ်း​ထိူၼ်ႇ​ မေႃးၼႃႉ ၵႃႈ​တီႈ​ပၢင်ႇ​ပဵင်း​ ဢႃႇရၽႃႉ ၽၢႆႇ​တၢင်း​ၸၢၼ်း​ ယေႇသီႉမုၼ်ႇ ​ၼၼ်ႉ​ဢေႃႈ။-</verse>
				<verse number="25">မိူဝ်ႈ​ၼၼ်ႉ သေႃးလူႉ ဢိၵ်ႇ​တင်း​ၵူၼ်း​မၼ်း​တင်း​လၢႆ​ၵႂႃႇ ႁႂ်ႈ​လႆႈ​ႁႃ​ တႃႇဝိတ်ႈ ​လႄႈ ပိူၼ်ႈ​လၢတ်ႈ​လွင်ႈ​ၼၼ်ႉ​တီႈ​မၼ်း​ဢေႃႈ။ ပိူဝ်ႈ​ၼႆ​လႄႈ မၼ်း​လုၵ်ႉ​သေ​ၵႃႈ​ၼိူဝ်​လွႆ​ႁိၼ်​လွႆ​ၽႃ လူင်း​မႃး​လႄႈ​ယူႇ​ၵႃႈ​ၼႂ်း​ထိူၼ်ႇ​ မေႃးၼႃႉ သေ​ဢေႃႈ။ သေႃးလူႉ ​ငိၼ်း​လွင်ႈ​တၢင်း​ၼၼ်ႉ​သေ​ယဝ်ႉ၊ ၸွမ်း​ႁႃ​ တႃႇဝိတ်ႈ ​ၵႃႈ​ၼႂ်း​ထိူၼ်ႇ​ မေႃးၼႃႉ ​ဢေႃႈ။-</verse>
				<verse number="26">သေႃးလူႉ ၵႂႃႇ​ၽၢႆႇ​ၼိုင်ႈ​လွႆ​လႄႈ တႃႇဝိတ်ႈ ​ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ ၵႂႃႇ​ၽၢႆႇ​ၼိုင်ႈ​လွႆ​လႄႈ တႃႇဝိတ်ႈ ၵျူဝ်း​ၸႃး​ႁႂ်ႈ​လွတ်ႈ​ၵႂႃႇ ၵွပ်ႈ​ပိူဝ်ႈ​ဢၼ်​ၵူဝ်​ႁႄ​ သေႃးလူႉ ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ သေႃးလူႉ ​ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ လွမ်ႉ​ႁွပ်ႈ​ တႃႇဝိတ်ႈ ဢိၵ်ႇ​တင်း​ၵူၼ်း​မၼ်း​တင်း​လၢႆ​ဝႆႉ​လႄႈ ၸမ်​တၵ်း​တီႉ​လႆႈ​ၶဝ်​ယဝ်ႉ။-</verse>
				<verse number="27">မိူဝ်ႈ​ၼၼ်ႉ တမၢၼ်ႇ​ၵေႃႉ​ၼိုင်ႈ ႁွတ်ႈ​မႃး​တီႈ​ သေႃးလူႉ ​လႄႈ လဝ်ႊ​လၢတ်ႈ​လႄႈ​ဝႃႈ၊ မႃး​ၶၼ်​ၶၼ်​ၽႂ်း​ၽႂ်း​သေ​ၵမ်း​တီႈ​ၶႃႈ၊ ၵူၼ်း​ ၽီႉလိတ်ႉတီႉ မႃး​တိုၵ်း​မိူင်း​ၸဝ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="28">သေႃးလူႉ ​ၼၼ်ႉ​လုၵ်ႉ​သေ​ၵႃႈ​တီႈ​ဢၼ်​ၸွမ်း​ႁႃ​ တႃႇဝိတ်ႈ ​ၼၼ်ႉ ၶိုၼ်း​မိူဝ်း​လႄႈ ၶီႇ​သိုၵ်း​ၸူး​ၵႃႈ​တီႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၶဝ်​ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႈ သေးလႃႇႁမ်ႇမလေႇၵုတ်ႉ ​ဢေႃႈ။-</verse>
				<verse number="29">တႃႇဝိတ်ႈ ​လုၵ်ႉ​သေ​ၵႃႈ​တီႈ​ၼၼ်ႈ​ၵႂႃႇ​လႄႈ ယူႇ​ၵႃႈ​ၼႂ်း​တီႈ​ဢၼ်​မၼ်ႈ​ၶိူင်ႇ​တင်း​လၢႆ​ၼႂ်း​လိၼ် ဢႅၼ်ႇၵေးတီႉ ​ဢေႃႈ။</verse>
			</chapter>
			<chapter number="24">
				<verse number="1">သေႃးလူႉ ​ၼၼ်ႉ လုၵ်ႉ​သေ​ၵႃႈ​တီႈ​ဢၼ်​တိုၵ်း​ၵၼ်​တင်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ၶိုၼ်း​မႃး​သေ​ယဝ်ႉ၊ ပိူၼ်ႈ​လဝ်ႊ​လၢတ်ႈ​လႄႈ​ဝႃႈ၊ တူၺ်း​တီႈ​ၶႃႈ​လူး၊ တႃႇဝိတ်ႈ ​မီး​ယူႇ​ၵႃႈ​ၼႂ်း​ထိူၼ်ႇ ဢႅၼ်ႇၵေးတီႉ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="2">သေႃးလူႉ ႁွင်ႉ​ဢဝ်​ၵူၼ်း​သၢမ်​ႁဵင် ဢၼ်​လိူၵ်ႈ​ၵဵပ်း​ဢဝ်​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၼၼ်ႉ​လႄႈ ၵႂႃႇ​ႁႂ်ႈ​လႆႈ​ႁႃ​ တႃႇဝိတ်ႈ ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ ၵႃႈ​ၼိူဝ်​လွႆ​ႁိၼ်​လွႆ​ၽႃ​တီႈ​ဢၼ် ပႄႉ​ထိူၼ်ႇ​ယူႇ​ၼၼ်ႉ​ဢေႃႈ။-</verse>
				<verse number="3">ႁွတ်ႈ​ထိုင်​ၵႃႈ​တီႈ​ၶွၵ်ႈ​သူဝ်း​ဢၼ်​မီး​ၵႃႈ​တီႈ​ႁိမ်း​သဵၼ်ႈ​တၢင်း​တီႈ​ဢၼ်​မီး​ႁူး​ထမ်ႈ​ၼၼ်ႉ​သေ​ယဝ်ႉ၊ သေႃးလူႉ ၶဝ်ႈ​ၵႂႃႇ​ႁႂ်ႈ​လႆႈ​ႁူမ်ႇ​သုမ်ႇ​တိၼ်​ၸဝ်ႈ​လႄႈ၊ တႃႇဝိတ်ႈ ​ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ မီး​ယူႇ​ၵႃႈ​တီႈ​ၽၢႆႇ​ပဵမ်ႉ​ၼႂ်း​ႁူး​ထမ်ႈ​ၼၼ်ႉ​ဢေႃႈ။-</verse>
				<verse number="4">ၵူၼ်း​ တႃႇဝိတ်ႈ ​ၸိူဝ်း​ၼၼ်ႉ​လၢတ်ႈ​တီႈ​မၼ်း​လႄႈ​ဝႃႈ၊ တူၺ်း​ၶႃႈ​လူး၊ ဝၼ်း​ဢၼ်​ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ တူၺ်း​လူး၊ ၵဝ်​တၵ်း​ဢဝ်​ရၢၼ်ႇ​သူႇ​မႂ်း ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​လႄႈ၊ မႂ်း​မီး​ဢၶႂၢင်ႉ​ဢၼ်​လႆႈ​ႁဵတ်း​တီႈ​မၼ်း ၸွမ်း​ၵႃႈ​ၼင်ႇ​ဢၼ်​မႂ်း​ၶႂ်ႈ​ႁဵတ်း​ဢေႃႈ၊ ဝႃႈ​ၼင်ႇ​ၼႆ​တီႈ​ၸဝ်ႈ​ႁဝ်း​ၼၼ်ႉ ႁွတ်ႈ​ထိုင်​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ တႃႇဝိတ်ႈ ​လုၵ်ႉ​လႄႈ​တဵတ်ႇ​တဵတ်ႇ​ထိူဝ်​တႅပ်း​ဢဝ်​သိူဝ်ႈ​ယၢဝ်း​ သေႃးလူႉ ​ၼၼ်ႉ​ပွတ်း​ၼိုင်ႈ​ဢေႃႈ။-</verse>
				<verse number="5">လိုၼ်း​ၼၼ်ႉ​ တႃႇဝိတ်ႈ ​ၼႅင်​ၸႂ် ၵွပ်ႈ​ပိူဝ်ႈ​ဢၼ်​ထိူဝ်​တႅပ်း​ဢဝ်​သိူဝ်ႈ​ သေႃးလူႉ ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ၊-</verse>
				<verse number="6">လၢတ်ႈ​တီႈ​ၵူၼ်း​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး​ႁၢမ်ႈ​တၢပ်ႈ​ႁႄႉ​ၶႅၼ်​ဢမူႉ​လွင်ႈ​တၢင်း​ဢၼ် ႁဵတ်း​ဢမူႉ​ၸိူဝ်ႉ​ၼင်ႇ​ၼႆ​တီႈ​ၸဝ်ႈ​ၵဝ် ဢၼ်​ပဵၼ်​ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ ဢၼ်​ထႃႇဝရႃႉ​ၽြႃး​ပၼ်​ၼၼ်ႉ ဢၼ်​ဝႃႈ​လွင်ႈ​တၢင်း​ဢၼ်​ယဵတ်ႇ​မိုဝ်း​ၵဝ်​သေ​လႄႈ တိူဝ်ႉ​ထုၵ်ႇ​ၸဝ်ႈ​ၼၼ်ႉ ဢၼ်​ပဵၼ်​ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ ဢၼ်​ထႃႇဝရႃႉ​ၽြႃး​ပၼ်​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၼင်ႇ​ၼၼ်​လႄႈ တႃႇဝိတ်ႈ ဢဝ်​ၵႂၢမ်း​ၸိူဝ်း​ၼႆႉ ႁႄႉ​ၶႅၼ်​ၵူၼ်း​မၼ်း​ၸိူဝ်း​ၼၼ်ႉ​လႄႈ ဢမ်ႇ​ပၼ်​ဢၶႂၢင်ႉ​ဢၼ်​ၶဝ်​လႆႈ​တိူဝ်ႉ​ထုၵ်ႇ​ သေႃးလူႉ ​ၼၼ်ႉ​သေ​ယဝ်ႉ၊ သေႃးလူႉ ​ၼၼ်ႉ​လႆႈ​လုၵ်ႉ​လႄႈ​ဢွၵ်ႇ​သေ​ၵႃႈ​ၼႂ်း​ႁူး​ထမ်ႈ​ၼၼ်ႉ​ၵႂႃႇ​ဢေႃႈ။</verse>
				<verse number="8">လိုၼ်း​ၼၼ်ႉ တႃႇဝိတ်ႈ ​ၵေႃႈ​လုၵ်ႉ​လႄႈ​ဢွၵ်ႇ​ၵႃႈ​ၼႂ်း​ႁူး​ထမ်ႈ​ၼၼ်ႉ​သေ​လႄႈ ႁွင်ႉ​သႅၼ်ႇ​ၸွမ်း​လင်​ သေႃးလူႉ ​လႄႈ​ဝႃႈ၊ ၸဝ်ႈ​ၶုၼ်​လူင်​ပဵၼ်​ၸဝ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မိူဝ်ႈ​ဢၼ်​ သေႃးလူႉ ​ဝၢႆႇ​တူၺ်း​ၶိုၼ်း​တၢင်း​လင်​ၼၼ်ႉ​ၸိုင်၊ တႃႇဝိတ်ႈ ​ၵူမ်ႈ​ႁူဝ်​ၵႃႈ​တီႈ​လိၼ်​လႄႈ ၶုပ်ႉ​မူပ်ႇ​ယူႇ​သေ​လႄႈ၊ တႃႇဝိတ်ႈ ​လဝ်ႊ​လၢတ်ႈ​တီႈ​ သေႃးလူႉ ​လႄႈ​ဝႃႈ၊-</verse>
				<verse number="9">ႁဵတ်း​သင်​လႄႈ​ထွမ်ႇ​ဢဝ်​ၵႂၢမ်း​ဢၼ်​ၵူၼ်း​ၵမ်ႈ​ၽွင်ႈ​လဝ်ႊ​လၢတ်ႈ​လႄႈ​ဝႃႈ၊ တႃႇဝိတ်ႈ ၵျၢမ်ႇ​ႁႃ​ႁႂ်ႈ​လႆႈ​ယႃႉ​ဢၵျူဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၼင်ႇ​ႁိုဝ်​တီႈ​ၶႃႈ၊-</verse>
				<verse number="10">တူၺ်း​တီႈ​ၶႃႈ​လူး၊ မၢၵ်ႇ​တႃ​ၸဝ်ႈ​ႁဝ်း​လႆႈ​ႁၼ်​လွင်ႈ​ဢၼ်​ထႃႇဝရႃႉ​ၽြႃး ဢဝ်​ၸဝ်ႈ​ႁဝ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶႃႈ​ၸဝ်ႈ ၵႃႈ​ၼႂ်း​ႁူး​ထမ်ႈ​ၼႆႉ ၼႂ်း​ဝၼ်း​မိူဝ်ႈ​ၼႆႉ​ၼၼ်ႉ​ယဝ်ႉ​တီႈ​ၶႃႈ​ဢေႃႈ။ ပိၵ်ႉ​သမ်ႉ​ၵမ်ႈ​ၽွင်ႈ​တိုၵ်း​ယူင်း​ႁႂ်ႈ​ၶႃႈ​ၸဝ်ႈ ဢဝ်​ဢသၢၵ်ႈ​ၸဝ်ႈ​ႁဝ်း​တၢႆ​သေ​ၵေႃႈ၊ ၶႃႈ​ၸဝ်ႈ​မီး​ၸႂ်​ဢၼ်​သေ​လၢႆ​လႄႈ​ဝႃႈ၊ ၵဝ်​တၵ်း​ဢမ်ႇ​ယဵတ်ႇ​မိုဝ်း​ၵဝ်​ႁႂ်ႈ​လႆႈ​တိူဝ်ႉ​ထုၵ်ႇ​ၸဝ်ႈ​ၵဝ် ၵွပ်ႈ​ပိူဝ်ႈ​ဢၼ်​ၸဝ်ႈ​ၵဝ်​ပဵၼ်​ၵေႃႉ​ဢၼ် ထႃႇဝရႃႉ​ၽြႃး​ပၼ်​ၽိၵ်ႈ​သိၵ်ႈ​ၼၼ်ႉ​ၵူၺ်း၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="11">လိူဝ်​သေ​ၼၼ်ႉ၊ ၸဝ်ႈ​ပေႃႈ​တီႈ​ၶႃႈ​ဢိူၺ်း၊ လူ​တူၺ်း​သေ​ၵမ်း​တီႈ​ၶႃႈ၊ လူ​တူၺ်း​သိူဝ်ႈ​ယၢဝ်း​ၸဝ်ႈ​ႁဝ်း​ပွတ်း​ၼိုင်ႈ ၵႃႈ​ၼႂ်း​မိုဝ်း​ၶႃႈ​ၸဝ်ႈ​ၼႆႉ​သေ​ၵမ်း​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ယင်း​ဢမ်ႇ​ဢဝ်​ဢသၢၵ်ႈ​ၸဝ်ႈ​ႁဝ်း​တၢႆ​လႄႈ ႁဵတ်း​တၢင်း​ဢၼ်​ထိူဝ်​တႅပ်း​သိူဝ်ႈ​ယၢဝ်း​ပွတ်း​ၼိုင်ႈ​ၼႆႉ​ၵူၺ်း​လႄႈ ၶႅၼ်း​တေႃႈ​ႁူႉ​ႁၼ်​လွင်ႈ​ဢၼ်​ဢမ်ႇ​မီး​ဢပႅတ်ႈ​တူႉ​ၸရိူၵ်ႈ၊ ဢမ်ႇ​မီး​ဢပႅတ်ႈ​တၢင်း​ဢၼ်​ပူၼ်ႉ​လိူဝ် ႁဵတ်း​မႅၼ်ႈ​ၵႃႈ​ၼႂ်း​မိုဝ်း​ၶႃႈ​ၸဝ်ႈ​ၼႆ​ၼၼ်ႉ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ဢမ်ႇ​ၽိတ်း​ပိူင်ႈ​ၸဝ်ႈ​ႁဝ်း​တီႈ​ၶႃႈ၊ ၼႂ်း​ဝႃႈ​ၼၼ်​သေ​ၵေႃႈ ၸဝ်ႈ​ႁဝ်း​ၸွမ်း​လႄႈ ႁႃ​ႁႂ်ႈ​လႆႈ​ဢဝ်​ဢသၢၵ်ႈ​ၶႃႈ​ၸဝ်ႈ​တၢႆ​တီႈ​ၶႃႈ​လူင်​ပႄႇ။-</verse>
				<verse number="12">ႁႂ်ႈ​ထႃႇဝရႃႉ​ၽြႃး​ၸီႇ​ယၢင်ႇ​ဝူင်ႈ​ၵၢင်​ၶႃႈ​ၸဝ်ႈ တင်း​ၸဝ်ႈ​ႁဝ်း​သေ​ၵမ်း​လူၺ်ႈ။ ႁႂ်ႈ​ထႃႇဝရႃႉ​ၽြႃး တွပ်ႇ​တႅၼ်း​ပၼ်​ဢပႅတ်ႈ​ဢၼ်​ၽိတ်း​ပိူင်ႈ​တီႈ​ၶႃႈ​ၸဝ်ႈ​ၼၼ်ႉ​သေ​ၵမ်း​လူၺ်ႈ။ ၼႂ်း​ဝႃႈ​ၼၼ်​သေ​ၵေႃႈ မိုဝ်း​ၶႃႈ​ၸဝ်ႈ​ၼႆႉ တၵ်း​ဢမ်ႇ​လႆႈ​ႁွတ်ႈ​ထိုင်​ၵႃႈ​ၼိူဝ်​ၸဝ်ႈ​ႁဝ်း​တီႈ​ၶႃႈ၊-</verse>
				<verse number="13">ၵႃႈ​ၼင်ႇ​ဢၼ်​ၵႂၢမ်း​ဢပုမ်ႇ​မိူဝ်ႈ​ၵွၼ်ႇ​မီး​မႃး​ၼၼ်ႉ၊ လွင်ႈ​တၢင်း​ဢၼ်​ႁၢႆႉ​မိူၵ်ႈ​ၸိုင် ဢွၵ်ႇ​ၵႃႈ​ၼႂ်း​ၵေႃႉ​ဢၼ်​ႁၢႆႉ​မိူၵ်ႈ​ၼၼ်ႉ​မႃး​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မိုဝ်း​ၶႃႈ​ၸဝ်ႈ​ၼႆႉ​တၵ်း​ဢမ်ႇ​လႆႈ​ႁွတ်ႈ​ထိုင်​ၵႃႈ​ၼိူဝ်​ၸဝ်ႈ​ႁဝ်း​တီႈ​ၶႃႈ၊-</verse>
				<verse number="14">ၶုၼ်​ႁေႃ​ၶမ်း​ ဢီႉသရေႇလႃႉ ဢွၵ်ႇ​မႃး​ၸွမ်း​ႁႃ​ၽူႈ​လႂ်​တီႈ​ၶႃႈ၊ ၸဝ်ႈ​ႁဝ်း​ၸွမ်း​ႁႃ​တူဝ်​တၢႆ​မႃ​တီႈ​ၶႃႈ​ႁိုဝ်။ ၸဝ်ႈ​ႁဝ်း​ၸွမ်း​ႁႃ​မတ်း​တီႈ​ၶႃႈ​ႁိုဝ်။-</verse>
				<verse number="15">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ႁႂ်ႈ​ထႃႇဝရႃႉ​ၽြႃး​ႁဵတ်း​ၵေႃႉ​ဢၼ်​ၸီႇ​ယၢင်ႇ​တြႃး​သေ​ၵမ်း​လူၺ်ႈ။ ႁႂ်ႈ​မၼ်း​ၸဝ်ႈ​ၸီႇ​ယၢင်ႇ​တႅပ်း​တတ်း​ဝူင်ႈ​ၵၢင်​ၶႃႈ​ၸဝ်ႈ တင်း​ၸဝ်ႈ​ႁဝ်း​သေ​ၵမ်း​လူၺ်ႈ။ ႁႂ်ႈ​မၼ်း​ၸဝ်ႈ​လူ​တူၺ်း​လႄႈ ပႂ်ႉ​ဢမူႉ​ၶႃႈ​ၸဝ်ႈ​ယူႇ​သေ​လႄႈ ၵႄႇ​သႄႇ​ဢဝ်​ၶႃႈ​ၸဝ်ႈ လွတ်ႈ​သေ​ၵႃႈ​ၼႂ်း​မိုဝ်း​ၸဝ်ႈ​ႁဝ်း​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">တႃႇဝိတ်ႈ ​လဝ်ႊ​လၢတ်ႈ​တီႈ​ သေႃးလူႉ ၸိူဝ်ႉ​ၼင်ႇ​ၼၼ်​ယဝ်ႉ​တူဝ်ႈ​ယဝ်ႉ​လႄႈ၊ သေႃးလူႉ ​ထၢမ်​လႄႈ​ဝႃႈ၊ လုၵ်ႈ​ၸၢႆး​ၵဝ်​ တႃႇဝိတ်ႈ ဢိူၺ်း၊ ဢၼ်​ၼႆႉ​ပဵၼ်​သဵင်​ၵႂၢမ်း​မႂ်း​ႁိုဝ်။ ဝႃႈ​ၼင်ႇ​ၼႆ​သေ​လႄႈ သေႃးလူႉ ​ၵိဝ်​သဵင်​လႄႈ​ႁွင်ႉ​ႁႆႈ​ဢေႃႈ။-</verse>
				<verse number="17">လႆႈ​သမ်ႉ မၼ်း​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ မႂ်း​ယဵင်ႈ​ၶႅၼ်း​ပႂ်ႉ​ၸွမ်း​တြႃး​ၼႃႇ​သေ​ၵဝ်​ဢေႃႈ။ ပိၵ်ႉ​သမ်ႉ ၵဝ်​ယႃႉ​ဢၵျူဝ်း​မႂ်း​သေ​ၵေႃႈ၊ မႂ်း​ၸိုင်​ပွင်​ႁဵတ်း​ဢၵျူဝ်း​တီႈ​ၵဝ်​ယဝ်ႉ။-</verse>
				<verse number="18">မႂ်း​ၼႄ​ပျႃး​လွင်ႈ​ဢၼ်​မႂ်း ႁဵတ်း​ၵျေး​ၸူး​တီႈ​ၵဝ်​ၸိူဝ်ႉ​ၼင်ႇ​ႁိုဝ်​ၼၼ်ႉ​ဝၼ်း​မိူဝ်ႈ​ၼႆႉ​ယဝ်ႉ။ လွင်ႈ​မၼ်း​ၸမ်ႉ ပိၵ်ႉ​သမ်ႉ​ထႃႇဝရႃႉ​ၽြႃး ဢဝ်​ၵဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​သေ​ၵေႃႈ၊ မႂ်း​ယင်း​ဢမ်ႇ​ဢဝ်​ၵဝ်​တၢႆ​လႄႈ​ယူႇ​လူင်​ပႄႇ။-</verse>
				<verse number="19">ပေႃး​ၵူၼ်း​ထူပ်း​ႁၼ်​ရၢၼ်ႇ​သူႇ​တူဝ်​ၸဝ်ႈ​ၵဝ်ႇ​ၸိုင် တၵ်း​ပွႆႇ​မၼ်း​လွတ်ႈ​ႁိုဝ်။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ႁႂ်ႈ​ထႃႇဝရႃႉ​ၽြႃး တွပ်ႇ​တႅၼ်း​ပၼ်​ၵျေး​ၸူး​ဢၼ်​မႂ်း​ႁဵတ်း​တီႈ​ၵဝ်​ဝၼ်း​မိူဝ်ႈ​ၼႆႉ​ၼၼ်ႉ​သေ​ၵမ်း​လူၺ်ႈ။-</verse>
				<verse number="20">မိူဝ်ႈ​လဵဝ်​ၼႆႉ​ၵဝ်​ႁူႉ​လွင်ႈ​ဢၼ် မႂ်း​တၵ်း​ပဵၼ်​ၶုၼ်​ႁေႃ​ၶမ်း ဢမၢၼ်ႇ​ၶၼ်​ပဵၼ် ဢိၵ်ႇ​တင်း​လွင်ႈ​ဢၼ်​သိုင်ႇ​ၸိုင်ႈ​ဝၢၼ်ႈ​မိူင်း​ ဢီႉသရေႇလႃႉ တၵ်း​တႄႇ​ယူႇ​ၵႃႈ​ၼႂ်း​မိုဝ်း​မႂ်း​ၼၼ်ႉ​ယူႇ​ဢေႃႈ။-</verse>
				<verse number="21">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ တိူင်ႇ​ထႃႇဝရႃႉ​ၽြႃး​သေ​လႄႈ ႁဵတ်း​တၢင်း​ဢၼ်​ၵိၼ်ႇ​ဝႃႈ​ဝႆႉ​တီႈ​ၵဝ် လူၺ်ႈ​လွင်ႈ​ဢၼ်​မႂ်း​တၵ်း​ဢမ်ႇ​ပႄႇ​ၽဵဝ်ႈ​ၸူဝ်ႈ​လုၵ်ႈ​ပၢၼ်​လၢၼ်​ၵဝ်​ပႅတ်ႈ လိုၼ်း​ၵဝ်​ဢိၵ်ႇ​တင်း​လွင်ႈ​ဢၼ်​တၵ်း​ဢမ်ႇ​ယႃႉ​ၽဵဝ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​မူတ်း​မူတ်း ပႅတ်ႈ​သေ​ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၵဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">တႃႇဝိတ်ႈ ​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ​တီႈ​ သေႃးလူႉ ​လႄႈ သေႃးလူႉ ​ၶိုၼ်း​မိူဝ်း​ၵႂႃႇ ၵႃႈ​တီႈ​ႁေႃ​တီႈ​ယူႇ​မၼ်း​သေ​ဢေႃႈ။ တႃႇဝိတ်ႈ ​ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၶိုၼ်ႈ​ၸူး​ၵႃႈ​တီႈ​ဢၼ်​မၼ်ႈ​ၶိူင်ႇ​ၼၼ်ႉ​ဢေႃႈ။</verse>
			</chapter>
			<chapter number="25">
				<verse number="1">လိုၼ်း​ၼၼ်ႉ သမူၺ်ႇလႃႉ ​တၢႆ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​လႄႈ ႁဵတ်း​တၢင်း​ဢၼ်​ႁႆႈ​ႁွင်ႉ​ပွင်ႉ​ၶၢင်း​သေ​ယဝ်ႉ၊ ဢွၼ်​ၵၼ်​ဢဝ်​မၼ်း​သၢင်း​ၵျူဝ်ႇ ၵႃႈ​တီႈ​ႁိူၼ်း​မၼ်း​ၵႃႈ​ၼႂ်း​ဝဵင်း​ ရႃႇမႃႉ ​ၼၼ်ႉ​ဢေႃႈ။ တႃႇဝိတ်ႈ ​ၵေႃႈ​လုၵ်ႉ​လႄႈ လူင်း​ၵႂႃႇ​ၵႃႈ​တီႈ​ထိူၼ်ႇ​ ပႃႇရၼ်ႇ ​သေ​ဢေႃႈ။-</verse>
				<verse number="2">မိူဝ်ႈ​ၼၼ်ႉ မီး​ၵေႃႉ​ၼိုင်ႈ​ဢၼ်​ယူႇ​ၵႃႈ​တီႈ​ မေႃးၼႃႉ ​လႄႈ မီး​ဢုၵ်ႉ​ၸႃႇ​ၼမ်​ၼႃႇ​လူင်​လၢင်​ၵႃႈ​တီႈ​ဝဵင်း​ ၵရမေႇလႃႉ ​ၼၼ်ႉ​ဢေႃႈ။ ၵေႃႉ​ၼၼ်ႉ ပဵၼ်​ၵူၼ်း​ယႂ်ႇ​ၵူၼ်း​လူင်​လႄႈ မီး​သူဝ်း​သၢမ်​ႁဵင်၊ ပႄႉ​ႁဵင်​ၼိုင်ႈ​ဢေႃႈ။ မၼ်း​ၼၼ်ႉ​ၵႅတ်း​ႁႆး​ၶူၼ်​သူဝ်း​မၼ်း​ယူႇ ၵႃႈ​တီႈ​ဝဵင်း​ ၵရမေႇလႃႉ ​ၼၼ်ႉ​ဢေႃႈ။-</verse>
				<verse number="3">ၸိုဝ်ႈ​သဵင်​ၵေႃႉ​ၼၼ်ႉ​ၸမ်ႉ၊ ပဵၼ်​ ၼႃႇပလႃႉ ၊ ၸိုဝ်ႈ​သဵင်​မေး​မၼ်း​ၸမ်ႉ၊ ပဵၼ်​ ဢၽီႉၵေးလႃႉ ​ဢေႃႈ။ မႄႈ​ယိင်း​ၼၼ်ႉ​ၺၢၼ်ႇ​လီ​လႄႈ ႁၢင်ႈ​ၽၢင်​ၵေႃႈ​လီ​ဢေႃႈ။ ၵူၼ်း​ၸၢႆး​ၼၼ်ႉ​ၸမ်ႉ၊ မီး​ၸႂ်​သၽေႃး​ဢၼ်​ႁၢဝ်ႈ​ၵျၢမ်း​လႄႈ ၸၢင်ႈ​ႁဵတ်း​လွင်ႈ​တၢင်း​ဢၼ်​ဢမ်ႇ​လီ​ဢေႃႈ။ မၼ်း​ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​ ၵႃႇလႅပ်ႉ ​ဢေႃႈ။-</verse>
				<verse number="4">တႃႇဝိတ်ႈ ​ယူႇ​ၵႃႈ​တီႈ​ထိူၼ်ႇ​လႄႈ​ငိၼ်း​လွင်ႈ​ဢၼ်​ ၼႃႇပလႃႉ ၵႅတ်း​ႁႆး​ၶူၼ်​သူဝ်း​မၼ်း​ယူႇ​ၼၼ်ႉ​သေ​ယဝ်ႉ၊-</verse>
				<verse number="5">တႃႇဝိတ်ႈ ​ပွႆႇ​ၸႂ်ႉ​ၵူၼ်း​ဢွၼ်ႇ​သိပ်း​ၼိုင်ႈ​သေ​လႄႈ တႃႇဝိတ်ႈ ​သင်ႇ​လၢတ်ႈ​တီႈ​ၵူၼ်း​ဢွၼ်ႇ​ၸိူဝ်း​ၼၼ်ႉ​လႄႈ​ဝႃႈ၊ သူ​ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ ၵရမေႇလႃႉ ၸူး​ၵႃႈ​တီႈ​ ၼႃႇပလႃႉ ​လႄႈ ဢဝ်​ၸိုဝ်ႈ​ၵဝ်​သဵင်​ၵဝ်​တၵ်ႉ​လၢတ်ႈ​မၼ်း​တႃႉ။-</verse>
				<verse number="6">ၵႂၢမ်း​ဢၼ်​သူ​တၵ်း​လႆႈ​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ​ၸမ်ႉ၊ ႁႂ်ႈ​ယူႇ​လီ​ၵိၼ်​ဝၢၼ်​သေ​ၵမ်း​လူၺ်ႈ။ ႁႂ်ႈ​ၸႃႉ​ၸဵမ်​ၸဝ်ႈ​လႄႈ​ႁိူၼ်း​ၸဝ်ႈ၊ ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၸဝ်ႈ မီး​တၢင်း​ဢၼ်​ၵတ်း​ယဵၼ်​ၶျၢမ်း​သႃႇ​သေ​ၵမ်း​လူၺ်ႈ။-</verse>
				<verse number="7">မိူဝ်ႈ​လဵဝ်​ၼႆႉ ၵဝ်​ၶႃႈ​ငိၼ်း​လွင်ႈ​ဢၼ်​ၸဝ်ႈ​မီး​ၶဝ်​ၸိူဝ်း​ဢၼ်​ၵႅတ်း​ႁႆး​ၶူၼ်​သူဝ်း​ၼၼ်ႉ​ၶႃႈ​ယဝ်ႉ။ ၵူၼ်း​လဵင်ႉ​ထိင်း​သူဝ်း​ၸဝ်ႈ​ၸိူဝ်း​ၼၼ်ႉ ယူႇ​လူၺ်ႈ​ၵၼ်​တင်း​ႁဝ်း​ၶႃႈ​ယဝ်ႉ​လႄႈ၊ ႁဝ်း​ၶႃႈ​ဢမ်ႇ​ၽိတ်း​ဢမ်ႇ​ပိူင်ႈ​ၶဝ်။ ၸူဝ်ႈ​ဢၼ်​ၶဝ်​ယူႇ​ၵႃႈ​တီႈ​ဝဵင်း​ ၵရမေႇလႃႉ ​ၼၼ်ႉ​တဵမ်​တဵမ် ဢုၵ်ႉ​ၸႃႇ​ၶဝ်​ဢမ်ႇ​ႁူင်ႈ​ဢမ်ႇ​ႁၢႆ​သေ​ၸိူဝ်ႉ​သေ​ပိူင်​ၶႃႈ​ၵူၺ်ႉ။-</verse>
				<verse number="8">ထၢမ်​တူၺ်း​တီႈ​ၵူၼ်း​ဢွၼ်ႇ​ၸဝ်ႈ​ၸိူဝ်း​ၼၼ်ႉ​ၶႃႈ​တႃႉ။ ၶဝ်​ၼၼ်ႉ​တၵ်း​မွၵ်ႇ​လၢတ်ႈ​ၶႃႈ​ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ႁႂ်ႈ​ၵူၼ်း​ဢွၼ်ႇ​ၵဝ်​ၶႃႈ​ၸိူဝ်း​ၼႆႉ ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​သေ​ၵမ်း။ ႁဝ်း​ၶႃႈ​ႁွတ်ႈ​ထိုင်​ၼႂ်း​ဝၼ်း​မင်ႇၵလႃႇ​ၶႃႈ​ယဝ်ႉ။ ၶႅၼ်း​တေႃႈ​ဢဝ်​ဢၼ်​မီး​တီႈ​မိုဝ်း​ၸဝ်ႈ​ၼၼ်ႉ ပၼ်​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢိၵ်ႇ​တင်း​တီႈ​လုၵ်ႈ​ၸၢႆး​ၸဝ်ႈ​ တႃႇဝိတ်ႈ ​ၼႆႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မိူဝ်ႈ​ဢၼ်​ၵူၼ်း​ဢွၼ်ႇ​ တႃႇဝိတ်ႈ ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ ၼႃႇပလႃႉ ​ၼၼ်ႉ​ၸိုင်၊ ၶဝ်​ဢွၼ်​ၵၼ်​ဢဝ်​ၸိုဝ်ႈ​ဢဝ်​သဵင်​ တႃႇဝိတ်ႈ ၶိုၼ်း​လၢတ်ႈ​တီႈ​ ၼႃႇပလႃႉ ​ၼၼ်ႉ​ၸွမ်း​ၼင်ႇ​ၵႂၢမ်း​ၵႃႈ​မီး​ၼၼ်ႉ​သေ​ယဝ်ႉ၊ ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​သေ​ဢေႃႈ။</verse>
				<verse number="10">ၼႃႇပလႃႉ ​ၵေႃႈ​ၶိုၼ်း​လၢတ်ႈ​တီႈ​ၵူၼ်း​ဢွၼ်ႇ​ တႃႇဝိတ်ႈ ​ၸိူဝ်း​ၼၼ်ႉ​လႄႈ​ဝႃႈ၊ တႃႇဝိတ်ႈ ​ၸမ်ႉ၊ ပဵၼ်​ၽူႈ​လႂ်။ လုၵ်ႈ​ၸၢႆး​ ယေႇသႄး ​ၸမ်ႉ၊ ပဵၼ်​ၽူႈ​လႂ်။ ၶိင်ႇ​ၵႃႇလႃႉ​မိူဝ်ႈ​လဵဝ်​ၼႆႉ ၶႃႈ​ဢၼ်​ပုင်ႇ​ၵၢၼ်ႇ​ၸဝ်ႈ​မီး​ၼမ်​ၼႃႇ​လူင်​ပႄႇ။-</verse>
				<verse number="11">ၵဝ်​တၵ်း​လႆႈ​ဢဝ်​ၶဝ်ႈ​မုၼ်း​ၵဝ်၊ ၼမ်ႉ​ၵဝ်၊ ၼိူဝ်ႉ​ၵဝ် ဢၼ်​ၵဝ်​ဢဝ်​တၢႆ ပုၼ်ႈ​ၶဝ်​ၸိူဝ်း​ဢၼ်​ၵႅတ်း​ႁႆး​ၶူၼ်​သူဝ်း​ၵဝ်​ၸိူဝ်း​ၼႆႉ​သေ​လႄႈ ပၼ်​တီႈ​ၶဝ်​ၸိူဝ်း​ဢၼ်​ၵဝ်​ဢမ်ႇ​ႁူႉ​လွင်ႈ​ဢၼ်​ၶဝ်​လုၵ်ႉ​ၵႃႈ​တီႈ​လႂ်​မႃး​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵူၼ်း​ဢွၼ်ႇ​ တႃႇဝိတ်ႈ ​ၸိူဝ်း​ၼၼ်ႉ ဝၢႆႇ​ၶိုၼ်း​မိူဝ်း​ၵႂႃႇ​လႄႈ ဢဝ်​ၵႂၢမ်း​တင်း​သဵင်ႈ​တင်း​လူင်​ၼၼ်ႉ လဝ်ႊ​လၢတ်ႈ​တီႈ​ တႃႇဝိတ်ႈ ​ဢေႃႈ။-</verse>
				<verse number="13">တႃႇဝိတ်ႈ ​ၵေႃႈ လၢတ်ႈ​တီႈ​ၵူၼ်း​မၼ်း​တင်း​လၢႆ​လႄႈ​ဝႃႈ၊ သူ​ဢွၼ်​ၵၼ်​ဢဝ်​လၢပ်ႇ​သူ​မတ်ႉ​ၵွပ်ႈ​တီႈ​ဢႅဝ်​သူ​ၵူႈ​ၵေႃႉ​ၵူႈ​ၵူၼ်း​တႃႉ၊ ဝႃႈ​ၼင်ႇ​ၼႆ​သေ​လႄႈ ၶဝ်​ဢွၼ်​ၵၼ်​ဢဝ်​လၢပ်ႇ​ၶဝ်​မတ်ႉ​ၵွပ်ႈ​ၵူႈ​ၵေႃႉ​ၵူႈ​ၵူၼ်း​လႄႈ တႃႇဝိတ်ႈ ​ၵေႃႈ​ဢဝ်​လၢပ်ႇ​မၼ်း​မတ်ႉ​ၵွပ်ႈ​ဢႅဝ်​မၼ်း​ဢေႃႈ။ ၵူၼ်း​သီႇ​ပၢၵ်ႇ​ၸွမ်း​လင်​ တႃႇဝိတ်ႈ ၶိုၼ်ႈ​ၵႂႃႇ​လႄႈ သွင်​ပၢၵ်ႇ​ပႂ်ႉ​ဢုၵ်ႉ​ၸႃႇ​ၶူဝ်း​လဵင်း​ၶဝ်​ယူႇ​ဢေႃႈ။-</verse>
				<verse number="14">ၵူၼ်း​ဢွၼ်ႇ​ၵေႃႉ​ၼိုင်ႈ မွၵ်ႇ​လၢတ်ႈ​တီႈ​ ဢၽီႉၵေးလႃႉ မေး​ ၼႃႇပလႃႉ ​ၼၼ်ႉ​လႄႈ​ဝႃႈ၊ တူၺ်း​လူး၊ တႃႇဝိတ်ႈ ​ပွႆႇ​ၸႂ်ႉ​ၵူၼ်း လုၵ်ႉ​သေ​ၵႃႈ​တီႈ​ထိူၼ်ႇ​မႃး ႁႂ်ႈ​လႆႈ​တၵ်ႉ​လၢတ်ႈ​ၸဝ်ႈ​ႁဝ်း​ၶႃႈ​ၼၼ်ႉ​လႄႈ ၸဝ်ႈ​ႁဝ်း​ၶႃႈ​ၼၼ်ႉ​လႃႇ​လင်​ၶဝ်​ပႅတ်ႈ​ၶႃႈ​ဢေႃႈ။-</verse>
				<verse number="15">ၶဝ်​ၼၼ်ႉ​ႁဵတ်း​ၵျေး​ၸူး​တီႈ​ႁဝ်း​ၶႃႈ​ၼႃႇ​လူင်​လၢင်​ၶႃႈ​ယဝ်ႉ။ ၸူဝ်ႈ​ဢၼ်​ႁဝ်း​ၶႃႈ​ယူႇ​ၵႃႈ​တီႈ​ထိူၼ်ႇ​သေ​လႄႈ ႁဵတ်း​ၵေႃႉ​ႁဵတ်း​သေႈ ယူႇ​လူၺ်ႈ​ၵၼ်​တင်း​ၶဝ်​ၼၼ်ႉ​တဵမ်​တဵမ်၊ ႁဝ်း​ၶႃႈ​ဢမ်ႇ​လႆႈ​ၶၢမ်ႇ​တၢင်း​သုမ်း​ၶႃႈ။ ဢုၵ်ႉ​ၸႃႇ​ဢမ်ႇ​ႁူင်ႈ​ဢမ်ႇ​ႁၢႆ​သေ​ၸိူဝ်ႉ​သေ​ပိူင်​ၶႃႈ​ၵူၺ်ႉ။-</verse>
				<verse number="16">ၸူဝ်ႈ​ဢၼ်​ႁဝ်း​ၶႃႈ​လဵင်ႉ​ထိင်း​သူဝ်း​လႄႈ ႁဵတ်း​ၵေႃႉ​ႁဵတ်း​သေႈ​ယူႇ​လူၺ်ႈ​ၵၼ်​တင်း​ၶဝ်​ၼၼ်ႉ​တဵမ်​တဵမ်၊ ၶဝ်​ပဵၼ်​ဢၼ်​ႁႄႉ​ဢၼ်​ၵင်ႈ ႁဝ်း​ၶႃႈ​ယူႇ​ၵူႈ​ဝၼ်း​ၵူႈ​ၶိုၼ်း​တႃႇ​သေႇ​ဢမ်ႇ​ထၢတ်ႇ​ၶႃႈ​ဢေႃႈ။-</verse>
				<verse number="17">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၸဝ်ႈ​ၼၢင်း​ႁဝ်း​လူ​တူၺ်း​ၶႆႈ​ၸႂ်​လူၺ်ႈ​လွင်ႈ​ဢၼ်​ထုၵ်ႇ​လီ​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​ၶႃႈ​တႃႉ။ မီး​တၢင်း​ဢၼ်​ၸီႇ​ယၢင်ႇ​တၵ်း​ႁဵတ်း​ၽေး​သႂ်ႇ​တီႈ​ၸဝ်ႈ​ႁဝ်း​ၶႃႈ​ၼၼ်ႉ ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး မၼ်း​တင်း​သဵင်ႈ​တင်း​လူင်​ယဝ်ႉ​ၶႃႈ​ယဝ်ႉ။ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ၶႃႈ​ၼၼ်ႉ​ပဵၼ်​ၵူၼ်း​ဢႃႉထမ်ႇမႃႉ​လႄႈ ၽူႈ​လႂ်​ဢမ်ႇ​လၢတ်ႈ​တီႈ​မၼ်း​လႆႈ​လႃး​လႃး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">ဢၽီႉၵေးလႃႉ ​ၼၼ်ႉ​ဢဝ်​ၶဝ်ႈ​မုၼ်း​သွင်​ပၢၵ်ႇ​လုၵ်ႈ၊ တဝ်ႈ​ၼမ်ႉ​ၸပိတ်ႈ​သွင်​လုၵ်ႈ၊ သူဝ်း​ဢၼ်​ႁုင်​ယဝ်ႉ​ႁႃႈ​တူဝ်၊ ၶဝ်ႈ​တႅၵ်ႇ ႁႃႈ​ ဢေးၽႃႇ ၊ မၢၵ်ႇ​ၸပိတ်ႈ​ဢၼ်​ႁႅင်ႈ​ပၢၵ်ႇ​ပုၵ်ႉ၊ ၶႅပ်း​မၢၵ်ႇ​လိူဝ်ႇ​သၢင်း​ၽေႃး​သွင်​ပၢၵ်ႇ ၶၼ်​ၶၼ်​ၽႂ်း​ၽႂ်း​သေ​လႄႈ​တၢင်ႇ​သႂ်ႇ​ၵႃႈ​ၼိူဝ်​လီႈ​သေ​ယဝ်ႉ၊-</verse>
				<verse number="19">လၢတ်ႈ​တီႈ​ၵူၼ်း​ဢွၼ်ႇ​မၼ်း​တင်း​လၢႆ​လႄႈ​ဝႃႈ၊ သူ​ဢွၼ်​ႁူဝ်​ၵဝ်​ၵႂႃႇ​တႃႉ။ ၵဝ်​တၵ်း​ၸွမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ဢမ်ႇ​မွၵ်ႇ​ဢမ်ႇ​လၢတ်ႈ​ၽူဝ်​မၼ်း​ ၼႃႇပလႃႉ ​ၼၼ်ႉ​လႃး​လႃး။-</verse>
				<verse number="20">ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၶီႇ​လီႈ​မၼ်း​ၵႂႃႇ​လႄႈ လူင်း​ၸွမ်း​သဵၼ်ႈ​တၢင်း​တီႈ​ဢၼ်​ယင်း​လပ်ႉ​ယူႇ​ၵႃႈ​တီႈ​လွႆ​ၼၼ်ႉ​ယူႇ​ၼၼ်ႉ​ၸိုင်၊ တႃႇဝိတ်ႈ ​ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ လူင်း​ၵႃႈ​တီႈ​လွႆ​ၽၢႆႇ​ၼိုင်ႈ​မႃး​လႄႈ မၼ်း​ႁူပ်ႉ​ထူပ်း​ၶဝ်​ၼၼ်ႉ​ဢေႃႈ။-</verse>
				<verse number="21">ၸူဝ်ႈ​ဢၼ်​ဢမ်ႇ​ပႆႇ​ႁူပ်ႉ​ထူပ်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ တႃႇဝိတ်ႈ ​ဝႃႈ၊ ၵဝ်​လႆႈ​ပႂ်ႉ​လႆႈ​ထိင်း​ၵႃႈ​ဢၼ်​ၵေႃႉ​ၼႆႉ​ပိူင်ႇ​ၼၼ်ႉ ၵႃႈ​တီႈ​ထိူၼ်ႇ​ၼႆႉ ႁႂ်ႈ​ထၼ်ႈ​ပေႃး​ဢုၵ်ႉ​ၸႃႇ​မၼ်း​ဢမ်ႇ​လႆႈ​ႁူင်ႈ​လႆႈ​ႁၢႆ​သေ​ၸိူဝ်ႉ​သေ​ပိူင်​ၼၼ်ႉ လၢႆ​လၢႆ​လွၵ်ႇ​လွၵ်ႇ​မႃး​ယဝ်ႉ။ မၼ်း​တွပ်ႇ​တႅၼ်း​ပၼ်​လွင်ႈ​တၢင်း​ဢၼ်​ဢမ်ႇ​လီ​ပုၼ်ႈ​လွင်ႈ​တၢင်း​ဢၼ်​လီ​ၼၼ်ႉ​တီႈ​ၵဝ်​ယဝ်ႉ​လူင်​ပႄႇ။-</verse>
				<verse number="22">ဝၼ်း​မိူဝ်ႈ​ၽုၵ်ႈ​ၶိင်ႇ​ၵၢင်​ၼႂ် မိူဝ်ႈ​ဢၼ်​မိူင်း​လႅင်း​ၼၼ်ႉ၊ ပေႃး​ၵဝ်​ယင်း​ဝႆႉ​ၵိုတ်း​ဝႆႉ​ၵျၢၼ်ႇ​ၵူၼ်း​ၸၢႆး​ၼႂ်း​ၶဝ်​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​မၼ်း​ၼၼ်ႉ​သေ​ၵေႃႉ​သေ​ၵူၼ်း​ၸိုင်၊ ယင်း​ဢမ်ႇ​ၵႃး​ဢၼ်​ၼၼ်ႉ​လႄႈ ႁႂ်ႈ​ထႃႇဝရႃႉ​ၽြႃး ႁဵတ်း​လိူဝ်​တွၼ်း​ၼႃႇ​သေ​ၼၼ်ႉ​တီႈ​ရၢၼ်ႇ​သူႇ​ တႃႇဝိတ်ႈ ​ၸိူဝ်း​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ။-</verse>
				<verse number="23">ဢၽီႉၵေးလႃႉ ​ၼၼ်ႉ​ႁၼ်​ တႃႇဝိတ်ႈ ​သေ​ယဝ်ႉ၊ လူင်း​သေ​ၵႃႈ​ၼိူဝ်​လီႈ​မၼ်း​ၶၼ်​ၶၼ်​ၽႂ်း​ၽႂ်း​လႄႈ ၵူမ်ႈ​ႁူဝ်​ၵွမ်း​ႁူဝ်​ၵႃႈ​တီႈ​ၽၢႆႇ​ၼႃႈ တႃႇဝိတ်ႈ ​လႄႈ ၶုပ်ႉ​မူပ်ႇ​ၵႃႈ​ၼိူဝ်​လိၼ်​သေ​ယဝ်ႉ၊-</verse>
				<verse number="24">မူပ်ႇ​တဵတ်ႇ​ယူႇ​ၵႃႈ​တီႈ​တိၼ်​မၼ်း​ယူႇ​သေ​လႄႈ​လၢတ်ႈ​ဝႃႈ၊ ၸဝ်ႈ​ၵဝ်​ၶႃႈ​ဢိူၺ်း၊ ႁႂ်ႈ​ဢပႅတ်ႈ​မီး​ၵႃႈ​ၼိူဝ်​ၵဝ်​ၶႃႈ၊ ႁႂ်ႈ​မီး​ၵႃႈ​ၼိူဝ်​ၵဝ်​ၶႃႈ​ၼႆႉ​သေ​ၵမ်း​ၶႃႈ။ ပၼ်​ဢၶႂၢင်ႉ​ဢၼ်​ၶႃႈ​မႄႈ​ယိင်း​ၸဝ်ႈ​ႁဝ်း​ၼႆႉ လႆႈ​လဝ်ႊ​လၢတ်ႈ​ထိုင်​ႁူ​ၸဝ်ႈ​ႁဝ်း​သေ​ၵမ်း​ၶႃႈ။ ထွမ်ႇ​ဢဝ်​ၵႂၢမ်း​ၶႃႈ​မႄႈ​ယိင်း​ၸဝ်ႈ​ႁဝ်း​ၼႆႉ​သေ​ၵမ်း​ၶႃႈ။-</verse>
				<verse number="25">ၶႅၼ်း​တေႃႈ​ယႃႇ​ပေ​ၶႆႈ​ၸႂ်​လူၺ်ႈ​လွင်ႈ​ ၼႃႇပလႃႉ ၵူၼ်း​ဢႃႉထမ်ႇမႃႉ​ၼၼ်ႉ​သေ​ၵမ်း​ၶႃႈ။ ၸိုဝ်ႈ​သဵင်​မၼ်း​ၼၼ်ႉ ၵိုင်ႇ​ၵၼ်​မႅၼ်ႈ​ၵၼ်​တင်း​ၸႂ်​သၽေႃး​မၼ်း​ၶႃႈ​ဢေႃႈ။ ၸိုဝ်ႈ​သဵင်​မၼ်း​ၸမ်ႉ၊ ပဵၼ်​ ၼႃႇပလႃႉ ၊ သၽေႃး​မၼ်း​ၸမ်ႉ၊ ပဵၼ်​တၢင်း​ဢၼ်​ယုတ်ႈ​ဢၼ်​မိူၵ်ႈ​ၶႃႈ​ဢေႃႈ။ ၵဝ်​ၶႃႈ​ဢၼ်​ပဵၼ်​ၶႃႈ​မႄႈ​ယိင်း​ၸဝ်ႈ​ႁဝ်း​ၼႆႉ ဢမ်ႇ​ႁၼ်​ၵူၼ်း​ဢွၼ်ႇ​ဢၼ်​ၸဝ်ႈ​ႁဝ်း​ပွႆႇ​ၸႂ်ႉ​မႃး​ၸိူဝ်း​ၼၼ်ႉ​ၶႃႈ။-</verse>
				<verse number="26">မိူဝ်ႈ​လဵဝ်​ၸိုင်၊ ၸဝ်ႈ​ၵဝ်​ၶႃႈ​ဢိူၺ်း၊ ၵႃႈ​ၼင်ႇ​ဢၼ်​ဢသၢၵ်ႈ​ထႃႇဝရႃႉ​ၽြႃး​လိပ်း​ယူႇ​ၼၼ်ႉ၊ ၵႃႈ​ၼင်ႇ​ဢၼ်​ဢသၢၵ်ႈ​ၸဝ်ႈ​ႁဝ်း​လိပ်း​ယူႇ​ၼၼ်ႉ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ႁႄႉ​ၶႅၼ်​ၸဝ်ႈ​ႁဝ်း​ဝႆႉ၊ ႁႂ်ႈ​ၸဝ်ႈ​ႁဝ်း​ဢမ်ႇ​လႆႈ​ႁွတ်ႈ​ထိုင် တၢင်း​ဢၼ်​ထုၵ်ႇ​ဢပႅတ်ႈ​လူၺ်ႈ​လိူတ်ႈ ဢိၵ်ႇ​တင်း​တၢင်း​ဢၼ်​ဢဝ်​မိုဝ်း​ၸဝ်ႈ​ႁဝ်း​ပႂ်ႉ​ဢမူႉ​ၸဝ်ႈ​ႁဝ်း​သေ​လႄႈ ပၼ်​တၢမ်ႇ​ဢပႅတ်ႈ​ၼၼ်ႉ​လႄႈ ႁႂ်ႈ​ရၢၼ်ႇ​သူႇ​ၸဝ်ႈ​ႁဝ်း ဢိၵ်ႇ​တင်း​ၶဝ်​ၸိူဝ်း​ဢၼ်​မီး​ဢလူဝ်ႇ​ၶႂ်ႈ​ယႃႉ​ဢၵျူဝ်း​ၸဝ်ႈ​ႁဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​ ၼႃႇပလႃႉ ​ၼၼ်ႉ​သေ​ၵမ်း​လူၺ်ႈ။-</verse>
				<verse number="27">မိူဝ်ႈ​လဵဝ်​ၼႆႉ​ၸိုင် ၶႅၼ်း​တေႃႈ​ႁႂ်ႈ​လႆႈ​ဢဝ်​လၢၵ်ႈ​သွင်ႇ​ဢၼ်​ၶႃႈ​ၸဝ်ႈ​ႁဝ်း​ဢဝ်​မႃး​တီႈ​ၸဝ်ႈ​ၵဝ်​ၶႃႈ​ၼႆႉ ပၼ်​တီႈ​ၵူၼ်း​ဢွၼ်ႇ​ဢၼ်​ၸွမ်း​လင်​ၸဝ်ႈ​ၵဝ်​ၶႃႈ​ၸိူဝ်း​ၼၼ်ႉ​သေ​ၵမ်း​ၶႃႈ။-</verse>
				<verse number="28">ယိူၼ်ႉ​ၶၢမ်ႇ​ဢပႅတ်ႈ​ၶႃႈ​ၸဝ်ႈ​ႁဝ်း​ၼႆႉ​သေ​ၵမ်း​ၶႃႈ။ ၵွပ်ႈ​ပိူဝ်ႈ​ဢၼ်​ၸဝ်ႈ​ၵဝ်​ၶႃႈ တိုၵ်း​သိုၵ်း​ယူႇ​ၽၢႆႇ​ထႃႇဝရႃႉ​ၽြႃး ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​ဢမ်ႇ​ထူပ်း​ဢမ်ႇ​ႁၼ်​တီႈ​ဢၼ်​လီ​တၢင်ႇ​ဢပႅတ်ႈ တီႈ​ၸဝ်ႈ​ႁဝ်း​ၸူဝ်ႈ​ဢသၢၵ်ႈ​ၼၼ်ႉ​လႄႈ ထႃႇဝရႃႉ​ၽြႃး​တၵ်း​ပွင်​တႄႇ​ပွင်​ႁဵတ်း​ႁိူၼ်း​ဢၼ်​မၼ်ႈ​ၶိူင်ႇ​ၼႅၼ်ႈ​ၼႃ​ဝႆႉ ပုၼ်ႈ​ၸဝ်ႈ​ၵဝ်​ၶႃႈ​ၶႃႈ​ဢေႃႈ။-</verse>
				<verse number="29">ပိၵ်ႉ​သမ်ႉ​ၵူၼ်း​ၵမ်ႈ​ၽွင်ႈ​လုၵ်ႉ​လႄႈ ႁႃ​ႁႂ်ႈ​လႆႈ​ဢဝ်​ဢသၢၵ်ႈ​ၸဝ်ႈ​ႁဝ်း​တၢႆ​သေ​ၵေႃႈ ဢသၢၵ်ႈ​ၸဝ်ႈ​ႁဝ်း တၵ်း​မီး​တၢင်း​ဢၼ်​မတ်ႉ​ၶၢတ်ႈ​ၶဵၼ်း​ၶွတ်ႇ​ဝႆႉ​ၵႃႈ​ၼႂ်း​ပူၵ်ႉ​ၼႂ်း​ႁေႃႇ​ဢသၢၵ်ႈ​ၼၼ်ႉ လူၺ်ႈ​ၵၼ်​တင်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ႁဝ်း​ၼၼ်ႉ​ၶႃႈ​ဢေႃႈ။ ဢသၢၵ်ႈ​ရၢၼ်ႇ​သူႇ​ၸဝ်ႈ​ႁဝ်း​ၸိူဝ်း​ၼၼ်ႉ​ၸမ်ႉ၊ မၼ်း​ၸဝ်ႈ​တၵ်း​ဢဝ်​ပိုတ်း​ပႅတ်ႈ မိူၼ်​ၸိူဝ်ႉ​ၼင်ႇ​ဢၼ်​ပိုတ်း​ပႅတ်ႈ​သေ​ၵႃႈ​ၼႂ်း ၵူင်​ၵွၼ်​ၼၼ်ႉ​ဢေႃႈ။-</verse>
				<verse number="30">မိူဝ်ႈ​ဢၼ်​ထႃႇဝရႃႉ​ၽြႃး ႁဵတ်း​ၵျေး​ၸူး​တီႈ​ၸဝ်ႈ​ႁဝ်း ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​ဢမိင်ႉ​ဝႆႉ​လူၺ်ႈ​လွင်ႈ​ၸဝ်ႈ​ႁဝ်း​ၼၼ်ႉ​လႄႈ ၶၢၼ်း​ၸဝ်ႈ​ႁဝ်း​ဝႆႉ​ႁႂ်ႈ​ပဵၼ်​ၵူၼ်း​ဢၼ် ဢုပ်ႉ​ပိူင်ႇ​မဵဝ်း​ ဢီႉသရေႇလႃႉ ​ၼၼ်ႉ​ၸိုင်၊-</verse>
				<verse number="31">လွင်ႈ​တၢင်း​ဢၼ်​လွင်ႈ​မၼ်း ယင်း​ဢမ်ႇ​မီး​လႄႈ ၸဝ်ႈ​ႁဝ်း​ဢမ်ႇ​ထွၵ်ႇ​ပႅတ်ႈ​လိူတ်ႈ​ပိူၼ်ႈ ဢိၵ်ႇ​တင်း​လွင်ႈ​တၢင်း​ဢၼ်​ၸဝ်ႈ​ၵဝ်​ၶႃႈ ဢမ်ႇ​ပႂ်ႉ​ဢမူႉ​တူဝ်​ၸဝ်ႈ​ၵဝ်ႇ​ႁႂ်ႈ​လႆႈ​ပၼ်​တၢမ်ႇ​ဢပႅတ်ႈ​ၼၼ်ႉ​ၸိူဝ်း​ၼၼ်ႉ တၵ်း​ဢမ်ႇ​ပဵၼ်​တၢင်း​ဢၼ်​ႁႂ်ႈ​ၸႂ်​လဵၵ်ႉ​ၸႂ်​ဢူၼ်ႈ ဢိၵ်ႇ​တင်း​တၢင်း​ဢၼ်​ႁႂ်ႈ​ၸဝ်ႈ​ၵဝ်​ၶႃႈ တၢင်ႇ​ဢပႅတ်ႈ​တီႈ​ႁူဝ်​ၸႂ် တူဝ်​ၸဝ်ႈ​ၵဝ်ႇ​ၼၼ်ႉ​ၶႃႈ​ဢေႃႈ။ မိူဝ်ႈ​ဢၼ်​ထႃႇဝရႃႉ​ၽြႃး ႁဵတ်း​ၵျေး​ၸူး​တီႈ ၸဝ်ႈ​ၵဝ်​ၶႃႈ​ယဝ်ႉ​ၼၼ်ႉ​ၸိုင်၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ​ႁဝ်း​ၼႆႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="32">တႃႇဝိတ်ႈ ​ၵေႃႈ​လၢတ်ႈ​တီႈ​ ဢၽီႉၵေးလႃႉ ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢၼ်​ပွႆႇ​ၸႂ်ႉ​မႂ်း​မႃး​ႁႂ်ႈ​လႆႈ​ထူပ်း​ႁၼ်​ၵဝ်​ဝၼ်း​မိူဝ်ႈ​ၼႆႉ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="33">ၺၢၼ်ႇ​ပိင်ႇ​ၺႃႇ​မႂ်း​ၼၼ်ႉ​ၵေႃႈ ႁႂ်ႈ​မီး​မင်ႇၵလႃႇ​သေ​ၵမ်း​လူၺ်ႈ။ မႂ်း​ဢၼ်​ႁႄႉ​ၶႅၼ်​ၵဝ်​ဝႆႉ​ႁႂ်ႈ​ၵဝ်​ဢမ်ႇ​လႆႈ​ႁွတ်ႈ​ထိုင်​တၢင်း​ဢၼ် ထုၵ်ႇ​ဢပႅတ်ႈ​လူၺ်ႈ​လိူတ်ႈ​ပိူၼ်ႈ ဢိၵ်ႇ​တင်း​တၢင်း​ဢၼ်​ဢဝ်​မိုဝ်း​ၵဝ်​ပႂ်ႉ​ဢမူႉ​ၵဝ်​သေ​လႄႈ ပၼ်​တၢမ်ႇ​ဢပႅတ်ႈ​ၼၼ်ႉ​ဝၼ်း​မိူဝ်ႈ​ၼႆႉ​ၼႆႉ​ၵေႃႈ ႁႂ်ႈ​မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="34">ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ၊ ဢၼ်​ႁႄႉ​ၶႅၼ်​ၵဝ်​ႁႂ်ႈ​ၵဝ်​ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​မႂ်း​ၼၼ်ႉ ဢသၢၵ်ႈ​လိပ်း​ယူႇ​ၼၼ်ႉ၊ သင်​မႂ်း​ဢမ်ႇ​ႁိပ်ႈ​ၼႅတ်ႈ​လႄႈ​မႃး​ၶၼ်​ၶၼ်​ၽႂ်း​ၽႂ်း​ႁႂ်ႈ​လႆႈ​ႁူပ်ႉ​ထူပ်း​ၵဝ်​ၸိုင်၊ မိူဝ်ႈ​ၽုၵ်ႈ​ၶိင်ႇ​ၵၢင်​ၼႂ် မိူဝ်ႈ​ဢၼ်​မိူင်း​လႅင်း​ၼၼ်ႉ ၵဝ်​တၵ်း​ဢမ်ႇ​ဝႆႉ​ၵိုတ်း​ဝႆႉ​ၵျၢၼ်ႇ​ၵူၼ်း​ၸၢႆး​သေ​ၵေႃႉ​သေ​ၵူၼ်း တီႈ​ ၼႃႇပလႃႉ ​ၼၼ်ႉ ဢမၢၼ်ႇ​ၶၼ်​ပဵၼ်​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="35">တႃႇဝိတ်ႈ ​ႁပ်ႉ​တုင်း​ဢဝ်​လၢၵ်ႈ​သွင်ႇ​ဢၼ်​မၼ်း​ဢဝ်​မႃး​ၼၼ်ႉ​လႄႈ​ဝႃႈ၊ မႂ်း​ၶိုၼ်း ၶိုၼ်ႈ​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​မႂ်း​ၼိမ်​ၼိမ်​လီ​လီ​တႃႉ။ တူၺ်း​လူး၊ ၵဝ်​ထွမ်ႇ​ဢဝ်​ၵႂၢမ်း​မႂ်း​ယဝ်ႉ။ ၵဝ်​ထွၵ်ႈ​လူၺ်ႈ​ၼႃႈ​မႂ်း​လႄႈ​ယူႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="36">ဢၽီႉၵေးလႃႉ ​ၼၼ်ႉ​ၵေႃႈ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ ၼႃႇပလႃႉ ​လႄႈ မၼ်း​ၼၼ်ႉ​ၶၢမ်ႇ​ပွႆး​မိူၼ်​ၸိူဝ်ႉ​ၼင်ႇ ပွႆး​ၶုၼ်​ႁေႃ​ၶမ်း​ၼၼ်ႉ​ယူႇ​ၵႃႈ​တီႈ​ႁိူၼ်း​မၼ်း​လႄႈ ငိၼ်း​သႂၢင်ႇ​ငိၼ်း​သိူဝ်း​ယူႇ​ၵႃႈ​ၼႂ်း​ၸႂ်​မၼ်း ၵွပ်ႈ​ပိူဝ်ႈ​ဢၼ်​မၼ်း​မဝ်း​လဝ်ႈ​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ၸူဝ်ႈ​ဢၼ်​မိူင်း​ဢမ်ႇ​ပႆႇ​လႅင်း​ၼၼ်ႉ​ၸိုင် မေး​မၼ်း​ဢမ်ႇ​မွၵ်ႇ​ဢမ်ႇ​လၢတ်ႈ​တီႈ​မၼ်း​လႃး​လႃး။-</verse>
				<verse number="37">မိူဝ်ႈ​ဢၼ်​မိူင်း​လႅင်း​လႄႈ ႁႅင်း​ၼမ်ႉ​ၸပိတ်ႈ​သဵင်ႈ​သေ​ၵႃႈ​ၼႂ်း ၼႃႇပလႃႉ ​ၼၼ်ႉ​ယဝ်ႉ​ၼၼ်ႉ​ၸိုင်၊ မေး​မၼ်း​မွၵ်ႇ​လၢတ်ႈ​လွင်ႈ​တၢင်း​ၸိူဝ်း​ၼၼ်ႉ​တီႈ​မၼ်း​လႄႈ၊ ႁူဝ်​ၸႂ်​မၼ်း​မူၺ်ႈ​လၢင်ႈ​တၢႆ​ၵႂႃႇ​လႄႈ မၼ်း​ပဵၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​ဝႆႉ​ဢေႃႈ။-</verse>
				<verse number="38">ပူၼ်ႉ​သေ​သိပ်း​ဝၼ်း​ၼိုင်ႈ​ၸမ်​ၸမ်​သေ​ယဝ်ႉ၊ ထႃႇဝရႃႉ​ၽြႃး​ပၼ်​တၢမ်ႇ​တီႈ ၼႃႇပလႃႉ ​ၼၼ်ႉ​လႄႈ မၼ်း​ၼၼ်ႉ​တၢႆ​သေ​ဢေႃႈ။-</verse>
				<verse number="39">မိူဝ်ႈ​ဢၼ်​ တႃႇဝိတ်ႈ ​ငိၼ်း​လွင်ႈ​ဢၼ် ၼႃႇပလႃႉ တၢႆ​ယဝ်ႉ​ၼၼ်ႉ​ၸိုင်၊ မၼ်း​လၢတ်ႈ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ဢၼ်​ပႂ်ႉ​ဢမူႉ​တၢင်း​ဢၼ်​သႄႉ​ဢၼ်​သွမ်း ဢၼ်​ၵဝ်​လႆႈ​ၶၢမ်ႇ​ၼၼ်ႉ​လႄႈ ၼုၵ်ႈ​ဢဝ်​ၵဝ်​ဢွၵ်ႇ​သေ​ၵႃႈ​ၼႂ်း​မိုဝ်း ၼႃႇပလႃႉ ​လႄႈ ႁႄႉ​ၶႅၼ်​ၶႃႈ​မၼ်း​ၸဝ်ႈ ႁႂ်ႈ​ဢမ်ႇ​လႆႈ​ႁဵတ်း​တူႉ​ၸရိူၵ်ႈ​ၼၼ်ႉ​မီး​မင်ႇၵလႃႇ​သေ​ၵမ်း​လူၺ်ႈ။ ထႃႇဝရႃႉ​ၽြႃး​ၼၼ်ႉ ႁႂ်ႈ​တူႉ​ၸရိူၵ်ႈ​ဢၼ် ၼႃႇပလႃႉ ႁဵတ်း​ၼၼ်ႉ ၶိုၼ်း​ႁွတ်ႈ​ထိုင်​ၵႃႈ​ၼိူဝ်​ႁူဝ်​မၼ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ လႆႈ​သမ်ႉ တႃႇဝိတ်ႈ ပွႆႇ​ၸႂ်ႉ​ၵႂႃႇ​လႄႈ​တွင်ႈ​ထၢမ် ဢၽီႉၵေးလႃႉ ႁႂ်ႈ​လႆႈ​ႁူမ်ႈ​ပွင်း​ပဵၼ်​ၵူပ်ႉ​ပဵၼ်​ၵူႈ​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="40">မိူဝ်ႈ​ဢၼ်​ၶႃႈ​ တႃႇဝိတ်ႈ ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ ဢၽီႉၵေးလႃႉ ၵႃႈ​တီႈ​ဝဵင်း​ ၵရမေႇလႃႉ ​ၼၼ်ႉ​ၸိုင်၊ ၶဝ်​ၼၼ်ႉ​လၢတ်ႈ​တီႈ​မၼ်း​လႄႈ​ဝႃႈ၊ တႃႇဝိတ်ႈ ​ပွႆႇ​ၸႂ်ႉ​ႁဝ်း​ၶႃႈ​မႃး ႁႂ်ႈ​လႆႈ​ဢဝ်​ၸဝ်ႈ​ၼၢင်း​ႁဝ်း ႁူမ်ႈ​ပွင်း​ပဵၼ်​ၵူပ်ႉ​ပဵၼ်​ၵူႈ​လူၺ်ႈ​ၵၼ်​တင်း​မၼ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="41">မၼ်း​ၼၼ်ႉ​လုၵ်ႉ​လႄႈ​ၶုပ်ႉ​မူပ်ႇ​ၵႃႈ​ၼိူဝ်​လိၼ်​ယူႇ​သေ​လႄႈ​ဝႃႈ၊ ႁႂ်ႈ​ၶႃႈ​မႄႈ​ယိင်း​ၸဝ်ႈ​ၼႆႉ လႆႈ​ပဵၼ်​ၶႃႈ​ဢၼ်​သုၵ်ႈ​တိၼ်​ၶႃႈ​ၸဝ်ႈ​ၵဝ်​ၶႃႈ​ၼၼ်ႉ​ၸိူဝ်း​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="42">ဢၽီႉၵေးလႃႉ ​ၼၼ်ႉ ႁိပ်ႈ​ၼႅတ်ႈ​လုၵ်ႉ​လႄႈ ပႃး​ဢဝ်​ၶႃႈ​မႄႈ​ယိင်း​မၼ်း​ဢၼ်​ၸွမ်း​လင်​မၼ်း​ၼၼ်ႉ ႁႃႈ​ၵေႃႉ​သေ​လႄႈ ၶီႇ​လီႈ၊ ၸွမ်း​လူၺ်ႈ​ၵၼ်​တင်း​ၵူၼ်း​ၸႂ်ႉ​ၵူၼ်း​သွႆ ဢၼ်​ တႃႇဝိတ်ႈ ပွႆႇ​ၸႂ်ႉ​ၸိူဝ်း​ၼၼ်ႉ​ၵႂႃႇ​လႄႈ ပဵၼ်​မေး​ တႃႇဝိတ်ႈ ​ဢေႃႈ။-</verse>
				<verse number="43">ဢႁီႉၼွင်ႇ ၵူၼ်း​ယိင်း​ဝဵင်း​ ယေႇၸရေႇလႃႉ ​ၼၼ်ႉ​ၵေႃႈ တႃႇဝိတ်ႈ သိမ်း​ဢဝ်​လႄႈ သွင်​ၶႃ​ၼၼ်ႉ​ပဵၼ်​မေး​မၼ်း​ဢေႃႈ။-</verse>
				<verse number="44">သေႃးလူႉ ​ၼၼ်ႉ ဢဝ်​ မီႉၶႃႇလႃႉ မေး​ တႃႇဝိတ်ႈ ဢၼ်​ပဵၼ်​လုၵ်ႈ​ယိင်း​တူဝ်​ၸဝ်ႈ​ၵဝ်ႇ​ၼၼ်ႉ ပၼ်​ၵၼ်​တင်း​ ၽႃႇလတီႉ လုၵ်ႈ​ၸၢႆး​ လေႇသႃႉ ဢၼ်​ပဵၼ်​ၵူၼ်း​ဝဵင်း​ ၵႃႇလိမ်း ​ၼၼ်ႉ​ယဝ်ႉ။</verse>
			</chapter>
			<chapter number="26">
				<verse number="1">လႆႈ​သမ်ႉ ၵူၼ်း​ ၸီႉၽႃႉ ​တင်း​လၢႆ မႃး​တီႈ​ သေႃးလူႉ ​ၵႃႈ​တီႈ​ဝဵင်း​ ၵီႉပႃႉ ​ၼၼ်ႉ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ တႃႇဝိတ်ႈ ​ၼၼ်ႉ​တဵတ်ႇ​မႅပ်ႉ​ယူႇ​ၵႃႈ​တီႈ​လွႆ​ ႁၶီႉလႃႉ ​ဢၼ်​မီး​ၵႃႈ​တီႈ​ၽၢႆႇ​ၼႃႈ​ ယေႇသီႉမုၼ်ႇ ​ၼၼ်ႉ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="2">သေႃးလူႉ ​လုၵ်ႉ​လႄႈ​ပႃး​ဢဝ်​ၵူၼ်း​မဵဝ်း​ ဢီႉသရေႇလႃႉ ​သၢမ်​ႁဵင် ဢၼ်​လိူၵ်ႈ​ၵဵပ်း​ဢဝ်​ၼၼ်ႉ​ယူႇ​သေ​လႄႈ လူင်း​ၵႂႃႇ​ၵႃႈ​တီႈ​ထိူၼ်ႇ​ ၸီႉၽႃႉ ႁႂ်ႈ​လႆႈ​ႁႃ​ဢဝ်​ တႃႇဝိတ်ႈ ၵႃႈ​ၼႂ်း​ထိူၼ်ႇ​ ၸီႉၽႃႉ ​ၼၼ်ႉ​ဢေႃႈ။-</verse>
				<verse number="3">သေႃးလူႉ ​ၼၼ်ႉ​ၶျႃး​တပ်ႉ​ၵႃႈ​ၼိူဝ်​လွႆ​ ႁၶီႉလႃႉ ဢၼ်​မီး​ၵႃႈ​တီႈ​ၽၢႆႇ​ၼႃႈ​ ယေႇသီႉမုၼ်ႇ ​ၼၼ်ႉ ၵႃႈ​တီႈ​ႁိမ်း​သဵၼ်ႈ​တၢင်း​ဢေႃႈ။ တႃႇဝိတ်ႈ ယူႇ​ၵႃႈ​ၼႂ်း​ထိူၼ်ႇ​လႄႈ မိူဝ်ႈ​ဢၼ်​မၼ်း​ႁူႉ​ႁၼ်​လွင်ႈ​ဢၼ်​ သေႃးလူႉ ​ၸွမ်း​ႁႃ​မၼ်း​ၵႃႈ​ၼႂ်း​ထိူၼ်ႇ​ၼၼ်ႉ​ၸိုင်၊-</verse>
				<verse number="4">တႃႇဝိတ်ႈ ​ပွႆႇ​ၸႂ်ႉ​ၵူၼ်း​ၽၢႆႇ​ၼႂ်း​လႄႈ လႆႈ​ႁူႉ​လွင်ႈ​ဢၼ်​ သေႃးလူႉ ​ႁွတ်ႈ​ထိုင်​တႄႉ​တႄႉ​ဝႃႈ​ဝႃႈ​ၼၼ်ႉ​ဢေႃႈ။-</verse>
				<verse number="5">မိူဝ်ႈ​ၼၼ်ႉ တႃႇဝိတ်ႈ ​လုၵ်ႉ​လႄႈ​ၵႂႃႇ​ႁွတ်ႈ​ထိုင်​ၵႃႈ​တီႈ​ဢၼ်​ သေႃးလူႉ ၶျႃး​တပ်ႉ​ၼၼ်ႉ​သေ​ယဝ်ႉ၊ တႃႇဝိတ်ႈ ​လူ​တူၺ်း​တီႈ​ဢၼ်​ သေႃးလူႉ ​ဢိၵ်ႇ​တင်း​ၶုၼ်​ပူဝ်ႇ​ၶျုၵ်ႈ​မၼ်း​ ဢႃႉပၼႃး လုၵ်ႈ​ၸၢႆး​ ၼေးရႃႉ ၼွၼ်း​ၼၼ်ႉ​ဢေႃႈ။ သေႃးလူႉ ​ၼၼ်ႉ​ၼွၼ်း​ၵႃႈ​တီႈ​ၼႂ်း​တပ်ႉ​လေႃႉရထႃး​ယူႇ​သေ​လႄႈ ၵူၼ်း​တပ်ႉ​တင်း​လၢႆ​တူၵ်း​တီႈ​ယူႇ ၵႃႈ​တီႈ​လဵပ်ႈ​ႁွပ်ႈ​မၼ်း​ဢေႃႈ။-</verse>
				<verse number="6">တႃႇဝိတ်ႈ ​ၵေႃႈ ထၢမ်​တီႈ​ ဢႁီႉမလႅၵ်ႉ ၵူၼ်း​မဵဝ်း​ ႁိတ်ႉတီႉ တင်း​ ဢၽီႉသေး ၼွင်ႉ​ၸၢႆး​ ယႂႃႇၽႃႉ လုၵ်ႈ​ၸၢႆး​ ၸေႇရူႉယႃႇ ​ၸိူဝ်း​ၼၼ်ႉ​လႄႈ​ဝႃႈ၊ ၽူႈ​လႂ်​တၵ်း​ၸွမ်း​လူၺ်ႈ​ၵၼ်​တင်း​ၵဝ် လူင်း​ၵႂႃႇ​ၸူး​တီႈ​ သေႃးလူႉ ​ၵႃႈ​ၼႂ်း​တပ်ႉ​ၼၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢၽီႉသေး ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​တၵ်း​ၸွမ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">တႃႇဝိတ်ႈ ​ဢိၵ်ႇ​တင်း​ ဢၽီႉသေး ​ၸိူဝ်း​ၼၼ်ႉ လူင်း​ၵႂႃႇ​ၸူး​ၵႃႈ​တီႈ​ၵူၼ်း​တပ်ႉ​ၸိူဝ်း​ၼၼ်ႉ​ၶိင်ႇ​ၵၢင်​ၶိုၼ်း​လႄႈ သေႃးလူႉ ​ၼၼ်ႉ ၼွၼ်း​လပ်း​ယူႇ​ၵႃႈ​ၼႂ်း​တပ်ႉ​လေႃႉရထႃး​တင်း​လၢႆ​ယူႇ၊ ႁွၵ်ႇ​ၸဝ်ႈ​ၼၼ်ႉ​ပၵ်း​ၵႃႈ​တီႈ​လိၼ် မီး​ဝႆႉ​ယူႇ​ၵႃႈ​တီႈ​ႁိမ်း​ႁူဝ်​ၼွၼ်း​ၸဝ်ႈ​ယူႇ​သေ​လႄႈ ဢႃႉပၼႃး ​ဢိၵ်ႇ​တင်း​ၵူၼ်း​တပ်ႉ​ၸိူဝ်း​ၼၼ်ႉ ဢွၼ်​ၵၼ်​ၼွၼ်း​လပ်း​ၵႃႈ​တီႈ​လဵပ်ႈ​ႁွပ်ႈ​မၼ်း​ယူႇ​ဢေႃႈ။-</verse>
				<verse number="8">ဢၽီႉသေး ​ၵေႃႈ​လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ဢဝ်​ရၢၼ်ႇ​သူႇ​ၸဝ်ႈ​ႁဝ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၸဝ်ႈ​ႁဝ်း ဝၼ်း​မိူဝ်ႈ​ၼႆႉ​ၶႃႈ​ယဝ်ႉ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​လႆႈ​ဢဝ်​ႁွၵ်ႇ​တႅင်း ၵမ်း​လဵဝ်​ၵူၺ်း​ႁႂ်ႈ​ပွင်ႇ​ထိုင်​ႁွတ်ႈ​လိၼ်​သေ​ၵမ်း​ၶႃႈ။ ၶႃႈ​ၸဝ်ႈ​တၵ်း​ဢမ်ႇ​တႅင်း​ႁႂ်ႈ​ထူၼ်ႈ​ထိုင်​သွင်​ၵမ်း​ၶႃႈ​ၵူၺ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="9">တႃႇဝိတ်ႈ ​လၢတ်ႈ​တီႈ​ ဢၽီႉသေး ​လႄႈ​ဝႃႈ၊ ယႃႇ​ပေ​ယႃႉ​ပႅတ်ႈ​မၼ်း။ ၽူႈ​လႂ်​ယဵတ်ႇ​မိုဝ်း​ၸူး​ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ​ဢၼ် ထႃႇဝရႃႉ​ၽြႃး​ပၼ်​ၼၼ်ႉ​လႄႈ တၵ်း​ၵၢင်း​လွတ်ႈ​တင်း​ဢပႅတ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">လႆႈ​သမ်ႉ တႃႇဝိတ်ႈ ​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢသၢၵ်ႈ​လိပ်း​ယူႇ​ၼၼ်ႉ၊ ထႃႇဝရႃႉ​ၽြႃး​တၵ်း​ပၼ်​တၢမ်ႇ​ဢေႃႈ။ ဢမ်ႇ​ၼၼ်​ၵေႃႈ ဝၼ်း​ဢၼ်​မၼ်း​တၵ်း​လႆႈ​တၢႆ​ၼၼ်ႉ​တၵ်း​ႁွတ်ႈ​ထိုင်​ဢေႃႈ။ ဢမ်ႇ​ၼၼ်​ၵေႃႈ မၼ်း​တၵ်း​လူင်း​တိုၵ်း​သိုၵ်း​လႄႈ သုမ်း​ဢသၢၵ်ႈ​မၼ်း​ဢေႃႈ။-</verse>
				<verse number="11">ႁႂ်ႈ​ထႃႇဝရႃႉ​ၽြႃး​ႁၢမ်ႈ​တၢပ်ႈ​ႁႄႉ​ၶႅၼ်​ႁႂ်ႈ​ၵဝ်​ဢမ်ႇ​လႆႈ​ယဵတ်ႇ​မိုဝ်း​ၵဝ်​ၸူး​ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ ဢၼ်​ထႃႇဝရႃႉ​ၽြႃး ပၼ်​ၼၼ်ႉ​သေ​ၵမ်း​လူၺ်ႈ။ ၵူၺ်း​ၵႃႈ ဢဝ်​ႁွၵ်ႇ​ၸဝ်ႈ​ဢၼ်​မီး​ၵႃႈ​တီႈ​ႁူဝ်​ၼွၼ်း​မၼ်း​ၸဝ်ႈ​ၼၼ်ႉ ဢိၵ်ႇ​တင်း​ၼမ်ႉ​တဝ်ႈ​ၸဝ်ႈ​လႄႈ​ၵႂႃႇ​တႃႉ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="12">တႃႇဝိတ်ႈ ​ဢဝ်​ႁွၵ်ႇ​ၸဝ်ႈ ဢိၵ်ႇ​တင်း​ၼမ်ႉ​တဝ်ႈ​ၸဝ်ႈ သေ​ၵႃႈ​တီႈ​ႁူဝ်​ၼွၼ်း​ သေႃးလူႉ ​ၼၼ်ႉ​လႄႈ ၵႂႃႇ​ဢေႃႈ။ ၽူႈ​လႂ်​ဢမ်ႇ​ႁူႉ​ဢမ်ႇ​ႁၼ်​သေ​ၵေႃႉ​သေ​ၵူၼ်း။ ၽူႈ​လႂ်​ဢမ်ႇ​တိုၼ်ႇ​သေ​ၵေႃႉ​သေ​ၵူၼ်း။ လွင်ႈ​မၼ်း​ၸမ်ႉ ၶဝ်​တင်း​သဵင်ႈ​တင်း​လူင်​ၼွၼ်း​လပ်း​ယူႇ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ႁႂ်ႈ​တၢင်း​ၼွၼ်း​ဢၼ်​ၼူၵ်ႇ​ၼႃႇ တူၵ်း​ႁွတ်ႈ​ၵႃႈ​ၼိူဝ်​ၶဝ်​ဢေႃႈ။</verse>
				<verse number="13">မိူဝ်ႈ​ၼၼ်ႉ တႃႇဝိတ်ႈ ​ၶၢမ်ႈ​ၵႂႃႇ​ၵႃႈ​တီႈ​ၽၢႆႇ​ၼိုင်ႈ​ႁူၺ်ႈ​ၼၼ်ႉ​လႄႈ ၸုၵ်း​ယူႇ​ၵႃႈ​တီႈ​ၼိူဝ်​လွႆ ဢၼ်​ၵႆ​ၼၼ်ႉ​ယူႇ​သေ​လႄႈ ၵႃႈ​တီႈ​ဝူင်ႈ​ၵၢင်​ၶဝ်​ၼၼ်ႉ ပဵၼ်​ဢၼ်​ၵႂၢင်ႈ​ၼႃႇ​ဢေႃႈ။-</verse>
				<verse number="14">တႃႇဝိတ်ႈ ​ႁွင်ႉ​သႅၼ်ႇ​တီႈ​ၵူၼ်း​တင်း​လၢႆ ဢိၵ်ႇ​တင်း​ ဢႃႉပၼႃး လုၵ်ႈ​ၸၢႆး​ ၼေးရႃႉ ​ၼၼ်ႉ​လႄႈ​ထၢမ်​လႄႈ​ဝႃႈ၊ ဢႃႉပၼႃး ​ဢိူၺ်း၊ မႂ်း​ဢမ်ႇ​ဢိူဝ်​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ဢႃႉပၼႃး ​ၶိုၼ်း​ထၢမ်​လႄႈ​ဝႃႈ၊ မႂ်း ဢၼ်​ႁွင်ႉ​သႅၼ်ႇ​တီႈ​ၶုၼ်​ႁေႃ​ၶမ်း​ၼႆႉ ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="15">တႃႇဝိတ်ႈ ​ၵေႃႈ​လၢတ်ႈ​တီႈ​ ဢႃႉပၼႃး ​လႄႈ​ဝႃႈ၊ မႂ်း​ဢမ်ႇ​ၸႂ်ႈ​ၵူၼ်း​ၸၢႆး​ႁိုဝ်။ ၵႃႈ​ၼႂ်း​မဵဝ်း​ ဢီႉသရေႇလႃႉ ​ၼႆႉ ၽူႈ​လႂ်​တၵ်း​မိူၼ်​ၵၼ်​တင်း​မႂ်း။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ယင်း​ဢမ်ႇ​ပႂ်ႉ​ၸဝ်ႈ​မႂ်း​ၶုၼ်​ႁေႃ​ၶမ်း​ၼၼ်ႉ​လႄႈ​ယူႇ​ၼင်ႇ​ႁိုဝ်။ ၵူၼ်း​ၵေႃႉ​ၼိုင်ႈ ၶဝ်ႈ​ၵႂႃႇ​ႁႂ်ႈ​လႆႈ​ဢဝ်​ၸဝ်ႈ​မႂ်း​ၶုၼ်​ႁေႃ​ၶမ်း​ၼၼ်ႉ​တၢႆ​ယဝ်ႉ​ယဝ်ႉ။-</verse>
				<verse number="16">ဢမူႉ​ဢၼ်​မႂ်း​ႁဵတ်း​ၼႆႉ​ဢမ်ႇ​ထုၵ်ႇ​ဢမ်ႇ​လီ​လူင်​ပႄႇ။ ၵႃႈ​ၼင်ႇ​ဢၼ် ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ၊ မႂ်း​ထုၵ်ႇ​ၶၢမ်ႇ​တၢႆ​ၵွပ်ႈ​ပိူဝ်ႈ ဢၼ်​မႂ်း​ဢမ်ႇ​ပႂ်ႉ​ၸဝ်ႈ​မႂ်း ဢၼ်​ပဵၼ်​ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ​ဢၼ်​ထႃႇဝရႃႉ​ၽြႃး​ပၼ်​ၼၼ်ႉ​ယဝ်ႉ။ တေႃႈ​လဵဝ်​ၼႆႉ​လူ​တူၺ်း​လူး၊ ႁွၵ်ႇ​ၶုၼ်​ႁေႃ​ၶမ်း ဢိၵ်ႇ​တင်း​ၼမ်ႉ​တဝ်ႈ​ၸဝ်ႈ​ဢၼ်​ဝႆႉ​ၵႃႈ​တီႈ​ႁိမ်း​ႁူဝ်​ၼွၼ်း​မၼ်း​ၸဝ်ႈ​ၼၼ်ႉ မီး​ယူႇ​ႁိုဝ်။ ဢမ်ႇ​မီး​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">သေႃးလူႉ ​ၼၼ်ႉ​ႁူႉ​သဵင်​ၵႂၢမ်း​ တႃႇဝိတ်ႈ ​လႄႈ​ထၢမ်​ဝႃႈ၊ လုၵ်ႈ​ၸၢႆး​ၵဝ်​ တႃႇဝိတ်ႈ ​ဢိူၺ်း၊ ဢၼ်​ၼႆႉ​ပဵၼ်​သဵင်​ၵႂၢမ်း​မႂ်း​ႁိုဝ်။ ဝႃႈ​ၼင်ႇ​ၼႆ သေ​ယဝ်ႉ၊ တႃႇဝိတ်ႈ ​လဝ်ႊ​လၢတ်ႈ​လႄႈ​ဝႃႈ၊ ပဵၼ်​သဵင်​ၵႂၢမ်း​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၸဝ်ႈ​ပဵၼ်​ၸဝ်ႈ၊ ၸဝ်ႈ​ၶုၼ်​လူင်​တီႈ​ၶႃႈ​ဢိူၺ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">လႆႈ​သမ်ႉ မၼ်း​လဝ်ႊ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၸွမ်း​ႁႃ​ၶႃႈ​ၸဝ်ႈ​ႁဝ်း​ၼင်ႇ​ႁိုဝ်​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၼႆႉ ႁဵတ်း​ၸိူဝ်ႉ​ၼင်ႇ​ႁိုဝ်​ယဝ်ႉ​တီႈ​ၶႃႈ၊ ၵႃႈ​တီႈ​မိုဝ်း​ၶႃႈ​ၸဝ်ႈ​ႁဝ်း​ၼႆႉ မီး​ဢပႅတ်ႈ​ၵႃႈ​သင်​တီႈ​ၶႃႈ၊-</verse>
				<verse number="19">မိူဝ်ႈ​လဵဝ်​ၼႆႉ​ၸိုင်၊ ၸဝ်ႈ​ပဵၼ်​ၸဝ်ႈ၊ ၸဝ်ႈ​ၶုၼ်​လူင်​တီႈ​ၶႃႈ​ဢိူၺ်း၊ ထွမ်ႇ​ဢဝ်​ၵႂၢမ်း​ၶႃႈ​ၸဝ်ႈ​ႁဝ်း​ၼႆႉ​သေ​ၵမ်း​တီႈ​ၶႃႈ၊ ပေႃး​ထႃႇဝရႃႉ​ၽြႃး တိုၵ်း​ယူင်း​ၸဝ်ႈ​ႁဝ်း ႁႂ်ႈ​ၸဝ်ႈ​ႁဝ်း​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​ဢမၢၼ်ႇ​ၶၼ်​ပဵၼ်​ၸိုင်၊ ႁႂ်ႈ​မၼ်း​ၸဝ်ႈ​ႁပ်ႉ​တုင်း​ဢဝ်​တၢင်း​ဢၼ်​ပုၵ်ႈ​ၸေႃႇ​ယိတ်ႈ​သေ​ၵမ်း​လူၺ်ႈ။ ဢမ်ႇ​ၼၼ်​ၵေႃႈ ပေႃး​ၵူၼ်း​တင်း​လၢႆ​တိုၵ်း​ယူင်း​ၸိုင်၊ ႁႂ်ႈ​ၶဝ်​လႆႈ​ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​ၵမ်း​လူၺ်ႈ။ လွင်ႈ​မၼ်း​ၸမ်ႉ ၶဝ်​ဢွၼ်​ၵၼ်​ႁေႃႈ​ၶႃႈ​ၸဝ်ႈ​ဢွၵ်ႇ​ပႅတ်ႈ​ဝၼ်း​မိူဝ်ႈ​ၼႆႉ ႁႂ်ႈ​ၶႃႈ​ၸဝ်ႈ​ဢမ်ႇ​လႆႈ​ယူႇ​လႆႈ​သဝ်း​ၵႃႈ​တီႈ​လိၼ်​ဢမူၺ်ႇ​ၸဝ်ႈ​လႄႈ​ဝႃႈ၊ ၵႂႃႇ​တႃႉ။ ႁဵတ်း​ဝၢတ်ႈ​တီႈ​ၽြႃး​တၢင်ႇ​သူႇ​တၢင်ႇ​ပႃး​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ​လူင်​ပႄႇ။-</verse>
				<verse number="20">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မိူဝ်ႈ​လဵဝ်​ၼႆႉ ယႃႇ​ပေ​ႁႂ်ႈ​လိူတ်ႈ​ၶႃႈ​ၸဝ်ႈ​တူၵ်း​ၵႃႈ​ၼိူဝ်​လိၼ် တီႈ​ဢၼ်​ၵႆ​ၵၼ်​တင်း​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​သေ​ၵမ်း​တီႈ​ၶႃႈ၊ လွင်ႈ​မၼ်း​ၸမ်ႉ ၶုၼ်​ႁေႃ​ၶမ်း​ ဢီႉသရေႇလႃႉ ​ဢွၵ်ႇ​မႃး ႁႂ်ႈ​လႆႈ​ႁႃ​ဢဝ်​မတ်း​မိူၼ်​ၸိူဝ်ႉ​ၼင်ႇ​ဢၼ် ၵူၼ်း​ၸွမ်း​ႁႃ​ဢဝ်​ၼူၵ်ႉ​ၶုမ်ႈ​ၵႃႈ​ၼိူဝ်​လွႆ​တင်း​လၢႆ​ၼၼ်ႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">သေႃးလူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၽိတ်း​ပိူင်ႈ​ယဝ်ႉ။ လုၵ်ႈ​ၸၢႆး​ၵဝ်​ တႃႇဝိတ်ႈ ​ဢိူၺ်း၊ ၶိုၼ်း​မႃး​သေ​ၵမ်း။ ၵမ်း​လိုၼ်း ၵဝ်​တၵ်း​ဢမ်ႇ​ၼိၵ်ႈ​ၸၢၵ်ႈ​ငႅၼ်း​သႄး​မႂ်း ၵွပ်ႈ​ပိူဝ်ႈ​ဢၼ်​ဢသၢၵ်ႈ​ၵဝ် ထိူၵ်ႈ​ၵႃႈ​ထိူၵ်ႈ​ၶၼ်​သိုဝ်ႈ​ၼႃႈ​တႂ်ႈ​တႃ​မႂ်း​ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။ တူၺ်း​လူး၊ ၵဝ်​ပဵၼ်​ၵူၼ်း​မိူၵ်ႈ​ဢေႃႈ။ ၵဝ်​ၽိတ်း​ပိူင်ႈ​ၼႃႇ​လူင်​လၢင်​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">တႃႇဝိတ်ႈ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ​ဢိူၺ်း၊ တူၺ်း​ႁွၵ်ႇ​ၸဝ်ႈ​ၼႆႉ​သေ​ၵမ်း​တီႈ​ၶႃႈ၊ ႁႂ်ႈ​ၵူၼ်း​ဢွၼ်ႇ​ၵေႃႉ​ၼိုင်ႈ မႃး​ဢဝ်​သေ​ၵမ်း​တီႈ​ၶႃႈ၊-</verse>
				<verse number="23">ႁႂ်ႈ​ထႃႇဝရႃႉ​ၽြႃး​တွပ်ႇ​တႅၼ်း​ပၼ်​ဢၵျူဝ်း​ၸွမ်း​ၵႃႈ​ၼင်ႇ​ဢၼ်​ၵူၼ်း​ႁင်း​ၽႂ်​ႁင်း​မၼ်း​မီး​တၢင်း​ဢၼ်​သိုဝ်ႈ​တေႃႇ၊ တၢင်း​ဢၼ်​ပႂ်ႉ​သဵတ်ႈ​ၸႃႇ​ၼၼ်ႉ​သေ​ၵမ်း​လူၺ်ႈ။ ပိၵ်ႉ​သမ်ႉ​ထႃႇဝရႃႉ​ၽြႃး ဢဝ်​ၸဝ်ႈ​ႁဝ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶႃႈ​ၸဝ်ႈ​ဝၼ်း​မိူဝ်ႈ​ၼႆႉ​သေ​ၵေႃႈ၊ ၶႃႈ​ၸဝ်ႈ​ယင်း​ဢမ်ႇ​ယဵတ်ႇ​မိုဝ်း​ၸူး​ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ ဢၼ်​ထႃႇဝရႃႉ​ၽြႃး​ပၼ်​ၼၼ်ႉ​လႄႈ ယူႇ​တီႈ​ၶႃႈ​ဢေႃႈ။-</verse>
				<verse number="24">တူၺ်း​တီႈ​ၶႃႈ​လူး၊ မိူၼ်​ၸိူဝ်ႉ​ၼင်ႇ​ဢၼ်​ၶႃႈ​ၸဝ်ႈ​ႁဝ်း​သေ​လၢႆ​ဢသၢၵ်ႈ​ၸဝ်ႈ​ႁဝ်း​ဝၼ်း​မိူဝ်ႈ​ၼႆႉ​ၼၼ်ႉ၊ ႁႂ်ႈ​ထႃႇဝရႃႉ​ၽြႃး သေ​လၢႆ ဢသၢၵ်ႈ​ၶႃႈ​ၸဝ်ႈ​လႄႈ ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​ၵူႈ​ၸိူဝ်ႉ​ၵူႈ​ပိူင်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">သေႃးလူႉ ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ လုၵ်ႈ​ၸၢႆး​ၵဝ်​ တႃႇဝိတ်ႈ ​ဢိူၺ်း၊ ႁႂ်ႈ​မႂ်း​မီး​မင်ႇၵလႃႇ​သေ​ၵမ်း​လူၺ်ႈ။ မႂ်း​တၵ်း​ႁဵတ်း​လွင်ႈ​တၢင်း​ဢၼ်​ယႂ်ႇ​ဢၼ်​လူင်​လႄႈ ပႄႉ​ၼႅင်ႇ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ တႃႇဝိတ်ႈ ​ဢွၵ်ႇ​ၵႂႃႇ​လႄႈ သေႃးလူႉ ​ၵေႃႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ဢၼ်​မၼ်း​ယူႇ​ၼၼ်ႉ​သေ​ဢေႃႈ။</verse>
			</chapter>
			<chapter number="27">
				<verse number="1">လႆႈ​သမ်ႉ တႃႇဝိတ်ႈ ​လၢတ်ႈ​ၼႂ်း​ၸႂ်​လႄႈ​ဝႃႈ၊ ၵဝ်​ၼႆႉ​တၵ်း​ႁွတ်ႈ​ထိုင်​ၶိင်ႇ​ဢၼ်​လႆႈ​တူၵ်း​သုမ်း​တူၵ်း​ၸွမ်း​လူၺ်ႈ​မိုဝ်း​ သေႃးလူႉ ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ လွင်ႈ​တၢင်း​ဢၼ်​လီ​သေ​လွင်ႈ​တၢင်း​ဢၼ် ပၢႆႈ​ၵႂႃႇ​ၸူး​ၵႃႈ​တီႈ​မိူင်း​ ၽီႉလိတ်ႉတီႉ ၶၼ်​ၶၼ်​ၽႂ်း​ၽႂ်း​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။ ပေႃး​ႁဵတ်း​ၼင်ႇ​ၼၼ်​ၸိုင်၊ သေႃးလူႉ တၵ်း​ဢမ်ႇ​ႁႃ​ဢဝ်​ၵဝ် ၵႃႈ​တီႈ​ၼႂ်း​ၼမ်ႉ​ၼႂ်း​လိၼ် ဢီႉသရေႇလႃႉ ​ၼႆႉ​လႄႈ၊ တၵ်း​ပူင်​ၸႂ်​ဝၢင်း​ၶေႃး​လႄႈ ၵဝ်​တၵ်း​လွတ်ႈ​သေ​ၵႃႈ​ၼႂ်း​မိုဝ်း​မၼ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="2">တႃႇဝိတ်ႈ ​လုၵ်ႉ ဢိၵ်ႇ​လူၺ်ႈ​ၵၼ်​တင်း​ၵူၼ်း​ႁူၵ်း​ပၢၵ်ႇ​ဢၼ်​ပႃး​တီႈ​မၼ်း​ၸိူဝ်း​ၼၼ်ႉ​လႄႈ ၶၢမ်ႈ​ၵႂႃႇ​ၸူး​ၵႃႈ​တီႈ​ ဢႃႇၶိတ်ႉ လုၵ်ႈ​ၸၢႆး​ မေႃႇၶႃႉ ၊ ၶုၼ်​ ၵႃႇသႃႉ ​ၼၼ်ႉ​ဢေႃႈ။-</verse>
				<verse number="3">တႃႇဝိတ်ႈ ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ ပႃး​ဢဝ်​လုၵ်ႈ​ၶဝ်​မေး​ၶဝ်​ႁင်း​ၽႂ်​ႁင်း​မၼ်း​ယူႇ​သေ​လႄႈ ယူႇ​ၵႃႈ​တီႈ​ၶုၼ်​ ဢႃႇၶိတ်ႉ ၵႃႈ​ၼႂ်း​ဝဵင်း​ ၵႃႇသႃႉ ​ဢေႃႈ။ မေး​ တႃႇဝိတ်ႈ သွင်​ၵေႃႉ​ဢၼ်​ဝႃႈ​ ဢႁီႉၼွင်ႇ ၵူၼ်း​ယိင်း​ဝဵင်း​ ယေႇၸရေႇလႃႉ ဢိၵ်ႇ​တင်း​ ဢၽီႉၵေးလႃႉ ၵူၼ်း​ယိင်း​ဝဵင်း​ ၵရမေႇလႃႉ မေး​ ၼႃႇပလႃႉ ​ၼၼ်ႉ​ၵေႃႈ​ပႃး​ဢေႃႈ။-</verse>
				<verse number="4">ပိူၼ်ႈ​လဝ်ႊ​လၢတ်ႈ​လွင်ႈ​ဢၼ်​ တႃႇဝိတ်ႈ ပၢႆႈ​ၵႂႃႇ​ၵႃႈ​တီႈ​ဝဵင်း​ ၵႃႇသႃႉ ​ၼၼ်ႉ​တီႈ​ သေႃးလူႉ ​လႄႈ လိုၼ်း​ၼၼ်ႉ မၼ်း​ယင်း​ဢမ်ႇ​ၸွမ်း​ႁႃ​လႄႈ​ယူႇ​ဢေႃႈ။-</verse>
				<verse number="5">တႃႇဝိတ်ႈ လဝ်ႊ​လၢတ်ႈ​တီႈ​ၶုၼ်​ ဢႃႇၶိတ်ႉ ​လႄႈ​ဝႃႈ၊ ပေႃး​ၵဝ်​ၶႃႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ဢမၢၼ်ႇ​ၶၼ်​ပဵၼ်​ၸိုင်၊ ၶႅၼ်း​တေႃႈ​ပၼ်​တီႈ​ယူႇ​ၵႃႈ​တီႈ​ဝၢၼ်ႈ​ထိူၼ်ႇ​သေ​ဝၢၼ်ႈ ႁႂ်ႈ​ၵဝ်​ၶႃႈ​လႆႈ​ယူႇ​ၵႃႈ​တီႈ​ၼၼ်ႈ​သေ​ၵမ်း​ၶႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ၶႃႈ​ၸဝ်ႈ​ႁဝ်း​ၼႆႉ တၵ်း​လႆႈ​ယူႇ​လူၺ်ႈ​ၵၼ်​တင်း​ၸဝ်ႈ​ႁဝ်း ၵႃႈ​ၼႂ်း​ဝဵင်း​ၸဝ်ႈ​ၼႆႉ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ၼႂ်း​ဝၼ်း​ၼၼ်ႉ ၶုၼ်​ ဢႃႇၶိတ်ႉ ပၼ်​ဝဵင်း​ ၸီႉၵလတ်ႉ တီႈ​မၼ်း​ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ဝဵင်း​ ၸီႉၵလတ်ႉ ၸၢပ်ႈ​သႅင်ႇ​ၵၼ်​တင်း ၶုၼ်​ႁေႃ​ၶမ်း​ ယူႉတႃႉ ​တင်း​လၢႆ​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="7">တၢင်း​ဢၼ်​ၼပ်ႉ​ဢၢၼ်ႇ​ဝၼ်း​ဢၼ်​ တႃႇဝိတ်ႈ ယူႇ​ၵႃႈ​တီႈ​မိူင်း​ ၽီႉလိတ်ႉတီႉ ​ၼၼ်ႉ​ၸမ်ႉ၊ တဵမ်​ပီႊ​ၼိုင်ႈ​ပၢႆ​သီႇ​လိူၼ်​ဢေႃႈ။</verse>
				<verse number="8">ၽဝ်ႇ​ၼိုင်ႈ တႃႇဝိတ်ႈ ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ ၶိုၼ်ႈ​ၵႂႃႇ​လႄႈ​တိုၵ်း​တေႃး​ၵူၼ်း​ ၵေႇသူႉရီႉ ၊ ၵူၼ်း​ ၵေႇရၸီႉ ၊ ၵူၼ်း​ ဢႃႇမလႅၵ်ႉ ​တင်း​လၢႆ​ဢေႃႈ။ ၵူၼ်း​မဵဝ်း​ၸိူဝ်း​ၼၼ်ႉ ပဵၼ်​ၵူၼ်း​ဢၼ်​ယူႇ​ၵႃႈ​ၼႂ်း​မိူင်း​ဢၼ်​မီး​ၸႃႉ​ၸဵမ်​သဵၼ်ႈ​တၢင်း​ဢၼ်​ၵႂႃႇ​ၸူး​ဝဵင်း​ သူႉရႃႉ တေႃႇ​ထိုင်​ႁွတ်ႈ​မိူင်း​ ဢေႇၵိပ်ႉတူႉ ​ၼၼ်ႉ​ယူႇ ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="9">တႃႇဝိတ်ႈ ​တိုၵ်း​တေႃး​ယႃႉ​ပႅတ်ႈ​မိူင်း​ၼၼ်ႉ​လႄႈ ဢမ်ႇ​ပၼ်​ဢသၢၵ်ႈ​ၵူၼ်း​ယိင်း​ၵူၼ်း​ၸၢႆး ၵတ်း​ယဵၼ်​ၶျၢမ်း​သႃႇ​သေ​ၵေႃႉ​သေ​ၵူၼ်း။ သိမ်း​ဢဝ်​သူဝ်း၊ ဝူဝ်း၊ လီႈ၊ ၵလႃးဢုၵ်ႉ၊ ၶိူင်ႈ​ၼုင်ႈ​တၢင်း​မႆ​သေ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ၶုၼ်​ ဢႃႇၶိတ်ႉ ​သေ​ဢေႃႈ။-</verse>
				<verse number="10">ၶုၼ်​ ဢႃႇၶိတ်ႉ ထၢမ်​လႄႈ​ဝႃႈ၊ ဝၼ်း​မိူဝ်ႈ​ၼႆႉ သူ​ၵႂႃႇ​တိုၵ်း​သိုၵ်း​ဢမ်ႇ​ၸႂ်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ တႃႇဝိတ်ႈ လဝ်ႊ​လၢတ်ႈ​လႄႈ​ဝႃႈ၊ ၵႂႃႇ​ၵႃႈ​တီႈ​ပွတ်း​တၢင်း​ၸၢၼ်း​မိူင်း​ ယူႉတႃႉ ၊ ပွတ်း​တၢင်း​ၸၢၼ်း​မိူင်း​ ယေႇရမေးလႃႉ ၊ ပွတ်း​တၢင်း​ၸၢၼ်း​မိူင်း​ ၵေႇၼီႉ ​ၸိူဝ်း​ၼၼ်ႉ​သေ​လႄႈ တိုၵ်း​တေႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">တႃႇဝိတ်ႈ ဢမ်ႇ​ပၼ်​ဢသၢၵ်ႈ​ၵူၼ်း​ၸၢႆး​ၵူၼ်း​ယိင်း ၵတ်း​ယဵၼ်​ၶျၢမ်း​သႃႇ ႁႂ်ႈ​လႆႈ​ဢဝ်​မႃး​တီႈ​ဝဵင်း​ ၵႃႇသႃႉ ​ၼၼ်ႉ​လႄႈ​မၼ်း​ဝႃႈ၊ ၵူဝ်​ၶဝ်​တၵ်း​မွၵ်ႇ​လၢတ်ႈ​လူၺ်ႈ​လွင်ႈ​ႁဝ်း​လႄႈ​ဝႃႈ၊ တႃႇဝိတ်ႈ ​ႁဵတ်း​ၸိူဝ်ႉ​ၼင်ႇ​ၼၼ်​ယဝ်ႉ။ ၸူဝ်ႈ​ဢၼ်​မၼ်း​ယင်း​ယူႇ​ၵႃႈ​ၼႂ်း​မိူင်း​ ၽီႉလိတ်ႉတီႉ ​ၼၼ်ႉ​ယူႇ​ၼၼ်ႉ​ၸိုင်၊ မၼ်း​တၵ်း​မီး​ဢလႄႉ​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၶုၼ်​ ဢႃႇၶိတ်ႉ ယုမ်ႇ​ၵႂၢမ်း​ တႃႇဝိတ်ႈ ​လႄႈ​ဝႃႈ၊ မၼ်း​ၼႆႉ​ႁဵတ်း​တေႃႇ​ထိုင်​ႁွတ်ႈ​ထၼ်ႈ​ပေႃး​ႁႂ်ႈ​ၵူၼ်း​မဵဝ်း​မၼ်း ၵူၼ်း​မဵဝ်း​ ဢီႉသရေႇလႃႉ ​လီ​ႁင်ႈ​ဢဵတ်ႇ​သဵတ်ႇ​မၼ်း​ယဝ်ႉ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မၼ်း​တၵ်း​ၶၢမ်ႇ​ႁဵတ်း​ၶႃႈ​တီႈ​ၵဝ်​ယူႇ​တႃႇ​သေႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="28">
				<verse number="1">ၼႂ်း​ၶိင်ႇ​မိုဝ်ႉ​ဝၼ်း​ၼၼ်ႉ ၵူၼ်း​ ၽီႉလိတ်ႉတီႉ ​တင်း​လၢႆ ႁႂ်ႈ​ပူဝ်ႇ​ပႃႇ​ၶဝ်​ၸူႉ​ၵၼ်​တုမ်​ၵၼ် ႁႂ်ႈ​လႆႈ​တိုၵ်း​ၵၼ်​တင်း​မဵဝ်း​ ဢီႉသရေႇလႃႉ ​ဢေႃႈ။ ၶုၼ်​ ဢႃႇၶိတ်ႉ ​ၵေႃႈ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ႁူႉ​မၢတ်ႈ​လွင်ႈ​ဢၼ် မႂ်း​တၵ်း​လႆႈ​ပႃး​ဢဝ်​ၵူၼ်း​မႂ်း​ၸိူဝ်း​ၼၼ်ႉ​သေ​လႄႈ ၸွမ်း​ၵဝ်​ၵႂႃႇ​တိုၵ်း​သိုၵ်း​ၼၼ်ႉ​ဢမၢၼ်ႇ​ၶၼ်​ပဵၼ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="2">တႃႇဝိတ်ႈ ​လဝ်ႊ​လၢတ်ႈ​တီႈ​ၶုၼ်​ ဢႃႇၶိတ်ႉ ​လႄႈ​ဝႃႈ၊ ၵမ်း​ၼႆႉ ၸဝ်ႈ​ႁဝ်း​တၵ်း​ႁူႉ​လွင်ႈ​ဢၼ်​ၶႃႈ​ၸဝ်ႈ​ႁဝ်း​ၼႆႉ တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢမၢၼ်ႇ​ၶၼ်​ပဵၼ်​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶုၼ်​ ဢႃႇၶိတ်ႉ ​ၶိုၼ်း​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵဝ်​တၵ်း​ၶၢၼ်း​မႂ်း​ဝႆႉ​ၵႃႈ​တီႈ​ဢရႃႇ​ပူဝ်ႇ​ၶျုၵ်ႈ​ဢၼ်​ပႂ်ႉ​ဢသၢၵ်ႈ​ၵဝ်​ယူႇ​သေႇ​သေႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ၼၼ်ႉ သမူၺ်ႇလႃႉ ​တၢႆ​ယဝ်ႉ​ယဝ်ႉ။ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ႁဵတ်း​တၢင်း​ဢၼ်​ႁႆႈ​ႁွင်ႉ​ပွင်ႉ​ၶၢင်း​သေ​လႄႈ ဢဝ်​မၼ်း​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ ရႃႇမႃႉ တီႈ​ဢၼ်​မၼ်း​ယူႇ​ၵဝ်ႇ​ၵဝ်ႇ​ၼၼ်ႉ​ယဝ်ႉ​ယဝ်ႉ။ သေႃးလူႉ ​ၼၼ်ႉ​ပႄႇ​ၽဵဝ်ႈ​ၽိူဝ်ႉ​လႂ် ဢိၵ်ႇ​တင်း​ၶဝ်​ၸိူဝ်း​ဢၼ်​ၽီ​ၶဝ်ႈ​လႂ်​ပႅတ်ႈ​သေ​ၵႃႈ​ၼႂ်း​မိူင်း​တင်း​မိူင်း​ယဝ်ႉ​ယဝ်ႉ။-</verse>
				<verse number="4">မိူဝ်ႈ​ၼၼ်ႉ ၵူၼ်း​ ၽီႉလိတ်ႉတီႉ ​တင်း​လၢႆ​ၸူႉ​ၵၼ်​တုမ်​ၵၼ်​လႄႈ မႃး​ၶျႃး​တပ်ႉ​ၶဝ်​ၵႃႈ​တီႈ​ဝဵင်း​ သူႉၼိမ်ႇ ​ဢေႃႈ။ သေႃးလူႉ ​ၵေႃႈ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၸူႉ​ၵၼ်​တုမ်​ၵၼ်​သေ​လႄႈ ၶဝ်​ဢွၼ်​ၵၼ်​ၶျႃး​တပ်ႉ​ၶဝ်​ယူႇ​ၵႃႈ​ၼိူဝ်​လွႆ​ ၵီႉလပေႃႇ ​ဢေႃႈ။-</verse>
				<verse number="5">သေႃးလူႉ ​ႁၼ်​မုၵ်ႉ​ၸိူဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​သေ​ယဝ်ႉ၊ ၵူဝ်​ႁႄ​လႄႈ​မီး​ႁူဝ်​ၸႂ်​ဢၼ်​သၼ်ႇ​ဝႆ​ဢေႃႈ။-</verse>
				<verse number="6">မိူဝ်ႈ​ဢၼ်​ သေႃးလူႉ ​ၼၼ်ႉ​လဝ်ႊ​ထၢမ်​တီႈ​ထႃႇဝရႃႉ​ၽြႃး​ၼၼ်ႉ​ၸိုင်၊ ထႃႇဝရႃႉ​ၽြႃး​ဢမ်ႇ​ဢိူဝ်။ မၼ်း​ၸဝ်ႈ​ဢမ်ႇ​ဢဝ်​တၢင်း​ဢၼ်​ၼွၼ်း​ၽၼ်၊ ဢူႉရိမ်း ၊ ပရေႃးၽႅတ်ႈ​တင်း​လၢႆ​သေ​လႄႈ​ဢိူဝ်။</verse>
				<verse number="7">မိူဝ်ႈ​ၼၼ်ႉ သေႃးလူႉ လၢတ်ႈ​တီႈ​ၶႃႈ​မၼ်း​ၵူၼ်း​မၼ်း​လႄႈ​ဝႃႈ၊ ႁႃ​မႄႈ​ယိင်း​ဢၼ်​ၽီ​ၶဝ်ႈ​ၼၼ်ႉ​ပုၼ်ႈ​ၵဝ်​တႃႉ။ ၵဝ်​တၵ်း​ၵႂႃႇ​လႄႈ တွင်ႈ​ထၢမ်​တီႈ​မၼ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶႃႈ​မၼ်း​ၵူၼ်း​မၼ်း​လဝ်ႊ​လၢတ်ႈ​လႄႈ​ဝႃႈ၊ တူၺ်း​တီႈ​ၶႃႈ​လူး၊ ၵႃႈ​တီႈ​ဝဵင်း​ ဢိၼ်ႇတေႃးရႃႉ ​ၼၼ်ႉ မီး​မႄႈ​ယိင်း​ဢၼ်​ၽီ​ၶဝ်ႈ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">သေႃးလူႉ ​ႁဵတ်း​ႁၢင်ႈ​ဢၼ်​လၢၵ်ႇ​ပိူင်ႈ​ယူႇ​သေ​လႄႈ ပုတ်ႈ​လၢႆႈ​ၶူဝ်း​ၼုင်ႈ​ၸဝ်ႈ​ယဝ်ႉ​ၸင်ႇ ပႃး​ဢဝ်​ၵူၼ်း​သွင်​ၵေႃႉ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​မႄႈ​ယိင်း​ၼၼ်ႉ ၶိင်ႇ​ၵၢင်​ၶိုၼ်း​သေ​ယဝ်ႉ၊ တွင်း​ပၢၼ်ႇ​လႄႈ​ဝႃႈ၊ ဢိင်​ပိုင်ႈ​ၽီ​ဢၼ်​မႂ်း​ႁူမ်ႈ​ပွင်း​ယူႇ​လူၺ်ႈ​ၼၼ်ႉ​သေ​လႄႈ ႁႂ်ႈ​ၵေႃႉ​ဢၼ်​ၵဝ်​တၵ်း​လၢတ်ႈ​တီႈ​မႂ်း​ၼၼ်ႉ ပေႃႇ​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မႄႈ​ယိင်း​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မႂ်း​ႁူႉ​လွင်ႈ​တၢင်း​ဢၼ်​ သေႃးလူႉ ​ႁဵတ်း​ဢၼ်​ဝႃႈ လွင်ႈ​တၢင်း​ဢၼ်​မၼ်း​ပႄႇ​ၽဵဝ်ႈ​ၽိူဝ်ႉ​လႂ် တင်း​ၶဝ်​ၸိူဝ်း​ဢၼ်​ၽီ​ၶဝ်ႈ​လႂ် ပႅတ်ႈ​သေ​ၵႃႈ​ၼႂ်း​မိူင်း​တင်း​မိူင်း​ၼၼ်ႉ​ယူႇ​လႄႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ၸမ်ႉ ၵၢင်​တီႉ​ဢဝ်​ဢသၢၵ်ႈ​ၵဝ်​ႁႂ်ႈ​ၵဝ်​လႆႈ​တၢႆ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">သေႃးလူႉ ​တိူင်ႇ​ထႃႇဝရႃႉ​ၽြႃး​သေ​လႄႈ ၵိၼ်ႇ​ဝႃႈ​တီႈ​မၼ်း​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ မႂ်း​ဢမ်ႇ​လႆႈ​ႁွတ်ႈ​ဢပႅတ်ႈ​ၵွပ်ႈ​ပိူဝ်ႈ​ဢမူႉ​ၼႆႉ​လႃး​လႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မႄႈ​ယိင်း​ၼၼ်ႉ​ၵေႃႈ​ထၢမ်​လႄႈ​ဝႃႈ၊ ၵဝ်​တၵ်း​လႆႈ​ႁႂ်ႈ​ၽူႈ​လႂ်​ပေႃႇ​မႃး​တီႈ​မႂ်း၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လၢတ်ႈ​လႄႈ​ဝႃႈ၊ ႁႂ်ႈ​ သမူၺ်ႇလႃႉ ​ပေႃႇ​မႃး​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မႄႈ​ယိင်း​ၼၼ်ႉ​ႁၼ်​ သမူၺ်ႇလႃႉ ​သေ​ယဝ်ႉ၊ ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​တီႈ​ သေႃးလူႉ ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ပႅတ်ႉ​လႅၼ်​ၶႃႈ​ၸဝ်ႈ​ၼင်ႇ​ႁိုဝ်​တီႈ​ၶႃႈ၊ ၸဝ်ႈ​ႁဝ်း​ၼႆႉ​ပဵၼ်​ သေႃးလူႉ ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">ၶုၼ်​ႁေႃ​ၶမ်း​လၢတ်ႈ​တီႈ​မၼ်း​လႄႈ​ဝႃႈ၊ ယႃႇ​ပေ​မႆႈ​ၸႂ်။ ႁၼ်​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ မႄႈ​ယိင်း​ၼၼ်ႉ​လဝ်ႊ​လၢတ်ႈ​တီႈ သေႃးလူႉ ​လႄႈ​ဝႃႈ၊ ၶႃႈ​ၸဝ်ႈ​ႁၼ်​ၸဝ်ႈ​ၽြႃး​လုၵ်ႉ​သေ​ၵႃႈ​ၼႂ်း​လိၼ်​ၶိုၼ်ႈ​မႃး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၶုၼ်​လူင်​ၶိုၼ်း​ထၢမ်​လႄႈ​ဝႃႈ၊ ႁၢင်ႈ​ၽၢင်​မၼ်း​ပဵၼ်​ၸိူဝ်ႉ​ၼင်ႇ​ႁိုဝ်​ဝႆႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မႄႈ​ယိင်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ပဵၼ်​ၵူၼ်း​ထဝ်ႈ​ၶိုၼ်ႈ​မႃး​ယူႇ​တီႈ​ၶႃႈ​ဢေႃႈ။ မၼ်း​မီး​တၢင်း​ဢၼ်​မႆ​ၽႃႈ​မႆ​ႁူမ်ႇ​သုမ်ႇ​ယူႇ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ သေႃးလူႉ ႁူႉ​သၢႆ​ငၢႆ​လွင်ႈ​ဢၼ်​ပဵၼ်​ သမူၺ်ႇလႃႉ ​ၼၼ်ႉ​လႄႈ ၶုပ်ႉ​မူပ်ႇ​ၵႃႈ​တီႈ​လိၼ်​သေ​လႄႈ ဝႆႈ​ယူႇ​ဢေႃႈ။</verse>
				<verse number="15">သမူၺ်ႇလႃႉ ​ၵေႃႈ ထၢမ်​တီႈ​ သေႃးလူႉ ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​မႂ်း​ယႃႉ​ယူၵ်ႉ​ၵဝ်​လႄႈ ႁႂ်ႈ​ၵဝ်​ပေႃႇ​မႃး​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ သေႃးလူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ​ႁွတ်ႈ​ထိုင်​တၢင်း​ဢၼ်​ယၢပ်ႇ​ၸႂ်​ၶၢၼ်​ၸႂ်​ၼႃႇ​လူင်​လၢင်​ၶႃႈ​ယဝ်ႉ။ ၵူၼ်း​ ၽီႉလိတ်ႉတီႉ ​တင်း​လၢႆ​တိုၵ်း​တေႃး​ၵဝ်​ၶႃႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ​ၸုၼ်ႉ​ပႅတ်ႈ​ၵဝ်​ၶႃႈ​ၶႃႈ​ယဝ်ႉ။ မၼ်း​ၸဝ်ႈ​ဢမ်ႇ​ဢဝ်​တင်း​ပရေႃးၽႅတ်ႈ​လႂ် ဢိၵ်ႇ​တင်း​တၢင်း​ဢၼ်​ၼွၼ်း​ၽၼ်​ႁၼ်​လႂ်​လႄႈ​ဢိူဝ်​ၶႃႈ။ ပိူဝ်ႈ​ၼႆ​လႄႈ ၵဝ်​ၶႃႈ​ႁွင်ႉ​ပၢင်း​ဢဝ်​ၸဝ်ႈ​ႁဝ်း​ၶႃႈ ႁႂ်ႈ​ၸဝ်ႈ​ႁဝ်း​လႆႈ​ၼႄ​ပၼ် လွင်ႈ​တၢင်း​ဢၼ်​ၵဝ်​ၶႃႈ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">သမူၺ်ႇလႃႉ ​ၵေႃႈ​လၢတ်ႈ​လႄႈ​ဝႃႈ၊ ပေႃး​ထႃႇဝရႃႉ​ၽြႃး ၸုၼ်ႉ​ပႅတ်ႈ​မႂ်း​လႄႈ ပဵၼ်​ရၢၼ်ႇ​သူႇ​ယူႇ​ၽၢႆႇ​ၼိုင်ႈ​တင်း​မႂ်း​ယဝ်ႉ​ၸိုင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ယင်း​တွင်ႈ​ထၢမ်​တီႈ​ၵဝ်​ယူႇ​ၼင်ႇ​ႁိုဝ်။-</verse>
				<verse number="17">ထႃႇဝရႃႉ​ၽြႃး​ႁဵတ်း​တီႈ​မႂ်း​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​မီး​ဢမိင်ႉ​ဝႆႉ​တီႈ​ၵဝ်​ၼၼ်ႉ​ယဝ်ႉ။ ထႃႇဝရႃႉ​ၽြႃး​ၼုၵ်ႈ​ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​သေ​ၵႃႈ​ၼႂ်း​မိုဝ်း​မႂ်း​လႄႈ ပၼ်​တီႈ​ၵူၼ်း​ႁိူၼ်း​ၸမ်​ၵၼ်​တင်း​မႂ်း ဢၼ်​ဝႃႈ​ တႃႇဝိတ်ႈ ​ၼၼ်ႉ​ယဝ်ႉ။-</verse>
				<verse number="18">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​မႂ်း​ဢမ်ႇ​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး​လႄႈ ဢမ်ႇ​ၸီႇ​ယၢင်ႇ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ဢၼ်​ႁႅင်း​ယႂ်ႇ​ၼႃႇ​ၼၼ်ႉ​တီႈ​မဵဝ်း​ ဢႃႇမလႅၵ်ႉ ​ၼၼ်ႉ​လႄႈ ထႃႇဝရႃႉ​ၽြႃး​ႁႂ်ႈ​ဢမူႉ​ၼႆႉ​ႁွတ်ႈ​ထိုင်​ၵႃႈ​တီႈ​မႂ်း​ဝၼ်း​မိူဝ်ႈ​ၼႆႉ​ယဝ်ႉ။-</verse>
				<verse number="19">လိူဝ်​သေ​ၼႆႉ ထႃႇဝရႃႉ​ၽြႃး​တၵ်း​ဢဝ်​မႂ်း ဢိၵ်ႇ​တင်း​မဵဝ်း​ ဢီႉသရေႇလႃႉ ​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​တင်း​လၢႆ​ဢေႃႈ။ ဝၼ်း​မိူဝ်ႈ​ၽုၵ်ႈ မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း​တင်း​လၢႆ တၵ်း​မီး​ယူႇ​လူၺ်ႈ​ၵၼ်​တင်း​ၵဝ်​ဢေႃႈ။ ထႃႇဝရႃႉ​ၽြႃး တၵ်း​ဢဝ်​မုၵ်ႉ​ၸိူဝ်း​မဵဝ်း​ ဢီႉသရေႇလႃႉ ​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မိူဝ်ႈ​ၼၼ်ႉ သေႃးလူႉ ​လူမ်ႉ​ယဵတ်ႇ​တိတ်း​ၸပ်း​ၵႃႈ​ၼိူဝ်​လိၼ်​သေ​လႄႈ ၵူဝ်​ႁႄ​ၵွပ်ႈ​ပိူဝ်ႈ​ၵႂၢမ်း​ သမူၺ်ႇလႃႉ ​ၼၼ်ႉ​ၼႃႇ​လူင်​လၢင်​ဢေႃႈ။ ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​ၵႃႈ​သင်​လႃး​လႃး ဝၼ်း​ၼိုင်ႈ​လႄႈ​ၶိုၼ်း​ၼိုင်ႈ​ၼၼ်ႉ​လႄႈ ႁႅင်း​မၼ်း​သဵင်ႈ​ၵႂႃႇ​ဢေႃႈ။-</verse>
				<verse number="21">မႄႈ​ယိင်း​ၼၼ်ႉ​မႃး​ၸူး​တီႈ​ သေႃးလူႉ ​လႄႈ ႁၼ်​လွင်ႈ​ဢၼ်​မၼ်း​မႆႈ​ၸႂ်​ယၢပ်ႇ​ၸႂ်​ၼႃႇ​လူင်​လၢင်​ယူႇ​ၼၼ်ႉ​သေ​ယဝ်ႉ၊ လဝ်ႊ​လၢတ်ႈ​လႄႈ​ဝႃႈ၊ တူၺ်း​တီႈ​ၶႃႈ​လူး၊ ၶႃႈ​ၸဝ်ႈ​ႁဝ်း​ၼႆႉ ထွမ်ႇ​ဢဝ်​ၵႂၢမ်း​ၸဝ်ႈ​ႁဝ်း​တီႈ​ၶႃႈ​ယဝ်ႉ။ ယင်း​ဢမ်ႇ​သေ​လၢႆ​ဢသၢၵ်ႈ​တူဝ်​ၸဝ်ႈ​ၵဝ်ႇ​လႄႈ ထွမ်ႇ​ဢဝ်​ၵႂၢမ်း​ဢၼ်​ၸဝ်ႈ​ႁဝ်း​မီး​ဢမိင်ႉ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="22">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မိူဝ်ႈ​လဵဝ်​ၼႆႉ ၶႅၼ်း​တေႃႈ​ထွမ်ႇ​ဢဝ်​ၵႂၢမ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ႁႂ်ႈ​ၶႃႈ​ၸဝ်ႈ​လႆႈ​ဢဝ်​တၢင်း​ၵိၼ်​သေ​ဢိတ်း​ဢွၼ်ႇ​ၼိုင်ႈ တမ်း​ပၼ်​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ၶႅၼ်း​တေႃႈ​ၵိၼ်​ႁႂ်ႈ​ၸဝ်ႈ​ႁဝ်း​မီး​ႁႅင်း မိူဝ်ႈ​ဢၼ်​ၸဝ်ႈ​ႁဝ်း​လုၵ်ႉ​လႄႈ​ၵႂႃႇ​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="23">မၼ်း​ထဵင်​ပႅတ်ႈ​သေ​လႄႈ​ဝႃႈ၊ ၵဝ်​ဢမ်ႇ​ၵိၼ်​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။ ၵူၺ်း​ၵႃႈ ၶႃႈ​မၼ်း​ၵူၼ်း​မၼ်း​ၸိူဝ်း​ၼၼ်ႉ ၽွမ်ႉ​ၵၼ်​တင်း​မႄႈ​ယိင်း​ၼၼ်ႉ​လႄႈ ႁဵတ်း​ပႄႉ​ႁဵတ်း​ၼႅင်ႇ​သေ​ယဝ်ႉ၊ မၼ်း​ထွမ်ႇ​ဢဝ်​ၵႂၢမ်း​ၶဝ်​ၼၼ်ႉ​လႄႈ လုၵ်ႉ​သေ​ၵႃႈ​တီႈ​ၼိူဝ်​လိၼ်​သေ​လႄႈ ၼင်ႈ​ၵႃႈ​ၼိူဝ်​ၵူႇ​ဢေႃႈ။-</verse>
				<verse number="24">မႄႈ​ယိင်း​ၼၼ်ႉ မီး​ဝူဝ်း​ဢွၼ်ႇ​ဢၼ်​မၼ်း​လဵင်ႉ​ဝႆႉ ႁႂ်ႈ​ပီး​လီ​မၼ်း​လီ​ၼၼ်ႉ​ၵႃႈ​တီႈ​ႁိူၼ်း​မၼ်း​လႄႈ မၼ်း​ဢဝ်​တၢႆ​ၶၼ်​ၶၼ်​ၽႂ်း​ၽႂ်း​ဢေႃႈ။ ၽွင်​ၶဝ်ႈ​မုၼ်း​ၵေႃႈ​မၼ်း​ဢဝ်​လႄႈ​ၼူတ်ႈ​သေ​ယဝ်ႉ၊ ၽဝ်​ႁဵတ်း​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​သေ​လႄႈ၊-</verse>
				<verse number="25">တမ်း​ပၼ်​ၵႃႈ​တီႈ​ၽၢႆႇ​ၼႃႈ​ သေႃးလူႉ ဢိၵ်ႇ​တင်း​ၶႃႈ​မၼ်း​ၵူၼ်း​မၼ်း​ၸိူဝ်း​ၼၼ်ႉ​လႄႈ ၶဝ်​ၵိၼ်​ဢေႃႈ။ ၶဝ်​လုၵ်ႉ​လႄႈ​ၵႂႃႇ​ၼႂ်း​ၶိုၼ်း​ၼၼ်ႉ​သေ​ဢေႃႈ။</verse>
			</chapter>
			<chapter number="29">
				<verse number="1">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ႁႂ်ႈ​ပူဝ်ႇ​ပႃႇ​ၶဝ်​ၵႃႈ​မီး​ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ ဢႃႇၽႅၵ်ႉ ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵေႃႈ ၶျႃး​တပ်ႉ​ၶဝ်​ယူႇ​ၵႃႈ​တီႈ​ႁိမ်း​ၼမ်ႉ​ဢွၵ်ႇ​ႁူး ဢၼ်​မီး​ၵႃႈ​တီႈ​ဝဵင်း​ ယေႇၸရေႇလႃႉ ​ၼၼ်ႉ​ဢေႃႈ။-</verse>
				<verse number="2">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ၶီႇ​ၵႂႃႇ​ၵူၼ်း​ယေႈ​ပၢၵ်ႇ၊ ယေႈ​ႁဵင်​ယူႇ​သေ​လႄႈ တႃႇဝိတ်ႈ ​ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ ၸွမ်း​လူၺ်ႈ​ၵၼ်​တင်း​ၶုၼ်​ ဢႃႇၶိတ်ႉ ​ၼၼ်ႉ ၵႃႈ​တီႈ​တပ်ႉ​လိုၼ်း​သုတ်း​ဢေႃႈ။-</verse>
				<verse number="3">မိူဝ်ႈ​ၼၼ်ႉ ၶုၼ်​ ၽီႉလိတ်ႉတီႉ ​ၸိူဝ်း​ၼၼ်ႉ ဢွၼ်​ၵၼ်​ထၢမ်​လႄႈ​ဝႃႈ၊ ၵူၼ်း​ ႁေႇပြႄး ​ၸိူဝ်း​ၼႆႉ ႁဵတ်း​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ ဢႃႇၶိတ်ႉ လၢတ်ႈ​တီႈ​ၶုၼ်​ ၽီႉလိတ်ႉတီႉ ​ၸိူဝ်း​ၼၼ်ႉ​လႄႈ​ဝႃႈ၊ မၼ်း​ပဵၼ်​ တႃႇဝိတ်ႈ ၶႃႈ​ သေႃးလူႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​လႄႈ ယူႇ​ၵႃႈ​တီႈ​ၵဝ် ပီႊ​လိူၼ်​ဝၼ်း​ယၢမ်း​ႁိုင်​ၼႃႇ​လူင်​လၢင်​လႄႈ၊ ၸႃႉ​ၸဵမ်​မိုဝ်ႉ​ဝၼ်း ဢၼ်​ႁွတ်ႈ​ထိုင်​ၵႃႈ​တီႈ​ၵဝ်​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ ၵဝ်​ဢမ်ႇ​ထူပ်း​တီႈ​တၵ်း​တၢင်ႇ​ဢပႅတ်ႈ​တီႈ​မၼ်း​သေ​ၸိူဝ်ႉ​သေ​ပိူင်​ၼၼ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="4">ၶုၼ်​ ၽီႉလိတ်ႉတီႉ ​ၸိူဝ်း​ၼၼ်ႉ ၸႂ်​မႆႈ​ၶႆႈ​ၸႃႉ​တီႈ​မၼ်း​လႄႈ​ဝႃႈ၊ ႁႂ်ႈ​ၵေႃႉ​ၼႆႉ​ၶိုၼ်း​မိူဝ်း​လႄႈ ႁႂ်ႈ​မၼ်း​ၶိုၼ်း​ၵႂႃႇ​ယူႇ​ၵႃႈ​တီႈ​ဢၼ်​မႂ်း​ၶျႃး​တီႈ​ယူႇ​ပၼ်​မၼ်း​ၼၼ်ႉ​သေ။ ယႃႇ​ပေ​ႁႂ်ႈ​မၼ်း​လူင်း​ၵႂႃႇ​လူၺ်ႈ​ၵၼ်​တင်း​ႁဝ်း​ႁႂ်ႈ​လႆႈ​တိုၵ်း​သိုၵ်း။ ၵူဝ်​မၼ်း​တၵ်း​ယူႇ​ၽၢႆႇ​ရၢၼ်ႇ​သူႇ​ႁဝ်း ၼႂ်း​မိူဝ်ႈ​ဢၼ်​ႁဝ်း​ယင်း​တိုၵ်ႉ တိုၵ်း​သိုၵ်း​ယူႇ​ၼၼ်ႉ​ဢေႃႈ။ ၵေႃႉ​ၼႆႉ​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ ႁႂ်ႈ​ၸႂ်​ၸဝ်ႈ​မၼ်း​ၼၼ်ႉ​ပေႇ​ၼၼ်ႉ​လႆႈ။ တၵ်း​ဢဝ်​ၵွၵ်း​ႁူဝ်​ၵူၼ်း​ႁဝ်း​ၸိူဝ်း​ၼႆႉ ဢၢပ်ႈ​ပၼ်​လႄႈ​ႁဵတ်း​လႆႈ​ဢမ်ႇ​ၸႂ်ႈ​ႁိုဝ်။-</verse>
				<verse number="5">ၵေႃႉ​ၼႆႉ​ပဵၼ်​ တႃႇဝိတ်ႈ ဢၼ်​ၶဝ်​ဢွၼ်​ၵၼ်​ၵႃႈ​ဝႅၼ်​ယူႇ​သေ​လႄႈ ဢဝ်​လွင်ႈ​မၼ်း​ႁဵတ်း​ၵႂၢမ်း​ပဵၼ်​လႄႉ​ပဵၼ်​ၵမ်း​လႄႈ​ဝႃႈ၊ သေႃးလူႉ ဢဝ်​တၢႆ​ပဵၼ်​ႁဵင်​ပဵၼ်​ႁဵင်​လႄႈ တႃႇဝိတ်ႈ ​ဢဝ်​တၢႆ​ပဵၼ်​မိုၼ်ႇ​ပဵၼ်​မိုၼ်ႇ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ၶုၼ်​ ဢႃႇၶိတ်ႉ ​ႁွင်ႉ​ဢဝ်​ တႃႇဝိတ်ႈ ​လႄႈ​လၢတ်ႈ​တီႈ​မၼ်း​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ၊ မႂ်း​ႁဵတ်း​သိုဝ်ႈ​သိုဝ်ႈ​တေႃႇ​တေႃႇ ဢမၢၼ်ႇ​ၶၼ်​ပဵၼ်​လႄႈ တၢင်း​ဢၼ်​မႂ်း​ၵႂႃႇ​မႃး​သၢင်ႈ​ႁဵတ်း​ၵႃႈ​ၼႂ်း​တပ်ႉ​လူၺ်ႈ​ၵၼ်​တင်း​ၵဝ်​ၼၼ်ႉ ထုၵ်ႇ​ၸႂ်​မႅၼ်ႈ​ၸႂ်​ၵဝ်​ယဝ်ႉ။ ၸႃႉ​ၸဵမ်​မိုဝ်ႉ​ဝၼ်း​ဢၼ် မႂ်း​ႁွတ်ႈ​ထိုင်​ၵႃႈ​တီႈ​ၵဝ်​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​လႄႈ ၵဝ်​ဢမ်ႇ​ထူပ်း​ဢပႅတ်ႈ​တီႈ​မႂ်း၊ ၼႂ်း​ဝႃႈ​ၼၼ်​သေ​ၵေႃႈ မႂ်း​ဢမ်ႇ​ထုၵ်ႇ​ဢမ်ႇ​မႅၼ်ႈ​တႃ​ၶုၼ်​ၸိူဝ်း​ၼႆႉ။-</verse>
				<verse number="7">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မိူဝ်ႈ​လဵဝ်​ၼႆႉ​ၶိုၼ်း​မိူဝ်း​လႄႈ ၵႂႃႇ​ၼိမ်​ၼိမ်​လီ​လီ​တႃႉ။ ယႃႇ​ပေ​ႁဵတ်း​ႁႂ်ႈ​ၶုၼ်​ ၽီႉလိတ်ႉတီႉ ​ၸိူဝ်း​ၼႆႉ ၸႂ်​မႆႈ​ၶႆႈ​ၸႃႉ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">တႃႇဝိတ်ႈ ​လဝ်ႊ​ထၢမ်​တီႈ​ၶုၼ်​ ဢႃႇၶိတ်ႉ ​လႄႈ​ဝႃႈ၊ ၶႃႈ​ၸဝ်ႈ​ႁဵတ်း​ၵႃႈ​သင်​ယဝ်ႉ​တီႈ​ၶႃႈ၊ ၸူဝ်ႈ​ဢၼ်​ၶႃႈ​ၸဝ်ႈ​ယူႇ​ၵႃႈ​တီႈ​ၸဝ်ႈ​ႁဝ်း​ၼႆႉ​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ ၸဝ်ႈ​ႁဝ်း​ထူပ်း​ႁၼ်​ဢပႅတ်ႈ​ၵႃႈ​သင်​လႄႈ ၶႃႈ​ၸဝ်ႈ​ဢမ်ႇ​လႆႈ​ၵႂႃႇ​တိုၵ်း​သိုၵ်း​ရၢၼ်ႇ​သူႇ​ၸဝ်ႈ​ၶုၼ်​ႁေႃ​ၶမ်း​ႁဝ်း​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">ၶုၼ်​ ဢႃႇၶိတ်ႉ ​ၶိုၼ်း​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၵဝ်​ႁူႉ​လွင်ႈ​ဢၼ်​မႂ်း​ထုၵ်ႇ​တႃ​မႅၼ်ႈ​တႃ​ၵဝ်​မိူၼ်​ၸိူဝ်ႉ​ၼင်ႇ​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​ၼၼ်ႉ​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၶုၼ်​ ၽီႉလိတ်ႉတီႉ ​ၸိူဝ်း​ၼၼ်ႉ ၸီႇ​ယၢင်ႇ​လႄႈ​ဝႃႈ၊ မၼ်း​ဢမ်ႇ​လႆႈ​ၸွမ်း​လူၺ်ႈ​ၵၼ်​တင်း​ႁဝ်း​ၵႂႃႇ​တိုၵ်း​သိုၵ်း၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊-</verse>
				<verse number="10">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မႂ်း​ဢိၵ်ႇ​တင်း​ၶႃႈ​ၵူၼ်း​ၸဝ်ႈ​မႂ်း ဢၼ်​ၸွမ်း​မႃး​လူၺ်ႈ​ၵၼ်​တင်း​မႂ်း​ၼၼ်ႉ​ၸိူဝ်း​ၼၼ်ႉ လုၵ်ႉ​မိူဝ်ႈ​ၽုၵ်ႈ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ဢွၵ်ႇ​ၵႂႃႇ​မိူဝ်ႈ​ဢၼ် လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​မိူဝ်ႈ​ဢၼ်​မိူင်း​လႅင်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">တႃႇဝိတ်ႈ ​ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ဢွၼ်​ၵၼ်​ၶိုၼ်း​မိူဝ်း​ၵႂႃႇ ၵႃႈ​တီႈ​မိူင်း​ ၽီႉလိတ်ႉတီႉ ​ဢေႃႈ။ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ၸမ်ႉ၊ ၶီႇ​ၵႂႃႇ​ၵႃႈ​တီႈ​ဝဵင်း​ ယေႇၸရေႇလႃႉ ​ဢေႃႈ။</verse>
			</chapter>
			<chapter number="30">
				<verse number="1">မိူဝ်ႈ​ဢၼ်​ပူၼ်ႉ​သၢမ်​ဝၼ်း​လႄႈ တႃႇဝိတ်ႈ ​တင်း​ၵူၼ်း​မၼ်း​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ဝဵင်း​ ၸီႉၵလတ်ႉ ​ၼၼ်ႉ​ၸိုင်၊ ၵူၼ်း​ ဢႃႇမလႅၵ်ႉ ​တင်း​လၢႆ​မႃး​တိုၵ်း​တေႃး​မိူင်း​ပွတ်း​တၢင်း​ၸၢၼ်း တင်း​ဝဵင်း​ ၸီႉၵလတ်ႉ ​သေ​ယဝ်ႉ၊ ယႃႉ​ပႅတ်ႈ​ဝဵင်း​ ၸီႉၵလတ်ႉ ​လႄႈ၊ ဢဝ်​ၽႆး​တုတ်ႇ​ပႅတ်ႈ​ယဝ်ႉ​ယဝ်ႉ။-</verse>
				<verse number="2">တီႉ​ဢဝ်​မႄႈ​ယိင်း​ၵေႃႉ​လဵၵ်ႉ​ၵေႃႉ​ယႂ်ႇ​ဢၼ်​မီး​ၵႃႈ​တီႈ​ဝဵင်း​ၼၼ်ႉ​လႄႈ ဢမ်ႇ​ဢဝ်​တၢႆ​သေ​ၵေႃႉ​သေ​ၵူၼ်း၊သိမ်း​ဢဝ်​ၵႃႈ​မီး​ၼၼ်ႉ​သေ​လႄႈ​ၵႂႃႇ​ယဝ်ႉ​ယဝ်ႉ။-</verse>
				<verse number="3">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မိူဝ်ႈ​ဢၼ်​ တႃႇဝိတ်ႈ ​ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ဝဵင်း​ၼၼ်ႉ​ၸိုင်၊ ၶဝ်​ထူပ်း​ႁၼ်​လွင်ႈ​ဢၼ် ဢဝ်​ၽႆး​တုတ်ႇ​ဝဵင်း​ပႅတ်ႈ​လႄႈ တီႉ​ဢဝ်​သိမ်း​ဢဝ်​လုၵ်ႈ​ၸၢႆး​ၶဝ်၊ လုၵ်ႈ​ယိင်း​ၶဝ်၊ မေး​ၶဝ်​ၵႂႃႇ​ၼၼ်ႉ​သေ​ယဝ်ႉ၊-</verse>
				<verse number="4">တႃႇဝိတ်ႈ ​ဢိၵ်ႇ​တင်း​ၵူၼ်း​ဢၼ်​ပႃး​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ ဢွၼ်​ၵၼ်​ၵိဝ်​သဵင်​လႄႈ​ႁႆႈ​ႁွင်ႉ​တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​မီး​ႁႅင်း​ႁႂ်ႈ​လႆႈ​ႁႆႈ​ထႅင်ႈ​ႁွင်ႉ​ထႅင်ႈ​ဢေႃႈ။-</verse>
				<verse number="5">မေး​ တႃႇဝိတ်ႈ ​သွင်​ၵေႃႉ၊ ဢႁီႉၼွင်ႇ ၵူၼ်း​ယိင်း​ဝဵင်း​ ယေႇၸရေႇလႃႉ ဢိၵ်ႇ​တင်း​ ဢၽီႉၵေးလႃႉ ၵူၼ်း​ယိင်း​ဝဵင်း​ ၵရမေႇလႃႉ ၊ မေး​ ၼႃႇပလႃႉ ​ၼၼ်ႉ​ၵေႃႈ​ပႃး​ၵႂႃႇ​ယဝ်ႉ။</verse>
				<verse number="6">တႃႇဝိတ်ႈ ​ၼၼ်ႉ ယၢပ်ႇ​ၸႂ်​ၶၢၼ်​ၸႂ်​ၼႃႇ​လူင်​လၢင်​ဢေႃႈ။ ၵူၼ်း​တင်း​လၢႆ​လၢတ်ႈ​ၵၼ်​လႄႈ​ဝႃႈ၊ တၵ်း​ဢဝ်​မၢၵ်ႇ​ႁိၼ်​ထိမ်ႈ​မၼ်း၊ ဝႃႈ​ၼင်ႇ​ၼႆ​ယူႇ ၵွပ်ႈ​ပိူဝ်ႈ​ဢၼ်​ၵူၼ်း​တင်း​သဵင်ႈ​တင်း​လူင် ၸႂ်​လဵၵ်ႉ​ၸႂ်​ဢူၼ်ႈ​လူၺ်ႈ​လွင်ႈ​လုၵ်ႈ​ၸၢႆး​ၶဝ်​လုၵ်ႈ​ယိင်း​ၶဝ်​ၼၼ်ႉ ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။ တႃႇဝိတ်ႈ ​ၸမ်ႉ၊ ၸႂ်​ဢိင်​ၸႂ်​ပိုင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​ဢေႃႈ။-</verse>
				<verse number="7">တႃႇဝိတ်ႈ ​လၢတ်ႈ​တီႈ​ ဢႃႇပျႃႇထႃႇ လုၵ်ႈ​ၸၢႆး​ ဢႁီႉမလႅၵ်ႉ ​လႄႈ​ဝႃႈ၊ ၶႅၼ်း​တေႃႈ​ဢဝ်​သိူဝ်ႈ​သုပ်း​ၸဝ်ႈ​မႃး​တီႈ​ၵဝ်​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ဢႃႇပျႃႇထႃႇ ​ၼၼ်ႉ ဢဝ်​သိူဝ်ႈ​သုပ်း​ၸဝ်ႈ​မႃး​ၸူး​ၵႃႈ​တီႈ​ တႃႇဝိတ်ႈ ​ဢေႃႈ။-</verse>
				<verse number="8">တႃႇဝိတ်ႈ ​ၵေႃႈ​လဝ်ႊ​ထၢမ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၶႃႈ​ၸဝ်ႈ​တၵ်း​လႆႈ​လိုပ်ႈ​ၸွမ်း​လမ်း​ၸွမ်း​မူႇ​ၽုင်​မုၵ်ႉ​ၸိူဝ်း​ၼၼ်ႉ​တီႈ​ၶႃႈ​ႁိုဝ်။ တၵ်း​ၶိုတ်း​ၶဝ်​တီႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ၸွမ်း​တႃႉ။ မႂ်း​တၵ်း​ၶိုတ်း​ၶဝ်​ဢမၢၼ်ႇ​ၶၼ်​ပဵၼ်​လႄႈ ၶိုၼ်း​လႆႈ​ၵူႈ​ၸိူဝ်ႉ​ၵူႈ​ပိူင်​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="9">တႃႇဝိတ်ႈ ​ဢိၵ်ႇ​တင်း​ၵူၼ်း​ဢၼ်​ပႃး​လူၺ်ႈ​ၵၼ်​တင်း​မၼ်း​ႁူၵ်း​ပၢၵ်ႇ​ၼၼ်ႉ ၵႂႃႇ​လႄႈ​ႁွတ်ႈ​ထိုင်​ၵႃႈ​တီႈ​ၼမ်ႉ​ႁွင်ႈ​ ပေႇသေႃႇ ​ၼၼ်ႉ​သေ​ယဝ်ႉ၊ ၵမ်ႈ​ၽွင်ႈ​ၵိုတ်း​သဝ်း​ယူႇ​ၵႃႈ​တီႈ​ႁိမ်း​ၼမ်ႉ​ႁွင်ႈ​ၼၼ်ႉ​သေ​ဢေႃႈ။-</verse>
				<verse number="10">တႃႇဝိတ်ႈ ​ဢိၵ်ႇ​တင်း​ၵူၼ်း​သီႇ​ပၢၵ်ႇ​ဢွၼ်​ၵၼ်​လိုပ်ႈ​ၸွမ်း​လမ်း​ၸွမ်း​ဢေႃႈ။ လွင်ႈ​မၼ်း​ၸမ်ႉ သွင်​ပၢၵ်ႇ​ဢၼ်​ႁိူဝ်ႉ​ဢူၼ်ႈ​ထၼ်ႈ​ပေႃး​ဢမ်ႇ​ၶၢမ်ႈ​ၼမ်ႉ​ႁွင်ႈ​ ပေႇသေႃႇ ​လႆႈ​ၼၼ်ႉ ၵိုတ်း​သဝ်း​ယူႇ​သေ​ဢေႃႈ။-</verse>
				<verse number="11">ၶဝ်​ထူပ်း​ႁၼ်​ၵူၼ်း​ ဢေႇၵိပ်ႉတူႉ ၵႃႈ​တီႈ​ဢၼ်​ပၢင်ႇ​ဢၼ်​ပဵင်း​ၼၼ်ႉ​ၵေႃႉ​ၼိုင်ႈ​လႄႈ ဢွၼ်​ၵၼ်​ဢဝ်​မႃး​ၸူး​ၵႃႈ​တီႈ​ တႃႇဝိတ်ႈ သေ​ယဝ်ႉ၊ ပၼ်​ၶဝ်ႈ​မုၼ်း​တီႈ​ၵေႃႉ​ၼၼ်ႉ​လႄႈ ၵေႃႉ​ၼၼ်ႉ​ၵိၼ်​ဢေႃႈ။ ၼမ်ႉ​ၵေႃႈ​ၶဝ်​ႁႂ်ႈ​မၼ်း​ၵိၼ်​ဢေႃႈ။-</verse>
				<verse number="12">ၶႅပ်း​မၢၵ်ႇ​လိူဝ်ႇ​သၢင်း​ၽေႃး​ၽၢၵ်ႇ​ၼိုင်ႈ ဢိၵ်ႇ​တင်း​မၢၵ်ႇ​ၸပိတ်ႈ​ဢၼ်​ႁႅင်ႈ​သွင်​ပုၵ်ႉ​ၵေႃႈ ၶဝ်​ပၼ်​လႄႈ​ၵေႃႉ​ၼၼ်ႉ​ၵိၼ်​သေ​ယဝ်ႉ၊ ႁႅင်း​မၼ်း​သမ်ႉ​ၶိုၼ်း​မီး​မႃး​ဢေႃႈ။ မၼ်း​ၼၼ်ႉ​ယင်း​ဢမ်ႇ​လႆႈ​ၵိၼ်​ၶဝ်ႈ​မုၼ်း​ဢမ်ႇ​လႆႈ​ၵိၼ်​ၼမ်ႉ​လႄႈ လႆႈ​သၢမ်​ဝၼ်း​သၢမ်​ၶိုၼ်း​တဵမ်​တဵမ်​ယဝ်ႉ။-</verse>
				<verse number="13">တႃႇဝိတ်ႈ ​ၵေႃႈ ထၢမ်​တီႈ​မၼ်း​လႄႈ​ဝႃႈ၊ မႂ်း​ၼႆႉ ၸၢပ်ႈ​သႅင်ႇ​ၵၼ်​တင်း​ၽူႈ​လႂ်။ မႂ်း​လုၵ်ႉ​သေ​ၵႃႈ​တီႈ​လႂ်​မႃး၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ ပဵၼ်​ၵူၼ်း​ဢွၼ်ႇ​ၵူၼ်း​ ဢေႇၵိပ်ႉတူႉ ဢၼ်​လႆႈ​ၶၢမ်ႇ​ႁဵတ်း​ၶႃႈ​တီႈ​ၵူၼ်း​ ဢႃႇမလႅၵ်ႉ ​ၶႃႈ​ဢေႃႈ။ ၸဝ်ႈ​ၵဝ်​ၶႃႈ​ပႅတ်ႈ​ၵဝ်​ၶႃႈ​ဝႆႉ ၵွပ်ႈ​ပိူဝ်ႈ​ဢၼ် မိူဝ်ႈ​ဢွၼ်​တၢင်း​သၢမ်​ဝၼ်း​ၼၼ်ႉ ၵဝ်​ၶႃႈ​မီး​တၢင်း​ၶႆႈ​တၢင်း​ပဵၼ်​ၼၼ်ႉ​ၶႃႈ​ဢေႃႈ။-</verse>
				<verse number="14">ႁဝ်း​ၶႃႈ​တိုၵ်း​တေႃး​ပွတ်း​တၢင်း​ၸၢၼ်း​မိူင်း​ ၶေးရသီႉ ဢိၵ်ႇ​တင်း​ဢၼ်​ၸၢပ်ႈ​သႅင်ႇ​ၵၼ်​တင်း​မိူင်း​ ယူႉတႃႉ တၢင်း​ပွတ်း​တၢင်း​ၸၢၼ်း လိၼ်​ ၵႃႇလႅပ်ႉ ​လႄႈ ဢဝ်​ၽႆး​တုတ်ႇ​ဝဵင်း​ ၸီႉၵလတ်ႉ ​ပႅတ်ႈ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">တႃႇဝိတ်ႈ ​ၵေႃႈ​ထၢမ်​တီႈ​မၼ်း​လႄႈ​ဝႃႈ၊ မႂ်း​တၵ်း​ဢွၼ်​ၵဝ်​လူင်း​ၸူး​ၵႃႈ​တီႈ​ဢၼ်​မုၵ်ႉ​ၸိူဝ်း​ၶဝ်​မီး​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​တိူင်ႇ​ၽြႃး​ပဵၼ်​ၸဝ်ႈ​လႄႈ ၵိၼ်ႇ​ဝႃႈ​တီႈ​ၵဝ်​ၶႃႈ​လူၺ်ႈ​လွင်ႈ​ဢၼ်​တၵ်း​ဢမ်ႇ​ဢဝ်​ၵဝ်​ၶႃႈ​တၢႆ ဢိၵ်ႇ​တင်း​တၵ်း​ဢမ်ႇ​ဢဝ်​ၵဝ်​ၶႃႈ​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၸဝ်ႈ​ၵဝ်​ၶႃႈ​ၼၼ်ႉ​သေ​ၵမ်း။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် ၵဝ်​ၶႃႈ​တၵ်း​ဢွၼ်​ၸဝ်ႈ​ႁဝ်း​လူင်း​ၸူး​ၵႃႈ​တီႈ​ဢၼ်​မုၵ်ႉ​ၸိူဝ်း​ၶဝ်​မီး​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">မိူဝ်ႈ​ဢၼ်​ၵူၼ်း​ဢွၼ်ႇ​ၼၼ်ႉ ဢွၼ်​မၼ်း​လူင်း​ၸူး​လႄႈ​ႁွတ်ႈ​ထိုင်​ၼၼ်ႉ​ၸိုင်၊ ၶဝ်​ၸိူဝ်း​ၼၼ်ႉ​ဢွၼ်​ၵၼ်​ၵိၼ်​ၶူပ်း​ယူႇ၊ ၵႃႈ​ဝႅၼ်​ယူႇ​သေ​လႄႈ မီး​ၸွတ်ႇ​ၸႅတ်ႇ​ၵႃႈ​ၼိူဝ်​ၼႃႈ​လိၼ်​ၵူႈ​တီႈ​ၵူႈ​လႅၼ်​ၼၼ်ႉ ၵွပ်ႈ​ပိူဝ်ႈ​ဢုၵ်ႉ​ၸႃႇ​ၶူဝ်း​လဵင်း​ၼမ်​ၼႃႇ​ၵႃႈ​မီး​ဢၼ်​ၶဝ်​ႁိမ်​လႆႈ ၵႃႈ​ၼႂ်း​မိူင်း​ ၽီႉလိတ်ႉတီႉ ဢိၵ်ႇ​တင်း​မိူင်း​ ယူႉတႃႉ ​ၼၼ်ႉ​ဢေႃႈ။-</verse>
				<verse number="17">တႃႇဝိတ်ႈ ​ၵေႃႈ တိုၵ်း​တေႃး​ယႃႉ​ပႅတ်ႈ​ၶဝ် ၸႃႉ​ၸဵမ်​ၶိင်ႇ​ႁူဝ်​ၶမ်ႈ​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​မိူဝ်ႈ​ၽုၵ်ႈ​ၼၼ်ႉ​လႄႈ၊ ၼွၵ်ႈ​သေ​ၵူၼ်း​ၼုမ်ႇ​သီႇ​ပၢၵ်ႇ​ဢၼ်​ၶီႇ​ၵလႃးဢုၵ်ႉ​ဢွၵ်ႇ​ပၢႆႈ​ၵႂႃႇ​ၼၼ်ႉ၊ ဢမ်ႇ​လွတ်ႈ​သေ​ၵေႃႉ​သေ​ၵူၼ်း။-</verse>
				<verse number="18">တႃႇဝိတ်ႈ ​ၶိုၼ်း​လႆႈ​ၵႃႈ​ဢၼ်​ၵူၼ်း​ ဢႃႇမလႅၵ်ႉ ​ၸိူဝ်း​ၼၼ်ႉ သိမ်း​ဢဝ်​ၵႂႃႇ​ၼၼ်ႉ​လႄႈ မေး​မၼ်း​သွင်​ၵေႃႉ​ၼၼ်ႉ​ၵေႃႈ တႃႇဝိတ်ႈ ၵႄႇ​ၼုၵ်ႈ​ဢဝ်​ဢေႃႈ။-</verse>
				<verse number="19">ၼႂ်း​ၵူၼ်း​ယႂ်ႇ​ၵူၼ်း​ဢွၼ်ႇ၊ လုၵ်ႈ​ၸၢႆး​လုၵ်ႈ​ယိင်း၊ ဢုၵ်ႉ​ၸႃႇ​ၶူဝ်း​လဵင်း ၵႃႈ​ဢၼ်​ႁိမ်​ဢဝ်​သိမ်း​ဢဝ်​ၵႂႃႇ​ၼၼ်ႉ ဢမ်ႇ​ၵိုတ်း​ဢမ်ႇ​ၵျၢၼ်ႇ​သေ​ၸိူဝ်ႉ​သေ​ဢၼ်၊ တႃႇဝိတ်ႈ ​ၶိုၼ်း​ဢဝ်​မႃး​တင်း​သဵင်ႈ​တင်း​လူင်​ဢေႃႈ။-</verse>
				<verse number="20">တႃႇဝိတ်ႈ ​ၵေႃႈ ဢဝ်​ၽုင်​သူဝ်း​ၽုင်​ဝူဝ်း ၵႃႈ​ဢၼ်​ၶဝ်​ၼၼ်ႉ​ႁေႃႈ​ၵႂႃႇ​ဢွၼ်​တၢင်း​ၽုင်​သူဝ်း​ၽုင်​ဝူဝ်း​ၶဝ်​ၼၼ်ႉ​လႄႈ​ဝႃႈ၊ ဢၼ်​ၸိူဝ်း​ၼႆႉ​ၸမ်ႉ၊ ပဵၼ်​ဢုၵ်ႉ​ၸႃႇ​ဢၼ်​ႁိမ်​လႆႈ​ဢၼ်​ တႃႇဝိတ်ႈ ​ပိူင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">တႃႇဝိတ်ႈ ​ၶိုၼ်း​ႁွတ်ႈ​ထိုင်​ၵႃႈ​တီႈ​ၵူၼ်း​သွင်​ပၢၵ်ႇ ဢၼ်​ႁိူဝ်ႉ​ဢူၼ်ႈ​ထၼ်ႈ​ပေႃး​ဢမ်ႇ​ၸွမ်း​ တႃႇဝိတ်ႈ ​လႆႈ​လႄႈ ၶဝ်​ႁႂ်ႈ​ၵိုတ်း​သဝ်း​ယူႇ​ၵႃႈ​တီႈ​ႁိမ်း​ၼမ်ႉ​ႁွင်ႈ​ ပေႇသေႃႇ ​ၼၼ်ႉ​လႄႈ ၶဝ်​ၼၼ်ႉ​ဢွၼ်​ၵၼ်​ဢွၵ်ႇ​မႃး ႁႂ်ႈ​လႆႈ​ႁပ်ႉ​ႁူဝ်​တၢင်း တႃႇဝိတ်ႈ ဢိၵ်ႇ​တင်း​ၵူၼ်း​ဢၼ်​ၸွမ်း​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ​လႄႈ၊ မိူဝ်ႈ​ဢၼ်​ တႃႇဝိတ်ႈ ​ႁွတ်ႈ​ထိုင်​ၵႃႈ​တီႈ​ဢၼ်​ၸမ်​ၶဝ်​ယဝ်ႉ​ၼၼ်ႉ​ၸိုင်၊ မၼ်း​တၵ်ႉ​လၢတ်ႈ​ၶဝ်​ဢေႃႈ။-</verse>
				<verse number="22">မိူဝ်ႈ​ၼၼ်ႉ ၼႂ်း​ၵူၼ်း​ဢၼ်​ၸွမ်း​လူၺ်ႈ​ၵၼ်​တင်း​ တႃႇဝိတ်ႈ ​ၵႂႃႇ​ၸိူဝ်း​ၼၼ်ႉ၊ ၵူၼ်း​ႁၢႆႉ​ဢိၵ်ႇ​တင်း​ၵူၼ်း​ဢႃႉထမ်ႇမႃႉ​တင်း​လၢႆ​ၼၼ်ႉ ဢွၼ်​ၵၼ်​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ၸွမ်း​လူၺ်ႈ​ၵၼ်​တင်း​ႁဝ်း​လႄႈ ၼႂ်း​ဢုၵ်ႉ​ၸႃႇ​ဢၼ်​ႁဝ်း​ႁိမ်​လႆႈ​ၼၼ်ႉ ၼွၵ်ႈ​သေ​လုၵ်ႈ​လၢင်း​မေး​ၶဝ်​ႁင်း​ၽႂ်​ႁင်း​မၼ်း​ၼၼ်ႉ ႁဝ်း​ဢမ်ႇ​လႆႈ​ဢဝ်​ဢုၵ်ႉ​ၸႃႇ​ပၼ်​တီႈ​ၶဝ်​သေ​ၸိူဝ်ႉ​သေ​ပိူင်။ ႁႂ်ႈ​ၶဝ်​ဢဝ်​လုၵ်ႈ​ဢဝ်​မေး​ၶဝ်​သေ​လႄႈ​ဢွၵ်ႇ​ၵႂႃႇ​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">တႃႇဝိတ်ႈ ​ၵေႃႈ​ၸီႇ​ယၢင်ႇ​လႄႈ​ဝႃႈ၊ ပီႈ​ၼွင်ႉ​ၵဝ်​တင်း​လၢႆ​ဢိူၺ်း၊ သူ​ဢမ်ႇ​လႆႈ​ဢဝ်​ဢုၵ်ႉ​ၸႃႇ​ဢၼ်​ထႃႇဝရႃႉ​ၽြႃး ဢၼ်​ပႂ်ႉ​ၸွႆႈ​ပႂ်ႉ​ထႅမ်​ႁဝ်း​လႄႈ ဢဝ်​မူႇ​ၽုင်​မုၵ်ႉ​ၸိူဝ်း​ဢၼ်​မႃး​တိုၵ်း​တေႃး​ႁဝ်း​ၸိူဝ်း​ၼၼ်ႉ ဢၢပ်ႈ​ပၼ်​တီႈ​ႁဝ်း​ၼၼ်ႉ ဢဵတ်း​လူ​ပၼ်​ၼၼ်ႉ ႁဵတ်း​ၸိူဝ်ႉ​ၼင်ႇ​ၼၼ်။-</verse>
				<verse number="24">ၼႂ်း​လွင်ႈ​တၢင်း​ၼႆႉ ၽူႈ​လႂ်​တၵ်း​ထွမ်ႇ​ဢဝ်​ၵႂၢမ်း​သူ။ ၵႃႈ​ၼင်ႇ​ဢၼ်​ၵေႃႉ​ဢၼ်​ၵႂႃႇ​တိုၵ်း​သိုၵ်း​ၼၼ်ႉ​လႆႈ​ၼၼ်ႉ ႁႂ်ႈ​ၵေႃႉ​ဢၼ်​ပႂ်ႉ​ဢုၵ်ႉ​ၸႃႇ​ၶူဝ်း​လဵင်း​ယူႇ​ၼၼ်ႉ​လႆႈ​သေ။ ႁႂ်ႈ​တင်း​သွင်​မုၵ်ႉ​သွင်​ၸိူဝ်း​ၶၢမ်ႇ​ဢဝ်​မိူၼ်​မိူၼ်​ၵၼ်​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မၼ်း​ႁဵတ်း​ႁႂ်ႈ​ပဵၼ်​ထုင်း​ၽိင်ႈ​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​တီႈ​မဵဝ်း​ ဢီႉသရေႇလႃႉ ၸႃႉ​ၸဵမ်​ဝၼ်း​မိူဝ်ႈ​ၼၼ်ႉ​ၵႂႃႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="26">တႃႇဝိတ်ႈ ​ၼၼ်ႉ​ႁွတ်ႈ​ထိုင်​ၵႃႈ​တီႈ​ဝဵင်း​ ၸီႉၵလတ်ႉ ​သေ​ယဝ်ႉ၊ ဢဝ်​ဢုၵ်ႉ​ၸႃႇ​ဢၼ်​ႁိမ်​လႆႈ​ၼၼ်ႉ​ၵမ်ႈ​ၽွင်ႈ​ပၼ်​ၵႂႃႇ​ၵႃႈ​တီႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​မဵဝ်း​ ယူႉတႃႉ ဢၼ်​ပဵၼ်​ၵေႃႉ​သေႈ​မၼ်း​ၸိူဝ်း​ၼၼ်ႉ​သေ​လႄႈ သင်ႇ​လၢတ်ႈ​လႄႈ​ဝႃႈ၊ တူၺ်း​လူး၊ လၢၵ်ႈ​သွင်ႇ​ပုၼ်ႈ​သူ​ၼႆႉ ပဵၼ်​ဢၼ်​ဢဝ်​ၵႃႈ​ၼႂ်း​ဢုၵ်ႉ​ၸႃႇ​ဢၼ်​ႁိမ်​လႆႈ​ၵႃႈ​ၼႂ်း​မိုဝ်း​ရၢၼ်ႇ​သူႇ​ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မၼ်း​ဢဝ်​ပၼ်​ၵႂႃႇ​ၵႃႈ​တီႈ​ၶဝ်​ၸိူဝ်း​ဢၼ်​မီး​ၵႃႈ​ၼႂ်း​ဝဵင်း​ ပေႇသလႃႉ ၊ ဝဵင်း​ ရႃႇမုတ်ႉ ၼႂ်း​ပွတ်း​တၢင်း​ၸၢၼ်း၊ ဝဵင်း​ ယတ်ႉတီႉရႃႉ ၊-</verse>
				<verse number="28">ဝဵင်း​ ဢႃႇရေႃႇ ၊ ဝဵင်း​ သီႉၽမုတ်ႉ ၊ ဝဵင်း​ ဢေးသတမေႃႇ ၊-</verse>
				<verse number="29">ဝဵင်း​ ရႃႇၶလႃႉ ၊ ဝဵင်း​တီႈ​ဢၼ်​ၵူၼ်း​ ယေႇရမေးလႃႉ ​ယူႇ​ၸိူဝ်း​ၼၼ်ႉ၊ ဝဵင်း​တီႈ​ဢၼ်​ၵူၼ်း​ ၵေႇၼီႉ ယူႇ​ၸိူဝ်း​ၼၼ်ႉ၊-</verse>
				<verse number="30">ဝဵင်း​ ႁေႃႇမႃႇ ၊ ဝဵင်း​ ၶေႃႇရႃသၼ်ႇ ၊ ဝဵင်း​ ဢႃႇထၵ်ႉ ၊-</verse>
				<verse number="31">ဝဵင်း​ ႁေႇပြုၼ်ႇ ​ဢၼ်​ဝႃႈ ဝၢၼ်ႈ​ဝဵင်း​ၵႃႈ​ဢၼ်​ တႃႇဝိတ်ႈ ​ဢိၵ်ႇ​တင်း ၵူၼ်း​မၼ်း​တင်း​လၢႆ ယၢမ်ႈ​သွၼ်ႈ​ပိုင်ႈ​ယူႇ​ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="31">
				<verse number="1">မိူဝ်ႈ​ၼၼ်ႉ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ တိုၵ်း​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ပၢႆႈ​ၵႃႈ​တီႈ​ၽၢႆႇ​ၼႃႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​သေ​လႄႈ လူမ်ႉ​တၢႆ​ၵႃႈ​ၼိူဝ်​လွႆ​ ၵီႉလပေႃႇ ​ဢေႃႈ။-</verse>
				<verse number="2">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ လိုပ်ႈ​ၸွမ်း​လမ်း​ၸွမ်း​ သေႃးလူႉ ဢိၵ်ႇ​တင်း​လုၵ်ႈ​ၸၢႆး​မၼ်း​တင်း​လၢႆ ႁႅင်း​ယႂ်ႇ​ၼႃႇ​လူင်​လၢင်​လႄႈ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢဝ်​ ယေႃးၼသၼ်ႇ၊ ဢၽီႉၼတပ်ႉ၊ မေႇလၶီႉသႂႃႇ လုၵ်ႈ​ၸၢႆး​ သေႃးလူႉ ​ၸိူဝ်း​ၼၼ်ႉ​တၢႆ​ဢေႃႈ။-</verse>
				<verse number="3">ၼႂ်း​မိူဝ်ႈ​ဢၼ်​ယင်း​တိုၵ်း​သိုၵ်း​ယူႇ​ၼၼ်ႉ၊ သေႃးလူႉ ​လႆႈ​ၶၢမ်ႇ​ၼႃႇ​လူင်​လၢင်​လႄႈ ၵူၼ်း​ဢၼ်​မေႃ​ၵၢင်ႇ​ၶိုတ်း​မၼ်း​သေ​ယဝ်ႉ၊ မၼ်း​တူၵ်း​ၸႂ်​ၵူဝ်​ႁႄ ၵွပ်ႈ​ပိူဝ်ႈ​ၵူၼ်း​ဢၼ်​မေႃ​ၵၢင်ႇ​ၸိူဝ်း​ၼၼ်ႉ​လႄႈ၊-</verse>
				<verse number="4">သေႃးလူႉ ​လၢတ်ႈ​တီႈ​ၵူၼ်း​ဢွၼ်ႇ ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ​လႄႈ​ဝႃႈ၊ ထွတ်ႇ​ဢဝ်​လၢပ်ႇ​မႂ်း​လႄႈ တႅင်း​ၵဝ်​ႁႂ်ႈ​ပွင်ႇ​တႃႉ။ ပေႃး​ဢမ်ႇ​ၼၼ် ၵူၼ်း​ဢၼ်​ဢမ်ႇ​ၶၢမ်ႇ​မင်ႇၵလႃႇ တၢင်း​ဢၼ်​ထိူဝ်​ႁိမ်း​ၸိူဝ်း​ၼၼ်ႉ တၵ်း​မႃး​လႄႈ​တႅင်း​ၵဝ်​ႁႂ်ႈ​ပွင်ႇ​သေ​ယဝ်ႉ၊ ဢမ်ႇ​ရူဝ်ႇ​သေႇ​ၵူဝ်​ယမ် ၼပ်ႉ​တေႃႈ​ႁဵတ်း​တီႈ​ၵဝ်​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ ဢမ်ႇ​ႁတ်း​ႁဵတ်း​ၵွပ်ႈ​ပိူဝ်ႈ​ဢၼ်​ၵူဝ်​ႁႄ​ၼႃႇ​လူင်​လၢင်​ၼၼ်ႉ​လႄႈ၊ သေႃးလူႉ ​လူမ်ႉ​တဵင်​သႂ်ႇ​ၵႃႈ​ၼိူဝ်​ပၢႆ​လၢပ်ႇ​မၼ်း​ၵူၺ်း​မၼ်း​ဢေႃႈ။-</verse>
				<verse number="5">မိူဝ်ႈ​ဢၼ်​ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ ႁၼ်​လွင်ႈ​ဢၼ်​ သေႃးလူႉ ​တၢႆ​ယဝ်ႉ​ၼၼ်ႉ​ၸိုင်၊ မၼ်း​ၵေႃႈ​လူမ်ႉ​တဵင်​သႂ်ႇ​ၵႃႈ​ၼိူဝ်​ပၢႆ​လၢပ်ႇ​မၼ်း​ၵူၺ်း​မၼ်း​လႄႈ တၢႆ​လူၺ်ႈ​ၵၼ်​တင်း​ သေႃးလူႉ ​ၼၼ်ႉ​ဢေႃႈ။-</verse>
				<verse number="6">ၼင်ႇ​ၼၼ်​လႄႈ ၸႃႉ​ၸဵမ်​ သေႃးလူႉ ​လႄႈ​လုၵ်ႈ​ၸၢႆး​မၼ်း​သၢမ်​ၵေႃႉ၊ ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း တင်း​ၵူၼ်း​ၵႃႈ​ဢၼ်​မီး​တီႈ​မၼ်း​ၼၼ်ႉ တၢႆ​ၼင်ႇ​ၵၼ်​ၼႂ်း​ဝၼ်း​လဵဝ်​ၼၼ်ႉ​ဢေႃႈ။-</verse>
				<verse number="7">ၵူၼ်း​မဵဝ်း​ ဢီႉသရေႇလႃႉ ဢၼ်​ယူႇ​ၵႃႈ​တီႈ​ၽၢႆႇ​ပုၼ်ႉ​ပၢင်ႇ​ႁူၺ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​မီး​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ ႁူႉ​ႁၼ်​လွင်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢွၵ်ႇ​ပၢႆႈ ဢိၵ်ႇ​တင်း​လွင်ႈ​ဢၼ်​ သေႃးလူႉ ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ တၢႆ​ၼၼ်ႉ​သေ​ယဝ်ႉ၊ ပႅတ်ႈ​ဝၢၼ်ႈ​ပႅတ်ႈ​ဝဵင်း​ၶဝ်​သေ​လႄႈ​ဢွၵ်ႇ​ပၢႆႈ​လႄႈ၊ ၵူၼ်း​ ၽီႉလိတ်ႉတီႉ ​တင်း​လၢႆ ဢွၼ်​ၵၼ်​မႃး​လႄႈ ယူႇ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ၸိူဝ်း​ၼၼ်ႉ​ဢေႃႈ။-</verse>
				<verse number="8">ဝၼ်း​မိူဝ်ႈ​ၽုၵ်ႈ၊ မိူဝ်ႈ​ဢၼ်​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢွၼ်​ၵၼ်​မႃး​ႁႂ်ႈ​လႆႈ​ထွတ်ႇ​ဢဝ်​ၶိူင်ႈ​ၼုင်ႈ​တၢင်း​မႆ​တီႈ​တူဝ်​တၢႆ​ၸိူဝ်း​ၼၼ်ႉ​ၸိုင်၊ ၶဝ်​ထူပ်း​ႁၼ်​ သေႃးလူႉ ​ဢိၵ်ႇ​တင်း လုၵ်ႈ​ၸၢႆး​မၼ်း​သၢမ်​ၵေႃႉ လူမ်ႉ​တၢႆ​ယူႇ​ၵႃႈ​ၼိူဝ်​လွႆ​ ၵီႉလပေႃႇ ​ယဝ်ႉ​ၼၼ်ႉ​ဢေႃႈ။-</verse>
				<verse number="9">ၶဝ်​တႅပ်း​ဢဝ်​ၵွၵ်း​ႁူဝ်​ သေႃးလူႉ ​လႄႈ ထွတ်ႇ​ဢဝ်​လၢၵ်ႈ​ၼၢၵ်ႈ​ၸဝ်ႈ​သေ​ယဝ်ႉ၊ ပၼ်​ၵႂႃႇ​ၵႃႈ​တီႈ​မိူင်း​ ၽီႉလိတ်ႉတီႉ ၵူႈ​တီႈ​ၵူႈ​လႅၼ် ႁႂ်ႈ​လႆႈ​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​ၵႃႈ​ၼႂ်း​ၵျွင်း​ရုၵ်ႈ​ထူႉ​လႂ် ဢိၵ်ႇ​တင်း​ၵႃႈ​တီႈ​ၵူၼ်း​တင်း​လၢႆ​လႂ်​ဢေႃႈ။-</verse>
				<verse number="10">လၢၵ်ႈ​ၼၢၵ်ႈ​ၸဝ်ႈ​ၵေႃႈ ၶဝ်​ဢဝ်​ဝႆႉ​ၵႃႈ​ၼႂ်း​ၵျွင်း​ ဢႃႇသတရိၵ်ႉ ​လႄႈ တူဝ်​တၢႆ​ၸဝ်ႈ​ၸိုင် ၶဝ်​ဢဝ်​ႁွႆႈ​ဝႆႉ​ၵႃႈ​တီႈ​လမ်း​ဝဵင်း​ ပႅတ်ႉသၼ်ႇ ​ဢေႃႈ။-</verse>
				<verse number="11">မိူဝ်ႈ​ဢၼ်​ၵူၼ်း​ဝဵင်း​ ယႃႇပႅတ်ႉ မိူင်း​ ၵီႉလတ်ႉ ​ၸိူဝ်း​ၼၼ်ႉ ငိၼ်း​လွင်ႈ​ဢၼ်​ၵူၼ်း​ ၽီႉလိတ်ႉတီႉ ​ႁဵတ်း​တီႈ​ သေႃးလူႉ ​ၼၼ်ႉ​ၸိုင်၊-</verse>
				<verse number="12">ၵူၼ်း​ႁတ်း​ၵူၼ်း​ႁၢၼ်​ၶဝ်​ၵႃႈ​မီး​ၼၼ်ႉ ဢွၼ်​ၵၼ်​လုၵ်ႉ​လႄႈ​ၵႂႃႇ​တင်း​ၶိုၼ်း​သေ​ယဝ်ႉ၊ ၶျႃး​တူဝ်​တၢႆ​ သေႃးလူႉ ဢိၵ်ႇ​တင်း​တူဝ်​တၢႆ လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​လူင်း​ၵႃႈ​တီႈ​လမ်း​ဝဵင်း ပႅတ်ႉသၼ်ႇ ​သေ​လႄႈ ဢဝ်​မႃး​ၸူး​ၵႃႈ​တီႈ​ဝဵင်း​ ယႃႇပႅတ်ႉ ​လႄႈ တုတ်ႇ​ၽႆး​ဢေႃႈ။-</verse>
				<verse number="13">ၶဝ်​ဢွၼ်​ၵၼ်​ဢဝ်​လုပ်ႇ​ၶဝ်​ၼၼ်ႉ​လႄႈ သၢင်း​ၵျူဝ်ႇ​ၵႃႈ​တီႈ​တႂ်ႈ​တူၼ်ႈ​မႆႉ ၵႃႈ​ၼႂ်း​ဝဵင်း​ ယႃႇပႅတ်ႉ ​သေ​ယဝ်ႉ၊ ၵမ်​တၢင်း​ၵိၼ်​ၸဵတ်း​ဝၼ်း​တဵမ်​တဵမ်​ဢေႃႈ။ ထမ်ႇမႃႉ​ရႃႇၸဝၢင်ႇ​ၽိုၼ်​ပထမႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="10">
			<chapter number="1">
				<verse number="1">လိုၼ်း​သေ​ သေႃးလူႉ ​တၢႆ​ယဝ်ႉ​ၼၼ်ႉ၊ တႃႇဝိတ်ႈ ​လုၵ်ႉ​သေ​ၵႃႈ​တီႈ​ဢၼ်​မၼ်း​ၶႃႈ​ၽၼ်း​ဢဝ်​တၢႆ​ၵူၼ်း​ ဢႃႇမလႅၵ်ႉ ​ၸိူဝ်း​ၼၼ်ႉ ၶိုၼ်း​မႃး​လႄႈ တႃႇဝိတ်ႈ ​ယူႇ​ၵႃႈ​တီႈ​ဝဵင်း​ ၸီႉၵလတ်ႉ ​သွင်​ဝၼ်း​သေ​ယဝ်ႉ၊-</verse>
				<verse number="2">ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ ၵူၼ်း​ဢၼ်​သိၵ်ႇ​ၶၢတ်ႇ​ၶူဝ်း​ၼုင်ႈ​မၼ်း​ယူႇ၊ ဢဝ်​မုၼ်ႈ​လိၼ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​ယူႇ​ၼၼ်ႉ​ၵေႃႉ​ၼိုင်ႈ လုၵ်ႉ​သေ​ၵႃႈ​တီႈ​တပ်ႉ​ သေႃးလူႉ ​မႃး​လႄႈ မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​ တႃႇဝိတ်ႈ ​ၼၼ်ႉ​ၸိုင်၊ ၶုပ်ႉ​မူပ်ႇ​ၵႃႈ​ၼိူဝ်​လိၼ်​ယူႇ​သေ​လႄႈ​ဝႆႈ​ဢေႃႈ။-</verse>
				<verse number="3">တႃႇဝိတ်ႈ ​ၵေႃႈ​ထၢမ်​တီႈ​မၼ်း​လႄႈ​ဝႃႈ၊ မႂ်း​လုၵ်ႉ​သေ​ၵႃႈ​တီႈ​လႂ်​မႃး၊ ဝႃႈ​ၼင်ႇ​ၼႆ​သေ​ယဝ်ႉ၊ ၵေႃႉ​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ဢွၵ်ႇ​ပၢႆႈ​သေ​ၵႃႈ​တီႈ​တပ်ႉ​ ဢီႉသရေႇလႃႉ ​လႄႈ မႃး​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">တႃႇဝိတ်ႈ ​ၵေႃႈ​ထၢမ်​လႄႈ​ဝႃႈ၊ ဢမူႉ​ၸမ်ႉ ပဵၼ်​ၸိူဝ်ႉ​ၼင်ႇ​ႁိုဝ်။ မွၵ်ႇ​လၢတ်ႈ​တီႈ​ၵဝ်​လူး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၵူၼ်း​တင်း​လၢႆ​ဢွၼ်​ၵၼ်​ဢွၵ်ႇ​ပၢႆႈ​ၵႃႈ​တီႈ​ဢၼ်​တိုၵ်း​သိုၵ်း​ၼၼ်ႉ​လႄႈ ၵူၼ်း​ၼမ်​ၼႃႇ​လူမ်ႉ​လႄႈ​တၢႆ​တီႈ​ၶႃႈ​ယဝ်ႉ။ သေႃးလူႉ ​ဢိၵ်ႇ​တင်း​လုၵ်ႈ​ၸၢႆး​ၸဝ်ႈ ယေႃးၼသၼ်ႇ ​ၼၼ်ႉ​ၵေႃႈ​တၢႆ​ယဝ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">တႃႇဝိတ်ႈ ​ၵေႃႈ​ထၢမ်​တီႈ​ၵူၼ်း​ဢွၼ်ႇ​ဢၼ်​မွၵ်ႇ​လၢတ်ႈ​ၼၼ်ႉ​လႄႈ​ဝႃႈ၊ မႂ်း​ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ​ႁူႉ​လွင်ႈ​ဢၼ်​ သေႃးလူႉ ဢိၵ်ႇ​တင်း​လုၵ်ႈ​ၸၢႆး​ၸဝ်ႈ ယေႃးၼသၼ်ႇ ​ၼၼ်ႉ​တၢႆ​ၼၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ၵူၼ်း​ဢွၼ်ႇ​ဢၼ်​မွၵ်ႇ​လၢတ်ႈ​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​ၶႃႈ​ၸဝ်ႈ​ယင်း​ဢမ်ႇ​ဝႆႉ​ဢမူႉ​လႄႈ​ႁွတ်ႈ​ထိုင်​ၵႃႈ​ၼိူဝ်​လွႆ ၵီႉလပေႃႇ ​ၼၼ်ႉ​ၸိုင်၊ သေႃးလူႉ ​ဢဝ်​ႁွၵ်ႇ​ၸဝ်ႈ​တဝ်ႉ​ၼႅင်ႈ​ယူႇ​ၶႃႈ​ဢေႃႈ။ ႁူဝ်​ႁၢၼ်​ၵူၼ်း​သိုၵ်း​ၶီႇ​လေႃႉရထႃး ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​ၸိူဝ်း​ၼၼ်ႉ လိုပ်ႈ​ၸွမ်း​လမ်း​ၸွမ်း​မၼ်း​ၸဝ်ႈ​ႁႅင်း​ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="7">မၼ်း​ၸဝ်ႈ​ဝၢႆႇ​တူၺ်း​တၢင်း​လင်​ၸဝ်ႈ​သေ​ယဝ်ႉ ႁၼ်​ၶႃႈ​ၸဝ်ႈ​လႄႈ ႁွင်ႉ​ဢဝ်​ၶႃႈ​ၸဝ်ႈ​ၵႂႃႇ​တီႈ​မၼ်း​ၸဝ်ႈ​တီႈ​ၶႃႈ​ဢေႃႈ။ မိူဝ်ႈ​ဢၼ်​ၶႃႈ​ၸဝ်ႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​မီး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="8">မၼ်း​ၸဝ်ႈ​ထၢမ်​လႄႈ​ဝႃႈ၊ မႂ်း​ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ ၶႃႈ​ၸဝ်ႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ပဵၼ်​ၵူၼ်း​ ဢႃႇမလႅၵ်ႉ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="9">မၼ်း​ၸဝ်ႈ​ၵေႃႈ​လၢတ်ႈ​တီႈ​ၶႃႈ​ၸဝ်ႈ​လႄႈ​ဝႃႈ၊ မႃး​ယူႇ​ၵႃႈ​ၼိူဝ်​ၵဝ်​သေ​လႄႈ​ဢဝ်​ၵဝ်​တၢႆ​တႃႉ။ ၵဝ်​လႆႈ​ၶၢမ်ႇ​ဝူၺ်ႇတၼႃႇ​ႁႅင်း​ယႂ်ႇ​ၼႃႇ​လူင်​လၢင် ၵွပ်ႈ​ပိူဝ်ႈ​ဢၼ်​ၸႂ်​ၵဝ်​ဢမ်ႇ​ၶၢတ်ႇ​လႆႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="10">ၶႃႈ​ၸဝ်ႈ​ၵႂႃႇ​ယူႇ​ၵႃႈ​ၼိူဝ်​မၼ်း​ၸဝ်ႈ​သေ​လႄႈ ဢဝ်​မၼ်း​ၸဝ်ႈ​တၢႆ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ႁူႉ​လွင်ႈ​ဢၼ်​လိုၼ်း​သေ​မၼ်း​ၸဝ်ႈ​လူမ်ႉ​ယဝ်ႉ​ၼၼ်ႉ၊ ဢသၢၵ်ႈ​ဢမ်ႇ​လိပ်း​လႆႈ​ၼၼ်ႉ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ထွတ်ႇ​ဢဝ်​မွၵ်ႇ​ႁူဝ်​သရၽူႇ ဢၼ်​တိုဝ်း​ၵႃႈ​တီႈ​ႁူဝ်​ၸဝ်ႈ ဢိၵ်ႇ​တင်း​ဝႅၼ်​ဢၼ်​တိုဝ်း​ၵႃႈ​တီႈ​ၶႅၼ်​ၸဝ်ႈ​ၼၼ်ႉ​သေ​လႄႈ ဢဝ်​မႃး​ၸူး​ၵႃႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​ၼၼ်ႉ​ တႃႇဝိတ်ႈ ​တိုတ်ႉ​သိၵ်ႇ​ၶူဝ်း​ၼုင်ႈ​မၼ်း​လႄႈ ၵူၼ်း​ၵႃႈ​ဢၼ်​မီး​ယူႇ​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ​ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="12">ၶဝ်​ဢွၼ်​ၵၼ်​ႁႆႈ​ႁွင်ႉ​ပွင်ႉ​ၶၢင်း​လႄႈ ၵမ်​တၢင်း​ၵိၼ် တေႃႇ​ထိုင်​ႁွတ်ႈ​ႁူဝ်​ၶမ်ႈ ပုၼ်ႈ​ သေႃးလူႉ ​ဢိၵ်ႇ​တင်း​လုၵ်ႈ​ၸၢႆး​ၸဝ်ႈ​ ယေႃးၼသၼ်ႇ တင်း​ၵူၼ်း​ထႃႇဝရႃႉ​ၽြႃး တင်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​လူမ်ႉ​တၢႆ လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ​ဢေႃႈ။</verse>
				<verse number="13">တႃႇဝိတ်ႈ ​ထၢမ်​တီႈ​ၵူၼ်း​ဢွၼ်ႇ​ဢၼ်​မွၵ်ႇ​လၢတ်ႈ​ၼၼ်ႉ​လႄႈ​ဝႃႈ၊ မႂ်း​လုၵ်ႉ​သေ​ၵႃႈ​တီႈ​လႂ်​မႃး၊ ဝႃႈ​ၼင်ႇ​ၼႆ​သေ​ယဝ်ႉ၊ ၵေႃႉ​ၼၼ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ၼႆႉ​ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ဝႃႈ​ၵူၼ်း​မဵဝ်း​ ဢႃႇမလႅၵ်ႉ ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">တႃႇဝိတ်ႈ ​လၢတ်ႈ​လႄႈ​ဝႃႈ၊ ႁဵတ်း​ႁိုဝ်​လႄႈ​မႂ်း​ႁတ်း​ယဵတ်ႇ​မိုဝ်း​မႂ်း​ႁႂ်ႈ​လႆႈ​ဢဝ်​ၵေႃႉ​ဢၼ်​ၶၢမ်ႇ​ၽိၵ်ႈ​သိၵ်ႈ​ဢၼ်​ထႃႇဝရႃႉ​ၽြႃး​ပၼ်​ၼၼ်ႉ​တၢႆ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="15">တႃႇဝိတ်ႈ ​ႁွင်ႉ​ဢဝ်​ၵူၼ်း​ဢွၼ်ႇ​ၵေႃႉ​ၼိုင်ႈ​လႄႈ​ဝႃႈ၊ ၵႂႃႇ​တီႈ​မၼ်း​လႄႈ​ဢဝ်​မၼ်း​တၢႆ​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ၼၼ်ႉ ယႃႉ​ပႅတ်ႈ​မၼ်း​ထၼ်ႈ​ပေႃး​တၢႆ​ဢေႃႈ။-</verse>
				<verse number="16">တႃႇဝိတ်ႈ ​ၵေႃႈ​ဝႃႈ၊ ႁႂ်ႈ​လိူတ်ႈ​မႂ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ႁူဝ်​မႂ်း​သေ​ၵမ်း​လူၺ်ႈ။ သူပ်း​မႂ်း​ၼၼ်ႉ​ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​မႂ်း​လႄႈ​ဝႃႈ၊ ၶႃႈ​ၸဝ်ႈ​ဢဝ်​ၵေႃႉ​ဢၼ်​ၶၢမ်ႇ​ၽိၵ်ႈ​သိၵ်ႈ​ဢၼ်​ထႃႇဝရႃႉ​ၽြႃး​ပၼ်​ၼၼ်ႉ​တၢႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ၊</verse>
				<verse number="17">တႃႇဝိတ်ႈ ​ဢဝ်​ၵႂၢမ်း​ဢၼ်​ႁႆႈ​ႁွင်ႉ​ပွင်ႉ​ၶၢင်း​ၼၼ်ႉ ႁႆႈ​ႁွင်ႉ​ပွင်ႉ​ၶၢင်း​ၵွပ်ႈ​ပိူဝ်ႈ​ သေႃးလူႉ ​ဢိၵ်ႇ​တင်း​လုၵ်ႈ​ၸၢႆး​ၸဝ်ႈ​ ယေႃးၼသၼ်ႇ ​ၼၼ်ႉ​လႄႈ၊-</verse>
				<verse number="18">မၼ်း​မီး​ဢမိင်ႉ ႁႂ်ႈ​ဢဝ်​တၢင်း​ဢၼ်​ႁဵတ်း​ၵႂၢမ်း​လူၺ်ႈ​လွင်ႈ​ၵၢင်ႇ​လွင်ႈ​ၵူင် ဢၼ်​ပႃး​ၵႃႈ​ၼႂ်း​လိၵ်ႈ​ ယႃႇသႃႇ ​ၼၼ်ႉ ဢဝ်​သွၼ်​ပၼ်​တီႈ​ၵူၼ်း​မဵဝ်း​ ယူႉတႃႉ ​တင်း​လၢႆ​လႄႈ​ဝႃႈ​ၸမ်ႉ၊-</verse>
				<verse number="19">မဵဝ်း​ ဢီႉသရေႇလႃႉ ​ဢိူၺ်း၊ မုၼ်​ၽုင်း​သရေႇ​မႂ်း​လႆႈ​ၶၢမ်ႇ​တၢင်း​တၢႆ ၵႃႈ​ၼိူဝ်​ထႃႇၼႃႉ​တီႈ​သုင်​မႂ်း​ၸိူဝ်း​ၼၼ်ႉ​လႄႈ ႁူဝ်​ႁၢၼ်​ၵူၼ်း​သိုၵ်း ဢၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ ဢွၼ်​ၵၼ်​လူမ်ႉ​တၢႆ​ယဝ်ႉ​လူင်​ပႄႇ။-</verse>
				<verse number="20">ယႃႇ​ပေ​ဢဝ်​လွင်ႈ​မၼ်း​မွၵ်ႇ​လၢတ်ႈ​တီႈ​ဝဵင်း​ ၵႃႇသႃႉ ​လႄႈ ယႃႇ​ပေ​ဢဝ်​လွင်ႈ​မၼ်း​ၵျေႃႇ​ၺႃႇ ၵႃႈ​ၼႂ်း​သဵၼ်ႈ​တၢင်း ဝဵင်း​ ဢႃႇသၵေႇလုၼ်ႇ ​ၸိူဝ်း​ၼၼ်ႉ။ ၵူဝ်​လုၵ်ႈ​ယိင်း​ၵူၼ်း​မဵဝ်း​ ၽီႉလိတ်ႉတီႉ ​တင်း​လၢႆ တၵ်း​ၸူမ်း​သိူဝ်း​မူၼ်ႈ​ပျေႃႇ​လႄႈ ၵူဝ်​လုၵ်ႈ​ယိင်း​ၶဝ်​ၸိူဝ်း​ဢၼ်​ဢမ်ႇ​ၶၢမ်ႇ​မင်ႇၵလႃႇ တၢင်း​ဢၼ်​ထိူဝ်​ႁိမ်း​ၼၼ်ႉ တၵ်း​သႂၢင်ႇ​ၸႂ်​သိူဝ်း​ၸႂ်​ဢေႃႈ။-</verse>
				<verse number="21">လွႆ​ ၵီႉလပေႃႇ ​ၶဝ်​ဢိူၺ်း၊ ၵႃႈ​ၼိူဝ်​သူ​ၼၼ်ႉ၊ ယႃႇ​ပေ​ႁႂ်ႈ​ၼမ်ႉ​ၼၢႆး ဢိၵ်ႇ​တင်း​ၽူၼ်​တူၵ်း​သႂ်ႇ​လႄႈ၊ ယႃႇ​ပေ​ႁႂ်ႈ​မီး​ႁႆႊ​မီး​ၼႃး ဢၼ်​မၢၵ်ႇ​မၢၵ်ႇ​ဢၼ်​တၵ်း​လီ​ပုၵ်ႈ​ၸေႃႇ​ၼၼ်ႉ​သေ​ၵမ်း။ လွင်ႈ​မၼ်း​ၸမ်ႉ ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ​တိုဝ်း ဢၼ်​ဝႃႈ​ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢၼ်​ သေႃးလူႉ ​တိုဝ်း ဢၼ်​လွတ်ႈ​တင်း​တၢင်း​ဢၼ်​တႃး​ၼမ်ႉ​မၼ်း​ၵႂႃႇ​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ၵႃႈ​တီႈ​ၼၼ်ႈ​ယဝ်ႉ။-</verse>
				<verse number="22">ၵႃႈ​တီႈ​လိူတ်ႈ​ႁူဝ်​ႁၢၼ်​ၵူၼ်း​သိုၵ်း၊ ၵႃႈ​တီႈ​ၵွၼ်ႈ​ၶႆ​ၵွၼ်ႈ​မၼ်း​ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼၼ်ႉ ၵၢင်ႇ​ ယေႃးၼသၼ်ႇ ဢမ်ႇ​ၸၢင်ႈ​ဝၢႆႇ​ၶိုၼ်း သုတ်ႉ​ၶိုၼ်း​သေ​ၵႃႈ​တီႈ​ၼၼ်ႈ​လႃး​လႃး​လႄႈ လၢပ်ႇ​ သေႃးလူႉ ​ဢမ်ႇ​ၸၢင်ႈ​ၶိုၼ်း​မႃး​သေ​ၵႃႈ​တီႈ​ၼၼ်ႈ​လၢႆ​လၢႆ​ပဝ်ႇ​ပဝ်ႇ။-</verse>
				<verse number="23">သေႃးလူႉ ​ဢိၵ်ႇ​တင်း​ ယေႃးၼသၼ်ႇ ​ၼၼ်ႉ မိူဝ်ႈ​ဢၼ်​ဢသၢၵ်ႈ​သွင်​ၶႃ​ယင်း​လိပ်း​ယူႇ​ၼၼ်ႉ​ၸိုင်၊ ပဵၼ်​ဢၼ်​လီ​ႁၵ်ႉ​လီ​ပႅင်း​လႄႈ ထုၵ်ႇ​ၸႂ်​ၵျိူၵ်ႈ​ၸႂ်​ပိူၼ်ႈ​ယူႇ​သေ​လႄႈ မိူဝ်ႈ​ဢၼ်​သွင်​ၶႃ​တၢႆ​ၼၼ်ႉ​ၸိုင်၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယင်း​ဢမ်ႇ​ၽၢတ်ႇ​ဢမ်ႇ​ယၢၼ်​ၵၼ်​လႄႈ​ယူႇ​ဢေႃႈ။ သွင်​ၶႃ​ၼၼ်ႉ ၶၼ်​ၽႂ်း​လိူဝ်​တွၼ်း​ၼႃႇ​သေ​ယဵဝ်ႈ​ႁုင်ႉ​လႄႈ ႁႅင်း​ယႂ်ႇ​ၼႃႇ​သေ​သၢင်ႇ​သီႈ​ဢေႃႈ။-</verse>
				<verse number="24">သူ​ၵႃႈ​ပဵၼ်​လုၵ်ႈ​ယိင်း​မဵဝ်း​ ဢီႉသရေႇလႃႉ ​ၶဝ်​ဢိူၺ်း၊ ဢွၼ်​ၵၼ်​ႁႆႈ​ႁွင်ႉ​ၵွပ်ႈ​ပိူဝ်ႈ​ သေႃးလူႉ ဢၼ်​ဢဝ်​ၶူဝ်း​ၼုင်ႈ​ဢၼ်​လႅင်​ၵမ်ႇ​ၼၼ်ႉ ၼုင်ႈ​ပၼ်​သူ​ႁၢင်ႈ​လီ​ႁၢင်ႈ​ငၢမ်း​လႄႈ ဢဝ်​ၶိူင်ႈ​ၶမ်း​ႁၢင်ႈ​ၶိူင်ႈ​သႂ်ႇ​ပၼ်​တီႈ​ၶူဝ်း​ၼုင်ႈ​သူ​ၼၼ်ႉ​တႃႉ။-</verse>
				<verse number="25">ႁူဝ်​ႁၢၼ်​ၵူၼ်း​သိုၵ်း ဢၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ လူမ်ႉ​တၢႆ​ၵႃႈ​တီႈ​ပၢင်​ပွႆး​သိုၵ်း​ၼၼ်ႉ​ယဝ်ႉ​လူင်​ပႄႇ။ ယေႃးၼသၼ်ႇ ​ၼၼ်ႉ​လႆႈ​ၶၢမ်ႇ​တၢင်း​တၢႆ ၵႃႈ​ၼိူဝ်​ထႃႇၼႃႉ​တီႈ​သုင်​မႂ်း​ၸိူဝ်း​ၼၼ်ႉ​ယဝ်ႉ​လူင်​ပႄႇ။-</verse>
				<verse number="26">ပီႈ​ၸၢႆး​ၵဝ်​ ယေႃးၼသၼ်ႇ ​ဢိူၺ်း၊ ၵဝ်​မီး​တၢင်း​ဢၼ်​ၸႂ်​ႁဵဝ်ႇ​ၸွပ်ႈ​ၵွပ်ႈ​ပိူဝ်ႈ​မႂ်း​ဢေႃႈ။ မႂ်း​ပဵၼ်​ၵေႃႉ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်​ၼႃႇ​လူင်​လၢင်​လႄႈ မႅတ်ႈ​တႃႇ​ဢၼ်​မႂ်း​ႁၵ်ႉ​ပႅင်း​ၵဝ်​ၼၼ်ႉ ပဵၼ်​ဢၼ်​လီ​ဢၢမ်း​ၼႃႇ​လိူဝ်​တွၼ်း​ၼႃႇ​သေ​မႅတ်ႈ​တႃႇ ဢၼ်​ၸၢင်ႈ​ႁၵ်ႉ​ပႅင်း​မႄႈ​ယိင်း​ၼၼ်ႉ​ဢေႃႈ။-</verse>
				<verse number="27">ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ လူမ်ႉ​တၢႆ​ယဝ်ႉ​လူင်​ပႄႇ။ လၢၵ်ႈ​ၼၢၵ်ႈ​တိုၵ်း​သိုၵ်း​ၸိူဝ်း​ၼၼ်ႉ သုမ်း​ၸွမ်း​ပႅတ်ႈ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="2">
				<verse number="1">လိုၼ်း​ၼၼ်ႉ​ တႃႇဝိတ်ႈ ​လဝ်ႊ​ထၢမ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၶႃႈ​ၸဝ်ႈ​တၵ်း​လႆႈ​ၶိုၼ်း ၶိုၼ်ႈ​ၸူး​ၵႃႈ​တီႈ​ဝဵင်း​ ယူႉတႃႉ ​သေ​ဝဵင်း​ဝဵင်း​တီႈ​ၶႃႈ​ႁိုဝ်၊ ဝႃႈ​ၼင်ႇ​ၼႆ​သေ​ယဝ်ႉ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၶိုၼ်း​ၶိုၼ်ႈ​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။ တႃႇဝိတ်ႈ ​သမ်ႉ​လဝ်ႊ​ထၢမ်​လႄႈ​ဝႃႈ၊ ၶႃႈ​ၸဝ်ႈ​တၵ်း​လႆႈ​ၶိုၼ်း ၶိုၼ်ႈ​ၵႂႃႇ​ၸူး​ၵႃႈ​တီႈ​ဝဵင်း​ဢၼ်​လႂ်​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ၶိုၼ်း​ၶိုၼ်ႈ​ၵႂႃႇ​ၸူး​ၵႃႈ​တီႈ​ဝဵင်း​ ႁေႇပြုၼ်ႇ ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="2">တႃႇဝိတ်ႈ ​ပႃး​ဢဝ်​မေး​မၼ်း​သွင်​ၵေႃႉ​ဢၼ်​ဝႃႈ ဢႁီႉၼွင်ႇ ၵူၼ်း​ယိင်း​ဝဵင်း​ ယေႇၸရေႇလႃႉ ဢိၵ်ႇ​တင်း​ ဢၽီႉၵေးလႃႉ ၵူၼ်း​ယိင်း​ဝဵင်း​ ၵရမေႇလႃႉ မေး​ ၼႃႇပလႃႉ ​ၸိူဝ်း​ၼၼ်ႉ ၶိုၼ်း​ၶိုၼ်ႈ​ၵႂႃႇ​ဢေႃႈ။-</verse>
				<verse number="3">ၵူၼ်း​တင်း​လၢႆ​ဢၼ်​ပႃး​တီႈ​မၼ်း ဢၼ်​ဝႃႈ​ၵူႈ​ၵေႃႉ​ၵူႈ​ၵူၼ်း ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မၼ်း​ၼၼ်ႉ​ၸိူဝ်း​ၼၼ်ႉ​ၵေႃႈ တႃႇဝိတ်ႈ ႁွင်ႉ​ဢဝ်​မႃး​လႄႈ ၶဝ်​ၼၼ်ႉ​လႆႈ​ယူႇ​ၵႃႈ​တီႈ​ဝၢၼ်ႈ​ဝဵင်း​ ႁေႇပြုၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="4">လႆႈ​သမ်ႉ ၵူၼ်း​မဵဝ်း​ ယူႉတႃႉ ​တင်း​လၢႆ ဢွၼ်​ၵၼ်​မႃး​လႄႈ ပၼ်​ၽိၵ်ႈ​သိၵ်ႈ​တီႈ​ တႃႇဝိတ်ႈ ၊ ႁႂ်ႈ​မၼ်း​လႆႈ​ပဵၼ်​ၶုၼ်​ႁေႃ​ၶမ်း​မဵဝ်း​ ယူႉတႃႉ ​ဢေႃႈ။-</verse>
				<verse number="5">မိူဝ်ႈ​ၼၼ်ႉ ပိူၼ်ႈ​လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၵူၼ်း​ဝဵင်း​ ယႃႇပႅတ်ႉ မိူင်း​ ၵီႉလတ်ႉ ​ၸိူဝ်း​ၼၼ်ႉ ဢွၼ်​ၵၼ်​သၢင်း​ၵျူဝ်ႇ​ သေႃးလူႉ ယဝ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ တႃႇဝိတ်ႈ ​ပွႆႇ​ၸႂ်ႉ​တမၢၼ်ႇ​ၵႂႃႇ​ၸူး​ၵႃႈ​တီႈ​ၵူၼ်း​ဝဵင်း​ ယႃႇၽႅတ်ႈ မိူင်း​ ၵီႉလတ်ႉ ​ၸိူဝ်း​ၼၼ်ႉ​လႄႈ သင်ႇ​လၢတ်ႈ​ၵႂႃႇ​တီႈ​ၶဝ်​လႄႈ​ဝႃႈ၊ ႁႂ်ႈ​သူ​လႆႈ​ၶၢမ်ႇ​တၢင်း​လီ​မင်ႇၵလႃႇ ဢၼ်​ထႃႇဝရႃႉ​ၽြႃး​ပၼ်​ၼၼ်ႉ ၵွပ်ႈ​ပိူဝ်ႈ​ဢၼ်​သူ​ႁဵတ်း​ၵျေး​ၸူး​ၵရူႉၼႃႇ​တီႈ​ၸဝ်ႈ​သူ​ဢၼ်​ဝႃႈ သေႃးလူႉ ​ၼၼ်ႉ​လႄႈ ဢဝ်​တူဝ်​တၢႆ​ၸဝ်ႈ သၢင်း​ၵျူဝ်ႇ​ၼၼ်ႉ​သေ​ၵမ်း​လူၺ်ႈ။-</verse>
				<verse number="6">ႁႂ်ႈ​ထႃႇဝရႃႉ​ၽြႃး​ႁဵတ်း​ၵျေး​ၸူး​ၵရူႉၼႃႇ ဢိၵ်ႇ​တင်း​ၵျေး​ၸူး​သဵတ်ႈ​ၸႃႇ​တီႈ​သူ​သေ​ၵမ်း​လူၺ်ႈ။ ၵဝ်​ၵေႃႈ​တၵ်း​တွပ်ႇ​တႅၼ်း​ပၼ်​ၵျေး​ၸူး​ၼႆႉ​တီႈ​သူ ၵွပ်ႈ​ပိူဝ်ႈ​ဢၼ်​သူ​ႁဵတ်း​လွင်ႈ​တၢင်း​ၼႆႉ​ၼၼ်ႉ​ဢေႃႈ။-</verse>
				<verse number="7">မိူဝ်ႈ​လဵဝ်​ၼႆႉ​ၸိုင် ႁႂ်ႈ​မိုဝ်း​သူ​ႁႅင်း​လႄႈ​မီး​တၢင်း​ဢၼ်​ၵတ်ႉ​ၶၼ်​ႁတ်း​ႁၢၼ်​တႃႉ။ လွင်ႈ​မၼ်း​ၸမ်ႉ ၸဝ်ႈ​သူ​ သေႃးလူႉ ​တၢႆ​ယဝ်ႉ။ ၵူၼ်း​မဵဝ်း​ ယူႉတႃႉ ​တင်း​လၢႆ ဢွၼ်​ၵၼ်​ပၼ်​ၽိၵ်ႈ​သိၵ်ႈ​တီႈ​ၵဝ် ႁႂ်ႈ​ၵဝ်​လႆႈ​ပဵၼ်​ၶုၼ်​ႁေႃ​ၶမ်း​ၶဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ၊</verse>
				<verse number="8">ၵူၺ်း​ၵႃႈ ဢႃႉပၼႃး လုၵ်ႈ​ၸၢႆး​ ၼေးရႃႉ ဢၼ်​ပဵၼ်​ၶုၼ်​ပူဝ်ႇ​ၶျုၵ်ႈ​ သေႃးလူႉ ​ၼၼ်ႉ ဢဝ်​ ဢီႉသပေႃႇသႅတ်ႉ လုၵ်ႈ​ၸၢႆး​ၸဝ်ႈ​ သေႃးလူႉ ​ၼၼ်ႉ​သေ​လႄႈ ဢဝ်​ၵႂႃႇ​ၵႃႈ​တီႈ​ဝဵင်း​ မႁႃႇၼိမ်ႇ ​သေ​ယဝ်ႉ၊-</verse>
				<verse number="9">ယုၵ်ႉ​ယွင်ႈ​ဝႆႉ​ၵႃႈ​ၼႂ်း​ဢရႃႇ​ဢၼ်​လႆႈ​ဢုပ်ႉ​ပိူင်ႇ ၸႃႉ​ၸဵမ်​မိူင်း​ ၵီႉလတ်ႉ ​လႄႈ ၵူၼ်း​မဵဝ်း​ ဢႃႇသႃႇ ​တင်း​လၢႆ၊ ဝဵင်း​ ယေႇၸရေႇလႃႉ လိၼ်​ ဢေႇၽရိမ်ႇ ၊ လိၼ်​ ပိၼ်ႇယႃႇမိၼ်ႇ ဢၼ်​ဝႃႈ​မိူင်း​ ဢီႉသရေႇလႃႉ တင်း​သဵင်ႈ​တင်း​မူတ်း​ၼၼ်ႉ​ဢေႃႈ။-</verse>
				<verse number="10">ဢီႉသပေႃႇသႅတ်ႉ လုၵ်ႈ​ၸၢႆး​ၸဝ်ႈ သေႃးလူႉ ​ၼၼ်ႉ မိူဝ်ႈ​ဢၼ်​ၸႃႉ​ဢုပ်ႉ​ပိူင်ႇ​မိူင်း​ ဢီႉသရေႇလႃႉ ​ၼၼ်ႉ​ၸိုင် ဢသၢၵ်ႈ​လႆႈ​သီႇ​သိပ်း​လႄႈ မၼ်း​ၸၢမ်ႇ​ၸႃး​သွင်​ပီႊ​ဢေႃႈ။-</verse>
				<verse number="11">မဵဝ်း​ ယူႉတႃႉ ​ၸမ်ႉ ၸွမ်း​လင်​ တႃႇဝိတ်ႈ ​ဢေႃႈ။ ၶူပ်ႇ​ပီႊ​ဢၼ်​ တႃႇဝိတ်ႈ ​လႆႈ​ယူႇ​ၵႃႈ​တီႈ​ဝဵင်း​ ႁေႇပြုၼ်ႇ ​လႄႈ လႆႈ​ဢုပ်ႉ​ပိူင်ႇ​ၵူၼ်း​မဵဝ်း​ ယူႉတႃႉ ​ၸိူဝ်း​ၼၼ်ႉ​ပွင်း​ၵၼ်​ၸမ်ႉ ပဵၼ်​ၸဵတ်း​ပီႊ​ပၢႆ​ႁူၵ်း​လိူၼ်​ဢေႃႈ။</verse>
				<verse number="12">လႆႈ​သမ်ႉ ဢႃႉပၼႃး လုၵ်ႈ​ၸၢႆး​ ၼေးရႃႉ ​ၼၼ်ႉ ပႃး​ဢဝ်​တင်း​ၶႃႈ​ၵူၼ်း​ ဢီႉသပေႃႇသႅတ်ႉ လုၵ်ႈ​ၸၢႆး​ၸဝ်ႈ​ သေႃးလူႉ ​ၼၼ်ႉ​ၸိူဝ်း​ၼၼ်ႉ လုၵ်ႉ​သေ​ၵႃႈ​တီႈ​ဝဵင်း​ မႁႃႇၼိမ်ႇ ၵႂႃႇ​ၵႃႈ​တီႈ​ဝဵင်း​ ၵီႉပွင်ႇ ​ဢေႃႈ။-</verse>
				<verse number="13">ယႂႃႇၽႃႉ လုၵ်ႈ​ၸၢႆး​ ၸေႇရူႉယႃႇ ဢိၵ်ႇ​တင်း​ၶႃႈ​ၵူၼ်း​ တႃႇဝိတ်ႈ ​တင်း​လၢႆ ဢွၵ်ႇ​ႁႄႉ​လႄႈ ႁူပ်ႉ​ထူပ်း​ၵၼ်​ၵႃႈ​တီႈ​ႁိမ်း​ၼမ်ႉ​ၼွင်​ ၵီႉပွင်ႇ သေ​ယဝ်ႉ၊ မုၵ်ႉ​ၸိူဝ်း​ၼိုင်ႈ​ၼင်ႈ​ၵႃႈ​တီႈ​ၽၢႆႇ​ၼိုင်ႈ​ၼမ်ႉ​ၼွင်​လႄႈ မုၵ်ႉ​ၸိူဝ်း​ၼိုင်ႈ​ၼင်ႈ​ၵႃႈ​တီႈ​ၽၢႆႇ​ၼိုင်ႈ​ၼမ်ႉ​ၼွင်​ၼၼ်ႉ​ဢေႃႈ။-</verse>
				<verse number="14">ဢႃႉပၼႃး ​ၼၼ်ႉ​လၢတ်ႈ​တီႈ​ ယႂႃႇၽႃႉ ​လႄႈ​ဝႃႈ၊ ႁႂ်ႈ​ၵူၼ်း​ဢွၼ်ႇ​တင်း​လၢႆ လုၵ်ႉ​လႄႈ​ယဝ်ႉ​ယွၵ်ႇ​ၵၼ်​လဵၼ်ႈ​ၵႃႈ​တီႈ​ၽၢႆႇ​ၼႃႈ​ႁဝ်း​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ယႂႃႇၽႃႉ ​ၵေႃႈ​ဝႃႈ၊ ႁႂ်ႈ​ဢွၼ်​ၵၼ်​လုၵ်ႉ​သေ​ၵမ်း၊ ဝႃႈ​ၼင်ႇ​ၼႆ​လႄႈ၊-</verse>
				<verse number="15">မိူဝ်ႈ​ၼၼ်ႉ ၵူၼ်း​သိပ်း​သွင်​ၵေႃႉ ပုၼ်ႈ​ၵူၼ်း​မဵဝ်း​ ပိၼ်ႇယႃႇမိၼ်ႇ ​တင်း​ ဢီႉသပေႃႇသႅတ်ႉ လုၵ်ႈ​ၸၢႆး​ၸဝ်ႈ သေႃးလူႉ ​ၼၼ်ႉ ဢိၵ်ႇ​တင်း​ၶႃႈ​ တႃႇဝိတ်ႈ ​သိပ်း​သွင်​ၵေႃႉ ဢွၼ်​ၵၼ်​လုၵ်ႉ​လႄႈ ၶၢမ်ႈ​ၸူး​ၵၼ်​ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၼၼ်ႉ​ဢေႃႈ။-</verse>
				<verse number="16">ၶဝ်​ၼၼ်ႉ​ၵေႃႉ​တေႃႇ​ၵေႃႉ ၼင်ႇ​ၵၼ်​ၵၼ်​ယိပ်း​ၵမ်​ၵွၵ်း​ႁူဝ်​ၵၼ်​ယူႇ၊ ဢဝ်​မိတ်ႈ​တႅင်း​သႂ်ႇ​ပဵမ်ႉ​ၵၼ်​ယူႇ​သေ​လႄႈ လူမ်ႉ​တၢႆ​တီႈ​လဵဝ်​ၵၼ်​ယူႇ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ တီႈ​ၼၼ်ႉ​ဢၼ်​မီး​ၼႂ်း​ဢိူင်ႇ​ ၵီႉပွင်ႇ ​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ​ ႁေႇလၵႃႉႁိတ်ႉ​ၸူႉရိမ်း ​ဢေႃႈ၊</verse>
				<verse number="17">ၼႂ်း​ဝၼ်း​ၼၼ်ႉ မီး​တၢင်း​ဢၼ်​တိုၵ်း​ၵၼ် ဢၼ်​ယႂ်ႇ​ၼႃႇ​လူင်​လၢင်​လႄႈ ဢႃႉပၼႃး ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​ၶႃႈ​ၵူၼ်း​ တႃႇဝိတ်ႈ ​တင်း​လၢႆ​ဢေႃႈ။-</verse>
				<verse number="18">မိူဝ်ႈ​ၼၼ်ႉ လုၵ်ႈ​ၸၢႆး​ ၸေႇရူႉယႃႇ ​သၢမ်​ၵေႃႉ​ဢၼ်​ဝႃႈ​ ယႂႃႇၽႃႉ၊ ဢၽီႉသေး၊ ဢႃႇသႃႇႁေးလႃႉ ​ၸိူဝ်း​ၼၼ်ႉ​ၵေႃႈ​ပႃး​ဢေႃႈ။ ဢႃႇသႃႇႁေးလႃႉ ​ၼၼ်ႉ တိၼ်​ၶၼ်​တိၼ်​ၽႂ်း​မိူၼ်​ၸိူဝ်ႉ​ၼင်ႇ​တိုင် ဢၼ်​ယၢမ်ႈ​ယူႇ​ၵႃႈ​တီႈ​ထိူၼ်ႇ​ၼၼ်ႉ​ဢေႃႈ။-</verse>
				<verse number="19">ဢႃႇသႃႇႁေးလႃႉ ​ၼၼ်ႉ လိုပ်ႈ​ၸွမ်း​လမ်း​ၸွမ်း​ ဢႃႉပၼႃး ​ၵႂႃႇ​ဢေႃႈ။ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၵႂႃႇ​ယူႇ​ၼၼ်ႉ၊ မၼ်း​ယင်း​ဢမ်ႇ​ဝႄႈ​ဢမ်ႇ​ပိူင်ႈ​သေ​ၵႃႈ​တီႈ​တၢင်း​ဢၼ်​ၸွမ်း​ ဢႃႉပၼႃး ​ၼၼ်ႉ ၵႂႃႇ​ၽၢႆႇ​သၢႆႉ​ၽၢႆႇ​ၶႂႃ​လႄႈ​ယူႇ​ဢေႃႈ။-</verse>
				<verse number="20">ဢႃႉပၼႃး ​ၼၼ်ႉ ဝၢႆႇ​တူၺ်း​ၶိုၼ်း​တၢင်း​လင်​လႄႈ​ထၢမ်​ဝႃႈ၊ ဢႃႇသႃႇႁေးလႃႉ ​ဢိူၺ်း၊ ပဵၼ်​မႂ်း​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ပဵၼ်​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ဢႃႉပၼႃး ​ၵေႃႈ​လၢတ်ႈ​လႄႈ​ဝႃႈ၊ ငႅၵ်း​ၵႂႃႇ​ၵႃႈ​တီႈ​ၽၢႆႇ​တၢင်း​ၶႂႃ၊ ဢမ်ႇ​ၼၼ် ၵႃႈ​တီႈ​ၽၢႆႇ​တၢင်း​သၢႆႉ​သေ​လႄႈ တီႉ​ၵမ်​ဢဝ်​ၵူၼ်း​ဢွၼ်ႇ​သေ​ၵေႃႉ​လႄႈ ႁိမ်​ဢဝ်​လၢၵ်ႈ​ၼၢၵ်ႈ​ၸုမ်ႇ​မၼ်း​တႃႉ၊ ဝႃႈ​ၼင်ႇ​ၼႆ​သေ​ၵေႃႈ၊ ဢႃႇသႃႇႁေးလႃႉ ​ၼၼ်ႉ ယင်း​ဢမ်ႇ​ငႅၵ်း​ၵႂႃႇ​သေ​တၢင်း​ဢၼ် ၸွမ်း​လင်​မၼ်း​ၼၼ်ႉ​လႄႈ​ယူႇ​ဢေႃႈ။-</verse>
				<verse number="22">လႆႈ​သမ်ႉ ဢႃႉပၼႃး ​လၢတ်ႈ​တီႈ​ ဢႃႇသႃႇႁေးလႃႉ ​လႄႈ​ဝႃႈ၊ ငႅၵ်း​ၵႂႃႇ​သေ​တၢင်း​ဢၼ်​ၸွမ်း​လင်​ၵဝ်​ၼႆႉ​တႃႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​တၵ်း​လႆႈ​တႅင်း​မႂ်း​ပွင်ႇ​ၵူပ်း​လိၼ်​ၼင်ႇ​ႁိုဝ်။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် ၵဝ်​တၵ်း​ၼႄ​ပျႃး​ၼႃႈ​ၵဝ်​တီႈ​ၽၢႆႇ​ၼႃႈ​ပီႈ​ၸၢႆး​မႂ်း​ ယႂႃႇၽႃႉ ​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="23">ၵွပ်ႈ​ပိူဝ်ႈ​ဢၼ်​မၼ်း​တွပ်ႇ​ထဵင်​တၢင်း​ဢၼ်​တၵ်း​လႆႈ​ငႅၵ်း​ၵႂႃႇ​ၼၼ်ႉ​လႄႈ ဢႃႉပၼႃး ​ၼၼ်ႉ ဢဝ်​သူၼ်ႈ​ႁွၵ်ႇ​မၼ်း​ၼၼ်ႉ တႅင်း​သႂ်ႇ​ပုမ်​မၼ်း​လႄႈ ထၼ်ႈ​ပေႃး​ႁွၵ်ႇ​မၼ်း​ၼၼ်ႉ​ပွင်ႇ​ပဵဝ်​ၵႂႃႇ​ၵႃႈ​တီႈ​တၢင်း​သၼ်​လင်​မၼ်း​သေ​ယဝ်ႉ၊ မၼ်း​လူမ်ႉ​ၵႃႈ​တီႈ​ၼၼ်ႈ​လႄႈ​တၢႆ​ၵႃႈ​ၼႂ်း​တီႈ​ၼၼ်ႉ​ၵမ်း​လဵဝ်​ဢေႃႈ။ ၵူၼ်း​ၵႃႈ​ဢၼ်​ႁွတ်ႈ​ထိုင်​ၵႃႈ​တီႈ​ဢၼ် ဢႃႇသႃႇႁေးလႃႉ လူမ်ႉ​တၢႆ​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​ၵိုတ်း​သဝ်း​ယူႇ​ဢေႃႈ။-</verse>
				<verse number="24">ၵူၺ်း​ၵႃႈ ယႂႃႇၽႃႉ ဢိၵ်ႇ​တင်း​ ဢၽီႉသေး ​ၼၼ်ႉ​လိုပ်ႈ​ၸွမ်း​လမ်း​ၸွမ်း​ ဢႃႉပၼႃး ​ၵႂႃႇ​လႄႈ မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​လွႆ​ ဢမ်ႇမႃႇ ဢၼ်​မီး​ၵႃႈ​တီႈ​ၽၢႆႇ​ၼႃႈ​ဝဵင်း​ ၵီႉဢႃႇ ႁိမ်း​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ထိူၼ်ႇ​ ၵီႉပွင်ႇ ​ၼၼ်ႉ​ၸိုင် ၵၢင်​ဝၼ်း​တူၵ်း​သေ​ဢေႃႈ၊</verse>
				<verse number="25">ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​ၽၢႆႇ​လင်​ ဢႃႉပၼႃး ​လႄႈ ႁဵတ်း​တပ်ႉ​လဵဝ်​ၵူၺ်း​သေ​လႄႈ ၵိုတ်း​သဝ်း​ယူႇ​ၵႃႈ​ၼိူဝ်​ပၢႆ​လွႆ​ဢေႃႈ။-</verse>
				<verse number="26">မိူဝ်ႈ​ၼၼ်ႉ​ ဢႃႉပၼႃး ​ႁွင်ႉ​သႅၼ်ႇ​ၸူး​တီႈ​ ယႂႃႇၽႃႉ ​လႄႈ​ဝႃႈ၊ လၢပ်ႇ​လႅဝ်း​တၵ်း​လႆႈ​ၶူပ်း​ၵိၼ်​ယူႇ​တႃႇ​သေႇ​ဢမ်ႇ​ထၢတ်ႇ​ႁိုဝ်။ ၵႃႈ​တီႈ​ၵမ်း​လိုၼ်း​သုတ်း​ၼၼ်ႉ တၵ်း​ပဵၼ်​ဢရႃႉသႃႇ​ဢၼ်​ၶူမ်​ဢမ်ႇ​ၸႂ်ႈ​ႁိုဝ်။ မႂ်း​ယင်း​ဢမ်ႇ​ၸီႇ​ယၢင်ႇ​ႁႂ်ႈ​ၵူၼ်း​တင်း​လၢႆ လုၵ်ႉ​သေ​ၵႃႈ​တီႈ​တၢင်း​ဢၼ် လိုပ်ႈ​ၸွမ်း​လမ်း​ၸွမ်း​ပီႈ​ၼွင်ႉ​ၶဝ်​ၼၼ်ႉ​လႄႈ ၶိုၼ်း​မိူဝ်း​ၵႂႃႇ​လႄႈ တၵ်း​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="27">ယႂႃႇၽႃႉ ​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ၽြႃး​ပဵၼ်​ၸဝ်ႈ​ဢသၢၵ်ႈ​လိပ်း​ယူႇ​ၼၼ်ႉ၊ သင်​မႂ်း​ဢမ်ႇ​လၢတ်ႈ​ဢွၼ်​တၢင်း​ၸိုင်၊ ၸႃႉ​ၸဵမ်​ၶိင်ႇ​ၵၢင်​ၼႂ်​ၼၼ်ႉ​လႄႈ ၵူၼ်း​တင်း​လၢႆ​ယင်း​ဢမ်ႇ​လိုပ်ႈ​ၸွမ်း​လမ်း​ၸွမ်း​ပီႈ​မၼ်း​ၼွင်ႉ​မၼ်း​ႁင်း​ၽႂ်​ႁင်း​မၼ်း​လႄႈ တၵ်း​ၶိုၼ်း​မိူဝ်း​ၵႂႃႇ​ယဝ်ႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="28">ယႂႃႇၽႃႉ ​ပဝ်ႇ​တိုင်ႈ​ၶရႃႇ​လႄႈ ၵူၼ်း​ၵႃႈ​မီး​ၼၼ်ႉ​ယင်း​ဢမ်ႇ​လိုပ်ႈ​ၸွမ်း​လမ်း​ၸွမ်း​ၵူၼ်း​မဵဝ်း​ ဢီႉသရေႇလႃႉ ​ထႅင်ႈ၊ ယင်း​ဢမ်ႇ​တိုၵ်း​တေႃး​ထႅင်ႈ​လႄႈ​ယူႇ​သေ​ဢေႃႈ။-</verse>
				<verse number="29">ဢႃႉပၼႃး ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ ၽႃႇ​လတ်း​ၵႂႃႇ​ၵႃႈ​ၼႂ်း​ပၢင်ႇ​ပဵင်း ဢႃႇရၽႃႉ ​တင်း​ၶိုၼ်း​လႄႈ ၶၢမ်ႈ​ၼမ်ႉ​ႁွင်ႈ ယေႃးတၢၼ်ႇ ​သေ​ယဝ်ႉ၊ ၽႃႇ​လတ်း​ၵႃႈ​ၼႂ်း​မိူင်း​ ပီႉသရုၼ်ႇ ​ထၼ်ႈ​ပေႃး​သုတ်း​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ မႁႃႇၼိမ်ႇ ​ဢေႃႈ။</verse>
				<verse number="30">ယႂႃႇၽႃႉ ​ၵေႃႈ​လုၵ်ႉ​သေ​ၵႃႈ​တီႈ​ဢၼ်​လိုပ်ႈ​ၸွမ်း​လမ်း​ၸွမ်း​ ဢႃႉပၼႃး ​ၼၼ်ႉ​ၶိုၼ်း​မႃး​လႄႈ မိူဝ်ႈ​ဢၼ်​မၼ်း​ႁႂ်ႈ​ၵူၼ်း​မၼ်း တင်း​သဵင်ႈ​တင်း​လူင်​ၸူႉ​ၵၼ်​တုမ်​ၵၼ်​ၼၼ်ႉ​ၸိုင်၊ လုတ်ႈ​ၵႂႃႇ​ၶႃႈ​ၵူၼ်း​ တႃႇဝိတ်ႈ သိပ်း​ပၢႆ​ၵဝ်ႈ​ၵေႃႉ ဢိၵ်ႇ​တင်း​ ဢႃႇသႃႇႁေးလႃႉ ​ၼၼ်ႉ​ဢေႃႈ။-</verse>
				<verse number="31">ၶႃႈ​ၵူၼ်း​ တႃႇဝိတ်ႈ ​ၸိူဝ်း​ၼၼ်ႉ တိုၵ်း​တေႃး​ယႃႉ​ပႅတ်ႈ​ၵူၼ်း​မဵဝ်း​ ပိၼ်ႇယႃႇမိၼ်ႇ ဢိၵ်ႇ​တင်း​ၵူၼ်း​ ဢႃႉပၼႃး ​ၸိူဝ်း​ၼၼ်ႉ​လႄႈ တၢႆ​သၢမ်​ပၢၵ်ႇ​ပၢႆ​ႁူၵ်း​သိပ်း​ဢေႃႈ။-</verse>
				<verse number="32">ၶဝ်​ဢွၼ်​ၵၼ်​ႁၢပ်ႇ​ဢဝ်​တူဝ်​တၢႆ ဢႃႇသႃႇႁေးလႃႉ ​ၼၼ်ႉ​ၵႂႃႇ​လႄႈ သၢင်း​ၵျူဝ်ႇ​ၼႂ်း​ပႃႇ​ႁဵဝ်ႈ​ပေႃႈ​မၼ်း ဢၼ်​မီး​ၵႃႈ​တီႈ​ဝဵင်း​ ပႅတ်ႉလႁႅမ်ႇ ​ၼၼ်ႉ​ဢေႃႈ။ ယႂႃႇၽႃႉ ​ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ ဢွၼ်​ၵၼ်​ၵႂႃႇ​တင်း​ၶိုၼ်း​လႄႈ​မိူင်း​ၸႃႉ​လႅင်း​တီႈ​ၶဝ် မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႂႃႇ​ၵႃႈ​တီႈ ဝဵင်း​ ႁေႇပြုၼ်ႇ ​ဢေႃႈ။</verse>
			</chapter>
			<chapter number="3">
				<verse number="1">မိူဝ်ႈ​ၼၼ်ႉ ပဵၼ်​သိုၵ်း​ပဵၼ်​သိူဝ်​ႁိုင်​ၼႃႇ​လူင်​လၢင် ၵႃႈ​တီႈ​ၵႄႈ​ဝူင်ႈ​ၵၢင်​ၸိူဝ်ႉ​ၶိူဝ်း​ သေႃးလူႉ ဢိၵ်ႇ​တင်း​ၸိူဝ်ႉ​ၶိူဝ်း​ တႃႇဝိတ်ႈ ​ၼၼ်ႉ​လႄႈ တႃႇဝိတ်ႈ ​ၸိုင်​မီး​တၢင်း​ဢၼ်​ႁႅင်း​ယႂ်ႇ​မႃး​ယူႇ။ ၸိူဝ်ႉ​ၶိူဝ်း​ သေႃးလူႉ ​ၸမ်ႉ၊ မီး​တၢင်း​ဢၼ်​ႁႅင်း​ဢူၼ်ႈ​ႁႅင်း​ယွမ်း​ၵႂႃႇ​ယူႇ​ဢေႃႈ။</verse>
				<verse number="2">လုၵ်ႈ​ၸၢႆး​ဢၼ်​ တႃႇဝိတ်ႈ ​လႆႈ​ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​ၸိူဝ်း​ၼၼ်ႉ​ၸမ်ႉ၊ လုၵ်ႈ​ၸၢႆး​တူၼ်ႈ​မၼ်း​ပဵၼ်​ ဢႃႇမၼုၼ်ႇ ဢၼ်​မၼ်း​လႆႈ​ၵႃႈ​တီႈ​ ဢႁီႉၼွင်ႇ မႄႈ​ယိင်း​ဝဵင်း​ ယေႇၸရေႇလႃႉ ​ၼၼ်ႉ​ဢေႃႈ။-</verse>
				<verse number="3">လုၵ်ႈ​ၸၢႆး​တူႉတီႉယႃႉ​ပဵၼ်​ ၶီႉလတ်ႉ ​ဢၼ်​မၼ်း​လႆႈ​ၵႃႈ​တီႈ ဢၽီႉၵေးလႃႉ ​မႄႈ​ယိင်း​ဝဵင်း​ ၵရမေႇလႃႉ မေး​ ၼႃႇပလႃႉ ​ၼၼ်ႉ​ဢေႃႈ။ လုၵ်ႈ​ၸၢႆး​တႃႉတီႉယႃႉပဵၼ်​ ဢပႃႉသလုမ်ႇ လုၵ်ႈ​ၸၢႆး​ မႃႇၶႃႇ လုၵ်ႈ​ယိင်း တႃႇလမေး ၶုၼ်​ႁေႃ​ၶမ်း​မိူင်း​ ၵေႇသူႉရႃႉ ​ၼၼ်ႉ​ဢေႃႈ။-</verse>
				<verse number="4">လုၵ်ႈ​ၸၢႆး​ၸတုၵ်ႉထႃႉ​ၸမ်ႉ ပဵၼ်​ ဢတေႃးၼီႉယႃႉ လုၵ်ႈ​ၸၢႆး​ ႁၵ်ႉၵိတ်ႉ ​ဢေႃႈ။ လုၵ်ႈ​ၸၢႆး​ပိၼ်ႇၸမႃႉ​ပဵၼ်​ သေႇၽတီႉ လုၵ်ႈ​ၸၢႆး​ ဢပီႉတလႃႉ ​ဢေႃႈ။-</verse>
				<verse number="5">လုၵ်ႈ​ၸၢႆး​သႃႉထမႃႉ​ၸမ်ႉ ပဵၼ်​ ဢီႉသရမ်ႇ ဢၼ်​မၼ်း​လႆႈ​ၵႃႈ​တီႈ​ ဢေးၵလႃႇ ဢၼ်​ပဵၼ်​မေး​ တႃႇဝိတ်ႈ ​ၼၼ်ႉ​ဢေႃႈ။ ၸိူဝ်း​ၼႆႉ​ၸမ်ႉ၊ ၵိူတ်ႇ​လဵင်ႉ​မႃး​တီႈ​ တႃႇဝိတ်ႈ ၵႃႈ​ၼႂ်း​ဝဵင်း​ ႁေႇပြုၼ်ႇ ​ဢေႃႈ။</verse>
				<verse number="6">ၼႂ်း​မိူဝ်ႈ​ဢၼ် ယင်း​တိုၵ်ႉ​ပဵၼ်​သိုၵ်း​ပဵၼ်​သိူဝ် ၵႃႈ​တီႈ​ၵႄႈ​ဝူင်ႈ​ၵၢင်​ၸိူဝ်ႉ​ၶိူဝ်း​ သေႃးလူႉ ​ဢိၵ်ႇ​တင်း​ၸိူဝ်ႉ​ၶိူဝ်း​ တႃႇဝိတ်ႈ ​ၼၼ်ႉ​ယူႇ​ၼၼ်ႉ​ၸိုင်၊ ဢႃႉပၼႃး ​ၼၼ်ႉ ၵျူဝ်း​ၸႃး​ဢဝ်​ႁႅင်း​ဢွၵ်ႇ​ယူႇ​ၽၢႆႇ​ၸိူဝ်ႉ​ၶိူဝ်း​ သေႃးလူႉ ​ဢေႃႈ။-</verse>
				<verse number="7">သေႃးလူႉ ​ၼၼ်ႉ​မီး​မေး​ၼွႆႉ​ဢၼ်​လႆႈ​ၸိုဝ်ႈ​ဝႃႈ​ ရီႉၸပႃႉ ​လုၵ်ႈ​ယိင်း​ ဢေႇဢႃႇ ​ၼၼ်ႉ​ၵေႃႉ​ၼိုင်ႈ​ဢေႃႈ။ ဢီႉသပေႃႇသႅတ်ႉ ထၢမ်​တီႈ​ ဢႃႉပၼႃး ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၶဝ်ႈ​ၸူး​ၵႃႈ​တီႈ​မေး​ၼွႆႉ​ၸဝ်ႈ​ပေႃႈ​ၵဝ်​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ဢႃႉပၼႃး ​ၼၼ်ႉ ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​ၵွပ်ႈ​ပိူဝ်ႈ​ၵႂၢမ်း ဢီႉသပေႃႇသႅတ်ႉ ​ၼၼ်ႉ​လႄႈ​ဝႃႈ၊ ၵဝ်​ၼႆႉ​ပဵၼ်​ၵွၵ်း​ႁူဝ်​မႃ ဢၼ်​ၸၢပ်ႈ​သႅင်ႇ​ၵၼ်​တင်း​မဵဝ်း​ ယူႉတႃႉ ​ႁိုဝ်။ ပိၵ်ႉ​သမ်ႉ​ၵဝ်​ႁဵတ်း​ၵျေး​ၸူး​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၸဝ်ႈ​ သေႃးလူႉ ​ဢိၵ်ႇ​တင်း​ပီႈ​ၼွင်ႉ​မၼ်း တင်း​ၵေႃႉ​သေႈ​မၼ်း​ၸိူဝ်း​ၼၼ်ႉ​ဝၼ်း​မိူဝ်ႈ​ၼႆႉ​လႄႈ၊ ယင်း​ဢမ်ႇ​ဢဝ်​ၸဝ်ႈ​ဢၢပ်ႈ​ပၼ်​ၵႃႈ​ၼႂ်း​မိုဝ်း​ တႃႇဝိတ်ႈ ​လႄႈ​ယူႇ​သေ​ၵေႃႈ၊ ၸဝ်ႈ​တၵ်း​တၢင်ႇ​ဢပႅတ်ႈ​တီႈ​ၵဝ်​ၵွပ်ႈ​ပိူဝ်ႈ​မႄႈ​ယိင်း​ၼၼ်ႉ​ႁိုဝ်။-</verse>
				<verse number="9">ပေႃး​ၵဝ်​ယင်း​ဢမ်ႇ​ႁဵတ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​တိူင်ႇ​ဝႃႈ​ဝႆႉ​တီႈ​ တႃႇဝိတ်ႈ ​လႄႈ​ဝႃႈ၊ တၵ်း​ၼုၵ်ႈ​ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​သေ​ၵႃႈ​တီႈ​ၸိူဝ်ႉ​ၶိူဝ်း​ သေႃးလူႉ ​လႄႈ ႁႂ်ႈ​ရႃႇၸႃႉ​ပလၢင်ႇ​ တႃႇဝိတ်ႈ ​တႄႇ​ယူႇ​ၵႃႈ​တီႈ​မိူင်း​ ဢီႉသရေႇလႃႉ ၊ မိူင်း​ ယူႉတႃႉ ၊ ဢဝ်​ၵႃႈ​တီႈ​ၸႃႉ​ၸဵမ် ဝဵင်း​ တၢၼ်ႇ ​တေႃႇ​ထိုင်​ႁွတ်ႈ​ဝဵင်း​ ပေႇရသေႇၽႃႉ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ တီႈ​မၼ်း​ၼၼ်ႉ​လႄႈ​ယူႇ​ၸိုင်၊-</verse>
				<verse number="10">ယင်း​ဢမ်ႇ​ၵႃး ဢၼ်​ၼၼ်ႉ​လႄႈ ႁႂ်ႈ​ထႃႇဝရႃႉ​ၽြႃး ႁဵတ်း​လိူဝ်​တွၼ်း​ၼႃႇ​သေ​ၼၼ်ႉ တီႈ​ ဢႃႉပၼႃး ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="11">မၼ်း​ၼၼ်ႉ​ၵူဝ်​ႁႄ​လႄႈ ဢမ်ႇ​ႁတ်း​ၶိုၼ်း​လၢတ်ႈ​ၵႂၢမ်း​တီႈ​ ဢႃႉပၼႃး သေ​ၶေႃႈ​သေ​ၵမ်း။</verse>
				<verse number="12">လိုၼ်း​ၼၼ်ႉ​ ဢႃႉပၼႃး ​ၼၼ်ႉ ပွႆႇ​ၸႂ်ႉ​သၢၼ်ႇတမၢၼ်ႇ​ၸူး​ၵႃႈ​တီႈ​ တႃႇဝိတ်ႈ ပုၼ်ႈ​တူဝ်​မၼ်း​လႄႈ လဝ်ႊ​လၢတ်ႈ​လႄႈ​ဝႃႈ၊ ၶုၼ်​ၸဝ်ႈ​မိူင်း​ၸမ်ႉ၊ ပဵၼ်​ၽူႈ​လႂ်​တီႈ​ၶႃႈ။ ႁဵတ်း​မိၵ်ႉသႃႇႁႃယႃႉ​လူၺ်ႈ​ၵၼ်​တင်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ တူၺ်း​တီႈ​ၶႃႈ​လူး။ မိုဝ်း​ၶႃႈ​ၸဝ်ႈ​ၼႆႉ​တၵ်း​ယူႇ​ၽၢႆႇ​ၸဝ်ႈ​ႁဝ်း​သေ​လႄႈ ႁဵတ်း​ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၶၢႆႉ​ပုတ်ႈ​မႃး​ၽၢႆႇ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ လီ​ယဝ်ႉ။ ၵဝ်​တၵ်း​ႁဵတ်း​မိၵ်ႉသႃႇႁႃယႃႉ​လူၺ်ႈ​ၵၼ်​တင်း​မႂ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​မီး​တီႈ​ဢၼ်​တၵ်း​ယွၼ်း​ဢဝ်​ဢၼ်​ၼိုင်ႈ​ဢေႃႈ။ ပေႃး​မႂ်း​ဢမ်ႇ​ဢဝ်​ မီႉၶႃႇလႃႉ လုၵ်ႈ​ယိင်း​ သေႃးလူႉ ​ၼၼ်ႉ​မႃး​ဢွၼ်​တၢင်း​မႂ်း မိူဝ်ႈ​ဢၼ်​မႂ်း​မႃး​ႁႂ်ႈ​လႆႈ​ႁၼ်​ၼႃႈ​ၵဝ်​ၼၼ်ႉ​ၸိုင်၊ မႂ်း​ဢမ်ႇ​လႆႈ​ႁၼ်​ၼႃႈ​ၵဝ်​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">တႃႇဝိတ်ႈ ​ၵေႃႈ ပွႆႇ​ၸႂ်ႉ​သၢၼ်ႇတမၢၼ်ႇ​ၵႂႃႇ​ၸူး​ၵႃႈ​တီႈ​ ဢီႉသပေႃႇသႅတ်ႉ ​လုၵ်ႈ​ၸၢႆး​ၸဝ်ႈ သေႃးလူႉ ​ၼၼ်ႉ​လႄႈ​ဝႃႈ၊ ဢဝ်​ မီႉၶႃႇလႃႉ ဢၼ်​ၵဝ်​ဢဝ်​ပၢႆ​ၼင်​ၵူၼ်း​ ၽီႉလိတ်ႉတီႉ ​ပၢၵ်ႇ​ၼိုင်ႈ​သိုဝ်ႉ​ဢဝ်​ၼၼ်ႉ ဢၢပ်ႈ​ပၼ်​မႃး​သေ​ၵမ်း၊ ဝႃႈ​ၼင်ႇ​ၼႆ​လႄႈ၊-</verse>
				<verse number="15">ဢီႉသပေႃႇသႅတ်ႉ ​ၼၼ်ႉ ပွႆႇ​ၸႂ်ႉ​လႄႈ ၼုၵ်ႈ​ဢဝ်​မႄႈ​ယိင်း​ၼၼ်ႉ​သေ​ၵႃႈ​ၼႂ်း​မိုဝ်း​ၽူဝ်​မၼ်း ၽႃႇလတီႉ လုၵ်ႈ​ၸၢႆး​ လေႇသႃႉ ​ၼၼ်ႉ​ဢေႃႈ။-</verse>
				<verse number="16">ၽူဝ်​မၼ်း​ၼၼ်ႉ ၵႂႃႇ​လူၺ်ႈ​ၵၼ်​တင်း​မၼ်း​လႄႈ ႁႆႈ​ႁွင်ႉ​ယူႇ​ၼႂ်း​မိူဝ်ႈ​ဢၼ်​ၵႂႃႇ​ယူႇ​ၼၼ်ႉ​သေ​လႄႈ ၸွမ်း​လင်​မၼ်း​ၵႂႃႇ​တေႃႇ​ထိုင်​ႁွတ်ႈ​ဝဵင်း​ ပႃႇႁူႉရိမ်း ​ဢေႃႈ။ မိူဝ်ႈ​ၼၼ်ႉ​ ဢႃႉပၼႃး လၢတ်ႈ​တီႈ​မၼ်း​လႄႈ​ဝႃႈ၊ ၶိုၼ်း​မိူဝ်း​ၵႂႃႇ​သေ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​လႆႈ​ၶိုၼ်း​မိူဝ်း​ၵႂႃႇ​သေ​ဢေႃႈ၊-</verse>
				<verse number="17">ဢႃႉပၼႃး ​ၵေႃႈ တိူင်ႇ​ပၢင်ႇ​လၢတ်ႈ​ၸႃ​ၵၼ်​တင်း​ၵူၼ်း ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ​ဝႃႈ၊ မိူဝ်ႈ​ဢွၼ်​တၢင်း​ၼၼ်ႉ သူ​မီး​ၸႂ်​ဢၼ်​ၶႂ်ႈ​ယုၵ်ႉ​ယွင်ႈ​ တႃႇဝိတ်ႈ ​ဝႆႉ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း​ဢေႃႈ။-</verse>
				<verse number="18">ပိူဝ်ႈ​ၼႆ​လႄႈ​မိူဝ်ႈ​လဵဝ်​ၼႆႉ​ၸိုင်​ယုၵ်ႉ​ယွင်ႈ​တႃႉ။ ထႃႇဝရႃႉ​ၽြႃး​ဢဝ်​လွင်ႈ​ တႃႇဝိတ်ႈ ​မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ဢဝ်​တင်း​မိုဝ်း​ၶႃႈ​ၵဝ် တႃႇဝိတ်ႈ ၵႄႇ​သႄႇ​ၼုၵ်ႈ​ဢဝ်​ၵူၼ်း​မဵဝ်း​ ဢီႉသရေႇလႃႉ ဢွၵ်ႇ​သေ​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ဢိၵ်ႇ​တင်း​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ်​တင်း​သဵင်ႈ​တင်း​လူင်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">လႆႈ​သမ်ႉ ဢႃႉပၼႃး ​လၢတ်ႈ​ထိုင်​ႁူ​ၵူၼ်း​မဵဝ်း​ ပိၼ်ႇယႃႇမိၼ်ႇ ​တင်း​လၢႆ​ဢေႃႈ။ လိုၼ်း​ၼၼ်ႉ​ ဢႃႉပၼႃး ၵႂႃႇ​ႁႂ်ႈ​လႆႈ​ဢဝ် လွင်ႈ​တၢင်း​ၵႃႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​ဢိၵ်ႇ​တင်း​ၵူၼ်း​မဵဝ်း​ ပိၼ်ႇယႃႇမိၼ်ႇ တင်း​သဵင်ႈ​တင်း​လူင်​မီး​ဢလူဝ်ႇ​ၼၼ်ႉ လဝ်ႊ​လၢတ်ႈ​ထိုင်​ႁူ တႃႇဝိတ်ႈ ​ၵႃႈ​တီႈ​ဝဵင်း​ ႁေႇပြုၼ်ႇ ​ဢေႃႈ။-</verse>
				<verse number="20">ၼင်ႇ​ၼၼ်​လႄႈ ဢႃႉပၼႃး ​ပႃး​ဢဝ်​ၵူၼ်း​သၢဝ်း​ၼိုင်ႈ​သေ​လႄႈ ႁွတ်ႈ​ထိုင်​တီႈ​ တႃႇဝိတ်ႈ ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​သေ​ယဝ်ႉ၊ တႃႇဝိတ်ႈ ​ႁဵတ်း​ပွႆး​လႄႈ လဵင်ႉ​လူ​ ဢႃႉပၼႃး ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="21">ဢႃႉပၼႃး ​ၵေႃႈ​လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၶႃႈ​ၸဝ်ႈ​တၵ်း​လုၵ်ႉ​လႄႈ ၵႂႃႇ​ႁႂ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​ၵႃႈ​တီႈ​ၸဝ်ႈ​ႁဝ်း​ၶုၼ်​ႁေႃ​ၶမ်း ႁႂ်ႈ​ၶဝ်​လႆႈ​ႁဵတ်း​မိၵ်ႉသႃႇႁႃယႃႉ​လူၺ်ႈ​ၵၼ်​တင်း​ၸဝ်ႈ​ႁဝ်း ဢိၵ်ႇ​တင်း​ႁႂ်ႈ​ၸဝ်ႈ​ႁဝ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး ၵႃႈ​ဢၼ်​ၸဝ်ႈ​ႁဝ်း​မီး​ဢလူဝ်ႇ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ တႃႇဝိတ်ႈ ​ပွႆႇ​မၼ်း​လႄႈ မၼ်း​ၵႂႃႇ ၼိမ်​ၼိမ်​လီ​လီ​ဢေႃႈ။</verse>
				<verse number="22">မိူဝ်ႈ​ၼၼ်ႉ​ ယႂႃႇၽႃႉ ​တင်း​ၶႃႈ​ၵူၼ်း​ တႃႇဝိတ်ႈ ​တင်း​လၢႆ လုၵ်ႉ​သေ​ၵႃႈ​တီႈ​ဢၼ်​လိုပ်ႈ​ၸွမ်း​လမ်း​ၸွမ်း​မုၵ်ႉ​ၸိူဝ်း​ရၢၼ်ႇ​သူႇ​ၼၼ်ႉ ၶိုၼ်း​မႃး​လႄႈ ပႃး​ဢဝ်​ဢုၵ်ႉ​ၸႃႇ​ဢၼ်​ႁိမ်​လႆႈ​ၼမ်​ၼႃႇ​မႃး​ဢေႃႈ။ ဢႃႉပၼႃး ​ၼၼ်ႉ ဢမ်ႇ​မီး​ယူႇ​လူၺ်ႈ​ၵၼ်​တင်း​ တႃႇဝိတ်ႈ ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ။ လွင်ႈ​မၼ်း​ၸမ်ႉ တႃႇဝိတ်ႈ ​ပွႆႇ​မၼ်း​လႄႈ မၼ်း​ၵႂႃႇ​ၼိမ်​ၼိမ်​လီ​လီ​ယဝ်ႉ။-</verse>
				<verse number="23">မိူဝ်ႈ​ဢၼ်​ ယႂႃႇၽႃႉ ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း ၵႃႈ​ဢၼ်​ပႃး​တီႈ​မၼ်း​ၸိူဝ်း​ၼၼ်ႉ​ၶိုၼ်း​မႃး​ၼၼ်ႉ​ၸိုင်၊ ပိူၼ်ႈ​မွၵ်ႇ​လၢတ်ႈ​တီႈ​ ယႂႃႇၽႃႉ ​လႄႈ​ဝႃႈ၊ ဢႃႉပၼႃး ​လုၵ်ႈ​ၸၢႆး​ ၼေးရႃႉ ​ၼၼ်ႉ မႃး​ၵႃႈ​တီႈ​ၶုၼ်​ႁေႃ​ၶမ်း​ယဝ်ႉ။ မၼ်း​ၸဝ်ႈ​ၵေႃႈ​ပွႆႇ​မၼ်း​လႄႈ မၼ်း​လႆႈ​ၵႂႃႇ​ၼိမ်​ၼိမ်​လီ​လီ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="24">ယႂႃႇၽႃႉ ​ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၸဝ်ႈ​ႁဝ်း​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ တူၺ်း​တီႈ​ၶႃႈ​လူး။ ဢႃႉပၼႃး ​ၼၼ်ႉ မႃး​ၸူး​ၵႃႈ​တီႈ​ၸဝ်ႈ​ႁဝ်း​ယဝ်ႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ပွႆႇ​ႁႂ်ႈ​မၼ်း​လႆႈ​လွတ်ႈ​ဢွၵ်ႇ​ၵႂႃႇ​ၼင်ႇ​ႁိုဝ်​တီႈ​ၶႃႈ၊-</verse>
				<verse number="25">ၸဝ်ႈ​ႁဝ်း​ႁူႉ​လွင်ႈ​ဢၼ်​ ဢႃႉပၼႃး ​လုၵ်ႈ​ၸၢႆး​ ၼေးရႃႉ ​ၼၼ်ႉ မႃး​ႁႂ်ႈ​လႆႈ​ပႅတ်ႉ​လႅၼ်​ၸဝ်ႈ​ႁဝ်း​လႄႈ ႁူႉ​ႁၼ်​တၢင်း​ဢၼ်​ၸဝ်ႈ​ႁဝ်း​ၶဝ်ႈ​ဢွၵ်ႇ၊ တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ ႁဵတ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၵူၺ်း​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="26">ယႂႃႇၽႃႉ ​ဢွၵ်ႇ​သေ​ၵႃႈ​တီႈ​ တႃႇဝိတ်ႈ ​လႄႈ ပွႆႇ​ၸႂ်ႉ​သၢၼ်ႇတမၢၼ်ႇ ၵႂႃႇ​ၸွမ်း​လင်​ ဢႃႉပၼႃး ​သေ​လႄႈ ၶဝ်​ႁွင်ႉ​ဢဝ်​မၼ်း​လူင်း​ၵႃႈ​တီႈ​ၼမ်ႉ​မေႃႇ​ သီႉရႃႉ ၶိုၼ်း​မႃး​ဢေႃႈ။ ၵူၺ်း​ၵႃႈ​ တႃႇဝိတ်ႈ ​ဢမ်ႇ​ႁူႉ​လွင်ႈ​ၼၼ်ႉ။-</verse>
				<verse number="27">မိူဝ်ႈ​ဢၼ်​ ဢႃႉပၼႃး ​ၼၼ်ႉ​ၶိုၼ်း​ႁွတ်ႈ​ထိုင်​ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​ၸိုင်၊ ယႂႃႇၽႃႉ ​ၼၼ်ႉ​ႁွင်ႉ​ဢဝ်​မၼ်း​မႃး​ၵႃႈ​တီႈ​ၽၵ်း​တူ​ဝဵင်း​ႁႂ်ႈ​လႆႈ​တၵ်ႉ​လၢတ်ႈ​သဵတ်ႇ​သဵတ်ႇ​ယဵၼ်​ယဵၼ်​သေ​ယဝ်ႉ၊ တႅင်း​သႂ်ႇ​ပုမ်​မၼ်း​ႁႂ်ႈ​မၼ်း​ထၼ်ႈ​ပေႃး​တၢႆ ၵွပ်ႈ​ပိူဝ်ႈ​လိူတ်ႈ​ၼွင်ႉ​ၸၢႆး​မၼ်း ဢႃႇသႃႇႁေးလႃႉ ​ၼၼ်ႉ​ဢေႃႈ၊</verse>
				<verse number="28">လိုၼ်း​ၼၼ်ႉ​မိူဝ်ႈ​ဢၼ်​ တႃႇဝိတ်ႈ ​ငိၼ်း​လွင်ႈ​မၼ်း​ၼၼ်ႉ​ၸိုင်၊ မၼ်း​ဢွၵ်ႇ​သူပ်း​ဝႃႈ၊ ႁႂ်ႈ​ၵဝ်​ဢိၵ်ႇ​တင်း​သိုင်ႇ​ၸိုင်ႈ​ဝၢၼ်ႈ​မိူင်း​ၵဝ် ၵၢင်း​လွတ်ႈ​တင်း​လိူတ်ႈ​ ဢႃႉပၼႃး ​လုၵ်ႈ​ၸၢႆး​ ၼေးရႃႉ ​ၼၼ်ႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​ၵမ်း​လူၺ်ႈ။-</verse>
				<verse number="29">ႁႂ်ႈ​ႁွတ်ႈ​ထိုင်​ၵႃႈ​ၼိူဝ်​ႁူဝ်​ ယႂႃႇၽႃႉ ဢိၵ်ႇ​တင်း​ႁူဝ်​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​မၼ်း​တင်း​သဵင်ႈ​တင်း​လူင်​သေ​ၵမ်း​လူၺ်ႈ။ ၵႃႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ ယႂႃႇၽႃႉ ​ၼၼ်ႉ​ၸိူဝ်း​ၼၼ်ႉ၊ ယႃႇ​ပေ​ႁႂ်ႈ​ၵေႃႉ​ဢၼ်​ပဵၼ်​တၢင်း​ဢၼ်​ႁူဝ်ႈ​ၸိုမ်း​ဢွၵ်ႇ၊ ၵေႃႉ​ဢၼ်​ပဵၼ်​တုတ်ႈ၊ ၵေႃႉ​ဢၼ်​ဢိင်​ၶွၼ်ႉ​တဝ်ႉ၊ ၵေႃႉ​ဢၼ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း၊ ၵေႃႉ​ဢၼ်​ဢိုပ်း​ဢၼ်​ယၢၵ်ႈ​လႆႈ​ထၢတ်ႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ၼင်ႇ​ၼၼ်​လႄႈ ယႂႃႇၽႃႉ ​ဢိၵ်ႇ​တင်း​ၼွင်ႉ​ၸၢႆး​မၼ်း​ ဢၽီႉသေး ​ၼၼ်ႉ ဢဝ်​ ဢႃႉပၼႃး ​တၢႆ​ဢေႃႈ။ လွင်ႈ​မၼ်း​ၸမ်ႉ ဢႃႉပၼႃး ​လႆႈ​ဢဝ်​ၼွင်ႉ​ၸၢႆး​ၶဝ်​ ဢႃႇသႃႇႁေးလႃႉ ​ၼၼ်ႉ​တၢႆ ၵႃႈ​တီႈ​ပွႆး​သိုၵ်း​ ၵီႉပွင်ႇ ​ၼၼ်ႉ​ဢေႃႈ၊</verse>
				<verse number="31">တႃႇဝိတ်ႈ ​ၵေႃႈ မီး​ဢမိင်ႉ​တီႈ​ ယႂႃႇၽႃႉ ဢိၵ်ႇ​တင်း​ၵူၼ်း​ၵႃႈ​ဢၼ်​မီး​တီႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ဢွၼ်​ၵၼ်​သိၵ်ႇ​ၶူဝ်း​ၼုင်ႈ​သူ​လႄႈ ၼုင်ႈ​ၶူဝ်း​ၼုင်ႈ​ၼင်​ပေႃ​ယူႇ​သေ​လႄႈ ႁဵတ်း​တၢင်း​ဢၼ်​ႁႆႈ​ႁွင်ႉ​ပွင်ႉ​ၶၢင်း​ၵႂႃႇ​ၽၢႆႇ​ၼႃႈ​ ဢႃႉပၼႃး ​တႃႉ၊ ဝႃႈ​ၼင်ႇ​ၼႆ​လႄႈ တူဝ်​ တႃႇဝိတ်ႈ ၸွမ်း​သူင်ႇ​ၵွမ်ႇ​မၼ်း​ၸူင်​မၼ်း​ဢေႃႈ။-</verse>
				<verse number="32">ၶဝ်​ဢွၼ်​ၵၼ်​ဢဝ်​ ဢႃႉပၼႃး ​သၢင်း​ၵျူဝ်ႇ​ၵႃႈ​တီႈ​ဝဵင်း​ ႁေႇပြုၼ်ႇ ​ဢေႃႈ။ ၶုၼ်​ႁေႃ​ၶမ်း​ၵိဝ်​သဵင်​လႄႈ ႁႆႈ​ႁွင်ႉ​ၵႃႈ​တီႈ​ႁိမ်း​သၢင်း​ၶႅင်း ဢႃႉပၼႃး ​ၼၼ်ႉ​ဢေႃႈ။ ၵူၼ်း​တင်း​သဵင်ႈ​တင်း​လူင်​ၵေႃႈ​ဢွၼ်​ၵၼ်​ႁႆႈ​ႁွင်ႉ​ဢေႃႈ။-</verse>
				<verse number="33">ၶုၼ်​ႁေႃ​ၶမ်း ၶၢင်း​ၶီ​ၶၢင်း​ၽၢၼ်​ၵွပ်ႈ​ပိူဝ်ႈ​ ဢႃႉပၼႃး ​ၼၼ်ႉ​လႄႈ​ဝႃႈ​ၸမ်ႉ၊ ဢႃႉပၼႃး ​ၼႆႉ​လႆႈ​တၢႆ​ၵႂႃႇ မိူၼ်​ၸိူဝ်ႉ​ၼင်ႇ​ၵူၼ်း​မိူၵ်ႈ​ၵူၼ်း​ယုတ်ႈ​ၼၼ်ႉ​ယဝ်ႉ​လူင်​ပႄႇ။-</verse>
				<verse number="34">မိုဝ်း​မႂ်း​ယင်း​ဢမ်ႇ​လႆႈ​ၶၢမ်ႇ​တၢင်း​ဢၼ်​မတ်ႉ​ဢၼ်​ၽုၵ်ႇ၊ တိၼ်​မႂ်း​ယင်း​ဢမ်ႇ​လႆႈ​ၶၢမ်ႇ​တၢင်း​ဢၼ်​သႂ်ႇ​ဝႅၼ်​လဵၵ်း​ဝႅၼ်​တွင်း​လႄႈ မႂ်း​လႆႈ​တၢႆ​ၵႂႃႇ​မိူၼ်​ၸိူဝ်ႉ​ၼင်ႇ​ဢၼ်​လႆႈ​တၢႆ​လူၺ်ႈ​မိုဝ်း​ၵူၼ်း​ႁၢႆႉ​ၵူၼ်း​မိူၵ်ႈ​ၼၼ်ႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။ လႆႈ​သမ်ႉ ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ႁႆႈ​ႁွင်ႉ ၵွပ်ႈ​ပိူဝ်ႈ​မၼ်း​ထႅင်ႈ​ဢေႃႈ။-</verse>
				<verse number="35">ပိၵ်ႉ​သမ်ႉ​ၵူၼ်း​တင်း​သဵင်ႈ​တင်း​လူင်​သုတ်ႉ​ၸပ်း​သုတ်ႉ​ၸူး ႁဵတ်း​ႁႂ်ႈ​ တႃႇဝိတ်ႈ ​ၵိၼ်​တၢင်း​ၵိၼ်​တၢင်း​ၶူပ်း ၸူဝ်ႈ​ဢၼ်​ၵၢင်​ဝၼ်း ဢမ်ႇ​ပႆႇ​ၶမ်ႈ​ၼၼ်ႉ​သေ​ၵေႃႈ၊ တႃႇဝိတ်ႈ ​ၵိၼ်ႇ​ဝႃႈ​လႄႈ​ဝႃႈ၊ ပေႃး​ၵဝ်​ၸိမ်း​တူၺ်း​ၸႃႉ​ၸဵမ်​ၶဝ်ႈ​မုၼ်း​လႄႈ တၢင်း​ၵိၼ်​တၢင်း​ၶူပ်း​သေ​ၸိူဝ်ႉ​သေ​ပိူင် ၸူဝ်ႈ​ဢၼ်​ၵၢင်​ဝၼ်း​ဢမ်ႇ​ပႆႇ​တူၵ်း​ၼၼ်ႉ​ၸိုင်၊ ယင်း​ဢမ်ႇ​ၵႃး​ဢၼ်​ၼၼ်ႉ​လႄႈ ႁႂ်ႈ​ၽြႃး​ပဵၼ်​ၸဝ်ႈ​ႁဵတ်း​လိူဝ်​တွၼ်း​ၼႃႇ​သေ​ၼၼ်ႉ တီႈ​ၵဝ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ၵူၼ်း​တင်း​သဵင်ႈ​တင်း​လူင်​ႁၼ်​လွင်ႈ​တၢင်း​ၼၼ်ႉ​လႄႈ ပဵၼ်​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၶဝ် မိူၼ်​ၸိူဝ်ႉ​ၼင်ႇ​ၵႃႈ​ဢၼ်​ၶုၼ်​ႁေႃ​ၶမ်း​ႁဵတ်း​ၼၼ်ႉ​ထုၵ်ႇ​ၸႂ်​ၵျိူၵ်ႈ​ၸႂ် ၵူၼ်း​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="37">ၼင်ႇ​ၼၼ်​လႄႈ​ၵူၼ်း​တင်း​လၢႆ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ႁူႉ​ၸႅင်ႈ​လွင်ႈ​ဢၼ်​ၶုၼ်​ႁေႃ​ၶမ်း ဢမ်ႇ​မီး​ဢလူဝ်ႇ​ၶႂ်ႈ​ႁႂ်ႈ​ဢဝ်​ ဢႃႉပၼႃး ​လုၵ်ႈ​ၸၢႆး​ ၼေးရႃႉ ​တၢႆ​ၼၼ်ႉ ၼႂ်း​ဝၼ်း​ၼၼ်ႉ​ဢေႃႈ။-</verse>
				<verse number="38">ၶုၼ်​ႁေႃ​ၶမ်း​ၵေႃႈ မီး​ဢမိင်ႉ​တီႈ​ၶႃႈ​မၼ်း​ၵူၼ်း​မၼ်း​တင်း​လၢႆ​လႄႈ​ဝႃႈ၊ သူ​ဢမ်ႇ​ႁူႉ​လွင်ႈ​ဢၼ်​ၵေႃႉ​ဢၼ်​ပဵၼ်​ၶုၼ်၊ ၵေႃႉ​ဢၼ်​ယႂ်ႇ​မျၢတ်ႈ​ၼၼ်ႉ​ၵေႃႉ​ၼိုင်ႈ သုမ်း​ၸွမ်း​ၵႃႈ​ၼႂ်း​မဵဝ်း​ ဢီႉသရေႇလႃႉ ၼႂ်း​ဝၼ်း​မိူဝ်ႈ​ၼႆႉ​ယဝ်ႉ​ၼၼ်ႉ​ႁိုဝ်။-</verse>
				<verse number="39">ပိၵ်ႉ​သမ်ႉ​ၵဝ်​လႆႈ​ၶၢမ်ႇ​ၽိၵ်ႈ​သိၵ်ႈ​လႄႈ ပဵၼ်​ၶုၼ်​ႁေႃ​ၶမ်း​သေ​ၵေႃႈ ဝၼ်း​မိူဝ်ႈ​ၼႆႉ ပဵၼ်​ဢၼ်​ႁႅင်း​လဵၵ်ႉ​ႁႅင်း​ဢူၼ်ႈ​ဢေႃႈ။ ၶဝ်​ၸိူဝ်း​ဢၼ်​ပဵၼ်​လုၵ်ႈ​ၸၢႆး​ ၸေႇရူႉယႃႇ ​ၼၼ်ႉ​ၸိူဝ်း​ၼႆႉ ယဵင်ႈ​ၶႅၼ်း​ႁႅင်း​ယႂ်ႇ​လိူဝ်​တွၼ်း​ၼႃႇ​သေ​ၵဝ်​ဢေႃႈ။ ႁႂ်ႈ​ထႃႇဝရႃႉ​ၽြႃး​တွပ်ႇ​တႅၼ်း​ပၼ်​တီႈ​ၵေႃႉ​ဢၼ်​ႁဵတ်း​ဢၼ်​ဢမ်ႇ​တြႃး​ၼၼ်ႉ ၸွမ်း​ၼင်ႇ​ဢၼ်​ဢပႅတ်ႈ​မၼ်း​မီး​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="4">
				<verse number="1">မိူဝ်ႈ​ဢၼ်​လုၵ်ႈ​ၸၢႆး​ သေႃးလူႉ ​ၼၼ်ႉ​ငိၼ်း​လွင်ႈ​ဢၼ်​ ဢႃႉပၼႃး ​တၢႆ​ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​ၸိုင်၊ ႁႅင်း​မိုဝ်း​မၼ်း​ဢူၼ်ႈ​ၵႂႃႇ​ယွမ်း​ၵႂႃႇ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​မီး​တၢင်း​ဢၼ်​မႆႈ​ၸႂ်​ၶီ​ၸႂ်​ဢေႃႈ။-</verse>
				<verse number="2">လုၵ်ႈ​ၸၢႆး​ သေႃးလူႉ ​ၼၼ်ႉ မီး​ၵူၼ်း​သွင်​ၵေႃႉ​ဢၼ်​လႆႈ​ပဵၼ်​တပ်ႉ​မူး​လႄႈ ၸိုဝ်ႈ​ၵေႃႉ​ၼိုင်ႈ​ၸမ်ႉ၊ ပဵၼ်​ ပႃႇၼႃႇ ၸိုဝ်ႈ​ၵေႃႉ​ၼိုင်ႈ​ၸမ်ႉ၊ ပဵၼ် ရေႇၶပ်ႉ ​ဢေႃႈ။ ၶဝ်​ၼၼ်ႉ ပဵၼ်​လုၵ်ႈ​ၸၢႆး​ ရိမ်ႇမုၼ်ႇ ၵူၼ်း​ၸိူဝ်ႉ​ၶိူဝ်း​ ပေႇရေႃႇသီႉ မဵဝ်း​ ပိၼ်ႇယႃႇမိၼ်ႇ ​ဢေႃႈ။ ပိၵ်ႉ​သမ်ႉ ဝဵင်း​ ပေႇရုတ်ႉ ​ၼၼ်ႉ ၶဝ်ႈ​ပႃး​ၼႂ်း​လိၼ်​ ပိၼ်ႇယႃႇမိၼ်ႇ ​သေ​ၵေႃႈ၊-</verse>
				<verse number="3">ၵူၼ်း​ ပေႇရေႃႇသီႉ ​တင်း​လၢႆ ဢွၼ်​ၵၼ်​ဢွၵ်ႇ​ပၢႆႈ​ၸူး​ၵႃႈ​တီႈ​ဝဵင်း​ ၵိတ်ႉတဵမ် ​လႄႈ သွၼ်ႈ​ပိုင်ႈ​ယူႇ​ၵႃႈ​တီႈ​ၼၼ်ႈ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ၊</verse>
				<verse number="4">ယေႃးၼသၼ်ႇ လုၵ်ႈ​ၸၢႆး​ၸဝ်ႈ​ သေႃးလူႉ ​ၼၼ်ႉ မီး​လုၵ်ႈ​ၸၢႆး​ဢၼ်​တိၼ်​ၵႅင်ႉ​ၵေႃႉ​ၼိုင်ႈ​ဢေႃႈ။ မိူဝ်ႈ​ဢၼ်​သတၢင်း​သဵင်​ၶၢဝ်ႇ လွင်ႈ​ သေႃးလူႉ ဢိၵ်ႇ​တင်း​ ယေႃးၼသၼ်ႇ ​ၸိူဝ်း​ၼၼ်ႉ လုၵ်ႉ​သေ​ၵႃႈ​တီႈ​ဝဵင်း​ ယေႇၸရေႇလႃႉ ႁွတ်ႈ​မႃး​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​ႁႃႈ​ၶူပ်ႇ​ယဝ်ႉ​လႄႈ၊ ၵေႃႉ​ဢၼ်​လူ​ဢၼ်​ထိင်း​မၼ်း​ၼၼ်ႉ ႁွပ်ႇ​ဢဝ်​မၼ်း​ယူႇ​သေ​လႄႈ ဢွၵ်ႇ​ပၢႆႈ​သေ​ယဝ်ႉ၊ ၼႂ်း​မိူဝ်ႈ​ဢၼ်​ယင်း​တိုၵ်ႉ​ႁိပ်ႈ​ၼႅတ်ႈ​ပၢႆႈ​ၵႂႃႇ​ၶၼ်​ၶၼ်​ၽႂ်း​ၽႂ်း​ယူႇ​ၼၼ်ႉ​ၸိုင်၊ မၼ်း​ၼၼ်ႉ​တူၵ်း​လႄႈ​တိၼ်​ၵႅင်ႉ​ၵႂႃႇ​ဢေႃႈ။ ၸိုဝ်ႈ​သဵင်​လုၵ်ႈ​ဢွၼ်ႇ​ၼၼ်ႉ​ၸမ်ႉ၊ ပဵၼ်​ မေႇၽီႉပေႃးသႅတ်ႉ ​ဢေႃႈ။-</verse>
				<verse number="5">ရေႇၶပ်ႉ ​ဢိၵ်ႇ​တင်း​ ပႃႇၼႃႇ လုၵ်ႈ​ၸၢႆး​ ရိမ်ႇမုၼ်ႇ ၵူၼ်း​မဵဝ်း​ ပေႇရေႃႇသီႉ ​ၼၼ်ႉ ၵႂႃႇ​လႄႈ​ႁွတ်ႈ​ထိုင်​ၵႃႈ​တီႈ​ႁေႃ​ ဢီႉသပေႃႇသႅတ်ႉ ၶိင်ႇ​ဢၼ်​မၼ်း​ၼွၼ်း ၶိင်ႇ​ၵၢင်​ဝၼ်း​တဵင်ႈ​ၼၼ်ႉ​ဢေႃႈ။-</verse>
				<verse number="6">သွင်​ၶႃ​ၼၼ်ႉ ႁဵတ်း​ၼင်ႇ​ႁၢင်ႈ​တၵ်း​ဢဝ်​ၶဝ်ႈ​ၵျုင်ႇ​ဢွၵ်ႇ​ၼၼ်ႉ​လႄႈ ၶဝ်ႈ​ၵႂႃႇ​ၵႃႈ​ၼႂ်း​ၵၢင်​ႁိူၼ်း​သေ​ယဝ်ႉ၊ တႅင်း​သႂ်ႇ​ပုမ်​မၼ်း​သေ​လႄႈ၊ ရေႇၶပ်ႉ ​ဢိၵ်ႇ​တင်း​ၼွင်ႉ​ၸၢႆး​မၼ်း​ ပႃႇၼႃႇ ​ၼၼ်ႉ​ဢွၵ်ႇ​ပၢႆႈ​လွတ်ႈ​ၵႂႃႇ​သေ​ဢေႃႈ။-</verse>
				<verse number="7">မိူဝ်ႈ​ဢၼ်​သွင်​ၶႃ​ၼၼ်ႉ​ၶဝ်ႈ​ၵႂႃႇ​ၵႃႈ​ၼႂ်း​ႁေႃ​လႄႈ မၼ်း​ယင်း​တိုၵ်ႉ​ၼွၼ်း​ယူႇ​ၵႃႈ​ၼိူဝ်​တီႈ​ၼွၼ်း​မၼ်း ၵႃႈ​ၼႂ်း​လုၵ်း​ၼွၼ်း​မၼ်း​ၼၼ်ႉ​ၸိုင်၊ သွင်​ၶႃ​ၼၼ်ႉ​တႅင်း​သႂ်ႇ​မၼ်း​လႄႈ ဢဝ်​မၼ်း​တၢႆ​သေ​ယဝ်ႉ၊ တႅပ်း​ဢဝ်​ၵွၵ်း​ႁူဝ်​မၼ်း​သေ​လႄႈ ၸွမ်း​သဵၼ်ႈ​တၢင်း​ပၢင်ႇ​ပဵင်း ဢႃႇရၽႃႉ ​ၵႂႃႇ​တင်း​ၶိုၼ်း​ဢေႃႈ။-</verse>
				<verse number="8">သွင်​ၶႃ​ၼၼ်ႉ ဢဝ်​ၵွၵ်း​ႁူဝ်​ ဢီႉသပေႃႇသႅတ်ႉ ​ၼၼ်ႉ​မႃး​ၸူး​ၵႃႈ​တီႈ​ တႃႇဝိတ်ႈ ​ၵႃႈ​တီႈ​ဝဵင်း​ ႁေႇပြုၼ်ႇ ​လႄႈ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ လူ​တူၺ်း​ၵွၵ်း​ႁူဝ်​ ဢီႉသပေႃႇသႅတ်ႉ လုၵ်ႈ​ၸၢႆး​ၸဝ်ႈ​ သေႃးလူႉ ဢၼ်​ပဵၼ်​ရၢၼ်ႇ​သူႇ​ၸဝ်ႈ​ႁဝ်း​လႄႈ ႁႃ​ဢသၢၵ်ႈ​ၸဝ်ႈ​ႁဝ်း​ယူႇ​ၼၼ်ႉ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တွပ်ႇ​တႅၼ်း​ပၼ်​ဢပႅတ်ႈ​ဢၼ်​ၸဝ်ႈ​ႁဝ်း ၸဝ်ႈ​ၶုၼ်​ႁေႃ​ၶမ်း​လႆႈ​ၶၢမ်ႇ​ၼၼ်ႉ​တီႈ​ သေႃးလူႉ ဢိၵ်ႇ​တင်း​မဵဝ်း​ၸိူဝ်ႉ​ၶိူဝ်း​မၼ်း​ၼၼ်ႉ ဝၼ်း​မိူဝ်ႈ​ၼႆႉ​တီႈ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">တႃႇဝိတ်ႈ ​ၶိုၼ်း​လၢတ်ႈ​တီႈ​ ရေႇၶပ်ႉ ​ဢိၵ်ႇ​တင်း​ၼွင်ႉ​ၸၢႆး​မၼ်း​ ပႃႇၼႃႇ လုၵ်ႈ​ၸၢႆး​ ရိမ်ႇမုၼ်ႇ ​ၵူၼ်း​ ပေႇရေႃႇသီႉ ​ၼၼ်ႉ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢၼ်​ထုတ်ႇ​ဢဝ်​ဢသၢၵ်ႈ​ၵဝ်​လွတ်ႈ​သေ​ၵႃႈ​တီႈ​ၽေး​ဢူႉ​ပၢတ်ႈ​ၵႃႈ​မီး​ၼၼ်ႉ ဢသၢၵ်ႈ​လိပ်း​ယူႇ​ၼၼ်ႉ၊-</verse>
				<verse number="10">မိူဝ်ႈ​ၵမ်း​ဢွၼ်​တၢင်း​ၼၼ်ႉ၊ မိူဝ်ႈ​ဢၼ်​ၵူၼ်း​ၵေႃႉ​ၼိုင်ႈ မီး​တၢင်း​ၵျၢမ်ႇ​တၢင်း​ပွင်​ဢၼ်​တၵ်း​ဢဝ်​သတၢင်း​သဵင်​ၶၢဝ်ႇ ဢၼ်​လီ​ၸူမ်း​လီ​သိူဝ်း​ၼၼ်ႉ မႃး​လႄႈ​မွၵ်ႇ​လၢတ်ႈ​ၼၼ်ႉ​ယူႇ​သေ​လႄႈ မွၵ်ႇ​လၢတ်ႈ​တီႈ​ၵဝ်​လႄႈ​ဝႃႈ၊ တူၺ်း​တီႈ​ၶႃႈ​လူး။ သေႃးလူႉ ​တၢႆ​ယဝ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၵဝ်​တိုတ်ႉ​ၸၼ်​ဢဝ်​ၵေႃႉ​ၼၼ်ႉ​တၢႆ​ၵႃႈ​တီႈ​ဝဵင်း​ ၸီႉၵလတ်ႉ ​လႄႈ ၶျႃး​ပၼ်​သူး​လၢပ်ႈ​ၸိူဝ်ႉ​ၼင်ႇ​ၼၼ် ပုၼ်ႈ​ၵႂၢမ်း​သတၢင်း​မၼ်း​ၼၼ်ႉ​ဢေႃႈ။-</verse>
				<verse number="11">မိူဝ်ႈ​ဢၼ်​ၵူၼ်း​ႁၢႆႉ​ၵူၼ်း​မိူၵ်ႈ ဢဝ်​ၵေႃႉ​ဢၼ်​သိုဝ်ႈ​တေႃႇ​တၢႆ​ၵႃႈ​ၼိူဝ်​တီႈ​ၼွၼ်း​မၼ်း ၵႃႈ​ၼႂ်း​ႁိူၼ်း​မၼ်း​ၼၼ်ႉ​ၸိုင်၊ ၵဝ်​ယဵင်ႈ​ၶႅၼ်း​ထုၵ်ႇ​လီ​ယွၼ်း​ဢဝ်​လိူတ်ႈ​မၼ်း​ၼၼ်ႉ တီႈ​သူ​မိူဝ်ႈ​လဵဝ်​ၼႆႉ​ၵမ်း​လဵဝ်​လႄႈ ဢဝ်​သူ​ပႄႇ​ပႅတ်ႈ​သေ​ၵႃႈ​ၼိူဝ်​လိၼ်​မိူင်း​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">တႃႇဝိတ်ႈ မီး​ဢမိင်ႉ​တီႈ​ၵူၼ်း​ဢွၼ်ႇ​မၼ်း​ၸိူဝ်း​ၼၼ်ႉ​လႄႈ ၶဝ်​ဢွၼ်​ၵၼ်​ဢဝ်​သွင်​ၵေႃႉ​ၼၼ်ႉ​တၢႆ​လႄႈ တႅပ်း​တိၼ်​တႅပ်း​မိုဝ်း သွင်​ၶႃ​သေ​လႄႈ ဢဝ်​ႁွႆႈ​ဝႆႉ​ၵႃႈ​တီႈ​ႁိမ်း​ၼမ်ႉ​ၼွင် ႁေႇပြုၼ်ႇ ​ဢေႃႈ။ ၵွၵ်း​ႁူဝ်​ ဢီႉသပေႃႇသႅတ်ႉ ​ၼၼ်ႉ​ၸမ်ႉ၊ ၶဝ်​ဢွၼ်​ၵၼ်​ဢဝ်​လႄႈ သၢင်း​ၵျူဝ်ႇ​ၵႃႈ​ၼႂ်း​ပႃႇ​ႁဵဝ်ႈ ဢႃႉပၼႃး ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​သေ​ဢေႃႈ။</verse>
			</chapter>
			<chapter number="5">
				<verse number="1">မိူဝ်ႈ​ၼၼ်ႉ မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢွၼ်​ၵၼ်​မႃး​ၸူး​တီႈ​ တႃႇဝိတ်ႈ ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ၸိူဝ်း​ၼႆႉ ပဵၼ်​လုပ်ႇ​ၸဝ်ႈ​ႁဝ်း​ၼိူဝ်ႉ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="2">မိူဝ်ႈ​ဢွၼ်​ၼႆႉ၊ မိူဝ်ႈ​ဢၼ်​ သေႃးလူႉ ​ပဵၼ်​ၶုၼ်​ႁေႃ​ၶမ်း​ၶႃႈ​ၸဝ်ႈ​ၶဝ်​ယူႇ​ၼၼ်ႉ၊ ၸဝ်ႈ​ႁဝ်း​ၼႆႉ​ဢွၼ်​ဢဝ်​မဵဝ်း​ ဢီႉသရေႇလႃႉ ​ၵႂႃႇ​ယူႇ၊ ဢွၼ်​ဢဝ်​ၶိုၼ်း​သႂၢင်း​ၶဝ်ႈ​ယူႇ​သေ​လႄႈ ယူႇ​မႃး​ယဝ်ႉ​တီႈ​ၶႃႈ​ယဝ်ႉ။ ထႃႇဝရႃႉ​ၽြႃး​ၵေႃႈ​မီး​ဢမိင်ႉ​ၸဝ်ႈ​တီႈ​ၸဝ်ႈ​ႁဝ်း​လႄႈ​ဝႃႈ၊ မႂ်း​တၵ်း​လႆႈ​ႁဵတ်း​လဵင်ႉ​ႁဵတ်း​လူ​ၵူၼ်း​ၵဝ်​မဵဝ်း​ ဢီႉသရေႇလႃႉ ​လႄႈ ပဵၼ်​ငဝ်ႈ​ပဵၼ်​ႁူဝ်​မဵဝ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​ဝႆႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၼင်ႇ​ၼၼ်​လႄႈ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢွၼ်​ၵၼ်​မႃး​ၸူး​တီႈ​ၶုၼ်​ႁေႃ​ၶမ်း ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​သေ​ယဝ်ႉ၊ ၶုၼ်​လူင်​ တႃႇဝိတ်ႈ ​ႁဵတ်း​မိၵ်ႉသႃႇႁႃယႃႉ​လူၺ်ႈ​ၵၼ်​တင်း​ၶဝ် ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ ႁေႇပြုၼ်ႇ ​လႄႈ ၶဝ်​ၼၼ်ႉ​ဢွၼ်​ၵၼ်​ပၼ်​ၽိၵ်ႈ​သိၵ်ႈ​တီႈ​ တႃႇဝိတ်ႈ ​လႄႈ ႁႂ်ႈ​မၼ်း​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ။</verse>
				<verse number="4">မိူဝ်ႈ​ဢၼ်​ တႃႇဝိတ်ႈ ​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢမ်​သိပ်း​ပီႊ​လႄႈ​မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​သီႇ​သိပ်း​ပီႊ​ဢေႃႈ။-</verse>
				<verse number="5">မၼ်း​ယူႇ​ၵႃႈ​တီႈ​ဝဵင်း​ ႁေႇပြုၼ်ႇ ​သေ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ယူႉတႃႉ ​ၸဵတ်း​ပီႊ​ပၢႆ​ႁူၵ်း​လိူၼ်​ဢေႃႈ။ မၼ်း​ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​လႄႈ​ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ယူႉတႃႉ တင်း​မိူင်း​ ဢီႉသရေႇလႃႉ ​တင်း​သဵင်ႈ​တင်း​မူတ်း​ၼၼ်ႉ သၢမ်​သိပ်း​ပၢႆ​သၢမ်​ပီႊ​ဢေႃႈ၊-</verse>
				<verse number="6">လႆႈ​သမ်ႉ ၶုၼ်​ႁေႃ​ၶမ်း​ပႃး​ဢဝ်​ၵူၼ်း​မၼ်း​တင်း​လၢႆ​သေ​လႄႈ ၶီႇ​သိုၵ်း​ၵႂႃႇ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​တီႈ​ၵူၼ်း​ ယေႇပူႉသီႉ ဢၼ်​ပဵၼ်​ၵူၼ်း​ဝၢၼ်ႈ​ၵူၼ်း​မိူင်း​ၵဝ်ႇ​ၵဝ်ႇ​ၼၼ်ႉ​လႄႈ၊ ၶဝ်​ၼၼ်ႉ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ မႂ်း​ဢမ်ႇ​လႆႈ​ၶဝ်ႈ​ၵႃႈ​ၼႂ်း​တီႈ​ၼႆႉ၊ ၵွမ်ႉ​ၵႃႈ​ၶဝ်​ၸိူဝ်း​ဢၼ်​တႃ​မွတ်ႇ ဢိၵ်ႇ​တင်း​ၶဝ်​ၸိူဝ်း​ဢၼ်​တိၼ်​ၵႅင်ႉ​ၼၼ်ႉ​ၵူၺ်း တၵ်း​ႁေႃႈ​မႂ်း​ဢွၵ်ႇ​ပႅတ်ႈ​ဢေႃႈ။ လွင်ႈ​ဢၼ်​ၶႂ်ႈ​ဝႃႈ​ၼၼ်ႉ​ၸမ်ႉ၊ တႃႇဝိတ်ႈ ​ဢမ်ႇ​ၶဝ်ႈ​ၵႃႈ​ၼႂ်း​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၼႂ်း​ဝႃႈ​ၼၼ်​သေ​ၵေႃႈ တႃႇဝိတ်ႈ တိုၵ်း​ဢဝ်​တိူၵ်ႈ​တီႈ​တိုၵ်း​သိုၵ်း​ ၸီႉဢုၼ်ႇ ဢၼ်​ဝႃႈ​ဝဵင်း​ တႃႇဝိတ်ႈ ​ၼၼ်ႉ​ဢေႃႈ။-</verse>
				<verse number="8">ၼႂ်း​ဝႃႈ​ၼၼ်၊ တႃႇဝိတ်ႈ ​လၢတ်ႈ​လႄႈ​ဝႃႈ၊ ႁႂ်ႈ​ၶဝ်​ၸိူဝ်း​ဢၼ်​တိုၵ်း​တေႃး​ယႃႉ​ပႅတ်ႈ ၵူၼ်း​ ယေႇပူႉသီႉ ​ၸိူဝ်း​ၼၼ်ႉ ၵူႈ​ၵေႃႉ​ၵူႈ​ၵူၼ်း ဢွၼ်​ၵၼ်​ဢဝ်​ၶဝ်​ၸိူဝ်း​ဢၼ် တိၼ်​ၵႅင်ႉ​ဢိၵ်ႇ​တင်း​ၶဝ်​ၸိူဝ်း​ဢၼ်​တႃ​မွတ်ႇ ဢၼ်​ တႃႇဝိတ်ႈ ​ၶၢၼ်ႉ​ႁၼ်​ၸိူဝ်း​ၼၼ်ႉ ထိမ်ႈ​တူၵ်း​ၵႃႈ​ၼႂ်း​ႁွင်ႈ​ၼႂ်း​ၶူး​သေ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ​မီး​ၵႂၢမ်း​ဢပုမ်ႇ​ဢၼ်​ဝႃႈ၊ ၶဝ်​ၸိူဝ်း​ဢၼ်​တႃ​မွတ်ႇ တင်း​ၶဝ်​ၸိူဝ်း​ဢၼ်​တိၼ်​ၵႅင်ႉ​ၸိူဝ်း​ၼၼ်ႉ ဢမ်ႇ​လႆႈ​ၶဝ်ႈ​ၵႃႈ​ၼႂ်း​ႁိူၼ်း​ၼႂ်း​ယေး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">လိုၼ်း​ၼၼ်ႉ တႃႇဝိတ်ႈ ​ယူႇ​ၵႃႈ​ၼႂ်း​တိူၵ်ႈ​တီႈ​တိုၵ်း​သိုၵ်း​ၼၼ်ႉ​လႄႈ ႁွင်ႉ​ႁဵၵ်ႈ​ၸိုဝ်ႈ ဝဵင်း​ တႃႇဝိတ်ႈ ​ဢေႃႈ။ တႃႇဝိတ်ႈ ​တႄႇ​ႁဵတ်း​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ ၸႃႉ​ၸဵမ်​ၵႃႈ​တီႈ မီႉလေႃႇ ​လႄႈ ၵႃႈ​တီႈ​တၢင်း​ၼႂ်း​ၸိူဝ်း​ၼၼ်ႉ​ဢေႃႈ။-</verse>
				<verse number="10">တႃႇဝိတ်ႈ ​ယႂ်ႇ​ၽႄႈ​တူဝ်း​တွၼ်း​မႃး​ယူႇ​သေ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​မၼ်း​ဢေႃႈ။</verse>
				<verse number="11">ႁီႉရမ်ႇ ၶုၼ်​လူင်​ တူႉရူႉ ပွႆႇ​ၸႂ်ႉ​သၢၼ်ႇတမၢၼ်ႇ ဢိၵ်ႇ​လူၺ်ႈ​ၵၼ်​တင်း​မႆႉ​ ဢႃႇရိတ်ႉ တင်း​လၢၵ်ႈသမႃး၊ ၵူၼ်း​မေႃ​တႄႇ​တိူၵ်ႈ​ႁဵတ်း​တိူၵ်ႈ​တင်း​လၢႆ​မႃး​ၸူး​ၵႃႈ​တီႈ​ တႃႇဝိတ်ႈ ​လႄႈ ၶဝ်​ၼၼ်ႉ​တႄႇ​ႁဵတ်း​ႁေႃ​ၸဝ်ႈ ပုၼ်ႈ​ တႃႇဝိတ်ႈ ​ဢေႃႈ။-</verse>
				<verse number="12">တႃႇဝိတ်ႈ ​ႁူႉ​ႁၼ်​လွင်ႈ​ဢၼ်​ထႃႇဝရႃႉ​ၽြႃး ႁႂ်ႈ​မၼ်း​ပဵၼ်​ဢၼ်​မၼ်ႈ​ဢၼ်​ၶိူင်ႇ​ယူႇ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း ဢီႉသရေႇလႃႉ ဢိၵ်ႇ​တင်း​လွင်ႈ​ဢၼ်​မၼ်း​ၸဝ်ႈ​ယုၵ်ႉ​ယွင်ႈ​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း​ၸဝ်ႈ ႁႂ်ႈ​ပဵၼ်​ပုၼ်ႈ​ၵူၼ်း​မၼ်း​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ-။</verse>
				<verse number="13">တႃႇဝိတ်ႈ ​သမ်ႉ​ဢဝ်​မေး​လူင်​မေး​ဢွၼ်ႇ ၵူၼ်း​ယိင်း​ဝဵင်း​ ယေႇရူႉသလႅမ်ႇ ​တင်း​လၢႆ​ထႅင်ႈ လိုၼ်း​သေ​ဢၼ်​မၼ်း​ၶၢႆႉ​သေ​ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​ယဝ်ႉ​ၼၼ်ႉ​သေ​ယဝ်ႉ၊ သမ်ႉ​လႆႈ​လုၵ်ႈ​ၸၢႆး​လုၵ်ႈ​ယိင်း​ထႅင်ႈ​ဢေႃႈ။-</verse>
				<verse number="14">ၸိုဝ်ႈ​သဵင်​လုၵ်ႈ​ၸၢႆး ဢၼ်​ တႃႇဝိတ်ႈ ​လႆႈ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ၸမ်ႉ၊ ပဵၼ်​ သမႂႃႇ၊ သေႃးပပ်ႉ၊ ၼႃႇသၼ်ႇ၊ သေႃးလမုၼ်ႇ ၊-</verse>
				<verse number="15">ဢီႉပႁႃႇ၊ ဢေးလီႉသႂႃႉ၊ ၼေႇၽႅတ်ႉ၊ ယႃႇၽျႃႇ ၊-</verse>
				<verse number="16">ဢေးလီႉသမႃႇ၊ ဢေးလျႃႇတႃႉ၊ ဢေးလီႉၽလႅတ်ႉ ​ဢေႃႈ။</verse>
				<verse number="17">မိူဝ်ႈ​ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ ငိၼ်း​လွင်ႈ​ဢၼ်​ပၼ်​ၽိၵ်ႈ​သိၵ်ႈ​တီႈ​ တႃႇဝိတ်ႈ ​လႄႈ ႁႂ်ႈ​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​ၸိုင်၊ ၵူၼ်း​ ၽီႉလိတ်ႉတီႉ ​တင်း​သဵင်ႈ​တင်း​လူင် ဢွၼ်​ၵၼ်​ၶီႇ​သိုၵ်း​မႃး ႁႂ်ႈ​လႆႈ​ႁႃ​ တႃႇဝိတ်ႈ ​ဢေႃႈ။ တႃႇဝိတ်ႈ ​ငိၼ်း​လွင်ႈ​မၼ်း​သေ​ယဝ်ႉ၊ လူင်း​ၸူး​ၵႃႈ​တီႈ​တိူၵ်ႈ တီႈ​တိုၵ်း​သိုၵ်း​ဢေႃႈ။-</verse>
				<verse number="18">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ မႃး​လႄႈ​ယူႇ​ၸွတ်ႇ​တူဝ်ႈ​ၵႃႈ​တီႈ​ပၢင်ႇ​ႁူၺ်ႈ​ ရေႇၽဵမ်ႇ ​ဢေႃႈ။-</verse>
				<verse number="19">တႃႇဝိတ်ႈ ​ၵေႃႈ​လဝ်ႊ​ထၢမ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၶႃႈ​ၸဝ်ႈ​တၵ်း​လႆႈ​ၶိုၼ်ႈ​ၸူး​ၵႃႈ​တီႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​တီႈ​ၶႃႈ​ႁိုဝ်။ ၸဝ်ႈ​ႁဝ်း​တၵ်း​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶႃႈ​ၸဝ်ႈ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ထႃႇဝရႃႉ​ၽြႃး​မီး​ဢမိင်ႉ​တီႈ​ တႃႇဝိတ်ႈ ​လႄႈ​ဝႃႈ၊ ၶိုၼ်ႈ​ၸူး​တႃႉ။ ၵဝ်​တၵ်း​ဢဝ်​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="20">တႃႇဝိတ်ႈ ​ၵႂႃႇ​ၸူး​ၵႃႈ​တီႈ​ဝဵင်း​ ပႃႇလႃႉပေႇရၸိမ်း ​လႄႈ တႃႇဝိတ်ႈ ​တိုၵ်း​တေႃး​ယႃႉ​ပႅတ်ႈ​ၶဝ်​ၵႃႈ​တီႈ​ၼၼ်ႈ​သေ​ယဝ်ႉ၊ လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ၵိူၼ်ႇ​ယႃႉ​ပႅတ်ႈ​ရၢၼ်ႇ​သူႇ​ၵဝ်​ၵႃႈ​တီႈ​ၽၢႆႇ​ၼႃႈ​ၵဝ် မိူၼ်​ၸိူဝ်ႉ​ၼင်ႇ​ဢၼ်​ၼမ်ႉ​လူၵ်ႈ​လႄႈ​ၵိူၼ်ႇ​ယႃႉ​ပႅတ်ႈ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႈ ပႃႇလႃႉပေႇရၸိမ်း ​ဢေႃႈ။-</verse>
				<verse number="21">ၶဝ်​ၼၼ်ႉ​ပႅတ်ႈ​ရုၵ်ႈ​ထူႉ​ၶဝ်​ဝႆႉ​ၵႃႈ​တီႈ​ၼၼ်ႈ​လႄႈ တႃႇဝိတ်ႈ ​ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ ဢွၼ်​ၵၼ်​ဢဝ်​ၸိူဝ်း​ၼၼ်ႉ​ၵႂႃႇ​ဢေႃႈ၊</verse>
				<verse number="22">လႆႈ​သမ်ႉ ပွၵ်ႈ​ၼိုင်ႈ ၵူၼ်း​ ၽီႉလိတ်ႉတီႉ ​တင်း​လၢႆ ဢွၼ်​ၵၼ်​မႃး​ထႅင်ႈ​လႄႈ ယူႇ​ၸွတ်ႇ​တူဝ်ႈ​ၵႃႈ​တီႈ​ပၢင်ႇ​ႁူၺ်ႈ​ ရေႇၽဵမ်ႇ ​ဢေႃႈ။-</verse>
				<verse number="23">တႃႇဝိတ်ႈ ​ၵေႃႈ လဝ်ႊ​ထၢမ်​တီႈ​ထႃႇဝရႃႉ​ၽြႃး​သေ​ယဝ်ႉ၊ မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ မႂ်း​ဢမ်ႇ​လႆႈ​ၶိုၼ်ႈ​ၸူး၊ တၵ်း​လႆႈ​လဵပ်ႈ​ႁွပ်ႈ​ၽၢႆႇ​လင်​ၶဝ်​လႄႈ ၶီႇ​ၵႂႃႇ​ၽၢႆႇ​ၼိုင်ႈ​ပႃႇ​မႆႉ​မွၼ်း ၸူး​ၶဝ်​ဢေႃႈ။-</verse>
				<verse number="24">မိူဝ်ႈ​ဢၼ်​မႂ်း​ငိၼ်း​သဵင်​ၶီႇ​သိုၵ်း​ၵႃႈ​ၼိူဝ်​ပၢႆ​မႆႉ​မွၼ်း​ၸိူဝ်း​ၼၼ်ႉ​ၸိုင်၊ ၵျူဝ်း​ၸႃး​တႃႉ။ မိူဝ်ႈ​ၼၼ်ႉ ထႃႇဝရႃႉ​ၽြႃး​တၵ်း​ဢွၼ်​ႁူဝ်​မႂ်း​ၵႂႃႇ ႁႂ်ႈ​လႆႈ​တိုၵ်း​တေႃး​ယႃႉ​ပႅတ်ႈ တပ်ႉ​ ၽီႉလိတ်ႉတီႉ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="25">တႃႇဝိတ်ႈ ​ႁဵတ်း​ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​ဢမိင်ႉ​ၼၼ်ႉ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢဝ်​ၵႃႈ​တီႈ​ဝဵင်း​ ၵေႇပႃႉ တေႃႇ​ထိုင်​ႁွတ်ႈ​ဝဵင်း​ ၵႃႇၸေႇရႃႉ ​ဢေႃႈ။</verse>
			</chapter>
			<chapter number="6">
				<verse number="1">လႆႈ​သမ်ႉ တႃႇဝိတ်ႈ ​ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ဢၼ်​လိူၵ်ႈ​ၵဵပ်း​ဢဝ်​တင်း​သဵင်ႈ​တင်း​လူင်​ဢၼ်​ဝႃႈ သၢမ်​မိုၼ်ႇ​ၼၼ်ႉ ၸူႉ​ၵၼ်​တုမ်​ၵၼ်​သေ​ယဝ်ႉ၊-</verse>
				<verse number="2">တႃႇဝိတ်ႈ ​လုၵ်ႉ​သေ​ၵႃႈ​တီႈ​ဝဵင်း​ ပႃႇလႃႉ ​မိူင်း​ ယူႉတႃႉ ​လႄႈ၊ ပႃး​ဢဝ်​ၵူၼ်း​ၵႃႈ​ဢၼ်​မီး​တီႈ​မၼ်း​ၼၼ်ႉ ၵႂႃႇ​ႁႂ်ႈ​လႆႈ​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ဢၼ်​ဝႃႈ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ၸဝ်ႈ ဢၼ်​ၵိင်း​ၼွၼ်း​ယူႇ​ၵႃႈ​တီႈ​ၵႄႈ​ဝူင်ႈ​ၵၢင် ၶေႇရူႉၽဵမ်ႇ ​ၼၼ်ႉ ႁွင်ႉ​ႁဵၵ်ႈ​ၼၼ်ႉ​သေ​ၵႃႈ​တီႈ​ၼၼ်ႈ​မႃး​ဢေႃႈ။-</verse>
				<verse number="3">ၶဝ်​ဢွၼ်​ၵၼ်​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ တၢင်ႇ​ၵႃႈ​ၼိူဝ်​လေႃႉ​ဢၼ်​မႂ်ႇ​လႄႈ ဢဝ်​ဢွၵ်ႇ​သေ​ၵႃႈ​ၼႂ်း​ႁိူၼ်း​ ဢၽီႉၼတပ်ႉ ဢၼ်​မီး​ၵႃႈ​ၼိူဝ်​လွႆ​ၼၼ်ႉ​ဢေႃႈ။ ဢေႃႇၸႃႉ တင်း ဢႃႇႁီႉဢူဝ်း ဢၼ်​ပဵၼ်​လုၵ်ႈ​ၸၢႆး ဢၽီႉၼတပ်ႉ ​ၼၼ်ႉ​လႆႈ​ႁေႃႈ​လေႃႉ​ဢၼ်​မႂ်ႇ​ၼၼ်ႉ​ဢေႃႈ။-</verse>
				<verse number="4">ၶဝ်​ဢွၼ်​ၵၼ်​ဢဝ်​ဢွၵ်ႇ​သေ​ၵႃႈ​ၼႂ်း​ႁိူၼ်း​ ဢၽီႉၼတပ်ႉ ဢၼ်​မီး​ၵႃႈ​ၼိူဝ်​လွႆ​ၼၼ်ႉ ဢိၵ်ႇ​လူၺ်ႈ​ၵၼ်​တင်း​တိူၵ်ႈ​တႃႇ​ၸဝ်ႈ​လႄႈ ဢႃႇႁီႉဢူဝ်း ​ၵေႃႈ​ၵႂႃႇ​ဢွၼ်​တၢင်း​တိူၵ်ႈ​တႃႇ​ၸဝ်ႈ​ဢေႃႈ။-</verse>
				<verse number="5">တႃႇဝိတ်ႈ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ဢွၼ်​ၵၼ်​ယိပ်း​ၵမ်​ဢဝ်​တိင်ႇ၊ တရေႃး၊ ၵွင်​ၶဵတ်ႇ၊ ၼႄးၶရႃႇ၊ သႅင်ႇ​တင်း​လၢႆ​ယူႇ​သေ​လႄႈ ဢဝ်​ႁႅင်း​ၵျူဝ်း​ၸႃး​ပဝ်ႇ​ႁႆႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။</verse>
				<verse number="6">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​တလၢင်း​ယဵပ်ႇ​ၶဝ်ႈ​ ၼႃႇ​ၶုၼ်ႇ ​ၼၼ်ႉ​ၸိုင်၊ ၵွပ်ႈ​ပိူဝ်ႈ​ဢၼ်​ဝူဝ်း​ၶီႈ​လိုတ်း​ၶီႈ​လႅင်ႉ​ၼၼ်ႉ​လႄႈ ဢေႃႇၸႃႉ ​ယဵတ်ႇ​မိုဝ်း​မၼ်း​ၸူး​တိူၵ်ႈ​တႃႇ​ၽြႃး​ပဵၼ်​ၸဝ်ႈ​သေ​လႄႈ​ယိပ်း​ၵမ်​ဝႆႉ​ဢေႃႈ။-</verse>
				<verse number="7">တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​တီႈ​ ဢေႃႇၸႃႉ ​ၼၼ်ႉ​လႄႈ ၽြႃး​ပဵၼ်​ၸဝ်ႈ​ပၼ်​တၢမ်ႇ​ၵွပ်ႈ​ပိူဝ်ႈ​ဢပႅတ်ႈ​မၼ်း​ၼၼ်ႉ ၵႃႈ​တီႈ​ၼၼ်ႈ​သေ​ယဝ်ႉ၊ မၼ်း​ၼၼ်ႉ​တၢႆ​ၵႃႈ​တီႈ​ႁိမ်း​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ ၵႃႈ​တီႈ​ၼၼ်ႈ​ဢေႃႈ။-</verse>
				<verse number="8">တႃႇဝိတ်ႈ ​မီး​ၸႂ်​ဢၼ်​ႁဵဝ်ႇ​ၸွပ်ႈ​ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး​ပၼ်​တၢမ်ႇ​တီႈ​ ဢေႃႇၸႃႉ ​ၼၼ်ႉ​လႄႈ၊ ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႈ ပေးရိတ်ႉဢေႃႇၸႃႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="9">ၼႂ်း​ဝၼ်း​ၼၼ်ႉ တႃႇဝိတ်ႈ ​ၵူဝ်​ႁႄ​ထႃႇဝရႃႉ​ၽြႃး​လႄႈ​ထၢမ်​လႄႈ​ဝႃႈ၊ တိူၵ်ႈ​တႃႇ​ထႃႇဝရႃႉ​ၽြႃး တၵ်း​ႁွတ်ႈ​ထိုင်​ၵႃႈ​တီႈ​ၵဝ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="10">တႃႇဝိတ်ႈ ယင်း​ဢမ်ႇ​ဢဝ်​တိူၵ်ႈ​တႃႇ​ထႃႇဝရႃႉ​ၽြႃး မႃး​ၵႃႈ​တီႈ​မၼ်း​ၵႃႈ​ၼႂ်း​ဝဵင်း​ တႃႇဝိတ်ႈ ​ၼၼ်ႉ​လႄႈ ဢဝ်​ငႅၵ်း​ၵႂႃႇ​ၸူး​ၵႃႈ​တီႈ​ႁိူၼ်း ဢူဝ်းပိတ်ႉဢေႇတုမ်ႇ ၵူၼ်း​ ၵိတ်ႉတီႉ ​ၼၼ်ႉ​သေ​ယဝ်ႉ၊-</verse>
				<verse number="11">တိူၵ်ႈ​တႃႇ​ထႃႇဝရႃႉ​ၽြႃး​ၼၼ်ႉ မီး​ယူႇ​ၵႃႈ​တီႈ​ႁိူၼ်း ဢူဝ်းပိတ်ႉဢေႇတုမ်ႇ ၵူၼ်း​ ၵိတ်ႉတီႉ ​ၼၼ်ႉ သၢမ်​လိူၼ်​တဵမ်​တဵမ်​ဢေႃႈ။ ထႃႇဝရႃႉ​ၽြႃး​ၵေႃႈ ပၼ်​တၢင်း​လီ​တီႈ​ ဢူဝ်းပိတ်ႉဢေႇတုမ်ႇ ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မၼ်း​တင်း​သဵင်ႈ​တင်း​လူင်​ဢေႃႈ။</verse>
				<verse number="12">မိူဝ်ႈ​ဢၼ်​ပိူၼ်ႈ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ထႃႇဝရႃႉ​ၽြႃး ပၼ်​တၢင်း​လီ​တီႈ​ ဢူဝ်းပိတ်ႉဢေႇတုမ်ႇ ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မၼ်း​တင်း​သဵင်ႈ​တင်း​လူင် ၵွပ်ႈ​ပိူဝ်ႈ​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ တႃႇဝိတ်ႈ ​ၵႂႃႇ​လႄႈ မီး​တၢင်း​ၸႂ်​ဢၼ်​ၸူမ်း​သိူဝ်း​ၼႃႇ​လူင်​လၢင်​သေ​လႄႈ ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​သေ​ၵႃႈ​ၼႂ်း​ႁိူၼ်း​ ဢူဝ်းပိတ်ႉဢေႇတုမ်ႇ ​ၼၼ်ႉ မႃး​ၵႃႈ​တီႈ​ဝဵင်း​ တႃႇဝိတ်ႈ ​ဢေႃႈ။-</verse>
				<verse number="13">ၶဝ်​ၸိူဝ်း​ဢၼ်​ႁၢပ်ႇ​တိူၵ်ႈ​တႃႇ​ထႃႇဝရႃႉ​ၽြႃး​ၼၼ်ႉ ၵႂႃႇ​ႁူၵ်း​ယၢင်ႈ​တိၼ်​သေ​ယဝ်ႉ၊ မၼ်း​ဢဝ်​ဝူဝ်း​ဢိၵ်ႇ​တင်း​တူဝ်​ဢွၼ်ႇ ဢၼ်​ပီး​လီ​မၼ်း​လီ​ပုၵ်ႈ​ၸေႃႇ​ယိတ်ႈ​ဢေႃႈ။-</verse>
				<verse number="14">တႃႇဝိတ်ႈ ဢဝ်​ႁႅင်း​ၵႃႈ​ဢၼ်​မီး​ဢွၵ်ႇ​သေ​လႄႈ ၵျူဝ်း​ၸႃး​ၵႃႈ​ဝႅၼ်​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ တႃႇဝိတ်ႈ ​ၼၼ်ႉ ၼုင်ႈ​မႆ​သိူဝ်ႈ​သုပ်း​ပိၵ်ႈ​ယူႇ​ဢေႃႈ၊-</verse>
				<verse number="15">ၼင်ႇ​ၼၼ်​လႄႈ တႃႇဝိတ်ႈ ​ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ႁုၼ်ႉ​ႁိူဝ်ႇ​ယူႇ၊ ပဝ်ႇ​ၼႄးၶရႃႇ​ယူႇ​သေ​လႄႈ ဢဝ်​တိူၵ်ႈ​တႃႇ​ထႃႇဝရႃႉ​ၽြႃး​မႃး​ဢေႃႈ။-</verse>
				<verse number="16">မိူဝ်ႈ​ဢၼ်​တိူၵ်ႈ​တႃႇ​ထႃႇဝရႃႉ​ၽြႃး​ၶဝ်ႈ​မႃး​ၵႃႈ​ၼႂ်း​ဝဵင်း​ တႃႇဝိတ်ႈ ​ယူႇ​ၼၼ်ႉ​ၸိုင်၊ မီႉၶႃႇလႃႉ ​လုၵ်ႈ​ယိင်း​ သေႃးလူႉ ​ၼၼ်ႉ ယူႇ​ၵႃႈ​တီႈ​ႁူး​လၢင်း​တဵၼ်​လွမ်​တူၺ်း​လႄႈ ႁၼ်​ၶုၼ်​လူင်​ တႃႇဝိတ်ႈ ​ၵႃႈ​ယူႇ​ဝႅၼ်​ယူႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ယူႇ​သေ​လႄႈ ႁဵတ်း​ဢမ်ႇ​ၼပ်ႉ​ဢမ်ႇ​ၶၢၼ်း​တီႈ​မၼ်း​ၵႃႈ​ၼႂ်း​ႁူဝ်​ၸႂ်​မၼ်း​ယူႇ​ဢေႃႈ။</verse>
				<verse number="17">ၶဝ်​ဢွၼ်​ၵၼ်​ဢဝ်​တိူၵ်ႈ​တႃႇ​ထႃႇဝရႃႉ​ၽြႃး​သႂၢင်း​ၶဝ်ႈ​လႄႈ ဝႆႉ​ၵႃႈ​ၼႂ်း​တီႈ​မၼ်း ၵႃႈ​တီႈ​ၶိုင်ႈ​ၵၢင်​မူဝ်းၵႃႇ​ၸဝ်ႈ ဢၼ်​ တႃႇဝိတ်ႈ ပူၵ်း​တင်ႈ​ဝႆႉ​ပုၼ်ႈ​မၼ်း​ၼၼ်ႉ​သေ​ယဝ်ႉ၊ တႃႇဝိတ်ႈ ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ယိတ်ႈ​မိၵ်ႉသႃႇႁႃယႃႉ​တင်း​လၢႆ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="18">မိူဝ်ႈ​ဢၼ် တႃႇဝိတ်ႈ ​ႁႂ်ႈ​ဢမူႉ​တၢင်း​ဢၼ်​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး၊ ယိတ်ႈ​မိၵ်ႉသႃႇႁႃယႃႉ ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ မၼ်း​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ပၼ်​တၢင်း​လီ​တီႈ​ပရဵၵ်ႈသၢတ်ႈ​တင်း​လၢႆ​ဢေႃႈ။-</verse>
				<verse number="19">မၼ်း​တူၵ်း​မႅင်ႇ​ပၼ်​တီႈ​ၵူၼ်း​တင်း​သဵင်ႈ​တင်း​လူင် ၵႃႈ​ဢၼ်​ၶဝ်ႈ​ပႃး​ၼႂ်း​ပရဵၵ်ႈသၢတ်ႈ​မဵဝ်း​ ဢီႉသရေႇလႃႉ ၸႃႉ​ၸဵမ်​ၵူၼ်း​ၸၢႆး ၵူၼ်း​ယိင်း​ၸိူဝ်း​ၼၼ်ႉ ယေႈ​ၵေႃႉ​ၶဝ်ႈ​မုၼ်း​ယေႈ​ၶႅပ်း၊ ၼိူဝ်ႉ​ယေႈ​ၵွၼ်ႈ၊ ၶႅပ်း​မၢၵ်ႇ​ၸပိတ်ႈ​ယေႈ​ၶႅပ်း ၼင်ႇ​ၵၼ်​သေ​ယဝ်ႉ၊ ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​တီႈ​ယူႇ​ၶဝ်​သေ​ဢေႃႈ။</verse>
				<verse number="20">လိုၼ်း​ၼၼ်ႉ တႃႇဝိတ်ႈ မိူဝ်း​ၵႂႃႇ​ႁႂ်ႈ​လႆႈ​ပၼ်​တၢင်း​လီ​တီႈ​ၵူၼ်း​ၼႂ်း​ႁၢင်ႈ​ၼႂ်း​ႁေႃ​မၼ်း​ၸိူဝ်း​ၼၼ်ႉ​လႄႈ မီႉၶႃႇလႃႉ လုၵ်ႈ​ယိင်း သေႃးလူႉ ​ၼၼ်ႉ ဢွၵ်ႇ​ႁပ်ႉ​ႁူဝ်​တၢင်း​မၼ်း​သေ​လႄႈ​လၢတ်ႈ​လႄႈ​ဝႃႈ၊ ၶုၼ်​ႁေႃ​ၶမ်း​ ဢီႉသရေႇလႃႉ ဢၼ်​ထွတ်ႇ​ၶူဝ်း​ၼုင်ႈ​မၼ်း​ၸဝ်ႈ​ဝၼ်း​မိူဝ်ႈ​ၼႆႉ ၵႃႈ​တီႈ​ၽၢႆႇ​ၼႃႈ​ၶႃႈ​ၵူၼ်း​ယိင်း ၶႃႈ​ၵူၼ်း​ၸၢႆး​မၼ်း​ၸဝ်ႈ​မိူၼ်​ၸိူဝ်ႉ​ၼင်ႇ​ဢၼ် ၵေႃႉ​ဢၼ်​မဝ်​ဢၼ်​မၢင် ထွတ်ႇ​ၶူဝ်း​ၼုင်ႈ​မၼ်း​လႄႈ ယင်း​ဢမ်ႇ​မီး​တၢင်း​ဢၼ်​ဢူၵ်း​ဢၼ်​ဢၢႆ​ၼၼ်ႉ​ၼႆ၊ မုၼ်​ၽုင်း​မၼ်း​ၸဝ်ႈ​ယႂ်ႇ​ၼႃႇ​လူင်​လၢင်​ၵႃႈ​ႁိုဝ်​ဝၼ်း​မိူဝ်ႈ​ၼႆႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">တႃႇဝိတ်ႈ ​ၵေႃႈ​လၢတ်ႈ​တီႈ​ မီႉၶႃႇလႃႉ ​လႄႈ​ဝႃႈ၊ ၵဝ်​ႁဵတ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဢၼ်​လိူၵ်ႈ​ၵဵပ်း​ဢဝ်​ၵဝ်​တင်း​တူဝ်​ပေႃႈ​မႂ်း ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​ၵႃႈ​မီး​ၼၼ်ႉ​လႄႈ ၶၢၼ်း​ၵဝ်​ဝႆႉ​ၵႃႈ​ၼႂ်း​ဢရႃႇ​ၶုၼ် ဢၼ်​ဢုပ်ႉ​ပိူင်ႇ​ၵူၼ်း​ထႃႇဝရႃႉ​ၽြႃး မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ဢမ်ႇ​ၸႂ်ႈ​ႁိုဝ်။ ပိူဝ်ႈ​ၼႆ​လႄႈ ၵဝ်​တၵ်း​ၵႃႈ​ဝႅၼ်​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="22">ထၢၼ်ႇ​ၼႆႉ​ၵူၺ်း​ဢမ်ႇ​ၵႃး၊ ၵဝ်​ယဵင်ႈ​ၶႅၼ်း​တၵ်း​ယုတ်ႈ​ယွမ်း​ဢေႃႈ။ ယဵင်ႈ​ၶႅၼ်း​တၵ်း​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ သိုဝ်ႈ​ၼႃႈ​တႂ်ႈ​တႃ​တူဝ်​ၸဝ်ႈ​ၵဝ်ႇ​ဢေႃႈ။ တီႈ​ၶႃႈ​ၵူၼ်း​ယိင်း​ဢၼ်​မႂ်း​လၢတ်ႈ​ၸိူဝ်း​ၼၼ်ႉ​ၸမ်ႉ၊ ၵဝ်​တၵ်း​မီး​သရေႇ​ၼႃႈ​တႃ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မီႉၶႃႇလႃႉ လုၵ်ႈ​ယိင်း​ သေႃးလူႉ ​ၼၼ်ႉ ယင်း​ဢမ်ႇ​မီး​လုၵ်ႈ​မီး​လၢင်း​လႄႈ ယူႇ​တေႃႇ​ထိုင်​ႁွတ်ႈ​မၼ်း​ထၼ်ႈ​ပေႃး​တၢႆ​ဢေႃႈ။</verse>
			</chapter>
			<chapter number="7">
				<verse number="1">မိူဝ်ႈ​ဢၼ်​ၶုၼ်​ႁေႃ​ၶမ်း လႆႈ​ယူႇ​ၼိမ်​ၼိမ်​လီ​လီ​ၵႃႈ​တီႈ​ႁေႃ​ၸဝ်ႈ​လႄႈ၊ ထႃႇဝရႃႉ​ၽြႃး​ပၼ်​မၼ်း​ၵတ်း​ယဵၼ်​ၶျၢမ်း​သႃႇ​ၵၢင်း​လွတ်ႈ​သေ ရၢၼ်ႇ​သူႇ​မၼ်း​ၵႃႈ​ဢၼ်​မီး​လဵပ်ႈ​ႁွပ်ႈ​မၼ်း​ယူႇ​ၵူႈ​တီႈ​ၵူႈ​လႅၼ်​ၼၼ်ႉ​ၸိုင်၊-</verse>
				<verse number="2">ၶုၼ်​ႁေႃ​ၶမ်း​ၼၼ်ႉ​လၢတ်ႈ​တီႈ​ပရေႃးၽႅတ်ႈ​ ၼႃႇသၼ်ႇ ​လႄႈ​ဝႃႈ၊ တူၺ်း​လူး၊ ၵဝ်​ၸိုင်​လႆႈ​ယူႇ​ၵႃႈ​ၼႂ်း​ႁေႃ​မႆႉ​ ဢႃႇရိတ်ႉ ​ဢေႃႈ။ တိူၵ်ႈ​တႃႇ​ထႃႇဝရႃႉ​ၽြႃး​ၸမ်ႉ လႆႈ​ယူႇ​ၵႃႈ​ၼႂ်း​ၽႃႈ​ၵင်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="3">ၼႃႇသၼ်ႇ ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၵႂႃႇ​လႄႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​မီး​ၼႂ်း​ႁူဝ်​ၸႂ်​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">ၼႂ်း​ၶိုၼ်း​ၼၼ်ႉ၊ ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ ၼႃႇသၼ်ႇ ​လႄႈ​ဝႃႈ၊-</verse>
				<verse number="5">ၵႂႃႇ​လႄႈ​မွၵ်ႇ​လၢတ်ႈ​တီႈ​ၶႃႈ​ၵဝ်​ တႃႇဝိတ်ႈ ​ၼၼ်ႉ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ မႂ်း​တၵ်း​လႆႈ​ႁဵတ်း​ႁိူၼ်း​ပုၼ်ႈ​ဢၼ်​ၵဝ်​တၵ်း​ယူႇ​ႁိုဝ်။-</verse>
				<verse number="6">ၵဝ်​ဢမ်ႇ​ယူႇ​ၵႃႈ​ၼႂ်း​ႁိူၼ်း​ၸႃႉ​ၸဵမ်​မိုဝ်ႉ​ဝၼ်း​ဢၼ် ၵဝ်​ၼုၵ်ႈ​ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​လႄႈ ၵဝ်​ယူႇ​ၵႃႈ​ၼႂ်း​မူဝ်းၵႃႇ ဢိၵ်ႇ​တင်း​သုမ်ႉ​ထဵင်​သေ​လႄႈ လႄႇ​လဵပ်ႈ​မႃး​ယဝ်ႉ။-</verse>
				<verse number="7">ၵႃႈ​တီႈ​ဢၼ်​ၵဝ်​လႄႇ​လဵပ်ႈ​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၵူႈ​တီႈ​ၵူႈ​လႅၼ်​ၼၼ်ႉ၊ ၵဝ်​ယၢမ်ႈ​ထၢမ်​တီႈ ၵူၼ်း​လူင်​ဢၼ်​ၸီႇ​ယၢင်ႇ​တြႃး ဢၼ်​ၵဝ်​ၸႂ်ႉ​သွႆ​ႁႂ်ႈ​လႆႈ​လဵင်ႉ​လႆႈ​ထိင်း​ၵူၼ်း​ၵဝ်​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၼၼ်ႉ​သေ​ၵေႃႉ​သေ​ၵူၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢမ်ႇ​ႁဵတ်း​ႁိူၼ်း​မႆႉ​ ဢႃႇရိတ်ႉ ​ပုၼ်ႈ​ၵဝ်​ၼင်ႇ​ႁိုဝ်။ ဝႃႈ​ၼင်ႇ​ၼႆ​ႁိုဝ်။-</verse>
				<verse number="8">မိူဝ်ႈ​လဵဝ်​ၼႆႉ​ၸိုင်၊ မႂ်း​လၢတ်ႈ​တီႈ​ၶႃႈ​ၵဝ်​ တႃႇဝိတ်ႈ ​ၼၼ်ႉ​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​ၼုၵ်ႈ​ဢဝ်​မႂ်း​သေ​ၵႃႈ​ၼႂ်း​ၶွၵ်ႈ​သူဝ်း​တီႈ​ဢၼ်​လဵင်ႉ​ထိင်း​သူဝ်း​ၼၼ်ႉ​မႃး​လႄႈ ၶၢၼ်း​မႂ်း​ဝႆႉ​ၵႃႈ​ၼႂ်း​ဢရႃႇ​ၶုၼ်​ဢၼ်​ဢုပ်ႉ​ပိူင်ႇ​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼႆႉ​ယဝ်ႉ။-</verse>
				<verse number="9">ၵဝ်​ၸွမ်း​လူၺ်ႈ​ၵၼ်​တင်း​မႂ်း​ၵႂႃႇ​ၵႃႈ​တီႈ​ၵႃႈ​ဢၼ်​မႂ်း​ၵႂႃႇ​ၼၼ်ႉ​လႄႈ ပႄႇ​ၽဵဝ်ႈ​ရၢၼ်ႇ​သူႇ​မႂ်း​ၵႃႈ​မီး​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မႂ်း​သေ​ယဝ်ႉ၊ ပၼ်​ၼႃႇ​မႃႉ​ၸိုဝ်ႈ​သဵင်​တီႈ​မႂ်း​မိူၼ်​ၸိူဝ်ႉ​ၼင်ႇ ၼႃႇ​မႃႉ​ၸိုဝ်ႈ​သဵင်​ၵူၼ်း​ယႂ်ႇ​ၵူၼ်း​လူင်​ၼႂ်း​ၵူၼ်း​လိၼ်​မိူင်း​တင်း​လၢႆ​ၼၼ်ႉ​ယဝ်ႉ။-</verse>
				<verse number="10">ၼွၵ်ႈ​သေ​ၼၼ်ႉ ၵဝ်​တၵ်း​ၸီႇ​ယၢင်ႇ​ၶၢၼ်း​ဝႆႉ​တီႈ​ဢၼ်​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​ယူႇ​ၼၼ်ႉ​လႄႈ ႁႂ်ႈ​ၶဝ်​မၼ်ႈ​ၶိူင်ႇ၊ ႁႂ်ႈ​ၶဝ်​ဢမ်ႇ​လႆႈ​ၶၢႆႉ​လႆႈ​ပုတ်ႈ​ၵမ်း​လိုၼ်း​လႄႈ ယူႇ​ၵႃႈ​ၼႂ်း​တီႈ​ယူႇ​ၶဝ်​ၼၼ်ႉ​ဢေႃႈ။ ၵမ်း​လိုၼ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၵ်း​ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​မိူၼ်​ၸိူဝ်ႉ​ၼင်ႇ​ဢၼ်​မိူဝ်ႈ​ဢွၼ်​တၢင်း​ၼၼ်ႉ၊-</verse>
				<verse number="11">ဢိၵ်ႇ​တင်း​ၶိင်ႇ​မိူဝ်ႈ​ဢၼ် ၵဝ်​ၶၢၼ်း​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ၸိူဝ်း​ၼၼ်ႉ​ဝႆႉ ၵႃႈ​ၼႂ်း​ၵူၼ်း​ၵဝ်​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ။ မႂ်း​ၵေႃႈ​ၵဝ်​တၵ်း​ႁႂ်ႈ​ၵတ်း​ယဵၼ်​ၶျၢမ်း​သႃႇ​ၵၢင်း​လွတ်ႈ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​မႂ်း​တင်း​သဵင်ႈ​တင်း​လူင်​ဢေႃႈ။ လိူဝ်​သေ​ၼၼ်ႉ​ဢမ်ႇ​ၵႃး ထႃႇဝရႃႉ​ၽြႃး​မွၵ်ႇ​လၢတ်ႈ​တီႈ​မႂ်း​လူၺ်ႈ​လွင်ႈ​ဢၼ်​ထႃႇဝရႃႉ​ၽြႃး တၵ်း​ႁႂ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​တႄႇ​ယူႇ​ၼၼ်ႉ​ဢေႃႈ။-</verse>
				<verse number="12">မိူဝ်ႈ​ဢၼ်​မိုဝ်ႉ​ဝၼ်း​ဢသၢၵ်ႈ​မႂ်း​တၵ်း​တဵမ်​လႄႈ မႂ်း​တၵ်း​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မႂ်း​ၸိူဝ်း​ၼၼ်ႉ​ၸိုင်၊ ၵဝ်​တၵ်း​ယုၵ်ႉ​ယွင်ႈ​ၸိူဝ်ႉ​ၶိူဝ်း​မႂ်း လိုၼ်း​မႂ်း​ဢၼ်​သိုပ်ႇ​ဢွၵ်ႇ​ၵႃႈ​တီႈ​မႂ်း​ၼၼ်ႉ​လႄႈ ႁႂ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း​တႄႇ​ယူႇ​ဢေႃႈ။-</verse>
				<verse number="13">မၼ်း​ၼၼ်ႉ​တၵ်း​လႆႈ​ႁဵတ်း​ႁိူၼ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​လႄႈ၊ ၵဝ်​တၵ်း​ႁႂ်ႈ​ရႃႇၸႃႉ​ပလၢင်ႇ​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း​ၼၼ်ႉ တႄႇ​ယူႇ​တႃႇ​သေႇ​ဢေႃႈ။-</verse>
				<verse number="14">ၵဝ်​တၵ်း​ပဵၼ်​ပေႃႈ​မၼ်း​လႄႈ မၼ်း​ၵေႃႈ​တၵ်း​ပဵၼ်​လုၵ်ႈ​ၸၢႆး​ၵဝ်​ဢေႃႈ။ ပေႃး​မၼ်း​ၼၼ်ႉ​ႁဵတ်း​တူႉ​ၸရိူၵ်ႈ​ၸိုင်၊ ၵဝ်​တၵ်း​ဢဝ်​တင်း​ၶွၼ်ႉ​ဝၢႆ ဢၼ်​ၵူၼ်း​ၸၢင်ႈ​သုင်း​သွင်ႇ​ၼၼ်ႉ သင်ႇ​သွၼ်​သုင်း​မႃႉ​မၼ်း​လႄႈ ၵဝ်​တၵ်း​ပေႃႉ​ယႅၼ်ႉ​မၼ်း​မိူၼ်​ၸိူဝ်ႉ​ၼင်ႇ​ဢၼ် လုၵ်ႈ​ၵူၼ်း​တင်း​လၢႆ​ပေႃႉ​ယႅၼ်ႉ​ၼၼ်ႉ​ဢေႃႈ။-</verse>
				<verse number="15">ၵူၺ်း​ၵႃႈ ၵရူႉၼႃႇ​ၵဝ်​တၵ်း​ဢမ်ႇ​ၽၢတ်ႇ​ယၢၼ်​သေ​ၵႃႈ​တီႈ​မၼ်း မိူၼ်​ၸိူဝ်ႉ​ၼင်ႇ​ဢၼ် ၵဝ်​ၼုၵ်ႈ​ဢဝ်​သေ​ၵႃႈ​တီႈ​ သေႃးလူႉ ဢၼ်​ၵဝ်​ပႅတ်ႈ​ဝႆႉ​ၵႃႈ​တီႈ​ၽၢႆႇ​ၼႃႈ​မႂ်း​ၼၼ်ႉ။-</verse>
				<verse number="16">မဵဝ်း​ၸိူဝ်ႉ​ၶိူဝ်း​မႂ်း ဢိၵ်ႇ​တင်း​သိုင်ႇ​ၸိုင်ႈ​ဝၢၼ်ႈ​မိူင်း​မႂ်း​ၼၼ်ႉ တၵ်း​တႄႇ​ယူႇ​တႃႇ​သေႇ​မၼ်ႈ​ၶိူင်ႇ​ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။ ရႃႇၸႃႉ​ပလၢင်ႇ​မႂ်း​ၵေႃႈ တၵ်း​တႄႇ​ယူႇ​တႃႇ​သေႇ​မၼ်ႈ​ၶိူင်ႇ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၼင်ႇ​ၼၼ်​လႄႈ ၼႃႇသၼ်ႇ ​ဢဝ်​ၵႂၢမ်း​ပျႃႇ​တိၵ်ႈ​ၸဝ်ႈ​ၵႃႈ​မီး​ၼႆႉ ဢိၵ်ႇ​တင်း​ရူႇပႃႇရူင်ႇ​တင်း​သဵင်ႈ​တင်း​မူတ်း​ၼႆႉ ၶိုၼ်း​မွၵ်ႇ​လၢတ်ႈ​တီႈ​ တႃႇဝိတ်ႈ ​ဢေႃႈ။</verse>
				<verse number="18">မိူဝ်ႈ​ၼၼ်ႉ ၶုၼ်​လူင်​ တႃႇဝိတ်ႈ ၶဝ်ႈ​ၵႂႃႇ​ၵႃႈ​ၼႂ်း​လႄႈ ၼင်ႈ​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​လႄႈ သူး​တွင်း​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ၼႆႉ​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​တၵ်း​ယုၵ်ႉ​ယွင်ႈ​ၶႃႈ​ၸဝ်ႈ​ၼႃႇ​လူင်​လၢင်​ထၢၼ်ႇ​ၼႆႉ​တီႈ​ၶႃႈ။ မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ​ၼႆႉ ပဵၼ်​မဵဝ်း​ၸိူဝ်ႉ​ၶိူဝ်း​ၸိူဝ်ႉ​ၼင်ႇ​ႁိုဝ်​တီႈ​ၶႃႈ။-</verse>
				<verse number="19">ၵူၺ်း​ၵႃႈ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၵျေး​ၸူး​ၼၼ်ႉ​ပဵၼ်​ၵျေး​ၸူး​ဢၼ်​လဵၵ်ႉ​ဢၼ်​ၵေႇ သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​လႄႈ ၸဝ်ႈ​ႁဝ်း​ဢဝ်​မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ သိၼ်ႇ​ၽႃ​ႁွမ်း​လူၺ်ႈ​ၵၼ်​တင်း​ၶိင်ႇ​ၵႃႇလႃႉ ဢၼ်​ႁိုင်​ၼႃႇ​လူင်​လၢင်​ယူႇ​သေ​လႄႈ သမ်ႉ​မီး​ဢမိင်ႉ​လူၺ်ႈ​လွင်ႈ​မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ​ႁဝ်း​ၼႆႉ​တီႈ​ၶႃႈ​လူင်​ပႄႇ။ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၵူၼ်း​တင်း​လၢႆ​ယၢမ်ႈ​မီး​ထုင်း​ၸၢမ်ႇ ဢၼ်​ၸီႇ​ယၢင်ႇ​ၸိူဝ်ႉ​ၼင်ႇ​ၼႆ​တီႈ​ၶႃႈ​ႁိုဝ်။-</verse>
				<verse number="20">တႃႇဝိတ်ႈ တၵ်း​လႆႈ​လဝ်ႊ​လၢတ်ႈ​ၸိူဝ်ႉ​ၼင်ႇ​ႁိုဝ်​ထႅင်ႈ​တီႈ​ၶႃႈ။ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ႁူႉ​ၶႃႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="21">ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ထွၵ်ႈ​လူၺ်ႈ​ၼုၵ်ႈၵပၢတ်ႈ​ၸဝ်ႈ​ႁဝ်း​သေ​လႄႈ ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​ႁူဝ်​ၸႂ်​ၸဝ်ႈ​ႁဝ်း​မီး​ၼၼ်ႉ​လႄႈ၊ ၸဝ်ႈ​ႁဝ်း​ႁဵတ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ဢၼ်​ယႂ်ႇ​ၼႃႇ​လူင်​လၢင်​ၼႆႉ ႁႂ်ႈ​ၶႃႈ​ၸဝ်ႈ​လႆႈ​ႁူႉ​လွင်ႈ​မၼ်း​တီႈ​ၶႃႈ​ယဝ်ႉ။-</verse>
				<verse number="22">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ယႂ်ႇ​မျၢတ်ႈ​တီႈ​ၶႃႈ​ဢေႃႈ။ ၵႃႈ​ၼင်ႇ​ဢၼ်​ၶႃႈ​ၸဝ်ႈ​ႁဝ်း​တင်း​သဵင်ႈ​တင်း​လူင်​လႆႈ​ငိၼ်း​ၼၼ်ႉ၊ ဢမ်ႇ​မီး​ၽြႃး​ဢၼ်​မိူၼ်​ၵၼ်​တင်း​ၸဝ်ႈ​ႁဝ်း​တီႈ​ၶႃႈ။ ၼွၵ်ႈ​သေ​ၸဝ်ႈ​ႁဝ်း ဢမ်ႇ​မီး​ၽြႃး​တၢင်ႇ​သူႇ​တၢင်ႇ​ပႃး​တီႈ​ၶႃႈ။-</verse>
				<verse number="23">ၵႃႈ​ၼိူဝ်​လိၼ်​မိူင်း​ၼႆႉ မီး​မဵဝ်း​ၵူၼ်း​သေ​ၸိူဝ်ႉ​သေ​မဵဝ်း ဢၼ်​မိူၼ်​ၵၼ်​တင်း​ၵူၼ်း​ၸဝ်ႈ​ႁဝ်း​မဵဝ်း​ ဢီႉသရေႇလႃႉ ​ဢၼ်​ၽြႃး​ပဵၼ်​ၸဝ်ႈ ၵႂႃႇ​လႄႈ​ထုတ်ႇ​ၼုၵ်ႈ​ဢဝ် ပုၼ်ႈ​မၼ်း​ၸဝ်ႈ​လွင်ႈ​ၼင်ႇ​ႁိုဝ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ ထၢင်ႇ​သႃး​လႄႈ​ႁဵတ်း​လွင်ႈ​တၢင်း​ဢၼ်​ယႂ်ႇ​ဢၼ်​လူင်​ပုၼ်ႈ​သူ ဢိၵ်ႇ​တင်း​တၢင်း​ဢၼ်​လီ​ၵူဝ်​လီ​ႁႄ​တင်း​လၢႆ ပုၼ်ႈ​မိူင်း​ၸဝ်ႈ​ႁဝ်း ၵႃႈ​တီႈ​ၽၢႆႇ​ၼႃႈ​ၵူၼ်း​ၸဝ်ႈ​ႁဝ်း ဢၼ်​ၸဝ်ႈ​ႁဝ်း ထုတ်ႇ​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​ၸႃႉ​ၸဵမ်​မိူင်း​ ဢေႇၵိပ်ႉတူႉ ​လႄႈ​မိူင်း​တင်း​လၢႆ၊ ၽြႃး​ၶဝ်​တင်း​လၢႆ​ၼၼ်ႉ​ၼႆႉ​သေ​ၸိူဝ်ႉ​သေ​မဵဝ်း​တီႈ​ၶႃႈ​ႁိုဝ်။-</verse>
				<verse number="24">လွင်ႈ​မၼ်း​ၸမ်ႉ ၸဝ်ႈ​ႁဝ်း​ႁႂ်ႈ​ၵူၼ်း​ၸဝ်ႈ​ႁဝ်း မဵဝ်း​ ဢီႉသရေႇလႃႉ ​ၼႆႉ မၼ်ႈ​ၶိူင်ႇ​ၼႅၼ်ႈ​ၼႃ ႁႂ်ႈ​ၶဝ်​လႆႈ​ပဵၼ်​ၵူၼ်း​ၸဝ်ႈ​ႁဝ်း​ယူႇ​တႃႇ​သေႇ​လႄႈ ၸဝ်ႈ​ႁဝ်း​ထႃႇဝရႃႉ​ၽြႃး​ၼႆႉ ပဵၼ်​ၽြႃး​ပဵၼ်​ၸဝ်ႈ​ၶဝ်​တီႈ​ၶႃႈ​ဢေႃႈ။-</verse>
				<verse number="25">မိူဝ်ႈ​လဵဝ်​ၼႆႉ​ၸိုင်၊ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ႁႂ်ႈ​ၵႂၢမ်း​ဢၼ်​ၸဝ်ႈ​ႁဝ်း​မီး​ဢမိင်ႉ​ဝႆႉ​တီႈ​ၶႃႈ​ၸဝ်ႈ​ႁဝ်း ဢိၵ်ႇ​တင်း​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ၶႃႈ​ၸဝ်ႈ​ႁဝ်း​ၸိူဝ်း​ၼၼ်ႉ​ၼၼ်ႉ တႄႇ​ယူႇ​တႃႇ​သေႇ မၼ်ႈ​ၶိူင်ႇ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း မီး​ဢမိင်ႉ​ဝႆႉ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="26">ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​မီး​တၢင်း​ဢၼ် ယုၵ်ႉ​ယွင်ႈ​ယူႇ​တႃႇ​သေႇ​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ပဵၼ်​ၽြႃး​ပဵၼ်​ၸဝ်ႈ ဢၼ်​လႆႈ​ဢုပ်ႉ​ပိူင်ႇ မဵဝ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​ယူႇ​သေ​ၵမ်း​လူၺ်ႈ​တီႈ​ၶႃႈ။ ႁႂ်ႈ​မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ​ႁဝ်း​ တႃႇဝိတ်ႈ ​ၼႆႉ တႄႇ​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​လူၺ်ႈ​တီႈ​ၶႃႈ။-</verse>
				<verse number="27">လွင်ႈ​မၼ်း​ၸမ်ႉ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ပၼ်​ပျႃႇ​တိၵ်ႈ​တီႈ​ၶႃႈ​ၸဝ်ႈ​ႁဝ်း​ၼႆႉ​လႄႈ​ဝႃႈ၊ ၵဝ်​တၵ်း​ႁႂ်ႈ​မဵဝ်း​ၸိူဝ်ႉ​ၶိူဝ်း​မႂ်း​တႄႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ ၶႃႈ​ၸဝ်ႈ​ႁဝ်း​ၼႆႉ မီး​ၸႂ်​ဢၼ်​ၶႂ်ႈ​ႁဵတ်း​သူး​တွင်း​ပထၼႃႇ​ၼႆႉ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="28">မိူဝ်ႈ​လဵဝ်​ၼႆႉ​ၵေႃႈ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ၸႂ်ႈ​ၽြႃး​ပဵၼ်​ၸဝ်ႈ​တီႈ​ၶႃႈ​ဢေႃႈ။ ၵႂၢမ်း​ၸဝ်ႈ​ႁဝ်း​ၵေႃႈ ၸိုဝ်ႈ​ၸႂ်ႈ​တီႈ​ၶႃႈ​ဢေႃႈ။ ၵျေး​ၸူး​ၼႆႉ​ၸိုင် ၸဝ်ႈ​ႁဝ်း​ဝႆႉ​ၵတီႉ​တီႈ​ၶႃႈ​ၸဝ်ႈ​ႁဝ်း​ၼႆႉ​တီႈ​ၶႃႈ​ယဝ်ႉ။-</verse>
				<verse number="29">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၶႅၼ်း​တေႃႈ​မီး​ၸႂ်​ဢၼ်​ဢူၼ်ႈ​ၼူပ်ႈ​ၵွမ်း​ၸူး​ႁႂ်ႈ​လႆႈ​ပၼ်​တၢင်း​လီ တီႈ​မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ​ႁဝ်း​ၼႆႉ ႁႂ်ႈ​တႄႇ​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တႃႇ​သေႇ မၼ်ႈ​ၶိူင်ႇ​သေ​ၵမ်း​တီႈ​ၶႃႈ။ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​မီး​ဢမိင်ႉ​ဝႆႉ​ၼၼ်ႉ​လႄႈ၊ ႁႂ်ႈ​မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ​ႁဝ်း​ၼႆႉ လႆႈ​ၶၢမ်ႇ​မင်ႇၵလႃႇ ဢၼ်​ၸဝ်ႈ​ႁဝ်း​ပၼ်​တၢင်း​လီ​ၼၼ်ႉ ယူႇ​တႃႇ​သေႇ​မၼ်ႈ​ၶိူင်ႇ​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="8">
				<verse number="1">လိုၼ်း​ၼၼ်ႉ တႃႇဝိတ်ႈ ​တိုၵ်း​တေႃး​ယႃႉ​ပႅတ်ႈ​ၵူၼ်း​ ၽီႉလိတ်ႉတီႉ ​တင်း​လၢႆ​လႄႈ ပႄႉ​ၼႅင်ႇ​သေ​ယဝ်ႉ၊ တႃႇဝိတ်ႈ ​သိမ်း​ဢဝ်​ဝဵင်း​ဢၼ် ပဵၼ်​တူၼ်ႈ​ပဵၼ်​ငဝ်ႈ​ၶဝ်​ၼၼ်ႉ​သေ​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="2">မိူင်း​ မေႃႇၽႃႉ ​ၵေႃႈ မၼ်း​တိုၵ်း​တေႃး​ယႃႉ​ပႅတ်ႈ​လႄႈ ဢဝ်​ၶဝ်​လူမ်ႉ​ၼွၼ်း​ၵႃႈ​ၼိူဝ်​လိၼ်​သေ​ယဝ်ႉ၊ ဢဝ်​ၸိူၵ်ႈ​တႅၵ်ႈ​သေ​လႄႈ၊ ၸိူၵ်ႈ​သွင်​တႅၵ်ႈ​ၸမ်ႉ၊ ႁႂ်ႈ​လႆႈ​ဢဝ်​တၢႆ​လႄႈ တႅၵ်ႈ​ၼိုင်ႈ​ၸမ်ႉ၊ ႁႂ်ႈ​လႆႈ​ပၼ်​ဢသၢၵ်ႈ​ၵတ်း​ယဵၼ်​ၶျၢမ်း​သႃႇ​ဢေႃႈ။ ၼင်ႇ​ၼၼ်​လႄႈ ၵူၼ်း​မဵဝ်း​ မေႃႇၽႃႉ ​ၸိူဝ်း​ၼၼ်ႉ လႆႈ​ၶၢမ်ႇ​ႁဵတ်း​ၶႃႈ​တီႈ​ တႃႇဝိတ်ႈ ​သေ​လႄႈ သၢၵ်ႈ​ၶွၼ်ႇ​ဢေႃႈ။</verse>
				<verse number="3">တႃႇဝိတ်ႈ ​တိုၵ်း​တေႃး​ယႃႉ​ပႅတ်ႈ ႁႃႇတႃႉတေႇၸႃႇ ​လုၵ်ႈ​ၸၢႆး​ ရႃႇႁေႃႇၽႃႉ ၶုၼ်​လူင်​ ၸေႃႇၽႃႉ ​ၼၼ်ႉ​ၼႂ်း​မိူဝ်ႈ​ဢၼ်​မၼ်း​ၼၼ်ႉ​ၶီႇ​သိုၵ်း​ၵႂႃႇ ႁႂ်ႈ​လႆႈ​ၶိုၼ်း​သိမ်း​ဢဝ်​လိၼ်​မၼ်း​ၵႃႈ​တီႈ​ႁိမ်း​ၼမ်ႉ​ႁွင်ႈ​လူင်​ ဢူႉၽရတ်ႉ ​ၼၼ်ႉ​လႄႈ၊-</verse>
				<verse number="4">တႃႇဝိတ်ႈ ​တီႉ​ၵမ်​ဢဝ်​လေႃႉရထႃး​ႁဵင်​ၼိုင်ႈ၊ ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​ၸဵတ်း​ပၢၵ်ႇ၊ ႁူဝ်​ႁၢၼ်​ၵူၼ်း​သိုၵ်း​ပႆ​တိၼ်​သွင်​မိုၼ်ႇ​လႄႈ ဢဝ်​လေႃႉရထႃး​ပၢၵ်ႇ​ၼိုင်ႈ​ၵူၺ်း​ဝႆႉ​သေ​ယဝ်ႉ၊ ၽၼ်း​ဢဵၼ်​ၼွင်ႈ​မႃႉ​လေႃႉရထႃး​တင်း​ဢၼ်​တၢင်ႇ​တူဝ်​ၵႃႈ​မီး​ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="5">မိူဝ်ႈ​ဢၼ်​ၵူၼ်း​ သူႉရီႉ ဢၼ်​ယူႇ​ၵႃႈ​တီႈ​ဝဵင်း​ ထမ်ႇမသႅတ်ႉ ​ၸိူဝ်း​ၼၼ်ႉ မႃး​ႁႂ်ႈ​လႆႈ​ၸွႆႈ​သိုၵ်း​ထႅမ်​သိုၵ်း​တီႈ​ ႁႃႇတႃႉတေႇၸႃႇ ၶုၼ်​လူင် ၸေႃႇၽႃႉ ​ၼၼ်ႉ​ၸိုင်၊ တႃႇဝိတ်ႈ ​တိုၵ်း​တေႃး​ယႃႉ​ပႅတ်ႈ​ၵူၼ်း​ သူႉရီႉ ​သွင်​မိုၼ်ႇ​ပၢႆ​သွင်​ႁဵင်​သေ​ယဝ်ႉ၊-</verse>
				<verse number="6">တႃႇဝိတ်ႈ ​ဝႆႉ​တပ်ႉ​ပႂ်ႉ​ဝဵင်း ၵႃႈ​ၼႂ်း​ဝဵင်း​ ထမ်ႇမသႅတ်ႉ မိူင်း​ သူႉရီႉ ​ၼၼ်ႉ​သေ​လႄႈ၊ ၵူၼ်း​ သူႉရီႉ ​ၸိူဝ်း​ၼၼ်ႉ​လႆႈ​ၶၢမ်ႇ​ႁဵတ်း​ၶႃႈ​တီႈ​ တႃႇဝိတ်ႈ ​လႄႈ သၢၵ်ႈ​ၶွၼ်ႇ​ဢေႃႈ။ ၵႃႈ​ပဵၼ်​တီႈ​ဢၼ်​ တႃႇဝိတ်ႈ ​ၵႂႃႇ​ၼၼ်ႉ ထႃႇဝရႃႉ​ၽြႃး​ၸွႆႈ​ထႅမ်​မႃႉ​ၸႃႉ​ယူႇ​ဢေႃႈ။-</verse>
				<verse number="7">တႃႇဝိတ်ႈ ​သိမ်း​ဢဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ ဢၼ်​ၶႃႈ​ၵူၼ်း​ ႁႃႇတႃႉတေႇၸႃႇ ​တင်း​လၢႆ​ယိပ်း​ၵမ်​ၸိူဝ်း​ၼၼ်ႉ​လႄႈ ဢဝ်​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="8">တႃႇဝိတ်ႈ ​သိမ်း​ဢဝ်​တွင်း​လိူင်​ၼမ်​ၼႃႇ​လူင်​လၢင်​သေ ၵႃႈ​တီႈ​ဝဵင်း​ ၽေႇတႃႉ တင်း​ဝဵင်း​ ပေႇရေႃႇသေး ဢၼ်​ ႁႃႇတႃႉတေႇၸႃႇ ဢုပ်ႉ​ပိူင်ႇ​ၼၼ်ႉ​ၵႂႃႇ​ဢေႃႈ။</verse>
				<verse number="9">တေႃႇဢီႉ ၶုၼ်​လူင်​ ႁႃႇမတ်ႉ ငိၼ်း​လွင်ႈ​ဢၼ် တႃႇဝိတ်ႈ ​တိုၵ်း​တေႃး​ယႃႉ​ပႅတ်ႈ မူႇ​ၽုင်​မုၵ်ႉ​ၸိူဝ်း​ ႁႃႇတႃႉတေႇၸႃႇ ၵႃႈ​မီး​ၼၼ်ႉ​သေ​ယဝ်ႉ၊-</verse>
				<verse number="10">တေႃႇဢီႉ ​ၼၼ်ႉ ပွႆႇ​ၸႂ်ႉ​ ယေႃးရမ်ႇ လုၵ်ႈ​ၸၢႆး​မၼ်း​မႃး ၵႃႈ​တီႈ​ၶုၼ်​လူင်​ တႃႇဝိတ်ႈ ႁႂ်ႈ​လႆႈ​တၵ်ႉ​လႆႈ​လၢတ်ႈ​မၼ်း​လႄႈ ပၼ်​တၢင်း​လီ​တီႈ​မၼ်း ၵွပ်ႈ​ပိူဝ်ႈ​ဢၼ်​မၼ်း​တိုၵ်း​သိုၵ်း​လႄႈ​ယႃႉ​ပႅတ်ႈ​ ႁႃႇတႃႉတေႇၸႃႇ ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ႁႃႇတႃႉတေႇၸႃႇ ဢိၵ်ႇ​တင်း​ တေႃႇဢီႉ လႆႈ​ပဵၼ်​သိုၵ်း​ပဵၼ်​သိူဝ်​တီႈ​ၵၼ်​ဢေႃႈ။ ယေႃးရမ်ႇ ​ၼၼ်ႉ ပႃး​ဢဝ်​တင်း​ၵွၵ်း​ငိုၼ်း​ၵွၵ်း​ၶမ်း၊ ၵွၵ်း​တွင်း​လိူင်​သေ​လႄႈ​မႃး​ဢေႃႈ။-</verse>
				<verse number="11">ၵွၵ်း​ၸိူဝ်း​ၼၼ်ႉ​ၸိုင်၊ ၶုၼ်​လူင်​ တႃႇဝိတ်ႈ ဢဝ်​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ဢိၵ်ႇ​လူၺ်ႈ​ၵၼ်​တင်း ငိုၼ်း​ၶမ်း​ဢၼ်​သိမ်း​ဢဝ်​ၵႃႈ​တီႈ​မိူင်း​ဢၼ်​မၼ်း​ပႄႉ​ၼႅင်ႇ​ဢၼ်​ဝႃႈ၊-</verse>
				<verse number="12">မိူင်း​ သူႉရီႉ ၊ မိူင်း​ မေႃႇၽႃႉ ၊ မိူင်း​ ဢမ်ႇမုၼ်ႇ ၊ မိူင်း​ ၽီႉလိတ်ႉတီႉ ၊ မိူင်း​ ဢႃႇမလႅၵ်ႉ ​ၸိူဝ်း​ၼၼ်ႉ ဢိၵ်ႇ​တင်း​ဢၼ်​ႁိမ်​ဢဝ်​ႁူင်ႇ​ဢဝ်​ၵႃႈ​ၼႂ်း​ၽၼ်ႇတႃႇ ႁႃႇတႃႉတေႇၸႃႇ လုၵ်ႈ​ၸၢႆး​ၶုၼ်​လူင်​ ၸေႃႇၽႃႉ ​ၼၼ်ႉ​လႄႈ ဢဝ်​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="13">မိူဝ်ႈ​ဢၼ်​ တႃႇဝိတ်ႈ လုၵ်ႉ​သေ​ၵႃႈ​တီႈ​ဢၼ်​တိုၵ်း​တေႃး​ယႃႉ​ပႅတ်ႈ ၵူၼ်း​ သူႉရီႉ မိုၼ်ႇ​ပၢႆ​ပႅတ်ႇ​ႁဵင် ၵႃႈ​ၼႂ်း​ပၢင်ႇ​ႁူၺ်ႈ​ၵိူဝ်​ၶိုၼ်း​မႃး​ၼၼ်ႉ​ၸိုင်၊ ၼႃႇ​မႃႉ​ၸိုဝ်ႈ​သဵင်​မၼ်း ၸွတ်ႇ​သႃႈ​ႁူင်​ႁၢင်း​ဢေႃႈ။-</verse>
				<verse number="14">မၼ်း​ဝႆႉ​တပ်ႉ​ပႂ်ႉ​ဝဵင်း​တင်း​လၢႆ ၵႃႈ​တီႈ​မိူင်း​ ဢေႇတုမ်ႇ ​လႄႈ ဝႆႉ​တပ်ႉ​ပႂ်ႉ​ဝဵင်း​ၵႃႈ​တီႈ​မိူင်း​ ဢေႇတုမ်ႇ ​ၼၼ်ႉ ၵူႈ​တီႈ​ၵူႈ​လႅၼ်​လႄႈ ၵူၼ်း​မိူင်း ဢေႇတုမ်ႇ ​ၵႃႈ​မီး လႆႈ​ၶၢမ်ႇ​ႁဵတ်း​ၶႃႈ​တီႈ​ တႃႇဝိတ်ႈ ​ဢေႃႈ။ ၵႃႈ​ပဵၼ်​တီႈ​ဢၼ်​ တႃႇဝိတ်ႈ ​ၵႂႃႇ​ၼၼ်ႉ ထႃႇဝရႃႉ​ၽြႃး​ၸွႆႈ​ထႅမ်​မႃႉ​ၸႃႉ​ယူႇ​ဢေႃႈ။</verse>
				<verse number="15">ၼင်ႇ​ၼၼ်​လႄႈ တႃႇဝိတ်ႈ ​ၼၼ်ႉ ဢုပ်ႉ​ပိူင်ႇ​ၸၢမ်ႇ​ၸႃး​လိၼ်​မိူင်း​ ဢီႉသရေႇလႃႉ တင်း​မိူင်း​လႄႈ ၸီႇ​ယၢင်ႇ​တႅပ်း​တတ်း​ဢမူႉ​တြႃး​သိုဝ်ႈ​သိုဝ်ႈ​တေႃႇ​တေႃႇ တီႈ​ၵူၼ်း​မိူင်း​ၸဝ်ႈ​တင်း​သဵင်ႈ​တင်း​လူင်​ဢေႃႈ။-</verse>
				<verse number="16">ယႂႃႇၽႃႉ လုၵ်ႈ​ၸၢႆး​ ၸေႇရူႉယႃႇ ​ၼၼ်ႉ​ပဵၼ်​ၶုၼ်​ပူဝ်ႇ​ၶျုၵ်ႈ​ဢေႃႈ။ ယူဝ်းသၽတ်ႉ လုၵ်ႈ​ၸၢႆး​ ဢႁီႉလုတ်ႉ ​ၼၼ်ႉ ပဵၼ်​ဢတႂၢင်းဝုၼ်ႇ​ဢေႃႈ။-</verse>
				<verse number="17">ၸႃႇတုၵ်ႉ လုၵ်ႈ​ၸၢႆး​ ဢႁီႉတုပ်ႉ ဢိၵ်ႇ​တင်း​ ဢႁီႉမလႅၵ်ႉ လုၵ်ႈ​ၸၢႆး​ ဢႃႇပျႃႇထႃႇ ​ၸိူဝ်း​ၼၼ်ႉ ပဵၼ်​ယိတ်ႈပရေႃးႁဵၵ်ႈ​ဢေႃႈ။ ၸရႃႇယႃႉ ​ၼၼ်ႉ ပဵၼ်​ၸရေး​လူင်​ဢေႃႈ။-</verse>
				<verse number="18">ပေႇၼႃႇယႃႉ လုၵ်ႈ​ၸၢႆး​ ယေႃးယတႃႉ ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​ၵူၼ်း​ ၶေးရသီႉ ​တင်း​လၢႆ ဢိၵ်ႇ​တင်း​ၵူၼ်း​ ပေႇလသီႉ ​တင်း​လၢႆ​ဢေႃႈ။ လုၵ်ႈ​ၸၢႆး​ၸဝ်ႈ​ တႃႇဝိတ်ႈ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ယူႇ​ၵႃႈ​ၼႂ်း​ဢရႃႇ လုၵ်ႈ​ၸဝ်ႈ​လုၵ်ႈ​ၶုၼ်​ဢေႃႈ။</verse>
			</chapter>
			<chapter number="9">
				<verse number="1">ၽဝ်ႇ​ၼိုင်ႈ တႃႇဝိတ်ႈ ​ထၢမ်​လႄႈ​ဝႃႈ၊ လွင်ႈ​ၼင်ႇ​ႁိုဝ်​ၵဝ်​တၵ်း​မီး​ဢၶႂၢင်ႉ​ဢၼ်​လႆႈ​ႁဵတ်း​ၵျေး​ၸူး​ၵွပ်ႈ​ပိူဝ်ႈ​ ယေႃးၼသၼ်ႇ ​ၸိုင် ပီႈ​ၼွင်ႉ​ၸိူဝ်ႉ​ၶိူဝ်း​ သေႃးလူႉ ယင်း​ၵိုတ်း​ယင်း​ၵျၢၼ်ႇ​သေ​ၵေႃႉ​သေ​ၵူၼ်း​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="2">မီး​ၶႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ သေႃးလူႉ ဢၼ်​လႆႈ​ၸိုဝ်ႈ​ ၸီႉၽႃႉ ​ၼၼ်ႉ​ၵေႃႉ​ၼိုင်ႈ​လႄႈ ၶဝ်​ဢွၼ်​ၵၼ်​ႁွင်ႉ​ဢဝ်​မၼ်း​ၼၼ်ႉ​မႃး​တီႈ​ တႃႇဝိတ်ႈ ​လႄႈ ၶုၼ်​ႁေႃ​ၶမ်း​ထၢမ်​တီႈ​မၼ်း​ၼၼ်ႉ​လႄႈ​ဝႃႈ၊ မႂ်း​ပဵၼ်​ ၸီႉၽႃႉ ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸႂ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၶုၼ်​ႁေႃ​ၶမ်း​ၵေႃႈ​ထၢမ်​လႄႈ​ဝႃႈ၊ လွင်ႈ​ၼင်ႇ​ႁိုဝ်​ၵဝ်​တၵ်း​မီး​ဢၶႂၢင်ႉ​ဢၼ်​လႆႈ​ႁဵတ်း​ၵျေး​ၸူး ၵႃႈ​ၼင်ႇ​ဢၼ်​ဢလူဝ်ႇ​ၽြႃး​ပဵၼ်​ၸဝ်ႈ​မီး​ၼၼ်ႉ​တီႈ​မၼ်း​ၸိုင်၊ ပီႈ​ၼွင်ႉ​ၸိူဝ်ႉ​ၶိူဝ်း​ သေႃးလူႉ ဢမ်ႇ​မီး​သေ​ၵေႃႉ​သေ​ၵူၼ်း​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ၸီႉၽႃႉ ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ယေႃးၼသၼ်ႇ ​ၼၼ်ႉ မီး​ဝႆႉ​လုၵ်ႈ​ၸၢႆး ဢၼ်​တိၼ်​ၵႅင်ႉ​ၵေႃႉ​ၼိုင်ႈ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="4">ၶုၼ်​ႁေႃ​ၶမ်း​ၵေႃႈ​သမ်ႉ​ၶိုၼ်း​ထၢမ်​ထႅင်ႈ​လႄႈ​ဝႃႈ၊ မၼ်း​ၼၼ်ႉ​မီး​ၵႃႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ ၸီႉၽႃႉ ​လဝ်ႊ​လၢတ်ႈ​လႄႈ​ဝႃႈ၊ မီး​ယူႇ​ၵႃႈ​တီႈ​ႁိူၼ်း​ မႃႇၶီႉရႃႉ လုၵ်ႈ​ၸၢႆး​ ဢမျေးလႃႉ ၊ ဝၢၼ်ႈ​ လေႃႇတေႇပႃႇ ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">မိူဝ်ႈ​ၼၼ်ႉ​ တႃႇဝိတ်ႈ ​ပွႆႇ​ၸႂ်ႉ​လႄႈ ႁွင်ႉ​ဢဝ်​မၼ်း​ၼၼ်ႉ​သေ​ၵႃႈ​တီႈ​ႁိူၼ်း​ မႃႇၶီႉရႃႉ လုၵ်ႈ​ၸၢႆး​ ဢမျေးလႃႉ ဝၢၼ်ႈ​ လေႃႇတေႇပႃႇ ​ၼၼ်ႉ​မႃး​လႄႈ၊-</verse>
				<verse number="6">မေႇၽီႉပေႃးသႅတ်ႉ လုၵ်ႈ​ၸၢႆး​ ယေႃးၼသၼ်ႇ ဢၼ်​ပဵၼ်​လုၵ်ႈ​ၸၢႆး​ သေႃးလူႉ ​ၼၼ်ႉ ႁွတ်ႈ​ထိုင်​ၵႃႈ​တီႈ​ တႃႇဝိတ်ႈ ​သေ​ယဝ်ႉ၊ ၶုပ်ႉ​မူပ်ႇ​သေ​လႄႈ​ဝႆႈ​ဢေႃႈ၊ တႃႇဝိတ်ႈ ​ၵေႃႈ​ႁွင်ႉ​လႄႈ​ဝႃႈ၊ မေႇၽီႉပေႃးသႅတ်ႉ ​ဢိူၺ်း၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​မီး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">တႃႇဝိတ်ႈ ​ၵေႃႈ​လၢတ်ႈ​လႄႈ​ဝႃႈ၊ ယႃႇ​ပေ​မႆႈ​ၸႂ်၊ ၵဝ်​တၵ်း​ႁဵတ်း​ၵျေး​ၸူး​တီႈ​မႂ်း ၵွပ်ႈ​ပိူဝ်ႈ​ပေႃႈ​မႂ်း​ ယေႃးၼသၼ်ႇ ​ၼၼ်ႉ ဢမၢၼ်ႇ​ၶၼ်​ပဵၼ်​လႄႈ ဢဝ်​လိၼ်​ၵႃႈ​ဢၼ်​ပူႇ​မႂ်း​ သေႃးလူႉ ​ပိူင်ႇ​ၼၼ်ႉ​ၶိုၼ်း​ပၼ်​တီႈ​မႂ်း​ဢေႃႈ။ မႂ်း​တၵ်း​လႆႈ​ၵိၼ်​ၵႃႈ​တီႈ​ၶူင်ႇ​တီႈ​ၵိၼ်​ၵဝ်​ၵူႈ​ဝၼ်း​သေႇ​သေႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">မၼ်း​ၼၼ်ႉ​ဝၢင်း​ႁူဝ်​လႄႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ လွင်ႈ​ၼင်ႇ​ႁိုဝ်​ၸဝ်ႈ​ႁဝ်း​တၵ်း​လႆႈ​လူ​တူၺ်း​ၶႃႈ​ၸဝ်ႈ​ႁဝ်း​ၼႆႉ ဢၼ်​ပဵၼ်​တူဝ်​တၢႆ​မႃ​ယူႇ ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ ၶႃႈ​ၸဝ်ႈ​ႁဝ်း​ၼႆႉ ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ႁွင်ႉ​ဢဝ်​ ၸီႉၽႃႉ ၶႃႈ​ သေႃးလူႉ ​ၼၼ်ႉ​လႄႈ မီး​ဢမိင်ႉ​လႄႈ​ဝႃႈ၊ ၵဝ်​ဢဝ်​ၵႃႈ​ဢၼ်​ သေႃးလူႉ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​ထိူၵ်ႈ​ပိူင်ႇ​ၸိူဝ်း​ၼၼ်ႉ ပၼ်​တီႈ​လုၵ်ႈ​ၸၢႆး​ၸဝ်ႈ​မႂ်း​ၼႆႉ​ယဝ်ႉ။-</verse>
				<verse number="10">မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း တင်း​ၶႃႈ​မႂ်း​တင်း​လၢႆ တၵ်း​လႆႈ​ႁဵတ်း​ႁႆႊ​ႁဵတ်း​ၼႃး​ပုၼ်ႈ​မၼ်း​လႄႈ သႂၢင်း​ပၼ်​မၢၵ်ႇ​ပၼ်​ႁူင်း ပုၼ်ႈ​ဢၼ်​လုၵ်ႈ​ၸၢႆး​ၸဝ်ႈ​မႂ်း​တၵ်း​ၵိၼ်​ဢေႃႈ။ ၵူၺ်း​ၵႃႈ လုၵ်ႈ​ၸၢႆး​ၸဝ်ႈ​မႂ်း​ မေႇၽီႉပေႃးသႅတ်ႉ ​ၼႆႉ တၵ်း​လႆႈ​ၵိၼ်​တၢင်း​ၵိၼ်​ၵႃႈ​တီႈ​ၶူင်ႇ​တီႈ​ၵိၼ်​ၵဝ် ၵူႈ​ဝၼ်း​တႃႇ​သေႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၸီႉၽႃႉ ​ၼၼ်ႉ မီး​လုၵ်ႈ​ၸၢႆး​သိပ်း​ႁႃႈ​ၵေႃႉ ဢိၵ်ႇ​တင်း​ၶႃႈ​သၢဝ်း​ၼိုင်ႈ​ဢေႃႈ။-</verse>
				<verse number="11">ၸီႉၽႃႉ ​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၵႃႈ​ၼင်ႇ​ဢၼ်​ၸဝ်ႈ​ႁဝ်း​ၶႃႈ​ၸဝ်ႈ​ၶုၼ်​လူင်​သင်ႇ​လၢတ်ႈ​ဝႆႉ​တီႈ​ၶႃႈ​ၸဝ်ႈ​ႁဝ်း​ၼႆႉ​ၼၼ်ႉ၊ ၶႃႈ​ၸဝ်ႈ​ႁဝ်း​တၵ်း​ႁဵတ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မေႇၽီႉပေႃးသႅတ်ႉ ​ၼၼ်ႉ လႆႈ​ၵိၼ်​တၢင်း​ၵိၼ်​တၢင်း​ၶူပ်း​ၵႃႈ​တီႈ​ၶူင်ႇ​တီႈ​ၵိၼ်​ၸဝ်ႈ မိူၼ်​ၸိူဝ်ႉ​ၼင်ႇ​လုၵ်ႈ​ၸၢႆး​ဢွၵ်ႇ​ၶုၼ်​ႁေႃ​ၶမ်း​ၸိူဝ်း​ၼၼ်ႉ​ဢေႃႈ။-</verse>
				<verse number="12">မေႇၽီႉပေႃးသႅတ်ႉ ​ၼၼ်ႉ​မီး​လုၵ်ႈ​ၸၢႆး​ဢွၼ်ႇ ဢၼ်​လႆႈ​ၸိုဝ်ႈ မိၵ်ႉၶႃႇ ​ၵေႃႉ​ၼိုင်ႈ​ဢေႃႈ။ ၵူၼ်း​ၵႃႈ​ဢၼ်​ယူႇ​ၵႃႈ​ၼႂ်း​ႁိူၼ်း​ ၸီႉၽႃႉ ​ၼၼ်ႉ​ၵေႃႈ ပဵၼ်​ၶႃႈ​ မေႇၽီႉပေႃးသႅတ်ႉ ​ဢေႃႈ။-</verse>
				<verse number="13">ၼင်ႇ​ၼၼ်​လႄႈ​ မေႇၽီႉပေႃးသႅတ်ႉ ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ လႆႈ​ၵိၼ်​ၵႃႈ​တီႈ​ၶူင်ႇ​တီႈ​ၵိၼ်​ၶုၼ်​ႁေႃ​ၶမ်း ၵူႈ​ဝၼ်း​တႃႇ​သေႇ​ဢေႃႈ။ ပဵၼ်​ၵေႃႉ​ဢၼ်​တိၼ်​ၵႅင်ႉ​တင်း​သွင်​ၶွၼ်​ဢေႃႈ။</verse>
			</chapter>
			<chapter number="10">
				<verse number="1">လိုၼ်း​ၼၼ်ႉ ၶုၼ်​ႁေႃ​ၶမ်း​ ဢမ်ႇမုၼ်ႇ ​တၢႆ​လႄႈ ႁႃႇၼုၼ်ႇ ​လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ ၵႃႈ​တီႈ​ဢရႃႇ​မၼ်း​ဢေႃႈ။-</verse>
				<verse number="2">တႃႇဝိတ်ႈ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​တၵ်း​ႁဵတ်း​ၵျေး​ၸူး​တီႈ​ ႁႃႇၼုၼ်ႇ ​လုၵ်ႈ​ၸၢႆး​ ၼႃႇႁတ်ႉ ၸွမ်း​ၵႃႈ​ၼင်ႇ​ဢၼ် ပေႃႈ​မၼ်း​ၼၼ်ႉ​ႁဵတ်း​ၵျေး​ၸူး​ဝႆႉ​တီႈ​ၵဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ တႃႇဝိတ်ႈ ​ပွႆႇ​ၸႂ်ႉ​ၶႃႈ​မၼ်း​တင်း​လၢႆ​ၵႂႃႇ ႁႂ်ႈ​မၼ်း​ၼၼ်ႉ​ပေႇ​ၸႂ်​လူၺ်ႈ​လွင်ႈ​ပေႃႈ​မၼ်း​ၼၼ်ႉ​လႄႈ ၶႃႈ​ တႃႇဝိတ်ႈ ​ၸိူဝ်း​ၼၼ်ႉ ဢွၼ်​ၵၼ်​ႁွတ်ႈ​ထိုင်​ၵႃႈ​တီႈ​မိူင်း​ ဢမ်ႇမုၼ်ႇ ​ဢေႃႈ။-</verse>
				<verse number="3">မူး​မၢတ်ႈ​ၽွင်း​မိူင်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ လဝ်ႊ​လၢတ်ႈ​တီႈ​ၸဝ်ႈ​ၶဝ်​ၶုၼ်​ ႁႃႇၼုၼ်ႇ ​ၼၼ်ႉ​လႄႈ​ဝႃႈ၊ ၼႂ်း​လွင်ႈ​ဢၼ်​ တႃႇဝိတ်ႈ ပွႆႇ​ၸႂ်ႉ​ၶဝ်​ၸိူဝ်း​ဢၼ် ႁႂ်ႈ​ၸႂ်​ၸဝ်ႈ​ႁဝ်း​ပေႇ​ၼၼ်ႉ​မႃး​ၼၼ်ႉ ၸဝ်ႈ​ႁဝ်း​ထၢင်ႇ​မၢတ်ႈ​ပဵၼ်​ဢၼ်​ရူဝ်ႇ​သေႇ​ၵူဝ်​ယမ် ပေႃႈ​ၸဝ်ႈ​ႁဝ်း​တီႈ​ၶႃႈ​ႁိုဝ်။ တႃႇဝိတ်ႈ ​ပွႆႇ​ၸႂ်ႉ​ၶႃႈ​မၼ်း​ၸိူဝ်း​ၼၼ်ႉ​မႃး​တီႈ​ၸဝ်ႈ​ႁဝ်း ႁႂ်ႈ​လႆႈ​ႁႃ​လွင်ႈ​ႁႃ​တၢင်း​ဝဵင်း​ၸဝ်ႈ​သေ​လႄႈ လွမ်​တူၺ်း​လႄႈ​ယႃႉ​ပႅတ်ႈ​ၵူၺ်း​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="4">ႁႃႇၼုၼ်ႇ ဢဝ်​ၶႃႈ​ တႃႇဝိတ်ႈ ​ၸိူဝ်း​ၼၼ်ႉ​သေ​လႄႈ ထႃ​ၼူတ်ႇ​ၵၢင်း​ၶဝ်​ၽၢၵ်ႇ​ၼိုင်ႈ​ပႅတ်ႈ​လႄႈ တႅပ်း​ၶိုင်ႈ​ၵၢင်​ၶူဝ်း​ၼုင်ႈ​ၶဝ်​ပႅတ်ႈ​ထၼ်ႈ​ပေႃး​ႁႂ်ႈ​ထိုင်​ၵုမ်ႇ​ၶဝ်​သေ​ယဝ်ႉ၊ ပွႆႇ​ၶဝ်​ပႅတ်ႈ​သေ​ဢေႃႈ။-</verse>
				<verse number="5">မိူဝ်ႈ​ဢၼ်​ပိူၼ်ႈ​လဝ်ႊ​လၢတ်ႈ​လွင်ႈ​မၼ်း​တီႈ​ တႃႇဝိတ်ႈ ​ၼၼ်ႉ​ၸိုင် ၶုၼ်​ႁေႃ​ၶမ်း​ပွႆႇ​ၸႂ်ႉ​ႁႂ်ႈ​လႆႈ​ႁပ်ႉ​ႁူဝ်​တၢင်း​ၶဝ် ၵွပ်ႈ​ပိူဝ်ႈ​ဢၼ်​ၶဝ်​ဢူၵ်း​ဢၢႆ​ၼႃႇ​လူင်​လၢင်​ၼၼ်ႉ​လႄႈ သင်ႇ​လၢတ်ႈ​လႄႈ​ဝႃႈ၊ သူ​ဢွၼ်​ၵၼ်​ၵိုတ်း​သဝ်း​ယူႇ​ၵႃႈ​တီႈ​ဝဵင်း​ ယေႇရီႉၶူဝ်း ​တေႃႇ​ထိုင်​ႁွတ်ႈ ႁႂ်ႈ​ၼူတ်ႇ​ၵၢင်း​သူ​ထၼ်ႈ​ပေႃး​ယၢဝ်း​မႃး​လူး​ၵွၼ်ႇ​တႃႉ။ လိုၼ်း​ၼၼ်ႉ​ၸင်ႇ ဢွၼ်​ၵၼ်​ၶိုၼ်း​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မိူဝ်ႈ​ဢၼ်​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ ႁူႉ​ႁၼ်​လွင်ႈ​ဢၼ်​ၶဝ်​ပဵၼ်​တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​ တႃႇဝိတ်ႈ ​ၼၼ်ႉ​ၸိုင်၊ ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ ပွႆႇ​ၸႂ်ႉ​လႄႈ​ၸၢင်ႈ​ငႃ​ဢဝ် ႁူဝ်​ႁၢၼ်​ၵူၼ်း​သိုၵ်း​ သူႉရီႉ ဢၼ်​ယူႇ​ၵႃႈ​တီႈ​ဝဵင်း​ ပႅတ်ႉရႁေႃႇၽႃႉ ဢိၵ်ႇ​တင်း​ၵူၼ်း​ သူႉရီႉ ဢၼ်​ယူႇ​ၵႃႈ​တီႈ​ဝဵင်း​ ၸေႃႇၽႃႉ ​ၼၼ်ႉ​သွင်​မိုၼ်ႇ၊ ၵူၼ်း​ၶုၼ်​လူင်​ မႃႇၶႃႇ ႁဵင်​ၼိုင်ႈ၊ ၵူၼ်း​ဝဵင်း​ တေႃႇၽႃႉ မိုၼ်ႇ​ပၢႆ​သွင်​ႁဵင်​ဢေႃႈ။-</verse>
				<verse number="7">မိူဝ်ႈ​ဢၼ်​ တႃႇဝိတ်ႈ ​ငိၼ်း​လွင်ႈ​မၼ်း​ၼၼ်ႉ​ၸိုင်၊ မၼ်း​ပွႆႇ​ၸႂ်ႉ​ ယႂႃႇၽႃႉ တင်း​မုၵ်ႉ​ၸိူဝ်း​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၵႃႈ​မီး​ၵႂႃႇ​ဢေႃႈ။-</verse>
				<verse number="8">ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​လႄႈ ယၼ်ႇ​တပ်ႉ​ၶၢင်း​တပ်ႉ​ၶဝ်​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ဝဵင်း​ဢေႃႈ။ ၵူၼ်း​ သူႉရီႉ ဢၼ်​လုၵ်ႉ​သေ​ၵႃႈ​တီႈ​ဝဵင်း​ ၸေႃႇၽႃႉ ၊ ဝဵင်း​ ရႃႇႁေႃႇၽႃႉ ၊ ဝဵင်း​ တေႃႇၽႃႉ ဢိၵ်ႇ​တင်း ၵူၼ်း​ၶုၼ်​လူင်​ မႃႇၶႃႇ ​ၸိူဝ်း​ၼၼ်ႉ ဢွၼ်​ၵၼ်​ယူႇ​ၵႃႈ​တီႈ​ပၢင်ႇ​တီႈ​ပဵင်း ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="9">ယႂႃႇၽႃႉ ​ႁၼ်​လွင်ႈ​ဢၼ်​ၼႃႈ​သိုၵ်း​ၶဝ်​မီး​သွင်​ၼႃႈ ၵႃႈ​တီႈ​ၽၢႆႇ​ၼႃႈ ဢိၵ်ႇ​တင်း​ၵႃႈ​တီႈ​ၽၢႆႇ​လင်​ၼၼ်ႉ​သေ​ယဝ်ႉ၊ လိူၵ်ႈ​ၵဵပ်း​ဢဝ်​ၵူၼ်း​ၵႃႈ​ဢၼ်​ၵႅၼ်ႇ​ၶႅင်​ၶၼ်​ၽႂ်း​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​သေ​လႄႈ ယၼ်ႇ​တပ်ႉ​ၶၢင်း​တပ်ႉ​ယူႇ​ၽၢႆႇ​ၼိုင်ႈ​တင်း​ၵူၼ်း သူႉရီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="10">မၼ်း​ဢဝ်​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၼွင်ႉ​ၸၢႆး​မၼ်း​ ဢၽီႉသေး ​ၼၼ်ႉ​လႄႈ ႁႂ်ႈ​ၶဝ်​ယၼ်ႇ​တပ်ႉ​ၶၢင်း​တပ်ႉ​ၶဝ်​ယူႇ​ၽၢႆႇ​ၼိုင်ႈ​တင်း​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​လႄႈ လၢတ်ႈ​လႄႈ​ဝႃႈ၊-</verse>
				<verse number="11">ပေႃး​ၵူၼ်း​ သူႉရီႉ ​ၸိူဝ်း​ၼၼ်ႉ ပႄႉ​ၼႅင်ႇ​ၵဝ်​ၸိုင် မႂ်း​တၵ်း​လႆႈ​ၸွႆႈ​ထႅမ်​ၵဝ်​ဢေႃႈ။ ပေႃး​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ ပႄႉ​ၼႅင်ႇ​မႂ်း​ၸိုင် ၵဝ်​တၵ်း​မႃး​လႄႈ​ၸွႆႈ​ထႅမ်​မႂ်း​ဢေႃႈ။-</verse>
				<verse number="12">ဢွၼ်​ၵၼ်​မီး​ၸႂ်​ဢၼ်​ႁတ်း​ႁၢၼ်​လႄႈ ဢဝ်​ႁႅင်း​ဢွၵ်ႇ​ပုၼ်ႈ​ၵူၼ်း​မဵဝ်း​ႁဝ်း ဢိၵ်ႇ​တင်း​ပုၼ်ႈ​ဝၢၼ်ႈ​ဝဵင်း​ၽြႃး​ပဵၼ်​ၸဝ်ႈ​ႁဝ်း​လႄႈ တိုၵ်း​တႃႉ​ႁဝ်း။ ႁႂ်ႈ​ထႃႇဝရႃႉ​ၽြႃး​ၸီႇ​ယၢင်ႇ​ႁဵတ်း​ၸွမ်း​ၵႃႈ​ၼင်ႇ​ဢၼ်​လီ သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">မိူဝ်ႈ​ဢၼ်​ ယႂႃႇၽႃႉ ​ဢိၵ်ႇ​တင်း​ၵူၼ်း​တင်း​လၢႆ ဢၼ်​ပႃး​တီႈ​မၼ်း​ၸိူဝ်း​ၼၼ်ႉ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး တီႈ​ၵူၼ်း​ သူႉရီႉ ​ၸိူဝ်း​ၼၼ်ႉ ႁႂ်ႈ​လႆႈ​တိုၵ်း​တေႃး​ၼၼ်ႉ​ၸိုင်၊ ၵူၼ်း​ သူႉရီႉ ​ၸိူဝ်း​ၼၼ်ႉ​ဢွၼ်​ၵၼ်​ဢွၵ်ႇ​ပၢႆႈ​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="14">မိူဝ်ႈ​ဢၼ်​ၵူၼ်း​ ဢမ်ႇမုၼ်ႇ ​ၸိူဝ်း​ၼၼ်ႉ ႁၼ်​ၵူၼ်း​ သူႉရီႉ ​ၸိူဝ်း​ၼၼ်ႉ​ဢွၵ်ႇ​ပၢႆႈ​ၼၼ်ႉ​ၸိုင်၊ ၶဝ်​ၵေႃႈ​ဢွၼ်​ၵၼ်​ဢွၵ်ႇ​ပၢႆႈ​ၵႃႈ​တီႈ​ၽၢႆႇ​ၼႃႈ​ ဢၽီႉသေး ​လႄႈ ၶဝ်ႈ​ၵႃႈ​ၼႂ်း​ဝဵင်း​ဢေႃႈ။ ယႂႃႇၽႃႉ ​ၵေႃႈ​ဢွၵ်ႇ​သေ​ၵႃႈ​တီႈ​ၵူၼ်း​ ဢမ်ႇမုၼ်ႇ ​ၸိူဝ်း​ၼၼ်ႉ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ဢေႃႈ။</verse>
				<verse number="15">ၵူၼ်း​ သူႉရီႉ ​ၸိူဝ်း​ၼၼ်ႉ ႁူႉ​ႁၼ်​လွင်ႈ​ဢၼ် ၶဝ်​တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​သေ​ယဝ်ႉ၊ ဢွၼ်​ၵၼ်​ၶိုၼ်း​ၸူႉ​ၵၼ်​တုမ်​ၵၼ်​ထႅင်ႈ​ဢေႃႈ။-</verse>
				<verse number="16">ၶုၼ်​ ႁႃႇတႃႉတေႇၸႃႇ ​ၵေႃႈ ပွႆႇ​ၸႂ်ႉ​လႄႈ​ႁွင်ႉ​ဢဝ်​ၵူၼ်း​ သူႉရီႉ ဢၼ်​ယူႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ၼၼ်ႉ​ၸိူဝ်း​ၼၼ်ႉ​သေ​ယဝ်ႉ၊ ၶဝ်​ဢွၼ်​ၵၼ်​မႃး​ၵႃႈ​တီႈ​ဝဵင်း​ ႁေႇလမ်ႇ ​လႄႈ ၶုၼ်​ပူဝ်ႇ​ၶျုၵ်ႈ သေႃးပၵ်ႉ ဢၼ်​ ႁႃႇတႃႉတေႇၸႃႇ ၶၢၼ်း​ဝႆႉ​ၼၼ်ႉ​လႆႈ​ဢုပ်ႉ​ၵႃႈ​ၼိူဝ်​ၶဝ်​ဢေႃႈ။-</verse>
				<verse number="17">တႃႇဝိတ်ႈ ​ငိၼ်း​လွင်ႈ​ၼၼ်ႉ​သေ​ယဝ်ႉ၊ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​ၵႃႈ​မီး ၸူႉ​ၵၼ်​တုမ်​ၵၼ်​လႄႈ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​သေ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ႁေႇလမ်ႇ ​ဢေႃႈ။ ၵူၼ်း​ သူႉရီႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ယၼ်ႇ​တပ်ႉ​ၶၢင်း​တပ်ႉ​ၶဝ်​ယူႇ​ၽၢႆႇ​ၼိုင်ႈ​တင်း​ တႃႇဝိတ်ႈ ​သေ​လႄႈ တိုၵ်း​ၵၼ်​တင်း​မၼ်း​လႄႈ၊-</verse>
				<verse number="18">ၵူၼ်း​ သူႉရီႉ ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ပၢႆႈ​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ တႃႇဝိတ်ႈ ​ၵေႃႈ ဢဝ်​ႁူဝ်​ႁၢၼ်​ၵူၼ်း​သိုၵ်း​ၶီႇ​လေႃႉရထႃး​ သူႉရီႉ ၸဵတ်း​ပၢၵ်ႇ ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​သီႇ​မိုၼ်ႇ တၢႆ​လႄႈ​တိူဝ်ႉ​ထုၵ်ႇ​သႂ်ႇ​ၶုၼ်​ပူဝ်ႇ​ၶျုၵ်ႈ​ သေႃးပၵ်ႉ ​ၼၼ်ႉ ထၼ်ႈ​ပေႃး​တၢႆ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="19">ၶုၼ်​လူင်​ၵႃႈ​ဢၼ်​ၶၢမ်ႇ​ႁဵတ်း​ၶႃႈ တီႈ​ ႁႃႇတႃႉတေႇၸႃႇ ​ၸိူဝ်း​ၼၼ်ႉ ႁူႉ​ႁၼ်​လွင်ႈ​ဢၼ်​ၶဝ်​တူၵ်း​သုမ်း​ၵႃႈ​တီႈ​ၽၢႆႇ​ၼႃႈ မဵဝ်း​ ဢီႉသရေႇလႃႉ ​ၼၼ်ႉ​သေ​ယဝ်ႉ၊ ဢွၼ်​ၵၼ်​ႁဵတ်း​မိၵ်ႉသႃႇႁႃယႃႉ​လူၺ်ႈ​ၵၼ်​တင်း​မဵဝ်း​ ဢီႉသရေႇလႃႉ ​လႄႈ ၶၢမ်ႇ​ႁဵတ်း​ၶႃႈ​ဢေႃႈ။ ၼင်ႇ​ၼၼ်​လႄႈ လိုၼ်း​ၼၼ်ႉ ၵူၼ်း​ သူႉရီႉ ​တင်း​လၢႆ ယင်း​ဢမ်ႇ​ႁတ်း​ၸွႆႈ​သိုၵ်း​ထႅမ်​သိုၵ်း တီႈ​ၵူၼ်း​မဵဝ်း​ ဢမ်ႇမုၼ်ႇ ​လႄႈ​ယူႇ​ဢေႃႈ။</verse>
			</chapter>
			<chapter number="11">
				<verse number="1">မိူဝ်ႈ​ဢၼ်​ၶွပ်ႈ​ၶူပ်ႇ​ၶွပ်ႈ​ပီႊ​လႄႈ ႁွတ်ႈ​ထိုင်​ၶိင်ႇ​ဢၼ်​ၶုၼ်​ႁေႃ​ၶမ်း​တင်း​လၢႆ ယၢမ်ႈ​တိုၵ်း​သိုၵ်း​ၵၼ်​ၼၼ်ႉ​ၸိုင်၊ တႃႇဝိတ်ႈ ​ပွႆႇ​ၸႂ်ႉ​ ယႂႃႇၽႃႉ ဢိၵ်ႇ​တင်း​ၶႃႈ​မၼ်း​ၵူၼ်း​မၼ်း တင်း​ၵူၼ်း​မဵဝ်း​ ဢီႉသရေႇလႃႉ ​ၵႃႈ​မီး​ၵႂႃႇ​လႄႈ ၶဝ်​ၼၼ်ႉ​ဢွၼ်​ၵၼ်​တိုၵ်း​တေႃး​ယႃႉ​ပႅတ်ႈ​ၵူၼ်း​မဵဝ်း​ ဢမ်ႇမုၼ်ႇ ​လႄႈ လွမ်ႉ​ႁွပ်ႈ​ဝဵင်း​ ရပ်ႉပႃႇ ​ဝႆႉ​ဢေႃႈ။ တူဝ်​ တႃႇဝိတ်ႈ ​ၸမ်ႉ၊ ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="2">လိုၼ်း​ၼၼ်ႉ ဝၼ်း​ၼိုင်ႈ​ၶိင်ႇ​ႁူဝ်​ၶမ်ႈ တႃႇဝိတ်ႈ ​လုၵ်ႉ​သေ​ၵႃႈ​တီႈ​ၵူႇ​တီႈ​ၼွၼ်း​မၼ်း​လႄႈ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၽၢႆႈ​သၢင်း​ၵျၢၼ်ႇ​ယူႇ​ၵႃႈ​ၼိူဝ်​မုင်း​ႁိူၼ်း​ယူႇ​ၼၼ်ႉ​ၸိုင်၊ မၼ်း​ယူႇ​ၵႃႈ​ၼိူဝ်​မုင်း​ႁိူၼ်း​ၼၼ်ႉ ႁၼ်​မႄႈ​ယိင်း​ၵေႃႉ​ၼိုင်ႈ ဢၢပ်ႇ​ၼမ်ႉ​ယူႇ​ဢေႃႈ။ မႄႈ​ယိင်း​ၼၼ်ႉ ပဵၼ်​ဢၼ်​ႁၢင်ႈ​လီ ထုၵ်ႇ​ၼႃႈ​ထုၵ်ႇ​တႃ​ၼႃႇ​လူင်​လၢင်​ဢေႃႈ။-</verse>
				<verse number="3">တႃႇဝိတ်ႈ ပွႆႇ​ၸႂ်ႉ​ၵႂႃႇ​ထၢမ်​လွင်ႈ​မႄႈ​ယိင်း​ၼၼ်ႉ​လႄႈ၊ ၵေႃႉ​ၼိုင်ႈ​လၢတ်ႈ​လႄႈ​ဝႃႈ၊ ပဵၼ်​ ပႃႇသသေးၽႃႉ မေး​ ဢူႉရီႉယႃႉ ၵူၼ်း​ ႁိတ်ႉတီႉ ၊ လုၵ်ႈ​ယိင်း​ ဢေးလျမ်ႇ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">လႆႈ​သမ်ႉ တႃႇဝိတ်ႈ ​ပွႆႇ​ၸႂ်ႉ​ၵူၼ်း​လႄႈ ႁွင်ႉ​ဢဝ်​မႄႈ​ယိင်း​ၼၼ်ႉ​မႃး​တီႈ​မၼ်း​သေ​ယဝ်ႉ၊ မႄႈ​ယိင်း​ၼၼ်ႉ​ၵေႃႈ ၶဝ်ႈ​ၸူး​တီႈ​မၼ်း​လႄႈ မၼ်း​ၼွၼ်း​လူၺ်ႈ​ၵၼ်​တင်း​မၼ်း​ၼၼ်ႉ​ဢေႃႈ။ မႄႈ​ယိင်း​ၼၼ်ႉ ႁဵတ်း​ႁႂ်ႈ​ဢၼ်​ဝူၺ်ႇ​ဢၼ်​ႁင်ႈ​မၼ်း​မူတ်း​သႂ်​သေ​ယဝ်ႉ၊ ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း​မၼ်း​သေ​ဢေႃႈ။-</verse>
				<verse number="5">မႄႈ​ယိင်း​ၼၼ်ႉ ပႃး​ပတိၵ်ႉသၼ်ႇထေႇ​လႄႈ ပွႆႇ​ၸႂ်ႉ​မႃး​လႄႈ​လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၶိင်း​ပဵၼ်​ၶႃႈ​ၼႆႉ ၸပ်း​ပတိၵ်ႉသၼ်ႇထေႇ​ယဝ်ႉ​တီႈ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">တႃႇဝိတ်ႈ ပွႆႇ​ၸႂ်ႉ​ၵႂႃႇ​တီႈ​ ယႂႃႇၽႃႉ ​လႄႈ သင်ႇ​လၢတ်ႈ​လႄႈ​ဝႃႈ၊ ပွႆႇ​ၸႂ်ႉ​ ဢူႉရီႉယႃႉ ​ၵူၼ်း​ ႁိတ်ႉတီႉ ​ၼၼ်ႉ​မႃး​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ယႂႃႇၽႃႉ ​ပွႆႇ​ၸႂ်ႉ​ ဢူႉရီႉယႃႉ မႃး​တီႈ​ တႃႇဝိတ်ႈ ​လႄႈ မိူဝ်ႈ​ဢၼ်​ ဢူႉရီႉယႃႉ ​ႁွတ်ႈ​မႃး​ၼၼ်ႉ​ၸိုင်၊ တႃႇဝိတ်ႈ ​တွင်ႈ​ထၢမ်​လူၺ်ႈ​လွင်ႈ​ဢၼ်​ ယႂႃႇၽႃႉ ယူႇ​လီ​ၵိၼ်​ဝၢၼ်​ယူႇ​ႁိုဝ်။ ၵူၼ်း​တင်း​လၢႆ​ယူႇ​လီ​ၵိၼ်​ဝၢၼ်​ယူႇ​ႁိုဝ်။ တိုၵ်း​သိုၵ်း​လႄႈ​ပႄႉ​ၼႅင်ႇ​ႁိုဝ် ၼၼ်ႉ​သေ​ယဝ်ႉ၊-</verse>
				<verse number="8">တႃႇဝိတ်ႈ ​မီး​ဢမိင်ႉ​တီႈ​ ဢူႉရီႉယႃႉ ​လႄႈ​ဝႃႈ၊ လူင်း​မိူဝ်း​ၸူး​ၵႃႈ​တီႈ​ႁိူၼ်း​မႂ်း​လႄႈ သုၵ်ႈ​တိၼ်​မႂ်း​တႃႉ၊ ဝႃႈ​ၼင်ႇ​ၼႆ​လႄႈ၊ ဢူႉရီႉယႃႉ ဢွၵ်ႇ​သေ​ၵႃႈ​ၼႂ်း​ႁေႃ​ၸဝ်ႈ​ၵႂႃႇ​သေ​ယဝ်ႉ၊ ၶုၼ်​ႁေႃ​ၶမ်း​ဢဝ်​တၢင်း​ၵိၼ်​တၢင်း​ၶူပ်း​ပၼ်​ၵႂႃႇ​ၸွမ်း​လင်​မၼ်း​ဢေႃႈ။-</verse>
				<verse number="9">ၵူၺ်း​ၵႃႈ​ ဢူႉရီႉယႃႉ ယင်း​ဢမ်ႇ​ၵႂႃႇ​ၵႃႈ​တီႈ​ႁိူၼ်း​မၼ်း​လႄႈ ၼွၼ်း​ယူႇ​ၵႃႈ​တီႈ​ႁူး​ၽၵ်း​တူ​ႁေႃ​ၸဝ်ႈ လူၺ်ႈ​ၵၼ်​တင်း​ၶႃႈ​ၵူၼ်း​ၸဝ်ႈ​မၼ်း ၵႃႈ​မီး​ၸိူဝ်း​ၼၼ်ႉ​ဢေႃႈ။-</verse>
				<verse number="10">မိူဝ်ႈ​ဢၼ်​ပိူၼ်ႈ​လဝ်ႊ​လၢတ်ႈ​လွင်ႈ​ဢၼ် ဢူႉရီႉယႃႉ ​ဢမ်ႇ​လူင်း​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​မၼ်း​ၼၼ်ႉ​တီႈ​ တႃႇဝိတ်ႈ ​ၼၼ်ႉ​ၸိုင် တႃႇဝိတ်ႈ ​တွင်ႈ​ထၢမ်​တီႈ​ ဢူႉရီႉယႃႉ ​လႄႈ​ဝႃႈ၊ မႂ်း​လုၵ်ႉ​သေ​ၵႃႈ​တီႈ​ဢၼ်​ၵႂႃႇ​တၢင်း​ပႆ​တၢင်း​ၼၼ်ႉ ႁွတ်ႈ​မႃး​ဢမ်ႇ​ၸႂ်ႈ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ယင်း​ဢမ်ႇ​လူင်း​ၵႂႃႇ​ၸူး​ၵႃႈ​တီႈ​ႁိူၼ်း​မႂ်း​လႄႈ​ယူႇ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">ဢူႉရီႉယႃႉ ​ၶိုၼ်း​လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ တိူၵ်ႈ​တႃႇ​ၸဝ်ႈ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ တင်း​ၵူၼ်း​မဵဝ်း​ ယူႉတႃႉ ​တင်း​လၢႆ လႆႈ​ယူႇ​ၵႃႈ​ၼႂ်း​သုမ်ႉ​ၼႂ်း​ထဵင်​တီႈ​ၶႃႈ​ဢေႃႈ။ ၸဝ်ႈ​ ယႂႃႇၽႃႉ ​ဢိၵ်ႇ​တင်း​ၶႃႈ​ၸဝ်ႈ​ႁဝ်း​ၸိူဝ်း​ၼၼ်ႉ လႆႈ​ယူႇ​လႆႈ​သဝ်း​ၵႃႈ​တီႈ​ၼွၵ်ႈ​တီႈ​ပၢင်ႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ၼႆႉ​တၵ်း​ထုၵ်ႇ​လီ​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​လႄႈ ၵိၼ်​ၶူပ်း​ယူႇ၊ မူၼ်ႈ​ပျေႃႇ​လူၺ်ႈ​ၵၼ်​တင်း​မေး​ယူႇ​တီႈ​ၶႃႈ​ႁိုဝ်။ ၵႃႈ​ၼင်ႇ​ဢၼ်​ၸဝ်ႈ​ႁဝ်း​ဢသၢၵ်ႈ​လိပ်း​ယူႇ​ၼၼ်ႉ၊ ၵႃႈ​ၼင်ႇ​ဢၼ်​ႁူဝ်​ၸႂ်​ၸဝ်ႈ​ႁဝ်း ဢသၢၵ်ႈ​လိပ်း​ယူႇ​ၼၼ်ႉ၊ ၶႃႈ​ၸဝ်ႈ​ဢမ်ႇ​ႁဵတ်း​ၸိူဝ်ႉ​ၼင်ႇ​ၼၼ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">တႃႇဝိတ်ႈ ​ၵေႃႈ​မီး​ဢမိင်ႉ​တီႈ​ ဢူႉရီႉယႃႉ ​လႄႈ​ဝႃႈ၊ ၶမ်ႈ​ၼႆႉ​ယူႇ​ၵႃႈ​တီႈ​ဝဵင်း​ၼႆႉ​လူး​ၵွၼ်ႇ​တႃႉ။ ဝၼ်း​မိူဝ်ႈ​ၽုၵ်ႈ​ၵဝ်​တၵ်း​ပွႆႇ​မႂ်း​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊ ဝၼ်း​ၼၼ်ႉ ဢိၵ်ႇ​တင်း​ဝၼ်း​မိူဝ်ႈ​ၽုၵ်ႈ​ၼၼ်ႉ ဢူႉရီႉယႃႉ ​ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="13">တႃႇဝိတ်ႈ ​ၵေႃႈ ႁွင်ႉ​ဢဝ်​မၼ်း​လႄႈ မၼ်း​လႆႈ​ၵိၼ်​လႆႈ​ၶူပ်း​ၵႃႈ​တီႈ​ၽၢႆႇ​ၼႃႈ​ၸဝ်ႈ​ယူႇ​သေ​လႄႈ လႆႈ​ၵိၼ်​လႆႈ​သူတ်ႉ တေႃႇ​ထိုင်​ႁွတ်ႈ​ထၼ်ႈ​ပေႃး​မဝ်း​လဝ်ႈ​မဝ်း​ၵမ်​ဢေႃႈ။ ၵူၺ်း​ၵႃႈ ၶိင်ႇ​ႁူဝ်​ၶမ်ႈ​ၼၼ်ႉ၊ မၼ်း​ယင်း​ဢမ်ႇ​လူင်း​ၵႂႃႇ​ၸူး​ၵႃႈ​တီႈ​ႁိူၼ်း​မၼ်း​လႄႈ ဢွၵ်ႇ​ၵႂႃႇ​ႁႂ်ႈ​လႆႈ​ၼွၼ်း​ၵႃႈ​တီႈ​ၵူႇ​တီႈ​ၼွၼ်း​လူၺ်ႈ​ၵၼ်​တင်း​ၶႃႈ​ၵူၼ်း​ၸဝ်ႈ​မၼ်း​ၸိူဝ်း​ၼၼ်ႉ​ဢေႃႈ။</verse>
				<verse number="14">ၶိင်ႇ​ၵၢင်​ၼႂ်၊ တႃႇဝိတ်ႈ ​တႅမ်ႈ​လိၵ်ႈ​သေ​လႄႈ ဢၢပ်ႈ​ၵႃႈ​ၼႂ်း​မိုဝ်း​ ဢူႉရီႉယႃႉ ပၼ်​ၵႂႃႇ​ၵႃႈ​တီႈ​ ယႂႃႇၽႃႉ ​ဢေႃႈ။-</verse>
				<verse number="15">ၵႂၢမ်း​ဢၼ်​ပႃး​ၵႃႈ​ၼႂ်း​လိၵ်ႈ​ၼၼ်ႉ​ဝႃႈ​ၸမ်ႉ၊ ၶၢၼ်း​ ဢူႉရီႉယႃႉ ​ဝႆႉ​ၵႃႈ​တီႈ​တပ်ႉ​ဢွၼ်​တၢင်း​သုတ်း တီႈ​ဢၼ်​တိုၵ်း​သိုၵ်း​မႆႈ​ႁွၼ်ႉ​ၼႃႇ​ၼၼ်ႉ​သေ​လႄႈ ၵူႈ​သိမ်း​ဢဝ်​တပ်ႉ​သေ​ၵႃႈ​တီႈ​မၼ်း ႁႂ်ႈ​မၼ်း​လႆႈ​ၶၢမ်ႇ​တၢင်း​ဢၼ်​တိူဝ်ႉ​ဢၼ်​မၢတ်ႇ​လႄႈ​တၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၼင်ႇ​ၼၼ်​လႄႈ ယႂႃႇၽႃႉ ​လွမ်ႉ​ဝဵင်း​ၼၼ်ႉ​ဝႆႉ​သေ​လႄႈ ၶၢၼ်း​ ဢူႉရီႉယႃႉ ​ဝႆႉ​ၵႃႈ​တီႈ ဢၼ်​မၼ်း​ႁူႉ​လွင်ႈ​ဢၼ်​ႁူဝ်​ႁၢၼ်​ၵူၼ်း​သိုၵ်း ဢၼ်​ႁႅင်း​ယႂ်ႇ​ၼႃႇ​တၵ်း​မီး​ၼၼ်ႉ​ဢေႃႈ။-</verse>
				<verse number="17">မိူဝ်ႈ​ဢၼ်​ၵူၼ်း​ဝဵင်း​ၸိူဝ်း​ၼၼ်ႉ ဢွၵ်ႇ​လႄႈ​ၶဵင်ႇ​သိုၵ်း​ၵၼ်​တင်း​ ယႂႃႇၽႃႉ ​ၼၼ်ႉ​ၸိုင်၊ ၵူၼ်း​တင်း​လၢႆ ဢၼ်​ဝႃႈ​ၶႃႈ​ၵူၼ်း​ တႃႇဝိတ်ႈ ၵမ်ႈ​ၽွင်ႈ​တၢႆ​ဢေႃႈ။ ဢူႉရီႉယႃႉ ​ၵူၼ်း​ ႁိတ်ႉတီႉ ​ၼၼ်ႉ​ၵေႃႈ​တၢႆ​ဢေႃႈ။-</verse>
				<verse number="18">လိုၼ်း​ၼၼ်ႉ ယႂႃႇၽႃႉ ​ပွႆႇ​ၸႂ်ႉ​လႄႈ လဝ်ႊ​လၢတ်ႈ​လွင်ႈ​ၵႃႈ​ဢၼ်​ၶဝ်​လႆႈ​တိုၵ်း​လႆႈ​တေႃး​ၼၼ်ႉ​တီႈ​ တႃႇဝိတ်ႈ ​လႄႈ၊-</verse>
				<verse number="19">သင်ႇ​လၢတ်ႈ​တီႈ​ၵူၼ်း​ၸႂ်ႉ​ၵူၼ်း​သွႆ​လႄႈ​ဝႃႈ၊ မႂ်း​လဝ်ႊ​လၢတ်ႈ​လွင်ႈ​ၵႃႈ​ဢၼ်​လႆႈ​တိုၵ်း​လႆႈ​တေႃး​ၼၼ်ႉ တီႈ​ၶုၼ်​ႁေႃ​ၶမ်း​ယဝ်ႉ​တူဝ်ႈ​ယဝ်ႉ​လႄႈ၊-</verse>
				<verse number="20">ပေႃး​ၶုၼ်​ႁေႃ​ၶမ်း​ၸႂ်​မႆႈ​ၶႆႈ​ၸႃႉ​လႄႈ​ထၢမ်​ဝႃႈ၊ မိူဝ်ႈ​ဢၼ်​သူ​တိုၵ်း​တေႃး​ၼၼ်ႉ​ၸိုင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ႁိမ်း​ဝဵင်း​ၼင်ႇ​ႁိုဝ်။ သူ​ဢမ်ႇ​ႁူႉ​လွင်ႈ​ဢၼ် ၶဝ်​တၵ်း​ယိုဝ်း​တူၵ်း​ထိမ်ႈ​တူၵ်း​သေ​ၵႃႈ​ၼိူဝ်​လမ်း​ဝဵင်း​ၼၼ်ႉ​ႁိုဝ်။-</verse>
				<verse number="21">ၽူႈ​လႂ်​တိူဝ်ႉ​ထုၵ်ႇ​သႂ်ႇ​ ဢၽီႉမလႅၵ်ႉ လုၵ်ႈ​ၸၢႆး​ ယေႇရုပ်ႉပေႇသႅတ်ႉ ​ၼၼ်ႉ။ မႄႈ​ယိင်း​ၵေႃႉ​ၼိုင်ႈ ဢဝ်​မၢၵ်ႇ​ႁိၼ်​လူၺ်​ၽၢၵ်ႇ​ၼိုင်ႈ ထိမ်ႈ​တူၵ်း​သေ​ၵႃႈ​ၼိူဝ်​လမ်း​ဝဵင်း​လႄႈ တိူဝ်ႉ​ထုၵ်ႇ​သႂ်ႇ​မၼ်း ႁႂ်ႈ​မၼ်း​ထၼ်ႈ​ပေႃး​တၢႆ ၵႃႈ​တီႈ​ဝဵင်း​ သေႇပႅတ်ႉ ​ၼၼ်ႉ​ဢမ်ႇ​ၸႂ်ႈ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ႁိမ်း​လမ်း​ဝဵင်း​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ၸိုင်၊ မႂ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ ဢူႉရီႉယႃႉ ၵူၼ်း​ ႁိတ်ႉတီႉ ​ၼၼ်ႉ တၢႆ​ယဝ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၼင်ႇ​ၼၼ်​လႄႈ တမၢၼ်ႇ​ၼၼ်ႉ​ၵႂႃႇ​လႄႈ​ႁွတ်ႈ​ထိုင်​သေ​ယဝ်ႉ၊ လဝ်ႊ​လၢတ်ႈ​တီႈ​ တႃႇဝိတ်ႈ ​ၸွမ်း​ၵႃႈ​ၼင်ႇ​ဢၼ် ယႂႃႇၽႃႉ ​သင်ႇ​လၢတ်ႈ​ဝႆႉ​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="23">တမၢၼ်ႇ​ၼၼ်ႉ​လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ​ၸမ်ႉ၊ ရၢၼ်ႇ​သူႇ​ၸိူဝ်း​ၼၼ်ႉ​ပႄႉ​ၼႅင်ႇ​ၶႃႈ​ၸဝ်ႈ​ႁဝ်း​ၶဝ်​သေ​လႄႈ ယဵပ်ႇ​ၸွမ်း​ၶႃႈ​ၸဝ်ႈ​ႁဝ်း​ၶဝ် တေႃႇ​ထိုင်​ႁွတ်ႈ​တီႈ​ပၢင်ႇ​တီႈ​ပဵင်း​သေ​ယဝ်ႉ၊ ၶႃႈ​ၸဝ်ႈ​ႁဝ်း​ၶဝ်​လမ်း​တိုၵ်း​တေႃး​ယဵပ်ႇ​ၸွမ်း​ၶဝ်​တေႃႇ​ထိုင်​ႁွတ်ႈ​ႁူး​ၽၵ်း​တူ​ဝဵင်း​တီႈ​ၶႃႈ​ဢေႃႈ။-</verse>
				<verse number="24">ၸဝ်ႈ​ၵၢင်ႇ​ၸဝ်ႈ​ၵူင် ယူႇ​ၵႃႈ​ၼိူဝ်​လမ်း​ဝဵင်း ယိုဝ်း​ၶႃႈ​ၸဝ်ႈ​ႁဝ်း​ၶဝ်​လႄႈ ၶႃႈ​ၸဝ်ႈ​ႁဝ်း​ၶဝ်​ၵမ်ႈ​ၽွင်ႈ​တၢႆ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ ဢူႉရီႉယႃႉ ၵူၼ်း​ ႁိတ်ႉတီႉ ​ၼၼ်ႉ​ၵေႃႈ တၢႆ​ယဝ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">တႃႇဝိတ်ႈ ​ၵေႃႈ​သင်ႇ​လၢတ်ႈ​တီႈ​တမၢၼ်ႇ​ၼၼ်ႉ​လႄႈ​ဝႃႈ​ၸမ်ႉ၊ မႂ်း​လၢတ်ႈ​တီႈ​ ယႂႃႇၽႃႉ ​လႄႈ​ဝႃႈ၊ ယႃႇ​ပေ​ၸႂ်​လူႉ​ၵွပ်ႈ​ပိူဝ်ႈ​ဢမူႉ​ၼႆႉ။ လၢပ်ႇ​လႅဝ်း​ၸၢင်ႈ​ၵိၼ်​ၸၢင်ႈ​ၶူပ်း​ပဵၼ်​လႄႉ​ပဵၼ်​ၵမ်း​ဢေႃႈ။ ဢဝ်​ႁႅင်း​လႄႈ​တိုၵ်း​တေႃး ဝဵင်း​မႆႈ​မႆႈ​ႁွၼ်ႉ​ႁွၼ်ႉ​သေ​လႄႈ ယႃႉ​ပႅတ်ႈ​တႃႉ၊ ဝႃႈ​ၼင်ႇ​ၼႆ​လႄႈ ပၼ်​ႁႅင်း​တီႈ​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">မိူဝ်ႈ​ဢၼ်​မေး​ ဢူႉရီႉယႃႉ ​ၼၼ်ႉ ငိၼ်း​လွင်ႈ​ဢၼ်​ၽူဝ်​မၼ်း​ ဢူႉရီႉယႃႉ တၢႆ​ယဝ်ႉ​ၼၼ်ႉ​ၸိုင်၊ မၼ်း​ႁႆႈ​ႁွင်ႉ​ပွင်ႉ​ၶၢင်း ၵွပ်ႈ​ပိူဝ်ႈ​ၽူဝ်​မၼ်း​ၼၼ်ႉ​လႄႈ​ယူႇ​ဢေႃႈ။-</verse>
				<verse number="27">ပူၼ်ႉ​သေ​ၶိင်ႇ​ဢၼ်​ႁႆႈ​ႁွင်ႉ​ပွင်ႉ​ၶၢင်း​ၼၼ်ႉ​သေ​ယဝ်ႉ၊ တႃႇဝိတ်ႈ ​ပွႆႇ​ၸႂ်ႉ​လႄႈ​ႁွင်ႉ​ဢဝ်​မႄႈ​ယိင်း​ၼၼ်ႉ မႃး​ၵႃႈ​တီႈ​ႁေႃ​ၸဝ်ႈ​သေ​လႄႈ မၼ်း​ၼၼ်ႉ​လႆႈ​ပဵၼ်​ၼၢင်း​ႁေႃ​ၶမ်း​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။ ၵူၺ်း​ၵႃႈ လွင်ႈ​တၢင်း​ဢၼ် တႃႇဝိတ်ႈ ​ႁဵတ်း​ၼၼ်ႉ ပဵၼ်​လွင်ႈ​တၢင်း​ဢၼ်​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​ထႃႇဝရႃႉ​ၽြႃး​ၼၼ်ႉ​ဢေႃႈ။</verse>
			</chapter>
			<chapter number="12">
				<verse number="1">လိုၼ်း​ၼၼ်ႉ ထႃႇဝရႃႉ​ၽြႃး​ပွႆႇ​ၸႂ်ႉ​ပရေႃးၽႅတ်ႈ​ ၼႃႇသၼ်ႇ ၵႂႃႇ​ၸူး​ၵႃႈ​တီႈ​ တႃႇဝိတ်ႈ ​လႄႈ၊ ၼႃႇသၼ်ႇ ​ၼၼ်ႉ ႁွတ်ႈ​ထိုင်​တီႈ​မၼ်း​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၵႃႈ​ၼႂ်း​ဝဵင်း​ဝဵင်း​ၼိုင်ႈ မီး​သထေး​ၵေႃႉ​ၼိုင်ႈ ဢိၵ်ႇ​တင်း​ၵူၼ်း​ၽၢၼ်​ၵေႃႉ​ၼိုင်ႈ​တီႈ​ၶႃႈ​ဢေႃႈ။-</verse>
				<verse number="2">သထေး​ၼၼ်ႉ ပျေႉ​ၸုမ်ႇ​လိူင်ႇ​ၸႂ်​မၢၵ်ႈ​မီး​ၽုင်​သူဝ်း​ၽုင်​ဝူဝ်း​ၼမ်​ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="3">ၵူၼ်း​ၽၢၼ်​ၼၼ်ႉ​ၸမ်ႉ၊ ၼွၵ်ႈ​သေ​သူဝ်း​မႄႈ​ဢွၼ်ႇ​ဢၼ်​မၼ်း​သိုဝ်ႉ​ဢဝ်​လႄႈ ၵဵပ်း​လဵင်ႉ​ဝႆႉ​တူဝ်​လဵဝ်​ၵူၺ်း​ၼၼ်ႉ ဢမ်ႇ​မီး​ၵႃႈ​သင်​သေ​ၸိူဝ်ႉ​သေ​ပိူင်​လႃး​လႃး​တီႈ​ၶႃႈ၊ သူဝ်း​မႄႈ​ဢွၼ်ႇ​ၼၼ်ႉ ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​ၸဝ်ႈ​မၼ်း ဢိၵ်ႇ​တင်း​လုၵ်ႈ​လၢင်း​ၸဝ်ႈ​မၼ်း​တင်း​လၢႆ​ယူႇ​သေ​လႄႈ​ယႂ်ႇ​မႃး​တီႈ​ၶႃႈ​ဢေႃႈ။ ၸၢင်ႈ​ၵိၼ်​ၼႂ်း​တၢင်း​ၵိၼ်​တၢင်း​ၶူပ်း​ၸဝ်ႈ​မၼ်း။ ၸၢင်ႈ​ၵိၼ်​ၼႂ်း​ၵွၵ်း​ၼမ်ႉ​ၸဝ်ႈ​မၼ်း၊ ၸၢင်ႈ​ၼွၼ်း​ၵႃႈ​ၼႂ်း​တၵ်း​ၸဝ်ႈ​မၼ်း​လႄႈ ပဵၼ်​ၸိူဝ်ႉ​ၼင်ႇ​လုၵ်ႈ​ယိင်း​တီႈ​ၸဝ်ႈ​မၼ်း​တီႈ​ၶႃႈ​ဢေႃႈ။-</verse>
				<verse number="4">ၶႅၵ်ႇ​ၵေႃႉ​ၼိုင်ႈ ႁွတ်ႈ​ထိုင်​ၵႃႈ​တီႈ​သထေး​လႄႈ မၼ်း​ၼၼ်ႉ​သေ​လၢႆ​သူဝ်း​ဝူဝ်း​မၼ်း​လႄႈ ဢမ်ႇ​ဢဝ်​ႁဵတ်း​ပုၼ်ႈ​ဢၼ်​တၵ်း​လဵင်ႉ​လူ​ၶႅၵ်ႇ ဢၼ်​ႁွတ်ႈ​ထိုင်​တီႈ​မၼ်း​ၼၼ်ႉ။ ဢဝ်​သူဝ်း​မႄႈ​ဢွၼ်ႇ​ၵူၼ်း​ၽၢၼ်​ၼၼ်ႉ​သေ​လႄႈ ႁုင်​ႁဵတ်း​ပုၼ်ႈ​ဢၼ်​တၵ်း​လဵင်ႉ​တၵ်း​လူ​ၶႅၵ်ႇ​ဢၼ် ႁွတ်ႈ​ထိုင်​တီႈ​မၼ်း​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="5">တႃႇဝိတ်ႈ ​ၸႂ်​မႆႈ​ၶႆႈ​ၸႃႉ​တီႈ​ၵေႃႉ​ၼၼ်ႉ​ၼႃႇ​လူင်​လၢင်​လႄႈ လၢတ်ႈ​တီႈ​ ၼႃႇသၼ်ႇ ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ၊ ၵေႃႉ​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် ထိူၵ်ႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="6">ၵွပ်ႈ​ပိူဝ်ႈ​ဢၼ်​မၼ်း ယင်း​ဢမ်ႇ​မီး​ၵရူႉၼႃႇ​လႄႈ​ႁဵတ်း​လွင်ႈ​တၢင်း​ၼၼ်ႉ​လႄႈ ပုၼ်ႈ​သူဝ်း​မႄႈ​ဢွၼ်ႇ​ၼၼ်ႉ​ၸိုင် မၼ်း​တၵ်း​လႆႈ​ၶိုၼ်း​တႅၼ်း​ပၼ်​သီႇ​ပုၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၼႃႇသၼ်ႇ ​ၵေႃႈ​လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၵေႃႉ​ၼၼ်ႉ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ​ၸမ်ႉ ၵဝ်​ပၼ်​ၽိၵ်ႈ​သိၵ်ႈ​လႄႈ​ၶၢၼ်း​မႂ်း​ဝႆႉ​ၼႂ်း​ဢရႃႇ​ၶုၼ်​ႁေႃ​ၶမ်း​ ဢီႉသရေႇလႃႉ ​ယဝ်ႉ။ ၵဝ်​ၵႄႇ​သႄႇ​ဢဝ်​မႂ်း​လွတ်ႈ​သေ​ၵႃႈ​ၼႂ်း​မိုဝ်း​ သေႃးလူႉ ​ယဝ်ႉ။-</verse>
				<verse number="8">ၵဝ်​ဢဝ်​ပီႈ​ၼွင်ႉ​ၸိူဝ်ႉ​ၶိူဝ်း​ၸဝ်ႈ​မႂ်း ဢိၵ်ႇ​တင်း​မေး​ၸဝ်ႈ​မႂ်း​ၸိူဝ်း​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​ဝၢင်ႈ​ႁူဝ်​ဢူၵ်း​မႂ်း​ယဝ်ႉ။ ၵဝ်​ဢဝ်​မဵဝ်း ဢီႉသရေႇလႃႉ တင်း​မဵဝ်း​ ယူႉတႃႉ ​ပၼ်​တီႈ​မႂ်း​ယဝ်ႉ။ သင်​လွင်ႈ​တၢင်း​ၸိူဝ်း​ၼၼ်ႉ ဢမ်ႇ​ၵုမ်ႇ​ဢမ်ႇ​ပေႃး​တီႈ​မႂ်း​ၸိုင် ၵဝ်​မီး​ဢလူဝ်ႇ​ၶႂ်ႈ​ပၼ်​လွင်ႈ​တၢင်ႇ​ၸိူဝ်ႉ​တၢင်ႇ​ဢၼ်​ဢေႃႈ။-</verse>
				<verse number="9">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ပိင်း​ၺၢပ်ႈ​ထႃႇဝရႃႉ​ၽြႃး​လႄႈ ႁဵတ်း​ဢၼ်​ႁၢႆႉ​ဢၼ်​ယုတ်ႈ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼင်ႇ​ႁိုဝ်။ မႂ်း​ဢဝ်​ဢသၢၵ်ႈ​ ဢူႉရီႉယႃႉ ၵူၼ်း​ ႁိတ်ႉတီႉ ​ၼၼ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​လႄႈ သိမ်း​ဢဝ်​မေး​မၼ်း ႁႂ်ႈ​ပဵၼ်​မေး​မႂ်း​ယဝ်ႉ​လူင်​ပႄႇ။ မႂ်း​ဢဝ်​ၵေႃႉ​ၼၼ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​ယဝ်ႉ​လူင်​ပႄႇ။-</verse>
				<verse number="10">မိူဝ်ႈ​လဵဝ်​ၼႆႉ​ၸိုင်၊ ၵွပ်ႈ​ပိူဝ်ႈ​ဢၼ်​မႂ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၵဝ်​လႄႈ သိမ်း​ဢဝ်​မေး​ ဢူႉရီႉယႃႉ ၵူၼ်း​ ႁိတ်ႉတီႉ ​ၼၼ်ႉ ႁႂ်ႈ​ပဵၼ်​မေး​မႂ်း​ၼၼ်ႉ​လႄႈ ၽေး​လၢပ်ႇ​ဢမ်ႇ​လႆႈ​ၽၢတ်ႇ​ယၢၼ်​ၵၼ်​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​ၼၼ်ႉ​ယူႇ​တႃႇ​သေႇ။-</verse>
				<verse number="11">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​တၵ်း​ႁႂ်ႈ​ၽေး​ရၢၼ်ႇ​မႂ်း​ပေႃႇ​ဢွၵ်ႇ​မႃး ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မႂ်း​ဢေႃႈ။ ၵဝ်​တၵ်း​ဢဝ်​မေး​မႂ်း​တင်း​လၢႆ​သိုဝ်ႈ​ၼႃႈ​တႂ်ႈ​တႃ​မႂ်း​လႄႈ ဢၢပ်ႈ​ပၼ်​တီႈ​ၵူၼ်း​ႁိူၼ်း​ၸမ်​ၵၼ်​တင်း​မႂ်း​ၼၼ်ႉ​လႄႈ မၼ်း​ၼၼ်ႉ​တၵ်း​ၵွတ်ႇ​ၵဵဝ်ႈ ႁူမ်ႈ​ပွင်း​ၵၼ်​တင်း​မေး​မႂ်း​ၸိူဝ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵၢင်​ဝၼ်း​ဢေႃႈ။-</verse>
				<verse number="12">မႂ်း​တဵတ်ႇ​တဵတ်ႇ​ႁဵတ်း​ဢမူႉ​ၼၼ်ႉ​သေ​ၵေႃႈ၊ ၵဝ်​တၵ်း​ႁဵတ်း​ဢမူႉ​ၼႆႉ ၵႃႈ​တီႈ​ၽၢႆႇ​ၼႃႈ​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၵၢင်​ဝၼ်း​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">တႃႇဝိတ်ႈ ​ၵေႃႈ​တွင်း​ပၢၼ်ႇ​တီႈ​ ၼႃႇသၼ်ႇ ​လႄႈ​ဝႃႈ၊ ၵဝ်​ၼႆႉ​ၽိတ်း​ပိူင်ႈ​ထႃႇဝရႃႉ​ၽြႃး​ယဝ်ႉ၊ ဝႃႈ​ၼင်ႇ​ၼႆ​လႄႈ ၼႃႇသၼ်ႇ ​ၼၼ်ႉ လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၼင်ႇ​ႁိုဝ်​ဢသၢၵ်ႈ​ၸဝ်ႈ​ႁဝ်း​တၵ်း​ၵတ်း​ယဵၼ်​ၶျၢမ်း​သႃႇ​ၸိုင်၊ ထႃႇဝရႃႉ​ၽြႃး ပႄႇ​ပႅတ်ႈ​ဢပႅတ်ႈ​ၸဝ်ႈ​ႁဝ်း​ယဝ်ႉ​လႄႈ ၸဝ်ႈ​ႁဝ်း​ဢမ်ႇ​လႆႈ​တၢႆ​တီႈ​ၶႃႈ​ယဝ်ႉ။-</verse>
				<verse number="14">ၼႂ်း​ဝႃႈ​ၼၼ်​သေ​ၵေႃႈ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း ဢဝ်​တၢင်း​ဢၼ်​ၽိတ်း​ပိူင်ႈ​ၸိူဝ်ႉ​ၼင်ႇ​ၼၼ် ပၼ်​ဢၶႂၢင်ႉ​ဢၼ်​လီ​သႄႉ​လီ​သွမ်း​တီႈ​ရၢၼ်ႇ​သူႇ​ထႃႇဝရႃႉ​ၽြႃး​ၼၼ်ႉ​လႄႈ လုၵ်ႈ​ၸၢႆး​ဢၼ်​ၵိူတ်ႇ​လဵင်ႉ​ၼႆႉ တၵ်း​လႆႈ​တၢႆ​ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="15">ၼႃႇသၼ်ႇ ​ဢွၵ်ႇ​မိူဝ်း​ၵႂႃႇ​ၵႃႈ​တီႈ​ႁိူၼ်း​မၼ်း​သေ​ဢေႃႈ။ ထႃႇဝရႃႉ​ၽြႃး ပၼ်​တၢမ်ႇ​တီႈ​လုၵ်ႈ​ၸၢႆး ဢၼ်​မေး​ ဢူႉရီႉယႃႉ ၵိူတ်ႇ​လဵင်ႉ​မႃး တီႈ​ တႃႇဝိတ်ႈ ​ၼၼ်ႉ​လႄႈ လုၵ်ႈ​ဢွၼ်ႇ​ၼၼ်ႉ​မီး​တၢင်း​ၶႆႈ​တၢင်း​ပဵၼ် ဢၼ်​ႁႅင်း​ယႂ်ႇ​ၼႃႇ​လူင်​လၢင်​ဢေႃႈ။</verse>
				<verse number="16">တႃႇဝိတ်ႈ ​တွင်း​ပၢၼ်ႇ​ထႃႇဝရႃႉ​ၽြႃး ပုၼ်ႈ​လုၵ်ႈ​ဢွၼ်ႇ​ၼၼ်ႉ​လႄႈ တႃႇဝိတ်ႈ ​ၵမ်​တၢင်း​ၵိၼ်​ယူႇ၊ ၶဝ်ႈ​ၵႃႈ​ၼႂ်း​လႄႈ​ၼွၼ်း​ၵႃႈ​ၼိူဝ်​လိၼ်​တင်း​ၶိုၼ်း​ယူႇ​သေ​လႄႈ​ယူႇ​ဢေႃႈ။-</verse>
				<verse number="17">ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​ၵႃႈ​ၼႂ်း​ၵူၼ်း​ႁေႃ​ၸဝ်ႈ​ၼၼ်ႉ ဢွၼ်​ၵၼ်​လုၵ်ႉ​လႄႈ သုတ်ႉ​ၸပ်း​သုတ်ႉ​ၸူး ႁႂ်ႈ​လႆႈ​ဢုမ်ႈ​ယွင်ႈ​ဢဝ်​မၼ်း လုၵ်ႉ​သေ​ၵႃႈ​ၼိူဝ်​လိၼ်​သေ​ၵေႃႈ၊ မၼ်း​ထဵင်​ပႅတ်ႈ​လႄႈ ယင်း​ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​လူၺ်ႈ​ၵၼ်​တင်း​ၶဝ်​လႄႈ​ယူႇ​ဢေႃႈ။-</verse>
				<verse number="18">မိူဝ်ႈ​ဢၼ်​လႆႈ​ၸဵတ်း​ဝၼ်း​ယဝ်ႉ​ၸိုင်၊ လုၵ်ႈ​ဢွၼ်ႇ​ၼၼ်ႉ​တၢႆ​ဢေႃႈ။ ၶႃႈ​ တႃႇဝိတ်ႈ ​ၸိူဝ်း​ၼၼ်ႉ​ၵေႃႈ ဢမ်ႇ​ႁတ်း​ဢဝ်​လွင်ႈ​ဢၼ် လုၵ်ႈ​ဢွၼ်ႇ​တၢႆ​ၼၼ်ႉ​လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ တေႃႈ​ၵႃႈ​မိူဝ်ႈ​ဢၼ်​လုၵ်ႈ​ဢွၼ်ႇ​ယင်း​တိုၵ်ႉ​ဢသၢၵ်ႈ​လိပ်း​ယူႇ​ၼၼ်ႉ၊ ႁဝ်း​လဝ်ႊ​လၢတ်ႈ​တီႈ​မၼ်း​လႄႈ မၼ်း​ဢမ်ႇ​ထွမ်ႇ​ဢဝ်​ၵႂၢမ်း​ဢၼ်​ႁဝ်း​လဝ်ႊ​လၢတ်ႈ​ၼၼ်ႉ။ ပေႃး​ႁဝ်း​ဢဝ်​လွင်ႈ​ဢၼ်​လုၵ်ႈ​ဢွၼ်ႇ​တၢႆ​ယဝ်ႉ​ၼၼ်ႉ လဝ်ႊ​လၢတ်ႈ​တီႈ​မၼ်း​ၸိုင်၊ မၼ်း​ယဵင်ႈ​ၶႅၼ်း​တၵ်း​ႁဵတ်း​ႁႂ်ႈ​တူဝ်​ၸဝ်ႈ​ၵဝ်ႇ​ယၢပ်ႇ​ၸႂ်​ၶၢၼ်​ၸႂ်​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၵူၺ်း​ၵႃႈ မိူဝ်ႈ​ဢၼ်​ တႃႇဝိတ်ႈ ​ႁၼ် လွင်ႈ​ဢၼ်​ၶႃႈ​မၼ်း​ၵူၼ်း​မၼ်း သွပ်ႉ​သႅပ်ႉ​လၢတ်ႈ​ၵၼ်​ၼၼ်ႉ​ၸိုင်၊ တႃႇဝိတ်ႈ ​ႁူႉ​သၢႆ​ငၢႆ​လွင်ႈ​ဢၼ် လုၵ်ႈ​ဢွၼ်ႇ​ၼၼ်ႉ​တၢႆ​ယဝ်ႉ​ၼၼ်ႉ​လႄႈ ထၢမ်​တီႈ​ၶႃႈ​မၼ်း​ၵူၼ်း​မၼ်း​ၸိူဝ်း​ၼၼ်ႉ​လႄႈ​ဝႃႈ၊ လုၵ်ႈ​ဢွၼ်ႇ​တၢႆ​ယဝ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ၶဝ်​ၵေႃႈ​ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ တၢႆ​ယဝ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မိူဝ်ႈ​ၼၼ်ႉ​ တႃႇဝိတ်ႈ ​လုၵ်ႉ​သေ​ၵႃႈ​ၼိူဝ်​လိၼ်​လႄႈ ဢၢပ်ႇ​ၼမ်ႉ​သေ​လႄႈ ဢဝ်​ၼမ်ႉ​မၼ်း​တႃး​လႄႈ ပုတ်ႈ​ၶူဝ်း​လၢႆႈ​ၶူဝ်း​မၼ်း​သေ​ယဝ်ႉ၊ ၵႂႃႇ​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​လႄႈ​ၵူဝ်း​ၵႂၢႆႇ​ဢေႃႈ။ လိုၼ်း​ၼၼ်ႉ မၼ်း​ၶိုၼ်း​မႃး​ၵႃႈ​တီႈ​ႁေႃ​ၸဝ်ႈ​လႄႈ မိူဝ်ႈ​ဢၼ်​မၼ်း​ယွၼ်း​တၢင်း​ၵိၼ်​တၢင်း​ၶူပ်း​ၼၼ်ႉ​ၸိုင်၊ ၶဝ်​ဢွၼ်​ၵၼ်​ဢဝ်​တမ်း​ပၼ်​လႄႈ မၼ်း​ၵိၼ်​ဢေႃႈ။-</verse>
				<verse number="21">ၶႃႈ​မၼ်း​ၵူၼ်း​မၼ်း​ၸိူဝ်း​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ တေႃႈ​ၵႃႈ​မိူဝ်ႈ​ဢၼ်​လုၵ်ႈ​ဢွၼ်ႇ​ယင်း​တိုၵ်ႉ​လိပ်း​ယူႇ​ၼၼ်ႉ ၸဝ်ႈ​ႁဝ်း​ၵမ်​တၢင်း​ၵိၼ်​ယူႇ၊ ႁႆႈ​ႁွင်ႉ​ပုၼ်ႈ​လုၵ်ႈ​ဢွၼ်ႇ​ယူႇ​သေ​လႄႈ​ယူႇ​တီႈ​ၶႃႈ​ဢေႃႈ။ မိူဝ်ႈ​ဢၼ်​လုၵ်ႈ​ဢွၼ်ႇ​တၢႆ​ယဝ်ႉ​ၼၼ်ႉ​ၸိုင်၊ ၸဝ်ႈ​ႁဝ်း​လုၵ်ႉ​လႄႈ​ၵိၼ်​တၢင်း​ၵိၼ်​တၢင်း​ၶူပ်း​တီႈ​ၶႃႈ​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">တႃႇဝိတ်ႈ ​ၵေႃႈ​လၢတ်ႈ​လႄႈ​ဝႃႈ၊ ၼႂ်း​မိူဝ်ႈ​ဢၼ် လုၵ်ႈ​ဢွၼ်ႇ​ယင်း​တိုၵ်ႉ​ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​ၵမ်​တၢင်း​ၵိၼ်​လႄႈ​ႁႆႈ​ႁွင်ႉ​ယူႇ ၵွပ်ႈ​ပိူဝ်ႈ​ဢၼ်​ၵဝ်​ၶႆႈ​ၸႂ်​လႄႈ​ဝႃႈ၊ ၽူႈ​လႂ်​တၵ်း​ႁူႉ​လွင်ႈ​ဢၼ်​ၽြႃး​ပဵၼ်​ၸဝ်ႈ​တၵ်း​ဢဵတ်း​လူ​ၵဝ်​လႄႈ ပၼ်​ဢသၢၵ်ႈ​လုၵ်ႈ​ဢွၼ်ႇ​ၵတ်း​ယဵၼ်​ၶျၢမ်း​သႃႇ​ႁိုဝ် ဢမ်ႇ​ပၼ်​ႁိုဝ်​ၼၼ်ႉ​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မိူဝ်ႈ​လဵဝ်​ၼႆႉ​လုၵ်ႈ​ဢွၼ်ႇ​တၢႆ​ယဝ်ႉ။ တၵ်း​လႆႈ​ၵမ်​တၢင်း​ၵိၼ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်။ တၵ်း​ၶိုၼ်း​ဢဝ်​လုၵ်ႈ​ဢွၼ်ႇ​ၶိုၼ်း​မႃး​လႆႈ​ႁိုဝ်။ ၵဝ်​တၵ်း​လႆႈ​ၵႂႃႇ​ၵႃႈ​တီႈ​ဢၼ်​မၼ်း​မီး​ၼၼ်ႉ​လႄႈ မၼ်း​ဢမ်ႇ​လႆႈ​ၶိုၼ်း​လႆႈ​မႃး​ၵႃႈ​တီႈ​ဢၼ်​ၵဝ်​မီး​ၼႆႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">လႆႈ​သမ်ႉ​ တႃႇဝိတ်ႈ ႁႂ်ႈ​မေး​မၼ်း​ ပႃႇသသေးၽႃႉ ​ပေႇ​ၸႂ်​သေ​ယဝ်ႉ၊ ၶဝ်ႈ​ၸူး​ၵႃႈ​တီႈ​မၼ်း​လႄႈ မူၼ်ႈ​ပျေႃႇ​လူၺ်ႈ​ၵၼ်​တင်း​မၼ်း​ဢေႃႈ။ မၼ်း​ၵေႃႈ​ၵိူတ်ႇ​လဵင်ႉ​လုၵ်ႈ​ၸၢႆး​မႃး​လႄႈ ပေႃႈ​မၼ်း​ႁွင်ႉ​ႁဵၵ်ႈ​ၸိုဝ်ႈ​မၼ်း​ သေႃးလမုၼ်ႇ ​ဢေႃႈ။-</verse>
				<verse number="25">ထႃႇဝရႃႉ​ၽြႃး ႁၵ်ႉ​လုၵ်ႈ​ဢွၼ်ႇ​ၼၼ်ႉ​လႄႈ ဢဝ်​ဢၶႂၢင်ႉ​ဢၢပ်ႈ​ပၼ်​ၼႂ်း​မိုဝ်း​ပရေႃးၽႅတ်ႈ​ ၼႃႇသၼ်ႇ ပွႆႇ​ၸႂ်ႉ​မႃး​လႄႈ မၼ်း​ၼၼ်ႉ​ႁွင်ႉ​ႁဵၵ်ႈ​ၸိုဝ်ႈ​မၼ်း ယေႇတီႉတီႉ ပုၼ်ႈ​ထႃႇဝရႃႉ​ၽြႃး​ဢေႃႈ။</verse>
				<verse number="26">ယႂႃႇၽႃႉ ​ၵေႃႈ​တိုၵ်း​တေႃး​ဝဵင်း​ ရပ်ႉပႃႇ မိူင်း​ ဢမ်ႇမုၼ်ႇ ​လႄႈ လႆႈ​ဝဵင်း​ၸဝ်ႈ​သေ​ယဝ်ႉ၊-</verse>
				<verse number="27">ယႂႃႇၽႃႉ ​ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ​မႃး​ၵႃႈ​တီႈ​ တႃႇဝိတ်ႈ ​လႄႈ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​တိုၵ်း​တေႃး​ဝဵင်း​ ရပ်ႉပႃႇ ​လႄႈ လႆႈ​ဝဵင်း​ဢၼ်​မီး​ၼမ်ႉ​လိူင်ႇ​ၼႃႇ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="28">မိူဝ်ႈ​လဵဝ်​ၼႆႉ ႁႂ်ႈ​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ယူႇ​ၵႃႈ​ၼႂ်း​ၵူၼ်း​တင်း​လၢႆ​ၼၼ်ႉ ၸူႉ​ၵၼ်​တုမ်​ၵၼ်​သေ​ယဝ်ႉ၊ ၶျႃး​တပ်ႉ​ယူႇ​ၽၢႆႇ​ၼိုင်ႈ​တင်း​ဝဵင်း​သေ​လႄႈ တိုၵ်း​ဢဝ်​သေ​ၵမ်း​တီႈ​ၶႃႈ။ ပေႃး​ဢမ်ႇ​ၼၼ် ၶႃႈ​ၸဝ်ႈ​တၵ်း​တိုၵ်း​ဢဝ်​ဝဵင်း​လႄႈ ဢဝ်​ၸိုဝ်ႈ​သဵင်​ၶႃႈ​ၸဝ်ႈ​ႁွင်ႉ​ႁဵၵ်ႈ​ဝဵင်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="29">တႃႇဝိတ်ႈ ​ႁႂ်ႈ​ၵူၼ်း​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​လႄႈ ၶီႇ​သိုၵ်း​ၵႂႃႇ​ၵႃႈ​တီႈ​ဝဵင်း​ ရပ်ႉပႃႇ ​သေ​ယဝ်ႉ၊ တိုၵ်း​တေႃး​လႄႈ သိမ်း​ဢဝ်​ဢေႃႈ။-</verse>
				<verse number="30">မၼ်း​ထွတ်ႇ​ဢဝ်​သရၽူႇ​ၶုၼ်​လူင်​ၼၼ်ႉ​သေ​ၵႃႈ​တီႈ​ႁူဝ်​မၼ်း​ၼၼ်ႉ​လႄႈ ၶၼ်​ၸင်ႈ​မၼ်း​ၸမ်ႉ၊ မီး​ တလၢၼ်ႇတၢၼ်ႇ ဢၼ်​ၼိုင်ႈ​လႄႈ သႅင်​လီ​ၵေႃႈ​ပႃး​ဢေႃႈ။ ၶဝ်​ဢွၼ်​ၵၼ်​ဢဝ်​တိုဝ်း​ပၼ်​ၵႃႈ​ၼိူဝ်​ႁူဝ်​ တႃႇဝိတ်ႈ ​ဢေႃႈ။ ဢုၵ်ႉ​ၸႃႇ​ဢၼ်​ႁိမ်​ဢဝ်​ႁူင်ႇ​ဢဝ်​ၵႃႈ​တီႈ​ဝဵင်း​ၼၼ်ႉ​ၵေႃႈ မၼ်း​ဢဝ်​ဢွၵ်ႇ​ၼမ်​ၼႃႇ​ဢေႃႈ။-</verse>
				<verse number="31">ၵူၼ်း​ဢၼ်​မီး​ၵႃႈ​ၼႂ်း​ဝဵင်း​ၸိူဝ်း​ၼၼ်ႉ​ၵေႃႈ မၼ်း​ဢဝ်​ဢွၵ်ႇ​လႄႈ ႁႂ်ႈ​ၶၢမ်ႇ​တၢင်း​ဢၼ်​ဢဝ်​လဵၵ်း​လိူဝ်ႈ​လိူဝ်ႈ၊ တၢင်း​ဢၼ်​ဢဝ်​ထႆ​လဵၵ်း​လႂ် တႃ​မၢတ်ႇ​လဵၵ်း​လႂ် ႁဵတ်း​တီႈ​ၶဝ်​ၼၼ်ႉ​ဢေႃႈ။ တၢင်း​ဢၼ်​ဢဝ်​ၶဝ်​သႂ်ႇ​ပႃး​ၼႂ်း​တဝ်​ဢုတ်ႇ​လႂ်​ၵေႃႈ ႁဵတ်း​ဢေႃႈ။ ၼင်ႇ​ၼၼ်​လႄႈ မၼ်း​ႁဵတ်း​တီႈ​ဝဵင်း​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​ၵႃႈ​မီး​ၼၼ်ႉ​သေ​ယဝ်ႉ တႃႇဝိတ်ႈ ​ဢိၵ်ႇ​တင်း​ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ဢေႃႈ။</verse>
			</chapter>
			<chapter number="13">
				<verse number="1">ၼႆ​လႄႈ ဢပႃႉသလုမ်ႇ လုၵ်ႈ​ၸၢႆး​ၸဝ်ႈ​ တႃႇဝိတ်ႈ ​ၼၼ်ႉ မီး​ၼွင်ႉ​ယိင်း​ဢၼ်​ႁၢင်ႈ​လီ​ဢၼ်​လႆႈ​ၸိုဝ်ႈ​ တႃႇမႃႇ ​ၼၼ်ႉ​ၵေႃႉ​ၼိုင်ႈ​ဢေႃႈ။ ဢႃႇမၼုၼ်ႇ ​လုၵ်ႈ​ၸၢႆး​ၸဝ်ႈ​ တႃႇဝိတ်ႈ ငိၼ်း​ႁၵ်ႉ​ငိၼ်း​ပႅင်း​မၼ်း​ၼၼ်ႉ​ဢေႃႈ။-</verse>
				<verse number="2">ဢႃႇမၼုၼ်ႇ ​ၼၼ်ႉ​ယၢပ်ႇ​ၸႂ်​ယုင်ႈ​ၸႂ်​ထၼ်ႈ​ပေႃး​မၼ်း​ၸပ်း​တၢင်း​ၶႆႈ​တၢင်း​ပဵၼ် ၵွပ်ႈ​ပိူဝ်ႈ​ၼွင်ႉ​ယိင်း​မၼ်း​ တႃႇမႃႇ ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ၼၼ်ႉ​ပဵၼ်​သၢဝ်​ၵၼ်ႇ​ၺႃႇ​လႄႈ ဢႃႇမၼုၼ်ႇ ​ၵျၢမ်ႇ​ပွင်​လွင်ႈ​ဢၼ် ဢလူဝ်ႇ​တၵ်း​ပျေႉ​ၸုမ်ႇ​တီႈ​မၼ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​လႄႈ ဢမ်ႇ​ပဵၼ်​လႆႈ။-</verse>
				<verse number="3">ၵူၺ်း​ၵႃႈ ဢႃႇမၼုၼ်ႇ ​မီး​ၵေႃႉ​သေႈ​ဢၼ်​လႆႈ​ၸိုဝ်ႈ ယေႃးၼတပ်ႉ ​ဢၼ်​ပဵၼ်​လုၵ်ႈ​ၸၢႆး သီႉမႃႇ ပီႈ​ၸၢႆး​ တႃႇဝိတ်ႈ ​ၼၼ်ႉ​ဢေႃႈ။ ယေႃးၼတပ်ႉ ​ၼၼ်ႉ ပဵၼ်​ၵေႃႉ​ဢၼ်​လၵ်း​လႅမ်​ၼႃႇ​လူင်​လၢင်​ဢေႃႈ။-</verse>
				<verse number="4">မၼ်း​ၼၼ်ႉ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ၼႆႉ​ပဵၼ်​လုၵ်ႈ​ၸၢႆး​ၶုၼ်​ႁေႃ​ၶမ်း​ယူႇ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ယွမ်​ႁဵဝ်ႇ​ၵႂႃႇ​ယေႈ​ဝၼ်း​ယေႈ​ဢိတ်း​ယူႇ​ၼင်ႇ​ႁိုဝ်​တီႈ​ၶႃႈ။ ဢမ်ႇ​မွၵ်ႇ​လၢတ်ႈ​တီႈ​ၶႃႈ​ၸဝ်ႈ​တီႈ​ၶႃႈ​ႁိုဝ်၊ ဝႃႈ​ၼင်ႇ​ၼႆ​သေ​ယဝ်ႉ၊ ဢႃႇမၼုၼ်ႇ ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​မီး​ၸႂ်​ဢၼ်​ၸပ်း​ဢၼ်​ၸွႆး တႃႇမႃႇ ဢၼ်​ပဵၼ်​ၼွင်ႉ​ယိင်း​ ဢပႃႉသလုမ်ႇ ၼွင်ႉ​ၸၢႆး​ၵဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ယေႃးၼတပ်ႉ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ၼွၼ်း​ယဵတ်ႇ​ယူႇ​ဢိူၼ်​လိူၼ် ၵႃႈ​ၼိူဝ်​ၵူႇ​တီႈ​ၼွၼ်း​ၸဝ်ႈ​လႄႈ ႁဵတ်း​ၸိူဝ်ႉ​ၼင်ႇ​ႁၢင်ႈ​မီး​တၢင်း​ၶႆႈ​တၢင်း​ပဵၼ်​ၼၼ်ႉ​သေ​ၵမ်း​တီႈ​ၶႃႈ။ မိူဝ်ႈ​ဢၼ်​ၸဝ်ႈ​ပေႃႈ​ၸဝ်ႈ​ႁဝ်း​မႃး​လူ​မႃး​တူၺ်း​ၼၼ်ႉ​ၸိုင် တၵ်း​လႆႈ​ယွၼ်း​ဢၶႂၢင်ႉ​လႄႈ​ဝႃႈ၊ ႁႂ်ႈ​ၼွင်ႉ​ယိင်း​ၶႃႈ​ၸဝ်ႈ​ တႃႇမႃႇ ​ၼၼ်ႉ မႃး​ႁဵတ်း​လဵင်ႉ​ႁဵတ်း​လူ​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ႁႂ်ႈ​မၼ်း​မႃး​တူမ်ႈ​မႃး​ႁုင်​ၵႃႈ​တီႈ​ၽၢႆႇ​ၼႃႈ​ၶႃႈ​ၸဝ်ႈ​ၼႆႉ ႁႂ်ႈ​ၶႃႈ​ၸဝ်ႈ​လႆႈ​ႁၼ်​တၢင်း​ၵိၼ်​တၢင်း​ၶူပ်း ဢၼ်​မၼ်း​ႁုင်​ၼၼ်ႉ​လႄႈ ၵိၼ်​ၵႃႈ​တီႈ​မိုဝ်း​မၼ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="6">ဢႃႇမၼုၼ်ႇ ​ၼၼ်ႉ ၼွၼ်း​ယဵတ်ႇ​ယူႇ​ဢိူၼ်​လိူၼ်​ယူႇ​သေ​လႄႈ ႁဵတ်း​မိူၼ်​ၸိူဝ်ႉ​ၼင်ႇ​ႁၢင်ႈ​မီး​တၢင်း​ၶႆႈ​တၢင်း​ပဵၼ်​ၼၼ်ႉ​ဢေႃႈ။ မိူဝ်ႈ​ဢၼ်​ၶုၼ်​ႁေႃ​ၶမ်း​မႃး​လူ​မႃး​တူၺ်း​ၼၼ်ႉ​ၸိုင်၊ ဢႃႇမၼုၼ်ႇ ​လဝ်ႊ​ယွၼ်း​ဢၶႂၢင်ႉ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ႁႂ်ႈ​ တႃႇမႃႇ ​ၼွင်ႉ​ယိင်း​ၶႃႈ​ၸဝ်ႈ​ၼၼ်ႉ မႃး​လႄႈ​ႁဵတ်း​ၶဝ်ႈ​မုၼ်း​သွင်​ၶႅပ်း ၵႃႈ​တီႈ​ၽၢႆႇ​ၼႃႈ​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​ၵိၼ်​ၵႃႈ​တီႈ​မိုဝ်း​မၼ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">တႃႇဝိတ်ႈ ​ပွႆႇ​ၸႂ်ႉ​ၵႂႃႇ​ၵႃႈ​တီႈ​ႁိူၼ်း​ တႃႇမႃႇ ​လႄႈ သင်ႇ​လၢတ်ႈ​လႄႈ​ဝႃႈ၊ ၵႂႃႇ​ၵႃႈ​တီႈ​ႁိူၼ်း​ပီႈ​ၸၢႆး​မႂ်း​ ဢႃႇမၼုၼ်ႇ ​လႄႈ ႁုင်​တၢင်း​ၵိၼ်​တၢင်း​ၶူပ်း​ပၼ်​တီႈ​မၼ်း​သေ​ၵမ်း၊ ဝႃႈ​ၼင်ႇ​ၼႆ​လႄႈ၊-</verse>
				<verse number="8">တႃႇမႃႇ ​ၼၼ်ႉ ၵႂႃႇ​ၸူး​တီႈ​ႁိူၼ်း​ပီႈ​ၸၢႆး​မၼ်း​ ဢႃႇမၼုၼ်ႇ ​လႄႈ မၼ်း​ၼၼ်ႉ​ၼွၼ်း​ယဵတ်ႇ​ယူႇ​ဢိူၼ်​လိူၼ်​ဢေႃႈ။ တႃႇမႃႇ ဢဝ်​ၽွင်​ၶဝ်ႈ​မုၼ်း​လႄႈ​ၼူတ်ႈ​သေ​ယဝ်ႉ ႁဵတ်း​ၶဝ်ႈ​မုၼ်း​ၶႅပ်း​ၵႃႈ​တီႈ​ၽၢႆႇ​ၼႃႈ​ပီႈ​ၸၢႆး​မၼ်း​လႄႈ​မူၵ်း​ဢေႃႈ။-</verse>
				<verse number="9">မၼ်း​ဢဝ်​ဝၢၼ်ႇ​ၽႄ​လႄႈ ဢဝ်​ထွၵ်ႇ​သႂ်ႇ​တမ်း​ပၼ်​ၵႃႈ​တီႈ​ၽၢႆႇ​ၼႃႈ​ ဢႃႇမၼုၼ်ႇ ​သေ​ၵေႃႈ၊ မၼ်း​ဢမ်ႇ​ႁပ်ႉ​တုင်း​ဢဝ်​ႁႂ်ႈ​လႆႈ​ၵိၼ်​လႄႈ​ဝႃႈ၊ ႁႂ်ႈ​ၵူၼ်း​ၵႃႈ​မီး​ဢွၼ်​ၵၼ်​ဢွၵ်ႇ​ၵႂႃႇ​သေ​ၵႃႈ​တီႈ​ၵဝ်​ၼႆႉ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​ၵႃႈ​မီး​ၼၼ်ႉ ဢွၼ်​ၵၼ်​ဢွၵ်ႇ​ၵႂႃႇ​သေ​ဢေႃႈ။-</verse>
				<verse number="10">ဢႃႇမၼုၼ်ႇ ​လၢတ်ႈ​တီႈ​ တႃႇမႃႇ ​လႄႈ​ဝႃႈ၊ ဢဝ်​တၢင်း​ၵိၼ်​ၼႆႉ​မႃး​ၵႃႈ​ၼႂ်း​လုၵ်း ႁႂ်ႈ​ၵဝ်​လႆႈ​ၵိၼ်​ၵႃႈ​တီႈ​မိုဝ်း​မႂ်း​သေ​ၵမ်း၊ ဝႃႈ​ၼင်ႇ​ၼႆ​လႄႈ၊ တႃႇမႃႇ ​ဢဝ်​ၶဝ်ႈ​မုၼ်း​ၶႅပ်း​ဢၼ်​မၼ်း​ႁဵတ်း​ၸိူဝ်း​ၼၼ်ႉ​သေ​လႄႈ ၶဝ်ႈ​ၵႂႃႇ​ၵႃႈ​ၼႂ်း​လုၵ်း​တီႈ​ဢၼ် ပီႈ​ၸၢႆး​မၼ်း​ ဢႃႇမၼုၼ်ႇ ​မီး​ၼၼ်ႉ​ဢေႃႈ။-</verse>
				<verse number="11">မိူဝ်ႈ​ဢၼ်​မၼ်း​ဢဝ်​ၵႂႃႇ​ၸူး​ၵႃႈ​တီႈ​ႁိမ်း​မၼ်း​ၼၼ်ႉ ပုၼ်ႈ​ဢၼ်​မၼ်း​ၼၼ်ႉ​တၵ်း​ၵိၼ်​ၼၼ်ႉ​ၸိုင်၊ မၼ်း​ၼၼ်ႉ​တိုတ်ႉ​ၸၼ်​ဢဝ်​မၼ်း​သေ​လႄႈ လၢတ်ႈ​လႄႈ​ဝႃႈ၊ ၼွင်ႉ​ယိင်း​ၵဝ်​ဢိူၺ်း၊ မႃး​လႄႈ​ၼွၼ်း​လူၺ်ႈ​ၵၼ်​တင်း​ၵဝ်​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မၼ်း​ၵေႃႈ​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ယႃႇ​ပေ​ႁဵတ်း။ ပီႈ​ၸၢႆး​ၵဝ်​ၶႃႈ​ဢိူၺ်း၊ ယႃႇ​ပေ​ၶျႃး​ၵဝ်​ၶႃႈ​တူၵ်း​တီႈ​တႅမ်ႇ​သေ​ၵမ်း။ ဢမ်ႇ​ထုၵ်ႇ​လီ​ႁဵတ်း​ဢမူႉ​ၸိူဝ်ႉ​ၼင်ႇ​ၼႆ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ၵူၺ်ႉ။ ယႃႇ​ပေ​ႁဵတ်း​ဢမူႉ​ဢၼ်​ႁၢႆႉ​မိူၵ်ႈ​ၼႆႉ​သေ​ၵမ်း။-</verse>
				<verse number="13">ပေႃး​ႁဵတ်း​ၸိုင်၊ ၵဝ်​ၶႃႈ​ၼႆႉ​တၵ်း​ဢဝ်​တၢင်း​ဢၼ်​လီ​ဢူၵ်း​လီ​ဢၢႆ​ၵဝ်​ၶႃႈ​ပႅတ်ႈ​ၵႃႈ​တီႈ​လႂ်။ ၸဝ်ႈ​ၵေႃႈ​တၵ်း​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​မိူၵ်ႈ​ဢၼ်​ယုတ်ႈ​ၼၼ်ႉ ၵႃႈ​ၼႂ်း​မဵဝ်း​ ဢီႉသရေႇလႃႉ ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​သေ​ၵမ်း။ ပေႃး​လဝ်ႊ​လၢတ်ႈ​ၸိုင် မၼ်း​ၸဝ်ႈ​ယင်း​ဢမ်ႇ​ပၼ်​ဢဝ်​ၵၼ်​လႄႈ​ဢမ်ႇ​ယူႇ​ၵူၺ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="14">မၼ်း​ၼၼ်ႉ ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​မၼ်း။ ပိူဝ်ႈ​ဢၼ်​ႁႅင်း​မၼ်း​ၼၼ်ႉ​ယဵင်ႈ​ၶႅၼ်း​ယႂ်ႇ​ၼႃႇ​သေ​မၼ်း​လႄႈ မၼ်း​ၼၼ်ႉ​ႁဵတ်း​ပႄႉ​ႁဵတ်း​ၼႅင်ႇ​သေ​လႄႈ ၼွၼ်း​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="15">မိူဝ်ႈ​ၼၼ်ႉ ဢႃႇမၼုၼ်ႇ ​ၼၼ်ႉ​သမ်ႉ မီး​ၸႂ်​ဢၼ်​ငိၼ်း​ၸင်း​ဢၼ်​ယႂ်ႇ​ၼႃႇ​လူင်​လၢင်​လႄႈ​ၸင်း​မၼ်း​ဢေႃႈ။ တၢင်း​ဢၼ်​ငိၼ်း​ၸင်း​ဢၼ်​မၼ်း​ၸင်း​ၼၼ်ႉ ယဵင်ႈ​ၶႅၼ်း​ယႂ်ႇ​ၼႃႇ​သေ တၢင်း​ဢၼ်​ငိၼ်း​ႁၵ်ႉ ဢၼ်​မၼ်း​ႁၵ်ႉ​မိူဝ်ႈ​ဢွၼ်​တၢင်း​ၼၼ်ႉ​သေ​ယဝ်ႉ၊ ဢႃႇမၼုၼ်ႇ လၢတ်ႈ​တီႈ​မၼ်း​လႄႈ​ဝႃႈ၊ မႂ်း​လုၵ်ႉ​လႄႈ​ၵႂႃႇ​သေ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မၼ်း​ၵေႃႈ​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ဢမ်ႇ​မီး​လွင်ႈ​မၼ်း​ၶႃႈ။ ဢပႅတ်ႈ​ဢၼ်​ႁေႃႈ​ဢွၵ်ႇ​ပႅတ်ႈ​မိူဝ်ႈ​လဵဝ်​ၼႆႉ​ၼၼ်ႉ ယဵင်ႈ​ၶႅၼ်း​ယႂ်ႇ​ၼႃႇ​သေ​ဢပႅတ်ႈ​ဢၼ်​လႆႈ​ႁဵတ်း​မႃး​တီႈ​ၵဝ်​ၶႃႈ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ မၼ်း​ၼၼ်ႉ​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​မၼ်း။-</verse>
				<verse number="17">မိူဝ်ႈ​ၼၼ်ႉ​မၼ်း​ၼၼ်ႉ​ႁွင်ႉ​ဢဝ်​ၶႃႈ​ၸႂ်ႉ​ၶႃႈ​သွႆ​ၵေႃႉ​ၼိုင်ႈ​လႄႈ ၸီႇ​ယၢင်ႇ​ဝႃႈ၊ ႁေႃႈ​မႄႈ​ယိင်း​ၼႆႉ​ဢွၵ်ႇ​ပႅတ်ႈ​သေ​လႄႈ သွတ်ႇ​သႄႈ​ၽၵ်း​တူ​ဝႆႉ​သေ​ၵႃႈ​တီႈ​လိုၼ်း​လင်​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မၼ်း​ၼုင်ႈ​ၶူဝ်း​ၼုင်ႈ​သိူဝ်ႈ​ဢၼ်​ယူင်ႉ​လီ​ယၢဝ်း​လီ ၸွမ်း​ၵႃႈ​ၼင်ႇ​ဢၼ်​လုၵ်ႈ​ယိင်း​ၶုၼ်​ႁေႃ​ၶမ်း ဢၼ်​ပဵၼ်​သၢဝ်​ၵၼ်ႇ​ၺႃႇ​ၸၢင်ႈ​ၼုင်ႈ ၼၼ်ႉ​ယူႇ​ဢေႃႈ။ ၶႃႈ​ၸႂ်ႉ​ၶႃႈ​သွႆ​ၼၼ်ႉ ႁေႃႈ​မၼ်း​ဢွၵ်ႇ​လႄႈ သွတ်ႇ​သႄႈ​ၽၵ်း​တူ​ဝႆႉ​သေ​ၵႃႈ​တီႈ​လိုၼ်း​လင်​မၼ်း​ဢေႃႈ။-</verse>
				<verse number="19">တႃႇမႃႇ ​ၵေႃႈ ဢဝ်​တဝ်ႈ​တၢင်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​သေ​လႄႈ သိၵ်ႇ​သိူဝ်ႈ​ဢၼ်​ယူင်ႉ​လီ​ယၢဝ်း​လီ​မၼ်း​ၼၼ်ႉ​သေ​ယဝ်ႉ၊ ဢဝ်​မိုဝ်း​မၼ်း​တၢင်ႇ​ႁူဝ်​မၼ်း​ယူႇ၊ ႁႆႈ​ႁွင်ႉ​ၸွမ်း​တၢင်း​ယူႇ​သေ​လႄႈ ၶိုၼ်း​မိူဝ်း​ၵႂႃႇ​ဢေႃႈ။-</verse>
				<verse number="20">ပီႈ​ၸၢႆး​ဢွၵ်ႇ​မၼ်း ဢပႃႉသလုမ်ႇ ​ၵေႃႈ လၢတ်ႈ​တီႈ​မၼ်း​လႄႈ​ဝႃႈ၊ ပီႈ​ၸၢႆး​ၵဝ်​ ဢႃႇမၼုၼ်ႇ ​ၼၼ်ႉ လႆႈ​မီး​လူၺ်ႈ​ၵၼ်​တင်း​မႂ်း​ယဝ်ႉ​ႁိုဝ်။ ၵူၺ်း​ၵႃႈ​ၼွင်ႉ​ယိင်း​ၵဝ်​ဢိူၺ်း၊ ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​တႃႉ။ မၼ်း​ၼၼ်ႉ​ပဵၼ်​ပီႈ​ၸၢႆး​မႂ်း​ဢေႃႈ။ ယႃႇ​ပေ​ဝႆႉ​ၸႂ်​လူၺ်ႈ​လွင်ႈ​ဢမူႉ​ၼႆႉ၊ ဝႃႈ​ၼင်ႇ​ၼႆ​သေ​ယဝ်ႉ၊ တႃႇမႃႇ ​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​ၵႃႈ​တီႈ​ႁိူၼ်း​ပီႈ​ၸၢႆး​မၼ်း ဢပႃႉသလုမ်ႇ ​ၼၼ်ႉ​ဢေႃႈ။-</verse>
				<verse number="21">မိူဝ်ႈ​ဢၼ်​ၶုၼ်​လူင်​ တႃႇဝိတ်ႈ ႁူႉ​ငိၼ်း​လွင်ႈ​တၢင်း​ၵႃႈ​မီး​ၼၼ်ႉ​ယဝ်ႉ​ၼၼ်ႉ​ၸိုင်၊ မၼ်း​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​ဢေႃႈ။-</verse>
				<verse number="22">ဢပႃႉသလုမ်ႇ ​ဢမ်ႇ​လၢတ်ႈ​ၵႂၢမ်း​ဢၼ်​လီ​ဢၼ်​ၸႃႉ​တီႈ​ပီႈ​ဢၢႆႈ​မၼ်း​ ဢႃႇမၼုၼ်ႇ ​ၼၼ်ႉ။ ၼႂ်း​ဝႃႈ​ၼၼ်​သေ​ၵေႃႈ ဢပႃႉသလုမ်ႇ ​မီး​ၸႂ်​ဢၼ်​ဝႆႉ​တၢင်း​ၽိတ်း​တီႈ​ ဢႃႇမၼုၼ်ႇ ၵွပ်ႈ​ပိူဝ်ႈ​ဢၼ်​မၼ်း​ၼၼ်ႉ ၶျႃး​ၼွင်ႉ​ယိင်း​မၼ်း​ တႃႇမႃႇ ​တူၵ်း​တီႈ​တႅမ်ႇ​ၼၼ်ႉ​ဢေႃႈ။</verse>
				<verse number="23">လိုၼ်း​ၼၼ်ႉ မိူဝ်ႈ​ဢၼ်​လႆႈ​သွင်​ပီႊ​တဵမ်​တဵမ်​ယဝ်ႉ​ၸိုင်၊ ဢပႃႉသလုမ်ႇ ၶၢမ်ႇ​ပွႆး​ၵႅတ်း​ႁႆး​ၶူၼ်​သူဝ်း​ၵႃႈ​တီႈ​ဝၢၼ်ႈ​ ပႃႇလႃႉႁႃႇၸေႃႇ ၵႃႈ​တီႈ​ႁိမ်း​ဝဵင်း​ ဢေႇၽရိမ်ႇ ​ၼၼ်ႉ​လႄႈ ဢပႃႉသလုမ်ႇ ​ႁွင်ႉ​ပၢင်း​ဢဝ်​လုၵ်ႈ​ၸၢႆး​ၸဝ်ႈ​ၶုၼ်​ႁေႃ​ၶမ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="24">ဢပႃႉသလုမ်ႇ ​ၵေႃႈ ၶဝ်​ၸူး​ၵႃႈ​တီႈ​ၶုၼ်​ႁေႃ​ၶမ်း​လႄႈ​လဝ်ႊ​လၢတ်ႈ​လႄႈ​ဝႃႈ၊ တူၺ်း​တီႈ​ၶႃႈ​လူး။ ၶႃႈ​ၸဝ်ႈ​ႁဝ်း​ၼႆႉ​ၶၢမ်ႇ​ပွႆး​ၵႅတ်း​ႁႆး​ၶူၼ်​သူဝ်း​တီႈ​ၶႃႈ​ဢေႃႈ။ ၶႅၼ်း​တေႃႈ​ၸဝ်ႈ​ပဵၼ်​ၸဝ်ႈ ဢိၵ်ႇ​တင်း​ၶႃႈ​ၸဝ်ႈ​တင်း​လၢႆ​ဢွၼ်​ၵၼ်​ၸွမ်း​လူၺ်ႈ​ၵၼ်​တင်း​ၶႃႈ​ၸဝ်ႈ​ႁဝ်း​ၼႆႉ​ၵႂႃႇ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">ၶုၼ်​ႁေႃ​ၶမ်း​ၵေႃႈ​လၢတ်ႈ​တီႈ​ ဢပႃႉသလုမ်ႇ ​လႄႈ​ဝႃႈ၊ ဢမ်ႇ​ထုၵ်ႇ​လီ​ၵႂႃႇ​ၵူၺ်ႉ၊ လုၵ်ႈ​ၸၢႆး​ၵဝ်​ဢိူၺ်း၊ ယႃႇ​ပေ​ႁႂ်ႈ​ႁဝ်း​လႆႈ​ၵႂႃႇ​တင်း​သဵင်ႈ​တင်း​မူတ်း။ ၵူဝ်​ႁဝ်း​တၵ်း​ပဵၼ်​တၢင်း​ဢၼ်​ၼၵ်း​ၼႃ​ပႃး​ပၼ်​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​သေ​လႄႈ မၼ်း​ၸူဝ်း​ဢဝ်​မၼ်း​ၸဝ်ႈ​သေ​ၵေႃႈ၊ တူဝ်​မၼ်း​ၸဝ်ႈ​ယင်း​ဢမ်ႇ​ၵႂႃႇ​လႄႈ ပၼ်​တၢင်း​လီ​သေ​ဢေႃႈ။-</verse>
				<verse number="26">ဢပႃႉသလုမ်ႇ ​ၵေႃႈ လဝ်ႊ​လၢတ်ႈ​ထႅင်ႈ​လႄႈ​ဝႃႈ၊ ပေႃး​ၸဝ်ႈ​ႁဝ်း​ဢမ်ႇ​ၸွမ်း​ဢမ်ႇ​ၵႂႃႇ​တီႈ​ၶႃႈ​ၸိုင်၊ ပၼ်​ဢၶႂၢင်ႉ​ဢၼ်​ပီႈ​ၸၢႆး​ၶႃႈ​ၸဝ်ႈ​ ဢႃႇမၼုၼ်ႇ ​ၼၼ်ႉ လႆႈ​ၸွမ်း​လႆႈ​ၵႂႃႇ​သေ​ၵမ်း​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶုၼ်​ႁေႃ​ၶမ်း​လၢတ်ႈ​တီႈ​မၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တၵ်း​လႆႈ​ႁႂ်ႈ​မၼ်း​ၸွမ်း​လူၺ်ႈ​ၵၼ်​တင်း​မႂ်း​ၵႂႃႇ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="27">ဢပႃႉသလုမ်ႇ ​တုၵ်း​တဝ်​ၼႃႇ​လူင်​လၢင်​လႄႈ ၶုၼ်​လူင်​ပၼ်​ဢၶႂၢင်ႉ​ဢၼ် ၸႃႉ​ၸဵမ်​ ဢႃႇမၼုၼ်ႇ ​လႄႈ လုၵ်ႈ​ၸၢႆး​ၸဝ်ႈ​ၵႃႈ​မီး​ၼၼ်ႉ လႆႈ​ၸွမ်း​ဢေႃႈ။</verse>
				<verse number="28">ဢပႃႉသလုမ်ႇ ​ၵေႃႈ​သင်ႇ​လၢတ်ႈ​ဝႆႉ​တီႈ​ၶႃႈ​မၼ်း​ၵူၼ်း​မၼ်း​တင်း​လၢႆ​လႄႈ​ဝႃႈ၊ သူ​ဢွၼ်​ၵၼ်​ပႂ်ႉ​ထႃႈ​ၶိင်ႇ​မိူဝ်ႈ​ဢၼ်​ ဢႃႇမၼုၼ်ႇ တၵ်း​သႂၢင်ႇ​သိူဝ်း​မူၼ်ႈ​ပျေႃႇ​လူၺ်ႈ​ၼမ်ႉ​ၸပိတ်ႈ​ၼၼ်ႉ​တႃႉ။ မိူဝ်ႈ​ဢၼ်​ၵဝ်​လၢတ်ႈ​တီႈ​သူ​လႄႈ​ဝႃႈ၊ ဢွၼ်​ၵၼ်​တႅင်း ဢႃႇမၼုၼ်ႇ ​တၢႆ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ဢဝ်​မၼ်း​တၢႆ​တႃႉ။ ယႃႇ​ပေ​ၵူဝ်။ ၵဝ်​ၸီႇ​ယၢင်ႇ​ဢမ်ႇ​ၸႂ်ႈ​ႁိုဝ်။ ဢဝ်​ႁႅင်း​လႄႈ မီး​တၢင်း​ဢၼ်​ႁတ်း​ႁၢၼ်​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="29">ၶႃႈ​ၵူၼ်း​ ဢပႃႉသလုမ်ႇ ​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​တီႈ​ ဢႃႇမၼုၼ်ႇ ၸွမ်း​ၵႃႈ​ၼင်ႇ​ဢၼ်​ ဢပႃႉသလုမ်ႇ ​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။ မိူဝ်ႈ​ၼၼ်ႉ လုၵ်ႈ​ၸၢႆး​ၸဝ်ႈ​ၶုၼ်​ႁေႃ​ၶမ်း​ၵႃႈ​မီး​ၼၼ်ႉ ဢွၼ်​ၵၼ်​လုၵ်ႉ​လႄႈ ၶီႇ​လီႈ​ၶဝ်​သေ​လႄႈ​ဢွၵ်ႇ​ပၢႆႈ​ဢေႃႈ။-</verse>
				<verse number="30">မိူဝ်ႈ​ဢၼ်​ၶဝ်​ယင်း​တိုၵ်ႉ​ၸွမ်း​တၢင်း​မႃး​ယူႇ​ၼၼ်ႉ​ၸိုင်၊ သတၢင်း​သဵင်​ၶၢဝ်ႇ​ႁွတ်ႈ​ထိုင်​တီႈ​ တႃႇဝိတ်ႈ ​လႄႈ​ဝႃႈ၊ ဢပႃႉသလုမ်ႇ ​ၼၼ်ႉ ဢဝ်​လုၵ်ႈ​ၸၢႆး​ၸဝ်ႈ​ၶုၼ်​လူင်​တင်း​သဵင်ႈ​တင်း​လူင်​တၢႆ​ယဝ်ႉ။ ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​လုၵ်ႉ​လႄႈ သိၵ်ႇ​ၶူဝ်း​ၼုင်ႈ​မၼ်း​သေ​လႄႈ ၼွၼ်း​ယဵတ်ႇ​ယူႇ​ၵႃႈ​ၼိူဝ်​လိၼ်​ဢေႃႈ။ ၶႃႈ​ၵူၼ်း​ၸဝ်ႈ​ၵႃႈ​မီး​ၵေႃႈ သိၵ်ႇ​ၶူဝ်း​ၼုင်ႈ​ၶဝ်​သေ​လႄႈ ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ႁိမ်း​မၼ်း​ဢေႃႈ။-</verse>
				<verse number="32">ယေႃးၼတပ်ႉ ​လုၵ်ႈ​ၸၢႆး​ သီႉမႃႇ ​ပီႈ​ၸၢႆး​ တႃႇဝိတ်ႈ ​ၼၼ်ႉ လဝ်ႊ​လၢတ်ႈ​လႄႈ​ဝႃႈ၊ ယႃႇ​ပေ​ယုမ်ႇ​လွင်ႈ​ဢၼ်​ဢဝ်​လုၵ်ႈ​ၸၢႆး​ၸဝ်ႈ​ၶုၼ်​လူင်​ၵႃႈ​မီး တၢႆ​ၼၼ်ႉ​သေ​ၵမ်း​တီႈ​ၶႃႈ၊ ဢႃႇမၼုၼ်ႇ ​ၵေႃႉ​လဵဝ်​ၵူၺ်း တၢႆ​ယဝ်ႉ​တီႈ​ၶႃႈ​ဢေႃႈ။ ၸႃႉ​ၸဵမ်​ဝၼ်း​ဢၼ်​မၼ်း​ၼၼ်ႉ ၶျႃး​ တႃႇမႃႇ ​ၼွင်ႉ​ယိင်း​မၼ်း​တူၵ်း​တီႈ​တႅမ်ႇ​ၼၼ်ႉ​လႄႈ ဢပႃႉသလုမ်ႇ ​ၸီႇ​ယၢင်ႇ​ဢမူႉ​ၼႆႉ​တီႈ​ၶႃႈ​ယဝ်ႉ။-</verse>
				<verse number="33">မိူဝ်ႈ​လဵဝ်​ၼႆႉ၊ ၸဝ်ႈ​ႁဝ်း​ၶႃႈ​ၸဝ်ႈ​ၶုၼ်​လူင်၊ ယႃႇ​ပေ​ဢဝ်​သႂ်ႇ​ၸႂ်​လႄႈ​ထၢင်ႇ​ထိူမ်​လွင်ႈ​ဢၼ် လုၵ်ႈ​ၸၢႆး​ၸဝ်ႈ​ၶုၼ်​လူင်​တင်း​သဵင်ႈ​တင်း​မူတ်း​ၼၼ်ႉ တၢႆ​ယဝ်ႉ​ၼၼ်ႉ​သေ​ၵမ်း​တီႈ​ၶႃႈ၊ ဢႃႇမၼုၼ်ႇ ​ၵေႃႉ​လဵဝ်​ၵူၺ်း တၢႆ​ယဝ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ဢပႃႉသလုမ်ႇ ​ၵေႃႈ​ဢွၵ်ႇ​ပၢႆႈ​ၵႂႃႇ​သေ​ဢေႃႈ။ မိူဝ်ႈ​ၼၼ်ႉ ၵူၼ်း​ဢွၼ်ႇ​ဢၼ်​ပႂ်ႉ​ၵၢင်​ၼၼ်ႉ မုင်ႈ​တူၺ်း​လႄႈ​ႁၼ်​ၵူၼ်း​ၼမ်​ၼႃႇ ၸွမ်း​သဵၼ်ႈ​တၢင်း​ပဵမ်ႉ​လွႆ​မႃး ၵႃႈ​တီႈ​ၽၢႆႇ​တၢင်း​လင်​မၼ်း​ဢေႃႈ။-</verse>
				<verse number="35">ယေႃးၼတပ်ႉ ​ၵေႃႈ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ တူၺ်း​တီႈ​ၶႃႈ​လူး။ လုၵ်ႈ​ၸၢႆး​ၸဝ်ႈ​ၶုၼ်​လူင်​ၸိူဝ်း​ၼၼ်ႉ ဢွၼ်​ၵၼ်​မႃး​တီႈ​ၶႃႈ​ယဝ်ႉ။ ၵႂၢမ်း​ဢၼ်​ၶႃႈ​ၸဝ်ႈ​ႁဝ်း​လဝ်ႊ​လၢတ်ႈ​ၼၼ်ႉ ၸႂ်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="36">မိူဝ်ႈ​ဢၼ်​မၼ်း​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​ယဝ်ႉ​တူဝ်ႈ​ယဝ်ႉ​ၼၼ်ႉ၊ လုၵ်ႈ​ၸၢႆး​ၸဝ်ႈ​ၶုၼ်​ႁေႃ​ၶမ်း​ၸိူဝ်း​ၼၼ်ႉ ဢွၼ်​ၵၼ်​ႁွတ်ႈ​မႃး​လႄႈ ၵိဝ်​သဵင်​ယူႇ​သေ​လႄႈ​ႁႆႈ​ႁွင်ႉ​ဢေႃႈ။ ၶုၼ်​ႁေႃ​ၶမ်း​ဢိၵ်ႇ​တင်း​ၶႃႈ​ၵူၼ်း​ၸဝ်ႈ​ၸိူဝ်း​ၼၼ်ႉ ဢွၼ်​ၵၼ်​ႁႆႈ​ႁွင်ႉ​ၼႃႇ​လူင်​လၢင်​ဢေႃႈ။</verse>
				<verse number="37">ဢပႃႉသလုမ်ႇ ​ၼၼ်ႉ ဢွၵ်ႇ​ပၢႆႈ​လႄႈ​ၵႂႃႇ​ၸူး​ၵႃႈ​တီႈ​ တႃႇလမေး လုၵ်ႈ​ၸၢႆး​ ဢမီႉႁုတ်ႉ ၶုၼ်​လူင်​ ၵေႇသူႉရႃႉ ​ၼၼ်ႉ​ဢေႃႈ။ တႃႇဝိတ်ႈ ႁႆႈ​ႁွင်ႉ​ပွင်ႉ​ၶၢင်း​ၵွပ်ႈ​ပိူဝ်ႈ​လုၵ်ႈ​ၸၢႆး​ၸဝ်ႈ​ၼၼ်ႉ​ယူႇ ၵူႈ​မိုဝ်ႉ​ၵူႈ​ဝၼ်း​ဢေႃႈ။-</verse>
				<verse number="38">ၼင်ႇ​ၼၼ်​လႄႈ ဢပႃႉသလုမ်ႇ ဢွၵ်ႇ​ပၢႆႈ​လႄႈ​ၵႂႃႇ​ၸူး​ၵႃႈ​တီႈ​ဝဵင်း​ ၵေႇသူႉရႃႉ ​သေ​လႄႈ ယူႇ​ၵႃႈ​တီႈ​ၼၼ်ႈ​သၢမ်​ပီႊ​ဢေႃႈ။-</verse>
				<verse number="39">ၶုၼ်​လူင်​ တႃႇဝိတ်ႈ ​ၸႂ်​ထိုင်​ၸႂ်​ႁွတ်ႈ​ ဢပႃႉသလုမ်ႇ ​သေ​လႄႈ​ယူႇ​ဢေႃႈ။ လွင်ႈ​မၼ်း​ၸမ်ႉ မၼ်း​ပေႇ​ၸႂ်​လူၺ်ႈ​လွင်ႈ ဢႃႇမၼုၼ်ႇ ၵွပ်ႈ​ပိူဝ်ႈ​ဢၼ်​မၼ်း​တၢႆ​ၼၼ်ႉ​ယဝ်ႉ​ယဝ်ႉ။</verse>
			</chapter>
			<chapter number="14">
				<verse number="1">မိူဝ်ႈ​ဢၼ်​ ယႂႃႇၽႃႉ လုၵ်ႈ​ၸၢႆး​ ၸေႇရူႉယႃႇ ႁူႉ​သၢႆ​ငၢႆ​လွင်ႈ​ဢၼ်​ႁူဝ်​ၸႂ်​ၶုၼ်​ႁေႃ​ၶမ်း​ၸပ်း​ၸွႆး ဢပႃႉသလုမ်ႇ ​ၼၼ်ႉ​ယူႇ​ၼၼ်ႉ​ၸိုင်၊-</verse>
				<verse number="2">ယႂႃႇၽႃႉ ​ပွႆႇ​ၸႂ်ႉ​ၸူး​ၵႃႈ​တီႈ​ဝဵင်း​ တေႇၵေႃႇ ​လႄႈ ႁွင်ႉ​ဢဝ်​မႄႈ​ယိင်း​ဢၼ်​မီး​ပိင်ႇ​ၺႃႇ​ၼၼ်ႉ​သေ​ယဝ်ႉ၊ သင်ႇ​လၢတ်ႈ​လႄႈ​ဝႃႈ၊ မႂ်း​ႁဵတ်း​ၸိူဝ်ႉ​ၼင်ႇ​ႁၢင်ႈ​ႁူဝ်​ၸႂ်​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ်​ၼၼ်ႉ​ယူႇ​သေ​လႄႈ ၼုင်ႈ​ၶူဝ်း​ၼုင်ႈ​မႃႇ​သႃႇ​ယူႇ​တႃႉ။ ယႃႇ​ပေ​တႃး​ၼမ်ႉ​မၼ်း။ ႁဵတ်း​ၸိူဝ်ႉ​ၼင်ႇ​ႁၢင်ႈ​မႄႈ​ယိင်း​ဢၼ်​ႁႆႈ​ႁွင်ႉ ၶၢင်း​ၶီ​ၶၢင်း​ၽၢၼ်​ယူႇ​ႁိုင်​ၼႃႇ ၵွပ်ႈ​ပိူဝ်ႈ​ၵူၼ်း​ဢၼ်​တၢႆ​ယဝ်ႉ​ၼၼ်ႉ​ယူႇ​သေ​လႄႈ၊-</verse>
				<verse number="3">ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​လႄႈ လဝ်ႊ​လၢတ်ႈ​တီႈ​မၼ်း​ၸဝ်ႈ​ၸိူဝ်ႉ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ​ ယႂႃႇၽႃႉ ဢဝ်​ၵႂၢမ်း​သႂ်ႇ​ၼႂ်း​သူပ်း​မၼ်း​ၼၼ်ႉ​ဝႆႉ​ဢေႃႈ။</verse>
				<verse number="4">မိူဝ်ႈ​မႄႈ​ယိင်း​ၵူၼ်း​ဝဵင်း​ တေႇၵေႃႇ ​ၼၼ်ႉ ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ၼၼ်ႉ​ၸိုင်၊ မၼ်း​ၶုပ်ႉ​မူပ်ႇ​ၵႃႈ​ၼိူဝ်​လိၼ်​ယူႇ​သေ​လႄႈ​ဝႆႈ​လႄႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ဢဵတ်း​လူ​ၵႄႇ​သႄႇ​ၸွႆႈ​ထႅမ်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶုၼ်​ႁေႃ​ၶမ်း​ၵေႃႈ​ထၢမ်​လႄႈ​ဝႃႈ၊ မႂ်း​မီး​ဢမူႉ​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လဝ်ႊ​လၢတ်ႈ​လႄႈ​ဝႃႈ၊ ၶိင်း​ပဵၼ်​ၶႃႈ​ၼႆႉ ပဵၼ်​မႄႈ​မူၵ်း​မႄႈ​မၢႆႈ လႄႈ​ၽူဝ်​တၢႆ​တီႈ​ၶႃႈ​ဢေႃႈ။-</verse>
				<verse number="6">ၶိင်း​ပဵၼ်​ၶႃႈ​ၼႆႉ မီး​လုၵ်ႈ​ၸၢႆး​သွင်​ၵေႃႉ​လႄႈ၊ သွင်​ၶႃ​ၼၼ်ႉ ၽိတ်း​ၵၼ်​တီႈ​ၶႃႈ​ဢေႃႈ။ ၵွပ်ႈ​ပိူဝ်ႈ​ဢၼ်​ၵေႃႉ​ဢၼ်​ၶႄ​ဢမ်ႇ​မီး​လႄႈ ၵေႃႉ​ၼိုင်ႈ​ႁဵတ်း​တီႈ​ၵေႃႉ​ၼိုင်ႈ တေႃႇ​ထိုင်​ႁွတ်ႈ​ထၼ်ႈ​ပေႃး​တၢႆ​ၶႃႈ​ဢေႃႈ။-</verse>
				<verse number="7">မိူဝ်ႈ​လဵဝ်​ၼႆႉ​ပီႈ​ၼွင်ႉ​ၸိူဝ်ႉ​ၶိူဝ်း​ၵႃႈ​မီး ဢွၼ်​ၵၼ်​လုၵ်ႉ​ယူႇ​ၽၢႆႇ​ၼိုင်ႈ တင်း​ၶိင်း​ပဵၼ်​ၶႃႈ​လႄႈ​ဝႃႈ၊ တၵ်း​လႆႈ​ဢဝ်​ၵေႃႉ​ဢၼ်​ဢဝ်​ပီႈ​ၸၢႆး​မၼ်း​တၢႆ​ၼၼ်ႉ ဢၢပ်ႈ​ပၼ်​ႁႂ်ႈ​ႁဝ်း​လႆႈ​ဢဝ်​မၼ်း​တၢႆ တၢင်​တူဝ်​ဢသၢၵ်ႈ​ပီႈ​ၸၢႆး​မၼ်း​ဢၼ်​မၼ်း​ဢဝ်​တၢႆ​ၼၼ်ႉ​ဢေႃႈ။ ၼင်ႇ​ၼၼ်​လႄႈ ႁဝ်း​တၵ်း​ပႄႇ​ၽဵဝ်ႈ​ၵေႃႉ​ဢၼ် ၶၢမ်ႇ​ဢမူၺ်ႇ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶဝ်​တၵ်း​ဢွၼ်​ၵၼ်​လပ်း​ပႅတ်ႈ​မွတ်ႇ​ပႅတ်ႈ​ထၢၼ်ႇ​ၽႆး​ဢၼ်​ၵိုတ်း​ဢၼ်​ၵျၢၼ်ႇ​ဝႆႉ​တီႈ​ၶိင်း​ပဵၼ်​ၶႃႈ​ၼၼ်ႉ​လႄႈ၊ တီႈ​ၽူဝ်​ၶိင်း​ပဵၼ်​ၶႃႈ​ၼၼ်ႉ ၶဝ်​တၵ်း​ဢမ်ႇ​ႁႂ်ႈ​ၸိုဝ်ႈ​သဵင်​မၼ်း ဢိၵ်ႇ​တင်း​တၢင်း​ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ​တီႈ​မၼ်း​ၼၼ်ႉ ၵိုတ်း​ၵျၢၼ်ႇ​ဝႆႉ​ၵႃႈ​ၼိူဝ်​လိၼ်​မိူင်း​ၼႆႉ​တီႈ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">ၶုၼ်​ႁေႃ​ၶမ်း​မီး​ဢမိင်ႉ​တီႈ​မႄႈ​ယိင်း​ၼၼ်ႉ​လႄႈ​ဝႃႈ၊ ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း​မႂ်း​လူး​ၵွၼ်ႇ​တႃႉ။ ၵဝ်​တၵ်း​ၸီႇ​ယၢင်ႇ​ဢမူႉ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မႄႈ​ယိင်း​ၵူၼ်း​ဝဵင်း​ တေႇၵေႃႇ ​ၼၼ်ႉ​ၵေႃႈ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၸဝ်ႈ​ႁဝ်း​ၶႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ႁႂ်ႈ​ဢပႅတ်ႈ​ႁွတ်ႈ​ၵႃႈ​ၼိူဝ်​ၶိင်း​ပဵၼ်​ၶႃႈ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ၶိင်း​ပဵၼ်​ၶႃႈ​သေ​ၵမ်း​လူၺ်ႈ။ ႁႂ်ႈ​ၶုၼ်​ႁေႃ​ၶမ်း​တင်း​ရႃႇၸႃႉ​ပလၢင်ႇ​မၼ်း​ၸဝ်ႈ​ၼၼ်ႉ ၵၢင်း​လွတ်ႈ​တင်း​ဢပႅတ်ႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ၵေႃႉ​ဢၼ်​တၢင်ႇ​ဢပႅတ်ႈ​တီႈ​မႂ်း​ၼၼ်ႉ​ၸိုင်၊ မႂ်း​ႁွင်ႉ​မႃး​တီႈ​ၵဝ်​တႃႉ။ ၵမ်း​လိုၼ်း​မၼ်း​ဢမ်ႇ​လႆႈ​ယႃႉ​ယူၵ်ႉ​မႂ်း​ထႅင်ႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">မၼ်း​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵူဝ်​ၶဝ်​တၵ်း​ဢဝ်​လုၵ်ႈ​ၸၢႆး​ၶိင်း​ပဵၼ်​ၶႃႈ​တၢႆ​လႄႈ လွင်ႈ​ၼင်ႇ​ႁိုဝ်​ၵေႃႉ​ဢၼ်​ဢဝ်​တၢႆ​ၸွမ်း​ၼၼ်ႉ တၵ်း​ဢမ်ႇ​လႆႈ​ယႃႉ​ၽဵဝ်ႈ​ပႅတ်ႈ​လႄႈ​ယူႇ​ၸိုင်၊ ၸဝ်ႈ​ၶုၼ်​လူင် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​မီး​ဢမိင်ႉ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ၊ ၶူၼ်​ႁူဝ်​လုၵ်ႈ​ၸၢႆး​မႂ်း ဢမ်ႇ​လႆႈ​တူၵ်း​ၵႃႈ​ၼိူဝ်​လိၼ်​သေ​သဵၼ်ႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">လႆႈ​သမ်ႉ မႄႈ​ယိင်း​ၼၼ်ႉ​တွင်း​ပၢၼ်ႇ​လဝ်ႊ​လၢတ်ႈ​လႄႈ​ဝႃႈ၊ ၶႅၼ်း​တေႃႈ​ပၼ်​ဢၶႂၢင်ႉ​ဢၼ် ၶိင်း​ပဵၼ်​ၶႃႈ​ၸဝ်ႈ​ႁဝ်း​လႆႈ​လဝ်ႊ​လၢတ်ႈ​ၵႂၢမ်း​သေ​ၶေႃႈ​သေ​ၵမ်း​တီႈ​ၸဝ်ႈ​ႁဝ်း​ၶႃႈ​ၸဝ်ႈ​ၶုၼ်​လူင်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ လဝ်ႊ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မႄႈ​ယိင်း​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၵျၢမ်ႇ​ပွင်​ၸိူဝ်ႉ​ၼင်ႇ​ၼၼ်​ယူႇ​ၽၢႆႇ​ၼိုင်ႈ တင်း​ၵူၼ်း​ၽြႃး​ပဵၼ်​ၸဝ်ႈ​တင်း​လၢႆ​ယူႇ​ၼင်ႇ​ႁိုဝ်​တီႈ​ၶႃႈ။ ၼႂ်း​လွင်ႈ​ဢၼ်​ၸဝ်ႈ​ၶုၼ်​လူင်​မီး​ဢမိင်ႉ​ၼၼ်ႉ ၸဝ်ႈ​ၶုၼ်​လူင်​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​မီး​ဢပႅတ်ႈ ၵွပ်ႈ​ပိူဝ်ႈ​ဢၼ်​ၸဝ်ႈ​ၶုၼ်​လူင်​ဢမ်ႇ​ၶိုၼ်း​ႁွင်ႉ​ဢဝ် ၵေႃႉ​ဢၼ်​ၸဝ်ႈ​ၶုၼ်​လူင်​ႁေႃႈ​ပႅတ်ႈ​ၼၼ်ႉ​မႃး​ၼၼ်ႉ​ယဝ်ႉ တီႈ​ၶႃႈ​လူင်​ပႄႇ။-</verse>
				<verse number="14">ၵူၼ်း​ႁဝ်း​ၼႆႉ​တၵ်း​လႆႈ​တၢႆ​လႄႈ​ပဵၼ်​ၸိူဝ်ႉ​ၼင်ႇ​ၼမ်ႉ​ဢၼ်​ထွၵ်ႇ​ပႅတ်ႈ​ၵႃႈ​ၼိူဝ်​လိၼ်​လႄႈ ဢမ်ႇ​ၶိုၼ်း​ၵွပ်ႇ​ဢဝ်​လႆႈ​ၼၼ်ႉ​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ​ဢမ်ႇ​ဢဝ်​ဢသၢၵ်ႈ​ၵူၼ်း​တၢႆ​လႄႈ မၼ်း​ၸဝ်ႈ​ၵျၢမ်ႇ​ပွင်​ႁႂ်ႈ​ၵေႃႉ​ဢၼ် လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ၼၼ်ႉ​ဢမ်ႇ​လႆႈ ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ယူႇ​သေႇ​သေႇ​ၼၼ်ႉ​တီႈ​ၶႃႈ၊-</verse>
				<verse number="15">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ လွင်ႈ​ဢၼ်​ၶိင်း​ပဵၼ်​ၶႃႈ​မႃး​လႄႈ လဝ်ႊ​လၢတ်ႈ​ဢမူႉ​ၼႆႉ​တီႈ​ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​ၼႆႉ​ၸမ်ႉ၊ ၵူၼ်း​တင်း​လၢႆ​ႁဵတ်း​ႁႂ်ႈ​ၶိင်း​ပဵၼ်​ၶႃႈ ၵူဝ်​ႁႄ​တီႈ​ၶႃႈ​ဢေႃႈ။ ၶိင်း​ပဵၼ်​ၶႃႈ​ၸဝ်ႈ​ႁဝ်း​ၼႆႉ​ၵေႃႈ​ဝႃႈ၊ ၵဝ်​တၵ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ဢေႃႈ။ ၶုၼ်​ႁေႃ​ၶမ်း​ၸၢင်ႈ​ၶႄး တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​ၶႃႈ​မၼ်း​ၸဝ်ႈ တွင်း​ပၢၼ်ႇ​ၼၼ်ႉ​ဢေႃႈ။-</verse>
				<verse number="16">လွင်ႈ​မၼ်း​ၸမ်ႉ ၶုၼ်​ႁေႃ​ၶမ်း​တၵ်း​ထွမ်ႇ​ဢဝ် ႁႂ်ႈ​လႆႈ​ၼုၵ်ႈ​ဢဝ်​ၶႃႈ​မၼ်း​ၸဝ်ႈ လွတ်ႈ​သေ​ၵႃႈ​ၼႂ်း​မိုဝ်း​ၵေႃႉ​ဢၼ် တၵ်း​ပႄႇ​ၽဵဝ်ႈ​ၵဝ်​ဢိၵ်ႇ​တင်း​လုၵ်ႈ​ၸၢႆး​ၵဝ်​ပႅတ်ႈ​သေ​ၵႃႈ​ၼိူဝ်​လိၼ်​ဢမူၺ်ႇ​ၽြႃး​ပဵၼ်​ၸဝ်ႈ​ၼႆႉ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="17">ၶိင်း​ပဵၼ်​ၶႃႈ​ၸဝ်ႈ​ႁဝ်း​ၵေႃႈ​ဝႃႈ၊ ႁႂ်ႈ​ဢမိင်ႉ​ၸဝ်ႈ​ၵဝ် ၸဝ်ႈ​ၶုၼ်​လူင်​ၼၼ်ႉ ပၼ်​ၵတ်း​ယဵၼ်​ၶျၢမ်း​သႃႇ​သေ​ၵမ်း​လူၺ်ႈ။ ၸဝ်ႈ​ၵဝ်​ၸဝ်ႈ​ၶုၼ်​လူင် ၸၵ်း​ၽႄ​လႄႈ​ႁူႉ​လွင်ႈ​တၢင်း​ဢၼ်​လီ ဢၼ်​ဢမ်ႇ​လီ​ၼၼ်ႉ​လႆႈ​မိူၼ်​ၸိူဝ်ႉ​ၼင်ႇ​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယူႇ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ၼၼ်ႉ တၵ်း​မီး​ယူႇ​လူၺ်ႈ​ၵၼ်​တင်း​ၸဝ်ႈ​ႁဝ်း​တီႈ​ၶႃႈ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​မီး​ဢမိင်ႉ​တီႈ​မႄႈ​ယိင်း​ၼၼ်ႉ​လႄႈ​ဝႃႈ၊ မႂ်း​ယႃႇ​ပေ​သိူင်ႇ​ပေ​ဢမ်​လွင်ႈ​တၢင်း​ဢၼ်​ၵဝ်​တွင်ႈ​ထၢမ်​တီႈ​မႂ်း​ၼၼ်ႉ ဝႆႉ​သေ​ၵႃႈ​တီႈ​ၵဝ်​သေ​ၵမ်း။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မႄႈ​ယိင်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​တီႈ​ၶႃႈ၊ မီး​ဢမိင်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၶုၼ်​ႁေႃ​ၶမ်း​ၵေႃႈ​ထၢမ်​လႄႈ​ဝႃႈ၊ ၼႂ်း​လွင်ႈ​တၢင်း​ၵႃႈ​မီး​ၼႆႉ ယႂႃႇၽႃႉ ​ပၼ်​တၢင်း​ၵျၢမ်ႇ​တၢင်း​ပွင်​တီႈ​မႂ်း​ဢမ်ႇ​ၸႂ်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မႄႈ​ယိင်း​ၼၼ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​တီႈ​ၶႃႈ၊ ၵႃႈ​ၼင်ႇ​ဢၼ်​ၸဝ်ႈ​ႁဝ်း​ဢသၢၵ်ႈ​လိပ်း​ယူႇ​ၼၼ်ႉ၊ ၽူႈ​လႂ်​ဢမ်ႇ​ဝႄႈ​ပိူင်ႈ​သေ​ၵႃႈ​တီႈ​သဵၼ်ႈ​တၢင်း​ဢၼ်​ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​မီး​ဢမိင်ႉ​ၼၼ်ႉ​ၵႂႃႇ​ၽၢႆႇ​ၶႂႃ​ၽၢႆႇ​သၢႆႉ​လႆႈ​တီႈ​ၶႃႈ။ ၶႃႈ​ၸဝ်ႈ​ႁဝ်း​ ယႂႃႇၽႃႉ ​ၼၼ်ႉ သင်ႇ​လၢတ်ႈ​ဝႆႉ​တီႈ​ၶိင်း​ပဵၼ်​ၶႃႈ​လႄႈ ဢဝ်​ၵႂၢမ်း​တင်း​သဵင်ႈ​တင်း​လူင်​ၼႆႉ သႂ်ႇ​ဝႆႉ​ၵႃႈ​ၼႂ်း​သူပ်း​ၶိင်း​ပဵၼ်​ၶႃႈ​တီႈ​ၶႃႈ​ဢေႃႈ။-</verse>
				<verse number="20">ၶႃႈ​ၸဝ်ႈ​ႁဝ်း​ ယႂႃႇၽႃႉ ​ၼၼ်ႉ ၸီႇ​ယၢင်ႇ​ႁႂ်ႈ​ႁဵတ်း​ၸွမ်း​ပုင်ႇ​ႁၢင်ႈ​ၸိူဝ်ႉ​ၼင်ႇ​ၼၼ်​လႄႈ ၸဝ်ႈ​ႁဝ်း​ၵေႃႈ​မီး​ပိင်ႇ​ၺႃႇ​ၸိူဝ်ႉ​ၼင်ႇ​ဢၼ် တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​မီး​ပိင်ႇ​ၺႃႇ​ၼၼ်ႉ တေႃႇ​ထိုင်​ႁွတ်ႈ​ထၼ်ႈ​ပေႃး​ႁူႉ​ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း​ၼႆႉ​လႆႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​မီး​ဢမိင်ႉ​တီႈ​ ယႂႃႇၽႃႉ ​လႄႈ​ဝႃႈ၊ ဢမူႉ​ၼႆႉ​ၸိုင်​ၵဝ်​လႆႈ​ၸီႇ​ယၢင်ႇ​ယဝ်ႉ။ ပိူဝ်ႈ​ၼႆ​လႄႈ မႂ်း​ၵႂႃႇ​လႄႈ​ႁွင်ႉ​ဢဝ်​ ဢပႃႉသလုမ်ႇ ​ဢွၼ်ႇ​ၼၼ်ႉ​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ယႂႃႇၽႃႉ ​ၵေႃႈ​ၶုပ်ႉ​မူပ်ႇ​ၵႃႈ​ၼိူဝ်​လိၼ်​ယူႇ​သေ​လႄႈ ဝႆႈ​လႄႈ​ယွင်ႈ​ယေႃး​ၵျေး​ၸူး​ၶုၼ်​ႁေႃ​ၶမ်း​လႄႈ​ဝႃႈ၊ ၸဝ်ႈ​ႁဝ်း​ၶႃႈ​ၸဝ်ႈ​ၶုၼ်​လူင်​တီႈ​ၶႃႈ၊ ဝၼ်း​မိူဝ်ႈ​ၼႆႉ ၶႃႈ​ၸဝ်ႈ​ႁဝ်း​ႁူႉ​လွင်ႈ​ဢၼ်​ၶႃႈ​ၸဝ်ႈ​ထူပ်း​ၵျေး​ၸူး သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း ၵွပ်ႈ​ပိူဝ်ႈ​ဢၼ်​ၸဝ်ႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၶႃႈ​ၸဝ်ႈ​လဝ်ႊ​ယွၼ်း​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">လိုၼ်း​ၼၼ်ႉ​ ယႂႃႇၽႃႉ ​လုၵ်ႉ​လႄႈ ၵႂႃႇ​ၵႃႈ​တီႈ​ဝဵင်း​ ၵေႇသူႉရႃႉ ​သေ​ယဝ်ႉ၊ ဢဝ်​ ဢပႃႉသလုမ်ႇ ​မႃး ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="24">ၶုၼ်​ႁေႃ​ၶမ်း​ၵေႃႈ​မီး​ဢမိင်ႉ​လႄႈ​ဝႃႈ၊ ႁႂ်ႈ​မၼ်း​ဝႄႉ​ၵႂႃႇ​ၸူး​ၵႃႈ​တီႈ​ႁိူၼ်း​မၼ်း​သေ။ ယႃႇ​ပေ​ႁႂ်ႈ​မၼ်း​ႁၼ်​ၼႃႈ​ၵဝ်၊ ဝႃႈ​ၼင်ႇ​ၼႆ​လႄႈ ဢပႃႉသလုမ်ႇ ​ဝႄႉ​ၵႂႃႇ​ၸူး​ၵႃႈ​တီႈ​ႁိူၼ်း​မၼ်း​သေ​လႄႈ မၼ်း​ဢမ်ႇ​လႆႈ​ႁၼ်​ၼႃႈ​ၶုၼ်​ႁေႃ​ၶမ်း။</verse>
				<verse number="25">ၼႂ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​မူတ်း​ၼၼ်ႉ၊ ၵေႃႉ​ဢၼ်​ႁၢင်ႈ​လီ​မိူၼ်​ၸိူဝ်ႉ​ၼင်ႇ​ ဢပႃႉသလုမ်ႇ ​လႄႈ လႆႈ​ၶၢမ်ႇ​တၢင်း​ဢၼ်​ယွင်ႈ​ယေႃး​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။ ၸႃႉ​ၸဵမ်​ၽႃႇ​တိၼ်​မၼ်း​လႄႈ​တေႃႇ​ထိုင်​ႁွတ်ႈ​ၸိၵ်း​ႁူဝ်​မၼ်း ဢမ်ႇ​မီး​ဢပႅတ်ႈ​သေ​ၸိူဝ်ႉ​သေ​ဢၼ်။-</verse>
				<verse number="26">မိူဝ်ႈ​ဢၼ်​မၼ်း​တႅပ်း​ၶူၼ်​ႁူဝ်​မၼ်း​ၼၼ်ႉ​ၸိုင် မၼ်း​ၸင်ႈ​ႁိဝ်ႈ​ၶူၼ်​ႁူဝ်​မၼ်း​ၼၼ်ႉ ၸွမ်း​လူၺ်ႈ​ၵျၢပ်ႈ​ၶုၼ်​ႁေႃ​ၶမ်း​သေ​လႄႈ လႆႈ​သွင်​ပၢၵ်ႇ​ၵျၢပ်ႈ​ သၶေးလႃႉ ​ဢေႃႈ။ မၼ်း​တႅပ်း​ပႅတ်ႈ​ၼႂ်း​တီႈ​သုတ်း​တီႈ​ၵွႆ​ပီႊ ၵူႈ​ပီႊ​လႄႈ တႅပ်း​ပႅတ်ႈ​ၵွပ်ႈ​ပိူဝ်ႈ​ဢၼ်​ၶူၼ်​ႁူဝ်​မၼ်း​ၼၼ်ႉ ၼၵ်း​ၼႃႇ​ၼၼ်ႉ​ဢေႃႈ။-</verse>
				<verse number="27">ဢပႃႉသလုမ်ႇ ​ၼၼ်ႉ လႆႈ​လုၵ်ႈ​ၸၢႆး​သၢမ်​ၵေႃႉ ဢိၵ်ႇ​တင်း​လုၵ်ႈ​ယိင်း​ဢၼ်​လႆႈ​ၸိုဝ်ႈ​ တႃႇမႃႇ ​ၼၼ်ႉ ၵေႃႉ​ၼိုင်ႈ​ဢေႃႈ။ လုၵ်ႈ​ယိင်း​ၼၼ်ႉ ပဵၼ်​ၵေႃႉ​ဢၼ်​ႁၢင်ႈ​လီ​ၼႃႇ​လူင်​လၢင်​ဢေႃႈ။</verse>
				<verse number="28">ဢပႃႉသလုမ်ႇ ​ၼၼ်ႉ ယင်း​ဢမ်ႇ​လႆႈ​ႁၼ်​ၼႃႈ​ၶုၼ်​ႁေႃ​ၶမ်း​လႄႈ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သွင်​ပီႊ​သေ​ယဝ်ႉ၊-</verse>
				<verse number="29">ဢပႃႉသလုမ်ႇ ​ပွႆႇ​ၸႂ်ႉ​ႁွင်ႉ​ဢဝ်​ ယႂႃႇၽႃႉ ႁႂ်ႈ​လႆႈ​ပွႆႇ​ၸႂ်ႉ​မၼ်း​ၵႂႃႇ​ၵႃႈ​တီႈ​ၶုၼ်​ႁေႃ​ၶမ်း​သေ​ၵေႃႈ​ ယႂႃႇၽႃႉ ​ဢမ်ႇ​မႃး။ ႁွင်ႉ​ဢဝ်​ၵမ်း​တူႉတီႉယႃႉ​သေ​ၵေႃႈ​ဢမ်ႇ​မႃး။-</verse>
				<verse number="30">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ​မၼ်း​ၼၼ်ႉ လၢတ်ႈ​တီႈ​ၶႃႈ​မၼ်း​ၵူၼ်း​မၼ်း​တင်း​လၢႆ​လႄႈ​ဝႃႈ၊ တူၺ်း​လူး၊ တူင်ႈ​ၼႃး​ ယႂႃႇၽႃႉ ​ၼၼ်ႉ ၸမ်​ၵၼ်​တင်း​တီႈ​ယူႇ​ႁဝ်း​လႄႈ မီး​ၶဝ်ႈ​မူႉ​ယေႃး​ဢေႃႈ။ ဢွၼ်​ၵၼ်​ၵႂႃႇ​လႄႈ​ဢဝ်​ၽႆး​တုတ်ႇ​တႃႉ၊ ဝႃႈ​ၼင်ႇ​ၼႆ​လႄႈ၊ ၶႃႈ​ၵူၼ်း​ ဢပႃႉသလုမ်ႇ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​ၽႆး​တုတ်ႇ​ဢေႃႈ။-</verse>
				<verse number="31">မိူဝ်ႈ​ၼၼ်ႉ​ ယႂႃႇၽႃႉ ​လုၵ်ႉ​လႄႈ ၵႂႃႇ​ၸူး​ၵႃႈ​တီႈ​ႁိူၼ်း​ ဢပႃႉသလုမ်ႇ ​လႄႈ လဝ်ႊ​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶႃႈ​ၵူၼ်း​ၸဝ်ႈ​ႁဝ်း​ၸိူဝ်း​ၼၼ်ႉ ဢဝ်​ၽႆး​တုတ်ႇ​တူင်ႈ​ၼႃး​ၶႃႈ​ၸဝ်ႈ​ၼင်ႇ​ႁိုဝ်​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်။-</verse>
				<verse number="32">ဢပႃႉသလုမ်ႇ ​ၶိုၼ်း​လၢတ်ႈ​တီႈ​ ယႂႃႇၽႃႉ ​လႄႈ​ဝႃႈ၊ တူၺ်း​လူး၊ ၵဝ်​ပွႆႇ​ၸႂ်ႉ​ႁွင်ႉ​ဢဝ်​မႂ်း​လႄႈ​ဝႃႈ၊ မႃး​ၵႃႈ​တီႈ​ၼႆႈ ႁႂ်ႈ​ၵဝ်​လႆႈ​ပွႆႇ​ၸႂ်ႉ​မႂ်း​ၵႂႃႇ​ၵႃႈ​တီႈ​ၶုၼ်​ႁေႃ​ၶမ်း ႁႂ်ႈ​မႂ်း​လဝ်ႊ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶႃႈ​ၸဝ်ႈ​ၼႆႉ​လႆႈ​လုၵ်ႉ​သေ​ၵႃႈ​တီႈ​ဝဵင်း​ ၵေႇသူႉရႃႉ ​မႃး​ၼင်ႇ​ႁိုဝ်​တီႈ​ၶႃႈ၊ ထုၵ်ႇ​လီ​ယူႇ​ၵႃႈ​တီႈ​ဝဵင်း​ၼၼ်ႉ​ယူႇ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​လဵဝ်​ၼႆႉ ႁႂ်ႈ​ၵဝ်​လႆႈ​ႁၼ်​ၼႃႈ​ၶုၼ်​ႁေႃ​ၶမ်း​သေ​ၵမ်း။ ပေႃး​ၵဝ်​မီး​ဢပႅတ်ႈ​ၸိုင်၊ ႁႂ်ႈ​မၼ်း​ၸဝ်ႈ​ဢဝ်​ၵဝ်​တၢႆ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="33">ယႂႃႇၽႃႉ ၵႂႃႇ​တီႈ​ၶုၼ်​ႁေႃ​ၶမ်း​လႄႈ လဝ်ႊ​လၢတ်ႈ​သေ​လႄႈ မၼ်း​ႁွင်ႉ​ဢဝ်​ ဢပႃႉသလုမ်ႇ ​ဢေႃႈ။ မၼ်း​ၼၼ်ႉ​ၵေႃႈ မႃး​လႄႈ​ဝၢင်း​ႁူဝ်​ၶုပ်ႉ​မူပ်ႇ​ၵႃႈ​ၼိူဝ်​လိၼ် ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​လႄႈ ၶုၼ်​ႁေႃ​ၶမ်း​ၼူမ်​ ဢပႃႉသလုမ်ႇ ​ဢေႃႈ။</verse>
			</chapter>
			<chapter number="15">
				<verse number="1">လိုၼ်း​ၼၼ်ႉ​ ဢပႃႉသလုမ်ႇ ​ၼၼ်ႉ ပွင်​ႁႅၼ်း​လေႃႉရထႃး ဢိၵ်ႇ​တင်း​မႃႉ တင်း​ၵူၼ်း​ႁႃႈ​သိပ်း ဢၼ်​လႆႈ​ၶုၼ်ႇ​လႅၼ်ႈ​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="2">ဢပႃႉသလုမ်ႇ ​ၼၼ်ႉ ၸၢင်ႈ​လုၵ်ႉ​ၸဝ်ႉ​ၸဝ်ႉ​သေ​လႄႈ ၸုၵ်း​ယူႇ​ၵႃႈ​တီႈ​သဵၼ်ႈ​တၢင်း​ႁူး​ၽၵ်း​တူ​ဢေႃႈ။ မိူဝ်ႈ​ဢၼ်​ၵေႃႉ​ဢၼ်​မီး​ဢမူႉ​ၼၼ်ႉ မႃး​ၸူး​ၵႃႈ​တီႈ​ၶုၼ်​ႁေႃ​ၶမ်း ႁႂ်ႈ​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​တႅပ်း​တတ်း​ၼၼ်ႉ​ၸိုင်၊ ဢပႃႉသလုမ်ႇ ​ထၢမ်​လႄႈ​ဝႃႈ၊ မႂ်း​ၼႆႉ​ပဵၼ်​ၵူၼ်း​ဝဵင်း​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ မိူဝ်ႈ​ဢၼ်​ၵေႃႉ​ၼၼ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ၼႆႉ​ပဵၼ်​မဵဝ်း​ၸိူဝ်ႉ​ၶိူဝ်း​ ဢီႉသရေႇလႃႉ ဢၼ်​ၸိူဝ်း​ၼၼ်ႉ ဢၼ်​ၸိူဝ်း​ၼႆႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="3">ဢပႃႉသလုမ်ႇ ​ၸင်ႇ​လၢတ်ႈ​လႄႈ​ဝႃႈ တူၺ်း​လူး၊ ဢမူႉ​မႂ်း​ၼႆႉ​ၸိုဝ်ႈ​ၸႂ်ႈ​လီ​ငၢမ်း​ဢေႃႈ။ ၵူၺ်း​ၵႃႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လႆႈ​ၶၢမ်ႇ​ဢဝ်​ဢၶႂၢင်ႉ​တီႈ​ၶုၼ်​ႁေႃ​ၶမ်း ႁႂ်ႈ​လႆႈ​ထွမ်ႇ​ဢဝ်​ဢမူႉ​မႂ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မၢင်​ၽဝ်ႇ​မၢင်​ပွၵ်ႈ ဢပႃႉသလုမ်ႇ ​လၢတ်ႈ​လႄႈ​ဝႃႈ၊ ႁႂ်ႈ​ၵဝ်​ပဵၼ်​ၶုၼ်​ဢၼ်​ၸီႇ​ယၢင်ႇ​တြႃး​ၵႃႈ​တီႈ​မိူင်း​ၼႆႉ​သေ​ၵမ်း​လူၺ်ႈ။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵႃႈ​ပဵၼ်​ၶဝ်​ၸိူဝ်း​ဢၼ်​မီး​ဢမူႉ​တြႃး​ၼၼ်ႉ မႃး​ၸူး​ၵႃႈ​တီႈ​ၵဝ်​လႄႈ ၵဝ်​တၵ်း​ၸီႇ​ယၢင်ႇ​ၸွမ်း​ၼင်ႇ​တြႃး​တီႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ဢၼ်​သေ​ၵေႃႉ​သေ​ၵူၼ်း သုတ်ႉ​ၸပ်း​သုတ်ႉ​ၸူး ႁႂ်ႈ​လႆႈ​ႁဵတ်း​ရူဝ်ႇ​သေႇ​ၵူဝ်​ယမ်​ၼၼ်ႉ​ၸိုင်၊ မၼ်း​ယဵတ်ႇ​မိုဝ်း​မၼ်း​ယိပ်း​ၵမ်​ဢဝ်​ၵေႃႉ​ၼၼ်ႉ​သေ​လႄႈ​ၼူမ်​ဢေႃႈ။-</verse>
				<verse number="6">ၼင်ႇ​ၼၼ်​လႄႈ ဢပႃႉသလုမ်ႇ ​ႁဵတ်း​တီႈ​ၵူၼ်း​မဵဝ်း​ ဢီႉသရေႇလႃႉ ၵႃႈ​ဢၼ်​မႃး​တီႈ​ၶုၼ်​ႁေႃ​ၶမ်း ႁႂ်ႈ​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​တႅပ်း​တတ်း​ၼၼ်ႉ​ၸိူဝ်း​ၼၼ်ႉ​လႄႈ လၵ်ႉ​ဢဝ်​ႁူဝ်​ၸႂ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။</verse>
				<verse number="7">မိူဝ်ႈ​ဢၼ်​ပူၼ်ႉ​သေ​သီႇ​ပီႊ​ယဝ်ႉ​ၼၼ်ႉ၊ ဢပႃႉသလုမ်ႇ ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၶႅၼ်း​တေႃႈ​ပၼ်​ဢၶႂၢင်ႉ​ႁႂ်ႈ​ၶႃႈ​ၸဝ်ႈ​လႆႈ​ၵႂႃႇ​ၵႃႈ​တီႈ​ဝဵင်း​ ႁေႇပြုၼ်ႇ ​လႄႈ ၽေႇ​ဝၢတ်ႈ​ၵတီႉ​သဵတ်ႈ​ၸႃႇ​ဢၼ်​ၶႃႈ​ၸဝ်ႈ​ဝႆႉ​ၵတီႉ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="8">လွင်ႈ​မၼ်း​ၸမ်ႉ ၶႃႈ​ၸဝ်ႈ​ႁဝ်း​လႆႈ​ႁဵတ်း​ၵတီႉ​သဵတ်ႈ​ၸႃႇ​ဝႆႉ ၼႂ်း​မိူဝ်ႈ​ဢၼ်​ၶႃႈ​ၸဝ်ႈ​ႁဝ်း​ယင်း​ယူႇ​ၵႃႈ​တီႈ​ဝဵင်း​ ၵေႇသူႉရႃႉ မိူင်း​ သူႉရီႉ ​ၼၼ်ႉ​လႄႈ​ဝႃႈ၊ ပေႃး​ထႃႇဝရႃႉ​ၽြႃး ဢဝ်​ၵဝ်​ၶႃႈ​ၶိုၼ်း​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၸိုင်၊ ၵဝ်​ၶႃႈ​တၵ်း​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ၵႂႃႇ​ၼိမ်​ၼိမ်​လီ​လီ​တႃႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ မၼ်း​လုၵ်ႉ​လႄႈ​ၵႂႃႇ​ၵႃႈ​တီႈ​ဝဵင်း​ ႁေႇပြုၼ်ႇ ​ဢေႃႈ။</verse>
				<verse number="10">ၵူၺ်း​ၵႃႈ ဢပႃႉသလုမ်ႇ ​ပွႆႇ​ၸႂ်ႉ ၶဵဝ်​လွတ်ႈ​ၽၢႆႇ​ၼႂ်း​တင်း​လၢႆ ၵႂႃႇ​ၸွတ်ႇ​ၸႅတ်ႇ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ၵႃႈ​မီး ၵူႈ​တီႈ​ၵူႈ​လႅၼ်​လႄႈ သင်ႇ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​သူ​ငိၼ်း​သဵင်​ဢၼ် ပဝ်ႇ​တိုင်ႈ​ၼႄးၶရႃႇ​ၼၼ်ႉ​ၸိုင်၊ သူ​ဢွၼ်​ၵၼ်​လၢတ်ႈ​လႄႈ​ဝႃႈ၊ ဢပႃႉသလုမ်ႇ ၼင်ႈ​ႁၢင်ႈ​ၼင်ႈ​ႁေႃ​ၵႃႈ​တီႈ​ဝဵင်း​ ႁေႇပြုၼ်ႇ ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၵူၼ်း​သွင်​ပၢၵ်ႇ ဢၼ်​ ဢပႃႉသလုမ်ႇ ​ႁွင်ႉ​ဢဝ်​ပၢင်း​ဢဝ်​ၼၼ်ႉ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၵႂႃႇ​လူၺ်ႈ​ၵၼ်​တင်း​မၼ်း​ဢေႃႈ။ ၶဝ်​ၼၼ်ႉ​မီး​တင်း​ၸႂ်​ဢၼ်​လီ​ဢၼ်​ငၢမ်း​သေ​လႄႈ ၸွမ်း​ၵႂႃႇ​လႄႈ​ဢမ်ႇ​ႁူႉ​လွင်ႈ​ဢမူႉ​ၼၼ်ႉ​လႃး​လႃး။-</verse>
				<verse number="12">ဢပႃႉသလုမ်ႇ ​ပွႆႇ​ၸႂ်ႉ​ႁွင်ႉ​ဢဝ် ဢႁီႉသေႃႇၽေးလႃႉ ၵူၼ်း​ဝဵင်း​ ၵီႉလေႃႇ ၊ ဢမၢတ်ႈ​ဢၼ်​တိူင်ႇ​ပၢင်ႇ​ႁူမ်ႈ​ တႃႇဝိတ်ႈ ​ၼၼ်ႉ သေ​ၵႃႈ​တီႈ​ဝဵင်း​တီႈ​ယူႇ​မၼ်း ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ပုၵ်ႈ​ၸေႃႇ​ယိတ်ႈ​ယူႇ​ၼၼ်ႉ​ဢေႃႈ။ ဢမူႉ​လွင်ႈ​တၢင်း​ဢၼ်​ပုင်ႇ​ၵၢၼ်ႇ​ၼၼ်ႉ ႁႅင်း​ယႂ်ႇ​ၵွပ်ႈ​ပိူဝ်ႈ​ဢၼ် ၶဝ်​ၸိူဝ်း​ဢၼ်​ၸွမ်း​လင်​ ဢပႃႉသလုမ်ႇ ​ၼၼ်ႉ ယႂ်ႇ​ၽႄႈ​ၼမ်​မႃး​ယူႇ​သေႇ​သေႇ​ၼၼ်ႉ​ဢေႃႈ။-</verse>
				<verse number="13">ၵေႃႉ​ဢၼ်​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ ၵေႃႉ​ၼိုင်ႈ​မႃး​ၵႃႈ​တီႈ​ တႃႇဝိတ်ႈ ​လႄႈ လဝ်ႊ​လၢတ်ႈ​လႄႈ​ဝႃႈ၊ ႁူဝ်​ၸႂ်​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၼၼ်ႉ ပႃး​ၸွမ်း​ ဢပႃႉသလုမ်ႇ ​ၵႂႃႇ​ယဝ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">တႃႇဝိတ်ႈ ​ၵေႃႈ​မီး​ဢမိင်ႉ​တီႈ​ၶႃႈ​ၵူၼ်း​မၼ်း​ၵႃႈ​ဢၼ်​မီး​တီႈ​မၼ်း ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​လႄႈ​ဝႃႈ၊ ႁဝ်း​ဢွၼ်​ၵၼ် လုၵ်ႉ​လႄႈ​ပၢႆႈ​တႃႉ​ႁဝ်း။ ပေႃး​ဢမ်ႇ​ၼၼ် ႁဝ်း​တၵ်း​ဢမ်ႇ​လွတ်ႈ​သေ​ၵႃႈ​ၼႂ်း​မိုဝ်း​ ဢပႃႉသလုမ်ႇ ​ၼၼ်ႉ​ၵူၺ်ႉ။ ဢွၼ်​ၵၼ်​ၸဵဝ်း​ဢွၵ်ႇ​ၵႂႃႇ​တႃႉ​ႁဝ်း။ ၵူဝ်​မၼ်း​တၵ်း​ၶိုတ်း​ႁဝ်း​ၵမ်း​လဵဝ်​သေ​လႄႈ ႁဵတ်း​ၽေး​သႂ်ႇ​တီႈ​ႁဝ်း​လႄႈ တိုၵ်း​တေႃး​ယႃႉ​ပႅတ်ႈ​ဝဵင်း​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၶႃႈ​ၵူၼ်း​ၶုၼ်​ႁေႃ​ၶမ်း​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ်​တၵ်း​ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​ၸီႇ​ယၢင်ႇ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="16">ၶုၼ်​ႁေႃ​ၶမ်း​ပႃး​ဢဝ်​ၵူၼ်း​ႁၢင်ႈ​ၵူၼ်း​ႁေႃ​ၵႃႈ​မီး​ဢွၵ်ႇ​ၵႂႃႇ​ဢေႃႈ။ ၵူၺ်း​ၵႃႈ ၶုၼ်​ႁေႃ​ၶမ်း​ဝႆႉ​ၵိုတ်း​ၸိူင်ႉ​ၼၢင်း​သိပ်း​ၼိုင်ႈ ႁႂ်ႈ​လႆႈ​ပႂ်ႉ​ႁၢင်ႈ​ပႂ်ႉ​ႁေႃ​ၸဝ်ႈ​ယူႇ​ဢေႃႈ။-</verse>
				<verse number="17">ၼင်ႇ​ၼၼ်​လႄႈ ၶုၼ်​ႁေႃ​ၶမ်း​ဢိၵ်ႇ​တင်း ၵူၼ်း​ၵႃႈ​ဢၼ်​ပႃး​တီႈ​မၼ်း​ၸိူဝ်း​ၼၼ်ႉ ဢွၵ်ႇ​ၵႂႃႇ​လႄႈ​ၶျႃး​ပၢင်​ၵႃႈ​တီႈ​ဝၢၼ်ႈ​ ပႅတ်ႉ​ႁမ်ႇ​မိုဝ်ႉ​ႁုၵ်ႇ ​ဢေႃႈ။-</verse>
				<verse number="18">ၶႃႈ​ၸဝ်ႈ​ၵူၼ်း​ၸဝ်ႈ​ၵႃႈ​မီး​ၼၼ်ႉ ဢွၼ်​ၵၼ်​လွမ်ႉ​ႁွပ်ႈ​ယူႇ​သေ​လႄႈ ၸွမ်း​ၵႂႃႇ​ဢေႃႈ။ ၵႃႈ​ပဵၼ်​ၵူၼ်း​ ၶေးရသီႉ ​လႂ်၊ ၵႃႈ​ပဵၼ်​ၵူၼ်း​ ပေႇလသီႉ ​လႂ်၊ ၵႃႈ​ပဵၼ်​ၵူၼ်း​ ၵိတ်ႉတီႉ ​လႂ်၊ ဢၼ်​ဝႃႈ​ၵူၼ်း​ႁူၵ်း​ပၢၵ်ႇ ဢၼ်​လုၵ်ႉ​သေ​ၵႃႈ​တီႈ​ဝဵင်း​ ၵႃႇသႃႉ ​ၸွမ်း​မႃး​ၸိူဝ်း​ၼၼ်ႉ ၶီႇ​ၵႂႃႇ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ဢေႃႈ။</verse>
				<verse number="19">မိူဝ်ႈ​ၼၼ်ႉ ၶုၼ်​ႁေႃ​ၶမ်း​မီး​ဢမိင်ႉ​တီႈ​ ဢိတ်ႉတေႇ ၵူၼ်း​ ၵိတ်ႉတီႉ ​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၸွမ်း​လူၺ်ႈ​ၵၼ်​တင်း​ႁဝ်း​မႃး​ၼင်ႇ​ႁိုဝ်။ ၶိုၼ်း​မိူဝ်း​လႄႈ​ယူႇ​ၵႃႈ​တီႈ​ၶုၼ်​ႁေႃ​ၶမ်း​တႃႉ။ မႂ်း​ၼႆႉ​ပဵၼ်​ၶႅၵ်ႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ဢမ်ႇ​ပႆႇ​တူၵ်း​တီႈ​တူၵ်း​လႅၼ်​ဢေႃႈ။-</verse>
				<verse number="20">ၵွပ်ႈ​ပိူဝ်ႈ​ဢၼ်​မႂ်း​ၸင်ႇ​ႁွတ်ႈ​မႃး​မိူဝ်ႈ​ဝႃး​ၵူၺ်း​လႄႈ မိူဝ်ႈ​ၼႆႉ​ၵဝ်​တၵ်း​လႆႈ​ႁႂ်ႈ​မႂ်း​လႄႇ​ၵႂႃႇ​လႄႇ​မႃး​ၸွမ်း​လူၺ်ႈ​ၵၼ်​တင်း​ႁဝ်း ၵွပ်ႈ​ပိူဝ်ႈ​ဢၼ်​ၵဝ်​လႆႈ​ၵႂႃႇ​ၸွမ်း​ၵႃႈ​ၼင်ႇ​ဢၼ်​ၵဝ်​မီး​ဢၶႂၢင်ႉ ဢၼ်​လႆႈ​ၵႂႃႇ​ၼၼ်ႉ​ႁိုဝ်။ မႂ်း​ႁွင်ႉ​ဢဝ်​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​သေ​လႄႈ​မိူဝ်း​ၵႂႃႇ​တႃႉ။ ႁႂ်ႈ​ၵရူႉၼႃႇ ဢိၵ်ႇ​တင်း​သဵတ်ႈ​ၸႃႇ မီး​တီႈ​မႂ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ဢိတ်ႉတေႇ ​ၵေႃႈ​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၵႃႈ​ၼင်ႇ​ဢၼ်​ဢသၢၵ်ႈ​ထႃႇဝရႃႉ​ၽြႃး​လိပ်း​ယူႇ​ၼၼ်ႉ၊ ၵႃႈ​ၼင်ႇ​ဢၼ်​ဢသၢၵ်ႈ​ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​ဢသၢၵ်ႈ​လိပ်း​ယူႇ​ၼၼ်ႉ၊ ဢသၢၵ်ႈ​ၸဝ်ႈ​ၶုၼ်​လူင်​သုမ်း​သေ​ဢမ်ႇ​ဝႃႈ၊ ၵတ်း​ယဵၼ်​ၶျၢမ်း​သႃႇ​သေ​ဢမ်ႇ​ဝႃႈ၊ ၶႃႈ​ၸဝ်ႈ​ႁဝ်း​ၼႆႉ တၵ်း​မီး​ယူႇ​ၵႃႈ​တီႈ​ဢၼ်​ၸဝ်ႈ​ႁဝ်း​မီး​ၼၼ်ႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">တႃႇဝိတ်ႈ ​မီး​ဢမိင်ႉ​တီႈ​ ဢိတ်ႉတေႇ ​လႄႈ​ဝႃႈ၊ ၶီႇ​ၵႂႃႇ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢိတ်ႉတေႇ ​ၵူၼ်း​ ၵိတ်ႉတီႉ ​ၼၼ်ႉ ပႃး​ဢဝ်​ၵူၼ်း​လူင်​ၵူၼ်း​ဢွၼ်ႇ​ၵႃႈ​ဢၼ်​မီး​တီႈ​မၼ်း​ၼၼ်ႉ​ၶီႇ​ၵႂႃႇ​ဢေႃႈ။-</verse>
				<verse number="23">ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင်​ဢွၼ်​ၵၼ်​ႁဵတ်း​သဵင်​ဢၼ်​ယႂ်ႇ​ၼႃႇ​ႁႆႈ​ႁွင်ႉ​ၼႃႇ​လူင်​လၢင်​ဢေႃႈ။ ၵူၼ်း​ၵႃႈ​မီး​ၼၼ်ႉ​ၶီႇ​ၵႂႃႇ​လႄႈ တူဝ်​ၶုၼ်​ႁေႃ​ၶမ်း ၶၢမ်ႈ​ၼမ်ႉ​ႁွင်ႈ​ ၵီႉတြုၼ်ႇ ​သေ​ယဝ်ႉ၊ ၵူၼ်း​ၵႃႈ​မီး​ၼၼ်ႉ ဢွၼ်​ၵၼ်​ၶၢမ်ႈ​ၸူး​သဵၼ်ႈ​တၢင်း​ထိူၼ်ႇ​ဢေႃႈ။</verse>
				<verse number="24">ၸႃႇတုၵ်ႉ ဢိၵ်ႇ​တင်း​ၵူၼ်း​ လေႇဝီႉ ​ၵႃႈ​မီး​ၵေႃႈ ႁၢမ်​ဢဝ်​တိူၵ်ႈ​တႃႇ​ပတီႉၺိၺ်ႇ​ၽြႃး​ပဵၼ်​ၸဝ်ႈ​သေ​လႄႈ​ႁွတ်ႈ​မႃး​လႄႈ ၶျႃး​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ​ဝႆႉ​ဢေႃႈ။ ဢႃႇပျႃႇထႃႇ ​ၼၼ်ႉ​ႁွတ်ႈ​မႃး​လႄႈ ၵိုတ်း​သဝ်း​ယူႇ​တေႃႇ​ထိုင်​ႁွတ်ႈ​ၵူၼ်း​ထၼ်ႈ​ပေႃး​ဢွၵ်ႇ​သေ ၵႃႈ​ၼႂ်း​ဝဵင်း​တင်း​သဵင်ႈ​တင်း​မူတ်း​ၼၼ်ႉ​ဢေႃႈ။-</verse>
				<verse number="25">ၶုၼ်​ႁေႃ​ၶမ်း​မီး​ဢမိင်ႉ​တီႈ​ ၸႃႇတုၵ်ႉ ​လႄႈ​ဝႃႈ၊ ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၶိုၼ်း​မိူဝ်း​သူင်ႇ​ဝႆႉ​ၵႃႈ​ၼႂ်း​ဝဵင်း​တႃႉ။ ပေႃး​ၵဝ်​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ၸိုင်၊ မၼ်း​ၸဝ်ႈ​တၵ်း​ဢဝ်​ၵဝ်​ၶိုၼ်း​မႃး​လႄႈ​ၼႄ​ပျႃး​တိူၵ်ႈ​တႃႇ​ၸဝ်ႈ​ဢိၵ်ႇ​တင်း​တီႈ​ဢၼ်​မၼ်း​ၸဝ်ႈ​ၵိင်း​ဝၢပ်ႈ​ယူႇ​ၼၼ်ႉ​ဢေႃႈ။-</verse>
				<verse number="26">ဢမ်ႇ​ၼၼ်​ၵေႃႈ ပေႃး​မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ၵဝ်​ဢမ်ႇ​မီး​ဢလူဝ်ႇ​တီႈ​မႂ်း​ယဝ်ႉ၊ ဝႃႈ​ၼင်ႇ​ၼႆ​ၸိုင်၊ ၵဝ်​မီး​ယူႇ​ဢေႃႈ။ ႁႂ်ႈ​မၼ်း​ၸဝ်ႈ​ႁဵတ်း​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​မီး​ဢလူဝ်ႇ​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ၶုၼ်​ႁေႃ​ၶမ်း​ၵေႃႈ သမ်ႉ​မီး​ဢမိင်ႉ​တီႈ​ယိတ်ႈပရေႃးႁဵၵ်ႈ​ ၸႃႇတုၵ်ႉ ​လႄႈ​ဝႃႈ၊ မႂ်း​ၼႆႉ​ပဵၼ်​ၵေႃႉ​ဢၼ်​တႃ​ပွင်ႇ​တႃ​လႅင်း​ဢမ်ႇ​ၸႂ်ႈ​ႁိုဝ်။ ႁွင်ႉ​ဢဝ်​လုၵ်ႈ​လၢင်း​မႂ်း​သွင်​ၵေႃႉ​ဢၼ်​ဝႃႈ​ ဢႁီႉမတ်ႉ ​လုၵ်ႈ​ၸၢႆး​မႂ်း ဢိၵ်ႇ​တင်း​ ယေႃးၼသၼ်ႇ ​လုၵ်ႈ​ၸၢႆး​ ဢႃႇပျႃႇထႃႇ ​ၸိူဝ်း​ၼၼ်ႉ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ၼိမ်​ၼိမ်​လီ​လီ​တႃႉ။-</verse>
				<verse number="28">ၸူဝ်ႈ​ဢၼ်​ၵႂၢမ်း​ဢၼ်​သူ​ႁႂ်ႈ​လဝ်ႊ​လၢတ်ႈ​ၼၼ်ႉ ဢမ်ႇ​ပႆႇ​ႁွတ်ႈ​ထိုင်​ၼၼ်ႉ​ၸိုင် ၵဝ်​တၵ်း​ၵိုတ်း​သဝ်း​ပႂ်ႉ​ထႃႈ​ယူႇ​ၵႃႈ​တီႈ​တိုဝ်ႉ​တႃႈ​တီႈ​ဢၼ်​ၶၢမ်ႈ​ၼမ်ႉ ၵႃႈ​ၼႂ်း​ထိူၼ်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="29">ၸႃႇတုၵ်ႉ ဢိၵ်ႇ​တင်း​ ဢႃႇပျႃႇထႃႇ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ ၶိုၼ်း​မိူဝ်း​သူင်ႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ယူႇ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="30">တႃႇဝိတ်ႈ ​ၵေႃႈ ၶိုၼ်ႈ​လွႆ​ သၢၼ်ႇလုၼ်ႇ ​တီႈ​ဢၼ်​လႆႈ​ၶိုၼ်ႈ​ၼၼ်ႉ​ယူႇ​သေ​လႄႈ ႁႆႈ​ႁွင်ႉ​ၸွမ်း​တၢင်း​ယူႇ၊ ႁူမ်ႇ​သုမ်ႇ​ႁူဝ်​မၼ်း​ယူႇ၊ ယင်း​ဢမ်ႇ​တိုဝ်း​ၶႅပ်း​တိၼ်​ယူႇ​ဢေႃႈ။ ၵူၼ်း​ၵႃႈ​ဢၼ်​ၸွမ်း​လင်​မၼ်း​ၵႂႃႇ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ႁူမ်ႇ​သုမ်ႇ​ႁူဝ်​ၶဝ်​ယူႇ၊ ႁႆႈ​ႁွင်ႉ​ၸွမ်း​တၢင်း​ယူႇ​သေ​လႄႈ​ၶိုၼ်ႈ​ဢေႃႈ။</verse>
				<verse number="31">မိူဝ်ႈ​ဢၼ်​ၵေႃႉ​ၼိုင်ႈ​လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ ဢႁီႉသေႃႇၽေးလႃႉ ပႃး​ၼႂ်း​မုၵ်ႉ​ၸိူဝ်း​ဢၼ်​ၽွမ်ႉ​ႁူမ်ႈ​လူၺ်ႈ​ၵၼ်​တင်း​ ဢပႃႉသလုမ်ႇ ​လႄႈ ပုင်ႇ​ၵၢၼ်ႇ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ တႃႇဝိတ်ႈ ​သူး​တွင်း​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႂ်ႈ​တၢင်း​ၵျၢမ်ႇ​တၢင်း​ပွင်​ဢၼ်​ ဢႁီႉသေႃႇၽေးလႃႉ ​ပၼ်​ၼၼ်ႉ ပဵၼ်​တၢင်း​ၵျၢမ်ႇ​တၢင်း​ပွင်​ဢၼ်​မိူၵ်ႈ​ၼႃႇ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">မိူဝ်ႈ​ဢၼ်​ တႃႇဝိတ်ႈ ​ႁွတ်ႈ​ထိုင်​ၵႃႈ​ၼိူဝ်​ပၢႆ​ၸိၵ်း​တီႈ​ဢၼ်​လႆႈ​ၶိုၼ်ႈ​ၼၼ်ႉ​လႄႈ ပဵၼ်​တီႈ​ဢၼ်​ယၢမ်ႈ​ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​ၼၼ်ႉ​ၸိုင်၊ ႁူႉသေး ၵူၼ်း​ ဢႃႇၶီႉ ​ၼၼ်ႉ သိၵ်ႇ​သိူဝ်ႈ​ယၢဝ်း​မၼ်း​သေ​လႄႈ ဢဝ်​မုၼ်ႈ​လိၼ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​လႄႈ ဢွၵ်ႇ​မႃး​ႁႂ်ႈ​လႆႈ​ႁပ်ႉ​ႁူဝ်​တၢင်း​ဢေႃႈ။-</verse>
				<verse number="33">တႃႇဝိတ်ႈ ​ၵေႃႈ​မီး​ဢမိင်ႉ​တီႈ​မၼ်း​လႄႈ​ဝႃႈ၊ ပေႃး​မႂ်း​ၸွမ်း​လူၺ်ႈ​ၵၼ်​တင်း​ၵဝ်​ၸိုင်၊ မႂ်း​တၵ်း​ပဵၼ်​တၢင်း​ဢၼ်​ၼၵ်း​ၼႃ​ပႃး​ပၼ်​တီႈ​ၵဝ်​ဢေႃႈ။-</verse>
				<verse number="34">ပေႃး​မႂ်း​ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​လႄႈ လဝ်ႊ​လၢတ်ႈ​တီႈ​ ဢပႃႉသလုမ်ႇ ​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ တေႃႈ​လဵဝ်​ၼႆႉ​ၶႃႈ​ၸဝ်ႈ​ၼႆႉ တၵ်း​ၶၢမ်ႇ​ႁဵတ်း​ၶႃႈ​တီႈ​ၸဝ်ႈ​ႁဝ်း မိူၼ်​ၸိူဝ်ႉ​ၼင်ႇ​ဢၼ်​ယၢမ်ႈ​ၶၢမ်ႇ​ႁဵတ်း​ၶႃႈ တီႈ​ပေႃႈ​ၸဝ်ႈ​မိူဝ်ႈ​ၼၼ်ႉ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၸိုင်၊ တၵ်း​ယူႇ​ၽၢႆႇ​ၵဝ်​သေ​လႄႈ ယႃႉ​တၢင်း​ၵျၢမ်ႇ​တၢင်း​ပွင်​ဢၼ် ဢႁီႉသေႃႇၽေးလႃႉ ​ပၼ်​ၼၼ်ႉ​ပႅတ်ႈ​ဢေႃႈ။-</verse>
				<verse number="35">ၵႃႈ​တီႈ​ၼၼ်ႈ မီး​ယိတ်ႈပရေႃးႁဵၵ်ႈ ၸႃႇတုၵ်ႉ ​ဢိၵ်ႇ​တင်း ဢႃႇပျႃႇထႃႇ လူၺ်ႈ​ၵၼ်​တင်း​မႂ်း​ယူႇ​ဢမ်ႇ​ၸႂ်ႈ​ႁိုဝ်။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မႂ်း​တၵ်း​လႆႈ​ဢဝ်​ၵႃႈ​ဢၼ်​မႂ်း​လႆႈ​ငိၼ်း​ၼႂ်း​ႁေႃ​ၸဝ်ႈ​ၼၼ်ႉ ၶိုၼ်း​လၢတ်ႈ​တီႈ​ ၸႃႇတုၵ်ႉ ဢိၵ်ႇ​တင်း ဢႃႇပျႃႇထႃႇ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="36">တူၺ်း​လူး၊ တီႈ​ၶဝ်​ၼၼ်ႉ​မီး​လုၵ်ႈ​လၢင်း​ၶဝ်​သွင်​ၵေႃႉ​ဢၼ်​ဝႃႈ ဢႁီႉမတ်ႉ လုၵ်ႈ​ၸၢႆး​ ၸႃႇတုၵ်ႉ ဢိၵ်ႇ​တင်း​ ယေႃးၼသၼ်ႇ လုၵ်ႈ​ၸၢႆး ဢႃႇပျႃႇထႃႇ ​ၸိူဝ်း​ၼၼ်ႉ​ယူႇ​ဢေႃႈ။ တၵ်း​လႆႈ​ဢဝ်​ၵႃႈ​ဢၼ်​မႂ်း​ငိၼ်း​လႆႈ​ၼၼ်ႉ ပၼ်​ၵႃႈ​ၼႂ်း​မိုဝ်း​သွင်​ၶႃ​ၼၼ်ႉ မႃး​တီႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="37">ႁူႉသေး ​ၵေႃႉ​သေႈ​ တႃႇဝိတ်ႈ ​ၼၼ်ႉ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ဝဵင်း​သေ​ဢေႃႈ။ ဢပႃႉသလုမ်ႇ ​ၵေႃႈ​ၶဝ်ႈ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။</verse>
			</chapter>
			<chapter number="16">
				<verse number="1">မိူဝ်ႈ​ဢၼ်​ တႃႇဝိတ်ႈ ​ၼၼ်ႉ​ပူၼ်ႉ​ၸိၵ်း​လွႆ​ၵႂႃႇ​ဢိတ်း​ၼိုင်ႈ​ၼၼ်ႉ​ၸိုင်၊ ၸီႉၽႃႉ ၶႃႈ​ မေႇၽီႉပေႃးသႅတ်ႉ ​ၼၼ်ႉ ပႃး​ဢဝ်​လီႈ​ဢၼ်​တၢင်ႇ​ၵွပ်း​သွင်​တူဝ်​လႄႈ ဢဝ်​ၶဝ်ႈ​မုၼ်း​သွင်​ပၢၵ်ႇ​ႁူၺ်ႇ၊ ပုၵ်ႉ​မၢၵ်ႇ​ၸပိတ်ႈ​ဢၼ်​ႁႅင်ႈ​ပၢၵ်ႇ​ၼိုင်ႈ၊ ၶႅပ်း​မၢၵ်ႇ​လိူဝ်ႇ​သၢင်း​ၽေႃး​ပၢၵ်ႇ​ၼိုင်ႈ၊ တဝ်ႈ​ၼမ်ႉ​ၸပိတ်ႈ​ႁူၺ်ႇ​ၼိုင်ႈ တၢင်ႇ​သႂ်ႇ​ၵႃႈ​ၼိူဝ်​လီႈ​ၸိူဝ်း​ၼၼ်ႉ​မႃး ႁႂ်ႈ​လႆႈ​ႁပ်ႉ​ႁူဝ်​တၢင်း​ဢေႃႈ။-</verse>
				<verse number="2">ၶုၼ်​ႁေႃ​ၶမ်း​ၵေႃႈ​ထၢမ်​တီႈ​ ၸီႉၽႃႉ ​လႄႈ​ဝႃႈ၊ မႂ်း​ဢဝ်​ၸိူဝ်း​ၼႆႉ​မႃး ႁႂ်ႈ​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ၸီႉၽႃႉ ​လဝ်ႊ​လၢတ်ႈ​လႄႈ​ဝႃႈ၊ လီႈ​ၸိူဝ်း​ၼႆႉ​ပဵၼ်​ပုၼ်ႈ​ဢၼ် ၵူၼ်း​ႁၢင်ႈ​ၵူၼ်း​ႁေႃ​ၸဝ်ႈ​တၵ်း​ၶီႇ၊ ၶဝ်ႈ​မုၼ်း​ဢိၵ်ႇ​တင်း​မၢၵ်ႇ​မႆႉ​ၸိူဝ်း​ၼႆႉ ပဵၼ်​ပုၼ်ႈ​ဢၼ် ၵူၼ်း​ဢွၼ်ႇ​တင်း​လၢႆ​တၵ်း​ၵိၼ်၊ ၼမ်ႉ​ၸပိတ်ႈ​ၵေႃႈ​ပဵၼ်​ပုၼ်ႈ​ဢၼ် ၶဝ်​ၸိူဝ်း​ဢၼ်​ႁိူဝ်ႉ​ဢူၼ်ႈ​ၵႃႈ​တီႈ​ထိူၼ်ႇ​ၼၼ်ႉ တၵ်း​ၵိၼ်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၶုၼ်​ႁေႃ​ၶမ်း​ၵေႃႈ​ထၢမ်​လႄႈ​ဝႃႈ၊ လုၵ်ႈ​ၸၢႆး​ၸဝ်ႈ​မႂ်း​ၼၼ်ႉ​မီး​ၵႃႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ ၸီႉၽႃႉ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ မၼ်း​ၵိုတ်း​သဝ်း​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ဝၼ်း​မိူဝ်ႈ​ၼႆႉ မဵဝ်း​ ဢီႉသရေႇလႃႉ ​တၵ်း​ၶိုၼ်း​ပၼ် သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ပေႃႈ​ၵဝ်​တီႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="4">ၶုၼ်​ႁေႃ​ၶမ်း​မီး​ဢမိင်ႉ​တီႈ​ ၸီႉၽႃႉ ​လႄႈ​ဝႃႈ၊ ႁႂ်ႈ​ဢုၵ်ႉ​ၸႃႇ​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ မေႇၽီႉပေႃးသႅတ်ႉ ​ၼၼ်ႉ ပဵၼ်​ဢုၵ်ႉ​ၸႃႇ​မႂ်း​သေ၊ ဝႃႈ​ၼင်ႇ​ၼႆ​ဢေႃႈ။ ၸီႉၽႃႉ ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ တၢင်ႇ​ၼိူဝ်​ႁူဝ်​တီႈ​ၶႃႈ​ဢေႃႈ။ ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​တီႈ​ၶႃႈ၊ ႁႂ်ႈ​ၶႃႈ​ၸဝ်ႈ​လႆႈ​ထူပ်း​ၵျေး​ၸူး သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">မိူဝ်ႈ​ဢၼ်​ၶုၼ်​လူင်​ တႃႇဝိတ်ႈ ႁွတ်ႈ​ထိုင်​ၵႃႈ​တီႈ​ဝဵင်း​ ပႃႇႁူႉရိမ်း ​ၼၼ်ႉ​ၸိုင်၊ ၵေႃႉ​ဢၼ်​လႆႈ​ၸိုဝ်ႈ​ သီႉမီႉ ၊ လုၵ်ႈ​ၸၢႆး ၵေးရႃႉ ဢၼ်​ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​ သေႃးလူႉ ​ၼၼ်ႉ​ဢွၵ်ႇ​မႃး​ဢေႃႈ။ မၼ်း​ၼၼ်ႉ​ဢွၵ်ႇ​မႃး​လႄႈ ၵိၼ်ႇ​လႃႇ​ၸွမ်း​တၢင်း​ၵႂႃႇ​ယူႇ​ဢေႃႈ။-</verse>
				<verse number="6">မၼ်း​ဢဝ်​မၢၵ်ႇ​ႁိၼ်​ထိမ်ႈ​ၶုၼ်​လူင်​ တႃႇဝိတ်ႈ ဢိၵ်ႇ​တင်း​ၶႃႈ​ၵူၼ်း​ၶုၼ်​လူင်​ တႃႇဝိတ်ႈ ​ၵႃႈ​မီး​ၼၼ်ႉ​ဢေႃႈ။ ၵူၼ်း​တင်း​သဵင်ႈ​တင်း​လူင် ဢိၵ်ႇ​တင်း​မူး​မၢတ်ႈ​ၽွင်း​မိူင်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​မီး​ယူႇ​ၽၢႆႇ​ၶႂႃ​ၸဝ်ႈ၊ ၽၢႆႇ​သၢႆႉ​ၸဝ်ႈ​ဢေႃႈ။-</verse>
				<verse number="7">သီႉမီႉ ​ၼၼ်ႉ ၵိၼ်ႇ​လႃႇ​လႄႈ​ဝႃႈ၊ ၵႂႃႇ​ႁႄ။ ၵႂႃႇ​ႁႄ။ ၵူၼ်း​ဢႃႉထမ်ႇမႃႉ ဢၼ်​ၸၢင်ႈ​ထွၵ်ႇ​လိူတ်ႈ​ၵူၼ်း​ၼႆႉ​ဢိူၺ်း၊-</verse>
				<verse number="8">ထႃႇဝရႃႉ​ၽြႃး​ႁႂ်ႈ​ဢပႅတ်ႈ​လိူတ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ သေႃးလူႉ ဢၼ်​မႂ်း​ႁဵတ်း​တၢင်​တူဝ်​မၼ်း​သေ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​မၼ်း​ၼၼ်ႉ​တင်း​သဵင်ႈ​တင်း​မူတ်း​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​ႁူဝ်​မႂ်း​လႄႈ ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း ဢၢပ်ႈ​ပၼ်​ၵႃႈ​ၼႂ်း​မိုဝ်း​လုၵ်ႈ​ၸၢႆး​မႂ်း ဢပႃႉသလုမ်ႇ ​ၼၼ်ႉ​ယဝ်ႉ။ တူၺ်း​လူး ၵွပ်ႈ​ပိူဝ်ႈ​ဢၼ်​မႂ်း​ပဵၼ်​ၵေႃႉ​ဢၼ် ၸၢင်ႈ​ထွၵ်ႇ​လိူတ်ႈ​ၵူၼ်း​လႄႈ မႂ်း​တူၵ်း​ႁွတ်ႈ​ၵႃႈ​ၼႂ်း​ဢမူႉ​ဢၼ်​ဢမ်ႇ​လီ​မႂ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ဢၽီႉသေး လုၵ်ႈ​ၸၢႆး​ ၸေႇရူႉယႃႇ ​ၵေႃႈ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တူဝ်​တၢႆ​မႃ​ၼၼ်ႉ တၵ်း​လႆႈ​ၵိၼ်ႇ​လႃႇ​ၸဝ်ႈ​ၶုၼ်​လူင်​ၼင်ႇ​ႁိုဝ်​တီႈ​ၶႃႈ၊ ႁႂ်ႈ​ၶႃႈ​ၸဝ်ႈ​လႆႈ​ၵႂႃႇ​လႄႈ​တႅပ်း​ဢဝ်​ႁူဝ်​မၼ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ လုၵ်ႈ​ၸၢႆး​ ၸေႇရူႉယႃႇ ​ၶဝ်​ဢိူၺ်း၊ သူ​ၼႆႉ​ၸၢပ်ႈ​သႅင်ႇ​ၵၼ်​တင်း​ၵဝ်​ၸိူဝ်ႉ​ၼင်ႇ​ႁိုဝ်။ ႁႂ်ႈ​မၼ်း​ၵိၼ်ႇ​လႃႇ​သေ​ၵမ်း​လူၺ်ႈ။ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး သင်ႇ​လၢတ်ႈ​တီႈ​မၼ်း​လႄႈ​ဝႃႈ၊ ၵိၼ်ႇ​လႃႇ​ တႃႇဝိတ်ႈ ​တႃႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ​လႄႈ၊ ၽူႈ​လႂ်​တၵ်း​လႆႈ​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ႁဵတ်း​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">တႃႇဝိတ်ႈ ​သမ်ႉ​မီး​ဢမိင်ႉ​တီႈ​ ဢၽီႉသေး ဢိၵ်ႇ​တင်း​ၶႃႈ​ၵူၼ်း​မၼ်း​ၵႃႈ​မီး​ၼၼ်ႉ​လႄႈ​ဝႃႈ၊ တူၺ်း​လူး၊ လုၵ်ႈ​ၸၢႆး​ဢွၵ်ႇ​ၵဝ်၊ ဢၼ်​ဢွၵ်ႇ​မႃး​ၵႃႈ​ၼႂ်း​တူဝ်​ၵဝ်​ၼၼ်ႉ ယင်း​ႁႃ​ဢသၢၵ်ႈ​ၵဝ်​ယူႇ​ဢေႃႈ။ ၵူၼ်း​မဵဝ်း​ ပိၼ်ႇယႃႇမိၼ်ႇ ​ၼၼ်ႉ ယဵင်ႈ​ၶႅၼ်း​တၵ်း​မီး​ဢၶႂၢင်ႉ​လိူဝ်​တွၼ်း​ၼႃႇ​သေ​ၼၼ်ႉ​ဢေႃႈ။ ယႃႇ​မၼ်း​တႃႉ။ ႁႂ်ႈ​မၼ်း​ၵိၼ်ႇ​လႃႇ​သေ​ၵမ်း။ ထႃႇဝရႃႉ​ၽြႃး​သင်ႇ​လၢတ်ႈ​တီႈ​မၼ်း​ဝႆႉ​ယဝ်ႉ။-</verse>
				<verse number="12">ထႃႇဝရႃႉ​ၽြႃး လီ​လူ​တူၺ်း​တုၵ်ႉ​ၶႃႉ​တၢင်း​ၽၢၼ်​ၵဝ် မၼ်း​ၸဝ်ႈ​တၵ်း​လူ​တူၺ်း​ဢေႃႈ။ ၵွပ်ႈ​ပိူဝ်ႈ​ဢၼ်​ၵေႃႉ​ၼၼ်ႉ​ၵိၼ်ႇ​လႃႇ​ၵဝ်​ဝၼ်း​မိူဝ်ႈ​ၼႆႉ​လႄႈ ထႃႇဝရႃႉ​ၽြႃး​လီ​ၶိုၼ်း​ပၼ်​ဢၵျူဝ်း​ဢၼ်​လီ​မၼ်း​ၸဝ်ႈ​တၵ်း​ၶိုၼ်း​ပၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၼင်ႇ​ၼၼ်​လႄႈ​ၼႂ်း​မိူဝ်ႈ​ဢၼ်​ တႃႇဝိတ်ႈ ဢိၵ်ႇ​တင်း​ၵူၼ်း​မၼ်း​ၵႃႈ​မီး​ၸိူဝ်း​ၼၼ်ႉ ယင်း​တိုၵ်ႉ​ၸွမ်း​တၢင်း​ၵႂႃႇ​ယူႇ​ၼၼ်ႉ​ၸိုင်၊ သီႉမီႉ တႆႇ​ၸွမ်း​ၵႃႈ​တီႈ​ပဵမ်ႉ​လွႆ​ၽၢႆႇ​ၼိုင်ႈ​တင်း တႃႇဝိတ်ႈ ​ၵႂႃႇ​လႄႈ ၵိၼ်ႇ​လႃႇ​ၸွမ်း​တၢင်း​ယူႇ၊ ဢဝ်​တင်း​မၢၵ်ႇ​ႁိၼ်​ထိမ်ႈ​ယူႇ​သေ​လႄႈ ဢဝ်​မုၼ်ႈ​လိၼ်​ပိုၼ်​ၸူး​ဢေႃႈ။-</verse>
				<verse number="14">ၶုၼ်​ႁေႃ​ၶမ်း​ဢိၵ်ႇ​တင်း ၶဝ်​ၸိူဝ်း​ဢၼ်​ၸွမ်း​ၸဝ်ႈ​ၵႃႈ​မီး​ၼၼ်ႉ ႁိူဝ်ႉ​ဢူၼ်ႈ​ယူႇ​သေ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း ဢႃယေႇၽိမ်ႇ ​လႄႈ ဢွၼ်​ၵၼ်​လိုဝ်ႈ​ႁိူဝ်ႉ​လိုဝ်ႈ​ၼူၼ်း​ယူႇ​ဢေႃႈ။</verse>
				<verse number="15">ဢပႃႉသလုမ်ႇ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​ၵႃႈ​မီး​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ဢႁီႉသေႃႇၽေးလႃႉ ၵေႃႈ​ပႃး​ဢေႃႈ။-</verse>
				<verse number="16">ႁူႉသေး ၵူၼ်း​ ဢႃႇၶီႉ ဢၼ်​ပဵၼ်​ၵေႃႉ​သေႈ​ တႃႇဝိတ်ႈ ​ၼၼ်ႉ​ၵေႃႈ ႁွတ်ႈ​ထိုင်​ၵႃႈ​တီႈ​ ဢပႃႉသလုမ်ႇ ​သေ​ယဝ်ႉ၊ ႁူႉသေး ​ၼၼ်ႉ ပၼ်​တၢင်း​လီ​တီႈ​ ဢပႃႉသလုမ်ႇ ​လႄႈ​ဝႃႈ၊ ႁႂ်ႈ​ၶုၼ်​ႁေႃ​ၶမ်း​ဢသၢၵ်ႈ​လိပ်း​သေ​ၵမ်း​လူၺ်ႈ။ ႁႂ်ႈ​ၶုၼ်​ႁေႃ​ၶမ်း​ဢသၢၵ်ႈ​လိပ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ဢပႃႉသလုမ်ႇ ​ၵေႃႈ​ထၢမ်​တီႈ​ ႁူႉသေး ​လႄႈ​ဝႃႈ၊ ဢၼ်​ၼႆႉ​ပဵၼ်​ၵျေး​ၸူး​ဢၼ်​မႂ်း​ႁဵတ်း​တီႈ​ၵေႃႉ​သေႈ​မႂ်း​ၼၼ်ႉ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢမ်ႇ​ၸွမ်း​လူၺ်ႈ​ၵၼ်​တင်း​ၵေႃႉ​သေႈ​မႂ်း​ၼၼ်ႉ​ၵႂႃႇ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="18">ႁူႉသေး ​လဝ်ႊ​လၢတ်ႈ​တီႈ​ ဢပႃႉသလုမ်ႇ ​လႄႈ​ဝႃႈ၊ ယႃႇ​ပေ​မီး​ဢမိင်ႉ​ၸိူဝ်ႉ​ၼင်ႇ​ၼၼ်​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​ၶၢမ်ႇ​ႁဵတ်း​ၶႃႈ​တီႈ​ၵေႃႉ​ဢၼ်​ထႃႇဝရႃႉ​ၽြႃး ဢိၵ်ႇ​တင်း​ၵူၼ်း​တင်း​လၢႆ​ၼႆႉ​တင်း​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၼၼ်ႉ လိူၵ်ႈ​ၵဵပ်း​ဢဝ်​ၼၼ်ႉ​တီႈ​ၶႃႈ​ဢေႃႈ။ တၵ်း​ယူႇ​တီႈ​ၵေႃႉ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မၼ်း​ၼၼ်ႉ​သမ်ႉ​ၶိုၼ်း​လဝ်ႊ​လၢတ်ႈ​ထႅင်ႈ​လႄႈ​ဝႃႈ၊ ၶႃႈ​ၸဝ်ႈ​တၵ်း​လႆႈ​ၶၢမ်ႇ​ႁဵတ်း​ၶႃႈ​တီႈ​ၽူႈ​လႂ်​တီႈ​ၶႃႈ၊ လႆႈ​ၶၢမ်ႇ​ႁဵတ်း​ၶႃႈ​တီႈ​လုၵ်ႈ​ၸၢႆး​မၼ်း​ၸဝ်ႈ ဢမ်ႇ​ၸႂ်ႈ​တီႈ​ၶႃႈ​ႁိုဝ်။ မိူၼ်​ၸိူဝ်ႉ​ၼင်ႇ​ဢၼ်​ၶႃႈ​ၸဝ်ႈ​ၶၢမ်ႇ​ႁဵတ်း​ၶႃႈ တီႈ​ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ၊ တီႈ​ၸဝ်ႈ​ႁဝ်း​ၵေႃႈ ၶႃႈ​ၸဝ်ႈ​တၵ်း​ၶၢမ်ႇ​ႁဵတ်း​ၶႃႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">မိူဝ်ႈ​ၼၼ်ႉ​ ဢပႃႉသလုမ်ႇ ​လၢတ်ႈ​တီႈ ဢႁီႉသေႃႇၽေးလႃႉ ​လႄႈ​ဝႃႈ၊ ပၼ်​တၢင်း​ၵျၢမ်ႇ​တၢင်း​ပွင် လွင်ႈ​ဢၼ်​ႁဝ်း​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="21">ဢႁီႉသေႃႇၽေးလႃႉ လဝ်ႊ​လၢတ်ႈ​တီႈ​ ဢပႃႉသလုမ်ႇ ​လႄႈ​ဝႃႈ၊ ၶဝ်ႈ​ၸူး​ၵႃႈ​တီႈ​ၸိူင်ႉ​ၼၢင်း ဢၼ်​ၸဝ်ႈ​ပေႃႈ​ၸဝ်ႈ​ႁဝ်း​ဝႆႉ​ၵိုတ်း​ဝႆႉ​ၵျၢၼ်ႇ ႁႂ်ႈ​လႆႈ​ပႂ်ႉ​ႁေႃ​ၸဝ်ႈ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​တၵ်း​ငိၼ်း​လွင်ႈ​ဢၼ်​ၸဝ်ႈ​ပေႃႈ​ၸဝ်ႈ​ႁဝ်း လီ​ႁင်ႈ​ဢဵတ်ႇ​သဵတ်ႇ​ၸဝ်ႈ​ႁဝ်း​ၼၼ်ႉ​လႄႈ ႁႅင်း​မိုဝ်း​ၶဝ်​ၸိူဝ်း​ဢၼ်​ယူႇ​ၽၢႆႇ​ၸဝ်ႈ​ႁဝ်း​ၵႃႈ​မီး​တၵ်း​ယႂ်ႇ​ၼႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="22">ၶဝ်​ဢွၼ်​ၵၼ်​မုင်း​မူဝ်းၵႃႇ​ပုၼ်ႈ​ ဢပႃႉသလုမ်ႇ ၵႃႈ​ၼိူဝ်​ဢၼ်​မုင်း​ႁေႃ​ၶမ်း​ၼၼ်ႉ​လႄႈ ဢပႃႉသလုမ်ႇ ​ၶဝ်ႈ​ၸူး​ၵႃႈ​တီႈ​ၸိူင်ႉ​ၼၢင်း​ၸဝ်ႈ​ပေႃႈ​မၼ်း​ၸိူဝ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​ၵႃႈ​မီး​ၼၼ်ႉ​ဢေႃႈ။-</verse>
				<verse number="23">တၢင်း​ၵျၢမ်ႇ​တၢင်း​ပွင်​ဢၼ်​ ဢႁီႉသေႃႇၽေးလႃႉ ​ပၼ်​ၼႂ်း​ၸူဝ်ႈ​ၼႂ်း​ပၢၼ်​ၼၼ်ႉ ပဵၼ်​ၸိူဝ်ႉ​ၼင်ႇ​ပျႃႇ​တိၵ်ႈ ဢၼ်​လဝ်ႊ​ထၢမ်​တီႈ​ၽြႃး​ပဵၼ်​ၸဝ်ႈ​လႄႈ​လႆႈ​ၶၢမ်ႇ​ၼၼ်ႉ​ဢေႃႈ။ တၢင်း​ၵျၢမ်ႇ​တၢင်း​ပွင် ဢၼ်​ ဢႁီႉသေႃႇၽေးလႃႉ ​ပၼ်​ၵႃႈ​မီး​ၼၼ်ႉ ပဵၼ်​ၸိူဝ်ႉ​ၼင်ႇ​ၼၼ်​တီႈ​ တႃႇဝိတ်ႈ ဢိၵ်ႇ​တင်း​ ဢပႃႉသလုမ်ႇ ​ၼၼ်ႉ​ဢေႃႈ။</verse>
			</chapter>
			<chapter number="17">
				<verse number="1">လႆႈ​သမ်ႉ ဢႁီႉသေႃႇၽေးလႃႉ ​လဝ်ႊ​လၢတ်ႈ​တီႈ​ ဢပႃႉသလုမ်ႇ ​လႄႈ​ဝႃႈ၊ ႁႂ်ႈ​ၶႃႈ​ၸဝ်ႈ​လႆႈ​လိူၵ်ႈ​ၵဵပ်း​ဢဝ် ၵူၼ်း​မိုၼ်ႇ​ပၢႆ​သွင်​ႁဵင်​သေ​ၵမ်း​လူၺ်ႈ။ ၼႂ်း​ၶိုၼ်း​ၼႆႉ​ၵမ်း​လဵဝ် ၶႃႈ​ၸဝ်ႈ​တၵ်း​လုၵ်ႉ​လႄႈ​လိုပ်ႈ​ၸွမ်း​လမ်း​ၸွမ်း​ တႃႇဝိတ်ႈ ​တီႈ​ၶႃႈ​ဢေႃႈ။-</verse>
				<verse number="2">ၶႃႈ​ၸဝ်ႈ​တၵ်း​တိုၵ်း​တေႃး​မၼ်း ၼႂ်း​မိူဝ်ႈ​ဢၼ်​မၼ်း​ႁိူဝ်ႉ​ဢူၼ်ႈ​ယူႇ၊ ႁႅင်း​မိုဝ်း​မၼ်း​ၵေႇ​ယူႇ​ၼၼ်ႉ​လႄႈ ႁႂ်ႈ​မၼ်း​တူၵ်း​ၸႂ်​တီႈ​ၶႃႈ​ဢေႃႈ။ ၶဝ်​ၸိူဝ်း​ဢၼ်​ပႃး​ၵႃႈ​တီႈ​မၼ်း​ၵႃႈ​မီး​ၼၼ်ႉ တၵ်း​ၽူင်ႉ​ပၢႆႈ​ယၢႆႈ​ၼီ​လႄႈ ၶႃႈ​ၸဝ်ႈ​တၵ်း​ယႃႉ​ပႅတ်ႈ​ၶုၼ်​ႁေႃ​ၶမ်း​ၵူၺ်း​တီႈ​ၶႃႈ​ဢေႃႈ။-</verse>
				<verse number="3">ၶႃႈ​ၸဝ်ႈ​တၵ်း​ဢဝ်​ၵူၼ်း​တင်း​သဵင်ႈ​တင်း​လူင် ၶိုၼ်း​မႃး​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ပေႃး​လႆႈ​ၵေႃႉ​ဢၼ်​ၸဝ်ႈ​ႁဝ်း​ႁႃ​ၼၼ်ႉ ၵေႃႉ​ၼိုင်ႈ​ၵူၺ်း​ယဝ်ႉ​ၸိုင်၊ တၵ်း​ပဵၼ်​ၸိူဝ်ႉ​ၼင်ႇ​ဢၼ် ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ်​ၶိုၼ်း​မႃး​ၼၼ်ႉ​တီႈ​ၶႃႈ​ဢေႃႈ။ ၼင်ႇ​ၼၼ်​လႄႈ ၵူၼ်း​တင်း​သဵင်ႈ​တင်း​လူင် တၵ်း​ယူႇ​ၼိမ်​ၼိမ်​လီ​လီ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ။-</verse>
				<verse number="4">ၵႂၢမ်း​ၼၼ်ႉ​ထုၵ်ႇ​ၸႂ်​ၵျိူၵ်ႈ​ၸႂ်​ ဢပႃႉသလုမ်ႇ ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="5">မိူဝ်ႈ​ၼၼ်ႉ ဢပႃႉသလုမ်ႇ ​လၢတ်ႈ​လႄႈ​ဝႃႈ၊ ႁွင်ႉ​ဢဝ်​ ႁူႉသေး ၵူၼ်း​ ဢႃႇၶီႉ ​ၼၼ်ႉ​မႃး​တႃႉ။ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​မၼ်း​လူး​ၵွၼ်ႇ​တႃႉ​ႁဝ်း၊ ဝႃႈ​ၼင်ႇ​ၼႆ​လႄႈ၊-</verse>
				<verse number="6">ႁူႉသေး ​ႁွတ်ႈ​မႃး​ၵႃႈ​တီႈ​ ဢပႃႉသလုမ်ႇ ​သေ​ယဝ်ႉ၊ ဢပႃႉသလုမ်ႇ ​လၢတ်ႈ​တီႈ​မၼ်း​လႄႈ​ဝႃႈ၊ ဢႁီႉသေႃႇၽေးလႃႉ ​ပၼ်​တၢင်း​ၵျၢမ်ႇ​တၢင်း​ပွင် ဢၼ်​ၸိူဝ်ႉ​ၼင်ႇ​ၼၼ်​ယဝ်ႉ။ ထုၵ်ႇ​လီ​ထွမ်ႇ​ဢဝ်​ၵႂၢမ်း​မၼ်း​ႁိုဝ်။ ဢမ်ႇ​ၼၼ်​ၵေႃႈ​မႂ်း​လၢတ်ႈ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ႁူႉသေး ​လဝ်ႊ​လၢတ်ႈ​တီႈ​ ဢပႃႉသလုမ်ႇ ​လႄႈ​ဝႃႈ၊ တၢင်း​ၵျၢမ်ႇ​တၢင်း​ပွင်​ဢၼ်​ ဢႁီႉသေႃႇၽေးလႃႉ ​ပၼ်​မိူဝ်ႈ​လဵဝ်​ၼႆႉ​ၼၼ်ႉ ဢမ်ႇ​ထုၵ်ႇ​ဢမ်ႇ​လီ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ႁူႉသေး ​သမ်ႉ​လဝ်ႊ​လၢတ်ႈ​တီႈ​ ဢပႃႉသလုမ်ႇ ​ထႅင်ႈ​လႄႈ​ဝႃႈ၊ ၸဝ်ႈ​ႁဝ်း​ႁူႉ​လွင်ႈ​ဢၼ်​ၸဝ်ႈ​ပေႃႈ​ၸဝ်ႈ​ႁဝ်း ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ ပဵၼ်​ၵေႃႉ​ဢၼ်​ႁႅင်း​ယႂ်ႇ​ၼႃႇ ဢိၵ်ႇ​တင်း​လွင်ႈ​ဢၼ်​ၶဝ်​မီး​ၸႂ်​ဢၼ်​ႁၢဝ်ႈ​ၵျၢမ်း​ၼႃႇ​မိူၼ်​ၸိူဝ်ႉ​ၼင်ႇ​မီ​မႄႈ ဢၼ်​လႆႈ​ၶၢမ်ႇ​တၢင်း​ဢၼ်​ပိူၼ်ႈ​ႁိမ်​ဢဝ်​လုၵ်ႈ​ဢွၼ်ႇ​မၼ်း​ၵႂႃႇ​ယဝ်ႉ ၵႃႈ​ၼႂ်း​ထိူၼ်ႇ​ၼၼ်ႉ​ယူႇ​တီႈ​ၶႃႈ​ဢေႃႈ။ ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ​ၵေႃႈ ပဵၼ်​ႁူဝ်​ႁၢၼ်​ၵူၼ်း​သိုၵ်း​လႄႈ ဢမ်ႇ​ၸၢင်ႈ​ၼွၼ်း​လူၺ်ႈ​ၵၼ်​တင်း​ၵူၼ်း​တင်း​လၢႆ။-</verse>
				<verse number="9">တူၺ်း​လူး၊ မိူဝ်ႈ​လဵဝ်​ၼႆႉ မၼ်း​ၼၼ်ႉ​တၵ်း​တဵတ်ႇ​မႅပ်ႉ​ယူႇ​ၵႃႈ​ၼႂ်း​ၶုမ်​လိၼ်​ႁူး​လိၼ်​သေ​တီႈ​သေ​ဢၼ်၊ ဢမ်ႇ​ၼၼ်​ၵေႃႈ ၵႃႈ​ၼႂ်း​တၢင်ႇ​တီႈ​တၢင်ႇ​လႅၼ်​တီႈ​ၶႃႈ​ဢေႃႈ။ ပေႃး​ၵူၼ်း​ၵမ်ႈ​ၽွင်ႈ​လူမ်ႉ​တၢႆ​ၵႃႈ​တီႈ​ဢွၼ်​တၢင်း​ၸိုင်၊ ၵေႃႉ​ဢၼ်​ငိၼ်း​လွင်ႈ​မၼ်း​တၢင်း​မၼ်း​ၼၼ်ႉ တၵ်း​လၢတ်ႈ​လႄႈ​ဝႃႈ၊ ၶဝ်​ၸိူဝ်း​ဢၼ်​ၸွမ်း​လင်​ ဢပႃႉသလုမ်ႇ ​ၼၼ်ႉ​တူၵ်း​သုမ်း​ယဝ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="10">မိူဝ်ႈ​ၼၼ်ႉ ၵေႃႉ​ဢၼ်​ႁတ်း​ႁၢၼ်၊ ၵေႃႉ​ဢၼ်​ႁူဝ်​ၸႂ်​ပဵၼ်​ၸိူဝ်ႉ​ၼင်ႇ​ႁူဝ်​ၸႂ်​သၢင်ႇ​သီႈ​ၼၼ်ႉ ၸႂ်​တၵ်း​လူႉ​တီႈ​ၶႃႈ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ႁူႉ​လွင်ႈ​ဢၼ်​ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ ပဵၼ်​ၵေႃႉ​ဢၼ်​ႁႅင်း​ယႂ်ႇ ဢိၵ်ႇ​တင်း​လွင်ႈ​ဢၼ်​ၶဝ်​ၸိူဝ်း​ဢၼ်​ပႃး​ၸွမ်း​တီႈ​မၼ်း​ၸဝ်ႈ​ၼၼ်ႉ ပဵၼ်​ၵေႃႉ​ဢၼ်​မီး​တၢင်း​ဢၼ်​ၵတ်ႉ​ၶၼ်​ႁတ်း​ႁၢၼ်​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="11">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ၶႃႈ​ၸဝ်ႈ​တၵ်း​ပၼ်​တၢင်း​ၵျၢမ်ႇ​တၢင်း​ပွင်​တီႈ​ၶႃႈ​ဢေႃႈ။ တၵ်း​လႆႈ​ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢဝ်​ၵႃႈ​တီႈ​ဝဵင်း​ တၢၼ်ႇ တေႃႇ​ထိုင်​ႁွတ်ႈ​ဝဵင်း​ ပေႇရသေႇၽႃႉ ဢၼ်​ၼပ်ႉ​ဢၢၼ်ႇ​မိူၼ်​ၸိူဝ်ႉ​ၼင်ႇ​မဵတ်ႉ​ႁိၼ်​မဵတ်ႉ​သၢႆး ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​တီႈ​ၸဝ်ႈ​ႁဝ်း​လႄႈ တူဝ်​ၸဝ်ႈ​ႁဝ်း​ၶီႇ​သိုၵ်း​တီႈ​ၶႃႈ​ဢေႃႈ။-</verse>
				<verse number="12">ၼင်ႇ​ၼၼ်​လႄႈ ႁဝ်း​ၶႃႈ​ႁွတ်ႈ​ထိုင်​ၵႃႈ​တီႈ​မၼ်း​ၼႂ်း​တီႈ​ဢၼ်​ထူပ်း​မၼ်း​သေ​တီႈ​တီႈ​ၼၼ်ႉ​လႄႈ ဢွၼ်​ၵၼ်​ႁူမ်ႇ​သုမ်ႇ​မၼ်း​ဝႆႉ မိူၼ်​ၸိူဝ်ႉ​ၼင်ႇ​ဢၼ်​ၼမ်ႉ​ၼၢႆး​တူၵ်း​သႂ်ႇ​ၵႃႈ​ၼိူဝ်​လိၼ်​ၼၼ်ႉ​သေ​လႄႈ တူဝ်​မၼ်း​ဢိၵ်ႇ​တင်း​ၶဝ်​ၸိူဝ်း​ဢၼ်​ပႃး​တီႈ​မၼ်း​ၵႃႈ​မီး​ၼၼ်ႉ တၵ်း​ဢမ်ႇ​လႆႈ​ၵိုတ်း​လႆႈ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း​တီႈ​ၶႃႈ၊-</verse>
				<verse number="13">ၼွၵ်ႈ​သေ​ၼၼ်ႉ ပေႃး​မၼ်း​ၶဝ်ႈ​ၵႃႈ​ၼႂ်း​ဝဵင်း​သေ​ဝဵင်း​ဝဵင်း​ၸိုင်၊ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် တၵ်း​လႆႈ​ဢွၼ်​ၵၼ်​ဢဝ်​ၸိူၵ်ႈ​တင်း​လၢႆ​မႃး​ၵႃႈ​တီႈ​ဝဵင်း​ၼၼ်ႉ​လႄႈ၊ ႁဝ်း​ၶႃႈ​တၵ်း​ဢွၼ်​ၵၼ်​တိုတ်ႉ​ၸၼ်​ဢဝ်​ဝဵင်း​ၼၼ်ႉ​တူၵ်း​ပႅတ်ႈ​ၵႃႈ​ၼႂ်း​ၼမ်ႉ​ႁွင်ႈ တေႃႇ​ထိုင်​ႁွတ်ႈ​ထၼ်ႈ​ပေႃး​မၢၵ်ႇ​ႁိၼ်​ႁႄႈ​ဢမ်ႇ​လႆႈ​ၵိုတ်း​လႆႈ​ၵျၢၼ်ႇ​ဝႆႉ​သေ​လုၵ်ႈ​ၵႃႈ​တီႈ​ၼၼ်ႈ​တီႈ​ၶႃႈ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">ဢပႃႉသလုမ်ႇ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​ၵႃႈ​မီး​ၸိူဝ်း​ၼၼ်ႉ ဢွၼ်​ၵၼ်​လၢတ်ႈ​လႄႈ​ဝႃႈ၊ တၢင်း​ၵျၢမ်ႇ​တၢင်း​ပွင်​ဢၼ်​ ႁူႉသေး ၵူၼ်း​ ဢႃႇၶီႉ ​ပၼ်​ၼႆႉ ယဵင်ႈ​ၶႅၼ်း​လီ​ၼႃႇ​သေ​တၢင်း​ၵျၢမ်ႇ​တၢင်း​ပွင် ဢၼ်​ ဢႁီႉသေႃႇၽေးလႃႉ ​ပၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၸီႇ​ယၢင်ႇ​ႁႂ်ႈ​ယႃႉ​တၢင်း​ၵျၢမ်ႇ​တၢင်း​ပွင်​ဢၼ်​လီ ဢၼ်​ ဢႁီႉသေႃႇၽေးလႃႉ ​ပၼ်​ၼၼ်ႉ ပႅတ်ႈ​ႁႂ်ႈ​ၽေး​လႆႈ​ႁွတ်ႈ​ထိုင်​ၵႃႈ​ၼိူဝ် ဢပႃႉသလုမ်ႇ ​ဢေႃႈ။</verse>
				<verse number="15">မိူဝ်ႈ​ၼၼ်ႉ ႁူႉသေး ​သင်ႇ​လၢတ်ႈ​တီႈ​ယိတ်ႈပရေႃးႁဵၵ်ႈ​ ၸႃႇတုၵ်ႉ ဢိၵ်ႇ​တင်း​ ဢႃႇပျႃႇထႃႇ ​ၸိူဝ်း​ၼၼ်ႉ​လႄႈ​ဝႃႈ၊ ဢႁီႉသေႃႇၽေးလႃႉ ​ၼၼ်ႉ ပၼ်​တၢင်း​ၵျၢမ်ႇ​တၢင်း​ပွင်​ဢၼ်​ၸိူဝ်ႉ​ၼင်ႇ​ၼႆ ဢၼ်​ၸိူဝ်ႉ​ၼင်ႇ​ၼၼ် တီႈ​ ဢပႃႉသလုမ်ႇ ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ယဝ်ႉ။ ၵဝ်​ၶႃႈ​ၵေႃႈ​ပၼ်​တၢင်း​ၵျၢမ်ႇ​တၢင်း​ပွင် ဢၼ်​ၸိူဝ်ႉ​ၼင်ႇ​ၼႆ ဢၼ်​ၸိူဝ်ႉ​ၼင်ႇ​ၼၼ်​ယဝ်ႉ။-</verse>
				<verse number="16">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ပွႆႇ​ၸႂ်ႉ​ၵႂႃႇ​ၶၼ်​ၶၼ်​ၽႂ်း​ၽႂ်း​လႄႈ လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၶိုၼ်း​ၼႆႉ​ယႃႇ​ပေ​ယူႇ​ၵႃႈ​တီႈ​တိုဝ်ႉ​တႃႈ တီႈ​ဢၼ်​ၶၢမ်ႈ​ၼမ်ႉ​ၵႃႈ​ၼႂ်း​ထိူၼ်ႇ​သေ​ၵမ်း​တီႈ​ၶႃႈ၊ ၶၢမ်ႈ​ၵႂႃႇ​ၶၼ်​ၶၼ်​ၽႂ်း​ၽႂ်း​သေ​ၵမ်း​တီႈ​ၶႃႈ၊ ၵူၼ်း​ၶုၼ်​ႁေႃ​ၶမ်း ဢိၵ်ႇ​တင်း​ၵူၼ်း​ၵႃႈ​ဢၼ်​ပႃး​တီႈ​ၸဝ်ႈ​ႁဝ်း​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ်​သုမ်း​ဢၼ်​ၸွမ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="17">ယေႃးၼသၼ်ႇ တင်း​ ဢႁီႉမတ်ႉ ​ၸိူဝ်း​ၼၼ်ႉ မီး​ယူႇ​ၵႃႈ​တီႈ​ ဢႅၼ်ႇရေႃႇၵေးလႃႉ ​လႄႈ မႄႈ​ယိင်း​ဢွၼ်ႇ​ၵေႃႉ​ၼိုင်ႈ ၵႂႃႇ​လၢတ်ႈ​ပၼ်​တီႈ​သွင်​ၶႃ​လႄႈ သွင်​ၶႃ​ၼၼ်ႉ​ၵႂႃႇ​ႁႂ်ႈ​လႆႈ​လဝ်ႊ​လၢတ်ႈ​ပၼ်​တီႈ​ၶုၼ်​လူင်​ တႃႇဝိတ်ႈ ​ဢေႃႈ။ လွင်ႈ​မၼ်း​ၸမ်ႉ ၵူဝ်​ပိူၼ်ႈ​ႁၼ်​လႄႈ သွင်​ၶႃ​ဢမ်ႇ​ၶဝ်ႈ​ၵႃႈ​ၼႂ်း​ဝဵင်း။-</verse>
				<verse number="18">ၵူၺ်း​ၵႃႈ ၵူၼ်း​ဢွၼ်ႇ​ၵေႃႉ​ၼိုင်ႈ ႁၼ်​သွင်​ၶႃ​ၼၼ်ႉ​လႄႈ လဝ်ႊ​လၢတ်ႈ​တီႈ​ ဢပႃႉသလုမ်ႇ ​ဢေႃႈ။ သွင်​ၶႃ​ၼၼ်ႉ​ၵႂႃႇ​ၶၼ်​ၶၼ်​ၽႂ်း​ၽႂ်း​လႄႈ ၶဝ်ႈ​ၵႃႈ​ၼႂ်း​ႁိူၼ်း​ၵူၼ်း​ၵေႃႉ​ၼိုင်ႈ ဢၼ်​မီး​ၼမ်ႉ​မေႃႇ​ၵႃႈ​ၼႂ်း​ႁိူၼ်း​မၼ်း​ၼၼ်ႉ ၵႃႈ​တီႈ​ဝဵင်း​ ပႃႇႁူႉရိမ်း ​ၼၼ်ႉ​သေ​ယဝ်ႉ၊ လူင်း​ယူႇ​ၵႃႈ​ၼႂ်း​ၼမ်ႉ​မေႃႇ​ၼၼ်ႉ​လႄႈ၊-</verse>
				<verse number="19">ၵွပ်ႈ​ပိူဝ်ႈ​ဢၼ်​မႄႈ​ယိင်း​ၵေႃႉ​ၼိုင်ႈ ဢဝ်​ဢၼ်​ႁူမ်ႇ​ၼမ်ႉ​မေႃႇ​ၼၼ်ႉ ႁူမ်ႇ​ပၢၵ်ႇ​ၼမ်ႉ​မေႃႇ​ဝႆႉ​သေ​ယဝ်ႉ၊ ဢဝ်​ၶဝ်ႈ​ဢၼ်​မၢၵ်ႈ​ယဝ်ႉ​ၼၼ်ႉ တၢၵ်ႇ​ဝႆႉ​ၵႃႈ​ၼိူဝ်​ၼၼ်ႉ​လႄႈ ဢမ်ႇ​လႆႈ​ႁူႉ​လွင်ႈ​ၼၼ်ႉ​လႃး​လႃး။-</verse>
				<verse number="20">ၶႃႈ​ၵူၼ်း​ ဢပႃႉသလုမ်ႇ ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​မႄႈ​ယိင်း​ၼၼ်ႉ ၵႃႈ​ၼႂ်း​ႁိူၼ်း​ၼၼ်ႉ​လႄႈ​ထၢမ်​လႄႈ​ဝႃႈ၊ ဢႁီႉမတ်ႉ ​တင်း ယေႃးၼသၼ်ႇ ​ၸိူဝ်း​ၼၼ်ႉ​မီး​ၵႃႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ မႄႈ​ယိင်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ သွင်​ၶႃ​ၶၢမ်ႈ​ၵႂႃႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ယဝ်ႉ၊ ဝႃႈ​ၼင်ႇ​ၼႆ​လႄႈ၊ မိူဝ်ႈ​ဢၼ်​ၶဝ်​ၼၼ်ႉ​ႁႃ​လႄႈ​ဢမ်ႇ​ထူပ်း​ဢမ်ႇ​ႁၼ်​ၼၼ်ႉ​ၸိုင် ၶဝ်​ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ဢေႃႈ။-</verse>
				<verse number="21">လိုၼ်း​သေ​ဢၼ်​ၶဝ်​ၶိုၼ်း​မိူဝ်း​ၵႂႃႇ​ယဝ်ႉ​ၼၼ်ႉ၊ သွင်​ၶႃ​ၼၼ်ႉ​လုၵ်ႉ​သေ​ၵႃႈ​ၼႂ်း​ၼမ်ႉ​မေႃႇ​ဢွၵ်ႇ​လႄႈ​ၵႂႃႇ​သေ​ယဝ်ႉ၊ လဝ်ႊ​လၢတ်ႈ​တီႈ​ၶုၼ်​လူင်​ တႃႇဝိတ်ႈ ​လႄႈ​ဝႃႈ၊ လုၵ်ႉ​လႄႈ​ၶၢမ်ႈ​ၵႂႃႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ ၶၼ်​ၶၼ်​ၽႂ်း​ၽႂ်း​သေ​ၵမ်း​တီႈ​ၶႃႈ၊ ဢႁီႉသေႃႇၽေးလႃႉ ​ၼၼ်ႉ ပၼ်​တၢင်း​ၵျၢမ်ႇ​တၢင်း​ပွင်​ၸိူဝ်ႉ​ၼင်ႇ​ၼႆ​ယူႇ​ၽၢႆႇ​ၼိုင်ႈ​တင်း​ၸဝ်ႈ​ႁဝ်း​တီႈ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">တႃႇဝိတ်ႈ ​ဢိၵ်ႇ​တင်း​ၶဝ်​ၸိူဝ်း​ဢၼ်​ပႃး​တီႈ​မၼ်း​ၵႃႈ​မီး​ၼၼ်ႉ ဢွၼ်​ၵၼ်​လုၵ်ႉ​လႄႈ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။ မိူဝ်ႈ​ဢၼ်​မိူင်း​လႅင်း​ၼၼ်ႉ​ၸိုင် ၵေႃႉ​ဢၼ်​ဢမ်ႇ​ပႆႇ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ပူၼ်ႉ​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။</verse>
				<verse number="23">ဢႁီႉသေႃႇၽေးလႃႉ ​ၼၼ်ႉ ႁူႉ​ႁၼ်​လွင်ႈ​ဢၼ်​ဢမ်ႇ​ၸွမ်း​တၢင်း​ၵျၢမ်ႇ​တၢင်း​ပွင်​မၼ်း​ၼၼ်ႉ​သေ​ယဝ်ႉ၊ ႁႂ်ႈ​တၢင်ႇ​ၵွပ်း​ႁၢင်ႈ​ၵွပ်း​လီႈ မၼ်း​သေ​လႄႈ လုၵ်ႉ​လႄႈ​ၵႂႃႇ​ၸူး​ၵႃႈ​တီႈ​ႁိူၼ်း​မၼ်း​ၵႃႈ​တီႈ​ဝဵင်း​တီႈ​ယူႇ​မၼ်း​ၼၼ်ႉ​သေ​လႄႈ ၸီႇ​ယၢင်ႇ​ဢမူႉ​ၵၢၼ်​ႁိူၼ်း​မၼ်း​သေ​ယဝ်ႉ၊ ဢဝ်​ၸိူၵ်ႈ​မတ်ႉ​ႁွႆႈ​ၵႅၼ်​ၶေႃး​မၼ်း​သေ​လႄႈ​တၢႆ​သေ​ဢေႃႈ။ မၼ်း​လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​ၼႂ်း​ပႃႇ​ႁဵဝ်ႈ​ပူႇ​မွၼ်ႇ​မၼ်း​ၸိူဝ်း​ၼၼ်ႉ​ဢေႃႈ။</verse>
				<verse number="24">တႃႇဝိတ်ႈ ​ႁွတ်ႈ​ထိုင်​ၵႃႈ​တီႈ​ဝဵင်း​ မႁႃႇၼိမ်ႇ ​ဢေႃႈ။ ဢပႃႉသလုမ်ႇ ​ၵေႃႈ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ဢိၵ်ႇ​လူၺ်ႈ​ၵၼ်​တင်း​ၵူၼ်း​မဵဝ်း ဢီႉသရေႇလႃႉ ​ၵႃႈ​ဢၼ်​ပႃး​တီႈ​မၼ်း​ၼၼ်ႉ​ဢေႃႈ၊-</verse>
				<verse number="25">ဢပႃႉသလုမ်ႇ ​ၼၼ်ႉ​ၶၢၼ်း​ဝႆႉ ဢႃႇမသႃႉ ဝႆႉ​ၵႃႈ​ၼႂ်း​ဢရႃႇ​ၶုၼ်​ပူဝ်ႇ​ၶျုၵ်ႈ​တၢင်​တူဝ်​ ယႂႃႇၽႃႉ ​ၼၼ်ႉ​ဢေႃႈ။ ဢႃႇမသႃႉ ​ၸမ်ႉ၊ ပဵၼ်​လုၵ်ႈ​ၸၢႆး​ ယေႇသႃႇ ၵူၼ်း​ ဢီႉသမေႇလႃႉ ဢၼ်​ဢဝ်​ၵၼ်​တင်း​ ဢၽီႉၵေးလႃႉ ဢၼ်​ပဵၼ်​လုၵ်ႈ​ယိင်း​ ၼႃႇႁတ်ႉ ​လႄႈ ပဵၼ်​ၼွင်ႉ​ယိင်း​ ၸေႇရူႉယႃႇ မေး​ ယႂႃႇၽႃႉ ​ၼၼ်ႉ​ဢေႃႈ။-</verse>
				<verse number="26">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​ ဢပႃႉသလုမ်ႇ ​ၼၼ်ႉ ၶျႃး​တပ်ႉ​ၶဝ်​ၵႃႈ​တီႈ​မိူင်း​ ၵီႉလတ်ႉ ​ဢေႃႈ။</verse>
				<verse number="27">မိူဝ်ႈ​ဢၼ်​ တႃႇဝိတ်ႈ ​ႁွတ်ႈ​ထိုင်​ၵႃႈ​တီႈ​ဝဵင်း​ မႁႃႇၼိမ်ႇ ​ၼၼ်ႉ​ၸိုင်၊ သေႃႇၽီႉ ​လုၵ်ႈ​ၸၢႆး​ ၼႃႇႁတ်ႉ ၵူၼ်း​ဝဵင်း​ ရပ်ႉပႃႇ မိူင်း​ ဢမ်ႇမုၼ်ႇ၊ မႃႇၶီႉရႃႉ လုၵ်ႈ​ၸၢႆး​ ဢမျေးလႃႉ ၵူၼ်း​ဝဵင်း​ လေႃႇတေႇပႃႇ၊ ပႃႇၸီႉလေး ၵူၼ်း​ဝဵင်း​ ရေႃႇၵေႇလိမ်း မဵဝ်း​ ၵီႉလတ်ႉ ​ၸိူဝ်း​ၼၼ်ႉ၊-</verse>
				<verse number="28">ဢွၼ်​ၵၼ်​ဢဝ်​တီႈ​ၼွၼ်း​လႂ်၊ ၵွၵ်း​လႂ်၊ မေႃႈ​လိၼ်​လႂ် ဢိၵ်ႇ​လူၺ်ႈ​ၵၼ်​တင်း​ၶဝ်ႈ​သၢၼ်​ၵျုင်ႇ၊ ၶဝ်ႈ​သၢၼ်​မူႉ​ယေႃး၊ ၽွင်​ၶဝ်ႈ​မုၼ်း၊ မဵဝ်း​ၶဝ်ႈ​တႅၵ်ႇ၊ မဵဝ်း​ထူဝ်ႇ၊ မဵဝ်း​ထူဝ်ႇ​ထိူၼ်ႇ၊ မဵဝ်း​ထူဝ်ႇ​တႅၵ်ႇ၊-</verse>
				<verse number="29">ၼမ်ႉ​ၽိုင်ႈ၊ ထေႃးပၢတ်ႈ၊ သူဝ်း၊ ၼမ်ႉ​ၼူမ်း​ၵၢမ်ႈ ပုၼ်ႈ​ဢၼ်​ တႃႇဝိတ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ပႃး​တီႈ​မၼ်း​ၼၼ်ႉ တၵ်း​ၵိၼ်​ၼၼ်ႉ​မႃး​ဢေႃႈ။ လွင်ႈ​မၼ်း​ၸမ်ႉ​ၶဝ်​ၼၼ်ႉ​ဝႃႈ၊ ၵူၼ်း​တင်း​လၢႆ လႆႈ​ဢိုပ်း​တၢင်း​ၵိၼ်​ယူႇ၊ ႁိူဝ်ႉ​ဢူၼ်ႈ​ယူႇ၊ ယၢၵ်ႇ​ၼမ်ႉ​ယူႇ​ၵႃႈ​ၼႂ်း​ထိူၼ်ႇ​မႃး​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">တႃႇဝိတ်ႈ ​ၼပ်ႉ​ဢၢၼ်ႇ​ၵူၼ်း​ဢၼ်​ပႃး​တီႈ​မၼ်း​ၸိူဝ်း​ၼၼ်ႉ​လႄႈ ၶၢၼ်း​ဝႆႉ​ၶဝ်​ၸိူဝ်း​ဢၼ်​ဢုပ်ႉ​ၼိူဝ်​ၵူၼ်း​ယေႈ​ႁဵင်၊ ၶဝ်​ၸိူဝ်း​ဢၼ်​ဢုပ်ႉ​ၼိူဝ်​ၵူၼ်း​ယေႈ​ပၢၵ်ႇ​ဢေႃႈ။-</verse>
				<verse number="2">တႃႇဝိတ်ႈ ​ႁႂ်ႈ​ၵူၼ်း​တင်း​လၢႆ​ၶီႇ​ၵႂႃႇ​လႄႈ ဢဝ်​ၸူႉ​ၼိုင်ႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ ယႂႃႇၽႃႉ ၊ ၸူႉ​ၼိုင်ႈ​ၵႃႈ​ၼႂ်း​မိုဝ်း​ ဢၽီႉသေး ၼွင်ႉ​ၸၢႆး​ ယႂႃႇၽႃႉ လုၵ်ႈ​ၸၢႆး ၸေႇရူႉယႃႇ ၊ ၸူႉ​ၼိုင်ႈ​ၵႃႈ​ၼႂ်း​မိုဝ်း​ ဢိတ်ႉတေႇ ၵူၼ်း​ ၵိတ်ႉတီႉ ​ၼၼ်ႉ​လႄႈ ၶုၼ်​ႁေႃ​ၶမ်း​မီး​ဢမိင်ႉ​တီႈ​ၵူၼ်း​တင်း​လၢႆ​လႄႈ​ဝႃႈ၊ တူဝ်​ၵဝ်​တၵ်း​ၶီႇ​ၵႂႃႇ​လူၺ်ႈ​ၵၼ်​တင်း​သူ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵူၼ်း​တင်း​လၢႆ​ၵေႃႈ​ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ တူဝ်​ၸဝ်ႈ​ႁဝ်း​ယႃႇ​ပေ​ၵႂႃႇ​သေ​ၵမ်း​တီႈ​ၶႃႈ။ ပိၵ်ႉ​သမ်ႉ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢွၵ်ႇ​ပၢႆႈ​သေ​ၵေႃႈ ၶဝ်​ဢမ်ႇ​မၢတ်ႈ​ပဵၼ်​ဢမူႉ​တီႈ​ၶႃႈ။ ပိၵ်ႉ​သမ်ႉ​ၶႃႈ​ၸဝ်ႈ​ႁဝ်း​ၼႆႉ​တၢႆ​ၶိုင်ႈ​ၼိုင်ႈ​သေ​ၵေႃႈ ၶဝ်​ဢမ်ႇ​မၢတ်ႈ​ပဵၼ်​ဢမူႉ​တီႈ​ၶႃႈ။ ၸဝ်ႈ​ႁဝ်း​ၸမ်ႉ၊ မျၢတ်ႈ​ၼႃႇ​သေ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ မိုၼ်ႇ​ၼိုင်ႈ​တီႈ​ၶႃႈ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ပေႃး​ၸဝ်ႈ​ႁဝ်း​ယူႇ​ၵႃႈ​ၼႂ်း​ဝဵင်း​လႄႈ ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​ၸိူဝ်း​ၼႆႉ​ယူႇ​ၸိုင်၊ ယဵင်ႈ​ၶႅၼ်း​တၵ်း​လီ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၶုၼ်​ႁေႃ​ၶမ်း​ၵေႃႈ​မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ႁဵတ်း​ၸွမ်း​ၵႃႈ​ဢၼ်​သူ​ထၢင်ႇ​ပဵၼ်​ဢၼ်​လီ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ​လႄႈ ၵူၼ်း​တင်း​သဵင်ႈ​တင်း​လူင် ႁဵတ်း​တပ်ႉ​ယေႈ​ပၢၵ်ႇ၊ တပ်ႉ​ယေႈ​ႁဵင်​သေ​လႄႈ​ၶီႇ​ၵႂႃႇ​ဢေႃႈ။-</verse>
				<verse number="5">ၶုၼ်​ႁေႃ​ၶမ်း​ၵေႃႈ​သင်ႇ​လၢတ်ႈ​ဝႆႉ​တီႈ​ ယႂႃႇၽႃႉ၊ ဢၽီႉသေး၊ ဢိတ်ႉတေႇ ​ၸိူဝ်း​ၼၼ်ႉ​လႄႈ​ဝႃႈ၊ ထွၵ်ႈ​လူၺ်ႈ​ၼႃႈ​ၵဝ်​သေ​လႄႈ ႁဵတ်း​တီႈ​ ဢပႃႉသလုမ်ႇ ​ဢွၼ်ႇ​ၼၼ်ႉ ဢူၼ်ႈ​ဢူၼ်ႈ​ဢွၼ်ႇ​ဢွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵူၼ်း​တင်း​သဵင်ႈ​တင်း​လူင် လႆႈ​ငိၼ်း​မိူဝ်ႈ​ဢၼ်​ၶုၼ်​ႁေႃ​ၶမ်း​သင်ႇ​လၢတ်ႈ​လွင်ႈ​ ဢပႃႉသလုမ်ႇ တီႈ​ပူဝ်ႇ​ၵႃႈ​မီး​ၸိူဝ်း​ၼၼ်ႉ​ၸိူဝ်ႉ​ၼင်ႇ​ၼၼ်​ၼၼ်ႉ​ယူႇ​ဢေႃႈ။</verse>
				<verse number="6">ၼင်ႇ​ၼၼ်​လႄႈ ၵူၼ်း​တင်း​လၢႆ​ဢွၼ်​ၵၼ်​ဢွၵ်ႇ​ၸူး​ၵႃႈ​ၼႂ်း​တီႈ​ဢၼ်​ပၢင်ႇ​ဢၼ်​ပဵင်း ႁႂ်ႈ​လႆႈ​တိုၵ်း​ၵၼ်​တင်း​ၵူၼ်း​မဵဝ်း ဢီႉသရေႇလႃႉ ​ၸိူဝ်း​ၼၼ်ႉ​လႄႈ ၶဵင်ႇ​သိုၵ်း​ၵၼ်​ၵႃႈ​ၼႂ်း​ပႃႇ​မႆႉ​ပႃႇ​တွၵ်ႇ​ထိူၼ်ႇ​ ဢေႇၽရိမ်ႇ ​ဢေႃႈ။-</verse>
				<verse number="7">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​ၶႃႈ​ၵူၼ်း​ တႃႇဝိတ်ႈ ​ၸိူဝ်း​ၼၼ်ႉ​လႄႈ ၼႂ်း​ဝၼ်း​ၼၼ်ႉ​မီး​တၢင်း​ဢၼ် ၶႃႈ​ၽၼ်း​ဢဝ်​တၢႆ ဢၼ်​ယႂ်ႇ​ၼႃႇ​လူင်​လၢင်​ၵႃႈ​တီႈ​ၼၼ်ႈ​လႄႈ ၵူၼ်း​တၢႆ​သွင်​မိုၼ်ႇ​ဢေႃႈ။-</verse>
				<verse number="8">တၢင်း​ဢၼ်​တိုၵ်း​ၵၼ်​ၼၼ်ႉ ၸွတ်ႇ​ၸႅတ်ႇ​ၵႃႈ​ၼိူဝ်​ၼႃႈ​လိၼ်​ၵူႈ​တီႈ​ၵူႈ​လႅၼ်​လႄႈ ၼႂ်း​ဝၼ်း​ၼၼ်ႉ ၶဝ်​ၸိူဝ်း​ဢၼ်​တၢႆ​လူၺ်ႈ​ပႃႇ​မႆႉ​ပႃႇ​တွၵ်ႇ​ၼၼ်ႉ ယဵင်ႈ​ၶႅၼ်း​ၼမ်​ၼႃႇ​သေ ၶဝ်​ၸိူဝ်း​ဢၼ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ​ဢေႃႈ။</verse>
				<verse number="9">ဢပႃႉသလုမ်ႇ ႁူပ်ႉ​ထူပ်း​ၶႃႈ​ၵူၼ်း​ တႃႇဝိတ်ႈ ​ဢေႃႈ။ ဢပႃႉသလုမ်ႇ ​ၼၼ်ႉ​ၶီႇ​လီႈ​သေ​လႄႈ လီႈ​ၼၼ်ႉ​ၶဝ်ႈ​ၵႂႃႇ​ၵႃႈ​တႂ်ႈ​ၵိင်ႇ​တႂ်ႈ​ၶႃႊ​မႆႉ​ၼိမ်​ဢၼ်​ၼႃ​တၼ်​ၼႃႇ​လႄႈ တူၼ်ႈ​ယႂ်ႇ​ၼႃႇ​ၼၼ်ႉ​လႄႈ​ၵွၵ်း​ႁူဝ်​မၼ်း​ၶၢင်ႉ​ၶမ်​ယူႇ​ၵႃႈ​တီႈ​တူၼ်ႈ​မႆႉ​ၼိမ်​သေ​ယဝ်ႉ၊ ႁွႆႈ​ၽႅၼ်​ယူႇ​ၵႃႈ​တီႈ​ဝူင်ႈ​ၵၢင်​ၽႃႉ​တင်း​လိၼ်​လႄႈ လီႈ​ဢၼ်​မၼ်း​ၶီႇ​ၼၼ်ႉ​ဢွၵ်ႇ​ၵႂႃႇ​သေ​ဢေႃႈ။-</verse>
				<verse number="10">ၵူၼ်း​ၵေႃႉ​ၼိုင်ႈ​ႁၼ်​လႄႈ မွၵ်ႇ​လၢတ်ႈ​တီႈ​ ယႂႃႇၽႃႉ ​လႄႈ​ဝႃႈ၊ ၵဝ်​ၶႃႈ​လႆႈ​ႁၼ်​ ဢပႃႉသလုမ်ႇ ​ႁွႆႈ​ၽႅၼ်​ယူႇ ၵႃႈ​တီႈ​တူၼ်ႈ​မႆႉ​ၼိမ်​ၼၼ်ႉ​မႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">ယႂႃႇၽႃႉ ​လၢတ်ႈ​တီႈ​ၵေႃႉ​ဢၼ်​မွၵ်ႇ​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ပေႃး​မႂ်း​ႁၼ်​မႃး​ယဝ်ႉ​ဢမၢၼ်ႇ​ၶၼ်​ပဵၼ်​ၸိုင် ႁဵတ်း​သင်​လႄႈ​မႂ်း​ဢမ်ႇ​တႅင်း​မၼ်း​တူၵ်း​ပႅတ်ႈ​ၵႃႈ​ၼိူဝ်​လိၼ်​ၼင်ႇ​ႁိုဝ်။ သင်​မႂ်း​ႁဵတ်း​ၼင်ႇ​ၼၼ်​ၸိုင် ၵဝ်​လႆႈ​ပၼ်​ငိုၼ်း​သိပ်း​ၵျၢပ်ႈ ဢိၵ်ႇ​တင်း​သၢႆ​ႁတ်ႉ​ဢႅဝ်​တီႈ​မႂ်း​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">ၵေႃႉ​ၼၼ်ႉ​လၢတ်ႈ​တီႈ​ ယႂႃႇၽႃႉ ​လႄႈ​ဝႃႈ၊ ပိၵ်ႉ​သမ်ႉ​ၵဝ်​ၶႃႈ​တၵ်း​လႆႈ​ၶၢမ်ႇ​ဢဝ်​ငိုၼ်း​သေ​ႁဵင်​ၵျၢပ်ႈ​ၼိုင်ႈ ၵႃႈ​ၼႂ်း​မိုဝ်း​ၵဝ်​ၶႃႈ​သေ​ၵေႃႈ၊ ၵဝ်​ၶႃႈ​ဢမ်ႇ​ယဵတ်ႇ​မိုဝ်း​သေ​လႄႈ ႁဵတ်း​တီႈ​လုၵ်ႈ​ၸၢႆး​ၶုၼ်​ႁေႃ​ၶမ်း​ၼၼ်ႉ​လႆႈ​ၶႃႈ။ လွင်ႈ​မၼ်း​ၸမ်ႉ ၵႃႈ​ၼင်ႇ​ဢၼ်​ႁဝ်း​ၶႃႈ​လႆႈ​ငိၼ်း​ၼၼ်ႉ၊ ၶုၼ်​ႁေႃ​ၶမ်း​သင်ႇ​လၢတ်ႈ​ဝႆႉ​တီႈ​ၸဝ်ႈ​ႁဝ်း ဢိၵ်ႇ​တင်း​ ဢၽီႉသေး တင်း​ ဢိတ်ႉတေႇ ​လႄႈ​ဝႃႈ၊ ထွၵ်ႈ​လူၺ်ႈ​ၼႃႈ​ၵဝ်​သေ​လႄႈ ၽူႈ​လႂ်​ယႃႇ​ပေ​တိူဝ်ႉ​ပေ​ထုၵ်ႇ ဢပႃႉသလုမ်ႇ ​ဢွၼ်ႇ​ၼၼ်ႉ၊ ဝႃႈ​ၼင်ႇ​ၼႆ​ဝႆႉ​ၶႃႈ​ယဝ်ႉ။-</verse>
				<verse number="13">ပေႃး​ဢမ်ႇ​ၼၼ် ပေႃး​ၵဝ်​ၶႃႈ​ပႅတ်ႉ​လႅၼ်​လူၺ်ႈ​ဢသၢၵ်ႈ​မၼ်း​ၼၼ်ႉ​ၸိုင်၊ ၵွပ်ႈ​ပိူဝ်ႈ​ဢၼ်​လွင်ႈ​တၢင်း​ဢၼ်​သိူင်ႇ​ဝႆႉ​မႅပ်ႉ​ဝႆႉ ႁႂ်ႈ​ၶုၼ်​ႁေႃ​ၶမ်း​ဢမ်ႇ​ႁူႉ​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ဢၼ်​လႄႈ ၸဝ်ႈ​ႁဝ်း​ၵေႃႈ​တၵ်း​ယူႇ​ၽၢႆႇ​ၼိုင်ႈ​တင်း​ၵဝ်​ၶႃႈ ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">ယႂႃႇၽႃႉ ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​တၼ်း​ယူႇ​လူၺ်ႈ​ၵၼ်​တင်း​မႂ်း၊ ဝႃႈ​ၼင်ႇ​ၼႆ​သေ​လႄႈ ယိပ်း​ၵမ်​ဢဝ်​ႁွၵ်ႇ​ဢၼ်​ပွတ်း​သၢမ်​မၢၵ်ႈ​သေ​လႄႈ ဢဝ်​တႅင်း​သႂ်ႇ​ႁူဝ်​ၸႂ်​ ဢပႃႉသလုမ်ႇ ဢၼ်​ဢသၢၵ်ႈ​ယင်း​လိပ်း​ယူႇ ၵႃႈ​ၼႂ်း​ၵႄႈ​တူၼ်ႈ​မႆႉ​ၼိမ်​ၼၼ်ႉ ပွင်ႇ​ပဵဝ်​ၵႂႃႇ​ဢေႃႈ။-</verse>
				<verse number="15">ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​ ယႂႃႇၽႃႉ ​သိပ်း​ၼိုင်ႈ​ၵေႃႈ ဢွၼ်​ၵၼ်​ဝႅင်း​ႁွပ်ႈ​သေ​လႄႈ ႁဵတ်း​တီႈ​ ဢပႃႉသလုမ်ႇ ႁႂ်ႈ​ထၼ်ႈ​ပေႃး​တၢႆ​ဢေႃႈ။-</verse>
				<verse number="16">ယႂႃႇၽႃႉ ​ၵေႃႈ​ပဝ်ႇ​တိုင်ႈ​ၼႄးၶရႃႇ​လႄႈ ၵူၼ်း​တင်း​လၢႆ​ဢွၼ်​ၵၼ်​လုၵ်ႉ​သေ​ၵႃႈ​တီႈ​ဢၼ် လိုပ်ႈ​ၸွမ်း​လမ်း​ၸွမ်း​ၵူၼ်း​မဵဝ်း ဢီႉသရေႇလႃႉ ​ၸိူဝ်း​ၼၼ်ႉ ၶိုၼ်း​မႃး​ဢေႃႈ။ လွင်ႈ​မၼ်း​ၸမ်ႉ ယႂႃႇၽႃႉ ​ႁၢမ်ႈ​တၢပ်ႈ​ႁႄႉ​ၶႅၼ်​ၵူၼ်း​တင်း​လၢႆ​ဢေႃႈ။-</verse>
				<verse number="17">ၶဝ်​ဢွၼ်​ၵၼ်​ဢဝ်​ ဢပႃႉသလုမ်ႇ ​ၼၼ်ႉ ၶျႃး​တူၵ်း​ၵႃႈ​ၼႂ်း​ၶုမ်​လိၼ်​ႁူး​လိၼ်​ဢၼ်​လိုၵ်ႉ ၵႃႈ​ၼႂ်း​ပႃႇ​မႆႉ​ပႃႇ​တွၵ်ႇ​ၼၼ်ႉ​သေ​ယဝ်ႉ၊ ဢဝ်​မၢၵ်ႇ​ႁိၼ်​ၵွင်​သႂ်ႇ​ဝႆႉ​ၵႃႈ​ၼိူဝ်​မၼ်း​ပဵၼ်​ၵွင်​လူင်​ဝႆႉ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢွၼ်​ၵၼ်​ပၢႆႈ​ၸူး​ၵႃႈ​တီႈ​ႁိူၼ်း​တီႈ​ယူႇ​ၶဝ်​ႁင်း​ၽႂ်​ႁင်း​မၼ်း​ဢေႃႈ။</verse>
				<verse number="18">ဢပႃႉသလုမ်ႇ ​ၼၼ်ႉ ၼႂ်း​မိူဝ်ႈ​ဢၼ်​ဢသၢၵ်ႈ​ယင်း​တိုၵ်ႉ​လိပ်း​ယူႇ​ၼၼ်ႉ​ၸိုင်၊ ပၵ်း​သဝ်​ပၵ်း​လၵ်း​ပုၼ်ႈ​မၼ်း ၵႃႈ​ၼႂ်း​ၶူင်ႈ​ႁူၺ်ႈ​ၶုၼ်​ႁေႃ​ၶမ်း​လႄႈ​ဝႃႈ၊ ၵဝ်​ဢမ်ႇ​မီး​လုၵ်ႈ​ၸၢႆး​ပုၼ်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼႃႇ​မႃႉ​ၸိုဝ်ႈ​သဵင်​ၵဝ်​ယူႇ​တႃႇ​သေႇ​မၼ်ႈ​ၶိူင်ႇ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။ မၼ်း​ႁွင်ႉ​ႁဵၵ်ႈ​သဝ်​ၼၼ်ႉ ၸွမ်း​လူၺ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​လႄႈ သဝ်​ၼၼ်ႉ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ သဝ်​ ဢပႃႉသလုမ်ႇ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="19">မိူဝ်ႈ​ၼၼ်ႉ​ ဢႁီႉမတ်ႉ ​လုၵ်ႈ​ၸၢႆး​ ၸႃႇတုၵ်ႉ ​ၼၼ်ႉ ယွၼ်း​ဢၶႂၢင်ႉ​လႄႈ​ဝႃႈ၊ ႁႂ်ႈ​ၵဝ်​ၶႃႈ​လႆႈ​ၶုၼ်ႇ​လႅၼ်ႈ​ၵႂႃႇ​လႄႈ လဝ်ႊ​လၢတ်ႈ​လွင်ႈ​ဢၼ်​ထႃႇဝရႃႉ​ၽြႃး​ၸီႇ​ယၢင်ႇ​တီႈ​ရၢၼ်ႇ​သူႇ​ၶုၼ်​ႁေႃ​ၶမ်း​တင်း​လၢႆ ၸွမ်း​လူၺ်ႈ​ဢပႅတ်ႈ​ၶဝ်​ၼၼ်ႉ တီႈ​ၶုၼ်​ႁေႃ​ၶမ်း​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="20">ယႂႃႇၽႃႉ ​လၢတ်ႈ​တီႈ​မၼ်း​လႄႈ​ဝႃႈ၊ ဝၼ်း​မိူဝ်ႈ​ၼႆႉ မႂ်း​ဢမ်ႇ​လႆႈ​လဝ်ႊ​လႆႈ​လၢတ်ႈ​သတၢင်း​သဵင်​ၶၢဝ်ႇ။ တၵ်း​လႆႈ​လဝ်ႊ​လႆႈ​လၢတ်ႈ​သတၢင်း​သဵင်​ၶၢဝ်ႇ တၢင်ႇ​မိုဝ်ႉ​တၢင်ႇ​ဝၼ်း​ဢေႃႈ။ ဝၼ်း​မိူဝ်ႈ​ၼႆႉ မႂ်း​ဢမ်ႇ​လႆႈ​လဝ်ႊ​လႆႈ​လၢတ်ႈ​သတၢင်း​သဵင်​ၶၢဝ်ႇ ၵွပ်ႈ​ပိူဝ်ႈ​ဢၼ်​လုၵ်ႈ​ၸၢႆး​ၶုၼ်​ႁေႃ​ၶမ်း​တၢႆ​ယဝ်ႉ​ၼၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="21">ယႂႃႇၽႃႉ ​လၢတ်ႈ​တီႈ​ ၵူႉသီႉ ​လႄႈ​ဝႃႈ၊ မႂ်း​ၵႂႃႇ​လႄႈ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း ၸွမ်း​ၵႃႈ​ၼင်ႇ​ဢၼ်​မႂ်း​လႆႈ​ႁၼ်​ၼႆႉ​တႃႉ၊ ဝႃႈ​ၼင်ႇ​ၼႆ​လႄႈ၊ ၵူႉသီႉ ​ၵူမ်ႈ​ႁူဝ်​တီႈ​ ယႂႃႇၽႃႉ ​သေ​လႄႈ​ၶုၼ်ႇ​လႅၼ်ႈ​ဢေႃႈ။-</verse>
				<verse number="22">လႆႈ​သမ်ႉ ဢႁီႉမတ်ႉ ​လုၵ်ႈ​ၸၢႆး​ ၸႃႇတုၵ်ႉ သမ်ႉ​ယွၼ်း​ဢဝ်​ဢၶႂၢင်ႉ​တီႈ​ ယႂႃႇၽႃႉ ​ထႅင်ႈ​လႄႈ​ဝႃႈ၊ ပိၵ်ႉ​ၼၼ်ႉ​သေ​ၵေႃႈ ႁႂ်ႈ​ၵဝ်​ၶႃႈ​လႆႈ​ၶုၼ်ႇ​လႅၼ်ႈ​ၸွမ်း​လင်​ ၵူႉသီႉ ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ယႂႃႇၽႃႉ ​ထၢမ်​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ ၵွပ်ႈ​ပိူဝ်ႈ​ဢၼ်​ဢမ်ႇ​မီး​သတၢင်း​ဢၼ်​လီ​ၸူမ်း​လီ​သိူဝ်း​လႄႈ ႁဵတ်း​သင်​လႄႈ မႂ်း​ၶႂ်ႈ​ၶုၼ်ႇ​လႅၼ်ႈ​ၵႂႃႇ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="23">ၵွပ်ႈ​ပိူဝ်ႈ​ဢၼ်​သမ်ႉ​ယွၼ်း​ဢၶႂၢင်ႉ​ထႅင်ႈ​လႄႈ​ဝႃႈ၊ ႁႂ်ႈ​လႆႈ​ၶုၼ်ႇ​လႅၼ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ မၼ်း​ပၼ်​ဢၶႂၢင်ႉ​လႄႈ​ဝႃႈ၊ ၶုၼ်ႇ​လႅၼ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ​ ဢႁီႉမတ်ႉ ​ၼၼ်ႉ ၶုၼ်ႇ​လႅၼ်ႈ​ၸွမ်း​သဵၼ်ႈ​တၢင်း​ပၢင်ႇ​ပဵင်း​လႄႈ ပူၼ်ႉ​ ၵူႉသီႉ ၵႂႃႇ​သေ​ဢေႃႈ။-</verse>
				<verse number="24">တႃႇဝိတ်ႈ ​ၼင်ႈ​ယူႇ​ၵႃႈ​တီႈ​ၽၵ်း​တူ ၵႄႈ​လမ်း​ဝဵင်း​သွင်​ထၢပ်ႈ​ဢေႃႈ။ ၵူၼ်း​ပႂ်ႉ​ၵၢင်​ၵေႃႉ​ၼိုင်ႈ ၶိုၼ်ႈ​ၵႃႈ​ၼိူဝ်​တီႈ​ဢၼ်​မုင်း​ၽၵ်း​တူ​လမ်း​ဝဵင်း​သေ​ယဝ်ႉ မုင်ႈ​တူၺ်း​လႄႈ​ႁၼ်​ၵူၼ်း​ၵေႃႉ​လဵဝ်​ၵူၺ်း​ၶုၼ်ႇ​လႅၼ်ႈ​မႃး​ယူႇ​ဢေႃႈ။-</verse>
				<verse number="25">ၵူၼ်း​ပႂ်ႉ​ၵၢင်​ၼၼ်ႉ သႅၼ်ႇ​ႁွင်ႉ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ ၶုၼ်​ႁေႃ​ၶမ်း​ၵေႃႈ​မီး​ဢမိင်ႉ​လႄႈ​ဝႃႈ၊ ပေႃး​ၵေႃႉ​လဵဝ်​ၵူၺ်း​ၸိုင် သတၢင်း​သဵင်​ၶၢဝ်ႇ​တၵ်း​ပႃး​မႃး​ၵႃႈ​ၼႂ်း​သူပ်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵေႃႉ​ၼၼ်ႉ​ၶုၼ်ႇ​လႅၼ်ႈ​မႃး​လႄႈ ႁွတ်ႈ​တီႈ​ဢၼ်​ၸမ်​သေ​ယဝ်ႉ၊-</verse>
				<verse number="26">ၵူၼ်း​ပႂ်ႉ​ၵၢင်​ၼၼ်ႉ သမ်ႉ​ႁၼ်​တၢင်ႇ​ၵေႃႉ​ၶုၼ်ႇ​လႅၼ်ႈ​မႃး​လႄႈ ၵူၼ်း​ပႂ်ႉ​ၵၢင်​ၼၼ်ႉ ႁွင်ႉ​ၸူး​တီႈ​ၽၵ်း​တူ​လႄႈ​ဝႃႈ၊ တူၺ်း​တီႈ​ၶႃႈ​လူး။ ၵူၼ်း​တၢင်ႇ​ၵေႃႉ​ၶုၼ်ႇ​လႅၼ်ႈ​မႃး​ထႅင်ႈ​ၵေႃႉ​လဵဝ်​ၵူၺ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​သမ်ႉ​မီး​ဢမိင်ႉ​လႄႈ​ဝႃႈ၊ ၵေႃႉ​ၼၼ်ႉ​ၵေႃႈ တၵ်း​ပႃး​သတၢင်း​သဵင်​ၶၢဝ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ၊-</verse>
				<verse number="27">ၵူၼ်း​ပႂ်ႉ​ၵၢင်​ၼၼ်ႉ​သမ်ႉ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ထၢင်ႇ တၢင်း​ဢၼ်​ၶုၼ်ႇ​ဢၼ်​လႅၼ်ႈ​ၵေႃႉ​ဢၼ်​ၶုၼ်ႇ​လႅၼ်ႈ​မႃး​ဢွၼ်​တၢင်း​ၼၼ်ႉ မိူၼ်​ၵၼ်​တင်း တၢင်း​ဢၼ်​ၶုၼ်ႇ​ဢၼ်​လႅၼ်ႈ​ ဢႁီႉမတ်ႉ ​လုၵ်ႈ​ၸၢႆး​ ၸႃႇတုၵ်ႉ ​ၼၼ်ႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ မၼ်း​ၼၼ်ႉ​ပဵၼ်​ၵူၼ်း​လီ​လႄႈ တၵ်း​ပႃး​သတၢင်း​ဢၼ်​လီ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">မိူဝ်ႈ​ၼၼ်ႉ ဢႁီႉမတ်ႉ ​ႁွင်ႉ​သႅၼ်ႇ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ လႆႈ​ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ယူႇ​သေ​လႄႈ ၶုပ်ႉ​မူပ်ႇ​ၵႃႈ​ၼိူဝ်​လိၼ်​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​လႄႈ လဝ်ႊ​လၢတ်ႈ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ႁဝ်း ဢၼ်​ဢဝ်​ၶဝ်​ၸိူဝ်း​ဢၼ် ယုၵ်ႉ​ၶႅၼ်​ယုၵ်ႉ​မိုဝ်း​ယူႇ​ၽၢႆႇ​ၼိုင်ႈ​တင်း​ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​ၼၼ်ႉ ဢၢပ်ႈ​ပၼ်​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ၶုၼ်​ႁေႃ​ၶမ်း​ၵေႃႈ​ထၢမ်​လႄႈ​ဝႃႈ၊ ဢပႃႉသလုမ်ႇ ​ဢွၼ်ႇ​ၼၼ်ႉ လႆႈ​ၵတ်း​ယဵၼ်​ၶျၢမ်း​သႃႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ဢႁီႉမတ်ႉ လဝ်ႊ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​ ယႂႃႇၽႃႉ ပွႆႇ​ၸႂ်ႉ​ၶႃႈ​ၸဝ်ႈ ၶုၼ်​လူင်​ဢိၵ်ႇ​တင်း​ၶႃႈ​ၸဝ်ႈ​ႁဝ်း​ၼႆႉ​ၼၼ်ႉ​ၸိုင်၊ ၶႃႈ​ၸဝ်ႈ​ႁၼ်​တၢင်း​ဢၼ်​ဢူၼ်​ဢဵၼ်​ဢၼ်​ယႂ်ႇ​ၼႃႇ​သေ​ၵေႃႈ ဢမ်ႇ​ႁူႉ​လွင်ႈ​မၼ်း​သေႇ​ၶျႃႇ​လီ​ငၢမ်း​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="30">ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ၶၢႆႉ​ယူႇ​ၵႃႈ​တီႈ​ႁိမ်း​ၼႆႉ​တႃႉ၊ ဝႃႈ​ၼင်ႇ​ၼႆ​လႄႈ မၼ်း​ၼၼ်ႉ​ၶၢႆႉ​လႄႈ​ယူႇ​ဢေႃႈ။-</verse>
				<verse number="31">လႆႈ​သမ်ႉ ၵူႉသီႉ ​ႁွတ်ႈ​မႃး​လႄႈ ၵူႉသီႉ ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​တီႈ​ၶႃႈ၊ ပႃး​သတၢင်း​သဵင်​ၶၢဝ်ႇ​မႃး​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ​ၸီႇ​ယၢင်ႇ​တီႈ​ၶဝ်​ၸိူဝ်း​ဢၼ် လုၵ်ႉ​ယူႇ​ၽၢႆႇ​ၼိုင်ႈ​တင်း​ၸဝ်ႈ​ႁဝ်း​ၼၼ်ႉ ၸွမ်း​လူၺ်ႈ​ဢပႅတ်ႈ​ၶဝ်​ၼၼ်ႉ ဝၼ်း​မိူဝ်ႈ​ၼႆႉ​တီႈ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="32">ၶုၼ်​ႁေႃ​ၶမ်း​ၵေႃႈ​ထၢမ်​တီႈ​ ၵူႉသီႉ ​လႄႈ​ဝႃႈ၊ ဢပႃႉသလုမ်ႇ ​ဢွၼ်ႇ​ၼၼ်ႉ လႆႈ​ၵတ်း​ယဵၼ်​ၶျၢမ်း​သႃႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ၵူႉသီႉ ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ႁႂ်ႈ​ရၢၼ်ႇ​သူႇ​ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​လုၵ်ႉ​ယူႇ​ၽၢႆႇ​ၼိုင်ႈ​တင်း​ၸဝ်ႈ​ႁဝ်း ႁႂ်ႈ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ၸဝ်ႈ​ႁဝ်း​တင်း​သဵင်ႈ​တင်း​လူင်​ၼၼ်ႉ ပဵၼ်​ၸိူဝ်ႉ​ၼင်ႇ​ၵေႃႉ​ဢွၼ်ႇ​ၼၼ်ႉ​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">ၶုၼ်​ႁေႃ​ၶမ်း​မီး​ၸႂ်​ဢၼ်​သုၵ်ႉ​ဢၼ်​ယုင်ႈ​ၼႃႇ​လူင်​လၢင်​သေ​လႄႈ ၶိုၼ်း​ၵႂႃႇ​ၸူး​ၵႃႈ​တီႈ​သုမ်ႉ​ထဵင် ဢၼ်​မီး​ၵႃႈ​ၼိူဝ်​ၽၵ်း​တူ​လမ်း​ဝဵင်း​လႄႈ​ႁႆႈ​ႁွင်ႉ​ဢေႃႈ။ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၶိုၼ်ႈ​ၵႂႃႇ​ယူႇ​ၼၼ်ႉ​ၸိုင်​မၼ်း​ဝႃႈ၊ လုၵ်ႈ​ၸၢႆး​ၵဝ်​ ဢပႃႉသလုမ်ႇ ​ဢိူၺ်း၊ လုၵ်ႈ​ၸၢႆး​ၵဝ်​ဢိူၺ်း၊ လုၵ်ႈ​ၸၢႆး​ၵဝ်​ ဢပႃႉသလုမ်ႇ ​ဢိူၺ်း၊ ၵဝ်​မီး​ဢလူဝ်ႇ​ၶႂ်ႈ​တၢႆ​တၢင်​တူဝ်​မႂ်း​ယဝ်ႉ။ ဢပႃႉသလုမ်ႇ ​လုၵ်ႈ​ၸၢႆး​ၵဝ်​ဢိူၺ်း၊ ဝႃႈ​ၼင်ႇ​ၼႆ​ယူႇ​ဢေႃႈ။</verse>
			</chapter>
			<chapter number="19">
				<verse number="1">ၼင်ႇ​ၼၼ်​လႄႈ ပိူၼ်ႈ​မွၵ်ႇ​လၢတ်ႈ​လွင်ႈ​ဢၼ်​ၶုၼ်​ႁေႃ​ၶမ်း​ႁႆႈ​ႁွင်ႉ​ပွင်ႉ​ၶၢင်း​ၵွပ်ႈ​ပိူဝ်ႈ ဢပႃႉသလုမ်ႇ ​ၼၼ်ႉ​တီႈ​ ယႂႃႇၽႃႉ ​ဢေႃႈ။-</verse>
				<verse number="2">ၼႂ်း​ဝၼ်း​ၼၼ်ႉ ပွႆး​ဢၼ်​ပႄႉ​ၼႅင်ႇ​ၼၼ်ႉ ပဵၼ်​လွင်ႈ​ဢၼ်​လီ​ငိၼ်း​ၽၢၼ်​ၵႂႃႇ​သေ​ဢေႃႈ။ ၼႂ်း​ဝၼ်း​ၼၼ်ႉ ၵူၼ်း​တင်း​လၢႆ​ငိၼ်း​လွင်ႈ​ဢၼ်​ၶုၼ်​ႁေႃ​ၶမ်း မီး​တၢင်း​ဢၼ်​ၶီ​ၸႂ်​ၶူမ်​ၸႂ် ၵွပ်ႈ​ပိူဝ်ႈ​လုၵ်ႈ​ၸၢႆး​ၸဝ်ႈ​ၼၼ်ႉ​လႄႈ၊-</verse>
				<verse number="3">ၵူၼ်း​တင်း​လၢႆ​ဢွၼ်​ၵၼ်​တဵတ်ႇ​တဵတ်ႇ လွမ်​ပၢႆႈ​ၶဝ်ႈ​ၵႃႈ​ၼႂ်း​ဝဵင်း​ၼႂ်း​ဝၢၼ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၶဝ်​ၸိူဝ်း​ဢၼ်​ဢူၵ်း​ဢၼ်​ဢၢႆ​တင်း​လၢႆ တဵတ်ႇ​တဵတ်ႇ​ဢွၵ်ႇ​ပၢႆႈ​သေ​ၵႃႈ​တီႈ​ပွႆး​ဢၼ်​တိုၵ်း​သိုၵ်း​ၼၼ်ႉ​ဢေႃႈ။-</verse>
				<verse number="4">ၶုၼ်​ႁေႃ​ၶမ်း​ၵေႃႈ ႁူမ်ႇ​သုမ်ႇ​ၼႃႈ​သေ​လႄႈ ၶုၼ်​ႁေႃ​ၶမ်း​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​ႁႆႈ​လႄႈ​ဝႃႈ၊ လုၵ်ႈ​ၸၢႆး​ၵဝ်​ ဢပႃႉသလုမ်ႇ ​ဢိူၺ်း၊ ဢပႃႉသလုမ်ႇ ​ဢိူၺ်း၊ လုၵ်ႈ​ၸၢႆး​ၵဝ်​ဢိူၺ်း၊ လုၵ်ႈ​ၸၢႆး​ၵဝ်​ဢိူၺ်း၊ ဝႃႈ​ၼင်ႇ​ၼႆ​ယူႇ​ဢေႃႈ။-</verse>
				<verse number="5">ယႂႃႇၽႃႉ ​ၶဝ်ႈ​ၼႂ်း​ႁိူၼ်း​ၸူး​ၵႃႈ​တီႈ​ၶုၼ်​ႁေႃ​ၶမ်း​လႄႈ လဝ်ႊ​လၢတ်ႈ​လႄႈ​ဝႃႈ၊ ဝၼ်း​မိူဝ်ႈ​ၼႆႉ ၸဝ်ႈ​ႁဝ်း​ယႃႉ​သရေႇ​ၼႃႈ​တႃ​ၶႃႈ​ၸဝ်ႈ​ႁဝ်း​ၶဝ်​တင်း​သဵင်ႈ​တင်း​လူင် ဢၼ်​ၵႄႇ​သႄႇ​ၶျွတ်ႈ​ဢဝ်​ၸႃႉ​ၸဵမ် ဢသၢၵ်ႈ​ၸဝ်ႈ​ႁဝ်း​လႄႈ​လုၵ်ႈ​ၸၢႆး​ၸဝ်ႈ၊ လုၵ်ႈ​ယိင်း​ၸဝ်ႈ၊ ၼၢင်း​ႁေႃ​ၶမ်း၊ ၸိူင်ႉ​ၼၢင်း​တင်း​လၢႆ ဝၼ်း​မိူဝ်ႈ​ၼႆႉ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="6">ၸဝ်ႈ​ႁဝ်း​ႁၵ်ႉ​ၶဝ်​ၸိူဝ်း​ဢၼ်​ၸင်း​ၸဝ်ႈ​ႁဝ်း​ၼၼ်ႉ​လႄႈ ၸင်း​ၶဝ်​ၸိူဝ်း​ဢၼ်​ႁၵ်ႉ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။ ဝၼ်း​မိူဝ်ႈ​ၼႆႉ ၸဝ်ႈ​ႁဝ်း​ၼႄ​ပျႃး​လွင်ႈ​ဢၼ် ၸဝ်ႈ​ႁဝ်း​ဢမ်ႇ​ပေႃး​မၢတ်ႈ​မူး​မၢတ်ႈ​ၽွင်း​မိူင်း​ၶႃႈ​ၸဝ်ႈ​တင်း​လၢႆ​ပဵၼ်​ၵႃႈ​သင်​ၼၼ်ႉ​တီႈ​ၶႃႈ​ယဝ်ႉ။ ဝၼ်း​မိူဝ်ႈ​ၼႆႉ ၶႃႈ​ၸဝ်ႈ​ႁဝ်း​ၼႆႉ ႁူႉ​ႁၼ်​လွင်ႈ​ဢၼ်​ပေႃး​ ဢပႃႉသလုမ်ႇ ​ဢသၢၵ်ႈ​လိပ်း​လႄႈ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​တၢႆ​ဝၼ်း​မိူဝ်ႈ​ၼႆႉ​ၸိုင်၊ တၵ်း​ထုၵ်ႇ​ၸႂ်​ၵျိူၵ်ႈ​ၸႂ်​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="7">မိူဝ်ႈ​လဵဝ်​ၼႆႉ လုၵ်ႉ​သေ​ၵမ်း​တီႈ​ၶႃႈ၊ ဢွၵ်ႇ​လႄႈ​လၢတ်ႈ​ၵႂၢမ်း​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​တီႈ​ၶႃႈ​ၸဝ်ႈ​ႁဝ်း​တင်း​လၢႆ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၼႆႉ တၵ်း​ဢဝ်​ထႃႇဝရႃႉ​ၽြႃး တိူင်ႇ​ဝႃႈ​ၵိၼ်ႇ​ဝႃႈ​လူၺ်ႈ​လွင်ႈ​ဢၼ် ပေႃး​ၸဝ်ႈ​ႁဝ်း​ဢမ်ႇ​ဢွၵ်ႇ​ၵႂႃႇ​ၸိုင်၊ ၶိုၼ်း​ၼႆႉ​ၽူႈ​လႂ်​တၵ်း​ဢမ်ႇ​ယူႇ​တီႈ​ၸဝ်ႈ​ႁဝ်း​သေ​ၵေႃႉ​သေ​ၵူၼ်း​ၼၼ်ႉ​တီႈ​ၶႃႈ​ယဝ်ႉ။ ပိူဝ်ႈ​ၼႆ​လႄႈ ဢမူႉ​ၼၼ်ႉ ယဵင်ႈ​ၶႅၼ်း​တၵ်း​ႁၢႆႉ​ၼႃႇ​သေ​ဢမူႉ​ၵႃႈ​ဢၼ်​ပဵၼ်​မႃး​တီႈ​ၸဝ်ႈ​ႁဝ်း ၸႃႉ​ၸဵမ်​မိူဝ်ႈ​ဢၼ်​ယင်း​လဵၵ်ႉ​ယင်း​ၼုမ်ႇ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ၶုၼ်​ႁေႃ​ၶမ်း​လုၵ်ႉ​လႄႈ ၼင်ႈ​ၵႃႈ​တီႈ​ႁူး​ၽၵ်း​တူ​ဝဵင်း​ဢေႃႈ။ မိူဝ်ႈ​ၼၼ်ႉ ၶဝ်​ဢွၼ်​ၵၼ်​မွၵ်ႇ​လၢတ်ႈ​တီႈ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ ၶုၼ်​ႁေႃ​ၶမ်း​ၼင်ႈ​ယူႇ​ၵႃႈ​တီႈ​ႁူး​ၽၵ်း​တူ​ဢေႃႈ၊ ဝႃႈ​ၼင်ႇ​ၼႆ​လႄႈ ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၶုၼ်​ႁေႃ​ၶမ်း​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸမ်ႉ၊ ဢွၼ်​ၵၼ်​ပၢႆႈ​ၵႂႃႇ​ၸူး​တီႈ​ဢၼ်​ၶဝ်​ယူႇ​ၼၼ်ႉ ႁင်း​ၽႂ်​ႁင်း​မၼ်း​ယဝ်ႉ​ယဝ်ႉ။</verse>
				<verse number="9">မိူဝ်ႈ​ၼၼ်ႉ​ၵူၼ်း​တင်း​သဵင်ႈ​တင်း​လူင်​ၵႃႈ​ၼႂ်း​မဵဝ်း​ ဢီႉသရေႇလႃႉ ၵူႈ​မဵဝ်း​ၼၼ်ႉ ၼင်ႇ​ၵၼ်​ၵၼ်​တၢင်ႇ​ဢပႅတ်ႈ​တီႈ​ၵၼ်​လႄႈ​ဝႃႈ၊ ၶုၼ်​ႁေႃ​ၶမ်း​ၼၼ်ႉ ၼုၵ်ႈ​ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ႁဝ်း​လႄႈ ၵႄႇ​သႄႇ​ဢဝ်​ႁဝ်း​လွတ်ႈ​သေ​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ယဝ်ႉ။ မိူဝ်ႈ​လဵဝ်​ၼႆႉ မၼ်း​ၸဝ်ႈ​ဢွၵ်ႇ​ပၢႆႈ​သေ​ၵႃႈ​ၼႂ်း​မိူင်း ၵွပ်ႈ​ပိူဝ်ႈ​ ဢပႃႉသလုမ်ႇ ​ၼၼ်ႉ​ဢေႃႈ။-</verse>
				<verse number="10">ဢပႃႉသလုမ်ႇ ​ဢၼ်​ႁဝ်း​ပၼ်​ၽိၵ်ႈ​သိၵ်ႈ​လႄႈ ယုၵ်ႉ​ယွင်ႈ​ဝႆႉ​ၵႃႈ​ၼိူဝ်​ႁဝ်း​ၼၼ်ႉ တၢႆ​ၵႃႈ​တီႈ​ပၢင်​သိုၵ်း​ယဝ်ႉ။ မိူဝ်ႈ​လဵဝ်​ၼႆႉ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ယင်း​ဢမ်ႇ​လၢတ်ႈ​လွင်ႈ​ဢၼ်​တၵ်း​သမ်ႉ​ဢဝ်​ၶုၼ်​ႁေႃ​ၶမ်း​ၶိုၼ်း​မႃး​ထႅင်ႈ​ၼၼ်ႉ​လႄႈ ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၶုၼ်​လူင်​ တႃႇဝိတ်ႈ ​ပွႆႇ​ၸႂ်ႉ​ၵူၼ်း​ၵႂႃႇ​ၸူး​ၵႃႈ​တီႈ​ယိတ်ႈပရေႃးႁဵၵ်ႈ​ ၸႃႇတုၵ်ႉ ဢိၵ်ႇ​တင်း​ ဢႃႇပျႃႇထႃႇ ​ၼၼ်ႉ​လႄႈ​ဝႃႈ၊ သွင်​ၶိူဝ်​လၢတ်ႈ​တီႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​မဵဝ်း​ ယူႉတႃႉ ​ၸိူဝ်း​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​တူၵ်း​လိုၼ်း​သုတ်း​ပိူၼ်ႈ ၼႂ်း​လွင်ႈ​ဢၼ်​တၵ်း​လႆႈ​ဢဝ်​ၶုၼ်​ႁေႃ​ၶမ်း​ၶိုၼ်း​သူင်ႇ​တီႈ​ႁေႃ​ၸဝ်ႈ​ၼၼ်ႉ​ၼင်ႇ​ႁိုဝ်။ ၵႂၢမ်း​ဢၼ်​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၸၢင်ႈ​လၢတ်ႈ​ၼၼ်ႉ ႁွတ်ႈ​ထိုင်​ၵႃႈ​တီႈ​ၶုၼ်​ႁေႃ​ၶမ်း ၸူး​ၵႃႈ​တီႈ​ႁေႃ​ယႃႇယီႇ​မၼ်း​ၸဝ်ႈ​ၼၼ်ႉ​ယဝ်ႉ။-</verse>
				<verse number="12">သူ​ပဵၼ်​ပီႈ​ပဵၼ်​ၼွင်ႉ​ၵဝ်၊ လုပ်ႇ​ၵဝ်၊ ၼိူဝ်ႉ​ၵဝ်​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​တူၵ်း​လိုၼ်း​သုတ်း​ပိူၼ်ႈ ၼႂ်း​လွင်ႈ​ဢၼ်​ဢဝ် ၶုၼ်​ႁေႃ​ၶမ်း​ၶိုၼ်း​သူင်ႇ​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​တႃႉ။-</verse>
				<verse number="13">သွင်​ၶိူဝ်​သမ်ႉ​ဢွၼ်​ၵၼ်​လၢတ်ႈ​တီႈ​ ဢႃႇမသႃႉ ​လႄႈ​ဝႃႈ၊ မႂ်း​ပဵၼ်​လုပ်ႇ​ၵဝ်​ၼိူဝ်ႉ​ၵဝ်​ဢမ်ႇ​ၸႂ်ႈ​ႁိုဝ်။ ပေႃး​မႂ်း​ဢမ်ႇ​ပဵၼ်​ၶုၼ်​ပူဝ်ႇ​ၶျုၵ်ႈ​တၢင်​တူဝ်​ ယႂႃႇၽႃႉ ​ယူႇ​တႃႇ​သေႇ ၵႃႈ​တီႈ​ၽၢႆႇ​ၼႃႈ​ၵဝ်​ၸိုင်၊ ယင်း​ဢမ်ႇ​ၵႃး​ဢၼ်​ၼၼ်ႉ​လႄႈ ႁႂ်ႈ​ၽြႃး​ပဵၼ်​ၸဝ်ႈ​ႁဵတ်း​လိူဝ်​တွၼ်း​ၼႃႇ​သေ​ၼၼ်ႉ​တီႈ​ၵဝ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၼင်ႇ​ၼၼ်​လႄႈ မၼ်း​ႁႂ်ႈ​ႁူဝ်​ၸႂ်​ၵူၼ်း​မဵဝ်း​ ယူႉတႃႉ ​တင်း​သဵင်ႈ​တင်း​လူင်​ၽွမ်ႉ​ၵၼ် ဢူၼ်ႈ​ၼူပ်ႈ​ၵိူင်း​ၸူး​မိူၼ်​ၸိူဝ်ႉ​ၼင်ႇ ႁူဝ်​ၸႂ်​ၵူၼ်း​ၵေႃႉ​လဵဝ်​ၵူၺ်း​ၼၼ်ႉ ထၼ်ႈ​ပေႃး​ႁႂ်ႈ​ၶဝ်​ဢွၼ်​ၵၼ်​ပွႆႇ​ၸႂ်ႉ​ပၢင်း​ဢဝ်​ၶုၼ်​ႁေႃ​ၶမ်း​လႄႈ လဝ်ႊ​လၢတ်ႈ​လႄႈ​ဝႃႈ၊ တူဝ်​ၸဝ်ႈ​ႁဝ်း ဢိၵ်ႇ​တင်း​ၶႃႈ​ၸဝ်ႈ​ႁဝ်း​တင်း​လၢႆ​ၼၼ်ႉ ၶိုၼ်း​မႃး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="15">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ၶိုၼ်း​လႄႈ ႁွတ်ႈ​ထိုင်​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။ ၵူၼ်း​မဵဝ်း​ ယူႉတႃႉ ​တင်း​လၢႆ ဢွၼ်​ၵၼ်​ၵႂႃႇ​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ႁႂ်ႈ​လႆႈ​ႁပ်ႉ​ႁူဝ်​တၢင်း​ၶုၼ်​ႁေႃ​ၶမ်း​လႄႈ၊ ဢဝ်​ၶုၼ်​ႁေႃ​ၶမ်း ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။</verse>
				<verse number="16">သီႉမီႉ ​လုၵ်ႈ​ၸၢႆး​ ၵေးရႃႉ ၵူၼ်း​ဝဵင်း​ ပႃႇႁူႉရိမ်း မဵဝ်း​ ပိၼ်ႇယႃႇမိၼ်ႇ ​ၼၼ်ႉ ႁိပ်ႈ​ၼႅတ်ႈ​ၸွမ်း​လူၺ်ႈ​ၵၼ်​တင်း​ၵူၼ်း​မဵဝ်း​ ယူႉတႃႉ ​တင်း​လၢႆ လူင်း​မႃး​ႁႂ်ႈ​လႆႈ​ႁပ်ႉ​ႁူဝ်​တၢင်း​ၶုၼ်​လူင်​ တႃႇဝိတ်ႈ ​ဢေႃႈ။-</verse>
				<verse number="17">ၵူၼ်း​မဵဝ်း​ ပိၼ်ႇယႃႇမိၼ်ႇ ​ႁဵင်​ၼိုင်ႈ ဢိၵ်ႇ​တင်း ၸီႉၽႃႉ ၶႃ​ပီႈ​ၼွင်ႉ​ၸိူဝ်ႉ​ၶိူဝ်း​ သေႃးလူႉ တင်း​လုၵ်ႈ​ၸၢႆး​မၼ်း​သိပ်း​ႁႃႈ​ၵေႃႉ၊ ၶႃႈ​မၼ်း​သၢဝ်း​ၼိုင်ႈ​ၸိူဝ်း​ၼၼ်ႉ ဢွၼ်​ၵၼ်​ၸွမ်း​မႃး​လူၺ်ႈ​ၵၼ်​တင်း​မၼ်း​ၼၼ်ႉ​လႄႈ ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ သိုဝ်ႈ​ၼႃႈ​တႂ်ႈ​တႃ​ၶုၼ်​ႁေႃ​ၶမ်း​ဢေႃႈ။-</verse>
				<verse number="18">ႁိူဝ်း​တႃႈ​ၼမ်ႉ​ၼၼ်ႉ ၶၢမ်ႈ​ၼမ်ႉ​ၵႂႃႇ ႁႂ်ႈ​လႆႈ​ႁပ်ႉ​ဢဝ်​ၵူၼ်း​ႁၢင်ႈ​ၵူၼ်း​ႁေႃ​ၸဝ်ႈ​တင်း​လၢႆ​ၶၢမ်ႈ​မႃး ဢိၵ်ႇ​တင်း​ႁႂ်ႈ​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ၸဝ်ႈ​မီး​ဢလူဝ်ႇ​ၼၼ်ႉ​ဢေႃႈ။ သီႉမီႉ ​လုၵ်ႈ​ၸၢႆး​ ၵေးရႃႉ ​ၼၼ်ႉ ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း မိူဝ်ႈ​ဢၼ်​မၼ်း​ၸဝ်ႈ​ၸမ်​တၵ်း​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​လႄႈ၊-</verse>
				<verse number="19">လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၸဝ်ႈ​ႁဝ်း​ၶႃႈ ၶႅၼ်း​တေႃႈ​ယႃႇ​ပေ​ပၼ်​ဢပႅတ်ႈ​တီႈ​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​ယႃႇ​ပေ​တွင်း​ဝႆႉ ဢမူႉ​ဢၼ်​ၶႃႈ​ၸဝ်ႈ​ႁဝ်း​ႁဵတ်း​ပူၼ်ႉ​ႁဵတ်း​လိူဝ်​ၼႃႇ​လူင်​လၢင် ၼႂ်း​ဝၼ်း​ဢၼ်​ၸဝ်ႈ​ၶုၼ်​လူင်​ဢွၵ်ႇ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ ထၼ်ႈ​ပေႃး​ၸဝ်ႈ​ၶုၼ်​လူင် ဢဝ်​ဝႆႉ​ၼႂ်း​ၸႂ်​ၼႂ်း​ၶေႃး​ယူႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="20">ၶႃႈ​ၸဝ်ႈ​ၼႆႉ​ႁူႉ​လွင်ႈ​ဢၼ် ၶႃႈ​ၸဝ်ႈ​ႁဝ်း​ၽိတ်း​ပိူင်ႈ​မႅၼ်ႈ​ၼၼ်ႉ​ယူႇ​တီႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ​ဝၼ်း​မိူဝ်ႈ​ၼႆႉ ၶႃႈ​ၸဝ်ႈ​ႁဝ်း​ၼႆႉ​ၸင်ႇ လူင်း​မႃး​ဢွၼ်​တၢင်း​သုတ်း​ပိူၼ်ႈ ၼႂ်း​မဵဝ်း​ ယူဝ်းသႅပ်ႈ ​တင်း​သဵင်ႈ​တင်း​လူင် ႁႂ်ႈ​လႆႈ​ႁပ်ႉ​ႁူဝ်​တၢင်း​ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ဢၽီႉသေး ​လုၵ်ႈ​ၸၢႆး​ ၸေႇရူႉယႃႇ ​ၼၼ်ႉ​ၵေႃႈ​လဝ်ႊ​ထၢမ်​လႄႈ​ဝႃႈ၊ သီႉမီႉ ​ၼႆႉ​တၵ်း​လႆႈ​ၶၢမ်ႇ​တၢႆ ၵွပ်ႈ​ပိူဝ်ႈ​ဢၼ်​မၼ်း​ၵိၼ်ႇ​လႃႇ​ၸဝ်ႈ ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ​ဢၼ်​ထႃႇဝရႃႉ​ၽြႃး​ပၼ်​ၼၼ်ႉ ဢမ်ႇ​ၸႂ်ႈ​တီႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">တႃႇဝိတ်ႈ ​မီး​ဢမိင်ႉ​လႄႈ​ဝႃႈ၊ လုၵ်ႈ​ၸၢႆး​ ၸေႇရူႉယႃႇ ​ၶဝ်​ဢိူၺ်း၊ သူ​ၸၢပ်ႈ​သႅင်ႇ​ၵၼ်​တင်း​ၵဝ် ႁႂ်ႈ​လႆႈ​ႁဵတ်း​ရၢၼ်ႇ​သူႇ​ၵဝ် ဝၼ်း​မိူဝ်ႈ​ၼႆႉ​ၸိူဝ်ႉ​ၼင်ႇ​ႁိုဝ်။ ၵူၼ်း​မဵဝ်း​ ဢီႉသရေႇလႃႉ ​သေ​ၵေႃႉ​သေ​ၵူၼ်း တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ဝၼ်း​မိူဝ်ႈ​ၼႆႉ​ႁိုဝ်။ ၵဝ်​ႁူႉ​လွင်ႈ​ဢၼ် ၵဝ်​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ ဝၼ်း​မိူဝ်ႈ​ၼႆႉ​ၼၼ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​လႄႈ၊-</verse>
				<verse number="23">ၶုၼ်​ႁေႃ​ၶမ်း​လၢတ်ႈ​တီႈ​ သီႉမီႉ ​လႄႈ​ဝႃႈ၊ မႂ်း​ဢမ်ႇ​လႆႈ​ၶၢမ်ႇ​တၢင်း​တၢႆ​ၵူၺ်ႉ၊ ဝႃႈ​ၼင်ႇ​ၼႆ​သေ​လႄႈ ၶုၼ်​ႁေႃ​ၶမ်း​တိူင်ႇ​ဝႃႈ​ၵိၼ်ႇ​ဝႃႈ​တီႈ​မၼ်း​ၼၼ်ႉ​ဢေႃႈ။</verse>
				<verse number="24">မေႇၽီႉပေႃးသႅတ်ႉ ​လၢၼ်​ၸၢႆး​ သေႃးလူႉ ​ၼၼ်ႉ​ၵေႃႈ လူင်း​မႃး​ႁႂ်ႈ​လႆႈ​ႁပ်ႉ​ႁူဝ်​တၢင်း​ၶုၼ်​ႁေႃ​ၶမ်း​ဢေႃႈ။ မၼ်း​ၼၼ်ႉ​ယင်း​ဢမ်ႇ​သုၵ်ႈ​တိၼ်၊ ယင်း​ဢမ်ႇ​ႁၢင်ႈ​ၶိူင်ႈ​မႄး​ၼူတ်ႇ​မႄး​ၶူၼ်၊ ယင်း​ဢမ်ႇ​သၵ်ႉ​ဢမ်ႇ​သၢႆႇ​ၶူဝ်း​ၼုင်ႈ​လႄႈ​ယူႇ ၸႃႉ​ၸဵမ်​ဝၼ်း​ဢၼ်​ၶုၼ်​ႁေႃ​ၶမ်း​ဢွၵ်ႇ​ၵႂႃႇ​ၼၼ်ႉ တေႃႇ​ထိုင်​ႁွတ်ႈ​ဝၼ်း​ဢၼ်​မၼ်း​ၸဝ်ႈ​ၶိုၼ်း​မႃး ၼိမ်​ၼိမ်​လီ​လီ​ၼၼ်ႉ​ယဝ်ႉ။-</verse>
				<verse number="25">မိူဝ်ႈ​ဢၼ်​ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ ဢွၼ်​ၵၼ်​မႃး​ႁႂ်ႈ​လႆႈ​ႁပ်ႉ​ႁူဝ်​တၢင်း​ၶုၼ်​ႁေႃ​ၶမ်း​ၼၼ်ႉ​ၸိုင်၊ ၶုၼ်​ႁေႃ​ၶမ်း​ထၢမ်​တီႈ​မၼ်း​ၼၼ်ႉ​လႄႈ​ဝႃႈ၊ မေႇၽီႉပေႃးသႅတ်ႉ ​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢမ်ႇ​ၵႂႃႇ​ၸွမ်း​လူၺ်ႈ​ၵၼ်​တင်း​ၵဝ်​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="26">မၼ်း​ၼၼ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​တီႈ​ၶႃႈ၊ ၶႃႈ ၶႃႈ​ၸဝ်ႈ​ႁဝ်း​ၼႆႉ​ၼၼ်ႉ ပႅတ်ႉ​လႅၼ်​ၶႃႈ​ၸဝ်ႈ​ႁဝ်း​ၼႆႉ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ႁဝ်း​ၼႆႉ​တိၼ်​ၵႅင်ႉ​လႄႈ ၶႃႈ​ၸဝ်ႈ​ႁဝ်း​ၼႆႉ​ဝႃႈ၊ ၵဝ်​တၵ်း​ႁၢင်ႈ​ၵွပ်း​လီႈ ႁႂ်ႈ​လႆႈ​ၶီႇ​လႄႈ​ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​ဢေႃႈ၊ ဝႃႈ​ၼင်ႇ​ၼႆ​ယူႇ​တီႈ​ၶႃႈ​ဢေႃႈ။-</verse>
				<verse number="27">မၼ်း​ၶႃႉ​ၸိုဝ်ႈ​ၶၢႆ​သဵင်​ၶႃႈ​ၸဝ်ႈ​ႁဝ်း​ၼႆႉ​တီႈ​ၸဝ်ႈ​ႁဝ်း​ၶႃႈ၊ ၸဝ်ႈ​ၶုၼ်​လူင်​တီႈ​ၶႃႈ​ယဝ်ႉ။ ၵူၺ်း​ၵႃႈ ၸဝ်ႈ​ႁဝ်း​ၶႃႈ၊ ၸဝ်ႈ​ၶုၼ်​လူင် ပဵၼ်​မိူၼ်​ၸိူဝ်ႉ​ၼင်ႇ​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​တီႈ​ၶႃႈ​ဢေႃႈ။ ႁဵတ်း​ၸွမ်း​ၵႃႈ​ၼင်ႇ​ဢၼ်​ထုၵ်ႇ​တႃ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="28">ၵႃႈ​ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶႃႈ​ၸဝ်ႈ​ႁဝ်း​ၼႆႉ​ၼၼ်ႉ ပဵၼ်​ၵူၼ်း​တၢႆ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​တီႈ​ၶႃႈ​ဢေႃႈ။ ၵူၺ်း​ၵႃႈ ၸဝ်ႈ​ႁဝ်း​ဢဝ်​ၶႃႈ​ၸဝ်ႈ​ႁဝ်း​ၼႆႉ ပၼ်​တီႈ​ယူႇ​ႁူမ်ႈ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ၵိၼ်​တီႈ​ၶူင်ႇ​တီႈ​ၵိၼ်​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ယဝ်ႉ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၶႃႈ​ၸဝ်ႈ​ႁဝ်း​ၼႆႉ​တၵ်း​မီး​ဢၶႂၢင်ႉ​ဢၼ်​လႆႈ​ၶၢင်း​ၶီ​ၶၢင်း​ၽၢၼ်​တေႃႇ​ၸဝ်ႈ​ၶုၼ်​လူင်​ထႅင်ႈ​လူး​ၵွၼ်ႇ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​လဝ်ႊ​လၢတ်ႈ​လူၺ်ႈ​လွင်ႈ​ဢမူႉ​မႂ်း တီႈ​ၵဝ်​ထႅင်ႈ​လူး​ၵွၼ်ႇ​ၸိူဝ်ႉ​ၼင်ႇ​ႁိုဝ်။ ၵဝ်​ၸီႇ​ယၢင်ႇ​လွင်ႈ​ဢၼ်​မႂ်း ဢိၵ်ႇ​တင်း​ ၸီႉၽႃႉ ​ၼၼ်ႉ တၵ်း​လႆႈ​ၽႄ​လိၼ်​မႅင်ႇ​ၵၼ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">မေႇၽီႉပေႃးသႅတ်ႉ ​ၵေႃႈ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​သမ်ႉ​ၶိုၼ်း​ႁွတ်ႈ​ထိုင် ၵႃႈ​တီႈ​ႁၢင်ႈ​ၸဝ်ႈ​ႁေႃ​ၸဝ်ႈ ၼိမ်​ၼိမ်​လီ​လီ​ၼၼ်ႉ​လႄႈ ႁႂ်ႈ​မၼ်း​ၼၼ်ႉ​ဢဝ်​ၵူႈ​ၸိူဝ်ႉ​ၵူႈ​ပိူင်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">ပႃႇၸီႉလေး ​ၵူၼ်း​မိူင်း​ ၵီႉလတ်ႉ ​ၼၼ်ႉ​ၵေႃႈ လုၵ်ႉ​သေ​ၵႃႈ​တီႈ​ဝဵင်း​ ရေႃႇၵေႇလိမ်း လူင်း​မႃး​လႄႈ ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ လူၺ်ႈ​ၵၼ်​တင်း​ၶုၼ်​ႁေႃ​ၶမ်း ႁႂ်ႈ​လႆႈ​ၸွမ်း​သူင်ႇ​မၼ်း​ၸဝ်ႈ​ပူၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။-</verse>
				<verse number="32">ပႃႇၸီႉလေး ​ၼၼ်ႉ ပဵၼ်​ၵေႃႉ​ဢၼ်​ထဝ်ႈ​ၵႄႇ​ၼႃႇ​လႄႈ ဢသၢၵ်ႈ​လႆႈ​ပႅတ်ႇ​သိပ်း​ပီႊ​ဢေႃႈ။ မၼ်း​လႆႈ​ႁဵတ်း​လဵင်ႉ​ႁဵတ်း​လူ​တီႈ​ၶုၼ်​ႁေႃ​ၶမ်း ၸူဝ်ႈ​ဢၼ်​ၶုၼ်​လူင်​ယင်း​တိုၵ်ႉ​ၶျႃး​တပ်ႉ​ယူႇ​ၵႃႈ​တီႈ​ဝဵင်း​ မႁႃႇၼိမ်ႇ ​ၼၼ်ႉ​ဢေႃႈ။ မၼ်း​ပဵၼ်​ၵေႃႉ​ဢၼ် မၢၵ်ႈ​မီး​ၼႃႇ​လူင်​လၢင်​ဢေႃႈ။-</verse>
				<verse number="33">ၶုၼ်​ႁေႃ​ၶမ်း​ၵေႃႈ​မီး​ဢမိင်ႉ​တီႈ​ ပႃႇၸီႉလေး ​လႄႈ​ဝႃႈ၊ ၸွမ်း​လူၺ်ႈ​ၵၼ်​တင်း​ၵဝ်​တႃႉ။ ၵဝ်​တၵ်း​လဵင်ႉ​လူ​မႂ်း​ႁူမ်ႈ​လူၺ်ႈ​ၵၼ်​တင်း​ၵဝ် ၵႃႈ​တီႈ​ဝဵင်း​ ယေႇရူႉသလႅမ်ႇ ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="34">ပႃႇၸီႉလေး ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ လွင်ႈ​ၼင်ႇ​ႁိုဝ်​ၶႃႈ​ၸဝ်ႈ​ႁဝ်း​ၼႆႉ တၵ်း​လႆႈ​ၸွမ်း​လူၺ်ႈ​ၵၼ်​တင်း​ၸဝ်ႈ​ၶုၼ်​လူင် ၶိုၼ်း​ၵႂႃႇ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ပုၼ်ႉ​ၸိုင်၊ ဢသၢၵ်ႈ​ၶႃႈ​ၸဝ်ႈ​ႁဝ်း​ၼႆႉ ယင်း​ၵိုတ်း​ၵျၢၼ်ႇ​ၵႃႈ​ႁိုဝ်​လူး​ၵွၼ်ႇ​တီႈ​ၶႃႈ။-</verse>
				<verse number="35">ဝၼ်း​မိူဝ်ႈ​ၼႆႉ​ဢသၢၵ်ႈ​ၶႃႈ​ၸဝ်ႈ​ႁဝ်း​ၼႆႉ လႆႈ​ပႅတ်ႇ​သိပ်း​ပီႊ​ယဝ်ႉ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ႁဝ်း​ၼႆႉ တၵ်း​ၸၵ်း​ၽႄ​လႄႈ ႁူႉ​လွင်ႈ​ဢၼ်​လီ ဢၼ်​ဢမ်ႇ​လီ​လႆႈ​တီႈ​ၶႃႈ​ႁိုဝ်။ ၶႃႈ​ၸဝ်ႈ​ႁဝ်း​ၼႆႉ တၵ်း​ၸိမ်း​တူၺ်း​ဢရႃႉသႃႇ​တၢင်း​ၵိၼ်​တၢင်း​ၶူပ်း​လႆႈ​တီႈ​ၶႃႈ​ႁိုဝ်။ ၶႃႈ​ၸဝ်ႈ​ႁဝ်း​ၼႆႉ တၵ်း​ငိၼ်း​သဵင်​ဢၼ်​မေႃ​ၵႂၢမ်း​ၵူၼ်း​ၸၢႆး၊ မေႃ​ၵႂၢမ်း​ၵူၼ်း​ယိင်း​တင်း​လၢႆ​ႁဵတ်း​ၼၼ်ႉ​လႆႈ​တီႈ​ၶႃႈ​ႁိုဝ်။ ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶႃႈ​ၸဝ်ႈ​ႁဝ်း​ၼႆႉ တၵ်း​လႆႈ​ပဵၼ်​ဢၼ်​ၼၵ်း​ၼႃ​ပႃး​ပၼ်​တီႈ​ၸဝ်ႈ​ၵဝ်​ၶႃႈ ၸဝ်ႈ​ၶုၼ်​လူင်​ၼင်ႇ​ႁိုဝ်​တီႈ​ၶႃႈ၊-</verse>
				<verse number="36">ၶႃႈ​ၸဝ်ႈ​ႁဝ်း​ၼႆႉ တၵ်း​ၸွမ်း​လူၺ်ႈ​ၵၼ်​တင်း​ၸဝ်ႈ​ၶုၼ်​လူင် ၶၢမ်ႈ​ၵႂႃႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ဢိတ်း​ၼိုင်ႈ​ၵူၺ်း​တီႈ​ၶႃႈ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ၶုၼ်​လူင်​တၵ်း​ၶျႃး​ပၼ်​သူး​လၢပ်ႈ​ဢၼ်​ယႂ်ႇ​ၼႃႇ​လူင်​လၢင်​ထၼ်ႈ​ၼႆႉ​ၼင်ႇ​ႁိုဝ်​တီႈ​ၶႃႈ။-</verse>
				<verse number="37">ၶႅၼ်း​တေႃႈ​ပၼ်​ဢၶႂၢင်ႉ​ႁႂ်ႈ​ၶႃႈ​ၸဝ်ႈ​ႁဝ်း​ၼႆႉ လႆႈ​ၶိုၼ်း​မိူဝ်း​ၵႂႃႇ ႁႂ်ႈ​လႆႈ​တၢႆ​ၵႃႈ​ၼႂ်း​ဝဵင်း​တီႈ​ယူႇ​ၶႃႈ​ၸဝ်ႈ ၵႃႈ​တီႈ​ႁိမ်း​ပႃႇ​ႁဵဝ်ႈ​ပေႃႈ​မႄႈ​ၶႃႈ​ၸဝ်ႈ​ႁဝ်း​ၼႆႉ​ၼၼ်ႉ​သေ​ၵမ်း​တီႈ​ၶႃႈ၊ ၼႂ်း​ဝႃႈ​ၼၼ်​သေ​ၵေႃႈ မီး​ၶႃႈ​ၸဝ်ႈ​ႁဝ်း​ ၶီႉမႁမ်ႇ ​ၼႆႉ​တီႈ​ၶႃႈ​ဢေႃႈ။ ႁႂ်ႈ​မၼ်း​ၸွမ်း​လူၺ်ႈ​ၵၼ်​တင်း​ၸဝ်ႈ​ႁဝ်း ၶႃႈ​ၸဝ်ႈ​ၶုၼ်​လူင်​ၶၢမ်ႈ​ၵႂႃႇ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁဵတ်း​တီႈ​မၼ်း​ၸွမ်း​ၵႃႈ​ၼင်ႇ​ဢၼ် ၸဝ်ႈ​ႁဝ်း​ထၢင်ႇ​ပဵၼ်​ဢၼ်​လီ​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="38">ၶုၼ်​ႁေႃ​ၶမ်း​ၵေႃႈ​မီး​ဢမိင်ႉ​လႄႈ​ဝႃႈ၊ ၶီႉမႁမ်ႇ တၵ်း​လႆႈ​ၸွမ်း​လူၺ်ႈ​ၵၼ်​တင်း​ၵဝ်​ၶၢမ်ႈ​ၵႂႃႇ​ဢေႃႈ။ ၵဝ်​တၵ်း​ႁဵတ်း​တီႈ​မၼ်း​ၸွမ်း​ၵႃႈ​ၼင်ႇ​ဢၼ် မႂ်း​ထၢင်ႇ​ပဵၼ်​ဢၼ်​လီ​ၼၼ်ႉ​ဢေႃႈ။ ၵႃႈ​ဢၼ်​မႂ်း​ယွၼ်း​တီႈ​ၵဝ်​ၼၼ်ႉ​ၵေႃႈ ၵဝ်​တၵ်း​ႁဵတ်း​ပုၼ်ႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="39">ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ်​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။ တူဝ်​ၶုၼ်​ႁေႃ​ၶမ်း​ၵေႃႈ ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​သေ​ယဝ်ႉ၊ ၼူမ်​ ပႃႇၸီႉလေး ​သေ​လႄႈ၊ ပၼ်​တၢင်း​လီ​တီႈ​မၼ်း​လႄႈ မၼ်း​ၼၼ်ႉ​ၶိုၼ်း​မိူဝ်း​ၵႂႃႇ​ၵႃႈ​တီႈ တီႈ​ဢၼ်​မၼ်း​ယူႇ​ၼၼ်ႉ​သေ​ဢေႃႈ။-</verse>
				<verse number="40">ၼင်ႇ​ၼၼ်​လႄႈ​ၶုၼ်​ႁေႃ​ၶမ်း​ၵႂႃႇ​ၸူး​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​လႄႈ ၶီႉမႁမ်ႇ ​ၵေႃႈ​ၸွမ်း​ၶၢမ်ႈ​ၵႂႃႇ​ဢေႃႈ။ ၵူၼ်း​မဵဝ်း​ ယူႉတႃႉ ​ၵႃႈ​မီး ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​ၶိုင်ႈ​ၼိုင်ႈ​ၸိူဝ်း​ၼၼ်ႉ ဢွၼ်​ၵၼ်​ႁပ်ႉ​ဢဝ်​ၶုၼ်​ႁေႃ​ၶမ်း​မႃး​ဢေႃႈ။</verse>
				<verse number="41">လႆႈ​သမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢွၼ်​ၵၼ်​မႃး​ၸူး​တီႈ​ၶုၼ်​ႁေႃ​ၶမ်း​လႄႈ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵူၼ်း​မဵဝ်း​ ယူႉတႃႉ ဢၼ်​ပဵၼ်​ပီႈ​ၼွင်ႉ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ လႆႈ​ဢွၼ်​ၵၼ်​လၵ်ႉ​ဢဝ်​ၸဝ်ႈ​ႁဝ်း​လႄႈ ဢဝ်​ၸဝ်ႈ​ႁဝ်း ဢိၵ်ႇ​တင်း​ၵူၼ်း​ႁၢင်ႈ​ၵူၼ်း​ႁေႃ​တင်း​လၢႆ တင်း​ၵူၼ်း​ၸဝ်ႈ​ၶုၼ်​လူင်​ တႃႇဝိတ်ႈ တင်း​သဵင်ႈ​တင်း​လူင် ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ၼင်ႇ​ႁိုဝ်​တီႈ​ၶႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="42">ၵူၼ်း​မဵဝ်း​ ယူႉတႃႉ ​တင်း​သဵင်ႈ​တင်း​လူင် ဢွၼ်​ၵၼ်​ၶိုၼ်း​လၢတ်ႈ​တီႈ​ၵူၼ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ပဵၼ်​ၵွပ်ႈ​ပိူဝ်ႈ​ဢၼ်​ၶုၼ်​ႁေႃ​ၶမ်း​ပဵၼ်​ပီႈ​ၼွင်ႉ​ႁဝ်း​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ၸႂ်​မႆႈ​ၶႆႈ​ၸႃႉ​လူၺ်ႈ​လွင်ႈ​ဢမူႉ​ၼႆႉ​ၼင်ႇ​ႁိုဝ်။ ႁဝ်း​ၵိၼ်​ၸရိပ်ႈ​တၢင်း​ၵိၼ်​ၶုၼ်​ႁေႃ​ၶမ်း​ႁိုဝ်။ မၼ်း​ၸဝ်ႈ​ပၼ်​သူး​ပၼ်​လၢပ်ႈ​သေ​ၸိူဝ်ႉ​သေ​ပိူင်​တီႈ​ႁဝ်း​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="43">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵေႃႈ ဢွၼ်​ၵၼ်​ၶိုၼ်း​လၢတ်ႈ​တီႈ​ၵူၼ်း​မဵဝ်း​ ယူႉတႃႉ ​ၸိူဝ်း​ၼၼ်ႉ​လႄႈ​ဝႃႈ၊ ႁဝ်း​ၸၢပ်ႈ​သႅင်ႇ​တီႈ​ၶုၼ်​ႁေႃ​ၶမ်း​သိပ်း​ပုၼ်ႈ​လႄႈ ႁဝ်း​ယဵင်ႈ​ၶႅၼ်း​ၸၢပ်ႈ​သႅင်ႇ​မဵဝ်း​ တႃႇဝိတ်ႈ လိူဝ်​တွၼ်း​ၼႃႇ​သေ​သူ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ယင်း​ဢမ်ႇ​တိူင်ႇ​ပၢင်ႇ​ၵၼ်​တင်း​ႁဝ်း​ဢွၼ်​တၢင်း လူၺ်ႈ​လွင်ႈ​ဢၼ်​ဢဝ်​ၶုၼ်​ႁေႃ​ၶမ်း​ၶိုၼ်း​မႃး​ၼၼ်ႉ​လႄႈ ႁဵတ်း​ဢမ်ႇ​ၼပ်ႉ​ဢမ်ႇ​ၶၢၼ်း​ႁဝ်း​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ၵႂၢမ်း​ၵူၼ်း​မဵဝ်း​ ယူႉတႃႉ ​ၸိူဝ်း​ၼၼ်ႉ ယဵင်ႈ​ၶႅၼ်း​ႁၢဝ်ႈ​ၵျၢမ်း​လိူဝ်​တွၼ်း​ၼႃႇ​သေ​ၵႂၢမ်း ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="20">
				<verse number="1">မိူဝ်ႈ​ၼၼ်ႉ မီး​ၵူၼ်း​ဢႃႉထမ်ႇမႃႉ​ဢၼ်​လႆႈ​ၸိုဝ်ႈ​ သေးၽႃႉ လုၵ်ႈ​ၸၢႆး​ ပီႉၶရီႉ မဵဝ်း​ ပိၼ်ႇယႃႇမိၼ်ႇ ​ၼၼ်ႉ​ၵေႃႉ​ၼိုင်ႈ ၵႃႈ​တီႈ​ၼၼ်ႈ​ဢေႃႈ။ ၵေႃႉ​ၼၼ်ႉ​ပဝ်ႇ​တိုင်ႈ​ၼႄးၶရႃႇ​သေ​လႄႈ​လၢတ်ႈ​ဝႃႈ၊ မဵဝ်း​ ဢီႉသရေႇလႃႉ ​ၶဝ်​ဢိူၺ်း၊ ႁဝ်း​ဢမ်ႇ​ၸၢပ်ႈ​သႅင်ႇ​ၵၼ်​တင်း​ တႃႇဝိတ်ႈ ​သေ​ပုၼ်ႈ​သေ​တႃႇ​လႄႈ ဢမ်ႇ​ထိူၵ်ႈ​ၶၢမ်ႇ​ဢမူၺ်ႇ​လုၵ်ႈ​ၸၢႆး​ ယေႇသႄး ​ယဝ်ႉ။ ၵူၼ်း​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၵႃႈ​တီႈ​မူဝ်းၵႃႇ တီႈ​ယူႇ​သူ​ႁင်း​ၽႂ်​ႁင်း​မၼ်း​သေ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="2">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ဢွၵ်ႇ​သေ​ၵႃႈ​တီႈ​ဢၼ်​ၸွမ်း​ တႃႇဝိတ်ႈ ​ၼၼ်ႉ​လႄႈ ၸွမ်း​လင်​ သေးၽႃႉ လုၵ်ႈ​ၸၢႆး​ ပီႉၶရီႉ ​ၼၼ်ႉ​ဢေႃႈ။ ၵူၼ်း​မဵဝ်း​ ယူႉတႃႉ ​တင်း​လၢႆ​ၸမ်ႉ၊ ၸပ်း​ၸွမ်း​ၶုၼ်​ႁေႃ​ၶမ်း​ၶဝ်​ယူႇ ဢဝ်​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ တေႃႇ​ထိုင်​ႁွတ်ႈ​ဝဵင်း​ ယေႇရူႉသလႅမ်ႇ ​ဢေႃႈ။</verse>
				<verse number="3">ၶုၼ်​လူင်​ တႃႇဝိတ်ႈ ​ၼၼ်ႉ ႁွတ်ႈ​ထိုင်​ၵႃႈ​တီႈ​ႁေႃ​ၸဝ်ႈ ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​သေ​ယဝ်ႉ၊ ဢဝ်​ၸိူင်ႉ​ၼၢင်း​ၸဝ်ႈ​သိပ်း​ၼိုင်ႈ ဢၼ်​ဝႆႉ​ႁႂ်ႈ​လႆႈ​ပႂ်ႉ​ႁေႃ​ၸဝ်ႈ​ၸိူဝ်း​ၼၼ်ႉ​လႄႈ ဝႆႉ​ၵႃႈ​ၼႂ်း​ႁိူၼ်း​ၶင်​ဝႆႉ​ဢေႃႈ။ ပိၵ်ႉ​သမ်ႉ​လဵင်ႉ​လူ​ၶဝ်​ၼၼ်ႉ​ယူႇ​သေ​ၵေႃႈ ဢမ်ႇ​ၶဝ်ႈ​ဢမ်ႇ​ၸူး​တီႈ​ၶဝ်။ ၶဝ်​ၼၼ်ႉ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ တေႃႇ​ထိုင်​ႁွတ်ႈ​ထၼ်ႈ​ပေႃး​တၢႆ​လႄႈ လႆႈ​ယူႇ​ၸိူဝ်ႉ​ၼင်ႇ​မႄႈ​မူၵ်း​မႄႈ​မၢႆႈ​ၼၼ်ႉ​ဢေႃႈ။</verse>
				<verse number="4">မိူဝ်ႈ​ၼၼ်ႉ ၶုၼ်​ႁေႃ​ၶမ်း​ၵေႃႈ မီး​ဢမိင်ႉ​တီႈ​ ဢႃႇမသႃႉ ​လႄႈ​ဝႃႈ၊ ၼႂ်း​သၢမ်​ဝၼ်း မႂ်း​တၵ်း​လႆႈ​ႁႂ်ႈ​ၵူၼ်း​ ယူႉတႃႉ ​တင်း​လၢႆ ၸူႉ​ၵၼ်​တုမ်​ၵၼ်​သေ​လႄႈ တူဝ်​မႂ်း​တၵ်း​လႆႈ​ၶိုၼ်း​မႃး​ၵႃႈ​တီႈ​ၼႆႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ဢႃႇမသႃႉ ​ၼၼ်ႉ​ၵေႃႈ ၵႂႃႇ​လႄႈ​ႁႂ်ႈ​ၵူၼ်း​ ယူႉတႃႉ ​တင်း​လၢႆ ၸူႉ​ၵၼ်​တုမ်​ၵၼ်​သေ​ယဝ်ႉ၊ ပူၼ်ႉ​ၶိင်ႇ​ဢၼ်​မၵ်း​ၶၢၼ်း​ဝႆႉ​ၼၼ်ႉ​ဢေႃႈ။-</verse>
				<verse number="6">တႃႇဝိတ်ႈ ​ၵေႃႈ မီး​ဢမိင်ႉ​တီႈ​ ဢၽီႉသေး ​လႄႈ​ဝႃႈ၊ မိူဝ်ႈ​လဵဝ်​ၼႆႉ​ သေးၽႃႉ လုၵ်ႈ​ၸၢႆး​ ပီႉၶရီႉ ​ၼၼ်ႉ ယဵင်ႈ​ၶႅၼ်း​တၵ်း​ႁဵတ်း​လွင်ႈ​တၢင်း​ဢၼ်​ဢမ်ႇ​လီ​တီႈ​ႁဝ်း​လိူဝ်​တွၼ်း​ၼႃႇ​သေ​ ဢပႃႉသလုမ်ႇ ​ၼၼ်ႉ​ဢေႃႈ။ ႁွင်ႉ​ဢဝ်​ၶႃႈ​ၵူၼ်း​ၸဝ်ႈ​မႂ်း​တင်း​လၢႆ​လႄႈ လိုပ်ႈ​ၸွမ်း​လမ်း​ၸွမ်း​မၼ်း​ၼၼ်ႉ​ၵႂႃႇ​တႃႉ။ ပေႃး​ဢမ်ႇ​ၼၼ် ၵူဝ်​မၼ်း​တၵ်း​ၶဝ်ႈ​ၵႃႈ​ၼႂ်း​ဝဵင်း​ဢၼ်​မၼ်ႈ​ၶိူင်ႇ​သေ​တီႈ​သေ​ဢၼ်​လႄႈ လပ်ႉ​ႁၢႆ​တႃ​ႁဝ်း​ၵႂႃႇ​သေ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="7">ၵူၼ်း​ ယႂႃႇၽႃႉ ​တင်း​လၢႆ ဢိၵ်ႇ​တင်း​ၵူၼ်း​ ၶေးရသီႉ ​လႂ်၊ ၵူၼ်း​ ပေႇလသီႉ ​လႂ် တင်း​ၵူၼ်း​ဢၼ်​ႁႅင်း​ယႂ်ႇ​ၼႃႇ တင်း​သဵင်ႈ​တင်း​လူင်​ၸိူဝ်း​ၼၼ်ႉ ဢွၼ်​ၵၼ်​ၸွမ်း​လင်​မၼ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၵႂႃႇ ႁႂ်ႈ​လႆႈ​လိုပ်ႈ​ၸွမ်း​လမ်း​ၸွမ်း​ သေးၽႃႉ လုၵ်ႈ​ၸၢႆး​ ပီႉၶရီႉ ​ၼၼ်ႉ​ဢေႃႈ။-</verse>
				<verse number="8">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​မၢၵ်ႇ​ႁိၼ်​လူင် ဢၼ်​မီး​ၵႃႈ​တီႈ​ဝဵင်း​ ၵီႉပွင်ႇ ​ၼၼ်ႉ​ၸိုင်၊ ဢႃႇမသႃႉ ​ၼၼ်ႉ ၶီႇ​မႃး​ႁပ်ႉ​ႁူဝ်​တၢင်း​ၶဝ်​ဢေႃႈ။ ယႂႃႇၽႃႉ ​ၼၼ်ႉ ဢဝ်​ၶူဝ်း​ၼုင်ႈ​တိုၵ်း​သိုၵ်း​ဢၼ်​မၼ်း​ၼုင်ႈ​ၼၼ်ႉ​ႁတ်ႉ​ဢႅဝ်​ယူႇ၊ ၵႃႈ​ၼိူဝ်​ၶူဝ်း​ၼၼ်ႉ​မီး​သၢႆ​ဢႅဝ် ဢၼ်​ဢဝ်​လၢပ်ႇ​မတ်ႉ​ၵွပ်ႈ​လူၺ်ႈ​ၵၼ်​တင်း​ၵပ်း​မၼ်း​ၼၼ်ႉ ႁတ်ႉ​ဝႆႉ​ၵႃႈ​တီႈ​ဢႅဝ်​မၼ်း​ၼၼ်ႉ​လႄႈ​မီး​ဝႆႉ​ယူႇ​ဢေႃႈ။ ၼႂ်း​မိူဝ်ႈ​ဢၼ်​ယင်း​တိုၵ်ႉ​ၵႂႃႇ​ယူႇ​ၼၼ်ႉ​ၸိုင်၊ လၢပ်ႇ​ၼၼ်ႉ​သုတ်ႉ​တူၵ်း​ၵႂႃႇ​ဢေႃႈ။-</verse>
				<verse number="9">ယႂႃႇၽႃႉ ​ၵေႃႈ​ထၢမ်​တီႈ​ ဢႃႇမသႃႉ ​လႄႈ​ဝႃႈ၊ ယူႇ​လီ​ၵိၼ်​ဝၢၼ်​ယူႇ​ႁိုဝ်။ ၼွင်ႉ​ၸၢႆး​ၵဝ်​ဢိူၺ်း၊ ဝႃႈ​ၼင်ႇ​ၼႆ​ယူႇ​သေ​လႄႈ ယႂႃႇၽႃႉ ​ဢဝ်​မိုဝ်း​ၶွၼ်​ၶႂႃ ယိပ်း​ၵမ်​ၼူတ်ႇ​ၵၢင်း​ ဢႃႇမသႃႉ ႁႂ်ႈ​လႆႈ​ၼူမ်​မၼ်း​ဢေႃႈ။-</verse>
				<verse number="10">ၵွပ်ႈ​ပိူဝ်ႈ​ဢၼ်​ ဢႃႇမသႃႉ ​ဢမ်ႇ​ႁဵတ်း​သတီႉ​တီႈ​လၢပ်ႇ​ဢၼ် ယႂႃႇၽႃႉ ​ယိပ်း​ၵမ်​ယူႇ​ၵႃႈ​ၼႂ်း​မိုဝ်း​ၶွၼ်​သၢႆႉ​မၼ်း​ၼၼ်ႉ​လႄႈ၊ မၼ်း​ၼၼ်ႉ ဢဝ်​တႅင်း​သႂ်ႇ​တီႈ​ပုမ်​မၼ်း​လႄႈ​ဢဝ်​သႆႈ​မၼ်း​ဢွၵ်ႇ​တူၵ်း​ၵႃႈ​ၼိူဝ်​လိၼ်​ဢေႃႈ။ ဢမ်ႇ​ထၢပ်ႈ​ဢမ်ႇ​တႅင်း​ထႅင်ႈ​လႄႈ ဢႃႇမသႃႉ ​တၢႆ​ဢေႃႈ။ ယႂႃႇၽႃႉ တင်း​ၼွင်ႉ​ၸၢႆး​မၼ်း​ ဢၽီႉသေး ​ၸိူဝ်း​ၼၼ်ႉ လိုပ်ႈ​ၸွမ်း​လမ်း​ၸွမ်း​ သေးၽႃႉ ​လုၵ်ႈ​ၸၢႆး​ ပီႉၶရီႉ ​ၼၼ်ႉ​ဢေႃႈ။-</verse>
				<verse number="11">ၵူၼ်း​ ယႂႃႇၽႃႉ ​ၵေႃႉ​ၼိုင်ႈ ၸုၵ်း​ပႂ်ႉ​ယူႇ​ၵႃႈ​တီႈ​ႁိမ်း​မၼ်း​ၼၼ်ႉ​သေ​လႄႈ မွၵ်ႇ​လၢတ်ႈ​လႄႈ​ဝႃႈ၊ ပေႃး​ပဵၼ်​ၵေႃႉ​ဢၼ်​ပဵၼ်​ၸႂ်​ ယႂႃႇၽႃႉ ၊ ၵေႃႉ​ဢၼ်​ယူႇ​ၽၢႆႇ​ တႃႇဝိတ်ႈ ​ၸိုင်၊ ၵႂႃႇ​ၸွမ်း​လင်​ ယႂႃႇၽႃႉ ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ဢႃႇမသႃႉ ​ၼၼ်ႉ​ၵိင်ႈ​ၵိူၵ်ႇ​ယူႇ​ၵႃႈ​ၼႂ်း​လိူတ်ႈ​မၼ်း ၵႃႈ​ၼႂ်း​ၵၢင်​တၢင်း​ၼၼ်ႉ​ဢေႃႈ။ မိူဝ်ႈ​ဢၼ်​ၵေႃႉ​ၼၼ်ႉ​ႁၼ် ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ၸုၵ်း​ၵိုတ်း​ယူႇ​ၼၼ်ႉ​ၸိုင်၊ မၼ်း​ဢဝ်​ ဢႃႇမသႃႉ ​ၼၼ်ႉ ဢွၵ်ႇ​သေ​ၵႃႈ​ၼႂ်း​သဵၼ်ႈ​တၢင်း​လူင် ၶၢႆႉ​ၵႂႃႇ​ဝႆႉ​ၵႃႈ​တီႈ​ပၢင်ႇ​တူင်ႈ​ၼႃး​သေ​ယဝ်ႉ၊ ဢဝ်​ၶူဝ်း​ၼုင်ႈ​ႁူမ်ႇ​သုမ်ႇ​ဝႆႉ​သေ ၼႂ်း​မိူဝ်ႈ​ဢၼ်​မၼ်း​ႁၼ်​ၵူၼ်း​ၵႃႈ​ဢၼ်​မႃး​သဵၼ်ႈ​တၢင်း​ၼၼ်ႉ ၸုၵ်း​ၵိုတ်း​ယူႇ​ၸိူဝ်ႉ​ၼင်ႇ​ၼၼ် ၼၼ်ႉ​ဢေႃႈ။-</verse>
				<verse number="13">ၶၢႆႉ​သေ​ၵႃႈ​တီႈ​သဵၼ်ႈ​တၢင်း​လူင် ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ်​ၸွမ်း​လင်​ ယႂႃႇၽႃႉ ​လႄႈ လိုပ်ႈ​ၸွမ်း​လမ်း​ၸွမ်း​ သေးၽႃႉ လုၵ်ႈ​ၸၢႆး​ ပီႉၶရီႉ ​ၼၼ်ႉ​ဢေႃႈ။</verse>
				<verse number="14">မၼ်း​တႆႇ​လတ်း​ၼႂ်း​လိၼ်​မဵဝ်း​ ဢီႉသရေႇလႃႉ ​ၵႃႈ​မီး​ၵႂႃႇ တေႃႇ​ထိုင်​ႁွတ်ႈ​ဝဵင်း​ ဢႃႇပေႇလႃႉ တင်း​ဝဵင်း​ ပႅတ်ႉမႃႇၶႃႉ ဢိၵ်ႇ​တင်း တီႈ ဢၼ်​ၵူၼ်း​ ပေႇရီႉ ၵႃႈ​မီး​ၼၼ်ႉ​ယူႇ​ၼၼ်ႉ​ဢေႃႈ။ ၶဝ်​ၼၼ်ႉ​ၸူႉ​ၵၼ်​တုမ်​ၵၼ်​လႄႈ​ၸွမ်း​လင်​မၼ်း​ဢေႃႈ။-</verse>
				<verse number="15">ၶဝ်​ဢွၼ်​ၵၼ်​ၵႂႃႇ​လႄႈ​လွမ်ႉ​ႁွပ်ႈ​မၼ်း​ၼၼ်ႉ​ဝႆႉ ၵႃႈ​ၼႂ်း​ဝဵင်း​ ဢႃႇပေႇလႃႉပႅတ်ႉမႃႇၶႃႉ ​ၼၼ်ႉ​လႄႈ ၵုမ်း​တႅၼ်ႈ​လိၼ်​ယူႇ​ၽၢႆႇ​ၼိုင်ႈ တင်း​ၶူး​ဝဵင်း​ၼၼ်ႉ​လႄႈ ၸုၵ်း​တင်ႈ​ယူႇ​ၽၢႆႇ​ၼိုင်ႈ တင်း​ၶူး​ဝဵင်း​ၼၼ်ႉ​ဢေႃႈ။ ၶဝ်​ၵႃႈ​ဢၼ်​ပႃး​တီႈ​ ယႂႃႇၽႃႉ ​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​ၶုတ်း​မူင်ႇ​လမ်း​ဝဵင်း ႁႂ်ႈ​ၵိူၼ်ႇ​ပင်း​တူၵ်း​ဢေႃႈ။</verse>
				<verse number="16">မိူဝ်ႈ​ၼၼ်ႉ မႄႈ​ယိင်း​ဢၼ်​မီး​ပိင်ႇ​ၺႃႇ​ၵေႃႉ​ၼိုင်ႈ ယူႇ​ၵႃႈ​ၼႂ်း​ဝဵင်း​သေ​လႄႈ သႅၼ်ႇ​ႁွင်ႉ​လႄႈ​ဝႃႈ​ၸမ်ႉ၊ ထွမ်ႇ၊ ထွမ်ႇ၊ မွၵ်ႇ​လၢတ်ႈ​တီႈ​ ယႂႃႇၽႃႉ ​လႄႈ​ဝႃႈ၊ ၸဝ်ႈ​ႁဝ်း​သုတ်ႉ​မႃး​သေ​ၵမ်း။ ၵဝ်​ၶႃႈ​တၵ်း​လၢတ်ႈ​ၵႂၢမ်း​တေႃႇ​ၸဝ်ႈ​ႁဝ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="17">မိူဝ်ႈ​ဢၼ်​မၼ်း​သုတ်ႉ​မႃး​ၼၼ်ႉ​ၸိုင်၊ မႄႈ​ယိင်း​ၼၼ်ႉ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ၼႆႉ​ၸႂ်ႈ​ ယႂႃႇၽႃႉ ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ပဵၼ်​ၵဝ်​ၼႆႉ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မႄႈ​ယိင်း​ၼၼ်ႉ​လၢတ်ႈ​လႄႈ​ဝႃႈ၊ ထွမ်ႇ​ငိၼ်း​ၵႂၢမ်း​ၶႃႈ​ၸဝ်ႈ​ႁဝ်း​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ထွမ်ႇ​ငိၼ်း​ယူႇ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">မႄႈ​ယိင်း​လဝ်ႊ​လၢတ်ႈ​လႄႈ​ဝႃႈ၊ ၵႂၢမ်း​ထုင်း​ဢၼ်​ၸၢင်ႈ​လၢတ်ႈ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႄႈ​ဝႃႈ​ၸမ်ႉ၊ ႁႂ်ႈ​တိူင်ႇ​ပၢင်ႇ​ၵၼ်​ၵႃႈ​တီႈ​ဝဵင်း​ ဢႃႇပေႇလႃႉ ​သေ​လႄႈ တႅပ်း​တတ်း​ဢမူႉ​သေ​ၵမ်း၊ ဝႃႈ​ၼင်ႇ​ၼႆ​ဢမၢၼ်ႇ​ၶၼ်​ပဵၼ်​ၶႃႈ​ဢေႃႈ။-</verse>
				<verse number="19">ၶႃႈ​ၸဝ်ႈ​ပဵၼ်​ၵေႃႉ​ဢၼ်​ႁဵတ်း​ၼိမ်​ၼိမ်​လီ​လီ ၵႃႈ​ၼႂ်း​မဵဝ်း​ ဢီႉသရေႇလႃႉ ​လႄႈ ပဵၼ်​ၵေႃႉ​ဢၼ်​ပႂ်ႉ​သဵတ်ႈ​ၸႃႇ​ယူႇ​ၶႃႈ​ဢေႃႈ။ ၸဝ်ႈ​ႁဝ်း​ႁႃ​ႁႂ်ႈ​လႆႈ​ယႃႉ​ၽဵဝ်ႈ​ဝဵင်း ဝဵင်း​ၼိုင်ႈ ဢၼ်​ဝႃႈ​မႄႈ​ၵေႃႉ​ၼိုင်ႈ ၵႃႈ​ၼႂ်း​မဵဝ်း​ ဢီႉသရေႇလႃႉ ​ၶႃႈ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ၸဝ်ႈ​ႁဝ်း​မီး​ဢလူဝ်ႇ ႁႂ်ႈ​လႆႈ​ဢိုၼ်​ဢမူၺ်ႇ​ထႃႇဝရႃႉ​ၽြႃး​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="20">ယႂႃႇၽႃႉ ​လၢတ်ႈ​လႄႈ​ဝႃႈ၊ ႁႂ်ႈ​ဢမူႉ​တၢင်း​ဢၼ်​ဢိုၼ်​ပႅတ်ႈ၊ ဢမူႉ​တၢင်း​ဢၼ်​ယႃႉ​ၽဵဝ်ႈ​ပႅတ်ႈ​ၼၼ်ႉ ၵႆ​ၵၼ်​တင်း​ၵဝ်​သေ​ၵမ်း​လူၺ်ႈ။ ႁႂ်ႈ​ၵႆ​ၵၼ်​သေ​ၵမ်း​လူၺ်ႈ။-</verse>
				<verse number="21">ဢမ်ႇ​ၸႂ်ႈ​ၸိူဝ်ႉ​ၼင်ႇ​ၼၼ်၊ ၵေႃႉ​ဢၼ်​ပဵၼ်​ၵူၼ်း​ႁၢၼ်ႉ​လွႆ​ ဢေႇၽရိမ်ႇ ဢၼ်​လႆႈ​ၸိုဝ်ႈ​ သေးၽႃႉ လုၵ်ႈ​ၸၢႆး​ ပီႉၶရီႉ ​ၼၼ်ႉ ယုၵ်ႉ​ၶႅၼ်​ယုၵ်ႉ​မိုဝ်း​မၼ်း​ယူႇ​ၽၢႆႇ​ၼိုင်ႈ​တင်း​ၶုၼ်​ႁေႃ​ၶမ်း​ တႃႇဝိတ်ႈ ​ယဝ်ႉ။ ၵူၺ်း​ၵွမ်ႉ​ဢဝ်​ၵေႃႉ​ၼၼ်ႉ​ၵူၺ်း ဢၢပ်ႈ​ပၼ်​တႃႉ။ ပေႃး​ဢၢပ်ႈ​ပၼ်​ၸိုင်၊ ၵဝ်​တၵ်း​ဢွၵ်ႇ​သေ​ၵႃႈ​တီႈ​ဝဵင်း​ၼႆႉ​ၵႂႃႇ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မႄႈ​ယိင်း​ၼၼ်ႉ​လၢတ်ႈ​တီႈ​ ယႂႃႇၽႃႉ ​လႄႈ​ဝႃႈ၊ တၵ်း​ဢဝ်​ၵွၵ်း​ႁူဝ်​မၼ်း ထိမ်ႈ​ၶၢမ်ႈ​လမ်း​ဝဵင်း​တူၵ်း​ပၼ်​တီႈ​ၸဝ်ႈ​ႁဝ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">မႄႈ​ယိင်း​ၼၼ်ႉ ၸွမ်း​ၵႃႈ​ၼင်ႇ​ဢၼ်​မၼ်း​မီး​ပိင်ႇ​ၺႃႇ​ၼၼ်ႉ​သေ​လႄႈ ၵႂႃႇ​ၸူး​ၵႃႈ​တီႈ​ၵူၼ်း​ဝဵင်း​တင်း​သဵင်ႈ​တင်း​လူင်​သေ​ယဝ်ႉ၊ ၶဝ်​ၼၼ်ႉ ဢွၼ်​ၵၼ်​တႅပ်း​ဢဝ်​ၵွၵ်း​ႁူဝ်​ သေးၽႃႉ ​လုၵ်ႈ​ၸၢႆး​ ပီႉၶရီႉ ​သေ​လႄႈ ထိမ်ႈ​တူၵ်း​ပၼ်​တီႈ​ ယႂႃႇၽႃႉ ၵႃႈ​ၼွၵ်ႈ​ဢေႃႈ။ မၼ်း​ၵေႃႈ​ပဝ်ႇ​တိုင်ႈ​ၼႄးၶရႃႇ​သေ​လႄႈ၊ ၵူၼ်း​တင်း​လၢႆ​ၼၼ်ႉ ဢွၼ်​ၵၼ်​လုၵ်ႉ​သေ​ၵႃႈ​တီႈ​ဝဵင်း​ၼၼ်ႉ ၶိုၼ်း​မိူဝ်း​ၵႂႃႇ​ၵႃႈ​တီႈ​မူဝ်းၵႃႇ​တီႈ​ယူႇ​ၶဝ် ႁင်း​ၽႂ်​ႁင်း​မၼ်း​သေ​ဢေႃႈ။ ယႂႃႇၽႃႉ ​ၵေႃႈ ၶိုၼ်း​မိူဝ်း​ၵႂႃႇ ၵႃႈ​တီႈ​ဝဵင်း​ ယေႇရူႉသလႅမ်ႇ ၸူး​ၵႃႈ​တီႈ​ၶုၼ်​ႁေႃ​ၶမ်း​သေ​ဢေႃႈ။</verse>
				<verse number="23">ယႂႃႇၽႃႉ ​ၼၼ်ႉ​ပဵၼ်​ၶုၼ်​ပူဝ်ႇ​ၶျုၵ်ႈ ဢၼ်​ဢုပ်ႉ​ၵႃႈ​ၼိူဝ်​ၵူၼ်း​တပ်ႉ​ ဢီႉသရေႇလႃႉ ​တင်း​သဵင်ႈ​တင်း​လူင်​ဢေႃႈ။ ပေႇၼႃႇယႃႉ လုၵ်ႈ​ၸၢႆး​ ယေႃးယတႃႉ ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​ၵူၼ်း​ ၶေးရသီႉ ​လႂ် တင်း​ၵူၼ်း​ ပေႇလသီႉ ​လႂ်​ဢေႃႈ။-</verse>
				<verse number="24">ဢတေႃးရမ်ႇ ​ၼၼ်ႉ​ပဵၼ်​ဝုၼ်ႇ​ၵဵပ်း​ၶွၼ်ႇ​ၸဝ်ႈ​ဢေႃႈ။ ယူဝ်းသၽတ်ႉ လုၵ်ႈ​ၸၢႆး​ ဢႁီႉလုတ်ႉ ​ၼၼ်ႉ ပဵၼ်​ဢတႂၢင်းဝုၼ်ႇ​ဢေႃႈ။-</verse>
				<verse number="25">သေးဝႃႉ ​ၼၼ်ႉ​ပဵၼ်​ၸရေး​လူင်​ၸဝ်ႈ​ဢေႃႈ။ ၸႃႇတုၵ်ႉ တင်း​ ဢႃႇပျႃႇထႃႇ ​ၸိူဝ်း​ၼၼ်ႉ ပဵၼ်​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="26">ဢီႇရႃႉ လုၵ်ႈ​ၸၢႆး​ ယႃႇဢီႉရႃႉ ​ၼၼ်ႉ ပဵၼ်​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၸဝ်ႈ​ဢေႃႈ။</verse>
			</chapter>
			<chapter number="21">
				<verse number="1">လိုၼ်း​ၼၼ်ႉ ၼႂ်း​ၸူဝ်ႈ​ပၢၼ်​ တႃႇဝိတ်ႈ ​ၼၼ်ႉ ပဵၼ်​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ပီႊ​ၼိုင်ႈ​ယဝ်ႉ​ပီႊ​ၼိုင်ႈ သၢမ်​ပီႊ​တဵမ်​တဵမ်​လႄႈ တႃႇဝိတ်ႈ ​လဝ်ႊ​ထၢမ်​တီႈ​ထႃႇဝရႃႉ​ၽြႃး​လႄႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ဢမူႉ​ၼႆႉ ပဵၼ်​ၵွပ်ႈ​ပိူဝ်ႈ​ သေႃးလူႉ ဢိၵ်ႇ​တင်း​ၵွပ်ႈ​ပိူဝ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း ဢၼ်​ၸၢင်ႈ​ထွၵ်ႇ​လိူတ်ႈ​ၵူၼ်း​ၼၼ်ႉ​လႄႈ မၼ်း​ဢဝ်​ၵူၼ်း​ ၵီႉပွင်ႇ ​တင်း​လၢႆ​တၢႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ၶုၼ်​ႁေႃ​ၶမ်း​ႁွင်ႉ​ဢဝ်​ၵူၼ်း​ ၵီႉပွင်ႇ ​တင်း​လၢႆ​မႃး​လႄႈ လၢတ်ႈ​ၵႂၢမ်း​တေႃႇ​ၵၼ်​တင်း​ၶဝ်​ဢေႃႈ။ ၵူၼ်း​ ၵီႉပွင်ႇ ​ၸိူဝ်း​ၼၼ်ႉ​ၸမ်ႉ၊ ဢမ်ႇ​ၶဝ်ႈ​ပႃး​ၼႂ်း​မဵဝ်း​ ဢီႉသရေႇလႃႉ ။ ပဵၼ်​မဵဝ်း​ ဢႃႇမေႃးရီႉ ဢၼ်​ၵိုတ်း​ၵျၢၼ်ႇ​ယူႇ​ၼၼ်ႉ​ဢေႃႈ။ ပိၵ်ႉ​သမ်ႉ​မဵဝ်း​ ဢီႉသရေႇလႃႉ ​တင်း​လၢႆ ဝႆႉ​သဵတ်ႈ​ၸႃႇ​ၵတီႉ​တီႈ​ၶဝ်​ယဝ်ႉ​သေ​ၵေႃႈ၊ သေႃးလူႉ ​ပႂ်ႉ​ဢၵျူဝ်း​မဵဝ်း​ ဢီႉသရေႇလႃႉ ဢိၵ်ႇ​တင်း​မဵဝ်း​ ယူႉတႃႉ ​သေ​လႄႈ ဢဝ်​ႁႅင်း​ၵျူဝ်း​ၸႃး ႁႂ်ႈ​လႆႈ​ဢဝ်​ၶဝ် တၢႆ​ပႅတ်ႈ​ယူႇ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ၶုၼ်​လူင်​ တႃႇဝိတ်ႈ လၢတ်ႈ​တီႈ​ၵူၼ်း​ ၵီႉပွင်ႇ ​ၸိူဝ်း​ၼၼ်ႉ​လႄႈ​ဝႃႈ၊ ၵဝ်​တၵ်း​ႁဵတ်း​ၵႃႈ​သင်​ပုၼ်ႈ​သူ။ ၵဝ်​တၵ်း​လႆႈ​ဢဝ်​ၵႃႈ​သင်​ၽေႇ​ဢပႅတ်ႈ ႁႂ်ႈ​သူ​ပၼ်​တၢင်း​လီ​တီႈ​ဢမူၺ်ႇ​ထႃႇဝရႃႉ​ၽြႃး၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">ၵူၼ်း​ ၵီႉပွင်ႇ ​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ် ဢမ်ႇ​ယွၼ်း​ဢဝ်​ငိုၼ်း​ဢဝ်​ၶမ်း​တီႈ​ သေႃးလူႉ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၶဝ်​ဢမ်ႇ​ၸၢပ်ႈ​သႅင်ႇ​လူၺ်ႈ​လွင်ႈ​ဢၼ် ဢဝ်​ၵူၼ်း​မဵဝ်း​ ဢီႉသရေႇလႃႉ ​တၢႆ သေ​ၵေႃႉ​သေ​ၵူၼ်း​တီႈ​ၶႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​မီး​ဢမိင်ႉ​လႄႈ​ဝႃႈ၊ ၵႃႈ​ၼင်ႇ​ဢၼ်​သူ​ယွၼ်း​ဢဝ်​ၼၼ်ႉ၊ ၵဝ်​တၵ်း​ႁဵတ်း​ၸွမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶဝ်​ၵေႃႈ​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၶႅၼ်း​တေႃႈ​ဢဝ်​လုၵ်ႈ​ၸၢႆး ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ႁဝ်း​ၶဝ်​လႄႈ ၵျူဝ်း​ၸႃး​ၵျၢမ်ႇ​ပွင်​ႁႂ်ႈ​လႆႈ​ပႄႇ​ၽဵဝ်ႈ​ၶႃႈ​ၸဝ်ႈ​ႁဝ်း​ၶဝ်​ပႅတ်ႈ ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​ဢမ်ႇ​လႆႈ​ယူႇ ၵႃႈ​ၼႂ်း​ၼမ်ႉ​ၼႂ်း​လိၼ်​ ဢီႉသရေႇလႃႉ ​ၼႆႉ​ၼၼ်ႉ ၸဵတ်း​ၵေႃႉ၊-</verse>
				<verse number="6">ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၶဝ်​တၵ်း​ဢဝ်​ၶဝ်​ၼၼ်ႉ​ႁွႆႈ​ဝႆႉ​ပုၼ်ႈ​ထႃႇဝရႃႉ​ၽြႃး ၵႃႈ​တီႈ​ဝဵင်း​ ၵီႉပႃႉ ၊ တီႈ​ယူႇ​ သေႃးလူႉ ဢၼ်​ထႃႇဝရႃႉ​ၽြႃး လိူၵ်ႈ​ၵဵပ်း​ဢဝ်​ၼၼ်ႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ဢဝ်​ၶဝ်​ဢၢပ်ႈ​ပၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၼႂ်း​ဝႃႈ​ၼၼ်​သေ​ၵေႃႈ ၶုၼ်​ႁေႃ​ၶမ်း​သေ​လၢႆ မေႇၽီႉပေႃးသႅတ်ႉ ၊ လုၵ်ႈ​ၸၢႆး​ ယေႃးၼသၼ်ႇ ဢၼ်​ပဵၼ်​လုၵ်ႈ​ၸၢႆး​ သေႃးလူႉ ​ၼၼ်ႉ ၵွပ်ႈ​ပိူဝ်ႈ​ဢၼ်​ၵတီႉ​သဵတ်ႈ​ၸႃႇ​ထႃႇဝရႃႉ​ၽြႃး လႆႈ​မီး​ဝႆႉ​ၵႃႈ​တီႈ​ဝူင်ႈ​ၵၢင်​သွင်​ၶႃ ဢၼ်​ဝႃႈ​ တႃႇဝိတ်ႈ တင်း​ ယေႃးၼသၼ်ႇ လုၵ်ႈ​ၸၢႆး​ သေႃးလူႉ ​ၼၼ်ႉ​ဢေႃႈ။-</verse>
				<verse number="8">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၶုၼ်​ႁေႃ​ၶမ်း​ဢဝ်​လုၵ်ႈ​ၸၢႆး​ ရီႉၸပႃႉ ဢၼ်​ပဵၼ်​လုၵ်ႈ​ယိင်း​ ဢေႇဢႃႇ ဢၼ်​မၼ်း​ၵိူတ်ႇ​လဵင်ႉ​မႃး​တီႈ​ သေႃးလူႉ ​ၼၼ်ႉ​သွင်​ၵေႃႉ​ဢၼ်​ဝႃႈ ဢႃႇမေႃးၼီႉ တင်း​ မေႇၽီႉပေႃးသႅတ်ႉ ​ၼၼ်ႉ ဢိၵ်ႇ​တင်း​လုၵ်ႈ​ၸၢႆး​ မေးရပ်ႉ ဢၼ်​ပဵၼ်​လုၵ်ႈ​ယိင်း​ သေႃးလူႉ ဢၼ်​မၼ်း​ၵိူတ်ႇ​လဵင်ႉ​မႃး​တီႈ​ ဢႃႇတြေႇလႃႉ လုၵ်ႈ​ၸၢႆး​ ပႃႇၸီႉလေး မဵဝ်း​ မေးႁေႃႇလသီႉ ​ၼၼ်ႉ ႁႃႈ​ၵေႃႉ​လႄႈ၊-</verse>
				<verse number="9">ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​ ၵီႉပွင်ႇ ​ၸိူဝ်း​ၼၼ်ႉ​သေ​ယဝ်ႉ၊ ၶဝ်​ၸိူဝ်း​ၼၼ်ႉ ဢွၼ်​ၵၼ်​ဢဝ်​ၶဝ်​ၼၼ်ႉ​ၵႂႃႇ​ႁွႆႈ​ဝႆႉ​ၵႃႈ​ၼိူဝ်​လွႆ​ၼၼ်ႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ၶဝ်​ၸဵတ်း​ၵေႃႉ​ၼၼ်ႉ သုမ်း​ဢသၢၵ်ႈ​ၽွမ်ႉ​မိူဝ်ႈ​လဵဝ်​ၵၼ်​ဢေႃႈ။ ၶဝ်​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ၼႂ်း​ၶိင်ႇ​မိူဝ်ႈ​ဢၼ်​ပၢတ်ႇ​ၶဝ်ႈ ၼႂ်း​ဝၼ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ မိူဝ်ႈ​ဢၼ်​ၸႃႉ​ပၢတ်ႇ​ၶဝ်ႈ​မူႉ​ယေႃး​ၼၼ်ႉ​ဢေႃႈ။</verse>
				<verse number="10">ရီႉၸပႃႉ ​လုၵ်ႈ​ယိင်း​ ဢေႇဢႃႇ ​ၼၼ်ႉ၊ ၸႃႉ​ၸဵမ်​ၶိင်ႇ​မိူဝ်ႈ​ဢၼ်​ၸႃႉ​ပၢတ်ႇ​ၶဝ်​ၼၼ်ႉ တေႃႇ​ထိုင်​ႁွတ်ႈ​ၽႃႉ​တူၵ်း​ၽူၼ်​တူၵ်း ၵႃႈ​ၼိူဝ်​ၶဝ်​ၼၼ်ႉ​လႄႈ ဢဝ်​ၼင်​ပေႃ​သိူဝ်ႇ​တီႈ​ဢၼ် တၵ်း​ၼွၼ်း​ဝႆႉ​ၵႃႈ​ၼိူဝ်​မၢၵ်ႇ​ႁိၼ်​သေ​ယဝ်ႉ၊ ပႂ်ႉ​လူ​ပႂ်ႉ​တူၺ်း​ႁႂ်ႈ​ၼူၵ်ႉ​ဢမ်ႇ​လႆႈ​ၸပ်း​ၵႃႈ​ၼိူဝ်​ၶဝ်​ၼၼ်ႉ​ၶိင်ႇ​ၵၢင်​ဝၼ်း ႁႂ်ႈ​တူဝ်​ႁၢႆႉ​ဢမ်ႇ​လႆႈ​ၶူပ်း​ၵိၼ်​ၶဝ်​ၼၼ်ႉ​ၶိင်ႇ​ၵၢင်​ၶိုၼ်း​လႄႈ​ယူႇ​ဢေႃႈ။-</verse>
				<verse number="11">မိူဝ်ႈ​ဢၼ်​ပိူၼ်ႈ​လဝ်ႊ​လၢတ်ႈ​လွင်ႈ​ဢၼ်​ ရီႉၸပႃႉ ​လုၵ်ႈ​ယိင်း​ ဢေႇဢႃႇ မေး​ၼွႆႉ​ သေႃးလူႉ ​ႁဵတ်း​ၼၼ်ႉ တီႈ​ တႃႇဝိတ်ႈ ​ၼၼ်ႉ​ၸိုင်၊-</verse>
				<verse number="12">တႃႇဝိတ်ႈ ​ၵႂႃႇ​လႄႈ ဢဝ်​လုပ်ႇ​ သေႃးလူႉ ဢိၵ်ႇ​တင်း​လုပ်ႇ​ ယေႃးၼသၼ်ႇ ​လုၵ်ႈ​ၸၢႆး​ၸဝ်ႈ​ၼၼ်ႉ သေ​ၵႃႈ​ၼႂ်း​မိုဝ်း​ၵူၼ်း​ဝဵင်း​ ယႃႇပႅတ်ႉ မိူင်း​ ၵီႉလတ်ႉ ဢၼ်​လၵ်ႉ​ဢဝ်​လုပ်ႇ​ၸိူဝ်း​ၼၼ်ႉ သေ​ၵႃႈ​တီႈ​သဵၼ်ႈ​တၢင်း​ဝဵင်း​ ပႅတ်ႉသၼ်ႇ တီႈ​ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ ဢဝ်​ႁွႆႈ​ဝႆႉ​ၼႂ်း​မိူဝ်ႈ​ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ လႆႈ​ဢဝ်​ သေႃးလူႉ ​တၢႆ​ၵႃႈ​ၼိူဝ်​လွႆ​ ၵီႉလပေႃႇ ​ၼၼ်ႉ မႃး​ဢေႃႈ။-</verse>
				<verse number="13">မၼ်း​ဢဝ်​လုပ်ႇ​ သေႃးလူႉ ​ဢိၵ်ႇ​တင်း လုပ်ႇ​လုၵ်ႈ​ၸၢႆး​ၸဝ်ႈ​ ယေႃးၼသၼ်ႇ ​ၼၼ်ႉ​သေ​ၵႃႈ​တီႈ​ၼၼ်ႈ​မႃး​သေ​ယဝ်ႉ၊ လုပ်ႇ​ၶဝ်​ၸိူဝ်း​ဢၼ်​ႁွႆႈ​ဝႆႉ​ၼၼ်ႉ​ၵေႃႈ သိမ်း​ဢဝ်​သေ​လႄႈ၊-</verse>
				<verse number="14">ဢဝ်​လုပ်ႇ​ သေႃးလူႉ ​ဢိၵ်ႇ​တင်း လုၵ်ႈ​ၸၢႆး​ၸဝ်ႈ​ ယေႃးၼသၼ်ႇ ​ၼၼ်ႉ​ၸိူဝ်း​ၼၼ်ႉ သၢင်း​ၵျူဝ်ႇ​ၵႃႈ​တီႈ​ဝၢၼ်ႈ​ ၸေးလႃႉ မိူင်း​ ပိၼ်ႇယႃႇမိၼ်ႇ ၵႃႈ​ၼႂ်း​ပႃႇ​ႁဵဝ်ႈ​ ၵီႉသႃႉ ပေႃႈ​ သေႃးလူႉ ​ၼၼ်ႉ​လႄႈ ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ် ၶုၼ်​ႁေႃ​ၶမ်း​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။ ၽြႃး​ပဵၼ်​ၸဝ်ႈ​ထွမ်ႇ​ဢဝ်​ၵႂၢမ်း​ဢၼ်​သူး​တွင်း ပုၼ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ၼၼ်ႉ​ဢေႃႈ။</verse>
				<verse number="15">လိုၼ်း​ၼၼ်ႉ ၵူၼ်း​ ၽီႉလိတ်ႉတီႉ ​တင်း​လၢႆ​သမ်ႉ တိုၵ်း​ၵၼ်​တင်း​မဵဝ်း​ ဢီႉသရေႇလႃႉ ​ထႅင်ႈ​လႄႈ တႃႇဝိတ်ႈ ဢိၵ်ႇ​တင်း​ၶႃႈ​မၼ်း​ၵူၼ်း​မၼ်း​ၸိူဝ်း​ၼၼ်ႉ လူင်း​ၵႂႃႇ​ႁပ်ႉ​ၶၢမ်ႇ​တိုၵ်း​တေႃး​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​လႄႈ တႃႇဝိတ်ႈ ​ႁိူဝ်ႉ​ဢူၼ်ႈ​လႄႈ​ယူႇ​ဢေႃႈ။-</verse>
				<verse number="16">ဢီႉသပီႉပေႇၼုတ်ႉ ဢၼ်​ပဵၼ်​မဵဝ်း​ ရေႇၽဵမ်ႇ ​ၼၼ်ႉ ယိပ်း​ၵမ်​ဢဝ်​ႁွၵ်ႇ​တွင်း​လိူင် ဢၼ်​ၼမ်ႉ​ၼၵ်း​မၼ်း မီး​သၢမ်​ပၢၵ်ႇ​ၵျၢပ်ႈ​ သၶေးလႃႉ ​လႄႈ ၼုင်ႈ​မႆ​ၶူဝ်း​တိုၵ်း​သိုၵ်း​ဢၼ်​မႂ်ႇ​ယူႇ​သေ​လႄႈ ၵျၢမ်ႇ​ငႃ​တၵ်း​ဢဝ်​ တႃႇဝိတ်ႈ ​တၢႆ​ဢေႃႈ။-</verse>
				<verse number="17">ဢၽီႉသေး ​လုၵ်ႈ​ၸၢႆး​ ၸေႇရူႉယႃႇ ​ၼၼ်ႉ​ၸွႆႈ​ထႅမ်​လႄႈ တိုၵ်း​တေႃး​ၵူၼ်း​ ၽီႉလိတ်ႉတီႉ ​ၼၼ်ႉ​ပႅတ်ႈ​လႄႈ​ဢဝ်​တၢႆ​ပႅတ်ႈ​ဢေႃႈ။ မိူဝ်ႈ​ၼၼ်ႉ ၶႃႈ​ၵူၼ်း​ တႃႇဝိတ်ႈ ​တင်း​လၢႆ ဢွၼ်​ၵၼ်​ၵိၼ်ႇ​ဝႃႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵူဝ်​ၸဝ်ႈ​ႁဝ်း​တၵ်း​ႁႂ်ႈ​ဢၼ်​လႅင်း​ ဢီႉသရေႇလႃႉ လပ်ႉ​ႁၢႆ​ၵႂႃႇ​ၼၼ်ႉ​လႄႈ ၵမ်း​လိုၼ်း​ၸဝ်ႈ​ႁဝ်း​ဢမ်ႇ​လႆႈ ၶီႇ​သိုၵ်း​လူၺ်ႈ​ၵၼ်​တင်း​ၶႃႈ​ၸဝ်ႈ​ႁဝ်း​ၶဝ်​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">လိုၼ်း​ၼၼ်ႉ​ၽဝ်ႇ​ၼိုင်ႈ၊ ပဵၼ်​သိုၵ်း​ၵၼ်​တင်း​ၵူၼ်း​ ၽီႉလိတ်ႉတီႉ ​တင်း​လၢႆ ၵႃႈ​တီႈ​ဝဵင်း​ ၵေႃႇၽႃႉ ​ၼၼ်ႉ​လႄႈ သီႉပေႇၶေး ၵူၼ်း​ ႁူႉသႃႉ ဢဝ်​ သႃႇၽႃႉ ဢၼ်​ပဵၼ်​မဵဝ်း​ ရေႇၽဵမ်ႇ ​ၼၼ်ႉ​တၢႆ​ဢေႃႈ။-</verse>
				<verse number="19">လိုၼ်း​ၼၼ်ႉ​ၽဝ်ႇ​ၼိုင်ႈ၊ ပဵၼ်​သိုၵ်း​ၵၼ်​တင်း​ၵူၼ်း​ ၽီႉလိတ်ႉတီႉ ​တင်း​လၢႆ ၵႃႈ​တီႈ​ဝဵင်း​ ၵေႃႇၽႃႉ ​ၼၼ်ႉ​လႄႈ၊ ဢေးလႁႃႇၼၼ်ႇ လုၵ်ႈ​ၸၢႆး​ ယႃႇဢီႉရႃႉ ဢၼ်​ပဵၼ်​ၵူၼ်း​ဝဵင်း​ ပႅတ်ႉလႁႅမ်ႇ ​ၼၼ်ႉ ဢဝ်​ၼွင်ႉ​ၸၢႆး​ ၵေႃးလျတ်ႈ ၵူၼ်း​မဵဝ်း​ ၵိတ်ႉတီႉ ဢၼ်​ယိပ်း​ၵမ်​ၵၼ်း​ႁွၵ်ႇ ဢၼ်​ယႂ်ႇ​တၢၼ်ႇ​သီႈ​ပၼ်ႉ​ႁမ်း​ႁုၵ်ႇ ​ၼၼ်ႉ​တၢႆ​ဢေႃႈ။-</verse>
				<verse number="20">လိုၼ်း​ၼၼ်ႉ​ၽဝ်ႇ​ၼိုင်ႈ၊ ပဵၼ်​သိုၵ်း​ၵၼ်​ၵႃႈ​တီႈ​ဝဵင်း​ ၵႃႇသႃႉ ​လႄႈ ၵူၼ်း​ဢၼ်​တူဝ်​ယႂ်ႇ​သုင်​လႄႈ ၵႃႈ​တီႈ​မိုဝ်း​ယေႈ​ၶွၼ် မီး​ၼိဝ်ႉ​မိုဝ်း​ႁူၵ်း​ၼိဝ်ႉ၊ ၵႃႈ​တီႈ​တိၼ်​ယေႈ​ၶွၼ် မီး​ၼိဝ်ႉ​တိၼ်​ႁူၵ်း​ၼိဝ်ႉ ပွင်း​ၵၼ်​မီး​သၢဝ်း​သီႇ​ၼိဝ်ႉ ဢၼ်​ပဵၼ်​ၸိူဝ်ႉ​ၶိူဝ်း​မဵဝ်း​ ရေႇၽဵမ်ႇ ​ၼၼ်ႉ​ၵေႃႉ​ၼိုင်ႈ၊-</verse>
				<verse number="21">ထၢမ်​တႃႉ​ထၢမ်​ၶဵင်ႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ၊ ယေႃးၼသၼ်ႇ ​လုၵ်ႈ​ၸၢႆး​ သီႉမႃႇ ပီႈ​ၸၢႆး​ တႃႇဝိတ်ႈ ​ၼၼ်ႉ ဢဝ်​ၵေႃႉ​ၼၼ်ႉ​တၢႆ​ဢေႃႈ။-</verse>
				<verse number="22">ၶဝ်​သီႇ​ၵေႃႉ​ၼၼ်ႉ​ပဵၼ်​လုၵ်ႈ​ၸၢႆး​ၵူၼ်း​ ရေႇၽဵမ်ႇ ဢၼ်​ယူႇ​ၵႃႈ​တီႈ​ဝဵင်း​ ၵႃႇသႃႉ ​ၼၼ်ႉ​လႄႈ တၢႆ​လူၺ်ႈ​မိုဝ်း​ တႃႇဝိတ်ႈ ဢိၵ်ႇ​တင်း ၶႃႈ​မၼ်း​ၵူၼ်း​မၼ်း​ဢေႃႈ။</verse>
			</chapter>
			<chapter number="22">
				<verse number="1">ၵႂၢမ်း​ဢၼ်​ တႃႇဝိတ်ႈ ​ႁဵတ်း​ၵႂၢမ်း​ဢွၵ်ႇ​သူပ်း​ဝႃႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼႂ်း​မိုဝ်ႉ​ဝၼ်း​ဢၼ် ထႃႇဝရႃႉ​ၽြႃး​ၵႄႇ​သႄႇ​ၼုၵ်ႈ​ဢဝ်​မၼ်း​ဢွၵ်ႇ​သေ ၵႃႈ​ၼႂ်း​မိုဝ်း​ရၢၼ်ႇ​သူႇ​မၼ်း​တင်း​သဵင်ႈ​တင်း​လူင် ဢိၵ်ႇ​တင်း​ၵႃႈ​ၼႂ်း​မိုဝ်း​ သေႃးလူႉ ​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="2">ထႃႇဝရႃႉ​ၽြႃး ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၵဝ်၊ လမ်း​ဝဵင်း​ၵဝ်၊ ၸဝ်ႈ​ဢၼ်​ၵႄႇ​သႄႇ​ဢဝ်​ၵဝ်​လွတ်ႈ၊-</verse>
				<verse number="3">ၽြႃး​ၵဝ် ဢၼ်​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၵဝ်၊ တီႈ​ဢၼ်​ၵဝ်​ဢိင်​ပိုင်ႈ၊ ဢၼ်​ႁႄႉ​ဢၼ်​ၵင်ႈ​ၵဝ်၊ ၶဝ်​လႅမ်​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်၊ တိူၵ်ႈ​တီႈ​တိုၵ်း​သိုၵ်း​ၵဝ်၊ တီႈ​ဢၼ်​ၵဝ်​သွၼ်ႈ​ပိုင်ႈ၊ ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ဢေႃႈ။ ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း​ဢွၵ်ႇ​သေ​ၵႃႈ​ၼႂ်း​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​တီႈ​ၶႃႈ​ဢေႃႈ။-</verse>
				<verse number="4">ၵဝ်​တၵ်း​လဝ်ႊ​ယွၼ်း​တီႈ​ထႃႇဝရႃႉ​ၽြႃး ဢၼ်​ထုၵ်ႇ​လီ​ၶၢမ်ႇ​တၢင်း​ဢၼ်​ယွင်ႈ​ယေႃး​ၼၼ်ႉ​လႄႈ ႁွတ်ႈ​ထိုင်​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် ၵႃႈ​ၼႂ်း​မိုဝ်း​ရၢၼ်ႇ​သူႇ​ၵဝ်​တင်း​လၢႆ​ၼၼ်ႉ​ဢေႃႈ။-</verse>
				<verse number="5">လႅင်း​ၼမ်ႉ​ပိူပ်ႈ​ၼမ်ႉ​တၢင်း​တၢႆ​တင်း​လၢႆ​လွမ်ႉ​ႁွပ်ႈ​ၵဝ်​ဝႆႉ​လႄႈ ၼမ်ႉ​ၸႅဝ်ႈ​တၢင်း​ဢၼ်​ႁုၵ်း​ႁၢႆႉ​ယုတ်ႈ​ယွမ်း​ၼၼ်ႉ ႁႂ်ႈ​ၵဝ်​လႆႈ​ၵူဝ်​လႆႈ​ႁႄ​ဢေႃႈ။-</verse>
				<verse number="6">သဵၼ်ႈ​ၸိူၵ်ႈ​မိူင်း​မရၼႃႉ​တင်း​လၢႆ​လွမ်ႉ​ႁွပ်ႈ​ၵဝ်​ဝႆႉ​လႄႈ တူင်ႇ​ႁႅဝ်ႉ​တူင်ႇ​ၶိုမ်း​ၶုၼ်​တၢႆ လႆႈ​ႁုတ်ႉ​မႅၼ်ႈ​ၵဝ်​ဝႆႉ​ဢေႃႈ။-</verse>
				<verse number="7">ၼႂ်း​မိူဝ်ႈ​ဢၼ်​ယၢပ်ႇ​ၸႂ်​ၶၢၼ်​ၸႂ်​ယူႇ​ၼၼ်ႉ​ၸိုင်၊ ၵဝ်​ႁွင်ႉ​ႁႃ​ထႃႇဝရႃႉ​ၽြႃး​လႄႈ သႅၼ်ႇ​ႁွင်ႉ​ႁႃ​ၽြႃး​ပဵၼ်​ၸဝ်ႈ​ၵဝ်​ဢေႃႈ။ မၼ်း​ၸဝ်ႈ​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​မၼ်း​ၸဝ်ႈ ငိၼ်း​သဵင်​ၵဝ်​လႄႈ သဵင်​ဢၼ်​ၵဝ်​သႅၼ်ႇ​ႁွင်ႉ​ႁႃ​ၼၼ်ႉ ၶဝ်ႈ​ႁွတ်ႈ​ထိုင်​ၵႃႈ​ၼႂ်း​ႁူ​မၼ်း​ၸဝ်ႈ​ဢေႃႈ။</verse>
				<verse number="8">မိူဝ်ႈ​ၼၼ်ႉ လိၼ်​မိူင်း​တူင်ႉ​ၼိုင်​လႄႈ​သၼ်ႇ​သၼ်ႇ​သၢႆ​သၢႆ​ယူႇ၊ ငဝ်ႈ​ႁၢၵ်ႈ​ၽႃႉ​ၵၢင်​ႁၢဝ်​တင်း​လၢႆ​သၼ်ႇ​ၶွၼ်း​ဝႆ​လႄႈ ၼိုင်​ၵႂႃႇ​ၼိုင်​မႃး​ယူႇ ၵွပ်ႈ​ပိူဝ်ႈ​ဢၼ် တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢွၵ်ႇ​ၼၼ်ႉ​ဢေႃႈ။-</verse>
				<verse number="9">ၵႂၼ်း​ၽႆး​ဢွၵ်ႇ​ၵႃႈ​ၼႂ်း​ၶူႈ​လင်​မၼ်း​ၸဝ်ႈ​ယူႇ၊ ၽႆး​ၵႃႈ​ၼႂ်း​သူပ်း​မၼ်း​ၸဝ်ႈ​မႆႈ​ယူႇ​သေ​လႄႈ ထၢၼ်ႇ​ၽႆး​လုၵ်ႉ​ၵွပ်ႈ​ပိူဝ်ႈ​မၼ်း​ဢေႃႈ။-</verse>
				<verse number="10">မၼ်း​ၸဝ်ႈ​ၼူပ်ႈ​ၽႃႉ​ၵၢင်​ႁၢဝ်​သေ​လႄႈ လူင်း​မႃး​လႄႈ​ၵႃႈ​တႂ်ႈ​တိၼ်​မၼ်း​ၸဝ်ႈ​ၼၼ်ႉ ပဵၼ်​ဢၼ်​လပ်း​သိင်ႇ​ဝႆႉ​ဢေႃႈ။-</verse>
				<verse number="11">မၼ်း​ၸဝ်ႈ​ၶီႇ​ ၶေႇရူႉၽဵမ်ႇ ​သေ​လႄႈ​မိၼ်​ယူႇ​လႄႈ မၼ်း​ၸဝ်ႈ​ထၢင်ႇ​သႃး​ယူႇ​ၵႃႈ​ၼိူဝ်​ပိၵ်ႇ​လူမ်း​ဢေႃႈ။-</verse>
				<verse number="12">မၼ်း​ၸဝ်ႈ​ႁႂ်ႈ​ဢၼ်​လပ်း​သိင်ႇ ဢၼ်​ဝႃႈ​ၼမ်ႉ​ဢၼ်​ၸူႉ​ဢၼ်​တုမ် ဢိၵ်ႇ​တင်း​ၽႃႈ​ၽူၼ်​ဢၼ်​ၼႃ​တၼ်​ၼႃႇ​ၸိူဝ်း​ၼၼ်ႉ ပဵၼ်​မူဝ်း​ၵႃႇ​ဢၼ်​လွမ်ႉ​ႁွပ်ႈ​မၼ်း​ၸဝ်ႈ​ယူႇ​ဢေႃႈ။-</verse>
				<verse number="13">ၵွပ်ႈ​ပိူဝ်ႈ​သၢႆ​ဢရွင်ႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ​လႄႈ ထၢၼ်ႇ​ၽႆး​မီး​တၢင်း​ဢၼ်​လုၵ်ႉ​ႁိူဝ်ႈ​ယူႇ​ဢေႃႈ။-</verse>
				<verse number="14">ထႃႇဝရႃႉ​ၽြႃး​ၽႃႉ​လင်​ယူႇ​ၵႃႈ​ၼိူဝ်​ၵၢင်​ႁၢဝ်​လႄႈ ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ပွႆႇ​သဵင်​မၼ်း​ၸဝ်ႈ​ဢေႃႈ။-</verse>
				<verse number="15">မၼ်း​ၸဝ်ႈ​ယိုဝ်း​ပိုၼ်​ၵၢင်ႇ​မၼ်း​ၸဝ်ႈ​သေ​လႄႈ ႁႂ်ႈ​ၶဝ်​ၽူင်ႉ​ပၢႆႈ​ယၢႆႈ​ၼီ​ၵႂႃႇ​လႄႈ မၼ်း​ၸဝ်ႈ​ႁႂ်ႈ​ၽႃႉ​မႅပ်ႈ​သေ​လႄႈ ႁႂ်ႈ​ၶဝ်​တူၵ်း​သုမ်း​ဢေႃႈ။</verse>
				<verse number="16">မိူဝ်ႈ​ၼၼ်ႉ ၵႃႈ​တႂ်ႈ​ပိုၼ်ႉ​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ လႆႈ​ပိုတ်ႇ​ၵီႈ​လႄႈ ငဝ်ႈ​ႁၢၵ်ႈ​တိူၵ်ႈ​လေႃးၵႃႉ ပေႃႇ​ဢွၵ်ႇ​ဝႆႉ​ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး​တၢင်ႇ​ဢပႅတ်ႈ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ် မၼ်း​ၸဝ်ႈ​ထၢင်ႇ​ထိုင်​တၢင်း​ဢၼ်​ထူၺ်ႈ​ၸႂ်​ၵႃႈ​ၼႂ်း​ၶူႈ​လင်​မၼ်း​ၸဝ်ႈ​ၼၼ်ႉ ဢွၵ်ႇ​ၼၼ်ႉ​ဢေႃႈ။-</verse>
				<verse number="17">မၼ်း​ၸဝ်ႈ​ယဵတ်ႇ​မိုဝ်း​မၼ်း​ၸဝ်ႈ ၵႃႈ​ၼိူဝ်​ၼၼ်ႉ​သေ​လႄႈ ယိပ်း​ၵမ်​ၵဝ်​လႄႈ မၼ်း​ၸဝ်ႈ​ဢဝ်​ၵဝ်​ဢွၵ်ႇ​သေ​ၵႃႈ​ၼႂ်း​ၼမ်ႉ ဢၼ်​ယႂ်ႇ​ၼႃႇ​ၸိူဝ်း​ၼၼ်ႉ​ဢေႃႈ။-</verse>
				<verse number="18">မၼ်း​ၸဝ်ႈ​ၵႄႇ​သႄႇ​ၼုၵ်ႈ​ဢဝ်​ၵဝ် ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၵဝ် ဢၼ်​ႁႅင်း​ယႂ်ႇ​ၼႃႇ​ဢၼ်​ဝႃႈ ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ၸင်း​ၵဝ်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​ႁႅင်း​ယႂ်ႇ​ၼႃႇ​သေ​ၵဝ်​လႄႈ ၵဝ်​ဢမ်ႇ​ပႄႉ​ၶဝ်​လႆႈ။-</verse>
				<verse number="19">ပိၵ်ႉ​သမ်ႉ​ၶဝ်​ၽုတ်း​ၽၢတ်း​ပေႃႇ​မႃး​တီႈ​ၵဝ်​ၼႂ်း​မိုဝ်ႉ​ဝၼ်း​ဢၼ် ၵဝ်​ႁွတ်ႈ​ထိုင်​ၽေး​ဢူႉ​ပၢတ်ႈ​ၼၼ်ႉ​သေ​ၵေႃႈ၊ ထႃႇဝရႃႉ​ၽြႃး ပဵၼ်​တီႈ​ဢၼ်​ၵဝ်​ဢိင်​ယူႇ​ပိုင်ႈ​ယူႇ​ဢေႃႈ။-</verse>
				<verse number="20">မၼ်း​ၸဝ်ႈ​ဢဝ်​ၵဝ်​သူင်ႇ​ၵႃႈ​တီႈ ဢၼ်​ၵႂၢင်ႈ​လီ​လႃး​လီ​လႄႈ မၼ်း​ၸဝ်ႈ​ၵႄႇ​သႄႇ​တိုတ်ႉ​ၸၼ်​ဢဝ်​ၵဝ် ၵွပ်ႈ​ပိူဝ်ႈ​ဢၼ် မၼ်း​ၸဝ်ႈ​ၼႅတ်ႈ​သၢၵ်ႈ​ႁၵ်ႉ​ပႅင်း​ၵဝ်​ၼၼ်ႉ​ဢေႃႈ။</verse>
				<verse number="21">ထႃႇဝရႃႉ​ၽြႃး​ပၼ်​ဢၵျူဝ်း​ၸွမ်း​ၵႃႈ​ၼင်ႇ​ဢၼ်​ၵဝ်​မီး​တၢင်း​သိုဝ်ႈ​တေႃႇ​ၼၼ်ႉ​လႄႈ မၼ်း​ၸဝ်ႈ​တွပ်ႇ​တႅၼ်း​ပၼ် ၸွမ်း​ၵႃႈ​ၼင်ႇ​တၢင်း​ဢၼ်​မိုဝ်း​ၵဝ်​မူတ်း​သႂ်​ၼၼ်ႉ​ဢေႃႈ။-</verse>
				<verse number="22">လွင်ႈ​မၼ်း​ၸမ်ႉ ၵဝ်​ၸွမ်း​သဵၼ်ႈ​တၢင်း​ထႃႇဝရႃႉ​ၽြႃး​ယူႇ​သေႇ​သေႇ​လႄႈ ၵဝ်​ဢမ်ႇ​ႁဵတ်း​ႁၢႆႉ​ႁဵတ်း​မိူၵ်ႈ​ဝႄႈ​ပႅတ်ႈ​ၽြႃး​ပဵၼ်​ၸဝ်ႈ​ၵဝ်​သေ​လႄႈ​ၵႂႃႇ။-</verse>
				<verse number="23">လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​ၵႃႈ​မီး​ၼၼ်ႉ မီး​ယူႇ​သိုဝ်ႈ​ၼႃႈ​တႂ်ႈ​တႃ​ၵဝ်​လႄႈ ၵဝ်​ဢမ်ႇ​ပႄႇ​ဢမ်ႇ​ပႅတ်ႈ​ထုင်း​ၽိင်ႈ​တြႃး​မၼ်း​ၸဝ်ႈ​ၸိူဝ်း​ၼၼ်ႉ​လႃး​လႃး။-</verse>
				<verse number="24">ၵဝ်​ၸေး​ၸုမ်ႇ​ဝႆႉ​တင်း လွင်ႈ​ဢၼ်​လီ​ဢၼ်​ငၢမ်း​ၵႃႈ​တီႈ​ၽၢႆႇ​ၼႃႈ​ၸဝ်ႈ​ၼၼ်ႉ​လႄႈ ၵဝ်​ဝႄႈ​ပႅတ်ႈ​တူႉ​ၸရိူၵ်ႈ​တူဝ်​ၸဝ်ႈ​ၵဝ်ႇ​သေ​လႄႈ​ယူႇ​ဢေႃႈ။-</verse>
				<verse number="25">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​တွပ်ႇ​တႅၼ်း​ပၼ်​ဢၵျူဝ်း​တီႈ​ၵဝ် ၸွမ်း​ၵႃႈ​ၼင်ႇ​ဢၼ်​ၵဝ်​မီး​တၢင်း​ဢၼ်​သိုဝ်ႈ​တေႃႇ ဢိၵ်ႇ​တင်း​ၸွမ်း​ၵႃႈ​ၼင်ႇ​ဢၼ် ၵဝ်​မီး​တၢင်း​ဢၼ်​မူတ်း​သႂ်​သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ​ၼၼ်ႉ​ယဝ်ႉ။-</verse>
				<verse number="26">တီႈ​ၵေႃႉ​ဢၼ်​ဢဵတ်း​လူ​ၼၼ်ႉ၊ ၸဝ်ႈ​ႁဝ်း​ၼႄ​ပျႃး​သၽေႃး​တၢင်း​ဢၼ်​ဢဵတ်း​လူ​လႄႈ၊ တီႈ​ၵေႃႉ​ဢၼ်​ၸေး​ၸုမ်ႇ​ၼၼ်ႉ၊ ၸဝ်ႈ​ႁဝ်း​ၼႄ​ပျႃး​သၽေႃး​ဢၼ်​ၸေး​ၸုမ်ႇ​တီႈ​ၶႃႈ​ဢေႃႈ။-</verse>
				<verse number="27">တီႈ​ၵေႃႉ​ဢၼ်​သႂ်​ၸၢင်ႇ​ၼၼ်ႉ၊ ၸဝ်ႈ​ႁဝ်း​ၼႄ​ပျႃး​သၽေႃး​ဢၼ်​သႂ်​ၸၢင်ႇ​လႄႈ၊ တီႈ​ၵေႃႉ​ဢၼ်​ႁဵတ်း​ၶတ်း​ၼၼ်ႉ၊ ၸဝ်ႈ​ႁဝ်း​ၼႄ​ပျႃး​သၽေႃး​ဢၼ်​ႁဵတ်း​ၶတ်း​တီႈ​ၶႃႈ​ဢေႃႈ။-</verse>
				<verse number="28">ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ၸိုင်၊ ၸဝ်ႈ​ႁဝ်း​ၵႄႇ​ၶျွတ်ႈ​ဢဝ်​လႄႈ၊ ၶဝ်​ၸိူဝ်း​ဢၼ်​ႁူဝ်​ၸႂ်​ၽႅၼ်ႇ​သုင်​ၼၼ်ႉ​ၸမ်ႉ၊ တႃ​ၸဝ်ႈ​ႁဝ်း​လူ​တူၺ်း​မၢတ်ႈ​တွင်း​ဝႆႉ ႁႂ်ႈ​လႆႈ​ဢဝ်​ၶဝ်​ၶျႃး​တူၵ်း​တီႈ​တႅမ်ႇ​တီႈ​ၶႃႈ​ဢေႃႈ။-</verse>
				<verse number="29">ဢူဝ်း​ထႃႇဝရႃႉ​ၽြႃး၊ ၸဝ်ႈ​ႁဝ်း​ပဵၼ်​ဝၢၼ်ႇ​ၽႆး​တဵၼ်း​ၶႃႈ​ၸဝ်ႈ​တီႈ​ၶႃႈ​လႄႈ ထႃႇဝရႃႉ​ၽြႃး​ႁႂ်ႈ​လပ်း​သိင်ႇ​ၶႃႈ​ၸဝ်ႈ​လႅင်း​တီႈ​ၶႃႈ​ဢေႃႈ။-</verse>
				<verse number="30">ၶႃႈ​ၸဝ်ႈ​ဢိင်​ပိုင်ႈ​ၸဝ်ႈ​ႁဝ်း​သေ​လႄႈ ၶုၼ်ႇ​လႅၼ်ႈ​ၽၢင်ႈ​တပ်ႉ​တီႈ​ၶႃႈ​လႄႈ ၶႃႈ​ၸဝ်ႈ​ဢိင်​ပိုင်ႈ​ၽြႃး​ပဵၼ်​ၸဝ်ႈ​ၶႃႈ​ၸဝ်ႈ​လႄႈ ဝႅၼ်​ၶၢမ်ႈ​လမ်း​ဝဵင်း​ၵႂႃႇ​တီႈ​ၶႃႈ​ဢေႃႈ။</verse>
				<verse number="31">သဵၼ်ႈ​တၢင်း​ၽြႃး​ပဵၼ်​ၸဝ်ႈ​ၼၼ်ႉ​ၸေး​ၸုမ်ႇ​လႄႈ၊ သဵတ်ႈ​ၸႃႇ​ထႃႇဝရႃႉ​ၽြႃး​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​လႄႈ မူတ်း​သႂ်​ယူႇ​ဢေႃႈ။ မၼ်း​ၸဝ်ႈ​ပဵၼ်​ဢၼ်​ႁႄႉ​ဢၼ်​ၵင်ႈ​ၶဝ်​ၸိူဝ်း​ဢၼ် သွၼ်ႈ​ပိုင်ႈ​မၼ်း​ၸဝ်ႈ​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="32">ၼွၵ်ႈ​သေ​ထႃႇဝရႃႉ​ၽြႃး​ၼၼ်ႉ၊ ယင်း​မီး​ၽြႃး​ပဵၼ်​ၸဝ်ႈ​သူႇ​လႂ်​လူး​ၵွၼ်ႇ။ ၼွၵ်ႈ​သေ​ၽြႃး​ပဵၼ်​ၸဝ်ႈ​ႁဝ်း​ၼၼ်ႉ ယင်း​မီး​မၢၵ်ႇ​ႁိၼ်​မၢၵ်ႇ​ၽႃ​ဢၼ်​လႂ်​လူး​ၵွၼ်ႇ။-</verse>
				<verse number="33">ၽြႃး​ပဵၼ်​ၸဝ်ႈ​ၼၼ်ႉ ပဵၼ်​တိူၵ်ႈ​တီႈ​တိုၵ်း​သိုၵ်း​ၵဝ် ဢၼ်​မၼ်ႈ​ၶိူင်ႇ​ၼႃႇ​လႄႈ မၼ်း​ၸဝ်ႈ​ဢဝ်​ၵေႃႉ​ဢၼ်​ၸေး​ၸုမ်ႇ​ၼၼ်ႉ ၸွမ်း​သူင်ႇ​ၵႃႈ​ၼႂ်း​သဵၼ်ႈ​တၢင်း​ဢေႃႈ။-</verse>
				<verse number="34">မၼ်း​ၸဝ်ႈ​ႁႂ်ႈ​တိၼ်​ၵဝ်​ၶၼ်​ၽႂ်း မိူၼ်​ၸိူဝ်ႉ​ၼင်ႇ​တိၼ်​ၵႂၢင်​ၼၼ်ႉ​လႄႈ မၼ်း​ၸဝ်ႈ​ဢဝ်​ၵဝ်​တၢင်ႇ​ဝႆႉ ၵႃႈ​ၼိူဝ်​တီႈ​ဢၼ်​သုင်​ၵဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="35">မၼ်း​ၸဝ်ႈ​သင်ႇ​သွၼ်​ပၼ်​မိုဝ်း​ၵဝ် ႁႂ်ႈ​မေႃ​ႁႂ်ႈ​ၸၢင်ႈ​လွင်ႈ​တၢင်း​ဢၼ်​တိုၵ်း​သိုၵ်း​လႄႈ ၶႅၼ်​ၵဝ်​ဝူတ်ႈ​တင်း​ၵၢင်ႇ​တွင်း​လိူင်​လႆႈ​ဢေႃႈ။</verse>
				<verse number="36">ၸဝ်ႈ​ႁဝ်း​ဢဝ်​ဢၼ်​ႁႄႉ​ဢၼ်​ၵင်ႈ တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ ပၼ်​တီႈ​ၶႃႈ​ၸဝ်ႈ​လႄႈ တၢင်း​ဢၼ်​ၸဝ်ႈ​ႁဝ်း​ဢဵတ်း​လူ​ယိူၼ်ႉ​ၶၢမ်ႇ​ၼၼ်ႉ ႁႂ်ႈ​ၶႃႈ​ၸဝ်ႈ​ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ​ဝႆႉ​တီႈ​ၶႃႈ​ဢေႃႈ။-</verse>
				<verse number="37">ၸဝ်ႈ​ႁဝ်း​ႁႂ်ႈ​သဵၼ်ႈ​တၢင်း​ဢၼ် တိၼ်​ၶႃႈ​ၸဝ်ႈ​ယဵပ်ႇ​ၼၼ်ႉ​ၵႂၢင်ႈ​လီ​လႃး​လီ​လႄႈ တႃ​တိၼ်​ၶႃႈ​ၸဝ်ႈ​ဢမ်ႇ​ပရၢတ်ႈ​ၵႂႃႇ​တီႈ​ၶႃႈ၊-</verse>
				<verse number="38">ၶႃႈ​ၸဝ်ႈ​လိုပ်ႈ​ၸွမ်း​လမ်း​ၸွမ်း​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ​သေ​လႄႈ ယႃႉ​ၶဝ်​ပႅတ်ႈ​လႄႈ၊ ၸူဝ်ႈ​ဢၼ်​ဢမ်ႇ​ပႆႇ​ပႄႇ​ၽဵဝ်ႈ​ၶဝ်​ပႅတ်ႈ​ၼၼ်ႉ​ၸိုင်၊ ဢမ်ႇ​ၶိုၼ်း​မႃး​တီႈ​ၶႃႈ၊-</verse>
				<verse number="39">ၶႃႈ​ၸဝ်ႈ​ပႄႇ​ၽဵဝ်ႈ​ၶဝ်​ပႅတ်ႈ​ယူႇ​သေ​လႄႈ တိူဝ်ႉ​ထုၵ်ႇ​သႂ်ႇ​ၶဝ် တေႃႇ​ထိုင်​ႁွတ်ႈ​ၶဝ်​ထၼ်ႈ​ပေႃး​ဢမ်ႇ​လုၵ်ႉ​လႆႈ​လႄႈ ၶဝ်​လူမ်ႉ​ယူႇ​ၵႃႈ​တႂ်ႈ​တိၼ်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="40">လွင်ႈ​မၼ်း​ၸမ်ႉ ၸဝ်ႈ​ႁဝ်း​ဢဝ်​သၢႆ​ဢႅဝ်​ႁႅင်း​တၼ်း​ၶူဝ်း​ႁတ်ႉ​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​မေႃ​ၸၢင်ႈ​လွင်ႈ​တၢင်း​ဢၼ်​တိုၵ်း​သိုၵ်း​လႄႈ ၸဝ်ႈ​ႁဝ်း​ဢဝ်​ၶဝ်​ၸိူဝ်း​ဢၼ်​လုၵ်ႉ​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​ၸိူဝ်း​ၼၼ်ႉ လူမ်ႉ​တူၵ်း​ပႅတ်ႈ​ၵႃႈ​တႂ်ႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="41">ၸဝ်ႈ​ႁဝ်း​ႁႂ်ႈ​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ ဝၢႆႇ​လင်​ပၼ်​တီႈ​ၶႃႈ​ၸဝ်ႈ​လႄႈ ၶႃႈ​ၸဝ်ႈ​ယႃႉ​ၽဵဝ်ႈ​ၶဝ်​ၸိူဝ်း​ဢၼ်​ၸင်း​ၶႃႈ​ၸဝ်ႈ​ၼၼ်ႉ​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="42">ၶဝ်​ၼၼ်ႉ မုင်ႈ​ႁႃ​သေ​ၵေႃႈ ၵေႃႉ​ဢၼ်​ၵႄႇ​သႄႇ​ၶျွတ်ႈ​ဢဝ်​ဢမ်ႇ​မီး​လႄႈ ၶဝ်​မုင်ႈ​ႁႃ​ထႃႇဝရႃႉ​ၽြႃး​သေ​ၵေႃႈ၊ မၼ်း​ၸဝ်ႈ​ဢမ်ႇ​ဢိူဝ်။-</verse>
				<verse number="43">ၶဝ်​ၼၼ်ႉ​ၸိုင် ၶႃႈ​ၸဝ်ႈ​ဢဝ်​ၼူတ်ႈ​လႅဝ်​ဢွၼ်ႇ​ဢွၼ်ႇ​ၽွင်​ၽွင်​ၸိူဝ်ႉ​ၼင်ႇ​မုၼ်ႈ​လိၼ်​ၼၼ်ႉ​လႄႈ ၶႃႈ​ၸဝ်ႈ​ယဵပ်ႇ​သႂ်ႇ​ၶဝ် မိူၼ်​ၸိူဝ်ႉ​ၼင်ႇ မုၼ်ႈ​ဢၢင်ႉ​ဢၢၵ်ႇ ၵႃႈ​တီႈ​ၵၢင်​တႃႈ​ၵၢင်​တၢင်း​ၼၼ်ႉ​သေ​လႄႈ ဢဝ်​ၽႄႇ​မိူဝ်​ပႅတ်ႈ​တီႈ​ၶႃႈ​ဢေႃႈ။</verse>
				<verse number="44">ၸဝ်ႈ​ႁဝ်း​ၵႄႇ​သႄႇ​ဢဝ်​ၶႃႈ​ၸဝ်ႈ လွတ်ႈ​သေ​ၵႃႈ​ၼႂ်း​တၢင်း​ဢၼ်​မုၵ်ႉ​ၵူၼ်း​ၸိူဝ်း​ၵူၼ်း​ၶႃႈ​ၸဝ်ႈ​တင်း​လၢႆ ၶေႉ​ၶဵင်ႇ​တိုၵ်း​တေႃး​ၵၼ်​ယူႇ​ၼၼ်ႉ​လႄႈ ၸဝ်ႈ​ႁဝ်း​ပႂ်ႉ​လူ​ပႂ်ႉ​တူၺ်း​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​ပဵၼ်​ၵႄႇ​ပဵၼ်​ႁူဝ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​သေ​လႄႈ မုၵ်ႉ​ၵူၼ်း​ၽုင်​ၵူၼ်း​ဢၼ်​ၶႃႈ​ၸဝ်ႈ​ဢမ်ႇ​တွၼ်ႉ​ႁူႉ​ၸၵ်း​ၼၼ်ႉ ၶၢမ်ႇ​ႁဵတ်း​ၶႃႈ​တီႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="45">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ ႁဵတ်း​ၵိူမ်ႈ​ႁဵတ်း​လိူမ်ႈ​တီႈ​ၶႃႈ​ၸဝ်ႈ​လႄႈ ၶဝ်​ဢွၼ်​ၵၼ်​ထွမ်ႇ​ဢဝ်​ၼႂ်း​မိူဝ်ႈ​ဢၼ် ၶဝ်​ငိၼ်း​သဵင်ႈ​ၵႂၢမ်း​ၶႃႈ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="46">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ ႁဵဝ်ႇ​ၸွပ်ႈ​ၵႂႃႇ​လႄႈ ဢွၼ်​ၵၼ်​လုၵ်ႉ​သေ​ၵႃႈ​ၼႂ်း​တိူၵ်ႈ​တီႈ​တိုၵ်း​သိုၵ်း​ၶဝ်​ၼၼ်ႉ သၼ်ႇ​သၼ်ႇ​သၢႆ​သၢႆ​ဢွၵ်ႇ​ၵႂႃႇ​တီႈ​ၶႃႈ​ဢေႃႈ။</verse>
				<verse number="47">ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​လႄႈ ႁႂ်ႈ​မင်ႇၵလႃႇ​မီး​တီႈ​မၢၵ်ႇ​ႁိၼ်​မၢၵ်ႇ​ၽႃ​ၵဝ်​သေ​ၵမ်း​လူၺ်ႈ။ ႁႂ်ႈ​တၢင်း​ဢၼ်​ယုၵ်ႉ​ယွင်ႈ မီး​တီႈ​ၽြႃး​ပဵၼ်​ၸဝ်ႈ ဢၼ်​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ၼၼ်ႉ​သေ​ၵမ်း​လူၺ်ႈ။-</verse>
				<verse number="48">မၼ်း​ၸဝ်ႈ​ပဵၼ်​ၽြႃး​ပဵၼ်​ၸဝ်ႈ ဢၼ်​ယူႇ​ၽၢႆႇ​ၵဝ်​သေ​လႄႈ ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ ဢဝ်​မုၵ်ႉ​ၵူၼ်း​ၸိူဝ်း​ၵူၼ်း​ၶျႃး​တူၵ်း​ဝႆႉ ၵႃႈ​တႂ်ႈ​ၵဝ်​ၼၼ်ႉ​ဢေႃႈ။-</verse>
				<verse number="49">မၼ်း​ၸဝ်ႈ​ဢဝ်​ၵဝ်​လွတ်ႈ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၵဝ်​ဢေႃႈ။ ၸဝ်ႈ​ႁဝ်း​ယုၵ်ႉ​ယွင်ႈ​ၶႃႈ​ၸဝ်ႈ​တၢင်ႇ​ဝႆႉ​ၵႃႈ​ၼိူဝ်​ၶဝ်​ၸိူဝ်း​ဢၼ်​လုၵ်ႉ​ယူႇ​ၽၢႆႇ​ၼိုင်ႈ တင်း​ၶႃႈ​ၸဝ်ႈ​ၼၼ်ႉ​လႄႈ ၸဝ်ႈ​ႁဝ်း​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​မိုဝ်း​ၵေႃႉ​ဢၼ်​ႁိမ်​ႁူင်ႇ​ယႃႉ​ယူၵ်ႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="50">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​တၵ်း​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​လႄႈ ႁဵတ်း​ၵႂၢမ်း​ထေႃးပၼႃႇ တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="51">မၼ်း​ၸဝ်ႈ​ႁဵတ်း​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ဢၼ်​ယႂ်ႇ​ၼႃႇ တီႈ​ၶုၼ်​လူင်​မၼ်း​ၸဝ်ႈ​ၼၼ်ႉ​လႄႈ ႁဵတ်း​ၵျေး​ၸူး​ၵရူႉၼႃႇ​တီႈ​ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ ဢၼ်​မၼ်း​ၸဝ်ႈ​ပၼ်​ၼၼ်ႉ ဢၼ်​ဝႃႈ​ တႃႇဝိတ်ႈ ​ၼၼ်ႉ ဢိၵ်ႇ​တင်း​ၸိူဝ်ႉ​ၶိူဝ်း​မၼ်း ၶိင်ႇ​ၵႃႇလႃႉ​သိုပ်ႇ​သိုပ်ႇ​တၢမ်း​တၢမ်း​တႃႇ​သေႇ​ယူႇ​ဢေႃႈ။</verse>
			</chapter>
			<chapter number="23">
				<verse number="1">ၵႂၢမ်း​လိုၼ်း​လင်​သုတ်း​ တႃႇဝိတ်ႈ ဢၼ်​ဝႃႈ ၵႂၢမ်း​ဢၼ်​ တႃႇဝိတ်ႈ ​လုၵ်ႈ​ၸၢႆး​ ယေႇသႄး ၊ ဢၼ်​ပဵၼ်​ၵေႃႉ​ဢၼ်​မုၼ်​ၽုင်း​ယႂ်ႇ​လႄႈ လႆႈ​ၶၢမ်ႇ​ၽိၵ်ႈ​သိၵ်ႈ​ၽြႃး​ပဵၼ်​ၸဝ်ႈ​မဵဝ်း​ ယႃႇၵုပ်ႈ ​ပဵၼ်​ၵေႃႉ​ဢၼ်​ႁဵတ်း​ၵႂၢမ်း​သဵင်​လီ​သဵင်​ဝၢၼ်​ၵႃႈ​ၼႂ်း​မဵဝ်း​ ဢီႉသရေႇလႃႉ ​ၼၼ်ႉ ဢွၵ်ႇ​သူပ်း​ဝႃႈ​ၸမ်ႉ၊-</verse>
				<verse number="2">ဝီႉၺိၺ်ႇ​ထႃႇဝရႃႉ​ၽြႃး ဢဝ်​ၵဝ်​မီး​ဢမိင်ႉ​လႄႈ ၼုၵ်ႈၵပၢတ်ႈ​ၸဝ်ႈ မီး​ယူႇ​ၵႃႈ​တီႈ​လိၼ်ႉ​ၵဝ်​ဢေႃႈ။-</verse>
				<verse number="3">ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​ဢမိင်ႉ​လႄႈ မၢၵ်ႇ​ႁိၼ်​မၢၵ်ႇ​ၽႃ​မဵဝ်း​ ဢီႉသရေႇလႃႉ ​ၼၼ်ႉ ဢွၵ်ႇ​သူပ်း​လၢတ်ႈ​တီႈ​ၵဝ်​လႄႈ​ဝႃႈ​ၸမ်ႉ၊ ၵေႃႉ​ဢၼ်​ၸွမ်း​ၼင်ႇ​တြႃး​ယူႇ​သေ​လႄႈ ဢုပ်ႉ​ပိူင်ႇ​ၵူၼ်း​တင်း​လၢႆ၊ ၵေႃႉ​ဢၼ်​ၵူဝ်​ႁႄ​ၽြႃး​ပဵၼ်​ၸဝ်ႈ​ယူႇ​သေ​လႄႈ​ဢုပ်ႉ​ပိူင်ႇ​ၼၼ်ႉ၊-</verse>
				<verse number="4">တၵ်း​ပဵၼ်​မိူၼ်​ၸိူဝ်ႉ​ၼင်ႇ​ဢၼ်​လႅင်း​ၶိင်ႇ​ၵၢင်​ၼႂ် မိူဝ်ႈ​ဢၼ်​ၵၢင်​ဝၼ်း​ဢွၵ်ႇ ဢၼ်​ဝႃႈ​ၶိင်ႇ​ၵၢင်​ၼႂ်​ဢၼ်​ၽူၼ်​ဢမ်ႇ​ၵုမ်ႈ ၽႃႉ​ဢမ်ႇ​မိုတ်း​ၼၼ်ႉ​ဢေႃႈ။ တၵ်း​ပဵၼ်​မိူၼ်​ၸိူဝ်ႉ​ၼင်ႇ ယိူဝ်ႈ​ၼုမ်ႇ​ၵိင်ႇ​ၼုမ်ႇ ဢၼ်​ဢွၵ်ႇ​မႃး​ၵႃႈ​တီႈ​လိၼ် ၵွပ်ႈ​ပိူဝ်ႈ​ဢၼ်​ၽူၼ်​တူၵ်း​သေ​ယဝ်ႉ ၵၢင်​ဝၼ်း​ႁိူဝ်ႈ​လႅင်း​ယူႇ​သၢင်း​ဝၢင်း​ၼၼ်ႉ​ဢေႃႈ။-</verse>
				<verse number="5">မဵဝ်း​ၸိူဝ်ႉ​ၶိူဝ်း​ၵဝ်​ၼႆႉ​ပဵၼ်​ၸိူဝ်ႉ​ၼင်ႇ​ၼၼ်​ယူႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢမ်ႇ​ၸႂ်ႈ​ႁိုဝ်။ မၼ်း​ၸဝ်ႈ​ႁဵတ်း​ၼိၵ်ႈၸႃႉ​ထႃႇဝရႃႉ ပတီႉၺိၺ်ႇ​ဢၼ်​ၸီႇ​ယၢင်ႇ​ပွင်​ႁဵတ်း​သေႇ​ၶျႃႇ​လီ​ငၢမ်း​လႄႈ ဢမ်ႇ​လူႉ​လႆႈ​ၼၼ်ႉ​လူၺ်ႈ​ၵၼ်​တင်း​ၵဝ်​ယဝ်ႉ။ ပတီႉၺိၺ်ႇ​ၼၼ်ႉ ပိၵ်ႉ​သမ်ႉ​မၼ်း​ၸဝ်ႈ​ဢမ်ႇ​ပႆႇ​ႁႂ်ႈ​ပျေႉ​ၸုမ်ႇ​ၵမ်း​လဵဝ်​သေ​ၵေႃႈ၊ ပဵၼ်​လွင်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​တင်း​သဵင်ႈ​တင်း​မူတ်း၊ လွင်ႈ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်​တင်း​သဵင်ႈ​တင်း​မူတ်း​ဢေႃႈ။</verse>
				<verse number="6">ၵူၼ်း​ဢႃႉထမ်ႇမႃႉ​ၵႃႈ​မီး​ၸိူဝ်း​ၼၼ်ႉ​ၸမ်ႉ၊ တၵ်း​လႆႈ​ဢွၼ်​ၵၼ်​ပဵၼ်​မိူၼ်​ၸိူဝ်ႉ​ၼင်ႇ​တူၼ်ႈ​ၼၢမ်​ဢၼ်​လႆႈ​ပႄႇ​ပႅတ်ႈ ၵွပ်ႈ​ပိူဝ်ႈ​ဢၼ်​ဢမ်ႇ​ၸၢင်ႈ​ယိပ်း​ဢဝ်​ၵႅမ်း​ဢဝ်​ၼၼ်ႉ​ဢေႃႈ။-</verse>
				<verse number="7">ၵေႃႉ​ဢၼ်​ယိပ်း​ဢၼ်​ၵႅမ်း​ၼၼ်ႉ တၵ်း​လႆႈ​သုင်း​သွင်ႇ​ၶိူင်ႈ​လဵၵ်း ဢိၵ်ႇ​တင်း​ၵၼ်း​ႁွၵ်ႇ​သေ​ဢေႃႈ။ တူၼ်ႈ​ၼၢမ်​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​လႄႈ​တုတ်ႇ​ၽႆး​ပႅတ်ႈ​မူတ်း​မူတ်း​သဵင်ႈ​သဵင်ႈ ၵႃႈ​ၼႂ်း​တီႈ​ဢၼ်​ၶဝ်​ဢွၵ်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၸိုဝ်ႈ​သဵင်​ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​လူင် ဢၼ်​ၵိုတ်ႉ​ႁၢပ်ႇ​ဢမူႉ​ တႃႇဝိတ်ႈ ​ၼၼ်ႉ​ၸိူဝ်း​ၼၼ်ႉ​ၸမ်ႉ၊ ယႃသေႃႉၽမ်ႇ မဵဝ်း ႁၵ်ႉမေႃးၼီႉ ​ၼၼ်ႉ​ပဵၼ်​ပူဝ်ႇ​ၶျုၵ်ႈ​ဢေႃႈ။ ၵေႃႉ​ၼၼ်ႉ​ပဵၼ်​ ဢတီႉၼူဝ်ႇ ၊ ၵူၼ်း​မဵဝ်း​ ဢေးၸရီႉ ဢၼ်​တိုၵ်း​တေႃး​ယႃႉ​ပႅတ်ႈ​ၵူၼ်း ပႅတ်ႇ​ပၢၵ်ႇ​ၵမ်း​လဵဝ်​ၵူၺ်း​ၼၼ်ႉ​ဢေႃႈ။-</verse>
				<verse number="9">လိုၼ်း​မၼ်း​ၼၼ်ႉ ဢေးလႃႇၸႃႇ လုၵ်ႈ​ၸၢႆး​ တေႃးတေႃး မဵဝ်း​ ဢႁေႃႇႁီႉ ​ၼၼ်ႉ ၶဝ်ႈ​ပႃး​ၼႂ်း​ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​လူင် သၢမ်​ၵေႃႉ​ဢၼ်​ၸွမ်း​လူၺ်ႈ​ၵၼ်​တင်း တႃႇဝိတ်ႈ ​ၼၼ်ႉ​ဢေႃႈ။ မိူဝ်ႈ​ဢၼ်​ၶဝ်​ထၢမ်​တႃႉ​ထၢမ်​ၶဵင်ႇ ၵူၼ်း​ ၽီႉလိတ်ႉတီႉ ဢၼ်​ၸူႉ​ၵၼ်​တုမ်​ၵၼ် ႁႂ်ႈ​လႆႈ​တိုၵ်း​သိုၵ်း​ၸိူဝ်း​ၼၼ်ႉ​လႄႈ ၵူၼ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​သုတ်ႉ​ၶိုၼ်း​ယိုတ်း​ၶိုၼ်း​ၼၼ်ႉ​ၸိုင်၊-</verse>
				<verse number="10">ၵေႃႉ​ၼၼ်ႉ​လုၵ်ႉ​လႄႈ​တိုၵ်း​တေႃး​ယႃႉ​ပႅတ်ႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​ထၼ်ႈ​ပေႃး မိုဝ်း​မၼ်း​ၵူၼ်ႉ​ၼႃႇ​ဢူၼ်ႈ​ၼႃႇ​သေ​လႄႈ ဢမ်ႇ​ပွႆႇ​ဢမ်ႇ​ၽႃႈ​လၢပ်ႇ​မၼ်း​လႆႈ​သေ​ယဝ်ႉ၊ ထႃႇဝရႃႉ​ၽြႃး​ႁဵတ်း​တၢင်း​ဢၼ် ပႄႉ​ၼႅင်ႇ​ဢၼ်​ယႂ်ႇ​ၼႃႇ​ၼႂ်း​ဝၼ်း​ၼၼ်ႉ​လႄႈ ၵူၼ်း​တင်း​လၢႆ ၵွမ်ႉ​ၵႃႈ​လႆႈ​ၶိုၼ်း​မႃး ႁႂ်ႈ​လႆႈ​ႁိမ်​ဢဝ်​ႁူင်ႇ​ဢဝ်​ဢုၵ်ႉ​ၸႃႇ​ၶူဝ်း​လဵင်း​ၵူၺ်း​ဢေႃႈ။-</verse>
				<verse number="11">လိုၼ်း​မၼ်း​ၼၼ်ႉ မီး သၢမ်ႇ​မႃႇ လုၵ်ႈ​ၸၢႆး​ ဢႃႇၵီႉ မဵဝ်း​ ႁႃႇရရီႉ ​ဢေႃႈ။ မိူဝ်ႈ​ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ ၸူႉ​ၵၼ်​တုမ်​ၵၼ်​ပဵၼ်​မုၵ်ႉ​ပဵၼ်​ၸိူဝ်း​ၵႃႈ​တီႈ​တူင်ႈ​ၼႃး​ဢၼ်​ၽုၵ်ႇ​ထူဝ်ႇ​မဵဝ်း​ၼိုင်ႈ​လႄႈ ၵူၼ်း​ ဢီႉသရေႇလႃႉ ​တင်း​လၢႆ​ဢွၼ်​ၵၼ်​ဢွၵ်ႇ​ပၢႆႈ​သေ​ၵႃႈ​တီႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ၼၼ်ႉ​ၸိုင်၊-</verse>
				<verse number="12">ၵေႃႉ​ၼၼ်ႉ​ၸုၵ်း​ၵႃႈ​ၼႂ်း​တူင်ႈ​ၼႃး​လႄႈ ပႂ်ႉ​လူ​ပႂ်ႉ​တူၺ်း​ႁႄႉ​ၶႅၼ်​ယူႇ​သေ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​လႄႈ၊ ထႃႇဝရႃႉ​ၽြႃး​ႁဵတ်း​တၢင်း​ဢၼ်​ပႄႉ​ၼႅင်ႇ​ဢၼ်​ယႂ်ႇ​ၼႃႇ​ဢေႃႈ။-</verse>
				<verse number="13">ၵူၼ်း​သၢမ်​ၵေႃႉ​ဢၼ်​ၶဝ်ႈ​ပႃး​ၼႂ်း​ပူဝ်ႇ​လူင်​သၢမ်​သိပ်း​ၼၼ်ႉ ဢွၼ်​ၵၼ်​လူင်း​ၸူး​တီႈ​ တႃႇဝိတ်ႈ ၵႃႈ​တီႈ​ႁူး​ထမ်ႈ​ ဢတူႉလမ်ႇ ၼႂ်း​ၶိင်ႇ​ဢၼ်​ပၢတ်ႇ​ၶဝ်ႈ​ၼၼ်ႉ​လႄႈ မုၵ်ႉ​ၸိူဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ၶျႃး​တပ်ႉ​ၶဝ်​မီး​ယူႇ​ၵႃႈ​တီႈ​ပၢင်ႇ​ႁူၺ်ႈ​ ရေႇၽဵမ်ႇ ​ဢေႃႈ။-</verse>
				<verse number="14">မိူဝ်ႈ​ၼၼ်ႉ​ တႃႇဝိတ်ႈ ​ယူႇ​ၵႃႈ​ၼႂ်း​တိူၵ်ႈ​တီႈ​တိုၵ်း​သိုၵ်း​လႄႈ တပ်ႉ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ မီး​ယူႇ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ​ဢေႃႈ။-</verse>
				<verse number="15">တႃႇဝိတ်ႈ ​ၵေႃႈ မီး​တင်း​ၸႂ်​ဢၼ်​တူၵ်း​ဢၢင်ႈ​သေ​လႄႈ​ဝႃႈ၊ ႁႂ်ႈ​သေ​ၵေႃႉ​သေ​ၵူၼ်း​တဵၵ်း​ဢဝ်​ၼမ်ႉ​ၵႃႈ​ၼႂ်း​ၼမ်ႉ​မေႃႇ ဢၼ်​မီး​ၵႃႈ​ႁိမ်း​ၽၵ်း​တူ​ဝဵင်း​ ပႅတ်ႉလႁႅမ်ႇ ​ၼၼ်ႉ​ပၼ်​ၵဝ်​ၵိၼ်​သေ​ၵမ်း​လူၺ်ႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​သၢမ်​ၵေႃႉ​ၼၼ်ႉ လေႃႈ​ၽၢင်ႈ​လေႃႈ​ၽႃႇ​တပ်ႉ​ ၽီႉလိတ်ႉတီႉ ​ၵႂႃႇ​သေ​လႄႈ တဵၵ်း​ဢဝ်​ၼမ်ႉ​ၵႃႈ​ၼႂ်း​ၼမ်ႉ​မေႃႇ ဢၼ်​မီး​ၵႃႈ​ႁိမ်း​ၽၵ်း​တူ​ဝဵင်း​ ပႅတ်ႉလႁႅမ်ႇ ​ၼၼ်ႉ​သေ​ယဝ်ႉ၊ ဢဝ်​မႃး​ၸူး​ၵႃႈ​တီႈ​ တႃႇဝိတ်ႈ ​ဢေႃႈ။ ၵူၺ်း​ၵႃႈ မၼ်း​ယင်း​ဢမ်ႇ​ၶႂ်ႈ​ၵိၼ်​လႄႈ ဢဝ်​ထွၵ်ႇ​ႁိုဝ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ယူႇ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="17">ထႃႇဝရႃႉ​ၽြႃး​တီႈ​ၶႃႈ၊ ႁႂ်ႈ​ဢမူႉ​ဢၼ်​ၶႃႈ​ၸဝ်ႈ​ၵိၼ်​ၼမ်ႉ​ၼႆႉ ၵႆ​ၵၼ်​တင်း​ၶႃႈ​ၸဝ်ႈ​သေ​ၵမ်း​လူၺ်ႈ။ ၼမ်ႉ​ၼႆႉ​ပဵၼ်​လိူတ်ႈ​ၶဝ်​ၸိူဝ်း​ဢၼ် ယင်း​ဢမ်ႇ​သေ​လၢႆ​ဢသၢၵ်ႈ​တူဝ်​ၸဝ်ႈ​ၵဝ်ႇ​လႄႈ​ၵႂႃႇ​ၸိူဝ်း​ၼၼ်ႉ ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​လႄႈ ယင်း​ဢမ်ႇ​ၵိၼ်​လႄႈ​ယူႇ​ဢေႃႈ။ ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​သၢမ်​ၵေႃႉ​ၼၼ်ႉ ႁဵတ်း​လွင်ႈ​တၢင်း​ၸိူဝ်ႉ​ၼင်ႇ​ၼၼ်​ဢေႃႈ၊-</verse>
				<verse number="18">ဢၽီႉသေး ၼွင်ႉ​ၸၢႆး​ ယႂႃႇၽႃႉ လုၵ်ႈ​ၸၢႆး​ ၸေႇရူႉယႃႇ ​ၼၼ်ႉ​ၵေႃႈ ပဵၼ်​ၵႄႇ​ပဵၼ်​ႁူဝ် ၼႂ်း​ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​သၢမ်​ၵေႃႉ​ဢေႃႈ။ မၼ်း​ၼၼ်ႉ​ယိပ်း​ၵမ်​ဢဝ်​ႁွၵ်ႇ​သေ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​သၢမ်​ပၢၵ်ႇ​လႄႈ လႆႈ​ၸိုဝ်ႈ​လႆႈ​သဵင်​ၵႃႈ​ၼႂ်း​သၢမ်​ၵေႃႉ​ၼၼ်ႉ​ဢေႃႈ။-</verse>
				<verse number="19">မၼ်း​ပဵၼ်​ၵေႃႉ​ဢၼ်​မီး​မုၼ်​သရေႇ​ၼႃႇ​သေ​ပိူၼ်ႈ ၵႃႈ​ၼႂ်း​သၢမ်​ၵေႃႉ​ၼၼ်ႉ​ဢမ်ႇ​ၸႂ်ႈ​ႁိုဝ်။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ မၼ်း​လႆႈ​ဢရႃႇ​ပူဝ်ႇ​ၶျုၵ်ႈ​ဢေႃႈ။ ၵူၺ်း​ၵႃႈ မၼ်း​ဢမ်ႇ​ၶိုတ်း​ဢမ်ႇ​ပဵင်း​ပူဝ်ႇ​ႁူဝ်​ႁၢၼ်​ပထမႃႉ​သၢမ်​ၵေႃႉ​ၼၼ်ႉ။-</verse>
				<verse number="20">ပေႇၼႃႇယႃႉ လုၵ်ႈ​ၸၢႆး​ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​ ယေႃးယတႃႉ ၵူၼ်း​ဝဵင်း​ ၵပ်ႉၸေးလႃႉ ဢၼ်​ယၢမ်ႈ​ႁဵတ်း​လွင်ႈ​တၢင်း​ဢၼ်​ယႂ်ႇ​ၼႃႇ​လူင်​လၢင်​ၸိူဝ်း​ၼၼ်ႉ​ၼၼ်ႉ​ၵေႃႈ ဢဝ်​လုၵ်ႈ​ၸၢႆး​ ဢႃႇရေႇလႃႉ ၵူၼ်း​ မေႃႇၽႃႉ ​သွင်​ၵေႃႉ​တၢႆ​ဢေႃႈ။ လိူဝ်​သေ​ၼၼ်ႉ ၼႂ်း​ၶိင်ႇ​မိူဝ်ႈ​ဢၼ် မီး​မူၺ်​ႁႃႇ​ၼၼ်ႉ​ၵေႃႈ မၼ်း​ၼၼ်ႉ​လူင်း​ၵႂႃႇ​လႄႈ ဢဝ်​သၢင်ႇ​သီႈ​ၵႃႈ​ၼႂ်း​ႁူး​လိၼ်​ၶုမ်​လိၼ်​တၢႆ​ဢေႃႈ။-</verse>
				<verse number="21">ၵူၼ်း​ ဢေႇၵိပ်ႉတူႉ ဢၼ်​ယႂ်ႇ​ၶိုၵ်ႉ​ၼႃႇ​ၼၼ်ႉ​ၵေႃႈ​မၼ်း​ဢဝ်​တၢႆ​ဢေႃႈ။ ၵူၼ်း​ ဢေႇၵိပ်ႉတူႉ ​ၼၼ်ႉ​ယိပ်း​ၵမ်​ႁွၵ်ႇ​ယူႇ​သေ​ၵေႃႈ၊ မၼ်း​ယိပ်း​ၵမ်​ၶွၼ်ႉ​တဝ်ႉ​သေ​လႄႈ လူင်း​ၵႂႃႇ​ႁိမ်​ဢဝ်​ႁွၵ်ႇ​ၼၼ်ႉ​ၵႃႈ​တီႈ​မိုဝ်း​ၵူၼ်း​ ဢေႇၵိပ်ႉတူႉ ​ၼၼ်ႉ​သေ​ယဝ်ႉ၊ ဢဝ်​ႁွၵ်ႇ​မၼ်း​ၼၼ်ႉ ဢဝ်​မၼ်း​တၢႆ​ဢေႃႈ။-</verse>
				<verse number="22">ပေႇၼႃႇယႃႉ လုၵ်ႈ​ၸၢႆး​ ယေႃးယတႃႉ ​ၼၼ်ႉ ႁဵတ်း​လွင်ႈ​တၢင်း​ၸိူဝ်း​ၼၼ်ႉ​လႄႈ လႆႈ​ၸိုဝ်ႈ​လႆႈ​သဵင်​ၵႃႈ​ၼႂ်း​ပူဝ်ႇ​ႁူဝ်​ႁၢၼ်​သၢမ်​ၵေႃႉ​ၼၼ်ႉ​ဢေႃႈ။-</verse>
				<verse number="23">ပိၵ်ႉ​သမ်ႉ​မၼ်း​ယဵင်ႈ​ၶႅၼ်း​မီး​မုၼ်​သရေႇ​ၼႃႇ​သေ​ပူဝ်ႇ​သၢမ်​သိပ်း​ၼၼ်ႉ​သေ​ၵေႃႈ မၼ်း​ဢမ်ႇ​ၶိုတ်း​ဢမ်ႇ​ပဵင်း​ပူဝ်ႇ​ႁူဝ်​ႁၢၼ် ပထမႃႉ​သၢမ်​ၵေႃႉ​ၼၼ်ႉ။ ဢရႃႇ​ဢၼ်​ဢုပ်ႉ​ၶျုၵ်ႈ​ဢတႂၢင်းဝုၼ်ႇ​တင်း​လၢႆ​ၵေႃႈ တႃႇဝိတ်ႈ ​ပၼ်​တီႈ​မၼ်း​ဢေႃႈ။</verse>
				<verse number="24">ဢႃႇသႃႇႁေးလႃႉ ​ၼွင်ႉ​ၸၢႆး​ ယႂႃႇၽႃႉ ​ၼၼ်ႉ​ၵေႃႈ ၶဝ်ႈ​ပႃး​ၼႂ်း​မုၵ်ႉ​ၼႂ်း​ၸိူဝ်း​ပူဝ်ႇ​သၢမ်​သိပ်း​ဢေႃႈ။ မိူၼ်​ၼင်ႇ​ၼၼ် ဢေးလႁႃႇၼၼ်ႇ လုၵ်ႈ​ၸၢႆး​ တေႃးတေႃး ဢၼ်​ယူႇ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ၊-</verse>
				<verse number="25">သၢမ်ႇ​မႃႇ ​မဵဝ်း​ ႁရေႃးတီႉ၊ ဢေးလီႉၵႃႉ မဵဝ်း​ ႁရေႃးတီႉ ၊-</verse>
				<verse number="26">ႁေးလိတ်ႉ မဵဝ်း​ ၽႃႇလတီႉ၊ ဢီႇရႃႉ ​လုၵ်ႈ​ၸၢႆး​ ဢီႉၵေးသႃႉ ​မဵဝ်း​ တေႇၵေႃႇ ၊-</verse>
				<verse number="27">ဢပျေႇၸႃႇ မဵဝ်း​ ဢၼေႇသေႃႇထီႉ၊ မေႇပုၼ်ႇၼီႉ မဵဝ်း​ ႁႃႇသသီႉ ၊-</verse>
				<verse number="28">ၸႃႇလမုၼ်ႇ မဵဝ်း​ ဢႁေႃႇႁီႉ၊ မႁႃႇရေး မဵဝ်း​ ၼေႇတေႃႇၽႃႇသီႉ ၊-</verse>
				<verse number="29">ႁေးလႅပ်ႉ လုၵ်ႈ​ၸၢႆး​ ပႃႇၼႃႇ မဵဝ်း​ ၼေႇတေႃႇၽႃႇသီႉ၊ ဢိတ်ႉတေႇ ​လုၵ်ႈ​ၸၢႆး​ ရီႉၽေး ဢၼ်​ယူႇ​ဝဵင်း​ ၵီႉပႃႉ မဵဝ်း​ ပိၼ်ႇယႃႇမိၼ်ႇ ၊-</verse>
				<verse number="30">ပေႇၼႃႇယႃႉ မဵဝ်း​ ပီႉရႃႉထေႃႇၼီႉ၊ ႁဵတ်ႉတေး ၵူၼ်း​ၵႃႈ​တီႈ​ၼမ်ႉ​ႁူၺ်ႈ​ၼမ်ႉ​ႁွင်ႈ​ ၵႃႇဢတ်ႉ ၊-</verse>
				<verse number="31">ဢပျႃႇလပုၼ်ႇ မဵဝ်း​ ဢႃႇပႃႉသီႉ၊ ဢႃႇၸမႃႇဝိတ်ႉ မဵဝ်း​ ပႃႇႁူႉမီႉ ၊-</verse>
				<verse number="32">ဢေးလျႃႇၽႃႉ မဵဝ်း​ သႃႇလႃႇပေႃးၼီႉ၊ ယေႃးၼသၼ်ႇ ဢၼ်​ၶဝ်ႈ​ပႃး​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​ ယႃႇသိၼ်ႇ ​ၼၼ်ႉ၊-</verse>
				<verse number="33">သၢမ်ႇ​မႃႇ မဵဝ်း​ ႁႃႇရရီႉ၊ ဢႃႇႁီႉ​ဢမ်ႇ ​လုၵ်ႈ​ၸၢႆး​ သႃႇရႃႉ မဵဝ်း​ ဢႃႇရႃႇရီႉ ၊-</verse>
				<verse number="34">ဢေးလီႉၽလႅတ်ႉ လုၵ်ႈ​ၸၢႆး​ ဢႁႃႇသၽေး မဵဝ်း​ မႃႇၶႃႇသီႉ၊ ဢေးလျမ်ႇ လုၵ်ႈ​ၸၢႆး​ ဢႁီႉသေႃႇၽေးလႃႉ မဵဝ်း​ ၵီႉလေႃႇၼီႉ ၊-</verse>
				<verse number="35">ႁေႇၸရေႃႇ မဵဝ်း​ ၵရမေႇလႃႉ၊ ၽႃႇရေး မဵဝ်း​ ဢႃႇၽီႉ ၊-</verse>
				<verse number="36">ဢီႉၵႃႇလႃႉ လုၵ်ႈ​ၸၢႆး​ ၼႃႇသၼ်ႇ မဵဝ်း​ ၸေႃႇၽႃႉ၊ ပႃႇၼီႉ မဵဝ်း​ ၵၢတ်ႉ ၊-</verse>
				<verse number="37">ၸေးလႅၵ်ႉ မဵဝ်း​ ဢမ်ႇမုၼ်ႇ၊ ၼႁႃႇရေး မဵဝ်း​ ပေႇရေႃႇသီႉ ဢၼ်​ပဵၼ်​ၵူၼ်း​ဢွၼ်ႇ ဢၼ်​ပႃး​လၢၵ်ႈ​ၼၢၵ်ႈ​ ယႂႃႇၽႃႉ လုၵ်ႈ​ၸၢႆး ၸေႇရူႉယႃႇ ​ၼၼ်ႉ၊-</verse>
				<verse number="38">ဢီႇရႃႉ မဵဝ်း​ ဢီႉသႃႇရီႉ၊ ၵႃႇရိပ်ႉ မဵဝ်း​ ဢီႉသႃႇရီႉ ၊-</verse>
				<verse number="39">ဢူႉရီႉယႃႉ မဵဝ်း​ ႁိတ်ႉတီႉ ၊ ၼပ်ႉ​ဢၢၼ်ႇ​ပွင်း​ၵၼ်​မီး​သၢမ်​သိပ်း​ပၢႆ​ၸဵတ်း​ၵေႃႉ​ဢေႃႈ။</verse>
			</chapter>
			<chapter number="24">
				<verse number="1">လိုၼ်း​ၼၼ်ႉ ထႃႇဝရႃႉ​ၽြႃး​ၸႂ်​မႆႈ​ၶႆႈ​ၸႃႉ​တီႈ​မဵဝ်း​ ဢီႉသရေႇလႃႉ ​လႄႈ တိုၵ်း​ယူင်း​ တႃႇဝိတ်ႈ ​ႁဵတ်း​ရၢၼ်ႇ​သူႇ​ၽၢႆႇ​ၼိုင်ႈ​တင်း​ၶဝ်​သေ​လႄႈ​ဝႃႈ၊ ၵႂႃႇ​လႄႈ​ၼပ်ႉ​ဢၢၼ်ႇ​မဵဝ်း​ ဢီႉသရေႇလႃႉ ဢိၵ်ႇ​တင်း​မဵဝ်း​ ယူႉတႃႉ ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ၶုၼ်​ႁေႃ​ၶမ်း​ၵေႃႈ မီး​ဢမိင်ႉ​တီႈ​ၶုၼ်​ပူဝ်ႇ​ၶျုၵ်ႈ​မၼ်း​ ယႂႃႇၽႃႉ ​ဢၼ်​မီး​ယူႇ​တီႈ​မၼ်း​ၼၼ်ႉ​လႄႈ​ဝႃႈ၊ မႂ်း​လႄႇ​လဵပ်ႈ​ၵႂႃႇ​ၼႂ်း​မဵဝ်း​ ဢီႉသရေႇလႃႉ ၵႃႈ​မီး ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ တၢၼ်ႇ တေႃႇ​ထိုင်​ႁွတ်ႈ​ဝဵင်း​ ပေႇရသေႇၽႃႉ ​လႄႈ ၼပ်ႉ​ဢၢၼ်ႇ​ၵူၼ်း​တင်း​လၢႆ ႁႂ်ႈ​ၵဝ်​လႆႈ​ႁူႉ​လွင်ႈ​ဢၼ် ၵူၼ်း​တင်း​လၢႆ​မီး​ၼမ်​လႂ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ယႂႃႇၽႃႉ ​ၵေႃႈ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ထၢပ်ႈ​ၵူၼ်း​ထႅင်ႈ​လႄႈ ႁႂ်ႈ​ယႂ်ႇ​ၽႄႈ​ၼမ်​ၵိုၼ်း​မႃး​ပၢၵ်ႇ​ပုၼ်ႈ ၵႃႈ​ဢၼ်​မီး​ၼၼ်ႉ​သေ​ယဝ်ႉ၊ ႁဵတ်း​ႁႂ်ႈ​မၢၵ်ႇ​တႃ​ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​လႆႈ​ႁၼ်​သေ​ၵမ်း​လူၺ်ႈ။ ၼႂ်း​ဝႃႈ​ၼၼ်​သေ​ၵေႃႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​ထုၵ်ႇ​ၸႂ်​ၵျိူၵ်ႈ​ၸႂ်​ဢမူႉ​ၼႆႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၵူၺ်း​ၵႃႈ ဢမိင်ႉ​ၶုၼ်​ႁေႃ​ၶမ်း​ပႄႉ​ၼႅင်ႇ​ၵႂၢမ်း​ ယႂႃႇၽႃႉ ဢိၵ်ႇ​တင်း​ၵႂၢမ်း​ပူဝ်ႇ​ႁူဝ်​ႁၢၼ်​တင်း​လၢႆ​လႄႈ၊ ယႂႃႇၽႃႉ ​ဢိၵ်ႇ​တင်း​ပူဝ်ႇ​ႁူဝ်​ႁၢၼ်​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​သေ​ၵႃႈ​တီႈ ၶုၼ်​ႁေႃ​ၶမ်း​ၵႂႃႇ​ႁႂ်ႈ​လႆႈ​ၼပ်ႉ​ဢၢၼ်ႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။</verse>
				<verse number="5">ၶဝ်​ၼၼ်ႉ​ဢွၼ်​ၵၼ်​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​လႄႈ ၶျႃး​တပ်ႉ​ၵႃႈ​တီႈ​ဝဵင်း​ ဢႃႇရေႃႇ ၵႃႈ​တီႈ​ၽၢႆႇ​ၶႂႃ​ဝဵင်း​ၼၼ်ႉ ဢၼ်​မီး​ၵႃႈ​ၼႂ်း​ပၢင်ႇ​ႁူၺ်ႈ​ ၵၢတ်ႉ ​ၼၼ်ႉ ဢိၵ်ႇ​တင်း​ၵႃႈ​တီႈ​ႁိမ်း​ဝဵင်း​ ယႃႇၸႃႇ ​ဢေႃႈ။-</verse>
				<verse number="6">သမ်ႉ​ဢွၼ်​ၵၼ်​ၵႂႃႇ​ၵႃႈ​တီႈ​မိူင်း​ ၵီႉလတ်ႉ ဢိၵ်ႇ​တင်း​မိူင်း​ ထၵ်းတိမ်ႇႁွတ်ႇသီႉ လႄႈ ႁွတ်ႈ​ထိုင်​ၵႃႈ​တီႈ​မိူင်း​ တၢၼ်ႇ​ယၢၼ်ႇ ​သေ​ယဝ်ႉ၊ ငႅၵ်း​ၵႂႃႇ​ၸူး​ၵႃႈ​တီႈ​မိူင်း​ ၸီႉတုမ်ႇ ​လႄႈ၊-</verse>
				<verse number="7">ႁွတ်ႈ​ထိုင်​ၵႃႈ​တီႈ​တိူၵ်ႈ​တီႈ​တိုၵ်း​သိုၵ်း​ တူႉရူႉ ဢိၵ်ႇ​တင်း​ၵႃႈ​တီႈ​ဝဵင်း​ ႁီႉဝီႉ တင်း​ဝဵင်း​ ၶႃႇၼၼီႉ ၵႃႈ​မီး​လႄႈ ၵွႆႈ​သုတ်း​ၵႃႈ​တီႈ​ဝဵင်း​ ပေႇရသေႇၽႃႉ ပွတ်း​တၢင်း​ၸၢၼ်း​မိူင်း​ ယူႉတႃႉ ​ၼၼ်ႉ​ဢေႃႈ။-</verse>
				<verse number="8">ၼင်ႇ​ၼၼ်​လႄႈ ၶဝ်​လႄႇ​လဵပ်ႈ​ၵႂႃႇ​ၵႃႈ​ၼႂ်း​မိူင်း​တၢင်ႇ​မိူင်း​လႄႈ ပူၼ်ႉ​သေ​ၵဝ်ႈ​လိူၼ်​ပၢႆ​သၢဝ်း​ဝၼ်း​သေ​ယဝ်ႉ၊ ၶိုၼ်း​ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="9">ယႂႃႇၽႃႉ ​ၵေႃႈ ဢဝ်​ၸရၢင်း​ၵူၼ်း​တင်း​လၢႆ ဢၼ်​ပွင်း​ၵၼ်​ယဝ်ႉ​ၼၼ်ႉ သၢၵ်ႈ​တီႈ​ၶုၼ်​ႁေႃ​ၶမ်း​လႄႈ ၵႃႈ​တီႈ​မဵဝ်း​ ဢီႉသရေႇလႃႉ မီး ႁူဝ်​ႁၢၼ်​ၵူၼ်း​သိုၵ်း​ဢၼ်​ယိပ်း​ၵမ်​လၢပ်ႇ​ပႅတ်ႇ​သႅၼ်၊ ၵႃႈ​တီႈ​မဵဝ်း​ ယူႉတႃႉ မီး​ႁႃႈ​သႅၼ်​ဢေႃႈ။-</verse>
				<verse number="10">တႃႇဝိတ်ႈ ​ၼၼ်ႉ ၼပ်ႉ​ဢၢၼ်ႇ​ၵူၼ်း​တင်း​လၢႆ​သေ​ယဝ်ႉ၊ ၼႅင်​ၸႂ်​လႄႈ တႃႇဝိတ်ႈ ​တွင်း​ပၢၼ်ႇ​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၶႃႈ​ၸဝ်ႈ​ၽိတ်း​ပိူင်ႈ​ၼႃႇ​လူင်​လၢင် ၼႂ်း​လွင်ႈ​တၢင်း​ဢၼ်​ၶႃႈ​ၸဝ်ႈ​ႁဵတ်း​မႅၼ်ႈ​ၼၼ်ႉ​တီႈ​ၶႃႈ​ယဝ်ႉ။ တေႃႈ​မိူဝ်ႈ​လဵဝ်​ၼႆႉ၊ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ပွႆႇ​လွတ်ႈ​ဢပႅတ်ႈ​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​လႆႈ​ႁဵတ်း​ဢမူႉ​ဢၼ်​မိူၵ်ႈ​ၼႃႇ​လူင်​လၢင်​ၼႆႉ မႅၼ်ႈ​ယဝ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​ဢၼ်​ တႃႇဝိတ်ႈ ​လုၵ်ႉ​ၶိင်ႇ​ၵၢင်​ၼႂ်​ၼၼ်ႉ​ၸိုင် ၼုၵ်ႈၵပၢတ်ႈ​ထႃႇဝရႃႉ​ၽြႃး​ႁွတ်ႈ​မႃး​တီႈ​ပရေႃးၽႅတ်ႈ​ ၵၢတ်ႉ ဢၼ်​ပဵၼ်​ၵူၼ်း ဢၼ်​ပွင်ႇ​ႁူ​တႃ​လႅင်း​တီႈ​ တႃႇဝိတ်ႈ ​ၼၼ်ႉ​လႄႈ​ဝႃႈ၊-</verse>
				<verse number="12">မႂ်း​ၵႂႃႇ​မွၵ်ႇ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸဝ်ႈ​ၸမ်ႉ၊ ၵဝ်​ၼႄ​ပျႃး​လွင်ႈ​တၢင်း​သၢမ်​ပိူင်​တီႈ​မႂ်း​ဢေႃႈ။ မႂ်း​တၵ်း​လႆႈ​လိူၵ်ႈ​ၵဵပ်း​ဢဝ်​သေ​ပႃး​ပႃး ပုၼ်ႈ​ဢၼ်​ၵဝ်​တၵ်း​ႁဵတ်း​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="13">ၵၢတ်ႉ ​ၼၼ်ႉ​ၵႂႃႇ​ၵႃႈ​တီႈ​ တႃႇဝိတ်ႈ ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ တၵ်း​လႆႈ​ႁႂ်ႈ​ၶဝ်ႈ​ၵႃႈ​မၢၵ်ႇ​ပႅင်း ၵႃႈ​တီႈ​မိူင်း​ၸဝ်ႈ​ႁဝ်း​သၢမ်​ပီႊ​တဵမ်​တဵမ်​တီႈ​ၶႃႈ​ႁိုဝ်။ ဢမ်ႇ​ၼၼ်​ၵေႃႈ တၵ်း​လႆႈ​ႁႂ်ႈ​ၸဝ်ႈ​ႁဝ်း​ဢွၵ်ႇ​ပၢႆႈ​ရၢၼ်ႇ​သူႇ​ၸဝ်ႈ​ႁဝ်း​ယူႇ​သၢမ်​လိူၼ်​တဵမ်​တဵမ်​လႄႈ ၶဝ်​လႆႈ​လိုပ်ႈ​လမ်း​ၸွမ်း​ၸဝ်ႈ​ႁဝ်း​ယူႇ​တီႈ​ၶႃႈ​ႁိုဝ်။ ဢမ်ႇ​ၼၼ်​ၵေႃႈ တၵ်း​လႆႈ​ႁႂ်ႈ​ၵႃႇလႃႉ​ႁႃႈ​လႅင်​မိူင်း ႁွတ်ႈ​ထိုင်​ၵႃႈ​တီႈ​မိူင်း​ၸဝ်ႈ​ႁဝ်း သၢမ်​ဝၼ်း​တဵမ်​တဵမ်​တီႈ​ၶႃႈ​ႁိုဝ်။ တေႃႈ​လဵဝ်​ၼႆႉ ၶႅၼ်း​တေႃႈ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ဢၼ် ၶႃႈ​ၸဝ်ႈ​တၵ်း​လႆႈ​ၶိုၼ်း​လဝ်ႊ​လၢတ်ႈ​တီႈ​ၵေႃႉ​ဢၼ် ပွႆႇ​ၸႂ်ႉ​ၶႃႈ​ၸဝ်ႈ​မႃး​ၼၼ်ႉ ၸိူဝ်ႉ​ၼင်ႇ​ႁိုဝ်​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">တႃႇဝိတ်ႈ ​ၵေႃႈ​ၶိုၼ်း​လၢတ်ႈ​တီႈ​ ၵၢတ်ႉ ​လႄႈ​ဝႃႈ၊ ၵဝ်​ၼႆႉ​ႁွတ်ႈ​ထိုင်​ၵႃႈ​ၼႂ်း​တၢင်း​ဢၼ်​ၵိတ်ႇ​ဢၼ်​ၵႅပ်ႈ​ၼႃႇ​လူင်​လၢင်​ယဝ်ႉ​လူင်​ပႄႇ။ ႁႂ်ႈ​ႁဝ်း​ႁွတ်ႈ​ထိုင်​ၵႃႈ​ၼႂ်း​မိုဝ်း​ထႃႇဝရႃႉ​ၽြႃး​သေ​ၵမ်း​လူၺ်ႈ။ ၵရူႉၼႃႇ​မၼ်း​ၸဝ်ႈ​ယႂ်ႇ​ၼႃႇ​ဢေႃႈ။ ယႃႇ​ပေ​ႁႂ်ႈ​ၵဝ်​ႁွတ်ႈ​ထိုင်​ၵႃႈ​ၼႂ်း​မိုဝ်း​ၵူၼ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ထႃႇဝရႃႉ​ၽြႃး ပွႆႇ​ၵႃႇလႃႉ​ႁႃႈ​လႅင်​မိူင်း​ႁွတ်ႈ​ထိုင်​ၵႃႈ​တီႈ​မဵဝ်း​ ဢီႉသရေႇလႃႉ ၸႃႉ​ၸဵမ်​ၶိင်ႇ​ၵၢင်​ၼႂ်​ၼၼ်ႉ တေႃႇ​ထိုင်​ႁွတ်ႈ​ၶိင်ႇ​ဢၼ်​မၵ်း​ၶၢၼ်း​ဝႆႉ​ၼၼ်ႉ​လႄႈ ဢဝ်​ၵႃႈ​တီႈ​ဝဵင်း​ တၢၼ်ႇ ​ၵႂႃႇ တေႃႇ​ထိုင်​ႁွတ်ႈ​ဝဵင်း​ ပေႇရသေႇၽႃႉ ​ၼၼ်ႉ​လႄႈ ၵူၼ်း​တၢႆ​ၸဵတ်း​မိုၼ်ႇ​ဢေႃႈ။-</verse>
				<verse number="16">မိူဝ်ႈ​ဢၼ်​တမၢၼ်ႇ​ၵၢင်​ႁၢဝ် ယဵတ်ႇ​မိုဝ်း​ၸူး​ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ယႃႉ​ပႅတ်ႈ​ဝဵင်း​ၼၼ်ႉ​ၼၼ်ႉ​ၸိုင်၊ ထႃႇဝရႃႉ​ၽြႃး ၶုၵ်း​ၸႂ်​လႆႈ မႆႈ​ၸႂ်​လူၺ်ႈ​ၽေး​ၼၼ်ႉ​လႄႈ မီး​ဢမိင်ႉ​တီႈ​တမၢၼ်ႇ​ၵၢင်​ႁၢဝ်​ဢၼ်​ယႃႉ​ပႅတ်ႈ​ၵူၼ်း​တင်း​လၢႆ​ၼၼ်ႉ​လႄႈ​ဝႃႈ၊ ပေႃး​ယဝ်ႉ။ ယိုတ်း​ဢဝ်​မိုဝ်း​မႂ်း ၶိုၼ်း​သေ​တႃႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ မီး​ယူႇ​ၵႃႈ​တီႈ​ႁိမ်း​တလၢင်း​ယဵပ်ႇ​ၶဝ်ႈ​ ဢရေႃးၼႃႇ ၵူၼ်း​ ယေႇပူႉသီႉ ​ၼၼ်ႉ​ဢေႃႈ။-</verse>
				<verse number="17">တႃႇဝိတ်ႈ ​ႁၼ်​တမၢၼ်ႇ​ၵၢင်​ႁၢဝ် ဢၼ်​ပၼ်​တၢမ်ႇ​တီႈ​ၵူၼ်း​တင်း​လၢႆ​ၼၼ်ႉ​သေ​ယဝ်ႉ၊ တွင်း​ပၢၼ်ႇ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၶႃႈ​ၸဝ်ႈ​ၽိတ်း​ပိူင်ႈ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ႁဵတ်း​ႁၢႆႉ​ႁဵတ်း​မိူၵ်ႈ​တီႈ​ၶႃႈ​ယဝ်ႉ။ သူဝ်း​ၸိူဝ်း​ၼႆႉ​ၸမ်ႉ၊ ႁဵတ်း​ၵႃႈ​သင်​မႅၼ်ႈ​တီႈ​ၶႃႈ၊ ႁႂ်ႈ​မိုဝ်း​ၸဝ်ႈ​ႁဝ်း​ႁွတ်ႈ​ထိုင်​ၵႃႈ​ၼိူဝ်​ၶႃႈ​ၸဝ်ႈ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ၼႂ်း​ဝၼ်း​ၼၼ်ႉ​ၵမ်း​လဵဝ်၊ ၵၢတ်ႉ ​ၼၼ်ႉ​မႃး​တီႈ​ တႃႇဝိတ်ႈ ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၶိုၼ်ႈ​ၵႂႃႇ​လႄႈ တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး ၵႃႈ​တီႈ​တလၢင်း​ယဵပ်ႇ​ၶဝ်ႈ​ ဢရေႃးၼႃႇ ​ၵူၼ်း​ ယေႇပူႉသီႉ ​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="19">ၵႃႈ​ၼင်ႇ​ဢၼ်​ ၵၢတ်ႉ ​သင်ႇ​လၢတ်ႈ​ၼၼ်ႉ တႃႇဝိတ်ႈ ​ၶိုၼ်ႈ​ၵႂႃႇ​ၸွမ်း ၵႃႈ​ၼင်ႇ​ဢၼ်​ဢမိင်ႉ​ထႃႇဝရႃႉ​ၽြႃး​မီး​ၼၼ်ႉ​ဢေႃႈ။-</verse>
				<verse number="20">ၼင်ႇ​ၼၼ်​လႄႈ​ ဢရေႃးၼႃႇ တူၺ်း​လႄႈ​ႁၼ်​ၶုၼ်​ႁေႃ​ၶမ်း​ဢိၵ်ႇ​တင်း​ၶႃႈ​မၼ်း​ၵူၼ်း​မၼ်း​တင်း​လၢႆ မႃး​ၸူး​ၵႃႈ​တီႈ​မၼ်း​ၼၼ်ႉ​သေ​ယဝ်ႉ၊ ဢွၵ်ႇ​ၵႂႃႇ​ၵႃႈ​တီႈ​ၼွၵ်ႈ​လႄႈ ၶုပ်ႉ​မူပ်ႇ​ဝၢင်း​ႁူဝ်​ၵႃႈ​ၼိူဝ်​လိၼ် ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ယူႇ​သေ​လႄႈ ဢရေႃးၼႃႇ ​လဝ်ႊ​ထၢမ်​လႄႈ​ဝႃႈ၊-</verse>
				<verse number="21">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​မႃး​ၵႃႈ​တီႈ​ဢၼ်​ၶႃႈ​ၸဝ်ႈ​ႁဝ်း​မီး​ၼႆႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ တႃႇဝိတ်ႈ ​မီး​ဢမိင်ႉ​လႄႈ​ဝႃႈ၊ မႃး​ႁႂ်ႈ​လႆႈ​သိုဝ်ႉ​ဢဝ်​တလၢင်း​ယဵပ်ႇ​ၶဝ်ႈ​မႂ်း​သေ​လႄႈ တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး ႁႂ်ႈ​ၽေး​ၵႃႇလႃႉ​ႁႃႈ​လႅင်​မိူင်း​လႆႈ​ထၢတ်ႇ​ယဵၼ်​သေ​ၵႃႈ​တီႈ​ၵူၼ်း​တင်း​လၢႆ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ဢရေႃးၼႃႇ ​ၵေႃႈ​လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင် ၶႅၼ်း​တေႃႈ​ဢဝ်​လႄႈ​ပုၵ်ႈ​ၸေႃႇ​ၸွမ်း​ၵႃႈ​ၼင်ႇ​ဢၼ် ၸႂ်​ၸဝ်ႈ​ႁဝ်း​မီး​သေ​ၵမ်း​တီႈ​ၶႃႈ။ တူၺ်း​တီႈ​ၶႃႈ​လူး။ မီး​ဝူဝ်း​ပုၼ်ႈ​ဢၼ်​တၵ်း​ႁဵတ်း​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ၶိူင်ႈ​ပိူင်​ဢၼ်​ပေႃႉ​ၶဝ်ႈ​ၼူတ်ႈ​ၶဝ်ႈ တင်း​ၶိူင်ႈ​ပိူင်​ဢၼ်​ၸၢပ်ႈ​သႅင်ႇ​ၵၼ်​တင်း​ဝူဝ်း​ၸိူဝ်း​ၼၼ်ႉ ပုၼ်ႈ​ၽိုၼ်း​ယူႇ​တီႈ​ၶႃႈ​ဢေႃႈ။-</verse>
				<verse number="23">ၵႃႈ​မီး​တင်း​သဵင်ႈ​တင်း​လူင်​ၼႆႉ​ၸမ်ႉ၊ ၸဝ်ႈ​ၶုၼ်​လူင်​တီႈ​ၶႃႈ၊ ဢရေႃးၼႃႇ ဢဝ်​သၢၵ်ႈ​တီႈ​ၸဝ်ႈ​ၶုၼ်​လူင်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ ဢရေႃးၼႃႇ သမ်ႉ​လဝ်ႊ​လၢတ်ႈ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ႁပ်ႉ​တုင်း​ဢဝ်​ၸဝ်ႈ​ႁဝ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၶုၼ်​ႁေႃ​ၶမ်း​ၵေႃႈ​မီး​ဢမိင်ႉ​တီႈ​ ဢရေႃးၼႃႇ ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ။ ၵဝ်​တၵ်း​ပၼ်​ၵႃႈ​မၼ်း​ၶၼ်​မၼ်း​လႄႈ သိုဝ်ႉ​ဢဝ်​ဢမၢၼ်ႇ​ၶၼ်​ပဵၼ်​ဢေႃႈ။ ငိုၼ်း​ၵဝ်​ယင်း​ဢမ်ႇ​သဵင်ႈ​လႄႈ ၵဝ်​ဢမ်ႇ​မီး​ဢလူဝ်ႇ​ၶႂ်ႈ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၵူၺ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ တႃႇဝိတ်ႈ ​ဢဝ်​ငိုၼ်း​ႁႃႈ​သိပ်း​ၵျၢပ်ႈ​ သၶေးလႃႉ ပၼ်​သေ​လႄႈ သိုဝ်ႉ​ဢဝ်​တလၢင်း​ယဵပ်ႇ​ၶဝ်ႈ ဢိၵ်ႇ​တင်း​ဝူဝ်း​ၸိူဝ်း​ၼၼ်ႉ​သေ​ယဝ်ႉ၊-</verse>
				<verse number="25">တႃႇဝိတ်ႈ ​တႄႇ​ႁဵတ်း ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး ၵႃႈ​တီႈ​ၼၼ်ႈ​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ယိတ်ႈ​မိၵ်ႉသႃႇႁႃယႃႉ​ဢေႃႈ။ ၼင်ႇ​ၼၼ်​လႄႈ ထႃႇဝရႃႉ​ၽြႃး​ၵေႃႈ ထွမ်ႇ​ဢဝ်​ၵႂၢမ်း​ဢၼ်​သူး​တွင်း​ပုၼ်ႈ​မိူင်း​ၸဝ်ႈ​ၼၼ်ႉ​လႄႈ ႁႂ်ႈ​ၽေး​ၵႃႇလႃႉ​ႁႃႈ​လႅင်​မိူင်း​ၼၼ်ႉ ထၢတ်ႇ​ယဵၼ်​သေ​ၵႃႈ​တီႈ​မဵဝ်း​ ဢီႉသရေႇလႃႉ ​ဢေႃႈ။ ထမ်ႇမႃႉ​ရႃႇၸဝၢင်ႇ​ၽိုၼ်​တူႉတီႉယႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="11">
			<chapter number="1">
				<verse number="1">ၶုၼ်​လူင်​ တႃႇဝိတ်ႈ ​ၼၼ်ႉ မိူဝ်ႈ​ဢၼ်​ဢသၢၵ်ႈ​ၵႄႇ​ထူၼ်ႈ​လႄႈ​ထဝ်ႈ​ယဝ်ႉ​ၼၼ်ႉ​ၸိုင်၊ မႆ​ၽႃႈ​မႆ​ၶူဝ်း​လႄႈ​ဢမ်ႇ​ဢုၼ်ႇ​လႆႈ။-</verse>
				<verse number="2">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၶႃႈ​ၵူၼ်း​ၸဝ်ႈ​တင်း​လၢႆ လဝ်ႊ​လၢတ်ႈ​လႄႈ​ဝႃႈ၊ ႁႂ်ႈ​လႆႈ​ႁႃ​ဢဝ်​သၢဝ်​ၵၼ်ႇ​ၺႃႇ​ဢၼ်​ဢသၢၵ်ႈ​ယင်း​ၼုမ်ႇ​ၼၼ်ႉ ပုၼ်ႈ​ၸဝ်ႈ​ႁဝ်း​ၸဝ်ႈ​ၶုၼ်​လူင်​သေ​ၵမ်း​လူၺ်ႈ​တီႈ​ၶႃႈ။ ႁႂ်ႈ​မၼ်း​ၶႃး​ၸႃး​ၵႃႈ​တီႈ​ၽၢႆႇ​ၼႃႈ​ၶုၼ်​လူင်​လႄႈ လူ​တူၺ်း​လုမ်း​လႃး​ၸဝ်ႈ​ႁဝ်း​သေ​ၵမ်း​လူၺ်ႈ​တီႈ​ၶႃႈ။ ႁႂ်ႈ​မၼ်း​ၼွၼ်း​ၵႃႈ​ၼႂ်း​ဝၢင်ႈ​ႁူဝ်​ဢူၵ်း​ၸဝ်ႈ​ႁဝ်း ႁႂ်ႈ​ၸဝ်ႈ​ႁဝ်း​ၸဝ်ႈ​ၶုၼ်​လူင်​ဢုၼ်ႇ​လီ​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵႃႈ​ၼင်ႇ​ဢၼ်​ဝႃႈ​ၼၼ်ႉ၊ ၶဝ်​ဢွၼ်​ၵၼ်​ႁႃ​ဢဝ်​သၢဝ်​ၵၼ်ႇ​ၺႃႇ​ဢၼ်​ႁၢင်ႈ​လီ​ၼၼ်ႉ ၵႃႈ​ၼႂ်း​မိူင်း​ ဢီႉသရေႇလႃႉ ၵူႈ​တီႈ​ၵူႈ​လႅၼ်​လႄႈ ထူပ်း​ႁၼ်​ ဢၽီႉသၵ်ႉ ၵူၼ်း​ယိင်း​ဝဵင်း​ သူႉၼိမ်ႇ ​သေ​ယဝ်ႉ၊ ဢဝ်​မၼ်း​မႃး​ၸူး​ၵႃႈ​တီႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="4">မႄႈ​ယိင်း​ၼၼ်ႉ​ႁၢင်ႈ​လီ​ၼႃႇ​လူင်​လၢင်​လႄႈ လႆႈ​လူ​တူၺ်း​လုမ်း​လႃး​ၶုၼ်​ႁေႃ​ၶမ်း​ဢေႃႈ၊ ၼႂ်း​ဝႃႈ​ၼၼ်​သေ​ၵေႃႈ ၶုၼ်​ႁေႃ​ၶမ်း​ဢမ်ႇ​ႁူမ်ႈ​ဢမ်ႇ​ပွင်း​မၼ်း။</verse>
				<verse number="5">လိုၼ်း​ၼၼ်ႉ​ ဢတေႃးၼီႉယႃႉ လုၵ်ႈ​ၸၢႆး​ ႁၵ်ႉၵိတ်ႉ ​ၼၼ်ႉ ယုၵ်ႉ​ယွင်ႈ​တူဝ်​ၸဝ်ႈ​ၵဝ်ႇ​လႄႈ​ဝႃႈ၊ ၵဝ်​တၵ်း​ႁဵတ်း​ၶုၼ်​ႁေႃ​ၶမ်း​ဢေႃႈ၊ ဝႃႈ​ၼင်ႇ​ၼႆ​လႄႈ မႄး​ႁႅၼ်း​လေႃႉရထႃး​လႂ် မႃႉ​လႂ် ဢိၵ်ႇ​တင်း​ၵူၼ်း​ႁႃႈ​သိပ်း ဢၼ်​လႆႈ​ၶုၼ်ႇ​လႅၼ်ႈ​ၵႂႃႇ​ဢွၼ်​တၢင်း​မၼ်း​လႂ်​ဢေႃႈ။-</verse>
				<verse number="6">ၸဝ်ႈ​ပေႃႈ​မၼ်း​ဢမ်ႇ​တွၼ်ႉ​ႁႂ်ႈ​မၼ်း​ၽိတ်း​ၸႂ်​ၸဵပ်း​ၸႂ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​မႂ်း​ႁဵတ်း​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ၼၼ်ႉ​သေ​ပွၵ်ႈ၊ မၼ်း​ၼၼ်ႉ​ပဵၼ်​ၵေႃႉ​ဢၼ်​ႁၢင်ႈ​လီ​ၽၢင်​လီ​လႄႈ ၵိူတ်ႇ​လဵင်ႉ​မႃး​လိုၼ်း​လင်​ ဢပႃႉသလုမ်ႇ ​ၼၼ်ႉ​ဢေႃႈ။-</verse>
				<verse number="7">မၼ်း​ၼၼ်ႉ​တိူင်ႇ​ပၢင်ႇ​ၵၼ်​တင်း​ ယႂႃႇၽႃႉ ​လုၵ်ႈ​ၸၢႆး​ ၸေႇရူႉယႃႇ ဢိၵ်ႇ​တင်း​ယိတ်ႈပရေႃးႁဵၵ်ႈ ဢႃႇပျႃႇထႃႇ ​လႄႈ ၶဝ်​ၼၼ်ႉ​ယူႇ​ၽၢႆႇ ဢတေႃးၼီႉယႃႉ ​ၼၼ်ႉ​သေ​လႄႈ ၸွႆႈ​ထႅမ်​မႃႉ​ၸႃႉ​မၼ်း​ဢေႃႈ။-</verse>
				<verse number="8">ယိတ်ႈပရေႃးႁဵၵ်ႈ​ ၸႃႇတုၵ်ႉ၊ ပေႇၼႃႇယႃႉ ​လုၵ်ႈ​ၸၢႆး​ ယေႃးယတႃႉ ၊ ပရေႃးၽႅတ်ႈ​ ၼႃႇသၼ်ႇ၊ သီႉမီႉ၊ ရေႇဢီႉ ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ ဢၼ်​မီး​လူၺ်ႈ​ၵၼ်​တင်း​ တႃႇဝိတ်ႈ ​ၸိူဝ်း​ၼၼ်ႉ​ၸမ်ႉ၊ ဢမ်ႇ​ၶဝ်ႈ​ဢမ်ႇ​ပႃး​ၽၢႆႇ​ ဢတေႃးၼီႉယႃႉ ။-</verse>
				<verse number="9">ဢတေႃးၼီႉယႃႉ ​ၼၼ်ႉ ဢဝ်​သူဝ်း​ဝူဝ်း​တူဝ်​ဢၼ်​ပီး​လီ​မၼ်း​လီ​ၼၼ်ႉ​တၢႆ ၵႃႈ​တီႈ​ႁိမ်း​မၢၵ်ႇ​ႁိၼ်​ ၸေႃႇႁေႇလိတ်ႉ ၼႂ်း​လိၼ် ဢႅၼ်ႇရေႃႇၵေးလႃႉ ​ၼၼ်ႉ​သေ​ယဝ်ႉ၊ ႁွင်ႉ​ပၢင်း​ဢဝ်​ၼွင်ႉ​ၸၢႆး​မၼ်း လုၵ်ႈ​ၸၢႆး​ၶုၼ်​ႁေႃ​ၶမ်း​တင်း​သဵင်ႈ​တင်း​လူင် ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ၶႃႈ​ၵူၼ်း​ၶုၼ်​ႁေႃ​ၶမ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="10">ပရေႃးၽႅတ်ႈ​ ၼႃႇသၼ်ႇ တင်း​ ပေႇၼႃႇယႃႉ ၊ ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​တင်း​လၢႆ တင်း​ၼွင်ႉ​ၸၢႆး​မၼ်း သေႃးလမုၼ်ႇ ​ၼၼ်ႉ​ၸမ်ႉ၊ မၼ်း​ဢမ်ႇ​ႁွင်ႉ​ဢမ်ႇ​ပၢင်း။</verse>
				<verse number="11">မိူဝ်ႈ​ၼၼ်ႉ​ ၼႃႇသၼ်ႇ လဝ်ႊ​လၢတ်ႈ​တီႈ​ ပႃႇသသေးၽႃႉ မႄႈ​ သေႃးလမုၼ်ႇ ​ၼၼ်ႉ​လႄႈ​ဝႃႈ၊ ၸဝ်ႈ​ၼၢင်း​ႁဝ်း​လႆႈ​ငိၼ်း​လွင်ႈ​ဢၼ်​ ဢတေႃးၼီႉယႃႉ လုၵ်ႈ​ၸၢႆး​ ႁၵ်ႉၵိတ်ႉ ​ၼၼ်ႉ​ၼၼ်ႉ ႁဵတ်း​ၶုၼ်​ႁေႃ​ၶမ်း​ၼၼ်ႉ​ယဝ်ႉ​တီႈ​ၶႃႈ​ႁိုဝ်။ ၸဝ်ႈ​ႁဝ်း​ တႃႇဝိတ်ႈ ​ၼၼ်ႉ ဢမ်ႇ​ႁူႉ​တီႈ​ၶႃႈ​လူင်​ပႄႇ။-</verse>
				<verse number="12">ပိူဝ်ႈ​ၼႆ​လႄႈ​မိူဝ်ႈ​လဵဝ်​ၼႆႉ ၼင်ႇ​ႁိုဝ်​တၵ်း​ႁႂ်ႈ​ဢသၢၵ်ႈ​ၸဝ်ႈ​ၼၢင်း​ႁဝ်း ဢိၵ်ႇ​တင်း​ဢသၢၵ်ႈ​လုၵ်ႈ​ၸၢႆး​ၸဝ်ႈ​ၼၢင်း​ႁဝ်း​ သေႃးလမုၼ်ႇ ၵတ်း​ယဵၼ်​ၶျၢမ်း​သႃႇ​ၸိုင်၊ ႁႂ်ႈ​ၶႃႈ​ၸဝ်ႈ​လႆႈ​ပၼ်​တၢင်း​ၵျၢမ်ႇ​တၢင်း​ပွင်​တီႈ​ၸဝ်ႈ​ၼၢင်း​ႁဝ်း​သေ​ၵမ်း​တီႈ​ၶႃႈ။-</verse>
				<verse number="13">ၶႅၼ်း​တေႃႈ​ၶဝ်ႈ​ၸူး​ၵႃႈ​တီႈ​ၶုၼ်​လူင်​ တႃႇဝိတ်ႈ ​သေ​လႄႈ​ထၢမ်​ဝႃႈ၊ ၸဝ်ႈ​ၵဝ်​ၶႃႈ​ၸဝ်ႈ​ၶုၼ်​လူင်​တီႈ​ၶႃႈ​ဢိူၺ်း၊ ၸဝ်ႈ​ႁဝ်း​ၵိၼ်ႇ​ဝႃႈ​တီႈ​ၶႃႈ​ၸဝ်ႈ​လႄႈ​ဝႃႈ၊ လုၵ်ႈ​ၸၢႆး​မႂ်း​ သေႃးလမုၼ်ႇ ​ၼၼ်ႉ တၵ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​လိုၼ်း​ၵဝ်​လႄႈ ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ပေႃး​ပဵၼ်​ၼင်ႇ​ၼၼ်​ၸိုင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ဢတေႃးၼီႉယႃႉ ​ၼၼ်ႉ​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​သေ​ၵမ်း​တီႈ​ၶႃႈ။-</verse>
				<verse number="14">ၼႂ်း​မိူဝ်ႈ​ဢၼ်​ၸဝ်ႈ​ၼၢင်း​ႁဝ်း​ယင်း​တိုၵ်ႉ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ ၶႃႈ​ၸဝ်ႈ​တၵ်း​ၶဝ်ႈ​ၸွမ်း​လႄႈ ၵမ်ႉ​ထွၵ်ႈ​ၸွႆႈ​ထႅမ်​ၵႂၢမ်း​ၸဝ်ႈ​ၼၢင်း​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="15">ပႃႇသသေးၽႃႉ ​ၶဝ်ႈ​ၵႃႈ​ၼႂ်း​လုၵ်း​တီႈ​ဢၼ်​ၶုၼ်​ႁေႃ​ၶမ်း​မီး​ၼၼ်ႉ​ဢေႃႈ ၶုၼ်​ႁေႃ​ၶမ်း​ထဝ်ႈ​ၼႃႇ​လူင်​လၢင်​လႄႈ ဢၽီႉသၵ်ႉ ၵူၼ်း​ယိင်း​ဝဵင်း​ သူႉၼိမ်ႇ ​ၼၼ်ႉ လူ​တူၺ်း​လုမ်း​လႃး​ယူႇ​ဢေႃႈ။-</verse>
				<verse number="16">ပႃႇသသေးၽႃႉ ​ၼၼ်ႉ ဝၢင်း​ႁူဝ်​လႄႈ​ဝႆႈ​ၶုၼ်​ႁေႃ​ၶမ်း​သေ​ယဝ်ႉ၊ ၶုၼ်​ႁေႃ​ၶမ်း​ထၢမ်​လႄႈ​ဝႃႈ၊ မီး​ဢလူဝ်ႇ​ၶႂ်ႈ​လႆႈ​ၵႃႈ​သင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​တီႈ​ၶႃႈ၊ ၸဝ်ႈ​ႁဝ်း​ဢဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​တိူင်ႇ​ဝႃႈ​ၵိၼ်ႇ​ဝႃႈ​တီႈ ၶိင်း​ပဵၼ်​ၶႃႈ​ၸဝ်ႈ​ႁဝ်း​ၼႆႉ​လႄႈ​ဝႃႈ၊ လုၵ်ႈ​ၸၢႆး​မႂ်း​ သေႃးလမုၼ်ႇ တၵ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​လိုၼ်း​ၵဝ်​လႄႈ ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​တီႈ​ၶႃႈ​ယဝ်ႉ။-</verse>
				<verse number="18">တူၺ်း​တီႈ​ၶႃႈ​လူး။ မိူဝ်ႈ​လဵဝ်​ၼႆႉ​ၸိုင်၊ ဢတေႃးၼီႉယႃႉ ​ၼၼ်ႉ​ဢုပ်ႉ​ပိူင်ႇ​ၸၢမ်ႇ​ၸႃး​တီႈ​ၶႃႈ​ဢေႃႈ။ ၸဝ်ႈ​ၵဝ်​ၶႃႈ​ၸဝ်ႈ​ၶုၼ်​လူင်​ၵေႃႈ​ဢမ်ႇ​ႁူႉ​တီႈ​ၶႃႈ။-</verse>
				<verse number="19">မၼ်း​ၼၼ်ႉ​ဢဝ်​သူဝ်း​ဝူဝ်း​တူဝ်​ဢၼ်​ပီး​လီ​မၼ်း​လီ​ၼၼ်ႉ​တၢႆ​သေ​ယဝ်ႉ၊ ႁွင်ႉ​ပၢင်း​ဢဝ်​လုၵ်ႈ​ၸၢႆး​ၸဝ်ႈ​ၶုၼ်​လူင်​တင်း​သဵင်ႈ​တင်း​လူင် ဢိၵ်ႇ​တင်း​ယိတ်ႈပရေႃးႁဵၵ်ႈ​ ဢႃႇပျႃႇထႃႇ ၊ ၶုၼ်​ပူဝ်ႇ​ၶျုၵ်ႈ​ ယႂႃႇၽႃႉ ​ၸိူဝ်း​ၼၼ်ႉ​ယဝ်ႉ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ သေႃးလမုၼ်ႇ ​ၸမ်ႉ၊ မၼ်း​ဢမ်ႇ​ႁွင်ႉ​ဢမ်ႇ​ပၢင်း​တီႈ​ၶႃႈ။-</verse>
				<verse number="20">ဢူဝ်း​ၸဝ်ႈ​ၵဝ်​ၶႃႈ​ၸဝ်ႈ​ၶုၼ်​လူင်​တီႈ​ၶႃႈ၊ မၢၵ်ႇ​တႃ​ၵူၼ်း​မဵဝ်း​ဢီႉသရေႇလႃႉ​တင်း​သဵင်ႈ​တင်း​လူင် ဢွၼ်​ၵၼ်​မုင်ႈ​တူၺ်း​မွင်း​တူၺ်း​ၸဝ်ႈ​ႁဝ်း​လူၺ်ႈ​လွင်ႈ​ဢၼ်​ၸဝ်ႈ​ႁဝ်း​တၵ်း​မီး​ဢမိင်ႉ ႁႂ်ႈ​ၽူႈ​လႂ်​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ၸဝ်ႈ​ႁဝ်း ၸဝ်ႈ​ၶုၼ်​လူင်​လိုၼ်း​ၸဝ်ႈ​ႁဝ်း​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="21">ပေႃး​ဢမ်ႇ​ၼၼ် မိူဝ်ႈ​ဢၼ်​ၸဝ်ႈ​ၵဝ်​ၶႃႈ​ၸဝ်ႈ​ၶုၼ်​လူင်​ၼွၼ်း​လပ်း​လူၺ်ႈ​ၵၼ်​တင်း ပူႇ​ၸဝ်ႈ​မွၼ်ႇ​ၸဝ်ႈ​ၸိူဝ်း​ၼၼ်ႉ​ယဝ်ႉ​ၼၼ်ႉ​ၸိုင်၊ ၶိင်း​ပဵၼ်​ၶႃႈ​ၸဝ်ႈ​ႁဝ်း​ၼႆႉ၊ ဢိၵ်ႇ​တင်း​လုၵ်ႈ​ၸၢႆး​ၶိင်း​ပဵၼ်​ၶႃႈ သေႃးလမုၼ်ႇ ​ၼၼ်ႉ တၵ်း​ပဵၼ်​ၵေႃႉ​ဢၼ်​လႆႈ​ၶၢမ်ႇ​ရႃႇၸဝူတ်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ ပရေႃးၽႅတ်ႈ​ ၼႃႇသၼ်ႇ ၶဝ်ႈ​လႄႈ၊-</verse>
				<verse number="23">ပိူၼ်ႈ​ဢွၼ်​ၵၼ်​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ပရေႃးၽႅတ်ႈ​ ၼႃႇသၼ်ႇ ​မႃး​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​သေ​ယဝ်ႉ၊ ၶုပ်ႉ​မူပ်ႇ​ဝၢင်း​ႁူဝ်​တႅတ်ႈ​ႁူဝ်​သေ​လႄႈ ၼႃႇသၼ်ႇ ​လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="24">ဢူဝ်း​ၸဝ်ႈ​ၵဝ်​ၶႃႈ​ၸဝ်ႈ​ၶုၼ်​လူင်​တီႈ​ၶႃႈ၊ ၸဝ်ႈ​ႁဝ်း​မီး​ဢမိင်ႉ​လႄႈ​ဝႃႈ၊ ဢတေႃးၼီႉယႃႉ ​တၵ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​လိုၼ်း​ၵဝ်​လႄႈ ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ၵဝ်​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​တီႈ​ၶႃႈ​ႁိုဝ်။-</verse>
				<verse number="25">မၼ်း​ၼၼ်ႉ​လူင်း​ၵႂႃႇ​ဝၼ်း​မိူဝ်ႈ​ၼႆႉ​လႄႈ ဢဝ်​သူဝ်း၊ ဝူဝ်း၊ တူဝ်​ဢၼ်​ပီး​လီ​မၼ်း​လီ​ၼၼ်ႉ​တၢႆ​သေ​ယဝ်ႉ၊ ႁွင်ႉ​ပၢင်း​ဢဝ်​လုၵ်ႈ​ၸၢႆး​ၸဝ်ႈ​တင်း​သဵင်ႈ​တင်း​လူင် ဢိၵ်ႇ​တင်း​ၶုၼ်​ပူဝ်ႇ​တင်း​လၢႆ တင်း​ယိတ်ႈပရေႃးႁဵၵ်ႈ​ ဢႃႇပျႃႇထႃႇ ​တီႈ​ၶႃႈ​ယဝ်ႉ။ တူၺ်း​တီႈ​ၶႃႈ​လူး၊ ၶဝ်​ၼၼ်ႉ​ဢွၼ်​ၵၼ်​ၵိၼ်​ၶူပ်း​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​လႄႈ​ႁွင်ႉ​ဝႃႈ၊ ႁႂ်ႈ​ဢသၢၵ်ႈ​ၶုၼ်​လူင်​ ဢတေႃးၼီႉယႃႉ ​လိပ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ယူႇ​တီႈ​ၶႃႈ​ဢေႃႈ။-</verse>
				<verse number="26">ၶႃႈ​ၸဝ်ႈ​ႁဝ်း​ဢၼ်​ဝႃႈ ၶႃႈ​ၸဝ်ႈ​ၼႆႉ​ဢိၵ်ႇ​တင်း​ယိတ်ႈပရေႃးႁဵၵ်ႈ​ ၸႃႇတုၵ်ႉ၊ ပေႇၼႃႇယႃႉ လုၵ်ႈ​ၸၢႆး​ ယေႃးယတႃႉ ၊ ၶႃႈ​ၸဝ်ႈ​ႁဝ်း သေႃးလမုၼ်ႇ ​ၼၼ်ႉ​ၸိူဝ်း​ၼႆႉ​ၸမ်ႉ၊ မၼ်း​ဢမ်ႇ​ႁွင်ႉ​ဢမ်ႇ​ပၢင်း​တီႈ​ၶႃႈ။-</verse>
				<verse number="27">ၸဝ်ႈ​ႁဝ်း​ၸဝ်ႈ​ၶုၼ်​လူင် ယင်း​ဢမ်ႇ​မွၵ်ႇ​ဢမ်ႇ​လၢတ်ႈ​လွင်ႈ​ဢၼ်​ၽူႈ​လႂ်​တၵ်း​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ၸဝ်ႈ​ႁဝ်း ၸဝ်ႈ​ၶုၼ်​လူင် လိုၼ်း​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ၸဝ်ႈ​ႁဝ်း​ၶဝ်​လႄႈ ၸီႇ​ယၢင်ႇ​ဢမူႉ​ၼႆႉ​ယဝ်ႉ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">မိူဝ်ႈ​ၼၼ်ႉ ၶုၼ်​လူင်​ တႃႇဝိတ်ႈ ​မီး​ဢမိင်ႉ​လႄႈ​ဝႃႈ ႁွင်ႉ​ ပႃႇသသေးၽႃႉ ​မႃး​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ၼၼ်ႉ​မႃး​ၸူး​ၵႃႈ​တီႈ​ၶုၼ်​ႁေႃ​ၶမ်း​လႄႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="29">ၶုၼ်​ႁေႃ​ၶမ်း​ၵေႃႈ​သမ်ႉ​တိူင်ႇ​ဝႃႈ​ၵိၼ်ႇ​ဝႃႈ​ထႅင်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢၼ်​ၵႄႇ​သႄႇ​ၼုၵ်ႈ​ဢဝ်​ဢသၢၵ်ႈ​ဝီႉၺိၺ်ႇ​ၵဝ်​လွတ်ႈ​သေ​ၵႃႈ​ၼႂ်း​တုၵ်ႉ​ၶႃႉ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ ဢသၢၵ်ႈ​လိပ်း​ယူႇ​ၼၼ်ႉ၊-</verse>
				<verse number="30">မႅၼ်ႈ​ၸွမ်း​ၵႃႈ​ၼင်ႇ​ဢၼ် ၵဝ်​ဢဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တိူင်ႇ​ဝႃႈ​ၵိၼ်ႇ​ဝႃႈ​လႄႈ​ဝႃႈ၊ လုၵ်ႈ​ၸၢႆး​မႂ်း​ သေႃးလမုၼ်ႇ တၵ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​လိုၼ်း​ၵဝ်​လႄႈ ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ၵဝ် တၢင်​တူဝ်​ၵဝ်​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ၼၼ်ႉ​သေ​လႄႈ ၵဝ်​တၵ်း​ႁဵတ်း​ဝၼ်း​မိူဝ်ႈ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ပႃႇသသေးၽႃႉ ​ၼၼ်ႉ ၶုပ်ႉ​မူပ်ႇ​ဝၢင်း​ႁူဝ်​တႅတ်ႈ​ႁူဝ်​ယူႇ၊ ဝႆႈ​ၶုၼ်​ႁေႃ​ၶမ်း​ယူႇ​သေ​လႄႈ​ဢွၵ်ႇ​သူပ်း​ဝႃႈ၊ ႁႂ်ႈ​ၸဝ်ႈ​ၵဝ်​ၶႃႈ​ၸဝ်ႈ​ၶုၼ်​လူင် တႃႇဝိတ်ႈ ဢသၢၵ်ႈ​လိပ်း​ယူႇ​တႃႇ​သေႇ​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="32">ၶုၼ်​လူင်​ တႃႇဝိတ်ႈ ​ၵေႃႈ​မီး​ဢမိင်ႉ​လႄႈ​ဝႃႈ၊ ႁွင်ႉ​ဢဝ်​ယိတ်ႈပရေႃးႁဵၵ်ႈ​ ၸႃႇတုၵ်ႉ ဢိၵ်ႇ​တင်း​ပရေႃးၽႅတ်ႈ​ ၼႃႇသၼ်ႇ တင်း​ ပေႇၼႃႇယႃႉ လုၵ်ႈ​ၸၢႆး​ ယေႃးယတႃႉ ​ၸိူဝ်း​ၼၼ်ႉ မႃး​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ၼၼ်ႉ​ဢွၼ်​ၵၼ်​ၶဝ်ႈ​မႃး​ၸူး​ၵႃႈ​တီႈ ၽၢႆႇ​ၼႃႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="33">ၶုၼ်​ႁေႃ​ၶမ်း​ၵေႃႈ​မီး​ဢမိင်ႉ​တီႈ​ၶဝ်​ၼၼ်ႉ​လႄႈ​ဝႃႈ၊ ႁွင်ႉ​ဢဝ်​ၶႃႈ​ၵူၼ်း​ၸဝ်ႈ​သူ​တင်း​လၢႆ​လႄႈ ႁႂ်ႈ​လုၵ်ႈ​ၸၢႆး​ၵဝ်​ သေႃးလမုၼ်ႇ ​ၶီႇ​လီႈ​ၵဝ်​သေ​လႄႈ ဢဝ်​မၼ်း​လူင်း​ၵႂႃႇ​ၵႃႈ​တီႈ​ ၵီႉႁုၼ်ႇ ​တႃႉ။-</verse>
				<verse number="34">ႁႂ်ႈ​ယိတ်ႈပရေႃးႁဵၵ်ႈ​ ၸႃႇတုၵ်ႉ ဢိၵ်ႇ​တင်း​ပရေႃးၽႅတ်ႈ​ ၼႃႇသၼ်ႇ ​ပၼ်​ၽိၵ်ႈ​သိၵ်ႈ​တီႈ​မၼ်း​ၵႃႈ​တီႈ​ၼၼ်ႈ ႁႂ်ႈ​ပဵၼ်​ၶုၼ်​ႁေႃ​ၶမ်း ဢီႉသရေႇလႃႉ ​လႄႈ ပဝ်ႇ​တိုင်ႈ​ၼႄးၶရႃႇ​သေ​လႄႈ​ႁွင်ႉ​ပၢဝ်ႇ​ႁွင်ႉ​သေႃႇ​လႄႈ​ဝႃႈ၊ ႁႂ်ႈ​ၶုၼ်​ႁေႃ​ၶမ်း​ သေႃးလမုၼ်ႇ ​ၼႆႉ​ဢသၢၵ်ႈ​လိပ်း​ယူႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="35">လိုၼ်း​ၼၼ်ႉ သူ​ဢွၼ်​ၵၼ်​ၸွမ်း​လူၺ်ႈ​ၵၼ်​တင်း​မၼ်း​ၶိုၼ်း​မႃး​လႄႈ မၼ်း​တၵ်း​လႆႈ​မႃး​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ၵဝ်​လႄႈ ပဵၼ်​ၶုၼ်​ႁေႃ​ၶမ်း​တၢင်​တူဝ်​ၵဝ်​ဢေႃႈ။ ၵဝ်​ၶၢၼ်း​မၼ်း​ဝႆႉ​ႁႂ်ႈ​ပဵၼ်​ၶုၼ်​ ဢီႉသရေႇလႃႉ ၶုၼ်​ ယူႉတႃႉ ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ပေႇၼႃႇယႃႉ ​လုၵ်ႈ​ၸၢႆး​ ယေႃးယတႃႉ ​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ဢႃႇမိၼ်ႇ။ ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ႁဝ်း ၸဝ်ႈ​ၶုၼ်​လူင်​မီး​ဢမိင်ႉ​ၸိူဝ်ႉ​ၼင်ႇ​ၼၼ်​သေ​ၵမ်း​လူၺ်ႈ​တီႈ​ၶႃႈ။-</verse>
				<verse number="37">ၸိူဝ်ႉ​ၼင်ႇ​ဢၼ်​ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ၸဝ်ႈ​ၵဝ်​ၶႃႈ ၸဝ်ႈ​ၶုၼ်​လူင်​ၼၼ်ႉ၊ ႁႂ်ႈ​မၼ်း​ၸဝ်ႈ​မီး​ယူႇ​လူၺ်ႈ​ၵၼ်​တင်း သေႃးလမုၼ်ႇ ​လႄႈ ၸီႇ​ယၢင်ႇ​ႁႂ်ႈ​ရႃႇၸႃႉ​ပလၢင်ႇ​မၼ်း​ယဵင်ႈ​ၶႅၼ်း​မုၼ်​ၽုင်း​ယႂ်ႇ​လိူဝ်​တွၼ်း​ၼႃႇ​သေ ရႃႇၸႃႉ​ပလၢင်ႇ​ၸဝ်ႈ​ၵဝ်​ၶႃႈ ၸဝ်ႈ​ၶုၼ်​လူင်​ တႃႇဝိတ်ႈ ​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="38">မိူဝ်ႈ​ၼၼ်ႉ​ယိတ်ႈပရေႃးႁဵၵ်ႈ​ ၸႃႇတုၵ်ႉ ဢိၵ်ႇ​တင်း​ပရေႃးၽႅတ်ႈ​ ၼႃႇသၼ်ႇ၊ ပေႇၼႃႇယႃႉ ​လုၵ်ႈ​ၸၢႆး​ ယေႃးယတႃႉ ၊ ၵူၼ်း​ ၶေးရသီႉ ​တင်း​လၢႆ၊ ၵူၼ်း​ ပေႇလသီႉ ​တင်း​လၢႆ​ၸိူဝ်း​ၼၼ်ႉ ဢွၼ်​ၵၼ်​လူင်း​ၵႂႃႇ​လႄႈ ႁႂ်ႈ​ သေႃးလမုၼ်ႇ ​ၶီႇ​လီႈ​ၶုၼ်​လူင်​ တႃႇဝိတ်ႈ ​သေ​လႄႈ ဢဝ်​ၵႂႃႇ​ၵႃႈ​တီႈ​ ၵီႉႁုၼ်ႇ ​ဢေႃႈ။-</verse>
				<verse number="39">ယိတ်ႈပရေႃးႁဵၵ်ႈ​ ၸႃႇတုၵ်ႉ ​ၼၼ်ႉ ဢဝ်​တဝ်ႈ​ၼမ်ႉ​မၼ်း​ဢွၵ်ႇ​သေ​ၵႃႈ​ၼႂ်း​မူဝ်းၵႃႇ​ၸဝ်ႈ​လႄႈ ပၼ်​ၽိၵ်ႈ​သိၵ်ႈ​တီႈ​ သေႃးလမုၼ်ႇ သေ​ယဝ်ႉ ၶဝ်​ဢွၼ်​ၵၼ်​ပဝ်ႇ​တိုင်ႈ​ၼႄးၶရႃႇ​လႄႈ ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ်​ႁွင်ႉ​ပၢဝ်ႇ​ႁွင်ႉ​သေႃႇ​လႄႈ​ဝႃႈ၊ ႁႂ်ႈ​ၶုၼ်​လူင် သေႃးလမုၼ်ႇ ​ၼႆႉ ဢသၢၵ်ႈ​လိပ်း​ယူႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="40">ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ်​ၸွမ်း​လူၺ်ႈ​ၵၼ်​တင်း​မၼ်း​ၶိုၼ်း​မႃး​လႄႈ ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ်​ပႃး​ဢဝ်​တင်း​ၼႄးၶရႃႇ​သေ​လႄႈ ပဝ်ႇ​တိုင်ႈ​ယူႇ၊ ႁဵတ်း​တၢင်း​ဢၼ်​ၸူမ်း​သိူဝ်း​ဢၼ်​ယႂ်ႇ​ၼႃႇ ၸူမ်း​သိူဝ်း​ယူႇ​တေႃႇ​ထိုင်​ႁွတ်ႈ​လိၼ်​မိူင်း​ထၼ်ႈ​ပေႃး ႁၢမ်ႉ​တၵ်း​တႅၵ်ႇ​လူၺ်ႈ​သဵင်​ၼၼ်ႉ​ဢေႃႈ။</verse>
				<verse number="41">ဢတေႃးၼီႉယႃႉ ​ဢိၵ်ႇ​တင်း​ၶဝ်​ၵႃႈ​ဢၼ်​ႁူမ်ႈ​ၵၼ်​ပွင်း​ၵၼ်​တင်း​မၼ်း​ၸိူဝ်း​ၼၼ်ႉ လႆႈ​ငိၼ်း​သဵင်​ၼၼ်ႉ​ၼႂ်း​မိူဝ်ႈ​ဢၼ် ပွႆး​ၵိၼ်​ပွႆး​ၶူပ်း​ၶဝ်​ယဝ်ႉ​တူဝ်ႈ​ယဝ်ႉ​ၼၼ်ႉ​ဢေႃႈ။ ယႂႃႇၽႃႉ ​လႆႈ​ငိၼ်း​သဵင်​ဢၼ် ပဝ်ႇ​တိုင်ႈ​ၼႄးၶရႃႇ​ၼၼ်ႉ​သေ​ယဝ်ႉ၊ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ထၢမ်​လႄႈ​ဝႃႈ၊ သဵင်​ဢၼ်​ႁဵတ်း​ႁုၼ်ႉ​ႁၼ်ႉ​ဢူၼ်​ဢဵၼ်​မေႃး​မႄး​ၵႃႈ​ၼႂ်း​ဝဵင်း​တင်း​ဝဵင်း​ၼၼ်ႉ​ၸမ်ႉ၊ ပဵၼ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ယူႇ​ၼၼ်ႉ​ၸိုင်၊-</verse>
				<verse number="42">ယေႃးၼသၼ်ႇ ​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢႃႇပျႃႇထႃႇ ​ၼၼ်ႉ​ႁွတ်ႈ​မႃး​လႄႈ ဢတေႃးၼီႉယႃႉ ​လၢတ်ႈ​လႄႈ​ဝႃႈ၊ ၶဝ်ႈ​မႃး​သေ​ၵမ်း။ မႂ်း​ၼႆႉ​ပဵၼ်​ၵူၼ်း​ဢၼ်​လီ​လႄႈ တၵ်း​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​ဢၼ်​လီ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="43">ယေႃးၼသၼ်ႇ ​ၶိုၼ်း​လဝ်ႊ​လၢတ်ႈ​တီႈ​ ဢတေႃးၼီႉယႃႉ ​လႄႈ​ဝႃႈ၊ ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​ တႃႇဝိတ်ႈ ​ၼၼ်ႉ ၶၢၼ်း သေႃးလမုၼ်ႇ ​ဝႆႉ ႁႂ်ႈ​ပဵၼ်​ၶုၼ်​ႁေႃ​ၶမ်း​တီႈ​ၶႃႈ​ယဝ်ႉ။-</verse>
				<verse number="44">ၶုၼ်​ႁေႃ​ၶမ်း​ပွႆႇ​ၵေႃႉ​ၸႂ်ႉ ယိတ်ႈပရေႃးႁဵၵ်ႈ​ ၸႃႇတုၵ်ႉ ဢိၵ်ႇ​တင်း​ပရေႃးၽႅတ်ႈ​ ၼႃႇသၼ်ႇ၊ ပေႇၼႃႇယႃႉ လုၵ်ႈ​ၸၢႆး​ ယေႃးယတႃႉ ၊ ၵူၼ်း​ ၶေးရသီႉ ​တင်း​လၢႆ၊ ၵူၼ်း​ ပေႇလသီႉ ​တင်း​လၢႆ​ၸိူဝ်း​ၼၼ်ႉ​ၵႂႃႇ​လူၺ်ႈ​ၵၼ်​တင်း​မၼ်း​ၼၼ်ႉ​လႄႈ ႁႂ်ႈ​မၼ်း​ၶီႇ​လီႈ​ၶုၼ်​ႁေႃ​ၶမ်း​တီႈ​ၶႃႈ​ယဝ်ႉ။-</verse>
				<verse number="45">ယိတ်ႈပရေႃးႁဵၵ်ႈ​ ၸႃႇတုၵ်ႉ ဢိၵ်ႇ​တင်း​ပရေႃးၽႅတ်ႈ​ ၼႃႇသၼ်ႇ ပၼ်​ရႃႇၸႃႉ​ၽိၵ်ႈ​သိၵ်ႈ​တီႈ​မၼ်း ၵႃႈ​ၼႂ်း​ ၵီႉႁုၼ်ႇ ​တီႈ​ၶႃႈ​ယဝ်ႉ။ ၶဝ်​ၼၼ်ႉ​ဢွၼ်​ၵၼ်​လုၵ်ႉ​သေ​ၵႃႈ​တီႈ​ၼၼ်ႈ​ၶိုၼ်း​မႃး​လႄႈ​ၸူမ်း​သိူဝ်း​ၼႃႇ​လူင်​လၢင် ထၼ်ႈ​ပေႃး​ႁုၼ်ႉ​ႁၼ်ႉ​ဢူၼ်​ဢဵၼ်​မေႃး​မႄး​ၵႂႃႇ​တင်း​ဝဵင်း​တီႈ​ၶႃႈ​ဢေႃႈ။ သဵင်​ၼၼ်ႉ​ပဵၼ်​သဵင်​ဢၼ်​ၸဝ်ႈ​ႁဝ်း​ငိၼ်း​ယဝ်ႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="46">သေႃးလမုၼ်ႇ ​ၵေႃႈ ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​သိုင်ႇ​ၸိုင်ႈ​ဝၢၼ်ႈ​မိူင်း​တီႈ​ၶႃႈ​ယဝ်ႉ။-</verse>
				<verse number="47">ၶႃႈ​ၵူၼ်း​ၶုၼ်​ႁေႃ​ၶမ်း​တင်း​လၢႆ​ၵေႃႈ ဢွၼ်​ၵၼ်​ၵႂႃႇ​ႁႂ်ႈ​လႆႈ​ပၼ်​တၢင်း​လီ​တီႈ​ၸဝ်ႈ​ႁဝ်း​ၶႃႈ ၸဝ်ႈ​ၶုၼ်​လူင်​ တႃႇဝိတ်ႈ ​လႄႈ လဝ်ႊ​လၢတ်ႈ​လႄႈ​ဝႃႈ၊ ႁႂ်ႈ​ၽြႃး​ပဵၼ်​ၸဝ်ႈ​ၸဝ်ႈ​ႁဝ်း ယုၵ်ႉ​ယွင်ႈ​ၼႃႇ​မႃႉ​ၸိုဝ်ႈ​သဵင်​ သေႃးလမုၼ်ႇ ​လိူဝ်​တွၼ်း​ၼႃႇ​သေ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​လႄႈ ႁဵတ်း​ႁႂ်ႈ​ရႃႇၸႃႉ​ပလၢင်ႇ​မၼ်း မုၼ်​ၽုင်း​ယႂ်ႇ​လိူဝ်​တွၼ်း​ၼႃႇ​သေ​ရႃႇၸႃႉ​ပလၢင်ႇ​ၸဝ်ႈ​ႁဝ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​ၵူမ်ႈ​ၵွမ်း​ႁူဝ် ၵႃႈ​ၼိူဝ်​ၵူႇ​တီႈ​ၼွၼ်း​ၸဝ်ႈ​သေ​လႄႈ​ဝႃႈ၊-</verse>
				<verse number="48">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢၼ်​ဢဵတ်း​လူ​ပၼ်​ၵေႃႉ​ဢၼ်​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ၵဝ် ဝၼ်း​မိူဝ်ႈ​ၼႆႉ​လႄႈ ႁႂ်ႈ​မၢၵ်ႇ​တႃ​ၵဝ်​လႆႈ​ႁၼ်​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="49">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ႁူမ်ႈ​ၵၼ်​ပွင်း​ၵၼ်​တင်း​ ဢတေႃးၼီႉယႃႉ ​ၸိူဝ်း​ၼၼ်ႉ ၵူဝ်​ႁႄ​ယူႇ​သေ​လႄႈ ဢွၼ်​ၵၼ်​လုၵ်ႉ​လႄႈ​ၵႂႃႇ ယေႈ​ၵေႃႉ​ယေႈ​တီႈ​ယေႈ​ၵေႃႉ​ယေႈ​တၢင်း​ဢေႃႈ။-</verse>
				<verse number="50">ဢတေႃးၼီႉယႃႉ ​ၵေႃႈ​ၵူဝ်​ႁႄ​ သေႃးလမုၼ်ႇ ​ယူႇ​သေ​လႄႈ လုၵ်ႉ​လႄႈ​ၵႂႃႇ​ယိပ်း​ၵမ်​ၶဝ်​လႅမ်​ယိတ်ႈပလၢင်ႇ​ယူႇ​ဢေႃႈ။-</verse>
				<verse number="51">ပိူၼ်ႈ​ဢွၼ်​ၵၼ်​လဝ်ႊ​လၢတ်ႈ​တီႈ​ သေႃးလမုၼ်ႇ ​လႄႈ​ဝႃႈ၊ ဢတေႃးၼီႉယႃႉ ​ၼၼ်ႉ​ၵူဝ်​ႁႄ​ၶုၼ်​လူင်​ သေႃးလမုၼ်ႇ ​လႄႈ ယိပ်း​ၵမ်​ၶဝ်​လႅမ်​ယိတ်ႈပလၢင်ႇ​ယူႇ​သေ​လႄႈ​ဝႃႈ၊ ႁႂ်ႈ​ၶုၼ်​လူင်​ သေႃးလမုၼ်ႇ ​ၵိၼ်ႇ​ဝႃႈ​တီႈ​ၵဝ်​ဝၼ်း​မိူဝ်ႈ​ၼႆႉ လွင်ႈ​ဢၼ်​မၼ်း​ၸဝ်ႈ​တၵ်း​ဢမ်ႇ​ဢဝ်​ၵဝ်​တၢႆ​လူၺ်ႈ​လၢပ်ႇ​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ယူႇ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="52">သေႃးလမုၼ်ႇ ​မီး​ဢမိင်ႉ​လႄႈ​ဝႃႈ၊ ပေႃး​မၼ်း​တၵ်း​ပဵၼ်​ၵူၼ်း​လီ​ၸိုင်၊ ၶူၼ်​ႁူဝ်​မၼ်း​သေ​သဵၼ်ႈ​ၵေႃႈ ဢမ်ႇ​လႆႈ​တူၵ်း​ၵႃႈ​တီႈ​လိၼ်။ ၵူၺ်း​ၵႃႈ​ပေႃး​ထူပ်း​ႁၼ်​ဢပႅတ်ႈ​ၵႃႈ​ၼႂ်း​မၼ်း​ၸိုင်၊ မၼ်း​တၵ်း​လႆႈ​တၢႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="53">ၶုၼ်​လူင်​ သေႃးလမုၼ်ႇ ​ပွႆႇ​ၸႂ်ႉ​ၵူၼ်း​ၵႂႃႇ​လႄႈ၊ ၶဝ်​ၼၼ်ႉ​ဢွၼ်​ၵၼ်​ဢဝ်​မၼ်း​ၼၼ်ႉ​လူင်း​သေ​ၵႃႈ​တီႈ​ယိတ်ႈပလၢင်ႇ​လႄႈ မၼ်း​ၼၼ်ႉ​မႃး​လႄႈ ဝၢင်း​ႁူဝ်​ၵႃႈ​တီႈ​ၽၢႆႇ​ၼႃႈ​ၶုၼ်​လူင်​ သေႃးလမုၼ်ႇ ​ဢေႃႈ။ သေႃးလမုၼ်ႇ ​ၵေႃႈ​မီး​ဢမိင်ႉ​တီႈ​မၼ်း​လႄႈ​ဝႃႈ၊ ၵႂႃႇ​ၵႃႈ​တီႈ​ႁိူၼ်း​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="2">
				<verse number="1">တႃႇဝိတ်ႈ ​ၼၼ်ႉ၊ မိူဝ်ႈ​ဢၼ်​ၸမ်​ၶိင်ႇ​ဢၼ်​တၵ်း​ႁွတ်ႈ​ထိုင်​ဢၼိၵ်ႈၸႃႉ​ၼၼ်ႉ​ၸိုင်၊ ဝႆႉ​ပိင်း​ၺၢပ်ႈ​တီႈ​လုၵ်ႈ​ၸၢႆး​ၸဝ်ႈ သေႃးလမုၼ်ႇ ​လႄႈ​ဝႃႈ​ၸမ်ႉ၊-</verse>
				<verse number="2">ၵဝ်​တၵ်း​လႆႈ​ၵႂႃႇ​ၸွမ်း​သဵၼ်ႈ​တၢင်း​ဢၼ် ၵူၼ်း​လိၼ်​မိူင်း​တင်း​သဵင်ႈ​တင်း​လူင်​ၸၢင်ႈ​ၵႂႃႇ​ၸွမ်း​ၼၼ်ႉ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ဢဝ်​ႁႅင်း​ဢွၵ်ႇ​လႄႈ​ႁဵတ်း​ၵေႃႉ​ၸၢႆး​တႃႉ။-</verse>
				<verse number="3">ထွမ်ႇ​ဢဝ်​ၵႂၢမ်း​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း သင်ႇ​လၢတ်ႈ​ဝႆႉ​ႁႂ်ႈ​ၵႂႃႇ​မႃး​ၼႂ်း​သဵၼ်ႈ​တၢင်း​မၼ်း​ၸဝ်ႈ​လႄႈ ပႂ်ႉ​ၵမ်​ပႂ်ႉ​ၸွမ်း ထုင်း​ၽိင်ႈ​တြႃး၊ ပိင်း​ၺၢပ်ႈ​ၸဝ်ႈ၊ လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ၊ လွင်ႈ​တၢင်း​ဢၼ်​မၼ်း​ၸဝ်ႈ​ၶၢမ်ႇ​သၢၵ်ႈ​သေႇ​ဝႆႉ​တင်း​လၢႆ ၸွမ်း​ၵႃႈ​ၼင်ႇ​ဢၼ်​ပႃး​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ မူဝ်းသေႇ ​ၼၼ်ႉ ႁႂ်ႈ​မႂ်း​လႆႈ​လီ​လႆႈ​ပဵၼ်​ၵႃႈ​ၼႂ်း​ၵႃႈ​ဢၼ်​မႂ်း​ၵႂႃႇ​ၼၼ်ႉ​လႄႈ၊-</verse>
				<verse number="4">ႁႂ်ႈ​ထႃႇဝရႃႉ​ၽြႃး ႁႂ်ႈ​ၵႂၢမ်း​မၼ်း​ၸဝ်ႈ ဢၼ်​မၼ်း​ၸဝ်ႈ​ဢဝ်​လွင်ႈ​ၵဝ်​မီး​ဢမိင်ႉ​လႄႈ​ဝႃႈ၊ ပေႃး​လုၵ်ႈ​လၢၼ်​မႂ်း​ၸိူဝ်း​ၼၼ်ႉ ႁဵတ်း​သတီႉ​တီႈ​သဵၼ်ႈ​တၢင်း​ဢၼ်​ၶဝ်​တၵ်း​ၵႂႃႇ​ၼၼ်ႉ ႁႂ်ႈ​လႆႈ​ပႃး​ဢဝ်​တၢင်း​ၸႂ်​သဵင်ႈ​သဵင်ႈ တင်း​ႁူဝ်​ၸႂ်​သဵင်ႈ​သဵင်ႈ​ၵႂႃႇ​မႃး​ၼႂ်း သမ်ႇမႃႇ​တြႃး ၵႃႈ​တီႈ​ၽၢႆႇ​ၼႃႈ​ၵဝ်​လႄႈ​ယူႇ​ၸိုင်၊ ၸိူဝ်ႉ​ၶိူဝ်း​မႂ်း​တၵ်း​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​မိူင်း​ ဢီႉသရေႇလႃႉ ဢမ်ႇ​လႆႈ​ထၢတ်ႇ၊ ဝႃႈ​ၼင်ႇ​ၼႆ​ၼၼ်ႉ​လႆႈ​တႄႇ​ယူႇ​တႃႉ။-</verse>
				<verse number="5">ပိူဝ်ႈ​ဢၼ်​မႂ်း​ႁူႉ​လွင်ႈ​ဢၼ်​ ယႂႃႇၽႃႉ လုၵ်ႈ​ၸၢႆး​ ၸေႇရူႉယႃႇ ​ႁဵတ်း​တီႈ​ၵဝ် ဢၼ်​ဝႃႈ​လွင်ႈ​ဢၼ်​မၼ်း​ႁဵတ်း​တီႈ​ ဢႃႉပၼႃး လုၵ်ႈ​ၸၢႆး ၼေးရႃႉ ဢိၵ်ႇ​တင်း​ ဢႃႇမသႃႉ ​လုၵ်ႈ​ၸၢႆး​ ယေႇသႃႇ ပူဝ်ႇ​ၶျုၵ်ႈ​ ဢီႉသရေႇလႃႉ ​သွင်​ပႃး ဢၼ်​မၼ်း​ဢဝ်​တၢႆ​လႄႈ ယင်း​ဢမ်ႇ​တိုၵ်း​သိုၵ်း​တိုၵ်း​သိူဝ်​လႄႈ ထွၵ်ႇ​လိူတ်ႈ​ပႅတ်ႈ​သေ​ယဝ်ႉ၊ ႁႂ်ႈ​သၢႆ​ဢႅဝ်​ဢၼ်​မၼ်း​ႁတ်ႉ​ဢႅဝ် ဢိၵ်ႇ​တင်း​သွၵ်း​တိၼ်​ဢၼ်​မၼ်း​တိုဝ်း​ၼၼ်ႉ ၵူဝ်ႈ​ၵိူၵ်ႇ​ဝႆႉ​တင်း​လိူတ်ႈ ဢၼ်​တိုၵ်း​သိုၵ်း​တိုၵ်း​သိူဝ်​ၼၼ်ႉ​ယူႇ​လႄႈ၊-</verse>
				<verse number="6">ၸီႇ​ယၢင်ႇ​ၸွမ်း​ၵႃႈ​ၼင်ႇ​ဢၼ် ပိင်ႇ​ၺႃႇ​မႂ်း​မီး​ၼၼ်ႉ​သေ​လႄႈ ယႃႇ​ပေ​ႁႂ်ႈ​ၵွၵ်း​ႁူဝ်​မၼ်း​ဢၼ်​ႁွၵ်ႇ​ဢၼ်​ၶၢဝ်​ၼၼ်ႉ​လႆႈ​လူင်း​ၵႂႃႇ ၵႃႈ​တီႈ​မိူင်း​မရၼႃႉ​ၼိမ်​ၼိမ်​လီ​လီ။-</verse>
				<verse number="7">တီႈ​လုၵ်ႈ​ၸၢႆး​ ပႃႇၸီႉလေး ၵူၼ်း​မိူင်း​ ၵီႉလတ်ႉ ​ၸိူဝ်း​ၼၼ်ႉ​ၸမ်ႉ၊ ႁဵတ်း​ၵျေး​ၸူး​လႄႈ ႁႂ်ႈ​ၶဝ်​လႆႈ​ၶဝ်ႈ​ပႃး​ၵႃႈ​ၼႂ်း​မုၵ်ႉ​ၼႂ်း​ၸိူဝ်း ၶဝ်​ၸိူဝ်း​ဢၼ်​ၵိၼ်​တီႈ​ၶူင်ႇ​တီႈ​ၵိၼ်​ၸဝ်ႈ​တႃႉ။ မိူဝ်ႈ​ဢၼ်​ၵဝ်​လႆႈ​ဢွၵ်ႇ​ပၢႆႈ​သေ​ၵႃႈ​တီႈ​ပီႈ​ၸၢႆး​မႂ်း​ ဢပႃႉသလုမ်ႇ ​ၼၼ်ႉ​ၸိုင်၊ ၶဝ်​ၼၼ်ႉ​ႁဵတ်း​ၵျေး​ၸူး​ၸိူဝ်ႉ​ၼင်ႇ​ၼၼ်​လႄႈ မႃး​ၸူး​ၵႃႈ​တီႈ​ၵဝ်​ဢေႃႈ။-</verse>
				<verse number="8">သီႉမီႉ လုၵ်ႈ​ၸၢႆး​ ၵေးရႃႉ ၵူၼ်း​ဝၢၼ်ႈ​ ပႃႇႁူႉရိမ်း မဵဝ်း​ ပိၼ်ႇယႃႇမိၼ်ႇ ၊ ၵေႃႉ​ဢၼ်​ႁဵတ်း​တၢင်း​ဢၼ်​ၵိၼ်ႇ​လႃႇ ဢၼ်​ၵျၢမ်း​ထၢမ်း​ၼႃႇ​လူင်​လၢင် ၵိၼ်ႇ​လႃႇ​ၵဝ်​ၼႂ်း​မိုဝ်ႉ​ဝၼ်း​ဢၼ်​ၵဝ်​ၵႂႃႇ​ၵႃႈ​တီႈ​ဝဵင်း​ မႁႃႇၼိမ်ႇ ​ၼၼ်ႉ​ၼၼ်ႉ၊ မီး​ယူႇ​ၵႃႈ​တီႈ​မႂ်း​ဢေႃႈ။ မိူဝ်ႈ​ဢၼ်​မၼ်း​ၼၼ်ႉ မႃး​ႁႂ်ႈ​လႆႈ​ႁပ်ႉ​ႁူဝ်​တၢင်း​ၵဝ်​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ၸိုင်၊ ပိၵ်ႉ​သမ်ႉ​ၵဝ်​ဢဝ်​ထႃႇဝရႃႉ​ၽြႃး​တိူင်ႇ​ဝႃႈ​ၵိၼ်ႇ​ဝႃႈ​တီႈ​မၼ်း​လႄႈ​ဝႃႈ၊ ၵဝ်​ဢမ်ႇ​ဢဝ်​မႂ်း​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၵူၺ်ႉ၊ ဝႃႈ​ၼင်ႇ​ၼႆ​ဝႆႉ​သေ​ၵေႃႈ၊-</verse>
				<verse number="9">ၵေႃႉ​ၼၼ်ႉ​ၸိုင် မႂ်း​ယင်း​ဢမ်ႇ​လႆႈ​မၢတ်ႈ​ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​ဢမ်ႇ​မီး​ဢပႅတ်ႈ ၵွပ်ႈ​ပိူဝ်ႈ​ဢၼ်​မႂ်း​ပဵၼ်​ၵေႃႉ​ဢၼ်​လၵ်း​လႅမ်​ၼၼ်ႉ​လႄႈ ၵႃႈ​ၼင်ႇ​ဢၼ်​မႂ်း​ႁူႉ​လွင်ႈ​ဢၼ် ထုၵ်ႇ​လီ​ၸီႇ​ယၢင်ႇ​ႁဵတ်း​တီႈ​မၼ်း​ၸိူဝ်ႉ​ၼင်ႇ​ႁိုဝ်​ၼၼ်ႉ၊ မႂ်း​ႁႂ်ႈ​ၵွၵ်း​ႁူဝ်​မၼ်း​ဢၼ်​ႁွၵ်ႇ ဢၼ်​ၶၢဝ်​ၼၼ်ႉ လူင်း​ၵႂႃႇ​ၵႃႈ​တီႈ​မိူင်း​မရၼႃႉ​လူၺ်ႈ​လိူတ်ႈ​လူၺ်ႈ​ယၢင်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊</verse>
				<verse number="10">တႃႇဝိတ်ႈ ​ၼွၼ်း​လပ်း​လူၺ်ႈ​ၵၼ်​တင်း​ပူႇ​ၸဝ်ႈ​မွၼ်ႇ​ၸဝ်ႈ​သေ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ တႃႇဝိတ်ႈ ​ၼၼ်ႉ​ဢေႃႈ။-</verse>
				<verse number="11">တႃႇဝိတ်ႈ ​ၼၼ်ႉ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ​သီႇ​သိပ်း​ပီႊ​တဵမ်​တဵမ် ဢၼ်​ဝႃႈ​ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​တီႈ​ဝဵင်း​ ႁေႇပြုၼ်ႇ ၸဵတ်း​ပီႊ၊ ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​သၢမ်​သိပ်း​ပၢႆ​သၢမ်​ပီႊ​ဢေႃႈ။-</verse>
				<verse number="12">သေႃးလမုၼ်ႇ ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ ၸဝ်ႈ​ပေႃႈ​မၼ်း​ တႃႇဝိတ်ႈ ​ၼၼ်ႉ​လႄႈ ဢႃႇၼႃႇ​ၸဝ်ႈ​တႄႇ​ယူႇ​မၼ်ႈ​မၼ်ႈ​ၶိူင်ႇ​ၶိူင်ႇ​ဢေႃႈ။</verse>
				<verse number="13">လိုၼ်း​ၼၼ်ႉ​ ဢတေႃးၼီႉယႃႉ လုၵ်ႈ​ၸၢႆး​ ႁၵ်ႉၵိတ်ႉ ​ၼၼ်ႉ မႃး​ၸူး​ၵႃႈ​တီႈ​ ပႃႇသသေးၽႃႉ ၸဝ်ႈ​မႄႈ​ သေႃးလမုၼ်ႇ ​လႄႈ မၼ်း​ထၢမ်​တီႈ​မၼ်း​ၼၼ်ႉ​လႄႈ​ဝႃႈ၊ မႂ်း​မႃး​လီ​လီ​ငၢမ်း​ငၢမ်း​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ မႃး​လီ​လီ​ငၢမ်း​ငၢမ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ​သမ်ႉ​လၢတ်ႈ​လႄႈ​ဝႃႈ၊-</verse>
				<verse number="14">ၵဝ်​ၶႃႈ​မီး​တီႈ​လၢတ်ႈ​ၸိူဝ်ႉ​ၼိုင်ႈ​ပိူင်​ၼိုင်ႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ လၢတ်ႈ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၸဝ်ႈ​မႄႈ​ႁူႉ​လွင်ႈ​ဢၼ်​သိုင်ႇ​ၸိုင်ႈ​ဝၢၼ်ႈ​မိူင်း​ႁွတ်ႈ​ထိုင် ၵႃႈ​ၼႂ်း​မိုဝ်း​ၵဝ်​ၶႃႈ​လႄႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၽွမ်ႉ​ၵၼ်​ဝၢႆႇ​ၼႃႈ​ၸူး​ၵဝ်​ၶႃႈ ႁႂ်ႈ​ၵဝ်​ၶႃႈ​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​ၼၼ်ႉ​ယူႇ​ၶႃႈ​ဢေႃႈ၊ ၵူၺ်း​ၵႃႈ သိုင်ႇ​ၸိုင်ႈ​ဝၢၼ်ႈ​မိူင်း ငႅၵ်း​ပိူင်ႈ​ၵႂႃႇ​လႄႈ​ႁွတ်ႈ​ထိုင်​ၵႃႈ​ၼႂ်း​မိုဝ်း​ၸဝ်ႈ​ၼွင်ႉ​ၶႃႈ​ယဝ်ႉ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​မီး​ဢလူဝ်ႇ​ၸိူဝ်ႉ​ၼင်ႇ​ၼၼ်​ၶႃႈ​ဢေႃႈ။-</verse>
				<verse number="16">မိူဝ်ႈ​လဵဝ်​ၼႆႉ​ၸိုင်၊ ၵဝ်​ၶႃႈ​ၶႂ်ႈ​ယွၼ်း​ဢဝ်​သူး​သေ​ၸိူဝ်ႉ​သေ​ပိူင်​တီႈ​ၸဝ်ႈ​မႄႈ​ၶႃႈ​ဢေႃႈ။ ယႃႇ​ပေ​ထဵင်​ပႅတ်ႈ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ လၢတ်ႈ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မၼ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၶႅၼ်း​တေႃႈ​လဝ်ႊ​လၢတ်ႈ​ႁႂ်ႈ​ၶုၼ်​လူင်​ သေႃးလမုၼ်ႇ ဢဝ်​ ဢၽီႉသၵ်ႉ ၵူၼ်း​ယိင်း​ဝဵင်း​ သူႉၼိမ်ႇ ​ၼၼ်ႉ ပၼ်​ၵၼ်​တင်း​ၵဝ်​ၶႃႈ​သေ​ၵမ်း။ ၶုၼ်​လူင်​ၼၼ်ႉ​တၵ်း​ဢမ်ႇ​ထဵင်​ပႅတ်ႈ​ၸဝ်ႈ​မႄႈ​လႆႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">ပႃႇသသေးၽႃႉ ​ၶိုၼ်း​လၢတ်ႈ​လႄႈ​ဝႃႈ၊ လီ​ယဝ်ႉ။ တၵ်း​လဝ်ႊ​လၢတ်ႈ​ထိုင်​ႁူ​ၶုၼ်​ႁေႃ​ၶမ်း​ပုၼ်ႈ​မႂ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="19">ပႃႇသသေးၽႃႉ ၵႂႃႇ​ၸူး​ၵႃႈ​တီႈ​ၶုၼ်​လူင်​ သေႃးလမုၼ်ႇ ႁႂ်ႈ​လႆႈ​လဝ်ႊ​လၢတ်ႈ​ထိုင်​ႁူ ၶုၼ်​ႁေႃ​ၶမ်း​ပုၼ်ႈ​ ဢတေႃးၼီႉယႃႉ ​ၼၼ်ႉ​ဢေႃႈ။ ၶုၼ်​ႁေႃ​ၶမ်း​လုၵ်ႉ​ႁႂ်ႈ​လႆႈ​ႁႄႉ​ႁပ်ႉ​ႁူဝ်​တၢင်း​လႄႈ ၵူမ်ႈ​ၵွမ်း​ႁူဝ်​သေ​ယဝ်ႉ၊ ၼင်ႈ​ယူႇ​ၵႃႈ​ၼိူဝ်​ရႃႇၸႃႉ​ပလၢင်ႇ​ၸဝ်ႈ​သေ​လႄႈ၊ ၸီႇ​ယၢင်ႇ​ႁႂ်ႈ​ဢဝ်​ပလၢင်ႇ​ဝႆႉ​ပုၼ်ႈ​ဢၼ်​မႄႈ​ၸဝ်ႈ​တၵ်း​ၼင်ႈ​လႄႈ မၼ်း​ၼၼ်ႉ​ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၸဝ်ႈ​ဢေႃႈ။-</verse>
				<verse number="20">မိူဝ်ႈ​ၼၼ်ႉ​မၼ်း​လဝ်ႊ​လၢတ်ႈ​လႄႈ​ဝႃႈ၊ ၶႂ်ႈ​ယွၼ်း​ဢဝ်​သူး​ဢၼ်​လဵၵ်ႉ​ဢၼ်​ဢွၼ်ႇ​ၸိူဝ်ႉ​ၼိုင်ႈ​ပိူင်​ၼိုင်ႈ​လႄႈ ယႃႇ​ပေ​ထဵင်​ပႅတ်ႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ၸဝ်ႈ​မႄႈ။ ယွၼ်း​သေ​ၵမ်း။ ၵဝ်​ၶႃႈ​တၵ်း​ဢမ်ႇ​ထဵင်​ပႅတ်ႈ​ၶႃႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မၼ်း​ၵေႃႈ​လဝ်ႊ​ယွၼ်း​လႄႈ​ဝႃႈ၊ ၶႅၼ်း​တေႃႈ​ဢဝ်​ ဢၽီႉသၵ်ႉ ၵူၼ်း​ယိင်း​ဝဵင်း​ သူႉၼိမ်ႇ ​ၼၼ်ႉ​ပၼ်​ၵၼ်​တင်း​ပီႈ​ဢၢႆႈ​ၸဝ်ႈ ဢတေႃးၼီႉယႃႉ ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ၶုၼ်​လူင်​ သေႃးလမုၼ်ႇ ​ၶိုၼ်း​လၢတ်ႈ​တီႈ​မႄႈ​ၸဝ်ႈ​လႄႈ​ဝႃႈ၊ ႁဵတ်း​သင်​လႄႈ​ယွၼ်း​ဢဝ်​ ဢၽီႉသၵ်ႉ ၵူၼ်း​ယိင်း​ဝဵင်း​ သူႉၼိမ်ႇ ​ၼၼ်ႉ​ၵူၺ်း​ပုၼ်ႈ​ ဢတေႃးၼီႉယႃႉ ​ၼင်ႇ​ႁိုဝ်။ သိုင်ႇ​ၸိုင်ႈ​ဝၢၼ်ႈ​မိူင်း​ၵေႃႈ​ယွၼ်း​ဢဝ်​ပုၼ်ႈ​မၼ်း​သေ​ၵမ်း။ မၼ်း​ၼၼ်ႉ​ပဵၼ်​ၸဝ်ႈ​ပီႈ​ၵဝ်​ၶႃႈ​ဢေႃႈ။ ယွၼ်း​ဢဝ်​ပုၼ်ႈ​မၼ်း​ဢိၵ်ႇ​တင်း ယိတ်ႈပရေႃးႁဵၵ်ႈ​ ဢႃႇပျႃႇထႃႇ တင်း​ ယႂႃႇၽႃႉ လုၵ်ႈ​ၸၢႆး​ ၸေႇရူႉယႃႇ ​ၸိူဝ်း​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="23">ၶုၼ်​လူင်​ သေႃးလမုၼ်ႇ ဢဝ်​ထႃႇဝရႃႉ​ၽြႃး​တိူင်ႇ​ဝႃႈ​ၵိၼ်ႇ​ဝႃႈ​လႄႈ​ဝႃႈ၊ ပေႃး​တၢင်း​ဢၼ်​ ဢတေႃးၼီႉယႃႉ ယွၼ်း​ၸိူဝ်ႉ​ၼင်ႇ​ၼၼ်​မႅၼ်ႈ​ၼၼ်ႉ ဢမ်ႇ​ပဵၼ်​တၢင်း​ဢၼ်​ႁႂ်ႈ​ဢသၢၵ်ႈ​မၼ်း​တၢႆ​ၸိုင်၊ ယင်း​ဢမ်ႇ​ၵႃး​ဢၼ်​ၼၼ်ႉ​လႄႈ ႁႂ်ႈ​ၽြႃး​ပဵၼ်​ၸဝ်ႈ​ႁဵတ်း​လိူဝ်​တွၼ်း​ၼႃႇ​သေ​ၼၼ်ႉ​တီႈ​ၵဝ်​သေ​ၵမ်း​လူၺ်ႈ။-</verse>
				<verse number="24">ပိူဝ်ႈ​ၼႆ​လႄႈ မိူဝ်ႈ​လဵဝ်​ၼႆႉ​ၸိုင်၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢၼ်​ႁႂ်ႈ​ၵဝ်​မၼ်ႈ​ၶိူင်ႇ​လႄႈ ဢဝ်​ၵဝ်​တၢင်ႇ​ဝႆႉ​ၵႃႈ​ၼိူဝ်​ရႃႇၸႃႉ​ပလၢင်ႇ​ၸဝ်ႈ​ပေႃႈ​ၵဝ်​ တႃႇဝိတ်ႈ ​သေ​လႄႈ ပၼ်​ႁေႃ​တီႈ​ယူႇ​ၵဝ်​မႅၼ်ႈ​ၸွမ်း​ၼင်ႇ​ၵတီႉ​ၸဝ်ႈ​ၼၼ်ႉ ယင်း​ဢသၢၵ်ႈ​လိပ်း​ယူႇ​ၼၼ်ႉ ဢတေႃးၼီႉယႃႉ ​တၵ်း​လႆႈ​ၶၢမ်ႇ​တၢႆ​ဝၼ်း​မိူဝ်ႈ​ၼႆႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">ၶုၼ်​လူင်​ သေႃးလမုၼ်ႇ ပွႆႇ​ၸႂ်ႉ​ ပေႇၼႃႇယႃႉ လုၵ်ႈ​ၸၢႆး​ ယေႃးယတႃႉ ​ၵႂႃႇ​လႄႈ ႁဵတ်း​တီႈ​မၼ်း​ၼၼ်ႉ​ႁႂ်ႈ​ထၼ်ႈ​ပေႃး​တၢႆ​ဢေႃႈ။</verse>
				<verse number="26">တီႈ​ယိတ်ႈပရေႃးႁဵၵ်ႈ​ ဢႃႇပျႃႇထႃႇ ​ၵေႃႈ၊ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ မႂ်း​ၵႂႃႇ​ၸူး​ၵႃႈ​တီႈ​ဝဵင်း​ ဢႃႇၼသုတ်ႉ တီႈ​တူင်ႈ​ၼႃး ဢၼ်​မႂ်း​ပိူင်ႇ​ပုၼ်ႉ​သေ​တႃႉ။ ပိၵ်ႉ​သမ်ႉ​မႂ်း​ထိူၵ်ႈ​ၶၢမ်ႇ​တၢႆ​သေ​ၵေႃႈ၊ ပွၵ်ႈ​ၼႆႉ​ၵဝ်​ဢမ်ႇ​ၸီႇ​ယၢင်ႇ​ႁႂ်ႈ​လႆႈ​တၢႆ။ လွင်ႈ​မၼ်း​ၸမ်ႉ မႂ်း​လႆႈ​ႁၢပ်ႇ​တိူၵ်ႈ​တႃႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ဢွၼ်​ၼႃႈ​ဢွၼ်​ႁူဝ်​ၸဝ်ႈ​ပေႃႈ​ၵဝ်​ တႃႇဝိတ်ႈ ​ၼၼ်ႉ​မႃး​ယဝ်ႉ။ မႂ်း​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ် ၵႃႈ​ၼႂ်း​လွင်ႈ​တၢင်း​ၵႃႈ​ဢၼ်​ၸဝ်ႈ​ပေႃႈ​ၵဝ်​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">သေႃးလမုၼ်ႇ ​ႁေႃႈ​ ဢႃႇပျႃႇထႃႇ ​ဢွၵ်ႇ​သေ​ၵႃႈ​ၼႂ်း​ဢရႃႇ ဢၼ်​လႆႈ​ပဵၼ်​ယိတ်ႈပရေႃးႁဵၵ်ႈ​တီႈ​ထႃႇဝရႃႉ​ၽြႃး ႁႂ်ႈ​ၵႂၢမ်း​ဢၼ်​ထႃႇဝရႃႉ​ၽြႃး ဢဝ်​လွင်ႈ​ၸိူဝ်ႉ​ၶိူဝ်း​ ဢေးလီႉ ​လႄႈ မီး​ဢမိင်ႉ​ဝႆႉ​ၵႃႈ​တီႈ​ဝဵင်း​ သီႉလေႃႇ ​ၼၼ်ႉ လႆႈ​ပျေႉ​ၸုမ်ႇ​ဢေႃႈ။</verse>
				<verse number="28">ယႂႃႇၽႃႉ ​လႆႈ​ငိၼ်း​သတၢင်း​သဵင်​ၶၢဝ်ႇ​ၼၼ်ႉ​သေ​ယဝ်ႉ၊ ပိၵ်ႉ​သမ်ႉ​မၼ်း​ဢမ်ႇ​ၸွမ်း​လင်​ ဢပႃႉသလုမ်ႇ ​သေ​ၵေႃႈ ၵွပ်ႈ​ပိူဝ်ႈ​ဢၼ်​မၼ်း​လႆႈ ၸွမ်း​လင်​ ဢတေႃးၼီႉယႃႉ ​ယဝ်ႉ​လႄႈ ယႂႃႇၽႃႉ ​ၼၼ်ႉ​ပၢႆႈ​ၵႂႃႇ​ၸူး ၵႃႈ​တီႈ​မူဝ်းၵႃႇ​ထႃႇဝရႃႉ​ၽြႃး​လႄႈ ယိပ်း​ၵမ်​ၶဝ်​လႅမ်​ယိတ်ႈပလၢင်ႇ​ယူႇ​ဢေႃႈ။-</verse>
				<verse number="29">ပိူၼ်ႈ​လဝ်ႊ​လၢတ်ႈ​လွင်ႈ​ဢၼ်​ ယႂႃႇၽႃႉ ​ပၢႆႈ​ၵႂႃႇ​ၸူး​ၵႃႈ​တီႈ​မူဝ်းၵႃႇ​ထႃႇဝရႃႉ​ၽြႃး​လႄႈ မီး​ယူႇ​ၵႃႈ​တီႈ​ယိတ်ႈပလၢင်ႇ​ၼၼ်ႉ တီႈ​ၶုၼ်​လူင် သေႃးလမုၼ်ႇ ​ၼၼ်ႉ​လႄႈ သေႃးလမုၼ်ႇ ​ပွႆႇ​ၸႂ်ႉ​ ပေႇၼႃႇယႃႉ လုၵ်ႈ​ၸၢႆး​ ယေႃးယတႃႉ ​ၵႂႃႇ​လႄႈ မီး​ဢမိင်ႉ​ဝႃႈ၊ ၵႂႃႇ​လႄႈ​ႁဵတ်း​တီႈ​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ပေႇၼႃႇယႃႉ ​ၼၼ်ႉ ႁွတ်ႈ​ထိုင်​ၵႃႈ​တီႈ​မူဝ်းၵႃႇ​ထႃႇဝရႃႉ​ၽြႃး​လႄႈ​လၢတ်ႈ​ဝႃႈ၊ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ဢွၵ်ႇ​မႃး​တႃႉ၊ ဝႃႈ​ၼင်ႇ​ၼႆ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​လၢတ်ႈ​လႄႈ​ဝႃႈ၊ ၵဝ်​ဢမ်ႇ​ဢွၵ်ႇ၊ ၵဝ်​တၵ်း​ၶၢမ်ႇ​တၢႆ​ၵႃႈ​တီႈ​ၼႆႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပေႇၼႃႇယႃႉ ​ၵေႃႈ​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ယႂႃႇၽႃႉ ​ၶိုၼ်း​လၢတ်ႈ​ၸိူဝ်ႉ​ၼင်ႇ​ၼႆ​ၸိူဝ်ႉ​ၼင်ႇ​ၼၼ်​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="31">ၶုၼ်​ႁေႃ​ၶမ်း​လၢတ်ႈ​လႄႈ​ဝႃႈ၊ ႁဵတ်း​ၸွမ်း​ၵႃႈ​ၼင်ႇ​ဢၼ်​မၼ်း​ဝႃႈ​ၼၼ်ႉ​သေ​လႄႈ ႁဵတ်း​တီႈ​မၼ်း​လႄႈ ဢဝ်​မၼ်း​သၢင်း​ၵျူဝ်ႇ​ႁႂ်ႈ​မႂ်း​လႆႈ​ပႄႇ​ပႅတ်ႈ​လိူတ်ႈ ဢၼ်​ယင်း​ဢမ်ႇ​မီး​လွင်ႈ​မၼ်း​လႄႈ​ ယႂႃႇၽႃႉ ထွၵ်ႇ​ပႅတ်ႈ​ၼၼ်ႉ​သေ​ၵႃႈ​ၼိူဝ်​ၵဝ် ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​တႃႉ။-</verse>
				<verse number="32">ထႃႇဝရႃႉ​ၽြႃး​တၵ်း​ႁႂ်ႈ​လိူတ်ႈ​မၼ်း​ႁွတ်ႈ​ထိုင်​ၵႃႈ​ၼိူဝ်​ႁူဝ်​မၼ်း ၵွပ်ႈ​ပိူဝ်ႈ​ဢၼ်​ၸဝ်ႈ​ပေႃႈ​ၵဝ်​ တႃႇဝိတ်ႈ ယင်း​ဢမ်ႇ​ႁူႉ​လႄႈ မၼ်း​ဢဝ်​သွင်​ၵေႃႉ​ဢၼ်​ယဵင်ႈ​ၶႅၼ်း​သိုဝ်ႈ​တေႃႇ​မျၢတ်ႈ​လီ​ၼႃႇ​သေ​မၼ်း ဢၼ်​ဝႃႈ​ ဢႃႉပၼႃး ​လုၵ်ႈ​ၸၢႆး​ ၼေးရႃႉ ပူဝ်ႇ​ၶျုၵ်ႈ​ ဢီႉသရေႇလႃႉ တင်း ဢႃႇမသႃႉ ​လုၵ်ႈ​ၸၢႆး​ ယေႇသႃႇ ပူဝ်ႇ​ၶျုၵ်ႈ​ ယူႉတႃႉ ​ၸိူဝ်း​ၼၼ်ႉ​တၢႆ​ၼၼ်ႉ​ဢေႃႈ။-</verse>
				<verse number="33">ၼင်ႇ​ၼၼ်​လႄႈ လိူတ်ႈ​သွင်​ၶႃ​ၼၼ်ႉ​တၵ်း​ႁွတ်ႈ​ထိုင်​ၵႃႈ​ၼိူဝ်​ႁူဝ်​ ယႂႃႇၽႃႉ ၊ ႁူဝ်​လုၵ်ႈ​ႁူဝ်​လၢၼ်​မၼ်း​တင်း​လၢႆ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။ တၢင်း​ဢၼ်​ၼိမ်​ဢၼ်​လီ​ဢၼ်​ထႃႇဝရႃႉ​ၽြႃး​ပၼ်​ၼၼ်ႉ တၵ်း​ႁွတ်ႈ​ထိုင်​ၵႃႈ​ၼိူဝ်​ တႃႇဝိတ်ႈ ​ဢိၵ်ႇ​တင်း​လုၵ်ႈ​ၸဝ်ႈ​လၢၼ်​ၸဝ်ႈ​တင်း​ႁၢင်ႈ​ႁေႃ​ၸဝ်ႈ၊ ရႃႇၸႃႉ​ပလၢင်ႇ​ၸဝ်ႈ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="34">ပေႇၼႃႇယႃႉ ​လုၵ်ႈ​ၸၢႆး​ ယေႃးယတႃႉ ​ၼၼ်ႉ ၶိုၼ်ႈ​ၸူး​လႄႈ​ႁဵတ်း​တီႈ​မၼ်း​ၼၼ်ႉ​ထၼ်ႈ​ပေႃး​တၢႆ​လႄႈ မၼ်း​ၼၼ်ႉ​လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​တီႈ​ႁိူၼ်း​မၼ်း​ၵႃႈ​ၼႂ်း​ထိူၼ်ႇ​ၼၼ်ႉ​ဢေႃႈ။-</verse>
				<verse number="35">ၶုၼ်​ႁေႃ​ၶမ်း​ၶၢၼ်း ပေႇၼႃႇယႃႉ ​လုၵ်ႈ​ၸၢႆး​ ယေႃးယတႃႉ ဝႆႉ​တၢင်​တူဝ်​မၼ်း ၼႂ်း​ဢရႃႇ​ပူဝ်ႇ​ၶျုၵ်ႈ​လႄႈ ယိတ်ႈပရေႃးႁဵၵ်ႈ​ ၸႃႇတုၵ်ႉ ၵေႃႈ ၶုၼ်​ႁေႃ​ၶမ်း​ဢဝ်​ၶၢၼ်း​ဝႆႉ​တၢင်​တူဝ်​ ဢႃႇပျႃႇထႃႇ ​ၼၼ်ႉ​ဢေႃႈ။</verse>
				<verse number="36">လႆႈ​သမ်ႉ ၶုၼ်​ႁေႃ​ၶမ်း​ပွႆႇ​ၸႂ်ႉ​လႄႈ​ႁွင်ႉ​ဢဝ်​ သီႉမီႉ သေ​ယဝ်ႉ မီး​ဢမိင်ႉ​တီႈ​မၼ်း​လႄႈ​ဝႃႈ၊ မႂ်း​တၵ်း​လႆႈ​ႁဵတ်း​ႁိူၼ်း​ၵႃႈ​ၼႂ်း​ဝဵင်း ယေႇရူႉသလႅမ်ႇ ​လႄႈ​ယူႇ​ၵႃႈ​တီႈ​ၼၼ်ႈ​ဢေႃႈ။ ယႃႇ​ပေ​ဢွၵ်ႇ​ၵႃႈ​ၼွၵ်ႈ​လႄႈ​ၵႂႃႇ​ၵႃႈ​တီႈ​လႂ်။-</verse>
				<verse number="37">ႁဵတ်း​သတီႉ​လႄႈ​မၢတ်ႈ​တွင်း​လွင်ႈ​ဢၼ်​မႂ်း​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ်​ၼႂ်း​ဝၼ်း​ဢၼ် မႂ်း​ဢွၵ်ႇ​ၵႃႈ​ၼွၵ်ႈ​လႄႈ ၶၢမ်ႈ​ၼမ်ႉ​ႁွင်ႈ​ ၵီႉတြုၼ်ႇ ​ၼၼ်ႉ​ဝႆႉ​တႃႉ။ လိူတ်ႈ​မႂ်း​တၵ်း​ႁွတ်ႈ​ထိုင်​ၵႃႈ​ၼိူဝ်​ႁူဝ်​မႂ်း​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="38">သီႉမီႉ ​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ဢမိင်ႉ​ၸဝ်ႈ​လီ​တီႈ​ၶႃႈ​ဢေႃႈ။ ၵႃႈ​ၼင်ႇ​ဢၼ်​ၸဝ်ႈ​ၵဝ်​ၶႃႈ​ၸဝ်ႈ​ၶုၼ်​လူင်​မီး​ဢမိင်ႉ​ၼၼ်ႉ၊ ၶႃႈ​ၸဝ်ႈ​ႁဝ်း​တၵ်း​ႁဵတ်း​ၸွမ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ သီႉမီႉ ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​မိုဝ်ႉ​ဝၼ်း​ႁိုင်​ၼႃႇ​ဢေႃႈ။-</verse>
				<verse number="39">ၵူၺ်း​ၵႃႈ မိူဝ်ႈ​ဢၼ်​ပူၼ်ႉ​သေ​သၢမ်​ပီႊ​ယဝ်ႉ​ၼၼ်ႉ​ၸိုင်၊ ၶႃႈ​ သီႉမီႉ ​ၼၼ်ႉ​သွင်​ၵေႃႉ​ဢွၵ်ႇ​ပၢႆႈ​ၵႂႃႇ​ၸူး​ၵႃႈ​တီႈ ဢႃႇၶိတ်ႉ ​လုၵ်ႈ​ၸၢႆး မႃႇၶႃႇ ၶုၼ်​လူင် ၵႃႇသႃႉ ​လႄႈ ပိူၼ်ႈ​မွၵ်ႇ​လၢတ်ႈ​တီႈ​ သီႉမီႉ ​ၼၼ်ႉ​လႄႈ​ဝႃႈ၊ တူၺ်း​ၶႃႈ​လူး၊ ၶႃႈ​ၸဝ်ႈ​ႁဝ်း​ၸိူဝ်း​ၼၼ်ႉ မီး​ယူႇ​ၵႃႈ​တီႈ​ဝဵင်း​ ၵႃႇသႃႉ ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="40">သီႉမီႉ ​လုၵ်ႉ​လႄႈ​ႁၢင်ႈ​ၵွပ်း​လီႈ​မၼ်း​သေ​လႄႈ ၵႂႃႇ​ၵႃႈ​တီႈ​ဝဵင်း​ ၵႃႇသႃႉ ​ၸူး​ၵႃႈ​တီႈ ဢႃႇၶိတ်ႉ ႁႂ်ႈ​လႆႈ​ႁႃ​ၶႃႈ​မၼ်း​ၸိူဝ်း​ၼၼ်ႉ​လႄႈ ႁွင်ႉ​ဢဝ်​ၶႃႈ​မၼ်း​ၸိူဝ်း​ၼၼ်ႉ​သေ​ၵႃႈ​တီႈ ဝဵင်း​ ၵႃႇသႃႉ ​ၼၼ်ႉ ၶိုၼ်း​မႃး​ဢေႃႈ။-</verse>
				<verse number="41">မိူဝ်ႈ​ဢၼ်​ သေႃးလမုၼ်ႇ ​ငိၼ်း​လွင်ႈ​ဢၼ်​ သီႉမီႉ ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵႂႃႇ​ၵႃႈ​တီႈ​ဝဵင်း​ ၵႃႇသႃႉ ​လႄႈ ၶိုၼ်း​မႃး​ၼၼ်ႉ​ၸိုင်၊-</verse>
				<verse number="42">ၶုၼ်​လူင်​ၼၼ်ႉ​ပွႆႇ​ၸႂ်ႉ​လႄႈ ႁွင်ႉ​ဢဝ်​ သီႉမီႉ ​သေ​လႄႈ မီး​ဢမိင်ႉ​လႄႈ​ဝႃႈ၊ ၵဝ်​ႁႂ်ႈ​မႂ်း​ဢဝ်​ထႃႇဝရႃႉ​ၽြႃး​တိူင်ႇ​ဝႃႈ​ၵိၼ်ႇ​ဝႃႈ​လႄႈ ပၼ်​သတီႉ​ဝႆႉ​တီႈ​မႂ်း​လႄႈ​ဝႃႈ၊ ႁဵတ်း​သတီႉ​လႄႈ​မၢတ်ႈ​တွင်း​လွင်ႈ​ဢၼ်​မႂ်း​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢမၢၼ်ႇ​ၶၼ်​ပဵၼ် ၼႂ်း​ဝၼ်း​ဢၼ်​မႂ်း​ဢွၵ်ႇ​ၵႃႈ​ၼွၵ်ႈ​လႄႈ ၵႂႃႇ​တၢင်ႇ​တီႈ​တၢင်ႇ​လႅၼ်​ၼၼ်ႉ​ဝႆႉ​တႃႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ​ဢမ်ႇ​ၸႂ်ႈ​ႁိုဝ်။ မႂ်း​ၵေႃႈ​ႁပ်ႉ​တုင်း​ဢဝ်​လႄႈ​ဝႃႈ၊ ဢမိင်ႉ​ၸဝ်ႈ​ဢၼ်​ၶႃႈ​ၸဝ်ႈ​လႆႈ​ငိၼ်း​ၼၼ်ႉ​လီ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="43">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​မႂ်း​ဢမ်ႇ​ပႂ်ႉ​သဵတ်ႈ​ၸႃႇ​ထႃႇဝရႃႉ​ၽြႃး ဢိၵ်ႇ​တင်း​ပိင်း​ၺၢပ်ႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="44">ၶုၼ်​ႁေႃ​ၶမ်း​သမ်ႉ​မီး​ဢမိင်ႉ​တီႈ​ သီႉမီႉ ​ထႅင်ႈ​လႄႈ​ဝႃႈ၊ မႂ်း​ႁူႉ​တူႉ​ၸရိူၵ်ႈ​ၵႃႈ​မီး​ဢၼ်​မႂ်း​ယၢမ်ႈ​လႆႈ​ႁဵတ်း​တီႈ​ၸဝ်ႈ​ပေႃႈ​ၵဝ်​ တႃႇဝိတ်ႈ ၸွမ်း​ၵႃႈ​ၼင်ႇ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​မႂ်း​ၼၼ်ႉ​ယူႇ​ဢေႃႈ။ ပိူဝ်ႈ​ၼႆ​လႄႈ ထႃႇဝရႃႉ​ၽြႃး​တၵ်း​ႁႂ်ႈ​တူႉ​ၸရိူၵ်ႈ​ဢပႅတ်ႈ​မႂ်း ႁွတ်ႈ​ထိုင်​ၵႃႈ​ၼိူဝ်​ႁူဝ်​မႂ်း​ဢေႃႈ။-</verse>
			</chapter>
			<chapter number="3">
				<verse number="1">သေႃးလမုၼ်ႇ ​ၼၼ်ႉ​ႁဵတ်း​ၵေႃႉ​ႁဵတ်း​သေႈ​ၵၼ်​တင်း​ၶုၼ်​ႁေႃ​ၶမ်း​ ၽႃႇရေႃး ​မိူင်း​ ဢေႇၵိပ်ႉတူႉ ​ယူႇ​သေ​လႄႈ ပဵၼ်​ၵူပ်ႉ​ပဵၼ်​ၵူႈ​လူၺ်ႈ​ၵၼ်​တင်း​လုၵ်ႈ​ယိင်း​ၸဝ်ႈ​ ၽႃႇရေႃး ​ၼၼ်ႉ​လႄႈ ပၼ်​တီႈ​ယူႇ​တီႈ​သဝ်း ၵႃႈ​ၼႂ်း​ဝဵင်း​ တႃႇဝိတ်ႈ တေႃႇ​ထိုင်​ႁွတ်ႈ​မၼ်း​တႄႇ​ႁဵတ်း​ႁေႃ​ၸဝ်ႈ ဢိၵ်ႇ​တင်း​ႁိူၼ်း​ထႃႇဝရႃႉ​ၽြႃး တင်း​လမ်း​ဝဵင်း​ ယေႇရူႉသလႅမ်ႇ ဢၼ်​လဵပ်ႈ​ၸွမ်း​ႁိမ်း​မၼ်း​ၼၼ်ႉ​ထၼ်ႈ​ပေႃး​ယဝ်ႉ​တူဝ်ႈ​ယဝ်ႉ​ၼၼ်ႉ​ဢေႃႈ။-</verse>
				<verse number="2">မိူဝ်ႈ​ၼၼ်ႉ ၵွပ်ႈ​ပိူဝ်ႈ​ဢၼ်​ဢမ်ႇ​ပႆႇ​တႄႇ​ပႆႇ​ႁဵတ်း​ႁိူၼ်း​ၸဝ်ႈ ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ၼၼ်ႉ​လႄႈ ၵူၼ်း​တင်း​လၢႆ​ၸင်ႇ​ပုၵ်ႈ​ၸေႃႇ​ယိတ်ႈ​ၵႃႈ​ၼိူဝ်​ထႃႇၼႃႉ​တီႈ​သုင်​တင်း​လၢႆ​ဢေႃႈ။-</verse>
				<verse number="3">သေႃးလမုၼ်ႇ ​ၼၼ်ႉ​ႁၵ်ႉ​ထႃႇဝရႃႉ​ၽြႃး​လႄႈ ၸၢင်ႈ​ပႂ်ႉ​ၵမ်​ပႂ်ႉ​ၸွမ်း​ထုင်း​ၽိင်ႈ​ဢၼ်​ၸဝ်ႈ​ပေႃႈ​မၼ်း​ တႃႇဝိတ်ႈ ​ႁဵတ်း​ဝႆႉ​ၸိူဝ်း​ၼၼ်ႉ​ဢေႃႈ။ ၵူၺ်း​ၵႃႈ​မၼ်း​ပုၵ်ႈ​ၸေႃႇ​ယိတ်ႈ​လႄႈ ဢဝ်​ၽႆး​တုတ်ႇ​ၼၢမ်ႇ​သႃႇ​ၵႃႈ​ၼိူဝ်​ထႃႇၼႃႉ​တီႈ​သုင်​ၸိူဝ်း​ၼၼ်ႉ​ဢေႃႈ။</verse>
				<verse number="4">ၽဝ်ႇ​ၼိုင်ႈ ၶုၼ်​ႁေႃ​ၶမ်း​ၵႂႃႇ​ၵႃႈ​တီႈ​ဝဵင်း​ ၵီႉပွင်ႇ ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​ၵႃႈ​တီႈ​ၼၼ်ႈ ၵွပ်ႈ​ပိူဝ်ႈ​ဢၼ်​ထႃႇၼႃႉ​တီႈ​သုင်​ဢၼ်​မျၢတ်ႈ​ၼႃႇ​လူင်​လၢင် မီး​ၵႃႈ​တီႈ​ၼၼ်ႈ​ၼၼ်ႉ​လႄႈ သေႃးလမုၼ်ႇ ​ဢဝ်​ယိတ်ႈ​ဢၼ်​တုတ်ႇ​ၽႆး​ႁဵင်​ၼိုင်ႈ ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။</verse>
				<verse number="5">ထႃႇဝရႃႉ​ၽြႃး​ပေႃႇ​မႃး​တီႈ​ သေႃးလမုၼ်ႇ ၵႃႈ​ၼႂ်း​တၢင်း​ဢၼ်​ၼွၼ်း​ၽၼ်​ႁၼ်​ၶိင်ႇ​ၵၢင်​ၶိုၼ်း ၵႃႈ​ၼႂ်း​ဝဵင်း​ ၵီႉပွင်ႇ ​ၼၼ်ႉ​လႄႈ ၽြႃး​ပဵၼ်​ၸဝ်ႈ​မီး​ဢမိင်ႉ​လႄႈ​ဝႃႈ၊ ယွၼ်း​ဢဝ်​သူး​ဢၼ်​ၵဝ်​တၵ်း​လႆႈ​ပၼ်​တီႈ​မႂ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">သေႃးလမုၼ်ႇ ​ၵေႃႈ​လဝ်ႊ​ယွၼ်း​လႄႈ​ဝႃႈ၊ ၸဝ်ႈ​ႁဝ်း​ႁဵတ်း​ၵျေး​ၸူး​ၼမ်​ၼႃႇ​လူင်​လၢင်​တီႈ​ၶႃႈ​ၸဝ်ႈ​ႁဝ်း​ တႃႇဝိတ်ႈ ဢၼ်​ပဵၼ်​ပေႃႈ​ၶႃႈ​ၸဝ်ႈ​ႁဝ်း​ၼႆႉ​ၼၼ်ႉ ၸွမ်း​ၵႃႈ​ၼင်ႇ​ဢၼ်​မၼ်း​ၵႂႃႇ​မႃး​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း မႅၼ်ႈ​ၸွမ်း​ၼင်ႇ​သမ်ႇမႃႇ​တြႃး၊ တြႃး​တၢင်း​ဢၼ်​သိုဝ်ႈ​တေႃႇ၊ တြႃး​တၢင်း​ဢၼ်​ပႃး​ႁူဝ်​ၸႂ်​သေ​လႄႈ​ၵမ်​ၵျၢင်ႉ​သိုဝ်ႈ​သိုဝ်ႈ​ယူဝ်း​ယူဝ်း​ၼၼ်ႉ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ပႂ်ႉ​ၸွမ်း​ၵျေး​ၸူး​တြႃး​ပုၼ်ႈ​မၼ်း ၼႂ်း​လွင်ႈ​ဢၼ်​ၸဝ်ႈ​ႁဝ်း​ဢဵတ်း​လူ​ပၼ်​လုၵ်ႈ​ၸၢႆး​ဢၼ်​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​မၼ်း ၵႃႈ​ၼင်ႇ​ဢၼ်​မီး​ဝၼ်း​မိူဝ်ႈ​ၼႆႉ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="7">မိူဝ်ႈ​လဵဝ်​ၼႆႉ​ၸိုင်၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၸဝ်ႈ​ႁဝ်း​ၶၢၼ်း​ၶႃႈ​ၸဝ်ႈ​ႁဝ်း​ၼႆႉ ဝႆႉ​ႁႂ်ႈ​ပဵၼ်​ၶုၼ်​ႁေႃ​ၶမ်း​တၢင်​တူဝ်​ပေႃႈ​ၶႃႈ​ၸဝ်ႈ​ႁဝ်း​ တႃႇဝိတ်ႈ ​ၼၼ်ႉ​တီႈ​ၶႃႈ​ယဝ်ႉ။ ၵူၺ်း​ၵႃႈ​ၶႃႈ​ၸဝ်ႈ​ႁဝ်း​ၼႆႉ​ပဵၼ်​လုၵ်ႈ​ဢွၼ်ႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၼႆႉ​ဢမ်ႇ​တၢတ်ႈ​ၼိူင်ႇ​လႆႈ​လွင်ႈ​ဢၼ်​ၶဝ်ႈ​ဢၼ်​ဢွၵ်ႇ​ၼၼ်ႉ​တီႈ​ၶႃႈ။-</verse>
				<verse number="8">ၶႃႈ​ၸဝ်ႈ​ႁဝ်း​ၼႆႉ မီး​ယူႇ​ၵႃႈ​ၼႂ်း​ၵၢင်​ၵူၼ်း​ၸဝ်ႈ​ႁဝ်း ဢၼ်​ၸဝ်ႈ​ႁဝ်း​လိူၵ်ႈ​ၵဵပ်း​ဢဝ်​ဢၼ်​ဝႃႈ ၵူၼ်း​မဵဝ်း​ဢၼ်​ယႂ်ႇ​ဢၼ်​လူင် ဢၼ်​ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ၼမ်​ၼႃႇ​လူင်​လၢင်​ၸိူဝ်း​ၼႆႉ​တီႈ​ၶႃႈ​ဢေႃႈ။-</verse>
				<verse number="9">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၶႅၼ်း​တေႃႈ​ဢဵတ်း​လူ​ပၼ်​ႁူဝ်​ၸႂ်​ဢၼ်​မီး​ၺၢၼ်ႇ​ပုၼ်ႈ​ဢၼ်​ၶႃႈ​ၸဝ်ႈ​ႁဝ်း​ၼႆႉ တၵ်း​ၸီႇ​ယၢင်ႇ​တြႃး​တီႈ​ၵူၼ်း​ၸဝ်ႈ​ႁဝ်း​တင်း​လၢႆ ႁႂ်ႈ​ၶႃႈ​ၸဝ်ႈ​ႁဝ်း​ၼႆႉ ၸၢင်ႈ​ၸၵ်း​ၽႄ​လႄႈ ႁူႉ​လွင်ႈ​ဢၼ်​လီ​ဢၼ်​ဢမ်ႇ​လီ​ၼၼ်ႉ​သေ​ၵမ်း​တီႈ​ၶႃႈ။ ၽူႈ​လႂ်​တၵ်း​တၢတ်ႈ​ၼိူင်ႇ​ႁႂ်ႈ​လႆႈ​ၸီႇ​ယၢင်ႇ​တြႃး​တီႈ​ၵူၼ်း​ၸဝ်ႈ​ႁဝ်း​ဢၼ်​ၼမ်​ၼႃႇ​လူင်​လၢင်​ထၢၼ်ႇ​ၼႆႉ​ၸိူဝ်း​ၼၼ်ႉ​လႆႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၵႂၢမ်း​ဢၼ်​ သေႃးလမုၼ်ႇ ​လဝ်ႊ​ယွၼ်း​ၸိူဝ်ႉ​ၼင်ႇ​ၼၼ်​ၼၼ်ႉ ထုၵ်ႇ​ၸႂ်​ၵျိူၵ်ႈ​ၸႂ်​ထႃႇဝရႃႉ​ၽြႃး​လႄႈ၊-</verse>
				<verse number="11">ၽြႃး​ပဵၼ်​ၸဝ်ႈ​မီး​ဢမိင်ႉ​တီႈ​မၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​ယွၼ်း​ဢဝ်​ဢၼ်​ၼႆႉ​ၵူၺ်း၊ ယင်း​ဢမ်ႇ​ယွၼ်း​ဢဝ်​ၸူဝ်ႈ​ဢသၢၵ်ႈ​ဢၼ်​ယၢဝ်း​ဢၼ်​ယိုၼ်း၊ ဢမ်ႇ​ယွၼ်း​ဢဝ်​ၸေး​ၸိမ်ႇ၊ ဢမ်ႇ​ယွၼ်း​ဢဝ်​ဢသၢၵ်ႈ​ရၢၼ်ႇ​သူႇ​မႂ်း​လႄႈ လဝ်ႊ​ယွၼ်း​ဢဝ်​ၺၢၼ်ႇ​ဢၼ်​တၢတ်ႈ​ၼိူင်ႇ​ႁႂ်ႈ​လႆႈ​ၸီႇ​ယၢင်ႇ​တြႃး​လႆႈ​ၼၼ်ႉ​ၵူၺ်း​ပုၼ်ႈ​တူဝ်​ၸဝ်ႈ​ၵဝ်ႇ​ၼၼ်ႉ​လႄႈ၊-</verse>
				<verse number="12">ၵဝ်​ပၼ်​ၸွမ်း​ၵႃႈ​ၼင်ႇ​ဢၼ်​မႂ်း​လဝ်ႊ​ယွၼ်း​ဢဝ်​ၼၼ်ႉ​ဢေႃႈ။ ၵဝ်​ပၼ်​ၸႂ်​ဝီႉၺိၺ်ႇ​ဢၼ်​ပျေႉ​ၸုမ်ႇ​ဝႆႉ​တင်း​တၢင်း​လၵ်း​တၢင်း​လႅမ်၊ ၺၢၼ်ႇ​ထၼ်ႈ​ပေႃး​ၵေႃႉ​ဢၼ်​မိူၼ်​ၵၼ်​တင်း​မႂ်း ဢမ်ႇ​မီး​မိူဝ်ႈ​ဢွၼ်​တၢင်း​မႂ်း​လႄႈ မိူဝ်ႈ​ၵမ်း​လိုၼ်း​မႂ်း​ၼၼ်ႉ​ၵေႃႈ ဢမ်ႇ​မီး​သေ​ၵေႃႉ​သေ​ၵူၼ်း​ၼၼ်ႉ​တီႈ​မႂ်း​ဢေႃႈ။-</verse>
				<verse number="13">ၼွၵ်ႈ​သေ​ၼႆႉ ၵဝ်​ပၼ်​သူး​ဢၼ်​မႂ်း​ဢမ်ႇ​ယွၼ်း​ဢၼ်​ဝႃႈ ၸေး​ၸိမ်ႇ​ဢုၵ်ႉ​ၸႃႇ၊ မုၼ်​ၵုင်ႇ​သရေႇ​ထၼ်ႈ​ပေႃး​ၶုၼ်​ႁေႃ​ၶမ်း ဢၼ်​မိူၼ်​ၵၼ်​တင်း​မႂ်း တၵ်း​ဢမ်ႇ​ပေႃႇ​ဢမ်ႇ​မီး​ၼႂ်း​ၸူဝ်ႈ​ပၢၼ်​မႂ်း​ၼၼ်ႉ​တီႈ​မႂ်း​ဢေႃႈ။-</verse>
				<verse number="14">ပေႃး​မႂ်း​ၸွမ်း​သဵၼ်ႈ​တၢင်း​ၵဝ်​ယူႇ​လႄႈ ပႂ်ႉ​ၵမ်​ပႂ်ႉ​ၸွမ်း​ထုင်း​ၽိင်ႈ​တြႃး​ၵဝ် ဢိၵ်ႇ​တင်း​လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ​တင်း​လၢႆ​ၼၼ်ႉ​ယူႇ မိူၼ်​ၸိူဝ်ႉ​ၼင်ႇ​ဢၼ်​ပေႃႈ​မႂ်း​ တႃႇဝိတ်ႈ ​ၵမ်​ၵျၢင်ႉ​ၼၼ်ႉ​ၸိုင်၊ ၵဝ်​တၵ်း​ႁႂ်ႈ​ၸူဝ်ႈ​ဢသၢၵ်ႈ​မႂ်း​ယၢဝ်း​ယိုၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">သေႃးလမုၼ်ႇ ​တိုၼ်ႇ​မႃး​လႄႈ ႁူႉ​ပဵၼ်​တၢင်း​ဢၼ်​ၼွၼ်း​ၽၼ်​ႁၼ်​ၼၼ်ႉ​ဢေႃႈ။ လႆႈ​သမ်ႉ မၼ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​သေ​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​လႂ်၊ ယိတ်ႈ​မိၵ်ႉသႃႇႁႃယႃႉ​လႂ် လႄႈ​ႁဵတ်း​ပွႆး​ပုၼ်ႈ​ၶႃႈ​မၼ်း​ၵူၼ်း​မၼ်း​တင်း​သဵင်ႈ​တင်း​လူင်​ဢေႃႈ။</verse>
				<verse number="16">ၽဝ်ႇ​ၼိုင်ႈ မႄႈ​မွၵ်ႇ​ယႃႈ​သွင်​ၵေႃႉ ဢွၼ်​ၵၼ်​မႃး​ၸူး​တီႈ​ၶုၼ်​ႁေႃ​ၶမ်း​လႄႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​သေ​ယဝ်ႉ၊-</verse>
				<verse number="17">မႄႈ​ယိင်း​ၵေႃႉ​ၼိုင်ႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​တီႈ​ၶႃႈ၊ ၶိင်း​ပဵၼ်​ၶႃႈ​ၸဝ်ႈ​ႁဝ်း​ဢိၵ်ႇ​တင်း​မႄႈ​ယိင်း​ၵေႃႉ​ၼႆႉ ယူႇ​ႁိူၼ်း​လဵဝ်​ၵၼ်​တီႈ​ၶႃႈ​ဢေႃႈ။ ယူႇ​ႁိူၼ်း​လဵဝ်​ၵၼ်​ယူႇ​သေ​လႄႈ ၶိင်း​ပဵၼ်​ၶႃႈ​ၸဝ်ႈ​ႁဝ်း​ၵိူတ်ႇ​လဵင်ႉ​လုၵ်ႈ​မႃး​တီႈ​ၶႃႈ​ဢေႃႈ။-</verse>
				<verse number="18">လိုၼ်း​သေ​ဢၼ်​ၶိင်း​ပဵၼ်​ၶႃႈ​ၸဝ်ႈ​ႁဝ်း​ၼႆႉ​ၵိူတ်ႇ​လဵင်ႉ​ယဝ်ႉ​ၼၼ်ႉ၊ ပူၼ်ႉ​သၢမ်​ဝၼ်း​သေ​ယဝ်ႉ၊ မႄႈ​ယိင်း​ၼႆႉ​ၵိူတ်ႇ​လဵင်ႉ​လုၵ်ႈ​လႄႈ ၶိူဝ်​ၶႃ​မီး​လူၺ်ႈ​ၵၼ်​တီႈ​ၶႃႈ​ဢေႃႈ။ ၵႃႈ​တီႈ​ႁိူၼ်း​ၼၼ်ႉ​ဢမ်ႇ​မီး​ၶႅၵ်ႇ​သေ​ၵေႃႉ​သေ​ၵူၼ်း​တီႈ​ၶႃႈ။ မီး​ၶႃႈ​ၸဝ်ႈ​ႁဝ်း​သွင်​ၵေႃႉ​ၵူၺ်း​တီႈ​ၶႃႈ​ဢေႃႈ။-</verse>
				<verse number="19">လုၵ်ႈ​ဢွၼ်ႇ​မႄႈ​ယိင်း​ၼႆႉ​တၢႆ ၶိင်ႇ​ၵၢင်​ၶိုၼ်း ၵွပ်ႈ​ပိူဝ်ႈ​ဢၼ်​မၼ်း​ၼွၼ်း​လႄႈ တဵင်​မႅၼ်ႈ​လုၵ်ႈ​ဢွၼ်ႇ​မၼ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="20">ၶိင်ႇ​တဵင်ႈ​ၶိုၼ်း​ၼၼ်ႉ မၼ်း​လုၵ်ႉ​လႄႈ​ဢဝ်​လုၵ်ႈ​ဢွၼ်ႇ​ၶိင်း​ပဵၼ်​ၶႃႈ​ၸဝ်ႈ​ႁဝ်း ၼႂ်း​မိူဝ်ႈ​ဢၼ်​ၶိင်း​ပဵၼ်​ၶႃႈ​ၸဝ်ႈ​ႁဝ်း ယင်း​တိုၵ်ႉ​ၼွၼ်း​လပ်း​ယူႇ​ၼၼ်ႉ​သေ​လႄႈ ဝႆႉ​ၵႃႈ​ၼႂ်း​ဝၢင်ႈ​ႁူဝ်​ဢူၵ်း​မၼ်း​တီႈ​ၶႃႈ​ဢေႃႈ။ တူဝ်​တၢႆ​လုၵ်ႈ​ဢွၼ်ႇ​မၼ်း​ၼၼ်ႉ​ၸမ်ႉ၊ မၼ်း​ဢဝ်​ဝႆႉ​ၵႃႈ​ၼႂ်း​ဝၢင်ႈ​ႁူဝ်​ဢူၵ်း​ၶိင်း​ပဵၼ်​ၶႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="21">ၶိင်ႇ​ၵၢင်​ၼႂ်၊ မိူဝ်ႈ​ဢၼ်​ၶိင်း​ပဵၼ်​ၶႃႈ​ၸဝ်ႈ​ႁဝ်း​လုၵ်ႉ​ႁႂ်ႈ​လႆႈ​ပၼ်​ၵိၼ်​ၼူမ်း​လုၵ်ႈ​ဢွၼ်ႇ​ၼၼ်ႉ​ၸိုင်၊ ပဵၼ်​ဢၼ်​တၢႆ​ဝႆႉ​တီႈ​ၶႃႈ​ဢေႃႈ။ ၵူၺ်း​ၵႃႈ မိူဝ်ႈ​ဢၼ်​ၶိင်း​ပဵၼ်​ၶႃႈ​ၸဝ်ႈ​ႁဝ်း​လူ​တူၺ်း​လုၵ်ႈ​ဢွၼ်ႇ​ၼၼ်ႉ​လီ​လီ​ငၢမ်း​ငၢမ်း​ၼၼ်ႉ​ၸိုင်၊ ဢမ်ႇ​ၸႂ်ႈ​လုၵ်ႈ​ဢွၼ်ႇ​ဢၼ် ၶိင်း​ပဵၼ်​ၶႃႈ​ၸဝ်ႈ​ႁဝ်း​ၵိူတ်ႇ​လဵင်ႉ​မႃး​ၼၼ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">မႄႈ​ယိင်း​တၢင်ႇ​ၵေႃႉ​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ။ လုၵ်ႈ​ဢွၼ်ႇ​ဢၼ်​ဢသၢၵ်ႈ​လိပ်း​ၼၼ်ႉ​ပဵၼ်​လုၵ်ႈ​ၸၢႆး​ၵဝ်​ဢိူဝ်ႈ။ လုၵ်ႈ​ဢွၼ်ႇ​ဢၼ်​တၢႆ​ၼၼ်ႉ​ပဵၼ်​လုၵ်ႈ​ၸၢႆး​မႂ်း​ဢိူဝ်ႈ၊ ဝႃႈ​ၼင်ႇ​ၼႆ​ဢေႃႈ။ မႄႈ​ယိင်း​ဢွၼ်​တၢင်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၸိူဝ်ႉ​ၼင်ႇ​ၼၼ်။ လုၵ်ႈ​ဢွၼ်ႇ​ဢၼ်​တၢႆ​ၼၼ်ႉ​ပဵၼ်​လုၵ်ႈ​ၸၢႆး​မႂ်း​ဢိူဝ်ႈ။ လုၵ်ႈ​ဢွၼ်ႇ​ဢၼ်​ဢသၢၵ်ႈ​လိပ်း​ၼၼ်ႉ​ပဵၼ်​လုၵ်ႈ​ၸၢႆး​ၵဝ်​ဢိူဝ်ႈ၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ​သွင်​ၶႃ​လဝ်ႊ​လၢတ်ႈ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​သေ​ယဝ်ႉ၊-</verse>
				<verse number="23">ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ မႄႈ​ယိင်း​ၵေႃႉ​ၼိုင်ႈ​ဝႃႈ၊ လုၵ်ႈ​ဢွၼ်ႇ​ဢၼ်​ဢသၢၵ်ႈ​လိပ်း​ၼၼ်ႉ ပဵၼ်​လုၵ်ႈ​ၸၢႆး​ၵဝ်​ဢိူဝ်ႈ။ လုၵ်ႈ​ဢွၼ်ႇ​ဢၼ်​တၢႆ​ၼၼ်ႉ​ပဵၼ်​လုၵ်ႈ​ၸၢႆး​မႂ်း​ဢိူဝ်ႈ၊ ဝႃႈ​ၼင်ႇ​ၼႆ​လႄႈ ၵေႃႉ​ၼိုင်ႈ​ဝႃႈ၊ ဢမ်ႇ​ၸႂ်ႈ​ၸိူဝ်ႉ​ၼင်ႇ​ၼၼ်။ လုၵ်ႈ​ၸၢႆး​မႂ်း​တၢႆ​ယဝ်ႉ။ လုၵ်ႈ​ၸၢႆး​ၵဝ် ဢသၢၵ်ႈ​လိပ်း​ယူႇ​ဢိူဝ်ႈ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="24">ၶုၼ်​ႁေႃ​ၶမ်း​သမ်ႉ မီး​ဢမိင်ႉ​လႄႈ​ဝႃႈ၊ ဢဝ်​လၢပ်ႇ​မႃး​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ဢဝ်​လၢပ်ႇ​မႃး​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="25">ၶုၼ်​ႁေႃ​ၶမ်း​ၵေႃႈ မီး​ဢမိင်ႉ​လႄႈ​ဝႃႈ၊ ၽႃႇ​လုၵ်ႈ​ဢွၼ်ႇ​ဢၼ်​ဢသၢၵ်ႈ​လိပ်း​ၼၼ်ႉ​သေ​လႄႈ ပၼ်​တီႈ​မႄႈ​ယိင်း​သွင်​ၵေႃႉ​ၼႆႉ ယေႈ​ၵေႃႉ​ယေႈ​ၶိုင်ႈ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="26">မႄႈ​လုၵ်ႈ​ဢွၼ်ႇ​ဢၼ်​ဢသၢၵ်ႈ​လိပ်း​ၼၼ်ႉ ဢဵတ်း​လူ​လုၵ်ႈ​ဢွၼ်ႇ​မၼ်း​ၼႃႇ​လူင်​လၢင်​လႄႈ တွင်း​ပၢၼ်ႇ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၸဝ်ႈ​တီႈ​ၶႃႈ၊ ဢဝ်​လုၵ်ႈ​ဢွၼ်ႇ​ဢၼ်​ဢသၢၵ်ႈ​လိပ်း​ၼႆႉ​ပၼ်​တီႈ​မႄႈ​ယိင်း​ၼႆႉ​သေ​ၵမ်း​တီႈ​ၶႃႈ။ ယႃႇ​ပေ​ဢဝ်​မၼ်း​တၢႆ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မႄႈ​ယိင်း​တၢင်ႇ​ၵေႃႉ​ၼၼ်ႉ​လၢတ်ႈ​လႄႈ​ဝႃႈ၊ ယႃႇ​ပေ​ႁႂ်ႈ​မၼ်း​ပဵၼ်​ပုၼ်ႈ​ၵဝ်​ၵူၺ်း​ၵူၺ်း။ ယႃႇ​ပေ​ႁႂ်ႈ​မၼ်း​ပဵၼ်​ပုၼ်ႈ​မႂ်း​ၵူၺ်း​ၵူၺ်း။ ႁႂ်ႈ​ၽႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မိူဝ်ႈ​ၼၼ်ႉ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ဢဝ်​လုၵ်ႈ​ဢွၼ်ႇ​ဢၼ်​ဢသၢၵ်ႈ​လိပ်း​ၼၼ်ႉ ပၼ်​တီႈ​မႄႈ​ယိင်း​ဢၼ်​ဢွၼ်​တၢင်း​ၼၼ်ႉ​တႃႉ။ ယႃႇ​ပေ​ဢဝ်​မၼ်း​တၢႆ၊ မၼ်း​ၼၼ်ႉ​ၸႂ်ႈ​မႄႈ​မၼ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႆႈ​ႁူႉ​လႆႈ​ငိၼ်း​လွင်ႈ​တၢင်း​ဢၼ် ၶုၼ်​ႁေႃ​ၶမ်း​ၸီႇ​ယၢင်ႇ​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ရူဝ်ႇ​သေႇ​ၵူဝ်​ယမ်​ၶုၼ်​ႁေႃ​ၶမ်း​ၵွပ်ႈ​ပိူဝ်ႈ​ဢၼ် ၶဝ်​ႁူႉ​ႁၼ်​လွင်ႈ​ဢၼ်​ၶုၼ်​ႁေႃ​ၶမ်း​ပျေႉ​ၸုမ်ႇ​ဝႆႉ​တင်း​ၺၢၼ်ႇ ဢၼ်​ၽြႃး​ပဵၼ်​ၸဝ်ႈ​ပၼ်​ႁႂ်ႈ​လႆႈ​ၸီႇ​ယၢင်ႇ​တြႃး​ၼၼ်ႉ​ဢေႃႈ။</verse>
			</chapter>
			<chapter number="4">
				<verse number="1">ၶုၼ်​လူင်​ သေႃးလမုၼ်ႇ ​ၼၼ်ႉ​ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ​တင်း​သဵင်ႈ​တင်း​မူတ်း​လႄႈ​ယူႇ​ဢေႃႈ။-</verse>
				<verse number="2">မူး​မၢတ်ႈ​ၽွင်း​မိူင်း​ၸဝ်ႈ​တင်း​လၢႆ​ၸမ်ႉ၊ ပဵၼ်​ ဢႃႇၸရီႉ ​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ၸႃႇတုၵ်ႉ ၊-</verse>
				<verse number="3">ဢေးလီႉႁေႃႇရိပ်ႉ တင်း​ ဢႁီႉယႃႉ ​လုၵ်ႈ​ၸၢႆး​ သီႇသႃႉ ​ၸိူဝ်း​ၼၼ်ႉ ပဵၼ်​ၸရေး​လူင်​ၸဝ်ႈ​ဢေႃႈ။ ယူဝ်းသၽတ်ႉ ​လုၵ်ႈ​ၸၢႆး​ ဢႁီႉလုတ်ႉ ​ၼၼ်ႉ ပဵၼ်​ဢတႂၢင်းဝုၼ်ႇ​ဢေႃႈ။-</verse>
				<verse number="4">ပေႇၼႃႇယႃႉ ​လုၵ်ႈ​ၸၢႆး​ ယေႃးယတႃႉ ​ၼၼ်ႉ ပဵၼ်​ၶုၼ်​ပူဝ်ႇ​ၶျုၵ်ႈ​ဢေႃႈ။ ၸႃႇတုၵ်ႉ တင်း​ ဢႃႇပျႃႇထႃႇ ​ၸိူဝ်း​ၼၼ်ႉ ပဵၼ် ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="5">ဢႃႇၸရီႉ ​လုၵ်ႈ​ၸၢႆး​ ၼႃႇသၼ်ႇ ​ၼၼ်ႉ ပဵၼ်​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ဝုၼ်ႇ​တင်း​လၢႆ​ဢေႃႈ။ ၸႃႇပုတ်ႉ ​လုၵ်ႈ​ၸၢႆး​ ၼႃႇသၼ်ႇ ​ၼၼ်ႉ​ပဵၼ်​ဝုၼ်ႇ​လူင် ဢိၵ်ႇ​တင်း​ၵေႃႉ​သေႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="6">ဢႁီႉသႃႇ ​ၼၼ်ႉ​ပဵၼ်​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၸဝ်ႈ​ဢေႃႈ။ ဢတေႃးၼီႉရမ်ႇ လုၵ်ႈ​ၸၢႆး​ ဢႃႇပတႃႉ ​ၼၼ်ႉ​ပဵၼ်​ဝုၼ်ႇ​ၵဵပ်း​ၶွၼ်ႇ​ၸဝ်ႈ​ဢေႃႈ။</verse>
				<verse number="7">သေႃးလမုၼ်ႇ ​ၶၢၼ်း​ၸရေး​လူင်​သိပ်း​ပၢႆ​သွင်​ၵေႃႉ​ဢၼ်​လႆႈ​လႄႉ​ၵၼ်​ပွင်​ႁႅၼ်း​တၢင်း​ၵိၼ်​တၢင်း​ၶူပ်း​ပုၼ်ႈ​ၶုၼ်​ႁေႃ​ၶမ်း ဢိၵ်ႇ​တင်း​ၵူၼ်း​ႁၢင်ႈ​ၵူၼ်း​ႁေႃ​ၸဝ်ႈ​ၸိူဝ်း​ၼၼ်ႉ​ဝႆႉ ၵႃႈ​ၼိူဝ်​မိူင်း​ ဢီႉသရေႇလႃႉ တင်း​သဵင်ႈ​တင်း​မူတ်း​လႄႈ ၼႂ်း​ယေႈ​ပီႊ​ယေႈ​ၵေႃႉ တၵ်း​လႆႈ​ပွင်​ႁႅၼ်း​တၢင်း​ၵိၼ်​တၢင်း​ၶူပ်း​ယေႈ​လိူၼ်​ဢေႃႈ။-</verse>
				<verse number="8">ၸိုဝ်ႈ​သဵင်​ၶဝ်​ၸမ်ႉ၊ ပဵၼ် ပႅၼ်ႇႁူႉရႃႇ ၵႃႈ​တီႈ​ႁၢၼ်ႉ​လွႆ​ ဢေႇၽရိမ်ႇ ၊-</verse>
				<verse number="9">ပႅၼ်ႇတေႇၵႃႇ ၵႃႈ​တီႈ​ဝဵင်း​ မႃႇၵတ်ႉ ၊ ဝဵင်း​ သႃႇလပိမ်ႇ ဝဵင်း​ ပႅတ်ႉသေးမိတ်ႉ ၊ ဝဵင်း​ ဢေႇလုၼ်ႇ၊ ပႅတ်ႉႁႃႇၼၼ်ႇ ၊-</verse>
				<verse number="10">ပႅၼ်ႇႁေႇသႅတ်ႉ ၵႃႈ​တီႈ​ဝဵင်း​ ဢႃႇရူႉပုတ်ႉ ဢိၵ်ႇ​တင်း​ဝဵင်း​ သေႃႇၶေႃႇ ၊ မိူင်း​ ႁေႇၽႃႇ ​တင်း​မိူင်း၊-</verse>
				<verse number="11">ပႅၼ်ႇဢၽီႉၼတပ်ႉ ၵႃႈ​တီႈ​မိူင်း​ တေႃႇရႃႉ ​တီႈ ဢၼ်​သုင်​တင်း​မိူင်း၊ ဢၼ်​ပဵၼ်​ၵူပ်ႉ​ပဵၼ်​ၵူႈ​ႁူမ်ႈ​ၵၼ်​တင်း​ တႃႇၽတ်ႉ လုၵ်ႈ​ယိင်း​ၸဝ်ႈ သေႃးလမုၼ်ႇ ​ၼၼ်ႉ၊-</verse>
				<verse number="12">ပႃႇၼႃႇ ​လုၵ်ႈ​ၸၢႆး​ ဢႁီႉလုတ်ႉ ၵႃႈ​တီႈ​ဝဵင်း​ တႃႇၼၵ်ႉ ၊ ဝဵင်း​ မေႇၵိတ်ႉတေႃႇ ဢိၵ်ႇ​တင်း​လိၼ်​ဝဵင်း​ ပႅတ်ႉသၼ်ႇ ​တင်း​သဵင်ႈ​တင်း​မူတ်း ဢၼ်​မီး​ၵႃႈ​တီႈ​ႁိမ်း​ဝဵင်း​ ၸႃႇရတၼ်ႇ ၊​ၽၢႆႇ​တႂ်ႈ​ဝဵင်း​ ယေႇၸရေႇလႃႉ ​ဢၼ်​ဢဝ်​ၵႃႈ​တီႈ​ဝဵင်း​ ပႅတ်ႉသၼ်ႇ တေႃႇ​ထိုင်​ႁွတ်ႈ​ဝဵင်း​ ဢႃႇပေႇလႃႉမႁေႃႇလႃႉ ​ၼၼ်ႉ​လႄႈ ပူၼ်ႉ​သေ​ ယွၵ်ႉမမ်ႇ ​ၼၼ်ႉ​ၵႂႃႇ​ၼၼ်ႉ၊-</verse>
				<verse number="13">ပႅၼ်ႇၵေႇပႃႉ ၵႃႈ​တီႈ​ဝဵင်း​ ရႃႇမုတ်ႉ မိူင်း​ ၵီႉလတ်ႉ ၊ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ဝဵင်း​တင်း​လၢႆ ဢၼ်​ ယႃႇဢီႉရႃႉ ၵူၼ်း​ မၼႃႇ​သေႇ ​ပိူင်ႇ​ၵႃႈ​တီႈ​မိူင်း​ ၵီႉလတ်ႉ ဢိၵ်ႇ​တင်း​လိၼ်​ ဢႃႇၵေႃႇၽႃႉ မိူင်း​ ပႃႇသၢၼ်ႇ ၊ ဢၼ်​ဝႃႈ​ဝဵင်း​လူင်​ႁူၵ်း​သိပ်း​ဝဵင်း ဢၼ်​မီး​လမ်း​ဝဵင်း​လႂ် တင်း​ၵိူၼ်ႇ​တွင်း​လိူင်​လႂ်​ၸိူဝ်း​ၼၼ်ႉ​ၼၼ်ႉ၊-</verse>
				<verse number="14">ဢႁီႉၼတပ်ႉ လုၵ်ႈ​ၸၢႆး​ ဢီႉတေႃႇ ၵႃႈ​တီႈ​ဝဵင်း​ မႁႃႇၼိမ်ႇ ​ၼၼ်ႉ၊-</verse>
				<verse number="15">ဢႁီႉမတ်ႉ ၵႃႈ​တီႈ​ဢိူင်ႇ​ ၼပ်ႉထလီႉ ဢၼ်​ပဵၼ်​ၵူပ်ႉ​ပဵၼ်​ၵူႈ ႁူမ်ႈ​ၵၼ်​တင်း​ ပႃႇသမတ်ႉ လုၵ်ႈ​ယိင်း​ၸဝ်ႈ သေႃးလမုၼ်ႇ ​ၼၼ်ႉ၊-</verse>
				<verse number="16">ပႃႇၼႃႉ ​လုၵ်ႈ​ၸၢႆး​ ႁူႉသေး ၵႃႈ​တီႈ​ဢိူင်ႇ​ ဢႃႇသႃႇ တင်း​ဝဵင်း​ ပေႇဢႃႇလုတ်ႉ ​ၼၼ်ႉ၊-</verse>
				<verse number="17">ယူဝ်းသၽတ်ႉ ​လုၵ်ႈ​ၸၢႆး​ ပႃႇရႂႃႇ ၵႃႈ​တီႈ​ဢိူင်ႇ​ ဢီႉသၶႃႇ ​ၼၼ်ႉ၊-</verse>
				<verse number="18">သီႉမီႉ လုၵ်ႈ​ၸၢႆး​ ဢေးလႃႇ ၵႃႈ​တီႈ​ဢိူင်ႇ​ ပိၼ်ႇယႃႇမိၼ်ႇ ​ၼၼ်ႉ၊-</verse>
				<verse number="19">ၵေႇပႃႉ လုၵ်ႈ​ၸၢႆး​ ဢူႉရီႉ ၵႃႈ​တီႈ​မိူင်း​ ၵီႉလတ်ႉ ဢၼ်​ဝႃႈ​လိၼ်​ သီႉႁုၼ်ႇ ၶုၼ်​ႁေႃ​ၶမ်း​ ဢႃႇမေႃးရီႉ ဢိၵ်ႇ​တင်း​လိၼ်​ ဢေႃႇၶႃႉ ၶုၼ်​ႁေႃ​ၶမ်း​ ပႃႇသၢၼ်ႇ ဢၼ်​မၼ်း​ၵေႃႉ​လဵဝ်​ၵူၺ်း​လႆႈ​ၸီႇ​ယၢင်ႇ​ၵႃႈ​ၼႂ်း​မိူင်း​ၼၼ်ႉ​ၼၼ်ႉ​ဢေႃႈ။</verse>
				<verse number="20">မိူဝ်ႈ​ၼၼ်ႉ ၵူၼ်း​မဵဝ်း​ ယူႉတႃႉ တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼမ်​ၼႃႇ​လႄႈ ၼပ်ႉ​ဢၢၼ်ႇ​ပဵၼ်​မိူၼ်​ၸိူဝ်ႉ​ၼင်ႇ​သၢႆး​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​လႄႈ ဢွၼ်​ၵၼ်​ၵိၼ်​ၶူပ်း​မူၼ်ႈ​ပျေႃႇ​ယူႇ​ဢေႃႈ။-</verse>
				<verse number="21">သေႃးလမုၼ်ႇ ​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​သိုင်ႇ​ၸိုင်ႈ​ဝၢၼ်ႈ​မိူင်း​ၵႃႈ​မီး ဢဝ်​ၵႃႈ​တီႈ​ၸႃႉ​ၸဵမ်​ၼမ်ႉ​ႁွင်ႈ​လူင် တေႃႇ​ထိုင်​ႁွတ်ႈ​မိူင်း​ ၽီႉလိတ်ႉတီႉ ၊ ဢိၵ်ႇ​တင်း​ၶွပ်ႇ​ၼမ်ႉ​လႅၼ်​လိၼ်​မိူင်း​ ဢေႇၵိပ်ႉတူႉ ​ယူႇ​သေ​လႄႈ ဢွၼ်​ၵၼ်​သၢၵ်ႈ​လၢၵ်ႈ​သွင်ႇ​ပၼ်ႇ​ၼႃႇ​လႄႈ ၵိုတ်ႉ​ႁၢပ်ႇ​ဢမူႉ​ သေႃးလမုၼ်ႇ ၼႂ်း​ၸူဝ်ႈ​ပၢၼ်​မၼ်း​ၼၼ်ႉ​တဵမ်​တဵမ်​ဢေႃႈ။-</verse>
				<verse number="22">ၸရိပ်ႈ​တၢင်း​ၵိၼ်​ဢၼ်​ၸၢပ်ႈ​သႅင်ႇ​ၵၼ်​တင်း​ သေႃးလမုၼ်ႇ ပုၼ်ႈ​ယေႈ​ဝၼ်း​ယေႈ​ဝၼ်း​ၸမ်ႉ၊ ၽွင်​ၶဝ်ႈ​မုၼ်း​ၵျုင်ႇ​သၢမ်​သိပ်း ၵေႃးရႃႉ ၊ ၽွင်​ၶဝ်ႈ​မုၼ်း​မူႉ​ယေႃး​ႁူၵ်း​သိပ်း​ ၵေႃးရႃႉ ၊-</verse>
				<verse number="23">ဝူဝ်း​ဢၼ်​ပီး​လီ​မၼ်း​လီ​သိပ်း​ၼိုင်ႈ၊ ဝူဝ်း​ဢၼ်​ဢဝ်​ၵႃႈ​ၼႂ်း​တီႈ​ဢၼ်​ပွႆႇ​လႄႈ​ယၢမ်ႈ​ၵိၼ်​ယူႇ​ၼၼ်ႉ​သၢဝ်း​ၼိုင်ႈ၊ သူဝ်း​ပၢၵ်ႇ​ၼိုင်ႈ ဢိၵ်ႇ​တင်း​ယိူင်း၊ ၵႂၢင်၊ ၸၢၵ်ႇ​ၶၢႆး​လႂ် ၼူၵ်ႉ​ဢၼ်​ပီး​လီ​မၼ်း​လီ​လႂ်​ဢေႃႈ။-</verse>
				<verse number="24">မၼ်း​ၼၼ်ႉ​ဢုပ်ႉ​ပိူင်ႇ​လိၼ်​ၵႃႈ​မီး​ၽၢႆႇ​ပႃႈ​ဝၼ်း​တူၵ်း​ၼမ်ႉ​ႁွင်ႈ​လူင်၊ ဢဝ်​ၵႃႈ​တီႈ​ဝဵင်း​ တီႉၽသႃႉ တေႃႇ​ထိုင်​ႁွတ်ႈ​ဝဵင်း​ ၵႃႇၸႃႉ ဢၼ်​ဝႃႈ ၵႃႈ​ၼိူဝ်​ၶုၼ်​ႁေႃ​ၶမ်း​တင်း​သဵင်ႈ​တင်း​လူင် ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​လူင်​ၼၼ်ႉ​လႄႈ ပဵၼ်​တၢင်း​ဢၼ်​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မၼ်း ထၢတ်ႇ​သိုၵ်း​ယဵၼ်​သိုၵ်း​ဢေႃႈ။-</verse>
				<verse number="25">ၵူၼ်း​မဵဝ်း​ ယူႉတႃႉ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸႃႉ​ၸဵမ်​ဝဵင်း​ တၢၼ်ႇ တေႃႇ​ထိုင်​ႁွတ်ႈ​ဝဵင်း​ ပေႇရသေႇၽႃႉ ​ၸိူဝ်း​ၼၼ်ႉ လႆႈ​ယူႇ​ၼိမ်​ၼိမ်​လီ​လီ​ၵႃႈ​တႂ်ႈ​တူၼ်ႈ​ၶိူဝ်း​မၢၵ်ႇ​ၸပိတ်ႈ​ၶဝ် တင်း​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ၶဝ်​ႁင်း​ၽႂ်​ႁင်း​မၼ်း​ယူႇ ၼႂ်း​ၸူဝ်ႈ​ပၢၼ်​ သေႃးလမုၼ်ႇ ​ၼၼ်ႉ​တဵမ်​တဵမ်​ဢေႃႈ။</verse>
				<verse number="26">သေႃးလမုၼ်ႇ ​ၵေႃႈ​မီး​ထၢၼ်ႈ​မႃႉ ဢၼ်​ၸၢပ်ႈ​သႅင်ႇ​ၵၼ်​တင်း​လေႃႉရထႃး​ၼၼ်ႉ​သီႇ​မိုၼ်ႇ ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​မိုၼ်ႇ​ပၢႆ​သွင်​ႁဵင်​ဢေႃႈ။-</verse>
				<verse number="27">ၸရေး​လူင်​ၸိူဝ်း​ၼၼ်ႉ​ၵေႃႈ လႆႈ​ပွင်​ႁႅၼ်း​တၢင်း​ၵိၼ်​တၢင်း​ၶူပ်း​ပုၼ်ႈ​ၶုၼ်​လူင်​ သေႃးလမုၼ်ႇ ဢိၵ်ႇ​တင်း​ၶဝ်​ၸိူဝ်း​ဢၼ် ၶဝ်ႈ​ပႃး​ၵႃႈ​တီႈ​ၶူင်ႇ​တီႈ​ၵိၼ်​ၶုၼ်​လူင်​ သေႃးလမုၼ်ႇ ​ၼၼ်ႉ ယေႈ​ၵေႃႉ​ယေႈ​လိူၼ်​လႄႈ ဢမ်ႇ​ႁႂ်ႈ​လႆႈ​လုတ်ႈ​လႆႈ​ႁၢမ်ႈ​သေ​ၸိူဝ်ႉ​သေ​ပိူင်​ဢေႃႈ။-</verse>
				<verse number="28">ၶဝ်ႈ​မူႉ​ယေႃး​ဢိၵ်ႇ​တင်း​ယိူဝ်ႈ​ႁႅင်ႈ​ပုၼ်ႈ​မႃႉ​ၸဝ်ႈ တင်း​ၵလႃးဢုၵ်ႉ​တင်း​လၢႆ​ၵေႃႈ၊ ၶဝ်​လႆႈ​ဢွၼ်​ၵၼ်​ဢဝ်​မႃး​ၸူး​ၵႃႈ​တီႈ​ဢၼ်​ၸဝ်ႈ​ယူႇ​ၸဝ်ႈ​သဝ်း​ၸွမ်း​ၵႃႈ​ၼင်ႇ​ဢၼ် ထုၵ်ႇ​လႄႉ​ထုၵ်ႇ​ၵမ်း​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။</verse>
				<verse number="29">ၽြႃး​ပဵၼ်​ၸဝ်ႈ​ပၼ်​ၺၢၼ်ႇ​ပိင်ႇ​ၺႃႇ​ဢၼ်​ၼမ်​ၼႃႇ ဢိၵ်ႇ​တင်း​ႁူဝ်​ၸႂ်​ဢၼ်​ယႂ်ႇ​ၼႃႇ​ၵႂၢင်ႈ​ၼႃႇ မိူၼ်​ၸိူဝ်ႉ​ၼင်ႇ​သၢႆး​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​လႄႈ၊-</verse>
				<verse number="30">ပိင်ႇ​ၺႃႇ​ သေႃးလမုၼ်ႇ ​ၼၼ်ႉ ပူၼ်ႉ​လိူဝ်​တွၼ်း​သေ​ပိင်ႇ​ၺႃႇ​ၵူၼ်း​မိူင်း​ဝၼ်း​ဢွၵ်ႇ​တင်း​သဵင်ႈ​တင်း​လူင် ဢိၵ်ႇ​တင်း​ပိင်ႇ​ၺႃႇ​ၵူၼ်း​မိူင်း​ ဢေႇၵိပ်ႉတူႉ ​တင်း​သဵင်ႈ​တင်း​လူင်​ဢေႃႈ။-</verse>
				<verse number="31">မၼ်း​ၼၼ်ႉ​ယဵင်ႈ​ၶႅၼ်း​မီး​ပိင်ႇ​ၺႃႇ​လိူဝ်​တွၼ်း​ၼႃႇ​သေ​ၵူၼ်း​တင်း​သဵင်ႈ​တင်း​လူင် ဢိၵ်ႇ​တင်း​ ဢေႇသၼ်ႇ ​မဵဝ်း​ ဢေႇၸရႃႉႁိတ်ႉ တင်း​ ႁေႇမၼ်ႇ တင်း​ ၶႃႇလႃႉၵေႃႇလႃႉ တင်း​ တႃႇရတႃႉ ဢၼ်​ပဵၼ်​လုၵ်ႈ​ၸၢႆး​ မႁေႃႇလႃႉ ​ၸိူဝ်း​ၼၼ်ႉ​လႄႈ ပဵၼ်​ဢၼ်​ႁူင်​ႁၢင်း​ၸွတ်ႇ​တူဝ်ႈ​ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​မီး​ၵႃႈ​တီႈ​လဵပ်ႈ​ႁွပ်ႈ​မၼ်း​ဢေႃႈ။-</verse>
				<verse number="32">ၵႂၢမ်း​သုၵ်ႉ​တၢမ်ႇ​ဢၼ်​မၼ်း​လၢတ်ႈ​ဝႆႉ​ၼၼ်ႉ​မီး​သၢမ်​ႁဵင်​ဢေႃႈ။ ၵႂၢမ်း​ႁဵတ်း​ၵႂၢမ်း​မၼ်း​ၼၼ်ႉ​မီး​ႁဵင်​ပၢႆ​ႁႃႈ​ဢေႃႈ။-</verse>
				<verse number="33">မၼ်း​ဢဝ်​လွင်ႈ​ၸႃႉ​ၸဵမ်​တူၼ်ႈ​ ဢႃႇရိတ်ႉ ဢၼ်​မီး​ၵႃႈ​ၼိူဝ်​လွႆ​ လေႇပၼုၼ်ႇ တေႃႇ​ထိုင်​ႁွတ်ႈ​တူၼ်ႈ​ ႁုတ်ႉသူပ်ႇ ဢၼ်​ၸၢင်ႈ​ဢွၵ်ႇ​ၵႃႈ​တီႈ​ႁိမ်း​လမ်း​ဢုတ်ႇ​ၼၼ်ႉ ဢွၵ်ႇ​သူပ်း​ဝႃႈ​လႄႈ ဢဝ်​လွင်ႈ​မဵဝ်း​တူဝ်၊ မဵဝ်း​ၼူၵ်ႉ၊ မဵဝ်း​မူင်ႈ​မဵဝ်း​မႅင်း၊ မဵဝ်း​ပႃ​တင်း​လၢႆ ဢွၵ်ႇ​သူပ်း​ဝႃႈ​ဢေႃႈ။-</verse>
				<verse number="34">ၶဝ်​ၸိူဝ်း​ဢၼ်​ၶုၼ်​ႁေႃ​ၶမ်း​ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း ဢၼ်​လႆႈ​ငိၼ်း​သတၢင်း​သဵင်​ၶၢဝ်ႇ​ပိင်ႇ​ၺႃႇ​ သေႃးလမုၼ်ႇ ​ၼၼ်ႉ ပွႆႇ​ၸႂ်ႉ​မႃး​ၵူႈ​ၸိူဝ်ႉ​ၵူႈ​ၶိူဝ်း​ၼၼ်ႉ ဢွၼ်​ၵၼ်​မႃး​ႁႂ်ႈ​လႆႈ​ထွမ်ႇ​ငိၼ်း​ၵႂၢမ်း​ပိင်ႇ​ၺႃႇ​မၼ်း​ဢေႃႈ။</verse>
			</chapter>
			<chapter number="5">
				<verse number="1">ႁီႉရမ်ႇ ၶုၼ်​လူင်​ တူႉရူႉ လႆႈ​ငိၼ်း​လွင်ႈ​ဢၼ် ၶဝ်​ဢွၼ်​ၵၼ်​ပၼ်​ၽိၵ်ႈ​သိၵ်ႈ​တီႈ​ သေႃးလမုၼ်ႇ ​ႁႂ်ႈ​ပဵၼ်​ၶုၼ်​ႁေႃ​ၶမ်း​တၢင်​တူဝ်​ပေႃႈ​မၼ်း​ၼၼ်ႉ​သေ​ယဝ်ႉ၊ ပွႆႇ​ၸႂ်ႉ​ၶႃႈ​မၼ်း​ၵူၼ်း​မၼ်း​မႃး​တီႈ​ သေႃးလမုၼ်ႇ ၵွပ်ႈ​ပိူဝ်ႈ​ဢၼ် ႁီႉရမ်ႇ ​ၼၼ်ႉ ပဵၼ်​ၵေႃႉ​ပဵၼ်​သေႈ​ၵၼ်​တင်း တႃႇဝိတ်ႈ ​ၼၼ်ႉ​ဢေႃႈ။-</verse>
				<verse number="2">လႆႈ​သမ်ႉ သေႃးလမုၼ်ႇ ​ၵေႃႈ ပွႆႇ​ၸႂ်ႉ​ၵႂႃႇ​တီႈ ႁီႉရမ်ႇ ​သေ​လႄႈ​ဝႃႈ၊-</verse>
				<verse number="3">ၶုၼ်​လူင်​ႁူႉ​လွင်ႈ​ဢၼ်​ၸဝ်ႈ​ပေႃႈ​ၵဝ်​ တႃႇဝိတ်ႈ ​ၼၼ်ႉ​ဢမ်ႇ​လႆႈ​တႄႇ​လႆႈ​ႁဵတ်း​ႁိူၼ်း​ၸဝ်ႈ​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း ၵွပ်ႈ​ပိူဝ်ႈ​ဢၼ်​မၼ်း​လႆႈ​ႁဵတ်း​သိုၵ်း​ႁဵတ်း​သိူဝ်​ၵူႈ​တီႈ​ၵူႈ​လႅၼ်​တေႃႇ​ထိုင်​ႁွတ်ႈ​ထႃႇဝရႃႉ​ၽြႃး ဢဝ်​ရၢၼ်ႇ​သူႇ​မၼ်း​တင်း​လၢႆ​ၶျႃး​တူၵ်း​ၵႃႈ​တီႈ​တႂ်ႈ​ၽႃႇ​တိၼ်​မၼ်း​ၼၼ်ႉ​ၼၼ်ႉ​ယူႇ​ဢေႃႈ။-</verse>
				<verse number="4">မိူဝ်ႈ​လဵဝ်​ၼႆႉ​ၸမ်ႉ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ် ၸီႇ​ယၢင်ႇ​ႁႂ်ႈ​သိုၵ်း​ထၢတ်ႇ​သိုၵ်း​ယဵၼ်​သေ​တီႈ​ၵဝ်​ဢေႃႈ။ ဢမ်ႇ​မီး​ၵေႃႉ​ဢၼ်​ႁဵတ်း​ရၢၼ်ႇ​သူႇ​ၽၢႆႇ​ၼိုင်ႈ​တင်း​ၵဝ် ဢိၵ်ႇ​တင်း​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ဢၼ်​ႁႄႉ​ဢၼ်​ၶႅၼ်​ၵဝ်။-</verse>
				<verse number="5">မိူဝ်ႈ​လဵဝ်​ၼႆႉ​ၸိုင်၊ ၵဝ်​မီး​တၢင်း​ၵျၢမ်ႇ​တၢင်း​ပွင် တၵ်း​တႄႇ​ႁဵတ်း​ႁိူၼ်း​ၸဝ်ႈ ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ် မႅၼ်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​လၢတ်ႈ​တီႈ​ၸဝ်ႈ​ပေႃႈ​ၵဝ်​ တႃႇဝိတ်ႈ ​လႄႈ​ဝႃႈ၊ လုၵ်ႈ​ၸၢႆး​မႂ်း​ဢၼ်​ၵဝ်​တၵ်း​ဢဝ်​တၢင်ႇ​ၵႃႈ​ၼိူဝ်​ရႃႇၸႃႉ​ပလၢင်ႇ​မႂ်း​တၢင်​တူဝ်​မႂ်း​ၼၼ်ႉ တၵ်း​လႆႈ​တႄႇ​ႁဵတ်း​ႁိူၼ်း​ၸဝ်ႈ ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ၼၼ်ႉ​ဢေႃႈ။-</verse>
				<verse number="6">မိူဝ်ႈ​လဵဝ်​ၼႆႉ၊ ၸီႇ​ယၢင်ႇ​ႁႂ်ႈ​ၶဝ်​တီႇ​ပမ်ႈ​တႅပ်း​ၽၼ်း​တူၼ်ႈ​ ဢႃႇရိတ်ႉ ​တင်း​လၢႆ​ၵႃႈ​ၼိူဝ်​လွႆ​ လေႇပၼုၼ်ႇ ပုၼ်ႈ​ၵဝ်​သေ​ၵမ်း။ ၶႃႈ​ၵဝ်​ၵူၼ်း​ၵဝ်​တၵ်း​ဢွၼ်​ၵၼ်​ၸွႆႈ​ထႅမ် လူၺ်ႈ​ၵၼ်​တင်း​ၶႃႈ​ၵူၼ်း​ၶုၼ်​လူင်​ဢေႃႈ။ ၵဝ်​တၵ်း​ပၼ်​ၵႃႈ​မၼ်း​ၶၼ်​မၼ်း​တီႈ​ၶႃႈ​ၵူၼ်း​ၶုၼ်​လူင် ၸွမ်း​ၵႃႈ​ၼင်ႇ​ဢၼ်​ၶုၼ်​လူင်​ၸီႇ​ယၢင်ႇ​ၼၼ်ႉ​ဢေႃႈ။ ၶုၼ်​လူင်​ႁူႉ​လွင်ႈ​ဢၼ်​ၵႃႈ​ၼႂ်း​ႁဝ်း​ၼႆႉ ဢမ်ႇ​မီး​ၵေႃႉ​ဢၼ်​မေႃ​ပမ်ႈ​မေႃ​ၽၼ်း​သေ​ၵေႃႉ​သေ​ၵူၼ်း မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​မဵဝ်း​ ၸီႉတုၼ်ႇ ​တင်း​လၢႆ​မေႃ​ပမ်ႈ​မေႃ​ၽၼ်း​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၶုၼ်​ ႁီႉရမ်ႇ ငိၼ်း​ၵႂၢမ်း​ သေႃးလမုၼ်ႇ ​ၼၼ်ႉ​သေ​ယဝ်ႉ၊ ၸူမ်း​သိူဝ်း​ၼႃႇ​လူင်​လၢင်​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ဢၼ်​ပၼ်​လုၵ်ႈ​ၸၢႆး​ဢၼ်​မီး​ပိင်ႇ​ၺႃႇ​လႄႈ လႆႈ​ဢုပ်ႉ​ပိူင်ႇ​ၵူၼ်း​မဵဝ်း​လူင်​ၼႆႉ​တီႈ​ တႃႇဝိတ်ႈ ​ၼၼ်ႉ​ၼၼ်ႉ မီး​မင်ႇၵလႃႇ​ဝၼ်း​မိူဝ်ႈ​ၼႆႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="8">ႁီႉရမ်ႇ ပွႆႇ​ၸႂ်ႉ​ၵူၼ်း​မႃး​တီႈ​ သေႃးလမုၼ်ႇ ​လႄႈ ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​တၢင်း​ဢၼ်​ၶုၼ်​လူင်​သင်ႇ​လၢတ်ႈ​မႃး​တီႈ​ၵဝ်​ၼၼ်ႉ​ယဝ်ႉ။ ၵဝ်​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​ၶုၼ်​လူင်​မီး​ဢလူဝ်ႇ​ၶႂ်ႈ​လႆႈ​မႆႉ​ ဢႃႇရိတ်ႉ ဢိၵ်ႇ​တင်း​မႆႉ​ပႅၵ်ႇ​ၼၼ်ႉ​ဢေႃႈ။-</verse>
				<verse number="9">ၶႃႈ​ၵူၼ်း​ၵဝ်​တၵ်း​ဢဝ်​ၵႃႈ​တီႈ​ၼိူဝ်​လွႆ​ လေႇပၼုၼ်ႇ လူင်း​ၸူး​ၵႃႈ​တီႈ​ပၢင်ႇ​လၢႆႇ​သေ​လႄႈ ၶၢတ်ႈ​ႁဵတ်း​ပႄး​လႄႈ ဢဝ်​ၸွမ်း​သဵၼ်ႈ​တၢင်း​ပၢင်ႇ​လၢႆႇ​မႃး​ၸူး​ၵႃႈ​တီႈ​ဢၼ်​ၶုၼ်​လူင်​ၸီႇ​ယၢင်ႇ​ဝႆႉ​ၼၼ်ႉ​သေ​လႄႈ ၵႄႈ​လိတ်ႈ​ၵႃႈ​တီႈ​ၼၼ်ႈ​သေ​ယဝ်ႉ၊ ၶုၼ်​လူင်​တၵ်း​လႆႈ​ႁပ်ႉ​ၶၢမ်ႇ​ဢဝ်​ဢေႃႈ။ ၶုၼ်​လူင်​တၵ်း​လႆႈ​ပၼ်​ၸရိပ်ႈ​တၢင်း​ၵိၼ်​ပုၼ်ႈ​ၵူၼ်း​ႁၢင်ႈ​ၵူၼ်း​ႁေႃ​ၵဝ်​တင်း​လၢႆ​လႄႈ ႁႂ်ႈ​ဢလူဝ်ႇ​ၵဝ်​လႆႈ​ပျေႉ​ၸုမ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ၼင်ႇ​ၼၼ်​လႄႈ​ ႁီႉရမ်ႇ ​ၼၼ်ႉ ပၼ်​မႆႉ​ ဢႃႇရိတ်ႉ တင်း​မႆႉ​ပႅၵ်ႇ​တီႈ​ သေႃးလမုၼ်ႇ ၸွမ်း​ၵႃႈ​ၼင်ႇ​ဢၼ်​မၼ်း​မီး​ဢလူဝ်ႇ​ၶႂ်ႈ​လႆႈ​ၼၼ်ႉ​ဢေႃႈ။-</verse>
				<verse number="11">သေႃးလမုၼ်ႇ ​ၵေႃႈ​ဢဝ်​ၶဝ်ႈ​သၢၼ်​ၵျုင်ႇ​သွင်​မိုၼ်ႇ​ ၵေႃးရႃႉ ၊ ၼမ်ႉ​မၼ်း​ဢၼ်​ၸႅတ်ႈ​ယဝ်ႉ​ထွင်​ယဝ်ႉ​သၢဝ်း​ ၵေႃးရႃႉ ​ပၼ်​တီႈ​ ႁီႉရမ်ႇ ​ဢေႃႈ။ ၼင်ႇ​ၼၼ်​လႄႈ​ သေႃးလမုၼ်ႇ ​ပၼ်​တီႈ​ ႁီႉရမ်ႇ ပုၼ်ႈ​ယေႈ​ပီႊ​ယေႈ​ပီႊ​ဢေႃႈ။-</verse>
				<verse number="12">ထႃႇဝရႃႉ​ၽြႃး​ၵေႃႈ ပၼ်​ပိင်ႇ​ၺႃႇ​တီႈ​ သေႃးလမုၼ်ႇ ​ၸွမ်း​ၵႃႈ​ၼင်ႇ​ဢၼ်​ၵတီႉ​ၸဝ်ႈ​မီး​ၼၼ်ႉ​ဢေႃႈ၊ ႁီႉရမ်ႇ တင်း​ သေႃးလမုၼ်ႇ သွင်​ပႃး​ၼၼ်ႉ​ဢမ်ႇ​ပဵၼ်​သိုၵ်း​ပဵၼ်​သိူဝ်​တီႈ​ၵၼ်​လႄႈ ႁဵတ်း​မိၵ်ႉသႃႇႁႃယႃႉ​ၵၼ်​ယူႇ​ဢေႃႈ။</verse>
				<verse number="13">ၶုၼ်​လူင်​ သေႃးလမုၼ်ႇ ​ၵေႃႈ​ၽႃႇ​ၵဵပ်း​ဢဝ်​ၵူၼ်း​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ ၵူၼ်း​ဢၼ်​ၽႃႇ​ၵဵပ်း​ဢဝ်​ၸိူဝ်း​ၼၼ်ႉ​မီး​သၢမ်​မိုၼ်ႇ​ဢေႃႈ။-</verse>
				<verse number="14">မၼ်း​ပွႆႇ​ၸႂ်ႉ​ၶဝ်​ၵႂႃႇ​ၵႃႈ​တီႈ​လွႆ​ လေႇပၼုၼ်ႇ ပဵၼ်​လႄႉ​ပဵၼ်​ၵမ်း ယေႈ​လိူၼ်​ယေႈ​မိုၼ်ႇ​လႄႈ ၶဝ်​ၼၼ်ႉ​လႆႈ​ယူႇ​ၵႃႈ​တီႈ​ၼိူဝ်​လွႆ လေႇပၼုၼ်ႇ ​ယေႈ​လိူၼ်​ၵႃႈ​တီႈ​ႁိူၼ်း​ၶဝ်​သွင်​လိူၼ်​ဢေႃႈ။ ဢတေႃးၼီႉရမ်ႇ လႆႈ​ဢုပ်ႉ​ၵႃႈ​ၼိူဝ်​ၶဝ်​ၸိူဝ်း​ဢၼ်​ၽႃႇ​ၵဵပ်း​ဢဝ်​ၼၼ်ႉ​ဢေႃႈ။-</verse>
				<verse number="15">သေႃးလမုၼ်ႇ ​ၸႂ်ႉ​သွႆ​ၶဝ်​ၸိူဝ်း​ဢၼ်​လႆႈ​ႁၢပ်ႇ​လႆႈ​ႁၢမ်​ၼၼ်ႉ​ၸဵတ်း​မိုၼ်ႇ ဢိၵ်ႇ​တင်း​ၶဝ်​ၸိူဝ်း​ဢၼ်​လႆႈ​ပမ်ႈ​မႆႉ​ၽၼ်း​မႆႉ​ၵႃႈ​ၼိူဝ်​သၼ်​လွႆ​ၼၼ်ႉ ပႅတ်ႇ​မိုၼ်ႇ​လႄႈ၊-</verse>
				<verse number="16">ၼွၵ်ႈ​သေ​ၶုၼ်​ဢရႃႇသီႉ​ဢၼ်​ဢုပ်ႉ​ၶျုၵ်ႈ​ၸိူဝ်း​ၼၼ်ႉ၊ ၶဝ်​ၸိူဝ်း​ဢၼ်​လႆႈ​ၸီႇ​ယၢင်ႇ​ၵႃႈ​ၼိူဝ်​ၵူၼ်း​ဢၼ်​သၢင်ႈ​ဢၼ်​ႁဵတ်း​ၸိူဝ်း​ၼၼ်ႉ​ၼၼ်ႉ မီး​သၢမ်​ႁဵင်​ပၢႆ​သၢမ်​ပၢၵ်ႇ​ဢေႃႈ။-</verse>
				<verse number="17">ၶဝ်​ဢွၼ်​ၵၼ်​ဢဝ်​မၢၵ်ႇ​ႁိၼ်​ဢၼ်​ယႂ်ႇ၊ မၢၵ်ႇ​ႁိၼ်​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ် ထၢၵ်ႇ​သပ်း​ႁႂ်ႈ​လႆႈ​ဢဝ်​မၢၵ်ႇ​ႁိၼ်​ဢၼ်​ထၢၵ်ႇ​ဢၼ်​သပ်း တႄႇ​ႁဵတ်း​ငဝ်ႈ​ႁၢၵ်ႈ​တိူၵ်ႈ​ႁိူၼ်း​ၸဝ်ႈ ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၸဝ်ႈ​ၶုၼ်​လူင်​မီး​ၼၼ်ႉ​ဢေႃႈ။-</verse>
				<verse number="18">ၼင်ႇ​ၼၼ်​လႄႈ လၢၵ်ႈသမႃး​ သေႃးလမုၼ်ႇ ဢိၵ်ႇ​တင်း​လၢၵ်ႈသမႃး​ၶုၼ်​ ႁီႉရမ်ႇ ​ၸိူဝ်း​ၼၼ်ႉ ဢိၵ်ႇ​လူၺ်ႈ​ၵၼ်​တင်း​ၵူၼ်း ၵေႇပႃႇ ​တင်း​လၢႆ ဢွၼ်​ၵၼ်​ပွင်​ႁဵတ်း​ပွင်​ႁႅၼ်း​မႆႉ​ၸိင်၊ တင်း​မၢၵ်ႇ​ႁိၼ် ပုၼ်ႈ​ဢၼ်​တၵ်း​တႄႇ​ႁဵတ်း​ႁိူၼ်း​ၸဝ်ႈ​ဢေႃႈ။</verse>
			</chapter>
			<chapter number="6">
				<verse number="1">လိုၼ်း​သေ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ သီႇ​ပၢၵ်ႇ​ပၢႆ​ပႅတ်ႇ​သိပ်း​ပီႊ သေႃးလမုၼ်ႇ ၸၢမ်ႇ​ႁၢင်ႈ​ၸၢမ်ႇ​ႁေႃ​သီႇ​ပီႊ၊ လိူၼ်​ ၸီႉၽႃႉ ​ဢၼ်​ပဵၼ်​လိူၼ်​တူႉတီႉယႃႉ​ၼၼ်ႉ၊ မၼ်း​ၸႃႉ​တႄႇ​ႁဵတ်း​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="2">ႁိူၼ်း​ဢၼ်​ၶုၼ်​လူင်​ သေႃးလမုၼ်ႇ ​တႄႇ​ႁဵတ်း​ပုၼ်ႈ​ထႃႇဝရႃႉ​ၽြႃး​ၸမ်ႉ၊ ၼႃႈ​ယၢဝ်း​မၼ်း​မီး​ႁူၵ်း​သိပ်း​သွၵ်ႇ၊ ၼႃႈ​ပွတ်း​မၼ်း​သၢဝ်း​သွၵ်ႇ၊ ဢၼ်​သုင်​မၼ်း​သၢမ်​သိပ်း​သွၵ်ႇ​ဢေႃႈ။-</verse>
				<verse number="3">ႁိူၼ်း​ၼႃႈ​ႁိူၼ်း​ၸဝ်ႈ​ၵေႃႈ ၼႃႈ​ယၢဝ်း​မၼ်း​မီး​သၢဝ်း​သွၵ်ႇ​ထၢၼ်ႇ​ပဵင်း​ၵၼ်​တင်း​ၼႃႈ​ပွတ်း​ႁိူၼ်း​ၸဝ်ႈ​လႄႈ ၼႃႈ​ပွတ်း​မၼ်း​မီး​သိပ်း​သွၵ်ႇ​ၵႃႈ​တီႈ​ၽၢႆႇ​ၼႃႈ​ပိၵ်ႈ​မၢၼ်ႇ​ၸဝ်ႈ​ဢေႃႈ။-</verse>
				<verse number="4">ႁူး​လၢင်း​တဵၼ်​ဢၼ်​ပဵၼ်​ၽႃ ပဵၼ်​ႁၢၼ်ႉ ပဵၼ်​ထၢပ်ႈ တင်း​လၢႆ​ၵေႃႈ မၼ်း​ႁဵတ်း​သႂ်ႇ​တီႈ​ႁိူၼ်း​ၸဝ်ႈ​ဢေႃႈ။</verse>
				<verse number="5">မၼ်း​ႁဵတ်း​ႁၢၼ်ႉ​လုၵ်း​တင်း​လၢႆ​ၸွမ်း​ၽႃ​ႁိူၼ်း​ၸဝ်ႈ ၵႃႈ​တီႈ​လဵပ်ႈ​ႁွပ်ႈ​မၼ်း​ဢၼ်​ဝႃႈ ၵႃႈ​တီႈ​လဵပ်ႈ​ႁွပ်ႈ​ၽႃ​ႁိူၼ်း​ၸဝ်ႈ​ဢၼ်​ဝႃႈ ပိၵ်ႈ​မၢၼ်ႇ​ၸဝ်ႈ​ဢိၵ်ႇ​တင်း​ထႃႇၼႃႉ တီႈ​ပျႃႇ​တိၵ်ႈ​ၸဝ်ႈ​ၼၼ်ႉ​ဢေႃႈ။ ၼင်ႇ​ၼၼ်​လႄႈ​မၼ်း​ႁဵတ်း​လုၵ်း​ၸိူဝ်း​ၼၼ်ႉ​ၵႃႈ​တီႈ​ႁိမ်း​မၼ်း​ဢေႃႈ။-</verse>
				<verse number="6">ႁၢၼ်ႉ​လုၵ်း​ဢၼ်​ၵႃႈ​တႂ်ႈ​ၼၼ်ႉ​ၵႂၢင်ႈ​ႁႃႈ​သွၵ်ႇ၊ ႁၢၼ်ႉ​လုၵ်း​ဢၼ်​ၶိုင်ႈ​ၵၢင်​ၼၼ်ႉ​ၵႂၢင်ႈ​ႁူၵ်း​သွၵ်ႇ၊ ႁၢၼ်ႉ​လုၵ်း​တႃႉတီႉယႃႉ​ၼၼ်ႉ​ၵႂၢင်ႈ​ၸဵတ်း​သွၵ်ႇ​ဢေႃႈ။ လွင်ႈ​မၼ်း​ၸမ်ႉ ၵႃႈ​တီႈ​ၽၢႆႇ​ၼွၵ်ႈ​ၼၼ်ႉ​မၼ်း​ႁႂ်ႈ​ၽႃ​မၼ်း​ယိုတ်း​ယွၼ်ႇ​ၵၼ်​ယူႇ​သေ​လႄႈ ၶိုၼ်း​ႁႂ်ႈ​တူင်​မၼ်း​တင်း​လၢႆ ဢမ်ႇ​လႆႈ​ၶဝ်ႈ​ၵႃႈ​ၼႂ်း​တူဝ်​ၽႃ​ႁိူၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ဢၼ်​တႄႇ​ႁဵတ်း​ႁိူၼ်း​ၸဝ်ႈ​ၼၼ်ႉ​ၸိုင်၊ ၵွပ်ႈ​ပိူဝ်ႈ​ဢၼ်​ဢဝ်​မၢၵ်ႇ​ႁိၼ်​ဢၼ်​ထၢၵ်ႇ​သပ်း​ယဝ်ႉ​ၸဵမ်​မိူဝ်ႈ​ၸူဝ်ႈ​ဢၼ်​ဢမ်ႇ​ပႆႇ​ဢဝ်​မႃး​ၵႃႈ​တီႈ​ၼၼ်ႈ​ၸိူဝ်း​ၼၼ်ႉ​တႄႇ​ႁဵတ်း​ၼၼ်ႉ​လႄႈ ဢမ်ႇ​လႆႈ​ငိၼ်း​သဵင်​ဢၼ်​ၶွၼ်ႉ​လဵၵ်း၊ တႃ​မၢတ်ႇ၊ ၶိူင်ႈ​လဵၵ်း​လႆႈ​လင်​လႆႈ​မေႃး ၼႂ်း​မိူဝ်ႈ​ဢၼ်​ႁဵတ်း​ယူႇ​ၼၼ်ႉ။-</verse>
				<verse number="8">ႁူး​ၽၵ်း​တူ​ဢၼ်​ၶဝ်ႈ​ၵႃႈ​ၼႂ်း​ႁၢၼ်ႉ​လုၵ်း​ဢၼ်​ၵႃႈ​တႂ်ႈ​ၼၼ်ႉ​ၸိုင်၊ မီး​ၵႃႈ​တီႈ​ၽၢႆႇ​တၢင်း​ၶႂႃ​ႁိူၼ်း​ၸဝ်ႈ​လႄႈ ၶဝ်​ၶိုၼ်ႈ​ၸွမ်း​ၶၼ်ႈ​လႆ​ဢၼ်​လိမ်ႇ​ပၼ်ႇ​သေ​လႄႈ ၸူး​ၵႃႈ​တီႈ​ႁၢၼ်ႉ​လုၵ်း​ဢၼ်​ၶိုင်ႈ​ၵၢင်​ဢေႃႈ။ သမ်ႉ​လုၵ်ႉ​သေ​ၵႃႈ​တီႈ​ႁၢၼ်ႉ​လုၵ်း​ဢၼ်​ၶိုင်ႈ​ၵၢင်​ၶိုၼ်ႈ​ၸူး​ၵႃႈ​တီႈ ႁၢၼ်ႉ​လုၵ်း​ဢၼ်​ၵႃႈ​ၼိူဝ်​ဢေႃႈ။-</verse>
				<verse number="9">ၼင်ႇ​ၼၼ်​လႄႈ​မၼ်း​တႄႇ​ႁဵတ်း​ႁိူၼ်း​ၸဝ်ႈ​လႄႈ ႁႂ်ႈ​ယဝ်ႉ​ႁႂ်ႈ​တူဝ်ႈ​သေ​လႄႈ ဢဝ်​ၶိုဝ်ႇ​လႂ်​ဢိၵ်ႇ​တင်း​ၽႅၼ်ႇ​ပႅၼ်ႈ​မႆႉ​ ဢႃႇရိတ်ႉ ​လႂ် မုင်း​ႁိူၼ်း​ၸဝ်ႈ​ဢေႃႈ။-</verse>
				<verse number="10">ႁၢၼ်ႉ​လုၵ်း​ၸိူဝ်း​ၼၼ်ႉ​ၵေႃႈ မၼ်း​ႁဵတ်း​ၸပ်း​ႁိူၼ်း​ၸဝ်ႈ​တင်း​သဵင်ႈ​တင်း​မူတ်း​လႄႈ ဢၼ်​သုင်​ယေႈ​ႁၢၼ်ႉ​မီး​ႁႃႈ​သွၵ်ႇ​ၼင်ႇ​ၵၼ်​ဢေႃႈ။ မီး​တင်း​တူင်​မႆႉ​ ဢႃႇရိတ်ႉ ​သေ​လႄႈ ၵၢႆႇ​သႂ်ႇ​ၵႃႈ​တီႈ​ႁိူၼ်း​ၸဝ်ႈ​ၼၼ်ႉ​ဝႆႉ​ဢေႃႈ။</verse>
				<verse number="11">ၼုၵ်ႈၵပၢတ်ႈ​ထႃႇဝရႃႉ​ၽြႃး​ႁွတ်ႈ​မႃး​တီႈ​ သေႃးလမုၼ်ႇ ​လႄႈ​ဝႃႈ၊-</verse>
				<verse number="12">လွင်ႈ​ႁိူၼ်း​ၸဝ်ႈ​ဢၼ်​မႂ်း​တႄႇ​ႁဵတ်း​မိူဝ်ႈ​လဵဝ်​ၼႆႉ​ၸမ်ႉ၊ ပေႃး​မႂ်း​ၸွမ်း​သဵၼ်ႈ​တၢင်း​ထုင်း​ၽိင်ႈ​တြႃး​ၵဝ်​တင်း​လၢႆ​ၼၼ်ႉ​ယူႇ​သေ​လႄႈ ၸီႇ​ယၢင်ႇ​ၸွမ်း​လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ​ၼၼ်ႉ​လႄႈ ပႂ်ႉ​ၵမ်​ပႂ်ႉ​ၵျၢင်ႉ​ပိင်း​ၺၢပ်ႈ​ၵဝ်​ၵႃႈ​မီး​ၼၼ်ႉ​ၸိုင်၊ ၵဝ်​တၵ်း​ႁႂ်ႈ​ၵႂၢမ်း​ဢၼ်​ၵဝ်​ဝႆႉ​ၵတီႉ တီႈ​ပေႃႈ​မႂ်း​ တႃႇဝိတ်ႈ ​ၼၼ်ႉ တႄႇ​ပဵၼ်​တီႈ​မႂ်း​ဢေႃႈ။-</verse>
				<verse number="13">ၵဝ်​တၵ်း​ယူႇ​ၵႃႈ​ၼႂ်း​ၶိုင်ႈ​ၵၢင် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ဢမ်ႇ​ၸုၼ်ႉ​ပႅတ်ႈ​ၵူၼ်း​ၵဝ်​မဵဝ်း​ ဢီႉသရေႇလႃႉ ​ၼၼ်ႉ​လႃး​လႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၼင်ႇ​ၼၼ်​လႄႈ​ သေႃးလမုၼ်ႇ ​ၼၼ်ႉ တႄႇ​ႁဵတ်း​ႁိူၼ်း​ၸဝ်ႈ​လႄႈ​ယဝ်ႉ​တူဝ်ႈ​ဢေႃႈ။</verse>
				<verse number="15">မၼ်း​ႁႂ်ႈ​ၽႃ​ႁိူၼ်း​ၸဝ်ႈ တၢင်း​ၼႂ်း​ၼၼ်ႉ​ယဝ်ႉ​တူဝ်ႈ​လူၺ်ႈ​ပႅၼ်ႈ​မႆႉ​ ဢႃႇရိတ်ႉ ​လႄႈ ဢဝ်​ၵႃႈ​တီႈ​ဢၼ်​သိူဝ်ႇ​ႁိူၼ်း​ၸဝ်ႈ တေႃႇ​ထိုင်​ႁွတ်ႈ​ဢၼ်​မုင်း​မၼ်း​ၼၼ်ႉ မၼ်း​ဢဝ်​မႆႉ​ၵင်ႈ​ၵႃႈ​ၼႂ်း​မၼ်း​သေ​လႄႈ ႁႂ်ႈ​ဢၼ်​သိူဝ်ႇ​ႁိူၼ်း​ၸဝ်ႈ​ၼၼ်ႉ ယဝ်ႉ​တူဝ်ႈ​လူၺ်ႈ​ပႅၼ်ႈ​မႆႉ​ပႅၵ်ႇ​ဢေႃႈ။-</verse>
				<verse number="16">မၼ်း​ၵင်ႈ​ႁိူၼ်း​ၸဝ်ႈ​ပွတ်း​ၽၢႆႇ​တၢင်း​လင်​ဢၼ်​ၼႃႈ​ယၢဝ်း​မၼ်း ၼႃႈ​ပွတ်း​မၼ်း​မီး​သၢဝ်း​သွၵ်ႇ​ၼင်ႇ​ၵၼ်​ၼၼ်ႉ လူၺ်ႈ​ပႅၼ်ႈ​မႆႉ ဢႃႇရိတ်ႉ ​လႄႈ ဢဝ်​ၵႃႈ​တီႈ​ဢၼ်​သိူဝ်ႇ​မၼ်း​တေႃႇ​ထိုင်​ႁွတ်ႈ​ၽႃ​မၼ်း​တင်း​လၢႆ​ၼၼ်ႉ ႁႂ်ႈ​ယဝ်ႉ​တူဝ်ႈ​ၸိူဝ်ႉ​ၼင်ႇ​ၼၼ် ၵႃႈ​တီႈ​တၢင်း​ၼႂ်း​မၼ်း ပုၼ်ႈ​ထႃႇၼႃႉ​တီႈ​ပျႃႇ​တိၵ်ႈ​ၸဝ်ႈ ဢၼ်​ဝႃႈ​ထႃႇၼႃႉ​တီႈ​မူတ်း​ၸၢင်ႇ​ၼႃႇ​သေ​ပိူၼ်ႈ​ဢေႃႈ။-</verse>
				<verse number="17">ဢၼ်​ယၢဝ်း​ပိၵ်ႈ​မၢၼ်ႇ​ၸဝ်ႈ​ဢၼ်​မီး​ၵႃႈ​တီႈ​ၽၢႆႇ​ၼႃႈ​လုၵ်း​ၼၼ်ႉ​မီး​သီႇ​သိပ်း​သွၵ်ႇ​ဢေႃႈ။-</verse>
				<verse number="18">မႆႉ​ ဢႃႇရိတ်ႉ ​ၵႃႈ​ၼႂ်း​ႁိူၼ်း​ၸဝ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​တွင်ႈ​ဢၼ်​ၶၵ်း​လႄႈ ပဵၼ်​လၢႆး​မၢၵ်ႇ​ၼမ်ႉ​တဝ်ႈ၊ လၢႆး​တုမ်ႇ​မွၵ်ႇ​လူင်ႇ​မွၵ်ႇ​ဝႆႉ​ဢေႃႈ။ တင်း​သဵင်ႈ​တင်း​လူင်​ပဵၼ်​မႆႉ​ ဢႃႇရိတ်ႉ ​လႄႈ ဢမ်ႇ​လႆႈ​ႁၼ်​မၢၵ်ႇ​ႁိၼ်​လႃး​လႃး။</verse>
				<verse number="19">ၼင်ႇ​ၼၼ်​လႄႈ မၼ်း​ပွင်​ႁဵတ်း​ပွင်​မႄး​ထႃႇၼႃႉ​တီႈ​ပျႃႇ​တိၵ်ႈ​ၸဝ်ႈ ၵႃႈ​ၼႂ်း​ႁိူၼ်း​ၸဝ်ႈ​ပုၼ်ႈ​ဢၼ်​တၵ်း​ဢဝ်​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​တၢင်ႇ​ဝႆႉ​ဢေႃႈ။-</verse>
				<verse number="20">လုၵ်း​ထႃႇၼႃႉ​တီႈ​ပျႃႇ​တိၵ်ႈ​ၸဝ်ႈ​ၸမ်ႉ၊ ၼႃႈ​ယၢဝ်း​မၼ်း​မီး​သၢဝ်း​သွၵ်ႇ၊ ၼႃႈ​ပွတ်း​မၼ်း​မီး​သၢဝ်း​သွၵ်ႇ ဢၼ်​သုင်​မၼ်း​မီး​သၢဝ်း​သွၵ်ႇ​ဢေႃႈ၊ လုၵ်း​ၼၼ်ႉ​ၸိုင် မၼ်း​ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​သေ​လႄႈ ယိတ်ႈပလၢင်ႇ​ၵေႃႈ​မၼ်း​ဢဝ်​မႆႉ​ ဢႃႇရိတ်ႉ မူမ်ႇ​ႁေႃႇ​သေ​ဢေႃႈ။-</verse>
				<verse number="21">ၼင်ႇ​ၼၼ်​လႄႈ သေႃးလမုၼ်ႇ ​ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​ၽၢႆႇ​ၼႂ်း​ႁိူၼ်း​ၸဝ်ႈ​သေ​ယဝ်ႉ၊ ဢဝ်​ၸိူၵ်ႈ​ၶမ်း​မတ်ႉ​ၼုင်ႈ​ဝႆႉ​ၵႃႈ​တီႈ​ၽၢႆႇ​ၼႃႈ ထႃႇၼႃႉ​တီႈ​ပျႃႇ​တိၵ်ႈ​ၸဝ်ႈ​ၼၼ်ႉ​လႄႈ ဢဝ်​ၶမ်း​ဢုမ်ႇ​ႁေႃႇ​ဢေႃႈ။-</verse>
				<verse number="22">မၼ်း​ဢဝ်​ၶမ်း​ဢုမ်ႇ​ႁေႃႇ​ႁိူၼ်း​ၸဝ်ႈ​တင်း​ႁိူၼ်း​ၸွတ်ႇ​တူဝ်ႈ​ၵူႈ​တီႈ​ၵူႈ​လႅၼ်​ဢေႃႈ။ ယိတ်ႈပလၢင်ႇ​ဢၼ်​မီး​ၵႃႈ​တီႈ​ႁိမ်း​ထႃႇၼႃႉ​တီႈ​ပျႃႇ​တိၵ်ႈ​ၸဝ်ႈ​ၼၼ်ႉ​ၵေႃႈ၊ မၼ်း​ဢဝ်​ၶမ်း​ဢုမ်ႇ​ႁေႃႇ​ဝႆႉ​တင်း​သဵင်ႈ​တင်း​မူတ်း​ဢေႃႈ။-</verse>
				<verse number="23">ၵႃႈ​ၼႂ်း​ထႃႇၼႃႉ​တီႈ​ပျႃႇ​တိၵ်ႈ​ၸဝ်ႈ​ၼၼ်ႉ၊ မၼ်း​ဢဝ်​မႆႉ​ သၢၼ်ႇလုၼ်ႇ ​ႁဵတ်း​ ၶေႇရူႉၽဵမ်ႇ ​သွင်​ပႃး ဢၼ်​သုင်​မၼ်း​မီး သိပ်း​သွၵ်ႇ​ၼၼ်ႉ​ဝႆႉ​ဢေႃႈ။-</verse>
				<verse number="24">ပိၵ်ႇ​ ၶေႇရူႉၽဵမ်ႇ ​ၼၼ်ႉ ၽၢႆႇ​ၼိုင်ႈ​ယၢဝ်း​ႁႃႈ​သွၵ်ႇ၊ ပိၵ်ႇ​ ၶေႇရူႉၽဵမ်ႇ ​ၼၼ်ႉ​ၽၢႆႇ​ၼိုင်ႈ​ယၢဝ်း​ႁႃႈ​သွၵ်ႇ​ၼင်ႇ​ၵၼ်​လႄႈ ဢဝ်​ၵႃႈ​တီႈ​ပၢႆ​ပိၵ်ႇ​ၽၢႆႇ​ၼိုင်ႈ တေႃႇ​ထိုင်​ႁွတ်ႈ​ပၢႆ​ပိၵ်ႇ​ၽၢႆႇ​ၼိုင်ႈ မီး​သိပ်း​သွၵ်ႇ​ဢေႃႈ။-</verse>
				<verse number="25">ၶေႇရူႉၽဵမ်ႇ ​တၢင်ႇ​ပႃး​ၼၼ်ႉ​ၵေႃႈ ဢၼ်​ယၢဝ်း​မၼ်း​မီး​သိပ်း​သွၵ်ႇ​လႄႈ ၶေႇရူႉၽဵမ်ႇ ​သွင်​ပႃး​ၼၼ်ႉ တၢင်း​ဢၼ်​ယႂ်ႇ​ဢၼ်​သုင် ပမႃႇၼႃႉ​မိူၼ်​ၵၼ်​ဢေႃႈ။-</verse>
				<verse number="26">ဢၼ်​သုင်​ ၶေႇရူႉၽဵမ်ႇ ​ပႃး​ၼိုင်ႈ မီး​သိပ်း​သွၵ်ႇ​လႄႈ ၶေႇရူႉၽဵမ်ႇ ​တၢင်ႇ​ပႃး​ၵေႃႈ မိူၼ်​ၵၼ်​ဢေႃႈ။-</verse>
				<verse number="27">မၼ်း​ဢဝ်​ ၶေႇရူႉၽဵမ်ႇ ​ၸိူဝ်း​ၼၼ်ႉ​တၢင်ႇ​ဝႆႉ​ၵႃႈ​ၼႂ်း​ႁိူၼ်း​ၸဝ်ႈ​တီႈ​ၵႃႈ​ၼႂ်း​လႄႈ ပိၵ်ႇ​ ၶေႇရူႉၽဵမ်ႇ ​ၸိူဝ်း​ၼၼ်ႉ ၵီႈ​လႄႈ ပၢႆ​ပိၵ်ႇ​ ၶေႇရူႉၽဵမ်ႇ ပႃး​ၼိုင်ႈ​တိူဝ်ႉ​ၸပ်း​ၽႃ​ၽၢႆႇ​ၼိုင်ႈ​ယူႇ ပၢႆ​ပိၵ်ႇ ၶေႇရူႉၽဵမ်ႇ တၢင်ႇ​ပႃး​တိူဝ်ႉ​ၸပ်း​ၽႃ​ၽၢႆႇ​ၼိုင်ႈ​ယူႇ​လႄႈ ပိၵ်ႇ​ၼိုင်ႈ​လႄႈ​ပိၵ်ႇ​ၼိုင်ႈ တိူဝ်ႉ​ၸပ်း​ၵၼ်​ယူႇ​ၵႃႈ​တီႈ​ၶိုင်ႈ​ၵၢင်​ႁိူၼ်း​ၸဝ်ႈ​ဢေႃႈ။-</verse>
				<verse number="28">ၶေႇရူႉၽဵမ်ႇ ​ၸိူဝ်း​ၼၼ်ႉ​ၵေႃႈ မၼ်း​ဢဝ်​တင်း​ၶမ်း​ဢုမ်ႇ​ႁေႃႇ​သေ​ဢေႃႈ။-</verse>
				<verse number="29">ၵႃႈ​တီႈ​ၽၢႆႇ​တၢင်း​ၼႂ်း တင်း​ၽၢႆႇ​တၢင်း​ၼွၵ်ႈ​ၽႃ​ႁိူၼ်း​ၸဝ်ႈ​ၸိူဝ်း​ၼၼ်ႉ မၼ်း​တွင်ႈ​ႁဵတ်း​ႁၢင်ႈ​ ၶေႇရူႉၽဵမ်ႇ ​လႂ်၊ ႁၢင်ႈ​တူၼ်ႈ​ထၢၼ်​လႂ် ဢိၵ်ႇ​တင်း​ပူႈ​မွၵ်ႇ​လူင်ႇ​မွၵ်ႇ​လႂ်​ဢေႃႈ။-</verse>
				<verse number="30">ဢၼ်​သိူဝ်ႇ​ၼႂ်း​ႁိူၼ်း​ၸဝ်ႈ​ၵႃႈ​ၼႂ်း​ၵႃႈ​ၼွၵ်ႈ​ၸိူဝ်း​ၼၼ်ႉ​ၵေႃႈ​မၼ်း​ဢဝ်​ၶမ်း​ဢုမ်ႇ​ႁေႃႇ​သေ​ဢေႃႈ။-</verse>
				<verse number="31">ပုၼ်ႈ​ႁူး​ၽၵ်း​တူ ထႃႇၼႃႉ​တီႈ​ပျႃႇ​တိၵ်ႈ​ၸဝ်ႈ​ၼၼ်ႉ​ၸိုင်၊ မၼ်း​ႁဵတ်း​မႂ်​ၽၵ်း​တူ​မႆႉ​ သၢၼ်ႇလုၼ်ႇ ​သွင်​မႂ်​လႄႈ ၶိုဝ်ႇ​ၽၵ်း​တူ​တင်း​သဝ်​ၽၵ်း​တူ​ၸိူဝ်း​ၼၼ်ႉ ၶဝ်ႈ​ပႃး​ၼႂ်း​ၽႃ​ၼၼ်ႉ​ႁႃႈ​ပုၼ်ႈ​ပုၼ်ႈ​ၼိုင်ႈ​ဢေႃႈ။-</verse>
				<verse number="32">ၼင်ႇ​ၼၼ်​လႄႈ မၼ်း​ႁဵတ်း​မႂ်​ၽၵ်း​တူ​မႆႉ​ သၢၼ်ႇလုၼ်ႇ ​သွင်​မႂ်​လႄႈ တွင်ႈ​ႁဵတ်း​ၶၵ်း​ႁဵတ်း​ႁၢင်ႈ​ ၶေႇရူႉၽဵမ်ႇ ​လႂ်၊ ႁၢင်ႈ​တူၼ်ႈ​ထၢၼ်​လႂ်၊ ႁၢင်ႈ​ပူႈ​မွၵ်ႇ​လူင်ႇ​မွၵ်ႇ​လႂ်​သႂ်ႇ​လႄႈ ဢဝ်​ၶမ်း​ဢုမ်ႇ​ႁေႃႇ​သေ​လႄႈ ဢဝ်​ၶမ်း​မူမ်ႇ​ႁၢင်ႈ​ ၶေႇရူႉၽဵမ်ႇ ​လႂ် ႁၢင်ႈ​တူၼ်ႈ​ထၢၼ်​လႂ်​ၸိူဝ်း​ၼၼ်ႉ​သေ​ဢေႃႈ။-</verse>
				<verse number="33">မိူၼ်​ၼင်ႇ​ၼၼ် ပုၼ်ႈ​ႁူး​ၽၵ်း​တူ​ပိၵ်ႈ​မၢၼ်ႇ​ၸဝ်ႈ​ၵေႃႈ၊ ႁဵတ်း​သဝ်​ၽၵ်း​တူ​မႆႉ​ သၢၼ်ႇလုၼ်ႇ ဢၼ်​ၶဝ်ႈ​ပႃး​ၼႂ်း ၽႃ​သီႇ​ပုၼ်ႈ ပုၼ်ႈ​ၼိုင်ႈ၊-</verse>
				<verse number="34">ဢိၵ်ႇ​တင်း​မႂ်​ၽၵ်း​တူ​မႆႉ​ပႅၵ်ႇ​သွင်​မႂ်​ဢေႃႈ ၵႃႈ​တီႈ​မႂ်​ၽၵ်း​တူ​မႂ်​ၼိုင်ႈ မီး​သွင်​ၽႅၼ်ႇ​ဢၼ်​တူပ်ႉ​လႆႈ​ႁၵ်း​လႆႈ​လႄႈ ၵႃႈ​တီႈ​မႂ်​ၽၵ်း​တူ​တၢင်ႇ​မႂ်​ၵေႃႈ​မီး​သွင်​ၽႅၼ်ႇ​ဢၼ်​တူပ်ႉ​လႆႈ​ႁၵ်း​လႆႈ​ဢေႃႈ။-</verse>
				<verse number="35">တီႈ​မႂ်​ၽၵ်း​တူ​ၸိူဝ်း​ၼၼ်ႉ၊ မၼ်း​တွင်ႈ​ႁဵတ်း​ၶၵ်း​ႁဵတ်း​ႁၢင်ႈ​ ၶေႇရူႉၽဵမ်ႇ ​လႂ်၊ ႁၢင်ႈ​တူၼ်ႈ​ထၢၼ်​လႂ်၊ ႁၢင်ႈ​ပူႈ​မွၵ်ႇ​လူင်ႇ​မွၵ်ႇ​လႂ်​သႂ်ႇ​လႄႈ ဢဝ်​ၶမ်း​ဢုမ်ႇ​ႁေႃႇ​ၸွမ်း​လၢႆး​မၼ်း​ဝႆႉ​လီ​လီ​ငၢမ်း​ငၢမ်း​ဢေႃႈ။</verse>
				<verse number="36">တမ်ႇ​တိူင်း​ဢၼ်​ၵႃႈ​ၼႂ်း​ၵေႃႈ မၼ်း​ဢဝ်​မၢၵ်ႇ​ႁိၼ်​ဢၼ်​ထၢၵ်ႇ​ဢၼ်​သပ်း တႄႇ​ႁဵတ်း​သၢမ်​ထႅဝ် မႆႉ​ ဢႃႇရိတ်ႉ ​ထႅဝ်​ၼိုင်ႈ ပဵၼ်​ၸၼ်ႉ​ပဵၼ်​ထၢပ်ႈ​ဝႆႉ​ဢေႃႈ။-</verse>
				<verse number="37">ၼႂ်း​ပီႊ​ဢၼ်​မၼ်း​ၸၢမ်ႇ​ႁၢင်ႈ​ၸၢမ်ႇ​ႁေႃ ဢၼ်​ထူၼ်ႈ​ထိုင်​သီႇ​ပီႊ လိူၼ်​ ၸီႉၽႃႉ ​ၼၼ်ႉ ၶဝ်​ဢွၼ်​ၵၼ်​ၶျႃး​ငဝ်ႈ​ႁၢၵ်ႈ​တိူၵ်ႈ​ႁိူၼ်း​ထႃႇဝရႃႉ​ၽြႃး​လႄႈ၊-</verse>
				<verse number="38">ၼႂ်း​ပီႊ​ဢၼ်​မၼ်း​ၸၢမ်ႇ​ႁၢင်ႈ​ၸၢမ်ႇ​ႁေႃ ဢၼ်​ထူၼ်ႈ​ထိုင်​သိပ်း​ဢဵတ်း​ပီႊ၊ လိူၼ်​ဢႃႉထမႃႉ ဢၼ်​ဝႃႈ​လိူၼ်​ ပူႉလႃႉ ​ၼၼ်ႉ ႁိူၼ်း​ၸဝ်ႈ​ယဝ်ႉ​တူဝ်ႈ​လီ​ငၢမ်း ဢိၵ်ႇ​လူၺ်ႈ​ၵၼ်​တင်း​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​မၼ်း​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ်​ပုင်ႇ​ႁၢင်ႈ​မၼ်း​မီး​ၼၼ်ႉ​လႄႈ လႆႈ​ႁဵတ်း​ႁိူၼ်း​ၸဝ်ႈ​ၼၼ်ႉ ၸဵတ်း​ပီႊ​တဵမ်​တဵမ်​ဢေႃႈ။</verse>
			</chapter>
			<chapter number="7">
				<verse number="1">လႆႈ​သမ်ႉ သေႃးလမုၼ်ႇ ​တႄႇ​ႁဵတ်း​ႁေႃ​ၸဝ်ႈ​သိပ်း​ပၢႆ​သၢမ်​ပီႊ​တဵမ်​တဵမ်​လႄႈ ႁေႃ​ၸဝ်ႈ​ယဝ်ႉ​တူဝ်ႈ​တင်း​ႁေႃ​ဢေႃႈ။-</verse>
				<verse number="2">မၼ်း​တႄႇ​ႁဵတ်း​ႁေႃ​ၸဝ်ႈ​ထိူၼ်ႇ​ လေႇပၼုၼ်ႇ ​လႄႈ ၼႃႈ​ယၢဝ်း​မၼ်း​မီး​ပၢၵ်ႇ​သွၵ်ႇ၊ ၼႃႈ​ပွတ်း​မၼ်း​ႁႃႈ​သိပ်း​သွၵ်ႇ၊ ဢၼ်​သုင်​မၼ်း​သၢမ်​သိပ်း​သွၵ်ႇ ပဵၼ်​သဝ်​မႆႉ​ ဢႃႇရိတ်ႉ ​သီႇ​ထႅဝ် ဢိၵ်ႇ​တင်း​ႁုၼ်ႈ​မႆႉ​ ဢႃႇရိတ်ႉ ၵႃႈ​ၼိူဝ်​သဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="3">မၼ်း​ဢဝ်​ၽႅၼ်ႇ​ပႅၼ်ႈ​မႆႉ​ ဢႃႇရိတ်ႉ ​မုင်း​ၵႃႈ​ၼိူဝ်​ႁၢၼ်ႉ​လုၵ်း​တင်း​လၢႆ​ဢၼ်​မီး​ၵႃႈ​ၼိူဝ်​သဝ် ဢၼ်​ယေႈ​ထႅဝ်​မီး​သိပ်း​ႁႃႈ​သဝ်​ၼင်ႇ​ၵၼ်​လႄႈ ပွင်း​ၵၼ်​မီး​သီႇ​သိပ်း​ပၢႆ​ႁႃႈ​သဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="4">ႁူး​လၢင်း​တဵၼ်​သၢမ်​ထႅဝ်​ၼင်ႇ​ၵၼ်​တေႃႇ​ၵၼ်​သိုဝ်ႈ​ၵၼ် ပဵၼ်​ႁၢၼ်ႉ​ပဵၼ်​ႁၢၼ်ႉ​ယူႇ​သေ​လႄႈ​မီး​ဝႆႉ​ဢေႃႈ။</verse>
				<verse number="5">ႁူး​ၽၵ်း​တူ​ဢိၵ်ႇ​တင်း​သဝ်​ၽၵ်း​တူ ၵႃႈ​မီး​ၼၼ်ႉ​ပဵၼ်​သီႇ​ၸဵင်ႇ​ၶိုင်ႈ​ဝႆႉ​လႄႈ ႁူး​လၢင်း​တဵၼ်​တင်း​လၢႆ​တေႃႇ​ၵၼ်​သိုဝ်ႈ​ၵၼ် ပဵၼ်​ႁၢၼ်ႉ​ပဵၼ်​ႁၢၼ်ႉ​ယူႇ​သေ​လႄႈ မီး​သၢမ်​ထႅဝ်​ဢေႃႈ။-</verse>
				<verse number="6">မၼ်း​ႁဵတ်း​လၢင်း​ၼႃႈ​ႁေႃ ဢၼ်​ပျေႉ​ၸုမ်ႇ​ဝႆႉ​တင်း​သဝ်​တင်း​လၢႆ​လႄႈ ၼႃႈ​ယၢဝ်း​မၼ်း​မီး​ႁႃႈ​သိပ်း​သွၵ်ႇ၊ ၼႃႈ​ပွတ်း​မၼ်း​သၢမ်​သိပ်း​သွၵ်ႇ​ဢေႃႈ။ ၵႃႈ​တီႈ​ၽၢႆႇ​ၼႃႈ​လၢင်း​ၼႃႈ​ႁိူၼ်း​ၸဝ်ႈ​ၼၼ်ႉ မီး​လၢင်း​ဢၼ်​ပဵၼ်​တုပ်ႈ ဢၼ်​ပျေႉ​ၸုမ်ႇ​တင်း​သဝ်​တင်း​လၢႆ ဢိၵ်ႇ​တင်း​ၶူင်ႇ​ၽၵ်း​တူ​ဝႆႉ​ဢေႃႈ။-</verse>
				<verse number="7">မၼ်း​ႁဵတ်း​လၢင်း​ဢၼ်​ပဵၼ်​တုပ်ႈ​တီႈ​ဢၼ်​ဝႆႉ ရႃႇၸႃႉ​ပလၢင်ႇ​တြႃး​ဢၼ်​ဝႃႈ လၢင်း​ဢၼ်​ပဵၼ်​တုပ်ႈ​တီႈ​ဢၼ်​ၸီႇ​ယၢင်ႇ​တြႃး​လႄႈ ဢဝ်​ၽႅၼ်ႇ​ပႅၼ်ႈ​မႆႉ​ ဢႃႇရိတ်ႉ ​ႁဵတ်း​ဢၼ်​သိူဝ်ႇ​မၼ်း​ၸႃႉ​ၸဵမ်​ၽၢႆႇ​ၼိုင်ႈ တေႃႇ​ထိုင်​ႁွတ်ႈ​ၽၢႆႇ​ၼိုင်ႈ​ဢေႃႈ။-</verse>
				<verse number="8">ႁေႃ​ၸဝ်ႈ​တီႈ​ဢၼ်​မၼ်း​ယူႇ ၵႃႈ​ၼႂ်း​တမ်ႇ​တိူင်း​တၢင်း​ဢၼ် ဢၼ်​မီး​ၵႃႈ​တီႈ​ၼႂ်း​လၢင်း ဢၼ်​ပဵၼ်​တုပ်ႈ​ၼၼ်ႉ​ၵေႃႈ​ႁဵတ်း​မိူၼ်​မိူၼ်​ၵၼ်​ဢေႃႈ။ ႁေႃ​ၸဝ်ႈ​လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး ဢၼ်​ သေႃးလမုၼ်ႇ ​ႁူမ်ႈ​ပွင်း​ၼၼ်ႉ​ၵေႃႈ မၼ်း​ႁဵတ်း​ႁႂ်ႈ​မိူၼ်​ၸိူဝ်ႉ​ၼင်ႇ​လၢင်း ဢၼ်​ပဵၼ်​တုပ်ႈ​ၼၼ်ႉ​ဢေႃႈ။-</verse>
				<verse number="9">ၵႃႈ​မီး​ၼႆႉ​ယဝ်ႉ​တူဝ်ႈ​လူၺ်ႈ​မၢၵ်ႇ​ႁိၼ်​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ် ဢၼ်​ဝႃႈ​မၢၵ်ႇ​ႁိၼ်​ဢၼ်​ထၢၵ်ႇ​ဢၼ်​သပ်း​ၸွမ်း​လူၺ်ႈ​ပမႃႇၼႃႉ​မၼ်း ဢၼ်​ဢဝ်​လဵၵ်း​လိူဝ်ႈ​လိူဝ်ႈ​ႁဵတ်း​ၸိူဝ်း​ၼၼ်ႉ ၵႃႈ​တီႈ​ၽၢႆႇ​ၼွၵ်ႈ​ၽၢႆႇ​ၼႂ်း ဢဝ်​ၵႃႈ​တီႈ​ငဝ်ႈ​ႁၢၵ်ႈ​မၼ်း တေႃႇ​ထိုင်​ႁွတ်ႈ​ပၢႆ​ၸိၵ်း​မၼ်း ဢိၵ်ႇ​တင်း​ဢဝ်​ၵႃႈ​တီႈ​ၽၢႆႇ​ၼွၵ်ႈ​မၼ်း တေႃႇ​ထိုင်​ႁွတ်ႈ​တမ်ႇ​တိူင်း​လူင်​ဢေႃႈ။-</verse>
				<verse number="10">ငဝ်ႈ​ႁၢၵ်ႈ​မၼ်း​ၵေႃႈ ယဝ်ႉ​တူဝ်ႈ​လူၺ်ႈ​မၢၵ်ႇ​ႁိၼ် ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ဢၼ်​ဝႃႈ မၢၵ်ႇ​ႁိၼ်​လူင်​ဢၼ်​ၼႃႈ​ယၢဝ်း​မၼ်း​မီး​ပႅတ်ႇ​သွၵ်ႇ​သိပ်း​သွၵ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="11">ၵႃႈ​ၼိူဝ်​ၼၼ်ႉ​ၵေႃႈ မီး​မၢၵ်ႇ​ႁိၼ်​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ဢၼ်​ဝႃႈ မၢၵ်ႇ​ႁိၼ်​ဢၼ်​ထၢၵ်ႇ​ဢၼ်​သပ်း ၸွမ်း​လူၺ်ႈ​ပမႃႇၼႃႉ​မၼ်း ဢိၵ်ႇ​တင်း​မႆႉ​ ဢႃႇရိတ်ႉ ​ဢေႃႈ။-</verse>
				<verse number="12">တမ်ႇ​တိူင်း​လူင်​ၼၼ်ႉ​ယဝ်ႉ​တူဝ်ႈ​လူၺ်ႈ​မၢၵ်ႇ​ႁိၼ်​ဢၼ်​ထၢၵ်ႇ​ဢၼ်​သပ်း​သၢမ်​ထႅဝ် တင်း​မႆႉ​ ဢႃႇရိတ်ႉ ​လူင်​ထႅဝ်​ၼိုင်ႈ​ဢေႃႈ။ တမ်ႇ​တိူင်း​ဢၼ်​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​တမ်ႇ​တိူင်း​လၢင်း ဢၼ်​ပဵၼ်​တုပ်ႈ​ႁေႃ​ၸဝ်ႈ​ၸိူဝ်း​ၼၼ်ႉ ယဝ်ႉ​တူဝ်ႈ​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="13">ၶုၼ်​လူင်​ သေႃးလမုၼ်ႇ ​ၵေႃႈ ပွႆႇ​ၸႂ်ႉ​လႄႈ ႁွင်ႉ​ဢဝ်​ ႁီႉရမ်ႇ ​သေ​ၵႃႈ​တီႈ​ဝဵင်း​ တူႉရူႉ ​မႃး​ဢေႃႈ။-</verse>
				<verse number="14">မၼ်း​ၼၼ်ႉ​ၸမ်ႉ၊ ပဵၼ်​လုၵ်ႈ​ၸၢႆး​မႄႈ​မူၵ်း​မႄႈ​မၢႆႈ မဵဝ်း​ ၼပ်ႉထလီႉ ​လႄႈ ပေႃႈ​မၼ်း​ၸမ်ႉ၊ ပဵၼ်​ၵူၼ်း​မဵဝ်း​ တူႉရူႉ ​လႄႈ ၸၢင်ႈ​ႁဵတ်း​တွင်း​လိူင်​ဢေႃႈ၊ မၼ်း​ၼၼ်ႉ​ပျေႉ​ၸုမ်ႇ​တင်း​ၺၢၼ်ႇ​ပိင်ႇ​ၺႃႇ​တၢင်း​ၵတ်ႉ​တၢင်း​ၶၼ် ဢၼ်​မေႃ​ႁဵတ်း​တၢင်း​ႁဵတ်း​တွင်း​လိူင်​ၵူႈ​ၸိူဝ်ႉ​ၵူႈ​ပိူင်​လႄႈ မႃး​ၸူး​ၵႃႈ​တီႈ​ၶုၼ်​လူင်​ သေႃးလမုၼ်ႇ ​သေ​လႄႈ ႁႂ်ႈ​တၢင်း​ႁဵတ်း​မၼ်း​ၵႃႈ​မီး​ယဝ်ႉ​တူဝ်ႈ​ဢေႃႈ။-</verse>
				<verse number="15">မၼ်း​ၼၼ်ႉ​လေႃႇ​သွၼ်း​ႁဵတ်း​သဝ်​တွင်း​လိူင်​သွင်​လႅမ်ႈ ဢၼ်​တၢင်း​သုင်​မၼ်း​မီး​သိပ်း​ပၢႆ​ပႅတ်ႇ​သွၵ်ႇ၊ ဝႅင်း​မူၼ်း​လဵပ်ႈ​ႁွပ်ႈ​မၼ်း​သိပ်း​ပၢႆ​သွင်​သွၵ်ႇ​ၼၼ်ႉ​ဢေႃႈ။-</verse>
				<verse number="16">မၼ်း​လေႃႇ​သွၼ်း​ႁဵတ်း​ႁူဝ်​သဝ်​တွင်း​လိူင်​သွင်​ဢၼ် ပုၼ်ႈ​ဢၼ်​တၵ်း​တၢင်ႇ​သႂ်ႇ​ၵႃႈ​ၼိူဝ်​သဝ်​ၸိူဝ်း​ၼၼ်ႉ​ဢေႃႈ။ ဢၼ်​သုင်​ႁူဝ်​သဝ်​ဢၼ်​ၼိုင်ႈ​မီး​ႁႃႈ​သွၵ်ႇ၊ ဢၼ်​သုင်​ႁူဝ်​သဝ်​တၢင်ႇ​ဢၼ်​မီး​ႁႃႈ​သွၵ်ႇ​ဢေႃႈ။-</verse>
				<verse number="17">မီး​တႃ​ၶႄ​တွင်း​လိူင် ဢိၵ်ႇ​တင်း​ၸိူၵ်ႈ​တွင်း​လိူင် ပုၼ်ႈ​ႁူဝ်​သဝ်​ဢၼ်​မီး​ၵႃႈ​ၼိူဝ်​သဝ်​ၸိူဝ်း​ၼၼ်ႉ ဢၼ်​ဝႃႈ တႃ​ၶႄ​ၸဵတ်း​ဢၼ်​ပုၼ်ႈ​ႁူဝ်​သဝ်​ဢၼ်​ၼိုင်ႈ၊ တႃ​ၶႄ​ၸဵတ်း​ဢၼ်​ပုၼ်ႈ​ႁူဝ်​သဝ်​တၢင်ႇ​ဢၼ်​ဢေႃႈ။-</verse>
				<verse number="18">ၼင်ႇ​ၼၼ်​လႄႈ မၼ်း​ႁဵတ်း​သဝ်​ၸိူဝ်း​ၼၼ်ႉ​ဢေႃႈ၊ မီး​မၢၵ်ႇ​ၸင်ႈ​သွင်​ထႅဝ် ဢၼ်​ႁၢင်ႈ​ၶိူင်ႈ​သႂ်ႇ​ၵႃႈ​ၼိူဝ်​တႃ​ၶႄ ဢၼ်​ႁူမ်ႇ​သုမ်ႇ​ႁူဝ်​သဝ်​ဢၼ်​မီး​ၵႃႈ​ၼိူဝ်​ၼၼ်ႉ​ဢေႃႈ။ မိူၼ်​ၸိူဝ်ႉ​ၼင်ႇ​ၼၼ် မၼ်း​ႁဵတ်း​တီႈ​ႁူဝ်​သဝ်​တၢင်ႇ​လႅမ်ႈ​ၼၼ်ႉ​ဢေႃႈ။-</verse>
				<verse number="19">ႁူဝ်​သဝ်​ဢၼ်​မီး​ၵႃႈ​ၼိူဝ်​ပၢႆ​သဝ် ဢၼ်​မီး​ဝႆႉ​ၵႃႈ​ၼႂ်း​လၢင်း​ဢၼ်​ပဵၼ်​တုပ်ႈ​ၼၼ်ႉ​ပဵၼ်​ပုင်ႇ​ႁၢင်ႈ​မွၵ်ႇ​မူဝ်​ဝႆႉ​လႄႈ ဢၼ်​ယၢဝ်း​မၼ်း​မီး​သီႇ​သွၵ်ႇ​ဢေႃႈ။-</verse>
				<verse number="20">ႁူဝ်​သဝ်​သွင်​ဢၼ်​ၼၼ်ႉ​တႄႇ​ယူႇ​ၵႃႈ​ၼိူဝ်​မၢၼ်း​ပီ၊ ဢၼ်​ၸၢပ်ႈ​ၸမ်​ၵၼ်​တင်း​တႃ​ၶႄ​ၼၼ်ႉ​ယူႇ​သေ​လႄႈ ၵႃႈ​တီႈ​ႁူဝ်​သဝ်​ယေႈ​ဢၼ်​ၼၼ်ႉ မီး​မၢၵ်ႇ​ၸင်ႈ​သွင်​ထႅဝ်​ၼင်ႇ​ၵၼ်​လႄႈ မီး​သွင်​ပၢၵ်ႇ​ႁူၺ်ႇ​ၼင်ႇ​ၵၼ်​ဢေႃႈ။-</verse>
				<verse number="21">မၼ်း​ဢဝ်​သဝ်​ၸိူဝ်း​ၼၼ်ႉ​ပၵ်း​ဝႆႉ ၵႃႈ​ၼႂ်း​လၢင်း​ဢၼ်​ပဵၼ်​တုပ်ႈ​ပိၵ်ႈ​မၢၼ်ႇ​ၸဝ်ႈ​လႄႈ ႁွင်ႉ​ႁဵၵ်ႈ​ၸိုဝ်ႈ​သဝ်​ၽၢႆႇ​ၶႂႃ​ဢၼ်​ပၵ်း​ဝႆႉ​ၼၼ်ႉ​ ယႃႇၶိၼ်ႇ ​လႄႈ​ႁွင်ႉ​ႁဵၵ်ႈ​ၸိုဝ်ႈ​သဝ်​ၽၢႆႇ​သၢႆႉ​ဢၼ်​ပၵ်း​ဝႆႉ​ၼၼ်ႉ​ ပေႃးၸႃႉ ​ဢေႃႈ။-</verse>
				<verse number="22">ၵႃႈ​ၼိူဝ်​ႁူဝ်​သဝ်​ၸိူဝ်း​ၼၼ်ႉ ပဵၼ်​လၢႆး​မွၵ်ႇ​မူဝ်​ဝႆႉ​လႄႈ တၢင်း​ဢၼ်​ႁဵတ်း​သဝ်​ၸိူဝ်း​ၼၼ်ႉ​ၼၼ်ႉ​ယဝ်ႉ​တူဝ်ႈ​ဢေႃႈ။</verse>
				<verse number="23">မၼ်း​ႁဵတ်း​ၼမ်ႉ​ၼွင်​တွင်း​လိူင် ဢၼ်​ဢဝ်​ၵႃႈ​တီႈ​ၶွပ်ႇ​ၽၢႆႇ​ၼိုင်ႈ​တေႃႇ​ထိုင်​ႁွတ်ႈ​ၶွပ်ႇ​ၽၢႆႇ​ၼိုင်ႈ မီး​သိပ်း​သွၵ်ႇ၊ ဢၼ်​လိုၵ်ႉ​မၼ်း​မီး​ႁႃႈ​သွၵ်ႇ၊ ဢၼ်​ဝႅင်း​မူၼ်း​မၼ်း​မီး​သၢမ်​သိပ်း​သွၵ်ႇ​ၼၼ်ႉ​ဢေႃႈ။-</verse>
				<verse number="24">ၵႃႈ​တီႈ​လဵပ်ႈ​ႁွပ်ႈ​တႂ်ႈ​ၶွပ်ႇ​ၼမ်ႉ​ၼွင်​ၼၼ်ႉ​မီး မၢၵ်ႇ​ၼမ်ႉ​တဝ်ႈ​ဢၼ်​လဵပ်ႈ​ႁွပ်ႈ​မၼ်း​လႄႈ ယေႈ​သွၵ်ႇ​ယေႈ​သွၵ်ႇ တဵမ်​ယေႈ​သိပ်း​လုၵ်ႈ ယေႈ​သိပ်း​လုၵ်ႈ ၸွမ်း​လူၺ်ႈ​တၢင်း​ဢၼ်​လဵပ်ႈ​ႁွပ်ႈ​ၼမ်ႉ​ၼွင်​ၼၼ်ႉ​သေ​လႄႈ ပဵၼ်​ထႅဝ်​မၢၵ်ႇ​ၼမ်ႉ​တဝ်ႈ​သွင်​ထႅဝ်​ဝႆႉ​လႄႈ လေႃႇ​ႁဵတ်း​ပဵၼ်​ၼိူဝ်ႉ​လဵဝ်​ၵၼ်​တင်း​မၼ်း​ဢေႃႈ။-</verse>
				<verse number="25">ၼမ်ႉ​ၼွင်​ၼၼ်ႉ​တၢင်ႇ​ဝႆႉ​ယူႇ​ၵႃႈ​ၼိူဝ်​ဝူဝ်း​သိပ်း​ပၢႆ​သွင်​တူဝ် ဢၼ်​သၢမ်​တူဝ်​ဝၢႆႇ​ၼႃႈ​ဢွၵ်ႇ​ၸူး​ၽၢႆႇ​ဝၼ်း​ဢွၵ်ႇ၊ သၢမ်​တူဝ်​ဝၢႆႇ​ၼႃႈ​ဢွၵ်ႇ​ၸူး​ၽၢႆႇ​ဝၼ်း​တူၵ်း၊ သၢမ်​တူဝ်​ဝၢႆႇ​ၼႃႈ​ဢွၵ်ႇ​ၸူး​ၽၢႆႇ​တၢင်း​ၸၢၼ်း၊ သၢမ်​တူဝ်​ဝၢႆႇ​ၼႃႈ​ဢွၵ်ႇ​ၸူး​ၽၢႆႇ​တၢင်း​ႁွင်ႇ၊ ၸိူဝ်း​ၼၼ်ႉ​လႄႈ ၼမ်ႉ​ၼွင်​ၼၼ်ႉ​လႆႈ​တၢင်ႇ​ဝႆႉ မီး​ယူႇ​ၵႃႈ​ၼိူဝ်​ဝူဝ်း​ၸိူဝ်း​ၼၼ်ႉ​လႄႈ ဝူဝ်း​ၸိူဝ်း​ၼၼ်ႉ​ဝၢႆႇ​ၵူၼ်ႈ​ၶဝ်​ၶဝ်ႈ​တၢင်း​ၼႂ်း​ယူႇ​ဢေႃႈ။-</verse>
				<verse number="26">ၼမ်ႉ​ၼွင်​ၼၼ်ႉ တၢင်း​ဢၼ်​ၼႃ​မၼ်း မီး​ၽႃႇ​မိုဝ်း​ၼိုင်ႈ​လႄႈ ၶွပ်ႇ​မၼ်း​ၼၼ်ႉ ပျေႉ​ၸုမ်ႇ​ဝႆႉ​တင်း​လၢႆး​မွၵ်ႇ​မူဝ်​မိူၼ်​ၸိူဝ်ႉ​ၼင်ႇ​ၶွပ်ႇ​ၵွၵ်း​ၼၼ်ႉ​ဢေႃႈ၊ ၶဝ်ႈ​ ပၢတ်ႈ ​ၼမ်ႉ​သွင်​ႁဵင်​ ပၢတ်ႈ ​ဢေႃႈ။</verse>
				<verse number="27">လႆႈ​သမ်ႉ မၼ်း​ႁဵတ်း​ၶူင်ႇ​တွင်း​လိူင်​သိပ်း​ၼိုင်ႈ ဢၼ်​ပမႃႇၼႃႉ​ၼႃႈ​ယၢဝ်း​မၼ်း​မီး​သီႇ​သွၵ်ႇ၊ ၼႃႈ​ပွတ်း​မၼ်း​သီႇ​သွၵ်ႇ၊ ဢၼ်​သုင်​မၼ်း​သၢမ်​သွၵ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="28">ႁၢင်ႈ​ၽၢင်​ၶူင်ႇ​ၸိူဝ်း​ၼၼ်ႉ​ၸမ်ႉ၊ မီး​ၵမ်း​ပၢတ်ႈ​ဢိၵ်ႇ​တင်း​ၶႅပ်း​ၽႃ ၶိုင်ႈ​ၵၢင်​ၵမ်း​ပၢတ်ႈ​ၼၼ်ႉ​ဢေႃႈ။-</verse>
				<verse number="29">ၵႃႈ​တီႈ​ၶႅပ်း​ၽႃ​ၶိုင်ႈ​ၵၢင်​ၵမ်း​ပၢတ်ႈ​ၸိူဝ်း​ၼၼ်ႉ မီး​လၢႆး​ႁၢင်ႈ​သၢင်ႇ​သီႈ၊ ဝူဝ်း၊ ၶေႇရူႉၽဵမ်ႇ ​တင်း​လၢႆ​လႄႈ ၵႃႈ​ၼိူဝ်​ၵမ်း​ပၢတ်ႈ​ၼၼ်ႉ​ၵေႃႈ မီး​ၶူင်ႇ​ဢၼ်​ၼိုင်ႈ​ဢေႃႈ၊ ၵႃႈ​တီႈ​တႂ်ႈ​သၢင်ႇ​သီႈ တင်း​ဝူဝ်း​ၸိူဝ်း​ၼၼ်ႉ​ၵေႃႈ မီး​သွႆႈ​မွၵ်ႇ​ႁွႆႈ​ယူႇ​ဢေႃႈ။-</verse>
				<verse number="30">ၵႃႈ​တီႈ​ၶူင်ႇ​ယေႈ​ဢၼ်​မီး​မၢၵ်ႇ​လေႃႉ​တွင်း​လိူင်​သီႇ​လုၵ်ႈ​ၼင်ႇ​ၵၼ် ဢိၵ်ႇ​လူၺ်ႈ​ၵၼ်​တင်း​ဝၢင်ႇ​ရူဝ်း​ မၼ်း​ဢေႃႈ။ ၵႃႈ​တီႈ​တိၼ်​မၼ်း​သီႇ​ဢၼ် မီး​ႁူဝ်​မႃႇ​လႄႈ​ၵႃႈ​တႂ်ႈ​မေႃႈ​ဢႅင်ႇ​ၼၼ်ႉ​မီး​ႁူဝ်​မႃႇ ဢၼ်​လေႃႇ​သွၼ်း​ႁဵတ်း​လႄႈ ၽၢႆႇ​ၼွၵ်ႈ​ႁူဝ်​မႃႇ​ယေႈ​ဢၼ်​ၼၼ်ႉ​မီး​သွႆႈ​မွၵ်ႇ​ဢေႃႈ။-</verse>
				<verse number="31">ပၢၵ်ႇ​ႁူး​ၵႃႈ​တႂ်ႈ​မေႃႈ​ဢႅင်ႇ​ၼၼ်ႉ မီး​ၵႃႈ​ၼိူဝ်​ၶိုင်ႈ​ၵၢင်​ၸိၵ်း​ၽႃ​ဢၼ်​ႁူမ်ႇ​ၼၼ်ႉ​လႄႈ ယၢၼ်​သွၵ်ႇ​ၼိုင်ႈ​ဢေႃႈ။ ပၢၵ်ႇ​ၽႃ​ဢၼ်​ႁူမ်ႇ​ၼၼ်ႉ မူၼ်း​ဝႆႉ​မိူၼ်​ၸိူဝ်ႉ​ၼင်ႇ​တိၼ်​သဝ်​လႄႈ ဢၼ်​ၵႂၢင်ႈ​မၼ်း​မီး​သွၵ်ႇ​ပၢႆ​ၶိုပ်ႈ​ဢေႃႈ၊ ၵႃႈ​တီႈ​ၸွမ်း​ႁိမ်း​ပၢၵ်ႇ​ၼၼ်ႉ​ၵေႃႈ မီး​လၢႆး​မွၵ်ႇ​လၢႆး​မႂ်​လႄႈ ၶႅပ်း​ၽႃ​ၶိုင်ႈ​ၵၢင်​မၼ်း​ၸိူဝ်း​ၼၼ်ႉ ယင်း​ဢမ်ႇ​မူၼ်း​လႄႈ ပဵၼ်​သီႇ​ၸဵင်ႇ​ၶိုင်ႈ​ဝႆႉ​ဢေႃႈ။-</verse>
				<verse number="32">မၢၵ်ႇ​လေႃႉ​သီႇ​လုၵ်ႈ တူၵ်း​တီႈ​ယူႇ​ၵႃႈ​တႂ်ႈ​ၶႅပ်း​ၽႃ​ၶိုင်ႈ​ၵၢင်​ၵမ်း​ပၢတ်ႈ​ၸိူဝ်း​ၼၼ်ႉ​ယူႇ၊ ဝၢင်ႇ​ရူဝ်း​မၢၵ်ႇ​လေႃႉ​ၸိူဝ်း​ၼၼ်ႉ ၸပ်း​ၵၼ်​တင်း​ၶူင်ႇ​ယူႇ​သေ​လႄႈ ဢၼ်​သုင်​မၢၵ်ႇ​လေႃႉ​မီး​သွၵ်ႇ​ပၢႆ​ၶိုပ်ႈ​ဢေႃႈ။-</verse>
				<verse number="33">ပုင်ႇ​ႁၢင်ႈ​မၢၵ်ႇ​လေႃႉ​ၸမ်ႉ၊ မိူၼ်​ၸိူဝ်ႉ​ၼင်ႇ​မၢၵ်ႇ​လေႃႉရထႃး​ၼၼ်ႉ​ဢေႃႈ။ ဝၢင်ႇ​ရူဝ်း၊ ပၼ်ႇ​တွင်း၊ သိၵ်ႈ​မၢၵ်ႇ​လေႃႉ၊ ၶွပ်ႇ​မၢၵ်ႇ​လေႃႉ ၸိူဝ်း​ၼၼ်ႉ​ၵေႃႈ ပဵၼ်​ဢၼ်​လေႃႇ​သွၼ်း​ႁဵတ်း​ဢေႃႈ။-</verse>
				<verse number="34">ၵႃႈ​တီႈ​သီႇ​ၸဵင်ႇ ၶူင်ႇ​ယေႈ​ဢၼ်​ၼၼ်ႉ မီး​ႁူဝ်​မႃႇ​သီႇ​ဢၼ် ဢၼ်​လေႃႇ​သွၼ်း​ႁဵတ်း​ပဵၼ်​ၼိူဝ်ႉ​လဵဝ်​ၵၼ်​တင်း​ၶူင်ႇ​ၼၼ်ႉ​ဢေႃႈ။-</verse>
				<verse number="35">ၵႃႈ​ၼိူဝ်​ႁူဝ်​ၶူင်ႇ​ၼၼ်ႉ မီး​ၽႃ​ႁူမ်ႇ​ဢၼ်​သူတ်ႇ​ၵွင်ႇ​ၶိုၼ်ႈ​လႄႈ ဢၼ်​သုင်​မၼ်း​မီး​ၶိုပ်ႈ​ၼိုင်ႈ​ဢေႃႈ။ ၵႃႈ​ၼိူဝ်​ႁူဝ်​ၶူင်ႇ​ၼၼ်ႉ​ၵေႃႈ မီး​မိုဝ်း​ပုၼ်ႈ​ဢၼ်​တၵ်း​ယိပ်း​ၵမ်​လႂ် တင်း​ၶႅပ်း​ၽႃ​ၶိုင်ႈ​ၵၢင်​ၵမ်း​ပၢတ်ႈ​မၼ်း​လႂ်​သေ​လႄႈ ပဵၼ်​ၼိူဝ်ႉ​လဵဝ်​ၵၼ်​တင်း​ၶူင်ႇ​ဢေႃႈ။-</verse>
				<verse number="36">ၵႃႈ​ၼိူဝ်​ၼႃႈ​ၽႅပ်ႉ​မိုဝ်း​မၼ်း​ၸိူဝ်း​ၼၼ်ႉ တင်း​ၶႅပ်း​ၽႃ​ၶိုင်ႈ​ၵၢင်​ၵမ်း​ပၢတ်ႈ​မၼ်း​ၸိူဝ်း​ၼၼ်ႉ​ၵေႃႈ မၼ်း​တွင်ႈ​ႁဵတ်း​ႁၢင်ႈ​ ၶေႇရူႉၽဵမ်ႇ ၊ သၢင်ႇ​သီႈ၊ တူၼ်ႈ​ထၢၼ်​ၸွမ်း​ၵႃႈ​ၼင်ႇ​ဢၼ် ၶႅပ်း​ၽႅပ်ႉ​မၼ်း​မီး​ႁင်း​ၽႂ်​ႁင်း​မၼ်း​ၼၼ်ႉ ဢိၵ်ႇ​တင်း​သွႆႈ​မွၵ်ႇ​ၵႃႈ​တီႈ​ၸွမ်း​ႁိမ်း​မၼ်း​ဢေႃႈ။-</verse>
				<verse number="37">ၼင်ႇ​ၼၼ်​လႄႈ​မၼ်း​လေႃႇ​သွၼ်း​ႁဵတ်း​ၶူင်ႇ​သိပ်း​ၼိုင်ႈ​လႄႈ ႁႂ်ႈ​ပုင်ႇ​ႁၢင်ႈ​ၽၢင်​တၢင်း​ဢၼ်​လဵၵ်ႉ​ယႂ်ႇ​တႅမ်ႇ​သုင် တင်း​သဵင်ႈ​တင်း​လူင် ပဵၼ်​ပိူင်​လဵဝ်​ၵၼ်​ဢေႃႈ။</verse>
				<verse number="38">မေႃႈ​ဢႅင်ႇ​တွင်း​လိူင် ဢၼ်​ ပၢတ်ႈ ​ၼမ်ႉ​ၶဝ်ႈ​လႆႈ​သီႇ​သိပ်း​ ပၢတ်ႈ ​လႄႈ ပၢၵ်ႇ​မၼ်း​ၵႂၢင်ႈ​သီႇ​သွၵ်ႇ​ၼၼ်ႉ​ၵေႃႈ မၼ်း​ႁဵတ်း​သိပ်း​လုၵ်ႈ​လႄႈ ၵႃႈ​ၼိူဝ်​ၶူင်ႇ​ယေႈ​ဢၼ်​ၼၼ်ႉ ဢဝ်​မေႃႈ​ဢႅင်ႇ​တၢင်ႇ​ဝႆႉ​ယေႈ​ဢၼ်​ၼင်ႇ​ၵၼ်​ဢေႃႈ။-</verse>
				<verse number="39">မၼ်း​ဢဝ်​ၶူင်ႇ​ၸိူဝ်း​ၼၼ်ႉ​ဝႆႉ ၵႃႈ​တီႈ​ၽၢႆႇ​ၶႂႃ​ႁိူၼ်း​ၸဝ်ႈ​ႁႃႈ​ဢၼ်၊ ၵႃႈ​တီႈ​ၽၢႆႇ​သၢႆႉ​ႁိူၼ်း​ၸဝ်ႈ​ႁႃႈ​ဢၼ်​လႄႈ၊ ၼမ်ႉ​ၼွင်​ၸမ်ႉ၊ မၼ်း​ဢဝ်​ၶျႃး​တီႈ​ယူႇ​ဝႆႉ ၵႃႈ​တီႈ​ၽၢႆႇ​ၶႂႃ​ႁိူၼ်း​ၸဝ်ႈ တၢင်း​ဝၼ်း​ဢွၵ်ႇ​ၸဵင်ႇ​ၸၢၼ်း​ဢေႃႈ။</verse>
				<verse number="40">ႁီႉရမ်ႇ ​ၼၼ်ႉ ႁဵတ်း​မေႃႈ​ဢႅင်ႇ​လႂ်၊ ၸေႃႉ​လႂ်၊ ဝၢၼ်ႇ​လႂ်​ၸိူဝ်း​ၼၼ်ႉ​ဢေႃႈ။ ၼင်ႇ​ၼၼ်​လႄႈ​လွင်ႈ​တၢင်း​ဢၼ် ႁီႉရမ်ႇ ​ၵွႆႈ​ႁဵတ်း​ၵႃႈ​ဢၼ်​ႁဵတ်း​တီႈ​ႁိူၼ်း​ထႃႇဝရႃႉ​ၽြႃး ပုၼ်ႈ​ၶုၼ်​လူင်​ သေႃးလမုၼ်ႇ ​ၼၼ်ႉ​ၸမ်ႉ၊-</verse>
				<verse number="41">ပဵၼ်​သဝ်​သွင်​လႅမ်ႈ၊ ၸိၵ်း​ႁူဝ်​သဝ်​သွင်​ဢၼ် ဢၼ်​မီး​ၵႃႈ​ၼိူဝ်​သဝ်​ၸိူဝ်း​ၼၼ်ႉ၊ တႃ​ၶႄ​ဢၼ်​တၵ်း​ႁူမ်ႇ​သုမ်ႇ​ၸိၵ်း​ႁူဝ်​သဝ်​သွင်​ဢၼ် ဢၼ်​မီး​ၵႃႈ​ၼိူဝ်​သဝ်​ၸိူဝ်း​ၼၼ်ႉ၊-</verse>
				<verse number="42">မၢၵ်ႇ​ၸင်ႈ​သီႇ​ပၢၵ်ႇ ပုၼ်ႈ​တႃ​ၶႄ​သွင်​ဢၼ် ဢၼ်​ဝႃႈ​မၢၵ်ႇ​ၸင်ႈ​သွင်​ထႅဝ် ပုၼ်ႈ​တႃ​ၶႄ​ယေႈ​ဢၼ်​ႁႂ်ႈ​လႆႈ ႁူမ်ႇ​သုမ်ႇ​ၸိၵ်း​ႁူဝ်​သဝ် ဢၼ်​မီး​ၵႃႈ​ၼိူဝ်​သဝ်​ၸိူဝ်း​ၼၼ်ႉ၊-</verse>
				<verse number="43">ၶူင်ႇ​သိပ်း​ၼိုင်ႈ၊ မေႃႈ​ဢႅင်ႇ ဢၼ်​ဢဝ်​တၢင်ႇ​ဝႆႉ​ၵႃႈ​ၼိူဝ်​ၶူင်ႇ​ၸိူဝ်း​ၼၼ်ႉ၊-</verse>
				<verse number="44">ၼမ်ႉ​ၼွင်​လုၵ်ႈ​ၼိုင်ႈ ဢိၵ်ႇ​တင်း​ဝူဝ်း​ဢၼ်​ၵမ်ႉ​ထွၵ်ႈ​ၼမ်ႉ​ၼွင်​ၼၼ်ႉ သိပ်း​ပၢႆ​သွင်​တူဝ်၊-</verse>
				<verse number="45">မေႃႈ​လႂ်၊ ၸေႃႉ​လႂ်၊ ဝၢၼ်ႇ​လႂ်​တင်း​လၢႆ​ဢေႃႈ။ ၶိူင်ႈ​ပိူင်​ၵႃႈ​တီႈ​ႁိူၼ်း​ထႃႇဝရႃႉ​ၽြႃး ၵႃႈ​ဢၼ်​ ႁီႉရမ်ႇ ​ႁဵတ်း​ပုၼ်ႈ​ၶုၼ်​လူင် သေႃးလမုၼ်ႇ ​ၸိူဝ်း​ၼၼ်ႉ ယဝ်ႉ​တူဝ်ႈ​လူၺ်ႈ​တွင်း​လိူင်​ဢၼ်​လုၵ်ႉ​ႁိူဝ်ႈ​ယူႇ​မၢပ်ႈ​မၢပ်ႈ​မႅပ်ႈ​မႅပ်ႈ​ဢေႃႈ။-</verse>
				<verse number="46">ၶုၼ်​ႁေႃ​ၶမ်း​လေႃႇ​သွၼ်း​ႁဵတ်း​ၸိူဝ်း​ၼၼ်ႉ ၵႃႈ​တီႈ​လိၼ်​ၼဵဝ်​ဢၼ်​မီး​ၵႃႈ​ၼႂ်း​ၵႄႈ​ဝူင်ႈ​ၵၢင်​ဝဵင်း​ သူႉၵုတ်ႉ တင်း​ဝဵင်း​ ၸႃႇရတၼ်ႇ ​ၵႃႈ​တီႈ​ပၢင်ႇ​ႁူၺ်ႈ​ ယေႃးတၢၼ်ႇ ​ဢေႃႈ။-</verse>
				<verse number="47">ၵွပ်ႈ​ပိူဝ်ႈ​ဢၼ်​ၶိူင်ႈ​ပိူင်​ၸိူဝ်း​ၼၼ်ႉ ၼမ်​ၼႃႇ​လႄႈ သေႃးလမုၼ်ႇ ​ယင်း​ဢမ်ႇ​ၸင်ႈ​ဢမ်ႇ​ႁိဝ်ႈ​လႄႈ​လေႃႇ​ႁဵတ်း​ဝႆႉ​ဢေႃႈ။ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁူႉ​တၢင်း​ဢၼ်​ၸင်ႈ​ဢၼ်​ႁိဝ်ႈ​တွင်း​လိူင်​ၼၼ်ႉ။</verse>
				<verse number="48">သေႃးလမုၼ်ႇ ႁဵတ်း​ၶိူင်ႈ​ပိူင်​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ႁိူၼ်း​ထႃႇဝရႃႉ​ၽြႃး ဢၼ်​ဝႃႈ​ယိတ်ႈပလၢင်ႇ​ၶမ်း၊ ၶူင်ႇ​တီႈ​ၵိၼ်​ၶမ်း တီႈ​ဢၼ်​တၢင်ႇ​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ​ဝႆႉ၊-</verse>
				<verse number="49">ၶူင်ႇ​တီႈ​တႆႈ​ၽႆး​ၶမ်း​လွတ်ႈ​ငၢၼ်ႇ​ၵႃႈ​တီႈ​ၽၢႆႇ​ၼႃႈ​ထႃႇၼႃႉ​တီႈ​ပျႃႇ​တိၵ်ႈ​ၸဝ်ႈ ၽၢႆႇ​ၶႂႃ​ႁႃႈ​ဢၼ်၊ ၵႃႈ​တီႈ​ၽၢႆႇ​သၢႆႉ​ႁႃႈ​ဢၼ်၊ မွၵ်ႇ​ၶမ်း၊ ဝၢၼ်ႇ​တႆႈ​ၽႆး​ၶမ်း၊ ၵိမ်း​ၺၢပ်ႈ​ၽႆး​ၶမ်း၊-</verse>
				<verse number="50">မေႃႈ​မႅၼ်း၊ ၵိမ်း​ၵိပ်ႈ​ၽႆး၊ ဝၢၼ်ႇ၊ ၸေႃႉ၊ လၢင်ႇ​ပၢၼ်း​ဢၼ်​ယဝ်ႉ​တူဝ်ႈ​လူၺ်ႈ​ၶမ်း​လွတ်ႈ​ငၢၼ်ႇ​တင်း​လၢႆ၊ ပတ်ႈ​တႃႇ​ၶမ်း​ဢၼ်​ႁွႆႈ​ၽၵ်း​တူ လုၵ်း​ဢၼ်​ၵႃႈ​ၼႂ်း​ဢၼ်​ဝႃႈ ထႃႇၼႃႉ​တီႈ​မူတ်း​ၸၢင်ႇ​ၼႃႇ​သေ​ပိူၼ်ႈ ဢိၵ်ႇ​တင်း​ၽၵ်း​တူ​ႁိူၼ်း​ၸဝ်ႈ​ဢၼ်​ဝႃႈ ပိၵ်ႈ​မၢၼ်ႇ​ၸဝ်ႈ​ၸိူဝ်း​ၼၼ်ႉ​ဝႆႉ​ၸိူဝ်း​ၼၼ်ႉ​ဢေႃႈ။-</verse>
				<verse number="51">ၼင်ႇ​ၼၼ်​လႄႈ တၢင်း​ႁဵတ်း​ၵႃႈ​ဢၼ်​ၶုၼ်​လူင်​ သေႃးလမုၼ်ႇ ​ၸီႇ​ယၢင်ႇ​ပွင်​ႁဵတ်း​ၵူႈ​ၸိူဝ်ႉ​ၵူႈ​ပိူင်​ပုၼ်ႈ​ႁိူၼ်း​ထႃႇဝရႃႉ​ၽြႃး​ၼၼ်ႉ​ယဝ်ႉ​တူဝ်ႈ​သေ​ယဝ်ႉ၊ သေႃးလမုၼ်ႇ ​ပႃး​ဢဝ်​ၶိူင်ႈ​ပိူင်​ဢၼ်​ၸဝ်ႈ​ပေႃႈ​မၼ်း​ တႃႇဝိတ်ႈ ​လူႇ​တၢၼ်း ဢၼ်​ဝႃႈ​ငိုၼ်း၊ ၶမ်း၊ ၶိူင်ႈ​ပိူင်​ၸိူဝ်း​ၼၼ်ႉ မႃး​လႄႈ​သႂၢင်း​သႂ်ႇ​ဝႆႉ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ႁိူၼ်း​ထႃႇဝရႃႉ​ၽြႃး​ၼၼ်ႉ​ဢေႃႈ။</verse>
			</chapter>
			<chapter number="8">
				<verse number="1">မိူဝ်ႈ​ၼၼ်ႉ သေႃးလမုၼ်ႇ ​ၼၼ်ႉ ႁွင်ႉ​ဢဝ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ်​ၼႂ်း​မဵဝ်း​တင်း​လၢႆ​ဢၼ်​ဝႃႈ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ၵႃႈ​ၼႂ်း​ၵူၼ်း​မဵဝ်း ဢီႉသရေႇလႃႉ ​ၼၼ်ႉ တင်း​သဵင်ႈ​တင်း​လူင် မႃး​ၵႃႈ​တီႈ​ၶုၼ်​ႁေႃ​ၶမ်း ၵႃႈ​ၼႂ်း​ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ဢဝ်​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး ဢွၵ်ႇ​သေ​ၵႃႈ​ၼႂ်း​ဝဵင်း​ တႃႇဝိတ်ႈ ​ဢၼ်​လႆႈ​ၸိုဝ်ႈ ၸီႉဢုၼ်ႇ ​ၼၼ်ႉ​မႃး​လႄႈ၊-</verse>
				<verse number="2">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​မႃး​ၸူႉ​ၵၼ်​တုမ်​ၵၼ်​ၵႃႈ​တီႈ ၶုၼ်​လူင်​ သေႃးလမုၼ်ႇ ​ၼႂ်း​ပွႆး​ဢၼ်​ႁဵတ်း​ၼႂ်း​လိူၼ်​ ဢေးသၼိမ်း ဢၼ်​ပဵၼ်​လိူၼ်​သတ်ႉတမႃႉ​ၼၼ်ႉ​ဢေႃႈ။-</verse>
				<verse number="3">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​မႃး​လႄႈ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ၵေႃႈ ႁၢပ်ႇ​တိူၵ်ႈ​တႃႇ​ထႃႇဝရႃႉ​ၽြႃး​ယူႇ​သေ​လႄႈ၊-</verse>
				<verse number="4">ဢွၼ်​ၵၼ်​ပႃး​ဢဝ်​တိူၵ်ႈ​တႃႇ​ၸဝ်ႈ ဢိၵ်ႇ​တင်း​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​တင်း​ၶိူင်ႈ​ပိူင်​ဢၼ်​မူတ်း​ၸၢင်ႇ​ၵႃႈ​ဢၼ်​မီး ၵႃႈ​ၼႂ်း​မူဝ်းၵႃႇ​ၸဝ်ႈ​ၸိူဝ်း​ၼၼ်ႉ​မႃး​ဢေႃႈ၊ ၼင်ႇ​ၼၼ်​လႄႈ​ယိတ်ႈပရေႃးႁဵၵ်ႈ​တင်း​လၢႆ တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢွၼ်​ၵၼ် ဢဝ်​ၸိူဝ်း​ၼၼ်ႉ​မႃး​ဢေႃႈ။-</verse>
				<verse number="5">ၶုၼ်​လူင်​ သေႃးလမုၼ်ႇ ​ဢိၵ်ႇ​တင်း​ပရဵၵ်ႈသၢတ်ႈ​ ဢီႉသရေႇလႃႉ ​တင်း​သဵင်ႈ​တင်း​လူင် ဢၼ်​မႃး​ၸူႉ​ၵၼ်​တုမ်​ၵၼ်​ၵႃႈ​တီႈ​မၼ်း​ၼၼ်ႉ ဢွၼ်​ၵၼ်​ယူႇ​ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ၸဝ်ႈ​သေ​လႄႈ ပုၵ်ႈ​ၸေႃႇ​ယိတ်ႈ​သူဝ်း​ဝူဝ်း​ၼမ်​ၼႃႇ ဢမ်ႇ​ႁူႉ​ၼမ်​လႂ်​ဢၼ်​ထၼ်ႈ​ပေႃး​ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ၼၼ်ႉ​ယူႇ​ဢေႃႈ။-</verse>
				<verse number="6">ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ဢွၼ်​ၵၼ်​ဢဝ်​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး သႂၢင်း​ၶဝ်ႈ​ဝႆႉ​ၵႃႈ​ၼႂ်း​တီႈ​မၼ်း ၵႃႈ​ၼႂ်း​ထႃႇၼႃႉ​တီႈ​ပျႃႇ​တိၵ်ႈ​ၸဝ်ႈ​ဢၼ်​ဝႃႈ ထႃႇၼႃႉ​တီႈ​ဢၼ်​မူတ်း​ၸၢင်ႇ​ၼႃႇ​သေ​ပိူၼ်ႈ ၵႃႈ​တႂ်ႈ​ပိၵ်ႇ​ ၶေႇရူႉၽဵမ်ႇ ​ၼၼ်ႉ​ဢေႃႈ။-</verse>
				<verse number="7">ၶေႇရူႉၽဵမ်ႇ ​ၸိူဝ်း​ၼၼ်ႉ ၵီႈ​ၽႄႇ​ပိၵ်ႇ​ၶဝ်​ၵႃႈ​ၼိူဝ်​တီႈ​ယူႇ​တိူၵ်ႈ​တႃႇ​ၸဝ်ႈ​ၼၼ်ႉ​လႄႈ ၶေႇရူႉၽဵမ်ႇ ​ၸိူဝ်း​ၼၼ်ႉ​မုင်း​ႁူမ်ႇ​တိူၵ်ႈ​တႃႇ​ၸဝ်ႈ​တင်း​ၵၢၼ်း​မၼ်း​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="8">ၶဝ်​တိုတ်ႉ​ထွတ်ႇ​ၵၢၼ်း​ၸိူဝ်း​ၼၼ်ႉ​ဢွၵ်ႇ​ဝႆႉ​ဢိတ်း​ၼိုင်ႈ​လႄႈ ယူႇ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ ၵႃႈ​တီႈ​ၽၢႆႇ​ၼႃႈ​ထႃႇၼႃႉ​တီႈ​ပျႃႇ​တိၵ်ႈ​ၸဝ်ႈ​ၼၼ်ႉ ႁၼ်​ဢမၢင်ႇႁူဝ်​ၵၢၼ်း​ၸိူဝ်း​ၼၼ်ႉ​ယူႇ​လႄႈ ၵႃႈ​တီႈ​ၼွၵ်ႈ​ၸိုင်​ဢမ်ႇ​ႁၼ်​လႆႈ၊ မီး​ယူႇ​ၵႃႈ​တီႈ​ၼၼ်ႈ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="9">ၵႃႈ​ၼႂ်း​တိူၵ်ႈ​တႃႇ​ၸဝ်ႈ​ၼၼ်ႉ​လိူဝ်​သေ​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ ဢၼ်​ မူဝ်းသေႇ ​ဢဝ်​သႂၢင်း​သႂ်ႇ​ဝႆႉ ၵႃႈ​ၼႂ်း​မၼ်း​ၵႃႈ​တီႈ​ ႁေႃးရပ်ႉ ​တီႈ​ဢၼ်​ထႃႇဝရႃႉ​ၽြႃး ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၼႂ်း​မိူဝ်ႈ​ဢၼ်​ၶဝ်​ဢွၵ်ႇ​သေ​ၵႃႈ​ၼႂ်း မိူင်း​ ဢေႇၵိပ်ႉတူႉ ​မႃး​ၼၼ်ႉ​ၸိူဝ်း​ၼၼ်ႉ ဢမ်ႇ​မီး​ၵႃႈ​သင်​သေ​ၸိူဝ်ႉ​သေ​ပိူင်။</verse>
				<verse number="10">မိူဝ်ႈ​ဢၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ၸိုင် မွၵ်ႇ​ၵုမ်ႈ​တဵမ်​ဝႆႉ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ၊-</verse>
				<verse number="11">ထၼ်ႈ​ပေႃး​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ဢမ်ႇ​ၸုၵ်း​ၶၢမ်ႇ​ယူႇ​ႁႂ်ႈ​လႆႈ​ပွင်​ႁဵတ်း​ဢမူႉ​ၸဝ်ႈ​ၵွပ်ႈ​ပိူဝ်ႈ​မွၵ်ႇ​ၵုမ်ႈ​ၼၼ်ႉ​လႆႈ၊ လွင်ႈ​မၼ်း​ၸမ်ႉ မုၼ်​ၽုင်း​ထႃႇဝရႃႉ​ၽြႃး​တဵမ်​ဝႆႉ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="12">မိူဝ်ႈ​ၼၼ်ႉ သေႃးလမုၼ်ႇ ​ဢွၵ်ႇ​သူပ်း​လႄႈ​ဝႃႈ၊ ထႃႇဝရႃႉ​ၽြႃး​လၢတ်ႈ​လူၺ်ႈ​လွင်ႈ​ဢၼ်​မၼ်း​ၸဝ်ႈ​တၵ်း​ယူႇ​ၵႃႈ​ၼႂ်း​လပ်း​သိင်ႇ ဢၼ်​ၼႃ​တၼ်​ၼႃႇ​ၼၼ်ႉ​ဝႆႉ​ဢေႃႈ။-</verse>
				<verse number="13">ၵူၺ်း​ၵႃႈ​ၶႃႈ​ၸဝ်ႈ​တႄႇ​ႁဵတ်း​ႁိူၼ်း​တီႈ​ဢၼ်​ၸဝ်ႈ​ႁဝ်း​တၵ်း​ၵိင်း​ဝၢပ်ႈ​ယူႇ၊ ထႃႇၼႃႉ​တီႈ​ဢၼ်​ၸဝ်ႈ​ႁဝ်း​တၵ်း​ယူႇ​တၵ်း​သဝ်း​တႃႇ​သေႇ​ၼၼ်ႉ​ဢမၢၼ်ႇ​ၶၼ်​ပဵၼ်​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">လႆႈ​သမ်ႉ ၶုၼ်​ႁေႃ​ၶမ်း​ဝၢႆႇ​ၼႃႈ​တူၺ်း​လႄႈ ပၼ်​တၢင်း​လီ​တီႈ​ပရဵၵ်ႈသၢတ်ႈ​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ ပရဵၵ်ႈသၢတ်ႈ​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢွၼ်​ၵၼ်​ၸုၵ်း​ယူႇ​ဢေႃႈ။-</verse>
				<verse number="15">မၼ်း​ဢွၵ်ႇ​သူပ်း​ဝႃႈ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢၼ်​ဝႆႉ​ပျႃႇ​တိၵ်ႈ​ၸဝ်ႈ​တီႈ​ၸဝ်ႈ​ပေႃႈ​ၵဝ် တႃႇဝိတ်ႈ ​လႄႈ ႁဵတ်း​ၸွမ်း​ၵႃႈ​ၼင်ႇ​ပျႃႇ​တိၵ်ႈ​ၸဝ်ႈ​ၼၼ်ႉ​သေ​လႄႈ​ဝႃႈ၊-</verse>
				<verse number="16">ၸႃႉ​ၸဵမ်​မိုဝ်ႉ​ဝၼ်း​ဢၼ်​ၵဝ်​ၼုၵ်ႈ​ဢဝ်​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ၊ ပိၵ်ႉ​သမ်ႉ​ၵဝ်​ဢမ်ႇ​လိူၵ်ႈ​ၵဵပ်း​ဢဝ်​ဝဵင်း​သေ​တီႈ​သေ​ဝဵင်း ၵႃႈ​ၼႂ်း​လိၼ်​မဵဝ်း​ ဢီႉသရေႇလႃႉ ​ၵႃႈ​မီး ႁႂ်ႈ​လႆႈ​တႄႇ​ႁဵတ်း​ႁိူၼ်း​တီႈ​ဢၼ် ၼႃႇ​မႃႉ​ၸိုဝ်ႈ​သဵင်​ၵဝ်​တၵ်း​တႄႇ​ယူႇ​ၼၼ်ႉ​သေ​ၵေႃႈ၊ ၵဝ်​လိူၵ်ႈ​ၵဵပ်း​ဢဝ်​ တႃႇဝိတ်ႈ ႁႂ်ႈ​မၼ်း​လႆႈ​ဢုပ်ႉ​ၵႃႈ​ၼိူဝ်​ၵူၼ်း​ၵဝ် ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="17">ၸဝ်ႈ​ပေႃႈ​ၵဝ်​ တႃႇဝိတ်ႈ ​ၼၼ်ႉ မီး​တၢင်း​ၵျၢမ်ႇ​တၢင်း​ပွင်​တၵ်း​တႄႇ​ႁဵတ်း​ႁိူၼ်း ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="18">ၵူၺ်း​ၵႃႈ ထႃႇဝရႃႉ​ၽြႃး​မီး​ဢမိင်ႉ​တီႈ​ၸဝ်ႈ​ပေႃႈ​ၵဝ်​ တႃႇဝိတ်ႈ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​မီး​တၢင်း​ၵျၢမ်ႇ​တၢင်း​ပွင် တၵ်း​တႄႇ​ႁဵတ်း​ႁိူၼ်း​ၸဝ်ႈ​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​လႄႈ လွင်ႈ​တၢင်း​ဢၼ်​မီး​ၼႂ်း​ၸႂ်​မႂ်း​ၼၼ်ႉ​ပဵၼ်​ဢၼ်​လီ​ယဝ်ႉ။-</verse>
				<verse number="19">ၼႂ်း​ဝႃႈ​ၼၼ်​သေ​ၵေႃႈ မႂ်း​ဢမ်ႇ​လႆႈ​တႄႇ​ႁဵတ်း​ႁိူၼ်း​ၸဝ်ႈ။ လုၵ်ႈ​ၸၢႆး​ဢွၵ်ႇ​မႂ်း​ၼၼ်ႉ​တၵ်း​လႆႈ​တႄႇ​ႁဵတ်း​ႁိူၼ်း​ၸဝ်ႈ ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ထႃႇဝရႃႉ​ၽြႃး​ၼၼ်ႉ ႁဵတ်း​ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၸဝ်ႈ​မီး​ၼၼ်ႉ​သေ​လႄႈ ၵဝ်​လႆႈ​ပေႃႇ​ပဵၼ်​မႃး​တၢင်​တူဝ်​ၸဝ်ႈ​ပေႃႈ​ၵဝ် တႃႇဝိတ်ႈ ​ၼၼ်ႉ​လႄႈ ၼင်ႈ​ယူႇ​ၵႃႈ​ၼိူဝ်​ရႃႇၸႃႉ​ပလၢင်ႇ​သိုင်ႇ​ၸိုင်ႈ​ဝၢၼ်ႈ​မိူင်း ဢီႉသရေႇလႃႉ ​မႅၼ်ႈ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ၵတီႉ​ၸဝ်ႈ​ဝႆႉ​ၼၼ်ႉ​ယူႇ​သေ​လႄႈ တႄႇ​ႁဵတ်း​ႁိူၼ်း​ၸဝ်ႈ​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ယဝ်ႉ။-</verse>
				<verse number="21">ၵႃႈ​ၼႂ်း​ႁိူၼ်း​ၸဝ်ႈ​ၼၼ်ႉ​ၵေႃႈ၊ ၵဝ်​ႁဵတ်း​ထႃႇၼႃႉ​တီႈ​ဢၼ်​ဝႆႉ တိူၵ်ႈ​တႃႇ​ၸဝ်ႈ ဢၼ်​ပႃး​လိၵ်ႈ​မၢၵ်ႇ​ႁိၼ်​ပတီႉၺိၺ်ႇ​ထႃႇဝရႃႉ​ၽြႃး ဢၼ်​မၼ်း​ၸဝ်ႈ​ႁဵတ်း​လူၺ်ႈ​ၵၼ်​တင်း​ပူႇ​မွၼ်ႇ​ႁဝ်း၊ မိူဝ်ႈ​ဢၼ်​မၼ်း​ၸဝ်ႈ​ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">လႆႈ​သမ်ႉ သေႃးလမုၼ်ႇ ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ ယိတ်ႈပလၢင်ႇ​ထႃႇဝရႃႉ​ၽြႃး​သိုဝ်ႈ​ၼႃႈ​တႂ်ႈ​တႃ​ပရဵၵ်ႈသၢတ်ႈ မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ ၵီႈ​ၽႃႇ​မိုဝ်း​မၼ်း​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​ယူႇ​သေ​လႄႈ သူး​တွင်း​လႄႈ​ဝႃႈ၊-</verse>
				<verse number="23">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ၊ ၵႃႈ​တီႈ​ၽႃႉ​ၵၢင်​ႁၢဝ်​ၵႃႈ​ၼိူဝ် ၵႃႈ​တီႈ​လိၼ်​မိူင်း​ၵႃႈ​တႂ်ႈ​ၼႆႉ ၽြႃး​ဢၼ်​မိူၼ်​ၵၼ်​တင်း​ၸဝ်ႈ​ႁဝ်း ဢၼ်​ပႂ်ႉ​ၵမ်​ပႂ်ႉ​ၸွမ်း​ပတီႉၺိၺ်ႇ​တြႃး ဢိၵ်ႇ​တင်း​ၵရူႉၼႃႇ​တြႃး​ပုၼ်ႈ​ၶႃႈ​ၸဝ်ႈ​ႁဝ်း​တင်း​လၢႆ ဢၼ်​ပႃး​တင်း​ႁူဝ်​ၸႂ်​သဵင်ႈ​သဵင်ႈ​ၵႂႃႇ​မႃး​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း၊-</verse>
				<verse number="24">ဢၼ်​ႁဵတ်း​တီႈ​ၶႃႈ​ၸဝ်ႈ​ႁဝ်း ၸဝ်ႈ​ပေႃႈ​ၶႃႈ​ၸဝ်ႈ​ တႃႇဝိတ်ႈ ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​ဝႆႉ​ၵတီႉ​တီႈ​မၼ်း​ၼၼ်ႉ ဢၼ်​ဝႃႈ​မီး​ဢမိင်ႉ​ဢွၵ်ႇ​သူပ်း​ဝႃႈ​တီႈ​မၼ်း​လႄႈ ႁႂ်ႈ​ပျေႉ​ၸုမ်ႇ​ပဵၼ်​မိူၼ်​ၸိူဝ်ႉ​ၼင်ႇ​ဢၼ် ပဵၼ်​ဝၼ်း​မိူဝ်ႈ​ၼႆႉ​ၼၼ်ႉ​ဢမ်ႇ​မီး​သေ​သူႇ​သေ​ပႃး။-</verse>
				<verse number="25">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ၊ မိူဝ်ႈ​လဵဝ်​ၼႆႉ ၶႅၼ်း​တေႃႈ​ပႂ်ႉ​ၸွမ်း​ၵတီႉ​ၸဝ်ႈ​ဢၼ်​ၸဝ်ႈ​ႁဝ်း​ဝႆႉ​ၵႃႈ​တီႈ​ၶႃႈ​ၸဝ်ႈ​ႁဝ်း ပေႃႈ​ၶႃႈ​ၸဝ်ႈ​ တႃႇဝိတ်ႈ ​ၼၼ်ႉ​လႄႈ မီး​ဢမိင်ႉ​လႄႈ​ဝႃႈ ပေႃး​လုၵ်ႈ​မႂ်း​လၢၼ်​မႂ်း မီး​ဢလူဝ်ႇ​ၶႂ်ႈ​ႁဵတ်း​သတီႉ​တီႈ​သဵၼ်ႈ​တၢင်း​ဢၼ်​ၶဝ်​ၵႂႃႇ​ၼၼ်ႉ ၵႂႃႇ​မႃး​ယူႇ​ၵႃႈ​တီႈ​ၽၢႆႇ​ၼႃႈ​ၵဝ် မိူၼ်​ၸိူဝ်ႉ​ၼင်ႇ​ဢၼ်​မႂ်း​ၵႂႃႇ​မႃး​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​ၼၼ်ႉ​ၸိုင်၊ မဵဝ်း​ၸိူဝ်ႉ​ၶိူဝ်း​မႂ်း ဢၼ်​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​သိုင်ႇ​ၸိုင်ႈ​ဝၢၼ်ႈ​မိူင်း​ ဢီႉသရေႇလႃႉ သိုဝ်ႈ​ၼႃႈ​တႂ်ႈ​တႃ​ၵဝ်​ၼႆႉ ဢမ်ႇ​လႆႈ​ထၢတ်ႇ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="26">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ၊ မိူဝ်ႈ​လဵဝ်​ၼႆႉ ၶႅၼ်း​တေႃႈ​ႁႂ်ႈ​ၵႂၢမ်း​ၸဝ်ႈ​ႁဝ်း ဢၼ်​ၸဝ်ႈ​ႁဝ်း​မီး ဢမိင်ႉ​ဝႆႉ​တီႈ​ၶႃႈ​ၸဝ်ႈ​ႁဝ်း ၸဝ်ႈ​ပေႃႈ​ၶႃႈ​ၸဝ်ႈ​ တႃႇဝိတ်ႈ ​ၼၼ်ႉ​ဝႆႉ​ၼၼ်ႉ ပျေႉ​ၸုမ်ႇ​သေ​ၵမ်း​တီႈ​ၶႃႈ၊-</verse>
				<verse number="27">ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​တၵ်း​ၵိင်း​ဝၢပ်ႈ​ယူႇ​ၵႃႈ​ၼိူဝ်​လိၼ်​မိူင်း​ၼႆႉ​ဢမၢၼ်ႇ​ၶၼ်​ပဵၼ်​တီႈ​ၶႃႈ​ႁိုဝ်။ တူၺ်း​တီႈ​ၶႃႈ​လူး၊ ၵၢင်​ႁၢဝ်​ဢိၵ်ႇ​တင်း​ၵၢင်​ႁၢဝ်​ဢၼ်​ပဵၼ်​ၸိၵ်း​ၸွမ်​ၵၢင်​ႁၢဝ်​ၼၼ်ႉ ဢမ်ႇ​ပေႃး​ဢမ်ႇ​ၶၢမ်ႇ​ၸဝ်ႈ​ႁဝ်း​လႆႈ​လႄႈ ႁိူၼ်း​ဢၼ်​ၶႃႈ​ၸဝ်ႈ​တႄႇ​ႁဵတ်း​ၼႆႉ ယဵင်ႈ​ၶႅၼ်း​တၵ်း​ဢမ်ႇ​ပေႃး​ဢမ်ႇ​ၶၢမ်ႇ​ၸဝ်ႈ​ႁဝ်း​လႆႈ​တီႈ​ၶႃႈ။-</verse>
				<verse number="28">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ႁူႉ​ၸႅင်ႈ​ထွမ်ႇ​ဢဝ်​တၢင်း​ဢၼ်​ၶႃႈ​ၸဝ်ႈ​ႁဝ်း​ၼႆႉ သူး​တွင်း​လႄႈ​လဝ်ႊ​ယွၼ်း​ၼႆႉ ႁႂ်ႈ​လႆႈ​ႁပ်ႉ​တုင်း​ဢဝ်​ၵႂၢမ်း​ဢၼ်​ၶႃႈ​ၸဝ်ႈ​ႁဝ်း​ၼႆႉ ႁွင်ႉ​သႅၼ်ႇ​လႄႈ ႁဵတ်း​ပထၼႃႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ဝၼ်း​မိူဝ်ႈ​ၼႆႉ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="29">ၶႅၼ်း​တေႃႈ​မိုၼ်း​တႃ​ၽုၺ်ႇ​တႃ​ၸဝ်ႈ​ႁဝ်း​ၸူး ၵႃႈ​တီႈ​ႁိူၼ်း​ၸဝ်ႈ​ၼႆႉ ၵူႈ​ဝၼ်း​ၵူႈ​ၶိုၼ်း​ဢမ်ႇ​ထၢတ်ႇ​ဢၼ်​ဝႃႈ​ၵႃႈ​တီႈ​ၼႆႈ ဢၼ်​ၸဝ်ႈ​ႁဝ်း​မီး​ဢမိင်ႉ​လႄႈ​ဝႃႈ၊ ၼႃႇ​မႃႉ​ၸိုဝ်ႈ​သဵင်​ၵဝ်​တၵ်း​လႆႈ​တႄႇ​ယူႇ​ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၼႆ​လႄႈ ထွမ်ႇ​ဢဝ်​ၵႂၢမ်း​ဢၼ် ၶႃႈ​ၸဝ်ႈ​ႁဝ်း​ၼႆႉ​သူး​တွင်း​ၸူး​ၵႃႈ​တီႈ​ၼႆႈ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="30">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် တီႈ​ဢၼ်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၼၼ်ႉ​သေ​လႄႈ ထွမ်ႇ​ငိၼ်း​ၵႂၢမ်း​ဢၼ်​ၶႃႈ​ၸဝ်ႈ​ႁဝ်း​ၼႆႉ ဢိၵ်ႇ​တင်း​ၵူၼ်း​ၸဝ်ႈ​ႁဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၼ်​ၵၼ်​ႁဵတ်း​ပထၼႃႇ လဝ်ႊ​ယွၼ်း​မိူဝ်ႈ​ဢၼ်​ၶဝ်​ၼၼ်ႉ​သူး​တွင်း​ၸူး​ၵႃႈ​တီႈ​ၼႆႈ​ၼၼ်ႉ​လႄႈ ထွမ်ႇ​ငိၼ်း​သေ​ယဝ်ႉ၊ ပွႆႇ​လွတ်ႈ​ၵႃႈ​ၼႂ်း​ဢပႅတ်ႈ​သေ​ၵမ်း​တီႈ​ၶႃႈ၊</verse>
				<verse number="31">ပေႃး​သေ​ၵေႃႉ​သေ​ၵူၼ်း​ၽိတ်း​ပိူင်ႈ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​လႄႈ မီး​တၢင်း​ဢၼ်​တိုၵ်း​ပၼ်​တၢင်း​ဢၼ်​ၵိၼ်ႇ​ဢၼ်​ဝႃႈ​တီႈ​မၼ်း​ႁႂ်ႈ​မၼ်း​လႆႈ​ၵိၼ်ႇ​လႆႈ​ဝႃႈ​သေ​ယဝ်ႉ၊ မၼ်း​မႃး​လႄႈ​ၵိၼ်ႇ​ဝႃႈ​ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ၸဝ်ႈ​ႁဝ်း ၵႃႈ​ၼႂ်း​ႁိူၼ်း​ၸဝ်ႈ​ၼႆႉ​ၸိုင်၊-</verse>
				<verse number="32">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ​ထွမ်ႇ​ငိၼ်း​သေ​ယဝ်ႉ၊ ႁဵတ်း​ၸွမ်း​လႄႈ​တႅပ်း​တတ်း​တြႃး​တီႈ​ၶႃႈ​ၸဝ်ႈ​ႁဝ်း​တင်း​လၢႆ​လႄႈ ၸီႇ​ယၢင်ႇ​ဢပႅတ်ႈ​တီႈ​ၵေႃႉ​ဢၼ်​ဢမ်ႇ​တြႃး​ၼၼ်ႉ ႁႂ်ႈ​ဢပႅတ်ႈ​မၼ်း​တူၵ်း​ႁွတ်ႈ​ၵႃႈ​ၼိူဝ်​ႁူဝ်​မၼ်း​သေ​လႄႈ ၸီႇ​ယၢင်ႇ​တၢင်း​ဢၼ်​သိုဝ်ႈ​တေႃႇ တီႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​လႄႈ ပၼ်​ၸွမ်း​ၵႃႈ​ၼင်ႇ​တၢင်း​ဢၼ်​မၼ်း​သိုဝ်ႈ​တေႃႇ​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="33">ယၢမ်း​မိူဝ်ႈ​ဢၼ်​ၵူၼ်း​ၸဝ်ႈ​ႁဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ ၵွပ်ႈ​ပိူဝ်ႈ​ဢၼ်​ၶဝ်​ၽိတ်း​ပိူင်ႈ​ၸဝ်ႈ​ႁဝ်း​ၼၼ်ႉ ပေႃး​ၶဝ်​ၶိုၼ်း​မႃး​တီႈ​ၸဝ်ႈ​ႁဝ်း​လႄႈ ႁပ်ႉ​တုင်း​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ယူႇ၊ ႁဵတ်း​သူး​တွင်း​ပထၼႃႇ လဝ်ႊ​ယွၼ်း​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း ၵႃႈ​ၼႂ်း​ႁိူၼ်း​ၸဝ်ႈ​ၼႆႉ​ၸိုင်၊-</verse>
				<verse number="34">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ​ထွမ်ႇ​ငိၼ်း​လႄႈ ပွႆႇ​ၵူၼ်း​ၸဝ်ႈ​ႁဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လွတ်ႈ​သေ​ၵႃႈ​ၼႂ်း​ဢပႅတ်ႈ​သေ​လႄႈ သမ်ႉ​ဢဝ်​ၶဝ်​ၶိုၼ်း​သူင်ႇ​ႁွတ်ႈ​ၵႃႈ​ၼႂ်း​မိူင်း​ဢၼ်​ၸဝ်ႈ​ႁဝ်း ဢဵတ်း​လူ​ပၼ်​တီႈ​ပူႇ​မွၼ်ႇ​ၶဝ်​ၸိူဝ်း​ၼၼ်ႉ​ၼႆႉ​သေ​ၵမ်း​တီႈ​ၶႃႈ။-</verse>
				<verse number="35">ယၢမ်း​မိူဝ်ႈ​ဢၼ်​ၽူၼ်​ဢမ်ႇ​တူၵ်း၊ ၽႃႉ​လႅင်ႉ​ၵွပ်ႈ​ပိူဝ်ႈ​ဢၼ်​ၶဝ်​ၽိတ်း​ပိူင်ႈ​ၸဝ်ႈ​ႁဝ်း​ၼၼ်ႉ၊ ပေႃး​ၶဝ်​သူး​တွင်း​ၸူး​ၵႃႈ​တီႈ​ထႃႇၼႃႉ​တီႈ​ၼႆႉ​လႄႈ ႁပ်ႉ​တုင်း​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ယူႇ​သေ​လႄႈ ၸုၼ်ႉ​ပႅတ်ႈ​တူႉ​ၸရိူၵ်ႈ​ၶဝ် မိူဝ်ႈ​ဢၼ်​ၸဝ်ႈ​ႁဝ်း​သင်ႇ​သွၼ်​သုင်း​မႃႉ​ၶဝ်​ၼၼ်ႉ​ၸိုင်၊-</verse>
				<verse number="36">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ​ထွမ်ႇ​ငိၼ်း​လႄႈ ပွႆႇ​ၶႃႈ​ၸဝ်ႈ​ႁဝ်း​ၵူၼ်း​ၸဝ်ႈ​ႁဝ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လွတ်ႈ​သေ​ၵႃႈ​ၼႂ်း​ဢပႅတ်ႈ​ၼႂ်း​မိူဝ်ႈ​ဢၼ်​ၸဝ်ႈ​ႁဝ်း ၸီႉ​ၼႄ​သဵၼ်ႈ​တၢင်း​ဢၼ်​လီ​ဢၼ်​ငၢမ်း ဢၼ်​ၶဝ်​ထုၵ်ႇ​လီ​ၸွမ်း​ၼၼ်ႉ​တီႈ​ၶဝ်​ၼၼ်ႉ​လႄႈ ႁႂ်ႈ​ၽူၼ်​တူၵ်း​ၵႃႈ​ၼိူဝ်​လိၼ်​ဢၼ် ၸဝ်ႈ​ႁဝ်း​ပၼ်​ဢမူၺ်ႇ​တီႈ​ၵူၼ်း​ၸဝ်ႈ​ႁဝ်း​တင်း​လၢႆ​ၼႆႉ​သေ​ၵမ်း​တီႈ​ၶႃႈ၊</verse>
				<verse number="37">ၵႃႈ​ၼႂ်း​မိူင်း​ၸဝ်ႈ​ၼႆႉ ပေႃး​ပဵၼ်​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း၊ ပေႃး​ပဵၼ်​ၽေး​ၵႃႇလႃႉ​ႁႃႈ​လႅင်​မိူင်း၊ ပေႃး​ပဵၼ်​တၢင်း​ဢၼ်​လူမ်း​တိူဝ်ႉ​ထုၵ်ႇ​သႂ်ႇ​လႄႈ တူၼ်ႈ​မႆႉ​တၢႆ၊ တၢင်း​ဢၼ်​ၼမ်ႉ​ႁူဝ်ႈ​ယွတ်ႇ​သႂ်ႇ​လႄႈ တူၼ်ႈ​မႆႉ​တၢႆ၊ ပေႃး​ပဵၼ်​တၢင်း​ဢၼ်​မႅင်း​ၵႅင်း​ ဢရႃႇၽႃႉ ၊ မႅင်း​ၵႅင်း​ ၶႃႇသီႉလႃႉ ​ၶူပ်း​ၵိၼ်၊ ပေႃး​ပဵၼ်​တၢင်း​ဢၼ်​ရၢၼ်ႇ​သူႇ​ၶဝ် တင်း​လၢႆ​မႃး​ၶၢမ်း​ယူႇ​ၵႃႈ​ၼႂ်း ၼမ်ႉ​လိၼ်​ဝၢၼ်ႈ​ဝဵင်း​ၶဝ်၊ ပေႃး​ပဵၼ်​ၽေး​ဢူႉ​ပၢတ်ႈ​မဵဝ်း​လႂ်​သေ​ဢမ်ႇ​ဝႃႈ တၢင်း​ၶႆႈ​တၢင်း​ပဵၼ်​မဵဝ်း​လႂ်​သေ​ဢမ်ႇ​ဝႃႈ​လႄႈ၊-</verse>
				<verse number="38">ပေႃး​သေ​ၵေႃႉ​သေ​ၵူၼ်း၊ ဢမ်ႇ​ၼၼ်​ၵူၼ်း​ၸဝ်ႈ​ႁဝ်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢၼ်​ႁူႉ​ၽေး​တၢမ်ႇ​တုၵ်ႉ​ၶႃႉ ဢၼ်​လႆႈ​ၶၢမ်ႇ​ႁင်း​ၽႂ်​ႁင်း​မၼ်း​ၼၼ်ႉ​ယူႇ​သေ​လႄႈ ၵီႈ​ၽႃႇ​မိုဝ်း​ၶဝ်ႈ​ၸူး​ၵႃႈ​တီႈ​ႁိူၼ်း​ၸဝ်ႈ​ၼႆႉ​ၸိူဝ်း​ၼၼ်ႉ ဢဝ်​တင်း​ၵႂၢမ်း​ပထၼႃႇ တၢင်း​ဢၼ်​လဝ်ႊ​ယွၼ်း​သေ​ၸိူဝ်ႉ​သေ​ပိူင် သူး​တွင်း​ယွၼ်း​တီႈ​ၸဝ်ႈ​ႁဝ်း​ၸိုင်၊-</verse>
				<verse number="39">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ​ထွမ်ႇ​ငိၼ်း​သေ​ယဝ်ႉ၊ ပွႆႇ​လွတ်ႈ​သေ​လႄႈ​ႁဵတ်း​ၸွမ်း​လႄႈ​ၸီႇ​ယၢင်ႇ​တီႈ​ၵူၼ်း​ဢၼ် ၸဝ်ႈ​ႁဝ်း​ႁူႉ​သၽေႃး​ႁူဝ်​ၸႂ်​ၶဝ်​ႁင်း​ၽႂ်​ႁင်း​မၼ်း​ၼၼ်ႉ ၸွမ်း​ၵႃႈ​ၼင်ႇ​သဵၼ်ႈ​တၢင်း​ဢၼ်​ၶဝ်​ၵႂႃႇ​မႃး​ၵႃႈ​မီး​ၼၼ်ႉ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ၵူၺ်း​ႁူႉ​သၽေႃး​ႁူဝ်​ၸႂ်​ၵူၼ်း​သတ်ႉတဝႃႇ​တင်း​သဵင်ႈ​တင်း​လူင်​ၼၼ်ႉ​လႄႈ၊-</verse>
				<verse number="40">ႁႂ်ႈ​ၶဝ်​ၵူဝ်​ယမ်​ၸဝ်ႈ​ႁဝ်း​ယူႇ​ၶိင်ႇ​ၵႃႇလႃႉ​မိုဝ်ႉ​ဝၼ်း ဢၼ်​ၶဝ်​ဢသၢၵ်ႈ​လိပ်း​ယူႇ​ၵႃႈ​ၼႂ်း​မိူင်း​ဢၼ် ၸဝ်ႈ​ႁဝ်း​ဢဵတ်း​လူ​ပၼ်​တီႈ​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼႆႉ​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="41">ပေႃး​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ဢၼ်​ဢမ်ႇ​ၸႂ်ႈ​ၵူၼ်း​ၸဝ်ႈ​ႁဝ်း မဵဝ်း​ ဢီႉသရေႇလႃႉ ​ၼၼ်ႉ ထွၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ လုၵ်ႉ​သေ​ၵႃႈ​တီႈ​မိူင်း​ဢၼ်​ၵႆ​မႃး ၵွပ်ႈ​ပိူဝ်ႈ​ဢၼ်​မၼ်း​ငိၼ်း​သတၢင်း​သဵင်​ၶၢဝ်ႇ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ဢၼ်​ယႂ်ႇ​မျၢတ်ႈ​ၼႃႇ ဢိၵ်ႇ​တင်း​သတၢင်း​သဵင်​ၶၢဝ်ႇ​မိုဝ်း​ၸဝ်ႈ​ႁဝ်း​ဢၼ်​ႁႅင်း​ယႂ်ႇ​ၼႃႇ</verse>
				<verse number="42">တင်း​ၶႅၼ်​ၸဝ်ႈ​ႁဝ်း​ဢၼ်​ယဵတ်ႇ​ယိုၼ်ႈ​ၼၼ်ႉ​လႄႈ ႁွတ်ႈ​မႃး​သေ​ယဝ်ႉ၊ သူး​တွင်း​ၸူး​ၵႃႈ​တီႈ​ႁိူၼ်း​ၸဝ်ႈ​ၼႆႉ​ၸိုင်၊-</verse>
				<verse number="43">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် တီႈ​ဢၼ်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၼၼ်ႉ​သေ​လႄႈ ထွမ်ႇ​ငိၼ်း​လႄႈ​ႁဵတ်း​ၸွမ်း ၵႃႈ​ၼင်ႇ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၼၼ်ႉ သူး​တွင်း​လဝ်ႊ​ယွၼ်း​ၼၼ်ႉ ႁႂ်ႈ​ၵူၼ်း​လိၼ်​မိူင်း​တင်း​သဵင်ႈ​တင်း​လူင် ႁူႉ​ၸၵ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​လႄႈ ၵူဝ်​ယမ်​ၸဝ်ႈ​ႁဝ်း​မိူၼ်​ၸိူဝ်ႉ​ၼင်ႇ​ဢၼ် ၵူၼ်း​ၸဝ်ႈ​ႁဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵူဝ်​ယမ်​ၸဝ်ႈ​ႁဝ်း​ၼၼ်ႉ​လႄႈ ႁႂ်ႈ​ၶဝ်​ႁူႉ​လွင်ႈ​ဢၼ် ႁိူၼ်း​ၸဝ်ႈ​ဢၼ်​ၶႃႈ​ၸဝ်ႈ​ႁဝ်း​တႄႇ​ႁဵတ်း​ၼႆႉ​လႆႈ​ၶၢမ်ႇ​တၢင်း​ဢၼ် ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ႁွင်ႉ​ႁဵၵ်ႈ​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="44">ယၢမ်း​မိူဝ်ႈ​ဢၼ်​ၵူၼ်း​ၸဝ်ႈ​ႁဝ်း ၶီႇ​သိုၵ်း​ၵႂႃႇ​တီႈ​ဢၼ်​ရၢၼ်ႇ​သူႇ​ၶဝ်​မီး​ၼၼ်ႉ ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​ပွႆႇ​ၸႂ်ႉ​ၼၼ်ႉ​လႄႈ ဢွၼ်​ၵၼ်​သူး​တွင်း​ယွၼ်း​ၸူး​ၵႃႈ​တီႈ​ဝဵင်း​ဢၼ်​ၸဝ်ႈ​ႁဝ်း​လိူၵ်ႈ​ၵဵပ်း​ဢဝ်​ၼႆႉ ဢိၵ်ႇ​တင်း​ၸူး​ၵႃႈ​တီႈ​ႁိူၼ်း​ၸဝ်ႈ ဢၼ်​ၶႃႈ​ၸဝ်ႈ​တႄႇ​ႁဵတ်း ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼႆႉ​ၼၼ်ႉ​ၸိုင်၊-</verse>
				<verse number="45">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ​ထွမ်ႇ​ငိၼ်း​ဢဝ်​ၵႂၢမ်း​ဢၼ်​ၶဝ်​သူး​တွင်း​လႄႈ လဝ်ႊ​ယွၼ်း​ၼၼ်ႉ​လႄႈ ပႂ်ႉ​ဢမူႉ​ၶဝ်​သေ​ၵမ်း​တီႈ​ၶႃႈ။-</verse>
				<verse number="46">ပေႃး​ၶဝ်​ၽိတ်း​ပိူင်ႈ​ၸဝ်ႈ​ႁဝ်း ၵွပ်ႈ​ပိူဝ်ႈ​ဢၼ်​ၵေႃႉ​ဢၼ်​ဢမ်ႇ​ၸၢင်ႈ​ၽိတ်း​ပိူင်ႈ​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း​ၼၼ်ႉ​လႄႈ ၸဝ်ႈ​ႁဝ်း​ၸႂ်​မႆႈ​ၶႆႈ​ၸႃႉ​တီႈ​ၶဝ်​လႄႈ ၸဝ်ႈ​ႁဝ်း​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ ထၼ်ႈ​ပေႃး​ရၢၼ်ႇ​သူႇ​ၸိူဝ်း​ၼၼ်ႉ​သိမ်း​ဢဝ်​ၶဝ်​ၵႂႃႇ ၵႃႈ​တီႈ​မိူင်း​ရၢၼ်ႇ​သူႇ၊ မိူင်း​ဢၼ်​ၵႆ၊ ဢမ်ႇ​ၼၼ် မိူင်း​ဢၼ်​ၸမ်၊-</verse>
				<verse number="47">ပေႃး​ၶဝ်​လႆႈ​သတီႉ​ၼႂ်း​မိူင်း​တီႈ​ဢၼ်​ၶဝ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​ၼၼ်ႉ​လႄႈ ၸႂ်​ၶၢႆႉ​ပုတ်ႈ​ယူႇ​သေ​လႄႈ ယူႇ​ၵႃႈ​ၼႂ်း​မိူင်း​ၶဝ်​ၸိူဝ်း​ဢၼ် သိမ်း​ဢဝ်​ၶဝ်​ၵႂႃႇ​ၼၼ်ႉ​တွင်း​ပၢၼ်ႇ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ၽိတ်း​ပိူင်ႈ​တီႈ​ၶႃႈ​ယဝ်ႉ၊ ႁဵတ်း​ဢမူႉ​ဢၼ်​ဢမ်ႇ​သိုဝ်ႈ​ဢမ်ႇ​တေႃႇ​တီႈ​ၶႃႈ​ယဝ်ႉ၊ ၵမ်​ၵျၢင်ႉ​ဢၼ်​ႁၢႆႉ​ဢၼ်​ယုတ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ၊-</verse>
				<verse number="48">ပေႃး​ၶဝ်​ပႃး​တင်း​ႁူဝ်​ၸႂ်​သဵင်ႈ​သဵင်ႈ ၶိုၼ်း​မႃး​တီႈ​ၸဝ်ႈ​ႁဝ်း​ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ယူႇ​ၵႃႈ​ၼႂ်း​မိူင်း​ရၢၼ်ႇ​သူႇ​ၶဝ် ဢၼ်​သိမ်း​ဢဝ်​ၶဝ်​ၵႂႃႇ​ၼၼ်ႉ​ယူႇ​ၼၼ်ႉ​လႄႈ သူး​တွင်း​လဝ်ႊ​ယွၼ်း​ၸူး​ၵႃႈ​တီႈ​မိူင်း​ဢၼ်​ၸဝ်ႈ​ႁဝ်း​ပၼ်​တီႈ​ပူႇ​မွၼ်ႇ​ၶဝ်၊ ဝဵင်း​ဢၼ်​ၸဝ်ႈ​ႁဝ်း​လိူၵ်ႈ​ၵဵပ်း​ဢဝ်၊ ႁိူၼ်း​ၸဝ်ႈ​ဢၼ်​ၶႃႈ​ၸဝ်ႈ​တႄႇ​ႁဵတ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼႆႉ​ၸိုင်၊-</verse>
				<verse number="49">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​တီႈ​ဢၼ်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၼၼ်ႉ​သေ​လႄႈ ထွမ်ႇ​ငိၼ်း​ၵႂၢမ်း​ဢၼ်​ၶဝ်​သူး​တွင်း​လဝ်ႊ​ယွၼ်း​ၼၼ်ႉ​လႄႈ ပႂ်ႉ​ဢမူႉ​ၶဝ်​သေ​ၵမ်း​တီႈ​ၶႃႈ၊-</verse>
				<verse number="50">ၶႅၼ်း​တေႃႈ​ၵႄႈ​လိတ်ႈ​ၵူၼ်း​ၸဝ်ႈ​ႁဝ်း​ဢၼ်​ၽိတ်း​ပိူင်ႈ​ၸဝ်ႈ​ႁဝ်း​ၸိူဝ်း​ၼၼ်ႉ​လွတ်ႈ​လႄႈ ပွႆႇ​လွင်ႈ​တၢင်း​ဢၼ်​ၶဝ်​ၽိတ်း​ပိူင်ႈ ပူၼ်ႉ​လိူဝ်​ၵႃႈ​ဢၼ်​ၶဝ်​ၽိတ်း​ပိူင်ႈ​ပူၼ်ႉ​လိူဝ်​ၸဝ်ႈ​ႁဝ်း​ၼၼ်ႉ​ပႅတ်ႈ​မူတ်း​မူတ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​ၶဝ်​ပဵၼ်​လွင်ႈ​ၵရူႉၼႃႇ ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ်​သိမ်း​ဢဝ်​ၵႂႃႇ​ၼၼ်ႉ ႁႂ်ႈ​ၶဝ်​ၼၼ်ႉ​မီး​ၵရူႉၼႃႇ​တီႈ​ၶဝ်​သေ​ၵမ်း​တီႈ​ၶႃႈ၊-</verse>
				<verse number="51">လွင်ႈ​မၼ်း​ၸမ်ႉ ၶဝ်​ပဵၼ်​ၵူၼ်း​ၸဝ်ႈ​ႁဝ်း​မဵဝ်း​ဢၼ်​ၸဝ်ႈ​ႁဝ်း​လႆႈ​ၶၢမ်ႇ​ဢမူၺ်ႇ​ဢၼ်​ၸဝ်ႈ​ႁဝ်း​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵႃႈ​ၼႂ်း​ၵၢင်​မုၵ်ႉ​ၽႆး​လဵၵ်း​ၼၼ်ႉ​မႃး​တီႈ​ၶႃႈ​ဢေႃႈ။-</verse>
				<verse number="52">ၶႅၼ်း​တေႃႈ​ၽုၺ်ႇ​တႃ​မိုၼ်း​တႃ​ၸဝ်ႈ​ႁဝ်း​ၸူး​တၢင်း​ဢၼ် ၶႃႈ​ၸဝ်ႈ​ႁဝ်း​ၼႆႉ​သူး​တွင်း​လဝ်ႊ​ယွၼ်း ဢိၵ်ႇ​တင်း​တၢင်း​ဢၼ်​ၵူၼ်း​ၸဝ်ႈ​ႁဝ်း ၵူၼ်း​မဵဝ်း​ ဢီႉသရေႇလႃႉ ​သူး​တွင်း​လဝ်ႊ​ယွၼ်း​ၼၼ်ႉ​လႄႈ​ထွမ်ႇ​ဢဝ်​ၵႂၢမ်း​ၶဝ် မိူဝ်ႈ​ဢၼ်​ၶဝ်​ႁွင်ႉ​သႅၼ်ႇ​တီႈ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="53">လွင်ႈ​မၼ်း​ၸမ်ႉ ၸဝ်ႈ​ႁဝ်း​ၽႄ​ဢဝ်​ၶဝ်​ဢွၵ်ႇ​သေ ၵႃႈ​ၼႂ်း​ၵူၼ်း​လိၼ်​မိူင်း​ၵူႈ​ၸိူဝ်ႉ​ၵူႈ​ၶိူဝ်း​ဝႆႉ ႁႂ်ႈ​ၶဝ်​ပဵၼ်​တီႈ​ဢၼ်​ၸဝ်ႈ​ႁဝ်း​ၶၢမ်ႇ ဢမူၺ်ႇ​ၸွမ်း​ၵႃႈ​ၼင်ႇ​ဢၼ် ၸဝ်ႈ​ႁဝ်း​ဢဝ်​ၶႃႈ​ၸဝ်ႈ​ႁဝ်း​ မူဝ်းသေႇ မီး​ဢမိင်ႉ​ဝႆႉ​ၼႂ်း​မိူဝ်ႈ​ဢၼ်​ၸဝ်ႈ​ႁဝ်း​ၼုၵ်ႈ​ဢဝ်​ပူႇ​မွၼ်ႇ​ၶႃႈ​ၸဝ်ႈ​ႁဝ်း​တင်း​လၢႆ​ၼႆႉ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​တီႈ​ၶႃႈ​ယဝ်ႉ၊ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="54">မိူဝ်ႈ​ဢၼ်​ သေႃးလမုၼ်ႇ ​ႁဵတ်း​သူး​တွင်း​ပထၼႃႇ​တင်း​သဵင်ႈ​တင်း​လူင်​ၸိူဝ်ႉ​ၼင်ႇ​ၼၼ် ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ မၼ်း​လုၵ်ႉ​သေ​ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ထႃႇဝရႃႉ​ၽြႃး တီႈ​ဢၼ်​မၼ်း​ဢဝ်​ႁူဝ်​ၶဝ်ႇ​မၼ်း​တဝ်ႉ​လႄႈ ၵီႈ​ၽႃႇ​မိုဝ်း​မၼ်း​ၶိုၼ်ႈ​ၸူး​ၵႃႈ​တီႈ​ၵၢင်​ႁၢဝ်​ၼၼ်ႉ​ယူႇ​ၼၼ်ႉ​လႄႈ၊-</verse>
				<verse number="55">ၸုၵ်း​ယူႇ​သေ​လႄႈ ႁဵတ်း​တင်း​သဵင်​ဢၼ်​ႁႅင်း​ယႂ်ႇ​ၼႃႇ​လႄႈ ပၼ်​တၢင်း​လီ​တီႈ​ပရဵၵ်ႈသၢတ်ႈ​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ​ၸမ်ႉ၊-</verse>
				<verse number="56">ႁႂ်ႈ​ထႃႇဝရႃႉ​ၽြႃး​ဢၼ်​ၸီႇ​ယၢင်ႇ ႁႂ်ႈ​ၵူၼ်း​မၼ်း​ၸဝ်ႈ​မဵဝ်း​ ဢီႉသရေႇလႃႉ ​လႆႈ​ယူႇ​ၼိမ်​ၼိမ်​လီ​လီ​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​မီး​ၵတီႉ​ၸဝ်ႈ​ဝႆႉ​ၼၼ်ႉ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။ ၵႂၢမ်း​ၵတီႉ​လီ ဢၼ်​မၼ်း​ၸဝ်ႈ​ဢဝ်​ၶႃႈ​မၼ်း​ၸဝ်ႈ​ မူဝ်းသေႇ ဝႆႉ​ၵတီႉ​ၼၼ်ႉ ဢမ်ႇ​လူႉ​သေ​ၶေႃႈ​သေ​ၵမ်း။-</verse>
				<verse number="57">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း မီး​ယူႇ​လူၺ်ႈ​ၵၼ်​တင်း​ႁဝ်း မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​မီး​ယူႇ​လူၺ်ႈ​ၵၼ်​တင်း​ပူႇ​မွၼ်ႇ​ႁဝ်း​ၸိူဝ်း​ၼၼ်ႉ​သေ​ၵမ်း​လူၺ်ႈ။ ယႃႇ​ပေ​ႁႂ်ႈ​မၼ်း​ၸဝ်ႈ​ၸုၼ်ႉ​ပႅတ်ႈ​ႁဝ်း​လႄႈ ပႄႇ​ပႅတ်ႈ​ႁဝ်း​လႃး​လႃး။-</verse>
				<verse number="58">ႁႂ်ႈ​မၼ်း​ၸဝ်ႈ ႁႂ်ႈ​ႁူဝ်​ၸႂ်​ႁဝ်း​ဢူၼ်ႈ​ၼူပ်ႈ​ၵွမ်း​ၸူး​တီႈ​မၼ်း​ၸဝ်ႈ ႁႂ်ႈ​ၸွမ်း​သဵၼ်ႈ​တၢင်း​မၼ်း​ၸဝ်ႈ​ၵႃႈ​မီး​ၼၼ်ႉ​လႄႈ ပႂ်ႉ​ၵမ်​ပႂ်ႉ​ၵျၢင်ႉ​ပိင်း​ၺၢပ်ႈ​တြႃး​မၼ်း​ၸဝ်ႈ၊ ထုင်း​ၽိင်ႈ​တြႃး​မၼ်း​ၸဝ်ႈ၊ လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ တီႈ​ပူႇ​ႁဝ်း​မွၼ်ႇ​ႁဝ်း​တင်း​လၢႆ​ၼၼ်ႉ​ၸိူဝ်း​ၼၼ်ႉ​သေ​ၵမ်း​လူၺ်ႈ။-</verse>
				<verse number="59">ႁႂ်ႈ​ၵႂၢမ်း​ပထၼႃႇ ဢၼ်​ၵဝ်​သူး​တွင်း​လဝ်ႊ​ယွၼ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼႆႉ မီး​ယူႇ​ၵႃႈ​တီႈ​ႁိမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ၵူႈ​ဝၼ်း​ၵူႈ​ၶိုၼ်း​ဢမ်ႇ​ထၢတ်ႇ ႁႂ်ႈ​မၼ်း​ၸဝ်ႈ​ပႂ်ႉ​ဢမူႉ​ၶႃႈ​မၼ်း​ၸဝ်ႈ ဢိၵ်ႇ​တင်း​ဢမူႉ​ၵူၼ်း​မၼ်း​ၸဝ်ႈ​မဵဝ်း​ ဢီႉသရေႇလႃႉ ​ယူႇ​ၵႃႈ​ၼင်ႇ​ဢၼ် မီး​လွင်ႈ​မၼ်း​ယူႇ​ၵူႈ​ဝၼ်း​ၼၼ်ႉ​လႄႈ၊-</verse>
				<verse number="60">ႁႂ်ႈ​ၵူၼ်း​လိၼ်​မိူင်း​ၵႃႈ​မီး လႆႈ​ႁူႉ​လွင်ႈ​ဢၼ်​ထႃႇဝရႃႉ​ၽြႃး​ပဵၼ်​ၽြႃး​ပဵၼ်​ၸဝ်ႈ ဢိၵ်ႇ​တင်း​လွင်ႈ​ဢၼ်​ဢမ်ႇ​မီး​ၽြႃး​တၢင်ႇ​သူႇ​တၢင်ႇ​ပႃး​လႃး​လႃး​ၼၼ်ႉ​သေ​ၵမ်း​လူၺ်ႈ။-</verse>
				<verse number="61">ႁႂ်ႈ​ႁူဝ်​ၸႂ်​သူ​မီး​တၢင်း​ဢၼ်​ၸေး​ၸုမ်ႇ​ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း၊ ႁႂ်ႈ​သူ​လႆႈ​ၸွမ်း​သဵၼ်ႈ​တၢင်း​ထုင်း​ၽိင်ႈ​တြႃး​မၼ်း​ၸဝ်ႈ​လႄႈ ပႂ်ႉ​ၵမ်​ပႂ်ႉ​ၵျၢင်ႉ​ပိင်း​ၺၢပ်ႈ​တြႃး​မၼ်း​ၸဝ်ႈ​ယူႇ မိူၼ်​ၸိူဝ်ႉ​ၼင်ႇ​ဝၼ်း​မိူဝ်ႈ​ၼႆႉ​ၼၼ်ႉ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="62">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ႁဵတ်း​တၢင်း​ဢၼ်​ပုၵ်ႈ​ၸေႃႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="63">သေႃးလမုၼ်ႇ ​ဢဝ်​ဝူဝ်း​သွင်​မိုၼ်ႇ​ပၢႆ​သွင်​ႁဵင်၊ သူဝ်း​သႅၼ်​ပၢႆ​သွင်​မိုၼ်ႇ ပုၵ်ႈ​ၸေႃႇ​ပုၼ်ႈ​ယိတ်ႈ​မိၵ်ႉသႃႇႁႃယႃႉ ဢၼ်​မၼ်း​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ ၼင်ႇ​ၼၼ်​လႄႈ ၶုၼ်​ႁေႃ​ၶမ်း​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ႁဵတ်း​ဢၼူႉမေႃးတၼႃႇ​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="64">ၼႂ်း​ဝၼ်း​ၼၼ်ႉ​ၵမ်း​လဵဝ် ၶုၼ်​ႁေႃ​ၶမ်း​ႁႂ်ႈ​ထႃႇၼႃႉ​တီႈ​တၢင်း​ၼႂ်း​တမ်ႇ​တိူင်း ဢၼ်​မီး​ၵႃႈ​တီႈ​ၽၢႆႇ​ၼႃႈ​ႁိူၼ်း​ထႃႇဝရႃႉ​ၽြႃး​ၼၼ်ႉ မူတ်း​ၸၢင်ႇ​လႄႈ ဢဝ်​ယိတ်ႈ​ဢၼ်​တုတ်ႇ​ၽႆး၊ ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ၊ ၵွၼ်ႈ​ၶႆ​ၵွၼ်ႈ​မၼ်း​တူဝ်​ယိတ်ႈ​မိၵ်ႉသႃႇႁႃယႃႉ​တင်း​လၢႆ ပုၵ်ႈ​ၸေႃႇ​ဢေႃႈ။ လွင်ႈ​မၼ်း​ၸမ်ႉ ယိတ်ႈပလၢင်ႇ​တွင်း​လိူင်​ဢၼ်​မီး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ ပဵၼ်​ဢၼ်​လဵၵ်ႉ​လႄႈ ဢမ်ႇ​ပေႃး​ဢမ်ႇ​ၶၢမ်ႇ ယိတ်ႈ​ဢၼ်​တုတ်ႇ​ၽႆး​လႂ်၊ ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ တင်း​ၵွၼ်ႈ​ၶႆ​ၵွၼ်ႈ​မၼ်း​တူဝ်​ယိတ်ႈ​မိၵ်ႉသႃႇႁႃယႃႉ​လႂ်​ၸိူဝ်း​ၼၼ်ႉ။-</verse>
				<verse number="65">ၼင်ႇ​ၼၼ်​လႄႈ​မိူဝ်ႈ​ၼၼ်ႉ​ သေႃးလမုၼ်ႇ ဢိၵ်ႇ​လူၺ်ႈ​ၵၼ်​တင်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢၼ်​ဝႃႈ ပရဵၵ်ႈသၢတ်ႈ​ဢၼ်​ယႂ်ႇ​ၼႃႇ​ၼမ်​ၼႃႇ​လူင်​လၢင် ဢၼ်​လုၵ်ႉ​သေ​ၵႃႈ​တီႈ ၸႃႉ​ၸဵမ်​သူပ်း​တၢင်း​ဢၼ်​ၶဝ်ႈ​ၸူး​ၵႃႈ​တီႈ​ဝဵင်း​ ႁႃႇမတ်ႉ တေႃႇ​ထိုင်​ႁွတ်ႈ ၼမ်ႉ​ႁွင်ႈ​ ဢေႇၵိပ်ႉတူႉ ​ၸိူဝ်း​ၼၼ်ႉ​မႃး​ၸိူဝ်း​ၼၼ်ႉ ဢွၼ်​ၵၼ်​ၶၢမ်ႇ​ပွႆး ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၸဵတ်း​ဝၼ်း​ဢိၵ်ႇ​တင်း ၸဵတ်း​ဝၼ်း​ဢၼ်​ဝႃႈ​သိပ်း​ပၢႆ​သီႇ​ဝၼ်း​တဵမ်​တဵမ်​ဢေႃႈ။-</verse>
				<verse number="66">ၼႂ်း​ဝၼ်း​ဢၼ် ထူၼ်ႈ​ထိုင်​ပႅတ်ႇ​ဝၼ်း​ၼၼ်ႉ မၼ်း​ပွႆႇ​ၵူၼ်း​တင်း​လၢႆ​သေ​လႄႈ ၶဝ်​ၼၼ်ႉ​ဢွၼ်​ၵၼ်​ပၼ်​တၢင်း​လီ​တီႈ​ၶုၼ်​ႁေႃ​ၶမ်း​လႄႈ ၸူမ်း​သိူဝ်း​သႂၢင်ႇ​ၸႂ် ၵွပ်ႈ​ပိူဝ်ႈ​ၵျေး​ၸူး​ၵႃႈ​ဢၼ်​ထႃႇဝရႃႉ​ၽြႃး​ႁဵတ်း​တီႈ​ၶႃႈ​မၼ်း​ၸဝ်ႈ​ တႃႇဝိတ်ႈ ဢိၵ်ႇ​တင်း​ၵူၼ်း​မၼ်း​ၸဝ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ယူႇ​သေ​လႄႈ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မူဝ်းၵႃႇ တီႈ​ဢၼ်​ၶဝ်​ယူႇ​ၼၼ်ႉ​သေ​ဢေႃႈ။</verse>
			</chapter>
			<chapter number="9">
				<verse number="1">မိူဝ်ႈ​ဢၼ်​ သေႃးလမုၼ်ႇ ႁဵတ်း​ႁိူၼ်း​ထႃႇဝရႃႉ​ၽြႃး​ဢိၵ်ႇ​တင်း​ႁေႃ​ၸဝ်ႈ​ယဝ်ႉ​တူဝ်ႈ​လႄႈ၊ ဢလူဝ်ႇ​သၼ်ႇတႃႉ​ သေႃးလမုၼ်ႇ ၵႃႈ​မီး ပျေႉ​ၸုမ်ႇ​ယဝ်ႉ​ၼၼ်ႉ​ၸိုင်၊-</verse>
				<verse number="2">ထႃႇဝရႃႉ​ၽြႃး​သမ်ႉ​ၶိုၼ်း​ပေႃႇ​မႃး​တီႈ​ သေႃးလမုၼ်ႇ ၵမ်း​တူႉတီႉယႃႉ မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​ပေႃႇ​မႃး​တီႈ​မၼ်း​ၵႃႈ​တီႈ​ဝဵင်း​ ၵီႉပွင်ႇ ​ၼၼ်ႉ​လႄႈ၊-</verse>
				<verse number="3">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၵဝ်​ငိၼ်း​ၵႂၢမ်း​ဢၼ်​မႂ်း​သူး​တွင်း​လဝ်ႊ​ယွၼ်း​ၵႃႈ​တီႈ​ၽၢႆႇ​ၼႃႈ​ၵဝ်​ၼၼ်ႉ​ယဝ်ႉ။ ၵဝ်​ႁႂ်ႈ​ႁိူၼ်း​ဢၼ်​မႂ်း​တႄႇ​ႁဵတ်း​ၼႆႉ​မူတ်း​ၸၢင်ႇ​လႄႈ ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​တႄႇ​ယူႇ​ၵႃႈ​တီႈ​ၼၼ်ႈ​တႃႇ​သေႇ​ယဝ်ႉ။ တႃ​ၵဝ်​ဢိၵ်ႇ​တင်း​ႁူဝ်​ၸႂ်​ၵဝ်​တၵ်း​မီး​ယူႇ​ၵႃႈ​တီႈ​ၼၼ်ႈ​သေႇ​သေႇ​ဢေႃႈ။-</verse>
				<verse number="4">ပေႃး​မႂ်း​မီး​တၢင်း​ဢၼ်​ႁူဝ်​ၸႂ်​သိုဝ်ႈ​တေႃႇ၊ တၢင်း​ဢၼ်​ႁူဝ်​ၸႂ်​ၸေး​ၸုမ်ႇ​သေ​လႄႈ ၵႂႃႇ​မႃး​ၵႃႈ​တီႈ​ၽၢႆႇ​ၼႃႈ​ၵဝ် မိူၼ်​ၸိူဝ်ႉ​ၼင်ႇ​ဢၼ်​ပေႃႈ​မႂ်း​ တႃႇဝိတ်ႈ ​ၵႂႃႇ​မႃး​ၼၼ်ႉ ႁႂ်ႈ​လႆႈ​ႁဵတ်း​ၸွမ်း​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​လႄႈ ပႂ်ႉ​ၵမ်​ပႂ်ႉ​ၵျၢင်ႉ​ထုင်း​ၽိင်ႈ​တြႃး​ၵဝ်၊ လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​ယူႇ​ၸိုင်၊-</verse>
				<verse number="5">ၵဝ်​တၵ်း​ႁႂ်ႈ​ရႃႇၸႃႉ​ပလၢင်ႇ​သိုင်ႇ​ၸိုင်ႈ​ဝၢၼ်ႈ​မိူင်း​မႂ်း မိူင်း​ ဢီႉသရေႇလႃႉ ​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ၸွမ်း​ၵႃႈ​ၼင်ႇ​ဢၼ် ၵဝ်​မီး​ၵတီႉ​ဝႆႉ​တီႈ​ပေႃႈ​မႂ်း​ တႃႇဝိတ်ႈ ​ၼၼ်ႉ​လႄႈ​ဝႃႈ၊ ၸိူဝ်ႉ​ၶိူဝ်း​မႂ်း​တၵ်း​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​မိူင်း​ ဢီႉသရေႇလႃႉ ဢမ်ႇ​လႆႈ​ထၢတ်ႇ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="6">ပေႃး​ဢမ်ႇ​ၼၼ် ပေႃး​သူ​ဢိၵ်ႇ​တင်း​လုၵ်ႈ​သူ​လၢၼ်​သူ​ယင်း​ဢမ်ႇ​ၸွမ်း​လင်​ၵဝ်​လႄႈ ငႅၵ်း​ဢွၵ်ႇ​တၢင်း​ၵႂႃႇ​သေ​လႄႈ ဢမ်ႇ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး​ၵဝ် ဢိၵ်ႇ​တင်း​ထုင်း​ၽိင်ႈ​တြႃး​ၵဝ် ဢၼ်​ၵဝ်​ဢဝ်​ဝႆႉ​ၵႃႈ​တီႈ​ၽၢႆႇ​ၼႃႈ​သူ​ၼၼ်ႉ​လႄႈ ၵႂႃႇ​ႁဵတ်း​ဝၢတ်ႈ​ၵူဝ်း​ၵႂၢႆႇ​တီႈ​ၽြႃး​တၢင်ႇ​သူႇ​တၢင်ႇ​ပႃး​ၸိုင်၊-</verse>
				<verse number="7">ၵဝ်​တၵ်း​ပႄႇ​ၽဵဝ်ႈ​မဵဝ်း​ ဢီႉသရေႇလႃႉ ​ပႅတ်ႈ​သေ​ၵႃႈ​ၼႂ်း​မိူင်း​ဢၼ်​ၵဝ်​ပၼ်​တီႈ​ၶဝ်​ၼႆႉ​ဢေႃႈ။ ႁိူၼ်း​ၸဝ်ႈ​ဢၼ်​ၵဝ်​ႁႂ်ႈ​မူတ်း​ၸၢင်ႇ​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ၼႆႉ​ၵေႃႈ ၵဝ်​တၵ်း​ပႄႇ​ပႅတ်ႈ​သေ​ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၵဝ်​လႄႈ မဵဝ်း​ ဢီႉသရေႇလႃႉ တၵ်း​လႆႈ​ပဵၼ်​တီႈ​ဢၼ်​ႁဵတ်း​ဢပုမ်ႇ​တႅၵ်ႈ၊ တီႈ​ဢၼ်​သႄႉ​သွမ်း​ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢေႃႈ။-</verse>
				<verse number="8">ပိၵ်ႉ​သမ်ႉ​ႁိူၼ်း​ၸဝ်ႈ​ၼႆႉ​ပဵၼ်​ဢၼ်​သုင်​လီ​သေ​ၵေႃႈ၊ ၶဝ်​ၵႃႈ​ဢၼ်​ပႆ​တၢင်း​ၸွမ်း​တၢင်း​ၼၼ်ႉ​တၵ်း​ဢၢမ်း​လႄႈ​ႁဵတ်း​သဵင်​ဢၼ် သႄႉ​သွမ်း​သီႉ​သီႉ​သေႃႉ​သေႃႉ​ယူႇ​သေ​လႄႈ​တွင်ႈ​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ထႃႇဝရႃႉ​ၽြႃး​ႁဵတ်း​ၸိူဝ်ႉ​ၼင်ႇ​ၼႆ​တီႈ​မိူင်း​ၼႆႉ တင်း​ႁိူၼ်း​ၸဝ်ႈ​ၼႆႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">ပိူၼ်ႈ​တၵ်း​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး ႁႂ်ႈ​ၵႃႈ​ဢၼ်​ႁုၵ်း​ဢၼ်​ႁၢႆႉ​ၼႆႉ​ႁွတ်ႈ​ထိုင်​ၵႃႈ​ၼိူဝ်​ၶဝ်​ၵွပ်ႈ​ပိူဝ်ႈ​ဢၼ် ၶဝ်​ၸုၼ်ႉ​ပႅတ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် ဢၼ်​ၼုၵ်ႈ​ဢဝ်​ပူႇ​မွၼ်ႇ​ၶဝ် ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​သေ​လႄႈ ပိုင်ႈ​ဢိင်​ၽြႃး​တၢင်ႇ​သူႇ​တၢင်ႇ​ပႃး​ယူႇ​သေ​လႄႈ ႁဵတ်း​ဝၢတ်ႈ​ၵူဝ်း​ၵႂၢႆႇ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">မိူဝ်ႈ​ဢၼ်​ထိုင်​ႁွတ်ႈ​တီႈ​သုတ်း​သၢဝ်း​ပီႊ​ဢၼ်​ သေႃးလမုၼ်ႇ ​လႆႈ​တႄႇ​ႁဵတ်း​ႁိူၼ်း​ၸဝ်ႈ​သွင်​လင်​ဢၼ်​ဝႃႈ ႁိူၼ်း​ထႃႇဝရႃႉ​ၽြႃး တင်း​ႁေႃ​ၸဝ်ႈ​ၼၼ်ႉ​ၸိုင်၊-</verse>
				<verse number="11">ပိူဝ်ႈ​ဢၼ်​ ႁီႉရမ်ႇ ၶုၼ်​လူင်​ တူႉရူႉ ​ၼၼ်ႉ ပၼ်​မႆႉ​ ဢႃႇရိတ်ႉ ၊ မႆႉ​ပႅၵ်ႇ ဢိၵ်ႇ​တင်း​ၶမ်း ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​မၼ်း​မီး​ၼၼ်ႉ​ဝႆႉ​ယဝ်ႉ​လႄႈ ၶုၼ်​လူင်​ သေႃးလမုၼ်ႇ ​ၼၼ်ႉ ဢဝ်​ဝဵင်း​ၵႃႈ​တီႈ​မိူင်း​ ၵႃႇလီႉလႄး သၢဝ်း​ၼိုင်ႈ ပၼ်​တီႈ​ၶုၼ်​လူင်​ ႁီႉရမ်ႇ ​ဢေႃႈ။-</verse>
				<verse number="12">ႁီႉရမ်ႇ ​လုၵ်ႉ​သေ​ၵႃႈ​တီႈ​ဝဵင်း​ တူႉရူႉ ​မႃး​လႄႈ လူ​တူၺ်း​ဝဵင်း​ဢၼ်​ သေႃးလမုၼ်ႇ ​ပၼ်​တီႈ​မၼ်း​ၸိူဝ်း​ၼၼ်ႉ​သေ​ယဝ်ႉ၊ ဢမ်ႇ​ၶိုတ်း​ၸႂ်​ပဵင်း​ၸႂ်​လႄႈ၊-</verse>
				<verse number="13">လၢတ်ႈ​ဝႃႈ၊ ၸဝ်ႈ​ၼွင်ႉ​ၵဝ်​ဢိူၺ်း၊ ဝဵင်း​ဢၼ်​ၸဝ်ႈ​ပၼ်​တီႈ​ၵဝ်​ၸိူဝ်း​ၼႆႉ ပဵၼ်​ဝဵင်း​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​လႄႈ ႁွင်ႉ​ႁဵၵ်ႈ​ၸိုဝ်ႈ​ၵႃႈ​တီႈ​ၼၼ်ႈ ၵႃႇပူႉလႃႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="14">ႁီႉရမ်ႇ ​ၼၼ်ႉ​ပၼ်​ၶမ်း ပၢၵ်ႇ​ပၢႆ​သၢဝ်း​ တလၢၼ်ႇတၢၼ်ႇ တီႈ​ၶုၼ်​ႁေႃ​ၶမ်း​ဢေႃႈ။</verse>
				<verse number="15">လွင်ႈ​ဢၼ်​ၶုၼ်​လူင်​ သေႃးလမုၼ်ႇ လႆႈ​ၽႃႇ​ၵဵပ်း​ဢဝ်​ၵူၼ်း​ၼၼ်ႉ​ၸမ်ႉ၊ ပဵၼ်​ပုၼ်ႈ​ဢၼ်​တၵ်း​လႆႈ​တႄႇ​ႁဵတ်း​ႁိူၼ်း​ထႃႇဝရႃႉ​ၽြႃး၊ ႁေႃ​ၸဝ်ႈ၊ တီႈ​ မီႉလေႃႇ ၊ လမ်း​ဝဵင်း​ ယေႇရူႉသလႅမ်ႇ ၊ ဝဵင်း​ ႁႃႇၸေႃႇ ၊ ဝဵင်း​ မေႇၵိတ်ႉတေႃႇ ၊ ဝဵင်း​ ၵေႇၸႃႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="16">ဝဵင်း​ ၵေႇၸႃႇ ​ၸမ်ႉ ၽႃႇရေႃး ၶုၼ်​ႁေႃ​ၶမ်း​မိူင်း​ ဢေႇၵိပ်ႉတူႉ ၶီႇ​သိုၵ်း​လႄႈ တိုၵ်း​ဢဝ်​ဝဵင်း​ၼၼ်ႉ၊ ဢဝ်​ၽႆး​တုတ်ႇ​ပႅတ်ႈ​သေ​ယဝ်ႉ၊ ၶႃႈ​ၽၼ်း​ဢဝ်​တၢႆ​ၵူၼ်း​ ၶႃႇၼၼီႉ ဢၼ်​ယူႇ​ၵႃႈ​ၼႂ်း​ဝဵင်း​ၼၼ်ႉ​ၸိူဝ်း​ၼၼ်ႉ​သေ​လႄႈ ဢဝ်​ဝဵင်း​ၼၼ်ႉ ႁဵတ်း​လၢၵ်ႈ​သွင်ႇ​ပၼ်​တီႈ​လုၵ်ႈ​ယိင်း​မၼ်း မေး​ သေႃးလမုၼ်ႇ ​ၼၼ်ႉ​ဝႆႉ​ယဝ်ႉ။-</verse>
				<verse number="17">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ သေႃးလမုၼ်ႇ ​လႆႈ​တႄႇ​ႁဵတ်း​ဝဵင်း​ ၵေႇၸႃႇ ၊ ဝဵင်း​ ပေႇသေႃႇရုၼ်ႇ ​ဢၼ်​ၵႃႈ​တႂ်ႈ၊-</verse>
				<verse number="18">ဝဵင်း​ ပႃႇလတ်ႉ ၊ ဝဵင်း​ တႃႇတမေႃႇ ​ဢၼ်​မီး​ၵႃႈ​ၼႂ်း​ထိူၼ်ႇ​ၼၼ်ႉ​ၸိူဝ်း​ၼၼ်ႉ ၵႃႈ​ၼႂ်း​မိူင်း​ၸဝ်ႈ၊-</verse>
				<verse number="19">ၵႃႈ​ပဵၼ်​ဝဵင်း တီႈ​ဢၼ်​သိမ်း​ဝႆႉ​ၽၼ်ႇတႃႇ​ၸဝ်ႈ​လႄႈ သေႃးလမုၼ်ႇ ​ပိူင်ႇ​ၼၼ်ႉ၊ ဝဵင်း​တင်း​လၢႆ​ဢၼ်​လႆႈ​လူ​ထိင်း​လေႃႉရထႃး​ၸဝ်ႈ၊ ဝဵင်း​တင်း​လၢႆ​ဢၼ်​လႆႈ​လဵင်ႉ​မႃႉ​ၸဝ်ႈ ဢိၵ်ႇ​တင်း​ၵႃႈ​ဢၼ် သေႃးလမုၼ်ႇ ​ၶႂ်ႈ​တႄႇ​ႁဵတ်း​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၊ ၵႃႈ​ၼိူဝ်​လွႆ​ လေႇပၼုၼ်ႇ ၊ ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။</verse>
				<verse number="20">ၵႃႈ​ဢၼ်​ပဵၼ်​ၵူၼ်း​မဵဝ်း​ ဢႃႇမေႃးရီႉ ၊ ၵူၼ်း​မဵဝ်း​ ႁိတ်ႉတီႉ ၊ ၵူၼ်း​မဵဝ်း​ ၽေႇရၸီႉ ၊ ၵူၼ်း​မဵဝ်း​ ႁီႉဝီႉ ၊ ၵူၼ်း​မဵဝ်း​ ယေႇပူႉသီႉ ဢၼ်​ဢမ်ႇ​ပဵၼ်​ၵူၼ်း​မဵဝ်း​ ဢီႉသရေႇလႃႉ ​လႄႈ ဢၼ်​ၵိုတ်း​ဢၼ်​ၵျၢၼ်ႇ​တီႈ​မိူင်း​ၸဝ်ႈ၊-</verse>
				<verse number="21">ဢၼ်​ဝႃႈ လုၵ်ႈ​ၶဝ်​လၢၼ်​ၶဝ်​ဢၼ်​ၵိုတ်း​ဢၼ်​ၵျၢၼ်ႇ​လိုၼ်း​ၶဝ်​ၵႃႈ​တီႈ​မိူင်း​ၸဝ်ႈ ၵွပ်ႈ​ပိူဝ်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢမ်ႇ​ယႃႉ​ၽဵဝ်ႈ​ၶဝ်​ပႅတ်ႈ​မူတ်း​မူတ်း​သဵင်ႈ​သဵင်ႈ​လႆႈ​ၼၼ်ႉ​ၸိုင်၊ သေႃးလမုၼ်ႇ ​ၽႃႇ​ဢဝ်​ၵဵပ်း​ဢဝ်​ၵူၼ်း​ႁႂ်ႈ​ၶၢမ်ႇ​ႁဵတ်း​ၶႃႈ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="22">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸမ်ႉ၊ သေႃးလမုၼ်ႇ ​ဢမ်ႇ​ႁႂ်ႈ​ၶၢမ်ႇ​ႁဵတ်း​ၶႃႈ။ ၶဝ်​ၼၼ်ႉ​လႆႈ​ပဵၼ်​ႁူဝ်​ႁၢၼ်​ၵူၼ်း​သိုၵ်း​လႂ်၊ ၵူၼ်း​ၸႂ်ႉ​ၵူၼ်း​သွႆ​ၸဝ်ႈ​လႂ်၊ မူး​မၢတ်ႈ​ၽွင်း​မိူင်း​လႂ်၊ ၸဵတ်ႈ​ၵႄး ​လႂ်၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​လေႃႉရထႃး​ၸဝ်ႈ​လႂ်၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​မႃႉ​ၸဝ်ႈ​လႂ်​ဢေႃႈ။-</verse>
				<verse number="23">မူး​လူင်​မၢတ်ႈ​လူင်​ဢၼ်​ဢုပ်ႉ​ၵႃႈ​ၼိူဝ်​ဢမူႉ​ သေႃးလမုၼ်ႇ ​လႄႈ ၸီႇ​ယၢင်ႇ​ၵႃႈ​ၼိူဝ်​ၵူၼ်း​တင်း​လၢႆ ဢၼ်​ႁဵတ်း​ဢမူႉ​တၢင်း​ဢၼ်​တႄႇ​ႁဵတ်း​ၼၼ်ႉ​ၸိူဝ်း​ၼၼ်ႉ မီး​ႁႃႈ​ပၢၵ်ႇ​ပၢႆ​ႁႃႈ​သိပ်း​ဢေႃႈ။</verse>
				<verse number="24">လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ ဢွၵ်ႇ​သေ​ၵႃႈ​ၼႂ်း​ဝဵင်း​ တႃႇဝိတ်ႈ ​လႄႈ ၶၢႆႉ​ၸူး​ၵႃႈ​တီႈ​ႁေႃ​ၸဝ်ႈ​ဢၼ်​ သေႃးလမုၼ်ႇ တႄႇ​ႁဵတ်း​ပုၼ်ႈ​မၼ်း​ၼၼ်ႉ​သေ​ယဝ်ႉ၊ သေႃးလမုၼ်ႇ ​ၼၼ်ႉ ပွင်​ႁဵတ်း​ပွင်​မႄး​တီႈ မီႉလေႃႇ ​ဢေႃႈ။-</verse>
				<verse number="25">သေႃးလမုၼ်ႇ ဢဝ်​ယိတ်ႈ​ဢၼ်​တုတ်ႇ​ၽႆး​လႂ် ယိတ်ႈ​မိၵ်ႉသႃႇႁႃယႃႉ​လႂ် ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ဢၼ်​မၼ်း​တႄႇ​ႁဵတ်း ပုၼ်ႈ​ထႃႇဝရႃႉ​ၽြႃး​ၼၼ်ႉ ယေႈ​ပီႊ​သၢမ်​ပွၵ်ႈ​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ဢၼ်​မီး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ဢေႃႈ။ ၼင်ႇ​ၼၼ်​လႄႈ​မၼ်း​ႁဵတ်း​ႁိူၼ်း​ၸဝ်ႈ​ယဝ်ႉ​တူဝ်ႈ​သေ​ဢေႃႈ။</verse>
				<verse number="26">လႆႈ​သမ်ႉ ၶုၼ်​လူင်​ သေႃးလမုၼ်ႇ တႄႇ​ႁဵတ်း​ႁိူဝ်း​သၢင်း​ၽေႃး​တင်း​လၢႆ ၵႃႈ​တီႈ​ဝဵင်း​ ဢေးၸယုၼ်းၵႃႇပႃႇ ဢၼ်​မီး​ၸပ်း​ၵၼ်​ၸမ်​ၵၼ်​တင်း​ဝဵင်း​ ဢေႇလုတ်ႉ ၵႃႈ​တီႈ​ၽင်ႇ​ပၢင်ႇ​လၢႆႇ​ ဢေႇတုမ်ႇ ၼႂ်း​မိူင်း​ ဢေႇတုမ်ႇ ​ၼၼ်ႉ​ဢေႃႈ။-</verse>
				<verse number="27">ၶုၼ်​ ႁီႉရမ်ႇ ​ၵေႃႈ ႁႂ်ႈ​ၶႃႈ​မၼ်း​ၵူၼ်း​မၼ်း​ဢၼ်​ပဵၼ်​ၵူၼ်း​ႁိူဝ်း​သၢင်း​ၽေႃး ဢၼ်​ႁူႉ​လွင်ႈ​တၢင်း​ဢၼ်​ၶၢမ်ႈ​ပၢင်ႇ​လၢႆႇ​ၸိူဝ်း​ၼၼ်ႉ ၶီႇ​လူၺ်ႈ​ၵၼ်​တင်း​ၶႃႈ​ၵူၼ်း​ သေႃးလမုၼ်ႇ ၵႃႈ​ၼိူဝ်​ႁိူဝ်း​သၢင်း​ၽေႃး​ၸိူဝ်း​ၼၼ်ႉ​ဢေႃႈ။-</verse>
				<verse number="28">ၶဝ်​ၼၼ်ႉ​ၵႂႃႇ​ၵႃႈ​တီႈ​မိူင်း ဢေႃႇၽီႉရႃႉ ​လႄႈ ဢဝ်​ၶမ်း​သီႇ​ပၢၵ်ႇ​ပၢႆ​သၢဝ်း​ တလၢၼ်ႇတၢၼ်ႇ ၶိုၼ်း​မႃး​ၸူး​ၵႃႈ​တီႈ​ၶုၼ်​လူင် သေႃးလမုၼ်ႇ ​ဢေႃႈ။</verse>
			</chapter>
			<chapter number="10">
				<verse number="1">ၼၢင်း​ႁေႃ​ၶမ်း​ဢၼ်​ဢုပ်ႉ​ပိူင်ႇ​မိူင်း​ သေးၽႃႉ ​ၼၼ်ႉ ငိၼ်း​သတၢင်း​သဵင်​ၶၢဝ်ႇ​မုၼ်​သရေႇ​ သေႃးလမုၼ်ႇ ဢၼ်​ၸၢပ်ႈ​သႅင်ႇ​ၵၼ်​တင်း​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ၼၼ်ႉ​သေ​ယဝ်ႉ၊ မႃး​ႁႂ်ႈ​လႆႈ​ဢဝ်​ပျၢတ်ႈ​သၼႃႇ​ဢၼ်​လိုၵ်ႉ​လမ်ႇ​ယၢပ်ႇ​ၽိုတ်ႇ​ၼႃႇ​ၼၼ်ႉ​ၸၢမ်း​တူၺ်း​ သေႃးလမုၼ်ႇ ​ဢေႃႈ။-</verse>
				<verse number="2">မၼ်း​ၼၼ်ႉ ပႃး​ဢဝ်​တင်း​ၵူၼ်း​ဢၼ်​ၸွမ်း​ၼမ်​ၼႃႇ ဢိၵ်ႇ​တင်း​ၵလႃးဢုၵ်ႉ​ဢၼ်​ပႃး​တင်း​မဵဝ်း​ၼၢမ်ႇ​သႃႇ တင်း​ၶမ်း​ၼမ်​ၼႃႇ​တင်း​သႅင်​ဢၼ်​ထိူၵ်ႈ​ၵႃႈ​ယႂ်ႇ​ၶၼ်​ယႂ်ႇ​ၸိူဝ်း​ၼၼ်ႉ မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ႁွတ်ႈ​ထိုင်​တီႈ​ သေႃးလမုၼ်ႇ ​သေ​ယဝ်ႉ၊ တိူင်ႇ​ပၢင်ႇ​တွင်ႈ​ထၢမ်​လူၺ်ႈ​လွင်ႈ ၵႃႈ​ဢၼ်​မီး​ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ​ဢေႃႈ။-</verse>
				<verse number="3">သေႃးလမုၼ်ႇ ​ၵေႃႈ ၵႄႈ​လိတ်ႈ​ပျၢတ်ႈ​သၼႃႇ​ၵႃႈ​ဢၼ်​မၼ်း​တွင်ႈ​မၼ်း​ထၢမ်​ၼၼ်ႉ​ဢေႃႈ။ လွင်ႈ​တၢင်း​ဢၼ်​ သေႃးလမုၼ်ႇ ​ဢမ်ႇ​ႁူႉ​လႄႈ ဢမ်ႇ​ၵႄႈ​လိတ်ႈ​လႆႈ​ၼၼ်ႉ​ဢမ်ႇ​မီး​သေ​ၸိူဝ်ႉ​သေ​ပိူင်။-</verse>
				<verse number="4">မိူဝ်ႈ​ဢၼ်​ၼၢင်း​ႁေႃ​ၶမ်း​မိူင်း​ သေးၽႃႉ ​ႁၼ်​ပိင်ႇ​ၺႃႇ​ သေႃးလမုၼ်ႇ ​တင်း​သဵင်ႈ​တင်း​လူင် ဢိၵ်ႇ​တင်း​ႁိူၼ်း​ၸဝ်ႈ​ဢၼ်​မၼ်း​တႄႇ​ႁဵတ်း၊-</verse>
				<verse number="5">ၶိူင်ႈ​ပိူင်​ၶူင်ႇ​တီႈ​ၵိၼ်​ၸဝ်ႈ၊ တီႈ​ယူႇ​တီႈ​ၼင်ႈ​ဢၼ်​ၵူၼ်း​ဢၼ်​ပႂ်ႉ​ဢမူႉ​ၸဝ်ႈ​တင်း​လၢႆ​ၼင်ႈ​ၼၼ်ႉ၊ တီႈ​ဢၼ်​ၵူဝ်ႇ​ရမ်ႇ​ဢွၼ်ႇ​ၸၢႆး​ၸဝ်ႈ​တင်း​လၢႆ​ၸုၵ်း​ၶႃး​ၸႃး​ယူႇ​ၼၼ်ႉ၊ ၶူဝ်း​ၼုင်ႈ​တၢင်း​မႆ​ဢၼ်​ၶဝ်​ၼုင်ႈ​မႆ​ၸိူဝ်း​ၼၼ်ႉ၊ ၵူၼ်း​ယိပ်း​ၵွၵ်း​ၸဝ်ႈ​တင်း​လၢႆ ဢိၵ်ႇ​တင်း​ၶၼ်ႈ​လႆ​တီႈ​ဢၼ်​ၶိုၼ်ႈ​ၸူး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ​ၸိူဝ်း​ၼၼ်ႉ​ၸိုင် မီး​တၢင်း​ဢၼ်​လိုမ်း​တူဝ်​လိုမ်း​ႁၢင်ႈ​ယူႇ​သေ​လႄႈ၊-</verse>
				<verse number="6">လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၵႂၢမ်း​သတၢင်း​သဵင်​ၶၢဝ်ႇ​ဢၼ်​ၵဝ်​ၶႃႈ​ယူႇ​ၵႃႈ​တီႈ​မိူင်း​ၵဝ်​ၶႃႈ​လႄႈ လႆႈ​ငိၼ်း​လွင်ႈ​တၢင်း​ဢၼ်​ၸဝ်ႈ​ႁဝ်း​ႁဵတ်း​တင်း​လၢႆ ဢိၵ်ႇ​တင်း​ပိင်ႇ​ၺႃႇ​ၸဝ်ႈ​ႁဝ်း​ၼၼ်ႉ ပဵၼ်​ဢၼ်​မၢၼ်ႇ​ဢၼ်​မႅၼ်ႈ​ၶႃႈ​ဢေႃႈ။-</verse>
				<verse number="7">ၼႂ်း​ဝႃႈ​ၼၼ်​သေ​ၵေႃႈ ၸူဝ်ႈ​ဢၼ်​ၵဝ်​ၶႃႈ​ဢမ်ႇ​ပႆႇ​ႁွတ်ႈ​ထိုင်​လႄႈ​ထူပ်း​ႁၼ်​ၼၼ်ႉ၊ ၵဝ်​ၶႃႈ​ဢမ်ႇ​ယုမ်ႇ​ၵႂၢမ်း​ၼၼ်ႉ၊ မိူဝ်ႈ​လဵဝ်​ၼႆႉ​ၸမ်ႉ၊ ၵႂၢမ်း​ဢၼ်​ၵဝ်​ၶႃႈ​လႆႈ​ငိၼ်း​ဢွၼ်​တၢင်း​ၼၼ်ႉ ဢမ်ႇ​ၶိုတ်း​သေ​ၶိုင်ႈ​ၼိုင်ႈ​လႄႈ ပိင်ႇ​ၺႃႇ​ၸဝ်ႈ​ႁဝ်း​တင်း​ၸေး​ၸိမ်ႇ​ၸဝ်ႈ​ႁဝ်း​ၼႆႉ ပဵၼ်​ဢၼ်​ပူၼ်ႉ​လိူဝ်​သတၢင်း​သဵင်​ၶၢဝ်ႇ ဢၼ်​ၵဝ်​ၶႃႈ​လႆႈ​ငိၼ်း​ၼၼ်ႉ​ၶႃႈ​ဢေႃႈ။-</verse>
				<verse number="8">ၵူၼ်း​ၸဝ်ႈ​ႁဝ်း​တင်း​ၶႃႈ​ၸဝ်ႈ​ႁဝ်း ဢၼ်​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ယူႇ​သေ​လႄႈ လႆႈ​ငိၼ်း​ပိင်ႇ​ၺႃႇ​ၸဝ်ႈ​ႁဝ်း​ၸိူဝ်း​ၼႆႉ မီး​မင်ႇၵလႃႇ​ၶႃႈ​ဢေႃႈ။-</verse>
				<verse number="9">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ႁဝ်း ဢၼ်​ထုၵ်ႇ​ၸႂ်​တီႈ​ၸဝ်ႈ​ႁဝ်း​လႄႈ ဢဝ်​ၸဝ်ႈ​ႁဝ်း​တၢင်ႇ​ၵႃႈ​ၼိူဝ်​ရႃႇၸႃႉ​ပလၢင်ႇ ဢီႉသရေႇလႃႉ ​ၼႆႉ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ႁၵ်ႉ​မဵဝ်း​ ဢီႉသရေႇလႃႉ ​ယူႇ​တႃႇ​သေႇ​လႄႈ မၼ်း​ၸဝ်ႈ​ၶၢၼ်း​ၸဝ်ႈ​ႁဝ်း​ဝႆႉ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း ႁႂ်ႈ​လႆႈ​ႁဵတ်း​တၢင်း​ဢၼ်​ၸီႇ​ယၢင်ႇ​တြႃး​ဢိၵ်ႇ​တင်း တၢင်း​ဢၼ်​တႅပ်း​တတ်း​သိုဝ်ႈ​သိုဝ်ႈ​တေႃႇ​တေႃႇ​ၼၼ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="10">ဢဝ်​ၶမ်း​ပၢၵ်ႇ​ပၢႆ​သၢဝ်း​ တလၢၼ်ႇတၢၼ်ႇ မဵဝ်း​ၼၢမ်ႇ​သႃႇ​ၼမ်​ၼႃႇ​လူင်​လၢင်၊ သႅင်​လီ​သႅင်​မျၢတ်ႈ​တင်း​လၢႆ သၢၵ်ႈ​ပၼ်​တီႈ​ၶုၼ်​ႁေႃ​ၶမ်း​ဢေႃႈ။ မဵဝ်း​ၼၢမ်ႇ​သႃႇ​ဢၼ်​ၼမ်​ၼႃႇ ပဵင်း​တၢၼ်ႇ​မဵဝ်း​ၼၢမ်ႇ​သႃႇ​ဢၼ်​ၼၢင်း​ႁေႃ​ၶမ်း​မိူင်း​ သေးၽႃႉ သၢၵ်ႈ​ပၼ်​တီႈ​ၶုၼ်​လူင် သေႃးလမုၼ်ႇ ​ၼၼ်ႉ ၵမ်း​လိုၼ်း​ဢမ်ႇ​ႁွတ်ႈ​ဢမ်ႇ​ၽႅဝ်။</verse>
				<verse number="11">ႁိူဝ်း​သၢင်း​ၽေႃး​ ႁီႉရမ်ႇ ဢၼ်​ဢဝ်​ၶမ်း​ၵႃႈ​တီႈ​မိူင်း​ ဢေႃႇၽီႉရႃႉ ​မႃး​ၸိူဝ်း​ၼၼ်ႉ ဢွၼ်​ၵၼ်​ပႃး​ဢဝ်​မႆႉ​ၼၢမ်ႇ​သႃႇ​ဢိၵ်ႇ​တင်း​သႅင်​လီ​သႅင်​မျၢတ်ႈ​သေ ၵႃႈ​တီႈ​မိူင်း​ ဢေႃႇၽီႉရႃႉ ​ၼၼ်ႉ​မႃး​ဢေႃႈ။-</verse>
				<verse number="12">ၶုၼ်​ႁေႃ​ၶမ်း​ဢဝ်​မႆႉ​ၼၢမ်ႇ​သႃႇ​ၼၼ်ႉ ႁဵတ်း​ပွတ်ႈ​လုင်း​ႁိူၼ်း​ထႃႇဝရႃႉ​ၽြႃး​တင်း​ႁေႃ​ၸဝ်ႈ ဢိၵ်ႇ​တင်း​တိင်ႇ၊ တရေႃး​ပုၼ်ႈ​ၶဝ်​ၸိူဝ်း​ဢၼ်​ႁဵတ်း​ၵႂၢမ်း​ၼၼ်ႉ​ဢေႃႈ။ မႆႉ​ၼၢမ်ႇ​သႃႇ​ၸိူဝ်ႉ​ၼင်ႇ​ၼၼ်​ၼၼ်ႉ ၵမ်း​လိုၼ်း​ဢမ်ႇ​ႁွတ်ႈ​ဢမ်ႇ​ၽႅဝ်​လႄႈ ဢမ်ႇ​ပေႃႇ​ဢမ်ႇ​မႃး​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="13">ၶုၼ်​လူင်​ သေႃးလမုၼ်ႇ ​ၼၼ်ႉ ၼွၵ်ႈ​သေ​လၢၵ်ႈ​သွင်ႇ ဢၼ်​ သေႃးလမုၼ်ႇ ​ပၼ်​ၵူၺ်း​မၼ်း​ၼၼ်ႉ​ဢမ်ႇ​ၵႃး၊ ပၼ်​ၸွမ်း​ၵႃႈ​ၼင်ႇ​ဢၼ် ၼၢင်း​ႁေႃ​ၶမ်း​မီး​ဢလူဝ်ႇ​သၼ်ႇတႃႉ​ၶႂ်ႈ​လႆႈ​လႄႈ ယွၼ်း​ဢဝ်​ၼၼ်ႉ​ဢေႃႈ။ လိုၼ်း​ၼၼ်ႉ​မၼ်း​ၼၼ်ႉ ဢိၵ်ႇ​လူၺ်ႈ​ၵၼ်​တင်း​ၶႃႈ​မၼ်း​ၵူၼ်း​မၼ်း ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​မၼ်း​သေ​ဢေႃႈ။</verse>
				<verse number="14">ၶၼ်​ၸင်ႈ​ၶမ်း​ဢၼ်​မႃး​ႁွတ်ႈ​မႃး​ၽႅဝ်​တီႈ​ သေႃးလမုၼ်ႇ ၼႂ်း​ယေႈ​ပီႊ​ယေႈ​ပီႊ​ၸမ်ႉ၊ ပဵၼ်​ႁူၵ်း​ပၢၵ်ႇ​ႁူၵ်း​သိပ်း​ပၢႆ​ႁူၵ်း တလၢၼ်ႇတၢၼ်ႇ ​ဢေႃႈ။-</verse>
				<verse number="15">ၼွၵ်ႈ​သေ​ၼၼ်ႉ ယင်း​မီး​ၶမ်း​ဢၼ်​ၵူၼ်း​ၵႃႉ​ၵူၼ်း​ၶၢႆ​လႂ်၊ ၸဝ်ႈ​ၵုၼ်ႇ​ၸဝ်ႈ​သိၼ်​လႂ်၊ ၶုၼ်​လူင်​တၢင်ႇ​ၸိူဝ်ႉ​တၢင်ႇ​မဵဝ်း​ၵႃႈ​မီး​လႂ်၊ မဵဝ်ႉ​ဝုၼ်ႇ​တင်း​လၢႆ​လႂ် သၢၵ်ႈ​ၼၼ်ႉ​လူး​ၵွၼ်ႇ​ဢေႃႈ။</verse>
				<verse number="16">ၶုၼ်​လူင်​ သေႃးလမုၼ်ႇ တွင်ႈ​ႁဵတ်း​ၶိူင်ႈ​ႁႄႉ​လၢၵ်ႈ​ၼၢၵ်ႈ ဢၼ်​ယေႈ​ဢၼ်​ပႃး​ၶမ်း​ႁူၵ်း​ပၢၵ်ႇ​ၵျၢပ်ႈ သၶေးလႃႉ ​ၼၼ်ႉ​သွင်​ပၢၵ်ႇ​ဢၼ်၊-</verse>
				<verse number="17">ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢွၼ်ႇ​ဢၼ်​ယေႈ​ဢၼ်​ပႃး​ၶမ်း​သၢမ်​ၸွႆႉ​ၼၼ်ႉ​သၢမ်​ပၢၵ်ႇ​ဢၼ်​လႄႈ ၶုၼ်​ႁေႃ​ၶမ်း​ဢဝ်​ဝႆႉ​ၵႃႈ​ၼႂ်း​ႁေႃ​ၸဝ်ႈ​ထိူၼ်ႇ လေႇပၼုၼ်ႇ ​ၼၼ်ႉ​ဢေႃႈ။-</verse>
				<verse number="18">ၶုၼ်​ႁေႃ​ၶမ်း​ႁဵတ်း​ရႃႇၸႃႉ​ပလၢင်ႇ​ငႃး​ၸၢင်ႉ​လူင်​ဢၼ် ဢဝ်​တင်း​ၶမ်း​လွတ်ႈ​ငၢၼ်ႇ ဢုမ်ႇ​ႁေႃႇ​သေ​ၼၼ်ႉ​ဢေႃႈ။-</verse>
				<verse number="19">ရႃႇၸႃႉ​ပလၢင်ႇ​ၸဝ်ႈ​ၼၼ်ႉ မီး​ၶၼ်ႈ​လႆ​ႁူၵ်း​သိၵ်ႈ​လႄႈ ႁူဝ်ႉ​ၽၢႆႇ​လင်​မၼ်း​မူၼ်း​ဝႆႉ​ဢေႃႈ။ ၵႃႈ​တီႈ​သွင်​ၽၢႆႇ​တီႈ​ဢၼ်​ၼင်ႈ​ၼၼ်ႉ ပျေႉ​ၸုမ်ႇ​ဝႆႉ​တင်း​ႁၢဝ်း​တီႈ​ဢိင်​လႄႈ ၵႃႈ​တီႈ​ႁိမ်း​ႁၢဝ်း​ၼၼ်ႉ​မီး​သၢင်ႇ​သီႈ​သွင်​တူဝ်​ၸုၵ်း​ယူႇ​ဢေႃႈ။-</verse>
				<verse number="20">ၵႃႈ​တီႈ​သွင်​ၽၢႆႇ​ၼိူဝ်​သိၵ်ႈ​ၶၼ်ႈ​လႆ​ႁူၵ်း​သိၵ်ႈ​ၸိူဝ်း​ၼၼ်ႉ​ၵေႃႈ၊ မီး​သၢင်ႇ​သီႈ​သိပ်း​ပၢႆ​သွင်​တူဝ်​ၸုၵ်း​ယူႇ​ဢေႃႈ။ ၵႃႈ​တီႈ​သိုင်ႇ​ၸိုင်ႈ​ဝၢၼ်ႈ​မိူင်း​တီႈ​လႂ်​တၢၼ်း​လႂ်​သေ​သိုင်ႇ​သေ​မိူင်း ဢမ်ႇ​မီး​ဢၼ်​မိူၼ်​ၸိူဝ်ႉ​ၼင်ႇ​ၼၼ်​ၼၼ်ႉ​လႃး​လႃး။</verse>
				<verse number="21">ၵွၵ်း​ၸဝ်ႈ​ဢၼ်​ၶုၼ်​လူင်​ သေႃးလမုၼ်ႇ ​ၵိၼ်​ၵႃႈ​မီး ဢိၵ်ႇ​တင်း​ၵွၵ်း​ၸဝ်ႈ​ဢၼ်​သုင်း​သွင်ႇ​ၵႃႈ​တီႈ​ႁေႃ​ၸဝ်ႈ​ထိူၼ်ႇ​ လေႇပၼုၼ်ႇ ၵႃႈ​မီး​ၼၼ်ႉ၊ ဢမ်ႇ​ၸႂ်ႈ​ၵွၵ်း​ငိုၼ်း၊ ပဵၼ်​ၵွၵ်း​ၶမ်း​လွၼ်ႉ​လွၼ်ႉ​ဢေႃႈ။ ၼႂ်း​ၸူဝ်ႈ​ပၢၼ်​ သေႃးလမုၼ်ႇ ​ၼၼ်ႉ၊ ဢမ်ႇ​ၸၢင်ႈ​မၢတ်ႈ​ငိုၼ်း​ပဵၼ်​ၵႃႈ​သင်​လႃး​လႃး။-</verse>
				<verse number="22">ၶုၼ်​ႁေႃ​ၶမ်း မီး​ႁိူဝ်း​သၢင်း​ၽေႃး​ တႃႇ​သူႉ ​တင်း​လၢႆ လူၺ်ႈ​ၵၼ်​တင်း​ႁိူဝ်း​သၢင်း​ၽေႃး​ ႁီႉရမ်ႇ ​ၸိူဝ်း​ၼၼ်ႉ​လႄႈ သၢမ်​ပီႊ​ယေႈ​ပွၵ်ႈ ႁိူဝ်း​သၢင်း​ၽေႃး တႃႇသူႉ ​ၸိူဝ်း​ၼၼ်ႉ​ၸၢင်ႈ​ပႃး​ဢဝ်​ငိုၼ်း၊ ၶမ်း၊ ငႃး​ၸၢင်ႉ၊ လိင်း​လႂ်၊ ၼူၵ်ႉ​ယုင်း​လႂ် ၶိုၼ်း​မႃး​ဢေႃႈ။</verse>
				<verse number="23">ၼင်ႇ​ၼၼ်​လႄႈ ၶုၼ်​လူင်​ သေႃးလမုၼ်ႇ မီး​ၸေး​ၸိမ်ႇ​တင်း​ပိင်ႇ​ၺႃႇ ယဵင်ႈ​ၶႅၼ်း​လိူဝ်​တွၼ်း​ၼႃႇ​သေ ၶုၼ်​ႁေႃ​ၶမ်း ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း​ဢေႃႈ။-</verse>
				<verse number="24">ၵူၼ်း​လိၼ်​မိူင်း​တင်း​သဵင်ႈ​တင်း​လူင် ဢွၼ်​ၵၼ်​မႃး​ၸူး​ၵႃႈ​တီႈ​ သေႃးလမုၼ်ႇ ႁႂ်ႈ​လႆႈ​ထွမ်ႇ​လႆႈ​ငိၼ်း ၵႂၢမ်း​ပိင်ႇ​ၺႃႇ​ဢၼ်​ၽြႃး​ပဵၼ်​ၸဝ်ႈ သႂၢင်း​သႂ်ႇ​ပၼ်​ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ​ဢေႃႈ။-</verse>
				<verse number="25">ၶဝ်​ၸိူဝ်း​ဢၼ်​မႃး​ႁင်း​ၽႂ်​ႁင်း​မၼ်း​ၼၼ်ႉ ဢွၼ်​ၵၼ်​လႆႈ​သၢၵ်ႈ​ၵွၵ်း​ၶမ်း၊ ၵွၵ်း​ငိုၼ်း၊ ၶိူင်ႈ​ၼုင်ႈ​တၢင်း​မႆ၊ လၢၵ်ႈ​ၼၢၵ်ႈ​တိုၵ်း​သိုၵ်း၊ မဵဝ်း​ၼၢမ်ႇ​သႃႇ၊ မႃႉ​လႂ်​လီႈ​လႂ် ၵူႈ​ပီႊ​ၵူႈ​ပီႊ​ဢေႃႈ။-</verse>
				<verse number="26">သေႃးလမုၼ်ႇ ​ၸူႉ​ႁွမ်​လေႃႉရထႃး​လႂ် တင်း​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​လႂ်​လႄႈ မီး​လေႃႉရထႃး​ႁဵင်​ပၢႆ​သီႇ​ပၢၵ်ႇ၊ ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​မိုၼ်ႇ​ပၢႆ​သွင်​ႁဵင် ဢၼ်​မၼ်း​ဢဝ်​ဝႆႉ​ၵႃႈ​တီႈ​ဝဵင်း ဢၼ်​ထိင်း​လေႃႉရထႃး​ၸဝ်ႈ ဢိၵ်ႇ​တင်း​ၵႃႈ​တီႈ​မၼ်း​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="27">ၶုၼ်​ႁေႃ​ၶမ်း​ႁႂ်ႈ​ငိုၼ်း​ၼမ်​ၼႃႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ မိူၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​မၢၵ်ႇ​သၢႆး​လႄႈ ႁႂ်ႈ​တူၼ်ႈ​ ဢႃႇရိတ်ႉ ​ၼမ်​ၼႃႇ မိူၼ်​ၸိူဝ်ႉ​ၼင်ႇ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ဢၼ်​ဢွၵ်ႇ​ၵႃႈ​တီႈ​တႂ်ႈ​တီႈ​ဢၼ်​ပၢင်ႇ​ဢၼ်​ပဵင်း​ၼၼ်ႉ​ဢေႃႈ။-</verse>
				<verse number="28">မႃႉ​ၼမ်​ၼႃႇ ဢၼ်​လႆႈ​ဢဝ်​ၵႃႈ​တီႈ​မိူင်း​ ဢေႇၵိပ်ႉတူႉ ​မႃး​တီႈ​ သေႃးလမုၼ်ႇ ​ၸိူဝ်း​ၼၼ်ႉ​ၵေႃႈ၊ ၸဝ်ႈ​ၵုၼ်ႇ​ၸဝ်ႈ​သိၼ်​ၶုၼ်​ႁေႃ​ၶမ်း​တင်း​လၢႆ လႆႈ​ဢွၼ်​ၵၼ်​ပၼ်​ၵႃႈ​ပၼ်​ၶၼ်​မၼ်း ပဵၼ်​ၽုင်​ပဵၼ်​ၽုင်​ယူႇ​သေ​လႄႈ ၶၢမ်ႇ​ဢဝ်​ဢေႃႈ။-</verse>
				<verse number="29">လေႃႉရထႃး​ၵေႃႈ၊ ၸၢင်ႈ​ဢဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၶၢႆ​ယေႈ​လင်​ငိုၼ်း​ႁူၵ်း​ပၢၵ်ႇ​ၵျၢပ်ႈ​ သၶေးလႃႉ ၊ မႃႉ​ယေႈ​တူဝ်​ၸမ်ႉ၊ ယေႈ​ပၢၵ်ႇ​ပၢႆ​ႁႃႈ​သိပ်း​ၵျၢပ်ႈ​ သၶေးလႃႉ ​ဢေႃႈ။ ၼင်ႇ​ၼၼ်​လႄႈ​ၶဝ်​ဢွၼ်​ၵၼ်​ဢဝ်​ဢွၵ်ႇ​မႃး ပုၼ်ႈ​ၶုၼ်​လူင်​ ႁိတ်ႉတီႉ ဢိၵ်ႇ​တင်း ၶုၼ်​လူင်​ သူႉရီႉ ​တင်း​လၢႆ​ဢေႃႈ။</verse>
			</chapter>
			<chapter number="11">
				<verse number="1">ၼွၵ်ႈ​သေ​လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ၊ ၶုၼ်​လူင်​ သေႃးလမုၼ်ႇ ၸၢင်ႈ​ႁၵ်ႉ​ပႅင်း​မႄႈ​ယိင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ဢၼ်​ဝႃႈ ၵူၼ်း​မဵဝ်း​ မေႃႇၽႃႉ ၊ မဵဝ်း​ ဢမ်ႇမုၼ်ႇ ၊ မဵဝ်း​ ဢေႇတုမ်ႇ ၊ မဵဝ်း​ ၸီႉတုၼ်ႇ ၊ မဵဝ်း​ ႁိတ်ႉတီႉ ​ၸိူဝ်း​ၼၼ်ႉ​ၼမ်​ၼႃႇ​ဢေႃႈ။-</verse>
				<verse number="2">ပိၵ်ႉ​သမ်ႉ​ထႃႇဝရႃႉ​ၽြႃး​မီး​ဢမိင်ႉ​လူၺ်ႈ​လွင်ႈ​ၵူၼ်း​မဵဝ်း​ၸိူဝ်း​ၼၼ်ႉ ဝႆႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ သူ​ဢမ်ႇ​လႆႈ​ၶဝ်ႈ​ၼႂ်း​ၶဝ်​ၼၼ်ႉ ၶဝ်​ၼၼ်ႉ​ၵေႃႈ​ဢမ်ႇ​လႆႈ​ၶဝ်ႈ​ၼႂ်း​သူ၊၊ ၶဝ်​ၼၼ်ႉ​တၵ်း​ႁႂ်ႈ​ႁူဝ်​ၸႂ်​သူ​ပိူင်ႈ​ၵႂႃႇ​ၸွမ်း​လင်​ၽြႃး​ၶဝ်​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ သေႃးလမုၼ်ႇ ​မီး​ၸႂ်​ဢၼ်​ၸပ်း​ဢၼ်​ၸွႆး​မႄႈ​ယိင်း​မဵဝ်း​ၸိူဝ်း​ၼၼ်ႉ​ဢေႃႈ။-</verse>
				<verse number="3">မၼ်း​မီး​မေး​ဢၼ်​ပဵၼ်​လုၵ်ႈ​ယိင်း​ၶုၼ်​ၸဵတ်း​ပၢၵ်ႇ၊ ၸိူင်ႉ​ၼၢင်း​သၢမ်​ပၢၵ်ႇ​လႄႈ​မေး​မၼ်း​ၸိူဝ်း​ၼၼ်ႉ ႁႂ်ႈ​ႁူဝ်​ၸႂ်​မၼ်း​ပိူင်ႈ​ၵႂႃႇ​ဢေႃႈ။-</verse>
				<verse number="4">မိူဝ်ႈ​ဢၼ်​ သေႃးလမုၼ်ႇ ဢသၢၵ်ႈ​ၵႄႇ​မႃး​ၼၼ်ႉ​ၸိုင်၊ မႄႈ​ယိင်း​ၸိူဝ်း​ၼၼ်ႉ​ႁႂ်ႈ​ႁူဝ်​ၸႂ်​မၼ်း​ပိူင်ႈ​ၵႂႃႇ​ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး​သေ​လႄႈ ႁူဝ်​ၸႂ်​မၼ်း​ဢမ်ႇ​မီး​တၢင်း​ဢၼ်​ၸေး​ၸုမ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​မိူၼ်​ၸိူဝ်ႉ​ၼင်ႇ ၸဝ်ႈ​ပေႃႈ​မၼ်း​ တႃႇဝိတ်ႈ ​ၼၼ်ႉ။-</verse>
				<verse number="5">သေႃးလမုၼ်ႇ ​ၸွမ်း​လင်​ ဢႃႇသတရိၵ်ႉ ​ၼၢင်းၽီ​ ၸီႉတုၼ်ႇ၊ မီႉလႃႉၵုမ်း ​ၽြႃး​ ဢမ်ႇမုၼ်ႇ ၊ ဢၼ်​လီ​ႁင်ႈ​ဢဵတ်ႇ​သဵတ်ႇ​ၼၼ်ႉ​လႄႈ၊-</verse>
				<verse number="6">သေႃးလမုၼ်ႇ ​ႁဵတ်း​တူႉ​ၸရိူၵ်ႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ဢမ်ႇ​ၸွမ်း​လင်​ထႃႇဝရႃႉ​ၽြႃး​လုမ်း​လုမ်း​မိူၼ်​ၸိူဝ်ႉ​ၼင်ႇ ၸဝ်ႈ​ပေႃႈ​မၼ်း​ တႃႇဝိတ်ႈ ​ၼၼ်ႉ။-</verse>
				<verse number="7">မိူဝ်ႈ​ၼၼ်ႉ သေႃးလမုၼ်ႇ ​တႄႇ​ႁဵတ်း​ထႃႇၼႃႉ​တီႈ​သုင်​ၵႃႈ​ၼိူဝ်​လွႆ ဢၼ်​မီး​ၵႃႈ​တီႈ​ၽၢႆႇ​ၼႃႈ​ဝဵင်း​ ယေႇရူႉသလႅမ်ႇ ​ၼၼ်ႉ ပုၼ်ႈ​ ၶႄးမူႉသႃႉ ၽြႃး​ မေႃႇၽႃႉ ဢၼ်​ပဵၼ်​တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ​ၼၼ်ႉ ဢိၵ်ႇ​တင်း​ပုၼ်ႈ​ မူးလွၵ်ႉ ​ၽြႃး​ ဢမ်ႇမုၼ်ႇ ဢၼ်​ပဵၼ်​တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ​ၼၼ်ႉ​ဢေႃႈ။-</verse>
				<verse number="8">ၼင်ႇ​ၼၼ်​လႄႈ​မၼ်း​တႄႇ​ႁဵတ်း​ပုၼ်ႈ​မေး​မၼ်း ဢၼ်​ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ဢဝ်​ၼၢမ်ႇ​သႃႇ​တုတ်ႇ​ၽႆး ဢၼ်​ဢဝ်​ယိတ်ႈ​ပုၵ်ႈ​ၸေႃႇ တီႈ​ၽြႃး​ၶဝ်​တင်း​သဵင်ႈ​တင်း​လူင်​ၼၼ်ႉ​ၼၼ်ႉ​ဢေႃႈ။</verse>
				<verse number="9">ထႃႇဝရႃႉ​ၽြႃး​ၸႂ်​မႆႈ​ၶႆႈ​ၸႃႉ​တီႈ​ သေႃးလမုၼ်ႇ ​ၵွပ်ႈ​ပိူဝ်ႈ​ဢၼ် ႁူဝ်​ၸႂ်​မၼ်း​ပိူင်ႈ​သေ​ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ဢၼ်​ပေႃႇ​မႃး​တီႈ​မၼ်း​သွင်​ပွၵ်ႈ​လႄႈ</verse>
				<verse number="10">ပိင်း​ၺၢပ်ႈ​ဝႆႉ လူၺ်ႈ​လွင်ႈ​ဢၼ်​မၼ်း​တၵ်း​ဢမ်ႇ​လႆႈ​ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး​လႄႈ မၼ်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ​လႄႈ၊-</verse>
				<verse number="11">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​ႁဵတ်း​ၸိူဝ်ႉ​ၼင်ႇ​ၼႆ​လႄႈ ဢမ်ႇ​ပႂ်ႉ​ၸွမ်း​ပတီႉၺိၺ်ႇ​ၵဝ်​ဢိၵ်ႇ​တင်း​ထုင်း​ၽိင်ႈ​တြႃး ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​လႄႈ ၵဝ်​တၵ်း​ၼုၵ်ႈ​ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​သေ​ၵႃႈ​တီႈ​မႂ်း​လႄႈ ပၼ်​တီႈ​ၶႃႈ​မႂ်း​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="12">ၵူၺ်း​ၵႃႈ ၵဝ်​ထွၵ်ႈ​လူၺ်ႈ​ပေႃႈ​မႂ်း​ တႃႇဝိတ်ႈ ​ၼၼ်ႉ​လႄႈ တၵ်း​ဢမ်ႇ​ႁဵတ်း​ၼႂ်း​ၸူဝ်ႈ​ပၢၼ်​မႂ်း​ၼႆႉ။ ၵဝ်​တၵ်း​ၼုၵ်ႈ​ဢဝ်​သေ​ၵႃႈ​ၼႂ်း​မိုဝ်း​လုၵ်ႈ​ၸၢႆး​မႂ်း​ဢေႃႈ။-</verse>
				<verse number="13">ၼႂ်း​ဝႃႈ​ၼၼ်​သေ​ၵေႃႈ ၵဝ်​တၵ်း​ဢမ်ႇ​ၼုၵ်ႈ​ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​တင်း​သဵင်ႈ​တင်း​မူတ်း၊ ၵဝ်​တၵ်း​ထွၵ်ႈ​လူၺ်ႈ​ၶႃႈ​ၵဝ်​ တႃႇဝိတ်ႈ တင်း​ဝဵင်း​ ယေႇရူႉသလႅမ်ႇ ဢၼ်​ၵဝ်​လိူၵ်ႈ​ၵဵပ်း​ဢဝ်​ၼၼ်ႉ​လႄႈ တၵ်း​ဢဝ်​မဵဝ်း​ၼိုင်ႈ​ပၼ်​တီႈ​လုၵ်ႈ​ၸၢႆး​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">လိုၼ်း​ၼၼ်ႉ​ထႃႇဝရႃႉ​ၽြႃး​တိုၵ်း​ယူင်း​ ႁႃႇတတ်ႉ ၵူၼ်း​မဵဝ်း​ ဢေႇတုမ်ႇ ၵေႃႉ​ဢၼ်​ဝႆႉ​တၢင်း​ၽိတ်း​တီႈ​ သေႃးလမုၼ်ႇ ​ၼၼ်ႉ​ဢေႃႈ။ မၼ်း​ၼၼ်ႉ​ပဵၼ်​မဵဝ်း​ၸိူဝ်ႉ​ၶိူဝ်း​ၶုၼ်​ႁေႃ​ၶမ်း​ ဢေႇတုမ်ႇ ​ဢေႃႈ။-</verse>
				<verse number="15">မိူဝ်ႈ​ဢွၼ်​တၢင်း​ၼၼ်ႉ မိူဝ်ႈ​ဢၼ်​ တႃႇဝိတ်ႈ မီး​ယူႇ​ၵႃႈ​တီႈ​မိူင်း​ ဢေႇတုမ်ႇ ​လႄႈ</verse>
				<verse number="16">ပူဝ်ႇ​ၶျုၵ်ႈ​ ယႂႃႇၽႃႉ တိုၵ်း​တေႃး​ယႃႉ​ပႅတ်ႈ​ၵူၼ်း​ၸၢႆး​မဵဝ်း​ ဢေႇတုမ်ႇ ​တင်း​သဵင်ႈ​တင်း​မူတ်း ၵွပ်ႈ​ပိူဝ်ႈ​ဢၼ်​ ယႂႃႇၽႃႉ ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ယူႇ​ၵႃႈ​တီႈ​မိူင်း​ၼၼ်ႉ​ႁူၵ်း​လိူၼ် တေႃႇ​ထိုင်​ႁွတ်ႈ မၼ်း​ယႃႉ​ၽဵဝ်ႈ​ၵူၼ်း​ၸၢႆး မဵဝ်း​ ဢေႇတုမ်ႇ တင်း​သဵင်ႈ​တင်း​လူင်​ၼၼ်ႉ​သေ​ယဝ်ႉ၊ ယႂႃႇၽႃႉ ​ၵႂႃႇ​ႁႂ်ႈ​လႆႈ​ၽင်​တူဝ်​တၢႆ​တင်း​လၢႆ​ၼၼ်ႉ​ၸိုင်၊-</verse>
				<verse number="17">ႁႃႇတတ်ႉ ​ၼၼ်ႉ​ယင်း​ပဵၼ်​လုၵ်ႈ​ဢွၼ်ႇ​ယူႇ​သေ​လႄႈ ဢွၵ်ႇ​ပၢႆႈ​လူၺ်ႈ​ၵၼ်​တင်း​ၵူၼ်း​မဵဝ်း​ ဢေႇတုမ်ႇ ​ၵမ်ႈ​ၽွင်ႈ ဢၼ်​ပဵၼ်​ၶႃႈ​ပေႃႈ​မၼ်း​ၸိူဝ်း​ၼၼ်ႉ ၵႂႃႇ​ႁႂ်ႈ​လႆႈ​ႁွတ်ႈ​ထိုင်​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="18">ၶဝ်​လုၵ်ႉ​သေ​ၵႃႈ​တီႈ​မိူင်း​ မီႉတျၼ်ႇ ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​မိူင်း​ ပႃႇရၼ်ႇ ​ဢေႃႈ။ လႆႈ​သမ်ႉ ၶဝ်​ႁွင်ႉ​ဢဝ်​ၵူၼ်း​မိူင်း ပႃႇရၼ်ႇ ​ၵမ်ႈ​ၽွင်ႈ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ ၽႃႇရေႃး ၶုၼ်​ႁေႃ​ၶမ်း​မိူင်း​ ဢေႇၵိပ်ႉတူႉ ​သေ​ယဝ်ႉ၊ ၶုၼ်​ၼၼ်ႉ​ပၼ်​ႁိူၼ်း​တီႈ​ယူႇ​တီႈ​သဝ်း​လႄႈ ၸီႇ​ယၢင်ႇ​ဝႆႉ​လွင်ႈ​ဢၼ်​လဵင်ႉ​ဢၼ်​လူ ဢိၵ်ႇ​တင်း​ၵႂၢၵ်ႈ​ၼမ်ႉ​ၵႂၢၵ်ႈ​လိၼ်​တီႈ​မၼ်း​ဢေႃႈ။-</verse>
				<verse number="19">ႁႃႇတတ်ႉ ​လႆႈ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၶုၼ်​လူင်​ ၽႃႇရေႃး ​ယႂ်ႇ​ၼႃႇ​လူင်​လၢင်​ထၼ်ႈ​ပေႃး​မၼ်း​ၼၼ်ႉ ဢဝ်​ၼွင်ႉ​ယိင်း​ၼၢင်း​ႁေႃ​ၶမ်း​ တႃႇပၼိတ်ႉ ဢၼ်​ပဵၼ်​မေး​မၼ်း​ၼၼ်ႉ ပၼ်​ၵၼ်​တင်း​မၼ်း​ဢေႃႈ။-</verse>
				<verse number="20">ၼွင်ႉ​ယိင်း​ တႃႇပၼိတ်ႉ ​ၼၼ်ႉ ၵိူတ်ႇ​လဵင်ႉ​လုၵ်ႈ​ၸၢႆး​ ၵေႇၼူႉပတ်ႇ ​မႃး​လႄႈ၊ တႃႇပၼိတ်ႉ ​ၼၼ်ႉ​ဢဝ်​ၽၢတ်ႇ​ၼူမ်း​ၵႃႈ​ၼႂ်း​ႁေႃ​ၸဝ်ႈ ၽႃႇရေႃး ​လႄႈ ၵေႇၼူႉပတ်ႇ ​ၼၼ်ႉ​ယူႇ​လူၺ်ႈ​ၵၼ်​တင်း​လုၵ်ႈ​ၸၢႆး​ ၽႃႇရေႃး ​တင်း​လၢႆ​ၵႃႈ​ၼႂ်း​ႁေႃ​ၸဝ်ႈ​ ၽႃႇရေႃး ​ၼၼ်ႉ​ဢေႃႈ။-</verse>
				<verse number="21">ႁႃႇတတ်ႉ ​ၼၼ်ႉ​ယူႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​သေ​လႄႈ လႆႈ​ငိၼ်း​လွင်ႈ​ဢၼ်​ တႃႇဝိတ်ႈ ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မၼ်း​မွၼ်ႇ​မၼ်း ဢိၵ်ႇ​တင်း​လွင်ႈ​ဢၼ်​ၶုၼ်​ပူဝ်ႇ​ၶျုၵ်ႈ​ ယႂႃႇၽႃႉ ​တၢႆ​ယဝ်ႉ​ၼၼ်ႉ​သေ​ယဝ်ႉ၊ ႁႃႇတတ်ႉ ​တွင်း​ပၢၼ်ႇ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊ ပၼ်​ဢၶႂၢင်ႉ​ႁႂ်ႈ​ၶႃႈ​ၸဝ်ႈ​လႆႈ​ဢွၵ်ႇ​လႄႈ​ၶိုၼ်း​မိူဝ်း​ၵႂႃႇ ၵႃႈ​တီႈ​မိူင်း​တူဝ်​ၸဝ်ႈ​ၵဝ်ႇ​ပုၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၽႃႇရေႃး ​ၵေႃႈ​ထၢမ်​လႄႈ​ဝႃႈ၊ တီႈ​ၵဝ်​ၼႆႉ​မႂ်း​ယင်း​လူဝ်ႇ​ထႅင်ႈ​ၵႃႈ​သင်​လူး​ၵွၼ်ႇ​လႄႈ မႂ်း​ၶႂ်ႈ​ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​တူဝ်​ၸဝ်ႈ​ၵဝ်ႇ​ပုၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ဢမ်ႇ​လူဝ်ႇ​ထႅင်ႈ​ၵႃႈ​သင်​သေ​ၸိူဝ်ႉ​သေ​ပိူင်​တီႈ​ၶႃႈ၊ ၼႂ်း​ဝႃႈ​ၼၼ်​သေ​ၵေႃႈ ၶႅၼ်း​တေႃႈ​ပၼ်​ဢၶႂၢင်ႉ​ႁႂ်ႈ​လႆႈ​ၵႂႃႇ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ၽြႃး​ပဵၼ်​ၸဝ်ႈ​တိုၵ်း​ယူင်း​တင်း​ၵေႃႉ​ဢၼ်​ႁဵတ်း​ရၢၼ်ႇ​သူႇ​တီႈ​ သေႃးလမုၼ်ႇ ​ဢၼ်​ဝႃႈ ရေႇၸုၼ်ႇ ​လုၵ်ႈ​ၸၢႆး​ ဢေးလျႃႇတႃႉ ဢၼ်​ဢွၵ်ႇ​ပၢႆႈ​သေ​ၵႃႈ​တီႈ ၸဝ်ႈ​မၼ်း​ ႁႃႇတႃႉတေႇၸႃႇ ၶုၼ်​လူင်​ ၸေႃႇၽႃႉ ​ၼၼ်ႉ​ဢေႃႈ။-</verse>
				<verse number="24">မၼ်း​ၼၼ်ႉ​ႁႂ်ႈ​ၵူၼ်း​ၸူႉ​ၵၼ်​တုမ်​ၵၼ်​တီႈ​မၼ်း​သေ​လႄႈ ႁဵတ်း​ပူဝ်ႇ​ၶျုၵ်ႈ​ၵႃႈ​ၼိူဝ်​မုၵ်ႉ​ၼိုင်ႈ​ၸိူဝ်း​ၼိုင်ႈ မိူဝ်ႈ​ဢၼ်​ တႃႇဝိတ်ႈ တိုၵ်း​တေႃး​ယႃႉ​ပႅတ်ႈ​ၵူၼ်း​ ၸေႃႇၽႃႉ ​ၸိူဝ်း​ၼၼ်ႉ​ဢေႃႈ။ လႆႈ​သမ်ႉ​မၼ်း​ၵႂႃႇ​ၵႃႈ​တီႈ​ဝဵင်း​ ထမ်ႇမသႅတ်ႉ ​လႄႈ ယူႇ​ၵႃႈ​တီႈ​ၼၼ်ႈ​သေ​လႄႈ​ႁဵတ်း​ၶုၼ်​လူင်​ၵႃႈ​တီႈ​ဝဵင်း​ ထမ်ႇမသႅတ်ႉ ​ၼၼ်ႉ​ဢေႃႈ။-</verse>
				<verse number="25">ၼွၵ်ႈ​သေ​ဢမူႉ​ဢၼ်​ ႁႃႇတတ်ႉ ​ယႃႉ​ယူၵ်ႉ​ၼၼ်ႉ၊ မၼ်း​ၼၼ်ႉ​ႁဵတ်း​ရၢၼ်ႇ​သူႇ တီႈ​မဵဝ်း​ ဢီႉသရေႇလႃႉ ၼႂ်း​ၸူဝ်ႈ​ပၢၼ်​ သေႃးလမုၼ်ႇ ​ၼၼ်ႉ​တဵမ်​တဵမ်​ဢေႃႈ။ မၼ်း​လီ​ႁင်ႈ​ဢဵတ်ႇ​သဵတ်ႇ​မဵဝ်း​ ဢီႉသရေႇလႃႉ ​ယူႇ​သေ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ သူႉရီႉ ​ယူႇ​ဢေႃႈ။</verse>
				<verse number="26">ၼွၵ်ႈ​သေ​ၼၼ်ႉ ယေႇရူဝ်းပုမ်ႇ ​လုၵ်ႈ​ၸၢႆး ၼေႇပတ်ႉ ​မဵဝ်း​ ဢေႇၽရိမ်ႇ ၊ ၵူၼ်း​ဝၢၼ်ႈ​ ၸေႇရတႃႉ ၊ ၶႃႈ​ သေႃးလမုၼ်ႇ ​ဢၼ်​မႄႈ​မၼ်း​မီး​ၸိုဝ်ႈ​မီး​သဵင်​ ၸေႇရႂႃႇ ​လႄႈ ပဵၼ်​မႄႈ​မူၵ်း​မႄႈ​မၢႆႈ​ၼၼ်ႉ​ၵေႃႈ ပုင်ႇ​ၵၢၼ်ႇ​ၶုၼ်​ႁေႃ​ၶမ်း​ဢေႃႈ။-</verse>
				<verse number="27">လွင်ႈ​ဢၼ် မၼ်း​ပုင်ႇ​ၵၢၼ်ႇ​ၶုၼ်​ႁေႃ​ၶမ်း​ၼၼ်ႉ​ၸမ်ႉ၊ မိူဝ်ႈ​ဢၼ်​ သေႃးလမုၼ်ႇ ​ပွင်​ႁဵတ်း​ပွင်​မႄး​တီႈ​ မီႉ​လေႃး ​လႄႈ မႄး​ၵုမ်း​မႄး​ႁဵတ်း​လမ်း​ဝဵင်း​ဢၼ် ၸဝ်ႈ​ပေႃႈ​မၼ်း​ တႃႇဝိတ်ႈ တႄႇ​ႁဵတ်း​လႄႈ​လူႉ​ၼၼ်ႉ​ယူႇ​ၼၼ်ႉ​ၸိုင်၊-</verse>
				<verse number="28">ယေႇရူဝ်းပုမ်ႇ ​ၼၼ်ႉ​ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ဢေႃႈ။ သေႃးလမုၼ်ႇ ​ႁၼ်​လွင်ႈ​ဢၼ်​မၼ်း​ပဵၼ်​ၵူၼ်း​ဢွၼ်ႇ​ဢၼ်​ဢဝ်​ႁႅင်း​ၵျူဝ်း​ၸႃး​ႁဵတ်း​ၼၼ်ႉ​လႄႈ ၶၢၼ်း​မၼ်း​ဝႆႉ​ႁႂ်ႈ​မၼ်း​လႆႈ​ဢုပ်ႉ​ၵႃႈ​ၼိူဝ်​ဢမူႉ ၵႃႈ​ဢၼ်​မဵဝ်း​ ယူဝ်းသႅပ်ႈ ​လႆႈ​ပွင်​လႆႈ​ႁဵတ်း​ၼၼ်ႉ​ဢေႃႈ။-</verse>
				<verse number="29">ၽဝ်ႇ​ၼိုင်ႈ ယေႇရူဝ်းပုမ်ႇ ​ၼၼ်ႉ ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵႂႃႇ​သေ​ယဝ်ႉ၊ ဢႁီႉယႃႉ ​ၵူၼ်း​ဝဵင်း​ သီႉလေႃႇ ​ၼၼ်ႉ ႁႄႉ​ႁပ်ႉ​ႁူဝ်​တၢင်း​မၼ်း​ဢေႃႈ။ ဢႁီႉယႃႉ ​ၼၼ်ႉ ဢဝ်​သိူဝ်ႈ​ယၢဝ်း​ဢၼ်​မႂ်ႇ​ႁူမ်ႇ​သုမ်ႇ​တူဝ်​မၼ်း​ယူႇ​သေ​လႄႈ ၼႂ်း​မိူဝ်ႈ​ဢၼ်​သွင်​ၶႃ​ၵူၺ်း​ယင်း​တိုၵ်ႉ​မီး​ယူႇ​ၵႃႈ​ၼႂ်း​ပၢင်ႇ​တူင်ႈ​ၼႃး​ယူႇ​ၼၼ်ႉ​ၸိုင်၊-</verse>
				<verse number="30">ဢႁီႉယႃႉ ​ၼၼ်ႉ ယိပ်း​ၵမ်​သိူဝ်ႈ​ယၢဝ်း​ဢၼ်​မၼ်း​ၼုင်ႈ​ၼၼ်ႉ​သေ​လႄႈ သိၵ်ႇ​ၶၢတ်ႇ​ႁဵတ်း​သိပ်း​သွင်​ပွတ်း​သေ​ယဝ်ႉ၊-</verse>
				<verse number="31">လၢတ်ႈ​တီႈ​ ယေႇရူဝ်းပုမ်ႇ ​လႄႈ​ဝႃႈ၊ ဢဝ်​သိပ်း​ပွတ်း​ၼႆႉ​တႃႉ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​တၵ်း​ၼုၵ်ႈ​ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​သေ​ၵႃႈ​တီႈ​ၼႂ်း​မိုဝ်း​ သေႃးလမုၼ်ႇ ​လႄႈ ဢဝ်​မဵဝ်း​သိပ်း​မဵဝ်း​ပၼ်​တီႈ​မႂ်း​ဢေႃႈ။-</verse>
				<verse number="32">ၵွပ်ႈ​ပိူဝ်ႈ​ဢၼ်​ၵဝ်​ထွၵ်ႈ​လူၺ်ႈ​ၶႃႈ​ၵဝ်​ တႃႇဝိတ်ႈ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​ထွၵ်ႈ​လူၺ်ႈ​ဝဵင်း​ ယေႇရူႉသလႅမ်ႇ ဢၼ်​ၵဝ်​လိူၵ်ႈ​ၵဵပ်း​ဢဝ် ၵႃႈ​ၼႂ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၼၼ်ႉ​လႄႈ မၼ်း​တၵ်း​လႆႈ​မဵဝ်း​ၼိုင်ႈ​ဢေႃႈ။-</verse>
				<verse number="33">လွင်ႈ​ဢၼ်​ၼုၵ်ႈ​ဢဝ်​သိပ်း​မဵဝ်း​ၼၼ်ႉ​ၸမ်ႉ၊ ၶဝ်​ၼၼ်ႉ​ၸုၼ်ႉ​ပႅတ်ႈ​ၵဝ်​သေ​လႄႈ ၵူဝ်း​ၵႂၢႆႇ​ ဢႃႇသတရိၵ်ႉ ​ၼၢင်းၽီ​ ၸီႉတုၼ်ႇ၊ ၶႄးမူႉသႃႉ ​ၽြႃး​ မေႃႇၽႃႉ၊ မီႉလႃႉၵုမ်း ​ၽြႃး​ ဢမ်ႇမုၼ်ႇ ​ၸိူဝ်း​ၼၼ်ႉ​လႄႈ ဢမ်ႇ​ၵႂႃႇ​မႃး​ၼႂ်း​သဵၼ်ႈ​တၢင်း​ၵဝ်​တင်း​လၢႆ ႁႂ်ႈ​လႆႈ​ႁဵတ်း​ဢၼ်​ၸိုဝ်ႈ​ၸႂ်ႈ​လီ​ငၢမ်း​သိုဝ်ႈ​ၼႃႈ​တႂ်ႈ​တႃ​ၵဝ်​လႄႈ ပႂ်ႉ​ၵမ်​ပႂ်ႉ​ၸွမ်း​ထုင်း​ၽိင်ႈ​တြႃး​ၵဝ် ဢိၵ်ႇ​တင်း​လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ပေႃႈ​မၼ်း​ တႃႇဝိတ်ႈ ​ၼၼ်ႉ။-</verse>
				<verse number="34">ၵူၺ်း​ၵႃႈ ၵဝ်​တၵ်း​ဢမ်ႇ​ပႆႇ​ၼုၵ်ႈ​ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ သေ​ၵႃႈ​ၼႂ်း​မိုဝ်း​မၼ်း၊ ၵွပ်ႈ​ပိူဝ်ႈ​ဢၼ်​ၵဝ်​ထွၵ်ႈ​လူၺ်ႈ​ၶႃႈ​ၵဝ်​ တႃႇဝိတ်ႈ ဢၼ်​ၵဝ်​လိူၵ်ႈ​ၵဵပ်း​ဢဝ် ၵွပ်ႈ​ပိူဝ်ႈ​ဢၼ်​မၼ်း​ပႂ်ႉ​ၸွမ်း​ပိင်း​ၺၢပ်ႈ​ၵဝ် ဢိၵ်ႇ​တင်း​ထုင်း​ၽိင်ႈ​တြႃး​ၵဝ်​ၼၼ်ႉ​လႄႈ ၵဝ်​တၵ်း​ပၼ်​ဢၶႂၢင်ႉ​ႁႂ်ႈ​မၼ်း​လႆႈ​ပဵၼ်​ၶုၼ်​လူင်​ယူႇ​ၸူဝ်ႈ​ဢသၢၵ်ႈ​မၼ်း​ဢေႃႈ။-</verse>
				<verse number="35">ၵဝ်​တၵ်း​ၼုၵ်ႈ​ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​သေ ၵႃႈ​ၼႂ်း​မိုဝ်း​လုၵ်ႈ​ၸၢႆး​မၼ်း​လႄႈ ဢဝ်​သိပ်း​မဵဝ်း​ပၼ်​တီႈ​မႂ်း​ဢေႃႈ။-</verse>
				<verse number="36">လွင်ႈ​ၼင်ႇ​ႁိုဝ်​ၶႃႈ​ၵဝ်​ တႃႇဝိတ်ႈ ​ၼၼ်ႉ တၵ်း​မီး​ဝၢၼ်ႇ​ၽႆး​တဵၼ်း​ဢၼ်​ႁိူဝ်ႈ​လႅင်း​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​တႃႇ​သေႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ဢၼ်​ၵဝ်​လိူၵ်ႈ​ၵဵပ်း​ဢဝ် ပုၼ်ႈ​တီႈ​ဢၼ်​ၼႃႇ​မႃႉ​ၸိုဝ်ႈ​သဵင်​ၵဝ်​တၵ်း​တႄႇ​ယူႇ​ၼၼ်ႉ​ၸိုင်၊ ၵဝ်​တၵ်း​ဢဝ်​မဵဝ်း​ၼိုင်ႈ​ပၼ်​တီႈ​လုၵ်ႈ​ၸၢႆး​မၼ်း​ဢေႃႈ။-</verse>
				<verse number="37">ၵဝ်​လိူၵ်ႈ​ၵဵပ်း​ဢဝ်​မႂ်း​လႄႈ​မႂ်း​တၵ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​သၼ်ႇတႃႉ​မႂ်း​မီး​ၼၼ်ႉ​ယူႇ​သေ​လႄႈ ႁဵတ်း​ၶုၼ်​ၵႃႈ​ၼိူဝ်​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="38">ပေႃး​မႂ်း​ထွမ်ႇ​ဢဝ်​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​လႄႈ ၸွမ်း​သဵၼ်ႈ​တၢင်း​ၵဝ်​တင်း​လၢႆ​ယူႇ၊ ႁဵတ်း​ဢၼ်​ၸိုဝ်ႈ​ၸႂ်ႈ​လီ​ငၢမ်း​သိုဝ်ႈ​ၼႃႈ​တႂ်ႈ​တႃ​ၵဝ်​ယူႇ​သေ​လႄႈ ပႂ်ႉ​ၵမ်​ပႂ်ႉ​ၵျၢင်ႉ​ထုင်း​ၽိင်ႈ​တြႃး​ၵဝ် ဢိၵ်ႇ​တင်း​ပိင်း​ၺၢပ်ႈ​ၵဝ်​တင်း​လၢႆ​ယူႇ မိူၼ်​ၸိူဝ်ႉ​ၼင်ႇ​ဢၼ်​ၶႃႈ​ၵဝ် တႃႇဝိတ်ႈ ​ႁဵတ်း​ၼၼ်ႉ​ၸိုင်၊ ၵဝ်​တၵ်း​မီး​ယူႇ​လူၺ်ႈ​ၵၼ်​တင်း​မႂ်း​လႄႈ ႁဵတ်း​ႁိူၼ်း​ဢၼ်​မၼ်ႈ​ၶိူင်ႇ​ပုၼ်ႈ​မႂ်း မိူၼ်​ၸိူဝ်ႉ​ၼင်ႇ​ဢၼ်​ၵဝ်​ႁဵတ်း ပုၼ်ႈ​ တႃႇဝိတ်ႈ ​ၼၼ်ႉ​လႄႈ ဢဝ်​မိူင်း​ ဢီႉသရေႇလႃႉ ​ပၼ်​တီႈ​မႂ်း​ဢေႃႈ။-</verse>
				<verse number="39">ၵွပ်ႈ​ပိူဝ်ႈ​လွင်ႈ​ၼႆႉ​လႄႈ ၵဝ်​တၵ်း​ယႃႉ​ယူၵ်ႉ​ၸိူဝ်ႉ​ၶိူဝ်း​ၶုၼ်​ တႃႇဝိတ်ႈ ​ဢေႃႈ။ ၼႂ်း​ၼၼ်ႉ​တၵ်း​ယႃႉ​ယူၵ်ႉ​ယူႇ​တႃႇ​သေႇ​ဢမ်ႇ​ၸႂ်ႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="40">ပိူဝ်ႈ​ၼႆ​လႄႈ သေႃးလမုၼ်ႇ ​ႁႃ​ႁႂ်ႈ​လႆႈ​ဢဝ်​ ယေႇရူဝ်းပုမ်ႇ ​တၢႆ​လႄႈ၊ ယေႇရူဝ်းပုမ်ႇ ​ၼၼ်ႉ​လုၵ်ႉ​လႄႈ​ဢွၵ်ႇ​ပၢႆႈ​ၵႂႃႇ​ၵႃႈ​တီႈ​မိူင်း ဢေႇၵိပ်ႉတူႉ ၸူး​ၵႃႈ​တီႈ​ သီႉသၵ်ႉ ၶုၼ်​ႁေႃ​ၶမ်း​ ဢေႇၵိပ်ႉတူႉ ​သေ​ယဝ်ႉ၊ ယူႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ တေႃႇ​ထိုင်​ႁွတ်ႈ​ သေႃးလမုၼ်ႇ ​ထၼ်ႈ​ပေႃး​တၢႆ​ဢေႃႈ။</verse>
				<verse number="41">လွင်ႈ​တၢင်း​ သေႃးလမုၼ်ႇ ဢၼ်​ယင်း​ၵိုတ်း​ယင်း​ၵျၢၼ်ႇ​တင်း​လၢႆ ဢိၵ်ႇ​တင်း​ၵႃႈ​ဢၼ်​မၼ်း​ႁဵတ်း​ၼၼ်ႉ တင်း​ၵႂၢမ်း​ပိင်ႇ​ၺႃႇ​မၼ်း​ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ဝုတ်ႉထူႉ​ သေႃးလမုၼ်ႇ ​ၼၼ်ႉ​ယူႇ​ဢေႃႈ။-</verse>
				<verse number="42">သေႃးလမုၼ်ႇ ​ၼၼ်ႉ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ​တင်း​သဵင်ႈ​တင်း​မူတ်း သီႇ​သိပ်း​ပီႊ​တဵမ်​တဵမ်​သေ​ယဝ်ႉ၊-</verse>
				<verse number="43">သေႃးလမုၼ်ႇ ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ တႃႇဝိတ်ႈ ၸဝ်ႈ​ပေႃႈ​မၼ်း​ၼၼ်ႉ​ဢေႃႈ။ ရူဝ်းပုမ်ႇ ​လုၵ်ႈ​ၸၢႆး​မၼ်း​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ဢေႃႈ။</verse>
			</chapter>
			<chapter number="12">
				<verse number="1">မိူဝ်ႈ​ၼၼ်ႉ​ ရူဝ်းပုမ်ႇ ​ၵႂႃႇ​ၵႃႈ​တီႈ​ဝဵင်း​ သေႇၶိမ်ႇ ​ဢေႃႈ။ လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ၵႂႃႇ​ၵႃႈ​တီႈ​ဝဵင်း​ သေႇၶိမ်ႇ ႁႂ်ႈ​လႆႈ​ယုၵ်ႉ​ယွင်ႈ​မၼ်း​ဝႆႉ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း​ဢေႃႈ။-</verse>
				<verse number="2">မိူဝ်ႈ​ဢၼ်​ ယေႇရူဝ်းပုမ်ႇ ၊ လုၵ်ႈ​ၸၢႆး​ ၼေႇပတ်ႉ ဢၼ်​ယင်း​မီး​ယူႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ တီႈ​ဢၼ်​မၼ်း​ဢွၵ်ႇ​ပၢႆႈ​သေ​ၵႃႈ​တီႈ ၶုၼ်​လူင်​ သေႃးလမုၼ်ႇ ​ၵႂႃႇ​ဢၼ်​ဝႃႈ တီႈ​ဢၼ်​ ယေႇရူဝ်းပုမ်ႇ ​ယူႇ​သဝ်း​လႄႈ ၶဝ်​ပွႆႇ​ၸႂ်ႉ​ႁွင်ႉ​ဢဝ်​ၼၼ်ႉ​ငိၼ်း​လွင်ႈ​တၢင်း​ၼၼ်ႉ​ၸိုင်၊-</verse>
				<verse number="3">ယေႇရူဝ်းပုမ်ႇ ဢိၵ်ႇ​တင်း​ပရဵၵ်ႈသၢတ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ၶဝ်ႈ​ၸူး​တီႈ​ ရူဝ်းပုမ်ႇ ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="4">ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ ဢဝ်​ၵၢၼ်း​ဢၼ်​ၼၵ်း​ၼႃႇ​တၢင်ႇ​သႂ်ႇ​ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ၶႅၼ်း​တေႃႈ​ႁႂ်ႈ​ဢမူႉ​တၢင်း​ဢၼ်​လႆႈ​ၵိုတ်ႉ​ႁၢပ်ႇ​ယၢပ်ႇ​ၸႂ်​ၼႃႇ​လူင်​လၢင်​တီႈ​ၸဝ်ႈ​ပေႃႈ​ၸဝ်ႈ​ႁဝ်း ဢိၵ်ႇ​တင်း​ၵၢၼ်း​ႁၢပ်ႇ​ၼၵ်း ဢၼ်​မၼ်း​တၢင်ႇ​သႂ်ႇ​ၼၼ်ႉ​မဝ်​မႃး​သေ​ၵမ်း​တီႈ​ၶႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​ႁဝ်း​တင်း​လၢႆ​တၵ်း​ဢွၼ်​ၵၼ် ၵိုတ်ႉ​ႁၢပ်ႇ​ဢမူႉ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မၼ်း​ၵေႃႈ​မီး​ဢမိင်ႉ​လႄႈ​ဝႃႈ၊ သူ​ဢွၼ်​ၵၼ်​ၵႂႃႇ​လူး​ၵွၼ်ႇ​တႃႉ။ ပူၼ်ႉ​သၢမ်​ဝၼ်း​ယဝ်ႉ​ၸင်ႇ​ၶိုၼ်း​မႃး​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​တင်း​လၢႆ​ဢွၼ်​ၵၼ်​ဢွၵ်ႇ​ၵႂႃႇ​သေ​ဢေႃႈ။</verse>
				<verse number="6">မိူဝ်ႈ​ၼၼ်ႉ​ၶုၼ်​လူင်​ ရူဝ်းပုမ်ႇ ​တိူင်ႇ​ပၢင်ႇ​ၵၼ်​တင်း​ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​ဢၼ်​ၶႃး​ၸႃး​ၵႃႈ​တီႈ​ၸဝ်ႈ​ပေႃႈ​မၼ်း​ သေႃးလမုၼ်ႇ ၼႂ်း​မိူဝ်ႈ​ဢၼ်​ဢသၢၵ်ႈ​မၼ်း​ယင်း​လိပ်း​ယူႇ​ၼၼ်ႉ​ၸိူဝ်း​ၼၼ်ႉ​လႄႈ ထၢမ်​လႄႈ​ဝႃႈ၊ သူ​တၵ်း​ပၼ်​တၢင်း​ၵျၢမ်ႇ​တၢင်း​ပွင်​ၸိူဝ်ႉ​ၼင်ႇ​ႁိုဝ်​တီႈ​ၵဝ် ႁႂ်ႈ​ၵဝ်​လႆႈ​ၶိုၼ်း​လၢတ်ႈ​တီႈ​ၵူၼ်း​တင်း​လၢႆ​ၸိူဝ်း​ၼႆႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ၶဝ်​ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ပေႃး​ၸဝ်ႈ​ႁဝ်း​ၶၢမ်ႇ​ႁဵတ်း​ၶႃႈ ၵူၼ်း​တင်း​လၢႆ​ၸိူဝ်း​ၼႆႉ​ဝၼ်း​မိူဝ်ႈ​ၼႆႉ​ယူႇ၊ ပႂ်ႉ​ဢမူႉ​ၶဝ်​ယူႇ​သေ​လႄႈ ၶိုၼ်း​လၢတ်ႈ​ၵႂၢမ်း​ဢၼ်​လီ​ဢၼ်​ငၢမ်း​တီႈ​ၶဝ်​ၸိုင်၊ ၶဝ်​တၵ်း​ဢွၼ်​ၵၼ်​ၶၢမ်ႇ​ႁဵတ်း​ၶႃႈ​ၸဝ်ႈ​ႁဝ်း​ယူႇ​သေႇ​သေႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵူၺ်း​ၵႃႈ မၼ်း​ဢမ်ႇ​ၸွမ်း​တၢင်း​ၵျၢမ်ႇ​တၢင်း​ပွင် ဢၼ်​ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​ၸိူဝ်း​ၼၼ်ႉ​ပၼ်​ၼၼ်ႉ​လႄႈ သမ်ႉ​တိူင်ႇ​ပၢင်ႇ​တွင်ႈ​ထၢမ်​ၵၼ်​တင်း​ၵူၼ်း​ၼုမ်ႇ​ၵူၼ်း​ၵမ်​ဢၼ်​ပဵၼ်​ၵေႃႉ​သေႈ​မၼ်း​လႄႈ ၶႃး​ၸႃး​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​သေႇ​သေႇ​ၸိူဝ်း​ၼၼ်ႉ​လႄႈ​ဝႃႈ၊-</verse>
				<verse number="9">သူ​တၵ်း​ပၼ်​တၢင်း​ၵျၢမ်ႇ​တၢင်း​ပွင်​ၸိူဝ်ႉ​ၼင်ႇ​ႁိုဝ် ႁႂ်ႈ​ႁဝ်း​လႆႈ​ၶိုၼ်း​လၢတ်ႈ​တီႈ​ၵူၼ်း​တင်း​လၢႆ ဢၼ်​လဝ်ႊ​လၢတ်ႈ​တီႈ​ၵဝ်​လႄႈ​ဝႃႈ၊ ၶႅၼ်း​တေႃႈ​ႁႂ်ႈ​ၵၢၼ်း​ႁၢပ်ႇ​ဢၼ်​ၸဝ်ႈ​ပေႃႈ​ၸဝ်ႈ​ႁဝ်း​တၢင်ႇ​သႂ်ႇ​ဝႆႉ ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​မဝ်​မႃး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိူဝ်း​ၼၼ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">ၵူၼ်း​ၼုမ်ႇ​ၵူၼ်း​ၵမ်​ဢၼ်​ပဵၼ်​ၵေႃႉ​သေႈ​မၼ်း​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၶႅၼ်း​တေႃႈ​ၶိုၼ်း​လၢတ်ႈ​တီႈ​ၵူၼ်း​တင်း​လၢႆ ဢၼ်​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ ႁႂ်ႈ​ၵၢၼ်း​ႁၢပ်ႇ​ၼၵ်း​ၼႃႇ​တီႈ​ၶႃႈ​ၸဝ်ႈ​ႁဝ်း​တင်း​လၢႆ​တီႈ​ၶႃႈ​ယဝ်ႉ။ ၶႅၼ်း​တေႃႈ​ႁႂ်ႈ​မဝ်​မႃး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ​လႄႈ​ဝႃႈ၊ ၼိဝ်ႉ​ၵွႆႈ​ၵဝ်​ၼႆႉ​ယဵင်ႈ​ၶႅၼ်း​တၵ်း​ယႂ်ႇ​ၼႃႇ​သေ​ဢႅဝ်​ၸဝ်ႈ​ပေႃႈ​ၵဝ်​ဢေႃႈ။-</verse>
				<verse number="11">ၸဝ်ႈ​ပေႃႈ​ၵဝ်​ၼၼ်ႉ ဢဝ်​ၵၢၼ်း​ႁၢပ်ႇ​ဢၼ်​ၼၵ်း​ၼႃႇ​တၢင်ႇ​သႂ်ႇ​ၵႃႈ​ၼိူဝ်​သူ​ယဝ်ႉ။ ၵဝ်​ၵေႃႈ​တၵ်း​ထၢပ်ႈ​လႄႈ​တၢင်ႇ​သႂ်ႇ​ထႅင်ႈ​ဢေႃႈ။ ၸဝ်ႈ​ပေႃႈ​ၵဝ်​ၼၼ်ႉ​ဢဝ်​တင်း​ၶွၼ်ႉ​ဝၢႆ​ပေႃႉ​ယႅၼ်ႉ​သူ​ယဝ်ႉ။ ၵဝ်​ၵေႃႈ​တၵ်း​ဢဝ်​တင်း​မႅင်း​ၵူၼ်ႈ​ငေႃး ပေႃႉ​ယႅၼ်ႉ​သူ​ထႅင်ႈ​ဢေႃႈ၊ ဝႃႈ​ၼင်ႇ​ၼႆ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ ယေႇရူဝ်းပုမ်ႇ ဢိၵ်ႇ​တင်း​ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ်​ႁွတ်ႈ​မႃး​တီႈ ရူဝ်းပုမ်ႇ ​ၸွမ်း​ၵႃႈ​ၼင်ႇ​ဢၼ် ၶုၼ်​ႁေႃ​ၶမ်း​မၵ်း​ၶိၼ်း​ဝႆႉ​လႄႈ​ဝႃႈ၊ ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ သူ​သမ်ႉ​ဢွၼ်​ၵၼ်​ၶိုၼ်း​မႃး​ထႅင်ႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="13">မိူဝ်ႈ​ၼၼ်ႉ​ၶုၼ်​ႁေႃ​ၶမ်း ၶိုၼ်း​လၢတ်ႈ​ႁၢဝ်ႈ​ၵျၢမ်း​ၼႃႇ​လူင်​လၢင်​တီႈ​ၶဝ်​လႄႈ ပႄႇ​ပႅတ်ႈ​တၢင်း​ၵျၢမ်ႇ​တၢင်း​ပွင် ဢၼ်​ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​ၸိူဝ်း​ၼၼ်ႉ​ပၼ်​ၼၼ်ႉ​သေ​လႄႈ၊-</verse>
				<verse number="14">ၸွမ်း​ဢဝ်​တၢင်း​ၵျၢမ်ႇ​တၢင်း​ပွင်​ဢၼ်​ၵူၼ်း​ၼုမ်ႇ​ၵူၼ်း​ၵမ်​ၸိူဝ်း​ၼၼ်ႉ​ပၼ်​ၼၼ်ႉ​လႄႈ ၶိုၼ်း​လၢတ်ႈ​ႁၢဝ်ႈ​ၵျၢမ်း​ၼႃႇ​လူင်​လၢင်​လႄႈ​ဝႃႈ၊ ၸဝ်ႈ​ပေႃႈ​ၵဝ်​ၼၼ်ႉ​ဢဝ်​ၵၢၼ်း​ႁၢပ်ႇ​ဢၼ်​ၼၵ်း​ၼႃႇ​တၢင်ႇ​သႂ်ႇ​ၵႃႈ​ၼိူဝ်​သူ​ယဝ်ႉ။ ၵဝ်​ၵေႃႈ​တၵ်း​ထၢပ်ႈ​လႄႈ​တၢင်ႇ​သႂ်ႇ​ထႅင်ႈ​ဢေႃႈ။ ၸဝ်ႈ​ပေႃႈ​ၵဝ်​ၼၼ်ႉ​ဢဝ်​တင်း​ၶွၼ်ႉ​ဝၢႆ​ပေႃႉ​ယႅၼ်ႉ​သူ​ယဝ်ႉ။ ၵဝ်​ၵေႃႈ​တၵ်း​ဢဝ်​တင်း​မႅင်း​ၵူၼ်ႈ​ငေႃး​ပေႃႉ​ယႅၼ်ႉ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">လွင်ႈ​ဢၼ်​ၶုၼ်​ႁေႃ​ၶမ်း​ဢမ်ႇ​ထွမ်ႇ​ဢဝ်​ၵႂၢမ်း​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ၼၼ်ႉ​ၸမ်ႉ၊ ပဵၼ်​ဢွၵ်ႇ​သေ​ၵႃႈ​တီႈ​ထႃႇဝရႃႉ​ၽြႃး​မႃး လွင်ႈ​ၼင်ႇ​ႁိုဝ်​မၼ်း​ၸဝ်ႈ​တၵ်း​ႁႂ်ႈ​ၵႂၢမ်း​ဢၼ်​မၼ်း​ၸဝ်ႈ​ဢဝ်​ ဢႁီႉယႃႉ ၵူၼ်း​ဝဵင်း​ သီႉလေႃႇ ​ၼၼ်ႉ မီး​ဢမိင်ႉ​ဝႆႉ​တီႈ​ ယေႇရူဝ်းပုမ်ႇ ၊ လုၵ်ႈ​ၸၢႆး​ ၼေႇပတ်ႉ ​ၼၼ်ႉ လႆႈ​ပျေႉ​ၸုမ်ႇ​ဢေႃႈ။-</verse>
				<verse number="16">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ႁူႉ​ႁၼ်​လွင်ႈ​ဢၼ်​ၶုၼ်​ႁေႃ​ၶမ်း​ဢမ်ႇ​ထွမ်ႇ​ဢဝ်​ၸွမ်း​ဢဝ်​ၵႂၢမ်း​ၶဝ်​ၼၼ်ႉ​သေ​ယဝ်ႉ၊ ၵူၼ်း​တင်း​လၢႆ​ဢွၼ်​ၵၼ်​ၶိုၼ်း​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ႁဝ်း​ၼႆႉ​ၸၢပ်ႈ​သႅင်ႇ​ၵၼ်​တင်း​ တႃႇဝိတ်ႈ ​ၸိူဝ်ႉ​ၼင်ႇ​ႁိုဝ်။ ႁဝ်း​ဢမ်ႇ​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း​လုၵ်ႈ​ၸၢႆး​ ယေႇသႄး ​ၵူၺ်ႉ။ မဵဝ်း​ ဢီႉသရေႇလႃႉ ​ဢိူၺ်း၊ ဢွၼ်​ၵၼ်​ၵႂႃႇ​ၸူး​ၵႃႈ​တီႈ​မူဝ်းၵႃႇ​တီႈ​ယူႇ​သူ​သေ​တႃႉ။ တႃႇဝိတ်ႈ ​ဢိူၺ်း၊ လူ​တူၺ်း​ႁိူၼ်း​မႂ်း​တႃႉ၊ ဝႃႈ​ၼင်ႇ​ၼႆ​သေ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မူဝ်းၵႃႇ​တီႈ​ယူႇ​ၶဝ်​သေ​ဢေႃႈ။-</verse>
				<verse number="17">ၵူၺ်း​ၵႃႈ ၵူၼ်း​မဵဝ်း​ ဢီႉသရေႇလႃႉ ​ဢၼ်​ယူႇ​ၵႃႈ​တီႈ​ဝၢၼ်ႈ​ဝဵင်း​ ယူႉတႃႉ ​ၸိူဝ်း​ၼၼ်ႉ​ၸိုင်၊ ရူဝ်းပုမ်ႇ ​ယင်း​လႆႈ​ဢုပ်ႉ​ပိူင်ႇ​ယူႇ​ဢေႃႈ။-</verse>
				<verse number="18">မိူဝ်ႈ​ၼၼ်ႉ​ၶုၼ်​လူင်​ ရူဝ်းပုမ်ႇ ပွႆႇ​ၸႂ်ႉ​ ဢတေႃးရမ်ႇ ၊ ဝုၼ်ႇ​ၵဵပ်း​ၶွၼ်ႇ​ၼၼ်ႉ​ၵႂႃႇ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ဢဝ်​မၢၵ်ႇ​ႁိၼ်​ထိမ်ႈ​မၼ်း​ထၼ်ႈ​ပေႃး​တၢႆ​ဢေႃႈ ၶုၼ်​လူင်​ ရူဝ်းပုမ်ႇ ​ၼၼ်ႉ​ႁိပ်ႈ​ၼႅတ်ႈ​ၶိုၼ်ႈ​ၶီႇ​လေႃႉရထႃး​ၸဝ်ႈ​သေ​လႄႈ ပၢႆႈ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="19">ၼင်ႇ​ၼၼ်​လႄႈ မဵဝ်း​ ဢီႉသရေႇလႃႉ ပူင်ႇ​ၵၢၼ်ႇ​မဵဝ်း​ၸိူဝ်ႉ​ၶိူဝ်း​ၶုၼ်​ တႃႇဝိတ်ႈ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="20">မိူဝ်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ငိၼ်း​လွင်ႈ​ဢၼ် ယေႇရူဝ်းပုမ်ႇ ​ၶိုၼ်း​မႃး​ၼၼ်ႉ​ၸိုင်၊ ၶဝ်​ဢွၼ်​ၵၼ်​ပွႆႇ​ၸႂ်ႉ​ၵႂႃႇ​လႄႈ ႁွင်ႉ​ဢဝ်​မၼ်း​မႃး​ၵႃႈ​တီႈ​ပရဵၵ်ႈသၢတ်ႈ ဢၼ်​ၸူႉ​ဢၼ်​တုမ်​ၼၼ်ႉ​သေ​ယဝ်ႉ၊ ဢဝ်​မၼ်း​ႁဵတ်း​ၶုၼ်​ႁေႃ​ၶမ်း​ၵႃႈ​ၼိူဝ်​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ဢေႃႈ။ လိူဝ်​သေ​မဵဝ်း​ ယူႉတႃႉ ​ၼၼ်ႉ​ၵူၺ်း၊ မဵဝ်း​ဢၼ်​ၸွမ်း​လင်​ၸိူဝ်ႉ​ၶိူဝ်း​ တႃႇဝိတ်ႈ ​ၼၼ်ႉ ဢမ်ႇ​မီး​သေ​မဵဝ်း။</verse>
				<verse number="21">ရူဝ်းပုမ်ႇ ​ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ယဝ်ႉ၊ ႁႂ်ႈ​ၵူၼ်း​မဵဝ်း​ ယူႉတႃႉ တင်း​ၵူၼ်း​မဵဝ်း​ ပိၼ်ႇယႃႇမိၼ်ႇ သႅၼ်​ပၢႆ​ပႅတ်ႇ​မိုၼ်ႇ​ဢၼ်​လိူၵ်ႈ​ၵဵပ်း​ဢဝ်​လႄႈ ပဵၼ်​ႁူဝ်​ႁၢၼ်​ၵူၼ်း​သိုၵ်း​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​ႁႂ်ႈ​လႆႈ​တိုၵ်း​တေႃး​မဵဝ်း​ ဢီႉသရေႇလႃႉ ​လႄႈ ႁႂ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၶိုၼ်း​ႁွတ်ႈ​ၵႃႈ​ၼႂ်း​မိုဝ်း​ ရူဝ်းပုမ်ႇ လုၵ်ႈ​ၸၢႆး​ၸဝ်ႈ​ သေႃးလမုၼ်ႇ ​ဢေႃႈ။-</verse>
				<verse number="22">ၵူၺ်း​ၵႃႈ ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ သေႇမႃႇယႃႉ ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​လႄႈ​ဝႃႈ၊-</verse>
				<verse number="23">မႂ်း​မွၵ်ႇ​လၢတ်ႈ​တီႈ​ ရူဝ်းပုမ်ႇ လုၵ်ႈ​ၸၢႆး​ သေႃးလမုၼ်ႇ ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း​မဵဝ်း​ ယူႉတႃႉ ​မဵဝ်း​ ပိၼ်ႇယႃႇမိၼ်ႇ တင်း​သဵင်ႈ​တင်း​လူင် တင်း​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၵႃႈ​မီး​ၼၼ်ႉ​လႄႈ​ဝႃႈ၊-</verse>
				<verse number="24">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ယႃႇ​ပေ​ဢွၼ်​ၵၼ် ၶီႇ​သိုၵ်း​ၶိုၼ်ႈ​ၸူး​လႄႈ​တိုၵ်း​တေႃး​ပီႈ​ၼွင်ႉ​သူ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ။ ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​တီႈ​ယူႇ​သူ​ႁင်း​ၽႂ်​ႁင်း​မၼ်း​သေ​တႃႉ။ ဢမူႉ​ၼႆႉ​ၸိုင် ၵဝ်​ၸီႇ​ယၢင်ႇ​ယဝ်ႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ဢွၼ်​ၵၼ်​ထွမ်ႇ​ဢဝ်​ၵႂၢမ်း​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​လႄႈ ယင်း​ဢမ်ႇ​ၶီႇ​သိုၵ်း​ၶိုၼ်ႈ​ၸူး ယေႇရူဝ်းပုမ်ႇ ​လႄႈ ဢွၼ်​ၵၼ်​ၶိုၼ်း​မိူဝ်း​ၵႂႃႇ​သေ​ဢေႃႈ။</verse>
				<verse number="25">လိုၼ်း​ၼၼ်ႉ​ ယေႇရူဝ်းပုမ်ႇ ​တႄႇ​ႁဵတ်း​ဝဵင်း​ သေႇၶိမ်ႇ ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​လႄႈ ၶျႃး​တီႈ​ယူႇ​တီႈ​သဝ်း ယူႇ​ၵႃႈ​ၼႂ်း​မၼ်း​ဢေႃႈ။ မၼ်း​လုၵ်ႉ​သေ​ၵႃႈ​တီႈ​ဝဵင်း​ၼၼ်ႉ​ၵႂႃႇ​လႄႈ တႄႇ​ႁဵတ်း​ဝဵင်း​ ပေႇၼူၺ်ႇလႃႉ ​ဢေႃႈ။-</verse>
				<verse number="26">မိူဝ်ႈ​ၼၼ်ႉ​ ယေႇရူဝ်းပုမ်ႇ ၶႆႈ​ၸႂ်​ဝူၼ်ႉ​ၸႂ်​လႄႈ​ဝႃႈ၊ သိုင်ႇ​ၸိုင်ႈ​ဝၢၼ်ႈ​မိူင်း​ၼႆႉ ၸၢင်ႈ​ၶႄး​တၵ်း​ၶိုၼ်း​ႁွတ်ႈ​ထိုင် ၵႃႈ​ၼႂ်း​မိုဝ်း​ၸိူဝ်ႉ​ၶိူဝ်း​ တႃႇဝိတ်ႈ ​ဢေႃႈ။-</verse>
				<verse number="27">ပေႃး​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ၼႆႉ ၶိုၼ်ႈ​ၸူး​ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ၵႃႈ​တီႈ​ဝဵင်း​ ယေႇရူႉသလႅမ်ႇ ၸိုင်၊ ႁူဝ်​ၸႂ်​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ၼႆႉ​တၵ်း​ၶၢႆႉ​ပုတ်ႈ​ၵႂႃႇ​ၸူး​တီႈ​ၽၢႆႇ​ၸဝ်ႈ​ၶဝ် ရူဝ်းပုမ်ႇ ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​လႄႈ ၶဝ်​တၵ်း​ဢဝ်​ၵဝ်​တၢႆ​လႄႈ ၶိုၼ်း​ၶဝ်ႈ​ယူႇ​ၽၢႆႇ​ ရူဝ်းပုမ်ႇ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="28">ၶုၼ်​ႁေႃ​ၶမ်း​တိူင်ႇ​ပၢင်ႇ​ၵၼ်​တင်း​ပိူၼ်ႈ​သေ​လႄႈ ႁဵတ်း​ဝူဝ်း​ၶမ်း​ဢွၼ်ႇ​သွင်​တူဝ်​သေ​ယဝ်ႉ၊ လၢတ်ႈ​လႄႈ​ဝႃႈ၊ လွင်ႈ​တၢင်း​ဢၼ်​သူ​တၵ်း​လႆႈ​ၶိုၼ်ႈ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင်​ပေႃး​တႃႉ။ မဵဝ်း​ ဢီႉသရေႇလႃႉ ​ဢိူၺ်း၊ လူ​တူၺ်း​ၽြႃး​မႂ်း ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="29">ဢဝ်​တူဝ်​ၼိုင်ႈ ဝႆႉ​ၵႃႈ​တီႈ​ဝဵင်း​ ပေႇသလႃႉ ​လႄႈ ဢဝ်​တူဝ်​ၼိုင်ႈ ဝႆႉ​ၵႃႈ​တီႈ​ဝဵင်း​ တၢၼ်ႇ ​ဢေႃႈ။-</verse>
				<verse number="30">လွင်ႈ​တၢင်း​ၼၼ်ႉ ပဵၼ်​လွင်ႈ​တၢင်း​ဢၼ်​ၽိတ်း​ပိူင်ႈ ၵွပ်ႈ​ပိူဝ်ႈ​ဢၼ်​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၸင်ႇ​ဢွၼ်​ၵၼ်​ၵႂႃႇ​ႁႂ်ႈ​လႆႈ ၵူဝ်း​ၵႂၢႆႇ​ဝူဝ်း​ဢွၼ်ႇ​တူဝ်​ၼိုင်ႈ​ၼၼ်ႉ ၵူႈ​တီႈ​ၵူႈ​လႅၼ်​တေႃႇ​ထိုင်​ႁွတ်ႈ​ဝဵင်း​ တၢၼ်ႇ ​ဢေႃႈ။-</verse>
				<verse number="31">မၼ်း​ႁဵတ်း​ႁိူၼ်း​ၸဝ်ႈ​ၵႃႈ​ၼိူဝ်​ထႃႇၼႃႉ​တီႈ​သုင်​တင်း​လၢႆ​လႄႈ ဢဝ်​ၵူၼ်း​ၵႃႈ​ၼႂ်း​ၵူၼ်း​တင်း​လၢႆ ဢၼ်​ဢမ်ႇ​ၸႂ်ႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ၶၢၼ်း​ဝႆႉ​ၵႃႈ​ၼႂ်း​ဢရႃႇ​ယိတ်ႈပရေႃးႁဵၵ်ႈ​ဢေႃႈ။</verse>
				<verse number="32">ယေႇရူဝ်းပုမ်ႇ ​ၼၼ်ႉ ၸီႇ​ယၢင်ႇ​ႁဵတ်း​ပွႆး ၼႂ်း​လိူၼ်​ဢႃႉထမႃႉ​သိပ်း​ႁႃႈ​ဝၼ်း မိူၼ်​ၸိူဝ်ႉ​ၼင်ႇ ပွႆး​ဢၼ်​ၶၢမ်ႇ​ၵႃႈ​ၼႂ်း​မိူင်း​ ယူႉတႃႉ ​ၼၼ်ႉ​လႄႈ ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။ ၼင်ႇ​ၼၼ်​လႄႈ မၼ်း​ႁဵတ်း​ၵႃႈ​ၼႂ်း​ဝဵင်း​ ပေႇသလႃႉ ​လႄႈ ပုၵ်ႈ​ၸေႃႇ​ယိတ်ႈ​တီႈ​ဝူဝ်း​ဢွၼ်ႇ ဢၼ်​မၼ်း​ႁဵတ်း​ၸိူဝ်း​ၼၼ်ႉ​ဢေႃႈ။ ယိတ်ႈပရေႃးႁဵၵ်ႈ ဢၼ်​မၼ်း​ၶၢၼ်း​ဝႆႉ​ၵႃႈ​တီႈ​ထႃႇၼႃႉ​တီႈ​သုင်​တင်း​လၢႆ​ၸိူဝ်း​ၼၼ်ႉ​ၵေႃႈ မၼ်း​ၶျႃး​တီႈ​ယူႇ​ၶဝ်​ပၼ်​တီႈ​ဝဵင်း​ ပေႇသလႃႉ ​ဢေႃႈ။-</verse>
				<verse number="33">ၼင်ႇ​ၼၼ်​လႄႈ မၼ်း​ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ဢၼ်​မၼ်း​ႁဵတ်း​ၵႃႈ​တီႈ​ဝဵင်း​ ပေႇသလႃႉ ​ၼၼ်ႉ ၼႂ်း​လိူၼ်​ဢႃႉထမႃႉ​သိပ်း​ႁႃႈ​ဝၼ်း ဢၼ်​မၼ်း​ၸွမ်း​ဢလူဝ်ႇ​မၼ်း​သေ​လႄႈ​မၵ်း​ၶိၼ်း​ဝႆႉ​ၼၼ်ႉ​ဢေႃႈ။ မၼ်း​ၸီႇ​ယၢင်ႇ​ပွႆး​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ဢဝ်​ယိတ်ႈ​ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​လႄႈ​ဢဝ်​ၼၢမ်ႇ​သႃႇ​တုတ်ႇ​ၽႆး​ဢေႃႈ။</verse>
			</chapter>
			<chapter number="13">
				<verse number="1">မိူဝ်ႈ​ၼၼ်ႉ ၼႂ်း​မိူဝ်ႈ​ဢၼ် ယေႇရူဝ်းပုမ်ႇ ​ယင်း​တိုၵ်ႉ​ၸုၵ်း​ယူႇ​ၵႃႈ​တီႈ​ႁိမ်း​ယိတ်ႈပလၢင်ႇ​ၼၼ်ႉ ႁႂ်ႈ​လႆႈ​ဢဝ်​ၼၢမ်ႇ​သႃႇ​တုတ်ႇ​ၽႆး​ယူႇ​ၼၼ်ႉ​ၸိုင်၊ ၵူၼ်း​ၽြႃး​ပဵၼ်​ၸဝ်ႈ​ၵေႃႉ​ၼိုင်ႈ ၸွမ်း​ၵႃႈ​ၼင်ႇ​ဢၼ်​ၼုၵ်ႈၵပၢတ်ႈ​ထႃႇဝရႃႉ​ၽြႃး​မီး​ၼၼ်ႉ​သေ​လႄႈ လုၵ်ႉ​သေ​ၵႃႈ​တီႈ​မိူင်း​ ယူႉတႃႉ ​ႁွတ်ႈ​မႃး​ၵႃႈ​တီႈ​ဝဵင်း​ ပေႇသလႃႉ ​လႄႈ၊-</verse>
				<verse number="2">ႁွင်ႉ​ပၢဝ်ႇ​ႁွင်ႉ​လၢတ်ႈ​ယူႇ​ၽၢႆႇ​ၼိုင်ႈ​တင်း​ယိတ်ႈပလၢင်ႇ​ၼၼ်ႉ ၸွမ်း​ၵႃႈ​ၼင်ႇ​ဢၼ်​ၼုၵ်ႈၵပၢတ်ႈ​ထႃႇဝရႃႉ​ၽြႃး​မီး​ၼၼ်ႉ​သေ​လႄႈ​ဝႃႈ၊ ယိတ်ႈပလၢင်ႇ​ဢိူၺ်း၊ ယိတ်ႈပလၢင်ႇ​ဢိူၺ်း၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ တူၺ်း​လူး၊ လုၵ်ႈ​ဢွၼ်ႇ​ၵေႃႉ​ၼိုင်ႈ​တၵ်း​ၵိူတ်ႇ​လဵင်ႉ​မႃး​တီႈ​ၸိူဝ်ႉ​ၶိူဝ်း​ တႃႇဝိတ်ႈ ​လႄႈ ၵေႃႉ​ၼၼ်ႉ​တၵ်း​လႆႈ​ၸိုဝ်ႈ​ ယူဝ်းသီႉယႃႉ ​ဢေႃႈ။ ၵေႃႉ​ၼၼ်ႉ​တၵ်း​ဢဝ်​ၶဝ်​ၸိူဝ်း​ဢၼ်​ႁဵတ်း​ယိတ်ႈပရေႃးႁဵၵ်ႈ ၵႃႈ​ၼိူဝ်​ထႃႇၼႃႉ​တီႈ​သုင်​တင်း​လၢႆ​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​ၵႃႈ​ၼိူဝ်​မႂ်း​ၸိူဝ်း​ၼၼ်ႉ ပုၵ်ႈ​ၸေႃႇ​ၵႃႈ​ၼိူဝ်​မႂ်း​လႄႈ ဢဝ်​လုပ်ႇ​ၵူၼ်း​တၢႆ​တင်း​လၢႆ​တုတ်ႇ​ၽႆး​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၼႂ်း​ဝၼ်း​ၼၼ်ႉ​ၵမ်း​လဵဝ်​မၼ်း​ၼၼ်ႉ ပၼ်​ပုၵ်ႉ​ပႃႉ​ၼီႉမိၵ်ႈ​လႄႈ​ဝႃႈ၊ ပုၵ်ႉ​ပႃႉ​ၼီႉမိၵ်ႈ​ထႃႇဝရႃႉ​ဢၼ်​ၽြႃး​မီး​ဢမိင်ႉ​ၸမ်ႉ၊ တူၺ်း​လူး၊ ယိတ်ႈပလၢင်ႇ​ၼႆႉ​တၵ်း​တႅၵ်ႇ​လႄႈ တဝ်ႈ​ဢၼ်​မီး​ၵႃႈ​ၼိူဝ်​မၼ်း​တၵ်း​ႁူဝ်ႈ​တူၵ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၶုၼ်​ႁေႃ​ၶမ်း​ငိၼ်း​ၵႂၢမ်း​ဢၼ်​ၵူၼ်း​ၽြႃး​ပဵၼ်​ၸဝ်ႈ ႁွင်ႉ​ပၢဝ်ႇ​ႁွင်ႉ​လၢတ်ႈ​ယူႇ​ၽၢႆႇ​ၼိုင်ႈ​တင်း​ယိတ်ႈပလၢင်ႇ ၵႃႈ​တီႈ​ဝဵင်း​ ပေႇသလႃႉ ​ၼၼ်ႉ ၸိူဝ်ႉ​ၼင်ႇ​ၼၼ်​ၼၼ်ႉ​သေ​ယဝ်ႉ၊ ယေႇရူဝ်းပုမ်ႇ ယဵတ်ႇ​မိုဝ်း​မၼ်း​သေ​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​လႄႈ​ဝႃႈ၊ ဢွၼ်​ၵၼ်​တီႉ​ၵမ်​ဢဝ်​မၼ်း​တႃႉ၊ ဝႃႈ​ၼင်ႇ​ၼႆ​သေ​လႄႈ မိုဝ်း​မၼ်း​ဢၼ်​ယဵတ်ႇ​ယူႇ​ၽၢႆႇ​ၼိုင်ႈ​တင်း​ၵေႃႉ​ၼၼ်ႉ​ၼၼ်ႉ ယူတ်း​ႁႅင်ႈ​ၵႂႃႇ​ထၼ်ႈ​ပေႃး​မၼ်း​ဢမ်ႇ​ယိုတ်ႈ​ဢဝ်​ၶိုၼ်း​လႆႈ​လႄႈ၊-</verse>
				<verse number="5">ယိတ်ႈပလၢင်ႇ​ၵေႃႈ​တႅၵ်ႇ​လႄႈ တဝ်ႈ​ႁူဝ်ႈ​တူၵ်း​သေ​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ မႅၼ်ႈ​ၸွမ်း​ၵႃႈ​ၼင်ႇ​ပုၵ်ႉ​ပႃႉ​ၼီႉမိၵ်ႈ​ဢၼ်​ၵူၼ်း​ၽြႃး​ပဵၼ်​ၸဝ်ႈ ၸွမ်း​ၵႃႈ​ၼင်ႇ​ဢၼ်​ၼုၵ်ႈၵပၢတ်ႈ​ထႃႇဝရႃႉ​ၽြႃး​မီး​ၼၼ်ႉ​သေ​လႄႈ​ပၼ်​ၼၼ်ႉ​ဢေႃႈ။-</verse>
				<verse number="6">ၶုၼ်​ႁေႃ​ၶမ်း​ၵေႃႈ​ၶိုၼ်း​လၢတ်ႈ​တီႈ​ၵူၼ်း​ၽြႃး​ပဵၼ်​ၸဝ်ႈ​လႄႈ​ဝႃႈ၊ တွင်း​ပၢၼ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ႁဵတ်း​ပထၼႃႇ​ပုၼ်ႈ​ၵဝ် ႁႂ်ႈ​မိုဝ်း​ၵဝ်​ၶိုၼ်း​လီ​မႃး​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​တွင်း​ပၢၼ်ႇ​ထႃႇဝရႃႉ​ၽြႃး​လႄႈ မိုဝ်း​ၶုၼ်​ႁေႃ​ၶမ်း​ၼၼ်ႉ​ၶိုၼ်း​လီ​မႃး​လႄႈ ပဵၼ်​ၸိူဝ်ႉ​ၼင်ႇ​ပၵ်း​ၵဝ်ႇ​ပိူင်​ၵဝ်ႇ​ဢေႃႈ။-</verse>
				<verse number="7">ၶုၼ်​ႁေႃ​ၶမ်း​ၵေႃႈ​လၢတ်ႈ​တီႈ​ၵူၼ်း​ၽြႃး​ပဵၼ်​ၸဝ်ႈ​လႄႈ​ဝႃႈ၊ ၸွမ်း​လူၺ်ႈ​ၵၼ်​တင်း​ၵဝ်​လႄႈ​ႁွမ်​ႁႅင်း​ထႅင်ႈ​ႁႅင်း​တႃႉ။ ၵဝ်​တၵ်း​ပၼ်​လၢၵ်ႈ​သွင်ႇ​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ပိၵ်ႉ​သမ်ႉ​ၸဝ်ႈ​ႁဝ်း​ပၼ်​ႁေႃ​ၸဝ်ႈ​ၶိုင်ႈ​ၼိုင်ႈ​သေ​ၵေႃႈ ၶႃႈ​ၸဝ်ႈ​ဢမ်ႇ​ၸွမ်း​လူၺ်ႈ​ၵၼ်​တင်း​ၸဝ်ႈ​ႁဝ်း။ ၶႃႈ​ၸဝ်ႈ​တၵ်း​ဢမ်ႇ​ၵိၼ်​ၶဝ်ႈ​မုၼ်း​ၵႃႈ​တီႈ​ၼႆႈ၊ ၼမ်ႉ​ၵေႃႈ​ၶႃႈ​ၸဝ်ႈ​တၵ်း​ဢမ်ႇ​ၵိၼ်။-</verse>
				<verse number="9">ၼုၵ်ႈၵပၢတ်ႈ​ထႃႇဝရႃႉ​ၽြႃး​သင်ႇ​လၢတ်ႈ​တီႈ​ၶႃႈ​ၸဝ်ႈ​လႄႈ​ဝႃႈ၊ ယႃႇ​ပေ​ၵိၼ်​ၶဝ်ႈ​မုၼ်း၊ ယႃႇ​ပေ​ၵိၼ်​ၼမ်ႉ၊ ယႃႇ​ပေ​ၶိုၼ်း​မိူဝ်း​ၸွမ်း​သဵၼ်ႈ​တၢင်း​ဢၼ်​မႃး​ၼၼ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">လိုၼ်း​ၼၼ်ႉ မၼ်း​ၸွမ်း​တၢင်း​တၢင်ႇ​သဵၼ်ႈ​လႄႈ ယင်း​ဢမ်ႇ​ၶိုၼ်း​ၸွမ်း​သဵၼ်ႈ​တၢင်း​ဢၼ်​မၼ်း​မႃး​ၸူး​ၵႃႈ​တီႈ ဝဵင်း​ ပေႇသလႃႉ ​ၼၼ်ႉ လႄႈ​မိူဝ်း​ၵႂႃႇ​ဢေႃႈ။</verse>
				<verse number="11">မိူဝ်ႈ​ၼၼ်ႉ​မီး​ပရေႃးၽႅတ်ႈ​ဢၼ်​ဢသၢၵ်ႈ​ယႂ်ႇ​ၵေႃႉ​ၼိုင်ႈ ၵႃႈ​ၼႂ်း​ဝဵင်း​ ပေႇသလႃႉ ​ၼၼ်ႉ​ဢေႃႈ။ လုၵ်ႈ​ၸၢႆး​မၼ်း​ၵေႃႉ​ၼိုင်ႈ​မႃး​လႄႈ​မွၵ်ႇ​လၢတ်ႈ​လွင်ႈ​တၢင်း​ၵႃႈ​ဢၼ်​ၵူၼ်း​ၽြႃး​ပဵၼ်​ၸဝ်ႈ​ႁဵတ်း ၵႃႈ​ၼႂ်း​ဝဵင်း​ ပေႇသလႃႉ ​ၼႂ်း​ဝၼ်း​ၼၼ်ႉ​ၸိူဝ်း​ၼၼ်ႉ​တီႈ​ပေႃႈ​မၼ်း​ဢေႃႈ။ ၵႂၢမ်း​ဢၼ်​ၵေႃႉ​ၼၼ်ႉ​လၢတ်ႈ​တီႈ​ၶုၼ်​ႁေႃ​ၶမ်း​ၸိူဝ်း​ၼၼ်ႉ​ၵေႃႈ မၼ်း​ၼၼ်ႉ​မွၵ်ႇ​လၢတ်ႈ​တီႈ​ပေႃႈ​မၼ်း​ဢေႃႈ။-</verse>
				<verse number="12">ၵွပ်ႈ​ပိူဝ်ႈ​ဢၼ်​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ ဢွၼ်​ၵၼ်​ႁူႉ​ႁၼ်​လွင်ႈ​ဢၼ် ၵူၼ်း​ၽြႃး​ပဵၼ်​ၸဝ်ႈ​ဢၼ်​လုၵ်ႉ​သေ​ၵႃႈ​တီႈ​မိူင်း​ ယူႉတႃႉ ​မႃး​ၼၼ်ႉ ၶိုၼ်း​မိူဝ်း​ၵႂႃႇ​သဵၼ်ႈ​တၢင်း​ဢၼ်​လႂ်​ၼၼ်ႉ​လႄႈ ပေႃႈ​ၶဝ်​ထၢမ်​လႄႈ​ဝႃႈ၊ ၵေႃႉ​ၼၼ်ႉ​ၶိုၼ်း​မိူဝ်း​ၵႂႃႇ​သဵၼ်ႈ​တၢင်း​ဢၼ်​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">သမ်ႉ​လၢတ်ႈ​တီႈ​လုၵ်ႈ​ၸၢႆး​မၼ်း​တင်း​လၢႆ​လႄႈ​ဝႃႈ၊ ႁၢင်ႈ​ၵွပ်း​လီႈ​တႃႉ၊ ဝႃႈ​ၼင်ႇ​ၼႆ​လႄႈ ၶဝ်​ႁၢင်ႈ​ၵွပ်ႈ​လီႈ​လႄႈ ပေႃႈ​ၶဝ်​ၶီႇ​ၵႂႃႇ​သေ​လႄႈ၊-</verse>
				<verse number="14">လိုပ်ႈ​လမ်း​ၸွမ်း​ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။ မၼ်း​ထူပ်း​ႁၼ်​ၵေႃႉ​ၼၼ်ႉ​ၼင်ႈ​ယူႇ​ၵႃႈ​တႂ်ႈ​တူၼ်ႈ​မႆႉ​ၼိမ်​သေ​ယဝ်ႉ၊ ထၢမ်​လႄႈ​ဝႃႈ၊ မႂ်း​ၼႆႉ​ပဵၼ်​ၵူၼ်း​ၽြႃး​ပဵၼ်​ၸဝ်ႈ​ဢၼ်​လုၵ်ႉ​သေ​ၵႃႈ​တီႈ မိူင်း​ ယူႉတႃႉ ​မႃး​ၼၼ်ႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ပဵၼ်​ၵဝ်​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မၼ်း​ၵေႃႈ​ႁွင်ႉ​ပၢင်း​ဢဝ်​ၵေႃႉ​ၼၼ်ႉ​လႄႈ​ဝႃႈ၊ ၸွမ်း​ၵဝ်​မိူဝ်း​ၵႃႈ​တီႈ​ႁိူၼ်း​ၵဝ်​လႄႈ ၵိၼ်​ၶဝ်ႈ​မုၼ်း​လူၺ်ႈ​ၵၼ်​တင်း​ၵဝ်​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">ၵေႃႉ​ၼၼ်ႉ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​လႆႈ​ၸွမ်း​လူၺ်ႈ​ၵၼ်​တင်း​မႂ်း၊ ၵဝ်​ဢမ်ႇ​လႆႈ​ၶဝ်ႈ​ၵႃႈ​ၼႂ်း​ႁိူၼ်း​မႂ်း၊ ၵဝ်​ဢမ်ႇ​လႆႈ​ၵိၼ်​ၶဝ်ႈ​မုၼ်း​ၵႃႈ​တီႈ​ၼႆႈ၊ ၼမ်ႉ​ၵေႃႈ​ဢမ်ႇ​လႆႈ​ၵိၼ်။-</verse>
				<verse number="17">ထႃႇဝရႃႉ​ၽြႃး​မီး​ဢမိင်ႉ​ဝႆႉ​တီႈ​ၵဝ်​လႄႈ​ဝႃႈ၊ မႂ်း​ဢမ်ႇ​လႆႈ​ၵိၼ်​ၶဝ်ႈ​မုၼ်း​ၵႃႈ​တီႈ​ၼၼ်ႈ၊ ၼမ်ႉ​ၵေႃႈ​ဢမ်ႇ​လႆႈ​ၵိၼ်၊ မႂ်း​ဢမ်ႇ​လႆႈ​ဝၢႆႇ​ၶိုၼ်း​ၸွမ်း​သဵၼ်ႈ​တၢင်း​ဢၼ်​မႂ်း​မႃး​ၼၼ်ႉ​လႄႈ​မိူဝ်း၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မၼ်း​ၵေႃႈ​လၢတ်ႈ​တီႈ​ၵေႃႉ​ၼၼ်ႉ​လႄႈ​ဝႃႈ၊ ၵဝ်​ပဵၼ်​ပရေႃးၽႅတ်ႈ​မိူၼ်​ၸိူဝ်ႉ​ၼင်ႇ​မႂ်း​ဢေႃႈ။ တမၢၼ်ႇ​ၵၢင်​ႁၢဝ်​ဢဝ်​တင်း​ၼုၵ်ႈၵပၢတ်ႈ​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ၵဝ်​လႄႈ​ဝႃႈ၊ မႂ်း​ႁွင်ႉ​ဢဝ်​မၼ်း​မႃး​ၵႃႈ​တီႈ​ႁိူၼ်း​မႂ်း​လႄႈ ႁႂ်ႈ​မၼ်း​ၵိၼ်​ၶဝ်ႈ​မုၼ်း​လႄႈ​ၵိၼ်​ၼမ်ႉ​တႃႉ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​လႄႈ​သုင်း​မူႉ​သႃႇ​ဢေႃႈ။-</verse>
				<verse number="19">ပိူဝ်ႈ​ၼႆ​လႄႈ ၵေႃႉ​ၼၼ်ႉ​ၶိုၼ်း​ၸွမ်း​လူၺ်ႈ​ၵၼ်​တင်း​မၼ်း​လႄႈ ၵိၼ်​ၶဝ်ႈ​မုၼ်း​ၵႃႈ​တီႈ​ႁိူၼ်း​မၼ်း​ဢေႃႈ ၼမ်ႉ​ၵေႃႈ​ၵိၼ်​ဢေႃႈ။</verse>
				<verse number="20">ၼႂ်း​မိူဝ်ႈ​ဢၼ်​သွင်​ၶႃ​ယင်း​တိုၵ်ႉ​ၼင်ႈ​ယူႇ​ၵႃႈ​တီႈ​ၶူင်ႇ​တီႈ​ၵိၼ်​ယူႇ​ၼၼ်ႉ​ၸိုင်၊ ၼုၵ်ႈၵပၢတ်ႈ​ထႃႇဝရႃႉ​ၽြႃး​ႁွတ်ႈ​မႃး​တီႈ ပရေႃးၽႅတ်ႈ​ၵေႃႉ​ဢၼ်​ႁွင်ႉ​ဢဝ်​ၶိုၼ်း​မႃး​ၼၼ်ႉ​လႄႈ၊-</verse>
				<verse number="21">မၼ်း​သႅၼ်ႇ​ႁွင်ႉ​တီႈ​ၵူၼ်း​ၽြႃး​ပဵၼ်​ၸဝ်ႈ​ဢၼ်​လုၵ်ႉ​သေ​ၵႃႈ​တီႈ​မိူင်း​ ယူႉတႃႉ ​မႃး​ၼၼ်ႉ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​မႂ်း​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၼုၵ်ႈၵပၢတ်ႈ​ဢၼ်​ဢွၵ်ႇ​သေ​ၵႃႈ​တီႈ​သူပ်း​ထႃႇဝရႃႉ​ၽြႃး​ၼၼ်ႉ၊ ယင်း​ဢမ်ႇ​ပႂ်ႉ​ပိင်း​ၺၢပ်ႈ​ၸဝ်ႈ ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ဝႆႉ​ၼၼ်ႉ​လႄႈ၊-</verse>
				<verse number="22">ၶိုၼ်း​မႃး​လႄႈ​ၵိၼ်​ၶဝ်ႈ​မုၼ်း​တင်း​ၼမ်ႉ ၵႃႈ​ၼႂ်း​တီႈ​ဢၼ်​မၼ်း​ၸဝ်ႈ​ပိင်း​ၺၢပ်ႈ​ဝႆႉ​လႄႈ​ဝႃႈ၊ ယႃႇ​ပေ​ၵိၼ်​ၶဝ်ႈ​မုၼ်း၊ ယႃႇ​ပေ​ၵိၼ်​ၼမ်ႉ၊ ဝႃႈ​ၼင်ႇ​ၼႆ​ၼၼ်ႉ​လႄႈ တူဝ်​တၢႆ​မႂ်း​ဢမ်ႇ​လႆႈ​ႁွတ်ႈ​ထိုင်​ၵႃႈ​တီႈ​ပႃႇ​ႁဵဝ်ႈ​ပူႇ​မွၼ်ႇ​မႂ်း​ၸိူဝ်း​ၼၼ်ႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၵေႃႉ​ၼၼ်ႉ​ၵိၼ်​ၶဝ်ႈ​မုၼ်း​တင်း​ၼမ်ႉ​သေ​ယဝ်ႉ၊ မၼ်း​ႁၢင်ႈ​ၵွပ်း​လီႈ​မၼ်း​ပၼ်​တီႈ​ၵေႃႉ​ၼၼ်ႉ ဢၼ်​ဝႃႈ​ပရေႃးၽႅတ်ႈ​ဢၼ်​မၼ်း​ႁွင်ႉ​ဢဝ်​ၶိုၼ်း​မႃး​ၼၼ်ႉ​ဢေႃႈ။-</verse>
				<verse number="24">မိူဝ်ႈ​ဢၼ်​ၵေႃႉ​ၼၼ်ႉ​ၵႂႃႇ​ၼၼ်ႉ​ၸိုင်၊ သၢင်ႇ​သီႈ​ႁူပ်ႉ​ထူပ်း​မၼ်း​ၵႃႈ​တီႈ​ၵၢင်​တၢင်း​လႄႈ ဢဝ်​မၼ်း​တၢႆ​ဢေႃႈ။ တူဝ်​တၢႆ​မၼ်း​ၼၼ်ႉ လူမ်ႉ​တူၵ်း​ယူႇ​ၵႃႈ​တီႈ​သဵၼ်ႈ​တၢင်း​လႄႈ လီႈ​ၼၼ်ႉ​ၸုၵ်း​ယူႇ​ၵႃႈ​တီႈ​ႁိမ်း​မၼ်း​ယူႇ​သေ​လႄႈ သၢင်ႇ​သီႈ​ၵေႃႈ​ၸုၵ်း​ယူႇ​ၵႃႈ​တီႈ​ႁိမ်း​တူဝ်​တၢႆ​ၼၼ်ႉ​ဢေႃႈ။-</verse>
				<verse number="25">ၵူၼ်း​ၵႂႃႇ​တၢင်း​ပႆ​တၢင်း​လႄႈ ႁၼ်​တူဝ်​တၢႆ​ၼၼ်ႉ လူမ်ႉ​တူၵ်း​ယူႇ​ၵႃႈ​တီႈ​သဵၼ်ႈ​တၢင်း​လႄႈ သၢင်ႇ​သီႈ​ၸုၵ်း​ယူႇ​ၵႃႈ​တီႈ​ႁိမ်း​တူဝ်​တၢႆ​ၼၼ်ႉ​သေ​ယဝ်ႉ၊ ဢွၼ်​ၵၼ်​မႃး​လႄႈ​မွၵ်ႇ​လၢတ်ႈ​လွင်ႈ​မၼ်း​ၵႃႈ​ၼႂ်း​ဝဵင်း ဢၼ်​ပရေႃးၽႅတ်ႈ​ဢၼ်​ဢသၢၵ်ႈ​ယႂ်ႇ​ၼၼ်ႉ​ယူႇ​ၼၼ်ႉ​ဢေႃႈ။</verse>
				<verse number="26">ပရေႃးၽႅတ်ႈ​ဢၼ်​ႁွင်ႉ​ဢဝ်​မၼ်း​ၶိုၼ်း​မႃး​ၼၼ်ႉ​ငိၼ်း​လွင်ႈ​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ တၵ်း​ပဵၼ်​ၵူၼ်း​ၽြႃး​ပဵၼ်​ၸဝ်ႈ ဢၼ်​ဢမ်ႇ​ထွမ်ႇ​ဢမ်ႇ​ဢဝ်​ၼုၵ်ႈၵပၢတ်ႈ​ဢၼ်​ဢွၵ်ႇ​သေ​ၵႃႈ​တီႈ​သူပ်း​ထႃႇဝရႃႉ​ၽြႃး​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ထႃႇဝရႃႉ​ၽြႃး​ဢဝ်​မၼ်း​ဢၢပ်ႈ​ပၼ်​တီႈ​သၢင်ႇ​သီႈ​ဢၼ်​ၶူပ်း​မၼ်း​တၢႆ​ၼၼ်ႉ ၸွမ်း​ၵႃႈ​ၼင်ႇ​ဢၼ်​ၵႂၢမ်း​ဢၼ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ၼၼ်ႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="27">လၢတ်ႈ​တီႈ​လုၵ်ႈ​ၸၢႆး​မၼ်း​တင်း​လၢႆ​လႄႈ​ဝႃႈ၊ ႁၢင်ႈ​ၵွပ်း​လီႈ​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ႁၢင်ႈ​ၵွပ်း​လီႈ​ဢေႃႈ။-</verse>
				<verse number="28">မၼ်း​ၵႂႃႇ​လႄႈ​ထူပ်း​ႁၼ်​တူဝ်​တၢႆ​ၵေႃႉ​ၼၼ်ႉ လူမ်ႉ​တူၵ်း​ၵႃႈ​တီႈ​သဵၼ်ႈ​တၢင်း​ယူႇ၊ လီႈ​တင်း​သၢင်ႇ​သီႈ​ၼၼ်ႉ​ၸုၵ်း​ၵႃႈ​တီႈ​ႁိမ်း​တူဝ်​တၢႆ​ၼၼ်ႉ​ယူႇ​ၼၼ်ႉ​ဢေႃႈ။ သၢင်ႇ​သီႈ​ၼၼ်ႉ​ဢမ်ႇ​ၵိၼ်​တူဝ်​တၢႆ၊ လီႈ​ၵေႃႈ​မၼ်း​ဢမ်ႇ​ၶူပ်း။-</verse>
				<verse number="29">ပရေႃးၽႅတ်ႈ​ၼၼ်ႉ​ဢုမ်ႈ​ဢဝ်​တူဝ်​တၢႆ​ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​လႄႈ တၢင်ႇ​ၵႃႈ​ၼိူဝ်​လီႈ​သေ​ယဝ်ႉ၊ လွင်ႈ​ၼင်ႇ​ႁိုဝ်​တၵ်း​လႆႈ​ႁႆႈ​ႁွင်ႉ​ပွင်ႉ​ၶၢင်း​ပုၼ်ႈ​မၼ်း​လႄႈ ဢဝ်​မၼ်း​သၢင်း​ၵျူဝ်ႇ​ၸိုင်၊ ဢဝ်​မၼ်း​ၶိုၼ်း​မိူဝ်း​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ပရေႃးၽႅတ်ႈ ဢၼ်​ဢသၢၵ်ႈ​ယႂ်ႇ​ၼၼ်ႉ​ဢေႃႈ၊-</verse>
				<verse number="30">မၼ်း​ဢဝ်​တူဝ်​တၢႆ​ၵေႃႉ​ၼၼ်ႉ​ဝႆႉ​ၵႃႈ​ၼႂ်း​ၶုမ်​သၢင်း​ၶႅင်း​မၼ်း​သေ​လႄႈ ႁႆႈ​ႁွင်ႉ​ပွင်ႉ​ၶၢင်း​လႄႈ​ဝႃႈ၊ ဢလူဝ်း​ၼွင်ႉ​ၸၢႆး​ၵဝ်​ဢိူၺ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">မၼ်း​သၢင်း​ၵျူဝ်ႇ​ၵေႃႉ​ၼၼ်ႉ​သေ​ယဝ်ႉ၊ သင်ႇ​လၢတ်ႈ​ဝႆႉ​တီႈ​လုၵ်ႈ​ၸၢႆး​မၼ်း​တင်း​လၢႆ​လႄႈ​ဝႃႈ၊ မိူဝ်ႈ​ဢၼ်​ၵဝ်​တၢႆ​ၼၼ်ႉ​ၸိုင်၊ သူ​ဢွၼ်​ၵၼ်​ဢဝ်​ၵဝ်​သၢင်း​ၵျူဝ်ႇ​ၵႃႈ​ၼႂ်း​ၶုမ်​သၢင်း​ၶႅင်း​တီႈ​ဢၼ်​ၵူၼ်း​ၽြႃး​ပဵၼ်​ၸဝ်ႈ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၼၼ်ႉ​တႃႉ။ ဢဝ်​လုပ်ႇ​ၵဝ်​ဝႆႉ​ၵႃႈ​တီႈ​ႁိမ်း​လုပ်ႇ​မၼ်း​တႃႉ။-</verse>
				<verse number="32">ၵႂၢမ်း​ဢၼ်​ၵေႃႉ​ၼၼ်ႉ​ၸွမ်း​ၵႃႈ​ၼင်ႇ​ဢၼ် ၼုၵ်ႈၵပၢတ်ႈ​ထႃႇဝရႃႉ​ၽြႃး​မီး​ၼၼ်ႉ​သေ​လႄႈ ႁွင်ႉ​ပၢဝ်ႇ​ႁွင်ႉ​လၢတ်ႈ​ယူႇ​ၽၢႆႇ​ၼိုင်ႈ တင်း​ယိတ်ႈပလၢင်ႇ ဝဵင်း​ ပေႇသလႃႉ ဢိၵ်ႇ​တင်း​ၽၢႆႇ​ၼိုင်ႈ​တၢင်း​ႁိူၼ်း​ၸဝ်ႈ​ၵႃႈ​ဢၼ်​ႁဵတ်း​ၵႃႈ​ၼိူဝ် ထႃႇၼႃႉ​တီႈ​သုင်​တင်း​လၢႆ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း သမႃႇရီႉ ​ၸိူဝ်း​ၼၼ်ႉ​ၼၼ်ႉ တၵ်း​ပျေႉ​ၸုမ်ႇ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">လိုၼ်း​ၼၼ်ႉ ယေႇရူဝ်းပုမ်ႇ ​ၼၼ်ႉ ယင်း​ဢမ်ႇ​ဝႄႈ​သဵၼ်ႈ​တၢင်း​ဢႃႉထမ်ႇမႃႉ​မၼ်း​ၼၼ်ႉ​လႄႈ ဢဝ်​ၵူၼ်း​ၵႃႈ​ၼႂ်း​ၵူၼ်း​တင်း​လၢႆ​ထၢပ်ႈ​ၶၢၼ်း​ဝႆႉ​ၵႃႈ​ၼႂ်း​ဢရႃႇ​ယိတ်ႈပရေႃးႁဵၵ်ႈ​ထႅင်ႈ​ဢေႃႈ။ ၶဝ်​ၸိူဝ်း​ဢၼ်​မီး​ဢလူဝ်ႇ​ၵႃႈ​မီး​ၼၼ်ႉ​ၸိုင် မၼ်း​ယုၵ်ႉ​ယွင်ႈ​ႁႂ်ႈ​ပဵၼ်​ယိတ်ႈပရေႃးႁဵၵ်ႈ ၵႃႈ​တီႈ​ထႃႇၼႃႉ​တီႈ​သုင်​တင်း​လၢႆ​ဢေႃႈ။-</verse>
				<verse number="34">ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ဢပႅတ်ႈ​ႁွတ်ႈ​ထိုင်​ၵႃႈ​တီႈ​ၸိူဝ်ႉ​ၶိူဝ်း​ ယေႇရူဝ်းပုမ်ႇ ႁႂ်ႈ​လႆႈ​ပႄႇ​တႅပ်း​ပႅတ်ႈ​လႄႈ ၽဵဝ်ႈ​ပႅတ်ႈ​သေ​ၵႃႈ​ၼိူဝ်​ၼႃႈ​လိၼ်​မိူင်း​ဢေႃႈ။</verse>
			</chapter>
			<chapter number="14">
				<verse number="1">မိူဝ်ႈ​ၼၼ်ႉ​ ဢၽီႉယႃႉ လုၵ်ႈ​ၸၢႆး​ ယေႇရူဝ်းပုမ်ႇ ​ၼၼ်ႉ မီး​တၢင်း​ၶႆႈ​တၢင်း​ပဵၼ်​လႄႈ၊-</verse>
				<verse number="2">ယေႇရူဝ်းပုမ်ႇ သင်ႇ​လၢတ်ႈ​တီႈ​မေး​မၼ်း​လႄႈ​ဝႃႈ၊ မႂ်း​လုၵ်ႉ​လႄႈ​ႁဵတ်း​ႁၢင်ႈ​ၽၢင်​ဢၼ်​လၢၵ်ႇ​ပိူင်ႈ ႁႂ်ႈ​ၽူႈ​လႂ်​ဢမ်ႇ​လႆႈ​ႁူႉ​လွင်ႈ​ဢၼ်​မႂ်း​ပဵၼ် မေး​ ယေႇရူဝ်းပုမ်ႇ ​ၼၼ်ႉ​သေ​လႄႈ ၵႂႃႇ​ၵႃႈ​တီႈ​ဝဵင်း​ သီႉလေႃႇ ​ပုၼ်ႉ​တႃႉ။ ပရေႃးၽႅတ်ႈ​ ဢႁီႉယႃႉ ဢၼ်​ၼႄ​ပျႃး​လွင်ႈ​ဢၼ်​ၵဝ်​တၵ်း​လႆႈ​ဢုပ်ႉ​ပိူင်ႇ​ၵူၼ်း​မဵဝ်း​ၼႆႉ​ၼၼ်ႉ တီႈ​ၵဝ်​ၼႆႉ​ၼၼ်ႉ မီး​ယူႇ​ၵႃႈ​တီႈ​ဝဵင်း​ၼၼ်ႉ​ဢေႃႈ။-</verse>
				<verse number="3">ပႃး​ဢဝ်​တင်း​ၶဝ်ႈ​မုၼ်း​သိပ်း​ႁူၺ်ႇ၊ ၶဝ်ႈ​မုၼ်း​ၶႅပ်း​ၵမ်ႈ​ၽွင်ႈ၊ တဝ်ႈ​ၼမ်ႉ​ၽိုင်ႈ​သေ​လႄႈ​ၵႂႃႇ​ၵႃႈ​တီႈ​မၼ်း​ၼၼ်ႉ​တႃႉ။ မၼ်း​တၵ်း​ႁေႃး​လၢတ်ႈ​လွင်ႈ​ဢၼ်​တၵ်း​ပဵၼ်​ၸိူဝ်ႉ​ၼင်ႇ​ႁိုဝ်​တီႈ​လုၵ်ႈ​ဢွၼ်ႇ​ၼႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="4">မေး​ ယေႇရူဝ်းပုမ်ႇ ​ၼၼ်ႉ ႁဵတ်း​ၸွမ်း​ၸိူဝ်ႉ​ၼင်ႇ​ၼၼ်​လႄႈ လုၵ်ႉ​သေ​လႄႈ​ၵႂႃႇ​ၵႃႈ​တီႈ​ဝဵင်း​ သီႉလေႃႇ ​လႄႈ ႁွတ်ႈ​ထိုင်​ၵႃႈ​တီႈ​ႁိူၼ်း ဢႁီႉယႃႉ ​ဢေႃႈ။ မိူဝ်ႈ​ၼၼ်ႉ ဢႁီႉယႃႉ ​ၼၼ်ႉ တႃ​ဢမ်ႇ​ႁၼ်​ၵွပ်ႈ​ပိူဝ်ႈ​ဢၼ်​ဢသၢၵ်ႈ​မၼ်း​ယႂ်ႇ​လႄႈ တႃ​မၼ်း​မူဝ်း​ၵႂႃႇ​ၼၼ်ႉ​ဢေႃႈ။</verse>
				<verse number="5">ထႃႇဝရႃႉ​ၽြႃး​မီး​ဢမိင်ႉ​တီႈ ဢႁီႉယႃႉ ​လႄႈ​ဝႃႈ၊ တူၺ်း​လူး၊ မေး​ ယေႇရူဝ်းပုမ်ႇ ​ၼၼ်ႉ​မႃး ႁႂ်ႈ​လႆႈ​ယွၼ်း​ထၢမ်​သေ​ၸိူဝ်ႉ​သေ​ပိူင်​တီႈ​မႂ်း ပုၼ်ႈ​လုၵ်ႈ​ၸၢႆး​မၼ်း ၵွပ်ႈ​ပိူဝ်ႈ​ဢၼ်​မၼ်း​ၼၼ်ႉ မီး​တၢင်း​ၶႆႈ​တၢင်း​ပဵၼ်​ယူႇ​ၼၼ်ႉ​ဢေႃႈ။ မႂ်း​တၵ်း​လႆႈ​ၶိုၼ်း​လၢတ်ႈ​ဢၼ်​ၸိူဝ်ႉ​ၼင်ႇ​ၼႆ ဢၼ်​ၸိူဝ်ႉ​ၼင်ႇ​ၼၼ်​တီႈ​မၼ်း​ဢေႃႈ။ မိူဝ်ႈ​ဢၼ်​မၼ်း​မႃး​ၼၼ်ႉ​ၸိုင်၊ မၼ်း​တၵ်း​ႁဵတ်း​ၼင်ႇ​ႁၢင်ႈ​မၼ်း​ပဵၼ်​မႄႈ​ယိင်း​တၢင်ႇ​ၵေႃႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ဢႁီႉယႃႉ ​ငိၼ်း​သဵင်​တိၼ်​မၼ်း ၼႂ်း​မိူဝ်ႈ​ဢၼ်​မၼ်း​ၶဝ်ႈ​ၵႃႈ​ၼႂ်း​ၽၵ်း​တူ​မႃး​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ မေး​ ယေႇရူဝ်းပုမ်ႇ ​ဢိူၺ်း၊ ၶဝ်ႈ​မႃး​တႃႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ႁဵတ်း​ၸိူဝ်ႉ​ၼင်ႇ​ႁၢင်ႈ​မႄႈ​ယိင်း​တၢင်ႇ​ၵေႃႉ​ၼၼ်ႉ​ၼင်ႇ​ႁိုဝ်။ ၵဝ်​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ ပွႆႇ​ၸႂ်ႉ​ႁႂ်ႈ​လႆႈ​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​ဢၼ်​ၶီ​ၸႂ်​ၶူမ်​ၸႂ်​တီႈ​မႂ်း​ဢေႃႈ။-</verse>
				<verse number="7">မႂ်း​ၵႂႃႇ​လႄႈ​လၢတ်ႈ​တီႈ​ ယေႇရူဝ်းပုမ်ႇ ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​မီး​ဢမိင်ႉ​လႄႈ​ဝႃႈ​ၸမ်ႉ၊ ပိၵ်ႉ​သမ်ႉ​ၵဝ်​ဢဝ်​မႂ်း​ၵႃႈ​ၼႂ်း​မုၵ်ႉ​ၵူၼ်း​ၸိူဝ်း​ၵူၼ်း​လႄႈ ယုၵ်ႉ​ယွင်ႈ​ႁႂ်ႈ​ပဵၼ်​ၵေႃႉ​ဢၼ်​ဢုပ်ႉ​ပိူင်ႇ​ၵူၼ်း​ၵဝ်​မဵဝ်း​ ဢီႉသရေႇလႃႉ ​လႄႈ၊-</verse>
				<verse number="8">ၼုၵ်ႈ​ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​ၵႃႈ​ၼႂ်း​မိုဝ်း​ၸိူဝ်ႉ​ၶိူဝ်း​ တႃႇဝိတ်ႈ ​သေ​လႄႈ​ပၼ်​တီႈ​မႂ်း​သေ​ၵေႃႈ၊ မႂ်း​ဢမ်ႇ​ပဵၼ်​မိူၼ်​ၸိူဝ်ႉ​ၼင်ႇ​ၶႃႈ​ၵဝ်​ တႃႇဝိတ်ႈ ဢၼ်​ပႂ်ႉ​ၵမ်​ပႂ်ႉ​ၵျၢင်ႉ​ပိင်း​ၺၢပ်ႈ​ၵဝ်​တင်း​လၢႆ​လႄႈ ပႃး​တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ႁဵတ်း​ၸွမ်း​ဢၼ်​လီ​ဢၼ်​ငၢမ်း​ၵူၺ်း သိုဝ်ႈ​ၼႃႈ​တႂ်ႈ​တႃ​ၵဝ်​ၼၼ်ႉ။-</verse>
				<verse number="9">မႂ်း​ႁဵတ်း​တူႉ​ၸရိူၵ်ႈ​လိူဝ်​တွၼ်း​ၼႃႇ​သေ​ၶဝ်​ၸိူဝ်း​ဢၼ်​ပဵၼ်​ၵႂႃႇ​ယဝ်ႉ​မိူဝ်ႈ​ဢွၼ်​တၢင်း​မႂ်း​ၼၼ်ႉ​လႄႈ​ၵႂႃႇ​ႁဵတ်း​ၽြႃး​တၢင်ႇ​သူႇ​တၢင်ႇ​ပႃး ဢိၵ်ႇ​တင်း​ရုၵ်ႈ​ထူႉ​ဢၼ်​လေႃႇ​သွၼ်း​ႁဵတ်း​တင်း​လၢႆ ပုၼ်ႈ​မႂ်း​ႁႂ်ႈ​လႆႈ​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ်​လႄႈ ဢဝ်​ၵဝ်​ပႅတ်ႈ​ဝႆႉ ၵႃႈ​တီႈ​ၽၢႆႇ​တၢင်း​လင်​မႂ်း​ယဝ်ႉ။-</verse>
				<verse number="10">ပိူဝ်ႈ​ၼႆ​လႄႈ ၵဝ်​တၵ်း​ႁႂ်ႈ​ၽေး​ဢူႉ​ပၢတ်ႈ​ႁွတ်ႈ​ထိုင်​ၵႃႈ​ၼိူဝ်​ၸိူဝ်ႉ​ၶိူဝ်း​ ယေႇရူဝ်းပုမ်ႇ ​လႄႈ ပႄႇ​တႅပ်း​ပႅတ်ႈ​ၵူၼ်း​ၸၢႆး ၸိူဝ်ႉ​ၶိူဝ်း​ ယေႇရူဝ်းပုမ်ႇ ​ၵူႈ​ၵေႃႉ​ဢၼ်​ဝႃႈ ၸႃႉ​ၸဵမ်​ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​လႄႈ ၶဝ်​ၸိူဝ်း​ဢၼ်​လွတ်ႈ​ၵႂႃႇ ၵႃႈ​ၼႂ်း​ဝၢၼ်ႈ​ဝဵင်း​ ဢီႉသရေႇလႃႉ ​ၼၼ်ႉ​ဢေႃႈ။ ၵဝ်​တၵ်း​ပႄႇ​ၽဵဝ်ႈ​ၸိူဝ်ႉ​ၶိူဝ်း​ ယေႇရူဝ်းပုမ်ႇ ​ပႅတ်ႈ မိူၼ်​ၸိူဝ်ႉ​ၼင်ႇ​ဢၼ် ၵူၼ်း​ၵွပ်ႇ​ဢဝ်​ၵွင်​ၶီႈ​ဝူဝ်း​ၵႂႃႇ​ထၼ်ႈ​ပေႃး​သဵင်ႈ​ပေႃး​မူတ်း​ၼၼ်ႉ​ဢေႃႈ။-</verse>
				<verse number="11">ၸိူဝ်ႉ​ၶိူဝ်း​ ယေႇရူဝ်းပုမ်ႇ ဢၼ်​တၢႆ​ၵႃႈ​ၼႂ်း​ဝဵင်း​ၼၼ်ႉ​ၸိုင်၊ မႃ​တၵ်း​ၵိၼ်​လႄႈ ဢၼ်​တၢႆ​ၵႃႈ​တီႈ​ၼွၵ်ႈ​တီႈ​ပၢင်ႇ​ၸိူဝ်း​ၼၼ်ႉ​ၸိုင် ၼူၵ်ႉ​ၵၢင်​ႁၢဝ်​တင်း​လၢႆ တၵ်း​ၵိၼ်​ဢေႃႈ၊ ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၸိူဝ်ႉ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="12">ပိူဝ်ႈ​ၼႆ​လႄႈ မႂ်း​လုၵ်ႉ​လႄႈ​မိူဝ်း​ၵႂႃႇ​ၵႃႈ​တီႈ​ႁိူၼ်း​မႂ်း​တႃႉ၊ မိူဝ်ႈ​ဢၼ်​တိၼ်​မႂ်း​ၶဝ်ႈ​ၵႃႈ​ၼႂ်း​ၽၵ်း​တူ​ဝဵင်း​ၼၼ်ႉ​ၸိုင်၊ လုၵ်ႈ​ဢွၼ်ႇ​ၼၼ်ႉ​တၵ်း​တၢႆ​ဢေႃႈ။-</verse>
				<verse number="13">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် တၵ်း​ဢွၼ်​ၵၼ်​ႁဵတ်း​တၢင်း​ဢၼ်​ႁႆႈ​ႁွင်ႉ​ပွင်ႉ​ၶၢင်း​သေ​လႄႈ ဢဝ်​မၼ်း​သၢင်း​ၵျူဝ်ႇ​ဢေႃႈ။ ၼႂ်း​ၸိူဝ်ႉ​ၶိူဝ်း​ ယေႇရူဝ်းပုမ်ႇ ​ၼၼ်ႉ ၵေႃႉ​ၼၼ်ႉ​ၵေႃႉ​လဵဝ်​ၵူၺ်း​တၵ်း​လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ဢေႃႈ။ လွင်ႈ​မၼ်း​ၸမ်ႉ ၼႂ်း​ၸိူဝ်ႉ​ၶိူဝ်း​ ယေႇရူဝ်းပုမ်ႇ ​ၼၼ်ႉ လႆႈ​ထူပ်း​လွင်ႈ​တၢင်း​ဢၼ်​လီ​ဢၼ်​ငၢမ်း ဢၼ်​ဢူၼ်ႈ​ၼူပ်ႈ​ၵွမ်း​ၸူး​ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ တီႈ​လုၵ်ႈ​ဢွၼ်ႇ​ၼၼ်ႉ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​တၵ်း​ႁႂ်ႈ​ၶုၼ်​ႁေႃ​ၶမ်း​ ဢီႉသရေႇလႃႉ ​ဢၼ်​တၵ်း​ပႄႇ​တႅပ်း​ပႅတ်ႈ​ၸိူဝ်ႉ​ၶိူဝ်း​ ယေႇရူဝ်းပုမ်ႇ ​ၼၼ်ႉ ပႃး​ၼိုင်ႈ​ပေႃႇ​ဢွၵ်ႇ​ပဵၼ်​မႃး​ပုၼ်ႈ​မၼ်း​ၸဝ်ႈ​ဢေႃႈ။ တၵ်း​ပဵၼ်​ၶိင်ႇ​လႂ်၊ တၵ်း​ပဵၼ်​မိူဝ်ႈ​လဵဝ်​ၼႆႉ​ဢေႃႈ။-</verse>
				<verse number="15">ထႃႇဝရႃႉ​ၽြႃး​တၵ်း​ပၼ်​တၢမ်ႇ​တီႈ​မဵဝ်း​ ဢီႉသရေႇလႃႉ မိူၼ်​ၸိူဝ်ႉ​ၼင်ႇ​ဢၼ် တူၼ်ႈ​မႆႉ​ဢေႃႈ​သၼ်ႇ​ၶွၼ်း ၵႃႈ​တီႈ​ၼႂ်း​ၼမ်ႉ​ၼၼ်ႉ​လႄႈ ၼုၵ်ႈ​ထူၺ်ႈ​ဢဝ်​မဵဝ်း​ ဢီႉသရေႇလႃႉ ဢွၵ်ႇ​ပႅတ်ႈ​သေ​ၵႃႈ​ၼႂ်း​မိူင်း​ဢၼ်​လီ​ဢၼ်​ငၢမ်း၊ ဢၼ်​မၼ်း​ၸဝ်ႈ​ပၼ်​တီႈ​ပူႇ​မွၼ်ႇ​ၶဝ်​ၸိူဝ်း​ၼၼ်ႉ​ၼႆႉ​သေ​ယဝ်ႉ၊ တၵ်း​ဢဝ်​ၶဝ်​ၸၢတ်ႇ​ပိုၼ်​ပႅတ်ႈ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​လူင်​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​ဢွၼ်​ၵၼ် တႄႇ​ႁဵတ်း​တူၼ်ႈ ဢႃႇသရႃႉ ​တင်း​လၢႆ​လႄႈ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="16">မၼ်း​ၸဝ်ႈ​တၵ်း​ၸုၼ်ႉ​ပႅတ်ႈ မဵဝ်း​ ဢီႉသရေႇလႃႉ ​ၵွပ်ႈ​ပိူဝ်ႈ​ဢပႅတ်ႈ​ ယေႇရူဝ်းပုမ်ႇ ဢၼ်​တူဝ်​မၼ်း​ၽိတ်း​ပိူင်ႈ ဢိၵ်ႇ​တင်း​မၼ်း​ႁႂ်ႈ​မဵဝ်း​ ဢီႉသရေႇလႃႉ ၽိတ်း​ပိူင်ႈ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">မေး​ ယေႇရူဝ်းပုမ်ႇ ​ၼၼ်ႉ လုၵ်ႉ​မိူဝ်း​ၵႂႃႇ​လႄႈ​ၽႅဝ်​ၵႃႈ​တီႈ​ဝဵင်း​ တီႉရၸႃႉ ​သေ​ယဝ်ႉ၊ မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​တီႈ​ၶူင်ႇ​ၽၵ်း​တူ​ႁေႃ​ၼၼ်ႉ​ၸိုင် လုၵ်ႈ​ဢွၼ်ႇ​ၼၼ်ႉ​တၢႆ​ဢေႃႈ။-</verse>
				<verse number="18">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢွၼ်​ၵၼ်​ႁဵတ်း​တၢင်း​ဢၼ် ဢဝ်​မၼ်း​သၢင်း​ၵျူဝ်ႇ​လႄႈ​ႁႆႈ​ႁွင်ႉ​ပွင်ႉ​ၶၢင်း​မႅၼ်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢဝ်​ၶႃႈ​မၼ်း​ၸဝ်ႈ ပရေႃးၽႅတ်ႈ​ ဢႁီႉယႃႉ မီး​ဢမိင်ႉ​ဝႆႉ​ၼၼ်ႉ​ဢေႃႈ။</verse>
				<verse number="19">လွင်ႈ​တၢင်း​ ယေႇရူဝ်းပုမ်ႇ ဢၼ်​ယင်း​ၵိုတ်း​ယင်း​ၵျၢၼ်ႇ​တင်း​လၢႆ​ဢၼ်​ဝႃႈ တၢင်း​ဢၼ်​မၼ်း​တိုၵ်း​သိုၵ်း၊ တၢင်း​ဢၼ်​ဢုပ်ႉ​ပိူင်ႇ​ၸၢမ်ႇ​ၸႃး​ၼၼ်ႉ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ ဢီႉသရေႇလႃႉ ​ဢေႃႈ။-</verse>
				<verse number="20">ယေႇရူဝ်းပုမ်ႇ ​ၼၼ်ႉ​ဢုပ်ႉ​ပိူင်ႇ​ၸၢမ်ႇ​ၸႃး​သၢဝ်း​ပၢႆ​သွင်​ပီႊ​သေ​ယဝ်ႉ၊ ၼွၼ်း​လပ်း​လူၺ်ႈ​ၵၼ်​တင်း​ပူႇ​မၼ်း​မွၼ်ႇ​မၼ်း​သေ​လႄႈ ၼႃႇတပ်ႉ လုၵ်ႈ​ၸၢႆး​မၼ်း​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ဢေႃႈ။</verse>
				<verse number="21">ရူဝ်းပုမ်ႇ ​လုၵ်ႈ​ၸၢႆး​ သေႃးလမုၼ်ႇ ​ၼၼ်ႉ​ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ယူႉတႃႉ ​ဢေႃႈ။ ရူဝ်းပုမ်ႇ ​ၼၼ်ႉ​မိူဝ်ႈ​ဢၼ်​ၸႃႉ ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​လႆႈ​သီႇ​သိပ်း​ပၢႆ​ဢဵတ်း​ပီႊ​လႄႈ​ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢၼ်​ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ် ၵႃႈ​ၼႂ်း​ၼမ်ႉ​ၼႂ်း​လိၼ်​မဵဝ်း​ ဢီႉသရေႇလႃႉ ၵူႈ​မဵဝ်း​ပုၼ်ႈ​ဢၼ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​တႄႇ​ယူႇ​ၼၼ်ႉ သိပ်း​ၸဵတ်း​ပီႊ​ဢေႃႈ။ မႄႈ​မၼ်း​ၸမ်ႉ၊ ပဵၼ်​ ၼေႇမႃႉ မဵဝ်း​ ဢမ်ႇမုၼ်ႇ ​ဢေႃႈ။-</verse>
				<verse number="22">ၵူၼ်း​မဵဝ်း​ ယူႉတႃႉ ​တင်း​လၢႆ​ဢွၼ်​ၵၼ်​ႁဵတ်း​တူႉ​ၸရိူၵ်ႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ဢဝ်​တင်း​ဢပႅတ်ႈ​ဢၼ်​ၽိတ်း​ပိူင်ႈ​လိူဝ်​တွၼ်း​ၼႃႇ​သေ ၵႃႈ​ဢၼ်​ပူႇ​မွၼ်ႇ​ၶဝ်​တင်း​လၢႆ​ၽိတ်း​ပိူင်ႈ​ၼၼ်ႉ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ဢေႃႈ။-</verse>
				<verse number="23">ၶဝ်​ဢွၼ်​ၵၼ်​ႁဵတ်း​ထႃႇၼႃႉ​တီႈ​သုင်​လႂ်၊ သဝ်​တီႈ​ၵူဝ်း​ၵႂၢႆႇ​လႂ် တင်း​တူၼ်ႈ​ ဢႃႇသရႃႉ ​လႂ် ၵႃႈ​တီႈ​ၼိူဝ်​လွႆ​ဢၼ်​သုင်​ၵႃႈ​မီး​ဢိၵ်ႇ​တင်း​ၵႃႈ​တီႈ​တႂ်ႈ​တူၼ်ႈ​မႆႉ​ဢၼ်​ၶဵဝ်​ၵႃႈ​မီး​ဢေႃႈ။-</verse>
				<verse number="24">ၶဝ်​ၸိူဝ်း​ဢၼ်​ၸၢင်ႈ​ၸွမ်း​ဢလူဝ်ႇ​ၵူၼ်း​ၸၢႆး​ၼင်ႇ​ၵၼ်​ၼၼ်ႉ​ၵေႃႈ မီး​ၵႃႈ​ၼႂ်း​မိူင်း​ ယူႉတႃႉ ​လႄႈ ၶဝ်​ဢွၼ်​ၵၼ်​ႁဵတ်း​ၸွမ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​ၵူႈ​ၸိူဝ်ႉ​ၵူႈ​ပိူင် ဢၼ်​ၵူၼ်း​မဵဝ်း​ဢၼ်​ထႃႇဝရႃႉ​ၽြႃး​ႁေႃႈ​ဢွၵ်ႇ​ပႅတ်ႈ​သေ ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၼၼ်ႉ​ၸိူဝ်း​ၼၼ်ႉ​ႁဵတ်း​ၼၼ်ႉ​လူင်​ပႄႇ။-</verse>
				<verse number="25">ၼႂ်း​ပီႊ​ဢၼ်​ၶုၼ်​လူင်​ ရူဝ်းပုမ်ႇ ​ၸၢမ်ႇ​ႁၢင်ႈ​ၸၢမ်ႇ​ႁေႃ​ႁႃႈ​ပီႊ​ၼၼ်ႉ၊ သီႉသၵ်ႉ ​ၶုၼ်​ႁေႃ​ၶမ်း​ ဢေႇၵိပ်ႉတူႉ ၶီႇ​သိုၵ်း​ၶိုၼ်ႈ​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​လႄႈ၊-</verse>
				<verse number="26">သိမ်း​ဢဝ်​ဢုၵ်ႉ​ၸႃႇ​ၽၼ်ႇတႃႇ​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ဢုၵ်ႉ​ၸႃႇ​ၽၼ်ႇတႃႇ​ႁေႃ​ၸဝ်ႈ​လႄႈ ဢဝ်​ၵႃႈ​မီး​တင်း​သဵင်ႈ​တင်း​လူင်​ၵႂႃႇ​ဢေႃႈ၊ ၶိူင်ႈ​ႁႄႉ​လၢၵ်ႈ​ၼၢၵ်ႈ​ၶမ်း ဢၼ်​ သေႃးလမုၼ်ႇ ​ႁဵတ်း​ၵႃႈ​မီး​ၼၼ်ႉ​ၵေႃႈ​ဢဝ်​ၵႂႃႇ​ဢေႃႈ။-</verse>
				<verse number="27">ၶုၼ်​လူင်​ ရူဝ်းပုမ်ႇ ​ၼၼ်ႉ​ႁဵတ်း​ၶိူင်ႈ​ႁႄႉ​လၢၵ်ႈ​ၼၢၵ်ႈ​တွင်း​တၢင်​တူဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​ၶမ်း​ၸိူဝ်း​ၼၼ်ႉ​လႄႈ ဢၢပ်ႈ​ပၼ်​ၵႃႈ​ၼႂ်း​မိုဝ်း ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ၵူဝ်ႇ​ရမ်ႇ​ဢွၼ်ႇ​ၸၢႆး​ဢၼ်​ပႂ်ႉ​ၽၵ်း​တူ​ႁေႃ​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="28">ယၢမ်း​မိူဝ်ႈ​ဢၼ်​ၶုၼ်​ႁေႃ​ၶမ်း​ဢွၵ်ႇ​ၸူး ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ၊ ၵူၼ်း​ၵူဝ်ႇ​ရမ်ႇ​ဢွၼ်ႇ​ၸၢႆး​ၸဝ်ႈ​တင်း​လၢႆ​ဢွၼ်​ၵၼ်​ပႃး​ဢဝ် ၶိူင်ႈ​ႁႄႉ​လၢၵ်ႈ​ၼၢၵ်ႈ​ၸိူဝ်း​ၼၼ်ႉ​လႄႈ လိုၼ်း​ၼၼ်ႉ​သမ်ႉ​ဢွၼ်​ၵၼ်​ၶိုၼ်း​ဝႆႉ ၵႃႈ​တီႈ​လုၵ်း​တီႈ​ဢၼ်​ၶဝ်​ပႂ်ႉ​ၼၼ်ႉ​ဢေႃႈ။</verse>
				<verse number="29">လွင်ႈ​တၢင်း​ ရူဝ်းပုမ်ႇ ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​ဢေႃႈ။-</verse>
				<verse number="30">ရူဝ်းပုမ်ႇ ဢိၵ်ႇ​တင်း​ ယေႇရူဝ်းပုမ်ႇ ​ၼၼ်ႉ ပဵၼ်​သိုၵ်း​ပဵၼ်​သိူဝ်​ၵၼ်​ယူႇ​သေႇ​သေႇ​ဢေႃႈ။-</verse>
				<verse number="31">ရူဝ်းပုမ်ႇ ​ၼၼ်ႉ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​ၸိူဝ်း​ၼၼ်ႉ ၵႃႈ​ၼႂ်း​ဝဵင်း​ တႃႇဝိတ်ႈ ​ဢေႃႈ။ မႄႈ​မၼ်း​ၸမ်ႉ၊ ပဵၼ်​ ၼေႇမႃႉ မဵဝ်း​ ဢမ်ႇမုၼ်ႇ ​ဢေႃႈ။ ဢၽီႉယႃႉ လုၵ်ႈ​ၸၢႆး​ၸဝ်ႈ​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="15">
				<verse number="1">ၼႂ်း​ပီႊ​ဢၼ် ၶုၼ်​လူင်​ ယေႇရူဝ်းပုမ်ႇ ​လုၵ်ႈ​ၸၢႆး​ ၼေႇပတ်ႉ ​ၼင်ႈ​ႁၢင်ႈ​ၼင်ႈ​ႁေႃ​သိပ်း​ပၢႆ​ပႅတ်ႇ​ပီႊ​ၼၼ်ႉ ဢၽီႉယႃႉ ၸႃႉ​ဢုပ်ႉ​ပိူင်ႇ​ၸၢမ်ႇ​ၸႃး မိူင်း​ ယူႉတႃႉ ​လႄႈ</verse>
				<verse number="2">ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သၢမ်​ပီႊ​ဢေႃႈ။ ၸိုဝ်ႈ​သဵင်​မႄႈ​မၼ်း​ၸမ်ႉ၊ ပဵၼ်​ မႃႇၶႃႇ လုၵ်ႈ​ယိင်း​ ဢပႃႉသလုမ်ႇ ​ဢေႃႈ။-</verse>
				<verse number="3">မၼ်း​ၼၼ်ႉ​ႁဵတ်း​တူႉ​ၸရိူၵ်ႈ​ၵႃႈ​ဢၼ်​ၸဝ်ႈ​ပေႃႈ​မၼ်း​ႁဵတ်း​ၵႂႃႇ​ယဝ်ႉ​ၼၼ်ႉ​လႄႈ ႁူဝ်​ၸႂ်​မၼ်း​ဢမ်ႇ​ၸေး​ၸုမ်ႇ​ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း မိူၼ်​ၸိူဝ်ႉ​ၼင်ႇ​ႁူဝ်​ၸႂ်​မွၼ်ႇ​မၼ်း​ တႃႇဝိတ်ႈ ​ၼၼ်ႉ။-</verse>
				<verse number="4">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး​ၽြႃး​ပဵၼ်​ၸဝ်ႈ​မၼ်း ထွၵ်ႈ​လူၺ်ႈ​ၼႃႈ​ တႃႇဝိတ်ႈ ​လႄႈ ယုၵ်ႉ​ယွင်ႈ​လုၵ်ႈ​လၢင်း​မၼ်း​ဝၢႆး​လိုၼ်း​မၼ်း​လႄႈ ႁႂ်ႈ​ဝဵင်း​ ယေႇရူႉသလႅမ်ႇ ​တႄႇ​ယူႇ​သေ​ယဝ်ႉ၊ ႁႂ်ႈ​ဝၢၼ်ႇ​ၽႆး​တဵၼ်း​မၼ်း​လႆႈ​ႁိူဝ်ႈ​လႅင်း​ယူႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="5">လွင်ႈ​မၼ်း​ၸမ်ႉ ၼွၵ်ႈ​သေ​ဢမူႉ​ ဢူႉရီႉယႃႉ ​ၵူၼ်း​မဵဝ်း​ ႁိတ်ႉတီႉ ​ၼၼ်ႉ တႃႇဝိတ်ႈ ​ၼၼ်ႉ​ႁဵတ်း​ဢၼ်​လီ​ဢၼ်​ငၢမ်း သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ဢမ်ႇ​ဝႄႈ​ပိူင်ႈ​သေ​လွင်ႈ​တၢင်း​ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ​တီႈ​မၼ်း​ၼၼ်ႉ​သေ​ၸိူဝ်ႉ​သေ​ပိူင်​လႄႈ​ယူႇ​ဢေႃႈ။</verse>
				<verse number="6">ဢၽီႉယႃႉ ​လုၵ်ႈ​ၸၢႆး​ ရူဝ်းပုမ်ႇ ​ၼၼ်ႉ ပဵၼ်​သိုၵ်း​ပဵၼ်​သိူဝ်​ၵၼ်​တင်း ယေႇရူဝ်းပုမ်ႇ ​ယူႇ​ၼႂ်း​ၸူဝ်ႈ​ပၢၼ်​မၼ်း​ၼၼ်ႉ​ဢေႃႈ။-</verse>
				<verse number="7">လွင်ႈ​တၢင်း​ ဢၽီႉယႃႉ ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ ဢိၵ်ႇ​တင်း​ၵႃႈ​ဢၼ်​မၼ်း​ႁဵတ်း​ၼၼ်ႉ တႅမ်ႈ​ဝႆႉ​မီး​ယူႇ​ၵႃႈ​တီႈ​ရႃႇၸဝၢင်ႇ​ ယူႉတႃႉ ​ဢေႃႈ။ ဢၽီႉယႃႉ ​တင်း ယေႇရူဝ်းပုမ်ႇ ​ၼၼ်ႉ ပဵၼ်​သိုၵ်း​ပဵၼ်​သိူဝ်​ၵၼ်​ယူႇ​ဢေႃႈ။-</verse>
				<verse number="8">ဢၽီႉယႃႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​ၸိူဝ်း​ၼၼ်ႉ​လႄႈ ၶဝ်​ဢွၼ်​ၵၼ်​ဢဝ်​မၼ်း​သၢင်း​ၵျူဝ်ႇ​ၵႃႈ​ၼႂ်း​ဝဵင်း တႃႇဝိတ်ႈ ​ဢေႃႈ။ ဢႃႇသႃႉ လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="9">ၼႂ်း​ပီႊ​ဢၼ်​ ယေႇရူဝ်းပုမ်ႇ ၶုၼ်​ႁေႃ​ၶမ်း​ ဢီႉသရေႇလႃႉ ၼင်ႈ​ႁၢင်ႈ​ၼင်ႈ​ႁေႃ​သၢဝ်း​ပီႊ​ၼၼ်ႉ၊ ဢႃႇသႃႉ ​ၸႃႉ​ဢုပ်ႉ​ပိူင်ႇ​ၸၢမ်ႇ​ၸႃး မိူင်း​ ယူႉတႃႉ ​လႄႈ၊-</verse>
				<verse number="10">ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သီႇ​သိပ်း​ပၢႆ​ဢဵတ်း​ပီႊ​ဢေႃႈ။ ၸိုဝ်ႈ​သဵင်​ၼၢႆး​ၸဝ်ႈ​ၸမ်ႉ၊ ပဵၼ်​ မႃႇၶႃႇ ဢၼ်​ပဵၼ် လုၵ်ႈ​ယိင်း​ ဢပႃႉသလုမ်ႇ ​ၼၼ်ႉ​ဢေႃႈ။-</verse>
				<verse number="11">ဢႃႇသႃႉ ​ၼၼ်ႉ ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​မွၼ်ႇ​ၸဝ်ႈ​ တႃႇဝိတ်ႈ ​ၼၼ်ႉ​ဢေႃႈ။-</verse>
				<verse number="12">မၼ်း​ပႄႇ​ၽဵဝ်ႈ​ၵူၼ်း​ဢၼ်​ၸၢင်ႈ​ၸွမ်း​ဢလူဝ်ႇ​ၵူၼ်း​ၸၢႆး​ၼင်ႇ​ၵၼ်​ၼၼ်ႉ​ပႅတ်ႈ​သေ​ၵႃႈ​ၼႂ်း​မိူင်း​ၸဝ်ႈ​လႄႈ ယႃႉ​ရုၵ်ႈ​ထူႉ​ဢၼ်​ပူႇ​ၸဝ်ႈ​မွၼ်ႇ​ၸဝ်ႈ​ႁဵတ်း​ၵႃႈ​မီး​ၼၼ်ႉ​ပႅတ်ႈ​ဢေႃႈ။-</verse>
				<verse number="13">မၼ်း​ၼုၵ်ႈ​ဢဝ်​ မႃႇၶႃႇ ဢၼ်​ပဵၼ်​ၼၢႆး​ၸဝ်ႈ​ၼၼ်ႉ ဢွၵ်ႇ​ပႅတ်ႈ​သေ​ၵႃႈ​ၼႂ်း​ဢရႃႇ​ၼၢင်း​ႁေႃ​ၶမ်း ၵွပ်ႈ​ပိူဝ်ႈ​ဢၼ်​မၼ်း​ၼၼ်ႉ​ႁဵတ်း​ရုၵ်ႈ​ထူႉ​ဢၼ်​လီ​ႁင်ႈ​ဢဵတ်ႇ​သဵတ်ႇ ပုၼ်ႈ​တူၼ်ႈ​ ဢႃႇသရႃႉ ​ၼၼ်ႉ​လႄႈ ဢႃႇသႃႉ ​ပမ်ႈ​ရုၵ်ႈ​ထူႉ​မၼ်း​လူမ်ႉ​လႄႈ ဢဝ်​တုတ်ႇ​ၽႆး​ပႅတ်ႈ​ၵႃႈ​တီႈ​ႁိမ်း​ၼမ်ႉ​ႁွင်ႈ​ ၵီႉတြုၼ်ႇ ​ဢေႃႈ။-</verse>
				<verse number="14">ပိၵ်ႉ​သမ်ႉ​မၼ်း​ဢမ်ႇ​ပႄႇ​ပႅတ်ႈ​ထႃႇၼႃႉ​တီႈ​သုင်​တင်း​လၢႆ​သေ​ၵေႃႈ၊ ႁူဝ်​ၸႂ်​ ဢႃႇသႃႉ ​ၼၼ်ႉ မီး​တၢင်း​ဢၼ်​ၸေး​ၸုမ်ႇ​ယူႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ယူႇ​ၼႂ်း​ၸူဝ်ႈ​ၼႂ်း​ပၢၼ်​မၼ်း​ၼၼ်ႉ​တဵမ်​တဵမ်​ဢေႃႈ။-</verse>
				<verse number="15">မၼ်း​ဢဝ်​ဢုၵ်ႉ​ၸႃႇ​ဢၼ်​ၸဝ်ႈ​ပေႃႈ​မၼ်း​လူႇ​တၢၼ်း၊ ဢုၵ်ႉ​ၸႃႇ​ဢၼ်​လူႇ​တၢၼ်း၊ ငိုၼ်း၊ ၶမ်း၊ ၶိူင်ႈ​ပိူင်​ၸိူဝ်း​ၼၼ်ႉ​သႂၢင်း​သႂ်ႇ​ဝႆႉ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ဢေႃႈ။</verse>
				<verse number="16">ဢႃႇသႃႉ တင်း​ ပႃႇသႃႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ပဵၼ်​သိုၵ်း​ပဵၼ်​သိူဝ်​ၵၼ်​ယူႇ ၼႂ်း​ၸူဝ်ႈ​ပၢၼ်​ၶဝ်​ၼၼ်ႉ​တဵမ်​တဵမ်​ဢေႃႈ။-</verse>
				<verse number="17">ၽဝ်ႇ​ၼိုင်ႈ ပႃႇသႃႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ၶီႇ​သိုၵ်း​ၸူး​ၵႃႈ​တီႈ​မိူင်း​ ယူႉတႃႉ ​လႄႈ တႄႇ​ႁဵတ်း​ဝဵင်း​ ရႃႇမႃႉ ႁႂ်ႈ​ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ဢွၵ်ႇ​ဢမ်ႇ​ၶဝ်ႈ​တီႈ ဢႃႇသႃႉ ​ၶုၼ်​ႁေႃ​ၶမ်း​ ယူႉတႃႉ ​လႆႈ​ဢေႃႈ။-</verse>
				<verse number="18">မိူဝ်ႈ​ၼၼ်ႉ​ ဢႃႇသႃႉ ​ဢဝ်​ငိုၼ်း​ၶမ်း​ၵႃႈ​ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ​ၵႃႈ​ၼႂ်း​ၽၼ်ႇတႃႇ​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ၽၼ်ႇတႃႇ​ႁေႃ​ၸဝ်ႈ​ၸိူဝ်း​ၼၼ်ႉ ဢၢပ်ႈ​ၵႃႈ​ၼႂ်း​မိုဝ်း​ၶႃႈ​မၼ်း​ၵူၼ်း​မၼ်း​တင်း​လၢႆ​သေ​လႄႈ ပၼ်​ၵႂႃႇ​ၵႃႈ​တီႈ​ ပိၼ်ႇႁႃႇတတ်ႉ လုၵ်ႈ​ၸၢႆး​ တႃႇပရီႉမုၼ်ႇ လုၵ်ႈ​ၸၢႆး​ ႁေႇၸုၼ်ႇ ၶုၼ်​ႁေႃ​ၶမ်း​ သူႉရီႉ ဢၼ်​ယူႇ​ၵႃႈ​တီႈ​ဝဵင်း​ ထမ်ႇမသႅတ်ႉ ​ၼၼ်ႉ​လႄႈ၊-</verse>
				<verse number="19">သင်ႇ​လၢတ်ႈ​ၵႂႃႇ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​ၶႃႈ ဢိၵ်ႇ​တင်း​ၸဝ်ႈ မီး​တၢင်း​ဢၼ်​ႁဵတ်း​မိၵ်ႉသႃႇႁႃယႃႉ ၵေႃႉ​သေႈ​ၵၼ်​မိူၼ်​ၸိူဝ်ႉ​ၼင်ႇ​ဢၼ်​လႆႈ​ပဵၼ်​မႃး​ယဝ်ႉ​တီႈ​ၸဝ်ႈ​ပေႃႈ​ၵဝ်​ၶႃႈ ဢိၵ်ႇ​တင်း​ၸဝ်ႈ​ပေႃႈ​ၸဝ်ႈ​ၼၼ်ႉ​လႄႈ ၵဝ်​ၶႃႈ​ဢဝ်​ငိုၼ်း​ၶမ်း​ႁဵတ်း​လၢၵ်ႈ​သွင်ႇ​ပၼ်​မႃး​တီႈ​ၸဝ်ႈ​ဢေႃႈ။ ၶႅၼ်း​တေႃႈ​ၵႂႃႇ​လႄႈ​ယႃႉ​မိၵ်ႉသႃႇႁႃယႃႉ​ဢၼ်​ႁဵတ်း​လူၺ်ႈ​ၵၼ်​တင်း​ ပႃႇသႃႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​ပႅတ်ႈ ႁႂ်ႈ​မၼ်း​လႆႈ​ဢွၵ်ႇ​သေ​ၵႃႈ​တီႈ​ၵဝ်​ၶႃႈ​ၼႆႉ​ၵႂႃႇ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ပိၼ်ႇႁႃႇတတ်ႉ ​ၼၼ်ႉ ထွမ်ႇ​ဢဝ်​ၵႂၢမ်း​ၶုၼ်​လူင်​ ဢႃႇသႃႉ ​လႄႈ ပွႆႇ​ၸႂ်ႉ​ပူဝ်ႇ​မၼ်း​တင်း​လၢႆ ႁႂ်ႈ​ၶီႇ​သိုၵ်း​ၵႂႃႇ​ၵႃႈ​တီႈ​ဝၢၼ်ႈ​ဝဵင်း​ ဢီႉသရေႇလႃႉ ​လႄႈ ၶဝ်​ၼၼ်ႉ​ယႃႉ​ၽဵဝ်ႈ​ဝဵင်း​ ဢီႉယုၼ်ႇ ၊ ဝဵင်း​ တၢၼ်ႇ ၊ ဝဵင်း​ ဢႃႇပေႇလႃႉပႅတ်ႉမႃႇၶႃႉ ဢိၵ်ႇ​တင်း​မိူင်း​ ၵိၼ်ႇၼီႇသရႅတ်ႉ ​တင်း​မိူင်း ဢိၵ်ႇ​တင်း​မိူင်း​ ၼပ်ႉထလီႉ ​တင်း​မိူင်း​ဢေႃႈ။-</verse>
				<verse number="21">ပႃႇသႃႉ ​ငိၼ်း​လွင်ႈ​ၼၼ်ႉ​သေ​ယဝ်ႉ၊ ယင်း​ဢမ်ႇ​ႁဵတ်း​ႁႂ်ႈ​ဝဵင်း​ ရႃႇမႃႉ ​ယဝ်ႉ​တူဝ်ႈ​လႄႈ လႆႈ​ယူႇ​ၵႃႈ​တီႈ​ဝဵင်း​ တီႉရၸႃႉ ​ဢေႃႈ။-</verse>
				<verse number="22">မိူဝ်ႈ​ၼၼ်ႉ ၶုၼ်​လူင်​ ဢႃႇသႃႉ ​ၼၼ်ႉ ႁႂ်ႈ​ဢဝ်​ဢမိင်ႉ​ၸဝ်ႈ​ႁွင်ႉ​ပၢဝ်ႇ​ႁွင်ႉ​သေႃႇ​ၵႃႈ​ၼႂ်း​မိူင်း​ ယူႉတႃႉ တင်း​သဵင်ႈ​တင်း​မူတ်း​လႄႈ ဢမ်ႇ​လွတ်ႈ​သေ​ၵေႃႉ​သေ​ၵူၼ်း။ ၶဝ်​ဢွၼ်​ၵၼ်​ဢဝ်​မၢၵ်ႇ​ႁိၼ်​ၵႃႈ​တီႈ​ဝဵင်း​ ရႃႇမႃႉ ဢိၵ်ႇ​တင်း​မႆႉ​မၼ်း​ဢၼ်​ ပႃႇသႃႉ ​ဢဝ်​တႄႇ​ႁဵတ်း​ၸိူဝ်း​ၼၼ်ႉ​ၵႂႃႇ​လႄႈ၊ ၶုၼ်​လူင်​ ဢႃႇသႃႉ ​ၼၼ်ႉ ဢဝ်​တႄႇ​ႁဵတ်း​ဝဵင်း​ ၵေႇပႃႉ ၵႃႈ​ၼႂ်း​လိၼ်​ ပိၼ်ႇယႃႇမိၼ်ႇ ဢိၵ်ႇ​တင်း​ဝဵင်း​ မီႉၸပႃႇ ​ဢေႃႈ။-</verse>
				<verse number="23">လွင်ႈ​တၢင်း​ ဢႃႇသႃႉ ၵႃႈ​ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ဢၼ်​တၼ်း​ၶူဝ်း​မၼ်း​ယႂ်ႇ၊ လွင်ႈ​တၢင်း​ၵႃႈ​ဢၼ်​မၼ်း​ႁဵတ်း၊ လွင်ႈ​တၢင်း​ဢၼ်​တႄႇ​ႁဵတ်း​ဝဵင်း​တင်း​လၢႆ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​ဢေႃႈ။ ၼႂ်း​ၼၼ်ႉ၊ မိူဝ်ႈ​ဢၼ်​မၼ်း​ဢသၢၵ်ႈ​ယႂ်ႇ​ၼၼ်ႉ​ၸိုင် တၢင်း​ၶႆႈ​တၢင်း​ပဵၼ်​ၸပ်း​တီႈ​တိၼ်​ၸဝ်ႈ​ဢေႃႈ။-</verse>
				<verse number="24">ဢႃႇသႃႉ ​ၼၼ်ႉ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​ၸိူဝ်း​ၼၼ်ႉ ၵႃႈ​ၼႂ်း​ဝဵင်း​ၸဝ်ႈ​ပေႃႈ​မၼ်း​ တႃႇဝိတ်ႈ ​ၼၼ်ႉ​ဢေႃႈ။ ယူဝ်းသၽတ်ႉ ​လုၵ်ႈ​ၸၢႆး​မၼ်း​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ် ၸဝ်ႈ​ပေႃႈ​မၼ်း​ဢေႃႈ။</verse>
				<verse number="25">ၼႂ်း​ပီႊ​ဢၼ်​ ဢႃႇသႃႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သွင်​ပီႊ​ၼၼ်ႉ၊ ၼႃႇတပ်ႉ ​လုၵ်ႈ​ၸၢႆး​ၸဝ်ႈ​ ယေႇရူဝ်းပုမ်ႇ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ ၵႃႈ​ၼႂ်း​မိူင်း​ ဢီႉသရေႇလႃႉ ​လႄႈ​ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ​သွင်​ပီႊ​ဢေႃႈ။-</verse>
				<verse number="26">မၼ်း​ၼၼ်ႉ​ႁဵတ်း​တူႉ​ၸရိူၵ်ႈ သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ၸွမ်း​သဵၼ်ႈ​တၢင်း​ဢၼ်​ၸဝ်ႈ​ပေႃႈ​မၼ်း​ၸွမ်း​ၼၼ်ႉ ဢိၵ်ႇ​တင်း​ဢပႅတ်ႈ​တၢင်း​ဢၼ်​မၼ်း​ႁႂ်ႈ​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ၼၼ်ႉ​ဢေႃႈ။</verse>
				<verse number="27">ပႃႇသႃႉ ​လုၵ်ႈ​ၸၢႆး​ ဢႁီႉယႃႉ ​မဵဝ်း​ ဢီႉသၶႃႇ ​ၼၼ်ႉ လွမ်​ႁဵတ်း​မုၵ်ႉ​ႁဵတ်း​ၸိူဝ်း​လႄႈ၊ ၼႂ်း​မိူဝ်ႈ​ဢၼ်​ ၼႃႇတပ်ႉ ဢိၵ်ႇ​တင်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ယင်း​တိုၵ်ႉ​လွမ်ႉ​ဝဵင်း​ ၵီႉပေႉသုၼ်ႇ မိူင်း​ ၽီႉလိတ်ႉတီႉ ​ယူႇ​ၼၼ်ႉ​ၸိုင်၊ ပႃႇသႃႉ ​ၼၼ်ႉ ယႃႉ​မၼ်း​ပႅတ်ႈ​ၵႃႈ​တီႈ​ဝဵင်း​ ၵီႉပေႉသုၼ်ႇ ​ၼၼ်ႉ​ဢေႃႈ။-</verse>
				<verse number="28">ၼႂ်း​ပီႊ​ဢၼ်​ ဢႃႇသႃႉ ​ၶုၼ်​ႁေႃ​ၶမ်း​ ယူႉတႃႉ ၼင်ႈ​ႁၢင်ႈ​ၼင်ႈ​ႁေႃ​သၢမ်​ပီႊ​ၼၼ်ႉ၊ ပႃႇသႃႉ ​ယႃႉ​မၼ်း​ပႅတ်ႈ​သေ​လႄႈ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ဢေႃႈ။-</verse>
				<verse number="29">မိူဝ်ႈ​ဢၼ်​မၼ်း​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ၊ မၼ်း​ယႃႉ​မဵဝ်း​ ယေႇရူဝ်းပုမ်ႇ ​ၵႃႈ​မီး​ပႅတ်ႈ​ဢေႃႈ။ မၼ်း​ဢမ်ႇ​ဝႆႉ​ၵိုတ်း​ဝႆႉ​ၵျၢၼ်ႇ​ၵေႃႉ​ဢၼ်​လႆႈ​ထူၺ်ႈ​ၸႂ်​ယူႇ ၼႂ်း​မဵဝ်း​ ယေႇရူဝ်းပုမ်ႇ ​ၼၼ်ႉ သေ​ၵေႃႉ​သေ​ၵူၼ်း​တေႃႇ​ထိုင်​ႁွတ်ႈ​ႁႂ်ႈ​ထၼ်ႈ​ပေႃးလူႉ​လဵဝ်​ပႅတ်ႈ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​ဝႆႉ တီႈ​ ဢႁီႉယႃႉ ၵူၼ်း​ဝဵင်း​ သီႉလေႃႇ ​ၼၼ်ႉ​ဢေႃႈ။-</verse>
				<verse number="30">လွင်ႈ​မၼ်း​ၸမ်ႉ ပဵၼ်​ၵွပ်ႈ​ပိူဝ်ႈ​ဢပႅတ်ႈ​ဢၼ်​တူဝ်​ ယေႇရူဝ်းပုမ်ႇ ၽိတ်း​ပိူင်ႈ ဢိၵ်ႇ​တင်း​မၼ်း​ႁႂ်ႈ​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ဢၼ်​ဝႃႈ တၢင်း​ဢၼ်​တိုၵ်း​ယူင်း​ဢၼ်​မၼ်း​တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ ဢီႉသရေႇလႃႉ ​ၼၼ်ႉ​ဢေႃႈ။</verse>
				<verse number="31">လွင်ႈ​တၢင်း​ ၼႃႇတပ်ႉ ၵႃႈ​ဢၼ်​ယင်း​ၵိုတ်း​ယင်း​ၵျၢၼ်ႇ လွင်ႈ​တၢင်း​ၵႃႈ​ဢၼ်​မၼ်း​ႁဵတ်း​ၼၼ်ႉ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ ဢီႉသရေႇလႃႉ ​ဢေႃႈ။-</verse>
				<verse number="32">ဢႃႇသႃႉ တင်း​ ပႃႇသႃႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ပဵၼ်​သိုၵ်း​ပဵၼ်​သိူဝ်​ၵၼ်​ယူႇ​ၼႂ်း​ၸူဝ်ႈ​ပၢၼ်​သွင်​ၶႃ​ၼၼ်ႉ​တဵမ်​တဵမ် ဢေႃႈ။</verse>
				<verse number="33">ၼႂ်း​ပီႊ​ဢၼ်​ ဢႃႇသႃႉ ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သၢမ်​ပီႊ​ၼၼ်ႉ၊ ပႃႇသႃႉ ​လုၵ်ႈ​ၸၢႆး​ ဢႁီႉယႃႉ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ မိူင်း​ ဢီႉသရေႇလႃႉ ၵႃႈ​တီႈ​ဝဵင်း​ တီႉရၸႃႉ ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​သၢဝ်း​ပၢႆ​သီႇ​ပီႊ​ဢေႃႈ။-</verse>
				<verse number="34">မၼ်း​ၼၼ်ႉ ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ၸွမ်း​သဵၼ်ႈ​တၢင်း​ဢၼ်​ ယေႇရူဝ်းပုမ်ႇ ​ၸွမ်း ဢိၵ်ႇ​တင်း​ဢပႅတ်ႈ တၢင်း​ဢၼ်​မၼ်း​ႁႂ်ႈ​မဵဝ်း​ၵူၼ်း​ ဢီႉသရေႇလႃႉ ၽိတ်း​ပိူင်ႈ​ၼၼ်ႉ​ဢေႃႈ။</verse>
			</chapter>
			<chapter number="16">
				<verse number="1">ၼုၵ်ႈၵပၢတ်ႈ​ထႃႇဝရႃႉ​ၽြႃး ဢဝ်​လွင်ႈ​ ပႃႇသႃႉ ​သေ​လႄႈ ႁွတ်ႈ​မႃး​တီႈ​ ယေႇႁူႉ လုၵ်ႈ​ၸၢႆး​ ႁႃႇၼၼီႉ ​ၼၼ်ႉ​ၸမ်ႉ၊-</verse>
				<verse number="2">ၵဝ်​ဢဝ်​မႂ်း​သေ​ၵႃႈ​ၼႂ်း​မုၼ်ႈ​လိၼ်​လႄႈ ယုၵ်ႉ​ယွင်ႈ​မႂ်း​ဝႆႉ ႁႂ်ႈ​မႂ်း​လႆႈ​ပဵၼ်​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ၵဝ်​မဵဝ်း​ ဢီႉသရေႇလႃႉ သေ​ၵေႃႈ၊ ၵွပ်ႈ​ပိူဝ်ႈ​ဢၼ်​မႂ်း​ၸွမ်း​သဵၼ်ႈ​တၢင်း​ ယေႇရူဝ်းပုမ်ႇ ​ၼၼ်ႉ​ယူႇ​သေ​လႄႈ ႁဵတ်း​ႁႂ်ႈ​ၵူၼ်း​ၵဝ်​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​လႄႈ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ် ၵွပ်ႈ​ပိူဝ်ႈ​ဢပႅတ်ႈ​ၶဝ်​ၼၼ်ႉ​လႄႈ၊-</verse>
				<verse number="3">ၵဝ်​တၵ်း​ပႄႇ​ၽဵဝ်ႈ​ ပႃႇသႃႉ ဢိၵ်ႇ​တင်း​မဵဝ်း​ၸိူဝ်ႉ​ၶိူဝ်း​မၼ်း​ပႅတ်ႈ​လႄႈ တၵ်း​ႁႂ်ႈ​မဵဝ်း​ၸိူဝ်ႉ​ၶိူဝ်း​မႂ်း​ပဵၼ်​ၸိူဝ်ႉ​ၼင်ႇ​မဵဝ်း​ၸိူဝ်ႉ​ၶိူဝ်း ယေႇရူဝ်းပုမ်ႇ လုၵ်ႈ​ၸၢႆး​ ၼေႇပတ်ႉ ​ၼၼ်ႉ​ဢေႃႈ။-</verse>
				<verse number="4">ၵူၼ်း​မဵဝ်း​ၸိူဝ်ႉ​ၶိူဝ်း​ ပႃႇသႃႉ ​ၼၼ်ႉ ပေႃး​တၢႆ​ၵႃႈ​ၼႂ်း​ဝဵင်း​ၸိုင်​မႃ​တၵ်း​ၵိၼ်​ဢေႃႈ။ ပေႃး​တၢႆ​ၵႃႈ​ၼွၵ်ႈ​ၵႃႈ​ပၢင်ႇ​ၸိုင်၊ ၼူၵ်ႉ​ၵၢင်​ႁၢဝ်​တၵ်း​ၵိၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">လွင်ႈ​တၢင်း​ ပႃႇသႃႉ ​ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ဢၼ်​မၼ်း​ႁဵတ်း၊ လွင်ႈ​တၢင်း​ဢၼ်​တၼ်း​ၶူဝ်း​မၼ်း​ယႂ်ႇ​ၸိူဝ်း​ၼၼ်ႉ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ ဢီႉသရေႇလႃႉ ​ဢေႃႈ။-</verse>
				<verse number="6">ပႃႇသႃႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ တီႉရၸႃႉ ​ဢေႃႈ။ ဢေးလႃႇ လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။-</verse>
				<verse number="7">ပဵၼ်​မႅၼ်ႈ​ၸွမ်း​ၵႃႈ​ၼင်ႇ​ၼုၵ်ႈၵပၢတ်ႈ​ထႃႇဝရႃႉ​ၽြႃး​ဢၼ် ဢဝ်​လွင်ႈ​ ပႃႇသႃႉ ဢိၵ်ႇ​တင်း​မဵဝ်း​ၸိူဝ်ႉ​ၶိူဝ်း​မၼ်း​သေ​လႄႈ ႁွတ်ႈ​မႃး​တီႈ​ ယေႇႁူႉ လုၵ်ႈ​ၸၢႆး​ ႁႃႇၼၼီႉ ၵွပ်ႈ​ပိူဝ်ႈ​ဢပႅတ်ႈ ၵႃႈ​ဢၼ်​မၼ်း​ၽိတ်း​ပိူင်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ဢဝ်​လွင်ႈ​တၢင်း​ဢၼ်​မၼ်း​ႁဵတ်း​ၸိူဝ်း​ၼၼ်ႉ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ ဢၼ်​ဝႃႈ​ဢပႅတ်ႈ​ဢၼ်​မၼ်း​ႁဵတ်း​မိူၼ်​ၵၼ်​တင်း မဵဝ်း​ၸိူဝ်ႉ​ၶိူဝ်း ယေႇရူဝ်းပုမ်ႇ ဢိၵ်ႇ​တင်း​ၵွပ်ႈ​ပိူဝ်ႈ​ဢပႅတ်ႈ ဢၼ်​မၼ်း​ယႃႉ​ၽဵဝ်ႈ​မဵဝ်း​ၸိူဝ်ႉ​ၶိူဝ်း​ၸဝ်ႈ​ၼၼ်ႉ​ပႅတ်ႈ​ၼၼ်ႉ​ဢေႃႈ။</verse>
				<verse number="8">ၼႂ်း​ပီႊ​ဢၼ် ဢႃႇသႃႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သၢဝ်း​ပၢႆ​ႁူၵ်း​ပီႊ​ၼၼ်ႉ၊ ဢေးလႃႇ ​လုၵ်ႈ​ၸၢႆး​ ပႃႇသႃႉ ​ၼၼ်ႉ ယူႇ​ၵႃႈ​တီႈ​ဝဵင်း တီႉရၸႃႉ ​လႄႈ လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ သၢမ်​ပီႊ​သေ​ယဝ်ႉ၊-</verse>
				<verse number="9">ၶႃႈ​မၼ်း​ ၸီႉမရီႉ ၊ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁူဝ်​ႁၢၼ်​ၵူၼ်း​သိုၵ်း ၶီႇ​လေႃႉရထႃး​မၼ်း​တင်း​လၢႆ​ၶိုင်ႈ​ၼိုင်ႈ​ၼၼ်ႉ လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​မၼ်း​လႄႈ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၵိၼ်​လဝ်ႈ​ထၼ်ႈ​ပေႃး​မဝ်း​လဝ်ႈ​မဝ်း​ၵမ် ယူႇ​ၵႃႈ​ၼႂ်း​ႁိူၼ်း ဢႃႇၸႃႉ ၵူၼ်း​ဢုပ်ႉ​ႁေႃ​ၸဝ်ႈ ၼႂ်း​ဝဵင်း​ တီႉရၸႃႉ ​ယူႇ​ၼၼ်ႉ​ၸိုင်၊-</verse>
				<verse number="10">ၼႂ်း​ပီႊ​ဢၼ်​ ဢႃႇသႃႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သၢဝ်း​ပၢႆ​ၸဵတ်း​ပီႊ​ၼၼ်ႉ၊ ၸီႉမရီႉ ​ၼၼ်ႉ​ၶဝ်ႈ​ၸူး​သေ​လႄႈ​ႁဵတ်း​တီႈ​မၼ်း​လႄႈ ဢဝ်​မၼ်း​တၢႆ​သေ​ယဝ်ႉ၊ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ဢေႃႈ။-</verse>
				<verse number="11">မိူဝ်ႈ​ဢၼ်​မၼ်း​ၸႃႉ​ၸၢမ်ႇ​ႁၢင်ႈ​ၸၢမ်ႇ​ႁေႃ​လႄႈ ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ၼၼ်ႉ​ၸိုင် မၼ်း​ဢဝ်​မဵဝ်း​ၸိူဝ်ႉ​ၶိူဝ်း​ ပႃႇသႃႉ ​ၵႃႈ​မီး​တင်း​သဵင်ႈ​တင်း​လူင်​တၢႆ​ဢေႃႈ၊​မၼ်း​ဢမ်ႇ​ဝႆႉ​ၵိုတ်း​ဝႆႉ​ၵျၢၼ်ႇ ၵူၼ်း​ၸၢႆး​ဢၼ်​ပဵၼ်​ပီႈ​ပဵၼ်​ၼွင်ႉ​ၵၼ်​တင်း​ ပႃႇသႃႉ ၊ ၵူၼ်း​ၸၢႆး​ဢၼ်​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​မၼ်း​ၼၼ်ႉ​သေ​ၵေႃႉ​သေ​ၵူၼ်း။-</verse>
				<verse number="12">ၼင်ႇ​ၼႆ​လႄႈ ၸီႉမရီႉ ယႃႉ​ၽဵဝ်ႈ​မဵဝ်း​ၸိူဝ်ႉ​ၶိူဝ်း​ ပႃႇသႃႉ ​ၵႃႈ​မီး​တင်း​သဵင်ႈ​တင်း​လူင်​ပႅတ်ႈ မႅၼ်ႈ​ၸွမ်း​ၵႃႈ​ၼင်ႇ​ၵႂၢမ်း​ဢၼ်​ထႃႇဝရႃႉ​ၽြႃး ဢဝ်​လွင်ႈ​ ပႃႇသႃႉ ​သေ​လႄႈ ဢဝ်​ပရေႃးၽႅတ်ႈ​ ယေႇႁူႉ ​မီး​ဢမိင်ႉ​ၸဝ်ႈ​ဝႆႉ​ၼၼ်ႉ။-</verse>
				<verse number="13">ၵွပ်ႈ​ပိူဝ်ႈ​ဢပႅတ်ႈ​ ပႃႇသႃႉ ​ၵႃႈ​မီး​ဢိၵ်ႇ​တင်း​ဢပႅတ်ႈ​လုၵ်ႈ​ၸၢႆး​မၼ်း​ ဢေးလႃႇ ဢၼ်​ၶဝ်​ၽိတ်း​ပိူင်ႈ​သေ​လႄႈ ႁႂ်ႈ​မဵဝ်း ဢီႉသရေႇလႃႉ ​ၽိတ်း​ပိူင်ႈ ႁႂ်ႈ​လႆႈ​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ လူၺ်ႈ​လွင်ႈ​မိၵ်ႉသႃႇတိၵ်ႉထီႉ​ၶဝ်​ၼၼ်ႉ​ဢေႃႈ။-</verse>
				<verse number="14">လွင်ႈ​တၢင်း​ ဢေးလႃႇ ဢၼ်​ယင်း​ၵိုတ်း​ယင်း​ၵျၢၼ်ႇ ဢိၵ်ႇ​တင်း​လွင်ႈ​တၢင်း​ၵႃႈ​ဢၼ်​မၼ်း​ႁဵတ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ ဢီႉသရေႇလႃႉ ​ဢေႃႈ။</verse>
				<verse number="15">ၼႂ်း​ပီႊ​ဢၼ် ဢႃႇသႃႉ ​ၶုၼ်​ႁေႃ​ၶမ်း​ ယူႉတႃႉ ၼင်ႈ​ႁၢင်ႈ​ၼင်ႈ​ႁေႃ​သၢဝ်း​ပၢႆ​ၸဵတ်း​ပီႊ​ၼၼ်ႉ၊ ၸီႉမရီႉ ဢုပ်ႉ​ပိူင်ႇ​ၸၢမ်ႇ​ၸႃး ၵႃႈ​ၼႂ်း​ဝဵင်း​ တီႉရၸႃႉ ၸဵတ်း​ဝၼ်း​ဢေႃႈ၊ ၼႂ်း​ၶိင်ႇ​မိူဝ်ႈ​ၼၼ်ႉ​ၵူၼ်း​တင်း​လၢႆ​လႆႈ​ၶျႃး​တပ်ႉ​ၶဝ်​ယူႇ​ၽၢႆႇ​ၼိုင်ႈ တင်း​ဝဵင်း​ ၵီႉပေႉသုၼ်ႇ ဢၼ်​ၵူၼ်း​ ၽီႉလိတ်ႉတီႉ ပိူင်ႇ​ၼၼ်ႉ​ယူႇ​ဢေႃႈ။-</verse>
				<verse number="16">ၶဝ်​ၸိူဝ်း​ဢၼ်​ၶျႃး​တပ်ႉ​ၶဝ်​ယူႇ​ၸိူဝ်း​ၼၼ်ႉ ငိၼ်း​လွင်ႈ​ဢၼ်​ ၸီႉမရီႉ ႁဵတ်း​မုၵ်ႉ​ႁဵတ်း​ၸိူဝ်း​သေ​လႄႈ ဢဝ်​ၶုၼ်​ႁေႃ​ၶမ်း​တၢႆ ၸိူဝ်ႉ​ၼင်ႇ​ၼၼ်​ၼၼ်ႉ​သေ​ယဝ်ႉ၊ ၼႂ်း​ဝၼ်း​ၼၼ်ႉ​ၵမ်း​လဵဝ် ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ဢဝ်​ၶုၼ်​ပူဝ်ႇ​ၶျုၵ်ႈ​ ဢေႃးမရီႉ ႁဵတ်း​ၶုၼ်​ႁေႃ​ၶမ်း​ၵႃႈ​ၼိူဝ်​မဵဝ်း​ ဢီႉသရေႇလႃႉ ​ၵႃႈ​ၼႂ်း​တပ်ႉ​ၼၼ်ႉ​ဢေႃႈ။-</verse>
				<verse number="17">ဢေႃးမရီႉ ​ၼၼ်ႉ ဢိၵ်ႇ​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ၵႃႈ​ဢၼ်​မီး​ၵႃႈ​တီႈ​မၼ်း​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​သေ​ၵႃႈ​တီႈ​ဝဵင်း​ ၵီႉပေႉသုၼ်ႇ ၶိုၼ်ႈ​ၸူး​လႄႈ လွမ်ႉ​ဝဵင်း​ တီႉရၸႃႉ ​ဝႆႉ​ဢေႃႈ။-</verse>
				<verse number="18">မိူဝ်ႈ​ဢၼ်​ ၸီႉမရီႉ ႁူႉ​ႁၼ်​လွင်ႈ​ဢၼ်​တိုၵ်း​ဢဝ်​ဝဵင်း​လႄႈ​လႆႈ​ယဝ်ႉ​ၼၼ်ႉ​ၸိုင်၊ မၼ်း​ၶဝ်ႈ​ၵႃႈ​ၼႂ်း​တပ်ႉ​ဢၼ်​မီး​ၵႃႈ​ၼႂ်း​ႁေႃ​ၸဝ်ႈ​လႄႈ ဢဝ်​ၽႆး​တုတ်ႇ​ႁေႃ​ၸဝ်ႈ​ၼၼ်ႉ ၵႃႈ​ၼိူဝ်​တူဝ်​မၼ်း​လႄႈ​တူဝ်​မၼ်း​လႆႈ​တၢႆ၊-</verse>
				<verse number="19">ၵွပ်ႈ​ပိူဝ်ႈ​ဢပႅတ်ႈ​ဢၼ်​မၼ်း​ၽိတ်း​ပိူင်ႈ ၼႂ်း​လွင်ႈ​ဢၼ်​မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ၸွမ်း​သဵၼ်ႈ​တၢင်း​ဢၼ်​ ယေႇရူဝ်းပုမ်ႇ ​ၸွမ်း​ၼၼ်ႉ ဢိၵ်ႇ​တင်း​ဢပႅတ်ႈ​ဢၼ်​မၼ်း​ၼၼ်ႉ​ႁဵတ်း​လႄႈ ႁႂ်ႈ​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ၼၼ်ႉ​ဢေႃႈ။-</verse>
				<verse number="20">လွင်ႈ​တၢင်း​ ၸီႉမရီႉ ဢၼ်​ယင်း​ၵိုတ်း​ယင်း​ၵျၢၼ်ႇ ဢိၵ်ႇ​တင်း​လွင်ႈ​တၢင်း​ဢၼ်​မၼ်း​ပုင်ႇ​ၵၢၼ်ႇ​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ ဢီႉသရေႇလႃႉ ​ဢေႃႈ။</verse>
				<verse number="21">မိူဝ်ႈ​ၼၼ်ႉ​ၵူၼ်း​မိူင်း​ ဢီႉသရေႇလႃႉ ​တင်း​လၢႆ ပဵၼ်​သွင်​ၽၢၵ်ႇ​သွင်​လူင်​ၵႂႃႇ​လႄႈ​ၶိုင်ႈ​ၼိုင်ႈ ၸွမ်း​လင် တီႉပၼီႉ လုၵ်ႈ​ၸၢႆး​ ၵီႉၼတ်ႉ ႁႂ်ႈ​လႆႈ​ဢဝ်​မၼ်း​ႁဵတ်း​ၶုၼ်​ႁေႃ​ၶမ်း​ဢေႃႈ။ ၶိုင်ႈ​ၼိုင်ႈ​ၸမ်ႉ၊ ၸွမ်း​လင်​ ဢေႃးမရီႉ ​ဢေႃႈ။-</verse>
				<verse number="22">ၶဝ်​ၸိူဝ်း​ဢၼ်​ၸွမ်း​လင်​ ဢေႃးမရီႉ ​ၼၼ်ႉ ပႄႉ​ၼႅင်ႇ​ၶဝ်​ၸိူဝ်း​ဢၼ် ၸွမ်း​လင်​ တီႉပၼီႉ ​လုၵ်ႈ​ၸၢႆး​ ၵီႉၼတ်ႉ ​ၼၼ်ႉ​သေ​ယဝ်ႉ၊ တီႉပၼီႉ ​တၢႆ​လႄႈ ဢေႃးမရီႉ ​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​ဢေႃႈ။</verse>
				<verse number="23">ၼႂ်း​ပီႊ​ဢၼ်​ ဢႃႇသႃႉ ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သၢမ်​သိပ်း​ပၢႆ​ဢဵတ်း​ပီႊ​ၼၼ်ႉ၊ ဢေႃးမရီႉ ​ၸႃႉ​ၼင်ႈ​ႁၢင်ႈ​ၼင်ႈ​ႁေႃ မိူင်း​ ဢီႉသရေႇလႃႉ ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​သိပ်း​ပၢႆ​သွင်​ပီႊ​ဢေႃႈ။ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး ၵႃႈ​ၼႂ်း​ဝဵင်း​ တီႉရၸႃႉ ႁူၵ်း​ပီႊ​သေ​ယဝ်ႉ၊-</verse>
				<verse number="24">ဢဝ်​ငိုၼ်း​သွင်​ တလၢၼ်ႇတၢၼ်ႇ သိုဝ်ႉ​ဢဝ်​လွႆ​ သမႃႇရီႉ ၼႂ်း​မိုဝ်း​ သမေႇရႃႉ ​လႄႈ တႄႇ​ႁဵတ်း​ဝဵင်း​ၵႃႈ​ၼိူဝ်​လွႆ​ၼၼ်ႉ​သေ​လႄႈ ႁွင်ႉ​ႁဵၵ်ႈ​ၸိုဝ်ႈ​ဝဵင်း​ၼၼ်ႉ သမႃႇရီႉ ​ၸွမ်း​လူၺ်ႈ ၸိုဝ်ႈ​သဵင်​ သမေႇရႃႉ ဢၼ်​ပဵၼ်​ၸဝ်ႈ​လွႆ​ၼၼ်ႉ​ဢေႃႈ။-</verse>
				<verse number="25">ဢေႃးမရီႉ ​ၼၼ်ႉ ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ယဵင်ႈ​ၶႅၼ်း​ႁဵတ်း​ႁၢႆႉ​ႁဵတ်း​မိူၵ်ႈ​ၼႃႇ​သေ​ၶဝ်​ၸိူဝ်း​ဢၼ် ပဵၼ်​မိူဝ်ႈ​ဢွၼ်​တၢင်း​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="26">မၼ်း​ၸွမ်း​သဵၼ်ႈ​တၢင်း​ဢၼ် ယေႇရူဝ်းပုမ်ႇ ​လုၵ်ႈ​ၸၢႆး​ ၼေႇပတ်ႉ ​ၸွမ်း၊ ဢိၵ်ႇ​တင်း​ဢပႅတ်ႈ​တၢင်း​ဢၼ်​မၼ်း​ၼၼ်ႉ ႁႂ်ႈ​မဵဝ်း ဢီႉသရေႇလႃႉ ​ၽိတ်း​ပိူင်ႈ ႁႂ်ႈ​လႆႈ​တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ လူၺ်ႈ​လွင်ႈ မိၵ်ႉသႃႇတိၵ်ႉထီႉ​ၶဝ်​ၼၼ်ႉ​ဢေႃႈ။-</verse>
				<verse number="27">လွင်ႈ​တၢင်း​ဢၼ်​ ဢေႃးမရီႉ ​ႁဵတ်း​ဢၼ်​ယင်း​ၵိုတ်း​ယင်း​ၵျၢၼ်ႇ ဢိၵ်ႇ​တင်း​လွင်ႈ​တၢင်း​ဢၼ် တၼ်း​ၶူဝ်း​မၼ်း​ယႂ်ႇ​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ ဢီႉသရေႇလႃႉ ​ဢေႃႈ။-</verse>
				<verse number="28">ဢေႃးမရီႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ ၵႃႈ​ၼႂ်း​ဝဵင်း​ သမႃႇရီႉ ​ဢေႃႈ။ ဢႃႇႁပ်ႉ လုၵ်ႈ​ၸၢႆး​ၸဝ်ႈ​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="29">ၼႂ်း​ပီႊ​ဢၼ် ဢႃႇသႃႉ ​ၶုၼ်​ႁေႃ​ၶမ်း​ ယူႉတႃႉ ၼင်ႈ​ႁၢင်ႈ​ၼင်ႈ​ႁေႃ သၢမ်​သိပ်း​ပၢႆ​ပႅတ်ႇ​ပီႊ​ၼၼ်ႉ၊ ဢႃႇႁပ်ႉ ​လုၵ်ႈ​ၸၢႆး​ၸဝ်ႈ​ ဢေႃးမရီႉ ၊ ၼၼ်ႉ​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​မိူင်း​ ဢီႉသရေႇလႃႉ ​လႄႈ ဢႃႇႁပ်ႉ ​လုၵ်ႈ​ၸၢႆး​ ဢေႃးမရီႉ ​ၼၼ်ႉ၊ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ၵႃႈ​ၼႂ်း​ဝဵင်း​ သမႃႇရီႉ သၢဝ်း​ပၢႆ​သွင်​ပီႊ​ဢေႃႈ။-</verse>
				<verse number="30">ဢႃႇႁပ်ႉ ​လုၵ်ႈ​ၸၢႆး​ၸဝ်ႈ​ ဢေႃးမရီႉ ​ၼၼ်ႉ ယဵင်ႈ​ၶႅၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လိူဝ်​တွၼ်း​ၼႃႇ​သေ ၶဝ်​ၸိူဝ်း​ဢၼ်​ပဵၼ်​မိူဝ်ႈ​ဢွၼ်​တၢင်း​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="31">မၼ်း​မၢတ်ႈ​တၢင်း​ဢၼ်​ၸွမ်း​သဵၼ်ႈ​တၢင်း​ဢပႅတ်ႈ​တူႉ​ၸရိူၵ်ႈ​ဢၼ် ယေႇရူဝ်းပုမ်ႇ လုၵ်ႈ​ၸၢႆး​ ၼေႇပတ်ႉ ​ႁဵတ်း​ၼၼ်ႉ၊ ပဵၼ်​လွင်ႈ​တၢင်း​ဢၼ်​မဝ်​မၢင် ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​ၵူၺ်း​ဢမ်ႇ​ၵႃး၊ မၼ်း​သမ်ႉ​ပဵၼ်​ၵူပ်ႉ​ပဵၼ်​ၵူႈ​လူၺ်ႈ​ၵၼ်​တင်း ယေႇၸပေႇလႃႉ လုၵ်ႈ​ယိင်း​ ဢေႇသပေႇလႃႉ ၶုၼ်​လူင်​ ၸီႉတုၼ်ႇ ​ၼၼ်ႉ​သေ​လႄႈ ၵႂႃႇ​ႁဵတ်း​ဝၢတ်ႈ​တီႈ​ၽြႃး ပႃႇလႃႉ ​လႄႈ​ၵူဝ်း​ၵႂၢႆႇ​မၼ်း​ဢေႃႈ။-</verse>
				<verse number="32">မၼ်း​တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ၽြႃး ပႃႇလႃႉ ၵႃႈ​ၼႂ်း​ပိၵ်ႈ​မၢၼ်ႇ​ၽြႃး ပႃႇလႃႉ ဢၼ်​မၼ်း​ႁဵတ်း​ၵႃႈ​ၼႂ်း​ဝဵင်း​ သမႃႇရီႉ ​ၼၼ်ႉ​ဢေႃႈ။-</verse>
				<verse number="33">ဢႃႇႁပ်ႉ ​ၼၼ်ႉ ႁဵတ်း​တူၼ်ႈ​ ဢႃႇသရႃႉ ​သေ​လႄႈ ယဵင်ႈ​ၶႅၼ်း​ႁဵတ်း​ႁႂ်ႈ​လႆႈ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ လိူဝ်​တွၼ်း​ၼႃႇ​သေ​ၶုၼ်​ႁေႃ​ၶမ်း​ ဢီႉသရေႇလႃႉ ၵႃႈ​ဢၼ်​ပဵၼ်​မိူဝ်ႈ​ဢွၼ်​တၢင်း​မၼ်း​ၸိူဝ်း​ၼၼ်ႉ​ဢေႃႈ။</verse>
				<verse number="34">ၼႂ်း​ၸူဝ်ႈ​ပၢၼ်​မၼ်း​ၼၼ်ႉ ႁီႉဢေးလႃႉ ​ၵူၼ်း​ဝဵင်း​ ပေႇသလႃႉ တႄႇ​ႁဵတ်း​ဝဵင်း​ ယေႇရီႉၶူဝ်း ​ဢေႃႈ။ မၼ်း​သုမ်း​ၸွမ်း ဢၽီႉရမ်ႇ လုၵ်ႈ​ၸၢႆး​တူၼ်ႈ​မၼ်း​သေ​လႄႈ တႄႇ​ႁဵတ်း​ငဝ်ႈ​ႁၢၵ်ႈ​လမ်း​ဝဵင်း​လႄႈ သုမ်း​ၸွမ်း ၸေးၵုပ်ႉ လုၵ်ႈ​ၸၢႆး​လိုၼ်း​မၼ်း​သေ​လႄႈ၊ ပူၵ်း​တင်ႈ​ၽၵ်း​တူ​ဝဵင်း​မႅၼ်ႈ​ၸွမ်း​ၵႃႈ​ၼင်ႇ​ၵႂၢမ်း​ဢၼ် ထႃႇဝရႃႉ​ၽြႃး​ဢဝ်​ ယေႃးသူႉ ​လုၵ်ႈ​ၸၢႆး​ ၼုၼ်ႇ မီး​ဢမိင်ႉ​ၸဝ်ႈ​ဝႆႉ​ၼၼ်ႉ​ဢေႃႈ။</verse>
			</chapter>
			<chapter number="17">
				<verse number="1">ဢေးလီႉယႃႉ ​ၵူၼ်း​ဝဵင်း​ တီႉသၽီႉ ​မိူင်း​ ၵီႉလတ်ႉ ​ၼၼ်ႉ​ဢွၵ်ႇ​သူပ်း​လၢတ်ႈ​တီႈ ဢႃႇႁပ်ႉ ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢၼ်​ၵဝ်​ၵူဝ်း​ၵႂၢႆႇ​ၼၼ်ႉ​ဢသၢၵ်ႈ​လိပ်း​ယူႇ​ၼၼ်ႉ၊ ပေႃး​ၵဝ်​ဢမ်ႇ​မီး​ဢၶႂၢင်ႉ​ၸိုင်၊ ၼႂ်း​ပီႊ​ၸိူဝ်း​ၼႆႉ​ၽူၼ်​ဢမ်ႇ​လႆႈ​တူၵ်း၊ ၼမ်ႉ​ၼၢႆး​ဢမ်ႇ​လႆႈ​တူၵ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ၼုၵ်ႈၵပၢတ်ႈ​ထႃႇဝရႃႉ​ၽြႃး​ႁွတ်ႈ​မႃး​တီႈ​မၼ်း​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="3">မႂ်း​ဢွၵ်ႇ​သေ​ၵႃႈ​တီႈ​ၼႆႈ​လႄႈ ဝၢႆႇ​ၼႃႈ​တေႃႇ​ၽၢႆႇ​ဝၼ်း​ဢွၵ်ႇ​ၵႂႃႇ​သေ​လႄႈ တဵတ်ႇ​မႅပ်ႉ​ယူႇ​ၵႃႈ​တီႈ​ႁိမ်း​ၼမ်ႉ​ႁွင်ႈ​ ၶေးရိတ်ႉ ​ဢၼ်​မီး​သိုဝ်ႈ​ၵၼ် တင်း​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​တႃႉ။-</verse>
				<verse number="4">မႂ်း​တၵ်း​လႆႈ​ၵိၼ်​ၼမ်ႉ​တီႈ​ၼမ်ႉ​ႁွင်ႈ​ၼၼ်ႉ​ဢေႃႈ။ ၵဝ်​သင်ႇ​လၢတ်ႈ​ဝႆႉ​တီႈ​ၵႃ​လမ်​တင်း​လၢႆ​ႁႂ်ႈ​ၶဝ်​လႆႈ​လဵင်ႉ​လူ​မႂ်း​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="5">မၼ်း​ၵႂႃႇ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ်​ဢမိင်ႉ​ထႃႇဝရႃႉ​ၽြႃး​မီး​ၼၼ်ႉ​ဢေႃႈ။ မၼ်း​ၵႂႃႇ​လႄႈ​ယူႇ​ၵႃႈ​တီႈ​ႁိမ်း​ၼမ်ႉ​ႁွင်ႈ​ ၶေးရိတ်ႉ ဢၼ်​မီး​သိုဝ်ႈ​ၵၼ်​တင်း​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ဢေႃႈ။-</verse>
				<verse number="6">ၵႃ​လမ်​တင်း​လၢႆ​ဢွၼ်​ၵၼ်​ဢဝ်​ၶဝ်ႈ​မုၼ်း​တင်း​ၼိူဝ်ႉ​ၶိင်ႇ​ၵၢင်​ၼႂ်​ပွၵ်ႈ​ၼိုင်ႈ ဢိၵ်ႇ​တင်း​ၶဝ်ႈ​မုၼ်း​တင်း​ၼိူဝ်ႉ​ၶိင်ႇ​ၵၢင်​ၶမ်ႈ​ပွၵ်ႈ​ၼိုင်ႈ​မႃး​ဢေႃႈ။ ၼမ်ႉ​တီႈ​ၼမ်ႉ​ႁွင်ႈ​ၵေႃႈ​လႆႈ​ၵိၼ်​ဢေႃႈ။-</verse>
				<verse number="7">လိုၼ်း​ၼၼ်ႉ​ၵွပ်ႈ​ပိူဝ်ႈ​ဢၼ်​ၽူၼ်​ဢမ်ႇ​တူၵ်း​ၵႃႈ​တီႈ​မိူင်း​ၼၼ်ႉ​လႄႈ ၼမ်ႉ​ႁွင်ႈ​ၼၼ်ႉ​ယူတ်း​ႁႅင်ႈ​ၵႂႃႇ​ဢေႃႈ။</verse>
				<verse number="8">မိူဝ်ႈ​ၼၼ်ႉ ၼုၵ်ႈၵပၢတ်ႈ​ထႃႇဝရႃႉ​ၽြႃး​ႁွတ်ႈ​မႃး​တီႈ​မၼ်း​လႄႈ​ဝႃႈ​ၸမ်ႉ၊-</verse>
				<verse number="9">မႂ်း​လုၵ်ႉ​လႄႈ​ၵႂႃႇ​ၵႃႈ​တီႈ​ဝဵင်း​ ၸႃႇရပ်ႉတႃႉ ၊ မိူင်း​ ၸီႉတုၼ်ႇ ​ပုၼ်ႉ​သေ​လႄႈ​ယူႇ​ၵႃႈ​တီႈ​ၼၼ်ႈ​တႃႉ။ ၵဝ်​သင်ႇ​လၢတ်ႈ​ဝႆႉ​တီႈ​မႄႈ​မူၵ်း​မႄႈ​မၢႆႈ ဢၼ်​ယူႇ​ၵႃႈ​တီႈ​ဝဵင်း​ၼၼ်ႉ​ၵေႃႉ​ၼိုင်ႈ ႁႂ်ႈ​မၼ်း​လဵင်ႉ​လူ​မႂ်း​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="10">မၼ်း​လုၵ်ႉ​လႄႈ​ၵႂႃႇ​ၸူး​ၵႃႈ​တီႈ​ဝဵင်း​ ၸႃႇရပ်ႉတႃႉ ​ဢေႃႈ။ မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​တီႈ​ၽၵ်း​တူ​ဝဵင်း​ၼၼ်ႉ​ၸိုင်၊ မႄႈ​မူၵ်း​မႄႈ​မၢႆႈ​ၵေႃႉ​ၼိုင်ႈ​ဢဝ်​ၽိုၼ်း​ယူႇ​ဢေႃႈ။ မၼ်း​ႁွင်ႉ​ၸူး​တီႈ​မၼ်း​ၼၼ်ႉ​လႄႈ​လၢတ်ႈ​လႄႈ​ဝႃႈ၊ ဢဝ်​ၵွၵ်း​သႂ်ႇ​ၼမ်ႉ​မႃး​ပုၼ်ႈ​ဢၼ်​ၵဝ်​တၵ်း​ၵိၼ်​ဢိတ်း​ၼိုင်ႈ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၼႂ်း​မိူဝ်ႈ​ဢၼ်​မၼ်း​ၼၼ်ႉ​ယင်း​တိုၵ်ႉ​ၵႂႃႇ​ႁႂ်ႈ​လႆႈ​ဢဝ်​ၼမ်ႉ​မႃး​ယူႇ​ၼၼ်ႉ​ၸိုင်၊ မၼ်း​သမ်ႉ​ႁွင်ႉ​ၸူး​တီႈ​မၼ်း​ၼၼ်ႉ​ထႅင်ႈ​လႄႈ​ဝႃႈ၊ ဢဝ်​မိုဝ်း​မႂ်း​ယိပ်း​ပႃး​ဢဝ်​မႃး​ၶဝ်ႈ​မုၼ်း​သေ​ၽၢၵ်ႇ​ၼိုင်ႈ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">မၼ်း​ၼၼ်ႉ​ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၸဝ်ႈ​ၼၼ်ႉ​ဢသၢၵ်ႈ​ယင်း​လိပ်း​ယူႇ​ၼၼ်ႉ၊ ၵဝ်​ၶႃႈ​ဢမ်ႇ​မီး​ၶဝ်ႈ​မုၼ်း​ၶႅပ်း​သေ​ၶႅပ်း။ မီး​ၽွင်​ၶဝ်ႈ​မုၼ်း​ၵႃႈ​ၼႂ်း​မေႃႈ​ဝၵ်ႉ​မိုဝ်း​ၼိုင်ႈ​ဢိၵ်ႇ​တင်း​ၼမ်ႉ​မၼ်း​ၵႃႈ​ၼႂ်း​တဝ်ႈ​ဢိတ်း​ဢွၼ်ႇ​ၼိုင်ႈ​ၵူၺ်း​ဢေႃႈ။ ၵဝ်​ၶႃႈ​ဢဝ်​ၽိုၼ်း​သွင်​လိုၼ်ႈ ႁႂ်ႈ​လႆႈ​ၶဝ်ႈ​ၵႃႈ​ၼႂ်း​လႄႈ​ၽဝ်​ပုၼ်ႈ​ၵဝ်​ၶႃႈ​ဢိၵ်ႇ​တင်း​လုၵ်ႈ​ၸၢႆး​ဢွၼ်ႇ​ၵဝ်​ၶႃႈ​သေ​လႄႈ​ၵိၼ်​သေ​ယဝ်ႉ၊ ႁႂ်ႈ​လႆႈ​တၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ဢေးလီႉယႃႉ ​ၵေႃႈ​လၢတ်ႈ​လႄႈ​ဝႃႈ၊ မႂ်း​ယႃႇ​ပေ​မႆႈ​ၸႂ်။ ၵႂႃႇ​ႁဵတ်း​ၸွမ်း​ၵႃႈ​ၼင်ႇ​ဢၼ်​မႂ်း​ဝႃႈ​ၼၼ်ႉ​တႃႉ။ ၵူၺ်း​ၵႃႈ​ႁဵတ်း​ၶဝ်ႈ​မုၼ်း​ၶႅပ်း​ဢွၼ်ႇ​ၶႅပ်း​ၼိုင်ႈ​ပုၼ်ႈ​ၵဝ်​ဢွၼ်​တၢင်း​လႄႈ ဢဝ်​ဢွၵ်ႇ​မႃး​တႃႉ။ လိုၼ်း​ၼၼ်ႉ​ၸင်ႇ​ႁဵတ်း​ပုၼ်ႈ​မႂ်း​ဢိၵ်ႇ​တင်း​လုၵ်ႈ​ၸၢႆး​ဢွၼ်ႇ​မႂ်း​တႃႉ။-</verse>
				<verse number="14">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​မီး​ဢမိင်ႉ​လႄႈ​ဝႃႈ​ၸမ်ႉ၊ ၽွင်​ၶဝ်ႈ​မုၼ်း​ဢၼ်​မီး​ၵႃႈ​ၼႂ်း​မေႃႈ​ၼၼ်ႉ​ဢမ်ႇ​လႆႈ​သဵင်ႈ​လႆႈ​မူတ်း။ ၼမ်ႉ​မၼ်း​ဢၼ်​မီး​ၵႃႈ​ၼႂ်း​တဝ်ႈ​ၼၼ်ႉ​ဢမ်ႇ​လႆႈ​ယွမ်း​တေႃႇ​ထိုင်​ႁွတ်ႈ​ဝၼ်း​ဢၼ် ထႃႇဝရႃႉ​ၽြႃး​ႁႂ်ႈ​ၽူၼ်​တူၵ်း​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="15">မၼ်း​ၼၼ်ႉ​ၵႂႃႇ​လႄႈ​ႁဵတ်း​ၸွမ်း​ၵႃႈ​ၼင်ႇ​ၵႂၢမ်း​ ဢေးလီႉယႃႉ ​ၼၼ်ႉ​သေ​ယဝ်ႉ၊ မၼ်း​ၼၼ်ႉ​ဢိၵ်ႇ​တင်း​မၼ်း​တင်း​ၵူၼ်း​ႁိူၼ်း​ၵူၼ်း​ယေး​မၼ်း​ၼၼ်ႉ​ၸိူဝ်း​ၼၼ်ႉ လႆႈ​ၵိၼ်​ႁိုင်​ၼႃႇ​လူင်​လၢင်​ဢေႃႈ။-</verse>
				<verse number="16">ၽွင်​ၶဝ်ႈ​မုၼ်း​ဢၼ်​မီး​ၵႃႈ​ၼႂ်း​မေႃႈ​ၼၼ်ႉ ဢမ်ႇ​သဵင်ႈ​ဢမ်ႇ​မူတ်း၊​ၼမ်ႉ​မၼ်း​ဢၼ်​မီး​ၵႃႈ​ၼႂ်း​တဝ်ႈ​ၼၼ်ႉ​ဢမ်ႇ​ယုတ်ႈ​ဢမ်ႇ​ယွမ်း၊ မႅၼ်ႈ​ၸွမ်း​ၵႃႈ​ၼင်ႇ​ၵႂၢမ်း​ဢၼ် ထႃႇဝရႃႉ​ၽြႃး​ဢဝ်​ ဢေးလီႉယႃႉ ​မီး​ဢမိင်ႉ​ၸဝ်ႈ​ဝႆႉ​ၼၼ်ႉ​ဢေႃႈ။</verse>
				<verse number="17">လိုၼ်း​ၼၼ်ႉ လုၵ်ႈ​ၸၢႆး​မႄႈ​ယိင်း​ဢၼ်​ပဵၼ်​ၸဝ်ႈ​ႁိူၼ်း​ၼၼ်ႉ​ၸပ်း​တၢင်း​ၶႆႈ​တၢင်း​ပဵၼ်​ဢေႃႈ။ ၵွပ်ႈ​ပိူဝ်ႈ​ဢၼ်​တၢင်း​ၶႆႈ​တၢင်း​ပဵၼ်​မၼ်း​ႁႅင်း​ယႂ်ႇ​ၼႃႇ​လႄႈ ၶျုၵ်ႈ​ဢသၢၵ်ႈ​မၼ်း​သေ​ဢေႃႈ။-</verse>
				<verse number="18">မၼ်း​ၼၼ်ႉ​ထၢမ်​တီႈ​ ဢေးလီႉယႃႉ ​လႄႈ​ဝႃႈ၊ ၵူၼ်း​ၽြႃး​ပဵၼ်​ၸဝ်ႈ​ဢိူၺ်း၊ ၸဝ်ႈ​ႁဝ်း​ၸၢပ်ႈ​သႅင်ႇ​ၵၼ်​တင်း​ၵဝ်​ၶႃႈ​ၸိူဝ်ႉ​ၼင်ႇ​ႁိုဝ်။ ၸဝ်ႈ​ႁဝ်း​မႃး​တီႈ​ၵဝ်​ၶႃႈ ႁႂ်ႈ​ၵဝ်​ၶႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဢပႅတ်ႈ​ၵဝ်​ၶႃႈ​လႄႈ​ဢဝ်​လုၵ်ႈ​ၸၢႆး​ၵဝ်​ၶႃႈ​တၢႆ​လူင်​ပႄႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">မၼ်း​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ပၼ်​လုၵ်ႈ​ၸၢႆး​မႂ်း​ၼၼ်ႉ​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​သေ​လႄႈ​ဢဝ်​ၵႃႈ​ၼႂ်း​တၵ်း​မႄႈ​ယိင်း​ၼၼ်ႉ​လႄႈ ၶိုၼ်ႈ​ၵႂႃႇ​ၵႃႈ​တီႈ​လုၵ်း​ဢၼ်​ၵႃႈ​ၼိူဝ် ဢၼ်​ပဵၼ်​တီႈ​ဢၼ်​မၼ်း​ယူႇ​ၼၼ်ႉ​သေ​လႄႈ ဝႆႉ​ၵႃႈ​ၼိူဝ်​တီႈ​ၼွၼ်း​သေ​ယဝ်ႉ၊-</verse>
				<verse number="20">ႁွင်ႉ​ႁႃ​ထႃႇဝရႃႉ​ၽြႃး​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၸဝ်ႈ​ႁဝ်း​ႁဵတ်း​ၽေး​ဢူႉ​ပၢတ်ႈ​သႂ်ႇ​ၵႃႈ​တီႈ​ႁိူၼ်း​မႄႈ​မူၵ်း​မႄႈ​မၢႆႈ ဢၼ်​ၶႃႈ​ၸဝ်ႈ​သွၼ်ႈ​ပိုင်ႈ​ယူႇ​ၼႆႉ​လႄႈ ႁႂ်ႈ​လုၵ်ႈ​ၸၢႆး​မၼ်း​တၢႆ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">လႆႈ​သမ်ႉ မၼ်း​ဢဝ်​တူဝ်​မၼ်း ဢူပ်ႇ​ပူပ်ႇ​သႂ်ႇ​ၵႃႈ​ၼိူဝ်​လုၵ်ႈ​ဢွၼ်ႇ​ၼၼ်ႉ​သၢမ်​ပွၵ်ႈ​သေ​လႄႈ သမ်ႉ​ၶိုၼ်း​ႁွင်ႉ​ႁႃ​ထႃႇဝရႃႉ​ၽြႃး​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ဝီႉၺိၺ်ႇ​လုၵ်ႈ​ဢွၼ်ႇ​ၼႆႉ သမ်ႉ​ၶိုၼ်း​ၶဝ်ႈ​ၵႃႈ​ၼႂ်း​မၼ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ထႃႇဝရႃႉ​ၽြႃး​ငိၼ်း​ၵႂၢမ်း ဢေးလီႉယႃႉ ​လႄႈ ဝီႉၺိၺ်ႇ​လုၵ်ႈ​ဢွၼ်ႇ​ၼၼ်ႉ​ၶိုၼ်း​ၶဝ်ႈ​ၵႃႈ​ၼႂ်း​မၼ်း​သေ​ယဝ်ႉ၊ ဢသၢၵ်ႈ​မၼ်း​သမ်ႉ​ၶိုၼ်း​လိပ်း​ဢေႃႈ။-</verse>
				<verse number="23">ဢေးလီႉယႃႉ ဢဝ်​လုၵ်ႈ​ဢွၼ်ႇ​ၼၼ်ႉ​သေ​ၵႃႈ​တီႈ​လုၵ်း​ႁၢၼ်ႉ​ၼိူဝ်​လူင်း​ၵႂႃႇ​ၵႃႈ​တီႈ​လုၵ်း​ႁၢၼ်ႉ​တႂ်ႈ​လႄႈ ဢၢပ်ႈ​ပၼ်​တီႈ​မႄႈ​မၼ်း​လႄႈ ဢေးလီႉယႃႉ ​ဝႃႈ၊ တူၺ်း​လူး၊ လုၵ်ႈ​ၸၢႆး​မႂ်း​ဢသၢၵ်ႈ​ၶိုၼ်း​လိပ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ၊-</verse>
				<verse number="24">မႄႈ​ယိင်း​ၼၼ်ႉ​ၵေႃႈ လၢတ်ႈ​တီႈ​ ဢေးလီႉယႃႉ ​လႄႈ​ဝႃႈ၊ တေႃႈ​လဵဝ်​ၼႆႉ​ၵဝ်​ၶႃႈ​လႆႈ​ႁူႉ​လွင်ႈ​ဢၼ်​ၸဝ်ႈ​ႁဝ်း​ပဵၼ်​ၵူၼ်း​ၽြႃး​ပဵၼ်​ၸဝ်ႈ ဢိၵ်ႇ​တင်း​လွင်ႈ​ဢၼ်​ၵႂၢမ်း​ထႃႇဝရႃႉ​ၽြႃး ဢၼ်​ဢွၵ်ႇ​သူပ်း​ၸဝ်ႈ​ႁဝ်း​ၼၼ်ႉ မၢၼ်ႇ​မႅၼ်ႈ​ၸိုဝ်ႈ​ၸႂ်ႈ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">မိုဝ်ႉ​ဝၼ်း​ပူၼ်ႉ​ၵႂႃႇ​ၼမ်​ၼႃႇ​သေ​ယဝ်ႉ၊ ၼုၵ်ႈၵပၢတ်ႈ​ထႃႇဝရႃႉ​ၽြႃး​ႁွတ်ႈ​မႃး​တီႈ​ ဢေးလီႉယႃႉ ၼႂ်း​ပီႊ​ဢၼ်​ထူၼ်ႈ​ထိုင်​သၢမ်​ပီႊ​ၼၼ်ႉ​လႄႈ​ဝႃႈ၊ မႂ်း​ၵႂႃႇ​လႄႈ ၼႄ​ပျႃး​တူဝ်​မႂ်း​တီႈ ဢႃႇႁပ်ႉ ​တႃႉ။ ၵဝ်​တၵ်း​ႁႂ်ႈ​ၽူၼ်​တူၵ်း​ၵႃႈ​ၼိူဝ်​လိၼ်​မိူင်း​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="2">ဢေးလီႉယႃႉ ၵႂႃႇ​ႁႂ်ႈ​လႆႈ​ၼႄ​ပျႃး​တူဝ်​မၼ်း​တီႈ​ ဢႃႇႁပ်ႉ ​ဢေႃႈ။ ၵွပ်ႈ​ပိူဝ်ႈ​ဢၼ်​မီး​ၽေး​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း ဢိုပ်း​ယၢၵ်ႈ​တၢင်း​ၵိၼ်​တၢင်း​ၶူပ်း​ၼႃႇ​လူင်​လၢင်​ၵႃႈ​တီႈ​ဝဵင်း​ သမႃႇရီႉ ​ၼၼ်ႉ​လႄႈ၊-</verse>
				<verse number="3">ဢႃႇႁပ်ႉ ​ၼၼ်ႉ​ႁွင်ႉ​ဢဝ်​ ဢေႃးပတီႉ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၸဝ်ႈ​ၼၼ်ႉ​ဢေႃႈ။ ဢေႃးပတီႉ ​ၼၼ်ႉ ပဵၼ်​ၵေႃႉ​ဢၼ်​ရူဝ်ႇ​သေႇ​ၵူဝ်​ယမ်​ထႃႇဝရႃႉ​ၽြႃး​ၼႃႇ​လူင်​လၢင်​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ မိူဝ်ႈ​ဢၼ်​ ယေႇၸပေႇလႃႉ ပႄႇ​ၽဵဝ်ႈ​ပရေႃးၽႅတ်ႈ​ထႃႇဝရႃႉ​ၽြႃး​တင်း​လၢႆ​ပႅတ်ႈ​ၼၼ်ႉ​ၸိုင်၊ ဢေႃးပတီႉ ​ၼၼ်ႉ ဢဝ်​ပရေႃးၽႅတ်ႈ​ပၢၵ်ႇ​ၼိုင်ႈ​သိူင်ႇ​ဝႆႉ​ၵႃႈ​ၼႂ်း​ႁူး​ထမ်ႈ​ယေႈ​ႁႃႈ​သိပ်း​သေ​ယဝ်ႉ၊ ဢဝ်​ၶဝ်ႈ​မုၼ်း​တင်း​ၼမ်ႉ​ပၼ်​လႄႈ​လဵင်ႉ​လူ​ဢေႃႈ။-</verse>
				<verse number="5">ဢႃႇႁပ်ႉ ​ၵေႃႈ လၢတ်ႈ​တီႈ​ ဢေႃးပတီႉ ​ၼၼ်ႉ​လႄႈ​ဝႃႈ၊ လႄႇ​လဵပ်ႈ​ၵႃႈ​ၼႂ်း​မိူင်း​တင်း​မိူင်း​လႄႈ ၵႂႃႇ​ၵႃႈ​တီႈ​ဢၼ်​မီး​ၼမ်ႉ​ဢွၵ်ႇ​ႁူး​ၵႃႈ​မီး ဢိၵ်ႇ​တင်း​ၼမ်ႉ​ႁွင်ႈ​ၵႃႈ​မီး​ၼၼ်ႉ​တႃႉ၊ ၸၢင်ႈ​ၶႄး​တၵ်း​ထူပ်း​တူၼ်ႈ​ယိူဝ်ႈ​တူၼ်ႈ​ယႃႈ​လႄႈ ဢသၢၵ်ႈ​မႃႉ​လႂ်​တင်း​လီႈ​လႂ် တၵ်း​ၶျၢမ်း​သႃႇ​သေ​လႄႈ၊ ႁဝ်း​ဢမ်ႇ​လႆႈ​သုမ်း​လႆႈ​ၸွမ်း​တရိၵ်ႈသၢၼ်ႇ​ၵႃႈ​မီး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="6">ၶဝ်​ၼၼ်ႉ​တူၵ်း​တႃႇ​ၽႄ​မႅင်ႇ​ပၼ်​ၵၼ်​ၵႃႈ​ၼႂ်း​မိူင်း​ၸဝ်ႈ​ၼၼ်ႉ ႁႂ်ႈ​ပေႃး​ၵႂႃႇ​ၸွတ်ႇ​တူဝ်ႈ​မိူင်း​တင်း​မိူင်း​လႄႈ ဢႃႇႁပ်ႉ ​ၸွမ်း​သဵၼ်ႈ​တၢင်း​သဵၼ်ႈ​ၼိုင်ႈ၊ ဢေႃးပတီႉ ၸွမ်း​သဵၼ်ႈ​တၢင်း​သဵၼ်ႈ​ၼိုင်ႈ ၵႂႃႇ​ႁင်း​ၽႂ်​ႁင်း​မၼ်း​ဢေႃႈ။</verse>
				<verse number="7">ၼႂ်း​မိူဝ်ႈ​ဢၼ်​ ဢေႃးပတီႉ ယင်း​တိုၵ်ႉ​ၸွမ်း​တၢင်း​ယူႇ​ၼၼ်ႉ​ၸိုင်၊ ဢေးလီႉယႃႉ ​ႁူပ်ႉ​ထူပ်း​မၼ်း​ဢေႃႈ။ မၼ်း​ႁူႉ​လွင်ႈ​ဢၼ်​ပဵၼ်​မၼ်း​ၼၼ်ႉ​လႄႈ ၶုပ်ႉ​မူပ်ႇ​ဝၢင်း​ႁူဝ်​မၼ်း​သေ​လႄႈ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၸဝ်ႈ​ၵဝ်​ၶႃႈ​ ဢေးလီႉယႃႉ ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">မၼ်း​ၼၼ်ႉ​ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ ပဵၼ်​ၵဝ်​ၼႆႉ​ယဝ်ႉ။ ၵႂႃႇ​လဝ်ႊ​လၢတ်ႈ​လွင်ႈ​ဢၼ် ဢေးလီႉယႃႉ ​မီး​ၵႃႈ​တီႈ​ၼႆႈ​ၼၼ်ႉ​တီႈ​ၸဝ်ႈ​မႂ်း​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">မၼ်း​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၼႆႉ​မီး​တၢင်း​ၽိတ်း​ၸိူဝ်ႉ​ၼင်ႇ​ႁိုဝ်​လႄႈ တၵ်း​ဢဝ်​ၶႃႈ​ၸဝ်ႈ​ႁဝ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း ဢႃႇႁပ်ႉ ႁႂ်ႈ​ၶႃႈ​ၸဝ်ႈ​ႁဝ်း​လႆႈ​တၢႆ​ၶႃႈ။-</verse>
				<verse number="10">ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ႁဝ်း​ဢသၢၵ်ႈ​လိပ်း​ယူႇ​ၼၼ်ႉ၊ သိုင်ႇ​ၸိုင်ႈ​ဝၢၼ်ႈ​မိူင်း​ဢၼ်​ၸဝ်ႈ​ၵဝ်​ၶႃႈ ဢမ်ႇ​ပွႆႇ​ၸႂ်ႉ​ၵႂႃႇ​ႁႂ်ႈ​လႆႈ​ႁႃ​ၸဝ်ႈ​ႁဝ်း​ၼၼ်ႉ ဢမ်ႇ​မီး​သေ​သိုင်ႇ​သေ​မိူင်း​ၶႃႈ။ မိူဝ်ႈ​ဢၼ်​ၶဝ်​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ မၼ်း​ၼၼ်ႉ​ဢမ်ႇ​မီး​ၵႃႈ​တီႈ​ၼႆႈ​ၶႃႈ၊ ဝႃႈ​ၼင်ႇ​ၼႆ​ၸိုင်၊ မၼ်း​ပၼ်​တၢင်း​ဢၼ်​ၵိၼ်ႇ​ဢၼ်​ဝႃႈ​တီႈ​သိုင်ႇ​ၸိုင်ႈ​ဝၢၼ်ႈ​မိူင်း​ၸိူဝ်း​ၼၼ်ႉ​လူၺ်ႈ​လွင်ႈ ဢၼ်​ၶဝ်​ဢမ်ႇ​ထူပ်း​ဢမ်ႇ​ႁၼ်​ၸဝ်ႈ​ႁဝ်း​ၼၼ်ႉ​ၶႃႈ​ဢေႃႈ။-</verse>
				<verse number="11">မိူဝ်ႈ​လဵဝ်​ၼႆႉ​ၸမ်ႉ၊ ၸဝ်ႈ​ႁဝ်း​မီး​ဢမိင်ႉ​လႄႈ​ဝႃႈ၊ ၵႂႃႇ​လဝ်ႊ​လၢတ်ႈ​တီႈ​ၸဝ်ႈ​မႂ်း​လႄႈ​ဝႃႈ၊ ဢေးလီႉယႃႉ ​မီး​ယူႇ​ၵႃႈ​တီႈ​ၼႆႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​လူင်​ပႄႇ။-</verse>
				<verse number="12">မိူဝ်ႈ​ဢၼ်​ၵဝ်​ၶႃႈ​ဢွၵ်ႇ​သေ​ၵႃႈ​တီႈ​ၸဝ်ႈ​ႁဝ်း​ၵႂႃႇ​ၼၼ်ႉ​ၸိုင်၊ ဝီႉၺိၺ်ႇ​ထႃႇဝရႃႉ​ၽြႃး တၵ်း​ဢဝ်​ၸဝ်ႈ​ႁဝ်း​ၵႂႃႇ​ၵႃႈ​တီႈ​ဢၼ်​ၵဝ်​ၶႃႈ​ဢမ်ႇ​ႁူႉ​ၼၼ်ႉ​သေ​လႄႈ၊ ၶုၼ်​ ဢႃႇႁပ်ႉ ​ၼၼ်ႉ မိူဝ်ႈ​ဢၼ်​ၵဝ်​ၶႃႈ​ႁွတ်ႈ​ထိုင်​လႄႈ လဝ်ႊ​လၢတ်ႈ​တီႈ​ ဢႃႇႁပ်ႉ ​လႄႈ မၼ်း​ဢမ်ႇ​ထူပ်း​ဢမ်ႇ​ႁၼ်​ၸဝ်ႈ​ႁဝ်း​လႆႈ​ၼၼ်ႉ​ၸိုင်၊ မၼ်း​တၵ်း​ဢဝ်​ၵဝ်​ၶႃႈ​တၢႆ​ၶႃႈ​ဢေႃႈ။ ၵဝ်​ၶႃႈ​ရူဝ်ႇ​သေႇ​ၵူဝ်​ယမ်​ထႃႇဝရႃႉ​ၽြႃး​ၸဵမ်​မိူဝ်ႈ​ဢၼ်​ဢသၢၵ်ႈ​ယင်း​လဵၵ်ႉ​ယင်း​ဢွၼ်ႇ​ၼၼ်ႉ​ယူႇ​ၶႃႈ​ဢေႃႈ။-</verse>
				<verse number="13">ပိူၼ်ႈ​ဢမ်ႇ​မွၵ်ႇ​လၢတ်ႈ​လွင်ႈ​တၢင်း​ဢၼ်​ၵဝ်​ၶႃႈ​ႁဵတ်း​ၼႂ်း​မိူဝ်ႈ​ဢၼ်​ ယေႇၸပေႇလႃႉ ဢဝ်​ပရေႃးၽႅတ်ႈ​ထႃႇဝရႃႉ​ၽြႃး​တင်း​လၢႆ​တၢႆ​ၼၼ်ႉ ဢၼ်​ဝႃႈ​လွင်ႈ​တၢင်း​ဢၼ်​ၵဝ်​ၶႃႈ​ဢဝ်​ပရေႃးၽႅတ်ႈ​ထႃႇဝရႃႉ​ၽြႃး ပၢၵ်ႇ​ၼိုင်ႈ သိူင်ႇ​ဝႆႉ​ယေႈ​ႁႃႈ​သိပ်း​ၵႃႈ​ၼႂ်း​ႁူး​ထမ်ႈ​သေ​လႄႈ ဢဝ်​ၶဝ်ႈ​မုၼ်း​တင်း​ၼမ်ႉ​လဵင်ႉ​လူ​ၶဝ်​ၼၼ်ႉ​တီႈ​ၸဝ်ႈ​ႁဝ်း​ၶႃႈ​ႁိုဝ်။-</verse>
				<verse number="14">မိူဝ်ႈ​လဵဝ်​ၼႆႉ​ၸမ်ႉ၊ ၸဝ်ႈ​ႁဝ်း​မီး​ဢမိင်ႉ​လႄႈ​ဝႃႈ၊ ၵႂႃႇ​လဝ်ႊ​လၢတ်ႈ​တီႈ​ၸဝ်ႈ​မႂ်း​လႄႈ​ဝႃႈ။ ဢေးလီႉယႃႉ ​မီး​ယူႇ​ၵႃႈ​တီႈ​ၼႆႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​လူင်​ပႄႇ။ ပိူဝ်ႈ​ၼႆ​လႄႈ မၼ်း​တၵ်း​ဢဝ်​ၵဝ်​ၶႃႈ​တၢႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ဢေးလီႉယႃႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ဢၼ်​ၵဝ်​ၵူဝ်း​ၵႂၢႆႇ​ယူႇ​ၼၼ်ႉ ဢသၢၵ်ႈ​ယင်း​လိပ်း​ယူႇ​ၼၼ်ႉ၊ ၵဝ်​တၵ်း​ၼႄ​ပျႃး​တူဝ်​ၵဝ်​တီႈ​မၼ်း​ဝၼ်း​မိူဝ်ႈ​ၼႆႉ​ဢမၢၼ်ႇ​ၶၼ်​ပဵၼ်​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">ဢေႃးပတီႉ ​ၼၼ်ႉ​ၵႂႃႇ​ႁႂ်ႈ​လႆႈ​ႁူပ်ႉ​ထူပ်း ဢႃႇႁပ်ႉ ​လႄႈ လဝ်ႊ​လၢတ်ႈ​သေ​ယဝ်ႉ၊ ဢႃႇႁပ်ႉ ​ၵႂႃႇ​ႁႂ်ႈ​လႆႈ​ႁူပ်ႉ​ထူပ်း​ ဢေးလီႉယႃႉ ​ဢေႃႈ။</verse>
				<verse number="17">မိူဝ်ႈ​ဢၼ်​ ဢႃႇႁပ်ႉ ​ထူပ်း​ႁၼ်​ ဢေးလီႉယႃႉ ​ၼၼ်ႉ​ၸိုင်၊ ဢႃႇႁပ်ႉ ​ထၢမ်​လႄႈ​ဝႃႈ၊ ပဵၼ်​မႂ်း​ၼႆႉ​ႁိုဝ်​ၵေႃႉ​ဢၼ်​ယႃႉ​ယူၵ်ႉ​မဵဝ်း​ ဢီႉသရေႇလႃႉ ​ၼၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="18">မၼ်း​ၶိုၼ်း​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ဢမ်ႇ​ယႃႉ​ယူၵ်ႉ​မဵဝ်း​ ဢီႉသရေႇလႃႉ ​တီႈ​ၶႃႈ။ ၸဝ်ႈ​ႁဝ်း​တင်း​မဵဝ်း​ၸိူဝ်ႉ​ၶိူဝ်း​ၸဝ်ႈ​ႁဝ်း​ၸုၼ်ႉ​ပႅတ်ႈ ပိင်း​ၺၢပ်ႈ​ထႃႇဝရႃႉ​ၽြႃး​သေ​လႄႈ ၸွမ်း​လင်​ၽြႃး ပႃႇလႃႉ ​လႄႈ ယႃႉ​ယူၵ်ႉ​မဵဝ်း​ ဢီႉသရေႇလႃႉ ​တီႈ​ၶႃႈ​ယဝ်ႉ။-</verse>
				<verse number="19">ပိူဝ်ႈ​ၼႆ​လႄႈ မိူဝ်ႈ​လဵဝ်​ၼႆႉ ပွႆႇ​ၸႂ်ႉ​လႄႈ​ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢိၵ်ႇ​တင်း​ပရေႃးၽႅတ်ႈ​ ပႃႇလႃႉ သီႇ​ပၢၵ်ႇ​ပၢႆ​ႁႃႈ​သိပ်း တင်း​ပရေႃးၽႅတ်ႈ ဢႃႇသရႃႉ ​သီႇ​ပၢၵ်ႇ​ဢၼ်​ၵိၼ်​ၵႃႈ​တီႈ​ၶူင်ႇ​တီႈ​ၵိၼ်​ ယေႇၸပေႇလႃႉ ​ၼၼ်ႉ​ၸိူဝ်း​ၼၼ်ႉ မႃး​ၸူႉ​ၵၼ်​တုမ်​ၵၼ် ၵႃႈ​တီႈ​ၶႃႈ​ၸဝ်ႈ ၵႃႈ​ၼိူဝ်​လွႆ​ ၵရမေႇလႃႉ ​ၼၼ်ႉ သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="20">ဢႃႇႁပ်ႉ ပွႆႇ​ၸႂ်ႉ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ ႁႂ်ႈ​ပရေႃးၽႅတ်ႈ​ၸိူဝ်း​ၼၼ်ႉ​ၸူႉ​ၵၼ်​တုမ်​ၵၼ် ၵႃႈ​ၼိူဝ်​လွႆ​ ၵရမေႇလႃႉ ​ဢေႃႈ။</verse>
				<verse number="21">ဢေးလီႉယႃႉ ​ၼၼ်ႉ​မႃး​ၸူး​တီႈ​ဢၼ်​ၵူၼ်း​တင်း​သဵင်ႈ​တင်း​လူင်​မီး​ၼၼ်ႉ​သေ​လႄႈ​လၢတ်ႈ​လႄႈ​ဝႃႈ၊ သူ​တၵ်း​မီး​တၢင်း​ၸႂ်​ဢၼ်​ယုမ်ႇ​ၶိုင်ႈ​ၼိုင်ႈ​ဢမ်ႇ​ယုမ်ႇ​ၶိုင်ႈ​ၼိုင်ႈ​လႄႈ ယူႇ​ၵႃႈ​ၼႂ်း​ၵႄႈ​ဝူင်ႈ​ၵၢင်​ၽႃႇသႃႇ​သွင်​ပႃး​ၼႆႉ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ပေႃး​ထႃႇဝရႃႉ​ၽြႃး​ၸႂ်ႈ​ၽြႃး​ပဵၼ်​ၸဝ်ႈ​ၸိုင်၊ ဢွၼ်​ၵၼ်​ပိုင်ႈ​ဢိင်​ၵူဝ်း​ၵႂၢႆႇ​မၼ်း​ၸဝ်ႈ​တႃႉ။ ပေႃး​ၽြႃး ပႃႇလႃႉ ​ၸႂ်ႈ​ၽြႃး​ပဵၼ်​ၸဝ်ႈ​ၸိုင်၊ ဢွၼ်​ၵၼ်​ဢိင်​ပိုင်ႈ​ၵူဝ်း​ၵႂၢႆႇ​ၽြႃး​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​ၸိူဝ်း​ၼၼ်ႉ ယင်း​ဢမ်ႇ​ၶိုၼ်း​လၢတ်ႈ​ၵႂၢမ်း​သေ​ၶေႃႈ​သေ​ၵမ်း​လႄႈ​ယူႇ​ဢေႃႈ။-</verse>
				<verse number="22">မိူဝ်ႈ​ၼၼ်ႉ​ ဢေးလီႉယႃႉ လၢတ်ႈ​တီႈ​ၵူၼ်း​ၸိူဝ်း​ၼၼ်ႉ​ထႅင်ႈ​လႄႈ​ဝႃႈ၊ ပရေႃးၽႅတ်ႈ​ထႃႇဝရႃႉ​ၽြႃး​ၸမ်ႉ၊ ၵိုတ်း​ၵျၢၼ်ႇ​ဝႆႉ​ၵဝ်​ၵေႃႉ​လဵဝ်​ၵူၺ်း​ဢေႃႈ။ ပရေႃးၽႅတ်ႈ​ ပႃႇလႃႉ ​ၸမ်ႉ၊ မီး​သီႇ​ပၢၵ်ႇ​ပၢႆ​ႁႃႈ​သိပ်း​ဢေႃႈ။-</verse>
				<verse number="23">ဢွၼ်​ၵၼ်​ပၼ်​ဝူဝ်း​သွင်​တူဝ်​တီႈ​ႁဝ်း​တႃႉ။ ႁႂ်ႈ​ၶဝ်​လိူၵ်ႈ​ၵဵပ်း​ဢဝ်​ဝူဝ်း​တူဝ်​ၼိုင်ႈ​ပုၼ်ႈ​ၶဝ်​လႄႈ တႅပ်း​ႁဵတ်း​ပွတ်း​ႁဵတ်း​တွၼ်ႈ​သေ​ယဝ်ႉ၊ ဢဝ်​တၢင်ႇ​သႂ်ႇ​ၵႃႈ​ၼိူဝ်​ၽိုၼ်း​တႃႉ။ ယႃႇ​ပေ​ဢဝ်​ၽႆး​သႂ်ႇ​ၽႆး​ၸပ်း။ ၵဝ်​ၵေႃႈ​တၵ်း​မႄး​ႁဵတ်း​ဝူဝ်း​တူဝ်​ၼိုင်ႈ​လႄႈ ဢဝ်​တၢင်ႇ​ၵႃႈ​ၼိူဝ်​ၽိုၼ်း​ဢေႃႈ။ ဢမ်ႇ​ဢဝ်​ၽႆး​သႂ်ႇ​ၽႆး​ၸပ်း။-</verse>
				<verse number="24">သူ​ဢွၼ်​ၵၼ်​သႅၼ်ႇ​ႁွင်ႉ​ႁႃ​ၼႃႇ​မႃႉ​ၸိုဝ်ႈ​သဵင်​ၽြႃး​သူ​ၸိူဝ်း​ၼၼ်ႉ​တႃႉ။ ၵဝ်​ၵေႃႈ​တၵ်း​သႅၼ်ႇ​ႁွင်ႉ​ႁႃ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ဢေႃႈ။ ႁႂ်ႈ​ၽြႃး​ဢၼ်​ဢဝ်​ၽႆး​ဢိူဝ်​ၼၼ်ႉ​ၸႂ်ႈ​ၽြႃး​ပဵၼ်​ၸဝ်ႈ​သေ​ၵမ်း​လူၺ်ႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵူၼ်း​တင်း​သဵင်ႈ​တင်း​လူင်​ၼၼ်ႉ​ဢွၼ်​ၵၼ်​လၢတ်ႈ​လႄႈ​ဝႃႈ၊ ၵႂၢမ်း​ၼႆႉ​သေႇ​ၶျႃႇ​လီ​ငၢမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">လႆႈ​သမ်ႉ ဢေးလီႉယႃႉ ​လၢတ်ႈ​တီႈ​ပရေႃးၽႅတ်ႈ​ ပႃႇလႃႉ ​ၸိူဝ်း​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​သူ​ၼမ်​လႄႈ​လိူၵ်ႈ​ၵဵပ်း​ဢဝ်​ဝူဝ်း​တူဝ်​ၼိုင်ႈ​ပုၼ်ႈ​သူ​လႄႈ မႄး​ႁႅၼ်း​ဢွၼ်​တၢင်း​တႃႉ။ ယင်း​ဢမ်ႇ​ဢဝ်​ၽႆး​သႂ်ႇ​ၽႆး​ၸပ်း​လႄႈ သႅၼ်ႇ​ႁွင်ႉ​ႁႃ​ၽြႃး​သူ​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="26">ၶဝ်​ၼၼ်ႉ​ဢွၼ်​ၵၼ်​ဢဝ်​ဝူဝ်း​ဢၼ်​ပိူၼ်ႈ​ပၼ်​ၼၼ်ႉ​လႄႈ မႄး​ႁႅၼ်း​သေ​ယဝ်ႉ၊ သႅၼ်ႇ​ႁွင်ႉ​ႁႃ​ၼႃႇ​မႃႉ​ၸိုဝ်ႈ​သဵင်​ၽြႃး ပႃႇလႃႉ ၸႃႉ​ၸဵမ်​ၶိင်ႇ​ၵၢင်​ၼႂ်​တေႃႇ​ထိုင်​ႁွတ်ႈ​ၶိင်ႇ​ၵၢင်​ဝၼ်း​တဵင်ႈ​လႄႈ​ဝႃႈ၊ ၽြႃး​ပႃႇလႃႉ ​တီႈ​ၶႃႈ​ဢိူၺ်း၊ ဢိူဝ်​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ယူႇ​ဢေႃႈ။ ၵူၺ်း​ၵႃႈ​ဢမ်ႇ​မီး​သဵင်​ပျႃႇ​တိၵ်ႈ၊ ဢမ်ႇ​မီး​ၵေႃႉ​ဢၼ်​ဢိူဝ်။ ၶဝ်​ၼၼ်ႉ​ဢွၼ်​ၵၼ်​ၵႃႈ​ဝႅၼ်​ၵႃႈ​တီႈ​ႁိမ်း​ယိတ်ႈပလၢင်ႇ​ဢၼ်​ၶဝ်​တႄႇ​ႁဵတ်း​ၼၼ်ႉ​ဢေႃႈ။-</verse>
				<verse number="27">ၶိင်ႇ​ၵၢင်​ဝၼ်း​တဵင်ႈ​ၼၼ်ႉ၊ ဢေးလီႉယႃႉ ႁဵတ်း​ပျၢၵ်ႈ​ၶူဝ်​ၶဝ်​ၼၼ်ႉ​လႄႈ​ဝႃႈ၊ ဢွၼ်​ၵၼ်​ႁဵတ်း​သဵင်​ႁႅင်း​ႁႅင်း​သေ​လႄႈ​သႅၼ်ႇ​ႁွင်ႉ​တႃႉ။ မၼ်း​ၸဝ်ႈ​ပဵၼ်​ၽြႃး​ဢေႃႈ။ မၼ်း​ၸဝ်ႈ​ၶႆႈ​ၸႂ်​ဝူၼ်ႉ​ၸႂ်​ယူႇ။ ဢမ်ႇ​ၼၼ်​ၵေႃႈ မၼ်း​ၸဝ်ႈ​ၸွမ်း​ႁႃ​သေ​ၸိူဝ်ႉ​သေ​ပိူင်​ယူႇ။ ဢမ်ႇ​ၼၼ်​ၵေႃႈ​မၼ်း​ၸဝ်ႈ​ၵႂႃႇ​တၢင်း​ပႆ​တၢင်း​ယူႇ။ ဢမ်ႇ​ၼၼ်​ၵေႃႈ​ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ၵိင်း​ၼွၼ်း​ယူႇ​လႄႈ သေ​ၵေႃႉ​သေ​ၵူၼ်း​တၵ်း​လႆႈ​ပူၵ်း​ဢဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၶဝ်​ၵေႃႈ​ဢွၼ်​ၵၼ်​ႁဵတ်း​သဵင်​ဢၼ်​ႁႅင်း​ၼႃႇ​သႅၼ်ႇ​ႁွင်ႉ​လႄႈ​ဢဝ်​မိတ်ႈ​လႂ်၊ လဵၵ်း​လႅမ်​လႂ် တိူဝ်ႉ​မၢတ်ႇ​သႂ်ႇ​တူဝ်​ၶဝ်​ၸွမ်း​ၵႃႈ​ၼင်ႇ​ဢၼ်​ထုင်း​ၸၢမ်ႇ​ၶဝ်​မီး​ၼၼ်ႉ ထၼ်ႈ​ပေႃး​ႁႂ်ႈ​လိူတ်ႈ​ၶဝ်​ယွႆႉ​ယွတ်ႇ​သႂ်ႇ​ၵႃႈ​ၼိူဝ်​တူဝ်​ၶဝ်​ဢေႃႈ။-</verse>
				<verse number="29">ၵၢင်​ဝၼ်း​တဵင်ႈ​သေ​ယဝ်ႉ၊ ၶဝ်​သမ်ႉ​ဢွၼ်​ၵၼ်​ႁဵတ်း​ပရေႃးၽႅတ်ႈ တေႃႇ​ထိုင်​ႁွတ်ႈ​ၶိင်ႇ​ဢၼ်​ပုၵ်ႈ​ၸေႃႇ​ယိတ်ႈ​မိူဝ်ႈ​ႁူဝ်​ၶမ်ႈ​သေ​ၵေႃႈ၊ ဢမ်ႇ​မီး​သဵင်​ပျႃႇ​တိၵ်ႈ၊ ဢမ်ႇ​မီး​ၵေႃႉ​ဢၼ်​ဢိူဝ်၊ ဢမ်ႇ​မီး​ၵေႃႉ​ဢၼ်​ဝႆႉ​ဢမူႉ​တီႈ​ၶဝ်၊-</verse>
				<verse number="30">မိူဝ်ႈ​ၼၼ်ႉ​ ဢေးလီႉယႃႉ လၢတ်ႈ​တီႈ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ ဢွၼ်​ၵၼ်​မႃး​ၵႃႈ​တီႈ​ႁိမ်း​ၵဝ်​ၼႆႉ​ၸမ်​ၸမ်​တႃႉ၊ ဝႃႈ​ၼင်ႇ​ၼႆ​လႄႈ ၵူၼ်း​တင်း​သဵင်ႈ​တင်း​လူင်​မႃး​ၸူး​ၵႃႈ​တီႈ​ႁိမ်း​မၼ်း​ၸမ်​ၸမ်​ဢေႃႈ။ မိူဝ်ႈ​ၼၼ်ႉ​မၼ်း​မႄး​ၵုမ်း​မႄး​ႁဵတ်း​ယိတ်ႈပလၢင်ႇ​ထႃႇဝရႃႉ​ၽြႃး​ဢၼ်​ၵိူၼ်ႇ​လူႉ​ၼၼ်ႉ​လႄႈ၊-</verse>
				<verse number="31">ဢေးလီႉယႃႉ ဢဝ်​မၢၵ်ႇ​ႁိၼ်​သိပ်း​သွင်​လုၵ်ႈ ၸွမ်း​ၵႃႈ​ၼင်ႇ​ဢၼ်​ၼပ်ႉ​ဢၼ်​ဢၢၼ်ႇ​မဵဝ်း​ၸိူဝ်ႉ​ၶိူဝ်း​ ယႃႇၵုပ်ႈ ဢၼ်​လႆႈ​ၶၢမ်ႇ​ဢဝ်​ပျႃႇ​တိၵ်ႈ​ၸဝ်ႈ​လႄႈ​ဝႃႈ၊ ၸိုဝ်ႈ​သဵင်​မႂ်း​ၸမ်ႉ၊ တၵ်း​လႆႈ​ပဵၼ်​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊-</verse>
				<verse number="32">ဢဝ်​မၢၵ်ႇ​ႁိၼ်​ၸိူဝ်း​ၼၼ်ႉ​တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​သေ​ယဝ်ႉ၊ ၶုတ်း​ၶူး​ဢၼ်​ၸိူဝ်ႉ​ၽၼ်း​ၶဝ်ႈ​လႆႈ​သေ​သွင်​တၢင်​ၼိုင်ႈ​ၼၼ်ႉ လဵပ်ႈ​ႁွပ်ႈ​ယိတ်ႈပလၢင်ႇ​ၼၼ်ႉ​ဢေႃႈ။-</verse>
				<verse number="33">မၼ်း​ဢဝ်​ၽိုၼ်း​ၶပ်ႉ​လႄႈ ဢဝ်​ဝူဝ်း​တႅပ်း​ႁဵတ်း​ပွတ်း​ႁဵတ်း​တွၼ်ႈ​သေ​ယဝ်ႉ တၢင်ႇ​သႂ်ႇ​ၵႃႈ​ၼိူဝ်​ၽိုၼ်း​ၼၼ်ႉ​လႄႈ​လၢတ်ႈ​လႄႈ​ဝႃႈ၊ ဢွၼ်​ၵၼ်​ဢဝ်​မေႃႈ​သီႇ​လုၵ်ႈ​သႂ်ႇ​ၼမ်ႉ ႁႂ်ႈ​တဵမ်​သေ​လႄႈ ဢဝ်​ထွၵ်ႈ​သႂ်ႇ​ၵႃႈ​ၼိူဝ်​ယိတ်ႈ​ဢၼ်​တုတ်ႇ​ၽႆး​ဢိၵ်ႇ​တင်း​ၽိုၼ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="34">သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ဢွၼ်​ၵၼ်​ဢဝ်​ထွၵ်ႇ​သႂ်ႇ​ထႅင်ႈ​ပွၵ်ႈ​တူႉတီႉယႃႉ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ဢွၼ်​ၵၼ်​ဢဝ်​ထွၵ်ႇ​သႂ်ႇ​ပွၵ်ႈ​တူႉတီႉယႃႉ​သေ​ယဝ်ႉ၊ မၼ်း​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ဢွၼ်​ၵၼ်​ဢဝ်​ထွၵ်ႇ​သႂ်ႇ​ပွၵ်ႈ​တႃႉတီႉယႃႉ​ထႅင်ႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​လႄႈ ၶဝ်​ဢွၼ်​ၵၼ်​ဢဝ်​ထွၵ်ႇ​သႂ်ႇ​ထႅင်ႈ​ပွၵ်ႈ​တႃႉတီႉယႃႉ​ဢေႃႈ။-</verse>
				<verse number="35">ၼမ်ႉ​လႆ​ယူႇ​ၵႃႈ​တီႈ​လဵပ်ႈ​ႁွပ်ႈ​ယိတ်ႈပလၢင်ႇ​လႄႈ မၼ်း​ႁႂ်ႈ​ၶူး​ၼၼ်ႉ​တဵမ်​ဝႆႉ​တင်း​ၼမ်ႉ​ဢေႃႈ။-</verse>
				<verse number="36">မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ဢၼ်​ပုၵ်ႈ​ၸေႃႇ​ယိတ်ႈ​မိူဝ်ႈ​ႁူဝ်​ၶမ်ႈ​ၼၼ်ႉ​ၸိုင်၊ ပရေႃးၽႅတ်ႈ​ ဢေးလီႉယႃႉ သုတ်ႉ​ၸပ်း​သုတ်ႉ​ၸူး​လႄႈ သူး​တွင်း​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ဢီႉသရေႇလႃႉ ​တီႈ​ၶႃႈ၊ ႁႂ်ႈ​ၶဝ်​လႆႈ​ႁူႉ​လွင်ႈ​ဢၼ်​ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ဢိၵ်ႇ​တင်း​လွင်ႈ​ဢၼ်​ၶႃႈ​ၸဝ်ႈ​ႁဝ်း​ၼႆႉ​ပဵၼ်​ၶႃႈ​ၸဝ်ႈ​ႁဝ်း​လႄႈ ဢဝ်​ဢမိင်ႉ​ၸဝ်ႈ​ႁဝ်း​ႁဵတ်း လွင်ႈ​တၢင်း​ၼႆႉ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဝၼ်း​မိူဝ်ႈ​ၼႆႉ​သေ​ၵမ်း​တီႈ​ၶႃႈ၊-</verse>
				<verse number="37">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ထွမ်ႇ​ဢဝ်​ၵႂၢမ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ထွမ်ႇ​ဢဝ်​ၵႂၢမ်း​ၶႃႈ​ၸဝ်ႈ​ႁႂ်ႈ​ၵူၼ်း​ၸိူဝ်း​ၼႆႉ​လႆႈ​ႁူႉ​လွင်ႈ​ဢၼ်​ၸဝ်ႈ​ႁဝ်း ပဵၼ်​ၸဝ်ႈ​ထႃႇဝရႃႉ​ၽြႃး​ပဵၼ်​ၸဝ်ႈ ဢိၵ်ႇ​တင်း​လွင်ႈ​ဢၼ်​ၸဝ်ႈ​ႁဝ်း ႁႂ်ႈ​ၸႂ်​သၽေႃး​ၶဝ်​ၶၢႆႉ​ပုတ်ႈ​ၼၼ်ႉ သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="38">မိူဝ်ႈ​ၼၼ်ႉ ၽႆး​ထႃႇဝရႃႉ​ၽြႃး​တူၵ်း​လႄႈ​မႆႈ​ယိတ်ႈ​ဢၼ်​တုတ်ႇ​ၽႆး၊ ၽိုၼ်း၊ မၢၵ်ႇ​ႁိၼ်၊ မုၼ်ႈ​လိၼ်​ၸိူဝ်း​ၼၼ်ႉ​လႄႈ ႁုပ်ႇ​မႆႈ​ၼမ်ႉ​ဢၼ်​မီး​ၵႃႈ​ၼႂ်း​ၶူး​ၼၼ်ႉ​ယူတ်း​ႁႅင်ႈ​ၵႂႃႇ​ဢေႃႈ။-</verse>
				<verse number="39">ၵူၼ်း​တင်း​သဵင်ႈ​တင်း​လူင်​ႁၼ်​သေ​ယဝ်ႉ၊ ဢွၼ်​ၵၼ်​ၶုပ်ႉ​မူပ်ႇ​ဝၢင်း​ႁူဝ်​ယူႇ​သေ​လႄႈ လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ပဵၼ်​ၽြႃး​ပဵၼ်​ၸဝ်ႈ​ဢေႃႈ၊ ထႃႇဝရႃႉ​ၽြႃး​ပဵၼ်​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="40">ဢေးလီႉယႃႉ ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ဢွၼ်​ၵၼ်​တီႉ​ၵမ်​ဢဝ်​ပရေႃးၽႅတ်ႈ​ ပႃႇလႃႉ ​ၸိူဝ်း​ၼၼ်ႉ​တႃႉ။ ယႃႇ​ပေ​ႁႂ်ႈ​လွတ်ႈ​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​လႄႈ ၶဝ်​ဢွၼ်​ၵၼ်​တီႉ​ၵမ်​ဢဝ်​ၶဝ်​သေ​လႄႈ ဢေးလီႉယႃႉ ​ဢဝ်​ၶဝ်​လူင်း​ၸူး ၵႃႈ​တီႈ​ၼမ်ႉ​ႁွင်ႈ​ ၵီႉသုၼ်ႇ ​သေ​ယဝ်ႉ၊ ဢဝ်​ၶဝ်​တၢႆ​ပႅတ်ႈ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="41">လိုၼ်း​ၼၼ်ႉ ဢေးလီႉယႃႉ ​လၢတ်ႈ​တီႈ​ ဢႃႇႁပ်ႉ ​လႄႈ​ဝႃႈ၊ ၶုၼ်​လူင်​ၶိုၼ်ႈ​ၵႂႃႇ​ႁႂ်ႈ​လႆႈ​ၵိၼ်​လႆႈ​ၶူပ်း​တႃႉ။ မီး​သဵင်​ဢၼ်​ၽူၼ်​တၵ်း​တူၵ်း​ၼမ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="42">ဢႃႇႁပ်ႉ ​ၶိုၼ်ႈ​ၵႂႃႇ​ႁႂ်ႈ​လႆႈ​ၵိၼ်​လႆႈ​ၶူပ်း​ဢေႃႈ။ ဢေးလီႉယႃႉ ​ၵေႃႈ​ၶိုၼ်ႈ​ၵႃႈ​ၼိူဝ်​လွႆ​ ၵရမေႇလႃႉ ​သေ​လႄႈ ၶုပ်ႉ​မူပ်ႇ​ဝၢင်း​ႁူဝ်​ၵႃႈ​ၼိူဝ်​လိၼ်​ယူႇ၊ ဢဝ်​ၼႃႈ​မၼ်း​ဝႆႉ​ၵႃႈ​တီႈ​ၵႄႈ​ႁူဝ်​ၶဝ်ႇ​မၼ်း​ယူႇ​သေ​လႄႈ၊-</verse>
				<verse number="43">လၢတ်ႈ​တီႈ​ၵူၼ်း​ဢွၼ်ႇ​မၼ်း​လႄႈ​ဝႃႈ၊ မႂ်း​ၶိုၼ်ႈ​လႄႈ​လူ​တူၺ်း​ၸူး​ၵႃႈ​တီႈ​ပၢင်ႇ​လၢႆႇ​ပုၼ်ႉ​လူး၊ ဝႃႈ​ၼင်ႇ​ၼႆ​လႄႈ၊ မၼ်း​ၼၼ်ႉ​ၶိုၼ်ႈ​လႄႈ လူ​တူၺ်း​သေ​ယဝ်ႉ၊ လၢတ်ႈ​လႄႈ​ဝႃႈ၊ ဢမ်ႇ​မီး​ၵႃႈ​သင်​သေ​ၸိူဝ်ႉ​သေ​ပိူင်​ၶႃႈ၊ ဝႃႈ​ၼင်ႇ​ၼႆ​ဢေႃႈ၊ မၼ်း​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ၵႂႃႇ​တူၺ်း​ႁႂ်ႈ​တေႃႇ​ထိုင်​ႁွတ်ႈ​ၸဵတ်း​ပွၵ်ႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="44">မိူဝ်ႈ​ဢၼ်​ထူၼ်ႈ​ထိုင်​ၸဵတ်း​ပွၵ်ႈ​ၼၼ်ႉ​ၸိုင်၊ မၼ်း​ၼၼ်ႉ​လၢတ်ႈ​လႄႈ​ဝႃႈ၊ တူၺ်း​ၶႃႈ​လူး၊ ၽႃႈ​ၽူၼ်​ဢွၼ်ႇ ဢၼ်​လဵၵ်ႉ​ပဵင်း​ထၼ်ႈ​ၽႃႇ​မိုဝ်း​ၵူၼ်း​ၼၼ်ႉ​ဢၼ်​ၼိုင်ႈ ၶိုၼ်ႈ​သေ​ၵႃႈ​ၼႂ်း​ပၢင်ႇ​လၢႆႇ​မႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​သင်ႇ​လၢတ်ႈ​လႄႈ​ဝႃႈ၊ မႂ်း​ၶိုၼ်ႈ​ၸူး​လႄႈ​လဝ်ႊ​လၢတ်ႈ​တီႈ​ ဢႃႇႁပ်ႉ ​လႄႈ​ဝႃႈ၊ ၶုၼ်​လူင်​မႄး​ႁႅၼ်း​လေႃႉရထႃး​ၸဝ်ႈ​သေ​လႄႈ​လူင်း​မိူဝ်း​ၵႂႃႇ​ႁႂ်ႈ​ၽူၼ်​ဢမ်ႇ​တၼ်း​လႆႈ​တူၵ်း​လႄႈ ႁၢမ်ႈ​တၢပ်ႈ​ႁႄႉ​ၶႅၼ်​ၶုၼ်​လူင်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="45">ၼင်ႇ​ၼၼ်​လႄႈ​ၵမ်း​ဢွၼ်ႇ​ၼိုင်ႈ​ၵူၺ်း၊ ၽႃႉ​ၵၢင်​ႁၢဝ်​လမ်​ဝႆႉ​တင်း​ၽႃႈ​ၽူၼ် ဢိၵ်ႇ​တင်း​လူမ်း​လူင်​လႄႈ ၽူၼ်​တူၵ်း​ႁႅင်း​ယႂ်ႇ​ၼႃႇ​လူင်​လၢင်​ဢေႃႈ။ ဢႃႇႁပ်ႉ ​ၼၼ်ႉ ၶီႇ​လေႃႉရထႃး​လႄႈ ၵႂႃႇ​ၸူး​ၵႃႈ​တီႈ​ဝဵင်း​ ယေႇၸရေႇလႃႉ ​ဢေႃႈ။-</verse>
				<verse number="46">ၶႅၼ်​မိုဝ်း​ထႃႇဝရႃႉ​ၽြႃး မီး​ၵႃႈ​ၼိူဝ်​ ဢေးလီႉယႃႉ ​လႄႈ မၼ်း​ႁတ်ႉ​သၢႆ​ဢႅဝ်​မၼ်း​သေ​လႄႈ ၶုၼ်ႇ​လႅၼ်ႈ​ဢွၼ်​တၢင်း​ ဢႃႇႁပ်ႉ ၵႂႃႇ​ၸူး​ၵႃႈ​တီႈ​ႁူး​ၽၵ်း​တူ​ဝဵင်း​ ယေႇၸရေႇလႃႉ ​ဢေႃႈ။</verse>
			</chapter>
			<chapter number="19">
				<verse number="1">ဢႃႇႁပ်ႉ ​မွၵ်ႇ​လၢတ်ႈ​လွင်ႈ​တၢင်း​ၵႃႈ​ဢၼ်​ ဢေးလီႉယႃႉ ​ႁဵတ်း​ဢိၵ်ႇ​တင်း​လွင်ႈ​တၢင်း​ဢၼ်​မၼ်း​ဢဝ်​ပရေႃးၽႅတ်ႈ​ၵႃႈ​မီး​ၼၼ်ႉ တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ​တီႈ ယေႇၸပေႇလႃႉ ​ဢေႃႈ။-</verse>
				<verse number="2">ယေႇၸပေႇလႃႉ ပွႆႇ​ၸႂ်ႉ​တမၢၼ်ႇ​ၵႂႃႇ​ၵႃႈ​တီႈ​ ဢေးလီႉယႃႉ ​လႄႈ သင်ႇ​လၢတ်ႈ​ၵႂႃႇ​လႄႈ​ဝႃႈ၊ ပေႃး​ၵဝ်​ဢမ်ႇ​ႁႂ်ႈ​ဢသၢၵ်ႈ​မႂ်း ပဵၼ်​ၸိူဝ်ႉ​ၼင်ႇ​ဢသၢၵ်ႈ​ပရေႃးၽႅတ်ႈ​ၸိူဝ်း​ၼၼ်ႉ​သေ​ၵေႃႉ​ၵေႃႉ ၼႂ်း​ဝၼ်း​မိူဝ်ႈ​ၽုၵ်ႈ မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ၼႆႉ​ၼၼ်ႉ​ၸိုင်၊ ယင်း​ဢမ်ႇ​ၵႃး​ဢၼ်​ၼၼ်ႉ​လႄႈ ႁႂ်ႈ​ၽြႃး​တင်း​လၢႆ​ႁဵတ်း​လိူဝ်​တွၼ်း​ၼႃႇ​သေ​ၼၼ်ႉ​တီႈ​ၵဝ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ၼၼ်ႉ​မၼ်း​ၵူဝ်​ႁႄ​လႄႈ လုၵ်ႉ​ၵႂႃႇ​ႁႂ်ႈ​ဢသၢၵ်ႈ​မၼ်း​လႆႈ​လွတ်ႈ​လႄႈ ႁွတ်ႈ​ထိုင်​ၵႃႈ​တီႈ​ ပေႇရသေႇၽႃႉ ၼႂ်း​လိၼ်​ ယူႉတႃႉ သေ​ယဝ်ႉ၊ ဢဝ်​ၵူၼ်း​ဢွၼ်ႇ​မၼ်း​ဝႆႉ​ၵႃႈ​တီႈ​ဝဵင်း​ၼၼ်ႉ​ဢေႃႈ။-</verse>
				<verse number="4">တူဝ်​မၼ်း​ၸမ်ႉ ၶဝ်ႈ​ၵႂႃႇ​ၵႃႈ​ၼႂ်း​ထိူၼ်ႇ​ၶၢဝ်း​တၢင်း​ဝၼ်း​ၼိုင်ႈ​သေ​လႄႈ ႁွတ်ႈ​ထိုင်​ၵႃႈ​တီႈ​တႂ်ႈ​တူၼ်ႈ​ ရႃႇသမ်ႇ ​လႄႈ ၼင်ႈ​ယူႇ​သေ​ယဝ်ႉ သူး​တွင်း​ပုၼ်ႈ​မၼ်း​ႁႂ်ႈ​လႆႈ​တၢႆ​လႄႈ​ဝႃႈ၊ မိူဝ်ႈ​လဵဝ်​ၼႆႉ ပဵၼ်​ဢၼ်​ထုၵ်ႇ​ဢၼ်​လီ​တီႈ​ၶႃႈ​ယဝ်ႉ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​သိမ်း​ဢဝ်​ဢသၢၵ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ၼႆႉ​ဢမ်ႇ​လီ​လိူဝ်​တွၼ်း​သေ​ပူႇ​မွၼ်ႇ​ၶႃႈ​ၸဝ်ႈ​တင်း​လၢႆ​ၼၼ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ။-</verse>
				<verse number="5">ၼွၼ်း​လႄႈ​လပ်း​ယူႇ​ၵႃႈ​တီႈ​တႂ်ႈ​တူၼ်ႈ​ ရႃႇသမ်ႇ ​ၼၼ်ႉ​ဢေႃႈ။ မိူဝ်ႈ​ၼၼ်ႉ​တမၢၼ်ႇ​ၵၢင်​ႁၢဝ် ဢဝ်​မိုဝ်း​တိူဝ်ႉ​သႂ်ႇ​မၼ်း​သေ​လႄႈ​လၢတ်ႈ​လႄႈ​ဝႃႈ၊ လုၵ်ႉ​လႄႈ​ၵိၼ်​ၶူပ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မၼ်း​ႁႅၼ်​တူၺ်း​လႄႈ ႁၼ်​ၶဝ်ႈ​မုၼ်း​ဢၼ်​မူၵ်း​ၽႆး​ယဝ်ႉ ဢိၵ်ႇ​တင်း​ၼမ်ႉ​တဝ်ႈ​ၵႃႈ​တီႈ​ႁူဝ်​ၼွၼ်း​မၼ်း​လႄႈ မၼ်း​ၵိၼ်​ၶူပ်း​သေ​ယဝ်ႉ၊ သမ်ႉ​ၶိုၼ်း​ၼွၼ်း​လပ်း​ယူႇ​ဢေႃႈ။-</verse>
				<verse number="7">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ​သမ်ႉ​မႃး​ၵမ်း​တူႉတီႉယႃႉ​လႄႈ တိူဝ်ႉ​သႂ်ႇ​မၼ်း​သေ​လႄႈ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ် သဵၼ်ႈ​တၢင်း​ဢၼ်​မႂ်း​တၵ်း​လႆႈ​ၵႂႃႇ​ၼၼ်ႉ​ၵႆ​ၼႃႇ​လူင်​လၢင်​လႄႈ လုၵ်ႉ​လႄႈ​ၵိၼ်​ၶူပ်း​ထႅင်ႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">မၼ်း​သမ်ႉ​လုၵ်ႉ​သေ​လႄႈ​ၵိၼ်​ထႅင်ႈ​လႄႈ​ဢိင်​ပိုင်ႈ​ဢႁႃႇရႃႉ​တၢင်း​ၵိၼ်​ၼၼ်ႉ​သေ​လႄႈ ၵႂႃႇ​ၶၢဝ်း​တၢင်း​သီႇ​သိပ်း​ဝၼ်း​သီႇ​သိပ်း​ၶိုၼ်း​တဵမ်​တဵမ်​လႄႈ ႁွတ်ႈ​ထိုင်​ၵႃႈ​တီႈ​လွႆ​ ႁေႃးရပ်ႉ ဢၼ်​ပဵၼ်​လွႆ​ၽြႃး​ပဵၼ်​ၸဝ်ႈ​သေ​ယဝ်ႉ။-</verse>
				<verse number="9">ၶဝ်ႈ​ၵႃႈ​ၼႂ်း​ႁူး​ထမ်ႈ​လႄႈ​ယူႇ​ၵႃႈ​တီႈ​ၼၼ်ႈ​ဢေႃႈ။ ၼုၵ်ႈၵပၢတ်ႈ​ထႃႇဝရႃႉ​ၽြႃး​ႁွတ်ႈ​မႃး​တီႈ​မၼ်း​လႄႈ မၼ်း​ၸဝ်ႈ​ထၢမ်​တီႈ​မၼ်း​လႄႈ​ဝႃႈ​ၸမ်ႉ၊ ဢေးလီႉယႃႉ ​ဢိူၺ်း၊ မႂ်း​ႁဵတ်း​ၵႃႈ​သင်​ယူႇ​ၵႃႈ​တီႈ​ၼႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ၼႆႉ​ၸႂ်​ႁႅင်း​ၼႃႇ​ၽၢႆႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ယဝ်ႉ​တီႈ​ၶႃႈ​ယဝ်ႉ။ လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸုၼ်ႉ​ပႅတ်ႈ​ပတီႉၺိၺ်ႇ​တြႃး​ၸဝ်ႈ​ႁဝ်း​လႄႈ ၵိူၼ်ႇ​ယႃႉ​ယိတ်ႈပလၢင်ႇ​ၸဝ်ႈ​ႁဝ်း​တင်း​လၢႆ​ပႅတ်ႈ​သေ​လႄႈ ဢဝ်​ပရေႃးၽႅတ်ႈ​ၸဝ်ႈ​ႁဝ်း​တင်း​လၢႆ တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ယဝ်ႉ​တီႈ​ၶႃႈ​ယဝ်ႉ။ ၵိုတ်း​ၵျၢၼ်ႇ​ဝႆႉ​ၶႃႈ​ၸဝ်ႈ​ၼႆႉ​ၵေႃႉ​လဵဝ်​ၵူၺ်း​လႄႈ တေႃႈ​ၵႃႈ​ဢသၢၵ်ႈ​ၶႃႈ​ၸဝ်ႈ​ၼႆႉ​ၵေႃႈ ၶဝ်​ဢွၼ်​ၵၼ်​ႁႃ​ႁႂ်ႈ​လႆႈ​ဢဝ်​တၢႆ​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မၼ်း​ၸဝ်ႈ​ၵေႃႈ​မီး​ဢမိင်ႉ​လႄႈ​ဝႃႈ၊ ဢွၵ်ႇ​လႄႈ​ၸုၵ်း​ယူႇ​ၵႃႈ​ၼိူဝ်​လွႆ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​တႃႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ ထႃႇဝရႃႉ​ၽြႃး​ၵၢႆ​ၵႂႃႇ​ၵႃႈ​တီႈ​ႁိမ်း​မၼ်း​လႄႈ လူမ်း​ဢၼ်​ႁႅင်း​လႄႈ​ယႂ်ႇ​ၼႃႇ​ၼၼ်ႉ ၽႃႇ​ပၢႆ​လွႆ​တင်း​လၢႆ​တႅၵ်ႇ​လႄႈ ႁၵ်း​မၢၵ်ႇ​ႁိၼ်​မၢၵ်ႇ​ၽႃ​ဢၼ်​မီး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​ပႅတ်ႈ​ဢေႃႈ။ ၵူၺ်း​ၵႃႈ​ထႃႇဝရႃႉ​ၽြႃး​ဢမ်ႇ​မီး​ၵႃႈ​ၼႂ်း​လူမ်း​ၼၼ်ႉ။ လိုၼ်း​လူမ်း​ၼၼ်ႉ မီး​တၢင်း​ဢၼ်​ဢိင်ႇ​သၼ်ႇ​ဢေႃႈ။ ၵူၺ်း​ၵႃႈ​ထႃႇဝရႃႉ​ၽြႃး​ဢမ်ႇ​မီး​ၵႃႈ​ၼႂ်း​တၢင်း​ဢၼ်​ဢိင်ႇ​သၼ်ႇ​ၼၼ်ႉ။-</verse>
				<verse number="12">လိုၼ်း​တၢင်း​ဢၼ်​ဢိင်ႇ​သၼ်ႇ​ၼၼ်ႉ မီး​ၽႆး​ဢေႃႈ။ ၵူၺ်း​ၵႃႈ​ထႃႇဝရႃႉ​ၽြႃး​ဢမ်ႇ​မီး​ၵႃႈ​ၼႂ်း​ၽႆး​ၼၼ်ႉ။ လိုၼ်း​ၽႆး​ၼၼ်ႉ​မီး​သဵင်​ဢၼ်​ဢူၼ်ႈ​ဢၼ်​ဢွၼ်ႇ​ထိူင်း​ထိူင်း​လွႆး​လွႆး​ဢေႃႈ။-</verse>
				<verse number="13">ဢေးလီႉယႃႉ ​ငိၼ်း​သဵင်​ၼၼ်ႉ​သေ​ယဝ်ႉ၊ ဢဝ်​ၽႃႈ​ဝႆ​ႁူမ်ႇ​သုမ်ႇ​ၼႃႈ​မၼ်း​ယူႇ​သေ​လႄႈ ဢွၵ်ႇ​လႄႈ​ၸုၵ်း​ယူႇ​ၵႃႈ​တီႈ​ပၢၵ်ႇ​ႁူး​ထမ်ႈ​ဢေႃႈ။ မိူဝ်ႈ​ၼၼ်ႉ မၼ်း​ငိၼ်း​သဵင်​မႃး​လႄႈ​ဝႃႈ၊ မႂ်း​ႁဵတ်း​ၵႃႈ​သင်​ယူႇ​ၵႃႈ​တီႈ​ၼႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ၼႆႉ​ၸႂ်​ႁႅင်း​ၼႃႇ​ၽၢႆႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ယဝ်ႉ​တီႈ​ၶႃႈ​ယဝ်ႉ။ လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸုၼ်ႉ​ပႅတ်ႈ​ပတီႉၺိၺ်ႇ​တြႃး​ၸဝ်ႈ​ႁဝ်း​လႄႈ ၵိူၼ်ႇ​ယႃႉ​ယိတ်ႈပလၢင်ႇ​ၸဝ်ႈ​ႁဝ်း​တင်း​လၢႆ​ပႅတ်ႈ​သေ​လႄႈ ဢဝ်​ပရေႃးၽႅတ်ႈ​ၸဝ်ႈ​ႁဝ်း​တင်း​လၢႆ တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ယဝ်ႉ​တီႈ​ၶႃႈ​ယဝ်ႉ။ ၵိုတ်း​ၵျၢၼ်ႇ​ဝႆႉ​ၶႃႈ​ၸဝ်ႈ​ၼႆႉ​ၵေႃႉ​လဵဝ်​ၵူၺ်း​လႄႈ တေႃႈ​ၵႃႈ​ဢသၢၵ်ႈ​ၶႃႈ​ၸဝ်ႈ​ၼႆႉ​ၵေႃႈ ၶဝ်​ဢွၼ်​ၵၼ်​ႁႃ​ႁႂ်ႈ​လႆႈ​ဢဝ်​တၢႆ​ယူႇ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်။-</verse>
				<verse number="15">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ မႂ်း​ၵႂႃႇ​တႃႉ။ ၶိုၼ်း​မိူဝ်း​ၸွမ်း​သဵၼ်ႈ​တၢင်း​မႂ်း​ၸူး​ၵႃႈ​တီႈ​ထိူၼ်ႇ ထမ်ႇမသႅတ်ႉ ​လႄႈ ႁွတ်ႈ​ထိုင်​သေ​ယဝ်ႉ ပၼ်​ၽိၵ်ႈ​သိၵ်ႈ​တီႈ​ ႁႃႇၸေႇလႃႉ ႁႂ်ႈ​မၼ်း​ပဵၼ်​ၶုၼ်​ႁေႃ​ၶမ်း​ သူႉရီႉ ​တႃႉ။-</verse>
				<verse number="16">ပၼ်​ၽိၵ်ႈ​သိၵ်ႈ​တီႈ​ ယေႇႁူႉ ​လုၵ်ႈ​ၸၢႆး​ ၼိမ်းသီႉ ႁႂ်ႈ​မၼ်း​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ ​တႃႉ။ ပၼ်​ၽိၵ်ႈ​သိၵ်ႈ​တီႈ​ ဢေးလီႉသႄး လုၵ်ႈ​ၸၢႆး​ သႃႇၽတ်ႉ ဢၼ်​ယူႇ​ၵႃႈ​တီႈ​ဝဵင်း​ ဢႃႇပေႇလႃႉမႁေႃႇလႃႉ ​ၼၼ်ႉ ႁႂ်ႈ​ပဵၼ်​ပရေႃးၽႅတ်ႈ​တၢင်​တူဝ်​မႂ်း​တႃႉ။-</verse>
				<verse number="17">ၵေႃႉ​ဢၼ်​လွတ်ႈ​တင်း​လၢပ်ႇ ႁႃႇၸေႇလႃႉ ​ၼၼ်ႉ​ၸိုင်၊ ယေႇႁူႉ ​တၵ်း​ဢဝ်​တၢႆ​ဢေႃႈ။ ၵေႃႉ​ဢၼ်​လွတ်ႈ​တင်း​လၢပ်ႇ​ ယေႇႁူႉ ​ၼၼ်ႉ​ၸိုင်၊ ဢေးလီႉသႄး ​တၵ်း​ဢဝ်​တၢႆ​ဢေႃႈ။-</verse>
				<verse number="18">ၼႂ်း​ဝႃႈ​ၼၼ်​သေ​ၵေႃႈ ၵူၼ်း​မဵဝ်း​ ဢီႉသရေႇလႃႉ ​ၸဵတ်း​ႁဵင်​ဢၼ်​ဝႃႈ မၢၵ်ႇ​ၵၢဝ်ႈ​ၵႃႈ​ဢၼ်​ဢမ်ႇ​ၶုပ်ႉ​ၶဝ်ႇ​ၵႃႈ​တီႈ​ၽၢႆႇ​ၼႃႈ​ ပႃႇလႃႉ ဢိၵ်ႇ​တင်း သူပ်း​ၵႃႈ​ဢၼ်​ဢမ်ႇ​ၸုပ်ႇ​ဢမ်ႇ​ၼူမ်​မၼ်း​ၼၼ်ႉ​ၸိူဝ်း​ၼၼ်ႉ​ၸိုင်၊ ၵဝ်​ႁႂ်ႈ​ၵိုတ်း​ၵျၢၼ်ႇ​ဝႆႉ​ပုၼ်ႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">မၼ်း​လုၵ်ႉ​သေ​ၵႃႈ​တီႈ​ၼၼ်ႈ​ၵႂႃႇ​လႄႈ ထူပ်း​ႁၼ်​ ဢေးလီႉသႄး လုၵ်ႈ​ၸၢႆး​ သႃႇၽတ်ႉ ဢၼ်​ဢဝ်​ဝူဝ်း​သိပ်း​သွင်​ၵူႈ​ထႆ​ၼႃး​ယူႇ​သေ​လႄႈ တူဝ်​မၼ်း​ၸွမ်း​ၵႃႈ​တီႈ​ၵူႈ​ဝူဝ်း​ဢၼ်​ထူၼ်ႈ​ထိုင်​သိပ်း​သွင်​ၵူႈ​ၼၼ်ႉ​သေ​ယဝ်ႉ ၵႂႃႇ​ၸူး​ၵႃႈ​တီႈ​ႁိမ်း​မၼ်း​ၼၼ်ႉ​သေ​လႄႈ၊ ဢဝ်​ၽႃႈ​ဝႆ​မၼ်း​ပၢႆႉ​သႂ်ႇ​ၵႃႈ​ၼိူဝ်​မၼ်း​ၼၼ်ႉ​ဢေႃႈ။-</verse>
				<verse number="20">မၼ်း​ၼၼ်ႉ​ပႅတ်ႈ​ဝူဝ်း​မၼ်း​ၸိူဝ်း​ၼၼ်ႉ​ဝႆႉ​သေ​လႄႈ ၸွမ်း​လင်​ ဢေးလီႉယႃႉ ​လႄႈ​ယွၼ်း​ဢၶႂၢင်ႉ​လႄႈ​ဝႃႈ၊ ႁႂ်ႈ​ၵဝ်​ၶႃႈ​လႆႈ​ၸုပ်ႇ​ၼူမ်​ပေႃႈ​မႄႈ​ၵဝ်​ၶႃႈ​လူး​ၵွၼ်ႇ​သေ​ၵမ်း​ၶႃႈ။ ႁဵတ်း​ၸိူဝ်ႉ​ၼင်ႇ​ၼၼ်​သေ​ယဝ်ႉ တၵ်း​ၸွမ်း​လင်​ၸဝ်ႈ​ႁဝ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ၶိုၼ်း​မိူဝ်း​ၵႂႃႇ​တႃႉ။ ၵဝ်​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​မႂ်း​ယဝ်ႉ၊-</verse>
				<verse number="21">မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် မၼ်း​ၼၼ်ႉ​လုၵ်ႉ​သေ​ၵႃႈ​တီႈ​ဢၼ်​ၸွမ်း​လင်​မၼ်း​ယူႇ​ၼၼ်ႉ ၶိုၼ်း​မိူဝ်း​ၵႂႃႇ​လႄႈ ဢဝ်​ဝူဝ်း​ၵူႈ​ၼိုင်ႈ​တၢႆ​သေ​ယဝ်ႉ၊ ဢဝ်​ၶိူင်ႈ​ဢၼ်​ထႆ​ၼႃး​တူမ်ႈ​ၼိူဝ်ႉ​ဝူဝ်း​ၼၼ်ႉ​လႄႈ တမ်း​ပၼ်​ၵူၼ်း​တင်း​လၢႆ​လႄႈ ၶဝ်​ဢွၼ်​ၵၼ်​ၵိၼ်​ဢေႃႈ။ ႁဵတ်း​ၸိူဝ်ႉ​ၼင်ႇ​ၼၼ်​သေ​ယဝ်ႉ မၼ်း​ၼၼ်ႉ​လုၵ်ႉ​လႄႈ ၸွမ်း​လင်​ ဢေးလီႉယႃႉ ​ယူႇ​သေ​လႄႈ ပဵၼ်​ၵေႃႉ​ဢၼ်​ပုတ်ႈ​တိၼ်​တၢင်​မိုဝ်း​မၼ်း​ဢေႃႈ။</verse>
			</chapter>
			<chapter number="20">
				<verse number="1">ပိၼ်ႇႁႃႇတတ်ႉ ​ၶုၼ်​ႁေႃ​ၶမ်း​ သူႉရီႉ ​ၼၼ်ႉ ႁႂ်ႈ​ပူဝ်ႇ​ပႃႇ​မၼ်း​တင်း​သဵင်ႈ​တင်း​လူင်​ၸူႉ​ၵၼ်​တုမ်​ၵၼ်​လႄႈ ပႃး​ဢဝ်​တင်း​ၶုၼ်​လူင်​သၢမ်​သိပ်း​ပၢႆ​သွင်​ပႃး၊ ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ၊ ႁူဝ်​ႁၢၼ်​ၵူၼ်း​သိုၵ်း​ၶီႇ​လေႃႉရထႃး​တင်း​လၢႆ​သေ​လႄႈ ၶီႇ​သိုၵ်း​ၶိုၼ်ႈ​ၸူး​သေ​ယဝ်ႉ လွမ်ႉ​ႁွပ်ႈ​ဝဵင်း​ သမႃႇရီႉ ​လႄႈ​တိုၵ်း​တေႃး​ဢေႃႈ။-</verse>
				<verse number="2">မၼ်း​ပွႆႇ​ၸႂ်ႉ​သၢၼ်ႇတမၢၼ်ႇ​တင်း​လၢႆ​ၶဝ်ႈ​ၵႃႈ​ၼႂ်း​ဝဵင်း​ၸူး​ၵႃႈ​တီႈ ဢႃႇႁပ်ႉ ​ၶုၼ်​ႁေႃ​ၶမ်း​ ဢီႉသရေႇလႃႉ ​လႄႈ သင်ႇ​လၢတ်ႈ​ၵႂႃႇ​လႄႈ​ဝႃႈ၊-</verse>
				<verse number="3">ငိုၼ်း​မႂ်း​ၶမ်း​မႂ်း​ၸိူဝ်း​ၼၼ်ႉ​ပဵၼ်​ၶွင်​ၵဝ်​ဢေႃႈ။ လုၵ်ႈ​မႂ်း​မေး​မႂ်း​ဢၼ်​လီ​ၼႃႇ​သေ​ပိူၼ်ႈ​ၸိူဝ်း​ၼၼ်ႉ​ၵေႃႈ၊ ပဵၼ်​ၶွင်​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၶုၼ်​ႁေႃ​ၶမ်း​ ဢီႉသရေႇလႃႉ ​ၶိုၼ်း​လၢတ်ႈ​လႄႈ​ဝႃႈ၊ ၸဝ်ႈ​ၵဝ်​ၶႃႈ​ၸဝ်ႈ​ၶုၼ်​လူင်​ဢိူၺ်း၊ ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၸဝ်ႈ​ႁဝ်း​မီး​ၼၼ်ႉ​လႄႈ၊ ၵဝ်​ၶႃႈ​တင်း​ဢုၵ်ႉ​ၸႃႇ​ၵဝ်​ၶႃႈ​ၵႃႈ​မီး​ၼႆႉ​ပဵၼ်​ဢုၵ်ႉ​ၸႃႇ​ၸဝ်ႈ​ႁဝ်း​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">သၢၼ်ႇတမၢၼ်ႇ​ၸိူဝ်း​ၼၼ်ႉ​သမ်ႉ​ၶိုၼ်း​ၵႂႃႇ​ထႅင်ႈ​လႄႈ​ဝႃႈ၊ ဢမိင်ႉ​ၸဝ်ႈ​ ပိၼ်ႇႁႃႇတတ်ႉ ​ၸမ်ႉ၊ ပိၵ်ႉ​သမ်ႉ​ၵဝ်​သင်ႇ​လၢတ်ႈ​ၵႂႃႇ​လႄႈ​ဝႃႈ၊ မႂ်း​တၵ်း​လႆႈ​ဢဝ်​ငိုၼ်း​မႂ်း ၶမ်း​မႂ်း လုၵ်ႈ​မေး​မႂ်း​ၸိူဝ်း​ၼၼ်ႉ ဢၢပ်ႈ​ပၼ်​တီႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="6">ဝၼ်း​မိူဝ်ႈ​ၽုၵ်ႈ​မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ၼႆႉ​ၼၼ်ႉ ၵဝ်​တၵ်း​ပွႆႇ​ၸႂ်ႉ​ၶႃႈ​ၵဝ်​တင်း​လၢႆ​ၵႂႃႇ​တီႈ​မႂ်း​လႄႈ ၶဝ်​တၵ်း​လႆႈ​သွၵ်ႈ​လႆႈ​ႁႃ​ၵႃႈ​ၼႂ်း​ႁိူၼ်း​မႂ်း ဢိၵ်ႇ​တင်း​ႁိူၼ်း​ၶႃႈ​မႂ်း​ၸိူဝ်း​ၼၼ်ႉ​သေ​ယဝ်ႉ၊ ဢဝ်​မိုဝ်း​ယိပ်း​ၵမ်​ဢဝ်​ၵႃႈ​ဢၼ်​ထုၵ်ႇ​တႃ​မႂ်း​ၼၼ်ႉ​သေ​လႄႈ​ဢဝ်​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ႁွင်ႉ​ဢဝ်​ၵူၼ်း​ဝၢၼ်ႈ​ၵူၼ်း​မိူင်း ဢၼ်​ဢသၢၵ်ႈ​ထဝ်ႈ​ၵႄႇ​တင်း​သဵင်ႈ​တင်း​လူင်​မႃး​သေ​လႄႈ မွၵ်ႇ​လၢတ်ႈ​လႄႈ​ဝႃႈ၊ သူ​ဝႆႉ​ၸႂ်​လႄႈ​လူ​တူၺ်း​လွင်ႈ​ဢၼ် ၵေႃႉ​ၼႆႉ​ၶႂ်ႈ​ႁႃ​တၢင်း​ၽိတ်း​သႂ်ႇ​ထၢၼ်ႇ​ၼႆႉ​ၼၼ်ႉ​သေ​ၵမ်း။ မိူဝ်ႈ​ဢၼ်​သင်ႇ​လၢတ်ႈ​မႃး​လႄႈ ယွၼ်း​ဢဝ်​လုၵ်ႈ​မေး​ၵဝ်၊ ငိုၼ်း​ၶမ်း​ၵဝ်​ၼၼ်ႉ​ၸိုင်၊ ၵဝ်​ယင်း​ဢမ်ႇ​တွပ်ႇ​ဢမ်ႇ​ထဵင်​မၼ်း​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵူၼ်း​ဢၼ်​ဢသၢၵ်ႈ​ထဝ်ႈ​ၵႄႇ​တင်း​သဵင်ႈ​တင်း​လူင် ဢိၵ်ႇ​တင်း​ၶုၼ်​တင်း​သဵင်ႈ​တင်း​လူင် ဢွၼ်​ၵၼ်​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ယႃႇ​ပေ​ထွမ်ႇ​ဢဝ်​ၵႂၢမ်း​ၼၼ်ႉ​သေ​ၵမ်း​တီႈ​ၶႃႈ။ ယႃႇ​ပေ​ႁပ်ႉ​တုင်း​ဢဝ်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ​မၼ်း​လၢတ်ႈ​တီႈ​သၢၼ်ႇတမၢၼ်ႇ​ ပိၼ်ႇႁႃႇတတ်ႉ ​ၸိူဝ်း​ၼၼ်ႉ​လႄႈ​ဝႃႈ သူ​ၶိုၼ်း​လဝ်ႊ​လၢတ်ႈ​တီႈ​ၸဝ်ႈ​ၵဝ်​ၶႃႈ ၸဝ်ႈ​ၶုၼ်​လူင်​လႄႈ​ဝႃႈ၊ ၶႃႈ​ၸဝ်ႈ​ႁဝ်း​တၵ်း​ႁဵတ်း​ၵႃႈ​ဢၼ်​ၸဝ်ႈ​ႁဝ်း​မီး​ဢမိင်ႉ​တီႈ​ၶႃႈ​ၸဝ်ႈ​ႁဝ်း ၵမ်း​ဢွၼ်​တၢင်း​ၼၼ်ႉ​တီႈ​ၶႃႈ​ဢေႃႈ။ ၵူၺ်း​ၵႃႈ​တီႈ​ႁဵင်း​ၼႆႉ​ၸိုင်၊ ၶႃႈ​ၸဝ်ႈ​ဢမ်ႇ​လီ​ႁဵတ်း​တီႈ​ၶႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ သၢၼ်ႇတမၢၼ်ႇ​ၸိူဝ်း​ၼၼ်ႉ​ဢွၵ်ႇ​မိူဝ်း​လႄႈ ဢဝ်​ၵႂၢမ်း​ၼၼ်ႉ​ၶိုၼ်း​လဝ်ႊ​လၢတ်ႈ​ဢေႃႈ။-</verse>
				<verse number="10">လႆႈ​သမ်ႉ ပိၼ်ႇႁႃႇတတ်ႉ ​ၼၼ်ႉ ပွႆႇ​ၸႂ်ႉ​ထႅင်ႈ​လႄႈ​သင်ႇ​လၢတ်ႈ​ဝႃႈ၊ ပေႃး​မုၼ်ႈ​လိၼ်​ဝဵင်း​ သမႃႇရီႉ ​ၼၼ်ႉ​ယင်း​ၸေး​ယင်း​ၵုမ်ႇ​ၶဝ်​ၸိူဝ်း​ဢၼ်​ၸွမ်း​လင်​ၵဝ်​ၸိူဝ်း​ၼႆႉ ယေႈ​ၵေႃႉ​ယေႈ​ၵမ်​မိုဝ်း​ၸိုင် ယင်း​ဢမ်ႇ​ၵႃး​ဢၼ်​ၼၼ်ႉ​လႄႈ ႁႂ်ႈ​ၽြႃး​တင်း​လၢႆ ႁဵတ်း​လိူဝ်​တွၼ်း​ၼႃႇ​သေ​ၼၼ်ႉ​တီႈ​ၵဝ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">ၶုၼ်​ႁေႃ​ၶမ်း​ ဢီႉသရေႇလႃႉ ​ၶိုၼ်း​လၢတ်ႈ​လႄႈ​ဝႃႈ၊ လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ယႃႇ​ပေ​ႁႂ်ႈ​ၵေႃႉ​ဢၼ်​ၼုင်ႈ​မႆ​လၢၵ်ႈ​ၼၢၵ်ႈ​ၸုမ်ႇ​ၼၼ်ႉ ဢုပ်ႇ​ဢၢတ်ႇ​ယူႇ မိူၼ်​ၸိူဝ်ႉ​ၼင်ႇ​ဢၼ် ၵေႃႉ​ဢၼ်​ထွတ်ႇ​ပႅတ်ႈ​သေ​လႄႈ ဢုပ်ႇ​ဢၢတ်ႇ​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ပိၼ်ႇႁႃႇတတ်ႉ ​ငိၼ်း​ၵႂၢမ်း​ၼၼ်ႉ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၵိၼ်​ယူႇ​သူတ်ႉ​ယူႇ​ၵႃႈ​ၼႂ်း​သုမ်ႉ​ထဵင်​ၸဝ်ႈ ဢိၵ်ႇ​လူၺ်ႈ​ၵၼ်​တင်း​ၶုၼ်​လူင်​ၸိူဝ်း​ၼၼ်ႉ​ယူႇ​ၼၼ်ႉ​သေ​ယဝ်ႉ၊ မီး​ဢမိင်ႉ​တီႈ​ၶႃႈ​မၼ်း​ၵူၼ်း​မၼ်း​တင်း​လၢႆ​လႄႈ​ဝႃႈ၊ ဢွၼ်​ၵၼ်​ႁၢင်ႈ​သိုၵ်း​ၶၢင်း​သိုၵ်း​တႃႉ၊ ဝႃႈ​ၼင်ႇ​ၼႆ​လႄႈ ၶဝ်​ၼၼ်ႉ​ဢွၼ်​ၵၼ်​ႁၢင်ႈ​သိုၵ်း​ၶၢင်း​သိုၵ်း​ၶဝ်​ယူႇ​ၽၢႆႇ​ၼိုင်ႈ​တင်း​ဝဵင်း​ဢေႃႈ။</verse>
				<verse number="13">မိူဝ်ႈ​ၼၼ်ႉ​ပရေႃးၽႅတ်ႈ​ပႃး​ၼိုင်ႈ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ ဢႃႇႁပ်ႉ ​ၶုၼ်​ႁေႃ​ၶမ်း​ ဢီႉသရေႇလႃႉ ​လႄႈ​လၢတ်ႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ မႂ်း​ႁၼ်​မူႇ​ၽုင်​မုၵ်ႉ​ၸိူဝ်း​ဢၼ်​ယႂ်ႇ​ၼႃႇ​တင်း​သဵင်ႈ​တင်း​လူင်​ၼႆႉ​ယဝ်ႉ​ႁိုဝ်။ ၵဝ်​တၵ်း​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဝၼ်း​မိူဝ်ႈ​ၼႆႉ​ဢေႃႈ။ မႂ်း​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ဢႃႇႁပ်ႉ ​ၵေႃႈ​ထၢမ်​လႄႈ​ဝႃႈ၊ တၵ်း​ဢဝ်​တင်း​ၽူႈ​လႂ်​ဢဝ်​ဢၢပ်ႈ​ပၼ်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ တၵ်း​ဢဝ်​တင်း​ၵူၼ်း​ဢွၼ်ႇ​မဵဝ်ႉ​ဝုၼ်ႇ​တင်း​လၢႆ ဢဝ်​ဢၢပ်ႈ​ပၼ်​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ထၢမ်​ထႅင်ႈ​လႄႈ​ဝႃႈ ၽူႈ​လႂ်​တၵ်း​လႆႈ​ၸီႇ​ယၢင်ႇ​ဢမူႉ​သိုၵ်း၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ တူဝ်​ၶုၼ်​လူင်​တၵ်း​လႆႈ​ၸီႇ​ယၢင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မိူဝ်ႈ​ၼၼ်ႉ​မၼ်း​ၼပ်ႉ​ဢၢၼ်ႇ​ၵူၼ်း​ဢွၼ်ႇ​မဵဝ်ႉ​ဝုၼ်ႇ​ၸိူဝ်း​ၼၼ်ႉ​လႄႈ မီး​သွင်​ပၢၵ်ႇ​သၢမ်​သိပ်း​ပၢႆ​သွင်​ၵေႃႉ​ဢေႃႈ။ မၼ်း​သမ်ႉ​ၼပ်ႉ​ဢၢၼ်ႇ​ၵူၼ်း​တင်း​သဵင်ႈ​တင်း​လူင်​ဢၼ်​ဝႃႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ မီး​ၸဵတ်း​ႁဵင်​ဢေႃႈ။-</verse>
				<verse number="16">ၶဝ်​ၼၼ်ႉ​ဢွၼ်​ၵၼ်​ဢွၵ်ႇ​ၶိင်ႇ​ဢၼ်​ၵၢင်​ဝၼ်း​တဵင်ႈ​ဢေႃႈ၊ ပိၼ်ႇႁႃႇတတ်ႉ ​ၸမ်ႉ၊ ၵိၼ်​လဝ်ႈ​ၵႃႈ​တီႈ​သုမ်ႉ​ၸဝ်ႈ​လူၺ်ႈ​ၵၼ်​တင်း​ၶုၼ်​လူင် ဢၼ်​ၸွႆႈ​ထႅမ်​မၼ်း​သၢမ်​သိပ်း​ပၢႆ​သွင်​ပႃး​ၸိူဝ်း​ၼၼ်ႉ ႁႂ်ႈ​ထၼ်ႈ​ပေႃး​မဝ်း​လဝ်ႈ​မဝ်း​ၵမ်​ယူႇ​ဢေႃႈ။-</verse>
				<verse number="17">ၵူၼ်း​ဢွၼ်ႇ​မဵဝ်ႉ​ဝုၼ်ႇ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ၵႂႃႇ​ဢွၼ်​တၢင်း​ဢေႃႈ။ ၶုၼ်​ ပိၼ်ႇႁႃႇတတ်ႉ ​ပွႆႇ​ၸႂ်ႉ​ၵူၼ်း​ဢွၵ်ႇ​တူၺ်း​လႄႈ ၶဝ်​ၼၼ်ႉ​ၶိုၼ်း​လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ၵူၼ်း​ဢွၵ်ႇ​ၵႃႈ​ၼႂ်း​ဝဵင်း​ သမႃႇရီႉ ​မႃး​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="18">မၼ်း​ၼၼ်ႉ​မီး​ဢမိင်ႉ​လႄႈ​ဝႃႈ၊ ဢွၵ်ႇ​မႃး​ႁႂ်ႈ​သိုၵ်း​ယဵၼ်​သေ​ဢမ်ႇ​ဝႃႈ၊ တီႉ​ဢဝ်​တူဝ်​လိပ်း​မၼ်း​တႃႉ။ ဢွၵ်ႇ​မႃး​ႁႂ်ႈ​လႆႈ​တိုၵ်း​သေ​ဢမ်ႇ​ဝႃႈ၊ တီႉ​ဢဝ်​တူဝ်​လိပ်း​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၼင်ႇ​ၼၼ်​လႄႈ ၵူၼ်း​ဢွၼ်ႇ​မဵဝ်ႉ​ဝုၼ်ႇ​ၸိူဝ်း​ၼၼ်ႉ ဢိၵ်ႇ​တင်း​ပူဝ်ႇ​ပႃႇ​ၵူၼ်း​သိုၵ်း​ဢၼ်​ၸွမ်း​ၶဝ်​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ဝဵင်း​လႄႈ ဢဝ်​ၵူၼ်း​တၢႆ​ၵေႃႉ​တေႃႇ​ၵေႃႉ​ၵူႈ​ၵေႃႉ​သေ​ယဝ်ႉ၊-</verse>
				<verse number="20">ၵူၼ်း​ သူႉရီႉ ​ၸိူဝ်း​ၼၼ်ႉ​ဢွၼ်​ၵၼ်​ဢွၵ်ႇ​ပၢႆႈ​လႄႈ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​လိုပ်ႈ​ၸွမ်း​လႄႈ၊ ပိၼ်ႇႁႃႇတတ်ႉ ၶုၼ်​ႁေႃ​ၶမ်း​ သူႉရီႉ ​ၸိူဝ်း​ၼၼ်ႉ ၶီႇ​မႃႉ​သေ​လႄႈ​ပၢႆႈ​လူၺ်ႈ​ၵၼ်​တင်း​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​တင်း​လၢႆ​လႄႈ လွတ်ႈ​ၵႂႃႇ​ဢေႃႈ။-</verse>
				<verse number="21">ၶုၼ်​ႁေႃ​ၶမ်း​ ဢီႉသရေႇလႃႉ ​ၵေႃႈ​ဢွၵ်ႇ​လႄႈ ယႃႉ​တပ်ႉ​မႃႉ၊ တပ်ႉ​လေႃႉရထႃး ပႅတ်ႈ​လႄႈ​ႁဵတ်း​တၢင်း​ဢၼ်​ၶႃႈ​ၽၼ်း​ဢဝ်​တၢႆ ဢၼ်​ယႂ်ႇ​ၼႃႇ ဢဝ်​ၵူၼ်း​ သူႉရီႉ ​ၸိူဝ်း​ၼၼ်ႉ​တၢႆ​ဢေႃႈ။-</verse>
				<verse number="22">လႆႈ​သမ်ႉ​ပရေႃးၽႅတ်ႈ​ၼၼ်ႉ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ ၶုၼ်​ႁေႃ​ၶမ်း​ ဢီႉသရေႇလႃႉ ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၵႂႃႇ​လႄႈ​ႁဵတ်း​ႁႂ်ႈ​တူဝ်​ၸဝ်ႈ​ၵဝ်ႇ​မၼ်ႈ​ၶိူင်ႇ​သေ​ၵမ်း​တီႈ​ၶႃႈ။ ႁဵတ်း​သတီႉ​လႄႈ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ဢၼ်​ၸဝ်ႈ​ႁဝ်း တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​သေ​ၵမ်း​တီႈ​ၶႃႈ။ မိူဝ်ႈ​ဢၼ်​ၶွပ်ႈ​ၶူပ်ႇ​ယဝ်ႉ​ၼၼ်ႉ​ၸိုင်၊ ၶုၼ်​ႁေႃ​ၶမ်း​ သူႉရီႉ ​ၼၼ်ႉ တၵ်း​ၶီႇ​သိုၵ်း​မႃး​ထႅင်ႈ​လူး​ၵွၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ၶႃႈ​ၵူၼ်း ၶုၼ်​ႁေႃ​ၶမ်း​ သူႉရီႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ၽြႃး​ၶဝ်​ၼၼ်ႉ​ၸိူဝ်း​ၼၼ်ႉ ပဵၼ်​ၽြႃး​ဢၼ်​လႆႈ​ဢုပ်ႉ​ပိူင်ႇ​ၵႃႈ​တီႈ​လွႆ​ၵူၺ်း​တီႈ​ၶႃႈ​ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၶဝ်​ႁႅင်း​ယႂ်ႇ​ၼႃႇ​သေ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။ ၵႂႃႇ​တိုၵ်း​တေႃး​ၶဝ်​ၵႃႈ​တီႈ​ပၢင်ႇ​တီႈ​ပဵင်း​ထႅင်ႈ​သေ​ပွၵ်ႈ​လူး​ၵွၼ်ႇ​တီႈ​ၶႃႈ​ႁဝ်း။ ပေႃး​တိုၵ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​ႁဝ်း​ၶဝ်​တၵ်း​ႁႅင်း​ယႂ်ႇ​ၼႃႇ​သေ​ၶဝ်​ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။-</verse>
				<verse number="24">ႁဵတ်း​ၸိူဝ်ႉ​ၼင်ႇ​ၼႆ​သေ​ၵမ်း​တီႈ​ၶႃႈ။ ၼုၵ်ႈ​ၶုၼ်​လူင်​တင်း​သဵင်ႈ​တင်း​လူင် ဢွၵ်ႇ​သေ​ၵႃႈ​ၼႂ်း​ဢရႃႇ​ၶဝ်​လႄႈ ၶၢၼ်း​ပူဝ်ႇ​ၶျုၵ်ႈ​ဝႆႉ တၢင်​တူဝ်​ၶဝ်​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="25">ႁၢင်ႈ​ပွင်​တပ်ႉ​ဢၼ်​ၼမ်​ၼႃႇ ပဵင်း​တၢၼ်ႇ​တပ်ႉ​ဢၼ်​သုမ်း​ၸွမ်း​ၵႂႃႇ​ၼၼ်ႉ၊ မႃႉ​ပုၼ်ႈ​မႃႉ၊ လေႃႉရထႃး​ပုၼ်ႈ​လေႃႉရထႃး​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၶဝ်​တၵ်း​တိုၵ်း​တေႃး​ၶဝ် ၵႃႈ​တီႈ​ပၢင်ႇ​တီႈ​ပဵင်း​လႄႈ​ႁႅင်း​ယႂ်ႇ​ၼႃႇ​သေ​ၶဝ်​ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ ဝႃႈ​ၼင်ႇ​ၼႆ​လႄႈ မၼ်း​ထွမ်ႇ​ဢၼ်​ၵႂၢမ်း​ဢၼ်​ၶဝ်​လဝ်ႊ​လၢတ်ႈ​ၼၼ်ႉ​သေ​လႄႈ ၸီႇ​ယၢင်ႇ​ႁဵတ်း​ဢေႃႈ။-</verse>
				<verse number="26">မိူဝ်ႈ​ဢၼ်​ၶွပ်ႈ​ၶူပ်ႇ​ယဝ်ႉ​ၼၼ်ႉ​ၸိုင် ပိၼ်ႇႁႃႇတတ်ႉ ​ၼၼ်ႉ​ႁၢင်ႈ​ပွင်​ၵူၼ်း​ သူႉရီႉ ​တင်း​လၢႆ​သေ​လႄႈ​ၶီႇ​ၶိုၼ်ႈ​ၸူး​ၵႃႈ​တီႈ​ဝဵင်း​ ဢႃႇၽႅၵ်ႉ ႁႂ်ႈ​လႆႈ​တိုၵ်း​တေႃး ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="27">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ၊ လႆႈ​ၶၢမ်ႇ​တၢင်း​ဢၼ်​ႁၢင်ႈ​ပွင်ႁဵတ်း​တပ်ႉ​သေ​လႄႈ မႄး​ႁႅၼ်း​ၸရိပ်ႈ​တၢင်း​ၵိၼ်​သေ​ယဝ်ႉ ၶီႇ​သိုၵ်း​ၵႂႃႇ​ဢေႃႈ။ ပိၵ်ႉ​သမ်ႉ​ၵူၼ်း​ သူႉရီႉ ​ၸိူဝ်း​ၼၼ်ႉ မီး​ၸွတ်ႇ​တူဝ်ႈ​ဝႆႉ​တင်း​ဝၢၼ်ႈ​တင်း​မိူင်း​ယူႇ​သေ​ၵေႃႈ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​ၽုင်​ပႄႉ ဢၼ်​လဵၵ်ႉ​ဢၼ်​ဢွၼ်ႇ​သွင်​ၽုင်​သေ​လႄႈ ၶျႃး​တပ်ႉ​ၶဝ်​ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​ဢေႃႈ။</verse>
				<verse number="28">ၵူၼ်း​ၽြႃး​ပဵၼ်​ၸဝ်ႈ​ၵေႃႉ​ၼိုင်ႈ သုတ်ႉ​ၸပ်း​သုတ်ႉ​ၸူး​လႄႈ သင်ႇ​လၢတ်ႈ​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​ၵူၼ်း​ သူႉရီႉ ​ၸိူဝ်း​ၼၼ်ႉ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ပဵၼ်​ၽြႃး​ဢၼ်​ဢုပ်ႉ​ပိူင်ႇ​လွႆ​ၵူၺ်း​ဢေႃႈ။ ပဵၼ်​ၽြႃး​ဢၼ်​ဢုပ်ႉ​ပိူင်ႇ​ၵႃႈ​တီႈ​ပၢင်ႇ​တီႈ​ပဵင်း​ဢမ်ႇ​ၸႂ်ႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊ ၵဝ်​တၵ်း​ဢဝ်​မူႇ​ၽုင်​မုၵ်ႉ​ၸိူဝ်း​ဢၼ်​ယႂ်ႇ​ၼႃႇ​တင်း​သဵင်ႈ​တင်း​လူင်​ၼႆႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢေႃႈ။ သူ​တၵ်း​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ၶဝ်​ၼၼ်ႉ​ၶျႃး​တပ်ႉ​တေႃႇ​ၵၼ်​ယူႇ​ၸဵတ်း​ဝၼ်း​တဵမ်​တဵမ်​သေ​ယဝ်ႉ၊ ဝၼ်း​သတ်ႉတမႃႉ​ၼၼ်ႉ ၶဵင်ႇ​သိုၵ်း​ၵၼ်​လႄႈ​ၵူၼ်း​မဵဝ်း ဢီႉသရေႇလႃႉ ​တင်း​လၢႆ ဢဝ်​ၵူၼ်း​သိုၵ်း​ပႆ​တိၼ်​ သူႉရီႉ ​ၸိူဝ်း​ၼၼ်ႉ​တၢႆ​သႅၼ်​ၼိုင်ႈ ၼႂ်း​ဝၼ်း​လဵဝ်​ၵူၺ်း​ဢေႃႈ။-</verse>
				<verse number="30">ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ ဢွၵ်ႇ​ပၢႆႈ​ၵႂႃႇ​ၸူး​ၵႃႈ​တီႈ​ဝဵင်း​ ဢႃႇၽႅၵ်ႉ ​လႄႈ​ၶဝ်ႈ​ၵႃႈ​ၼႂ်း​ဝဵင်း​သေ​ယဝ်ႉ၊ လမ်း​ဝဵင်း​ၼၼ်ႉ​လူမ်ႉ​တူၵ်း​တဵင်​သႂ်ႇ​ၵူၼ်း​သွင်​မိုၼ်ႇ​ပၢႆ​ၸဵတ်း​ႁဵင် ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ဢေႃႈ။ ပိၼ်ႇႁႃႇတတ်ႉ ​ၼၼ်ႉ​ဢွၵ်ႇ​ပၢႆႈ​လႄႈ​ၶဝ်ႈ​ၵႃႈ​ၼႂ်း​ဝဵင်း​သေ​ယဝ်ႉ တဵတ်ႇ​မႅပ်ႉ​ယူႇ​ၵႃႈ​ၼႂ်း​လုၵ်း​တၢင်း​ၼႂ်း​ဢေႃႈ။</verse>
				<verse number="31">ၶႃႈ​မၼ်း​ၵူၼ်း​မၼ်း​ၸိူဝ်း​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ တူၺ်း​တီႈ​ၶႃႈ​လူး၊ ၶႃႈ​ၸဝ်ႈ​ႁဝ်း​ၶဝ်​လႆႈ​ငိၼ်း​လွင်ႈ​ဢၼ်​ၶုၼ်​ႁေႃ​ၶမ်း မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ပဵၼ်​ၶုၼ်​ဢၼ်​ၸၢင်ႈ​ဢဵတ်း​လူ​ၼၼ်ႉ​တီႈ​ၶႃႈ​ယဝ်ႉ။ ပၼ်​ဢၶႂၢင်ႉ​ဢၼ်​ၶႃႈ​ၸဝ်ႈ​ႁဝ်း​ၶဝ်​လႆႈ​ဢဝ်​ၶူဝ်း​ၼုင်ႈ​ၼင်​ပေႃ​ၼုင်ႈ​ႁတ်ႉ​ဢႅဝ်​လႄႈ ဢဝ်​ၸိူၵ်ႈ​တဵင်ႇ​သႂ်ႇ​ၵႃႈ​ၼိူဝ်​ႁူဝ်​သေ​လႄႈ ဢွၵ်ႇ​ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ သေ​ၵမ်း​တီႈ​ၶႃႈ။ မၼ်း​ၸၢင်ႈ​ၶႄး​တၵ်း​ပၼ်​ဢသၢၵ်ႈ​ၸဝ်ႈ​ႁဝ်း ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="32">ၶဝ်​ဢွၼ်​ၵၼ်​ဢဝ်​ၶူဝ်း​ၼုင်ႈ​ၼင်​ပေႃ​ၼုင်ႈ​ႁတ်ႉ​ဢႅဝ်​လႄႈ ဢဝ်​ၸိူၵ်ႈ​တဵင်ႇ​သႂ်ႇ​ၵႃႈ​ၼိူဝ်​ႁူဝ်​သေ​လႄႈ ႁွတ်ႈ​ထိုင်​ၵႃႈ​တီႈ ၶုၼ်​ႁေႃ​ၶမ်း ဢီႉသရေႇလႃႉ ​သေ​ယဝ်ႉ၊ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ ပိၼ်ႇႁႃႇတတ်ႉ ​ၼၼ်ႉ တွင်း​ပၢၼ်ႇ​လႄႈ​ဝႃႈ၊ ၶႅၼ်း​တေႃႈ​ပၼ်​ဢသၢၵ်ႈ​ၶႃႈ​ၸဝ်ႈ​ႁဝ်း ၵတ်း​ယဵၼ်​ၶျၢမ်း​သႃႇ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ထၢမ်​လႄႈ​ဝႃႈ၊ မၼ်း​ၼၼ်ႉ​ဢသၢၵ်ႈ​ယင်း​လိပ်း​ယူႇ​ႁိုဝ်။ မၼ်း​ပဵၼ်​ပီႈ​ဢၢႆႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ၶဝ်​ၼၼ်ႉ​ထွမ်ႇ​ၵႂၢမ်း​မၼ်း​ၸေး​ၸေး​ၸွတ်ႇ​ၸွတ်ႇ​လႄႈ ႁိပ်ႈ​ၼႅတ်ႈ​တီႉ​ယိပ်း​ၵမ်​ဢဝ်​သၢႆ​ငၢႆ​ၵႂၢမ်း​ၼၼ်ႉ ၵမ်း​လဵဝ်​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ပိၼ်ႇႁႃႇတတ်ႉ ​ပီႈ​ၸၢႆး​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​မီး​ဢမိင်ႉ​လႄႈ​ဝႃႈ၊ ဢွၼ်​ၵၼ်​ၵႂႃႇ​လႄႈ​ႁွင်ႉ​ဢဝ်​မၼ်း​မႃး​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ပိၼ်ႇႁႃႇတတ်ႉ ​ဢွၵ်ႇ​မႃး​ၸူး​ၵႃႈ​တီႈ​မၼ်း​လႄႈ မၼ်း​ႁႂ်ႈ​မၼ်း​ၼၼ်ႉ​လႆႈ​ၶိုၼ်ႈ​ၵႃႈ​ၼိူဝ်​လေႃႉရထႃး​ၸဝ်ႈ​ဢေႃႈ။-</verse>
				<verse number="34">ပိၼ်ႇႁႃႇတတ်ႉ ​ၵေႃႈ​လၢတ်ႈ​လႄႈ​ဝႃႈ ၵဝ်​ၶႃႈ​တၵ်း​ဢဝ်​ဝဵင်း​ဢၼ်​ၸဝ်ႈ​ပေႃႈ​ၵဝ်​ၶႃႈ​ႁိမ်​ဢဝ်​သေ​ၵႃႈ​ၼႂ်း​မိုဝ်း​ၸဝ်ႈ​ပေႃႈ​ၸဝ်ႈ​ႁဝ်း​ၸိူဝ်း​ၼၼ်ႉ ၶိုၼ်း​ပၼ်​ၶႃႈ​ဢေႃႈ။ ၸဝ်ႈ​ႁဝ်း​တၵ်း​လႆႈ​တႄႇ​ႁဵတ်း​ထႅဝ်​ႁဵတ်း​တၢၼ်း​ပုၼ်ႈ​ၸဝ်ႈ​ႁဝ်း ၵႃႈ​ၼႂ်း​ဝဵင်း​ ထမ်ႇမသႅတ်ႉ ​မိူၼ်​ၸိူင်ႉ​ၼင်ႇ​ဢၼ် ၸဝ်ႈ​ပေႃႈ​ၵဝ်​ၶႃႈ​တႄႇ​ႁဵတ်း​ထႅဝ်​ႁဵတ်း​တၢၼ်း ၵႃႈ​ၼႂ်း​ဝဵင်း​ သမႃႇရီႉ ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢႃႇႁပ်ႉ ​လၢတ်ႈ​လႄႈ​ဝႃႈ ၵဝ်​တၵ်း​ႁဵတ်း​မိၵ်ႉသႃႇႁႃယႃႉ​ၸိူဝ်ႉ​ၼင်ႇ​ၼၼ်​ယူႇ​သေ​လႄႈ​ပွႆႇ​မႂ်း​ဢေႃႈ၊ ဝႃႈ​ၼင်ႇ​ၼႆ​လႄႈ ႁဵတ်း​မိၵ်ႉသႃႇႁႃယႃႉ​သေ​လႄႈ​ပွႆႇ​မၼ်း​သေ​ဢေႃႈ။</verse>
				<verse number="35">ၵူၼ်း​မဵဝ်း​ပရေႃးၽႅတ်ႈ​ၵေႃႉ​ၼိုင်ႈ ၸွမ်း​လူၺ်ႈ​ၼုၵ်ႈၵပၢတ်ႈ​ထႃႇဝရႃႉ​ၽြႃး​သေ​လႄႈ​လၢတ်ႈ​တီႈ​ၵေႃႉ​သေႈ​မၼ်း​လႄႈ​ဝႃႈ ပေႃႉ​ယႅၼ်ႉ​ၵဝ်​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ ၵေႃႉ​ၼၼ်ႉ​ထဵင်​ပႅတ်ႈ​လႄႈ​ဝႃႈ ၵဝ်​ဢမ်ႇ​ပေႃႉ​ဢမ်ႇ​ယႅၼ်ႉ​မႂ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">မၼ်း​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​ဢမ်ႇ​ထွမ်ႇ​ဢဝ်​ၼုၵ်ႈၵပၢတ်ႈ​ထႃႇဝရႃႉ​ၽြႃး​လႄႈ ၼႂ်း​မိူဝ်ႈ​ဢၼ်​မႂ်း​ယင်း​တိုၵ်ႉ​လုၵ်ႉ​သေ​ၵႃႈ​တီႈ​ၵဝ်​ၵႂႃႇ​ယူႇ​ၼၼ်ႉ​ၸိုင် သၢင်ႇ​သီႈ​တၵ်း​ဢဝ်​မႂ်း​တၢႆ​ဢေႃႈ၊ ဝႃႈ​ၼင်ႇ​ၼႆ​လႄႈ၊ ၼႂ်း​မိူဝ်ႈ​ဢၼ်​မၼ်း​ၼၼ်ႉ ယင်း​တိုၵ်ႉ​ဢွၵ်ႇ​ၵႂႃႇ​ယူႇ​ၼၼ်ႉ​သၢင်ႇ​သီႈ​ထူပ်း​မၼ်း​ၼၼ်ႉ​လႄႈ ဢဝ်​တၢႆ​ဢေႃႈ။-</verse>
				<verse number="37">မၼ်း​သမ်ႉ​ထူပ်း​ႁၼ်​တၢင်ႇ​ၵေႃႉ​လႄႈ​လၢတ်ႈ​ထႅင်ႈ​လႄႈ​ဝႃႈ ပေႃႉ​ယႅၼ်ႉ​ၵဝ်​သေ​ၵမ်း​တႃႉ​၊ ဝႃႈ​ၼင်ႇ​ၼႆ​သေ​ယဝ်ႉ၊ ၵေႃႉ​ၼၼ်ႉ​ပေႃႉ​ယႅၼ်ႉ​ၸဵပ်း​ၼႃႇ​လူင်​လၢင်​ဢေႃႈ။-</verse>
				<verse number="38">ပရေႃးၽႅတ်ႈ​ၼၼ်ႉ​ဢွၵ်ႇ​ၵႂႃႇ​လႄႈ ပႂ်ႉ​ထႃႈ​ၶုၼ်​ႁေႃ​ၶမ်း​ယူႇ​ၵႃႈ​တီႈ​ႁိမ်း​တၢင်း​လႄႈ ဢဝ်​ၽႃႈ​ၸဵတ်ႉ​ႁူမ်ႇ​သုမ်ႇ​ၼႃႈ​မၼ်း​ယူႇ​ဢေႃႈ။-</verse>
				<verse number="39">မိူဝ်ႈ​ဢၼ်​ၶုၼ်​ႁေႃ​ၶမ်း​တႆႇ​တၢင်း​ပႆ​တၢင်း​မႃး​ယူႇ​ၼၼ်ႉ​ၸိုင်၊ ၵေႃႉ​ၼၼ်ႉ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၼႆႉ​ဢွၵ်ႇ​ၵႂႃႇ​ၸူး​ၵႃႈ​ၼႂ်း​ၵၢင်​ပွႆး​တိုၵ်း​သိုၵ်း​တီႈ​ၶႃႈ​ဢေႃႈ။ ၵူၼ်း​ၵေႃႉ​ၼိုင်ႈ​ဢွၵ်ႇ​သေ​ၵႃႈ​ၼႂ်း​ပွႆး​တိုၵ်း​သိုၵ်း​မႃး​လႄႈ ဢဝ်​ၵူၼ်း​ၵေႃႉ​ၼိုင်ႈ​ဢၢပ်ႈ​ပၼ်​တီႈ​ၶႃႈ​ၸဝ်ႈ​သေ​ယဝ်ႉ သင်ႇ​လၢတ်ႈ​ဝႆႉ​လႄႈ​ဝႃႈ၊ ပႂ်ႉ​ၵူၼ်း​ၵေႃႉ​ၼႆႉ​လီ​လီ​တႃႉ။ ပေႃး​မၼ်း​ႁၢႆ​ၵႂႃႇ​ၵွပ်ႈ​ပိူဝ်ႈ​သေ​ၸိူဝ်ႉ​သေ​ပိူင်​ၸိုင်၊ ဢသၢၵ်ႈ​မႂ်း​တၵ်း​လႆႈ​ပဵၼ်​ပုၼ်ႈ​ဢသၢၵ်ႈ​မၼ်း​ဢေႃႈ။ ဢမ်ႇ​ၼၼ်​ၵေႃႈ​မႂ်း​တၵ်း​လႆႈ​ယေႃႇ​ပၼ်​ငိုၼ်း​ တလၢၼ်ႇတၢၼ်ႇ ​ၼိုင်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="40">မိူဝ်ႈ​ဢၼ်​ၶႃႈ​ၸဝ်ႈ​ႁဝ်း​ၼႆႉ မီး​ဢမူႉ​ၵူႈ​တီႈ​ၵူႈ​လႅၼ်​ၼမ်​ၼႃႇ​ၼၼ်ႉ​ၸိုင်၊ ၵေႃႉ​ၼၼ်ႉ​ႁၢႆ​ၵႂႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​ ဢီႉသရေႇလႃႉ ​မီး​ဢမိင်ႉ​တီႈ​မၼ်း​လႄႈ​ဝႃႈ၊ တၵ်း​လႆႈ​ၸီႇ​ယၢင်ႇ​ဢမူႉ​မႂ်း​ၸိူဝ်ႉ​ၼင်ႇ​ၼၼ်​ဢေႃႈ။ တူဝ်​မႂ်း​ၵေႃႈ​ၸီႇ​ယၢင်ႇ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="41">မၼ်း​ၼၼ်ႉ​ႁိပ်ႈ​ၼႅတ်ႈ​ဢဝ်​ၽႃႈ​ၸဵတ်ႉ​ဢၼ်​ႁူမ်ႇ​ၼႃႈ​မၼ်း​ၼၼ်ႉ​ပႅတ်ႈ​ၵမ်း​လဵဝ်​လႄႈ၊ ၶုၼ်​ႁေႃ​ၶမ်း​ ဢီႉသရေႇလႃႉ ႁူႉ​လွင်ႈ​ဢၼ်​ပဵၼ်​ပရေႃးၽႅတ်ႈ​သေ​တူၼ်​သေ​ပႃး​ၼၼ်ႉ​ဢေႃႈ။-</verse>
				<verse number="42">မၼ်း​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​မႂ်း​ပွႆႇ​ၵေႃႉ​ဢၼ်​ၵဝ်​ၵိၼ်ႇ​ဝႃႈ​ႁႂ်ႈ​လူႉ​လႅဝ်​ၼၼ်ႉ လွတ်ႈ​သေ​ၵႃႈ​ၼႂ်း​မိုဝ်း​မႂ်း​လႄႈ ဢသၢၵ်ႈ​မႂ်း​တၵ်း​လႆႈ​ပဵၼ်​ပုၼ်ႈ​ဢသၢၵ်ႈ​မၼ်း၊ ၵူၼ်း​မႂ်း​တင်း​လၢႆ​တၵ်း​လႆႈ​ပဵၼ်​ပုၼ်ႈ​ၵူၼ်း​မၼ်း​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="43">ၶုၼ်​ႁေႃ​ၶမ်း​ ဢီႉသရေႇလႃႉ မီး​တၢင်း​ၸႂ်​ဢၼ်​တမ်ႇ​ၼွႆႉ​မွင်​ၸႂ်​လႄႈ ႁဵဝ်ႇ​ၸွပ်ႈ​ယူႇ​သေ​လႄႈ​ၵႂႃႇ​ၸူး​ၵႃႈ​တီႈ​ႁေႃ​ၸဝ်ႈ​လႄႈ​ႁွတ်ႈ​ထိုင်​ၵႃႈ​တီႈ​ဝဵင်း​ သမႃႇရီႉ ​ဢေႃႈ။</verse>
			</chapter>
			<chapter number="21">
				<verse number="1">လိုၼ်း​ၼၼ်ႉ ၵွပ်ႈ​ပိူဝ်ႈ​ဢၼ်​ ၼႃႇပုတ်ႉ ၵူၼ်း​ဝဵင်း​ ယေႇၸရေႇလႃႉ မီး​သူၼ်​ဢူးယဵၼ်ႇ​ၸပိတ်ႈ​ဢၼ်​မီး​ၵႃႈ​ၼႂ်း​ဝဵင်း​ ယေႇၸရေႇလႃႉ ၵႃႈ​တီႈ​ႁိမ်း​ႁေႃ​ၸဝ်ႈ ဢႃႇႁပ်ႉ ၶုၼ်​လူင်​ သမႃႇရီႉ ​ၼၼ်ႉ​လႄႈ၊-</verse>
				<verse number="2">ဢႃႇႁပ်ႉ ​လၢတ်ႈ​တီႈ​ ၼႃႇပုတ်ႉ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​သူၼ်​ဢူးယဵၼ်ႇ​ၸပိတ်ႈ​မႂ်း​ၼၼ်ႉ မီး​ၵႃႈ​တီႈ​ႁိမ်း​ႁေႃ​ၸဝ်ႈ​လႄႈ ပၼ်​ပုၼ်ႈ​ဢၼ်​ၵဝ်​တၵ်း​ႁဵတ်း​ႁႆႊ​ႁဵတ်း​သူၼ်​သေ​ၵမ်း။ ၵဝ်​တၵ်း​ဢဝ်​သူၼ်​ဢူးယဵၼ်ႇ​ဢၼ်​ယဵင်ႈ​ၶႅၼ်း​လီ​ၼႃႇ​သေ​ၼၼ်ႉ​ပၼ်​တီႈ​မႂ်း​ဢေႃႈ။ ဢမ်ႇ​ၼၼ်​ၵေႃႈ​ပေႃး​မႂ်း​မီး​ဢလူဝ်ႇ​ၸိုင်၊ ၵဝ်​တၵ်း​ပၼ်​ၵႃႈ​မၼ်း​ၶၼ်​မၼ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="3">ၼႃႇပုတ်ႉ ​ၶိုၼ်း​လဝ်ႊ​လၢတ်ႈ​တီႈ​ ဢႃႇႁပ်ႉ ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး​ႁၢမ်ႈ​တၢပ်ႈ​ႁႄႉ​ၶႅၼ်​ဢမူႉ​တၢင်း​ဢၼ်​ၶႃႈ​ၸဝ်ႈ​လႆႈ​ဢဝ်​လိၼ်​ဢမူၺ်ႇ ဢၼ်​လႆႈ​ၶၢမ်ႇ​ဢဝ်​ၸူဝ်ႈ​ပူႇ​ပၢၼ်​မွၼ်ႇ​ၸိူဝ်း​ၼၼ်ႉ ပၼ်​တီႈ​ၸဝ်ႈ​ႁဝ်း​ၼၼ်ႉ​သေ​ၵမ်း​လူၺ်ႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="4">ၵွပ်ႈ​ပိူဝ်ႈ​ၵႂၢမ်း​ဢၼ်​ ၼႃႇပုတ်ႉ ​ၵူၼ်း​ဝဵင်း​ ယေႇၸရေႇလႃႉ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ဢမ်ႇ​လႆႈ​ပၼ်​လိၼ်​ဢၼ်​လႆႈ​ၶၢမ်ႇ​ဢဝ်​ၸူဝ်ႈ​ပူႇ​ပၢၼ်​မွၼ်ႇ​ၸိူဝ်း​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊ ၶုၼ်​ ဢႃႇႁပ်ႉ ​ၼၼ်ႉ မီး​တၢင်း​ၸႂ်​ဢၼ်​တမ်ႇ​ၼွႆႉ​မွင်​ၸႂ်​ႁဵဝ်ႇ​ၸွပ်ႈ​ယူႇ​သေ​လႄႈ ၶဝ်ႈ​ၵႃႈ​ၼႂ်း​ႁေႃ​ၸဝ်ႈ​လႄႈ ၼွၼ်း​ၵႃႈ​ၼိူဝ်​ၵူႇ​တီႈ​ၼွၼ်း​ၸဝ်ႈ​ယူႇ ဝၢႆႇ​ၼႃႈ​ပႅတ်ႈ​ယူႇ​သေ​လႄႈ ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​လႄႈ​ယူႇ​ဢေႃႈ။</verse>
				<verse number="5">မေး​မၼ်း​ ယေႇၸပေႇလႃႉ ​ၼၼ်ႉ​မႃး​တီႈ​မၼ်း​လႄႈ​ထၢမ်​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸႂ်​ၸဝ်ႈ​ႁဝ်း​ႁဵဝ်ႇ​ၸွပ်ႈ​ယူႇ​ထၼ်ႈ​ပေႃး ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​လႆႈ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">မၼ်း​ၶိုၼ်း​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​လၢတ်ႈ​တီႈ​ ၼႃႇပုတ်ႉ ​ၵူၼ်း​ဝဵင်း​ ယေႇၸရေႇလႃႉ ​ၼၼ်ႉ​လႄႈ​ဝႃႈ၊ ၶၢႆ​သူၼ်​ဢူးယဵၼ်ႇ​ၸပိတ်ႈ​မႂ်း​ၼၼ်ႉ ပၼ်​တီႈ​ၵဝ်​လႄႈ ဢဝ်​ငိုၼ်း​သေ​ၵမ်း။ ဢမ်ႇ​ၼၼ်​ၵေႃႈ​ပေႃး​မႂ်း​မီး​ဢလူဝ်ႇ​ၸိုင် ၵဝ်​တၵ်း​ပၼ်​သူၼ်​ဢူးယဵၼ်ႇ​တၢင်ႇ​တီႈ​တၢင်ႇ​ဢၼ်​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ဢမ်ႇ​ပၼ်​သူၼ်​ဢူးယဵၼ်ႇ​ၸပိတ်ႈ​ၼၼ်ႉ တီႈ​ၸဝ်ႈ​ႁဝ်း​တီႈ​ၶႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ ၸႂ်​ၵဝ်​ႁဵဝ်ႇ​ၸွပ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မေး​မၼ်း​ ယေႇၸပေႇလႃႉ ​ၼၼ်ႉ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​လႆႈ​ဢုပ်ႉ​ပိူင်ႇ​သိုင်ႇ​ၸိုင်ႈ​ဝၢၼ်ႈ​မိူင်း​ ဢီႉသရေႇလႃႉ ​ၼႆႉ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ လုၵ်ႉ​လႄႈ မီး​တၢင်း​ၸႂ်​ဢၼ်​သႂၢင်ႇ​သိူဝ်း​သေ​လႄႈ​ၵိၼ်​တၢင်း​ၵိၼ်​တၢင်း​ၶူပ်း​သေ​ၵမ်း​တီႈ​ၶႃႈ။ ၶိင်း​ပဵၼ်​ၶႃႈ​တၵ်း​ဢဝ်​သူၼ်​ဢူးယဵၼ်ႇ​ၸပိတ်ႈ​ ၼႃႇပုတ်ႉ ​ၵူၼ်း​ဝဵင်း​ ယေႇၸရေႇလႃႉ ​ၼၼ်ႉ​သၢၵ်ႈ​ပၼ်​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="8">ဢဝ်​တင်း​ၼႃႇ​မႃႉ​ၸိုဝ်ႈ​သဵင်​ ဢႃႇႁပ်ႉ ​တႅမ်ႈ​လိၵ်ႈ​လႄႈ ဢဝ်​တၼ်း​သိၵ်ႈ​ၸဝ်ႈ​တဵၵ်း​သေ​ယဝ်ႉ၊ ပၼ်​ၵႂႃႇ​ၵႃႈ​တီႈ​ၶဝ်​ၸိူဝ်း​ဢၼ် ပဵၼ်​ၵႄႇ​ပဵၼ်​ႁူဝ် ဢိၵ်ႇ​တင်း​မူး​မၢတ်ႈ​ၽွင်း​မိူင်း ဢၼ်​မီး​ၵႃႈ​ၼႂ်း​ဝဵင်း​ဢၼ်​မၼ်း​ယူႇ​ၼၼ်ႉ​လႄႈ​ယူႇ​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="9">ၵႂၢမ်း​လိၵ်ႈ​ၼၼ်ႉ​ဝႃႈ​ၸမ်ႉ၊ ႁွင်ႉ​ပၢဝ်ႇ​ႁွင်ႉ​သေႃႇ​ၶိင်ႇ​ဢၼ်​တၵ်း​လႆႈ​ၵမ်​တၢင်း​ၵိၼ်​ၼၼ်ႉ​လႄႈ ယုၵ်ႉ​ယွင်ႈ​ ၼႃႇပုတ်ႉ ​ဝႆႉ​ၵႃႈ​ၼိူဝ်​ၵူၼ်း​တင်း​လၢႆ​သေ​ယဝ်ႉ၊-</verse>
				<verse number="10">ဢဝ်​ၵူၼ်း​ဢႃႉထမ်ႇမႃႉ သွင်​ၵေႃႉ​ဝႆႉ​ၵႃႈ​တီႈ​ၽၢႆႇ​ၼႃႈ​မၼ်း​သေ​လႄႈ ႁႂ်ႈ​သွင်​ၶႃ​ၼၼ်ႉ​ၶၢမ်ႇ​သၢၵ်ႈ​သေႇ​လႄႈ​ဝႃႈ၊ မႂ်း​ၼႆႉ​လႆႈ​ၵိၼ်ႇ​လႃႇ ၽြႃး​ပဵၼ်​ၸဝ်ႈ ဢိၵ်ႇ​တင်း​ၶုၼ်​ႁေႃ​ၶမ်း​ယဝ်ႉ၊ ဝႃႈ​ၼင်ႇ​ၼႆ​လႄႈ၊ ႁဵတ်း​ၸိူဝ်ႉ​ၼင်ႇ​ၼၼ်​ယဝ်ႉ​ၸင်ႇ ဢွၼ်​ၵၼ်​ဢဝ်​မၼ်း​ဢွၵ်ႇ​လႄႈ ဢဝ်​မၢၵ်ႇ​ႁိၼ်​ထိမ်ႈ​ႁႂ်ႈ​မၼ်း​တၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၵူၼ်း​ဝဵင်း​ဢၼ်​မၼ်း​ယူႇ​ၸိူဝ်း​ၼၼ်ႉ​ဢၼ်​ဝႃႈ ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ် ဢိၵ်ႇ​တင်း​မူး​မၢတ်ႈ​ၽွင်း​မိူင်း ဢၼ်​ယူႇ​ၵႃႈ​တီႈ​ဝဵင်း​ဢၼ်​မၼ်း​ယူႇ​ၼၼ်ႉ​ၸိူဝ်း​ၼၼ်ႉ ႁဵတ်း​ၵႃႈ​ဢၼ်​ ယေႇၸပေႇလႃႉ ပွႆႇ​ၸႂ်ႉ​ၼၼ်ႉ​ၸွမ်း​ၵႃႈ​ၼင်ႇ​ဢၼ်​တႅမ်ႈ​ပႃး​ၵႃႈ​ၼႂ်း​လိၵ်ႈ ဢၼ်​မၼ်း​ပွႆႇ​ၸႂ်ႉ​တီႈ​ၶဝ်​ၼၼ်ႉ​သေ​လႄႈ၊-</verse>
				<verse number="12">ဢွၼ်​ၵၼ်​ပၢဝ်ႇ​သေႃႇ​ၶိင်ႇ​ဢၼ်​တၵ်း​လႆႈ​ၵမ်​တၢင်း​ၵိၼ်​ၼၼ်ႉ​လႄႈ​ယုၵ်ႉ​ယွင်ႈ​ ၼႃႇပုတ်ႉ ​ဝႆႉ​ၵႃႈ​ၼိူဝ်​ၵူၼ်း​တင်း​လၢႆ​ဢေႃႈ။-</verse>
				<verse number="13">ၵူၼ်း​ဢႃႉထမ်ႇမႃႉ​သွင်​ၵေႃႉ​မႃး​လႄႈ​ၼင်ႈ​ၵႃႈ​တီႈ​ၽၢႆႇ​ၼႃႈ​မၼ်း​သေ​လႄႈ ၵူၼ်း​ဢႃႉထမ်ႇမႃႉ​ၸိူဝ်း​ၼၼ်ႉ ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ တင်း​ ၼႃႇပုတ်ႉ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​လႄႈ​ဝႃႈ၊ ၼႃႇပုတ်ႉ ​ၼႆႉ​လႆႈ​ၵိၼ်ႇ​လႃႇ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၶုၼ်​ႁေႃ​ၶမ်း​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢွၼ်​ၵၼ်​ဢဝ်​မၼ်း​ဢွၵ်ႇ​ၵႂႃႇ​ၵႃႈ​တီႈ​ၼွၵ်ႈ​ဝဵင်း​လႄႈ ဢဝ်​မၢၵ်ႇ​ႁိၼ်​ထိမ်ႈ​ႁႂ်ႈ​ထၼ်ႈ​ပေႃး​တၢႆ​ဢေႃႈ။-</verse>
				<verse number="14">မိူဝ်ႈ​ၼၼ်ႉ​ၶဝ်​ဢွၼ်​ၵၼ်​ပွႆႇ​ၸႂ်ႉ​ၸူး​ၵႃႈ​တီႈ​ ယေႇၸပေႇလႃႉ ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၼႃႇပုတ်ႉ ​လႆႈ​ၶၢမ်ႇ​တၢင်း​ဢၼ်​ဢဝ်​မၢၵ်ႇ​ႁိၼ်​ထိမ်ႈ​လႄႈ​တၢႆ​ယဝ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ယေႇၸပေႇလႃႉ ​ငိၼ်း​လွင်ႈ​ဢၼ်​ ၼႃႇပုတ်ႉ ​လႆႈ​ၶၢမ်ႇ​တၢင်း​ဢၼ်​ဢဝ်​မၢၵ်ႇ​ႁိၼ်​ထိမ်ႈ​လႄႈ​တၢႆ​ၼၼ်ႉ​သေ​ယဝ်ႉ၊ ယေႇၸပေႇလႃႉ လၢတ်ႈ​တီႈ​ ဢႃႇႁပ်ႉ ​လႄႈ​ဝႃႈ၊ လုၵ်ႉ​လႄႈ​သိမ်း​ဢဝ်​သူၼ်​ဢူးယဵၼ်ႇ​ၸပိတ်ႈ ဢၼ်​ ၼႃႇပုတ်ႉ ​ၵူၼ်း​ဝဵင်း​ ယေႇၸရေႇလႃႉ ​ပိူင်ႇ​လႄႈ ဢမ်ႇ​ၶႂ်ႈ​ၶၢႆ​ပၼ်​တီႈ​ၸဝ်ႈ​ႁဝ်း​လႄႈ​ဢဝ်​ငိုၼ်း​ၼၼ်ႉ​သေ​ၵမ်း​တီႈ​ၶႃႈ။ ၼႃႇပုတ်ႉ ​ဢမ်ႇ​မီး​ဢသၢၵ်ႈ​တီႈ​ၶႃႈ​ယဝ်ႉ။ တၢႆ​ယဝ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ဢႃႇႁပ်ႉ ​ၼၼ်ႉ ငိၼ်း​လွင်ႈ​ဢၼ်​ ၼႃႇပုတ်ႉ ​တၢႆ​ယဝ်ႉ​ၼၼ်ႉ​သေ​ယဝ်ႉ၊ ဢႃႇႁပ်ႉ ​လုၵ်ႉ​လႄႈ လူင်း​ၸူး​ၵႃႈ​တီႈ​သူၼ်​ဢူးယဵၼ်ႇ​ၸပိတ်ႈ ၼႃႇပုတ်ႉ ​ၵူၼ်း​ဝဵင်း​ ယေႇၸရေႇလႃႉ ​ၼၼ်ႉ ႁႂ်ႈ​လႆႈ​သိမ်း​ဢဝ်​ဢေႃႈ။</verse>
				<verse number="17">မိူဝ်ႈ​ၼၼ်ႉ​ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ ဢေးလီႉယႃႉ ၵူၼ်း​ဝဵင်း​ တီႉသၽီႉ ​ၼၼ်ႉ​လႄႈ​ဝႃႈ၊-</verse>
				<verse number="18">မႂ်း​လုၵ်ႉ​လႄႈ​လူင်း​ၵႂႃႇ​ႁႂ်ႈ​လႆႈ​ႁူပ်ႉ​ထူပ်း ဢႃႇႁပ်ႉ ​ၶုၼ်​ႁေႃ​ၶမ်း​ ဢီႉသရေႇလႃႉ ဢၼ်​ယူႇ​ၵႃႈ​ၼႂ်း​ဝဵင်း​ သမႃႇရီႉ ​ၼၼ်ႉ​တႃႉ။ မၼ်း​ၼၼ်ႉ မီး​ယူႇ​ၵႃႈ​ၼႂ်း​သူၼ်​ဢူးယဵၼ်ႇ​ၸပိတ်ႈ​ ၼႃႇပုတ်ႉ တီႈ​ဢၼ်​မၼ်း​လူင်း​ၸူး​ႁႂ်ႈ​လႆႈ​သိမ်း​ဢဝ်​ၼၼ်ႉ​ဢေႃႈ။-</verse>
				<verse number="19">သင်ႇ​လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ မႂ်း​ၼႆႉ​ဢဝ်​ဢသၢၵ်ႈ​ၵူၼ်း​တၢႆ​သေ​လႄႈ၊ သိမ်း​ဢဝ်​ဢုၵ်ႉ​ၸႃႇ​မၼ်း​ယဝ်ႉ​ႁိုဝ်။ ဝႃႈ​ၼင်ႇ​ၼႆ​တႃႉ။ မၼ်း​ၸဝ်ႈ​သမ်ႉ​မီး​ဢမိင်ႉ​လႄႈ​ဝႃႈ​ၸမ်ႉ၊ မႃ​တင်း​လၢႆ​တၵ်း​လေး​ၵိၼ်​လိူတ်ႈ​မႂ်း​ဢၼ်​ဝႃႈ မႂ်း​ၼႆႉ ၵႃႈ​ၼႂ်း​တီႈ​ဢၼ်​လိူတ်ႈ​ ၼႃႇပုတ်ႉ ​တူၵ်း​လႄႈ မႃ​လေး​ၵိၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၼင်ႇ​ၼၼ်​လႄႈ ဢႃႇႁပ်ႉ ​လၢတ်ႈ​တီႈ​ ဢေးလီႉယႃႉ ​လႄႈ​ဝႃႈ၊ ရၢၼ်ႇ​သူႇ​ၵဝ်​ဢိူၺ်း၊ မႂ်း​ႁူပ်ႉ​ထူပ်း​ၵၼ်​တင်း​ၵဝ်​ယဝ်ႉ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ၶၢႆ​တူဝ်​ၸဝ်ႈ​ႁဝ်း​ႁႂ်ႈ​လႆႈ​ႁဵတ်း​တူႉ​ၸရိူၵ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​လႄႈ ၶႃႈ​ၸဝ်ႈ​လႆႈ​ႁူပ်ႉ​ထူပ်း​ၵၼ်​တင်း​ၸဝ်ႈ​ႁဝ်း​ယဝ်ႉ။-</verse>
				<verse number="21">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​တၵ်း​ႁႂ်ႈ​ၽေး​ဢူႉ​ပၢတ်ႈ​ႁွတ်ႈ​ထိုင်​ၵႃႈ​ၼိူဝ်​မႂ်း​လႄႈ ပဵၼ်​ၵေႃႉ​ဢၼ်​ၶျုၵ်ႈ​ဝႆႉ​သေ​ဢမ်ႇ​ဝႃႈ၊ ပဵၼ်​ၵေႃႉ​ဢၼ်​လွတ်ႈ မီး​ယူႇ​ၵႃႈ​ၼႂ်း​မိူင်း​ ဢီႉသရေႇလႃႉ ​သေ​ဢမ်ႇ​ဝႃႈ၊ ၵဝ်​တၵ်း​ပႄႇ​ၽဵဝ်ႈ​ၵႃႈ​ပဵၼ်​ၵူၼ်း​ၸၢႆး မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ​ၼၼ်ႉ ပႅတ်ႈ​ဢေႃႈ။-</verse>
				<verse number="22">ၵဝ်​တၵ်း​ႁႂ်ႈ​မဵဝ်း​ၸိူဝ်ႉ​ၶိူဝ်း​မႂ်း ပဵၼ်​ၸိူဝ်ႉ​ၼင်ႇ​မဵဝ်း​ၸိူဝ်ႉ​ၶိူဝ်း​ ယေႇရူဝ်းပုမ်ႇ လုၵ်ႈ​ၸၢႆး​ ၼေႇပတ်ႉ ဢိၵ်ႇ​တင်း​မဵဝ်း​ၸိူဝ်ႉ​ၶိူဝ်း​ ပႃႇသႃႉ လုၵ်ႈ​ၸၢႆး​ ဢႁီႉယႃႉ ​ၼၼ်ႉ ၵွပ်ႈ​ပိူဝ်ႈ​ဢပႅတ်ႈ​ဢၼ်​မႂ်း​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ်​လႄႈ ႁႂ်ႈ​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ၼၼ်ႉ​ဢေႃႈ။-</verse>
				<verse number="23">ထႃႇဝရႃႉ​ၽြႃး သမ်ႉ​မီး​ဢမိင်ႉ​လူၺ်ႈ​လွင်ႈ ယေႇၸပေႇလႃႉ ​ၸမ်ႉ၊ မႃ​တင်း​လၢႆ​တၵ်း​ဢွၼ်​ၵၼ်​ၵိၼ်​ ယေႇၸပေႇလႃႉ ၵႃႈ​တီႈ​ႁိမ်း​လမ်း​ဝဵင်း​ ယေႇၸရေႇလႃႉ ​ၼၼ်ႉ​ဢေႃႈ။-</verse>
				<verse number="24">ၵူၼ်း​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ​ဢၼ်​တၢႆ​ၵႃႈ​ၼႂ်း​ဝဵင်း​ၼၼ်ႉ​ၸိုင်၊ မႃ​တၵ်း​ၵိၼ်​ဢေႃႈ။ ၵေႃႉ​ဢၼ်​တၢႆ​ၵႃႈ​တီႈ​ၼွၵ်ႈ​တီႈ​ပၢင်ႇ​ၸိုင် ၼူၵ်ႉ​ၵၢင်​ႁၢဝ်​တၵ်း​ၵိၼ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">ၵေႃႉ​ဢၼ်​မိူၼ်​ၵၼ်​တင်း​ ဢႃႇႁပ်ႉ ဢၼ်​ၶၢႆ​တူဝ်​ၸဝ်ႈ​ၵဝ်ႇ ႁႂ်ႈ​လႆႈ​ႁဵတ်း​တူႉ​ၸရိူၵ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဢၼ်​မေး​မၼ်း​ ယေႇၸပေႇလႃႉ ​တိုၵ်း​ယူင်း​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။-</verse>
				<verse number="26">မၼ်း​ၼၼ်ႉ​ဢိင်​ပိုင်ႈ​ရုၵ်ႈ​ထူႉ​သၢင်း​ထူႉ​သေ​လႄႈ ႁဵတ်း​ၸွမ်း​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ၵႃႈ​ဢၼ်​ၵူၼ်း​မဵဝ်း​ ဢႃႇမေႃးရီႉ ဢၼ်​ထႃႇဝရႃႉ​ၽြႃး​ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸိူဝ်း​ၼၼ်ႉ​ႁဵတ်း​ၼၼ်ႉ​ဢေႃႈ။-</verse>
				<verse number="27">ၵူၺ်း​ၵႃႈ ဢႃႇႁပ်ႉ ​ၼၼ်ႉ​ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ သိၵ်ႇ​ၶူဝ်း​ၼုင်ႈ​မၼ်း​ပႅတ်ႈ​လႄႈ ဢဝ်​ၶူဝ်း​ၼုင်ႈ​ၼင်​ပေႃ​ၼုင်ႈ​သေ​ယဝ်ႉ ၵမ်​တၢင်း​ၵိၼ်​ယူႇ၊ ၼွၼ်း​ၵႃႈ​ၼႂ်း​ၶူဝ်း​ၼုင်ႈ​ၼင်​ပေႃ​ၼၼ်ႉ​ယူႇ​သေ​လႄႈ ၵွႆႈ​တႅင်ႇ​ၵႂႃႇ၊ ၵွႆႈ​တႅင်ႇ​ပႆ​ဢေႃႈ။-</verse>
				<verse number="28">ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ ဢေးလီႉယႃႉ ၵူၼ်း​ဝဵင်း​ တီႉသၽီႉ ​လႄႈ​ဝႃႈ​ၸမ်ႉ၊-</verse>
				<verse number="29">မႂ်း​ႁၼ်​လွင်ႈ​ဢၼ်​ ဢႃႇႁပ်ႉ ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​ၼၼ်ႉ​ယဝ်ႉ​ႁိုဝ်။ ၵွပ်ႈ​ပိူဝ်ႈ​ဢၼ်​မၼ်း​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ၵႃႈ​တီႈ​ၽၢႆႇ​ၼႃႈ​ၵဝ်​ၸိူဝ်ႉ​ၼင်ႇ​ၼၼ်​လႄႈ ၵဝ်​တၵ်း​ဢမ်ႇ​ႁႂ်ႈ​ၽေး​ဢူႉ​ပၢတ်ႈ​ၼၼ်ႉ ႁွတ်ႈ​ထိုင်​ၼႂ်း​ၸူဝ်ႈ​ပၢၼ်​မၼ်း​ၼႆႉ။ ၵဝ်​တၵ်း​ႁႂ်ႈ​ႁွတ်ႈ​ထိုင်​ၵႃႈ​ၼိူဝ် မဵဝ်း​ၸိူဝ်ႉ​ၶိူဝ်း​မၼ်း ၼႂ်း​ၸူဝ်ႈ​ပၢၼ်​လုၵ်ႈ​ၸၢႆး​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="22">
				<verse number="1">မိူင်း​ သူႉရီႉ ​တင်း​မိူင်း​ ဢီႉသရေႇလႃႉ ​ၼၼ်ႉ ယင်း​ဢမ်ႇ​ပဵၼ်​သိုၵ်း​ပဵၼ်​သိူဝ်​ၵၼ်​လႄႈ​ယူႇ​သၢမ်​ပီႊ​သေ​ယဝ်ႉ၊-</verse>
				<verse number="2">ၼႂ်း​ပီႊ​တႃႉတီႉယႃႉ​ၼၼ်ႉ ယူဝ်းသၽတ်ႉ ​ၶုၼ်​ႁေႃ​ၶမ်း​ ယူႉတႃႉ လူင်း​ၸူး​ၵႃႈ​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ။-</verse>
				<verse number="3">ၶုၼ်​ႁေႃ​ၶမ်း​ ဢီႉသရေႇလႃႉ ​ၵေႃႈ​လၢတ်ႈ​တီႈ​ၶႃႈ​မၼ်း​ၵူၼ်း​မၼ်း​လႄႈ​ဝႃႈ၊ သူ​ဢမ်ႇ​ႁူႉ​လွင်ႈ​ဢၼ်​ဝဵင်း​ ရႃႇမုတ်ႉ ​မိူင်း​ ၵီႉလတ်ႉ ​ၼၼ်ႉ​ပဵၼ်​မိူင်း​ႁဝ်း​လႄႈ၊ ႁဝ်း​ယင်း​ဢမ်ႇ​ၼုၵ်ႈ​ဢမ်ႇ​ဢဝ်​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ သူႉရီႉ ​လႄႈ​ယူႇ​ၼိမ်​ၼိမ်​ယူႇ​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မၼ်း​ထၢမ်​တီႈ​ ယူဝ်းသၽတ်ႉ ​လႄႈ​ဝႃႈ၊ ၸဝ်ႈ​တၵ်း​ၶီႇ​သိုၵ်း​လူၺ်ႈ​ၵၼ်​တင်း​ၵဝ်​ၶႃႈ​ၵႂႃႇ​ၵႃႈ​တီႈ​ဝဵင်း​ ရႃႇမုတ်ႉ ​မိူင်း​ ၵီႉလတ်ႉ ​ပုၼ်ႉ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ယူဝ်းသၽတ်ႉ ​ၶိုၼ်း​လၢတ်ႈ​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​မိူၼ်​ၸိူဝ်ႉ​ၼင်ႇ​ၸဝ်ႈ​ယူႇ၊ ၵူၼ်း​ၵဝ်​ၶႃႈ​ၸိူဝ်း​ၼႆႉ ပဵၼ်​မိူၼ်​ၸိူင်ႉ​ၼင်ႇ​ၵူၼ်း​ၸဝ်ႈ​ၸိူဝ်း​ၼၼ်ႉ​ယူႇ​သေ​လႄႈ မႃႉ​ၵဝ်​ၶႃႈ​တင်း​လၢႆ ပဵၼ်​မိူၼ်​ၸိူဝ်ႉ​ၼင်ႇ​မႃႉ​ၸဝ်ႈ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">လႆႈ​သမ်ႉ​ ယူဝ်းသၽတ်ႉ လၢတ်ႈ​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​လႄႈ​ဝႃႈ၊ တွင်ႈ​ထၢမ်​ၼုၵ်ႈၵပၢတ်ႈ​ထႃႇဝရႃႉ​ၽြႃး​ဝၼ်း​မိူဝ်ႈ​ၼႆႉ​သေ​ၵမ်း။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ႁႂ်ႈ​ပရေႃးၽႅတ်ႈ​သီႇ​ပၢၵ်ႇ​ၸမ်​ၸမ်​ၸူႉ​ၵၼ်​တုမ်​ၵၼ်​သေ​ယဝ်ႉ၊ ထၢမ်​လႄႈ​ဝႃႈ၊ ၵဝ်​ထုၵ်ႇ​လီ​ၶီႇ​သိုၵ်း​ၵႂႃႇ​ၵႃႈ​တီႈ​ဝဵင်း​ ရႃႇမုတ်ႉ ​မိူင်း​ ၵီႉလတ်ႉ ​ၼၼ်ႉ​ႁိုဝ်။ ဢမ်ႇ​ၼၼ်​ၵဝ်​ယင်း​ဢမ်ႇ​ၶီႇ​လႄႈ​ထုၵ်ႇ​လီ​ယူႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ၶီႇ​ၵႂႃႇ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တၵ်း​ဢဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၸဝ်ႈ​ၶုၼ်​လူင်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ယူဝ်းသၽတ်ႉ ​သမ်ႉ​ထၢမ်​လႄႈ​ဝႃႈ၊ ပုၼ်ႈ​ဢၼ်​ႁဝ်း​တၵ်း​လႆႈ​တွင်ႈ​ထၢမ်​ၸိုင် ၵႃႈ​တီႈ​ၼႆႈ​ဢမ်ႇ​မီး​ပရေႃးၽႅတ်ႈ​ထႃႇဝရႃႉ​ၽြႃး သေ​တူၼ်​သေ​ပႃး​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">ၶုၼ်​ႁေႃ​ၶမ်း​ ဢီႉသရေႇလႃႉ ​ၶိုၼ်း​လၢတ်ႈ​တီႈ ယူဝ်းသၽတ်ႉ ​လႄႈ​ဝႃႈ၊ ၵေႃႉ​ဢၼ်​ဢဝ်​တွင်ႈ​ထၢမ်​တီႈ​ထႃႇဝရႃႉ​ၽြႃး​လႆႈ​ဢၼ်​ဝႃႈ​ မိၵ်ႉၶႃႇ ​လုၵ်ႈ​ၸၢႆး​ ဢီႉမလႃႉ ​ၼၼ်ႉ​ယင်း​မီး​ၵေႃႉ​ၼိုင်ႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​ၶႃႈ​ၸင်း​မၼ်း​ဢေႃႈ။ မၼ်း​ဢမ်ႇ​ႁေႃး​လၢတ်ႈ​ၵႂၢမ်း​မင်ႇၵလႃႇ​လူၺ်ႈ​လွင်ႈ​ၵဝ်​လႄႈ ၸၢင်ႈ​ႁေႃး​လၢတ်ႈ​ၵႂၢမ်း​ဢႃႉ​မင်ႇၵလႃႇ​ၵူၺ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ယူဝ်းသၽတ်ႉ ​ၶိုၼ်း​လၢတ်ႈ​လႄႈ​ဝႃႈ၊ ၶုၼ်​လူင်​ယႃႇ​ပေ​လၢတ်ႈ​ၸိူဝ်ႉ​ၼင်ႇ​ၼၼ်​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​ႁွင်ႉ​ဢဝ်​ၵေႃႉ​ဢၼ်​မီး​ဢရႃႇ​ၵေႃႉ​ၼိုင်ႈ​လႄႈ မီး​ဢမိင်ႉ​ဝႃႈ၊ ႁွင်ႉ​ဢဝ်​ မိၵ်ႉၶႃႇ လုၵ်ႈ​ၸၢႆး ဢီႉမလႃႉ ​ၼၼ်ႉ မႃး​ၶၼ်​ၶၼ်​ၽႂ်း​ၽႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ၶိင်ႇ​ၼၼ်ႉ​ၶုၼ်​ႁေႃ​ၶမ်း ဢီႉသရေႇလႃႉ ​ဢိၵ်ႇ​တင်း​ ယူဝ်းသၽတ်ႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ၼုင်ႈ​မႆ​ႁၢင်ႈ​ၶိူင်ႈ​ၶူဝ်း​ၼုင်ႈ​ၶူဝ်း​မႆ​ၶုၼ်​ယူႇ​သေ​လႄႈ ၼင်ႈ​ယူႇ​ၵႃႈ​ၼိူဝ်​ရႃႇၸႃႉ​ပလၢင်ႇ ႁင်း​ၽႂ်​ႁင်း​မၼ်း​ၼႂ်း​တီႈ​ဢၼ်​ပၢင်ႇ​လီ​ပဵင်း​လီ ၵႃႈ​တီႈ​ၽၢႆႇ​ၼႃႈ​ႁူး​ၽၵ်း​တူ​ဝဵင်း​ သမႃႇရီႉ ​ၼၼ်ႉ​ယူႇ​လႄႈ ပရေႃးၽႅတ်ႈ​ၵႃႈ​မီး​ၸိူဝ်း​ၼၼ်ႉ ဢွၼ်​ၵၼ်​ႁေႃး​လၢတ်ႈ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ယူႇ​ဢေႃႈ။-</verse>
				<verse number="11">ၸေႇတၵီႉ ​လုၵ်ႈ​ၸၢႆး​ ၶေးၼႃႇၼႃႉ ​ၼၼ်ႉ ႁဵတ်း​ၶဝ်​လႅမ်​လဵၵ်း​သေ​လႄႈ သင်ႇ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ​ၸမ်ႉ၊ ၸဝ်ႈ​ႁဝ်း​တၵ်း​လႆႈ​ဢဝ်​ၶဝ်​လႅမ်​ၸိူဝ်း​ၼႆႉ​တႅင်း​ၵူၼ်း​မိူင်း​ သူႉရီႉ ​တေႃႇ​ထိုင်​ႁွတ်ႈ​ၶဝ်​ထၼ်ႈ​ပေႃး​လူႉ​ပေႃး​လႅဝ်​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ပရေႃးၽႅတ်ႈ​ၵႃႈ​မီး​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ႁဵတ်း​ပရေႃးၽႅတ်ႈ​သေ​လႄႈ ႁေႃး​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း​ ရႃႇမုတ်ႉ ​မိူင်း​ ၵီႉလတ်ႉ ​လႄႈ ႁႂ်ႈ​ပႄႉ​ၼႅင်ႇ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တၵ်း​ဢဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၸဝ်ႈ​ၶုၼ်​လူင်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">တမၢၼ်ႇ​ၵူၼ်း​ၸႂ်ႉ​ဢၼ်​ၵႂႃႇ​ႁႂ်ႈ​လႆႈ​ႁွင်ႉ​ မိၵ်ႉၶႃႇ ​မႃး​ၼၼ်ႉ​လၢတ်ႈ​လႄႈ​ဝႃႈ၊ ပရေႃးၽႅတ်ႈ​ၸိူဝ်း​ၼၼ်ႉ ၽွမ်ႉ​ၵၼ်​ႁေႃး​လၢတ်ႈ​ၵႂၢမ်း​မင်ႇၵလႃႇ​ၵူၺ်း တီႈ​ၶုၼ်​ႁေႃ​ၶမ်း​ၶႃႈ​ဢေႃႈ။ ၸဝ်ႈ​ႁဝ်း​ၵေႃႈ​ၶႅၼ်း​တေႃႈ ႁႂ်ႈ​ၵႂၢမ်း​ၸဝ်ႈ​ႁဝ်း​ပဵၼ်​ၸိူဝ်ႉ​ၼင်ႇ ၵႂၢမ်း​ၶဝ်​ၼၼ်ႉ​လႄႈ ႁေႃး​လၢတ်ႈ​ၵႂၢမ်း​မင်ႇၵလႃႇ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">မိၵ်ႉၶႃႇ ​ၶိုၼ်း​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢသၢၵ်ႈ​လိပ်း​ယူႇ​ၼၼ်ႉ ၵဝ်​တၵ်း​လႆႈ​ၶိုၼ်း​လၢတ်ႈ​ၵႂၢမ်း​ဢၼ်​ထႃႇဝရႃႉ​ၽြႃး၊ မီး​ဢမိင်ႉ​ၼၼ်ႉ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​တီႈ​ၶုၼ်​ႁေႃ​ၶမ်း​ၼၼ်ႉ​ၸိုင်၊ ၶုၼ်​ႁေႃ​ၶမ်း​ထၢမ်​တီႈ​မၼ်း​လႄႈ​ဝႃႈ၊ မိၵ်ႉၶႃႇ ​ဢိူၺ်း၊ ႁဝ်း​ထုၵ်ႇ​လီ​ၶီႇ​သိုၵ်း​ၵႂႃႇ​ၵႃႈ​တီႈ​ဝဵင်း​ ရႃႇမုတ်ႉ ​မိူင်း​ ၵီႉလတ်ႉ ​ၼၼ်ႉ​ႁိုဝ်။ ဢမ်ႇ​ၼၼ်​ႁဝ်း​ယင်း​ဢမ်ႇ​ၶီႇ​လႄႈ​ထုၵ်ႇ​လီ​ယူႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မိၵ်ႉၶႃႇ ​လဝ်ႊ​လၢတ်ႈ​လႄႈ​ဝႃႈ၊ ၶီႇ​သိုၵ်း​ၶိုၼ်ႈ​ၸူး​လႄႈ ႁႂ်ႈ​ပႄႉ​ၼႅင်ႇ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တၵ်း​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶုၼ်​လူင်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၶုၼ်​ႁေႃ​ၶမ်း​ၵေႃႈ​ထၢမ်​လႄႈ​ဝႃႈ၊ လိူဝ်​သေ​ၵႂၢမ်း​ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ လွင်ႈ​ၼင်ႇ​ႁိုဝ်​မႂ်း​တၵ်း​ဢမ်ႇ​ဢဝ်​တင်း​ဢၶႂၢင်ႉ​ထႃႇဝရႃႉ​ၽြႃး​သေ​လႄႈ ႁေႃး​လၢတ်ႈ​ၵႂၢမ်း​တၢင်ႇ​ၸိူဝ်ႉ​တၢင်ႇ​ဢၼ်​တီႈ​ၵဝ်​ၸိုင် ၵဝ်​တၵ်း​လႆႈ​ပၼ်​တၢင်း​ဢၼ်​ၵိၼ်ႇ​ဢၼ်​ဝႃႈ​တီႈ​မႂ်း​တေႃႇ​ထိုင်​ႁွတ်ႈ​လၢႆ​ပွၵ်ႈ​လၢႆ​ၽဝ်ႇ​လူး​ၵွၼ်ႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="17">မၼ်း​ၵေႃႈ​သမ်ႉ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​လႆႈ​ႁၼ်​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​မီး​တၢင်း​ဢၼ်​ၽၢတ်ႇ​ၽႄ​ၵၼ်​ယူႇ ၵႃႈ​ၼိူဝ်​လွႆ​ၼိူဝ်​ၵုင်း​တင်း​လၢႆ​မိူၼ်​ၸိူဝ်ႉ​ၼင်ႇ​သူဝ်း​ဢၼ်​ဢမ်ႇ​မီး​ၵေႃႉ​ဢၼ်​လဵင်ႉ​ဢၼ်​ထိင်း​ၼၼ်ႉ​တီႈ​ၶႃႈ​ယဝ်ႉ။ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​ၶဝ်​ၸိူဝ်း​ၼႆႉ​ဢမ်ႇ​မီး​ၸဝ်ႈ​မီး​ၸွမ်​လႄႈ ႁႂ်ႈ​ၶဝ်​ၶိုၼ်း​မိူဝ်း​ၸူး​ၵႃႈ​တီႈ​ႁိူၼ်း​တီႈ​ဢၼ်​ၶဝ်​ယူႇ​ၼၼ်ႉ ႁင်း​ၽႂ်​ႁင်း​မၼ်း​သေ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၶုၼ်​ႁေႃ​ၶမ်း​ ဢီႉသရေႇလႃႉ ​လၢတ်ႈ​တီႈ​ ယူဝ်းသၽတ်ႉ ​လႄႈ​ဝႃႈ၊ ၸွင်ႇ​ၵဝ်​ၶႃႈ​ဢမ်ႇ​လၢတ်ႈ​တီႈ​ၸဝ်ႈ​လႄႈ​ဝႃႈ၊ မၼ်း​ၼႆႉ​ဢမ်ႇ​ႁေႃး​လၢတ်ႈ​ၵႂၢမ်း​မင်ႇၵလႃႇ​လူၺ်ႈ​လွင်ႈ​ၵဝ်​ၶႃႈ၊ ၸၢင်ႈ​ႁေႃး​လၢတ်ႈ​ၵႂၢမ်း​ဢႃႉ​မင်ႇၵလႃႇ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မၼ်း​ၼၼ်ႉ​ၵေႃႈ​ႁေႃး​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၶႅၼ်း​တေႃႈ​ထွမ်ႇ​ငိၼ်း​ဢမိင်ႉ​ထႃႇဝရႃႉ​ၽြႃး​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁၼ်​ထႃႇဝရႃႉ​ၽြႃး​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၸဝ်ႈ​လႄႈ၊ ပူဝ်ႇ​ပႃႇ​ၵၢင်​ႁၢဝ်​တင်း​သဵင်ႈ​တင်း​လူင် ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ၽၢႆႇ​ၶႂႃ​ၸဝ်ႈ၊ ၵႃႈ​တီႈ​ၽၢႆႇ​သၢႆႉ​ၸဝ်ႈ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="20">ထႃႇဝရႃႉ​ၽြႃး​ၵေႃႈ​ထၢမ်​လႄႈ​ဝႃႈ ၽူႈ​လႂ်​တၵ်း​တိုၵ်း​ယူင်း​ၸူဝ်း​ဢဝ်​ ဢႃႇႁပ်ႉ ႁႂ်ႈ​မၼ်း​ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း​ ရႃႇမုတ်ႉ မိူင်း​ ၵီႉလတ်ႉ ​လႄႈ သုမ်း​ၸွမ်း​ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၼၼ်ႉ​ဢွၼ်​ၵၼ်​ၶိုၼ်း​လဝ်ႊ​လၢတ်ႈ​ယေႈ​ၵေႃႉ​ယေႈ​ၸိူဝ်း၊ ယေႈ​ၵေႃႉ​ယေႈ​ၼႄး​ဢေႃႈ။-</verse>
				<verse number="21">လႆႈ​သမ်ႉ​ဝီႉၺိၺ်ႇ​ပႃး​ၼိုင်ႈ​မႃး​လႄႈ​ၸုၵ်း​ယူႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ယူႇ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​တၵ်း​တိုၵ်း​ယူင်း​ၸူဝ်း​ဢဝ်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">ထႃႇဝရႃႉ​ၽြႃး​ထၢမ်​လႄႈ​ဝႃႈ တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​သေ​လႄႈ တိုၵ်း​ယူင်း​ၸူဝ်း​ဢဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​တၵ်း​ၵႂႃႇ​လႄႈ ပဵၼ်​ၸႂ်​ဝီႉၺိၺ်ႇ​ဢၼ်​ၸၢင်ႈ​လၢတ်ႈ​ၵႂၢမ်း​မူႉ​သႃႇ ၵႃႈ​ၼႂ်း​သူပ်း​ပရေႃးၽႅတ်ႈ​ၶုၼ်​လူင်​ၵႃႈ​မီး​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ မႂ်း​တၵ်း​တိုၵ်း​ယူင်း​ၸူဝ်း​ဢဝ်​မၼ်း​လႄႈ​ပႄႉ​ၼႅင်ႇ​ဢေႃႈ။ ၵႂႃႇ​လႄႈ​ႁဵတ်း​ၸိူဝ်ႉ​ၼင်ႇ​ၼၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ထႃႇဝရႃႉ​ၽြႃး​ဢဝ်​ၸႂ်​ဝီႉၺိၺ်ႇ​ဢၼ်​ၸၢင်ႈ​လၢတ်ႈ​ၵႂၢမ်း​မူႉ​သႃႇ​ၼၼ်ႉ သႂၢင်း​သႂ်ႇ​ပၼ်​ၵႃႈ​ၼႂ်း​သူပ်း​ပရေႃးၽႅတ်ႈ​ၶုၼ်​လူင်​ၸိူဝ်း​ၼႆႉ​တီႈ​ၶႃႈ​ယဝ်ႉ။ ထႃႇဝရႃႉ​ၽြႃး​လၢတ်ႈ​ၵႂၢမ်း​ဢႃႉ​မင်ႇၵလႃႇ​လူၺ်ႈ​လွင်ႈ​ၶုၼ်​လူင်​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">မိူဝ်ႈ​ၼၼ်ႉ​ ၸေႇတၵီႉ ​လုၵ်ႈ​ၸၢႆး​ ၶေးၼႃႇၼႃႉ ​ၼၼ်ႉ သုတ်ႉ​ၸပ်း​သုတ်ႉ​ၸူး​လႄႈ တူပ်း​သႂ်ႇ​ၵႅမ်ႈ​ မိၵ်ႉၶႃႇ ​ယူႇ​သေ​လႄႈ​ထၢမ်​လႄႈ​ဝႃႈ၊ ဝီႉၺိၺ်ႇ​ထႃႇဝရႃႉ​ၽြႃး​ဢွၵ်ႇ​သေ​ၵႃႈ​တီႈ​ၵဝ်​ၵႂႃႇ​တၢင်း​သဵၼ်ႈ​လႂ် ႁႂ်ႈ​လႆႈ​တၵ်ႉ​လၢတ်ႈ​မႂ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">မိၵ်ႉၶႃႇ ​ၵေႃႈ​လၢတ်ႈ​လႄႈ​ဝႃႈ၊ မႂ်း​တၵ်း​လႆႈ​ႁၼ်​ၼႂ်း​မိုဝ်ႉ​ဝၼ်း​ဢၼ် မႂ်း​တၵ်း​ၶဝ်ႈ​ၵႃႈ​ၼႂ်း​လုၵ်း​တၢင်း​ၼႂ်း ႁႂ်ႈ​လႆႈ​တဵတ်ႇ​မႅပ်ႉ​ယူႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ ဢီႉသရေႇလႃႉ ၸီႇ​ယၢင်ႇ​လႄႈ​ဝႃႈ၊ ဢဝ်​ မိၵ်ႉၶႃႇ ​ၶိုၼ်း​မိူဝ်း​ၵႂႃႇ​ၸူး ၵႃႈ​တီႈ​ ဢႃႇမုၼ်ႇ ​ၶုၼ်​မဵဝ်ႉ​ဝုၼ်ႇ တင်း ယေႃးသႃႉ လုၵ်ႈ​ၸၢႆး​ၸဝ်ႈ​ၼၼ်ႉ​လႄႈ၊-</verse>
				<verse number="27">သင်ႇ​လၢတ်ႈ​ဝႆႉ​လႄႈ​ဝႃႈ၊ ၶုၼ်​ႁေႃ​ၶမ်း​မီး​ဢမိင်ႉ​ၸမ်ႉ၊ ဢွၼ်​ၵၼ်​ဢဝ်​ၵေႃႉ​ၼႆႉ ၶင်​ဝႆႉ​ၵႃႈ​ၼႂ်း​ထွင်ႇ​လႄႈ ႁႂ်ႈ​မၼ်း​ၵိၼ်​ၶူပ်း​ၶဝ်ႈ​မုၼ်း​တုၵ်ႉ​ၶႃႉ​တၢင်း​ဢၼ်​ၶၢၼ်​ၸႂ်​လႄႈ သူတ်ႉ​ၵိၼ်​ၼမ်ႉ​တုၵ်ႉ​ၶႃႉ​တၢင်း​ဢၼ်​ၶၢၼ်​ၸႂ်​ယူႇ တေႃႇ​ထိုင်​ႁွတ်ႈ​ၵဝ်​လႆႈ​ၶိုၼ်း​မႃး​ၼိမ်​ၼိမ်​လီ​လီ​ၼၼ်ႉ​တႃႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">မိၵ်ႉၶႃႇ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပေႃး​ၸဝ်ႈ​ၶုၼ်​လူင်​လႆႈ​ၶိုၼ်း​မႃး​ၼိမ်​ၼိမ်​လီ​လီ​ၸိုင်၊ ထႃႇဝရႃႉ​ၽြႃး​ဢမ်ႇ​ဢဝ်​ၶႃႈ​ၸဝ်ႈ မီး​ဢမိင်ႉ​ဝႆႉ​တီႈ​ၶႃႈ။ ၵူၼ်း​ၵႃႈ​မီး​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ဝႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">ၼင်ႇ​ၼၼ်​လႄႈ​ၶုၼ်​ႁေႃ​ၶမ်း​ ဢီႉသရေႇလႃႉ တင်း​ ယူဝ်းသၽတ်ႉ ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ဢွၼ်​ၵၼ်​ၶီႇ​သိုၵ်း​ၶိုၼ်ႈ​ၸူး ၵႃႈ​တီႈ​ဝဵင်း​ ရႃႇမုတ်ႉ ​မိူင်း​ ၵီႉလတ်ႉ ​ဢေႃႈ။-</verse>
				<verse number="30">ၶုၼ်​ႁေႃ​ၶမ်း​ ဢီႉသရေႇလႃႉ ​လၢတ်ႈ​တီႈ​ ယူဝ်းသၽတ်ႉ ​လႄႈ​ဝႃႈ၊ ၵဝ်​တၵ်း​ယႃႉ​ႁၢင်ႈ​ယႃႉ​ၽၢင်​ၵဝ်​သေ​လႄႈ ၶဝ်ႈ​ၼႂ်း​ပွႆး​သိုၵ်း​ဢေႃႈ။ ၸဝ်ႈ​ၸမ်ႉ၊ ၼုင်ႈ​မႆႈ​ႁၢင်ႈ​ၶိူင်ႈ​ၶူဝ်း​ၼုင်ႈ​ၶူဝ်း​မႆ​ၶုၼ်​ယူႇ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​ယႃႉ​ႁၢင်ႈ​ယႃႉ​ၽၢင်​မၼ်း​သေ​လႄႈ​ၶဝ်ႈ​ၵႃႈ​ၼႂ်း​ပွႆး​သိုၵ်း​ဢေႃႈ။-</verse>
				<verse number="31">ၵွပ်ႈ​ပိူဝ်ႈ​ဢၼ်​ၶုၼ်​ႁေႃ​ၶမ်း​ သူႉရီႉ ​သင်ႇ​လၢတ်ႈ​ဝႆႉ တီႈ​ၶုၼ်​ပူဝ်ႇ​သၢမ်​သိပ်း​ပၢႆ​သွင်​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁူဝ်​ႁၢၼ်​ၵူၼ်း​သိုၵ်း​ၶီႇ​လေႃႉရထႃး​ၸိူဝ်း​ၼၼ်ႉ​ဝႆႉ​လႄႈ​ဝႃႈ၊ ၼွၵ်ႈ​သေ​ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ယႃႇ​ပေ​တိုၵ်း​တေႃး​ၵူၼ်း​လူင်​ၵူၼ်း​ဢွၼ်ႇ​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​ၼၼ်ႉ​လႄႈ၊-</verse>
				<verse number="32">မိူဝ်ႈ​ဢၼ်​ၶုၼ်​ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ႁူဝ်​ႁၢၼ်​ၵူၼ်း​သိုၵ်း​ၶီႇ​လေႃႉရထႃး​ၸိူဝ်း​ၼၼ်ႉ ႁၼ်​ ယူဝ်းသၽတ်ႉ ​ၼၼ်ႉ​ၸိုင်၊ ၶဝ်​လၢတ်ႈ​လႄႈ​ဝႃႈ၊ ၵေႃႉ​ၼၼ်ႉ​တၵ်း​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​သေ​လႄႈ ဢွၼ်​ၵၼ်​ဢုမ်ႇ​မႃး ႁႂ်ႈ​လႆႈ​တိုၵ်း​တေႃး​မၼ်း​လႄႈ၊ ယူဝ်းသၽတ်ႉ ​ၵေႃႈ​ႁွင်ႉ​သႅၼ်ႇ​ဢေႃႈ။-</verse>
				<verse number="33">မိူဝ်ႈ​ဢၼ်​ၶုၼ်​ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ႁူဝ်​ႁၢၼ်​ၵူၼ်း​သိုၵ်း​ၶီႇ​လေႃႉရထႃး​ၸိူဝ်း​ၼၼ်ႉ ႁူႉ​ႁၼ်​လွင်ႈ​ဢၼ်​ဢမ်ႇ​ၸႂ်ႈ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​ၸိုင် ၶဝ်​ယင်း​ဢမ်ႇ​ဢုမ်ႇ​ၸွမ်း​မၼ်း​လႄႈ ဢွၼ်​ၵၼ်​ဝႄႈ​ပိူင်ႈ​မၼ်း​သေ​ဢေႃႈ။-</verse>
				<verse number="34">ၵူၼ်း​ၵေႃႉ​ၼိုင်ႈ ယင်း​ဢမ်ႇ​ယဵင်း​ၸူး​လႄႈ ဢဝ်​ၵၢင်ႇ​မၼ်း​ယိုဝ်း​လႄႈ ထုၵ်ႇ​မႅၼ်ႈ​သႂ်ႇ​ၵႃႈ​တီႈ​ၵႄႈ​ပွင်ႈ​သိူဝ်ႈ​ၶႅပ်း​လဵၵ်း​ၶုၼ်​ႁေႃ​ၶမ်း ဢီႉသရေႇလႃႉ ​သေ​ယဝ်ႉ၊ မၼ်း​လၢတ်ႈ​တီႈ​ၵေႃႉ​ဢၼ်​ထိင်း​လေႃႉရထႃး​မၼ်း​လႄႈ​ဝႃႈ၊ ဢဝ်​ၵဝ်​ဝၢႆႇ​ၶိုၼ်း​လႄႈ​ဢွၵ်ႇ​သေ​ၵႃႈ​ၼႂ်း​ပွႆး​သိုၵ်း တႃႉ။ ၵဝ်​လႆႈ​ၶၢမ်ႇ​တၢင်း​ဢၼ်​တိူဝ်ႉ​မၢတ်ႇ ဢၼ်​ၸဵပ်း​ၼႃႇ​လူင်​လၢင်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ၼႂ်း​ဝၼ်း​ၼၼ်ႉ တၢင်း​ဢၼ်​တိုၵ်း​ၵၼ်​တေႃး​ၵၼ်​ၼၼ်ႉ ယဵင်ႈ​ၶႅၼ်း​ယႂ်ႇ​မႃး​တူဝ်း​မႃး​ယူႇ​ဢေႃႈ။ ၶုၼ်​ႁေႃ​ၶမ်း​ၼၼ်ႉ​ဢိင်​ၵူၼ်း​ယူႇ​ၵႃႈ​ၼႂ်း​လေႃႉရထႃး​ၸဝ်ႈ​သေ​လႄႈ ၼင်ႈ​ယူႇ​ၽၢႆႇ​ၼိုင်ႈ တင်း​ၵူၼ်း​ သူႉရီႉ ​ၸိူဝ်း​ၼၼ်ႉ​လႄႈ ၶိင်ႇ​ႁူဝ်​ၶမ်ႈ​ဢသၢၵ်ႈ​ၸဝ်ႈ​သဵင်ႈ​သေ​ဢေႃႈ။ လိူတ်ႈ​ၵႃႈ​တီႈ​ႁွႆး​ဢၼ်​တိူဝ်ႉ​မၢတ်ႇ​ၼၼ်ႉ ယွတ်ႇ​ႁူဝ်ႈ​တူၵ်း​သႂ်ႇ​ၵႃႈ​တီႈ​ပိုၼ်ႉ​လေႃႉရထႃး​ၸဝ်ႈ​ဢေႃႈ။-</verse>
				<verse number="36">မိူဝ်ႈ​ဢၼ်​ၵၢင်​ဝၼ်း​တူၵ်း​ၼၼ်ႉ​ၸိုင်၊ ၶဝ်​ႁွင်ႉ​ပၢဝ်ႇ​ႁွင်ႉ​သေႃႇ​တင်း​တပ်ႉ​လႄႈ​ဝႃႈ၊ ၵူၼ်း​ၵူႈ​ၵေႃႉ​ၶဝ်​ဢိူၺ်း၊ ဢွၼ်​ၵၼ်​ၶိုၼ်း​မိူဝ်း​ၵႂႃႇ ၵႃႈ​တီႈ​ဝဵင်း​ၽႂ်​ဝဵင်း​မၼ်း​တႃႉ။ ဢွၼ်​ၵၼ်​ၶိုၼ်း​မိူဝ်း​ၵႃႈ​တီႈ​မိူင်း​ၽႂ်​မိူင်း​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ၼင်ႇ​ၼၼ်​လႄႈ​ၶုၼ်​ႁေႃ​ၶမ်း​တၢႆ​လႄႈ ၶဝ်​ဢဝ်​မၼ်း​မႃး​ၵႃႈ​တီႈ​ဝဵင်း​ သမႃႇရီႉ ​သေ​ယဝ်ႉ၊ ဢဝ်​ၶုၼ်​ႁေႃ​ၶမ်း သၢင်း​ၵျူဝ်ႇ​ၵႃႈ​ၼႂ်း​ဝဵင်း​ သမႃႇရီႉ ​ဢေႃႈ။-</verse>
				<verse number="38">ၶဝ်​ဢဝ်​လေႃႉရထႃး​ၸဝ်ႈ သုၵ်ႈ​လၢင်ႉ​ၵႃႈ​တီႈ​ၼမ်ႉ​ၼွင်​ဝဵင်း​ သမႃႇရီႉ ​ၼၼ်ႉ​လႄႈ၊ မႃ​တင်း​လၢႆ​ဢွၼ်​ၵၼ်​လေး​ၵိၼ်​လိူတ်ႈ​မၼ်း​ၼၼ်ႉ​မႅၼ်ႈ​ၸွမ်း​ၵႃႈ​ၼင်ႇ​ၵႂၢမ်း​ဢၼ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ၼၼ်ႉ​ဢေႃႈ၊ မႄႈ​မွၵ်ႇ​ယႃႈ​တင်း​လၢႆ​ၵေႃႈ​ဢၢပ်ႇ​ၼမ်ႉ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="39">လွင်ႈ​တၢင်း​ ဢႃႇႁပ်ႉ ဢၼ်​ယင်း​ၵိုတ်း​ယင်း​ၵျၢၼ်ႇ​ဢိၵ်ႇ​တင်း လွင်ႈ​ႁေႃ​ငႃး​ၸၢင်ႉ ဢၼ်​မၼ်း​တႄႇ​ႁဵတ်း​တင်း​ဝဵင်း​ဢၼ်​မၼ်း​မႄး​ၵုမ်း​မႄး​ႁဵတ်း​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ ဢီႉသရေႇလႃႉ ​ဢေႃႈ။-</verse>
				<verse number="40">ဢႃႇႁပ်ႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ၊ ဢႃႇၶၸီႉ ​လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="41">ၼႂ်း​ပီႊ​ဢၼ်​ ဢႃႇႁပ်ႉ ​ၶုၼ်​ႁေႃ​ၶမ်း​ ဢီႉသရေႇလႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ သီႇ​ပီႊ​ၼၼ်ႉ ယူဝ်းသၽတ်ႉ ​လုၵ်ႈ​ၸၢႆး​ၸဝ်ႈ​ ဢႃႇသႃႉ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ ဢေႃႈ။-</verse>
				<verse number="42">ယူဝ်းသၽတ်ႉ ​ၼၼ်ႉ မိူဝ်ႈ​ဢၼ်​ဢသၢၵ်ႈ​မၼ်း​လႆႈ​သၢမ်​သိပ်း​ပၢႆ​ႁႃႈ​ပီႊ​ၼၼ်ႉ​ၸိုင်၊ မၼ်း​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သၢဝ်း​ပၢႆ​ႁႃႈ​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ဢၸူႉၽႃႉ ​လုၵ်ႈ​ယိင်း​ သီႉလႁီႉ ​ဢေႃႈ။-</verse>
				<verse number="43">မၼ်း​ၼၼ်ႉ​ဢမ်ႇ​ဝႄႈ​ပိူင်ႈ​သေ​သဵၼ်ႈ​တၢင်း​ဢၼ်​ ဢႃႇသႃႉ ၸဝ်ႈ​ပေႃႈ​မၼ်း​ၸွမ်း​ၼၼ်ႉ၊ ၸွမ်း​တင်း​သဵင်ႈ​တင်း​မူတ်း​ယူႇ​သေ​လႄႈ ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မၼ်း​ဢမ်ႇ​ပႄႇ​ၽဵဝ်ႈ​ထႃႇၼႃႉ​တီႈ​သုင်​တင်း​လၢႆ​ပႅတ်ႈ။ ၵူၼ်း​တင်း​လၢႆ​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​လႄႈ ဢဝ်​ၽႆး​တုတ်ႇ​ၼၢမ်ႇ​သႃႇ ၵႃႈ​တီႈ​ထႃႇၼႃႉ​တီႈ​သုင်​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="44">ယူဝ်းသၽတ်ႉ ​ၼၼ်ႉ ႁႂ်ႈ​သိုၵ်း​ထၢတ်ႇ​သိုၵ်း​ယဵၼ်​သေ​လႄႈ ႁဵတ်း​မိၵ်ႉသႃႇႁႃယႃႉ​ၵၼ်​တင်း​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ။-</verse>
				<verse number="45">လွင်ႈ​တၢင်း​ ယူဝ်းသၽတ်ႉ ဢၼ်​ယင်း​ၵိုတ်း​ယင်း​ၵျၢၼ်ႇ၊​လွင်ႈ​တၢင်း​ဢၼ်​တၼ်း​ၶူဝ်း​မၼ်း​ယႂ်ႇ၊ လွင်ႈ​တၢင်း​ဢၼ်​မၼ်း​တိုၵ်း​သိုၵ်း​တိုၵ်း​သိူဝ်​ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​ဢေႃႈ။-</verse>
				<verse number="46">ၵူၼ်း​ဢၼ်​ၸၢင်ႈ​ၸွမ်း​ဢလူဝ်ႇ​ၵူၼ်း​ၸၢႆး​ၼင်ႇ​ၵၼ် ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ​ၼႂ်း​ၸူဝ်ႈ​ပၢၼ်​ ဢႃႇသႃႉ ၸဝ်ႈ​ပေႃႈ​မၼ်း​ၸိူဝ်း​ၼၼ်ႉ​ၵေႃႈ မၼ်း​ဢဝ်​ပႄႇ​ၽဵဝ်ႈ​ပႅတ်ႈ​သေ​ၵႃႈ​ၼႂ်း​မိူင်း​ၸဝ်ႈ​ဢေႃႈ။-</verse>
				<verse number="47">ၶိင်ႇ​မိူဝ်ႈ​ၼၼ်ႉ ဢမ်ႇ​မီး​ၶုၼ်​ႁေႃ​ၶမ်း​ၵႃႈ​ၼႂ်း​မိူင်း​ ဢေႇတုမ်ႇ မီး​ၶုၼ်​ဢၼ်​တၢင်​တူဝ်​မၼ်း​ၵူၺ်း​ဢေႃႈ။-</verse>
				<verse number="48">ယူဝ်းသၽတ်ႉ ​ၼၼ်ႉ ႁဵတ်း​ႁိူဝ်း​သၢင်း​ၽေႃး​ တႃႇသူႉ ​တင်း​လၢႆ ႁႂ်ႈ​လႆႈ​ၵႂႃႇ​ၵႃႈ​တီႈ​မိူင်း​ ဢေႃႇၽီႉရႃႉ ​လႄႈ ဢဝ်​ၶမ်း​မႃး​ဢေႃႈ။ ၵူၺ်း​ၵႃႈ ၵွပ်ႈ​ပိူဝ်ႈ​ဢၼ်​ႁၵ်း​လူႉ​ၵႃႈ​တီႈ ဢေးၸယုၼ်းၵႃႇပႃႇ ​ၼၼ်ႉ​လႄႈ ဢမ်ႇ​လႆႈ​ၵႂႃႇ။-</verse>
				<verse number="49">မိူဝ်ႈ​ၼၼ်ႉ ဢႃႇၶၸီႉ ​လုၵ်ႈ​ၸၢႆး​ၸဝ်ႈ​ ဢႃႇႁပ်ႉ ​ၼၼ်ႉ ယွၼ်း​ဢၶႂၢင်ႉ​တီႈ​ ယူဝ်းသၽတ်ႉ ​လႄႈ​ဝႃႈ၊ ႁႂ်ႈ​ၶႃႈ​ၵူၼ်း​ၵဝ်​ၶႃႈ​တင်း​လၢႆ လႆႈ​ၶီႇ​ႁိူဝ်း​သၢင်း​ၽေႃး​လူၺ်ႈ​ၵၼ်​တင်း ၶႃႈ​ၵူၼ်း​ၶုၼ်​လူင်​သေ​ၵမ်း၊ ဝႃႈ​ၼင်ႇ​ၼႆ​သေ​ၵေႃႈ ယူဝ်းသၽတ်ႉ ​ဢမ်ႇ​ပၼ်​ဢၶႂၢင်ႉ။-</verse>
				<verse number="50">ယူဝ်းသၽတ်ႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​လူၺ်ႈ​ၵၼ်​တင်း ပူႇ​မွၼ်ႇ​မၼ်း​ၸိူဝ်း​ၼၼ်ႉ ၵႃႈ​ၼႂ်း​ဝဵင်း​ၸဝ်ႈ​ပေႃႈ​မၼ်း​ တႃႇဝိတ်ႈ ​ၼၼ်ႉ​ဢေႃႈ။ ယႁူဝ်းရမ်ႇ လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="51">ၼႂ်း​ပီႊ​ဢၼ်​ ယူဝ်းသၽတ်ႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ သိပ်း​ပၢႆ​ၸဵတ်း​ပီႊ​ၼၼ်ႉ၊ ဢႃႇၶၸီႉ ​လုၵ်ႈ​ၸၢႆး​ၸဝ်ႈ​ ဢႃႇႁပ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​မိူင်း​ ဢီႉသရေႇလႃႉ ၵႃႈ​ၼႂ်း​ဝဵင်း​ သမႃႇရီႉ ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ သွင်​ပီႊ​ဢေႃႈ။-</verse>
				<verse number="52">မၼ်း​ၼၼ်ႉ​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ၸွမ်း​သဵၼ်ႈ​တၢင်း​ၸဝ်ႈ​ပေႃႈ​မၼ်း ဢိၵ်ႇ​တင်း​သဵၼ်ႈ​တၢင်း​မႄႈ​မၼ်း၊ တင်း​သဵၼ်ႈ​တၢင်း​ဢၼ် ယေႇရူဝ်းပုမ်ႇ ​လုၵ်ႈ​ၸၢႆး​ ၼေႇပတ်ႉ ဢၼ်​ႁႂ်ႈ​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ၼၼ်ႉ ၸွမ်း​ၼၼ်ႉ​ဢေႃႈ။-</verse>
				<verse number="53">မၼ်း​ႁဵတ်း​ဝၢတ်ႈ​ၵူဝ်း​ၵႂၢႆႇ​ၽြႃး ပႃႇလႃႉ ​လႄႈ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ၸွမ်း​ၵႃႈ​ၼင်ႇ​ဢၼ်​ၸဝ်ႈ​ပေႃႈ​မၼ်း​ၵမ်​ၵျၢင်ႉ​ၼၼ်ႉ​ဢေႃႈ။ ထမ်ႇမႃႉ​ရႃႇၸဝၢင်ႇ​ၽိုၼ်​တႃႉတီႉယႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="12">
			<chapter number="1">
				<verse number="1">လိုၼ်း​သေ​ ဢႃႇႁပ်ႉ ​တၢႆ​ယဝ်ႉ​ၼၼ်ႉ၊ မိူင်း​ မေႃႇၽႃႉ ​ပုင်ႇ​ၵၢၼ်ႇ​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ။-</verse>
				<verse number="2">ဢႃႇၶၸီႉ ​ၼၼ်ႉ​တူၵ်း​သေ​ၵႃႈ​ၼိူဝ်​တႃ​ၶႄ​ႁူး​ပွင်ႇ​ႁူး​လႅင်း​မုင်း​ႁေႃ​ၸဝ်ႈ​သႂ်ႇ​ၵႃႈ​ၼႂ်း​လုၵ်း​ႁၢၼ်ႉ​ၼိူဝ်​ႁေႃ​ၸဝ်ႈ​သေ​လႄႈ ၶႆႈ​ယူႇ​ပဵၼ်​ယူႇ​လႄႈ ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ​မၼ်း​ၵႂႃႇ​လႄႈ​သင်ႇ​လၢတ်ႈ​လႄႈ​ဝႃႈ၊ သူ​ဢွၼ်​ၵၼ်​ၵႂႃႇ​ၵႃႈ​တီႈ​ၽြႃး​ ပႃႇလႃႉၸေႇပုပ်ႉ ​ၵႃႈ​တီႈ​ဝဵင်း​ ဢေႇၵြုၼ်ႇ ​လႄႈ​တွင်ႈ​ထၢမ် လွင်ႈ​ဢၼ်​တၢင်း​ပဵၼ်​ၵဝ်​ၼႆႉ တၵ်း​ၸိုၼ်ႈ​မႃး​ၶႅၼ်း​မႃး​ႁိုဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး သင်ႇ​လၢတ်ႈ​တီႈ​ ဢေးလီႉယႃႉ ၵူၼ်း​ဝဵင်း​ တီႉသၽီႉ ​ၼၼ်ႉ​လႄႈ​ဝႃႈ၊ မႂ်း​လုၵ်ႉ​လႄႈ​ၵႂႃႇ​ႁႂ်ႈ​လႆႈ ႁူပ်ႉ​ထူပ်း​ၵၼ်​တင်း​ၵူၼ်း​ၸႂ်ႉ​ၵူၼ်း​သွႆ​ၶုၼ်​ႁေႃ​ၶမ်း​ သမႃႇရီႉ ​ၸိူဝ်း​ၼၼ်ႉ​လႄႈ သင်ႇ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵႃႈ​တီႈ​မိူင်း​ ဢီႉသရေႇလႃႉ ​ၼႆႉ​ဢမ်ႇ​မီး​ၽြႃး​ပဵၼ်​ၸဝ်ႈ​လႄႈ၊ သူ​လႆႈ​ၵႂႃႇ​တွင်ႈ​ထၢမ်​တီႈ​ၽြႃး​ ပႃႇလႃႉၸေႇပုပ်ႉ ဝဵင်း​ ဢေႇၵြုၼ်ႇ ​ၼၼ်ႉ​ႁိုဝ်။-</verse>
				<verse number="4">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ မႂ်း​ဢမ်ႇ​လႆႈ​သမ်ႉ​ၶိုၼ်း​လုၵ်ႉ​သေ​ၵႃႈ​ၼိူဝ်​ၵူႇ​တီႈ​ၼွၼ်း ဢၼ်​မႂ်း​ၶိုၼ်ႈ​ၼၼ်ႉ​လႄႈ​လူင်း၊ မႂ်း​တၵ်း​လႆႈ​တၢႆ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢေးလီႉယႃႉ ၵႂႃႇ​ဢေႃႈ။</verse>
				<verse number="5">ၼင်ႇ​ၼၼ်​လႄႈ ၵူၼ်း​ၸႂ်ႉ​ၵူၼ်း​သွႆ​ၸိူဝ်း​ၼၼ်ႉ​ၶိုၼ်း​မႃး​တီႈ​မၼ်း​လႄႈ မၼ်း​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​သူ​ၶိုၼ်း​မႃး​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ၶဝ်​ၼၼ်ႉ​ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ၵူၼ်း​ၵေႃႉ​ၼိုင်ႈ မႃး​ႁူပ်ႉ​ထူပ်း​ၵၼ်​တင်း​ၶႃႈ​ၸဝ်ႈ​ႁဝ်း​ၶဝ်​လႄႈ လၢတ်ႈ​တီႈ​ၶႃႈ​ၸဝ်ႈ​ႁဝ်း​ၶဝ်​လႄႈ​ဝႃႈ၊ ဢွၼ်​ၵၼ်​ဝၢႆႇ​ၶိုၼ်း​မိူဝ်း​ၸူး​ၵႃႈ​တီႈ​ၶုၼ်​ႁေႃ​ၶမ်း​ဢၼ်​ပွႆႇ​ၸႂ်ႉ​သူ​မႃး​ၼၼ်ႉ​လႄႈ လဝ်ႊ​လၢတ်ႈ​လွင်ႈ​ဢၼ်​ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵႃႈ​တီႈ​မိူင်း​ ဢီႉသရေႇလႃႉ ​ၼႆႉ ဢမ်ႇ​မီး​ၽြႃး​ပဵၼ်​ၸဝ်ႈ​လႄႈ သူ​လႆႈ​ၵႂႃႇ​တွင်ႈ​ထၢမ်​တီႈ​ၽြႃး​ ပႃႇလႃႉၸေႇပုပ်ႉ ဝဵင်း​ ဢေႇၵြုၼ်ႇ ​ၼၼ်ႉ​ႁိုဝ်။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ မႂ်း​ဢမ်ႇ​လႆႈ​သမ်ႉ​ၶိုၼ်း​လုၵ်ႉ​သေ​ၵႃႈ​ၼိူဝ်​ၵူႇ​တီႈ​ၼွၼ်း​ဢၼ်​မႂ်း​ၶိုၼ်ႈ​ၼၼ်ႉ​လႄႈ​လူင်း၊ မႂ်း​တၵ်း​လႆႈ​တၢႆ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မၼ်း​ၵေႃႈ​ထၢမ်​လႄႈ​ဝႃႈ၊ ၵေႃႉ​ဢၼ်​မႃး​ႁူပ်ႉ​ထူပ်း​ၵၼ်​တင်း​သူ​လႄႈ လၢတ်ႈ​ဝႃႈ​ၵႂၢမ်း​ၸိူဝ်ႉ​ၼင်ႇ​ၼႆ​ၼၼ်ႉ​ၸမ်ႉ၊ ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ၶဝ်​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ ၵေႃႉ​ၼၼ်ႉ​ပဵၼ်​ၵေႃႉ​ဢၼ်​မီး​ၶူၼ်​ၼမ်​ၼႃႇ​တီႈ​တူဝ်​တီႈ​ၶိင်း​မၼ်း​လႄႈ ႁတ်ႉ​တင်း​သၢႆ​ဢႅဝ်​ၼင်​သေ​တီႈ​ၶႃႈ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ဝႃႈ၊ ပဵၼ်​ ဢေးလီႉယႃႉ ၵူၼ်း​ဝဵင်း​ တီႉသၽီႉ ​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="9">ပွႆႇ​ၸႂ်ႉ​တပ်ႉ​မူး​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ႁႃႈ​သိပ်း​ၼၼ်ႉ​ၵႂႃႇ​လႄႈ၊ မၼ်း​ၼၼ်ႉ​ႁွတ်ႈ​ထိုင်​ၵႃႈ​တီႈ​ ဢေးလီႉယႃႉ ဢၼ်​ၼင်ႈ​ယူႇ​ၵႃႈ​ၼိူဝ်​လွႆ​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ ၵူၼ်း​ၽြႃး​ပဵၼ်​ၸဝ်ႈ​ဢိူၺ်း၊ ၶုၼ်​ႁေႃ​ၶမ်း​မီး​ဢမိင်ႉ ႁႂ်ႈ​မႂ်း​လူင်း​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ဢေးလီႉယႃႉ ​ၵေႃႈ​ၶိုၼ်း​လၢတ်ႈ​တီႈ​တပ်ႉ​မူး ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ႁႃႈ​သိပ်း​ၼၼ်ႉ​လႄႈ​ဝႃႈ၊ ပေႃး​ၵဝ်​ၸႂ်ႈ​ၵူၼ်း​ၽြႃး​ပဵၼ်​ၸဝ်ႈ​ၸိုင်၊ ႁႂ်ႈ​ၽႆး​တူၵ်း​သေ​ၵႃႈ​ၼိူဝ်​ၽႃႉ​ၵၢင်​ႁၢဝ်​မႃး​လႄႈ မႆႈ​မႂ်း​ဢိၵ်ႇ​တင်း​ၵူၼ်း​မႂ်း​ႁႃႈ​သိပ်း​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​လႄႈ၊ ၽႆး​တူၵ်း​သေ​ၵႃႈ​ၼိူဝ်​ၽႃႉ​ၵၢင်​ႁၢဝ်​မႃး​လႄႈ မႆႈ​မၼ်း​ၼၼ်ႉ ဢိၵ်ႇ​တင်း​ၵူၼ်း​ႁႃႈ​သိပ်း ဢၼ်​ပႃး​လူၺ်ႈ​ၵၼ်​တင်း​မၼ်း​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="11">လႆႈ​သမ်ႉ မၼ်း​သမ်ႉ​ပွႆႇ​ၸႂ်ႉ​တပ်ႉ​မူး​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ႁႃႈ​သိပ်း​တၢင်ႇ​ၵေႃႉ​ၵႂႃႇ​ထႅင်ႈ​လႄႈ၊ မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၵူၼ်း​ၽြႃး​ပဵၼ်​ၸဝ်ႈ​ဢိူၺ်း၊ ၶုၼ်​ႁေႃ​ၶမ်း​မီး​ဢမိင်ႉ​ႁႂ်ႈ​မႂ်း​လူင်း​မႃး​ၶၼ်​ၶၼ်​ၽႂ်း​ၽႂ်း​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="12">ဢေးလီႉယႃႉ ​ၶိုၼ်း​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ပေႃး​ၵဝ်​ၸႂ်ႈ​ၵူၼ်း​ၽြႃး​ပဵၼ်​ၸဝ်ႈ​ၸိုင်၊ ႁႂ်ႈ​ၽႆး​တူၵ်း​သေ​ၵႃႈ​ၼိူဝ်​ၽႃႉ​ၵၢင်​ႁၢဝ်​မႃး​လႄႈ မႆႈ​မႂ်း​ဢိၵ်ႇ​တင်း​ၵူၼ်း​ႁႃႈ​သိပ်း​မႂ်း​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​လႄႈ၊ ၽႆး​ၽြႃး​ပဵၼ်​ၸဝ်ႈ​တူၵ်း​သေ​ၵႃႈ​ၼိူဝ်​ၽႃႉ​ၵၢင်​ႁၢဝ်​မႃး​လႄႈ မႆႈ​မၼ်း​ၼၼ်ႉ​ဢိၵ်ႇ​တင်း​ၵူၼ်း​ႁႃႈ​သိပ်း ဢၼ်​ပႃး​လူၺ်ႈ​ၵၼ်​တင်း​မၼ်း​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="13">လႆႈ​သမ်ႉ မၼ်း​ပွႆႇ​ၸႂ်ႉ​တပ်ႉ​မူး​တႃႉတီႉယႃႉ​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ႁႃႈ​သိပ်း ဢိၵ်ႇ​တင်း​ၵူၼ်း​ႁႃႈ​သိပ်း​မၼ်း​ၼၼ်ႉ​ၸိူဝ်း​ၼၼ်ႉ​ထႅင်ႈ​သေ​ယဝ်ႉ၊ တပ်ႉ​မူး​တႃႉတီႉယႃႉ​ၼၼ်ႉ​ၶိုၼ်ႈ​ၸူး​လႄႈ​ႁွတ်ႈ​ထိုင်​သေ​ယဝ်ႉ၊ ၶုပ်ႉ​ၶဝ်ႇ​ၵႃႈ​တီႈ​ၽၢႆႇ​ၼႃႈ​ ဢေးလီႉယႃႉ ​သေ​လႄႈ​တွင်း​ပၢၼ်ႇ​လႄႈ​ဝႃႈ၊ ၵူၼ်း​ၽြႃး​ပဵၼ်​ၸဝ်ႈ​ၶႃႈ​ဢိူၺ်း၊ သေ​လၢႆ​ဢသၢၵ်ႈ​ၶႃႈ​ၸဝ်ႈ​ဢိၵ်ႇ​တင်း​ဢသၢၵ်ႈ​ၶႃႈ​ၸဝ်ႈ​ႁဝ်း​ၵူၼ်း​ႁႃႈ​သိပ်း​ၸိူဝ်း​ၼႆႉ​သေ​ၵမ်း​ၶႃႈ။-</verse>
				<verse number="14">ၽႆး​တူၵ်း​သေ​ၵႃႈ​ၼိူဝ်​ၽႃႉ​ၵၢင်​ႁၢဝ်​မႃး​လႄႈ မႆႈ​တပ်ႉ​မူး​သွင်​ၵေႃႉ​ဢိၵ်ႇ​တင်း​ၵူၼ်း​သွင်​ႁႃႈ​သိပ်း​ဢၼ်​ပႃး​တီႈ​ၶဝ်​ၼၼ်ႉ​ၶႃႈ​ယဝ်ႉ ၵူၺ်း​ၵႃႈ​မိူဝ်ႈ​လဵဝ်​ၼႆႉ၊ သေ​လၢႆ​ဢသၢၵ်ႈ​ၶႃႈ​ၸဝ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​လၢတ်ႈ​တီႈ​ ဢေးလီႉယႃႉ ​လႄႈ​ဝႃႈ၊ လူင်း​ၵႂႃႇ​လူၺ်ႈ​ၵၼ်​တင်း​မၼ်း​တႃႉ။ ယႃႇ​ပေ​ၵူဝ်​ပေ​ႁႄ​မၼ်း၊ ဝႃႈ​ၼင်ႇ​ၼႆ​လႄႈ၊ မၼ်း​လူင်း​ၵႂႃႇ​လူၺ်ႈ​ၵၼ်​တင်း​မၼ်း​ၼၼ်ႉ ၸူး​ၵႃႈ​တီႈ​ၶုၼ်​ႁေႃ​ၶမ်း​သေ​လႄႈ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="16">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ လွင်ႈ​ဢၼ်​မႂ်း​ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ​တင်း​လၢႆ ၵႂႃႇ​ႁႂ်ႈ​လႆႈ​တွင်ႈ​ထၢမ်​တီႈ​ၽြႃး​ ပႃႇလႃႉၸေႇပုပ်ႉ ဝဵင်း​ ဢေႇၵြုၼ်ႇ ​ၼၼ်ႉ ပဵၼ်​ၵွပ်ႈ​ပိူဝ်ႈ​ဢၼ်​ၵႃႈ​တီႈ​မိူင်း​ ဢီႉသရေႇလႃႉ ​ၼႆႉ ဢမ်ႇ​မီး​ၽြႃး​ပုၼ်ႈ​ဢၼ်​တၵ်း​တွင်ႈ​ထၢမ်​ႁိုဝ် ပိူဝ်ႈ​ဢၼ်​ပဵၼ်​ၼင်ႇ​ၼၼ်​လႄႈ မႂ်း​ဢမ်ႇ​လႆႈ​သမ်ႉ​ၶိုၼ်း​လုၵ်ႉ​သေ​ၵႃႈ​ၼိူဝ်​ၵူႇ​တီႈ​ၼွၼ်း ဢၼ်​မႂ်း​ၶိုၼ်ႈ​ၼၼ်ႉ​လႄႈ​လူင်း၊ မႂ်း​တၵ်း​တၢႆ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၼင်ႇ​ၼၼ်​လႄႈ မၼ်း​ၼၼ်ႉ​တၢႆ​မႅၼ်ႈ​ၸွမ်း​ၵႃႈ​ၼင်ႇ​ၵႂၢမ်း​ၽြႃး​ပဵၼ်​ၸဝ်ႈ ဢၼ်​ ဢေးလီႉယႃႉ ​သင်ႇ​လၢတ်ႈ​ၼၼ်ႉ​သေ​ယဝ်ႉ၊ ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​မီး​လုၵ်ႈ​ၸၢႆး​လႄႈ၊ ယေႃးရမ်ႇ ၸႃႉ​ၼင်ႈ​ႁၢင်ႈ​ၼင်ႈ​ႁေႃ ၼႂ်း​ပီႊ​ဢၼ် ယေႃးရမ်ႇ ​လုၵ်ႈ​ၸၢႆး​ ယူဝ်းသၽတ်ႉ ၸၢမ်ႇ​ႁၢင်ႈ​ၸၢမ်ႇ​ႁေႃ သွင်​ပီႊ​ၼၼ်ႉ​ဢေႃႈ။-</verse>
				<verse number="18">လွင်ႈ​တၢင်း​ဢၼ် ဢႃႇၶၸီႉ ႁဵတ်း​ၵႃႈ​ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ ဢီႉသရေႇလႃႉ ​ဢေႃႈ။</verse>
			</chapter>
			<chapter number="2">
				<verse number="1">မိူဝ်ႈ​ဢၼ်​ၸမ်​ၶိင်ႇ​ဢၼ်​ထႃႇဝရႃႉ​ၽြႃး တၵ်း​ဢဝ်​တင်း​လူမ်း​ၽိဝ်ႇ​ႁုင်​ယွင်ႈ​ဢဝ်​ ဢေးလီႉယႃႉ ​ၶိုၼ်ႈ​ၵႃႈ​ၼိူဝ်​ၵၢင်​ႁၢဝ်​ၼၼ်ႉ​ၸိုင်၊ ဢေးလီႉယႃႉ ​ၼၼ်ႉ ၵႂႃႇ​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ႁူမ်ႈ​လူၺ်ႈ​ၵၼ်​တင်း​ ဢေးလီႉသႄး ​ဢေႃႈ။-</verse>
				<verse number="2">ဢေးလီႉယႃႉ ​ၵေႃႈ​လၢတ်ႈ​တီႈ ဢေးလီႉသႄး ​လႄႈ​ဝႃႈ၊ မႂ်း​ၵိုတ်း​ယူႇ​ၵႃႈ​တီႈ​ၼႆႈ​တႃႉ၊ ထႃႇဝရႃႉ​ၽြႃး​ပွႆႇ​ၸႂ်ႉ​ၵဝ်​ၵႂႃႇ ၵႃႈ​တီႈ​ဝဵင်း​ ပေႇသလႃႉ ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢေးလီႉသႄး ​ၶိုၼ်း​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ဢသၢၵ်ႈ​ထႃႇဝရႃႉ​ၽြႃး​ယင်း​လိပ်း​ယူႇ၊ ၵႃႈ​ၼင်ႇ​ဢၼ်​ၸဝ်ႈ​ႁဝ်း​ဢသၢၵ်ႈ​ယင်း​လိပ်း​ယူႇ​ၼၼ်ႉ၊ ၵဝ်​ၶႃႈ​ဢမ်ႇ​ၽၢတ်ႇ​ယၢၼ်​ၵၼ်​တင်း​ၸဝ်ႈ​ႁဝ်း​ၶႃႈ​ၵူၺ်ႉ၊ ဝႃႈ​ၼင်ႇ​ၼႆ​သေ​လႄႈ၊ သွင်​ၶႃ​ဢွၼ်​ၵၼ်​လူင်း​ၸူး​ၵႃႈ​တီႈ ဝဵင်း​ ပေႇသလႃႉ ​ဢေႃႈ။-</verse>
				<verse number="3">ၵူၼ်း​မဵဝ်း​ပရေႃးၽႅတ်ႈ​ဢၼ်​မီး​ၵႃႈ​တီႈ​ဝဵင်း​ ပေႇသလႃႉ ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​မႃး​ႁႂ်ႈ​လႆႈ​ႁပ်ႉ​ႁူဝ်​တၢင်း ဢေးလီႉသႄး ​လႄႈ​ထၢမ်​ဝႃႈ၊ ၸဝ်ႈ​ႁူႉ​လွင်ႈ​ဢၼ်​ထႃႇဝရႃႉ​ၽြႃး တၵ်း​ၼုၵ်ႈ​ဢဝ်​ၸဝ်ႈ ၸဝ်ႈ​ႁဝ်း​ၽၢတ်ႇ​သေ​ၵႃႈ​ၼိူဝ်​ႁူဝ်​ၸဝ်ႈ​ႁဝ်း​ၵႂႃႇ ဝၼ်း​မိူဝ်ႈ​ၼႆႉ​ၼၼ်ႉ​ၶႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၸႂ်ႈ​ယဝ်ႉ၊ ၵဝ်​ႁူႉ​ယူႇ​ဢေႃႈ။ ဢွၼ်​ၵၼ်​ယူႇ​တဵတ်ႇ​တဵတ်ႇ​ယူႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ဢေးလီႉယႃႉ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ဢေးလီႉသႄး ​ဢိူၺ်း၊ မႂ်း​ၵိုတ်း​ယူႇ​ၵႃႈ​တီႈ​ၼႆႈ​တႃႉ။ ထႃႇဝရႃႉ​ၽြႃး​ပွႆႇ​ၸႂ်ႉ​ၵဝ်​ၵႂႃႇ ၵႃႈ​တီႈ​ဝဵင်း​ ယေႇရီႉၶူဝ်း ​ပုၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ၊ ၵႃႈ​ၼင်ႇ​ဢၼ်​ၸဝ်ႈ​ႁဝ်း​ဢသၢၵ်ႈ​လိပ်း​ယူႇ​ၼၼ်ႉ ၵဝ်​ၶႃႈ​ဢမ်ႇ​ၽၢတ်ႇ​ယၢၼ်​ၵၼ်​တင်း​ၸဝ်ႈ​ႁဝ်း​ၶႃႈ၊ ဝႃႈ​ၼင်ႇ​ၼႆ​သေ​လႄႈ၊ သွင်​ၶႃ​ဢွၼ်​ၵၼ်​ၵႂႃႇ​ၵႃႈ​တီႈ​ဝဵင်း​ ယေႇရီႉၶူဝ်း ​ဢေႃႈ။-</verse>
				<verse number="5">ၵူၼ်း​မဵဝ်း​ပရေႃးၽႅတ်ႈ​ဢၼ်​မီး​ၵႃႈ​တီႈ​ဝဵင်း​ ယေႇရီႉၶူဝ်း ​ၸိူဝ်း​ၼၼ်ႉ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ ဢေးလီႉသႄး ​လႄႈ​ထၢမ်​ဝႃႈ၊ ၸဝ်ႈ​ႁူႉ​လွင်ႈ​ဢၼ်​ထႃႇဝရႃႉ​ၽြႃး တၵ်း​ၼုၵ်ႈ​ဢဝ်​ၸဝ်ႈ ၸဝ်ႈ​ႁဝ်း​ၽၢတ်ႇ​သေ​ၵႃႈ​ၼိူဝ်​ႁူဝ်​ၸဝ်ႈ​ႁဝ်း​ၵႂႃႇ ဝၼ်း​မိူဝ်ႈ​ၼႆႉ​ၼၼ်ႉ​ၶႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၸႂ်ႈ​ယဝ်ႉ၊ ၵဝ်​ႁူႉ​ယူႇ​ဢေႃႈ။ ဢွၼ်​ၵၼ်​ယူႇ​တဵတ်ႇ​တဵတ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ဢေးလီႉယႃႉ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ မႂ်း​ၵိုတ်း​ယူႇ​ၵႃႈ​တီႈ​ၼႆႈ​တႃႉ၊ ထႃႇဝရႃႉ​ၽြႃး​ပွႆႇ​ၸႂ်ႉ​ၵဝ်​ၵႂႃႇ ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​ပုၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ၊ ၵႃႈ​ၼင်ႇ​ဢၼ် ၸဝ်ႈ​ႁဝ်း​ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​ၶႃႈ​ဢမ်ႇ​ၽၢတ်ႇ​ယၢၼ်​ၵၼ်​တင်း​ၸဝ်ႈ​ႁဝ်း​ၶႃႈ၊ ဝႃႈ​ၼင်ႇ​ၼႆ​သေ​လႄႈ၊ သွင်​ၶႃ​ၵႂႃႇ​လူၺ်ႈ​ၵၼ်​ဢေႃႈ။-</verse>
				<verse number="7">ၵူၼ်း​မဵဝ်း​ပရေႃးၽႅတ်ႈ​ႁႃႈ​သိပ်း​ဢွၼ်​ၵၼ်​ၵႂႃႇ​လႄႈ ၸုၵ်း​ယူႇ​ၵႃႈ​တီႈ​ဢၼ်​ၵႆ​ၵၼ်​တင်း​သွင်​ၶႃ​ၼၼ်ႉ​ဢေႃႈ။ သွင်​ၶႃ​ၼၼ်ႉ​ၸုၵ်း​ယူႇ​ၵႃႈ​တီႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။-</verse>
				<verse number="8">ဢေးလီႉယႃႉ ​ဢဝ်​ၽႃႈ​ဝႆ​မၼ်း​ၵဵၼ်​ႁမ်း​သေ​လႄႈ ပေႃႉ​ယႅၼ်ႉ​သႂ်ႇ​ၼမ်ႉ​လႄႈ ၼမ်ႉ​ၼၼ်ႉ​တႅၵ်ႇ​ဢႃႈ​ပဵၼ်​သွင်​ၽၢၵ်ႇ​ၵႂႃႇ​လႄႈ သွင်​ၶႃ​ၼၼ်ႉ​ပႆ​ၵႃႈ​ၼိူဝ်​လိၼ်​ႁႅင်ႈ​ၶၢမ်ႈ​ၵႂႃႇ​ဢေႃႈ။</verse>
				<verse number="9">မိူဝ်ႈ​ဢၼ်​ၶၢမ်ႈ​ၼမ်ႉ​ႁွင်ႈ​ၼၼ်ႉ​ၵႂႃႇ​ယဝ်ႉ​ၼၼ်ႉ​ၸိုင်၊ ဢေးလီႉယႃႉ ​လၢတ်ႈ​တီႈ​ ဢေးလီႉသႄး ​လႄႈ​ဝႃႈ၊ ၸူဝ်ႈ​ဢၼ်​ၵဝ်​ဢမ်ႇ​ပႆႇ​လႆႈ​ၶၢမ်ႇ​တၢင်း​ဢၼ်​ၼုၵ်ႈ​ဢဝ်​သေ​ၵႃႈ​တီႈ​မႂ်း​ၵႂႃႇ​ၼၼ်ႉ​ၸိုင်၊ ယွၼ်း​ဢဝ်​သူး​ဢၼ်​ၵဝ်​တၵ်း​လႆႈ​ႁဵတ်း​ပုၼ်ႈ​မႂ်း​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢေးလီႉသႄး ယွၼ်း​လႄႈ​ဝႃႈ၊ ႁႂ်ႈ​ဝီႉၺိၺ်ႇ​သွင်​ပုၼ်ႈ​ၸဝ်ႈ​ႁဝ်း​ၼၼ်ႉ​မီး​ၵႃႈ​ၼိူဝ်​ၵဝ်​ၶႃႈ​သေ​ၵမ်း​လူၺ်ႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">မၼ်း​ၼၼ်ႉ​လၢတ်ႈ​လႄႈ​ဝႃႈ၊ မႂ်း​ယွၼ်း​ဢဝ်​သူး​ဢၼ်​လႆႈ​ယၢပ်ႇ​ၼႃႇ​ၼၼ်ႉ​ဢေႃႈ။ ၵူၺ်း​ၵႃႈ​ပေႃး​မႂ်း​လႆႈ​ႁၼ်​ၵဝ်​ၽၢတ်ႇ​ယၢၼ်​ၵၼ်​တင်း​မႂ်း​ၵႂႃႇ​ၸိုင် မႂ်း​တၵ်း​လႆႈ​ဢေႃႈ။ ပေႃး​ဢမ်ႇ​ၼၼ်​ဢမ်ႇ​လႆႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၼႂ်း​မိူဝ်ႈ​ဢၼ်​သွင်​ၶႃ​ၸွမ်း​တၢင်း​ၵႂႃႇ​လႄႈ​လၢတ်ႈ​တေႃႇ​ၵၼ်​ယူႇ​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ၊ လေႃႉရထႃး​ၽႆး​ဢိၵ်ႇ​တင်း​မႃႉ​ၽႆး​တင်း​လၢႆ​ၽုတ်း​ၽၢတ်း​ပေႃႇ​မႃး​လႄႈ ဢဝ်​သွင်​ၶႃ​ၽၢတ်ႇ​ယၢၼ်​ၵၼ်​သေ​ယဝ်ႉ၊ ဢေးလီႉယႃႉ ​ၼၼ်ႉ​ၶိုၼ်ႈ​ၵႂႃႇ​ၵႃႈ​ၼိူဝ်​ၵၢင်​ႁၢဝ်​လူၺ်ႈ​လူမ်း​ၽိဝ်ႇ​ႁုင်​သေ​ဢေႃႈ။-</verse>
				<verse number="12">ဢေးလီႉသႄး ​တူၺ်း​ႁၼ်​ဢၼ်​ၼၼ်ႉ​လႄႈ​ႁွင်ႉ​သႅၼ်ႇ​လႄႈ​ဝႃႈ၊ ပေႃႈ​ၵဝ်​ဢိူၺ်း၊ ပေႃႈ​ၵဝ်​ဢိူၺ်း၊ လေႃႉရထႃး​ ဢီႉသရေႇလႃႉ ဢိၵ်ႇ​တင်း​မႃႉ​လေႃႉရထႃး​ ဢီႉသရေႇလႃႉ ​လူင်​ပႄႇ၊ ဝႃႈ​ၼင်ႇ​ၼႆ​သေ​လႄႈ၊ လိုၼ်း​ၼၼ်ႉ​မၼ်း​ဢမ်ႇ​လႆႈ​ႁၼ်​ ဢေးလီႉယႃႉ ။ မၼ်း​ယိပ်း​ၵမ်​ၶူဝ်း​ၼုင်ႈ​မၼ်း​သေ​လႄႈ၊ သိၵ်ႇ​ၶၢတ်ႇ​ပဵၼ်​သွင်​ပွတ်း​ၵႂႃႇ​ဢေႃႈ။-</verse>
				<verse number="13">မၼ်း​ၵဵပ်း​ဢဝ်​ၽႃႈ​ဝႆ​ ဢေးလီႉယႃႉ ဢၼ်​တူၵ်း​သေ​ၵႃႈ​တီႈ​မၼ်း​ၼၼ်ႉ​မႃး​ၼၼ်ႉ​လႄႈ ၶိုၼ်း​မိူဝ်း​ၵႂႃႇ​သေ​ယဝ်ႉ၊ ၸုၵ်း​ယူႇ​ၵႃႈ​တီႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ​သေ​လႄႈ၊-</verse>
				<verse number="14">ဢဝ်​ၽႃႈ​ဝႆ​ ဢေးလီႉယႃႉ ဢၼ်​တူၵ်း​သေ​ၵႃႈ​တီႈ​မၼ်း​ၼၼ်ႉ​မႃး​ၼၼ်ႉ​ပေႃႉ​ယႅၼ်ႉ​သႂ်ႇ​ၼမ်ႉ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ဢေးလီႉယႃႉ ​ၼၼ်ႉ​မီး​ၵႃႈ​လႂ်၊ ဝႃႈ​ၼင်ႇ​ၼႆ​သေ​လႄႈ၊ မိူဝ်ႈ​ဢၼ်​မၼ်း​ပေႃႉ​ယႅၼ်ႉ​သႂ်ႇ​ၼမ်ႉ​ယဝ်ႉ​ၼၼ်ႉ​ၸိုင်၊ ၼမ်ႉ​တႅၵ်ႇ​ဢႃႈ​ပဵၼ်​သွင်​ၽၢၵ်ႇ​ၵႂႃႇ လႄႈ၊ ဢေးလီႉသႄး ​ၶၢမ်ႈ​ၵႂႃႇ​ဢေႃႈ။-</verse>
				<verse number="15">ၵူၼ်း​မဵဝ်း​ပရေႃးၽႅတ်ႈ ဢၼ်​ယူႇ​ၵႃႈ​တီႈ​ဝဵင်း​ ယေႇရီႉၶူဝ်း ​လႄႈ ၸွမ်း​လူ​ၸွမ်း​တူၺ်း​ၸိူဝ်း​ၼၼ်ႉ ႁၼ်​မၼ်း​သေ​ယဝ်ႉ၊ လၢတ်ႈ​ၵၼ်​လႄႈ​ဝႃႈ၊ ဝီႉၺိၺ်ႇ​ ဢေးလီႉယႃႉ ​ၼၼ်ႉ၊ ၵိင်း​ဝၢပ်ႈ​ယူႇ​ၵႃႈ​ၼိူဝ်​ ဢေးလီႉသႄး ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ ဢွၼ်​ၵၼ်​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​လႄႈ ၶုပ်ႉ​မူပ်ႇ​ၵႃႈ​ၼိူဝ်​လိၼ်​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။</verse>
				<verse number="16">ၶဝ်​ၼၼ်ႉ​ၵေႃႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ တီႈ​ၶႃႈ​ၸဝ်ႈ​ႁဝ်း​ၶဝ်​မီး​ၶဝ်​ၸိူဝ်း​ဢၼ်​ႁႅင်း​ယႂ်ႇ​ႁႃႈ​သိပ်း​ၶႃႈ​ဢေႃႈ။ ၶႅၼ်း​တေႃႈ​ပၼ်​ဢၶႂၢင်ႉ ႁႂ်ႈ​ၶဝ်​လႆႈ​ၵႂႃႇ​ႁႃ​ၸဝ်ႈ ၸဝ်ႈ​ႁဝ်း​ၼၼ်ႉ​သေ​ၵမ်း။ ၵူဝ်​ဝီႉၺိၺ်ႇ​ထႃႇဝရႃႉ​ၽြႃး​ယုၵ်ႉ​ယွင်ႈ​ဢဝ်​မၼ်း​ၼၼ်ႉ​ၵႂႃႇ​သေ​လႄႈ ၶျႃး​မၼ်း​ဝႆႉ​ၵႃႈ​တီႈ​ၼိူဝ်​လွႆ​သေ​တီႈ​သေ​ဢၼ်၊ ဢမ်ႇ​ၼၼ်​ၵေႃႈ​ၵႃႈ​တီႈ​ၼႂ်း​ၶူင်ႈ​ႁူၺ်ႈ သေ​တီႈ​သေ​ဢၼ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ယႃႇ​ပေ​ပွႆႇ​ၸႂ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="17">ၶဝ်​ၼၼ်ႉ​ဢွၼ်​ၵၼ်​ယွၼ်း​ဢၶႂၢင်ႉ​ၼႃႇ​လူင်​လၢင်​တေႃႇ​ထိုင်​ႁွတ်ႈ​ႁႂ်ႈ​ၸႂ်​မၼ်း​ထၼ်ႈ​ပေႃး​ဢူၵ်း​ဢၢႆ​ၼၼ်ႉ​လႄႈ၊ မၼ်း​လၢတ်ႈ​လႄႈ​ဝႃႈ ပွႆႇ​ၸႂ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​ပွႆႇ​ၸႂ်ႉ​ၵူၼ်း​ႁႃႈ​သိပ်း​ၵႂႃႇ​လႄႈ ဢွၼ်​ၵၼ်​ႁႃ​သၢမ်​ဝၼ်း​တဵမ်​တဵမ်​လႄႈ ဢမ်ႇ​ထူပ်း​ဢမ်ႇ​ႁၼ်။-</verse>
				<verse number="18">ၶဝ်​ဢွၼ်​ၵၼ်​ၶိုၼ်း​မႃး​ၼႂ်း​မိူဝ်ႈ​ဢၼ်​မၼ်း​ယင်း​မီး​ယူႇ​ၵႃႈ​ၼႂ်း​ဝဵင်း​ ယေႇရီႉၶူဝ်း ​ၼၼ်ႉ​လႄႈ၊ မၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​လၢတ်ႈ​လႄႈ​ဝႃႈ၊ ယႃႇ​ပေ​ၵႂႃႇ၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ၵူၼ်း​ဝဵင်း​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​လဝ်ႊ​လၢတ်ႈ​တီႈ​ ဢေးလီႉသႄး ​လႄႈ​ဝႃႈ၊ တူၺ်း​ၶႃႈ​လူး၊ တီႈ​ဢၼ်​တႄႇ​ႁဵတ်း​ဝဵင်း​ၼႆႉ​ၸိုင် ပဵၼ်​တီႈ​ဢၼ်​သႃႇ​ယႃႇ​လီ​ငၢမ်း ၵႃႈ​ၼင်ႇ​ဢၼ်​ၸဝ်ႈ​ႁဝ်း​ႁၼ်​ယူႇ​ၼႆႉ​တီႈ​ၶႃႈ​ဢေႃႈ။ ၵူၺ်း​ၵႃႈ​ၼမ်ႉ​ဢမ်ႇ​လီ​ၶႃႈ၊ လိၼ်​ၵေႃႈ​ၸၢင်ႈ​ႁႂ်ႈ ပတိၵ်ႉသၼ်ႇထေႇ​တူဝ်​ၸဝ်ႈ​ၵဝ်ႇ​လူႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="20">မၼ်း​လၢတ်ႈ​လႄႈ​ဝႃႈ၊ ဢွၼ်​ၵၼ်​ဢဝ်​ၼမ်ႉ​တဝ်ႈ​ဢၼ်​မႂ်ႇ​လုၵ်ႈ​ၼိုင်ႈ သႂ်ႇ​ၵိူဝ်​သေ​လႄႈ​မႃး​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ဢွၼ်​ၵၼ်​ဢဝ်​မႃး​တီႈ​မၼ်း​ဢေႃႈ။-</verse>
				<verse number="21">မၼ်း​ဢွၵ်ႇ​ၸူး​ၵႃႈ​တီႈ​ၼမ်ႉ​ဢွၵ်ႇ​ႁူး​လႄႈ ဢဝ်​ၵိူဝ်​သႂ်ႇ​သေ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​ႁႂ်ႈ​ၼမ်ႉ​ၼႆႉ​ဝၢၼ်​ဢေႃႈ။ ဢဝ်​ၼႆႉ​ၵႂႃႇ​ၼႃႈ ဢမ်ႇ​လႆႈ​မီး​တၢင်း​ဢၼ်​ႁႂ်ႈ​တၢႆ၊ တၢင်း​ဢၼ်​ႁႂ်ႈ​ပတိၵ်ႉသၼ်ႇထေႇ​လူႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="22">ၼမ်ႉ​ၼၼ်ႉ​ပဵၼ်​ဢၼ်​ဝၢၼ်​ဢၼ်​လီ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၸဝ်ႈ​ဢၼ်​ ဢေးလီႉသႄး သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။</verse>
				<verse number="23">မၼ်း​လုၵ်ႉ​သေ​ၵႃႈ​တီႈ​ဝဵင်း​ၼၼ်ႉ​ၶိုၼ်ႈ​ၸူး​ၵႃႈ​တီႈ​ဝဵင်း​ ပေႇသလႃႉ ​လႄႈ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၵႂႃႇ​တၢင်း​ပႆ​တၢင်း​ယူႇ​ၼၼ်ႉ လုၵ်ႈ​ဢွၼ်ႇ​တင်း​လၢႆ​ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ဝဵင်း​ၼၼ်ႉ​မႃး​လႄႈ ႁဵတ်း​ပျၢၵ်ႈ​တီႈ​မၼ်း​လႄႈ​ဝႃႈ၊ ဢၢႆႈ​ႁူဝ်​ၵဵင်ႈ​ဢိူၺ်း၊ ၶိုၼ်ႈ​တိၵ်း​တိၵ်း​တႃႉ၊ ဢၢႆႈ​ႁူဝ်​ၵဵင်ႈ​ဢိူၺ်း၊ ၶိုၼ်ႈ​တိၵ်း​တိၵ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မၼ်း​ဝၢႆႇ​တူၺ်း​ၶိုၼ်း​လႄႈ​ႁၼ်​ၶဝ်​သေ​ယဝ်ႉ၊ ဢဝ်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၵိၼ်ႇ​ဝႃႈ​တီႈ​ၶဝ်​လႄႈ၊ မီ​မႄႈ​သွင်​တူဝ်​ဢွၵ်ႇ​သေ​ၵႃႈ​ၼႂ်း​ထိူၼ်ႇ​မႃး​လႄႈ ၶူပ်း​လုၵ်ႈ​ဢွၼ်ႇ​ၸိူဝ်း​ၼၼ်ႉ​တၢႆ​သီႇ​သိပ်း​ပၢႆ​သွင်​ၵေႃႉ​ဢေႃႈ။-</verse>
				<verse number="25">မၼ်း​လုၵ်ႉ​သေ​ၵႃႈ​တီႈ​ဝဵင်း​ၼၼ်ႉ​ၵႂႃႇ​ၸူး​ၵႃႈ​တီႈ​လွႆ​ ၵရမေႇလႃႉ ​လႄႈ သမ်ႉ​လုၵ်ႉ​သေ​ၵႃႈ​တီႈ​လွႆ​ၼၼ်ႉ​မိူဝ်း​ၵႂႃႇ​ၵႃႈ​တီႈ​ဝဵင်း​ သမႃႇရီႉ ​ဢေႃႈ။</verse>
			</chapter>
			<chapter number="3">
				<verse number="1">ၼႂ်း​ပီႊ​ဢၼ်​ ယူဝ်းသၽတ်ႉ ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ပၢႆ​ပႅတ်ႇ​ပီႊ​ၼၼ်ႉ၊ ယူဝ်းရမ်ႇ ​လုၵ်ႈ​ၸၢႆး​ ဢႃႇႁပ်ႉ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​မိူင်း​ ဢီႉသရေႇလႃႉ ၵႃႈ​ၼႂ်း​ဝဵင်း​ သမႃႇရီႉ ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​သိပ်း​ပၢႆ​သွင်​ပီႊ​ဢေႃႈ။-</verse>
				<verse number="2">မၼ်း​ၼၼ်ႉ​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ဢေႃႈ။ ၵူၺ်း​ၵႃႈ မၼ်း​ဢမ်ႇ​ႁဵတ်း​မိူၼ်​ၸိူဝ်ႉ​ၼင်ႇ​ၸဝ်ႈ​ပေႃႈ​မၼ်း၊ ၸဝ်ႈ​မႄႈ​မၼ်း​ၸိူဝ်း​ၼၼ်ႉ၊ မၼ်း​ပႄႇ​ၽဵဝ်ႈ​သဝ်​တီႈ​ၵူဝ်း​ၵႂၢႆႇ​ ပႃႇလႃႉ ဢၼ်​ၸဝ်ႈ​ပေႃႈ​မၼ်း​ႁဵတ်း​ၼၼ်ႉ​ပႅတ်ႈ​သေ​ဢေႃႈ။-</verse>
				<verse number="3">ၼႂ်း​ဝႃႈ​ၼၼ်​သေ​ၵေႃႈ မၼ်း​ယင်း​ၸပ်း​ၸွမ်း​ဢပႅတ်ႈ​တူႉ​ၸရိူၵ်ႈ​ဢၼ် ယေႇရူဝ်းပုမ်ႇ ​လုၵ်ႈ​ၸၢႆး​ ၼေႇပတ်ႉ ႁဵတ်း​လႄႈ ႁႂ်ႈ​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၽိတ်း​ပိူင်ႈ​ၼၼ်ႉ​ယူႇ​ဢေႃႈ။ မၼ်း​ဢမ်ႇ​ပႄႇ​ဢမ်ႇ​ပႅတ်ႈ။</verse>
				<verse number="4">မေႇသႃႉ ၶုၼ်​လူင်​ မေႃႇၽႃႉ ​ၼၼ်ႉ ပဵၼ်​ၵေႃႉ​ဢၼ်​လဵင်ႉ​ထိင်း​သူဝ်း​လႄႈ လႆႈ​ဢဝ်​ၶူၼ်​သူဝ်း​ဢွၼ်ႇ​သႅၼ်​တူဝ် ဢိၵ်ႇ​တင်း​သူဝ်း​ပေႃႈ​သႅၼ်​တူဝ် သၢၵ်ႈ​ပၼ်​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ။-</verse>
				<verse number="5">မိူဝ်ႈ​ဢၼ်​ ဢႃႇႁပ်ႉ ​တၢႆ​ၼၼ်ႉ​ၸိုင် ၶုၼ်​လူင်​ မေႃႇၽႃႉ ​ၼၼ်ႉ ပုင်ႇ​ၵၢၼ်ႇ​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ၶုၼ်​လူင်​ ယႁူဝ်းရမ်ႇ ​ဢွၵ်ႇ​သေ​ၵႃႈ​ၼႂ်း​ဝဵင်း​ သမႃႇရီႉ ​လႄႈ ၼပ်ႉ​ဢၢၼ်ႇ​ဢဝ်​ၸရၢင်း​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ဢေႃႈ။-</verse>
				<verse number="7">မၼ်း​ၵႂႃႇ​လႄႈ​ပွႆႇ​ၸႂ်ႉ​ၸူး​ၵႃႈ​တီႈ​ ယူဝ်းသၽတ်ႉ ၶုၼ်​ႁေႃ​ၶမ်း​ ယူႉတႃႉ ​လႄႈ​ထၢမ်​ဝႃႈ၊ ၶုၼ်​လူင်​ မေႃႇၽႃႉ ​ၼၼ်ႉ ပုင်ႇ​ၵၢၼ်ႇ​ၵဝ်​ၶႃႈ​ယဝ်ႉ။ ၸဝ်ႈ​တၵ်း​ၸွမ်း​လူၺ်ႈ​ၵၼ်​တင်း​ၵဝ်​ၶႃႈ​ၵႂႃႇ​တိုၵ်း​မိူင်း​ မေႃႇၽႃႉ ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​တၵ်း​ၶီႇ​ၶိုၼ်ႈ​ၵႂႃႇ​ဢေႃႈ။ ၵဝ်​ၶႃႈ​ၼႆႉ​ပဵၼ်​မိူၼ်​ၸိူင်ႉ​ၼင်ႇ​ၸဝ်ႈ​ယူႇ။ ၵူၼ်း​ၵဝ်​ၶႃႈ​ၸိူဝ်း​ၼႆႉ ပဵၼ်​မိူၼ်​ၸိူဝ်ႉ​ၼင်ႇ​ၵူၼ်း​ၸဝ်ႈ​ၸိူဝ်း​ၼၼ်ႉ​ယူႇ​သေ​လႄႈ မႃႉ​ၵဝ်​ၶႃႈ​တင်း​လၢႆ​ပဵၼ်​မိူၼ်​ၸိူဝ်ႉ​ၼင်ႇ​မႃႉ​ၸဝ်ႈ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မၼ်း​သမ်ႉ​ထၢမ်​လႄႈ​ဝႃႈ၊ ႁဝ်း​တၵ်း​ၶီႇ​ၸွမ်း​သဵၼ်ႈ​တၢင်း​လႂ်​ၶိုၼ်ႈ​ၸူး၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၸွမ်း​သဵၼ်ႈ​တၢင်း​ထိူၼ်ႇ ဢေႇတုမ်ႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၼင်ႇ​ၼၼ်​လႄႈ ၶုၼ်​ႁေႃ​ၶမ်း​ ဢီႉသရေႇလႃႉ ၊ ၶုၼ်​ႁေႃ​ၶမ်း​ ယူႉတႃႉ ၊ ၶုၼ်​ႁေႃ​ၶမ်း​ ဢေႇတုမ်ႇ ​ၸိူဝ်း​ၼၼ်ႉ ၽွမ်ႉ​ၵၼ်​ၶီႇ​ၵႂႃႇ​လႄႇ​လဵပ်ႈ​ၵႂႃႇ​ၶၢဝ်း​တၢင်း​ၸဵတ်း​ဝၼ်း​ယူႇ​သေ​လႄႈ ဢမ်ႇ​မီး​ၼမ်ႉ​ပုၼ်ႈ​ဢၼ် ပူဝ်ႇ​ပႃႇ​ၵူၼ်း​သိုၵ်း​တင်း​လၢႆ ဢိၵ်ႇ​တင်း​တရိၵ်ႈသၢၼ်ႇ​ဢၼ်​ပႃး​တီႈ​ၶဝ်​ၼၼ်ႉ​ၸိူဝ်း​ၼၼ်ႉ​တၵ်း​ၵိၼ်။-</verse>
				<verse number="10">ၶုၼ်​ႁေႃ​ၶမ်း​ ဢီႉသရေႇလႃႉ ​လၢတ်ႈ​လႄႈ​ဝႃႈ၊ ဢလူဝ်း၊ ဢလူဝ်း၊ ထႃႇဝရႃႉ​ၽြႃး​ႁွင်ႉ​ဢဝ်​ႁဝ်း ၶုၼ်​ႁေႃ​ၶမ်း​သၢမ်​ပႃး​ၼႆႉ မႃး​ႁႂ်ႈ​လႆႈ​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​ မေႃႇၽႃႉ ​တင်း​လၢႆ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ယူဝ်းသၽတ်ႉ ​ထၢမ်​လႄႈ​ဝႃႈ၊ ပုၼ်ႈ​ဢၼ်​ႁဝ်း​တၵ်း​လႆႈ​တွင်ႈ​ထၢမ်​တီႈ​ထႃႇဝရႃႉ​ၽြႃး​ၸိုင်၊ ၵႃႈ​တီႈ​ၼႆႈ​ဢမ်ႇ​မီး​ပရေႃးၽႅတ်ႈ​ထႃႇဝရႃႉ​ၽြႃး သေ​တူၼ်​သေ​ပႃး​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ၶႃႈ​ၵူၼ်း​ၶုၼ်​ႁေႃ​ၶမ်း​ ဢီႉသရေႇလႃႉ ​ၵေႃႉ​ၼိုင်ႈ​လဝ်ႊ​လၢတ်ႈ​လႄႈ​ဝႃႈ၊ ဢေးလီႉသႄး လုၵ်ႈ​ၸၢႆး​ သႃႇၽတ်ႉ ၵေႃႉ​ဢၼ်​ပဵၼ်​တိၼ်​ပဵၼ်​မိုဝ်း​ ဢေးလီႉယႃႉ ​ၼၼ်ႉ မီး​ၵႃႈ​တီႈ​ၼႆႈ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">ယူဝ်းသၽတ်ႉ ​ၵေႃႈ​လၢတ်ႈ​လႄႈ​ဝႃႈ၊ ၼုၵ်ႈၵပၢတ်ႈ​ထႃႇဝရႃႉ​ၽြႃး​မီး​တီႈ​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊ ၶုၼ်​ႁေႃ​ၶမ်း​ ဢီႉသရေႇလႃႉ ​ဢိၵ်ႇ​တင်း​ ယူဝ်းသၽတ်ႉ တင်း​ၶုၼ်​ႁေႃ​ၶမ်း​ ဢေႇတုမ်ႇ ​ၸိူဝ်း​ၼၼ်ႉ ဢွၼ်​ၵၼ်​လူင်း​ၸူး​ၵႃႈ​တီႈ​မၼ်း​ၼၼ်ႉ​ဢေႃႈ။-</verse>
				<verse number="13">ဢေးလီႉသႄး ​လၢတ်ႈ​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​လႄႈ​ဝႃႈ၊ ၶႃႈ​ၸဝ်ႈ​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ႁဝ်း​ၸိူဝ်ႉ​ၼင်ႇ​ႁိုဝ်။ ၵႂႃႇ​ၸူး​ၵႃႈ​တီႈ ပရေႃးၽႅတ်ႈ​ၸဝ်ႈ​ပေႃႈ​ၸဝ်ႈ​ႁဝ်း​ဢိၵ်ႇ​တင်း​ပရေႃးၽႅတ်ႈ​ၸဝ်ႈ​မႄႈ​ၸဝ်ႈ​ႁဝ်း ၸိူဝ်း​ၼၼ်ႉ​တီႈ​ၶႃႈ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶုၼ်​ႁေႃ​ၶမ်း​ ဢီႉသရေႇလႃႉ ​လၢတ်ႈ​လႄႈ​ဝႃႈ၊ ယႃႇ​ပေ​ဝႃႈ​သေ​ၵမ်း။ ထႃႇဝရႃႉ​ၽြႃး​ႁွင်ႉ​ဢဝ်​ႁဝ်း ၶုၼ်​ႁေႃ​ၶမ်း​သၢမ်​ပႃး​ၼႆႉ မႃး​ႁႂ်ႈ​လႆႈ​ဢဝ်​ဢၢပ်ႈ​ပၼ်​ၼႂ်း​မိုဝ်း​ၵူၼ်း​ မေႃႇၽႃႉ ​တင်း​လၢႆ​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">ဢေးလီႉသႄး ​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ဢၼ်​ၶႃႈ​ၸဝ်ႈ​ၵူဝ်း​ၵႂၢႆႇ​ၼၼ်ႉ ဢသၢၵ်ႈ​လိပ်း​ယူႇ​ၼၼ်ႉ၊ သင်​ၶႃႈ​ၸဝ်ႈ​ဢမ်ႇ​ထွၵ်ႈ​လူၺ်ႈ​ၼႃႈ ယူဝ်းသၽတ်ႉ ​ၶုၼ်​ႁေႃ​ၶမ်း​ ယူႉတႃႉ ​ၸိုင်၊ ၶႃႈ​ၸဝ်ႈ​ဢမ်ႇ​ၶႂ်ႈ​တူၺ်း​ၶႂ်ႈ​ႁၼ်​ၸဝ်ႈ​ႁဝ်း။-</verse>
				<verse number="15">ႁွင်ႉ​ဢဝ်​ၵူၼ်း​လဵတ်း​တိင်ႇ​မႃး​တီႈ​ၶႃႈ​တႃႉ၊ ဝႃႈ​ၼင်ႇ​ၼႆ​ဢေႃႈ၊ မိူဝ်ႈ​ဢၼ်​ၵူၼ်း​လဵတ်း​တိင်ႇ​ၼၼ်ႉ​လဵတ်း​ၼၼ်ႉ​ၸိုင်၊ မိုဝ်း​ထႃႇဝရႃႉ​ၽြႃး​ႁွတ်ႈ​ထိုင်​ၵႃႈ​ၼိူဝ်​မၼ်း​လႄႈ၊ မၼ်း​ၼၼ်ႉ​လၢတ်ႈ​လႄႈ​ဝႃႈ၊-</verse>
				<verse number="16">ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၸမ်ႉ၊ ၶုတ်း​ႁဵတ်း​ၶုမ်​ႁဵတ်း​လုၵ်း​ၵႃႈ​တီႈ​ပၢင်ႇ​ႁူၺ်ႈ​ၼႆႉ​ၼမ်​ၼမ်​တီႈ​ၶႃႈ​တႃႉ။-</verse>
				<verse number="17">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ သူ​ယင်း​ဢမ်ႇ​ႁၼ်​ၽူၼ်​ႁၼ်​လူမ်း​လႄႈ ပၢင်ႇ​ႁူၺ်ႈ​ၼႆႉ​တၵ်း​တဵမ်​ဝႆႉ​တင်း​ၼမ်ႉ​လႄႈ၊ သူ​ဢိၵ်ႇ​တင်း​သူဝ်း​ဝူဝ်း​သူ​တင်း​တရိၵ်ႈသၢၼ်ႇ​သူ​တၵ်း​လႆႈ​ၵိၼ်​ဢေႃႈ။-</verse>
				<verse number="18">လွင်ႈ​တၢင်း​ၼၼ်ႉ ပဵၼ်​လွင်ႈ​တၢင်း​ဢၼ်​လဵၵ်ႉ​ဢၼ်​ဢွၼ်ႇ​သိုဝ်ႈ​ၼႃႈ​တႂ်ႈ​တႃ ထႃႇဝရႃႉ​ၽြႃး​လူး​ၵွၼ်ႇ​ဢေႃႈ။ ၵူၼ်း​ မေႃႇၽႃႉ ​တင်း​လၢႆ​ၵေႃႈ မၼ်း​ၸဝ်ႈ​တၵ်း​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​သူ​ဢေႃႈ။-</verse>
				<verse number="19">သူ​တၵ်း​လႆႈ​တိုၵ်း​တေႃး​ယႃႉ​ပႅတ်ႈ​ဝဵင်း ၵႃႈ​ဢၼ်​မၼ်ႈ​ၶိူင်ႇ ဢိၵ်ႇ​တင်း​ဝဵင်း​ၵႃႈ​ဢၼ်​ႁၢင်ႈ​လီ​ႁၢင်ႈ​ငၢမ်း​တင်း​လၢႆ​လႄႈ ပမ်ႈ​တူၼ်ႈ​မႆႉ​ဢၼ်​လီ​သုင်း​လီ​သွင်ႇ​ၵႃႈ​မီး​လူမ်ႉ​ပႅတ်ႈ​ဢေႃႈ။ တၵ်း​လႆႈ​ဢဝ်​လိၼ်​ထူမ်​ၼမ်ႉ​မေႃႇ​ၵႃႈ​မီး​ပႅတ်ႈ​လႄႈ ဢဝ်​တင်း​မၢၵ်ႇ​ႁိၼ်​ယႃႉ​ၵႂၢၵ်ႈ​လိၼ်​ဢၼ်​လီ​ၵႃႈ​မီး​ၸိူဝ်း​ၼၼ်ႉ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၵၢင်​ၼႂ်​ၶိင်ႇ​မိူဝ်ႈ​ဢၼ်​ပုၵ်ႈ​ၸေႃႇ​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​ၼၼ်ႉ ၼမ်ႉ​လုၵ်ႉ​သေ​ၵႃႈ​တီႈ​သဵၼ်ႈ​တၢင်း​ ဢေႇတုမ်ႇ ​မႃး​လႄႈ​တဵမ်​မိူင်း​တင်း​မိူင်း​ဝႆႉ​ဢေႃႈ။</verse>
				<verse number="21">ၵူၼ်း​မိူင်း မေႃႇၽႃႉ ​တင်း​သဵင်ႈ​တင်း​လူင် ငိၼ်း​လွင်ႈ​ဢၼ်​ၶုၼ်​ႁေႃ​ၶမ်း​ၸိူဝ်း​ၼၼ်ႉ ၶီႇ​သိုၵ်း​မႃး​ၼၼ်ႉ​သေ​ယဝ်ႉ၊ ႁႂ်ႈ​ၵူၼ်း​ဢၼ်​ယိပ်း​ၵမ်​လၢၵ်ႈ​ၼၢၵ်ႈ​လႆႈ​လဵၵ်ႉ​လဵၵ်ႉ​ယႂ်ႇ​ယႂ်ႇ​ၵႃႈ​မီး​ၼၼ်ႉ ၸူႉ​ၵၼ်​တုမ်​ၵၼ်​သေ​လႄႈ​ၶျႃး​တပ်ႉ​ၶဝ်​ႁႄႉ​ယူႇ ၵႃႈ​တီႈ​ၶွပ်ႇ​ၼမ်ႉ​လႅၼ်​လိၼ်​ဢေႃႈ။-</verse>
				<verse number="22">မိူဝ်ႈ​ဢၼ်​ၶဝ်​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ၼၼ်ႉ၊ ငဝ်း​ဢရွင်ႇ​ၵၢင်​ဝၼ်း​ထွင်ႇ​သႂ်ႇ​ၵႃႈ​တီႈ​ၼမ်ႉ​ၼၼ်ႉ​လႄႈ ၵူၼ်း​မိူင်း​ မေႃႇၽႃႉ ​ၸိူဝ်း​ၼၼ်ႉ ႁၼ်​ၼမ်ႉ​ဢၼ်​မီး​သိုဝ်ႈ​ၶဝ်​ၼၼ်ႉ လႅင်​ဝႆႉ​မိူၼ်​ၸိူဝ်ႉ​ၼင်ႇ​လိူတ်ႈ​ၼၼ်ႉ​လႄႈ လၢတ်ႈ​ၵၼ်​လႄႈ​ဝႃႈ၊-</verse>
				<verse number="23">ဢၼ်​ၼၼ်ႉ​ပဵၼ်​လိူတ်ႈ​ဢေႃႈ။ ၶုၼ်​ႁေႃ​ၶမ်း​ၸိူဝ်း​ၼၼ်ႉ၊ လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ယဝ်ႉ။ ပႃး​ၼိုင်ႈ​လႄႈ​ပႃး​ၼိုင်ႈ​ၼင်ႇ​ၵၼ်​ၵၼ် ယႃႉ​ၵၼ်​ပႅတ်ႈ​ယဝ်ႉ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ၵူၼ်း​ မေႃႇၽႃႉ ​ၶဝ်​ဢိူၺ်း၊ ဢွၼ်​ၵၼ်​ၵႂႃႇ​လႄႈ​ႁိမ်​ဢဝ်​ႁူင်ႇ​ဢဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မိူဝ်ႈ​ဢၼ်​ၶဝ်​ၼၼ်ႉ ႁွတ်ႈ​ထိုင်​ၵႃႈ​တီႈ​တပ်ႉ​ ဢီႉသရေႇလႃႉ ​ၼၼ်ႉ​ၸိုင်၊ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​ မေႃႇၽႃႉ ​ၸိူဝ်း​ၼၼ်ႉ​ထၼ်ႈ​ပေႃး ႁႂ်ႈ​ၶဝ်​ၼၼ်ႉ​ဢွၵ်ႇ​ပၢႆႈ​ဢေႃႈ။ ၶဝ်​ဢွၼ်​ၵၼ်​လိုပ်ႈ​ၸွမ်း​လမ်း​ၸွမ်း​တေႃႇ​ထိုင်​ႁွတ်ႈ​မိူင်း​ မေႃႇၽႃႉ ​လႄႈ ယႃႉ​ၶဝ်​ၼၼ်ႉ​ပႅတ်ႈ​ဢေႃႈ။-</verse>
				<verse number="25">ၶဝ်​ဢွၼ်​ၵၼ်​ၵိူၼ်ႇ​ယႃႉ​ဝဵင်း​တင်း​လၢႆ​ပႅတ်ႈ​လႄႈ ၵူၼ်း​ၵူႈ​ၵေႃႉ​ဢွၼ်​ၵၼ်​ဢဝ်​မၢၵ်ႇ​ႁိၼ်​ထိမ်ႈ​သႂ်ႇ​ၵႃႈ​ၼိူဝ်​ၼႃႈ​လိၼ်​ဢၼ်​လီ​ၵႃႈ​မီး​ၸိူဝ်း​ၼၼ်ႉ​ႁင်း​ၽႂ်​ႁင်း​မၼ်း​လႄႈ ႁူမ်ႇ​သုမ်ႇ​ဝႆႉ​ဢေႃႈ။ ၼမ်ႉ​ဢွၵ်ႇ​ႁူး​ၵႃႈ​မီး​ၵေႃႈ ၶဝ်​ဢွၼ်​ၵၼ်​ဢဝ်​လိၼ်​ထူမ်​လႄႈ ပမ်ႈ​တူၼ်ႈ​မႆႉ​ဢၼ်​လီ​သုင်း​လီ​သွင်ႇ​ၵႃႈ​မီး​လူမ်ႉ​ပႅတ်ႈ​ဢေႃႈ၊ တီႈ​ဝဵင်း​ ၵီႉရႃႉႁရိတ်ႉ ​ၼၼ်ႉ​ၵူၺ်း​ၶဝ်​ဝႆႉ​ၵိုတ်း​ဝႆႉ​ၵျၢၼ်ႇ​မၢၵ်ႇ​ႁိၼ်​မၼ်း​တင်း​လၢႆ​ယူႇ​လႄႈ ၵူၺ်း​ၵွမ်ႉ​ၵူၼ်း​မေႃ​ယိပ်း​ၵူင်​ၵွၼ်​ၸိူဝ်း​ၼၼ်ႉ​ၵူၺ်း​ဢွၼ်​ၵၼ် လႄႇ​လဵပ်ႈ​ပိုတ်း​ယိုဝ်း​ဢေႃႈ။</verse>
				<verse number="26">ၶုၼ်​လူင်​ မေႃႇၽႃႉ ​ႁူႉ​ႁၼ်​လွင်ႈ​ဢၼ်​ဢမ်ႇ​ၶၢမ်ႇ​တိုၵ်း​ၶၢမ်ႇ​တေႃး​လႆႈ​ၼၼ်ႉ​သေ​ယဝ်ႉ၊ ႁွင်ႉ​ဢဝ်​ၵူၼ်း​ဢၼ်​ယိပ်း​လၢပ်ႇ​ၸဵတ်း​ပၢၵ်ႇ​သေ​လႄႈ ဢဝ်​ႁႅင်း​ဢွၵ်ႇ​ႁႂ်ႈ​လႆႈ​ယႃႉ​တပ်ႉ ၶုၼ်​ႁေႃ​ၶမ်း​ ဢေႇတုမ်ႇ ပႅတ်ႈ​သေ​ၵေႃႈ​ဢမ်ႇ​ယႃႉ​လႆႈ။-</verse>
				<verse number="27">ၵမ်း​ၼၼ်ႉ မၼ်း​ဢဝ်​လုၵ်ႈ​ၸၢႆး​တူၼ်ႈ​မၼ်း ဢၼ်​ထိူၵ်ႈ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ၼၼ်ႉ​လႄႈ ႁဵတ်း​ယိတ်ႈ​ဢၼ်​တုတ်ႇ​ၽႆး​ၵႃႈ​ၼိူဝ်​လမ်း​ဝဵင်း​ဢေႃႈ။ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁွတ်ႈ​ထိုင်​ၵႃႈ​ၼိူဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ၊ ၶဝ်​ဢွၼ်​ၵၼ်​ဝႆႉ​မိူင်း​ၼၼ်ႉ​သေ​လႄႈ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မိူင်း​ၶဝ်​သေ​ဢေႃႈ။</verse>
			</chapter>
			<chapter number="4">
				<verse number="1">မေး​ၵူၼ်း​မဵဝ်း​ပရေႃးၽႅတ်ႈ​ၵေႃႉ​ၼိုင်ႈ မႃး​ၸူး​ၵႃႈ​တီႈ​ ဢေးလီႉသႄး ​လႄႈ ႁွင်ႉ​သႅၼ်ႇ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ဢၼ်​ပဵၼ်​ၽူဝ်​ၵဝ်​ၶႃႈ​ၼႆႉ​ၼၼ်ႉ တၢႆ​ယဝ်ႉ​ၶႃႈ​ယဝ်ႉ။ ၸဝ်ႈ​ႁဝ်း​ႁူႉ​လွင်ႈ​ဢၼ်​ၶႃႈ​ၸဝ်ႈ​ႁဝ်း​ၼၼ်ႉ ပဵၼ်​ၵေႃႉ​ဢၼ်​ရူဝ်ႇ​သေႇ​ၵူဝ်​ယမ်​ထႃႇဝရႃႉ​ၽြႃး​ၼၼ်ႉ​ယူႇ​ၶႃႈ​ဢေႃႈ။ မိူဝ်ႈ​လဵဝ်​ၼႆႉ​ၸဝ်ႈ​ၼီႈ​မႃး​ႁႂ်ႈ​လႆႈ​ဢဝ်​လုၵ်ႈ​ၸၢႆး​ၵဝ်​ၶႃႈ​သွင်​ၵေႃႉ​ၶၢမ်ႇ​ႁဵတ်း​ၶႃႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ဢေးလီႉသႄး ​ၵေႃႈ​ထၢမ်​လႄႈ​ဝႃႈ၊ ၵဝ်​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ပုၼ်ႈ​မႂ်း၊ လၢတ်ႈ​လူး။ ၵႃႈ​ၼႂ်း​ႁိူၼ်း​မႂ်း​ၼၼ်ႉ​မႂ်း​ယင်း​မီး​ဢုၵ်ႉ​ၸႃႇ​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၵႃႈ​ၼႂ်း​ႁိူၼ်း​ၵဝ်​ၶႃႈ​ၼၼ်ႉ လိူဝ်​သေ​မေႃႈ​ၼမ်ႉ​မၼ်း​လုၵ်ႈ​ၼိုင်ႈ ၵဝ်​ၶႃႈ​ဢမ်ႇ​မီး​ၵႃႈ​သင်​သေ​ၸိူဝ်ႉ​သေ​ပိူင်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="3">မၼ်း​လၢတ်ႈ​လႄႈ​ဝႃႈ၊ မႂ်း​ၵႂႃႇ​လႄႈ​ယိမ်​ဢဝ်​မေႃႈ​ပဝ်ႇ တီႈ​ၵူၼ်း​ႁိူၼ်း​ၸမ်​ၵၼ်​တင်း​မႂ်း​ၵႃႈ​မီး​ၼၼ်ႉ​တႃႉ။ ယႃႇ​ပေ​ယိမ်​ဢဝ်​ၵေႇ​ၼႃႇ​ၽႅဝ်။-</verse>
				<verse number="4">မႂ်း​တၵ်း​လႆႈ​ၶဝ်ႈ​ၵႃႈ​ၼႂ်း​ႁိူၼ်း​မႂ်း​သေ​လႄႈ ဢိုတ်း​ႁပ်း​ၽၵ်း​တူ​ႁႄႉ​လပ်ႉ​မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း​ဝႆႉ​သေ​ယဝ်ႉ၊ ဢဝ်​ထွၵ်ႇ​သႂ်ႇ​ၵႃႈ​ၼႂ်း​မေႃႈ​ၵႃႈ​မီး​ၸိူဝ်း​ၼၼ်ႉ​လႄႈ ဢဝ်​ဢၼ်​တဵမ်​ၸိူဝ်း​ၼၼ်ႉ​ဝႆႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="5">မၼ်း​ၼၼ်ႉ​ဢွၵ်ႇ​သေ​ၵႃႈ​တီႈ​မၼ်း​ၵႂႃႇ​လႄႈ ဢိုတ်း​ႁပ်း​ၽၵ်း​တူ​ႁႄႉ​လပ်ႉ​မၼ်း​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ဝႆႉ​သေ​ယဝ်ႉ၊ ၶဝ်​ဢွၼ်​ၵၼ်​ဢဝ်​မေႃႈ​မႃး​တီႈ​မၼ်း​လႄႈ မၼ်း​ဢဝ်​ထွၵ်ႈ​သႂ်ႇ​ဢေႃႈ။-</verse>
				<verse number="6">မိူဝ်ႈ​ဢၼ်​မေႃႈ​ၸိူဝ်း​ၼၼ်ႉ​တဵမ်​ဝႆႉ​ယဝ်ႉ​ၼၼ်ႉ​ၸိုင်၊ မၼ်း​လၢတ်ႈ​တီႈ​လုၵ်ႈ​ၸၢႆး​မၼ်း​ၵေႃႉ​ၼိုင်ႈ​လႄႈ​ဝႃႈ၊ ဢဝ်​မေႃႈ​မႃး​ထႅင်ႈ​သေ​လုၵ်ႈ​လူး​ၵွၼ်ႇ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ မေႃႈ​ဢမ်ႇ​မီး​ထႅင်ႈ​သေ​လုၵ်ႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် ၼမ်ႉ​မၼ်း​ၼၼ်ႉ​ၵိုတ်း​သဝ်း​ယူႇ​ဢေႃႈ။-</verse>
				<verse number="7">မၼ်း​မႃး​လႄႈ မွၵ်ႇ​လၢတ်ႈ​တီႈ​ၵူၼ်း​ၽြႃး​ပဵၼ်​ၸဝ်ႈ​လႄႈ၊ မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၵႂႃႇ​ၶၢႆ​ၼမ်ႉ​မၼ်း​ၼၼ်ႉ​သေ​လႄႈ​တႅၼ်း​ၼီႈ​မႂ်း​တႃႉ။ ဢဝ်​ၼမ်ႉ​မၼ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ လဵင်ႉ​ဢသၢၵ်ႈ​မႂ်း​ဢိၵ်ႇ​တင်း​လုၵ်ႈ​ၸၢႆး​မႂ်း​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ဝၼ်း​ၼိုင်ႈ ဢေးလီႉသႄး ​ၵႂႃႇ​ၵႃႈ​တီႈ​ဝဵင်း​ သူႉၼိမ်ႇ တီႈ​ဢၼ်​မႄႈ​ယိင်း​ဢၼ်​ၸိုဝ်ႈ​ဢွၵ်ႇ​သဵင်​ဢွၵ်ႇ​ၵေႃႉ​ၼိုင်ႈ​ယူႇ​ၼၼ်ႉ​လႄႈ မၼ်း​ၼၼ်ႉ​ၶႅၼ်​ၼိူင်ႇ​ႁွင်ႉ​ပၢင်း​ဢဝ်​မၼ်း ႁႂ်ႈ​မၼ်း​ၵိၼ်​တၢင်း​ၵိၼ်​တၢင်း​ၶူပ်း​ဢေႃႈ။ လိုၼ်း​ၼၼ်ႉ ယၢမ်း​မိူဝ်ႈ​ဢၼ်​မၼ်း​ၸွမ်း​သဵၼ်ႈ​တၢင်း​ၼၼ်ႉ​ၵႂႃႇ​ၵူႈ​ပွၵ်ႈ​ၵူႈ​ပွၵ်ႈ​ၼၼ်ႉ​ၸိုင်၊ မၼ်း​ၸင်ႇ​ဝႄႉ​ၶဝ်ႈ​ၵႃႈ​တီႈ​ၼၼ်ႈ​ႁႂ်ႈ​လႆႈ​ၵိၼ်​တၢင်း​ၵိၼ်​တၢင်း​ၶူပ်း​ဢေႃႈ။-</verse>
				<verse number="9">မၼ်း​ၼၼ်ႉ​လၢတ်ႈ​တီႈ​ၽူဝ်​မၼ်း​လႄႈ​ဝႃႈ၊ တူၺ်း​လူး၊ ၵဝ်​ၶႃႈ​ႁူႉ​သၢႆ​ငၢႆ​လွင်ႈ​ဢၼ် ၵေႃႉ​ဢၼ်​ယၢမ်ႈ​ၵႂႃႇ​ယၢမ်ႈ​မႃး​ယူႇ​ၵႃႈ​တီႈ​ႁိမ်း​ႁဝ်း​ၼႆႉ​တႃႇ​သေႇ​ၼၼ်ႉ ပဵၼ်​ၵေႃႉ​ဢၼ်​မူတ်း​ၸၢင်ႇ​ၽြႃး​ပဵၼ်​ၸဝ်ႈ​ၼၼ်ႉ​ၶႃႈ​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ ႁဵတ်း​လုၵ်း​ႁၢၼ်ႉ​ၼိူဝ်​ဢၼ်​လဵၵ်ႉ​ဢၼ်​ဢွၼ်ႇ​ဢၼ်​ၼိုင်ႈ ၵႃႈ​ၼိူဝ်​သၼ်​ၽႃ​ဝၢင်း​ၼႆႉ​တႃႉ​ႁဝ်း။ ဢဝ်​ၵူႇ​တီႈ​ၼွၼ်း၊ ၶူင်ႇ​တီႈ​ၵိၼ်၊ ၶူင်ႇ​တီႈ​ၼင်ႈ၊ ၶူင်ႇ​တီႈ​တႆႈ​ၽႆး​ဝႆႉ​ပုၼ်ႈ​မၼ်း​တႃႉ​ႁဝ်း။ မိူဝ်ႈ​ဢၼ်​မၼ်း​ႁွတ်ႈ​မႃး​ၵႃႈ​တီႈ​ႁဝ်း​ၼၼ်ႉ​ၸိုင်၊ မၼ်း​တၵ်း​ဝႄႉ​ၶဝ်ႈ​ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ဝၼ်း​ၼိုင်ႈ မၼ်း​ႁွတ်ႈ​ထိုင်​ၵႃႈ​တီႈ​ၼၼ်ႈ​သေ​ယဝ်ႉ၊ ၶဝ်ႈ​ၵႃႈ​ၼႂ်း​လုၵ်း​ႁၢၼ်ႉ​ၼိူဝ်​ၼၼ်ႉ​လႄႈ ၼွၼ်း​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="12">မၼ်း​လၢတ်ႈ​တီႈ​ ၵေႇႁႃႇၸီႉ ၵူၼ်း​ဢွၼ်ႇ​မၼ်း​လႄႈ​ဝႃႈ၊ ႁွင်ႉ​ဢဝ်​မႄႈ​ယိင်း ၵူၼ်း​ဝဵင်း​ သူႉၼိမ်ႇ ​ၼၼ်ႉ​မႃး​တႃႉ၊ ဝႃႈ​ၼင်ႇ​ၼႆ​လႄႈ ႁွင်ႉ​သေ​ယဝ်ႉ၊ မႄႈ​ယိင်း​ၼၼ်ႉ​မႃး​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="13">မၼ်း​လၢတ်ႈ​တီႈ​ၵူၼ်း​ဢွၼ်ႇ​မၼ်း ႁႂ်ႈ​ထၢမ်​တီႈ​မၼ်း​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​လဵင်ႉ​လူ​လုမ်း​လႃး​တီႈ​ႁဝ်း​ထၢၼ်ႇ​ၼႆႉ​ၼၼ်ႉ​လႄႈ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ပုၼ်ႈ​မႂ်း။ ၵဝ်​တၵ်း​လႆႈ​လၢတ်ႈ​တီႈ​ၶုၼ်​ႁေႃ​ၶမ်း၊ ဢမ်ႇ​ၼၼ်​တီႈ​ၶုၼ်​ပူဝ်ႇ​ၶျုၵ်ႈ​ပုၼ်ႈ​မႂ်း​ႁိုဝ်။ ဝႃႈ​ၼင်ႇ​ၼႆ​လႄႈ မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​ယူႇ​ၼႂ်း​ပီႈ​ၼႂ်း​ၼွင်ႉ​ၵဝ်​ၶႃႈ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မၼ်း​ၵေႃႈ​သမ်ႉ​ထၢမ်​လႄႈ​ဝႃႈ၊ ထုၵ်ႇ​လီ​ႁဵတ်း​ပုၼ်ႈ​မၼ်း​ၼၼ်ႉ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​လႄႈ၊ ၵေႇႁႃႇၸီႉ ​ၶိုၼ်း​လၢတ်ႈ​လႄႈ​ဝႃႈ၊ မၼ်း​ၼၼ်ႉ​ဢမ်ႇ​မီး​လုၵ်ႈ​မီး​လၢင်း​ၶႃႈ။ ၽူဝ်​မၼ်း​ၵေႃႈ​ထဝ်ႈ​ၼႃႇ​ယဝ်ႉ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="15">မၼ်း​လၢတ်ႈ​လႄႈ​ဝႃႈ၊ ႁွင်ႉ​မၼ်း​ၼၼ်ႉ​မႃး​တႃႉ၊ ဝႃႈ​ၼင်ႇ​ၼႆ​လႄႈ​ႁွင်ႉ​သေ​ယဝ်ႉ၊ မၼ်း​ၼၼ်ႉ​မႃး​ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ​ဢေႃႈ။-</verse>
				<verse number="16">မၼ်း​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​ထိုင်​ႁွတ်ႈ​ၶိင်ႇ​ၼႆႉ​ပီႊ​ၼႃႈ​ၼၼ်ႉ​ၸိုင်၊ မႂ်း​တၵ်း​လႆႈ​ႁွပ်ႇ​ဢုမ်ႈ​ၼၢဝ်ႉ​ၵွတ်ႇ​လုၵ်ႈ​ၸၢႆး​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၶႃႈ​ၵူၺ်ႉ​ၸဝ်ႈ၊ ၵူၼ်း​ၽြႃး​ပဵၼ်​ၸဝ်ႈ​ဢိူၺ်း။ ၸဝ်ႈ​ႁဝ်း​ယႃႇ​ပေ​လၢတ်ႈ​မူႉ​သႃႇ​တီႈ​ၶႃႈ​ၸဝ်ႈ​ႁဝ်း​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">လိုၼ်း​ၼၼ်ႉ​မႄႈ​ယိင်း​ၼၼ်ႉ ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ၼႂ်း ၶိင်ႇ​မိူဝ်ႈ​ဢၼ်​ ဢေးလီႉသႄး မၵ်း​ၶိၼ်း​ဝႆႉ​လႄႈ​ၸေး​ၼၼ်ႉ​ဢေႃႈ။</verse>
				<verse number="18">လုၵ်ႈ​ၸၢႆး​ၼၼ်ႉ​ယႂ်ႇ​မႃး၊ ပဵၼ်​လုၵ်ႈ​ဢွၼ်ႇ​ႁၢႆး​သေ​ယဝ်ႉ၊ ဝၼ်း​ၼိုင်ႈ မၼ်း​ၵႂႃႇ​ၸူး​ၵႃႈ​တီႈ​ပေႃႈ​မၼ်း​တီႈ​ဢၼ်​ၵူၼ်း​ပၢတ်ႇ​ၶဝ်ႈ​တင်း​လၢႆ​မီး​ၼၼ်ႉ​လႄႈ၊-</verse>
				<verse number="19">လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ ဢလူဝ်း၊ ႁူဝ်​ၵဝ်​ၼႆႉ၊ ဢလူဝ်း​ႁူဝ်​ၵဝ်​ၼႆႉ၊ ဝႃႈ​ၼင်ႇ​ၼႆ​ယူႇ​လႄႈ ပေႃႈ​မၼ်း​လၢတ်ႈ​တီႈ​ၵူၼ်း​ၸႂ်ႉ​ၵူၼ်း​သွႆ​ၵေႃႉ​ၼိုင်ႈ​လႄႈ​ဝႃႈ၊ ဢဝ်​မၼ်း​ၼႆႉ​ၵႂႃႇ​ၵႃႈ​တီႈ​မႄႈ​မၼ်း​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မၼ်း​ၼၼ်ႉ​ဢဝ်​မၼ်း​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​မႄႈ​မၼ်း​သေ​ယဝ်ႉ၊ မၼ်း​ၼင်ႈ​ယူႇ​ၵႃႈ​ၼိူဝ်​တၵ်း​မႄႈ​မၼ်း တေႃႇ​ထိုင်​ႁွတ်ႈ​ၶိင်ႇ​ၵၢင်​ဝၼ်း​တဵင်ႈ​လႄႈ​တၢႆ​သေ​ဢေႃႈ။-</verse>
				<verse number="21">မႄႈ​ယိင်း​ၼၼ်ႉ​ၶိုၼ်ႈ​ၵႃႈ​ၼိူဝ်​လႄႈ ဢဝ်​မၼ်း​ဝႆႉ​ၵႃႈ​ၼိူဝ်​ၵူႇ​တီႈ​ၼွၼ်း ၵူၼ်း​ၽြႃး​ပဵၼ်​ၸဝ်ႈ​သေ​ယဝ်ႉ၊ ဢိုတ်း​ႁပ်း​ၽၵ်း​တူ​သေ​လႄႈ​ၵႂႃႇ​ဢေႃႈ။-</verse>
				<verse number="22">မၼ်း​ႁွင်ႉ​ဢဝ်​ၽူဝ်​မၼ်း​လႄႈ​ဝႃႈ၊ ပၼ်​ၵူၼ်း​ဢွၼ်ႇ​ၵေႃႉ​ၼိုင်ႈ တင်း​လီႈ​တူဝ်​ၼိုင်ႈ​မႃး​တီႈ​ၵဝ်​ၶႃႈ ႁႂ်ႈ​ၵဝ်​ၶႃႈ​လႆႈ​လႅၼ်ႈ​ၵႂႃႇ​ၵႃႈ​တီႈ​ၵူၼ်း​ၽြႃး​ပဵၼ်​ၸဝ်ႈ​လႄႈ သမ်ႉ​ၶိုၼ်း​မႃး​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="23">မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶႂ်ႈ​ၵႂႃႇ​တီႈ​ၸဝ်ႈ​ၼၼ်ႉ​ဝၼ်း​မိူဝ်ႈ​ၼႆႉ​ၼင်ႇ​ႁိုဝ်။ ဢမ်ႇ​ၸႂ်ႈ​ဝၼ်း​လိူၼ်​မႂ်ႇ၊ ဢမ်ႇ​ၸႂ်ႈ​ဝၼ်း​ၵမ်​သိၼ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ တၵ်း​ပဵၼ်​ဢၼ်​လီ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၵမ်း​ၼၼ်ႉ မၼ်း​ႁၢင်ႈ​ၵွပ်း​လီႈ​သေ​လႄႈ၊ လၢတ်ႈ​တီႈ​ၵူၼ်း​ၸႂ်ႉ​ၵူၼ်း​သွႆ​မၼ်း​လႄႈ​ဝႃႈ၊ မႂ်း​ႁေႃႈ​လႄႈ​ၵႂႃႇ​တိၵ်း​တိၵ်း​တႃႉ။ ပေႃး​ၵဝ်​ဢမ်ႇ​လၢတ်ႈ​တီႈ​မႂ်း​ၸိုင်၊ မႂ်း​ယႃႇ​ပေ​ၵႂႃႇ​ၵွႆႈ​ၵႂႃႇ​ထိူင်း​ၵွပ်ႈ​ပိူဝ်ႈ​ၵဝ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">ၸွမ်း​တၢင်း​ၵႂႃႇ​လႄႈ ႁွတ်ႈ​ထိုင်​တီႈ​ၵူၼ်း​ၽြႃး​ပဵၼ်​ၸဝ်ႈ ၵႃႈ​တီႈ​လွႆ​ ၵရမေႇလႃႉ ​ၼၼ်ႉ​ဢေႃႈ။ ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ ႁၼ်​မၼ်း​မိူဝ်ႈ​ဢၼ်​မၼ်း​ယင်း​မီး​တီႈ​ၵႆ​ၼၼ်ႉ​လႄႈ လၢတ်ႈ​တီႈ​ ၵေႇႁႃႇၸီႉ ​ၵူၼ်း​ဢွၼ်ႇ​မၼ်း​ၼၼ်ႉ​လႄႈ​ဝႃႈ၊ တူၺ်း​လူး၊ ဢၼ်​ၼၼ်ႉ ပဵၼ်​မႄႈ​ယိင်း​ၵူၼ်း​ဝဵင်း​ သူႉၼိမ်ႇ ​ဢေႃႈ။-</verse>
				<verse number="26">မႂ်း​ၶုၼ်ႇ​လႅၼ်ႈ​ၵႂႃႇ​လႄႈ ႁပ်ႉ​ႁူဝ်​တၢင်း​မၼ်း​သေ​လႄႈ​ထၢမ်​လႄႈ​ဝႃႈ၊ တူဝ်​မႂ်း​ယူႇ​လီ​ယူႇ​ႁိုဝ်။ ၽူဝ်​မႂ်း​ယူႇ​လီ​ႁိုဝ်။ လုၵ်ႈ​ဢွၼ်ႇ​ယူႇ​လီ​ႁိုဝ်။ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မႄႈ​ယိင်း​ၶိုၼ်း​လၢတ်ႈ​လႄႈ​ဝႃႈ၊ ယူႇ​လီ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​တီႈ​ဢၼ် ၵူၼ်း​ၽြႃး​ပဵၼ်​ၸဝ်ႈ​ၵႃႈ​ၼိူဝ်​လွႆ​ၼၼ်ႉ​ၸိုင်၊ မၼ်း​ၵွတ်ႇ​တိၼ်​မၼ်း​ၼၼ်ႉ​ဢေႃႈ။ ၵေႇႁႃႇၸီႉ ​သုတ်ႉ​ၸပ်း​သုတ်ႉ​ၸူး ႁႂ်ႈ​လႆႈ​ႁႄႉ​ၶႅၼ်​မၼ်း​လႄႈ၊ ၵူၼ်း​ၽြႃး​ပဵၼ်​ၸဝ်ႈ​လၢတ်ႈ​လႄႈ​ဝႃႈ၊ ယႃႇ​မၼ်း​တႃႉ။ မၼ်း​မီး​တၢင်း​ဢၼ်​ၶီ​ၸႂ်​ၶူမ်​ၸႂ်​ဢေႃႈ။ လွင်ႈ​ၼႆႉ​ၸိုင်​ထႃႇဝရႃႉ​ၽြႃး​သိူင်ႇ​မႅပ်ႉ​ဝႆႉ​ယဝ်ႉ၊ မၼ်း​ၸဝ်ႈ​ဢမ်ႇ​ၼႄ​ပျႃး​တီႈ​ၵဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">မၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​လႆႈ​ယွၼ်း​ဢဝ်​သူး​လုၵ်ႈ​ၸၢႆး​တီႈ​ၸဝ်ႈ​ႁဝ်း​ၶႃႈ​ႁိုဝ်။ ၵဝ်​ၶႃႈ​ဝႃႈ၊ ယႃႇ​ပေ​ပႅတ်ႉ​လႅၼ်​ၵဝ်​ၶႃႈ​သေ​ၵမ်း၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မိူဝ်ႈ​ၼၼ်ႉ မၼ်း​ၼၼ်ႉ​လၢတ်ႈ​တီႈ​ ၵေႇႁႃႇၸီႉ ​လႄႈ​ဝႃႈ၊ ႁတ်ႉ​ဢႅဝ်​မႂ်း​လႄႈ ယိပ်း​ၵမ်​ဢဝ်​ၶွၼ်ႉ​တဝ်ႉ​ၵဝ်​သေ​လႄႈ​ၵႂႃႇ​တႃႉ။ ပေႃး​မႂ်း​ထူပ်း​သေ​ၵေႃႉ​သေ​ၵူၼ်း​ၸိုင် ယႃႇ​ပေ​တၵ်ႉ​ပေ​လၢတ်ႈ​မၼ်း။ ပေႃး​သေ​ၵေႃႉ​သေ​ၵူၼ်း​တၵ်ႉ​လၢတ်ႈ​မႂ်း​ၸိုင်၊ ယႃႇ​ပေ​ၶိုၼ်း​တၵ်ႉ​ၶိုၼ်း​လၢတ်ႈ။ ဢဝ်​ၶွၼ်ႉ​တဝ်ႉ​ၵဝ်​ၼႆႉ​တၢင်ႇ​သႂ်ႇ​ဝႆႉ​ၵႃႈ​ၼိူဝ်​ၼႃႈ​လုၵ်ႈ​ဢွၼ်ႇ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">မႄႈ​လုၵ်ႈ​ဢွၼ်ႇ​ၵေႃႈ​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢသၢၵ်ႈ​ယင်း​လိပ်း​ယူႇ၊ ၵႃႈ​ၼင်ႇ​ဢၼ်​ၸဝ်ႈ​ႁဝ်း ဢသၢၵ်ႈ​ယင်း​လိပ်း​ယူႇ​ၼၼ်ႉ ၵဝ်​ၶႃႈ​ဢမ်ႇ​ၽၢတ်ႇ​ၵၼ်​တင်း​ၸဝ်ႈ​ႁဝ်း​လႄႈ​ၵႂႃႇ​ၶႃႈ​ၵူၺ်ႉ​၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​လုၵ်ႉ​လႄႈ​ၸွမ်း​မၼ်း​ၵႂႃႇ​ဢေႃႈ။-</verse>
				<verse number="31">ၵေႇႁႃႇၸီႉ ​ၼၼ်ႉ​ၵႂႃႇ​ဢွၼ်​တၢင်း​လႄႈ ဢဝ်​ၶွၼ်ႉ​တဝ်ႉ​တၢင်ႇ​သႂ်ႇ​ဝႆႉ​ၵႃႈ​ၼိူဝ်​ၼႃႈ​လုၵ်ႈ​ဢွၼ်ႇ​သေ​ၵေႃႈ၊ လုၵ်ႈ​ဢွၼ်ႇ​ၼၼ်ႉ​ဢမ်ႇ​ႁဵတ်း​သဵင်၊ ဢမ်ႇ​ႁူႉ​တူဝ်၊ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ မၼ်း​မိူဝ်း​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​ၼၼ်ႉ​လႄႈ လၢတ်ႈ​လႄႈ​ဝႃႈ၊ လုၵ်ႈ​ဢွၼ်ႇ​ၼၼ်ႉ​ဢမ်ႇ​တိုၼ်ႇ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">မိူဝ်ႈ​ဢၼ်​ ဢေးလီႉသႄး ​ႁွတ်ႈ​ထိုင်​ၵႃႈ​ၼႂ်း​ႁိူၼ်း​ၼၼ်ႉ​ၸိုင်၊ လုၵ်ႈ​ဢွၼ်ႇ​ၼၼ်ႉ​တၢႆ​ယဝ်ႉ​လႄႈ တၢင်ႇ​သႂ်ႇ​ဝႆႉ​မီး​ယူႇ​ၵႃႈ​ၼိူဝ်​ၵူႇ​တီႈ​ၼွၼ်း​မၼ်း​သေ​ယဝ်ႉ၊-</verse>
				<verse number="33">မၼ်း​ၶဝ်ႈ​ၵႃႈ​ၼႂ်း​လႄႈ ဢိုတ်း​ႁပ်း​ၽၵ်း​တူ​ႁႄႉ​လပ်ႉ​သွင်​ၶႃ​ဝႆႉ​သေ​လႄႈ သူး​တွင်း​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="34">မၼ်း​သုတ်ႉ​ၸပ်း​သုတ်ႉ​ၸူး​လႄႈ ၼွၼ်း​သႂ်ႇ​ၵႃႈ​ၼိူဝ်​လုၵ်ႈ​ဢွၼ်ႇ​ယူႇ၊ ဢဝ်​သူပ်း​ၼင်ႇ​ၵၼ်၊ မၢၵ်ႇ​တႃ​ၼင်ႇ​ၵၼ်၊ မိုဝ်း​ၼင်ႇ​ၵၼ် သွၼ်ႉ​ၸပ်း​ၵၼ်​ယူႇ​သေ​လႄႈ ဢဝ်​တူဝ်​မၼ်း​ဢူပ်ႇ​ပူပ်ႇ​သႂ်ႇ​ၵႃႈ​ၼိူဝ်​လုၵ်ႈ​ဢွၼ်ႇ​လႄႈ၊ ၼိူဝ်ႉ​လုၵ်ႈ​ဢွၼ်ႇ​ၼၼ်ႉ မီး​တၢင်း​ဢၼ်​ဢုၼ်ႇ​မႃး​ယူႇ​ဢေႃႈ။-</verse>
				<verse number="35">လႆႈ​သမ်ႉ မၼ်း​လူင်း​လႄႈ ပႆ​သၢင်း​ၵျၢၼ်ႇ​ၵႂႃႇ​ၵႃႈ​ၼႂ်း​ႁိူၼ်း​ၼၼ်ႉ​ၶိုၼ်း​မႃး​ၸူး​ပွၵ်ႈ​ၼိုင်ႈ​သေ​ယဝ်ႉ၊ သမ်ႉ​ၶိုၼ်း​သုတ်ႉ​ၸပ်း​သုတ်ႉ​ၸူး​လႄႈ ဢဝ်​တူဝ်​မၼ်း​ဢူပ်ႇ​ပူပ်ႇ​သႂ်ႇ​ၵႃႈ​ၼိူဝ်​လုၵ်ႈ​ဢွၼ်ႇ​ၼၼ်ႉ​လႄႈ၊ လုၵ်ႈ​ဢွၼ်ႇ​ၼၼ်ႉ​ၶီႈ​ၸၢမ်​မႃး​ၸဵတ်း​ပွၵ်ႈ​လႄႈ မိုၼ်း​တႃ​မႃး​ဢေႃႈ။-</verse>
				<verse number="36">မၼ်း​ႁွင်ႉ​ဢဝ်​ ၵေႇႁႃႇၸီႉ ​လႄႈ​ဝႃႈ၊ ႁွင်ႉ​ဢဝ်​မႄႈ​ယိင်း​ၵူၼ်း​ဝဵင်း​ သူႉၼိမ်ႇ ​ၼၼ်ႉ​မႃး​တႃႉ၊ ဝႃႈ​ၼင်ႇ​ၼႆ​လႄႈ မၼ်း​ၼၼ်ႉ​ႁွင်ႉ​လႄႈ မိူဝ်ႈ​ဢၼ်​မႄႈ​ယိင်း​ၼၼ်ႉ​ႁွတ်ႈ​မႃး​တီႈ​မၼ်း​ၼၼ်ႉ​ၸိုင်၊ မၼ်း​လၢတ်ႈ​လႄႈ​ဝႃႈ၊ ဢုမ်ႈ​ဢဝ်​လုၵ်ႈ​ၸၢႆး​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">မႄႈ​ယိင်း​ၼၼ်ႉ​ၶဝ်ႈ​ၵႃႈ​ၼႂ်း​လႄႈ​ၶုပ်ႉ​မူပ်ႇ​ဝၢင်း​ႁူဝ်​ၵႃႈ​ၼိူဝ်​လိၼ်​သေ​ယဝ်ႉ၊ ဢုမ်ႈ​ဢဝ်​လုၵ်ႈ​ၸၢႆး​မၼ်း​လႄႈ​ၵႂႃႇ​ဢေႃႈ။</verse>
				<verse number="38">ၽဝ်ႇ​ၼိုင်ႈ ဢေးလီႉသႄး ၵႂႃႇ​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​လႄႈ ၵႃႈ​တီႈ​မိူင်း​ၼၼ်ႉ​ပဵၼ်​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ဢေႃႈ။ ၼႂ်း​မိူဝ်ႈ​ဢၼ်​ၵူၼ်း​မဵဝ်း​ပရေႃးၽႅတ်ႈ​တင်း​လၢႆ ယင်း​တိုၵ်ႉ​ၼင်ႈ​ၵႃႈ​တီႈ​ၽၢႆႇ​ၼႃႈ​မၼ်း​ယူႇ​ၼၼ်ႉ၊ မၼ်း​လၢတ်ႈ​တီႈ​ၵူၼ်း​ဢွၼ်ႇ​မၼ်း​လႄႈ​ဝႃႈ၊ ဢဝ်​မေႃႈ​လူင်​တင်ႈ​လႄႈ ႁုင်​ၽၵ်း​ပုၼ်ႈ​ၵူၼ်း​မဵဝ်း​ပရေႃးၽႅတ်ႈ​တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="39">ၵေႃႉ​ၼိုင်ႈ​ဢွၵ်ႇ​ၸူး​ၵႃႈ​တီႈ​ၼွၵ်ႈ​တီႈ​ပၢင်ႇ​ႁႂ်ႈ​လႆႈ​ၵဵပ်း​ၽၵ်း​ယိူဝ်ႈ​ၼၢင်း​ၶဵဝ်​လႄႈ ထူပ်း​ႁၼ်​ၶိူဝ်း​တူၼ်ႈ​ထိူၼ်ႇ​သေ​ယဝ်ႉ၊ ၵဵပ်း​ဢဝ်​မၢၵ်ႇ​ၼမ်ႉ​တဝ်ႈ​ထိူၼ်ႇ ၵႃႈ​ဢၼ်​ႁွပ်ႇ​လႆႈ​ၼၼ်ႉ​သေ​လႄႈ၊ ယင်း​ဢမ်ႇ​ႁူႉ​မဵဝ်း​ၼမ်ႉ​တဝ်ႈ​ၼၼ်ႉ​လႄႈ ဢဝ်​မႃး​မိတ်း​သႂ်ႇ​ၵႃႈ​ၼႂ်း​မေႃႈ​ၽၵ်း​ဢေႃႈ။-</verse>
				<verse number="40">ၶဝ်​ၵွၼ်ႉ​ဢဝ်​တၵ်း​ဢဝ်​ပုၼ်ႈ​ဢၼ်​တၵ်း​ၵိၼ်​လႄႈ ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ၽွမ်ႉ​ၵၼ်​ၵိၼ်​ၽၵ်း​ၼၼ်ႉ​ယူႇ​ၼၼ်ႉ​ၸိုင်၊ ၶဝ်​ၼၼ်ႉ​ဢွၼ်​ၵၼ်​ႁွင်ႉ​သႅၼ်ႇ​လႄႈ​ဝႃႈ၊ ၵူၼ်း​ၽြႃး​ပဵၼ်​ၸဝ်ႈ​ဢိူၺ်း၊ ၵႃႈ​ၼႂ်း​မေႃႈ​ၼႆႉ​မီး​ၽေး​တၢႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊ ယင်း​ဢမ်ႇ​ၵိၼ်​လႆႈ​လႄႈ​ယူႇ​ဢေႃႈ။-</verse>
				<verse number="41">မၼ်း​လၢတ်ႈ​လႄႈ​ဝႃႈ၊ ဢဝ်​ၽွင်​ၶဝ်ႈ​မုၼ်း​မႃး​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ဢဝ်​သႂ်ႇ​ၵႃႈ​ၼႂ်း​မေႃႈ​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ ၵွၼ်ႉ​ဢဝ်​တၵ်း​ဢဝ်​သႂ်ႇ​ပၼ်​ပုၼ်ႈ​ဢၼ်​ၵူၼ်း​တင်း​လၢႆ​တၵ်း​ၵိၼ်​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ယဝ်ႉ​ၸိုင်၊ ၵႃႈ​ၼႂ်း​မေႃႈ​ၼၼ်ႉ​ဢမ်ႇ​မီး​ၽေး။</verse>
				<verse number="42">ၽဝ်ႇ​ၼိုင်ႈ ၵူၼ်း​ၵေႃႉ​ၼိုင်ႈ လုၵ်ႉ​သေ​ၵႃႈ​တီႈ​ဝဵင်း​ ပႃႇလႃႉသႃႇလီႉသႃႉ ​ၼၼ်ႉ​မႃး​လႄႈ ဢဝ်​ၶဝ်ႈ​မုၼ်း​ဢၼ်​ဢဝ်​ၶဝ်ႈ​မူႉ​ယေႃး ဢၼ်​မၢၵ်ႇ​ဢွၼ်​တၢင်း​ၼၼ်ႉ​ႁဵတ်း​ၼၼ်ႉ​သၢဝ်း​လုၵ်ႈ ဢိၵ်ႇ​တင်း​မၢၵ်ႇ​ႁူင်း​ၵႃႈ​ၼႂ်း​ထူင်​ၼၼ်ႉ မႃး​ၸူး​တီႈ​ၵူၼ်း​ၽြႃး​ပဵၼ်​ၸဝ်ႈ​ဢေႃႈ။ မၼ်း​ၵေႃႈ​လၢတ်ႈ​လႄႈ​ဝႃႈ ဢဝ်​ပၼ်​တီႈ​ၵူၼ်း​တင်း​လၢႆ​ႁႂ်ႈ​ၶဝ်​ၵိၼ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="43">ၵူၼ်း​ဢွၼ်ႇ​မၼ်း​လၢတ်ႈ​လႄႈ​ဝႃႈ၊ ၸိူဝ်ႉ​ၼင်ႇ​ႁိုဝ်​ၶႃႈ။ ထၢၼ်ႇ​ၼႆႉ​ၵူၺ်း တၵ်း​ဢဝ်​တမ်း​ပၼ်​တီႈ​ၵူၼ်း​ပၢၵ်ႇ​ၼိုင်ႈ​လႆႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​လၢတ်ႈ​လႄႈ​ဝႃႈ၊ ဢဝ်​ပၼ်​တီႈ​ၵူၼ်း​တင်း​လၢႆ​ႁႂ်ႈ​ၶဝ်​ၵိၼ်​တႃႉ။ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၶဝ်​တၵ်း​ၵိၼ်​ဢိမ်ႇ​ၵိၼ်​တဵမ်​လႄႈ ႁႂ်ႈ​ၵိုတ်း​ၵျၢၼ်ႇ​ဝႆႉ​ယူႇ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="44">မၼ်း​ၼၼ်ႉ​ဢဝ်​သႂ်ႇ​တမ်း​ပၼ်​ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​လႄႈ ၶဝ်​ၼၼ်ႉ​ဢွၼ်​ၵၼ်​ၵိၼ်​လႄႈ ႁႂ်ႈ​ၵိုတ်း​ၵျၢၼ်ႇ​ဝႆႉ​ယူႇ မႅၼ်ႈ​ၸွမ်း​ၵႂၢမ်း​ထႃႇဝရႃႉ​ၽြႃး​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">ၼေႇမၢၼ်ႇ ​ၶုၼ်​ပူဝ်ႇ​ၶျုၵ်ႈ​ၶုၼ်​ႁေႃ​ၶမ်း​ သူႉရီႉ ​ၼၼ်ႉ ပဵၼ်​ၵေႃႉ​ဢၼ်​လႆႈ​ၼႃႈ​လႆႈ​တႃ​တီႈ​ၸဝ်ႈ​မၼ်း​လႄႈ မီး​မုၼ်​မီး​ၽုင်း​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ဢဝ်​မၼ်း​ပၼ်​ဢၶႂၢင်ႉ​ဢၼ်​မိူင်း​ သူႉရီႉ ​လႆႈ​ပႄႉ​လႆႈ​ၼႅင်ႇ​ၼၼ်ႉ​ယဝ်ႉ၊ မၼ်း​ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ဢေႃႈ။ ၵူၺ်း​ၵႃႈ​မၼ်း​ပဵၼ်​တုတ်ႈ​ဢေႃႈ။-</verse>
				<verse number="2">ၽဝ်ႇ​ၼိုင်ႈ ၵူၼ်း​ သူႉရီႉ ​တင်း​လၢႆ​ႁဵတ်း​ပဵၼ်​မုၵ်ႉ​ပဵၼ်​ၸိူဝ်း​သေ​လႄႈ ၶီႇ​သိုၵ်း​ၵႂႃႇ​သေ​ယဝ်ႉ၊ တီႉ​လႆႈ​မႄႈ​ယိင်း​ဢွၼ်ႇ​ၵေႃႉ​ၼိုင်ႈ​သေ​ၵႃႈ​ၼႂ်း​မိူင်း​ ဢီႉသရေႇလႃႉ ​မႃး​ဢေႃႈ။ မၼ်း​ၼၼ်ႉ​လႆႈ​ၶၢမ်ႇ​ႁဵတ်း​ၶႃႈ​တီႈ​မေး​ ၼေႇမၢၼ်ႇ ​ၼၼ်ႉ​ယူႇ​ဢေႃႈ။-</verse>
				<verse number="3">မၼ်း​ၼၼ်ႉ​လၢတ်ႈ​တီႈ​ၸဝ်ႈ​ၼၢင်း​မၼ်း​လႄႈ​ဝႃႈ၊ ႁႂ်ႈ​ၸဝ်ႈ​ၵဝ်​ၶႃႈ​ၼၼ်ႉ​ႁွတ်ႈ​ထိုင်​ၵႃႈ​တီႈ​ပရေႃးၽႅတ်ႈ​ဢၼ်​မီး​ယူႇ​ၵႃႈ​တီႈ​ဝဵင်း​ သမႃႇရီႉ ​ၼၼ်ႉ​သေ​ၵမ်း​လူၺ်ႈ။ မၼ်း​ၼၼ်ႉ​တၵ်း​ႁႂ်ႈ​တုတ်ႈ​ဢၼ်​ၸပ်း​တီႈ​မၼ်း​ၸဝ်ႈ​ၼၼ်ႉ​ႁၢႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၼင်ႇ​ၼၼ်​လႄႈ​ ၼေႇမၢၼ်ႇ ​ၼၼ်ႉ ၶဝ်ႈ​ၸူး​ၵႃႈ​တီႈ​ၸဝ်ႈ​မၼ်း​လႄႈ​လဝ်ႊ​လၢတ်ႈ​လႄႈ​ဝႃႈ၊ မႄႈ​ယိင်း​ဢွၼ်ႇ​ ဢီႉသရေႇလႃႉ ​ၼၼ်ႉ လၢတ်ႈ​ၸိူဝ်ႉ​ၼင်ႇ​ၼႆ​ၸိူဝ်ႉ​ၼင်ႇ​ၼၼ်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶုၼ်​ႁေႃ​ၶမ်း​ သူႉရီႉ ​ၵေႃႈ​မီး​ဢမိင်ႉ​လႄႈ​ဝႃႈ၊ ၵႂႃႇ​တႃႉ။ ၵႂႃႇ​တႃႉ။ ၵဝ်​တၵ်း​ပၼ်​လိၵ်ႈ​ၵႂႃႇ တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​လႄႈ မၼ်း​ၼၼ်ႉ​ဢဝ်​ငိုၼ်း​သိပ်း​ တလၢၼ်ႇတၢၼ်ႇ ​၊ ၶမ်း​ႁူၵ်း​ႁဵင်​ၵျၢပ်ႈ၊ ၶူဝ်း​ၼုင်ႈ​သိပ်း​ၸုမ်ႇ​သေ​လႄႈ​ၵႂႃႇ​လႄႈ၊-</verse>
				<verse number="6">ဢဝ်​လိၵ်ႈ​ၼၼ်ႉ​သႂၢင်း​ၶဝ်ႈ​ၵႃႈ​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ။ ၵႂၢမ်း​ဢၼ်​ပႃး​ၵႃႈ​ၼႂ်း​လိၵ်ႈ​ၼၼ်ႉ​ဝႃႈ​ၸမ်ႉ၊ ၵဝ်​ၶႃႈ​ပွႆႇ​ၸႂ်ႉ​ၶႃႈ​ၵဝ်​ၶႃႈ ၼေႇမၢၼ်ႇ ပႃး​ဢဝ်​လိၵ်ႈ​ၼႆႉ​ၵႂႃႇ​ႁႂ်ႈ​ၸဝ်ႈ​ႁႂ်ႈ​တုတ်ႈ​မၼ်း​ႁၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၶုၼ်​ႁေႃ​ၶမ်း​ ဢီႉသရေႇလႃႉ ၽတ်း​လိၵ်ႈ​ၼၼ်ႉ​သေ​ယဝ်ႉ၊ ၸၵ်ႉ​သိၵ်ႇ​ၶူဝ်း​ၼုင်ႈ​မၼ်း​လႄႈ​ဝႃႈ၊ ၵဝ်​ပဵၼ်​ၽြႃး​ဢၼ်​ပိူင်ႇ​ပၼ်​ပိူင်ႇ​ၼုၵ်ႈ​ဢသၢၵ်ႈ​လႄႈ မၼ်း​ၼၼ်ႉ​ပွႆႇ​ၸႂ်ႉ​ၵေႃႉ​ၼႆႉ​မႃး​တီႈ​ၵဝ် ႁႂ်ႈ​ၵဝ်​ပၼ်​ၵတ်း​ယဵၼ်​ၶျၢမ်း​သႃႇ​ႁိုဝ် သူ​တူၺ်း​လူး၊ တူၺ်း​လွင်ႈ​ဢၼ်​မၼ်း​ၶႂ်ႈ​ႁႃ​တၢင်း​ၽိတ်း​သႂ်ႇ​တီႈ​ၵဝ်​ထၢၼ်ႇ​လႂ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ဢေးလီႉသႄး ​ၵူၼ်း​ၽြႃး​ပဵၼ်​ၸဝ်ႈ ငိၼ်း​လွင်ႈ​ဢၼ်​ၶုၼ်​ႁေႃ​ၶမ်း​ ဢီႉသရေႇလႃႉ ​သိၵ်ႈ​ၶူဝ်း​ၼုင်ႈ​မၼ်း​ၼၼ်ႉ​သေ​ယဝ်ႉ၊ သင်ႇ​လၢတ်ႈ​ၵႂႃႇ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​သိၵ်ႇ​ၶူဝ်း​ၼုင်ႈ​ၸဝ်ႈ​ႁဝ်း​ၼင်ႇ​ႁိုဝ်​တီႈ​ၶႃႈ။ ႁႂ်ႈ​မၼ်း​ၼၼ်ႉ​မႃး​ၵႃႈ​တီႈ​ၶႃႈ​ၸဝ်ႈ​သေ​ၵမ်း။ မၼ်း​တၵ်း​လႆႈ​ႁူႉ​လွင်ႈ​ဢၼ်​ပရေႃးၽႅတ်ႈ​မီး​ၵႃႈ​ၼႂ်း​မိူင်း​ ဢီႉသရေႇလႃႉ ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ​ ၼေႇမၢၼ်ႇ ​ၼၼ်ႉ ပႃး​ဢဝ်​လေႃႉရထႃး​မၼ်း​ဢိၵ်ႇ​တင်း​မႃႉ​မၼ်း​တင်း​လၢႆ​မႃး​လႄႈ ၸုၵ်း​ယူႇ​ၵႃႈ​တီႈ​ၽၵ်း​တူ​ႁိူၼ်း ဢေးလီႉသႄး ​ဢေႃႈ။-</verse>
				<verse number="10">ဢေးလီႉသႄး ​ၵေႃႈ​ပွႆႇ​ၸႂ်ႉ​ၵူၼ်း​ၸူး​တီႈ​မၼ်း​လႄႈ​လၢတ်ႈ​ဝႃႈ၊ မႂ်း​ၵႂႃႇ​လႄႈ​ဢၢပ်ႇ​ၼမ်ႉ​ၵႃႈ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ တေႃႇ​ထိုင်​ႁွတ်ႈ​ၸဵတ်း​ပွၵ်ႈ​တႃႉ။ ၼိူဝ်ႉ​ၼင်​မႂ်း​တၵ်း​ၶၢႆႉ​ပုတ်ႈ​လႄႈ​မႂ်း​တၵ်း​လႆႈ​မူတ်း​သႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၼေႇမၢၼ်ႇ ​ၸႂ်​မႆႈ​ၶႆႈ​ၸႃႉ​လႄႈ ဢွၵ်ႇ​ၵႂႃႇ​သေ​လႄႈ​လၢတ်ႈ​ဝႃႈ၊ တူၺ်း​လူး၊ ၵဝ်​ယဵဝ်​ပရေႃးၽႅတ်ႈ​ၼၼ်ႉ​တၵ်း​ဢွၵ်ႇ​မႃး​လႄႈ ၸုၵ်း​ယူႇ​ၵႃႈ​တီႈ​ႁိမ်း​ၵဝ်​ယူႇ၊ ႁွင်ႉ​ႁႃ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​လႄႈ ဢဝ်​မိုဝ်း​မၼ်း​မုင်း​ၵႂႃႇ​မုင်း​မႃး ၵႃႈ​ၼိူဝ်​တီႈ​ႁွႆႈ​ၸဵပ်း​ယူႇ​သေ​လႄႈ ႁႂ်ႈ​တုတ်ႈ​ႁၢႆ​ဢေႃႈ။-</verse>
				<verse number="12">ၼမ်ႉ​ႁွင်ႈ​ ဢႃႇမၼႃႉ ၊ ၼမ်ႉ​ႁွင်ႈ​ ၽႃႇၽႃႇ ၵႃႈ​တီႈ​မိူင်း​ ထမ်ႇမသႅတ်ႉ ​ၸိူဝ်း​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​ၼမ်ႉ​ႁွင်ႈ​ ဢီႉသရေႇလႃႉ ​ၵႃႈ​မီး​ဢမ်ႇ​ၸႂ်ႈ​ႁိုဝ်။ ၵဝ်​ဢၢပ်ႇ​ၼမ်ႉ​ၵႃႈ​ၼႂ်း​ၼမ်ႉ​ႁွင်ႈ​ၸိူဝ်း​ၼၼ်ႉ​လႄႈ တၵ်း​မူတ်း​သႂ်​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​သေ​လႄႈ ဝၢႆႇ​ၶိုၼ်း​လႄႈ​ၸႂ်​မႆႈ​ၶႆႈ​ၸႃႉ​မိူဝ်း​ၵႂႃႇ​ဢေႃႈ။-</verse>
				<verse number="13">ၶႃႈ​မၼ်း​ၵူၼ်း​မၼ်း​ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​လႄႈ လဝ်ႊ​လၢတ်ႈ​လႄႈ​ဝႃႈ၊ ပေႃႈ​ႁဝ်း​ၶႃႈ​ဢိူၺ်း၊ ပေႃး​ပရေႃးၽႅတ်ႈ​ၸီႇ​ယၢင်ႇ​ႁႂ်ႈ​ၸဝ်ႈ​ႁဝ်း​ႁဵတ်း​လွင်ႈ​တၢင်း​ဢၼ်​ယႂ်ႇ​ဢၼ်​လူင်​သေ​ၸိူဝ်ႉ​သေ​ပိူင်​ၸိုင်၊ ၸဝ်ႈ​ႁဝ်း​တၵ်း​ႁဵတ်း​ဢမ်ႇ​ၸႂ်ႈ​ၶႃႈ​ႁိုဝ်။ ပေႃး​ၸီႇ​ယၢင်ႇ​လႄႈ​ဝႃႈ၊ ဢၢပ်ႇ​ၼမ်ႉ​လႄႈ ႁွတ်ႈ​ထိုင်​တၢင်း​ဢၼ်​မူတ်း​သႂ်​တႃႉ၊ ဝႃႈ​ၼင်ႇ​ၼႆ​ၸိုင်၊ ယဵင်ႈ​ၶႅၼ်း​လီ​ႁဵတ်း​ၼႃႇ​လူင်​လၢင်​ၵႃႈ​ႁိုဝ်​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">မၼ်း​ၼၼ်ႉ​လူင်း​ၸူး​လႄႈ ဢဝ်​တူဝ်​မၼ်း​ၸုမ်ႇ​ၵႃႈ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ တေႃႇ​ထိုင်​ႁွတ်ႈ​ၸဵတ်း​ပွၵ်ႈ ၸွမ်း​ၵႃႈ​ၼင်ႇ​ဢၼ်​ၵူၼ်း​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ၼၼ်ႉ​သေ​ယဝ်ႉ၊ ၼိူဝ်ႉ​ၼင်​မၼ်း​ၼၼ်ႉ​ၶၢႆႉ​ပုတ်ႈ​ၵႂႃႇ​လႄႈ ပဵၼ်​ၸိူဝ်ႉ​ၼင်ႇ​ၼိူဝ်ႉ​ၼင်​လုၵ်ႈ​ဢွၼ်ႇ​ၼၼ်ႉ​လႄႈ မၼ်း​ႁွတ်ႈ​ထိုင်​တၢင်း​ဢၼ်​မူတ်း​သႂ်​ဢေႃႈ။</verse>
				<verse number="15">ၼင်ႇ​ၼၼ်​သေ​ယဝ်ႉ၊ မၼ်း​ၼၼ်ႉ​ဢိၵ်ႇ​လူၺ်ႈ​ၵၼ်​တင်း​ၶဝ်​ၵႃႈ​ဢၼ်​ၸွမ်း​မၼ်း​ၼၼ်ႉ ဢွၼ်​ၵၼ်​ၶိုၼ်း​မႃး​တီႈ​ၵူၼ်း​ၽြႃး​ပဵၼ်​ၸဝ်ႈ​လႄႈ ႁွတ်ႈ​ထိုင်​သေ​ယဝ်ႉ၊ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​သေ​လႄႈ တွင်း​ပၢၼ်ႇ​လႄႈ​ဝႃႈ၊ မိူဝ်ႈ​လဵဝ်​ၼႆႉ​ၵဝ်​ၶႃႈ​ႁူႉ​လွင်ႈ​ဢၼ် လိူဝ်​သေ​ၵႃႈ​ၼႂ်း​မိူင်း​ ဢီႉသရေႇလႃႉ ​ၼႆႉ၊ ၵႃႈ​ၼိူဝ်​လိၼ်​မိူင်း​ၵႃႈ​မီး​ၼႆႉ ဢမ်ႇ​မီး​ၽြႃး​ပဵၼ်​ၸဝ်ႈ​သေ​သူႇ​သေ​ပႃး​ၼၼ်ႉ​ၶႃႈ​ယဝ်ႉ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ​ႁပ်ႉ​တုင်း​ဢဝ်​လၢၵ်ႈ​သွင်ႇ​တၢင်း​လူႇ တီႈ​ၶႃႈ​ၸဝ်ႈ​ႁဝ်း​ၼႆႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မၼ်း​ၵေႃႈ​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢၼ်​ၵဝ်​ၵူဝ်း​ၵႂၢႆႇ​ၼၼ်ႉ​ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​ဢမ်ႇ​လႆႈ​ၶၢမ်ႇ​လႆႈ​ဢဝ်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​သမ်ႉ တိုၵ်း​ယူင်း​မၼ်း​ႁႂ်ႈ​ၶၢမ်ႇ​ဢဝ်​သေ​ၵေႃႈ၊ မၼ်း​ထဵင်​ပႄႇ​ပႅတ်ႈ​သေ​လႄႈ​ယူႇ​ဢေႃႈ။-</verse>
				<verse number="17">ၼေႇမၢၼ်ႇ ​ၵေႃႈ​လၢတ်ႈ​လႄႈ​ဝႃႈ၊ ပေႃး​ပဵၼ်​ၼင်ႇ​ၼၼ်​ၸိုင် ႁႂ်ႈ​ၶႃႈ​ၸဝ်ႈ​ႁဝ်း​ၼႆႉ လႆႈ​မီး​ဢၶႂၢင်ႉ​ဢၼ်​လႆႈ​ဢဝ်​လိၼ်​ပုၼ်ႈ​တႃႇ​လီႈ​သေ​သွင်​တူဝ်​ၼိုင်ႈ​ၼၼ်ႉ တၢင်ႇ​ႁၢင်ႈ​ၵႂႃႇ​သေ​ၵမ်း​ၶႃႈ။ ဢဝ်​ၼႆႉ​ၵႂႃႇ​ၼႃႈ၊ ၶႃႈ​ၸဝ်ႈ​ႁဝ်း​ၼႆႉ လိူဝ်​သေ​တီႈ​ထႃႇဝရႃႉ​ၽြႃး​ၼၼ်ႉ တၵ်း​ဢမ်ႇ​ပုၵ်ႈ​ၸေႃႇ ၸႃႉ​ၸဵမ်​ယိတ်ႈ​ဢၼ်​တုတ်ႇ​ၽႆး​လႄႈ ယိတ်ႈ​ဢၼ်​လႂ်​သေ​ၸိူဝ်ႉ​သေ​ပိူင် တီႈ​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ​ၶႃႈ​ယဝ်ႉ။-</verse>
				<verse number="18">ၼႂ်း​ဝႃႈ​ၼၼ်​သေ​ၵေႃႈ တီႈ​ႁဵင်း​ၼိုင်ႈ​ၸမ်ႉ၊ ႁႂ်ႈ​ထႃႇဝရႃႉ​ၽြႃး​ပွႆႇ​လွတ်ႈ​ဢပႅတ်ႈ​ၶႃႈ​ၸဝ်ႈ​ႁဝ်း​ၼႆႉ​သေ​ၵမ်း​လူၺ်ႈ။ ယၢမ်း​မိူဝ်ႈ​ဢၼ်​ၸဝ်ႈ​ၵဝ်​ၶႃႈ ၶဝ်ႈ​ၵႂႃႇ​ၵႃႈ​ၼႂ်း​ၵျွင်း​ၽြႃး​ ရိမ်ႇမုၼ်ႇ ​ႁႂ်ႈ​လႆႈ​ၵူဝ်း​ၵႂၢႆႇ​ၵႃႈ​တီႈ​ၼၼ်ႈ​လႄႈ ဢိင်​ၵဝ်​ၶႃႈ​ယူႇ​သေ​လႄႈ ၵဝ်​ၶႃႈ​ၵူမ်ႈ​ၵွမ်း​တူဝ်​ၸဝ်ႈ​ၵဝ်ႇ ၵႃႈ​ၼႂ်း​ၵျွင်း ရိမ်ႇမုၼ်ႇ ​ၼၼ်ႉ၊ ပေႃး​ၵဝ်​ၶႃႈ​ၵူမ်ႈ​ၵွမ်း​ၵႂႃႇ​ၵႃႈ​ၼႂ်း​ ရိမ်ႇမုၼ်ႇ ​ၸိုင်၊ ႁႂ်ႈ​ထႃႇဝရႃႉ​ၽြႃး​ၼၼ်ႉ ပွႆႇ​လွတ်ႈ​ဢပႅတ်ႈ​ၶႃႈ​ၸဝ်ႈ​ႁဝ်း​ၼႆႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="19">မၼ်း​လၢတ်ႈ​လႄႈ​ဝႃႈ၊ ၵႂႃႇ​ၼိမ်​ၼိမ်​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ၼၼ်ႉ​ၵႂႃႇ​ဢမ်ႇ​ပႆႇ​ပေႃး​ၵႆ​လူင်​လၢင်​လႄႈ၊-</verse>
				<verse number="20">ၵေႇႁႃႇၸီႉ ​ၵူၼ်း​ဢွၼ်ႇ​ ဢေးလီႉသႄး ​ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ ၵျၢမ်ႇ​ပွင်​ၼႂ်း​ၸႂ်​လႄႈ​ဝႃႈ၊ ၸဝ်ႈ​ၵဝ်​ၼႆႉ​ယင်း​ဢမ်ႇ​ၶၢမ်ႇ​ဢမ်ႇ​ဢဝ်​ဢုၵ်ႉ​ၸႃႇ​ဢၼ်​ ၼေႇမၢၼ်ႇ ​ၵူၼ်း​ သူႉရီႉ ​ဢဝ်​မႃး​ၼၼ်ႉ​လႄႈ ဢဵတ်း​လူ​မၼ်း​ၼၼ်ႉ​ၼႃႇ​လူင်​လၢင်​ယဝ်ႉ။ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​တၵ်း​ၶုၼ်ႇ​လႅၼ်ႈ​ၸွမ်း​လင်​မၼ်း​ၵႂႃႇ​လႄႈ ဢဝ်​သေ​ၸိူဝ်ႉ​သေ​ပိူင်​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="21">ၵေႇႁႃႇၸီႉ ​ၸွမ်း​လင်​ ၼေႇမၢၼ်ႇ ​ၵႂႃႇ​ဢေႃႈ။ ၼေႇမၢၼ်ႇ ​ၼၼ်ႉ​ႁၼ်​လွင်ႈ​ဢၼ် ၵေႃႉ​ၼိုင်ႈ​လႅၼ်ႈ​ၸွမ်း​မၼ်း​ၼၼ်ႉ​သေ​ယဝ်ႉ၊ လူင်း​သေ​ၵႃႈ​ၼိူဝ်​လေႃႉရထႃး ႁႂ်ႈ​လႆႈ​ႁႄႉ​ႁပ်ႉ​လႄႈ​ထၢမ်​ဝႃႈ၊ လီ​ယူႇ​ၵူႈ​ၸိူဝ်ႉ​ၵူႈ​ပိူင်​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">မၼ်း​လၢတ်ႈ​လႄႈ​ဝႃႈ၊ လီ​ယူႇ​ၶႃႈ​ဢေႃႈ။ ၸဝ်ႈ​ၵဝ်​ၶႃႈ​ၼၼ်ႉ​ပွႆႇ​ၸႂ်ႉ​ၵဝ်​ၶႃႈ​မႃး​လႄႈ​သင်ႇ​လၢတ်ႈ​လႄႈ​ဝႃႈ၊ မိူဝ်ႈ​လဵဝ်​ၼႆႉ​ၵူၼ်း​ၼုမ်ႇ​ၵူၼ်း​ၵမ် ၵူၼ်း​မဵဝ်း​ပရေႃးၽႅတ်ႈ​သွင်​ၵေႃႉ​လုၵ်ႉ​သေ​ၵႃႈ​တီႈ​ႁၢၼ်ႉ​လွႆ​ ဢေႇၽရိမ်ႇ ႁွတ်ႈ​မႃး​တီႈ​ၵဝ်​ယဝ်ႉ။ ပၼ်​ငိုၼ်း​ တလၢၼ်ႇတၢၼ်ႇ ​ၼိုင်ႈ ဢိၵ်ႇ​တင်း​ၶူဝ်း​ၼုင်ႈ​သွင်​ၸုမ်ႇ​ၼိုင်ႈ​တီႈ​ၶဝ်​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="23">ၼေႇမၢၼ်ႇ ​ၶိုၼ်း​လၢတ်ႈ​လႄႈ​ဝႃႈ၊ ယင်း​ဢမ်ႇ​တွပ်ႇ​ဢမ်ႇ​ထဵင်​လႄႈ ဢဝ်​ငိုၼ်း​သွင်​ တလၢၼ်ႇတၢၼ်ႇ ​သေ​ၵမ်း၊ ဝႃႈ​ၼင်ႇ​ၼႆ​လႄႈ တိုၵ်း​ယူင်း​မၼ်း​သေ​လႄႈ ဢဝ်​ငိုၼ်း​သွင်​ တလၢၼ်ႇတၢၼ်ႇ ​သႂ်ႇ​ၵႃႈ​ၼႂ်း​ထူင်​သွင်​လုၵ်ႈ​မတ်ႉ​ၸပ်း လူၺ်ႈ​ၵၼ်​တင်း​ၶူဝ်း​သွင်​ၸုမ်ႇ​လႄႈ တၢင်ႇ​သႂ်ႇ​ပၼ်​ၵႃႈ​ၼိူဝ်​ၵူၼ်း​ဢွၼ်ႇ​မၼ်း​သွင်​ၵေႃႉ​သေ​ယဝ်ႉ၊ သွင်​ၶႃ​ၼၼ်ႉ​လႆႈ​တဵင်ႇ​ဢွၼ်​ႁူဝ်​မၼ်း​ၼၼ်ႉ​ဢေႃႈ။-</verse>
				<verse number="24">မိူဝ်ႈ​ဢၼ်​ႁွတ်ႈ​ထိုင်​ၵႃႈ​ၼိူဝ်​ၵုင်း​ၼၼ်ႉ​ၸိုင်၊ မၼ်း​ၼၼ်ႉ​ဢဝ်​ဢုၵ်ႉ​ၸႃႇ​ၼၼ်ႉ​သေ​ၵႃႈ​ၼႂ်း​မိုဝ်း​သွင်​ၶႃ​ၼၼ်ႉ​သိူင်ႇ​သိမ်း​ဝႆႉ​ၵႃႈ​ၼႂ်း​ႁိူၼ်း​မၼ်း​လႄႈ ပွႆႇ​သွင်​ၶႃ​ၼၼ်ႉ​သေ​လႄႈ၊ သွင်​ၶႃ​ၼၼ်ႉ​ဢွၵ်ႇ​ၵႂႃႇ​သေ​ယဝ်ႉ၊-</verse>
				<verse number="25">မၼ်း​ၼၼ်ႉ​ၶဝ်ႈ​လႄႈ ၸုၵ်း​ၵႃႈ​တီႈ​ၽၢႆႇ​ၼႃႈ​ၸဝ်ႈ​မၼ်း​ဢေႃႈ။ ဢေးလီႉသႄး ​ၵေႃႈ​ထၢမ်​တီႈ​မၼ်း​လႄႈ​ဝႃႈ၊ ၵေႇႁႃႇၸီႉ ​ဢိူၺ်း၊ မႂ်း​ၵႂႃႇ​ၵႃႈ​လႂ်​မႃး။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ဢမ်ႇ​ၵႂႃႇ​ၵႃႈ​လႂ်​သေ​ဢိတ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="26">မၼ်း​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ မိူဝ်ႈ​ဢၼ်​ၵေႃႉ​ၼၼ်ႉ​ဝၢႆႇ​လူင်း​သေ​ၵႃႈ​ၼိူဝ်​လေႃႉရထႃး ႁႂ်ႈ​လႆႈ​ႁပ်ႉ​ႁူဝ်​တၢင်း​မႂ်း​ၼၼ်ႉ​ၸိုင်၊ ၸႂ်​ဝီႉၺိၺ်ႇ​ၵဝ် ဢမ်ႇ​ၸွမ်း​လူၺ်ႈ​ၵၼ်​တင်း​မႂ်း​ယူႇ​ႁိုဝ်။ ပဵၼ်​ၶိင်ႇ​ဢၼ်​ၶၢမ်ႇ​ဢဝ်​ငိုၼ်း​ႁိုဝ်။ ပဵၼ်​ၶိင်ႇ​ဢၼ်​သိမ်း​ဢဝ်​ၶူဝ်း​ၼုင်ႈ​တၢင်း​မႆ၊ သူၼ်​ဢူးယဵၼ်ႇ​ သၢၼ်ႇလုၼ်ႇ ၊ သူၼ်​ဢူးယဵၼ်ႇ​ၸပိတ်ႈ၊ သူဝ်း၊ ဝူဝ်း၊ ၶႃႈ​ၵူၼ်း​ၸၢႆး​ၶႃႈ​ၵူၼ်း​ယိင်း​ႁိုဝ်။-</verse>
				<verse number="27">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ႁႂ်ႈ​တုတ်ႈ​ ၼေႇမၢၼ်ႇ ​ၸပ်း​တီႈ​မႂ်း ဢိၵ်ႇ​တင်း​တီႈ​မဵဝ်း​ၸိူဝ်ႉ​ၶိူဝ်း​မႂ်း​ယူႇ​တႃႇ​သေႇ​သေ​ၵမ်း၊ ဝႃႈ​ၼင်ႇ​ၼႆ​လႄႈ၊ မၼ်း​ၼၼ်ႉ​ပဵၼ်​တုတ်ႈ​ဢၼ်​ၽိူၵ်ႇ​ၶၢဝ်​ဝႆႉ မိူၼ်​ၸိူဝ်ႉ​ၼင်ႇ​မူၺ်​ႁႃႇ​ၼၼ်ႉ​ယူႇ​သေ​လႄႈ ဢွၵ်ႇ​ၵႂႃႇ​သေ​ၵႃႈ​တီႈ​ၸဝ်ႈ​မၼ်း​ဢေႃႈ။</verse>
			</chapter>
			<chapter number="6">
				<verse number="1">ၽဝ်ႇ​ၼိုင်ႈ ၵူၼ်း​မဵဝ်း​ပရေႃးၽႅတ်ႈ​တင်း​လၢႆ လၢတ်ႈ​တီႈ​ ဢေးလီႉသႄး ​လႄႈ​ဝႃႈ၊ တူၺ်း​ၶႃႈ​လူး၊ တီႈ​ဢၼ်​ႁဝ်း​ၶႃႈ​ယူႇ​လူၺ်ႈ​ၵၼ်​တင်း​ၸဝ်ႈ​ႁဝ်း​မိူဝ်ႈ​လဵဝ်​ၼႆႉ​ၼႆႉ​ၵိတ်ႇ​ၵႅပ်ႈ​ၼႃႇ​ပုၼ်ႈ​ႁဝ်း​ၶႃႈ​ၶႃႈ​ဢေႃႈ။-</verse>
				<verse number="2">ၶႅၼ်း​တေႃႈ​ႁႂ်ႈ​ႁဝ်း​ၶႃႈ​လႆႈ​ၵႂႃႇ​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​လႄႈ ၽွမ်ႉ​ၵၼ်​ဢဝ်​မႆႉ​ၸိင်​ယေႈ​ၵေႃႉ​ယေႈ​လႅမ်ႈ​ၵႃႈ​တီႈ​ၼၼ်ႈ​သေ​ယဝ်ႉ၊ ႁဵတ်း​ပုၼ်ႈ​ဢၼ်​ႁဝ်း​ၶႃႈ​တၵ်း​ယူႇ​ၵႃႈ​တီႈ​ၼၼ်ႈ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ဢွၼ်​ၵၼ်​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵူၼ်း​ၵေႃႉ​ၼိုင်ႈ​တွင်း​ပၢၼ်ႇ​လႄႈ​ဝႃႈ၊ ၶႅၼ်း​တေႃႈ​ယႃႇ​ပေ​တွပ်ႇ​ထဵင်​သေ​ၵမ်း​ၶႃႈ။ ၶႅၼ်း​တေႃႈ​ၵႂႃႇ​လူၺ်ႈ​ၵၼ်​တင်း​ၶႃႈ​ၸဝ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၵဝ်​တၵ်း​ၵႂႃႇ​ဢိူဝ်ႈ၊ ဝႃႈ​ၼင်ႇ​ၼႆ​လႄႈ၊ ၵႂႃႇ​လူၺ်ႈ​ၵၼ်​တင်း​ၶဝ်​ဢေႃႈ။-</verse>
				<verse number="4">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ​ၼၼ်ႉ​ၸိုင်၊ ၶဝ်​ဢွၼ်​ၵၼ်​ပမ်ႈ​မႆႉ​ၽၼ်း​မႆႉ​ဢေႃႈ။-</verse>
				<verse number="5">ၵူၼ်း​ၵေႃႉ​ၼိုင်ႈ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ပမ်ႈ​မႆႉ​ၽၼ်း​မႆႉ​ယူႇ​ၼၼ်ႉ​ၸိုင်၊ မၢၵ်ႈ​တႃ​မၢတ်ႇ​မၼ်း​တူၵ်း​ၵႃႈ​ၼႂ်း​ၼမ်ႉ​ၵႂႃႇ​လႄႈ၊ မၼ်း​ႁွင်ႉ​သႅၼ်ႇ​လႄႈ​ဝႃႈ၊ ဢလူဝ်း။ ဢလူဝ်း၊ ဢလူဝ်း၊ ၸဝ်ႈ​ဢိူၺ်း၊ ပဵၼ်​ၶွင်​ဢၼ်​ယိမ်​ပိူၼ်ႈ​မႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ၵူၼ်း​ၽြႃး​ပဵၼ်​ၸဝ်ႈ​ထၢမ်​လႄႈ​ဝႃႈ၊ တူၵ်း​ၵႃႈ​တီႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ၼႄ​ပၼ်​တီႈ​ဢၼ်​တူၵ်း​ၼၼ်ႉ​တီႈ​မၼ်း​လႄႈ၊ မၼ်း​တႅပ်း​ၽၼ်း​ၶွၼ်ႉ​လႅမ်ႈ​ၼိုင်ႈ​လႄႈ ၶျႃး​တူၵ်း​သႂ်ႇ​ၵႃႈ​တီႈ​ၼၼ်ႈ​သေ​ယဝ်ႉ၊ လဵၵ်း​ၼၼ်ႉ​ၽူး​မႃး​ဢေႃႈ။-</verse>
				<verse number="7">မၼ်း​လၢတ်ႈ​လႄႈ​ဝႃႈ၊ ယိပ်း​ဢဝ်​တႃႉ၊ ဝႃႈ​ၼင်ႇ​ၼႆ​လႄႈ၊ ၵေႃႉ​ၼၼ်ႉ​ယိုၼ်း​မိုဝ်း​မၼ်း​လႄႈ​ဢဝ်​ဢေႃႈ။</verse>
				<verse number="8">ၽဝ်ႇ​ၼိုင်ႈ ၶုၼ်​ႁေႃ​ၶမ်း​ သူႉရီႉ ၊ တိုၵ်း​ၵၼ်​တင်း​မိူင်း​ ဢီႉသရေႇလႃႉ ၊ မိူဝ်ႈ​ဢၼ်​မၼ်း​တိူင်ႇ​ပၢင်ႇ​ၵၼ်​တင်း​ၶႃႈ​မၼ်း​ၵူၼ်း​မၼ်း​လႄႈ​ဝႃႈ၊ ၵဝ်​တၵ်း​ၶျႃး​တပ်ႉ​ၵႃႈ​တီႈ​ဢၼ်​ၸိူဝ်း​ၼၼ်ႉ၊ ၵႃႈ​တီႈ​ဢၼ်​ၸိူဝ်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="9">ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ ပွႆႇ​ၸႂ်ႉ​ၸူး​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​လႄႈ​ဝႃႈ၊ ႁဵတ်း​သတီႉ​လူၺ်ႈ​လွင်ႈ​ဢၼ် တၵ်း​ၵႂႃႇ​ၸူး​တီႈ​ဢၼ်​ၸိူဝ်း​ၼႆႉ​သေ​ၵမ်း။ ၵူၼ်း​ သူႉရီႉ ​တင်း​လၢႆ​ယင်း​တိုၵ်ႉ​လူင်း​မႃး​ၸူး​ၵႃႈ​တီႈ​ၼၼ်ႈ​ယူႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="10">ၶုၼ်​ႁေႃ​ၶမ်း​ ဢီႉသရေႇလႃႉ ပွႆႇ​ၸႂ်ႉ​ၵႃႈ​တီႈ​ဢၼ်​ၵူၼ်း​ၽြႃး​ပဵၼ်​ၸဝ်ႈ​ပၼ်​သတီႉ​ၼၼ်ႉ​လႄႈ၊ ပွၵ်ႈ​ၼိုင်ႈ သွင်​ပွၵ်ႈ​ဢမ်ႇ​ၵႃး​လႆႈ​ၵၢင်း​လွတ်ႈ​ဢေႃႈ၊</verse>
				<verse number="11">ၵွပ်ႈ​ပိူဝ်ႈ​လွင်ႈ​ၼၼ်ႉ​လႄႈ၊ ၶုၼ်​ႁေႃ​ၶမ်း​ သူႉရီႉ မႆႈ​ၸႂ်​ၶီ​ၸႂ်​လႄႈ ႁွင်ႉ​ဢဝ်​ၶႃႈ​မၼ်း​ၵူၼ်း​မၼ်း​သေ​လႄႈ ထၢမ်​လႄႈ​ဝႃႈ၊ သူ​ယင်း​ဢမ်ႇ​ၼႄ​ပျႃး​လွင်ႈ​ဢၼ်​ၵႃႈ​ၼႂ်း​ႁဝ်း​ၼႆႉ​ၽူႈ​လႂ်​ယူႇ​ၽၢႆႇ​ၶုၼ်​ႁေႃ​ၶမ်း ဢီႉသရေႇလႃႉ ​ၼၼ်ႉ တီႈ​ၵဝ်​လႄႈ​တၵ်း​ယူႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">ၶႃႈ​မၼ်း​ၵူၼ်း​မၼ်း​ၵေႃႉ​ၼိုင်ႈ​လဝ်ႊ​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၸိူဝ်ႉ​ၼင်ႇ​ၼၼ်​တီႈ​ၶႃႈ ၸဝ်ႈ​ၶုၼ်​လူင်၊ ပရေႃးၽႅတ်ႈ​ ဢေးလီႉသႄး ဢၼ်​မီး​ၵႃႈ​ၼႂ်း​မိူင်း​ ဢီႉသရေႇလႃႉ ​ၼၼ်ႉ ၸၢင်ႈ​ဢဝ်​ၵႂၢမ်း​ဢၼ်​ၸဝ်ႈ​ႁဝ်း​မီး​ဢမိင်ႉ​ၵႃႈ​တီႈ​ၼႂ်း​လုၵ်း​ၼွၼ်း​ၸဝ်ႈ​ႁဝ်း​ၼၼ်ႉ၊ မွၵ်ႇ​လၢတ်ႈ​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">မၼ်း​ၵေႃႈ​မီး​ဢမိင်ႉ​လႄႈ​ဝႃႈ၊ ၵႂႃႇ​လွမ်​တူၺ်း​တီႈ​ဢၼ်​မၼ်း​ယူႇ​ၼၼ်ႉ​တႃႉ။ ၵဝ်​တၵ်း​ပွႆႇ​ၸႂ်ႉ​ၵႂႃႇ ႁႂ်ႈ​လႆႈ​တီႉ​ဢဝ်​မၼ်း​မႃး​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ပိူၼ်ႈ​လဝ်ႊ​လၢတ်ႈ​လႄႈ​ဝႃႈ၊ မၼ်း​ၼၼ်ႉ​မီး​ၵႃႈ​တီႈ​ဝဵင်း​ တေႃႇသၼ်ႇ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မၼ်း​ပွႆႇ​ၸႂ်ႉ​ၵူၼ်း​သိုၵ်း​ၶီႇ​မႃႉ၊ ၵူၼ်း​သိုၵ်း​ၶီႇ​လေႃႉရထႃး၊ ပူဝ်ႇ​ပႃႇ​ဢၼ်​ယႂ်ႇ​ၼႃႇ​ၵႂႃႇ​ၵႃႈ​တီႈ​ဝဵင်း​ၼၼ်ႉ​လႄႈ၊ ၶဝ်​ၼၼ်ႉ​ႁွတ်ႈ​ထိုင်​ၶိင်ႇ​ၵၢင်​ၶိုၼ်း​ၼၼ်ႉ​လႄႈ ဢွၼ်​ၵၼ်​လွမ်ႉ​ႁွပ်ႈ​ဝဵင်း​ဝႆႉ​ဢေႃႈ။-</verse>
				<verse number="15">ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ၊ ၵူၼ်း​ဢွၼ်ႇ​ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ လုၵ်ႉ​လႄႈ​ဢွၵ်ႇ​ၵႃႈ​ၼွၵ်ႈ​သေ​ယဝ်ႉ၊ ႁၼ်​ပူဝ်ႇ​ပႃႇ​ဢၼ်​ပႃး ၵူၼ်း​သိုၵ်း​ၶီႇ​မႃႉ၊ ၵူၼ်း​သိုၵ်း​ၶီႇ​လေႃႉရထႃး​ၼၼ်ႉ လွမ်ႉ​ႁွပ်ႈ​ဝဵင်း​ယူႇ​ၼၼ်ႉ​လႄႈ၊ ၵူၼ်း​ဢွၼ်ႇ​ၼၼ်ႉ​လၢတ်ႈ​တီႈ​ၸဝ်ႈ​မၼ်း​လႄႈ​ဝႃႈ၊ ဢလူဝ်း ၸဝ်ႈ​ဢိူၺ်း၊ တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မၼ်း​ၶိုၼ်း​လၢတ်ႈ​လႄႈ​ဝႃႈ၊ ယႃႇ​ပေ​မႆႈ​ၸႂ်။ ၶဝ်​ၸိူဝ်း​ဢၼ်​ယူႇ​ၽၢႆႇ​ႁဝ်း​ၼႆႉ ယဵင်ႈ​ၶႅၼ်း​ၼမ်​ၼႃႇ​သေ​ၶဝ်​ၸိူဝ်း​ဢၼ် ယူႇ​ၽၢႆႇ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="17">ဢေးလီႉသႄး ​သူး​တွင်း​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၽုၺ်ႇ​မၢၵ်ႇ​တႃ​မၼ်း​ၼႆႉ ႁႂ်ႈ​မၼ်း​လႆႈ​ႁၼ်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ၊ ထႃႇဝရႃႉ​ၽြႃး ၽုၺ်ႇ​မၢၵ်ႇ​တႃ​ၵူၼ်း​ဢွၼ်ႇ​ၼၼ်ႉ​လႄႈ၊ မၼ်း​ၼၼ်ႉ​ႁၼ်​လွႆ​ၼၼ်ႉ တဵမ်​ဝႆႉ​တင်း​မႃႉ​ၽႆး​လႂ်၊ လေႃႉရထႃး​ၽႆး​လႂ်​ၵႃႈ​တီႈ​ဢၼ်​လဵပ်ႈ​ႁွပ်ႈ ဢေးလီႉသႄး ​ၼၼ်ႉ​ဢေႃႈ။-</verse>
				<verse number="18">မိူဝ်ႈ​ဢၼ်​ၶဝ်​ၼၼ်ႉ လူင်း​ၸူး​ၵႃႈ​တီႈ​မၼ်း​ၼၼ်ႉ​ၸိုင်၊ ဢေးလီႉသႄး ​သူး​တွင်း​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၶႅၼ်း​တေႃႈ​ပၼ်​တၢမ်ႇ​ႁႂ်ႈ​မၢၵ်ႇ​တႃ​ၶဝ်​ၸိူဝ်း​ၼႆႉ​မွတ်ႇ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ၊ မၼ်း​ၸဝ်ႈ​ပၼ်​တၢမ်ႇ​ဢၼ်​တႃ​မွတ်ႇ​တီႈ​ၶဝ်​ၼၼ်ႉ ၸွမ်း​ၵႃႈ​ၼင်ႇ​ဢၼ် ဢေးလီႉသႄး ​သူး​တွင်း​ၼၼ်ႉ​ဢေႃႈ။</verse>
				<verse number="19">ဢေးလီႉသႄး ​ၵေႃႈ လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ဢမ်ႇ​ၸႂ်ႈ​သဵၼ်ႈ​တၢင်း​ၼႆႉ​ၵူၺ်ႉ၊ ဢမ်ႇ​ၸႂ်ႈ​ဝဵင်း​ၼႆႉ​ၵူၺ်ႉ၊ ၸွမ်း​လင်​ၵဝ်​တႃႉ။ ၵဝ်​တၵ်း​ဢဝ်​သူ သူင်ႇ​ပၼ်​တီႈ​ၵေႃႉ​ဢၼ်​သူ​ႁူႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ ဢဝ်​ၶဝ်​ၼၼ်ႉ ၵႂႃႇ​သူင်ႇ​ၵႃႈ​တီႈ​ဝဵင်း​ သမႃႇရီႉ ​ဢေႃႈ။-</verse>
				<verse number="20">မၼ်း​ႁွတ်ႈ​ထိုင်​ၵႃႈ​ၼႂ်း​ဝဵင်း​ သမႃႇရီႉ ​သေ​ယဝ်ႉ၊ ဢေးလီႉသႄး ​သူး​တွင်း​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၽုၺ်ႇ​တႃ​ၶဝ်​ၸိူဝ်း​ၼႆႉ ႁႂ်ႈ​ၶဝ်​လႆႈ​ႁၼ်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ၊ ထႃႇဝရႃႉ​ၽြႃး​ၽုၺ်ႇ​မၢၵ်ႇ​တႃ​ၶဝ်​ၼၼ်ႉ​သေ​ယဝ်ႉ၊ ၶဝ်​ၼၼ်ႉ​ႁၼ်​လႄႈ ႁူႉ​လွင်ႈ​ဢၼ်​ၶဝ်​မီး​ယူႇ​ၵႃႈ​ၼႂ်း​ၵၢင်​ဝဵင်း​ သမႃႇရီႉ ​ၼၼ်ႉ​ဢေႃႈ။-</verse>
				<verse number="21">ၶုၼ်​ႁေႃ​ၶမ်း​ ဢီႉသရေႇလႃႉ ​ၵေႃႈ​ထၢမ်​တီႈ​ ဢေးလီႉသႄး ​လႄႈ​ဝႃႈ၊ ပေႃႈ​ဢိူၺ်း​၊ ၵဝ်​တၵ်း​လႆႈ​ဢဝ်​ၶဝ်​ၸိူဝ်း​ၼႆႉ​တၢႆ​ႁိုဝ်။ တၵ်း​လႆႈ​ဢဝ်​တၢႆ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">မၼ်း​ၶိုၼ်း​လၢတ်ႈ​လႄႈ​ဝႃႈ၊ ယႃႇ​ပေ​ဢဝ်​တၢႆ​သေ​ၵမ်း​တီႈ​ၶႃႈ။ တၵ်း​လႆႈ​ဢဝ်​ၶဝ်​ၸိူဝ်း​ဢၼ်​ၸဝ်ႈ​ႁဝ်း​ပႃး​ဢဝ်​တင်း​လၢပ်ႇ​တင်း​ၵၢင်ႇ​သေ​လႄႈ တိုၵ်း​တေႃး​လႄႈ​တီႉ​လႆႈ​ယဝ်ႉ​ၼၼ်ႉ​တၢႆ​တီႈ​ၶႃႈ​ႁိုဝ်။ ဢဝ်​ၶဝ်ႈ​မုၼ်း​တင်း​ၼမ်ႉ​တမ်း​ပၼ်​ၵႃႈ​တီႈ​ၽၢႆႇ​ၼႃႈ​ၶဝ်​လႄႈ ႁႂ်ႈ​ၶဝ်​ၵိၼ်​ၶူပ်း​သေ​ယဝ်ႉ၊ ၶိုၼ်း​မိူဝ်း​ၵႂႃႇ​ၵႃႈ​တီႈ​ၸဝ်ႈ​ၶဝ်​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ</verse>
				<verse number="23">ပွင်​ႁႅၼ်း​တၢင်း​ၵိၼ်​တၢင်း​ၶူပ်း​ၼမ်​ၼႃႇ​လူင်​လၢင်​ပုၼ်ႈ​ၶဝ်​ၼၼ်ႉ​လႄႈ ႁႂ်ႈ​ၶဝ်​ၵိၼ်​ၶူပ်း​သေ​ယဝ်ႉ၊ ပွႆႇ​ၶဝ်​လႄႈ​ၶဝ်​ၼၼ်ႉ ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၵႃႈ​တီႈ​ၸဝ်ႈ​ၶဝ်​သေ​ဢေႃႈ။ လိုၼ်း​ၼၼ်ႉ​ၵူၼ်း​ သူႉရီႉ ​တင်း​လၢႆ ဢမ်ႇ​ႁဵတ်း​မုၵ်ႉ​ႁဵတ်း​ၸိူဝ်း​သေ​လႄႈ မႃး​ၵႃႈ​တီႈ​မိူင်း​ ဢီႉသရေႇလႃႉ ။</verse>
				<verse number="24">လိုၼ်း​ၼၼ်ႉ​ ပိၼ်ႇႁႃႇတတ်ႉ ​ၶုၼ်​ႁေႃ​ၶမ်း​ သူႉရီႉ ​ၼၼ်ႉ ႁႂ်ႈ​ပူဝ်ႇ​ပႃႇ​ၵူၼ်း​သိုၵ်း​မၼ်း​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​လႄႈ ၶီႇ​သိုၵ်း​ၶိုၼ်ႈ​ၸူး​လႄႈ လွမ်ႉ​ဝဵင်း​ သမႃႇရီႉ ​ဝႆႉ​ဢေႃႈ။-</verse>
				<verse number="25">ၵႃႈ​ၼႂ်း​ဝဵင်း​ သမႃႇရီႉ ​ၼၼ်ႉ ပဵၼ်​ဢၼ်​တၢင်း​ၵိၼ်​တၢင်း​ၶူပ်း​ၵႃႈ​ပႅင်း​ၼႃႇ​လူင်​လၢင်​လႄႈ၊ ၶဝ်​ၼၼ်ႉ​ဢွၼ်​ၵၼ်​လွမ်ႉ​ဝဵင်း​ၶၢင်း​ဝဵင်း​ဝႆႉ တေႃႇ​ထိုင်​ႁွတ်ႈ​ထၼ်ႈ​ပေႃး ၵွၵ်း​ႁူဝ်​လီႈ​ယေႈ​လုၵ်ႈ​လႆႈ​ၶၢႆ​ဢဝ်​ငိုၼ်း​ပႅတ်ႇ​သိပ်း​ၵျၢပ်ႈ၊ ၶီႈ​ၼူၵ်ႉ​တူႈ​ယေႈ​ပႄႇ​ငိုၼ်း​ႁႃႈ​ၵျၢပ်ႈ​ဢေႃႈ။-</verse>
				<verse number="26">ၼႂ်း​မိူဝ်ႈ​ဢၼ်​ၶုၼ်​ႁေႃ​ၶမ်း​ ဢီႉသရေႇလႃႉ ပႆ​ၵႃႈ​ၼိူဝ်​လမ်း​ဝဵင်း​ၵႂႃႇ​ယူႇ​ၼၼ်ႉ​ၸိုင်၊ မႄႈ​ယိင်း​ၵေႃႉ​ၼိုင်ႈ ႁွင်ႉ​သႅၼ်ႇ​တီႈ​မၼ်း​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ၵႄႇ​သႄႇ​ၸွႆႈ​ထႅမ်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မၼ်း​ထၢမ်​လႄႈ​ဝႃႈ၊ ပေႃး​ထႃႇဝရႃႉ​ၽြႃး​ဢမ်ႇ​ၵႄႇ​သႄႇ​ၸွႆႈ​ထႅမ်​မႂ်း​ၸိုင် ၵဝ်​တၵ်း​ၵႄႇ​သႄႇ​ၸွႆႈ​ထႅမ်​မႂ်း​လႆႈ​ၸိူဝ်ႉ​ၼင်ႇ​ႁိုဝ်။ တၵ်း​လႆႈ​ဢဝ်​ၵႃႈ​ၼႂ်း​တလၢင်း​ယဵပ်ႇ​ၶဝ်ႈ၊ ၵႃႈ​ၼႂ်း​ၶိူင်ႈ​ၼူတ်ႈ​မၢၵ်ႇ​ၸပိတ်ႈ​ၼၼ်ႉ​ၵႄႇ​သႄႇ​ၸွႆႈ​ထႅမ်​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="28">ၶုၼ်​ႁေႃ​ၶမ်း​သမ်ႉ​ထၢမ်​လႄႈ​ဝႃႈ၊ မႂ်း​ပဵၼ်​ၵႃႈ​သင်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ မႄႈ​ယိင်း​ၼႆႉ​လၢတ်ႈ​တီႈ​ၶႃႈ​ၸဝ်ႈ​လႄႈ​ဝႃႈ၊ ဢဝ်​လုၵ်ႈ​ၸၢႆး​မႂ်း​ဢၢပ်ႈ​ပၼ်​ပုၼ်ႈ​ဢၼ်​ႁဝ်း​တၵ်း​ၵိၼ်​ဝၼ်း​မိူဝ်ႈ​ၼႆႉ​သေ​ၵမ်း၊ ဝၼ်း​မိူဝ်ႈ​ၽုၵ်ႈ​ၸိုင် ႁဝ်း​တၵ်း​ၵိၼ်​လုၵ်ႈ​ၸၢႆး​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="29">ၶႃႈ​ၸဝ်ႈ​ႁဝ်း​ၶဝ်​ဢွၼ်​ၵၼ်​တူမ်ႈ​လုၵ်ႈ​ၸၢႆး​ၶႃႈ​ၸဝ်ႈ​လႄႈ ၵိၼ်​တီႈ​ၶႃႈ​ဢေႃႈ၊ ဝၼ်း​မိူဝ်ႈ​ၽုၵ်ႈ​ၼၼ်ႉ​ၶႃႈ​ၸဝ်ႈ​ယွၼ်း​တီႈ​မၼ်း​လႄႈ​ဝႃႈ၊ ဢဝ်​လုၵ်ႈ​ၸၢႆး​မႂ်း​ဢၢပ်ႈ​ပၼ်​ပုၼ်ႈ​ဢၼ်​ႁဝ်း​တၵ်း​ၵိၼ်​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ဢဝ်​လုၵ်ႈ​ၸၢႆး​မၼ်း​သိူင်ႇ​မႅပ်ႉ​ဝႆႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ၶုၼ်​ႁေႃ​ၶမ်း​ငိၼ်း​ၵႂၢမ်း​မႄႈ​ယိင်း​ၼၼ်ႉ​သေ​ယဝ်ႉ၊ သိၵ်ႇ​ၶူဝ်း​ၼုင်ႈ​မၼ်း​လႄႈ၊ ၼႂ်း​မိူဝ်ႈ​ဢၼ်​မၼ်း​ပႆ​ၵႃႈ​ၼိူဝ်​လမ်း​ဝဵင်း​ယူႇ​ၼၼ်ႉ​ၸိုင်၊ ၵူၼ်း​တင်း​လၢႆ​တူၺ်း​လႄႈ လႆႈ​ႁူႉ​ႁၼ်​လွင်ႈ​ဢၼ်​မၼ်း​ၼုင်ႈ​ၼင်​ပေႃ တၢင်း​ၼႂ်း​ၸပ်း​ၼိူဝ်ႉ​ၸပ်း​ၼင်​မၼ်း​ၼၼ်ႉ​ယူႇ​ဢေႃႈ။-</verse>
				<verse number="31">မၼ်း​လၢတ်ႈ​လႄႈ​ဝႃႈ၊ ပေႃး​ၵွၵ်း​ႁူဝ်​ ဢေးလီႉသႄး လုၵ်ႈ​ၸၢႆး​ သႃႇၽတ်ႉ ​ၼၼ်ႉ ယင်း​ၵိုတ်း​ဝႆႉ​ယူႇ​ၵႃႈ​တီႈ​တူဝ်​မၼ်း​ဝၼ်း​မိူဝ်ႈ​ၼႆႉ​ၸိုင်၊ ယင်း​ဢမ်ႇ​ၵႃး​ဢၼ်​ၼၼ်ႉ​လႄႈ ႁႂ်ႈ​ၽြႃး​ပဵၼ်​ၸဝ်ႈ​ႁဵတ်း​လိူဝ်​တွၼ်း​ၼႃႇ​သေ​ၼၼ်ႉ​တီႈ​ၵဝ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">မိူဝ်ႈ​ၼၼ်ႉ ဢေးလီႉသႄး ​ၼၼ်ႉ ၼင်ႈ​ယူႇ​ၵႃႈ​ၼႂ်း​ႁိူၼ်း​မၼ်း​လႄႈ ၶဝ်​ၸိူဝ်း​ဢၼ် ပဵၼ်​ၵႄႇ​ပဵၼ်​ႁူဝ်​ၼၼ်ႉ ယင်း​တိုၵ်ႉ​ၼင်ႈ​ယူႇ​လူၺ်ႈ​ၵၼ်​တင်း​မၼ်း​ဢေႃႈ။ ၶုၼ်​ႁေႃ​ၶမ်း​ပွႆႇ​ၸႂ်ႉ​ၵူၼ်း​ၵေႃႉ​ၼိုင်ႈ​သေ၊ ၵႃႈ​တီႈ​ၽၢႆႇ​ၼႃႈ​ၸဝ်ႈ​ၼၼ်ႉ​လႄႈ ၸူဝ်ႈ​ဢၼ်​ၵူၼ်း​ၸႂ်ႉ​ၵူၼ်း​သွႆ​ၼၼ်ႉ ဢမ်ႇ​ပႆႇ​ႁွတ်ႈ​ထိုင်​တီႈ​မၼ်း​ၼၼ်ႉ​ၸိုင်၊ မၼ်း​လၢတ်ႈ​တီႈ​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼၼ်ႉ​လႄႈ​ဝႃႈ၊ သူ​ႁူႉ​ႁၼ် လွင်ႈ​ဢၼ်​လုၵ်ႈ​ၸၢႆး​ၵေႃႉ​ၼၼ်ႉ ဢဝ်​ဢသၢၵ်ႈ​ၵူၼ်း​တၢႆ​ၼၼ်ႉ​ၼၼ်ႉ​ပွႆႇ​ၸႂ်ႉ​ႁႂ်ႈ​မႃး တႅပ်း​ဢဝ်​ၵွၵ်း​ႁူဝ်​ၵဝ်​ၼၼ်ႉ​ႁိုဝ်။ မိူဝ်ႈ​ဢၼ်​ၵူၼ်း​ၸႂ်ႉ​ၵူၼ်း​သွႆ​ၼၼ်ႉ​ႁွတ်ႈ​မႃး​ၼၼ်ႉ​ၸိုင်၊ ဢိုတ်း​ႁပ်း​ၽၵ်း​တူ​ဝႆႉ​သေ​လႄႈ ဢီး​ၽၵ်း​တူ​ႁၢမ်ႈ​တၢပ်ႈ​ႁႄႉ​ၶႅၼ်​မၼ်း​ဝႆႉ​တႃႉ။ သဵင်​တိၼ်​ၸဝ်ႈ​မၼ်း​မေႃး​ယူႇ​လိုၼ်း​မၼ်း​ဢမ်ႇ​ၸႂ်ႈ​ႁိုဝ်၊ ဝႃႈ​ၼင်ႇ​ၼႆ၊-</verse>
				<verse number="33">ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​လၢတ်ႈ​ၵၼ်​တင်း​ၶဝ်​ယူႇ​ၼၼ်ႉ၊ ၵူၼ်း​ၸႂ်ႉ​ၵူၼ်း​သွႆ​ၼၼ်ႉ​ႁွတ်ႈ​မႃး​ဢေႃႈ။ ၶုၼ်​ႁေႃ​ၶမ်း​ၵေႃႈ​ႁွတ်ႈ​ထိုင်​သေ​ယဝ်ႉ၊ လၢတ်ႈ​လႄႈ​ဝႃႈ၊ ဢမူႉ​ၼႆႉ​ၸမ်ႉ၊ ပဵၼ်​ဢမူႉ​ဢၼ်​ထႃႇဝရႃႉ​ၽြႃး​ၸီႇ​ယၢင်ႇ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​ယင်း​လႆႈ​ပႂ်ႉ​မုင်ႈ​ပႂ်ႉ​မွင်း​ၵျေး​ၸူး​ထႃႇဝရႃႉ​ၽြႃး​ယူႇ​ထႅင်ႈ​လူး​ၵွၼ်ႇ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်။</verse>
			</chapter>
			<chapter number="7">
				<verse number="1">ဢေးလီႉသႄး ​လၢတ်ႈ​လႄႈ​ဝႃႈ၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ထႃႇဝရႃႉ​ၽြႃး​တႃႉ။ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ဝၼ်း​မိူဝ်ႈ​ၽုၵ်ႈ​မိူဝ်ႈ​ၶိင်ႇ​ၼႆႉ​ၼၼ်ႉ တၵ်း​ဢွၼ်​ၵၼ်​ၶၢႆ​ၽွင်​ၶဝ်ႈ​မုၼ်း​ၵျုင်ႇ​ယေႈ​သီႇ​ပႄႇ ငိုၼ်း​ယေႈ​ၵျၢပ်ႈ​ သၶေးလႃႉ ၊ ၶဝ်ႈ​သၢၼ်​မူႉ​ယေႃး​ယေႈ​ၶႂၢႆး​ယေႈ​ၵျၢပ်ႈ သၶေးလႃႉ ၵႃႈ​တီႈ​ႁူး​ၽၵ်း​တူ​ဝဵင်း​ သမႃႇရီႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ဢမၢတ်ႈ​ဢၼ်​လႆႈ​ၶၢမ်ႇ​တၢင်း​ဢၼ်​ၶုၼ်​ႁေႃ​ၶမ်း​ဢိင်​ၼၼ်ႉ ၶိုၼ်း​လၢတ်ႈ​တီႈ​ၵူၼ်း​ၽြႃး​ပဵၼ်​ၸဝ်ႈ​လႄႈ​ဝႃႈ၊ တူၺ်း​လူး၊ ပေႃး​ထႃႇဝရႃႉ​ၽြႃး​ၽုၺ်ႇ​ႁူး​လၢင်း​တဵၼ်​ၽႃႉ​ၵၢင်​ႁၢဝ်​ၸိုင်၊ ၸၢင်ႈ​ၶႄး​တၵ်း​ပဵၼ်​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ တူၺ်း​လူး၊ မႂ်း​ၼႆႉ​တၵ်း​လႆႈ​ဢဝ်​တင်း​မၢၵ်ႇ​တႃ​မႂ်း​ႁၼ်​ယူႇ​ဢေႃႈ။ ၵူၺ်း​ၵႃႈ မႂ်း​တၵ်း​ဢမ်ႇ​လႆႈ​ၵိၼ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">မိူဝ်ႈ​ၼၼ်ႉ​ၵူၼ်း​တုတ်ႈ ဢၼ်​ၼင်ႈ​ယူႇ​ၵႃႈ​တီႈ​ႁူး​ၽၵ်း​တူ​ဝဵင်း​သီႇ​ၵေႃႉ​ၼၼ်ႉ တိူင်ႇ​ပၢင်ႇ​ၵၼ်​လႄႈ​ဝႃႈ၊ ႁဝ်း​ၼႆႉ​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တၵ်း​လႆႈ​ၼင်ႈ​ယူႇ​ၵႃႈ​တီႈ​ၼႆႈ​တေႃႇ​ထိုင်​ႁွတ်ႈ​ထၼ်ႈ​ပေႃး​တၢႆ​ၼင်ႇ​ႁိုဝ်။-</verse>
				<verse number="4">ပေႃး​ႁဝ်း​ၶဝ်ႈ​ၵႃႈ​ၼႂ်း​ဝဵင်း​ၸိုင်၊ ၵွပ်ႈ​ပိူဝ်ႈ​ဢၼ်​ပဵၼ်​တၢင်း​ဢၼ် တၢင်း​ၵိၼ်​တၢင်း​ၶူပ်း​ၵႃႈ​ပႅင်း​လႄႈ​ႁဝ်း​တၵ်း​လႆႈ​တၢႆ​ၵႃႈ​တီႈ​ၼၼ်ႈ​ဢေႃႈ။ ပေႃး​ႁဝ်း​ၼင်ႈ​ယူႇ​ၵႃႈ​တီႈ​ၼႆႈ​ၵေႃႈ​ႁဝ်း​တၵ်း​လႆႈ​တၢႆ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ဢွၼ်​ၵၼ်​ၵႂႃႇ​ၶဝ်ႈ​ယူႇ​ၽၢႆႇ​တပ်ႉ​ သူႉရီႉ ​ၼၼ်ႉ​တႃႉ​ႁဝ်း။ ပေႃး​ၶဝ်​ၼၼ်ႉ​ပၼ်​ဢသၢၵ်ႈ​ႁဝ်း​လိပ်း​ၵေႃႈ ႁဝ်း​တၵ်း​လႆႈ​လိပ်း​ဢေႃႈ။ ပေႃႈ​ၶဝ်​ဢဝ်​ႁဝ်း​တၢႆ​ၵေႃႈ​တၵ်း​ပဵၼ်​ဢၼ်​တၢႆ​ၵူၺ်း​ၼင်ႇ​ၵဝ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="5">ၶဝ်​ဢွၼ်​ၵၼ်​လုၵ်ႉ​ၶိင်ႇ​ၼႃႈ​ႁူဝ်​ၶမ်ႈ​လႄႈ ၵႂႃႇ​ၸူး​ၵႃႈ​တီႈ​တပ်ႉ​ သူႉရီႉ ​ဢေႃႈ။ မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​ယၼ်ႇ​ႁူဝ်​တပ်ႉ​ၼၼ်ႉ​ၸိုင်၊ ၶဝ်​ဢမ်ႇ​ထူပ်း​ဢမ်ႇ​ႁၼ်​ၽူႈ​လႂ်​သေ​ၵေႃႉ​သေ​ၵူၼ်း။-</verse>
				<verse number="6">လွင်ႈ​မၼ်း​ၸမ်ႉ​ထႃႇဝရႃႉ​ၽြႃး​ႁဵတ်း​ႁႂ်ႈ​တပ်ႉ​ၵူၼ်း​ သူႉရီႉ ​ၸိူဝ်း​ၼၼ်ႉ၊ လႆႈ​ငိၼ်း​သဵင်​ၵူၼ်း​သိုၵ်း​ၶီႇ​လေႃႉရထႃး ၵူၼ်း​သိုၵ်း​ၶီႇ​မႃႉ ဢၼ်​ဝႃႈ​သဵင်​ပူဝ်ႇ​ပႃႇ​ဢၼ်​ယႂ်ႇ​ၼမ်​ၼႃႇ​ၼၼ်ႉ​သေ​လႄႈ၊ ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​လႄႈ​ဝႃႈ၊ တူၺ်း​လူး၊ ၶုၼ်​ႁေႃ​ၶမ်း ဢီႉသရေႇလႃႉ ​ၼၼ်ႉ ၸၢင်ႈ​ငႃ​ဢဝ်​ၶုၼ်​ ႁိတ်ႉတီႉ ​ဢိၵ်ႇ​တင်း ၶုၼ်​ ဢေႇၵိပ်ႉတူႉ ​တင်း​လၢႆ​မႃး​တိုၵ်း​တေႃး​ႁဝ်း​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ</verse>
				<verse number="7">ဢွၼ်​ၵၼ်​လုၵ်ႉ​ၶိင်ႇ​ၼႃႈ​ႁူဝ်​ၶမ်ႈ​ၼၼ်ႉ​လႄႈ၊ ၸုၼ်ႉ​ပႅတ်ႈ​သုမ်ႉ​ၶဝ်၊ မႃႉ​ၶဝ်၊ လီႈ​ၶဝ်၊ ဢၼ်​ဝႃႈ တပ်ႉ​ၶဝ် ၵႃႈ​ၼင်ႇ​ဢၼ်​မီး​ဝႆႉ​ၼၼ်ႉ​သေ​လႄႈ ဢွၵ်ႇ​ပၢႆႈ​ႁႂ်ႈ​ဢသၢၵ်ႈ​ၶဝ်​လႆႈ​လွတ်ႈ​ဢေႃႈ။-</verse>
				<verse number="8">ၵူၼ်း​တုတ်ႈ​ၸိူဝ်း​ၼၼ်ႉ​ႁွတ်ႈ​ထိုင်​ၵႃႈ​တီႈ​ယၼ်ႇ​ႁူဝ်​တပ်ႉ​ၼၼ်ႉ​သေ​ယဝ်ႉ၊ ၶဝ်ႈ​ၵႃႈ​ၼႂ်း​သုမ်ႉ​လင်​ၼိုင်ႈ​သေ​လႄႈ ၵိၼ်​ၶူပ်း​ယဝ်ႉ​လႄႈ​ဢွၼ်​ၵၼ်​ဢဝ်​ငိုၼ်း​ၶမ်း​ၶိူင်ႈ​ၼုင်ႈ​တၢင်း​မႆ ၵႂႃႇ​သိူင်ႇ​မႅပ်ႉ​ဝႆႉ​ဢေႃႈ။ ၶဝ်​သမ်ႉ​ၶိုၼ်း​မႃး​သေ​လႄႈ ၶဝ်ႈ​ၵႃႈ​ၼႂ်း​သုမ်ႉ​တၢင်ႇ​လင်​လႄႈ၊ ၵႃႈ​တီႈ​ၼၼ်ႈ​ၵေႃႈ ၶဝ်​သမ်ႉ​ဢဝ်​ဢုၵ်ႉ​ၸႃႇ​ၵႂႃႇ​သိူင်ႇ​မႅပ်ႉ​ဝႆႉ​ဢေႃႈ။-</verse>
				<verse number="9">ၵမ်း​ၼၼ်ႉ ၶဝ်​လၢတ်ႈ​ၵၼ်​လႄႈ​ဝႃႈ၊ ႁဝ်း​ၼႆႉ​ဢမ်ႇ​ႁဵတ်း​ဢၼ်​လီ​ဢၼ်​ငၢမ်း​လူင်​ပႄႇ။ ဝၼ်း​မိူဝ်ႈ​ၼႆႉ​ပဵၼ်​ဝၼ်း​ဢၼ်​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​ဢၼ်​လီ​လႄႈ ႁဝ်း​ယင်း​ဢမ်ႇ​မွၵ်ႇ​လၢတ်ႈ​လႄႈ​ယူႇ​လူင်​ပႄႇ။ ပေႃး​ႁဝ်း​ယူႇ​တေႃႇ​ထိုင်​ႁွတ်ႈ​မိူင်း​လႅင်း​ၸိုင်၊ ဢမူႉ​သေ​ၸိူဝ်ႉ​သေ​ပိူင်​တၵ်း​ႁွတ်ႈ​ထိုင်​ၵႃႈ​ၼိူဝ်​ႁဝ်း​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ႁဝ်း​ဢွၼ်​ၵၼ်​ၵႂႃႇ​လႄႈ မွၵ်ႇ​လၢတ်ႈ​တီႈ​ၵူၼ်း​ႁၢင်ႈ​ၵူၼ်း​ႁေႃ​ၸဝ်ႈ​တႃႉ​ႁဝ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">ၶဝ်​ၵႂႃႇ​လႄႈ ႁွင်ႉ​သႅၼ်ႇ​တီႈ​ၵူၼ်း​ပႂ်ႉ​ၼွၵ်ႈ​ၽၵ်း​တူ​ဝဵင်း​သေ​လႄႈ လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ႁဝ်း​ႁွတ်ႈ​ထိုင်​ၵႃႈ​တီႈ​တပ်ႉ​ၵူၼ်း​ သူႉရီႉ ​ယဝ်ႉ​လႄႈ ဢမ်ႇ​ထူပ်း​ဢမ်ႇ​ႁၼ်​ၽူႈ​လႂ်​သေ​ၵေႃႉ​သေ​ၵူၼ်း။ ဢမ်ႇ​ငိၼ်း​သဵင်​ၵူၼ်း။ ထူပ်း​ႁၼ်​မႃႉ​လႂ်၊ လီႈ​လႂ်​မတ်ႉ​ၽုၵ်ႇ​ဝႆႉ​ယူႇ​သေ​လႄႈ သုမ်ႉ​တင်း​လၢႆ​ၵေႃႈ မီး​ဝႆႉ​ယူႇ​ပဵၼ်​ၸိူဝ်ႉ​ၼင်ႇ​ပၵ်း​ၵဝ်ႇ​ပိူင်​ၵဝ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="11">ၵူၼ်း​ပႂ်ႉ​ၽၵ်း​တူ​ၸိူဝ်း​ၼၼ်ႉ​ၵေႃႈ ႁွင်ႉ​သႅၼ်ႇ​လႄႈ မွၵ်ႇ​လၢတ်ႈ​လွင်ႈ​မၼ်း​တီႈ​ၵူၼ်း​ႁၢင်ႈ​ၵူၼ်း​ႁေႃ​ၸဝ်ႈ​ၵႃႈ​ၼႂ်း​ဝဵင်း​ဢေႃႈ။</verse>
				<verse number="12">ၶုၼ်​ႁေႃ​ၶမ်း​လုၵ်ႉ​ၶိင်ႇ​ၵၢင်​ၶိုၼ်း​လႄႈ​လၢတ်ႈ​တီႈ​ၶႃႈ​မၼ်း​ၵူၼ်း​မၼ်း​လႄႈ​ဝႃႈ၊ ၵဝ်​တၵ်း​လၢတ်ႈ​ပၼ်​လွင်ႈ​ဢၼ်​ၵူၼ်း​ သူႉရီႉ ​ၸိူဝ်း​ၼၼ်ႉ ၶႂ်ႈ​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ႁဝ်း​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ်​ၶဝ်​ႁူႉ​လွင်ႈ​ဢၼ်​ႁဝ်း​ဢိုပ်း​ယၢၵ်ႈ​ၼၼ်ႉ​လႄႈ ၶဝ်​ဢွၵ်ႇ​ၵႃႈ​ၼွၵ်ႈ​တပ်ႉ​လႄႈ တဵတ်ႇ​မႅပ်ႉ​ယူႇ​ၵႃႈ​ၼႂ်း​ထိူၼ်ႇ​သေ​လႄႈ​ဝႃႈ၊ မိူဝ်ႈ​ဢၼ်​ၶဝ်​ဢွၵ်ႇ​ၵႃႈ​ၼွၵ်ႈ​ဝဵင်း​မႃး​ၼၼ်ႉ၊ ႁဝ်း​တၵ်း​တီႉ​ၵမ်​ဢဝ်​တူဝ်​လိပ်း​ၶဝ်​သေ​လႄႈ ၶဝ်ႈ​ၵႃႈ​ၼႂ်း​ဝဵင်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">ၶႃႈ​ၵူၼ်း​မၼ်း​ၵေႃႉ​ၼိုင်ႈ လဝ်ႊ​လၢတ်ႈ​လႄႈ​ဝႃႈ၊ ႁႂ်ႈ​လႆႈ​ဢဝ်​မႃႉ​ႁႃႈ​တူဝ် ဢၼ်​ၵိုတ်း​ဢၼ်​ၵျၢၼ်ႇ​ဝႆႉ​ၵႃႈ​ၼႂ်း​ဝဵင်း​ၼႆႉ​ၼၼ်ႉ​သေ​ၵမ်း​တီႈ​ၶႃႈ။ မႃႉ​ၸိူဝ်း​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​မူႇ​ၽုင်​မုၵ်ႉ​ၸိူဝ်း ၵူၼ်း​မဵဝ်း​ ဢီႉသရေႇလႃႉ ၵႃႈ​ဢၼ်​ယင်း​ၵိုတ်း​ယင်း​ၵျၢၼ်ႇ ၵႃႈ​ၼႂ်း​ဝဵင်း​ၼႆႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ ပဵၼ်​ၸိူဝ်ႉ​ၼင်ႇ​မူႇ​ၽုင်​မုၵ်ႉ​ၸိူဝ်း ၵူၼ်း​မဵဝ်း​ ဢီႉသရေႇလႃႉ ဢၼ်​ႁွတ်ႈ​ထိုင်​တၢင်း​လူႉ​တၢင်း​လႅဝ်​ၼၼ်ႉ​တီႈ​ၶႃႈ​ဢေႃႈ။ ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​လႆႈ​ပွႆႇ​ၸႂ်ႉ​လႄႈ​တူၺ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">ၶဝ်​ဢွၼ်​ၵၼ်​ဢဝ်​လေႃႉရထႃး​သွင်​လင်​တင်း​မႃႉ​မၼ်း​သေ​ယဝ်ႉ၊ ၶုၼ်​ႁေႃ​ၶမ်း​ပွႆႇ​ၸႂ်ႉ​ၵႂႃႇ​ၸွမ်း​တူၺ်း မုၵ်ႉ​ၸိူဝ်း​ၵူၼ်း​ သူႉရီႉ ​ၸိူဝ်း​ၼၼ်ႉ​လႄႈ​ဝႃႈ၊ ဢွၼ်​ၵၼ်​ၵႂႃႇ​လႄႈ လူ​တူၺ်း​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="15">ၶဝ်​ဢွၼ်​ၵၼ်​ၸွမ်း​ၵႂႃႇ​တေႃႇ​ထိုင်​ႁွတ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။ ၵႃႈ​ၼႂ်း​သဵၼ်ႈ​တၢင်း​ၵႃႈ​ဢၼ်​ၵႂႃႇ​ၼၼ်ႉ တဵမ်​ဝႆႉ​တင်း​ၶူဝ်း​ၼုင်ႈ​တၢင်း​မႆ ဢိၵ်ႇ​တင်း​ၶိူင်ႈ​ပိူင်​ဢၼ်​ၵူၼ်း​ သူႉရီႉ ​ၸိူဝ်း​ၼၼ်ႉ​ပႅတ်ႈ​ဝႆႉ​ၼႂ်း​မိူဝ်ႈ​ဢၼ် ၶဝ်​ၼႅတ်ႈ​ပၢႆႈ​ၶၼ်​ၶၼ်​ၽႂ်း​ၽႂ်း​ၼၼ်ႉ​ဢေႃႈ။ ၶဝ်​ၸိူဝ်း​ဢၼ် ၶၢမ်ႇ​တၢင်း​ဢၼ်​ပွႆႇ​ၸႂ်ႉ​ၼၼ်ႉ​ၶိုၼ်း​မႃး​လႄႈ လဝ်ႊ​လၢတ်ႈ​ထိုင်​ႁူ​ၶုၼ်​ႁေႃ​ၶမ်း​ဢေႃႈ။-</verse>
				<verse number="16">မိူဝ်ႈ​ၼၼ်ႉ​ၵူၼ်း​တင်း​လၢႆ​ဢွၼ်​ၵၼ်​ဢွၵ်ႇ​လႄႈ ႁိမ်​ဢဝ်​တပ်ႉ​ၵူၼ်း​ သူႉရီႉ ​ၸိူဝ်း​ၼၼ်ႉ​ဢေႃႈ၊ ၼင်ႇ​ၼၼ်​လႄႈ ၶဝ်​ဢွၼ်​ၵၼ်​ၶၢႆ​ၽွင်​ၶဝ်ႈ​မုၼ်း​ၵျုင်ႇ ယေႈ​သီႇ​ပႄႇ​ငိုၼ်း​ယေႈ​ၵျၢပ်ႈ​ သၶေးလႃႉ ၊ ၶဝ်ႈ​သၢၼ်​မူႉ​ယေႃး​ယေႈ​ၶႂၢႆး ငိုၼ်း​ယေႈ​ၵျၢပ်ႈ​မႅၼ်ႈ​ၸွမ်း​ၵႃႈ​ၼင်ႇ​ၵႂၢမ်း​ထႃႇဝရႃႉ​ၽြႃး​ၼၼ်ႉ​ဢေႃႈ။</verse>
				<verse number="17">ၶုၼ်​ႁေႃ​ၶမ်း​ဢဝ်​ဢမၢတ်ႈ ဢၼ်​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ဢိင်​ၼၼ်ႉ ၶၢၼ်း​ဝႆႉ​ႁႂ်ႈ​ပႂ်ႉ​ၽၵ်း​တူ​ဝဵင်း​လႄႈ ၵူၼ်း​တင်း​လၢႆ​ယဵပ်ႇ​မႅၼ်ႈ​မၼ်း​ၵႃႈ​ၼႂ်း​ၽၵ်း​တူ​ဝဵင်း​ၼၼ်ႉ​လႄႈ၊ မၼ်း​ၼၼ်ႉ​တၢႆ​သေ​မႅၼ်ႈ​ၸွမ်း​ၵႃႈ​ၼင်ႇ​ဢၼ် ဢွၵ်ႇ​သူပ်း​ၵူၼ်း​ၽြႃး​ပဵၼ်​ၸဝ်ႈ ဢၼ်​လၢတ်ႈ​ဝႆႉ​ၼႂ်း​မိူဝ်ႈ​ဢၼ်​တူဝ်​ၶုၼ်​ႁေႃ​ၶမ်း​လူင်း​ၸူး​ၵႃႈ​တီႈ​မၼ်း​ၼၼ်ႉ​ဢေႃႈ။-</verse>
				<verse number="18">ၼင်ႇ​ၼၼ်​လႄႈ​ပဵၼ်​ၸွမ်း​ၵႃႈ​ၼင်ႇ​ဢၼ်​ၵူၼ်း​ၽြႃး​ပဵၼ်​ၸဝ်ႈ လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ဝၼ်း​မိူဝ်ႈ​ၽုၵ်ႈ​မိူဝ်ႈ​ၶိင်ႇ​ၼႆႉ​ၼၼ်ႉ၊ တၵ်း​လႆႈ​ဢွၼ်​ၵၼ်​ၶၢႆ​ၽွင်​ၶဝ်ႈ​မုၼ်း​ၵျုင်ႇ ယေႈ​သီႇ​ပႄႇ​ငိုၼ်း​ယေႈ​ၵျၢပ်ႈ​ သၶေးလႃႉ ၊ ၶဝ်ႈ​သၢၼ်​မူႉ​ယေႃး​ယေႈ​ၶႂၢႆး​ငိုၼ်း​ယေႈ​ၵျၢပ်ႈ ၵႃႈ​ၼႂ်း​ၽၵ်း​တူ​ဝဵင်း​ သမႃႇရီႉ ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="19">ဢမၢတ်ႈ​ၼၼ်ႉ​ၶိုၼ်း​လၢတ်ႈ​တီႈ​ၵူၼ်း​ၽြႃး​ပဵၼ်​ၸဝ်ႈ​လႄႈ​ဝႃႈ၊ တူၺ်း​လူး၊ ပေႃး​ထႃႇဝရႃႉ​ၽြႃး​ၽုၺ်ႇ​ႁူး​လၢင်း​တဵၼ်​ၽႃႉ​ၵၢင်​ႁၢဝ်​ၸိုင်၊ ၸၢင်ႈ​ၶႄး​တၵ်း​ပဵၼ်​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ တူၺ်း​လူး၊ မႂ်း​ၼႆႉ​တၵ်း​လႆႈ​ဢဝ်​တင်း​မၢၵ်ႇ​တႃ​မႂ်း​ႁၼ်​ယူႇ​ဢေႃႈ၊ ၵူၺ်း​ၵႃႈ​မႂ်း​တၵ်း​ဢမ်ႇ​လႆႈ​ၵိၼ်၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="20">ပဵၼ်​တီႈ​မၼ်း​ၼၼ်ႉ​ၸိူဝ်ႉ​ၼင်ႇ​ၼၼ်​ဢေႃႈ၊ ၵူၼ်း​တင်း​လၢႆ​ယဵပ်ႇ​မႅၼ်ႈ​မၼ်း​ၼၼ်ႉ ၵႃႈ​ၼႂ်း​ႁူး​ၽၵ်း​တူ​ဝဵင်း​လႄႈ၊ မၼ်း​ၼၼ်ႉ​တၢႆ​သေ​ဢေႃႈ။</verse>
			</chapter>
			<chapter number="8">
				<verse number="1">ၽဝ်ႇ​ၼိုင်ႈ ဢေးလီႉသႄး လၢတ်ႈ​တီႈ​မႄႈ​ယိင်း​ဢၼ်​မၼ်း​ႁႂ်ႈ​လုၵ်ႈ​ဢွၼ်ႇ​မၼ်း​ဢသၢၵ်ႈ​ၶိုၼ်း​လိပ်း မိူဝ်ႈ​ဢွၼ်​တၢင်း​ၼၼ်ႉ​ၼၼ်ႉ​လႄႈ​ဝႃႈ၊ မႂ်း​ၼႆႉ​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မႂ်း ဢွၼ်​ၵၼ်​လုၵ်ႉ​ၵႂႃႇ​လႄႈ သွၼ်ႈ​ပိုင်ႈ​ယူႇ​ၵႃႈ​ၼႂ်း​တီႈ​ဢၼ်​မႂ်း​သွၼ်ႈ​ပိုင်ႈ​ယူႇ​လႆႈ​ၼၼ်ႉ သေ​တီႈ​တီႈ​တႃႉ။ ထႃႇဝရႃႉ​ၽြႃး​သင်ႇ​လၢတ်ႈ​ႁႂ်ႈ​ၶိင်ႇ​ၵႃႇလႃႉ​ဢၼ်​တၢင်း​ၵိၼ်​တၢင်း​ၶူပ်း​ၵႃႈ​ပႅင်း​ၼၼ်ႉ​မႃး​ယဝ်ႉ။ တၵ်း​ႁွတ်ႈ​ထိုင်​ၵႃႈ​ၼိူဝ်​မိူင်း​ၼႆႉ​ၸဵတ်း​ပီႊ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">မႄႈ​ယိင်း​ၼၼ်ႉ​လုၵ်ႉ​လႄႈ ႁဵတ်း​ၸွမ်း​ၵႂၢမ်း​ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​သေ​လႄႈ ပႃး​ဢဝ်​ၵူၼ်း​ႁိူၼ်း​ၵူၼ်း​ယေး​မၼ်း​တင်း​လၢႆ​ၵႂႃႇ​လႄႈ သွၼ်ႈ​ပိုင်ႈ​ယူႇ​ၵႃႈ​ၼႂ်း​မိူင်း ၽီႉလိတ်ႉတီႉ ​ၸဵတ်း​ပီႊ​ဢေႃႈ။-</verse>
				<verse number="3">မိူဝ်ႈ​ဢၼ်​ၸေး​ၸဵတ်း​ပီႊ​ယဝ်ႉ​ၼၼ်ႉ​ၸိုင်၊ မႄႈ​ယိင်း​ၼၼ်ႉ​လုၵ်ႉ​သေ ၵႃႈ​တီႈ​မိူင်း​ ၽီႉလိတ်ႉတီႉ ၶိုၼ်း​မႃး​သေ​လႄႈ ဢွၵ်ႇ​ၵႂႃႇ​ႁႂ်ႈ​လႆႈ​လဝ်ႊ​လၢတ်ႈ​ယွၼ်း​ဢဝ်​ႁိူၼ်း​မၼ်း​လိၼ်​မၼ်း​ၶိုၼ်း​တီႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="4">မိူဝ်ႈ​ၼၼ်ႉ ၶုၼ်​ႁေႃ​ၶမ်း​လၢတ်ႈ​တေႃႇ​ၵၼ်​တင်း ၵေႇႁႃႇၸီႉ ဢၼ်​ပဵၼ်​ၵူၼ်း​ဢွၼ်ႇ​ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​ယူႇ​သေ​လႄႈ မီး​ဢမိင်ႉ​လႄႈ​ဝႃႈ၊ ၶႆႈ​လၢတ်ႈ​လွင်ႈ​တၢင်း​ၵႃႈ​ဢၼ်​ ဢေးလီႉသႄး ​ႁဵတ်း​ဢၼ်​လီ​ဢၢမ်း​ၸိူဝ်း​ၼၼ်ႉ​လူး၊ ဝႃႈ​ၼင်ႇ​ၼႆ​လႄႈ၊-</verse>
				<verse number="5">ၼႂ်း​မိူဝ်ႈ​ဢၼ်​မၼ်း​ၼၼ်ႉ​ယင်း​တိုၵ်ႉ​ၶိုၼ်း​လဝ်ႊ​လၢတ်ႈ လွင်ႈ​ဢၼ်​မၼ်း​လႆႈ​ႁႂ်ႈ​ဢသၢၵ်ႈ​ၵေႃႉ​ဢၼ်​တၢႆ​ယဝ်ႉ​ၶိုၼ်း​လိပ်း​ၼၼ်ႉ​ယူႇ​ၼၼ်ႉ​ၸိုင်၊ မႄႈ​ယိင်း​ဢၼ်​မၼ်း​ႁႂ်ႈ​လုၵ်ႈ​ဢွၼ်ႇ​မၼ်း​ဢသၢၵ်ႈ​ၶိုၼ်း​လိပ်း​ၼၼ်ႉ လဝ်ႊ​ယွၼ်း​ဢဝ်​ႁိူၼ်း​မၼ်း လိၼ်​မၼ်း တီႈ​ၶုၼ်​ႁေႃ​ၶမ်း​ဢေႃႈ။ ၵေႇႁႃႇၸီႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၵဝ်​ၶႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ၵေႃႉ​ၼႆႉ​ပဵၼ်​မႄႈ​ယိင်း​ၼၼ်ႉ၊ ၵေႃႉ​ၼႆႉ​ပဵၼ်​လုၵ်ႈ​ၸၢႆး​မၼ်း ဢၼ်​ ဢေးလီႉသႄး ႁႂ်ႈ​ဢသၢၵ်ႈ​ၶိုၼ်း​လိပ်း​ၼၼ်ႉ​တီႈ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ၶုၼ်​ႁေႃ​ၶမ်း​ၵေႃႈ​ထၢမ်​မႄႈ​ယိင်း​ၼၼ်ႉ​လႄႈ မႄႈ​ယိင်း​ၼၼ်ႉ​ၵေႃႈ​ၶၢမ်ႇ​သၢၵ်ႈ​သေႇ​ဢေႃႈ။ မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ၶၢၼ်း​ၵေႃႉ​ဢၼ်​မီး​ဢရႃႇ​ၵေႃႉ​ၼိုင်ႈ​ဝႆႉ​ႁႂ်ႈ​လႆႈ​ပႂ်ႉ​ဢမူႉ​မၼ်း​လႄႈ မီး​ဢမိင်ႉ​လႄႈ​ဝႃႈ၊ ႁႂ်ႈ​ဢဝ်​ဢုၵ်ႉ​ၸႃႇ​မၼ်း​ၵႃႈ​မီး ဢိၵ်ႇ​တင်း​မၢၵ်ႇ​ႁူင်း​ၵႃႈ​ဢၼ်​ဢွၵ်ႇ​ပဵၼ်​မႃး​တီႈ​လိၼ်​မၼ်း ၸႃႉ​ၸဵမ်​မိုဝ်ႉ​ဝၼ်း​ဢၼ်​မၼ်း​ဢွၵ်ႇ​ၵႂႃႇ​သေ​ၵႃႈ​ၼႂ်း​မိူင်း​ၸဝ်ႈ​ၵႂႃႇ​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ၶိုၼ်း​ပၼ်​သေ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၽဝ်ႇ​ၼိုင်ႈ ဢေးလီႉသႄး ​ၵႂႃႇ​ၵႃႈ​တီႈ​ဝဵင်း​ ထမ်ႇမသႅတ်ႉ ​လႄႈ မိူဝ်ႈ​ၼၼ်ႉ​ ပိၼ်ႇႁႃႇတတ်ႉ ​ၶုၼ်​ႁေႃ​ၶမ်း​ သူႉရီႉ မီး​တၢင်း​ၶႆႈ​တၢင်း​ပဵၼ်​ယူႇ​ဢေႃႈ။ ပိူၼ်ႈ​လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ၵူၼ်း​ၽြႃး​ပဵၼ်​ၸဝ်ႈ​ႁွတ်ႈ​ထိုင်​ၵႃႈ​တီႈ​ၼႆႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ၶုၼ်​ႁေႃ​ၶမ်း​သင်ႇ​လၢတ်ႈ​တီႈ​ ႁႃႇၸေႇလႃႉ ​လႄႈ​ဝႃႈ၊ မႂ်း​ပႃး​ဢဝ်​လၢၵ်ႈ​သွင်ႇ​ၵႃႈ​ၼႂ်း​မိုဝ်း​မႂ်း​ၵႂႃႇ​လႄႈ ႁပ်ႉ​ႁူဝ်​တၢင်း​ၵူၼ်း​ၽြႃး​ပဵၼ်​ၸဝ်ႈ​သေ​လႄႈ ႁႂ်ႈ​မၼ်း​လဝ်ႊ​ထၢမ်​တီႈ​ထႃႇဝရႃႉ​ၽြႃး​လူၺ်ႈ​လွင်ႈ​ဢၼ် ၵဝ်​တၵ်း​လုၵ်ႉ​ၶိုၼ်း​သေ​ၵႃႈ​တီႈ​တၢင်း​ၶႆႈ​တၢင်း​ပဵၼ်​ၼႆႉ​ႁိုဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="9">ႁႃႇၸေႇလႃႉ ​ၼၼ်ႉ ပႃး​ဢဝ်​လၢၵ်ႈ​သွင်ႇ​ဢၼ်​ဝႃႈ ဢုၵ်ႉ​ၸႃႇ​ ထမ်ႇမသႅတ်ႉ ​ဢၼ်​လီ​ၵူႈ​ၸိူဝ်ႉ​ၵူႈ​ပိူင် တၢင်ႇ​သႂ်ႇ​ၵႃႈ​ၼိူဝ်​ၵလႃးဢုၵ်ႉ သီႇ​သိပ်း​တူဝ်​သေ​ယဝ်ႉ၊ ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​လႄႈ ႁွတ်ႈ​ထိုင်​သေ​ယဝ်ႉ၊ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​သေ​လႄႈ လၢတ်ႈ​လႄႈ​ဝႃႈ၊ လုၵ်ႈ​ၸၢႆး​ၸဝ်ႈ​ႁဝ်း​ ပိၼ်ႇႁႃႇတတ်ႉ ၶုၼ်​ႁေႃ​ၶမ်း​ သူႉရီႉ ​ၼၼ်ႉ ပွႆႇ​ၸႂ်ႉ​ၵဝ်​ၶႃႈ​မႃး ၵႃႈ​တီႈ​ၸဝ်ႈ​ႁဝ်း​ႁႂ်ႈ​လႆႈ​တွင်ႈ​ထၢမ်​လႄႈ​ဝႃႈ၊ ၵဝ်​ၼႆႉ​တၵ်း​လုၵ်ႉ​ၶိုၼ်း​သေ​ၵႃႈ​တီႈ​တၢင်း​ၶႆႈ​တၢင်း​ပဵၼ်​ၼႆႉ​ႁိုဝ်။ ဝႃႈ​ၼင်ႇ​ၼႆ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ဢေးလီႉသႄး ​ၵေႃႈ​လၢတ်ႈ​လႄႈ​ဝႃႈ မႂ်း​ၵႂႃႇ​လႄႈ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​တၵ်း​လုၵ်ႉ​ၶိုၼ်း​ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး​ၼႄ​ပျႃး​လွင်ႈ​ဢၼ်​မၼ်း​တၵ်း​လႆႈ​တၢႆ​ဢမၢၼ်ႇ​ၶၼ်​ပဵၼ်​ၼၼ်ႉ​တီႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="11">ယႅၵ်ႉ​တူၺ်း​ၵေႃႉ​ၼၼ်ႉ​ၸေး​ၸေး​ၸွတ်ႇ​ၸွတ်ႇ တေႃႇ​ထိုင်​ႁွတ်ႈ​မၼ်း​ၼၼ်ႉ​ထၼ်ႈ​ပေႃး​ၼႃႈ​လူႉ​ဢေႃႈ။ ၵူၼ်း​ၽြႃး​ပဵၼ်​ၸဝ်ႈ​ၵေႃႈ​ၼမ်ႉ​တႃ​တူၵ်း​ဢေႃႈ။-</verse>
				<verse number="12">ႁႃႇၸေႇလႃႉ ​ၵေႃႈ​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၼမ်ႉ​တႃ​တူၵ်း​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​ႁူႉ​ႁၼ်​လွင်ႈ​ၽေး​ဢူႉ​ပၢတ်ႈ​ဢၼ်​မႂ်း​တၵ်း​ႁဵတ်း​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢၼ်​ဝႃႈ တၢင်း​ဢၼ်​ဢဝ်​ၽႆး​တုတ်ႇ​တိူၵ်ႈ​တီႈ​တိုၵ်း​သိုၵ်း​ၶဝ်၊ တၢင်း​ဢၼ်​ဢဝ်​ၵူၼ်း​ၼုမ်ႇ​ၵူၼ်း​ၵမ်​ၶဝ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း၊ တၢင်း​ဢၼ်​ဢဝ်​လုၵ်ႈ​ဢွၼ်ႇ​လႅင်​ၶဝ် သၵ်း​သွင်ႉ​ၵႃႈ​ၼိူဝ်​လိၼ်၊ တၢင်း​ဢၼ်​ၽႃႇ​တွင်ႉ​မႄႈ​ယိင်း ဢၼ်​ပႃး​ပတိၵ်ႉသၼ်ႇထေႇ​ၼၼ်ႉ​ၸိူဝ်း​ၼၼ်ႉ​လႄႈ ၼမ်ႉ​တႃ​ၵဝ်​တူၵ်း​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">ႁႃႇၸေႇလႃႉ ​သမ်ႉ​ၶိုၼ်း​ထၢမ်​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၼႆႉ​ပဵၼ်​မႃ​ယူႇ​လႄႈ တၵ်း​လႆႈ​ႁဵတ်း​ဢမူႉ​လွင်ႈ​တၢင်း​ဢၼ်​ယႂ်ႇ​ၼႃႇ​ထၼ်ႈ​ၼႆႉ​ၶႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ဢေးလီႉသႄး ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ၼႄ​ပျႃး​လွင်ႈ​ဢၼ်​မႂ်း​တၵ်း​လႆႈ​ႁဵတ်း​ၶုၼ်​ႁေႃ​ၶမ်း​ၵႃႈ​ၼိူဝ်​မိူင်း​ သူႉရီႉ ​ၼၼ်ႉ​တီႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မိူဝ်ႈ​ၼၼ်ႉ မၼ်း​ဢွၵ်ႇ​သေ​ၵႃႈ​တီႈ​ ဢေးလီႉသႄး ​လႄႈ ႁွတ်ႈ​ၵႃႈ​တီႈ​ၸဝ်ႈ​မၼ်း​သေ​ယဝ်ႉ၊ ၸဝ်ႈ​မၼ်း​ထၢမ်​လႄႈ​ဝႃႈ၊ ဢေးလီႉသႄး ​ၼၼ်ႉ လၢတ်ႈ​ၸိူဝ်ႉ​ၼင်ႇ​ႁိုဝ်​တီႈ​မႂ်း၊ ဝႃႈ​ၼင်ႇ​ၼႆ​လႄႈ၊ မၼ်း​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ မၼ်း​ၼၼ်ႉ​လၢတ်ႈ​တီႈ​ၶႃႈ​ၸဝ်ႈ​လႄႈ​ဝႃႈ၊ ၸဝ်ႈ​ႁဝ်း​တၵ်း​လုၵ်ႉ​ၶိုၼ်း​သေ​ၵႃႈ​တီႈ​တၢင်း​ၶႆႈ​တၢင်း​ပဵၼ်​ၼႆႉ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ဝၼ်း​မိူဝ်ႈ​ၽုၵ်ႈ​ၼၼ်ႉ၊ မၼ်း​ဢဝ်​ၽႃႈ​ႁူမ်ႇ​ၸုပ်ႉ​ၼမ်ႉ​သေ​လႄႈ ႁူမ်ႇ​သုမ်ႇ​သႂ်ႇ​ၵႃႈ​တီႈ​ၼႃႈ​ၶုၼ်​ႁေႃ​ၶမ်း ႁႂ်ႈ​ထၼ်ႈ​ပေႃး​တၢႆ​လႄႈ​ ႁႃႇၸေႇလႃႉ ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ဢေႃႈ။</verse>
				<verse number="16">ၼႂ်း​ပီႊ​ဢၼ် ယူဝ်းရမ်ႇ ​လုၵ်ႈ​ၸၢႆး​ ဢႃႇႁပ်ႉ ​ၶုၼ်​ႁေႃ​ၶမ်း​ ဢီႉသရေႇလႃႉ ​ၸၢမ်ႇ​ႁၢင်ႈ​ၸၢမ်ႇ​ႁေႃ​ႁႃႈ​ပီႊ​ၼၼ်ႉ၊ ၼႂ်း​မိူဝ်ႈ​ဢၼ် ယူဝ်းသၽတ်ႉ ပဵၼ်​ၶုၼ်​ႁေႃ​ၶမ်း​ ယူႉတႃႉ ​ယူႇ​ၼၼ်ႉ၊ ယႁူဝ်းရမ်ႇ ​လုၵ်ႈ​ၸၢႆး​ ယူဝ်းသၽတ်ႉ ​ၶုၼ်​ႁေႃ​ၶမ်း​ ယူႉတႃႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ဢေႃႈ။-</verse>
				<verse number="17">မိူဝ်ႈ​ဢၼ်​မၼ်း​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​သၢမ်​သိပ်း​ပၢႆ​သွင်​ပီႊ​လႄႈ၊ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ပႅတ်ႇ​ပီႊ​ဢေႃႈ။-</verse>
				<verse number="18">ပိူဝ်ႈ​ဢၼ်​မၼ်း​ပဵၼ်​ၵူပ်ႉ​ပဵၼ်​ၵူႈ​လူၺ်ႈ​ၵၼ်​တင်း​လုၵ်ႈ​ယိင်း​ ဢႃႇႁပ်ႉ ​ၼၼ်ႉ​လႄႈ၊ မၼ်း​ၸွမ်း​သဵၼ်ႈ​တၢင်း​ဢၼ် ၶုၼ်​ႁေႃ​ၶမ်း ဢီႉသရေႇလႃႉ ​တင်း​လၢႆ​ၸွမ်း​ၼၼ်ႉ မိူၼ်​ၸိူဝ်ႉ​ၼင်ႇ​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ​ၼၼ်ႉ​လႄႈ ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ဢေႃႈ။-</verse>
				<verse number="19">ၵူၺ်း​ၵႃႈ ထႃႇဝရႃႉ​ၽြႃး​ထွၵ်ႈ​လူၺ်ႈ​ၼႃႈ ၶႃႈ​မၼ်း​ၸဝ်ႈ​ တႃႇဝိတ်ႈ ​လႄႈ ဢမ်ႇ​မီး​ဢလူဝ်ႇ​ၶႂ်ႈ​ယႃႉ​မိူင်း​ ယူႉတႃႉ ​ပႅတ်ႈ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​လႆႈ​မီး​ၵတီႉ​ဝႆႉ​လူၺ်ႈ​လွင်ႈ​ဢၼ်​မၼ်း​ၸဝ်ႈ တၵ်း​ပၼ်​ဝၢၼ်ႇ​ၽႆး​တဵၼ်း​ဢၼ်​ႁိူဝ်ႈ​လႅင်း​တီႈ​မၼ်း ဢိၵ်ႇ​တင်း​လုၵ်ႈ​လၢၼ်​မၼ်း​တႃႇ​သေႇ​ၼၼ်ႉ​ဢေႃႈ။</verse>
				<verse number="20">ၼႂ်း​ၸူဝ်ႈ​ပၢၼ်​မၼ်း​ၼၼ်ႉ မိူင်း​ ဢေႇတုမ်ႇ ​ပုင်ႇ​ၵၢၼ်ႇ ၶုၼ်​ႁေႃ​ၶမ်း​ ယူႉတႃႉ ​သေ​လႄႈ ယုၵ်ႉ​ယွင်ႈ​ၵူၼ်း​ၵေႃႉ​ၼိုင်ႈ ႁဵတ်း​ၶုၼ်​ႁေႃ​ၶမ်း​ၶဝ်​ဢေႃႈ။-</verse>
				<verse number="21">ယႁူဝ်းရမ်ႇ ​ၼၼ်ႉ ပႃး​ဢဝ်​ၵူၼ်း​သိုၵ်း​ၶီႇ​လေႃႉရထႃး​တင်း​သဵင်ႈ​တင်း​လူင် ၶီႇ​သိုၵ်း​ၵႂႃႇ​ၵႃႈ​တီႈ​ဝဵင်း​ ၸႃႇဢီႇရႃႉ ​လႄႈ လုၵ်ႉ​ၶိင်ႇ​ၵၢင်​ၶိုၼ်း​သေ​လႄႈ ယႃႉ​ၵူၼ်း​ ဢေႇတုမ်ႇ ဢၼ်​လွမ်ႉ​ႁွပ်ႈ​မၼ်း​ဢိၵ်ႇ​တင်း ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​လေႃႉရထႃး​ၸိူဝ်း​ၼၼ်ႉ​ပႅတ်ႈ​လႄႈ၊ ၵူၼ်း​ ဢေႇတုမ်ႇ ​တင်း​လၢႆ ဢွၼ်​ၵၼ်​ဢွၵ်ႇ​ပၢႆႈ​ၵႂႃႇ​ၸူး​ၵႃႈ​တီႈ​မူဝ်းၵႃႇ​တီႈ​ယူႇ​ၶဝ်​ဢေႃႈ။-</verse>
				<verse number="22">ၼင်ႇ​ၼၼ်​လႄႈ မိူင်း​ ဢေႇတုမ်ႇ ​ၼၼ်ႉ​ပုင်ႇ​ၵၢၼ်ႇ​ၶုၼ်​ႁေႃ​ၶမ်း​ ယူႉတႃႉ ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။ မိူဝ်ႈ​ၶိင်ႇ​ၼၼ်ႉ​မိူင်း​ လီႉပၼႃႉ ၵေႃႈ​ပုင်ႇ​ၵၢၼ်ႇ​ဢေႃႈ။-</verse>
				<verse number="23">လွင်ႈ​တၢင်း​ ယႁူဝ်းရမ်ႇ ​ဢၼ်​ယင်း​ၵိုတ်း​ယင်း​ၵျၢၼ်ႇ ဢိၵ်ႇ​တင်း​လွင်ႈ​တၢင်း​ၵႃႈ​ဢၼ်​မၼ်း​ႁဵတ်း​ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​ဢေႃႈ။-</verse>
				<verse number="24">ယႁူဝ်းရမ်ႇ ​ၼၼ်ႉ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ ၵႃႈ​ၼႂ်း​ဝဵင်း​ တႃႇဝိတ်ႈ ​ဢေႃႈ။ ဢႃႇၶၸီႉ ​လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="25">ၼႂ်း​ပီႊ​ဢၼ်​ ယူဝ်းရမ်ႇ ​လုၵ်ႈ​ၸၢႆး​ ဢႃႇႁပ်ႉ ၶုၼ်​ႁေႃ​ၶမ်း​ ဢီႉသရေႇလႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ပၢႆ​သွင်​ပီႊ​ၼၼ်ႉ၊ ဢႃႇၶၸီႉ လုၵ်ႈ​ၸၢႆး​ၸဝ်ႈ​ ယႁူဝ်းရမ်ႇ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ဢေႃႈ။-</verse>
				<verse number="26">ဢႃႇၶၸီႉ ​ၼၼ်ႉ၊ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​လႆႈ​သၢဝ်း​ပၢႆ​သွင်​ပီႊ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ပီႊ​ၼိုင်ႈ​ဢေႃႈ။ ၸိုဝ်ႈ​သဵင်​မႄႈ​မၼ်း​ၸမ်ႉ၊ ပဵၼ်​ ဢႃႇထလီႉ လၢၼ်​ယိင်း​ ဢေႃးမရီႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="27">ပိူဝ်ႈ​ဢၼ်​မၼ်း​ပဵၼ်​လုၵ်ႈ​ၶူၺ်​ ဢႃႇႁပ်ႉ ​လႄႈ မၼ်း​ၸွမ်း​သဵၼ်ႈ​တၢင်း​ဢၼ်​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ​ၸွမ်း​ၼၼ်ႉ​လႄႈ ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ​ၼၼ်ႉ​ဢေႃႈ။-</verse>
				<verse number="28">မၼ်း​ၸွမ်း​လူၺ်ႈ​ၵၼ်​တင်း​ ယူဝ်းရမ်ႇ လုၵ်ႈ​ၸၢႆး​ ဢႃႇႁပ်ႉ ​ၼၼ်ႉ ၶီႇ​သိုၵ်း​ၵႂႃႇ​ႁႂ်ႈ​လႆႈ​တိုၵ်း​တေႃး ႁႃႇၸေႇလႃႉ ​ၶုၼ်​ႁေႃ​ၶမ်း​ သူႉရီႉ ​ၼၼ်ႉ ၵႃႈ​တီႈ​ဝဵင်း​ ရႃႇမုတ်ႉ မိူင်း​ ၵီႉလတ်ႉ ​လႄႈ၊ ၵူၼ်း​ သူႉရီႉ ​ၸိူဝ်း​ၼၼ်ႉ ဢွၼ်​ၵၼ်​တိူဝ်ႉ​ထုၵ်ႇ​သႂ်ႇ​ ယူဝ်းရမ်ႇ ​ဢေႃႈ။-</verse>
				<verse number="29">ၶုၼ်​လူင်​ ယူဝ်းရမ်ႇ ​ၼၼ်ႉ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇၸရေႇလႃႉ ႁႂ်ႈ​တၢင်း​ၸဵပ်း​ဢၼ် ၵူၼ်း​ သူႉရီႉ ​ၸိူဝ်း​ၼၼ်ႉ​တိူဝ်ႉ​ထုၵ်ႇ​သႂ်ႇ ၵႃႈ​တီႈ​ဝဵင်း​ ရႃႇမုတ်ႉ ၼႂ်း​မိူဝ်ႈ​ဢၼ်​မၼ်း​တိုၵ်း​တေႃး​ ႁႃႇၸေႇလႃႉ ​ၶုၼ်​ႁေႃ​ၶမ်း​ သူႉရီႉ ​ယူႇ​ၼၼ်ႉ ၸိူဝ်း​ၼၼ်ႉ​လႆႈ​ႁၢႆ​ဢေႃႈ။ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၸဵပ်း​သႅပ်ႇ​ယူႇ​ၼၼ်ႉ​ၸိုင်၊ ဢႃႇၶၸီႉ ​လုၵ်ႈ​ၸၢႆး​ ယႁူဝ်းရမ်ႇ ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ လူင်း​ၵႂႃႇ​ႁႂ်ႈ​လႆႈ​လူ​တူၺ်း​ ယူဝ်းရမ်ႇ လုၵ်ႈ​ၸၢႆး​ၸဝ်ႈ​ ဢႃႇႁပ်ႉ ​ၼၼ်ႉ ၵႃႈ​တီႈ​ ယေႇၸရေႇလႃႉ ​ဢေႃႈ။</verse>
			</chapter>
			<chapter number="9">
				<verse number="1">မိူဝ်ႈ​ၼၼ်ႉ​ပရေႃးၽႅတ်ႈ​ ဢေးလီႉသႄး ႁွင်ႉ​ဢဝ်​ၵူၼ်း​မဵဝ်း​ပရေႃးၽႅတ်ႈ​ၵေႃႉ​ၼိုင်ႈ​လႄႈ သင်ႇ​လၢတ်ႈ​လႄႈ​ဝႃႈ၊ ႁတ်ႉ​ဢႅဝ်​မႂ်း​လႄႈ ဢဝ်​တဝ်ႈ​ၼမ်ႉ​မၼ်း​ၼႆႉ​ၵႂႃႇ​ၵႃႈ​တီႈ​ဝဵင်း​ ရႃႇမုတ်ႉ မိူင်း​ ၵီႉလတ်ႉ ​ပုၼ်ႉ​တႃႉ။-</verse>
				<verse number="2">မိူဝ်ႈ​ဢၼ်​မႂ်း​ႁွတ်ႈ​ထိုင်​ၵႃႈ​တီႈ​ၼၼ်ႈ​ၼၼ်ႉ၊ ႁႃ​ဢဝ်​ ယေႇႁူႉ လုၵ်ႈ​ၸၢႆး​ ယူဝ်းသၽတ်ႉ လုၵ်ႈ​ၸၢႆး​ ၼိမ်းသီႉ ​ၼၼ်ႉ​လႄႈ ၶဝ်ႈ​ၵႂႃႇ​သေ​လႄႈ ႁႂ်ႈ​မၼ်း​လုၵ်ႉ​ဢွၵ်ႇ​သေ​ၵႃႈ​ၼႂ်း​ပီႈ​ၼႂ်း​ၼွင်ႉ​မၼ်း​လႄႈ​ဢဝ်​မၼ်း​ၵႂႃႇ​ၵႃႈ​ၼႂ်း​လုၵ်း​တၢင်း​ၼႂ်း​သေ​ယဝ်ႉ၊-</verse>
				<verse number="3">ဢဝ်​တဝ်ႈ​ၼမ်ႉ​မၼ်း​ၼႆႉ​ထွၵ်ႇ​ၼမ်ႉ​မၼ်း​သႂ်ႇ​ၵႃႈ​ၼိူဝ်​ႁူဝ်​မၼ်း​သေ​လႄႈ လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​ပၼ်​ၽိၵ်ႈ​သိၵ်ႈ​တီႈ​မႂ်း ႁႂ်ႈ​မႂ်း​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၽုၺ်ႇ​ပိုတ်ႇ​ၽၵ်း​တူ​လႄႈ ယင်း​ဢမ်ႇ​ၵိုတ်း​ဢမ်ႇ​သဝ်း​လႄႈ​ပၢႆႈ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">ၼင်ႇ​ၼၼ်​လႄႈ ၵူၼ်း​ဢွၼ်ႇ​ဢၼ်​ဝႃႈ ၵူၼ်း​မဵဝ်း​ပရေႃးၽႅတ်ႈ​ၼၼ်ႉ​ၵႂႃႇ​ၵႃႈ​တီႈ​ဝဵင်း​ ရႃႇမုတ်ႉ ​မိူင်း​ ၵီႉလတ်ႉ ​လႄႈ၊-</verse>
				<verse number="5">ႁွတ်ႈ​ထိုင်​သေ​ယဝ်ႉ၊ ထူပ်း​ႁၼ်​ၶုၼ်​ပူဝ်ႇ​တင်း​လၢႆ​ၼင်ႈ​ယူႇ​လူၺ်ႈ​ၵၼ်​လႄႈ၊ မၼ်း​လၢတ်ႈ​လႄႈ​ဝႃႈ၊ ၶုၼ်​ပူဝ်ႇ​ဢိူၺ်း၊ မီး​တီႈ​တၵ်း​လၢတ်ႈ​တီႈ​ၸဝ်ႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ယေႇႁူႉ ​ထၢမ်​လႄႈ​ဝႃႈ၊ ၼႂ်း​ႁဝ်း​ၵႃႈ​မီး​ၼႆႉ မီး​တီႈ​တၵ်း​လၢတ်ႈ​တီႈ​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၶုၼ်​ပူဝ်ႇ​ဢိူၺ်း၊ တီႈ​ၸဝ်ႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ၼၼ်ႉ​မၼ်း​ၼၼ်ႉ​လုၵ်ႉ​လႄႈ ၶဝ်ႈ​ၵႃႈ​ၼႂ်း​ႁိူၼ်း​သေ​ယဝ်ႉ၊ မၼ်း​ဢဝ်​ၼမ်ႉ​မၼ်း​ႁူတ်း​ထွၵ်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​ၼၼ်ႉ​သေ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​ပၼ်​ၽိၵ်ႈ​သိၵ်ႈ​တီႈ​မႂ်း ႁႂ်ႈ​မႂ်း​ပဵၼ်​ၶုၼ်​ႁေႃ​ၶမ်း​ၵႃႈ​ၼိူဝ် ၵူၼ်း​ထႃႇဝရႃႉ​ၽြႃး ဢၼ်​ဝႃႈ​မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="7">မႂ်း​တၵ်း​လႆႈ​ယႃႉ​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ၸဝ်ႈ​မႂ်း​ၼၼ်ႉ​ပႅတ်ႈ ႁႂ်ႈ​ၵဝ်​လႆႈ​ပၼ်​တၢမ်ႇ​တီႈ​ ယေႇၸပေႇလႃႉ ​ၸွမ်း​ၼင်ႇ​ဢပႅတ်ႈ ဢၼ်​ထွၵ်ႇ​လိူတ်ႈ​ၶႃႈ​ၵဝ် ပရေႃးၽႅတ်ႈ​တင်း​လၢႆ၊ ဢပႅတ်ႈ​ဢၼ်​ထွၵ်ႇ​လိူတ်ႈ​ၶႃႈ​ထႃႇဝရႃႉ​ၽြႃး တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="8">မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ​တင်း​သဵင်ႈ​တင်း​လူင် တၵ်း​လႆႈ​ႁွတ်ႈ​ထိုင် တၢင်း​လူႉ​တၢင်း​လႅဝ်​လႄႈ ပဵၼ်​ၵေႃႉ​ဢၼ်​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​သေ​ဢမ်ႇ​ဝႃႈ၊ ပဵၼ်​ၵေႃႉ​ဢၼ်​ၵိုတ်း​ဢၼ်​ၵျၢၼ်ႇ​လႄႈ လွတ်ႈ​ၵႂႃႇ​ၵႃႈ​ၼႂ်း​မိူင်း​ ဢီႉသရေႇလႃႉ ​သေ​ဢမ်ႇ​ဝႃႈ၊ ၵဝ်​တၵ်း​ပႄႇ​တႅပ်း​ၵူၼ်း​မဵဝ်း​ ဢႃႇႁပ်ႉ ၵူႈ​ၵေႃႉ​ၵူႈ​ၵူၼ်း​ပႅတ်ႈ​ဢေႃႈ။-</verse>
				<verse number="9">ၵဝ်​တၵ်း​ႁႂ်ႈ​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ပဵၼ်​ၸိူဝ်ႉ​ၼင်ႇ​မဵဝ်း​ၸိူဝ်ႉ​ၶိူဝ်း​ ယေႇရူဝ်းပုမ်ႇ ​လုၵ်ႈ​ၸၢႆး​ ၼေႇပတ်ႉ ဢိၵ်ႇ​တင်း​ၸိူဝ်ႉ​ၼင်ႇ​မဵဝ်း​ၸိူဝ်ႉ​ၶိူဝ်း​ ပႃႇသႃႉ လုၵ်ႈ​ၸၢႆး​ ဢႁီႉယႃႉ ​ၼၼ်ႉ​ဢေႃႈ။-</verse>
				<verse number="10">မႃ​တင်း​လၢႆ​တၵ်း​ဢွၼ်​ၵၼ်​ၵိၼ်​ ယေႇၸပေႇလႃႉ ​ၵႃႈ​ၼႂ်း​ၵႂၢၵ်ႈ​လိၼ် ယေႇၸရေႇလႃႉ ​ၼၼ်ႉ​လႄႈ၊ တၵ်း​ဢမ်ႇ​မီး​ၵေႃႉ​ဢၼ် ဢဝ်​မၼ်း​သၢင်း​ၵျူဝ်ႇ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၽုၺ်ႇ​ပိုတ်ႇ​ၽၵ်း​တူ​လႄႈ​ပၢႆႈ​ဢေႃႈ။</verse>
				<verse number="11">မိူဝ်ႈ​ၼၼ်ႉ​ ယေႇႁူႉ ဢွၵ်ႇ​ၸူး​ၵႃႈ​တီႈ​ဢၼ်​ၶႃႈ​ၵူၼ်း​ၸဝ်ႈ​မၼ်း​တင်း​လၢႆ​မီး​ၼၼ်ႉ​လႄႈ ၵေႃႉ​ၼိုင်ႈ​ထၢမ်​လႄႈ​ဝႃႈ၊ လီ​ယူႇ​ၵူႈ​ၸိူဝ်ႉ​ၵူႈ​ပိူင်​ႁိုဝ်။ ၵူၼ်း​ယွင်ႇ​ၼၼ်ႉ​မႃး​တီႈ​ၸဝ်ႈ ၵွပ်ႈ​ပိူဝ်ႈ​လွင်ႈ​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ သူ​ႁူႉ​လွင်ႈ​ၵေႃႉ​ၼၼ်ႉ ဢိၵ်ႇ​တင်း​ၵႂၢမ်း​ဢၼ်​မၼ်း​လၢတ်ႈ​ၼၼ်ႉ​ယူႇ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">ၶဝ်​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ၊ လၢတ်ႈ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လၢတ်ႈ​လႄႈ​ဝႃႈ၊ ၵေႃႉ​ၼၼ်ႉ​လၢတ်ႈ ၸိူဝ်ႉ​ၼင်ႇ​ၼႆ​ၸိူဝ်ႉ​ၼင်ႇ​ၼၼ်​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​ပၼ်​ၽိၵ်ႈ​သိၵ်ႈ​တီႈ​မႂ်း၊ ႁႂ်ႈ​မႂ်း​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">ၶဝ်​ၼၼ်ႉ​ႁိပ်ႈ​ၼႅတ်ႈ​ဢွၼ်​ၵၼ် ဢဝ်​သိူဝ်ႈ​ယၢဝ်း​ၶဝ်​ႁင်း​ၽႂ်​ႁင်း​မၼ်း​လႄႈ သိူဝ်ႇ​ပၼ်​တႂ်ႈ​မၼ်း ၵႃႈ​ၼိူဝ်​ႁူဝ်​ၶၼ်ႈ​လႆ​သေ​လႄႈ ပဝ်ႇ​တိုင်ႈ​ၼႄးၶရႃႇ​လႄႈ ႁွင်ႉ​ပၢဝ်ႇ​ႁွင်ႉ​လၢတ်ႈ​လႄႈ​ဝႃႈ၊ ယေႇႁူႉ ​ပဵၼ်​ၶုၼ်​ႁေႃ​ၶမ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ၼင်ႇ​ၼၼ်​လႄႈ​ ယေႇႁူႉ ​လုၵ်ႈ​ၸၢႆး​ ယူဝ်းသၽတ်ႉ လုၵ်ႈ​ၸၢႆး​ ၼိမ်းသီႉ ​ၼၼ်ႉ လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​ ယူဝ်းရမ်ႇ ​ဢေႃႈ။ မိူဝ်ႈ​ၼၼ်ႉ ယူဝ်းရမ်ႇ ​ၼၼ်ႉ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် လႆႈ​ပႂ်ႉ​ဝဵင်း​ ရႃႇမုတ်ႉ ​မိူင်း​ ၵီႉလတ်ႉ ​ယူႇ ၵွပ်ႈ​ပိူဝ်ႈ ႁႃႇၸေႇလႃႉ ၶုၼ်​ႁေႃ​ၶမ်း​ သူႉရီႉ ​ၼၼ်ႉ​ဢေႃႈ။-</verse>
				<verse number="15">ၵူၺ်း​ၵႃႈ တူဝ်​ၶုၼ်​လူင် ယူဝ်းရမ်ႇ ​ၼၼ်ႉ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇၸရေႇလႃႉ ႁႂ်ႈ​တၢင်း​ၸဵပ်း​ဢၼ်​ၵူၼ်း​ သူႉရီႉ ​ၸိူဝ်း​ၼၼ်ႉ တိူဝ်ႉ​ထုၵ်ႇ​သႂ်ႇ​ၼႂ်း မိူဝ်ႈ​ဢၼ်​မၼ်း​တိုၵ်း​တေႃး​ ႁႃႇၸေႇလႃႉ ၶုၼ်​ႁေႃ​ၶမ်း​ သူႉရီႉ ​ယူႇ​ၼၼ်ႉ​ၸိူဝ်း​ၼၼ်ႉ​လႆႈ​ႁၢႆ​ဢေႃႈ။ ယေႇႁူႉ ​ၵေႃႈ​လၢတ်ႈ​လႄႈ​ဝႃႈ၊ ပေႃး​သူ​ပဵၼ်​ၸႂ်​ၵဝ်​ၸိုင်၊ ယႃႇ​ပေ​ႁႂ်ႈ​သေ​ၵေႃႉ​သေ​ၵူၼ်း လႆႈ​လွတ်ႈ​ဢွၵ်ႇ​သေ​ၵႃႈ​ၼႂ်း​ဝဵင်း​ၼႆႉ ၵႂႃႇ​ႁႂ်ႈ​လႆႈ​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ ၵႃႈ​ၼႂ်း​ဝဵင်း​ ယေႇၸရေႇလႃႉ ​ပုၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၼင်ႇ​ၼၼ်​လႄႈ ယေႇႁူႉ ​ၼၼ်ႉ​ၶီႇ​လေႃႉရထႃး ၵႂႃႇ​ၵႃႈ​တီႈ​ဝဵင်း​ ယေႇၸရေႇလႃႉ ​လႄႈ ၵွပ်ႈ​ပိူဝ်ႈ​ဢၼ်​ ယူဝ်းရမ်ႇ မီး​ယူႇ​ၵႃႈ​ၼႂ်း​ဝဵင်း​ၼၼ်ႉ​ဢေႃႈ။ မိူဝ်ႈ​ၼၼ်ႉ​ ဢႃႇၶၸီႉ ​ၶုၼ်​ႁေႃ​ၶမ်း​ ယူႉတႃႉ ​ၵေႃႈ လူင်း​ႁွတ်ႈ​လူင်း​ထိုင်​ႁႂ်ႈ​လႆႈ​လူ​တူၺ်း​ ယူဝ်းရမ်ႇ ​ယဝ်ႉ။-</verse>
				<verse number="17">ၵူၼ်း​ပႂ်ႉ​ၵေႃႉ​ၼိုင်ႈ ၸုၵ်း​ယူႇ​ၵႃႈ​ၼိူဝ်​လၢင်း​ၸီး ၵႃႈ​တီႈ​ဝဵင်း​ ယေႇၸရေႇလႃႉ ​လႄႈ မုင်ႈ​ႁၼ်​မူႇ​ၽုင်​မုၵ်ႉ​ၸိူဝ်း​ဢၼ်​ၸွမ်း​ ယေႇႁူႉ ​ၼၼ်ႉ သေ​ယဝ်ႉ၊ လၢတ်ႈ​လႄႈ​ဝႃႈ၊ ၵဝ်​ႁၼ်​မုၵ်ႉ​ၵူၼ်း​ၸိူဝ်း​ၵူၼ်း​ဢေႃႈ၊ ဝႃႈ​ၼင်ႇ​ၼႆ​လႄႈ ယူဝ်းရမ်ႇ ​မီး​ဢမိင်ႉ​လႄႈ​ဝႃႈ၊ ဢဝ်​ၵူၼ်း​သိုၵ်း​ၶီႇ​မႃႉ​ၵေႃႉ​ၼိုင်ႈ ပွႆႇ​ၸႂ်ႉ​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​ၶဝ်​ၼၼ်ႉ​သေ​လႄႈ၊ ႁႂ်ႈ​မၼ်း​ထၢမ်​လႄႈ​ဝႃႈ၊ မီး​တၢင်း​ဢၼ်​ၼိမ်​ယူႇ​ႁိုဝ်၊ ဝႃႈ​ၼင်ႇ​ၼႆ​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="18">ၵူၼ်း​သိုၵ်း​ၶီႇ​မႃႉ​ၵေႃႉ​ၼိုင်ႈ ၵႂႃႇ​ႁပ်ႉ​ႁူဝ်​တၢင်း​မၼ်း​သေ​လႄႈ​ဝႃႈ၊ ၶုၼ်​ႁေႃ​ၶမ်း​တွင်ႈ​ထၢမ်​လႄႈ​ဝႃႈ​ၸမ်ႉ၊ မီး​တၢင်း​ဢၼ်​ၼိမ်​ယူႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ယေႇႁူႉ ​လၢတ်ႈ​လႄႈ​ဝႃႈ၊ မႂ်း​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ၼိမ်​ၸိူဝ်ႉ​ၼင်ႇ​ႁိုဝ်။ ဝၢႆႇ​ၶိုၼ်း​လႄႈ​ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵူၼ်း​ပႂ်ႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၵေႃႉ​ဢၼ်​ၸႂ်ႉ​ၵႂႃႇ​ၼၼ်ႉ​ႁွတ်ႈ​ထိုင်​ၵႃႈ​တီႈ​ၶဝ်​ယဝ်ႉ​လႄႈ ဢမ်ႇ​ၶိုၼ်း​မႃး​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">မၼ်း​သမ်ႉ​ပွႆႇ​ၸႂ်ႉ​ၵူၼ်း​သိုၵ်း​ၶီႇ​မႃႉ​တၢင်ႇ​ၵေႃႉ​ထႅင်ႈ​လႄႈ၊ မၼ်း​ၼၼ်ႉ​ႁွတ်ႈ​ထိုင်​တီႈ​ၶဝ်​ၼၼ်ႉ​သေ​လႄႈ​ဝႃႈ၊ ၶုၼ်​ႁေႃ​ၶမ်း​တွင်ႈ​ထၢမ်​လႄႈ​ဝႃႈ​ၸမ်ႉ၊ မီး​တၢင်း​ဢၼ်​ၼိမ်​ယူႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ယေႇႁူႉ ​ၶိုၼ်း​လၢတ်ႈ​လႄႈ​ဝႃႈ၊ မႂ်း​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ၼိမ်​ၸိူဝ်ႉ​ၼင်ႇ​ႁိုဝ်။ ဝၢႆႇ​ၶိုၼ်း​လႄႈ​ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၵူၼ်း​ပႂ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၵေႃႉ​ၼၼ်ႉ​ႁွတ်ႈ​ထိုင်​တီႈ​ၶဝ်​ၼၼ်ႉ​ယဝ်ႉ​လႄႈ ဢမ်ႇ​ၶိုၼ်း​မႃး​တီႈ​ၶႃႈ။ တၢင်း​ဢၼ်​ႁေႃႈ​ဢၼ်​ၵျၢပ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​တၢင်း​ဢၼ်​ ယေႇႁူႉ ​လုၵ်ႈ​ၸၢႆး​ ၼိမ်းသီႉ ​ႁေႃႈ​ၵျၢပ်ႈ​ၼၼ်ႉ​လႄႈ၊ ၵေႃႉ​ၼၼ်ႉ​ၸမ်ႉ၊ ႁေႃႈ​ၵျၢပ်ႈ​ႁႅင်း​ယႂ်ႇ​ၼႃႇ​လူင်​လၢင်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ယူဝ်းရမ်ႇ ​ၵေႃႈ​မီး​ဢမိင်ႉ​လႄႈ​ဝႃႈ၊ ႁႅၼ်း​လေႃႉရထႃး​မႃႉ​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ဢွၼ်​ၵၼ်​ႁႅၼ်း​လေႃႉရထႃး​မႃႉ​ၸဝ်ႈ​ဢေႃႈ။ ယူဝ်းရမ်ႇ ​ၶုၼ်​ႁေႃ​ၶမ်း​ ဢီႉသရေႇလႃႉ တင်း​ ဢႃႇၶၸီႉ ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ၶီႇ​လေႃႉရထႃး​ယေႈ​ၵေႃႉ​ယေႈ​ဢၼ်​သေ​လႄႈ ဢွၵ်ႇ​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​ ယေႇႁူႉ ​လႄႈ ႁူပ်ႉ​ထူပ်း​ၵၼ်​တင်း​မၼ်း ၵႃႈ​ၼႂ်း​ၵႂၢၵ်ႈ​လိၼ်​ ၼႃႇပုတ်ႉ ​ၵူၼ်း​ဝဵင်း​ ယေႇၸရေႇလႃႉ ​ၼၼ်ႉ​ဢေႃႈ။-</verse>
				<verse number="22">ယူဝ်းရမ်ႇ ​ႁၼ်​ ယေႇႁူႉ သေ​ယဝ်ႉ၊ ထၢမ်​လႄႈ​ဝႃႈ၊ ယေႇႁူႉ ​ဢိူၺ်း၊ မီး​တၢင်း​ဢၼ်​ၼိမ်​ယူႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၼႂ်း​ၶိင်ႇ​ၵႃႇလႃႉ​မိူဝ်ႈ​ဢၼ် ဢမူႉ​မေႇ​ထုင်ႇ​ဢႃႉထမ်ႇမႃႉ​ဢၼ်​မႄႈ​မႂ်း​ ယေႇၸပေႇလႃႉ ​ႁဵတ်း ဢိၵ်ႇ​တင်း​ဢမူႉ​ဢၼ်​မၼ်း​ၸေႃႉ​မၼ်း​ႁဵတ်း​တင်း​လၢႆ​မီး​ၼမ်​ၼႃႇ​ထၢၼ်ႇ​ၼႆႉ​ၼၼ်ႉ၊ တၵ်း​မီး​တၢင်း​ဢၼ်​ၼိမ်​လႆႈ​ၸိူဝ်ႉ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="23">ယူဝ်းရမ်ႇ ​ၼၼ်ႉ ဢဝ်​မိုဝ်း​မၼ်း​တိုတ်ႉ​ဝၢႆႇ​ၶိုၼ်း​လႄႈ​ပၢႆႈ​ယူႇ​သေ​လႄႈ လၢတ်ႈ​တီႈ​ ဢႃႇၶၸီႉ ​လႄႈ​ဝႃႈ၊ ဢႃႇၶၸီႉ ​ဢိူၺ်း၊ ပဵၼ်​ဢမူႉ​ဢၼ်​ပုင်ႇ​ၵၢၼ်ႇ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ယေႇႁူႉ ​ၵေႃႈ၊ ၵႃႈ​မီး​ဢဵၼ်​မီး​ႁႅင်း​ဝူတ်ႈ​ၵၢင်ႇ​မၼ်း​သေ​လႄႈ​ယိုဝ်း​လႄႈ​ၸပ်း​သႂ်ႇ​ၵႃႈ​ႁူဝ်​မႃႇ​ ယူဝ်းရမ်ႇ ​ဢေႃႈ။ ပိုၼ်​မၼ်း​ၵေႃႈ​သဵပ်ႇ​တႅင်း​ပွင်ႇ​ပဵဝ်​ၵႂႃႇ​ၵႃႈ​တီႈ​ႁူဝ်​ၸႂ်​မၼ်း​ၼၼ်ႉ​လႄႈ၊ မၼ်း​ၼၼ်ႉ​ယေႃႈ​ယႄႈ​တူၵ်း​ၵႃႈ​ၼႂ်း​လေႃႉရထႃး​ၸဝ်ႈ​ဢေႃႈ။-</verse>
				<verse number="25">ယေႇႁူႉ ​ၵေႃႈ​လၢတ်ႈ​တီႈ ပီႉတၵႃႉ ​ၵေႃႉ​ဢၼ်​ထိင်း​လေႃႉရထႃး​မၼ်း​လႄႈ​ဝႃႈ၊ တိုတ်ႉ​ဢဝ်​မၼ်း​လႄႈ​ၶျႃး​တူၵ်း​ပႅတ်ႈ​ၵႃႈ​ၼႂ်း​ၵႂၢၵ်ႈ​လိၼ်​ ၼႃႇပုတ်ႉ ​ၵူၼ်း​ဝဵင်း​ ယေႇၸရေႇလႃႉ ​ၼႆႉ​တႃႉ။ မႂ်း​တွင်း​လွင်ႈ​ဢၼ် ထႃႇဝရႃႉ​ၽြႃး​ဝႆႉ​ပျႃႇ​တိၵ်ႈ​လူၺ်ႈ​လွင်ႈ​မၼ်း​ၼႆႉ ၼႂ်း​မိူဝ်ႈ​ဢၼ် ၵဝ်​တင်း​မႂ်း​ၶီႇ​မႃႉ​လႄႈ ၸွမ်း​လင်​ပေႃႈ​မၼ်း​ ဢႃႇႁပ်ႉ ​ၼၼ်ႉ ဝႆႉ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="26">ထႃႇဝရႃႉ​ၽြႃး မီး​ဢမိင်ႉ​ဝႆႉ​လႄႈ ၵဝ်​တူၺ်း​ႁၼ်​လိူတ်ႈ​ ၼႃႇပုတ်ႉ တင်း​လိူတ်ႈ​လုၵ်ႈ​ၸၢႆး​မၼ်း​တင်း​လၢႆ​ဝၼ်း​မိူဝ်ႈ​ဝႃး​ၼၼ်ႉ ဢမၢၼ်ႇ​ၶၼ်​ပဵၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ထႃႇဝရႃႉ​ၽြႃး​သမ်ႉ​မီး​ဢမိင်ႉ​ဝႆႉ​လႄႈ​ဝႃႈ၊ ၵဝ်​တၵ်း​ပၼ်​တၢမ်ႇ ၸွမ်း​လူၺ်ႈ​ဢပႅတ်ႈ​မႂ်း​ၵႃႈ​တီႈ​ၵႂၢၵ်ႈ​လိၼ်​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ဢဝ်​တူဝ်​တၢႆ​မၼ်း ၶျႃး​တူၵ်း​ပႅတ်ႈ​ၵႃႈ​ၼႂ်း​ၵႂၢၵ်ႈ​လိၼ်​ၼႆႉ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">ဢႃႇၶၸီႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ႁၼ်​လွင်ႈ​တၢင်း​ၼၼ်ႉ​သေ​ယဝ်ႉ၊ ပၢႆႈ​ၸွမ်း​သဵၼ်ႈ​တၢင်း​ႁေႃ​ယႃႇယီႇ​သူၼ်​ဢူးယဵၼ်ႇ​ၸဝ်ႈ​ၼၼ်ႉ​ၵႂႃႇ​လႄႈ၊ ယေႇႁူႉ ​ၵေႃႈ​လိုပ်ႈ​ၸွမ်း​လမ်း​ၸွမ်း​မၼ်း​ၼၼ်ႉ​ယူႇ​သေ​လႄႈ​ဝႃႈ၊ တႅင်း​သႂ်ႇ​မၼ်း​ၵႃႈ​ၼိူဝ်​လေႃႉရထႃး​တႃႉ၊ ဝႃႈ​ၼင်ႇ​ၼႆ​လႄႈ ၶဝ်​ဢွၼ်​ၵၼ်​ႁဵတ်း​ၵႃႈ​ၼႂ်း​သဵၼ်ႈ​တၢင်း​ဢၼ်​ၶိုၼ်ႈ​ၸူး​ဝဵင်း​ ၵူႉရႃႉ ဢၼ်​မီး​ၵႃႈ​ႁိမ်း​ဝဵင်း​ ဢီႉပလမ်ႇ ​ၼၼ်ႉ​သေ​ယဝ်ႉ၊ မၼ်း​ၼၼ်ႉ​ပၢႆႈ​ၵႂႃႇ​ၸူး​ၵႃႈ​တီႈ​ဝဵင်း​ မေႇၵိတ်ႉတေႃႇ ​လႄႈ​တၢႆ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="28">ၶႃႈ​မၼ်း​ၵူၼ်း​မၼ်း​ဢွၼ်​ၵၼ်​ဢဝ်​မၼ်း​တၢင်ႇ​ၵႃႈ​ၼိူဝ်​လေႃႉရထႃး​သေ​လႄႈ ဢဝ်​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ဢဝ်​မၼ်း​သၢင်း​ၵျူဝ်ႇ ၵႃႈ​ၼႂ်း​သၢင်း​ၶႅင်း​မၼ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ ၵႃႈ​ၼႂ်း​ဝဵင်း​ တႃႇဝိတ်ႈ ​ၼၼ်ႉ​ဢေႃႈ။-</verse>
				<verse number="29">ဢႃႇၶၸီႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​မိူင်း​ ယူႉတႃႉ ၼႂ်း​ပီႊ​ဢၼ်​ ယူဝ်းရမ်ႇ လုၵ်ႈ​ၸၢႆး​ၸဝ်ႈ​ ဢႃႇႁပ်ႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ပၢႆ​ဢဵတ်း​ပီႊ​ၼၼ်ႉ​ဢေႃႈ။</verse>
				<verse number="30">ယေႇႁူႉ ​ႁွတ်ႈ​ထိုင်​ၵႃႈ​တီႈ​ဝဵင်း​ ယေႇၸရေႇလႃႉ ​ၼၼ်ႉ​သေ​ယဝ်ႉ၊ ယေႇၸပေႇလႃႉ ​ငိၼ်း​လွင်ႈ​မၼ်း​လႄႈ ဢဝ်​ယႃႈ​ယႃ​တႃး​ၶူၼ်​တႃ​မၼ်း​သေ​လႄႈ ဝီႁူဝ်​လပ်ႉ​ၵဝ်ႈ​မၼ်း​သေ​ယဝ်ႉ၊ လူ​တူၺ်း​ယူႇ​ၵႃႈ​တီႈ​ႁူး​လၢင်း​တဵၼ်​ဢေႃႈ။-</verse>
				<verse number="31">မိူဝ်ႈ​ဢၼ်​ ယေႇႁူႉ ၶဝ်ႈ​ႁူး​ၽၵ်း​တူ​ၼၼ်ႉ​ၸိုင်၊ ယေႇၸပေႇလႃႉ ​ထၢမ်​လႄႈ​ဝႃႈ၊ မႂ်း​ ၸီႉမရီႉ ၵေႃႉ​ဢၼ်​ဢဝ်​ၸဝ်ႈ​မႂ်း​တၢႆ​ၼႆႉ​ဢိူၺ်း၊ ၵတ်း​ယဵၼ်​ၶျၢမ်း​သႃႇ​ယူႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="32">မၼ်း​ႁႅၼ်​တူၺ်း​ႁူး​လၢင်း​တဵၼ်​လႄႈ​ထၢမ်​လႄႈ​ဝႃႈ၊ ၽူႈ​လႂ်​ယူႇ​ၽၢႆႇ​ၵဝ်။ ၽူႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​ထိင်း​မႄႈ​ယိင်း သွင်​ၵေႃႉ သၢမ်​ၵေႃႉ​ဢွၼ်​ၵၼ်​ၵူမ်ႈ​တူၺ်း​ၵႃႈ​တီႈ​ႁူး​လၢင်း​တဵၼ်​ဢေႃႈ။-</verse>
				<verse number="33">မၼ်း​လၢတ်ႈ​လႄႈ​ဝႃႈ၊ ဢဝ်​မၼ်း​ထိမ်ႈ​တူၵ်း​ပႅတ်ႈ​သေ၊ ဝႃႈ​ၼင်ႇ​ၼႆ​လႄႈ၊ ၶဝ်​ဢွၼ်​ၵၼ်​ဢဝ်​မၼ်း​ၼၼ်ႉ​ထိမ်ႈ​တူၵ်း​သေ​ယဝ်ႉ၊ လိူတ်ႈ​မၼ်း​ၼၼ်ႉ​ၵမ်ႈ​ၽွင်ႈ​ၽူင်ႉ​ၸပ်း​သႂ်ႇ​ၵႃႈ​ၼိူဝ်​ႁူဝ်ႉ​ဝၢင်း ဢိၵ်ႇ​တင်း ၵႃႈ​ၼိူဝ်​မႃႉ​တင်း​လၢႆ​လႄႈ၊ မၼ်း​ယဵပ်ႇ​ၶၢမ်ႈ​ၵႃႈ​ၼိူဝ်​တူဝ်​မၼ်း​ၼၼ်ႉ​ဢေႃႈ။-</verse>
				<verse number="34">မၼ်း​ၶဝ်ႈ​ၵႃႈ​ၼႂ်း​လႄႈ​ၵိၼ်​ၶူပ်း​သေ​ယဝ်ႉ၊ လၢတ်ႈ​လႄႈ​ဝႃႈ၊ ဢွၼ်​ၵၼ်​ၵႂႃႇ​တူၺ်း​မႄႈ​ယိင်း​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ​ၼၼ်ႉ​လႄႈ ဢဝ်​မၼ်း​သၢင်း​ၵျူဝ်ႇ​သေ။ မၼ်း​ပဵၼ်​လုၵ်ႈ​ယိင်း​ၶုၼ်​ႁေႃ​ၶမ်း​ဢေႃႈ ဝႃႈ​ၼင်ႇ​ၼႆ​လႄႈ၊-</verse>
				<verse number="35">မိူဝ်ႈ​ဢၼ်​ၶဝ်​ၵႂႃႇ​ႁႂ်ႈ​လႆႈ​သၢင်း​ၵျူဝ်ႇ​ၼၼ်ႉ​ၸိုင်၊ ၶဝ်​ထူပ်း​ႁၼ်​လုပ်ႇ​ၵွၵ်း​ႁူဝ်၊ ၽႃႇ​တိၼ်၊ ၽႃႇ​မိုဝ်း​မၼ်း​ၵူၺ်း​လႄႈ၊-</verse>
				<verse number="36">ၶဝ်​သမ်ႉ​ၶိုၼ်း​မႃး​လဝ်ႊ​လၢတ်ႈ​ဢေႃႈ။ မၼ်း​လၢတ်ႈ​လႄႈ​ဝႃႈ၊ ၵႂၢမ်း​ဢၼ်​ထႃႇဝရႃႉ​ၽြႃး ဢဝ်​ၶႃႈ​မၼ်း​ၸဝ်ႈ​ ဢေးလီႉယႃႉ ၵူၼ်း​ဝဵင်း တီႉသၽီႉ ​ၼၼ်ႉ​မီး​ဢမိင်ႉ​ဝႆႉ​လႄႈ​ဝႃႈ၊ မႃ​တင်း​လၢႆ​တၵ်း​ဢွၼ်​ၵၼ်​ၵိၼ် ၼိူဝ်ႉ​ ယေႇၸပေႇလႃႉ ၵႃႈ​ၼႂ်း​ၵႂၢၵ်ႈ​လိၼ်​ ယေႇၸရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ဢၼ်​ၼႆႉ​ဢေႃႈ။-</verse>
				<verse number="37">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ် ၽူႈ​လႂ်​တၵ်း​ဢမ်ႇ​လႆႈ​လၢတ်ႈ​လႄႈ​ဝႃႈ၊ ဢၼ်​ၼႆႉ​ၸမ်ႉ၊ ပဵၼ်​ ယေႇၸပေႇလႃႉ ​ဢေႃႈ၊ ဝႃႈ​ၼင်ႇ​ၼႆ​ၸိုင်၊ တူဝ်​တၢႆ​ ယေႇၸပေႇလႃႉ ​ၼၼ်ႉ တၵ်း​လႆႈ​ပဵၼ်​ၸိူဝ်ႉ​ၼင်ႇ ၶီႈ​ဝူဝ်း​ၵႃႈ​တီႈ​ၼႃႈ​လိၼ် ၵႃႈ​ၼွၵ်ႈ​ၵႃႈ​ပၢင်ႇ ၵႃႈ​ၼႂ်း​ၵႂၢၵ်ႈ​လိၼ် ယေႇၸရေႇလႃႉ ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="10">
				<verse number="1">ပိူဝ်ႈ​ဢၼ်​ ဢႃႇႁပ်ႉ ​မီး​လုၵ်ႈ​ၸၢႆး​ၸဝ်ႈ​ၸဵတ်း​သိပ်း​ၵေႃႉ ၵႃႈ​ၼႂ်း​ဝဵင်း​ သမႃႇရီႉ ​ၼၼ်ႉ​လႄႈ ယေႇႁူႉ ​ၼၼ်ႉ​တႅမ်ႈ​လိၵ်ႈ​လႄႈ​ပၼ်​ၵႂႃႇ​တီႈ​ဝဵင်း​ သမႃႇရီႉ ၸူး​ၵႃႈ​တီႈ​မဵဝ်ႉ​ဢုၵ်ႉ ဝဵင်း​ ယေႇၸရေႇလႃႉ ဢၼ်​ဝႃႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​ႁဵတ်း​လဵင်ႉ​ႁဵတ်း​လူ လုၵ်ႈ​ၸၢႆး​ၸဝ်ႈ​ ဢႃႇႁပ်ႉ ​ၸိူဝ်း​ၼၼ်ႉ​ၼၼ်ႉ​လႄႈ​ဝႃႈ၊-</verse>
				<verse number="2">ၶိင်ႇ​မိူဝ်ႈ​ဢၼ်​လိၵ်ႈ​ၼႆႉ​ႁွတ်ႈ​ထိုင်​တီႈ​သူ​ၼၼ်ႉ​ၵမ်း​လဵဝ်၊ ပိူဝ်ႈ​ဢၼ်​လုၵ်ႈ​ၸၢႆး​ၸဝ်ႈ​သူ​တင်း​လၢႆ မီး​လူၺ်ႈ​ၵၼ်​တင်း​သူ​လႄႈ၊ ၵူၼ်း​သိုၵ်း​ၶီႇ​လေႃႉရထႃး​လႂ်၊ ၵူၼ်း​သိုၵ်း​ၶီႇ​မႃႉ​လႂ်၊ ဝဵင်း​ဢၼ်​မၼ်ႈ​ၶိူင်ႇ၊ လၢၵ်ႈ​ၼၢၵ်ႈ​ၸုမ်ႇ​လႂ် မီး​တီႈ​သူ​ၼၼ်ႉ​လႄႈ၊-</verse>
				<verse number="3">ဢွၼ်​ၵၼ်​လိူၵ်ႈ​ၵဵပ်း​ဢဝ်​ၵေႃႉ​ဢၼ်​ယဵင်ႈ​ၶႅၼ်း​လီ​မျၢတ်ႈ​ထုၵ်ႇ​ဢၢပ်ႈ​ၼၼ်ႉ ၵႃႈ​ၼႂ်း​လုၵ်ႈ​ၸၢႆး​ၸဝ်ႈ​သူ​ၸိူဝ်း​ၼၼ်ႉ​သေ​လႄႈ ဢဝ်​တၢင်ႇ​ၵႃႈ​ၼိူဝ်​ရႃႇၸႃႉ​ပလၢင်ႇ​ၸဝ်ႈ​ပေႃႈ​မၼ်း​သေ​လႄႈ တိုၵ်း​သိုၵ်း​ပုၼ်ႈ​မဵဝ်း​ၸိူဝ်ႉ​ၶိူဝ်း​ၸဝ်ႈ​သူ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၶဝ်​ၼၼ်ႉ​ၵူဝ်​ၼႃႇ​လူင်​လၢင်​လႄႈ​လၢတ်ႈ​လႄႈ​ဝႃႈ၊ တေႃႈ​ၵႃႈ​ၶုၼ်​ႁေႃ​ၶမ်း​သွင်​ပႃး ဢမ်ႇ​ၸုၵ်း​ဢမ်ႇ​ၶၢမ်ႇ​ၵႃႈ​တီႈ​ၽၢႆႇ​ၼႃႈ​မၼ်း​လႆႈ​လႄႈ၊ ႁဝ်း​ၼႆႉ​တၵ်း​ၸုၵ်း​ၶၢမ်ႇ​ယူႇ​လႆႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၸဝ်ႈ၊ မဵဝ်ႉ​ဢုၵ်ႉ၊ ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ၊ ၶဝ်​ၸိူဝ်း​ဢၼ်​ႁဵတ်း​လဵင်ႉ​ႁဵတ်း​လူ​တီႈ​လုၵ်ႈ​ၸၢႆး​ ဢႃႇႁပ်ႉ ​ၸိူဝ်း​ၼၼ်ႉ​ၼၼ်ႉ ဢွၼ်​ၵၼ်​ၶိုၼ်း​လဝ်ႊ​လၢတ်ႈ​ၵႂႃႇ​တီႈ​ ယေႇႁူႉ ​လႄႈ​ဝႃႈ၊ ၶႃႈ​ၸဝ်ႈ​ၸိူဝ်း​ၼႆႉ​ပဵၼ်​ၶႃႈ​ၸဝ်ႈ​ႁဝ်း​လႄႈ၊ တၵ်း​ဢွၼ်​ၵၼ်​ႁဵတ်း​ၸွမ်း​ၵႃႈ​ဢၼ် ၸဝ်ႈ​ႁဝ်း​မီး​ဢမိင်ႉ​ၼၼ်ႉ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ၸိူဝ်း​ၼႆႉ​တၵ်း​ဢမ်ႇ​ဢဝ်​ၽူႈ​လႂ်​သေ​ၵေႃႉ​သေ​ၵူၼ်း​ႁဵတ်း​ၶုၼ်​ႁေႃ​ၶမ်း​တီႈ​ၶႃႈ။ ႁဵတ်း​ၸွမ်း​ၵႃႈ​ဢၼ်​ထုၵ်ႇ​တႃ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မၼ်း​ၵေႃႈ​သမ်ႉ​တႅမ်ႈ​လိၵ်ႈ​ပၼ်​ၵႂႃႇ​ထႅင်ႈ​လႄႈ​ဝႃႈ၊ ပေႃး​သူ​ယူႇ​ၽၢႆႇ​ၵဝ်​လႄႈ​ထွမ်ႇ​ဢဝ်​ၵႂၢမ်း​ၵဝ်​ၸိုင် သူ​ဢွၼ်​ၵၼ်​ဢဝ်​ၵွၵ်း​ႁူဝ်​ၶဝ်​ၸိူဝ်း​ဢၼ်​ပဵၼ်​လုၵ်ႈ​ၸၢႆး​ၸဝ်ႈ​သူ​ၼၼ်ႉ​သေ​လႄႈ မႃး​ၵႃႈ​တီႈ​ၵဝ်​ၵႃႈ​ၼႂ်း​ဝဵင်း​ ယေႇၸရေႇလႃႉ ​ၼႆႉ​ဝၼ်း​မိူဝ်ႈ​ၽုၵ်ႈ၊ မိူဝ်ႈ​ၶိင်ႇ​ၼႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။ လုၵ်ႈ​ၸၢႆး​ၶုၼ်​ႁေႃ​ၶမ်း​ၸိူဝ်း​ၼၼ်ႉ ၼပ်ႉ​ပွင်း​ၵၼ်​မီး​ၸဵတ်း​သိပ်း​ၵေႃႉ​လႄႈ ဢွၼ်​ၵၼ်​မီး​ယူႇ​ၵႃႈ​တီႈ​ၵူၼ်း​ယႂ်ႇ​ၵူၼ်း​လူင် ၵူၼ်း​ဝဵင်း​ဢၼ်​လဵင်ႉ​လူ​ၶဝ်​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ဢၼ်​လိၵ်ႈ​ၼၼ်ႉ​ႁွတ်ႈ​ထိုင်​တီႈ​ၶဝ်​ၼၼ်ႉ​ၸိုင်၊ ၶဝ်​ၼၼ်ႉ​ဢွၼ်​ၵၼ်​ဢဝ်​လုၵ်ႈ​ၸၢႆး​ၶုၼ်​ႁေႃ​ၶမ်း​ၸိူဝ်း​ၼၼ်ႉ​တၢႆ​တင်း​ၸဵတ်း​သိပ်း​ၵေႃႉ​လႄႈ ဢဝ်​ၵွၵ်း​ႁူဝ်​ၶဝ်​သႂ်ႇ​ၵႃႈ​ၼႂ်း​ပဵတ်ႈ​ၼႂ်း​ၵူၺ်​သေ​လႄႈ ပၼ်​ၵႂႃႇ​တီႈ​မၼ်း​ၵႃႈ​ၼႂ်း​ဝဵင်း​ ယေႇၸရေႇလႃႉ ​ဢေႃႈ။</verse>
				<verse number="8">ၵူၼ်း​ဢွၼ်ႇ​ၵေႃႉ​ၼိုင်ႈ မႃး​လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ၶဝ်​ဢွၼ်​ၵၼ်​ဢဝ်​ၵွၵ်း​ႁူဝ်​လုၵ်ႈ​ၸၢႆး​ၶုၼ်​ႁေႃ​ၶမ်း​ၸိူဝ်း​ၼၼ်ႉ​မႃး​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လၢတ်ႈ​လႄႈ​ဝႃႈ၊ ဢဝ်​ၵွင်​ႁဵတ်း​သွင်​ၵွင်​ဝႆႉ​ၵႃႈ​တီႈ ႁူး​ၽၵ်း​တူ​ဝဵင်း ႁႂ်ႈ​တေႃႇ​ထိုင်​ႁွတ်ႈ​ၶိင်ႇ​ၵၢင်​ၼႂ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ႁွတ်ႈ​ထိုင်​ၶိင်ႇ​ၵၢင်​ၼႂ်​သေ​ယဝ်ႉ၊ မၼ်း​ဢွၵ်ႇ​လႄႈ​ၸုၵ်း​လၢတ်ႈ​တေႃႇ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ သူ​ပဵၼ်​ၵူၼ်း​ဢၼ်​သိုဝ်ႈ​ဢၼ်​တေႃႇ​ဢေႃႈ။ ၵဝ်​လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​ၸဝ်ႈ​ၵဝ်​သေ​လႄႈ ဢဝ်​မၼ်း​တၢႆ​ယဝ်ႉ။ ၶဝ်​တင်း​သဵင်ႈ​တင်း​လူင်​ၼႆ​ၸမ်ႉ၊ ၽူႈ​လႂ်​ဢဝ်​တၢႆ။-</verse>
				<verse number="10">သူ​ဢွၼ်​ၵၼ်​ႁူႉ​ၸႅင်ႈ​မၢတ်ႈ​တွင်း​လွင်ႈ​ဢၼ်​ၵႂၢမ်း​ထႃႇဝရႃႉ​ၽြႃး၊ ဢၼ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​လူၺ်ႈ​လွင်ႈ​မဵဝ်း​ၸိူဝ်ႉ​ၶိူဝ်း ဢႃႇႁပ်ႉ ​ၼၼ်ႉ ဢမ်ႇ​လႆႈ​တူၵ်း​ၵႃႈ​တီႈ​လိၼ်​သေ​ၶေႃႈ​သေ​ၵမ်း​ၼၼ်ႉ​ဝႆႉ​တႃႉ။ ထႃႇဝရႃႉ​ၽြႃး​ႁဵတ်း​ၸွမ်း​ၵႃႈ​ဢၼ်​မၼ်း​ၸဝ်ႈ ဢဝ်​ၶႃႈ​မၼ်း​ၸဝ်ႈ ဢေးလီႉယႃႉ မီး​ဢမိင်ႉ​ဝႆႉ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="11">ယေႇႁူႉ ​ဢဝ်​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ၵႃႈ​ဢၼ်​ၵိုတ်း​ဢၼ်​ၵျၢၼ်ႇ ၵႃႈ​ၼႂ်း​ဝဵင်း​ ယေႇၸရေႇလႃႉ ဢိၵ်ႇ​တင်း​ၵူၼ်း​ယႂ်ႇ​ၵူၼ်း​လူင်​မၼ်း​တင်း​သဵင်ႈ​တင်း​လူင်၊ ပီႈ​ၼွင်ႉ​မၼ်း​တင်း​လၢႆ၊ ယိတ်ႈပရေႃးႁဵၵ်ႈ​မၼ်း​တင်း​လၢႆ တၢႆ​ထၼ်ႈ​ပေႃး ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း​ဢေႃႈ။</verse>
				<verse number="12">လိုၼ်း​ၼၼ်ႉ​မၼ်း​လုၵ်ႉ​ဢွၵ်ႇ​လႄႈ​ၵႂႃႇ ၵႃႈ​တီႈ​ဝဵင်း​ သမႃႇရီႉ ​ဢေႃႈ။ မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​တီႈ​ၸရွပ်ႈ တီႈ​ဢၼ်​ၵႅတ်း​ႁႆး​ၶူၼ်​သူဝ်း​ဢၼ်​မီး​ၵႃႈ​တီႈ​ႁိမ်း​သဵၼ်ႈ​တၢင်း​ၼၼ်ႉ​ၸိုင်၊-</verse>
				<verse number="13">မၼ်း​ထူပ်း​ႁၼ်​ပီႈ​ၼွင်ႉ​ၸိူဝ်ႉ​ၶိူဝ်း​ ဢႃႇၶၸီႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​သေ​ယဝ်ႉ၊ ထၢမ်​လႄႈ​ဝႃႈ၊ သူ​ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​လၢတ်ႈ​လႄႈ​ဝႃႈ၊ ႁဝ်း​ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​ ဢႃႇၶၸီႉ ​ဢေႃႈ။ ႁဝ်း​လူင်း​ၵႂႃႇ​ႁႂ်ႈ​လႆႈ​တၵ်ႉ​လႆႈ​လၢတ်ႈ​လုၵ်ႈ​ၸၢႆး​ၶုၼ်​ႁေႃ​ၶမ်း​လႂ် တင်း​လုၵ်ႈ​ၸၢႆး​ၼၢင်း​ႁေႃ​ၶမ်း​လႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မၼ်း​ၵေႃႈ​ဝႃႈ၊ တီႉ​ဢဝ်​တူဝ်​လိပ်း​ၶဝ်​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ဢွၼ်​ၵၼ်​တီႉ​ဢဝ်​တူဝ်​လိပ်း​ၶဝ်​ၼၼ်ႉ​လႄႈ ဢဝ်​ၶဝ်​သီႇ​သိပ်း​ပၢႆ​သွင်​ၵေႃႉ​ၼၼ်ႉ​တၢႆ ၵႃႈ​တီႈ​ၶုမ်​ႁူး​ဢၼ်​မီး​ၵႃႈ​တီႈ​ၸရွပ်ႈ​ၵႅတ်း​ႁႆး​ၶူၼ်​သူဝ်း​ၼၼ်ႉ​လႄႈ ဢမ်ႇ​ႁႂ်ႈ​လႆႈ​ၵိုတ်း​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း။</verse>
				<verse number="15">မိူဝ်ႈ​ဢၼ်​မၼ်း​ဢွၵ်ႇ​သေ​ၵႃႈ​တီႈ​ၼၼ်ႈ​ၵႂႃႇ​ၸိုင်၊ မၼ်း​ထူပ်း​ႁၼ်​ ယေႃးၼတပ်ႉ ​လုၵ်ႈ​ၸၢႆး​ ရေႇၶပ်ႉ မႃး​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​လႄႈ၊ မၼ်း​တၵ်ႉ​လၢတ်ႈ​မၼ်း​ၼၼ်ႉ​သေ​ယဝ်ႉ၊ ထၢမ်​လႄႈ​ဝႃႈ၊ ႁူဝ်​ၸႂ်​မႂ်း​သိုဝ်ႈ​လီ​ယူဝ်း​လီ​မိူၼ်​ၸိူဝ်ႉ​ၼင်ႇ​ဢၼ် ႁူဝ်​ၸႂ်​ၵဝ်​သိုဝ်ႈ​လီ​ယူဝ်း​လီ​တေႃႇ​ႁူဝ်​ၸႂ်​မႂ်း​ၼၼ်ႉ​ႁိုဝ်၊ ဝႃႈ​ၼင်ႇ​ၼႆ​သေ​ယဝ်ႉ၊ ယေႃးၼတပ်ႉ ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ သိုဝ်ႈ​ယူဝ်း​ယူႇ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​လၢတ်ႈ​လႄႈ​ဝႃႈ၊ ပေႃး​ၸိုဝ်ႈ​ၸႂ်ႈ​ၸိူဝ်ႉ​ၼင်ႇ​ၼၼ်​ၸိုင်၊ ပၼ်​မိုဝ်း​မႂ်း​မႃး​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​လႄႈ၊​မၼ်း​ၼၼ်ႉ​ပၼ်​မိုဝ်း​တီႈ​မၼ်း​လႄႈ၊ မၼ်း​တိုတ်ႉ​ဢဝ်​မၼ်း​ၼၼ်ႉ​တၢင်ႇ​သႂ်ႇ​ၵႃႈ​ၼိူဝ်​လေႃႉရထႃး ၵႃႈ​တီႈ​ႁိမ်း​မၼ်း​သေ​လႄႈ​ဝႃႈ၊-</verse>
				<verse number="16">ၸွမ်း​လူၺ်ႈ​ၵၼ်​တင်း​ၵဝ်​လႄႈ လူ​တူၺ်း​လွင်ႈ​ဢၼ်​ႁူဝ်​ၸႂ်​ၵဝ်​ႁႅင်း​ယႂ်ႇ ၽၢႆႇ​ထႃႇဝရႃႉ​ၽြႃး​ၼႆႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ႁႂ်ႈ​မၼ်း​ၼၼ်ႉ​ၶီႇ​လေႃႉရထႃး​မၼ်း​ဢေႃႈ။-</verse>
				<verse number="17">မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​တီႈ ဝဵင်း​ သမႃႇရီႉ ​ၼၼ်ႉ​ၸိုင်၊ မၼ်း​ဢဝ်​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ၵႃႈ​ဢၼ်​ၵိုတ်း​ဢၼ်​ၵျၢၼ်ႇ ၵႃႈ​ၼႂ်း​ဝဵင်း​ သမႃႇရီႉ ​ၼၼ်ႉ​တၢႆ တေႃႇ​ထိုင်​ႁွတ်ႈ​ထၼ်ႈ​ပေႃး​လူႉ​လႅဝ်​ပႅတ်ႈ​တင်း​သဵင်ႈ​တင်း​မူတ်း ၸွမ်း​ၵႃႈ​ၼင်ႇ​ၵႂၢမ်း​ဢၼ်​ထႃႇဝရႃႉ​ၽြႃး​မီး​ဢမိင်ႉ​တီႈ​ ဢေးလီႉယႃႉ ​ၼၼ်ႉ​ဢေႃႈ။</verse>
				<verse number="18">လႆႈ​သမ်ႉ ယေႇႁူႉ ​ႁႂ်ႈ​ၵူၼ်း​တင်း​သဵင်ႈ​တင်း​လူင်​ၸူႉ​ၵၼ်​တုမ်​ၵၼ်​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ ဢႃႇႁပ်ႉ ​ၼၼ်ႉ ႁဵတ်း​ဝၢတ်ႈ​တီႈ ၽြႃး​ပႃႇလႃႉ ​ဢိတ်း​ဢွၼ်ႇ​ၼိုင်ႈ​ၵူၺ်း​ဢေႃႈ။ ယေႇႁူႉ ​ၼႆႉ​ၸမ်ႉ၊ တၵ်း​ႁဵတ်း​ဝၢတ်ႈ​ၼမ်​ၼႃႇ​ဢေႃႈ။-</verse>
				<verse number="19">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ႁွင်ႉ​ဢဝ်​ပရေႃးၽႅတ်ႈ​ ၽြႃး​ပႃႇလႃႉ တင်း​သဵင်ႈ​တင်း​လူင်​ဢၼ်​ဝႃႈ၊ ၶဝ်​ၵႃႈ​ဢၼ်​ပႂ်ႉ​ဢမူႉ​မၼ်း ဢိၵ်ႇ​တင်း​ယိတ်ႈပရေႃးႁဵၵ်ႈ​မၼ်း​တင်း​သဵင်ႈ​တင်း​လူင်​မႃး​တႃႉ။ ယႃႇ​ပေ​ႁႂ်ႈ​ၵိုတ်း​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း။ ၵဝ်​တၵ်း​ပုၵ်ႈ​ၸေႃႇ​ယိတ်ႈ​လူင် တီႈ​ ၽြႃး​ပႃႇလႃႉ ​ဢေႃႈ။ ၵေႃႉ​ဢၼ်​ၵိုတ်း​ဢၼ်​ၵျၢၼ်ႇ​ဝႆႉ​ၼၼ်ႉ​ၸမ်ႉ၊ ဢသၢၵ်ႈ​ဢမ်ႇ​လႆႈ​လိပ်း၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ယေႇႁူႉ ​ႁဵတ်း​ပရီႉယႄႇ​လႄႈ ၵျၢမ်ႇ​ပွင်​တၵ်း​ယႃႉ​ပႅတ်ႈ​ၶဝ်​ၸိူဝ်း​ဢၼ်​ၵူဝ်း​ၵႂၢႆႇ​ ၽြႃး​ပႃႇလႃႉ ​ၼၼ်ႉ​ပႅတ်ႈ​ဢေႃႈ။-</verse>
				<verse number="20">ယေႇႁူႉ ​သမ်ႉ​ၸီႇ​ယၢင်ႇ​ထႅင်ႈ​လႄႈ​ဝႃႈ၊ ဢွၼ်​ၵၼ်​မႄး​ႁႅၼ်း​ပွႆး​ထမ်ႇမႃႉ​ပုၼ်ႈ ၽြႃး​ပႃႇလႃႉ ​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ဢွၼ်​ၵၼ်​ပၢဝ်ႇ​သေႃႇ​ဢေႃႈ။-</verse>
				<verse number="21">ယေႇႁူႉ ​ပွႆႇ​ၸႂ်ႉ​ၵႃႈ​ၼႂ်း​မိူင်း​ ဢီႉသရေႇလႃႉ ၵူႈ​တီႈ​ၵူႈ​လႅၼ်​လႄႈ တပႄး​ ပႃႇလႃႉ ​ၵႃႈ​မီး​ၼၼ်ႉ ယင်း​ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း​လႄႈ ဢွၼ်​ၵၼ်​မႃး​ဢေႃႈ။ ၶဝ်​ဢွၼ်​ၵၼ်​ၶဝ်ႈ​ၵႃႈ​ၼႂ်း​ၵျွင်း​ ပႃႇလႃႉ ​လႄႈ၊ ၵျွင်း​ ပႃႇလႃႉ ​ၼၼ်ႉ​သတ်ႉ​တဵမ်​ဝႆႉ​ယူႇ ၸႃႉ​ၸဵမ်​ၽၢႆႇ​ၼိုင်ႈ တေႃႇ​ထိုင်​ႁွတ်ႈ​ၽၢႆႇ​ၼိုင်ႈ​ဢေႃႈ။-</verse>
				<verse number="22">မၼ်း​လၢတ်ႈ​တီႈ​ၵေႃႉ​ဢၼ်​ပႂ်ႉ​ထိင်း​တိူၵ်ႈ​ၶူဝ်း​တိူၵ်ႈ​လဵင်း​ၼၼ်ႉ​လႄႈ​ဝႃႈ၊ ဢဝ်​ၶူဝ်း​လဵင်း​တၢင်း​မႆ ဢွၵ်ႇ​ပုၼ်ႈ​တပႄး​ ၽြႃး​ပႃႇလႃႉ ၵႃႈ​မီး​ၼႆႉ​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ၼၼ်ႉ​ဢဝ်​ၶိူင်ႈ​ၼုင်ႈ​တၢင်း​မႆ​ဢွၵ်ႇ​ဢေႃႈ။-</verse>
				<verse number="23">ယေႇႁူႉ ​ၶဝ်ႈ​ၵႃႈ​ၼႂ်း​ၵျွင်း​ ပႃႇလႃႉ ​လူၺ်ႈ​ၵၼ်​တင်း​ ယေႃးၼတပ်ႉ လုၵ်ႈ​ၸၢႆး​ ရေႇၶပ်ႉ ​လႄႈ လၢတ်ႈ​တီႈ​တပႄး​ ပႃႇလႃႉ ​ၸိူဝ်း​ၼၼ်ႉ​လႄႈ​ဝႃႈ၊ ဢွၼ်​ၵၼ်​ႁႃ​လႄႈ လူ​တူၺ်း​ႁႂ်ႈ​ဢမ်ႇ​လႆႈ​ပႃး​တပႄး ထႃႇဝရႃႉ​ၽြႃး​သေ​ၵေႃႉ​သေ​ၵူၼ်း​လႄႈ ႁႂ်ႈ​မီး​တပႄး​ ၽြႃး​ပႃႇလႃႉ ​ၵူၺ်း​လွၼ်ႉ​လွၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၼင်ႇ​ၼၼ်​လႄႈ ၶဝ်​ဢွၼ်​ၵၼ်​ၶဝ်ႈ​ၵႃႈ​ၼႂ်း​ၵျွင်း​ႁႂ်ႈ​လႆႈ​ပုၵ်ႈ​ၸေႃႇ​ၸႃႉ​ၸဵမ်​ယိတ်ႈ​ဢၼ်​တုတ်ႇ​ၽႆး​လႄႈ မဵဝ်း​ယိတ်ႈ​တင်း​လၢႆ​ဢေႃႈ။ ယေႇႁူႉ ​ဝႆႉ​ၵူၼ်း​ပႅတ်ႇ​သိပ်း​ၵေႃႉ​ၵႃႈ​တီႈ​ၼွၵ်ႈ​သေ​လႄႈ ၸီႇ​ယၢင်ႇ​လႄႈ​ဝႃႈ၊ ပေႃး​ၶဝ်​ၸိူဝ်း​ဢၼ်​ၵဝ်​ဢဝ်​မႃး​သႂ်ႇ​ပၼ်​ၵႃႈ​ၼႂ်း​မိုဝ်း​သူ​ၸိူဝ်း​ၼႆႉ လႆႈ​လွတ်ႈ​ၵႂႃႇ​သေ​ၵေႃႉ​သေ​ၵူၼ်း​ၸိုင် ဢသၢၵ်ႈ​ၵေႃႉ​ဢၼ်​ႁႂ်ႈ​လွတ်ႈ​ၼၼ်ႉ တၵ်း​လႆႈ​ပဵၼ်​ပုၼ်ႈ​ဢသၢၵ်ႈ​ၵေႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="25">မိူဝ်ႈ​ဢၼ်​မၼ်း​ႁဵတ်း​တၢင်း​ဢၼ်​ပုၵ်ႈ​ၸေႃႇ​ယိတ်ႈ​ၼၼ်ႉ​ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ ယေႇႁူႉ ​လၢတ်ႈ​တီႈ​ၵူၼ်း​သိုၵ်း​ပႂ်ႉ​ႁၢင်ႈ​ပႂ်ႉ​ႁေႃ​တင်း​လၢႆ ဢိၵ်ႇ​တင်း​တပ်ႉ​မူး​ၸိူဝ်း​ၼၼ်ႉ​လႄႈ​ဝႃႈ၊ ၶဝ်ႈ​ၵႃႈ​ၼႂ်း​လႄႈ​ဢဝ်​ၶဝ်​တၢႆ​တႃႉ။ ယႃႇ​ပေ​ႁႂ်ႈ​လႆႈ​ဢွၵ်ႇ​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​လႄႈ ၶဝ်​ဢွၼ်​ၵၼ်​ဢဝ်​ၶဝ်​ၼၼ်ႉ​တၢႆ​လူၺ်ႈ​ၶူမ်း​လၢပ်ႇ​ၶူမ်း​လႅဝ်း​လႄႈ ၵူၼ်း​သိုၵ်း​ပႂ်ႉ​ႁၢင်ႈ​ပႂ်ႉ​ႁေႃ​တင်း​လၢႆ ဢိၵ်ႇ​တင်း​တပ်ႉ​မူး​ၸိူဝ်း​ၼၼ်ႉ ဢွၼ်​ၵၼ်​ဢဝ်​ၶဝ်​ဢွၵ်ႇ​ပႅတ်ႈ​သေ​ယဝ်ႉ၊ ၵႂႃႇ​ၵႃႈ​တီႈ​ဝဵင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၵျွင်း​ ၽြႃး​ပႃႇလႃႉ ​ၼၼ်ႉ​သေ​လႄႈ၊-</verse>
				<verse number="26">ဢဝ်​သဝ်​တီႈ​ၵူဝ်း​ၵႂၢႆႇ​တင်း​လၢႆ ဢၼ်​မီး​ၵႃႈ​ၼႂ်း​ၵျွင်း​ ပႃႇလႃႉ ​ၼၼ်ႉ​ဢွၵ်ႇ​လႄႈ​တုတ်ႇ​ၽႆး​ပႅတ်ႈ​ဢေႃႈ။-</verse>
				<verse number="27">ၶဝ်​ဢွၼ်​ၵၼ်​ၵိူၼ်ႇ​ယႃႉ​သဝ်​တီႈ​ၵူဝ်း​ၵႂၢႆႇ​ ပႃႇလႃႉ ​ပႅတ်ႈ​လႄႈ ၵိူၼ်ႇ​ယႃႉ​ၵျွင်း​ ပႃႇလႃႉ ​ပႅတ်ႈ​ႁႂ်ႈ​ပဵၼ်​ႁိူၼ်း​ယေႇ​ဢဵင်ႇ​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="28">ၼင်ႇ​ၼၼ်​လႄႈ ယေႇႁူႉ ​ပႄႇ​ၽဵဝ်ႈ​ ပႃႇလႃႉ ​ပႅတ်ႈ​သေ​ၵႃႈ​ၼႂ်း​မိူင်း​ ဢီႉသရေႇလႃႉ ​ဢေႃႈ။</verse>
				<verse number="29">ၼႂ်း​ဝႃႈ​ၼၼ်​သေ​ၵေႃႈ ယေႇႁူႉ ​ဢမ်ႇ​ၸုၼ်ႉ​တူႉ​ၸရိူၵ်ႈ​ ယေႇရူဝ်းပုမ်ႇ လုၵ်ႈ​ၸၢႆး​ ၼေႇပတ်ႉ ဢၼ်​မၼ်း​ႁႂ်ႈ​မဵဝ်း​ ဢီႉသရေႇလႃႉ ၽိတ်း​ပိူင်ႈ ဢၼ်​ဝႃႈ​ဝူဝ်း​ၶမ်း​ဢွၼ်ႇ ဢၼ်​မီး​ၵႃႈ​တီႈ​ဝဵင်း​ ပေႇသလႃႉ ​တင်း​ဝဵင်း​ တၢၼ်ႇ ​ၼၼ်ႉ​ပႅတ်ႈ။-</verse>
				<verse number="30">ထႃႇဝရႃႉ​ၽြႃး​ၵေႃႈ​မီး​ဢမိင်ႉ​တီႈ​ ယေႇႁူႉ ​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​မႂ်း ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​သိုဝ်ႈ​တေႃႇ သိုဝ်ႈ​ၼႃႈ​တႂ်ႈ​တႃ​ၵဝ်​လႄႈ ႁဵတ်း​လီ​လီ​ငၢမ်း​ငၢမ်း​ၼၼ်ႉ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​မႂ်း​ၸီႇ​ယၢင်ႇ​တီႈ​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ​ၸွမ်း​ၵႃႈ​ၼင်ႇ​ဢၼ် ၵဝ်​မီး​ဢလူဝ်ႇ​ၼၼ်ႉ​လႄႈ ၸူဝ်ႈ​လုၵ်ႈ​ပၢၼ်​လၢၼ်​မႂ်း တၵ်း​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​မိူင်း​ ဢီႉသရေႇလႃႉ ​တေႃႇ​ထိုင်​ႁွတ်ႈ​သီႇ​သိုပ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="31">ယေႇႁူႉ ​ဢမ်ႇ​ႁဵတ်း​သတီႉ ႁႂ်ႈ​လႆႈ​ပႃး​တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ​ၸွမ်း​သဵၼ်ႈ​တၢင်း​တြႃး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ။ မၼ်း​ဢမ်ႇ​ၸုၼ်ႉ​တူႉ​ၸရိူၵ်ႈ​ ယေႇရူဝ်းပုမ်ႇ ဢၼ်​မၼ်း​ႁႂ်ႈ​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ၼၼ်ႉ​ပႅတ်ႈ။</verse>
				<verse number="32">ၼႂ်း​ၶိင်ႇ​ၵႃႇလႃႉ​ၼၼ်ႉ၊ ထႃႇဝရႃႉ​ၽြႃး​ၸႃႉ​တႅပ်း​မိူင်း​ ဢီႉသရေႇလႃႉ ​ႁႂ်ႈ​ပွတ်း​ၵႂႃႇ​ဢေႃႈ။-</verse>
				<verse number="33">ႁႃႇၸေႇလႃႉ ​တိုၵ်း​တေႃး​ယႃႉ​ၶဝ်ႈ​ၵႃႈ​ၼႂ်း​ၼမ်ႉ​ၼႂ်း​လိၼ်​ ဢီႉသရေႇလႃႉ ဢဝ်​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ၵႂႃႇ​ၽၢႆႇ​ဝၼ်း​ဢွၵ်ႇ၊ မိူင်း​ ၵီႉလတ်ႉ တင်း​သဵင်ႈ​တင်း​မူတ်း၊ ၵူၼ်း​မဵဝ်း​ ၵၢတ်ႉ ၊ ၵူၼ်း​မဵဝ်း​ ရူႉပိၼ်ႇ ၊ ၵူၼ်း​မဵဝ်း​ မၼႃႇ​သေႇ ​တင်း​လၢႆ ဢဝ်​ၵႃႈ​တီႈ​ဝဵင်း​ ဢႃႇရေႃႇ ​ဢၼ်​မီး​ၵႃႈ​ၼႂ်း​ပၢင်ႇ​ႁူၺ်ႈ​ ဢႃႇၼုၼ်ႇ ​ၵႂႃႇ​ဢၼ်​ဝႃႈ မိူင်း​ ၵီႉလတ်ႉ ​တင်း​မိူင်း​ ပႃႇသၢၼ်ႇ ​ၸိူဝ်း​ၼၼ်ႉ​ပႅတ်ႈ​ဢေႃႈ။</verse>
				<verse number="34">လွင်ႈ​တၢင်း​ ယေႇႁူႉ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ၵႃႈ​ဢၼ်​မၼ်း​ႁဵတ်း၊ လွင်ႈ​တၢင်း​ဢၼ်​တၼ်း​ၶူဝ်း​မၼ်း​ယႂ်ႇ​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ ဢီႉသရေႇလႃႉ ​ဢေႃႈ။-</verse>
				<verse number="35">ယေႇႁူႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶဝ်​ဢဝ်​မၼ်း​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ သမႃႇရီႉ ​ဢေႃႈ။ ယေႃးၶတ်ႉ လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။-</verse>
				<verse number="36">ၶိင်ႇ​ၵႃႇလႃႉ​ၸူဝ်ႈ​ပၢၼ် ဢၼ်​ ယေႇႁူႉ ​ယူႇ​ၵႃႈ​ၼႂ်း​ဝဵင်း​ သမႃႇရီႉ ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ​ၼၼ်ႉ​ၸမ်ႉ၊ ပဵၼ်​သၢဝ်း​ပၢႆ​ပႅတ်ႇ​ပီႊ ဢေႃႈ။</verse>
			</chapter>
			<chapter number="11">
				<verse number="1">ဢႃႇထလီႉ ​ဢၼ်​ပဵၼ်​ၸဝ်ႈ​မႄႈ​ ဢႃႇၶၸီႉ ​ၼၼ်ႉ ႁူႉ​ႁၼ်​လွင်ႈ​ဢၼ်​လုၵ်ႈ​ၸၢႆး​မၼ်း​တၢႆ​ၼၼ်ႉ​သေ​ယဝ်ႉ၊ လုၵ်ႉ​လႄႈ​ယႃႉ​ၽဵဝ်ႈ မဵဝ်း​ၸိူဝ်ႉ​ၶိူဝ်း​ၸဝ်ႈ​ၵႃႈ​မီး​ပႅတ်ႈ​ဢေႃႈ။-</verse>
				<verse number="2">ၵူၺ်း​ၵႃႈ ယေႃးသေႇၽႃႉ လုၵ်ႈ​ယိင်း​ၶုၼ်​လူင်​ ယူဝ်းရမ်ႇ ၼွင်ႉ​ယိင်း​ ဢႃႇၶၸီႉ ​ၼၼ်ႉ လၵ်ႉ​ဢဝ်​ ယေႃးသႃႉ သေ​ၵႃႈ​ၼႂ်း​လုၵ်ႈ​ၸၢႆး​ၸဝ်ႈ​ၶုၼ်​ႁေႃ​ၶမ်း ဢၼ်​လႆႈ​ၶၢမ်ႇ​တၢႆ​ၸိူဝ်း​ၼၼ်ႉ ဢၼ်​ဝႃႈ​မၼ်း​တင်း​မႄႈ​ၸဝ်ႈ​ၼူမ်း​မၼ်း​ၼၼ်ႉ​သႂ်ႇ​ဝႆႉ​ၵႃႈ​ၼႂ်း​လုၵ်း​တီႈ​ၼွၼ်း​တၢင်း​ၼႂ်း​ဢေႃႈ။ ၼင်ႇ​ၼၼ်​လႄႈ ၶဝ်​ဢဝ်​မၼ်း​ၼၼ်ႉ​သိူင်ႇ​ဝႆႉ​သေ​ၵႃႈ​တီႈ ဢႃႇထလီႉ ​ထၼ်ႈ​ပေႃး​ဢသၢၵ်ႈ​မၼ်း​လႆႈ​လွတ်ႈ​ဢေႃႈ။-</verse>
				<verse number="3">လိုၼ်း​ၼၼ်ႉ မၼ်း​လႆႈ​ၶၢမ်ႇ​တၢင်း​ဢၼ်​တဵတ်ႇ​မႅပ်ႉ​ယူႇ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး လူၺ်ႈ​ၵၼ်​တင်း​ပႃႈ​မၼ်း​ၼၼ်ႉ ႁူၵ်း​ပီႈ​တဵမ်​တဵမ်​လႄႈ ဢႃႇထလီႉ ​ၼၼ်ႉ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ယူႇ​ဢေႃႈ။</verse>
				<verse number="4">မိူဝ်ႈ​ဢၼ်​ထူၼ်ႈ​ထိုင်​ၸဵတ်း​ပီႊ​ၼၼ်ႉ၊ ယေႃးယတႃႉ ​ပွႆႇ​ၸႂ်ႉ​လႄႈ ႁွင်ႉ​ဢဝ်​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ​လႂ်၊ တပ်ႉ​မူး​လႂ် တင်း​ၵူၼ်း​သိုၵ်း​ပႂ်ႉ​ႁၢင်ႈ​ပႂ်ႉ​ႁေႃ​လႂ်​မႃး​လႄႈ ဢဝ်​ၶဝ်​သႂၢင်း​ၶဝ်ႈ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​သေ​လႄႈ ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ၶဝ်၊ တိုၵ်း​သဵတ်ႈ​ၸႃႇ​တီႈ​ၶဝ် ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​သေ​ယဝ်ႉ၊ ဢဝ်​လုၵ်ႈ​ၸၢႆး​ၸဝ်ႈ​ၶုၼ်​ႁေႃ​ၶမ်း​ၼႄ​ပျႃး​တီႈ​ၶဝ်​ဢေႃႈ။-</verse>
				<verse number="5">မၼ်း​သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ လွင်ႈ​တၢင်း​ဢၼ်​သူ​တၵ်း​လႆႈ​ႁဵတ်း​ၸမ်ႉ၊ ၶဝ်​ၸိူဝ်း​ဢၼ်​ၶဝ်ႈ​မႃး​ၼႂ်း​ဝၼ်း​ၵမ်​သိၼ်​ၼၼ်ႉ သၢမ်​ပုၼ်ႈ​ပုၼ်ႈ​ၼိုင်ႈ တၵ်း​လႆႈ​ပႂ်ႉ​ၽၵ်း​တူ​ႁေႃ​ၸဝ်ႈ​ဢေႃႈ။-</verse>
				<verse number="6">သၢမ်​ပုၼ်ႈ​ပုၼ်ႈ​ၼိုင်ႈ တၵ်း​လႆႈ​ပႂ်ႉ​ၽၵ်း​တူ​ သူႉရႃႉ ​ဢေႃႈ၊ သၢမ်​ပုၼ်ႈ​ပုၼ်ႈ​ၼိုင်ႈ တၵ်း​လႆႈ​ပႂ်ႉ​ၽၵ်း​တူ​ဢၼ်​မီး​ၵႃႈ​တီႈ​ၽၢႆႇ​လင်​ၵၢင်​တီႈ​ပႂ်ႉ​ၼၼ်ႉ​ဢေႃႈ။ ၼင်ႇ​ၼၼ်​လႄႈ သူ​တၵ်း​လႆႈ​ပႂ်ႉ​ႁိူၼ်း​ၸဝ်ႈ​ယူႇ​ႁႂ်ႈ​ပဵၼ်​ဢၼ်​ႁႄႉ​ဢၼ်​ၵင်ႈ​ဢေႃႈ။-</verse>
				<verse number="7">ၼႂ်း​သူ​သၢမ်​ပုၼ်ႈ​ၼၼ်ႉ သွင်​ပုၼ်ႈ​ဢၼ်​ဝႃႈ ၶဝ်​ၵႃႈ​ဢၼ်​ဢွၵ်ႇ​ၼႂ်း​ဝၼ်း​ၵမ်​သိၼ်​ၸိူဝ်း​ၼၼ်ႉ တၵ်း​လႆႈ​ပႂ်ႉ​လဵပ်ႈ​ႁွပ်ႈ​ၶုၼ်​ႁေႃ​ၶမ်း​ယူႇ​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="8">သူ​တၵ်း​လႆႈ​ယိပ်း​ၵမ်​လၢၵ်ႈ​ၼၢၵ်ႈ​သူ​ၵူႈ​ၵေႃႉ​ၵူႈ​ၵူၼ်း​သေ​လႄႈ ဢွၼ်​ၵၼ်​လွမ်ႉ​လဵပ်ႈ​ႁွပ်ႈ​ၶုၼ်​ႁေႃ​ၶမ်း​ယူႇ​လႄႈ ဢဝ်​ၶဝ်​ၸိူဝ်း​ဢၼ် ပူၼ်ႉ​ထႅဝ်​ၵူၼ်း​သိုၵ်း​ၶဝ်ႈ​မႃး​ၼၼ်ႉ​တၢႆ​ဢေႃႈ။ ယၢမ်း​မိူဝ်ႈ​ဢၼ်​ၶုၼ်​ႁေႃ​ၶမ်း​ၶဝ်ႈ​ဢွၵ်ႇ​ၼၼ်ႉ​ၸိုင်၊ သူ​တၵ်း​လႆႈ​ၸွမ်း​လူၺ်ႈ​ၵၼ်​တင်း​မၼ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ​ၸိူဝ်း​ၼၼ်ႉ ႁဵတ်း​ၸွမ်း​ၵႃႈ​ၼင်ႇ​ဢၼ် ယိတ်ႈပရေႃးႁဵၵ်ႈ ယေႃးယတႃႉ ​သင်ႇ​လၢတ်ႈ​ဝႆႉ​ၼၼ်ႉ​လႄႈ ႁွင်ႉ​ဢဝ်​ၶဝ်​ၸိူဝ်း​ဢၼ် တၵ်း​လႆႈ​ၶဝ်ႈ​ၼႂ်း​ဝၼ်း​ၵမ်​သိၼ် ဢိၵ်ႇ​တင်း​ၶဝ်​ၸိူဝ်း​ဢၼ်​တၵ်း​လႆႈ​ဢွၵ်ႇ​ၼႂ်း​ဝၼ်း​ၵမ်​သိၼ်​ႁင်း​ၽႂ်​ႁင်း​မၼ်း​မႃး​လႄႈ ႁွတ်ႈ​ထိုင်​ၵႃႈ​တီႈ​ယိတ်ႈပရေႃးႁဵၵ်ႈ ယေႃးယတႃႉ ​သေ​ယဝ်ႉ၊-</verse>
				<verse number="10">ယိတ်ႈပရေႃးႁဵၵ်ႈ​ၼၼ်ႉ ဢဝ်​ႁွၵ်ႇ​တင်း​ၶိူင်ႈ​ႁႄႉ​လၢၵ်ႈ​ၼၢၵ်ႈ ၶုၼ်​လူင်​ တႃႇဝိတ်ႈ ဢၼ်​မီး​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၸိူဝ်း​ၼၼ်ႉ​ဢွၵ်ႇ​လႄႈ ဢၢပ်ႈ​ပၼ်​တီႈ​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="11">ၶဝ်​ၸိူဝ်း​ဢၼ်​ပႂ်ႉ​ၼၼ်ႉ ယိပ်း​ၵမ်​လၢၵ်ႈ​ၼၢၵ်ႈ​ႁင်း​ၽႂ်​ႁင်း​မၼ်း​ယူႇ​သေ​လႄႈ ၸုၵ်း​ယူႇ​ၸွမ်း​ႁိမ်း​ယိတ်ႈပလၢင်ႇ တင်း​ႁိူၼ်း​ၸဝ်ႈ​ၼၼ်ႉ ဢဝ်​ၵႃႈ​တီႈ​ၸဵင်ႇ​ၽၢႆႇ​ၶႂႃ​ႁိူၼ်း​ၸဝ်ႈ တေႃႇ​ထိုင်​ႁွတ်ႈ​ၸဵင်ႇ​ၽၢႆႇ​သၢႆႉ​ႁိူၼ်း​ၸဝ်ႈ​လႄႈ လွမ်ႉ​လဵပ်ႈ​ႁွပ်ႈ​ၶုၼ်​ႁေႃ​ၶမ်း​ယူႇ​ဢေႃႈ။-</verse>
				<verse number="12">ယိတ်ႈပရေႃးႁဵၵ်ႈ​ၼၼ်ႉ​ဢဝ်​လုၵ်ႈ​ၸၢႆး​ၸဝ်ႈ​ၶုၼ်​ႁေႃ​ၶမ်း ဢွၵ်ႇ​ၵႃႈ​ၼွၵ်ႈ​လႄႈ ဢဝ်​ရႃႇၸႃႉ​သရၽူႇ​တိုဝ်း​ပၼ်​လႄႈ​ဢဝ်​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ဢၢပ်ႈ​ပၼ်​သေ​လႄႈ ႁႂ်ႈ​မၼ်း​ပဵၼ်​ၶုၼ်​ႁေႃ​ၶမ်း​လႄႈ ပၼ်​ၽိၵ်ႈ​သိၵ်ႈ​သေ​ယဝ်ႉ၊ ဢွၼ်​ၵၼ်​တူပ်း​မိုဝ်း​လႄႈ​ႁွင်ႉ​ပၢဝ်ႇ​လႄႈ​ဝႃႈ၊ ႁႂ်ႈ​ၶုၼ်​ႁေႃ​ၶမ်း​ဢသၢၵ်ႈ​လိပ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ဢႃႇထလီႉ ​ၼၼ်ႉ​ငိၼ်း​သဵင်​ဢၼ် ၵူၼ်း​သိုၵ်း​ပႂ်ႉ​ႁၢင်ႈ​ပႂ်ႉ​ႁေႃ​ဢိၵ်ႇ​တင်း​ၵူၼ်း​တင်း​လၢႆ​ႁဵတ်း​ၼၼ်ႉ​သေ​ယဝ်ႉ၊ ၵႂႃႇ​ၸူး​ၵႃႈ​တီႈ​ၵူၼ်း​တင်း​လၢႆ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ​လႄႈ၊-</verse>
				<verse number="14">မုင်ႈ​ႁၼ်​ၶုၼ်​ႁေႃ​ၶမ်း​ၸုၵ်း​ယူႇ​ၵႃႈ​တီႈ​ႁိမ်း​သဝ် ၸွမ်း​ၵႃႈ​ၼင်ႇ​ဢၼ်​ထုင်း​ၸၢမ်ႇ​မီး​ၼၼ်ႉ​ယူႇ၊ တပ်ႉ​မူး​တင်း​လၢႆ​ဢိၵ်ႇ​တင်း ၶဝ်​ၸိူဝ်း​ဢၼ်​ပဝ်ႇ​တိုင်ႈ​ၼႄးၶရႃႇ​ၼၼ်ႉ​ၸိူဝ်း​ၼၼ်ႉ ၸုၵ်း​ၵႃႈ​တီႈ​ႁိမ်း​ၶုၼ်​ႁေႃ​ၶမ်း​ယူႇ​သေ​လႄႈ၊ ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင်​ၸူမ်း​သိူဝ်း​လႄႈ ပဝ်ႇ​တိုင်ႈ​ၼႄးၶရႃႇ​ယူႇ​ၼၼ်ႉ​သေ​ယဝ်ႉ၊ ဢႃႇထလီႉ ​ၸၵ်ႉ​သိၵ်ႇ​ၶူဝ်း​ၼုင်ႈ​မၼ်း​သေ​လႄႈ သႅၼ်ႇ​ႁွင်ႉ​လႄႈ​ဝႃႈ၊ ဢမူႉ​ဢၼ်​ပုင်ႇ​ၵၢၼ်ႇ​လူင်​ပႄႇ၊ ဢမူႉ​ဢၼ်​ပုင်ႇ​ၵၢၼ်ႇ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ယိတ်ႈပရေႃးႁဵၵ်ႈ ယေႃးယတႃႉ ​ၵေႃႈ သင်ႇ​လၢတ်ႈ​တီႈ​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ ဢၼ်​လႆႈ​ၶၢမ်ႇ​တၢင်း​ဢၼ်​ၶၢၼ်း​ဝႆႉ ၵႃႈ​ၼိူဝ်​ပူဝ်ႇ​ပႃႇ​ၸိူဝ်း​ၼၼ်ႉ​ဝႆႉ​လႄႈ​ဝႃႈ၊ ဢွၼ်​ၵၼ်​ဢဝ်​မၼ်း​ဢွၵ်ႇ​သေ​ၵႃႈ​ၼွၵ်ႈ​ထႅဝ်​ၵူၼ်း​သိုၵ်း​သေ​လႄႈ ဢဝ်​ၶဝ်​ၸိူဝ်း​ဢၼ်​ၸွမ်း​လင်​မၼ်း​ၼၼ်ႉ​တၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ ယိတ်ႈပရေႃးႁဵၵ်ႈ​လႆႈ​လၢတ်ႈ​ဝႆႉ​လႄႈ​ဝႃႈ၊ ယႃႇ​ပေ​ဢဝ်​မၼ်း​တၢႆ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​သေ​ၵမ်း၊ ဝႃႈ​ၼင်ႇ​ၼႆ​ဝႆႉ​ဢေႃႈ။-</verse>
				<verse number="16">ၶဝ်​ဢွၼ်​ၵၼ်​ငိူင်ႉ​ဝႄႈ​ပၼ်​တၢင်း​တီႈ​မၼ်း​လႄႈ၊ မၼ်း​ဢွၵ်ႇ​ၼၼ်ႉ​ၸွမ်း​သဵၼ်ႈ​တၢင်း​မႃႉ ဢၼ်​ၶဝ်ႈ​ၸူး​ႁေႃ​ၶမ်း​ၼၼ်ႉ​လႄႈ၊ ၶဝ်​ဢွၼ်​ၵၼ်​ဢဝ်​မၼ်း​တၢႆ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="17">ယေႃးယတႃႉ ​ၵေႃႈ ႁဵတ်း​ပတီႉၺိၺ်ႇ​ဝူင်ႈ​ၵၢင်​ထႃႇဝရႃႉ​ၽြႃး ဢိၵ်ႇ​တင်း​ၶုၼ်​ႁေႃ​ၶမ်း​တင်း​ၵူၼ်း​တင်း​လၢႆ ႁႂ်ႈ​ၶဝ်​ပဵၼ်​ၵူၼ်း​ထႃႇဝရႃႉ​ၽြႃး​ဢေႃႈ။ လႆႈ​သမ်ႉ​မၼ်း​ႁဵတ်း​ပတီႉၺိၺ်ႇ​ဝူင်ႈ​ၵၢင်​ၶုၼ်​ႁေႃ​ၶမ်း​တင်း​ၵူၼ်း​တင်း​လၢႆ​ဢေႃႈ။-</verse>
				<verse number="18">ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင် ဢွၼ်​ၵၼ်​ၵႂႃႇ​ၵႃႈ​တီႈ ၵျွင်း​ ပႃႇလႃႉ ​လႄႈ ၵိူၼ်ႇ​ယႃႉ​ပႅတ်ႈ​ဢေႃႈ၊ ဢွၼ်​ၵၼ်​ႁၵ်း​ႁဵၵ်း​ယိတ်ႈပလၢင်ႇ​လႂ် တင်း​ရုၵ်ႈ​ထူႉ​လႂ် ပႅတ်ႈ​တင်း​သဵင်ႈ​တင်း​မူတ်း​လႄႈ ဢဝ်​ မတ်ႉသၼ်ႇ ​ယိတ်ႈပရေႃးႁဵၵ်ႈ​ ပႃႇလႃႉ ​ၼၼ်ႉ တၢႆ​ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ၸိူဝ်း​ၼၼ်ႉ​ဢေႃႈ။ ယိတ်ႈပရေႃးႁဵၵ်ႈ​ၶၢၼ်း​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ႁိူၼ်း​ထႃႇဝရႃႉ​ၽြႃး​ၼၼ်ႉ​ဝႆႉ​သေ​ယဝ်ႉ၊-</verse>
				<verse number="19">ႁွင်ႉ​ဢဝ် ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ​လႂ်၊ တပ်ႉ​မူး​လႂ် ၵူၼ်း​သိုၵ်း​ပႂ်ႉ​ႁၢင်ႈ​ပႂ်ႉ​ႁေႃ​လႂ် တင်း​ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင်​သေ​လႄႈ ဢဝ်​ၶုၼ်​ႁေႃ​ၶမ်း​လူင်း​သေ​ၵႃႈ​တီႈ​ႁိူၼ်း ထႃႇဝရႃႉ​ၽြႃး​ၸွမ်း​သဵၼ်ႈ​တၢင်း​ၽၵ်း​တူ​ပႂ်ႉ​ၵၢင် ၵႂႃႇ​သူင်ႇ​ၵႃႈ​တီႈ​ႁေႃ​ၸဝ်ႈ​လႄႈ မၼ်း​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ဢေႃႈ။-</verse>
				<verse number="20">ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင်​ၸူမ်း​သိူဝ်း​လႄႈ၊ ဝဵင်း​တင်း​ဝဵင်း​ၵေႃႈ မီး​တၢင်း​ဢၼ်​တဵတ်ႇ​လီ​ၼိမ်​လီ​ဢေႃႈ၊ ၶဝ်​ဢွၼ်​ၵၼ်​ဢဝ်​ ဢႃႇထလီႉ ​ၼၼ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၵႃႈ​တီႈ​ႁိမ်း​ႁေႃ​ၸဝ်ႈ​ဢေႃႈ။-</verse>
				<verse number="21">ယေႃးသႃႉ ​ၼၼ်ႉ​မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​ၸဵတ်း​ပီႊ​ဢေႃႈ။</verse>
			</chapter>
			<chapter number="12">
				<verse number="1">ၼႂ်း​ပီႊ​ဢၼ် ယေႇႁူႉ ​ၸၢမ်ႇ​ႁၢင်ႈ​ၸၢမ်ႇ​ႁေႃ​ၸဵတ်း​ပီႊ​ၼၼ်ႉ၊ ယေႃးသႃႉ ​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သီႇ​သိပ်း​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ၸီႉပီႉ ၵူၼ်း​ယိင်း​ဝဵင်း​ ပေႇရသေႇၽႃႉ ​ဢေႃႈ။-</verse>
				<verse number="2">ယေႃးသႃႉ ​ၼၼ်ႉ ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ယူႇ ၼႂ်း​ၸူဝ်ႈ​ဢၼ်​ယိတ်ႈပရေႃးႁဵၵ်ႈ​ ယေႃးယတႃႉ သင်ႇ​သွၼ်​မၼ်း​ၼၼ်ႉ​တဵမ်​တဵမ်​ဢေႃႈ။-</verse>
				<verse number="3">ၵူၺ်း​ၵႃႈ​မၼ်း​ဢမ်ႇ​ပႄႇ​ပႅတ်ႈ​ထႃႇၼႃႉ​တီႈ​သုင်​တင်း​လၢႆ​လႄႈ ၵူၼ်း​တင်း​လၢႆ​ယင်း​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​ၵႃႈ​တီႈ​ၸိူဝ်း​ၼၼ်ႉ​ယူႇ​ဢေႃႈ။</verse>
				<verse number="4">ယေႃးသႃႉ ​ၵေႃႈ​မီး​ဢမိင်ႉ​တီႈ ယိတ်ႈပရေႃးႁဵၵ်ႈ​တင်း​လၢႆ​လႄႈ​ဝႃႈ၊ ငိုၼ်း​ဢၼ်​ဢဝ်​ဢုၵ်ႉ​ၸႃႇ​တၢင်း​လူႇ ဢၼ်​သႂၢင်း​ၶဝ်ႈ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၸိူဝ်း​ၼၼ်ႉ​ၶၢႆ​လႄႈ လႆႈ​ၵႃႈ​မီး​ၼၼ်ႉ၊ ငိုၼ်း​ဢၼ်​ပျၢတ်ႈ​ၵႃႈ​တူဝ်​ၶၼ်​တူဝ်​လႄႈ​လႆႈ၊ ငိုၼ်း​ဢၼ်​မီး​တင်း​ၸႂ်​ၸေႇတၼႃႇ​သေ​လႄႈ ဢဝ်​မႃး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​လႄႈ လူႇ​တၢၼ်း​ၵႃႈ​မီး​ၼၼ်ႉ​ၸိူဝ်း​ၼၼ်ႉ​ၸိုင်၊-</verse>
				<verse number="5">ႁႂ်ႈ​ယိတ်ႈပရေႃးႁဵၵ်ႈ​တင်း​လၢႆ​ၶၢမ်ႇ​ဢဝ်​တီႈ​ၵေႃႉ​ဢၼ်​မိုတ်ႈ​ဢၼ်​ၵိုဝ်း​တင်း​မၼ်း​ၼၼ်ႉ ႁင်း​ၽႂ်​ႁင်း​မၼ်း​မႃး​လႄႈ မႄး​ၵုမ်း​မႄး​ႁဵတ်း​ႁွႆး​တီႈ​ဢၼ်​ၵိူၼ်ႇ​ဢၼ်​လူႉ​တီႈ​ပိၵ်ႈ​မၢၼ်ႇ​ၸဝ်ႈ တီႈ​ၵႃႈ​ဢၼ်​ထူပ်း​ႁၼ်​ႁွႆး​တီႈ​ဢၼ်​ၵိူၼ်ႇ​ဢၼ်​လူႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၼႂ်း​ဝႃႈ​ၼၼ်​သေ​ၵေႃႈ ၼႂ်း​ပီႊ​ဢၼ်​ၶုၼ်​လူင်​ ယေႃးသႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သၢဝ်း​ပၢႆ​သၢမ်​ပီႊ​ၼၼ်ႉ၊ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ဢမ်ႇ​ပႆႇ​မႄး​ၵုမ်း​မႄး​ႁဵတ်း​ႁွႆး​တီႈ​ဢၼ်​ၵိူၼ်ႇ​ဢၼ်​လူႉ​တီႈ​ပိၵ်ႈ​မၢၼ်ႇ​ၸဝ်ႈ​ၸိူဝ်း​ၼၼ်ႉ။-</verse>
				<verse number="7">မိူဝ်ႈ​ၼၼ်ႉ​ၶုၼ်​လူင်​ ယေႃးသႃႉ ႁွင်ႉ​ဢဝ်​ယိတ်ႈပရေႃးႁဵၵ်ႈ​ ယေႃးယတႃႉ ဢိၵ်ႇ​တင်း​ယိတ်ႈပရေႃးႁဵၵ်ႈ​တၢင်ႇ​ၵေႃႉ​တၢင်ႇ​ၵူၼ်း​တင်း​လၢႆ​ၼၼ်ႉ​လႄႈ မီး​ဢမိင်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ယင်း​ဢမ်ႇ​မႄး​ၵုမ်း​မႄး​ႁဵတ်း ႁွႆး​တီႈ​ဢၼ်​ၵိူၼ်ႇ​ဢၼ်​လူႉ​ပိၵ်ႈ​မၢၼ်ႇ​ၸဝ်ႈ​ၸိူဝ်ႉ​ၼင်ႇ​ၼၼ်​လႄႈ​ယူႇ​ၼင်ႇ​ႁိုဝ်။ ၵမ်း​လိုၼ်း​သူ​ယႃႇ​ပေ​ဢဝ်​ငိုၼ်း​တီႈ​ၶဝ်​ၸိူဝ်း​ဢၼ်​မိုတ်ႈ​ဢၼ်​ၵိုဝ်း​ၵၼ်​တင်း​သူ​ၼၼ်ႉ။ ဢွၼ်​ၵၼ်​ဢဝ်​ဢၢပ်ႈ​ပၼ်​ပုၼ်ႈ​ဢၼ်​တၵ်း​မႄး​ၵုမ်း​မႄး​ႁဵတ်း ႁွႆး​တီႈ​ဢၼ်​ၵိူၼ်ႇ​ဢၼ်​လူႉ​ပိၵ်ႈ​မၢၼ်ႇ​ၸဝ်ႈ​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="8">ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ဢွၼ်​ၵၼ်​ႁပ်ႉ​တုင်း​ဢဝ် လွင်ႈ​ဢၼ်​ၵမ်း​လိုၼ်း​ၶဝ်​ဢမ်ႇ​လႆႈ​ၶၢမ်ႇ​လႆႈ​ဢဝ်​ငိုၼ်း​တီႈ​ၵူၼ်း​တင်း​လၢႆ၊ ဢမ်ႇ​လႆႈ​မႄး​ၵုမ်း​မႄး​ႁဵတ်း​ႁွႆး​တီႈ​ဢၼ်​ၵိူၼ်ႇ​ဢၼ်​လူႉ​တီႈ​ပိၵ်ႈ​မၢၼ်ႇ​ၸဝ်ႈ​ၸိူဝ်း​ၼၼ်ႉ​လႄႈ​ယူႇ​ဢေႃႈ။-</verse>
				<verse number="9">ယိတ်ႈပရေႃးႁဵၵ်ႈ​ ယေႃးယတႃႉ ​ၼၼ်ႉ ဢဝ်​တိူၵ်ႈ​တႃႇ​လႄႈ မုင်း​ၽႃ​ႁူမ်ႇ​မၼ်း​သေ​ယဝ်ႉ ဢဝ်​ဝႆႉ​ၵႃႈ​တီႈ​ႁိမ်း​ယိတ်ႈပလၢင်ႇ ၵႃႈ​တီႈ​ၽၢႆႇ​ၶႂႃ​သဵၼ်ႈ​တၢင်း​ဢၼ်​ၶဝ်ႈ​ၸူး​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ​လႄႈ၊ ယိတ်ႈပရေႃးႁဵၵ်ႈ​ဢၼ်​ပႂ်ႉ​ၽၵ်း​တူ​ၸိူဝ်း​ၼၼ်ႉ​ဢွၼ်​ၵၼ်​ဢဝ်​ငိုၼ်း ၵႃႈ​ဢၼ်​ဢဝ်​မႃး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ သႂ်ႇ​ဝႆႉ​ၵႃႈ​ၼႂ်း​ၼၼ်ႉ​ဢေႃႈ။-</verse>
				<verse number="10">မိူဝ်ႈ​ဢၼ်​ၶဝ်​ႁူႉ​ႁၼ်​လွင်ႈ​ဢၼ်​ငိုၼ်း​ၼမ်​ၼႃႇ​ၵႃႈ​ၼႂ်း​တိူၵ်ႈ​တႃႇ​ၼၼ်ႉ​ၸိုင်၊ ၸရေး​လူင်​ၶုၼ်​ႁေႃ​ၶမ်း တင်း​ၶုၼ်​ယိတ်ႈပရေႃးႁဵၵ်ႈ​ၼၼ်ႉ​မႃး​လႄႈ ဢဝ်​ငိုၼ်း​ဢၼ်​ၸူႉ​ႁွမ်​ဝႆႉ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ ႁေႃႇ​ၸွၵ်း​သေ​လႄႈ ဢဝ်​ၸရၢင်း​ဢေႃႈ။-</verse>
				<verse number="11">ၶဝ်​ဢဝ်​ငိုၼ်း​ဢၼ်​ၸင်ႈ​ႁိဝ်ႈ​ဝႆႉ​ယဝ်ႉ​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ပႂ်ႉ​တၢင်း​ႁဵတ်း​လႄႈ​ဢုပ်ႉ​ၵႃႈ​ၼိူဝ်​ႁိူၼ်း​ထႃႇဝရႃႉ​ၽြႃး​ၼၼ်ႉ​လႄႈ ၶဝ်​ၼၼ်ႉ​ဢွၼ်​ၵၼ်​ဢဝ်​မႅင်ႇ​ပၼ် ပုၼ်ႈ​လၢၵ်ႈသမႃး​လႂ်၊ ၶဝ်​ၸိူဝ်း​ဢၼ်​ႁဵတ်း​ဢၼ်​ပွင်​လႂ် ဢၼ်​သၢင်ႈ​ႁဵတ်း​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ၊-</verse>
				<verse number="12">ၶဝ်​ၸိူဝ်း​ဢၼ်​တႄႇ​ဢုတ်ႇ​လႂ်၊ ၶဝ်​ၸိူဝ်း​ဢၼ်​ထၢၵ်ႇ​ဢၼ်​သပ်း​မၢၵ်ႇ​ႁိၼ်​လႂ် ဢိၵ်ႇ​တင်း​ပုၼ်ႈ​ဢၼ်​တၵ်း​သိုဝ်ႉ​မႆႉ​လွၼ်ႉ​မႆႉ​ၸိင် မၢၵ်ႇ​ႁိၼ်​ဢၼ်​ထၢၵ်ႇ​ယဝ်ႉ​သပ်း​ယဝ်ႉ ႁႂ်ႈ​လႆႈ​မႄး​ၵုမ်း​မႄး​ႁဵတ်း​ႁွႆး​တီႈ​ဢၼ်​ၵိူၼ်ႇ​ဢၼ်​လူႉ​တီႈ​ႁိူၼ်း​ထႃႇဝရႃႉ​ၽြႃး​ၸိူဝ်း​ၼၼ်ႉ ဢိၵ်ႇ​တင်း​ပုၼ်ႈ​ၵႃႈ​ဢၼ်​တၵ်း​သဵင်ႈ​ႁႂ်ႈ​လႆႈ​မႄး​ၵုမ်း​မႄး​ႁဵတ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​ဢေႃႈ။-</verse>
				<verse number="13">ၶဝ်​ဢမ်ႇ​ဢဝ်​ငိုၼ်း​ဢၼ်​ဢဝ်​မႃး​လူႇ​တၢၼ်း​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ ႁဵတ်း​ၵွၵ်း​ငိုၼ်း​လႂ်၊ ၵိမ်း​ၺၢပ်ႈ​ၽႆး​လႂ်၊ ဝၢၼ်ႇ​လႂ်၊ ၼႄးၶရႃႇ​လႂ်၊ ၶိူင်ႈ​ၶမ်း​လႂ်၊ ၶိူင်ႈ​ငိုၼ်း​လႂ် ပုၼ်ႈ​ႁိူၼ်း​ထႃႇဝရႃႉ​ၽြႃး​ၼၼ်ႉ၊-</verse>
				<verse number="14">ငိုၼ်း​ၼၼ်ႉ​ၸိုင်၊ ၶဝ်​ဢဝ်​ပၼ်​တီႈ​ၶဝ်​ၸိူဝ်း​ဢၼ် ႁဵတ်း​တၢင်း​ႁဵတ်း​ၼၼ်ႉ​လႄႈ ၶဝ်​ၼၼ်ႉ​ဢွၼ်​ၵၼ်​ဢဝ် မႄး​ၵုမ်း​မႄး​ႁဵတ်း​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="15">ၶဝ်​ဢမ်ႇ​တႂၢၵ်ႈ​ၸရၢင်း​တီႈ​ၶဝ်​ၸိူဝ်း​ဢၼ်​ၶၢမ်ႇ​ဢဝ်​ငိုၼ်း​သေ​လႄႈ ပၼ်​တီႈ​ၶဝ်​ၸိူဝ်း​ဢၼ်​ႁဵတ်း​တၢင်း​ႁဵတ်း​ၼၼ်ႉ။ ၵွပ်ႈ​ပိူဝ်ႈ​ဢၼ်​ၶဝ်​ၸိူဝ်း​ၼၼ်ႉ​ပႂ်ႉ​သဵတ်ႈ​ၸႃႇ​ၼၼ်ႉ​ဢေႃႈ။-</verse>
				<verse number="16">ငိုၼ်း​ယိတ်ႈ​ဢၼ်​ၽေႇ​တူႉ​ၸရိူၵ်ႈ၊ ငိုၼ်း​ယိတ်ႈ​ဢၼ်​ၽေႇ​ဢပႅတ်ႈ​ၸမ်ႉ၊ ဢမ်ႇ​လႆႈ​ဢဝ်​သႂၢင်း​ၶဝ်ႈ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​လႄႈ၊ ယိတ်ႈပရေႃးႁဵၵ်ႈ​လႆႈ​ပိူင်ႇ​ဢဝ်​ဢေႃႈ။</verse>
				<verse number="17">မိူဝ်ႈ​ၼၼ်ႉ ႁႃႇၸေႇလႃႉ ၶုၼ်​ႁေႃ​ၶမ်း​ သူႉရီႉ ၶီႇ​သိုၵ်း​ၶိုၼ်ႈ​ၸူး​လႄႈ တိုၵ်း​တေႃး​ဝဵင်း​ ၵႃႇသႃႉ ​သေ​လႄႈ သိမ်း​ဢဝ်​သေ​ယဝ်ႉ၊ ႁႃႇၸေႇလႃႉ ​ၼၼ်ႉ ဝၢႆႇ​ၼႃႈ​တေႃႇ​ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ၶီႇ​သိုၵ်း​ၶိုၼ်ႈ​ၸူး​ယူႇ​ဢေႃႈ။-</verse>
				<verse number="18">ယေႃးသႃႉ ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ဢဝ်​ၶိူင်ႈ​ပိူင်​ဢၼ်​မူတ်း​ၸၢင်ႇ​ၵႃႈ​ဢၼ်​ ယူဝ်းသၽတ်ႉ၊ ယႁူဝ်းရမ်ႇ၊ ဢႃႇၶၸီႉ ​ပူႇ​ၸဝ်ႈ​မွၼ်ႇ​ၸဝ်ႈ​ဢၼ်​ဝႃႈ ၶုၼ်​ႁေႃ​ၶမ်း​ ယူႉတႃႉ ​ၸိူဝ်း​ၼၼ်ႉ​လူႇ​တၢၼ်း တင်း​ၶိူင်ႈ​ပိူင်​ဢၼ်​မၼ်း​ႁႂ်ႈ​မူတ်း​ၸၢင်ႇ​ၸိူဝ်း​ၼၼ်ႉ ဢိၵ်ႇ​တင်း​ၶမ်း ၵႃႈ​ဢၼ်​ထူပ်း​ႁၼ်​ၵႃႈ​ၼႂ်း​ၽၼ်ႇတႃႇ​ႁိူၼ်း​ထႃႇဝရႃႉ​ၽြႃး တင်း​ၽၼ်ႇတႃႇ​ႁေႃ​ၸဝ်ႈ​ၼၼ်ႉ ပၼ်​ၵႂႃႇ​တီႈ​ ႁႃႇၸေႇလႃႉ ၶုၼ်​ႁေႃ​ၶမ်း​ သူႉရီႉ ​ၼၼ်ႉ​လႄႈ၊ မၼ်း​ၼၼ်ႉ​ဝၢႆႇ​သေ​ဝၢင်း​သေ​ဝဵင်း​ ယေႇရူႉသလႅမ်ႇ ​လႄႈ​ၵႂႃႇ​သေ​ဢေႃႈ။</verse>
				<verse number="19">လွင်ႈ​တၢင်း​ ယေႃးသႃႉ ​ဢၼ်​ယင်း​ၵိုတ်း​ယင်း​ၵျၢၼ်ႇ ဢိၵ်ႇ​တင်း​လွင်ႈ​တၢင်း​ၵႃႈ​ဢၼ်​မၼ်း​ႁဵတ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​ဢေႃႈ။-</verse>
				<verse number="20">ၶႃႈ​မၼ်း​ၵူၼ်း​မၼ်း​ဢွၼ်​ၵၼ်​လုၵ်ႉ​လႄႈ လွမ်​ႁဵတ်း​မုၵ်ႉ​ႁဵတ်း​ၸိူဝ်း​သေ​ယဝ်ႉ၊ ဢဝ်​ ယေႃးသႃႉ ​ၼၼ်ႉ​တၢႆ ၵႃႈ​ၼႂ်း​ႁေႃ​ယႃႇယီႇ မီႉလေႃႇ ၵႃႈ​တီႈ​သဵၼ်ႈ​တၢင်း​ဢၼ်​လူင်း​ၸူး​ဝၢၼ်ႈ​ သီႉလႃႉ ​ဢေႃႈ။-</verse>
				<verse number="21">ယေႃးၸပတ်ႉ လုၵ်ႈ​ၸၢႆး​ သီႉမတ်ႉ ဢိၵ်ႇ​တင်း​ ယႁေႃးၸပပ်ႉ လုၵ်ႈ​ၸၢႆး​ သူဝ်းမေႇရႃႉ ၶႃႈ​မၼ်း​ၵူၼ်း​မၼ်း​ၼၼ်ႉ ယႃႉ​မၼ်း​ပႅတ်ႈ ႁႂ်ႈ​ထၼ်ႈ​ပေႃး​တၢႆ​ဢေႃႈ။ ၶဝ်​ဢွၼ်​ၵၼ်​ဢဝ်​သၢင်း​ၵျူဝ်ႇ​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ ၵႃႈ​ၼႂ်း​ဝဵင်း​ တႃႇဝိတ်ႈ ​ၼၼ်ႉ​ဢေႃႈ၊ ဢႃႇမၸီႉ လုၵ်ႈ​ၸၢႆး​ၸဝ်ႈ​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="13">
				<verse number="1">ၼႂ်း​ပီႊ​ဢၼ်​ ယေႃးသႃႉ လုၵ်ႈ​ၸၢႆး​ ဢႃႇၶၸီႉ ​ၶုၼ်​ႁေႃ​ၶမ်း​ ယူႉတႃႉ ​ၸၢမ်ႇ​ႁၢင်ႈ​ၸၢမ်ႇ​ႁေႃ သၢဝ်း​ပၢႆ​သၢမ်​ပီႊ​ၼၼ်ႉ၊ ယေႃးၶတ်ႉ ​လုၵ်ႈ​ၸၢႆး​ ယေႇႁူႉ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ ယူႇ​ၵႃႈ​ၼႂ်း​ဝဵင်း​ သမႃႇရီႉ ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ သိပ်း​ပၢႆ​ၸဵတ်း​ပီႊ​ဢေႃႈ။-</verse>
				<verse number="2">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ယင်း​ဢမ်ႇ​ဝႄႈ​ပႅတ်ႈ​ဢပႅတ်ႈ​တူႉ​ၸရိူၵ်ႈ​ ယေႇရူဝ်းပုမ်ႇ လုၵ်ႈ​ၸၢႆး ၼေႇပတ်ႉ ဢၼ်​မၼ်း​ႁႂ်ႈ​မဵဝ်း​ ဢီႉသရေႇလႃႉ ၽိတ်း​ပိူင်ႈ​ၼၼ်ႉ​လႄႈ​ၸွမ်း​ယူႇ​ဢေႃႈ။</verse>
				<verse number="3">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ထႃႇဝရႃႉ​ၽြႃး​ၸႂ်​မႆႈ​ၶႆႈ​ၸႃႉ​တီႈ​မဵဝ်း​ ဢီႉသရေႇလႃႉ ​လႄႈ ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း ႁႃႇၸေႇလႃႉ ၶုၼ်​ႁေႃ​ၶမ်း​ သူႉရီႉ ဢိၵ်ႇ​တင်း​ၵႃႈ​ၼႂ်း​မိုဝ်း​ ပိၼ်ႇႁႃႇတတ်ႉ လုၵ်ႈ​ၸၢႆး​ ႁႃႇၸေႇလႃႉ ​ၼၼ်ႉ ၼႂ်း​ၸူဝ်ႈ​ပၢၼ်​မၼ်း​ၼၼ်ႉ​တဵမ်​တဵမ်​ဢေႃႈ။-</verse>
				<verse number="4">ယေႃးၶတ်ႉ ​ၼၼ်ႉ​သူး​တွင်း​တီႈ​ထႃႇဝရႃႉ​ၽြႃး​လႄႈ၊ ထႃႇဝရႃႉ​ၽြႃး​ထွမ်ႇ​ဢဝ်​ၵႂၢမ်း​မၼ်း ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ႁၼ်​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး တီႈ​မဵဝ်း​ ဢီႉသရေႇလႃႉ ဢၼ်​ၶုၼ်​ႁေႃ​ၶမ်း​ သူႉရီႉ ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၼၼ်ႉ​ဢေႃႈ။-</verse>
				<verse number="5">ထႃႇဝရႃႉ​ၽြႃး​ပၼ်​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ် တီႈ​မဵဝ်း​ ဢီႉသရေႇလႃႉ ​ထၼ်ႈ​ပေႃး​ၶဝ်​လႆႈ​လွတ်ႈ​ဢွၵ်ႇ​သေ​ၵႃႈ​ၼႂ်း​မိုဝ်း ၵူၼ်း​ သူႉရီႉ ​တင်း​လၢႆ​လႄႈ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ လႆႈ​ယူႇ​ၵႃႈ​ၼႂ်း​မူဝ်းၵႃႇ​တီႈ​ယူႇ​တီႈ​သဝ်း​ၶဝ် မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="6">ၼႂ်း​ဝႃႈ​ၼၼ်​သေ​ၵေႃႈ ၶဝ်​ယင်း​ဢမ်ႇ​ဝႄႈ​ပႅတ်ႈ​တူႉ​ၸရိူၵ်ႈ​ဢပႅတ်ႈ​မဵဝ်း​ၸိူဝ်ႉ​ၶိူဝ်း ယေႇရူဝ်းပုမ်ႇ ဢၼ်​မၼ်း​ႁႂ်ႈ​မဵဝ်း​ ဢီႉသရေႇလႃႉ ၽိတ်း​ပိူင်ႈ​ၼၼ်ႉ​လႄႈ ဢွၼ်​ၵၼ်​ၸွမ်း​ယူႇ​ဢေႃႈ။ ၵႃႈ​တီႈ​ဝဵင်း​ သမႃႇရီႉ ​ၵေႃႈ ယင်း​မီး​တူၼ်ႈ​ ဢႃႇသရႃႉ ​ယူႇ​ဢေႃႈ။-</verse>
				<verse number="7">ၵႃႈ​တီႈ​ ယေႃးၶတ်ႉ ​ၼၼ်ႉ၊ လိူဝ်​သေ​ၵူၼ်း​သိုၵ်း​ၶီႇ​မႃႉ​ႁႃႈ​သိပ်း၊ လေႃႉရထႃး​သိပ်း​ၼိုင်ႈ၊ ၵူၼ်း​သိုၵ်း​ပႆ​တိၼ်​မိုၼ်ႇ​ၼိုင်ႈ​ၵူၺ်း​ၼၼ်ႉ၊ ၶုၼ်​ႁေႃ​ၶမ်း​ သူႉရီႉ ဢမ်ႇ​ဝႆႉ​ၵိုတ်း​ဝႆႉ​ၵျၢၼ်ႇ​လႃး​လႃး။ လွင်ႈ​မၼ်း​ၸမ်ႉ ၶုၼ်​ႁေႃ​ၶမ်း​ သူႉရီႉ ​ၼၼ်ႉ လႆႈ​ယႃႉ​ၽဵဝ်ႈ​ၶဝ်​ပႅတ်ႈ​လႄႈ ႁႂ်ႈ​ၶဝ်​ပဵၼ်​ၸိူဝ်ႉ​ၼင်ႇ​မုၼ်ႈ​ၵႃႈ​ၼႂ်း​တလၢင်း​ယဵပ်ႇ​ၶဝ်ႈ​ၼၼ်ႉ​ဢေႃႈ။-</verse>
				<verse number="8">လွင်ႈ​တၢင်း​ ယေႃးၶတ်ႉ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ၵႃႈ​ဢၼ်​မၼ်း​ႁဵတ်း၊ လွင်ႈ​တၢင်း​ဢၼ်​တၼ်း​ၶူဝ်း​မၼ်း​ယႂ်ႇ​ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း ရႃႇၸဝၢင်ႇ​ ဢီႉသရေႇလႃႉ ​ဢေႃႈ။-</verse>
				<verse number="9">ယေႃးၶတ်ႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶဝ်​ဢဝ်​မၼ်း​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ သမႃႇရီႉ ​ဢေႃႈ။ ယႁေႃးသႃႉ လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="10">ၼႂ်း​ပီႊ​ဢၼ်​ ယေႃးသႃႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သၢမ်​သိပ်း​ပၢႆ​ၸဵတ်း​ပီႊ​ၼၼ်ႉ၊ ယႁေႃးသႃႉ ​လုၵ်ႈ​ၸၢႆး​ ယေႃးၶတ်ႉ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ယူႇ​ၵႃႈ​ၼႂ်း​ဝဵင်း​ သမႃႇရီႉ ​လႄႈ​ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ သိပ်း​ပၢႆ​ႁူၵ်း​ပီႊ​ဢေႃႈ။-</verse>
				<verse number="11">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ယင်း​ဢမ်ႇ​ဝႄႈ​ပႅတ်ႈ​တူႉ​ၸရိူၵ်ႈ​ ယေႇရူဝ်းပုမ်ႇ လုၵ်ႈ​ၸၢႆး​ ၼေႇပတ်ႉ ဢၼ်​မၼ်း​ႁႂ်ႈ​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ၼၼ်ႉ​လႄႈ ဢွၼ်​ၵၼ်​ၸွမ်း​ယူႇ​ဢေႃႈ။-</verse>
				<verse number="12">လွင်ႈ​တၢင်း​ ယႁေႃးသႃႉ ​ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ၵႃႈ​ဢၼ်​မၼ်း​ႁဵတ်း၊ လွင်ႈ​တၢင်း​ဢၼ်​တၼ်း​ၶူဝ်း​မၼ်း​ယႂ်ႇ လူၺ်ႈ​လွင်ႈ​ဢၼ်​မၼ်း​တိုၵ်း​သိုၵ်း​ၵၼ်​တင်း​ ဢႃႇမၸီႉ ၶုၼ်​ႁေႃ​ၶမ်း​ ယူႉတႃႉ ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း ရႃႇၸဝၢင်ႇ​ ဢီႉသရေႇလႃႉ ​ဢေႃႈ။-</verse>
				<verse number="13">ယႁေႃးသႃႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ၊ ယေႇရူဝ်းပုမ်ႇ ​လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ရႃႇၸႃႉ​ပလၢင်ႇ​ၸဝ်ႈ​ပေႃႈ​မၼ်း​ဢေႃႈ။ ယႁေႃးသႃႉ ​ၼၼ်ႉ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ သမႃႇရီႉ ​လူၺ်ႈ​ၵၼ်​တင်း​ၶုၼ်​ႁေႃ​ၶမ်း​ ဢီႉသရေႇလႃႉ ​တင်း​လၢႆ​ဢေႃႈ။</verse>
				<verse number="14">မိူဝ်ႈ​ၼၼ်ႉ​ၼႂ်း​မိူဝ်ႈ​ဢၼ်​ ဢေးလီႉသႄး ၸပ်း​တၢင်း​ၶႆႈ​တၢင်း​ပဵၼ်​ဢၼ်​မၼ်း​တၵ်း​လႆႈ​တၢႆ​လူၺ်ႈ​ၼၼ်ႉ​လႄႈ​ယူႇ​ၼၼ်ႉ​ၸိုင်၊ ယႁေႃးသႃႉ ​ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ လူင်း​ၸူး​တီႈ​မၼ်း​လႄႈ​ၵူမ်ႈ​ၶူမ်​ႁႆႈ​ႁွင်ႉ​ယူႇ​ၵႃႈ​ၼိူဝ်​ၼႃႈ​မၼ်း​လႄႈ​ဝႃႈ၊ ပေႃႈ​ၵဝ်​ဢိူၺ်း၊ ပေႃႈ​ၵဝ်​ဢိူၺ်း၊ လေႃႉရထႃး​ ဢီႉသရေႇလႃႉ ဢိၵ်ႇ​တင်း​မႃႉ​လေႃႉရထႃး​ ဢီႉသရေႇလႃႉ ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ဢေးလီႉသႄး ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ဢဝ်​ၵၢင်ႇ​တင်း​ပိုၼ်​မႃး​တႃႉ၊ ဝႃႈ​ၼင်ႇ​ၼႆ​လႄႈ မၼ်း​ဢဝ်​ၵၢင်ႇ​တင်း​ပိုၼ်​မႃး​ဢေႃႈ။-</verse>
				<verse number="16">မၼ်း​ၼၼ်ႉ​သမ်ႉ​လၢတ်ႈ​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​ထႅင်ႈ​လႄႈ​ဝႃႈ၊ ဝူတ်ႈ​ၵၢင်ႇ​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ဝူတ်ႈ​ၵၢင်ႇ​လႄႈ ဢေးလီႉသႄး ​ၼၼ်ႉ ဢဝ်​မိုဝ်း​မၼ်း​တၢင်ႇ​သႂ်ႇ​ၵႃႈ​ၼိူဝ်​မိုဝ်း​ၶုၼ်​ႁေႃ​ၶမ်း​ယူႇ​သေ​လႄႈ​ဝႃႈ၊-</verse>
				<verse number="17">ၽုၺ်ႇ​ႁူး​လၢင်း​တဵၼ်​ၽၢႆႇ​တၢင်း​ဢွၵ်ႇ​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ၽုၺ်ႇ​သေ​ယဝ်ႉ၊ ဢေးလီႉသႄး ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ယိုဝ်း​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ယိုဝ်း​ဢေႃႈ။ မၼ်း​ၼၼ်ႉ​လၢတ်ႈ​လႄႈ​ဝႃႈ၊ ပဵၼ်​ပိုၼ်​တီႈ​ဢၼ်​ထႃႇဝရႃႉ​ၽြႃး​ၵႄႇ​သႄႇ​ၶျွတ်ႈ​ဢဝ် ပိုၼ်​တီႈ​ဢၼ် ၵႄႇ​သႄႇ​ၶျွတ်ႈ​ဢဝ် ၵႃႈ​ၼႂ်း​မိုဝ်း​ၵူၼ်း​ သူႉရီႉ ​တင်း​လၢႆ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​တၵ်း​လႆႈ​တိုၵ်း​တေႃး​ယႃႉ​ပႅတ်ႈ​ၵူၼ်း​ သူႉရီႉ ​တင်း​လၢႆ ၵႃႈ​တီႈ​ဝဵင်း​ ဢႃႇၽႅတ်ႉ ထၼ်ႈ​ပေႃး​လူႉ​ပေႃး​လႅဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မၼ်း​ၼၼ်ႉ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ဢဝ်​ပိုၼ်​ထႅင်ႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ဢဝ်​ဢေႃႈ၊ မၼ်း​ၼၼ်ႉ​သမ်ႉ​လၢတ်ႈ​တီႈ ၶုၼ်​ႁေႃ​ၶမ်း​ ဢီႉသရေႇလႃႉ ​ထႅင်ႈ​လႄႈ​ဝႃႈ၊ ဢဝ်​ပေႃႉ​ယႅၼ်ႉ​သႂ်ႇ​ၵႃႈ​ၼိူဝ်​လိၼ်​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ဢဝ်​ပေႃႉ​ယႅၼ်ႉ​သၢမ်​ၵမ်း​ၵူၺ်း​လႄႈ ၵိုတ်း​သဝ်း​ယူႇ​သေ​ဢေႃႈ။-</verse>
				<verse number="19">မိူဝ်ႈ​ၼၼ်ႉ​ၵူၼ်း​ၽြႃး​ပဵၼ်​ၸဝ်ႈ ၸႂ်​မႆႈ​ၶႆႈ​ၸႃႉ​တီႈ​မၼ်း​လႄႈ​လၢတ်ႈ​လႄႈ​ဝႃႈ၊ မႂ်း​ထုၵ်ႇ​လီ​ပေႃႉ​ယႅၼ်ႉ​ႁႃႈ​ၵမ်း​ႁူၵ်း​ၵမ်း​ဢေႃႈ။ သင်​ပေႃႉ​ယႅၼ်ႉ​ၸိူဝ်ႉ​ၼင်ႇ​ၼၼ်​ၸိုင်၊ မႂ်း​တၵ်း​လႆႈ​တိုၵ်း​တေႃး​ယႃႉ​ပႅတ်ႈ​ၵူၼ်း​ သူႉရီႉ ​တင်း​လၢႆ​ထၼ်ႈ​ပေႃး​လူႉ​ပေႃး​လႅဝ်​ဢေႃႈ။ မိူဝ်ႈ​လဵဝ်​ၼႆႉ​ၸမ်ႉ၊ မႂ်း​တၵ်း​လႆႈ​တိုၵ်း​တေႃး​ယႃႉ​ပႅတ်ႈ​ၵူၼ်း​ သူႉရီႉ ​ၸိူဝ်း​ၼၼ်ႉ​သၢမ်​ပွၵ်ႈ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ဢေးလီႉသႄး ​ၼၼ်ႉ​တၢႆ​လႄႈ ၶဝ်​ဢဝ်​မၼ်း​သၢင်း​ၵျူဝ်ႇ​သေ​ဢေႃႈ၊ မိူဝ်ႈ​ဢၼ်​ႁွတ်ႈ​ထိုင်​ငဝ်ႈ​ပီႊ​ၼႃႈ​ၼၼ်ႉ​ၸိုင်၊ ၵူၼ်း မေႃႇၽႃႉ ​တင်း​လၢႆ ပဵၼ်​မုၵ်ႉ​ပဵၼ်​ၸိူဝ်း​သေ​လႄႈ မႃး​တိုၵ်း​မိူင်း​ၸဝ်ႈ​ဢေႃႈ။-</verse>
				<verse number="21">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​သၢင်း​ၵျူဝ်ႇ​ၵူၼ်း​ၵေႃႉ​ၼိုင်ႈ​ယူႇ​ၼၼ်ႉ​ၸိုင် ၶဝ်​ႁၼ်​မုၵ်ႉ​ၵူၼ်း​ၸိူဝ်း​ၵူၼ်း​ မေႃႇၽႃႉ ​မႃး​လႄႈ ၶဝ်​ၼႅတ်ႈ​ဢဝ်​တူဝ်​တၢႆ​ၼၼ်ႉ​ၶျႃး​တူၵ်း​သႂ်ႇ​ၵႃႈ​ၼႂ်း​ၶုမ်​သၢင်း​ၶႅင်း​ ဢေးလီႉသႄး ​ၼၼ်ႉ​ဢေႃႈ၊ မိူဝ်ႈ​ဢၼ်​ၵေႃႉ​ဢၼ်​တၢႆ​ၼၼ်ႉ​ႁွတ်ႈ​ထိုင်​ၵႃႈ​တီႈ​တႂ်ႈ​လႄႈ တိူဝ်ႉ​ထုၵ်ႇ​သႂ်ႇ​လုပ်ႇ ဢေးလီႉသႄး ​ၼၼ်ႉ​ၸိုင် ဢသၢၵ်ႈ​မၼ်း​သမ်ႉ​ၶိုၼ်း​လိပ်း​လႄႈ မၼ်း​လုၵ်ႉ​ၸုၵ်း​ယူႇ​ဢေႃႈ။</verse>
				<verse number="22">ၸူဝ်ႈ​ပၢၼ်​ၶုၼ်​ ယေႃးၶတ်ႉ ​ၼၼ်ႉ​တဵမ်​တဵမ် ႁႃႇၸေႇလႃႉ ​ၶုၼ်​ႁေႃ​ၶမ်း​ သူႉရီႉ ​ၼိၵ်ႈ​ၸၢၵ်ႈ​ငႅၼ်း​သႄး​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="23">ထႃႇဝရႃႉ​ၽြႃး ဢဵတ်း​လူ​ႁၵ်ႉ​ပႅင်း​ၶဝ်၊ ႁဵတ်း​ၵျေး​ၸူး​တီႈ​ၶဝ်​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶဝ်​ၵွပ်ႈ​ပိူဝ်ႈ​ပတီႉၺိၺ်ႇ ဢၼ်​မၼ်း​ၸဝ်ႈ​ႁဵတ်း​ဝႆႉ​လူၺ်ႈ​ၵၼ်​တင်း​ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၸိူဝ်း​ၼၼ်ႉ​သေ​လႄႈ ယင်း​ဢမ်ႇ​ပႆႇ​ယႃႉ​ၽဵဝ်ႈ​ၶဝ်​ပႅတ်ႈ၊ ဢမ်ႇ​ပႆႇ​ႁေႃႈ​ၶဝ်​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ​ယူႇ​ဢေႃႈ။-</verse>
				<verse number="24">ႁႃႇၸေႇလႃႉ ​ၶုၼ်​ႁေႃ​ၶမ်း​ သူႉရီႉ ​ၼၼ်ႉ​တၢႆ​လႄႈ ပိၼ်ႇႁႃႇတတ်ႉ ​လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။-</verse>
				<verse number="25">ဝၢၼ်ႈ​ဝဵင်း​ဢၼ်​ ႁႃႇၸေႇလႃႉ တိုၵ်း​တေႃး​လႄႈ သိမ်း​ဢဝ်​ၵႃႈ​ၼႂ်း​မိုဝ်း​ ယေႃးၶတ်ႉ ၸဝ်ႈ​ပေႃႈ​မၼ်း​ၼၼ်ႉ​ၸိုင်၊ ယႁေႃးသႃႉ လုၵ်ႈ​ၸၢႆး​ ယေႃးၶတ်ႉ ​ၼၼ်ႉ သမ်ႉ​ၶိုၼ်း​တိုၵ်း​တေႃး​ၼုၵ်ႈ​ဢဝ် ၵႃႈ​ၼႂ်း​မိုဝ်း​ ပိၼ်ႇႁႃႇတတ်ႉ ​လုၵ်ႈ​ၸၢႆး​ ႁႃႇၸေႇလႃႉ ​ၼၼ်ႉ​ဢေႃႈ ယႁေႃးသႃႉ ​ၼၼ်ႉ တိုၵ်း​တေႃး​ယႃႉ​ပႅတ်ႈ​မၼ်း​ၼၼ်ႉ​တေႃႇ​ထိုင်​ႁွတ်ႈ​သၢမ်​ပွၵ်ႈ​လႄႈ သမ်ႉ​လႆႈ​ဝၢၼ်ႈ​ဝဵင်း ဢီႉသရေႇလႃႉ ​တင်း​လၢႆ​ၶိုၼ်း​ဢေႃႈ။</verse>
			</chapter>
			<chapter number="14">
				<verse number="1">ၼႂ်း​ပီႊ​ဢၼ်​ ယႁေႃးသႃႉ လုၵ်ႈ​ၸၢႆး​ ယေႃးၶတ်ႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၸၢမ်ႇ​ႁၢင်ႈ​ၸၢမ်ႇ​ႁေႃ​သွင်​ပီႊ​ၼၼ်ႉ၊ ဢႃႇမၸီႉ ​လုၵ်ႈ​ၸၢႆး​ၸဝ်ႈ​ ယေႃးသႃႉ ၶုၼ်​ႁေႃ​ၶမ်း​ ယူႉတႃႉ ​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ဢေႃႈ။-</verse>
				<verse number="2">မၼ်း​ၼၼ်ႉ​မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢဝ်း​ပၢႆ​ႁႃႈ​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သၢဝ်း​ပၢႆ​ၵဝ်ႈ​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ယုတ်ႉတၼ်ႇ ၵူၼ်း​ယိင်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="3">မၼ်း​ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး သေ​ၵေႃႈ ဢမ်ႇ​ပဵၼ်​ၸိူဝ်ႉ​ၼင်ႇ​ၸဝ်ႈ​ပေႃႈ​မၼ်း​ တႃႇဝိတ်ႈ ​ၼၼ်ႉ၊ ႁဵတ်း​ၸွမ်း​ၵႃႈ​ၼင်ႇ​ဢၼ်​ ယေႃးသႃႉ ​ၸဝ်ႈ​ပေႃႈ​မၼ်း​ႁဵတ်း​ၼၼ်ႉ​ဢေႃႈ။-</verse>
				<verse number="4">ၵူၺ်း​ၵႃႈ မၼ်း​ဢမ်ႇ​ပႄႇ​ပႅတ်ႈ​ထႃႇၼႃႉ​တီႈ​သုင်​တင်း​လၢႆ​လႄႈ၊ ၵူၼ်း​တင်း​လၢႆ​ယင်း​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​လႄႈ ဢဝ်​ၽႆး​တုတ်ႇ​ၼၢမ်ႇ​သႃႇ​ၵႃႈ​တီႈ​ၸိူဝ်း​ၼၼ်ႉ​ယူႇ​ဢေႃႈ။</verse>
				<verse number="5">မိူဝ်ႈ​ဢၼ်​သိုင်ႇ​ၸိုင်ႈ​ဝၢၼ်ႈ​မိူင်း​တႄႇ​ယူႇ​ၵႃႈ​ၼႂ်း​မိုဝ်း​မၼ်း​ယဝ်ႉ​ၼၼ်ႉ​ၸိုင် မၼ်း​ဢဝ်​ၶႃႈ​မၼ်း​ၵူၼ်း​မၼ်း​ဢၼ်​ဢဝ်​ၸဝ်ႈ​ပေႃႈ​မၼ်း​ၶုၼ်​လူင်​ၼၼ်ႉ​တၢႆ​ၸိူဝ်း​ၼၼ်ႉ​တၢႆ​ဢေႃႈ။-</verse>
				<verse number="6">ၵူၺ်း​ၵႃႈ​မၼ်း​ဢမ်ႇ​ဢဝ်​လုၵ်ႈ​ၸၢႆး​ၶဝ်​ၸိူဝ်း​ဢၼ် ဢဝ်​ၸဝ်ႈ​ပေႃႈ​မၼ်း​တၢႆ​ၸိူဝ်း​ၼၼ်ႉ​တၢႆ​လႄႈ ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ​မီး​ယူႇ ၵႃႈ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ မူဝ်းသေႇ ဢၼ်​ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ပေႃႈ​ဢမ်ႇ​လႆႈ​ၶၢမ်ႇ​တၢႆ​တၢင်​တူဝ်​လုၵ်ႈ​လၢင်း၊ လုၵ်ႈ​လၢင်း​ဢမ်ႇ​လႆႈ​ၶၢမ်ႇ​တၢႆ​တၢင်​တူဝ်​ပေႃႈ၊ ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ၶၢမ်ႇ​တၢႆ​ၵွပ်ႈ​ပိူဝ်ႈ​ဢပႅတ်ႈ​တူဝ်​ၸဝ်ႈ​ၵဝ်ႇ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="7">မၼ်း​ဢဝ်​ၵူၼ်း​မဵဝ်း​ ဢေႇတုမ်ႇ ​တၢႆ​မိုၼ်ႇ​ၼိုင်ႈ ၵႃႈ​ၼႂ်း​ပၢင်ႇ​ႁူၺ်ႈ​ၵိူဝ်​ၼၼ်ႉ​လႄႈ တိုၵ်း​တေႃး​သိမ်း​ဢဝ်​ဝဵင်း​ သေးလႃႉ ​သေ​ယဝ်ႉ၊ ႁွင်ႉ​ႁဵၵ်ႈ​ၸိုဝ်ႈ​ဝဵင်း​ၼၼ်ႉ ယွၵ်ႉထေႇလႃႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="8">လိုၼ်း​ၼၼ်ႉ​ ဢႃႇမၸီႉ ​ပွႆႇ​ၸႂ်ႉ​သၢၼ်ႇတမၢၼ်ႇ ၵႂႃႇ​ၵႃႈ​တီႈ​ ယႁေႃးသႃႉ လုၵ်ႈ​ၸၢႆး​ ယေႃးၶတ်ႉ လုၵ်ႈ​ၸၢႆး​ ယေႇႁူႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​လႄႈ သင်ႇ​လၢတ်ႈ​ၵႂႃႇ​လႄႈ​ဝႃႈ၊ မႃး​လႄႈ​တေႃႇ​ၼႃႈ​ႁူပ်ႉ​ထူပ်း​ၵၼ်​တႃႉ​ႁဝ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">ယႁေႃးသႃႉ ​ၶုၼ်​ႁေႃ​ၶမ်း ဢီႉသရေႇလႃႉ ​ၶိုၼ်း​သင်ႇ​လၢတ်ႈ​မႃး​တီႈ ဢႃႇမၸီႉ ၶုၼ်​ႁေႃ​ၶမ်း​ ယူႉတႃႉ ​လႄႈ​ဝႃႈ၊ တူၼ်ႈ​ၼၢမ် လေႇပၼုၼ်ႇ ​ပွႆႇ​ၸႂ်ႉ​ၵႂႃႇ​ၵႃႈ​တီႈ​တူၼ်ႈ​ ဢႃႇရိတ်ႉလေႇပၼုၼ်ႇ ​လႄႈ​ဝႃႈ၊ ဢဝ်​လုၵ်ႈ​ယိင်း​မႂ်း​ပၼ်​ၵၼ်​တင်း​လုၵ်ႈ​ၸၢႆး​ၵဝ်​တႃႉ၊ ဝႃႈ​ၼင်ႇ​ၼႆ​လႄႈ၊ တူဝ်​ထိူၼ်ႇ​ႁၢႆႉ​ လေႇပၼုၼ်ႇ တူဝ်​ၼိုင်ႈ​တႆႇ​တၢင်း​ပႆ​တၢင်း​ၵႂႃႇ​လႄႈ ယဵပ်ႇ​မႅၼ်ႈ​တူၼ်ႈ​ၼၢမ်​ၼၼ်ႉ​ဢေႃႈ။-</verse>
				<verse number="10">မႂ်း​လႆႈ​တိုၵ်း​တေႃး​ယႃႉ​ပႅတ်ႈ​ၵူၼ်း​ ဢေႇတုမ်ႇ ​ၸိူဝ်း​ၼၼ်ႉ​လႄႈ ၸႂ်​မႂ်း​မီး​တၢင်း​ဢၼ်​သုင်​ၼႃႇ​ဢေႃႈ။ ဢုပ်ႇ​ဢၢတ်ႇ​ယူႇ​ႁင်း​တူဝ်​ၸဝ်ႈ​ၵဝ်ႇ​ၵူၺ်း​လႄႈ ယူႇ​ၵႃႈ​တီႈ​ႁိူၼ်း​တီႈ​ယူႇ​မႂ်း​တႃႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ႁႃ​ဢမူႉ​ႁႂ်ႈ​ၽေး​ႁွတ်ႈ​ထိုင်​ၵႃႈ​တီႈ​မႂ်း​လႄႈ မႂ်း​ဢၼ်​ဝႃႈ​တူဝ်​မႂ်း​လႆႈ​လူမ်ႉ​တူၵ်း​ပႃး​လူၺ်ႈ​ၵၼ်​တင်း​မိူင်း​ ယူႉတႃႉ ​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၵူၺ်း​ၵႃႈ ဢႃႇမၸီႉ ​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၼၼ်ႉ​လႄႈ၊ ယႁေႃးသႃႉ ​ၶုၼ်​ႁေႃ​ၶမ်း​ ဢီႉသရေႇလႃႉ ၶီႇ​သိုၵ်း​ၶိုၼ်ႈ​ၸူး​လႄႈ မၼ်း​ဢိၵ်ႇ​တင်း ဢႃႇမၸီႉ ​ၼၼ်ႉ တေႃႇ​ၼႃႈ​ႁူပ်ႉ​ထူပ်း​ၵၼ်​ၵႃႈ​တီႈ​ပၢင်ႇ​ပဵင်း​ ပႅတ်ႉသေးမိတ်ႉ မိူင်း​ ယူႉတႃႉ ​သေ​ယဝ်ႉ၊-</verse>
				<verse number="12">မဵဝ်း​ ယူႉတႃႉ ​တူၵ်း​သုမ်း ၵႃႈ​တီႈ​ၽၢႆႇ​ၼႃႈ​မဵဝ်း​ ဢီႉသရေႇလႃႉ ​လႄႈ ဢွၼ်​ၵၼ်​ဢွၵ်ႇ​ပၢႆႈ​ၸူး​ၵႃႈ​တီႈ​မူဝ်းၵႃႇ​တီႈ​ယူႇ​တီႈ​သဝ်း​ၶဝ်​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="13">ယႁေႃးသႃႉ ​ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ တီႉ​လႆႈ​ ဢႃႇမၸီႉ ၶုၼ်​ႁေႃ​ၶမ်း​ ယူႉတႃႉ ဢၼ်​ပဵၼ်​လုၵ်ႈ​ၸၢႆး​ ယေႃးသႃႉ လုၵ်ႈ​ၸၢႆး ဢႃႇၶၸီႉ ​ၼၼ်ႉ ၵႃႈ​တီႈ​ဝဵင်း​ ပႅတ်ႉသေးမိတ်ႉ ​လႄႈ ဢဝ်​ၵႂႃႇ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ယဝ်ႉ၊ ၶိုၼ်း​ယႃႉ​လမ်း​ဝဵင်း​ ယေႇရူႉသလႅမ်ႇ ပႅတ်ႈ​သီႇ​ပၢၵ်ႇ​သွၵ်ႇ ဢဝ်​ၵႃႈ​တီႈ​ၽၵ်း​တူ​ ဢေႇၽရိမ်ႇ တေႃႇ​ထိုင်​ႁွတ်ႈ​ၽၵ်း​တူ​ၸဵင်ႇ​ဝဵင်း​ဢေႃႈ။-</verse>
				<verse number="14">မၼ်း​သိမ်း​ဢဝ်​ၸႃႉ​ၸဵမ်​ငိုၼ်း​ၶမ်း​လႄႈ ၶိူင်ႈ​ပိူင်​ၵႃႈ​ဢၼ်​ထူပ်း​ႁၼ်​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ၽၼ်ႇတႃႇ​ႁေႃ​ၸဝ်ႈ​တင်း​ၶဝ်​ၸိူဝ်း​ဢၼ် ႁပ်ႉ​တုင်း​ဢဝ်​ၵမ်ႈ​ၽွင်ႈ​ၼၼ်ႉ​သေ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ သမႃႇရီႉ ​ဢေႃႈ။-</verse>
				<verse number="15">လွင်ႈ​တၢင်း​ဢၼ်​ ယႁေႃးသႃႉ ​ႁဵတ်း​ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ဢၼ်​တၼ်း​ၶူဝ်း​မၼ်း​ယႂ်ႇ၊ လွင်ႈ​တၢင်း​ဢၼ်​မၼ်း​တိုၵ်း​သိုၵ်း​ၵၼ်​တင်း ဢႃႇမၸီႉ ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ဢီႉသရေႇလႃႉ ​ဢေႃႈ။-</verse>
				<verse number="16">ယႁေႃးသႃႉ ​ၼၼ်ႉ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ သမႃႇရီႉ လူၺ်ႈ​ၵၼ်​တင်း ၶုၼ်​ႁေႃ​ၶမ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။ ယေႇရူဝ်းပုမ်ႇ ​လုၵ်ႈ​ၸၢႆး​ၸဝ်ႈ​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="17">လိုၼ်း​သေ​ ယႁေႃးသႃႉ ​လုၵ်ႈ​ၸၢႆး​ ယေႃးၶတ်ႉ ၶုၼ်​ႁေႃ​ၶမ်း ဢီႉသရေႇလႃႉ ​တၢႆ​ယဝ်ႉ​ၼၼ်ႉ၊ ဢႃႇမၸီႉ ​လုၵ်ႈ​ၸၢႆး​ ယေႃးသႃႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ဢသၢၵ်ႈ​လိပ်း​ယူႇ​သိပ်း​ႁႃႈ​ပီႊ​လူး​ၵွၼ်ႇ​ဢေႃႈ။-</verse>
				<verse number="18">လွင်ႈ​တၢင်း​ ဢႃႇမၸီႉ ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​ဢေႃႈ။-</verse>
				<verse number="19">ၶဝ်​ဢွၼ်​ၵၼ်​လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​မၼ်း ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ မၼ်း​ဢွၵ်ႇ​ပၢႆႈ​ၵႂႃႇ​ၵႃႈ​တီႈ​ဝဵင်း​ လႃႇၶီႉသႃႉ ​လႄႈ၊ ၶဝ်​ဢွၼ်​ၵၼ်​ပွႆႇ​ၸႂ်ႉ​ၸွမ်း​ၵႂႃႇ​ၵႃႈ​တီႈ​ဝဵင်း​ လႃႇၶီႉသႃႉ ​ၼၼ်ႉ​သေ​လႄႈ ဢဝ်​မၼ်း​တၢႆ​ၵႃႈ​တီႈ​ၼၼ်ႈ​သေ​ယဝ်ႉ၊-</verse>
				<verse number="20">ဢဝ်​မၼ်း​တၢင်ႇ​ၵႃႈ​ၼိူဝ်​မႃႉ​သေ​လႄႈ မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ မၼ်း​လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ ၵႃႈ​ၼႂ်း​ဝဵင်း​ တႃႇဝိတ်ႈ ​ဢေႃႈ။-</verse>
				<verse number="21">ၵူၼ်း​ဝၢၼ်ႈ​ၵူၼ်း​မိူင်း​ ယူႉတႃႉ တင်း​သဵင်ႈ​တင်း​လူင်​ဢွၼ်​ၵၼ်​ဢဝ်​ ဢႃႇၸရီႉ ဢၼ်​ဢသၢၵ်ႈ​လႆႈ​သိပ်း​ပၢႆ​ႁူၵ်း​ပီႊ​ၼၼ်ႉ ႁဵတ်း​ၶုၼ်​ႁေႃ​ၶမ်း​တၢင်​တူဝ်​ ဢႃႇမၸီႉ ၸဝ်ႈ​ပေႃႈ​မၼ်း​ၼၼ်ႉ​ဢေႃႈ။-</verse>
				<verse number="22">မၼ်း​ၼၼ်ႉ​တႄႇ​ႁဵတ်း​ဝဵင်း​ ဢေးလုတ်ႉ ​လႄႈ သမ်ႉ​ဢဝ်​သႂၢင်း​ၶဝ်ႈ​ၵႃႈ​ၼႂ်း​မိူင်း​ ယူႉတႃႉ လိုၼ်း​သေ​ၸဝ်ႈ​ပေႃႈ​မၼ်း ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​ယဝ်ႉ​ၼၼ်ႉ​ဢေႃႈ။</verse>
				<verse number="23">ၼႂ်း​ပီႊ​ဢၼ် ဢႃႇမၸီႉ ​လုၵ်ႈ​ၸၢႆး​ၸဝ်ႈ ယေႃးသႃႉ ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ပၢႆ​ႁႃႈ​ပီႊ​ၼၼ်ႉ၊ ယေႇရူဝ်းပုမ်ႇ လုၵ်ႈ​ၸၢႆး​ၸဝ်ႈ ယႁေႃးသႃႉ ​ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ ၵႃႈ​ၼႂ်း​ဝဵင်း​ သမႃႇရီႉ ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​သီႇ​သိပ်း​ပၢႆ​ပီႊ​ၼိုင်ႈ​ဢေႃႈ။-</verse>
				<verse number="24">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ယင်း​ဢမ်ႇ​ၸုၼ်ႉ​ပႅတ်ႈ​ဢပႅတ်ႈ​ ယေႇရူဝ်းပုမ်ႇ ​လုၵ်ႈ​ၸၢႆး​ ၼေႇပတ်ႉ ၊ ဢၼ်​မၼ်း​ႁႂ်ႈ​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ၼၼ်ႉ​လႄႈ​ယူႇ​ဢေႃႈ။-</verse>
				<verse number="25">မၼ်း​ၶိုၼ်း​လႆႈ​ၶွပ်ႇ​ၼမ်ႉ​လႅၼ်​လိၼ်​မိူင်း​ ဢီႉသရေႇလႃႉ ဢဝ်​ၵႃႈ​တီႈ​ၸႃႉ​ၸဵမ် သူပ်း​တၢင်း​ဢၼ်​ၶဝ်ႈ​ၸူး​ၵႃႈ​တီႈ​ဝဵင်း​ ႁႃႇမတ်ႉ ၵႂႃႇ​တေႃႇ​ထိုင်​ႁွတ်ႈ​ပၢင်ႇ​လၢႆႇ ဢႃႇရၽႃႉ ​ၼၼ်ႉ ၸွမ်း​ၵႃႈ​ၼင်ႇ​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢၼ်​မၼ်း​ၸဝ်ႈ​ဢဝ်​ၶႃႈ​မၼ်း​ၸဝ်ႈ ပရေႃးၽႅတ်ႈ​ ယူဝ်းၼႃႉ လုၵ်ႈ​ၸၢႆး​ ဢမိတ်ႉတေႇ ဢၼ်​ယူႇ​ၵႃႈ​တီႈ​ဝဵင်း​ ၵႃႉသႁေႇပႃႇ ​ၼၼ်ႉ​မီး​ဢမိင်ႉ​ဝႆႉ​ၼၼ်ႉ​ဢေႃႈ။-</verse>
				<verse number="26">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ႁၼ်​လွင်ႈ​ဢၼ်​တုၵ်ႉ​ၶႃႉ​တၢင်း​ၽၢၼ်​မဵဝ်း​ ဢီႉသရေႇလႃႉ ၼၵ်း​ၼႃႇ​လူင်​လၢင် ဢိၵ်ႇ​တင်း​လွင်ႈ​ဢၼ်​ဢမ်ႇ​မီး​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ၊ ၵေႃႉ​ဢၼ်​လွတ်ႈ​ၵႂႃႇ​လႄႈ ဢမ်ႇ​မီး​ၵေႃႉ​ဢၼ်​ၸွႆႈ​ထႅမ်​မႃႉ​ၸႃႉ​လႆႈ​ၼၼ်ႉ​သေ​ယဝ်ႉ၊-</verse>
				<verse number="27">ထႃႇဝရႃႉ​ၽြႃး မီး​တၢင်း​ၵျၢမ်ႇ​တၢင်း​ပွင် တၵ်း​ဢမ်ႇ​မွတ်ႇ​ၼႃႇ​မႃႉ​ၸိုဝ်ႈ​သဵင်​မဵဝ်း​ ဢီႉသရေႇလႃႉ ​ပႅတ်ႈ​သေ​ၵႃႈ​တႂ်ႈ​ၽႃႉ​ၵၢင်​ႁၢဝ်​လႄႈ ဢဝ်​ ယေႇရူဝ်းပုမ်ႇ ​လုၵ်ႈ​ၸၢႆး​ၸဝ်ႈ ယႁေႃးသႃႉ ၵႄႇ​သႄႇ​ၶျွတ်ႈ​ဢဝ်​ၶဝ်​ၼၼ်ႉ​ဢေႃႈ။-</verse>
				<verse number="28">လွင်ႈ​တၢင်း ယေႇရူဝ်းပုမ်ႇ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ၵႃႈ​ဢၼ်​မၼ်း​ႁဵတ်း၊ လွင်ႈ​တၢင်း​ဢၼ်​တၼ်း​ၶူဝ်း​မၼ်း​ယႂ်ႇ၊ လွင်ႈ​တၢင်း​ဢၼ်​မၼ်း​တိုၵ်း​သိုၵ်း၊ လွင်ႈ​တၢင်း​ဢၼ်​မၼ်း​ၶိုၼ်း​လႆႈ​ဝဵင်း​ ထမ်ႇမသႅတ်ႉ တင်း​ဝဵင်း​ ႁႃႇမတ်ႉ ဢၼ်​ၶဝ်ႈ​ပႃး​ၼႂ်း​မိူင်း​ ယူႉတႃႉ မိူဝ်ႈ​ဢွၼ်​တၢင်း​ၼၼ်ႉ ပုၼ်ႈ​မဵဝ်း​ ဢီႉသရေႇလႃႉ ​ၼၼ်ႉ​ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ဢီႉသရေႇလႃႉ ​ဢေႃႈ။-</verse>
				<verse number="29">ယေႇရူဝ်းပုမ်ႇ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​ၸဝ်ႈ​မွၼ်ႇ​ၸဝ်ႈ ၶုၼ်​ႁေႃ​ၶမ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ ၸႃႇၶရီႉ လုၵ်ႈ​ၸၢႆး​ၸဝ်ႈ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="15">
				<verse number="1">ၼႂ်း​ပီႊ​ဢၼ်​ ယေႇရူဝ်းပုမ်ႇ ​ၶုၼ်​ႁေႃ​ၶမ်း​ ဢီႉသရေႇလႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သၢဝ်း​ပၢႆ​ၸဵတ်း​ပီႊ​ၼၼ်ႉ၊ ဢႃႇၸရီႉ ​လုၵ်ႈ​ၸၢႆး​ၸဝ်ႈ ဢႃႇမၸီႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ဢေႃႈ။-</verse>
				<verse number="2">မိူဝ်ႈ​ဢၼ်​မၼ်း​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​သိပ်း​ပၢႆ​ႁူၵ်း​ပီႈ​လႄႈ၊ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ႁႃႈ​သိပ်း​ပၢႆ​သွင်​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ယေႇၶေႃးလီႉ ၵူၼ်း​ယိင်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="3">မၼ်း​ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၸွမ်း​ၵႃႈ​ဢၼ်​ၸဝ်ႈ​ပေႃႈ​မၼ်း​ ဢႃႇမၸီႉ ​ႁဵတ်း​ၼၼ်ႉ​ဢေႃႈ။-</verse>
				<verse number="4">ၵူၺ်း​ၵႃႈ​မၼ်း​ဢမ်ႇ​ပႄႇ​ပႅတ်ႈ​ထႃႇၼႃႉ​တီႈ​သုင်​တင်း​လၢႆ​လႄႈ၊ ၵူၼ်း​တင်း​လၢႆ​ယင်း​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​ၵႃႈ​တီႈ​ထႃႇၼႃႉ​တီႈ​သုင်​ၸိူဝ်း​ၼၼ်ႉ​ယူႇ​ဢေႃႈ။</verse>
				<verse number="5">ထႃႇဝရႃႉ​ၽြႃး​ပၼ်​တၢမ်ႇ​တီႈ​ၶုၼ်​ႁေႃ​ၶမ်း​ၼၼ်ႉ​လႄႈ၊ မၼ်း​ပဵၼ်​တုတ်ႈ တေႃႇ​ထိုင်​ႁွတ်ႈ​မၼ်း​ထၼ်ႈ​ပေႃး​တၢႆ​လႄႈ လႆႈ​ယူႇ​ၵႃႈ​တီႈ​ႁေႃ​လင်​ၼိုင်ႈ​ၶေႃ​ၶေႃ​ၵူၺ်း​မၼ်း​ဢေႃႈ။ ယူဝ်းထမ်ႇ ​လုၵ်ႈ​ၸၢႆး​ၸဝ်ႈ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​ႁေႃ​ၸဝ်ႈ​လႄႈ ၸီႇ​ယၢင်ႇ​ဢမူႉ​တီႈ​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ဢေႃႈ။-</verse>
				<verse number="6">လွင်ႈ​တၢင်း​ ဢႃႇၸရီႉ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ၵႃႈ​ဢၼ်​မၼ်း​ႁဵတ်း​ၼၼ်ႉ​ၸိူဝ်း​ၼၼ်ႉ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ ယူႉတႃႉ ​ဢေႃႈ။-</verse>
				<verse number="7">ဢႃႇၸရီႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ၊ ၶဝ်​ဢဝ်​သၢင်း​ၵျူဝ်ႇ​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​ၸိူဝ်း​ၼၼ်ႉ​ၵႃႈ​ၼႂ်း​ဝဵင်း​ တႃႇဝိတ်ႈ ​ဢေႃႈ။ ယူဝ်းထမ်ႇ ​လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="8">ၼႂ်း​ပီႊ​ဢၼ် ဢႃႇၸရီႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ သၢမ်​သိပ်း​ပၢႆ​ပႅတ်ႇ​ပီႊ​ၼၼ်ႉ၊ ၸႃႇၶရီႉ ​လုၵ်ႈ​ၸၢႆး​ၸဝ်ႈ​ ယေႇရူဝ်းပုမ်ႇ ​ၼၼ်ႉ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ယူႇ​ၵႃႈ​ၼႂ်း​ဝဵင်း​ သမႃႇရီႉ ႁူၵ်း​လိူၼ်​တဵမ်​တဵမ်​ဢေႃႈ။-</verse>
				<verse number="9">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​ပူႇ​မၼ်း​မွၼ်ႇ​မၼ်း​ႁဵတ်း​ၼၼ်ႉ​လႄႈ ယင်း​ဢမ်ႇ​ၸုၼ်ႉ​ပႅတ်ႈ​တူႉ​ၸရိူၵ်ႈ​ဢပႅတ်ႈ​ ယေႇရူဝ်းပုမ်ႇ ​လုၵ်ႈ​ၸၢႆး​ ၼေႇပတ်ႉ ဢၼ်​မၼ်း​ႁႂ်ႈ​မဵဝ်း​ ဢီႉသရေႇလႃႉ ​ၼၼ်ႉ ၽိတ်း​ပိူင်ႈ​လႄႈ​ယူႇ​ဢေႃႈ။-</verse>
				<verse number="10">သႃႇလုမ်ႇ ​လုၵ်ႈ​ၸၢႆး​ ယႃႇၽႅတ်ႉ ​ၼၼ်ႉ လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​မၼ်း​လႄႈ ယႃႉ​မၼ်း​ပႅတ်ႈ ႁႂ်ႈ​ထၼ်ႈ​ပေႃး​တၢႆ​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​သေ​လႄႈ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ဢေႃႈ။-</verse>
				<verse number="11">လွင်ႈ​တၢင်း​ ၸႃႇၶရီႉ ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ဢီႉသရေႇလႃႉ ​ဢေႃႈ။-</verse>
				<verse number="12">ၼင်ႇ​ၼၼ်​လႄႈ ၵႂၢမ်း​ဢၼ်​ထႃႇဝရႃႉ​ၽြႃး​မီး​ဢမိင်ႉ​ဝႆႉ​တီႈ​ ယေႇႁူႉ ​လႄႈ​ဝႃႈ၊ ၸူဝ်ႈ​လုၵ်ႈ​ပၢၼ်​လၢၼ်​မႂ်း​တၵ်း​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ မိူင်း​ ဢီႉသရေႇလႃႉ ​တေႃႇ​ထိုင်​ႁွတ်ႈ​သီႇ​သိုပ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ပျေႉ​ၸုမ်ႇ​ယဝ်ႉ​ဢေႃႈ။</verse>
				<verse number="13">ၼႂ်း​ပီႊ​ဢၼ် ဢူဝ်းၸီႉယႃႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သၢမ်​သိပ်း​ပၢႆ​ၵဝ်ႈ​ပီႊ​ၼၼ်ႉ၊ သႃႇလုမ်ႇ ​ၼၼ်ႉ​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ သမႃႇရီႉ လိူၼ်​ၼိုင်ႈ​ဢေႃႈ။-</verse>
				<verse number="14">မေႇၼႁိမ်ႇ ​လုၵ်ႈ​ၸၢႆး​ ၵႃႇတီႉ ​ၼၼ်ႉ လုၵ်ႉ​သေ​ၵႃႈ​တီႈ​ဝဵင်း​ တီႉရၸႃႉ ၶိုၼ်ႈ​ၸူး​လႄႈ​ႁွတ်ႈ​ထိုင်​ၵႃႈ​တီႈ​ဝဵင်း​ သမႃႇရီႉ သေ​ယဝ်ႉ၊ ယႃႉ​ပႅတ်ႈ​ သႃႇလုမ်ႇ လုၵ်ႈ​ၸၢႆး​ ယႃႇၽႅတ်ႉ ​ၼၼ်ႉ ၵႃႈ​ၼႂ်း​ဝဵင်း​ သမႃႇရီႉ ​ၼၼ်ႉ ႁႂ်ႈ​ထၼ်ႈ​ပေႃး​တၢႆ​သေ​လႄႈ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ဢေႃႈ။-</verse>
				<verse number="15">လွင်ႈ​တၢင်း​ သႃႇလုမ်ႇ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ဢၼ်​မၼ်း​လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​ၶုၼ်​ၼၼ်ႉ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ဢီႉသရေႇလႃႉ ​ဢေႃႈ။-</verse>
				<verse number="16">မိူဝ်ႈ​ၼၼ်ႉ မေႇၼႁိမ်ႇ ​တိုၵ်း​တေႃး​ယႃႉ​ပႅတ်ႈ ဝဵင်း​ တီႉၽသႃႉ ​တင်း​ၵူၼ်း​ၵႃႈ​ဢၼ်​မီး​ၵႃႈ​ၼႂ်း​မၼ်း​တင်း​ဢိူင်ႇ​မၼ်း ဢၼ်​မၼ်း​ပူၼ်ႉ​သေ ဝဵင်း​ တီႉရၸႃႉ ​ၵႂႃႇ​ၼၼ်ႉ​ၸိူဝ်း​ၼၼ်ႉ​ဢေႃႈ။ မၼ်း​တိုၵ်း​တေႃး​ယႃႉ​ပႅတ်ႈ​ဝဵင်း​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ၽုၺ်ႇ​ၽၵ်း​တူ​ဝဵင်း​ပၼ်​မၼ်း​ၼၼ်ႉ​လႄႈ ၽႃႇ​တွင်ႉ​မႄႈ​ယိင်း​ၵႃႈ​ဢၼ်​ပႃး​တွင်ႉ​ၸိူဝ်း​ၼၼ်ႉ ၵႃႈ​ၼႂ်း​ၼၼ်ႉ​ဢေႃႈ။</verse>
				<verse number="17">ၼႂ်း​ပီႊ​ဢၼ် ဢႃႇၸရီႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ သၢမ်​သိပ်း​ပၢႆ​ၵဝ်ႈ​ပီႊ​ၼၼ်ႉ မေႇၼႁိမ်ႇ လုၵ်ႈ​ၸၢႆး​ ၵႃႇတီႉ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ယူႇ​ၵႃႈ​ၼႂ်း​ဝဵင်း​ သမႃႇရီႉ သိပ်း​ပီႊ​ဢေႃႈ။-</verse>
				<verse number="18">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ယင်း​ဢမ်ႇ​ၸုၼ်ႉ​ပႅတ်ႈ​တူႉ​ၸရိူၵ်ႈ​ဢပႅတ်ႈ​ ယေႇရူဝ်းပုမ်ႇ လုၵ်ႈ​ၸၢႆး​ ၼေႇပတ်ႉ ဢၼ်​မၼ်း​ႁႂ်ႈ​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ၼၼ်ႉ​လႄႈ​ယူႇ​ဢေႃႈ။</verse>
				<verse number="19">ပူႉလႃႉ ​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ မႃး​တိုၵ်း​တေႃး​မိူင်း​ၸဝ်ႈ​လႄႈ၊ မေႇၼႁိမ်ႇ ​ဢဝ်​ ပူႉလႃႉ ႁႂ်ႈ​မၼ်း​ၼၼ်ႉ​ၸွႆႈ​ထႅမ်​မႃႉ​ၸႃႉ​မၼ်း ႁႂ်ႈ​ဢႃႇၼႃႇ​မၼ်း​လႆႈ​တႄႇ​ယူႇ​လႄႈ ပၼ်​ငိုၼ်း​ႁဵင်​ တလၢၼ်ႇတၢၼ်ႇ ​တီႈ​မၼ်း​ၼၼ်ႉ​ဢေႃႈ။-</verse>
				<verse number="20">မေႇၼႁိမ်ႇ ​ၽႃႇ​ငိုၼ်း​ၵဵပ်း​ဢဝ်​ငိုၼ်း​တီႈ​မဵဝ်း​ ဢီႉသရေႇလႃႉ ဢၼ်​ဝႃႈ​တီႈ​ၶဝ်​ၸိူဝ်း​ဢၼ် မၢၵ်ႈ​မီး​ၵူႈ​ၵေႃႉ​ၵူႈ​ၵူၼ်း ယေႈ​ၵေႃႉ​ႁႃႈ​ၶၼ် ပုၼ်ႈ​ဢၼ်​တၵ်း​သၢၵ်ႈ​ပၼ် တီႈ​ၶုၼ်​ႁေႃ​ၶမ်း​ ဢႃႇသူႉရီႉ ​ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ​ဝၢႆႇ​ၶိုၼ်း​မိူဝ်း​ၵႂႃႇ​လႄႈ ဢမ်ႇ​ယူႇ​ၵႃႈ​တီႈ​မိူင်း​ၸဝ်ႈ​ၼၼ်ႉ။-</verse>
				<verse number="21">လွင်ႈ​တၢင်း​ မေႇၼႁိမ်ႇ ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ဢီႉသရေႇလႃႉ ​ဢေႃႈ။-</verse>
				<verse number="22">မေႇၼႁိမ်ႇ ​ၼၼ်ႉ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ပေႇၵႁီႉ ​လုၵ်ႈ​ၸၢႆး​ၸဝ်ႈ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="23">ၼႂ်း​ပီႊ​ဢၼ် ဢႃႇၸရီႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ ႁႃႈ​သိပ်း​ပီႊ​ၼၼ်ႉ၊ ပေႇၵႁီႉ ​လုၵ်ႈ​ၸၢႆး​ မေႇၼႁိမ်ႇ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ယူႇ​ၵႃႈ​ၼႂ်း​ဝဵင်း​ သမႃႇရီႉ သွင်​ပီႊ​ဢေႃႈ။-</verse>
				<verse number="24">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ယင်း​ဢမ်ႇ​ၸုၼ်ႉ​ပႅတ်ႈ​တူႉ​ၸရိူၵ်ႈ​ဢပႅတ်ႈ​ ယေႇရူဝ်းပုမ်ႇ လုၵ်ႈ​ၸၢႆး​ ၼေႇပတ်ႉ ဢၼ်​မၼ်း​ႁႂ်ႈ​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ၼၼ်ႉ​လႄႈ​ယူႇ​ဢေႃႈ။-</verse>
				<verse number="25">ပေႇၵႃႇ ​လုၵ်ႈ​ၸၢႆး​ ရေႇမလီႉ ပူဝ်ႇ​ၶျုၵ်ႈ​မၼ်း​ၼၼ်ႉ လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​မၼ်း​လႄႈ ပႃး​ဢဝ်​ၵူၼ်း​မိူင်း​ ၵီႉလတ်ႉ ႁႃႈ​သိပ်း​ၵေႃႉ​သေ​လႄႈ ယႃႉ​ပႅတ်ႈ​မၼ်း ဢိၵ်ႇ​တင်း​ ဢႃႇၵေႃႇၽႃႉ ​တင်း ဢရေႇႁႃႉ ​ၼၼ်ႉ ၵႃႈ​ၼႂ်း​တပ်ႉ​ႁေႃ​ၸဝ်ႈ ၵႃႈ​တီႈ​ဝဵင်း​ သမႃႇရီႉ ​ၼၼ်ႉ ႁႂ်ႈ​ထၼ်ႈ​ပေႃး​တၢႆ​လႄႈ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ဢေႃႈ။-</verse>
				<verse number="26">လွင်ႈ​တၢင်း​ ပေႇၵႁီႉ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ၵႃႈ​ဢၼ်​မၼ်း​ႁဵတ်း​ၼၼ်ႉ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း ရႃႇၸဝၢင်ႇ​ ဢီႉသရေႇလႃႉ ​ဢေႃႈ။</verse>
				<verse number="27">ၼႂ်း​ပီႊ​ဢၼ် ဢႃႇၸရီႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ ႁႃႈ​သိပ်း​ပၢႆ​သွင်​ပီႊ​ၼၼ်ႉ၊ ပေႇၵႃႇ ​လုၵ်ႈ​ၸၢႆး​ ရေႇမလီႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ယူႇ​ၵႃႈ​ၼႂ်း​ဝဵင်း​ သမႃႇရီႉ သၢဝ်း​ပီႊ​ဢေႃႈ။-</verse>
				<verse number="28">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ယင်း​ဢမ်ႇ​ၸုၼ်ႉ​ပႅတ်ႈ​တူႉ​ၸရိူၵ်ႈ​ဢပႅတ်ႈ​ ယေႇရူဝ်းပုမ်ႇ လုၵ်ႈ​ၸၢႆး​ ၼေႇပတ်ႉ ဢၼ်​မၼ်း​ႁႂ်ႈ​မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ၼၼ်ႉ​လႄႈ​ယူႇ​ဢေႃႈ။-</verse>
				<verse number="29">ၼႂ်း​ၸူဝ်ႈ​ပၢၼ်​ ပေႇၵႃႇ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ၊ တီႉၵလတ်ႉပီႉလေႇသႃႇ ​ၶုၼ်​ႁေႃ​ၶမ်း​ သူႉရီႉ မႃး​လႄႈ​တိုၵ်း​ဢဝ်​ဝဵင်း​ ဢီႉယုၼ်ႇ ၊ ဝဵင်း​ ဢႃႇပေႇလႃႉပႅတ်ႉမႃႇၶႃႉ ၊ ဝဵင်း​ ယႃႇၼေႃႇ ၊ ဝဵင်း​ ၵေႇတေႇသႃႉ ၊ ဝဵင်း​ ႁႃႇၸေႃႇ ဢိၵ်ႇ​လူၺ်ႈ​ၵၼ်​တင်း​မိူင်း​ ၵီႉလတ်ႉ ၊ မိူင်း​ ၵႃႇလီႉလႄး ၊ မိူင်း​ ၼပ်ႉထလီႉ ၵႃႈ​မီး​ၼၼ်ႉ​လႄႈ သိမ်း​ဢဝ်​ၶဝ်​ၵႂႃႇ ၵႃႈ​တီႈ​မိူင်း​ ဢႃႇသူႉရီႉ ​ဢေႃႈ။-</verse>
				<verse number="30">ၼႂ်း​ပီႊ​ဢၼ်​ ယူဝ်းထမ်ႇ ​လုၵ်ႈ​ၸၢႆး​ ဢူဝ်းၸီႉယႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ သၢဝ်း​ပီႊ​ၼၼ်ႉ၊ ႁေႃးသေႇ ​လုၵ်ႈ​ၸၢႆး​ ဢေးလႃႇ ​ၼၼ်ႉ လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​ ပေႇၵႃႇ လုၵ်ႈ​ၸၢႆး ရေႇမလီႉ ​လႄႈ ယႃႉ​ပႅတ်ႈ​ႁႂ်ႈ​ထၼ်ႈ​ပေႃး​တၢႆ​သေ​ယဝ်ႉ၊ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ဢေႃႈ။-</verse>
				<verse number="31">လွင်ႈ​တၢင်း​ ပေႇၵႃႇ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ၵႃႈ​ဢၼ်​မၼ်း​ႁဵတ်း​ၼၼ်ႉ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ဢီႉသရေႇလႃႉ ​ဢေႃႈ။</verse>
				<verse number="32">ၼႂ်း​ပီႊ​ဢၼ်​ ပေႇၵႃႇ လုၵ်ႈ​ၸၢႆး​ ရေႇမလီႉ ၶုၼ်​ႁေႃ​ၶမ်း​ ဢီႉသရေႇလႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ သွင်​ပီႊ​ၼၼ်ႉ၊ ယူဝ်းထမ်ႇ ​လုၵ်ႈ​ၸၢႆး​ၸဝ်ႈ ဢူဝ်းၸီႉယႃႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ဢေႃႈ။-</verse>
				<verse number="33">မိူဝ်ႈ​ဢၼ်​မၼ်း​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢဝ်း​ပၢႆ​သွင်​ပီႊ​လႄႈ၊ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ သိပ်း​ပၢႆ​ႁူၵ်း​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ယေႇရူႉသႃႇ လုၵ်ႈ​ယိင်း​ ၸႃႇတုၵ်ႉ ​ဢေႃႈ။-</verse>
				<verse number="34">မၼ်း​ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ၸွမ်း​ၵႃႈ​ၼင်ႇ​ဢၼ်​ၸဝ်ႈ​ပေႃႈ​မၼ်း ဢူဝ်းၸီႉယႃႉ ​ႁဵတ်း​ၼၼ်ႉ​ဢေႃႈ။-</verse>
				<verse number="35">ၵူၺ်း​ၵႃႈ မၼ်း​ဢမ်ႇ​ပႄႇ​ပႅတ်ႈ​ထႃႇၼႃႉ​တီႈ​သုင်​တင်း​လၢႆ​လႄႈ၊ ၵူၼ်း​တင်း​လၢႆ​ယင်း​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​ၵႃႈ​တီႈ​ထႃႇၼႃႉ​တီႈ​သုင်​ၸိူဝ်း​ၼၼ်ႉ​ယူႇ​ဢေႃႈ။ မၼ်း​ႁဵတ်း​ၽၵ်း​တူ​ဢၼ်​ၵႃႈ​ၼိူဝ် တီႈ​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="36">လွင်ႈ​တၢင်း​ ယူဝ်းထမ်ႇ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ၵႃႈ​ဢၼ်​မၼ်း​ႁဵတ်း​ၼၼ်ႉ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​ဢေႃႈ။-</verse>
				<verse number="37">ၼႂ်း​ၶိင်ႇ​မိူဝ်ႈ​ၼၼ်ႉ ထႃႇဝရႃႉ​ၽြႃး​ၸႃႉ​ပွႆႇ​ၸႂ်ႉ ရေႇၸိၼ်း ​ၶုၼ်​ႁေႃ​ၶမ်း​ သူႉရီႉ ဢိၵ်ႇ​တင်း​ ပေႇၵႃႇ လုၵ်ႈ​ၸၢႆး​ ရေႇမလီႉ ၶီႇ​သိုၵ်း​မႃး​ၵႃႈ​တီႈ မိူင်း​ ယူႉတႃႉ ​ဢေႃႈ။-</verse>
				<verse number="38">ယူဝ်းထမ်ႇ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​ၸိူဝ်း​ၼၼ်ႉ ၵႃႈ​ၼႂ်း​ဝဵင်း​ၸဝ်ႈ​ပေႃႈ​မၼ်း​ တႃႇဝိတ်ႈ ​ဢေႃႈ။ ဢႃႇၶတ်ႉ ​လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="16">
				<verse number="1">ၼႂ်း​ပီႊ​ဢၼ်​ ပေႇၵႃႇ လုၵ်ႈ​ၸၢႆး​ ရေႇမလီႉ ၸၢမ်ႇ​ႁၢင်ႈ​ၸၢမ်ႇ​ႁေႃ သိပ်း​ပၢႆ​ၸဵတ်း​ပီႊ​ၼၼ်ႉ၊ ဢႃႇၶတ်ႉ ​လုၵ်ႈ​ၸၢႆး ယူဝ်းထမ်ႇ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ဢေႃႈ။-</verse>
				<verse number="2">မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢဝ်း​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သိပ်း​ပၢႆ​ႁူၵ်း​ပီႊ​ဢေႃႈ။ မၼ်း​ဢမ်ႇ​ႁဵတ်း​ဢၼ်​လီ​ဢၼ်​ငၢမ်း သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း မိူၼ်​ၸိူဝ်ႉ​ၼင်ႇ​ၸဝ်ႈ​ပေႃႈ​မၼ်း​ တႃႇဝိတ်ႈ ​ၼၼ်ႉ။-</verse>
				<verse number="3">မၼ်း​ၸွမ်း​သဵၼ်ႈ​တၢင်း​ဢၼ်​ၶုၼ်​ႁေႃ​ၶမ်း​ ဢီႉသရေႇလႃႉ ​ၸိူဝ်း​ၼၼ်ႉ​ၸွမ်း​ၼၼ်ႉ​လႄႈ ဢဝ်​လုၵ်ႈ​ၸၢႆး​မၼ်း​ပၼ် ႁႂ်ႈ​လႆႈ​ၶၢမ်ႇ​တၢင်း​ဢၼ်​ဢဝ်​ၽႆး​ပုၵ်ႈ​ၸေႃႇ​တီႈ​ၸဝ်ႈ​ၽြႃး​ မူးလွၵ်ႉ ၸွမ်း​ၵႃႈ​ၼင်ႇ​ထုင်း​ၸၢမ်ႇ​ဢၼ်​လီ​ႁင်ႈ​ဢဵတ်ႇ​သဵတ်ႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ထႃႇဝရႃႉ​ၽြႃး​ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​ဢေႃႈ။-</verse>
				<verse number="4">မၼ်း​ၸၢင်ႈ​ပုၵ်ႈ​ၸေႃႇ​ယိတ်ႈ​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး ၵႃႈ​ၼိူဝ်​ထႃႇၼႃႉ​တီႈ​သုင်​လႂ်၊ ၵႃႈ​ၼိူဝ်​ၵုင်း​လႂ်၊ ၵႃႈ​တႂ်ႈ​တူၼ်ႈ​မႆႉ​ဢၼ်​ၶဵဝ်​လႂ်​ဢေႃႈ။</verse>
				<verse number="5">မိူဝ်ႈ​ၼၼ်ႉ ရေႇၸိၼ်း ​ၶုၼ်​ႁေႃ​ၶမ်း​ သူႉရီႉ ဢိၵ်ႇ​တင်း​ ပေႇၵႃႇ လုၵ်ႈ​ၸၢႆး​ ရေႇမလီႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ လွမ်ႉ​ႁွပ်ႈ​ ဢႃႇၶတ်ႉ ​ဝႆႉ​သေ​ၵေႃႈ ဢမ်ႇ​ပႄႉ​ဢမ်ႇ​ၼႅင်ႇ​မၼ်း​လႆႈ။-</verse>
				<verse number="6">မိူဝ်ႈ​ၼၼ်ႉ ရေႇၸိၼ်း ​ၶုၼ်​ႁေႃ​ၶမ်း​ သူႉရီႉ သမ်ႉ​ၶိုၼ်း​လႆႈ​ဝဵင်း​ ဢေးလတ်ႉ ​လႄႈ ဢဝ်​သႂၢင်း​ၶဝ်ႈ​ၵႃႈ​ၼႂ်း​မိူင်း​ သူႉရီႉ ​သေ​လႄႈ ႁေႃႈ​ၵူၼ်း​ ယူႉတႃႉ ​တင်း​လၢႆ ဢွၵ်ႇ​ပႅတ်ႈ​သေ​ၵႃႈ​ၼႂ်း​ဝဵင်း​ ဢေးလတ်ႉ ​ၼၼ်ႉ​သေ​ယဝ်ႉ၊ ၵူၼ်း​ သူႉရီႉ ​ၸိူဝ်း​ၼၼ်ႉ ဢွၼ်​ၵၼ်​မႃး​ၵႃႈ​တီႈ​ဝဵင်း​ ဢေးလတ်ႉ ​လႄႈ ယူႇ​ၵႃႈ​တီႈ​ၼၼ်ႈ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="7">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ဢႃႇၶတ်ႉ ​ပွႆႇ​ၸႂ်ႉ​သၢၼ်ႇတမၢၼ်ႇ​တင်း​လၢႆ ၵႂႃႇ​ၸူး​ၵႃႈ​တီႈ တီႉၵလတ်ႉပီႉလေႇသႃႇ ၶုၼ်​ႁေႃ​ၶမ်း ဢႃႇသူႉရီႉ ​ၼၼ်ႉ​လႄႈ တွင်း​ပၢၼ်ႇ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​လုၵ်ႈ​ၸၢႆး​ၸဝ်ႈ​ႁဝ်း၊ ပဵၼ်​ၶႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ မႃး​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၵဝ်​ၶႃႈ သေ​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ သူႉရီႉ ဢိၵ်ႇ​တင်း​ၶုၼ်​ႁေႃ​ၶမ်း​ ဢီႉသရေႇလႃႉ ဢၼ်​ႁဵတ်း​ရၢၼ်ႇ​သူႇ​ဝႆႉ​တၢင်း​ၽိတ်း​တီႈ​ၵဝ်​ၶႃႈ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မိူဝ်ႈ​ၼၼ်ႉ​ ဢႃႇၶတ်ႉ ဢဝ်​ငိုၼ်း​ၶမ်း​ဢၼ်​ထူပ်း​ႁၼ်​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​တိူၵ်ႈ​ၽၼ်ႇတႃႇ​ႁေႃ​ၸဝ်ႈ​ၼၼ်ႉ​လႄႈ ႁဵတ်း​လၢၵ်ႈ​သွင်ႇ​ပၼ်​ၵႂႃႇ​တီႈ​ၶုၼ်​ႁေႃ​ၶမ်း​ ဢႃႇသူႉရီႉ ​ဢေႃႈ။-</verse>
				<verse number="9">ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ ထွမ်ႇ​ဢဝ်​ၵႂၢမ်း​မၼ်း​သေ​လႄႈ ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း​ ထမ်ႇမသႅတ်ႉ ​လႄႈ တိုၵ်း​ဢဝ်​သေ​ယဝ်ႉ၊ သိမ်း​ဢဝ်​ၵူၼ်း​ဝဵင်း​တင်း​လၢႆ​ၵႂႃႇ​ၵႃႈ​တီႈ​ဝဵင်း​ ၵီႉရႃႉ ​ဢေႃႈ။ ၶုၼ်​ ရေႇၸိၼ်း ​ၼၼ်ႉ​ၵေႃႈ ဢဝ်​တၢႆ​ပႅတ်ႈ​ဢေႃႈ။</verse>
				<verse number="10">ၶုၼ်​လူင်​ ဢႃႇၶတ်ႉ ၵႂႃႇ​ၵႃႈ​တီႈ​ဝဵင်း​ ထမ်ႇမသႅတ်ႉ ႁႂ်ႈ​လႆႈ​ႁူပ်ႉ​ထူပ်း​ၵၼ်​တင်း တီႉၵလတ်ႉပီႉလေႇသႃႇ ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ​လႄႈ ႁၼ်​ယိတ်ႈပလၢင်ႇ​ၵႃႈ​တီႈ​ဝဵင်း​ၼၼ်ႉ​သေ​ယဝ်ႉ၊ ၶုၼ်​လူင်​ ဢႃႇၶတ်ႉ ​မၢတ်ႈ​မၢႆ ဢဝ်​ပုင်ႇ​ႁၢင်ႈ​ယိတ်ႈပလၢင်ႇ​ၼၼ်ႉ ဢိၵ်ႇ​တင်း​တၢင်း​ဢၼ်​တႅၵ်ႈ​ဢၼ်​ၶပ်ႉ​မၼ်း ၸွမ်း​လူၺ်ႈ​တၢင်း​ဢၼ်​ႁဵတ်း​ဢၼ်​သၢင်ႈ​မၼ်း​ၼၼ်ႉ​သေ​လႄႈ​ပၼ်​မႃး​တီႈ​ယိတ်ႈပရေႃးႁဵၵ်ႈ​ ဢူႉရီႉယႃႉ ​ဢေႃႈ။-</verse>
				<verse number="11">ယိတ်ႈပရေႃးႁဵၵ်ႈ​ ဢူႉရီႉယႃႉ တႄႇ​ႁဵတ်း​ယိတ်ႈပလၢင်ႇ​ဢေႃႈ၊ ၸွမ်း​ၵႃႈ​ၼင်ႇ​ဢၼ်​ၶုၼ်​လူင်​ ဢႃႇၶတ်ႉ ​ဢဝ် ၵႃႈ​တီႈ​ဝဵင်း​ ထမ်ႇမသႅတ်ႉ ပၼ်​မႃး​ၼၼ်ႉ​သေ​လႄႈ​ယိတ်ႈပရေႃးႁဵၵ်ႈ​ ဢူႉရီႉယႃႉ ​ၼၼ်ႉ​ႁဵတ်း​ဝႆႉ​ထႃႈ ၶိင်ႇ​မိူဝ်ႈ​ဢၼ်​ၶုၼ်​ ဢႃႇၶတ်ႉ ​တၵ်း​လုၵ်ႉ​ၵႃႈ​တီႈ​ဝဵင်း​ ထမ်ႇမသႅတ်ႉ ႁွတ်ႈ​မႃး​ၼၼ်ႉ​ဢေႃႈ။-</verse>
				<verse number="12">ၶုၼ်​ႁေႃ​ၶမ်း လုၵ်ႉ​သေ​ၵႃႈ​တီႈ​ဝဵင်း​ ထမ်ႇမသႅတ်ႉ ႁွတ်ႈ​မႃး​သေ​ယဝ်ႉ၊ ၶုၼ်​ႁေႃ​ၶမ်း​ႁၼ်​ယိတ်ႈပလၢင်ႇ​ၼၼ်ႉ​လႄႈ၊ ၶုၼ်​ႁေႃ​ၶမ်း​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ယိတ်ႈပလၢင်ႇ​ၼၼ်ႉ​သေ​လႄႈ ပုၵ်ႈ​ၸေႃႇ​ယိတ်ႈ​ၵႃႈ​ၼိူဝ်​မၼ်း​ဢေႃႈ။-</verse>
				<verse number="13">မၼ်း​ဢဝ်​ယိတ်ႈ​ဢၼ်​တုတ်ႇ​ၽႆး၊ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း​တုတ်ႇ​ၽႆး​လႄႈ ဢဝ်​ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ​မၼ်း သွၼ်း​လေႃႇ​သေ​လႄႈ ဢဝ်​လိူတ်ႈ​ယိတ်ႈ​မိၵ်ႉသႃႇႁႃယႃႉ​မၼ်း ၽႅတ်း​သႂ်ႇ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="14">ယိတ်ႈပလၢင်ႇ​တွင်း​လိူင်​ဢၼ်​မီး ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ၸိုင် မၼ်း​ၶၢႆႉ​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ႁိူၼ်း​ၸဝ်ႈ ၵႃႈ​တီႈ​ၵႄႈ​ဝူင်ႈ​ၵၢင်​ယိတ်ႈပလၢင်ႇ​မၼ်း တင်း​ႁိူၼ်း​ထႃႇဝရႃႉ​ၽြႃး​လႄႈ ဝႆႉ​ၵႃႈ​တီႈ​ၽၢႆႇ​တၢင်း​ႁွင်ႇ​ယိတ်ႈပလၢင်ႇ​မၼ်း​ၼၼ်ႉ​ဢေႃႈ။-</verse>
				<verse number="15">လႆႈ​သမ်ႉ ၶုၼ်​လူင်​ ဢႃႇၶတ်ႉ ​သင်ႇ​လၢတ်ႈ​ဝႆႉ​တီႈ​ယိတ်ႈပရေႃးႁဵၵ်ႈ​ ဢူႉရီႉယႃႉ ​ၸမ်ႉ၊ ယိတ်ႈ​ဢၼ်​တုတ်ႇ​ၽႆး​ၶိင်ႇ​ၵၢင်​ၼႂ် တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​ၶိင်ႇ​ၵၢင်​ၶမ်ႈ၊ ယိတ်ႈ​ဢၼ်​တုတ်ႇ​ၽႆး​ၶုၼ်​ႁေႃ​ၶမ်း တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​မၼ်း ယိတ်ႈ​ဢၼ်​တုတ်ႇ​ၽႆး​ၵူၼ်း​ဝၢၼ်ႈ​ၵူၼ်း​မိူင်း တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​ၶဝ် ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ​ၶဝ်​ၸိူဝ်း​ၼၼ်ႉ​ၸိုင်၊ ဢဝ်​တုတ်ႇ​ၽႆး ၵႃႈ​ၼိူဝ်​ယိတ်ႈပလၢင်ႇ​လူင်​ၼႆႉ​တႃႉ။ လိူတ်ႈ​ယိတ်ႈ​ဢၼ်​တုတ်ႇ​ၽႆး​ၵႃႈ​မီး တင်း​လိူတ်ႈ​ယိတ်ႈ​တင်း​လၢႆ​ၵႃႈ​မီး​ၼၼ်ႉ​ၵေႃႈ ဢဝ်​ၽႅတ်း​သႂ်ႇ​ၵႃႈ​ၼိူဝ်​မၼ်း​တႃႉ၊ ယိတ်ႈပလၢင်ႇ​တွင်း​လိူင်​ၼၼ်ႉ တၵ်း​လႆႈ​မီး​ဝႆႉ ပုၼ်ႈ​ဢၼ်​ၵဝ်​တၵ်း​တွင်ႈ​ထၢမ်​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="16">ယိတ်ႈပရေႃးႁဵၵ်ႈ​ ဢူႉရီႉယႃႉ ​ႁဵတ်း​ၸွမ်း​ၵႃႈ​ဢၼ်​ၶုၼ်​လူင်​ ဢႃႇၶတ်ႉ ​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။</verse>
				<verse number="17">ၶုၼ်​လူင်​ ဢႃႇၶတ်ႉ ၼုၵ်ႈ​ဢဝ်​ၵမ်း​ပၢတ်ႈ ဢၼ်​ၸၢပ်ႈ​သႅင်ႇ​ၵၼ်​တင်း​ၶူင်ႇ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​လႄႈ ဢဝ်​မေႃႈ​ဢႅင်ႇ​ၶၢႆႉ​သေ​ၵႃႈ​ၼိူဝ်​ၸိူဝ်း​ၼၼ်ႉ​သေ​ယဝ်ႉ၊ ဢဝ်​ၼမ်ႉ​ၼွင်​ၼၼ်ႉ​ၶျႃး​တူၵ်း​သေ​ၵႃႈ​ၼိူဝ်​ဝူဝ်း​တွင်း​လိူင် ဢၼ်​မီး​ၵႃႈ​တႂ်ႈ​မၼ်း​ၸိူဝ်း​ၼၼ်ႉ​သေ​လႄႈ တၢင်ႇ​ဝႆႉ​ၵႃႈ​ၼိူဝ်​မၢၵ်ႇ​ႁိၼ်​သိူဝ်ႇ​ဢေႃႈ။-</verse>
				<verse number="18">သုမ်ႉ​ၵၢႆႇ​ၼႃး ဢၼ်​ႁဵတ်း​ဝႆႉ​ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ ပုၼ်ႈ​ဢၼ်​တၵ်း​ပႂ်ႉ​ဝၼ်း​ၵမ်​သိၼ်​ၼၼ်ႉ ဢိၵ်ႇ​တင်း​ၵျွင်း​တၢၼ်း ဢၼ်​ၶုၼ်​ႁေႃ​ၶမ်း​တၵ်း​ၶိုၼ်ႈ​ၼၼ်ႉ​ၸိုင်၊ မၼ်း​ဢဝ်​သႂၢင်း​ၶဝ်ႈ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ၵွပ်ႈ​ပိူဝ်ႈ​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ​ဢေႃႈ။-</verse>
				<verse number="19">လွင်ႈ​တၢင်း​ဢၼ်​ ဢႃႇၶတ်ႉ ​ႁဵတ်း ဢၼ်​ယင်း​ၵိုတ်း​ယင်း​ၵျၢၼ်ႇ ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း ရႃႇၸဝၢင်ႇ​ ယူႉတႃႉ ​ဢေႃႈ။-</verse>
				<verse number="20">ဢႃႇၶတ်ႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​ၸိူဝ်း​ၼၼ်ႉ ၵႃႈ​ၼႂ်း​ဝဵင်း​ တႃႇဝိတ်ႈ ​ဢေႃႈ။ ႁေႇၸၵီႉ ​လုၵ်ႈ​ၸၢႆး​ၸဝ်ႈ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="17">
				<verse number="1">ၼႂ်း​ပီႊ​ဢၼ် ဢႃႇၶတ်ႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ပၢႆ​သွင်​ပီႊ​ၼၼ်ႉ၊ ႁေႃးသေႇ ​လုၵ်ႈ​ၸၢႆး​ ဢေးလႃႇ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး မိူင်း​ ဢီႉသရေႇလႃႉ ​ယူႇ ၵႃႈ​ၼႂ်း​ဝဵင်း​ သမႃႇရီႉ ​ၵဝ်ႈ​ပီႊ​ဢေႃႈ။-</verse>
				<verse number="2">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​သေ​ၵေႃႈ ဢမ်ႇ​ၶိုတ်း​တူႉ​ၸရိူၵ်ႈ ဢၼ်​ၶုၼ်​ႁေႃ​ၶမ်း​ ဢီႉသရေႇလႃႉ ဢၼ်​ပူၼ်ႉ​ၵႂႃႇ​ယဝ်ႉ မိူဝ်ႈ​ဢွၼ်​တၢင်း​မၼ်း​ၸိူဝ်း​ၼၼ်ႉ​ႁဵတ်း​ၼၼ်ႉ။</verse>
				<verse number="3">မၼ်း​ၼၼ်ႉ​ၸိုင်၊ သႃႇလႃႉမၼေႇၸႃႇ ​ၶုၼ်​ႁေႃ​ၶမ်း​ ဢႃႇသူႉရီႉ ၶီႇ​သိုၵ်း​ၶိုၼ်ႈ​ၸူး​လႄႈ ႁေႃးသေႇ ​လႆႈ​ၶၢမ်ႇ​ႁဵတ်း​ၶႃႈ​သေ​လႄႈ သၢၵ်ႈ​ၶွၼ်ႇ​ဢေႃႈ။-</verse>
				<verse number="4">ၶုၼ်​ႁေႃ​ၶမ်း​ ဢႃႇသူႉရီႉ ထူပ်း​ႁၼ်​လွင်ႈ​ဢၼ်​ ႁေႃးသေႇ ​မီး​တၢင်း​ၵျၢမ်ႇ​တၢင်း​ပွင်​ဢၼ်​တၵ်း​ပုင်ႇ​ၵၢၼ်ႇ​ၵွပ်ႈ​ပိူဝ်ႈ​ဢၼ်​မၼ်း​ပွႆႇ​ၸႂ်ႉ သၢၼ်ႇတမၢၼ်ႇ​တင်း​လၢႆ ၵႂႃႇ​ၸူး​ၵႃႈ​တီႈ​ သႂႃႇ ၶုၼ်​ႁေႃ​ၶမ်း​ ဢေႇၵိပ်ႉတူႉ ​လႄႈ၊ ဢမ်ႇ​သၢၵ်ႈ​ဢမ်ႇ​ပၼ်​ၶွၼ်ႇ ဢၼ်​မၼ်း​ယၢမ်ႈ​သၢၵ်ႈ​ပၼ်​တီႈ ၶုၼ်​ႁေႃ​ၶမ်း​ ဢႃႇသူႉရီႉ ၵူႈ​ပီႊ​ၼၼ်ႉ​လႄႈ၊ ၶုၼ်​ႁေႃ​ၶမ်း​ ဢႃႇသူႉရီႉ တီႉ​ၵမ်​ဢဝ်​မၼ်း​သေ​လႄႈ ၶင်​ဝႆႉ​ၵႃႈ​ၼႂ်း​ထွင်ႇ​သေ​ယဝ်ႉ၊</verse>
				<verse number="5">ၶုၼ်​ႁေႃ​ၶမ်း​ ဢႃႇသူႉရီႉ ​ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​မိူင်း​ၸဝ်ႈ​ၸွတ်ႇ​ၵႂႃႇ​တင်း​ဝၢၼ်ႈ​တင်း​မိူင်း​သေ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ သမႃႇရီႉ ​လႄႈ လွမ်ႉ​ဝႆႉ​သၢမ်​ပီႊ​ဢေႃႈ။-</verse>
				<verse number="6">ၼႂ်း​ပီႊ​ဢၼ် ႁေႃးသေႇ ​ၸၢမ်ႇ​ႁၢင်ႈ​ၸၢမ်ႇ​ႁေႃ​ၵဝ်ႈ​ပီႊ​ၼၼ်ႉ၊ ၶုၼ်​ႁေႃ​ၶမ်း​ ဢႃႇသူႉရီႉ လႆႈ​ဝဵင်း​ သမႃႇရီႉ ​လႄႈ သိမ်း​ဢဝ်​ၵူၼ်း​မဵဝ်း ဢီႉသရေႇလႃႉ ​တင်း​လၢႆ ၵႂႃႇ​ၵႃႈ​တီႈ​မိူင်း​ ဢႃႇသူႉရီႉ ​လႄႈ ဢဝ်​ဝႆႉ​ၵႃႈ​တီႈ​ဝဵင်း​ ႁႃႇလႃႉ ၊ ဝဵင်း​ ႁႃႇပေႃႇ ၵႃႈ​ႁိမ်း​ၼမ်ႉ​ႁွင်ႈ​ ၵေႃးၸၼ်ႇ ဢိၵ်ႇ​တင်း​ၵႃႈ​တီႈ​ဝၢၼ်ႈ​ဝဵင်း ဢိူင်ႇ​ မေႇတီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ ပဵၼ်​ၵွပ်ႈ​ပိူဝ်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ၽိတ်း​ပိူင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် ဢၼ်​ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ဢိၵ်ႇ​တင်း​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ​မႃး​ၼၼ်ႉ​သေ​လႄႈ ရူဝ်ႇ​သေႇ​ၵူဝ်​ယမ်​ၽြႃး​တၢင်ႇ​သူႇ​တၢင်ႇ​ပႃး​လႄႈ၊-</verse>
				<verse number="8">ၸွမ်း​ထုင်း​ၸၢမ်ႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​ထႃႇဝရႃႉ​ၽြႃး ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸိူဝ်း​ၼၼ်ႉ ဢိၵ်ႇ​တင်း​ထုင်း​ၸၢမ်ႇ​ၶုၼ်​ႁေႃ​ၶမ်း​ ဢီႉသရေႇလႃႉ ဢၼ်​ၶဝ်​ယုၵ်ႉ​ယွင်ႈ​ဝႆႉ​ၸိူဝ်း​ၼၼ်ႉ​ဢေႃႈ။-</verse>
				<verse number="9">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ လွမ်​ႁဵတ်း​လွင်ႈ​တၢင်း​ဢၼ်​ဢမ်ႇ​တြႃး​ယူႇ​ၽၢႆႇ​ၼိုင်ႈ တင်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​ဢေႃႈ။ ပဵၼ်​ၵႃႈ​တီႈ​ထဵင်​လၢင်း​ဢၼ်​မုင်ႈ​တူၺ်း​လႄႈ ပႂ်ႉ​ၵၢင်​သေ​ဢမ်ႇ​ဝႃႈ၊ ပဵၼ်​ၵႃႈ​တီႈ​ဝဵင်း​ဢၼ်​မၼ်ႈ​ၶိူင်ႇ​သေ​ဢမ်ႇ​ဝႃႈ၊ ၶဝ်​ဢွၼ်​ၵၼ် တႄႇ​ႁဵတ်း​ထႃႇၼႃႉ​တီႈ​သုင် ၵႃႈ​တီႈ​ၵႃႈ​ဢၼ်​ပဵၼ်​ဝၢၼ်ႈ​ပဵၼ်​ဝဵင်း​ၶဝ်​ၼၼ်ႉ​ဢေႃႈ။-</verse>
				<verse number="10">ၶဝ်​ဢွၼ်​ၵၼ်​တႄႇ​ႁဵတ်း​သဝ်​တီႈ​ၵူဝ်း​ၵႂၢႆႇ ဢိၵ်ႇ​တင်း​တူၼ်ႈ​ ဢႃႇသရႃႉ ​တင်း​လၢႆ ၵႃႈ​ၼိူဝ်​ၵုင်း​ဢၼ်​သုင်​ၵႃႈ​မီး ဢိၵ်ႇ​တင်း​ၵႃႈ​တႂ်ႈ​တူၼ်ႈ​မႆႉ​ဢၼ်​ၶဵဝ်​ၵႃႈ​မီး​ၼၼ်ႉ​ဢေႃႈ။-</verse>
				<verse number="11">ၶဝ်​ဢွၼ်​ၵၼ်​ဢဝ်​ၼၢမ်ႇ​သႃႇ​တုတ်ႇ​ၽႆး ၵႃႈ​တီႈ​ထႃႇၼႃႉ​တီႈ​သုင်​ၵႃႈ​မီး မိူၼ်​ၸိူဝ်ႉ​ၼင်ႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ထႃႇဝရႃႉ​ၽြႃး​ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​လႄႈ ႁဵတ်း​ဢမူႉ​ဢႃႉထမ်ႇမႃႉ ႁႂ်ႈ​လႆႈ​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​ဢေႃႈ။-</verse>
				<verse number="12">ၶဝ်​ဢွၼ်​ၵၼ်​ႁဵတ်း​ဝၢတ်ႈ​တီႈ​ရုၵ်ႈ​ထူႉ​သၢင်း​ထူႉ ဢၼ်​ထႃႇဝရႃႉ​ၽြႃး ပိင်း​ၺၢပ်ႈ​ဝႆႉ​လႄႈ​ဝႃႈ၊ သူ​ဢမ်ႇ​လႆႈ​ႁဵတ်း​လွင်ႈ​တၢင်း​ၸိူဝ်ႉ​ၼင်ႇ​ၼၼ်​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="13">ပိၵ်ႉ​သမ်ႉ​ထႃႇဝရႃႉ​ၽြႃး ဢဝ်​တင်း​ပရေႃးၽႅတ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ႁူ​ပွင်ႇ​တႃ​လႅင်း​ၵူႈ​ၵေႃႉ​ၵူႈ​ၵူၼ်း​ၶၢမ်ႇ​သၢၵ်ႈ​သေႇ​တီႈ​မဵဝ်း ဢီႉသရေႇလႃႉ တင်း​မဵဝ်း​ ယူႉတႃႉ ​လႄႈ​ဝႃႈ၊ သူ​ဢွၼ်​ၵၼ်​ဝႄႈ​ပိူင်ႈ​သဵၼ်ႈ​တၢင်း​ဢႃႉထမ်ႇမႃႉ​သူ​သေ​လႄႈ ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၵဝ် ဢိၵ်ႇ​တင်း​ထုင်း​ၽိင်ႈ​တြႃး​ၵဝ် ၸွမ်း​ၵႃႈ​ၼင်ႇ​တြႃး​ၵႃႈ​ဢၼ်​ၵဝ်​ပိင်း​ၺၢပ်ႈ​ဝႆႉ တီႈ​ပူႇ​မွၼ်ႇ​သူ​တင်း​လၢႆ​လႄႈ၊ ၵဝ်​ဢဝ်​ၶႃႈ​ၵဝ်​ၵူၼ်း​ၵဝ်​ပရေႃးၽႅတ်ႈ တင်း​လၢႆ​ပၼ်​မႃး​တီႈ​သူ​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="14">ၶဝ်​ဢမ်ႇ​ထွမ်ႇ​ဢမ်ႇ​ဢဝ်၊ ႁႂ်ႈ​ၶေႃး​ၶဝ်​ၵႅၼ်ႇ​ၶႅင် မိူၼ်​ၸိူဝ်ႉ​ၼင်ႇ​ၶေႃး​ပူႇ​မွၼ်ႇ​ၶဝ်​ဢၼ်​ဢမ်ႇ​ယုမ်ႇ​မၢတ်ႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​ဢေႃႈ။-</verse>
				<verse number="15">ၶဝ်​ဢွၼ်​ၵၼ်​ပႄႇ​ပႅတ်ႈ​ထုင်း​ၽိင်ႈ​တြႃး​ၸဝ်ႈ၊ ပတီႉၺိၺ်ႇ​ဢၼ်​မၼ်း​ၸဝ်ႈ​ႁဵတ်း​ဝႆႉ​လူၺ်ႈ​ၵၼ်​တင်း​ပူႇ​မွၼ်ႇ​ၶဝ်၊ သၢၵ်ႈ​သေႇ​ဢၼ်​မၼ်း​ၸဝ်ႈ​ၶၢမ်ႇ​သၢၵ်ႈ​သေႇ​တီႈ​ၶဝ်​ၼၼ်ႉ​သေ​လႄႈ ၵမ်​ၵျၢင်ႉ​ဢၼတ်ႉတႃႉ​တြႃး​ယူႇ​လႄႈ ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​သေ​ယဝ်ႉ၊ ၸွမ်း​လင်​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ယူႇ​လဵပ်ႈ​ႁွပ်ႈ​ၶဝ်​ဢၼ် ထႃႇဝရႃႉ​ၽြႃး​ပိင်း​ၺၢပ်ႈ​ဝႆႉ​လူၺ်ႈ​လွင်ႈ ဢၼ်​ဢမ်ႇ​လႆႈ​ၵမ်​ၵျၢင်ႉ​ၸိူဝ်ႉ​ၼင်ႇ​ဢၼ်​ၶဝ်​ၼၼ်ႉ​ၵမ်​ၵျၢင်ႉ​ၼၼ်ႉ​ဢေႃႈ။-</verse>
				<verse number="16">ၶဝ်​ဢွၼ်​ၵၼ်​ၸုၼ်ႉ​ပႅတ်ႈ​ပိင်း​ၺၢပ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​ၵႃႈ​မီး​ၼၼ်ႉ​လႄႈ ႁဵတ်း​ရုၵ်ႈ​ထူႉ​ဢၼ်​သွၼ်း​လေႃႇ ဢၼ်​ဝႃႈ​ဝူဝ်း​ဢွၼ်ႇ​သွင်​တူဝ် ဢိၵ်ႇ​တင်း​တူၼ်ႈ​ ဢႃႇသရႃႉ ​သေ​လႄႈ ၵူဝ်း​ၵႂၢႆႇ​ၶိူင်ႈ​ပိူင်​ၵၢင်​ႁၢဝ်​လႄႈ ႁဵတ်း​ဝၢတ်ႈ​တီႈ​ ၽြႃး​ပႃႇလႃႉ ​ဢေႃႈ။-</verse>
				<verse number="17">ၶဝ်​ဢွၼ်​ၵၼ်​ဢဝ်​လုၵ်ႈ​ၸၢႆး​လုၵ်ႈ​ယိင်း​ၶဝ်​ပၼ် ႁႂ်ႈ​လႆႈ​ၶၢမ်ႇ​တၢင်း​ဢၼ်​ဢဝ်​ၽႆး​ပုၵ်ႈ​ၸေႃႇ​လႄႈ သုင်း​သွင်ႇ​ဢတၢတ်ႈ​ဝိၵ်ႉၸႃႇ ဢတၢတ်ႈ​ဢၼ်​ၸေႃႉ​ဢၼ်​ႁဵတ်း​ၼၼ်ႉ​သေ​လႄႈ ၶၢႆ​တူဝ်​ၶဝ်​ႁႂ်ႈ​လႆႈ​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ႁႂ်ႈ​လႆႈ​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ဢေႃႈ။-</verse>
				<verse number="18">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ထႃႇဝရႃႉ​ၽြႃး​ၸႂ်​မႆႈ​ၶႆႈ​ၸႃႉ​တေႃႇ​မဵဝ်း​ ဢီႉသရေႇလႃႉ ႁႅင်း​ယႂ်ႇ​ၼႃႇ​လူင်​လၢင်​လႄႈ ပႄႇ​ၶဝ်​ပႅတ်ႈ​သေ​ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ဢေႃႈ။ ၼွၵ်ႈ​သေ​မဵဝ်း​ ယူႉတႃႉ ​ၼၼ်ႉ ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​သေ​မဵဝ်း။-</verse>
				<verse number="19">မဵဝ်း​ ယူႉတႃႉ ​ၵေႃႈ ဢမ်ႇ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်၊ ဢွၼ်​ၵၼ်​ၸွမ်း​ထုင်း​ၸၢမ်ႇ​မဵဝ်း​ ဢီႉသရေႇလႃႉ ဢၼ်​ၶဝ်​ႁဵတ်း​ၼၼ်ႉ​ဢေႃႈ။-</verse>
				<verse number="20">ထႃႇဝရႃႉ​ၽြႃး ထဵင်​ပႅတ်ႈ​မဵဝ်း​ၸိူဝ်ႉ​ၶိူဝ်း​ ဢီႉသရေႇလႃႉ ​ၵႃႈ​မီး​ၼၼ်ႉ​သေ​လႄႈ ပၼ်​တၢမ်ႇ​လႄႈ ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် ႁိမ်​ဢဝ်​ၼၼ်ႉ​တေႃႇ​ထိုင်​ႁွတ်ႈ​မၼ်း​ၸဝ်ႈ ႁေႃႈ​ၶဝ်​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ဢေႃႈ။-</verse>
				<verse number="21">လွင်ႈ​မၼ်း​ၸမ်ႉ မၼ်း​ၸဝ်ႈ​သိၵ်ႇ​မဵဝ်း​ ဢီႉသရေႇလႃႉ ​ဢွၵ်ႇ​သေ​ၵႃႈ​ၼႂ်း​မိုဝ်း​မဵဝ်း​ၸိူဝ်ႉ​ၶိူဝ်း​ တႃႇဝိတ်ႈ ​လႄႈ ၶဝ်​ၼၼ်ႉ​ယုၵ်ႉ​ယွင်ႈ ယေႇရူဝ်းပုမ်ႇ ​လုၵ်ႈ​ၸၢႆး​ ၼေႇပတ်ႉ ​ၼၼ်ႉ ႁႂ်ႈ​ပဵၼ်​ၶုၼ်​ႁေႃ​ၶမ်း​ၶဝ်​လႄႈ၊ ယေႇရူဝ်းပုမ်ႇ ​ၼၼ်ႉ​ၵေႃႈ ႁႂ်ႈ​မဵဝ်း​ ဢီႉသရေႇလႃႉ ​ဝႄႈ​ပိူင်ႈ​သေ​ၵႃႈ​တီႈ​သဵၼ်ႈ​တၢင်း​ဢၼ်​ၸွမ်း​လင်​ထႃႇဝရႃႉ​ၽြႃး​လႄႈ ႁႂ်ႈ​ႁဵတ်း​တူႉ​ၸရိူၵ်ႈ​လူင်​ဢေႃႈ။-</verse>
				<verse number="22">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ၸွမ်း​သဵၼ်ႈ​တၢင်း​တူႉ​ၸရိူၵ်ႈ​ၵႃႈ​ဢၼ်​ ယေႇရူဝ်းပုမ်ႇ ႁဵတ်း​ၼၼ်ႉ​လႄႈ၊ ယင်း​ဢမ်ႇ​ဝႄႈ​ဢမ်ႇ​ပိူင်ႈ​လႄႈ​ယူႇ၊-</verse>
				<verse number="23">တေႃႇ​ထိုင်​ႁွတ်ႈ​ထႃႇဝရႃႉ​ၽြႃး ထၼ်ႈ​ပေႃး​ပႄႇ​ပႅတ်ႈ​မဵဝ်း​ ဢီႉသရေႇလႃႉ သေ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ ဢဝ်​ၶႃႈ​မၼ်း​ၸဝ်ႈ​ပရေႃးၽႅတ်ႈ​ၵႃႈ​မီး​ၼၼ်ႉ​မီး​ဢမိင်ႉ​ဝႆႉ​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ မဵဝ်း​ ဢီႉသရေႇလႃႉ ​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ဢွၵ်ႇ​သေ​ၵႃႈ​တီႈ​မိူင်း ဢၼ်​ၶဝ်​ယူႇ​ၵဝ်ႇ​ၵဝ်ႇ​ၼၼ်ႉ​ၵႂႃႇ​ၵႃႈ​တီႈ​မိူင်း ဢႃႇသူႉရီႉ ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="24">ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ​ၵေႃႈ ဢဝ်​ၵူၼ်း​ဝဵင်း​ ပႃႇပူႉလုၼ်ႇ ၊ ၵူၼ်း​ဝဵင်း​ ၵူႉသႃႉ ၊ ၵူၼ်း​ဝဵင်း​ ဢႃႇဝႃႉ ၊ ၵူၼ်း​ဝဵင်း​ ႁႃႇမတ်ႉ ၊ ၵူၼ်း​ဝဵင်း​ သေႇၽရႃႉဝိမ်း ​တင်း​လၢႆ​မႃး​လႄႈ ဝႆႉ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ သမႃႇရီႉ တၢင်​တူဝ်​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ၊ ၶဝ်​ၼၼ်ႉ​ဢွၼ်​ၵၼ်​သိမ်း​ဢဝ်​မိူင်း​ သမႃႇရီႉ ​လႄႈ တူၵ်း​တီႈ​တူၵ်း​လႅၼ်​ၵႃႈ​ၼႂ်း​ဝၢၼ်ႈ​ဝဵင်း​ၸိူဝ်း​ၼၼ်ႉ​ဢေႃႈ။-</verse>
				<verse number="25">မိူဝ်ႈ​ဢၼ်​ၶဝ်​ၸႃႉ​တူၵ်း​တီႈ​တူၵ်း​လႅၼ်​ၼၼ်ႉ​ၸိုင် ၶဝ်​ဢမ်ႇ​ရူဝ်ႇ​သေႇ​ၵူဝ်​ယမ်​ထႃႇဝရႃႉ​ၽြႃး​လႄႈ ထႃႇဝရႃႉ​ၽြႃး​ပွႆႇ​ၸႂ်ႉ​သၢင်ႇ​သီႈ​မႃး​လႄႈ ၶူပ်း​ၶဝ်​တၢႆ​ၵမ်ႈ​ၽွင်ႈ​ဢေႃႈ။-</verse>
				<verse number="26">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၶဝ်​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ဢႃႇသူႉရီႉ ​လႄႈ​ဝႃႈ၊ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢၼ်​ၸဝ်ႈ​ႁဝ်း​ႁႂ်ႈ​ၶၢႆႉ​ၵႂႃႇ​လႄႈ ယူႇ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ သမႃႇရီႉ ​ၸိူဝ်း​ၼၼ်ႉ ဢမ်ႇ​ႁူႉ​တြႃး​ၽြႃး​ဢၼ်​ပႂ်ႉ​မိူင်း​ၼၼ်ႉ​တီႈ​ၶႃႈ။ ပိူဝ်ႈ​ၼႆ​လႄႈ မၼ်း​ၸဝ်ႈ​ၼၼ်ႉ​ပွႆႇ​ၸႂ်ႉ​သၢင်ႇ​သီႈ​မႃး​လႄႈ ၶူပ်း​ၶဝ်​ၼၼ်ႉ​တၢႆ​ၵမ်ႈ​ၽွင်ႈ ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ႁူႉ​တြႃး​ၽြႃး​ဢၼ်​ပႂ်ႉ​မိူင်း​ၼၼ်ႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="27">ၶုၼ်​ႁေႃ​ၶမ်း​ ဢႃႇသူႉရီႉ ​မီး​ဢမိင်ႉ​လႄႈ​ဝႃႈ၊ ဢွၼ်​ၵၼ်​ဢဝ်​ယိတ်ႈပရေႃးႁဵၵ်ႈ ဢၼ်​သူ​သိမ်း​ဢဝ်​ၵႃႈ​တီႈ​မိူင်း​ၼၼ်ႉ​မႃး​ၼၼ်ႉ​ၵေႃႉ​ၼိုင်ႈ ၶိုၼ်း​ၵႂႃႇ​သူင်ႇ​သေ ႁႂ်ႈ​မၼ်း​ၼၼ်ႉ​ၵႂႃႇ​လႄႈ​ယူႇ​ၵႃႈ​တီႈ​ၼၼ်ႈ​သေ​လႄႈ သင်ႇ​သွၼ်​ပၼ်​တြႃး​ၽြႃး​ဢၼ်​ပႂ်ႉ​မိူင်း​ၼၼ်ႉ တီႈ​ၶဝ်​ၼၼ်ႉ​သေ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="28">ယိတ်ႈပရေႃးႁဵၵ်ႈ ဢၼ်​ၶဝ်​သိမ်း​ဢဝ်​သေ​ၵႃႈ​တီႈ​ဝဵင်း​ သမႃႇရီႉ ​မႃး​ၼၼ်ႉ​ၵေႃႉ​ၼိုင်ႈ ၶိုၼ်း​လႄႈ​ယူႇ​ၵႃႈ​တီႈ​ဝဵင်း​ ပေႇသလႃႉ ​သေ​လႄႈ သင်ႇ​သွၼ်​ပၼ်​လွင်ႈ​ဢၼ်​ၶဝ်​ၼၼ်ႉ​တၵ်း​လႆႈ ရူဝ်ႇ​သေႇ​ၵူဝ်​ယမ်​ထႃႇဝရႃႉ​ၽြႃး​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ။-</verse>
				<verse number="29">ၼႂ်း​ဝႃႈ​ၼၼ်​သေ​ၵေႃႈ ၵူၼ်း​မဵဝ်း​ႁင်း​ၽႂ်​ႁင်း​မၼ်း​ၼၼ်ႉ ဢွၼ်​ၵၼ်​ႁဵတ်း​ၽြႃး​ၶဝ်​လႄႈ တၢင်ႇ​ဝႆႉ​ၵႃႈ​ၼႂ်း​ႁိူၼ်း​ထႃႇၼႃႉ​တီႈ​သုင်​တင်း​လၢႆ ဢၼ်​ၵူၼ်း​ သမႃႇရီႉ ​ၸိူဝ်း​ၼၼ်ႉ ႁဵတ်း​ဝႆႉ​ၸိူဝ်း​ၼၼ်ႉ​ၼႂ်း​ဝၢၼ်ႈ​ဝဵင်း ဢၼ်​ၶဝ်​ၵူႈ​ၸိူဝ်ႉ​ၵူႈ​မဵဝ်း​တူၵ်း​တီႈ​တူၵ်း​လႅၼ် ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။-</verse>
				<verse number="30">ၵူၼ်း​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ၽြႃး​ သူႉၵုတ်ႉပေႇၼုတ်ႉ ၊ ၵူၼ်း​ဝဵင်း​ ၵူႉသႃႉ ​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ၽြႃး​ ၼေႇရႃႇၵႃႇလႃႉ ၊ ၵူၼ်း​ဝဵင်း​ ႁႃႇမတ်ႉ ​ၸိူဝ်း​ၼၼ်ႉ​ဢွၼ်​ၵၼ်​ႁဵတ်း​ၽြႃး​ ဢသီႉမႃႉ ၊-</verse>
				<verse number="31">ၵူၼ်း​ဝဵင်း​ ဢႃႇဝႃႉ ​ၸိူဝ်း​ၼၼ်ႉ​ဢွၼ်​ၵၼ်​ႁဵတ်း​ၽြႃး​ ၼီႉပႃႉႁႃႇၸႃႉ တင်း​ၽြႃး​ တႃႇတၵ်ႉ ​ဢေႃႈ၊ ၵူၼ်း​ဝဵင်း​ သေႇၽရႃႉဝိမ်း ​ၸိူဝ်း​ၼၼ်ႉ ဢွၼ်​ၵၼ်​ဢဝ်​လုၵ်ႈ​လၢင်း​ၶဝ် တုတ်ႇ​ၽႆး​လႄႈ ပုၵ်ႈ​ၸေႃႇ​တီႈ​ ဢႃႇတြမ်ႇမလႅၵ်ႉ ​တင်း​ ဢႃႇၼမ်ႇမေးလႅၵ်ႉ ဢၼ်​ဝႃႈ​ၽြႃး​ဢၼ်​ပႂ်ႉ​ဝဵင်း သေႇၽရႃႉဝိမ်း ​ၸိူဝ်း​ၼၼ်ႉ​ဢေႃႈ။-</verse>
				<verse number="32">ထႃႇဝရႃႉ​ၽြႃး​ၵေႃႈ ၶဝ်​ဢွၼ်​ၵၼ်​ရူဝ်ႇ​သေႇ​ၵူဝ်​ယမ်​လႄႈ ဢဝ်​ၵူၼ်း​ၵႃႈ​ၼႂ်း​ၶဝ်​ၼၼ်ႉ​ၶၢၼ်း​ဝႆႉ​ၵႃႈ​ၼႂ်း​ဢရႃႇ​ယိတ်ႈပရေႃးႁဵၵ်ႈ ထႃႇၼႃႉ​တီႈ​သုင်​တင်း​လၢႆ​လႄႈ ၶဝ်​ၼၼ်ႉ​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​ၵႃႈ​ၼႂ်း​ႁိူၼ်း​ထႃႇၼႃႉ​တီႈ​သုင်​ၸိူဝ်း​ၼၼ်ႉ​ပုၼ်ႈ​ၶဝ်​ဢေႃႈ။-</verse>
				<verse number="33">ၼင်ႇ​ၼၼ်​လႄႈ ၶဝ်​ဢွၼ်​ၵၼ်​ႁဵတ်း​တၢင်း​ဢၼ်​ရူဝ်ႇ​သေႇ​ၵူဝ်​ယမ်​ထႃႇဝရႃႉ​ၽြႃး​ဢေႃႈ။ တီႈ​ၽြႃး​ၶဝ်​ၵေႃႈ ၶဝ်​ဢွၼ်​ၵၼ်​ႁဵတ်း​ဝၢတ်ႈ​ၸွမ်း​ထုင်း​ၸၢမ်ႇ ဢၼ်​ၵူၼ်း​ၵူႈ​မဵဝ်း​ဢၼ်​ၶဝ်​လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​သေ​ၵႃႈ​ၼႂ်း​ၶဝ်​ၼၼ်ႉ​မႃး​ၸိူဝ်း​ၼၼ်ႉ ႁဵတ်း​ၼၼ်ႉ​ဢေႃႈ။-</verse>
				<verse number="34">ၶဝ်​ဢွၼ်​ၵၼ်​ၸွမ်း​ထုင်း​ၸၢမ်ႇ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​လႄႈ​ဢမ်ႇ​ႁွတ်ႈ​ထိုင်​တၢင်း​ဢၼ် ရူဝ်ႇ​သေႇ​ၵူဝ်​ယမ်​ထႃႇဝရႃႉ​ၽြႃး။ ဢမ်ႇ​ပႂ်ႉ​ၵမ်​ပႂ်ႉ​ၸွမ်း​ထုင်း​ၽိင်ႈ​တြႃး​မဵဝ်း​ၶဝ်၊ လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ ဢၼ်​သႅင်ႇ​တင်း​မဵဝ်း​ၶဝ်။ တြႃး​ၸဝ်ႈ​တင်း​ပိင်း​ၺၢပ်ႈ​ၸဝ်ႈ​တင်း​လၢႆ​ဢၼ်​ထႃႇဝရႃႉ​ၽြႃး ပိင်း​ၺၢပ်ႈ​ဝႆႉ​တီႈ​ၵူၼ်း​မဵဝ်း​ ယႃႇၵုပ်ႈ ဢၼ်​မၼ်း​ၸဝ်ႈ​ႁွင်ႉ​ႁဵၵ်ႈ​ၸိုဝ်ႈ​ ဢီႉသရေႇလႃႉ ​လႄႈ၊-</verse>
				<verse number="35">ပဵၼ်​မဵဝ်း​ဢၼ်​ထႃႇဝရႃႉ​ၽြႃး​ႁဵတ်း​ပတီႉၺိၺ်ႇ လူၺ်ႈ​ၵၼ်​သေ​လႄႈ​သင်ႇ​လၢတ်ႈ​လႄႈ​ဝႃႈ၊ သူ​ဢမ်ႇ​လႆႈ​ရူဝ်ႇ​သေႇ​ၵူဝ်​ယမ်​ၽြႃး​တၢင်ႇ​သူႇ​တၢင်း​ပႃး၊ ဢမ်ႇ​လႆႈ​ၵူမ်ႈ​ႁူဝ်​ၵွမ်း​ႁူဝ်၊ ဢမ်ႇ​လႆႈ​ႁဵတ်း​ဝူတ်ႈ​ႁဵတ်း​ဝၢတ်ႈ၊ ဢမ်ႇ​လႆႈ​ပုၵ်ႈ​ၸေႃႇ​ယိတ်ႈ။-</verse>
				<verse number="36">သူ​တၵ်း​လႆႈ​ဢွၼ်​ၵၼ်​ရူဝ်ႇ​သေႇ​ၵူဝ်​ယမ်​ၵူမ်ႈ​ႁူဝ်​ၵွမ်း​ႁူဝ်​လႄႈ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ဢၼ်​ဢဝ်​တင်း​တၼ်း​ၶူဝ်း​ဢၼ်​ယႂ်ႇ​ၼႃႇ တင်း​တၢင်း​ဢၼ်​ယိုၼ်ႈ​ၶႅၼ်​ယိုၼ်ႈ​မိုဝ်း​သေ​လႄႈ ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ၵူၺ်း​ဢေႃႈ။-</verse>
				<verse number="37">တၵ်း​လႆႈ​ဢွၼ်​ၵၼ်​ပႂ်ႉ​ၵမ်​ပႂ်ႉ​ၸွမ်း​ထုင်း​ၽိင်ႈ​တြႃး​လႂ်၊ လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​လႂ်၊ ပိင်း​ၺၢပ်ႈ​ၸဝ်ႈ ဢၼ်​မၼ်း​ၸဝ်ႈ​တႅမ်ႈ​ဝႆႉ​ပုၼ်ႈ​သူ​လႂ်​ၼၼ်ႉ​ယူႇ​တႃႇ​သေႇ​ဢေႃႈ။ ဢမ်ႇ​လႆႈ​ရူဝ်ႇ​သေႇ​ၵူဝ်​ယမ်​ၽြႃး​တၢင်ႇ​သူႇ​တၢင်ႇ​ပႃး။-</verse>
				<verse number="38">ဢမ်ႇ​လႆႈ​လူင်​လႆႈ​လိုမ်း​ပတီႉၺိၺ်ႇ​ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​သူ​ၼၼ်ႉ။ ဢမ်ႇ​လႆႈ​ရူဝ်ႇ​သေႇ​ၵူဝ်​ယမ်​ၽြႃး​တၢင်ႇ​သူႇ​တၢင်ႇ​ပႃး။-</verse>
				<verse number="39">တၵ်း​လႆႈ​ရူဝ်ႇ​သေႇ​ၵူဝ်​ယမ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၵူၺ်း​ဢေႃႈ။ ပေႃး​ႁဵတ်း​ၼင်ႇ​ၼၼ်​ၸိုင် မၼ်း​ၸဝ်ႈ​တၵ်း​ၵႄႇ​သႄႇ ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ တင်း​သဵင်ႈ​တင်း​လူင်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ၵေႃႈ၊-</verse>
				<verse number="40">ၶဝ်​ၼၼ်ႉ​ဢမ်ႇ​ထွမ်ႇ​ဢမ်ႇ​ဢဝ်။ ဢွၼ်​ၵၼ်​ၸွမ်း​ထုင်း​ၸၢမ်ႇ မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="41">ၼင်ႇ​ၼၼ်​လႄႈ ၵူၼ်း​ၵူႈ​ၸိူဝ်ႉ​ၵူႈ​ၶိူဝ်း​ၸိူဝ်း​ၼၼ်ႉ ဢွၼ်​ၵၼ်​ရူဝ်ႇ​သေႇ​ၵူဝ်​ယမ်​ထႃႇဝရႃႉ​ၽြႃး​လႄႈ၊ တီႈ​ရုၵ်ႈ​ထူႉ​သၢင်း​ထူႉ​ၶဝ်​ၵေႃႈ ႁဵတ်း​ဝူတ်ႈ​ႁဵတ်း​ဝၢတ်ႈ​ယူႇ​ဢေႃႈ။ လုၵ်ႈ​ၶဝ်​လၢၼ်​ၶဝ် ဢိၵ်ႇ​တင်း​လိၼ်​ၶဝ်​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ၸွမ်း​ၸူဝ်ႈ​ပေႃႈ​ပၢၼ်​မႄႈ​ၶဝ်​လႄႈ ၵမ်​ၵျၢင်ႉ​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
			</chapter>
			<chapter number="18">
				<verse number="1">ၼႂ်း​ပီႊ​ဢၼ်​ ႁေႃးသေႇ လုၵ်ႈ​ၸၢႆး​ ဢေးလႃႇ ​ၶုၼ်​ႁေႃ​ၶမ်း​ ဢီႉသရေႇလႃႉ ​ၸၢမ်ႇ​ႁၢင်ႈ​ၸၢမ်ႇ​ႁေႃ​သၢမ်​ပီႊ​ၼၼ်ႉ၊ ႁေႇၸၵီႉ ​လုၵ်ႈ​ၸၢႆး​ ဢႃႇၶတ်ႉ ၶုၼ်​ႁေႃ​ၶမ်း​ ယူႉတႃႉ ​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ဢေႃႈ။-</verse>
				<verse number="2">မိူဝ်ႈ​ဢၼ်​မၼ်း​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​သၢဝ်း​ပၢႆ​ႁႃႈ​ပီႊ​လႄႈ၊ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သၢဝ်း​ပၢႆ​ၵဝ်ႈ​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ဢႃႇၽီႉ လုၵ်ႈ​ယိင်း​ ၸႃႇၶရီႉ ​ဢေႃႈ။-</verse>
				<verse number="3">မၼ်း​ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​ၸဝ်ႈ​ပေႃႈ​မၼ်း​ တႃႇဝိတ်ႈ ​ႁဵတ်း​ၼၼ်ႉ​ဢေႃႈ။-</verse>
				<verse number="4">မၼ်း​ပႄႇ​ၽဵဝ်ႈ​ထႃႇၼႃႉ​တီႈ​သုင်​လႂ်၊ ၵိူၼ်ႇ​ယႃႉ​သဝ်​တီႈ​ၵူဝ်း​ၵႂၢႆႇ​လႂ်၊ ပမ်ႈ​လူမ်ႉ​ၽၼ်း​လူမ်ႉ​တူၼ်ႈ​ ဢႃႇသရႃႉ ​လႂ် ပႅတ်ႈ​ဢေႃႈ။ ငူး​တွင်း​လိူင်​ဢၼ်​ မူဝ်းသေႇ ​ႁဵတ်း​ဝႆႉ​ၼၼ်ႉ​ၵေႃႈ မၼ်း​တႅပ်း​ႁဵတ်း​ပွတ်း​ႁဵတ်း​တွၼ်ႈ​ပႅတ်ႈ​ဢေႃႈ။ လွင်ႈ​မၼ်း​ၸမ်ႉ ၵူၼ်း​မဵဝ်း ဢီႉသရေႇလႃႉ ​တင်း​လၢႆ ၸၢင်ႈ​ဢဝ်​ၼၢမ်ႇ​သႃႇ​တုတ်ႇ​ၽႆး​ၵႃႈ​တီႈ​ၽၢႆႇ​ၼႃႈ​ဢၼ်​ၼၼ်ႉ တေႃႇ​ထိုင်​ႁွတ်ႈ​ၶိင်ႇ​ၵႃႇလႃႉ​ၸူဝ်ႈ​ပၢၼ်​ၼၼ်ႉ​ဢေႃႈ။ မၼ်း​ႁွင်ႉ​ႁဵၵ်ႈ ၸိုဝ်ႈ​ဢၼ်​ၼၼ်ႉ ၼႁုၵ်ႉတၼ်ႇ ​ဢေႃႈ။-</verse>
				<verse number="5">မၼ်း​သွၼ်ႈ​ပိုင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ထၼ်ႈ​ပေႃး​ၵႃႈ​ၼႂ်း​ၶုၼ်​ႁေႃ​ၶမ်း​ ယူႉတႃႉ ၵႃႈ​ဢၼ်​ပဵၼ်​ၵမ်း​လိုၼ်း​မၼ်း ဢိၵ်ႇ​တင်း​ၵႃႈ​ၼႂ်း​ၶဝ်​ၸိူဝ်း​ဢၼ် ပူၼ်ႉ​ၵႂႃႇ​ဢွၼ်​တၢင်း​မၼ်း​ၸိူဝ်း​ၼၼ်ႉ​ၼၼ်ႉ ဢမ်ႇ​မီး​ၵေႃႉ​ဢၼ်​မိူၼ်​ၵၼ်​တင်း​မၼ်း​ဢေႃႈ။-</verse>
				<verse number="6">မၼ်း​ဢိင်​ပိုင်ႈ​ထႃႇဝရႃႉ​ၽြႃး​လႄႈ ယင်း​ဢမ်ႇ​ၽၢတ်ႇ​ဢမ်ႇ​ယၢၼ်​မၼ်း​ၸဝ်ႈ​လႄႈ ၸွမ်း​လင်​မၼ်း​ၸဝ်ႈ​ယူႇ​သေ​လႄႈ ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၸဝ်ႈ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​ၼၼ်ႉ​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="7">ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​မၼ်း​လႄႈ၊ မၼ်း​ႁဵတ်း​လႆႈ​ပဵၼ်​လႆႈ​ၵႃႈ​ဢၼ်​မၼ်း​ဢွၵ်ႇ​ၵႂႃႇ​ဢွၵ်ႇ​ပႆ​ၼၼ်ႉ​ဢေႃႈ။ မၼ်း​ပုင်ႇ​ၵၢၼ်ႇ​ၶုၼ်​ႁေႃ​ၶမ်း​ ဢႃႇသူႉရီႉ ​သေ​လႄႈ ဢမ်ႇ​ၶၢမ်ႇ​ႁဵတ်း​ၶႃႈ​တီႈ​ၶုၼ်​ၼၼ်ႉ။-</verse>
				<verse number="8">ပဵၼ်​ၵႃႈ​တီႈ​ထဵင်​လၢင်း ဢၼ်​မုင်ႈ​တူၺ်း​လႄႈ​ပႂ်ႉ​ၵၢင်​သေ​ဢမ်ႇ​ဝႃႈ၊ ပဵၼ်​ၵႃႈ​တီႈ​ဝဵင်း​ဢၼ်​မၼ်ႈ​ၶိူင်ႇ​သေ​ဢမ်ႇ​ဝႃႈ၊ မၼ်း​တိုၵ်း​တေႃး​ယႃႉ​ပႅတ်ႈ​ၵူၼ်း​ ၽီႉလိတ်ႉတီႉ ​တင်း​လၢႆ တေႃႇ​ထိုင်​ႁွတ်ႈ​ဝဵင်း​ ၵႃႇၸႃႉ ဢိၵ်ႇ​တင်း​လိၼ်​မၼ်း​ဢေႃႈ။</verse>
				<verse number="9">ၼႂ်း​ပီႊ​ဢၼ်​ၶုၼ်​လူင် ႁေႇၸၵီႉ ​ၸၢမ်ႇ​ႁၢင်ႈ​ၸၢမ်ႇ​ႁေႃ​သီႇ​ပီႊ၊ ႁေႃးသေႇ ​လုၵ်ႈ​ၸၢႆး​ ဢေးလႃႇ ၶုၼ်​ႁေႃ​ၶမ်း​ ဢီႉသရေႇလႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​ၸဵတ်း​ပီႊ​ၼၼ်ႉ၊ သႃႇလႃႉမၼေႇၸႃႇ ၶုၼ်​ႁေႃ​ၶမ်း​ သူႉရီႉ ​ၼၼ်ႉ ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း​ သမႃႇရီႉ ​လႄႈ​လွမ်ႉ​ဝႆႉ​ဢေႃႈ။-</verse>
				<verse number="10">မိူဝ်ႈ​ဢၼ်​လႆႈ​သၢမ်​ပီႊ​ယဝ်ႉ​ၼၼ်ႉ​ၸိုင်၊ ၼႂ်း​ပီႊ​ဢၼ်​ ႁေႇၸၵီႉ ၸၢမ်ႇ​ႁၢင်ႈ​ၸၢမ်ႇ​ႁေႃ ႁူၵ်း​ပီႊ၊ ႁေႃးသေႇ ​ၶုၼ်​ႁေႃ​ၶမ်း​ ဢီႉသရေႇလႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ ၵဝ်ႈ​ပီႊ​ၼၼ်ႉ ၶဝ်​လႆႈ​ဝဵင်း​ သမႃႇရီႉ ​လႄႈ သိမ်း​ဢဝ်​ဢေႃႈ။-</verse>
				<verse number="11">ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ သိမ်း​ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵႂႃႇ​ၵႃႈ​တီႈ​မိူင်း​ ဢႃႇသူႉရီႉ ​လႄႈ ဢဝ်​ဝႆႉ​ၵႃႈ​တီႈ​ဝဵင်း​ ႁႃႇလႃႉ ၊ ဝဵင်း​ ႁႃႇပေႃႇ ၵႃႈ​ႁိမ်း​ၼမ်ႉ​ႁွင်ႈ​ ၵေႃးၸၼ်ႇ ဢိၵ်ႇ​တင်း​ၵႃႈ​တီႈ​ဝၢၼ်ႈ​ဝဵင်း​ဢိူင်ႇ​ မေႇတီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="12">လွင်ႈ​မၼ်း​ၸမ်ႉ ၶဝ်​ဢမ်ႇ​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​လႄႈ ဢွၼ်​ၵၼ်​ပူၼ်ႉ​လိူဝ်​ပတီႉၺိၺ်ႇ​ဢၼ်​ဝႃႈ​ၵႃႈ​ဢၼ်​ မူဝ်းသေႇ ၶႃႈ​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။ ၶဝ်​ဢမ်ႇ​ထွမ်ႇ​ဢမ်ႇ​ဢဝ်​ဢမ်ႇ​ပႂ်ႉ​ဢမ်ႇ​ၸွမ်း။</verse>
				<verse number="13">ၼႂ်း​ပီႊ​ဢၼ်​ၶုၼ်​လူင်​ ႁေႇၸၵီႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​သီႇ​ပီႊ​ၼၼ်ႉ သၼႃႇၶရိပ်ႉ ၶုၼ်​ႁေႃ​ၶမ်း​ ဢႃႇသူႉရီႉ ၶီႇ​သိုၵ်း​ၶိုၼ်ႈ​ၸူး​တီႈ​ဝဵင်း​ဢၼ်​မၼ်ႈ​ၶိူင်ႇ​ၵႃႈ​မီး​ၵႃႈ​ၼႂ်း​မိူင်း​ ယူႉတႃႉ ​လႄႈ တိုၵ်း​ဢဝ်​လႆႈ​ဢေႃႈ။-</verse>
				<verse number="14">ႁေႇၸၵီႉ ၶုၼ်​ႁေႃ​ၶမ်း​ ယူႉတႃႉ ပွႆႇ​ၸႂ်ႉ​ၸူး​တီႈ​ၶုၼ်​ႁေႃ​ၶမ်း​ ဢႃႇသူႉရီႉ ၵႃႈ​တီႈ​ဝဵင်း​ လႃႇၶီႉသႃႉ ​လႄႈ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ၽိတ်း​ပိူင်ႈ​တီႈ​ၶႃႈ​ယဝ်ႉ။ ၶႅၼ်း​တေႃႈ​ၶိုၼ်း​မိူဝ်း​ၵႂႃႇ​သေ​ၵႃႈ​တီႈ​ၶႃႈ​ၸဝ်ႈ​ၼႆႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​ၵိုတ်ႉ​ႁၢပ်ႇ​ၵႃႈ​ဢၼ်​ၸဝ်ႈ​ႁဝ်း တၢင်ႇ​ပၼ်​ၵႃႈ​ၼိူဝ်​ၶႃႈ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ​ယွၼ်း​ဢဝ်​ငိုၼ်း သၢမ်​ပၢၵ်ႇ​ တလၢၼ်ႇတၢၼ်ႇ ဢိၵ်ႇ​တင်း​ၶမ်း​သိပ်း​ တလၢၼ်ႇတၢၼ်ႇ တီႈ​ ႁေႇၸၵီႉ ၶုၼ်​ႁေႃ​ၶမ်း​ ယူႉတႃႉ ​ဢေႃႈ။</verse>
				<verse number="15">ႁေႇၸၵီႉ ဢဝ်​ငိုၼ်း​ၵႃႈ​ဢၼ်​ထူပ်း​ႁၼ်​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ၵႃႈ​ၼႂ်း​တိူၵ်ႈ​ၽၼ်ႇတႃႇ​ၸဝ်ႈ​ပၼ်​ဢေႃႈ။-</verse>
				<verse number="16">မိူဝ်ႈ​ၼၼ်ႉ​ ႁေႇၸၵီႉ ​ထွတ်ႇ​ဢဝ်​ၶမ်း ၵႃႈ​တီႈ​ၽၵ်း​တူ​ပိၵ်ႈ​မၢၼ်ႇ​ထႃႇဝရႃႉ​ၽြႃး ဢိၵ်ႇ​တင်း​ၵႃႈ​တီႈ​သဝ်​ၽၵ်း​တူ ဢၼ်​ ႁေႇၸၵီႉ ၶုၼ်​ႁေႃ​ၶမ်း​ ယူႉတႃႉ ဢဝ်​ဢုမ်ႇ​ႁေႃႇ​ၸိူဝ်း​ၼၼ်ႉ​လႄႈ​ပၼ်​တီႈ​ၶုၼ်​ႁေႃ​ၶမ်း​ ဢႃႇသူႉရီႉ ​ဢေႃႈ။-</verse>
				<verse number="17">လိုၼ်း​ၼၼ်ႉ​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ ပွႆႇ​ၸႂ်ႉ​ တႃႇတၼ်ႇ၊ ရႃႇပသႃႇရိတ်ႉ၊ ရႃႇပသႃႇၶႃႉ ဢိၵ်ႇ​လူၺ်ႈ​ၵၼ်​တင်း​ပူဝ်ႇ​ပႃႇ​ၵူၼ်း​သိုၵ်း ဢၼ်​ၼမ်​ၼႃႇ​လူင်​လၢင်​သေ​ၵႃႈ​တီႈ​ဝဵင်း​ လႃႇၶီႉသႃႉ မႃး​ၸူး​တီႈ​ၶုၼ်​လူင်​ ႁေႇၸၵီႉ ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ၊ ၶဝ်​ၼၼ်ႉ​ဢွၼ်​ၵၼ်​ၶိုၼ်ႈ​ၸူး​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။ ႁွတ်ႈ​ထိုင်​သေ​ယဝ်ႉ၊ မႃး​ၸုၵ်း​ယူႇ​ၵႃႈ​တီႈ​ပၢၵ်ႇ​တေႃႈ​ၼမ်ႉ​ၼွင်​လုၵ်ႈ​ၵႃႈ​ၼိူဝ်​ဢၼ်​မီး​ၵႃႈ​တီႈ​သဵၼ်ႈ​တၢင်း​ၵႂၢၵ်ႈ​လိၼ်​ၵူၼ်း​သၵ်ႉ​ၶူဝ်း​ၼၼ်ႉ​ဢေႃႈ။-</verse>
				<verse number="18">မိူဝ်ႈ​ဢၼ်​ၶဝ်​ၼၼ်ႉ​ႁွင်ႉ​ၸူး​တီႈ​ၶုၼ်​ႁေႃ​ၶမ်း​ၼၼ်ႉ​ၸိုင်၊ ဢေးလျႃႇၵိမ်ႇ ​လုၵ်ႈ​ၸၢႆး​ ႁီႉလၵီႉ ၵေႃႉ​ၼၼ်ႉ​ဢုပ်ႉ​ၵႃႈ​ၼိူဝ်​ႁေႃ​ၶမ်း ဢိၵ်ႇ​တင်း​ၸရေး​လူင်​ သေႇပၼႃႉ ၊ ဢတႂၢင်းဝုၼ်ႇ​ ယေႃႇဢႃႇ ​လုၵ်ႈ​ၸၢႆး​ ဢႃႇသပ်ႉ ​ၸိူဝ်း​ၼၼ်ႉ ဢွၵ်ႇ​ၵႂႃႇ​ၸူး​ၵႃႈ​တီႈ​ၶဝ်​ၼၼ်ႉ​သေ​ယဝ်ႉ၊-</verse>
				<verse number="19">ရႃႇပသႃႇၶႃႉ လၢတ်ႈ​တီႈ​ၶဝ်​လႄႈ​ဝႃႈ၊ သူ​ၶိုၼ်း​လဝ်ႊ​လၢတ်ႈ​တီႈ​ ႁေႇၸၵီႉ ​လႄႈ​ဝႃႈ၊ ၸဝ်ႈ​မႁႃႇ​ၶုၼ်​လူင်​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ မီး​ဢမိင်ႉ​ၸဝ်ႈ​လႄႈ​ဝႃႈ​ၸမ်ႉ၊ တီႈ​ဢိင်​ပိုင်ႈ​ဢၼ်​မႂ်း​ဢိင်​ပိုင်ႈ​ယူႇ​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။-</verse>
				<verse number="20">မႂ်း​လၢတ်ႈ​လႄႈ​ဝႃႈ၊ ၵဝ်​ၼႆႉ​ပျေႉ​ၸုမ်ႇ​ဝႆႉ​တင်း​ၺၢၼ်ႇ တၢင်း​ၵတ်ႉ​တၢင်း​ၶၼ်၊ တၼ်း​ၶူဝ်း​တၢင်း​ၵတ်ႉ​တၢင်း​ၶၼ်​ႁႂ်ႈ​လႆႈ​တိုၵ်း​သိုၵ်း​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ ၵႂၢမ်း​ၼၼ်ႉ​ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​လူင်​ပႄႇ။ မိူဝ်ႈ​လဵဝ်​ၼႆႉ မႂ်း​ဢိင်​ပိုင်ႈ​ၽူႈ​လႂ်​သေ​လႄႈ​ပုင်ႇ​ၵၢၼ်ႇ​ၵဝ်။-</verse>
				<verse number="21">တူၺ်း​လူး၊ မႂ်း​ဢိင်​ပိုင်ႈ​ၶွၼ်ႉ​တဝ်ႉ​လႅမ်ႈ​မႆႉ​ဢေႃႈ​ဢၼ်​ႁၵ်း​ဢၼ်​ဝႃႈ မိူင်း​ ဢေႇၵိပ်ႉတူႉ ​ၼၼ်ႉ​လူင်​ပႄႇ။ မႆႉ​ဢေႃႈ​ၼၼ်ႉ​တၵ်း​တမ်​တႅင်း​မိုဝ်း​ၵေႃႉ​ဢၼ် ဢိင်​ပိုင်ႈ​ၼၼ်ႉ​သေ​လႄႈ​ပွင်ႇ​ပဵဝ်​ၵႂႃႇ​ဢေႃႈ။ ၶုၼ်​လူင်​ ဢေႇၵိပ်ႉတူႉ ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ တၵ်း​ႁဵတ်း​တီႈ​ၶဝ် ၵႃႈ​ဢၼ်​ဢိင်​ပိုင်ႈ​မၼ်း​ၼၼ်ႉ​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="22">ပေႃး​သူ​ၶိုၼ်း​လၢတ်ႈ​တီႈ​ၵဝ်​လႄႈ​ဝႃႈ၊ ႁဝ်း​ဢိင်​ပိုင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​ၼၼ်ႉ​ပဵၼ်​ၽြႃး ဢၼ်​ ႁေႇၸၵီႉ ပႄႇ​ၽဵဝ်ႈ​ထႃႇၼႃႉ​တီႈ​သုင်​မၼ်း​ၸဝ်ႈ ဢိၵ်ႇ​တင်း​ယိတ်ႈပလၢင်ႇ​မၼ်း​ၸဝ်ႈ​တင်း​လၢႆ​ပႅတ်ႈ​သေ​လႄႈ သင်ႇ​လၢတ်ႈ​တီႈ​ၵူၼ်း​မိူင်း​ ယူႉတႃႉ တင်း​ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​လႄႈ​ဝႃႈ၊ သူ​တၵ်း​လႆႈ​ၵူဝ်း​ၵႂၢႆႇ​ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ဢၼ်​ၼႆႉ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼႆႉ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="23">ပိူဝ်ႈ​ၼႆ​လႄႈ မိူဝ်ႈ​လဵဝ်​ၼႆႉ၊ ပၼ်​ၶဝ်​ၸိူဝ်း​ဢၼ်​တၵ်း​ႁပ်ႉ​တုင်း​ဢဝ်​ၼၼ်ႉ တီႈ​ၸဝ်ႈ​ၵဝ်​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ​တႃႉ။ ပေႃး​ၵူၼ်း​သိုၵ်း​ၶီႇ​မႃႉ မီး​တီႈ​မႂ်း​ထၼ်ႈ​ပေႃး​ၵုမ်ႇ​လုမ်ႇ​ၸိုင်၊ ၵဝ်​တၵ်း​ပၼ်​မႃႉ​သွင်​ႁဵင်​ဢေႃႈ။-</verse>
				<verse number="24">မႂ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​သေ​လႄႈ ႁႂ်ႈ​ၼႃႈ​ပူဝ်ႇ​ဢၼ်​လဵၵ်ႉ​သေ​ပိူၼ်ႈ​ၵႃႈ​ၼႂ်း​ၶႃႈ​ၵူၼ်း​ၸဝ်ႈ​ၵဝ်​ၸိူဝ်း​ၼၼ်ႉ​ဝၢႆႇ​ၶိုၼ်း​လႄႈ တၵ်း​သွၼ်ႈ​ပိုင်ႈ​မိူင်း​ ဢေႇၵိပ်ႉတူႉ ​ပုၼ်ႈ​လေႃႉရထႃး​လႂ် ဢိၵ်ႇ​တင်း​ၵူၼ်း​သိုၵ်း​ၶီႇ​မႃႉ​လႂ်​ၸိူဝ်း​ၼၼ်ႉ​ၸိူဝ်ႉ​ၼင်ႇ​ႁိုဝ်။-</verse>
				<verse number="25">ဢၶႂၢင်ႉ​ထႃႇဝရႃႉ​ၽြႃး​ယင်း​ဢမ်ႇ​မီး​လႄႈ ၵဝ်​မႃး​ႁႂ်ႈ​လႆႈ​ယႃႉ​တီႈ​ၼႆႈ​ပႅတ်ႈ​ႁိုဝ်။ ထႃႇဝရႃႉ​ၽြႃး​မီး​ဢမိင်ႉ​တီႈ​ၵဝ်​လႄႈ​ဝႃႈ၊ ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​မိူင်း​ၼၼ်ႉ​သေ​လႄႈ ယႃႉ​ပႅတ်ႈ​တႃႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">မိူဝ်ႈ​ၼၼ်ႉ​ ဢေးလျႃႇၵိမ်ႇ လုၵ်ႈ​ၸၢႆး​ ႁီႉလၵီႉ၊ သေႇပၼႃႉ၊ ယေႃႇဢႃႇ ​ၸိူဝ်း​ၼၼ်ႉ လၢတ်ႈ​တီႈ​ ရႃႇပသႃႇၶႃႉ ​လႄႈ​ဝႃႈ၊ ဢဝ်​ၽႃႇသႃႇ​ၵႂၢမ်း ဢႃႇရမီႉ ​မီး​ဢမိင်ႉ​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​သေ​ၵမ်း။ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ႁူႉ​ၵႂၢမ်း​ၼၼ်ႉ​ယူႇ​ၶႃႈ​ဢေႃႈ။ ယႃႇ​ပေ​ဢဝ် ၽႃႇသႃႇ​ၵႂၢမ်း​ ယူႉတႃႉ မီး​ဢမိင်ႉ​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ႁႂ်ႈ​ႁွတ်ႈ​ထိုင်​ႁူ​ၶဝ်​ၸိူဝ်း​ဢၼ် မီး​ယူႇ​ၵႃႈ​ၼိူဝ်​လမ်း​ဝဵင်း​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="27">ရႃႇပသႃႇၶႃႉ လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ၵဝ်​ၼၼ်ႉ​ပွႆႇ​ၸႂ်ႉ​ၵဝ်​မႃး​ႁႂ်ႈ​ၵဝ်​လႆႈ​ဢဝ်​ၵႂၢမ်း​ၼႆႉ​လၢတ်ႈ​တေႃႇ​ၵၼ်​တင်း​ၸဝ်ႈ​မႂ်း​တင်း​မႂ်း​ၵူၺ်း​ႁိုဝ်။ မၼ်း​ၸဝ်ႈ​ပွႆႇ​ၸႂ်ႉ​ၵဝ်​မႃး ၵႃႈ​တီႈ​ၶဝ်​ၸိူဝ်း​ဢၼ်​ၼင်ႈ​ယူႇ​ၵႃႈ​ၼိူဝ်​လမ်း​ဝဵင်း ႁႂ်ႈ​ၶဝ်​လႆႈ​ၵိၼ်​ၽၢႆႈ​လူင်​ၶဝ်​လႄႈ​သူတ်ႉ​ၽၢႆႈ​ၼွႆႉ​ၶဝ်​ယူႇ လူၺ်ႈ​ၵၼ်​တင်း​သူ​ၸိူဝ်း​ၼၼ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="28">ရႃႇပသႃႇၶႃႉ ​ၼၼ်ႉ ၸုၵ်း​ယူႇ​သေ​လႄႈ ဢဝ်​ၽႃႇသႃႇ​ၵႂၢမ်း​ ယူႉတႃႉ ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​ပၢဝ်ႇ​လႄႈ​ဝႃႈ၊ ဢွၼ်​ၵၼ်​ထွမ်ႇ​ငိၼ်း​ဢမိင်ႉ​ၸဝ်ႈ​မႁႃႇ​ၶုၼ်​လူင် ၶုၼ်​ႁေႃ​ၶမ်း​ ဢႃႇသူႉရီႉ ​တႃႉ။-</verse>
				<verse number="29">ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ​ၸမ်ႉ၊ ယႃႇ​ပေ​ႁႂ်ႈ​ ႁေႇၸၵီႉ လႆႈ​ပႅတ်ႉ​လႅၼ်​သူ၊ မၼ်း​ဢမ်ႇ​တၢတ်ႈ​ၼိူင်ႇ​လႆႈ​ႁႂ်ႈ​လႆႈ​ၵႄႇ​သႄႇ​ၼုၵ်ႈ​ဢဝ်​သူ ဢွၵ်ႇ​သေ​ၵႃႈ​ၼႂ်း​မိုဝ်း​ၸဝ်ႈ​ၼၼ်ႉ​ၵူၺ်ႉ။-</verse>
				<verse number="30">ယႃႇ​ပေ​ႁႂ်ႈ​ ႁေႇၸၵီႉ ႁႂ်ႈ​သူ​ဢိင်​ပိုင်ႈ​ထႃႇဝရႃႉ​ၽြႃး​သေ​လႄႈ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​တၵ်း​ၵႄႇ​သႄႇ​ၼုၵ်ႈ​ဢဝ်​ႁဝ်း​ဢွၵ်ႇ​ဢမၢၼ်ႇ​ၶၼ်​ပဵၼ်​လႄႈ၊ ဝဵင်း​ၼႆႉ​တၵ်း​ဢမ်ႇ​လႆႈ​ႁွတ်ႈ​ထိုင်​ၵႃႈ​ၼႂ်း​မိုဝ်း ၶုၼ်​ႁေႃ​ၶမ်း​ ဢႃႇသူႉရီႉ ​ၵူၺ်ႉ၊ ဝႃႈ​ၼင်ႇ​ၼႆ​သေ​ၵမ်း။-</verse>
				<verse number="31">ယႃႇ​ပေ​ထွမ်ႇ​ဢဝ်​ၵႂၢမ်း​ ႁေႇၸၵီႉ ​သေ​ၵမ်း။ ၶုၼ်​ႁေႃ​ၶမ်း​ ဢႃႇသူႉရီႉ ​မီး​ဢမိင်ႉ​လႄႈ​ဝႃႈ​ၸမ်ႉ၊ ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​ၵဝ်​သေ​လႄႈ ဢွၼ်​ၵၼ်​ဢွၵ်ႇ​မႃး​ၸူး​တီႈ​ၵဝ်​လႄႈ ၵူႈ​ၵေႃႉ​ၵူႈ​ၵူၼ်း​ၵိၼ်​မၢၵ်ႇ​ၵႃႈ​တီႈ​တူၼ်ႈ​မၢၵ်ႇ​ၸပိတ်ႈ​မၼ်း​ယူႇ၊ မၢၵ်ႇ​လိူဝ်ႇ​သၢင်း​ၽေႃး​ၵႃႈ​တီႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​မၼ်း​ယူႇ​သေ​လႄႈ သူတ်ႉ​ၵိၼ်​ၼမ်ႉ​ၵႃႈ​တီႈ​ၼမ်ႉ​ၼွင်​မၼ်း​ႁင်း​ၽႂ်​ႁင်း​မၼ်း​ယူႇ၊-</verse>
				<verse number="32">တေႃႇ​ထိုင်​ႁွတ်ႈ​ၵဝ်​မႃး​လႄႈ ဢဝ်​သူ​ၵႂႃႇ​သူင်ႇ​ၵႃႈ​တီႈ​မိူင်း​ဢၼ်​မိူၼ်​ၸိူဝ်ႉ​ၼင်ႇ မိူင်း​သူ​ဢၼ်​ဝႃႈ မိူင်း​ဢၼ်​ပျေႉ​ၸုမ်ႇ​ဝႆႉ​တင်း​ၶဝ်ႈ​ပိူၵ်ႇ​ၶဝ်ႈ​သၢၼ် တင်း​ၼမ်ႉ​ၸပိတ်ႈ၊ မိူင်း​ဢၼ်​ပျေႉ​ၸုမ်ႇ​ဝႆႉ​တင်း​ၶဝ်ႈ​မုၼ်း တင်း​သူၼ်​ဢူးယဵၼ်ႇ​ၸပိတ်ႈ၊ မိူင်း​ဢၼ်​ပျေႉ​ၸုမ်ႇ​ဝႆႉ​တင်း ၼမ်ႉ​မၼ်း​ သၢၼ်ႇလုၼ်ႇ တင်း​ၼမ်ႉ​ၽိုင်ႈ​ၼၼ်ႉ ႁႂ်ႈ​သူ​ဢမ်ႇ​လႆႈ​တၢႆ​လႄႈ ဢသၢၵ်ႈ​တၵ်း​လိပ်း​ယူႇ​ၼၼ်ႉ​တႃႉ။ ယႃႇ​ပေ​ထွမ်ႇ​ဢဝ်​ၵႂၢမ်း​ ႁေႇၸၵီႉ မိူဝ်ႈ​ဢၼ်​မၼ်း​တိုၵ်း​ယူင်း​ၸူဝ်း​ဢဝ်​သူ​လႄႈ​ဝႃႈ၊ ထႃႇဝရႃႉ​ၽြႃး​တၵ်း​ၵႄႇ​သႄႇ​ၼုၵ်ႈ​ဢဝ်​ႁဝ်း​ဢွၵ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း။-</verse>
				<verse number="33">ၽြႃး​ၵူႈ​သိုင်ႇ​ၵူႈ​မိူင်း​သေ​ၸဝ်ႈ​သေ​ပႃး ယၢမ်ႈ​ၵႄႇ​သႄႇ​ၼုၵ်ႈ​ဢဝ်​မိူင်း​တူဝ်​ၸဝ်ႈ​ၵဝ်ႇ​ဢွၵ်ႇ​သေ​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ဢႃႇသူႉရီႉ ယဝ်ႉ​ႁိုဝ်။-</verse>
				<verse number="34">ၽြႃး​မိူင်း​ ႁႃႇမတ်ႉ ဢိၵ်ႇ​တင်း​မိူင်း​ ဢႃႇပတ်ႉ ​ၸိူဝ်း​ၼၼ်ႉ​မီး​ၵႃႈ​လႂ်။ ၽြႃး​မိူင်း​ သေႇၽရႃႉဝိမ်း ၊ မိူင်း​ ႁေႇၼႃႉ ၊​မိူင်း​ ဢီႉဝႃႇ ​ၸိူဝ်း​ၼၼ်ႉ​မီး​ၵႃႈ​လႂ်။ ၶဝ်​ၼၼ်ႉ​ၵႄႇ​သႄႇ​ၼုၵ်ႈ​ဢဝ်​မိူင်း​ သမႃႇရီႉ လွတ်ႈ​သေ​ၵႃႈ​ၼႂ်း​မိုဝ်း​ၵဝ်​ယဝ်ႉ​ႁိုဝ်။-</verse>
				<verse number="35">ၼႂ်း​ၽြႃး​ၵူႈ​သိုင်ႇ​ၵူႈ​မိူင်း​ၼၼ်ႉ ၽြႃး​သူႇ​လႂ်​ပႃး​လႂ်​ယၢမ်ႈ​တွၼ်ႉ​ၵႄႇ​သႄႇ​ၼုၵ်ႈ​ဢဝ်​မိူင်း​တူဝ်​ၸဝ်ႈ​ၵဝ်ႇ​လွတ်ႈ​သေ​ၵႃႈ​ၼႂ်း​မိုဝ်း​ၵဝ်​လႄႈ၊ ထႃႇဝရႃႉ​ၽြႃး​တၵ်း​ၵႄႇ​သႄႇ​ၼုၵ်ႈ​ဢဝ်​ဝဵင်း​ ယေႇရူႉသလႅမ်ႇ လွတ်ႈ​သေ​ၵႃႈ​ၼႂ်း​မိုဝ်း​ၵဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ၵူၺ်း​ၵႃႈ ၵူၼ်း​တင်း​လၢႆ​ၸိူဝ်း​ၼၼ်ႉ ဢမ်ႇ​တၵ်း​သဵင်​လႄႈ ဢမ်ႇ​ၶိုၼ်း​လၢတ်ႈ​ၵႂၢမ်း​သေ​ၶေႃး​သေ​ၵမ်း။ လွင်ႈ​မၼ်း​ၸမ်ႉ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ယႃႇ​ပေ​ၶိုၼ်း​လၢတ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">မိူဝ်ႈ​ၼၼ်ႉ​ ဢေးလျႃႇၵိမ်ႇ လုၵ်ႈ​ၸၢႆး​ ႁီႉလၶီႉ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၶမ်း ဢိၵ်ႇ​တင်း​ၸရေး​လူင်​ သေႇပၼႃႉ ၊ ဢတႂၢင်းဝုၼ်ႇ ယေႃႇဢႃႇ လုၵ်ႈ​ၸၢႆး​ ဢႃႇသပ်ႉ ​ၸိူဝ်း​ၼၼ်ႉ၊ ၸၵ်ႉ​သိၵ်ႇ​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ​သေ​လႄႈ၊ ၶိုၼ်း​မႃး​ၵႃႈ​တီႈ ႁေႇၸၵီႉ ​လႄႈ ဢဝ်​ၵႂၢမ်း ရႃႇပသႃႇၶႃႉ ​ၼၼ်ႉ လဝ်ႊ​လၢတ်ႈ​ဢေႃႈ။</verse>
			</chapter>
			<chapter number="19">
				<verse number="1">ၶုၼ်​လူင်​ ႁေႇၸၵီႉ ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ၸၵ်ႉ​သိၵ်ႇ​ၶူဝ်း​ၼုင်ႈ​မၼ်း​သေ​လႄႈ ဢဝ်​ၶူဝ်း​ၼုင်ႈ​ၼင်​ပေႃ​ၼုင်ႈ​မႆ​လႄႈ​ၶဝ်ႈ​ၵႂႃႇ​ၵႃႈ​ၼႂ်း​ပိၵ်ႈ​မၢၼ်ႇ​ထႃႇဝရႃႉ​ၽြႃး​ဢေႃႈ။-</verse>
				<verse number="2">မၼ်း​ပွႆႇ​ၸႂ်ႉ​ ဢေးလျႃႇၵိမ်ႇ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၶမ်း ဢိၵ်ႇ​တင်း​ၸရေး​လူင်​ သေႇပၼႃႉ ၊ ယိတ်ႈပရေႃးႁဵၵ်ႈ​ဢၼ်​ဢသၢၵ်ႈ​ယႂ်ႇ​တင်း​လၢႆ ဢၼ်​ၼုင်ႈ​မႆ​ၶူဝ်း​ၼုင်ႈ​ၼင်​ပေႃ​ၸိူဝ်း​ၼၼ်ႉ ၵႂႃႇ​ၵႃႈ​တီႈ​ပရေႃးၽႅတ်ႈ​ ဢီႉသႃႇယႃႉ ​လုၵ်ႈ​ၸၢႆး​ ဢႃႇမုတ်ႉ ​ၼၼ်ႉ​ဢေႃႈ။-</verse>
				<verse number="3">ၶဝ်​ၼၼ်ႉ​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ၶုၼ်​လူင်​ ႁေႇၸၵီႉ ​သင်ႇ​လၢတ်ႈ​မႃး​လႄႈ​ဝႃႈ​ၸမ်ႉ၊ ဝၼ်း​မိူဝ်ႈ​ၼႆႉ​ပဵၼ်​ဝၼ်း​တုၵ်ႉ​ၶႃႉ၊ ဝၼ်း​ဢၼ်​လႆႈ​ၶၢမ်ႇ​တၢင်း​ဢၼ်​သင်ႇ​သွၼ်​သုင်း​မႃႉ၊ ဝၼ်း​ဢၼ်​လႆႈ​ၶၢမ်ႇ​တၢင်း​ဢၼ်​သႄႉ​ဢၼ်​သွမ်း​ဢေႃႈ။ ႁွတ်ႈ​ထိုင်​ၶိင်ႇ​ဢၼ်​ၵိူတ်ႇ​လဵင်ႉ​လုၵ်ႈ​လႄႈ ဢမ်ႇ​မီး​ႁႅင်း​ဢၼ်​ႁႂ်ႈ​ပေႃး​ၵိူတ်ႇ​လဵင်ႉ​လုၵ်ႈ​လႆႈ။-</verse>
				<verse number="4">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ငိၼ်း​ၵႂၢမ်း​ ရႃႇပသႃႇၶႃႉ ဢၼ်​ၸဝ်ႈ​မၼ်း ၶုၼ်​ႁေႃ​ၶမ်း​ ဢႃႇသူႉရီႉ ​ပွႆႇ​ၸႂ်ႉ​မႃး​ႁႂ်ႈ​လႆႈ​သႄႉ​သွမ်း​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ၼၼ်ႉ​တင်း​သဵင်ႈ​တင်း​လူင်​သေ​လႄႈ ၵႄႈ​လိတ်ႈ​ၵႂၢမ်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ငိၼ်း​ၼၼ်ႉ​သေ​ၵမ်း​လူၺ်ႈ။ မႂ်း​ၵေႃႈ​သူး​တွင်း​ႁဵတ်း​ပထၼႃႇ​ပုၼ်ႈ​ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၼင်ႇ​ၼၼ်​လႄႈ ၶႃႈ​ၶုၼ်​လူင်​ ႁေႇၸၵီႉ ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ ဢီႉသႃႇယႃႉ ​သေ​ယဝ်ႉ၊-</verse>
				<verse number="6">ဢီႉသႃႇယႃႉ ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ဢွၼ်​ၵၼ်​ၶိုၼ်း​လဝ်ႊ​လၢတ်ႈ​တီႈ​ၸဝ်ႈ​သူ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ယႃႇ​ပေ​ၵူဝ်​ပေ​ႁႄ ၵွပ်ႈ​ပိူဝ်ႈ​ၵႂၢမ်း​ဢၼ်​မႂ်း​လႆႈ​ငိၼ်း​လႄႈ ၶႃႈ​ၶုၼ်​ႁေႃ​ၶမ်း​ ဢႃႇသူႉရီႉ ​သႄႉ​သွမ်း​ၵဝ်​ၼၼ်ႉ။-</verse>
				<verse number="7">ၵဝ်​တၵ်း​ဢဝ်​ၸႂ်​သၽေႃး​တၢင်ႇ​ၸိူဝ်ႉ​တၢင်ႇ​ဢၼ်​သႂၢင်း​သႂ်ႇ​ပၼ်​ၵႃႈ​ၼႂ်း​မၼ်း​ၼၼ်ႉ​လႄႈ၊ မၼ်း​တၵ်း​ငိၼ်း​သတၢင်း​သဵင်​ၶၢဝ်ႇ​သေ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​တူဝ်​ၸဝ်ႈ​ၵဝ်ႇ​ဢေႃႈ။ ၵဝ်​တၵ်း​ႁႂ်ႈ​မၼ်း​သုမ်း​လူၺ်ႈ​လၢပ်ႇ​လူၺ်ႈ​လႅဝ်း​ၵႃႈ​ၼႂ်း​မိူင်း​တီႈ​ယူႇ​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">မိူဝ်ႈ​ၼၼ်ႉ​ ရႃႇပသႃႇၶႃႉ ​ၼၼ်ႉ​ငိၼ်း​လွင်ႈ​ဢၼ် ၶုၼ်​ႁေႃ​ၶမ်း​ ဢႃႇသူႉရီႉ ​ဢွၵ်ႇ​သေ​ၵႃႈ​တီႈ​ဝဵင်း​ လႃႇၶီႉသႃႉ ​ၵႂႃႇ​ၼၼ်ႉ​သေ​ယဝ်ႉ၊ ၶိုၼ်း​မိူဝ်း​ၵႂႃႇ​လႄႈ ႁူပ်ႉ​ထူပ်း​ၶုၼ်​ႁေႃ​ၶမ်း​ၼၼ်ႉ တိုၵ်း​တေႃး​ဝဵင်း​ လီႉပၼႃႉ ​ယူႇ​ဢေႃႈ။-</verse>
				<verse number="9">လိုၼ်း​ၼၼ်ႉ​ၶုၼ်​ႁေႃ​ၶမ်း​ၼၼ်ႉ ငိၼ်း​ပိူၼ်ႈ​လဝ်ႊ​လၢတ်ႈ​လွင်ႈ တီႉရိၵ်ႉၵႃႉ ၶုၼ်​လူင်​ ၵူႉသႃႉ ​ၼၼ်ႉ​လႄႈ​ဝႃႈ၊ တူၺ်း​တီႈ​ၶႃႈ​လူး၊ မၼ်း​ၼၼ်ႉ​ၶီႇ​သိုၵ်း​မႃး ႁႂ်ႈ​လႆႈ​တိုၵ်း​တေႃး​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​သမ်ႉ​ပွႆႇ​ၸႂ်ႉ​တမၢၼ်ႇ​တင်း​လၢႆ​မႃး​ၵႃႈ​တီႈ ၶုၼ်​ ႁေႇၸၵီႉ ​လႄႈ သင်ႇ​လၢတ်ႈ​ဝႃႈ၊-</verse>
				<verse number="10">ၵႂၢမ်း​ဢၼ်​သူ​တၵ်း​လႆႈ​လၢတ်ႈ​တီႈ​ ႁေႇၸၵီႉ ​ၶုၼ်​လူင်​ ယူႉတႃႉ ​ၼၼ်ႉ​ၸမ်ႉ၊ ယႃႇ​ပေ​ႁႂ်ႈ​ၽြႃး​ဢၼ်​မႂ်း​ဢိင်​ပိုင်ႈ​ၼၼ်ႉ​ပႅတ်ႉ​လႅၼ်​မႂ်း​လႄႈ​ဝႃႈ၊ ဝဵင်း​ ယေႇရူႉသလႅမ်ႇ ​ဢမ်ႇ​လႆႈ​ႁွတ်ႈ​ထိုင်​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ဢႃႇသူႉရီႉ ​ၵူၺ်ႉ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း။-</verse>
				<verse number="11">တူၺ်း​လူး၊ မႂ်း​လႆႈ​ငိၼ်း​လွင်ႈ​ဢၼ်​ၶုၼ်​ႁေႃ​ၶမ်း​ ဢႃႇသူႉရီႉ ​တင်း​လၢႆ​ႁဵတ်း​တီႈ​မိူင်း​တင်း​သဵင်ႈ​တင်း​လူင်​လႄႈ ယႃႉ​ပႅတ်ႈ​မူတ်း​မူတ်း​သဵင်ႈ​သဵင်ႈ​ယဝ်ႉ​ၼၼ်ႉ​ယဝ်ႉ​ဢေႃႈ။ တူဝ်​မႂ်း​တၵ်း​လွတ်ႈ​ႁိုဝ်။-</verse>
				<verse number="12">ၽြႃး​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၸိူဝ်း​ၼၼ်ႉ​ယၢမ်ႈ​ၵႄႇ​သႄႇ​ၼုၵ်ႈ​ဢဝ်​ၶဝ်​ၸိူဝ်း​ဢၼ် ပူႇ​ၵဝ်​မွၼ်ႇ​ၵဝ်​ယႃႉ​ပႅတ်ႈ​ဢၼ်​ဝႃႈ ၵူၼ်း​မဵဝ်း​ ၵေႃးၸၼ်ႇ ၊ ၵူၼ်း​မဵဝ်း​ ၶႃႇရၢၼ်ႇ ၊ ၵူၼ်း​မဵဝ်း​ ရေႇၸပ်ႉ ၊ ၵူၼ်း​မဵဝ်း​ ဢေႇတိၼ်ႇ ဢၼ်​မီး​ၵႃႈ​တီႈ​ဝဵင်း​ တေႇလၸႃႇ ​ၸိူဝ်း​ၼၼ်ႉ​ယဝ်ႉ​ႁိုဝ်။-</verse>
				<verse number="13">ၶုၼ်​လူင်​ဝဵင်း​ ႁႃႇမတ်ႉ ၊ ၶုၼ်​လူင်​ဝဵင်း​ ဢႃႇပတ်ႉ ၊ ၶုၼ်​လူင်​ဢၼ်​ဢုပ်ႉ​ပိူင်ႇ​ဝဵင်း​ သေႇၽရႃႉဝိမ်း ၊ ၶုၼ်​လူင်​ဝဵင်း​ ႁေႇၼႃႉ ၊ ၶုၼ်​လူင်​ဝဵင်း​ ဢီႉဝႃႇ ​ၸိူဝ်း​ၼၼ်ႉ​မီး​ၵႃႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">လိၵ်ႈ​ၼၼ်ႉ​ၸိုင်​ ႁေႇၸၵီႉ ​ႁပ်ႉ​ၶၢမ်ႇ​ဢဝ် ၵႃႈ​တီႈ​မိုဝ်း​တမၢၼ်ႇ​ၸိူဝ်း​ၼၼ်ႉ​လႄႈ ၽတ်း​သေ​ယဝ်ႉ၊ ႁေႇၸၵီႉ ​ၶိုၼ်ႈ​ၸူး​ၵႃႈ​တီႈ​ပိၵ်ႈ​မၢၼ်ႇ​ထႃႇဝရႃႉ​ၽြႃး​လႄႈ ဢဝ်​ၽႄႇ​ၵီႈ​ဝႆႉ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="15">မိူဝ်ႈ​ၼၼ်ႉ​ၶုၼ်​လူင်​ ႁေႇၸၵီႉ သူး​တွင်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ​ဝႃႈ​ၸမ်ႉ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢၼ်​ၼင်ႈ​ယူႇ​ၵႃႈ​ၼိူဝ်​ ၶေႇရူႉၽဵမ်ႇ ​ၼၼ်ႉ​တီႈ​ၶႃႈ၊ ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ​တီႈ​ၶႃႈ​ဢေႃႈ။ ၸဝ်ႈ​ႁဝ်း​သူႇ​လဵဝ်​ပႃး​လဵဝ်​ၵူၺ်း ပဵၼ်​ၽြႃး​ပဵၼ်​ၸဝ်ႈ​ၵူႈ​သိုင်ႇ​ၵူႈ​မိူင်း ၵႃႈ​ဢၼ်​မီး​ယူႇ​ၵႃႈ​ၼိူဝ်​လိၼ်​မိူင်း​ၼႆႉ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ႁဵတ်း​ပဵၼ်​ၽႃႉ​ၵၢင်​ႁၢဝ်​တင်း​လိၼ်​မိူင်း​တီႈ​ၶႃႈ​ဢေႃႈ။-</verse>
				<verse number="16">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁေႈ​ႁူ​ၸဝ်ႈ​ႁဝ်း​လႄႈ ထွမ်ႇ​ငိၼ်း​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၽုၺ်ႇ​တႃ​မိုၼ်း​တႃ​ၸဝ်ႈ​ႁဝ်း​လႄႈ လူ​တူၺ်း​သေ​ၵမ်း​တီႈ​ၶႃႈ။ ထွမ်ႇ​ငိၼ်း​ၵႂၢမ်း သၼႃႇၶရိပ်ႉ ဢၼ်​ပွႆႇ​ၸႂ်ႉ​မၼ်း​ၼႆႉ​မႃး ႁႂ်ႈ​လႆႈ​သႄႉ​သွမ်း​ၽြႃး​ပဵၼ်​ၸဝ်ႈ​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="17">ထႃႇဝရႃႉ​ၽြႃး​တီႈ​ၶႃႈ၊ ၶုၼ်​ႁေႃ​ၶမ်း​ ဢႃႇသူႉရီႉ ​ၸိူဝ်း​ၼၼ်ႉ ယႃႉ​ၵူၼ်း​ၵူႈ​သိုင်ႇ​ၵူႈ​မိူင်း ဢိၵ်ႇ​တင်း​ၼမ်ႉ​ၶဝ်​လိၼ်​ၶဝ်​ပႅတ်ႈ ဢမၢၼ်ႇ​ၶၼ်​ပဵၼ်​လႄႈ၊-</verse>
				<verse number="18">ဢဝ်​ၽြႃး​ၶဝ်​တင်း​လၢႆ​ထိမ်ႈ​တူၵ်း​သႂ်ႇ​ၵႃႈ​ၼႂ်း​ၽႆး​တီႈ​ၶႃႈ​ယဝ်ႉ။ ၵွပ်ႈ​ပိူဝ်ႈ​ဢၼ်​ၸိူဝ်း​ၼၼ်ႉ​ဢမ်ႇ​ပဵၼ်​ၽြႃး။ ပဵၼ်​မႆႉ​တင်း​မၢၵ်ႇ​ႁိၼ် ဢၼ်​ၵူၼ်း​ဢဝ်​မိုဝ်း​ႁဵတ်း​ၼၼ်ႉ​လႄႈ ၶဝ်​ၼၼ်ႉ​လႆႈ​ယႃႉ​ၶဝ်​ပႅတ်ႈ​တီႈ​ၶႃႈ​ယဝ်ႉ။-</verse>
				<verse number="19">တေႃႈ​လဵဝ်​ၼႆႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ လွင်ႈ​ၼင်ႇ​ႁိုဝ်​ၵူႈ​သိုင်ႇ​ၵူႈ​မိူင်း ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း​ၼႆႉ​ၸိူဝ်း​ၼၼ်ႉ တၵ်း​ႁူႉ​လွင်ႈ​ဢၼ်​ၸဝ်ႈ​ႁဝ်း​ထႃႇဝရႃႉ​ၽြႃး​ဢၼ်​ဝႃႈ ၸဝ်ႈ​ႁဝ်း​သူႇ​လဵဝ်​ပႃး​လဵဝ်​ၵူၺ်း ပဵၼ်​ၽြႃး​ပဵၼ်​ၸဝ်ႈ​ၸိုင်၊ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ် ဢွၵ်ႇ​သေ​ၵႃႈ​ၼႂ်း​မိုဝ်း​ၶုၼ်​ၼၼ်ႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တွင်း​ပၢၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">မိူဝ်ႈ​ၼၼ်ႉ​ ဢီႉသႃႇယႃႉ ​လုၵ်ႈ​ၸၢႆး​ ဢႃႇမုတ်ႉ ​ၼၼ်ႉ ပွႆႇ​ၸႂ်ႉ​ၸူး​ၵႃႈ​တီႈ​ၶုၼ်​ ႁေႇၸၵီႉ ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​မႂ်း​ႁဵတ်း​ပထၼႃႇ​တီႈ​ၵဝ် လူၺ်ႈ​လွင်ႈ​ သၼႃႇၶရိပ်ႉ ​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ​လႄႈ ၵဝ်​ထွမ်ႇ​ဢဝ်​ၵႂၢမ်း​မႂ်း​ယဝ်ႉ။-</verse>
				<verse number="21">ၵႂၢမ်း​ဢၼ်​ထႃႇဝရႃႉ​ၽြႃး​မီး​ဢမိင်ႉ​လူၺ်ႈ​လွင်ႈ​မၼ်း​ၼၼ်ႉ​ၸမ်ႉ၊ ၵၼ်ႇ​ၺႃႇ​လုၵ်ႈ​ယိင်း​သၢဝ်​ ၸီႉဢုၼ်ႇ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​မႂ်း​လႄႈ ႁဵတ်း​ပျၢၵ်ႈ​ၶူဝ်​မႂ်း​ယူႇ​ဢေႃႈ။ လုၵ်ႈ​ယိင်း​ဝဵင်း​ ယေႇရူႉသလႅမ်ႇ ငွၵ်း​ႁူဝ်​ၶွၼ်း​ႁူဝ်​တေႃႇ​မႂ်း​ဢေႃႈ။-</verse>
				<verse number="22">မႂ်း​သႄႉ​သွမ်း​လႄႈ​လႃႇ​လင်​ၽူႈ​လႂ်။ မႂ်း​ဢဝ်​သဵင်​မႂ်း​သႅၼ်ႇ​ႁွင်ႉ​ႁႃ​ၽူႈ​လႂ်​လႄႈ မိုၼ်း​တႃ​ပူၵ်း​ပႅၼ်​ၽႅၼ်​သုင်​ယူႇ။ တေႃႈ​ၵႃႈ ၽြႃး​ဢၼ်​မူတ်း​ၸၢင်ႇ​မဵဝ်း​ ဢီႉသရေႇလႃႉ ​ၼၼ်ႉ မႂ်း​ယင်း​ႁဵတ်း​တေႃႇ​ယူႇ​လူင်​ပႄႇ။-</verse>
				<verse number="23">မႂ်း​ဢဝ်​တမၢၼ်ႇ​မႂ်း​ၸိူဝ်း​ၼၼ်ႉ သႄႉ​သွမ်း​ထႃႇဝရႃႉ​ၽြႃး​လႄႈ​လၢတ်ႈ​လႄႈ​ဝႃႈ၊ ၵဝ်​ပႃး​ဢဝ်​လေႃႉရထႃး​ၵဝ်​ၼမ်​ၼႃႇ​သေ​လႄႈ ၶိုၼ်ႈ​ၵႃႈ​ၼိူဝ်​ပၢႆ​ၸိၵ်း​လွႆ​တင်း​လၢႆ၊ ၵႃႈ​ၼိူဝ်​ပဵမ်ႉ​လွႆ​ လေႇပၼုၼ်ႇ ​ၸိူဝ်း​ၼၼ်ႉ​ယဝ်ႉ။ ၵဝ်​ပမ်ႈ​တူၼ်ႈ​ ဢႃႇရိတ်ႉ ​မၼ်း​ဢၼ်​သုင်​ဢၼ်​ယၢဝ်း​တင်း​လၢႆ​ဢိၵ်ႇ​တင်း​တူၼ်ႈ​မႆႉ​ပႅၵ်ႇ​မၼ်း​ဢၼ်​လီ​ၼႃႇ​ၸိူဝ်း​ၼၼ်ႉ​လူမ်ႉ​ယဝ်ႉ။ ၵဝ်​ၶဝ်ႈ​ႁွတ်ႈ​ၶဝ်ႈ​ထိုင်​ၵႃႈ​ၼႂ်း​တီႈ​ဢၼ်​သွၼ်ႈ​ဢၼ်​ပိုင်ႈ ဢၼ်​လိုၵ်ႉ​ၼႃႇ​သေ​ပိူၼ်ႈ ၵႃႈ​တီႈ​တီႈ​ထိူၼ်ႇ​မၼ်း​ဢၼ်​မီး​မၢၵ်ႇ​မီး​ဝၢၵ်ႇ​လိူင်ႇ​ၼမ်​ၼႃႇ​ၼၼ်ႉ​ယဝ်ႉ။-</verse>
				<verse number="24">ၵဝ်​လႆႈ​ၶုတ်း​ၶုမ်​ၶုတ်း​လုၵ်း​လႄႈ ၵိၼ်​ၼမ်ႉ​ဢၼ်​ဢမ်ႇ​တွၼ်ႉ​ယၢမ်ႈ​လႆႈ​ၸိမ်း​တူၺ်း​ၼၼ်ႉ​ယဝ်ႉ။ ၵဝ်​တၵ်း​ဢဝ်​တင်း​ၽႃႇ​တိၼ်​ၵဝ်​ႁႂ်ႈ​ၼမ်ႉ​ၵႃႈ​ဢၼ်​မီး​ၵႃႈ​ၼႂ်း​ၼမ်ႉ​ႁွင်ႈ​ၼမ်ႉ​ၵႄး​မိူင်း​ ဢေႇၵိပ်ႉတူႉ ​ၸိူဝ်း​ၼၼ်ႉ​ႁႅင်ႈ​ႁွင်​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​လူင်​ပႄႇ။-</verse>
				<verse number="25">မႂ်း​ဢမ်ႇ​လႆႈ​ငိၼ်း​လွင်ႈ​ဢၼ် ၵဝ်​ၸီႇ​ယၢင်ႇ​ဢမူႉ​ၼႆႉ​မိူဝ်ႈ​ဢွၼ်​တၢင်း​ၼၼ်ႉ ဢိၵ်ႇ​တင်း​လွင်ႈ​ဢၼ်​ၵဝ်​ပွင်​မႄး​ဝႆႉ​မိူဝ်ႈ​ဢွၼ်​ၼႆႉ​ၼၼ်ႉ​ႁိုဝ်။ မိူဝ်ႈ​လဵဝ်​ၼႆႉ​ၵေႃႈ ၵဝ်​ၸီႇ​ယၢင်ႇ​ဝႆႉ​ႁႂ်ႈ​မႂ်း​ပဵၼ် ၵေႃႉ​ဢၼ်​ယႃႉ​ၽဵဝ်ႈ​ဝဵင်း​ဢၼ်​မၼ်ႈ​ၶိူင်ႇ​တင်း​လၢႆ​ပႅတ်ႈ​လႄႈ ႁႂ်ႈ​ပဵၼ်​ၵွင်​မၢၵ်ႇ​ႁိၼ်​ဝႆႉ​ၼၼ်ႉ​ယဝ်ႉ။-</verse>
				<verse number="26">ပိူဝ်ႈ​ၼႆ​လႄႈ​ၵူၼ်း​ဝဵင်း​ၸိူဝ်း​ၼၼ်ႉ ႁႅင်း​လဵၵ်ႉ​ႁႅင်း​ၵေႇ​လႄႈ မီး​တၢင်း​ဢၼ်​ၵႂင်​ၸႂ်​ယုင်ႈ​ၸႂ်​လႄႈ ၸႂ်​လူႉ​ယူႇ​ဢေႃႈ။ ၶဝ်​ပဵၼ်​ၸိူဝ်ႉ​ၼင်ႇ တူၼ်ႈ​ယိူဝ်ႈ​ယႃႈ​ၵႃႈ​ၼႂ်း​ထိူၼ်ႇ တင်း​တူၼ်ႈ​ၶဝ်ႈ​ဢၼ်​ၶဵဝ်​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​တူၼ်ႈ​ယိူဝ်ႈ​ဢၼ်​ဢွၵ်ႇ​ၵႃႈ​ၼိူဝ်​မုင်း​ႁိူၼ်း တင်း​တူၼ်ႈ​ၶဝ်ႈ​ဢၼ်​တၢႆ ၸူဝ်ႈ​ဢၼ်​ဢမ်ႇ​ပႆႇ​တၼ်း​ယႂ်ႇ​တၼ်း​ထူၼ်ႈ​ၼၼ်ႉ​ဢေႃႈ။-</verse>
				<verse number="27">ၵဝ်​ႁူႉ​တၢင်း​ဢၼ်​မႂ်း​ၼင်ႈ၊ တၢင်း​ဢၼ်​မႂ်း​ၶဝ်ႈ​မႂ်း​ဢွၵ်ႇ၊ တၢင်း​ဢၼ်​မႂ်း​ၸႂ်​မႆႈ​ၶႆႈ​ၸႃႉ​ႁွင်ႉ​ႁိုတ်း​တီႈ​ၵဝ်​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="28">ၵွပ်ႈ​ပိူဝ်ႈ​တၢင်း​ဢၼ်​မႂ်း​ၸႂ်​မႆႈ​ၶႆႈ​ၸႃႉ ႁွင်ႉ​ႁိုတ်း​တီႈ​ၵဝ်၊ တၢင်း​ဢၼ်​မႂ်း​ၸွၵ်ႇ​ၵႃး​ၸႂ်​သုင်​ၼၼ်ႉ ၶိုၼ်ႈ​ႁွတ်ႈ​ၶိုၼ်ႈ​ထိုင်​ၵႃႈ​ၼႂ်း​ႁူ​ၵဝ်​ၼၼ်ႉ​လႄႈ ၵဝ်​တၵ်း​ဢဝ်​သၢႆ​လင်​သူၼ်​သႂ်ႇ​ၵႃႈ​တီႈ​ၶူႈ​လင်​မႂ်း​လႄႈ ဢဝ်​ၵၵ်ႉ​ဢုမ်ႇ​သႂ်ႇ​ၵႃႈ​ၼႂ်း​သူပ်း​မႂ်း​သေ​လႄႈ ႁႂ်ႈ​မႂ်း​ၶိုၼ်း​မိူဝ်း​ၵႂႃႇ​ၸွမ်း​သဵၼ်ႈ​တၢင်း​ဢၼ်​မႂ်း​မႃး​ၼၼ်ႉ​ဢေႃႈ။</verse>
				<verse number="29">ၼီႉမိၵ်ႈ​လၢၵ်ႈၶၼႃႇ​ဢၼ်​မႂ်း​တၵ်း​လႆႈ​မၢတ်ႈ​တွင်း​ဝႆႉ​ၸမ်ႉ၊ သူ​တၵ်း​လႆႈ​ၵိၼ်​မၢၵ်ႇ​ႁူင်း​ဢၼ်​ယႂ်ႇ​ၵႄႇ​မႃး​ၵူၺ်း​မၼ်း​ၼၼ်ႉ​ပီႊ​ၼႆႉ ဢိၵ်ႇ​တင်း​ဢၼ်​ဢွၵ်ႇ​ပဵၼ်​မႃး​မိူၼ်​ၸိူဝ်ႉ​ၼင်ႇ​ၼၼ်​ၼႂ်း​ပီႊ​တူႉတီႉယႃႉ​ၼၼ်ႉ​ဢေႃႈ။ ၼႂ်း​ပီႊ​တႃႉတီႉယႃႉ​ၼၼ်ႉ ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​လႄႈ ပၢတ်ႇ​ၶဝ်ႈ​တႃႉ။ သူၼ်​ဢူးယဵၼ်ႇ​ၸပိတ်ႈ​ၵေႃႈ​ၽုၵ်ႇ​လႄႈ​ၵိၼ်​မၢၵ်ႇ​မၼ်း​တႃႉ။-</verse>
				<verse number="30">ၵူၼ်း​မဵဝ်း​ ယူႉတႃႉ ဢၼ်​လွတ်ႈ​ၽေး​လႄႈ​ၵိုတ်း​ၵျၢၼ်ႇ​ဝႆႉ​ၸိူဝ်း​ၼၼ်ႉ တၵ်း​သမ်ႉ​ယင်ႇ​ႁၢၵ်ႈ​ၵႃႈ​တႂ်ႈ​လႄႈ​မၢၵ်ႇ​မၢၵ်ႇ​ၵႃႈ​ၼိူဝ်​လူး​ၵွၼ်ႇ​ဢေႃႈ။-</verse>
				<verse number="31">ၶဝ်​ၸိူဝ်း​ဢၼ်​ၵိုတ်း​ၵျၢၼ်ႇ​ဝႆႉ​ၼၼ်ႉ တၵ်း​ပေႃႇ​မႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ၊ ၶဝ်​ၸိူဝ်း​ဢၼ်​လွတ်ႈ​ၽေး​ၼၼ်ႉ တၵ်း​ပေႃႇ​မႃး​ၵႃႈ​တီႈ​လွႆ​ ၸီႉဢုၼ်ႇ ​ဢေႃႈ။ ဢလူဝ်း၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ ႁႅင်း​ယႂ်ႇ​ၼႃႇ​လူင်​လၢင်​လႄႈ ၸီႇ​ယၢင်ႇ​ႁဵတ်း​ဢမူႉ​ၼၼ်ႉ​ဢေႃႈ။-</verse>
				<verse number="32">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​လူၺ်ႈ​လွင်ႈ​ၶုၼ်​ႁေႃ​ၶမ်း​ ဢႃႇသူႉရီႉ ​လႄႈ​ဝႃႈ​ၸမ်ႉ၊ မၼ်း​ၼၼ်ႉ​ဢမ်ႇ​လႆႈ​ၶဝ်ႈ​ၵႃႈ​ၼႂ်း​ဝဵင်း​ၼႆႉ၊ ဢမ်ႇ​လႆႈ​ယိုဝ်း​ပိုၼ်​ၶဝ်ႈ​ၵႃႈ​ၼႂ်း​ဝဵင်း။ ဢမ်ႇ​လႆႈ​ၼႄ​ပျႃး​ၶိူင်ႈ​ဢၼ်​ႁႄႉ​လၢၵ်ႈ​ၼၢၵ်ႈ ၵႃႈ​တီႈ​ၽၢႆႇ​ၼႃႈ​ဝဵင်း။ ဢမ်ႇ​လႆႈ​ၵေႃႇ​လႆႈ​ၵွင်​တႅၼ်ႈ​လိၼ်​ၵႃႈ​တီႈ​ၼွၵ်ႈ​ဝဵင်း။-</verse>
				<verse number="33">မၼ်း​တၵ်း​လႆႈ​ၶိုၼ်း​မိူဝ်း​ၵႂႃႇ​ၸွမ်း​သဵၼ်ႈ​တၢင်း​ဢၼ်​မၼ်း​မႃး​ၼၼ်ႉ​ဢေႃႈ။ မၼ်း​ဢမ်ႇ​လႆႈ​ၶဝ်ႈ​ၵႃႈ​ၼႂ်း​ဝဵင်း​ၼႆႉ။ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="34">ၵဝ်​တၵ်း​ထွၵ်ႈ​လူၺ်ႈ​ၼႃႈ​ၵဝ်​တင်း​ၼႃႈ​ၶႃႈ​ၵဝ်​ တႃႇဝိတ်ႈ ​ၼၼ်ႉ​သေ​လႄႈ မုင်း​ႁူမ်ႇ​ဝဵင်း​ၼႆႉ​ယူႇ​ႁႂ်ႈ​လႆႈ​ၵႄႇ​သႄႇ​ၶျွတ်ႈ​ဢဝ်​ဝဵင်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="35">ၼႂ်း​ၶိုၼ်း​ၼၼ်ႉ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ဢွၵ်ႇ​လႄႈ​ပၼ်​တၢမ်ႇ ဢဝ်​ၵူၼ်း​ၼႂ်း​တပ်ႉ​ ဢႃႇသူႉရီႉ ​တၢႆ သႅၼ်​ၼိုင်ႈ​ပႅတ်ႇ​မိုၼ်ႇ​ပၢႆ​ႁႃႈ​ႁဵင်​လႄႈ မိူဝ်ႈ​ဢၼ်​ထိုင်​ၶိင်ႇ​ဢၼ်​ၵူၼ်း​လုၵ်ႉ​ၵၢင်​ၼႂ်​ၸဝ်ႉ​ၸဝ်ႉ​ၼၼ်ႉ​ၸိုင်၊ ၶဝ်​ၼၼ်ႉ​ပဵၼ်​တူဝ်​တၢႆ​ၵႂႃႇ​တင်း​သဵင်ႈ​တင်း​လူင်​ဢေႃႈ။-</verse>
				<verse number="36">ၼင်ႇ​ၼၼ်​လႄႈ​ သၼႃႇၶရိပ်ႉ ​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ လုၵ်ႉ​ဢွၵ်ႇ​သေ​ၵႃႈ​တီႈ​ၼၼ်ႈ​လႄႈ ၵႂႃႇ​သေ​ယဝ်ႉ၊ ၶိုၼ်း​မိူဝ်း​လႄႈ ယူႇ​ၵႃႈ​တီႈ​ဝဵင်း​ ၼီႉၼေႇဝူၺ်ႇ ​ဢေႃႈ။-</verse>
				<verse number="37">လိုၼ်း​ၼၼ်ႉ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၵူဝ်း​ၵႂၢႆႇ​ၵႃႈ​ၼႂ်း​ပိၵ်ႈ​မၢၼ်ႇ ၼီႉသရွၵ်ႉ ​ၽြႃး​မၼ်း​ၼၼ်ႉ​ယူႇ​ၼၼ်ႉ​ၸိုင်၊ လုၵ်ႈ​ၸၢႆး​မၼ်း​ ဢႃႇတြမ်ႇမလႅၵ်ႉ တင်း​ သရေႇၸႃႇ ​ၸိူဝ်း​ၼၼ်ႉ ဢဝ်​မၼ်း​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​သေ​လႄႈ ဢွၵ်ႇ​ပၢႆႈ​ၵႂႃႇ​ၵႃႈ​တီႈ​မိူင်း​ ဢႃႇရရတ်ႉ ​ဢေႃႈ။ လုၵ်ႈ​ၸၢႆး​မၼ်း ဢေႇသရႃႇႁတ်ႉတုၼ်ႇ ​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="20">
				<verse number="1">ၼႂ်း​ၶိင်ႇ​မိုဝ်ႉ​ဝၼ်း​ၸိူဝ်း​ၼၼ်ႉ ႁေႇၸၵီႉ ​ပဵၼ်​တၢင်း​ၶႆႈ​တၢင်း​ပဵၼ်​ဢၼ်​မၼ်း​တၵ်း​တၢႆ​လူၺ်ႈ​ၼၼ်ႉ​ယူႇ​လႄႈ၊ ပရေႃးၽႅတ်ႈ​ ဢီႉသႃႇယႃႉ လုၵ်ႈ​ၸၢႆး​ ဢႃႇမုတ်ႉ ​ၼၼ်ႉ မႃး​ၸူး​တီႈ​မၼ်း​လႄႈ ၶိုၼ်း​လၢတ်ႈ​ဢမိင်ႉ​ၸဝ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၸီႇ​ယၢင်ႇ​မႄး​ႁႅၼ်း​ဢမူႉ​ႁိူၼ်း​မႂ်း​ဝႆႉ​တႃႉ။ မႂ်း​တၵ်း​လႆႈ​တၢႆ​ဢေႃႈ။ ဢသၢၵ်ႈ​မႂ်း​ဢမ်ႇ​လႆႈ​လိပ်း၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">မၼ်း​ၵေႃႈ​ဝၢႆႇ​ၼႃႈ​ၸူး​ၽႃ​သေ​လႄႈ သူး​တွင်း​တီႈ​ထႃႇဝရႃႉ​ၽြႃး​လႄႈ​ဝႃႈ၊-</verse>
				<verse number="3">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၶႃႈ​ၸဝ်ႈ​ပႂ်ႉ​သဵတ်ႈ​ၸႃႇ​ယူႇ၊ ပႃး​တင်း​ႁူဝ်​ၸႂ်​ဢၼ်​ၸေး​ၸုမ်ႇ​ယူႇ​သေ​လႄႈ ၵႂႃႇ​မႃး​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​လႄႈ ၵမ်​ၵျၢင်ႉ​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ၼၼ်ႉ သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တွင်း​ပၢၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယူႇ​လႄႈ၊ ႁေႇၸၵီႉ ​ႁႆႈ​ႁွင်ႉ​ၼႃႇ​လူင်​လၢင်​ယူႇ​ဢေႃႈ။</verse>
				<verse number="4">ၸူဝ်ႈ​ဢၼ်​ ဢီႉသႃႇယႃႉ ဢမ်ႇ​ပႆႇ​ဢွၵ်ႇ​ပူၼ်ႉ​ၵႃႈ​ၼႂ်း​ၶိုင်ႈ​ၵၢင်​ဝဵင်း​ၼၼ်ႉ​ၸိုင်၊ ၼုၵ်ႈၵပၢတ်ႈ​ထႃႇဝရႃႉ​ၽြႃး​ႁွတ်ႈ​ထိုင်​တီႈ​မၼ်း​လႄႈ မီး​ဢမိင်ႉ​လႄႈ​ဝႃႈ၊-</verse>
				<verse number="5">မႂ်း​ဝၢႆႇ​ၶိုၼ်း​ၵႂႃႇ​ၸူး​တီႈ​ ႁေႇၸၵီႉ ပူဝ်ႇ​ၶျုၵ်ႈ​ၵူၼ်း​ၵဝ်​တင်း​လၢႆ​ၼၼ်ႉ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပေႃႈ​မႂ်း​ တႃႇဝိတ်ႈ ​ၼၼ်ႉ မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​ငိၼ်း​ၵႂၢမ်း​သူး​တွင်း​ပထၼႃႇ​မႂ်း​ယဝ်ႉ။ ၼမ်ႉ​တႃ​မႂ်း​ၵေႃႈ​ၵဝ်​ႁၼ်​ယဝ်ႉ။ ၵဝ်​ႁႂ်ႈ​တၢင်း​ၶႆႈ​တၢင်း​ပဵၼ်​မႂ်း​ႁၢႆ​လႄႈ ပေႃး​ပူၼ်ႉ​သၢမ်​ဝၼ်း​ၸိုင် မႂ်း​တၵ်း​လႆႈ​ၶိုၼ်ႈ​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="6">ၵဝ်​တၵ်း​သိုပ်ႇ​ဢသၢၵ်ႈ​မႂ်း​ပၼ်​ထႅင်ႈ​သိပ်း​ႁႃႈ​ပီႊ​ဢေႃႈ။ ၵဝ်​တၵ်း​ၵႄႇ​သႄႇ​ၼုၵ်ႈ​ဢဝ်​မႂ်း ဢိၵ်ႇ​တင်း​ဝဵင်း​ၼႆႉ​လွတ်ႈ​သေ​ၵႃႈ​ၼႂ်း​မိုဝ်း ၶုၼ်​ႁေႃ​ၶမ်း​ ဢႃႇသူႉရီႉ ​ဢေႃႈ။ ၵဝ်​တၵ်း​ထွၵ်ႈ​လူၺ်ႈ​ၼႃႈ​ၵဝ်​တင်း ၼႃႈ​ၶႃႈ​ၵဝ်​ တႃႇဝိတ်ႈ ​သေ​လႄႈ ၵႅတ်ႇ​ၶႄ​ႁႄႉ​ၵင်ႈ​ဝဵင်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ဢီႉသႃႇယႃႉ ​ၵေႃႈ​လၢတ်ႈ​လႄႈ​ဝႃႈ၊ ဢဝ်​မၢၵ်ႇ​လိူဝ်ႇ​သၢင်း​ၽေႃး ဢၼ်​ပဵၼ်​ၵွၼ်ႈ​ပဵၼ်​မမ်ႈ​ဝႆႉ​ၼၼ်ႉ​မႃး​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ဢဝ်​မႃး​သေ​ယဝ်ႉ၊ ဢဝ်​ဢၼ်​ၼၼ်ႉ​ဢုမ်ႇ​သႂ်ႇ​တီႈ​တုမ်ႇ​ၸဵပ်း​ၼၼ်ႉ​ဝႆႉ​လႄႈ မၼ်း​ၼၼ်ႉ​သၢၵ်ႈ​သႃႇ​ၶႅၼ်း​မႃး​ဢေႃႈ။</verse>
				<verse number="8">ႁေႇၸၵီႉ ​ၵေႃႈ ထၢမ်​တီႈ​ ဢီႉသႃႇယႃႉ ​လႄႈ​ဝႃႈ၊ လၢၵ်ႈၶၼႃႇ​သၢၵ်ႈ​သေႇ​လွင်ႈ​ဢၼ်​ထႃႇဝရႃႉ​ၽြႃး တၵ်း​ႁႂ်ႈ​တၢင်း​ၸဵပ်း​ၵဝ်​ႁၢႆ​လႄႈ ပူၼ်ႉ​သၢမ်​ဝၼ်း​သေ​ယဝ်ႉ၊ ၵဝ်​တၵ်း​ၶိုၼ်ႈ​ႁိူၼ်း​ထႃႇဝရႃႉ​ၽြႃး​ၼၼ်ႉ တၵ်း​မီး​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">ဢီႉသႃႇယႃႉ ​ၵေႃႈ​လၢတ်ႈ​လႄႈ​ဝႃႈ၊ လၢၵ်ႈၶၼႃႇ​သၢၵ်ႈ​သေႇ​ဢၼ်​ထႃႇဝရႃႉ​ၽြႃး​တၵ်း​ပၼ်​တီႈ​ၸဝ်ႈ လူၺ်ႈ​လွင်ႈ​ဢၼ်​ထႃႇဝရႃႉ​ၽြႃး​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​မီး​ဢမိင်ႉ​ဝႆႉ​ၼၼ်ႉ​ၸမ်ႉ၊ ၵွင်ႉ​ငဝ်း​ၼၼ်ႉ​တၵ်း​လႆႈ​တူဝ်း​ၵႂႃႇ​ၽၢႆႇ​ၼႃႈ​သိပ်း​ၵမ်း​ႁိုဝ်။ တၵ်း​လႆႈ​သုတ်ႉ​ၶိုၼ်း​ၽၢႆႇ​လင်​သိပ်း​ၵမ်း​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">ႁေႇၸၵီႉ ​ၶိုၼ်း​လၢတ်ႈ​လႄႈ​ဝႃႈ၊ တၢင်း​ဢၼ်​ၵွင်ႉ​ငဝ်း​ၼၼ်ႉ​တူဝ်း​ၵႂႃႇ​ၽၢႆႇ​ၼႃႈ​သိပ်း​ၵမ်း​ၼၼ်ႉ ပဵၼ်​ဢၼ်​ငၢႆႈ​ဢေႃႈ။ ဢမ်ႇ​မီး​ဢလူဝ်ႇ​ၸိူဝ်ႉ​ၼင်ႇ​ၼၼ်။ ႁႂ်ႈ​ၵွင်ႉ​ငဝ်း​ၼၼ်ႉ​သုတ်ႉ​ၶိုၼ်း​ၽၢႆႇ​လင်​သိပ်း​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ပရေႃးၽႅတ်ႈ​ ဢီႉသႃႇယႃႉ ​ၵေႃႈ သူး​တွင်း​တီႈ​ထႃႇဝရႃႉ​ၽြႃး​လႄႈ၊ မၼ်း​ၸဝ်ႈ​ႁႂ်ႈ​ၵွင်ႉ​ငဝ်း​ၼၼ်ႉ​သုတ်ႉ​ၶိုၼ်း​ၽၢႆႇ​လင်​သိပ်း​ၵမ်း ဢၼ်​ၵွင်ႉ​ငဝ်း​ၼၼ်ႉ​လႆႈ​လူင်း​ၵႂႃႇ​ၵႃႈ​တီႈ​ၼႃႇရီႇ​ၵၢင်​ဝၼ်း​ ဢႃႇၶတ်ႉ ​ၼၼ်ႉ​ယဝ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မိူဝ်ႈ​ၶိင်ႇ​ၼၼ်ႉ မေႇရေႃးတပ်ႉပႃႇလတၼ်ႇ လုၵ်ႈ​ၸၢႆး​ ပႃႇလတၼ်ႇ ၶုၼ်​လူင်​ ပႃႇပူႉလုၼ်ႇ ​ၼၼ်ႉ ပွႆႇ​ၸႂ်ႉ​လိၵ်ႈ​မႅတ်ႈ​တႃႇ ဢိၵ်ႇ​တင်း​လၢၵ်ႈ​သွင်ႇ မႃး​တီႈ ႁေႇၸၵီႉ ၵွပ်ႈ​ပိူဝ်ႈ​ဢၼ်​မၼ်း​ၼၼ်ႉ လႆႈ​ငိၼ်း​လွင်ႈ​ဢၼ် ႁေႇၸၵီႉ ​ပဵၼ်​ၸဵပ်း​လႄႈ​ၸိုၼ်ႈ​မႃး​ၶႅၼ်း​မႃး​ၼၼ်ႉ​ဢေႃႈ။-</verse>
				<verse number="13">ႁေႇၸၵီႉ ​ထွမ်ႇ​ငိၼ်း​ၵႂၢမ်း​ဢၼ်​ၶဝ်​တၵ်ႉ​လၢတ်ႈ​ၼၼ်ႉ​လႄႈ ၼႄ​ပျႃး​ၸႃႉ​ၸဵမ်​တိူၵ်ႈ​ၽၼ်ႇတႃႇ​တီႈ​ဢၼ်​ဝႆႉ​ၶိူင်ႈ​ပိူင် ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ၼၼ်ႉ​လႄႈ ငိုၼ်း​ၶမ်း၊ မဵဝ်း​ၼၢမ်ႇ​သႃႇ၊ ၼမ်ႉ​မၼ်း​ၼၢမ်ႇ​သႃႇ​ဢၼ်​လီ​ဢၼ်​ငၢမ်း၊ တိူၵ်ႈ​လၢၵ်ႈ​ၼၢၵ်ႈ ဢိၵ်ႇ​တင်း​ၵႃႈ​ဢၼ်​ပႃး​ၼႂ်း​ၽၼ်ႇတႃႇ​ၸဝ်ႈ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​တီႈ​ၶဝ်​ၼၼ်ႉ​ဢေႃႈ။ ၸႃႉ​ၸဵမ်​ၵႃႈ​ၼႂ်း​ႁေႃ​ၶမ်း​လႄႈ မိူင်း​ၸဝ်ႈ​ၵူႈ​တီႈ​ၵူႈ​လႅၼ်​ၼၼ်ႉ၊ လွင်ႈ​တၢင်း​ဢၼ်​ၶုၼ်​ ႁေႇၸၵီႉ ဢမ်ႇ​ၼႄ​ပျႃး​တီႈ​ၶဝ်​ၼၼ်ႉ​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။</verse>
				<verse number="14">မိူဝ်ႈ​ၼၼ်ႉ​ပရေႃးၽႅတ်ႈ​ ဢီႉသႃႇယႃႉ မႃး​တီႈ​ၶုၼ်​ႁေႃ​ၶမ်း​ ႁေႇၸၵီႉ ​လႄႈ လဝ်ႊ​ထၢမ်​လႄႈ​ဝႃႈ၊ ၵူၼ်း​ၸိူဝ်း​ၼႆႉ​လၢတ်ႈ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ။ ၶဝ်​လုၵ်ႉ​သေ​ၵႃႈ​တီႈ​မိူင်း​လႂ်​မႃး​တီႈ​ၸဝ်ႈ​ႁဝ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ႁေႇၸၵီႉ ​ၶိုၼ်း​လၢတ်ႈ​လႄႈ​ဝႃႈ၊ ၶဝ်​လုၵ်ႉ​သေ​ၵႃႈ​တီႈ​ဢၼ်​ၵႆ​ၼႃႇ ဢၼ်​ဝႃႈ​မိူင်း​ ပႃႇပူႉလုၼ်ႇ ​ပုၼ်ႉ​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မၼ်း​ၼၼ်ႉ​သမ်ႉ​ထၢမ်​ထႅင်ႈ​လႄႈ​ဝႃႈ၊ ၵႃႈ​ၼႂ်း​ႁေႃ​ၶမ်း​ၸဝ်ႈ​ႁဝ်း​ၼႆႉ ၶဝ်​ႁၼ်​ၵႃႈ​သင်​ယဝ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ႁေႇၸၵီႉ ၶိုၼ်း​လၢတ်ႈ​လႄႈ​ဝႃႈ၊ ၵႃႈ​ဢၼ်​မီး​ၵႃႈ​ၼႂ်း​ႁေႃ​ၶမ်း​ၼႆႉ ၶဝ်​လႆႈ​ႁၼ်​ယဝ်ႉ။ ၵႃႈ​ၼႂ်း​ၽၼ်ႇတႃႇ​ၸဝ်ႈ​ၼၼ်ႉ​လွင်ႈ​တၢင်း​ဢၼ် ၵဝ်​ဢမ်ႇ​ၼႄ​ပျႃး​တီႈ​ၶဝ်​ၼၼ်ႉ​ဢမ်ႇ​မီး​သေ​ၸိူဝ်ႉ​သေ​ပိူင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မိူဝ်ႈ​ၼၼ်ႉ​ ဢီႉသႃႇယႃႉ ​လၢတ်ႈ​တီႈ ႁေႇၸၵီႉ ​လႄႈ​ဝႃႈ၊ ထွမ်ႇ​ငိၼ်း​ၼုၵ်ႈၵပၢတ်ႈ​ထႃႇဝရႃႉ​ၽြႃး​တႃႉ။-</verse>
				<verse number="17">ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ် ၵႃႈ​ဢၼ်​မီး​ၵႃႈ​ၼႂ်း​ႁေႃ​ၶမ်း ဢိၵ်ႇ​တင်း​ၵႃႈ​ဢၼ် ပူႇ​ၸဝ်ႈ​မွၼ်ႇ​ၸဝ်ႈ​ၸူႉ​ဝႆႉ​သိမ်း​ဝႆႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​တင်း​သဵင်ႈ​တင်း​လူင် ၸိူဝ်း​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၵႃႈ​တီႈ ဝဵင်း​ ပႃႇပူႉလုၼ်ႇ ပုၼ်ႉ​ၼၼ်ႉ​တၵ်း​ႁွတ်ႈ​ထိုင်​ဢေႃႈ။ ဢမ်ႇ​လႆႈ​ၵိုတ်း​ၵျၢၼ်ႇ​ဝႆႉ​သေ​ၸိူဝ်ႉ​သေ​ပိူင်၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="18">ၶဝ်​တၵ်း​ဢဝ်​လုၵ်ႈ​ၸဝ်ႈ​လၢၼ်​ၸဝ်ႈ​မႂ်း ဢၼ်​သိုပ်ႇ​ဢွၵ်ႇ​တိူၼ်း​ဢွၵ်ႇ​တီႈ​မႂ်း​လႄႈ မႂ်း​လႆႈ​ၸိူဝ်း​ၼၼ်ႉ​ၵႂႃႇ​လႄႈ၊ ၶဝ်​ၼၼ်ႉ​တၵ်း​လႆႈ​ပဵၼ်​ၵူၼ်း​ပႂ်ႉ​ၵူၼ်း​ထိင်း ၵႃႈ​ၼႂ်း​ႁေႃ​ၶမ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ႁေႇၸၵီႉ ​ၵေႃႈ​ၶိုၼ်း​လၢတ်ႈ​တီႈ​ ဢီႉသႃႇယႃႉ ​လႄႈ​ဝႃႈ၊ ၼုၵ်ႈၵပၢတ်ႈ​ထႃႇဝရႃႉ​ၽြႃး ဢၼ်​မႂ်း​လႆႈ​ပျၢၼ်ႇ​လႆႈ​လၢတ်ႈ​ၼႆႉ​လီ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ၊ မၼ်း​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ပေႃး​တၢင်း​ဢၼ်​ၼိမ်​ဢၼ်​လီ၊ တၢင်း​ဢၼ်​ပႂ်ႉ​သဵတ်ႈ​ၸႃႇ​မီး​ၼႂ်း​ၸူဝ်ႈ​ပၢၼ်​ၵဝ်​လိပ်း​ယူႇ​ၼႆႉ​ၸိုင်​လီ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">လွင်ႈ​တၢင်း​ ႁေႇၸၵီႉ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ဢၼ်​တၼ်း​ၶူဝ်း​မၼ်း​ယႂ်ႇ၊ လွင်ႈ​တၢင်း​ဢၼ်​မၼ်း​ႁဵတ်း​ၼမ်ႉ​ၼွင်​တင်း​တေႃႈ​ၼမ်ႉ​လႄႈ ဢဝ်​ၼမ်ႉ​သႂၢင်း​ၶဝ်ႈ​ၵႃႈ​ၼႂ်း​ဝဵင်း​ၼၼ်ႉ​ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း ရႃႇၸဝၢင်ႇ​ ယူႉတႃႉ ​ဢေႃႈ၊-</verse>
				<verse number="21">ႁေႇၸၵီႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ မၼႃႇ​သေႇ ​လုၵ်ႈ​ၸၢႆး​ၸဝ်ႈ ၼင်ႈ​ႁၢင်ႈ​ၼင်ႈ​ႁေႃ တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="21">
				<verse number="1">မၼႃႇ​သေႇ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သိပ်း​ပၢႆ​သွင်​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ႁႃႈ​သိပ်း​ပၢႆ​ႁႃႈ​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ႁိပ်ႉသၽႃႉ ​ဢေႃႈ။-</verse>
				<verse number="2">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၸွမ်း​ၼင်ႇ​ထုင်း​ၸၢမ်ႇ​ဢၼ်​လီ​ႁင်ႈ​ဢဵတ်ႇ​သဵတ်ႇ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ထႃႇဝရႃႉ​ၽြႃး​ႁေႃႈ​ဢွၵ်ႇ​ပႅတ်ႈ သေ​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​ဢေႃႈ။-</verse>
				<verse number="3">မၼ်း​မႄး​ၵုမ်း​မႄး​ႁဵတ်း​ထႃႇၼႃႉ​တီႈ​သုင် ဢၼ်​ၸဝ်ႈ​ပေႃႈ​မၼ်း​ ႁေႇၸၵီႉ ​ယႃႉ​ပႅတ်ႈ​ၸိူဝ်း​ၼၼ်ႉ​လႄႈ တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ ၽြႃး​ပႃႇလႃႉ ​လႂ်၊ ႁဵတ်း​တူၼ်ႈ​ ဢႃႇသရႃႉ ​မိူၼ်​ၸိူဝ်ႉ​ၼင်ႇ​ဢၼ် ဢႃႇႁပ်ႉ ​ၶုၼ်​ႁေႃ​ၶမ်း​ ဢီႉသရေႇလႃႉ ​ႁဵတ်း​ၼၼ်ႉ​လႂ်၊ ႁဵတ်း​ဝၢတ်ႈ​တီႈ​ၶိူင်ႈ​ပိူင်​ၽႃႉ​ၵၢင်​ႁၢဝ်​ၵႃႈ​မီး​လႄႈ ၵူဝ်း​ၵႂၢႆႇ​ဢေႃႈ။-</verse>
				<verse number="4">ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ဢၼ်​ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​တႄႇ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သေႇ​သေႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၵေႃႈ၊ မၼ်း​ႁဵတ်း​ယိတ်ႈပလၢင်ႇ​တင်း​လၢႆ​ဢေႃႈ။-</verse>
				<verse number="5">မၼ်း​တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ၶိူင်ႈ​ပိူင်​ၽႃႉ​ၵၢင်​ႁၢဝ်​ၵႃႈ​မီး​ၼၼ်ႉ ၵႃႈ​ၼႂ်း​တမ်ႇ​တိူင်း​ႁိူၼ်း​ထႃႇဝရႃႉ​ၽြႃး​တင်း​သွင်​ထၢပ်ႈ​ဢေႃႈ။-</verse>
				<verse number="6">မၼ်း​ႁႂ်ႈ​လုၵ်ႈ​ၸၢႆး​မၼ်း​လႆႈ​ၶၢမ်ႇ​တၢင်း​ဢၼ်​ဢဝ်​ၽႆး​ပုၵ်ႈ​ၸေႃႇ​ဢေႃႈ။ မၼ်း​ၸၢင်ႈ​တူၺ်း​ပေႇ​တၢင်ႇ​ၵႃႇ​လႃး​လႄႈ သုင်း​သွင်ႇ​ဢတၢတ်ႈ​ဢၼ်​ၸၢင်ႈ​ၸေႃႉ​ၸၢင်ႈ​ႁဵတ်း​ၼၼ်ႉ​သေ​လႄႈ ပၼ်​ဢၶႂၢင်ႉ​တီႈ​ၽိူဝ်ႉ​ၶဝ်​ၽီ​ၶဝ်​ဢေႃႈ။ မၼ်း​ႁဵတ်း​တူႉ​ၸရိူၵ်ႈ​ၼမ်​ၼႃႇ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ႁႂ်ႈ​လႆႈ​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢေႃႈ။-</verse>
				<verse number="7">မၼ်း​ဢဝ်​ရုၵ်ႈ​ထူႉ ဢၼ်​ႁဵတ်း​ႁႂ်ႈ​မိူၼ်​ၵၼ်​တင်း​တူၼ်ႈ​ ဢႃႇသရႃႉ ​ဢၼ်​မၼ်း​လုမ်း​လႃး​မႄး​ႁဵတ်း​ၼၼ်ႉ​သေ​လႄႈ တၢင်ႇ​ဝႆႉ​ၵႃႈ​ၼႂ်း​ႁိူၼ်း​ၸဝ်ႈ ဢၼ်​ထႃႇဝရႃႉ​ၽြႃး​မီး​ဢမိင်ႉ​တီႈ​ တႃႇဝိတ်ႈ ​တင်း​လုၵ်ႈ​ၸၢႆး​ၸဝ်ႈ​ သေႃးလမုၼ်ႇ ​လႄႈ​ဝႃႈ၊ ၵဝ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၵဝ် တႄႇ​ယူႇ​ၵႃႈ​ၼႂ်း​ႁိူၼ်း​ၸဝ်ႈ​ၼႆႉ ဢိၵ်ႇ​တင်း​ဝဵင်း​ ယေႇရူႉသလႅမ်ႇ ဢၼ်​ၵဝ်​လိူၵ်ႈ​ၵဵပ်း​ဢဝ် ၵႃႈ​ၼႂ်း​မဵဝ်း​ ဢီႉသရေႇလႃႉ ​ၵူႈ​မဵဝ်း​ၼၼ်ႉ​ယူႇ​တႃႇ​သေႇ​ဢေႃႈ။-</verse>
				<verse number="8">ပိၵ်ႉ​သမ်ႉ​မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ပေႃး​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပႂ်ႉ​ၵမ်​ပႂ်ႉ​ၸွမ်း​ႁႂ်ႈ​လႆႈ​ၵမ်​ၵျၢင်ႉ​ၸွမ်း​ၵႃႈ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ​ဢၼ်​ဝႃႈ ၵႃႈ​ၼင်ႇ​တြႃး​ဢၼ်​ၶႃႈ​ၵဝ်​ မူဝ်းသေႇ ​သင်ႇ​လၢတ်ႈ​ဝႆႉ​ၼၼ်ႉ​ၸိုင်၊ ၵမ်း​လိုၼ်း​ၵဝ်​တၵ်း​ဢမ်ႇ​ႁႂ်ႈ​တိၼ်​မဵဝ်း ဢီႉသရေႇလႃႉ ​ၶဝ်​လႆႈ​ယၢင်ႈ​လႆႈ​ပၢႆႈ​ဢွၵ်ႇ​သေ​ၵႃႈ​ၼႂ်း​မိူင်း​ဢၼ်​ၵဝ်​ပၼ်​တီႈ​ပူႇ​ၶဝ်​မွၼ်ႇ​ၶဝ်​ၼၼ်ႉ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="9">ၶဝ်​ၼၼ်ႉ​ဢမ်ႇ​ထွမ်ႇ​ဢမ်ႇ​ဢဝ် မၼႃႇ​သေႇ ​တိုၵ်း​ယူင်း​ၸူဝ်း​ဢဝ်​ၶဝ် ႁႂ်ႈ​ၶဝ်​ႁဵတ်း​လွင်ႈ​တၢင်း​ဢၼ်​ယဵင်ႈ​ၶႅၼ်း​ႁၢႆႉ​မိူၵ်ႈ​ၼႃႇ​သေ လွင်ႈ​တၢင်း​ဢၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ထႃႇဝရႃႉ​ၽြႃး​ယႃႉ​ၽဵဝ်ႈ​ပႅတ်ႈ​သေ​ၵႃႈ​တီႈ ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸိူဝ်း​ၼၼ်ႉ​ႁဵတ်း​ၼၼ်ႉ​ဢေႃႈ။</verse>
				<verse number="10">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​ဢဝ်​ၶႃႈ​မၼ်း​ၸဝ်ႈ ပရေႃးၽႅတ်ႈ​တင်း​လၢႆ မီး​ဢမိင်ႉ​လႄႈ​ဝႃႈ​ၸမ်ႉ၊-</verse>
				<verse number="11">ၵွပ်ႈ​ပိူဝ်ႈ​ဢၼ်​ မၼႃႇ​သေႇ ၶုၼ်​ႁေႃ​ၶမ်း​ ယူႉတႃႉ ႁဵတ်း​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ၸိူဝ်း​ၼၼ်ႉ​လႄႈ ႁဵတ်း​တူႉ​ၸရိူၵ်ႈ​လိူဝ်​တွၼ်း​ၼႃႇ​သေ ၵႃႈ​ဢၼ်​ၵူၼ်း​ ဢႃႇမေႃးရီႉ ဢၼ်​ပဵၼ်​ၵႂႃႇ​ယဝ်ႉ မိူဝ်ႈ​ဢွၼ်​တၢင်း​မၼ်း​ၼၼ်ႉ​ၸိူဝ်း​ၼၼ်ႉ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​မၼ်း​ဢဝ်​ရုၵ်ႈ​ထူႉ​သၢင်း​ထူႉ​မၼ်း ႁႂ်ႈ​ၵူၼ်း​ ယူႉတႃႉ ​တင်း​လၢႆ​ၽိတ်း​ပိူင်ႈ​ၼၼ်ႉ​လႄႈ၊-</verse>
				<verse number="12">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ၊ ၵဝ်​ၼႆႉ​တၵ်း​ႁႂ်ႈ​ၽေး​ႁွတ်ႈ​ထိုင်​ၵႃႈ​ၼိူဝ်​ဝဵင်း​ ယေႇရူႉသလႅမ်ႇ တင်း​မိူင်း​ ယူႉတႃႉ ႁႂ်ႈ​ႁူ​ၶဝ်​ၸိူဝ်း​ဢၼ်​လႆႈ​ငိၼ်း​လွင်ႈ​မၼ်း​ၼၼ်ႉ တင်း​သွင်​ၽၢႆႇ​ထၼ်ႈ​ပေႃး​ၶူမ်း​ဢေႃႈ။-</verse>
				<verse number="13">ၵဝ်​တၵ်း​ဢဝ်​မႆ​မီႈ​ သမႃႇရီႉ ဢိၵ်ႇ​တင်း​ၸိူၵ်ႈ​ၵၢင်း​မႅဝ်း​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ၶဵင်ႈ​ၵႃႈ​ၼိူဝ်​ဝဵင်း​ ယေႇရူႉသလႅမ်ႇ ​ဢေႃႈ။ ၵဝ်​တၵ်း​ႁဵတ်း​တီႈ​ဝဵင်း​ ယေႇရူႉသလႅမ်ႇ မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​ၸဵတ်ႉ​ဝၢၼ်ႇ​လၢင်ႉ​ဝၢၼ်ႇ​လႄႈ ၸဵတ်ႉ​လၢင်ႉ​သေ​ယဝ်ႉ၊ ဢဝ်​ၶႂမ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="14">ၵဝ်​တၵ်း​ၸုၼ်ႉ​ပႅတ်ႈ​ဢမူၺ်ႇ​ၵဝ် ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ​လႄႈ ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ်​သေ​ယဝ်ႉ၊ ၶဝ်​ၼၼ်ႉ​တၵ်း​ပဵၼ်​တီႈ​ဢၼ်​ရၢၼ်ႇ​သူႇ​ၶဝ်​တင်း​သဵင်ႈ​တင်း​လူင် ႁိမ်​ဢဝ်​ၼိၵ်ႈ​ၸၢၵ်ႈ​ငႅၼ်း​သႄး​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ ၶဝ်​သိုပ်ႇ​သိုပ်ႇ​တၢမ်း​တၢမ်း ဢွၼ်​ၵၼ်​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ၵဝ်​လႄႈ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ် ၸႃႉ​ၸဵမ်​မိုဝ်ႉ​ဝၼ်း​ဢၼ်​ပူႇ​ၶဝ်​မွၼ်ႇ​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">မၼႃႇ​သေႇ ​ၼၼ်ႉ၊ ၼွၵ်ႈ​သေ​ဢပႅတ်ႈ​ဢၼ်​မၼ်း​ႁဵတ်း​တူႉ​ၸရိူၵ်ႈ သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ​ႁႂ်ႈ​မဵဝ်း​ ယူႉတႃႉ ၽိတ်း​ပိူင်ႈ​ၼၼ်ႉ၊ မၼ်း​ထွၵ်ႇ​လိူတ်ႈ​ၶဝ်​ၸိူဝ်း​ဢၼ်​ဢမ်ႇ​မီး​ဢပႅတ်ႈ​ၼၼ်ႉ​ပႅတ်ႈ​ၼမ်​ၼႃႇ​ထၼ်ႈ​ပေႃး ႁႂ်ႈ​ဝဵင်း​ ယေႇရူႉသလႅမ်ႇ ​တဵမ်​ဝႆႉ​တင်း​လိူတ်ႈ ဢဝ်​ၵႃႈ​တီႈ​ၸႃႉ​ၸဵမ်​ၽၢႆႇ​ၼိုင်ႈ တေႃႇ​ထိုင်​ႁွတ်ႈ​ၽၢႆႇ​ၼိုင်ႈ​ဢေႃႈ။-</verse>
				<verse number="17">လွင်ႈ​တၢင်း​ မၼႃႇ​သေႇ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ဢၼ်​မၼ်း​ႁဵတ်း ဢိၵ်ႇ​တင်း​ဢပႅတ်ႈ​ဢၼ်​မၼ်း​ၽိတ်း​ပိူင်ႈ​ၼၼ်ႉ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​ဢေႃႈ။-</verse>
				<verse number="18">မၼႃႇ​သေႇ ​ၼၼ်ႉ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​ၼႂ်း​သူၼ်​ဢူးယဵၼ်ႇ ဢၼ်​ၸၢပ်ႈ​သႅင်ႇ​ၵၼ်​တင်း​ႁေႃ​မၼ်း ဢၼ်​ဝႃႈ​သူၼ်​ဢူးယဵၼ်ႇ​ ဢေႃႇၸႃႉ ​ၼၼ်ႉ​ဢေႃႈ။ ဢႃႇမုၼ်ႇ ​လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="19">ဢႃႇမုၼ်ႇ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်​ဢသၢၵ်ႈ​မၼ်း​လႆႈ​သၢဝ်း​ပၢႆ​သွင်​ပီႊ​လႄႈ၊ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သွင်​ပီႊ​ဢေႃႈ၊ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ မေႇသူႉလမိတ်ႉ လုၵ်ႈ​ယိင်း​ ႁႃႇရုတ်ႉ ​ၵူၼ်း​ယိင်း ဝဵင်း​ ယုတ်ႉပႃႇ ​ဢေႃႈ။-</verse>
				<verse number="20">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ ထႃႇဝရႃႉ​ၽြႃး​မိူၼ်​ၸိူဝ်ႉ​ၼင်ႇ​ဢၼ်​ၸဝ်ႈ​ပေႃႈ​မၼ်း​ မၼႃႇ​သေႇ ​ႁဵတ်း​ၼၼ်ႉ​ဢေႃႈ။-</verse>
				<verse number="21">မၼ်း​ၸွမ်း​သဵၼ်ႈ​တၢင်း​ၵႃႈ​ဢၼ်​ၸဝ်ႈ​ပေႃႈ​မၼ်း​ၸွမ်း​ၼၼ်ႉ​လႄႈ ႁဵတ်း​ဝၢတ်ႈ​တီႈ​ရုၵ်ႈ​ထူႉ​သၢင်း​ထူႉ ဢၼ်​ၸဝ်ႈ​ပေႃႈ​မၼ်း​ႁဵတ်း​ဝၢတ်ႈ​ၼၼ်ႉ​လႄႈ​ၵူဝ်း​ၵႂၢႆႇ​ဢေႃႈ။-</verse>
				<verse number="22">မၼ်း​ၸုၼ်ႉ​ပႅတ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မၼ်း​မွၼ်ႇ​မၼ်း​ၼၼ်ႉ​သေ​လႄႈ ယင်း​ဢမ်ႇ​ၸွမ်း​သဵၼ်ႈ​တၢင်း​ထႃႇဝရႃႉ​ၽြႃး လႄႈ​ယူႇ​ဢေႃႈ။</verse>
				<verse number="23">ၶႃႈ​ၵူၼ်း​ ဢႃႇမုၼ်ႇ ​တင်း​လၢႆ ဢွၼ်​ၵၼ်​လွမ်​ႁဵတ်း​မုၵ်ႉ​ႁဵတ်း​ၸိူဝ်း​သေ​လႄႈ ဢဝ်​ၶုၼ်​ႁေႃ​ၶမ်း​တၢႆ​ၵႃႈ​ၼႂ်း​ႁေႃ​မၼ်း​ဢေႃႈ။-</verse>
				<verse number="24">ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ဢွၼ်​ၵၼ်​ၶႃႈ​ၽၼ်း​ၶဝ်​ၸိူဝ်း​ဢၼ်​လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ တင်း​ၶုၼ်​လူင်​ ဢႃႇမုၼ်ႇ ​ၼၼ်ႉ​ၸိူဝ်း​ၼၼ်ႉ​လႄႈ၊ ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ ဢဝ်​ ယူဝ်းသီႉယႃႉ လုၵ်ႈ​ၸၢႆး​ၸဝ်ႈ​ၼင်ႈ​ႁၢင်ႈ​ၼင်ႈ​ႁေႃ တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။-</verse>
				<verse number="25">လွင်ႈ​တၢင်း​ဢၼ် ဢႃႇမုၼ်ႇ ႁဵတ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​ဢေႃႈ။-</verse>
				<verse number="26">မၼ်း​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​ၼႂ်း​ၶုမ်​ႁူး​သၢင်း​ၶႅင်း​မၼ်း​ၵႃႈ​ၼႂ်း​သူၼ်​ဢူးယဵၼ်ႇ​ ဢေႃႇၸႃႉ ​လႄႈ၊ ယူဝ်းသီႉယႃႉ ​လုၵ်ႈ​ၸၢႆး​ၸဝ်ႈ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="22">
				<verse number="1">ယူဝ်းသီႉယႃႉ ​ၼၼ်ႉ​မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​ပႅတ်ႇ​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သၢမ်​သိပ်း​ပၢႆ​ဢဵတ်း​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ယေႇတီႉတႃႉ ​လုၵ်ႈ​ယိင်း​ ဢတႃႇယႃႉ ၵူၼ်း​ယိင်း​ဝဵင်း​ ပေႃႇၸၵတ်ႉ ​ဢေႃႈ။-</verse>
				<verse number="2">မၼ်း​ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ၸွမ်း​သဵၼ်ႈ​တၢင်း​ဢၼ် တႃႇဝိတ်ႈ ​ၸဝ်ႈ​ပေႃႈ​မၼ်း​ၸွမ်း​ၼၼ်ႉ​ယူႇ​သေ​လႄႈ ဢမ်ႇ​ဝႄႈ​ပိူင်ႈ​သေ​ၵႃႈ​တီႈ​ၽၢႆႇ​ၶႂႃ​ၵႃႈ​တီႈ​ၽၢႆႇ​သၢႆႉ​ၵႂႃႇ။</verse>
				<verse number="3">ၼႂ်း​ပီႊ​ဢၼ်​ၶုၼ်​လူင်​ ယူဝ်းသီႉယႃႉ ​ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ပႅတ်ႇ​ပီႊ​ၼၼ်ႉ၊ ၶုၼ်​ႁေႃ​ၶမ်း​ပွႆႇ​ၸႂ်ႉ​ၸရေး​ၸဝ်ႈ​ သႃႇၽၢၼ်ႇ လုၵ်ႈ​ၸၢႆး​ ဢႃႇၸႃႇလီႉ ဢၼ်​ပဵၼ်​လုၵ်ႈ​ၸၢႆး​ မေႇသူႉလမ်ႇ ​ၼၼ်ႉ​ၵႂႃႇ​ၸူး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​လႄႈ သင်ႇ​လၢတ်ႈ​လႄႈ​ဝႃႈ၊-</verse>
				<verse number="4">မႂ်း​ၶိုၼ်ႈ​ၸူး​ၵႃႈ​တီႈ​ ႁီႉလၶီႉ ၶုၼ်​ယိတ်ႈပရေႃးႁဵၵ်ႈ​ၼၼ်ႉ​လႄႈ ႁႂ်ႈ​မၼ်း​ၼပ်ႉ​ဢၢၼ်ႇ​ငိုၼ်း​ဢၼ်​ဢဝ်​မႃး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး ဢၼ်​ၵူၼ်း​ပႂ်ႉ​ၽၵ်း​တူ​ႁပ်ႉ​တုင်း​ဢဝ်​ၵႃႈ​တီႈ​မိုဝ်း​ၵူၼ်း​တင်း​လၢႆ​ၼၼ်ႉ​သေ​လႄႈ၊-</verse>
				<verse number="5">ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​သၢင်ႈ​ဢၼ်​ႁဵတ်း၊ ဢၼ်​ဢုပ်ႉ​ၵႃႈ​ၼိူဝ်​ႁိူၼ်း​ထႃႇဝရႃႉ​ၽြႃး​ယူႇ​ၸိူဝ်း​ၼၼ်ႉ​လႄႈ ႁႂ်ႈ​ၶဝ်​ၼၼ်ႉ ဢွၼ်​ၵၼ်​မႅင်ႇ​ပၼ်​တီႈ​ၶဝ်​ၸိူဝ်း​ဢၼ်​သၢင်ႈ​ဢၼ်​ႁဵတ်း ဢၼ်​မီး​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ ႁႂ်ႈ​လႆႈ​မႄး​ၵုမ်း​မႄး​ႁဵတ်း​တီႈ​လူႉ​တီႈ​ပင်း​ႁိူၼ်း​ၸဝ်ႈ၊-</verse>
				<verse number="6">ဢၼ်​ဝႃႈ​ၶဝ်​ၸိူဝ်း​ဢၼ်​မေႃ​တိၼ်​မေႃ​မိုဝ်း​လႂ်၊ လၢၵ်ႈသမႃး​လႂ်၊ ၶဝ်​ၸိူဝ်း​ဢၼ်​ၸၢင်ႈ​တႄႇ​တိူၵ်ႈ​ႁဵတ်း​တိူၵ်ႈ​လႂ် ဢိၵ်ႇ​တင်း​ပုၼ်ႈ​ဢၼ်​တၵ်း​သိုဝ်ႉ​ဢဝ်​ၶိုဝ်ႇ၊ ပႄ၊ တူင်၊ ၵွၼ်​လႂ်၊ တင်း​မၢၵ်ႇ​ႁိၼ်​ဢၼ်​သပ်း​ယဝ်ႉ​ထၢၵ်ႇ​ယဝ်ႉ​လႂ် ႁႂ်ႈ​လႆႈ​မႄး​ၵုမ်း​မႄး​ႁဵတ်း ႁိူၼ်း​ၸဝ်ႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၵူၺ်း​ၵႃႈ​ဢမ်ႇ​ဢဝ်​ၸရၢင်း​တီႈ​ၶဝ်​ၼၼ်ႉ လူၺ်ႈ​လွင်ႈ​ငိုၼ်း​ဢၼ်​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​ပဵၼ်​ၵေႃႉ​ဢၼ်​ပႂ်ႉ​သဵတ်ႈ​ၸႃႇ​ၼၼ်ႉ​ဢေႃႈ။</verse>
				<verse number="8">ၶုၼ်​ယိတ်ႈပရေႃးႁဵၵ်ႈ​ ႁီႉလၶီႉ ​ၵေႃႈ လၢတ်ႈ​တီႈ​ၸရေး​လူင်​ သႃႇၽၢၼ်ႇ ​လႄႈ​ဝႃႈ၊ ၵဝ်​ထူပ်း​ႁၼ်​ၽိုၼ်​ၵျၢမ်း​လိၵ်ႈ​ပိင်း​ၺၢပ်ႈ​တီႉ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ၊ ႁီႉလၶီႉ ​ၼၼ်ႉ​ဢဝ်​ၵျၢမ်း​လိၵ်ႈ​ၼၼ်ႉ ဢၢပ်ႈ​ပၼ်​တီႈ​ သႃႇၽၢၼ်ႇ ​လႄႈ မၼ်း​ၼၼ်ႉ​ၽတ်း​ဢေႃႈ။-</verse>
				<verse number="9">လႆႈ​သမ်ႉ ၸရေး​လူင်​ သႃႇၽၢၼ်ႇ ​ၼၼ်ႉ​ၵႂႃႇ​ၸူး​တီႈ​ၶုၼ်​ႁေႃ​ၶမ်း​လႄႈ ဢဝ်​ၵႂၢမ်း​ၶိုၼ်း​လဝ်ႊ​ၶိုၼ်း​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ်​ဢဝ်​ငိုၼ်း​ဢၼ်​ထူပ်း​ႁၼ်​ၵႃႈ​ၼႂ်း​ႁိူၼ်း​ၸဝ်ႈ​ၼၼ်ႉ​ဢွၵ်ႇ​သေ​ယဝ်ႉ၊ ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​သၢင်ႈ​ဢၼ်​ႁဵတ်း ဢၼ်​ဢုပ်ႉ​ၵႃႈ​ၼိူဝ်​ႁိူၼ်း​ထႃႇဝရႃႉ​ၽြႃး​ယူႇ ၸိူဝ်း​ၼၼ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၸရေး​လူင်​ သႃႇၽၢၼ်ႇ ​ၼၼ်ႉ သမ်ႉ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ယိတ်ႈပရေႃးႁဵၵ်ႈ​ ႁီႉလၶီႉ ​ၼၼ်ႉ​ဢဝ်​ၽိုၼ်​လိၵ်ႈ ဢၢပ်ႈ​ပၼ်​တီႈ​ၶႃႈ​ၸဝ်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢဝ်​ၽတ်း​ရွတ်ႈ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="11">ၶုၼ်​ႁေႃ​ၶမ်း​ငိၼ်း​ၵႂၢမ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ၼၼ်ႉ​သေ​ယဝ်ႉ၊ သိၵ်ႇ​ၶူဝ်း​ၼုင်ႈ​မၼ်း​လႄႈ၊-</verse>
				<verse number="12">ၶုၼ်​ႁေႃ​ၶမ်း​မီး​ဢမိင်ႉ​တီႈ​ယိတ်ႈပရေႃးႁဵၵ်ႈ​ ႁီႉလၶီႉ၊ ဢႁီႉၵမ်ႇ ​လုၵ်ႈ​ၸၢႆး​ သႃႇၽၢၼ်ႇ၊ ဢႃႇၶပေႃႇ ​လုၵ်ႈ​ၸၢႆး​ မိၵ်ႉၶႃႇ၊ သႃႇၽၢၼ်ႇ ​ၸရေး​ၸဝ်ႈ၊ ဢသႃႇယႃႉ ၶႃႈ​ၶုၼ်​ႁေႃ​ၶမ်း​ၸိူဝ်း​ၼၼ်ႉ​လႄႈ​ဝႃႈ၊-</verse>
				<verse number="13">သူ​ဢွၼ်​ၵၼ်​ၵႂႃႇ​လႄႈ​လဝ်ႊ​ထၢမ်​တီႈ​ထႃႇဝရႃႉ​ၽြႃး လူၺ်ႈ​လွင်ႈ​ၵႂၢမ်း​ၵျၢမ်း​လိၵ်ႈ ဢၼ်​ထူပ်း​ႁၼ်​မိူဝ်ႈ​လဵဝ်​ၼႆႉ​ၼၼ်ႉ ပုၼ်ႈ​ၵဝ်၊ ပုၼ်ႈ​ၵူၼ်း​တင်း​လၢႆ၊ ပုၼ်ႈ​မဵဝ်း​ ယူႉတႃႉ ​တင်း​သဵင်ႈ​တင်း​လူင်​သေ​ၵမ်း။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ပူႇ​ႁဝ်း​မွၼ်ႇ​ႁဝ်း​ၸိူဝ်း​ၼၼ်ႉ ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵျၢမ်း​လိၵ်ႈ​ၼႆႉ ႁႂ်ႈ​လႆႈ​ၵမ်​ၵျၢင်ႉ​ၸွမ်း​ၵႃႈ​ဢၼ်​တႅမ်ႈ​ဝႆႉ​ပုၼ်ႈ​ႁဝ်း​ၼႆႉ​ၼၼ်ႉ​လႄႈ​ယူႇ​ၼၼ်ႉ​လႄႈ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢၼ်​ဢွၵ်ႇ​ၸူး​တီႈ​ႁဝ်း​ၼၼ်ႉ ပဵၼ်​ဢၼ်​ႁႅင်း​ယႂ်ႇ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မိူဝ်ႈ​ၼၼ်ႉ ယိတ်ႈပရေႃးႁဵၵ်ႈ​ ႁီႉလၶီႉ၊ ဢႁီႉၵမ်ႇ၊ ဢႃႇၶပေႃႇ၊ သႃႇၽၢၼ်ႇ တင်း​ ဢသႃႇယႃႉ ​ၸိူဝ်း​ၼၼ်ႉ ဢွၼ်​ၵၼ်​ၵႂႃႇ​ၸူး​ၵႃႈ​တီႈ​မႄႈ​ယိင်း ပရေႃးၽႅတ်ႈ ႁူႉလတႃႉ မေး​ သႃႇလုမ်ႇ ဝုၼ်ႇ​ဢၼ်​ပႂ်ႉ​လူ​ပႂ်ႉ​ထိင်း​ၶူဝ်း​ၼုင်ႈ​ၸဝ်ႈ၊ ဢၼ်​ပဵၼ်​လုၵ်ႈ​ၸၢႆး​ တီႉၵဝႃႉ ဢၼ်​ပဵၼ်​လုၵ်ႈ​ၸၢႆး ႁႃႇရႁတ်ႉ ​လႄႈ ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ထၢပ်ႈ​ၼွၵ်ႈ​ၼၼ်ႉ​လႄႈ မွၵ်ႇ​လၢတ်ႈ​တီႈ​မၼ်း​ၼၼ်ႉ​ဢေႃႈ။</verse>
				<verse number="15">မႄႈ​ယိင်း​ၼၼ်ႉ​ၵေႃႈ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ​ၸမ်ႉ၊ သူ​ၶိုၼ်း​မိူဝ်း​လၢတ်ႈ​တီႈ​ၵေႃႉ​ဢၼ် ပွႆႇ​ၸႂ်ႉ​သူ​မႃး​တီႈ​ၵဝ်​ၼၼ်ႉ​လႄႈ​ဝႃႈ၊-</verse>
				<verse number="16">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ႁႂ်ႈ​ၽေး​ႁွတ်ႈ​ထိုင်​ၵႃႈ​ၼိူဝ်​တီႈ​ၼႆႉ ဢိၵ်ႇ​တင်း​ၵူၼ်း​ၵႃႈ​တီႈ​ၼႆႈ ႁႂ်ႈ​ၵႂၢမ်း​ၵျၢမ်း​လိၵ်ႈ​ၵႃႈ​မီး ဢၼ်​ၶုၼ်​ႁေႃ​ၶမ်း​ ယူႉတႃႉ ​လႆႈ​ၽတ်း​ယဝ်ႉ​ၼၼ်ႉ​ပျေႉ​ၸုမ်ႇ​ဢေႃႈ။-</verse>
				<verse number="17">လွင်ႈ​မၼ်း​ၸမ်ႉ ၶဝ်​ဢွၼ်​ၵၼ်​ၸုၼ်ႉ​ပႅတ်ႈ​ၵဝ်​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ​ၽြႃး​တၢင်ႇ​သူႇ​တၢင်ႇ​ပႃး ႁႂ်ႈ​လႆႈ​ဢဝ်​လွင်ႈ​တၢင်း​ဢၼ်​ၶဝ်​ႁဵတ်း​ၸိူဝ်း​ၼၼ်ႉ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ယဝ်ႉ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၽႆး​တၢင်း​ၸႂ်​မႆႈ​ၶႆႈ​ၸႃႉ​ၵဝ် ယင်း​ဢမ်ႇ​မွတ်ႇ​လႄႈ၊ တၵ်း​လႆႈ​မႆႈ​ၵႃႈ​တီႈ​ၼႆႈ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="18">လႆႈ​သမ်ႉ​သူ​တၵ်း​လႆႈ​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ ယူႉတႃႉ ဢၼ်​ပွႆႇ​ၸႂ်ႉ​သူ​မႃး​ႁႂ်ႈ​လႆႈ​လဝ်ႊ​ထၢမ်​တီႈ​ထႃႇဝရႃႉ​ၽြႃး​ၼၼ်ႉ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢဝ်​လွင်ႈ​ၵႂၢမ်း​ၵျၢမ်း​လိၵ်ႈ​ဢၼ်​ၸဝ်ႈ​လႆႈ​ငိၼ်း​ၼၼ်ႉ​လႄႈ မီး​ဢမိင်ႉ​လႄႈ​ဝႃႈ​ၸမ်ႉ၊-</verse>
				<verse number="19">ၵွပ်ႈ​ပိူဝ်ႈ​ဢၼ်​မႂ်း​မီး​ၸႂ်​ဢၼ်​ဢူၼ်ႈ​ဢွၼ်ႇ​လႄႈ ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၼႂ်း​မိူဝ်ႈ​ဢၼ်​မႂ်း​ငိၼ်း​ၵႂၢမ်း​ဢၼ်​ၵဝ်​လွၵ်ႇ​ငိုတ်ႈ​တီႈ​ထႃႇၼႃႉ​တီႈ​ၼႆႈ ဢိၵ်ႇ​တင်း​တီႈ​ၵူၼ်း​ၵႃႈ​တီႈ​ၼႆႈ​ၸိူဝ်း​ၼၼ်ႉ​လႄႈ​ဝႃႈ၊ ၶဝ်​ၸိူဝ်း​ၼၼ်ႉ​တၵ်း​လႆႈ​ပဵၼ်​တီႈ​ဢၼ်​ယႃႉ​ပႅတ်ႈ ဢိၵ်ႇ​တင်း​တီႈ​ဢၼ်​ၵိၼ်ႇ​လႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ သိၵ်ႇ​ၶူဝ်း​ၼုင်ႈ​မႂ်း​သေ​လႄႈ ႁႆႈ​ႁွင်ႉ​ၵႃႈ​တီႈ​ၽၢႆႇ​ၼႃႈ​ၵဝ်​ၼၼ်ႉ​လႄႈ ၵဝ်​ထွမ်ႇ​ဢဝ်​ၵႂၢမ်း​မႂ်း​ဢေႃႈ၊ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="20">ပိူဝ်ႈ​ၼႆ​လႄႈ ၵဝ်​တၵ်း​ဢဝ်​မႂ်း​သူင်ႇ​ႁွတ်ႈ​တီႈ​ဢၼ်​ပူႇ​မႂ်း​မွၼ်ႇ​မႂ်း​ၸူႉ​တုမ်​ၼၼ်ႉ​လႄႈ မႂ်း​တၵ်း​လႆႈ​ၶဝ်ႈ​ၸူး​ၵႃႈ​တီႈ​သၢင်း​ၶႅင်း​ၼိမ်​ၼိမ်​လီ​လီ​ဢေႃႈ။ တႃ​မႂ်း​တၵ်း​ဢမ်ႇ​လႆႈ​တူၺ်း​လႆႈ​ႁၼ် ၽေး​ၵႃႈ​ဢၼ်​ၵဝ်​ႁႂ်ႈ​ႁွတ်ႈ​ထိုင်​ၵႃႈ​ၼိူဝ်​တီႈ​ၼႆႉ​ၼၼ်ႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ၼၼ်ႉ​ဢွၼ်​ၵၼ်​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ဢေႃႈ။</verse>
			</chapter>
			<chapter number="23">
				<verse number="1">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ပွႆႇ​ၸႂ်ႉ​လႄႈ ႁႂ်ႈ​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်​ၸူႉ​ၵၼ်​တုမ်​ၵၼ်​မႃး​လႄႈ၊-</verse>
				<verse number="2">ၶုၼ်​ႁေႃ​ၶမ်း​ၶိုၼ်ႈ​ၵႃႈ​ၼိူဝ်​ႁိူၼ်း​ထႃႇဝရႃႉ​ၽြႃး ဢိၵ်ႇ​လူၺ်ႈ​ၵၼ်​တင်း​ၵူၼ်း​မိူင်း​ ယူႉတႃႉ တင်း​သဵင်ႈ​တင်း​လူင်၊ ၵူၼ်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်၊ ယိတ်ႈပရေႃးႁဵၵ်ႈ​လႂ်၊ ပရေႃးၽႅတ်ႈ​လႂ်၊ ၵူၼ်း​တင်း​သဵင်ႈ​တင်း​လူင်​ၸဵမ်​လဵၵ်ႉ​ၸဵမ်​ယႂ်ႇ​ၸိူဝ်း​ၼၼ်ႉ​လႄႈ၊ ဢဝ်​ၵႂၢမ်း​ၵျၢမ်း​လိၵ်ႈ​ပတီႉၺိၺ်ႇ​တြႃး ဢၼ်​ထူပ်း​ႁၼ်​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ​ၵႃႈ​မီး ၽတ်း​ႁႂ်ႈ​ႁူ​ၶဝ်​လႆႈ​ငိၼ်း​ဢေႃႈ။-</verse>
				<verse number="3">ၶုၼ်​ႁေႃ​ၶမ်း​ၵေႃႈ​ၸုၵ်း​ယူႇ​ၵႃႈ​တီႈ​ႁိမ်း​သဝ်​သေ​လႄႈ ႁဵတ်း​တိၵ်ႈ​ထၢၼ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး လူၺ်ႈ​လွင်ႈ​ဢၼ်​မၼ်း​တၵ်း​ၸွမ်း​လင်​ထႃႇဝရႃႉ​ၽြႃး​လႄႈ ဢဝ်​တင်း​ႁူဝ်​ၸႂ်​သဵင်ႈ​သဵင်ႈ ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး​မၼ်း​ၸဝ်ႈ၊ သၢၵ်ႈ​သေႇ​မၼ်း​ၸဝ်ႈ၊ ထုင်း​ၽိင်ႈ​တြႃး​မၼ်း​ၸဝ်ႈ ၸိူဝ်း​ၼၼ်ႉ​သေ​လႄႈ ႁႂ်ႈ​ၵႂၢမ်း​ပတီႉၺိၺ်ႇ​ဢၼ်​ပႃး​ၵႃႈ​ၼႂ်း​ၵျၢမ်း​လိၵ်ႈ​ၼႆႉ လႆႈ​တႄႇ​ယူႇ​ၼၼ်ႉ​ဢေႃႈ။ ၵူၼ်း​တင်း​သဵင်ႈ​တင်း​လူင်​ၵေႃႈ ဢွၼ်​ၵၼ်​ႁပ်ႉ​တုင်း​ဢဝ် တၢင်း​ဢၼ်​ႁဵတ်း​တိၵ်ႈ​ထၢၼ်ႇ​ဢေႃႈ။-</verse>
				<verse number="4">လိုၼ်း​ၼၼ်ႉ​ၶုၼ်​ႁေႃ​ၶမ်း​ၸီႇ​ယၢင်ႇ ႁႂ်ႈ​ၶုၼ်​ယိတ်ႈပရေႃးႁဵၵ်ႈ​ ႁီႉလၶီႉ ဢိၵ်ႇ​တင်း​ယိတ်ႈပရေႃးႁဵၵ်ႈ​မုၵ်ႉ​ၸိူဝ်း​တူႉတီႉယႃႉ​တင်း​လၢႆ တင်း​ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​ၼၼ်ႉ ဢဝ်​ၶိူင်ႈ​ယိပ်း​ၶိူင်ႈ​ၵႅမ်း​ၵႃႈ​ဢၼ်​ႁဵတ်း​ပုၼ်ႈ​ ၽြႃး​ပႃႇလႃႉ ၊ တူၼ်ႈ​ ဢႃႇသရႃႉ ၶိူင်ႈ​ပိူင်​ၽႃႉ​ၵၢင်​ႁၢဝ်​ၸိူဝ်း​ၼၼ်ႉ​ဢွၵ်ႇ​သေ​ၵႃႈ​ၼႂ်း​ပိၵ်ႈ​မၢၼ်ႇ​ထႃႇဝရႃႉ​ၽြႃး​သေ​လႄႈ ဢဝ်​တုတ်ႇ​ၽႆး ၵႃႈ​ၼွၵ်ႈ​ဝဵင်း​ ယေႇရူႉသလႅမ်ႇ ၵႃႈ​တီႈ​ၵၢင်​ပၢင်ႇ​ ၵီႉတြုၼ်ႇ ​လႄႈ ဢဝ်​တဝ်ႈ​မၼ်း​ၵႂႃႇ​ၵႃႈ​တီႈ​ဝဵင်း​ ပေႇသလႃႉ ​ဢေႃႈ။-</verse>
				<verse number="5">မၼ်း​ပႄႇ​ၽဵဝ်ႈ​ယိတ်ႈပရေႃးႁဵၵ်ႈ ဢၼ်​ၶုၼ်​ႁေႃ​ၶမ်း​ ယူႉတႃႉ ​ၶၢၼ်း​ဝႆႉ ႁႂ်ႈ​လႆႈ​ဢဝ်​ၼၢမ်ႇ​သႃႇ​တုတ်ႇ​ၽႆး​ၵႃႈ​တီႈ​ထႃႇၼႃႉ​တီႈ​သုင်​ၵႃႈ​ၼႂ်း ဝၢၼ်ႈ​ဝဵင်း​ ယူႉတႃႉ ​တင်း​လၢႆ တင်း​ၵႃႈ​တီႈ​ႁိမ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ဢိၵ်ႇ​တင်း​ၶဝ်​ၸိူဝ်း​ဢၼ်​ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ​ၽြႃး ပႃႇလႃႉ ၊ တီႈ​ၸႃႉ​ၸဵမ်​ၵၢင်​ဝၼ်း၊ လိူၼ်၊ ၵျူဝ်ႇ၊ ရႃႇ​သီႇ​လႄႈ ၶိူင်ႈ​ပိူင်​ၽႃႉ​ၵၢင်​ႁၢဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="6">တူၼ်ႈ​ ဢႃႇသရႃႉ ​တင်း​လၢႆ​ၵေႃႈ မၼ်း​ဢဝ်​ဢွၵ်ႇ​သေ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​လႄႈ ဢဝ်​ၵႂႃႇ​ၵႃႈ​ၼွၵ်ႈ​ဝဵင်း​ ယေႇရူႉသလႅမ်ႇ ၵႃႈ​တီႈ​ၼမ်ႉ​ႁွင်ႈ​ ၵီႉတြုၼ်ႇ ​လႄႈ တုတ်ႇ​ၽႆး​ပႅတ်ႈ​ၵႃႈ​တီႈ​ၼမ်ႉ​ႁွင်ႈ​ ၵီႉတြုၼ်ႇ ​ၼၼ်ႉ​သေ​ယဝ်ႉ၊ တွႆႇ​လႅဝ်​တမ်​လႅဝ်​သေ​လႄႈ ဢဝ်​မုၼ်ႈ​မၼ်း​ၽွင်​မၼ်း​ဢွႆ​ပိုၼ်​သႂ်ႇ​ၵႃႈ​ၼိူဝ်​သၢင်း​ၶႅင်း​ၶႃႈ​ဝၢၼ်ႈ​ၵူၼ်း​မိူင်း​တင်း​လၢႆ​ဢေႃႈ။-</verse>
				<verse number="7">ႁိူၼ်း​တီႈ​ယူႇ​ၵူၼ်း ဢၼ်​ၸၢင်ႈ​ၸွမ်း​ဢလူဝ်ႇ​ၵူၼ်း​ၸၢႆး​ၼင်ႇ​ၵၼ် ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး တီႈ​ဢၼ်​မႄႈ​ယိင်း​တင်း​လၢႆ တေႃး​ၽႃႈ​ၵင်ႈ​ပုၼ်ႈ​တူၼ်ႈ​ ဢႃႇသရႃႉ ​ၼၼ်ႉ​ၵေႃႈ မၼ်း​ယႃႉ​တူၵ်း​ပႅတ်ႈ​ဢေႃႈ။-</verse>
				<verse number="8">မၼ်း​ႁွင်ႉ​ဢဝ်​ယိတ်ႈပရေႃးႁဵၵ်ႈ​တင်း​သဵင်ႈ​တင်း​လူင် သေ​ၵႃႈ​ၼႂ်း​ဝၢၼ်ႈ​ဝဵင်း​ ယူႉတႃႉ ​ၸိူဝ်း​ၼၼ်ႉ​မႃး​လႄႈ ႁႂ်ႈ​ထႃႇၼႃႉ​တီႈ​သုင် တီႈ​ဢၼ်​ယိတ်ႈပရေႃးႁဵၵ်ႈ​တင်း​လၢႆ​ဢဝ်​ၼၢမ်ႇ​သႃႇ​တုတ်ႇ​ၽႆး​ၸိူဝ်း​ၼၼ်ႉ​ၵူဝ်ႈ​ၵိူၵ်ႇ ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ ၵေႇပႃႉ တေႃႇ​ထိုင်​ႁွတ်ႈ ဝဵင်း​ ပေႇရသေႇၽႃႉ ​ၼၼ်ႉ​ဢေႃႈ၊ ထႃႇၼႃႉ​တီႈ​သုင်​ႁူး​ၽၵ်း​တူ ၵႃႈ​တီႈ​ဢၼ်​ၶဝ်ႈ​ႁူး​ၽၵ်း​တူ ယေႃးသူႉ ​ဝုၼ်ႇ​ဝဵင်း​ ယေႇရူႉသလႅမ်ႇ ဢၼ်​မီး​ၽၢႆႇ​တၢင်း​သၢႆႉ ၵႃႈ​တီႈ​ၽၵ်း​တူ​ဝဵင်း​ၼၼ်ႉ​ၵေႃႈ မၼ်း​ၵိူၼ်ႇ​ယႃႉ​ပႅတ်ႈ​ဢေႃႈ။-</verse>
				<verse number="9">ယိတ်ႈပရေႃးႁဵၵ်ႈ ဢၼ်​ၸၢပ်ႈ​သႅင်ႇ​ၵၼ်​တင်း​ထႃႇၼႃႉ​တီႈ​သုင်​တင်း​လၢႆ​ၸိူဝ်း​ၼၼ်ႉ​ယင်း​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး ၵႃႈ​တီႈ​ႁိမ်း​ယိတ်ႈပလၢင်ႇ​ထႃႇဝရႃႉ​ၽြႃး ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ မီး​ဢၶႂၢင်ႉ​ဢၼ်​လႆႈ​ၵိၼ်​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ လူၺ်ႈ​ၵၼ်​တင်း​ပီႈ​ၼွင်ႉ​ၶဝ်​ၵူၺ်း​ဢေႃႈ။-</verse>
				<verse number="10">မၼ်း​ႁႂ်ႈ​ၵူဝ်ႈ​ၵိူၵ်ႇ​တီႈ​ တေႃးၽႅတ်ႉ ဢၼ်​မီး​ၵႃႈ​ၼႂ်း​ၶူင်ႈ​ႁူၺ်ႈ​လုၵ်ႈ​ၸၢႆး​ ႁိၼ်ႇၼုမ်ႇ ​ၼၼ်ႉ ႁႂ်ႈ​ၽူႈ​လႂ်​ဢမ်ႇ​လႆႈ​ဢဝ်​လုၵ်ႈ​ၸၢႆး​မၼ်း၊ လုၵ်ႈ​ယိင်း​မၼ်း​ပၼ်​လႄႈ ႁႂ်ႈ​ၶဝ်​လႆႈ​ၶၢမ်ႇ​တၢင်း​ဢၼ်​ဢဝ်​ၽႆး​ပုၵ်ႈ​ၸေႃႇ​တီႈ​ၽြႃး​ မူးလွၵ်ႉ ​ဢေႃႈ။-</verse>
				<verse number="11">မႃႉ​ဢၼ်​ၶုၼ်​ႁေႃ​ၶမ်း​ ယူႉတႃႉ ​တင်း​လၢႆ ဢဝ်​ပုၵ်ႈ​ၸေႃႇ​တီႈ​ၵၢင်​ဝၼ်း​လႄႈ ဝႆႉ​ၵႃႈ​တီႈ​ႁူး​ၽၵ်း​တူ​ဝၢင်း​ႁိူၼ်း​ထႃႇဝရႃႉ​ၽြႃး ၵႃႈ​တီႈ​ႁိမ်း​ႁိူၼ်း​ ၼႃႇသမ်ႇမေႇလႅၵ်ႉ ၵေႃႉ​ဢၼ်​လႆႈ​ပႂ်ႉ​လႆႈ​ထိင်း​ၼၼ်ႉ ၵႃႈ​ၼႂ်း​ဝၢင်း​ၸဝ်ႈ​ၸိူဝ်း​ၼၼ်ႉ​ၵေႃႈ၊ မၼ်း​ပႄႇ​ပႅတ်ႈ​လႄႈ ဢဝ်​လေႃႉရထႃး​ၵၢင်​ဝၼ်း​ၸိူဝ်း​ၼၼ်ႉ​တုတ်ႇ​ၽႆး​ပႅတ်ႈ​ဢေႃႈ။-</verse>
				<verse number="12">ယိတ်ႈပလၢင်ႇ​ဢၼ်​မီး​ၵႃႈ​ၼိူဝ် ဢၼ်​မုင်း​ႁၢၼ်ႉ​ၼိူဝ်​တိူၵ်ႈ​ၶုၼ်​ ဢႃႇၶတ်ႉ ​လႄႈ၊ ၶုၼ်​ႁေႃ​ၶမ်း​ ယူႉတႃႉ ​ဢွၼ်​ၵၼ်​တႄႇ​ဝႆႉ​ႁဵတ်း​ဝႆႉ​ၸိူဝ်း​ၼၼ်ႉ ဢိၵ်ႇ​တင်း​ယိတ်ႈပလၢင်ႇ ဢၼ် မၼႃႇ​သေႇ ​တႄႇ​ဝႆႉ​ႁဵတ်း​ဝႆႉ ၵႃႈ​ၼႂ်း​တမ်ႇ​တိူင်း​ႁိူၼ်း​ထႃႇဝရႃႉ​ၽြႃး​သွင်​တီႈ​ၼၼ်ႉ​ၸိူဝ်း​ၼၼ်ႉ​ၵေႃႈ၊ ၶုၼ်​ႁေႃ​ၶမ်း​ၵိူၼ်ႇ​ယႃႉ​တူၵ်း​လႄႈ တွႆႇ​လႅဝ်​တမ်​လႅဝ်​သေ​လႄႈ ဢဝ်​မုၼ်ႈ​မၼ်း​ၽွင်​မၼ်း ပႅတ်ႈ​တူၵ်း​သႂ်ႇ​ၵႃႈ​ၼႂ်း​ၼမ်ႉ​ႁွင်ႈ​ ၵီႉတြုၼ်ႇ ​သေ​ဢေႃႈ။-</verse>
				<verse number="13">ထႃႇၼႃႉ​တီႈ​သုင်​ဢၼ်​မီး​ၵႃႈ​တီႈ​ၽၢႆႇ​ၼႃႈ​ဝၼ်း​ဢွၵ်ႇ​ဝဵင်း​ ယေႇရူႉသလႅမ်ႇ ၵႃႈ​တီႈ​ၽၢႆႇ​တၢင်း​ၶႂႃ​လွႆ တၢင်း​ဢၼ်​ယႃႉ​ပႅတ်ႈ ဢၼ် သေႃးလမုၼ်ႇ ​ၶုၼ်​ႁေႃ​ၶမ်း​ ဢီႉသရေႇလႃႉ ​တႄႇ​ႁဵတ်း​ပုၼ်ႈ​ ဢႃႇသတရိၵ်ႉ ၽြႃး​ ၸီႉတုၼ်ႇ ဢၼ်​လီ​ႁင်ႈ​ဢဵတ်ႇ​သဵတ်ႇ၊ ၶႄးမူႉသႃႉ ​ၽြႃး​ မေႃႇၽႃႉ ဢၼ်​လီ​ႁင်ႈ​ဢဵတ်ႇ​သဵတ်ႇ၊ မီႉလႃႉၵုမ်း ​ၽြႃး ဢမ်ႇမုၼ်ႇ ​ဢၼ်​လီ​ႁင်ႈ​ဢဵတ်ႇ​သဵတ်ႇ​ၸိူဝ်း​ၼၼ်ႉ​ၵေႃႈ ၶုၼ်​ႁေႃ​ၶမ်း​ႁဵတ်း​ႁႂ်ႈ​ၵူဝ်ႈ​ၵိူၵ်ႇ​သေ​ဢေႃႈ။-</verse>
				<verse number="14">မၼ်း​ႁၵ်း​ႁဵၵ်း​သဝ်​တီႈ​ၵူဝ်း​ၵႂၢႆႇ​တင်း​လၢႆ​ပႅတ်ႈ​လႄႈ​ၽၼ်း​တူၼ်ႈ​ ဢႃႇသရႃႉ ​ၸိူဝ်း​ၼၼ်ႉ​လူမ်ႉ​ပႅတ်ႈ​သေ​ယဝ်ႉ၊ ႁႂ်ႈ​တီႈ​ဢၼ်​တႄႇ​ႁဵတ်း​ၶဝ်​ဝႆႉ​ၸိူဝ်း​ၼၼ်ႉ တဵမ်​ဝႆႉ​တင်း​လုပ်ႇ​ၵူၼ်း​တၢႆ​တင်း​လၢႆ​ဢေႃႈ။-</verse>
				<verse number="15">ယိတ်ႈပလၢင်ႇ​ဢၼ်​မီး​ၵႃႈ​တီႈ​ဝဵင်း​ ပေႇသလႃႉ ဢိၵ်ႇ​တင်း​ထႃႇၼႃႉ​တီႈ​သုင်​ဢၼ်​ ယေႇရူဝ်းပုမ်ႇ ​လုၵ်ႈ​ၸၢႆး​ ၼေႇပတ်ႉ ​ဢၼ်​ႁႂ်ႈ မဵဝ်း​ ဢီႉသရေႇလႃႉ ​ၽိတ်း​ပိူင်ႈ​ၼၼ်ႉ တႄႇ​ႁဵတ်း​ဝႆႉ​ဢၼ်​ဝႃႈ​ယိတ်ႈပလၢင်ႇ ဢိၵ်ႇ​တင်း​ထႃႇၼႃႉ​တီႈ​သုင်​ၼၼ်ႉ​ၵေႃႈ၊ မၼ်း​ၵိူၼ်ႇ​ယႃႉ​တူၵ်း​လႄႈ ဢဝ်​ၽႆး​တုတ်ႇ​ထႃႇၼႃႉ​တီႈ​သုင်​ၼၼ်ႉ​သေ​ယဝ်ႉ၊ တွႆႇ​လႅဝ်​တမ်​လႅဝ်​ပႅတ်ႈ​လႄႈ ဢဝ်​ၽႆး​တုတ်ႇ​တူၼ်ႈ​ ဢႃႇသရႃႉ ​တင်း​လၢႆ​ပႅတ်ႈ​ဢေႃႈ။-</verse>
				<verse number="16">ယူဝ်းသီႉယႃႉ ​ၼၼ်ႉ ဝၢႆႇ​ၶိုၼ်း​လႄႈ​ထူပ်း​ႁၼ်​သၢင်း​ၶႅင်း​ဢၼ်​မီး​ၵႃႈ​ၼိူဝ်​လွႆ​ၼၼ်ႉ​ၸိူဝ်း​ၼၼ်ႉ​သေ​ယဝ်ႉ၊ ပွႆႇ​ၸႂ်ႉ​ၵူၼ်း​လႄႈ​ဢဝ်​လုပ်ႇ​ၵူၼ်း​တၢႆ ဢၼ်​မီး​ၵႃႈ​ၼႂ်း​သၢင်း​ၶႅင်း​ၸိူဝ်း​ၼၼ်ႉ​ဢွၵ်ႇ​သေ​လႄႈ ဢဝ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​လႄႈ ႁႂ်ႈ​ၵူဝ်ႈ​ၵိူၵ်ႇ​ပႅတ်ႈ​ၸွမ်း​ၵႃႈ​ၼင်ႇ​ၵႂၢမ်း​ထႃႇဝရႃႉ​ၽြႃး ဢၼ်​ၵူၼ်း​ၽြႃး​ပဵၼ်​ၸဝ်ႈ ဢၼ်​လႆႈ​ဢဝ်​လွင်ႈ​ဢမူႉ​ၼႆႉ ၽုၺ်ႇ​ဢွၵ်ႇ​ၼႄ​ပျႃး​ၼၼ်ႉ သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="17">မိူဝ်ႈ​ၼၼ်ႉ​မၼ်း​ထၢမ်​လႄႈ​ဝႃႈ မၢၵ်ႇ​ႁိၼ်​တီႈ​မၢတ်ႈ​တီႈ​တွင်း​ဢၼ်​ၵဝ်​ႁၼ်​ၼႆႉ​ၸမ်ႉ၊ ပဵၼ်​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ ၵူၼ်း​ဝဵင်း​ၸိူဝ်း​ၼၼ်ႉ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ပဵၼ်​သၢင်း​ၶႅင်း​ၵူၼ်း​ၽြႃး​ပဵၼ်​ၸဝ်ႈ ဢၼ်​လုၵ်ႉ​သေ​ၵႃႈ​တီႈ​မိူင်း​ ယူႉတႃႉ ​မႃး​လႄႈ ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း​ဢၼ် ၸဝ်ႈ​ႁဝ်း​လႆႈ​ႁဵတ်း​တီႈ​ယိတ်ႈပလၢင်ႇ​ ပေႇသလႃႉ ​ၼၼ်ႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">မၼ်း​လၢတ်ႈ​လႄႈ​ဝႃႈ၊ ယႃႇ​မၼ်း​တႃႉ။ ယႃႇ​ပေ​ႁႂ်ႈ​ၽူႈ​လႂ်​ဢဝ်​လုပ်ႇ​ၵေႃႉ​ၼၼ်ႉ​ၶၢႆႉ​တီႈ​မၼ်း၊ ဝႃႈ​ၼင်ႇ​ၼႆ​လႄႈ၊ ၶဝ်​ၼၼ်ႉ​ႁႂ်ႈ​လုပ်ႇ​မၼ်း​ၼၼ်ႉ ဢိၵ်ႇ​တင်း​လုပ်ႇ​ပရေႃးၽႅတ်ႈ​ဢၼ်​လုၵ်ႉ​သေ​ၵႃႈ​တီႈ​ဝဵင်း​ သမႃႇရီႉ ​မႃး​ၼၼ်ႉ​ၸိူဝ်း​ၼၼ်ႉ ၵိုတ်း​ဝႆႉ​ယူႇ​ဢေႃႈ။-</verse>
				<verse number="19">ႁိူၼ်း​ၵႃႈ​ၼိူဝ်​ထႃႇၼႃႉ​တီႈ​သုင် ၵႃႈ​တီႈ​ဝၢၼ်ႈ​ဝဵင်း​ သမႃႇရီႉ ဢၼ်​ၶုၼ်​ႁေႃ​ၶမ်း​ ဢီႉသရေႇလႃႉ ​တင်း​လၢႆ တႄႇ​ႁဵတ်း​ဝႆႉ ႁႂ်ႈ​လႆႈ​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ၵႃႈ​မီး​ၼၼ်ႉ​ၵေႃႈ ၶုၼ်​ ယူဝ်းသီႉယႃႉ ​ပႄႇ​ၽဵဝ်ႈ​ပႅတ်ႈ​လႄႈ ႁဵတ်း​တီႈ​ဢၼ်​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ် မၼ်း​ႁဵတ်း​ၵႃႈ​တီႈ​ဝဵင်း ပေႇသလႃႉ ​ၼၼ်ႉ​ဢေႃႈ။-</verse>
				<verse number="20">ယိတ်ႈပရေႃးႁဵၵ်ႈ ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ထႃႇၼႃႉ​တီႈ​သုင်​ၸိူဝ်း​ၼၼ်ႉ​ၵေႃႈ မၼ်း​ဢဝ်​တၢႆ​ပႅတ်ႈ​ၵႃႈ​ၼိူဝ်​ယိတ်ႈပလၢင်ႇ​ၸိူဝ်း​ၼၼ်ႉ​လႄႈ ဢဝ်​လုပ်ႇ​ၵူၼ်း​တၢႆ​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ၸိူဝ်း​ၼၼ်ႉ​သေ​ယဝ်ႉ ၸင်ႇ​ၶိုၼ်း​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။</verse>
				<verse number="21">လႆႈ​သမ်ႉ ၶုၼ်​ႁေႃ​ၶမ်း​ၵေႃႈ​မီး​ဢမိင်ႉ​တီႈ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ ဢွၼ်​ၵၼ်​ပႂ်ႉ​ၵမ်​ပႂ်ႉ​ၸွမ်း​ပွႆး​ပႃႉသၶႃႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ၵျၢမ်း​လိၵ်ႈ​ပတီႉၺိၺ်ႇ​တြႃး​ၼႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၸႃႉ​ၸဵမ်​ၸူဝ်ႈ​ပၢၼ်​ၵူၼ်း​လူင်​ၸီႇ​ယၢင်ႇ​တြႃး ဢၼ်​ဢုပ်ႉ​ပိူင်ႇ​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​လႄႈ၊ ၸူဝ်ႈ​ပၢၼ်​ၶုၼ်​ႁေႃ​ၶမ်း​ ဢီႉသရေႇလႃႉ တင်း​ၶုၼ်​ႁေႃ​ၶမ်း​ ယူႉတႃႉ ​ၸိူဝ်း​ၼၼ်ႉ​တဵမ်​တဵမ်၊ ဢမ်ႇ​ပဵၼ်​တၢင်း​ဢၼ်​ပႂ်ႉ​ၵမ်​ပႂ်ႉ​ၸွမ်း​ပွႆး​ပႃႉသၶႃႇ​ၸိူဝ်ႉ​ၼင်ႇ​ၼၼ်​သေ​ပွၵ်ႈ။-</verse>
				<verse number="23">ၼႂ်း​ပီႊ​ဢၼ်​ၶုၼ်​လူင်​ ယူဝ်းသီႉယႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ပၢႆ​ပႅတ်ႇ​ပီႊ​ၼၼ်ႉ ၶဝ်​ဢွၼ်​ၵၼ်​ပႂ်ႉ​ၵမ်​ပႂ်ႉ​ၸွမ်း​ပွႆး​ပႃႉသၶႃႇ​ၼၼ်ႉ တီႈ​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။</verse>
				<verse number="24">ၼွၵ်ႈ​သေ​ၼၼ်ႉ ယူဝ်းသီႉယႃႉ ​ပႄႇ​ၽဵဝ်ႈ ၸႃႉ​ၸဵမ်​ၽိူဝ်ႉ​ၶဝ်​လႂ်၊ ၽီ​ၶဝ်​လႂ်၊ ရုၵ်ႈ​ထူႉ​ တေႇရပ်ႉ ​လႂ်​လႄႈ ရုၵ်ႈ​ထူႉ​သၢင်း​ထူႉ​တင်း​လၢႆ ဢိၵ်ႇ​တင်း​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ၵႃႈ​ဢၼ်​ထူပ်း​ႁၼ်​ၵႃႈ​ၼႂ်း​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ပႅတ်ႈ ႁႂ်ႈ​လႆႈ​ပႂ်ႉ​ၵမ်​ပႂ်ႉ​ၸွမ်း ၵႃႈ​ၼင်ႇ​ၵႂၢမ်း​တြႃး​ပိင်း​ၺၢပ်ႈ​တီႉ ဢၼ်​တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ၵျၢမ်း​လိၵ်ႈ ဢၼ်​ယိတ်ႈပရေႃးႁဵၵ်ႈ​ ႁီႉလၶီႉ ထူပ်း​ႁၼ်​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="25">ၶုၼ်​ႁေႃ​ၶမ်း​ဢၼ်​ဢဝ်​ႁူဝ်​ၸႂ်​သဵင်ႈ​သဵင်ႈ တင်း​တၢင်း​ၵတ်ႉ​တၢင်း​ၶၼ်​ၵႃႈ​မီး ၶၢႆႉ​ပုတ်ႈ​မႃး​ၵႃႈ​တီႈ​ထႃႇဝရႃႉ​ၽြႃး ၸွမ်း​ၼင်ႇ​ၵႃႈ​ဢၼ်​မီး​ၵႃႈ​ၼႂ်း​တြႃး​ မူဝ်းသေႇ ​ၼၼ်ႉ​လႄႈ မိူၼ်​ၼင်ႇ​ ယူဝ်းသီႉယႃႉ ​ၼၼ်ႉ ဢမ်ႇ​ယၢမ်ႈ​တွၼ်ႉ​မီး​တွၼ်ႉ​ပဵၼ်​သေ​ၸဝ်ႈ​သေ​ပႃး။ လိုၼ်း​မၼ်း​ၵေႃႈ ဢမ်ႇ​တွၼ်ႉ​ပေႃႇ​ဢမ်ႇ​တွၼ်ႉ​မီး။-</verse>
				<verse number="26">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး​ဢမ်ႇ​ဝၢႆႇ​ၶိုၼ်း​သေ​ၵႃႈ​တီႈ​တၢင်း​ၸႂ်​မႆႈ​ၶႆႈ​ၸႃႉ ဢၼ်​ႁႅင်း​ယႂ်ႇ​ၼႃႇ​လူင်​လၢင်​လႄႈ၊ မၼ်း​ၸဝ်ႈ ၸႂ်​မႆႈ​ၶႆႈ​ၸႃႉ​တီႈ​မဵဝ်း​ ယူႉတႃႉ ၵွပ်ႈ​ပိူဝ်ႈ​ဢပႅတ်ႈ​ဢၼ်​ မၼႃႇ​သေႇ ​ၽိတ်း​ပိူင်ႈ​ႁႂ်ႈ​လႆႈ​တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​ၸိူဝ်း​ၼၼ်ႉ​ၼၼ်ႉ။-</verse>
				<verse number="27">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ပႄႇ​ပႅတ်ႈ​မဵဝ်း​ ယူႉတႃႉ သေ​ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၵဝ် မိူၼ်​ၸိူဝ်ႉ​ၼင်ႇ​ဢၼ် ၵဝ်​ပႄႇ​ပႅတ်ႈ​မဵဝ်း​ ဢီႉသရေႇလႃႉ ​ၼၼ်ႉ​လႄႈ တၵ်း​ၸုၼ်ႉ​ပႅတ်ႈ​ဢၼ်​ၵဝ်​လိူၵ်ႈ​ၵဵပ်း​ဢဝ်​ၼႆႉ ဢၼ်​ဝႃႈ​ဝဵင်း​ ယေႇရူႉသလႅမ်ႇ ဢိၵ်ႇ​တင်း​ႁိူၼ်း​ၸဝ်ႈ ဢၼ်​ၵဝ်​လၢတ်ႈ​လႄႈ​ဝႃႈ၊ ၼႃႇ​မႃႉ​ၸိုဝ်ႈ​သဵင်​ၵဝ်​တၵ်း​လႆႈ​တႄႇ​ယူႇ​ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">လွင်ႈ​တၢင်း​ ယူဝ်းသီႉယႃႉ ဢၼ်​ယင်း​ၵိုတ်း​ယင်း​ၵျၢၼ်ႇ ဢိၵ်ႇ​တင်း​လွင်ႈ​တၢင်း​ၵႃႈ​ဢၼ်​မၼ်း​ႁဵတ်း​ၼၼ်ႉ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​ဢေႃႈ။-</verse>
				<verse number="29">ၼႂ်း​ၸူဝ်ႈ​ပၢၼ်​မၼ်း​ၼၼ်ႉ ၽႃႇရေႃး ၼေႇၶေႃႇ ​ၶုၼ်​ႁေႃ​ၶမ်း​ ဢေႇၵိပ်ႉတူႉ ၶီႇ​သိုၵ်း​ၶိုၼ်ႈ​ၸူး​ၶုၼ်​ႁေႃ​ၶမ်း​ ဢႃႇသူႉရီႉ တေႃႇ​ထိုင်​ႁွတ်ႈ​ၼမ်ႉ​ႁွင်ႈ​လူင်​ ဢူႉၽရတ်ႉ ​လႄႈ ၶုၼ်​လူင်​ ယူဝ်းသီႉယႃႉ ​ဢွၵ်ႇ​ၵႂႃႇ ႁႂ်ႈ​လႆႈ​ႁႄႉ​တၢင်း​မၼ်း​ၼၼ်ႉ​လႄႈ၊ ၼႂ်း​မိူဝ်ႈ​ဢၼ်​ၶုၼ်​ၼင်ႇ​ၵၼ် ႁူပ်ႉ​ထူပ်း​ၵၼ်​ၼၼ်ႉ​ယူႇ​ၼၼ်ႉ​ၸိုင် ၶုၼ်​ၼၼ်ႉ​ၶႃႈ​ၽၼ်း​ဢဝ်​မၼ်း​တၢႆ​ၵႃႈ​တီႈ​ဝဵင်း​ မေႇၵိတ်ႉတေႃႇ ​သေ​ဢေႃႈ။-</verse>
				<verse number="30">ၶႃႈ​မၼ်း​ၵူၼ်း​မၼ်း​ၸိူဝ်း​ၼၼ်ႉ​ဢဝ်​မၼ်း​တၢင်ႇ​ၵႃႈ​ၼိူဝ် လေႃႉရထႃး​ၸဝ်ႈ​သေ​လႄႈ ဢွၼ်​ၵၼ်​လုၵ်ႉ​သေ​ၵႃႈ​တီႈ​ဝဵင်း​ မေႇၵိတ်ႉတေႃႇ ဢဝ်​တူဝ်​တၢႆ​မၼ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ သၢင်း​ၵျူဝ်ႇ​ၵႃႈ​ၼႂ်း​သၢင်း​ၶႅင်း​မၼ်း​ဢေႃႈ။ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ဢွၼ်​ၵၼ်​ဢဝ်​ ယေႃးၶတ်ႉ လုၵ်ႈ​ၸၢႆး​ၸဝ်ႈ ယူဝ်းသီႉယႃႉ ​ၼၼ်ႉ ပၼ်​ၽိၵ်ႈ​သိၵ်ႈ​သေ​လႄႈ ႁႂ်ႈ​မၼ်း​ပဵၼ်​ၶုၼ်​ႁေႃ​ၶမ်း တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="31">ယေႃးၶတ်ႉ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢဝ်း​ပၢႆ​သၢမ်​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သၢမ်​လိူၼ်​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ႁႃႇမူႉတလႃႉ လုၵ်ႈ​ယိင်း​ ယေႇရမီႉ ၵူၼ်း​ဝဵင်း​ လီႉပၼႃႉ ​ဢေႃႈ။-</verse>
				<verse number="32">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၸွမ်း​ၵႃႈ​ဢၼ်​ပူႇ​မၼ်း​မွၼ်ႇ​မၼ်း​ႁဵတ်း​ၼၼ်ႉ​ဢေႃႈ။-</verse>
				<verse number="33">ၽႃႇရေႃး ၼေႇၶေႃႇ ​ၼၼ်ႉ ဢဝ်​မၼ်း​တူၵ်း​ၵိၼ်း​ဝႆႉ ၵႃႈ​တီႈ​ဝဵင်း​ ရီႉပလႃႉ မိူင်း​ ႁႃႇမတ်ႉ ႁႂ်ႈ​မၼ်း​ဢမ်ႇ​လႆႈ​ၼင်ႈ​ႁၢင်ႈ​ၼင်ႈ​ႁေႃ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​သေ​လႄႈ ယွၼ်း​ဢဝ်​ၶွၼ်ႇ​ငိုၼ်း​ပၢၵ်ႇ​ တလၢၼ်ႇတၢၼ်ႇ ​၊ ၶမ်း​ တလၢၼ်ႇတၢၼ်ႇ ​ၼိုင်ႈ ၵႃႈ​တီႈ​မိူင်း​ ယူႉတႃႉ ​ဢေႃႈ။-</verse>
				<verse number="34">ၽႃႇရေႃး ၼေႇၶေႃႇ ​ၼၼ်ႉ ဢဝ်​ ဢေးလျႃႇၵိမ်ႇ လုၵ်ႈ​ၸၢႆး​ ယူဝ်းသီႉယႃႉ ႁႂ်ႈ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း ယူဝ်းသီႉယႃႉ ​လႄႈ တၢင်ႇ​ပၼ်​ၸိုဝ်ႈ​မႂ်ႇ​သဵင်​မႂ်ႇ ယေႃးယၵိမ်း ​ဢေႃႈ။ မၼ်း​ၼၼ်ႉ​ဢဝ်​ ယေႃးၶတ်ႉ ​ၵႂႃႇ​လႄႈ မၼ်း​ႁွတ်ႈ​ထိုင် ၵႃႈ​တီႈ​မိူင်း ဢေႇၵိပ်ႉတူႉ ​သေ​ယဝ်ႉ၊ တၢႆ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="35">ယေႃးယၵိမ်း ၽႃႇ​ဢဝ်​ၵဵပ်း​ဢဝ်​ငိုၼ်း ၵႃႈ​ၼႂ်း​မိူင်း​တင်း​မိူင်း ႁႂ်ႈ​လႆႈ​သၢၵ်ႈ​ပၼ်​ၸွမ်း​ၵႃႈ​ၼင်ႇ​ဢၼ် ဢမိင်ႉ​ ၽႃႇရေႃး ​မီး​ၼၼ်ႉ​လႄႈ လႆႈ​သၢၵ်ႈ​ၶွၼ်ႇ​ငိုၼ်း​ၶွၼ်ႇ​ၶမ်း​တီႈ​ ၽႃႇရေႃး ​ဢေႃႈ။ မၼ်း​ယွၼ်း​ဢဝ်​ငိုၼ်း​ၶမ်း​ႁိပ်ႈ​ၼႃႇ​မႆႈ​ၼႃႇ တီႈ​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၸွမ်း​ၵႃႈ​ၼင်ႇ တၢင်း​ဢၼ်​ၽႃႇ​ဢဝ်​ၵဵပ်း​ဢဝ်​တူၵ်း​ႁင်း​ၽႂ်​ႁင်း​မၼ်း ႁႂ်ႈ​လႆႈ​သၢၵ်ႈ​ပၼ်​တီႈ ၽႃႇရေႃး ၼေႇၶေႃႇ ​ဢေႃႈ။-</verse>
				<verse number="36">ယေႃးယၵိမ်း ​ၼၼ်ႉ၊ မိူဝ်ႈ​ဢၼ် ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​သၢဝ်း​ပၢႆ​ႁႃႈ​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သိပ်း​ပၢႆ​ဢဵတ်း​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ၸေႇပူႉတႃႉ လုၵ်ႈ​ယိင်း​ ပေႇတႃႇယႃႉ ၵူၼ်း​ဝဵင်း​ ရူးမႃႉ ​ဢေႃႈ။-</verse>
				<verse number="37">မၼ်း​ႁဵတ်း​တူႉ​ၸရိူၵ်ႈ သိုဝ်ႈ​ၼႃႈ​တႂ်ႈ​တႃ ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ် ပူႇ​မၼ်း​မွၼ်ႇ​မၼ်း​ႁဵတ်း​ၼၼ်ႉ​ဢေႃႈ။</verse>
			</chapter>
			<chapter number="24">
				<verse number="1">ၼႂ်း​ၸူဝ်ႈ​ပၢၼ်​မၼ်း​ၼၼ်ႉ ၼေႇပူႉၶတ်ႉၼေႇၸႃႇ ​ၶုၼ်​ႁေႃ​ၶမ်း​ ပႃႇပူႉလုၼ်ႇ ၶီႇ​သိုၵ်း​မႃး​လႄႈ ယေႃးယၵိမ်း ​ၼၼ်ႉ ၶၢမ်ႇ​ႁဵတ်း​ၶႃႈ​တီႈ​မၼ်း​ၼၼ်ႉ​သၢမ်​ပီႊ​သေ​ယဝ်ႉ၊ သမ်ႉ​ၶိုၼ်း​ၽိုၼ်ႉ​လႄႈ​ပုင်ႇ​ၵၢၼ်ႇ​ဢေႃႈ။-</verse>
				<verse number="2">ထႃႇဝရႃႉ​ၽြႃး​ပွႆႇ​ၸႂ်ႉ​ၵူၼ်း​တပ်ႉ​ ၶႃႇလတေး ၊ ၵူၼ်း​တပ်ႉ​ သူႉရီႉ ၊ ၵူၼ်း​တပ်ႉ​ မေႃႇၽႃႉ ၊ ၵူၼ်း​တပ်ႉ​ ဢမ်ႇမုၼ်ႇ ဢၼ်​ပဵၼ်​မုၵ်ႉ​ပဵၼ်​ၸိူဝ်း​ႁင်း​ၽႂ်​ႁင်း​မၼ်း​ၸိူဝ်း​ၼၼ်ႉ ၶီႇ​သိုၵ်း​ၸူး​တီႈ​မၼ်း​လႄႈ ႁႂ်ႈ​ၶဝ်​မႃး​ယႃႉ​ၽဵဝ်ႈ​မိူင်း​ ယူႉတႃႉ ​ပႅတ်ႈ ၸွမ်း​ၵႃႈ​ၼင်ႇ​ၵႂၢမ်း​ထႃႇဝရႃႉ​ၽြႃး ဢၼ်​မၼ်း​ၸဝ်ႈ​ဢဝ်​ၶႃႈ​မၼ်း​ၸဝ်ႈ​ပရေႃးၽႅတ်ႈ​တင်း​လၢႆ​မီး​ဢမိင်ႉ​ဝႆႉ​ၼၼ်ႉ​ဢေႃႈ။-</verse>
				<verse number="3">ၸွမ်း​လူၺ်ႈ​ဢမိင်ႉ​ထႃႇဝရႃႉ​ၽြႃး​ဢမၢၼ်ႇ​ၶၼ်​ပဵၼ်​သေ​လႄႈ ဢမူႉ​ၼႆႉ​တူၵ်း​ႁွတ်ႈ​ၵႃႈ​ၼိူဝ်​မဵဝ်း​ ယူႉတႃႉ ႁႂ်ႈ​လႆႈ​ပႄႇ​ၶဝ်​ပႅတ်ႈ​သေ ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ ၵွပ်ႈ​ပိူဝ်ႈ​ဢပႅတ်ႈ​ မၼႃႇ​သေႇ ​ၸွမ်း​ၵႃႈ​ၼင်ႇ​ဢၼ်​မၼ်း​ႁဵတ်း​ၵႃႈ​မီး​ၼၼ်ႉ၊-</verse>
				<verse number="4">ဢိၵ်ႇ​တင်း​ၵွပ်ႈ​ပိူဝ်ႈ​လိူတ်ႈ​ၶဝ်​ၸိူဝ်း​ဢၼ်​ဢမ်ႇ​မီး​ဢပႅတ်ႈ​ဢၼ်​မၼ်း​ဢဝ်​ထွၵ်ႇ​ပႅတ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ၼၼ်ႉ ႁႂ်ႈ​ဝဵင်း​ ယေႇရူႉသလႅမ်ႇ တဵမ်​ဝႆႉ​တင်း​လိူတ်ႈ​ၶဝ်​ၸိူဝ်း​ဢၼ်​ဢမ်ႇ​မီး​ဢပႅတ်ႈ​ၼၼ်ႉ​လႄႈ ထႃႇဝရႃႉ​ၽြႃး​ဢမ်ႇ​မီး​ဢလူဝ်ႇ​ဢၼ်​ၶႂ်ႈ​ပွႆႇ​လွတ်ႈ​ဢပႅတ်ႈ​ၼၼ်ႉ​လႃး​လႃး။</verse>
				<verse number="5">လွင်ႈ​တၢင်း​ ယေႃးယၵိမ်း ဢၼ်​ယင်း​ၵိုတ်း​ယင်း​ၵျၢၼ်ႇ ဢိၵ်ႇ​တင်း လွင်ႈ​တၢင်း​ၵႃႈ​ဢၼ်​မၼ်း​ႁဵတ်း​ၼၼ်ႉ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​ဢေႃႈ။-</verse>
				<verse number="6">ယေႃးယၵိမ်း ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ယေႇၶေႃးၼီႉ ​လုၵ်ႈ​ၸၢႆး​ၸဝ်ႈ​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။-</verse>
				<verse number="7">ၵွပ်ႈ​ပိူဝ်ႈ​ဢၼ်​ၶုၼ်​ႁေႃ​ၶမ်း​ ပႃႇပူႉလုၼ်ႇ ဢဝ်​လိၼ်​ၵႃႈ​ဢၼ် ၶုၼ်​ႁေႃ​ၶမ်း​ ဢေႇၵိပ်ႉတူႉ ​ပိူင်ႇ ၸႃႉ​ၸဵမ်​ၵႃႈ​တီႈ​ၼမ်ႉ​ႁွင်ႈ​ ဢေႇၵိပ်ႉတူႉ တေႃႇ​ထိုင်​ႁွတ်ႈ ၼမ်ႉ​ႁွင်ႈ​လူင်​ ဢူႉၽရတ်ႉ ​ၼၼ်ႉ​လႄႈ လိုၼ်း​ၼၼ်ႉ​ၶုၼ်​ႁေႃ​ၶမ်း​ ဢေႇၵိပ်ႉတူႉ ​ၼၼ်ႉ ဢမ်ႇ​လႆႈ​ၶီႇ​လႆႈ​ဢွၵ်ႇ​သေ​ၵႃႈ​ၼႂ်း​မိူင်း​မၼ်း​ၼၼ်ႉ​လႄႈ​မႃး။</verse>
				<verse number="8">ယေႇၶေႃးၼီႉ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သိပ်း​ပႅတ်ႇ​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သၢမ်​လိူၼ်​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ၼႁုတ်ႉတႃႉ လုၵ်ႈ​ယိင်း​ ဢေးလႃႉၼႃႇသၼ်ႇ ၵူၼ်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="9">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​ၸဝ်ႈ​ပေႃႈ​မၼ်း​ႁဵတ်း​ၵႃႈ​မီး​ၼၼ်ႉ​ဢေႃႈ။</verse>
				<verse number="10">မိူဝ်ႈ​ၼၼ်ႉ ၶႃႈ​ၵူၼ်း​ ၼေႇပူႉၶတ်ႉၼေႇၸႃႇ ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​တင်း​လၢႆ ဢွၼ်​ၵၼ်​ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း ယေႇရူႉသလႅမ်ႇ ​လႄႈ လွမ်ႉ​ဝဵင်း​ဝႆႉ​ဢေႃႈ။-</verse>
				<verse number="11">ၼႂ်း​မိူဝ်ႈ​ဢၼ် ၶႃႈ​ၵူၼ်း​ ၼေႇပူႉၶတ်ႉၼေႇၸႃႇ ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၸိူဝ်း​ၼၼ်ႉ​ယင်း​တိုၵ်ႉ​လွမ်ႉ​ဝဵင်း​ဝႆႉ​ယူႇ​ၼၼ်ႉ​ၸိုင်၊-</verse>
				<verse number="12">တူဝ်​မၼ်း​မႃး​ၵႃႈ​တီႈ​ဝဵင်း​ၼၼ်ႉ​လႄႈ၊ ယေႇၶေႃးၼီႉ ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ဢိၵ်ႇ​လူၺ်ႈ​ၵၼ်​တင်း​မႄႈ​ၸဝ်ႈ၊ ၶႃႈ​ၸဝ်ႈ​ၵူၼ်း​ၸဝ်ႈ​လႂ်၊ မူး​မၢတ်ႈ​ၽွင်း​မိူင်း​ၸဝ်ႈ​လႂ်၊ ၶဝ်​ၸိူဝ်း​ဢၼ်​မီး​ဢရႃႇ​လႂ် ဢွၼ်​ၵၼ်​ဢွၵ်ႇ​ၵႂႃႇ​ၸူး ၵႃႈ​တီႈ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ၊ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ​လႆႈ​မၼ်း​ၼႂ်း​ပီႊ​ဢၼ် ၶုၼ်​ၼၼ်ႉ​ၸၢမ်ႇ​ႁၢင်ႈ​ၸၢမ်ႇ​ႁေႃ​ၸဵတ်း​ပီႊ​ၼၼ်ႉ​ဢေႃႈ။-</verse>
				<verse number="13">မၼ်း​ၼၼ်ႉ​သိမ်း​ဢဝ်​ၽၼ်ႇတႃႇ​ႁိူၼ်း​ထႃႇဝရႃႉ​ၽြႃး၊ ၽၼ်ႇတႃႇ​ႁေႃ​ၸဝ်ႈ​ၵႃႈ​မီး​ၵႂႃႇ​လႄႈ၊ တႅပ်း​ယႃႉ​ၶိူင်ႈ​ၶမ်း​ဢၼ် သေႃးလမုၼ်ႇ ​ၶုၼ်​ႁေႃ​ၶမ်း​ ဢီႉသရေႇလႃႉ ႁဵတ်း​ပုၼ်ႈ​ပိၵ်ႈ​မၢၼ်ႇ​ထႃႇဝရႃႉ​ၽြႃး​ၵႃႈ​မီး​ၼၼ်ႉ ၶၢတ်ႇ​ပဵၼ်​ပွတ်း​ပဵၼ်​တွၼ်ႈ​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၼၼ်ႉ​ဢေႃႈ။-</verse>
				<verse number="14">မၼ်း​ၼၼ်ႉ​သိမ်း​ဢဝ်​ၵူၼ်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်၊ မူး​မၢတ်ႈ​ၽွင်း​မိူင်း​တင်း​သဵင်ႈ​တင်း​လူင်၊ ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​တင်း​သဵင်ႈ​တင်း​လူင်​ဢၼ်​ဝႃႈ ၶုၼ်​ဢၼ်​တီႉ​လႆႈ​မိုၼ်ႇ​ၼိုင်ႈ၊ ၵူၼ်း​မေႃ​တိၼ်​မေႃ​မိုဝ်း ဢိၵ်ႇ​တင်း​ၸၢင်ႈ​လဵၵ်း​တင်း​သဵင်ႈ​တင်း​လူင်​ၼၼ်ႉ​ၵႂႃႇ​လႄႈ၊ ၼွၵ်ႈ​သေ​ၶႃႈ​ဝၢၼ်ႈ​ၵူၼ်း​မိူင်း​ဢၼ်​ယုတ်ႈ​ဢၼ်​တႅမ်ႇ​ၸိူဝ်း​ၼၼ်ႉ ၽူႈ​လႂ်​ဢမ်ႇ​လႆႈ​ၵိုတ်း​လႆႈ​ၵျၢၼ်ႇ​သေ​ၵေႃႉ​သေ​ၵူၼ်း။-</verse>
				<verse number="15">မၼ်း​သိမ်း​ဢဝ်​ ယေႇၶေႃးၼီႉ ​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​လႄႈ၊ မႄႈ​ၸဝ်ႈ​ဢိၵ်ႇ​တင်း​ၼၢင်း​ႁေႃ​ၶမ်း​တင်း​လၢႆ၊ ၶဝ်​ၸိူဝ်း​ဢၼ်​မီး​ဢရႃႇ​တင်း​လၢႆ၊ ၵူၼ်း​မိူင်း​ဢၼ်​ႁႅင်း​ယႂ်ႇ​ၼႃႇ​တင်း​လၢႆ ၸိူဝ်း​ၼၼ်ႉ​ၵေႃႈ မၼ်း​သိမ်း​ဢဝ်​ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ဢေႃႈ။-</verse>
				<verse number="16">ၶုၼ်​ႁေႃ​ၶမ်း​ ပႃႇပူႉလုၼ်ႇ သိမ်း​ဢဝ်​ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼႃႇ​ၼႂ်း​ၸဵတ်း​ႁဵင်၊ ၵူၼ်း​မေႃ​တိၼ်​မေႃ​မိုဝ်း​လႂ် ဢိၵ်ႇ​တင်း​ၸၢင်ႈ​လဵၵ်း​လႂ်​ႁဵင်​ၼိုင်ႈ၊ ဢၼ်​ဝႃႈ​ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼႃႇ​လႄႈ ဝႃႈ​လႆႈ​ပဵၼ်​လႆႈ​ႁႂ်ႈ​လႆႈ​တိုၵ်း​သိုၵ်း​ၵႃႈ​မီး​ၼၼ်ႉ ၵႂႃႇ​ၵႃႈ​တီႈ​ဝဵင်း ပႃႇပူႉလုၼ်ႇ ​ဢေႃႈ။-</verse>
				<verse number="17">ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ဢဝ်​ မတ်ႉတၼီႉ ​ပေႃႈ​ၼႃႉ ယေႇၶေႃးၼီႉ ​ၼၼ်ႉ ႁႂ်ႈ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ဝႆႉ​လႄႈ တၢင်ႇ​ပၼ်​ၸိုဝ်ႈ​မႂ်ႇ​သဵင်​မႂ်ႇ ၸေႇတၵီႉ ​ဢေႃႈ။</verse>
				<verse number="18">ၸေႇတၵီႉ ​ၼၼ်ႉ၊ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ သၢဝ်း​ပၢႆ​ဢဵတ်း​ပီႊ​လႄႈ၊ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သိပ်း​ပၢႆ​ဢဵတ်း​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ႁႃႇမူႉတလႃႉ လုၵ်ႈ​ယိင်း​ ယေႇရမီႉ ၵူၼ်း​ဝဵင်း​ လီႉပၼႃႉ ​ဢေႃႈ။-</verse>
				<verse number="19">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ် ယေႃးယၵိမ်း ​ႁဵတ်း​ၵႃႈ​မီး​ၼၼ်ႉ​ဢေႃႈ။-</verse>
				<verse number="20">ၵွပ်ႈ​ပိူဝ်ႈ​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​လႄႈ ဢမူႉ​ၼၼ်ႉ​ပဵၼ်​ၵႃႈ​ၼႂ်း​ဝဵင်း​ ယေႇရူႉသလႅမ်ႇ တင်း​မိူင်း​ ယူႉတႃႉ ယူႇ​တေႃႇ​ထိုင်​ႁွတ်ႈ မၼ်း​ၸဝ်ႈ​ထၼ်ႈ​ပေႃး ႁေႃႈ​ၶဝ်​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ​လႄႈ ၸေႇတၵီႉ ​ၼၼ်ႉ ပုင်ႇ​ၵၢၼ်ႇ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ဢေႃႈ။</verse>
			</chapter>
			<chapter number="25">
				<verse number="1">ၼႂ်း​ပီႊ​ဢၼ်​မၼ်း​ၸၢမ်ႇ​ႁၢင်ႈ​ၸၢမ်ႇ​ႁေႃ​ၵဝ်ႈ​ပီႊ၊ လိူၼ်​တႃႉသမႃႉ​သိပ်း​ဝၼ်း​ၼၼ်ႉ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ပႃး​ဢဝ်​တင်း​ပူဝ်ႇ​ပႃႇ​မၼ်း​တင်း​သဵင်ႈ​တင်း​လူင်​သေ​လႄႈ ၶီႇ​သိုၵ်း​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ၶျႃး​တပ်ႉ​ယူႇ​ၽၢႆႇ​ၼိုင်ႈ​တင်း​ဝဵင်း​သေ​လႄႈ တႄႇ​ႁဵတ်း​လၢင်း​ၸီး​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​ဝဵင်း​သေ​ယဝ်ႉ၊-</verse>
				<verse number="2">လွမ်ႉ​ဝဵင်း​ဝႆႉ တေႃႇ​ထိုင်​ႁွတ်ႈ​ ၸေႇတၵီႉ ၸၢမ်ႇ​ႁၢင်ႈ​ၸၢမ်ႇ​ႁေႃ​လႆႈ​သိပ်း​ပၢႆ​ဢဵတ်း​ပီႊ​ၼၼ်ႉ​ဢေႃႈ။-</verse>
				<verse number="3">ၼႂ်း​လိူၼ်​ၸတုၵ်ႉထႃႉ​ၵဝ်ႈ​ဝၼ်း၊ ၵႃႈ​ၼႂ်း​ဝဵင်း​တၢင်း​ၵိၼ်​တၢင်း​ၶူပ်း​ၵႃႈ​ပႅင်း​ၼႃႇ​လူင်​လၢင်​ထၼ်ႈ​ပေႃး​ဢမ်ႇ​မီး​တၢင်း​ၵိၼ်​တၢင်း​ၶူပ်း ပုၼ်ႈ​ၵူၼ်း​ၶူး​ၵူၼ်း​ဝဵင်း​တင်း​လၢႆ​ဢေႃႈ။-</verse>
				<verse number="4">မိူဝ်ႈ​ၼၼ်ႉ​ၶဝ်​ၼၼ်ႉ​ၵေႃႈ​ၸီး​မူင်ႇ​လမ်း​ဝဵင်း​ယူႇ​လႄႈ ႁူဝ်​ႁၢၼ်​ၵူၼ်း​သိုၵ်း​ၵူၼ်း​ဝဵင်း​တင်း​သဵင်ႈ​တင်း​လူင် ဢွၼ်​ၵၼ်​ဢွၵ်ႇ​ပၢႆႈ​ၶိင်ႇ​ၵၢင်​ၶိုၼ်း ၸွမ်း​သဵၼ်ႈ​တၢင်း​ၽၵ်း​တူ​ၵႄႈ​လမ်း​ဝဵင်း​သွင်​ထၢပ်ႈ ၵႃႈ​တီႈ​ႁိမ်း​သူၼ်​ဢူးယဵၼ်ႇ​ၶုၼ်​ႁေႃ​ၶမ်း​လႄႈ၊ ၵူၼ်း​ ၶႃႇလတေး ​တင်း​လၢႆ ယူႇ​ၽၢႆႇ​ၼိုင်ႈ​တင်း​ဝဵင်း​သေ​လႄႈ လွမ်ႉ​ဝဵင်း​ဝႆႉ​ယူႇ​လႄႈ၊ ၶုၼ်​ႁေႃ​ၶမ်း​ၸွမ်း​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ပၢင်ႇ​ပဵင်း​ ဢႃႇရၽႃႉ ​ဢေႃႈ။-</verse>
				<verse number="5">တပ်ႉ​ၵူၼ်း​ ၶႃႇလတေး ​ၸိူဝ်း​ၼၼ်ႉ လိုပ်ႈ​ၸွမ်း​ၶုၼ်​ႁေႃ​ၶမ်း​လႄႈ ၶိုတ်း​မၼ်း​ၵႃႈ​ၼႂ်း​ပၢင်ႇ​ပဵင်း​ ယေႇရီႉၶူဝ်း ​သေ​ယဝ်ႉ၊ ႁူဝ်​ႁၢၼ်​ၵူၼ်း​သိုၵ်း​မၼ်း​တင်း​သဵင်ႈ​တင်း​လူင်​လႆႈ​ၶၢမ်ႇ​တၢင်း​ဢၼ်​ၽူင်ႉ​ပၢႆႈ​ၽၢတ်ႇ​ၽႄ​ၵၼ်​တင်း​မၼ်း​ဢေႃႈ။-</verse>
				<verse number="6">ၶဝ်​ဢွၼ်​ၵၼ်​တီႉ​ၵမ်​ဢဝ်​ၶုၼ်​ႁေႃ​ၶမ်း​လႄႈ ဢဝ်​ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၵႃႈ​တီႈ​ဝဵင်း​ ရီႉပလႃႉ ​သေ​လႄႈ ဢွၼ်​ၵၼ်​ၸႅတ်ႈ​ထၢမ်​ၸီႇ​ယၢင်ႇ​ဢမူႉ​မၼ်း​ဢေႃႈ။-</verse>
				<verse number="7">ၶဝ်​ဢဝ်​လုၵ်ႈ​ၸၢႆး​ ၸေႇတၵီႉ ​တင်း​လၢႆ​တၢႆ​သိုဝ်ႈ​ၼႃႈ​တႂ်ႈ​တႃ​မၼ်း​လႄႈ ၶွၵ်း​မၢၵ်ႇ​တႃ​ ၸေႇတၵီႉ ​ပႅတ်ႈ​သေ​ယဝ်ႉ၊ ဢဝ်​ၸိူၵ်ႈ​တွင်း​လိူင် မတ်ႉ​ၽုၵ်ႇ​မၼ်း​သေ​လႄႈ ဢဝ်​မၼ်း​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ဢေႃႈ။</verse>
				<verse number="8">ၼႂ်း​ပီႊ​ဢၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ပၢႆ​ၵဝ်ႈ​ပီႊ၊ လိူၼ်​ပိၼ်ႇၸမႃႉ​ၸဵတ်း​ဝၼ်း​ၼၼ်ႉ ၼေႇပူႉၸႃႇရႃႇတၢၼ်ႇ ၵူဝ်ႇ​ရမ်ႇ​တေႃႇ​မူး​ၵေႃႉ​ဢၼ်​ႁၢပ်ႇ​ဢမူႉ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ၊-</verse>
				<verse number="9">ဢဝ်​ၽႆး​တုတ်ႇ​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ႁေႃ​ၸဝ်ႈ​ပႅတ်ႈ​လႄႈ၊ ႁိူၼ်း​ဝဵင်း​ ယေႇရူႉသလႅမ်ႇ ​ၵႃႈ​မီး ဢၼ်​ဝႃႈ ႁိူၼ်း​ယႂ်ႇ​ႁိူၼ်း​လူင်​တင်း​သဵင်ႈ​တင်း​လူင်​ၵေႃႈ​ဢဝ်​ၽႆး​တုတ်ႇ​ပႅတ်ႈ​ဢေႃႈ။-</verse>
				<verse number="10">တပ်ႉ​ၵူၼ်း​သိုၵ်း​ ၶႃႇလတေး ​ၵႃႈ​ဢၼ်​ပႃး​တီႈ​ၵူဝ်ႇ​ရမ်ႇ​တေႃႇ​မူး​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​ၵိူၼ်ႇ​ယႃႉ​လမ်း​ဝဵင်း​ ယေႇရူႉသလႅမ်ႇ ​ၵႃႈ​မီး​ပႅတ်ႈ​ဢေႃႈ။-</verse>
				<verse number="11">မိူဝ်ႈ​ၼၼ်ႉ​ၵူဝ်ႇ​ရမ်ႇ​တေႃႇ​မူး​ ၼေႇပူႉၸႃႇရႃႇတၢၼ်ႇ ​ၼၼ်ႉ​သိမ်း​ဢဝ်​ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ​ၵႃႈ​ၼႂ်း​ဝဵင်း​လႂ်၊ ၶဝ်​ၸိူဝ်း​ဢၼ်​ၵႂႃႇ​ၶဝ်ႈ​လႄႈ​ယူႇ​ၽၢႆႇ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႂ်၊ တင်း​မုၵ်ႉ​ၵူၼ်း​ၸိူဝ်း​ၵူၼ်း​ၵႃႈ​ဢၼ် ယင်း​ၵိုတ်း​ယင်း​ၵျၢၼ်ႇ​လႂ်​ၸိူဝ်း​ၼၼ်ႉ​ၵႂႃႇ​ဢေႃႈ။-</verse>
				<verse number="12">ၼႂ်း​ဝႃႈ​ၼၼ်​သေ​ၵေႃႈ​ၵူဝ်ႇ​ရမ်ႇ​တေႃႇ​မူး​ၼၼ်ႉ ဝႆႉ​ၵိုတ်း​ၵူၼ်း​ယၢၵ်ႈ​ၵူၼ်း​ၽၢၼ်​ၵမ်ႈ​ၽွင်ႈ ႁႂ်ႈ​ပဵၼ်​ၵေႃႉ​ဢၼ် လုမ်း​လႃး​သူၼ်​ဢူးယဵၼ်ႇ​ၸပိတ်ႈ၊ ၵေႃႉ​ဢၼ်​ႁဵတ်း​ႁႆႊ​ႁဵတ်း​ၼႃး​ဢေႃႈ။-</verse>
				<verse number="13">ၶုၼ်​ ၶႃႇလတေး ​ၸိူဝ်း​ၼၼ်ႉ ဢွၼ်​ၵၼ်​ဢဝ်​သဝ်​တွင်း​လိူင်​ဢၼ်​မီး​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​လႂ်၊ ၶူင်ႇ​လႂ် တင်း​ၼမ်ႉ​ၼွင်​တွင်း​လိူင်​လႂ်​ဢၼ်​မီး​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ​ၸိူဝ်း​ၼၼ်ႉ ႁၵ်း​ႁဵၵ်း​ပႅတ်ႈ​လႄႈ ဢဝ်​တွင်း​လိူင်​ၼၼ်ႉ​ၵႂႃႇ​ၵႃႈ​တီႈ ဝဵင်း​ ပႃႇပူႉလုၼ်ႇ ​ဢေႃႈ။-</verse>
				<verse number="14">ၸႃႉ​ၸဵမ်​မေႃႈ​လႂ်၊ ၸေႃႉ​ၽႅပ်ႉ​လႂ်၊ ၵိမ်း​ၵိပ်ႈ​ၽႆး​လႂ်၊ ၸေႃႉ​လႂ်​လႄႈ၊ ၶိူင်ႈ​တွင်း​လိူင်​ပုၼ်ႈ​ဢၼ်​တၵ်း​ပွင်​ဢမူႉ​ၸဝ်ႈ​ၵႃႈ​မီး​ၼၼ်ႉ​ၵေႃႈ ၶဝ်​ဢွၼ်​ၵၼ်​ဢဝ်​ၵႂႃႇ​ဢေႃႈ။-</verse>
				<verse number="15">လၢင်ႇ​ပၢၼ်း​လႂ် တင်း​ဝၢၼ်ႇ​လႂ် ဢၼ်​ဝႃႈ​ၶိူင်ႈ​ၶမ်း၊ ၶိူင်ႈ​ငိုၼ်း​ၸိူဝ်း​ၼၼ်ႉ​ၸိုင်၊ ပဵၼ်​ၶမ်း​သေ​ဢမ်ႇ​ဝႃႈ၊ ပဵၼ်​ငိုၼ်း​သေ​ဢမ်ႇ​ဝႃႈ၊ ၵူဝ်ႇ​ရမ်ႇ​တေႃႇ​မူး​ၼၼ်ႉ​ဢဝ်​ၵႂႃႇ​ဢေႃႈ။-</verse>
				<verse number="16">တွင်း​လိူင်​ဢၼ်​ပႃး​ၵႃႈ​တီႈ​သဝ်​သွင်​လႅမ်ႈ ၼမ်ႉ​ၼွင်​ဢၼ်​ၼိုင်ႈ၊ ၶူင်ႇ​တင်း​လၢႆ၊ ဢၼ်​ သေႃးလမုၼ်ႇ ​ႁဵတ်း​ပုၼ်ႈ​ႁိူၼ်း​ထႃႇဝရႃႉ​ၽြႃး​ၼၼ်ႉ​ၸိူဝ်း​ၼၼ်ႉ​ၵေႃႈ​ဢဝ်​ၵႂႃႇ​ဢေႃႈ။ ၶၼ်​ၸင်ႈ​ၶိူင်ႈ​တွင်း​လိူင်​ၵႃႈ​မီး​ၸိူဝ်း​ၼၼ်ႉ ဢမ်ႇ​ႁူႉ​ၼမ်​လႂ်​လႄႈ ၼမ်​ၼႃႇ​ဢေႃႈ။-</verse>
				<verse number="17">တၢင်း​ဢၼ်​သုင်​သဝ်​ၼၼ်ႉ​ၸမ်ႉ၊ မီး​သိပ်း​ပႅတ်ႇ​သွၵ်ႇ​လႄႈ၊ ၵႃႈ​ၼိူဝ်​မၼ်း မီး​ႁူဝ်​သဝ်​တွင်း​လိူင်​သေ​ဢေႃႈ၊ တၢင်း​ဢၼ်​သုင်​ႁူဝ်​သဝ်​ၼၼ်ႉ​ၸမ်ႉ၊ မီး​သၢမ်​သွၵ်ႇ​လႄႈ၊ ၵႃႈ​တီႈ​လဵပ်ႈ​ႁွပ်ႈ​ႁူဝ်​သဝ်​ၼၼ်ႉ ပျေႉ​ၸုမ်ႇ​ဝႆႉ​တင်း​တႃ​ၶႄ​ဢိၵ်ႇ​တင်း​မၢၵ်ႇ​ၸင်ႈ​တင်း​လၢႆ ဢၼ်​ပဵၼ်​တွင်း​လိူင်​ၵူၺ်း​ၵူၺ်း​ၼၼ်ႉ​သေ​လႄႈ သဝ်​တၢင်ႇ​လႅမ်ႈ​ၼၼ်ႉ​ၵေႃႈ ပဵၼ်​မိူၼ်​ၸိူဝ်ႉ​ၼင်ႇ​ၼၼ်​လႄႈ​ပျေႉ​ၸုမ်ႇ​ဝႆႉ​တင်း​တႃ​ၶႄ​ဢေႃႈ။</verse>
				<verse number="18">ၵူဝ်ႇ​ရမ်ႇ​တေႃႇ​မူး​ၼၼ်ႉ တီႉ​ၵမ်​ဢဝ်​ယိတ်ႈပရေႃးႁဵၵ်ႈ​ ၸရႃႇယႃႉ ၊ ယိတ်ႈပရေႃးႁဵၵ်ႈ​တူႉတီႉယႃႉ​ ၸေႇၽၼီႉ ဢိၵ်ႇ​တင်း​ၵႄႇ​ၽၵ်း​တူ​ၸဝ်ႈ​သၢမ်​ၵေႃႉ​ၸိူဝ်း​ၼၼ်ႉ​ဢေႃႈ။-</verse>
				<verse number="19">မၼ်း​ၼၼ်ႉ ႁွင်ႉ​ဢဝ်​ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ႁူဝ်​ႁၢၼ်​ၵူၼ်း​သိုၵ်း​တင်း​လၢႆ​ၼၼ်ႉ​ၵေႃႉ​ၼိုင်ႈ၊ မူး​မၢတ်ႈ​ၽွင်း​မိူင်း​ဢၼ်​ယၢမ်ႈ​လႆႈ​ႁၼ်​ၼႃႈ​ၶုၼ်​ႁေႃ​ၶမ်း ဢၼ်​ၶဝ်​ထူပ်း​ႁၼ်​ၵႃႈ​ၼႂ်း​ဝဵင်း​ၼၼ်ႉ​ႁႃႈ​ၵေႃႉ၊ ၸရေး​လူင်​ဢၼ်​ဝႃႈ ပူဝ်ႇ​ၶျုၵ်ႈ​ဢၼ်​လႆႈ​မၢတ်ႈ​လႆႈ​မၢႆ​ၸရၢင်း​ၵူၼ်း​ဝၢၼ်ႈ​ၵူၼ်း​မိူင်း တင်း​လၢႆ​ၼၼ်ႉ​ၵေႃႉ​ၼိုင်ႈ ဢိၵ်ႇ​တင်း​ၵူၼ်း​ဝၢၼ်ႈ​ၵူၼ်း​မိူင်း ဢၼ်​ထူပ်း​မႅၼ်ႈ​ၵႃႈ​ၼႂ်း​ဝဵင်း​ႁူၵ်း​သိပ်း​ၵေႃႉ​ၸိူဝ်း​ၼၼ်ႉ​လႄႈ၊-</verse>
				<verse number="20">ၼေႇပူႉၸႃႇရႃႇတၢၼ်ႇ ၵူဝ်ႇ​ရမ်ႇ​တေႃႇ​မူး​ၼၼ်ႉ ဢဝ်​ၶဝ်​ၼၼ်ႉ​ၵႂႃႇ​သူင်ႇ တီႈ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၵႃႈ​တီႈ​ဝဵင်း​ ရီႉပလႃႉ ​သေ​လႄႈ၊-</verse>
				<verse number="21">ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ပၼ်​တၢမ်ႇ​တီႈ​ၶဝ်​ၼၼ်ႉ​လႄႈ ဢဝ်​ၶဝ်​ၼၼ်ႉ​တၢႆ​ၵႃႈ​တီႈ​ဝဵင်း​ ရီႉပလႃႉ မိူင်း​ ႁႃႇမတ်ႉ ​ၼၼ်ႉ​ဢေႃႈ။ ၼင်ႇ​ၼၼ်​လႄႈ မဵဝ်း​ ယူႉတႃႉ ​ၼၼ်ႉ​လႆႈ​ၶၢမ်ႇ​တၢင်း​ဢၼ်​သိမ်း​ဢဝ် ဢွၵ်ႇ​သေ​ၵႃႈ​ၼႂ်း​မိူင်း​ၶဝ်​ၵႂႃႇ​ဢေႃႈ။</verse>
				<verse number="22">မၼ်း​ၶၢၼ်း​ ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ဢၼ်​ပဵၼ်​လုၵ်ႈ​ၸၢႆး​ သႃႇၽၢၼ်ႇ ​ၼၼ်ႉ​ဝႆႉ ၵႃႈ​ၼႂ်း​ဢရႃႇ​ၶုၼ်​ဢၼ်​လႆႈ​ဢုပ်ႉ​ၵႃႈ​ၼိူဝ် ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ​ၵႃႈ​တီႈ​မိူင်း​ ယူႉတႃႉ ဢၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ဝႆႉ​ၵိုတ်း​ဝႆႉ​ၵျၢၼ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="23">မိူဝ်ႈ​ဢၼ်​တပ်ႉ​မူး​တင်း​သဵင်ႈ​တင်း​လူင် ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း​ၶဝ်​ၼၼ်ႉ ႁူႉ​ငိၼ်း​လွင်ႈ​ဢၼ်​ၶုၼ်​ႁေႃ​ၶမ်း​ ပႃႇပူႉလုၼ်ႇ ၶၢၼ်း​ ၵေႇတလီႉ ​ဝႆႉ​ၵႃႈ​ၼႂ်း​ဢရႃႇ​ၶုၼ်​ၼၼ်ႉ​ၸိုင်၊ ၶဝ်​ၼၼ်ႉ​ဢၼ်​ဝႃႈ ဢီႉသမေႇလႃႉ ​လုၵ်ႈ​ၸၢႆး​ ၼႃႇသၼီႉ၊ ယေႃးႁၼၼ်ႇ ​လုၵ်ႈ​ၸၢႆး​ ၵႃႇရႃႇ၊ ၸရႃႇယႃႉ ​လုၵ်ႈ​ၸၢႆး​ တႃႇၼူႉမိတ်ႉ မဵဝ်း​ ၼေႇတေႃႇၽတ်ႉ၊ ယေႇၸၼီႉ ​ၵူၼ်း​မဵဝ်း​ မႃႇၶႃႇသီႉ ဢိၵ်ႇ​လူၺ်ႈ​ၵၼ်​တင်း ၵူၼ်း​ၶဝ်​ၼၼ်ႉ​ဢွၼ်​ၵၼ်​မႃး တီႈ​ ၵေႇတလီႉ ၵႃႈ​တီႈ​ဝဵင်း​ မီႉၸပႃႇ ​လႄႈ၊-</verse>
				<verse number="24">ၵေႇတလီႉ ​ၼၼ်ႉ တိူင်ႇ​ဝႃႈ​ၵိၼ်ႇ​ဝႃႈ​တီႈ​ၶဝ် ဢိၵ်ႇ​တင်း​ၵူၼ်း​ၶဝ်​ၸိူဝ်း​ၼၼ်ႉ​လႄႈ​ဝႃႈ၊ သူ​ယႃႇ​ပေ​ဢွၼ်​ၵၼ်​မႆႈ​ၸႂ်​ၶီ​ၸႂ်​လူၺ်ႈ​လွင်ႈ ၶႃႈ​ၵူၼ်း​ၶုၼ်​ ၶႃႇလတေး ​ၸိူဝ်း​ၼၼ်ႉ။ ဢွၼ်​ၵၼ်​ယူႇ​ၵႃႈ​တီႈ​မိူင်း​ၼႆႉ​လႄႈ ၵိုတ်ႉ​ႁၢပ်ႇ​ဢမူႉ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ယူႇ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၵ်း​ပဵၼ်​တၢင်း​ဢၼ်​ၵတ်း​ယဵၼ်​ၶျၢမ်း​သႃႇ​တီႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ၵူၺ်း​ၵႃႈ ၼႂ်း​လိူၼ်​သတ်ႉတမႃႉ​ၼၼ်ႉ၊ ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ လုၵ်ႈ​ၸၢႆး​ ဢေးလီႉသမႃႇ ဢၼ်​ပဵၼ်​ၸိူဝ်ႉ​ၶိူဝ်း​ၶုၼ်​ၼၼ်ႉ​ပႃး​ဢဝ်​တင်း​ၵူၼ်း​သိပ်း​ၼိုင်ႈ​မႃး​လႄႈ ႁဵတ်း​တီႈ​ ၵေႇတလီႉ ဢိၵ်ႇ​တင်း​ၵူၼ်း​ ယူႉတႃႉ တင်း​ၵူၼ်း​ ၶႃႇလတေး ဢၼ်​မီး​ၵႃႈ​တီႈ ၵေႇတလီႉ ၵႃႈ​ၼႂ်း​ဝဵင်း​ မီႉၸပႃႇ ​ၼၼ်ႉ​ၸိူဝ်း​ၼၼ်ႉ​ထၼ်ႈ​ပေႃး​တၢႆ​ဢေႃႈ။-</verse>
				<verse number="26">မိူဝ်ႈ​ၼၼ်ႉ ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင်​လဵၵ်ႉ​လဵၵ်ႉ​ယႂ်ႇ​ယႂ်ႇ ဢိၵ်ႇ​တင်း​တပ်ႉ​မူး​တင်း​လၢႆ ဢွၼ်​ၵၼ်​လုၵ်ႉ​လႄႈ ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ၵွပ်ႈ​ပိူဝ်ႈ​ဢၼ် ၶဝ်​ၵူဝ်​ႁႄ​ၵူၼ်း​ ၶႃႇလတေး ​ဢေႃႈ။</verse>
				<verse number="27">ၼႂ်း​ပီႊ​ဢၼ် ယေႇၶေႃးၼီႉ ၶုၼ်​ႁေႃ​ၶမ်း​ ယူႉတႃႉ ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ သၢမ်​သိပ်း​ပၢႆ​ၸဵတ်း​ပီႊ လိူၼ်​တႂႃႇ​တႃႉသမႃႉ သၢဝ်း​ပၢႆ​ၸဵတ်း​ဝၼ်း​ၼၼ်ႉ ဢေဝီႉလႃႉမရေႃးတၵ်ႉ ၶုၼ်​ႁေႃ​ၶမ်း​ ပႃႇပူႉလုၼ်ႇ ၼုၵ်ႈ​ဢဝ်​ ယေႇၶေႃးၼီႉ ၶုၼ်​ႁေႃ​ၶမ်း​ ယူႉတႃႉ ဢွၵ်ႇ​သေ​ၵႃႈ​ၼႂ်း​ထွင်ႇ ပၼ်​ၵတ်း​ယဵၼ်​ၶျၢမ်း​သႃႇ ၼႂ်း​ပီႊ​ဢၼ်​မၼ်း​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​လႄႈ၊-</verse>
				<verse number="28">တၵ်ႉ​လၢတ်ႈ​ၵၼ်​တင်း​မၼ်း​လီ​လီ​ငၢမ်း​ငၢမ်း​သေ​လႄႈ ယုၵ်ႉ​ယွင်ႈ​ပလၢင်ႇ​မၼ်း​ဝႆႉ​သုင်​သေ​ပလၢင်ႇ​ၶုၼ်​လူင်​တင်း​လၢႆ ဢၼ်​မီး​လူၺ်ႈ​ၵၼ်​တင်း​မၼ်း ၵႃႈ​ၼႂ်း​ဝဵင်း​ ပႃႇပူႉလုၼ်ႇ ​ၼၼ်ႉ​ဢေႃႈ။-</verse>
				<verse number="29">မၼ်း​လႆႈ​ပုတ်ႈ လႆႈ​လၢႆႈ​ၶူဝ်း​ၼုင်ႈ​ဢၼ်​မၼ်း​ၼုင်ႈ​ၵႃႈ​ၼႂ်း​ထွင်ႇ​ၼၼ်ႉ​သေ​လႄႈ လႆႈ​ၵိၼ်​လႆႈ​ၶူပ်း​ၵႃႈ​တီႈ​ၽၢႆႇ​ၼႃႈ​ၶုၼ်​ၼၼ်ႉ ၸူဝ်ႈ​ဢၼ်​ဢသၢၵ်ႈ​မၼ်း​ယင်း​ယၢဝ်း​ယိုၼ်း​ယူႇ​ၼၼ်ႉ​တဵမ်​တဵမ်​ဢေႃႈ။-</verse>
				<verse number="30">ပုၼ်ႈ​တႃႇ​ဢၼ်​မၼ်း​တၵ်း​ၵိၼ်​တၵ်း​ၶူပ်း​ၼၼ်ႉ​ၸမ်ႉ၊ ၶုၼ်​ႁေႃ​ၶမ်း​ဢဵတ်း​လူ​ပၼ် ပုၼ်ႈ​တႃႇ​ဢၼ်​သေႇ​သေႇ​ၼၼ်ႉ​တီႈ​မၼ်း ဢၼ်​ဝႃႈ ပုၼ်ႈ​တႃႇ​ယေႈ​ဝၼ်း​ယေႈ​ဝၼ်း​ၼၼ်ႉ ၸူဝ်ႈ​ဢၼ်​ဢသၢၵ်ႈ​မၼ်း​ယၢဝ်း​ယိုၼ်း​ယူႇ​ၼၼ်ႉ​တဵမ်​တဵမ်​ဢေႃႈ။ ထမ်ႇမႃႉ​ရႃႇၸဝၢင်ႇ​ၽိုၼ်​ၸတုၵ်ႉထႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="13">
			<chapter number="1">
				<verse number="1">ဢႃႇတၢမ်ႇ၊ သေႇထႃႉ၊ ဢေးၼုတ်ႉ၊ ၵႃႇဢီႉၼၼ်ႇ၊ မႁႃႇလေႇလေႇလႃႉ၊ ယႃႇရိတ်ႉ၊-</verse>
				<verse number="2"></verse>
				<verse number="3">ဢေးၼွၵ်ႉ၊ မထူႉသလႃႉ၊ လႃႇမႅၵ်ႈ ၊-</verse>
				<verse number="4">ၼူဝ်းဢႃႇ၊ သေႇမႃႉ၊ ႁႃႇမႃႉ၊ ယႃႇၽႅတ်ႈ ​ဢေႃႈ။</verse>
				<verse number="5">လုၵ်ႈ​ၸၢႆး​ ယႃႇၽႅတ်ႈ ​ၸမ်ႉ၊ ပဵၼ်​ ၵေႃးမႃႇ၊ မႃႇၵေႃးၵႃႉ၊ မႃႇတေႇ၊ ယႃႇဝၼ်ႇ၊ တူႉပလႃႉ၊ မႄႇသႅၵ်ႉ ၊ တင်း​ တီႉရတ်ႉ ​ဢေႃႈ။-</verse>
				<verse number="6">လုၵ်ႈ​ၸၢႆး​ ၵေႃးမႃႇ ​ၸမ်ႉ၊ ပဵၼ်​ ဢသၵႄႇၼတ်ႉ၊ တီႉၽတ်ႉ ၊ တင်း​ တေႃႇၵမႃႉ ​ဢေႃႈ။-</verse>
				<verse number="7">လုၵ်ႈ​ၸၢႆး​ ယႃႇဝၼ်ႇ ​ၸမ်ႉ၊ ပဵၼ်​ ဢေးလီႉသႃႇ၊ တႃႇသူႉ၊ ၵိတ်ႉတဵမ် ၊ တင်း​ ရေႃးတၼိမ်ႇ ​ဢေႃႈ။</verse>
				<verse number="8">လုၵ်ႈ​ၸၢႆး​ ႁႃႇမႃႉ ​ၸမ်ႉ၊ ပဵၼ်​ ၵူႉသႃႉ၊ မီႉၸရိမ်ႇ၊ ၽူႉတႃႉ တင်း​ ၶႃႇၼၢၼ်ႇ ​ဢေႃႈ။-</verse>
				<verse number="9">လုၵ်ႈ​ၸၢႆး​ ၵူႉသႃႉ ​ၸမ်ႉ၊ ပဵၼ်​ သေးၽႃႉ၊ ႁႃႇဝီႉလႃႉ၊ သႃႇပတႃႉ၊ ရႃႇမႃႉ ၊ တင်း​ သပ်ႉတေႇၶႃႉ ​ဢေႃႈ။ လုၵ်ႈ​ၸၢႆး​ ရႃႇမႃႉ ​ၸမ်ႉ၊ ပဵၼ်​ သေးၽႃႉ တင်း​ တေႇတၼ်ႇ ​ဢေႃႈ။-</verse>
				<verse number="10">ၵူႉသႃႉ ​ၼၼ်ႉ​သမ်ႉ​မီး​လုၵ်ႈ​ၸၢႆး ၼိမ်ႇရေႃးတႃႉ ​ထႅင်ႈ​ဢေႃႈ၊​မၼ်း​ၼၼ်ႉ​ပဵၼ်​ၵေႃႉ​ဢၼ်​ႁႅင်း​ယႂ်ႇ​ၼႃႇ ဢွၼ်​တၢင်း​ပိူၼ်ႈ​ၵႃႈ​ၼိူဝ်​လိၼ်​မိူင်း​ဢေႃႈ။-</verse>
				<verse number="11">လုၵ်ႈ​ၸၢႆး​ မီႉၸရိမ်ႇ ​ၸမ်ႉ၊ ပဵၼ်​ၵူၼ်း​ လူႉတိမ်ႇ ၊ ၵူၼ်း​ ဢႃႇၼမိမ်ႇ ၊ ၵူၼ်း​ လႁႃႇပိမ် ၊ ၵူၼ်း​ ၼပ်ႉတူႉႁိမ်ႇ ၊-</verse>
				<verse number="12">ၵူၼ်း​ ပႃႇသရူႉသိမ်ႇ ၊ ၵူၼ်း​ ၵႃႇသလူႉႁိမ်ႇ ၊ ၵူၼ်း​ ၵပ်ႉတေႃးရိမ်ႇ ​ဢေႃႈ၊​ၵူၼ်း​ ၽီႉလိတ်ႉတီႉ ​ပဵၼ်​မႃး​ၵႃႈ​ၼႂ်း ၵူၼ်း​ ၵႃႇသလူႉႁိမ်ႇ ​ၼၼ်ႉ​ဢေႃႈ။-</verse>
				<verse number="13">လုၵ်ႈ​ၸၢႆး​ ၶႃႇၼၢၼ်ႇ ​ၵေႃႉ​ယႂ်ႇ​ၸမ်ႉ၊ ပဵၼ်​ ၸီႉတုၼ်ႇ ၊ လိုၼ်း​ၼၼ်ႉ​ ႁေႇသႃႉ ၊-</verse>
				<verse number="14">လိုၼ်း​ၼၼ်ႉ ၵူၼ်း​ ယေႇပူႉသီႉ ၊ ၵူၼ်း​ ဢႃႇမေႃးရီႉ ၊ ၵူၼ်း​ ၵီႉရၵႃႇသီႉ ၊-</verse>
				<verse number="15">ၵူၼ်း​ ႁီႉဝီႉ ၊ ၵူၼ်း​ ဢႃႇၵီႉ ၊ ၵူၼ်း​ သီႉၼီႉ ၊-</verse>
				<verse number="16">ၵူၼ်း​ ဢႃႇဝတီႉ ၊ ၵူၼ်း​ ၸေႇမရီႉ ၊ ၵူၼ်း​ ႁႃႇမသီႉ ​ဢေႃႈ။</verse>
				<verse number="17">လုၵ်ႈ​ၸၢႆး​ သေႇမႃႉ ​ၸမ်ႉ၊ ပဵၼ်​ ဢေႇလမ်ႇ၊ ဢႃႇသူႉရႃႉ၊ ဢႃႇၽၵ်ႉၸတ်ႉ၊ လူႉတႃႉ၊ ဢႃႇရမ်ႇ၊ ဢူႉၸႃႉ၊ ႁူႉလႃႉ၊ ၵေႇသႃႇ ၊ တင်း​ မႄႇသႅၵ်ႉ ​ဢေႃႈ။-</verse>
				<verse number="18">ဢႃႇၽၵ်ႉၸတ်ႉ ​ၸမ်ႉ၊ မီး​လုၵ်ႈ​ၸၢႆး​ သေးလႃႉ ​ဢေႃႈ။ သေးလႃႉ ​ၸမ်ႉ၊ မီး​လုၵ်ႈ​ၸၢႆး​ ႁေႇပႃႇ ​ဢေႃႈ။-</verse>
				<verse number="19">ႁေႇပႃႇ ​ၵေႃႈ​မီး​လုၵ်ႈ​ၸၢႆး​သွင်​ၵေႃႉ​ဢေႃႈ။ လုၵ်ႈ​ၸၢႆး​ၵေႃႉ​ၼိုင်ႈ​ၸမ်ႉ၊ လႆႈ​ၸိုဝ်ႈ​ ၽႃႇလႅၵ်ႉ ​ဢေႃႈ။ လွင်ႈ​မၼ်း​ၸမ်ႉ ၶဝ်​ၽႄ​လိၼ်​မိူင်း​မႅင်ႇ​ၵၼ်​ၼႂ်း​ၸူဝ်ႈ​ပၢၼ်​မၼ်း​ၼၼ်ႉ​ဢေႃႈ။ ၼွင်ႉ​ၸၢႆး​မၼ်း​ၸမ်ႉ၊ လႆႈ​ၸိုဝ်ႈ​ ယွၵ်ႉတၼ်ႇ ​ဢေႃႈ။-</verse>
				<verse number="20">ယွၵ်ႉတၼ်ႇ ​ၼၼ်ႉ​မီး​လုၵ်ႈ​ၸၢႆး ဢႃႇလမေႃႇတတ်ႉ၊ သေႇလပ်ႉ၊ ႁႃႇၸႃႇမႃႇဝိတ်ႉ၊ ယေႇရႃႇ ၊-</verse>
				<verse number="21">ႁႃႇတေႃးရမ်၊ ဢူႉၸလႃႉ၊ တိၵ်ႉလႃႇ ၊-</verse>
				<verse number="22">ဢေးပႃႇလႃႉ၊ ဢပီႉမေႇလႃႉ၊ သေးၽႃႉ ၊-</verse>
				<verse number="23">ဢေႃႇၽီႉရႃႉ၊ ႁႃႇဝီႉလႃႉ၊ ယေႃးပပ်ႉ ​ဢေႃႈ။ ၶဝ်​ၸိူဝ်း​ၼႆႉ​တင်း​သဵင်ႈ​တင်း​လူင်​ပဵၼ်​လုၵ်ႈ​ၸၢႆး ယွၵ်ႉတၼ်ႇ ​ဢေႃႈ။-</verse>
				<verse number="24">သေႇမႃႉ၊ ဢႃႇၽၵ်ႉၸတ်ႉ၊ သေးလႃႉ၊ ႁေႇပႃႇ၊ ၽႃႇလႅၵ်ႉ၊ ရူး၊-</verse>
				<verse number="25">ၸေႇရွၵ်ႉ၊ ၼႃႇၶေႃႇ၊ တေႇရႃႉ၊- ဢႃႇပြမ်ႇ ဢၼ်​လႆႈ​ၸိုဝ်ႈ ဢႃႇပြႃႇႁၢမ်ႇ​ဢေႃႈ။</verse>
				<verse number="26"></verse>
				<verse number="27"></verse>
				<verse number="28">လုၵ်ႈ​ၸၢႆး​ ဢႃႇပြႃႇႁၢမ်ႇ ​ၸမ်ႉ၊ ပဵၼ်​ ဢီႉၸၢၵ်ႈ တင်း​ ဢီႉသမေႇလႃႉ ​ဢေႃႈ။-</verse>
				<verse number="29">ၸရၢင်း​ၸိူဝ်ႉ​ၶိူဝ်း​ၶဝ်​ၸမ်ႉ၊ လုၵ်ႈ​ၸၢႆး​လူင်​ ဢီႉသမေႇလႃႉ ၊ ပဵၼ်​ ၼပႃႇယုတ်ႉ ၊ ၼွင်ႉ​ၸၢႆး​မၼ်း​ ၵေႇတႃႇ၊ ဢႃႇတပေႇလႃႉ၊ မီႉပသမ်ႇ ၊-</verse>
				<verse number="30">မီႉသေႇမႃႉ၊ တူႉမႃႇ၊ မႃႇၸႃႉ၊ ႁႃႇတႃႇ၊ တေႇမႃႉ ၊-</verse>
				<verse number="31">ယေႇတူႉရႃႉ၊ ၼႃႇၽီႉသႃႉ ၊ တင်း​ ၵေႇတမႃႇ ​ဢေႃႈ။ ၶဝ်​ၸိူဝ်း​ၼႆႉ​ပဵၼ်​လုၵ်ႈ​ၸၢႆး ဢီႉသမေႇလႃႉ ​ဢေႃႈ။-</verse>
				<verse number="32">လုၵ်ႈ​ၸၢႆး​ ၵေႇတူႉရႃႉ မေး​လိုၼ်း​ ဢႃႇပြႃႇႁၢမ်ႇ ​ၸမ်ႉ၊ ပဵၼ်​ ၸိမ်းရမ်၊ ယွၵ်ႉသၢၼ်ႇ၊ မေႇတၢၼ်ႇ၊ မီႉတျၼ်ႇ၊ ဢီႉသၽၵ်ႉ ၊ တင်း​ သူႉဢႃႇ ​ဢေႃႈ။ လုၵ်ႈ​ၸၢႆး​ ယွၵ်ႉသၢၼ်ႇ ​ၸမ်ႉ၊ ပဵၼ်​ သေးၽႃႉ တင်း​ တေႇတၼ်ႇ ​ဢေႃႈ။-</verse>
				<verse number="33">လုၵ်ႈ​ၸၢႆး​ မီႉတျၼ်ႇ ​ၸမ်ႉ၊ ပဵၼ်​ ဢေးၽႃႉ၊ ဢေးၽေႇရႃႉ၊ ႁႃႇၼုတ်ႉ၊ ဢပီႉတႃႉ တင်း​ ဢေးလတႃႇ ​ဢေႃႈ။ ၶဝ်​တင်း​သဵင်ႈ​တင်း​လူင်​ၸိူဝ်း​ၼႆႉ ပဵၼ်​လုၵ်ႈ​ပဵၼ်​လၢၼ် ၵေႇတူႉရႃႉ ​ဢေႃႈ။</verse>
				<verse number="34">ဢႃႇပြႃႇႁၢမ်ႇ ​ၼၼ်ႉ​မီး​လုၵ်ႈ​ၸၢႆး​ ဢီႉၸၢၵ်ႈ ​ဢေႃႈ။ လုၵ်ႈ​ၸၢႆး​ ဢီႉၸၢၵ်ႈ ​ၸမ်ႉ၊ ပဵၼ်​ ဢေးသေႃး တင်း​ ဢီႉသရေႇလႃႉ ​ဢေႃႈ။-</verse>
				<verse number="35">လုၵ်ႈ​ၸၢႆး​ ဢေးသေႃး ​ၸမ်ႉ၊ ပဵၼ်​ ဢေးလီႉၽတ်ႉ၊ ရူႉဢေးလႃႉ၊ ယူႉသႃႉ၊ ယႃႇလၢမ်ႇ ၊ တင်း​ ၵေႃးရႃႉ ​ဢေႃႈ။-</verse>
				<verse number="36">လုၵ်ႈ​ၸၢႆး​ ဢေးလီႉၽတ်ႉ ​ၸမ်ႉ၊ ပဵၼ်​ တေႇမၢၼ်ႇ၊ ဢေႃးမရႃႉ၊ ၸေႇၽေႃႇ၊ ၵႃႇတမ်ႇ၊ ၵေးၼတ်ႉ၊ တိမ်ႇၼႃႉ တင်း​ ဢႃႇမလႅၵ်ႉ ​ဢေႃႈ။-</verse>
				<verse number="37">လုၵ်ႈ​ၸၢႆး​ ရူႉဢေးလႃႉ ​ၸမ်ႉ၊ ပဵၼ်​ ၼႃႇႁတ်ႉ၊ ၸေးရႃႉ၊ သၢမ်ႇ​မႃႇ ၊ တင်း​ မိတ်ႉၸႃႉ ​ဢေႃႈ။</verse>
				<verse number="38">လုၵ်ႈ​ၸၢႆး​ ၸီႉရႃႉ ​ၸမ်ႉ၊ ပဵၼ်​ လေႃႇတၼ်ႇ၊ သေႃးပလႃႉ၊ ၸီႉၽွင်ႇ၊ ဢႃႇၼႃႉ၊ တီႉသုၼ်ႇ၊ ဢေးၸႃႇ ​တင်း တီႉသၼ်ႇ ​ဢေႃႈ။-</verse>
				<verse number="39">လုၵ်ႈ​ၸၢႆး လေႃႇတၼ်ႇ ​ၸမ်ႉ၊ ပဵၼ်​ ႁေႃးရီႉ တင်း​ ႁေႇမၼ်ႇ ​ဢေႃႈ။ ၼွင်ႉ​ယိင်း​ လေႃႇတၼ်ႇ ​ၸမ်ႉ၊ ပဵၼ်​ တိမ်းၼႃႉ ​ဢေႃႈ။-</verse>
				<verse number="40">လုၵ်ႈ​ၸၢႆး​ သေႃးပလႃႉ ​ၸမ်ႉ၊ ပဵၼ်​ ဢႃႇလဝၢၼ်ႇ၊ မႃႇၼႃႁတ်ႉ၊ ဢေးပႃႇလႃႉ၊ သေးၽေႃႇ ​တင်း​ ဢေႃးၼမ်ႇ ​ဢေႃႈ။ လုၵ်ႈ​ၸၢႆး​ ၸီႉၽွင်ႇ ​ၸမ်ႉ၊ ပဵၼ်​ ဢႃႇယႃႉ ၊ တင်း​ ဢႃႇၼႃႉ ​ဢေႃႈ။-</verse>
				<verse number="41">လုၵ်ႈ​ၸၢႆး​ ဢႃႇၼႃႉ ​ၸမ်ႉ၊ ပဵၼ်​ တီႉသုၼ်ႇ ​ဢေႃႈ။ လုၵ်ႈ​ၸၢႆး​ တီႉသုၼ်ႇ ​ၸမ်ႉ ပဵၼ်​ ႁမ်ႇရၼ်ႇ၊ ဢေးသပၼ်ႇ၊ ဢီႉသရၼ်ႇ ​တင်း​ ၶႄးရၼ်ႇ ​ဢေႃႈ။-</verse>
				<verse number="42">လုၵ်ႈ​ၸၢႆး​ ဢေးၸႃႇ ​ၸမ်ႉ၊ ပဵၼ်​ ပီႉလႁၼ်ႇ၊ ၸႃႇဝၼ်ႇ တင်း​ ဢႃႇၵၼ်ႇ ​ဢေႃႈ။ လုၵ်ႈ​ၸၢႆး​ တီႉသုၼ်ႇ ​ၸမ်ႉ၊ ပဵၼ်​ ဢူႉၸႃႉ တင်း​ ဢႃႇရၼ်ႇ ​ဢေႃႈ။</verse>
				<verse number="43">ၶုၼ်​လူင်​ဢၼ်​ဢုပ်ႉ​ပိူင်ႇ​ၼႂ်း​မိူင်း​ ဢေႇတုမ်ႇ ၊ ၸူဝ်ႈ​ဢၼ်​ၶုၼ်​လူင်​ဢၼ်​ဢုပ်ႉ​ပိူင်ႇ​ၼႂ်း​မဵဝ်း​ ဢီႉသရေႇလႃႉ ဢမ်ႇ​ပႆႇ​မီး​ၼၼ်ႉ​ၸမ်ႉ၊ ပေႇလႃႉ ​လုၵ်ႈ​ၸၢႆး​ ပေႃးရႃႉ ​ၼၼ်ႉ ႁဵတ်း​ၶုၼ်​ၵႃႈ​တီႈ​ဝဵင်း​ တိၼ်ႇႁႃႇပႃႉ ​ဢေႃႈ။-</verse>
				<verse number="44">ၶုၼ်​ ပေႇလႃႉ ​တၢႆ​လႄႈ ယေႃးပပ်ႉ ​လုၵ်ႈ​ၸၢႆး​ ၸေးရႃႉ ၊ ၵူၼ်း​တီႈ​ ပေႃႇၸရႃႉ ​ၼၼ်ႉ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။-</verse>
				<verse number="45">ၶုၼ်​ ယေႃးပပ်ႉ ​တၢႆ​လႄႈ ႁူႉသမ်ႇ ​ၵူၼ်း​မိူင်း​ တေႇမၢၼ်ႇ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။-</verse>
				<verse number="46">ၶုၼ်​ ႁူႉသမ်ႇ ​တၢႆ​လႄႈ၊ ႁႃႇတတ်ႉ ​လုၵ်ႈ​ၸၢႆး​ ပေးတတ်ႉ ၊ ဢၼ်​တိုၵ်း​တေႃး​ယႃႉ​ပႅတ်ႈ​ၵူၼ်း​ မီႉတျၼ်ႇ ​တင်း​လၢႆ ၵႃႈ​ၼႂ်း​ပၢင်ႇ​ပဵင်း​ မေႃႇၽႃႉ ​ၼၼ်ႉ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ၊ဝဵင်း​မၼ်း​ၸမ်ႉ၊ ပဵၼ်​ဝဵင်း​ ဢႃႇဝိတ်ႉ ​ဢေႃႈ။-</verse>
				<verse number="47">ၶုၼ်​ ႁႃႇတတ်ႉ ​တၢႆ​လႄႈ ၸမ်းလႃႉ ​ၵူၼ်း​တီႈ​ မႃႇသရိၵ်ႉ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။-</verse>
				<verse number="48">ၶုၼ်​ ၸမ်းလႃႉ ​တၢႆ​လႄႈ သေႃးလႃႉ ​ၵူၼ်း​တီႈ​ ရႁေႃးၽုတ်ႉ ၊ ဢၼ်​မီး​ၵႃႈ​ႁိမ်း​ၼမ်ႉ​ႁွင်ႈ​ၼၼ်ႉ၊ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။-</verse>
				<verse number="49">ၶုၼ်​ သေႃးလႃႉ ​တၢႆ​လႄႈ ပႃႇလႁႃႇၼၼ်ႇ ဢၼ်​ပဵၼ်​လုၵ်ႈ​ၸၢႆး​ ဢႃႇၶပေႃႇ ​ၼၼ်ႉ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ။-</verse>
				<verse number="50">ၶုၼ်​ ပႃႇလႁႃႇၼၼ်ႇ ​တၢႆ​လႄႈ ႁႃႇတတ်ႉ ႁဵတ်း​ၶုၼ်​တီႈ​ဢရႃႇ​မၼ်း​ၼၼ်ႉ​ဢေႃႈ၊ ဝဵင်း​မၼ်း​ၸမ်ႉ၊ ပဵၼ်​ဝဵင်း​ ပေႃႇ ​ဢေႃႈ။ ၸိုဝ်ႈ​သဵင်​မေး​မၼ်း​ၸမ်ႉ၊ ပဵၼ်​ မႁေႇတႃႉပေႇလႃႉ လုၵ်ႈ​ယိင်း​ မႃႇတရိၵ်ႉ လုၵ်ႈ​ယိင်း​ မေႇၸႁပ်ႉ ​ဢေႃႈ။-</verse>
				<verse number="51">လိုၼ်း​သေ​ၶုၼ်​ ႁႃႇတတ်ႉ ​တၢႆ​ယဝ်ႉ​ၼၼ်ႉ၊ ၶဝ်​ၸိူဝ်း​ဢၼ်​ႁဵတ်း​ပူဝ်ႇ ၵႃႈ​တီႈ​မိူင်း​ ဢေႇတုမ်ႇ ​ၼၼ်ႉ​ၸမ်ႉ၊ ပဵၼ်​ပူဝ်ႇ​ တိမ်းၼႃႉ ၊ ပူဝ်ႇ​ ဢႃႇလဝႃႉ ၊ ပူဝ်ႇ​ ယေႇသိတ်ႉ ၊-</verse>
				<verse number="52">ပူဝ်ႇ​ ဢႃႁေႃးလီႉပႃႇမႃႉ ၊ ပူဝ်ႇ​ ဢေးလႃႇ ၊ ပူဝ်ႇ​ ပီႉၼုၼ်ႇ ၊-</verse>
				<verse number="53">ပူဝ်ႇ​ ၵေးၼတ်ႉ ၊ ပူဝ်ႇ​ တေႇမၢၼ်ႇ ၊ ပူဝ်ႇ​ မီႉပၸႃႇ ၊-</verse>
				<verse number="54">ပူဝ်ႇ​ မႃႇၵတျေႇလႃႉ ၊ တင်း​ပူဝ်ႇ​ ဢီႉရမ်ႇ ​ဢေႃႈ။ ၶဝ်​ၸိူဝ်း​ၼႆႉ ပဵၼ်​ပူဝ်ႇ​ ဢေႇတုမ်ႇ ​ဢေႃႈ။</verse>
			</chapter>
			<chapter number="2">
				<verse number="1">လုၵ်ႈ​ၸၢႆး​ ဢီႉသရေႇလႃႉ ​ၸမ်ႉ၊ ပဵၼ်​ ရူႉပိၼ်ႇ၊ သီႉမုၼ်ႇ၊ လေႇဝီႉ၊ ယူႉတႃႉ၊ ဢီႉသၶႃႇ၊ ၸေႇပူႉလုၼ်ႇ ၊-</verse>
				<verse number="2">တၢၼ်ႇ၊ ယူဝ်းသႅပ်ႈ၊ ပိၼ်ႇယႃႇမိၼ်ႇ၊ ၼပ်ႉထလီႉ၊ ၵၢတ်ႉ တင်း​ ဢႃႇသႃႇ ​ဢေႃႈ။-</verse>
				<verse number="3">လုၵ်ႈ​ၸၢႆး​ ယူႉတႃႉ ​ၸမ်ႉ၊ ပဵၼ်​ ဢေးရႃႉ၊ ဢေႃးၼၼ်ႇ တင်း​ သေးလႃႉ သၢမ်​ၵေႃႉ​ဢၼ်​မၼ်း​လႆႈ​တီႈ​လုၵ်ႈ​ယိင်း​ ပႃႇသသူႉဢႃႉ ဢၼ်​ပဵၼ်​မဵဝ်း​ ၶႃႇၼၼီႉ ​ၼၼ်ႉ​ဢေႃႈ။ ဢေးရႃႉ ​လုၵ်ႈ​ၸၢႆး​တူၼ်ႈ​ ယူႉတႃႉ ​ၼၼ်ႉ ပဵၼ်​ၵေႃႉ​ဢၼ်​ႁၢႆႉ​မိူၵ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ၊ မၼ်း​ၸဝ်ႈ​ဢဝ်​မၼ်း​တၢႆ​သေ​ဢေႃႈ။-</verse>
				<verse number="4">လုၵ်ႈ​ၸၢႆး​ဢၼ်​မၼ်း​လႆႈ​တီႈ​လုၵ်ႈ​ပႂ်ႉ​မၼ်း​ တႃႇမႃႇ ​ၼၼ်ႉ​ၸမ်ႉ၊ ပဵၼ်​ ၽေးရိတ်ႉ တင်း​ ၸႃႇရႃႉ ​ဢေႃႈ။ လုၵ်ႈ​ၸၢႆး​ ယူႉတႃႉ ​ၵႃႈ​မီး​ၸမ်ႉ၊ ပဵၼ်​ႁႃႈ​ၵေႃႉ​ဢေႃႈ။-</verse>
				<verse number="5">လုၵ်ႈ​ၸၢႆး​ ၽေးရိတ်ႉ ​ၸမ်ႉ၊ ပဵၼ်​ ႁေႇၸရုၼ်ႇ တင်း​ ႁႃႇမူႉလႃႉ ​ဢေႃႈ။-</verse>
				<verse number="6">လုၵ်ႈ​ၸၢႆး​ ၸႃႇရႃႉ ​ၸမ်ႉ၊ ပဵၼ်​ ၸီႉမရီႉ၊ ဢေႇသၼ်ႇ၊ ႁေႇမၼ်ႇ၊ ၶႃႇလႃႉၵေႃႇလႃႉ၊ တႃႇရႃႉ ​လႄႈ ပွင်း​ၵၼ်​ပဵၼ်​ႁႃႈ​ၵေႃႉ​ဢေႃႈ။-</verse>
				<verse number="7">လုၵ်ႈ​ၸၢႆး​ ၵႃႇမီႉ ​ၸမ်ႉ၊ ပဵၼ်​ ဢႃႇၶၼ်ႇ ဢၼ်​ဢဝ်​လွင်ႈ​တၢင်း​ဢၼ် ထုၵ်ႇ​ၵိၼ်ႇ​ထုၵ်ႇ​ဝႃႈ​ၼၼ်ႉ​လႄႈ ၽိတ်း​ပိူင်ႈ​သေ​ယဝ်ႉ၊ ပဵၼ်​ၵေႃႉ​ဢၼ်​ယႃႉ​ယူၵ်ႉ မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="8">လုၵ်ႈ​ၸၢႆး​ ဢေႇသၼ်ႇ ​ၸမ်ႉ၊ ပဵၼ်​ ဢႃႇၸရီႉ ​ဢေႃႈ။</verse>
				<verse number="9">လုၵ်ႈ​ၸၢႆး​ဢၼ် ႁေႇၸရုၼ်ႇ လႆႈ​ၼၼ်ႉ​ၸမ်ႉ၊ ပဵၼ်​ ယေႇရမေးလႃႉ၊ ရမ်ႇ တင်း​ ၵႃႇလူႉပီႉ ​ဢေႃႈ။-</verse>
				<verse number="10">ရမ်ႇ မီး​လုၵ်ႈ​ၸၢႆး​ ဢမီႉၼတပ်ႉ၊ ဢမီႉၼတပ်ႉ ​ၼၼ်ႉ​မီး​လုၵ်ႈ​ၸၢႆး ၼႃႇသုၼ်ႇ ဢၼ်​ႁဵတ်း​ပူဝ်ႇ​ၵႃႈ​ၼႂ်း​မဵဝ်း​ ယူႉတႃႉ ​ၼၼ်ႉ​ဢေႃႈ။-</verse>
				<verse number="11">ၼႃႇသုၼ်ႇ ​ၼၼ်ႉ​မီး​လုၵ်ႈ​ၸၢႆး ၸႃႇလမႃႇ၊ ၸႃႇလမႃႇ ​ၼၼ်ႉ​မီး​လုၵ်ႈ​ၸၢႆး ပေႃးၸႃႉ ၊-</verse>
				<verse number="12">ပေႃးၸႃႉ ​ၼၼ်ႉ မီး​လုၵ်ႈ​ၸၢႆး​ ဢူဝ်းပိတ်ႉ၊ ဢူဝ်းပိတ်ႉ ​ၼၼ်ႉ​မီး​လုၵ်ႈ​ၸၢႆး ယေႇသႄး ​ဢေႃႈ။-</verse>
				<verse number="13">ယေႇသႄး ​ၼၼ်ႉ မီး​လုၵ်ႈ​ၸၢႆး​တူၼ်ႈ​ ဢေးလျႃႇၽႃႉ ၊ လုၵ်ႈ​ၸၢႆး​တူႉတီႉယႃႉ​ ဢၽီႉၼတပ်ႉ ၊ လုၵ်ႈ​ၸၢႆး​တႃႉတီႉယႃႉ​ သီႉမႃႇ ၊-</verse>
				<verse number="14">လုၵ်ႈ​ၸၢႆး​ၸတုၵ်ႉထႃႉ ၼႃႇသၼေႇလႃႉ ၊ လုၵ်ႈ​ၸၢႆး​ပိၼ်ႇၸမႃႉ ရတ်ႉတေႇ ၊ လုၵ်ႈ​ၸၢႆး​သႃႉထမႃႉ​ ဢူဝ်းၸိမ်း ၊ လုၵ်ႈ​ၸၢႆး​သတ်ႉတမႃႉ တႃႇဝိတ်ႈ ​ဢေႃႈ။-</verse>
				<verse number="15">ၼွင်ႉ​ယိင်း​ၶဝ်​ၸမ်ႉ၊ ပဵၼ်​ ၸေႇရူႉယႃႇ တင်း​ ဢၽီႉၵေးလႃႉ ​ဢေႃႈ။-</verse>
				<verse number="16">လုၵ်ႈ​ၸၢႆး​ ၸေႇရူႉယႃႇ ​ၸမ်ႉ၊ ပဵၼ်​ ဢၽီႉသေး၊ ယႂႃႇၽႃႉ တင်း​ ဢႃႇသႃႇႁေးလႃႉ ဢၢၼ်ႇ​ပွင်း​ၵၼ်​ပဵၼ်​သၢမ်​ၵေႃႉ​ဢေႃႈ။-</verse>
				<verse number="17">လုၵ်ႈ​ၸၢႆး​ ဢၽီႉၵေးလႃႉ ​ၸမ်ႉ၊ ပဵၼ်​ ဢႃႇမသႃႉ ​ဢေႃႈ။ ပေႃႈ​ ဢႃႇမသႃႉ ​ၸမ်ႉ၊ ပဵၼ်​ ယေႇသႃႇ မဵဝ်း​ ဢီႉသမေႇလႃႉ ​ဢေႃႈ။</verse>
				<verse number="18">လုၵ်ႈ​ၸၢႆး ဢၼ်​ ၵႃႇလႅပ်ႉ ​လုၵ်ႈ​ၸၢႆး​ ႁေႇၸရုၼ်ႇ လႆႈ​တီႈ​မေး​မၼ်း​ ဢၸူႉၽႃႉ တင်း​ ယေႇရုတ်ႉ ​ၼၼ်ႉ​ၸမ်ႉ၊ ပဵၼ်​ ယေႇသႃႇ၊ သေႃးပပ်ႉ တင်း​ ဢႃႇတုၼ်ႇ ​ဢေႃႈ။-</verse>
				<verse number="19">ဢၸူႉၽႃႉ ​တၢႆ​သေ​လႄႈ ၵႃႇလႅပ်ႉ ​သိမ်း​ဢဝ်​ ဢေႇၽရတ်ႉ ​လႄႈ သမ်ႉ​လႆႈ​လုၵ်ႈ​ၸၢႆး​ ႁူႉရႃႉ ​တီႈ​မၼ်း​ၼၼ်ႉ​ထႅင်ႈ​ဢေႃႈ။-</verse>
				<verse number="20">ႁူႉရႃႉ ​ၼၼ်ႉ မီး​လုၵ်ႈ​ၸၢႆး​ ဢူႉရီႉ၊ ဢူႉရီႉ ​ၼၼ်ႉ​မီး​လုၵ်ႈ​ၸၢႆး​ ပေႇၸလေႇလႃႉ ​ဢေႃႈ။-</verse>
				<verse number="21">လိုၼ်း​ၼၼ်ႉ​ ႁေႇၸရုၼ်ႇ ​ၼၼ်ႉ ႁူမ်ႈ​ပွင်း​ၵၼ်​တင်း​လုၵ်ႈ​ယိင်း​ မႃႇၶီႉရႃႉ ​ပေႃႈ​ ၵီႉလတ်ႉ ဢၼ်​မၼ်း​သိမ်း​ဢဝ်​မိူဝ်ႈ​ဢၼ် ဢသၢၵ်ႈ​မၼ်း​လႆႈ ႁူၵ်း​သိပ်း​ပီႊ​ယဝ်ႉ​ၼၼ်ႉ​လႄႈ မၼ်း​ၼၼ်ႉ​ၵိူတ်ႇ​လဵင်ႉ ၸေးၵုပ်ႉ ​မႃး​တီႈ​မၼ်း​ဢေႃႈ။-</verse>
				<verse number="22">ၸေးၵုပ်ႉ ​ၼၼ်ႉ​မီး​လုၵ်ႈ​ၸၢႆး​ ယႃႇဢီႉရႃႉ ဢၼ်​လႆႈ​ဢုပ်ႉ​ပိူင်ႇ​ဝဵင်း​သၢဝ်း​ပၢႆ​သၢမ်​ဝဵင်း ၵႃႈ​ၼႂ်း​မိူင်း​ ၵီႉလတ်ႉ ​ၼၼ်ႉ​ဢေႃႈ။-</verse>
				<verse number="23">ၵေႇသူႉရႃႉ တင်း​ ဢႃႇရမ်ႇ ​တိုၵ်း​ဢဝ်​ဝဵင်း​ ယႃႇဢီႉရႃႉ ​ၸိူဝ်း​ၼၼ်ႉ​သေ​ၵႃႈ​တီႈ​ၶဝ် ဢိၵ်ႇ​တင်း​ဝဵင်း​ ၵေးၼတ်ႉ တင်း​ဝၢၼ်ႈ​မၼ်း​တင်း​လၢႆ ဢၼ်​ဝႃႈ​ဝဵင်း​ႁူၵ်း​သိပ်း​ဝဵင်း​ဢေႃႈ။ ၶဝ်​တင်း​သဵင်ႈ​တင်း​လူင်​ၸိူဝ်း​ၼႆႉ​ပဵၼ်​လုၵ်ႈ​လၢၼ်​ မႃႇၶီႉရႃႉ ပေႃႈ​ ၵီႉလတ်ႉ ​ၼၼ်ႉ​ဢေႃႈ။-</verse>
				<verse number="24">လိုၼ်း​သေ​ ႁေႇၸရုၼ်ႇ ​တၢႆ​ၵႃႈ​တီႈ​ဝဵင်း​ ၵႃႇလႅပ်ႉဢေႇၽရတ်ႉ ​ၼၼ်ႉ​ယဝ်ႉ​ၼၼ်ႉ၊ ဢၽီႉ ​မေး ႁေႇၸရုၼ်ႇ ​ၼၼ်ႉ​ၵိူတ်ႇ​လဵင်ႉ ဢႃႇသူႉရႃႉ ဢၼ်​ပဵၼ်​ပေႃႈ​ တေႇၵေႃႇ ​ၼၼ်ႉ မႃး​တီႈ​မၼ်း​ဢေႃႈ။</verse>
				<verse number="25">လုၵ်ႈ​ၸၢႆး​ ယေႇရမေးလႃႉ လုၵ်ႈ​ၸၢႆး​တူၼ်ႈ​ ႁေႇၸရုၼ်ႇ ​ၼၼ်ႉ​ၸမ်ႉ၊ ပဵၼ်​ ရမ်ႇ လုၵ်ႈ​ၸၢႆး​တူၼ်ႈ​မၼ်း ဢိၵ်ႇ​တင်း​ ပူႉၼႃႉ၊ ဢူဝ်းရိၼ်ႇ၊ ဢူဝ်းၸိမ်း တင်း​ ဢႁီႉယႃႉ ​ဢေႃႈ။-</verse>
				<verse number="26">ယေႇရမေးလႃႉ ​ၼၼ်ႉ မီး​မေး​တၢင်ႇ​ၵေႃႉ​ဢၼ်​လႆႈ​ၸိုဝ်ႈ​ ဢႃႇတရႃႉ ​ဢေႃႈ။ မႄႈ​ယိင်း​ၼၼ်ႉ​ပဵၼ်​မႄႈ​ ဢေႃးၼမ်ႇ ​ဢေႃႈ။-</verse>
				<verse number="27">လုၵ်ႈ​ၸၢႆး​ ရမ်ႇ ဢၼ်​ပဵၼ်​လုၵ်ႈ​ၸၢႆး​တူၼ်ႈ​ ယေႇရမေးလႃႉ ​ၼၼ်ႉ​ၸမ်ႉ၊ ပဵၼ်​ မႃႇၸႃႉ၊ ယႃႇမိၼ်ႇ တင်း​ ဢေးၵႃႇ ​ဢေႃႈ။-</verse>
				<verse number="28">လုၵ်ႈ​ၸၢႆး​ ဢေႃးၼမ်ႇ ​ၸမ်ႉ၊ ပဵၼ်​ သမ်ႇမေႇ တင်း​ ယႃႇတႃႉ ​ဢေႃႈ။ လုၵ်ႈ​ၸၢႆး​ သမ်ႇမေႇ ​ၸမ်ႉ၊ ပဵၼ်​ ၼႃႇတပ်ႉ တင်း​ ဢၽီႉသူႉရႃႉ ​ဢေႃႈ။-</verse>
				<verse number="29">ၸိုဝ်ႈ​သဵင်​မေး ဢၽီႉသူႉရႃႉ ​ၼၼ်ႉ​ပဵၼ် ဢၽီႉႁေးလႃႉ ​လႄႈ မၼ်း​ၼၼ်ႉ​ၵိူတ်ႇ​လဵင်ႉ ဢႃႇပၼ်ႇ တင်း​ မေႃႇလိတ်ႉ ​မႃး​တီႈ​မၼ်း​ဢေႃႈ။-</verse>
				<verse number="30">လုၵ်ႈ​ၸၢႆး​ ၼႃႇတပ်ႉ ​ၸမ်ႉ၊ ပဵၼ်​ သေးလိတ်ႉ တင်း​ ဢပ်ႉပိမ်း ​ဢေႃႈ။ သေးလိတ်ႉ ​ၼၼ်ႉ​ယင်း​ဢမ်ႇ​မီး​လုၵ်ႈ​ၸၢႆး​လႄႈ​တၢႆ​သေ​ဢေႃႈ။-</verse>
				<verse number="31">လုၵ်ႈ​ၸၢႆး​ ဢပ်ႉပိမ်း ​ၸမ်ႉ၊ ပဵၼ်​ ဢီႉသီႉ ​ဢေႃႈ။ လုၵ်ႈ​ၸၢႆး​ ဢီႉသီႉ ​ၸမ်ႉ၊ ပဵၼ်​ သေႇသၼ်ႇ ​ဢေႃႈ။ လုၵ်ႈ​ၸၢႆး​ သေႇသၼ်ႇ ​ၸမ်ႉ၊ ပဵၼ်​ ဢႃႇလေႇ ​ဢေႃႈ။-</verse>
				<verse number="32">လုၵ်ႈ​ၸၢႆး​ ယႃႇတႃႉ ၼွင်ႉ​ၸၢႆး​ သမ်ႇမေႇ ​ၸမ်ႉ၊ ပဵၼ်​ ယေႇသႃႇ တင်း​ ယေႃးၼသၼ်ႇ ​ဢေႃႈ။ ယေႇသႃႇ ​ၼၼ်ႉ​ယင်း​ဢမ်ႇ​မီး​လုၵ်ႈ​ၸၢႆး​လႄႈ​တၢႆ​သေ​ဢေႃႈ။-</verse>
				<verse number="33">လုၵ်ႈ​ၸၢႆး​ ယေႃးၼသၼ်ႇ ​ၸမ်ႉ၊ ပဵၼ်​ ပေးလိတ်ႉ တင်း​ ၸႃႇၸႃႉ ​ဢေႃႈ။ ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​လုၵ်ႈ​ပဵၼ်​လၢၼ်​ ယေႇရမေးလႃႉ ​ဢေႃႈ။-</verse>
				<verse number="34">သေႇသၼ်ႇ ​ၼၼ်ႉ ယင်း​ဢမ်ႇ​မီး​လုၵ်ႈ​ၸၢႆး၊ မီး​လုၵ်ႈ​ယိင်း​ၵူၺ်း​ၵူၺ်း​ဢေႃႈ။ သေႇသၼ်ႇ ​ၼၼ်ႉ မီး​ၶႃႈ​ၵူၼ်း​ၸၢႆး​ၵူၼ်း​ ဢေႇၵိပ်ႉတူႉ ဢၼ်​လႆႈ​ၸိုဝ်ႈ​ ယႃႇႁႃႉ ၵေႃႉ​ၼိုင်ႈ ဢေႃႈ။-</verse>
				<verse number="35">သေႇသၼ်ႇ ​ၼၼ်ႉ ဢဝ်​လုၵ်ႈ​ယိင်း​မၼ်း​ၵေႃႉ​ၼိုင်ႈ ပၼ်​ၵၼ်​တင်း​ ယႃႇႁႃႉ ဢၼ်​ပဵၼ်​ၶႃႈ​မၼ်း​ၼၼ်ႉ​သေ​ယဝ်ႉ၊ လုၵ်ႈ​ယိင်း​မၼ်း​ၵိူတ်ႇ​လဵင်ႉ ဢတ်ႉတေႇ ​မႃး ပုၼ်ႈ​ပေႃႈ​မၼ်း​ဢေႃႈ။-</verse>
				<verse number="36">ဢတ်ႉတေႇ ​ၼၼ်ႉ မီး​လုၵ်ႈ​ၸၢႆး ၼႃႇသၼ်ႇ၊ ၼႃႇသၼ်ႇ ​ၼၼ်ႉ​မီး​လုၵ်ႈ​ၸၢႆး​ ၸႃႇပတ်ႉ ၊-</verse>
				<verse number="37">ၸႃႇပတ်ႉ ​ၼၼ်ႉ မီး​လုၵ်ႈ​ၸၢႆး​ ဢေးၽလႃႇလႃႉ၊ ဢေးၽလႃႇလႃႉ ​ၼၼ်ႉ မီး​လုၵ်ႈ​ၸၢႆး​ ဢူဝ်းပိတ်ႉ ၊</verse>
				<verse number="38">ဢူဝ်းပိတ်ႉ ​ၼၼ်ႉ မီး​လုၵ်ႈ​ၸၢႆး​ ယေႇႁူႉ၊ ယေႇႁူႉ ​ၼၼ်ႉ မီး​လုၵ်ႈ​ၸၢႆး​ ဢႃႇၸရီႉ ၊-</verse>
				<verse number="39">ဢႃႇၸရီႉ ​ၼၼ်ႉ မီး​လုၵ်ႈ​ၸၢႆး​ ႁေးလိတ်ႉ၊ ႁေးလိတ်ႉ ​ၼၼ်ႉ​မီး​လုၵ်ႈ​ၸၢႆး​ ဢေးလႃႇသႃႉ ၊-</verse>
				<verse number="40">ဢေးလႃႇသႃႉ ​ၼၼ်ႉ မီး​လုၵ်ႈ​ၸၢႆး သီႉသမေး၊ သီႉသမေး ​ၼၼ်ႉ မီး​လုၵ်ႈ​ၸၢႆး သႃႇလုမ်ႇ ၊-</verse>
				<verse number="41">သႃႇလုမ်ႇ ​ၼၼ်ႉ မီး​လုၵ်ႈ​ၸၢႆး​ ယေႇၵမီႉ၊ ယေႇၵမီႉ ​ၼၼ်ႉ မီး​လုၵ်ႈ​ၸၢႆး ဢေးလီႉသမႃႇ ​ဢေႃႈ။-</verse>
				<verse number="42">လုၵ်ႈ​ၸၢႆး​ ၵႃႇလႅပ်ႉ ​ၼွင်ႉ​ၸၢႆး​ ယေႇရမေးလႃႉ ​ၼၼ်ႉ​ၸမ်ႉ၊ ပဵၼ်​ မေႇသႃႉ ဢၼ်​ပဵၼ်​လုၵ်ႈ​ၸၢႆး​တူၼ်ႈ​မၼ်း​လႄႈ ပဵၼ်​ပေႃႈ​ ၸီႉၽႃႉ ​ၼၼ်ႉ ဢိၵ်ႇ​တင်း​လုၵ်ႈ​ၸၢႆး မရေးသႃႉ ​ဢၼ်​ပဵၼ်​ပေႃႈ​ ႁေႇပြုၼ်ႇ ​ၼၼ်ႉ တင်း​လၢႆ​ၸိူဝ်း​ၼၼ်ႉ​ဢေႃႈ။-</verse>
				<verse number="43">လုၵ်ႈ​ၸၢႆး​ ႁေႇပြုၼ်ႇ ​ၸမ်ႉ၊ ပဵၼ်​ ၵေႃးရႃႉ၊ တႃႇပႂႃႇ၊ ရေႇၵိမ်ႇ တင်း​ သေႇမႃႉ ​ဢေႃႈ။-</verse>
				<verse number="44">လုၵ်ႈ​ၸၢႆး​ သေႇမႃႉ ​ၸမ်ႉ၊ ပဵၼ်​ ရႃႇႁမ်ႇ ဢၼ်​ပဵၼ်​ပေႃႈ​ ယေႃႇၵွမ်ႇ ​ဢေႃႈ။ လုၵ်ႈ​ၸၢႆး​ ရေႇၵိမ်ႇ ​ၸမ်ႉ၊ ပဵၼ်​ သမ်ႇမေႇ ၊-</verse>
				<verse number="45">လုၵ်ႈ​ၸၢႆး​ သမ်ႇမေႇ ​ၸမ်ႉ၊ ပဵၼ်​ မေႃးၼႃႉ ၊ လုၵ်ႈ​ၸၢႆး​ မေႃးၼႃႉ ​ၸမ်ႉ၊ ပဵၼ်​ ပႅတ်ႉၸူႉရႃႉ ​ဢေႃႈ။-</verse>
				<verse number="46">ဢေးၽႃႉ ​မေး​ၼွႆႉ​ ၵႃႇလႅပ်ႉ ​ၼၼ်ႉ​ၵေႃႈ ၵိူတ်ႇ​လဵင်ႉ​ ၶႃႇရၢၼ်ႇ၊ မေႃႇၸႃႉ တင်း​ ၵႃႇၸတ်ႉ ​မႃး​ဢေႃႈ။ လုၵ်ႈ​ၸၢႆး​ ႁႃႇရၼ်ႇ ​ၸမ်ႉ၊ ပဵၼ်​ ၵႃႇၸတ်ႉ ​ဢေႃႈ။-</verse>
				<verse number="47">လုၵ်ႈ​ၸၢႆး​ ယႃႇတေႇ ​ၸမ်ႉ၊ ပဵၼ်​ ရေႇၵိမ်ႇ၊ ယေႃးသမ်ႇ၊ ၵေႇသမ်ႇ၊ ပေးလိတ်ႉ၊ ဢေးၽႃႉ တင်း​ သႃႇၽႃႉ ​ဢေႃႈ။-</verse>
				<verse number="48">မႃႇၶႃႇ မေး​ၼွႆႉ​ ၵႃႇလႅပ်ႉ ​ၼၼ်ႉ​ၵေႃႈ ၵိူတ်ႇ​လဵင်ႉ​ သေးပႃႉ တင်း​ တီႉရႁႃႇၼႃႉ ​မႃး​ဢေႃႈ။-</verse>
				<verse number="49">မၼ်း​သမ်ႉ​ၵိူတ်ႇ​လဵင်ႉ​ သႃႇၽႃႉ ဢၼ်​ပဵၼ်​ပေႃႈ​ မႃႇတမေႇၼႃႉ၊ သေးဝႃႉ ဢၼ်​ပဵၼ်​ပေႃႈ​ မႃႇၶပေးၼႃႉ ၊ ဢိၵ်ႇ​တင်း​ပေႃႈ​ ၵီႉဝီႉယႃႉ မႃး​ဢေႃႈ။ လုၵ်ႈ​ယိင်း​ ၵႃႇလႅပ်ႉ ​ၸမ်ႉ၊ ပဵၼ်​ ဢႃႇၶသႃႉ ​ဢေႃႈ။-</verse>
				<verse number="50">လုၵ်ႈ​ၸၢႆး​ ၵႃႇလႅပ်ႉ ဢၼ်​ပဵၼ်​လုၵ်ႈ​ၸၢႆး​ ႁူႉရႃႉ ဢၼ်​ပဵၼ်​လုၵ်ႈ​ၸၢႆး​တူၼ်ႈ​ ဢေႇၽရတ်ႉ ​ၼၼ်ႉ​ၸမ်ႉ၊ ပဵၼ်​ သေႃႇပႃႇလႃႉ ဢၼ်​ပဵၼ်​ပေႃႈ ၵီႉရယတ်ႉယႃႇရိမ်ႇ ၊-</verse>
				<verse number="51">ၸႃႇလမႃႉ ​ဢၼ်​ပဵၼ်​ပေႃႈ ပႅတ်ႉလႁႅမ်ႇ၊ ႁႃႇရပ်ႉ ​ဢၼ်​ပဵၼ်​ပေႃႈ ပႅတ်ႉၵႃႇတႃႇ ​ဢေႃႈ။-</verse>
				<verse number="52">လုၵ်ႈ​ၸၢႆး​ သေႃႇပႃႇလႃႉ ဢၼ်​ပဵၼ်​ပေႃႈ​ ၵီႉရယတ်ႉယႃႇရိမ်ႇ ​ၼၼ်ႉ​ၸမ်ႉ၊ ပဵၼ်​ ႁႃႇရေႃႇ ဢိၵ်ႇ​တင်း​မဵဝ်း​ မၼႃႇႁေႇသီႉ ၶိုင်ႈ​ၼိုင်ႈ​ဢေႃႈ။-</verse>
				<verse number="53">မဵဝ်း​ၸိူဝ်ႉ​ၶိူဝ်း​ ၵီႉရယတ်ႉယႃႇရိမ်ႇ ​ၼၼ်ႉ​ၸမ်ႉ၊ ပဵၼ်​ၵူၼ်း​ ဢီႉသႃႇရီႉ ၊ ၵူၼ်း​ ပူႉႁီႉ ၊ ၵူၼ်း​ သူႉမသီႉ ဢိၵ်ႇ​တင်း​ၵူၼ်း​ မီႉသရီႉ ဢၼ် ၵူၼ်း​ ၸႃႇရသီႉ တင်း​ၵူၼ်း​ ဢေးသတေႃလီႉ ပဵၼ်​မႃး​ၵႃႈ​ၼႂ်း​မၼ်း​ၼၼ်ႉ​ဢေႃႈ။-</verse>
				<verse number="54">လုၵ်ႈ​ၸၢႆး​ ၸႃႇလမႃႉ ​ၸမ်ႉ၊ ပဵၼ်​ၵူၼ်း​ ပႅတ်ႉလႁႅမ်ႇ ၊ ၵူၼ်း​ ၼေႇတေႃႇၽႃႇသီႉ ၊ မဵဝ်း​ ဢႃႇတရုတ်ႉပႅတ်ႉယေႃႇၽႃႉ ၊ မဵဝ်း​ မၼႃႇႁေႇသီႉ ၶိုင်ႈ​ၼိုင်ႈ၊ ၵူၼ်း​ ၸေႃးရီႉ ​ဢေႃႈ။-</verse>
				<verse number="55">မဵဝ်း​ၸိူဝ်ႉ​ၶိူဝ်း​ၸရေး ဢၼ်​ယူႇ​ၵႃႈ​တီႈ​ဝဵင်း​ ယႃႇပႅတ်ႉ ​ၼၼ်ႉ​ၸမ်ႉ၊ ပဵၼ်​ၵူၼ်း​ တီႉရသီႉ ၊ ၵူၼ်း​ သီႉမသီႉ ၊ ၵူၼ်း​ ၸူႉၶသီႉ ​ဢေႃႈ။ ၶဝ်​ၸိူဝ်း​ၼႆႉ ပဵၼ်​မဵဝ်း​ ၵေႇၼီႉ ဢၼ်​သိုပ်ႇ​လူင်း​မႃး​ၵႃႈ​တီႈ ႁေႇမတ်ႉ ပေႃႈ​မဵဝ်း​ ရေႇၶပ်ႉ ​ၼၼ်ႉ​ဢေႃႈ။</verse>
			</chapter>
			<chapter number="3">
				<verse number="1">လုၵ်ႈ​ၸၢႆး​ တႃႇဝိတ်ႈ ဢၼ်​လႆႈ​ၵိူတ်ႇ​လဵင်ႉ​မႃး​တီႈ​မၼ်း ၵႃႈ​ၼႂ်း​ဝဵင်း​ ႁေႇပြုၼ်ႇ ​ၼၼ်ႉ​ၸိူဝ်း​ၼၼ်ႉ​ၸမ်ႉ၊ လုၵ်ႈ​ၸၢႆး​တူၼ်ႈ​မၼ်း​ပဵၼ် ဢႃႇမၼုၼ်ႇ ဢၼ်​မၼ်း​လႆႈ​တီႈ​ ဢႁီႉၼွင်ႇ မႄႈ​ယိင်း​ဝဵင်း​ ယေႇၸရေႇလႃႉ ​ၼၼ်ႉ​ဢေႃႈ။ လုၵ်ႈ​ၸၢႆး​တူႉတီႉယႃႉ​ပဵၼ်​ တၢၼ်ႇယေႇလႃႉ ဢၼ်​မၼ်း​လႆႈ​တီႈ ဢၽီႉၵေးလႃႉ မႄႈ​ယိင်း​ဝဵင်း​ ၵရမေႇလႃႉ ​ၼၼ်ႉ​ဢေႃႈ။-</verse>
				<verse number="2">လုၵ်ႈ​ၸၢႆး​တႃႉတီႉယႃႉ​ပဵၼ် ဢပႃႉသလုမ်ႇ လုၵ်ႈ​ၸၢႆး​ မႃႇၶႃႇ လုၵ်ႈ​ယိင်း​ တႃႇလမေး ၶုၼ်​ႁေႃ​ၶမ်း​ ၵေႇသူႉရႃႉ ​ၼၼ်ႉ​ဢေႃႈ။ လုၵ်ႈ​ၸၢႆး​ၸတုၵ်ႉထႃႉ​ၸမ်ႉ၊ ပဵၼ်​ ဢတေႃးၼီႉယႃႉ လုၵ်ႈ​ၸၢႆး​ ႁၵ်ႉၵိတ်ႉ ​ၼၼ်ႉ​ဢေႃႈ။-</verse>
				<verse number="3">လုၵ်ႈ​ၸၢႆး​ပိၼ်ႇၸမႃႉ​ၸမ်ႉ၊ ပဵၼ်​ သေႇၽတီႉ လုၵ်ႈ​ၸၢႆး​ ဢၽီႉတလႃႉ ​ဢေႃႈ။ လုၵ်ႈ​ၸၢႆး​သႃႉထမႃႉ​ပဵၼ် ဢီႉသရမ်ႇ ဢၼ်​မၼ်း​လႆႈ​တီႈ​မေး​မၼ်း​ ဢေးၵလႃႇ ​ၼၼ်ႉ​ဢေႃႈ။-</verse>
				<verse number="4">ၶဝ်​ႁူၵ်း​ၵေႃႉ​ၼၼ်ႉ​ၸိုင်၊ ၵိူတ်ႇ​လဵင်ႉ​မႃး​တီႈ​မၼ်း​ၵႃႈ​ၼႂ်း​ဝဵင်း​ ႁေႇပြုၼ်ႇ ​လႄႈ၊ မၼ်း​ၸၢမ်ႇ​ႁၢင်ႈ​ၸၢမ်ႇ​ႁေႃ​ၵႃႈ​ၼႂ်း​ဝဵင်း​ၼၼ်ႉ ၸဵတ်း​ပီႊ​ပၢႆ​ႁူၵ်း​လိူၼ်​ဢေႃႈ။ မၼ်း​သမ်ႉ​ၸၢမ်ႇ​ႁၢင်ႈ​ၸၢမ်ႇ​ႁေႃ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သၢမ်​သိပ်း​ပၢႆ​သၢမ်​ပီႊ​ဢေႃႈ။-</verse>
				<verse number="5">လုၵ်ႈ​ၸၢႆး​မၼ်း​ဢၼ်​လႆႈ​ၵိူတ်ႇ​လဵင်ႉ​မႃး​တီႈ​မၼ်း ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ၸိူဝ်း​ၼၼ်ႉ​ၸမ်ႉ၊ ပဵၼ်​ သမႂႃႇ၊ သေႃးပပ်ႉ၊ ၼႃႇသၼ်ႇ တင်း​ သေႃးလမုၼ်ႇ ဢၼ်​လႆႈ​တီႈ​ ပႃႇသသူႉဢႃႇ လုၵ်ႈ​ယိင်း​ ဢမျေးလႃႉ ​ၼၼ်ႉ​သီႇ​ၵေႃႉ၊-</verse>
				<verse number="6">ဢိၵ်ႇ​တင်း ဢီႉပႁႃႇ၊ ဢေးလီႉသမႃႇ၊ ဢေးလီႉၽလႅတ်ႉ ၊-</verse>
				<verse number="7">ၼေႃႇၵႃႉ၊ ၼေႇၽႅတ်ႉ၊ ယႃႇၽျႃႇ ၊-</verse>
				<verse number="8">ဢေးလီႉသမႃႇ၊ ဢေးလျႃႇတႃႉ၊ ဢေးလီႉၽလႅတ်ႉ ဢၢၼ်ႇ​ပွင်း​ၵၼ်​ပဵၼ်​ၵဝ်ႈ​ၵေႃႉ​ၼၼ်ႉ​ဢေႃႈ။-</verse>
				<verse number="9">ၶဝ်​ၸိူဝ်း​ၼႆႉ​ၸမ်ႉ၊ ယင်း​ဢမ်ႇ​ဝႃႈ​ဢမ်ႇ​ပႃး လုၵ်ႈ​ၸၢႆး​ဢၼ်​လႆႈ​တီႈ​မေး​ၼွႆႉ မေး​ဢွၼ်ႇ​တင်း​လၢႆ​ၼၼ်ႉ​လႄႈ ပဵၼ်​လုၵ်ႈ​ၸၢႆး​ တႃႇဝိတ်ႈ ​ဢေႃႈ။ တႃႇမႃႇ ​ပဵၼ်​ၼွင်ႉ​ယိင်း​ၶဝ်​ဢေႃႈ။</verse>
				<verse number="10">လုၵ်ႈ​ၸၢႆး​ သေႃးလမုၼ်ႇ ​ၸမ်ႉ၊ ပဵၼ်​ ရူဝ်းပုမ်ႇ ၊ လုၵ်ႈ​ၸၢႆး​ ရူဝ်းပုမ်ႇ ပဵၼ်​ ဢၽီႉယႃႉ ၊ လုၵ်ႈ​ၸၢႆး​ ဢၽီႉယႃႉ ပဵၼ်​ ဢႃႇသႃႉ ၊ လုၵ်ႈ​ၸၢႆး​ ဢႃႇသႃႉ ပဵၼ်​ ယူဝ်းသၽတ်ႉ ၊-</verse>
				<verse number="11">လုၵ်ႈ​ၸၢႆး​ ယူဝ်းသၽတ်ႉ ပဵၼ်​ ယေႃးရမ်ႇ ၊ လုၵ်ႈ​ၸၢႆး​ ယေႃးရမ်ႇ ပဵၼ်​ ဢႃႇၶၸီႉ ၊ လုၵ်ႈ​ၸၢႆး​ ဢႃႇၶၸီႉ ပဵၼ်​ ယေႃးသႃႉ ၊-</verse>
				<verse number="12">လုၵ်ႈ​ၸၢႆး​ ယေႃးသႃႉ ပဵၼ်​ ဢႃႇမၸီႉ ၊ လုၵ်ႈ​ၸၢႆး​ ဢႃႇမၸီႉ ပဵၼ်​ ဢႃႇၸရီႉ ၊ လုၵ်ႈ​ၸၢႆး​ ဢႃႇၸရီႉ ပဵၼ်​ ယူဝ်းထမ်ႇ ၊-</verse>
				<verse number="13">လုၵ်ႈ​ၸၢႆး​ ယူဝ်းထမ်ႇ ပဵၼ်​ ဢႃႇၶတ်ႉ ၊ လုၵ်ႈ​ၸၢႆး​ ဢႃႇၶတ်ႉ ​ပဵၼ်​ ႁေႇၸၵီႉ ၊ လုၵ်ႈ​ၸၢႆး​ ႁေႇၸၵီႉ ပဵၼ်​ မၼႃႇ​သေႇ ၊-</verse>
				<verse number="14">လုၵ်ႈ​ၸၢႆး​ မၼႃႇ​သေႇ ပဵၼ်​ ဢႃႇမုၼ်ႇ ၊ လုၵ်ႈ​ၸၢႆး​ ဢႃႇမုၼ်ႇ ပဵၼ်​ ယူဝ်းသီႉယႃႉ ​ဢေႃႈ။-</verse>
				<verse number="15">လုၵ်ႈ​ၸၢႆး​ ယူဝ်းသီႉယႃႉ ​ၸမ်ႉ၊ လုၵ်ႈ​ၸၢႆး​တူၼ်ႈ​မၼ်း​ပဵၼ် ယေႃးႁၼၼ်ႇ ၊ လုၵ်ႈ​ၸၢႆး​တူႉတီႉယႃႉ ပဵၼ်​ ယေႃးယၵိမ်း ၊ လုၵ်ႈ​ၸၢႆး​တႃႉတီႉယႃႉ​ပဵၼ်​ ၸေႇတၵီႉ ၊ လုၵ်ႈ​ၸၢႆး​ၸတုၵ်ႉထႃႉ​ပဵၼ်​ သႃႇလုမ်ႇ ​ဢေႃႈ။-</verse>
				<verse number="16">လုၵ်ႈ​ၸၢႆး​ ယေႃးယၵိမ်း ​ၸမ်ႉ၊ ပဵၼ်​ ယေႇၶေႃးၼီႉ တင်း​ ၸေႇတၵီႉ ​ဢေႃႈ။</verse>
				<verse number="17">လုၵ်ႈ​ၸၢႆး​ ယေႇၶေႃးၼီႉ ဢၼ်​လႆႈ​ၶၢမ်ႇ​တူၵ်း​ၵိၼ်း​ၼၼ်ႉ​ၸမ်ႉ၊ ပဵၼ်​ သႃလႃႉသေးလႃႉ ၊-</verse>
				<verse number="18">မႃႇလၶီႉရမ်ႇ၊ ပေႇတႃႇယႃႉ၊ သေႇၼၸႃႇ၊ ယေႇၵမီႉ၊ ႁေႃးသမႃႉ တင်း​ ၼေႇတၽီႉ ​ဢေႃႈ။-</verse>
				<verse number="19">လုၵ်ႈ​ၸၢႆး​ ပေႇတႃႇယႃႉ ​ၸမ်ႉ၊ ပဵၼ်​ ၸေႇရူႉပႃႉပေႇလႃႉ တင်း​ သီႉမီႉ ​ဢေႃႈ၊ လုၵ်ႈ​ၸၢႆး​ ၸေႇရူႉပႃႉပေႇလႃႉ ​ၸမ်ႉ၊ ပဵၼ်​ မေႇသူႉလမ်ႇ၊ ႁႃႇၼၼီႉ ဢိၵ်ႇ​လူၺ်ႈ​ၵၼ်​တင်း ၼွင်ႉ​ယိင်း​သွင်​ၶႃ သေႇလေႃးမိတ်ႉ ၊-</verse>
				<verse number="20">လိူဝ်​သေ​ၼၼ်ႉ​ ႁသူႉၽႃႉ၊ ဢေႃးႁေႇလႃႉ၊ ပေႇရၶီႉ၊ ႁသတီႉ၊ ယူႇသတ်ႉႁေးသႅတ်ႉ ဢၢၼ်ႇ​ပွင်း​ၵၼ်​ပဵၼ်​ႁႃႈ​ၵေႃႉ​ဢေႃႈ။-</verse>
				<verse number="21">လုၵ်ႈ​ၸၢႆး​ ႁႃႇၼၼီႉ ​ၸမ်ႉ၊ ပဵၼ်​ ပေႇလတီႉ တင်း​ ယေႇသႃႇယႃႉ ​ဢေႃႈ၊ လုၵ်ႈ​ၸၢႆး​ ယေႇသႃႇယႃႉ ​ၸမ်ႉ၊ ပဵၼ်​ ရေႇၽႃႇယႃႉ ၊ လုၵ်ႈ​ၸၢႆး​ ရေႇၽႃႇယႃႉ ပဵၼ်​ ဢႃႇၼၼ်ႇ ၊ လုၵ်ႈ​ၸၢႆး​ ဢႃႇၼၼ်ႇ ပဵၼ်​ ဢေႃးပတီႉ ၊ လုၵ်ႈ​ၸၢႆး​ ဢေႃးပတီႉ ပဵၼ်​ သေႇၶၼီႉ ၊-</verse>
				<verse number="22">လုၵ်ႈ​ၸၢႆး​ သေႇၶၼီႉ ပဵၼ်​ သေႇမႃႇယႃႉ ​ဢေႃႈ။ လုၵ်ႈ​ၸၢႆး​ သေႇမႃႇယႃႉ ​ၸမ်ႉ၊ ပဵၼ်​ ႁတ်ႉတုတ်ႉ၊ ဢီႉၵႃႇလႃႉ၊ ပႃႇရီႉ၊ ၼႃႇရီႉ၊ သႃႇၽတ်ႉ ဢၢၼ်ႇ​ပွင်း​ၵၼ်​ပဵၼ်​ႁူၵ်း​ၵေႃႉ​ဢေႃႈ။-</verse>
				<verse number="23">လုၵ်ႈ​ၸၢႆး​ ၼႃႇရီႉ ​ၸမ်ႉ၊ ပဵၼ်​ ဢေးလီႉဢေႃးၼေႇ၊ ႁေႇၸၵီႉ၊ ဢႃႇၸရီႉၵမ်ႇ ဢၢၼ်ႇ​ပွင်း​ၵၼ်​ပဵၼ်​သၢမ်​ၵေႃႉ​ဢေႃႈ။-</verse>
				<verse number="24">လုၵ်ႈ​ၸၢႆး​ ဢေးလီႉဢေႃးၼေႇ ​ၸမ်ႉ၊ ပဵၼ်​ ႁေႃႇတႃႉယႃႉ၊ ဢေးလျႃႇသိပ်ႉ၊ ပေႇလႃႇယႃႉ၊ ဢၵ်ႉၵုပ်ႉ၊ ယေႃးႁၼ်ႇ၊ တလႃႇယႃႉ၊ ဢႃႇၼၼီႉ ဢၢၼ်ႇ​ပွင်း​ၵၼ်​ပဵၼ်​ၸဵတ်း​ၵေႃႉ​ဢေႃႈ။</verse>
			</chapter>
			<chapter number="4">
				<verse number="1">လုၵ်ႈ​ၸၢႆး​ ယူႉတႃႉ ​ၸမ်ႉ၊ ပဵၼ်​ ၽေးရိတ်ႉ၊ ႁေႇၸရုၼ်ႇ၊ ၵႃႇမီႉ၊ ႁူႉရႃႉ တင်း​ သေႃႇပႃႇလႃႉ ​ဢေႃႈ။-</verse>
				<verse number="2">ရႃႇယႃႉ ​ဢၼ်​ပဵၼ်​လုၵ်ႈ​ၸၢႆး​ သေႃႇပႃႇလႃႉ ​ၼၼ်ႉ မီး​လုၵ်ႈ​ၸၢႆး​ ယႃႇႁတ်ႉ၊ ယႃႇႁတ်ႉ ​မီး​လုၵ်ႈ​ၸၢႆး​ ဢႁူႉမေး တင်း​ လႃႇႁတ်ႉ ​ဢေႃႈ။ ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​မဵဝ်း​ၸိူဝ်ႉ​ၶိူဝ်း​ ၸႃႇရသီႉ ​ဢေႃႈ။-</verse>
				<verse number="3">လုၵ်ႈ​ၸၢႆး​ပေႃႈ​မဵဝ်း​ ဢေးတမ်ႇ ​ၸမ်ႉ၊ ပဵၼ်​ ယေႇၸရေႇလႃႉ၊ ဢီႉသမႃႇ၊ ဢီႉတပတ်ႉ ၊ ၼွင်ႉ​ယိင်း​ၶဝ် ႁႃႇၸလေးလႃႉပေႃႇၼီႉ ၊-</verse>
				<verse number="4">ပေႇၼူၺ်ႇလႃႉ ပေႃႈ​ ၵေးတေႃး၊ ဢေးၸႃႇ ​ပေႃႈ​ ႁူႉသႃႉ ​ဢေႃႈ၊ ၶဝ်​ၸိူဝ်း​ၼႆႉ​ပဵၼ်​မဵဝ်း​ၸိူဝ်ႉ​ၶိူဝ်း​ ႁူႉရႃႉ လုၵ်ႈ​ၸၢႆး​တူၼ်ႈ​ ဢေႇၽရတ်ႉ ပေႃႈ​ ပႅတ်ႉလႁႅမ်ႇ ​ဢေႃႈ။-</verse>
				<verse number="5">ဢႃႇသူႉရႃႉ ပေႃႈ​ တေႇၵေႃႇ ​ၼၼ်ႉ မီး​မေး​သွင်​ၵေႃႉ​ဢၼ်​လႆႈ​ၸိုဝ်ႈ​ ႁေႇလႃႉ တင်း​ ၼႃႇရႃႉ ​ဢေႃႈ။-</verse>
				<verse number="6">ၼႃႇရႃႉ ​ၼၼ်ႉ ၵိူတ်ႇ​လဵင်ႉ​ ဢႁူႉၸမ်ႇ၊ ႁေႇၽႃႇ၊ တေႇမၼီႉ တင်း​ ႁႃႇႁႃႉသတႃႇရီႉ မႃး​ဢေႃႈ။ ၶဝ်​ၸိူဝ်း​ၼႆႉ​ပဵၼ်​လုၵ်ႈ​ၸၢႆး​ ၼႃႇရႃႉ ​ဢေႃႈ။-</verse>
				<verse number="7">လုၵ်ႈ​ၸၢႆး​ဢၼ်​ ႁေႇလႃႉ ၵိူတ်ႇ​လဵင်ႉ​ၸမ်ႉ၊ ပဵၼ်​ ၸေႇရိတ်ႉ၊ ယေႇၸေႃႇ တင်း​ ဢေးသၼၼ်ႇ ​ဢေႃႈ။-</verse>
				<verse number="8">လုၵ်ႈ​ၸၢႆး​ ၵေႃးၸႃႉ ​ၸမ်ႉ၊ ပဵၼ်​ ဢႃႇၼုပ်ႉ၊ ၸေႃႇပေႇတႃႉ ဢိၵ်ႇ​တင်း​မဵဝ်း​ၸိူဝ်ႉ​ၶိူဝ်း ဢႁႃႇရေးလႃႉ လုၵ်ႈ​ၸၢႆး​ ႁႃႇရုမ်ႇ ​ဢေႃႈ။</verse>
				<verse number="9">ယႃႇပႅတ်ႉ ပဵၼ်​ၵေႃႉ​ဢၼ်​မီး​မုၼ်​သရေႇ​ယႂ်ႇ​ၼႃႇ​သေ​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​တင်း​လၢႆ​လႄႈ၊ မႄႈ​မၼ်း​ႁွင်ႉ​ႁဵၵ်ႈ​ၸိုဝ်ႈ​မၼ်း​ ယႃႇပႅတ်ႉ ​လႄႈ​ဝႃႈ၊ ၵဝ်​လႆႈ​ၶၢမ်ႇ​ဝူၺ်ႇတၼႃႇ​ဢၼ်​ႁႅင်း​ယႂ်ႇ​ၼႃႇ​လူင်​လၢင်​လႄႈ ၵိူတ်ႇ​လဵင်ႉ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ယႃႇပႅတ်ႉ ​ၼၼ်ႉ ၸင်ႇ​သူး​တွင်း​တီႈ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​လႄႈ​ဝႃႈ၊ ၸဝ်ႈ​ႁဝ်း​ၶႅၼ်း​တေႃႈ​ပၼ်​တၢင်း​လီ​တီႈ​ၶႃႈ​ၸဝ်ႈ​သေႇ​သေႇ​လႄႈ ႁႂ်ႈ​တီႈ​ယူႇ​တီႈ​သဝ်း​ၶႃႈ​ၸဝ်ႈ​ၵႂၢင်ႈ​လီ​လႃး​လီ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဢဝ်​မိုဝ်း​ၸဝ်ႈ​ႁဝ်း​ယူႇ​ၽၢႆႇ​ၶႃႈ​ၸဝ်ႈ​ယူႇ​လႄႈ ႁၢမ်ႈ​တၢပ်ႈ​ႁႄႉ​ၶႅၼ်​ၽေး​ဢူႉ​ပၢတ်ႈ ႁႂ်ႈ​ဢမ်ႇ​လႆႈ​ယႃႉ​ယူၵ်ႉ​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ ၽြႃး​ပဵၼ်​ၸဝ်ႈ​ဢဵတ်း​လူ​ပၼ်​သူး​ဢၼ်​မၼ်း​ယွၼ်း​ၼၼ်ႉ​ဢေႃႈ။</verse>
				<verse number="11">ၵႃႇလုပ်ႉ ​ၼွင်ႉ​ၸၢႆး​ သူႉဢႃႇ မီး​လုၵ်ႈ​ၸၢႆး​ မႁီႉရႃႉ၊ မႁီႉရႃႉ ​ၼၼ်ႉ မီး​လုၵ်ႈ​ၸၢႆး​ ဢေးသတုၼ်ႇ ၊-</verse>
				<verse number="12">ဢေးသတုၼ်ႇ ​ၼၼ်ႉ မီး​လုၵ်ႈ​ၸၢႆး​ ပႅတ်ႉရႃႇၽႃႉ၊ ပႃႇသႃႉ တင်း​ တေႇႁိၼ်ႇၼႃႉ ဢၼ်​ပဵၼ်​ပေႃႈ ဢီႉရႃႇၼႃႇႁတ်ႉ ​ၼၼ်ႉ​ဢေႃႈ။ ၶဝ်​ၸိူဝ်း​ၼႆႉ ပဵၼ်​ၵူၼ်း​မဵဝ်း​ ရေႇၶႃႇ ​ဢေႃႈ။-</verse>
				<verse number="13">လုၵ်ႈ​ၸၢႆး​ ၵေးၼတ်ႉ ​ၸမ်ႉ၊ ပဵၼ်​ ဢေႃးထၼ်ႇယေႇလႃႉ တင်း​ ၸရႃႇယႃႉ ​ဢေႃႈ။ လုၵ်ႈ​ၸၢႆး​ ဢေႃးထၼ်ႇယေႇလႃႉ ​ၸမ်ႉ၊ ပဵၼ် ႁႃႇသတ်ႉ ​တင်း​ မေႃႇၼေႃႇသေး ​ဢေႃႈ။-</verse>
				<verse number="14">မေႃႇၼေႃႇသေး ​ၼၼ်ႉ မီး​လုၵ်ႈ​ၸၢႆး​ ဢေႃႇၽရႃႉ ​ဢေႃႈ။ ၸရႃႇယႃႉ ​ၸမ်ႉ၊ မီး​လုၵ်ႈ​ၸၢႆး​ ယႂႃႇၽႃႉ ဢၼ်​ပဵၼ်​ပေႃႈ​သြႃႇသမႃး​ဢၼ်​ယူႇ​ၵႃႈ​တီႈ ၶူင်ႈ​ႁူၺ်ႈ​သြႃႇသမႃး​ဢေႃႈ။-</verse>
				<verse number="15">လုၵ်ႈ​ၸၢႆး​ ၵႃႇလႅပ်ႉ ဢၼ်​ပဵၼ်​လုၵ်ႈ​ၸၢႆး​ ယေႇၽုၼ်ႇၼႃႉ ​ၼၼ်ႉ​ၸမ်ႉ၊ ပဵၼ်​ ဢီႉရူႉ၊ ဢေးလႃႇ တင်း​ ၼႃႇမႃႇ ​ဢေႃႈ။ လုၵ်ႈ​ၸၢႆး ဢေးလႃႇ ​ၸမ်ႉ၊ ပဵၼ်​ ၵေးၼတ်ႉ ​ဢေႃႈ။-</verse>
				<verse number="16">လုၵ်ႈ​ၸၢႆး​ ယေႇႁလႃႉလေးလႃႉ ​ၸမ်ႉ၊ ပဵၼ်​ ၸီႉၽႃႉ၊ ၸီႉၽႃႇ၊ တီႉရီႉ၊ ဢႃႇသရေးလႃႉ ​ဢေႃႈ။-</verse>
				<verse number="17">လုၵ်ႈ​ၸၢႆး​ ဢေးၸရႃႉ ​ၸမ်ႉ၊ ပဵၼ်​ ယေႇသႃႇ၊ မေးရိတ်ႉ၊ ဢေးၽႃႉ တင်း​ ယႃႇလုၼ်ႇ ​ဢေႃႈ။ ပီႉသယႃႉ လုၵ်ႈ​ယိင်း​ ၽႃႇရေႃး ဢၼ် ပဵၼ်​ၵူပ်ႉ​ပဵၼ်​ၵူႈ​ၵႃႈ​တင်း မေးရိတ်ႉ ​ၼၼ်ႉ ၵိူတ်ႇ​လဵင်ႉ မီႉရီႉဢၢမ်ႇ၊ သမ်ႇမေႇ တင်း​ ဢီႉသၽႃႇ ပေႃႈ​ ဢေးသတမေႃႇ မႃး​ဢေႃႈ။-</verse>
				<verse number="18">မေး​မၼ်း ယေႇႁူႉတီႉယႃႉ ​ၼၼ်ႉ ၵိူတ်ႇ​လဵင်ႉ ယေးရိတ်ႉ ပေႃႈ ၵေးတေႃး၊ ႁေႇပႃႇ ပေႃႈ​ သေႃႇၶေႃႇ၊ ယေႇၵူႉသေးလႃႉ ပေႃႈ​ ၸႃႇၼေႃႇ မႃး​ဢေႃႈ။-</verse>
				<verse number="19">လုၵ်ႈ​ၸၢႆး​မေး​ ႁေႃးတီႉယႃႉ ဢၼ်​ပဵၼ်​ၼွင်ႉ​ယိင်း​ ၼႃႇႁမ်ႇ ​ၼၼ်ႉ​ၸိူဝ်း​ၼၼ်ႉ​ၸမ်ႉ၊ ပဵၼ်​ပေႃႈ​ ၵီႉလႃႉ ၵူၼ်း​ဝဵင်း​ ၵႃႇမီႉ တင်း ဢေးသတမေႃႇ ၵူၼ်း​ဝဵင်း​ မႃႇၶႃႇ ​ဢေႃႈ။-</verse>
				<verse number="20">လုၵ်ႈ​ၸၢႆး​ သီႉမုၼ်ႇ ​ၸမ်ႉ၊ ပဵၼ်​ ဢႃႇမၼုၼ်ႇ၊ ရိၼ်းၼႃႉ၊ ပိၼ်ႇႁႃႇၼၼ်ႇ တင်း​ တီႉလုၼ်ႇ ​ဢေႃႈ။ လုၵ်ႈ​ၸၢႆး​ ဢီႉသီႉ ​ၸမ်ႉ၊ ပဵၼ်​ ၸေႃႇႁိတ်ႉ တင်း​ ပႅၼ်ႇၸေႃႇႁိတ်ႉ ​ဢေႃႈ။</verse>
				<verse number="21">လုၵ်ႈ​ၸၢႆး​ သေးလႃႉ ဢၼ်​ပဵၼ်​လုၵ်ႈ​ၸၢႆး​ ယူႉတႃႉ ​ၼၼ်ႉ​ၸမ်ႉ၊ ပဵၼ်​ ဢေးရႃႉ ပေႃႈ​ လေးၵႃႉ၊ လႃႇတႃႉ ပေႃႈ​ မရေးသႃႉ ဢိၵ်ႇ​တင်း မဵဝ်း​ၸိူဝ်ႉ​ၶိူဝ်း​ ဢႃႇသပႃႇ ဢၼ်​ၸၢင်ႈ​တေႃး​ပိၵ်ႈ​ၶျေႃး​ၼၼ်ႉ၊-</verse>
				<verse number="22">ယေႃးယၵိမ်း ၵူၼ်း​ ၶေႃးၸေးၽႃႉ ​တင်း​လၢႆ၊ ယေႃးသႃႉ၊ သႃႇရပ်ႉ ၊ ဢၼ်​လႆႈ​ဢုပ်ႉ​ပိူင်ႇ​ၵႃႈ​ၼႂ်း​မိူင်း​ မေႃႇၽႃႉ ​ၼၼ်ႉ ဢိၵ်ႇ​တင်း ယႃႇသူႉပီႉလႁိမ်ႇ ​ဢေႃႈ။ ဢၼ်​ဝႃႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ပဵၼ်​ၵႂၢမ်း​မိူဝ်ႈ​ၵွၼ်ႇ​ဢွၼ်​ၼႆႉ​ဢေႃႈ။-</verse>
				<verse number="23">ၶဝ်​ၼၼ်ႉ​ပဵၼ်​ၵူၼ်း​ႁဵတ်း​မေႃႈ၊ ၶဝ်​ၸိူဝ်း​ဢၼ်​ယူႇ​လူၺ်ႈ​ႁႆႊ​လူၺ်ႈ​ၼႃး​လူၺ်ႈ​ႁူဝ်ႉ​လူၺ်ႈ​ႁိူၵ်ႈ​လႄႈ ယူႇ​ၵႃႈ​တီႈ​ၼၼ်ႈ​လူၺ်ႈ​ၶုၼ်​ႁေႃ​ၶမ်း​သေ​လႄႈ ဢွၼ်​ၵၼ်​ၵိုတ်ႉ​ႁၢပ်ႇ​ဢမူႉ​ၸဝ်ႈ​ဢေႃႈ။</verse>
				<verse number="24">လုၵ်ႈ​ၸၢႆး​ သီႉမုၼ်ႇ ​ၸမ်ႉ၊ ပဵၼ်​ ၼေႇမုၺ်ႇလႃႉ၊ ယႃႇမိၼ်ႇ၊ ယႃႇရိပ်ႉ၊ ၸေးရႃႉ တင်း​ သေႃးလႃႉ ​ဢေႃႈ။-</verse>
				<verse number="25">လုၵ်ႈ​ၸၢႆး​ သေႃးလႃႉ ​ၸမ်ႉ၊ ပဵၼ်​ သႃႇလုမ်ႇ ၊ လုၵ်ႈ​ၸၢႆး​ သႃႇလုမ်ႇ ပဵၼ်​ မီႉၽသမ်ႇ ၊ လုၵ်ႈ​ၸၢႆး​ မီႉၽသမ်ႇ ပဵၼ်​ မီႉသမႃႉ ၊-</verse>
				<verse number="26">လုၵ်ႈ​ၸၢႆး​ မီႉသမႃႉ ပဵၼ်​ ႁမူၺ်ႇလႃႉ ၊ လုၵ်ႈ​ၸၢႆး​ ႁမူၺ်ႇလႃႉ ပဵၼ်​ ၸၵ်ႉၵူႉရႃႉ ၊ လုၵ်ႈ​ၸၢႆး​ ၸၵ်ႉၵူႉရႃႉ ပဵၼ်​ သီႉမီႉ ​ဢေႃႈ။-</verse>
				<verse number="27">သီႉမီႉ ​ၼၼ်ႉ​မီး​လုၵ်ႈ​ၸၢႆး​သိပ်း​ပၢႆ​ႁူၵ်း​ၵေႃႉ တင်း​လုၵ်ႈ​ယိင်း​ႁူၵ်း​ၵေႃႉ​ဢေႃႈ။ ၵူၺ်း​ၵႃႈ တီႈ​ပီႈ​ၸၢႆး​ၼွင်ႉ​ၸၢႆး​မၼ်း​ၸိူဝ်း​ၼၼ်ႉ လုၵ်ႈ​လၢင်း​ဢမ်ႇ​ၼမ်၊ မဵဝ်း​ၸိူဝ်ႉ​ၶိူဝ်း​ၶဝ်​ၼၼ်ႉ ဢမ်ႇ​ၸၢင်ႈ​ၽႄႈ​မႃး​ၼမ်​မႃး​မိူၼ်​ၸိူဝ်ႉ​ၼင်ႇ​ၵူၼ်း​မဵဝ်း​ ယူႉတႃႉ ။-</verse>
				<verse number="28">ၶဝ်​ၼၼ်ႉ​ဢွၼ်​ၵၼ်​ယူႇ ၵႃႈ​တီႈ​ဝဵင်း​ ပေႇရသေႇၽႃႉ၊ ဝဵင်း​ မေႃႇလတႃႇ ၊ ဝဵင်း​ ႁႃႇၸႃႇသူႉဢႃႇလႃႉ ၊-</verse>
				<verse number="29">ဝဵင်း​ ပီႉလႁႃႇ ၊ ဝဵင်း​ ဢေႇၸိမ်ႇ ၊ ဝဵင်း​ တေႃႇလတ်ႉ ၊-</verse>
				<verse number="30">ဝဵင်း​ ပေႇသူၺ်ႇလႃႉ ၊ ဝဵင်း​ ႁေႃႇမႃႇ ၊ ဝဵင်း​ ၸီႉၵလတ်ႉ ၊-</verse>
				<verse number="31">ဝဵင်း​ ပႅတ်ႉမႃႇၵပုတ်ႉ ၊ ဝဵင်း​ ႁႃႇၸႃႉသူႉသိမ်း ၊ ဝဵင်း​ ပႅတ်ႉပီႉရီႉ တင်း​ဝဵင်း​ သႃႇရိမ်း ​ဢေႃႈ။ ဝဵင်း​ၸိူဝ်း​ၼႆႉ​ပဵၼ်​ဝဵင်း​ၶဝ်​တေႃႇ​ထိုင်​ႁွတ်ႈ ၸူဝ်ႈ​ပၢၼ်​ၶုၼ်​လူင်​ တႃႇဝိတ်ႈ ​ဢေႃႈ။-</verse>
				<verse number="32">လိူဝ်​သေ​ၼၼ်ႉ ၶဝ်​ဢွၼ်​ၵၼ်​ပိူင်ႇ​ဝဵင်း​ထိူၼ်ႇ​ဢၼ်​ဝႃႈ ဢေးတမ်ႇ၊ ဢႃႇဢိၼ်ႇ၊ ရိမ်ႇမုၼ်ႇ၊ တေႃႇၶိမ်း တင်း​ ဢႃႇသၼ်ႇ ဝဵင်း​ႁႃႈ​ဝဵင်း ဢိၵ်ႇ​လူၺ်ႈ​ၵၼ်​တင်း၊-</verse>
				<verse number="33">ဝၢၼ်ႈ​ဢၼ်​မီး​လဵပ်ႈ​ႁွပ်ႈ​ဝဵင်း​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​ဝဵင်း​ ပႃႇလႃႉ ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တီႈ​ယူႇ​တီႈ​သဝ်း​ၶဝ်​လႄႈ မဵဝ်း​ၸိူဝ်ႉ​ၶိူဝ်း​ၶဝ်​ဢေႃႈ။-</verse>
				<verse number="34">မေႇသေႃးပပ်ႉ၊ ယႃႇမလႅၵ်ႉ၊ ယေႃးသႃႉ လုၵ်ႈ​ၸၢႆး​ ဢႃႇမၸီႉ၊ ယူဝ်းဢေးလႃႉ ၊-</verse>
				<verse number="35">ယေႇႁူႉ လုၵ်ႈ​ၸၢႆး​ ယေႃးသီႉၽီႉ လုၵ်ႈ​ၸၢႆး ၸရႃႇယႃႉ လုၵ်ႈ​ၸၢႆး​ ဢႃႇသေႇလႃႉ ၊-</verse>
				<verse number="36">ဢေးလျေႃႇၼေႇ၊ ယႃႇၵေႃႇၽႃႉ၊ ယေႇသေႃႇႁႃႇယႃႉ၊ ဢသႃႇယႃႉ၊ ဢတေႇလႃႉ၊ ယေႇသီႉမျေးလႃႉ၊ ပေႇၼႃႇယႃႉ ၊-</verse>
				<verse number="37">ဢိၵ်ႇ​တင်း ၸီႉၸႃႉ ​လုၵ်ႈ​ၸၢႆး​ သီႉၽီႉ လုၵ်ႈ​ၸၢႆး​ ဢႃႇလုၼ်ႇ လုၵ်ႈ​ၸၢႆး​ ယေႇတႃႇယႃႉ ၊ လုၵ်ႈ​ၸၢႆး​ သီႉမရီႉ လုၵ်ႈ​ၸၢႆး​ သေႇမႃႇယႃႉ ​ၸိူဝ်း​ၼၼ်ႉ၊-</verse>
				<verse number="38">လႆႈ​ၶၢမ်ႇ​တၢင်း​ဢၼ်​မၢတ်ႈ​မၢႆ​ဢဝ် ၼႃႇ​မႃႉ​ၸိုဝ်ႈ​သဵင်​ၶဝ်​သေ​လႄႈ ပဵၼ်​တူၼ်ႈ​ပဵၼ်​ငဝ်ႈ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​ၶဝ်​ၼၼ်ႉ​လႄႈ မဵဝ်း​ၸိူဝ်ႉ​ၶိူဝ်း​ၶဝ်​ၼၼ်ႉ​ယႂ်ႇ​ၽႄႈ​ၼမ်​မႃး​ၼႃႇ​လူင်​လၢင်​ဢေႃႈ။</verse>
				<verse number="39">ၶဝ်​ၼၼ်ႉ​ဢွၼ်​ၵၼ်​ၵႂႃႇ တေႃႇ​ထိုင်​ႁွတ်ႈ​သူပ်း​တၢင်း​တီႈ​ဢၼ်​ၶဝ်ႈ​ၸူး​ဝဵင်း​ ၵေးတေႃး ဢၼ်​ဝႃႈ​ၽၢႆႇ​ဝၼ်း​ဢွၵ်ႇ​ပၢင်ႇ​ႁူၺ်ႈ​ၼၼ်ႉ ႁႂ်ႈ​လႆႈ​ႁႃ​တီႈ​ဢၼ်​ၽုင်​သူဝ်း​ၽုင်​ပႄႉ​ၶဝ်​တၵ်း​လႄႇ​ၵိၼ်​လႆႈ​ၼၼ်ႉ​လႄႈ၊-</verse>
				<verse number="40">ထူပ်း​တီႈ​ဢၼ်​လႄႇ​ၵိၼ်​ဢၼ်​တူၼ်ႈ​ယိူဝ်ႈ​ယႃႈ​ၼမ်​ၼႃႇ​လႄႈ​လီ​ငၢမ်း၊ တီႈ​ဢၼ်​ၵႂၢင်ႈ​လီ​လႃး​လီ​လႄႈ ယဵၼ်​လီ​ၼိမ်​လီ​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ၼၼ်ႈ​မိူဝ်ႈ​ဢွၼ်​တၢင်း​ၼၼ်ႉ ပဵၼ်​ၵူၼ်း​မဵဝ်း​ ႁႃႇမႃႉ ​ဢေႃႈ။-</verse>
				<verse number="41">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​တႅမ်ႈ​မၢႆ​ဢဝ်​ၼႃႇ​မႃႉ​ၸိုဝ်ႈ​သဵင်​ၶဝ်​သေ​လႄႈ​ဝႃႈ​မႃး​ယဝ်ႉ​ၼႆႉ​ၸိူဝ်း​ၼၼ်ႉ ဢွၼ်​ၵၼ်​ၵႂႃႇ​ၼႂ်း​ၸူဝ်ႈ​ပၢၼ်​ ႁေႇၸၵီႉ ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​သေ​လႄႈ တိုၵ်း​တေႃး​ယႃႉ​ပႅတ်ႈ​မူဝ်းၵႃႇ​တီႈ​ယူႇ​တီႈ​သဝ်း​ၶဝ် ဢိၵ်ႇ​တင်း​ၵူၼ်း​ မေႃႇၼီႉ ဢၼ်​ၶဝ်​ထူပ်း​ႁၼ်​ၵႃႈ​တီႈ​ၼၼ်ႈ​လႄႈ ပႄႇ​ၽဵဝ်ႈ​ၶဝ်​ပႅတ်ႈ​မူတ်း​မူတ်း​သဵင်ႈ​သဵင်ႈ​သေ​ယဝ်ႉ၊ ဢွၼ်​ၵၼ်​ပုတ်ႈ​တီႈ​ၶဝ်​ၼၼ်ႉ​သေ​လႄႈ ယူႇ​ၵႃႈ​တီႈ​ၼၼ်ႈ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ ၵွပ်ႈ​ပိူဝ်ႈ​ဢၼ်​ၶဝ်​ထူပ်း​ႁၼ် တီႈ​ဢၼ်​ၽုင်​သူဝ်း​ၽုင်​ပႄႉ​တၵ်း​လႄႇ​ၵိၼ်​ၼၼ်ႉ​ဢေႃႈ။-</verse>
				<verse number="42">လႆႈ​သမ်ႉ​ၶဝ်​ၵမ်ႈ​ၽွင်ႈ​ဢၼ်​ဝႃႈ၊ ၵူၼ်း​ၸၢႆး​မဵဝ်း​ သီႉမုၼ်ႇ ႁႃႈ​ပၢၵ်ႇ ဢွၼ်​ၵၼ်​ၶီႇ​သိုၵ်း​ၵႂႃႇ​ၵႃႈ​တီႈ​လွႆ​ ၸီႉရႃႉ ဢိၵ်ႇ​လူၺ်ႈ​ၵၼ်​တင်း​ပူဝ်ႇ​ၶဝ် ဢၼ်​ဝႃႈ​ ပေႇလတီႉ၊ ၼႃႇရီႉ၊ ရေႇၽႃႇယႃႉ၊ ဢေႃးၸေးလႃႉ ၊ ဢၼ်​ပဵၼ်​လုၵ်ႈ​ၸၢႆး​ ဢီႉသီႉ ​ၸိူဝ်း​ၼၼ်ႉ​လႄႈ၊-</verse>
				<verse number="43">တိုၵ်း​တေႃး​ယႃႉ​ပႅတ်ႈ မဵဝ်း​ ဢႃႇမလႅၵ်ႉ ​ဢၼ်​ၵိုတ်း​ဢၼ်​ၵျၢၼ်ႇ​လႄႈ လွတ်ႈ​ဝႆႉ​ၼၼ်ႉ​ၸိူဝ်း​ၼၼ်ႉ​သေ​ယဝ်ႉ၊ ဢွၼ်​ၵၼ်​ယူႇ ၵႃႈ​တီႈ​ၼၼ်ႈ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
			</chapter>
			<chapter number="5">
				<verse number="1">ရူႉပိၼ်ႇ ​ဢၼ်​ပဵၼ်​လုၵ်ႈ​ၸၢႆး​တူၼ်ႈ ဢီႉသရေႇလႃႉ ​ၼၼ်ႉ​ၸိူဝ်း​ၼၼ်ႉ​ၸမ်ႉ၊ ပိၵ်ႉ​သမ်ႉ​မၼ်း​ၼၼ်ႉ​ပဵၼ်​လုၵ်ႈ​ၸၢႆး​တူၼ်ႈ​သေ​ၵေႃႈ၊ ၵွပ်ႈ​ပိူဝ်ႈ​ဢၼ်​မၼ်း​ႁႂ်ႈ​တီႈ​ၼွၼ်း​ပေႃႈ​မၼ်း​ၵူဝ်ႈ​ၵိူၵ်ႇ​လႄႈ၊ ဢရႃႇ​လုၵ်ႈ​ၸၢႆး​တူၼ်ႈ​မၼ်း​ၼၼ်ႉ​လႆႈ​ၶၢမ်ႇ​တၢင်း​ဢၼ်​ၼုၵ်ႈ​ဢဝ်​သေ​လႄႈ ပၼ်​တီႈ​လုၵ်ႈ​ၸၢႆး​ ယူဝ်းသႅပ်ႈ ဢၼ်​ပဵၼ်​လုၵ်ႈ​ၸၢႆး​ ဢီႉသရေႇလႃႉ ​ၼၼ်ႉ​ၸိူဝ်း​ၼၼ်ႉ​သေ​ယဝ်ႉ၊ တၢင်း​ဢၼ်​မၢတ်ႈ​မၢႆ​ၸူဝ်ႈ​လုၵ်ႈ​ပၢၼ်​လၢၼ်​ၼၼ်ႉ ဢမ်ႇ​လႆႈ​မၢတ်ႈ​မၢႆ​မၼ်း​ၸွမ်း​လူၺ်ႈ​ဢရႃႇ​လုၵ်ႈ​တူၼ်ႈ။-</verse>
				<verse number="2">ပိၵ်ႉ​သမ်ႉ​ ယူႉတႃႉ ပူၼ်ႉ​ပႅၼ်​လိူဝ်​တွၼ်း​ၵႃႈ​ၼႂ်း​ပီႈ​ၸၢႆး​မၼ်း​ၼွင်ႉ​ၸၢႆး​မၼ်း​လႄႈ ၸဝ်ႈ​ၶုၼ်​ၸၢင်ႈ​ဢွၵ်ႇ​မႃး​ၵႃႈ​ၼႂ်း​မဵဝ်း​မၼ်း​သေ​ၵေႃႈ ယူဝ်းသႅပ်ႈ ​လႆႈ​ဢရႃႇ​လုၵ်ႈ​ၸၢႆး​တူၼ်ႈ​ဢေႃႈ။-</verse>
				<verse number="3">လုၵ်ႈ​ၸၢႆး​ ရူႉပိၼ်ႇ ဢၼ်​ပဵၼ်​လုၵ်ႈ​ၸၢႆး​တူၼ်ႈ​ ဢီႉသရေႇလႃႉ ​ၼၼ်ႉ​ၸိူဝ်း​ၼၼ်ႉ​ၸမ်ႉ၊ ပဵၼ် ႁႃႇၼုတ်ႉ၊ ၽႃႇလူႉ၊ ႁေႇၸရုၼ်ႇ တင်း​ ၵႃႇမီႉ ​ဢေႃႈ။-</verse>
				<verse number="4">လုၵ်ႈ​ၸၢႆး​ ယူဝ်းဢေးလႃႉ ​ၸမ်ႉ၊ ပဵၼ်​ သေႇမႃႇယႃႉ ၊ လုၵ်ႈ​ၸၢႆး​ သေႇမႃႇယႃႉ ပဵၼ်​ ၵေႃးၵႃႉ ၊ လုၵ်ႈ​ၸၢႆး​ ၵေႃးၵႃႉ ပဵၼ်​ သေႇမီႉ ၊-</verse>
				<verse number="5">လုၵ်ႈ​ၸၢႆး​ သေႇမီႉ ပဵၼ်​ မီႉၶႃႇ ၊ လုၵ်ႈ​ၸၢႆး​ မီႉၶႃႇ ပဵၼ်​ ရႃႇယႃႉ ၊ လုၵ်ႈ​ၸၢႆး​ ရႃႇယႃႉ ​ပဵၼ်​ ပႃႇလႃႉ ၊-</verse>
				<verse number="6">လုၵ်ႈ​ၸၢႆး​ ပႃႇလႃႉ ပဵၼ်​ ပေႇရႃႉ ဢၼ်​ တီႉၵလတ်ႉပီႉလေႇသႃႇ ၶုၼ်​ႁေႃ​ၶမ်း​ ဢႃႇသူႉရီႉ သိမ်း​ဢဝ်​ၵႂႃႇ​ၼၼ်ႉ​ဢေႃႈ။ မၼ်း​ၼၼ်ႉ​ပဵၼ်​တူၼ်ႈ​ပဵၼ်​ငဝ်ႈ ၵူၼ်း​မဵဝ်း​ ရူႉပိၼ်ႇ ​ဢေႃႈ။-</verse>
				<verse number="7">ၼွင်ႉ​ၸၢႆး​မၼ်း​ဢၼ်​ၸွမ်း​လူၺ်ႈ​မဵဝ်း​ၸိူဝ်ႉ​ၶိူဝ်း​ၶဝ် ၼႂ်း​မိူဝ်ႈ​ဢၼ်​ဢဝ်​ၸရၢင်း​ၸူဝ်ႈ​လုၵ်ႈ​ပၢၼ်​လၢၼ်​မၼ်း မၢႆ​ဝႆႉ​ၼၼ်ႉ​ၸမ်ႉ၊ ပဵၼ်​ ယေႇယေႇလႃႉ ဢၼ်​ပဵၼ်​ၵေႃႉ​ယႂ်ႇ​လႄႈ ၸႃႇၶရီႉ ၊-</verse>
				<verse number="8">ပေႇလႃႉ ​ဢၼ်​ပဵၼ်​လုၵ်ႈ​ၸၢႆး ဢႃႇၸတ်ႉ ၊ လုၵ်ႈ​ၸၢႆး​ သေႇမႃႉ ၊ လုၵ်ႈ​ၸၢႆး​ ယူဝ်းဢေးလႃႉ ​ဢၼ်​ယူႇ​ၵႃႈ​ၼႂ်း​ဝဵင်း​ ဢႃႇရေႃႇ တေႃႇ​ထိုင်​ႁွတ်ႈ​ဝဵင်း​ ၼေႇပေႃႇ တင်း​ဝဵင်း​ ပႃႇလမွင်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="9">ၵႃႈ​တီႈ​ၽၢႆႇ​ဝၼ်း​ဢွၵ်ႇ​ၵေႃႈ မၼ်း​ယူႇ​တေႃႇ​ထိုင်​ႁွတ်ႈ​သူပ်း​တၢင်း​ဢၼ်​ၶဝ်ႈ​ၸူး​ထိူၼ်ႇ ဢၼ်​ၸၢပ်ႈ​သႅင်ႇ​ၵၼ်​တင်း​ၼမ်ႉ​ႁွင်ႈ​လူင် ဢူႉၽရတ်ႉ ​ၼၼ်ႉ ၵွပ်ႈ​ပိူဝ်ႈ​ဢၼ် ၽုင်​သူဝ်း​ၽုင်​ဝူဝ်း​ၶဝ်​ၼမ်​ၵိုၼ်း​ၼႃႇ ၵႃႈ​တီႈ​မိူင်း​ ၵီႉလတ်ႉ ​ၼၼ်ႉ​ဢေႃႈ။-</verse>
				<verse number="10">ၼႂ်း​ၸူဝ်ႈ​ပၢၼ်​ၶုၼ်​လူင်​ သေႃးလူႉ ​ၼၼ်ႉ ၶဝ်​ဢွၼ်​ၵၼ်​တိုၵ်း​တေႃး ၵူၼ်း​မဵဝ်း​ ႁႃႇၵရႃႉ ​လႄႈ ၶဝ်​ၼၼ်ႉ​တူၵ်း​သုမ်း​လူၺ်ႈ​မိုဝ်း​ၶဝ်​သေ​ယဝ်ႉ၊ ၶဝ်​တူၵ်း​တီႈ​ယူႇ​တီႈ​သဝ်း​ၶဝ် ၵႃႈ​ၼႂ်း​မူဝ်းၵႃႇ​ၶဝ်​ၼၼ်ႉ ၵႃႈ​တီႈ​ပွတ်း​ဝၼ်း​ဢွၵ်ႇ မိူင်း​ ၵီႉလတ်ႉ တင်း​သဵင်ႈ​တင်း​မူတ်း​ၼၼ်ႉ​ဢေႃႈ။</verse>
				<verse number="11">ၵူၼ်း​မဵဝ်း​ ၵၢတ်ႉ ဢွၼ်​ၵၼ်​တူၵ်း​တီႈ​ယူႇ​တီႈ​သဝ်း​ၶဝ် ယူႇ​ၽၢႆႇ​ၼိုင်ႈ​တင်း​ၶဝ်​ၼၼ်ႉ ၵႃႈ​ၼႂ်း​မိူင်း​ ပႃႇသၢၼ်ႇ တေႃႇ​ထိုင်​ႁွတ်ႈ​ဝဵင်း သႃႇလၵႃႉ ​ဢေႃႈ။-</verse>
				<verse number="12">ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ ၵႃႈ​ၼႂ်း​မိူင်း​ ပႃႇသၢၼ်ႇ ​ၼၼ်ႉ​ၸမ်ႉ၊ ပဵၼ်​ ယူဝ်းဢေးလႃႉ ဢၼ်​ပဵၼ်​ၵေႃႉ​ယႂ်ႇ​လႄႈ သႃႇၽၢၼ်ႇ ၵေႃႉ​တူႉတီႉယႃႉ၊ ယႃႇၼေႇ တင်း သႃႇၽတ်ႉ ​ဢေႃႈ။-</verse>
				<verse number="13">ၶဝ်​ၸိူဝ်း​ဢၼ်​ပဵၼ်​ပီႈ​ပဵၼ်​ၼွင်ႉ​ၶဝ်​ၼၼ်ႉ ၼႂ်း​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ​ၸမ်ႉ၊ ပဵၼ်​ မိၵ်ႉၶႃႇလႃႉ၊ မေႇသူႉလမ်ႇ၊ သေးၽႃႉ၊ ယေႃႇရေႇ၊ ယႃႇၶၼ်ႇ၊ ၸႃႉယႃႇ၊ ႁေႇပႃႇ ဢၢၼ်ႇ​ပွင်း​ၵၼ်​ပဵၼ်​ၸဵတ်း​ၵေႃႉ​ဢေႃႈ။-</verse>
				<verse number="14">ၶဝ်​ၼၼ်ႉ​ပဵၼ်​မဵဝ်း​ၸိူဝ်ႉ​ၶိူဝ်း ဢၽီႉႁေးလႃႉ ဢၼ်​ပဵၼ်​လုၵ်ႈ​ၸၢႆး​ ႁူႉရီႉ ၊ လုၵ်ႈ​ၸၢႆး​ ယႃႇရေႃႇ ၊ လုၵ်ႈ​ၸၢႆး​ ၵီႉလတ်ႉ ၊ လုၵ်ႈ​ၸၢႆး​ မိၵ်ႉၶေႇလႃႉ ၊ လုၵ်ႈ​ၸၢႆး​ ယေႇသီႉသေး ၊ လုၵ်ႈ​ၸၢႆး​ ယႃႇတေႃး ၊ လုၵ်ႈ​ၸၢႆး​ ပူႉၸႃႉ ၊-</verse>
				<verse number="15">လုၵ်ႈ​ၸၢႆး​ ဢႃႇႁီႉ ၊ လုၵ်ႈ​ၸၢႆး​ ဢႃႇပတျေႇလႃႉ ၊ လုၵ်ႈ​ၸၢႆး​ ၵူႉၼီႉ ​ဢေႃႈ။ ၵူႉၼီႉ ​ၸမ်ႉ၊ ပဵၼ်​တူၼ်ႈ​ပဵၼ်​ငဝ်ႈ​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ​ဢေႃႈ။-</verse>
				<verse number="16">ၶဝ်​ၼၼ်ႉ​တူၵ်း​တီႈ​ယူႇ​တီႈ​သဝ်း​ၶဝ်​ၵႃႈ​ၼႂ်း​မိူင်း​ ၵီႉလတ်ႉ ၊ ၵႃႈ​ၼႂ်း​မိူင်း​ ပႃႇသၢၼ်ႇ ၊ ၵႃႈ​ၼႂ်း​ဝၢၼ်ႈ​မၼ်း​ဝဵင်း​မၼ်း​တင်း​လၢႆ၊ ၵႃႈ​ၼႂ်း​တီႈ​ဢၼ်​လဵပ်ႈ​ႁွပ်ႈ​ဝဵင်း​ သႃႇရုၼ်ႇ တင်း​သဵင်ႈ​တင်း​မူတ်း​တေႃႇ​ထိုင်​ႁွတ်ႈ​ၶွပ်ႇ​မိူင်း​လႅၼ်​မိူင်း​ဢေႃႈ။-</verse>
				<verse number="17">ၶဝ်​တင်း​သဵင်ႈ​တင်း​လူင်​ၼႆႉ လႆႈ​ၶၢမ်ႇ​တၢင်း​ဢၼ်​မၢတ်ႈ​ဝႆႉ​ၸရၢင်း​ၸူဝ်ႈ​လုၵ်ႈ​ပၢၼ်​လၢၼ်​ဝႆႉ​ၼႂ်း​ၸူဝ်ႈ​ၼႂ်း​ပၢၼ်​ ယူဝ်းထမ်ႇ ၶုၼ်​ႁေႃ​ၶမ်း​ ယူႉတႃႉ တင်း​ၼႂ်း​ၸူဝ်ႈ​ၼႂ်း​ပၢၼ် ယေႇရူဝ်းပုမ်ႇ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​ဢေႃႈ။</verse>
				<verse number="18">ၼႂ်း​မဵဝ်း​ ရူႉပိၼ်ႇ ၊ မဵဝ်း​ ၵၢတ်ႉ ၊ မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၼၼ်ႉ၊ ႁူဝ်​ႁၢၼ်​ၵူၼ်း​သိုၵ်း​ဢၼ်​ၸၢင်ႈ​ယိပ်း​ၵမ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢိၵ်ႇ​တင်း​လၢပ်ႇ​လႄႈ ၸၢင်ႈ​ဢဝ်​တင်း​ၵၢင်ႇ​ယိုဝ်း၊ ဢၼ်​မေႃ​လူၺ်ႈ​လွင်ႈ​ဢမူႉ​တိုၵ်း​သိုၵ်း​လႄႈ ၸၢင်ႈ​ၶီႇ​သိုၵ်း​ၼၼ်ႉ​ၸမ်ႉ၊ မီး​သီႇ​မိုၼ်ႇ​သီႇ​ႁဵင်​ၸဵတ်း​ပၢၵ်ႇ ႁူၵ်း​သိပ်း​ဢေႃႈ။-</verse>
				<verse number="19">ၶဝ်​ၼၼ်ႉ​ဢွၼ်​ၵၼ် တိုၵ်း​သိုၵ်း​ၵၼ်​တင်း​ၵူၼ်း​မဵဝ်း​ ႁႃႇၵရႃႉ ဢၼ်​ဝႃႈ ၵူၼ်း​မဵဝ်း​ ယေႇတူႉရႃႉ၊ ၼႃႇၽီႉသႃႉ တင်း​ ၼေႃႇတပ်ႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="20">ၶဝ်​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​ႁဵတ်း​ၵျေး​ၸူး​တၢင်း​ဢၼ် ၸွႆႈ​ထႅမ်​မႃႉ​ၸႃႉ​ၶဝ်​သေ​လႄႈ၊ ယူႇ​ၽၢႆႇ​ၼိုင်ႈ​တင်း​ၶဝ်​ၼၼ်ႉ​လႄႈ ၵူၼ်း​မဵဝ်း​ ႁႃႇၵရႃႉ ဢိၵ်ႇ​တင်း​ၵႃႈ​ဢၼ်​ပႃး​တီႈ​ၶဝ်​ၼၼ်ႉ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ဢၢပ်ႈ​ၵႃႈ​ၼႂ်း​မိုဝ်း​ၶဝ်၊ ၵွပ်ႈ​ပိူဝ်ႈ​ဢၼ်​ၶဝ် ဢိင်​ပိုင်ႈ​ၽြႃး​ပဵၼ်​ၸဝ်ႈ​သေ​လႄႈ ႁွင်ႉ​သႅၼ်ႇ​တီႈ​မၼ်း​ၸဝ်ႈ ၼႂ်း​မိူဝ်ႈ​ဢၼ်​ၶဝ်​တိုၵ်း​သိုၵ်း​ၼၼ်ႉ​လႄႈ သူး​တွင်း​တီႈ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="21">ၶဝ်​ဢွၼ်​ၵၼ်​သိမ်း​ဢဝ်​တရိၵ်ႈသၢၼ်ႇ​ၶဝ်​ၼၼ်ႉ ဢၼ်​ဝႃႈ​ၵလႃးဢုၵ်ႉ​ႁႃႈ​မိုၼ်ႇ၊ သူဝ်း​သွင်​သႅၼ်​ႁႃႈ​မိုၼ်ႇ၊ လီႈ​သွင်​ႁဵင်၊ ၵူၼ်း​သႅၼ်​ၼိုင်ႈ​ဢေႃႈ။-</verse>
				<verse number="22">ၵူၼ်း​ၸိူဝ်း​ၼၼ်ႉ ဢွၼ်​ၵၼ်​လူမ်ႉ​တၢႆ​ၼမ်​ၼႃႇ ၵွပ်ႈ​ပိူဝ်ႈ​ဢၼ်​ၶဝ်​ဢဝ်​တင်း​ဢၶႂၢင်ႉ​ၽြႃး​ပဵၼ်​ၸဝ်ႈ​သေ​လႄႈ တိုၵ်း​သိုၵ်း​ၼၼ်ႉ​ဢေႃႈ။ ၶဝ်​ဢွၼ်​ၵၼ်​တူၵ်း​တီႈ​ယူႇ​တီႈ​သဝ်း​ၶဝ် ၵႃႈ​ၼႂ်း​တီႈ​ယူႇ​တီႈ​သဝ်း​ၶဝ်​ၼၼ်ႉ​သေ​လႄႈ​ယူႇ​တေႃႇ​ထိုင်​ႁွတ်ႈ​ထၼ်ႈ​ပေႃး​ၶဝ်​လႆႈ ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​ဢေႃႈ။</verse>
				<verse number="23">ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ ၼၼ်ႉ​ယူႇ​ၵႃႈ​ၼႂ်း​မိူင်း​ၼၼ်ႉ​လႄႈ ယႂ်ႇ​ၽႄႈ​ၼမ်​ၵိုၼ်း​မႃး ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ ပႃႇသၢၼ်ႇ တေႃႇ​ထိုင်​ႁွတ်ႈ​ဝဵင်း​ ပႃႇလႃႉႁေရမုၼ်ႇ ၊ ဝဵင်း​ သၼီႉရႃႉ လွႆ​ ႁေႇရမုၼ်ႇ ​ဢေႃႈ။-</verse>
				<verse number="24">ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ​ၸမ်ႉ၊ ပဵၼ်​ ဢေးၽႃႉ၊ ဢီႉသီႉ၊ ဢေးလျႃႇလႃႉ၊ ဢႃႇၸရေႇလႃႉ၊ ယေႇရမီႉ၊ ႁေႃးတဝီႉ၊ ယႃႇတျေႇလႃႉ ဢၼ်​ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​လႄႈ​ႁူင်​ႁၢင်း​ၼၼ်ႉ​လႄႈ ပဵၼ်​တူၼ်ႈ​ပဵၼ်​ငဝ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ​ဢေႃႈ။</verse>
				<verse number="25">ၼႂ်း​ဝႃႈ​ၼၼ်​သေ​ၵေႃႈ ၶဝ်​ဢွၼ်​ၵၼ်​ၽိတ်း​ပိူင်ႈ​ၽြႃး​ပဵၼ်​ၸဝ်ႈ​ပူႇ​မွၼ်ႇ​ၶဝ်​သေ​လႄႈ ပိူင်ႈ​ၵႂႃႇ​လူၺ်ႈ​ၵၼ်​တင်း​ၽြႃး​ၵူၼ်း​ဝၢၼ်ႈ​ၵူၼ်း​မိူင်း ဢၼ်​ၽြႃး​ပဵၼ်​ၸဝ်ႈ​ယႃႉ​ပႅတ်ႈ ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ၼၼ်ႉ​လႄႈ၊-</verse>
				<verse number="26">ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ တိုၵ်း​ယူင်း​ၸူဝ်း​ဢဝ်​ၸႂ်​ ပူႉလႃႉ ၶုၼ်​ႁေႃ​ၶမ်း​ ဢႃႇသူႉရီႉ ဢိၵ်ႇ​တင်း​ တီႉၵလတ်ႉပီႉလေႇသႃႇ ၶုၼ်​ႁေႃ​ၶမ်း​ ဢႃႇသူႉရီႉ ​သေ​ယဝ်ႉ၊ ပႃး​လိုၼ်း​ၼၼ်ႉ သိမ်း​ဢဝ်​ၶဝ် ဢၼ်​ဝႃႈ​ၵူၼ်း​မဵဝ်း​ ရူႉပိၼ်ႇ ၊ မဵဝ်း​ ၵၢတ်ႉ ၊ မဵဝ်း​ မၼႃႇ​သေႇ ​ၶိုင်ႈ​ၼိုင်ႈ ၸိူဝ်း​ၼၼ်ႉ၊ ၵႂႃႇ​ၵႃႈ​တီႈ​ဝဵင်း​ ႁေႇလႃႉ ၊ ဝဵင်း​ ႁႃႇပေႃႇ ၊ ဝဵင်း​ ႁႃႇရႃႉ ဢိၵ်ႇ​တင်း​ၵႃႈ​တီႈ​ႁိမ်း​ၼမ်ႉ​ႁွင်ႈ​ ၵေႃးၸၼ်ႇ ​လႄႈ ၶျႃး​တီႈ​ယူႇ​ၶဝ်​ဝႆႉ​ၵႃႈ​တီႈ​ၼၼ်ႈ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
			</chapter>
			<chapter number="6">
				<verse number="1">လုၵ်ႈ​ၸၢႆး​ လေႇဝီႉ ​ၸမ်ႉ၊ ပဵၼ်​ ၵေႇရသုၼ်ႇ၊ ၵေႃႇႁတ်ႉ တင်း​ မေႇရႃႇရီႉ ​ဢေႃႈ။-</verse>
				<verse number="2">လုၵ်ႈ​ၸၢႆး​ ၵေႃႇႁတ်ႉ ​ၸမ်ႉ၊ ပဵၼ်​ ဢႃႇမရမ်ႇ၊ ဢီႉၸႁႃႇ၊ ႁေႇပြုၼ်ႇ တင်း​ ဢေႃးၸေးလႃႉ ​ဢေႃႈ။-</verse>
				<verse number="3">လုၵ်ႈ​လၢၼ်​ ဢႃႇမရမ်ႇ ​ၸမ်ႉ၊ ပဵၼ်​ ဢႃႇရုၼ်ႇ၊ မူဝ်းသေႇ တင်း​ မီႉရီႉဢၢမ်ႇ ​ဢေႃႈ။ လုၵ်ႈ​ၸၢႆး​ ဢႃႇရုၼ်ႇ ​ၸမ်ႉ၊ ပဵၼ်​ ၼႃႇတပ်ႉ၊ ဢၽီႉႁူႉ၊ ဢေးလႃႇၸႃႇ တင်း​ ဢီႉသမႃႇ ​ဢေႃႈ။-</verse>
				<verse number="4">ဢေးလႃႇၸႃႇ ​ၼၼ်ႉ​မီး​လုၵ်ႈ​ၸၢႆး​ ၽီႉၼႁတ်ႉ၊ ၽီႉၼႁတ်ႉ ​ၼၼ်ႉ​မီး​လုၵ်ႈ​ၸၢႆး​ ဢၽီႉသႂႃႇ ၊-</verse>
				<verse number="5">ဢၽီႉသႂႃႇ ​ၼၼ်ႉ​မီး​လုၵ်ႈ​ၸၢႆး​ ပုၵ်ႉၵီႉ၊ ပုၵ်ႉၵီႉ ​ၼၼ်ႉ​မီး​လုၵ်ႈ​ၸၢႆး​ ဢေႃႇၸီႉ ၊-</verse>
				<verse number="6">ဢေႃႇၸီႉ ​ၼၼ်ႉ မီး​လုၵ်ႈ​ၸၢႆး​ ၸေးရႃႇႁီႉ၊ ၸေးရႃႇႁီႉ ​ၼၼ်ႉ​မီး​လုၵ်ႈ​ၸၢႆး​ မရႃႇယုတ်ႉ ၊-</verse>
				<verse number="7">မရႃႇယုတ်ႉ ​ၼၼ်ႉ​မီး​လုၵ်ႈ​ၸၢႆး​ ဢႃႇမရီႉ၊ ဢႃႇမရီႉ ​ၼၼ်ႉ​မီး​လုၵ်ႈ​ၸၢႆး​ ဢႁီႉတုပ်ႉ ၊-</verse>
				<verse number="8">ဢႁီႉတုပ်ႉ ​ၼၼ်ႉ​မီး​လုၵ်ႈ​ၸၢႆး​ ၸႃႇတုၵ်ႉ၊ ၸႃႇတုၵ်ႉ ​ၼၼ်ႉ​မီး​လုၵ်ႈ​ၸၢႆး​ ဢႁီႉမတ်ႉ ၊-</verse>
				<verse number="9">ဢႁီႉမတ်ႉ ​ၼၼ်ႉ မီး​လုၵ်ႈ​ၸၢႆး​ ဢႃႇၸရီႉ၊ ဢႃႇၸရီႉ ​ၼၼ်ႉ မီး​လုၵ်ႈ​ၸၢႆး​ ယူဝ်းႁၢၼ်ႇ ၊-</verse>
				<verse number="10">ယူဝ်းႁၢၼ်ႇ ​ၼၼ်ႉ မီး​လုၵ်ႈ​ၸၢႆး​ ဢႃႇၸရီႉ ဢၼ်​ႁဵတ်း​ယိတ်ႈပရေႃးႁဵၵ်ႈ ၵႃႈ​တီႈ​ပိၵ်ႈ​မၢၼ်ႇ​ဢၼ်​ သေႃးလမုၼ်ႇ ​တႄႇ​ႁဵတ်း​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="11">ဢႃႇၸရီႉ ​ၼၼ်ႉ​မီး​လုၵ်ႈ​ၸၢႆး​ ဢႃႇမရီႉ၊ ဢႃႇမရီႉ ​ၼၼ်ႉ​မီး​လုၵ်ႈ​ၸၢႆး​ ဢႁီႉတုပ်ႉ ၊-</verse>
				<verse number="12">ဢႁီႉတုပ်ႉ ​ၼၼ်ႉ​မီး​လုၵ်ႈ​ၸၢႆး​ ၸႃႇတုၵ်ႉ၊ ၸႃႇတုၵ်ႉ ​ၼၼ်ႉ​မီး​လုၵ်ႈ​ၸၢႆး​ သႃႇလုမ်ႇ ၊-</verse>
				<verse number="13">သႃႇလုမ်ႇ ​ၼၼ်ႉ​မီး​လုၵ်ႈ​ၸၢႆး​ ႁီႉလၶီႉ၊ ႁီႉလၶီႉ ​ၼၼ်ႉ​မီး​လုၵ်ႈ​ၸၢႆး​ ဢႃႇၸရီႉ ၊-</verse>
				<verse number="14">ဢႃႇၸရီႉ ​ၼၼ်ႉ​မီး​လုၵ်ႈ​ၸၢႆး​ ၸရႃႇယႃႉ၊ ၸရႃႇယႃႉ ​ၼၼ်ႉ​မီး​လုၵ်ႈ​ၸၢႆး​ ယေႃးၸတိၵ်ႉ ​ဢေႃႈ။-</verse>
				<verse number="15">ယေႃးၸတိၵ်ႉ ​ၼၼ်ႉ​ပႃး​ၵႂႃႇ​မိူဝ်ႈ​ဢၼ်​ထႃႇဝရႃႉ​ၽြႃး​ဢဝ်​တင်း​မိုဝ်း​ၶုၼ်​လူင် ၼေႇပူႉၶတ်ႉၼေႇၸႃႇ သိမ်း​ဢဝ်​ၵူၼ်း​မိူင်း​ ယူႉတႃႉ ဢိၵ်ႇ​တင်း​ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​ၵႂႃႇ​ၼၼ်ႉ​ဢေႃႈ။</verse>
				<verse number="16">လုၵ်ႈ​ၸၢႆး​ လေႇဝီႉ ​ၸမ်ႉ၊ ပဵၼ်​ ၵေႇရသုၼ်ႇ၊ ၵေႃႇႁတ်ႉ တင်း​ မေႇရႃႇရီႉ ​ဢေႃႈ။-</verse>
				<verse number="17">လုၵ်ႈ​ၸၢႆး​ ၵေႇရသုၼ်ႇ ​ၸမ်ႉ၊ ပဵၼ်​ လီႉပၼီႉ တင်း​ သီႉမီႉ ​ဢေႃႈ။-</verse>
				<verse number="18">လုၵ်ႈ​ၸၢႆး​ ၵေႃႇႁတ်ႉ ​ၸမ်ႉ၊ ပဵၼ်​ ဢႃႇမရမ်ႇ၊ ဢီႉၸႁႃႇ၊ ႁေႇပြုၼ်ႇ တင်း​ ဢေႃးၸေးလႃႉ ​ဢေႃႈ။-</verse>
				<verse number="19">လုၵ်ႈ​ၸၢႆး​ မေႇရႃႇရီႉ ​ၸမ်ႉ၊ ပဵၼ်​ မႃႇလီႉ တင်း​ မူႉသီႉ ​ဢေႃႈ၊ ၶဝ်​ၸိူဝ်း​ၼႆႉ​ပဵၼ်​မဵဝ်း​ၸိူဝ်ႉ​ၶိူဝ်း​ လေႇဝီႉ ၸွမ်း​လူၺ်ႈ​ၸိူဝ်ႉ​ၶိူဝ်း​ပေႃႈ​ၶဝ်​ဢေႃႈ။-</verse>
				<verse number="20">လုၵ်ႈ​ၸၢႆး​ ၵေႇရသုၼ်ႇ ​ၸမ်ႉ၊ ပဵၼ်​ လီႉပၼီႉ ၊ လုၵ်ႈ​ၸၢႆး​ လီႉပၼီႉ ပဵၼ်​ ယႃႇႁတ်ႉ ၊ လုၵ်ႈ​ၸၢႆး​ ယႃႇႁတ်ႉ ပဵၼ်​ ၸိမ်းမႃႉ ၊-</verse>
				<verse number="21">လုၵ်ႈ​ၸၢႆး​ ၸိမ်းမႃႉ ပဵၼ်​ ယေႃႇဢႃႇ ၊ လုၵ်ႈ​ၸၢႆး​ ယေႃႇဢႃႇ ပဵၼ်​ ဢီႉတေႃႇ ၊ လုၵ်ႈ​ၸၢႆး​ ဢီႉတေႃႇ ပဵၼ်​ ၸေးရႃႉ ၊ လုၵ်ႈ​ၸၢႆး​ ၸေးရႃႉ ပဵၼ်​ ယႃႇတရေႇ ​ဢေႃႈ။</verse>
				<verse number="22">လုၵ်ႈ​ၸၢႆး​ ၵေႃႇႁတ်ႉ ​ၸမ်ႉ၊ ပဵၼ်​ ဢမီႉၼတပ်ႉ ၊ လုၵ်ႈ​ၸၢႆး​ ဢမီႉၼတပ်ႉ ပဵၼ်​ ၵေႃးရႃႉ ၊ လုၵ်ႈ​ၸၢႆး​ ၵေႃးရႃႉ ​ပဵၼ်​ ဢတ်ႉသီႉရႃႉ ၊-</verse>
				<verse number="23">လုၵ်ႈ​ၸၢႆး​ ဢတ်ႉသီႉရႃႉ ပဵၼ်​ ဢေးလႃႉၵႃႇၼႃႉ ၊ လုၵ်ႈ​ၸၢႆး​ ဢေးလႃႉၵႃႇၼႃႉ ပဵၼ်​ ဢေးပျႃႇသပ်ႉ ၊ လုၵ်ႈ​ၸၢႆး​ ဢေးပျႃႇသပ်ႉ ​ပဵၼ် ဢတ်ႉသီႉရႃႉ ၊-</verse>
				<verse number="24">လုၵ်ႈ​ၸၢႆး​ ဢတ်ႉသီႉရႃႉ ပဵၼ်​ တႃႇႁတ်ႉ ၊ လုၵ်ႈ​ၸၢႆး​ တႃႇႁတ်ႉ ပဵၼ်​ ဢူႉရေးလႃႉ ၊ လုၵ်ႈ​ၸၢႆး​ ဢူႉရေးလႃႉ ပဵၼ်​ ဢေႃးၸီႉ ၊ လုၵ်ႈ​ၸၢႆး​ ဢေႃးၸီႉ ပဵၼ်​ သေႃးလႃႉ ​ဢေႃႈ။-</verse>
				<verse number="25">လုၵ်ႈ​ၸၢႆး​ ဢေးလႃႉၵႃႇၼႃႉ ​ၸမ်ႉ၊ ပဵၼ်​ ဢမႃႇသေး တင်း​ ဢႁီႉမုတ်ႉ ​ဢေႃႈ။-</verse>
				<verse number="26">ဢေးလႃႉၵႃႇၼႃႉ ​ၸမ်ႉ၊ လၢၼ်​ၸၢႆး​ ဢေးလႃႉၵႃႇၼႃႉ ​ၼၼ်ႉ ပဵၼ်​ ၸေႃးၽေး ၊ လုၵ်ႈ​ၸၢႆး​ ၸေႃးၽေး ပဵၼ်​ ၼႃႇႁတ်ႉ ၊-</verse>
				<verse number="27">လုၵ်ႈ​ၸၢႆး​ ၼႃႇႁတ်ႉ ပဵၼ်​ ဢေးလျႃႇၽႃႉ ၊ လုၵ်ႈ​ၸၢႆး​ ဢေးလျႃႇၽႃႉ ပဵၼ်​ ယေႇရေႃးႁမ်ႇ ၊ လုၵ်ႈ​ၸၢႆး​ ယေႇရေႃးႁမ်ႇ ပဵၼ်​ ဢေးလႃႉၵႃႇၼႃႉ ​ဢေႃႈ။-</verse>
				<verse number="28">လုၵ်ႈ​ၸၢႆး​ သမူၺ်ႇလႃႉ ​ၸမ်ႉ၊ ပဵၼ်​ ယူဝ်းဢေးလႃႉ ဢၼ်​ပဵၼ်​လုၵ်ႈ​ၸၢႆး​တူၼ်ႈ​မၼ်း​ၼၼ်ႉ တင်း​ ဢၽီႉယႃႉ ​ဢေႃႈ။-</verse>
				<verse number="29">လုၵ်ႈ​ၸၢႆး​ မေႇရႃႇရီႉ ​ၸမ်ႉ၊ ပဵၼ် မႁႃႇလီႉ ၊ လုၵ်ႈ​ၸၢႆး​ မႁႃႇလီႉ ပဵၼ်​ လီႉပၼီႉ ၊ လုၵ်ႈ​ၸၢႆး​ လီႉပၼီႉ ပဵၼ်​ သီႉမီႉ ၊ လုၵ်ႈ​ၸၢႆး​ သီႉမီႉ ပဵၼ်​ ဢေႃႇၸႃႉ ၊-</verse>
				<verse number="30">လုၵ်ႈ​ၸၢႆး​ ဢေႃႇၸႃႉ ပဵၼ်​ သီႉမႃႇ ၊ လုၵ်ႈ​ၸၢႆး​ သီႉမႃႇ ပဵၼ်​ ႁၵ်ႉၵျႃႇ ၊ လုၵ်ႈ​ၸၢႆး​ ႁၵ်ႉၵျႃႇ ပဵၼ်​ ဢသႃႇယႃႉ ​ဢေႃႈ။</verse>
				<verse number="31">ၶဝ်​ၸိူဝ်း​ဢၼ်​ၶုၼ်​လူင်​ တႃႇဝိတ်ႈ ​ၶၢၼ်း​ဝႆႉ ႁႂ်ႈ​လႆႈ​ပႂ်ႉ​ဢမူႉ​တၢင်း​ဢၼ်​ႁဵတ်း​ၵႂၢမ်း ၵႃႈ​ၼႂ်း​ႁိူၼ်း​ပိၵ်ႈ​မၢၼ်ႇ​ထႃႇဝရႃႉ​ၽြႃး ၼႂ်း​မိူဝ်ႈ​ဢၼ်​တိူၵ်ႈ​တႃႇ​ၸဝ်ႈ​ၼိမ်​ၵိုတ်း​ယူႇ​ၼၼ်ႉ​ၸိူဝ်း​ၼၼ်ႉ၊-</verse>
				<verse number="32">လႆႈ​ဢွၼ်​ၵၼ်​ႁဵတ်း​ၵႂၢမ်း ၵိုတ်ႉ​ႁၢပ်ႇ​ဢမူႉ​ၸဝ်ႈ ၵႃႈ​တီႈ​ၽၢႆႇ​ၼႃႈ​သုမ်ႉ​ထဵင်​ၸဝ်ႈ​ဢၼ်​ဝႃႈ မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ ယူႇ​တေႃႇ​ထိုင်​ႁွတ်ႈ​ သေႃးလမုၼ်ႇ ထၼ်ႈ​ပေႃး​တႄႇ​ႁဵတ်း​ႁိူၼ်း​ပိၵ်ႈ​မၢၼ်ႇ​ထႃႇဝရႃႉ​ၽြႃး ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။ လိုၼ်း​ၼၼ်ႉ​ၵေႃႈ၊ ၶဝ်​ဢွၼ်​ၵၼ်​ၵိုတ်ႉ​ႁၢပ်ႇ​ဢမူႉ​ၸဝ်ႈ ၸွမ်း​ၵႃႈ​ၼင်ႇ​ဢၼ်​လႄႉ​ၵမ်း​တူဝ်​ၸဝ်ႈ​ၵဝ်ႇ​မီး​ၼၼ်ႉ​ယူႇ​ဢေႃႈ။-</verse>
				<verse number="33">ၶဝ်​ၸိူဝ်း​ဢၼ်​ၵိုတ်ႉ​ႁၢပ်ႇ​ဢမူႉ​ၸဝ်ႈ ဢိၵ်ႇ​တင်း​ၸူဝ်ႈ​လုၵ်ႈ​ပၢၼ်​လၢၼ်​ၶဝ်​ၼၼ်ႉ​ၸမ်ႉ၊ ၵႃႈ​ၼႂ်း​ၵူၼ်း​မဵဝ်း​ ၵေႃႇႁတ်ႉ ၊ ပဵၼ်​မေႃ​ႁဵတ်း​ၵႂၢမ်း ႁေႇမၼ်ႇ ဢၼ်​ပဵၼ်​လုၵ်ႈ​ၸၢႆး​ ယူဝ်းဢေးလႃႉ ၊ လုၵ်ႈ​ၸၢႆး​ သမူၺ်ႇလႃႉ ၊-</verse>
				<verse number="34">လုၵ်ႈ​ၸၢႆး​ ဢေးလႃႉၵႃႇၼႃႉ ၊ လုၵ်ႈ​ၸၢႆး​ ယေႇရေႃးႁမ်ႇ ၊ လုၵ်ႈ​ၸၢႆး​ ဢေးလျႃႇလႃႉ ၊ လုၵ်ႈ​ၸၢႆး​ တေႃႇဢႃႇ ၊-</verse>
				<verse number="35">လုၵ်ႈ​ၸၢႆး​ ၸူႉၽႃႉ ၊ လုၵ်ႈ​ၸၢႆး​ ဢေးလႃႉၵႃႇၼႃႉ ၊ လုၵ်ႈ​ၸၢႆး​ မႃႇႁတ်ႉ ၊ လုၵ်ႈ​ၸၢႆး​ ဢမႃႇသေး ၊-</verse>
				<verse number="36">လုၵ်ႈ​ၸၢႆး​ ဢေးလႃႉၵႃႇၼႃႉ ၊ လုၵ်ႈ​ၸၢႆး​ ယူဝ်းဢေးလႃႉ ၊ လုၵ်ႈ​ၸၢႆး​ ဢႃႇၸရီႉ ၊ လုၵ်ႈ​ၸၢႆး​ ၸေႇပၼီႉ ၊-</verse>
				<verse number="37">လုၵ်ႈ​ၸၢႆး​ တႃႇႁတ်ႉ ၊ လုၵ်ႈ​ၸၢႆး​ ဢတ်ႉသီႉရႃႉ ၊ လုၵ်ႈ​ၸၢႆး​ ဢေးပျႃႇသပ်ႉ ၊ လုၵ်ႈ​ၸၢႆး​ ၵေႃးရႃႉ ၊-</verse>
				<verse number="38">လုၵ်ႈ​ၸၢႆး​ ဢီႉၸႁႃႇ ၊ လုၵ်ႈ​ၸၢႆး​ ၵေႃႇႁတ်ႉ ၊ လုၵ်ႈ​ၸၢႆး​ လေႇဝီႉ ၊ လုၵ်ႈ​ၸၢႆး​ ဢီႉသရေႇလႃႉ ​ၼၼ်ႉ​ၵေႃႉ​ၼိုင်ႈ၊-</verse>
				<verse number="39">ပီႈ​ၼွင်ႉ​မၼ်း​ ဢႃႇသပ်ႉ ဢၼ်​လႆႈ​ၸုၵ်း​ၵႃႈ​တီႈ​ၽၢႆႇ​ၶႂႃ​မၼ်း ဢၼ်​ဝႃႈ​ ဢႃႇသပ်ႉ လုၵ်ႈ​ၸၢႆး​ ပေႇရၶီႉ ၊ လုၵ်ႈ​ၸၢႆး​ သီႉမႃႇ ၊-</verse>
				<verse number="40">လုၵ်ႈ​ၸၢႆး​ မိၵ်ႉၶေႇလႃႉ ၊ လုၵ်ႈ​ၸၢႆး​ ပႃႇသေးယႃႉ ၊ လုၵ်ႈ​ၸၢႆး​ မႃႇလၶီႉ ၊-</verse>
				<verse number="41">လုၵ်ႈ​ၸၢႆး​ ဢေးသၼီႉ ၊ လုၵ်ႈ​ၸၢႆး​ ၸေးရႃႉ ၊ လုၵ်ႈ​ၸၢႆး​ ဢတႃႇယႃႉ ၊-</verse>
				<verse number="42">လုၵ်ႈ​ၸၢႆး​ ဢေႇသၼ်ႇ ၊ လုၵ်ႈ​ၸၢႆး​ ၸိမ်းမႃႉ ၊ လုၵ်ႈ​ၸၢႆး​ သီႉမီႉ ၊-</verse>
				<verse number="43">လုၵ်ႈ​ၸၢႆး​ ယႃႇႁတ်ႉ ၊ လုၵ်ႈ​ၸၢႆး​ ၵေႇရသုၼ်ႇ ၊ လုၵ်ႈ​ၸၢႆး​ လေႇဝီႉ ​ၼၼ်ႉ​ၵေႃႉ​ၼိုင်ႈ၊-</verse>
				<verse number="44">ဢိၵ်ႇ​တင်း​ပီႈ​ၶဝ်​ၼွင်ႉ​ၶဝ်​ဢၼ်​သိုပ်ႇ​လူင်း​မႃး​ၵႃႈ​တီႈ​ လေႇဝီႉ တင်း​ မေႇရႃႇရီႉ ဢၼ်​လႆႈ​ၸုၵ်း​ၵႃႈ​တီႈ​ၽၢႆႇ​သၢႆႉ ဢၼ်​ဝႃႈ​ ဢေႇသၼ်ႇ လုၵ်ႈ​ၸၢႆး​ ၵီႉသီႉ ၊ လုၵ်ႈ​ၸၢႆး​ ဢႃႇပတီႉ ၊ လုၵ်ႈ​ၸၢႆး​ မႃႇလုၵ်ႉ ၊-</verse>
				<verse number="45">လုၵ်ႈ​ၸၢႆး​ ႁႃႇသပီႉ ၊ လုၵ်ႈ​ၸၢႆး​ ဢႃႇမၸီႉ ၊ လုၵ်ႈ​ၸၢႆး​ ႁီႉလၶီႉ ၊-</verse>
				<verse number="46">လုၵ်ႈ​ၸၢႆး​ ဢမ်းၸီႉ ၊ လုၵ်ႈ​ၸၢႆး​ ပႃႇၼီႇ ၊ လုၵ်ႈ​ၸၢႆး​ သမေႇရႃႉ ၊-</verse>
				<verse number="47">လုၵ်ႈ​ၸၢႆး​ မႁႃႇလီႉ ၊ လုၵ်ႈ​ၸၢႆး​ မူႉသီႉ ၊ လုၵ်ႈ​ၸၢႆး​ မေႇရႃႇရီႉ ၊ လုၵ်ႈ​ၸၢႆး​ လေႇဝီႉ ။-</verse>
				<verse number="48">ၶဝ်​ပီႈ​ၼွင်ႉ​ဢၼ်​ပဵၼ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​လႆႈ​ၶၢမ်ႇ​တၢင်း​ဢၼ် ၶၢၼ်း​ဝႆႉ​ၼႂ်း​ဢရႃႇ ဢၼ်​ၵိုတ်ႉ​ႁၢပ်ႇ​ဢမူႉ​သုမ်ႉ​ထဵင်​ႁိူၼ်း​ပိၵ်ႈ​မၢၼ်ႇ​ၸဝ်ႈ ၽြႃး​ပဵၼ်​ၸဝ်ႈ​ၼၼ်ႉ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။</verse>
				<verse number="49">ဢႃႇရုၼ်ႇ ဢိၵ်ႇ​တင်း​ၸူဝ်ႈ​လုၵ်ႈ​ပၢၼ်​လၢၼ်​မၼ်း​ၸမ်ႉ၊ လႆႈ​ပုၵ်ႈ​ၸေႃႇ​ၵႃႈ​ၼိူဝ်​ပလၢင်ႇ​တီႈ​ဢၼ်​ဢဝ်​တူဝ်​ယိတ်ႈ​တုတ်ႇ​ၽႆး​ဢိၵ်ႇ​တင်း ပလၢင်ႇ​တီႈ​ဢၼ်​ဢဝ်​ၼၢမ်ႇ​သႃႇ​တုတ်ႇ​ၽႆး​ၼၼ်ႉ​ယူႇ၊ လႆႈ​ပႂ်ႉ​ဢမူႉ​ထႃႇၼႃႉ​တီႈ​ဢၼ်​မူတ်း​ၸၢင်ႇ​သေ​ပိူၼ်ႈ​ၼၼ်ႉ ၵူႈ​ၸိူဝ်ႉ​ၵူႈ​ပိူင်​ယူႇ​သေ​လႄႈ ၽေႇ​ဢပႅတ်ႈ​မဵဝ်း​ ဢီႉသရေႇလႃႉ ၸွမ်း​ၵႃႈ​ၼင်ႇ​ဢၼ်​ မူဝ်းသေႇ ၶႃႈ​ၽြႃး​ပဵၼ်​ၸဝ်ႈ​ၼၼ်ႉ​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="50">လုၵ်ႈ​လၢၼ်​ ဢႃႇရုၼ်ႇ ​ၼၼ်ႉ​ၸမ်ႉ၊ လုၵ်ႈ​ၸၢႆး​ ဢႃႇရုၼ်ႇ ​ၼၼ်ႉ ပဵၼ်​ ဢေးလႃႇၸႃႇ ၊ လုၵ်ႈ​ၸၢႆး​ ဢေးလႃႇၸႃႇ ပဵၼ်​ ၽီႉၼႁတ်ႉ ၊ လုၵ်ႈ​ၸၢႆး​ ၽီႉၼႁတ်ႉ ပဵၼ်​ ဢၽီႉသႂႃႇ ၊-</verse>
				<verse number="51">လုၵ်ႈ​ၸၢႆး​ ဢၽီႉသႂႃႇ ပဵၼ်​ ပုၵ်ႉၵီႉ ၊ လုၵ်ႈ​ၸၢႆး​ ပုၵ်ႉၵီႉ ပဵၼ်​ ဢေႃႇၸီႉ ၊ လုၵ်ႈ​ၸၢႆး​ ဢေႃႇၸီႉ ပဵၼ်​ ၸေးရႃႇႁီႉ ၊-</verse>
				<verse number="52">လုၵ်ႈ​ၸၢႆး​ ၸေးရႃႇႁီႉ ပဵၼ်​ မရႃႇယုတ်ႉ ၊ လုၵ်ႈ​ၸၢႆး​ မရႃႇယုတ်ႉ ပဵၼ်​ ဢႃႇမရီႉ ၊ လုၵ်ႈ​ၸၢႆး​ ဢႃႇမရီႉ ပဵၼ်​ ဢႁီႉတုပ်ႉ ၊-</verse>
				<verse number="53">လုၵ်ႈ​ၸၢႆး​ ဢႁီႉတုပ်ႉ ပဵၼ်​ ၸႃႇတုၵ်ႉ ၊ လုၵ်ႈ​ၸၢႆး​ ၸႃႇတုၵ်ႉ ​ပဵၼ်​ ဢႁီႉမတ်ႉ ​ဢေႃႈ။</verse>
				<verse number="54">တီႈ​ယူႇ​တီႈ​သဝ်း​ၶဝ် ၸွမ်း​လူၺ်ႈ​လမ်း​တပ်ႉ​ၶဝ်​ၵႃႈ​ၼႂ်း​ၼမ်ႉ​ၼႂ်း​လိၼ်​ၶဝ်​ၼၼ်ႉ​ၸမ်ႉ၊ တီႈ​လုၵ်ႈ​လၢၼ်​ ဢႃႇရုၼ်ႇ ဢၼ်​ပႃး​ၼႂ်း​မဵဝ်း​ၸိူဝ်ႉ​ၶိူဝ်း​ ၵေႃႇႁတ်ႉ လႆႈ​တၢင်း​ဢၼ်​တူၵ်း​ၸႃႇ​ၵွၵ်ႈ​ဢွၼ်​တၢင်း​ၼၼ်ႉ​ၸိုင်၊-</verse>
				<verse number="55">ၶဝ်​ဢဝ်​ဝဵင်း​ ႁေႇပြုၼ်ႇ ​ၵႃႈ​ၼႂ်း​ၼမ်ႉ​ၼႂ်း​လိၼ်​ ယူႉတႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ပၼ်​တီႈ​ၶဝ်​ဢေႃႈ။-</verse>
				<verse number="56">ၵူၺ်း​ၵႃႈ​တူင်ႈ​ႁႆႊ​တူင်ႈ​ၼႃး​ဝဵင်း ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၸိုင်၊ ၶဝ်​ဢွၼ်​ၵၼ်​ဢဝ်​ပၼ်​တီႈ​ ၵႃႇလႅပ်ႉ လုၵ်ႈ​ၸၢႆး​ ယေႇၽုၼ်ႇၼႃႉ ​ဢေႃႈ။-</verse>
				<verse number="57">ၶဝ်​ဢဝ်​ဝဵင်း​ ႁေႇပြုၼ်ႇ တီႈ​ဢၼ်​ပၢႆႈ​ၸူး​လႄႈ​သွၼ်ႈ​ပိုင်ႈ​ၼၼ်ႉ၊ ဝဵင်း​ လီႉပၼႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ယတ်ႉတီႉရႃႉ တင်း​ဝဵင်း​ ဢေးသတမေႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="58">ဝဵင်း​ ႁီႉလၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ တေႇပီႉရႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="59">ဝဵင်း​ ဢႃႇသၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ပႅတ်ႉသေးမိတ်ႉ ၊ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="60">ၵႃႈ​ၼႂ်း​ၼမ်ႉ​ၼႂ်း​လိၼ် ပိၼ်ႇယႃႇမိၼ်ႇ ​ၵေႃႈ၊ ဝဵင်း​ ၵေႇပႃႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ဢႃႇလမိတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ဢႃႇၼသုတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း ပၼ်​တီႈ​လုၵ်ႈ​လၢၼ်​ ဢႃႇရုၼ်ႇ ​ၸိူဝ်း​ၼၼ်ႉ​ဢေႃႈ။ ဝဵင်း​ၸိူဝ်း​ၼၼ်ႉ​ၸွမ်း​လူၺ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​သေ​လႄႈ ၼပ်ႉ​ပွင်း​ၵၼ်​ၸမ်ႉ၊ မီး​သိပ်း​ပၢႆ​သၢမ်​ဝဵင်း​ဢေႃႈ။-</verse>
				<verse number="61">တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ ၵေႃႇႁတ်ႉ ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ၵေႃႈ၊ ၸွမ်း​လူၺ်ႈ​တၢင်း​ဢၼ်​တူၵ်း​ၸႃႇ​ၵွၵ်ႈ​ၼၼ်ႉ​သေ​လႄႈ ဢဝ်​ဝဵင်း​သိပ်း​ဝဵင်း​ၵႃႈ​ၼႂ်း​ၼမ်ႉ​ၼႂ်း​လိၼ်​ မၼႃႇ​သေႇ ၶိုင်ႈ​ၼိုင်ႈ​ၼၼ်ႉ​ပၼ်​ဢေႃႈ။-</verse>
				<verse number="62">တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ ၵေႇရသုၼ်ႇ ​ၸိူဝ်း​ၼၼ်ႉ​ၵေႃႈ၊ ၸွမ်း​လူၺ်ႈ​ၸိူဝ်ႉ​လႂ်​ၶိူဝ်း​ၼၼ်ႉ​သေ​လႄႈ ၶဝ်​ဢဝ်​ဝဵင်း​သိပ်း​ပၢႆ​သၢမ်​ဝဵင်း ၵႃႈ​ၼႂ်း​ၼမ်ႉ​ၼႂ်း​လိၼ်​ ဢီႉသၶႃႇ ၊ ၵႃႈ​ၼႂ်း​ၼမ်ႉ​ၼႂ်း​လိၼ်​ ဢႃႇသႃႇ ၊ ၵႃႈ​ၼႂ်း​ၼမ်ႉ​ၼႂ်း​လိၼ်​ ၼပ်ႉထလီႉ ၊ ၵႃႈ​ၼႂ်း​ၼမ်ႉ​ၼႂ်း​လိၼ်​ မၼႃႇ​သေႇ မိူင်း​ ပႃႇသၢၼ်ႇ ​ၼၼ်ႉ​ပၼ်​ဢေႃႈ။-</verse>
				<verse number="63">တီႈ​ပီႈ​ၼွင်ႉ​ၸိူဝ်ႉ​ၶိူဝ်း မေႇရႃႇရီႉ ​ၸိူဝ်း​ၼၼ်ႉ​ၵေႃႈ၊ ၸွမ်း​လူၺ်ႈ​ၸိူဝ်ႉ​လႂ်​ၶိူဝ်း​ၼၼ်ႉ​သေ​လႄႈ ၶဝ်​ဢဝ်​ဝဵင်း​သိပ်း​ပၢႆ​သွင်​ဝဵင်း​ၵႃႈ​ၼႂ်း​ၼမ်ႉ​ၼႂ်း​လိၼ်​ ရူႉပိၼ်ႇ ၊ ၵႃႈ​ၼႂ်း​ၼမ်ႉ​ၼႂ်း​လိၼ်​ ၵၢတ်ႉ ၊ ၵႃႈ​ၼႂ်း​ၼမ်ႉ​ၼႂ်း​လိၼ်​ ၸေႇပူႉလုၼ်ႇ ​ၼၼ်ႉ​ပၼ်​ဢေႃႈ။-</verse>
				<verse number="64">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ဢဝ်​ဝဵင်း​ၸိူဝ်း​ၼၼ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ပၼ် တီႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="65">ဝဵင်း​ဢၼ်​ဝႃႈ​မႃး​ယဝ်ႉ​ၸိူဝ်း​ၼၼ်ႉ​ၸိုင် ၶဝ်​တူၵ်း​ၸႃႇ​ၵွၵ်ႈ​သေ​လႄႈ ၵႃႈ​ၼႂ်း​ၼမ်ႉ​ၼႂ်း​လိၼ်​ၵူၼ်း​မဵဝ်း​ ယူႉတႃႉ ၊ ၵႃႈ​ၼႂ်း​ၼမ်ႉ​ၼႂ်း​လိၼ် ၵူၼ်း​မဵဝ်း​ သီႉမုၼ်ႇ ၊ ၵႃႈ​ၼႂ်း​ၼမ်ႉ​ၼႂ်း​လိၼ်​ၵူၼ်း​မဵဝ်း​ ပိၼ်ႇယႃႇမိၼ်ႇ ၊ ၸိူဝ်း​ၼၼ်ႉ​ပၼ်​ဢေႃႈ။-</verse>
				<verse number="66">ပီႈ​ၼွင်ႉ​ၸိူဝ်ႉ​ၶိူဝ်း​ ၵေႃႇႁတ်ႉ ​ၵမ်ႈ​ၽွင်ႈ​လႆႈ​ဝဵင်း​ၶွပ်ႇ​ၼမ်ႉ​လႅၼ်​လိၼ် ၵႃႈ​ၼႂ်း​ၼမ်ႉ​ၼႂ်း​လိၼ်​ ဢေႇၽရိမ်ႇ ​ဢေႃႈ။-</verse>
				<verse number="67">ၶဝ်​ဢဝ်​ဝဵင်း​ သေႇၶိမ်ႇ ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ဢၼ်​ပဵၼ်​ဝဵင်း​တီႈ​ဢၼ်​ပၢႆႈ​ၸူး​လႄႈ​သွၼ်ႈ​ပိုင်ႈ​ၼၼ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="68">ဝဵင်း​ ၵေႇၸႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ယေႃႉၵမမ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ပႅတ်ႉႁေႃႇရုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="69">ဝဵင်း​ ဢႃႇၸလုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ၵႃႇသႃႇရိမ်ႇမုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="70">ၵႃႈ​ၼႂ်း​ၼမ်ႉ​ၼႂ်း​လိၼ် မၼႃႇ​သေႇ ​ၶိုင်ႈ​ၼိုင်ႈ​ၵေႃႈ၊ ဝဵင်း​ ဢၼေႇရႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ပီႉလမ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ၸိူဝ်း​ၼၼ်ႉ​ပၼ်​တီႈ​ပီႈ​ၼွင်ႉ​ၸိူဝ်ႉ​ၶိူဝ်း ၵေႃႇႁတ်ႉ ​ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="71">တီႈ​ၵူၼ်း​မဵဝ်း​ ၵေႇရသုၼ်ႇ ​ၸိူဝ်း​ၼၼ်ႉ​ၵေႃႈ၊ ၵႃႈ​ၼႂ်း​ၼမ်ႉ​ၼႂ်း​လိၼ် မၼႃႇ​သေႇ ​ၶိုင်ႈ​ၼိုင်ႈ ၶဝ်​ဢဝ်​ဝဵင်း​ ၵေႃႇလၼ်ႇ မိူင်း​ ပႃႇသၢၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ဢႃႇသတႃႇရုတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="72">ၵႃႈ​ၼႂ်း​ၼမ်ႉ​ၼႂ်း​လိၼ်​ ဢီႉသၶႃႇ ၊ ဝဵင်း​ ၵေႇတေႇသႃႉ ၊ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ တႃႇပရုတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="73">ဝဵင်း​ ရႃႇမုတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ဢႃႇၼိမ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="74">ၵႃႈ​ၼႂ်း​ၼမ်ႉ​ၼႂ်း​လိၼ် ဢႃႇသႃႇ ၊ ဝဵင်း​ မီႉသလႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ဢႃႇပတုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="75">ဝဵင်း​ ႁူႉၵုၵ်ႉ ၊ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ရႃႇႁုပ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="76">ၵႃႈ​ၼႂ်း​ၼမ်ႉ​ၼႂ်း​လိၼ်​ ၼပ်ႉထလီႉ ၊ ဝဵင်း​ ၵေႇတေႇသႃႉ မိူင်း​ ၵႃႇလီႉလႄး ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ႁမ်ႇမုၼ်ႇ ၊ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ၵီႉရီႉယသိမ်း ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း​ၸိူဝ်း​ၼၼ်ႉ​ပၼ်​ဢေႃႈ။-</verse>
				<verse number="77">တီႈ​ၵူၼ်း​ မေႇရႃႇရီႉ ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ၵေႃႈ၊ ၵႃႈ​ၼႂ်း​ၼမ်ႉ​ၼႂ်း​လိၼ်​ ၸေႇပူႉလုၼ်ႇ ၊ ၶဝ်​ဢဝ်​ဝဵင်း​ ရိမ်ႇမုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ တႃႇပေႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="78">ၵႃႈ​ၼႂ်း​ၼမ်ႉ​ၼႂ်း​လိၼ်​ ရူႉပိၼ်ႇ ၊ ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ၊ သိုဝ်ႈ​ဝဵင်း​ ယေႇရီႉၶူဝ်း တၢင်း​ဝၼ်း​ဢွၵ်ႇ​ၼၼ်ႉ၊ ဝဵင်း​ ပေးၸႃႇ ဢၼ်​ပဵၼ်​ဝဵင်း​ၵႃႈ​ၼႂ်း​ထိူၼ်ႇ​ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ယႃႇၸႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="79">ဝဵင်း​ ၵေႇတမုတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ မေႇၽတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="80">ၵႃႈ​ၼႂ်း​ၼမ်ႉ​ၼႂ်း​လိၼ်​ ၵၢတ်ႉ ၊ ဝဵင်း​ ရႃႇမုတ်ႉ ၵႃႈ​ၼႂ်း​မိူင်း​ ၵီႉလတ်ႉ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ မႁႃႇၼိမ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊-</verse>
				<verse number="81">ဝဵင်း​ ႁေႇသၽုၼ်ႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း၊ ဝဵင်း​ ယႃႇၸႃႇ ဢိၵ်ႇ​တင်း​လိၼ်​တီႈ​ဢၼ်​လဵပ်ႈ​ႁွပ်ႈ​မၼ်း ၸိူဝ်း​ၼၼ်ႉ​ပၼ်​ဢေႃႈ။</verse>
			</chapter>
			<chapter number="7">
				<verse number="1">လုၵ်ႈ​ၸၢႆး​ ဢီႉသၶႃႇ ​ၸမ်ႉ၊ ပဵၼ်​ တေႃးလႃႉ၊ ၽူႉဝႃႇ၊ ယႃႇသုပ်ႉ၊ သီႉမရုၼ်ႇ ဢၢၼ်ႇ​ပွင်း​ၵၼ်​ပဵၼ်​သီႇ​ၵေႃႉ​ဢေႃႈ။-</verse>
				<verse number="2">လုၵ်ႈ​ၸၢႆး​ တေႃးလႃႉ ​ၸမ်ႉ၊ ပဵၼ်​ ဢေႃႇၸီႉ၊ ရေႇၽႃႇယႃႉ၊ ယေႇရေးလႃႉ၊ ယႃႇမေး၊ ယီႉပသမ်ႇ၊ သမူၺ်ႇလႃႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ ၼႂ်း​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ​ဢေႃႈ။ ၶဝ်​ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ ၼႂ်း​မဵဝ်း​ၸိူဝ်ႉ​ၶိူဝ်း​ဢၼ်​သိုပ်ႇ​တၢမ်း​လူင်း​မႃး​ၼၼ်ႉ​လႄႈ ၼႂ်း​ၸူဝ်ႈ​ပၢၼ်​ၶုၼ်​လူင်​ တႃႇဝိတ်ႈ ​ၼၼ်ႉ ၼပ်ႉ​ဢၢၼ်ႇ​ပွင်း​ၵၼ်​မီး​သွင်​မိုၼ်ႇ​သွင်​ႁဵင်​ပၢႆ​ႁူၵ်း​ပၢၵ်ႇ​ဢေႃႈ။-</verse>
				<verse number="3">လုၵ်ႈ​ၸၢႆး​ ဢေႃႇၸီႉ ​ၸမ်ႉ၊ ပဵၼ်​ ဢီႉၸရႁီႉ ၊ လုၵ်ႈ​ၸၢႆး ဢီႉၸရႁီႉ ပဵၼ်​ မိၵ်ႉၶေႇလႃႉ၊ ဢေႃးပတီႉ၊ ယူဝ်းဢေးလႃႉ၊ ဢီႉသယႃႉ ဢၢၼ်ႇ​ပွင်း​ၵၼ်​ပဵၼ်​ႁႃႈ​ၵေႃႉ​ဢေႃႈ။ ၶဝ်​ၵႃႈ​မီး​ၼႆႉ​ပဵၼ်​ၵေႃႉ​ဢၼ်​ပဵၼ်​တူၼ်ႈ​ပဵၼ်​ငဝ်ႈ​ဢေႃႈ။-</verse>
				<verse number="4">ၵွပ်ႈ​ပိူဝ်ႈ​ဢၼ်​ၶဝ်​မီး​မေး​မီး​လုၵ်ႈ​ၼမ်​ၼႃႇ​လႄႈ၊ ၸွမ်း​လူၺ်ႈ​ပီႈ​ၼွင်ႉ​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ဢၼ်​သိုပ်ႇ​လူင်း​မႃး​ၼၼ်ႉ ၶဝ်​ဢွၼ်​ၵၼ်​ပဵၼ်​တပ်ႉ​ပဵၼ်​တႃႇ​ဝႆႉ​လႄႈ မီး​ၵူၼ်း​သိုၵ်း​သၢမ်​မိုၼ်ႇ​ပၢႆ​ႁူၵ်း​ႁဵင်​ဢေႃႈ။-</verse>
				<verse number="5">ပီႈ​ၼွင်ႉ​ၶဝ်​ၼႂ်း​မဵဝ်း​ ဢီႉသၶႃႇ ၵူႈ​ၸိူဝ်ႉ​ၵူႈ​ၶိူဝ်း​ၼၼ်ႉ ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​လႄႈ၊ ၸွမ်း​ၵႃႈ​ၼင်ႇ​ဢၼ်​မၢတ်ႈ​မၢႆ​ၶဝ်ႈ​ပႃး​ၼႂ်း​ၸရၢင်း​ၼၼ်ႉ ဢွၼ်​ၵၼ်​မီး​ပႅတ်ႇ​မိုၼ်ႇ​ပၢႆ​ၸဵတ်း​ႁဵင်​ဢေႃႈ။</verse>
				<verse number="6">လုၵ်ႈ​ၸၢႆး​ ပိၼ်ႇယႃႇမိၼ်ႇ ​ၸမ်ႉ၊ ပဵၼ်​ ပေႇလႃႉ၊ ပေႇၶႃႇ၊ ယေႇတယေးလႃႉ ဢၢၼ်ႇ​ပွင်း​ၵၼ်​ပဵၼ်​သၢမ်​ၵေႃႉ​ဢေႃႈ။-</verse>
				<verse number="7">လုၵ်ႈ​ၸၢႆး​ ပေႇလႃႉ ​ၸမ်ႉ၊ ပဵၼ်​ ဢေးၸပုၼ်ႇ၊ ဢေႃႇၸီႉ၊ ဢေႃးၸေးလႃႉ၊ ယေႇရီႉမုတ်ႉ တင်း​ ဢီႉရီႉ ဢၢၼ်ႇ​ပွင်း​ၵၼ်​ပဵၼ်​ႁႃႈ​ၵေႃႉ​ဢေႃႈ။ ၶဝ်​ၸိူဝ်း​ၼႆႉ ပဵၼ်​တူၼ်ႈ​ပဵၼ်​ငဝ်ႈ​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​လႄႈ ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​သေ​လႄႈ ၸွမ်း​ၵႃႈ​ၼင်ႇ​ဢၼ်​မၢတ်ႈ​မၢႆ​ၶဝ်ႈ​ပႃး​ၼႂ်း​ၸရၢင်း​ၼၼ်ႉ မီး​သွင်​မိုၼ်ႇ​သွင်​ႁဵင်​ပၢႆ​သၢမ်​သိပ်း​သီႇ​ၵေႃႉ​ဢေႃႈ။-</verse>
				<verse number="8">လုၵ်ႈ​ၸၢႆး​ ပေႇၶႃႇ ​ၸမ်ႉ၊ ပဵၼ်​ ၸေႇမရီႉ၊ ယေႃးသႃႉ၊ ဢေးလျေႃႇၸႃႇ၊ ဢေးလီႉဢေႃးၼေႇ၊ ဢေႃးမရီႉ၊ ယေႇရီႉမုတ်ႉ၊ ဢၽီႉယႃႉ၊ ဢႃႇၼသုတ်ႉ တင်း​ ဢႃႇလမိတ်ႉ ​လႄႈ ၶဝ်​ၵႃႈ​မီး​ၸိူဝ်း​ၼႆႉ​ပဵၼ်​လုၵ်ႈ​ၸၢႆး​ ပေႇၶႃႇ ​ဢေႃႈ။-</verse>
				<verse number="9">ၶဝ်​လႆႈ​ၶၢမ်ႇ​တၢင်း​ဢၼ်​မၢတ်ႈ​မၢႆ​ၶဝ်ႈ​ပႃး ၼႂ်း​ၸရၢင်း​ၸွမ်း​လူၺ်ႈ​မဵဝ်း​ၸိူဝ်ႉ​ၶိူဝ်း​ၶဝ်​ဢၼ်​သိုပ်ႇ​လူင်း​မႃး​ၼၼ်ႉ​လႄႈ ပဵၼ်​ၵေႃႉ​ဢၼ်​ပဵၼ်​တူၼ်ႈ​ပဵၼ်​ငဝ်ႈ​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​လႄႈ ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​သွင်​မိုၼ်ႇ​ပၢႆ​သွင်​ပၢၵ်ႇ​ဢေႃႈ။-</verse>
				<verse number="10">လုၵ်ႈ​ၸၢႆး ယေႇတယေးလႃႉ ​ၸမ်ႉ၊ ပဵၼ်​ ပီႉလႁၼ်ႇ ၊ လုၵ်ႈ​ၸၢႆး​ ပီႉလႁၼ်ႇ ပဵၼ်​ ယူႉသႃႉ၊ ပိၼ်ႇယႃႇမိၼ်ႇ၊ ဢေႇႁုတ်ႉ၊ ၶေးၼႃႇၼႃႉ၊ ၸေႇသၼ်ႇ၊ ထႃႇသီႉသႃႉ၊ ဢႁီႉသႁႃႇ ​ဢေႃႈ။-</verse>
				<verse number="11">ၶဝ်​ၵႃႈ​မီး​ၼႆႉ ပဵၼ်​လုၵ်ႈ​ၸၢႆး​ ယေႇတယေးလႃႉ ၸွမ်း​လူၺ်ႈ​ဢၼ်​ၶဝ်​ပဵၼ်​တူၼ်ႈ​ပဵၼ်​ငဝ်ႈ​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ​သေ​လႄႈ ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ မိုၼ်ႇ​ပၢႆ​ၸဵတ်း​ႁဵင်​သွင်​ပၢၵ်ႇ​ဢၼ်​တၢတ်ႈ​ၼိူင်ႇ​ႁႂ်ႈ​လႆႈ​ၶီႇ​သိုၵ်း​ၵႂႃႇ​ၼၼ်ႉ​ဢေႃႈ။-</verse>
				<verse number="12">လိူဝ်​သေ​ၼၼ်ႉ မီး​ သူႉပိမ်း တင်း​ ႁူႉပိမ်း ၵူၼ်း​ ဢီႇရႃႉ ဢိၵ်ႇ​တင်း​ ႁူႉသိမ်း ၵူၼ်း​ ဢႁေႇရႃႉ ​ဢေႃႈ။</verse>
				<verse number="13">လုၵ်ႈ​ၸၢႆး​ ၼပ်ႉထလီႉ ​ၸမ်ႉ၊ ပဵၼ်​ ယႃႇၸေးလႃႉ၊ ၵူႉၼီႉ၊ ယေႇၸႃႉ တင်း​ သႃႇလုမ်ႇ ဢၼ်​ပဵၼ်​လၢၼ်​ ပီႉလႁႃႇ ​ၼၼ်ႉ​ဢေႃႈ။</verse>
				<verse number="14">လုၵ်ႈ​ၸၢႆး​ မၼႃႇ​သေႇ ​ၸမ်ႉ၊ ပဵၼ်​ ဢႃႇသရေးလႃႉ ဢၼ်​မေး​မၼ်း​ၵိူတ်ႇ​လဵင်ႉ​မႃး​ၼၼ်ႉ​ဢေႃႈ၊ လႆႈ​သမ်ႉ​မေး​ၼွႆႉ​မၼ်း​ဢၼ်​ပဵၼ်​မဵဝ်း​ သူႉရီႉ ​ၼၼ်ႉ​ၵိူတ်ႇ​လဵင်ႉ မႃႇၶီႉရႃႉ ပေႃႈ​ ၵီႉလတ်ႉ ​ၼၼ်ႉ​မႃး​လႄႈ၊-</verse>
				<verse number="15">မႃႇၶီႉရႃႉ ​ၼၼ်ႉ ႁူမ်ႈ​ပွင်း​ဢဝ်​ၵၼ်​တင်း​ၼွင်ႉ​ယိင်း ႁူႉပိမ်း ​တင်း​ သူႉပိမ်း ဢၼ်​လႆႈ​ၸိုဝ်ႈ​ မႃႇၶႃႇ ​ၼၼ်ႉ​ဢေႃႈ။ လုၵ်ႈ​ၸၢႆး​ဢၼ်​ထူၼ်ႈ​ထိုင်​သွင်​သိုပ်ႇ​ၼၼ်ႉ​ၸမ်ႉ၊ လႆႈ​ၸိုဝ်ႈ​ ၸလေႃးၽတ်ႉ၊ ၸလေႃးၽတ်ႉ ​ၼၼ်ႉ မီး​လုၵ်ႈ​ယိင်း​ၵူၺ်း​ဢေႃႈ။-</verse>
				<verse number="16">လႆႈ​သမ်ႉ​ မႃႇၶႃႇ မေး မႃႇၶီႉရႃႉ ​ၼၼ်ႉ ၵိူတ်ႇ​လဵင်ႉ​လုၵ်ႈ​ၸၢႆး​လႄႈ ႁွင်ႉ​ႁဵၵ်ႈ​ၸိုဝ်ႈ ပေႇရိတ်ႉ ​ဢေႃႈ၊ ၼွင်ႉ​ၸၢႆး​မၼ်း​ၸမ်ႉ၊ လႆႈ​ၸိုဝ်ႈ​ သေးရိတ်ႉ ​ဢေႃႈ၊ လုၵ်ႈ​ၸၢႆး​မၼ်း​ၸမ်ႉ၊ ပဵၼ်​ ဢူႉလမ်ႇ တင်း​ ရေႇၵိမ်ႇ ​ဢေႃႈ။-</verse>
				<verse number="17">လုၵ်ႈ​ၸၢႆး​ ဢူႉလမ်ႇ ​ၸမ်ႉ၊ ပဵၼ်​ ပေႇတၼ်ႇ ​ဢေႃႈ၊ ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​မဵဝ်း​ၸိူဝ်ႉ​ၶိူဝ်း​ ၵီႉလတ်ႉ လုၵ်ႈ​ၸၢႆး​ မႃႇၶီႉရႃႉ လုၵ်ႈ​ၸၢႆး​ မၼႃႇ​သေႇ ​ဢေႃႈ။-</verse>
				<verse number="18">ၼွင်ႉ​ယိင်း​မၼ်း ႁမ်ႇမေႃႇလေးၵိတ်ႉ ​ၼၼ်ႉ ၵိူတ်ႇ​လဵင်ႉ​ ဢီႉသေႃးတႃႉ၊ ဢပျေႇၸႃႇ တင်း​ မႁႃႇလႃႉ ​ဢေႃႈ။-</verse>
				<verse number="19">လုၵ်ႈ​ၸၢႆး​ သမီႉတႃႇ ​ၸမ်ႉ၊ ပဵၼ်​ ဢႁီႉဢၼ်ႇ၊ သေႇၶိမ်ႇ၊ လီႉၵႁီႉ တင်း​ ဢၼီႉဢမ်ႇ ​ဢေႃႈ။</verse>
				<verse number="20">လုၵ်ႈ​ၸၢႆး​ ဢေႇၽရိမ်ႇ ​ၸမ်ႉ၊ ပဵၼ်​ သူႉသေးလႃႉ ၊ လုၵ်ႈ​ၸၢႆး​ သူႉသေးလႃႉ ပဵၼ်​ ပေႇရိတ်ႉ ၊ လုၵ်ႈ​ၸၢႆး​ ပေႇရိတ်ႉ ပဵၼ်​ တႃႇႁတ်ႉ ၊ လုၵ်ႈ​ၸၢႆး​ တႃႇႁတ်ႉ ပဵၼ်​ ဢေးလျႃႇတႃႉ ၊ လုၵ်ႈ​ၸၢႆး​ ဢေးလျႃႇတႃႉ ၊ ပဵၼ်​ ထႃႇႁတ်ႉ ၊-</verse>
				<verse number="21">လုၵ်ႈ​ၸၢႆး​ ထႃႇႁတ်ႉ ပဵၼ်​ ၸႃႇပတ်ႉ ၊ လုၵ်ႈ​ၸၢႆး​ ၸႃႇပတ်ႉ ပဵၼ်​ သူႉသေးလႃႉ ​ဢေႃႈ။ လိူဝ်​သေ​ၼၼ်ႉ မီး​ ဢေးၸႃႇ တင်း​ ဢေးလတ်ႉ ဢၼ်​ၵူၼ်း​ဝဵင်း​ ၵႃႇသႃႉ ဢၼ်​ၵိူတ်ႇ​လဵင်ႉ​ၵႃႈ​တီႈ​မိူင်း​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​ဢဝ်​တၢႆ​ပႅတ်ႈ​သေ ၵွပ်ႈ​ပိူဝ်ႈ​ဢၼ်​သွင်​ၶႃ​လူင်း​ၵႂႃႇ ႁႂ်ႈ​လႆႈ​ႁိမ်​ႁူင်ႇ​ဢဝ်​တရိၵ်ႈသၢၼ်ႇ​ၶဝ်​ၼၼ်ႉ​ဢေႃႈ။-</verse>
				<verse number="22">ပေႃႈ​ၶဝ်​ ဢေႇၽရိမ်ႇ ​ၼၼ်ႉ ၸႂ်​ဢမ်ႇ​သႃႇ​ၶၢင်း​ၶီ​ၶၢင်း​ၽၢၼ် ယူႇ​ၶိင်ႇ​ၵႃႇလႃႉ​မိုဝ်ႉ​ဝၼ်း​ၼမ်​ၼႃႇ​လႄႈ၊ ပီႈ​ၼွင်ႉ​မၼ်း​တင်း​လၢႆ​ဢွၼ်​ၵၼ်​မႃး​ႁႂ်ႈ​မၼ်း​ပေႇ​ၸႂ်​ဢေႃႈ။-</verse>
				<verse number="23">လိုၼ်း​ၼၼ်ႉ မၼ်း​ၶဝ်ႈ​ၸူး​တီႈ​မေး​မၼ်း​သေ​ယဝ်ႉ၊ မႄႈ​ယိင်း​ၼၼ်ႉ​ပႃး​ပတိၵ်ႉသၼ်ႇထေႇ​သေ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​လႄႈ၊ မၼ်း​ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ ပေႇရီႉယႃႉ ​ဢေႃႈ။ လွင်ႈ​မၼ်း​ၸမ်ႉ ဢႃႉ​မင်ႇၵလႃႇ​ႁွတ်ႈ​ထိုင်​ၵႃႈ​တီႈ​ႁိူၼ်း​မၼ်း​ယေး​မၼ်း​ဢေႃႈ။-</verse>
				<verse number="24">လုၵ်ႈ​ယိင်း​မၼ်း​ၸမ်ႉ၊ ပဵၼ်​ သေးရႃႇ ​ဢၼ်​တႄႇ​ႁဵတ်း​ဝဵင်း​ ပႅတ်ႉႁေႃႇရုၼ်ႇ ဢၼ်​ၵႃႈ​ၼိူဝ်​ဢိၵ်ႇ​တင်း ဢၼ်​ၵႃႈ​တႂ်ႈ တင်း​ဝဵင်း​ ဢေႃးၸႅၼ်ႇသေးရႃႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="25">လုၵ်ႈ​ၸၢႆး​မၼ်း​ၸမ်ႉ၊ ပဵၼ်​ ရေးၽႃႉ ၊ လုၵ်ႈ​ၸၢႆး​ ရေးၽႃႉ ပဵၼ်​ ရေႇသႅပ်ႉ ၊ လုၵ်ႈ​ၸၢႆး​ ရေႇသႅပ်ႉ ပဵၼ်​ တေးလႃႉ ၊ လုၵ်ႈ​ၸၢႆး​ တေးလႃႉ ပဵၼ်​ တႃႇႁၼ်ႇ ၊-</verse>
				<verse number="26">လုၵ်ႈ​ၸၢႆး​ တႃႇႁၼ်ႇ ပဵၼ်​ လႃႇတၼ်ႇ ၊ လုၵ်ႈ​ၸၢႆး​ လႃႇတၼ်ႇ ပဵၼ်​ ဢမီႉႁုတ်ႉ ၊ လုၵ်ႈ​ၸၢႆး​ ဢမီႉႁုတ်ႉ ​ပဵၼ် ဢေးလီႉသမႃႇ ၊-</verse>
				<verse number="27">လုၵ်ႈ​ၸၢႆး​ ဢေးလီႉသမႃႇ ပဵၼ်​ ၼုၼ်ႇ ၊ လုၵ်ႈ​ၸၢႆး​ ၼုၼ်ႇ ပဵၼ်​ ယေႃးသူႉ ​ဢေႃႈ။-</verse>
				<verse number="28">တီႈ​ယူႇ​တီႈ​သဝ်း​ဢၼ်​ၶဝ်​ထိူၵ်ႈ​ပိူင်ႇ​ၸမ်ႉ၊ ပဵၼ်​ဝဵင်း​ ပေႇသလႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ၵႃႈ​တီႈ​ၽၢႆႇ​တၢင်း​ဢွၵ်ႇ​ၼၼ်ႉ ဝဵင်း​ ၼႃႇရၼ်ႇ ၊ ၵႃႈ​တီႈ​ၽၢႆႇ​တၢင်း​တူၵ်း​ၼၼ်ႉ ဝဵင်း​ ၵေႇၸႃႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ သေႇၶိမ်ႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ ၵႃႇၸႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊-</verse>
				<verse number="29">ၵႃႈ​တီႈ​ႁိမ်း​ၶွပ်ႇ​ၼမ်ႉ​လႅၼ်​လိၼ်​တီႈ​ယူႇ​ၵူၼ်း​မဵဝ်း​ မၼႃႇ​သေႇ ​ၼၼ်ႉ၊ ဝဵင်း​ ပႅတ်ႉသၼ်ႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ တႃႇၼၵ်ႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ မေႇၵိတ်ႉတေႃႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ တေႃႇရႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ဢေႃႈ။ ၵႃႈ​တီႈ​ဝဵင်း​ၸိူဝ်း​ၼႆႉ​ၵူၼ်း​မဵဝ်း​ ယူဝ်းသႅပ်ႈ ဢၼ်​ပဵၼ်​လုၵ်ႈ​ၸၢႆး​ ဢီႉသရေႇလႃႉ ​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​တူၵ်း​တီႈ​တူၵ်း​လႅၼ်​သေ​လႄႈ​ယူႇ​ဢေႃႈ။</verse>
				<verse number="30">လုၵ်ႈ​ၸၢႆး​ ဢႃႇသႃႇ ​ၸမ်ႉ၊ ပဵၼ်​ ယီႉမၼႃႉ၊ ဢီႉသႂႃႇ၊ ဢီႉသဝီႇ၊ ပေႇရီႉယႃႉ ၊ ၼွင်ႉ​ယိင်း​ၶဝ်​ ၸေးရႃႉ ​ဢေႃႈ။-</verse>
				<verse number="31">လုၵ်ႈ​ၸၢႆး​ ပေႇရီႉယႃႉ ​ၸမ်ႉ၊ ပဵၼ်​ ႁေႇပႃႇ တင်း​ မႃႇလၶျေးလႃႉ ဢၼ်​ပဵၼ်​ပေႃႈ​ ပီႉရႃႇၸႃႇဝိတ်ႉ ​ၼၼ်ႉ​ဢေႃႈ။-</verse>
				<verse number="32">လုၵ်ႈ​ၸၢႆး​ ႁေႇပႃႇ ​ၸမ်ႉ၊ ပဵၼ်​ ယႃႇၽလႅတ်ႉ၊ သေႃးမႃႇရႃႉ၊ ႁေႃးသမ်ႇ ၊ ၼွင်ႉ​ယိင်း​ၶဝ်​ သူႉဢႃႇ ​ဢေႃႈ။-</verse>
				<verse number="33">လုၵ်ႈ​ၸၢႆး​ ယႃႇၽလႅတ်ႉ ​ၸမ်ႉ၊ ပဵၼ်​ ပႃႇသၵ်ႉ၊ ပီႉမႁႃႇလႃႉ၊ ဢႃႇသဝတ်ႉ ​ဢေႃႈ၊ ၶဝ်​ၸိူဝ်း​ၼႆႉ​ပဵၼ် လုၵ်ႈ​ၸၢႆး​ ယႃႇၽလႅတ်ႉ ​ဢေႃႈ။-</verse>
				<verse number="34">လုၵ်ႈ​ၸၢႆး သမေႇရႃႉ ​ၸမ်ႉ၊ ပဵၼ်​ ဢႃႇႁီႉ၊ ရေႃးၵႃႉ၊ ယေႇႁုပ်ႉပႃႉ တင်း​ ဢႃႇရမ်ႇ ​ဢေႃႈ။-</verse>
				<verse number="35">လုၵ်ႈ​ ႁေႇလိမ်ႇ ဢၼ်​ပဵၼ်​ၼွင်ႉ​ၸၢႆး​မၼ်း​ၼၼ်ႉ​ၸမ်ႉ၊ ပဵၼ်​ ၸေႃႇၽႃႉ၊ ယီႉမၼႃႉ၊ သေးလိတ်ႉ တင်း​ ဢႃႇမလႃႉ ​ဢေႃႈ။-</verse>
				<verse number="36">လုၵ်ႈ​ၸၢႆး​ ၸေႃႇၽႃႉ ​ၸမ်ႉ၊ ပဵၼ်​ သူႉဢႃႇ၊ ႁႃႇၼေႇၽႃႇ၊ သႂႃႇလႃႉ၊ ပေႇရီႉ၊ ဢီႉမရႃႉ ၊-</verse>
				<verse number="37">ပေးၸႃႇ၊ ႁေႃးတႃႉ၊ သမ်ႇမႃႇ၊ သီႉလသႃႉ၊ ဢီႉသရၼ်ႇ တင်း​ ပႄႇရႃႉ ​ဢေႃႈ။-</verse>
				<verse number="38">လုၵ်ႈ​ၸၢႆး​ ယေႇသႃႇ ​ၸမ်ႉ၊ ပဵၼ်​ ယေႇၽုၼ်ႇၼႃႉ၊ ပီႉသပႃႉ တင်း​ ဢႃႇရႃႉ ​ဢေႃႈ။-</verse>
				<verse number="39">လုၵ်ႈ​ၸၢႆး​ ဢူႉလႃႉ ​ၸမ်ႉ၊ ပဵၼ်​ ဢႃႇရႃႉ၊ ႁၢၼ်ႇယေႇလႃႉ တင်း​ ရေႇၸီႉယႃႉ ​ဢေႃႈ။-</verse>
				<verse number="40">ၶဝ်​ၵႃႈ​မီး​ၼႆႉ ပဵၼ်​ၵူၼ်း​မဵဝ်း​ ဢႃႇသႃႇ ၊ ၵေႃႉ​ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၼႂ်း​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ် ၶုၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​လိူၵ်ႈ​ၵဵပ်း​ဢဝ်​လႄႈ ႁႅင်း​ယႂ်ႇ​ၼႃႇ​လႄႈ ပဵၼ်​တူၼ်ႈ​ပဵၼ်​ငဝ်ႈ​ၼႂ်း​ၶုၼ်​တင်း​လၢႆ​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​မၢတ်ႈ​မၢႆ​ၶဝ်ႈ​ပႃး​ၼႂ်း​ၸရၢင်း​လႄႈ တၢတ်ႈ​ၼိူင်ႇ​ႁႂ်ႈ​လႆႈ​ၶီႇ​သိုၵ်း​ၵႂႃႇ​ၼၼ်ႉ မီး​သွင်​မိုၼ်ႇ​ပၢႆ​ႁူၵ်း​ႁဵင်​ဢေႃႈ။</verse>
			</chapter>
			<chapter number="8">
				<verse number="1">လုၵ်ႈ​ၸၢႆး​ ပိၼ်ႇယႃႇမိၼ်ႇ ​ၸမ်ႉ၊ လုၵ်ႈ​ၸၢႆး​တူၼ်ႈ​မၼ်း​ပဵၼ် ပေႇလႃႉ ၊ လုၵ်ႈ​ၸၢႆး​တူႉတီႉယႃႉ​ပဵၼ် ဢႃႇသႃႉပေးလႃႉ ၊ လုၵ်ႈ​ၸၢႆး​တႃႉတီႉယႃႉပဵၼ် ဢႁႃႇရႃႉ ၊-</verse>
				<verse number="2">လုၵ်ႈ​ၸၢႆး​ၸတုၵ်ႉထႃႉ​ပဵၼ်​ ၼေႃးႁႃႉ ၊ လုၵ်ႈ​ၸၢႆး​ပိၼ်ႇၸမႃႉ​ပဵၼ် ရႃႇၽႃႉ ​ဢေႃႈ။-</verse>
				<verse number="3">လုၵ်ႈ​ၸၢႆး​ ပေႇလႃႉ ​ၸမ်ႉ၊ ပဵၼ် ဢတ်ႉတႃႇ၊ ၵေးရႃႉ၊ ဢၽီႉႁုတ်ႉ ၊-</verse>
				<verse number="4">ဢၽီႉသႂႃႇ၊ ၼေႇမၢၼ်ႇ၊ ဢႃႇႁေႃႇ ၊-</verse>
				<verse number="5">ၵေးရႃႉ၊ သေႇၽူႉၽမ်ႇ တင်း​ ႁူႉရမ်ႇ ​ဢေႃႈ။-</verse>
				<verse number="6">လုၵ်ႈ​ၸၢႆး​ ဢေႇႁုတ်ႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ် ၵူၼ်း​ဝဵင်း​ ၵေႇပႃႉ ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​ၶၢႆႉ​ၵႂႃႇ​ၵႃႈ​တီႈ​ဝဵင်း​ မႃႇၼႃႇႁတ်ႉ ​ၼၼ်ႉ​ၸမ်ႉ၊-</verse>
				<verse number="7">ပဵၼ်​ ၼေႇမၢၼ်ႇ၊ ဢႁီႉယႃႉ တင်း​ ၵေးရႃႉ ​ဢေႃႈ။ လိုၼ်း​သေ​ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​ၶၢႆႉ​ၵႂႃႇ​ယဝ်ႉ​ၼၼ်ႉ၊ မၼ်း​လႆႈ ဢေႃႇၸႃႉ တင်း ဢႁီႉႁုတ်ႉ ​ဢေႃႈ။-</verse>
				<verse number="8">သႁႃႇရိမ်း ​ၼၼ်ႉ​ၸုၼ်ႉ​ပႅတ်ႈ​မေး​မၼ်း ႁူႉသိမ်း တင်း​ ပႃႇရႃႇ ​သေ​ယဝ်ႉ၊ ယူႇ​ၵႃႈ​တီႈ​မိူင်း​ မေႃႇၽႃႉ ​လႄႈ လႆႈ​လုၵ်ႈ​လႆႈ​လၢင်း​ဢေႃႈ။-</verse>
				<verse number="9">ၵႃႈ​တီႈ​မေး​မၼ်း​ ႁေႃးတေႇသႃႉ ​ၼၼ်ႉ၊ မၼ်း​လႆႈ ယေႃးပပ်ႉ၊ ၸီႉပီႉ၊ မေႇသႃႉ၊ မႃႇလၶမ်ႇ ၊-</verse>
				<verse number="10">ယူႉၸႃႉ၊ သႃႇၶီႉ၊ မီႉရႃႉမႃႇ ​လႄႈ၊ ၶဝ်​ၸိူဝ်း​ၼႆႉ ပဵၼ်​လုၵ်ႈ​ၸၢႆး​မၼ်း​လႄႈ ပဵၼ်​ၵေႃႉ​ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၼႂ်း​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ဢေႃႈ။-</verse>
				<verse number="11">ၵႃႈ​တီႈ​မေး​မၼ်း​ ႁူႉသိမ်း ​ၼၼ်ႉ၊ မၼ်း​သမ်ႉ​လႆႈ​လုၵ်ႈ​ၸၢႆး​ ဢႁီႉတုပ်ႉ တင်း​ ဢေးလႃႉပႃႇလႃႉ ​ထႅင်ႈ​ဢေႃႈ။-</verse>
				<verse number="12">လုၵ်ႈ​ၸၢႆး​ ဢေးလႃႉပႃႇလႃႉ ​ၸမ်ႉ၊ ပဵၼ်​ ဢေႇပႃႇ၊ မီႉသႁမ်ႇ၊ သႃႇမိတ်ႉ ဢၼ်​တႄႇ​ႁဵတ်း​ဝဵင်း​ ဢေႃးၼေႃး ၊ ဝဵင်း​ လေႃးတႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ၼၼ်ႉ၊</verse>
				<verse number="13">ပေႇရီႉယႃႉ တင်း​ သေႇမႃႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၼႂ်း​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ် ၵူၼ်း​ ဢႃႇၸလုၼ်ႇ ​လႄႈ ႁေႃႈ​ၵူၼ်း​ဝဵင်း​ ၵႃႇသႃႉ ​တင်း​လၢႆ​ဢွၵ်ႇ​ပႅတ်ႈ​ၼၼ်ႉ၊-</verse>
				<verse number="14">လိူဝ်​သေ​ၼၼ်ႉ၊ ဢႁီႉဢေႃး၊ သႃႇသၵ်ႉ၊ ယေႇရီႉမုတ်ႉ ၊-</verse>
				<verse number="15">ၸေႇပတီႉ၊ ဢႃႇရတ်ႉ၊ ဢႃႇတႃႇ ၊-</verse>
				<verse number="16">မိၵ်ႉၶေႇလႃႉ၊ ဢီႉသပႃႇ၊ ယေႃးႁႃႉ ​ၸိူဝ်း​ၼၼ်ႉ​ပဵၼ်​လုၵ်ႈ​ၸၢႆး​ ပေႇရီႉယႃႉ ၊</verse>
				<verse number="17">လႆႈ​သမ်ႉ ၸေႇပတီႉ၊ မေႇသူႉလမ်ႇ၊ ႁေႇၸၵီႉ၊ ႁေႇပႃႇ ၊-</verse>
				<verse number="18">ဢီႉသမေႇရေႇ၊ ယေႇၸလီႉ၊ ယေႃးပပ်ႉ ​ၸိူဝ်း​ၼၼ်ႉ ပဵၼ်​လုၵ်ႈ​ၸၢႆး​ ဢေးလႃႉပႃႇလႃႉ ၊-</verse>
				<verse number="19">လႆႈ​သမ်ႉ ယႃႇၵိမ်း၊ ၸီႉၶရီႉ၊ ၸႃႇပတီႉ ၊-</verse>
				<verse number="20">ဢေးလျေႇၼႄႇ၊ ၸီႉလသေး၊ ဢေးလျေႇလႃႉ ၊-</verse>
				<verse number="21">ဢတႃႇယႃႉ၊ ပေႇရႃႇယႃႉ၊ သီႉမရတ်ႉ ​ၸိူဝ်း​ၼၼ်ႉ​ပဵၼ်​လုၵ်ႈ​ၸၢႆး​ သီႉမႁီႉ ၊-</verse>
				<verse number="22">လႆႈ​သမ်ႉ ဢီႉသပၼ်ႇ၊ ႁေႇပႃႇ၊ ဢေးလေႇလႃႉ ၊-</verse>
				<verse number="23">ဢႃႇပတုၼ်ႇ၊ ၸီႉၶရီႉ၊ ႁႃႇၼၼ်ႇ ၊-</verse>
				<verse number="24">ႁႃႇၼၼီႉ၊ ဢေႇလမ်ႇ၊ ဢၼ်ႇတေႃးသီႉယႃႉ ၊-</verse>
				<verse number="25">ဢီႉၽတီႉယႃႉ၊ ပေႇၼူၺ်ႇလႃႉ ​ၸိူဝ်း​ၼၼ်ႉ ပဵၼ်​လုၵ်ႈ​ၸၢႆး​ သႃႇသၵ်ႉ ၊-</verse>
				<verse number="26">လႆႈ​သမ်ႉ သမ်ႇသရေႇ၊ သေႇႁႃႇရီႉ၊ ဢႃႇထလီႉ ၊-</verse>
				<verse number="27">ယႃႇရသီႉ၊ ဢေးလီႉယႃႉ၊ ၸီႉၶရီႉ ​ၸိူဝ်း​ၼၼ်ႉ​ပဵၼ်​လုၵ်ႈ​ၸၢႆး​ ယေႇရေႃးႁမ်ႇ ​ဢေႃႈ။-</verse>
				<verse number="28">ၶဝ်​ၸိူဝ်း​ၼႆႉ ပဵၼ်​ၵေႃႉ​ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၼႂ်း​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ် ၸွမ်း​လူၺ်ႈ​ဢၼ်​သိုပ်ႇ​လူင်း​မႃး​ၼၼ်ႉ​လႄႈ​ပဵၼ်​ငဝ်ႈ​ပဵၼ်​ႁူဝ်​သေ​လႄႈ ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="29">ၵႃႈ​တီႈ​ဝဵင်း​ ၵီႉပွင်ႇ ​ၼၼ်ႉ၊ ပေႃႈ​ ၵီႉပွင်ႇ ​ဢၼ်​မေး​မၼ်း​လႆႈ​ၸိုဝ်ႈ​ မႃႇၶႃႇ ​ၼၼ်ႉ ယူႇ​ဢေႃႈ။-</verse>
				<verse number="30">လုၵ်ႈ​ၸၢႆး​တူၼ်ႈ​မၼ်း​ၸမ်ႉ၊ ပဵၼ်​ ဢႃႇပတုၼ်ႇ ၊ လိုၼ်း​မၼ်း​ၼၼ်ႉ ၸူႉရႃႉ၊ ၵီႉသႃႉ၊ ပႃႇလႃႉ၊ ၼႃႇတပ်ႉ ၊-</verse>
				<verse number="31">ၵေးတေႃး၊ ဢႁီႉဢေႃး ၊ တင်း​ ၸႃႇၶရီႉ ​ဢေႃႈ။-</verse>
				<verse number="32">လုၵ်ႈ​ၸၢႆး​ မီႉၵလုတ်ႉ ​ၸမ်ႉ၊ ပဵၼ်​ သီႉမႃႇ ​ဢေႃႈ၊ ၶဝ်​ၸိူဝ်း​ၼႆႉ​တူၵ်း​တီႈ​တူၵ်း​လႅၼ်​ယူႇ​လူၺ်ႈ​ၵၼ်​တင်း​ပီႈ​ၼွင်ႉ​ၶဝ် ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵႃႈ​တီႈ​ႁိမ်း​မူႇ​ပီႈ​ၸိူဝ်း​ၼွင်ႉ​ၽၢၵ်ႇ​ၼိုင်ႈ​ဢေႃႈ။</verse>
				<verse number="33">ၼေးရႃႉ မီး​လုၵ်ႈ​ၸၢႆး​ ၵီႉသႃႉ၊ ၵီႉသႃႉ မီး​လုၵ်ႈ​ၸၢႆး​ သေႃးလူႉ၊ သေႃးလူႉ မီး​လုၵ်ႈ​ၸၢႆး ယေႃးၼသၼ်ႇ၊ မေႇလၶီႉသႂႃႇ၊ ဢၽီႉၼတပ်ႉ တင်း​ ဢီႉသပႃႇလႃႉ ​ဢေႃႈ။-</verse>
				<verse number="34">လုၵ်ႈ​ၸၢႆး​ ယေႃးၼသၼ်ႇ ​ၸမ်ႉ၊ ပဵၼ်​ မေးရိပ်ႉပႃႇလႃႉ ၊ လုၵ်ႈ​ၸၢႆး​ မေးရိပ်ႉပႃႇလႃႉ ပဵၼ်​ မီႉၶႃႇ ၊-</verse>
				<verse number="35">လုၵ်ႈ​ၸၢႆး​ မီႉၶႃႇ ပဵၼ်​ ပီႉသုၼ်ႇ၊ မေးလႅၵ်ႉ၊ တႃႇရႃႇ တင်း​ ဢႃႇၶတ်ႉ ​ဢေႃႈ။-</verse>
				<verse number="36">ဢႃႇၶတ်ႉ ​ၼၼ်ႉ​မီး​လုၵ်ႈ​ၸၢႆး ယေႇႁေႃးတႃႉ၊ ယေႇႁေႃးတႃႉ မီး​လုၵ်ႈ​ၸၢႆး ဢႃႇလမိတ်ႉ၊ ဢႃႇၸမႃႇဝိတ်ႉ တင်း​ ၸီႉမရီႉ ​ဢေႃႈ။ ၸီႉမရီႉ ​ၼၼ်ႉ မီး​လုၵ်ႈ​ၸၢႆး​ မေႃႇၸႃႉ ၊-</verse>
				<verse number="37">မေႃႇၸႃႉ မီး​လုၵ်ႈ​ၸၢႆး ပီႉၼႃႉ၊ ပီႉၼႃႉ ​မီး​လုၵ်ႈ​ၸၢႆး ရေႇၽႃႇယႃႉ၊ ရေႇၽႃႇယႃႉ မီး​လုၵ်ႈ​ၸၢႆး​ ဢေးလႃႇသႃႉ၊ ဢေးလႃႇသႃႉ မီး​လုၵ်ႈ​ၸၢႆး ဢႃႇၸေးလႃႉ ​ဢေႃႈ။-</verse>
				<verse number="38">ဢႃႇၸေးလႃႉ မီး​လုၵ်ႈ​ၸၢႆး​ႁူၵ်း​ၵေႃႉ​ဢၼ်​လႆႈ​ၸိုဝ်ႈ​ ဢႃႇၸရီႉၵမ်ႇ၊ ပေႃးၶေႇရူႉ၊ ဢီႉသမေႇလႃႉ၊ သရီႉယႃႉ၊ ဢေႃးပတီႉ ၊ တင်း​ ႁႃႇၼၼ်ႇ ​ဢေႃႈ။ ၶဝ်​ၵႃႈ​မီး​ၼႆႉ​ပဵၼ်​လုၵ်ႈ​ၸၢႆး​ ဢႃႇၸေးလႃႉ ​ဢေႃႈ။-</verse>
				<verse number="39">လုၵ်ႈ​ၸၢႆး​ ဢေးသိၵ်ႉ ဢၼ်​ပဵၼ်​ၼွင်ႉ​ၸၢႆး​မၼ်း​ၼၼ်ႉ​ၸမ်ႉ၊ လုၵ်ႈ​ၸၢႆး​တူၼ်ႈ​မၼ်း​ပဵၼ် ဢူႉလမ်ႇ ၊ လုၵ်ႈ​ၸၢႆး​တူႉတီႉယႃႉ​ပဵၼ် ယေႇႁုတ်ႉ ၊ လုၵ်ႈ​ၸၢႆး​တႃႉတီႉယႃႉ​ပဵၼ် ဢေးလီႉၽလႅတ်ႉ ​ဢေႃႈ။-</verse>
				<verse number="40">လုၵ်ႈ​ၸၢႆး​ ဢူႉလမ်ႇ ​ၸိူဝ်း​ၼၼ်ႉ ဢွၼ်​ၵၼ်​ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​သေ​လႄႈ ၸၢင်ႈ​ယိုဝ်း​ၵၢင်ႇ​ယိုဝ်း​ၵူင်​လႄႈ၊ လုၵ်ႈ​လၢၼ်​လိၼ်​ၼမ်​ၼႃႇ​ပွင်း​ၵၼ်​မီး​ပၢၵ်ႇ​ပၢႆ​ႁႃႈ​သိပ်း​ဢေႃႈ။ ၶဝ်​ၵႃႈ​မီး​ၼႆႉ​ၸမ်ႉ၊ ပဵၼ်​ၵူၼ်း​မဵဝ်း​ ပိၼ်ႇယႃႇမိၼ်ႇ ​ဢေႃႈ။</verse>
			</chapter>
			<chapter number="9">
				<verse number="1">ၼင်ႇ​ၼၼ်​လႄႈ မဵဝ်း​ ဢီႉသရေႇလႃႉ ​တင်း​သဵင်ႈ​တင်း​မူတ်း လႆႈ​ၶၢမ်ႇ​တၢင်း​ဢၼ်​မၢတ်ႈ​မၢႆ​ၶဝ်ႈ​ပႃး​ၵႃႈ​ၼႂ်း​ၸရၢင်း​လႄႈ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​လိၵ်ႈ​ဢၼ်​မၢတ်ႈ​မၢႆ​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ။ မဵဝ်း​ ယူႉတႃႉ လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ၵွပ်ႈ​ပိူဝ်ႈ​ဢပႅတ်ႈ​ၶဝ်​ၼၼ်ႉ​ဢေႃႈ။-</verse>
				<verse number="2">လိုၼ်း​ၼၼ်ႉ​ၶဝ်​ၸိူဝ်း​ဢၼ်​တူၵ်း​တီႈ​တူၵ်း​လႅၼ်​သေ​လႄႈ​ယူႇ​ဢွၼ်​တၢင်း​ပိူၼ်ႈ ၵႃႈ​တီႈ​ဝၢၼ်ႈ​ဝဵင်း​ဢၼ်​ၶဝ်​ထိူၵ်ႈ​ပိူင်ႇ​ၼၼ်ႉ​ၸမ်ႉ၊ ပဵၼ်​ၵူၼ်း​မဵဝ်း​ ဢီႉသရေႇလႃႉ ၊ ယိတ်ႈပရေႃးႁဵၵ်ႈ၊ ၵူၼ်း​မဵဝ်း​ လေႇဝီႉ ဢိၵ်ႇ​တင်း​ၶႃႈ​ၽြႃး​ပဵၼ်​ၸဝ်ႈ​တင်း​လၢႆ​ဢေႃႈ။-</verse>
				<verse number="3">ၵူၼ်း​မဵဝ်း​ ယူႉတႃႉ ၊ ၵူၼ်း​မဵဝ်း​ ပိၼ်ႇယႃႇမိၼ်ႇ ၊ ၵူၼ်း​မဵဝ်း​ ဢေႇၽရိမ်ႇ တင်း​ မၼႃႇ​သေႇ ဢၼ်​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ၸမ်ႉ၊-</verse>
				<verse number="4">ပဵၼ်​ ဢူႉသေႇ လုၵ်ႈ​ၸၢႆး​ ဢမီႉႁုတ်ႉ ၊ လုၵ်ႈ​ၸၢႆး​ ဢေႃးမရီႉ ၊ လုၵ်ႈ​ၸၢႆး​ ဢီႉမရီႉ ၊ လုၵ်ႈ​ၸၢႆး​ ၽႃႇၼီႉ ဢၼ်​ပဵၼ်​မဵဝ်း​ၸိူဝ်ႉ​ၶိူဝ်း​ ၽေးရိတ်ႉ လုၵ်ႈ​ၸၢႆး​ ယူႉတႃႉ ​ၼၼ်ႉ​ၵေႃႉ​ၼိုင်ႈ၊-</verse>
				<verse number="5">ဢသႃႇယႃႉ ​လုၵ်ႈ​ၸၢႆး​တူၼ်ႈ ဢိၵ်ႇ​တင်း​လုၵ်ႈ​ၸၢႆး​မၼ်း ဢၼ်​ပဵၼ်​မဵဝ်း​ၸိူဝ်ႉ​ၶိူဝ်း​ သီႉလေႃးၼီႉ ​ၼၼ်ႉ​မုၵ်ႉ​ၸိူဝ်း​ၼိုင်ႈ၊-</verse>
				<verse number="6">ယူၺ်ႇလႃႉ ဢိၵ်ႇ​တင်း​ပီႈ​ၼွင်ႉ​မၼ်း​ဢၼ်​ပဵၼ်​မဵဝ်း​ၸိူဝ်ႉ​ၶိူဝ်း ၸေးရႃႉ ​ၼၼ်ႉ​မုၵ်ႉ​ၸိူဝ်း​ၼိုင်ႈ ဢၢၼ်ႇ​ပွင်း​ၵၼ်​ပဵၼ်​ႁူၵ်း​ပၢၵ်ႇ​ပၢႆ​ၵဝ်ႈ​သိပ်း​ဢေႃႈ။</verse>
				<verse number="7">ၵူၼ်း​မဵဝ်း​ ပိၼ်ႇယႃႇမိၼ်ႇ ​ၸမ်ႉ၊ ပဵၼ်​ သႃႇလူႉ လုၵ်ႈ​ၸၢႆး​ မေႇသူႉလမ်ႇ ၊ လုၵ်ႈ​ၸၢႆး​ ႁေႃးတဝီႉ ၊ လုၵ်ႈ​ၸၢႆး​ ႁသေးၼႂႃႇ ​ၼၼ်ႉ​ၵေႃႉ​ၼိုင်ႈ၊-</verse>
				<verse number="8">ဢီႉပၼေႇယႃႉ လုၵ်ႈ​ၸၢႆး​ ယေႇရေႃးႁမ်ႇ ၵေႃႉ​ၼိုင်ႈ၊ ဢေးလႃႇ ​လုၵ်ႈ​ၸၢႆး​ ဢေႃႇၸီႉ ၊ လုၵ်ႈ​ၸၢႆး​ မီႉၶရီႉ ​ၵေႃႉ​ၼိုင်ႈ၊ မေႇသူႉလမ်ႇ လုၵ်ႈ​ၸၢႆး​ သေႇၽတီႉ ၊ လုၵ်ႈ​ၸၢႆး​ ရူႉဢေးလႃႉ ၊ လုၵ်ႈ​ၸၢႆး​ ဢီႉပၼီႉယႃႉ ၵေႃႉ​ၼိုင်ႈ၊-</verse>
				<verse number="9">ဢိၵ်ႇ​တင်း​ပီႈ​ၼွင်ႉ​ၶဝ် ဢၼ်​ၸွမ်း​လူၺ်ႈ​မဵဝ်း​ၸိူဝ်ႉ​ၶိူဝ်း​သိုပ်ႇ​လူင်း​မႃး​ၼၼ်ႉ ဢၢၼ်ႇ​ပွင်း​ၵၼ်​ပဵၼ်​ၵဝ်ႈ​ပၢၵ်ႇ​ႁႃႈ​သိပ်း​ပၢႆ​ႁူၵ်း​ၵေႃႉ​ဢေႃႈ။ ၶဝ်​ၵႃႈ​မီး​ၼႆႉ ပဵၼ်​ၵေႃႉ​ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၼႂ်း​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ၸွမ်း​လူၺ်ႈ​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ​ဢေႃႈ။</verse>
				<verse number="10">ယိတ်ႈပရေႃးႁဵၵ်ႈ​ၸမ်ႉ၊ ပဵၼ်​ ယေႇတႃႇယႃႉ၊ ယေႇယႃႇရိပ်ႉ၊ ယႃႇၶိၼ်ႇ ဢိၵ်ႇ​တင်း၊-</verse>
				<verse number="11">ဢႃႇၸရီႉ ဢၼ်​ဢုပ်ႉ​ၵႃႈ​ၼိူဝ်​ႁိူၼ်း ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ ဢၼ်​ပဵၼ်​လုၵ်ႈ​ၸၢႆး ႁီႉလၶီႉ ၊ လုၵ်ႈ​ၸၢႆး​ မေႇသူႉလမ်ႇ ၊ လုၵ်ႈ​ၸၢႆး​ ၸႃႇတုၵ်ႉ ၊ လုၵ်ႈ​ၸၢႆး​ မရႃႇယုတ်ႉ လုၵ်ႈ​ၸၢႆး​ ဢႁီႉတုပ်ႉ ​ၼၼ်ႉ​ပႃး​ၼိုင်ႈ၊-</verse>
				<verse number="12">ဢတႃႇယႃႉ လုၵ်ႈ​ၸၢႆး​ ယေႇရေႃးႁမ်ႇ ၊ လုၵ်ႈ​ၸၢႆး​ ပႃႇသူႉရႃႉ ၊ လုၵ်ႈ​ၸၢႆး​ မႃႇလၶီႉ ပႃး​ၼိုင်ႈ၊ မႃႇသေး လုၵ်ႈ​ၸၢႆး​ ဢတေႇလႃႉ ၊ လုၵ်ႈ​ၸၢႆး​ ယႃႇၸေးရႃႉ ၊ လုၵ်ႈ​ၸၢႆး​ မေႇသူႉလမ်ႇ လုၵ်ႈ​ၸၢႆး​ မေႇသီႉလမုတ်ႉ ၊ လုၵ်ႈ​ၸၢႆး​ ဢီႉမေႇရႃႉ ပႃး​ၼိုင်ႈ၊-</verse>
				<verse number="13">ဢိၵ်ႇ​တင်း​ပီႈ​ၼွင်ႉ​ၶဝ် ဢၼ်​ပဵၼ်​ၵေႃႉ​ဢၼ်​ပဵၼ်​တူၼ်ႈ​ပဵၼ်​ငဝ်ႈ​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ ဢၢၼ်ႇ​ပွင်း​ၵၼ်​ပဵၼ် ႁဵင်​ၸဵတ်း​ပၢၵ်ႇ​ပၢႆ​ႁူၵ်း​သိပ်း​ဢေႃႈ။ ၶဝ်​ၸိူဝ်း​ၼႆႉ​ပဵၼ်​ၵေႃႉ​ဢၼ်​တၢတ်ႈ​ၼိူင်ႇ​ႁႂ်ႈ​လႆႈ ၵိုတ်ႉ​ႁၢပ်ႇ​ဢမူႉ​ႁိူၼ်း​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="14">ၵူၼ်း​မဵဝ်း​ လေႇဝီႉ ​ၸမ်ႉ၊ ပဵၼ်​ သေႇမႃႇယႃႉ လုၵ်ႈ​ၸၢႆး​ ႁႃႇသုပ်ႉ ၊ လုၵ်ႈ​ၸၢႆး​ ဢႃႇၸရီႉၵမ်ႇ လုၵ်ႈ​ၸၢႆး​ ႁႃႇသီႉပီႉ ဢၼ်​ပဵၼ်​မဵဝ်း​ၸိူဝ်ႉ​ၶိူဝ်း မေႇရႃႇရီႉ ​ၼၼ်ႉ​ပႃး​ၼိုင်ႈ၊-</verse>
				<verse number="15">ပႃႉၵပိၵ်ႉၵႃႇ၊ ႁေးရိတ်ႉ၊ၵလႃးလႃႉ ​သၢမ်​ပႃး၊ မတ်ႉတၼီႉ လုၵ်ႈ​ၸၢႆး​ မီႉၶႃႇ ၊ လုၵ်ႈ​ၸၢႆး​ ၸီႉၶရီႉ ၊ လုၵ်ႈ​ၸၢႆး​ ဢႃႇသပ်ႉ ​ၼၼ်ႉ​ပႃး​ၼိုင်ႈ၊-</verse>
				<verse number="16">ဢေႃးပတီႉ လုၵ်ႈ​ၸၢႆး​ သေႇမႃႇယႃႉ ၊ လုၵ်ႈ​ၸၢႆး​ ၵလႃးလႃႉ ၊ လုၵ်ႈ​ၸၢႆး​ ယေႇတူႉသုၼ်ႇ ပႃး​ၼိုင်ႈ၊ ပေႇရၶီႉ လုၵ်ႈ​ၸၢႆး​ ဢႃႇသႃႉ ၊ လုၵ်ႈ​ၸၢႆး​ ဢေးလႃႉၵႃႇၼႃႉ ဢၼ်​ယူႇ​ၵႃႈ​တီႈ​ဝၢၼ်ႈ​ၵူၼ်း ၼေႇတေႃႇၽႃႇသီႉ ​ၸိူဝ်း​ၼၼ်ႉ​ပႃး​ၼိုင်ႈ​ဢေႃႈ။-</verse>
				<verse number="17">ၵူၼ်း​ဢၼ်​ပႂ်ႉ​ၽၵ်း​တူ​ၸမ်ႉ၊ ပဵၼ်​ သႃႇလုမ်ႇ၊ ဢၵ်ႉၵုပ်ႉ၊ တႃႇလမုၼ်ႇ၊ ဢႁီႉမၼ်ႇ ဢိၵ်ႇ​တင်း​ပီႈ​ၼွင်ႉ​ၶဝ်​မုၵ်ႉ​ၸိူဝ်း​ၼိုင်ႈ​ဢေႃႈ။-</verse>
				<verse number="18">သႃႇလုမ်ႇ ​ၼၼ်ႉ ပဵၼ်​ၵႄႇ​ၽၵ်း​တူ​တၢင်း​ဝၼ်း​ဢွၵ်ႇ​ဢၼ်​ၶုၼ်​ႁေႃ​ၶမ်း​ၶဝ်ႈ​ၼၼ်ႉ​ဢေႃႈ။ ၶဝ်​ၸိူဝ်း​ၼႆႉ​လႆႈ​ပဵၼ်​ၵူၼ်း​ပႂ်ႉ​ၽၵ်း​တူ​ဢၼ်​ပႃး​လူၺ်ႈ​မုၵ်ႉ​လူၺ်ႈ​ၸိူဝ်း​ၵူၼ်း​မဵဝ်း​ လေႇဝီႉ ​ဢေႃႈ။-</verse>
				<verse number="19">သႃႇလုမ်ႇ လုၵ်ႈ​ၸၢႆး​ ၵေႃးရႃႉ ၊ လုၵ်ႈ​ၸၢႆး​ ဢေးပျႃႇသပ်ႉ ၊ လုၵ်ႈ​ၸၢႆး​ ၵေႃးရႃႉ ​ၼၼ်ႉ​ဢိၵ်ႇ​တင်း ပီႈ​ၼွင်ႉ​မၼ်း​ဢၼ်​ပဵၼ်​မဵဝ်း​ၸိူဝ်ႉ​ၶိူဝ်း​ပေႃႈ​မၼ်း၊ ၵူၼ်း​မဵဝ်း​ ၵေႃႇရသီႉ ​ၸိူဝ်း​ၼၼ်ႉ လႆႈ​ပႂ်ႉ​လူ​ပႂ်ႉ​ထိင်း​တၢင်း​ဢၼ်​ၵိုတ်ႉ​ဢၼ်​ႁၢပ်ႇ​ဢမူႉ​ၸဝ်ႈ​လႄႈ ပဵၼ်​ၵူၼ်း​ပႂ်ႉ​ၽၵ်း​တူ​သုမ်ႉ​ထဵင်​ၸဝ်ႈ​ဢေႃႈ။ ပူႇ​ပေႃႈ​ၶဝ်​ၼၼ်ႉ​လႆႈ​ပႂ်ႉ​လူ​ပႂ်ႉ​ထိင်း​တပ်ႉ​ပူဝ်ႇ​ပႃႇ​ထႃႇဝရႃႉ​ၽြႃး​လႄႈ ပဵၼ်​ၵေႃႉ​ဢၼ်​ပႂ်ႉ​ၼႃႈ​သုမ်ႉ​ထဵင်​ၸဝ်ႈ​ဢေႃႈ။-</verse>
				<verse number="20">ၽီႉၼႁတ်ႉ ​လုၵ်ႈ​ၸၢႆး​ ဢေးလႃႇၸႃႇ လႆႈ​ဢုပ်ႉ​ၵႃႈ​ၼိူဝ်​ၶဝ်​ၼၼ်ႉ မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႄႈ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​မၼ်း​ၼၼ်ႉ​ဢေႃႈ။-</verse>
				<verse number="21">ၸႃႇၶရီႉ ​လုၵ်ႈ​ၸၢႆး​ မသေးလမီႉ ပဵၼ်​ၵေႃႉ​ဢၼ်​ပႂ်ႉ​ၽၵ်း​တူ​မူဝ်းၵႃႇ​ၸဝ်ႈ တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​ဢေႃႈ။-</verse>
				<verse number="22">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​လိူၵ်ႈ​ၵဵပ်း​ဢဝ် ႁႂ်ႈ​လႆႈ​ပဵၼ်​ၵေႃႉ​ဢၼ်​ပႂ်ႉ​ၽၵ်း​တူ​ၼၼ်ႉ ပွင်း​ၵၼ်​ပဵၼ်​သွင်​ပၢၵ်ႇ​သိပ်း​ပၢႆ​သွင်​ၵေႃႉ​ဢေႃႈ။ ၶဝ်​ၼၼ်ႉ​လႆႈ​ၶၢမ်ႇ​တၢင်း​ဢၼ်​မၢတ်ႈ​မၢႆ​ၶဝ်ႈ​ပႃး ၼႂ်း​ၸရၢင်း​တီႈ​ဝၢၼ်ႈ​ၶဝ်​လႄႈ ပဵၼ်​ၵေႃႉ​ဢၼ် ၶုၼ်​လူင်​ တႃႇဝိတ်ႈ ဢိၵ်ႇ​တင်း ပရေႃးၽႅတ်ႈ​ သမူၺ်ႇလႃႉ ဢၼ်​ပဵၼ်​ၵေႃႉ​ဢၼ်​ႁူ​ပွင်ႇ​တႃ​လႅင်း​ၼၼ်ႉ ၶၢၼ်း​ဝႆႉ​ၼႂ်း​ဢရႃႇ​ၶဝ်​ၼၼ်ႉ​ဢေႃႈ။-</verse>
				<verse number="23">ၶဝ်​ဢိၵ်ႇ​တင်း​လုၵ်ႈ​လၢင်း​ၶဝ်​ၼၼ်ႉ လႆႈ​ပႂ်ႉ​လူ​ပႂ်ႉ​ထိင်း​ၽၵ်း​တူ​ႁိူၼ်း​ထႃႇဝရႃႉ​ၽြႃး ဢၼ်​ဝႃႈ​သုမ်ႉ​ထဵင်​ၸဝ်ႈ​ၼၼ်ႉ ၸွမ်း​လူၺ်ႈ​တီႈ​ၽႂ်​တီႈ​မၼ်း​ဢေႃႈ။-</verse>
				<verse number="24">ၵူၼ်း​ပႂ်ႉ​ၽၵ်း​တူ​ၸိူဝ်း​ၼၼ်ႉ လႆႈ​ဢွၼ်​ၵၼ်​ပႂ်ႉ​ယူႇ​ၵႃႈ​တီႈ​တၢင်း​ဢွၵ်ႇ၊ တၢင်း​တူၵ်း၊ တၢင်း​ႁွင်ႇ၊ တၢင်း​ၸၢၼ်း သီႇ​ၼႃႈ​ဢေႃႈ။-</verse>
				<verse number="25">ပီႈ​ၼွင်ႉ​ၶဝ်​ဢၼ်​ယူႇ​ၵႃႈ​တီႈ​ဝၢၼ်ႈ​ၶဝ်​ၸိူဝ်း​ၼၼ်ႉ၊ ၸဵတ်း​ဝၼ်း​ၸဵတ်း​ဝၼ်း​လႆႈ​ဢွၼ်​ၵၼ်​မႃး​ႁႂ်ႈ​လႆႈ​မီး​လူၺ်ႈ​ၵၼ်​တင်း​ၶဝ် ၸွမ်း​ၵႃႈ​ၼင်ႇ​ဢၼ်​တူၵ်း​လႄႉ​တူၵ်း​ၵမ်း​ၼၼ်ႉ​ဢေႃႈ။-</verse>
				<verse number="26">ၵႄႇ​ၽၵ်း​တူ​သီႇ​ၵေႃႉ​ဢၼ်​ပဵၼ်​ၵူၼ်း​မဵဝ်း​ လေႇဝီႉ ​ၼၼ်ႉ ၸွမ်း​ၵႃႈ​ၼင်ႇ​ဢၼ်​လႆႈ​ၶၢမ်ႇ​ဢရႃႇ​ဢၼ်​သေႇ​သေႇ​ၼၼ်ႉ​လႄႈ လႆႈ​ဢွၼ်​ၵၼ်​ပႂ်ႉ​လုၵ်း​တင်း​လၢႆ ဢိၵ်ႇ​တင်း​တိူၵ်ႈ​ၽၼ်ႇတႃႇ​ႁိူၼ်း​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​တင်း​လၢႆ​ယူႇ​ဢေႃႈ။-</verse>
				<verse number="27">ၵွပ်ႈ​ပိူဝ်ႈ​ဢၼ်​ၶဝ်​လႆႈ​ပႂ်ႉ ၸိူဝ်ႉ​ၼင်ႇ​ၼၼ်​သေ​လႄႈ၊ ၵူႈ​ၼႂ်​ၵူႈ​ၼႂ်​လႆႈ​ၽုၺ်ႇ​ၽၵ်း​တူ​ၼၼ်ႉ​လႄႈ၊ ၶဝ်​လႆႈ​ဢွၼ်​ၵၼ်​ၼွၼ်း​ၵႃႈ​တီႈ​လဵပ်ႈ​ႁွပ်ႈ​ႁိူၼ်း​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="28">ၵမ်ႈ​ၽွင်ႈ​ၵေႃႈ​လႆႈ​ပႂ်ႉ​ၶိူင်ႈ​ပိူင်​ဢၼ်​ၵိုတ်ႉ​ႁၢပ်ႇ​ဢမူႉ​ၸဝ်ႈ​ၸိူဝ်း​ၼၼ်ႉ​လႄႈ လႆႈ​ဢွၼ်​ၵၼ်​ဢဝ်​သႂၢင်း​ၶဝ်ႈ​ယူႇ ဢဝ်​ဢွၵ်ႇ​ယူႇ ၸွမ်း​ၵႃႈ​ၼင်ႇ​ဢၼ်​ၼပ်ႉ​ဢၼ်​ဢၢၼ်ႇ​ၼၼ်ႉ​ဢေႃႈ။-</verse>
				<verse number="29">ၵမ်ႈ​ၽွင်ႈ​ၵေႃႈ​လႆႈ​ၶၢမ်ႇ​တၢင်း​ဢၼ်​ၶၢၼ်း​ဝႆႉ ႁႂ်ႈ​လႆႈ​ပႂ်ႉ​လူ​ပႂ်ႉ​ထိင်း​ၶိူင်ႈ​ပိူင်​ဢၼ်​သုင်း​ဢၼ်​သွင်ႇ​တင်း​လၢႆ ဢိၵ်ႇ​တင်း​ၶိူင်ႈ​ပိူင်​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၵႃႈ​မီး၊ ၽွင်​ၶဝ်ႈ​မုၼ်း၊ ၼမ်ႉ​ၸပိတ်ႈ၊ ၼမ်ႉ​မၼ်း၊ လေႃႇပၢၼ်ႇ ​မဵဝ်း​ၼၢမ်ႇ​သႃႇ​တင်း​လၢႆ​လႄႈ​ယူႇ​ဢေႃႈ။-</verse>
				<verse number="30">ၵူၼ်း​မဵဝ်း​ယိတ်ႈပရေႃးႁဵၵ်ႈ​ၵမ်ႈ​ၽွင်ႈ​ၵေႃႈ လႆႈ​ဢွၼ်​ၵၼ်​ၽေႃႇ​ႁဵတ်း​ၼမ်ႉ​မၼ်း​ၼၢမ်ႇ​သႃႇ​ဢေႃႈ။-</verse>
				<verse number="31">မတ်ႉတီႉသီႉ ​လုၵ်ႈ​ၸၢႆး​ သႃႇလုမ်ႇ ဢၼ်​ပဵၼ်​မဵဝ်း​ၸိူဝ်ႉ​ၶိူဝ်း ၵေႃႇရသီႉ ​ၼႂ်း​ၵူၼ်း​မဵဝ်း​ လေႇဝီႉ ​ၼၼ်ႉ လႆႈ​မီး​ဢရႃႇ​ဢၼ်​ပႂ်ႉ​မဵဝ်း ၶဝ်ႈ​မုၼ်း​ဢၼ်​ဢဝ်​တင်း​ၶႅပ်း​လဵၵ်း​ၽဝ်​ၼၼ်ႉ​ဢေႃႈ။-</verse>
				<verse number="32">ပီႈ​ၼွင်ႉ​ၶဝ်​ဢၼ်​ပဵၼ်​မဵဝ်း​ၸိူဝ်ႉ​ၶိူဝ်း​ ၵေႃႇရသီႉ ၵမ်ႈ​ၽွင်ႈ​ၼၼ်ႉ​လႆႈ​ဢွၼ်​ၵၼ်​ပႂ်ႉ​လူ​ပႂ်ႉ​ထိင်း​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ ႁႂ်ႈ​လႆႈ​ပွင်​မႄး​ပွင်​ႁႅၼ်း ပုၼ်ႈ​ဝၼ်း​ၵမ်​သိၼ်​ၵူႈ​ဝၼ်း​ဢေႃႈ။-</verse>
				<verse number="33">ၶဝ်​ၸိူဝ်း​ဢၼ်​ႁဵတ်း​ၵႂၢမ်း ဢၼ်​ပဵၼ်​တူၼ်ႈ​ပဵၼ်​ငဝ်ႈ ၼႂ်း​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ၼႂ်း​မဵဝ်း​ လေႇဝီႉ ​ၼၼ်ႉ​ၸိူဝ်း​ၼၼ်ႉ လႆႈ​ယူႇ​ၵႃႈ​တီႈ လုၵ်း​ႁိူၼ်း​ၸဝ်ႈ​တင်း​လၢႆ​လႄႈ လႆႈ​လွတ်ႈ​တၢင်း​ဢမူႉ​တၢင်ႇ​ၸိူဝ်ႉ​တၢင်ႇ​ဢၼ် ၵွပ်ႈ​ပိူဝ်ႈ​ဢၼ်​ၶဝ်​လႆႈ​ပႂ်ႉ​ဢမူႉ​ၶဝ်​ယူႇ ၵူႈ​ဝၼ်း​ၵူႈ​ၶိုၼ်း​ဢမ်ႇ​ထၢတ်ႇ​ၼၼ်ႉ​ဢေႃႈ။-</verse>
				<verse number="34">ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ် ပဵၼ်​တူၼ်ႈ​ပဵၼ်​ငဝ်ႈ​ၼႂ်း​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ် ၼႂ်း​မဵဝ်း​ လေႇဝီႉ ​ၼၼ်ႉ ၸွမ်း​လူၺ်ႈ​တၢင်း​ဢၼ်​ၶဝ်​သိုပ်ႇ​လူင်း​မႃး​ၼၼ်ႉ​လႄႈ ပဵၼ်​ငဝ်ႈ​ပဵၼ်​ႁူဝ်​သေ​လႄႈ ဢွၼ်​ၵၼ်​တူၵ်း​တီႈ​တူၵ်း​လႅၼ်​ယူႇ​ၵႃႈ​တီႈ​ဝဵင်း ယေႇရူႉသလႅမ်ႇ ​ဢေႃႈ။</verse>
				<verse number="35">ၵႃႈ​တီႈ​ဝဵင်း​ ၵီႉပွင်ႇ ​ၼၼ်ႉ ယေႇႁီႉလႃႉ ပေႃႈ​ ၵီႉပွင်ႇ ဢၼ်​မေး​မၼ်း​လႆႈ​ၸိုဝ်ႈ​ မႃႇၶႃႇ ​ၼၼ်ႉ​ယူႇ​ဢေႃႈ။-</verse>
				<verse number="36">လုၵ်ႈ​ၸၢႆး​တူၼ်ႈ​မၼ်း​ၸမ်ႉ၊ ပဵၼ်​ ဢႃႇပတုၼ်ႇ ၊ လိုၼ်း​မၼ်း​ၼၼ်ႉ ၸူႉရႃႉ၊ ၵီႉသႃႉ၊ ပႃႇလႃႉ၊ ၼေးရႃႉ၊ ၼႃႇတပ်ႉ ၊-</verse>
				<verse number="37">ၵေးတေႃး၊ ဢႁီႉဢေႃး၊ ၸႃႇၶရီႉ တင်း​ မီႉၵလုတ်ႉ ​ဢေႃႈ။-</verse>
				<verse number="38">လုၵ်ႈ​ၸၢႆး​ မီႉၵလုတ်ႉ ​ၸမ်ႉ၊ ပဵၼ်​ သီႉမၢမ်ႇ ​ဢေႃႈ၊ ၶဝ်​ၸိူဝ်း​ၼႆႉ​တူၵ်း​တီႈ​တူၵ်း​လႅၼ်​ယူႇ​လူၺ်ႈ​ၵၼ်​တင်း​ပီႈ​ၼွင်ႉ​ၶဝ် ၵႃႈ​ၼႂ်း​ဝဵင်း ယေႇရူႉသလႅမ်ႇ ၵႃႈ​တီႈ​ႁိမ်း​မူႇ​ပီႈ​ၸိူဝ်း​ၼွင်ႉ​ၽၢၵ်ႇ​ၼိုင်ႈ​ဢေႃႈ။-</verse>
				<verse number="39">ၼေးရႃႉ မီး​လုၵ်ႈ​ၸၢႆး​ ၵီႉသႃႉ၊ ၵီႉသႃႉ ​မီး​လုၵ်ႈ​ၸၢႆး​ သေႃးလူႉ၊ သေႃးလူႉ မီး​လုၵ်ႈ​ၸၢႆး​ ယေႃးၼသၼ်ႇ၊ မေႇလၶီႉသႂႃႇ၊ ဢၽီႉၼတပ်ႉ တင်း​ ဢီႉသပႃႇလႃႉ ​ဢေႃႈ။-</verse>
				<verse number="40">လုၵ်ႈ​ၸၢႆး​ ယေႃးၼသၼ်ႇ ​ၸမ်ႉ၊ ပဵၼ်​ မေးရိပ်ႉပႃႇလႃႉ ၊ လုၵ်ႈ​ၸၢႆး​ မေးရိပ်ႉပႃႇလႃႉ ပဵၼ်​ မီႉၶႃႇ ၊-</verse>
				<verse number="41">လုၵ်ႈ​ၸၢႆး​ မီႉၶႃႇ ပဵၼ်​ ပီႉသုၼ်ႇ၊ မေးလႅၵ်ႉ၊ တႃႇရႃႇ တင်း​ ဢႃႇၶတ်ႉ ​ဢေႃႈ။-</verse>
				<verse number="42">ဢႃႇၶတ်ႉ ​ၼၼ်ႉ မီး​လုၵ်ႈ​ၸၢႆး​ ယေႇႁေႃးတႃႉ၊ ယေႇႁေႃးတႃႉ မီး​လုၵ်ႈ​ၸၢႆး ဢႃႇလမိတ်ႉ၊ ဢႃႇၸမႃႇဝိတ်ႉ တင်း​ ၸီႉမရီႉ ​ဢေႃႈ၊ ၸီႉမရီႉ ​ၼၼ်ႉ မီး​လုၵ်ႈ​ၸၢႆး​ မေႃႇၸႃႉ ၊-</verse>
				<verse number="43">မေႃႇၸႃႉ မီး​လုၵ်ႈ​ၸၢႆး ပီႉၼႃႉ၊ ပီႉၼႃႉ မီး​လုၵ်ႈ​ၸၢႆး ရေႇၽႃႇယႃႉ၊ ရေႇၽႃႇယႃႉ မီး​လုၵ်ႈ​ၸၢႆး​ ဢေးလႃႇသႃႉ၊ ဢေးလႃႇသႃႉ မီး​လုၵ်ႈ​ၸၢႆး​ ဢႃႇၸေးလႃႉ ​ဢေႃႈ။-</verse>
				<verse number="44">ဢႃႇၸေးလႃႉ မီး​လုၵ်ႈ​ၸၢႆး​ႁူၵ်း​ၵေႃႉ​ဢၼ်​လႆႈ​ၸိုဝ်ႈ​ ဢႃႇၸရီႉၵမ်ႇ၊ ပေႃးၶေႇရူႉ၊ ဢီႉသမေႇလႃႉ၊ သရီႉယႃႉ၊ ဢေႃးပတီႉ တင်း​ ႁႃႇၼၼ်ႇ ​ဢေႃႈ။ ၶဝ်​ၵႃႈ​မီး​ၼႆႉ​ပဵၼ်​လုၵ်ႈ​ၸၢႆး​ ဢႃႇၸေးလႃႉ ​ဢေႃႈ။</verse>
			</chapter>
			<chapter number="10">
				<verse number="1">မိူဝ်ႈ​ၼၼ်ႉ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​တိုၵ်း​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ၊ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ပၢႆႈ​ၵႃႈ​တီႈ​ၽၢႆႇ​ၼႃႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​သေ​လႄႈ လူမ်ႉ​တၢႆ​ၵႃႈ​ၼိူဝ်​လွႆ​ ၵီႉလပေႃႇ ​ဢေႃႈ။-</verse>
				<verse number="2">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ လိုပ်ႈ​ၸွမ်း​လမ်း​ၸွမ်း​ သေႃးလူႉ တင်း​လုၵ်ႈ​ၸၢႆး​မၼ်း​တင်း​လၢႆ ႁႅင်း​ယႂ်ႇ​ၼႃႇ​လူင်​လၢင်​လႄႈ၊ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢဝ်​ ယေႃးၼသၼ်ႇ၊ ဢၽီႉၼတပ်ႉ တင်း​ မေႇလၶီႉသႂႃႇ လုၵ်ႈ​ၸၢႆး​ သေႃးလူႉ ​ၸိူဝ်း​ၼၼ်ႉ​တၢႆ​ဢေႃႈ။-</verse>
				<verse number="3">ၼႂ်း​တီႈ​ဢၼ်​တိုၵ်း​သိုၵ်း​ယူႇ​ၼၼ်ႉ သေႃးလူႉ ​လႆႈ​ၶၢမ်ႇ​ၼမ်​ၼႃႇ​လူင်​လၢင်​လႄႈ ၵူၼ်း​ဢၼ်​မေႃ​ၵၢင်ႇ​ၶိုတ်း​မၼ်း​သေ​ယဝ်ႉ၊ မၼ်း​တူၵ်း​ၸႂ်​ၵူဝ်​ႁႄ ၵွပ်ႈ​ပိူဝ်ႈ​ၵူၼ်း​ဢၼ်​မေႃ​ၵၢင်ႇ​ၸိူဝ်း​ၼၼ်ႉ​လႄႈ၊-</verse>
				<verse number="4">သေႃးလူႉ ​လၢတ်ႈ​တီႈ​ၵူၼ်း​ဢွၼ်ႇ ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ​လႄႈ​ဝႃႈ၊ ထွတ်ႇ​လၢပ်ႇ​မႂ်း​လႄႈ တႅင်း​ၵဝ်​ႁႂ်ႈ​ပွင်ႇ​တႃႉ၊ ပေႃး​ဢမ်ႇ​ၼၼ် ၵူၼ်း​ဢၼ်​ဢမ်ႇ​ၶၢမ်ႇ​မင်ႇၵလႃႇ တၢင်း​ဢၼ်​ထိူဝ်​ႁိမ်း​ၸိူဝ်း​ၼၼ်ႉ တၵ်း​မႃး​လႄႈ​ဢမ်ႇ​ရူဝ်ႇ​သေႇ​ၵူဝ်​ယမ် ၼပ်ႉ​တေႃႈ​ႁဵတ်း​တီႈ​ၵဝ်​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ ဢမ်ႇ​ႁတ်း​ႁဵတ်း​ၵွပ်ႈ​ပိူဝ်ႈ​ဢၼ်​ၵူဝ်​ႁႄ​ၼႃႇ​လူင်​လၢင်​ၼၼ်ႉ​လႄႈ၊ သေႃးလူႉ ​လူမ်ႉ​တဵင်​သႂ်ႇ​ၵႃႈ​ၼိူဝ်​ပၢႆ​လၢပ်ႇ​မၼ်း​ၵူၺ်း​မၼ်း​လႄႈ​တၢႆ​ဢေႃႈ။-</verse>
				<verse number="5">မိူဝ်ႈ​ဢၼ်​ၵူၼ်း​ဢွၼ်ႇ​ဢၼ်​ပႃး​လၢၵ်ႈ​ၼၢၵ်ႈ​မၼ်း​ၼၼ်ႉ ႁၼ်​လွင်ႈ​ဢၼ်​ သေႃးလူႉ ​တၢႆ​ယဝ်ႉ​ၼၼ်ႉ​ၸိုင်၊ မၼ်း​ၵေႃႈ​ဢဝ်​လၢပ်ႇ​ၼၼ်ႉ ပူၵ်း​တင်ႈ​လႄႈ​လူမ်ႉ​သႂ်ႇ​ၵႃႈ​ၼိူဝ်​ပၢႆ​လၢပ်ႇ​လႄႈ​တၢႆ​ဢေႃႈ။-</verse>
				<verse number="6">ၼင်ႇ​ၼၼ်​လႄႈ​ၸႃႉ​ၸဵမ်​ သေႃးလူႉ ​လႄႈ လုၵ်ႈ​ၸၢႆး​မၼ်း​သၢမ်​ၵေႃႉ တင်း​ၵူၼ်း​ႁၢင်ႈ​ၵူၼ်း​ႁေႃ​ၸဝ်ႈ​ၵႃႈ​မီး​ၸိူဝ်း​ၼၼ်ႉ ဢွၼ်​ၵၼ်​တၢႆ​မိူဝ်ႈ​လဵဝ်​ၵၼ်​ဢေႃႈ။</verse>
				<verse number="7">ၵူၼ်း​မဵဝ်း​ ဢီႉသရေႇလႃႉ ၵႃႈ​ဢၼ်​ယူႇ​ၵႃႈ​တီႈ​ပၢင်ႇ​ႁူၺ်ႈ​ၼၼ်ႉ​ႁူႉ​ႁၼ်​လွင်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၵ်ႇ​ပၢႆႈ ဢိၵ်ႇ​တင်း​လွင်ႈ​ဢၼ် သေႃးလူႉ ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​တၢႆ​ၼၼ်ႉ​သေ​ယဝ်ႉ၊ ပႅတ်ႈ​ဝၢၼ်ႈ​ပႅတ်ႈ​ဝဵင်း​ၶဝ်​သေ​လႄႈ ဢွၵ်ႇ​ပၢႆႈ​လႄႈ၊ ၵူၼ်း​ ၽီႉလိတ်ႉတီႉ ​တင်း​လၢႆ​ဢွၼ်​ၵၼ်​မႃး​လႄႈ ယူႇ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ၸိူဝ်း​ၼၼ်ႉ​ဢေႃႈ။</verse>
				<verse number="8">ဝၼ်း​မိူဝ်ႈ​ၽုၵ်ႈ မိူဝ်ႈ​ဢၼ်​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢွၼ်​ၵၼ်​မႃး​ႁႂ်ႈ​လႆႈ​ထွတ်ႇ​ဢဝ်​ၶူဝ်း​ၼုင်ႈ​တၢင်း​မႆ​တီႈ​တူဝ်​တၢႆ ၸိူဝ်း​ၼၼ်ႉ​ၸိုင်၊ ၶဝ်​ထူပ်း​ႁၼ်​ သေႃးလူႉ ဢိၵ်ႇ​တင်း​လုၵ်ႈ​ၸၢႆး​မၼ်း​သၢမ်​ၵေႃႉ လူမ်ႉ​တၢႆ​ယူႇ​ၵႃႈ​ၼိူဝ်​လွႆ ၵီႉလပေႃႇ ​ယဝ်ႉ​ၼၼ်ႉ​ဢေႃႈ။-</verse>
				<verse number="9">ၶဝ်​ထွတ်ႇ​ဢဝ်​ၶူဝ်း​ၼုင်ႈ​တၢင်း​မႆ​ၸဝ်ႈ​လႄႈ ဢဝ်​ၵွၵ်း​ႁူဝ်​ၸဝ်ႈ ဢိၵ်ႇ​တင်း​လၢၵ်ႈ​ၼၢၵ်ႈ​ၸဝ်ႈ​သေ​ယဝ်ႉ၊ ပၼ်​ၵႂႃႇ​ၵႃႈ​တီႈ​မိူင်း​ ၽီႉလိတ်ႉတီႉ ၵူႈ​တီႈ​ၵူႈ​လႅၼ် ႁႂ်ႈ​လႆႈ​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ တီႈ​ရုၵ်ႈ​ထူႉ​ၽြႃး​ၶဝ်​ဢိၵ်ႇ​တင်း​တီႈ​ၵူၼ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="10">လၢၵ်ႈ​ၼၢၵ်ႈ​ၸဝ်ႈ​ၵေႃႈ ၶဝ်​ဢဝ်​ဝႆႉ​ၵႃႈ​ၼႂ်း​ၵျွင်း​ၽြႃး​ၶဝ်​လႄႈ ၵွၵ်း​ႁူဝ်​ၸဝ်ႈ​ၸိုင် ၶဝ်​ဢဝ်​ႁွႆႈ​ဝႆႉ​ၵႃႈ​ၼႂ်း​ပိၵ်ႈ​မၢၼ်ႇ တႃႇၵုၼ်ႇ ​ဢေႃႈ။</verse>
				<verse number="11">မိူဝ်ႈ​ဢၼ်​ၵူၼ်း​ဝဵင်း​ ယႃႇပႅတ်ႉ ​တင်း​သဵင်ႈ​တင်း​လူင် ငိၼ်း​လွင်ႈ​ၵႃႈ​ဢၼ် ၵူၼ်း​ ၽီႉလိတ်ႉတီႉ ​ႁဵတ်း​တီႈ​ သေႃးလူႉ ​ၼၼ်ႉ​ၸိုင်၊-</verse>
				<verse number="12">ၵူၼ်း​ႁတ်း​ၵူၼ်း​ႁၢၼ်​ၶဝ်​ၵႃႈ​မီး​ၼၼ်ႉ ဢွၼ်​ၵၼ်​လုၵ်ႉ​လႄႈ​ဢဝ်​တူဝ်​တၢႆ​ သေႃးလူႉ ဢိၵ်ႇ​တင်း​တူဝ်​တၢႆ​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ၵႂႃႇ​လႄႈ ဢဝ်​မႃး​ၸူး​ၵႃႈ​တီႈ​ဝဵင်း​ ယႃႇပႅတ်ႉ ​သေ​လႄႈ ဢဝ်​လုပ်ႇ​ၶဝ်​ၼၼ်ႉ​သၢင်း​ၵျူဝ်ႇ ၵႃႈ​တီႈ​တႂ်ႈ​တူၼ်ႈ​မႆႉ​ၼိမ် ၵႃႈ​ၼႂ်း​ဝဵင်း​ ယႃႇပႅတ်ႉ သေ​ယဝ်ႉ၊ ၵမ်​တၢင်း​ၵိၼ်​ၸဵတ်း​ဝၼ်း​တဵမ်​တဵမ်​ဢေႃႈ။</verse>
				<verse number="13">ၼင်ႇ​ၼၼ်​လႄႈ သေႃးလူႉ ​ၼၼ်ႉ​တၢႆ ၵွပ်ႈ​ပိူဝ်ႈ​တၢင်း​ဢၼ်​ပူၼ်ႉ​လိူဝ်​ဢၼ်​မၼ်း​ၽိတ်း​ပိူင်ႈ​ထႃႇဝရႃႉ​ၽြႃး ဢၼ်​ဝႃႈ ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး​ၼၼ်ႉ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​မၼ်း​ယင်း​ဢမ်ႇ​တွင်ႈ​ထၢမ်​တီႈ​ထႃႇဝရႃႉ​ၽြႃး​လႄႈ တွင်ႈ​ထၢမ်​တီႈ​ၵေႃႉ​ဢၼ်​ၽီ​ၶဝ်ႈ​ၼၼ်ႉ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ ထႃႇဝရႃႉ​ၽြႃး ဢဝ်​မၼ်း​တၢႆ​လႄႈ ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ဢၢပ်ႈ​ပၼ်​တီႈ​ တႃႇဝိတ်ႈ ​လုၵ်ႈ​ၸၢႆး​ ယေႇသႄး ​ဢေႃႈ။</verse>
			</chapter>
			<chapter number="11">
				<verse number="1">မိူဝ်ႈ​ၼၼ်ႉ​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ၸူႉ​တုမ်​တီႈ​ တႃႇဝိတ်ႈ ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ၸိူဝ်း​ၼႆႉ​ပဵၼ်​လုပ်ႇ​ၸဝ်ႈ​ႁဝ်း​ၼိူဝ်ႉ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="2">မိူဝ်ႈ​ဢွၼ်​ၼႆႉ မိူဝ်ႈ​ဢၼ်​ သေႃးလူႉ ​ပဵၼ်​ၶုၼ်​ႁေႃ​ၶမ်း​ၶႃႈ​ၸဝ်ႈ​ႁဝ်း​ၶဝ်​ယူႇ​ၼၼ်ႉ၊ ၸဝ်ႈ​ႁဝ်း​ၼႆႉ​ဢွၼ်​ဢဝ်​မဵဝ်း​ ဢီႉသရေႇလႃႉ ၵႂႃႇ​ယူႇ၊ ဢွၼ်​ဢဝ်​ၶိုၼ်း​သႂၢင်း​ၶဝ်ႈ​ယူႇ​သေ​လႄႈ ယူႇ​မႃး​ယဝ်ႉ​တီႈ​ၶႃႈ​ယဝ်ႉ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ၵေႃႈ​မီး​ဢမိင်ႉ​တီႈ​ၸဝ်ႈ​ႁဝ်း​လႄႈ​ဝႃႈ၊ မႂ်း​တၵ်း​လႆႈ ႁဵတ်း​လဵင်ႉ​ႁဵတ်း​လူ​ၵူၼ်း​ၵဝ်​မဵဝ်း​ ဢီႉသရေႇလႃႉ ​လႄႈ ပဵၼ်​ငဝ်ႈ​ပဵၼ်​ႁူဝ် ၵူၼ်း​ၵဝ်​မဵဝ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၼင်ႇ​ၼၼ်​လႄႈ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢွၼ်​ၵၼ်​မႃး​ၸူး​တီႈ​ၶုၼ်​ႁေႃ​ၶမ်း​ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​သေ​ယဝ်ႉ၊ တႃႇဝိတ်ႈ ​ႁဵတ်း​မိၵ်ႉသႃႇႁႃယႃႉ လူၺ်ႈ​ၵၼ်​တင်း​ၶဝ်​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ ႁေႇပြုၼ်ႇ ​လႄႈ၊ ၶဝ်​ၼၼ်ႉ​ဢွၼ်​ၵၼ်​ပၼ်​ၽိၵ်ႈ​သိၵ်ႈ​တီႈ​ တႃႇဝိတ်ႈ ႁႂ်ႈ​မၼ်း​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ မႅၼ်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢဝ်​ သမူၺ်ႇလႃႉ ​ဝႆႉ​ပျႃႇ​တိၵ်ႈ​ၼၼ်ႉ​ဢေႃႈ။</verse>
				<verse number="4">လႆႈ​သမ်ႉ တႃႇဝိတ်ႈ ဢိၵ်ႇ​တင်း​ၵူၼ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ ၵႂႃႇ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ဢၼ်​ဝႃႈ ဝဵင်း​ ယေႇပုတ်ႉ တီႈ​ယူႇ​ၵူၼ်း​ ယေႇပူႉသီႉ ဢၼ်​ပဵၼ်​ၵူၼ်း​ဝၢၼ်ႈ​ၵူၼ်း​မိူင်း​ၵဝ်ႇ​ၵဝ်ႇ​ၼၼ်ႉ​လႄႈ၊-</verse>
				<verse number="5">ၵူၼ်း​ဝဵင်း​ ယေႇပုတ်ႉ ​ၸိူဝ်း​ၼၼ်ႉ ဢွၼ်​ၵၼ်​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ မႂ်း​ဢမ်ႇ​လႆႈ​ၶဝ်ႈ​ၵႃႈ​ၼႂ်း​ၼႆႉ၊ ဝႃႈ​ၼင်ႇ​ၼႆ​သေ​ၵေႃႈ၊ တႃႇဝိတ်ႈ ​တိုၵ်း​ဢဝ်​တိူၵ်ႈ​တီႈ​တိုၵ်း​သိုၵ်း​ ၸီႉဢုၼ်ႇ ဢၼ်​ဝႃႈ​ဝဵင်း​ တႃႇဝိတ်ႈ ​ၼၼ်ႉ​ဢေႃႈ။-</verse>
				<verse number="6">တႃႇဝိတ်ႈ ၊ ၵေႃႈ​မီး​ဢမိင်ႉ​လႄႈ​ဝႃႈ၊ ႁႂ်ႈ​ၵေႃႉ​ဢၼ်​တိုၵ်း​တေႃး​ယႃႉ​ပႅတ်ႈ​ၵူၼ်း​ ယေႇပူႉသီႉ ​ၸိူဝ်း​ၼၼ်ႉ ဢွၼ်​တၢင်း​ပိူၼ်ႈ​ၼၼ်ႉ​ပဵၼ်​တူၼ်ႈ​ပဵၼ်​ငဝ်ႈ ဢၼ်​ဝႃႈ​ပူဝ်ႇ​ၶျုၵ်ႈ​သေ၊ ဝႃႈ​ၼင်ႇ​ၼႆ​လႄႈ၊ ယႂႃႇၽႃႉ လုၵ်ႈ​ၸၢႆး​ ၸေႇရူႉယႃႇ ​ၼၼ်ႉ ၶိုၼ်ႈ​ဢွၼ်​တၢင်း​ပိူၼ်ႈ​လႄႈ​လႆႈ​ၶၢမ်ႇ​ဢရႃႇ ၵေႃႉ​ဢၼ်​ပဵၼ်​တူၼ်ႈ​ပဵၼ်​ငဝ်ႈ​ဢေႃႈ။-</verse>
				<verse number="7">လိုၼ်း​ၼၼ်ႉ ၵွပ်ႈ​ပိူဝ်ႈ​ဢၼ်​ တႃႇဝိတ်ႈ ယူႇ​ၵႃႈ​ၼႂ်း​တိူၵ်ႈ​တီႈ​တိုၵ်း​သိုၵ်း​ၼၼ်ႉ​လႄႈ ၶဝ်​ဢွၼ်​ၵၼ်​ႁွင်ႉ​ႁဵၵ်ႈ​ၸိုဝ်ႈ​ဝဵင်း​ၼၼ်ႉ ဝဵင်း​ တႃႇဝိတ်ႈ ​ဢေႃႈ။-</verse>
				<verse number="8">မၼ်း​ၼၼ်ႉ တႄႇ​ႁဵတ်း​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​ဝဵင်း ၸႃႉ​ၸဵမ်​ၵႃႈ​တီႈ​ မီႉလေႃႇ ​လႄႈ ၵႃႈ​တီႈ​လဵပ်ႈ​ႁွပ်ႈ​ဝဵင်း​သေ​ယဝ်ႉ၊ ယႂႃႇၽႃႉ ​မႄး​ၵုမ်း​မႄး​ႁဵတ်း​တီႈ​ဢၼ်​ၵိုတ်း​ဢၼ်​ၵျၢၼ်ႇ​ဝဵင်း​ၼၼ်ႉ​ဢေႃႈ။-</verse>
				<verse number="9">တႃႇဝိတ်ႈ ​ၼၼ်ႉ ယႂ်ႇ​ၽႄႈ​တူဝ်း​တွၼ်း​မႃး​ယူႇ​သေ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး မီး​ယူႇ​လူၺ်ႈ​ၵၼ်​တင်း​မၼ်း​ဢေႃႈ။</verse>
				<verse number="10">ၸရၢင်း​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​လူင်​တင်း​လၢႆ ဢၼ်​ၵိုတ်ႉ​ႁၢပ်ႇ​ဢမူႉ​ တႃႇဝိတ်ႈ ​လႄႈ ၽွမ်ႉ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​သေ​လႄႈ ၵျူဝ်း​ၸႃး​ဢဝ်​ႁႅင်း​ဢွၵ်ႇ​ယူႇ​ၽၢႆႇ​မၼ်း ႁႂ်ႈ​လႆႈ​ယုၵ်ႉ​ယွင်ႈ​မၼ်း​ဝႆႉ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း ၸွမ်း​ၵႃႈ​ၼင်ႇ​ဢၼ်​ဢမိင်ႉ​ထႃႇဝရႃႉ​ၽြႃး​မီး​ဝႆႉ လူၺ်ႈ​လွင်ႈ​မဵဝ်း​ ဢီႉသရေႇလႃႉ ​ၼၼ်ႉ​ၸမ်ႉ၊-</verse>
				<verse number="11">ၸရၢင်း​ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​လူင် ဢၼ်​ၵိုတ်ႉ​ႁၢပ်ႇ​ဢမူႉ​ တႃႇဝိတ်ႈ ​ၼၼ်ႉ ၸိူဝ်း​ၼၼ်ႉ​ၸိုင်၊ ယႃသေႃႉၽမ်ႇ မဵဝ်း​ ႁၵ်ႉမေႃးၼီႉ ​ၼၼ်ႉ ပဵၼ်​ပူဝ်ႇ​ၶျုၵ်ႈ​ၵႃႈ​ၼိူဝ်​ပူဝ်ႇ​သၢမ်​သိပ်း​ၵေႃႉ​ဢေႃႈ။ မၼ်း​ၼၼ်ႉ​ယိပ်း​ၵမ်​ဢဝ်​ႁွၵ်ႇ​သေ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​သၢမ်​ပၢၵ်ႇ​ၵမ်း​လဵဝ်​ၵူၺ်း​ဢေႃႈ။-</verse>
				<verse number="12">လိုၼ်း​မၼ်း​ၼၼ်ႉ ဢေးလႃႇၸႃႇ လုၵ်ႈ​ၸၢႆး​ တေႃးတေႃး မဵဝ်း​ ဢႁေႃႇႁီႉ ​ၼၼ်ႉ ၶဝ်ႈ​ပႃး​ၼႂ်း​ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​လူင်​သၢမ်​ၵေႃႉ​ဢေႃႈ။-</verse>
				<verse number="13">မၼ်း​လႆႈ​ၸွမ်း​လူၺ်ႈ​ၵၼ်​တင်း​ တႃႇဝိတ်ႈ ၵႂႃႇ​ၵႃႈ​တီႈ​ဝဵင်း​ ပႃႇသႃႉတမ်ႇမိမ်း ​လႄႈ၊ ၵူၼ်း​ ၽီႉလိတ်ႉတီႉ ​တင်း​လၢႆ ၸူႉ​ၵၼ်​တုမ်​ၵၼ်​ႁႂ်ႈ​လႆႈ​တိုၵ်း​သိုၵ်း ၵႃႈ​တီႈ​တူင်ႈ​ၼႃး ဢၼ်​ၽုၵ်ႇ​သွမ်ႈ​ၶဝ်ႈ​မူႉ​ယေႃး​ၼၼ်ႉ​လႄႈ ၵူၼ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ဢွၵ်ႇ​ပၢႆႈ​ၵႃႈ​တီႈ​ၽၢႆႇ​ၼႃႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​သေ​ယဝ်ႉ၊-</verse>
				<verse number="14">ၶဝ်​ၼၼ်ႉ ၸုၵ်း​ၵႃႈ​ၼႂ်း​တူင်ႈ​ၼႃး​လႄႈ ပႂ်ႉ​လူ​ပႂ်ႉ​တူၺ်း​ႁႄႉ​ၶႅၼ်​ယူႇ​သေ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​လႄႈ ထႃႇဝရႃႉ​ၽြႃး ႁဵတ်း​တၢင်း​ဢၼ်​ပႄႉ​ၼႅင်ႇ​ဢၼ်​ယႂ်ႇ​ၼႃႇ​ၵႄႇ​သႄႇ​ၶျွတ်ႈ​ဢဝ်​ၶဝ်​ဢေႃႈ။-</verse>
				<verse number="15">ၵူၼ်း​သၢမ်​ၵေႃႉ​ဢၼ်​ၶဝ်ႈ​ပႃး​ၼႂ်း​ပူဝ်ႇ​လူင်​သၢမ်​သိပ်း​ၼၼ်ႉ ဢွၼ်​ၵၼ်​လူင်း​ၸူး​ၵႃႈ​တီႈ မၢၵ်ႇ​ႁိၼ်​မၢၵ်ႇ​ၽႃ​ တႃႇဝိတ်ႈ ၵႃႈ​တီႈ​ႁူး​ထမ်ႈ​ ဢတူႉလမ်ႇ ​ၼၼ်ႉ​လႄႈ မုၵ်ႉ​ၸိူဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ၶျႃး​တပ်ႉ​ၶဝ်​မီး​ယူႇ​ၵႃႈ​တီႈ ပၢင်ႇ​ႁူၺ်ႈ​ ရေႇၽဵမ်ႇ ​ဢေႃႈ။-</verse>
				<verse number="16">မိူဝ်ႈ​ၼၼ်ႉ​ တႃႇဝိတ်ႈ ​ယူႇ​ၵႃႈ​ၼႂ်း​တိူၵ်ႈ​တီႈ​တိုၵ်း​သိုၵ်း​လႄႈ တပ်ႉ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ မီး​ယူႇ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ​ဢေႃႈ။-</verse>
				<verse number="17">တႃႇဝိတ်ႈ ​ၵေႃႈ မီး​တၢင်း​ၸႂ်​ဢၼ်​တူၵ်း​ဢၢင်ႈ​သေ​လႄႈ​ဝႃႈ၊ ႁႂ်ႈ​သေ​ၵေႃႉ​သေ​ၵူၼ်း​တဵၵ်း​ဢဝ်​ၼမ်ႉ​ၵႃႈ​ၼႂ်း​ၼမ်ႉ​မေႃႇ ဢၼ်​မီး​ၵႃႈ​တီႈ​ႁိမ်း​ၽၵ်း​တူ​ဝဵင်း​ ပႅတ်ႉလႁႅမ်ႇ ​ၼၼ်ႉ ပၼ်​ၵဝ်​ၵိၼ်​သေ​ၵမ်း​လူၺ်ႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">ၶဝ်​သၢမ်​ၵေႃႉ​ၼၼ်ႉ လေႃႇ​ၽၢင်ႈ​လေႃႇ​ၽႃႇ​တပ်ႉ ၵူၼ်း​ ၽီႉလိတ်ႉတီႉ ​ၵႂႃႇ​သေ​လႄႈ တဵၵ်း​ဢဝ်​ၼမ်ႉ​ၵႃႈ​ၼႂ်း​ၼမ်ႉ​မေႃႇ ဢၼ်​မီး​ၵႃႈ​တီႈ​ႁိမ်း​ၽၵ်း​တူ​ဝဵင်း​ ပႅတ်ႉလႁႅမ်ႇ ​ၼၼ်ႉ​သေ​ယဝ်ႉ၊ ဢဝ်​မႃး​ၸူး​ၵႃႈ​တီႈ​ တႃႇဝိတ်ႈ ​ဢေႃႈ။ ၵူၺ်း​ၵႃႈ တႃႇဝိတ်ႈ ​ယင်း​ဢမ်ႇ​ၶႂ်ႈ​ၵိၼ်​လႄႈ ဢဝ်​ထွၵ်ႇ​ႁိုဝ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ယူႇ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="19">ၽြႃး​ပဵၼ်​ၸဝ်ႈ​တီႈ​ၶႃႈ၊ ႁႂ်ႈ​ဢမူႉ​ဢၼ်​ၶႃႈ​ၸဝ်ႈ​ၵိၼ်​ၼမ်ႉ​ၼႆႉ ၵႆ​ၵၼ်​တင်း​ၶႃႈ​ၸဝ်ႈ​သေ​ၵမ်း​လူၺ်ႈ။ ၶႃႈ​ၸဝ်ႈ​တၵ်း​လႆႈ​ၵိၼ်​လိူတ်ႈ​ၶဝ်​ၸိူဝ်း​ဢၼ် ယင်း​ဢမ်ႇ​သေ​လၢႆ​ဢသၢၵ်ႈ​တူဝ်​ၸဝ်ႈ​ၵဝ်ႇ​လႄႈ ၵႂႃႇ​ၸိူဝ်း​ၼၼ်ႉ​တီႈ​ၶႃႈ​ႁိုဝ်။ ၶဝ်​ၼႆႉ​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ​သေ​လႄႈ ဢဝ်​ၼမ်ႉ​ၼႆႉ​မႃး​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ ယင်း​ဢမ်ႇ​ၵိၼ်​လႄႈ​ယူႇ​ဢေႃႈ။ ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​သၢမ်​ၵေႃႉ​ၼၼ်ႉ ႁဵတ်း​လွင်ႈ​တၢင်း​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ။</verse>
				<verse number="20">ဢၽီႉသေး ၼွင်ႉ​ၸၢႆး​ ယႂႃႇၽႃႉ ​ၼၼ်ႉ​ၵေႃႈ ပဵၼ်​ၵႄႇ​ပဵၼ်​ႁူဝ်​ၼႂ်း​ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​သၢမ်​ၵေႃႉ​ဢေႃႈ၊ မၼ်း​ၼၼ်ႉ​ယိပ်း​ၵမ်​ဢဝ်​ႁွၵ်ႇ​သေ​လႄႈ တိုၵ်း​ယႃႉ​ပႅတ်ႈ​ၵူၼ်း​သၢမ်​ပၢၵ်ႇ​လႄႈ လႆႈ​ၸိုဝ်ႈ​လႆႈ​သဵင်​ၵႃႈ​ၼႂ်း​သၢမ်​ၵေႃႉ​ၼၼ်ႉ​ဢေႃႈ။-</verse>
				<verse number="21">ၼႂ်း​သၢမ်​ၵေႃႉ​ၼၼ်ႉ မၼ်း​ပဵၼ်​ၵေႃႉ​ဢၼ်​မီး​မုၼ်​သရေႇ​ၼႃႇ​သေ​သွင်​ၵေႃႉ​ၼၼ်ႉ​လႄႈ လႆႈ​ဢရႃႇ​ပူဝ်ႇ​ၶျုၵ်ႈ​ၶဝ်​ဢေႃႈ။ ၵူၺ်း​ၵႃႈ​မၼ်း​ဢမ်ႇ​ၶိုတ်း​ဢမ်ႇ​ပဵင်း ပူဝ်ႇ​ႁူဝ်​ႁၢၼ်​ပထမႃႉ​သၢမ်​ၵေႃႉ​ၼၼ်ႉ။-</verse>
				<verse number="22">ပေႇၼႃႇယႃႉ လုၵ်ႈ​ၸၢႆး​ပူဝ်ႇ​ႁူဝ်​ႁၢၼ်​ၵူၼ်း​သိုၵ်း​ ယေႃးယတႃႉ ၵူၼ်း​ဝဵင်း​ ၵပ်ႉၸေးလႃႉ ဢၼ်​ယၢမ်ႈ​ႁဵတ်း​လွင်ႈ​တၢင်း​ဢၼ်​ယႂ်ႇ​ၼႃႇ လူင်​လၢင်​ၸိူဝ်း​ၼၼ်ႉ​ၼၼ်ႉ​ၵေႃႈ၊ ဢဝ်​လုၵ်ႈ​ၸၢႆး​ ဢႃႇရေႇလႃႉ ၵူၼ်း​ မေႃႇၽႃႉ ​သွင်​ၵေႃႉ​တၢႆ​ဢေႃႈ၊ လိူဝ်​သေ​ၼၼ်ႉ ၼႂ်း​ၶိင်ႇ​မိူဝ်ႈ​ဢၼ် မီး​မူၺ်​ႁႃႇ​ၼၼ်ႉ​ၵေႃႈ၊ မၼ်း​ၼၼ်ႉ​လူင်း​ၵႂႃႇ​လႄႈ ဢဝ်​သၢင်ႇ​သီႈ​ၵႃႈ​ၼႂ်း​ႁူး​လိၼ်​ၶုမ်​လိၼ်​တၢႆ​ဢေႃႈ။-</verse>
				<verse number="23">ၵူၼ်း​ ဢေႇၵိပ်ႉတူႉ ဢၼ်​ယႂ်ႇ​ၶိုၵ်ႉ​ၼႃႇ​လႄႈ တၢင်း​သုင်​မၼ်း​မီး​ႁႃႈ​သွၵ်ႇ​ၼၼ်ႉ​ၵေႃႈ မၼ်း​ဢဝ်​တၢႆ​ဢေႃႈ၊ ပိၵ်ႉ​သမ်ႉ​ၵူၼ်း​ ဢေႇၵိပ်ႉတူႉ ​ၼၼ်ႉ ယိပ်း​ၵမ်​ႁွၵ်ႇ​ဢၼ်​ယႂ်ႇ​ပဵင်း​တၢၼ်ႇ​မႆႉ​သီႈ​ပၼ်ႉ​ႁမ်း​ႁုၵ်ႇ​ၼၼ်ႉ​သေ​ၵေႃႈ၊ မၼ်း​ယိပ်း​ၵမ်​ၶွၼ်ႉ​တဝ်ႉ​သေ​လႄႈ လူင်း​ၵႂႃႇ​ႁိမ်​ဢဝ်​ႁွၵ်ႇ​ၼၼ်ႉ ၵႃႈ​တီႈ​မိုဝ်း​ၵူၼ်း​ ဢေႇၵိပ်ႉတူႉ ​ၼၼ်ႉ​သေ​ယဝ်ႉ၊ ဢဝ်​ႁွၵ်ႇ​မၼ်း​ၼၼ်ႉ ဢဝ်​မၼ်း​တၢႆ​ဢေႃႈ။-</verse>
				<verse number="24">ပေႇၼႃႇယႃႉ လုၵ်ႈ​ၸၢႆး​ ယေႃးယတႃႉ ​ၼၼ်ႉ ႁဵတ်း​လွင်ႈ​တၢင်း​ၸိူဝ်း​ၼၼ်ႉ​လႄႈ လႆႈ​ၸိုဝ်ႈ​လႆႈ​သဵင် ၵႃႈ​ၼႂ်း​ပူဝ်ႇ​ႁူဝ်​ႁၢၼ်​သၢမ်​ၵေႃႉ​ဢေႃႈ။-</verse>
				<verse number="25">ပိၵ်ႉ​သမ်ႉ​မၼ်း​ယဵင်ႈ​ၶႅၼ်း​မီး​မုၼ်​သရေႇ​ၼႃႇ​သေ ပူဝ်ႇ​သၢမ်​သိပ်း​ၼၼ်ႉ​သေ​ၵေႃႈ၊ မၼ်း​ဢမ်ႇ​ၶိုတ်း​ဢမ်ႇ​ပဵင်း​ပူဝ်ႇ​ႁူဝ်​ႁၢၼ်​ပထမႃႉ​သၢမ်​ၵေႃႉ​ၼၼ်ႉ။ ဢၼ်​ဢုပ်ႉ​ၶျုၵ်ႈ​ဢတႂၢင်းဝုၼ်ႇ​တင်း​လၢႆ​ၵေႃႈ တႃႇဝိတ်ႈ ​ပၼ်​တီႈ​မၼ်း​ဢေႃႈ။</verse>
				<verse number="26">ၵူၼ်း​ဢၼ်​ႁႅင်း​ယႂ်ႇ​လႄႈ​ၶဝ်ႈ​ပႃး ၼႂ်း​မုၵ်ႉ​ၼႂ်း​ၸိူဝ်း​ပူဝ်ႇ​တင်း​လၢႆ​ၸမ်ႉ၊ ပဵၼ်​ ဢသႃႇႁေးလႃႉ ၼွင်ႉ​ၸၢႆး​ ယႂႃႇၽႃႉ၊ ဢေးလႁႃႇၼၼ်ႇ လုၵ်ႈ​ၸၢႆး​ တေႃးတေႃး ဢၼ်​ယူႇ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ၊-</verse>
				<verse number="27">သမ်ႇမႃႉ ​မဵဝ်း​ ႁေႇရေႃးရီႉ၊ ႁေးလိတ်ႉ မဵဝ်း​ ပေးလေႃးၼီႉ ၊-</verse>
				<verse number="28">ဢီႇရႃႉ လုၵ်ႈ​ၸၢႆး ဢီႉၵေးသႃႉ မဵဝ်း​ တေႇၵေႃႇ၊ ဢပျေႇၸႃႇ မဵဝ်း​ ဢၼေႇသေႃးသီႉ ၊-</verse>
				<verse number="29">သီႉပေႇၵေး မဵဝ်း​ ႁူႉသသီႉ၊ ဢီႉလေး မဵဝ်း​ ဢႁေႃႇႁီႉ ၊-</verse>
				<verse number="30">မႁႃႇရေး မဵဝ်း​ ၼေႇတေႃႇၽႃႇသီႉ၊ ႁေးလိတ်ႉ လုၵ်ႈ​ၸၢႆး​ ပႃႇၼႃႇ မဵဝ်း​ ၼေႇတေႃႇၽႃႇသီႉ ၊-</verse>
				<verse number="31">ဢိတ်ႉတေႇ ​လုၵ်ႈ​ၸၢႆး​ ရီႉၽေး ဢၼ်​ယူႇ​ဝဵင်း​ ၵီႉပႃႉ မဵဝ်း​ ပိၼ်ႇယႃႇမိၼ်ႇ၊ ပေႇၼႃႇယႃႉ မဵဝ်း​ ပီႉရႃႉသေႃႇၼီႉ ၊-</verse>
				<verse number="32">ႁူႉရေး ၵူၼ်း​ၵႃႈ​တီႈ​ၼမ်ႉ​ႁူၺ်ႈ​ၼမ်ႉ​ႁွင်ႈ​ ၵႃႇဢတ်ႉ၊ ဢပျေႇလႃႉ မဵဝ်း​ ဢႃႇပႃႇသီႉ ၊-</verse>
				<verse number="33">ဢႃႇၸမႃႇဝိတ်ႉ မဵဝ်း​ ပႃႇႁူႉမီႉ၊ ဢေးလျႃႇၽႃႉ မဵဝ်း​ သႃႇလႃႇပေႃးၼီႉ ၊-</verse>
				<verse number="34">ယေႃးၼသၼ်ႇ လုၵ်ႈ​ၸၢႆး​ ၵေႇသႃႉ မဵဝ်း​ ႁႃႇရရီႉ ဢၼ်​ၶဝ်ႈ​ပႃး​ၵႃႈ​ၼႂ်း​လုၵ်ႈ​ၸၢႆး​ ယႃႇသိမ်း မဵဝ်း​ ၵီႉသေႃးၼီႉ ၊-</verse>
				<verse number="35">ဢႃႇႁီႉ​ဢမ်ႇ လုၵ်ႈ​ၸၢႆး​ သႃႇၵရႃႉ မဵဝ်း​ ႁႃႇရရီႉ၊ ဢေးလီႉၽလႃႉ လုၵ်ႈ​ၸၢႆး​ ဢူႉရႃႉ ၊-</verse>
				<verse number="36">ႁေႇၽႃႇ မဵဝ်း​ မေႇၶေးရႃႉသီႉ၊ ဢႁီႉယႃႉ မဵဝ်း​ ပေးလေႃးၼီႉ ၊-</verse>
				<verse number="37">ႁေႇၸရေႃႇ မဵဝ်း​ ၵရမေႇလႃႉ၊ ၼႃႇရေး လုၵ်ႈ​ၸၢႆး​ ဢေးၸပေး ၊-</verse>
				<verse number="38">ယူဝ်းဢေးလႃႉ ၼွင်ႉ​ၸၢႆး​ ၼႃႇသၼ်ႇ၊ မီႉပႁႃႇ ​လုၵ်ႈ​ၸၢႆး​ ႁၵ်ႉၵေးရီႉ ၊-</verse>
				<verse number="39">ၸေးလႅၵ်ႉ မဵဝ်း​ ဢမ်ႇမုၼ်ႇ၊ ၼႁႃႇရေး မဵဝ်း​ ပေႇရေႃႇသီႉ ဢၼ်​ပဵၼ်​ၵူၼ်း​ဢွၼ်ႇ ဢၼ်​ပႃး​လၢၵ်ႈ​ၼၢၵ်ႈ​ ယႂႃႇၽႃႉ လုၵ်ႈ​ၸၢႆး ၸေႇရူႉယႃႇ ​ၼၼ်ႉ၊-</verse>
				<verse number="40">ဢီႇရႃႉ မဵဝ်း​ ဢီႉသႃႇရီႉ၊ ၵေႇရိပ်ႉ မဵဝ်း​ ဢီႉသရီႉ ၊-</verse>
				<verse number="41">ဢူႉရီႉယႃႉ မဵဝ်း​ ႁိတ်ႉတီႉ၊ ၸႃႇပတ်ႉ လုၵ်ႈ​ၸၢႆး​ ဢႃႇလေႇ ၊-</verse>
				<verse number="42">ဢတီႉၼႃႉ လုၵ်ႈ​ၸၢႆး​ သီႉၸႃႉ ၵူၼ်း​မဵဝ်း​ ရူႉပိၼ်ႇ ဢၼ်​ပဵၼ်​ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​မဵဝ်း​ ရူႉပိၼ်ႇ သၢမ်​သိပ်း​ၵေႃႉ​ၼၼ်ႉ၊-</verse>
				<verse number="43">ႁႃႇၼၼ်ႇ လုၵ်ႈ​ၸၢႆး​ မႃႇၶႃႇ၊ ယူဝ်းသၽတ်ႉ မဵဝ်း​ မီႉသၼီႉ ၊-</verse>
				<verse number="44">ဢေႃႇၸီႉ မဵဝ်း​ ဢႃႇသတရေႃႇသီႉ၊ သႃႇမႃႇ တင်း​ ယေႇယေႇလႃႉ လုၵ်ႈ​ၸၢႆး​ ႁေႃးသမ်ႇ မဵဝ်း​ ဢႃႇရေႃႇ ၊-</verse>
				<verse number="45">ယေႇတေႇလႃႉ ဢိၵ်ႇ​တင်း​ၼွင်ႉ​ၸၢႆး​မၼ်း ယေႃးႁႃႉ လုၵ်ႈ​ၸၢႆး​ သီႉမရီႉ မဵဝ်း​ တီႉၸီႉ ၊-</verse>
				<verse number="46">ဢေးလေႇလႃႉ မဵဝ်း​ မႁႃႇဝီႉ၊ ယေႇရပေး ဢိၵ်ႇ​တင်း​ ယေႃးသဝီႉ လုၵ်ႈ​ၸၢႆး​ ဢေးလၼၼ်ႇ၊ ဢီႉသမႃႇ မဵဝ်း​ မေႃႇၽႃႉ ၊-</verse>
				<verse number="47">ဢေးလေႇလႃႉ၊ ဢူဝ်းပိတ်ႉ တင်း​ ယႃႇသေးလႃႉ မဵဝ်း​ မေႇၸေႃးပဵတ်ႉ ​ဢေႃႈ။</verse>
			</chapter>
			<chapter number="12">
				<verse number="1">ၶဝ်​ၸိူဝ်း​ဢၼ်​မႃး​ယူႇ​ၽၢႆႇ​ တႃႇဝိတ်ႈ ၵႃႈ​တီႈ​ဝဵင်း​ ၸီႉၵလတ်ႉ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ငိူင်ႉ​ဝႄႈ​ သေႃးလူႉ လုၵ်ႈ​ၸၢႆး​ ၵီႉသႃႉ ​ယူႇ​ၼၼ်ႉ​လႄႈ ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ၊-</verse>
				<verse number="2">ၵေႃႉ​ဢၼ်​ၸွႆႈ​သိုၵ်း​ထႅမ်​သိုၵ်း​ၽၢႆႇ​မၼ်း​ဢၼ်​ပႃး​လၢၵ်ႈ​ၼၢၵ်ႈ​ၵၢင်ႇ​လႄႈ ယင်း​ဢမ်ႇ​လိူၵ်ႈ​ၽၢႆႇ​ၶႂႃ​ၽၢႆႇ​သၢႆႉ ၸၢင်ႈ​ပိုတ်း​ယိုဝ်း​ထိမ်ႈ​မၢၵ်ႇ​ႁိၼ်​တင်း​ပိုၼ်​ၵၢင်ႇ၊ မဵဝ်း​ ပိၼ်ႇယႃႇမိၼ်ႇ ပီႈ​ၼွင်ႉ​ၸိူဝ်ႉ​ၶိူဝ်း​ သေႃးလူႉ ​ၼၼ်ႉ​ၸမ်ႉ၊-</verse>
				<verse number="3">ဢႁေႇၸႃႇ ဢၼ်​ပဵၼ်​တူၼ်ႈ​ပဵၼ်​ငဝ်ႈ၊ လိုၼ်း​မၼ်း​ ယေႃးသႃႉ လုၵ်ႈ​ၸၢႆး​ သေးမႃႇ ၵူၼ်း​ဝဵင်း​ ၵီႉပႃႉ ​တင်း​လၢႆ၊ ယေႇသေးလႃႉ တင်း​ ပေးလိတ်ႉ ၵူၼ်း​ ဢႃႇၸမႃႇဝိတ်ႉ၊ ပေႇရႃႇၶႃႉ၊ ယေႇႁူႉ မဵဝ်း​ ဢႃႇၼသုတ်ႉ ၊-</verse>
				<verse number="4">ဢီႉသမႃႇယႃႉ ၵူၼ်း​ဝဵင်း​ ၵီႉပွင်ႇ ဢၼ်​ပဵၼ်​ၵေႃႉ​ဢၼ်​ႁႅင်း​ယႂ်ႇ​ၼႃႇ​ၵႃႈ​ၼႂ်း​မုၵ်ႉ​ပူဝ်ႇ ၸိူဝ်း​ပူဝ်ႇ​သၢမ်​သိပ်း​ၵေႃႉ​လႄႈ ႁဵတ်း​ၵႄႇ​ႁဵတ်း​ႁူဝ်​သၢမ်​သိပ်း​ၵေႃႉ​ၼၼ်ႉ၊ ယေႇရမီႉ၊ ယႁႃႇၸေးလႃႉ၊ ယေႃးႁၼၼ်ႇ၊ ယေႃးၸပတ်ႉ မဵဝ်း​ ၵေးတရႃႉသီႉ ၊-</verse>
				<verse number="5">ဢေးလူႉၸေး၊ ယေႇရီႉမုတ်ႉ၊ ပေးလျႃႇ၊ သေႇမရီႉ၊ သေႇၽတ်ႉတီႉ မဵဝ်း​ ႁရူႉၽီႉ ၊-</verse>
				<verse number="6">ဢေးလႃႉၵႃႇၼႃႉ၊ ယေႇသႃႉ၊ ဢႃႇၸရေႇလႃႉ၊ ယေႃးၸႃႇ၊ ယႃႇသေႃးၽမ်ႇ မဵဝ်း​ ၵေႃႇရသီႉ ၊-</verse>
				<verse number="7">ယေႃးလႃႉ တင်း​ ၸေႇပတီႉ လုၵ်ႈ​ၸၢႆး​ ယေႇရေႃးႁမ်ႇ ဢၼ်​ယူႇ​ၵႃႈ​တီႈ​ဝဵင်း​ ၵေးတေႃး ​ၼၼ်ႉ ၸိူဝ်း​ၼၼ်ႉ​ဢေႃႈ။</verse>
				<verse number="8">လိူဝ်​သေ​ၼၼ်ႉ ၵူၼ်း​မဵဝ်း​ ၵၢတ်ႉ ၸိူဝ်း​ဢၼ်​ဢွၵ်ႇ​ၵႂႃႇ​ၸူး​တီႈ တႃႇဝိတ်ႈ ၵႃႈ​တီႈ​တိူၵ်ႈ​တီႈ​တိုၵ်း​သိုၵ်း ၵႃႈ​ၼႂ်း​ထိူၼ်ႇ​ဢၼ်​ပဵၼ်​ၵေႃႉ​ဢၼ်​ႁႅင်း​ယႂ်ႇ​ၼႃႇ၊ ၵေႃႉ​ဢၼ်​တၢတ်ႈ​ၼိူင်ႇ​ႁႂ်ႈ​လႆႈ​တိုၵ်း​သိုၵ်း​လႄႈ မေႃ​သုင်း​သွင်ႇ​ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢိၵ်ႇ​တင်း​ႁွၵ်ႇ ဢၼ်​ၼႃႈ​တႃ​ၶဝ်​မိူၼ်​ၸိူဝ်ႉ​ၼင်ႇ​ၼႃႈ​တႃ​သၢင်ႇ​သီႈ​လႄႈ ၶၼ်​ၽႂ်း​မိူၼ်​ၸိူဝ်ႉ​ၼင်ႇ​ၵႂၢင်​ၵႃႈ​ၼိူဝ်​လွႆ​ၼၼ်ႉ​ၸမ်ႉ၊-</verse>
				<verse number="9">ပဵၼ်​ ဢေးၸႃႇ ဢၼ်​ပဵၼ်​တူၼ်ႈ​ပဵၼ်​ငဝ်ႈ၊ ဢေႃးပတီႉ ဢၼ်​ပဵၼ်​ၵေႃႉ​တူႉတီႉယႃႉ၊ ဢေးလျႃႇၽႃႉ ​ဢၼ်​ပဵၼ်​ၵေႃႉ​တႃႉတီႉယႃႉ၊-</verse>
				<verse number="10">မီႉသမၼ်ႇၼႃႉ ဢၼ်​ပဵၼ်​ၵေႃႉ​ၸတုၵ်ႉထႃႉ၊ ယေႇရမီႉ ဢၼ်​ပဵၼ်​ၵေႃႉ​ပိၼ်ႇၸမႃႉ၊-</verse>
				<verse number="11">ဢတ်ႉတေႇ ဢၼ်​ပဵၼ်​ၵေႃႉ​သႃႉထမႃႉ၊ ဢေးလေႇလႃႉ ဢၼ်​ပဵၼ်​ၵေႃႉ​သတ်ႉတမႃႉ၊-</verse>
				<verse number="12">ယေႃးႁၼၼ်ႇ ဢၼ်​ပဵၼ်​ၵေႃႉ​ဢႃႉထမႃႉ၊ ဢေးလႃႉၸႃႇပတ်ႉ ဢၼ်​ပဵၼ်​ၵေႃႉ​ၼဝမႃႉ၊-</verse>
				<verse number="13">ယေႇရမီႉ ဢၼ်​ပဵၼ်​ၵေႃႉ​တႃႉသမႃႉ၊ မႃႇၶပႃႇၼေႇ ဢၼ်​ပဵၼ်​ၵေႃႉ​ဢေႇၵႃႉတႃႉသမႃႉ​ဢေႃႈ။-</verse>
				<verse number="14">ၶဝ်​ၸိူဝ်း​ၼႆႉ ဢွၼ်​ၵၼ်​ႁဵတ်း​ပူဝ်ႇ​ၵႃႈ​ၼႂ်း​မုၵ်ႉ​ၼႂ်း​ၸိူဝ်း​မဵဝ်း​ ၵၢတ်ႉ ​လႄႈ ၵေႃႉ​ဢၼ်​လဵၵ်ႉ​ၸမ်ႉ၊ တၢၼ်ႇ​ၵူၼ်း​ယေႈ​ပၢၵ်ႇ၊ ၵေႃႉ​ဢၼ်​ယႂ်ႇ​ၸမ်ႉ၊ တၢၼ်ႇ​ၵူၼ်း​ယေႈ​ႁဵင်​ဢေႃႈ။-</verse>
				<verse number="15">ၶဝ်​ၼႆႉ ပဵၼ်​ၶဝ်​ၸိူဝ်း​ဢၼ်​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ၼႂ်း​လိူၼ်​ပထမႃႉ ၶိင်ႇ​ဢၼ်​ၼမ်ႉ​ႁွင်ႈ​ၼၼ်ႉ​ထူမ်ႈ​ႁူမ်ႇ​ၽင်ႇ​တင်း​သဵင်ႈ​တင်း​မူတ်း​ၼၼ်ႉ​ၵႂႃႇ​သေ​လႄႈ ႁႂ်ႈ​ၵူၼ်း​ၵႃႈ​ဢၼ်​ယူႇ​ၵႃႈ​တီႈ​ပၢင်ႇ​တီႈ​ပဵင်း ၽၢႆႇ​ဝၼ်း​ဢွၵ်ႇ၊ ၽၢႆႇ​ဝၼ်း​တူၵ်း​ၼၼ်ႉ ဢွၵ်ႇ​ပၢႆႈ​ၼၼ်ႉ​ဢေႃႈ။</verse>
				<verse number="16">ၽဝ်ႇ​ၼိုင်ႈ ၵူၼ်း​မဵဝ်း​ ပိၼ်ႇယႃႇမိၼ်ႇ ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ၵမ်ႈ​ၽွင်ႈ​မႃး​ၵႃႈ​တီႈ​တိူၵ်ႈ​တီႈ​တိုၵ်း​သိုၵ်း​ၸူး​တီႈ​ တႃႇဝိတ်ႈ ​လႄႈ၊-</verse>
				<verse number="17">တႃႇဝိတ်ႈ ​ဢွၵ်ႇ​ၵႂႃႇ ႁႂ်ႈ​လႆႈ​ႁပ်ႉ​ႁူဝ်​တၢင်း​ၶဝ်​လႄႈ​လၢတ်ႈ​လႄႈ​ဝႃႈ၊ ပေႃး​ပႃး​တၢင်း​ၸႂ်​မႅတ်ႈ​တႃႇ​မႃး​ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ​ၵဝ်​ၸိုင်၊ ၵဝ်​တၵ်း​ပဵၼ်​ၸႂ်​လဵဝ်​ၵၼ်​တင်း​သူ​ဢေႃႈ။ ပေႃး​ဢမ်ႇ​ၸႂ်ႈ​ၼင်ႇ​ၼၼ်၊ ပေႃး​သူ​မႃး​ႁႂ်ႈ​လႆႈ​ဢဝ်​ၵဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ​ၵဝ်​ၸိုင်၊ ၵွပ်ႈ​ပိူဝ်ႈ​ဢၼ်​မိုဝ်း​ၵဝ်​ဢမ်ႇ​ႁဵတ်း​ဢပႅတ်ႈ​လႄႈ ႁႂ်ႈ​ၽြႃး​ပဵၼ်​ၸဝ်ႈ​ပူႇ​မွၼ်ႇ​ႁဝ်း​ၼၼ်ႉ​လူ​တူၺ်း​လႄႈ သင်ႇ​သွၼ်​သုင်း​မႃႉ​ပၼ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="18">ဝီႉၺိၺ်ႇ​ၸဝ်ႈ​တူၵ်း​ႁွတ်ႈ​ၵႃႈ​ၼိူဝ်​ ဢႃႇမသေး ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၼႂ်း​သၢမ်​သိပ်း​ၵေႃႉ​ၼၼ်ႉ​လႄႈ မၼ်း​ၼၼ်ႉ​ၶိုၼ်း​လၢတ်ႈ လႄႈ​ဝႃႈ၊ တႃႇဝိတ်ႈ ​ဢိူၺ်း၊ ႁဝ်း​ၶႃႈ​ၸိူဝ်း​ၼႆႉ​ပဵၼ်​ၵူၼ်း​ၸဝ်ႈ​ႁဝ်း​ၶႃႈ​ဢေႃႈ။ လုၵ်ႈ​ၸၢႆး​ ယေႇသႄး ​ဢိူၺ်း၊ ႁဝ်း​ၶႃႈ​ၸိူဝ်း​ၼႆႉ​ပဵၼ်​ၵေႃႉ​ဢၼ်​ၶဝ်ႈ​ယူႇ​ၽၢႆႇ​ၸဝ်ႈ​ႁဝ်း​ၶႃႈ​ဢေႃႈ။ ႁႂ်ႈ​မင်ႇၵလႃႇ​မီး​တီႈ​ၸဝ်ႈ​ႁဝ်း​သေ​ၵမ်း​လူၺ်ႈ။ ႁႂ်ႈ​မင်ႇၵလႃႇ​မီး​သေ​ၵမ်း​လူၺ်ႈ။ ႁႂ်ႈ​မင်ႇၵလႃႇ​မီး​တီႈ​ၶဝ်​ၸိူဝ်း​ဢၼ် ၸွႆႈ​ထႅမ်​မႃႉ​ၸႃႉ​ၸဝ်ႈ​ႁဝ်း​ၼၼ်ႉ​သေ​ၵမ်း​လူၺ်ႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ၼၼ်ႉ​ၸွႆႈ​ထႅမ်​မႃႉ​ၸႃႉ​ၸဝ်ႈ​ႁဝ်း​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ တႃႇဝိတ်ႈ ​ႁပ်ႉ​တုင်း​ဢဝ်​ၶဝ်​လႄႈ ဢဝ်​ၶဝ်​ၶၢၼ်း​ဝႆႉ​ၵႃႈ​ၼႂ်း​ဢရႃႇ​ပူဝ်ႇ​ဢေႃႈ။</verse>
				<verse number="19">လိူဝ်​သေ​ၼၼ်ႉ၊ ၵူၼ်း​မဵဝ်း​ မၼႃႇ​သေႇ ​ၵမ်ႈ​ၽွင်ႈ ၶဝ်ႈ​ယူႇ​ၽၢႆႇ​ တႃႇဝိတ်ႈ ၼႂ်း​မိူဝ်ႈ​ဢၼ်​မၼ်း​ၸွမ်း​ၵူၼ်း​ ၽီႉလိတ်ႉတီႉ ​တင်း​လၢႆ​ၵႂႃႇ​တိုၵ်း သေႃးလူႉ ​ၼၼ်ႉ​ဢေႃႈ။ ၵူၺ်း​ၵႃႈ ၶဝ်​ယင်း​ဢမ်ႇ​ၸွႆႈ​သိုၵ်း​ထႅမ်​သိုၵ်း​တီႈ​ၶဝ်​ၼၼ်ႉ ၵွပ်ႈ​ပိူဝ်ႈ​ဢၼ်​ၶုၼ်​ ၽီႉလိတ်ႉတီႉ ​တင်း​လၢႆ​ၼၼ်ႉ တိူင်ႇ​ပၢင်ႇ​ၵၼ်​သေ​လႄႈ ပွႆႇ​ၶဝ်​ၶိုၼ်း​မိူဝ်း​ၵႂႃႇ​လႄႈ​ဝႃႈ၊ ၵေႃႉ​ၼႆႉ​ၵူဝ်​မၼ်း​တၵ်း​ဢဝ်​ႁဝ်း​ၵႂႃႇ​သေ​လႄႈ ၶဝ်ႈ​ယူႇ​ၽၢႆႇ​ၸဝ်ႈ​မၼ်း​ သေႃးလူႉ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="20">ၵူၼ်း​မဵဝ်း​ မၼႃႇ​သေႇ ဢၼ်​ၶဝ်ႈ​ယူႇ​ၽၢႆႇ​မၼ်း​ၼႂ်း​မိူဝ်ႈ​ဢၼ်​ယင်း​တိုၵ်ႉ​ၵႂႃႇ​ၵႃႈ​တီႈ​ဝဵင်း​ ၸီႉၵလတ်ႉ ယူႇ​ၼၼ်ႉ​ၸမ်ႉ၊ ပဵၼ်​ ဢႃႇတၼႃႉ၊ ယေႃးၸပတ်ႉ၊ ယေႇတယေးလႃႉ၊ မိၵ်ႉၶေႇလႃႉ၊ ယေႃးၸပတ်ႉ၊ ဢေးလီႉႁူႉ၊ ၸီႉလသေး ဢၼ်​ပဵၼ်​ပူဝ်ႇ ဢၼ်​ဢုပ်ႉ​ၵႃႈ​ၼိူဝ်​ယေႈ​ႁဵင်​ၵႃႈ​ၼႂ်း​မဵဝ်း​ မၼႃႇ​သေႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="21">ၶဝ်​ၸိူဝ်း​ၼၼ်ႉ ဢွၼ်​ၵၼ်​ၸွႆႈ​ထႅမ်​မႃႉ​ၸႃႉ​ တႃႇဝိတ်ႈ ​လႄႈ​ယူႇ​ၽၢႆႇ​ၼိုင်ႈ တင်း​ၶဝ်​ၸိူဝ်း​ဢၼ်​ႁဵတ်း​ၸူၼ်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၶဝ်​ပဵၼ်​ပူဝ်ႇ​လူင်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ဢေႃႈ။-</verse>
				<verse number="22">မိူဝ်ႈ​ၼၼ်ႉ ဝၼ်း​ၼိုင်ႈ​ထႅင်ႈ​ဝၼ်း​ၼိုင်ႈ ၵူၼ်း​ဢွၼ်​ၵၼ်​ၶဝ်ႈ​ယူႇ​ၽၢႆႇ​ တႃႇဝိတ်ႈ ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ​မၼ်း​တေႃႇ​ထိုင်​ႁွတ်ႈ​ပဵၼ်​ပူဝ်ႇ​ပႃႇ ဢၼ်​ယႂ်ႇ​ၼႃႇ​လူင်​လၢင် မိူၼ်​ၸိူဝ်ႉ​ၼင်ႇ​ပူဝ်ႇ​ပႃႇ​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။</verse>
				<verse number="23">ၸရၢင်း​ၵူၼ်း​တပ်ႉ​ဢၼ်​ပျေႉ​ၸုမ်ႇ​တင်း​လၢၵ်ႈ​ၼၢၵ်ႈ​တိုၵ်း​သိုၵ်း ဢၼ်​မႃး​ၸူး​တီႈ​ တႃႇဝိတ်ႈ ၵႃႈ​တီႈ​ဝဵင်း​ ႁေႇပြုၼ်ႇ ႁႂ်ႈ​လႆႈ​ဢဝ် သိုင်ႇ​ၸိုင်ႈ​ဝၢၼ်ႈ​မိူင်း​ သေႃးလူႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ တႃႇဝိတ်ႈ ၸွမ်း​ၵႃႈ​ၼင်ႇ​ဢမိင်ႉ​ထႃႇဝရႃႉ​ၽြႃး​ၼၼ်ႉ​ၸမ်ႉ၊-</verse>
				<verse number="24">ၵူၼ်း​မဵဝ်း​ ယူႉတႃႉ ​ဢၼ်​ယိပ်း​ၵမ်​ၶိူင်ႈ​ႁႄႉ​လၢၵ်ႈ​ၼၢၵ်ႈ ဢိၵ်ႇ​တင်း​ႁွၵ်ႇ​လႄႈ ပျေႉ​ၸုမ်ႇ​တင်း​လၢၵ်ႈ​ၼၢၵ်ႈ​တိုၵ်း​သိုၵ်း​ၼၼ်ႉ ႁူၵ်း​ႁဵင်​ပၢႆ​ပႅတ်ႇ​ပၢၵ်ႇ၊-</verse>
				<verse number="25">ၵူၼ်း​မဵဝ်း​ သီႉမုၼ်ႇ ဢၼ်​ပဵၼ်​ႁူဝ်​ႁၢၼ်​ၵူၼ်း​သိုၵ်း ဢၼ်​ႁႅင်း​ယႂ်ႇ​ၼႃႇ​ၼၼ်ႉ ၸဵတ်း​ႁဵင်​ပၢႆ​ပၢၵ်ႇ​ၼိုင်ႈ၊-</verse>
				<verse number="26">ၵူၼ်း​မဵဝ်း​ လေႇဝီႉ သီႇ​ႁဵင်​ပၢႆ​ႁူၵ်း​ပၢၵ်ႇ၊-</verse>
				<verse number="27">ၵူၼ်း​မဵဝ်း​ ဢႃႇရုၼ်ႇ ဢၼ်​ပႃး​လူၺ်ႈ​ၵၼ်​တင်း​ ယေႃးယတႃႉ ဢၼ်​ဢုပ်ႉ​ၵႃႈ​ၼိူဝ်​ၶဝ်​ၼၼ်ႉ သၢမ်​ႁဵင်​ပၢႆ​ၸဵတ်း​ပၢၵ်ႇ၊-</verse>
				<verse number="28">ၵူၼ်း​ၼုမ်ႇ​ ၸႃႇတုၵ်ႉ ဢၼ်​ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း၊ တပ်ႉ​မူး သၢဝ်း​ပၢႆ​သွင်​ပႃး၊-</verse>
				<verse number="29">ၵူၼ်း​မဵဝ်း​ ပိၼ်ႇယႃႇမိၼ်ႇ ၊ ဢၼ်​ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​ သေႃးလူႉ ပိၵ်ႉ​သမ်ႉ​ၼႂ်း​ၶဝ်​ၵူၼ်း​ၼမ်​ၼႃႇ လႆႈ​ပႂ်ႉ​ယူႇ​ၽၢႆႇ​မဵဝ်း​ၸိူဝ်ႉ​ၶိူဝ်း သေႃးလူႉ မိူဝ်ႈ​ဢွၼ်​တၢင်း​ၼၼ်ႉ​သေ​ၵေႃႈ၊ ၶဝ်​ၼၼ်ႉ သၢမ်​ႁဵင်၊-</verse>
				<verse number="30">ၵူၼ်း​မဵဝ်း​ ဢေႇၽရိမ်ႇ ဢၼ်​ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​လႄႈ ၸိုဝ်ႈ​ဢွၵ်ႇ​သဵင်​ဢွၵ်ႇ​ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ သွင်​မိုၼ်ႇ​ပၢႆ​ပႅတ်ႇ​ပၢၵ်ႇ၊-</verse>
				<verse number="31">ၵူၼ်း​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ဢၼ်​ၸိုဝ်ႈ​ၶဝ်​သဵင်​ၶဝ် ၶဝ်ႈ​ပႃး​ၼႂ်း​ၸရၢင်း ႁႂ်ႈ​လႆႈ​မႃး​လႄႈ​ယုၵ်ႉ​ယွင်ႈ​ တႃႇဝိတ်ႈ ​ဝႆႉ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း​ၼၼ်ႉ မိုၼ်ႇ​ပၢႆ​ပႅတ်ႇ​ႁဵင်၊-</verse>
				<verse number="32">ၵူၼ်း​မဵဝ်း​ ဢီႉသၶႃႇ ဢၼ်​ၸၢင်ႈ​ႁူႉ​လူၺ်ႈ​ၶိင်ႇ​ၵႃႇလႃႉ​လႄႈ ႁူႉ​လွင်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ထုၵ်ႇ​လီ​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ၊ ဢၼ်​ဝႃႈ​ၶဝ်​ၸိူဝ်း​ဢၼ် ပဵၼ်​တူၼ်ႈ​ပဵၼ်​ငဝ်ႈ​ဢၼ်​မဵဝ်း​ၸိူဝ်ႉ​ၶိူဝ်း​ၶဝ်​ထွမ်ႇ​ဢဝ်​ၵႂၢမ်း​ၶဝ်​ၼၼ်ႉ သွင်​ပၢၵ်ႇ၊-</verse>
				<verse number="33">ၵူၼ်း​မဵဝ်း​ ၸေႇပူႉလုၼ်ႇ ဢၼ်​တၢတ်ႈ​ၼိူင်ႇ​ႁႂ်ႈ​လႆႈ​ၶီႇ​သိုၵ်း​လႄႈ ၸၢင်ႈ​ယၼ်ႇ​တပ်ႉ​ၶၢင်း​တပ်ႉ၊ ဢၼ်​ပျေႉ​ၸုမ်ႇ​တင်း​လၢၵ်ႈ​ၼၢၵ်ႈ​တိုၵ်း​သိုၵ်း​ၵူႈ​ၸိူဝ်ႉ​ၵူႈ​မဵဝ်း​ယူႇ​သေ​လႄႈ ၸၢင်ႈ​မႄး​ႁႅၼ်း​ႁႂ်ႈ​လႆႈ​တိုၵ်း​သိုၵ်း​လႄႈ ဢမ်ႇ​မီး​ၸႂ်​သွင်​ငၢမ်ႈ​ၼၼ်ႉ ႁႃႈ​မိုၼ်ႇ၊-</verse>
				<verse number="34">ၵူၼ်း​မဵဝ်း​ ၼပ်ႉထလီႉ ပူဝ်ႇ​ႁဵင်​ၼိုင်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ယိပ်း​ၵမ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​တင်း​ႁွၵ်ႇ သၢမ်​မိုၼ်ႇ​ပၢႆ​ၸဵတ်း​ႁဵင်၊-</verse>
				<verse number="35">ၵူၼ်း​မဵဝ်း​ တၢၼ်ႇ ဢၼ်​ၸၢင်ႈ​ယၼ်ႇ​တပ်ႉ​ၶၢင်း​တပ်ႉ​လႄႈ တိုၵ်း​သိုၵ်း​ၼၼ်ႉ သွင်​မိုၼ်ႇ​ပႅတ်ႇ​ႁဵင်​ပၢႆ​ႁူၵ်း​ပၢၵ်ႇ၊-</verse>
				<verse number="36">မဵဝ်း​ ဢႃႇသႃႇ ၶဝ်​ၸိူဝ်း​ဢၼ်​တၢတ်ႈ​ၼိူင်ႇ​ႁႂ်ႈ​လႆႈ​တိုၵ်း​သိုၵ်း​လႄႈ ၸၢင်ႈ​ယၼ်ႇ​တပ်ႉ​ၶၢင်း​တပ်ႉ​ၼၼ်ႉ သီႇ​မိုၼ်ႇ၊-</verse>
				<verse number="37">ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ၊ ၵႃႈ​ၼႂ်း​ၵူၼ်း​မဵဝ်း​ ရူႉပိၼ်ႇ ၊ မဵဝ်း​ ၵၢတ်ႉ ၊ မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၼၼ်ႉ ၶဝ်​ၸိူဝ်း​ဢၼ်​ပျေႉ​ၸုမ်ႇ​တင်း​လၢၵ်ႈ​ၼၢၵ်ႈ​ၸုမ်ႇ​ဢၼ်​တိုၵ်း​သိုၵ်း​ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ သႅၼ်​ပၢႆ​သွင်​မိုၼ်ႇ​ဢေႃႈ။-</verse>
				<verse number="38">ၶဝ်​ၵႃႈ​မီး​ၸိူဝ်း​ၼႆႉ​ၸမ်ႉ၊ ပဵၼ်​လုၵ်ႈ​သိုၵ်း​ၵူၼ်း​သိုၵ်း ဢၼ်​ၸၢင်ႈ​ယၼ်ႇ​တပ်ႉ​ၶၢင်း​တပ်ႉ​လႄႈ မီး​ၸႂ်​ဢၼ်​ႁႅင်း​ယႂ်ႇ​ၼႃႇ​သေ​လႄႈ ဢွၼ်​ၵၼ်​မႃး​ၵႃႈ​တီႈ​ဝဵင်း​ ႁေႇပြုၼ်ႇ ႁႂ်ႈ​လႆႈ​ယုၵ်ႉ​ယွင်ႈ​ တႃႇဝိတ်ႈ ​ဝႆႉ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း ၵႃႈ​ၼႂ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​ဢၼ်​ယင်း​ၵိုတ်း​ယင်း​ၵျၢၼ်ႇ​တင်း​သဵင်ႈ​တင်း​လူင်​ၵေႃႈ ၽွမ်ႉ​ၸႂ်​ၵၼ်​သေ​လႄႈ ၶႂ်ႈ​ယုၵ်ႉ​ယွင်ႈ တႃႇဝိတ်ႈ ​ဝႆႉ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း​ဢေႃႈ။-</verse>
				<verse number="39">ၶဝ်​ၸိူဝ်း​ၼၼ်ႉ​မီး​ယူႇ​တီႈ​ တႃႇဝိတ်ႈ ​သၢမ်​ဝၼ်း​တဵမ်​တဵမ်​လႄႈ ဢွၼ်​ၵၼ်​ၵိၼ်​ယူႇ​ၶူပ်း​ယူႇ​ဢေႃႈ၊ ၶဝ်​ၸိူဝ်း​ဢၼ်​ပဵၼ်​မဵဝ်း​လဵဝ်​ၵၼ်​တင်း​ၶဝ်​ၼၼ်ႉ ဢွၼ်​ၵၼ်​မႄး​ႁႅၼ်း​ဝႆႉ​ထႃႈ​ပုၼ်ႈ​ၶဝ်​ယဝ်ႉ။-</verse>
				<verse number="40">ၶဝ်​ၸိူဝ်း​ဢၼ်​ယူႇ​ၸႃႉ​ၸဵမ်​ၵႃႈ​တီႈ​ႁိမ်း​ၸမ်​ၶဝ်​ၼၼ်ႉ တေႃႇ​ထိုင်​ႁွတ်ႈ​ၵႃႈ​တီႈ​ၼႂ်း​လိၼ်​ ဢီႉသၶႃႇ ၊ လိၼ်​ ၸေႇပူႉလုၼ်ႇ ၊ လိၼ်​ ၼပ်ႉထလီႉ ​ၸိူဝ်း​ၼၼ်ႉ ဢွၼ်​ၵၼ်​ပႃး​ဢဝ်​တၢင်း​ၵိၼ်​တၢင်း​ၶူပ်း ဢၼ်​တၢင်ႇ​ၵႃႈ​ၼိူဝ်​လီႈ၊ ၵလႃးဢုၵ်ႉ၊ လေႃႈ၊ ဝူဝ်း ဢၼ်​ဝႃႈ ၽွင်​ၶဝ်ႈ​မုၼ်း၊ ၶႅပ်း​မၢၵ်ႇ​လိူဝ်ႇ​သၢင်း​ၽေႃး၊ ပုၵ်ႉ​မၢၵ်ႇ​ၸပိတ်ႈ၊ ၼမ်ႉ​ၸပိတ်ႈ၊ ၼမ်ႉ​မၼ်း၊ သူဝ်း၊ ဝူဝ်း ၼမ်​ၼႃႇ​ၼၼ်ႉ​မႃး​ဢေႃႈ။ လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢွၼ်​ၵၼ်​မီး​တၢင်း​ဢၼ်​မူၼ်ႈ​ဢၼ်​ပျေႃႇ​ဢေႃႈ။</verse>
			</chapter>
			<chapter number="13">
				<verse number="1">မိူဝ်ႈ​ၼၼ်ႉ တႃႇဝိတ်ႈ ​တိူင်ႇ​ပၢင်ႇ​ၵၼ်​တင်း​ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​ႁဵင်၊ ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ယေႈ​ပၢၵ်ႇ​ဢၼ်​ဝႃႈ၊ ၵူၼ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ​တင်း​သဵင်ႈ​တင်း​လူင်​သေ​ယဝ်ႉ၊-</verse>
				<verse number="2">တႃႇဝိတ်ႈ ​မီး​ဢမိင်ႉ​တီႈ​ပရဵၵ်ႈသၢတ်ႈ​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႄႈ​ဝႃႈ၊ ပေႃး​သူ​မီး​ဢလူဝ်ႇ​လႄႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ပၼ်​ဢၶႂၢင်ႉ​ၸိုင်၊ ႁဝ်း​ပွႆႇ​ၸႂ်ႉ​ၵႂႃႇ​ၵူႈ​တီႈ​ၵူႈ​လႅၼ်​ၸူး​တီႈ​ပီႈ​ၼွင်ႉ​ႁဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ​ၵႃႈ​တီႈ​ၼႂ်း​လိၼ် ဢီႉသရေႇလႃႉ ​တင်း​သဵင်ႈ​တင်း​မူတ်း ဢိၵ်ႇ​တင်း​ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ဢၼ်​ယူႇ​ၵႃႈ​ၼႂ်း​ဝဵင်း​တင်း​ဝၢၼ်ႈ​ၼွၵ်ႈ​ၼႃး​ပၢင်ႇ ဝဵင်း​ၸိူဝ်း​ၼၼ်ႉ ႁႂ်ႈ​ၶဝ်​မႃး​ၸူႉ​ၵၼ်​တုမ်​ၵၼ်​တင်း​ႁဝ်း​တႃႉ​ႁဝ်း။-</verse>
				<verse number="3">သမ်ႉ​ၶိုၼ်း​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ႁဝ်း​မႃး​တီႈ​ႁဝ်း​တႃႉ​ႁဝ်း။ ၼႂ်း​ၸူဝ်ႈ​ပၢၼ်​ သေႃးလူႉ ​ၼၼ်ႉ ႁဝ်း​ယင်း​ဢမ်ႇ​ယၢမ်ႈ​တွင်ႈ​ထၢမ်​ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ၸဝ်ႈ​ၼၼ်ႉ​လႄႈ ယူႇ​မႃး​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​လၢတ်ႈ​လႄႈ​ဝႃႈ၊ တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၸဝ်ႈ​မီး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ ၵွပ်ႈ​ပိူဝ်ႈ​ဢၼ်​လွင်ႈ​တၢင်း​ၼၼ်ႉ ပဵၼ်​လွင်ႈ​တၢင်း​ဢၼ်​ထုၵ်ႇ​လီ​သိုဝ်ႈ​ၼႃႈ​တႂ်ႈ​တႃ​ၶဝ်​ၼၼ်ႉ​ဢေႃႈ။-</verse>
				<verse number="5">ၼင်ႇ​ၼၼ်​လႄႈ တႃႇဝိတ်ႈ ​ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ဢၼ်​ယူႇ​ၵႃႈ​တီႈ​ၸႃႉ​ၸဵမ်​ၼမ်ႉ​ႁွင်ႈ​ သီးႁေႃႇရႃႉ ၵႃႈ​တီႈ​ႁိမ်း​မိူင်း​ ဢေႇၵိပ်ႉတူႉ တေႃႇ​ထိုင်​ႁွပ်ႈ​သူပ်း​တၢင်း​ဢၼ် ၶဝ်ႈ​ၸူး​ဝဵင်း​ ႁႃႇမတ်ႉ ​တင်း​သဵင်ႈ​တင်း​လူင်​ၼၼ်ႉ​ၸူႉ​ၵၼ်​တုမ်​ၵၼ် ႁႂ်ႈ​လႆႈ​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​သေ ၵႃႈ​တီႈ​ဝဵင်း​ ၵီႉရယတ်ႉယႃႇရိမ်ႇ ​မႃး​သေ​ယဝ်ႉ၊-</verse>
				<verse number="6">တႃႇဝိတ်ႈ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢွၼ်​ၵၼ်​ၶိုၼ်ႈ​ၸူး​ၵႃႈ​တီႈ​ဝဵင်း​ ပႃႇလႃႉ ဢၼ်​ဝႃႈ​ဝဵင်း​ ၵီႉရယတ်ႉယႃႇရိမ်ႇ ဢၼ်​မီး​ၼႂ်း​လိၼ်​ ယူႉတႃႉ ​ၼၼ်ႉ ႁႂ်ႈ​လႆႈ​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ထႃႇဝရႃႉ​ၽြႃး​ဢၼ်​ၵိင်း​ဝၢပ်ႈ​ယူႇ​ၵႃႈ​တီႈ​ၵႄႈ​ဝူင်ႈ​ၵၢင်​ ၶေႇရူႉၽဵမ်ႇ ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁွင်ႉ​ႁဵၵ်ႈ​ၼၼ်ႉ​မႃး​ဢေႃႈ။-</verse>
				<verse number="7">ၶဝ်​ဢွၼ်​ၵၼ်​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ တၢင်ႇ​ၵႃႈ​ၼိူဝ်​လေႃႉ​ဢၼ်​မႂ်ႇ​လႄႈ ဢဝ်​ဢွၵ်ႇ​သေ​ၵႃႈ​ၼႂ်း​ႁိူၼ်း ဢၽီႉၼတပ်ႉ ​ဢေႃႈ။ ဢေႃႇၸႃႉ တင်း​ ဢႃႇႁီႉဢူဝ်း လႆႈ​ႁေႃႈ​လေႃႉ​ဢေႃႈ။-</verse>
				<verse number="8">တႃႇဝိတ်ႈ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢွၼ်​ၵၼ်​ႁဵတ်း​ၵႂၢမ်း​ယူႇ၊ ယိပ်း​ၵမ်​ဢဝ်​တိင်ႇ၊ တရေႃး၊ ၵွင်​ၶဵတ်ႇ၊ သႅင်ႇ၊ ၼႄးၶရႃႇ​တင်း​လၢႆ​ယူႇ​သေ​လႄႈ ဢဝ်​ႁႅင်း​ၵျူဝ်း​ၸႃး​ပဝ်ႇ​ႁႆႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="9">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​တလၢင်း​ယဵပ်ႇ​ၶဝ်ႈ ၶီႉတုၼ်ႇ ​ၼၼ်ႉ​ၸိုင် ၵွပ်ႈ​ပိူဝ်ႈ​ဢဝ်​ဝူဝ်း​ၶီႈ​လိုတ်း​ၶီႈ​လႅင်ႉ​ၼၼ်ႉ​လႄႈ ဢေႃႇၸႃႉ ​ယဵတ်ႇ​မိုဝ်း​မၼ်း​ၸူး​တိူၵ်ႈ​တႃႇ​ၽြႃး​ပဵၼ်​ၸဝ်ႈ​သေ​လႄႈ ယိပ်း​တိူၵ်ႈ​တႃႇ​ၸဝ်ႈ​ဢေႃႈ။-</verse>
				<verse number="10">တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​တီႈ​ ဢေႃႇၸႃႉ ​ၼၼ်ႉ​လႄႈ မၼ်း​ၸဝ်ႈ​ပၼ်​တၢမ်ႇ ၵွပ်ႈ​ပိူဝ်ႈ​ဢၼ်​မၼ်း​ဢဝ်​မိုဝ်း​မၼ်း​ယိပ်း​တိူၵ်ႈ​တႃႇ​ၸဝ်ႈ​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ မၼ်း​ၼၼ်ႉ​တၢႆ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၵႃႈ​တီႈ​ၼၼ်ႈ​ဢေႃႈ။-</verse>
				<verse number="11">တႃႇဝိတ်ႈ ​မီး​ၸႂ်​ဢၼ်​ႁဵဝ်ႇ​ၸွပ်ႈ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ပၼ်​တၢမ်ႇ​တီႈ​ ဢေႃႇၸႃႉ ​ၼၼ်ႉ​လႄႈ ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႉ​ ပေးရိတ်ႉဢေႃႇၸႃႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="12">ၼႂ်း​ဝၼ်း​ၼၼ်ႉ တႃႇဝိတ်ႈ ​ၵူဝ်​ႁႄ​ၽြႃး​ပဵၼ်​ၸဝ်ႈ​လႄႈ​ထၢမ်​လႄႈ​ဝႃႈ၊ ၵဝ်​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​မႃး​ၵႃႈ​တီႈ​ၵဝ်၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="13">တႃႇဝိတ်ႈ ယင်း​ဢမ်ႇ​ဢဝ်​တိူၵ်ႈ​တႃႇ​ၸဝ်ႈ​မႃး​ၵႃႈ​တီႈ​မၼ်း ၵႃႈ​ၼႂ်း​ဝဵင်း​ တႃႇဝိတ်ႈ ​ၼၼ်ႉ​လႄႈ ဢဝ်​ငႅၵ်း​ၵႂႃႇ​ၸူး​ၵႃႈ​တီႈ​ႁိူၼ်း ဢူဝ်းပိတ်ႉဢေႇတုမ်ႇ ၵူၼ်း​ ၵိတ်ႉတီႉ ​ၼၼ်ႉ​သေ​ယဝ်ႉ၊-</verse>
				<verse number="14">တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ မီး​ယူႇ​ၵႃႈ​တီႈ​ၵူၼ်း​ႁိူၼ်း​ၵူၼ်း​ယေး ၼႂ်း​ႁိူၼ်း​ ဢူဝ်းပိတ်ႉဢေႇတုမ်ႇ ​ၼၼ်ႉ သၢမ်​လိူၼ်​တဵမ်​တဵမ်​ဢေႃႈ။ ထႃႇဝရႃႉ​ၽြႃး​ၵေႃႈ​ပၼ်​တၢင်း​လီ တီႈ​ၵူၼ်း​ႁိူၼ်း​ၵူၼ်း​ယေး​ ဢူဝ်းပိတ်ႉဢေႇတုမ်ႇ ဢိၵ်ႇ​တင်း​ၵႃႈ​ဢၼ်​မီး​တီႈ​မၼ်း​ၼၼ်ႉ​ဢေႃႈ။</verse>
			</chapter>
			<chapter number="14">
				<verse number="1">ႁီႉရမ်ႇ ၶုၼ်​လူင်​ တူႉရူႉ ပွႆႇ​ၸႂ်ႉ​သၢၼ်ႇတမၢၼ်ႇ ဢိၵ်ႇ​လူၺ်ႈ​ၵၼ်​တင်း​မႆႉ​ ဢႃႇရိတ်ႉ ၊ ၵူၼ်း​မေႃ​တႄႇ​တိူၵ်ႈ​ႁဵတ်း​တိူၵ်ႈ​လၢၵ်ႈသမႃး​တင်း​လၢႆ မႃး​ၸူး​ၵႃႈ​တီႈ​ တႃႇဝိတ်ႈ ​ႁႂ်ႈ​လႆႈ​တႄႇ​ႁဵတ်း​ႁေႃ​ၸဝ်ႈ​ပုၼ်ႈ​မၼ်း​ဢေႃႈ။-</verse>
				<verse number="2">တႃႇဝိတ်ႈ ​ႁူႉ​ႁၼ်​လွင်ႈ​ဢၼ်​ထႃႇဝရႃႉ​ၽြႃး ႁႂ်ႈ​မၼ်း​ပဵၼ်​ဢၼ်​မၼ်ႈ​ဢၼ်​ၶိူင်ႇ​ယူႇ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း ဢီႉသရေႇလႃႉ ဢိၵ်ႇ​တင်း လွင်ႈ​ဢၼ်​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း​ၸဝ်ႈ လႆႈ​ၶၢမ်ႇ​တၢင်း​ဢၼ်​ယုၵ်ႉ​ယွင်ႈ​ဝႆႉ ႁႂ်ႈ​ပဵၼ်​ပုၼ်ႈ​ၵူၼ်း​မၼ်း​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။</verse>
				<verse number="3">တႃႇဝိတ်ႈ ​သမ်ႉ​ဢဝ်​မေး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ထႅင်ႈ​သေ​ယဝ်ႉ၊ တႃႇဝိတ်ႈ ​သမ်ႉ​လႆႈ​လုၵ်ႈ​ၸၢႆး​လုၵ်ႈ​ယိင်း​ထႅင်ႈ​ဢေႃႈ။-</verse>
				<verse number="4">ၸိုဝ်ႈ​သဵင်​လုၵ်ႈ​ၸၢႆး​ဢၼ်​မၼ်း​လႆႈ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ၸမ်ႉ၊ ပဵၼ်​ သမႂႃႇ၊ သေႃးပပ်ႉ၊ ၼႃႇသၼ်ႇ၊ သေႃးလမုၼ်ႇ ၊-</verse>
				<verse number="5">ဢီႉပႁႃႇ၊ ဢေးလီႉသႂႃႉ၊ ဢေးလီႉပလႅတ်ႉ ၊-</verse>
				<verse number="6">ၼေႃႇၵႃႉ၊ ၼေႇၽႅတ်ႉ၊ ယႃႇၽျႃႇ ၊-</verse>
				<verse number="7">ဢေးလီႉသမႃႇ၊ ပေးလျႃႇတႃႉ တင်း ဢေးလီႉၽလႅတ်ႉ ​ဢေႃႈ။</verse>
				<verse number="8">မိူဝ်ႈ​ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ ငိၼ်း​လွင်ႈ​ဢၼ်​ပၼ်​ၽိၵ်ႈ​သိၵ်ႈ​တီႈ​ တႃႇဝိတ်ႈ ​လႄႈ ႁႂ်ႈ​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ တင်း​သဵင်ႈ​တင်း​မူတ်း​ၼၼ်ႉ​ၸိုင်၊ ၵူၼ်း​ ၽီႉလိတ်ႉတီႉ ​တင်း​သဵင်ႈ​တင်း​လူင် ဢွၼ်​ၵၼ်​မႃး ႁႂ်ႈ​လႆႈ​ႁႃ​ တႃႇဝိတ်ႈ ​ဢေႃႈ။ တႃႇဝိတ်ႈ ​ငိၼ်း​လွင်ႈ​မၼ်း​သေ​ယဝ်ႉ၊ ၶီႇ​သိုၵ်း​ၵႂႃႇ​ၸူး​ၶဝ်​ဢေႃႈ။-</verse>
				<verse number="9">ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​မႃး​လႄႈ​ယူႇ​ၸွတ်ႇ​တူဝ်ႈ​ၵႃႈ​တီႈ​ပၢင်ႇ​ႁူၺ်ႈ​ ရေႇၽဵမ်ႇ ​ဢေႃႈ။-</verse>
				<verse number="10">တႃႇဝိတ်ႈ ​ၵေႃႈ​လဝ်ႊ​ထၢမ်​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ၶႃႈ​ၸဝ်ႈ​တၵ်း​လႆႈ​ၶိုၼ်ႈ​ၸူး​ၵႃႈ​တီႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​တီႈ​ၶႃႈ​ႁိုဝ်။ ၸဝ်ႈ​ႁဝ်း​တၵ်း​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶႃႈ​ၸဝ်ႈ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ထႃႇဝရႃႉ​ၽြႃး​မီး​ဢမိင်ႉ​တီႈ​မၼ်း​လႄႈ​ဝႃႈ၊ ၶိုၼ်ႈ​ၸူး​တႃႉ။ ၵဝ်​တၵ်း​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="11">ၼင်ႇ​ၼၼ်​လႄႈ​ၶဝ်​ဢွၼ်​ၵၼ်​ၶိုၼ်ႈ​ၸူး ၵႃႈ​တီႈ​ဝဵင်း​ ပႃႇလႃႉပေႇရၸိမ်း ​လႄႈ တႃႇဝိတ်ႈ ​တိုၵ်း​တေႃး​ယႃႉ​ပႅတ်ႈ​ၶဝ်​ၵႃႈ​တီႈ​ၼၼ်ႈ​သေ​ယဝ်ႉ၊ လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ဢဝ်​မိုဝ်း​ၵဝ် ၵိူၼ်ႇ​ယႃႉ​ပႅတ်ႈ​ရၢၼ်ႇ​သူႇ​ၵဝ် မိူၼ်​ၸိူဝ်ႉ​ၼင်ႇ​ဢၼ်​ၼမ်ႉ​လူၵ်ႈ​ၶိုၼ်ႈ​လႄႈ ၵိူၼ်ႇ​ယႃႉ​ပႅတ်ႈ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ၊ ၶဝ်​ႁွင်ႉ​ႁဵၵ်ႈ​ၸိုဝ်ႈ​တီႈ​ၼၼ်ႉ ပႃႇလႃႉပေႇရၸိမ်း ​ဢေႃႈ။-</verse>
				<verse number="12">ၶဝ်​ၼၼ်ႉ​ပႅတ်ႈ​ရုၵ်ႈ​ထူႉ​ၶဝ်​ဝႆႉ ၵႃႈ​တီႈ​ၼၼ်ႈ​လႄႈ၊ တႃႇဝိတ်ႈ ​ပၼ်​ဢမိင်ႉ​လႄႈ ၶဝ်​ဢဝ်​တုတ်ႇ​ၽႆး​ပႅတ်ႈ​ဢေႃႈ။</verse>
				<verse number="13">လႆႈ​သမ်ႉ​ပွၵ်ႈ​ၼိုင်ႈ ၵူၼ်း​ ၽီႉလိတ်ႉတီႉ ​တင်း​လၢႆ ဢွၼ်​ၵၼ်​မႃး​ထႅင်ႈ​လႄႈ ယူႇ​ၸွတ်ႇ​တူဝ်ႈ​ၵႃႈ​တီႈ​ပၢင်ႇ​ႁူၺ်ႈ​ၼၼ်ႉ​ဢေႃႈ။-</verse>
				<verse number="14">တႃႇဝိတ်ႈ ​ၵေႃႈ​သမ်ႉ​ၶိုၼ်း​လဝ်ႊ​ထၢမ်​တီႈ​ၽြႃး​ပဵၼ်​ၸဝ်ႈ​သေ​ယဝ်ႉ၊ ၽြႃး​ပဵၼ်​ၸဝ်ႈ​မီး​ဢမိင်ႉ​တီႈ​မၼ်း​လႄႈ​ဝႃႈ၊ မႂ်း​ဢမ်ႇ​လႆႈ​ၸွမ်း​သေ​လႄႈ ၶိုၼ်ႈ​ၸူး​တီႈ​ဢၼ်​ၶဝ်​မီး​ၼၼ်ႉ၊ တၵ်း​လႆႈ​ဝႄႈ​ပိူင်ႈ​ၶဝ်​သေ​လႄႈ ၶီႇ​ၵႂႃႇ​ၽၢႆႇ​ၼိုင်ႈ​ပႃႇ​မႆႉ​မွၼ်း​ၸူး​ၶဝ်​ဢေႃႈ။-</verse>
				<verse number="15">မိူဝ်ႈ​ဢၼ်​မႂ်း​ငိၼ်း​သဵင်​ၶီႇ​သိုၵ်း​ၵႃႈ​ၼိူဝ်​ပၢႆ​မႆႉ​မွၼ်း​ၸိုင်၊ ၶီႇ​သိုၵ်း​ႁႂ်ႈ​လႆႈ​တိုၵ်း​တႃႉ။ ၽြႃး​ပဵၼ်​ၸဝ်ႈ​တၵ်း​ဢွၼ်​ႁူဝ်​မႂ်း ႁႂ်ႈ​လႆႈ​တိုၵ်း​တေႃး​ယႃႉ​ပႅတ်ႈ တပ်ႉ​ ၽီႉလိတ်ႉတီႉ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="16">တႃႇဝိတ်ႈ ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၽြႃး​ပဵၼ်​ၸဝ်ႈ မီး​ဢမိင်ႉ​ၼၼ်ႉ​လႄႈ တိုၵ်း​တေႃး​ယႃႉ​ပႅတ်ႈ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ ဢဝ်​ၵႃႈ​တီႈ​ဝဵင်း​ ၵီႉပွင်ႇ တေႃႇ​ထိုင်​ႁွတ်ႈ​ဝဵင်း​ ၵႃႇၸေႇရႃႉ ​ဢေႃႈ။-</verse>
				<verse number="17">သတၢင်း​သဵင်​ၶၢဝ်ႇ​ တႃႇဝိတ်ႈ ​ၼၼ်ႉ ၸွတ်ႇ​တူဝ်ႈ​ၵႂႃႇ​ၵူႈ​သိုင်ႇ​ၵူႈ​မိူင်း​လႄႈ ထႃႇဝရႃႉ​ၽြႃး​ၸီႇ​ယၢင်ႇ​ႁႂ်ႈ​ၵူၼ်း​ၵူႈ​မဵဝ်း​ၵူဝ်​ႁႄ​မၼ်း​ဢေႃႈ။</verse>
			</chapter>
			<chapter number="15">
				<verse number="1">လိုၼ်း​ၼၼ်ႉ တႃႇဝိတ်ႈ ​တႄႇ​ႁဵတ်း​ႁၢင်ႈ​ႁဵတ်း​ႁေႃ ၵႃႈ​ၼႂ်း​ဝဵင်း​ တႃႇဝိတ်ႈ ​လႄႈ၊ မၼ်း​ႁဵတ်း​ဝႆႉ​မႄး​ဝႆႉ ထႃႇၼႃႉ​တီႈ​ပုၼ်ႈ​တိူၵ်ႈ​တႃႇ​ၽြႃး​ပဵၼ်​ၸဝ်ႈ​သေ​လႄႈ မုင်း​မူဝ်းၵႃႇ​ပုၼ်ႈ​မၼ်း​ဝႆႉ​သေ​ယဝ်ႉ၊-</verse>
				<verse number="2">တႃႇဝိတ်ႈ ​လၢတ်ႈ​လႄႈ​ဝႃႈ၊ ၼွၵ်ႈ​သေ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ၊ ၵူၼ်း​မဵဝ်း​လႂ်​သေ​ဢမ်ႇ​ဝႃႈ၊ ဢမ်ႇ​လႆႈ​ႁၢပ်ႇ​တိူၵ်ႈ​တႃႇ​ၽြႃး​ပဵၼ်​ၸဝ်ႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ်​ၶဝ်​ၼၼ်ႉ ႁႂ်ႈ​လႆႈ​ႁၢပ်ႇ​တိူၵ်ႈ​တႃႇ​ၸဝ်ႈ​လႄႈ​ၵိုတ်ႉ​ႁၢပ်ႇ​ဢမူႉ​မၼ်း​ၸဝ်ႈ ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="3">တႃႇဝိတ်ႈ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၸူႉ​ၵၼ်​တုမ်​ၵၼ် ၵႃႈ​တီႈ​ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ဢဝ်​တိူၵ်ႈ​တႃႇ​ထႃႇဝရႃႉ​ၽြႃး​မႃး ၵႃႈ​တီႈ​ထႃႇၼႃႉ​တီႈ​ဢၼ်​မၼ်း​ႁဵတ်း​ဝႆႉ​မႄး​ဝႆႉ​ပုၼ်ႈ​မၼ်း​ၼၼ်ႉ​သေ​ယဝ်ႉ၊-</verse>
				<verse number="4">တႃႇဝိတ်ႈ ​ႁႂ်ႈ​ၵူၼ်း​မဵဝ်း​ ဢႃႇရုၼ်ႇ တင်း​ၵူၼ်း​မဵဝ်း​ လေႇဝီႉ ​တင်း​လၢႆ ၸူႉ​ၵၼ်​တုမ်​ၵၼ်​လႄႈ၊ ၶဝ်​ၸိူဝ်း​ၼၼ်ႉ​ၸမ်ႉ၊-</verse>
				<verse number="5">ဢူႉရေးလႃႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ ၵႃႈ​ၼႂ်း​မဵဝ်း​ ၵေႃႇႁတ်ႉ ​ၼၼ်ႉ​ဢိၵ်ႇ​တင်း​ပီႈ​ၼွင်ႉ​မၼ်း ပၢၵ်ႇ​ပၢႆ​သၢဝ်း၊-</verse>
				<verse number="6">ဢသႃႇယႃႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၵႃႈ​ၼႂ်း​မဵဝ်း​ မေႇရႃႇရီႉ ​ၼၼ်ႉ​ဢိၵ်ႇ​တင်း​ပီႈ​ၼွင်ႉ​မၼ်း သွင်​ပၢၵ်ႇ​ပၢႆ​သၢဝ်း၊-</verse>
				<verse number="7">ယူဝ်းဢေးလႃႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၵႃႈ​ၼႂ်း​မဵဝ်း​ ၵေႇရသုၼ်ႇ ​ၼၼ်ႉ​ဢိၵ်ႇ​တင်း​ပီႈ​ၼွင်ႉ​မၼ်း ပၢၵ်ႇ​ပၢႆ​သၢမ်​သိပ်း၊-</verse>
				<verse number="8">သေႇမႃႇယႃႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၵႃႈ​ၼႂ်း​မဵဝ်း​ ဢေးလီႉၸပၢၼ်ႇ ​ၼၼ်ႉ ဢိၵ်ႇ​တင်း​ပီႈ​ၼွင်ႉ​မၼ်း သွင်​ပၢၵ်ႇ၊-</verse>
				<verse number="9">ဢေးလေႇလႃႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၵႃႈ​ၼႂ်း​မဵဝ်း​ ႁေႇပြုၼ်ႇ ​ၼၼ်ႉ ဢိၵ်ႇ​တင်း​ပီႈ​ၼွင်ႉ​မၼ်း ပႅတ်ႇ​သိပ်း၊-</verse>
				<verse number="10">ဢမီႉၼတပ်ႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၵႃႈ​ၼႂ်း​မဵဝ်း ဢေႃးၸေးလႃႉ ဢိၵ်ႇ​တင်း​ပီႈ​ၼွင်ႉ​မၼ်း ပၢၵ်ႇ​ပၢႆ​သိပ်း​သွင်​ၵေႃႉ​ဢေႃႈ။</verse>
				<verse number="11">တႃႇဝိတ်ႈ ​ၵေႃႈ ႁွင်ႉ​ဢဝ်​ယိတ်ႈပရေႃးႁဵၵ်ႈ​ ၸႃႇတုၵ်ႉ တင်း​ ဢႃႇပျႃႇထႃႇ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ဢၼ်​ဝႃႈ၊ ဢူႉရေးလႃႉ၊ ဢသႃႇယႃႉ၊ ယူဝ်းဢေးလႃႉ၊ သေႇမႃႇယႃႉ၊ ဢေးလေႇလႃႉ၊ ဢမီႉၼတပ်ႉ ​ၸိူဝ်း​ၼၼ်ႉ​လႄႈ၊-</verse>
				<verse number="12">မီး​ဢမိင်ႉ​ဝႃႈ၊ သူ​ၼႆႉ​ပဵၼ်​တူၼ်ႈ​ပဵၼ်​ငဝ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​သူ​ၼႂ်း​ၵူၼ်း​မဵဝ်း​ လေႇဝီႉ ​ၼၼ်ႉ​ဢေႃႈ။ တူဝ်​သူ​ဢိၵ်ႇ​တင်း​ပီႈ​ၼွင်ႉ​သူ ဢွၼ်​ၵၼ်​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ ႁႂ်ႈ​လႆႈ​ဢဝ်​တိူၵ်ႈ​တႃႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​မႃး​ၵႃႈ​တီႈ​ထႃႇၼႃႉ​တီႈ​ဢၼ်​ၵဝ်​ႁဵတ်း​ဝႆႉ​မႄး​ဝႆႉ​ပုၼ်ႈ​မၼ်း​ၼၼ်ႉ​တႃႉ။-</verse>
				<verse number="13">ၵွပ်ႈ​ပိူဝ်ႈ​ဢၼ်​သူ ဢမ်ႇ​ႁၢပ်ႇ​မိူဝ်ႈ​ဢွၼ်​တၢင်း​ၼၼ်ႉ​လႄႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ပၼ်​တၢမ်ႇ​တီႈ​ႁဝ်း၊ ၵွပ်ႈ​ပိူဝ်ႈ​ဢၼ်​ႁဝ်း​ယင်း​ဢမ်ႇ​ၸွမ်း​လူၺ်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​ၼၼ်ႉ​သေ​လႄႈ ႁႃ​မၼ်း​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မိူဝ်ႈ​ၼၼ်ႉ​ယိတ်ႈပရေႃးႁဵၵ်ႈ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ ႁႂ်ႈ​လႆႈ​ဢဝ်​တိူၵ်ႈ​တႃႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ​မႃး​ဢေႃႈ။-</verse>
				<verse number="15">ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​ၵၢၼ်း​တင်း​လၢႆ​ႁၢမ်​ဢဝ်​တိူၵ်ႈ​တႃႇ ၽြႃး​ပဵၼ်​ၸဝ်ႈ​သႂ်ႇ​ၵႃႈ​ၼိူဝ်​ႁူဝ်​မႃႇ​ၶဝ် ၸွမ်း​ၵႃႈ​ၼင်ႇ​ဢၼ်​ မူဝ်းသေႇ သင်ႇ​လၢတ်ႈ​ဝႆႉ မႅၼ်ႈ​ၸွမ်း​ၵႃႈ​ၼင်ႇ​ဢၼ် ဢမိင်ႉ​ထႃႇဝရႃႉ​ၽြႃး​မီး​ၼၼ်ႉ​ဢေႃႈ။</verse>
				<verse number="16">တႃႇဝိတ်ႈ ​မီး​ဢမိင်ႉ​တီႈ​ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၵူၼ်း​မဵဝ်း​ လေႇဝီႉ ​တင်း​လၢႆ​ၼၼ်ႉ​ႁႂ်ႈ​ၶဝ်​ၶၢၼ်း​ပီႈ​ၼွင်ႉ​ၶဝ် ဢၼ်​ၸၢင်ႈ​ႁဵတ်း​ၵႂၢမ်း​လႄႈ ပႃး​တင်း​တိင်ႇ၊ တရေႃး၊ တင်း​မဵဝ်း​တူႇရီႉယႃႇ​တင်း​လၢႆ​ၼၼ်ႉ​ဝႆႉ ႁႂ်ႈ​လႆႈ​ႁဵတ်း​သဵင်​ဢၼ်​လင်​ဢၼ်​မေႃး​လႄႈ ၽွမ်ႉ​ၵၼ်​ယုၵ်ႉ​ၶိုၼ်ႈ​ယွင်ႈ​ၶိုၼ်ႈ​သဵင်​ၶဝ် ၸူမ်း​ၸူမ်း​သိူဝ်း​သိူဝ်း​လႄႈ၊-</verse>
				<verse number="17">ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​ၶၢၼ်း​ဝႆႉ​ ႁေႇမၼ်ႇ လုၵ်ႈ​ၸၢႆး​ ယူဝ်းဢေးလႃႉ၊ ဢႃႇသပ်ႉ လုၵ်ႈ​ၸၢႆး​ ပေႇရၶီႉ ၵႃႈ​ၼႂ်း​မုၵ်ႉ​ၼႂ်း​ၸိူဝ်း​ၼွင်ႉ​ၸၢႆး​မၼ်း၊ ဢေႇသၼ်ႇ လုၵ်ႈ​ၸၢႆး​ ၵူႉသႃႇယႃႉ ၼႂ်း​မဵဝ်း​ မေႇရႃႇရီႉ ၵႃႈ​ၼႂ်း​မုၵ်ႉ​ၼႂ်း​ၸိူဝ်း​ပီႈ​ၼွင်ႉ​ၶဝ်၊-</verse>
				<verse number="18">ဢိၵ်ႇ​တင်း​ပီႈ​ၼွင်ႉ​ၶဝ်​ဢၼ်​ပဵၼ်​ဢရႃႇသီႉ​တူႉတီႉယႃႉ​ဢၼ်​ဝႃႈ၊ ၸႃႇၶရီႉ၊ ပႅၼ်ႇ၊ ယႃႇၸေးလႃႉ၊ သေႇမီႉရႃႇမုတ်ႉ၊ ယေႇႁေႇလႃႉ၊ ဢုၼ်ႇၼီႉ၊ ဢေးလျႃႇၽႃႉ၊ ပေႇၼႃႇယႃႉ၊ မႃႇသေႇယႃႉ၊ မတ်ႉတီႉသီႉ၊ ဢေးလီႉၽလေႇႁူႉ၊ မိၵ်ႉၼေႇယႃႉ၊ ဢူဝ်းပိတ်ႉဢေႇတုမ်ႇ၊ ယေႇလႃႉ ဢၼ်​ပဵၼ် ၵူၼ်း​ပႂ်ႉ​ၽၵ်း​တူ​ၸိူဝ်း​ၼၼ်ႉ​ဢေႃႈ။-</verse>
				<verse number="19">ၼင်ႇ​ၼၼ်​လႄႈ ႁေႇမၼ်ႇ၊ ဢႃႇသပ်ႉ၊ ဢေႇသၼ်ႇ ဢၼ်​ပဵၼ်​သြႃႇ​မေႃ​ႁဵတ်း​ၵႂၢမ်း​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶၢၼ်း​ဝႆႉ ႁႂ်ႈ​လႆႈ​ဢဝ်​သႅင်ႇ​တွင်း​လိူင် ႁဵတ်း​သဵင်​လင်​သဵင်​မေႃး​ဢေႃႈ။-</verse>
				<verse number="20">ၸႃႇၶရီႉ၊ ယႃႇၸေးလႃႉ၊ သေႇမီႉရႃႇမုတ်ႉ၊ ယေႇႁေႇလႃႉ၊ ဢုၼ်ႇၼီႉ၊ ဢေးလျႃႇၽႃႉ၊ မႃႇသေႇယႃႉ၊ ပေႇၼႃႇယႃႉ ​ၸိူဝ်း​ၼၼ်ႉ လႆႈ​ဢဝ်​တရေႃး​ထူဝ်း​ႁဵတ်း​သဵင်​ ဢႃႇလမုတ်ႉ ​ဢေႃႈ။-</verse>
				<verse number="21">မတ်ႉတီႉသီႉ၊ ဢေးလီႉၽလေႇႁူႉ၊ မိၵ်ႉၼေႇယႃႉ၊ ဢူဝ်းပိတ်ႉဢေႇတုမ်ႇ၊ ယေႇလႃႉ၊ ဢႃႇၸၸီႉ ​ၸိူဝ်း​ၼၼ်ႉ လႆႈ​ဢဝ်​တိင်ႇ​လဵတ်း​ႁဵတ်း​သဵင်​ သေႇမီႉၼိတ်ႉ ​လႄႈ​ဢွၼ်​ႁူဝ်​ဢေႃႈ။-</verse>
				<verse number="22">ၶေးၼၼီႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၵူၼ်း​မဵဝ်း​ လေႇဝီႉ ​တင်း​လၢႆ​ၼၼ်ႉ ဢုပ်ႉ​ၵႃႈ​ၼိူဝ်​တၢင်း​ဢၼ်​ႁဵတ်း​ၵႂၢမ်း​လႄႈ ပဵၼ်​သြႃႇ​လူင်​မေႃ​ၵႂၢမ်း ၵွပ်ႈ​ပိူဝ်ႈ​ဢၼ်​မၼ်း​မေႃ​ဢတၢတ်ႈ​ႁဵတ်း​ၵႂၢမ်း​ဢေႃႈ။-</verse>
				<verse number="23">ပေႇရၶီႉ တင်း​ ဢေးလႃႉၵႃႇၼႃႉ ပဵၼ်​ၵူၼ်း​ပႂ်ႉ​ၽၵ်း​တူ​တိူၵ်ႈ​တႃႇ​ၸဝ်ႈ​ဢေႃႈ။-</verse>
				<verse number="24">သေးပၼီႉ၊ ယူဝ်းသၽတ်ႉ၊ ၼႃႇသၼေႇလႃႉ၊ ဢႃႇမသေး၊ ၸႃႇၶရီႉ၊ ပေႇၼႃႇယႃႉ၊ ဢေးလေႇၸႃႇ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ လႆႈ​ပဝ်ႇ​တိုင်ႈ​ၼႄးၶရႃႇ​ၵႂႃႇ​ဢွၼ်​တၢင်း​တိူၵ်ႈ​တႃႇ​ၸဝ်ႈ​ဢေႃႈ။ ဢူဝ်းပိတ်ႉဢေႇတုမ်ႇ တင်း​ ယေႇႁီႉ ​ၼၼ်ႉ​ၵေႃႈ ပဵၼ်​ၵူၼ်း​ပႂ်ႉ​ၽၵ်း​တူ​တိူၵ်ႈ​တႃႇ​ၸဝ်ႈ​ဢေႃႈ။</verse>
				<verse number="25">ၼင်ႇ​ၼၼ်​လႄႈ တႃႇဝိတ်ႈ ​ဢိၵ်ႇ​တင်း ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ် မဵဝ်း​ ဢီႉသရေႇလႃႉ ၊ ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယႄႈ​ႁဵင်​တင်း​လၢႆ​ၸိူဝ်း​ၼၼ်ႉ မီး​တင်း​ၸႂ်​ဢၼ်​ၸူမ်း​သိူဝ်း​လႄႈ ဢွၼ်​ၵၼ်​ၵႂႃႇ​ႁႂ်ႈ​လႆႈ​ဢဝ်​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​သေ​ၵႃႈ​တီႈ​ႁိူၼ်း​ ဢူဝ်းပိတ်ႉဢေႇတုမ်ႇ ​ၼၼ်ႉ​မႃး​ဢေႃႈ။-</verse>
				<verse number="26">ပိူဝ်ႈ​ဢၼ်​ၽြႃး​ပဵၼ်​ၸဝ်ႈ ၸွႆႈ​ထႅမ်​မႃႉ​ၸႃႉ​ၵူၼ်း​မဵဝ်း​ လေႇဝီႉ ဢၼ်​ႁၢပ်ႇ​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​ၼၼ်ႉ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ​ဢွၼ်​ၵၼ်​ဢဝ်​ဝူဝ်း​ၸဵတ်း​တူဝ် တင်း​သူဝ်း​ၸဵတ်း​တူဝ် ပုၵ်ႈ​ၸေႃႇ​ယိတ်ႈ​ဢေႃႈ။-</verse>
				<verse number="27">တႃႇဝိတ်ႈ ​ဢိၵ်ႇ​တင်း​ၵူၼ်း​မဵဝ်း​ လေႇဝီႉ ၵႃႈ​ဢၼ်​ႁၢပ်ႇ​တိူၵ်ႈ​တႃႇ​ၸဝ်ႈ တင်း​ၶဝ်​ၸိူဝ်း​ဢၼ်​ႁဵတ်း​ၵႂၢမ်း​ဢိၵ်ႇ​တင်း ၶေးၼၼီႉ သြႃႇ​မေႃ​ႁဵတ်း​ၵႂၢမ်း လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ႁဵတ်း​ၵႂၢမ်း​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​ၼုင်ႈ​ၶူဝ်း​ပိၵ်ႈ​ၶျေႃး​ဢေႃႈ။ တႃႇဝိတ်ႈ ​ၵေႃႈ ဢဝ်​သိူဝ်ႈ​သုပ်း​ပိၵ်ႈ​ထၢပ်ႈ​ထႅင်ႈ​လႄႈ ၼုင်ႈ​သေ​ဢေႃႈ။-</verse>
				<verse number="28">ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ​ႁဵတ်း​သဵင်​ဢၼ်​ႁွင်ႉ​သႅၼ်ႇ​ယူႇ၊ ပဝ်ႇ​ႁႆႇ​ၼႄးၶရႃႇ၊ သႅင်ႇ၊ တရေႃး၊ တိင်ႇ​တင်း​လၢႆ​မေႃး​လင်​ယူႇ​သေ​လႄႈ ဢွၼ်​ၵၼ်​ဢဝ်​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​မႃး​ဢေႃႈ။-</verse>
				<verse number="29">မိူဝ်ႈ​ဢၼ်​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး ၶဝ်ႈ​မႃး​ၵႃႈ​ၼႂ်း​ဝဵင်း​ တႃႇဝိတ်ႈ ​ယူႇ​ၼၼ်ႉ​ၸိုင်၊ မီႉၶႃႇလႃႉ ​လုၵ်ႈ​ယိင်း​ သေႃးလူႉ ​ၼၼ်ႉ ယူႇ​ၵႃႈ​တီႈ​ႁူး​လၢင်း​တဵၼ်​လူ​တူၺ်း​လႄႈ ႁၼ်​ၶုၼ်​လူင်​ တႃႇဝိတ်ႈ ၵႃႈ​ဝႅၼ်​ယူႇ၊ ပဝ်ႇ​ႁႆႇ​ယူႇ​ၼၼ်ႉ​ယူႇ​သေ​လႄႈ ႁဵတ်း​ဢမ်ႇ​ၼပ်ႉ​ဢမ်ႇ​ၶၢၼ်း​တီႈ​မၼ်း​ၵႃႈ​ၼႂ်း​ႁူဝ်​ၸႂ်​မၼ်း​လႄႈ​ယူႇ​ဢေႃႈ။</verse>
			</chapter>
			<chapter number="16">
				<verse number="1">ၼင်ႇ​ၼၼ်​လႄႈ​ၶဝ်​ဢွၼ်​ၵၼ်​ဢဝ်​တိူၵ်ႈ​တႃႇ​ၽြႃး​ပဵၼ်​ၸဝ်ႈ​သႂၢင်း​ၶဝ်ႈ​လႄႈ ဝႆႉ​ၵႃႈ​ၼႂ်း​ၶိုင်ႈ​ၵၢင်​မူဝ်းၵႃႇ​ၸဝ်ႈ​ဢၼ်​ တႃႇဝိတ်ႈ ပူၵ်း​တင်ႈ​ဝႆႉ၊ ပုၼ်ႈ​မၼ်း​ၼၼ်ႉ​သေ​ယဝ်ႉ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​ဢိၵ်ႇ​တင်း​ယိတ်ႈ​မိၵ်ႉသႃႇႁႃယႃႉ​တင်း​လၢႆ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="2">မိူဝ်ႈ​ဢၼ်​ တႃႇဝိတ်ႈ ​ႁႂ်ႈ​ဢမူႉ​တၢင်း​ဢၼ်၊ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး၊ ယိတ်ႈ​မိၵ်ႉသႃႇႁႃယႃႉ​ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ မၼ်း​ဢဝ်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ပၼ်​တၢင်း​လီ​တီႈ​ပရဵၵ်ႈသၢတ်ႈ​တင်း​လၢႆ​ဢေႃႈ။-</verse>
				<verse number="3">မၼ်း​ၼၼ်ႉ​တူၵ်း​မႅင်ႇ​ပၼ်​တီႈ​ၵူၼ်း​တင်း​သဵင်ႈ​တင်း​လူင်​ၵႃႈ​ဢၼ်​ၶဝ်ႈ​ပႃး​ၼႂ်း​မဵဝ်း​ ဢီႉသရေႇလႃႉ ​ၸႃႉ​ၸဵမ်​ၵူၼ်း​ၸၢႆး​ၵူၼ်း​ယိင်း​ၸိူဝ်း​ၼၼ်ႉ ယေႈ​ၵေႃႉ​ၶဝ်ႈ​မုၼ်း​ယေႈ​ၶႅပ်း၊ ၼိူဝ်ႉ​ယေႈ​ၵွၼ်ႈ၊ ၶႅပ်း​မၢၵ်ႇ​ၸပိတ်ႈ​ယေႈ​ၶႅပ်း​ၼင်ႇ​ၵၼ်​ဢေႃႈ။</verse>
				<verse number="4">လႆႈ​သမ်ႉ ၵူၼ်း​မဵဝ်း​ လေႇဝီႉ ​ဢၼ်​မၼ်း​ၶၢၼ်း​ဝႆႉ ႁႂ်ႈ​လႆႈ​ၵိုတ်ႉ​ႁၢပ်ႇ​ဢမူႉ​ၸဝ်ႈ ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ထႃႇဝရႃႉ​ၽြႃး​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵုင်ႇ​ၵျေး​ၸူး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​သေ​လႄႈ ယွင်ႈ​ယေႃး​ႁဵတ်း​ထေႃးပၼႃႇ​ၼၼ်ႉ​ၸမ်ႉ၊-</verse>
				<verse number="5">ဢႃႇသပ်ႉ ​ဢၼ်​ပဵၼ်​တူၼ်ႈ​ပဵၼ်​ငဝ်ႈ၊ ၵေႃႉ​တူႉတီႉယႃႉ​ ၸႃႇၶရီႉ ၊ လႆႈ​သမ်ႉ ယေႇလႃႉ၊ သေႇမီႉရႃႇမုတ်ႉ၊ ယေႇႁေႇလႃႉ၊ မတ်ႉတီႉသီႉ၊ ဢေးလျႃႇၽႃႉ၊ ပေႇၼႃႇယႃႉ၊ ဢူဝ်းပိတ်ႉဢေႇတုမ်ႇ တင်း​ ယေႇလႃႉ ဢၼ်​လဵတ်း​တိင်ႇ​တရေႃး၊ ဢႃႇသပ်ႉ ဢၼ်​ႁႆႇ​သႅင်ႇ​လင်​မေႃး၊-</verse>
				<verse number="6">ပေႇၼႃႇယႃႉ တင်း​ ယႁႃႇၸေးလႃႉ ယိတ်ႈပရေႃးႁဵၵ်ႈ ဢၼ်​ပဝ်ႇ​တိုင်ႈ​ၼႄးၶရႃႇ​ယူႇ​တႃႇ​သေႇ ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ပတီႉၺိၺ်ႇ ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="7">ၵႂၢမ်း​ဢၼ်​ တႃႇဝိတ်ႈ ​ၸႃႉ​ဢၢပ်ႈ​ပၼ်​ၵႃႈ​ၼႂ်း​မိုဝ်း​ ဢႃႇသပ်ႉ ​တင်း​ပီႈ​ၼွင်ႉ​မၼ်း​တင်း​လၢႆ​ၼႂ်း​ဝၼ်း​ၼၼ်ႉ ႁႂ်ႈ​လႆႈ​ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး​ၼၼ်ႉ​ၸမ်ႉ၊</verse>
				<verse number="8">ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး​တႃႉ။ ႁဵတ်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႃႉ။ ၼႄ​ပျႃး​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ႁဵတ်း​ဝႆႉ ၸိူဝ်း​ၼၼ်ႉ​တီႈ​ၵူၼ်း​တင်း​လၢႆ​တႃႉ။-</verse>
				<verse number="9">ႁဵတ်း​ၵႂၢမ်း​တီႈ​မၼ်း​ၸဝ်ႈ​တႃႉ။ ႁဵတ်း​ၵႂၢမ်း​ထေႃးပၼႃႇ​တီႈ​မၼ်း​ၸဝ်ႈ​တႃႉ။ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​တၢင်း​ဢၼ်​လီ​ဢၢမ်း​မၼ်း​ၸဝ်ႈ​ၵႃႈ​မီး​ၸိူဝ်း​ၼၼ်ႉ​တႃႉ။-</verse>
				<verse number="10">ဢုပ်ႇ​ဝၢဝ်း​ၼႂ်း​ၼႃႇ​မႃႉ​ၸိုဝ်ႈ​သဵင်​ဢၼ်​မူတ်း​ၸၢင်ႇ​မၼ်း​ၸဝ်ႈ​ၼၼ်ႉ​တႃႉ။ ႁႂ်ႈ​ႁူဝ်​ၸႂ်​ၶဝ်​ၸိူဝ်း​ဢၼ်​ႁႃ​ဢဝ်​ထႃႇဝရႃႉ​ၽြႃး​ၼၼ်ႉ သႂၢင်ႇ​သိူဝ်း​တႃႉ။-</verse>
				<verse number="11">ထၢမ်​ႁႃ​ထႃႇဝရႃႉ​ၽြႃး​တင်း​တၼ်း​ၶူဝ်း​မၼ်း​ၸဝ်ႈ​တႃႉ။ ႁႃ​ၼႃႈ​မၼ်း​ၸဝ်ႈ​တႃႇ​သေႇ​ဢမ်ႇ​ထၢတ်ႇ​တႃႉ။-</verse>
				<verse number="12">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​တၢင်း​ဢၼ်​လီ​ဢၢမ်း ဢၼ်​မၼ်း​ၸဝ်ႈ​ၸီႇ​ယၢင်ႇ​ႁဵတ်း​ဝႆႉ ဢိၵ်ႇ​တင်း​လွင်ႈ​တၢင်း​ဢၼ်​လၢၵ်ႇ​လၢႆး​မၼ်း​ၸဝ်ႈ တင်း​ပိင်း​ၺၢပ်ႈ​ဢၼ်​ဢွၵ်ႇ​ၵႃႈ​ၼႂ်း​သူပ်း​မၼ်း​ၸဝ်ႈ​ၸိူဝ်း​ၼၼ်ႉ​တႃႉ။-</verse>
				<verse number="13">ၸိူဝ်ႉ​ၶိူဝ်း​ၶႃႈ​မၼ်း​ၸဝ်ႈ​ ဢီႉသရေႇလႃႉ ၊ လုၵ်ႈ​လၢၼ်​ ယႃႇၵုပ်ႈ ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ​ၶဝ်​ဢိူၺ်း၊-</verse>
				<verse number="14">မၼ်း​ၸဝ်ႈ​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​လႄႈ လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​တြႃး​ဝႆႉ​ၸိူဝ်း​ၼၼ်ႉ ၸွတ်ႇ​တူဝ်ႈ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​ဢေႃႈ။-</verse>
				<verse number="15">သူ​ဢွၼ်​ၵၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ပတီႉၺိၺ်ႇ​တြႃး​မၼ်း​ၸဝ်ႈ၊ ၼုၵ်ႈၵပၢတ်ႈ​ဢၼ်​မၼ်း​ၸဝ်ႈ​သင်ႇ​လၢတ်ႈ တေႃႇ​ထိုင်​ႁွတ်ႈ​သိုပ်ႇ​မဵဝ်း​ၵူၼ်း​ႁဵင်​သိုပ်ႇ၊-</verse>
				<verse number="16">ပတီႉၺိၺ်ႇ​တြႃး​ဢၼ်​ဝႆႉ​ၵႃႈ​တီႈ​ ဢႃႇပြႃႇႁၢမ်ႇ ၊ တၢင်း​ဢၼ်​တိူင်ႇ​ဝႃႈ ဢၼ်​မၼ်း​ၸဝ်ႈ​တိူင်ႇ​ဝႃႈ​တီႈ​ ဢီႉၸၢၵ်ႈ ၊-</verse>
				<verse number="17">ပတီႉၺိၺ်ႇ​တြႃး​ဢၼ်​မၼ်း​ၸဝ်ႈ​တႄႇ​ဝႆႉ​ပုၼ်ႈ​ဢၼ် တၵ်း​ပဵၼ်​ထုင်း​ၽိင်ႈ​တြႃး​ဢၼ်​မၼ်ႈ​မၼ်ႈ​ၶိူင်ႇ​ၶိူင်ႇ​တီႈ​ ယႃႇၵုပ်ႈ တင်း​ပတီႉၺိၺ်ႇ​တြႃး ဢၼ်​ပဵၼ်​ၼိၵ်ႈၸႃႉ​ထႃႇဝရႃႉ​တီႈ ဢီႉသရေႇလႃႉ ​ၼၼ်ႉ​လႄႈ၊-</verse>
				<verse number="18">လၢတ်ႈ​လႄႈ​ဝႃႈ၊ ၵဝ်​တၵ်း​ဢဝ်​မိူင်း​ ၶႃႇၼၢၼ်ႇ ဢၼ်​ဝႃႈ လိၼ်​ဢၼ်​သူ​တၵ်း​လႆႈ​ၶၢမ်ႇ​ဢမူၺ်ႇ​ၼၼ်ႉ​ပၼ်​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဝႆႉ၊-</verse>
				<verse number="19">ၼႂ်း​မိူဝ်ႈ​ဢၼ် မဵဝ်း​သူ​ၼပ်ႉ​ဢၢၼ်ႇ​ဢမ်ႇ​ၼမ်၊ ၵေႇ​ၼႃႇ​လူင်​လၢင်​လႄႈ ပဵၼ်​ၶႅၵ်ႇ​ယူႇ​ၵႃႈ​ၼႂ်း​မိူင်း​ၼၼ်ႉ​ၼၼ်ႉ ယူႇ​တႃႇ​သေႇ​ဢမ်ႇ​ထၢတ်ႇ​တႃႉ။-</verse>
				<verse number="20">ၶဝ်​ၼၼ်ႉ လႆႈ​လႄႇ​ၵႂႃႇ​လႄႇ​မႃး ဢဝ်​ၵႃႈ​တီႈ​မဵဝ်း​ၵူၼ်း​မဵဝ်း​ၼိုင်ႈ တေႃႇ​ထိုင်​ႁွတ်ႈ​မဵဝ်း​ၵူၼ်း​မဵဝ်း​ၼိုင်ႈ ဢဝ်​ၵႃႈ​တီႈ​မိူင်း​မိူင်း​ၼိုင်ႈ တေႃႇ​ထိုင်​ႁွတ်ႈ​မိူင်း​မိူင်း​ၼိုင်ႈ​ယူႇ​ဢေႃႈ။-</verse>
				<verse number="21">မၼ်း​ၸဝ်ႈ​ဢမ်ႇ​ပၼ်​ဢၶႂၢင်ႉ​တီႈ​ၽူႈ​လႂ်​ႁႂ်ႈ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ၶဝ်၊ ၵွပ်ႈ​ပိူဝ်ႈ​ၶဝ်​ၵေႃႈ​မၼ်း​ၸဝ်ႈ​သင်ႇ​သွၼ်​သုင်း​မႃႉ​တီႈ​ၶုၼ်​ႁေႃ​ၶမ်း​တင်း​လၢႆ​လႄႈ​ဝႃႈ၊-</verse>
				<verse number="22">ယႃႇ​ပေ​တိူဝ်ႉ​ပေ​ထုၵ်ႇ ၶဝ်​ၸိူဝ်း​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ​တီႈ​ၵဝ်၊ ယႃႇ​ပေ​ႁဵတ်း​ဢပႅတ်ႈ​တီႈ​ပရေႃးၽႅတ်ႈ​ၵဝ်​ၸိူဝ်း​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">လိၼ်​မိူင်း​တင်း​သဵင်ႈ​တင်း​မူတ်း​ၼႆႉ​ဢိူၺ်း၊ ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး​တႃႉ။ ဝၼ်း​ၼိုင်ႈ​ထႅင်ႈ​ဝၼ်း​ၼိုင်ႈ၊ ဢဝ်​တြႃး​တၢင်း​ဢၼ်​မၼ်း​ၸဝ်ႈ​ၵႄႇ​ၶျွတ်ႈ​ဢဝ်​ၼၼ်ႉ​မွၵ်ႇ​လၢတ်ႈ​တႃႉ။-</verse>
				<verse number="24">ၽုၺ်ႇ​ဢွၵ်ႇ​ၼႄ​ပျႃး​မုၼ်​ၽုင်း​မၼ်း​ၸဝ်ႈ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ လွင်ႈ​တၢင်း​ဢၼ်​လီ​ဢၢမ်း​မၼ်း​ၸဝ်ႈ​ၸိူဝ်း​ၼၼ်ႉ ၵႃႈ​ၼႂ်း​မဵဝ်း​ၵူၼ်း​ၵူႈ​မဵဝ်း​တႃႉ။-</verse>
				<verse number="25">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ယႂ်ႇ​မျၢတ်ႈ​လႄႈ ပဵၼ်​တီႈ​ဢၼ်​ထုၵ်ႇ​လီ​ယွင်ႈ​ယေႃး​ၼႃႇ​လူင်​လၢင်​ဢေႃႈ။ ပဵၼ်​တီႈ​ဢၼ်​လီ​ၵူဝ်​လီ​ႁႄ​ၼႃႇ​သေ​ၽြႃး​တင်း​သဵင်ႈ​တင်း​လူင်​ဢေႃႈ။-</verse>
				<verse number="26">ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​သဵင်ႈ​တင်း​လူင်​ၼၼ်ႉ ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​လႄႈ၊ ထႃႇဝရႃႉ​ၽြႃး​ၸမ်ႉ၊ ႁဵတ်း​ပဵၼ်​ၽႃႉ​ၵၢင်​ႁၢဝ်​ဢေႃႈ။-</verse>
				<verse number="27">မုၼ်​ၽုင်း​ဢိၵ်ႇ​တင်း​ဢႃႇၼူႉၽေႃႇ မီး​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ၊ ႁႅင်း​တၼ်း​ၶူဝ်း​ဢိၵ်ႇ​တင်း​တၢင်း​ဢၼ်​သိူဝ်း​ပျေႃႇ မီး​ၵႃႈ​တီႈ​ထႃႇၼႃႉ​မၼ်း​ၸဝ်ႈ​ဢေႃႈ။</verse>
				<verse number="28">ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၶဝ်​ဢိူၺ်း၊ ႁပ်ႉ​တုင်း​ဢဝ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ႁပ်ႉ​တုင်း​ဢဝ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၸဝ်ႈ​ႁဝ်း​မီး​မုၼ်​ၽုင်း​ဢိၵ်ႇ​တင်း ႁႅင်း​တၼ်း​ၶူဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="29">ႁပ်ႉ​တုင်း​ဢဝ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ထိူၵ်ႈ​ၶၢမ်ႇ​မုၼ်​ၽုင်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊ ပႃး​တင်း​ၶိူင်ႈ​ပုၵ်ႈ​ၸေႃႇ​မႃး​လႄႈ ၶဝ်ႈ​ၸူး​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​တႃႉ။ ဢဝ်​တင်း​ၶိူင်ႈ​ပိူင်​ဢၼ်​မူတ်း​ၸၢင်ႇ​ႁၢင်ႈ​ၶိူင်ႈ​လႄႈ ၵူဝ်း​ၵႂၢႆႇ​ထႃႇဝရႃႉ​ၽြႃး​တႃႉ။-</verse>
				<verse number="30">လိၼ်​မိူင်း​တင်း​သဵင်ႈ​တင်း​မူတ်း​ဢိူၺ်း၊ သၼ်ႇ​သၼ်ႇ​သၢႆ​သၢႆ​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​တႃႉ။ လေႃးၵထၢတ်ႈ​ၼႆႉ​တႄႇ​ယူႇ​မၼ်ႈ​မၼ်ႈ​ၶိူင်ႇ​ၶိူင်ႇ ထၼ်ႈ​ပေႃး​ဢမ်ႇ​ၼိုင်​ဢမ်ႇ​ၶွၼ်း​လႆႈ​ဢေႃႈ။-</verse>
				<verse number="31">ႁႂ်ႈ​ၵၢင်​ႁၢဝ် မီး​တၢင်း​ဢၼ်​ၸူမ်း​သိူဝ်း​သေ​ၵမ်း​လူၺ်ႈ။ လိၼ်​မိူင်း​ၵေႃႈ ႁႂ်ႈ​မီး​တၢင်း​ဢၼ်​သႂၢင်ႇ​သိူဝ်း​သေ​ၵမ်း​လူၺ်ႈ။ မွၵ်ႇ​လၢတ်ႈ​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ​ဝႃႈ၊ ထႃႇဝရႃႉ​ၽြႃး​ၼင်ႈ​ႁၢင်ႈ​ၼင်ႈ​ႁေႃ​ယူႇ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="32">ႁႂ်ႈ​ပၢင်ႇ​လၢႆႇ​ဢိၵ်ႇ​တင်း​တၢင်း​ဢၼ်​မီး​တဵမ်​ဝႆႉ​ၵႃႈ​ၼႂ်း​မၼ်း​ၼၼ်ႉ ႁဵတ်း​သဵင်​လင်​သဵင်​မေႃး​သေ​ၵမ်း​လူၺ်ႈ။ ပၢင်ႇ​တူင်ႈ​ၼႃး​ဢိၵ်ႇ​တင်း ၵႃႈ​ဢၼ်​မီး​ၵႃႈ​ၼႂ်း​မၼ်း​ၵေႃႈ၊ ႁႂ်ႈ​သႂၢင်ႇ​ၸႂ်​သိူဝ်း​ၸႂ်​သေ​ၵမ်း​လူၺ်ႈ။-</verse>
				<verse number="33">မိူဝ်ႈ​ၼၼ်ႉ တူၼ်ႈ​မႆႉ​တူၼ်ႈ​တွၵ်ႇ​ဢၼ်​မီး​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​ႁဵတ်း​ၵႂၢမ်း​သႂၢင်ႇ​သႂၢင်ႇ​သိူဝ်း​သိူဝ်း ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ လွင်ႈ​မၼ်း​ၸမ်ႉ မၼ်း​ၸဝ်ႈ​မႃး​ႁႂ်ႈ​လႆႈ ၸီႇ​ယၢင်ႇ​တြႃး​တီႈ​လိၼ်​မိူင်း​ၼႆႉ​ဢေႃႈ။</verse>
				<verse number="34">ဢွၼ်​ၵၼ်​ယွင်ႈ​ယေႃး မုၼ်​ၵျေး​ၸူး​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​လီ​မျၢတ်ႈ​လႄႈ ၵရူႉၼႃႇ​မၼ်း​ၸဝ်ႈ​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​တႃႉ။-</verse>
				<verse number="35">ဢွၼ်​ၵၼ်​ဢွၵ်ႇ​သူပ်း​လႄႈ​ဝႃႈ၊ ၽြႃး​ဢၼ်​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢိူၺ်း၊ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဢဝ်​ၶႃႈ​ၸဝ်ႈ​ႁဝ်း​ၶဝ်​ၸူႉ​ၵၼ်​တုမ်​ၵၼ်​လႄႈ ၵႄႇ​သႄႇ​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၸိူဝ်း​ၼၼ်ႉ ႁႂ်ႈ​လႆႈ​ႁပ်ႉ​တုင်း​ဢဝ်​လႄႈ​ဝႃႈ၊ ၵျေး​ၸူး​ၼႃႇ​မႃႉ​ၸိုဝ်ႈ​သဵင်​ဢၼ်​မူတ်း​ၸၢင်ႇ​ၸဝ်ႈ​ႁဝ်း​ၼၼ်ႉ​ယႂ်ႇ​ၼႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ ဢုပ်ႇ​ဝၢဝ်း​ၸူမ်း​သိူဝ်း​ၵႃႈ​ၼႂ်း​တၢင်း​ဢၼ်​ယွင်ႈ​ယေႃး​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="36">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​မင်ႇၵလႃႇ​ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​လႄႈ၊ ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ၊ ဢႃႇမိၼ်ႇ၊ ဝႃႈ​ၼင်ႇ​ၼႆ​သေ​လႄႈ ယွင်ႈ​ယေႃး​ထႃႇဝရႃႉ​ၽြႃး​ဢေႃႈ။</verse>
				<verse number="37">လွင်ႈ​ၼင်ႇ​ႁိုဝ်​တၵ်း​ႁႂ်ႈ​ၵိုတ်ႉ​ႁၢပ်ႇ ဢမူႉ​ဢၼ်​လီ​ၵိုတ်ႉ​ႁၢပ်ႇ​ၵူႈ​ဝၼ်း​ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ၸဝ်ႈ​တႃႇ​သေႇ​ၸိုင်၊ မၼ်း​ၶၢၼ်း ဢႃႇသပ်ႉ တင်း​ပီႈ​ၼွင်ႉ​မၼ်း​လႂ်၊-</verse>
				<verse number="38">ဢူဝ်းပိတ်ႉဢေႇတုမ်ႇ တင်း​ပီႈ​ၼွင်ႉ​မၼ်း​ႁူၵ်း​သိပ်း​ပၢႆ​ပႅတ်ႇ​ၵေႃႉ၊ ဢူဝ်းပိတ်ႉဢေႇတုမ်ႇ လုၵ်ႈ​ၸၢႆး​ ယေႇတူႉသုၼ်ႇ ၊ ဢိၵ်ႇ​တင်း ႁေႃးသမ်ႇ ဢၼ်​ပႂ်ႉ​ၽၵ်း​တူ​ၼၼ်ႉ​ၸိူဝ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ပတီႉၺိၺ်ႇ​ၸဝ်ႈ၊-</verse>
				<verse number="39">ဢိၵ်ႇ​တင်း​ယိတ်ႈပရေႃးႁဵၵ်ႈ​ ၸႃႇတုၵ်ႉ တင်း​ပီႈ​ၼွင်ႉ​မၼ်း​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​သုမ်ႉ​ထဵင်​ထႃႇဝရႃႉ​ၽြႃး ဢၼ်​မီး​ၵႃႈ​ၼိူဝ်​ထႃႇၼႃႉ​တီႈ​ဢၼ်​သုင် ၵႃႈ​ၼႂ်း​ဝဵင်း​ ၵီႉပွင်ႇ ​ၼၼ်ႉ၊-</verse>
				<verse number="40">ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​တီႈ​ထႃႇဝရႃႉ​ၽြႃး ၵႃႈ​ၼိူဝ်​ယိတ်ႈပလၢင်ႇ​တီႈ​ဢၼ်​တုတ်ႇ​ၽႆး​ၸွမ်း​လူၺ်ႈ​မိုဝ်ႉ​ဝၼ်း​ၸႅၼ်ႇ​တၢမ်း​ၵၼ်​ၶိင်ႇ​ၵၢင်​ၼႂ်​ပွၵ်ႈ​ၼိုင်ႈ ၶိင်ႇ​ႁူဝ်​ၶမ်ႈ​ပွၵ်ႈ​ၼိုင်ႈ​လႄႈ ႁဵတ်း​ၵႃႈ​ဢၼ်​ပႃး​တီႈ​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ထႃႇဝရႃႉ​ၽြႃး ဢၼ်​မၼ်း​ၸဝ်ႈ​ဝႆႉ​ပၼ်​တီႈ​မဵဝ်း​ ဢီႉသရေႇလႃႉ ​ၼၼ်ႉ၊-</verse>
				<verse number="41">တင်း​ ႁေႇမၼ်ႇ တင်း​ ယေႇတူႉသုၼ်ႇ ဢိၵ်ႇ​လူၺ်ႈ​ၵၼ်​တင်း ၵူၼ်း​တၢင်ႇ​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​လိူၵ်ႈ​ၵဵပ်း​ဢဝ်​လႄႈ ၶဝ်ႈ​ပႃး​ၼႂ်း​ၸရၢင်း​ၸွမ်း​လူၺ်ႈ​ၼႃႇ​မႃႉ​ၸိုဝ်ႈ​သဵင်​ၶဝ်​ၼၼ်ႉ ႁႂ်ႈ​လႆႈ​ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ် ၵရူႉၼႃႇ​မၼ်း​ၸဝ်ႈ​တႄႇ​ယူႇ​တႃႇ​သေႇ​မၼ်ႈ​ၶိူင်ႇ​ၼၼ်ႉ​ၸိူဝ်း​ၼၼ်ႉ၊-</verse>
				<verse number="42">တင်း​ ႁေႇမၼ်ႇ တင်း​ ယေႇတူႉသုၼ်ႇ ဢၼ်​ယိပ်း​ၵမ်​ၸႃႉ​ၸဵမ်​ၼႄးၶရႃႇ၊ သႅင်ႇ၊ ပုၼ်ႈ​ၶဝ်​ၸိူဝ်း​ဢၼ် တၵ်း​ႁဵတ်း​သဵင်​လင် သဵင်​မေႃး ဢိၵ်ႇ​တင်း​မဵဝ်း​တူႇရီႉယႃႇ ပုၼ်ႈ​ဢၼ်​တၵ်း​သုင်း​သွင်ႇ​သေ​လႄႈ ႁဵတ်း​ၵႂၢမ်း​ၽြႃး​ပဵၼ်​ၸဝ်ႈ​ၼၼ်ႉ​ၸိူဝ်း​ၼၼ်ႉ တင်း​လုၵ်ႈ​ၸၢႆး ယေႇတူႉသုၼ်ႇ ​တင်း​လၢႆ ႁႂ်ႈ​လႆႈ​ပႂ်ႉ​ၽၵ်း​တူ​ၼၼ်ႉ​ၸိူဝ်း​ၼၼ်ႉ​ဝႆႉ​ဢေႃႈ။-</verse>
				<verse number="43">လိုၼ်း​ၼၼ်ႉ​ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​တီႈ​ယူႇ​ၶဝ် ႁင်း​ၽႂ်​ႁင်း​မၼ်း​သေ​လႄႈ၊ တႃႇဝိတ်ႈ ​ၵေႃႈ မိူဝ်း​ၵႂႃႇ​ႁႂ်ႈ​လႆႈ​ပၼ်​တၢင်း​လီ​တီႈ​ၵူၼ်း​ႁၢင်ႈ​ၵူၼ်း​ႁေႃ​ၸဝ်ႈ​ဢေႃႈ။</verse>
			</chapter>
			<chapter number="17">
				<verse number="1">မိူဝ်ႈ​ဢၼ် တႃႇဝိတ်ႈ လႆႈ​ယူႇ​ၼိမ်​ၼိမ်​လီ​လီ​ၵႃႈ​တီႈ​ႁေႃ​ၸဝ်ႈ​ၼၼ်ႉ​ၸိုင်၊ တႃႇဝိတ်ႈ ​လၢတ်ႈ​တီႈ​ပရေႃးၽႅတ်ႈ​ ၼႃႇသၼ်ႇ ​လႄႈ​ဝႃႈ၊ တူၺ်း​လူး၊ ၵဝ်​ၸိုင်​လႆႈ​ယူႇ​ၵႃႈ​ၼႂ်း​ႁေႃ​မႆႉ​ ဢႃႇရိတ်ႉ ​ဢေႃႈ။ တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး​ၸမ်ႉ၊ လႆႈ​မီး​တၢင်း​ဢၼ်​ဢဝ်​ၽႃႈ​ၵင်ႈ​မုင်း​ႁူမ်ႇ​ဝႆႉ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="2">ၼႃႇသၼ်ႇ ၶိုၼ်း​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ႁဵတ်း​ၸွမ်း​ၵႃႈ​ၼင်ႇ​ဢၼ်​မီး​ၼႂ်း​ႁူဝ်​ၸႂ်​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။ ၽြႃး​ပဵၼ်​ၸဝ်ႈ​မီး​ယူႇ​လူၺ်ႈ​ၵၼ်​တင်း​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">ၼႂ်း​ၶိုၼ်း​ၼၼ်ႉ ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ ၼႃႇသၼ်ႇ ​လႄႈ​ဝႃႈ၊-</verse>
				<verse number="4">ၵႂႃႇ​လႄႈ​မွၵ်ႇ​လၢတ်ႈ​တီႈ​ၶႃႈ​ၵဝ် တႃႇဝိတ်ႈ ​ၼၼ်ႉ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ မႂ်း​ဢမ်ႇ​လႆႈ​ႁဵတ်း​ႁိူၼ်း​ပုၼ်ႈ​ဢၼ်​ၵဝ်​တၵ်း​ယူႇ။-</verse>
				<verse number="5">ၵဝ်​ဢမ်ႇ​ယူႇ​ၵႃႈ​ၼႂ်း​ႁိူၼ်း​ၸႃႉ​ၸဵမ်​မိုဝ်ႉ​ဝၼ်း​ဢၼ်​ၵဝ်​ၼုၵ်ႈ​ဢဝ်​မဵဝ်း​ ဢီႉသရေႇလႃႉ ​ဢွၵ်ႇ​မႃး​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​လႄႈ လုၵ်ႉ​သေ​ၵႃႈ​တီႈ​မူဝ်းၵႃႇ​လင်​ၼိုင်ႈ ၶၢႆႉ​ၸူး​ၵႃႈ​တီႈ​မူဝ်းၵႃႇ​လင်​ၼိုင်ႈ​လႄႈ၊ လုၵ်ႉ​သေ​ၵႃႈ​တီႈ​သုမ်ႉ​ထဵင်​လင်​ၼိုင်ႈ ၶၢႆႉ​ၸူး​ၵႃႈ​တီႈ သုမ်ႉ​ထဵင်​လင်​ၼိုင်ႈ မႃး​ယဝ်ႉ။-</verse>
				<verse number="6">ၵႃႈ​တီႈ​ဢၼ်​ၵဝ်​လႄႇ​လဵပ်ႈ​လူၺ်ႈ​ၵၼ်​တင်း မဵဝ်း​ ဢီႉသရေႇလႃႉ ​တင်း​သဵင်ႈ​တင်း​မူတ်း​ၵူႈ​တီႈ​ၵူႈ​လႅၼ်​ၼၼ်ႉ ၵဝ်​ယၢမ်ႈ​ထၢမ်​တီႈ​ၵူၼ်း​လူင်​ဢၼ်​ၸီႇ​ယၢင်ႇ​တြႃး​မဵဝ်း​ ဢီႉသရေႇလႃႉ ဢၼ်​ၵဝ်​ၸႂ်ႉ​သွႆ​ႁႂ်ႈ​လႆႈ​လဵင်ႉ​လႆႈ​ထိင်း မဵဝ်း​ၵူၼ်း​ၵဝ်​ၸိူဝ်း​ၼၼ်ႉ သေ​ၵေႃႉ​သေ​ၵူၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢမ်ႇ​ႁဵတ်း​ႁိူၼ်း​မႆႉ​ ဢႃႇရိတ်ႉ ​ပုၼ်ႈ​ၵဝ်​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ႁိုဝ်။-</verse>
				<verse number="7">မိူဝ်ႈ​လဵဝ်​ၼႆႉ​ၸိုင်၊ မႂ်း​လၢတ်ႈ​တီႈ​ၶႃႈ​ၵဝ် တႃႇဝိတ်ႈ ​ၼၼ်ႉ​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​ၼုၵ်ႈ​ဢဝ်​မႂ်း​သေ​ၵႃႈ​ၼႂ်း​ၶွၵ်ႈ​သူဝ်း​တီႈ​ဢၼ်​လဵင်ႉ​ထိင်း​သူဝ်း​ၼၼ်ႉ​မႃး​လႄႈ ၶၢၼ်း​မႂ်း​ဝႆႉ​ၵႃႈ​ၼႂ်း​ဢရႃႇ​ၶုၼ်​ဢၼ်​ဢုပ်ႉ​ပိူင်ႇ​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼႆႉ​ယဝ်ႉ။-</verse>
				<verse number="8">ၵဝ်​ၸွမ်း​လူၺ်ႈ​ၵၼ်​တင်း​မႂ်း​ၵႂႃႇ​ၵႃႈ​တီႈ​ၵႃႈ​ဢၼ်​မႂ်း​ၵႂႃႇ​ၼၼ်ႉ​လႄႈ ပႄႇ​ၽဵဝ်ႈ​ရၢၼ်ႇ​သူႇ​မႂ်း​ၵႃႈ​မီး​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မႂ်း​သေ​ယဝ်ႉ။ ပၼ်​ၼႃႇ​မႃႉ​ၸိုဝ်ႈ​သဵင်​တီႈ​မႂ်း မိူၼ်​ၸိူဝ်ႉ​ၼင်ႇ​ၼႃႇ​မႃႉ​ၸိုဝ်ႈ​သဵင် ၵူၼ်း​ယႂ်ႇ​ၵူၼ်း​လူင်​ၼႂ်း​ၵူၼ်း​လိၼ်​မိူင်း​တင်း​လၢႆ​ယဝ်ႉ။-</verse>
				<verse number="9">လိူဝ်​သေ​ၼၼ်ႉ၊ ၵဝ်​တၵ်း​ၸီႇ​ယၢင်ႇ​တီႈ​ဢၼ်​ၵူၼ်း​ၵဝ် မဵဝ်း​ ဢီႉသရေႇလႃႉ တၵ်း​ယူႇ​ၼၼ်ႉ​လႄႈ ႁႂ်ႈ​ၶဝ်​မၼ်ႈ​ၶိူင်ႇ၊ ႁႂ်ႈ​ၶဝ်​ဢမ်ႇ​လႆႈ​ၶၢႆႉ​လႆႈ​ပုတ်ႈ​ၵမ်း​လိုၼ်း​လႄႈ ယူႇ​ၵႃႈ​ၼႂ်း​တီႈ​ယူႇ​ၶဝ်​ၼၼ်ႉ​ဢေႃႈ။ ၵမ်း​လိုၼ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ဢမ်ႇ​လႆႈ​ပႄႇ​ၽဵဝ်ႈ​ၶဝ်​ပႅတ်ႈ မိူၼ်​ၸိူဝ်ႉ​ၼင်ႇ​ဢၼ်​မိူဝ်ႈ​ဢွၼ်​တၢင်း​ၼၼ်ႉ၊-</verse>
				<verse number="10">ဢိၵ်ႇ​တင်း​ၶိင်ႇ​မိူဝ်ႈ​ဢၼ် ၵဝ်​ၶၢၼ်း​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ၸိူဝ်း​ၼၼ်ႉ​ဝႆႉ​ၵႃႈ​ၼိူဝ်​ၵူၼ်း​ၵဝ် မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ။ ၵဝ်​တၵ်း​ဢဝ်​ရၢၼ်ႇ​သူႇ​မႂ်း​တင်း​လၢႆ ၶျႃး​တူၵ်း​တီႈ​တႅမ်ႇ၊ လိူဝ်​သေ​ၼၼ်ႉ​ဢမ်ႇ​ၵႃး ၵဝ်​မီး​ဢမိင်ႉ​တီႈ​မႂ်း​လႄႈ​ဝႃႈ၊ ထႃႇဝရႃႉ​ၽြႃး​တၵ်း​ႁႂ်ႈ​မဵဝ်း​ၸိူဝ်ႉ​ၶိူဝ်း​မႂ်း​တႄႇ​ပဵၼ်​ဢေႃႈ၊ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="11">မိူဝ်ႈ​ဢၼ်​မိုဝ်ႉ​ဝၼ်း​ဢသၢၵ်ႈ​မႂ်း​တၵ်း​တဵမ်​လႄႈ၊ မႂ်း​တၵ်း​ၵႂႃႇ​ႁႂ်ႈ​လႆႈ​ယူႇ​လူၺ်ႈ​ၵၼ်​တင်း​ပူႇ​မွၼ်ႇ​မႂ်း​ၼၼ်ႉ​ၸိုင်၊ ၵဝ်​တၵ်း​ယုၵ်ႉ​ယွင်ႈ​ၸိူဝ်ႉ​ၶိူဝ်း​မႂ်း ဢၼ်​ပဵၼ်​ၵႃႈ​ၼႂ်း​လုၵ်ႈ​ၸၢႆး​မႂ်း​ၸိူဝ်း​ၼၼ်ႉ​လိုၼ်း​မႂ်း​လႄႈ ႁႂ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း​တႄႇ​ယူႇ​ဢေႃႈ။-</verse>
				<verse number="12">မၼ်း​ၼၼ်ႉ​တၵ်း​လႆႈ​ႁဵတ်း​ႁိူၼ်း​ပုၼ်ႈ​ၵဝ်​လႄႈ၊ ၵဝ်​တၵ်း​ႁႂ်ႈ​ရႃႇၸႃႉ​ပလၢင်ႇ​မၼ်း​ၼၼ်ႉ​တႄႇ​ယူႇ​တႃႇ​သေႇ​ဢေႃႈ။-</verse>
				<verse number="13">ၵဝ်​တၵ်း​ပဵၼ်​ပေႃႈ​မၼ်း​လႄႈ၊ မၼ်း​ၵေႃႈ​တၵ်း​ပဵၼ်​လုၵ်ႈ​ၸၢႆး​ၵဝ်​ဢေႃႈ။ ၵဝ်​တၵ်း​ဢမ်ႇ​ၼုၵ်ႈ​ဢမ်ႇ​ထွတ်ႇ ၵရူႉၼႃႇ​ၵဝ်​တီႈ​မၼ်း​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၵဝ်​ၼုၵ်ႈ​ထွၼ်​တီႈ​ၵေႃႉ​ဢၼ်​မီး​ဢွၼ်​တၢင်း​မႂ်း​ၼၼ်ႉ။-</verse>
				<verse number="14">ၵဝ်​တၵ်း​ဢဝ်​မၼ်း​ၼၼ်ႉ​ၶျႃး​တီႈ​ယူႇ​တီႈ​သဝ်း​ပၼ်​ၵႃႈ​တီႈ​ႁိူၼ်း​ၵဝ်၊ ၵႃႈ​တီႈ​သိုင်ႇ​ၸိုင်ႈ​ဝၢၼ်ႈ​မိူင်း​ၵဝ်​တႃႇ​သေႇ​ဢေႃႈ။ ရႃႇၸႃႉ​ပလၢင်ႇ​မၼ်း​ၵေႃႈ တၵ်း​လႆႈ​တႄႇ​ယူႇ​တႃႇ​သေႇ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၼင်ႇ​ၼၼ်​လႄႈ ၼႃႇသၼ်ႇ ​ဢဝ်​ၵႂၢမ်း​ပျႃႇ​တိၵ်ႈ​ၸဝ်ႈ​ၵႃႈ​မီး​ၼႆႉ ဢိၵ်ႇ​တင်း​ရူႇပႃႇရူင်ႇ​တင်း​သဵင်ႈ​တင်း​မူတ်း ၶိုၼ်း​မွၵ်ႇ​လၢတ်ႈ​တီႈ​ တႃႇဝိတ်ႈ ​ဢေႃႈ။</verse>
				<verse number="16">မိူဝ်ႈ​ၼၼ်ႉ ၶုၼ်​လူင်​ တႃႇဝိတ်ႈ ၶဝ်ႈ​ၵႂႃႇ​ၵႃႈ​ၼႂ်း​လႄႈ ၼင်ႈ​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​လႄႈ သူး​တွင်း​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႃႈ​ၸဝ်ႈ​ၼႆႉ​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​လႄႈ၊ ၸဝ်ႈ​ႁဝ်း​တၵ်း​ယုၵ်ႉ​ယွင်ႈ​ၶႃႈ​ၸဝ်ႈ​ၼႃႇ​လူင်​လၢင်​ထၼ်ႈ​ၼႆႉ​တီႈ​ၶႃႈ။ မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ​ၼႆႉ ပဵၼ်​မဵဝ်း​ၸိူဝ်ႉ​ၶိူဝ်း​ၸိူဝ်ႉ​ၼင်ႇ​ႁိုဝ်​တီႈ​ၶႃႈ။-</verse>
				<verse number="17">ၵူၺ်း​ၵႃႈ ၽြႃး​ပဵၼ်​ၸဝ်ႈ​တီႈ​ၶႃႈ၊ ၵျေး​ၸူး​ၸဝ်ႈ​ၼၼ်ႉ​ပဵၼ်​ၵျေး​ၸူး​ဢၼ်​လဵၵ်ႉ​ဢၼ်​ၵေႇ​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​လႄႈ ၸဝ်ႈ​ႁဝ်း​ဢဝ်​မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ သိၼ်ႇ​ၽႃ​ႁွမ်း​လူၺ်ႈ​ၵၼ်​တင်း​ၶိင်ႇ​ၵႃႇလႃႉ ဢၼ်​ႁိုင်​မိူဝ်း​ၼႃႈ​လူင်​လၢင်​ယူႇ​သေ​လႄႈ သမ်ႉ​မီး​ဢမိင်ႉ​ယဝ်ႉ​တီႈ​ၶႃႈ​လူင်​ပႄႇ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​မၢတ်ႈ​ၶႃႈ​ၸဝ်ႈ​ၸွမ်း​ၵႃႈ​ၼင်ႇ​ဢၼ် ပဵၼ်​ၵေႃႉ​ဢၼ် မုၼ်​ၽုင်း​ယႂ်ႇ​ၼႃႇ​ၼၼ်ႉ​တီႈ​ၶႃႈ​လူင်​ပႄႇ။-</verse>
				<verse number="18">တႃႇဝိတ်ႈ ​တၵ်း​လႆႈ​ထၢပ်ႈ​ထႅင်ႈ​လႄႈ လဝ်ႊ​လၢတ်ႈ​လူၺ်ႈ​လွင်ႈ​မုၼ်​ၽုင်း​ဢၼ်​မီး​တီႈ​ၶႃႈ​ၸဝ်ႈ​ႁဝ်း​ၼႆႉ​ၼၼ်ႉ​ၸိူဝ်ႉ​ၼင်ႇ​ႁိုဝ် လူး​ၵွၼ်ႇ​တီႈ​ၶႃႈ။ ၸဝ်ႈ​ႁဝ်း​ႁူႉ​ၶႃႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="19">ထႃႇဝရႃႉ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ထွၵ်ႈ​လူၺ်ႈ​ဢၵျူဝ်း​ၶႃႈ​ၸဝ်ႈ​ႁဝ်း​လႄႈ ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​ႁူဝ်​ၸႂ်​ၸဝ်ႈ​ႁဝ်း​မီး​ၼၼ်ႉ​လႄႈ၊ ၸဝ်ႈ​ႁဝ်း​ႁဵတ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ဢၼ်​ယႂ်ႇ​ၼႃႇ​လူင်​လၢင်​ၼႆႉ၊ လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ဢၼ်​ယႂ်ႇ​ၼႃႇ​လူင်​လၢင်​ၼႆႉ ထၢင်ႇ​သႃး​တီႈ​ၶႃႈ​ယဝ်ႉ။-</verse>
				<verse number="20">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ထႃႇဝရႃႉ​ၽြႃး​တီႈ​ၶႃႈ၊ ၵႃႈ​ၼင်ႇ​ဢၼ်​ႁူ​ၶႃႈ​ၸဝ်ႈ​ႁဝ်း​လႆႈ​ငိၼ်း​ၼၼ်ႉ၊ ဢမ်ႇ​မီး​ၽြႃး​ဢၼ်​မိူၼ်​ၵၼ်​တင်း​ၸဝ်ႈ​ႁဝ်း​တီႈ​ၶႃႈ။ ၼွၵ်ႈ​သေ​ၸဝ်ႈ​ႁဝ်း​ဢမ်ႇ​မီး​ၽြႃး​တၢင်ႇ​သူႇ​တၢင်ႇ​ပႃး​တီႈ​ၶႃႈ။-</verse>
				<verse number="21">ၵႃႈ​ၼိူဝ်​လိၼ်​မိူင်း​ၼႆႉ​မီး​မဵဝ်း​ၵူၼ်း​သေ​ၸိူဝ်ႉ​သေ​မဵဝ်း ဢၼ်​မိူၼ်​ၵၼ်​တင်း​ၵူၼ်း​ၸဝ်ႈ​ႁဝ်း​မဵဝ်း​ ဢီႉသရေႇလႃႉ ဢၼ်​ၽြႃး​ပဵၼ်​ၸဝ်ႈ​ၵႂႃႇ​လႄႈ​ထုတ်ႇ​ၼုၵ်ႈ​ဢဝ်​ပုၼ်ႈ​မၼ်း​ၸဝ်ႈ လွင်ႈ​ၼင်ႇ​ႁိုဝ်​တၵ်း​ဢဝ်​လွင်ႈ​တၢင်း​ဢၼ်​ယႂ်ႇ​ဢၼ်​လူင်​လႄႈ လီ​ၵူဝ်​လီ​ႁႄ​ၸိူဝ်း​ၼၼ်ႉ ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ထၢင်ႇ​သႃး​ပုၼ်ႈ​ၸဝ်ႈ​ႁဝ်း​ၼႂ်း​လွင်ႈ​မိူဝ်ႈ​ဢၼ် ၸဝ်ႈ​ႁဝ်း​ႁေႃႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ၵူၼ်း​ၸဝ်ႈ​ႁဝ်း ဢၼ်​ၸဝ်ႈ​ႁဝ်း​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ လူး​ၵွၼ်ႇ​တီႈ​ၶႃႈ​ႁိုဝ်။-</verse>
				<verse number="22">လွင်ႈ​မၼ်း​ၸမ်ႉ ၸဝ်ႈ​ႁဝ်း​ႁဵတ်း​ႁႂ်ႈ​ၵူၼ်း​ၸဝ်ႈ​ႁဝ်း မဵဝ်း​ ဢီႉသရေႇလႃႉ ​လႆႈ​ပဵၼ်​ၵူၼ်း​ၸဝ်ႈ​ႁဝ်း​ယူႇ​တႃႇ​သေႇ​မၼ်ႈ​ၶိူင်ႇ​လႄႈ၊ ၸဝ်ႈ​ႁဝ်း​ထႃႇဝရႃႉ​ၽြႃး​ၼႆႉ ပဵၼ်​ၽြႃး​ပဵၼ်​ၸဝ်ႈ​ၶဝ်​တီႈ​ၶႃႈ​ဢေႃႈ။-</verse>
				<verse number="23">မိူဝ်ႈ​လဵဝ်​ၼႆႉ​ၸိုင်၊ ထႃႇဝရႃႉ​ၽြႃး​တီႈ​ၶႃႈ၊ ႁႂ်ႈ​ၵႂၢမ်း​ဢၼ်​ၸဝ်ႈ​ႁဝ်း​မီး​ဢမိင်ႉ​ဝႆႉ​တီႈ​ၶႃႈ​ၸဝ်ႈ​ႁဝ်း ဢိၵ်ႇ​တင်း​တီႈ​မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ​ႁဝ်း​ၸိူဝ်း​ၼၼ်ႉ တႄႇ​ယူႇ​တႃႇ​သေႇ​မၼ်ႈ​ၶိူင်ႇ​လႄႈ၊ ႁဵတ်း​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​မီး​ဢမိင်ႉ​ဝႆႉ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="24">ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တႄႇ​ယူႇ​လႄႈ မီး​တၢင်း​ဢၼ်​ယုၵ်ႉ​ယွင်ႈ​ယူႇ​တႃႇ​သေႇ​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ ပဵၼ်​ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢၼ်​ဝႃႈ​ၽြႃး​ပဵၼ်​ၸဝ်ႈ​ဢၼ်​သႅင်ႇ​တင်း​မဵဝ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​ယူႇ​ၼၼ်ႉ​သေ​ၵမ်း​လူၺ်ႈ​တီႈ​ၶႃႈ။ ႁႂ်ႈ​မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ​ႁဝ်း တႃႇဝိတ်ႈ ​ၼႆႉ တႄႇ​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​လူၺ်ႈ​တီႈ​ၶႃႈ။-</verse>
				<verse number="25">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ပၼ်​ပျႃႇ​တိၵ်ႈ​တီႈ​ၶႃႈ​ၸဝ်ႈ​ႁဝ်း​ၼႆႉ လူၺ်ႈ​လွင်ႈ​ဢၼ်​တၵ်း​ႁႂ်ႈ​မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ​ႁဝ်း​တႄႇ​ၼၼ်ႉ​လႄႈ ၶႃႈ​ၸဝ်ႈ​ႁဝ်း​ၼႆႉ​မီး​ၸႂ်​ဢၼ်​ၶႂ်ႈ​ႁဵတ်း​သူး​တွင်း​ပထၼႃႇ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="26">မိူဝ်ႈ​လဵဝ်​ၼႆႉ​ၵေႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ၸႂ်ႈ​ၽြႃး​ပဵၼ်​ၸဝ်ႈ​တီႈ​ၶႃႈ​ဢေႃႈ။ ၵျေး​ၸူး​ၼႆႉ​ၸိုင်၊ ၸဝ်ႈ​ႁဝ်း​ဝႆႉ​ၵတီႉ​တီႈ​ၶႃႈ​ၸဝ်ႈ​ႁဝ်း​ၼႆႉ​တီႈ​ၶႃႈ​ယဝ်ႉ။-</verse>
				<verse number="27">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ၶႅၼ်း​တေႃႈ​မီး​ၸႂ်​ဢၼ်​ဢူၼ်ႈ​ၼူပ်ႈ​ၵွမ်း​ၸူး​ႁႂ်ႈ​လႆႈ​ပၼ်​တၢင်း​လီ​တီႈ​မဵဝ်း​ၸိူဝ်ႉ​ၶိူဝ်း​ၶႃႈ​ၸဝ်ႈ​ႁဝ်း ႁႂ်ႈ​လႆႈ​တႄႇ​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တႃႇ​သေႇ မၼ်ႈ​ၶိူင်ႇ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ပေႃး​ၸဝ်ႈ​ႁဝ်း​ပၼ်​တၢင်း​လီ​ၸိုင်၊ တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ယူႇ​တႃႇ​သေႇ​မၼ်ႈ​ၶိူင်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">လိုၼ်း​ၼၼ်ႉ တႃႇဝိတ်ႈ ​တိုၵ်း​တေႃး​ယႃႉ​ပႅတ်ႈ​ၵူၼ်း​ ၽီႉလိတ်ႉတီႉ ​တင်း​လၢႆ​လႄႈ ပႄႉ​ၼႅင်ႇ​သေ​ယဝ်ႉ၊ သိမ်း​ဢဝ်​ဝဵင်း​ ၵႃႇသႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​သေ​ၵႃႈ​ၼႂ်း​မိုဝ်း​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="2">မိူင်း​ မေႃႇၽႃႉ ​ၵေႃႈ​မၼ်း​တိုၵ်း​တေႃး​ယႃႉ​ပႅတ်ႈ​လႄႈ ၵူၼ်း​မဵဝ်း​ မေႃႇၽႃႉ ​ၸိူဝ်း​ၼၼ်ႉ​လႆႈ​ၶၢမ်ႇ​ႁဵတ်း​ၶႃႈ​တီႈ​ တႃႇဝိတ်ႈ ​သေ​လႄႈ​သၢၵ်ႈ​ၶွၼ်ႇ​ဢေႃႈ။</verse>
				<verse number="3">တႃႇဝိတ်ႈ ​တိုၵ်း​တေႃး​ယႃႉ​ပႅတ်ႈ ႁႃႇတႃႉတေႇၸႃႇ ၶုၼ်​လူင်​ ၸေႃႇၽႃႉ တေႃႇ​ထိုင်​ႁွတ်ႈ​ဝဵင်း​ ႁႃႇမတ်ႉ ​ၼႂ်း​မိူဝ်ႈ​ဢၼ်​မၼ်း​ၼၼ်ႉ​ၶီႇ​သိုၵ်း ၵႂႃႇ​ၵႃႈ​တီႈ​ႁိမ်း​ၼမ်ႉ​ႁွင်ႈ​ ဢူႉၽရတ်ႉ ႁႂ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း​တႄႇ​ယူႇ​ၼၼ်ႉ​ဢေႃႈ။-</verse>
				<verse number="4">တႃႇဝိတ်ႈ ​တီႉ​ၵမ်​ဢဝ်​လေႃႉရထႃး​ႁဵင်​ၼိုင်ႈ၊ ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​ၸဵတ်း​ႁဵင်၊ ႁူဝ်​ႁၢၼ်​ၵူၼ်း​သိုၵ်း​ပႆ​တိၼ်​သွင်​မိုၼ်ႇ​လႄႈ ဢဝ်​လေႃႉရထႃး​ပၢၵ်ႇ​ၼိုင်ႈ​ၵူၺ်း​ဝႆႉ​သေ​ယဝ်ႉ၊ ၽၼ်း​ဢဵၼ်​ၼွင်ႈ​မႃႉ​လေႃႉရထႃး​တၢင်ႇ​ဢၼ်​တၢင်ႇ​တူဝ်​ၵႃႈ​မီး​ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="5">မိူဝ်ႈ​ဢၼ်​ၵူၼ်း​ သူႉရီႉ ဢၼ်​ယူႇ​ၵႃႈ​တီႈ​ဝဵင်း ထမ်ႇမသႅတ်ႉ ​ၸိူဝ်း​ၼၼ်ႉ မႃး​ႁႂ်ႈ​လႆႈ​ၸွႆႈ​သိုၵ်း​ထႅမ်​သိုၵ်း​တီႈ​ ႁႃႇတႃႉတေႇၸႃႇ ၶုၼ်​လူင် ၸေႃႇၽႃႉ ​ၼၼ်ႉ​ၸိုင်၊ တႃႇဝိတ်ႈ ​တိုၵ်း​တေႃး​ယႃႉ​ပႅတ်ႈ ၵူၼ်း​ သူႉရီႉ ​သွင်​မိုၼ်ႇ​ပၢႆ​သွင်​ႁဵင်​သေ​ယဝ်ႉ၊-</verse>
				<verse number="6">တႃႇဝိတ်ႈ ​ဝႆႉ​တပ်ႉ​ပႂ်ႉ​ၵႃႈ​ၼႂ်း​ဝဵင်း​ ထမ်ႇမသႅတ်ႉ မိူင်း​ သူႉရီႉ ​ၼၼ်ႉ​သေ​လႄႈ၊ ၵူၼ်း​ သူႉရီႉ ​ၸိူဝ်း​ၼၼ်ႉ​လႆႈ​ၶၢမ်ႇ​ႁဵတ်း​ၶႃႈ​တီႈ​ တႃႇဝိတ်ႈ ​လႄႈ​သၢၵ်ႈ​ၶွၼ်ႇ​ဢေႃႈ။ ၵႃႈ​ပဵၼ်​တီႈ​ဢၼ်​ တႃႇဝိတ်ႈ ​ၵႂႃႇ​ၼၼ်ႉ၊ ထႃႇဝရႃႉ​ၽြႃး​ၸွႆႈ​ထႅမ်​မႃႉ​ၸႃႉ​ယူႇ​ဢေႃႈ။-</verse>
				<verse number="7">တႃႇဝိတ်ႈ ​သိမ်း​ဢဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​ၶမ်း ဢၼ်​ၶႃႈ​ ႁႃႇတႃႉတေႇၸႃႇ ​တင်း​လၢႆ ယိပ်း​ၵမ်​ၸိူဝ်း​ၼၼ်ႉ​လႄႈ ဢဝ်​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="8">တႃႇဝိတ်ႈ ​သိမ်း​ဢဝ်​တွင်း​လိူင်​ၼမ်​ၼႃႇ​လူင်​လၢင်​သေ​ၵႃႈ​တီႈ​ဝဵင်း​ တီႉပႁတ်ႉ တင်း​ဝဵင်း​ ၶုၼ်​ ​ဢၼ် ႁႃႇတႃႉတေႇၸႃႇ ဢုပ်ႉ​ပိူင်ႇ​ၼၼ်ႉ​ၵႂႃႇ​ဢေႃႈ။ တွင်း​လိူင်​ၼၼ်ႉ​ၸိုင်၊ သေႃးလမုၼ်ႇ ​ဢဝ်​ႁဵတ်း​ၼမ်ႉ​ၼွင်​တွင်း​လိူင်၊ သဝ်​တွင်း​လိူင်၊ ၶိူင်ႈ​ပိူင်​တွင်း​လိူင်​တင်း​လၢႆ​ဢေႃႈ။</verse>
				<verse number="9">တေႃႇဢီႉ ၶုၼ်​လူင်​ ႁႃႇမတ်ႉ ငိၼ်း​လွင်ႈ​ဢၼ် တႃႇဝိတ်ႈ ​တိုၵ်း​တေႃး​ယႃႉ​ပႅတ်ႈ​မူႇ​ၽုင်​မုၵ်ႉ​ၸိူဝ်း​ ႁႃႇတႃႉတေႇၸႃႇ ၶုၼ်​လူင် ၸေႃႇၽႃႉ ၵႃႈ​မီး​ၼၼ်ႉ​သေ​ယဝ်ႉ၊-</verse>
				<verse number="10">မၼ်း​ၼၼ်ႉ​ပွႆႇ​ၸႂ်ႉ​လုၵ်ႈ​ၸၢႆး​မၼ်း​ ႁႃႇတေႃးရမ်ႇ မႃး​ၵႃႈ​တီႈ​ၶုၼ်​လူင်​ တႃႇဝိတ်ႈ ႁႂ်ႈ​လႆႈ​တၵ်ႉ​လႆႈ​လၢတ်ႈ​မၼ်း​လႄႈ​ပၼ်​တၢင်း​လီ​တီႈ​မၼ်း ၵွပ်ႈ​ပိူဝ်ႈ​ဢၼ်​မၼ်း​တိုၵ်း​သိုၵ်း​လႄႈ ယႃႉ​ပႅတ်ႈ​ ႁႃႇတႃႉတေႇၸႃႇ ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ႁႃႇတႃႉတေႇၸႃႇ ဢိၵ်ႇ​တင်း​ တေႃႇဢီႉ လႆႈ​ပဵၼ်​သိုၵ်း​ပဵၼ်​သိူဝ်​တီႈ​ၵၼ်​ဢေႃႈ။ မၼ်း​ပႃး​ဢဝ်​တင်း​ၵွၵ်း​ၶမ်း၊ ၵွၵ်း​ငိုၼ်း၊ ၵွၵ်း​တွင်း​လိူင်​ၵူႈ​ၸိူဝ်ႉ​ၵူႈ​မဵဝ်း​သေ​လႄႈ​မႃး​ဢေႃႈ။</verse>
				<verse number="11">ၵွၵ်း​ၸိူဝ်း​ၼၼ်ႉ​ၸိုင် ၶုၼ်​လူင်​ တႃႇဝိတ်ႈ ဢဝ်​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ဢိၵ်ႇ​လူၺ်ႈ​ၵၼ်​တင်း​ငိုၼ်း​ၶမ်း​ဢၼ်​မၼ်း​ဢဝ်​ၵႃႈ​တီႈ​ၵူႈ​သိုင်ႇ​ၵူႈ​မိူင်း ဢၼ်​ဝႃႈ​မိူင်း​ ဢေႇတုမ်ႇ ၊ မိူင်း​ မေႃႇၽႃႉ ၊ မိူင်း​ ဢမ်ႇမုၼ်ႇ ၊ မိူင်း​ ၽီႉလိတ်ႉတီႉ ၊ မိူင်း​ ဢႃႇမလႅၵ်ႉ ​ၸိူဝ်း​ၼၼ်ႉ​မႃး​ၼၼ်ႉ​ဢေႃႈ။-</verse>
				<verse number="12">ၼွၵ်ႈ​သေ​ၼၼ်ႉ ဢၽီႉသေး လုၵ်ႈ​ၸၢႆး​ ၸေႇရူႉယႃႇ ​ၼၼ်ႉ တိုၵ်း​တေႃး​ယႃႉ​ပႅတ်ႈ ၵူၼ်း​ ဢေႇတုမ်ႇ ​မိုၼ်ႇ​ပၢႆ​ပႅတ်ႇ​ႁဵင် ၵႃႈ​ၼႂ်း​ ပၢင်ႇ​ႁူၺ်ႈ​ၵိူဝ် ​ၼၼ်ႉ​ဢေႃႈ။-</verse>
				<verse number="13">မၼ်း​ဝႆႉ​တပ်ႉ​ပႂ်ႉ​ဝဵင်း​တင်း​လၢႆ ၵႃႈ​တီႈ​မိူင်း​ ဢေႇတုမ်ႇ ​လႄႈ၊ ၵူၼ်း​မိူင်း​ ဢေႇတုမ်ႇ ​ၵႃႈ​မီး​လႆႈ​ၶၢမ်ႇ​ႁဵတ်း​ၶႃႈ​တီႈ​ တႃႇဝိတ်ႈ ​ဢေႃႈ။ ၼင်ႇ​ၼႆ​လႄႈ၊ ၵႃႈ​ပဵၼ်​တီႈ​ဢၼ်​ တႃႇဝိတ်ႈ ​ၵႂႃႇ​ၼၼ်ႉ ထႃႇဝရႃႉ​ၽြႃး​ၸွႆႈ​ထႅမ်​မႃႉ​ၸႃႉ​ယူႇ​ဢေႃႈ။</verse>
				<verse number="14">ၼင်ႇ​ၼၼ်​လႄႈ တႃႇဝိတ်ႈ ​ၼၼ်ႉ​ဢုပ်ႉ​ပိူင်ႇ​ၸၢမ်ႇ​ၸႃး မိူင်း​ ဢီႉသရေႇလႃႉ ​တင်း​မိူင်း​လႄႈ ၸီႇ​ယၢင်ႇ​တႅပ်း​တတ်း​ဢမူႉ​တြႃး​သိုဝ်ႈ​သိုဝ်ႈ​တေႃႇ​တေႃႇ တီႈ​ၵူၼ်း​မိူင်း​ၸဝ်ႈ​တင်း​သဵင်ႈ​တင်း​လူင်​ဢေႃႈ။-</verse>
				<verse number="15">ယႂႃႇၽႃႉ လုၵ်ႈ​ၸၢႆး​ ၸေႇရူႉယႃႇ ​ၼၼ်ႉ ပဵၼ်​ၶုၼ်​ပူဝ်ႇ​ၶျုၵ်ႈ​ဢေႃႈ၊ ယူဝ်းသၽတ်ႉ လုၵ်ႈ​ၸၢႆး​ ဢႁီႉလုတ်ႉ ​ၼၼ်ႉ ပဵၼ်​ဢတႂၢင်းဝုၼ်ႇ​ဢေႃႈ။-</verse>
				<verse number="16">ၸႃႇတုၵ်ႉ ​လုၵ်ႈ​ၸၢႆး​ ဢႁီႉတုပ်ႉ ဢိၵ်ႇ​တင်း ဢၽီႉမလႅၵ်ႉ ​လုၵ်ႈ​ၸၢႆး​ ဢႃႇပျႃႇထႃႇ ​ၼၼ်ႉ ပဵၼ်​ယိတ်ႈပရေႃးႁဵၵ်ႈ​ဢေႃႈ၊ ၸရႃႇယႃႉ ​ၼၼ်ႉ ပဵၼ်​ၸရေး​လူင်​ၸဝ်ႈ​ဢေႃႈ။-</verse>
				<verse number="17">ပေႇၼႃႇယႃႉ လုၵ်ႈ​ၸၢႆး​ ယေႃးယတႃႉ ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​ၵူၼ်း​ ၶေးရသီႉ ​တင်း​လၢႆ ဢိၵ်ႇ​တင်း​ၵူၼ်း​ ပေႇလသီႉ ​တင်း​လၢႆ​ဢေႃႈ။ လုၵ်ႈ​ၸၢႆး​ၸဝ်ႈ​ တႃႇဝိတ်ႈ ​ၸိူဝ်း​ၼၼ်ႉ​ၵေႃႈ​လႆႈ​ဢွၼ်​ၵၼ်​လႆႈ​ဢရႃႇ​ပထမႃႉ​ယူႇ​ၵႃႈ​တီႈ​ႁိမ်း​ၶုၼ်​ႁေႃ​ၶမ်း​ဢေႃႈ။</verse>
			</chapter>
			<chapter number="19">
				<verse number="1">လိုၼ်း​ၼၼ်ႉ ၼႃႇႁတ်ႉ ​ၶုၼ်​ႁေႃ​ၶမ်း​ ဢမ်ႇမုၼ်ႇ ​တၢႆ​လႄႈ၊ လုၵ်ႈ​ၸၢႆး​ၸဝ်ႈ​ၼင်ႈ​ႁၢင်ႈ​ၼင်ႈ​ႁေႃ​ၵႃႈ​တီႈ​ဢရႃႇ​မၼ်း​ဢေႃႈ။-</verse>
				<verse number="2">တႃႇဝိတ်ႈ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​တၵ်း​ႁဵတ်း​ၵျေး​ၸူး​တီႈ​ ႁႃႇၼုၼ်ႇ ​လုၵ်ႈ​ၸၢႆး​ ၼႃႇႁတ်ႉ ၵွပ်ႈ​ပိူဝ်ႈ​ဢၼ်​ၸဝ်ႈ​ပေႃႈ​မၼ်း​ႁဵတ်း​ၵျေး​ၸူး​တီႈ​ၵဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊ တႃႇဝိတ်ႈ ​ပွႆႇ​ၸႂ်ႉ​သၢၼ်ႇတမၢၼ်ႇ​တင်း​လၢႆ​ၵႂႃႇ​ႁႂ်ႈ​မၼ်း​ၼၼ်ႉ​ပေႇ​ၸႂ်​လူၺ်ႈ​လွင်ႈ​ပေႃႈ​မၼ်း​ၼၼ်ႉ​လႄႈ၊ ၶႃႈ​ တႃႇဝိတ်ႈ ​ၸိူဝ်း​ၼၼ်ႉ ဢွၼ်​ၵၼ်​ႁွတ်ႈ​ထိုင်​ၵႃႈ​တီႈ​မိူင်း​ ဢမ်ႇမုၼ်ႇ ၸူး​ၵႃႈ​တီႈ​ ႁႃႇၼုၼ်ႇ ႁႂ်ႈ​မၼ်း​လႆႈ​ပေႇ​ၸႂ်​ဢေႃႈ။-</verse>
				<verse number="3">မူး​မၢတ်ႈ​ၽွင်း​မိူင်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​လဝ်ႊ​လၢတ်ႈ​တီႈ​ၶုၼ်​ ႁႃႇၼုၼ်ႇ ​ၼၼ်ႉ​လႄႈ​ဝႃႈ၊ ၼႂ်း​လွင်ႈ​ဢၼ်​ တႃႇဝိတ်ႈ ပွႆႇ​ၸႂ်ႉ​ၶဝ်​ၸိူဝ်း​ဢၼ် ႁႂ်ႈ​ၸႂ်​ၸဝ်ႈ​ႁဝ်း​ပေႇ​ၸႂ်​ၼၼ်ႉ​မႃး​ၼၼ်ႉ၊ ၸဝ်ႈ​ႁဝ်း​ထၢင်ႇ​မၢတ်ႈ​ပဵၼ်​ဢၼ်​ရူဝ်ႇ​သေႇ​ၵူဝ်​ယမ်​ပေႃႈ​ၸဝ်ႈ​ႁဝ်း​တီႈ​ၶႃႈ​ႁိုဝ်။ ၶႃႈ​မၼ်း​ၸိူဝ်း​ၼၼ်ႉ​မႃး​တီႈ​ၸဝ်ႈ​ႁဝ်း​ႁႂ်ႈ​လႆႈ​ႁႃ​လွင်ႈ​ႁႃ​တၢင်း​သေ​လႄႈ ယႃႉ​ပႅတ်ႈ​လႄႈ လွမ်​တူၺ်း​မိူင်း​ၸဝ်ႈ​ၵူၺ်း​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="4">ႁႃႇၼုၼ်ႇ ​ဢဝ်​ၶႃႈ​ တႃႇဝိတ်ႈ ​ၸိူဝ်း​ၼၼ်ႉ​သေ​လႄႈ ထႃ​ၼူတ်ႇ​ၵၢင်း​ၶဝ်​လႄႈ တႅပ်း​ၶိုင်ႈ​ၵၢင်​ၶူဝ်း​ၼုင်ႈ​ၶဝ်​ပႅတ်ႈ​ထၼ်ႈ​ပေႃး​ႁႂ်ႈ​ထိုင်​ၵုမ်ႇ​ၶဝ်​သေ​ယဝ်ႉ၊ ပွႆႇ​ၶဝ်​ပႅတ်ႈ​သေ​ဢေႃႈ။-</verse>
				<verse number="5">မိူဝ်ႈ​ဢၼ်​ၵူၼ်း​ၵမ်ႈ​ၽွင်ႈ​ၵႂႃႇ​လဝ်ႊ​လၢတ်ႈ​လွင်ႈ​ဢၼ်​ႁဵတ်း​တီႈ​ၶဝ်​ၸိူဝ်ႉ​ၼင်ႇ​ႁိုဝ်​ၼၼ်ႉ​တီႈ​ တႃႇဝိတ်ႈ ​ၼၼ်ႉ​ၸိုင်၊ မၼ်း​ပွႆႇ​ၸႂ်ႉ​ႁႂ်ႈ​လႆႈ​ႁပ်ႉ​ႁူဝ်​တၢင်း​ၶဝ် ၵွပ်ႈ​ပိူဝ်ႈ​ဢၼ်​ၶဝ်​ဢူၵ်း​ဢၢႆ​ၼႃႇ​လူင်​လၢင်​ၼၼ်ႉ​လႄႈ၊ ၶုၼ်​ႁေႃ​ၶမ်း​သင်ႇ​လၢတ်ႈ​လႄႈ​ဝႃႈ၊ သူ​ဢွၼ်​ၵၼ်​ၵိုတ်း​သဝ်း​ယူႇ​ၵႃႈ​တီႈ​ဝဵင်း​ ယေႇရီႉၶူဝ်း ​တေႃႇ​ထိုင်​ႁွတ်ႈ ႁႂ်ႈ​ၼူတ်ႇ​ၵၢင်း​သူ​ထၼ်ႈ​ပေႃး​ယၢဝ်း​မႃး​လူး​ၵွၼ်ႇ​တႃႉ။ လိုၼ်း​ၼၼ်ႉ​ၸင်ႇ​ဢွၼ်​ၵၼ်​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မိူဝ်ႈ​ဢၼ်​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ ႁူႉ​ႁၼ်​လွင်ႈ​ဢၼ်​ၶဝ်​ပဵၼ်​တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​ တႃႇဝိတ်ႈ ​ၼၼ်ႉ​ၸိုင်၊ ၶုၼ်​ ႁႃႇၼုၼ်ႇ ဢိၵ်ႇ​တင်း​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ ဢဝ်​ငိုၼ်း​ႁဵင်​ တလၢၼ်ႇတၢၼ်ႇ ​ဢွၵ်ႇ​ႁႂ်ႈ​လႆႈ​ၸၢင်ႈ​ငႃ​ဢဝ်​လေႃႉရထႃး ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ ၵႃႈ​တီႈ​မိူင်း​ မေႇသေႃးပေႃးတႃႇမီႉ ၊ မိူင်း​ သူႉရီႉ၊ မႃႇၶႃႇ ၊ မိူင်း​ ၸေႃႇၽႃႉ ​ၸိူဝ်း​ၼၼ်ႉ​လႄႈ၊-</verse>
				<verse number="7">ၸၢင်ႈ​ငႃ​ဢဝ်​လေႃႉရထႃး​သၢမ်​မိုၼ်ႇ​ပၢႆ​သွင်​ႁဵင် ဢိၵ်ႇ​တင်း​ၶုၼ်​လူင်​ မႃႇၶႃႇ တင်း​ၵူၼ်း​မၼ်း​တင်း​လၢႆ​သေ​ယဝ်ႉ၊ ၶဝ်​ၼၼ်ႉ​ဢွၼ်​ၵၼ်​မႃး​လႄႈ ၶျႃး​တပ်ႉ​ၶဝ်​ၵႃႈ​တီႈ​ၽၢႆႇ​ၼႃႈ​ဝဵင်း​ မေႇတၽႃႉ ​ဢေႃႈ။ ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ​ၵေႃႈ​ၸူႉ​ၵၼ်​တုမ်​ၵၼ်​လႄႈ ၶီႇ​သိုၵ်း​ဢွၵ်ႇ​ၵူႈ​ဝၢၼ်ႈ​ၵူႈ​ဝဵင်း​ဢေႃႈ။-</verse>
				<verse number="8">မိူဝ်ႈ​ဢၼ်​ တႃႇဝိတ်ႈ ​ငိၼ်း​လွင်ႈ​မၼ်း​ၼၼ်ႉ​ၸိုင်၊ မၼ်း​ပွႆႇ​ၸႂ်ႉ​ ယႂႃႇၽႃႉ တင်း​မုၵ်ႉ​ၸိူဝ်း​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၵႃႈ​မီး​ၵႂႃႇ​ဢေႃႈ။-</verse>
				<verse number="9">ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​လႄႈ ယၼ်ႇ​တပ်ႉ​ၶၢင်း​တပ်ႉ​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ဝဵင်း​ဢေႃႈ။ ၶုၼ်​လူင်​ဢၼ်​ၸွႆႈ​သိုၵ်း​ထႅမ်​သိုၵ်း​ၸိူဝ်း​ၼၼ်ႉ ဢွၼ်​ၵၼ်​ယူႇ​ၵႃႈ​တီႈ​ပၢင်ႇ​တီႈ​ပဵင်း​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="10">ယႂႃႇၽႃႉ ​ႁၼ်​လွင်ႈ​ဢၼ်​ၼႃႈ​သိုၵ်း​ၶဝ်​မီး​သွင်​ၼႃႈ ၵႃႈ​တီႈ​ၽၢႆႇ​ၼႃႈ​ဢိၵ်ႇ​တင်း​ၵႃႈ​တီႈ​ၽၢႆႇ​လင်​ၼၼ်ႉ​သေ​ယဝ်ႉ၊ လိူၵ်ႈ​ၵဵပ်း​ဢဝ်​ၵူၼ်း​ၵႃႈ​ဢၼ်​ၵႅၼ်ႇ​ၶႅင်​ၶၼ်​ၽႂ်း ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​သေ​လႄႈ ယၼ်ႇ​တပ်ႉ​ၶၢင်း​တပ်ႉ​ယူႇ​ၽၢႆႇ​ၼိုင်ႈ​တင်း​ၵူၼ်း သူႉရီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="11">မၼ်း​ဢဝ်​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၼွင်ႉ​ၸၢႆး​မၼ်း ဢၽီႉသေး ​ၼၼ်ႉ​လႄႈ၊ ၶဝ်​ယၼ်ႇ​တပ်ႉ​ၶၢင်း​တပ်ႉ​ၶဝ်​ယူႇ​ၽၢႆႇ​ၼိုင်ႈ တင်း​ၵူၼ်း​ ဢမ်ႇမုၼ်ႇ ​ၸိူဝ်း​ၼၼ်ႉ​လႄႈ​လၢတ်ႈ​ဝႃႈ၊-</verse>
				<verse number="12">ပေႃး​ၵူၼ်း​ သူႉရီႉ ​ၸိူဝ်း​ၼၼ်ႉ​ပႄႉ​ၼႅင်ႇ​ၵဝ်​ၸိုင် မႂ်း​တၵ်း​လႆႈ​ၸွႆႈ​ထႅမ်​ၵဝ်​ဢေႃႈ။ ပေႃး​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​ပႄႉ​ၼႅင်ႇ​မႂ်း​ၸိုင် ၵဝ်​တၵ်း​ၸွႆႈ​ထႅမ်​မႂ်း​ဢေႃႈ။-</verse>
				<verse number="13">ဢွၼ်​ၵၼ်​မီး​ၸႂ်​ဢၼ်​ႁတ်း​လႄႈ ဢဝ်​ႁႅင်း​ဢွၵ်ႇ​ပုၼ်ႈ​ၵူၼ်း​မဵဝ်း​ႁဝ်း ဢိၵ်ႇ​တင်း​ပုၼ်ႈ​ဝၢၼ်ႈ​ဝဵင်း​ၽြႃး​ပဵၼ်​ၸဝ်ႈ​ႁဝ်း​လႄႈ​တိုၵ်း​တႃႉ​ႁဝ်း။ ႁႂ်ႈ​ထႃႇဝရႃႉ​ၽြႃး​ၸီႇ​ယၢင်ႇ​ႁဵတ်း​ၸွမ်း​ၵႃႈ​ၼင်ႇ​ဢၼ်​လီ​သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">မိူဝ်ႈ​ဢၼ်​ ယႂႃႇၽႃႉ ဢိၵ်ႇ​တင်း​ၵူၼ်း​တင်း​လၢႆ​ဢၼ်​ပႃး​တီႈ​မၼ်း​ၸိူဝ်း​ၼၼ်ႉ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး တီႈ​ၵူၼ်း​ သူႉရီႉ ​ၸိူဝ်း​ၼၼ်ႉ ႁႂ်ႈ​လႆႈ​တိုၵ်း​တေႃး​ၼၼ်ႉ​ၸိုင်၊ ၵူၼ်း​ သူႉရီႉ ​ၸိူဝ်း​ၼၼ်ႉ​ဢွၼ်​ၵၼ်​ဢွၵ်ႇ​ပၢႆႈ​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="15">မိူဝ်ႈ​ဢၼ်​ၵူၼ်း​ ဢမ်ႇမုၼ်ႇ ​တင်း​လၢႆ ႁၼ်​ၵူၼ်း​ သူႉရီႉ ​ၸိူဝ်း​ၼၼ်ႉ​ဢွၵ်ႇ​ပၢႆႈ​ၼၼ်ႉ​ၸိုင်၊ ၶဝ်​ၵေႃႈ​ဢွၼ်​ၵၼ်​ဢွၵ်ႇ​ပၢႆႈ​သေ​ၵႃႈ​တီႈ​ၽၢႆႇ​ၼႃႈ​ၼွင်ႉ​ၸၢႆး​မၼ်း​ ဢၽီႉသေး ​လႄႈ ၶဝ်ႈ​ၵႃႈ​ၼႂ်း​ဝဵင်း​ဢေႃႈ။ ယႂႃႇၽႃႉ ​ၵေႃႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ဢေႃႈ။</verse>
				<verse number="16">ၵူၼ်း​ သူႉရီႉ ​ၸိူဝ်း​ၼၼ်ႉ​ႁူႉ​ႁၼ်​လွင်ႈ​ဢၼ် ၶဝ်​တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​သေ​ယဝ်ႉ၊ ပွႆႇ​ၸႂ်ႉ​သၢၼ်ႇတမၢၼ်ႇ​ၵႂႃႇ​လႄႈ ႁွင်ႉ​ဢဝ်​ၵူၼ်း​ သူႉရီႉ ဢၼ်​ယူႇ​ၵႃႈ​တီႈ​ၽၢႆႇ​ပုၼ်ႉ​ၼမ်ႉ​မႄႈ​ၼၼ်ႉ​ၸိူဝ်း​ၼၼ်ႉ​သေ​ယဝ်ႉ၊ ၶုၼ်​ပူဝ်ႇ​ၶျုၵ်ႈ သေႃးပၵ်ႉ ဢၼ်​ ႁႃႇတႃႉရေႇၸႃႇ ၶၢၼ်း​ဝႆႉ​ၼၼ်ႉ​ၵေႃႈ​လႆႈ​ဢုပ်ႉ​ၵႃႈ​ၼိူဝ်​ၶဝ်​ဢေႃႈ။-</verse>
				<verse number="17">တႃႇဝိတ်ႈ ​ငိၼ်း​လွင်ႈ​ၼၼ်ႉ​သေ​ယဝ်ႉ၊ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​ၵႃႈ​မီး ၸူႉ​ၵၼ်​တုမ်​ၵၼ်​လႄႈ ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​သေ​လႄႈ ႁွတ်ႈ​ထိုင်​ၵႃႈ​တီႈ​တပ်ႉ​ရၢၼ်ႇ​သူႇ​လႄႈ ယၼ်ႇ​တပ်ႉ​ၶၢင်း​တပ်ႉ​ယူႇ​ၽၢႆႇ​ၼိုင်ႈ​တင်း​ၶဝ်​ဢေႃႈ။ မိူဝ်ႈ​ဢၼ်​ တႃႇဝိတ်ႈ ယၼ်ႇ​တပ်ႉ​ၶၢင်း​တပ်ႉ​ၸိူဝ်ႉ​ၼင်ႇ​ၼၼ်​ယူႇ​ၽၢႆႇ​ၼိုင်ႈ တင်း​ၵူၼ်း​ သူႉရီႉ ​ၸိူဝ်း​ၼၼ်ႉ​လႄႈ၊ ၶဝ်​တိုၵ်း​ၵၼ်​တင်း​မၼ်း​ၼၼ်ႉ​ၸိုင်၊-</verse>
				<verse number="18">ၵူၼ်း​ သူႉရီႉ ​ၸိူဝ်း​ၼၼ်ႉ​ဢွၼ်​ၵၼ်​ဢွၵ်ႇ​ပၢႆႈ ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ တႃႇဝိတ်ႈ ​ၵေႃႈ ဢဝ်​ႁူဝ်​ႁၢၼ်​ၵူၼ်း​သိုၵ်း​ၶီႇ​လေႃႉရထႃး​ သူႉရီႉ ၸဵတ်း​ႁဵင်​ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း ဢၼ်​ပႆ​တိၼ်​သီႇ​မိုၼ်ႇ​တၢႆ​လႄႈ၊ ၶုၼ်​ပူဝ်ႇ​ၶျုၵ်ႈ​ သေႃးပၵ်ႉ ​ၼၼ်ႉ​ၵေႃႈ​ဢဝ်​တၢႆ​ဢေႃႈ။-</verse>
				<verse number="19">ၶႃႈ​ၵူၼ်း​ၶုၼ်​ ႁႃႇတႃႉတေႇၸႃႇ ​ၸိူဝ်း​ၼၼ်ႉ ႁူႉ​ႁၼ်​လွင်ႈ​ဢၼ်​ၶဝ်​တူၵ်း​သုမ်း ၵႃႈ​တီႈ​ၽၢႆႇ​ၼႃႈ​မဵဝ်း​ ဢီႉသရေႇလႃႉ ​ၼၼ်ႉ​သေ​ယဝ်ႉ၊ ဢွၼ်​ၵၼ်​ႁဵတ်း​မိၵ်ႉသႃႇႁႃယႃႉ လူၺ်ႈ​ၵၼ်​တင်း​ တႃႇဝိတ်ႈ ​လႄႈ ၶၢမ်ႇ​ႁဵတ်း​ၶႃႈ​ဢေႃႈ။ လိုၼ်း​ၼၼ်ႉ​ၵူၼ်း​ သူႉရီႉ ​ၸိူဝ်း​ၼၼ်ႉ​ဢမ်ႇ​ၸွႆႈ​သိုၵ်း​ထႅမ်​သိုၵ်း​တီႈ​ၵူၼ်း​မဵဝ်း​ ဢမ်ႇမုၼ်ႇ ။</verse>
			</chapter>
			<chapter number="20">
				<verse number="1">မိူဝ်ႈ​ဢၼ်​ၶွပ်ႈ​ၶူပ်ႇ​ၶွပ်ႈ​ပီႊ​လႄႈ ႁွတ်ႈ​ထိုင်​ၶိင်ႇ​ဢၼ်​ၶုၼ်​ႁေႃ​ၶမ်း​တင်း​လၢႆ​ယၢမ်ႈ​တိုၵ်း​သိုၵ်း​ၵၼ်​ၼၼ်ႉ​ၸိုင်၊ ယႂႃႇၽႃႉ ​ၼၼ်ႉ ၶီႇ​ဢဝ်​မုၵ်ႉ​ၸိူဝ်း​ပူဝ်ႇ​ပႃႇ​ၵႂႃႇ​သေ​ယဝ်ႉ၊ ယႃႉ​ၽဵဝ်ႈ​ပႅတ်ႈ​မိူင်း​ ဢမ်ႇမုၼ်ႇ ​လႄႈ၊ မႃး​လွမ်ႉ​ႁွပ်ႈ​ဝဵင်း​ ရပ်ႉပႃႇ ဝႆႉ​ဢေႃႈ။ တူဝ်​ တႃႇဝိတ်ႈ ​ၸမ်ႉ၊ ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။ ယႂႃႇၽႃႉ ​တိုၵ်း​တေႃး​ယႃႉ​ပႅတ်ႈ​ဝဵင်း​ ရပ်ႉပႃႇ ​လႄႈ သိမ်း​ဢဝ်​လႆႈ​သေ​ယဝ်ႉ၊-</verse>
				<verse number="2">တႃႇဝိတ်ႈ ​ထွတ်ႇ​ဢဝ်​သရၽူႇ​ၶုၼ်​လူင်​ၼၼ်ႉ​သေ​ၵႃႈ​တီႈ​ႁူဝ်​မၼ်း​ၼၼ်ႉ​လႄႈ၊ ၶၼ်​ၸင်ႈ​မၼ်း​ၸမ်ႉ၊ မီး​ တလၢၼ်ႇတၢၼ်ႇ ဢၼ်​ၼိုင်ႈ​လႄႈ၊ သႅင်​လီ​ၵေႃႈ​ပႃး​ဢေႃႈ။ ၶဝ်​ဢွၼ်​ၵၼ်​ဢဝ်​တိုဝ်း​ပၼ်​ၵႃႈ​ၼိူဝ်​ႁူဝ်​ တႃႇဝိတ်ႈ ​ဢေႃႈ။ ဢုၵ်ႉ​ၸႃႇ​ဢၼ်​ႁိမ်​ဢဝ်​ႁူင်ႇ​ဢဝ်​ၵႃႈ​တီႈ​ဝဵင်း​ၼမ်​ၼႃႇ​ၼၼ်ႉ​ၵေႃႈ မၼ်း​ဢဝ်​ဢွၵ်ႇ​ၼမ်​ၼႃႇ​ဢေႃႈ။-</verse>
				<verse number="3">ၵူၼ်း​ဢၼ်​မီး​ၵႃႈ​ၼႂ်း​ဝဵင်း​ၸိူဝ်း​ၼၼ်ႉ​ၵေႃႈ၊ မၼ်း​ဢဝ်​ဢွၵ်ႇ​လႄႈ ၶၢမ်ႇ​တၢင်း​ဢၼ်​ဢဝ်​လဵၵ်း​လိူဝ်ႈ​လိူဝ်ႈ၊ တၢင်း​ဢၼ်​ဢဝ်​ထႆ​လဵၵ်း​လႂ်၊ တႃ​မၢတ်ႇ​လႂ် ႁဵတ်း​တီႈ​ၶဝ်​ၼၼ်ႉ​ဢေႃႈ။ ၼင်ႇ​ၼၼ်​လႄႈ တႃႇဝိတ်ႈ ​ႁဵတ်း​တီႈ​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​ၵႃႈ​မီး​ၼၼ်ႉ​သေ​ယဝ်ႉ၊ တႃႇဝိတ်ႈ ဢိၵ်ႇ​တင်း​ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ်​ၶိုၼ်း​မိူဝ်း​ၵႂႃႇ ၵႃႈ​တီႈ​ဝဵင်း​ ယေႇရူႉသလႅမ်ႇ သေ​ဢေႃႈ။</verse>
				<verse number="4">လိုၼ်း​ၼၼ်ႉ ၽဝ်ႇ​ၼိုင်ႈ၊ ပဵၼ်​သိုၵ်း​ၵၼ်​တင်း ၵူၼ်း​ ၽီႉလိတ်ႉတီႉ ​တင်း​လၢႆ​ၼၼ်ႉ ၵႃႈ​တီႈ​ဝဵင်း​ ၵေႇၸႃႇ ​လႄႈ၊ သီႉပေႇၶေး ၵူၼ်း​ ႁူႉသသီႉ ဢဝ်​ သိပ်ႉၽႄး ဢၼ်​ပဵၼ်​မဵဝ်း​ ရေႇၽဵမ်ႇ ​ၼၼ်ႉ​တၢႆ​လႄႈ၊ ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​တူၵ်း​သုမ်း​ဢေႃႈ။-</verse>
				<verse number="5">လိုၼ်း​ၼၼ်ႉ ၽဝ်ႇ​ၼိုင်ႈ​ပဵၼ်​သိုၵ်း​ၵၼ်​တင်း​ၵူၼ်း​ ၽီႉလိတ်ႉတီႉ ​တင်း​လၢႆ​လႄႈ ဢေးလႁႃႇၼၼ်ႇ လုၵ်ႈ​ၸၢႆး​ ယႃႇဢီႉရႃႉ ​ၼၼ်ႉ ဢဝ်​ လႃႇၶမီႉ ၼွင်ႉ​ၸၢႆး​ ၵေႃးလျတ်ႈ မဵဝ်း​ ၵိတ်ႉတီႉ ဢၼ်​ယိပ်း​ၵမ်​ၵၼ်း​ႁွၵ်ႇ​ဢၼ်​ယႂ်ႇ​တၢၼ်ႇ​သီႈ​ပၼ်ႉ​ႁမ်း​ႁုၵ်ႇ​ၼၼ်ႉ​တၢႆ​ဢေႃႈ။-</verse>
				<verse number="6">လိုၼ်း​ၼၼ်ႉ ၽဝ်ႇ​ၼိုင်ႈ​ပဵၼ်​သိုၵ်း​ၵၼ်​ၵႃႈ​တီႈ​ဝဵင်း​ ၵႃႇသႃႉ ​လႄႈ၊ ၵူၼ်း​ဢၼ်​တူဝ်​ယႂ်ႇ​သုင်​လႄႈ၊ ၵႃႈ​တီႈ​မိုဝ်း​ယေႈ​ၶွၼ်​မီး​ၼိဝ်ႉ​မိုဝ်း​ႁူၵ်း​ၼိဝ်ႉ၊ ၵႃႈ​တီႈ​တိၼ်​ယေႈ​ၶွၼ်​မီး​ၼိဝ်ႉ​တိၼ်​ႁူၵ်း​ၼိဝ်ႉ၊ ပွင်း​ၵၼ်​မီး​သၢဝ်း​သီႇ​ၼိဝ်ႉ၊ ဢၼ်​ပဵၼ်​ၸိူဝ်ႉ​ၶိူဝ်း​ ရေႇၽဵမ်ႇ ​ၼၼ်ႉ​ၵေႃႉ​ၼိုင်ႈ၊-</verse>
				<verse number="7">ထၢမ်​တႃႉ​ထၢမ်​ၶဵင်ႇ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ၊ ယေႃးၼသၼ်ႇ ​လုၵ်ႈ​ၸၢႆး​ သီႉမႃႇ ၊ ပီႈ​ၸၢႆး​ တႃႇဝိတ်ႈ ​ၼၼ်ႉ ဢဝ် ရႃႇၵႃႉ ​ၼၼ်ႉ​တၢႆ​ဢေႃႈ။-</verse>
				<verse number="8">ၶဝ်​ၸိူဝ်း​ၼႆႉ​ပဵၼ်​ၸိူဝ်ႉ​ၶိူဝ်း​မဵဝ်း​ ရေႇၽဵမ်ႇ ဢၼ်​ယူႇ​ၵႃႈ​တီႈ​ဝဵင်း​ ၵႃႇသႃႉ ​ၼၼ်ႉ​လႄႈ တၢႆ​လူၺ်ႈ​မိုဝ်း​ တႃႇဝိတ်ႈ ဢိၵ်ႇ​တင်း​ၶႃႈ​မၼ်း​ၵူၼ်း​မၼ်း​ဢေႃႈ။</verse>
			</chapter>
			<chapter number="21">
				<verse number="1">လိုၼ်း​ၼၼ်ႉ ၸႃႇတၢၼ်ႇ ​လုၵ်ႉ​ယူႇ​ၽၢႆႇ​ၼိုင်ႈ​တင်း​မဵဝ်း​ ဢီႉသရေႇလႃႉ ​လႄႈ​တိုၵ်း​ယူင်း​ တႃႇဝိတ်ႈ ႁႂ်ႈ​မၼ်း​ၼပ်ႉ​ဢၢၼ်ႇ​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="2">တႃႇဝိတ်ႈ ​ၵေႃႈ မီး​ဢမိင်ႉ​တီႈ​ ယႂႃႇၽႃႉ ဢိၵ်ႇ​တင်း​ၶုၼ်​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​တင်း​လၢႆ​ၸိူဝ်း​ၼၼ်ႉ​လႄႈ​ဝႃႈ၊ သူ​ဢွၼ်​ၵၼ်​ၵႂႃႇ​ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ ပေႇရသေႇၽႃႉ ၊ တေႃႇ​ထိုင်​ႁွတ်ႈ​ဝဵင်း​ တၢၼ်ႇ ​လႄႈ ၼပ်ႉ​ဢၢၼ်ႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သေ​ယဝ်ႉ၊ သႂၢင်း​ပၼ်​ၸရၢင်း​တီႈ​ၵဝ် ႁႂ်ႈ​ၵဝ်​လႆႈ​ႁူႉ​လွင်ႈ​ဢၼ်​ၵူၼ်း​ပွင်း​ၵၼ်​မီး​ၼမ်​လႂ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ယႂႃႇၽႃႉ ​ၵေႃႈ လဝ်ႊ​လၢတ်ႈ​လႄႈ​ဝႃႈ ႁႂ်ႈ​ထႃႇဝရႃႉ​ၽြႃး​ထၢပ်ႈ​ၵူၼ်း​ထႅင်ႈ​လႄႈ ႁႂ်ႈ​ၵူၼ်း​မၼ်း​ၸဝ်ႈ​ယႂ်ႇ​ၽႄႈ​ၼမ်​ၵိုၼ်း​မႃး​ပၢၵ်ႇ​ပုၼ်ႈ ၵႃႈ​ဢၼ်​မီး​ၼၼ်ႉ​သေ​ၵမ်း​လူၺ်ႈ။ ၼႂ်း​ဝႃႈ​ၼၼ်​သေ​ၵေႃႈ ၸဝ်ႈ​ႁဝ်း​ၶႃႈ​ၸဝ်ႈ​ၶုၼ်​လူင်​တီႈ​ၶႃႈ၊ ၶဝ်​ၵႃႈ​မီး​ၼၼ်ႉ​ပဵၼ်​ၶႃႈ​ၸဝ်ႈ​ႁဝ်း​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ၵဝ်​ၶႃႈ​ၸီႇ​ယၢင်ႇ​ဢမူႉ​ၼႆႉ​ၼင်ႇ​ႁိုဝ်​တီႈ​ၶႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ႁဵတ်း​လွင်ႈ​ဢၼ်​မဵဝ်း​ ဢီႉသရေႇလႃႉ ​တၵ်း​ၽိတ်း​ပိူင်ႈ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၵူၺ်း​ၵႃႈ​ဢမိင်ႉ​ၶုၼ်​ႁေႃ​ၶမ်း​ပႄႉ​ၼႅင်ႇ​ၵႂၢမ်း​ ယႂႃႇၽႃႉ ​လႄႈ ယႂႃႇၽႃႉ ​ဢွၵ်ႇ​သေ​လႄႈ လႄႇ​လဵပ်ႈ​ၵႂႃႇ​ၵႃႈ​ၼႂ်း​မိူင်း​ ဢီႉသရေႇလႃႉ တင်း​သဵင်ႈ​တင်း​မူတ်း​သေ​ယဝ်ႉ၊ ၶိုၼ်း​ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။</verse>
				<verse number="5">ယႂႃႇၽႃႉ ​ၵေႃႈ ဢဝ်​ၸရၢင်း​ၵူၼ်း​တင်း​လၢႆ ဢၢၼ်ႇ​ပွင်း​ၵၼ်​ယဝ်ႉ​ၼၼ်ႉ သၢၵ်ႈ​တီႈ​ တႃႇဝိတ်ႈ ​လႄႈ ၵႃႈ​တီႈ​မဵဝ်း​ ဢီႉသရေႇလႃႉ မီး ႁူဝ်​ႁၢၼ်​ၵူၼ်း​သိုၵ်း ဢၼ်​ယိပ်း​ၵမ်​လၢပ်ႇ​လၢၼ်ႉ​ပၢႆ​သႅၼ်​ၼိုင်ႈ၊ ၵႃႈ​တီႈ​မဵဝ်း​ ယူႉတႃႉ ၊ မီး​ႁူဝ်​ႁၢၼ်​ၵူၼ်း​သိုၵ်း​ယိပ်း​ၵမ်​လၢပ်ႇ သီႇ​သႅၼ်​ပၢႆ​ၸဵတ်း​မိုၼ်ႇ​ဢေႃႈ။-</verse>
				<verse number="6">ၵူၺ်း​ၵႃႈ​မဵဝ်း​ လေႇဝီႉ တင်း​မဵဝ်း​ ပိၼ်ႇယႃႇမိၼ်ႇ ဢမ်ႇ​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၶဝ်ႈ​ပႃး​ၼႂ်း​ၸရၢင်း​ၶဝ်​ၼၼ်ႉ ၵွပ်ႈ​ပိူဝ်ႈ​ဢၼ် ယႂႃႇၽႃႉ လီ​ႁင်ႈ​ဢဵတ်ႇ​သဵတ်ႇ​ဢမိင်ႉ​ၶုၼ်​ႁေႃ​ၶမ်း​ၼၼ်ႉ။-</verse>
				<verse number="7">ၽြႃး​ပဵၼ်​ၸဝ်ႈ​ဢမ်ႇ​ၵျိူၵ်ႈ​လွင်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၼၼ်ႉ​လႄႈ​ပၼ်​တၢမ်ႇ​တီႈ​မဵဝ်း​ ဢီႉသရေႇလႃႉ ​သေ​ယဝ်ႉ၊-</verse>
				<verse number="8">တႃႇဝိတ်ႈ ​တွင်း​ပၢၼ်ႇ​လဝ်ႊ​လၢတ်ႈ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ၶႃႈ​ၸဝ်ႈ​ၽိတ်း​ပိူင်ႈ​ၼႃႇ​လူင်​လၢင် ၼႂ်း​လွင်ႈ​တၢင်း​ဢၼ်​ၶႃႈ​ၸဝ်ႈ​ႁဵတ်း​မႅၼ်ႈ​ၼၼ်ႉ​တီႈ​ၶႃႈ​ယဝ်ႉ။ ၶႅၼ်း​တေႃႈ​ပွႆႇ​လွတ်ႈ​ဢပႅတ်ႈ​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​လႆႈ​ႁဵတ်း​ဢမူႉ​ဢၼ်​မိူၵ်ႈ​ၼႃႇ​လူင်​လၢင်​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ထႃႇဝရႃႉ​ၽြႃး​မီး​ဢမိင်ႉ​တီႈ​ ၵၢတ်ႉ ဢၼ်​ပဵၼ်​ၵူၼ်း​ဢၼ်​ႁူ​ပွင်ႇ​တႃ​လႅင်း တီႈ​ တႃႇဝိတ်ႈ ​ၼၼ်ႉ​လႄႈ​ဝႃႈ၊-</verse>
				<verse number="10">မႂ်း​ၵႂႃႇ​မွၵ်ႇ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​ၸဝ်ႈ​ၸမ်ႉ၊ ၵဝ်​ၼႄ​ပျႃး​လွင်ႈ​တၢင်း​သၢမ်​ပိူင်​တီႈ​မႂ်း​ဢေႃႈ။ လိူၵ်ႈ​ၵဵပ်း​ဢဝ်​သေ​ပိူင်​ပိူင် ပုၼ်ႈ​ဢၼ်​ၵဝ်​တၵ်း​ႁဵတ်း​တီႈ​မႂ်း​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="11">ၵၢတ်ႉ ​ၼၼ်ႉ ၵႂႃႇ​ၵႃႈ​တီႈ​ တႃႇဝိတ်ႈ ​လႄႈ လဝ်ႊ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​ၸဝ်ႈ​ၸမ်ႉ၊-</verse>
				<verse number="12">ၼႂ်း​ၽေး​ဢၼ်​ၶဝ်ႈ​ၵႃႈ​မၢၵ်ႇ​ပႅင်း သၢမ်​ပီႊ​တဵမ်​တဵမ်၊ ၽေး​ဢၼ်​လႆႈ​ၶၢမ်ႇ​တၢင်း​ဢၼ်​ယႃႉ​ၽဵဝ်ႈ​ပႅတ်ႈ ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​မႂ်း​တင်း​လၢႆ​လႄႈ၊ လၢပ်ႇ​လႅဝ်း​ရၢၼ်ႇ​သူႇ​ၸိူဝ်း​ၼၼ်ႉ​လႆႈ​ၸွမ်း​ၶိုတ်း​မႂ်း​ယူႇ​ၼၼ်ႉ​သၢမ်​လိူၼ်​တဵမ်​တဵမ်၊ ၽေး​လၢပ်ႇ​ထႃႇဝရႃႉ​ၽြႃး ဢၼ်​ဝႃႈ​ၵႃႇလႃႉ​ႁႃႈ​လႅင်​မိူင်း ႁွတ်ႈ​ထိုင်​ၵႃႈ​တီႈ​မိူင်း​ၸဝ်ႈ​လႄႈ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ယႃႉ​ပႅတ်ႈ​ၵႃႈ​ၼႂ်း​ၼမ်ႉ​ၼႂ်း​လိၼ်​ ဢီႉသရေႇလႃႉ ၵူႈ​တီႈ​ၵူႈ​လႅၼ်​ၼၼ်ႉ သၢမ်​ဝၼ်း​တဵမ်​တဵမ် ၸိူဝ်း​ၼၼ်ႉ​ၸိုင် လိူၵ်ႈ​ၵဵပ်း​ဢဝ်​သေ​ၸိူဝ်ႉ​သေ​ပိူင်​တႃႉ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ။ ပိူဝ်ႈ​ၼႆ​လႄႈ မိူဝ်ႈ​လဵဝ်​ၼႆႉ​ၶႅၼ်း​တေႃႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ ဢၼ်​ၶႃႈ​ၸဝ်ႈ​တၵ်း​လႆႈ​ၶိုၼ်း​လၢတ်ႈ​တီႈ​ၵေႃႉ​ဢၼ်​ပွႆႇ​ၸႂ်ႉ​ၶႃႈ​ၸဝ်ႈ​မႃး​ၼၼ်ႉ ၸိူဝ်ႉ​ၼင်ႇ​ႁိုဝ်​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">တႃႇဝိတ်ႈ ​ၵေႃႈ​ၶိုၼ်း​လၢတ်ႈ​တီႈ​ ၵၢတ်ႉ ​လႄႈ​ဝႃႈ၊ ၵဝ်​ၼႆႉ​ႁွတ်ႈ​ထိုင်​ၵႃႈ​ၼႂ်း​တၢင်း​ဢၼ်​ၵိတ်ႇ​ဢၼ်​ၵႅပ်ႈ​ၼႃႇ​လူင်​လၢင်​ယဝ်ႉ​လူင်​ပႄႇ။ ႁႂ်ႈ​ၵဝ်​ႁွတ်ႈ​ထိုင်​ၵႃႈ​ၼႂ်း​မိုဝ်း​ထႃႇဝရႃႉ​ၽြႃး​သေ​ၵမ်း​လူၺ်ႈ။ ၵရူႉၼႃႇ​မၼ်း​ၸဝ်ႈ​ယႂ်ႇ​ၼႃႇ​ဢေႃႈ။ ယႃႇ​ပေ​ႁႂ်ႈ​ၵဝ်​ႁွတ်ႈ​ထိုင်​ၵႃႈ​ၼႂ်း​မိုဝ်း​ၵူၼ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ထႃႇဝရႃႉ​ၽြႃး​ၵေႃႈ​ပွႆႇ​ၸႂ်ႉ​ၵႃႇလႃႉ​ႁႃႈ​လႅင်​မိူင်း​ႁွတ်ႈ​ထိုင်​ၵႃႈ​တီႈ​မဵဝ်း​ ဢီႉသရေႇလႃႉ ​လႄႈ ၵူၼ်း​တၢႆ​ၸဵတ်း​မိုၼ်ႇ​ဢေႃႈ။-</verse>
				<verse number="15">ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​မႃး ႁႂ်ႈ​လႆႈ​ယႃႉ​ပႅတ်ႈ​ဝဵင်း​ ယေႇရူႉသလႅမ်ႇ ​လႄႈ၊ မိူဝ်ႈ​ဢၼ်​မၼ်း​ယင်း​တိုၵ်ႉ​ယႃႉ​ပႅတ်ႈ​ယူႇ​ၼၼ်ႉ​ၸိုင်၊ ထႃႇဝရႃႉ​ၽြႃး​လူ​တူၺ်း​သေ​ယဝ်ႉ၊ ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​ၽေး​ၼၼ်ႉ​လႄႈ မီး​ဢမိင်ႉ​တီႈ​တမၢၼ်ႇ​ၵၢင်​ႁၢဝ်​ဢၼ်​ယႃႉ​ပႅတ်ႈ​ၼၼ်ႉ​လႄႈ​ဝႃႈ၊ ပေႃး​ယဝ်ႉ။ ယိုတ်း​ဢဝ်​မိုဝ်း​မႂ်း​ၶိုၼ်း​သေ​တႃႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ ၸုၵ်း​ယူႇ​ၵႃႈ​တီႈ​ႁိမ်း​တလၢင်း​ယဵပ်ႇ​ၶဝ်ႈ ဢေႃးၼၼ်ႇ ၵူၼ်း​ ယေႇပူႉသီႉ ​ၼၼ်ႉ​ဢေႃႈ။-</verse>
				<verse number="16">တႃႇဝိတ်ႈ ​ႁႅၼ်​တူၺ်း​လႄႈ​ႁၼ်​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ဢဝ်​မိုဝ်း​မၼ်း​ယိပ်း​ၵမ်​ဢဝ်​လၢပ်ႇ​သေ​လႄႈ မုင်း​ၵႃႈ​ၼိူဝ်​ဝဵင်း ယေႇရူႉသလႅမ်ႇ ​ယူႇ​လႄႈ ၸုၵ်း​ယူႇ​ၵႃႈ​တီႈ​ၵႄႈ​ဝူင်ႈ​ၵၢင်​ၽႃႉ​ၵၢင်​ႁၢဝ်​တင်း​လိၼ်​မိူင်း​ၼၼ်ႉ​သေ​ယဝ်ႉ၊ တႃႇဝိတ်ႈ ​ဢိၵ်ႇ​တင်း ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ၼုင်ႈ​ၼင်​ပေႃ​ယူႇ​သေ​လႄႈ ဢွၼ်​ၵၼ်​ၶုပ်ႉ​မူပ်ႇ​ၵူမ်ႈ​ၼႃႈ​ၶဝ်​ယူႇ​ဢေႃႈ။-</verse>
				<verse number="17">တႃႇဝိတ်ႈ ​ၵေႃႈ​တွင်း​ပၢၼ်ႇ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ၵေႃႉ​ဢၼ်​ၸီႇ​ယၢင်ႇ​ႁႂ်ႈ​ၼပ်ႉ​ဢၢၼ်ႇ​ၵူၼ်း​ဝၢၼ်ႈ​ၵူၼ်း​မိူင်း​ၸမ်ႉ၊ ပဵၼ်​ၶႃႈ​ၸဝ်ႈ​ႁဝ်း​ၼႆႉ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ၶႃႈ​ၸဝ်ႈ​ၽိတ်း​ပိူင်ႈ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ႁဵတ်း​တူႉ​ၸရိူၵ်ႈ​မႅၼ်ႈ​တီႈ​ၶႃႈ​ယဝ်ႉ။ သူဝ်း​ၸိူဝ်း​ၼႆႉ​ၸမ်ႉ၊ ႁဵတ်း​ၵႃႈ​သင်​မႅၼ်ႈ​တီႈ​ၶႃႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶႃႈ​ၸဝ်ႈ​တီႈ​ၶႃႈ၊ ႁႂ်ႈ​မိုဝ်း​ၸဝ်ႈ​ႁဝ်း​ႁွတ်ႈ​ထိုင်​ၵႃႈ​ၼိူဝ်​ၶႃႈ​ၸဝ်ႈ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​ႁွတ်ႈ​ထိုင်​ၵႃႈ​ၼိူဝ်​ၵူၼ်း​ၸဝ်ႈ​ႁဝ်း​တင်း​လၢႆ၊ လႆႈ​ပၼ်​တၢမ်ႇ​တီႈ​ၶဝ်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး သင်ႇ​လၢတ်ႈ​တီႈ​ ၵၢတ်ႉ ႁႂ်ႈ​မၼ်း​မွၵ်ႇ​လၢတ်ႈ​တီႈ​ တႃႇဝိတ်ႈ ​လူၺ်ႈ​လွင်ႈ​ဢၼ် တႃႇဝိတ်ႈ ​တၵ်း​လႆႈ ၶိုၼ်ႈ​ၵႂႃႇ​လႄႈ တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး ၵႃႈ​တီႈ​တလၢင်း​ယဵပ်ႇ​ၶဝ်ႈ​ ဢေႃးၼၼ်ႇ ၵူၼ်း​ ယေႇပူႉသီႉ ​ၼၼ်ႉ​သေ​ယဝ်ႉ၊-</verse>
				<verse number="19">တႃႇဝိတ်ႈ ​ၶိုၼ်ႈ​ၵႂႃႇ​ၸွမ်း​ၵႃႈ​ၼင်ႇ​ဢမိင်ႉ​ထႃႇဝရႃႉ​ၽြႃး ဢၼ်​ ၵၢတ်ႉ ​သင်ႇ​လၢတ်ႈ​ၼၼ်ႉ​ဢေႃႈ။-</verse>
				<verse number="20">ဢေႃးၼၼ်ႇ ​ၼၼ်ႉ ဝၢႆႇ​တူၺ်း​လႄႈ​ႁၼ်​တမၢၼ်ႇ​ၵၢင်​ႁၢဝ်​သေ​ယဝ်ႉ၊ မၼ်း​ဢိၵ်ႇ​တင်း​လုၵ်ႈ​ၸၢႆး​မၼ်း​သီႇ​ၵေႃႉ ဢွၼ်​ၵၼ်​တဵတ်ႇ​မႅပ်ႉ​ယူႇ​ဢေႃႈ။ မိူဝ်ႈ​ၼၼ်ႉ ဢေႃးၼၼ်ႇ ​ယင်း​တိုၵ်ႉ​ယဵပ်ႇ​ၼူတ်ႈ​ၶဝ်ႈ​ယူႇ​ဢေႃႈ။-</verse>
				<verse number="21">ၼႂ်း​မိူဝ်ႈ​ဢၼ်​ တႃႇဝိတ်ႈ ​ယင်း​တိုၵ်ႉ​မႃး​ၸူး​ၵႃႈ​တီႈ​ ဢေႃးၼၼ်ႇ ​ၼၼ်ႉ​ယူႇ​ၼၼ်ႉ​ၸိုင်၊ ဢေႃးၼၼ်ႇ ​လူ​တူၺ်း​လႄႈ​ႁၼ်​ တႃႇဝိတ်ႈ သေ​ယဝ်ႉ၊ လုၵ်ႉ​သေ​ၵႃႈ​ၼႂ်း​တလၢင်း​ယဵပ်ႇ​ၶဝ်ႈ​ဢွၵ်ႇ​လႄႈ ၵူမ်ႈ​ၵွမ်း​ၶုပ်ႉ​မူပ်ႇ​ဝၢင်း​ႁူဝ် ၵႃႈ​တီႈ​ၽၢႆႇ​ၼႃႈ​ တႃႇဝိတ်ႈ ​ဢေႃႈ။-</verse>
				<verse number="22">တႃႇဝိတ်ႈ ၵေႃႈ​မီး​ဢမိင်ႉ​တီႈ ဢေႃးၼၼ်ႇ ​လႄႈ​ဝႃႈ၊ လွင်ႈ​ၼင်ႇ​ႁိုဝ်​ၽေး​ၵႃႇလႃႉ​ႁႃႈ​လႅင်​မိူင်း တၵ်း​ထၢတ်ႇ​ယဵၼ်​သေ​ၵႃႈ​ၼႂ်း​ၵူၼ်း​တင်း​လၢႆ​ၸိုင် ၶၢႆ​တီႈ​တလၢင်း​ယဵပ်ႇ​ၶဝ်ႈ​ၼႆႉ​ၸွမ်း​ၵႃႈ​ၼင်ႇ​ဢၼ် ၵႃႈ​မၼ်း​ၶၼ်​မၼ်း​ထိူၵ်ႈ​တၢၼ်ႇ​ၼၼ်ႉ​ပၼ်​တီႈ​ၵဝ် ႁႂ်ႈ​ၵဝ်​လႆႈ​တႄႇ​ႁဵတ်း ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး​သေ​ၵမ်း။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="23">ဢေႃးၼၼ်ႇ ​လဝ်ႊ​လၢတ်ႈ​တီႈ​ တႃႇဝိတ်ႈ ​လႄႈ​ဝႃႈ၊ ၸဝ်ႈ​ႁဝ်း​ၶႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ဢဝ်​လႄႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ၸႂ်​ၸဝ်ႈ​ႁဝ်း​မီး​သေ​ၵမ်း​တီႈ​ၶႃႈ။ တူၺ်း​တီႈ​ၶႃႈ​လူး၊ ၶႃႈ​ၸဝ်ႈ​ဢဝ်​ဝူဝ်း​ပုၼ်ႈ​ယိတ်ႈ​ဢၼ်​တုတ်ႇ​ၽႆး၊ ၶိူင်ႈ​ပိူင်​ဢၼ်​ပေႃႉ​ၶဝ်ႈ​ၼူတ်ႈ​ၶဝ်ႈ​ပုၼ်ႈ​ၽိုၼ်း၊ ၶဝ်ႈ​ပိူၵ်ႇ​ၵျုင်ႇ​ပုၼ်ႈ​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​သၢၵ်ႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႃႈ​ၸဝ်ႈ​ဢဝ်​ၸိူဝ်း​ၼႆႉ​တင်း​သဵင်ႈ​တင်း​လူင် သၢၵ်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="24">ၶုၼ်​လူင်​ တႃႇဝိတ်ႈ ​မီး​ဢမိင်ႉ​တီႈ​ ဢေႃးၼၼ်ႇ ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ၊ ၵဝ်​တၵ်း​ပၼ်​ၸွမ်း​ၵႃႈ​ၼင်ႇ​ဢၼ် ၵႃႈ​မၼ်း​ၶၼ်​မၼ်း​ထိူၵ်ႈ​တၢၼ်ႇ​ၼၼ်ႉ​လႄႈ သိုဝ်ႉ​ဢဝ်​ဢမၢၼ်ႇ​ၶၼ်​ပဵၼ်​ဢေႃႈ။ ၵဝ်​ဢမ်ႇ​သိမ်း​ဢဝ်​ဢုၵ်ႉ​ၸႃႇ​မႂ်း​ပုၼ်ႈ​ထႃႇဝရႃႉ​ၽြႃး။ ငိုၼ်း​ၵဝ်​ယင်း​ဢမ်ႇ​သဵင်ႈ​လႄႈ ၵဝ်​ဢမ်ႇ​မီး​ဢလူဝ်ႇ​ၶႂ်ႈ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​ၼၼ်ႉ​ၵူၺ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">တႃႇဝိတ်ႈ ​ၸင်ႈ​ႁိဝ်ႈ​ၶမ်း​ႁူၵ်း​ပၢၵ်ႇ​ၵျၢပ်ႈ​ သၶေးလႃႉ ​ပၼ်​တီႈ ဢေႃးၼၼ်ႇ ​သေ​လႄႈ သိုဝ်ႉ​ဢဝ်​တီႈ​ၼၼ်ႉ​သေ​ယဝ်ႉ၊-</verse>
				<verse number="26">တႃႇဝိတ်ႈ ​တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး ၵႃႈ​တီႈ​ၼၼ်ႈ​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ယိတ်ႈ​မိၵ်ႉသႃႇႁႃယႃႉ​ဢေႃႈ။ ၼင်ႇ​ၼၼ်​လႄႈ ယၢမ်း​မိူဝ်ႈ​ဢၼ်​သူး​တွင်း​ပထၼႃႇ​တီႈ ထႃႇဝရႃႉ​ၽြႃး​ၼၼ်ႉ​ၸိုင် မၼ်း​ၸဝ်ႈ​ဢဝ်​ၽႆး​တူၵ်း​မႃး​သႂ်ႇ​ၵႃႈ​ၼိူဝ်​ယိတ်ႈပလၢင်ႇ၊ ယိတ်ႈ​ဢၼ်​တုတ်ႇ​ၽႆး​ၼၼ်ႉ​သေ​လႄႈ ယူႇ​ၵႃႈ​ၼိူဝ်​ၵၢင်​ႁၢဝ်​ဢိူဝ်​ဢေႃႈ။-</verse>
				<verse number="27">ထႃႇဝရႃႉ​ၽြႃး​သင်ႇ​လၢတ်ႈ​တီႈ​တမၢၼ်ႇ​ၵၢင်​ႁၢဝ်​ၼၼ်ႉ​လႄႈ မၼ်း​ဢဝ်​လၢပ်ႇ​မၼ်း​သမ်ႉ​ၶိုၼ်း​သွတ်ႇ​သႂ်ႇ​ဝႆႉ​ၵႃႈ​ၼႂ်း​ၵပ်း​မၼ်း​သေ​ဢေႃႈ။</verse>
				<verse number="28">မိူဝ်ႈ​ၼၼ်ႉ​ တႃႇဝိတ်ႈ ​ႁူႉ​ႁၼ်​လွင်ႈ​ဢၼ် ထႃႇဝရႃႉ​ၽြႃး​ဢိူဝ်​မၼ်း​ၵႃႈ​ၼႂ်း​တလၢင်း​ယဵပ်ႇ​ၶဝ်ႈ​ ဢေႃးၼၼ်ႇ ၵူၼ်း​ ယေႇပူႉသီႉ ​ၼၼ်ႉ​သေ​ယဝ်ႉ၊ ႁဵတ်း​တၢင်း​ဢၼ်​ပုၵ်ႈ​ၸေႃႇ​ယိတ်ႈ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="29">လွင်ႈ​မၼ်း​ၸမ်ႉ ၼႂ်း​ၶိင်ႇ​မိူဝ်ႈ​ၼၼ်ႉ သုမ်ႉ​ထဵင်​ထႃႇဝရႃႉ​ၽြႃး​ဢိၵ်ႇ​တင်း​ယိတ်ႈပလၢင်ႇ​ဢၼ်​ မူဝ်းသေႇ ​ႁဵတ်း​ၵႃႈ​ၼႂ်း​ထိူၼ်ႇ​မႃး​ယဝ်ႉ​ၼၼ်ႉ မီး​ယူႇ​ၵႃႈ​ၼိူဝ်​ထႃႇၼႃႉ​တီႈ​သုင်​ဝဵင်း​ ၵီႉပွင်ႇ ​ဢေႃႈ။-</verse>
				<verse number="30">တႃႇဝိတ်ႈ ​ဢမ်ႇ​ႁတ်း​ၵႂႃႇ​လဝ်ႊ​ထၢမ်​တီႈ​ၽြႃး​ပဵၼ်​ၸဝ်ႈ ၵႃႈ​တီႈ​ၽၢႆႇ​ၼႃႈ​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​ၵူဝ်​ႁႄ လၢပ်ႇ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ။</verse>
			</chapter>
			<chapter number="22">
				<verse number="1">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ တႃႇဝိတ်ႈ ​လၢတ်ႈ​လႄႈ​ဝႃႈ၊ ၵႃႈ​တီႈ​ၼႆႈ​ၸမ်ႉ၊ ပဵၼ်​ႁိူၼ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ဢေႃႈ၊ ယိတ်ႈပလၢင်ႇ​ၼႆႉ​ပဵၼ်​ယိတ်ႈပလၢင်ႇ​တီႈ​ဢၼ်​တုတ်ႇ​ၽႆး ပုၼ်ႈ​မဵဝ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ။</verse>
				<verse number="2">တႃႇဝိတ်ႈ ​မီး​ဢမိင်ႉ​ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ဢၼ်​မီး​ၵႃႈ​ၼႂ်း​မိူင်း​ ဢီႉသရေႇလႃႉ ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​သေ​လႄႈ ၸႂ်ႉ​သွႆ​ၶဝ်​ၸိူဝ်း​ဢၼ်​ၸၢင်ႈ​တႄႇ​တိူၵ်ႈ​ႁဵတ်း​တိူၵ်ႈ​ၼၼ်ႉ ထၢၵ်ႇ​ၽၼ်း​မၢၵ်ႇ​ႁိၼ်​ပုၼ်ႈ​ဢၼ်​တၵ်း​တႄႇ​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="3">မၼ်း​ပွင်​ႁဵတ်း​ပွင်​ႁႅၼ်း​လဵၵ်း​ၼမ်​ၼႃႇ​ပုၼ်ႈ​လဵၵ်း​လႅမ် ဢၼ်​တၵ်း​ပဵၼ်​ပုၼ်ႈ​ဢၼ်​တၵ်း​ႁဵတ်း​မႂ်​ၽၵ်း​တူ ဢိၵ်ႇ​တင်း​ပုၼ်ႈ​ဢၼ်​တၵ်း​သိုပ်ႇ​မႆႉ​ၸိင်​တင်း​လၢႆ၊ တွင်း​လိူင်​ၼမ်​ၼႃႇ​ထၼ်ႈ​ပေႃး​ဢမ်ႇ​မၢတ်ႈ​တွင်း​ဢၼ်​ၸင်ႈ​ဢၼ်​ႁိဝ်ႈ​မၼ်း၊-</verse>
				<verse number="4">မႆႉ​ ဢႃႇရိတ်ႉ ဢၼ်​ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ၸိူဝ်း​ၼၼ်ႉ​ဝႆႉ​ဢေႃႈ။ ၵူၼ်း​ဝဵင်း​ ၸီႉတုၼ်ႇ တင်း​ၵူၼ်း​ဝဵင်း​ တူႉရူႉ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​မႆႉ​ ဢႃႇရိတ်ႉ ​ၼမ်​ၼႃႇ​မႃး​တီႈ တႃႇဝိတ်ႈ ​ဢေႃႈ။-</verse>
				<verse number="5">တႃႇဝိတ်ႈ၊ ၵေႃႈ​မီး​တၢင်း​ၵျၢမ်ႇ​တၢင်း​ပွင်​လႄႈ​ဝႃႈ၊ လုၵ်ႈ​ၸၢႆး​ၵဝ်​ သေႃးလမုၼ်ႇ ​ၼၼ်ႉ ဢသၢၵ်ႈ​လဵၵ်ႉ​လႄႈ​ယင်း​ၼုမ်ႇ​ဢေႃႈ။ ႁိူၼ်း​ဢၼ်​လႆႈ​တႄႇ​ႁဵတ်း​ပုၼ်ႈ​ထႃႇဝရႃႉ​ၽြႃး​ၸမ်ႉ၊ တၵ်း​လႆႈ​ပဵၼ်​ႁိူၼ်း​ဢၼ်​လၢၵ်ႇ​ဢၼ်​လၢႆး၊ ႁိူၼ်း​ဢၼ်​ႁူင်​ႁၢင်း​လႄႈ​မီး​မုၼ်​သရေႇ​ၸွတ်ႇ​တူဝ်ႈ​ၵူႈ​သိုင်ႇ​ၵူႈ​မိူင်း​ဢေႃႈ။ ပိူဝ်ႈ​ၼႆ​လႄႈ ၵဝ်​တၵ်း​ပွင်​ႁဵတ်း​ပွင်​ႁႅၼ်း​ပုၼ်ႈ​ႁိူၼ်း​ၸဝ်ႈ​ဝႆႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊ ၸူဝ်ႈ​ဢၼ်​မၼ်း​ဢမ်ႇ​ပႆႇ​ႁွတ်ႈ​ဢၼိၵ်ႈၸႃႉ​ၼၼ်ႉ​ၸိုင်၊ တႃႇဝိတ်ႈ ​ၼၼ်ႉ ပွင်​ႁဵတ်း​ပွင်​ႁႅၼ်း​ဝႆႉ​ၼမ်​ၼႃႇ​ဢေႃႈ။</verse>
				<verse number="6">မိူဝ်ႈ​ၼၼ်ႉ မၼ်း​ႁွင်ႉ​ဢဝ်​လုၵ်ႈ​ၸၢႆး​မၼ်း​ သေႃးလမုၼ်ႇ ​လႄႈ သင်ႇ​လၢတ်ႈ​လွင်ႈ​ဢၼ်​မၼ်း​တၵ်း​လႆႈ​တႄႇ​ႁဵတ်း​ႁိူၼ်း​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ၼၼ်ႉ​ဝႆႉ​တီႈ​မၼ်း​ဢေႃႈ။-</verse>
				<verse number="7">တႃႇဝိတ်ႈ ​လၢတ်ႈ​တီႈ​ သေႃးလမုၼ်ႇ ​လႄႈ​ဝႃႈ​ၸမ်ႉ၊ လုၵ်ႈ​ၸၢႆး​ၵဝ်​ဢိူၺ်း၊ ၵဝ်​မီး​တၢင်း​ၵျၢမ်ႇ​တၢင်း​ပွင်​ဢၢင်ႈ​တၵ်း​တႄႇ​ႁဵတ်း​ႁိူၼ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ၊ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="8">ၵူၺ်း​ၵႃႈ​ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​ထိုင်​တီႈ​ၵဝ်​လႄႈ​ဝႃႈ​ၸမ်ႉ၊ မႂ်း​ၼႆႉ​လႆႈ​ထွၵ်ႇ​ပႅတ်ႈ​လိူတ်ႈ​ၵူၼ်း​ၼမ်​ၼႃႇ​လႄႈ လႆႈ​တိုၵ်း​သိုၵ်း​တိုၵ်း​သိူဝ်​ၼမ်​ၼႃႇ​ယဝ်ႉ။ မႂ်း​ဢမ်ႇ​လႆႈ​တႄႇ​လႆႈ​ႁဵတ်း​ႁိူၼ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ် ၵွပ်ႈ​ပိူဝ်ႈ​ဢၼ်​မႂ်း​လႆႈ​ထွၵ်ႇ​ပႅတ်ႈ​လိူတ်ႈ​ဢၼ်​ၼမ်​ၼႃႇ ၵႃႈ​ၼိူဝ်​လိၼ်​မိူင်း​သိုဝ်ႈ​ၼႃႈ​တႂ်ႈ​တႃ​ၵဝ်​ၼၼ်ႉ။-</verse>
				<verse number="9">တူၺ်း​လူး၊ မႂ်း​တၵ်း​လႆႈ​လုၵ်ႈ​ၸၢႆး​ဢၼ်​တၵ်း​ပဵၼ်​ၵေႃႉ​ဢၼ်​ယူႇ​ၼိမ်​ၼိမ်​လီ​လီ​ၼၼ်ႉ​ၵေႃႉ​ၼိုင်ႈ​ဢေႃႈ။ ၸိုဝ်ႈ​သဵင်​မၼ်း​ၸမ်ႉ၊ တၵ်း​လႆႈ​ပဵၼ် သေႃးလမုၼ်ႇ ​လႄႈ ၵဝ်​တၵ်း​ပၼ်​ဢၶႂၢင်ႉ​ဢၼ်​မၼ်း​လႆႈ​ယူႇ​ၼိမ်​ၼိမ်​လီ​လီ​ၵၢင်း​လွတ်ႈ​တင်း​ရၢၼ်ႇ​သူႇ​မၼ်း ၵႃႈ​ဢၼ်​လဵပ်ႈ​ႁွပ်ႈ​မၼ်း​ၼၼ်ႉ ဢိၵ်ႇ​တင်း​ဢၶႂၢင်ႉ​ဢၼ်​မဵဝ်း​ ဢီႉသရေႇလႃႉ လႆႈ​ထၢတ်ႇ​သိုၵ်း​ယဵၼ်​သိုၵ်း​လႄႈ ယူႇ​ၼိမ်​ၼိမ်​လီ​လီ​ၼႂ်း​ၸူဝ်ႈ​ပၢၼ်​မၼ်း​ၼၼ်ႉ​ဢေႃႈ။-</verse>
				<verse number="10">မၼ်း​ၼၼ်ႉ​တၵ်း​လႆႈ​တႄႇ​ႁဵတ်း​ႁိူၼ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ဢေႃႈ။ မၼ်း​တၵ်း​ပဵၼ်​လုၵ်ႈ​ၸၢႆး​ၵဝ်​လႄႈ၊ ၵဝ်​တၵ်း​ပဵၼ်​ပေႃႈ​မၼ်း​ဢေႃႈ။ ၵဝ်​တၵ်း​ႁႂ်ႈ​ရႃႇၸႃႉ​ပလၢင်ႇ​မၼ်း​ၼၼ်ႉ​တႄႇ​ယူႇ​ၵႃႈ​ၼိူဝ်​ ဢီႉသရေႇလႃႉ ​တႃႇ​သေႇ​မၼ်ႈ​ၶိူင်ႇ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ။-</verse>
				<verse number="11">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ လုၵ်ႈ​ၸၢႆး​ၵဝ်​ဢိူၺ်း၊ ႁႂ်ႈ​ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​မႂ်း​သေ​ၵမ်း​လူၺ်ႈ။ ႁႂ်ႈ​တၢင်း​ၵျၢမ်ႇ​တၢင်း​ပွင်​မႂ်း​ပဵၼ်​လႄႈ​တႄႇ​ႁဵတ်း​ႁိူၼ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ၸွမ်း​ၵႃႈ​ၼင်ႇ​မၼ်း​ၸဝ်ႈ​မီး​ဢမိင်ႉ​ဝႆႉ​ၼၼ်ႉ​လႆႈ​သေ​ၵမ်း​လူၺ်ႈ။-</verse>
				<verse number="12">ၵူၺ်း​ၵႃႈ​ႁႂ်ႈ​ထႃႇဝရႃႉ​ၽြႃး​ပၼ်​ၺၢၼ်ႇ ဢိၵ်ႇ​တင်း​ပိင်ႇ​ၺႃႇ​လႄႈ သင်ႇ​လၢတ်ႈ​ပၼ်​တီႈ​မႂ်း​လူၺ်ႈ​လွင်ႈ​မဵဝ်း​ ဢီႉသရေႇလႃႉ ႁႂ်ႈ​မႂ်း​ထၼ်ႈ​ပေႃး​ပႂ်ႉ​ၵမ်​ပႂ်ႉ​ၸွမ်း​တြႃး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​သေ​ၵမ်း​လူၺ်ႈ။-</verse>
				<verse number="13">ပေႃး​မႂ်း​ႁဵတ်း​သတီႉ ႁႂ်ႈ​လႆႈ​ပႂ်ႉ​ၵမ်​ပႂ်ႉ​ၸွမ်း​ထုင်း​ၽိင်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ မူဝ်းသေႇ ​လူၺ်ႈ​လွင်ႈ​မဵဝ်း​ ဢီႉသရေႇလႃႉ ​ၼၼ်ႉ​ၸိုင်၊ တၢင်း​ၵျၢမ်ႇ​တၢင်း​ပွင်​မႂ်း​တၵ်း​ပဵၼ်​လႆႈ​ဢေႃႈ။ ဢဝ်​ႁႅင်း​လႄႈ​မီး​တၢင်း​ဢၼ်​ႁတ်း​ႁၢၼ်​တႃႉ။ ယႃႇ​ပေ​ၵူဝ်​ႁႄ။ ယႃႇ​ပေ​ၸႂ်​လူႉ။-</verse>
				<verse number="14">တူၺ်း​လူး၊ ၼႂ်း​မိူဝ်ႈ​ဢၼ်​ၵဝ်​ယင်း​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ယူႇ​ၼၼ်ႉ​ၸိုင် ၵဝ်​ပွင်​ႁဵတ်း​ပွင်​ႁႅၼ်း​ၶမ်း သႅၼ်​ တလၢၼ်ႇတၢၼ်ႇ ​၊ ငိုၼ်း​လၢၼ်ႉ​ တလၢၼ်ႇတၢၼ်ႇ ​၊ တွင်း​လိူင်​ဢိၵ်ႇ​တင်း​လဵၵ်း​ဢၼ်​ၼမ်​ၼႃႇ​ထၼ်ႈ​ပေႃး ဢမ်ႇ​မၢတ်ႈ​ဢမ်ႇ​တွင်း​တၢင်း​ဢၼ်​ၸင်ႈ​ဢၼ်​ႁိဝ်ႈ​မၼ်း ပုၼ်ႈ​ႁိူၼ်း​ထႃႇဝရႃႉ​ၽြႃး​ဝႆႉ​ယဝ်ႉ။ မႆႉ​ၸိင်​ၼမ်​ၼႃႇ ဢိၵ်ႇ​တင်း​မၢၵ်ႇ​ႁိၼ်​ၼမ်​ၼႃႇ​ၵေႃႈ ၵဝ်​မႄး​ႁဵတ်း​မႄး​ႁႅၼ်း​ဝႆႉ​ယဝ်ႉ။ မႂ်း​ၵေႃႈ​တၵ်း​လႆႈ​ထၢပ်ႈ​လႆႈ​ထႅင်ႈ​ဢေႃႈ။-</verse>
				<verse number="15">ၼွၵ်ႈ​သေ​ၼၼ်ႉ​မႂ်း​မီး​လၢၵ်ႈသမႃး​ၼမ်​ၼႃႇ၊ ၵူၼ်း​ဢၼ်​မေႃ​တႄႇ​တိူၵ်ႈ​ႁဵတ်း​တိူၵ်ႈ​လႂ်၊ ၵူၼ်း​ဢၼ်​မေႃ​ထၢၵ်ႇ​ၽၼ်း​မၢၵ်ႇ​ႁိၼ်​လႂ်၊ ဢိၵ်ႇ​တင်း သြႃႇ​ဢၼ်​ၸၢင်ႈ​ဢၼ်​မေႃ​ဢၼ်​ယၢမ်ႈ​ႁဵတ်း​တီႈ​ဢတၢတ်ႈ​ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ​ယူႇ​ဢေႃႈ။-</verse>
				<verse number="16">ငိုၼ်း၊ ၶမ်း၊ တွင်း​လိူင်၊ လဵၵ်း​မီး​ၼမ်​ၼႃႇ ဢမ်ႇ​ႁူႉ​ၼမ်​လႂ်​ယဝ်ႉ။ လုၵ်ႉ​လႄႈ​ၵျူဝ်း​ၸႃး​ႁဵတ်း​တႃႉ၊ ႁႂ်ႈ​ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​မႂ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">တႃႇဝိတ်ႈ ​သင်ႇ​လၢတ်ႈ​ဝႆႉ​တီႈ​ၶုၼ် ဢီႉသရေႇလႃႉ ​တင်း​သဵင်ႈ​တင်း​လူင် ႁႂ်ႈ​ၶဝ်​ၽွမ်ႉ​ၵၼ်​ၸွႆႈ​ထႅမ်​လူၺ်ႈ​ၵၼ်​တင်း​လုၵ်ႈ​ၸၢႆး​ၸဝ်ႈ သေႃးလမုၼ်ႇ ​လႄႈ​ဝႃႈ​ၸမ်ႉ၊-</verse>
				<verse number="18">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ မီး​ယူႇ​လူၺ်ႈ​ၵၼ်​တင်း​သူ​ဢမ်ႇ​ၸႂ်ႈ​ႁိုဝ်။ မၼ်း​ၸဝ်ႈ​ပၼ်​ဢၶႂၢင်ႉ ဢၼ်​ၵႃႈ​တီႈ​ႁိမ်း​ႁွမ်း​သူ​ၵူႈ​တီႈ​ၵူႈ​လႅၼ် တဵတ်ႇ​လီ​ၼိမ်​လီ​ယဝ်ႉ​ဢမ်ႇ​ၸႂ်ႈ​ႁိုဝ်။ မၼ်း​ၸဝ်ႈ​ဢဝ်​ၵူၼ်း​ဝၢၼ်ႈ​ၵူၼ်း​မိူင်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵဝ်​ယဝ်ႉ။ မိူင်း​တင်း​မိူင်း မီး​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၵူၼ်း​မၼ်း​ၸဝ်ႈ​တင်း​လၢႆ​ဢေႃႈ။-</verse>
				<verse number="19">ပိူဝ်ႈ​ၼႆ​လႄႈ မိူဝ်ႈ​လဵဝ်​ၼႆႉ ဢွၼ်​ၵၼ်​တိုၵ်း​ယူင်း​ႁူဝ်​ၸႂ်​သူ ႁႂ်ႈ​လႆႈ​ႁႃ​ဢဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​တႃႉ။ ဢွၼ်​ၵၼ်​လုၵ်ႉ​လႄႈ တႄႇ​ႁဵတ်း​ထႃႇၼႃႉ​တီႈ​မူတ်း​ၸၢင်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ႁႂ်ႈ​လႆႈ​ဢဝ်​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး ဢိၵ်ႇ​တင်း​ၶိူင်ႈ​ပိူင်​ဢၼ်​မူတ်း​ၸၢင်ႇ​ၽြႃး​ပဵၼ်​ၸဝ်ႈ သႂၢင်း​ၶဝ်ႈ​ၵႃႈ​ၼႂ်း​ႁိူၼ်း ဢၼ်​တၵ်း​လႆႈ​တႄႇ​ႁဵတ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="23">
				<verse number="1">မိူဝ်ႈ​ဢၼ်​ တႃႇဝိတ်ႈ ​ဢသၢၵ်ႈ​ယႂ်ႇ​လႄႈ ႁွတ်ႈ​ထိုင်​ၶိင်ႇ​ဢၼ်​ၸူဝ်ႈ​ထူၼ်ႈ​ပၢၼ်​ထူၼ်ႈ​ယဝ်ႉ​ၼၼ်ႉ​ၸိုင်၊ မၼ်း​ၶၢၼ်း​လုၵ်ႈ​ၸၢႆး​မၼ်း​ သေႃးလမုၼ်ႇ ဝႆႉ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း​ ဢီႉသရေႇလႃႉ ​လႄႈ၊-</verse>
				<verse number="2">ႁႂ်ႈ​ၶုၼ်​ ဢီႉသရေႇလႃႉ ​တင်း​သဵင်ႈ​တင်း​လူင် ဢိၵ်ႇ​တင်း​ယိတ်ႈပရေႃးႁဵၵ်ႈ တင်း​ၵူၼ်း​မဵဝ်း​ လေႇဝီႉ ​တင်း​လၢႆ​ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="3">ၼႂ်း​ၵူၼ်း​မဵဝ်း​ လေႇဝီႉ ​တင်း​လၢႆ​ၼၼ်ႉ၊ ၵူၼ်း​ၸၢႆး​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢမ်​သိပ်း​လႄႈ၊ ဢသၢၵ်ႈ​လိူဝ်​သၢမ်​သိပ်း​ၵႂႃႇ​ဢၼ်​ၶၢမ်ႇ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ပဵၼ်​ၵေႃႉ​ပဵၼ်​ၵေႃႉ​လႄႈ ၶဝ်ႈ​ၼႂ်း​ၸရၢင်း​ၸိူဝ်း​ၼၼ်ႉ​ပွင်း​ၵၼ်​ၸမ်ႉ၊ မီး​သၢမ်​မိုၼ်ႇ​ပႅတ်ႇ​ႁဵင်​ဢေႃႈ။-</verse>
				<verse number="4">ၼႂ်း​ၶဝ်​ၸိူဝ်း​ၼၼ်ႉ၊ သွင်​မိုၼ်ႇ​ပၢႆ​သီႇ​ႁဵင်​လႆႈ​ဢွၼ်​ၵၼ်​ၵိုတ်ႉ​ႁၢပ်ႇ​ဢမူႉ​ႁိူၼ်း​ထႃႇဝရႃႉ​ၽြႃး​ဢေႃႈ။ ႁူၵ်း​ႁဵင်​လႆႈ​ဢွၼ်​ၵၼ် ႁဵတ်း​ၵူၼ်း​ဢၼ်​မီး​ဢရႃႇ ဢိၵ်ႇ​တင်း​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ဢေႃႈ။-</verse>
				<verse number="5">သီႇ​ႁဵင်​လႆႈ​ဢွၼ်​ၵၼ်​ပႂ်ႉ​ထိင်း​ၽၵ်း​တူ​ဢေႃႈ။ သီႇ​ႁဵင်​လႆႈ​ဢွၼ်​ၵၼ်​ဢဝ်​တင်း​တူႇရီႉယႃႇ​ဢၼ်​ႁဵတ်း​ပုၼ်ႈ​ဢၼ်​တၵ်း​ယွင်ႈ​ယေႃး​ၸိူဝ်း​ၼၼ်ႉ ယွင်ႈ​ယေႃး​မုၼ်​ၽုင်း​ထႃႇဝရႃႉ​ၽြႃး​ဢေႃႈ။-</verse>
				<verse number="6">တႃႇဝိတ်ႈ ၸွမ်း​လူၺ်ႈ​ၵူၼ်း​မဵဝ်း​ လေႇဝီႉ ဢၼ်​ဝႃႈ ၵေႇရသုၼ်ႇ၊ ၵေႃႇႁတ်ႉ၊ မေႇရႃႇရီႉ မဵဝ်း​ႁင်း​ၽႂ်​ႁင်း​မၼ်း​ၼၼ်ႉ​သေ​လႄႈ ၽႄ​ဝႆႉ​ႁႂ်ႈ​ပဵၼ်​မုၵ်ႉ​ပဵၼ်​ၸိူဝ်း​ႁင်း​ၽႂ်​ႁင်း​မၼ်း​ဢေႃႈ။</verse>
				<verse number="7">ၵူၼ်း​မဵဝ်း​ ၵေႇရသုၼ်ႇ ​ၸမ်ႉ၊ ပဵၼ်​ လႃႇတၼ်ႇ တင်း​ သီႉမီႉ ​ဢေႃႈ။-</verse>
				<verse number="8">လုၵ်ႈ​ၸၢႆး​ လႃႇတၼ်ႇ ​ၸမ်ႉ၊ ယေႇႁေႇလႃႉ ​ပဵၼ်​ၵေႃႉ​ယႂ်ႇ၊ ၼွင်ႉ​ၸၢႆး​မၼ်း​ ၸေးသမ်ႇ တင်း​ ယူဝ်းဢေးလႃႉ ပွင်း​ၵၼ်​မီး​သၢမ်​ၵေႃႉ​ဢေႃႈ။-</verse>
				<verse number="9">လုၵ်ႈ​ၸၢႆး​ သီႉမီႉ ​ၸမ်ႉ၊ ပဵၼ်​ သေႇလေႃးမိတ်ႉ၊ ႁႃႇၸေႇလႃႉ တင်း​ ႁႃႇရၢၼ်ႇ ပွင်း​ၵၼ်​မီး​သၢမ်​ၵေႃႉ​ဢေႃႈ။ ၶဝ်​ၸိူဝ်း​ၼႆႉ​ပဵၼ်​တူၼ်ႈ​ပဵၼ်​ငဝ်ႈ​မဵဝ်း​ၸိူဝ်ႉ​ၶိူဝ်း​ လႃႇတၼ်ႇ ​ဢေႃႈ။-</verse>
				<verse number="10">လုၵ်ႈ​ၸၢႆး​ သီႉမီႉ ​ၸမ်ႉ၊ ပဵၼ်​ ယႃႇႁတ်ႉ၊ ၸီႉၼႃႉ၊ ယူႉသႃႉ တင်း​ ပေႇရီႉ ပွင်း​ၵၼ်​မီး​သီႇ​ၵေႃႉ​ဢေႃႈ။-</verse>
				<verse number="11">ယႃႇႁတ်ႉ ​ၸမ်ႉ၊ ပဵၼ်​ၵေႃႉ​ယႂ်ႇ​ဢေႃႈ၊ ၸီႉၼႃႉ ​ၸမ်ႉ၊ လႆႈ​ဢရႃႇ​တူႉတီႉယႃႉ​ဢေႃႈ၊ တီႈ​ ယူႉသႃႉ ​တင်း ပေႇရီႉ ​ၸမ်ႉ၊ ဢမ်ႇ​မီး​လုၵ်ႈ​ၸၢႆး​ၼမ်​ၼႃႇ၊ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ၸွမ်း​လူၺ်ႈ​မဵဝ်း​ၸိူဝ်ႉ​ၶိူဝ်း​သွင်​ၶႃ​ၼၼ်ႉ ပွင်း​ၵၼ်​သေ​လႄႈ ပဵၼ်​ၸရၢင်း​ဢၼ်​လဵဝ်​ၵူၺ်း​ဢေႃႈ။</verse>
				<verse number="12">လုၵ်ႈ​ၸၢႆး​ ၵေႃႇႁတ်ႉ ​ၸမ်ႉ၊ ပဵၼ်​ ဢႃႇမရမ်ႇ၊ ဢီႉၸႁႃႇ၊ ႁေႇပြုၼ်ႇ တင်း​ ဢေႃးၸေးလႃႉ ပွင်း​ၵၼ်​မီး​သီႇ​ၵေႃႉ​ဢေႃႈ။-</verse>
				<verse number="13">လုၵ်ႈ​ၸၢႆး​ ဢႃႇမရမ်ႇ ​ၸမ်ႉ၊ ပဵၼ်​ ဢႃႇရုၼ်ႇ တင်း​ မူဝ်းသေႇ ​ဢေႃႈ။ ဢႃႇရုၼ်ႇ ​ဢိၵ်ႇ​တင်း​ၸူဝ်ႈ​လုၵ်ႈ​ပၢၼ်​လၢၼ်​ၼၼ်ႉ လႆႈ​ၶၢမ်ႇ​တၢင်း​ဢၼ်​ၽႄ​ဢွၵ်ႇ​ယၢၼ်​ၵၼ်​တင်း​ပိူၼ်ႈ​တၢင်ႇ​ၵေႃႉ လွင်ႈ​ၼင်ႇ​ႁိုဝ်​တၵ်း​လႆႈ ႁႂ်ႈ​ၶိူင်ႈ​ပိူင်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ၸိူဝ်း​ၼၼ်ႉ​မူတ်း​ၸၢင်ႇ ႁႂ်ႈ​လႆႈ​ႁဵတ်း​ဢမူႉ​တၢင်း​ဢၼ်​ဢဝ်​ၼၢမ်ႇ​သႃႇ​တုတ်ႇ​ၽႆး၊ တၢင်း​ဢၼ်​ၵိုတ်ႉ​ႁၢပ်ႇ​ဢမူႉ​ၸဝ်ႈ၊ တၢင်း​ဢၼ်​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ဢွၵ်ႇ​သူပ်း​ဝႃႈ​လႄႈ ပၼ်​တၢင်း​လီ​သေႇ​သေႇ​ဢေႃႈ။-</verse>
				<verse number="14">လုၵ်ႈ​ၸၢႆး​ မူဝ်းသေႇ ၵူၼ်း​ၽြႃး​ပဵၼ်​ၸဝ်ႈ​ၸမ်ႉ၊ လႆႈ​သႂ်ႇ​ပႃး​ၵႃႈ​ၼႂ်း​ၸရၢင်း ၵူၼ်း​မဵဝ်း​ လေႇဝီႉ ​ဢေႃႈ။-</verse>
				<verse number="15">လုၵ်ႈ​ၸၢႆး​ မူဝ်းသေႇ ​ၸမ်ႉ၊ ပဵၼ်​ ၵေႇရသုၼ်ႇ တင်း​ ဢေးလေႇၸႃႇ ​ဢေႃႈ။-</verse>
				<verse number="16">ၼႂ်း​လုၵ်ႈ​ၸၢႆး​ ၵေႇရသုၼ်ႇ ​ၼၼ်ႉ​ၸိူဝ်း​ၼၼ်ႉ​ၸမ်ႉ၊ သေႇပူၺ်ႇလႃႉ ပဵၼ်​ၵေႃႉ​ယႂ်ႇ​ဢေႃႈ။-</verse>
				<verse number="17">လုၵ်ႈ​ၸၢႆး​ ဢေးလေႇၸႃႇ ​ၸမ်ႉ၊ ရေႇႁၽီႉ ၵေႃႉ​ယႂ်ႇ​ဢေႃႈ၊ လိူဝ်​သေ​လုၵ်ႈ​ၸၢႆး​ၼၼ်ႉ၊ ဢေးလေႇၸႃႇ ဢမ်ႇ​မီး​လုၵ်ႈ​ၸၢႆး။ ရေႇႁၽီႉ ​ၸမ်ႉ၊ မီး​လုၵ်ႈ​ၸၢႆး​ၼမ်​ၼႃႇ​ဢေႃႈ။-</verse>
				<verse number="18">လုၵ်ႈ​ၸၢႆး​ ဢီႉၸႁႃႇ ​ၸမ်ႉ၊ သေႇလေႃးမိတ်ႉ ​ပဵၼ်​ၵေႃႉ​ယႂ်ႇ​ဢေႃႈ။-</verse>
				<verse number="19">လုၵ်ႈ​ၸၢႆး​ ႁေႇပြုၼ်ႇ ​ၸမ်ႉ၊ လုၵ်ႈ​ၸၢႆး​ၵေႃႉ​ယႂ်ႇ​ပဵၼ်​ ယေႇရီႉ ၊ လုၵ်ႈ​ၸၢႆး​တူႉတီႉယႃႉ ပဵၼ်​ ဢႃႇမရီႉ ၊ လုၵ်ႈ​ၸၢႆး​တႃႉတီႉယႃႉပဵၼ် ယႁႃႇၸေးလႃႉ ၊ လုၵ်ႈ​ၸၢႆး​ၸတုၵ်ႉထႃႉ​ပဵၼ်​ ယေႇၵမမ်ႇ ​ဢေႃႈ။-</verse>
				<verse number="20">လုၵ်ႈ​ၸၢႆး​ ဢေႃးၸေးလႃႉ ​ၸမ်ႉ၊ လုၵ်ႈ​ၸၢႆး​ၵေႃႉ​ယႂ်ႇ​ပဵၼ်​ မီႉၶႃႇ ၊ လုၵ်ႈ​ၸၢႆး​တူႉတီႉယႃႉ​ပဵၼ်​ ယေႇသီႉ ​ဢေႃႈ။</verse>
				<verse number="21">လုၵ်ႈ​ၸၢႆး​ မေႇရႃႇရီႉ ​ၸမ်ႉ၊ ပဵၼ်​ မႁႃႇလီႉ တင်း​ မူႉသီႉ ​ဢေႃႈ၊ လုၵ်ႈ​ၸၢႆး​ မႁႃႇလီႉ ​ၸမ်ႉ၊ ပဵၼ်​ ဢေးလႃႇၸႃႇ တင်း​ ၵီႉသႃႉ ​ဢေႃႈ။-</verse>
				<verse number="22">ဢေးလႃႇၸႃႇ ​ၼၼ်ႉ ယင်း​ဢမ်ႇ​မီး​လုၵ်ႈ​ၸၢႆး၊ မီး​လုၵ်ႈ​ယိင်း​လွၼ်ႉ​လွၼ်ႉ​လႄႈ​တၢႆ​သေ​ဢေႃႈ။ ၶဝ်​ၸိူဝ်း​ၼၼ်ႉ​ၸိုင်၊ ပီႈ​ၼွင်ႉ​ၶဝ်​ဢၼ်​ဝႃႈ လုၵ်ႈ​ၸၢႆး​ ၵီႉသႃႉ ​တင်း​လၢႆ ႁူမ်ႈ​ပွင်း​ပဵၼ်​ၵူပ်ႉ​ပဵၼ်​ၵူႈ​ၵၼ်​တင်း​ၶဝ်​ဢေႃႈ။-</verse>
				<verse number="23">လုၵ်ႈ​ၸၢႆး​ မူႉသီႉ ​ၸမ်ႉ၊ ပဵၼ်​ မႁႃႇလီႉ၊ ဢေးတႃႇ၊ ယေႇရီႉမုတ်ႉ ပွင်း​ၵၼ်​သၢမ်​ၵေႃႉ​ဢေႃႈ။</verse>
				<verse number="24">ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​ၵူၼ်း​မဵဝ်း​ လေႇဝီႉ ၸွမ်း​လူၺ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ဢၼ်​ဝႃႈ ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​လႄႈ ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ပႃး​ၼႂ်း​ၸရၢင်း ပဵၼ်​ၵေႃႉ​ပဵၼ်​ၵေႃႉ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ၊ ဢၼ်​ၵိုတ်ႉ​ႁၢပ်ႇ​ဢမူႉ​ႁိူၼ်း​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="25">လွင်ႈ​မၼ်း​ၸမ်ႉ တႃႇဝိတ်ႈ ​မီး​ဢမိင်ႉ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ပၼ်​ဢၶႂၢင်ႉ​ဢၼ်​တဵတ်ႇ​လီ​ၼိမ်​လီ​တီႈ​မဵဝ်း​ၵူၼ်း​မၼ်း​ၸဝ်ႈ​လႄႈ တၵ်း​ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ယူႇ​တႃႇ​သေႇ​ၼၼ်ႉ​လႄႈ၊-</verse>
				<verse number="26">ၵူၼ်း​မဵဝ်း​ လေႇဝီႉ ​တင်း​လၢႆ ၵမ်း​လိုၼ်း​ဢမ်ႇ​လႆႈ​ႁၢပ်ႇ​သုမ်ႉ​ထဵင်​ၸဝ်ႈ ဢိၵ်ႇ​တင်း​ၶိူင်ႈ​ပိူင်​ဢၼ်​ၵိုတ်ႉ​ႁၢပ်ႇ​ဢမူႉ​သုမ်ႉ​ထဵင်​ၸဝ်ႈ​ၸိူဝ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ၸွမ်း​ၵႃႈ​ၼင်ႇ​ဢမိင်ႉ​ တႃႇဝိတ်ႈ ဢၼ်​ပဵၼ်​လိုၼ်း​သုတ်း​ၼၼ်ႉ​သေ​လႄႈ ၵူၼ်း​မဵဝ်း​ လေႇဝီႉ ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ဢဝ်​သႂ်ႇ​ၼႂ်း​ၸရၢင်း​ဢေႃႈ။-</verse>
				<verse number="28">လွင်ႈ​မၼ်း​ၸမ်ႉ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ်​ၶဝ်​ပဵၼ်​ၵေႃႉ​ဢၼ်​တၵ်း​လႆႈ​ၸွႆႈ​ထႅမ်​မႃႉ​ၸႃႉ​ၵူၼ်း​မဵဝ်း ဢႃႇရုၼ်ႇ ​တင်း​လၢႆ​သေ​လႄႈ၊ တၵ်း​လႆႈ​ဢွၼ်​ၵၼ်​ၵိုတ်ႉ​ႁၢပ်ႇ​ဢမူႉ​ႁိူၼ်း​ထႃႇဝရႃႉ​ၽြႃး ၵႃႈ​တီႈ​တမ်ႇ​တိူင်း​လႂ်၊ လုၵ်း​လႂ်၊ ႁႂ်ႈ​ၶိူင်ႈ​ပိူင်​ဢၼ်​မူတ်း​ၸၢင်ႇ​ၵႃႈ​မီး​လႆႈ​မူတ်း​သႂ် ပုၼ်ႈ​တၢင်း​ႁဵတ်း​တၢင်း​ဢၼ်​ၵိုတ်ႉ​ႁၢပ်ႇ​ဢမူႉ​ႁိူၼ်း​ၽြႃး​ပဵၼ်​ၸဝ်ႈ​ယူႇ၊-</verse>
				<verse number="29">ႁဵတ်း​ၶဝ်ႈ​မုၼ်း​ၵႃႈ​တီႈ​ၽၢႆႇ​ၼႃႈ​ၸဝ်ႈ၊ ၽွင်​ၶဝ်ႈ​မုၼ်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ၊ ၶႅပ်း​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ၊ ၶဝ်ႈ​မုၼ်း​ဢၼ်​ဢဝ်​တင်း​ၶႅပ်း​လဵၵ်း​ၽဝ်​ႁဵတ်း၊ ၶဝ်ႈ​မုၼ်း​ဢၼ်​ဢဝ်​တင်း​ၼမ်ႉ​မၼ်း​ၶူဝ်ႈ​ႁဵတ်း၊ လွင်ႈ​တၢင်း​ဢၼ်​တူင်​ဢၼ်​တႅၵ်ႈ​ဢၼ်​ၸင်ႈ​ဢၼ်​ႁိဝ်ႈ ဢၼ်​ၼပ်ႉ​ဢၼ်​ဢၢၼ်ႇ​ၵူႈ​ၸိူဝ်ႉ​ၵူႈ​မဵဝ်း​ယူႇ။-</verse>
				<verse number="30">ၸုၵ်း​ယူႇ​ၵူႈ​ၼႂ်​ဢိၵ်ႇ​တင်း​ၵူႈ​ႁူဝ်​ၶမ်ႈ ႁႂ်ႈ​လႆႈ​ႁပ်ႉ​တုင်း​ဢဝ်​လႄႈ​ဝႃႈ၊ ၵျေး​ၸူး​ထႃႇဝရႃႉ​ၽြႃး​ယႂ်ႇ​ၼႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ ယွင်ႈ​ယေႃး​မုၼ်​ၵုင်ႇ​မၼ်း​ၸဝ်ႈ​ယူႇ။-</verse>
				<verse number="31">ပုၵ်ႈ​ၸေႃႇ​မဵဝ်း​ယိတ်ႈ​တုတ်ႇ​ၽႆး​ၵႃႈ​မီး​တီႈ​ထႃႇဝရႃႉ​ၽြႃး ၼႂ်း​ဝၼ်း​ၵမ်​သိၼ်၊ ဝၼ်း​လိူၼ်​မႂ်ႇ၊ ဝၼ်း​ပွႆး​ထမ်ႇမႃႉ​မႅၼ်ႈ​ၸွမ်း​ၵႃႈ​ၼင်ႇ​ဢၼ် မီး​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၸွမ်း​ၵႃႈ​ၼင်ႇ​ပိင်း​ၺၢပ်ႈ​တြႃး​ၸဝ်ႈ​ၼၼ်ႉ​ယူႇ​တႃႇ​သေႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ယူႇ။-</verse>
				<verse number="32">ပႂ်ႉ​ထိင်း​မူဝ်းၵႃႇ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ၊ ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ၊ ဢိၵ်ႇ​တင်း​ၵူၼ်း​မဵဝ်း​ ဢႃႇရုၼ်ႇ ဢၼ်​ပဵၼ်​ပီႈ​ၼွင်ႉ​ၶဝ်​ၼၼ်ႉ ပုၼ်ႈ​ဢၼ်​တၵ်း​ၵိုတ်ႉ​ႁၢပ်ႇ​ဢမူႉ​ၸဝ်ႈ​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ​ယူႇ​ဢေႃႈ။</verse>
			</chapter>
			<chapter number="24">
				<verse number="1">တၢင်း​ဢၼ်​ၵူၼ်း​မဵဝ်း​ ဢႃႇရုၼ်ႇ ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၶေႃ​ၶေႃ​ၼၼ်ႉ​ၸမ်ႉ၊ လုၵ်ႈ​ၸၢႆး​ ဢႃႇရုၼ်ႇ ​ၼၼ်ႉ ပဵၼ်​ ၼႃႇတပ်ႉ၊ ဢၽီႉႁူႉ၊ ဢေးလႃႇၸႃႇ တင်း​ ဢီႉသမႃႇ ​ဢေႃႈ။-</verse>
				<verse number="2">ၵွပ်ႈ​ပိူဝ်ႈ​ဢၼ်​ ၼႃႇတပ်ႉ တင်း​ ဢၽီႉႁူႉ ​ၼၼ်ႉ ယင်း​ဢမ်ႇ​မီး​လုၵ်ႈ​ၸၢႆး​လႄႈ​တၢႆ​ၼႂ်း​ၸူဝ်ႈ​ပၢၼ်​ပေႃႈ​ၶဝ်​ၼၼ်ႉ​လႄႈ၊ ဢေးလႃႇၸႃႇ တင်း​ ဢီႉသမႃႇ လႆႈ​ၵိုတ်ႉ​ႁၢပ်ႇ​ဢမူႉ​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="3">တႃႇဝိတ်ႈ ​ဢိၵ်ႇ​တင်း ၸႃႇတုၵ်ႉ မဵဝ်း​ ဢေးလႃႇၸႃႇ တင်း​ ဢႁီႉမလႅၵ်ႉ မဵဝ်း​ ဢီႉသမႃႇ ​ၸိူဝ်း​ၼၼ်ႉ ၶၢၼ်း​ၶဝ်​ဝႆႉ​ၸွမ်း​ၵႃႈ​ၼင်ႇ​ဢၼ် ၶဝ်​ထုၵ်ႇ​ႁဵတ်း​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။-</verse>
				<verse number="4">ၵွပ်ႈ​ပိူဝ်ႈ​ဢၼ်​ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ​မဵဝ်း​ ဢေးလႃႇၸႃႇ ယဵင်ႈ​ၶႅၼ်း​ၼမ်​လိူဝ်​တွၼ်း​သေ ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ​မဵဝ်း​ ဢီႉသမႃႇ ​ၼၼ်ႉ​လႄႈ၊ တၢင်း​ဢၼ်​ၽႄ​ၶဝ်​ၶၢၼ်း​ဝႆႉ​ၼၼ်ႉ​ၸမ်ႉ၊ မဵဝ်း​ ဢေးလႃႇၸႃႇ ဢၼ်​ပဵၼ်​တူၼ်ႈ​ပဵၼ်​ငဝ်ႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ႁင်း​ၽႂ်​ႁင်း​မၼ်း​ၼၼ်ႉ မီး​သိပ်း​ပၢႆ​ႁူၵ်း​ၵေႃႉ၊ ၵူၼ်း​မဵဝ်း​ ဢီႉသမႃႇ ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၸွမ်း​လူၺ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ႁင်း​ၽႂ်​ႁင်း​မၼ်း​ၼၼ်ႉ​မီး ပႅတ်ႇ​ၵေႃႉ​ဢေႃႈ။-</verse>
				<verse number="5">ၼင်ႇ​ၼၼ်​လႄႈ​ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​သေ​လႄႈ ၽႄ​ၶဝ်​ၼၼ်ႉ​ၶၢၼ်း​ဝႆႉ​ႁင်း​ၽႂ်​ႁင်း​မၼ်း​ဢေႃႈ၊ လွင်ႈ​မၼ်း​ၸမ်ႉ ၵႃႈ​ၼႂ်း​မဵဝ်း​ ဢေးလႃႇၸႃႇ တင်း​မဵဝ်း​ ဢီႉသမႃႇ ​ၼၼ်ႉ၊ မီး​ၶုၼ်​တီႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ ဢိၵ်ႇ​တင်း​ၶုၼ်​တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="6">သေႇမႃႇယႃႉ လုၵ်ႈ​ၸၢႆး​ ၼႃႇသၼေႇလႃႉ မဵဝ်း​ လေႇဝီႉ ​ဢၼ်​ပဵၼ်​ၸရေး​ၸဝ်ႈ​ၼၼ်ႉ လႆႈ​မၢတ်ႈ​မၢႆ​တႅမ်ႈ​ဝႆႉ​ၸရၢင်း​ၶဝ် ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း၊ မူး​မၢတ်ႈ​ၽွင်း​မိူင်း၊ ယိတ်ႈပရေႃးႁဵၵ်ႈ​ ၸႃႇတုၵ်ႉ၊ ဢႁီႉမလႅၵ်ႉ လုၵ်ႈ​ၸၢႆး​ ဢႃႇပျႃႇသႃႇ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ် ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဝႆႉ​လႄႈ၊ ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ၶိူဝ်း​ၼိုင်ႈ လႆႈ​ၶၢမ်ႇ​တၢင်း​ဢၼ်​ၸႃႇ​ၵွၵ်ႈ​တူၵ်း​ပုၼ်ႈ မဵဝ်း​ ဢေးလႃႇၸႃႇ ၵမ်း​ၼိုင်ႈ၊ ၶိူဝ်း​ၼိုင်ႈ​ပုၼ်ႈ​မဵဝ်း​ ဢီႉသမႃႇ ၵမ်း​ၼိုင်ႈ​လႄႈ ပဵၼ်​လႄႉ​ပဵၼ်​ၵမ်း​ဝႆႉ​ဢေႃႈ။-</verse>
				<verse number="7">တၢင်း​ဢၼ်​ၸႃႇ​ၵွၵ်ႈ​တူၵ်း​ဢွၵ်ႇ​ၵမ်း​ပထမႃႉ​ပဵၼ်​ ယေႃးယႃႇရိပ်ႉ ၊ ၵမ်း​တူႉတီႉယႃႉ ယေႇတႃႇယႃႉ ၊-</verse>
				<verse number="8">ၵမ်း​တႃႉတီႉယႃႉ ႁႃႇရိမ်း ၊ ၵမ်း​ၸတုၵ်ႉထႃႉ ၸေႃးရိမ်း ၊-</verse>
				<verse number="9">ၵမ်း​ပိၼ်ႇၸမႃႉ မႃႇလၶီႉယႃႉ ၊ ၵမ်း​သႃႉထမႃႉ မီႉယမိၼ်း ၊-</verse>
				<verse number="10">ၵမ်း​သတ်ႉတမႃႉ ႁၵ်ႉၵုတ်ႉ ၊ ၵမ်း​ဢႃႉထမႃႉ ဢၽီႉယႃႉ ၊-</verse>
				<verse number="11">ၵမ်း​ၼဝမႃႉ ယေႇသႂႃႇ ၊ ၵမ်း​တႃႉသမႃႉ သေႇၵၼီႉ ၊-</verse>
				<verse number="12">ၵမ်း​ဢေႇၵႃႉတႃႉသမႃႉ ဢေးလျႃႇသိပ်ႉ ၊-</verse>
				<verse number="13">ၵမ်း​တႂႃႇ​တႃႉသမႃႉ​ ယႃႇၵိမ်း ၊ ၵမ်း​ဢၼ်​ထူၼ်ႈ​ထိုင်​သိပ်း​သၢမ် ႁုပ်ႉပႃႉ ၊ ၵမ်း​ဢၼ်​ထူၼ်ႈ​ထိုင်​သိပ်း​သီႇ ယေႇသေးပပ်ႉ ၊-</verse>
				<verse number="14">ၵမ်း​ဢၼ်​ထူၼ်ႈ​ထိုင်​သိပ်း​ႁႃႈ ပီႉလၵႃႉ ၊ ၵမ်း​ဢၼ်​ထူၼ်ႈ​ထိုင်​သိပ်း​ႁူၵ်း ဢိမ်ႇမေႇရႃႉ ၊-</verse>
				<verse number="15">ၵမ်း​ဢၼ်​ထူၼ်ႈ​ထိုင်​သိပ်း​ၸဵတ်း ႁေႇၸီႉရႃႉ ၊ ၵမ်း​ဢၼ်​ထူၼ်ႈ​ထိုင်​သိပ်း​ပႅတ်ႇ ဢပ်ႉၸိတ်ႉ ၊-</verse>
				<verse number="16">ၵမ်း​ဢၼ်​ထူၼ်ႈ​ထိုင်​သိပ်း​ၵဝ်ႈ ပေႇသႁီႉ ၊ ၵမ်း​ဢၼ်​ထူၼ်ႈ​ထိုင်​သၢဝ်း​ၼိုင်ႈ ယေႇၸၵျေႇလႃႉ ၊-</verse>
				<verse number="17">ၵမ်း​ဢၼ်​ထူၼ်ႈ​ထိုင်​သၢဝ်း​ဢဵတ်း ယႃႇၶိၼ်ႇ ၊ ၵမ်း​ဢၼ်​ထူၼ်ႈ​ထိုင်​သၢဝ်း​သွင် ၵႃႇမူႉလႃႉ ၊-</verse>
				<verse number="18">ၵမ်း​ဢၼ်​ထူၼ်ႈ​ထိုင်​သၢဝ်း​သၢမ် တေႇလႃႇယႃႉ ၊ ၵမ်း​ဢၼ်​ထူၼ်ႈ​ထိုင်​သၢဝ်း​သီႇ မႃႇၸီႉ ​ဢေႃႈ။-</verse>
				<verse number="19">ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ်​ၸီႇ​ယၢင်ႇ​ၶၢၼ်း​ၶဝ်​ဝႆႉ​ၼႂ်း​တၢင်း​ဢၼ်​ၶဝ်​ၵိုတ်ႉ​ႁၢပ်ႇ​ဢမူႉ ႁႂ်ႈ​ၶဝ်​လႆႈ​ၶဝ်ႈ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ၸွမ်း​လူၺ်ႈ​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ၊ ဢၼ်​မၼ်း​ၸဝ်ႈ​ဢဝ်​တင်း​မိုဝ်း​ပေႃႈ​ၶဝ်​ ဢႃႇရုၼ်ႇ ပၼ်​တီႈ​ၶဝ်​ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​သင်ႇ​လၢတ်ႈ​ဝႆႉ​တီႈ​မၼ်း​ၼၼ်ႉ​ဢေႃႈ။</verse>
				<verse number="20">ၵူၼ်း​မဵဝ်း​ လေႇဝီႉ ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ၸမ်ႉ၊ ၼႂ်း​လုၵ်ႈ​ၸၢႆး​ ဢႃႇမရမ်ႇ ​ၸိူဝ်း​ၼၼ်ႉ၊ သေႇပူၺ်ႇလႃႉ ၊ ၼႂ်း​လုၵ်ႈ​ၸၢႆး​ သေႇပူၺ်ႇလႃႉ ​ၼၼ်ႉ​ၸိူဝ်း​ၼၼ်ႉ ယေႇတႃႇယႃႉ ၊-</verse>
				<verse number="21">ၼႂ်း​လုၵ်ႈ​ၸၢႆး​ ရေႇႁၽီႉ ​ၸိူဝ်း​ၼၼ်ႉ ဢီႉသယႃႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ၊-</verse>
				<verse number="22">ၼႂ်း​လုၵ်ႈ​ၸၢႆး​ ဢီႉၸႁႃႇ ​ၸိူဝ်း​ၼၼ်ႉ သေႇလေႃးမိတ်ႉ ၊ ၼႂ်း​လုၵ်ႈ​ၸၢႆး​ သေႇလေႃးမိတ်ႉ ​ၸိူဝ်း​ၼၼ်ႉ ယႃႇႁတ်ႉ ၊-</verse>
				<verse number="23">ၼႂ်း​လုၵ်ႈ​ၸၢႆး​ ႁေႇပြုၼ်ႇ ​ၸိူဝ်း​ၼၼ်ႉ လုၵ်ႈ​ၸၢႆး​ၵေႃႉ​ယႂ်ႇ ယေႇရီႉ ၊ လုၵ်ႈ​ၸၢႆး​တူႉတီႉယႃႉ ဢႃႇမရီႉ ၊ လုၵ်ႈ​ၸၢႆး​တႃႉတီႉယႃႉ ယႁႃႇၸေးလႃႉ ၊ လုၵ်ႈ​ၸၢႆး​ၸတုၵ်ႉထႃႉ ယေႇၵမမ်ႇ ၊-</verse>
				<verse number="24">ၼႂ်း​လုၵ်ႈ​ၸၢႆး​ ဢေႃးၸေးလႃႉ ​ၸိူဝ်း​ၼၼ်ႉ မီႉၶႃႇ ၊ ၼႂ်း​လုၵ်ႈ​ၸၢႆး​ မီႉၶႃႇ ​ၼၼ်ႉ ၸိူဝ်း​ၼၼ်ႉ သမီႉရႃႉ ၊-</verse>
				<verse number="25">ၼွင်ႉ​ၸၢႆး​ မီႉၶႃႇ ​ၼၼ်ႉ ဢီႉသယႃႉ ၊ ၼႂ်း​လုၵ်ႈ​ၸၢႆး​ ဢီႉသယႃႉ ​ၸိူဝ်း​ၼၼ်ႉ ၸႃႇၶရီႉ ​ဢေႃႈ။-</verse>
				<verse number="26">လုၵ်ႈ​ၸၢႆး​ မေႇရႃႇရီႉ ​ၸမ်ႉ၊ ပဵၼ်​ မႁႃႇလီႉ တင်း​ မူႉသီႉ ​လႄႈ၊-</verse>
				<verse number="27">လုၵ်ႈ​ၸၢႆး​ ယႃႇၸီႉ ဢၼ်​ပဵၼ်​ၵူၼ်း​မဵဝ်း​ မေႇရႃႇရီႉ ​ၸမ်ႉ၊ ပဵၼ်​ ပေးၼေႃး၊ သေႃးႁမ်ႇ၊ ၸၵ်ႉၵူႉရႃႉ တင်း​ ဢီႉပရီႉ ​ဢေႃႈ။-</verse>
				<verse number="28">ဢေးလႃႇၸႃႇ လုၵ်ႈ​ၸၢႆး​ မႁႃႇလီႉ ​ၼၼ်ႉ ဢမ်ႇ​မီး​လုၵ်ႈ​ၸၢႆး။-</verse>
				<verse number="29">လုၵ်ႈ​ၸၢႆး​ ၵီႉသႃႉ ​ၸမ်ႉ၊ ပဵၼ်​ ယေႇရမေးလႃႉ ​ဢေႃႈ။-</verse>
				<verse number="30">လုၵ်ႈ​ၸၢႆး​ မူႉသီႉ ​ၸမ်ႉ၊ ပဵၼ်​ မႁႃႇလီႉ၊ ဢေးတႃႇ တင်း​ ယေႇရမုတ်ႉ ​ဢေႃႈ။ ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​မဵဝ်း​ၸိူဝ်ႉ​ၶိူဝ်း​ လေႇဝီႉ ၸွမ်း​လူၺ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ​ဢေႃႈ။-</verse>
				<verse number="31">ၶဝ်​ၸိူဝ်း​ၼႆႉ​ဢွၼ်​ၵၼ်​ႁဵတ်း​တူၵ်း​ၸႃႇ​ၵွၵ်ႈ ပဵၼ်​လႄႉ​ပဵၼ်​ၵမ်း မိူၼ်​ၸိူဝ်ႉ​ၼင်ႇ​ပီႈ​ၼွင်ႉ​ၶဝ်​ၵူၼ်း​မဵဝ်း​ ဢႃႇရုၼ်ႇ ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၶုၼ်​လူင်​ တႃႇဝိတ်ႈ ဢိၵ်ႇ​တင်း​ ၸႃႇတုၵ်ႉ၊ ဢႁီႉမလႅၵ်ႉ တင်း​ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢေႃႈ။ ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ ဢၼ်​ပဵၼ်​ၵေႃႉ​ယႂ်ႇ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ပဵၼ်​ၵေႃႉ​လဵၵ်ႉ​ၼၼ်ႉ​ဢေႃႈ။</verse>
			</chapter>
			<chapter number="25">
				<verse number="1">ၼွၵ်ႈ​သေ​ၼၼ်ႉ​ၸရၢင်း​ၶဝ်​ၸိူဝ်း​ဢၼ် တႃႇဝိတ်ႈ ​ဢိၵ်ႇ​တင်း​ၶုၼ်​ပရဵၵ်ႈသၢတ်ႈ​ပူဝ်ႇ​ပႃႇ​တင်း​လၢႆ ဢွၼ်​ၵၼ်​ၽႄ​ဢဝ်​လုၵ်ႈ​ၸၢႆး ဢႃႇသပ်ႉ၊ ႁေႇမၼ်ႇ၊ ယေႇတူႉသုၼ်ႇ ​ၸိူဝ်း​ၼၼ်ႉ ၵမ်ႈ​ၽွင်ႈ​ဢွၵ်ႇ​လႄႈ​ၶၢၼ်း​ဝႆႉ​ပုၼ်ႈ​ဢၼ်​တၵ်း​ပႃး​ဢဝ်​တင်း တိင်ႇ၊ တရေႃး၊ သႅင်ႇ သေ​လႄႈ ပွင်​ႁဵတ်း​ဢမူႉ​တၢင်း​ဢၼ်​ၵူဝ်း​ၵႂၢႆႇ​ၼၼ်ႉ​ဢေႃႈ။ ၸရၢင်း​ဢၼ်​ၼပ်ႉ​ဢၢၼ်ႇ ၶဝ်​ၸိူဝ်း​ဢၼ်​သၢင်ႈ​ဢၼ်​ႁဵတ်း​ၸွမ်း​လူၺ်ႈ တၢင်း​ဢၼ်​ၶဝ်​ပွင်​ႁဵတ်း​ၼၼ်ႉ​ၸမ်ႉ၊-</verse>
				<verse number="2">ၼႂ်း​လုၵ်ႈ​ၸၢႆး​ ဢႃႇသပ်ႉ ​ၼၼ်ႉ​ၸိူဝ်း​ၼၼ်ႉ၊ ၸၵ်ႉၵူႉရႃႉ၊ ယူဝ်းသႅပ်ႈ၊ ၼေႇသၼီႉ၊ ဢႃႇသရေးလႃႉ ဢၼ်​ပဵၼ်​လုၵ်ႈ​ၸၢႆး ဢႃႇသပ်ႉ ​ၼၼ်ႉ​လႄႈ လႆႈ​ဢွၼ်​ၵၼ်​ၶၢမ်ႇ​တၢင်း​ဢၼ် ဢႃႇသပ်ႉ ​ဢွၼ်​ႁူဝ်​ၶဝ်​လႄႈ​ပွင်​ႁဵတ်း​ဢမူႉ​တၢင်း​ဢၼ်​ၵူဝ်း​ၵႂၢႆႇ ၸွမ်း​ၵႃႈ​ၼင်ႇ​ဢၼ်​ၶုၼ်​ႁေႃ​ၶမ်း​ၸီႇ​ယၢင်ႇ​ဝႆႉ​ၼၼ်ႉ၊-</verse>
				<verse number="3">ၼႂ်း​လုၵ်ႈ​ၸၢႆး​ ယေႇတူႉသုၼ်ႇ ​ၼၼ်ႉ​ၸိူဝ်း​ၼၼ်ႉ၊ ၵေႇတလီႉ၊ ၸေႇရီႉ၊ သီႉမီႉ၊ ယေႇသႃႇယႃႉ၊ ႁႃႇသပီႉ၊ မတ်ႉတီႉသီႉ ဢၢၼ်ႇ​ပွင်း​ၵၼ်​မီး​ႁူၵ်း​ၵေႃႉ​ဢၼ်​လႆႈ​ဢွၼ်​ၵၼ်​ပႃး​ဢဝ်​တင်း​တိင်ႇ​သေ​လႄႈ ၶၢမ်ႇ​တၢင်း​ဢၼ်​ပေႃႈ​ၶဝ် ယေႇတူႉသုၼ်ႇ ​ဢွၼ်​ႁူဝ်​ၶဝ်​လႄႈ​ပွင်​ႁဵတ်း​ဢမူႉ​တၢင်း​ဢၼ်​ၽုၺ်ႇ​ဢွၵ်ႇ​ၼႄ​ပျႃး ၵျေး​ၸူး​ထႃႇဝရႃႉ​ၽြႃး​လႄႈ ယွင်ႈ​ယေႃး​မုၼ်​ၵုင်ႇ​မၼ်း​ၸဝ်ႈ​ၼၼ်ႉ၊-</verse>
				<verse number="4">ၼႂ်း​လုၵ်ႈ​ၸၢႆး​ ႁေႇမၼ်ႇ ​ၼၼ်ႉ​ၸိူဝ်း​ၼၼ်ႉ ပုၵ်ႉၵီႉ၊ မတ်ႉတၼီႉ၊ ဢေႃးၸေးလႃႉ၊ သေႇပူၺ်ႇလႃႉ၊ ယေႇရီႉမုတ်ႉ၊ ႁႃႇၼၼီႉ၊ ႁႃႇၼၼ်ႇ၊ ဢေးလျႃႇသႃႉ၊ ၵိတ်ႉတႃႇလတီႉ၊ ရေႃးမၼ်ႇတေႇၸႃႇ၊ ယေႃးသပေႇၵသႃႉ၊ မႃႇလေႃးသီႉ၊ ႁေႃးသီႉရႃႉ၊ မႁႃႇၸုတ်ႉ ​ဢေႃႈ။-</verse>
				<verse number="5">ၶဝ်​ၵႃႈ​မီး​ၼႆႉ ပဵၼ်​လုၵ်ႈ​ၸၢႆး​ ႁေႇမၼ်ႇ ​ၵေႃႉ​ဢၼ်​ႁူ​ပွင်ႇ​တႃ​လႅင်း​တီႈ​ၶုၼ်​ႁေႃ​ၶမ်း​လႄႈ​ႁေႃး​လၢတ်ႈ​ၵႂၢမ်း​တြႃး ၽြႃး​ပဵၼ်​ၸဝ်ႈ​ၼၼ်ႉ​လႄႈ လႆႈ​ပဝ်ႇ​ၼႄးၶရႃႇ​ဢေႃႈ၊ ၽြႃး​ပဵၼ်​ၸဝ်ႈ​ၼၼ်ႉ ပၼ်​လုၵ်ႈ​ၸၢႆး​သိပ်း​သီႇ​ၵေႃႉ​တင်း​လုၵ်ႈ​ယိင်း​သၢမ်​ၵေႃႉ တီႈ​ ႁေႇမၼ်ႇ ​ဢေႃႈ။-</verse>
				<verse number="6">ၶဝ်​ၵႃႈ​မီး​ၼႆႉ၊ တီႈ​ ဢႃႇသပ်ႉ၊ ယေႇတူႉသုၼ်ႇ၊ ႁေႇမၼ်ႇ ​လႂ်​ၼၼ်ႉ​လႆႈ​ဢွၼ်​ၵၼ်​ၶၢမ်ႇ​တၢင်း​ဢၼ် ပေႃႈ​ၶဝ်​ဢွၼ်​ႁူဝ်​လႄႈ​ပႃး​ဢဝ်​တင်း​သႅင်ႇ၊ တရေႃး၊ တိင်ႇ​သေ​လႄႈ ႁဵတ်း​ၵႂၢမ်း​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​လႄႈ ပွင်​ႁဵတ်း​ဢမူႉ​ႁိူၼ်း​ၽြႃး​ပဵၼ်​ၸဝ်ႈ ၸွမ်း​ၵႃႈ​ၼင်ႇ​ဢၼ်​ၶုၼ်​ႁေႃ​ၶမ်း​ၸီႇ​ယၢင်ႇ​တီႈ​ ဢႃႇသပ်ႉ၊ ယေႇတူႉသုၼ်ႇ၊ ႁေႇမၼ်ႇ ​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="7">ၼပ်ႉ​ဢၢၼ်ႇ​ၶဝ်​ဢိၵ်ႇ​တင်း​ပီႈ​ၼွင်ႉ​ၶဝ်​ဢၼ်​သွၼ်​ဢဝ်​တၢင်း​ဢၼ်​ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး​လႄႈ မေႃ​ၸၢင်ႈ​ၸိူဝ်း​ၼၼ်ႉ ပွင်း​ၵၼ်​မီး​သွင်​ပၢၵ်ႇ​ပႅတ်ႇ​သိပ်း​ပၢႆ​ပႅတ်ႇ​ၵေႃႉ​ဢေႃႈ။</verse>
				<verse number="8">ၼႂ်း​ၶဝ်​ၼၼ်ႉ ၵေႃႉ​လဵၵ်ႉ​လႄႈ​ၵေႃႉ​ယႂ်ႇ၊ သြႃႇ​လႄႈ​တပႄး တင်း​သဵင်ႈ​တင်း​လူင်​ႁဵတ်း​မိူၼ်​မိူၼ်​ၵၼ်​သေ​လႄႈ တူၵ်း​ၸႃႇ​ၵွၵ်ႈ​လႄႈ​ႁဵတ်း​မုၵ်ႉ​ႁဵတ်း​ၸိူဝ်း​ဢေႃႈ။-</verse>
				<verse number="9">တၢင်း​ဢၼ်​ၸႃႇ​ၵွၵ်ႈ​တူၵ်း​ဢွၵ်ႇ​ၵမ်း​ပထမႃႉ​ပဵၼ်​ ယူဝ်းသႅပ်ႈ ၵေႃႉ​ဢၼ်​ၶဝ်ႈ​ၼႂ်း​မုၵ်ႉ​ၼႂ်း​ၸိူဝ်း ဢႃႇသပ်ႉ ​ဢေႃႈ။ ၵမ်း​တူႉတီႉယႃႉ​ပဵၼ်​ ၵေႇတလီႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ်​ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="10">ၵမ်း​တႃႉတီႉယႃႉ လုၵ်ႈ​ ၸၵ်ႉၵူႉရႃႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ ပွင်း​ၵၼ်​ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="11">ၵမ်း​ၸတုၵ်ႉထႃႉ ဢီႉၸရီႉ ​ဢၼ် ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="12">ၵမ်း​ပိၼ်ႇၸမႃႉ၊ ၼေႇသၼီႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="13">ၵမ်း​သႃႉထမႃႉ ပုၵ်ႉၵီႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="14">ၵမ်း​သတ်ႉတမႃႉ ယေႇသရေးလႃႉ ၊ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="15">ၵမ်း​ဢႃႉထမႃႉ၊ ယေႇသႃႇယႃႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="16">ၵမ်း​ၼဝမႃႉ၊ မတ်ႉတၼီႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="17">ၵမ်း​တႃႉသမႃႉ၊ သီႉမီႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="18">ၵမ်း​ဢေႇၵႃႉတႃႉသမႃႉ၊ ဢႃႇၸရေႇလႃႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="19">ၵမ်း​တႂႃႇ​တႃႉသမႃႉ ႁႃႇသပီႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="20">ၵမ်း​ဢၼ်​ထူၼ်ႈ​ထိုင်​သိပ်း​သၢမ်​ၼၼ်ႉ၊ သေႇပူၺ်ႇလႃႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="21">ၵမ်း​ဢၼ်​ထူၼ်ႈ​ထိုင်​သိပ်း​သီႇ​ၼၼ်ႉ၊ မတ်ႉတီႉသီႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="22">ၵမ်း​ဢၼ်​ထူၼ်ႈ​ထိုင်​သိပ်း​ႁႃႈ​ၼၼ်ႉ၊ ယေႇရီႉမုတ်ႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="23">ၵမ်း​ဢၼ်​ထူၼ်ႈ​ထိုင်​သိပ်း​ႁူၵ်း​ၼၼ်ႉ၊ ႁေႇၼၼီႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="24">ၵမ်း​ဢၼ်​ထူၼ်ႈ​ထိုင်​သိပ်း​ၸဵတ်း​ၼၼ်ႉ၊ ယေႃးသပေႇၵသႃႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="25">ၵမ်း​ဢၼ်​ထူၼ်ႈ​ထိုင်​သိပ်း​ပႅတ်ႈ​ၼၼ်ႉ၊ ႁႃႇၼၼ်ႇ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="26">ၵမ်း​ဢၼ်​ထူၼ်ႈ​ထိုင်​သိပ်း​ၵဝ်ႈ​ၼၼ်ႉ၊ မႃႇလေႃးသီႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="27">ၵမ်း​ဢၼ်​ထူၼ်ႈ​ထိုင်​သၢဝ်း​ၼိုင်ႈ​ၼၼ်ႉ၊ ဢေးလျႃႇၸႃႇ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="28">ၵမ်း​ဢၼ်​ထူၼ်ႈ​ထိုင်​သၢဝ်း​ဢဵတ်း​ၼၼ်ႉ၊ ႁေႃးသီႉရႃႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="29">ၵမ်း​ဢၼ်​ထူၼ်ႈ​ထိုင်​သၢဝ်း​သွင်​ၼၼ်ႉ၊ ၵိတ်ႉတႃႇလတီႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="30">ၵမ်း​ဢၼ်​ထူၼ်ႈ​ထိုင်​သၢဝ်း​သၢမ်​ၼၼ်ႉ၊ မႁႃႇၸယုတ်ႉ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ၊-</verse>
				<verse number="31">ၵမ်း​ဢၼ်​ထူၼ်ႈ​ထိုင်​သၢဝ်း​သီႇ​ၼၼ်ႉ၊ ရေႃးမၼ်ႇတေႇၸႃႇ ဢၼ်​ပႃး​လူၺ်ႈ​ၵၼ်​တင်း​လုၵ်ႈ​ၸၢႆး​မၼ်း တင်း​ၼွင်ႉ​ၸၢႆး​မၼ်း​သေ​လႄႈ​ပွင်း​ၵၼ် ပဵၼ်​သိပ်း​သွင်​ၵေႃႉ​ၼၼ်ႉ​ဢေႃႈ။</verse>
			</chapter>
			<chapter number="26">
				<verse number="1">တၢင်း​ဢၼ်​ပဵၼ်​မုၵ်ႉ​ပဵၼ်​ၸိူဝ်း ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​ၸမ်ႉ၊ ၼႂ်း​မဵဝ်း​ ၵေႃးရႃႉႁီႉ ပဵၼ်​ မေႇသလေးမီႉ ၊ လုၵ်ႈ​ၸၢႆး​ ၵေႃးရႃႉ ၸိူဝ်ႉ​ၶိူဝ်း​ ဢေႇပျႃႇသပ်ႉ ၊-</verse>
				<verse number="2">လုၵ်ႈ​ၸၢႆး​ မေႇသလေးမီႉ ​ၸမ်ႉ၊ လုၵ်ႈ​ၸၢႆး​တူၼ်ႈ​ပဵၼ် ၸႃႇၶရီႉ ၊ လုၵ်ႈ​ၸၢႆး​တူႉတီႉယႃႉ ယေႇတျေးလႃႉ ၊ လုၵ်ႈ​ၸၢႆး​တႃႉတီႉယႃႉ ၸေႇပတီႉ ၊ လုၵ်ႈ​ၸၢႆး​ၸတုၵ်ႉထႃႉ ယႃႇသၼေးလႃႉ ၊-</verse>
				<verse number="3">လုၵ်ႈ​ၸၢႆး​ပိၼ်ႇၸမႃႉ​ ဢေႇလမ်ႇ ၊ လုၵ်ႈ​ၸၢႆး​သႃႉထမႃႉ ယေႃးႁၼၼ်ႇ ၊ လုၵ်ႈ​ၸၢႆး​သတ်ႉတမႃႉ ဢေႇလေႇဢေႃးၼေႇ ​ဢေႃႈ။-</verse>
				<verse number="4">လုၵ်ႈ​ၸၢႆး​ ဢူဝ်းပိတ်ႉဢေႇတုမ်ႇ ​ၸမ်ႉ၊ လုၵ်ႈ​ၸၢႆး​တူၼ်ႈ​ပဵၼ် သေႇမႃႇယႃႉ ၊ လုၵ်ႈ​ၸၢႆး​တူႉတီႉယႃႉ ယႁေႃးၸပတ်ႉ ၊ လုၵ်ႈ​ၸၢႆး​တႃႉတီႉယႃႉ ယေႃႇဢႃႇ ၊ လုၵ်ႈ​ၸၢႆး​ၸတုၵ်ႉထႃႉ​ ၸႃႇၵႃႉ ၊ လုၵ်ႈ​ၸၢႆး​ပိၼ်ႇၸမႃႉ​ ၼႃႇသၼေႇလႃႉ ၊-</verse>
				<verse number="5">လုၵ်ႈ​ၸၢႆး​သႃႉထမႃႉ ဢမျေးလႃႉ ၊ လုၵ်ႈ​ၸၢႆး​သတ်ႉတမႃႉ ဢီႉသၶႃႇ ၊ လုၵ်ႈ​ၸၢႆး​ဢႃႉထမႃႉ ပူႉလသေး ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ပၼ်​တၢင်း​လီ​တီႈ​မၼ်း​ၼၼ်ႉ​ဢေႃႈ။-</verse>
				<verse number="6">လုၵ်ႈ​ၸၢႆး​မၼ်း​ သေႇမႃႇယႃႉ ​ၼၼ်ႉ လႆႈ​လုၵ်ႈ​ၸၢႆး​ဢၼ်​လႆႈ​ဢုပ်ႉ​ၵႃႈ​ၼိူဝ်​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ် ၵွပ်ႈ​ပိူဝ်ႈ​ဢၼ်​ၶဝ်​ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="7">လုၵ်ႈ​ၸၢႆး​ သေႇမႃႇယႃႉ ​ၼၼ်ႉ​ၸမ်ႉ၊ ပဵၼ်​ ဢေႃးသၼီႉ၊ ရေႇၽေးလႃႉ၊ ဢူဝ်းပိတ်ႉ၊ ဢေးလႃႉၸႃႇပတ်ႉ တင်း​ၼွင်ႉ​ၸၢႆး​မၼ်း​ဢၼ်​ႁႅင်း​ယႂ်ႇ​ၼႃႇ​ဢၼ်​ဝႃႈ ဢေးလီႉႁူႉ ​တင်း သေးမၶီႉ ​ၼၼ်ႉ​ဢေႃႈ။-</verse>
				<verse number="8">ၶဝ်​ၵႃႈ​မီး​ၼႆႉ​ပဵၼ် လုၵ်ႈ​ၸၢႆး​ ဢူဝ်းပိတ်ႉဢေႇတုမ်ႇ ​ဢေႃႈ။ ၶဝ်​ဢိၵ်ႇ​တင်း​လုၵ်ႈ​ၸၢႆး​ၶဝ်​တင်း​ပီႈ​ၼွင်ႉ​ၶဝ်​ပဵၼ်​ၵေႃႉ​ဢၼ်​ႁႅင်း​ယႂ်ႇ ထၼ်ႈ​ပေႃး​တၢတ်ႈ​ၼိူင်ႇ​ႁႂ်ႈ​လႆႈ​ၵိုတ်ႉ​ႁၢပ်ႇ​ဢမူႉ​ၸဝ်ႈ​လႄႈ ပွင်း​ၵၼ်​ပဵၼ်​ႁူၵ်း​သိပ်း​ပၢႆ​သွင်​ၵေႃႉ​ဢေႃႈ။-</verse>
				<verse number="9">မေႇသလေးမီႉ ​ၼၼ်ႉ မီး​လုၵ်ႈ​ၸၢႆး​တင်း​ၼွင်ႉ​ၸၢႆး ဢၼ်​ႁႅင်း​ယႂ်ႇ​ၼႃႇ​လႄႈ​ပွင်း​ၵၼ်​ပဵၼ်​သိပ်း​ပႅတ်ႇ​ၵေႃႉ​ဢေႃႈ။-</verse>
				<verse number="10">ႁေႃႇသႃႉ ​မဵဝ်း​ မေႇရႃႇရီႉ မီး​လုၵ်ႈ​ၸၢႆး​လႄႈ၊ သီႉမရီႉ ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၼၼ်ႉ၊ ပိၵ်ႉ​သမ်ႉ​ဢမ်ႇ​ၸႂ်ႈ​လုၵ်ႈ​ၸၢႆး​တူၼ်ႈ​သေ​ၵေႃႈ၊ ပေႃႈ​မၼ်း​ၶၢၼ်း​ဝႆႉ​ႁႂ်ႈ​ပဵၼ်​တူၼ်ႈ​ပဵၼ်​ငဝ်ႈ​ဢေႃႈ။-</verse>
				<verse number="11">လုၵ်ႈ​ၸၢႆး​တူႉတီႉယႃႉ​ပဵၼ်​ ႁီႉလၶီႉ ၊ လုၵ်ႈ​ၸၢႆး​တႃႉတီႉယႃႉ​ တေးပလီႉ ၊ လုၵ်ႈ​ၸၢႆး​ၸတုၵ်ႉထႃႉ ၸႃႇၶရီႉ ​လႄႈ၊ လုၵ်ႈ​ၸၢႆး​တင်း​ၼွင်ႉ​ၸၢႆး ႁေႃႇသႃႉ ၵႃႈ​မီး​ၼၼ်ႉ ပွင်း​ၵၼ်​မီး​သိပ်း​သၢမ်​ၵေႃႉ​ဢေႃႈ။-</verse>
				<verse number="12">ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ်​ပဵၼ်​မုၵ်ႉ​ပဵၼ်​ၸိူဝ်း​ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​ဢၼ်​ဝႃႈ ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ​လႄႈ လႆႈ​ၶၢမ်ႇ​တၢင်း​ဢၼ်​ပႂ်ႉ​တူၺ်း​လုမ်း​လႃး​လူၺ်ႈ​ၵၼ်​တင်း​ပီႈ​ၼွင်ႉ​ၶဝ်​ၸိူဝ်း​ၼၼ်ႉ ႁႂ်ႈ​လႆႈ​ၵိုတ်ႉ​ႁၢပ်ႇ​ဢမူႉ​ၸဝ်ႈ ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ဢေႃႈ။</verse>
				<verse number="13">ၶဝ်​လဵၵ်ႉ​လဵၵ်ႉ​ယႂ်ႇ​ယႂ်ႇ​ၼၼ်ႉ​တူၵ်း​ၸႃႇ​ၵွၵ်ႈ​ၵၼ် ၸွမ်း​လူၺ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ပုၼ်ႈ​ၽၵ်း​တူ​ၵူႈ​ဢၼ်​လႄႈ၊-</verse>
				<verse number="14">ၸႃႇ​ၵွၵ်ႈ​ၽၢႆႇ​ဝၼ်း​ဢွၵ်ႇ​ၼၼ်ႉ တူၵ်း​တီႈ​ သေႇလမီႉ ​ဢေႃႈ။ ၵမ်း​ၼၼ်ႉ ၶဝ်​သမ်ႉ​တူၵ်း​ၸႃႇ​ၵွၵ်ႈ​ၵၼ်​ပုၼ်ႈ​လုၵ်ႈ​ၸၢႆး​မၼ်း​ ၸႃႇၶရီႉ ဢၼ်​မီး​ပိင်ႇ​ၺႃႇ​ၼၼ်ႉ​ထႅင်ႈ​လႄႈ၊ ၸႃႇ​ၵွၵ်ႈ​ၽၢႆႇ​တၢင်း​ႁွင်ႇ​ၼၼ်ႉ​တူၵ်း​တီႈ​မၼ်း​ဢေႃႈ။-</verse>
				<verse number="15">ဢူဝ်းပိတ်ႉဢေႇတုမ်ႇ ​ၼၼ်ႉ လႆႈ​ၽၢႆႇ​တၢင်း​ၸၢၼ်း​ဢေႃႈ။ လုၵ်ႈ​ၸၢႆး​မၼ်း​တင်း​လၢႆ​ၵေႃႈ လႆႈ​ႁိူၼ်း​ ဢသူႉပိမ်း ​ဢေႃႈ။-</verse>
				<verse number="16">သူႉပိမ်း တင်း​ ႁေႃႇသႃႉ ​ၼၼ်ႉ လႆႈ​ၽၢႆႇ​ဝၼ်း​တူၵ်း​ၵႃႈ​တီႈ​ႁိမ်း​ၽၵ်း​တူ​ သႃႇလႄးၶႅၵ်ႉ ၵႃႈ​တီႈ​ႁူဝ်​တၢင်း​ဢၼ်​ၶိုၼ်ႈ​ၸူး ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ​လႄႈ လႆႈ​ပႂ်ႉ​ယူႇ​ၵႃႈ​တီႈ​သွင်​ၽၢၵ်ႇ​သွင်​ၽၢႆႇ​ဢေႃႈ။-</verse>
				<verse number="17">ၸွမ်း​ၵႃႈ​ၼင်ႇ​ဢၼ်​မိုဝ်ႉ​ဝၼ်း​ၸႅၼ်ႇ​တၢမ်း​ၵၼ်​ၼၼ်ႉ​သေ​လႄႈ၊ ၵႃႈ​တီႈ​ၽၢႆႇ​ဝၼ်း​ဢွၵ်ႇ​ၵူၼ်း​မဵဝ်း​ လေႇဝီႉ ​ႁူၵ်း​ၵေႃႉ၊ ၵႃႈ​တီႈ​ၽၢႆႇ​တၢင်း​ႁွင်ႇ​သီႇ​ၵေႃႉ၊ ၵႃႈ​တီႈ​ၽၢႆႇ​တၢင်း​ၸၢၼ်း​သီႇ​ၵေႃႉ၊ ၵႃႈ​တီႈ​ ဢသူႉပိမ်း သွင်​တီႈ ယေႈ​တီႈ​သွင်​ၵေႃႉ၊-</verse>
				<verse number="18">ၵႃႈ​တီႈ​ၽၢႆႇ​ၼွၵ်ႈ​တမ်ႇ​တိူင်း​ၼႃႈ​ဝၼ်း​တူၵ်း ၵႃႈ​တီႈ​ႁူဝ်​တၢင်း​ဢၼ်​ၶိုၼ်ႈ​ၸူး​ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ​ၼၼ်ႉ​သီႇ​ၵေႃႉ၊ ၵႃႈ​ၼႂ်း​တမ်ႇ​တိူင်း သွင်​ၵေႃႉ​လႆႈ​ပႂ်ႉ​ဢေႃႈ။-</verse>
				<verse number="19">ဢၼ်​ၼႆႉ​ၸမ်ႉ၊ ပဵၼ်​မုၵ်ႉ​ပဵၼ်​ၸိူဝ်း​ႁင်း​ၽႂ်​ႁင်း​မၼ်း ဢၼ်​ၵူၼ်း​မဵဝ်း​ ၵေႃးရႃႉ၊ ဢိၵ်ႇ​တင်း​ၵူၼ်း​မဵဝ်း​ မေႇရႃႇရီႉ ​ၸိူဝ်း​ၼၼ်ႉ လႆႈ​ပႂ်ႉ​ၽၵ်း​တူ​ၼၼ်ႉ​ဢေႃႈ။</verse>
				<verse number="20">ၼႂ်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ၊ ဢႁီႉယႃႉ ​လႆႈ​ဢုပ်ႉ​ၵႃႈ​ၼိူဝ်​ၽၼ်ႇတႃႇ​ႁိူၼ်း​ၽြႃး​ပဵၼ်​ၸဝ်ႈ ဢိၵ်ႇ​တင်း​ၽၼ်ႇတႃႇ​တၢင်း​ဢၼ်​ပုၵ်ႈ​ၸေႃႇ​တင်း​လၢႆ​ဢေႃႈ။-</verse>
				<verse number="21">ၼႂ်း​လုၵ်ႈ​ၸၢႆး​ လႃႇတၼ်ႇ မဵဝ်း​ ၵေႇရသုၼ်ႇ ဢၼ်​ၸၢပ်ႈ​သႅင်ႇ​ၵၼ်​တင်း​ လႃႇတၼ်ႇ ဢၼ်​ပဵၼ်​တူၼ်ႈ​ပဵၼ်​ငဝ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ် ဢၼ်​ၸၢပ်ႈ​သႅင်ႇ​ၵၼ်​တင်း​ လႃႇတၼ်ႇ မဵဝ်း​ ၵေႇရသုၼ်ႇ ​ၼၼ်ႉ​ၸိူဝ်း​ၼၼ်ႉ၊ ယေႇႁေးလီႉ ဢိၵ်ႇ​တင်း၊-</verse>
				<verse number="22">လုၵ်ႈ​ၸၢႆး​ ယေႇႁေးလီႉ ဢၼ်​ဝႃႈ သေႇသမ်ႇ တင်း​ၼွင်ႉ​ၸၢႆး​မၼ်း ယူဝ်းဢေးလႃႉ ​ၸိူဝ်း​ၼၼ်ႉ​လႆႈ​ဢုပ်ႉ​ၵႃႈ​ၼိူဝ်​ၽၼ်ႇတႃႇ​ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="23">ၵူၼ်း​မဵဝ်း​ ဢႃႇမရမ်ႇ ၊ မဵဝ်း​ ဢီႉၸႁႃႇ ၊ မဵဝ်း​ ႁေႇပြုၼ်ႇ ၊ မဵဝ်း​ ဢေႃးၸေးလႃႉ ပႃး​ၵမ်ႈ​ၽွင်ႈ​ဢေႃႈ။-</verse>
				<verse number="24">သေႇပူၺ်ႇလႃႉ လုၵ်ႈ​ၸၢႆး​ ၵေႇရသုၼ်ႇ ဢၼ်​ပဵၼ်​လုၵ်ႈ​ၸၢႆး​ မူဝ်းသေႇ ​ၼၼ်ႉ​ၵေႃႈ လႆႈ​ဢုပ်ႉ​ၽၼ်ႇတႃႇ​ၸဝ်ႈ​ဢေႃႈ။-</verse>
				<verse number="25">ပီႈ​ၼွင်ႉ​မၼ်း​ဢၼ်​ၸၢပ်ႈ​သႅင်ႇ​ၵၼ်​တင်း​ ဢေးလေႇၸႃႇ ​ၼၼ်ႉ​ၸမ်ႉ၊ လုၵ်ႈ​ၸၢႆး​မၼ်း​ၼၼ်ႉ​ ရေႇႁပီႉ ၊ လုၵ်ႈ​ၸၢႆး​မၼ်း​ၼၼ်ႉ​ ယေႇသႃႇယႃႉ ၊ လုၵ်ႈ​ၸၢႆး​မၼ်း​ၼၼ်ႉ​ ယေႃးရမ်ႇ ၊ လုၵ်ႈ​ၸၢႆး​မၼ်း​ၼၼ်ႉ​ ၸီႉၶရီႉ ၊ လုၵ်ႈ​ၸၢႆး​မၼ်း​ၼၼ်ႉ သေႇလေႃးမိတ်ႉ ​ဢေႃႈ။-</verse>
				<verse number="26">သေႇလေႃးမိတ်ႉ ဢိၵ်ႇ​တင်း​ပီႈ​ၼွင်ႉ​မၼ်း​တင်း​လၢႆ လႆႈ​ဢုပ်ႉ​ၵႃႈ​ၼိူဝ်​ၽၼ်ႇတႃႇ​တၢင်း​ဢၼ်​ပုၵ်ႈ​ၸေႃႇ ၵႃႈ​ဢၼ်​ၶုၼ်​လူင် တႃႇဝိတ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ် တင်း​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ႁဵင်၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ၊ ၶုၼ်​ပူဝ်ႇ​တင်း​လၢႆ​ၸိူဝ်း​ၼၼ်ႉ​ပုၵ်ႈ​ၸေႃႇ​ၼၼ်ႉ​ဢေႃႈ။-</verse>
				<verse number="27">ၶုၼ်​ၸိူဝ်း​ၼၼ်ႉ​ၸၢင်ႈ​ဢဝ်​ၵႃႈ​ၼႂ်း​ဢုၵ်ႉ​ၸႃႇ​ဢၼ်​တိုၵ်း​သိုၵ်း​လႄႈ ႁိမ်​ႁူင်ႇ​လႆႈ​ၼၼ်ႉ ပုၵ်ႈ​ၸေႃႇ​ႁႂ်ႈ​လႆႈ​ပွင်​ႁဵတ်း​လုမ်း​လႃး​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="28">ၸႃႉ​ၸဵမ်​ၵႃႈ​ဢၼ်​ သမူၺ်ႇလႃႉ ဢၼ်​ပဵၼ်​ၵေႃႉ​ဢၼ်​ႁူ​ပွင်ႇ​တႃ​လႅင်း​ၼၼ်ႉ၊ သေႃးလူႉ လုၵ်ႈ​ၸၢႆး​ ၵီႉသႃႉ၊ ဢႃႉပၼႃး လုၵ်ႈ​ၸၢႆး​ ၼေးရႃႉ၊ ယႂႃႇၽႃႉ လုၵ်ႈ​ၸၢႆး​ ၸေႇရူႉယႃႇ ​ၸိူဝ်း​ၼၼ်ႉ ပုၵ်ႈ​ၸေႃႇ​ၼၼ်ႉ​လႄႈ၊ ၵႃႈ​ဢၼ်​တၢင်ႇ​ၵေႃႉ​တၢင်ႇ​ၵူၼ်း​ပုၵ်ႈ​ၸေႃႇ​ၼၼ်ႉ​ၸိုင်၊​ သေႇလေႃးမိတ်ႉ တင်း​ပီႈ​ၼွင်ႉ​မၼ်း​တင်း​လၢႆ​လႆႈ​ဢွၼ်​ၵၼ်​လူ​တူၺ်း​ဢုပ်ႉ​ထိင်း​ဢေႃႈ။</verse>
				<verse number="29">ၼႂ်း​မဵဝ်း​ ဢီႉၸႁႃႇ ​ၼၼ်ႉ၊ ၶေးၼၼီႉ ​တင်း​လုၵ်ႈ​ၸၢႆး​မၼ်း​တင်း​လၢႆ လႆႈ​ဢွၼ်​ၵၼ်​ပဵၼ်​ၶုၼ်​ဢၼ်​မီး​ဢရႃႇ​လႂ်၊ ၵူၼ်း​လူင်​ဢၼ်​ၸီႇ​ယၢင်ႇ​တြႃး​လႂ်​လႄႈ ပႂ်ႉ​ဢမူႉ​ၵႃႈ​ၼွၵ်ႈ​ၵႃႈ​ၼႂ်း​မိူင်း​ ဢီႉသရေႇလႃႉ ​ဢေႃႈ။-</verse>
				<verse number="30">ၼႂ်း​မဵဝ်း​ ႁေႇပြုၼ်ႇ ​ၼၼ်ႉ၊ ႁႃႇသပီႉ ​ဢိၵ်ႇ​တင်း​ပီႈ​ၼွင်ႉ​မၼ်း ဢၼ်​ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁတ်း​ႁၢၼ်​ၼႃႇ ႁဵင်​ပၢႆ​ၸဵတ်း​ပၢၵ်ႇ​ၼၼ်ႉ​လႆႈ​ဢွၼ်​ၵၼ်​ပဵၼ်​ၶုၼ်​ဢၼ်​မီး​ဢရႃႇ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ဢၼ်​ယူႇ​ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ ယေႃးတၢၼ်ႇ ​ၸိူဝ်း​ၼၼ်ႉ ပုၼ်ႈ​ဢၼ်​တၵ်း​ပႂ်ႉ​ဢမူႉ​ထႃႇဝရႃႉ​ၽြႃး​ၵႃႈ​မီး​လႄႈ ၵိုတ်ႉ​ႁၢပ်ႇ​ဢမူႉ ၶုၼ်​ႁေႃ​ၶမ်း​ဢေႃႈ။-</verse>
				<verse number="31">ၼႂ်း​မဵဝ်း​ ႁေႇပြုၼ်ႇ ​ၼၼ်ႉ ယေႇရီႉယႃႉ ​ပဵၼ်​တူၼ်ႈ​ပဵၼ်​ငဝ်ႈ ၼႂ်း​ၵူၼ်း​မဵဝ်း​ ႁေႇပြုၼ်ႇ ​ၸိူဝ်း​ၼၼ်ႉ​ၸွမ်း​လူၺ်ႈ​တၢင်း​ဢၼ်​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​သိုပ်ႇ​မႃး​ၼၼ်ႉ​ဢေႃႈ။ ၼႂ်း​ပီႊ​ဢၼ်​ၶုၼ်​လူင်​ တႃႇဝိတ်ႈ ၸၢမ်ႇ​ႁၢင်ႈ​ၸၢမ်ႇ​ႁေႃ သီႇ​သိပ်း​ပီႊ​ၼၼ်ႉ ၶဝ်​ဢွၼ်​ၵၼ်​ႁႃ​ၵႃႈ​ၼႂ်း​မဵဝ်း​ၼၼ်ႉ​လႄႈ ထူပ်း​ႁၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​လႄႈ​ႁတ်း​ႁၢၼ်​ၼႃႇ​တင်း​လၢႆ ၵႃႈ​တီႈ​ဝဵင်း​ ယႃႇၸႃႇ ​မိူင်း​ ၵီႉလတ်ႉ ​ဢေႃႈ။-</verse>
				<verse number="32">ပီႈ​ၼွင်ႉ​မၼ်း​ဢၼ်​ပဵၼ်​ႁူဝ်​ႁၢၼ်​ၵူၼ်း​သိုၵ်း ဢၼ်​ႁတ်း​ႁၢၼ်​ၼႃႇ​ၸိူဝ်း​ၼၼ်ႉ ပဵၼ်​သွင်​ႁဵင်​ပၢႆ​ၸဵတ်း​ပၢၵ်ႇ ဢၼ်​ပဵၼ်​တူၼ်ႈ​ပဵၼ်​ငဝ်ႈ ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ​လႄႈ၊ ၶုၼ်​လူင်​ တႃႇဝိတ်ႈ ​ၶၢၼ်း​ဝႆႉ ႁႂ်ႈ​ပဵၼ်​ၶုၼ်​ဢၼ်​မီး​ဢရႃႇ​ဢုပ်ႉ​ၵႃႈ​ၼိူဝ်​မဵဝ်း​ ရူႉပိၼ်ႇ ၊ မဵဝ်း​ ၵၢတ်ႉ ၊ မဵဝ်း​ မၼႃႇ​သေႇ ​ၶိုင်ႈ​ၼိုင်ႈ လူၺ်ႈ​လွင်ႈ​ဢမူႉ​ၽြႃး​ပဵၼ်​ၸဝ်ႈ​ၵူႈ​ၸိူဝ်ႉ​ၵူႈ​ပိူင် ဢိၵ်ႇ​တင်း​ဢမူႉ​ၶုၼ်​ႁေႃ​ၶမ်း​ဢေႃႈ။</verse>
			</chapter>
			<chapter number="27">
				<verse number="1">ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​သေ​လႄႈ ၵူၼ်း​မဵဝ်း​ ဢီႉသရေႇလႃႉ ​ဢၼ်​ဝႃႈ၊ ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ် ဢိၵ်ႇ​တင်း​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ႁဵင်၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ၊ ၶုၼ်​ပူဝ်ႇ​ဢၼ်​ပႂ်ႉ​ဢမူႉ​ၶုၼ်​ႁေႃ​ၶမ်း၊ ၼႂ်း​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​မုၵ်ႉ​ၸိူဝ်း​ဢၼ်​ပဵၼ်​လႄႉ​ပဵၼ်​ၵမ်း ယေႈ​လိူၼ်​ယေႈ​လိူၼ် ၸႅၼ်ႇ​တၢမ်း​ၵၼ်​ၼႂ်း​ယေႈ​ပီႊ၊ လိူၼ်​ၼိုင်ႈ​ယဝ်ႉ​လိူၼ်​ၼိုင်ႈ ၵူႈ​လိူၼ် ၼႂ်း​ယေႈ​ပီႊ​ယေႈ​လႄႉ ယေႈ​ပီႊ​ယေႈ​ၵမ်း​ၼင်ႇ​ၵၼ်​ၼၼ်ႉ၊ ယေႈ​လႄႉ​ယေႈ​ၵမ်း၊ မီး​သွင်​မိုၼ်ႇ​သီႇ​ႁဵင်​ၼင်ႇ​ၵၼ်​ဢေႃႈ။-</verse>
				<verse number="2">ၵေႃႉ​ဢၼ်​ဢုပ်ႉ​ၵႃႈ​ၼိူဝ်​မုၵ်ႉ​ၸိူဝ်း​ပထမႃႉ​ၼႂ်း​လိူၼ်​ပထမႃႉ​ၸမ်ႉ၊ ပဵၼ်​ ယႃႇသေးပမ်ႇ ၊ လုၵ်ႈ​ၸၢႆး​ ၸႃႇပတေးလႃႉ ​လႄႈ ၼႂ်း​မုၵ်ႉ​ၸိူဝ်း​မၼ်း​ၼၼ်ႉ မီး​ၵူၼ်း​သွင်​မိုၼ်ႇ​ပၢႆ​သီႇ​ႁဵင်​ဢေႃႈ။-</verse>
				<verse number="3">မၼ်း​ၼၼ်ႉ​ပဵၼ်​ၵူၼ်း​မဵဝ်း​ ၽေးရိတ်ႉ ​လႄႈ ပဵၼ်​ငဝ်ႈ​ပဵၼ်​ႁူဝ်​ၶုၼ်​ပူဝ်ႇ​တင်း​သဵင်ႈ​တင်း​လူင်​သေ​လႄႈ လႆႈ​ပႂ်ႉ​ဢမူႉ​ၼႂ်း​လိူၼ်​ပထမႃႉ​ၼၼ်ႉ​ဢေႃႈ။-</verse>
				<verse number="4">ၵေႃႉ​ဢၼ်​ဢုပ်ႉ​ၵႃႈ​ၼိူဝ်​မုၵ်ႉ​ၸိူဝ်း​ၼႂ်း​လိူၼ်​တူႉတီႉယႃႉ​ၸမ်ႉ၊ ပဵၼ်​ တေႃးတေႇ မဵဝ်း​ ဢႁေႃႇႁီႉ ​လႄႈ မီႉၵလုတ်ႉ ​ၵေႃႈ ဢုပ်ႉ​ၵႃႈ​ၼိူဝ်​မုၵ်ႉ​ၸိူဝ်း​ၼၼ်ႉ ၼႂ်း​မုၵ်ႉ​ၸိူဝ်း​မၼ်း​ၼၼ်ႉ​မီး​ၵူၼ်း​သွင်​မိုၼ်ႇ​ပၢႆ​သီႇ​ႁဵင်​ဢေႃႈ။-</verse>
				<verse number="5">ၶုၼ်​ပူဝ်ႇ​တႃႉတီႉယႃႉ၊ ဢၼ်​ၸၢပ်ႈ​သႅင်ႇ​ၵၼ်​တင်း​လိူၼ်​တႃႉတီႉယႃႉ​ၸမ်ႉ၊ ပဵၼ်​ ပေႇၼႃႇယႃႉ လုၵ်ႈ​ၸၢႆး​ ယေႃးယတႃႉ ယိတ်ႈပရေႃးႁဵၵ်ႈ​လူင်​လႄႈ ၼႂ်း​မုၵ်ႉ​ၸိူဝ်း​မၼ်း​ၼၼ်ႉ မီး​ၵူၼ်း​သွင်​မိုၼ်ႇ​ပၢႆ​သီႇ​ႁဵင်​ဢေႃႈ။-</verse>
				<verse number="6">ပေႇၼႃႇယႃႉ ​ၼႆႉ​ၸမ်ႉ၊ ပဵၼ်​ၵေႃႉ​ဢၼ်​ႁူင်​ႁၢင်း​ၼႂ်း​ပူဝ်ႇ​သၢမ်​သိပ်း​ၵေႃႉ​လႄႈ ဢုပ်ႉ​ၵႃႈ​ၼိူဝ်​ပူဝ်ႇ​သၢမ်​သိပ်း​ၵေႃႉ​ၼၼ်ႉ​ဢေႃႈ။ ဢမီႉလတပ်ႉ လုၵ်ႈ​ၸၢႆး​မၼ်း​ၼၼ်ႉ​ၵေႃႈ မီး​ၼႂ်း​မုၵ်ႉ​ၸိူဝ်း​မၼ်း​ဢေႃႈ။-</verse>
				<verse number="7">ၶုၼ်​ပူဝ်ႇ​ၸတုၵ်ႉထႃႉ​ၼႂ်း​လိူၼ်​ၸတုၵ်ႉထႃႉ​ၸမ်ႉ၊ ပဵၼ်​ ဢႃႇၸႁေးလႃႉ ၼွင်ႉ​ၸၢႆး​ ယႂႃႇၽႃႉ ဢိၵ်ႇ​တင်း​လုၵ်ႈ​ၸၢႆး​မၼ်း​ ၸေႇပတီႉ လိုၼ်း​မၼ်း​ၼၼ်ႉ​လႄႈ၊ ၼႂ်း​မုၵ်ႉ​ၸိူဝ်း​မၼ်း​ၼၼ်ႉ​မီး​ၵူၼ်း သွင်​မိုၼ်ႇ​ပၢႆ​သီႇ​ႁဵင်​ဢေႃႈ။-</verse>
				<verse number="8">ၶုၼ်​ပူဝ်ႇ​ပိၼ်ႇၸမႃႉ​ၼႂ်း​လိူၼ်​ပိၼ်ႇၸမႃႉ​ၸမ်ႉ၊ ပဵၼ်​ သမ်ႇႁုတ်ႉ မဵဝ်း​ ဢီႉၸႁႃႇ ​လႄႈ၊ ၼႂ်း​မုၵ်ႉ​ၸိူဝ်း​မၼ်း​ၼၼ်ႉ​မီး​ၵူၼ်း​သွင်​မိုၼ်ႇ​ပၢႆ​သီႇ​ႁဵင်​ဢေႃႈ။-</verse>
				<verse number="9">ၶုၼ်​ပူဝ်ႇ​သႃႉထမႃႉ၊ ၼႂ်း​လိူၼ်​သႃႉထမႃႉ​ၸမ်ႉ၊ ပဵၼ်​ ဢီႇရႃႉ လုၵ်ႈ​ၸၢႆး​ ဢီႉၵေးသႃႉ မဵဝ်း​ တေႇၵေႃႇ ​လႄႈ၊ ၼႂ်း​မုၵ်ႉ​ၸိူဝ်း​မၼ်း​ၼၼ်ႉ မီး​ၵူၼ်း​သွင်​မိုၼ်ႇ​ပၢႆ​သီႇ​ႁဵင်​ဢေႃႈ။-</verse>
				<verse number="10">ၶုၼ်​ပူဝ်ႇ​သတ်ႉတမႃႉ၊ ၼႂ်း​လိူၼ်​သတ်ႉတမႃႉ​ၸမ်ႉ၊ ပဵၼ်​ ႁေးလိတ်ႉ ဢၼ်​ပဵၼ်​ၸိူဝ်ႉ​ၶိူဝ်း ပေးလေႃးၼီႉ မဵဝ်း​ ဢေႇၽရိမ်ႇ ​လႄႈ ၼႂ်း​မုၵ်ႉ​ၸိူဝ်း​မၼ်း​ၼၼ်ႉ​မီး​ၵူၼ်း​သွင်​မိုၼ်ႇ​ပၢႆ​သီႇ​ႁဵင်​ဢေႃႈ။-</verse>
				<verse number="11">ၶုၼ်​ပူဝ်ႇ​ဢႃႉထမႃႉ၊ ၼႂ်း​လိူၼ်​ဢႃႉထမႃႉ​ၸမ်ႉ၊ ပဵၼ်​ သီႉပေႇၵေး ဢၼ်​ပဵၼ်​ၸိူဝ်ႉ​ၶိူဝ်း​ ႁူႉသသီႉ မဵဝ်း​ ၸႃႇရႃႉ ​လႄႈ ၼႂ်း​မုၵ်ႉ​ၸိူဝ်း မၼ်း​ၼၼ်ႉ​မီး​ၵူၼ်း​သွင်​မိုၼ်ႇ​ပၢႆ​သီႇ​ႁဵင်​ဢေႃႈ။-</verse>
				<verse number="12">ၶုၼ်​ပူဝ်ႇ​ၼဝမႃႉ၊ ၼႂ်း​လိူၼ်​ၼဝမႃႉ​ၸမ်ႉ၊ ပဵၼ်​ ဢပျေႇၸႃႇ ဢၼ်​ပဵၼ်​ၸိူဝ်ႉ​ၶိူဝ်း ဢၼေႇသေႃႇသီႉ မဵဝ်း​ ပိၼ်ႇယႃႇမိၼ်ႇ ​လႄႈ ၼႂ်း​မုၵ်ႉ​ၸိူဝ်း​မၼ်း​ၼၼ်ႉ​မီး​ၵူၼ်း​သွင်​မိုၼ်ႇ​ပၢႆ​သီႇ​ႁဵင်​ဢေႃႈ။-</verse>
				<verse number="13">ၶုၼ်​ပူဝ်ႇ​တႃႉသမႃႉ၊ ၼႂ်း​လိူၼ်​တႃႉသမႃႉ​ၸမ်ႉ၊ ပဵၼ်​ မႁႃႇရေး ဢၼ်​ပဵၼ်​ၸိူဝ်ႉ​ၶိူဝ်း​ ၼေႇတေႃႇၽႃႇသီႉ မဵဝ်း​ ၸႃႇရႃႉ ​လႄႈ ၼႂ်း​မုၵ်ႉ​ၸိူဝ်း​မၼ်း​ၼၼ်ႉ​မီး​ၵူၼ်း သွင်​မိုၼ်ႇ​ပၢႆ​သီႇ​ႁဵင်​ဢေႃႈ။-</verse>
				<verse number="14">ၶုၼ်​ပူဝ်ႇ​ဢေႇၵႃႇတႃႉသမႃႉ ၼႂ်း​လိူၼ်​ဢေႇၵႃႇတႃႉသမႃႉ​ၸမ်ႉ၊ ပဵၼ်​ ပေႇၼႃႇယႃႉ ဢၼ်​ပဵၼ်​ၸိူဝ်ႉ​ၶိူဝ်း​ ပီႉရႃႉသေႃႇၼီႉ ၊ မဵဝ်း​ ဢေႇၽရိမ်ႇ ​လႄႈ ၼႂ်း​မုၵ်ႉ​ၸိူဝ်း​မၼ်း​ၼၼ်ႉ​မီး​ၵူၼ်း​သွင်​မိုၼ်ႇ​ပၢႆ​သီႇ​ႁဵင်​ဢေႃႈ။-</verse>
				<verse number="15">ၶုၼ်​ပူဝ်ႇ​တႂႃႇ​တႃႉသမႃႉ၊ ၼႂ်း​လိူၼ်​တႂႃႇ​တႃႉသမႃႉ​ၸမ်ႉ၊ ပဵၼ်​ ႁေႇလတေး ဢၼ်​ပဵၼ်​ၸိူဝ်ႉ​ၶိူဝ်း​ ၼေႇတေႃႇၽႃႇသီႉ မဵဝ်း ဢေႃးထၼ်ႇယေႇလႃႉ ​လႄႈ ၼႂ်း​မုၵ်ႉ​ၸိူဝ်း​မၼ်း​ၼၼ်ႉ​မီး​ၵူၼ်း​သွင်​မိုၼ်ႇ​ပၢႆ​သီႇ​ႁဵင်​ဢေႃႈ။</verse>
				<verse number="16">ၼွၵ်ႈ​သေ​ၼၼ်ႉ ၶုၼ်​ဢၼ်​ဢုပ်ႉ​ၵႃႈ​ၼိူဝ်​မဵဝ်း​ ဢီႉသရေႇလႃႉ ႁင်း​ၽႂ်​ႁင်း​မၼ်း​ၸမ်ႉ၊ တီႈ​မဵဝ်း​ ရူႉပိၼ်ႇ ​ၼၼ်ႉ ဢေးလေႇၸႃႇ လုၵ်ႈ​ၸၢႆး​ ၸီႉၶရီႉ ဢၼ်​ပဵၼ်​ၶုၼ်​ၼၼ်ႉ၊ တီႈ​မဵဝ်း​ သီႉမုၼ်ႇ ​ၼၼ်ႉ​ သေႇပတီႉ လုၵ်ႈ​ၸၢႆး​ မႃႇၶႃႇ ၊-</verse>
				<verse number="17">တီႈ​မဵဝ်း​ လေႇဝီႉ ​ၼၼ်ႉ ႁႃႇသပီႉ လုၵ်ႈ​ၸၢႆး​ ၵေႇမူၺ်ႇလႃႉ ၊ တီႈ​မဵဝ်း​ ဢႃႇရုၼ်ႇ ​ၼၼ်ႉ ၸႃႇတုၵ်ႉ ၊-</verse>
				<verse number="18">တီႈ​မဵဝ်း​ ယူႉတႃႉ ​ၼၼ်ႉ ဢေးလီႉႁူႉ ဢၼ်​ၶဝ်ႈ​ပႃး​ၼႂ်း​ပီႈ​ၸၢႆး​ တႃႇဝိတ်ႈ ​ၸိူဝ်း​ၼၼ်ႉ၊ တီႈ​မဵဝ်း​ ဢီႉသၶႃႇ ​ၼၼ်ႉ ဢေႃးမရီႉ လုၵ်ႈ​ၸၢႆး မိၵ်ႉၶေႇလႃႉ ၊-</verse>
				<verse number="19">တီႈ​မဵဝ်း​ ၸေႇပူႉလုၼ်ႇ ​ၼၼ်ႉ ဢီႉသမႃႇယႃႉ လုၵ်ႈ​ၸၢႆး​ ဢေႃးပတီႉ ၊ တီႈ​မဵဝ်း​ ၼပ်ႉထလီႉ ​ၼၼ်ႉ ယေႇရီႉမုတ်ႉ လုၵ်ႈ​ၸၢႆး ဢႃႇၸရေႇလႃႉ ၊-</verse>
				<verse number="20">တီႈ​မဵဝ်း​ ဢေႇၽရိမ်ႇ ​ၼၼ်ႉ ႁေႃးသေႇ လုၵ်ႈ​ၸၢႆး​ ဢႃႇၸၸီႉ ၊ တီႈ​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၼၼ်ႉ ယူဝ်းဢေးလႃႉ လုၵ်ႈ​ၸၢႆး ပေႇတႃႇယႃႉ ၊-</verse>
				<verse number="21">တီႈ​မဵဝ်း​ မၼႃႇ​သေႇ ​ၶိုင်ႈ​ၼိုင်ႈ​ၵႃႈ​ၼႂ်း​မိူင်း​ ၵီႉလတ်ႉ ​ၼၼ်ႉ ဢိတ်ႉတေႃႇ လုၵ်ႈ​ၸၢႆး​ ၸႃႇၶရီႉ ၊ တီႈ​မဵဝ်း​ ပိၼ်ႇယႃႇမိၼ်ႇ ​ၼၼ်ႉ ယေႇသေးလႃႉ လုၵ်ႈ​ၸၢႆး​ ဢႃႉပၼႃး ၊-</verse>
				<verse number="22">တီႈ​မဵဝ်း​ တၢၼ်ႇ ​ၼၼ်ႉ ဢႃႇၸရေႇလႃႉ လုၵ်ႈ​ၸၢႆး​ ယေႇရေႃးႁမ်ႇ ​ဢေႃႈ။ ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​ၶုၼ်​ဢၼ်​ဢုပ်ႉ​ၵႃႈ​ၼိူဝ်​မဵဝ်း ဢီႉသရေႇလႃႉ ​တင်း​လၢႆ​ဢေႃႈ။</verse>
				<verse number="23">ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး မီး​ၵတီႉ​ဝႆႉ​လူၺ်ႈ​လွင်ႈ​ဢၼ်​မၼ်း​ၸဝ်ႈ​တၵ်း​ႁႂ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ယႂ်ႇ​ၽႄႈ​ၼမ်​ၵိုၼ်း​မႃး​မိူၼ်​ၸိူဝ်ႉ​ၼင်ႇ​လၢဝ်​ၵၢင်​ႁၢဝ်​ၼၼ်ႉ​လႄႈ​ တႃႇဝိတ်ႈ ယင်း​ဢမ်ႇ​ၼပ်ႉ​ဢၢၼ်ႇ​ဢဝ်​ၸရၢင်း​ၶဝ်​ၸိူဝ်း​ဢၼ် ဢသၢၵ်ႈ​လႆႈ​သၢဝ်း​ပီႊ​လူင်း​လုမ်ႈ​ၼၼ်ႉ​လႄႈ​ယူႇ​ဢေႃႈ။-</verse>
				<verse number="24">ယႂႃႇၽႃႉ ​လုၵ်ႈ​ၸၢႆး​ ၸေႇရူႉယႃႇ ၸင်ႇ​ၸႃႉ​ၼပ်ႉ​ဢၢၼ်ႇ​ဢဝ်​ၸရၢင်း​ၵူၺ်း​လႄႈ ဢမ်ႇ​ႁဵတ်း​ႁႂ်ႈ​ယဝ်ႉ​ႁႂ်ႈ​တူဝ်ႈ၊ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ တူၵ်း​ႁွတ်ႈ​ၵႃႈ​ၼိူဝ်​မဵဝ်း​ ဢီႉသရေႇလႃႉ ၵွပ်ႈ​ပိူဝ်ႈ​ဢပႅတ်ႈ​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၼၼ်ႉ​ၵေႃႈ ၶဝ်​ဢမ်ႇ​ဢဝ်​သႂၢင်း​ၶဝ်ႈ​ၵႃႈ​ၼႂ်း​လိၵ်ႈ ဢၼ်​မၢတ်ႈ​မၢႆ​လူၺ်ႈ​လွင်ႈ​ၶုၼ်​လူင်​ တႃႇဝိတ်ႈ ​ၼၼ်ႉ။</verse>
				<verse number="25">ဢႃႇၸမႃႇဝိတ်ႉ ​လုၵ်ႈ​ၸၢႆး​ ဢတေႇလႃႉ ​ၼၼ်ႉ ပဵၼ်​ၽၼ်ႇတႃႇၸူဝ်း​ၶုၼ်​ႁေႃ​ၶမ်း​ဢေႃႈ။ ယေႃးၼသၼ်ႇ ​လုၵ်ႈ​ၸၢႆး​ ဢေႃးၸီႉ ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​ၽၼ်ႇတႃႇ ဢၼ်​မီး​ၵႃႈ​ၼွၵ်ႈ​ၵႃႈ​ပၢင်ႇ​ၵႃႈ​ဝၢၼ်ႈ​ၵႃႈ​ဝဵင်း ၵႃႈ​တီႈ​တိူၵ်ႈ​တီႈ​တိုၵ်း​သိုၵ်း​ၸိူဝ်း​ၼၼ်ႉ​ဢေႃႈ။-</verse>
				<verse number="26">ဢေးၸရီႉ ​လုၵ်ႈ​ၸၢႆး​ ၶေးလုပ်ႉ ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​ၶဝ်​ၸိူဝ်း​ဢၼ်​ႁဵတ်း​ႁႆႊ​ႁဵတ်း​ၼႃး​ၸဝ်ႈ​ၼၼ်ႉ​ဢေႃႈ။-</verse>
				<verse number="27">သီႉမီႉ ၵူၼ်း​ဝဵင်း​ ရႃႇမႃႉ ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​သူၼ်​ဢူးယဵၼ်ႇ​ၸပိတ်ႈ​ၸဝ်ႈ​ဢေႃႈ။ ၸႃႇပတီႉ ၵူၼ်း​ဝဵင်း​ သီႉၽမီႉ ​ၼၼ်ႉ​လႆႈ​ဢုပ်ႉ​ၵႃႈ​ၼိူဝ်​တၢင်း​ဢၼ် ယႂ်ႇ​ၽႄႈ​တူဝ်း​တွၼ်း​တီႈ​မၢၵ်ႇ​သူၼ်​ဢူးယဵၼ်ႇ​ၸပိတ်ႈ​ၸဝ်ႈ ပုၼ်ႈ​တိူၵ်ႈ​ၼမ်ႉ​ၸပိတ်ႈ​တင်း​လၢႆ​ဢေႃႈ။-</verse>
				<verse number="28">ပႃႇလႁႃႇၼၼ်ႇ ၵူၼ်း​ ၵေႇတႃႇရီႉ ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​တူၼ်ႈ​ သၢၼ်ႇလုၼ်ႇ ​လႂ် တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​လႂ် ဢၼ်​မီး​ၵႃႈ​တီႈ​ပၢင်ႇ​တီႈ​ပဵင်း​ၼၼ်ႉ​ဢေႃႈ၊ ယေႃးသႃႉ ​လႆႈ​ဢုပ်ႉ​ၵႃႈ​ၼိူဝ်​တိူၵ်ႈ​ၼမ်ႉ​မၼ်း​တင်း​လၢႆ​ဢေႃႈ။-</verse>
				<verse number="29">သီႉတရေး ​ၵူၼ်း​တီႈ​ သႃႇရုၼ်ႇ ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​ၽုင်​ဝူဝ်း​ဢၼ်​ယၢမ်ႈ​ၵိၼ်​ယူႇ​ၵႃႈ​တီႈ​ သႃႇရုၼ်ႇ ​ၼၼ်ႉ ၸိူဝ်း​ၼၼ်ႉ​ဢေႃႈ။ သႃႇၽတ်ႉ လုၵ်ႈ​ၸၢႆး​ ဢႃႇတလႄး ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​ၽုင်​ဝူဝ်း ဢၼ်​ယၢမ်ႈ​ၵိၼ်​ယူႇ​ၵႃႈ​ၼႂ်း​ပၢင်ႇ​ႁူၺ်ႈ​တင်း​လၢႆ​ၼၼ်ႉ​ဢေႃႈ။-</verse>
				<verse number="30">ဢေႃးပီႉလႃႉ မဵဝ်း​ ဢီႉသမေႇလႃႉ ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​ၵလႃးဢုၵ်ႉ​တင်း​လၢႆ​ဢေႃႈ၊ ယေႇတေႇယႃႉ ၵူၼ်း​ မေႇရေႃးၼသီႉ ​ၼၼ်ႉ​လႆႈ​ဢုပ်ႉ​ၵႃႈ​ၼိူဝ်​လီႈ​တင်း​လၢႆ​ဢေႃႈ။-</verse>
				<verse number="31">ယႃႇၸိတ်ႉ မဵဝ်း​ ႁႃႇၵရႃႉ ​ၼၼ်ႉ လႆႈ​ဢုပ်ႉ​ၵႃႈ​ၼိူဝ်​ၽုင်​သူဝ်း​ၽုင်​ပႄႉ​တင်း​လၢႆ​ဢေႃႈ။ ၶဝ်​ၵႃႈ​မီး​ၸိူဝ်း​ၼႆႉ ပဵၼ်​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ဢုၵ်ႉ​ၸႃႇ​ၽၼ်ႇတႃႇ​ၶုၼ်​လူင်​ တႃႇဝိတ်ႈ ​ဢေႃႈ။-</verse>
				<verse number="32">ယေႃးၼသၼ်ႇ ပေႃႈ​ၼႃႉ​ တႃႇဝိတ်ႈ ​ၼၼ်ႉ ပဵၼ်​မူး​မၢတ်ႈ​ဢၼ်​တိူင်ႇ​ပၢင်ႇ ၵေႃႉ​ဢၼ်​မီး​ၺၢၼ်ႇ​လႄႈ မေႃ​ၵျၢမ်း​လိၵ်ႈ​ဢေႃႈ။ ယေႇႁေႇလႃႉ လုၵ်ႈ​ၸၢႆး​ ႁႃႇၶႃႉမေႃးၼီႉ ​ၼၼ်ႉ ပဵၼ်​ၵေႃႉ​ဢၼ်​ႁူမ်ႈ​ပွင်း​လူၺ်ႈ​ၵၼ်​တင်း​လုၵ်ႈ​ၸၢႆး​ၶုၼ်​ႁေႃ​ၶမ်း​တင်း​လၢႆ​ဢေႃႈ။-</verse>
				<verse number="33">ဢႁီႉသေႃႇၽေးလႃႉ ​ၼၼ်ႉ ပဵၼ်​မူး​မၢတ်ႈ​တီႈ​ဢၼ်​ၶုၼ်​ႁေႃ​ၶမ်း​တိူင်ႇ​ပၢင်ႇ​ဢေႃႈ၊ ႁူႉသေး ၵူၼ်း​ဝဵင်း​ ဢႃႇၶီႉ ​ၼၼ်ႉ ပဵၼ်​ၵေႃႉ​သေႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="34">လိုၼ်း​သေ ဢႁီႉသေႃႇၽေးလႃႉ ​ၼၼ်ႉ မီး​ ဢႃႇပျႃႇထႃႇ တင်း​ ယေႃးယတႃႉ လုၵ်ႈ​ၸၢႆး​ ပေႇၼႃႇယႃႉ ​ၼၼ်ႉ​ဢေႃႈ။ ယႂႃႇၽႃႉ ​ပဵၼ်​ၶုၼ်​ပူဝ်ႇ​ၶျုၵ်ႈ​ပူဝ်ႇ​ပႃႇ​ၶုၼ်​ႁေႃ​ၶမ်း​ဢေႃႈ။</verse>
			</chapter>
			<chapter number="28">
				<verse number="1">ၽဝ်ႇ​ၼိုင်ႈ တႃႇဝိတ်ႈ ​ႁႂ်ႈ​ၶုၼ်​ ဢီႉသရေႇလႃႉ တင်း​သဵင်ႈ​တင်း​လူင် ဢၼ်​ဝႃႈ​ၶုၼ်​ဢၼ်​ဢုပ်ႉ​ၵႃႈ​ၼိူဝ်​မဵဝ်း ႁင်း​ၽႂ်​ႁင်း​မၼ်း၊ ၶုၼ်​ပူဝ်ႇ​ဢၼ်​ပႂ်ႉ​ဢမူႉ​ၶုၼ်​ႁေႃ​ၶမ်း ပဵၼ်​လႄႉ​ပဵၼ်​ၵမ်း၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ႁဵင်၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ၊ ၽၼ်ႇတႃႇၸူဝ်း​ဢၼ်​ဢုပ်ႉ​ၵႃႈ​ၼိူဝ်​ဢုၵ်ႉ​ၸႃႇ​ၽၼ်ႇတႃႇ ဢၼ်​ၶုၼ်​ႁေႃ​ၶမ်း​ဢိၵ်ႇ​တင်း​လုၵ်ႈ​ၸၢႆး​ၸဝ်ႈ​တင်း​လၢႆ​ပိူင်ႇ​ၼၼ်ႉ၊ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​ၵူၼ်း​ထိင်း​ၼၢင်း​လႂ်၊ ၶဝ်​ၸိူဝ်း​ဢၼ်​မီး​ဢရႃႇ​ပဵၼ်​တူၼ်ႈ​ပဵၼ်​ငဝ်ႈ​ဢၼ်​ႁႅင်း​ယႂ်ႇ​ၼႃႇ​ဢၼ်​ဝႃႈ၊ ၵႃႈ​ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​လႄႈ ႁတ်း​ႁၢၼ်​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="2">မိူဝ်ႈ​ၼၼ်ႉ ၶုၼ်​လူင်​ တႃႇဝိတ်ႈ လုၵ်ႉ​ၸုၵ်း​ယူႇ​သေ​လႄႈ​မီး​ဢမိင်ႉ​လႄႈ​ဝႃႈ၊ ပီႈ​ၵဝ်​ၼွင်ႉ​ၵဝ်​ၵူၼ်း​ၵဝ်​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၵဝ်​တႃႉ။ ၵဝ်​မီး​တၢင်း​ၵျၢမ်ႇ​တၢင်း​ပွင်​ၼႂ်း​ၸႂ်​လႄႈ​ဝႃႈ၊ တၵ်း​တႄႇ​ႁဵတ်း​ႁိူၼ်း​တီႈ​ဢၼ် တိူၵ်ႈ​ပတီႉၺိၺ်ႇ​ထႃႇဝရႃႉ​ၽြႃး တၵ်း​တႄႇ​ယူႇ​ၼိမ်​ၼိမ်​လီ​လီ​ဢၼ်​ဝႃႈ၊ ၶူင်ႇ​တီႈ​ဢၼ်​ၽြႃး​ပဵၼ်​ၸဝ်ႈ တၵ်း​တၢင်ႇ​တိၼ်​မၼ်း​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ မႄး​ႁႅၼ်း​ဝႆႉ ႁႂ်ႈ​လႆႈ​တႄႇ​လႆႈ​ႁဵတ်း​ယဝ်ႉ။-</verse>
				<verse number="3">ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​မီး​ဢမိင်ႉ​လႄႈ​ဝႃႈ၊ ဢမ်ႇ​လႆႈ​တႄႇ​လႆႈ​ႁဵတ်း​ႁိူၼ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ် ၵွပ်ႈ​ပိူဝ်ႈ​ဢၼ်​မႂ်း​ပဵၼ်​ၵေႃႉ​ဢၼ်​တိုၵ်း​သိုၵ်း၊ ၵေႃႉ​ဢၼ်​ထွၵ်ႇ​လိူတ်ႈ​ၵူၼ်း​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​လိူၵ်ႈ​ၵဵပ်း​ဢဝ်​ၵဝ် ၼႂ်း​ပီႈ​ၼွင်ႉ​မဵဝ်း​ၸိူဝ်ႉ​ၶိူဝ်း​ပေႃႈ​ၵဝ် ႁႂ်ႈ​ၵဝ်​လႆႈ​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ ယူႇ​တႃႇ​သေႇ​ဢေႃႈ။ မၼ်း​ၸဝ်ႈ​လိူၵ်ႈ​ၵဵပ်း​ဢဝ်​မဵဝ်း​ ယူႉတႃႉ ႁႂ်ႈ​ပဵၼ်​မဵဝ်း​ဢၼ်​ဢုပ်ႉ​ဢၼ်​ပိူင်ႇ​ဢေႃႈ၊ ၼႂ်း​မဵဝ်း​ ယူႉတႃႉ ​ၼၼ်ႉ ႁိူၼ်း​ပေႃႈ​ၵဝ်၊ လႆႈ​သမ်ႉ​ၼႂ်း​လုၵ်ႈ​ၸၢႆး​ပေႃႈ​ၵဝ်​ၸိူဝ်း​ၼၼ်ႉ၊ ၵဝ်​ၼႆႉ​မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​လႄႈ၊ ႁႂ်ႈ​ပဵၼ်​ၶုၼ်​ႁေႃ​ၶမ်း ၵႃႈ​ၼိူဝ်​မိူင်း​ ဢီႉသရေႇလႃႉ တင်း​မိူင်း​ဢေႃႈ။</verse>
				<verse number="5">ထႃႇဝရႃႉ​ၽြႃး ပၼ်​လုၵ်ႈ​ၸၢႆး​တီႈ​ၵဝ်​ၼမ်​ၼႃႇ​လႄႈ၊ ၼႂ်း​လုၵ်ႈ​ၸၢႆး​ၵဝ်​တင်း​သဵင်ႈ​တင်း​လူင်​ၼၼ်ႉ၊ မၼ်း​ၸဝ်ႈ​လိူၵ်ႈ​ၵဵပ်း​ဢဝ်​လုၵ်ႈ​ၸၢႆး​ၵဝ် သေႃးလမုၼ်ႇ ႁႂ်ႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​သိုင်ႇ​ၸိုင်ႈ​ဝၢၼ်ႈ​မိူင်း​ထႃႇဝရႃႉ​ၽြႃး​ယူႇ​သေ​လႄႈ ဢုပ်ႉ​ပိူင်ႇ​မဵဝ်း​ ဢီႉသရေႇလႃႉ ​ယဝ်ႉ။-</verse>
				<verse number="6">တီႈ​ၵဝ်​ၵေႃႈ​မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ လုၵ်ႈ​ၸၢႆး​မႂ်း​ သေႃးလမုၼ်ႇ ​ၼၼ်ႉ တၵ်း​လႆႈ​တႄႇ​ႁဵတ်း​ႁိူၼ်း​ၵဝ် ဢိၵ်ႇ​တင်း​တမ်ႇ​တိူင်း​ၵဝ်​တင်း​လၢႆ​ဢေႃႈ။ ၵဝ်​လိူၵ်ႈ​ၵဵပ်း​ဢဝ်​မၼ်း​ၼၼ်ႉ ႁႂ်ႈ​ပဵၼ်​လုၵ်ႈ​ၸၢႆး​ၵဝ်​ယဝ်ႉ။ ၵဝ်​တၵ်း​ပဵၼ်​ပေႃႈ​မၼ်း​ဢေႃႈ။-</verse>
				<verse number="7">ပေႃး​မၼ်း​ၵမ်​ၵျၢင်ႉ​ပိင်း​ၺၢပ်ႈ​တြႃး​ၵဝ် ဢိၵ်ႇ​လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​ယူႇ၊ မၼ်ႈ​ၶိူင်ႇ​မိူၼ်​ၸိူဝ်ႉ​ၼင်ႇ​ဝၼ်း​မိူဝ်ႈ​ၼႆႉ​ၼၼ်ႉ​ၸိုင်၊ ၵဝ်​တၵ်း​ႁႂ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း တႄႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ မိူဝ်ႈ​လဵဝ်​ၼႆႉ၊ ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ဢၼ်​ဝႃႈ၊ ပရဵၵ်ႈသၢတ်ႈ​ထႃႇဝရႃႉ​ၽြႃး​ၸိူဝ်း​ၼႆႉ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼႆႉ၊ သူ​ဢွၼ်​ၵၼ်​ႁႃ​ဢဝ်​ပိင်း​ၺၢပ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၵႃႈ​မီး​လႄႈ ၵမ်​ၵျၢင်ႉ​ပႂ်ႉ​ၸွမ်း​ယူႇ၊ ႁႂ်ႈ​သူ​လႆႈ​ပိူင်ႇ​မိူင်း​ဢၼ်​လီ​ၼႃႇ​ၼႆႉ​လႄႈ သမ်ႉ​ႁႂ်ႈ​ၵိုတ်း​ၵျၢၼ်ႇ​ဝႆႉ ပုၼ်ႈ​ဢၼ်​ၸူဝ်ႈ​လုၵ်ႈ​ပၢၼ်​လၢၼ်​သူ​သိုပ်ႇ​သိုပ်ႇ​တၢမ်း​တၢမ်း​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​ဢမူၺ်ႇ​ၼၼ်ႉ​တႃႉ။</verse>
				<verse number="9">လုၵ်ႈ​ၸၢႆး​ၵဝ်​ သေႃးလမုၼ်ႇ ​ဢိူၺ်း၊ ႁူႉ​ၸၵ်း​ၽြႃး​ပဵၼ်​ၸဝ်ႈ​ပေႃႈ​မႂ်း​တႃႉ။ ပႃး​တင်း​ႁူဝ်​ၸႂ်​ဢၼ်​ၸေး​ၸုမ်ႇ၊ ၸႂ်​သၽေႃး​ဢၼ်​မီး​ၸေႇတၼႃႇ​သေ​လႄႈ ႁဵတ်း​ဝၢတ်ႈ​တီႈ​မၼ်း​ၸဝ်ႈ​တႃႉ။ ထႃႇဝရႃႉ​ၽြႃး​ၼၼ်ႉ​ၸႅတ်ႈ​ထၢမ်​ၸႅတ်ႈ​တူၺ်း​ႁူဝ်​ၸႂ်​တင်း​သဵင်ႈ​တင်း​လူင်​လႄႈ ႁူႉ​ၸၵ်း​တၢင်း​ၵျၢမ်ႇ​တၢင်း​ပွင်​တင်း​သဵင်ႈ​တင်း​လူင်​ဢေႃႈ။ ပေႃး​မႂ်း​ႁႃ​မၼ်း​ၸဝ်ႈ​ၸိုင် မၼ်း​ၸဝ်ႈ​တၵ်း​ၶၢမ်ႇ​တၢင်း​ဢၼ်​မႂ်း​ထူပ်း​ဢေႃႈ။ ပေႃး​မႂ်း​ၸုၼ်ႉ​ပႅတ်ႈ​မၼ်း​ၸဝ်ႈ​ၸိုင်၊ မၼ်း​ၸဝ်ႈ​တၵ်း​ၸုၼ်ႉ​ပႅတ်ႈ​မႂ်း​ယူႇ​တႃႇ​သေႇ​ဢေႃႈ။-</verse>
				<verse number="10">ႁဵတ်း​သတီႉ​တႃႉ၊ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ်​မႂ်း ႁႂ်ႈ​လႆႈ​တႄႇ​ႁဵတ်း​ႁိူၼ်း​ၸဝ်ႈ​ပုၼ်ႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ​လႄႈ ဢဝ်​ႁႅင်း​ဢွၵ်ႇ​သေ​လႄႈ​တႄႇ​ႁဵတ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မိူဝ်ႈ​ၼၼ်ႉ​ တႃႇဝိတ်ႈ ဢဝ်​ပုင်ႇ​ၼႃႈ​ႁိူၼ်း​ပိၵ်ႈ​မၢၼ်ႇ​ၸဝ်ႈ၊ လင်​လူင်​တင်း​လၢႆ​လႂ်၊ တိူၵ်ႈ​ၽၼ်ႇတႃႇ​တင်း​လၢႆ​လႂ်၊ လုၵ်း​ႁၢၼ်ႉ​ၼိူဝ်​တင်း​လၢႆ​လႂ်၊ လုၵ်း​ဢၼ်​ၵႃႈ​ၼႂ်း​တင်း​လၢႆ​လႂ်၊ လုၵ်း​တီႈ​ဢၼ်​ဝႆႉ​ပလၢင်ႇ​တီႈ​ၽေႇ​ဢပႅတ်ႈ​ၼၼ်ႉ​လႂ်၊-</verse>
				<verse number="12">ဢိၵ်ႇ​တင်း​ပုင်ႇ​ၵႃႈ​ဢၼ်​ၸႂ်​မၼ်း​ၵျၢမ်ႇ​ပွင်​ပုၼ်ႈ​တမ်ႇ​တိူင်း​ႁိူၼ်း​ထႃႇဝရႃႉ​ၽြႃး​တင်း​လၢႆ​လႂ်၊ လုၵ်း​ဢၼ်​လွမ်ႉ​ၵႃႈ​တီႈ​လဵပ်ႈ​ႁွပ်ႈ​မၼ်း​ၼၼ်ႉ​တင်း​သဵင်ႈ​တင်း​လူင်​လႂ်၊ တိူၵ်ႈ​ၽၼ်ႇတႃႇ​ႁိူၼ်း​ၽြႃး​ပဵၼ်​ၸဝ်ႈ​တင်း​လၢႆ​လႂ်၊ တိူၵ်ႈ​ၽၼ်ႇတႃႇ​တၢင်း​ဢၼ်​ပုၵ်ႈ​ၸေႃႇ​တင်း​လၢႆ​လႂ်​ၼၼ်ႉ၊-</verse>
				<verse number="13">ပုၼ်ႈ​တၢင်း​ဢၼ်​ယိတ်ႈပရေႃးႁဵၵ်ႈ ၵူၼ်း​မဵဝ်း​ လေႇဝီႉ ႁဵတ်း​မုၵ်ႉ​ႁဵတ်း​ၸိူဝ်း၊ ပုၼ်ႈ​တၢင်း​ဢၼ်​ၵိုတ်ႉ​ႁၢပ်ႇ​ဢမူႉ​ၸဝ်ႈ ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၵူႈ​ၸိူဝ်ႉ​ၵူႈ​ပိူင်၊ ပုၼ်ႈ​ၶိူင်ႈ​ပိူင်​ဢၼ် တၵ်း​ဢဝ်​ၵိုတ်ႉ​ႁၢပ်ႇ​ဢမူႉ ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၵႃႈ​မီး၊-</verse>
				<verse number="14">တင်း​ၶမ်း​ၸွမ်း​လူၺ်ႈ​တၢင်း​ဢၼ်​ၸင်ႈ​ဢၼ်​ႁိဝ်ႈ​မၼ်း ပုၼ်ႈ​ၶိူင်ႈ​ၶမ်း​ၵႃႈ​ဢၼ်​တၵ်း​ဢဝ်​ၵိုတ်ႉ​ႁၢပ်ႇ​ဢမူႉ​ၸဝ်ႈ​ၵူႈ​ၸိူဝ်ႉ​ၵူႈ​မဵဝ်း၊ ငိုၼ်း ၸွမ်း​လူၺ်ႈ​တၢင်း​ဢၼ်​ၸင်ႈ​ဢၼ်​ႁိဝ်ႈ​မၼ်း ပုၼ်ႈ​ၶိူင်ႈ​ငိုၼ်း​ၵႃႈ​ဢၼ်​တၵ်း​ဢဝ်​ၵိုတ်ႉ​ႁၢပ်ႇ​ဢမူႉ​ၸဝ်ႈ ၵူႈ​ၸိူဝ်ႉ​ၵူႈ​မဵဝ်း၊-</verse>
				<verse number="15">ၶမ်း​ၸွမ်း​လူၺ်ႈ​တၢင်း​ဢၼ်​ၸင်ႈ​ဢၼ်​ႁိဝ်ႈ​မၼ်း ပုၼ်ႈ​ၶူင်ႇ​တီႈ​တႆႈ​ၽႆး ၶမ်း​တင်း​လၢႆ ဢိၵ်ႇ​တင်း​ပုၼ်ႈ​ၵွၵ်း​ဝၢၼ်ႇ​တီႈ​တႆႈ​ၽႆး​မၼ်း​ၸိူဝ်း​ၼၼ်ႉ ဢၼ်​ဝႃႈ ၶမ်း​ၸွမ်း​လူၺ်ႈ​တၢင်း​ဢၼ်​ၸင်ႈ​ဢၼ်​ႁိဝ်ႈ​မၼ်း ပုၼ်ႈ​ၶူင်ႇ​တီႈ​တႆႈ​ၽႆး​ႁင်း​ၽႂ်​ႁင်း​မၼ်း ဢိၵ်ႇ​တင်း​ပုၼ်ႈ​ၵွၵ်း​ဝၢၼ်ႇ တီႈ​တႆႈ​ၽႆး​မၼ်း​ၸိူဝ်း​ၼၼ်ႉ၊ ငိုၼ်း​ၸွမ်း​လူၺ်ႈ​တၢင်း​ဢၼ်​ၸင်ႈ​ဢၼ်​ႁဵဝ်ႈ​မၼ်း​ပုၼ်ႈ​ၶူင်ႇ​တီႈ​တႆႈ​ၽႆး​ငိုၼ်း​ႁင်း​ၽႂ်​ႁင်း​မၼ်း​ဢိၵ်ႇ​တင်း​ပုၼ်ႈ​ၵွၵ်း​ဝၢၼ်ႇ​တီႈ​တႆႈ​ၽႆး​မၼ်း​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ် တၵ်း​သုင်း​သွင်ႇ​ၶူင်ႇ​တီႈ​တႆႈ​ၽႆး​ၸိူဝ်း​ၼၼ်ႉ ႁင်း​ၽႂ်​ႁင်း​မၼ်း​ၼၼ်ႉ၊-</verse>
				<verse number="16">ၶမ်း​ၸွမ်း​လူၺ်ႈ​တၢင်း​ဢၼ်​ၸင်ႈ​ဢၼ်​ႁိဝ်ႈ​မၼ်း ပုၼ်ႈ​ၶူင်ႇ​တီႈ​ၵိၼ်၊ ၶမ်း​တီႈ​ဢၼ်​တၵ်း​တၢင်ႇ​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ​ၼၼ်ႉ ႁင်း​ၽႂ်​ႁင်း​မၼ်း၊ ငိုၼ်း​ပုၼ်ႈ​ၶူင်ႇ​တီႈ​ၵိၼ် ငိုၼ်း​တင်း​လၢႆ၊-</verse>
				<verse number="17">ၶမ်း​လွတ်ႈ​ငၢၼ်ႇ ပုၼ်ႈ​ၶေႃ​ၵွင်ႉ​ၼိူဝ်ႉ​တင်း​လၢႆ​လႂ်၊ ဝၢၼ်ႇ​တင်း​လၢႆ​လႂ်၊ ၵွၵ်း​တင်း​လၢႆ​လႂ်၊ ၶမ်း​ၸွမ်း​လူၺ်ႈ​တၢင်း​ဢၼ်​ၸင်ႈ​ဢၼ်​ႁိဝ်ႈ​မၼ်း ပုၼ်ႈ​ၵွၵ်း​ဝၢၼ်ႇ​ၶမ်း​ႁင်း​ၽႂ်​ႁင်း​မၼ်း၊ ငိုၼ်း ၸွမ်း​လူၺ်ႈ​တၢင်း​ဢၼ်​ၸင်ႈ​ဢၼ်​ႁိဝ်ႈ​မၼ်း ပုၼ်ႈ​ၵွၵ်း​ဝၢၼ်ႇ​ငိုၼ်း ႁင်း​ၽႂ်​ႁင်း​မၼ်း၊-</verse>
				<verse number="18">ၶမ်း​လွတ်ႈ​ငၢၼ်ႇ ၸွမ်း​လူၺ်ႈ​တၢင်း​ဢၼ်​ၸင်ႈ​ဢၼ်​ႁဵဝ်ႇ​မၼ်း ပုၼ်ႈ​ယိတ်ႈပလၢင်ႇ​တီႈ​ဢၼ် တၵ်း​ဢဝ်​ၼၢမ်ႇ​သႃႇ​တုတ်ႇ​ၽႆး​ၼၼ်ႉ၊ ၶမ်း​ပုၼ်ႈ​ပုင်ႇ​ရထႃး ဢၼ်​ဝႃႈ ၶေႇရူႉၽဵမ်ႇ ဢၼ်​ၵီႈ​ပိၵ်ႇ​ၶဝ်​သေ​လႄႈ ႁူမ်ႇ​သုမ်ႇ​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး ယူႇ​ၼၼ်ႉ​ၸိူဝ်း​ၼၼ်ႉ ဢၢပ်ႈ​ပၼ်​တီႈ​လုၵ်ႈ​ၸၢႆး​မၼ်း သေႃးလမုၼ်ႇ ​ဢေႃႈ။-</verse>
				<verse number="19">မၼ်း​ဝႃႈ ၵႃႈ​မီး​ၼႆႉ​ဢၼ်​ဝႃႈ ၵႃႈ​ဢၼ်​ပႃး​ၼႂ်း​ပုင်ႇ​ၼႆႉ တင်း​သဵင်ႈ​တင်း​လူင်​ၼၼ်ႉ​ၸိုင် ထႃႇဝရႃႉ​ၽြႃး ပၼ်​ၺၢၼ်ႇ​ဢၼ်​ၵဝ်​ႁူႉ​လႆႈ​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​တႅမ်ႈ​မၢႆ​ဝႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">တီႈ​လုၵ်ႈ​ၸၢႆး​မၼ်း​ သေႃးလမုၼ်ႇ ​ၵေႃႈ၊ တႃႇဝိတ်ႈ ​မီး​ဢမိင်ႉ​လႄႈ​ဝႃႈ မႂ်း​ဢဝ်​ႁႅင်း​ဢွၵ်ႇ​လႄႈ ပႃး​တင်း​ၸႂ်​ဢၼ်​ႁတ်း​ႁၢၼ်​ယူႇ​သေ​လႄႈ သၢင်ႈ​ႁဵတ်း​တႃႉ။ ယႃႇ​ပေ​ၵူဝ်​ပေ​ႁႄ။ ယႃႇ​ပေ​ၸႂ်​လူႉ။ ၽြႃး​ပဵၼ်​ၸဝ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၼၼ်ႉ တၵ်း​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။ မၼ်း​ၸဝ်ႈ​တၵ်း​ဢမ်ႇ​ၸုၼ်ႉ​ပႅတ်ႈ​မႂ်း၊ တၵ်း​ဢမ်ႇ​ပႅတ်ႈ​မႂ်း​ဝႆႉ တေႃႇ​ထိုင်​ႁွတ်ႈ​တၢင်း​ဢၼ်​သၢင်ႈ​ႁဵတ်း ပုၼ်ႈ​ဢၼ်​တၵ်း​ၵိုတ်ႉ​ႁၢပ်ႇ​ဢမူႉ​ႁိူၼ်း​ထႃႇဝရႃႉ​ၽြႃး​ၼၼ်ႉ​ထၼ်ႈ​ပေႃး​ယဝ်ႉ​တူဝ်ႈ​ယဝ်ႉ​ၼၼ်ႉ။-</verse>
				<verse number="21">ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ဢၼ်​ပဵၼ်​မုၵ်ႉ​ပဵၼ်​ၸိူဝ်း​ဝႆႉ​ၸိူဝ်း​ၼၼ်ႉ​ၵေႃႈ မီး​ယူႇ​ပုၼ်ႈ​ဢၼ်​တၵ်း​ၵိုတ်ႉ​ႁၢပ်ႇ​ဢမူႉ ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။ သြႃႇသမႃး​ဢၼ်​လၵ်း​လႅမ်​လႄႈ မီး​ၸေႇတၼႃႇ​ၵူႈ​ၸိူဝ်ႉ​ၵူႈ​မဵဝ်း​ၸိူဝ်း​ၼၼ်ႉ​ၵေႃႈ မီး​ဝႆႉ​တီႈ​မႂ်း​ပုၼ်ႈ​ဢၼ်​တၵ်း​ႁဵတ်း​ၵူႈ​ၸိူဝ်ႉ​ၵူႈ​ပိူင်​ဢေႃႈ။ ၶုၼ်​ပူဝ်ႇ​ဢိၵ်ႇ​တင်း​ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင်​ၵေႃႈ မီး​ယူႇ​တႂ်ႈ​ဢမိင်ႉ​မႂ်း​သဵင်ႈ​သဵင်ႈ​မူတ်း​မူတ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="29">
				<verse number="1">လႆႈ​သမ်ႉ ၶုၼ်​လူင်​ တႃႇဝိတ်ႈ ​မီး​ဢမိင်ႉ​တီႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင်​လႄႈ​ဝႃႈ၊ လုၵ်ႈ​ၸၢႆး​ၵဝ်​ သေႃးလမုၼ်ႇ ဢၼ်​ၽြႃး​ပဵၼ်​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ ဢသၢၵ်ႈ​လဵၵ်ႉ​လႄႈ​ယင်း​ၼုမ်ႇ​ဢေႃႈ။ ဢမူႉ​တၢင်း​ႁဵတ်း​ၸမ်ႉ၊ ယႂ်ႇ​ၼႃႇ​ဢေႃႈ။ ပိၵ်ႈ​မၢၼ်ႇ​ဢၼ်​လႆႈ​တႄႇ​ႁဵတ်း​ၼၼ်ႉ ပဵၼ်​ပုၼ်ႈ​ၵူၼ်း​ဢမ်ႇ​ၸႂ်ႈ။ ပဵၼ်​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="2">ပိူဝ်ႈ​ၼႆ​လႄႈ ၵႃႈ​ၼင်ႇ​ဢၼ်​ၵဝ်​တၢတ်ႈ​ၼိူင်ႇ​ၼၼ်ႉ ၵဝ်​ပွင်​ႁဵတ်း​ပွင်​ႁႅၼ်း​ၶမ်း​ပုၼ်ႈ​ဢၼ်​တၵ်း​ႁဵတ်း​ၶိူင်ႈ​ၶမ်း၊ ငိုၼ်း​ပုၼ်ႈ​ဢၼ်​တၵ်း​ႁဵတ်း​ၶိူင်ႈ​ငိုၼ်း၊ တွင်း​လိူင်​ပုၼ်ႈ​ဢၼ်​တၵ်း​ႁဵတ်း​ၶိူင်ႈ​တွင်း​လိူင်၊ လဵၵ်း​ပုၼ်ႈ​ဢၼ်​တၵ်း​ႁဵတ်း​ၶိူင်ႈ​လဵၵ်း၊ မႆႉ​ၸိင်​ပုၼ်ႈ​ဢၼ်​တၵ်း​ႁဵတ်း​ၶိူင်ႈ​မႆႉ​ၸိင်၊ သႅင်​ၸၢႆး​ၶႃး​ယွတ်ႇ ဢိၵ်ႇ​တင်း​သႅင်​ဢၼ်​လီ ပုၼ်ႈ​ဢၼ်​တၵ်း​ၸီႇ၊ သႅင်​ဢၼ်​ဢရွင်ႇ​လုၵ်ႉ​ႁိူဝ်ႈ၊ သႅင်​ဢၼ်​ပဵၼ်​လဵၼ်း​ပဵၼ်​လၢႆး၊ သႅင်​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်၊ ႁိၼ်​ၽိူၵ်ႇ​ႁိၼ်​ၶၢဝ်​ဢၼ်​ၼမ်​ၼႃႇ​ၸိူဝ်း​ၼၼ်ႉ ဝႆႉ​ပုၼ်ႈ​ႁိူၼ်း​ၽြႃး​ပဵၼ်​ၸဝ်ႈ​ၵဝ်​ယဝ်ႉ။-</verse>
				<verse number="3">ၵွပ်ႈ​ပိူဝ်ႈ​ဢၼ်​ႁူဝ်​ၸႂ်​ၵဝ်​ၸပ်း​ၸွႆး​ႁိူၼ်း​ၽြႃး​ပဵၼ်​ၸဝ်ႈ​ၵဝ်​လႄႈ ၼွၵ်ႈ​သေ​ဢုၵ်ႉ​ၸႃႇ ဢၼ်​ၵဝ်​ပွင်​ႁဵတ်း​ပွင်​ႁႅၼ်း​ပုၼ်ႈ​ႁိူၼ်း​ဢၼ်​မူတ်း​ၸၢင်ႇ​ၼၼ်ႉ၊ ၵဝ်​ဢဝ်​ၵႃႈ​ၼႂ်း​ၽၼ်ႇတႃႇ​ဢုၵ်ႉ​ၸႃႇ​ငိုၼ်း​ၶမ်း ဢၼ်​ၵဝ်​ပိူင်ႇ​ၼၼ်ႉ​ဢၼ်​ဝႃႈ၊-</verse>
				<verse number="4">ၶမ်း​ ဢေႃႇၽီႉရႃႉ ​သၢမ်​ႁဵင်​ တလၢၼ်ႇတၢၼ်ႇ ဢိၵ်ႇ​တင်း​ငိုၼ်း​လီ​ပုၼ်ႈ​ဢၼ်​တၵ်း​ဢုမ်ႇ​ႁေႃႇ​ၽႃ​ႁိၼ် ၸဵတ်း​ႁဵင်​ တလၢၼ်ႇတၢၼ်ႇ ​၊-</verse>
				<verse number="5">ၶမ်း​ပုၼ်ႈ​ၶိူင်ႈ​ၶမ်း၊ ငိုၼ်း​ပုၼ်ႈ​ၶိူင်ႈ​ငိုၼ်း ဢိၵ်ႇ​တင်း​ပုၼ်ႈ​ၵႃႈ​ဢၼ်​သြႃႇသမႃး​ၶဝ်​တၵ်း​ႁဵတ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ပၼ်​ပုၼ်ႈ​ႁိူၼ်း​ၽြႃး​ပဵၼ်​ၸဝ်ႈ​ၵဝ်​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ဝၼ်း​မိူဝ်ႈ​ၼႆႉ ၽူႈ​လႂ်​ၶႂ်ႈ​ဢဝ်​တဵမ်​ၵမ်​တဵမ်​မိုဝ်း​တူဝ်​ၸဝ်ႈ​ၵဝ်ႇ​သေ​လႄႈ လူႇ​တၢၼ်း​တီႈ​ထႃႇဝရႃႉ​ၽြႃး၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ်​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ် ၶုၼ်​မဵဝ်း​ ဢီႉသရေႇလႃႉ ​တင်း​လၢႆ၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ် ၵူၼ်း​ယေႈ​ႁဵင်၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ၊ ၶဝ်​ၸိူဝ်း​ဢၼ်​ၸီႇ​ယၢင်ႇ​ဢမူႉ​ၸဝ်ႈ​ၶုၼ်​ႁေႃ​ၶမ်း​တင်း​လၢႆ​ၸိူဝ်း​ၼၼ်ႉ မီး​ၸႂ်​ၸေႇတၼႃႇ​လႄႈ၊-</verse>
				<verse number="7">ဢွၼ်​ၵၼ်​လူႇ​ၶမ်း​ႁႃႈ​ႁဵင်​ တလၢၼ်ႇတၢၼ်ႇ တင်း​တႅင်း​ၵႃး​ၶမ်း​ တရႅၵ်ႉ ​မိုၼ်ႇ​ၼိုင်ႈ၊ ငိုၼ်း​မိုၼ်ႇ​ တလၢၼ်ႇတၢၼ်ႇ ​၊ တွင်း​လိူင်​မိုၼ်ႇ​ပၢႆ​ပႅတ်ႇ​ႁဵင်​ တလၢၼ်ႇတၢၼ်ႇ ​၊ လဵၵ်း​သႅၼ်​ တလၢၼ်ႇတၢၼ်ႇ ပုၼ်ႈ​ဢၼ်​တၵ်း​ၵိုတ်ႉ​ႁၢပ်ႇ​ဢမူႉ​ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="8">ၶဝ်​ၸိူဝ်း​ဢၼ်​မီး​သႅင်​မျၢတ်ႈ​ၵေႃႈ၊ ဢွၼ်​ၵၼ်​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ ယေႇႁေႇလႃႉ ၵူၼ်း​မဵဝ်း​ ၵေႇရသုၼ်ႇ သႂၢင်း​ၶဝ်ႈ​ၵႃႈ​ၼႂ်း​ၽၼ်ႇတႃႇ​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="9">မိူဝ်ႈ​ၼၼ်ႉ​ၵူၼ်း​တင်း​လၢႆ​ဢွၼ်​ၵၼ် ၸူမ်း​သိူဝ်း​လူၺ်ႈ​လွင်ႈ​ဢၼ်​ၶဝ်​ပႃး​ၸႂ်​ၸေႇတၼႃႇ​လူႇ​တၢၼ်း​ၵွပ်ႈ​ပိူဝ်ႈ​ဢၼ်​ၶဝ်​ပႃး​ႁူဝ်​ၸႂ် ဢၼ်​ၸေး​ၸုမ်ႇ​သေ​လႄႈ မီး​ၸႂ်​ၸေႇတၼႃႇ​လႄႈ​လူႇ​တၢၼ်း​ၼၼ်ႉ​ဢေႃႈ။ ၶုၼ်​လူင်​ တႃႇဝိတ်ႈ ၊ ၵေႃႈ​မီး​တၢင်း​ဢၼ်​ၸူမ်း​သိူဝ်း​ၼႃႇ​လူင်​လၢင်​လႄႈ ၸူမ်း​သိူဝ်း​ဢေႃႈ။</verse>
				<verse number="10">မိူဝ်ႈ​ၼၼ်ႉ​ တႃႇဝိတ်ႈ ​ယွင်ႈ​ယေႃး​ထႃႇဝရႃႉ​ၽြႃး​ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ​တင်း​လၢႆ​လႄႈ တႃႇဝိတ်ႈ ​လဝ်ႊ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ၊ ပေႃႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​တီႈ​ၶႃႈ၊ ႁႂ်ႈ​ၸဝ်ႈ​ႁဝ်း​မီး​မင်ႇၵလႃႇ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း သေ​ၵမ်း​လူၺ်ႈ​တီႈ​ၶႃႈ။-</verse>
				<verse number="11">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပျေႉ​ၸုမ်ႇ​တင်း​မုၼ်​တၼ်း​ၶူဝ်း​ဢႃႇၼူႉၽေႃႇ၊ ဢၶႂၢင်ႉ​တၢင်း​ဢၼ်​ပႄႉ​ၼႅင်ႇ၊ ဢႃႇၼႃႇၸၢၵ်ႈ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢုပ်ႉ​ပိူင်ႇ​ၵႃႈ​ဢၼ်​မီး​ၵႃႈ​တီႈ​ၽႃႉ​ၵၢင်​ႁၢဝ် ဢိၵ်ႇ​တင်း​ၵႃႈ​တီႈ​လိၼ်​မိူင်း​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပိူင်ႇ​သိုင်ႇ​ၸိုင်ႈ​ဝၢၼ်ႈ​မိူင်း​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ယႂ်ႇ​သုင်​မျၢတ်ႈ​လီ​ၼႃႇ​လႄႈ ပဵၼ်​ၸိၵ်း​ပဵၼ်​ၸွမ်​ပိူၼ်ႈ​တင်း​သဵင်ႈ​တင်း​လူင်​တီႈ​ၶႃႈ​ဢေႃႈ။-</verse>
				<verse number="12">မုၼ်​ၵုင်ႇ​သရေႇ​ဢိၵ်ႇ​တင်း​ၸေး​ၸိမ်ႇ​ဢုၵ်ႉ​ၸႃႇ ဢွၵ်ႇ​ပဵၼ်​တီႈ​ၸဝ်ႈ​ႁဝ်း​မႃး​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢုပ်ႉ​ပိူင်ႇ​ၵူၼ်း​တင်း​သဵင်ႈ​တင်း​လူင်​တီႈ​ၶႃႈ​ဢေႃႈ။ ႁႅင်း​တၼ်း​ၶူဝ်း​ဢိၵ်ႇ​တင်း​တၢင်း​ၵတ်ႉ​တၢင်း​ၶၼ်​မီး​ၵႃႈ​ၼႂ်း​မိုဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၵႃႈ​ၼႂ်း​မိုဝ်း​ၸဝ်ႈ​ႁဝ်း​ၼၼ်ႉ မီး​ဢၶႂၢင်ႉ​ဢၼ်​ႁႂ်ႈ​ယႂ်ႇ​မျၢတ်ႈ ဢိၵ်ႇ​တင်း​ဢၶႂၢင်ႉ​ဢၼ် ဢၢပ်ႈ​ပၼ်​တၢင်း​ဢၼ်​မၼ်ႈ​ၶိူင်ႇ တီႈ​ၵူၼ်း​တင်း​သဵင်ႈ​တင်း​လူင်​တီႈ​ၶႃႈ​ဢေႃႈ။-</verse>
				<verse number="13">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၼႆႉ ဢွၼ်​ၵၼ်​ႁပ်ႉ​တုင်း​ဢဝ် လွင်ႈ​ဢၼ်​ၵျေး​ၸူး​ၸဝ်ႈ​ႁဝ်း ယႂ်ႇ​ၼႃႇ​လူင်​လၢင်​ၼၼ်ႉ​လႄႈ၊ ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ဢၼ်​မုၼ်​ယႂ်ႇ​ၼႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="14">ၵူၺ်း​ၵႃႈ​ၶႃႈ​ၸဝ်ႈ​ႁဝ်း ဢိၵ်ႇ​တင်း​ၵူၼ်း​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​လႄႈ ႁႂ်ႈ​ထၼ်ႈ​ပေႃး​ပႃး​တင်း​ၸႂ်​ၸေႇတၼႃႇ​လႄႈ ပုၵ်ႈ​ၸေႃႇ​ထၼ်ႈ​ၼႆႉ​လႆႈ​တီႈ​ၶႃႈ၊ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ဢွၵ်ႇ​ပဵၼ်​မႃး​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ဢဝ်​ၼႂ်း​ဢုၵ်ႉ​ၸႃႇ​ၸဝ်ႈ​ႁဝ်း​ၼၼ်ႉ​ၵူၺ်း​ပုၵ်ႈ​ၸေႃႇ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="15">ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ပဵၼ်​ၶႅၵ်ႇ​ဢႃႇၵၼ်ႇတူႉ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း မိူၼ်​ၸိူဝ်ႉ​ၼင်ႇ​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ မိုဝ်ႉ​ဝၼ်း​ဢၼ်​ၶႃႈ​ၸဝ်ႈ​ႁဝ်း​ၶဝ် ယူႇ​ၵႃႈ​ၼိူဝ်​လိၼ်​မိူင်း​ၼႆႉ​ၸိူဝ်း​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ ႁူမ်ႈ​ၵွင်ႉ​ငဝ်း​တီႈ​ၶႃႈ​ဢေႃႈ။ ဢမ်ႇ​မီး​တီႈ​ဢၼ်​သွၼ်ႈ​ဢၼ်​ပိုင်ႈ​တီႈ​ၶႃႈ။-</verse>
				<verse number="16">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ၽၼ်ႇတႃႇ​ၵႃႈ​ဢၼ်​မီး​ဢၼ်​ၶႃႈ​ၸဝ်ႈ​ႁဝ်း​ၶဝ်​ပွင်​ႁဵတ်း​ပွင်​ႁႅၼ်း​ႁႂ်ႈ​လႆႈ တႄႇ​ႁဵတ်း​ႁိူၼ်း​ၸဝ်ႈ​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ​ၸိူဝ်း​ၼႆႉ ဢွၵ်ႇ​ပဵၼ်​တီႈ​ၸဝ်ႈ​ႁဝ်း​ၶႃႈ​လႄႈ ၸဝ်ႈ​ႁဝ်း​ပိူင်ႇ​ၵႃႈ​မီး​တင်း​သဵင်ႈ​တင်း​လူင်​တီႈ​ၶႃႈ​ဢေႃႈ။-</verse>
				<verse number="17">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၸဝ်ႈ​ႁဝ်း​ၶႃႈ​ႁူႉ​လွင်ႈ​ဢၼ် ၸဝ်ႈ​ႁဝ်း​ၸႅတ်ႈ​ထၢမ်​ၸႅတ်ႈ​တူၺ်း​ႁူဝ်​ၸႂ်​လႄႈ ထုၵ်ႇ​ၸႂ်​ၵျိူၵ်ႈ​ၸႂ်​သၽေႃး​ဢၼ်​သိုဝ်ႈ​တေႃႇ​ၼၼ်ႉ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ၸမ်ႉ၊ ပႃး​တင်း​သၽေႃး​တၢင်း​ဢၼ်​သိုဝ်ႈ​တေႃႇ၊ သၽေႃး​ဢၼ်​မီး​ၸေႇတၼႃႇ​သေ​လႄႈ ဢဝ်​ၽၼ်ႇတႃႇ​ၵႃႈ​မီး​ၼႆႉ ပုၵ်ႈ​ၸေႃႇ​တီႈ​ၶႃႈ​ဢေႃႈ။ တေႃႈ​လဵဝ်​ၼႆႉ​ၶႃႈ​ၸဝ်ႈ​ႁၼ်​ၵူၼ်း​ၸဝ်ႈ​ႁဝ်း​တင်း​လၢႆ ဢၼ်​မီး​ၵႃႈ​တီႈ​ၼႆႈ​ၸိူဝ်း​ၼႆႉ ပႃး​တင်း​ၸႂ်​ၸေႇတၼႃႇ​သေ​လႄႈ​ပုၵ်ႈ​ၸေႃႇ​တီႈ​ၸဝ်ႈ​ႁဝ်း​ၼၼ်ႉ​လႄႈ ၸူမ်း​သိူဝ်း​တီႈ​ၶႃႈ​ဢေႃႈ။-</verse>
				<verse number="18">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ဢီႉသရေႇလႃႉ ​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ​တီႈ​ၶႃႈ၊ ၶႅၼ်း​တေႃႈ​ႁႂ်ႈ​လွင်ႈ​တၢင်း​ၼႆႉ ပဵၼ်​ယူႇ​တႃႇ​သေႇ​ၼႂ်း​သၽေႃး​တၢင်း​ဢၼ်​ႁူဝ်​ၸႂ်​ၵူၼ်း​ၸဝ်ႈ​ႁဝ်း​တင်း​လၢႆ​ၵျၢမ်ႇ​ပွင်​ယူႇ​ၼၼ်ႉ​လႄႈ ႁႂ်ႈ​ႁူဝ်​ၸႂ်​ၶဝ်​တႄႇ​ယူႇ​ၵႃႈ​တီႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="19">ၶႅၼ်း​တေႃႈ​ဢဵတ်း​လူ​ပၼ်​ႁူဝ်​ၸႂ်​ဢၼ် ၸေး​ၸုမ်ႇ​တီႈ​လုၵ်ႈ​ၸၢႆး​ၶႃႈ​ၸဝ်ႈ​ႁဝ်း သေႃးလမုၼ်ႇ ႁႂ်ႈ​မၼ်း​ၵမ်​ၵျၢင်ႉ​ပႂ်ႉ​ၸွမ်း​ပိင်း​ၺၢပ်ႈ​ၸဝ်ႈ​ႁဝ်း လွင်ႈ​တၢင်း​ဢၼ်​ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ၊ ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ​ယူႇ​သေ​လႄႈ ႁဵတ်း​လွင်ႈ​တင်း​သဵင်ႈ​တင်း​လူင်​ၸိူဝ်း​ၼႆႉ​လႄႈ တႄႇ​ႁဵတ်း​ပိၵ်ႈ​မၢၼ်ႇ​ၸဝ်ႈ ဢၼ်​ၶႃႈ​ၸဝ်ႈ​ပွင်​ႁဵတ်း​ပွင်​ႁႅၼ်း​ဝႆႉ ပုၼ်ႈ​မၼ်း​ၼၼ်ႉ​လႆႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">တီႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၵေႃႈ တႃႇဝိတ်ႈ ​မီး​ဢမိင်ႉ​လႄႈ​ဝႃႈ၊ ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​တႃႉ၊ ဝႃႈ​ၼင်ႇ​ၼႆ​လႄႈ ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​ၶဝ်​ယူႇ​သေ​လႄႈ ၶုပ်ႉ​မူပ်ႇ​ဝၢင်း​ႁူဝ်​လႄႈ ဝႆႈ​ထႃႇဝရႃႉ​ၽြႃး​ဢိၵ်ႇ​တင်း​ၶုၼ်​ႁေႃ​ၶမ်း​ဢေႃႈ။</verse>
				<verse number="21">ဝၼ်း​မိူဝ်ႈ​ၽုၵ်ႈ​ၼၼ်ႉ ၶဝ်​ဢွၼ်​ၵၼ်​ႁဵတ်း​တၢင်း​ဢၼ် ပုၵ်ႈ​ၸေႃႇ​ယိတ်ႈ​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ဝူဝ်း​ႁဵင်​ၼိုင်ႈ၊ သူဝ်း​ပေႃႈ​ႁဵင်​ၼိုင်ႈ၊ သူဝ်း​ဢွၼ်ႇ​ႁဵင်​ၼိုင်ႈ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ​ၶဝ်​တင်း​ယိတ်ႈ​ဢၼ်​ၼမ်​ၼႃႇ​လူင်​လၢင် တီႈ​ထႃႇဝရႃႉ​ၽြႃး ပုၼ်ႈ​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ဢေႃႈ။-</verse>
				<verse number="22">ၼႂ်း​ဝၼ်း​ၼၼ်ႉ​ၵမ်း​လဵဝ်၊ ၶဝ်​ႁဵတ်း​တၢင်း​ဢၼ်​မူၼ်ႈ​ပျေႃႇ​ယူႇ​သေ​လႄႈ ဢွၼ်​ၵၼ်​ၵိၼ်​ၶူပ်း​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ဢဝ်​ သေႃးလမုၼ်ႇ လုၵ်ႈ​ၸၢႆး​ တႃႇဝိတ်ႈ ယုၵ်ႉ​ယွင်ႈ​ဝႆႉ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း​ၵမ်း​တူႉတီႉယႃႉ​လႄႈ ပၼ်​ၽိၵ်ႈ​သိၵ်ႈ ႁႂ်ႈ​မၼ်း​ပဵၼ်​ၶုၼ်​တႂ်ႈ​ထႃႇဝရႃႉ​ၽြႃး ဢိၵ်ႇ​တင်း​ ၸႃႇတုၵ်ႉ ​ၵေႃႈ ႁႂ်ႈ​ပဵၼ်​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="23">မိူဝ်ႈ​ၼၼ်ႉ​ သေႃးလမုၼ်ႇ ၼင်ႈ​ယူႇ​ၵႃႈ​ၼိူဝ်​ရႃႇၸႃႉ​ပလၢင်ႇ​ထႃႇဝရႃႉ​ၽြႃး​လႄႈ ႁဵတ်း​ၶုၼ်​ႁေႃ​ၶမ်း​တၢင်​တူဝ်​ၸဝ်ႈ​ပေႃႈ​မၼ်း တႃႇဝိတ်ႈ ​သေ​လႄႈ ႁဵတ်း​လႆႈ​ပဵၼ်​လႆႈ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ထွမ်ႇ​ဢဝ်​ၸွမ်း​ဢဝ်​ၵႂၢမ်း​မၼ်း​ဢေႃႈ။-</verse>
				<verse number="24">မူး​မၢတ်ႈ​ၽွင်း​မိူင်း​ၵႃႈ​မီး၊ ၶဝ်​ၸိူဝ်း​ဢၼ်​ပဵၼ်​ၶုၼ်​ပူဝ်ႇ​တင်း​လၢႆ ဢိၵ်ႇ​တင်း​လုၵ်ႈ​ၸၢႆး​ၸဝ်ႈ​ တႃႇဝိတ်ႈ တင်း​သဵင်ႈ​တင်း​လူင်​ၼၼ်ႉ​ဢွၼ်​ၵၼ်​ႁပ်ႉ​တုင်း​ဢဝ် တၢင်း​ဢၼ်​ၶုၼ်​ႁေႃ​ၶမ်း​ သေႃးလမုၼ်ႇ ​ဢုပ်ႉ​ပိူင်ႇ​ၼၼ်ႉ​ဢေႃႈ။-</verse>
				<verse number="25">ထႃႇဝရႃႉ​ၽြႃး​ယုၵ်ႉ​ယွင်ႈ​ သေႃးလမုၼ်ႇ ​ၼႃႇ​လူင်​လၢင်​သိုဝ်ႈ​ၼႃႈ​တႂ်ႈ​တႃ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ ဢဵတ်း​လူ​ပၼ်​မုၼ်​ၽုင်း​ဢႃႇၼူႉၽေႃႇ ဢၼ်​ၶုၼ်​ႁေႃ​ၶမ်း​ ဢီႉသရေႇလႃႉ သေ​ၵေႃႉ​သေ​ၵူၼ်း​ဢမ်ႇ​တွၼ်ႉ​လႆႈ​ၶၢမ်ႇ​ၼၼ်ႉ​ဢေႃႈ။</verse>
				<verse number="26">တႃႇဝိတ်ႈ လုၵ်ႈ​ၸၢႆး​ ယေႇသႄး ​ၼၼ်ႉ ဢုပ်ႉ​ပိူင်ႇ​ၸၢမ်ႇ​ၸႃး မိူင်း​ ဢီႉသရေႇလႃႉ ​တင်း​မိူင်း​ဢေႃႈ။-</verse>
				<verse number="27">မၼ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ သီႇ​သိပ်း​ပီႊ ဢၼ်​ဝႃႈ ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​တီႈ​ဝဵင်း​ ႁေႇပြုၼ်ႇ ​ၸဵတ်း​ပီႊ၊ ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​တီႈ​ဝဵင်း​ ယေႇရူႉသလႅမ်ႇ သၢမ်​သိပ်း​ပၢႆ​သၢမ်​ပီႊ​ဢေႃႈ။-</verse>
				<verse number="28">မၼ်း​ၼၼ်ႉ​မီး​တၢင်း​ဢၼ်​ဢသၢၵ်ႈ​ၵႄႇ​ထူၼ်ႈ​ယဝ်ႉ​လႄႈ ၶိင်ႇ​ၵႃႇလႃႉ​ဝၼ်း​တဵမ်​ယဝ်ႉ​ၸေး​ယဝ်ႉ၊ တၢင်း​ဢၼ်​မုၼ်​ၸေး​ၸိမ်ႇ လိူင်ႇ​ၼမ်​ယူႇ​သေ​လႄႈ ႁွတ်ႈ​ထိုင်​ဢၼိၵ်ႈၸႃႉ​လႄႈ လုၵ်ႈ​ၸၢႆး​မၼ်း​ သေႃးလမုၼ်ႇ ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။-</verse>
			</chapter>
		</book>
		<book number="14">
			<chapter number="1">
				<verse number="1">သေႃးလမုၼ်ႇ ​လုၵ်ႈ​ၸၢႆး​ၸဝ်ႈ​ တႃႇဝိတ်ႈ ​ၼၼ်ႉ မီး​တၢင်း​ဢၼ်​ဢႃႇၼႃႇ​ၸဝ်ႈ​တႄႇ​ယူႇ​မၼ်ႈ​ၶိူင်ႇ​လႄႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း မီး​ယူႇ​လူၺ်ႈ​ၵၼ်​တင်း​မၼ်း​သေ​လႄႈ ယုၵ်ႉ​ယွင်ႈ​မၼ်း​ၼႃႇ​လူင်​လၢင်​သေ​ယဝ်ႉ၊-</verse>
				<verse number="2">သေႃးလမုၼ်ႇ ​ႁွင်ႉ​ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢၼ်​ဝႃႈ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ႁဵင်၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ၊ ၵူၼ်း​လူင်​ဢၼ်​ၸီႇ​ယၢင်ႇ​တြႃး၊ ၶုၼ်​ ဢီႉသရေႇလႃႉ ​ၵႃႈ​မီး၊ ၵူၼ်း​ဢၼ်​ပဵၼ်​ငဝ်ႈ​ပဵၼ်​ႁူဝ်၊ မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ၸိူဝ်း​ၼၼ်ႉ​လႄႈ၊-</verse>
				<verse number="3">သေႃးလမုၼ်ႇ ​ပႃး​ဢဝ်​ပရဵၵ်ႈသၢတ်ႈ​တင်း​သဵင်ႈ​တင်း​လူင်​သေ​လႄႈ ၶိုၼ်ႈ​ၸူး​ၵႃႈ​တီႈ​ထႃႇၼႃႉ​တီႈ​သုင် ဢၼ်​မီး​ၵႃႈ​တီႈ​ဝဵင်း ၵီႉပွင်ႇ ​ၼၼ်ႉ ၵွပ်ႈ​ပိူဝ်ႈ​ဢၼ်​မူဝ်းၵႃႇ တီႈ​ဢၼ်​ပရဵၵ်ႈသၢတ်ႈ​ၽြႃး​ပဵၼ်​ၸဝ်ႈ​ၸူႉ​တုမ်​ဢၼ်​ မူဝ်းသေႇ ၶႃႈ​ထႃႇဝရႃႉ​ၽြႃး​ႁဵတ်း​ၵႃႈ​ၼႂ်း​ထိူၼ်ႇ​ၼၼ်ႉ​မီး​ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="4">တိူၵ်ႈ​တႃႇ​ၽြႃး​ပဵၼ်​ၸဝ်ႈ​ၼၼ်ႉ​ၸမ်ႉ၊ ပိၵ်ႉ​သမ်ႉ​ တႃႇဝိတ်ႈ ​ဢဝ်​ဢွၵ်ႇ​သေ​ၵႃႈ​တီႈ​ဝဵင်း​ ၵီႉရယတ်ႉယႃႇရိမ်ႇ ​မႃး​ၵႃႈ​တီႈ ဢၼ်​ တႃႇဝိတ်ႈ မႄး​ႁႅၼ်း​ဝႆႉ ၵွပ်ႈ​ပိူဝ်ႈ​ဢၼ်​မၼ်း​လႆႈ​မုင်း​မူဝ်းၵႃႇ​ပုၼ်ႈ​မၼ်း​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​သေ​ၵေႃႈ၊-</verse>
				<verse number="5">ၵွပ်ႈ​ပိူဝ်ႈ​ဢၼ်​ယိတ်ႈပလၢင်ႇ​တွင်း​လိူင် ဢၼ်​ ပေႇၸလေႇလႃႉ လုၵ်ႈ​ၸၢႆး​ ဢူႉရီႉ ​ဢၼ်​ပဵၼ်​လုၵ်ႈ​ၸၢႆး​ ႁူႉရႃႉ ​ၼၼ်ႉ ႁဵတ်း​ဝႆႉ​ၼၼ်ႉ​လႆႈ​မီး​ဝႆႉ​ယူႇ​ၵႃႈ​တီႈ​ၽၢႆႇ​ၼႃႈ​သုမ်ႉ​ထဵင်​ၸဝ်ႈ ၵႃႈ​တီႈ​ဝဵင်း​လႄႈ သေႃးလမုၼ်ႇ ​ဢိၵ်ႇ​တင်း​ပရဵၵ်ႈသၢတ်ႈ​တင်း​လၢႆ လႆႈ​ဢွၼ်​ၵၼ်​ၵႂႃႇ​ၸူး​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="6">ၼင်ႇ​ၼၼ်​လႄႈ​ သေႃးလမုၼ်ႇ ​ၶိုၼ်ႈ​ၸူး​ၵႃႈ​တီႈ​ၼၼ်ႈ ၵႃႈ​တီႈ​ယိတ်ႈပလၢင်ႇ​တွင်း​လိူင်​ဢၼ်​မီး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​တီႈ​မူဝ်းၵႃႇ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ​ၼၼ်ႉ​လႄႈ ဢဝ်​ယိတ်ႈ​ဢၼ်​တုတ်ႇ​ၽႆး​ႁဵင်​ၼိုင်ႈ ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။</verse>
				<verse number="7">ၼႂ်း​ၶိုၼ်း​ၼၼ်ႉ ၽြႃး​ပဵၼ်​ၸဝ်ႈ​ပေႃႇ​မႃး​တီႈ သေႃးလမုၼ်ႇ ​လႄႈ မီး​ဢမိင်ႉ​လႄႈ​ဝႃႈ၊ယွၼ်း​ဢဝ်​သူး​ဢၼ်​ၵဝ်​တၵ်း​လႆႈ​ပၼ်​တီႈ​မႂ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">သေႃးလမုၼ်ႇ ​ၵေႃႈ​လဝ်ႊ​လၢတ်ႈ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ၸဝ်ႈ​ႁဝ်း​ႁဵတ်း​ၵျေး​ၸူး​ၼမ်​ၼႃႇ​လူင်​လၢင်​တီႈ​ပေႃႈ​ၶႃႈ​ၸဝ်ႈ​ႁဝ်း တႃႇဝိတ်ႈ ​ၼၼ်ႉ​လႄႈ ၶႃႈ​ၸဝ်ႈ​ႁဝ်း​ၼႆႉ​လႆႈ​ပဵၼ်​ၶုၼ်​ႁေႃ​ၶမ်း​တၢင်​တူဝ်​မၼ်း​တီႈ​ၶႃႈ​ယဝ်ႉ။-</verse>
				<verse number="9">မိူဝ်ႈ​လဵဝ်​ၼႆႉ​ၸိုင် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ယုၵ်ႉ​ယွင်ႈ​ၶႃႈ​ၸဝ်ႈ​ႁဝ်း​ၼႆႉ​ဝႆႉ​ႁႂ်ႈ​ပဵၼ်​ၶုၼ်​ႁေႃ​ၶမ်း ၵူၼ်း​ဢၼ်​ၼပ်ႉ​ဢၢၼ်ႇ​လႄႈ​ၼမ်​ၼႃႇ​မိူၼ်​ၸိူဝ်ႉ​ၼင်ႇ​ဢၼ်​မုၼ်ႈ​လိၼ်​ၼမ်​ၼႃႇ​ၼၼ်ႉ​လႄႈ ၶႅၼ်း​တေႃႈ​ႁႂ်ႈ​ၵတီႉ​ဢၼ်​ၸဝ်ႈ​ႁဝ်း​ဝႆႉ​တီႈ​ တႃႇဝိတ်ႈ ​ၼၼ်ႉ​တႄႇ​ယူႇ​သေ​ၵမ်း​တီႈ​ၶႃႈ။-</verse>
				<verse number="10">ၶႅၼ်း​တေႃႈ​ဢဵတ်း​လူ​ပၼ်​ၺၢၼ်ႇ​ပိင်ႇ​ၺႃႇ ႁႂ်ႈ​ၶႃႈ​ၸဝ်ႈ​ၶဝ်ႈ​ဢွၵ်ႇ​ၵႃႈ​တီႈ​ၽၢႆႇ​ၼႃႈ​ၵူၼ်း​ၸိူဝ်း​ၼႆႉ​လႆႈ​သေ​ၵမ်း​တီႈ​ၶႃႈ။ ၽူႈ​လႂ်​တၵ်း​တၢတ်ႈ​ၼိူင်ႇ​ႁႂ်ႈ​လႆႈ​ၸီႇ​ယၢင်ႇ​တြႃး တီႈ​ၵူၼ်း​ၸဝ်ႈ​ႁဝ်း​ဢၼ်​ၼမ်​ၼႃႇ​ထၼ်ႈ​ၼႆႉ​ၸိူဝ်း​ၼၼ်ႉ​လႆႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၽြႃး​ပဵၼ်​ၸဝ်ႈ​ၵေႃႈ​မီး​ဢမိင်ႉ​တီႈ​ သေႃးလမုၼ်ႇ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဢၼ်​ၼႆႉ​လႄႈ ဢမ်ႇ​ယွၼ်း​ဢဝ်​ၸေး​ၸိမ်ႇ​ဢုၵ်ႉ​ၸႃႇ မုၼ်​သရေႇ၊ ဢသၢၵ်ႈ​ရၢၼ်ႇ​သူႇ​မႂ်း ဢမ်ႇ​ယွၼ်း​ဢဝ်​ဢသၢၵ်ႈ​ဢၼ်​ယၢဝ်း​ဢၼ်​ယိုၼ်း၊ ယွၼ်း​ဢဝ်​ၺၢၼ်ႇ​ပိင်ႇ​ၺႃႇ​ဢၼ်​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ၸီႇ​ယၢင်ႇ​တြႃး​တီႈ​ၵူၼ်း​ၵဝ်​တင်း​လၢႆ ဢၼ်​ၵဝ်​ၶၢၼ်း​မႂ်း​ဝႆႉ​ႁႂ်ႈ​မႂ်း​ပဵၼ်​ၶုၼ်​ႁေႃ​ၶမ်း​ၶဝ်​ၼၼ်ႉ​ၵူၺ်း ပုၼ်ႈ​တူဝ်​ၸဝ်ႈ​ၵဝ်ႇ​လႄႈ၊-</verse>
				<verse number="12">ၵဝ်​ပၼ်​ၺၢၼ်ႇ​ပိင်ႇ​ၺႃႇ​တီႈ​မႂ်း​ဢေႃႈ။ လိူဝ်​သေ​ၼၼ်ႉ​ၸေး​ၸိမ်ႇ​ဢုၵ်ႉ​ၸႃႇ၊ မုၼ်​သရေႇ​ဢၼ်​ၶုၼ်​ႁေႃ​ၶမ်း ဢၼ်​ယၢမ်ႈ​ပဵၼ်​ၵႂႃႇ​ဢွၼ်​တၢင်း​မႂ်း ဢိၵ်ႇ​တင်း​ၶုၼ်​ႁေႃ​ၶမ်း​ဢၼ်​တၵ်း​ပဵၼ်​မႃး​ၵမ်း​လိုၼ်း​မႂ်း​သေ​ၵေႃႉ​သေ​ၵူၼ်း ဢမ်ႇ​တွၼ်ႉ​ၶိုတ်း​လႆႈ​ၼၼ်ႉ​ၵေႃႈ ၵဝ်​တၵ်း​ပၼ်​တီႈ​မႂ်း​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">မိူဝ်ႈ​ၼၼ်ႉ​ သေႃးလမုၼ်ႇ ​လုၵ်ႉ​သေ​ၵႃႈ​တီႈ​ၽၢႆႇ​ၼႃႈ​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ ဢၼ်​မီး​ၵႃႈ​တီႈ​ထႃႇၼႃႉ​တီႈ​သုင် ၼႂ်း​ဝဵင်း​ ၵီႉပွင်ႇ ​ၼၼ်ႉ မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ​သေ​လႄႈ​ယူႇ​ဢေႃႈ။-</verse>
				<verse number="14">လိုၼ်း​ၼၼ်ႉ​ သေႃးလမုၼ်ႇ ​ၸူႉ​ႁွမ်​လေႃႉရထႃး​လႂ် တင်း​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​လႂ်​လႄႈ မီး​လေႃႉရထႃး​ႁဵင်​ပၢႆ​သီႇ​ပၢၵ်ႇ၊ ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​မိုၼ်ႇ​ပၢႆ​သွင်​ႁဵင် ဢၼ်​မၼ်း​ဢဝ်​ဝႆႉ​ၵႃႈ​တီႈ​ဝဵင်း​ဢၼ်​ထိင်း​လေႃႉရထႃး​ၸဝ်ႈ ဢိၵ်ႇ​တင်း​ၵႃႈ​တီႈ​မၼ်း ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="15">ၶုၼ်​ႁေႃ​ၶမ်း​ႁႂ်ႈ​ငိုၼ်း​ၶမ်း​ၼမ်​ၼႃႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ မိူၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​မၢၵ်ႇ​ၽႃ​လႄႈ ႁႂ်ႈ​တူၼ်ႈ​ ဢႃႇရိတ်ႉ ၼမ်​ၼႃႇ​မိူၼ်​ၸိူဝ်ႉ​ၼင်ႇ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ဢၼ်​ဢွၵ်ႇ​ၵႃႈ​တီႈ​တႂ်ႈ​တီႈ​ဢၼ်​ပၢင်ႇ​ဢၼ်​ပဵင်း​ၼၼ်ႉ​ဢေႃႈ။-</verse>
				<verse number="16">မႃႉ​ၼမ်​ၼႃႇ​ဢၼ်​လႆႈ​ဢဝ်​ၵႃႈ​တီႈ​မိူင်း​ ဢေႇၵိပ်ႉတူႉ ​မႃး​ၵႃႈ​တီႈ​ သေႃးလမုၼ်ႇ ​ၸိူဝ်း​ၼၼ်ႉ​ၵေႃႈ ၸဝ်ႈ​ၵုၼ်ႇ​ၸဝ်ႈ​သိၼ်​ၶုၼ်​ႁေႃ​ၶမ်း​တင်း​လၢႆ လႆႈ​ဢွၼ်​ၵၼ်​ပၼ်​ၵႃႈ​မၼ်း​ၶၼ်​မၼ်း ပဵၼ်​ၽုင်​ပဵၼ်​ၽုင်​သေ​လႄႈ ၶၢမ်ႇ​ဢဝ်​ဢေႃႈ။-</verse>
				<verse number="17">ၶဝ်​ၼၼ်ႉ​ၸင်ႇ​ဢွၼ်​ၵၼ်​ဢဝ်​လေႃႉရထႃး​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၶၢႆ​ယေႈ​လင်​ငိုၼ်း​ႁူၵ်း​ပၢၵ်ႇ​ၵျၢပ်ႈ​ သၶေးလႃႉ ၊ မႃႉ​ယေႈ​တူဝ်​ၸမ်ႉ၊ ယေႈ​ပၢၵ်ႇ​ပၢႆ​ႁႃႈ​သိပ်း​ၵျၢပ်ႈ​ သၶေးလႃႉ ​ဢေႃႈ။ ၼင်ႇ​ၼၼ်​လႄႈ ၶဝ်​ဢွၼ်​ၵၼ်​ဢဝ်​ဢွၵ်ႇ​မႃး ပုၼ်ႈ​ၶုၼ်​လူင်​ ႁိတ်ႉတီႉ ဢိၵ်ႇ​တင်း ၶုၼ်​လူင်​ သူႉရီႉ ​တင်း​လၢႆ​ဢေႃႈ။</verse>
			</chapter>
			<chapter number="2">
				<verse number="1">သေႃးလမုၼ်ႇ ​မီး​တၢင်း​ၵျၢမ်ႇ​တၢင်း​ပွင်​တၵ်း​တႄႇ​ႁဵတ်း​ႁိူၼ်း ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ဢိၵ်ႇ​တင်း​ႁေႃ​ပုၼ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​လႄႈ၊-</verse>
				<verse number="2">သေႃးလမုၼ်ႇ ​ၽႃႇ​ၵဵပ်း​ၶၢၼ်း​ဝႆႉ ၶဝ်​ၸိူဝ်း​ဢၼ်​လႆႈ​ႁၢပ်ႇ​လႆႈ​ႁၢမ်​ၸဵတ်း​မိုၼ်ႇ၊ ၶဝ်​ၸိူဝ်း​ဢၼ်​လႆႈ​ပမ်ႈ​မႆႉ​ၽၼ်း​မႆႉ​ၵႃႈ​ၼိူဝ်​လွႆ​ပႅတ်ႇ​မိုၼ်ႇ၊ ၶဝ်​ၸိူဝ်း​ဢၼ်​လူ​တူၺ်း​ၸီႇ​ယၢင်ႇ​သၢမ်​ႁဵင်​ႁူၵ်း​ပၢၵ်ႇ​သေ​ယဝ်ႉ၊-</verse>
				<verse number="3">သေႃးလမုၼ်ႇ ​ပွႆႇ​ၸႂ်ႉ​ၵႂႃႇ​တီႈ​ၶုၼ်​လူင်​ ႁီႉရမ်ႇ ​လႄႈ သင်ႇ​လၢတ်ႈ​ၵႂႃႇ​လႄႈ​ဝႃႈ၊ ၸိူဝ်ႉ​ၼင်ႇ​ဢၼ်​ၶုၼ်​လူင်​ႁဵတ်း​ၵျေး​ၸူး​တီႈ ၸဝ်ႈ​ပေႃႈ​ၵဝ်​ တႃႇဝိတ်ႈ ​လႄႈ ပၼ်​မႆႉ​ ဢႃႇရိတ်ႉ ​မႃး​ပုၼ်ႈ​ဢၼ်​မၼ်း​ၸဝ်ႈ​တၵ်း​တႄႇ​ႁဵတ်း​ႁေႃ​ၸဝ်ႈ​တီႈ​ဢၼ်​မၼ်း​ၸဝ်ႈ​တၵ်း​ယူႇ​ၼၼ်ႉ၊ သမ်ႉ​ႁဵတ်း​ၵျေး​ၸူး​တီႈ​ၵဝ်​သေ​ၵမ်း။-</verse>
				<verse number="4">ၵဝ်​တၵ်း​တႄႇ​ႁဵတ်း​ႁိူၼ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ၽြႃး​ပဵၼ်​ၸဝ်ႈ​ႁဝ်း​သေ​လႄႈ ဢဝ်​ပုၵ်ႈ​ၸေႃႇ​ႁႂ်ႈ​လႆႈ​ဢဝ်​ၼၢမ်ႇ​သႃႇ​ဢၼ်​ႁွမ်​ဢၼ်​ႁူၺ်း​တုတ်ႇ​ၽႆး​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ ႁႂ်ႈ​လႆႈ​ဢဝ်​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ​တၢင်ႇ​ဝႆႉ​သေႇ​သေႇ ဢိၵ်ႇ​တင်း​ႁႂ်ႈ​လႆႈ​ဢဝ်​ယိတ်ႈ​ဢၼ်​တုတ်ႇ​ၽႆး​ပုၵ်ႈ​ၸေႃႇ​ၶိင်ႇ​ႁူဝ်​ၶမ်ႈ၊ ၶိင်ႇ​ၵၢင်​ၼႂ်၊ ဝၼ်း​ၵမ်​သိၼ်၊ ဝၼ်း​လိူၼ်​မႂ်ႇ​တင်း​ဝၼ်း​ပွႆး​ထမ်ႇမႃႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း၊ ၸွမ်း​ၼင်ႇ​တြႃး​ဢၼ်​ၸီႇ​ယၢင်ႇ​ဝႆႉ​တီႈ​မဵဝ်း​ ဢီႉသရေႇလႃႉ တႃႇ​သေႇ​ၼၼ်ႉ​ဢေႃႈ။-</verse>
				<verse number="5">ႁိူၼ်း​ၸဝ်ႈ​ဢၼ်​ၵဝ်​တၵ်း​ႁဵတ်း​ၼၼ်ႉ တၵ်း​လႆႈ​ပဵၼ်​ဢၼ်​ယႂ်ႇ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ႁဝ်း​ယႂ်ႇ​မျၢတ်ႈ​ၼႃႇ​သေ​ၽြႃး​တင်း​သဵင်ႈ​တင်း​လူင်​ဢေႃႈ။-</verse>
				<verse number="6">ပိူဝ်ႈ​ဢၼ်​ၵၢင်​ႁၢဝ်​ဢိၵ်ႇ​တင်း​ၵၢင်​ႁၢဝ်​ဢၼ်​ပဵၼ်​ၸိၵ်း​ၸွမ်​ၵၢင်​ႁၢဝ်​ၼၼ်ႉ ဢမ်ႇ​ပေႃး​ဢမ်ႇ​ၶၢမ်ႇ​မၼ်း​ၸဝ်ႈ​လႆႈ​လႄႈ ၽူႈ​လႂ်​တၵ်း​တႄႇ​ႁဵတ်း​ႁိူၼ်း​တီႈ​ဢၼ်​မၼ်း​ၸဝ်ႈ တၵ်း​ၵိင်း​ဝၢပ်ႈ​ယူႇ​လႆႈ၊ ၼွၵ်ႈ​သေ​ႁိူၼ်း​တီႈ​ဢၼ်​ဢဝ်​ယိတ်ႈ​တုတ်ႇ​ၽႆး​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ၊ ၵဝ်​ၼႆႉ​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​လႄႈ တၵ်း​တႄႇ​ႁဵတ်း​ႁိူၼ်း​တၢင်ႇ​ၸိူဝ်ႉ​တၢင်ႇ​ဢၼ်​လႆႈ။-</verse>
				<verse number="7">ပိူဝ်ႈ​ၼႆ​လႄႈ မိူဝ်ႈ​လဵဝ်​ၼႆႉ ပွႆႇ​ၸႂ်ႉ​ၵူၼ်း​ဢၼ်​ပျေႉ​ၸုမ်ႇ​တင်း​ဢတၢတ်ႈ​ပိင်ႇ​ၺႃႇ၊ ဢၼ်​မေႃ​ႁဵတ်း​လူၺ်ႈ​ၶမ်း၊ ငိုၼ်း၊ တွင်း​လိူင်၊ လဵၵ်း၊ ၶူဝ်း​ဢၼ်​လႅင်​ၵမ်ႇ၊ ၶူဝ်း​ဢၼ်​လႅင်​ၸုင်း​ႁုင်း၊ ၶူဝ်း​ဢၼ်​သွမ်ႇ၊ ဢတၢတ်ႈ​ပိင်ႇ​ၺႃႇ​ဢၼ်​မေႃ​ၽွမ်ႉ​ၵၼ်​လႄႈ တွင်ႈ​ႁဵတ်း​ၶၵ်း​ႁဵတ်း​လူၺ်ႈ​ၵၼ်​တင်း​သြႃႇသမႃး ဢၼ်​မီး​ယူႇ​ၵႃႈ​တီႈ​ၵဝ်​ၵႃႈ​ၼႂ်း​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ ဢၼ်​ၸဝ်ႈ​ပေႃႈ​ၵဝ်​ တႃႇဝိတ်ႈ ဢဝ်​ဝႆႉ​ထႃႈ​ၸိူဝ်း​ၼႆႉ​ၼၼ်ႉ​ၵေႃႉ​ၼိုင်ႈ​မႃး​ၵႃႈ​တီႈ​ၵဝ်​သေ​ၵမ်း။-</verse>
				<verse number="8">ဢဝ်​မႆႉ​ ဢႃႇရိတ်ႉ ၊ မႆႉ​ပႅၵ်ႇ၊ မႆႉ​ၼၢမ်ႇ​သႃႇ​ၼမ်​ၼႃႇ​သေ​ၵႃႈ​ၼိူဝ်​လွႆ​ လေႇပၼုၼ်ႇ ​လႄႈ ပၼ်​မႃး​တီႈ​ၵဝ်​သေ​ၵမ်း၊ ၵဝ်​ႁူႉ​လွင်ႈ​ဢၼ်​ၶႃႈ​ၵူၼ်း​ၶုၼ်​လူင် ၸၢင်ႈ​ပမ်ႈ​မႆႉ​ၽၼ်း​မႆႉ​ၵႃႈ​ၼိူဝ်​လွႆ​ လေႇပၼုၼ်ႇ ​ၼၼ်ႉ​ယူႇ​ဢေႃႈ။-</verse>
				<verse number="9">ၶႃႈ​ၵူၼ်း​ၵဝ်​တၵ်း​ဢွၼ်​ၵၼ်​ၽွမ်ႉ​ႁူမ်ႈ​လူၺ်ႈ​ၵၼ်​တင်း ၶႃႈ​ၵူၼ်း​ၶုၼ်​လူင် ႁႂ်ႈ​လႆႈ​ပွင်​ႁဵတ်း​ပွင်​ႁႅၼ်း​မႆႉ​ၼမ်​ၼႃႇ​ပုၼ်ႈ​ၵဝ်​ဢေႃႈ။ ႁိူၼ်း​ၸဝ်ႈ​ဢၼ်​ၵဝ်​တၵ်း​တႄႇ​ႁဵတ်း​ၼၼ်ႉ တၵ်း​လႆႈ​ပဵၼ်​ႁိူၼ်း​ဢၼ်​ယႂ်ႇ​ၼႃႇ​လူင်​လၢင်​လႄႈ​လီ​ဢၢမ်း​ဢေႃႈ။-</verse>
				<verse number="10">ၵဝ်​တၵ်း​ဢဝ်​ၶဝ်ႈ​သၢၼ်​ၵျုင်ႇ သွင်​မိုၼ်ႇ​ ၵေႃးရႃႉ ၊ ၶဝ်ႈ​သၢၼ်​မူႉ​ယေႃး သွင်​မိုၼ်ႇ​ ၵေႃးရႃႉ ၊ ၼမ်ႉ​ၸပိတ်ႈ သွင်​မိုၼ်ႇ​ ပၢတ်ႈ ၊ ၼမ်ႉ​မၼ်း သွင်​မိုၼ်ႇ​ ပၢတ်ႈ ပၼ်​တီႈ​ၶႃႈ​ၵူၼ်း​ၶုၼ်​လူင်​ဢၼ်​ပမ်ႈ​မႆႉ​ၽၼ်း​မႆႉ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ႁီႉရမ်ႇ ၶုၼ်​လူင်​ တူႉရူႉ ​ၼၼ်ႉ တႅမ်ႈ​လိၵ်ႈ​လႄႈ ၶိုၼ်း​ပၼ်​တီႈ​ သေႃးလမုၼ်ႇ ​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ႁၵ်ႉ​ဢဵတ်း​လူ​ၵူၼ်း​မၼ်း​ၸဝ်ႈ​လႄႈ မၼ်း​ၸဝ်ႈ​ယုၵ်ႉ​ယွင်ႈ​ၸဝ်ႈ​ႁဝ်း ႁႂ်ႈ​ပဵၼ်​ၶုၼ်​ႁေႃ​ၶမ်း​ၵႃႈ​ၼိူဝ်​ၶဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ႁီႉရမ်ႇ ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢၼ်​ႁဵတ်း​ပဵၼ်​ၽႃႉ​ၵၢင်​ႁၢဝ်​တင်း​လိၼ်​မိူင်း ဢၼ်​ဢဵတ်း​လူ​ပၼ်​လုၵ်ႈ​ၸၢႆး​ဢၼ်​လၵ်း​လႅမ်​လႄႈ​ပျေႉ​ၸုမ်ႇ​တင်း​ၺၢၼ်ႇ​ပိင်ႇ​ၺႃႇ ထၼ်ႈ​ပေႃး​မၼ်း​တၢတ်ႈ​ၼိူင်ႇ​လႆႈ ႁႂ်ႈ​လႆႈ​တႄႇ​ႁဵတ်း​ႁိူၼ်း​ၸဝ်ႈ​ပုၼ်ႈ​ထႃႇဝရႃႉ​ၽြႃး တင်း​ႁေႃ​ပုၼ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ၼၼ်ႉ တီႈ​ၶုၼ်​လူင်​ တႃႇဝိတ်ႈ ​ၼၼ်ႉ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="13">မိူဝ်ႈ​လဵဝ်​ၼႆႉ​ၸိုင် ၵဝ်​ပွႆႇ​ၸႂ်ႉ ႁီႉရမ်ႇဢၽီႉ ​ၵေႃႉ​ဢၼ်​ၺၢၼ်ႇ​လီ​လႄႈ​လၵ်း​လႅမ်​ၼၼ်ႉ​ၵႂႃႇ​ဢေႃႈ။-</verse>
				<verse number="14">မၼ်း​ၼၼ်ႉ​ပဵၼ်​လုၵ်ႈ​ၸၢႆး​မႄႈ​ယိင်း​မဵဝ်း​ တၢၼ်ႇ ​လႄႈ၊ ပေႃႈ​မၼ်း​ၸမ်ႉ၊ ပဵၼ်​ၵူၼ်း​မဵဝ်း​ တူႉရူႉ ​ဢေႃႈ။ မၼ်း​ပျေႉ​ၸုမ်ႇ​တင်း​ဢတၢတ်ႈ​ပိင်ႇ​ၺႃႇ ဢၼ်​မေႃ​ႁဵတ်း​လူၺ်ႈ​ၶမ်း၊ ငိုၼ်း၊ တွင်း​လိူင်၊ လဵၵ်း၊ မၢၵ်ႇ​ႁိၼ်၊ မႆႉ၊ ၶူဝ်း​ဢၼ်​သွမ်ႇ၊ ၶူဝ်း​ဢၼ်​လႅင်​ၵမ်ႇ၊ ပိၵ်ႈ​ၶျေႃး၊ ၶူဝ်း​ဢၼ်​လႅင်​ၸုင်း​ႁုင်း၊ ဢတၢတ်ႈ​ပိင်ႇ​ၺႃႇ​ဢၼ်​မေႃ​တွင်ႈ​ႁဵတ်း​ၶၵ်း​ႁဵတ်း​လႄႈ၊ မေႃ​သၢင်ႈ​မေႃ​ႁဵတ်း​ၵူႈ​ၸိူဝ်ႉ​ၵူႈ​ပိူင် ပဵၼ်​ၵေႃႉ​ဢၼ်​ၽွမ်ႉ​ႁူမ်ႈ​ၸွႆႈ​ထႅမ်​သြႃႇသမႃး​ၸဝ်ႈ​ႁဝ်း​တင်း​လၢႆ ဢိၵ်ႇ​တင်း​သြႃႇသမႃး​ၸဝ်ႈ​ၵဝ်​ၶႃႈ၊ ၸဝ်ႈ​ပေႃႈ​ၸဝ်ႈ​ႁဝ်း​ တႃႇဝိတ်ႈ ​ၸိူဝ်း​ၼၼ်ႉ​ဢေႃႈ။-</verse>
				<verse number="15">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ဢဝ်​ၶဝ်ႈ​သၢၼ်​ၵျုင်ႇ၊ ၶဝ်ႈ​သၢၼ်​မူႉ​ယေႃး၊ ၼမ်ႉ​ၸပိတ်ႈ၊ ၼမ်ႉ​မၼ်း​ဢၼ်​ၸဝ်ႈ​ႁဝ်း​မီး​ဢမိင်ႉ​ၼၼ်ႉ ပၼ်​တီႈ​ၶႃႈ​ၸဝ်ႈ​ႁဝ်း​တင်း​လၢႆ​မႃး​သေ​ၵမ်း။-</verse>
				<verse number="16">ႁဝ်း​တၵ်း​တီႇ​ပမ်ႈ​တႅပ်း​ၽၼ်း​မႆႉ ၵႃႈ​ၼိူဝ်​လွႆ​ လေႇပၼုၼ်ႇ ၵႃႈ​ဢၼ်​ၸဝ်ႈ​ႁဝ်း​မီး​ဢလူဝ်ႇ​ၶႂ်ႈ​လႆႈ​ၼၼ်ႉ​သေ​လႄႈ ၶၢတ်ႈ​ႁဵတ်း​ၽွင်ႇ​သေ​ယဝ်ႉ၊ ဢဝ်​ၸွမ်း​တၢင်း​ပၢင်ႇ​လၢႆႇ​ၵႂႃႇ​ၸူး ၵႃႈ​တီႈ​ဝဵင်း​ ယွပ်ႉပႃႉ ​ဢေႃႈ။ ၸဝ်ႈ​ႁဝ်း​တၵ်း​လႆႈ​တေႃႉ​ဢဝ်​ၶိုၼ်ႈ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">သေႃးလမုၼ်ႇ သမ်ႉ​ၶိုၼ်း​ၼပ်ႉ​ဢၢၼ်ႇ ဢဝ်​ၸရၢင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ၵႃႈ​ဢၼ်​ယူႇ​ၵႃႈ​ၼႂ်း​မိူင်း​ ဢီႉသရေႇလႃႉ ​ၸိူဝ်း​ၼၼ်ႉ ၸွမ်း​လူၺ်ႈ​တၢင်း​ဢၼ်​ၸဝ်ႈ​ပေႃႈ​မၼ်း​ တႃႇဝိတ်ႈ ၼပ်ႉ​ဢၢၼ်ႇ​ဢဝ်​ၸရၢင်း​ၼၼ်ႉ​ထႅင်ႈ​လႄႈ ထူပ်း​ႁၼ်​သႅၼ်​ပၢႆ​ႁႃႈ​မိုၼ်ႇ​သၢမ်​ႁဵင်​ႁူၵ်း​ပၢၵ်ႇ​ဢေႃႈ။-</verse>
				<verse number="18">မၼ်း​ၽႃႇ​ၵဵပ်း​ၶၢၼ်း​ဝႆႉ​ၶဝ်​ၸိူဝ်း​ဢၼ်​လႆႈ​ႁၢပ်ႇ​လႆႈ​ႁၢမ်​ၼၼ်ႉ​ၸဵတ်း​မိုၼ်ႇ၊ ၶဝ်​ၸိူဝ်း​ဢၼ်​လႆႈ​ပမ်ႈ​မႆႉ​ၽၼ်း​မႆႉ ၵႃႈ​ၼိူဝ်​သၼ်​လွႆ​ၼၼ်ႉ​ပႅတ်ႇ​မိုၼ်ႇ၊ ၶဝ်​ၸိူဝ်း​ဢၼ်​လႆႈ​လူ​တူၺ်း​ၸီႇ​ယၢင်ႇ​ႁႂ်ႈ​ၵူၼ်း​တင်း​လၢႆ​ႁဵတ်း​သၢင်ႈ​ၼၼ်ႉ​သၢမ်​ႁဵင်​ႁူၵ်း​ပၢၵ်ႇ​ဢေႃႈ။</verse>
			</chapter>
			<chapter number="3">
				<verse number="1">ၼႆ​လႄႈ​ သေႃးလမုၼ်ႇ ​ၸႃႉ​တႄႇ​ႁဵတ်း​ႁိူၼ်း​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵႃႈ​ၼိူဝ်​လွႆ​ မေႃးရီႉ ၊ တီႈ​ဢၼ်​ထႃႇဝရႃႉ​ၽြႃး ပေႃႇ​မႃး​တီႈ​ၸဝ်ႈ​ပေႃႈ​မၼ်း​ တႃႇဝိတ်ႈ ၊ တီႈ​ဢၼ်​ တႃႇဝိတ်ႈ ​ပွင်​ႁဵတ်း​ပွင်​ႁႅၼ်း​ဝႆႉ​ၵႃႈ​ၼႂ်း​တလၢင်း​ယဵပ်ႇ​ၶဝ်ႈ​ ဢေႃးၼၼ်ႇ ၵူၼ်း​ ယေႇပူႉသီႉ ​ၼၼ်ႉ​ဢေႃႈ။-</verse>
				<verse number="2">မၼ်း​ၸႃႉ​တႄႇ​ၸႃႉ​ႁဵတ်း​ၼႂ်း​ပီႊ​ဢၼ်​မၼ်း​ၸၢမ်ႇ​ႁၢင်ႈ​ၸၢမ်ႇ​ႁေႃ​သီႇ​ပီႊ၊ လိူၼ်​တူႉတီႉယႃႉ လႆႈ​သွင်​ဝၼ်း​ၼၼ်ႉ​ဢေႃႈ။-</verse>
				<verse number="3">ငဝ်ႈ​ႁၢၵ်ႈ​ဢၼ် သေႃးလမုၼ်ႇ ​ၶျႃး​ဝႆႉ​ၼႂ်း​လွင်ႈ​တၢင်း​ဢၼ်​တႄႇ​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ​ၼၼ်ႉ​ၸမ်ႉ၊ ၸွမ်း​လူၺ်ႈ​သွၵ်ႇ​ဢၼ်​ၶပ်ႉ​ဢၼ်​တႅၵ်ႈ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​သေ​လႄႈ ၼႃႈ​ယၢဝ်း​မၼ်း​မီး​ႁူၵ်း​သိပ်း​သွၵ်ႇ၊ ၼႃႈ​ၼွႆႉ​မၼ်း​မီး​သၢဝ်း​သွၵ်ႇ​ဢေႃႈ။-</verse>
				<verse number="4">ႁိူၼ်း​ၼႃႈ​ႁိူၼ်း​ၸဝ်ႈ​ၵေႃႈ၊ ၼႃႈ​ယၢဝ်း​မၼ်း​မီး​သၢဝ်း​သွၵ်ႇ​တၢၼ်ႇ​ပဵင်း​ၵၼ်​တင်း​ၼႃႈ​ၼွႆႉ​ႁိူၼ်း​ၸဝ်ႈ​လႄႈ၊ ဢၼ်​သုင်​မၼ်း​မီး​ပၢၵ်ႇ​ပၢႆ​သၢဝ်း​သွၵ်ႇ​ဢေႃႈ၊ မၼ်း​ဢဝ်​ၶမ်း​လွတ်ႈ​ငၢၼ်ႇ ဢုမ်ႇ​ႁေႃႇ​ဝႆႉ​ဢေႃႈ။-</verse>
				<verse number="5">ႁိူၼ်း​ၸဝ်ႈ​ၽၢၵ်ႇ​ဢၼ်​ယဵင်ႈ​ၶႅၼ်း​ယႂ်ႇ​ၼၼ်ႉ​ၵေႃႈ မၼ်း​ဢဝ်​ပႅၼ်ႈ​မႆႉ​ပႅၵ်ႇ​မုင်း​လႄႈ ဢဝ်​ၶမ်း​လွတ်ႈ​ငၢၼ်ႇ​ဢုမ်ႇ​ႁေႃႇ​သေ​ယဝ်ႉ၊ တွင်ႈ​ႁဵတ်း​တူၼ်ႈ​ထၢၼ်​လႂ် တင်း​ၸိူၵ်ႈ​လႂ်​သႂ်ႇ​ဢေႃႈ။-</verse>
				<verse number="6">မၼ်း​ဢဝ်​သႅင်​လီ​သႅင်​မျၢတ်ႈ​လီ​ႁၢင်ႈ​ၶိူင်ႈ​သႂ်ႇ​ႁိူၼ်း​ၸဝ်ႈ​ႁႂ်ႈ​မီး​သရေႇ​ႁၢင်ႈ​လီ​ႁၢင်ႈ​ငၢမ်း​ဢေႃႈ၊ ၶမ်း​ဢၼ်​ဢုမ်ႇ​ႁေႃႇ​ၼၼ်ႉ ပဵၼ်​ၶမ်း​ ပႃႇရဝိမ်ႇ ​ဢေႃႈ။-</verse>
				<verse number="7">မၼ်း​ဢဝ်​ၶမ်း​ဢုမ်ႇ​ႁေႃႇ​ႁိူၼ်း​ၸဝ်ႈ​ဢၼ်​ဝႃႈ၊ ၶိုဝ်ႇ​မၼ်း၊ ပႄ​မၼ်း၊ ၽႃ​မၼ်း၊ မႂ်​ၽၵ်း​တူ​မၼ်း​ၸိူဝ်း​ၼၼ်ႉ​လႄႈ ၵႃႈ​ၼိူဝ်​ၽႃ​ၵေႃႈ တွင်ႈ​ႁဵတ်း​ႁၢင်ႈ​ ၶေႇရူႉၽဵမ်ႇ ​တင်း​လၢႆ​သႂ်ႇ​ဢေႃႈ။-</verse>
				<verse number="8">မၼ်း​ႁဵတ်း​ထႃႇၼႃႉ​ၸဝ်ႈ​တီႈ​ဢၼ်​မူတ်း​ၸၢင်ႇ​ၼႃႇ​သေ​ပိူၼ်ႈ​လႄႈ၊ ၼႃႈ​ယၢဝ်း​မၼ်း​မီး​သၢဝ်း​သွၵ်ႇ တၢၼ်ႇ​ပဵင်း​ၵၼ်​ၼႃႈ​ၼွႆႉ​ႁိူၼ်း​ၸဝ်ႈ​လႄႈ၊ ၼႃႈ​ၼွႆႉ​မၼ်း​မီး​သၢဝ်း​သွၵ်ႇ​သေ​လႄႈ မၼ်း​ဢဝ်​တင်း​ၶမ်း​လီ ႁူၵ်း​ပၢၵ်ႇ​ တလၢၼ်ႇတၢၼ်ႇ ​ဢုမ်ႇ​ႁေႃႇ​သေ​ဢေႃႈ။-</verse>
				<verse number="9">ၶၼ်​ၸင်ႈ​မႆႇ​ၼႃး​ၶမ်း​တင်း​လၢႆ​ၸမ်ႉ၊ မီး​ႁႃႈ​သိပ်း​ၵျၢပ်ႈ သၶေးလႃႉ ​ဢေႃႈ။ လုၵ်း​ႁၢၼ်ႉ​ၼိူဝ်​တင်း​လၢႆ​ၵေႃႈ မၼ်း​ဢဝ်​ၶမ်း​ဢုမ်ႇ​ႁေႃႇ​သေ​ဢေႃႈ။-</verse>
				<verse number="10">ၵႃႈ​တီႈ​လုၵ်း​ဢၼ်​မူတ်း​ၸၢင်ႇ​ၼႃႇ​သေ​ပိူၼ်ႈ​ၼၼ်ႉ မၼ်း​တွင်ႈ​ႁဵတ်း​ႁၢင်ႈ​ ၶေႇရူႉၽဵမ်ႇ ​သွင်​ပႃး​သႂ်ႇ​လႄႈ ဢဝ်​ၶမ်း​ဢုမ်ႇ​ႁေႃႇ​သေ​ဢေႃႈ။-</verse>
				<verse number="11">ပိၵ်ႇ​ ၶေႇရူႉၽဵမ်ႇ ​ၸိူဝ်း​ၼၼ်ႉ ယၢဝ်း​သၢဝ်း​သွၵ်ႇ​ဢေႃႈ။ ၵႃႈ​တီႈ​ ၶေႇရူႉၽဵမ်ႇ ​ပႃး​ၼိုင်ႈ ပိၵ်ႇ​ၽၢႆႇ​ၼိုင်ႈ​ယၢဝ်း​ႁႃႈ​သွၵ်ႇ​လႄႈ ၶိုတ်း​ထိုင် ၽႃ​ႁိူၼ်း​ၸဝ်ႈ​ယူႇ၊ ပိၵ်ႇ​ၽၢႆႇ​ၼိုင်ႈ​ၵေႃႈ​ယၢဝ်း​ႁႃႈ​သွၵ်ႇ​လႄႈ တိူဝ်ႉ​ပိၵ်ႇ​ ၶေႇရူႉၽဵမ်ႇ ​ပႃး​ၼိုင်ႈ​ယူႇ​ဢေႃႈ။-</verse>
				<verse number="12">ၵႃႈ​တီႈ​ ၶေႇရူႉၽဵမ်ႇ ​ပႃး​ၼိုင်ႈ​ၼၼ်ႉ​ၵေႃႈ၊ ပိၵ်ႇ​ၽၢႆႇ​ၼိုင်ႈ​ယၢဝ်း​ႁႃႈ​သွၵ်ႇ​လႄႈ ၶိုတ်း​ထိုင်​ၽႃ​ႁိူၼ်း​ၸဝ်ႈ​ယူႇ၊ ပိၵ်ႇ​ၽၢႆႇ​ၼိုင်ႈ​ၵေႃႈ​ယၢဝ်း​ႁႃႈ​သွၵ်ႇ​လႄႈ တိူဝ်ႉ​ပိၵ်ႇ ၶေႇရူႉၽဵမ်ႇ ​ပထမႃႉ​ၼၼ်ႉ​ယူႇ​ဢေႃႈ။-</verse>
				<verse number="13">ပိၵ်ႇ​ ၶေႇရူႉၽဵမ်ႇ ​ၸိူဝ်း​ၼၼ်ႉ​ၵီႈ​ယူႇ​သေ​လႄႈ ယၢဝ်း​သၢဝ်း​သွၵ်ႇ​လႄႈ၊ ၶဝ်​ၸုၵ်း​ယူႇ​သေ​လႄႈ ဝၢႆႇ​ၼႃႈ​ၶဝ်ႈ​ၸူး​တၢင်း​ၼႂ်း​ယူႇ​ဢေႃႈ။</verse>
				<verse number="14">ၽႃႈ​ၵင်ႈ​ၵေႃႈ မၼ်း​ဢဝ်​ၶူဝ်း​ဢၼ်​သွမ်ႇ၊ ၶူဝ်း​ဢၼ်​လႅင်​ၵမ်ႇ၊ ၶူဝ်း​ဢၼ်​လႅင်​ၸုင်း​ႁုင်း၊ တင်း​ပိၵ်ႈ​ၶျေႃး​ႁဵတ်း​လႄႈ​တမ်ႇ​ၵၢမ်း​ႁၢင်ႈ​ၶိူင်ႈ​ႁဵတ်း​ပုင်ႇ​ႁၢင်ႈ​ ၶေႇရူႉၽဵမ်ႇ ​သႂ်ႇ​ဢေႃႈ။</verse>
				<verse number="15">သဝ်​သွင်​လႅမ်ႈ ဢၼ်​တၢင်း​သုင်​မၼ်း​မီး​သၢမ်​သိပ်း​ပၢႆ​ႁႃႈ​သွၵ်ႇ​ၼၼ်ႉ​ၵေႃႈ မၼ်း​ႁဵတ်း​လႄႈ ဢဝ်​ပၵ်း​ဝႆႉ​ၵႃႈ​တီႈ​ၽၢႆႇ​ၼႃႈ​ႁိူၼ်း​ၸဝ်ႈ​ဢေႃႈ၊ ႁူဝ်​သဝ်​ဢၼ်​တင်ႈ​ဝႆႉ​ၵႃႈ​ၼိူဝ်​သဝ်​ယေႈ​လႅမ်ႈ​ၼၼ်ႉ တၢင်း​သုင်​မၼ်း​မီး​ႁႃႈ​သွၵ်ႇ​ဢေႃႈ။-</verse>
				<verse number="16">ၸိူၵ်ႈ​တင်း​လၢႆ​ၵေႃႈ မၼ်း​ႁဵတ်း​မိူၼ်​ၸိူဝ်ႉ​ၼင်ႇ​ဢၼ်​မီး​ၵႃႈ​ၼႂ်း​ထႃႇၼႃႉ​ပျႃႇ​တိၵ်ႈ​ၸဝ်ႈ​ၼၼ်ႉ​လႄႈ ဢဝ်​ဝႆႉ​ၵႃႈ​ၼိူဝ်​ႁူဝ်​သဝ်​ဢေႃႈ။ မၢၵ်ႇ​ၸင်ႈ​ပၢၵ်ႇ​ႁူၺ်ႇ​ၵေႃႈ​မၼ်း​ႁဵတ်း​လႄႈ ဢဝ်​ႁွႆႈ​ဝႆႉ​ၵႃႈ​တီႈ​ၸိူၵ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="17">မၼ်း​ဢဝ်​သဝ်​ၸိူဝ်း​ၼၼ်ႉ​ပၵ်း​ဝႆႉ​ၵႃႈ​တီႈ​ၽၢႆႇ​ၼႃႈ​ပိၵ်ႈ​မၢၼ်ႇ​ၸဝ်ႈ ၽၢႆႇ​ၶႂႃ​လႅမ်ႈ​ၼိုင်ႈ ၽၢႆႇ​သၢႆႉ​လႅမ်ႈ​ၼိုင်ႈ​လႄႈ တၢင်ႇ​ပၼ်​ၸိုဝ်ႈ​ႁွင်ႉ​ႁဵၵ်ႈ​သဝ်​ၽၢႆႇ​ၶႂႃ​ၼၼ်ႉ​ ယႃႇၶိၼ်ႇ ၊ သဝ်​ၽၢႆႇ​သၢႆႉ​ၼၼ်ႉ​ ပေႃးၸႃႉ ​ဢေႃႈ။</verse>
			</chapter>
			<chapter number="4">
				<verse number="1">ယိတ်ႈပလၢင်ႇ​တွင်း​လိူင် ဢၼ်​ၼႃႈ​ယၢဝ်း​မၼ်း​မီး​သၢဝ်း​သွၵ်ႇ၊ ၼႃႈ​ၼွႆႉ​မၼ်း​မီး​သၢဝ်း​သွၵ်ႇ၊ ဢၼ်​သုင်​မၼ်း​သိပ်း​သွၵ်ႇ​ၼၼ်ႉ​ၵေႃႈ မၼ်း​ႁဵတ်း​ဢေႃႈ။</verse>
				<verse number="2">ၼမ်ႉ​ၼွင်​တွင်း​လိူင် ဢၼ်​ဢဝ်​ၵႃႈ​တီႈ​ၶွပ်ႇ​ၽၢႆႇ​ၼိုင်ႈ တေႃႇ​ထိုင်​ႁွတ်ႈ​ၶွပ်ႇ​ၽၢႆႇ​ၼိုင်ႈ​မီး​သိပ်း​သွၵ်ႇ ဢၼ်​လိုၵ်ႉ​မၼ်း​မီး​ႁႃႈ​သွၵ်ႇ၊ ဢၼ်​ဝႅင်း​မူၼ်း​မၼ်း​မီး​သၢမ်​သိပ်း​သွၵ်ႇ​ၼၼ်ႉ​ၵေႃႈ​မၼ်း​ႁဵတ်း​ဢေႃႈ။-</verse>
				<verse number="3">ၵႃႈ​တီႈ​လဵပ်ႈ​ႁွပ်ႈ​ၸွမ်း​ႁိမ်း​တႂ်ႈ​ၶွပ်ႇ​ၵမ်း​ပၢတ်ႈ​ၼမ်ႉ​ၼွင်​ၼၼ်ႉ​မီး​ပုင်ႇ​ႁၢင်ႈ​ဝူဝ်း​တင်း​လၢႆ ၼႂ်း​ယေႈ​သွၵ်ႇ​သိပ်း​တူဝ်​လႄႈ လေႃႇ​ႁဵတ်း​ပုင်ႇ​ႁၢင်ႈ​ဝူဝ်း​သွင်​ထႅဝ် ၸပ်း​ပဵၼ်​ၼိူဝ်ႉ​လဵဝ်​ၵၼ်​တင်း​ၼမ်ႉ​ၼွင်​ဢေႃႈ။-</verse>
				<verse number="4">ၼမ်ႉ​ၼွင်​ၼၼ်ႉ​တၢင်ႇ​ဝႆႉ​ယူႇ​ၵႃႈ​ၼိူဝ်​ဝူဝ်း​သိပ်း​ပၢႆ​သွင်​တူဝ်၊ ဢၼ်​သၢမ်​တူဝ်​ဝၢႆႇ​ၼႃႈ​ဢွၵ်ႇ​ၸူး​ၽၢႆႇ​တၢင်း​ႁွင်ႇ၊ သၢမ်​တူဝ်​ဝၢႆႇ​ၼႃႈ​ဢွၵ်ႇ​ၸူး​ၽၢႆႇ​တၢင်း​တူၵ်း၊ သၢမ်​တူဝ်​ဝၢႆႇ​ၼႃႈ​ဢွၵ်ႇ​ၸူး​ၽၢႆႇ​တၢင်း​ၸၢၼ်း၊ သၢမ်​တူဝ်​ဝၢႆႇ​ၼႃႈ​ဢွၵ်ႇ​ၸူး​ၽၢႆႇ​တၢင်း​ဢွၵ်ႇ​ၸိူဝ်း​ၼၼ်ႉ​လႄႈ ၼမ်ႉ​ၼွင်​ၼၼ်ႉ​လႆႈ​တၢင်ႇ​ဝႆႉ​မီး​ယူႇ​ၵႃႈ​ၼိူဝ်​ဝူဝ်း​ၸိူဝ်း​ၼၼ်ႉ​လႄႈ၊ ဝူဝ်း​ၸိူဝ်း​ၼၼ်ႉ​ဝၢႆႇ​ၵူၼ်ႈ​ၶဝ်​ၶဝ်ႈ​တၢင်း​ၼႂ်း​ယူႇ​ဢေႃႈ။-</verse>
				<verse number="5">ၼမ်ႉ​ၼွင်​ၼၼ်ႉ​တၢင်း​ဢၼ်​ၼႃ​မၼ်း​မီး​ၽႃႇ​မိုဝ်း​ၼိုင်ႈ​လႄႈ၊ ၶွပ်ႇ​မၼ်း​ၼၼ်ႉ​ပျေႉ​ၸုမ်ႇ​ဝႆႉ​တင်း​လၢႆး​မွၵ်ႇ​မူဝ် မိူၼ်​ၸိူဝ်ႉ​ၼင်ႇ​ၶွပ်ႇ​ၵွၵ်း​ၼၼ်ႉ​ဢေႃႈ။ သႂ်ႇ​လႄႈ​ၶဝ်ႈ​ ပၢတ်ႈ ​ၼမ်ႉ​သၢမ်​ႁဵင်​ ပၢတ်ႈ ​ဢေႃႈ။</verse>
				<verse number="6">မေႃႈ​ဢႅင်ႇ​သိပ်း​လုၵ်ႈ​ၵေႃႈ​မၼ်း​ႁဵတ်း​လႄႈ ဢဝ်​ဝႆႉ​ၵႃႈ​တီႈ​ၽၢႆႇ​ၶႂႃ​ႁႃႈ​လုၵ်ႈ၊ ၵႃႈ​တီႈ​ၽၢႆႇ​သၢႆႉ​ႁႃႈ​လုၵ်ႈ​လႄႈ၊ ၶဝ်​ဢဝ်​ၶိူင်ႈ​ပိူင်​ဢၼ် ၸၢပ်ႈ​သႅင်ႇ​ၵၼ်​တင်း​ယိတ်ႈ​ဢၼ်​တုတ်ႇ​ၽႆး​ၸိူဝ်း​ၼၼ်ႉ သုၵ်ႈ​သီ​ၵႃႈ​ၼႂ်း​ၸိူဝ်း​ၼၼ်ႉ​ဢေႃႈ။ ၼမ်ႉ​ၼွင်​ၸမ်ႉ​ပဵၼ်​ပုၼ်ႈ​ဢၼ် ယိတ်ႈပရေႃးႁဵၵ်ႈ​တင်း​လၢႆ​တၵ်း​ဢၢပ်ႇ​ၼမ်ႉ​ဢေႃႈ။</verse>
				<verse number="7">ၶူင်ႇ​တီႈ​တႆႈ​ၽႆး​သိပ်း​ဢၼ်​ၵေႃႈ​မၼ်း​ႁဵတ်း​ၸွမ်း​လူၺ်ႈ​ပုင်ႇ​ဢၼ်​ပဵၼ်​ဢွၼ်​တၢင်း​ၼၼ်ႉ​သေ​လႄႈ ဢဝ်​ဝႆႉ​ၼႂ်း​ပိၵ်ႈ​မၢၼ်ႇ​ၸဝ်ႈ​ၵႃႈ​တီႈ​ၽၢႆႇ​ၶႂႃ​ႁႃႈ​လုၵ်ႈ၊ ၵႃႈ​တီႈ​ၽၢႆႇ​သၢႆႉ​ႁႃႈ​လုၵ်ႈ​ဢေႃႈ။-</verse>
				<verse number="8">ၶူင်ႇ​တီႈ​ၵိၼ်​သိပ်း​ဢၼ်​ၵေႃႈ​မၼ်း​ႁဵတ်း​လႄႈ ဢဝ်​ဝႆႉ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ ၵႃႈ​တီႈ​ၽၢႆႇ​ၶႂႃ​ႁႃႈ​ဢၼ်၊ ၵႃႈ​တီႈ​ၽၢႆႇ​သၢႆႉ​ႁႃႈ​ဢၼ်​ဢေႃႈ။ ဝၢၼ်ႇ​ၶမ်း​ပၢၵ်ႇ​ၼိုင်ႈ​ၵေႃႈ​မၼ်း​ႁဵတ်း​ဢေႃႈ။-</verse>
				<verse number="9">တမ်ႇ​တိူင်း​ယိတ်ႈပရေႃးႁဵၵ်ႈ၊ တမ်ႇ​တိူင်း​လူင်​ၵႃႈ​ၼွၵ်ႈ၊ မႂ်​ၽၵ်း​တူ​တမ်ႇ​တိူင်း​တင်း​လၢႆ​ၵေႃႈ​မၼ်း​ႁဵတ်း​လႄႈ ဢဝ်​တွင်း​လိူင်​ဢုမ်ႇ​ႁေႃႇ​မႂ်​ၽၵ်း​တူ​ၸိူဝ်း​ၼၼ်ႉ​သေ​ဢေႃႈ။-</verse>
				<verse number="10">ၼမ်ႉ​ၼွင်​ၸမ်ႉ၊ မၼ်း​ဢဝ်​ၶျႃး​တီႈ​ယူႇ​ဝႆႉ​ၵႃႈ​တီႈ​ၽၢႆႇ​ၶႂႃ ႁိူၼ်း​ၸဝ်ႈ​တၢင်း​ဝၼ်း​ဢွၵ်ႇ​ၸဵင်ႇ​ၸၢၼ်း​ဢေႃႈ။</verse>
				<verse number="11">ႁီႉရမ်ႇ ​ၼၼ်ႉ ႁဵတ်း​မေႃႈ​ဢႅင်ႇ​လႂ်၊ ၸေႃႉ​လႂ်၊ ဝၢၼ်ႇ​လႂ်​ၸိူဝ်း​ၼၼ်ႉ​ဢေႃႈ။ ၼင်ႇ​ၼၼ်​လႄႈ လွင်ႈ​တၢင်း​ဢၼ်​ ႁီႉရမ်ႇ ​ၵွႆႈ​ႁဵတ်း ၵႃႈ​ဢၼ်​ႁဵတ်း​တီႈ​ႁိူၼ်း​ၽြႃး​ပဵၼ်​ၸဝ်ႈ​ပုၼ်ႈ​ၶုၼ်​လူင် သေႃးလမုၼ်ႇ ​ၼၼ်ႉ​ၸမ်ႉ၊-</verse>
				<verse number="12">ပဵၼ်​သဝ်​သွင်​လႅမ်ႈ၊ ႁူဝ်​သဝ်​တင်း​ၸိၵ်း​ႁူဝ်​သဝ်​သွင်​ဢၼ်​ဢၼ်​မီး​ၵႃႈ​ၼိူဝ်​သဝ်​ၸိူဝ်း​ၼၼ်ႉ၊ တႃ​ၶႄ​ဢၼ်​တၵ်း​သုမ်ႇ​ႁူမ်ႇ​ၸိၵ်း​ႁူဝ်​သဝ်​သွင်​ဢၼ် ဢၼ်​မီး​ၵႃႈ​ၼိူဝ်​သဝ်​ၸိူဝ်း​ၼၼ်ႉ၊-</verse>
				<verse number="13">မၢၵ်ႇ​ၸင်ႈ​သီႇ​ပၢၵ်ႇ ပုၼ်ႈ​တႃ​ၶႄ​သွင်​ဢၼ်၊ ဢၼ်​ဝႃႈ မၢၵ်ႇ​ၸင်ႈ​သွင်​ထႅဝ်​ပုၼ်ႈ​တႃ​ၶႄ​ယေႈ​ဢၼ် ႁႂ်ႈ​လႆႈ​သုမ်ႇ​ႁူမ်ႇ​ၸိၵ်း​ႁူဝ်​သဝ်​ဢၼ်​မီး​ၵႃႈ​ၼိူဝ်​သဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="14">မၼ်း​ႁဵတ်း​ၶူင်ႇ​တင်း​လၢႆ​သေ​လႄႈ ဢဝ်​မေႃႈ​ဢႅင်ႇ​တၢင်ႇ​ဝႆႉ​ၵႃႈ​ၼိူဝ်​ၶူင်ႇ​ၸိူဝ်း​ၼၼ်ႉ၊-</verse>
				<verse number="15">ဢိၵ်ႇ​တင်း​ၼမ်ႉ​ၼွင်​လုၵ်ႈ​ၼိုင်ႈ ဢၼ်​ဝူဝ်း​သိပ်း​သွင်​တူဝ်​ၵမ်ႉ​ထွၵ်ႈ​ယူႇ​ၼၼ်ႉ​ဢေႃႈ။-</verse>
				<verse number="16">မေႃႈ​လႂ်၊ ၸေႃႉ​လႂ်၊ ၶေႃ​ၵွင်ႉ​ၼိူဝ်ႉ​လႂ်၊ ၶိူင်ႈ​ပိူင်​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၸိူဝ်း​ၼၼ်ႉ၊ ႁီႉရမ်ႇဢၽီႉ ႁဵတ်း​ပုၼ်ႈ​ၶုၼ်​လူင် သေႃးလမုၼ်ႇ ​လႄႈ၊ ႁႂ်ႈ​ယဝ်ႉ​တူဝ်ႈ​လူၺ်ႈ​တွင်း​လိူင် ဢၼ်​လုၵ်ႉ​ႁိူဝ်ႈ​ယူႇ​သၢင်း​ဝၢင်း​ဢေႃႈ။-</verse>
				<verse number="17">ၶုၼ်​ႁေႃ​ၶမ်း​လေႃႇ​သွၼ်း​ႁဵတ်း​ၸိူဝ်း​ၼၼ်ႉ ၵႃႈ​တီႈ​လိၼ်​ၼဵဝ်​ဢၼ်​မီး​ၵႃႈ​ၼႂ်း​ၵႄႈ​ဝူင်ႈ​ၵၢင် ဝဵင်း​ သူႉၵုတ်ႉ တင်း​ဝဵင်း​ ၸႃႇသၼ်ႇ ၵႃႈ​တီႈ​ပၢင်ႇ​ႁူၺ်ႈ​ ယေႃးတၢၼ်ႇ ​ဢေႃႈ။-</verse>
				<verse number="18">သေႃးလမုၼ်ႇ ​ႁဵတ်း​ၶိူင်ႈ​ပိူင်​ၵႃႈ​မီး​ၼၼ်ႉ​ၼမ်​ၼႃႇ​လူင်​လၢင်​လႄႈ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ႁူႉ​တၢင်း​ဢၼ်​ၸင်ႈ​ဢၼ်​ႁိဝ်ႈ​တွင်း​လိူင်​ၼၼ်ႉ​လႆႈ။</verse>
				<verse number="19">သေႃးလမုၼ်ႇ ႁဵတ်း​ၶိူင်ႈ​ပိူင်​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ႁိူၼ်း​ၽြႃး​ပဵၼ်​ၸဝ်ႈ၊ ဢၼ်​ဝႃႈ​ယိတ်ႈပလၢင်ႇ​ၶမ်း၊ ၶူင်ႇ​တီႈ​ၵိၼ် တီႈ​ဢၼ်​တၢင်ႇ​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ​ဝႆႉ​ၸိူဝ်း​ၼၼ်ႉ၊-</verse>
				<verse number="20">ၶူင်ႇ​တီႈ​တႆႈ​ၽႆး​ၶမ်း​တင်း​လၢႆ၊ ဢိၵ်ႇ​တင်း​ဝၢၼ်ႇ​တႆႈ​ၽႆး​ၶမ်း​မၼ်း​တင်း​လၢႆ ပုၼ်ႈ​ဢၼ်​တၵ်း​ၸွမ်း​လူၺ်ႈ​ထုင်း​ၸၢမ်ႇ​သေ​လႄႈ တႆႈ​ၵႃႈ​တီႈ​ၽၢႆႇ​ၼႃႈ​ထႃႇၼႃႉ​ပျႃႇ​တိၵ်ႈ​ၸဝ်ႈ​ၼၼ်ႉ၊-</verse>
				<verse number="21">မွၵ်ႇ​ၶမ်း၊ ဝၢၼ်ႇ​တႆႈ​ၽႆး​ၶမ်း၊ ၵိမ်း​ၺၢပ်ႈ​ၽႆး​ၶမ်း ဢၼ်​ယဝ်ႉ​တူဝ်ႈ​လူၺ်ႈ​ၶမ်း​လွတ်ႈ​ငၢၼ်ႇ​ၸိူဝ်း​ၼၼ်ႉ၊-</verse>
				<verse number="22">ၵိမ်း​ၵိပ်ႈ​ၽႆး၊ ဝၢၼ်ႇ၊ ၸေႃႉ၊ လၢင်ႇ​ပၢၼ်း​ဢၼ်​ယဝ်ႉ​တူဝ်ႈ​လူၺ်ႈ​ၶမ်း​လွတ်ႈ​ငၢၼ်ႇ​ၸိူဝ်း​ၼၼ်ႉ၊ တီႈ​ဢၼ်​တၵ်း​ၶဝ်ႈ​ၸူး​ၵႃႈ​ၼႂ်း​ႁိူၼ်း​ၸဝ်ႈ​ၼၼ်ႉ ဢၼ်​ဝႃႈ​မႂ်​ၽၵ်း​တူ​တၢင်း​ၼႂ်း ပုၼ်ႈ​ထႃႇၼႃႉ​တီႈ​မူတ်း​ၸၢင်ႇ​ၼႃႇ​သေ​ပိူၼ်ႈ ဢိၵ်ႇ​တင်း​ႁိူၼ်း​ၸဝ်ႈ​ဢၼ်​ဝႃႈ ပိၵ်ႈ​မၢၼ်ႇ​ၸိူဝ်း​ၼၼ်ႉ​လႄႈ ႁႂ်ႈ​ယဝ်ႉ​တူဝ်ႈ​လူၺ်ႈ​ၶမ်း​ဢေႃႈ။</verse>
			</chapter>
			<chapter number="5">
				<verse number="1">ၼင်ႇ​ၼၼ်​လႄႈ တၢင်း​ႁဵတ်း​ၵႃႈ​ဢၼ်​ သေႃးလမုၼ်ႇ ၸီႇ​ယၢင်ႇ​ပွင်​ႁဵတ်း​ၵူႈ​ၸိူဝ်ႉ​ၵူႈ​ပိူင် ပုၼ်ႈ​ႁိူၼ်း​ထႃႇဝရႃႉ​ၽြႃး​ၼၼ်ႉ ယဝ်ႉ​တူဝ်ႈ​သေ​ယဝ်ႉ၊ သေႃးလမုၼ်ႇ ​ပႃး​ဢဝ်​ၶိူင်ႈ​ပိူင်​ဢၼ်​ၸဝ်ႈ​ပေႃႈ​မၼ်း​ တႃႇဝိတ်ႈ ​လူႇ​တၢၼ်း​ဢၼ်​ဝႃႈ ငိုၼ်း၊ ၶမ်း၊ ၶိူင်ႈ​ပိူင်​ၵႃႈ​မီး​ၸိူဝ်း​ၼၼ်ႉ​မႃး​လႄႈ သႂၢင်း​သႂ်ႇ​ဝႆႉ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ႁိူၼ်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။</verse>
				<verse number="2">မိူဝ်ႈ​ၼၼ်ႉ​ သေႃးလမုၼ်ႇ ႁွင်ႉ​ဢဝ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ၼႂ်း​မဵဝ်း​တင်း​လၢႆ​ဢၼ်​ဝႃႈ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ်​ၵႃႈ​ၼႂ်း​ၵူၼ်း​မဵဝ်း ဢီႉသရေႇလႃႉ ​တင်း​သဵင်ႈ​တင်း​လူင် မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ဢဝ်​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး ဢွၵ်ႇ​သေ​ၵႃႈ​ၼႂ်း​ဝဵင်း​ တႃႇဝိတ်ႈ ဢၼ်​လႆႈ​ၸိုဝ်ႈ ၸီႉဢုၼ်ႇ ​ၼၼ်ႉ​မႃး​လႄႈ၊-</verse>
				<verse number="3">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​မႃး​ၸူႉ​ၵၼ်​တုမ်​ၵၼ်​ၵႃႈ​တီႈ​ၶုၼ်​ႁေႃ​ၶမ်း​ၼႂ်း​ပွႆး​ဢၼ်​ႁဵတ်း​ၼႂ်း​လိူၼ်​သတ်ႉတမႃႉ​ၼၼ်ႉ​ဢေႃႈ။-</verse>
				<verse number="4">ၶုၼ်​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​မႃး​လႄႈ၊ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၵေႃႈ ႁၢပ်ႇ တိူၵ်ႈ​တႃႇ​ၸဝ်ႈ​ယူႇ​သေ​လႄႈ၊-</verse>
				<verse number="5">ပႃး​ဢဝ်​တိူၵ်ႈ​တႃႇ​ၸဝ်ႈ​ဢိၵ်ႇ​တင်း​မူဝ်းၵႃႇ​ၸဝ်ႈ​တီႈ​ၸူႉ​တီႈ​တုမ်​ပရဵၵ်ႈသၢတ်ႈ တင်း​ၶိူင်ႈ​ပိူင်​ဢၼ်​မူတ်း​ၸၢင်ႇ​ၵႃႈ​ဢၼ်​မီး ၵႃႈ​ၼႂ်း မူဝ်းၵႃႇ​ၸဝ်ႈ​ၸိူဝ်း​ၼၼ်ႉ​မႃး​ဢေႃႈ။ ယိတ်ႈပရေႃးႁဵၵ်ႈ​တင်း​လၢႆ တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​ၸိူဝ်း​ၼၼ်ႉ​မႃး​ဢေႃႈ။-</verse>
				<verse number="6">ၶုၼ်​လူင်​ သေႃးလမုၼ်ႇ ဢိၵ်ႇ​တင်း​ပရဵၵ်ႈသၢတ်ႈ​ ဢီႉသရေႇလႃႉ ​တင်း​သဵင်ႈ​တင်း​လူင် ဢၼ်​မႃး​ၸူႉ​ၵၼ်​တုမ်​ၵၼ်​ၵႃႈ​တီႈ​မၼ်း​ၼၼ်ႉ​ဢွၼ်​ၵၼ်​ယူႇ ၵႃႈ​တီႈ​ၽၢႆႇ​ၼႃႈ​တိူၵ်ႈ​တႃႇ​ၸဝ်ႈ​သေ​လႄႈ ပုၵ်ႈ​ၸေႃႇ​ယိတ်ႈ​သူဝ်း​ဝူဝ်း​ၼမ်​ၼႃႇ​ဢမ်ႇ​ႁူႉ​ၼမ်​လႂ်၊ ဢၼ်​ထၼ်ႈ​ပေႃး​ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ၼၼ်ႉ​ယူႇ​ဢေႃႈ။-</verse>
				<verse number="7">ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ဢွၼ်​ၵၼ်​ဢဝ်​တိူၵ်ႈ​တႃႇ​ပတီႉၺိၺ်ႇ​ထႃႇဝရႃႉ​ၽြႃး သႂၢင်း​ၶဝ်ႈ​ဝႆႉ​ၵႃႈ​ၼႂ်း​တီႈ​မၼ်း၊ ၵႃႈ​ၼႂ်း​ထႃႇၼႃႉ​တီႈ​ပျႃႇ​တိၵ်ႈ​ၸဝ်ႈ​ဢၼ်​ဝႃႈ ထႃႇၼႃႉ​တီႈ​မူတ်း​ၸၢင်ႇ​ၼႃႇ​သေ​ပိူၼ်ႈ ၵႃႈ​တႂ်ႈ​ပိၵ်ႇ ၶေႇရူႉၽဵမ်ႇ ​ၼၼ်ႉ​ဢေႃႈ။-</verse>
				<verse number="8">ၶေႇရူႉၽဵမ်ႇ ​ၸိူဝ်း​ၼၼ်ႉ​ၵီႈ​ၽႄႇ​ပိၵ်ႇ​ၶဝ် ၵႃႈ​ၼိူဝ်​တီႈ​ယူႇ​တိူၵ်ႈ​တႃႇ​ၸဝ်ႈ​ၼၼ်ႉ​လႄႈ၊ ၶေႇရူႉၽဵမ်ႇ ​ၸိူဝ်း​ၼၼ်ႉ​မုင်း​ႁူမ်ႇ​တိူၵ်ႈ​တႃႇ​ၸဝ်ႈ​တင်း​ၵၢၼ်း​မၼ်း​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="9">ၶဝ်​တိုတ်ႉ​ထွတ်ႇ​ၵၢၼ်း​ၸိူဝ်း​ၼၼ်ႉ​ဢွၵ်ႇ​ဝႆႉ​ဢိတ်း​ၼိုင်ႈ​သေ​လႄႈ ယူႇ​ၵႃႈ​ၼွၵ်ႈ​ၵႃႈ​တီႈ​ၽၢႆႇ​ၼႃႈ​ထႃႇၼႃႉ​ပျႃႇ​တိၵ်ႈ​ၸဝ်ႈ​ၼၼ်ႉ ႁၼ်​ဢမၢင်ႇႁူဝ်​ၵၢၼ်း​ၸိူဝ်း​ၼၼ်ႉ ၵႃႈ​တီႈ​တိူၵ်ႈ​တႃႇ​ၸဝ်ႈ​လႄႈ၊ ၵႃႈ​တီႈ​ၼွၵ်ႈ​ၸိုင်​ဢမ်ႇ​ႁၼ်​လႆႈ၊ မီး​ယူႇ​ၵႃႈ​တီႈ​ၼၼ်ႈ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="10">ၵႃႈ​ၼႂ်း​တိူၵ်ႈ​တႃႇ​ၸဝ်ႈ​ၼၼ်ႉ လိူဝ်​သေ​ၶႅပ်း​မၢၵ်ႇ​ႁိၼ်​သွင်​ၽႅၼ်ႇ ဢၼ်​ မူဝ်းသေႇ ​ဢဝ်​သႂၢင်း​သႂ်ႇ​ဝႆႉ​ၵႃႈ​ၼႂ်း​မၼ်း​ၵႃႈ​တီႈ​ ႁေႃးရပ်ႉ တီႈ​ဢၼ်​ထႃႇဝရႃႉ​ၽြႃး​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၼႂ်း​မိူဝ်ႈ​ဢၼ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ၸိူဝ်း​ၼၼ်ႉ​ဢမ်ႇ​မီး​ၵႃႈ​သင်​သေ​ၸိူဝ်ႉ​သေ​ပိူင်။</verse>
				<verse number="11">မိူဝ်ႈ​ဢၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ဢွၵ်ႇ​သေ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ၊ ၵွပ်ႈ​ပိူဝ်ႈ​ဢၼ်​ယိတ်ႈပရေႃးႁဵၵ်ႈ ဢၼ်​ၸူႉ​ၵၼ်​တုမ်​ၵၼ်​တင်း​သဵင်ႈ​တင်း​လူင်​ၼၼ်ႉ ႁႂ်ႈ​တူဝ်​ၸဝ်ႈ​ၵဝ်ႇ​ပဵၼ်​ဢၼ်​မူတ်း​ၸၢင်ႇ​ဝႆႉ​ယဝ်ႉ​လႄႈ ဢမ်ႇ​ပႂ်ႉ​ဢမူႉ​ၸဝ်ႈ​ယူႇ​ၸွမ်း​ၵႃႈ​ၼင်ႇ​ဢၼ်​တူၵ်း​လႄႉ​တူၵ်း​ၵမ်း​ၼၼ်ႉ၊-</verse>
				<verse number="12">ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​ၵူၼ်း​မဵဝ်း​ လေႇဝီႉ ​ဢၼ်​ပဵၼ်​ၵေႃႉ​ဢၼ်​ႁဵတ်း​ၵႂၢမ်း​ၵႃႈ​မီး ဢၼ်​ဝႃႈ၊ ဢႃႇသပ်ႉ၊ ႁေႇမၼ်ႇ၊ ယေႇတူႉသုၼ်ႇ ဢိၵ်ႇ​တင်း​လုၵ်ႈ​လၢင်း​ၶဝ်​တင်း​ပီႈ​ၼွင်ႉ​ၸိူဝ်ႉ​ၶိူဝ်း​ၶဝ်​ၸိူဝ်း​ၼၼ်ႉ ၼုင်ႈ​မႆ​ပိၵ်ႈ​ၶျေႃး​လႄႈ ပႃး​ဢဝ်​တင်း​သႅင်ႇ၊ တိင်ႇ၊ တရေႃး​ယူႇ​သေ​လႄႈ ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ၽၢႆႇ​ဝၼ်း​ဢွၵ်ႇ​ယိတ်ႈပလၢင်ႇ ဢိၵ်ႇ​လူၺ်ႈ​ၵၼ်​တင်း​ယိတ်ႈပရေႃးႁဵၵ်ႈ​ပၢၵ်ႇ​ပၢႆ​သၢဝ်း​ၵေႃႉ​ဢၼ်​ပဝ်ႇ​ၼႄးၶရႃႇ​ၼၼ်ႉ​လႄႈ၊-</verse>
				<verse number="13">မိူဝ်ႈ​ဢၼ်​ၶဝ်​ၸိူဝ်း​ဢၼ်​ပဝ်ႇ​ၼႄးၶရႃႇ ဢိၵ်ႇ​တင်း​ၶဝ်​ၸိူဝ်း​ဢၼ်​ႁဵတ်း​ၵႂၢမ်း​ၼၼ်ႉ ၽွမ်ႉ​သဵင်​ၵၼ်​သေ​လႄႈ ႁဵတ်း​ႁႂ်ႈ​ပဵၼ်​သဵင်​လဵဝ်​ၵၼ်​ယူႇ ႁႂ်ႈ​လႆႈ​ႁဵတ်း​ထေႃးပၼႃႇ​လႄႈ ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ​ၼၼ်ႉ၊ ဢိၵ်ႇ​တင်း​မိူဝ်ႈ​ဢၼ်​ၶဝ်​ဢွၼ်​ၵၼ်​ပွႆႇ​သဵင်​ၶဝ် ဢိၵ်ႇ​လူၺ်ႈ​ၵၼ်​တင်း​ၼႄးၶရႃႇ​လႂ်၊ သႅင်ႇ​လႂ်၊ မဵဝ်း​တူႇရီႉယႃႇ​လႂ်​လႄႈ ယွင်ႈ​ယေႃး​ထႃႇဝရႃႉ​ၽြႃး​ယူႇ​သေ​လႄႈ​ဝႃႈ၊ မၼ်း​ၸဝ်ႈ​လီ​မျၢတ်ႈ​ၼႃႇ​လူင်​လၢင်​တီႈ​ၶႃႈ​ဢေႃႈ။ ၵရူႉၼႃႇ​မၼ်း​ၸဝ်ႈ​တႄႇ​ယူႇ​တႃႇ​သေႇ​မၼ်ႈ​ၶိူင်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယူႇ​ၼၼ်ႉ​ၸိုင်၊ ႁိူၼ်း​ထႃႇဝရႃႉ​ၽြႃး​တဵမ်​ဝႆႉ​တင်း​မွၵ်ႇ​ၵုမ်ႈ၊-</verse>
				<verse number="14">ထၼ်ႈ​ပေႃး​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ဢမ်ႇ​ၸုၵ်း​ၶၢမ်ႇ​ယူႇ ႁႂ်ႈ​လႆႈ​ပွင်​ႁဵတ်း​ဢမူႉ​ၸဝ်ႈ​လႆႈ​ၵွပ်ႈ​ပိူဝ်ႈ​မွၵ်ႇ​ၵုမ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မုၼ်​ၽုင်း​ထႃႇဝရႃႉ​ၽြႃး​တဵမ်​ဝႆႉ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ​ဢေႃႈ။</verse>
			</chapter>
			<chapter number="6">
				<verse number="1">မိူဝ်ႈ​ၼၼ်ႉ​ သေႃးလမုၼ်ႇ ​ဢွၵ်ႇ​သူပ်း​လႄႈ​ဝႃႈ၊ ထႃႇဝရႃႉ​ၽြႃး လၢတ်ႈ​လူၺ်ႈ​လွင်ႈ​ဢၼ် မၼ်း​ၸဝ်ႈ​တၵ်း​ယူႇ​ၵႃႈ​ၼႂ်း​လပ်း​သိင်ႇ ဢၼ်​ၼႃ​တၼ်​ၼႃႇ​ၼၼ်ႉ​ဝႆႉ​ဢေႃႈ။-</verse>
				<verse number="2">ၵူၺ်း​ၵႃႈ​ၶႃႈ​ၸဝ်ႈ တႄႇ​ႁဵတ်း​ႁိူၼ်း​တီႈ​ဢၼ်​ၸဝ်ႈ​ႁဝ်း​တၵ်း​ၵိင်း​ဝၢပ်ႈ​ယူႇ၊ ထႃႇၼႃႉ​တီႈ​ဢၼ်​ၸဝ်ႈ​ႁဝ်း​တၵ်း​ယူႇ​တၵ်း​သဝ်း​တႃႇ​သေႇ​ၼၼ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">လႆႈ​သမ်ႉ ၶုၼ်​ႁေႃ​ၶမ်း​ဝၢႆႇ​ၼႃႈ​တူၺ်း​လႄႈ ပၼ်​တၢင်း​လီ​တီႈ​ပရဵၵ်ႈသၢတ်ႈ​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ ပရဵၵ်ႈသၢတ်ႈ​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ၸုၵ်း​ယူႇ​ဢေႃႈ။-</verse>
				<verse number="4">မၼ်း​ဢွၵ်ႇ​သူပ်း​ဝႃႈ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢၼ်​ဝႆႉ​ပျႃႇ​တိၵ်ႈ​ၸဝ်ႈ တီႈ​ၸဝ်ႈ​ပေႃႈ​ၵဝ် တႃႇဝိတ်ႈ ​လႄႈ ႁဵတ်း​ၸွမ်း​ၵႃႈ​ၼင်ႇ​ပျႃႇ​တိၵ်ႈ​ၸဝ်ႈ​ၼၼ်ႉ​သေ​လႄႈ​ဝႃႈ၊-</verse>
				<verse number="5">ၸႃႉ​ၸဵမ်​မိုဝ်ႉ​ဝၼ်း​ဢၼ်​ၵဝ်​ၼုၵ်ႈ​ဢဝ်​ၵူၼ်း​ၵဝ်​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ ပိၵ်ႉ​သမ်ႉ​ၵဝ်​ဢမ်ႇ​လိူၵ်ႈ​ၵဵပ်း​ဢဝ်​ဝဵင်း​သေ​တီႈ​သေ​ဝဵင်း ၵႃႈ​ၼႂ်း​လိၼ်​မဵဝ်း​ ဢီႉသရေႇလႃႉ ​ၵႃႈ​မီး ႁႂ်ႈ​လႆႈ​တႄႇ​ႁဵတ်း​ႁိူၼ်း​တီႈ​ဢၼ်​ၼႃႇ​မႃႉ​ၸိုဝ်ႈ​သဵင်​ၵဝ်​တၵ်း​တႄႇ​ယူႇ​ၼၼ်ႉ​လႄႈ၊ ဢမ်ႇ​လိူၵ်ႈ​ၵဵပ်း​ဢဝ်​ၵေႃႉ​ဢၼ်​တၵ်း​ဢုပ်ႉ​ၵႃႈ​ၼိူဝ်​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​သေ​ၵေႃႈ၊-</verse>
				<verse number="6">မိူဝ်ႈ​လဵဝ်​ၼႆႉ ၵဝ်​လိူၵ်ႈ​ၵဵပ်း​ဢဝ်​ဝဵင်း​ ယေႇရူႉသလႅမ်ႇ တီႈ​ဢၼ်​ၼႃႇ​မႃႉ​ၸိုဝ်ႈ​သဵင်​ၵဝ်​တၵ်း​တႄႇ​ယူႇ ဢိၵ်ႇ​တင်း​ တႃႇဝိတ်ႈ ၊ ႁႂ်ႈ​မၼ်း​လႆႈ​ဢုပ်ႉ​ၵႃႈ​ၼိူဝ်​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။</verse>
				<verse number="7">ၸဝ်ႈ​ပေႃႈ​ၵဝ်​ တႃႇဝိတ်ႈ ​ၼၼ်ႉ မီး​တၢင်း​ၵျၢမ်ႇ​တၢင်း​ပွင် တၵ်း​တႄႇ​ႁဵတ်း​ႁိူၼ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="8">ၵူၺ်း​ၵႃႈ ထႃႇဝရႃႉ​ၽြႃး​မီး​ဢမိင်ႉ​တီႈ​ၸဝ်ႈ​ပေႃႈ​ၵဝ်​ တႃႇဝိတ်ႈ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​မီး​တၢင်း​ၵျၢမ်ႇ​တၢင်း​ပွင် တၵ်း​တႄႇ​ႁဵတ်း​ႁိူၼ်း​ၸဝ်ႈ​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​လႄႈ လွင်ႈ​တၢင်း​ဢၼ်​မီး​ၼႂ်း​ၸႂ်​မႂ်း​ၼၼ်ႉ​ပဵၼ်​ဢၼ်​လီ​ယဝ်ႉ။-</verse>
				<verse number="9">ၼႂ်း​ဝႃႈ​ၼၼ်​သေ​ၵေႃႈ မႂ်း​ဢမ်ႇ​လႆႈ​တႄႇ​ႁဵတ်း​ႁိူၼ်း​ၸဝ်ႈ၊ လုၵ်ႈ​ၸၢႆး​ဢွၵ်ႇ​မႂ်း​ၼၼ်ႉ​တၵ်း​လႆႈ​တႄႇ​ႁဵတ်း​ႁိူၼ်း​ၸဝ်ႈ ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ထႃႇဝရႃႉ​ၽြႃး​ၼၼ်ႉ ႁဵတ်း​ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၸဝ်ႈ​မီး​ၼၼ်ႉ​သေ​လႄႈ ၵဝ်​လႆႈ​ပေႃႇ​ပဵၼ်​မႃး​တၢင်​တူဝ်​ၸဝ်ႈ​ပေႃႈ​ၵဝ် တႃႇဝိတ်ႈ ​ၼၼ်ႉ​လႄႈ ၼင်ႈ​ယူႇ​ၵႃႈ​ၼိူဝ်​ရႃႇၸႃႉ​ပလၢင်ႇ​သိုင်ႇ​ၸိုင်ႈ​ဝၢၼ်ႈ​မိူင်း ဢီႉသရေႇလႃႉ မႅၼ်ႈ​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ၵတီႉ​ၸဝ်ႈ​ဝႆႉ​ၼၼ်ႉ​ယူႇ​သေ​လႄႈ၊ တႄႇ​ႁဵတ်း​ႁိူၼ်း​ၸဝ်ႈ​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ယဝ်ႉ။-</verse>
				<verse number="11">ၵႃႈ​ၼႂ်း​ႁိူၼ်း​ၸဝ်ႈ​ၼၼ်ႉ​ၵေႃႈ ၵဝ်​ဢဝ်​တိူၵ်ႈ​တႃႇ​ၸဝ်ႈ ဢၼ်​ပႃး​လိၵ်ႈ​မၢၵ်ႇ​ႁိၼ်​ပတီႉၺိၺ်ႇ​ထႃႇဝရႃႉ​ၽြႃး ဢၼ်​မၼ်း​ၸဝ်ႈ​ႁဵတ်း​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​သႂ်ႇ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">လႆႈ​သမ်ႉ​ သေႃးလမုၼ်ႇ ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ထႃႇဝရႃႉ​ၽြႃး သိုဝ်ႈ​ၼႃႈ​တႂ်ႈ​တႃ​ပရဵၵ်ႈသၢတ်ႈ မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​သေ​လႄႈ ၵီႈ​ၽႃႇ​မိုဝ်း​မၼ်း​ၶိုၼ်ႈ​ၵႃႈ​ၼိူဝ်​ဢေႃႈ။-</verse>
				<verse number="13">ၵွပ်ႈ​ပိူဝ်ႈ​ဢၼ်​ သေႃးလမုၼ်ႇ ​ႁဵတ်း​ပလၢင်ႇ​တွင်း​လိူင် ဢၼ်​ၼႃႈ​ယၢဝ်း​မၼ်း​မီး​ႁႃႈ​သွၵ်ႇ၊ ၼႃႈ​ပွတ်း​မၼ်း​ႁႃႈ​သွၵ်ႇ၊ ဢၼ်​သုင်​မၼ်း​သၢမ်​သွၵ်ႇ​လႄႈ ဝႆႉ​ၵႃႈ​ၼႂ်း​တမ်ႇ​တိူင်း​ၼၼ်ႉ​ယဝ်ႉ​လႄႈ မၼ်း​ၸုၵ်း​ယူႇ​ၵႃႈ​ၼိူဝ်​ပလၢင်ႇ​ၼၼ်ႉ​လႄႈ ၶုပ်ႉ​ၶဝ်ႇ​ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​သေ​ယဝ်ႉ၊ ၵီႈ​ၽႃႇ​မိုဝ်း​မၼ်း​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​ယူႇ​သေ​လႄႈ ႁဵတ်း​သူး​တွင်း​ပထၼႃႇ​လႄႈ​ဝႃႈ၊-</verse>
				<verse number="14">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ၊ ၵႃႈ​ၼိူဝ်​ၽႃႉ​ၵၢင်​ႁၢဝ်၊ ၵႃႈ​ၼိူဝ်​လိၼ်​မိူင်း​ၼႆႉ ၽြႃး​ဢၼ်​မိူၼ်​ၵၼ်​တင်း​ၸဝ်ႈ​ႁဝ်း ဢၼ်​ပႂ်ႉ​ၵမ်​ပႂ်ႉ​ၸွမ်း​ပတီႉၺိၺ်ႇ​တြႃး ဢိၵ်ႇ​တင်း​ၵရူႉၼႃႇ​တြႃး ပုၼ်ႈ​ၶႃႈ​ၸဝ်ႈ​ႁဝ်း​တင်း​လၢႆ ဢၼ်​ပႃး​တင်း​ႁူဝ်​ၸႂ်​သဵင်ႈ​သဵင်ႈ​ၵႂႃႇ​မႃး​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း၊-</verse>
				<verse number="15">ဢၼ်​ႁဵတ်း​တီႈ​ၶႃႈ​ၸဝ်ႈ​ႁဝ်း ၸဝ်ႈ​ပေႃႈ​ၶႃႈ​ၸဝ်ႈ​ တႃႇဝိတ်ႈ ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​ဝႆႉ​ၵတီႉ​တီႈ​မၼ်း​ၼၼ်ႉ​ဢၼ်​ဝႃႈ မီး​ဢမိင်ႉ​ဢွၵ်ႇ​သူပ်း​ဝႃႈ​တီႈ​မၼ်း​လႄႈ ႁႂ်ႈ​ပျေႉ​ၸုမ်ႇ​ပဵၼ်​မိူၼ်​ၸိူဝ်ႉ​ၼင်ႇ​ဢၼ်​ပဵၼ်​ဝၼ်း​မိူဝ်ႈ​ၼႆႉ​ၼၼ်ႉ ဢမ်ႇ​မီး​သေ​သူႇ​သေ​ပႃး​တီႈ​ၶႃႈ​ယဝ်ႉ။-</verse>
				<verse number="16">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ၊ မိူဝ်ႈ​လဵဝ်​ၼႆႉ ၶႅၼ်း​တေႃႈ​ပႂ်ႉ​ၸွမ်း​ၵတီႉ​ၸဝ်ႈ​ဢၼ်​ၸဝ်ႈ​ႁဝ်း​ဝႆႉ​တီႈ​ၶႃႈ​ၸဝ်ႈ​ႁဝ်း ၸဝ်ႈ​ပေႃႈ​ၶႃႈ​ၸဝ်ႈ​ တႃႇဝိတ်ႈ ​ၼၼ်ႉ​လႄႈ မီး​ဢမိင်ႉ​လႄႈ​ဝႃႈ၊ ပေႃး​လုၵ်ႈ​မႂ်း​လၢၼ်​မႂ်း မီး​ဢလူဝ်ႇ​ၶႂ်ႈ​ႁဵတ်း​သတီႉ​ႁႂ်ႈ​လႆႈ​ၵႂႃႇ​မႃး​ၸွမ်း​သဵၼ်ႈ​တၢင်း​တြႃး​ၵဝ် မိူၼ်​ၸိူဝ်ႉ​ၼင်ႇ​ဢၼ်​မႂ်း ၵႂႃႇ​မႃး​ၵႃႈ​တီႈ​ၽၢႆႇ​ၼႃႈ​ၵဝ်​ၼၼ်ႉ​ၸိုင် မဵဝ်း​ၸိူဝ်ႉ​ၶိူဝ်း​မႂ်း ဢၼ်​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​သိုင်ႇ​ၸိုင်ႈ​ဝၢၼ်ႈ​မိူင်း​ ဢီႉသရေႇလႃႉ သိုဝ်ႈ​ၼႃႈ​တႂ်ႈ​တႃ​ၵဝ်​ၼႆႉ ဢမ်ႇ​လႆႈ​ထၢတ်ႇ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="17">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ၊ မိူဝ်ႈ​လဵဝ်​ၼႆႉ ၶႅၼ်း​တေႃႈ​ႁႂ်ႈ​ၵႂၢမ်း​ၸဝ်ႈ​ႁဝ်း ဢၼ်​ၸဝ်ႈ​ႁဝ်း​မီး​ဢမိင်ႉ​ဝႆႉ​တီႈ​ၶႃႈ​ၸဝ်ႈ​ႁဝ်း ၸဝ်ႈ​ပေႃႈ​ၶႃႈ​ၸဝ်ႈ​ တႃႇဝိတ်ႈ ၼႄ​ဝႆႉ​ၼၼ်ႉ ပျေႉ​ၸုမ်ႇ​သေ​ၵမ်း​တီႈ​ၶႃႈ။-</verse>
				<verse number="18">ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​တၵ်း​ၵိင်း​ဝၢပ်ႈ​ယူႇ​ၵႃႈ​ၼႂ်း​ၵူၼ်း​တင်း​လၢႆ ၵႃႈ​ၼိူဝ်​လိၼ်​မိူင်း​ၼႆႉ​ဢမၢၼ်ႇ​ၶၼ်​ပဵၼ်​တီႈ​ၶႃႈ​ႁိုဝ်။ တူၺ်း​တီႈ​ၶႃႈ​လူး၊ ၵၢင်​ႁၢဝ်​ဢိၵ်ႇ​တင်း ၵၢင်​ႁၢဝ်​ဢၼ်​ပဵၼ်​ၸိၵ်း​ၸွမ်​ၵၢင်​ႁၢဝ်​ၼၼ်ႉ ဢမ်ႇ​ပေႃး​ဢမ်ႇ​ၶၢမ်ႇ​ၸဝ်ႈ​ႁဝ်း​လႆႈ​လႄႈ ႁိူၼ်း​ဢၼ်​ၶႃႈ​ၸဝ်ႈ​တႄႇ​ႁဵတ်း​ၼႆႉ ယဵင်ႈ​ၶႅၼ်း​တၵ်း​ဢမ်ႇ​ပေႃး​ဢမ်ႇ​ၶၢမ်ႇ​ၸဝ်ႈ​ႁဝ်း​လႆႈ​တီႈ​ၶႃႈ။-</verse>
				<verse number="19">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ႁူႉ​ၸႅင်ႈ​ထွမ်ႇ​ဢဝ်​တၢင်း​ဢၼ်​ၶႃႈ​ၸဝ်ႈ​ႁဝ်း​ၼႆႉ သူး​တွင်း​လႄႈ​လဝ်ႊ​ယွၼ်း​ၼႆႉ ႁႂ်ႈ​လႆႈ​ႁပ်ႉ​တုင်း​ဢဝ် ၵႂၢမ်း​ဢၼ်​ၶႃႈ​ၸဝ်ႈ​ႁဝ်း​ၼႆႉ​ႁွင်ႉ​သႅၼ်ႇ​လႄႈ ႁဵတ်း​ပထၼႃႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="20">ၶႅၼ်း​တေႃႈ မိုၼ်း​တႃ၊ ၽုၺ်ႇ​တႃ​ၸဝ်ႈ​ႁဝ်း​ၸူး ၵႃႈ​တီႈ​ႁိူၼ်း​ၸဝ်ႈ​ၼႆႉ​ၵူႈ​ဝၼ်း​ၵူႈ​ၶိုၼ်း​ဢမ်ႇ​ထၢတ်ႇ ဢၼ်​ဝႃႈ​ၵႃႈ​တီႈ​ၼႆႈ ဢၼ်​ၸဝ်ႈ​ႁဝ်း​မီး​ဢမိင်ႉ​လွင်ႈ​ဢၼ်​ၸဝ်ႈ​ႁဝ်း တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တႄႇ​ယူႇ​ၵႃႈ​တီႈ​ၼႆႈ​ၼၼ်ႉ​လႄႈ ထွမ်ႇ​ဢဝ်​ၵႂၢမ်း​ဢၼ်​ၶႃႈ​ၸဝ်ႈ​ႁဝ်း​ၼႆႉ သူး​တွင်း​ၸူး​ၵႃႈ​တီႈ​ၼႆႈ​သေ​ၵမ်း​တီႈ​ၶႃႈ။-</verse>
				<verse number="21">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် တီႈ​ဢၼ်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၼၼ်ႉ​သေ​လႄႈ ထွမ်ႇ​ငိၼ်း​ၵႂၢမ်း​ဢၼ်​ၶႃႈ​ၸဝ်ႈ​ႁဝ်း​ၼႆႉ ဢိၵ်ႇ​တင်း​ၵူၼ်း​ၸဝ်ႈ​ႁဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ႁဵတ်း​ပထၼႃႇ​လဝ်ႊ​ယွၼ်း​မိူဝ်ႈ​ဢၼ်​ၶဝ်​ၼၼ်ႉ​သူး​တွင်း​ၸူး​ၵႃႈ​တီႈ​ၼႆႈ​ၼၼ်ႉ​လႄႈ ထွမ်ႇ​ငိၼ်း​သေ​ယဝ်ႉ၊ ပွႆႇ​လွတ်ႈ​ၵႃႈ​ၼႂ်း​ဢပႅတ်ႈ​သေ​ၵမ်း​တီႈ​ၶႃႈ။</verse>
				<verse number="22">ပေႃး​သေ​ၵေႃႉ​သေ​ၵူၼ်း​ၽိတ်း​ပိူင်ႈ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​လႄႈ မီး​တၢင်း​ဢၼ်​တိုၵ်း​ပၼ်​တၢင်း​ဢၼ်​ၵိၼ်ႇ​ဢၼ်​ဝႃႈ တီႈ​မၼ်း​ႁႂ်ႈ​မၼ်း​လႆႈ​ၵိၼ်ႇ​လႆႈ​ဝႃႈ​သေ​ယဝ်ႉ၊ မၼ်း​မႃး​လႄႈ​ၵိၼ်ႇ​ဝႃႈ​ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ၸဝ်ႈ​ႁဝ်း ၵႃႈ​ၼႂ်း​ႁိူၼ်း​ၸဝ်ႈ​ၼႆႉ​ၸိုင်၊-</verse>
				<verse number="23">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ ထွမ်ႇ​ငိၼ်း​သေ​ယဝ်ႉ၊ ႁဵတ်း​ၸွမ်း​လႄႈ​တႅပ်း​တတ်း​တြႃး​တီႈ​ၶႃႈ​ၸဝ်ႈ​ႁဝ်း​တင်း​လၢႆ​လႄႈ ၸီႇ​ယၢင်ႇ​ပၼ်​တၢမ်ႇ​ဢပႅတ်ႈ​တီႈ​ၵေႃႉ​ဢၼ်​ဢမ်ႇ​တြႃး​ၼၼ်ႉ ႁႂ်ႈ​ဢပႅတ်ႈ​မၼ်း​တူၵ်း​ႁွတ်ႈ​ၵႃႈ​ၼိူဝ်​ႁူဝ်​မၼ်း​သေ​လႄႈ ၸီႇ​ယၢင်ႇ​တၢင်း​ဢၼ်​သိုဝ်ႈ​တေႃႇ တီႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​လႄႈ ပၼ်​ၸွမ်း​ၵႃႈ​ၼင်ႇ​တၢင်း​ဢၼ်​သိုဝ်ႈ​တေႃႇ​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="24">ယၢမ်း​မိူဝ်ႈ​ဢၼ်​ၵူၼ်း​ၸဝ်ႈ​ႁဝ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ ၵွပ်ႈ​ပိူဝ်ႈ​ဢၼ်​ၶဝ်​ၽိတ်း​ပိူင်ႈ​ၸဝ်ႈ​ႁဝ်း​ၼၼ်ႉ၊ ပေႃး​ၶဝ်​ၶိုၼ်း​မႃး​တီႈ​ၸဝ်ႈ​ႁဝ်း​လႄႈ ႁပ်ႉ​တုင်း​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ယူႇ၊ ႁဵတ်း​သူး​တွင်း​ပထၼႃႇ​လဝ်ႊ​ယွၼ်း ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း ၵႃႈ​ၼႂ်း​ႁိူၼ်း​ၸဝ်ႈ​ၼႆႉ​ၸိုင်၊-</verse>
				<verse number="25">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ ထွမ်ႇ​ငိၼ်း​လႄႈ​ပွႆႇ​ၵူၼ်း​ၸဝ်ႈ​ႁဝ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လွတ်ႈ​သေ​ၵႃႈ​ၼႂ်း​ဢပႅတ်ႈ​သေ​လႄႈ သမ်ႉ​ဢဝ်​ၶဝ်​ၶိုၼ်း​သူင်ႇ​ႁွတ်ႈ​ၵႃႈ​ၼႂ်း​မိူင်း​ဢၼ်​ၸဝ်ႈ​ႁဝ်း ဢဵတ်း​လူ​ပၼ်​တီႈ​ၶဝ် ဢိၵ်ႇ​တင်း​ပူႇ​မွၼ်ႇ​ၶဝ်​ၸိူဝ်း​ၼၼ်ႉ​ၼႆႉ​သေ​ၵမ်း​တီႈ​ၶႃႈ။</verse>
				<verse number="26">ယၢမ်း​မိူဝ်ႈ​ဢၼ်​ၽူၼ်​ဢမ်ႇ​တူၵ်း၊ ၽႃႉ​လႅင်ႉ​ၵွပ်ႈ​ပိူဝ်ႈ​ဢၼ်​ၶဝ်​ၽိတ်း​ပိူင်ႈ​ၸဝ်ႈ​ႁဝ်း​ၼၼ်ႉ​ၸိုင်၊ ပေႃး​ၶဝ်​သူး​တွင်း​ၸူး​ၵႃႈ​တီႈ​ထႃႇၼႃႉ​တီႈ​ၼႆႈ​လႄႈ ႁပ်ႉ​တုင်း​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ယူႇ​သေ​လႄႈ ၸုၼ်ႉ​ပႅတ်ႈ​တူႉ​ၸရိူၵ်ႈ​ၶဝ် မိူဝ်ႈ​ဢၼ်​ၸဝ်ႈ​ႁဝ်း​သင်ႇ​သွၼ်​သုင်း​မႃႉ​ၶဝ်​ၼၼ်ႉ​ၸိုင်၊-</verse>
				<verse number="27">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ ထွမ်ႇ​ငိၼ်း​လႄႈ​ပွႆႇ​ၶႃႈ​ၸဝ်ႈ​ႁဝ်း ၵူၼ်း​ၸဝ်ႈ​ႁဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လွတ်ႈ​သေ​ၵႃႈ​ၼႂ်း​ဢပႅတ်ႈ ၼႂ်း​မိူဝ်ႈ​ဢၼ်​ၸဝ်ႈ​ႁဝ်း​ၸီႉ​ၼႄ​သဵၼ်ႈ​တၢင်း​ဢၼ်​လီ​ဢၼ်​ငၢမ်း ဢၼ်​ၶဝ်​ထုၵ်ႇ​လီ​ၸွမ်း​ၼၼ်ႉ​တီႈ​ၶဝ်​ၼၼ်ႉ​လႄႈ ႁႂ်ႈ​ၽူၼ်​တူၵ်း​ၵႃႈ​ၼိူဝ်​လိၼ် ဢၼ်​ၸဝ်ႈ​ႁဝ်း​ပၼ်​ဢမူၺ်ႇ​တီႈ​ၵူၼ်း​ၸဝ်ႈ​ႁဝ်း​တင်း​လၢႆ​ၼႆႉ​သေ​ၵမ်း​တီႈ​ၶႃႈ။</verse>
				<verse number="28">ၵႃႈ​ၼႂ်း​မိူင်း​ၸဝ်ႈ​ၼႆႉ ပေႃး​ပဵၼ်​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း၊ ပေႃး​ပဵၼ်​ၽေး​ၵႃႇလႃႉ​ႁႃႈ​လႅင်​မိူင်း၊ ပေႃး​ပဵၼ်​တၢင်း​ဢၼ်​လူမ်း​တိူဝ်ႉ​ထုၵ်ႇ​သႂ်ႇ​လႄႈ​တူၼ်ႈ​မႆႉ​တၢႆ၊ တၢင်း​ဢၼ်​ၼမ်ႉ​ႁူဝ်ႈ​ယွတ်ႇ​သႂ်ႇ​လႄႈ​တူၼ်ႈ​မႆႉ​တၢႆ၊ ပေႃး​ပဵၼ်​တၢင်း​ဢၼ်​မႅင်း​ၵႅင်း​ ဢရႃႇၽႃႉ ၊ မႅင်း​ၵႅင်း​ ၶႃႇသီႉလႃႉ ၶူပ်း​ၵိၼ်၊ ပေႃး​ပဵၼ်​တၢင်း​ဢၼ်​ရၢၼ်ႇ​သူႇ​ၶဝ်​တင်း​လၢႆ​မႃး​ၶၢမ်း​ယူႇ​ၵႃႈ​ၼႂ်း​ၼမ်ႉ​လိၼ်​ဝၢၼ်ႈ​ဝဵင်း​ၶဝ်၊ ပေႃး​ပဵၼ်​ၽေး​ဢူႉ​ပၢတ်ႈ​မဵဝ်း​လႂ်​သေ​ဢမ်ႇ​ဝႃႈ၊ တၢင်း​ၶႆႈ​တၢင်း​ပဵၼ်​မဵဝ်း​လႂ်​သေ​ဢမ်ႇ​ဝႃႈ၊-</verse>
				<verse number="29">ပေႃး​သေ​ၵေႃႉ​သေ​ၵူၼ်း၊ ဢမ်ႇ​ၼၼ် ၵူၼ်း​ၸဝ်ႈ​ႁဝ်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢၼ်​ႁူႉ​ၽေး​တၢမ်ႇ​တုၵ်ႉ​ၶႃႉ ဢၼ်​လႆႈ​ၶၢမ်ႇ​ႁင်း​ၽႂ်​ႁင်း​မၼ်း​ၼၼ်ႉ​ယူႇ​သေ​လႄႈ ၵီႈ​ၽႃႇ​မိုဝ်း​ၶဝ်​ၸူး ၵႃႈ​တီႈ​ႁိူၼ်း​ၸဝ်ႈ​ၼႆႉ​ၸိူဝ်း​ၼၼ်ႉ ဢဝ်​တင်း​ၵႂၢမ်း​ပထၼႃႇ တၢင်း​ဢၼ်​လဝ်ႊ​ယွၼ်း​သေ​ၸိူဝ်ႉ​သေ​ပိူင် သူး​တွင်း​ယွၼ်း​တီႈ​ၸဝ်ႈ​ႁဝ်း​ၸိုင်၊-</verse>
				<verse number="30">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ ထွမ်ႇ​ငိၼ်း​သေ​ယဝ်ႉ၊ ပွႆႇ​လွတ်ႈ​သေ​လႄႈ​ၸီႇ​ယၢင်ႇ​တီႈ​ၵူၼ်း ဢၼ်​ၸဝ်ႈ​ႁဝ်း​ႁူႉ​သၽေႃး​ႁူဝ်​ၸႂ်​ၶဝ်​ႁင်း​ၽႂ်​ႁင်း​မၼ်း​ၼၼ်ႉ ၸွမ်း​ၵႃႈ​ၼင်ႇ​သဵၼ်ႈ​တၢင်း​ဢၼ်​ၶဝ်​ၵႂႃႇ​မႃး​ၵႃႈ​မီး​ၼၼ်ႉ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ၵူၺ်း ႁူႉ​သၽေႃး​ႁူဝ်​ၸႂ်​ၵူၼ်း​သတ်ႉတဝႃႇ​တင်း​သဵင်ႈ​တင်း​လူင်​ၼၼ်ႉ​လႄႈ ႁႂ်ႈ​ၶဝ်​ၵူဝ်​ယမ်​ၸဝ်ႈ​ႁဝ်း​လႄႈ ၸွမ်း​သဵၼ်ႈ​တၢင်း​တြႃး​ၸဝ်ႈ​ႁဝ်း​ယူႇ၊-</verse>
				<verse number="31">ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ်​ၶဝ်​ဢသၢၵ်ႈ​လိပ်း​ယူႇ​ၵႃႈ​ၼႂ်း​မိူင်း​ဢၼ်​ၸဝ်ႈ​ႁဝ်း​ဢဵတ်း​လူ​ပၼ်​တီႈ​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="32">ပေႃး​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ဢမ်ႇ​ၸႂ်ႈ​ၵူၼ်း​ၸဝ်ႈ​ႁဝ်း​မဵဝ်း​ ဢီႉသရေႇလႃႉ ​ၼၼ်ႉ ထွၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင် ၸဝ်ႈ​ႁဝ်း​ဢၼ်​ယႂ်ႇ​မျၢတ်ႈ​ၼႃႇ ဢိၵ်ႇ​တင်း​မိုဝ်း​ၸဝ်ႈ​ႁဝ်း​ဢၼ်​တၼ်း​ၶူဝ်း​ယႂ်ႇ​ၼႃႇ တင်း​ၶႅၼ်​ၸဝ်ႈ​ႁဝ်း​ဢၼ်​ယဵတ်ႇ​ယိုၼ်ႈ​ၼၼ်ႉ​သေ​လႄႈ လုၵ်ႉ​သေ​ၵႃႈ​တီႈ​မိူင်း​ဢၼ်​ၵႆ​မႃး​လႄႈ ႁွတ်ႈ​မႃး​သေ​ယဝ်ႉ၊ သူး​တွင်း​ၸူး​ၵႃႈ​တီႈ​ႁိူၼ်း​ၸဝ်ႈ​ၼႆႉ​ၸိုင်၊-</verse>
				<verse number="33">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် တီႈ​ဢၼ်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၼၼ်ႉ​သေ​လႄႈ ထွမ်ႇ​ငိၼ်း​လႄႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၼၼ်ႉ သူး​တွင်း​လဝ်ႊ​ယွၼ်း​ၼၼ်ႉ ႁႂ်ႈ​ၵူၼ်း​လိၼ်​မိူင်း​တင်း​သဵင်ႈ​တင်း​လူင် ႁူႉ​ၸၵ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​လႄႈ ၵူဝ်​ယမ်​ၸဝ်ႈ​ႁဝ်း​မိူၼ်​ၸိူဝ်ႉ​ၼင်ႇ​ဢၼ် ၵူၼ်း​ၸဝ်ႈ​ႁဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၵူဝ်​ယမ်​ၸဝ်ႈ​ႁဝ်း​ၼၼ်ႉ​လႄႈ ႁႂ်ႈ​ၶဝ်​ႁူႉ​လွင်ႈ​ဢၼ် ႁိူၼ်း​ၸဝ်ႈ​ဢၼ်​ၶႃႈ​ၸဝ်ႈ​တႄႇ​ႁဵတ်း​ၼႆႉ​လႆႈ​ၶၢမ်ႇ​တၢင်း​ဢၼ် ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ႁွင်ႉ​ႁဵၵ်ႈ​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="34">ယၢမ်း​မိူဝ်ႈ​ဢၼ်​ၵူၼ်း​ၸဝ်ႈ​ႁဝ်း ၶီႇ​သိုၵ်း​ၵႂႃႇ​တီႈ​ဢၼ်​ရၢၼ်ႇ​သူႇ​ၶဝ်​မီး​ၼၼ်ႉ ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​ပွႆႇ​ၸႂ်ႉ​ၼၼ်ႉ​လႄႈ ဢွၼ်​ၵၼ်​သူး​တွင်း​ယွၼ်း​ၸူး​ၵႃႈ​တီႈ​ဝဵင်း​ဢၼ်​ၸဝ်ႈ​ႁဝ်း​လိူၵ်ႈ​ၵဵပ်း​ဢဝ်​ၼႆႉ ဢိၵ်ႇ​တင်း​ႁိူၼ်း​ၸဝ်ႈ ဢၼ်​ၶႃႈ​ၸဝ်ႈ​တႄႇ​ႁဵတ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼႆႉ​ၼၼ်ႉ​ၸိုင်၊-</verse>
				<verse number="35">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ ထွမ်ႇ​ငိၼ်း​ဢဝ်​ၵႂၢမ်း​ဢၼ်​ၶဝ်​သူး​တွင်း​လႄႈ လဝ်ႊ​ယွၼ်း​ၼၼ်ႉ​လႄႈ ပႂ်ႉ​ဢမူႉ​ၶဝ်​သေ​ၵမ်း​တီႈ​ၶႃႈ။-</verse>
				<verse number="36">ပေႃး​ၶဝ်​ၽိတ်း​ပိူင်ႈ​ၸဝ်ႈ​ႁဝ်း ၵွပ်ႈ​ပိူဝ်ႈ​ဢၼ်​ၵေႃႉ​ဢၼ်​ဢမ်ႇ​ၸၢင်ႈ​ၽိတ်း​ပိူင်ႈ​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း​ၼၼ်ႉ​လႄႈ ၸဝ်ႈ​ႁဝ်း​ၸႂ်​မႆႈ​ၶႆႈ​ၸႃႉ​တီႈ​ၶဝ်​လႄႈ ၸဝ်ႈ​ႁဝ်း​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ ထၼ်ႈ​ပေႃး​ရၢၼ်ႇ​သူႇ​ၸိူဝ်း​ၼၼ်ႉ သိမ်း​ဢဝ်​ၶဝ်​ၵႂႃႇ​ၵႃႈ​တီႈ​မိူင်း​ဢၼ်​ၵႆ၊ ဢမ်ႇ​ၼၼ် မိူင်း​ဢၼ်​ၸမ်၊-</verse>
				<verse number="37">ပေႃး​ၶဝ်​လႆႈ​သတီႉ​ၼႂ်း​မိူင်း​တီႈ​ဢၼ်​ၶဝ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​လႄႈ ၸႂ်​ၶၢႆႉ​ပုတ်ႈ​ယူႇ​သေ​လႄႈ ယူႇ​ၵႃႈ​ၼႂ်း​မိူင်း တီႈ​ဢၼ်​ၶဝ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ တွင်း​ပၢၼ်ႇ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​ၽိတ်း​ပိူင်ႈ​တီႈ​ၶႃႈ​ယဝ်ႉ၊ ႁဵတ်း​ဢမူႉ​ဢၼ်​ဢမ်ႇ​သိုဝ်ႈ​တေႃႇ​တီႈ​ၶႃႈ​ယဝ်ႉ၊ ၵမ်​ၵျၢင်ႉ​ဢၼ်​ႁၢႆႉ​ယုတ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ၊-</verse>
				<verse number="38">ပေႃး​ၶဝ်​ပႃး​တင်း​ႁူဝ်​ၸႂ်​သဵင်ႈ​သဵင်ႈ ၶိုၼ်း​မႃး​တီႈ​ၸဝ်ႈ​ႁဝ်း​ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ယူႇ​ၵႃႈ​ၼႂ်း​မိူင်း​ၶဝ် ဢၼ်​သိမ်း​ဢဝ်​ၶဝ်​ၵႂႃႇ​ၼၼ်ႉ​ယူႇ​ၼၼ်ႉ​လႄႈ သူး​တွင်း​လဝ်ႊ​ယွၼ်း​ၸူး ၵႃႈ​တီႈ​မိူင်း​ဢၼ်​ၸဝ်ႈ​ႁဝ်း​ပၼ်​တီႈ​ပူႇ​မွၼ်ႇ​ၶဝ်၊ ဝဵင်း​ဢၼ်​ၸဝ်ႈ​ႁဝ်း​လိူၵ်ႈ​ၵဵပ်း​ဢဝ်၊ ႁိူၼ်း​ၸဝ်ႈ​ဢၼ်​ၶႃႈ​ၸဝ်ႈ​တႄႇ​ႁဵတ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼႆႉ​ၸိုင်၊-</verse>
				<verse number="39">ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် တီႈ​ဢၼ်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၼၼ်ႉ​သေ​လႄႈ ထွမ်ႇ​ငိၼ်း​ၵႂၢမ်း​ဢၼ်​ၶဝ်​သူး​တွင်း​လဝ်ႊ​ယွၼ်း ၼၼ်ႉ​လႄႈ ပႂ်ႉ​ဢမူႉ​ၶဝ်​သေ​ၵမ်း​တီႈ​ၶႃႈ။ ၶႅၼ်း​တေႃႈ​ပွႆႇ​လွတ်ႈ​ဢပႅတ်ႈ​ၵူၼ်း​ၸဝ်ႈ​ႁဝ်း ဢၼ်​ၽိတ်း​ပိူင်ႈ​ၸဝ်ႈ​ႁဝ်း​ၸိူဝ်း​ၼၼ်ႉ​သေ​ၵမ်း​ၶႃႈ။-</verse>
				<verse number="40">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ၽုၺ်ႇ​တႃ​မိုၼ်း​တႃ​ၸဝ်ႈ​ႁဝ်း​ၸူး​လႄႈ ႁႂ်ႈ​ႁူ​ၸဝ်ႈ​ႁဝ်း​ငိၼ်း​ၵႂၢမ်း​ဢၼ်​သူး​တွင်း​ယွၼ်း​ၵႃႈ​ၼႂ်း​ထႃႇၼႃႉ​တီႈ​ၼႆႉ​ၼၼ်ႉ ၸႅင်ႈ​ၸႅင်ႈ​လႅင်း​လႅင်း​သေ​ၵမ်း​တီႈ​ၶႃႈ။-</verse>
				<verse number="41">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၶႅၼ်း​တေႃႈ​ၸဝ်ႈ​ႁဝ်း ဢိၵ်ႇ​တင်း​တိူၵ်ႈ​ထမ်ႇမႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မုၼ်​တၼ်း​ၶူဝ်း​ၸဝ်ႈ​ႁဝ်း​ၼၼ်ႉ ၶိုၼ်ႈ​ၸူး​ၵႃႈ​တီႈ ဢၼ်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၼၼ်ႉ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​တီႈ​ၶႃႈ၊ ႁႂ်ႈ​ႁဵတ်း​ယိတ်ႈပရေႃးႁဵၵ်ႈ​ၸဝ်ႈ​ႁဝ်း​တင်း​လၢႆ​ၼုင်ႈ​မႆ တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​လႄႈ၊ ႁႂ်ႈ​ၶဝ်​ၸိူဝ်း​ဢၼ်​မူတ်း​ၸၢင်ႇ​ၸဝ်ႈ​ႁဝ်း​ၼၼ်ႉ ဢွၼ်​ၵၼ်​ၸူမ်း​သိူဝ်း​သေ​ၵမ်း​လူၺ်ႈ​တီႈ​ၶႃႈ။-</verse>
				<verse number="42">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​တီႈ​ၶႃႈ၊ ယႃႇ​ပေ​ႁႂ်ႈ​ၼႃႈ​ၵေႃႉ​ဢၼ်​ၸဝ်ႈ​ႁဝ်း​ပၼ်​ၽိၵ်ႈ​သိၵ်ႈ​ၼၼ်ႉ​ဝၢႆႇ​ပႅတ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵျေး​ၸူး​ၸဝ်ႈ ဢၼ်​ၶႃႈ​ၸဝ်ႈ​ႁဝ်း​ တႃႇဝိတ်ႈ ​လႆႈ​ၶၢမ်ႇ​ၼၼ်ႉ သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="7">
				<verse number="1">မိူဝ်ႈ​ဢၼ်​ သေႃးလမုၼ်ႇ ​ႁဵတ်း​သူး​တွင်း​ပထၼႃႇ​ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ ၽႆး​တူၵ်း​သေ​ၵႃႈ​ၼိူဝ်​ၵၢင်​ႁၢဝ်​လူင်း​မႃး​လႄႈ မႆႈ​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​မဵဝ်း​ယိတ်ႈ​တင်း​လၢႆ​ၸိူဝ်း​ၼၼ်ႉ​လႄႈ၊ မုၼ်​ၽုင်း​ထႃႇဝရႃႉ​ၽြႃး​တဵမ်​ဝႆႉ​ၵႃႈ​ၼႂ်း​ႁိူၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="2">ယိတ်ႈပရေႃးႁဵၵ်ႈ​တင်း​လၢႆ​ဢမ်ႇ​ၶဝ်ႈ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ​လႆႈ ၵွပ်ႈ​ပိူဝ်ႈ​ဢၼ်​မုၼ်​ၽုင်း​ထႃႇဝရႃႉ​ၽြႃး တဵမ်​ဝႆႉ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ။-</verse>
				<verse number="3">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ႁၼ်​လွင်ႈ​ဢၼ်​ၽႆး​တူၵ်း​မႃး​လႄႈ​မုၼ်​ၽုင်း​ထႃႇဝရႃႉ​ၽြႃး လူင်း​ႁွတ်ႈ​ၵႃႈ​ၼိူဝ်​ႁိူၼ်း​ၸဝ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​သေ​ယဝ်ႉ၊ ဢွၼ်​ၵၼ်​ၶုပ်ႉ​မူပ်ႇ​ၵုမ်ႈ​ၵွမ်း​ဝၢင်း​ႁူဝ် ၵႃႈ​ၼိူဝ်​လိၼ် ၵႃႈ​တီႈ​ဢၼ်​ဢဝ်​မၢၵ်ႇ​ႁိၼ်​သိူဝ်ႇ​ဝႆႉ​ၼၼ်ႉ​ယူႇ​သေ​လႄႈ ၵူဝ်း​ၵႂၢႆႇ​ထႃႇဝရႃႉ​ၽြႃး​လႄႈ ယွင်ႈ​ယေႃး​ထႃႇဝရႃႉ​ၽြႃး​လႄႈ​ဝႃႈ၊ မၼ်း​ၸဝ်ႈ​မျၢတ်ႈ​လီ​တီႈ​ၶႃႈ​ဢေႃႈ။ ၵရူႉၼႃႇ​ၸဝ်ႈ​တႄႇ​ယူႇ​တႃႇ​သေႇ​မၼ်ႈ​ၶိူင်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ႁဵတ်း​တၢင်း​ဢၼ်​ပုၵ်ႈ​ၸေႃႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="5">ၶုၼ်​လူင်​ သေႃးလမုၼ်ႇ ဢဝ်​ဝူဝ်း​သွင်​မိုၼ်ႇ​ပၢႆ​သွင်​ႁဵင်၊ သူဝ်း​သႅၼ်​ပၢႆ​သွင်​မိုၼ်ႇ ပုၵ်ႈ​ၸေႃႇ​ဢေႃႈ။ ၼင်ႇ​ၼၼ်​လႄႈ ၶုၼ်​ႁေႃ​ၶမ်း​ဢိၵ်ႇ​တင်း​ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ႁဵတ်း​ဢၼူႉမေႃးတၼႃႇ​ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="6">ယိတ်ႈပရေႃးႁဵၵ်ႈ​တင်း​လၢႆ ဢွၼ်​ၵၼ်​ၸုၵ်း​ယူႇ​ၸွမ်း​လူၺ်ႈ​တၢင်း​ဢၼ်​ၶဝ်​ၵိုတ်ႉ​ႁၢပ်ႇ​ဢမူႉ​ၼၼ်ႉ​ႁင်း​ၽႂ်​ႁင်း​မၼ်း​ဢေႃႈ။ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ပႃး​ဢဝ်​မဵဝ်း​တူႇရီႉယႃႇ​ထႃႇဝရႃႉ​ၽြႃး ဢၼ်​ၶုၼ်​လူင်​ တႃႇဝိတ်ႈ ​ၸီႇ​ယၢင်ႇ​ႁဵတ်း​ဝႆႉ​ပုၼ်ႈ​ဢၼ်​တၵ်း​ယွင်ႈ​ယေႃး မုၼ်​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​မၼ်ႈ​ၶိူင်ႇ​ၼၼ်ႉ​လႄႈ ဢဝ်​ၶဝ်​ႁဵတ်း​တၢင်း​ဢၼ်​မၼ်း​ယွင်ႈ​ယေႃး​ၼၼ်ႉ ၸိူဝ်း​ၼၼ်ႉ​ယူႇ​သေ​လႄႈ​ၸုၵ်း​ယူႇ​ဢေႃႈ၊ ယိတ်ႈပရေႃးႁဵၵ်ႈ​တင်း​လၢႆ​ၵေႃႈ ဢွၼ်​ၵၼ်​ပဝ်ႇ​ၼႄးၶရႃႇ​ၵႃႈ​တီႈ​ၽၢႆႇ​ၼႃႈ​ၶဝ်​လႄႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ၸုၵ်း​ယူႇ​ဢေႃႈ။-</verse>
				<verse number="7">သေႃးလမုၼ်ႇ ​ႁႂ်ႈ​ထႃႇၼႃႉ​တီႈ​တၢင်း​ၼႂ်း​တမ်ႇ​တိူင်း ဢၼ်​မီး​ၵႃႈ​တီႈ​ၽၢႆႇ​ၼႃႈ​ႁိူၼ်း​ထႃႇဝရႃႉ​ၽြႃး​ၼၼ်ႉ​မူတ်း​ၸၢင်ႇ​လႄႈ ဢဝ်​ယိတ်ႈ​ဢၼ်​တုတ်ႇ​ၽႆး တင်း​ၵွၼ်ႈ​ၶႆ​ၵွၼ်ႈ​မၼ်း ယိတ်ႈ​မိၵ်ႉသႃႇႁႃယႃႉ​တင်း​လၢႆ​ပုၵ်ႈ​ၸေႃႇ​ၵႃႈ​တီႈ​ၼၼ်ႈ​ဢေႃႈ။ လွင်ႈ​မၼ်း​ၸမ်ႉ ယိတ်ႈပလၢင်ႇ​တွင်း​လိူင်​ဢၼ်​ သေႃးလမုၼ်ႇ ​ႁဵတ်း​ဝႆႉ​ယဝ်ႉ​ၼၼ်ႉ ဢမ်ႇ​ပေႃး​ဢမ်ႇ​ၶၢမ်ႇ​ယိတ်ႈ​ဢၼ်​တုတ်ႇ​ၽႆး၊ ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ တင်း​ၵွၼ်ႈ​ၶႆ​ၵွၼ်ႈ​မၼ်း​ၸိူဝ်း​ၼၼ်ႉ။-</verse>
				<verse number="8">ၼင်ႇ​ၼၼ်​လႄႈ မိူဝ်ႈ​ၼၼ်ႉ​ သေႃးလမုၼ်ႇ ဢိၵ်ႇ​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢၼ်​ဝႃႈ ပရဵၵ်ႈသၢတ်ႈ​ဢၼ်​ယႂ်ႇ​ၼႃႇ​ၼမ်​ၼႃႇ​လူင်​လၢင် ဢၼ်​လုၵ်ႉ​သေ​ၵႃႈ​တီႈ ၸႃႉ​ၸဵမ်​သူပ်း​တၢင်း​ဢၼ်​ၶဝ်ႈ​ၸူး​ၵႃႈ​တီႈ​ဝဵင်း​ ႁႃႇမတ်ႉ တေႃႇ​ထိုင်​ႁွတ်ႈ​ၼမ်ႉ​ႁွင်ႈ​ ဢေႇၵိပ်ႉတူႉ ​ၸိူဝ်း​ၼၼ်ႉ ဢွၼ်​ၵၼ်​ၶၢမ်ႇ​ပွႆး​ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="9">ဝၼ်း​ဢႃႉထမႃႉ​ၼၼ်ႉ ၶဝ်​ဢွၼ်​ၵၼ်​ႁဵတ်း​တၢင်း​ဢၼ်​ၸူႉ​တုမ်​ထမ်ႇမႃႉ​ၵၼ်​ဢေႃႈ။ ၶဝ်​ဢွၼ်​ၵၼ်​ႁဵတ်း​ဢၼူႉမေႃးတၼႃႇ ယိတ်ႈပလၢင်ႇ​ၸဵတ်း​ဝၼ်း​တဵမ်​တဵမ် ဢိၵ်ႇ​တင်း​ပွႆး​ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="10">ၼႂ်း​လိူၼ်​သတ်ႉတမႃႉ သၢဝ်း​သၢမ်​ဝၼ်း​ၼၼ်ႉ မၼ်း​ပွႆႇ​ၵူၼ်း​တင်း​လၢႆ ဢၼ်​ၸူမ်း​သိူဝ်း​သႂၢင်ႇ​ၸႂ် ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ဢၼ်​ထႃႇဝရႃႉ​ၽြႃး ႁဵတ်း​တီႈ တႃႇဝိတ်ႈ ​တင်း​ သေႃးလမုၼ်ႇ ဢိၵ်ႇ​တင်း​ၵူၼ်း​မၼ်း​ၸဝ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ၸိူဝ်း​ၼၼ်ႉ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မူဝ်းၵႃႇ​တီႈ​ဢၼ်​ၶဝ်​ယူႇ​ႁင်း​ၽႂ်​ႁင်း​မၼ်း​သေ​ဢေႃႈ။</verse>
				<verse number="11">ၼင်ႇ​ၼၼ်​လႄႈ သေႃးလမုၼ်ႇ ​ႁဵတ်း​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ႁေႃ​ၸဝ်ႈ​ယဝ်ႉ​တူဝ်ႈ​လႄႈ၊ တၢင်း​ၵျၢမ်ႇ​တၢင်း​ပွင်​ၵႃႈ​ဢၼ်​ သေႃးလမုၼ်ႇ ​ၵျၢမ်ႇ​ပွင်​တၵ်း​သၢင်ႈ​ႁဵတ်း ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ႁေႃ​ၸဝ်ႈ​ၸိူဝ်း​ၼၼ်ႉ​ပဵၼ်​မႃး​လီ​လီ​ငၢမ်း​ငၢမ်း​ဢေႃႈ။-</verse>
				<verse number="12">မိူဝ်ႈ​ၼၼ်ႉ​ထႃႇဝရႃႉ​ၽြႃး​ပေႃႇ​မႃး​တီႈ​ သေႃးလမုၼ်ႇ ၼႂ်း​ၶိင်ႇ​ၵၢင်​ၶိုၼ်း​လႄႈ မီး​ဢမိင်ႉ​လႄႈ​ဝႃႈ၊ ၵဝ်​ငိၼ်း​ၵႂၢမ်း​ဢၼ်​မႂ်း​သူး​တွင်း​ႁဵတ်း​ပထၼႃႇ​ၼၼ်ႉ​ယဝ်ႉ။ ၵဝ်​လိူၵ်ႈ​ၵဵပ်း​ဢဝ်​ထႃႇၼႃႉ​တီႈ​ၼႆႉ ႁႂ်ႈ​ပဵၼ်​ႁိူၼ်း​တီႈ​ဢၼ်​ပုၵ်ႈ​ၸေႃႇ​ယိတ်ႈ​ၵဝ်​ယဝ်ႉ။-</verse>
				<verse number="13">မိူဝ်ႈ​ဢၼ်​ၵဝ်​ႁၼ်​ၽႃႉ​လႅင်ႉ​လႄႈ ႁႂ်ႈ​ၽူၼ်​ဢမ်ႇ​တူၵ်း၊ ဢမ်ႇ​ၼၼ် မိူဝ်ႈ​ဢၼ်​ၵဝ်​သင်ႇ​လၢတ်ႈ​လႄႈ ႁႂ်ႈ​မႅင်း​ၵႅင်း​တင်း​လၢႆ​ၶူပ်း​ၵိၼ်​မၢၵ်ႇ​လိၼ်​ႁူင်း​လိၼ်၊ ဢမ်ႇ​ၼၼ် မိူဝ်ႈ​ဢၼ်​ၵဝ်​ပွႆႇ​ၸႂ်ႉ​ၵႃႇလႃႉ​ႁႃႈ​လႅင်​မိူင်း​မႃး​တီႈ​ၵူၼ်း​ၵဝ်​ၼၼ်ႉ၊-</verse>
				<verse number="14">ပေႃး​ၵူၼ်း​ၵဝ်​ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ်​ႁွင်ႉ​ႁဵၵ်ႈ​ၼၼ်ႉ ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​လႄႈ​ႁဵတ်း​သူး​တွင်း​ပထၼႃႇ​သေ​လႄႈ ႁႃ​ဢဝ်​ၼႃႈ​ၵဝ်​လႄႈ ဝႄႈ​ပႅတ်ႈ​သဵၼ်ႈ​တၢင်း​ဢႃႉထမ်ႇမႃႉ​ၸိုင် ၵဝ်​တၵ်း​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ​ထွမ်ႇ​ငိၼ်း​သေ​ယဝ်ႉ၊ ပွႆႇ​လွတ်ႈ​ဢပႅတ်ႈ​ၶဝ်​လႄႈ ပၼ်​မိူင်း​ၶဝ်​မီး​ဢၼ်​သၢၵ်ႈ​သႃႇ​ၶႅၼ်း​မႃး​ဢေႃႈ။-</verse>
				<verse number="15">ၵဝ်​တၵ်း​ၽုၺ်ႇ​တႃ​မိုၼ်း​တႃ​ၵဝ်​ၸူး​လႄႈ ႁႂ်ႈ​ႁူ​ၵဝ်​ငိၼ်း​ၵႂၢမ်း​ပထၼႃႇ​ဢၼ်​သူး​တွင်း​ၵႃႈ​တီႈ​ၼႆႈ​ၼၼ်ႉ​ဢေႃႈ။-</verse>
				<verse number="16">ၵဝ်​လိူၵ်ႈ​ၵဵပ်း​ဢဝ်​ႁိူၼ်း​ၼႆႉ​လႄႈ ႁႂ်ႈ​မူတ်း​ၸၢင်ႇ​ယဝ်ႉ​ပုၼ်ႈ​ဢၼ်​ၼႃႇ​မႃႉ​ၸိုဝ်ႈ​သဵင်​ၵဝ်​တၵ်း​တႄႇ​ယူႇ​ၵႃႈ​တီႈ​ၼႆႈ​သေႇ​သေႇ​လႄႈ တႃ​ၵဝ်​ဢိၵ်ႇ​တင်း​ႁူဝ်​ၸႂ်​ၵဝ်​တၵ်း​မီး​ယူႇ​ၵႃႈ​တီႈ​ၼႆႈ​သေႇ​သေႇ​ဢေႃႈ။</verse>
				<verse number="17">ပေႃး​မႂ်း​ၵႂႃႇ​မႃး​ၵႃႈ​တီႈ​ၽၢႆႇ​ၼႃႈ​ၵဝ် မိူၼ်​ၸိူဝ်ႉ​ၼင်ႇ​ဢၼ် ပေႃႈ​မႂ်း​ တႃႇဝိတ်ႈ ​ၵႂႃႇ​မႃး​ၼၼ်ႉ ႁႂ်ႈ​လႆႈ​ႁဵတ်း​ၸွမ်း​ၵႃႈ​ဢၼ်​ၵဝ် သင်ႇ​လၢတ်ႈ​ဝႆႉ​တီႈ​မႂ်း​လႄႈ​ပႂ်ႉ​ၵမ်​ပႂ်ႉ​ၵျၢင်ႉ ထုင်း​ၽိင်ႈ​တြႃး​ၵဝ်၊ လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​ယူႇ​ၸိုင်၊-</verse>
				<verse number="18">ၸွမ်း​ၵႃႈ​ၼင်ႇ​ဢၼ်​ၵဝ်​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ပေႃႈ​မႂ်း​ တႃႇဝိတ်ႈ ​ၼၼ်ႉ​လႄႈ​ဝႃႈ၊ ၸိူဝ်ႉ​ၶိူဝ်း​မႂ်း​ဢၼ်​တၵ်း​လႆႈ​ဢုပ်ႉ​ပိူင်ႇ မိူင်း​ ဢီႉသရေႇလႃႉ ဢမ်ႇ​လႆႈ​ထၢတ်ႇ၊ ဝႃႈ​ၼင်ႇ​ၼႆ​ၼၼ်ႉ၊ ၵဝ်​တၵ်း​ႁႂ်ႈ​ရႃႇၸႃႉ​ပလၢင်ႇ​သိုင်ႇ​ၸိုင်ႈ​ဝၢၼ်ႈ​မိူင်း​မႂ်း​တႄႇ​ယူႇ​သေႇ​သေႇ​ဢေႃႈ။-</verse>
				<verse number="19">ပေႃး​ဢမ်ႇ​ၼၼ် ပေႃး​သူ​ၽိတ်း​တၢင်း​လႄႈ ၸုၼ်ႉ​ပႅတ်ႈ​ထုင်း​ၽိင်ႈ​တြႃး​ၵဝ် ဢိၵ်ႇ​တင်း​ပိင်း​ၺၢပ်ႈ​တြႃး​ၵဝ် ဢၼ်​ၵဝ်​ဢဝ်​ဝႆႉ​ၵႃႈ​တီႈ​ၽၢႆႇ​ၼႃႈ​သူ​ၼၼ်ႉ​လႄႈ ၵႂႃႇ​ႁဵတ်း​ဝၢတ်ႈ​ၵူဝ်း​ၵႂၢႆႇ​တီႈ​ၽြႃး​တၢင်ႇ​သူႇ​တၢင်ႇ​ပႃး​ၸိုင်၊-</verse>
				<verse number="20">ၵဝ်​တၵ်း​ထူၺ်ႈ​ၼုၵ်ႈ​ဢဝ်​ၶဝ်​ဢိၵ်ႇ​လူၺ်ႈ​ၵၼ်​တင်း​ႁၢၵ်ႈ​ၶဝ် ဢွၵ်ႇ​ပႅတ်ႈ​သေ​ၵႃႈ​ၼႂ်း​မိူင်း​ဢၼ်​ၵဝ်​ပၼ်​တီႈ​ၶဝ်​ၼႆႉ​ဢေႃႈ။ ႁိူၼ်း​ၸဝ်ႈ​ဢၼ်​ၵဝ်​ႁႂ်ႈ​မူတ်း​ၸၢင်ႇ ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ၼႆႉ​ၵေႃႈ ၵဝ်​တၵ်း​ပႄႇ​ပႅတ်ႈ​သေ​ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၵဝ်​လႄႈ၊ တၵ်း​ႁႂ်ႈ​ပဵၼ်​တီႈ​ဢၼ်​ႁဵတ်း​ဢပုမ်ႇ​တႅၵ်ႈ၊ တီႈ​ဢၼ်​သႄႉ​သွမ်း​ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢေႃႈ။-</verse>
				<verse number="21">ႁိူၼ်း​ၸဝ်ႈ​ဢၼ်​တၢင်း​သုင်​မၼ်း​ပဵၼ်​ဢၼ်​သုင်​လီ​ၼႆႉ​ၸိုင် ၶဝ်​ၵႃႈ​ဢၼ်​ပႆ​တၢင်း​ၸွမ်း​တၢင်း​ၼၼ်ႉ​တၵ်း​ဢၢမ်း​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တွင်ႈ​ထၢမ်​ၵၼ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ထႃႇဝရႃႉ​ၽြႃး​ႁဵတ်း​တီႈ​မိူင်း​ၼႆႉ တင်း​ႁိူၼ်း​ၸဝ်ႈ​ၼႆႉ​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">ပိူၼ်ႈ​တၵ်း​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ မၼ်း​ၸဝ်ႈ​ႁႂ်ႈ​ၵႃႈ​ဢၼ်​ႁုၵ်း​ဢၼ်​ႁၢႆႉ​ၼႆႉ​ႁွတ်ႈ​ထိုင်​ၵႃႈ​ၼိူဝ်​ၶဝ် ၵွပ်ႈ​ပိူဝ်ႈ​ဢၼ်​ၶဝ်​ၸုၼ်ႉ​ပႅတ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ဢၼ်​ၼုၵ်ႈ​ဢဝ်​ပူႇ​မွၼ်ႇ​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​သေ​လႄႈ ပိုင်ႈ​ဢိင်​ၽြႃး​တၢင်ႇ​သူႇ​တၢင်ႇ​ပႃး​ယူႇ​သေ​လႄႈ ႁဵတ်း​ဝၢတ်ႈ​ၵူဝ်း​ၵႂၢႆႇ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="8">
				<verse number="1">မိူဝ်ႈ​ဢၼ်​ထိုင်​ႁွတ်ႈ​တီႈ​သုတ်း သၢဝ်း​ပီႊ​ဢၼ်​ သေႃးလမုၼ်ႇ ​လႆႈ​တႄႇ​ႁဵတ်း​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ႁေႃ​ၸဝ်ႈ​ၼၼ်ႉ​ၸိုင်၊-</verse>
				<verse number="2">သေႃးလမုၼ်ႇ ​မႄး​ၵုမ်း​မႄး​ႁဵတ်း ဝဵင်း​ဢၼ်​ ႁီႉရမ်ႇ ၶိုၼ်း​ပၼ်​တီႈ​ သေႃးလမုၼ်ႇ ​ၸိူဝ်း​ၼၼ်ႉ​သေ​လႄႈ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ယူႇ​ၵႃႈ​ၼႂ်း​မၼ်း​ဢေႃႈ။-</verse>
				<verse number="3">လႆႈ​သမ်ႉ​ သေႃးလမုၼ်ႇ ၶီႇ​သိုၵ်း​ၵႂႃႇ​ၸူး​ၵႃႈ​တီႈ​ဝဵင်း​ ႁႃႇမတ်ႉၸေႃႇၽႃႉ ​လႄႈ ပႄႉ​ၼႅင်ႇ​ဢေႃႈ။-</verse>
				<verse number="4">မၼ်း​တႄႇ​ႁဵတ်း​ဝဵင်း​ တႃႇတမေႃႇ ဢၼ်​မီး​ၵႃႈ​ၼႂ်း​ထိူၼ်ႇ ဢိၵ်ႇ​တင်း​ဝဵင်း​တီႈ​ဢၼ်​သိမ်း​ဝႆႉ​ၽၼ်ႇတႃႇ​ၸဝ်ႈ ၵႃႈ​ဢၼ်​မၼ်း​တႄႇ​ႁဵတ်း​ၵႃႈ​တီႈ​မိူင်း​ ႁႃႇမတ်ႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="5">မၼ်း​တႄႇ​ႁဵတ်း​ဝဵင်း​ ပဵတ်ႉႁေႃႇရုၼ်ႇ ဢၼ်​ၵႃႈ​ၼိူဝ် ဢိၵ်ႇ​တင်း​ဝဵင်း​ ပဵတ်ႉႁေႃႇရုၼ်ႇ ဢၼ်​ၵႃႈ​တႂ်ႈ ဢၼ်​ပဵၼ်​ဝဵင်း​ဢၼ်​မၼ်ႈ​ၶိူင်ႇ​လႄႈ​ပျေႉ​ၸုမ်ႇ​တင်း​လမ်း​ဝဵင်း၊ ၽၵ်း​တူ၊ ၵိူၼ်ႇ​ၽၵ်း​တူ​ၸိူဝ်း​ၼၼ်ႉ၊-</verse>
				<verse number="6">ဢိၵ်ႇ​တင်း​ဝဵင်း​ ပႃႇလတ်ႉ တင်း​ၵႃႈ​ပဵၼ်​ဝဵင်း​တီႈ​ဢၼ်​သိမ်း​ဝႆႉ​ၽၼ်ႇတႃႇ​ၸဝ်ႈ​လႄႈ သေႃးလမုၼ်ႇ ​ပိူင်ႇ​ၼၼ်ႉ၊ ဝဵင်း​တင်း​လၢႆ​ဢၼ်​လႆႈ​လူ​ထိင်း​လေႃႉရထႃး​ၸဝ်ႈ၊ ဝဵင်း​တင်း​လၢႆ​ဢၼ်​လႆႈ​လဵင်ႉ​မႃႉ​ၸဝ်ႈ ဢိၵ်ႇ​တင်း​ၵႃႈ​ဢၼ်​ သေႃးလမုၼ်ႇ ​ၶႂ်ႈ​တႄႇ​ႁဵတ်း​ၵႃႈ​ၼႂ်း​ဝဵင်း ယေႇရူႉသလႅမ်ႇ ၊ ၵႃႈ​ၼိူဝ်​လွႆ​ လေႇပၼုၼ်ႇ ၊ ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။</verse>
				<verse number="7">ၵႃႈ​ဢၼ်​ပဵၼ်​ၵူၼ်း​မဵဝ်း​ ႁိတ်ႉတီႉ ၊ ၵူၼ်း​မဵဝ်း​ ဢႃႇမေႃးရီႉ ၊ ၵူၼ်း​မဵဝ်း​ ၽေႇရၸီႉ ၊ ၵူၼ်း​မဵဝ်း​ ႁီႉဝီႉ ၊ ၵူၼ်း​မဵဝ်း​ ယေႇပူႉသီႉ ၊ ဢၼ်​ဢမ်ႇ​ပဵၼ် ၵူၼ်း​မဵဝ်း​ ဢီႉသရေႇလႃႉ ဢၼ်​ၵိုတ်း​ဢၼ်​ၵျၢၼ်ႇ​တီႈ​မိူင်း​ၸဝ်ႈ၊-</verse>
				<verse number="8">ဢၼ်​ဝႃႈ လုၵ်ႈ​ၶဝ် လၢၼ်​ၶဝ်​ဢၼ်​ၵိုတ်း​ၵျၢၼ်ႇ​လိုၼ်း​ၶဝ် ၵႃႈ​တီႈ​မိူင်း​ၸဝ်ႈ​ၵွပ်ႈ​ပိူဝ်ႈ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢမ်ႇ​ယႃႉ​ၽဵဝ်ႈ​ၶဝ်​ပႅတ်ႈ​ၼၼ်ႉ​ၸိုင်၊ သေႃးလမုၼ်ႇ ​ၽႃႇ​ဢဝ်​ၵဵပ်း​ဢဝ်​ၵူၼ်း​ႁႂ်ႈ​ၶၢမ်ႇ​ႁဵတ်း​ၶႃႈ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="9">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸမ်ႉ၊ သေႃးလမုၼ်ႇ ​ဢမ်ႇ​ႁႂ်ႈ​ၶၢမ်ႇ​ႁဵတ်း​ၶႃႈ၊ ၶဝ်​ၼၼ်ႉ​လႆႈ​ပဵၼ်​ႁူဝ်​ႁၢၼ်​ၵူၼ်း​သိုၵ်း​လႂ်၊ မူး​မၢတ်ႈ၊ ၸဵတ်ႈ​ၵႄး ​လႂ်၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​လေႃႉရထႃး​ၸဝ်ႈ​လႂ်၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​မႃႉ​ၸဝ်ႈ​လႂ်​ဢေႃႈ။-</verse>
				<verse number="10">မူး​လူင်​မၢတ်ႈ​လူင် ဢၼ်​ သေႃးလမုၼ်ႇ ​ၶၢၼ်း​ဝႆႉ ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ဢၼ်​ၵိုတ်ႉ​ႁၢပ်ႇ​ဢမူႉ​တင်း​လၢႆ​ၸိူဝ်း​ၼၼ်ႉ​မီး​သွင်​ပၢၵ်ႇ​ပၢႆ​ႁႃႈ​သိပ်း​ဢေႃႈ။-</verse>
				<verse number="11">သေႃးလမုၼ်ႇ ​ဢဝ်​လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ ဢွၵ်ႇ​သေ​ၵႃႈ​ၼႂ်း​ဝဵင်း​ တႃႇဝိတ်ႈ ​လႄႈ မႃး​ဝႆႉ​ၵႃႈ​တီႈ​ႁေႃ​ၸဝ်ႈ​ဢၼ်​မၼ်း​ႁဵတ်း​ဝႆႉ​ပုၼ်ႈ​မၼ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ၵွပ်ႈ​ပိူဝ်ႈ​ဢၼ်​တီႈ​ဢၼ်​တိူၵ်ႈ​တႃႇ​ထႃႇဝရႃႉ​ၽြႃး​ႁွတ်ႈ​မႃး​ၼၼ်ႉ​မူတ်း​ၸၢင်ႇ​လႄႈ မေး​ၵဝ်​ၼႆႉ​ဢမ်ႇ​ထုၵ်ႇ​လီ​ယူႇ​ၵႃႈ​ၼႂ်း​ႁိူၼ်း​ တႃႇဝိတ်ႈ ၊ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">သေႃးလမုၼ်ႇ ​မီး​ထုင်း​ၸၢမ်ႇ​ဢၼ်​ယၢမ်ႈ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ဢၼ်​လႆႈ​ပုၵ်ႈ​ၸေႃႇ​ယေႈ​ဝၼ်း​ၵႃႈ​ႁိုဝ်​ၼၼ်ႉ တီႈ​ထႃႇဝရႃႉ​ၽြႃး ၵႃႈ​ၼိူဝ်​ယိတ်ႈပလၢင်ႇ​ထႃႇဝရႃႉ​ၽြႃး ဢၼ်​မၼ်း​တႄႇ​ႁဵတ်း​ဝႆႉ​ၵႃႈ​တီႈ​ၽၢႆႇ​ၼႃႈ​ႁိူၼ်း ၼႃႈ​ႁိူၼ်း​ၸဝ်ႈ​ၼၼ်ႉ​လႄႈ ပုၵ်ႈ​ၸေႃႇ​မႅၼ်ႈ​ၸွမ်း​ၵႃႈ​ၼင်ႇ​ဢၼ်​ပိင်း​ၺၢပ်ႈ​တြႃး​မူဝ်း​သေႇ​မီး​ၼၼ်ႉ​ၵူႈ​ဝၼ်း၊-</verse>
				<verse number="13">ဢိၵ်ႇ​တင်း​ဝၼ်း​ၵမ်​သိၼ်​တင်း​ဝၼ်း​လိူၼ်​မႂ်ႇ တင်း​ပွႆး​ထမ်ႇမႃႉ ဢၼ်​လႆႈ​ၶၢမ်ႇ​ယေႈ​ပီႊ​သၢမ်​ပွၵ်ႈ​ဢၼ်​ဝႃႈ ပွႆး​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ၊ ပွႆး​ၸဵတ်း​သတၢင်း၊ ပွႆး​ႁဵတ်း​သုမ်ႉ​ထဵင်​ၸိူဝ်း​ၼၼ်ႉ​ဢေႃႈ။-</verse>
				<verse number="14">မၼ်း​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ပေႃႈ​မၼ်း​ တႃႇဝိတ်ႈ ၸီႇ​ယၢင်ႇ​ဝႆႉ​ၼၼ်ႉ​သေ​လႄႈ​ၶၢၼ်း​ဝႆႉ ယိတ်ႈပရေႃးႁဵၵ်ႈ​တင်း​လၢႆ ႁႂ်ႈ​လႆႈ​ၵိုတ်ႉ​ႁၢပ်ႇ​ဢမူႉ​ၶဝ်​ပဵၼ်​လႄႉ​ပဵၼ်​ၵမ်း၊ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​တင်း​လၢႆ ႁႂ်ႈ​ၶဝ်​လႆႈ​ပႂ်ႉ​တူၺ်း​လုမ်း​လႃး​ဢမူႉ​တၢင်း​ဢၼ်​ႁဵတ်း​ၵႂၢမ်း​ထေႃးပၼႃႇ၊ တၢင်း​ဢၼ်​ပွင်​ႁဵတ်း​ဢမူႉ ၵႃႈ​တီႈ​ၽၢႆႇ​ၼႃႈ​ယိတ်ႈပရေႃးႁဵၵ်ႈ​တင်း​လၢႆ ၸွမ်း​ၵႃႈ​ၼင်ႇ​ဢၼ်​ထုၵ်ႇ​လီ​ႁဵတ်း​ၵူႈ​ဝၼ်း ဢိၵ်ႇ​တင်း​ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ ႁႂ်ႈ​လႆႈ​ပႂ်ႉ​ၽၵ်း​တူ​ၵႃႈ​မီး​ပဵၼ်​လႄႉ​ပဵၼ်​ၵမ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ တႃႇဝိတ်ႈ ​ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ မီး​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="15">ၶဝ်​ဢမ်ႇ​ပႄႇ​ဢမ်ႇ​ပႅတ်ႈ​ၵႂၢမ်း​ဢၼ်​ၶုၼ်​ႁေႃ​ၶမ်း သင်ႇ​လၢတ်ႈ​ဝႆႉ​တီႈ​ယိတ်ႈပရေႃးႁဵၵ်ႈ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​တင်း​လၢႆ လူၺ်ႈ​လွင်ႈ​ဢမူႉ​သေ​ၸိူဝ်ႉ​သေ​ပိူင် ဢိၵ်ႇ​တင်း​လူၺ်ႈ​လွင်ႈ​ၽၼ်ႇတႃႇ​ၸဝ်ႈ​ၸိူဝ်း​ၼၼ်ႉ။-</verse>
				<verse number="16">ပိူဝ်ႈ​ဢၼ်​လွင်ႈ​တၢင်း​ဢၼ်​ သေႃးလမုၼ်ႇ တၵ်း​လႆႈ​သၢင်ႈ​လႆႈ​ႁဵတ်း​ၵႃႈ​မီး​ၼၼ်ႉ မီး​ဝႆႉ​ႁႅၼ်း​ဝႆႉ​ယဝ်ႉ​ၸႃႉ​ၸဵမ်​မိုဝ်ႉ​ဝၼ်း​ဢၼ်​ၶျႃး​ငဝ်ႈ​ႁၢၵ်ႈ​ႁိူၼ်း​ထႃႇဝရႃႉ​ၽြႃး​တေႃႇ​ထိုင်​ႁွတ်ႈ​ထၼ်ႈ​ပေႃး​ယဝ်ႉ​ပေႃး​တူဝ်ႈ​ၼၼ်ႉ​လႄႈ၊ ႁိူၼ်း​ထႃႇဝရႃႉ​ၽြႃး​ၼၼ်ႉ ယဝ်ႉ​တူဝ်ႈ​လီ​ငၢမ်း​ဢေႃႈ။</verse>
				<verse number="17">လႆႈ​သမ်ႉ​ သေႃးလမုၼ်ႇ ​ၵႂႃႇ​ၵႃႈ​တီႈ​ဝဵင်း ဢေးၸယုၼ်းၵႃႇပႃႇ တင်း​ဝဵင်း​ ဢေႇလုတ်ႉ ဢၼ်​မီး​ၵႃႈ​တီႈ​ႁိမ်း​ၽင်ႇ​ပၢင်ႇ​လၢႆႇ ၼႂ်း​မိူင်း​ ဢေႇတုမ်ႇ ​ဢေႃႈ။-</verse>
				<verse number="18">ႁီႉရမ်ႇ ​ၵေႃႈ​ပွႆႇ​ၸႂ်ႉ​ၶႃႈ​မၼ်း​ၵူၼ်း​မၼ်း​ပႃး​ဢဝ်​ႁိူဝ်း​သၢင်း​ၽေႃး​တင်း​လၢႆ ဢိၵ်ႇ​တင်း​ၶႃႈ​မၼ်း​ၵူၼ်း​မၼ်း​ဢၼ်​ႁူႉ​လွင်ႈ​တၢင်း​ဢၼ်​ၶၢမ်ႈ​ပၢင်ႇ​လၢႆႇ​ၸိူဝ်း​ၼၼ်ႉ​မႃး​တီႈ​မၼ်း​လႄႈ၊ ၶဝ်​ၼၼ်ႉ​ၶီႇ​လူၺ်ႈ​ၵၼ်​တင်း ၶႃႈ​ၶုၼ်​ သေႃးလမုၼ်ႇ ​သေ​လႄႈ ၵႂႃႇ​ၵႃႈ​တီႈ​မိူင်း ဢေႃႇၽီႉရႃႉ သေ​ယဝ်ႉ၊ ဢဝ်​ၶမ်း​သီႇ​ပၢၵ်ႇ​ပၢႆ​ႁႃႈ​သိပ်း​ တလၢၼ်ႇတၢၼ်ႇ ၶိုၼ်း​မႃး​တီႈ​ၶုၼ်​လူင်​ သေႃးလမုၼ်ႇ ​ဢေႃႈ။</verse>
			</chapter>
			<chapter number="9">
				<verse number="1">ၼၢင်း​ႁေႃ​ၶမ်း​ဢၼ်​ဢုပ်ႉ​ပိူင်ႇ မိူင်း​ သေးၽႃႉ ​ၼၼ်ႉ ငိၼ်း​သတၢင်း​သဵင်​ၶၢဝ်ႇ​မုၼ်​သရေႇ​ သေႃးလမုၼ်ႇ ​သေ​ယဝ်ႉ၊ ပႃး​ဢဝ်​တင်း​ၵူၼ်း​ဢၼ်​ၸွမ်း​ၼမ်​ၼႃႇ ဢိၵ်ႇ​တင်း​ၵလႃးဢုၵ်ႉ ဢၼ်​ပႃး​တင်း​မဵဝ်း​ၼၢမ်ႇ​သႃႇ တင်း​ၶမ်း​ၼမ်​ၼႃႇ​တင်း​သႅင်​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ယႂ်ႇ​ၸိူဝ်း​ၼၼ်ႉ မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ဢဝ်​ပျၢတ်ႈသၼႃႇ​ဢၼ်​လိုၵ်ႉ​လမ်ႇ​ယၢပ်ႇ​ၽိုတ်ႇ​ၼႃႇ​ၼၼ်ႉ​ၸၢမ်း​တူၺ်း​ သေႃးလမုၼ်ႇ ​လႄႈ ႁွတ်ႈ​ထိုင်​တီႈ​ သေႃးလမုၼ်ႇ ​သေ​ယဝ်ႉ၊ တိူင်ႇ​ပၢင်ႇ​တွင်ႈ​ထၢမ်​လူၺ်ႈ​လွင်ႈ ၵႃႈ​ဢၼ်​မီး​ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ​ဢေႃႈ။-</verse>
				<verse number="2">သေႃးလမုၼ်ႇ ​ၵေႃႈ ၵႄႈ​လိတ်ႈ​ပျၢတ်ႈသၼႃႇ​ၵႃႈ​ဢၼ်​မၼ်း​တွင်ႈ​မၼ်း​ထၢမ်​ၼၼ်ႉ​ဢေႃႈ။ လွင်ႈ​တၢင်း​ဢၼ်​ သေႃးလမုၼ်ႇ ​ဢမ်ႇ​ႁူႉ​လႄႈ ဢမ်ႇ​ၵႄႈ​လိတ်ႈ​လႆႈ​ၼၼ်ႉ​ဢမ်ႇ​မီး​သေ​ၸိူဝ်ႉ​သေ​ပိူင်။-</verse>
				<verse number="3">မိူဝ်ႈ​ဢၼ်​ၼၢင်း​ႁေႃ​ၶမ်း​မိူင်း​ သေးၽႃႉ ႁၼ်​ပိင်ႇ​ၺႃႇ​ သေႃးလမုၼ်ႇ ဢိၵ်ႇ​တင်း​ႁိူၼ်း​ၸဝ်ႈ​ဢၼ်​မၼ်း​တႄႇ​ႁဵတ်း၊-</verse>
				<verse number="4">ၶိူင်ႈ​ပိူင်​ၶူင်ႇ​တီႈ​ၵိၼ်​ၸဝ်ႈ၊ တီႈ​ယူႇ​တီႈ​ၼင်ႈ​ဢၼ်​ၵူၼ်း​ဢၼ်​ပႂ်ႉ​ဢမူႉ​ၸဝ်ႈ​တင်း​လၢႆ​ၼင်ႈ​ၼၼ်ႉ၊ ဢၼ်​ၵူဝ်ႇ​ရမ်ႇ​ဢွၼ်ႇ​ၸၢႆး​ၸဝ်ႈ​တင်း​လၢႆ​ၸုၵ်း​ၶႃး​ၸႃး​ယူႇ​ၼၼ်ႉ ၶူဝ်း​ၼုင်ႈ​တၢင်း​မႆ ဢၼ်​ၶဝ်​ၼုင်ႈ​မႆ​ၸိူဝ်း​ၼၼ်ႉ၊ ၵူၼ်း​ယိပ်း​ၵွၵ်း​ၸဝ်ႈ​လႂ် ဢိၵ်ႇ​တင်း​ၶူဝ်း​ၼုင်ႈ​တၢင်း​မႆ ဢၼ်​ၶဝ်​ၼုင်ႈ​မႆ​ၸိူဝ်း​ၼၼ်ႉ ဢိၵ်ႇ​တင်း​ၶၼ်ႈ​လႆ​တီႈ​ဢၼ်​ၶိုၼ်ႈ​ၸူး​ၵႃႈ​ႁိူၼ်း ထႃႇဝရႃႉ​ၽြႃး​ၼၼ်ႉ​ၸိူဝ်း​ၼၼ်ႉ​ၸိုင်၊ မီး​တၢင်း​ဢၼ်​လိုမ်း​တူဝ်​လိုမ်း​ႁၢင်ႈ​ယူႇ​သေ​လႄႈ၊-</verse>
				<verse number="5">လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၵႂၢမ်း​သတၢင်း​သဵင်​ၶၢဝ်ႇ​ဢၼ်​ၵဝ်​ၶႃႈ​ယူႇ​ၵႃႈ​တီႈ​မိူင်း​ၵဝ်​ၶႃႈ​လႄႈ လႆႈ​ငိၼ်း​လွင်ႈ​တၢင်း​ဢၼ်​ၸဝ်ႈ​ႁဝ်း​ႁဵတ်း​တင်း​လၢႆ ဢိၵ်ႇ​တင်း​ပိင်ႇ​ၺႃႇ​ၸဝ်ႈ​ႁဝ်း​ၼၼ်ႉ​မၢၼ်ႇ​မႅၼ်ႈ​ၶႃႈ​ဢေႃႈ။-</verse>
				<verse number="6">ၼႂ်း​ဝႃႈ​ၼၼ်​သေ​ၵေႃႈ ၸူဝ်ႈ​ဢၼ်​ၵဝ်​ၶႃႈ​ဢမ်ႇ​ပႆႇ​ႁွတ်ႈ​ထိုင်​လႄႈ​ထူပ်း​ႁၼ်​ၼၼ်ႉ၊ ၵဝ်​ၶႃႈ​ဢမ်ႇ​ယုမ်ႇ​ၵႂၢမ်း​ၼၼ်ႉ၊ မိူဝ်ႈ​လဵဝ်​ၼႆႉ​ၸမ်ႉ၊ ၵႂၢမ်း​ဢၼ်​ၵဝ်​ၶႃႈ​လႆႈ​ငိၼ်း လွင်ႈ​ဢၼ်​ပိင်ႇ​ၺႃႇ​ၸဝ်ႈ​ႁဝ်း ယႂ်ႇ​ၵႂၢင်ႈ​ၼႆႉ​ၼၼ်ႉ ဢမ်ႇ​ၶိုတ်း​သေ​ၶိုင်ႈ​ၼိုင်ႈ​လႄႈ၊ ၸဝ်ႈ​ႁဝ်း​ပဵၼ်​ဢၼ်​ပူၼ်ႉ​လိူဝ်​သတၢင်း​သဵင်​ၶၢဝ်ႇ ဢၼ်​ၵဝ်​ၶႃႈ​လႆႈ​ငိၼ်း​ၼၼ်ႉ​ၶႃႈ​ဢေႃႈ။-</verse>
				<verse number="7">ၵူၼ်း​ၸဝ်ႈ​ႁဝ်း တင်း​ၶႃႈ​ၸဝ်ႈ​ႁဝ်း ဢၼ်​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ယူႇ​သေ​လႄႈ လႆႈ​ငိၼ်း​ပိင်ႇ​ၺႃႇ​ၸဝ်ႈ​ႁဝ်း​ၸိူဝ်း​ၼႆႉ​မီး​မင်ႇၵလႃႇ​ၶႃႈ​ဢေႃႈ။-</verse>
				<verse number="8">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ႁဝ်း ဢၼ်​ထုၵ်ႇ​ၸႂ်​တီႈ​ၸဝ်ႈ​ႁဝ်း​လႄႈ ဢဝ်​ၸဝ်ႈ​ႁဝ်း​တၢင်ႇ​ၵႃႈ​ၼိူဝ်​ရႃႇၸႃႉ​ပလၢင်ႇ​မၼ်း​ၸဝ်ႈ၊ ႁႂ်ႈ​ပဵၼ်​ၶုၼ်​ႁေႃ​ၶမ်း​တၢင်​တူဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ႁဝ်း​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။ ၵွပ်ႈ​ပိူဝ်ႈ ဢၼ်​ၽြႃး​ပဵၼ်​ၸဝ်ႈ​ၸဝ်ႈ​ႁဝ်း ႁၵ်ႉ​မဵဝ်း​ ဢီႉသရေႇလႃႉ ​လႄႈ ႁႂ်ႈ​တႄႇ​ယူႇ​သေႇ​သေႇ​ၼၼ်ႉ​လႄႈ မၼ်း​ၸဝ်ႈ​ၶၢၼ်း​ၸဝ်ႈ​ႁဝ်း​ဝႆႉ ႁႂ်ႈ​ပဵၼ်​ၶုၼ်​ႁေႃ​ၶမ်း​ၵႃႈ​ၼိူဝ်​ၶဝ်​ၼၼ်ႉ ႁႂ်ႈ​လႆႈ​ႁဵတ်း​တၢင်း​ဢၼ်​ၸီႇ​ယၢင်ႇ​တြႃး ဢိၵ်ႇ​တင်း​တၢင်း​ဢၼ်​တႅပ်း​တတ်း​သိုဝ်ႈ​သိုဝ်ႈ​တေႃႇ​တေႃႇ​ၼၼ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="9">ဢဝ်​ၶမ်း​ပၢၵ်ႇ​ပၢႆ​သၢဝ်း​ တလၢၼ်ႇတၢၼ်ႇ ​၊ မဵဝ်း​ၼၢမ်ႇ​သႃႇ​ၼမ်​ၼႃႇ​လူင်​လၢင်၊ သႅင်​လီ​သႅင်​မျၢတ်ႈ​တင်း​လၢႆ​သၢၵ်ႈ​ပၼ်​ဢေႃႈ။ မဵဝ်း​ၼၢမ်ႇ​သႃႇ​ဢၼ်​မိူၼ်​ၸိူဝ်ႉ​ၼင်ႇ မဵဝ်း​ၼၢမ်ႇ​သႃႇ​ဢၼ်​ၼၢင်း​ႁေႃ​ၶမ်း​မိူင်း​ သေးၽႃႉ သၢၵ်ႈ​ပၼ်​တီႈ​ၶုၼ်​လူင်​ သေႃးလမုၼ်ႇ ​ၼၼ်ႉ​ဢမ်ႇ​မီး။</verse>
				<verse number="10">ၶႃႈ​ၵူၼ်း​ ႁီႉရမ်ႇ ​ဢိၵ်ႇ​တင်း​ၶႃႈ​ၵူၼ်း​ သေႃးလမုၼ်ႇ ဢၼ်​ဢဝ်​ၶမ်း ၵႃႈ​တီႈ​မိူင်း​ ဢေႃႇၽီႉရႃႉ ​မႃး​ၸိူဝ်း​ၼၼ်ႉ ဢွၼ်​ၵၼ်​ပႃး​ဢဝ်​မႆႉ​ၼၢမ်ႇ​သႃႇ​ဢိၵ်ႇ​တင်း​သႅင်​လီ​သႅင်​မျၢတ်ႈ​မႃး​ဢေႃႈ။-</verse>
				<verse number="11">ၶုၼ်​ႁေႃ​ၶမ်း​ဢဝ်​မႆႉ​ၼၢမ်ႇ​သႃႇ​ၼၼ်ႉ ႁဵတ်း​ပွတ်း​လူင်​ႁိူၼ်း​ထႃႇဝရႃႉ​ၽြႃး တင်း​ႁေႃ​ၸဝ်ႈ​ဢိၵ်ႇ​တင်း​တိင်ႇ၊ တရေႃး ပုၼ်ႈ​ၶဝ်​ၸိူဝ်း​ဢၼ်​ႁဵတ်း​ၵႂၢမ်း​ၼၼ်ႉ​ဢေႃႈ။ မႆႉ​ၼၢမ်ႇ​သႃႇ​ၸိူဝ်ႉ​ၼင်ႇ​ၼၼ်​ၼၼ်ႉ ဢမ်ႇ​တွၼ်ႉ​ပေႃႇ​မႃး​ၵႃႈ​တီႈ​မိူင်း​ ယူႉတႃႉ ၊ သေ​ပွၵ်ႈ။-</verse>
				<verse number="12">လိူဝ်​တွၼ်း​သေ​လၢၵ်ႈ​သွင်ႇ​ဢၼ်​မၼ်း​သၢၵ်ႈ​ပၼ်​တီႈ​ၶုၼ်​ႁေႃ​ၶမ်း​ၼၼ်ႉ၊ ၶုၼ်​လူင်​ သေႃးလမုၼ်ႇ ပၼ်​ၸွမ်း​ၵႃႈ​ဢၼ်​ၼၢင်း​ႁေႃ​ၶမ်း​မိူင်း​ သေးၽႃႉ မီး​ဢလူဝ်ႇ​သၼ်ႇတႃႉ​ၶႂ်ႈ​လႆႈ​လႄႈ ယွၼ်း​ဢဝ်​ၼၼ်ႉ​ဢေႃႈ၊ လိုၼ်း​ၼၼ်ႉ​မၼ်း​ၼၼ်ႉ​ဢိၵ်ႇ​လူၺ်ႈ​ၵၼ်​တင်း​ၶႃႈ​မၼ်း​ၵူၼ်း​မၼ်း​ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​မၼ်း​သေ​ဢေႃႈ။</verse>
				<verse number="13">ၶၼ်​ၸင်ႈ​ၶမ်း​ဢၼ်​မႃး​ႁွတ်ႈ​မႃး​ၽႅဝ်​တီႈ​ သေႃးလမုၼ်ႇ ၼႂ်း​ယေႈ​ပီႈ​ယေႈ​ပီႈ​ၸမ်ႉ၊ ပဵၼ်​ႁူၵ်း​ပၢၵ်ႇ​ႁူၵ်း​သိပ်း​ပၢႆ​ႁူၵ်း တလၢၼ်ႇတၢၼ်ႇ ​ဢေႃႈ။-</verse>
				<verse number="14">ၼွၵ်ႈ​သေ​ၼၼ်ႉ ယင်း​မီး​ၶမ်း​ဢၼ်​ၵူၼ်း​ၵႃႉ​ၵူၼ်း​ၶၢႆ​လႂ်၊ ၸဝ်ႈ​ၵုၼ်ႇ​ၸဝ်ႈ​သိၼ်​လႂ်၊ ၶုၼ်​လူင်​ ဢရေႇပျႃႉ ​ၵႃႈ​မီး​လႂ်၊ မဵဝ်ႉ​ဝုၼ်ႇ​တင်း​လၢႆ​လႂ် သၢၵ်ႈ​ၼၼ်ႉ​လူး​ၵွၼ်ႇ​ဢေႃႈ။-</verse>
				<verse number="15">ၶုၼ်​လူင်​ သေႃးလမုၼ်ႇ တွင်ႈ​ႁဵတ်း​ၶိူင်ႈ​ႁႄႉ​လၢၵ်ႈ​ၼၢၵ်ႈ ဢၼ်​ယေႈ​ဢၼ်​ပႃး​ၶမ်း​ႁူၵ်း​ပၢၵ်ႇ​ၵျၢပ်ႈ သၶေးလႃႉ ​ၼၼ်ႉ​သွင်​ပၢၵ်ႇ​ဢၼ်၊-</verse>
				<verse number="16">ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢွၼ်ႇ ဢၼ်​ယေႈ​ဢၼ်​ပႃး​ၶမ်း​သၢမ်​ၵျၢပ်ႈ​ သၶေးလႃႉ ​ၼၼ်ႉ သၢမ်​ပၢၵ်ႇ​ဢၼ်​လႄႈ ၶုၼ်​ႁေႃ​ၶမ်း​ဢဝ်​ဝႆႉ ၵႃႈ​ၼႂ်း​ႁေႃ​ၸဝ်ႈ​ထိူၼ်ႇ လေႇပၼုၼ်ႇ ​ၼၼ်ႉ​ဢေႃႈ။-</verse>
				<verse number="17">ၶုၼ်​ႁေႃ​ၶမ်း​ႁဵတ်း​ရႃႇၸႃႉ​ပလၢင်ႇ​ငႃး​ၸၢင်ႉ​လူင်​ဢၼ် ဢဝ်​တင်း​ၶမ်း​လွတ်ႈ​ငၢၼ်ႇ ဢုမ်ႇ​ႁေႃႇ​သေ​ၼၼ်ႉ​ဢေႃႈ။-</verse>
				<verse number="18">မီး​ၶၼ်ႈ​လႆ​ႁူၵ်း​သိၵ်ႈ တင်း​ၶူင်ႇ​ႁၢၼ်ႉ​တိၼ်​ၶမ်း​ဢၼ်​ၸပ်း​ပႅၼ်ႈ​ဢၼ်​လဵဝ်​ၵၼ်​တင်း​ရႃႇၸႃႉ​ပလၢင်ႇ​ၸဝ်ႈ​လႄႈ ၵႃႈ​တီႈ​သွင်​ၽၢႆႇ​တီႈ​ဢၼ်​ၼင်ႈ​ၼၼ်ႉ ပျေႉ​ၸုမ်ႇ​ဝႆႉ​တင်း​ႁၢဝ်း​တီႈ​ဢိင်​လႄႈ ၵႃႈ​တီႈ​ႁိမ်း​ႁၢဝ်း​ၼၼ်ႉ​မီး​သၢင်ႇ​သီႈ​သွင်​တူဝ်​ၸုၵ်း​ယူႇ​ဢေႃႈ။-</verse>
				<verse number="19">ၵႃႈ​တီႈ​သွင်​ၽၢႆႇ​ၼိူဝ်​သိၵ်ႈ​ၶၼ်ႈ​လႆ​ႁူၵ်း​သိၵ်ႈ​ၸိူဝ်း​ၼၼ်ႉ​ၵေႃႈ မီး​သၢင်ႇ​သီႈ​သိပ်း​ပၢႆ​သွင်​တူဝ်​ၸုၵ်း​ယူႇ​ဢေႃႈ၊ ၵႃႈ​တီႈ​သိုင်ႇ​ၸိုင်ႈ​ဝၢၼ်ႈ​မိူင်း​တီႈ​လႂ် တၢၼ်း​လႂ်​သေ​ၸိူဝ်ႉ​သေ​မိူင်း ဢမ်ႇ​မီး​ဢၼ်​မိူၼ်​ၸိူဝ်ႉ​ၼင်ႇ​ၼၼ်​ၼၼ်ႉ​လႃး​လႃး။</verse>
				<verse number="20">ၵွၵ်း​ၸဝ်ႈ​ဢၼ်​ၶုၼ်​လူင်​ သေႃးလမုၼ်ႇ ​ၵိၼ်​ၵႃႈ​မီး ဢိၵ်ႇ​တင်း​ၵွၵ်း​ၸဝ်ႈ​ဢၼ်​သုင်း​သွင်ႇ​ၵႃႈ​တီႈ​ႁေႃ​ၸဝ်ႈ​ထိူၼ်ႇ​ လေႇပၼုၼ်ႇ ​ၵႃႈ​မီး​ၼၼ်ႉ ဢမ်ႇ​ၸႂ်ႈ​ၵွၵ်း​ငိုၼ်း၊ ပဵၼ်​ၵွၵ်း​ၶမ်း​လွၼ်ႉ​လွၼ်ႉ​ဢေႃႈ။ ၼႂ်း​ၸူဝ်ႈ​ပၢၼ်​ သေႃးလမုၼ်ႇ ​ၼၼ်ႉ၊ ဢမ်ႇ​ၸၢင်ႈ​မၢတ်ႈ​ငိုၼ်း ပဵၼ်​ၵႃႈ​သင်​လႃး​လႃး။-</verse>
				<verse number="21">ၶုၼ်​ႁေႃ​ၶမ်း​မီး​ႁိူဝ်း​သၢင်း​ၽေႃး​တင်း​လၢႆ ဢၼ်​ၵႂႃႇ​ၵႃႈ​တီႈ​ဝဵင်း​ တႃႇသူႉ ဢိၵ်ႇ​လူၺ်ႈ​ၵၼ်​တင်း ၶႃႈ​ၶုၼ်​ ႁီႉရမ်ႇ ​ၸိူဝ်း​ၼၼ်ႉ​လႄႈ၊ သၢမ်​ပီႊ​ယေႈ​ပွၵ်ႈ ႁိူဝ်း​သၢင်း​ၽေႃး​ တႃႇသူႉ ​ၸိူဝ်း​ၼၼ်ႉ ၸၢင်ႈ​ပႃး​ဢဝ်​ငိုၼ်း၊ ၶမ်း၊ ငႃး​ၸၢင်ႉ၊ လိင်း​လႂ်၊ ၼူၵ်ႉ​ယုင်း​လႂ် ၶိုၼ်း​မႃး​ဢေႃႈ။-</verse>
				<verse number="22">ၼင်ႇ​ၼၼ်​လႄႈ ၶုၼ်​လူင်​ သေႃးလမုၼ်ႇ မီး​ၸေး​ၸိမ်ႇ​တင်း​ပိင်ႇ​ၺႃႇ​ယဵင်ႈ​ၶႅၼ်း​လိူဝ်​တွၼ်း​ၼႃႇ​သေ ၶုၼ်​ႁေႃ​ၶမ်း​ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း​ဢေႃႈ။-</verse>
				<verse number="23">ၶုၼ်​ႁေႃ​ၶမ်း ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင်​ဢွၼ်​ၵၼ်​မႃး​ၵႃႈ​တီႈ​ သေႃးလမုၼ်ႇ ႁႂ်ႈ​လႆႈ​ငိၼ်း​ၵႂၢမ်း​ပိင်ႇ​ၺႃႇ​ဢၼ်​ၽြႃး​ပဵၼ်​ၸဝ်ႈ သႂၢင်း​သႂ်ႇ​ပၼ်​ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ​ဢေႃႈ။-</verse>
				<verse number="24">ၶဝ်​ၸိူဝ်း​ဢၼ်​မႃး​ႁင်း​ၽႂ်​ႁင်း​မၼ်း​ၼၼ်ႉ ဢွၼ်​ၵၼ်​လႆႈ​သၢၵ်ႈ​ၵွၵ်း​ၶမ်း၊ ၵွၵ်း​ငိုၼ်း၊ ၶိူင်ႈ​ၼုင်ႈ​တၢင်း​မႆ၊ လၢၵ်ႈ​ၼၢၵ်ႈ​တိုၵ်း​သိုၵ်း၊ မဵဝ်း​ၼၢမ်ႇ​သႃႇ၊ မႃႉ​လႂ်၊ လီႈ​လႂ် ၵူႈ​ပီႊ​ၵူႈ​ပီႊ​ဢေႃႈ။-</verse>
				<verse number="25">သေႃးလမုၼ်ႇ ​မီး​ထၢၼ်ႈ​မႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​လေႃႉရထႃး​ၸဝ်ႈ​ၼၼ်ႉ​သီႇ​ႁဵင်၊ ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​မိုၼ်ႇ​ပၢႆ​သွင်​ႁဵင် ဢၼ်​မၼ်း​ဢဝ်​ဝႆႉ​ၵႃႈ​တီႈ​ဝဵင်း ဢၼ်​ထိင်း​လေႃႉရထႃး​ၸဝ်ႈ ဢိၵ်ႇ​တင်း​ၵႃႈ​တီႈ​မၼ်း​ၵႃႈ​ၼႂ်း​ဝဵင်း ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="26">မၼ်း​ၸဝ်ႈ​ဢုပ်ႉ​ပိူင်ႇ ၶုၼ်​ႁေႃ​ၶမ်း​ဢၼ်​မီး​ၵႃႈ​တီႈ​ၸႃႉ​ၸဵမ်​ၼမ်ႉ​ႁွင်ႈ​လူင် တေႃႇ​ထိုင်​ႁွတ်ႈ​မိူင်း​ ၽီႉလိတ်ႉတီႉ ဢိၵ်ႇ​တင်း​ၶွပ်ႇ​ၼမ်ႉ​လႅၼ်​လိၼ်​မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။-</verse>
				<verse number="27">ၶုၼ်​ႁေႃ​ၶမ်း​ႁႂ်ႈ​ငိုၼ်း​ၼမ်​ၼႃႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ မိူၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​မၢၵ်ႇ​သၢႆး​လႄႈ ႁႂ်ႈ​တူၼ်ႈ​ ဢႃႇရိတ်ႉ ​ၼမ်​ၼႃႇ​မိူၼ်​ၸိူဝ်ႉ​ၼင်ႇ တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ဢၼ်​ဢွၵ်ႇ​ၵႃႈ​တီႈ​တႂ်ႈ တီႈ​ဢၼ်​ပၢင်ႇ​ဢၼ်​ပဵင်း​ၼၼ်ႉ​ဢေႃႈ။-</verse>
				<verse number="28">ၶဝ်​ဢွၼ်​ၵၼ်​ဢဝ်​မႃႉ​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ဢိၵ်ႇ​တင်း​ၵႃႈ​ၼႂ်း​ၵူႈ​ၸိုင်ႈ​ၵူႈ​မိူင်း မႃး​တီႈ​ သေႃးလမုၼ်ႇ ​ဢေႃႈ။</verse>
				<verse number="29">လွင်ႈ​တၢင်း​ သေႃးလမုၼ်ႇ ဢၼ်​ယင်း​ၵိုတ်း​ယင်း​ၵျၢၼ်ႇ​ဢဝ်​ၸဵမ်​ငဝ်ႈ​တေႃႇ​ပၢႆ​ၸိူဝ်း​ၼၼ်ႉ​ၸိုင်၊ တႅမ်ႈ​မၢႆ​ဝႆႉ​မီး​ယူႇ​ၵႃႈ​ၼႂ်း​ၵျၢမ်း​လိၵ်ႈ ပရေႃးၽႅတ်ႈ​ ၼႃႇသၼ်ႇ ၊ ၵျၢမ်း​လိၵ်ႈ​ဢၼႃႇၵၢတ်ႈတီႉ ဢႁီႉယႃႉ ​ၵူၼ်း​ဝဵင်း​ သီႉလေႃႇ ၊ ပျႃႇ​တိၵ်ႈ​ၵျၢမ်း​ ဢီႉတေႃႇ ဢၼ်​ပဵၼ်​ၵေႃႉ​ဢၼ်​ႁူ​ပွင်ႇ​တႃ​လႅင်း​ဢၼ်​ယူႇ​ၽၢႆႇ​ၼိုင်ႈ​သေ​လႄႈ လၢတ်ႈ​လူၺ်ႈ​လွင်ႈ​ ယေႇရူဝ်းပုမ်ႇ လုၵ်ႈ​ၸၢႆး​ ၼေႇပတ်ႉ ​ၼၼ်ႉ ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="30">သေႃးလမုၼ်ႇ ​ၼၼ်ႉ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ဢီႉသရေႇလႃႉ ​တင်း​သဵင်ႈ​တင်း​မူတ်း​သီႇ​သိပ်း​ပီႊ​တဵမ်​တဵမ်​သေ​ယဝ်ႉ၊-</verse>
				<verse number="31">သေႃးလမုၼ်ႇ ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ တႃႇဝိတ်ႈ ၸဝ်ႈ​ပေႃႈ​မၼ်း​ၼၼ်ႉ​ဢေႃႈ ရူဝ်းပုမ်ႇ ​လုၵ်ႈ​ၸၢႆး​မၼ်း​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​ဢေႃႈ။</verse>
			</chapter>
			<chapter number="10">
				<verse number="1">မိူဝ်ႈ​ၼၼ်ႉ​ ရူဝ်းပုမ်ႇ ​ၵႂႃႇ​ၵႃႈ​တီႈ​ဝဵင်း​ သေႇၶိမ်ႇ ​ဢေႃႈ။ လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ၵႂႃႇ ၵႃႈ​တီႈ​ဝဵင်း​ သေႇၶိမ်ႇ ႁႂ်ႈ​လႆႈ​ယုၵ်ႉ​ယွင်ႈ​မၼ်း​ဝႆႉ​ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း​ဢေႃႈ။-</verse>
				<verse number="2">မိူဝ်ႈ​ဢၼ်​ ယေႇရူဝ်းပုမ်ႇ ၊ လုၵ်ႈ​ၸၢႆး​ ၼေႇပတ်ႉ ဢၼ်​ဢွၵ်ႇ​ပၢႆႈ​သေ​ၵႃႈ​တီႈ ၶုၼ်​လူင်​ သေႃးလမုၼ်ႇ ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ ငိၼ်း​လွင်ႈ​တၢင်း​ၼၼ်ႉ​ၸိုင်၊ ယေႇရူဝ်းပုမ်ႇ ​ၼၼ်ႉ လုၵ်ႉ​သေ​ၵႃႈ​တီႈ​မိူင်း​ ဢေႇၵိပ်ႉတူႉ ၶိုၼ်း​မႃး​ဢေႃႈ။-</verse>
				<verse number="3">ၶဝ်​ပွႆႇ​ၸႂ်ႉ​ၵႂႃႇ​ႁွင်ႉ​ဢဝ်​မၼ်း​ၼၼ်ႉ​မႃး​သေ​ယဝ်ႉ၊ ယေႇရူဝ်းပုမ်ႇ ​ၼၼ်ႉ ဢိၵ်ႇ​တင်း​ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ၶဝ်ႈ​ၸူး ၵႃႈ​တီႈ​ ရူဝ်းပုမ်ႇ ​သေ​လႄႈ၊ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="4">ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ ဢဝ်​ၵၢၼ်း​ဢၼ်​ၼၵ်း​ၼႃႇ​တၢင်ႇ​သႂ်ႇ​ၵႃႈ​ၼိူဝ်​ၶႃႈ​ၸဝ်ႈ​ႁဝ်း​တင်း​လၢႆ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ၶႅၼ်း​တေႃႈ ႁႂ်ႈ​ဢမူႉ​တၢင်း​ဢၼ်​လႆႈ​ၵိုတ်ႉ​ႁၢပ်ႇ ယၢပ်ႇ​ၸႂ်​ၼႃႇ​လူင်​လၢင်​တီႈ​ၸဝ်ႈ​ပေႃႈ​ၸဝ်ႈ​ႁဝ်း ဢိၵ်ႇ​တင်း​ၵၢၼ်း​ႁၢပ်ႇ​ဢၼ်​ၼၵ်း​ၼႃႇ ဢၼ်​မၼ်း​တၢင်ႇ​သႂ်ႇ​ၼၼ်ႉ မဝ်​မႃး​သေ​ၵမ်း​တီႈ​ၶႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​ႁဝ်း​တင်း​လၢႆ​တၵ်း​ဢွၼ်​ၵၼ် ၵိုတ်ႉ​ႁၢပ်ႇ​ဢမူႉ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မၼ်း​ၵေႃႈ​မီး​ဢမိင်ႉ​လႄႈ​ဝႃႈ၊ ပူၼ်ႉ​သၢမ်​ဝၼ်း​ယဝ်ႉ​ၸင်ႇ​ၶိုၼ်း​မႃး​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ သေ​ယဝ်ႉ၊ ၵူၼ်း​တင်း​လၢႆ​ဢွၼ်​ၵၼ်​ဢွၵ်ႇ​ၵႂႃႇ​သေ​ဢေႃႈ။</verse>
				<verse number="6">မိူဝ်ႈ​ၼၼ်ႉ​ၶုၼ်​လူင်​ ရူဝ်းပုမ်ႇ ​တိူင်ႇ​ပၢင်ႇ​ၵၼ်​တင်း ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​ဢၼ်​ၶႃး​ၸႃး​ၵႃႈ​တီႈ​ၸဝ်ႈ​ပေႃႈ​မၼ်း​ သေႃးလမုၼ်ႇ ၼႂ်း​မိူဝ်ႈ​ဢၼ်​မၼ်း​ဢသၢၵ်ႈ​ယင်း​လိပ်း​ယူႇ​ၼၼ်ႉ​ၸိူဝ်း​ၼၼ်ႉ​လႄႈ ထၢမ်​ဝႃႈ၊ သူ​တၵ်း​ပၼ်​တၢင်း​ၵျၢမ်ႇ​တၢင်း​ပွင်​ၸိူဝ်ႉ​ၼင်ႇ​ႁိုဝ်​တီႈ​ၵဝ် ႁႂ်ႈ​ၵဝ်​လႆႈ​ၶိုၼ်း​လၢတ်ႈ​တီႈ​ၵူၼ်း​တင်း​လၢႆ​ၸိူဝ်း​ၼႆႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ၶဝ်​ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ပေႃး​ၸဝ်ႈ​ႁဝ်း​ႁဵတ်း​ၵျေး​ၸူး​တီႈ​ၵူၼ်း​တင်း​လၢႆ​ၼႆႉ​သေ​လႄႈ ႁဵတ်း​ႁႂ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ၶဝ်​လႄႈ ၶိုၼ်း​လၢတ်ႈ​ၵႂၢမ်း​ဢၼ်​လီ​ဢၼ်​ငၢမ်း​တီႈ​ၶဝ်​ၸိုင်၊ ၶဝ်​တၵ်း​ဢွၼ်​ၵၼ်​ၶၢမ်ႇ​ႁဵတ်း​ၶႃႈ​ၸဝ်ႈ​ႁဝ်း​ယူႇ​သေႇ​သေႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵူၺ်း​ၵႃႈ မၼ်း​ဢမ်ႇ​ၸွမ်း​တၢင်း​ၵျၢမ်ႇ​တၢင်း​ပွင် ဢၼ်​ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​ၸိူဝ်း​ၼၼ်ႉ​ပၼ်​ၼၼ်ႉ​လႄႈ သမ်ႉ​တိူင်ႇ​ပၢင်ႇ​တွင်ႈ​ထၢမ်​ၵၼ်​တင်း​ၵူၼ်း​ၼုမ်ႇ​ၵူၼ်း​ၵမ် ဢၼ်​ပဵၼ်​ၵေႃႉ​သေႈ​မၼ်း​လႄႈ ၶႃး​ၸႃး​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​သေႇ​သေႇ​ၸိူဝ်း​ၼၼ်ႉ​လႄႈ​ဝႃႈ၊-</verse>
				<verse number="9">သူ​တၵ်း​ပၼ်​တၢင်း​ၵျၢမ်ႇ​တၢင်း​ပွင်​ၸိူဝ်ႉ​ၼင်ႇ​ႁိုဝ် ႁႂ်ႈ​ႁဝ်း​လႆႈ​ၶိုၼ်း​လၢတ်ႈ​တီႈ​ၵူၼ်း​တင်း​လၢႆ ဢၼ်​လဝ်ႊ​လၢတ်ႈ​တီႈ​ၵဝ်​လႄႈ​ဝႃႈ၊ ၸဝ်ႈ​ႁဝ်း​ၶႅၼ်း​တေႃႈ ႁႂ်ႈ​ၵၢၼ်း​ႁၢပ်ႇ​ဢၼ်​ၸဝ်ႈ​ပေႃႈ​ၸဝ်ႈ​ႁဝ်း​တၢင်ႇ​သႂ်ႇ​ဝႆႉ တီႈ​ၶႃႈ​ၸဝ်ႈ​ႁဝ်း​တင်း​လၢႆ​ၼၼ်ႉ​မဝ်​မႃး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ၼၼ်ႉ ၸိူဝ်း​ၼႆႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">ၵူၼ်း​ၼုမ်ႇ​ၵူၼ်း​ၵမ်​ဢၼ်​ပဵၼ်​ၵေႃႉ​သေႈ​မၼ်း​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၶႅၼ်း​တေႃႈ​ၶိုၼ်း​လၢတ်ႈ​တီႈ​ၵူၼ်း​တင်း​လၢႆ ဢၼ်​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ ႁႂ်ႈ​ၵၢၼ်း​ႁၢပ်ႇ​ၼၵ်း​ၼႃႇ​တီႈ​ၶႃႈ​ၸဝ်ႈ​ႁဝ်း​တင်း​လၢႆ​တီႈ​ၶႃႈ​ယဝ်ႉ။ ၶႅၼ်း​တေႃႈ​ႁႂ်ႈ​မဝ်​မႃး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ​လႄႈ​ဝႃႈ၊ ၼိဝ်ႉ​ၵွႆႈ​ၵဝ်​ၼႆႉ​ယဵင်ႈ​ၶႅၼ်း​တၵ်း​ယႂ်ႇ​ၼႃႇ​သေ​ဢႅဝ်​ၸဝ်ႈ​ပေႃႈ​ၵဝ်​ဢေႃႈ။-</verse>
				<verse number="11">ၸဝ်ႈ​ပေႃႈ​ၵဝ်​ၼၼ်ႉ​ဢဝ်​ၵၢၼ်း​ႁၢပ်ႇ​ဢၼ်​ၼၵ်း​ၼႃႇ​တၢင်ႇ​သႂ်ႇ​ၵႃႈ​ၼိူဝ်​သူ​ယဝ်ႉ။ ၵဝ်​ၵေႃႈ​တၵ်း​ထၢပ်ႈ​လႄႈ​တၢင်ႇ​သႂ်ႇ​ထႅင်ႈ​ဢေႃႈ။ ၸဝ်ႈ​ပေႃႈ​ၵဝ်​ၼၼ်ႉ​ဢဝ်​တင်း​ၶွၼ်ႉ​ဝၢႆ​ပေႃႉ​ယႅၼ်ႉ​သူ​ယဝ်ႉ။ ၵဝ်​ၵေႃႈ​တၵ်း​ဢဝ်​တင်း​မႅင်း​ၵူၼ်ႈ​ငေႃး ပေႃႉ​ယႅၼ်ႉ​သူ​ထႅင်ႈ​ဢေႃႈ၊ ဝႃႈ​ၼင်ႇ​ၼႆ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ ယေႇရူဝ်းပုမ်ႇ ဢိၵ်ႇ​တင်း​ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ႁွတ်ႈ​မႃး​တီႈ ရူဝ်းပုမ်ႇ ​ၸွမ်း​ၵႃႈ​ၼင်ႇ​ဢၼ် ၶုၼ်​ႁေႃ​ၶမ်း​မၵ်း​ၶိၼ်း​ဝႆႉ​လႄႈ​ဝႃႈ၊ ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ သူ​သမ်ႉ​ဢွၼ်​ၵၼ်​ၶိုၼ်း​မႃး​ထႅင်ႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="13">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ၶိုၼ်း​လၢတ်ႈ​ႁၢဝ်ႈ​ၵျၢမ်း​ၼႃႇ​လူင်​လၢင်​တီႈ​ၶဝ်​ဢေႃႈ။ ၶုၼ်​လူင်​ ရူဝ်းပုမ်ႇ ​ၼၼ်ႉ ပႄႇ​ပႅတ်ႈ​တၢင်း​ၵျၢမ်ႇ​တၢင်း​ပွင် ဢၼ်​ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​ၸိူဝ်း​ၼၼ်ႉ ပၼ်​ၼၼ်ႉ​သေ​လႄႈ၊-</verse>
				<verse number="14">ၸွမ်း​ဢဝ်​တၢင်း​ၵျၢမ်ႇ​တၢင်း​ပွင် ဢၼ်​ၵူၼ်း​ၼုမ်ႇ​ၵူၼ်း​ၵမ်​ၸိူဝ်း​ၼၼ်ႉ​ပၼ်​ၼၼ်ႉ​လႄႈ ၶိုၼ်း​လၢတ်ႈ​ႁၢဝ်ႈ​ၵျၢမ်း​ၼႃႇ​လူင်​လၢင်​လႄႈ​ဝႃႈ၊ ၸဝ်ႈ​ပေႃႈ​ၵဝ်​ၼၼ်ႉ ဢဝ်​ၵၢၼ်း​ႁၢပ်ႇ​ဢၼ်​ၼၵ်း​ၼႃႇ တၢင်ႇ​သႂ်ႇ​ၵႃႈ​ၼိူဝ်​သူ​ယဝ်ႉ။ ၵဝ်​ၵေႃႈ​တၵ်း​ထၢပ်ႈ​လႄႈ​တၢင်ႇ​သႂ်ႇ​ထႅင်ႈ​ဢေႃႈ။ ၸဝ်ႈ​ပေႃႈ​ၵဝ်​ၼၼ်ႉ ဢဝ်​တင်း​ၶွၼ်ႉ​ဝၢႆ​ပေႃႉ​ယႅၼ်ႉ​သူ​ယဝ်ႉ။ ၵဝ်​ၵေႃႈ​တၵ်း​ဢဝ်​တင်း​မႅင်း​ၵူၼ်ႈ​ငေႃး​ပေႃႉ​ယႅၼ်ႉ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">လွင်ႈ​ဢၼ်​ၶုၼ်​ႁေႃ​ၶမ်း​ဢမ်ႇ​ထွမ်ႇ​ဢဝ်​ၵႂၢမ်း​ၵူၼ်း​တင်း​လၢႆ​ၼၼ်ႉ​ၸမ်ႉ၊ ပဵၼ်​ဢွၵ်ႇ​သေ​ၵႃႈ​တီႈ​ၽြႃး​ပဵၼ်​ၸဝ်ႈ​မႃး လွင်ႈ​ၼင်ႇ​ႁိုဝ်​ထႃႇဝရႃႉ​ၽြႃး တၵ်း​ႁႂ်ႈ​ၵႂၢမ်း​ဢၼ်​မၼ်း​ၸဝ်ႈ​ဢဝ်​ ဢႁီႉယႃႉ ၵူၼ်း​ဝဵင်း​ သီႉလေႃႇ ​ၼၼ်ႉ မီး​ဢမိင်ႉ​ဝႆႉ​တီႈ​ ယေႇရူဝ်းပုမ်ႇ လုၵ်ႈ​ၸၢႆး​ ၼေႇပတ်ႉ ​ၼၼ်ႉ​လႆႈ​ပျေႉ​ၸုမ်ႇ​ဢေႃႈ။-</verse>
				<verse number="16">ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ႁူႉ​ႁၼ်​လွင်ႈ​ဢၼ်​ၶုၼ်​ႁေႃ​ၶမ်း ဢမ်ႇ​ထွမ်ႇ​ဢဝ်​ၸွမ်း​ဢဝ်​ၵႂၢမ်း​ၶဝ်​ၼၼ်ႉ​သေ​ယဝ်ႉ၊​ၵူၼ်း​တင်း​လၢႆ​ဢွၼ်​ၵၼ်​ၶိုၼ်း​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ႁဝ်း​ၼႆႉ​ၸၢပ်ႈ​သႅင်ႇ​ၵၼ်​တင်း​ တႃႇဝိတ်ႈ ​ၸိူဝ်ႉ​ၼင်ႇ​ႁိုဝ်။ ႁဝ်း​ဢမ်ႇ​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း​လုၵ်ႈ​ၸၢႆး​ ယေႇသႄး ​ၵူၺ်ႉ။ မဵဝ်း​ ဢီႉသရေႇလႃႉ ​ဢိူၺ်း၊ ဢွၼ်​ၵၼ်​ၵႂႃႇ​ၸူး​ၵႃႈ​တီႈ​မူဝ်းၵႃႇ​တီႈ​ယူႇ​သူ​ႁင်း​ၽႂ်​ႁင်း​မၼ်း​သေ​တႃႉ။ တႃႇဝိတ်ႈ ​ဢိူၺ်း၊ လူ​တူၺ်း​ႁိူၼ်း​မႂ်း​တႃႉ၊ ဝႃႈ​ၼင်ႇ​ၼႆ​သေ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မူဝ်းၵႃႇ​တီႈ​ယူႇ​ၶဝ်​သေ​ဢေႃႈ။-</verse>
				<verse number="17">ၵူၺ်း​ၵႃႈ ၵူၼ်း​မဵဝ်း​ ဢီႉသရေႇလႃႉ ​ဢၼ်​ယူႇ​ၵႃႈ​တီႈ ဝၢၼ်ႈ​ဝဵင်း​ ယူႉတႃႉ ​ၸိူဝ်း​ၼၼ်ႉ​ၸိုင်၊ ရူဝ်းပုမ်ႇ ​ယင်း​လႆႈ​ဢုပ်ႉ​ပိူင်ႇ​ယူႇ​ဢေႃႈ။-</verse>
				<verse number="18">မိူဝ်ႈ​ၼၼ်ႉ​ၶုၼ်​လူင်​ ရူဝ်းပုမ်ႇ ပွႆႇ​ၸႂ်ႉ​ ႁႃႇတေႃးရမ်ႇ ဝုၼ်ႇ​ၵဵပ်း​ၶွၼ်ႇ​ၼၼ်ႉ​ၵႂႃႇ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ဢဝ်​မၢၵ်ႇ​ႁိၼ်​ထိမ်ႈ​မၼ်း​ထၼ်ႈ​ပေႃး​တၢႆ​ဢေႃႈ။ ၶုၼ်​လူင်​ ရူဝ်းပုမ်ႇ ​ၼၼ်ႉ ႁိပ်ႈ​ၼႅတ်ႈ​ၶိုၼ်ႈ​ၶီႇ​လေႃႉရထႃး​ၸဝ်ႈ​သေ​လႄႈ ပၢႆႈ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="19">ၼင်ႇ​ၼၼ်​လႄႈ မဵဝ်း​ ဢီႉသရေႇလႃႉ ပုင်ႇ​ၵၢၼ်ႇ​မဵဝ်း​ၸိူဝ်ႉ​ၶိူဝ်း​ၶုၼ်​ တႃႇဝိတ်ႈ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
			</chapter>
			<chapter number="11">
				<verse number="1">ရူဝ်းပုမ်ႇ ​ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ယဝ်ႉ၊ ႁႂ်ႈ​ၵူၼ်း​မဵဝ်း​ ယူႉတႃႉ တင်း​ၵူၼ်း​မဵဝ်း​ ပိၼ်ႇယႃႇမိၼ်ႇ သႅၼ်​ပၢႆ​ပႅတ်ႇ​မိုၼ်ႇ​ဢၼ်​လိူၵ်ႈ​ၵဵပ်း​ဢဝ်​လႄႈ ပဵၼ်​ႁူဝ်​ႁၢၼ်​ၵူၼ်း​သိုၵ်း​ၸိူဝ်း​ၼၼ်ႉ​ၸူႉ​ၵၼ်​တုမ်​ၵၼ် ႁႂ်ႈ​လႆႈ​တိုၵ်း​တေႃး​မဵဝ်း​ ဢီႉသရေႇလႃႉ ​လႄႈ​ႁႂ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၶိုၼ်း​ႁွတ်ႈ​ၵႃႈ​ၼႂ်း​မိုဝ်း​ ရူဝ်းပုမ်ႇ ​ဢေႃႈ။-</verse>
				<verse number="2">ၵူၺ်း​ၵႃႈ​ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ သေႇမႃႇယႃႉ ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​လႄႈ​ဝႃႈ၊-</verse>
				<verse number="3">မႂ်း​မွၵ်ႇ​လၢတ်ႈ​တီႈ​ ရူဝ်းပုမ်ႇ လုၵ်ႈ​ၸၢႆး​ သေႃးလမုၼ်ႇ ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ၵႃႈ​ဢၼ်​မီး​ၵႃႈ​ၼႂ်း​ဢိူင်ႇ​ ယူႉတႃႉ ၊ ဢိူင်ႇ​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊-</verse>
				<verse number="4">ယႃႇ​ပေ​ဢွၼ်​ၵၼ်​ၶီႇ​သိုၵ်း​ၶိုၼ်ႈ​ၸူး​လႄႈ​တိုၵ်း​တေႃး​ပီႈ​ၼွင်ႉ​သူ။ ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​တီႈ​ယူႇ​သူ ႁင်း​ၽႂ်​ႁင်း​မၼ်း​သေ​တႃႉ။ ဢမူႉ​ၼႆႉ​ၸိုင်​ၵဝ်​ၸီႇ​ယၢင်ႇ​ယဝ်ႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ဢွၼ်​ၵၼ်​ထွမ်ႇ​ဢဝ်​ၵႂၢမ်း​ဢၼ် ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​လႄႈ ယင်း​ဢမ်ႇ​ၶီႇ​သိုၵ်း​ၶိုၼ်ႈ​ၸူး​ ယေႇရူဝ်းပုမ်ႇ ​လႄႈ ဢွၼ်​ၵၼ်​ၶိုၼ်း​မိူဝ်း​ၵႂႃႇ​သေ​ဢေႃႈ။</verse>
				<verse number="5">ရူဝ်းပုမ်ႇ ​ၼၼ်ႉ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သေ​လႄႈ ပွင်​မႄး​ပွင်​ႁဵတ်း​ဝဵင်း​ဢၼ်​မၼ်ႈ​ၶိူင်ႇ​ၵႃႈ​ၼႂ်း​မိူင်း​ ယူႉတႃႉ ​တင်း​လၢႆ ဢေႃႈ။-</verse>
				<verse number="6">မၼ်း​ပွင်​မႄး​ပွင်​ႁဵတ်း​ဝဵင်း​ ပႅတ်ႉလႁႅမ်ႇ ဝဵင်း​ ဢေးတမ်ႇ ၊ ဝဵင်း​ တေႇၵေႃႇ ၊-</verse>
				<verse number="7">ဝဵင်း​ ပႅတ်ႉၸူႉရႃႉ ၊ ဝဵင်း​ သေႃႇၶေႃႇ ၊ ဝဵင်း​ ဢတူႉလမ်ႇ ၊-</verse>
				<verse number="8">ဝဵင်း​ ၵႃႇသႃႉ ၊ ဝဵင်း​ မရေးသႃႉ ၊ ဝဵင်း​ ၸီႉၽႃႉ ၊-</verse>
				<verse number="9">ဝဵင်း​ ဢတေႃးရိမ်ႇ ၊ ဝဵင်း​ လႃႇၶီႉသႃႉ ၊ ဝဵင်း​ ဢၸေႇၵႃႇ ၊-</verse>
				<verse number="10">ဝဵင်း​ ၸေႃးရႃႉ ၊ ဝဵင်း​ ဢႃႇၸလုၼ်ႇ ၊ ဝဵင်း​ ႁေႇပြုၼ်ႇ ဢၼ်​ဝႃႈ​ဝဵင်း​ဢၼ်​မၼ်ႈ​ၶိူင်ႇ ၵႃႈ​ၼႂ်း​ဢိူင်ႇ​ ယူႉတႃႉ တင်း​ဢိူင်ႇ​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="11">တိူၵ်ႈ​တီႈ​တိုၵ်း​သိုၵ်း​တင်း​လၢႆ​ၵေႃႈ​မၼ်း​ႁႂ်ႈ​မၼ်ႈ​ၶိူင်ႇ​လႄႈ ဢဝ်​ၵူၼ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ဢိၵ်ႇ​တင်း​ၸရိပ်ႈ​ၼမ်ႉ​မၼ်း၊ ၼမ်ႉ​ၸပိတ်ႈ​သႂၢင်း​သႂ်ႇ​ဝႆႉ​ဢေႃႈ။-</verse>
				<verse number="12">မၼ်း​ဢဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​လႂ်​တင်း​ႁွၵ်ႇ​လႂ် ဝႆႉ​ၵႃႈ​ၼႂ်း​ဝဵင်း​ၵူႈ​ဝဵင်း​လႄႈ ႁႂ်ႈ​မၼ်ႈ​ၶိူင်ႇ​ၼႃႇ​လူင်​လၢင်​သေ​လႄႈ မဵဝ်း​ ယူႉတႃႉ တင်း​မဵဝ်း​ ပိၼ်ႇယႃႇမိၼ်ႇ မီး​ယူႇ​ၽၢႆႇ​မၼ်း​ဢေႃႈ။</verse>
				<verse number="13">ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ဢၼ်​မီး​ၵႃႈ​ၼႂ်း​မိူင်း​ ဢီႉသရေႇလႃႉ ၵူႈ​တီႈ​ၵူႈ​လႅၼ်​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​သေ ၵႃႈ​ၼႂ်း​ၼမ်ႉ​လိၼ်​တီႈ​ယူႇ​ၶဝ်​ၵႃႈ​မီး​ၼၼ်ႉ​မႃး​တီႈ​မၼ်း​ဢေႃႈ။-</verse>
				<verse number="14">လွင်ႈ​ဢၼ်​ၵူၼ်း​မဵဝ်း​ လေႇဝီႉ ​တင်း​လၢႆ ၸုၼ်ႉ​ပႅတ်ႈ​တီႈ​ယူႇ​တီႈ​သဝ်း​ၶဝ်​တီႈ​ဢၼ် ၶဝ်​ထိူၵ်ႈ​ပိူင်ႇ​ၼၼ်ႉ​သေ​လႄႈ ႁွတ်ႈ​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ မိူင်း​ ယူႉတႃႉ ​ၼၼ်ႉ​ၸမ်ႉ၊ ယေႇရူဝ်းပုမ်ႇ ​ဢိၵ်ႇ​တင်း​လုၵ်ႈ​ၸၢႆး​မၼ်း​တင်း​လၢႆ ဢဝ်​ၶဝ်​ၶျႃး​တူၵ်း​သေ ၵႃႈ​ၼႂ်း​ဢရႃႇ​ဢၼ်​ၶဝ်​လႆႈ​ပႂ်ႉ​ဢမူႉ​ယိတ်ႈပရေႃးႁဵၵ်ႈ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​သေ​လႄႈ၊-</verse>
				<verse number="15">ၶၢၼ်း​ယိတ်ႈပရေႃးႁဵၵ်ႈ​ဝႆႉ​ပုၼ်ႈ​တီႈ​ဢၼ်​သုင်​ၽီ​ႁၢႆႉ၊ ဝူဝ်း​ဢွၼ်ႇ​ဢၼ်​မၼ်း​ႁဵတ်း​ၸိူဝ်း​ၼၼ်ႉ​ဢေႃႈ။-</verse>
				<verse number="16">လိုၼ်း​ၶဝ်​ၼၼ်ႉ​ၶဝ်​ၸိူဝ်း​ဢၼ်​ၶျႃး​ၸႂ်​သၽေႃး ႁႂ်ႈ​လႆႈ​ႁႃ​ဢဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ၼၼ်ႉ​ၵေႃႈ​ဢွၼ်​ၵၼ် ဢွၵ်ႇ​သေ​ၵႃႈ​ၼႂ်း​မဵဝ်း​ ဢီႉသရေႇလႃႉ ​ၵူႈ​မဵဝ်း​လႄႈ မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​ၶဝ်​ဢေႃႈ။-</verse>
				<verse number="17">ၼင်ႇ​ၼၼ်​လႄႈ ၶဝ်​ဢွၼ်​ၵၼ်​ပၼ်​ႁႅင်း​တီႈ​သိုင်ႇ​ၸိုင်ႈ​ဝၢၼ်ႈ​မိူင်း​ ယူႉတႃႉ ​လႄႈ ႁႂ်ႈ​ ရူဝ်းပုမ်ႇ လုၵ်ႈ​ၸၢႆး​ သေႃးလမုၼ်ႇ မၼ်ႈ​ၶိူင်ႇ​သၢမ်​ပီႊ​တဵမ်​တဵမ်​ဢေႃႈ။ လွင်ႈ​မၼ်း​ၸမ်ႉ ၶဝ်​ဢွၼ်​ၵၼ်​ၸွမ်း​သဵၼ်ႈ​တၢင်း​ တႃႇဝိတ်ႈ ​တင်း သေႃးလမုၼ်ႇ သၢမ်​ပီႊ​တဵမ်​တဵမ်​ဢေႃႈ။</verse>
				<verse number="18">ရူဝ်းပုမ်ႇ ​ၼၼ်ႉ ႁူမ်ႈ​ပွင်း​ပဵၼ်​ၵူႈ​လူၺ်ႈ​ၵၼ်​တင်း​ မႁႃႇလတ်ႉ ၊ ဢၼ်​ပဵၼ်​လုၵ်ႈ​ယိင်း​ ယေႇရီႉမုတ်ႉ လုၵ်ႈ​ၸၢႆး​ တႃႇဝိတ်ႈ ဢိၵ်ႇ​တင်း ဢၽီႉႁေးလႃႉ လုၵ်ႈ​ယိင်း​ ဢေးလျႃႇၽႃႉ လုၵ်ႈ​ၸၢႆး​ ယေႇသႄး ​ၼၼ်ႉ​လႄႈ၊-</verse>
				<verse number="19">မၼ်း​ၼၼ်ႉ​ၵိူတ်ႇ​လဵင်ႉ​လုၵ်ႈ​ၸၢႆး​ ယူႉသႃႉ၊ သမႃႇရီႉ၊ ၸႃႇႁမ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="20">လိုၼ်း​ၵေႃႉ​ၼၼ်ႉ မၼ်း​သမ်ႉ​ႁူမ်ႈ​ပွင်း​ပဵၼ်​ၵူပ်ႉ​ပဵၼ်​ၵူႈ​လူၺ်ႈ​ၵၼ်​တင်း​ မႃႇၶႃႇ လုၵ်ႈ​ယိင်း​ ဢပႃႉသလုမ်ႇ ​လႄႈ၊ မၼ်း​ၼၼ်ႉ​ၵိူတ်ႇ​လဵင်ႉ​လုၵ်ႈ​ၸၢႆး​ ဢၽီႉယႃႉ၊ ဢတ်ႉတေႇ၊ ၸီႉၸႃႉ၊ သေႇလေႃးမိတ်ႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="21">ၼႂ်း​လွင်ႈ​တၢင်း​ဢၼ်​ ရူဝ်းပုမ်ႇ သိမ်း​ဢဝ်​မေး​သိပ်း​ပၢႆ​ပႅတ်ႇ​ၵေႃႉ ဢိၵ်ႇ​တင်း​ၸိူင်ႉ​ၼၢင်း​ႁူၵ်း​သိပ်း​ၵေႃႉ​လႄႈ လႆႈ​လုၵ်ႈ​ၸၢႆး​သၢဝ်း​ပၢႆ​ပႅတ်ႇ​ၵေႃႉ၊ ဢိၵ်ႇ​တင်း​လုၵ်ႈ​ယိင်း​ႁူၵ်း​သိပ်း​ၵေႃႉ​ၼၼ်ႉ မၼ်း​ယဵင်ႈ​ၶႅၼ်း​ႁၵ်ႉ​ မႃႇၶႃႇ လုၵ်ႈ​ယိင်း​ ဢပႃႉသလုမ်ႇ ​ၼၼ်ႉ လိူဝ်​တွၼ်း​ၼႃႇ​သေ​မေး​မၼ်း​ၸိူင်ႉ​ၼၢင်း​မၼ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​လႄႈ၊-</verse>
				<verse number="22">ရူဝ်းပုမ်ႇ ​ယုၵ်ႉ​ယွင်ႈ​ၶၢၼ်း​ ဢၽီႉယႃႉ ဝႆႉ​ႁႂ်ႈ​ပဵၼ်​တူၼ်ႈ​ပဵၼ်​ငဝ်ႈ​ဢၼ်​ဝႃႈ​ၵေႃႉ​ဢၼ်​ယႂ်ႇ​သေ​ပိူၼ်ႈ ၵႃႈ​ၼႂ်း​ပီႈ​ၸၢႆး​ၼွင်ႉ​ၸၢႆး​မၼ်း​ၸိူဝ်း​ၼၼ်ႉ​လႄႈ မီး​တၢင်း​ၵျၢမ်ႇ​တၢင်း​ပွင် တၵ်း​ဢဝ်​မၼ်း​ႁဵတ်း​ၶုၼ်​ႁေႃ​ၶမ်း​ဢေႃႈ။-</verse>
				<verse number="23">မၼ်း​ဢဝ်​တင်း​ပိင်ႇ​ၺႃႇ​သတီႉ ၸီႇ​ယၢင်ႇ​ႁဵတ်း​လႄႈ ဢဝ်​လုၵ်ႈ​ၸၢႆး​မၼ်း​ၵႃႈ​မီး ၶျႃး​တီႈ​ယူႇ​ဝႆႉ​ၵႃႈ​တီႈ​ဝဵင်း​ဢၼ်​မၼ်ႈ​ၶိူင်ႇ ၵႃႈ​ဢၼ်​မီး​ၵႃႈ​ၼႂ်း​ဢိူင်ႇ​ ယူႉတႃႉ ဢိၵ်ႇ​တင်း​ဢိူင်ႇ​ ပိၼ်ႇယႃႇမိၼ်ႇ ထၼ်ႈ​ပေႃး​ၸွတ်ႇ​ပေႃး​တူဝ်ႈ​လႄႈ ဢဝ်​ၸရိပ်ႈ​တၢင်း​ၵိၼ်​ၼမ်​ၼႃႇ​ပၼ်​တီႈ​ၶဝ်​ဢေႃႈ။ မၼ်း​ႁႃ​ဢဝ်​မေး​ၼမ်​ၼႃႇ ပၼ်​တီႈ​ၶဝ်​ၼၼ်ႉ​ဢေႃႈ။</verse>
			</chapter>
			<chapter number="12">
				<verse number="1">မိူဝ်ႈ​ဢၼ်​သိုင်ႇ​ၸိုင်ႈ​ဝၢၼ်ႈ​မိူင်း​ ရူဝ်းပုမ်ႇ တႄႇ​ပဵၼ်​လႄႈ မၼ်း​ၼၼ်ႉ​ႁႅင်း​ယႂ်ႇ​မႃး​ၼၼ်ႉ​ၸိုင်၊ မၼ်း​ဢိၵ်ႇ​လူၺ်ႈ​ၵၼ်​တင်း မဵဝ်း​ ဢီႉသရေႇလႃႉ ​ၵႃႈ​မီး ၸုၼ်ႉ​ပႅတ်ႈ​တြႃး​ထႃႇဝရႃႉ​ၽြႃး​လႄႈ၊-</verse>
				<verse number="2">ၵွပ်ႈ​ပိူဝ်ႈ​ဢၼ်​ၶဝ်​ၽိတ်း​ပိူင်ႈ​ထႃႇဝရႃႉ​ၽြႃး​ၼၼ်ႉ​လႄႈ ၼႂ်း​ပီႊ​ဢၼ်​ၶုၼ်​လူင်​ ရူဝ်းပုမ်ႇ ​ၸၢမ်ႇ​ႁၢင်ႈ​ၸၢမ်ႇ​ႁေႃ​ႁႃႈ​ပီႊ​ၼၼ်ႉ၊ သီႉသၵ်ႉ ၶုၼ်​ႁေႃ​ၶမ်း​ ဢေႇၵိပ်ႉတူႉ ပႃး​ဢဝ်​လေႃႉရထႃး ႁဵင်​ပၢႆ​သွင်​ပၢၵ်ႇ၊ ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​ႁူၵ်း​မိုၼ်ႇ၊-</verse>
				<verse number="3">ၵူၼ်း​မိူင်း​ ဢေႇၵိပ်ႉတူႉ ဢၼ်​ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ဢၼ်​ဝႃႈ ၵူၼ်း​မိူင်း​ လီႉပူႉ ​လႂ်၊ ၵူၼ်း​မိူင်း​ သူႉၵီႉ ​လႂ်၊ ၵူၼ်း​မိူင်း​ ဢီႉသႃႇယေႃးပီႉ ​လႂ် ၸိူဝ်း​ၼၼ်ႉ ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ၊-</verse>
				<verse number="4">တိုၵ်း​ဢဝ်​ဝဵင်း​ဢၼ်​မၼ်ႈ​ၶိူင်ႇ ဢၼ်​မီး​ၵႃႈ​ၼႂ်း​မိူင်း​ ယူႉတႃႉ ​ၸိူဝ်း​ၼၼ်ႉ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။</verse>
				<verse number="5">မိူဝ်ႈ​ၼၼ်ႉ​ပရေႃးၽႅတ်ႈ​ သေႇမႃႇယႃႉ မႃး​ၸူး​ၵႃႈ​တီႈ​ ရူဝ်းပုမ်ႇ ဢိၵ်ႇ​တင်း​ၶုၼ်​ ယူႉတႃႉ ​တင်း​လၢႆ ဢၼ်​ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ ယေႇရူႉသလႅမ်ႇ ၵွပ်ႈ​ပိူဝ်ႈ​ သီႉသၵ်ႉ ​ၸိူဝ်း​ၼၼ်ႉ​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​သူ​ၸုၼ်ႉ​ပႅတ်ႈ​ၵဝ်​လႄႈ၊ ၵဝ်​ဢဝ်​သူ​ဢၢပ်ႈ​ပၼ်​ၵႃႈ​ၼႂ်း​မိုဝ်း​ သီႉသၵ်ႉ ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ၶုၼ်​ႁေႃ​ၶမ်း​ဢိၵ်ႇ​တင်း ၶုၼ်​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​လႄႈ​ဝႃႈ၊ ထႃႇဝရႃႉ​ၽြႃး​သိုဝ်ႈ​တေႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မိူဝ်ႈ​ၼၼ်ႉ​ထႃႇဝရႃႉ​ၽြႃး​ႁၼ်​လွင်ႈ​ဢၼ် ၶဝ်​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ သေႇမႃႇယႃႉ ​လႄႈ​ဝႃႈ၊ ၶဝ်​ၼၼ်ႉ​ဢွၼ်​ၵၼ်​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ယဝ်ႉ။ ပိူဝ်ႈ​ဢၼ်​ပဵၼ်​ၼင်ႇ​ၼၼ်​လႄႈ ၵဝ်​တၵ်း​ဢမ်ႇ​ယႃႉ​ၶဝ်​ပႅတ်ႈ၊ ၵဝ်​တၵ်း​ပၼ်​ၵတ်း​ယဵၼ်​ၶျၢမ်း​သႃႇ​ဢိတ်း​ဢွၼ်ႇ​ၼိုင်ႈ​ဢေႃႈ။ ၵဝ်​တၵ်း​ဢမ်ႇ​ဢဝ်​တင်း​မိုဝ်း​ သီႉသၵ်ႉ ဢဝ်​တၢင်း​ၸႂ်​မႆႈ​ၶႆႈ​ၸႃႉ​ၵဝ် သွၼ်း​လေႃႇ​ၵႃႈ​ၼိူဝ်​ဝဵင်း​ ယေႇရူႉသလႅမ်ႇ ။-</verse>
				<verse number="8">ၼႂ်း​ဝႃႈ​ၼၼ်​သေ​ၵေႃႈ ၶဝ်​တၵ်း​လႆႈ​ဢွၼ်​ၵၼ်​ၶၢမ်ႇ​ႁဵတ်း​ၶႃႈ​တီႈ​မၼ်း ႁႂ်ႈ​ၶဝ်​လႆႈ​ႁူႉ​ၸႅင်ႈ​လွင်ႈ​တၢင်း​ဢၼ်​ၵိုတ်ႉ​ႁၢပ်ႇ​ဢမူႉ​ၵဝ် ဢိၵ်ႇ​တင်း တၢင်း​ဢၼ်​ၵိုတ်ႉ​ႁၢပ်ႇ​ဢမူႉ​တီႈ​ၶုၼ်​ႁေႃ​ၶမ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">သီႉသၵ်ႉ ​ၶုၼ်​ႁေႃ​ၶမ်း​ ဢေႇၵိပ်ႉတူႉ ​ၼၼ်ႉ ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​လႄႈ သိမ်း​ဢဝ်​ဢုၵ်ႉ​ၸႃႇ​ၽၼ်ႇတႃႇ ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ဢုၵ်ႉ​ၸႃႇ​ၽၼ်ႇတႃႇ​ႁေႃ​ၸဝ်ႈ​လႄႈ ဢဝ်​ၵႃႈ​မီး​တင်း​သဵင်ႈ​တင်း​လူင်​ၵႂႃႇ​ဢေႃႈ။ ၶိူင်ႈ​ႁႄႉ​လၢၵ်ႈ​ၼၢၵ်ႈ​ၶမ်း​ဢၼ်​ သေႃးလမုၼ်ႇ ​ႁဵတ်း​ၵႃႈ​မီး​ၼၼ်ႉ​ၵေႃႈ​ဢဝ်​ၵႂႃႇ​ဢေႃႈ။-</verse>
				<verse number="10">ၶုၼ်​လူင်​ ရူဝ်းပုမ်ႇ ​ၼၼ်ႉ ႁဵတ်း​ၶိူင်ႈ​ႁႄႉ​လၢၵ်ႈ​ၼၢၵ်ႈ​တွင်း​လိူင်​တၢင်​တူဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​ၶမ်း​ၸိူဝ်း​ၼၼ်ႉ​လႄႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် ပဵၼ်​ငဝ်ႈ​ပဵၼ်​ႁူဝ်​ၵူဝ်ႇ​ရမ်ႇ​ဢွၼ်ႇ​ၸၢႆး ဢၼ်​ပႂ်ႉ​ၽၵ်း​တူ​ႁေႃ​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="11">ယၢမ်း​မိူဝ်ႈ​ဢၼ်​ၶုၼ်​ႁေႃ​ၶမ်း​ဢွၵ်ႇ​ၸူး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ ၵူၼ်း​ၵူဝ်ႇ​ရမ်ႇ​ဢွၼ်​ၸၢႆး​ၸဝ်ႈ​တင်း​လၢႆ ဢွၼ်​ၵၼ်​ပႃး​ဢဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​ၸိူဝ်း​ၼၼ်ႉ​လႄႈ၊ လိုၼ်း​ၼၼ်ႉ​သမ်ႉ​ဢွၼ်​ၵၼ်​ၶိုၼ်း​ဝႆႉ​ၵႃႈ​တီႈ​လုၵ်း တီႈ​ဢၼ်​ၶဝ်​ပႂ်ႉ​ၼၼ်ႉ​ဢေႃႈ။-</verse>
				<verse number="12">ၼင်ႇ​ၼၼ်​လႄႈ မိူဝ်ႈ​ဢၼ်​မၼ်း​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ၼၼ်ႉ​ၸိုင် ထႃႇဝရႃႉ​ၽြႃး​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဝႄႈ​ပိူင်ႈ​သေ​ၵႃႈ​တီႈ​မၼ်း ႁႂ်ႈ​မၼ်း​ၸဝ်ႈ​ဢမ်ႇ​လႆႈ​ယႃႉ​မၼ်း​ပႅတ်ႈ​မူတ်း​မူတ်း​ဢေႃႈ။ ၵႃႈ​တီႈ​မိူင်း​ ယူႉတႃႉ ​ၼၼ်ႉ ယင်း​မီး​ဢၼ်​ႁဵတ်း​လီ​ႁဵတ်း​ငၢမ်း​ယူႇ​ဢေႃႈ။</verse>
				<verse number="13">ၼင်ႇ​ၼၼ်​လႄႈ​ၶုၼ်​လူင်​ ရူဝ်းပုမ်ႇ ​ၼၼ်ႉ ႁႂ်ႈ​တူဝ်​ၸဝ်ႈ​ၵဝ်ႇ​မၼ်ႈ​ၶိူင်ႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​ဢေႃႈ။ ရူဝ်းပုမ်ႇ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​လႆႈ​သီႇ​သိပ်း​ပၢႆ​ဢဵတ်း​ပီႊ​လႄႈ​ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​တီႈ ဝဵင်း​ ယေႇရူႉသလႅမ်ႇ ဢၼ်​ထႃႇဝရႃႉ​ၽြႃး လိူၵ်ႈ​ၵဵပ်း​ဢဝ်​ၵႃႈ​ၼႂ်း​ၼမ်ႉ ၼႂ်း​လိၼ်​မဵဝ်း​ ဢီႉသရေႇလႃႉ ၊ ၵူႈ​မဵဝ်း​ပုၼ်ႈ​ဢၼ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​တႄႇ​ယူႇ​ၼၼ်ႉ​သိပ်း​ၸဵတ်း​ပီႊ​ဢေႃႈ။ မႄႈ​မၼ်း​ၸမ်ႉ၊ ပဵၼ်​ ၼေႇမႃႉ မဵဝ်း​ ဢမ်ႇမုၼ်ႇ ​ဢေႃႈ။-</verse>
				<verse number="14">မၼ်း​ႁဵတ်း​တူႉ​ၸရိူၵ်ႈ ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​ၶျႃး​ၸႂ်​တူဝ်​ၸဝ်ႈ​ၵဝ်ႇ ႁႂ်ႈ​လႆႈ​ႁႃ​ဢဝ်​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="15">လွင်ႈ​တၢင်း​ဢၼ်​ ရူဝ်းပုမ်ႇ ႁဵတ်း​ဢဝ်​ၸႃႉ​ၸဵမ်​ငဝ်ႈ​တေႃႇ​ပၢႆ ၸိူဝ်း​ၼၼ်ႉ​ၸိုင်၊ တႅမ်ႈ​မၢႆ​ဝႆႉ​မီး​ယူႇ​ၵႃႈ​ၼႂ်း​ၵျၢမ်း​လိၵ်ႈ​ပရေႃးၽႅတ်ႈ​ သေႇမႃႇယႃႉ ဢိၵ်ႇ​တင်း​ ဢီႉတေႃႇ ဢၼ်​ပဵၼ်​ၵေႃႉ​ဢၼ်​ႁူ​ပွင်ႇ​တႃ​လႅင်း​ၼၼ်ႉ​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​တၢင်း​ဢၼ်​ၸီႇ​ယၢင်ႇ​ႁဵတ်း​ၸရၢင်း​ၸူဝ်ႈ​လုၵ်ႈ​ပၢၼ်​လၢၼ်​ဝႆႉ​ၼၼ်ႉ​ယူႇ​ဢေႃႈ၊ ရူဝ်းပုမ်ႇ ​ဢိၵ်ႇ​တင်း ယေႇရူဝ်းပုမ်ႇ ​ၼၼ်ႉ ပဵၼ်​သိုၵ်း​ပဵၼ်​သိူဝ်​ၵၼ်​ယူႇ​သေႇ​သေႇ​ဢေႃႈ။-</verse>
				<verse number="16">ရူဝ်းပုမ်ႇ ​ၼၼ်ႉ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ တႃႇဝိတ်ႈ ​ဢေႃႈ။ ဢၽီႉယႃႉ လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="13">
				<verse number="1">ၼႂ်း​ပီႊ​ဢၼ် ၶုၼ်​လူင်​ ယေႇရူဝ်းပုမ်ႇ ​ၼင်ႈ​ႁၢင်ႈ​ၼင်ႈ​ႁေႃ​သိပ်း​ပႅတ်ႇ​ပီႊ​ၼၼ်ႉ ဢၽီႉယႃႉ ၸႃႉ​ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ ယူႉတႃႉ ​လႄႈ၊ ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သၢမ်​ပီႊ​ဢေႃႈ။-</verse>
				<verse number="2">ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ မႃႇၶႃႇ လုၵ်ႈ​ယိင်း​ ဢေႃးရေးလႃႉ ၵူၼ်း​ဝဵင်း​ ၵီႉပႃႉ ​ဢေႃႈ။ လွင်ႈ​ဢၼ်​ ဢၽီႉယႃႉ ၊ တင်း​ ယေႇရူဝ်းပုမ်ႇ ​ၼၼ်ႉ ပဵၼ်​သိုၵ်း​ပဵၼ်​သိူဝ်​ၵၼ်​ၼၼ်ႉ​ၸမ်ႉ၊-</verse>
				<verse number="3">ဢၽီႉယႃႉ ​ၼၼ်ႉ​ပႃး​ဢဝ်​ႁူဝ်​ႁၢၼ်​ၵူၼ်း​သိုၵ်း​လီ ဢၼ်​လိူၵ်ႈ​ၵဵပ်း​ဢဝ်​သီႇ​သႅၼ်​ၼၼ်ႉ​သေ​လႄႈ ယၼ်ႇ​တပ်ႉ​ၶၢင်း​တပ်ႉ​ဢေႃႈ။ ယေႇရူဝ်းပုမ်ႇ ​ၼၼ်ႉ ပႃး​ဢဝ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ၊ ဢၼ်​လိူၵ်ႈ​ၵဵပ်း​ဢဝ်​ပႅတ်ႇ​သႅၼ်​ၼၼ်ႉ ယၼ်ႇ​တပ်ႉ​ၶၢင်း​တပ်ႉ​ဢေႃႈ။-</verse>
				<verse number="4">ဢၽီႉယႃႉ ​ၸုၵ်း​ယူႇ​ၵႃႈ​ၼိူဝ်​လွႆ ၸေႇမရိမ်ႇ ​ဢၼ်​မီး​ယူႇ​ၵႃႈ​ၼိူဝ်​ႁၢၼ်ႉ​လွႆ ဢေႇၽရိမ်ႇ ​သေ​လႄႈ​ႁွင်ႉ​လၢတ်ႈ​လႄႈ​ဝႃႈ၊ ယေႇရူဝ်းပုမ်ႇ ​ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။-</verse>
				<verse number="5">သူ​ထုၵ်ႇ​လီ​ႁူႉ​ၸႅင်ႈ​မၢတ်ႈ​တွင်း​လွင်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢဝ်​ပတီႉၺိၺ်ႇ​ဢၼ်​ၸၢပ်ႈ​သႅင်ႇ​ၵၼ်​တၢင်း​ၵိူဝ် ဢဝ်​မိူင်း​ ဢီႉသရေႇလႃႉ ​ဢၢပ်ႈ​ပၼ်​တီႈ​ တႃႇဝိတ်ႈ ဢိၵ်ႇ​တင်း​လုၵ်ႈ​လၢၼ်​ၸဝ်ႈ​တင်း​လၢႆ​သေႇ​သေႇ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="6">ၵူၺ်း​ၵႃႈ​ ယေႇရူဝ်းပုမ်ႇ ​လုၵ်ႈ​ၸၢႆး​ ၼေႇပတ်ႉ ၶႃႈ​ သေႃးလမုၼ်ႇ ဢၼ်​ပဵၼ်​လုၵ်ႈ​ၸဝ်ႈ တႃႇဝိတ်ႈ ​ၼၼ်ႉ​ၼၼ်ႉ ၸုၵ်း​ယူႇ​ၽၢႆႇ​ၼိုင်ႈ​တင်း​ၸဝ်ႈ​မၼ်း​လႄႈ​ပုင်ႇ​ၵၢၼ်ႇ​ယဝ်ႉ။-</verse>
				<verse number="7">ၶဝ်​ၸိူဝ်း​ဢၼ်​ယူႇ​မဝ်​ၵိၼ်​မၢင်၊ ၵူၼ်း​ဢႃႉထမ်ႇမႃႉ​တင်း​လၢႆ​ၼၼ်ႉ ဢွၼ်​ၵၼ်​ၸူႉ​တုမ်​ၵႃႈ​တီႈ​မၼ်း​ၼၼ်ႉ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​မၼ်ႈ​ၶိူင်ႇ ယူႇ​ၽၢႆႇ​ၼိုင်ႈ​တင်း ရူဝ်းပုမ်ႇ ​လုၵ်ႈ​ၸၢႆး​ၸဝ်ႈ သေႃးလမုၼ်ႇ ၼႂ်း​မိူဝ်ႈ​ဢၼ်​ ရူဝ်းပုမ်ႇ ဢသၢၵ်ႈ​ယင်း​လဵၵ်ႉ​ယင်း​ၼုမ်ႇ၊ သၽေႃး​ယင်း​ဢူၼ်ႈ​ယင်း​ဢွၼ်ႇ​လႄႈ ဢမ်ႇ​ႁၢမ်ႈ​တၢပ်ႈ​ႁႄႉ​ၶႅၼ်​လႆႈ​ၼၼ်ႉ​ဢေႃႈ။-</verse>
				<verse number="8">မိူဝ်ႈ​လဵဝ်​ၼႆႉ​ၵေႃႈ သူ​ဢွၼ်​ၵၼ်​ၵျၢမ်ႇ​ပွင် တၵ်း​ႁၢမ်ႈ​တၢပ်ႈ​ႁႄႉ​ၶႅၼ်​သိုင်ႇ​ၸိုင်ႈ​ဝၢၼ်ႈ​မိူင်း​ထႃႇဝရႃႉ​ၽြႃး ဢၼ်​မီး​ၵႃႈ​တီႈ​မိုဝ်း​လုၵ်ႈ​လၢၼ်​ တႃႇဝိတ်ႈ ​ၼၼ်ႉ​လူင်​ပႄႇ၊ သူ​ပဵၼ်​မုၵ်ႉ​လူင်​ၸိူဝ်း​လူင်​သေ​လႄႈ မီး​ဝူဝ်း​ၶမ်း​ဢွၼ်ႇ ဢၼ်​ ယေႇရူဝ်းပုမ်ႇ ​ႁဵတ်း​ဝႆႉ ႁႂ်ႈ​ပဵၼ်​ၽြႃး​ပုၼ်ႈ​သူ​ၼၼ်ႉ​သေ​ဢေႃႈ။-</verse>
				<verse number="9">သူ​ဢွၼ်​ၵၼ်​ႁေႃႈ​ယိတ်ႈပရေႃးႁဵၵ်ႈ​ထႃႇဝရႃႉ​ၽြႃး ဢၼ်​ဝႃႈ​ၵူၼ်း​မဵဝ်း​ ဢႃႇရုၼ်ႇ တင်း​ၵူၼ်း​မဵဝ်း​ လေႇဝီႉ ​တင်း​လၢႆ​ဢွၵ်ႇ​ပႅတ်ႈ​လႄႈ​ႁဵတ်း​ယိတ်ႈပရေႃးႁဵၵ်ႈ​တင်း​လၢႆ​ပုၼ်ႈ​သူ​ၸွမ်း​ၵႃႈ​ၼင်ႇ​ဢၼ်​ထုင်း​ၸၢမ်ႇ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​မီး​ၼၼ်ႉ​ယဝ်ႉ​ဢမ်ႇ​ၸႂ်ႈ​ႁိုဝ်။ မႅၼ်ႈ​ၼင်ႇ​ဢၼ်​ၼၼ်ႉ​လႄႈ၊ ၵေႃႉ​ဢၼ်​ပႃး​ဢဝ်​ဝူဝ်း​ဢွၼ်ႇ​တူဝ်​ၼိုင်ႈ ဢိၵ်ႇ​တင်း​သူဝ်း​ၸဵတ်း​တူဝ်​သေ​လႄႈ မႃး​ႁႂ်ႈ​လႆႈ​ၶၢမ်ႇ​ဢဝ်​တၢင်း​ဢၼ်​ၶၢၼ်း​ဝႆႉ​ၵႃႈ​ၼႂ်း​ဢရႃႇ​ယိတ်ႈပရေႃးႁဵၵ်ႈ​ၼၼ်ႉ​လႆႈ​ႁဵတ်း​ယိတ်ႈပရေႃးႁဵၵ်ႈ တီႈ​ၶဝ်​ၸိူဝ်း​ဢၼ်​ဢမ်ႇ​ၸႂ်ႈ​ၽြႃး​ၼၼ်ႉ​ယဝ်ႉ​လူင်​ပႄႇ။-</verse>
				<verse number="10">ႁဝ်း​ၸမ်ႉ၊ ထႃႇဝရႃႉ​ၽြႃး​ပဵၼ် ၽြႃး​ပဵၼ်​ၸဝ်ႈ​ႁဝ်း​လႄႈ ႁဝ်း​ဢမ်ႇ​ၸုၼ်ႉ​ပႅတ်ႈ​မၼ်း​ၸဝ်ႈ ႁဝ်း​မီး​ယိတ်ႈပရေႃးႁဵၵ်ႈ ဢၼ်​ၵိုတ်ႉ​ႁၢပ်ႇ​ဢမူႉ​ထႃႇဝရႃႉ​ၽြႃး ဢၼ်​ပဵၼ်​မဵဝ်း​ ဢႃႇရုၼ်ႇ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ဢၼ်​ပႂ်ႉ​ဢမူႉ​ၶဝ်​ယူႇ​ၸိူဝ်း​ၼၼ်ႉ​ဢေႃႈ။-</verse>
				<verse number="11">ၶဝ်​ဢွၼ်​ၵၼ်​ဢဝ်​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ၼၢမ်ႇ​သႃႇ​တုတ်ႇ​ၽႆး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵူႈ​ႁူဝ်​ၼႂ်​ၵူႈ​ႁူဝ်​ၶမ်ႈ​ဢေႃႈ။ ၶဝ်​ဢွၼ်​ၵၼ်​ပွင်​မႄး​ပွင်​ႁႅၼ်း​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ ဝႆႉ​ၵႃႈ​ၼိူဝ်​ၶူင်ႇ​တီႈ​ၵိၼ်​ဢၼ်​မူတ်း​ၸၢင်ႇ ဢိၵ်ႇ​တင်း​ၶူင်ႇ​တီႈ​တႆႈ​ၽႆး တင်း​ဝၢၼ်ႇ​တႆႈ​ၽႆး ပုၼ်ႈ​ဢၼ်​တၵ်း​တႆႈ​ၵူႈ​ႁူဝ်​ၶမ်ႈ​ဢေႃႈ။ ႁဝ်း​ဢွၼ်​ၵၼ်​ပႂ်ႉ​ဢမူႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ဢေႃႈ သူ​ၸမ်ႉ​ဢွၼ်​ၵၼ်​ၸုၼ်ႉ​ပႅတ်ႈ​မၼ်း​ၸဝ်ႈ​ယဝ်ႉ။-</verse>
				<verse number="12">တူဝ်​ၽြႃး​ပဵၼ်​ၸဝ်ႈ​ၼၼ်ႉ​မီး​ယူႇ​လူၺ်ႈ​ၵၼ်​တင်း​ႁဝ်း​လႄႈ ပဵၼ်​ငဝ်ႈ​ပဵၼ်​ႁူဝ်​ႁဝ်း​ယူႇ​ဢေႃႈ ယိတ်ႈပရေႃးႁဵၵ်ႈ​မၼ်း​ၸဝ်ႈ​တင်း​လၢႆ​ၵေႃႈ ပႃး​ဢဝ်​တင်း​ၼႄးၶရႃႇ​ပုၼ်ႈ​ဢၼ်​တၵ်း​တိုၵ်း​ယူင်း​ၸိူဝ်း​ၼၼ်ႉ​သေ​လႄႈ မီး​ယူႇ​လူၺ်ႈ​ၵၼ်​တင်း​ႁဝ်း​ႁႂ်ႈ​လႆႈ​ပဝ်ႇ​တိုင်ႈ​သေ​လႄႈ တိုၵ်း​ယူင်း​ယူႇ​ၽၢႆႇ​ၼိုင်ႈ​တင်း​သူ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​ၶဝ်​ဢိူၺ်း၊ ယႃႇ​ပေ​ဢွၼ်​ၵၼ်​ယူႇ​ၽၢႆႇ​ၼိုင်ႈ​သေ​လႄႈ​တိုၵ်း​တေႃး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​သူ​မွၼ်ႇ​သူ​ပေႃး​တိုၵ်း​ၸိုင် သူ​တၵ်း​ဢမ်ႇ​လႆႈ​လီ​လႆႈ​ပဵၼ်​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ယေႇရူဝ်းပုမ်ႇ ​ၼၼ်ႉ ဝႆႉ​တပ်ႉ​သိုၵ်း​မူၵ်း​ၵႃႈ​တီႈ​ၽၢႆႇ​တၢင်း​လင်​ၵူၼ်း​မဵဝ်း​ ယူႉတႃႉ ​တင်း​လၢႆ​လႄႈ၊ ၶဝ်ႈ​ယူႇ​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ယူႉတႃႉ ​တင်း​လၢႆ​ယူႇ​သေ​လႄႈ၊ တပ်ႉ​သိုၵ်း​မူၵ်း​ၶဝ်​ၼၼ်ႉ​ယူႇ​ၵႃႈ​တီႈ​ၽၢႆႇ​တၢင်း​လင်​ဢေႃႈ။-</verse>
				<verse number="14">မိူဝ်ႈ​ဢၼ်​ၵူၼ်း​မဵဝ်း​ ယူႉတႃႉ ​တင်း​လၢႆ​ဝၢႆႇ​တူၺ်း​ၶိုၼ်း​ၼၼ်ႉ​ၸိုင် ၶဝ်​ႁၼ်​လွင်ႈ​ဢၼ်​ဢမူႉ​သိုၵ်း​မီး​ၵႃႈ​တီႈ​ၽၢႆႇ​ၼႃႈ​ဢိၵ်ႇ​တင်း​ၵႃႈ​တီႈ​ၽၢႆႇ​လင်​ၶဝ်​ၼၼ်ႉ​လႄႈ ႁွင်ႉ​ႁႃ​ထႃႇဝရႃႉ​ၽြႃး​လႄႈ ယိတ်ႈပရေႃးႁဵၵ်ႈ​တင်း​လၢႆ​ၵေႃႈ​ဢွၼ်​ၵၼ်​ပဝ်ႇ​တိုင်ႈ​ၼႄးၶရႃႇ​ဢေႃႈ။-</verse>
				<verse number="15">ၵမ်း​ၼၼ်ႉ​ၵူၼ်း​မဵဝ်း​ ယူႉတႃႉ ​တင်း​လၢႆ ဢွၼ်​ၵၼ်​ႁွင်ႉ​သႅၼ်ႇ​လႄႈ ၼႂ်း​မိူဝ်ႈ​ဢၼ်​ၵူၼ်း​မဵဝ်း​ ယူႉတႃႉ ​ၸိူဝ်း​ၼၼ်ႉ​ႁွင်ႉ​သႅၼ်ႇ​ယူႇ​ၼၼ်ႉ၊ ၽြႃး​ပဵၼ်​ၸဝ်ႈ​ပၼ်​တၢမ်ႇ​တီႈ​ ယေႇရူဝ်းပုမ်ႇ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ၵႃႈ​တီႈ​ၽၢႆႇ​ၼႃႈ ဢၽီႉယႃႉ တင်း​ၵူၼ်း​မဵဝ်း​ ယူႉတႃႉ ​တင်း​လၢႆ​သေ​ယဝ်ႉ၊-</verse>
				<verse number="16">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ပၢႆႈ​သေ ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ယူႉတႃႉ ​တင်း​လၢႆ​လႄႈ ၽြႃး​ပဵၼ်​ၸဝ်ႈ​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၼၼ်ႉ​ဢေႃႈ။-</verse>
				<verse number="17">ဢၽီႉယႃႉ ဢိၵ်ႇ​တင်း​ၵူၼ်း​မၼ်း​တင်း​လၢႆ ဢွၼ်​ၵၼ်​ႁဵတ်း​တၢင်း​ဢၼ်​ၶႃႈ​ၽၼ်း​ဢဝ်​တၢႆ​ဢၼ်​ယႂ်ႇ​ၼႃႇ​လူင်​လၢင် ဢဝ်​ၶဝ်​တၢႆ​လႄႈ​ၵူၼ်း​မဵဝ်း​ ဢီႉသရေႇလႃႉ ဢၼ်​လိူၵ်ႈ​ၵဵပ်း​ဢဝ်​ၼၼ်ႉ​လူမ်ႉ​တၢႆ​ႁႃႈ​သႅၼ်​ဢေႃႈ။-</verse>
				<verse number="18">ၼင်ႇ​ၼၼ်​လႄႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ တူၵ်း​သုမ်း​မိူဝ်ႈ​ၼၼ်ႉ​လႄႈ၊ ၵူၼ်း​မဵဝ်း​ ယူႉတႃႉ ​တင်း​လၢႆ ဢွၼ်​ၵၼ်​ပႄႉ​ၼႅင်ႇ ၵွပ်ႈ​ပိူဝ်ႈ​ဢၼ်​ၶဝ်​သွၼ်ႈ​ပိုင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ၶဝ်​မွၼ်ႇ​ၶဝ်​ၼၼ်ႉ​ဢေႃႈ။-</verse>
				<verse number="19">ဢၽီႉယႃႉ လိုပ်ႈ​ၸွမ်း​လမ်း​ၸွမ်း ယေႇရူဝ်းပုမ်ႇ ​လႄႈ ၼုၵ်ႈ​ဢဝ်​ဝဵင်း​ ပေႇသလႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ဝဵင်း​ ယေႇသၼႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ ဢေႇၽရိမ်ႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ သေ​ၵႃႈ​ၼႂ်း​မိုဝ်း​မၼ်း​ဢေႃႈ။-</verse>
				<verse number="20">ၸူဝ်ႈ​ပၢၼ်​ ဢၽီႉယႃႉ ​ၼၼ်ႉ၊ ယေႇရူဝ်းပုမ်ႇ ​ၼၼ်ႉ ဢမ်ႇ​လႆႈ​ၶိုၼ်း​လႆႈ​ႁႅင်း​မီး​ႁႅင်း။ ထႃႇဝရႃႉ​ၽြႃး​ပၼ်​တၢမ်ႇ​တီႈ​မၼ်း​လႄႈ မၼ်း​တၢႆ​သေ​ဢေႃႈ။-</verse>
				<verse number="21">ဢၽီႉယႃႉ ​ၸမ်ႉ၊ ႁႅင်း​ယႂ်ႇ​ၽေႈ​တူဝ်း​တွၼ်း​မႃး​ဢေႃႈ။ မၼ်း​ဢဝ်​မေး​သိပ်း​သီႇ​ၵေႃႉ​လႄႈ လႆႈ​လုၵ်ႈ​ၸၢႆး​သၢဝ်း​သွင်​ၵေႃႉ တင်း​လုၵ်ႈ​ယိင်း​သိပ်း​ႁူၵ်း​ၵေႃႉ​ဢေႃႈ။-</verse>
				<verse number="22">လွင်ႈ​တၢင်း​ ဢၽီႉယႃႉ ဢၼ်​ယင်း​ၵိုတ်း​ယင်း​ၵျၢၼ်ႇ၊ သဵၼ်ႈ​တၢင်း​ဢၼ်​မၼ်း​ၸွမ်း​တင်း​လၢႆ၊ ၵႂၢမ်း​ဢၼ်​မၼ်း​လၢတ်ႈ​ၼၼ်ႉ​ၸိူဝ်း​ၼၼ်ႉ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​လိၵ်ႈ ဢၼ်​ပရေႃးၽႅတ်ႈ​ ဢီႉတေႃႇ ​ၸီႇ​ယၢင်ႇ​သိုပ်ႇ​သႂ်ႇ​ဝႆႉ​တီႈ​ရႃႇၸဝၢင်ႇ​ၼၼ်ႉ​ယူႇ​ဢေႃႈ။</verse>
			</chapter>
			<chapter number="14">
				<verse number="1">ဢၽီႉယႃႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မၼ်း​မွၼ်ႇ​မၼ်း​ၸိူဝ်း​ၼၼ်ႉ​လႄႈ ၶဝ်​ဢဝ်​မၼ်း​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ တႃႇဝိတ်ႈ ​ဢေႃႈ။ ဢႃႇသႃႉ ​လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​လႄႈ၊ ၼႂ်း​ၸူဝ်ႈ​ပၢၼ်​မၼ်း​ၼၼ်ႉ မိူင်း​ၸဝ်ႈ​တဵတ်ႇ​လီ​ၼိမ်​လီ​သိပ်း​ပီႊ​တဵမ်​တဵမ်​ဢေႃႈ။-</verse>
				<verse number="2">ဢႃႇသႃႉ ​ၼၼ်ႉ​ႁဵတ်း​လွင်ႈ​တၢင်း​ဢၼ်​လီ​ဢၼ်​ငၢမ်း၊ လွင်ႈ​တၢင်း​ဢၼ်​သိုဝ်ႈ​ဢၼ်​တေႃႇ သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​ဢေႃႈ။-</verse>
				<verse number="3">မၼ်း​ယႃႉ​ၽဵဝ်ႈ​ယိတ်ႈပလၢင်ႇ​ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢိၵ်ႇ​တင်း​ထႃႇၼႃႉ​တီႈ​သုင်​တင်း​လၢႆ​ပႅတ်ႈ​ဢေႃႈ။ မၼ်း​ၵိူၼ်ႇ​ယႃႉ​သဝ်​တီႈ​ၵူဝ်း​ၵႂၢႆႇ​ပႅတ်ႈ​လႄႈ ပမ်ႈ​တူၼ်ႈ​ ဢႃႇသရႃႉ ​တင်း​လၢႆ​လူမ်ႉ​ပႅတ်ႈ​ဢေႃႈ။-</verse>
				<verse number="4">မၼ်း​မီး​ဢမိင်ႉ​ႁႂ်ႈ​ၵူၼ်း​မဵဝ်း​ ယူႉတႃႉ ​တင်း​လၢႆ ဢွၼ်​ၵၼ်​ႁႃ​ဢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ၶဝ်​မွၼ်ႇ​ၶဝ်​လႄႈ ပႂ်ႉ​ၵမ်​ပႂ်ႉ​ၸွမ်း​တြႃး​ၸဝ်ႈ​ဢိၵ်ႇ​တင်း​ပိင်း​ၺၢပ်ႈ​ၸဝ်ႈ​ဢေႃႈ။-</verse>
				<verse number="5">မၼ်း​ပႄႇ​ၽဵဝ်ႈ​ထႃႇၼႃႉ​တီႈ​သုင် ဢိၵ်ႇ​တင်း​ရုၵ်ႈ​ထူႉ​ၵၢင်​ဝၼ်း​တင်း​လၢႆ​ပႅတ်ႈ​သေ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ ယူႉတႃႉ ​ၸိူဝ်း​ၼၼ်ႉ​လႄႈ ဢမူႉ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ မီး​တၢင်း​ဢၼ်​တဵတ်ႇ​လီ​ၼိမ်​လီ​ဝႆႉ ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="6">မိူဝ်ႈ​ၼၼ်ႉ​မၼ်း​တႄႇ​ႁဵတ်း​ဝဵင်း​ဢၼ်​မၼ်ႈ​ၶိူင်ႇ​ၵႃႈ​ၼႂ်း​မိူင်း​ ယူႉတႃႉ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ပၼ်​ဢၶႂၢင်ႉ​ဢၼ်​လႆႈ​ၵတ်း​ယဵၼ်​ၶျၢမ်း​သႃႇ​တီႈ​မၼ်း​လႄႈ၊ မိူင်း​ၸဝ်ႈ​တဵတ်ႇ​လီ​ၼိမ်​လီ​လႄႈ ၵၢင်း​လွတ်ႈ​တင်း​ဢမူႉ​တၢင်း​ဢၼ်​တိုၵ်း​သိုၵ်း​ၼၼ်ႉ​ဢေႃႈ။</verse>
				<verse number="7">လွင်ႈ​မၼ်း​ၸမ်ႉ မၼ်း​မီး​ဢမိင်ႉ​တီႈ​ၵူၼ်း​မဵဝ်း​ ယူႉတႃႉ ​တင်း​လၢႆ​လႄႈ​ဝႃႈ၊ ဢွၼ်​ၵၼ်​ပွင်​ႁဵတ်း​ပွင်​မႄး ဝဵင်း​ဢၼ်​ၸိူဝ်ႉ​ၼင်ႇ​ၼႆ​ၼၼ်ႉ​လႄႈ ႁဵတ်း​လမ်း​ဝဵင်း၊ လၢင်း​ၸီး၊ ၽၵ်း​တူ တင်း​ၵိူၼ်ႇ​ၽၵ်း​တူ​တင်း​လၢႆ​တႃႉ​ႁဝ်း။ မိူင်း​ၸဝ်ႈ​ယင်း​မီး​ယူႇ​တႂ်ႈ​မိုဝ်း​ႁဝ်း ၵွပ်ႈ​ပိူဝ်ႈ​ဢၼ်​ႁဝ်း​ၵျူဝ်း​ၸႃး​ႁႃ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​ဢေႃႈ။ ႁဝ်း​ၵျူဝ်း​ၸႃး​ႁႃ​မၼ်း​ၸဝ်ႈ​လႄႈ မၼ်း​ၸဝ်ႈ​ပၼ်​ဢၶႂၢင်ႉ​ဢၼ်​လႆႈ​တဵတ်ႇ​လီ​ၼိမ်​လီ​ၵူႈ​ၽၢႆႇ​ၵူႈ​ပႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ ၼင်ႇ​ၼၼ်​လႄႈ​ၶဝ်​ဢွၼ်​ၵၼ်​ပွင်​ႁဵတ်း​ပွင်​မႄး​လႄႈ ႁဵတ်း​လႆႈ​ပဵၼ်​လႆႈ​ဢေႃႈ။-</verse>
				<verse number="8">ဢႃႇသႃႉ ​ၼၼ်ႉ​မီး​ႁူဝ်​ႁၢၼ်​ၵူၼ်း​သိုၵ်း​မဵဝ်း​ ယူႉတႃႉ ​ဢၼ်​ယိပ်း​ၵမ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​လူင်​လႂ် တင်း​ႁွၵ်ႇ​လႂ်​ၼၼ်ႉ သၢမ်​သႅၼ်၊ ႁူဝ်​ႁၢၼ်​ၵူၼ်း​သိုၵ်း​မဵဝ်း​ ပိၼ်ႇယႃႇမိၼ်ႇ ဢၼ်​ယိပ်း​ၵမ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢွၼ်ႇ​လႂ် တင်း​ၵၢင်ႇ​လႂ်​ၼၼ်ႉ သွင်​သႅၼ်​ပၢႆ​ပႅတ်ႇ​မိုၼ်ႇ​လႄႈ ၶဝ်​တင်း​သဵင်ႈ​တင်း​လူင် ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ဢေႃႈ။-</verse>
				<verse number="9">ၽဝ်ႇ​ၼိုင်ႈ ၸေးရႃႉ ၶုၼ်​မိူင်း​ ၵူႉသႃႉ ​ၼၼ်ႉ ၶီႇ​ဢဝ်​ဢိၵ်ႇ​လူၺ်ႈ​ၵၼ်​တင်း​ႁူဝ်​ႁၢၼ်​ၵူၼ်း​သိုၵ်း​လၢၼ်ႉ​ၼိုင်ႈ တင်း​လေႃႉရထႃး​သၢမ်​ပၢၵ်ႇ​မႃး​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ မရေးသႃႉ ​သေ​ယဝ်ႉ၊-</verse>
				<verse number="10">ဢႃႇသႃႉ ​ဢွၵ်ႇ​ႁႂ်ႈ​လႆႈ​ႁႄႉ​ႁပ်ႉ​တိုၵ်း​လႄႈ ၶဝ်​ယၼ်ႇ​တပ်ႉ​ၶၢင်း​တပ်ႉ​ၶဝ်ႈ​ၸူး​ၵၼ်​ၵႃႈ​တီႈ​ပၢင်ႇ​ႁူၺ်ႈ ၸေႇၽသႃႉ ၵႃႈ​ႁိမ်း​ဝဵင်း​ မရေးသႃႉ ​ၼၼ်ႉ​ဢေႃႈ။-</verse>
				<verse number="11">ဢႃႇသႃႉ သႅၼ်ႇ​ႁွင်ႉ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ လိူဝ်​သေ​ၸဝ်ႈ​ႁဝ်း​ၼႆႉ​ဢမ်ႇ​မီး​ၽူႈ​လႂ်​ဢၼ်​ၸွႆႈ​ထႅမ်​မႃႉ​ၸႃႉ ၵႃႈ​တီႈ​ၵႄႈ​ဝူင်ႈ​ၵၢင်​ၵေႃႉ​ဢၼ်​ႁႅင်း​ယႂ်ႇ ဢိၵ်ႇ​တင်း​ၵေႃႉ​ဢၼ်​ႁႅင်း​လဵၵ်ႉ​ၼၼ်ႉ​လႆႈ​လႃး​လႃး​တီႈ​ၶႃႈ။ ထႃႇဝရႃႉ​ၽြႃး​ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ၶႅၼ်း​တေႃႈ​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​သွၼ်ႈ​ပိုင်ႈ​ၸဝ်ႈ​ႁဝ်း​လႄႈ ဢွၼ်​ၵၼ်​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ ၶီႇ​သိုၵ်း​ႁႂ်ႈ​လႆႈ​တိုၵ်း​မုၵ်ႉ​လူင်​ၸိူဝ်း​လူင်​ၼႆႉ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။ ယႃႇ​ပေ​ႁႂ်ႈ​ၵူၼ်း​မီး​ဢၶႂၢင်ႉ​ဢၼ်​လႆႈ​ပႄႉ​ၼႅင်ႇ​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊</verse>
				<verse number="12">ထႃႇဝရႃႉ​ၽြႃး​ပၼ်​တၢမ်ႇ​တီႈ​ၵူၼ်း​ ၵူႉသႃႉ ​တင်း​လၢႆ ၵႃႈ​တီႈ​ၽၢႆႇ​ၼႃႈ​ ဢႃႇသႃႉ ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ​တင်း​လၢႆ​လႄႈ၊ ၵူၼ်း​ ၵူႉသႃႉ ​ၸိူဝ်း​ၼၼ်ႉ​ဢွၼ်​ၵၼ်​ဢွၵ်ႇ​ပၢႆႈ​ဢေႃႈ။-</verse>
				<verse number="13">ဢႃႇသႃႉ ဢိၵ်ႇ​တင်း​ၵူၼ်း​ဢၼ်​ပႃး​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ ဢွၼ်​ၵၼ်​လိုပ်ႈ​ၸွမ်း​လမ်း​ၸွမ်း​တေႃႇ​ထိုင်​ႁွတ်ႈ​ဝဵင်း​ ၵေႇရႃႇ ​သေ​ယဝ်ႉ၊ ၵူၼ်း​ ၵူႉသႃႉ ​ၸိူဝ်း​ၼၼ်ႉ တူၵ်း​သုမ်း​ထၼ်ႈ​ပေႃး ၶဝ်​ဢမ်ႇ​ႁတ်း​ၶိုၼ်း​ႁပ်ႉ​ၶၢမ်ႇ​တိုၵ်း​တေႃး​ၶဝ်​လႆႈ​ဢေႃႈ။ လွင်ႈ​မၼ်း​ၸမ်ႉ ၶဝ်​လႆႈ​ၶၢမ်ႇ​တၢင်း​ဢၼ်​ယႃႉ​ပႅတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဢိၵ်ႇ​တင်း​ပူဝ်ႇ​ပႃႇ​ၸဝ်ႈ​တင်း​လၢႆ​ဢေႃႈ။ ၶဝ်​ဢွၼ်​ၵၼ်​သိမ်း​ဢဝ်​ဢုၵ်ႉ​ၸႃႇ​ဢၼ်​ႁိမ်​ႁူင်ႇ​လႆႈ​ၼၼ်ႉ​ၼမ်​ၼႃႇ​မႃး​ဢေႃႈ။-</verse>
				<verse number="14">ၶဝ်​တိုၵ်း​တေႃး​ယႃႉ​ပႅတ်ႈ​ဝဵင်း​ၵႃႈ​ဢၼ်​မီး​လဵပ်ႈ​ႁွပ်ႈ ဝဵင်း​ ၵေႇရႃႇ ​ၸိူဝ်း​ၼၼ်ႉ၊ ၵွပ်ႈ​ပိူဝ်ႈ​တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး ႁွတ်ႈ​ထိုင်​ၵႃႈ​ၼိူဝ်​ၶဝ်​ၼၼ်ႉ​ၼၼ်ႉ​ဢေႃႈ။ ၼင်ႇ​ၼၼ်​လႄႈ ၶဝ်​ယႃႉ​ဝဵင်း​ၵႃႈ​မီး​ၼၼ်ႉ​ပႅတ်ႈ ၵွပ်ႈ​ပိူဝ်ႈ​ဢၼ်​ၽၼ်ႇတႃႇ​ဢုၵ်ႉ​ၸႃႇ​ဢၼ်​ႁိမ်​ႁူင်ႇ​လႆႈ​ၼၼ်ႉ မီး​ယႂ်ႇ​မီး​ၼမ် ၵႃႈ​ၼႂ်း​ၸိူဝ်း​ၼၼ်ႉ​ဢေႃႈ။-</verse>
				<verse number="15">ၶွၵ်ႈ​တရိၵ်ႈသၢၼ်ႇ​တင်း​လၢႆ​ၵေႃႈ ၶဝ်​ဢွၼ်​ၵၼ်​ယႃႉ​ပႅတ်ႈ​သေ​လႄႈ သိမ်း​ဢဝ်​သူဝ်း​ဢိၵ်ႇ​တင်း​ၵလႃးဢုၵ်ႉ​ၼမ်​ၼႃႇ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။</verse>
			</chapter>
			<chapter number="15">
				<verse number="1">ဝီႉၺိၺ်ႇ​ၽြႃး​ပဵၼ်​ၸဝ်ႈ​တူၵ်း​ႁွတ်ႈ​ၵႃႈ​ၼိူဝ်​ ဢႃႇၸရီႉ လုၵ်ႈ​ၸၢႆး​ ဢူဝ်းတိတ်ႉ ​လႄႈ၊-</verse>
				<verse number="2">မၼ်း​ၼၼ်ႉ​ဢွၵ်ႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​ ဢႃႇသႃႉ ​လႄႈ လဝ်ႊ​လၢတ်ႈ​လႄႈ​ဝႃႈ၊ ၶုၼ်​ ဢႃႇသႃႉ ​ဢိၵ်ႇ​တင်း​ၵူၼ်း​မဵဝ်း​ ယူႉတႃႉ တင်း​ၵူၼ်း​မဵဝ်း​ ပိၼ်ႇယႃႇမိၼ်ႇ တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၵဝ်​တႃႉ။ ထႃႇဝရႃႉ​ၽြႃး​တၵ်း​မီး​ယူႇ​လူၺ်ႈ​ၵၼ်​တင်း​သူ​ၼႂ်း​မိူဝ်ႈ​ဢၼ်​သူ​ယင်း​တိုၵ်ႉ​မီး​ယူႇ​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​ဢေႃႈ။ ပေႃး​သူ​ႁႃ​မၼ်း​ၸဝ်ႈ​ၸိုင်၊ မၼ်း​ၸဝ်ႈ​တၵ်း​ၶၢမ်ႇ​တၢင်း​ဢၼ်​သူ​ထူပ်း​ဢေႃႈ။ ပေႃး​သူ​ၸုၼ်ႉ​ပႅတ်ႈ​မၼ်း​ၸဝ်ႈ​ၸိုင် မၼ်း​ၸဝ်ႈ​တၵ်း​ၸုၼ်ႉ​ပႅတ်ႈ​သူ​ဢေႃႈ။-</verse>
				<verse number="3">ၶိင်ႇ​ၵႃႇလႃႉ​ႁိုင်​ၼႃႇ​လူင်​လၢင်​လႄႈ၊ မဵဝ်း​ ဢီႉသရေႇလႃႉ ဢမ်ႇ​မီး​ၽြႃး​ဢၼ်​မၢၼ်ႇ​ဢၼ်​မႅၼ်ႈ၊ ဢမ်ႇ​မီး​ယိတ်ႈပရေႃးႁဵၵ်ႈ ဢၼ်​ၸၢင်ႈ​ပၼ်​ဢေႃးဝႃႇတႃႉ၊ ဢမ်ႇ​မီး​တြႃး၊-</verse>
				<verse number="4">ၵူၺ်း​ၵႃႈ​မိူဝ်ႈ​ဢၼ်​ၶဝ်​မီး​ၽေး​လႄႈ ဢွၼ်​ၵၼ်​ၶိုၼ်း​မႃး​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​လႄႈ​ႁႃ​ၼၼ်ႉ​ၸိုင်၊ မၼ်း​ၸဝ်ႈ​ၶၢမ်ႇ​တၢင်း​ဢၼ်​ၶဝ်​ထူပ်း​ဢေႃႈ။-</verse>
				<verse number="5">ၶိင်ႇ​ၵႃႇလႃႉ​မိူဝ်ႈ​ဢွၼ်​ၼႆႉ​ၼၼ်ႉ၊ ၶဝ်​ၸိူဝ်း​ဢၼ်​ဢွၵ်ႇ​လႂ်၊ ၶဝ်​ၸိူဝ်း​ဢၼ်​ၶဝ်ႈ​လႂ် ဢမ်ႇ​လႆႈ​ၵတ်း​ယဵၼ်​ၶျၢမ်း​သႃႇ၊ ၵူၼ်း​ၼႂ်း​ဝၢၼ်ႈ​ၼႂ်း​မိူင်း​တင်း​သဵင်ႈ​တင်း​လူင် လႆႈ​ၶၢမ်ႇ​တုၵ်ႉ​ၶႃႉ​တၢင်း​ဢၼ်​ၶၢၼ်​ၸႂ်​ၼႃႇ​လူင်​လၢင်​ဢေႃႈ။-</verse>
				<verse number="6">မိူင်း​ၼိုင်ႈ​လႄႈ​မိူင်း​ၼိုင်ႈ၊ ဝဵင်း​ၼိုင်ႈ​လႄႈ​ဝဵင်း​ၼိုင်ႈ ယႃႉ​ၵၼ်​ယူၵ်ႉ​ၵၼ်​လႄႈ ၽြႃး​ပဵၼ်​ၸဝ်ႈ​ဢဝ်​ၽေး​ၵူႈ​ၸိူဝ်ႉ​ၵူႈ​မဵဝ်း​သင်ႇ​သွၼ်​သုင်း​မႃႉ​ၶဝ်​ဢေႃႈ။-</verse>
				<verse number="7">သူ​ၸမ်ႉ၊ ဢွၼ်​ၵၼ်​ဢဝ်​ႁႅင်း​ႁွမ်​ႁႅင်း​တႃႉ။ ယႃႇ​ပေ​ႁႂ်ႈ​ႁႅင်း​မိုဝ်း​သူ​ဢူၼ်ႈ၊ သူ​တၵ်း​လႆႈ​ၶၢမ်ႇ​ဢၵျူဝ်း​ၸွမ်း​ၵႃႈ​ၼင်ႇ​ဢၼ် သူ​ၵမ်​ၵျၢင်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">မိူဝ်ႈ​ဢၼ်​ ဢႃႇသႃႉ ​ငိၼ်း​ၵႂၢမ်း​ၼၼ်ႉ ဢိၵ်ႇ​တင်း​ၵႂၢမ်း​ဢၼႃႇၵၢတ်ႈတီႉ​ပရေႃးၽႅတ်ႈ​ ဢူဝ်းတိတ်ႉ ​ၼၼ်ႉ​ၸိုင်၊ မၼ်း​မီး​တၢင်း​ဢၼ်​ႁတ်း​ဢၼ်​ႁၢၼ်​လႄႈ ပႄႇ​ၽဵဝ်ႈ​ၶိူင်ႈ​ဢၼ်​လီ​ႁင်ႈ​ဢဵတ်ႇ​သဵတ်ႇ​တင်း​လၢႆ​ဢၼ်​မီး​ၵႃႈ​တီႈ​မိူင်း​ ယူႉတႃႉ ၊ မိူင်း​ ပိၼ်ႇယႃႇမိၼ်ႇ ၵူႈ​တီႈ​ၵူႈ​လႅၼ်​ဢိၵ်ႇ​တင်း​ၵႃႈ​တီႈ​ဝဵင်း​ဢၼ်​မၼ်း​တိုၵ်း​ဢဝ် ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​ၸိူဝ်း​ၼၼ်ႉ​ပႅတ်ႈ​လႄႈ မႄး​ၵုမ်း​မႄး​ႁဵတ်း​ယိတ်ႈပလၢင်ႇ​ထႃႇဝရႃႉ​ၽြႃး ဢၼ်​မီး​ၵႃႈ​တီႈ​ၽၢႆႇ​ၼႃႈ​ႁိူၼ်း ၼႃႈ​ႁိူၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="9">မၼ်း​ႁႂ်ႈ​ၵူၼ်း​မဵဝ်း​ ယူႉတႃႉ ​တင်း​ၵူၼ်း​မဵဝ်း​ ပိၼ်ႇယႃႇမိၼ်ႇ ​တင်း​သဵင်ႈ​တင်း​လူင် ဢိၵ်ႇ​တင်း​ၶဝ်​ၸိူဝ်း​ဢၼ်​ဢွၵ်ႇ​သေ​ၵႃႈ​ၼႂ်း မဵဝ်း​ ဢေႇၽရိမ်ႇ ၊ မဵဝ်း​ မၼႃႇ​သေႇ ၊ မဵဝ်း​ သီႉမုၼ်ႇ ​လႄႈ မႃး​သွၼ်ႈ​ပိုင်ႈ​ယူႇ​တီႈ​ၶဝ်​ၸိူဝ်း​ၼၼ်ႉ​ၸူႉ​ၵၼ်​တုမ်​ၵၼ်​ဢေႃႈ။ ၶဝ်​ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ​မႃး​ယူႇ​ၽၢႆႇ​မၼ်း​ၼမ်​ၼႃႇ ၼႂ်း​မိူဝ်ႈ​ဢၼ်​ၶဝ်​ႁူႉ​ႁၼ်​လွင်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​မီး​ယူႇ​လူၺ်ႈ​ၵၼ်​တင်း​မၼ်း​ၼၼ်ႉ​ဢေႃႈ။-</verse>
				<verse number="10">ၼင်ႇ​ၼၼ်​လႄႈ ၼႂ်း​ပီႊ​ဢၼ်​ ဢႃႇသႃႉ ​ၼင်ႈ​ႁၢင်ႈ​ၼင်ႈ​ႁေႃ​သိပ်း​ပၢႆ​ႁႃႈ​ပီႊ​လိူၼ်​တႃႉတီႉယႃႉ​ၼၼ်ႉ ၶဝ်​ဢွၼ်​ၵၼ်​မႃး​ၸူႉ​တုမ်​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ၊-</verse>
				<verse number="11">ဢဝ်​ၵႃႈ​ၼႂ်း​ဢုၵ်ႉ​ၸႃႇ ဢၼ်​ၶဝ်​ႁိမ်​ႁူင်ႇ​လႆႈ​လႄႈ​ဢဝ်​မႃး​ၼၼ်ႉ ဝူဝ်း​ၸဵတ်း​ပၢၵ်ႇ တင်း​သူဝ်း​ၸဵတ်း​ႁဵင် ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="12">ၶဝ်​ဢွၼ်​ၵၼ်​ႁဵတ်း​ပတီႉၺိၺ်ႇ တၢင်း​ဢၼ်​ႁပ်ႉ​တုင်း​ဢဝ်​လူၺ်ႈ​လွင်ႈ​ဢၼ်​ၶဝ်​တၵ်း​ပႃး​တင်း​ႁူဝ်​ၸႂ်​သဵင်ႈ​သဵင်ႈ​တင်း​ၸႂ်​သဵင်ႈ​သဵင်ႈ​သေ​လႄႈ ႁႃ​ဢဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ၶဝ်​မွၼ်ႇ​ၶဝ်၊-</verse>
				<verse number="13">လွင်ႈ​ဢၼ်​ၵေႃႉ​လဵၵ်ႉ​ၵေႃႉ​ယႂ်ႇ​ၵူၼ်း​ယိင်း​ၵူၼ်း​ၸၢႆး ၵေႃႉ​လႂ်​သေ​ဢမ်ႇ​ဝႃႈ၊ ဢၼ်​ဢမ်ႇ​ႁႃ​ဢဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ၼၼ်ႉ​လႄႈ၊-</verse>
				<verse number="14">ႁဵတ်း​သဵင်​ဢၼ်​ႁႅင်း​ယႂ်ႇ​ၼႃႇ ဢိၵ်ႇ​လူၺ်ႈ​ၵၼ်​တင်း​သဵင်​ဢၼ်​ႁွင်ႉ​ပၢဝ်ႇ​ႁွင်ႉ​သႅၼ်ႇ၊ သဵင်​ဢၼ်​ပဝ်ႇ​ၼႄးၶရႃႇ​ယူႇ​သေ​လႄႈ တိူင်ႇ​ဝႃႈ​ၵိၼ်ႇ​ဝႃႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="15">ၵူၼ်း​မဵဝ်း​ ယူႉတႃႉ ​တင်း​သဵင်ႈ​တင်း​လူင် ဢွၼ်​ၵၼ်​ၸူမ်း​သိူဝ်း​ၵွပ်ႈ​ပိူဝ်ႈ ဢၼ်​ႁဵတ်း​တၢင်း​ဢၼ်​တိူင်ႇ​ဝႃႈ​ၵိၼ်ႇ​ဝႃႈ​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ၊ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ၶဝ်​ဢၼ်​ပႃး​တင်း​ႁူဝ်​ၸႂ်​သဵင်ႈ​သဵင်ႈ​တိူင်ႇ​ဝႃႈ​ၵိၼ်ႇ​ဝႃႈ​လႄႈ မီး​ဢလူဝ်ႇ​သၼ်ႇတႃႉ ဢၼ်​ႁႅင်း​ယႂ်ႇ​ၼႃႇ​ႁႃ​ဢဝ်​မၼ်း​ၸဝ်ႈ​ၼၼ်ႉ​လႄႈ၊ မၼ်း​ၸဝ်ႈ​ၶၢမ်ႇ​တၢင်း​ဢၼ်​ၶဝ်​ထူပ်း​သေ​ယဝ်ႉ၊ ထႃႇဝရႃႉ​ၽြႃး​ပၼ်​ဢၶႂၢင်ႉ​ဢၼ်​ၶဝ်​လႆႈ​ထၢတ်ႇ​သိုၵ်း​ယဵၼ်​သိုၵ်း​သေ​ၵႃႈ​တီႈ ၵူႈ​တီႈ​ၵူႈ​လႅၼ်​ဢေႃႈ။</verse>
				<verse number="16">ၶုၼ်​လူင်​ ဢႃႇသႃႉ ၼုၵ်ႈ​ဢဝ်​ မႃႇၶႃႇ ဢၼ်​ပဵၼ်​ၼၢႆး​ၸဝ်ႈ​ၼၼ်ႉ ဢွၵ်ႇ​ပႅတ်ႈ​သေ​ၵႃႈ​ၼႂ်း​ဢရႃႇ​ၼၢင်း​ႁေႃ​ၶမ်း​ၵွပ်ႈ​ပိူဝ်ႈ​ဢၼ်​မၼ်း​ၼၼ်ႉ ႁဵတ်း​ရုၵ်ႈ​ထူႉ​ဢၼ်​လီ​ႁင်ႈ​ဢဵတ်ႇ​သဵတ်ႇ​ပုၼ်ႈ​တူၼ်ႈ​ ဢႃႇသရႃႉ ​ၼၼ်ႉ​လႄႈ မၼ်း​ပမ်ႈ​လူမ်ႉ​ရုၵ်ႈ​ထူႉ​ၼၼ်ႉ​လႄႈ ႁႂ်ႈ​ပဵၼ်​မုၼ်ႈ​ပဵၼ်​ၽွင်​သေ​ယဝ်ႉ၊ ဢဝ်​တုတ်ႇ​ၽႆး​ပႅတ်ႈ​ၵႃႈ​တီႈ​ႁိမ်း​ၼမ်ႉ​ႁွင်ႈ ၵီႉတြုၼ်ႇ ​ဢေႃႈ။-</verse>
				<verse number="17">ပိၵ်ႉ​သမ်ႉ​မၼ်း​ဢမ်ႇ​ပႄႇ​ပႅတ်ႈ​ထႃႇၼႃႉ​တီႈ​သုင်​တင်း​လၢႆ​သေ​ၵႃႈ​ၼႂ်း​မိူင်း​ ဢီႉသရေႇလႃႉ ​သေ​ၵေႃႈ၊ ႁူဝ်​ၸႂ်​ ဢႃႇသႃႉ ​ၼၼ်ႉ မီး​တၢင်း​ဢၼ်​ၸေး​ၸုမ်ႇ​ယူႇ​ၼႂ်း​ၸူဝ်ႈ​ၼႂ်း​ပၢၼ်​မၼ်း​ၼၼ်ႉ​တဵမ်​တဵမ်​ဢေႃႈ။-</verse>
				<verse number="18">မၼ်း​ဢဝ်​ဢုၵ်ႉ​ၸႃႇ ဢၼ်​ၸဝ်ႈ​ပေႃႈ​မၼ်း​လူႇ​တၢၼ်း၊ ဢုၵ်ႉ​ၸႃႇ​ဢၼ်​မၼ်း​လူႇ​တၢၼ်း၊ ၶမ်း၊ ငိုၼ်း၊ ၶိူင်ႈ​ပိူင်​ၸိူဝ်း​ၼၼ်ႉ​သႂၢင်း​သႂ်ႇ​ဝႆႉ​ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="19">လိုၼ်း​ၼၼ်ႉ​ဢမ်ႇ​မီး​တၢင်း​ဢၼ်​တိုၵ်း​သိုၵ်း​တိုၵ်း​သိူဝ်​တေႃႇ​ထိုင်​ႁွတ်ႈ ဢႃႇသႃႉ ​ၼင်ႈ​ႁၢင်ႈ​ၼင်ႈ​ႁေႃ​ထၼ်ႈ​ပေႃး​လႆႈ​သၢမ်​သိပ်း​ပၢႆ​ႁႃႈ​ပီႊ​ဢေႃႈ။</verse>
			</chapter>
			<chapter number="16">
				<verse number="1">ၼႂ်း​ပီႊ​ဢၼ်​ ဢႃႇသႃႉ ၼင်ႈ​ႁၢင်ႈ​ၼင်ႈ​ႁေႃ​သၢမ်​သိပ်း​ပၢႆ​ႁူၵ်း​ပီႊ​ၼၼ်ႉ၊ ပႃႇသႃႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ၶီႇ​သိုၵ်း​ၸူး​ၵႃႈ​တီႈ​မိူင်း​ ယူႉတႃႉ ​လႄႈ တႄႇ​ႁဵတ်း​ဝဵင်း​ ရႃႇမႃႉ ႁႂ်ႈ​ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ဢွၵ်ႇ​ဢမ်ႇ​ၶဝ်ႈ​တီႈ​ ဢႃႇသႃႉ ​ၶုၼ်​ႁေႃ​ၶမ်း​ ယူႉတႃႉ ​လႆႈ​ဢေႃႈ။-</verse>
				<verse number="2">မိူဝ်ႈ​ၼၼ်ႉ​ ဢႃႇသႃႉ ​ဢဝ်​ငိုၼ်း​ၶမ်း​ဢၼ်​ဢဝ်​ၵႃႈ​ၼႂ်း​ၽၼ်ႇတႃႇ​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ၽၼ်ႇတႃႇ​ႁေႃ​ၸဝ်ႈ​ၼၼ်ႉ​ဢွၵ်ႇ​လႄႈ ပၼ်​ၵႂႃႇ​ၵႃႈ​တီႈ​ ပိၼ်ႇႁႃႇတတ်ႉ ၶုၼ်​ႁေႃ​ၶမ်း​ သူႉရီႉ ဢၼ်​ယူႇ​ၵႃႈ​တီႈ​ဝဵင်း​ ထမ်ႇမသႅတ်ႉ ​ၼၼ်ႉ​လႄႈ၊-</verse>
				<verse number="3">သင်ႇ​လၢတ်ႈ​ၵႂႃႇ​လႄႈ​ဝႃႈ၊ ပိူဝ်ႈ​ဢၼ်​ၵဝ်​ၶႃႈ​ဢိၵ်ႇ​တင်း​ၸဝ်ႈ မီး​တၢင်း​ဢၼ်​ႁဵတ်း​မိၵ်ႉသႃႇႁႃယႃႉ ၵေႃႉ​သေႈ​ၵၼ်​မိူၼ်​ၸိူဝ်ႉ​ၼင်ႇ​ဢၼ်​လႆႈ​ပဵၼ်​မႃး​ယဝ်ႉ​တီႈ​ၸဝ်ႈ​ပေႃႈ​ၵဝ်​ၶႃႈ ဢိၵ်ႇ​တင်း​ၸဝ်ႈ​ပေႃႈ​ၸဝ်ႈ​ၼၼ်ႉ​လႄႈ ၵဝ်​ၶႃႈ​ပၼ်​ငိုၼ်း​ပၼ်​ၶမ်း​မႃး​တီႈ​မႂ်း​ၸဝ်ႈ​ဢေႃႈ။ ၶႅၼ်း​တေႃႈ​ၵႂႃႇ​လႄႈ ယႃႉ​ပႅတ်ႈ​မိၵ်ႉသႃႇႁႃယႃႉ ဢၼ်​ႁဵတ်း​လူၺ်ႈ​ၵၼ်​တင်း​ ပႃႇသႃႉ ၶုၼ်​ႁေႃ​ၶမ်း​ ဢီႉသရေႇလႃႉ ႁႂ်ႈ​မၼ်း​လႆႈ​ဢွၵ်ႇ​သေ​ၵႃႈ​တီႈ​ၵဝ်​ၶႃႈ​ၼႆႉ​ၵႂႃႇ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ပိၼ်ႇႁႃႇတတ်ႉ ​ၼၼ်ႉ ထွမ်ႇ​ဢဝ်​ၵႂၢမ်း​ၶုၼ်​လူင်​ ဢႃႇသႃႉ ​လႄႈ၊ ပွႆႇ​ၸႂ်ႉ​ပူဝ်ႇ​မၼ်း​တင်း​လၢႆ​ႁႂ်ႈ​ၶီႇ​သိုၵ်း​ၵႂႃႇ ၵႃႈ​တီႈ​ဝၢၼ်ႈ​ဝဵင်း​ ဢီႉသရေႇလႃႉ ​လႄႈ၊ ၶဝ်​ၼၼ်ႉ​ယႃႉ​ၽဵဝ်ႈ​ဝဵင်း​ ယုၼ်ႇ ၊ ဝဵင်း​ တၢၼ်ႇ ၊ ဝဵင်း​ ဢႃႇပေႇလႃႉမိမ်း ၊ ဢိၵ်ႇ​တင်း​ဝဵင်း​တီႈ​ဢၼ်​သိမ်း​ဝႆႉ​ၽၼ်ႇတႃႇ​ၵႃႈ​ဢၼ်​မီး​ၵႃႈ​ၼႂ်း​မိူင်း​ ၼပ်ႉထလီႉ ​ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="5">ပႃႇသႃႉ ​ငိၼ်း​လွင်ႈ​ၼၼ်ႉ​သေ​ယဝ်ႉ၊ ယင်း​ဢမ်ႇ​ႁဵတ်း​ႁႂ်ႈ​ဝဵင်း​ ရႃႇမႃႉ ​ယဝ်ႉ​တူဝ်ႈ​လႄႈ ထၢတ်ႇ​တၢင်း​ႁဵတ်း​ၼၼ်ႉ​သေ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ၶုၼ်​လူင်​ ဢႃႇသႃႉ ႁွင်ႉ​ဢဝ်​ၵူၼ်း​မဵဝ်း​ ယူႉတႃႉ တင်း​သဵင်ႈ​တင်း​လူင်​သေ​လႄႈ ၶဝ်​ဢွၼ်​ၵၼ်​ဢဝ်​မၢၵ်ႇ​ႁိၼ်​ၵႃႈ​တီႈ​ဝဵင်း​ ရႃႇမႃႉ ဢိၵ်ႇ​တင်း​မႆႉ​မၼ်း ဢၼ်​ ပႃႇသႃႉ ​ဢဝ်​တႄႇ​ႁဵတ်း​ၸိူဝ်း​ၼၼ်ႉ​ၵႂႃႇ​လႄႈ မၼ်း​ဢဝ်​တႄႇ​ႁဵတ်း​ဝဵင်း ၵေႇပႃႉ တင်း​ဝဵင်း​ မီႉၸပႃႇ ​ဢေႃႈ။</verse>
				<verse number="7">မိူဝ်ႈ​ၼၼ်ႉ​ ႁႃႇၼၼီႉ ၵေႃႉ​ဢၼ်​ႁူ​ပွင်ႇ​တႃ​လႅင်း​ၼၼ်ႉ မႃး​ၸူး​ၵႃႈ​တီႈ​ ဢႃႇသႃႉ ၶုၼ်​ႁေႃ​ၶမ်း​ ယူႉတႃႉ ​လႄႈ၊ ၵွပ်ႈ​ပိူဝ်ႈ​ဢၼ် ၸဝ်ႈ​ၶုၼ်​လူင်​သွၼ်ႈ​ပိုင်ႈ​ၶုၼ်​ႁေႃ​ၶမ်း​ သူႉရီႉ ​လႄႈ၊ ဢမ်ႇ​သွၼ်ႈ​ပိုင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​တူဝ်​ၸဝ်ႈ​ၵဝ်ႇ​ၼၼ်ႉ​လႄႈ၊ ပူဝ်ႇ​ပႃႇ​ၵူၼ်း​သိုၵ်း ၶုၼ်​ႁေႃ​ၶမ်း​ သူႉရီႉ ​ၸိူဝ်း​ၼၼ်ႉ​လွတ်ႈ​သေ​ၵႃႈ​ၼႂ်း​မိုဝ်း​ၸဝ်ႈ​ၶုၼ်​လူင်​ၵႂႃႇ​တီႈ​ၶႃႈ​ယဝ်ႉ။-</verse>
				<verse number="8">ၵူၼ်း​ ၵူႉသႃႉ ဢိၵ်ႇ​တင်း​ၵူၼ်း​ လီႉပူႉ ​ၸိူဝ်း​ၼၼ်ႉ​ပဵၼ်​မူႇ​ၽုင်​မုၵ်ႉ​ၸိူဝ်း​ဢၼ်​ႁႅင်း​ယႂ်ႇ​ၼႃႇ​လႄႈ မီး​တင်း​လေႃႉရထႃး​လႂ်၊ ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​လႂ် ၼမ်​ၼႃႇ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ၼႂ်း​ဝႃႈ​ၼၼ်​သေ​ၵေႃႈ ၵွပ်ႈ​ပိူဝ်ႈ​ဢၼ်​ၶုၼ်​လူင် သွၼ်ႈ​ပိုင်ႈ​ထႃႇဝရႃႉ​ၽြႃး​လႄႈ၊ မၼ်း​ၸဝ်ႈ​ဢဝ်​ၶဝ်​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၸဝ်ႈ​ၶုၼ်​လူင်​ယဝ်ႉ​တီႈ​ၶႃႈ​ယဝ်ႉ။-</verse>
				<verse number="9">တႃ​ထႃႇဝရႃႉ​ၽြႃး သွတ်ႇ​သဵဝ်ႈ​ယူႇ​ၵႃႈ​ၼိူဝ်​ၼႃႈ​လိၼ်​မိူင်း​တၢင်း​ၼႃႈ​ယူႇ ႁႂ်ႈ​လႆႈ​ယူႇ​ၽၢႆႇ​ၶဝ်​ၸိူဝ်း​ဢၼ်​မီး​ၸႂ်​ၸေႇတၼႃႇ ဢၼ်​ၸေး​ၸုမ်ႇ​တီႈ​မၼ်း​ၸဝ်ႈ​ၼၼ်ႉ ၸိူဝ်း​ၼၼ်ႉ​မၼ်ႈ​မၼ်ႈ​ၶိူင်ႇ​ၶိူင်ႇ​တီႈ​ၶႃႈ​ဢေႃႈ။ ၼႂ်း​တီႈ​ႁဵင်း​ၼႆႉ ၸဝ်ႈ​ၶုၼ်​လူင်​ႁဵတ်း​မိူၵ်ႈ​ၼႃႇ​လူင်​လၢင်​တီႈ​ၶႃႈ​ယဝ်ႉ။ ၸႃႉ​ၸဵမ်​မိူဝ်ႈ​လဵဝ်​ၼႆႉ​ၵႂႃႇ​လႄႈ ဢမူႉ​သိုၵ်း​တၵ်း​မီး​တီႈ​ၸဝ်ႈ​ၶုၼ်​လူင်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ၼၼ်ႉ​ ဢႃႇသႃႉ ၸႂ်​မႆႈ​ၶႆႈ​ၸႃႉ​တီႈ​ၵေႃႉ​ဢၼ်​ႁူ​ပွင်ႇ​တႃ​လႅင်း​ၼၼ်ႉ​လႄႈ ဢဝ်​ၶင်​ဝႆႉ​ၵႃႈ​ၼႂ်း​ထွင်ႇ ၵွပ်ႈ​ပိူဝ်ႈ​ဢၼ်​တေႃး​သႃႉ​မၼ်း​ဢွၵ်ႇ​လူၺ်ႈ​လွင်ႈ​တီႈ​ႁဵင်း​ၼၼ်ႉ​ဢေႃႈ။ မိူဝ်ႈ​ၼၼ်ႉ​ ဢႃႇသႃႉ ၼိၵ်ႈ​ၸၢၵ်ႈ​ငႅၼ်း​သႄး ၵူၼ်း​ဝၢၼ်ႈ​ၵူၼ်း​မိူင်း​ၵမ်ႈ​ၽွင်ႈ​ဢေႃႈ။</verse>
				<verse number="11">လွင်ႈ​တၢင်း​ ဢႃႇသႃႉ ဢဝ်​ၸဵမ်​ငဝ်ႈ​တေႃႇ​ပၢႆ​ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ တင်း​ရႃႇၸဝၢင်ႇ ဢီႉသရေႇလႃႉ ​ဢေႃႈ။-</verse>
				<verse number="12">ၼႂ်း​ပီႊ​ဢၼ်​မၼ်း​ၸၢမ်ႇ​ႁၢင်ႈ​ၸၢမ်ႇ​ႁေႃ သၢမ်​သိပ်း​ပၢႆ​ၵဝ်ႈ​ပီႊ​ၼၼ်ႉ၊ တၢင်း​ၶႆႈ​တၢင်း​ပဵၼ်​ၸပ်း​တီႈ​တိၼ်​ၸဝ်ႈ​လႄႈ၊ ပိၵ်ႉ​သမ်ႉ​မၼ်း​လႆႈ​ၶၢမ်ႇ ႁႅင်း​ယႂ်ႇ​ၼႃႇ​လူင်​လၢင်​သေ​ၵေႃႈ၊ မၼ်း​ဢမ်ႇ​သွၼ်ႈ​ပိုင်ႈ​ထႃႇဝရႃႉ​ၽြႃး၊ သွၼ်ႈ​ပိုင်ႈ​မေႃ​ယႃ​ၵူၺ်း​ဢေႃႈ။-</verse>
				<verse number="13">ဢႃႇသႃႉ ​ၼၼ်ႉ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မၼ်း​မွၼ်ႇ​မၼ်း​တင်း​လၢႆ​လႄႈ၊ ၼႂ်း​ပီႊ​ဢၼ်​ၸၢမ်ႇ​ႁၢင်ႈ​ၸၢမ်ႇ​ႁေႃ​သီႇ​သိပ်း​ပၢႆ​ဢဵတ်း​ပီႊ​ၼၼ်ႉ၊ မၼ်း​ႁွတ်ႈ​ဢၼိၵ်ႈၸႃႉ​သေ​ယဝ်ႉ၊-</verse>
				<verse number="14">ၶဝ်​ဢွၼ်​ၵၼ်​ဢဝ်​မၼ်း​သၢင်း​ၵျူဝ်ႇ​ၵႃႈ​ၼႂ်း​သၢင်း​ၶႅင်း ဢၼ်​မၼ်း​ႁဵတ်း​ဝႆႉ​ပုၼ်ႈ​မၼ်း ၵႃႈ​ၼႂ်း​ဝဵင်း​ တႃႇဝိတ်ႈ ​ၼၼ်ႉ​လႄႈ ဢဝ်​တူဝ်​တၢႆ​မၼ်း​သႂၢင်း​သႂ်ႇ​ဝႆႉ​ၵႃႈ​ၼႂ်း​ၵွမ်ႇ​ၼႂ်း​ၸုင်း ဢၼ်​ၶဝ်​ဢဝ်​မဵဝ်း​ၼၢမ်ႇ​သႃႇ​ဢၼ်​ႁွမ်​ဢၼ်​ႁူၺ်း​ၽေႃႇ​ႁဵတ်း​ၸွမ်း​ၼင်ႇ​ဢတၢတ်ႈ မေႃ​ယႃ​ၼၼ်ႉ​သေ​လႄႈ သႂ်ႇ​တဵမ်​ဝႆႉ​ၼၼ်ႉ​ဢေႃႈ။ ပွႆး​တုတ်ႇ​ၽႆး​ဢၼ်​ယႂ်ႇ​ၼႃႇ​လူင်​လၢင်​ၵေႃႈ​ၶဝ်​ႁဵတ်း​ဢေႃႈ။</verse>
			</chapter>
			<chapter number="17">
				<verse number="1">ယူဝ်းသၽတ်ႉ လုၵ်ႈ​ၸၢႆး​မၼ်း​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​မၼ်း​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​မၼ်ႈ​ၶိူင်ႇ​ယူႇ​ၽၢႆႇ​ၼိုင်ႈ တင်း​မိူင်း ဢီႉသရေႇလႃႉ ​ဢေႃႈ။-</verse>
				<verse number="2">မၼ်း​ဢဝ်​ၵူၼ်း​တပ်ႉ​ၵူၼ်း​သိုၵ်း​တင်း​လၢႆ​ဝႆႉ​ၵႃႈ​တီႈ​ဝဵင်း​ဢၼ်​မၼ်ႈ​ၶိူင်ႇ ၵႃႈ​ဢၼ်​မီး​ၵႃႈ​ၼႂ်း​မိူင်း​ ယူႉတႃႉ ​ၸိူဝ်း​ၼၼ်ႉ​လႄႈ ၶၢၼ်း​တပ်ႉ​ပႂ်ႉ​ဝဵင်း​ဝႆႉ​ၵႃႈ​ၼႂ်း​မိူင်း​ ယူႉတႃႉ ၵူႈ​တီႈ​ၵူႈ​လႅၼ်​ဢိၵ်ႇ​တင်း​ၵႃႈ​ၼႂ်း​ဝဵင်း​ဢၼ်​မီး​ၵႃႈ​ၼႂ်း​မိူင်း​ ဢေႇၽရိမ်ႇ ဢၼ်​ ဢႃႇသႃႉ ​ၸဝ်ႈ​ပေႃႈ​မၼ်း​တိုၵ်း​ဢဝ်​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="3">ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ ယူဝ်းသၽတ်ႉ ၵွပ်ႈ​ပိူဝ်ႈ​ဢၼ်​မၼ်း​ၸွမ်း​သဵၼ်ႈ​တၢင်း​ဢၼ်​ၸဝ်ႈ​ပေႃႈ​မၼ်း​ တႃႇဝိတ်ႈ ​ၸွမ်း​မိူဝ်ႈ​ဢွၼ်​တၢင်း​ၼၼ်ႉ​လႄႈ ဢမ်ႇ​သွၼ်ႈ​ပိုင်ႈ​ၽြႃး ပႃႇလႃႉ ၊-</verse>
				<verse number="4">သွၼ်ႈ​ပိုင်ႈ​ၽြႃး​ပဵၼ်​ၸဝ်ႈ၊ ၸဝ်ႈ​ပေႃႈ​မၼ်း​ၵူၺ်း​ယူႇ​သေ​လႄႈ ယင်း​ဢမ်ႇ​ၵႂႃႇ​မႃး​ၸွမ်း​ၵႃႈ​ၼင်ႇ​ဢၼ် မဵဝ်း​ ဢီႉသရေႇလႃႉ ၵမ်​ၵျၢင်ႉ​သၢင်ႈ​ႁဵတ်း​ၼၼ်ႉ​လႄႈ ၵႂႃႇ​မႃး​ၸွမ်း​ပိင်း​ၺၢပ်ႈ​မၼ်း​ၸဝ်ႈ​တင်း​လၢႆ​ၵူၺ်း​ၼၼ်ႉ​ဢေႃႈ။-</verse>
				<verse number="5">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​ႁႂ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ တႄႇ​ယူႇ​ၵႃႈ​ၼႂ်း​မိုဝ်း​မၼ်း​လႄႈ၊ ၵူၼ်း​မဵဝ်း​ ယူႉတႃႉ တင်း​သဵင်ႈ​တင်း​လူင်​ဢွၼ်​ၵၼ်​သၢၵ်ႈ​လၢၵ်ႈ​သွင်ႇ​တီႈ​ ယူဝ်းသၽတ်ႉ ​ဢေႃႈ။-</verse>
				<verse number="6">ပိၵ်ႉ​သမ်ႉ​ၸေး​ၸိမ်ႇ​ဢုၵ်ႉ​ၸႃႇ​မုၼ်​ၵုင်ႇ​သရေႇ​ယႂ်ႇ​ၼမ်​ၼႃႇ​သေ​ၵေႃႈ မၼ်း​မီး​ၸႂ်​ဢၼ်​ၸပ်း​ၸွႆး​သဵၼ်ႈ​တၢင်း​ထႃႇဝရႃႉ​ၽြႃး​လႄႈ ပႄႇ​ၽဵဝ်ႈ​ထႃႇၼႃႉ​တီႈ​သုင် ဢိၵ်ႇ​တင်း​တူၼ်ႈ​ ဢႃႇသရႃႉ ​တင်း​လၢႆ​ပႅတ်ႈ​သေ​ၵႃႈ​ၼႂ်း မိူင်း​ ယူႉတႃႉ ​ဢေႃႈ။-</verse>
				<verse number="7">ၼႂ်း​ပီႊ​ဢၼ်​မၼ်း​ၼင်ႈ​ႁၢင်ႈ​ၼင်ႈ​ႁေႃ သၢမ်​ပီႊ​ၼၼ်ႉ၊ မၼ်း​ပွႆႇ​ၸႂ်ႉ ပႅၼ်ႇႁေးလႃႉ၊ ဢေႃးပတီႉ၊ ၸႃႇၶရီႉ၊ ၼႃႇသၼေႇလႃႉ၊ မိၵ်ႉၶယႃႉ ​ဢၼ်​ပဵၼ်​မူး​မၢတ်ႈ​ၽွင်း​မိူင်း​ၸိူဝ်း​ၼၼ်ႉ၊-</verse>
				<verse number="8">ဢိၵ်ႇ​တင်း​ သေႇမႃႇယႃႉ၊ ၼေႇသၼီႉ၊ ၸေႇပတီႉ၊ ဢႃႇသႃႇႁေးလႃႉ၊ သေႇမီႉရမုတ်ႉ၊ ယေႃးၼသၼ်ႇ၊ ဢတေႃးၼီႉယႃႉ၊ တေႃႇၽီႉယႃႉ၊ တေႃႇပႃႇဢတေႃးၼီႉယႃႉ ဢၼ်​ပဵၼ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢိၵ်ႇ​တင်း​ ဢေးလီႉသမႃႇ ​တင်း​ ယူဝ်းရမ်ႇ ဢၼ်​ပဵၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ၵႂႃႇ​ႁႂ်ႈ​လႆႈ​ပၼ်​ဢေႃးဝႃႇတႃႉ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ ယူႉတႃႉ ​ဢေႃႈ။-</verse>
				<verse number="9">ၶဝ်​ၼၼ်ႉ​ပႃး​ဢဝ်​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ထႃႇဝရႃႉ​ၽြႃး​ယူႇ​သေ​လႄႈ ပၼ်​ဢေႃးဝႃႇတႃႉ​ၵႃႈ​ၼႂ်း​မိူင်း​ ယူႉတႃႉ ​လႄႈ ဢွၼ်​ၵၼ်​လႄႇ​လဵပ်ႈ​ၵႂႃႇ ၵႃႈ​ၼႂ်း​ဝဵင်း​ ယူႉတႃႉ ​ၵႃႈ​မီး​ၼၼ်ႉ​လႄႈ ပၼ်​ဢေႃးဝႃႇတႃႉ​တီႈ​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ဢေႃႈ။</verse>
				<verse number="10">တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး တူၵ်း​ႁွတ်ႈ​ၵႃႈ​ၼိူဝ်​သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​လဵပ်ႈ​ႁွပ်ႈ​မိူင်း​ ယူႉတႃႉ ​ၵႃႈ​မီး​ၸိူဝ်း​ၼၼ်ႉ​ထၼ်ႈ​ပေႃး ၶဝ်​ယင်း​ဢမ်ႇ​ႁတ်း​ႁဵတ်း​တၢင်း​ဢၼ်​တိုၵ်း​တေႃး ယူဝ်းသၽတ်ႉ ​လႄႈ​ယူႇ​ဢေႃႈ။-</verse>
				<verse number="11">ၵူၼ်း​ ၽီႉလိတ်ႉတီႉ ​ၵမ်ႈ​ၽွင်ႈ​ဢွၼ်​ၵၼ်​ဢဝ်​လၢၵ်ႈ​သွင်ႇ တင်း​ငိုၼ်း​ၶွၼ်ႇ​ၸဝ်ႈ သၢၵ်ႈ​ပၼ်​တီႈ​ ယူဝ်းသၽတ်ႉ ​လႄႈ ၵူၼ်း​မဵဝ်း ဢရေႇပျႃႉ ​တင်း​လၢႆ​ၵေႃႈ ဢွၼ်​ၵၼ်​ဢဝ်​ၽုင်​သူဝ်း​ၽုင်​ပႄႉ​ဢၼ်​ဝႃႈ​သူဝ်း​ပေႃႈ​ၸဵတ်း​ႁဵင်​ပၢႆ​ၸဵတ်း​ပၢၵ်ႇ​ဢိၵ်ႇ​တင်း ပႄႉ​ပေႃႈ​ၸဵတ်း​ႁဵင်​ပၢႆ​ၸဵတ်း​ပၢၵ်ႇ​မႃး​ဢေႃႈ။-</verse>
				<verse number="12">ယူဝ်းသၽတ်ႉ ​ၼၼ်ႉ​မီး​ႁႅင်း​ယႂ်ႇ​ၽေႈ​တူဝ်း​တွၼ်း​မႃး​ၼႃႇ​လူင်​လၢင်​လႄႈ တႄႇ​ႁဵတ်း​တိူၵ်ႈ​တီႈ​တိုၵ်း​သိုၵ်း​လႂ် ဢိၵ်ႇ​တင်း​ဝဵင်း​တီႈ​ဢၼ်​သိမ်း​ဝႆႉ​ၽၼ်ႇတႃႇ​ၸဝ်ႈ​လႂ် ၵႃႈ​ၼႂ်း​မိူင်း​ ယူႉတႃႉ ​ဢေႃႈ။-</verse>
				<verse number="13">ၵႃႈ​ၼႂ်း​ဝဵင်း​ ယူႉတႃႉ ​ၸိူဝ်း​ၼၼ်ႉ မီး​ဢမူႉ​ၸဝ်ႈ​ၼမ်​ၼႃႇ​လႄႈ၊ ပူဝ်ႇ​ႁူဝ်​ႁၢၼ်​ၵူၼ်း​သိုၵ်း ဢၼ်​ႁႅင်း​ယႂ်ႇ​ၼႃႇ​တင်း​လၢႆ​ဢွၼ်​ၵၼ် မီး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="14">ၸရၢင်း​ႁူဝ်​ႁၢၼ်​ၵူၼ်း​သိုၵ်း​ဢၼ်​ၸွမ်း​လူၺ်ႈ​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်​ၼၼ်ႉ​ၸမ်ႉ၊ ၵႃႈ​ၼႂ်း​မဵဝ်း​ ယူႉတႃႉ ဢၼ်​ပဵၼ်​ပူဝ်ႇ​လူင် ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ပဵၼ်​ႁဵင်​ပဵၼ်​ႁဵင်​ၼၼ်ႉ၊ မီး​ၶုၼ်​ပူဝ်ႇ​ၶျုၵ်ႈ ဢႃႇတၼႃႉ ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​သၢမ်​သႅၼ်၊-</verse>
				<verse number="15">တႂ်ႈ​မၼ်း​ၼၼ်ႉ​မီး​ ယေႃးႁၼၼ်ႇ ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​သွင်​သႅၼ်​ပၢႆ​ပႅတ်ႇ​မိုၼ်ႇ၊-</verse>
				<verse number="16">တႂ်ႈ​မၼ်း​ၼၼ်ႉ​မီး​ ဢႃႇမသီႉ ​လုၵ်ႈ​ၸၢႆး​ ၸီႉၶရီႉ ဢၼ်​မီး​တင်း​ၸႂ်​ၸေႇတၼႃႇ​သေ​လႄႈ ဢဝ်​တူဝ်​ၸဝ်ႈ​ၵဝ်ႇ​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ၼၼ်ႉ ဢိၵ်ႇ​တင်း​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​သွင်​သႅၼ်၊-</verse>
				<verse number="17">ၵႃႈ​ၼႂ်း​မဵဝ်း​ ပိၼ်ႇယႃႇမိၼ်ႇ ​ၼၼ်ႉ၊ မီး​ ဢေးလျႃႇတႃႉ ​ဢၼ်​ႁႅင်း​ယႂ်ႇ​ၼႃႇ ဢိၵ်ႇ​တင်း​ၶဝ်​ၸိူဝ်း​ဢၼ်​ယိပ်း​ၵမ်​ၵၢင်ႇ​တင်း​ၶိူင်ႈ​ႁႄႉ လၢၵ်ႈ​ၼၢၵ်ႈ​ၼၼ်ႉ​သွင်​သႅၼ်၊-</verse>
				<verse number="18">တႂ်ႈ​မၼ်း​ၼၼ်ႉ ယေႃးၸပတ်ႉ ​ဢိၵ်ႇ​တင်း ၶဝ်​ၸိူဝ်း​ဢၼ်​မႄး​ႁႅၼ်း​ဝႆႉ ပုၼ်ႈ​ဢၼ်​တၵ်း​တိုၵ်း​သိုၵ်း​ၼၼ်ႉ​ယဝ်ႉ​ၼၼ်ႉ သႅၼ်​ပၢႆ​ပႅတ်ႇ​မိုၼ်ႇ​ဢေႃႈ။-</verse>
				<verse number="19">ၶဝ်​ၸိူဝ်း​ၼႆႉ ပဵၼ်​ၶဝ်​ၸိူဝ်း​ဢၼ်​ဢွၼ်​ၵၼ်​ၵိုတ်ႉ​ႁၢပ်ႇ​ဢမူႉ​ၶုၼ်​ႁေႃ​ၶမ်း​ယူႇ ၼွၵ်ႈ​သေ​ၶဝ်​ၸိူဝ်း​ဢၼ်​ၶုၼ်​ႁေႃ​ၶမ်း​ဢဝ်​ဝႆႉ​ၵႃႈ​ၼႂ်း​ဝဵင်း​ဢၼ်​မၼ်ႈ​ၶိူင်ႇ ၵႃႈ​ၼႂ်း​မိူင်း​ ယူႉတႃႉ ​ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။</verse>
			</chapter>
			<chapter number="18">
				<verse number="1">ယူဝ်းသၽတ်ႉ ​ၼၼ်ႉ မီး​ၸေး​ၸိမ်ႇ​ဢုၵ်ႉ​ၸႃႇ​မုၼ်​ၵုင်ႇ​သရေႇ​ယႂ်ႇ​ၼမ်​ၼႃႇ​လႄႈ​သိုပ်ႇ​ၸပ်း​ၵၼ်​တင်း​ၸိူဝ်ႉ​ၶိူဝ်း​ ဢႃႇႁပ်ႉ ​ဢေႃႈ။-</verse>
				<verse number="2">ပီႊ​ပူၼ်ႉ​ၵႂႃႇ​ၵမ်ႈ​ၽွင်ႈ​သေ​ယဝ်ႉ၊ တူဝ်​မၼ်း​လူင်း​ၸူး​ၵႃႈ​တီႈ​ ဢႃႇႁပ်ႉ ၵႃႈ​တီႈ​ဝဵင်း​ သမႃႇရီႉ ​လႄႈ ဢႃႇႁပ်ႉ ​ၼၼ်ႉ ဢဝ်​သူဝ်း​ဝူဝ်း​ၼမ်​ၼႃႇ​တၢႆ​ပုၼ်ႈ​မၼ်း ဢိၵ်ႇ​တင်း​ၵူၼ်း​ဢၼ်​ပႃး​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ​လႄႈ ၸူဝ်း​ဢဝ်​မၼ်း​ႁႂ်ႈ​မၼ်း​ၸွမ်း​ၵႂႃႇ​ၵႃႈ​တီႈ ဝဵင်း​ ရႃႇမုတ်ႉ မိူင်း​ ၵီႉလတ်ႉ ​ဢေႃႈ။-</verse>
				<verse number="3">ဢႃႇႁပ်ႉ ​ၶုၼ်​ႁေႃ​ၶမ်း​ ဢီႉသရေႇလႃႉ ထၢမ်​တီႈ​ ယူဝ်းသၽတ်ႉ ၶုၼ်​ႁေႃ​ၶမ်း​ ယူႉတႃႉ ​လႄႈ​ဝႃႈ၊ ၸဝ်ႈ​တၵ်း​ၸွမ်း​လူၺ်ႈ​ၵၼ်​တင်း​ၵဝ်​ၶႃႈ ၵႂႃႇ​ၵႃႈ​တီႈ​ဝဵင်း​ ရႃႇမုတ်ႉ မိူင်း​ ၵီႉလတ်ႉ ​ပုၼ်ႉ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​မိူၼ်​ၸိူဝ်ႉ​ၼင်ႇ​ၸဝ်ႈ​ယူႇ၊ ၵူၼ်း​ၵဝ်​ၶႃႈ​ၸိူဝ်း​ၼႆႉ ပဵၼ်​မိူၼ်​ၸိူဝ်ႉ​ၼင်ႇ​ၵူၼ်း​ၸဝ်ႈ​ၸိူဝ်း​ၼၼ်ႉ​ယူႇ​သေ​လႄႈ တၵ်း​ၽွမ်ႉ​ၵၼ်​ၸွႆႈ​ထႅမ်​လွင်ႈ​ဢမူႉ​သိုၵ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">လႆႈ​သမ်ႉ​ ယူဝ်းသၽတ်ႉ လၢတ်ႈ​တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​လႄႈ​ဝႃႈ၊ တွင်ႈ​ထၢမ်​ၼုၵ်ႈၵပၢတ်ႈ​ထႃႇဝရႃႉ​ၽြႃး​ဝၼ်း​မိူဝ်ႈ​ၼႆႉ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ႁႂ်ႈ​ပရေႃးၽႅတ်ႈ​သီႇ​ပၢၵ်ႇ​ၸူႉ​ၵၼ်​တုမ်​ၵၼ်​သေ​ယဝ်ႉ၊ ထၢမ်​လႄႈ​ဝႃႈ၊ ႁဝ်း​ထုၵ်ႇ​လီ​ၶီႇ​သိုၵ်း​ၵႂႃႇ ၵႃႈ​တီႈ​ဝဵင်း​ ရႃႇမုတ်ႉ ​မိူင်း​ ၵီႉလတ်ႉ ​ၼၼ်ႉ​ႁိုဝ်။ ဢမ်ႇ​ၼၼ် ၵဝ်​ယင်း​ဢမ်ႇ​ၶီႇ​လႄႈ​ထုၵ်ႇ​လီ​ယူႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ၶီႇ​ၵႂႃႇ​သေ​ၵမ်း​တီႈ​ၶႃႈ။ ၽြႃး​ပဵၼ်​ၸဝ်ႈ​တၵ်း​ဢဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၸဝ်ႈ​ၶုၼ်​လူင်​တီႈ​ၶႃႈ​ဢေႃႈ။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ယူဝ်းသၽတ်ႉ ​သမ်ႉ​ထၢမ်​လႄႈ​ဝႃႈ၊ ပုၼ်ႈ​ဢၼ်​ႁဝ်း​တၵ်း​လႆႈ​တွင်ႈ​ထၢမ်​ၸိုင် ၵႃႈ​တီႈ​ၼႆႈ​ဢမ်ႇ​မီး​ပရေႃးၽႅတ်ႈ​ထႃႇဝရႃႉ​ၽြႃး​သေ​တူၼ်​သေ​ပႃး​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="7">ၶုၼ်​ႁေႃ​ၶမ်း​ ဢီႉသရေႇလႃႉ ​ၶိုၼ်း​လၢတ်ႈ​တီႈ ယူဝ်းသၽတ်ႉ ​လႄႈ​ဝႃႈ၊ ၵေႃႉ​ဢၼ်​ဢဝ်​တွင်ႈ​ထၢမ်​တီႈ​ထႃႇဝရႃႉ​ၽြႃး​လႆႈ​ၸိုင်​ယင်း​မီး​ၵေႃႉ​ၼိုင်ႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​ၶႃႈ​ၸင်း​မၼ်း ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​ႁေႃး​လၢတ်ႈ​ၵႂၢမ်း​မင်ႇၵလႃႇ​လူၺ်ႈ​လွင်ႈ​ၵဝ်​လႄႈ ၸၢင်ႈ​ႁေႃး​လၢတ်ႈ​ၵႂၢမ်း​ဢႃႉ​မင်ႇၵလႃႇ​သေႇ​သေႇ​ၵူၺ်း​ၼၼ်ႉ​ဢေႃႈ။ ၵေႃႉ​ၼၼ်ႉ​ၸမ်ႉ၊ ပဵၼ်​ မိၵ်ႉၶႃႇ လုၵ်ႈ​ၸၢႆး​ ဢီႉမလႃႉ ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ယူဝ်းသၽတ်ႉ ​ၶိုၼ်း​လၢတ်ႈ​လႄႈ​ဝႃႈ၊ ၶုၼ်​လူင်​ယႃႇ​ပေ​လၢတ်ႈ​ၸိူဝ်ႉ​ၼင်ႇ​ၼၼ်​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​ႁွင်ႉ​ဢဝ်​ၵေႃႉ​ဢၼ်​မီး​ဢရႃႇ​ၵေႃႉ​ၼိုင်ႈ​လႄႈ မီး​ဢမိင်ႉ​ဝႃႈ၊ ႁွင်ႉ​ဢဝ်​ မိၵ်ႉၶႃႇ လုၵ်ႈ​ၸၢႆး ဢီႉမလႃႉ ​ၼၼ်ႉ​မႃး​ၶၼ်​ၶၼ်​ၽႂ်း​ၽႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မိူဝ်ႈ​ၶိင်ႇ​ၼၼ်ႉ​ၶုၼ်​ႁေႃ​ၶမ်း ဢီႉသရေႇလႃႉ ​ဢိၵ်ႇ​တင်း​ ယူဝ်းသၽတ်ႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ၼုင်ႈ​မႆ​ႁၢင်ႈ​ၶိူင်ႈ​ၶူဝ်း​ၼုင်ႈ​ၶူဝ်း​မႆ​ၶုၼ်​ယူႇ​သေ​လႄႈ ၼင်ႈ​ယူႇ​ၵႃႈ​ၼိူဝ်​ရႃႇၸႃႉ​ပလၢင်ႇ​ႁင်း​ၽႂ်​ႁင်း​မၼ်း ၼႂ်း​တီႈ​ဢၼ်​ပၢင်ႇ​လီ​ပဵင်း​လီ ၵႃႈ​တီႈ​ၽၢႆႇ​ၼႃႈ​ႁူး​ၽၵ်း​တူ​ဝဵင်း​ သမႃႇရီႉ ​ၼၼ်ႉ​ယူႇ​လႄႈ၊ ပရေႃးၽႅတ်ႈ​ၵႃႈ​မီး​ၸိူဝ်း​ၼၼ်ႉ ဢွၼ်​ၵၼ်​ႁေႃး​လၢတ်ႈ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ယူႇ​ဢေႃႈ။-</verse>
				<verse number="10">ၸေႇတၵီႉ ​လုၵ်ႈ​ၸၢႆး​ ၶေးၼႃႇၼႃႉ ​ၼၼ်ႉ ႁဵတ်း​ၶဝ်​လႅမ်​လဵၵ်း​သေ​လႄႈ ႁေႃး​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၸဝ်ႈ​ႁဝ်း​တၵ်း​လႆႈ​ဢဝ်​ၶဝ်​လႅမ်​ၸိူဝ်း​ၼႆႉ တႅင်း​ၵူၼ်း​မိူင်း​ သူႉရီႉ ​တေႃႇ​ထိုင်​ႁွတ်ႈ​ၶဝ်​ထၼ်ႈ​ပေႃး​လူႉ​ပေႃး​လႅဝ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ပရေႃးၽႅတ်ႈ​ၵႃႈ​မီး​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ႁဵတ်း​ပရေႃးၽႅတ်ႈ​သေ​လႄႈ ႁေႃး​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း​ ရႃႇမုတ်ႉ မိူင်း​ ၵီႉလတ်ႉ ​လႄႈ ႁႂ်ႈ​ပႄႉ​ၼႅင်ႇ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တၵ်း​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၸဝ်ႈ​ၶုၼ်​လူင်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">တမၢၼ်ႇ​ၵူၼ်း​ၸႂ်ႉ​ဢၼ်​ၵႂႃႇ ႁႂ်ႈ​လႆႈ​ႁွင်ႉ​ မိၵ်ႉၶႃႇ ​မႃး​ၼၼ်ႉ​လၢတ်ႈ​တီႈ​မၼ်း​လႄႈ​ဝႃႈ၊ ပရေႃးၽႅတ်ႈ​ၸိူဝ်း​ၼၼ်ႉ​ၽွမ်ႉ​ၵၼ်​ႁေႃး​လၢတ်ႈ​ၵႂၢမ်း​မင်ႇၵလႃႇ​ၵူၺ်း တီႈ​ၶုၼ်​ႁေႃ​ၶမ်း​ၶႃႈ​ဢေႃႈ။ ၸဝ်ႈ​ႁဝ်း​ၵေႃႈ​ၶႅၼ်း​တေႃႈ ႁႂ်ႈ​ၵႂၢမ်း​ၸဝ်ႈ​ႁဝ်း​ပဵၼ်​ၸိူဝ်ႉ​ၼင်ႇ​ၵႂၢမ်း​ၶဝ်​ၸိူဝ်း​ၼၼ်ႉ​လႄႈ ႁေႃး​လၢတ်ႈ​ၵႂၢမ်း​မင်ႇၵလႃႇ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">မိၵ်ႉၶႃႇ ​ၶိုၼ်း​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ် ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ ၵဝ်​တၵ်း​လႆႈ​ၶိုၼ်း​လၢတ်ႈ​ၵႂၢမ်း​ဢၼ်​ၽြႃး​ပဵၼ်​ၸဝ်ႈ​ၵဝ်​မီး​ဢမိင်ႉ​ၼၼ်ႉ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​တီႈ ၶုၼ်​ႁေႃ​ၶမ်း​ၼၼ်ႉ​ၸိုင်၊ ၶုၼ်​ႁေႃ​ၶမ်း​ထၢမ်​တီႈ​မၼ်း​လႄႈ​ဝႃႈ၊ မိၵ်ႉၶႃႇ ​ဢိူၺ်း၊ ႁဝ်း​ထုၵ်ႇ​လီ​ၶီႇ​သိုၵ်း​ၵႂႃႇ ၵႃႈ​တီႈ​ဝဵင်း​ ရႃႇမုတ်ႉ မိူင်း​ ၵီႉလတ်ႉ ​ၼၼ်ႉ​ႁိုဝ်။ ဢမ်ႇ​ၼၼ် ၵဝ်​ယင်း​ဢမ်ႇ​ၶီႇ​လႄႈ​ထုၵ်ႇ​လီ​ယူႇ​ႁိုဝ်၊ ဝႃႈ​ၼင်ႇ​ၼႆ​သေ​ယဝ်ႉ၊ မိၵ်ႉၶႃႇ ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၶဝ်​ၶီႇ​သိုၵ်း​ၶိုၼ်ႈ​ၸူး​လႄႈ ႁႂ်ႈ​ပႄႉ​ၼႅင်ႇ​သေ​ၵမ်း​တီႈ​ၶႃႈ။ ၶဝ်​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၶုၼ်​ႁေႃ​ၶမ်း​ၵေႃႈ​ထၢမ်​လႄႈ​ဝႃႈ၊ လိူဝ်​သေ​ၵႂၢမ်း​ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ၊ လွင်ႈ​ၼင်ႇ​ႁိုဝ်​မႂ်း​တၵ်း​ဢမ်ႇ​ဢဝ်​တင်း​ဢၶႂၢင်ႉ ထႃႇဝရႃႉ​ၽြႃး​သေ​လႄႈ ႁေႃး​လၢတ်ႈ​ၵႂၢမ်း​တၢင်ႇ​ၸိူဝ်ႉ​တၢင်ႇ​ဢၼ်​တီႈ​ၵဝ်​ၸိုင်၊ ၵဝ်​တၵ်း​လႆႈ​ပၼ်​တၢင်း​ၵိၼ်ႇ​တၢင်း​ဝႃႈ တီႈ​မႂ်း​တေႃႇ​ထိုင်​ႁွတ်ႈ​လၢႆ​ပွၵ်ႈ​လၢႆ​ၽဝ်ႇ​လူး​ၵွၼ်ႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">မၼ်း​ၵေႃႈ​သမ်ႉ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​လႆႈ​ႁၼ်​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် မီး​တၢင်း​ဢၼ်​ၽၢတ်ႇ​ၽႄ​ၵၼ်​ယူႇ​ၵႃႈ​ၼိူဝ်​လွႆ​ၼိူဝ်​ၵုင်း​တင်း​လၢႆ​မိူၼ်​ၸိူဝ်ႉ​ၼင်ႇ​သူဝ်း​ဢၼ်​ဢမ်ႇ​မီး​ၵေႃႉ​ဢၼ်​လဵင်ႉ​ဢၼ်​ထိင်း​ၼၼ်ႉ​တီႈ​ၶႃႈ​ယဝ်ႉ။ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​ၶဝ်​ၸိူဝ်း​ၼႆႉ ဢမ်ႇ​မီး​ၸဝ်ႈ​မီး​ၸွမ်​လႄႈ ႁႂ်ႈ​ၶဝ်​ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း တီႈ​ဢၼ်​ၶဝ်​ယူႇ​ၼၼ်ႉ​ႁင်း​ၽႂ်​ႁင်း​မၼ်း​သေ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၶုၼ်​ႁေႃ​ၶမ်း​ ဢီႉသရေႇလႃႉ ​လၢတ်ႈ​တီႈ​ ယူဝ်းသၽတ်ႉ ​လႄႈ​ဝႃႈ၊ ၸွင်ႇ​ၵဝ်​ၶႃႈ​ဢမ်ႇ​လၢတ်ႈ​တီႈ​ၸဝ်ႈ​လႄႈ​ဝႃႈ၊ မၼ်း​ၼႆႉ​ဢမ်ႇ​ႁေႃး​ၵႂၢမ်း​မင်ႇၵလႃႇ​လူၺ်ႈ​လွင်ႈ​ၵဝ်​ၶႃႈ၊ ၸၢင်ႈ​ႁေႃး​လၢတ်ႈ​ၵႂၢမ်း​ဢႃႉ​မင်ႇၵလႃႇ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ​ဢမ်ႇ​ၸႂ်ႈ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မၼ်း​ၼၼ်ႉ​ၵေႃႈ သမ်ႉ​ႁေႃး​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၶႅၼ်း​တေႃႈ​ထွမ်ႇ​ငိၼ်း​ဢမိင်ႉ​ထႃႇဝရႃႉ​ၽြႃး​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁၼ်​ထႃႇဝရႃႉ​ၽြႃး​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၸဝ်ႈ​လႄႈ ပူဝ်ႇ​ပႃႇ​ၵၢင်​ႁၢဝ်​တင်း​သဵင်ႈ​တင်း​လူင် ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ၽၢႆႇ​ၶႂႃ​ၸဝ်ႈ ၵႃႈ​တီႈ​ၽၢႆႇ​သၢႆႉ​ၸဝ်ႈ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="19">ထႃႇဝရႃႉ​ၽြႃး​ၵေႃႈ​ထၢမ်​လႄႈ​ဝႃႈ၊ ၽူႈ​လႂ်​တၵ်း​တိုၵ်း​ယူင်း​ၸူဝ်း​ဢဝ်​ ဢႃႇႁပ်ႉ ​ၶုၼ်​ႁေႃ​ၶမ်း​ ဢီႉသရေႇလႃႉ ႁႂ်ႈ​မၼ်း​ၶီႇ​သိုၵ်း​ၶိုၼ်ႈ​ၸူး ၵႃႈ​တီႈ​ဝဵင်း​ ရႃႇမုတ်ႉ မိူင်း​ ၵီႉလတ်ႉ ​လႄႈ သုမ်း​ၸွမ်း​ၼၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၼၼ်ႉ​ဢွၼ်​ၵၼ်​ၶိုၼ်း​လဝ်ႊ​လၢတ်ႈ​ယေႈ​ၵေႃႉ​ယေႈ​ၸိူဝ်း​ယေႈ​ၵေႃႉ​ယေႈ​ၼႄး​ဢေႃႈ။-</verse>
				<verse number="20">လႆႈ​သမ်ႉ ဝီႉၺိၺ်ႇ​ပႃး​ၼိုင်ႈ​မႃး​လႄႈ​ၸုၵ်း​ယူႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ယူႇ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​တၵ်း​တိုၵ်း​ယူင်း​ၸူဝ်း​ဢဝ်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ထႃႇဝရႃႉ​ၽြႃး​ထၢမ်​လႄႈ​ဝႃႈ၊ တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​သေ​လႄႈ တိုၵ်း​ယူင်း​ၸူဝ်း​ဢဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="21">မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​တၵ်း​ၵႂႃႇ​လႄႈ ပဵၼ်​ၸႂ်​ဝီႉၺိၺ်ႇ​ဢၼ်​ၸၢင်ႈ​လၢတ်ႈ​ၵႂၢမ်း​မူႉ​သႃႇ ၵႃႈ​ၼႂ်း​သူပ်း​ပရေႃးၽႅတ်ႈ ၶုၼ်​လူင်​ၵႃႈ​မီး​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ မႂ်း​တၵ်း​တိုၵ်း​ယူင်း​ၸူဝ်း​ဢဝ်​မၼ်း​လႄႈ ပႄႉ​ၼႅင်ႇ​ဢေႃႈ၊ ၵႂႃႇ​လႄႈ​ႁဵတ်း​ၸိူဝ်ႉ​ၼင်ႇ​ၼၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ထႃႇဝရႃႉ​ၽြႃး​ဢဝ်​ၸႂ်​ဝီႉၺိၺ်ႇ​ဢၼ်​ၸၢင်ႈ​လၢတ်ႈ​ၵႂၢမ်း​မူႉ​သႃႇ​ၼၼ်ႉ သႂၢင်း​သႂ်ႇ​ပၼ်​ၵႃႈ​ၼႂ်း​သူပ်း​ပရေႃးၽႅတ်ႈ​ၶုၼ်​လူင်​ၸိူဝ်း​ၼႆႉ​တီႈ​ၶႃႈ​ယဝ်ႉ။ ထႃႇဝရႃႉ​ၽြႃး​လၢတ်ႈ​ၵႂၢမ်း​ဢႃႉ​မင်ႇၵလႃႇ​လူၺ်ႈ​လွင်ႈ​ၸဝ်ႈ​ၶုၼ်​လူင်​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မိူဝ်ႈ​ၼၼ်ႉ​ ၸေႇတၵီႉ လုၵ်ႈ​ၸၢႆး​ ၶေးၼႃႇၼႃႉ ​ၼၼ်ႉ သုတ်ႉ​ၸပ်း​သုတ်ႉ​ၸူး​လႄႈ တူပ်း​သႂ်ႇ​ၵႅမ်ႈ​ မိၵ်ႉၶႃႇ ​သေ​လႄႈ ထၢမ်​လႄႈ​ဝႃႈ၊ ဝီႉၺိၺ်ႇ​ထႃႇဝရႃႉ​ၽြႃး ဢွၵ်ႇ​သေ​ၵႃႈ​ၼႂ်း​ၵဝ်​ၵႂႃႇ​တၢင်း​သဵၼ်ႈ​လႂ် ႁႂ်ႈ​လႆႈ​တၵ်ႉ​လၢတ်ႈ​မႂ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="24">မိၵ်ႉၶႃႇ ​ၵေႃႈ​လၢတ်ႈ​လႄႈ​ဝႃႈ၊ မႂ်း​တၵ်း​လႆႈ​ႁၼ်​ၼႂ်း​မိုဝ်ႉ​ဝၼ်း​ဢၼ် မႂ်း​တၵ်း​ၶဝ်ႈ​ၵႃႈ​ၼႂ်း​လုၵ်း​တၢင်း​ၼႂ်း ႁႂ်ႈ​လႆႈ​တဵတ်ႇ​မႅပ်ႉ​ယူႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ ဢီႉသရေႇလႃႉ ၸီႇ​ယၢင်ႇ​လႄႈ​ဝႃႈ၊ ဢဝ်​ မိၵ်ႉၶႃႇ ​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ ဢႃႇမုၼ်ႇ ​ၶုၼ်​မဵဝ်ႉ​ဝုၼ်ႇ​တင်း ယေႃးသႃႉ လုၵ်ႈ​ၸၢႆး​ၸဝ်ႈ​ၼၼ်ႉ​လႄႈ၊-</verse>
				<verse number="26">သင်ႇ​လၢတ်ႈ​ဝႆႉ​လႄႈ​ဝႃႈ၊ ၶုၼ်​ႁေႃ​ၶမ်း​မီး​ဢမိင်ႉ​ၸမ်ႉ၊ ဢွၼ်​ၵၼ်​ဢဝ်​ၵေႃႉ​ၼႆႉ ၶင်​ဝႆႉ​ၵႃႈ​ၼႂ်း​ထွင်ႇ​လႄႈ ႁႂ်ႈ​မၼ်း​ၵိၼ်​ၶူပ်း​ၶဝ်ႈ​မုၼ်း​တုၵ်ႉ​ၶႃႉ​တၢင်း​ဢၼ်​ၶၢၼ်​ၸႂ်​လႄႈ သူတ်ႉ​ၵိၼ်​ၼမ်ႉ​တုၵ်ႉ​ၶႃႉ​တၢင်း​ဢၼ်​ၶၢၼ်​ၸႂ်​ယူႇ တေႃႇ​ထိုင်​ႁွတ်ႈ​ၵဝ်​လႆႈ​ၶိုၼ်း​မႃး​ၼိမ်​ၼိမ်​လီ​လီ​ၼၼ်ႉ​တႃႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မိၵ်ႉၶႃႇ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပေႃး​ၸဝ်ႈ​ၶုၼ်​လူင်​လႆႈ​ၶိုၼ်း​မႃး​ၼိမ်​ၼိမ်​လီ​လီ​ၸိုင်၊ ထႃႇဝရႃႉ​ၽြႃး​ဢမ်ႇ​ဢဝ်​ၶႃႈ​ၸဝ်ႈ မီး​ဢမိင်ႉ​ဝႆႉ​တီႈ​ၶႃႈ။ ၵူၼ်း​ၵႃႈ​မီး​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ဝႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">ၼင်ႇ​ၼၼ်​လႄႈ​ၶုၼ်​ႁေႃ​ၶမ်း​ ဢီႉသရေႇလႃႉ တင်း​ ယူဝ်းသၽတ်ႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ဢွၼ်​ၵၼ်​ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း​ ရႃႇမုတ်ႉ မိူင်း​ ၵီႉလတ်ႉ ​ဢေႃႈ။-</verse>
				<verse number="29">ၶုၼ်​ႁေႃ​ၶမ်း​ ဢီႉသရေႇလႃႉ လၢတ်ႈ​တီႈ​ ယူဝ်းသၽတ်ႉ ​လႄႈ​ဝႃႈ၊ ၵဝ်​တၵ်း​ယႃႉ​ႁၢင်ႈ​ယႃႉ​ၽၢင်​ၵဝ်​သေ​လႄႈ ၶဝ်ႈ​ၵႃႈ​ၼႂ်း​ပွႆး​သိုၵ်း​ဢေႃႈ။ ၸဝ်ႈ​ၸမ်ႉ ၼုင်ႈ​မႆ​ႁၢင်ႈ​ၶိူင်ႈ​ၶူဝ်း​ၼုင်ႈ​ၶူဝ်း​မႆ​ၶုၼ်​ယူႇ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ယႃႉ​ႁၢင်ႈ​ယႃႉ​ၽၢင်​မၼ်း​သေ​လႄႈ ၶဝ်ႈ​ၵႃႈ​ၼႂ်း​ပွႆး​သိုၵ်း​ဢေႃႈ။-</verse>
				<verse number="30">ၵွပ်ႈ​ပိူဝ်ႈ​ဢၼ်​ၶုၼ်​ႁေႃ​ၶမ်း​ သူႉရီႉ ​သင်ႇ​လၢတ်ႈ​ဝႆႉ တီႈ​ၶုၼ်​ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ႁူဝ်​ႁၢၼ်​ၵူၼ်း​သိုၵ်း​ၶီႇ​လေႃႉရထႃး​ၸိူဝ်း​ၼၼ်ႉ​ဝႆႉ​လႄႈ​ဝႃႈ၊ ၼွၵ်ႈ​သေ​ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ၊ ယႃႇ​ပေ​တိုၵ်း​တေႃး​ၵူၼ်း​လူင်​ၵူၼ်း​ဢွၼ်ႇ​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​ဝႆႉ​ၼၼ်ႉ​လႄႈ၊-</verse>
				<verse number="31">မိူဝ်ႈ​ဢၼ်​ၶုၼ်​ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ႁူဝ်​ႁၢၼ်​ၵူၼ်း​သိုၵ်း ၶီႇ​လေႃႉရထႃး​ၸိူဝ်း​ၼၼ်ႉ ႁၼ်​ ယူဝ်းသၽတ်ႉ ​ၼၼ်ႉ​ၸိုင်၊ ၶဝ်​လၢတ်ႈ​ၵၼ်​လႄႈ​ဝႃႈ၊ ၵေႃႉ​ၼၼ်ႉ​တၵ်း​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ ဢွၼ်​ၵၼ်​ဢုမ်ႇ​မႃး​ႁႂ်ႈ​လႆႈ​တိုၵ်း​တေႃး​မၼ်း​လႄႈ ယူဝ်းသၽတ်ႉ ​ၵေႃႈ​ႁွင်ႉ​သႅၼ်ႇ​ဢေႃႈ၊ ထႃႇဝရႃႉ​ၽြႃး​ၸွႆႈ​ထႅမ်​မႃႉ​ၸႃႉ​မၼ်း​လႄႈ၊ ၽြႃး​ပဵၼ်​ၸဝ်ႈ​တိုၵ်း​ယူင်း ႁႂ်ႈ​ၶဝ်​ၼၼ်ႉ​ဝႄႈ​ပိူင်ႈ​မၼ်း​သေ​ဢေႃႈ။-</verse>
				<verse number="32">မိူဝ်ႈ​ဢၼ်​ၶုၼ်​ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ႁူဝ်​ႁၢၼ်​ၵူၼ်း​သိုၵ်း​ၶီႇ​လေႃႉရထႃး​ၸိူဝ်း​ၼၼ်ႉ ႁူႉ​ႁၼ်​လွင်ႈ​ဢၼ်​ဢမ်ႇ​ၸႂ်ႈ ၶုၼ်​ႁေႃ​ၶမ်း ဢီႉသရေႇလႃႉ ​ၼၼ်ႉ​ၸိုင်၊ ၶဝ်​ယင်း​ဢမ်ႇ​ဢုမ်ႇ​ၸွမ်း​မၼ်း​လႄႈ ဢွၼ်​ၵၼ်​ဝႄႈ​ပိူင်ႈ​မၼ်း​သေ​ဢေႃႈ။-</verse>
				<verse number="33">ၵူၼ်း​ၵေႃႉ​ၼိုင်ႈ ယင်း​ဢမ်ႇ​ယဵင်း​ၸူး​လႄႈ ဢဝ်​ၵၢင်ႇ​မၼ်း​ယိုဝ်း​လႄႈ ထုၵ်ႇ​မႅၼ်ႈ​သႂ်ႇ​ၵႃႈ​တီႈ​ၵႄႈ​ပွင်ႈ​သိူဝ်ႈ​ၶႅပ်း​လဵၵ်း​ၶုၼ်​ႁေႃ​ၶမ်း ဢီႉသရေႇလႃႉ ​သေ​ယဝ်ႉ မၼ်း​လၢတ်ႈ​တီႈ​ၵေႃႉ​ဢၼ်​ထိင်း​လေႃႉရထႃး​မၼ်း​လႄႈ​ဝႃႈ၊ ဢဝ်​ၵဝ်​ဝၢႆႇ​ၶိုၼ်း​လႄႈ​ဢွၵ်ႇ​သေ​ၵႃႈ​ၼႂ်း​ပွႆး​သိုၵ်း​တႃႉ။ ၵဝ်​ၸဵပ်း​ၼႃႇ​လူင်​လၢင်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ၼႂ်း​ဝၼ်း​ၼၼ်ႉ တၢင်း​ဢၼ်​တိုၵ်း​ၵၼ်​တေႃး​ၵၼ် ယဵင်ႈ​ၶႅၼ်း​ယႂ်ႇ​မႃး​တူဝ်း​မႃး​ယူႇ​ဢေႃႈ။ ၶုၼ်​ႁေႃ​ၶမ်း​ ဢီႉသရေႇလႃႉ ​ၵေႃႈ ဢိင်​ၵူၼ်း​ၵႃႈ​ၼႂ်း​လေႃႉရထႃး​ၸဝ်ႈ​သေ​လႄႈ ၼင်ႈ​ယူႇ​ၽၢႆႇ​ၼိုင်ႈ တင်း​ၵူၼ်း​ သူႉရီႉ ​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​လႄႈ ယၢမ်း​မိူဝ်ႈ​ဢၼ်​ၵၢင်​ဝၼ်း​ၸမ်​တၵ်း​တူၵ်း​ၼၼ်ႉ၊ ဢသၢၵ်ႈ​မၼ်း​သဵင်ႈ​သေ​ဢေႃႈ။</verse>
			</chapter>
			<chapter number="19">
				<verse number="1">ယူဝ်းသၽတ်ႉ ၶုၼ်​ႁေႃ​ၶမ်း​ ယူႉတႃႉ ၶိုၼ်း​မႃး​ၸူး​ၵႃႈ​တီႈ​ႁေႃ​ၸဝ်ႈ ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼိမ်​ၼိမ်​လီ​လီ​ဢေႃႈ။-</verse>
				<verse number="2">ယေႇႁူႉ ​လုၵ်ႈ​ၸၢႆး​ ႁႃႇၼၼီႉ ဢၼ်​ပဵၼ်​ၵေႃႉ​ဢၼ်​ႁူ​ပွင်ႇ​တႃ​လႅင်း​ၼၼ်ႉ ဢွၵ်ႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​ၶုၼ်​လူင် ယူဝ်းသၽတ်ႉ ​လႄႈ လဝ်ႊ​လၢတ်ႈ​တီႈ​မၼ်း​လႄႈ​ဝႃႈ၊ ၸဝ်ႈ​ၶုၼ်​လူင်​ထုၵ်ႇ​လီ​ၸွႆႈ​ထႅမ်​မႃႉ​ၸႃႉ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​တီႈ​ၶႃႈ​ႁိုဝ်။ ထုၵ်ႇ​လီ​ႁၵ်ႉ​ၶဝ်​ၸိူဝ်း​ဢၼ်​ၸင်း ထႃႇဝရႃႉ​ၽြႃး​ၼၼ်ႉ​တီႈ​ၶႃႈ​ႁိုဝ်။ ၵွပ်ႈ​ပိူဝ်ႈ​တီႈ​ႁဵင်း​ၼႆႉ​လႄႈ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး​တူၵ်း​ႁွတ်ႈ​ၵႃႈ​ၼိူဝ်​ၸဝ်ႈ​ၶုၼ်​လူင်​တီႈ​ၶႃႈ​ယဝ်ႉ။-</verse>
				<verse number="3">ၼႂ်း​ဝႃႈ​ၼၼ်​သေ​ၵေႃႈ ၵွပ်ႈ​ပိူဝ်ႈ​ဢၼ်​ၶုၼ်​လူင် ပႄႇ​ၽဵဝ်ႈ​တူၼ်ႈ​ဢႃႇသရႃႉ​တင်း​လၢႆ​ပႅတ်ႈ​သေ​ၵႃႈ​ၼႂ်း​မိူင်း​တင်း​မိူင်း​လႄႈ ၶျႃး​ၸႂ်​ႁႂ်ႈ​လႆႈ​ႁႃ​ၽြႃး​ပဵၼ်​ၸဝ်ႈ​ၼၼ်ႉ​လႄႈ လႆႈ​ထူပ်း​လွင်ႈ​တၢင်း​ဢၼ်​လီ​ဢၼ်​ငၢမ်း​ၵႃႈ​ၼႂ်း​ၶုၼ်​လူင်​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">လိုၼ်း​ၼၼ်ႉ ယူဝ်းသၽတ်ႉ ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။ လႆႈ​သမ်ႉ မၼ်း​ဢွၵ်ႇ​သေ​လႄႇ​လဵပ်ႈ​ၵႃႈ​ၼႂ်း​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ ပေႇရသေႇၽႃႉ ၊ တေႃႇ​ထိုင်​ႁွတ်ႈ​ႁၢၼ်ႉ​လွႆ​ ဢေႇၽရိမ်ႇ ​လႄႈ ႁႂ်ႈ​ၶဝ်​ၶိုၼ်ႈ​ၸူး ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​ၶဝ်​ၼၼ်ႉ​ဢေႃႈ။-</verse>
				<verse number="5">မၼ်း​ၶၢၼ်း​ၵူၼ်း​လူင်​ဢၼ်​ၸီႇ​ယၢင်ႇ​တြႃး​တင်း​လၢႆ ဝႆႉ​ၵႃႈ​တီႈ​ဝဵင်း​ဢၼ်​မၼ်ႈ​ၶိူင်ႇ ၵႃႈ​ၼႂ်း​မိူင်း​ ယူႉတႃႉ ၵႃႈ​မီး​ႁင်း​ၽႂ်​ႁင်း​မၼ်း​လႄႈ၊-</verse>
				<verse number="6">သင်ႇ​လၢတ်ႈ​ဝႆႉ​တီႈ​ၵူၼ်း​လူင်​ဢၼ်​ၸီႇ​ယၢင်ႇ​တြႃး​ၸိူဝ်း​ၼၼ်ႉ​လႄႈ​ဝႃႈ၊ ဢွၼ်​ၵၼ်​ႁဵတ်း​သတီႉ​လူၺ်ႈ​လွင်ႈ ဢၼ်​သူ​ႁဵတ်း​ၼၼ်ႉ​တႃႉ။ သူ​ဢွၼ်​ၵၼ်​ပႂ်ႉ​ဢမူႉ​ၵူၼ်း​သေ​လႄႈ ၸီႇ​ယၢင်ႇ​တြႃး​ဢမ်ႇ​ၸႂ်ႈ။ သူ​ဢွၼ်​ၵၼ်​ပႂ်ႉ​ဢမူႉ​ထႃႇဝရႃႉ​ၽြႃး​သေ​လႄႈ ၸီႇ​ယၢင်ႇ​လႄႈ မၼ်း​ၸဝ်ႈ​မီး​ယူႇ​လူၺ်ႈ​ၵၼ်​တင်း​သူ ၼႂ်း​လွင်ႈ​ဢၼ်​သူ​ၸီႇ​ယၢင်ႇ​ၼၼ်ႉ​ဢေႃႈ။-</verse>
				<verse number="7">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ႁႂ်ႈ​တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ​မီး​တီႈ​သူ​တႃႉ။ ဢွၼ်​ၵၼ်​ပႃး​သတီႉ​လႄႈ​ႁဵတ်း​တႃႉ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ဢမ်ႇ​မီး​ဢၶႂၢင်ႉ​တၢင်း​ဢၼ် ႁပ်ႉ​တုင်း​ဢဝ်​ဢမူႉ​ဢၼ်​ဢမ်ႇ​တြႃး​တၢင်း​ဢၼ်​ထွၵ်ႈ​လူၺ်ႈ​ၼႃႈ​ၵူၼ်း၊ တၢင်း​ဢၼ်​ၵိၼ်​လၢၵ်ႈ​သွင်ႇ​ၸိူဝ်း​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၵေႃႈ ယူဝ်းသၽတ်ႉ ​ဢဝ် ၵႃႈ​ၼႂ်း​ၵူၼ်း​မဵဝ်း​ လေႇဝီႉ ၊ ၵႃႈ​ၼႂ်း​ယိတ်ႈပရေႃးႁဵၵ်ႈ၊ ၵႃႈ​ၼႂ်း​ၵူၼ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ၼႂ်း​မဵဝ်း​ၸိူဝ်ႉ​ၶိူဝ်း​ပေႃႈ​ၶဝ်၊ ၼႂ်း​မဵဝ်း​ ဢီႉသရေႇလႃႉ ​ၵမ်ႈ​ၽွင်ႈ ၶၢၼ်း​ဝႆႉ​ႁႂ်ႈ​ၸီႇ​ယၢင်ႇ​ဢမူႉ​တြႃး​ထႃႇဝရႃႉ​ၽြႃး​ဢိၵ်ႇ​တင်း​ဢမူႉ ဢၼ်​ၵူၼ်း​ၼင်ႇ​ၵၼ်​ထူပ်း​တြႃး​တီႈ​ၵၼ်​ၼၼ်ႉ ၼႂ်း​မိူဝ်ႈ​ဢၼ်​ၶိုၼ်း​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ၊-</verse>
				<verse number="9">သင်ႇ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ သူ​ဢွၼ်​ၵၼ်​မီး​တင်း​ႁူဝ်​ၸႂ်​ဢၼ်​ၸေး​ၸုမ်ႇ​လႄႈ ၵူဝ်​ယမ်​ထႃႇဝရႃႉ​ၽြႃး​ယူႇ၊ ပႂ်ႉ​သဵတ်ႈ​ၸႃႇ​ယူႇ​သေ​လႄႈ​ၸီႇ​ယၢင်ႇ​တႃႉ။-</verse>
				<verse number="10">ပေႃး​ဢမူႉ​တၢင်း​ဢၼ်​ပီႈ​သူ​ၼွင်ႉ​သူ ဢၼ်​ယူႇ​ၵႃႈ​ၼႂ်း​ၵူႈ​ဝၢၼ်ႈ​ၵူႈ​ဝဵင်း​ၼၼ်ႉ ထူပ်း​တြႃး​တီႈ​ၵၼ်​ဢၼ်​ဝႃႈ ဢမူႉ​တၢင်း​ဢၼ်​ဢဝ်​ဢသၢၵ်ႈ​ၵူၼ်း​တၢႆ၊ ဢမူႉ​တၢင်း​ဢၼ်​ပူၼ်ႉ​လိူဝ်​ပိင်း​ၺၢပ်ႈ​တြႃး ဢိၵ်ႇ​တင်း​လွင်ႈ​တၢင်း​ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ၊ တင်း​ထုင်း​ၽိင်ႈ​တြႃး တင်း​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​ၼၼ်ႉ ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​သူ​ၸိုင်၊ သူ​ဢွၼ်​ၵၼ်​ပၼ်​သတီႉ​တီႈ​ၶဝ်​ႁႂ်ႈ​ၶဝ်​ဢမ်ႇ​လႆႈ​ၽိတ်း​ပိူင်ႈ​ထႃႇဝရႃႉ​ၽြႃး​လႄႈ ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​တူၵ်း​ႁွတ်ႈ​ၵႃႈ​ၼိူဝ်​သူ​ဢိၵ်ႇ​တင်း​ပီႈ​သူ​ၼွင်ႉ​သူ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တူဝ်​သူ​တၵ်း​ဢွၼ်​ၵၼ်​ၵၢင်း​လွတ်ႈ​တင်း​ဢပႅတ်ႈ​ဢေႃႈ။-</verse>
				<verse number="11">ၼႂ်း​ဢမူႉ​ထႃႇဝရႃႉ​ၽြႃး​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၸိုင်၊ ၶုၼ်​ယိတ်ႈပရေႃးႁဵၵ်ႈ​ ဢႃႇမရီႉ လႆႈ​ဢုပ်ႉ​ၵႃႈ​ၼိူဝ်​သူ​ဢေႃႈ။ ၼႂ်း​ဢမူႉ​ၶုၼ်​ႁေႃ​ၶမ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ၊ ၸေႇပတီႉ ​လုၵ်ႈ​ၸၢႆး​ ဢီႉသမေႇလႃႉ ဢၼ်​ပဵၼ်​ၶုၼ်​ၵႃႈ​ၼိူဝ်​မဵဝ်း​ ယူႉတႃႉ ​ၼၼ်ႉ​လႆႈ​ဢုပ်ႉ​ဢေႃႈ။ ၵူၼ်း​မဵဝ်း​ လေႇဝီႉ ​တင်း​လၢႆ​ၵေႃႈ​လႆႈ​ဢွၼ်​ၵၼ်​ႁဵတ်း​ၵူၼ်း​ဢွၼ်ႇ​ၶၢမ်ႇ​တၢင်း​ၸႂ်ႉ​တၢင်း​သွႆ​ယူႇ​ဢေႃႈ။ ဢွၼ်​ၵၼ်​ၸီႇ​ယၢင်ႇ​ႁတ်း​ႁတ်း​ႁၢၼ်​ႁၢၼ်​တႃႉ။ ထႃႇဝရႃႉ​ၽြႃး​တၵ်း​ယူႇ​ၽၢႆႇ​ၶဝ်​ၸိူဝ်း​ဢၼ်​လီ​ဢၼ်​ငၢမ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="20">
				<verse number="1">လိုၼ်း​ၼၼ်ႉ​ၵူၼ်း​မဵဝ်း​ မေႃႇၽႃႉ ၊ ဢိၵ်ႇ​တင်း​ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ ပႃး​တင်း​ၵူၼ်း​ ဢေႇတုမ်ႇ ​ၵမ်ႈ​ၽွင်ႈ​သေ​လႄႈ ၶီႇ​မႃး​ႁႂ်ႈ​လႆႈ​တိုၵ်း​တေႃး ယူဝ်းသၽတ်ႉ ​ဢေႃႈ။-</verse>
				<verse number="2">ပိူၼ်ႈ​မႃး​လဝ်ႊ​လၢတ်ႈ​တီႈ​ ယူဝ်းသၽတ်ႉ ​လႄႈ​ဝႃႈ၊ မူႇ​ၽုင်​မုၵ်ႉ​ၸိူဝ်း​ဢၼ်​ၼမ်​ၼႃႇ​လူင်​လၢင်​ၼၼ်ႉ ဢွၼ်​ၵၼ်​လုၵ်ႉ​သေ​ၵႃႈ​တီႈ​မိူင်း​ သူႉရီႉ ၽၢႆႇ​ပုၼ်ႉ​ၼမ်ႉ​ႁွင်ႈ​လူင်​ၼၼ်ႉ​မႃး​လႄႈ၊ တူၺ်း​တီႈ​ၶႃႈ​လူး၊ မီး​ယူႇ​ၵႃႈ​တီႈ​ဝဵင်း​ ႁႃႇၸၸုၼ်ႇတႃႇမႃႇ ဢၼ်​မီး​ၸိုဝ်ႈ​ဝႃႈ ဢႅၼ်ႇၵေးတီႉ ​ၼၼ်ႉ​တီႈ​ၶႃႈ​ဢေႃႈ။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="3">ယူဝ်းသၽတ်ႉ ​ၵူဝ်​ႁႄ​လႄႈ ၶျႃး​ၸႂ်​သၽေႃး​ႁႂ်ႈ​လႆႈ​ႁႃ​ထႃႇဝရႃႉ​ၽြႃး​ယူႇ​သေ​လႄႈ ႁႂ်ႈ​ႁွင်ႉ​ပၢဝ်ႇ​ႁွင်ႉ​လၢတ်ႈ ၶိင်ႇ​ဢၼ်​ၵမ်​တၢင်း​ၵိၼ်​ၵႃႈ​ၼႂ်း​မိူင်း​ ယူႉတႃႉ ​တင်း​မိူင်း​ဢေႃႈ။-</verse>
				<verse number="4">ၵူၼ်း​မဵဝ်း​ ယူႉတႃႉ ​တင်း​လၢႆ ၸူႉ​ၵၼ်​တုမ်​ၵၼ် ႁႂ်ႈ​လႆႈ​သူး​တွင်း​တီႈ​ထႃႇဝရႃႉ​ၽြႃး​လႄႈ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ဝဵင်း​ ယူႉတႃႉ ၵႃႈ​မီး မႃး​ႁႂ်ႈ​လႆႈ​ႁႃ​ထႃႇဝရႃႉ​ၽြႃး​ဢေႃႈ။</verse>
				<verse number="5">ယူဝ်းသၽတ်ႉ ​ၼၼ်ႉ လုၵ်ႉ​ၸုၵ်း​ၵႃႈ​ၼႂ်း​ၵၢင်​ပရဵၵ်ႈသၢတ်ႈ​တီႈ​ဢၼ်​ၵူၼ်း​မိူင်း​ ယူႉတႃႉ ၵူၼ်း​ဝဵင်း​ ယေႇရူႉသလႅမ်ႇ ​ၸူႉ​တုမ်​ၼၼ်ႉ​ၵႃႈ​တီႈ​ၽၢႆႇ​ၼႃႈ​တမ်ႇ​တိူင်း​ဢၼ်​မႂ်ႇ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ယူႇ​သေ​လႄႈ၊-</verse>
				<verse number="6">သူး​တွင်း​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​ႁဝ်း​ၶႃႈ​တီႈ​ၶႃႈ၊ ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ​ၸဝ်ႈ​ၽုင်ႇ​ၵၢင်​ႁၢဝ်​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ၸဝ်ႈ​ႁဝ်း​ဢုပ်ႉ​ပိူင်ႇ​သိုင်ႇ​ၸိုင်ႈ​ဝၢၼ်ႈ​မိူင်း ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၵႃႈ​မီး​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ၵႃႈ​ၼႂ်း​ၶႅၼ်​မိုဝ်း​ၸဝ်ႈ​ႁဝ်း​ၼၼ်ႉ၊ မီး​ႁႅင်း​တၼ်း​ၶူဝ်း​ဢၼ်​ယႂ်ႇ​ၼႃႇ​ထၼ်ႈ​ပေႃး​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁၢမ်ႈ​တၢပ်ႈ​ႁႄႉ​ၶႅၼ်​ၸဝ်ႈ​ႁဝ်း​လႆႈ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="7">ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ၸဝ်ႈ​ႁဝ်း​ႁေႃႈ​ၶဝ်​ၸိူဝ်း​ဢၼ်​ယၢမ်ႈ​ယူႇ ၵႃႈ​ၼႂ်း​မိူင်း​ၼႆႉ​ၸိူဝ်း​ၼၼ်ႉ ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၵူၼ်း​ၸဝ်ႈ​ႁဝ်း​မဵဝ်း​ ဢီႉသရေႇလႃႉ ​လႄႈ ဢဝ်​မိူင်း​ၼႆႉ​ပၼ်​တီႈ​လုၵ်ႈ​လၢၼ်​ ဢႃႇပြႃႇႁၢမ်ႇ ၵေႃႉ​သေႈ​ၸဝ်ႈ​ႁဝ်း​ၼၼ်ႉ​သေ​လႄႈ ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="8">ၶဝ်​ၼၼ်ႉ​တူၵ်း​တီႈ​တူၵ်း​လႅၼ်​ယူႇ​ၵႃႈ​ၼႂ်း​မၼ်း​သေ​လႄႈ ဢွၼ်​ၵၼ်​ႁဵတ်း​ထႃႇၼႃႉ​တီႈ​မူတ်း​ၸၢင်ႇ​ၵႃႈ​ၼႂ်း​မၼ်း ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​လႄႈ၊-</verse>
				<verse number="9">လဝ်ႊ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​ၽေး​ဢူႉ​ပၢတ်ႈ​ဢၼ်​ဝႃႈ၊ ၽေး​လၢပ်ႇ၊ ၽေး​တၢင်း​ဢၼ်​ပၼ်​တၢမ်ႇ ၽေး​ၵႃႇလႃႉ​ႁႃႈ​လႅင်​မိူင်း၊ ၽေး​တၢင်း​ဢၼ်​ဢိုပ်း​ယၢၵ်ႈ​ၼၼ်ႉ၊ သေ​ၸိူဝ်ႉ​သေ​ပိူင်​ႁွတ်ႈ​ထိုင်​ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ်​လႄႈ၊ ၶႃႈ​ၸဝ်ႈ​ႁဝ်း​ၶဝ်​ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ႁိူၼ်း​ၸဝ်ႈ​ႁဝ်း​ၼႆႉ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း ၵွပ်ႈ​ပိူဝ်ႈ​ဢၼ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း မီး​ၵႃႈ​တီႈ​ႁိူၼ်း​ၸဝ်ႈ​ၼႆႉ​ၼၼ်ႉ​ယူႇ၊ ထွၵ်ႈ​လူၺ်ႈ​တုၵ်ႉ​ၶႃႉ​တၢင်း​ၽၢၼ်​ၶႃႈ​ၸဝ်ႈ​ႁဝ်း​ၶဝ်​ယူႇ​သေ​လႄႈ ႁွင်ႉ​သႅၼ်ႇ​ၸိုင် ၶႅၼ်း​တေႃႈ​ထွမ်ႇ​ငိၼ်း​ဢဝ်​လႄႈ ဢဵတ်း​လူ​ၸွႆႈ​ထႅမ်​မႃႉ​ၸႃႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဝႆႉ​တီႈ​ၶႃႈ​ဢေႃႈ။-</verse>
				<verse number="10">မိူဝ်ႈ​လဵဝ်​ၼႆႉ ၶႅၼ်း​တေႃႈ​လူ​တူၺ်း​လွင်ႈ​ဢၼ်​ၵူၼ်း​မဵဝ်း​ ဢမ်ႇမုၼ်ႇ ၊ ၵူၼ်း​မဵဝ်း​ မေႃႇၽႃႉ ၊ ၵူၼ်း​လွႆ​ ၸီႉရႃႉ ဢၼ်​ၸဝ်ႈ​ႁဝ်း​ဢမ်ႇ​ပၼ်​ဢၶႂၢင်ႉ​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​တိုၵ်း​လႆႈ​တေႃး​ၼႂ်း​မိူဝ်ႈ​ဢၼ်​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​လႄႈ ဝႄႈ​ပိူင်ႈ​သေ​လႄႈ ယင်း​ဢမ်ႇ​ယႃႉ​ပႅတ်ႈ​လႄႈ​ယူႇ​ၸိူဝ်း​ၼၼ်ႉ၊-</verse>
				<verse number="11">ဢွၼ်​ၵၼ်​မႃး​ႁႂ်ႈ​လႆႈ​ႁေႃႈ​ၶႃႈ​ၸဝ်ႈ​ႁဝ်း​ၶဝ်​ဢွၵ်ႇ​သေ​ၵႃႈ​ၼႂ်း​လိၼ်​တီႈ​ဢၼ်​ၶၢမ်ႇ​ဢမူၺ်ႇ ဢၼ်​ၸဝ်ႈ​ႁဝ်း​ပၼ်​ပိူင်ႇ​ၼႆႉ​လႄႈ တွပ်ႇ​တႅၼ်း​ပၼ်​ၵျေး​ၸူး​ၸိူဝ်ႉ​ၼင်ႇ​ႁိုဝ်​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="12">ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ယင်း​ဢမ်ႇ​ၸီႇ​ယၢင်ႇ​ၶဝ်​လႄႈ တၵ်း​ယူႇ​တီႈ​ၶႃႈ​ႁိုဝ်။ ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​ဢမ်ႇ​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ႁၢမ်ႈ​တၢပ်ႈ​ႁႄႉ​ၶႅၼ်​မူႇ​ၽုင်​မုၵ်ႉ​ၸိူဝ်း​လူင် ဢၼ်​မႃး​ႁႂ်ႈ​လႆႈ​တိုၵ်း​တေႃး​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​တီႈ​ၶႃႈ။ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ဢမ်ႇ​ႁူႉ​တီႈ​ၶႃႈ။ တႃ​ၶႃႈ​ၸဝ်ႈ​ႁဝ်း​ၶဝ်​ၼႆႉ​ဢွၼ်​ၵၼ်​ၸပ်း​ၸဝ်ႈ​ႁဝ်း​ၵူၺ်း​လႄႈ ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="13">ၵူၼ်း​မဵဝ်း​ ယူႉတႃႉ ​တင်း​သဵင်ႈ​တင်း​လူင်​ဢိၵ်ႇ​တင်း​လုၵ်ႈ​ၶဝ်၊ မေး​ၶဝ်၊ လုၵ်ႈ​ဢွၼ်ႇ​လႅင်​ၶဝ် ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။</verse>
				<verse number="14">မိူဝ်ႈ​ၼၼ်ႉ ဝီႉၺိၺ်ႇ​ထႃႇဝရႃႉ​ၽြႃး​တူၵ်း​ႁွတ်ႈ​ၵႃႈ​ၼိူဝ်​ ယႁႃႇၸေးလႃႉ ​ဢၼ်​ပဵၼ်​လုၵ်ႈ​ၸၢႆး​ ၸႃႇၶရီႉ ၊ ဢၼ်​ပဵၼ်​လုၵ်ႈ​ၸၢႆး ပေႇၼႃႇယႃႉ ၊ ဢၼ်​ပဵၼ်​လုၵ်ႈ​ၸၢႆး​ ယေႇယေႇလႃႉ ၊ ဢၼ်​ပဵၼ်​လုၵ်ႈ​ၸၢႆး​ မတ်ႉတၼီႉ မဵဝ်း​ လေႇဝီႉ ၊ ၸိူဝ်ႉ​ၶိူဝ်း​ ဢႃႇသပ်ႉ ​ၼၼ်ႉ ၵႃႈ​တီႈ​ၼႂ်း​ၵၢင်​ပရဵၵ်ႈသၢတ်ႈ​လႄႈ၊-</verse>
				<verse number="15">မၼ်း​လၢတ်ႈ​လႄႈ​ဝႃႈ၊ ၶုၼ်​လူင်​ ယူဝ်းသၽတ်ႉ တင်း​ၵူၼ်း​မိူင်း​ ယူႉတႃႉ ၵူၼ်း​ဝဵင်း​ ယေႇရူႉသလႅမ်ႇ ​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ယႃႇ​ပေ​ဢွၼ်​ၵၼ်​ၵူဝ်​ႁႄ၊ ယႃႇ​ပေ​ဢွၼ်​ၵၼ်​ၸႂ်​လူႉ ၵွပ်ႈ​ပိူဝ်ႈ​မူႇ​ၽုင်​မုၵ်ႉ​ၸိူဝ်း​လူင်​ၼၼ်ႉ၊ ဢမူႉ​တိုၵ်း​သိုၵ်း​ၼၼ်ႉ​ပဵၼ်​ပုၼ်ႈ​တႃႇ​သူ​ဢမ်ႇ​ၸႂ်ႈ။ ပဵၼ်​ပုၼ်ႈ​တႃႇ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="16">ဝၼ်း​မိူဝ်ႈ​ၽုၵ်ႈ​ဢွၼ်​ၵၼ်​ၶီႇ​လူင်း​ၵႂႃႇ​ၸူး​တီႈ​ဢၼ်​ၶဝ်​မီး​ၼၼ်ႉ​တႃႉ။ ၶဝ်​ယင်း​တိုၵ်ႉ​ဢွၼ်​ၵၼ်​ၸွမ်း​သဵၼ်ႈ​တၢင်း​ဢၼ်​ၶိုၼ်ႈ​ၸူး​ဝဵင်း​ ၸီႉၸႃႉ ​ၼၼ်ႉ​မႃး​ယူႇ​လႄႈ သူ​တၵ်း​ထူပ်း​ႁၼ်​ၶဝ်​ၵႃႈ​တီႈ​သူပ်း​ပၢင်ႇ​ႁူၺ်ႈ သိုဝ်ႈ​ထိူၼ်ႇ​ ယေႇႁူၺ်ႇလႃႉ ​ၼၼ်ႉ​ဢေႃႈ။-</verse>
				<verse number="17">ၵူၺ်း​ၵႃႈ ၵူၼ်း​မိူင်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ သူ​ဢမ်ႇ​မီး​လွင်ႈ​ဢၼ်​တၵ်း​လႆႈ​တိုၵ်း​သိုၵ်း​ၼႂ်း​ပွႆး​သိုၵ်း​ၼႆႉ။ ဢွၼ်​ၵၼ်​ႁႂ်ႈ​တူဝ်​သူ​တႄႇ​ၼိမ်​ၵၼ်​လႄႈ ၸုၵ်း​ယူႇ​ၼိမ်​ၼိမ်​လီ​လီ​သေ​လႄႈ လူ​တူၺ်း​ၵျေး​ၸူး​တၢင်း​ဢၼ်​ထႃႇဝရႃႉ​ၽြႃး ၵႄႇ​သႄႇ​ၶျွတ်ႈ​ဢဝ်​မီး​ယူႇ​တီႈ​သူ​ၼၼ်ႉ​တႃႉ။ ယႃႇ​ပေ​ဢွၼ်​ၵၼ်​ၵူဝ်​ႁႄ။ ယႃႇ​ပေ​ဢွၼ်​ၵၼ်​ၸႂ်​လူႉ။ ဢွၼ်​ၵၼ်​ၶီႇ​ၵႂႃႇ​ၼႂ်း​ဝၼ်း​မိူဝ်ႈ​ၽုၵ်ႈ​တႃႉ။ ထႃႇဝရႃႉ​ၽြႃး​တၵ်း​မီး​ယူႇ​လူၺ်ႈ​ၵၼ်​တင်း​သူ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ယူဝ်းသၽတ်ႉ ​ၼၼ်ႉ ၶုပ်ႉ​မူပ်ႇ​ဝၢင်း​ႁူဝ်​ၵႃႈ​ၼိူဝ်​လိၼ်​လႄႈ ၵူၼ်း​မိူင်း​ ယူႉတႃႉ ၵူၼ်း​ဝဵင်း​ ယေႇရူႉသလႅမ်ႇ ​တင်း​သဵင်ႈ​တင်း​လူင်​ဢွၼ်​ၵၼ်​ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ၵူဝ်း​ၵႂၢႆႇ​ထႃႇဝရႃႉ​ၽြႃး​ဢေႃႈ။-</verse>
				<verse number="19">ၵူၼ်း​ၸိူဝ်ႉ​ၶိူဝ်း​ ၵေႃႇႁတ်ႉ ဢိၵ်ႇ​တင်း ၵူၼ်း​ၸိူဝ်ႉ​ၶိူဝ်း​ ၵေႃးရႃႉ မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​ၸုၵ်း​ယူႇ ႁႂ်ႈ​လႆႈ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁႅင်း​ၼႃႇ​လူင်​လၢင်​သေ​လႄႈ ယွင်ႈ​ယေႃး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ဢေႃႈ။</verse>
				<verse number="20">ၼႂ်​ၽုၵ်ႈ​ၼၼ်ႉ ၶဝ်​ဢွၼ်​ၵၼ်​လုၵ်ႉ​ၸဝ်ႉ​ၸဝ်ႉ​လႄႈ ၵႂႃႇ​ၵႃႈ​တီႈ​ထိူၼ်ႇ​ တေႇၵေႃႇ ​ဢေႃႈ။ ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ဢွၵ်ႇ​ၵႂႃႇ​ယူႇ​ၼၼ်ႉ၊ ယူဝ်းသၽတ်ႉ ​ၸုၵ်း​ယူႇ​သေ​လႄႈ​မီး​ဢမိင်ႉ​လႄႈ​ဝႃႈ၊ ၵူၼ်း​မိူင်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ဢွၼ်​ၵၼ်​ယုမ်ႇ​မၢတ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​တႃႉ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ သူ​တၵ်း​ဢွၼ်​ၵၼ်​တႄႇ​ၼိမ်​ဢေႃႈ။ ဢွၼ်​ၵၼ်​ယုမ်ႇ​မၢတ်ႈ​ပရေႃးၽႅတ်ႈ​မၼ်း​ၸဝ်ႈ​တင်း​လၢႆ​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ သူ​တၵ်း​ဢွၼ်​ၵၼ်​ႁဵတ်း​လႆႈ​ပဵၼ်​လႆႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မၼ်း​တိူင်ႇ​ပၢင်ႇ​ၵၼ်​တင်း​ၵူၼ်း​တင်း​လၢႆ​သေ​ယဝ်ႉ၊ ၶၢၼ်း​ဝႆႉ​ၶဝ်​ၸိူဝ်း​ဢၼ် ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး​လႄႈ ယွင်ႈ​ယေႃး​မုၼ်​သရေႇ​တၢင်း​ဢၼ်​မူတ်း​ၸၢင်ႇ​ၸဝ်ႈ ၼႂ်း​မိူဝ်ႈ​ဢၼ်​ၶဝ်​ဢွၼ်​ႁူဝ်​တပ်ႉ​ၶီႇ​ၵႂႃႇ​ၼၼ်ႉ​ယူႇ​သေ​လႄႈ​ဝႃႈ၊ ဢွၼ်​ၵၼ်​ယွင်ႈ​ယေႃး​မုၼ်​ၵျေး​ၸူး​ထႃႇဝရႃႉ​ၽြႃး​တႃႉ။ လွင်ႈ​မၼ်း​ၸမ်ႉ​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="22">မိူဝ်ႈ​ဢၼ်​ၶဝ်​ၼၼ်ႉ​ဢွၼ်​ၵၼ်​ၸႃႉ​ႁဵတ်း​ၵႂၢမ်း​ဢၼ်​ယွင်ႈ​ယေႃး​ၼၼ်ႉ​ၸိုင် ထႃႇဝရႃႉ​ၽြႃး​ႁဵတ်း​တပ်ႉ​သိုၵ်း​မူၵ်း ဢၼ်​လွမ်​ပႂ်ႉ​ယူႇ​ၽၢႆႇ​ၼိုင်ႈ​တင်း​ၵူၼ်း​မဵဝ်း​ ဢမ်ႇမုၼ်ႇ ၊ ၵူၼ်း​မဵဝ်း​ မေႃႇၽႃႉ ၊ ၵူၼ်း​လွႆ​ ၸီႉရႃႉ ​ဢၼ်​မႃး​ႁႂ်ႈ​လႆႈ​တိုၵ်း​တေႃး​မိူင်း​ ယူႉတႃႉ ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ​လႆႈ​ၶၢမ်ႇ​တၢင်း​ဢၼ်​ယႃႉ​ပႅတ်ႈ​ဢေႃႈ။-</verse>
				<verse number="23">လွင်ႈ​မၼ်း​ၸမ်ႉ ၵူၼ်း​မဵဝ်း​ ဢမ်ႇမုၼ်ႇ ၊ တင်း​ၵူၼ်း​မဵဝ်း​ မေႃႇၽႃႉ ​ၸိူဝ်း​ၼၼ်ႉ ဢွၼ်​ၵၼ်​ၸုၵ်း​ယူႇ​ၽၢႆႇ​ၼိုင်ႈ တင်း​ၵူၼ်း​လွႆ ၸီႉရႃႉ ​တင်း​လၢႆ ႁႂ်ႈ​လႆႈ​ၶႃႈ​ၽၼ်း​ဢဝ်​ၶဝ်​တၢႆ​လႄႈ ယႃႉ​ၽဵဝ်ႈ​ၶဝ်​ပႅတ်ႈ ႁႂ်ႈ​ၵူၼ်း​လွႆ​ ၸီႉရႃႉ ​ၸိူဝ်း​ၼၼ်ႉ မူတ်း​သဵင်ႈ​သေ​ယဝ်ႉ၊ ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ်​တိုၵ်း​တေႃး​ၵၼ်​လႄႈ ႁွတ်ႈ​ထိုင်​တၢင်း​ဢၼ်​လူႉ​လႅဝ်​ဢေႃႈ။-</verse>
				<verse number="24">မိူဝ်ႈ​ဢၼ်​ၵူၼ်း​ ယူႉတႃႉ ​တင်း​လၢႆ​ႁွတ်ႈ​ထိုင်​ၵႃႈ​တီႈ​လၢင်း​ၸီး တီႈ​ဢၼ်​မုင်ႈ​တူၺ်း​ဢၼ်​မီး​ၵႃႈ​တီႈ​ထိူၼ်ႇ​ၼၼ်ႉ​လႄႈ​လူ​တူၺ်း မူႇ​ၽုင်​မုၵ်ႉ​ၸိူဝ်း​ၼၼ်ႉ​ၸိုင်၊ ၶဝ်​ၸိူဝ်း​ၼၼ်ႉ​ပဵၼ်​တူဝ်​တၢႆ​လႄႈ လူမ်ႉ​သိူဝ်ႇ​ၵႃႈ​ၼိူဝ်​လိၼ်​ဝႆႉ​ဢေႃႈ။ ဢမ်ႇ​လွတ်ႈ​သေ​ၵေႃႉ​သေ​ၵူၼ်း။-</verse>
				<verse number="25">မိူဝ်ႈ​ဢၼ်​ ယူဝ်းသၽတ်ႉ ဢိၵ်ႇ​တင်း​ၵူၼ်း​မၼ်း​ၸိူဝ်း​ၼၼ်ႉ ဢွၼ်​ၵၼ်​မႃး​ႁႂ်ႈ​လႆႈ​ဢဝ်​ဢုၵ်ႉ​ၸႃႇ ဢၼ်​ႁိမ်​လႆႈ​ၼၼ်ႉ​ၸိုင်၊ ၶဝ်​ထူပ်း​ႁၼ်​ဢုၵ်ႉ​ၸႃႇ​ဢၼ်​ၼမ်​ၼႃႇ​လူင်​လၢင်​လႂ်၊ တူဝ်​တၢႆ​လႂ်၊ ၶိူင်ႈ​ပိူင်​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ဢၼ်​ၶဝ်​ဢွၼ်​ၵၼ်​ထွတ်ႇ​ဢဝ်​ထၼ်ႈ​ပေႃး​ဢမ်ႇ​ႁၢပ်ႇ​ဢဝ်​ၵႂႃႇ​လႆႈ​လႂ်​ၸိူဝ်း​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ်​ဢုၵ်ႉ​ၸႃႇ​ဢၼ်​ႁိမ်​လႆႈ​ၸိူဝ်း​ၼၼ်ႉ​ၼမ်​ၼႃႇ​လူင်​လၢင်​လႄႈ၊ ၶဝ်​ဢွၼ်​ၵၼ်​သိမ်း​ဢဝ်​သၢမ်​ဝၼ်း​တဵမ်​တဵမ်​ဢေႃႈ။</verse>
				<verse number="26">ၼႂ်း​ဝၼ်း​ဢၼ်​ၸတုၵ်ႉထႃႉ​ၼၼ်ႉ၊ ၶဝ်​ၸူႉ​ၵၼ်​တုမ်​ၵၼ်​ၵႃႈ​တီႈ​ပၢင်ႇ​ႁူၺ်ႈ ပႃႇရႃႇၶႃႉ ​လႄႈ ဢွၼ်​ၵၼ်​ယွင်ႈ​ယေႃး​ပၼ်​တၢင်း​လီ​တီႈ​ထႃႇဝရႃႉ​ၽြႃး​ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ​ၵႃႈ​တီႈ​ၼၼ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ​ပၢင်ႇ​ႁူၺ်ႈ​ ပႃႇရႃႇၶႃႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="27">မိူဝ်ႈ​ၼၼ်ႉ​ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး​ပၼ်​ဢၶႂၢင်ႉ​ဢၼ်​ၶဝ်​လႆႈ​ၸူမ်း​သိူဝ်း​ၵႃႈ​ၼိူဝ်​ရၢၼ်ႇ​သူႇ​ၶဝ်​တီႈ​ၶဝ်​လႄႈ​ ယူဝ်းသၽတ်ႉ ​ၼၼ်ႉ ဢွၼ်​ႁူဝ်​လႄႈ ၵူၼ်း​မိူင်း​ ယူႉတႃႉ ၵူၼ်း​ဝဵင်း​ ယေႇရူႉသလႅမ်ႇ ​ၵႃႈ​မီး​ၼၼ်ႉ မီး​တင်း​ၸႂ်​ဢၼ်​ၸူမ်း​သိူဝ်း​လႄႈ ဢွၼ်​ၵၼ်​ၶိုၼ်း​မိူဝ်း​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ၊-</verse>
				<verse number="28">ပႃး​ဢဝ်​တင်း​တိင်ႇ တရေႃး ၼႄးၶရႃႇ​ယူႇ​သေ​လႄႈ​ႁွတ်ႈ​ထိုင်​ဝဵင်း​ ယေႇရူႉသလႅမ်ႇ ​ၸူး ၵႃႈ​တီႈ​ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="29">တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး ႁွတ်ႈ​ထိုင်​ၵႃႈ​ၼိူဝ်​သိုင်ႇ​ၸိုင်ႈ​ဝၢၼ်ႈ​မိူင်း​တင်း​သဵင်ႈ​တင်း​လူင်​မိူဝ်ႈ​ဢၼ်​ၶဝ် ငိၼ်း​လွင်ႈ​ဢၼ်​ထႃႇဝရႃႉ​ၽြႃး တိုၵ်း​တေႃး​ရၢၼ်ႇ​သူႇ​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ပႅတ်ႈ​ၼၼ်ႉ​ဢေႃႈ။-</verse>
				<verse number="30">ၼင်ႇ​ၼၼ်​လႄႈ သိုင်ႇ​ၸိုင်ႈ​ဝၢၼ်ႈ​မိူင်း​ ယူဝ်းသၽတ်ႉ ​ၼၼ်ႉ သႃႇ​ယႃႇ​လီ​ငၢမ်း ၵွပ်ႈ​ပိူဝ်ႈ​ဢၼ်​ၽြႃး​ပဵၼ်​ၸဝ်ႈ​ပၼ်​ဢၶႂၢင်ႉ ဢၼ်​လႆႈ​ထၢတ်ႇ​သိုၵ်း​ယဵၼ်​သိုၵ်း​သေ​ၵႃႈ​တီႈ​ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။</verse>
				<verse number="31">ယူဝ်းသၽတ်ႉ ​ဢုပ်ႉ​ပိူင်ႇ​ၸၢမ်ႇ​ၸႃး မိူင်း​ ယူႉတႃႉ ​လႄႈ မိူဝ်ႈ​ဢၼ်​ဢသၢၵ်ႈ​မၼ်း​လႆႈ​သၢမ်​သိပ်း​ပၢႆ​ႁႃႈ​ပီႊ​ၼၼ်ႉ​ၸိုင် မၼ်း​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သၢဝ်း​ပၢႆ​ႁႃႈ​ပီႊ​ဢေႃႈ၊ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ဢၸူႉၽႃႉ လုၵ်ႈ​ယိင်း​ သီႉလႁီႉ ​ဢေႃႈ။-</verse>
				<verse number="32">မၼ်း​ၼၼ်ႉ ယင်း​ဢမ်ႇ​ဝႄႈ​ပိူင်ႈ​သေ​သဵၼ်ႈ​တၢင်း​ဢၼ်​ ဢႃႇသႃႉ ၸဝ်ႈ​ပေႃႈ​မၼ်း​ၸွမ်း​ၼၼ်ႉ​လႄႈ ၸွမ်း​တင်း​သဵင်ႈ​တင်း​မူတ်း​ယူႇ​သေ​လႄႈ ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႇ​တႂ်ႈ​တႃ​ထႃႇဝရႃႉ​ၽြႃး​ဢေႃႈ။-</verse>
				<verse number="33">ၼႂ်း​ဝႃႈ​ၼၼ်​သေ​ၵေႃႈ​မၼ်း​ဢမ်ႇ​ပႄႇ​ၽဵဝ်ႈ​ထႃႇၼႃႉ​တီႈ​သုင်​တင်း​လၢႆ​ပႅတ်ႈ။ လွင်ႈ​မၼ်း​ၸမ်ႉ ၵူၼ်း​တင်း​လၢႆ​ယင်း​ဢမ်ႇ​ပႆႇ​ၶျႃး​ၸႂ်​သၽေႃး​ႁႂ်ႈ​လႆႈ​ပိုင်ႈ​ဢိင်​ၽြႃး​ပဵၼ်​ၸဝ်ႈ​ပူႇ​မွၼ်ႇ​ၶဝ်​လႄႈ​ယူႇ​ဢေႃႈ။-</verse>
				<verse number="34">လွင်ႈ​တၢင်း​ ယူဝ်းသၽတ်ႉ ဢၼ်​ယင်း​ၵိုတ်း​ယင်း​ၵျၢၼ်ႇ ဢဝ်​ၸဵမ်​ငဝ်ႈ​တေႃႇ​ပၢႆ​ၸိူဝ်း​ၼၼ်ႉ တႅမ်ႈ​မၢႆ​ဝႆႉ​မီး​ယူႇ​ၵႃႈ​ၼႂ်း​လိၵ်ႈ​ဢၼ် ယေႇႁူႉ ​လုၵ်ႈ​ၸၢႆး​ ႁႃႇၼၼီႉ ၸီႇ​ယၢင်ႇ​သိုပ်ႇ​သႂ်ႇ​ဝႆႉ​တီႈ​ရႃႇၸဝၢင်ႇ ဢီႉသရေႇလႃႉ ​ၼၼ်ႉ​ယူႇ​ဢေႃႈ။</verse>
				<verse number="35">လိုၼ်း​ၼၼ်ႉ​ ယူဝ်းသၽတ်ႉ ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ႁဵတ်း​ၵေႃႉ​ႁူမ်ႈ​ပွင်း​လူၺ်ႈ​ၵၼ်​တင်း​ ဢႃႇၶၸီႉ ၶုၼ်​ႁေႃ​ၶမ်း ဢီႉသရေႇလႃႉ ဢၼ်​ႁဵတ်း​ဢမူႉ​ဢႃႉထမ်ႇမႃႉ​ၼႃႇ​လူင်​လၢင်​ၼၼ်ႉ​ဢေႃႈ။-</verse>
				<verse number="36">မၼ်း​ႁဵတ်း​ၵေႃႉ​ႁူမ်ႈ​ပွင်း​လူၺ်ႈ​ၵၼ်​တင်း​မၼ်း​ၼၼ်ႉ​ၸိူဝ်ႉ​ၼင်ႇ​ၼၼ် ႁႂ်ႈ​လႆႈ​ႁဵတ်း​ႁိူဝ်း​သၢင်း​ၽေႃး​တင်း​လၢႆ ပုၼ်ႈ​ဢၼ်​တၵ်း​ၵႂႃႇ​ၵႃႈ​တီႈ​ဝဵင်း​ တႃႇသူႉ ​ၼၼ်ႉ​လႄႈ ၶဝ်​ဢွၼ်​ၵၼ်​ႁဵတ်း​ႁိူဝ်း​သၢင်း​ၽေႃး​ၸိူဝ်း​ၼၼ်ႉ ၵႃႈ​တီႈ​ဝဵင်း ဢေးၸယုၼ်းၵႃႇပႃႇ ​ဢေႃႈ။-</verse>
				<verse number="37">မိူဝ်ႈ​ဢၼ်​ ဢေးလေႇၸႃႇ လုၵ်ႈ​ၸၢႆး​ တေႃႇတဝႁူႉ ​ၵူၼ်း​ဝဵင်း​ မရေးသႃႉ ​ၼၼ်ႉ ႁဵတ်း​ပရေႃးၽႅတ်ႈ​သေ​လႄႈ​ႁေႃး​လၢတ်ႈ​ယူႇ​ၽၢႆႇ​ၼိုင်ႈ တင်း​ ယူဝ်းသၽတ်ႉ ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၸဝ်ႈ​ၶုၼ်​လူင်​ႁဵတ်း​ၵေႃႉ​ႁူမ်ႈ​ပွင်း လူၺ်ႈ​ၵၼ်​တင်း​ ဢႃႇၶၸီႉ ​ၼၼ်ႉ​လႄႈ ထႃႇဝရႃႉ​ၽြႃး​ယႃႉ​ဢမူႉ​ဢၼ်​ၸဝ်ႈ​ၶုၼ်​လူင်​ႁဵတ်း​ၸိူဝ်း​ၼၼ်ႉ​ပႅတ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​လႄႈ၊ ႁိူဝ်း​သၢင်း​ၽေႃး​ၸိူဝ်း​ၼၼ်ႉ​ဢွၼ်​ၵၼ်​ႁၵ်း​လူႉ​ထၼ်ႈ​ပေႃး​ဢမ်ႇ​ၵႂႃႇ​ၵႃႈ​တီႈ​ဝဵင်း​ တႃႇသူႉ ​လႆႈ​ဢေႃႈ။</verse>
			</chapter>
			<chapter number="21">
				<verse number="1">ယူဝ်းသၽတ်ႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​ၵႃႈ​ၼႂ်း​ဝဵင်း​ တႃႇဝိတ်ႈ ​ၼၼ်ႉ​ဢေႃႈ။ ယႁူဝ်းရမ်ႇ လုၵ်ႈ​ၸၢႆး​ၸဝ်ႈ​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="2">ၼွင်ႉ​ၸၢႆး​ ယႁူဝ်းရမ်ႇ ဢၼ်​ဝႃႈ​လုၵ်ႈ​ၸၢႆး​ ယူဝ်းသၽတ်ႉ ​ၼၼ်ႉ​ၸမ်ႉ၊ ပဵၼ်​ ဢႃႇၸရီႉ၊ ယေႇယေႇလႃႉ၊ ၸႃႇၶရီႉ၊ ဢႃႇၸရီႉႁူႉ၊ မိၵ်ႉၶေႇလႃႉ တင်း​ သေႇၽတီႉ ​ဢေႃႈ။ ၶဝ်​ၵႃႈ​မီး​ၼႆႉ ပဵၼ်​လုၵ်ႈ​ၸၢႆး​ ယူဝ်းသၽတ်ႉ ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ။-</verse>
				<verse number="3">ၸဝ်ႈ​ပေႃႈ​ၶဝ်​ၼၼ်ႉ​ဢဝ်​သူး​လၢပ်ႈ​ၼမ်​ၼႃႇ​လူင်​လၢင်​ဢၼ်​ဝႃႈ​ငိုၼ်း၊ ၶမ်း၊ ဢုၵ်ႉ​ၸႃႇ​ရတႃႇၼႃႇ​ၼၼ်ႉ ဢိၵ်ႇ​တင်း​ဝဵင်း​ဢၼ်​မၼ်ႈ​ၶိူင်ႇ​ၵႃႈ​ၼႂ်း​မိူင်း​ ယူႉတႃႉ ​တင်း​လၢႆ ပၼ်​တီႈ​ၶဝ်​ဢေႃႈ။ သိုင်ႇ​ၸိုင်ႈ​ဝၢၼ်ႈ​မိူင်း​ၸမ်ႉ၊ မၼ်း​ပၼ်​တီႈ ယႁူဝ်းရမ်ႇ ၵွပ်ႈ​ပိူဝ်ႈ​ဢၼ်​မၼ်း​ပဵၼ်​လုၵ်ႈ​ၸၢႆး​တူၼ်ႈ​မၼ်း​ၼၼ်ႉ​ဢေႃႈ။-</verse>
				<verse number="4">ယႁူဝ်းရမ်ႇ ​ၼၼ်ႉ ဢုပ်ႉ​ထိင်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ပေႃႈ​မၼ်း​တဵတ်ႇ​လီ​ၼိမ်​လီ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​မၼ်ႈ​ၶိူင်ႇ​သေ​ယဝ်ႉ၊ ဢဝ်​ၼွင်ႉ​ၸၢႆး​ၸဝ်ႈ​တင်း​သဵင်ႈ​တင်း​လူင် ဢိၵ်ႇ​တင်း​မူး​မၢတ်ႈ​ ဢီႉသရေႇလႃႉ ​ၵမ်ႈ​ၽွင်ႈ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။</verse>
				<verse number="5">ယႁူဝ်းရမ်ႇ ​ၼၼ်ႉ​မိူဝ်ႈ​ဢၼ်​မၼ်း​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢမ်​သိပ်း​ပၢႆ​သွင်​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ပႅတ်ႇ​ပီႊ​ဢေႃႈ။-</verse>
				<verse number="6">ပိူဝ်ႈ​ဢၼ်​မၼ်း​ပဵၼ်​ၵူပ်ႉ​ပဵၼ်​ၵူႈ​လူၺ်ႈ​ၵၼ်​တင်း​လုၵ်ႈ​ယိင်း​ ဢႃႇႁပ်ႉ ​ၼၼ်ႉ​လႄႈ၊ မၼ်း​ၸွမ်း​သဵၼ်ႈ​တၢင်း​ဢၼ် ၶုၼ်​ႁေႃ​ၶမ်း​ ဢီႉသရေႇလႃႉ ​တင်း​လၢႆ​ၸွမ်း​ၼၼ်ႉ မိူၼ်​ၸိူဝ်ႉ​ၼင်ႇ​မဵဝ်း​ၸိူဝ်ႉ​ၶိူဝ်း ဢႃႇႁပ်ႉ ​ၼၼ်ႉ​လႄႈ ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ဢေႃႈ။-</verse>
				<verse number="7">ၵူၺ်း​ၵႃႈ ထႃႇဝရႃႉ​ၽြႃး​ဢမ်ႇ​မီး​ဢလူဝ်ႇ​ၶႂ်ႈ​ယႃႉ​မဵဝ်း​ၸိူဝ်ႉ​ၶိူဝ်း​ တႃႇဝိတ်ႈ ​ပႅတ်ႈ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ တႃႇဝိတ်ႈ ​လႄႈ လႆႈ​မီး​ၵတီႉ​ဝႆႉ​လူၺ်ႈ​လွင်ႈ​ဢၼ်​မၼ်း​ၸဝ်ႈ တၵ်း​ပၼ်​ဝၢၼ်ႇ​ၽႆး​တဵၼ်း ဢၼ်​ႁိူဝ်ႈ​လႅင်း​တီႈ​မၼ်း ဢိၵ်ႇ​တင်း​လုၵ်ႈ​လၢၼ်​မၼ်း​တႃႇ​သေႇ​ၼၼ်ႉ​ဢေႃႈ။</verse>
				<verse number="8">ၼႂ်း​ၸူဝ်ႈ​ပၢၼ်​မၼ်း​ၼၼ်ႉ မိူင်း​ ဢေႇတုမ်ႇ ​ပုင်ႇ​ၵၢၼ်ႇ​ၶုၼ်​ႁေႃ​ၶမ်း​ ယူႉတႃႉ ​သေ​လႄႈ ယုၵ်ႉ​ယွင်ႈ​ၵူၼ်း​ၵေႃႉ​ၼိုင်ႈ ႁဵတ်း​ၶုၼ်​ႁေႃ​ၶမ်း​ၶဝ်​ဢေႃႈ။-</verse>
				<verse number="9">ယႁူဝ်းရမ်ႇ ​ၼၼ်ႉ ပႃး​ဢဝ်​ပူဝ်ႇ​သိုၵ်း​မၼ်း​တင်း​လၢႆ ဢိၵ်ႇ​တင်း​ၵူၼ်း​သိုၵ်း​ၶီႇ​လေႃႉရထႃး​တင်း​သဵင်ႈ​တင်း​လူင်​ၶီႇ​သိုၵ်း​ၵႂႃႇ​လႄႈ လုၵ်ႉ​ၶိင်ႇ​ၵၢင်​ၶိုၼ်း​သေ​လႄႈ ယႃႉ​ၵူၼ်း​ ဢေႇတုမ်ႇ ၊ ဢၼ်​လွမ်ႉ​ႁွပ်ႈ​မၼ်း​ဢိၵ်ႇ​တင်း ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​လေႃႉရထႃး​ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="10">ၼင်ႇ​ၼၼ်​လႄႈ မိူင်း​ ဢေႇတုမ်ႇ ​ၼၼ်ႉ ပုင်ႇ​ၵၢၼ်ႇ​ၶုၼ်​ႁေႃ​ၶမ်း​ ယူႉတႃႉ ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။ မိူဝ်ႈ​ၶိင်ႇ​ၼၼ်ႉ မိူင်း​ လီႉပၼႃႉ ​ၵေႃႈ​ပုင်ႇ​ၵၢၼ်ႇ​ဢေႃႈ။ လွင်ႈ​မၼ်း​ၸမ်ႉ မၼ်း​ၸုၼ်ႉ​ပႅတ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မၼ်း​မွၼ်ႇ​မၼ်း​လႄႈ၊-</verse>
				<verse number="11">တႄႇ​ႁဵတ်း​ထႃႇၼႃႉ​တီႈ​ဢၼ်​သုင်​တင်း​လၢႆ ၵႃႈ​ၼိူဝ်​လွႆ​ ယူႉတႃႉ ​ၸိူဝ်း​ၼၼ်ႉ​သေ​ယဝ်ႉ၊ ႁဵတ်း​ပႄႉ​ႁဵတ်း​ၼႅင်ႇ ႁႂ်ႈ​ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ ဢွၼ်​ၵၼ်​ၽိတ်း​ပိူင်ႈ​လူၺ်ႈ​ၵၼ်​တင်း​ၽြႃး တၢင်ႇ​သူႇ​တၢင်ႇ​ပႃး​လႄႈ ႁႂ်ႈ​ၵူၼ်း​ ယူႉတႃႉ ​တင်း​လၢႆ ဢွၼ်​ၵၼ်​ၽိတ်း​တၢင်း​ပိူင်ႈ​တၢင်း​ၵႂႃႇ​ဢေႃႈ။</verse>
				<verse number="12">လိၵ်ႈ​ဢၼ် ပရေႃးၽႅတ်ႈ​ ဢေးလီႉယႃႉ ​ပၼ်​ၵႂႃႇ​ၼၼ်ႉ ႁွတ်ႈ​ထိုင်​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး​ၽြႃး​ပဵၼ်​ၸဝ်ႈ​ပေႃႈ​မႂ်း​ တႃႇဝိတ်ႈ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​မႂ်း​ဢမ်ႇ​ၸွမ်း​သဵၼ်ႈ​တၢင်း​ပေႃႈ​မႂ်း​ ယူဝ်းသၽတ်ႉ ဢိၵ်ႇ​တင်း​သဵၼ်ႈ​တၢင်း​ ဢႃႇသႃႉ ၶုၼ်​ႁေႃ​ၶမ်း​ ယူႉတႃႉ ​လႄႈ၊-</verse>
				<verse number="13">ၸွမ်း​သဵၼ်ႈ​တၢင်း​ၶုၼ်​ႁေႃ​ၶမ်း​ ဢီႉသရေႇလႃႉ ​တင်း​လၢႆ​သေ​လႄႈ ႁဵတ်း​ႁႂ်ႈ​ၵူၼ်း​မိူင်း​ ယူႉတႃႉ တင်း​ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ၽိတ်း​ပိူင်ႈ​လူၺ်ႈ​ၵၼ်​တင်း​ၽြႃး​တၢင်ႇ​သူႇ​တၢင်ႇ​ပႃး၊ မိူၼ်​ၸိူဝ်ႉ​ၼင်ႇ​ဢၼ်​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ၽိတ်း​ပိူင်ႈ​ၼၼ်ႉ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​မႂ်း​ဢဝ်​ၼွင်ႉ​ၸၢႆး​ဢွၵ်ႇ​မႂ်း ဢၼ်​ယဵင်ႈ​ၶႅၼ်း​လီ​ၼႃႇ​သေ​မႂ်း​ၸိူဝ်း​ၼၼ်ႉ​တၢႆ​ၼၼ်ႉ​လႄႈ၊-</verse>
				<verse number="14">ထႃႇဝရႃႉ​ၽြႃး တၵ်း​ဢဝ်​ၽေး​ဢၼ်​ယႂ်ႇ​ၼႃႇ​လူင်​လၢင် ပၼ်​တၢမ်ႇ​တီႈ​ၵူၼ်း​မႂ်း​တင်း​လၢႆ၊ လုၵ်ႈ​လၢင်း​မႂ်း​တင်း​လၢႆ၊ မေး​မႂ်း​တင်း​လၢႆ​တင်း​ဢုၵ်ႉ​ၸႃႇ​မႂ်း ၵႃႈ​မီး​ၼၼ်ႉ​ဢေႃႈ။-</verse>
				<verse number="15">တၢင်း​ၶႆႈ​တၢင်း​ပဵၼ်​တၵ်း​ၸပ်း​ၵႃႈ​ၼႂ်း​တွင်ႉ​ၼႂ်း​ပုမ်​မႂ်း​ထၼ်ႈ​ပေႃး​ႁႂ်ႈ​သႆႈ​မႂ်း​ၼၼ်ႉ​ဢွၵ်ႇ ဝၼ်း​ၼိုင်ႈ​ထႅင်ႈ​ဝၼ်း​ၼိုင်ႈ​တိၵ်း​တိၵ်း ၵွပ်ႈ​ပိူဝ်ႈ​တၢင်း​ၶႆႈ​တၢင်း​ပဵၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">လိုၼ်း​ၼၼ်ႉ​ထႃႇဝရႃႉ​ၽြႃး တိုၵ်း​ယူင်း​ၵူၼ်း​ ၽီႉလိတ်ႉတီႉ ၊ ၵူၼ်း​ ဢရေႇပျႃႉ ​ဢၼ်​ယူႇ​ၸမ်​ၵၼ်​တင်း​မိူင်း​ ၵူႉသႃႉ ​ၸိူဝ်း​ၼၼ်ႉ ယူႇ​ၽၢႆႇ​ၼိုင်ႈ​တင်း ယႁူဝ်းရမ်ႇ ​လႄႈ၊-</verse>
				<verse number="17">ၶဝ်​ၼၼ်ႉ​ၶီႇ​သိုၵ်း​ၶိုၼ်ႈ​ၸူး မိူင်း​ ယူႉတႃႉ ​လႄႈ ဢွၼ်​ၵၼ်​ယဵပ်ႇ​ၶဝ်ႈ​ၽၢင်ႈ​ၶဝ်ႈ​သေ​လႄႈ​သိမ်း​ဢဝ် ဢုၵ်ႉ​ၸႃႇ​ၵႃႈ​ဢၼ်​ထူပ်း​ႁၼ်​ၵႃႈ​ၼႂ်း​ႁေႃ​ၸဝ်ႈ ဢိၵ်ႇ​တင်း​လုၵ်ႈ​ၸၢႆး​ၸဝ်ႈ မေး​ၸဝ်ႈ​ၸိူဝ်း​ၼၼ်ႉ​ဢေႃႈ။ လိူဝ်​သေ​ ယေႇႁေႃးႁတ်ႉ ဢၼ်​ပဵၼ်​လုၵ်ႈ​ၸၢႆး​ၵေႃႉ​လိုၼ်း​သုတ်း​ၼၼ်ႉ ဢမ်ႇ​ၵိုတ်း​ၵျၢၼ်ႇ​ဝႆႉ​လုၵ်ႈ​ၸၢႆး​ၸဝ်ႈ​သေ​ၵေႃႉ​သေ​ၵူၼ်း။</verse>
				<verse number="18">လိုၼ်း​ၼၼ်ႉ​ထႃႇဝရႃႉ​ၽြႃး ဢဝ်​တွင်ႉ​ၸဵပ်း​ဢၼ်​ဢမ်ႇ​ႁၢႆ​လႆႈ​ၼၼ်ႉ​ပၼ်​တၢမ်ႇ​တီႈ​မၼ်း​ဢေႃႈ။-</verse>
				<verse number="19">မိူဝ်ႈ​ဢၼ်​ပူၼ်ႉ​ၶိင်ႇ​ႁိုင်​ၼႃႇ​လႄႈ ၸေး​သွင်​ပီႊ​ယဝ်ႉ​ၼၼ်ႉ​ၸိုင် သႆႈ​မၼ်း​ဢွၵ်ႇ​ၵွပ်ႈ​ပိူဝ်ႈ​တၢင်း​ၶႆႈ​တၢင်း​ပဵၼ်​မၼ်း​ၼၼ်ႉ​လႄႈ ၶျုၵ်ႈ​ဢသၢၵ်ႈ​မၼ်း​တၢႆ ၵွပ်ႈ​ပိူဝ်ႈ​တၢင်း​ၶႆႈ​တၢင်း​ပဵၼ်​ဢၼ်​ႁႅင်း​ယႂ်ႇ​ၼႃႇ​လူင်​လၢင်​ၸိူဝ်း​ၼၼ်ႉ​ဢေႃႈ။ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ဢမ်ႇ​ႁဵတ်း​တၢင်း​ဢၼ်​တုတ်ႇ​ၽႆး​ပုၼ်ႈ​မၼ်း​မိူၼ်​ၸိူဝ်ႉ​ၼင်ႇ​ဢၼ် ယၢမ်ႈ​ႁဵတ်း​ပုၼ်ႈ​ပူႇ​ၸဝ်ႈ​မွၼ်ႇ​ၸဝ်ႈ​ၸိူဝ်း​ၼၼ်ႉ။-</verse>
				<verse number="20">ယႁူဝ်းရမ်ႇ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢမ်​သိပ်း​ပၢႆ​သွင်​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ပႅတ်ႇ​ပီႊ​သေ​ယဝ်ႉ၊ ၽူႈ​လႂ်​သေ​ၵေႃႉ​သေ​ၵူၼ်း ယင်း​ဢမ်ႇ​သေ​လၢႆ​လႄႈ​တၢႆ​သေ​ဢေႃႈ။ ပိၵ်ႉ​သမ်ႉ​ၶဝ်​ဢဝ်​မၼ်း​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ တႃႇဝိတ်ႈ ​သေ​ၵေႃႈ ဢမ်ႇ​ဢွၼ်​ၵၼ်​ဢဝ်​သၢင်း​ၵျူဝ်ႇ​ၵႃႈ​ၼႂ်း​ပႃႇ​ႁဵဝ်ႈ​သၢင်း​ၶႅင်း​ၶုၼ်​ႁေႃ​ၶမ်း​ၸိူဝ်း​ၼၼ်ႉ။</verse>
			</chapter>
			<chapter number="22">
				<verse number="1">ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ၊ ဢွၼ်​ၵၼ်​ဢဝ် ဢႃႇၶၸီႉ လုၵ်ႈ​ၸၢႆး​ၸဝ်ႈ​ၵေႃႉ​လိုၼ်း​သုတ်း​ၼၼ်ႉ ႁဵတ်း​ၶုၼ်​ႁေႃ​ၶမ်း​တၢင်​တူဝ်​ၸဝ်ႈ​ပေႃႈ​မၼ်း ၵွပ်ႈ​ပိူဝ်ႈ​ဢၼ်​မုၵ်ႉ​ၸိူဝ်း​ၵူၼ်း​သိုၵ်း​ဢၼ်​ၸွမ်း​လူၺ်ႈ​ၵၼ်​တင်း​ၵူၼ်း​ ဢရေႇပျႃႉ ​တင်း​လၢႆ​မႃး​လႄႈ ၶဝ်ႈ​ၵႃႈ​ၼႂ်း​တပ်ႉ​ၸိူဝ်း​ၼၼ်ႉ ဢဝ်​လုၵ်ႈ​ၸၢႆး​ၸဝ်ႈ​ၵေႃႉ​ယႂ်ႇ​ၵႃႈ​မီး​ၸိူဝ်း​ၼၼ်ႉ​တၢႆ​ယဝ်ႉ​ၼၼ်ႉ​ဢေႃႈ။ ၼင်ႇ​ၼၼ်ႉ​လႄႈ ဢႃႇၶၸီႉ လုၵ်ႈ​ၸၢႆး​ၸဝ်ႈ ယႁူဝ်းရမ်ႇ ၶုၼ်​ႁေႃ​ၶမ်း​ ယူႉတႃႉ လႆႈ​ၼင်ႈ​ႁၢင်ႈ​ၼင်ႈ​ႁေႃ​ဢေႃႈ။-</verse>
				<verse number="2">ဢႃႇၶၸီႉ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သီႇ​သိပ်း​ပၢႆ​သွင်​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ပီႊ​ၼိုင်ႈ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​မၼ်း​ၸမ်ႉ၊ ပဵၼ်​ ဢႃႇထလီႉ လၢၼ်​ယိင်း​ ဢေႃးမရီႉ ​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​ဢၼ်​မႄႈ​ၸဝ်ႈ​ၼၼ်ႉ ပၼ်​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​တီႈ​မၼ်း​လႄႈ၊ မၼ်း​ၸွမ်း​သဵၼ်ႈ​တၢင်း​ဢၼ် မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ​ၸွမ်း​ၼၼ်ႉ​လႄႈ၊-</verse>
				<verse number="4">ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ​ၼၼ်ႉ​ဢေႃႈ။ လိုၼ်း​သေ​ဢၼ်​ၸဝ်ႈ​ပေႃႈ​မၼ်း​တၢႆ​ယဝ်ႉ​ၼၼ်ႉ၊ ၶဝ်​ၼၼ်ႉ​ဢွၼ်​ၵၼ်​ပၼ်​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​တီႈ​မၼ်း ႁႂ်ႈ​မၼ်း​သုမ်း​ဢေႃႈ။-</verse>
				<verse number="5">မၼ်း​ထွမ်ႇ​ဢဝ်​ၸွမ်း​ဢဝ်​ၵႂၢမ်း​ၶဝ်​ၼၼ်ႉ​လႄႈ မိူဝ်ႈ​ဢၼ်​ၸွမ်း​လူၺ်ႈ​ၵၼ်​တင်း ယူဝ်းရမ်ႇ ​လုၵ်ႈ​ၸၢႆး​ ဢႃႇႁပ်ႉ ၶုၼ်​ႁေႃ​ၶမ်း​ ဢီႉသရေႇလႃႉ ​သေ​လႄႈ ၶီႇ​သိုၵ်း​ၵႂႃႇ​ႁႂ်ႈ​လႆႈ​တိုၵ်း​တေႃး ႁႃႇၸေႇလႃႉ ​ၶုၼ်​ႁေႃ​ၶမ်း​ သူႉရီႉ ၵႃႈ​တီႈ​ဝဵင်း​ ရႃႇမုတ်ႉ မိူင်း​ ၵီႉလတ်ႉ ​ၼၼ်ႉ​ၸိုင်၊ ၵူၼ်း​ သူႉရီႉ ​ၸိူဝ်း​ၼၼ်ႉ ဢွၼ်​ၵၼ်​တိူဝ်ႉ​ထုၵ်ႇ​သႂ်ႇ​ ယူဝ်းရမ်ႇ ​ဢေႃႈ။-</verse>
				<verse number="6">မိူဝ်ႈ​ဢၼ်​မၼ်း​ၼၼ်ႉ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇၸရေႇလႃႉ ႁႂ်ႈ​တၢင်း​ၸဵပ်း​ဢၼ်​ၶဝ်​ၼၼ်ႉ​တိူဝ်ႉ​ထုၵ်ႇ​သႂ်ႇ​တီႈ​မၼ်း ၵႃႈ​တီႈ​ဝဵင်း​ ရႃႇမႃႉ ၼႂ်း​မိူဝ်ႈ​ဢၼ်​မၼ်း​တိုၵ်း​တေႃး​ ႁႃႇၸေႇလႃႉ ​ၶုၼ်​ႁေႃ​ၶမ်း​ သူႉရီႉ ​ၼၼ်ႉ​ၸိူဝ်း​ၼၼ်ႉ ႁၢႆ​ၼၼ်ႉ​ၸိုင်၊ ဢႃႇၶၸီႉ ​လုၵ်ႈ​ၸၢႆး​ ယႁူဝ်းရမ်ႇ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ လူင်း​ၵႂႃႇ​ၵႃႈ​တီႈ​ဝဵင်း​ ယေႇၸရေႇလႃႉ ႁႂ်ႈ​လႆႈ​လူ​တူၺ်း​ ယူဝ်းရမ်ႇ လုၵ်ႈ​ၸၢႆး​ ဢႃႇႁပ်ႉ ​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​ၸဵပ်း​ၼၼ်ႉ​ဢေႃႈ။-</verse>
				<verse number="7">လွင်ႈ​တၢင်း​ဢၼ်​ ဢႃႇၶၸီႉ သုမ်း​ၸွမ်း​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ၼႂ်း​လွင်ႈ​ဢၼ် မၼ်း​ၵႂႃႇ​ၸူး​ၵႃႈ​တီႈ​ ယူဝ်းရမ်ႇ ​ၼၼ်ႉ​ၸမ်ႉ၊ မၼ်း​ႁွတ်ႈ​ထိုင်​သေ​ယဝ်ႉ၊ ၸွမ်း​လူၺ်ႈ​ၵၼ်​တင်း​ ယူဝ်းရမ်ႇ ​ၼၼ်ႉ ဢွၵ်ႇ​ၵႂႃႇ​ႁႂ်ႈ​လႆႈ​ႁႄႉ​ႁပ်ႉ​ ယေႇႁူႉ လုၵ်ႈ​ၸၢႆး​ ၼိမ်းသီႉ ဢၼ်​ထႃႇဝရႃႉ​ၽြႃး​ပၼ်​ၽိၵ်ႈ​သိၵ်ႈ​ႁႂ်ႈ​လႆႈ​တီႇ​ၽဵဝ်ႈ​ပႅတ်ႈ​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ​ၼၼ်ႉ​ဢေႃႈ။-</verse>
				<verse number="8">ယေႇႁူႉ ​ၼၼ်ႉ မိူဝ်ႈ​ဢၼ်​မၼ်း​ၸီႇ​ယၢင်ႇ​တြႃး​တီႈ​မဵဝ်း​ၸိူဝ်ႉ​ၶိူဝ်း​ ဢႃႇႁပ်ႉ ​ၼၼ်ႉ​ၸိုင် ထူပ်း​ႁၼ်​မူး​မၢတ်ႈ​ၽွင်း​မိူင်း​ ယူႉတႃႉ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​လုၵ်ႈ​ၸၢႆး၊ လၢၼ်​ၸၢႆး၊ ၼွင်ႉ​ၸၢႆး​ ဢႃႇၶၸီႉ ဢၼ်​ၶႃး​ၸႃး​တီႈ​ ဢႃႇၶၸီႉ ​ၸိူဝ်း​ၼၼ်ႉ​လႄႈ ဢဝ်​ၶဝ်​ၼၼ်ႉ​တၢႆ​ဢေႃႈ။-</verse>
				<verse number="9">မၼ်း​ႁႃ​ဢဝ်​ ဢႃႇၶၸီႉ ဢၼ်​တဵတ်ႇ​မႅပ်ႉ​ယူႇ​ၵႃႈ​ၼႂ်း​မိူင်း​ သမႃႇရီႉ ​ၼၼ်ႉ​လႄႈ ထူပ်း​ႁၼ်​သေ​ယဝ်ႉ၊ ဢွၼ်​ၵၼ်​ဢဝ်​မႃး​ၸူး​တီႈ​ ယေႇႁူႉ ​လႄႈ ဢဝ်​တၢႆ​သေ​လႄႈ​သၢင်း​ၵျူဝ်ႇ​သေ​ဢေႃႈ။ လွင်ႈ​မၼ်း​ၸမ်ႉ ၶဝ်​ဝႃႈ၊ မၼ်း​ပဵၼ်​လုၵ်ႈ​လၢၼ်​ ယူဝ်းသၽတ်ႉ ဢၼ်​ပႃး​ႁူဝ်​ၸႂ်​သဵင်ႈ​သဵင်ႈ​သေ​လႄႈ ႁႃ​ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ မဵဝ်း​ၸိူဝ်ႉ​ၶိူဝ်း​ ဢႃႇၶၸီႉ ​ၼၼ်ႉ ဢမ်ႇ​တၢတ်ႈ​ၼိူင်ႇ​လႆႈ​ႁႂ်ႈ​လႆႈ​ဢုပ်ႉ​ပိူင်ႇ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ။</verse>
				<verse number="10">ဢႃႇထလီႉ ​ဢၼ်​ပဵၼ်​ၸဝ်ႈ​မႄႈ​ ဢႃႇၶၸီႉ ​ၼၼ်ႉ ႁူႉ​ႁၼ်​လွင်ႈ​ဢၼ်​လုၵ်ႈ​ၸၢႆး​မၼ်း​တၢႆ​ၼၼ်ႉ​သေ​ယဝ်ႉ၊ လုၵ်ႉ​လႄႈ​ယႃႉ​ၽဵဝ်ႈ​ၸိူဝ်ႉ​ၸဝ်ႈ​ၶိူဝ်း​ၶုၼ်​မိူင်း​ ယူႉတႃႉ ၵႃႈ​မီး​ၼၼ်ႉ​ပႅတ်ႈ​ဢေႃႈ။-</verse>
				<verse number="11">ၵူၺ်း​ၵႃႈ ယေႃးသေႇၽႃႉ ၊ လုၵ်ႈ​ယိင်း​ၶုၼ်​ႁေႃ​ၶမ်း​ၼၼ်ႉ လၵ်ႉ​ဢဝ်​ ယေႃးသႃႉ လုၵ်ႈ​ၸၢႆး​ ဢႃႇၶၸီႉ ​သေ​ၵႃႈ​ၼႂ်း​လုၵ်ႈ​ၸၢႆး​ၸဝ်ႈ​ၶုၼ်​ႁေႃ​ၶမ်း​ဢၼ်​လႆႈ​ၶၢမ်ႇ​တၢႆ​ၸိူဝ်း​ၼၼ်ႉ​လႄႈ ဢဝ်​မၼ်း​တင်း​မႄႈ​ၸဝ်ႈ​ၼူမ်း​မၼ်း​ၼၼ်ႉ​သႂ်ႇ​ဝႆႉ​ၵႃႈ​ၼႂ်း​လုၵ်း​တီႈ​ၼွၼ်း​တၢင်း​ၼႂ်း​ဢေႃႈ။ ၼင်ႇ​ၼၼ်​လႄႈ ယေႃးသေႇၽႃႉ ၊ ၼွင်ႉ​ယိင်း​ ဢႃႇၶၸီႉ ဢၼ်​ပဵၼ်​လုၵ်ႈ​ယိင်း​ၶုၼ်​လူင်​ ယႁူဝ်းရမ်ႇ ၊ မေး​ယိတ်ႈပရေႃးႁဵၵ်ႈ​ ယေႃးယတႃႉ ​ၼၼ်ႉ ဢဝ်​မၼ်း​သိူင်ႇ​မႅပ်ႉ​ဝႆႉ​သေ​ၵႃႈ​ၼႂ်း​မိုဝ်း​ ဢႃႇထလီႉ ထၼ်ႈ​ပေႃး​မၼ်း​ၼၼ်ႉ​ဢမ်ႇ​လႆႈ​ဢဝ်​မၼ်း​တၢႆ​ဢေႃႈ။-</verse>
				<verse number="12">ႁူၵ်း​ပီႊ​တဵမ်​တဵမ် မၼ်း​လႆႈ​ၶၢမ်ႇ​တၢင်း​ဢၼ်​တဵတ်ႇ​မႅပ်ႉ​ယူႇ​လူၺ်ႈ​ၵၼ်​တင်း​ၶဝ် ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​လႄႈ ဢႃႇထလီႉ ​ၼၼ်ႉ ဢုပ်ႉ​ပိူင်ႇ​ၸၢမ်ႇ​ၸႃး​မိူင်း​ၸဝ်ႈ​ယူႇ​ဢေႃႈ။</verse>
			</chapter>
			<chapter number="23">
				<verse number="1">မိူဝ်ႈ​ဢၼ်​ထူၼ်ႈ​ထိုင်​ၸဵတ်း​ပီႊ​ၼၼ်ႉ ယေႃးယတႃႉ ​ႁႂ်ႈ​တူဝ်​ၸဝ်ႈ​ၵဝ်ႇ​မၼ်ႈ​ၶိူင်ႇ​လႄႈ ႁဵတ်း​တၢင်း​ဢၼ်​ထုၵ်ႇ​ၵၼ်​တင်း​ၵူၼ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ​တင်း​လၢႆ ဢၼ်​ဝႃႈ ဢႃႇၸရီႉ လုၵ်ႈ​ၸၢႆး​ ယေႇရေႃးႁမ်ႇ၊ ဢီႉသမေႇလႃႉ လုၵ်ႈ​ၸၢႆး​ ယေႃးႁၼၼ်ႇ၊ ဢႃႇၸရီႉႁူႉ လုၵ်ႈ​ၸၢႆး​ ဢူဝ်းပိတ်ႉ၊ မႃႇသေႇယႃႉ လုၵ်ႈ​ၸၢႆး​ ဢတႃႇယႃႉ၊ ဢေးလီႉသၽတ်ႉ လုၵ်ႈ​ၸၢႆး​ ၸီႉၶရီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="2">ၶဝ်​ၼၼ်ႉ​ဢွၼ်​ၵၼ်​လႄႇ​လဵပ်ႈ​ၵႃႈ​ၼႂ်း​မိူင်း​ ယူႉတႃႉ ​သေ​ယဝ်ႉ၊ ႁႂ်ႈ​ၵူၼ်း​မဵဝ်း​ လေႇဝီႉ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ ၼႂ်း​မဵဝ်း​ ဢီႉသရေႇလႃႉ ​တင်း​လၢႆ​ၸူႉ​ၵၼ်​တုမ်​ၵၼ် ဢွၵ်ႇ​သေ​ၵႃႈ​ၼႂ်း​ဝဵင်း​ ယူႉတႃႉ ၵႃႈ​မီး​ၼၼ်ႉ​လႄႈ ၶိုၼ်း​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="3">မုၵ်ႉ​ၸိူဝ်း​ဢၼ်​ၸူႉ​ၵၼ်​တုမ်​ၵၼ်​ၵႃႈ​မီး​ၼၼ်ႉ​ဢွၼ်​ၵၼ်​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ၶုၼ်​ႁေႃ​ၶမ်း ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။ ယေႃးယတႃႉ ​ၵေႃႈ လၢတ်ႈ​တီႈ​ၶဝ်​လႄႈ​ဝႃႈ၊ တူၺ်း​လူး၊ လုၵ်ႈ​ၸၢႆး​ၸဝ်ႈ​ၶုၼ်​ႁေႃ​ၶမ်း တၵ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​လူၺ်ႈ​မဵဝ်း​ၸိူဝ်ႉ​ၶိူဝ်း​ တႃႇဝိတ်ႈ ​ၼၼ်ႉ​ဢေႃႈ။-</verse>
				<verse number="4">လွင်ႈ​တၢင်း​ဢၼ်​သူ​တၵ်း​လႆႈ​ႁဵတ်း​ၸမ်ႉ၊ ယိတ်ႈပရေႃးႁဵၵ်ႈ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ဢၼ်​ၶဝ်ႈ​မႃး​ၼႂ်း​ဝၼ်း​ၵမ်​သိၼ်​ၼၼ်ႉ သၢမ်​ပုၼ်ႈ​ပုၼ်ႈ​ၼိုင်ႈ​တၵ်း​လႆႈ​ႁဵတ်း​ၵူၼ်း​ပႂ်ႉ​ၽၵ်း​တူ​ဢေႃႈ။-</verse>
				<verse number="5">သၢမ်​ပုၼ်ႈ​ပုၼ်ႈ​ၼိုင်ႈ​တၵ်း​လႆႈ​ပႂ်ႉ​ႁေႃ​ၶမ်း​ဢေႃႈ။ သၢမ်​ပုၼ်ႈ​ပုၼ်ႈ​ၼိုင်ႈ​တၵ်း​လႆႈ​ပႂ်ႉ​ၽၵ်း​တူ​ သူႉရႃႉ ​ဢေႃႈ။ ၵူၼ်း​တင်း​သဵင်ႈ​တင်း​လူင် တၵ်း​လႆႈ​ဢွၼ်​ၵၼ်​ယူႇ​ၵႃႈ​ၼႂ်း​တမ်ႇ​တိူင်း ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="6">ၼွၵ်ႈ​သေ​ယိတ်ႈပရေႃးႁဵၵ်ႈ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ဢၼ်​ပႂ်ႉ​ဢမူႉ​ၸဝ်ႈ​ၸိူဝ်း​ၼၼ်ႉ၊ ယႃႇ​ပေ​ႁႂ်ႈ​ၽူႈ​လႂ်​သေ​ၵေႃႉ​သေ​ၵူၼ်း ၶဝ်ႈ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး။ ၶဝ်​ၼၼ်ႉ​တၵ်း​လႆႈ​ဢွၼ်​ၵၼ်​ၶဝ်ႈ ၵွပ်ႈ​ပိူဝ်ႈ​ဢၼ်​ၶဝ်​မူတ်း​ၸၢင်ႇ​ၼၼ်ႉ​ဢေႃႈ။ ၵူၼ်း​တင်း​သဵင်ႈ​တင်း​လူင်​ၸမ်ႉ၊ တၵ်း​လႆႈ​ဢွၼ်​ၵၼ်​ပႂ်ႉ​ယူႇ​ၽၢႆႇ​ထႃႇဝရႃႉ​ၽြႃး​ဢေႃႈ။-</verse>
				<verse number="7">ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ တၵ်း​လႆႈ​ယိပ်း​ၵမ်​လၢၵ်ႈ​ၼၢၵ်ႈ​ၶဝ်​ၵူႈ​ၵေႃႉ​ၵူႈ​ၵူၼ်း​သေ​လႄႈ ဢွၼ်​ၵၼ်​လွမ်ႉ​လဵပ်ႈ​ႁွပ်ႈ​ၶုၼ်​ႁေႃ​ၶမ်း​ယူႇ​လႄႈ ဢဝ်​ၶဝ်​ၸိူဝ်း​ဢၼ်​ၶဝ်ႈ​မႃး​ၵႃႈ​ၼႂ်း​ႁိူၼ်း​ၸဝ်ႈ​ၼၼ်ႉ​တၢႆ​ဢေႃႈ။ ယၢမ်း​မိူဝ်ႈ​ဢၼ်​ၶုၼ်​ႁေႃ​ၶမ်း​ၶဝ်ႈ​ဢွၵ်ႇ​ၼၼ်ႉ​ၸိုင် သူ​တၵ်း​လႆႈ​ၸွမ်း​လူၺ်ႈ​ၵၼ်​တင်း​မၼ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵူၼ်း​မဵဝ်း​ လေႇဝီႉ ​တင်း​လၢႆ​ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ​တင်း​သဵင်ႈ​တင်း​လူင် ႁဵတ်း​ၸွမ်း​ၵႃႈ​ၼင်ႇ​ဢၼ် ယိတ်ႈပရေႃးႁဵၵ်ႈ ယေႃးယတႃႉ ​သင်ႇ​လၢတ်ႈ​ဝႆႉ​ၼၼ်ႉ​လႄႈ ၶဝ်​ၸိူဝ်း​ၼၼ်ႉ​ႁွင်ႉ​ဢဝ်​ၶဝ်​ၸိူဝ်း​ဢၼ် တၵ်း​လႆႈ​ၶဝ်ႈ​ၼႂ်း​ဝၼ်း​ၵမ်​သိၼ် ဢိၵ်ႇ​တင်း​ၶဝ်​ၸိူဝ်း​ဢၼ်​တၵ်း​လႆႈ​ဢွၵ်ႇ​ၼႂ်း​ဝၼ်း​ၵမ်​သိၼ် ႁင်း​ၽႂ်​ႁင်း​မၼ်း​ၼၼ်ႉ​မႃး ၵွပ်ႈ​ပိူဝ်ႈ​ဢၼ်​ယိတ်ႈပရေႃးႁဵၵ်ႈ​ ယေႃးယတႃႉ ဢမ်ႇ​ပွႆႇ​မုၵ်ႉ​ပွႆႇ​ၸိူဝ်း​ၼၼ်ႉ​ဢေႃႈ။-</verse>
				<verse number="9">ယိတ်ႈပရေႃးႁဵၵ်ႈ​ ယေႃးယတႃႉ ဢဝ်​ႁွၵ်ႇ ဢိၵ်ႇ​တင်း​ၶိူင်ႈ​ႁႄႉ​လၢၵ်ႈ​ၼၢၵ်ႈ ဢၼ်​လူင်​ဢၼ်​ဢွၼ်ႇ​ၶုၼ်​လူင်​ တႃႇဝိတ်ႈ ဢၼ်​မီး​ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ ဢွၵ်ႇ​လႄႈ​ဢၢပ်ႈ​ပၼ်​တီႈ​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="10">မၼ်း​ဢဝ်​ၶဝ်​ၸိူဝ်း​ဢၼ်​ယိပ်း​ၵမ်​လၢၵ်ႈ​ၼၢၵ်ႈ​ႁင်း​ၽႂ်​ႁင်း​မၼ်း​တင်း​သဵင်ႈ​တင်း​လူင်​ၼၼ်ႉ ၶျႃး​တီႈ​ယူႇ​ဝႆႉ​ၸွမ်း​ႁိမ်း​ယိတ်ႈပလၢင်ႇ​ႁိူၼ်း​ၸဝ်ႈ​ၼၼ်ႉ ဢဝ်​ၵႃႈ​တီႈ​ၸဵင်ႇ​ၶႂႃ​ႁိူၼ်း​ၸဝ်ႈ တေႃႇ​ထိုင်​ႁွတ်ႈ​ၸဵင်ႇ​သၢႆႉ​ႁိူၼ်း​ၸဝ်ႈ​လႄႈ လွမ်ႉ​လဵပ်ႈ​ႁွပ်ႈ​ၶုၼ်​ႁေႃ​ၶမ်း​ယူႇ​ဢေႃႈ။-</verse>
				<verse number="11">မိူဝ်ႈ​ၼၼ်ႉ​ၶဝ်​ဢွၼ်​ၵၼ်​ဢဝ်​လုၵ်ႈ​ၸၢႆး​ၸဝ်ႈ​ၶုၼ်​ႁေႃ​ၶမ်း​ဢွၵ်ႇ​ၵႃႈ​ၼွၵ်ႈ​လႄႈ ဢဝ်​ရႃႇၸႃႉ​သရၽူႇ​တိုဝ်း​ပၼ်​လႄႈ ဢဝ်​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ဢၢပ်ႈ​ပၼ်​သေ​လႄႈ ႁႂ်ႈ​မၼ်း​ပဵၼ်​ၶုၼ်​ႁေႃ​ၶမ်း​ဢေႃႈ။ ယေႃးယတႃႉ ဢိၵ်ႇ​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ပၼ်​ၽိၵ်ႈ​သိၵ်ႈ​သေ​လႄႈ ဢွၼ်​ၵၼ်​ႁွင်ႉ​ပၢဝ်ႇ​လႄႈ​ဝႃႈ၊ ႁႂ်ႈ​ၶုၼ်​ႁေႃ​ၶမ်း​ဢသၢၵ်ႈ​လိပ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ဢႃႇထလီႉ ​ၼၼ်ႉ ငိၼ်း​သဵင်​ၵူၼ်း​တင်း​လၢႆ​ၶုၼ်ႇ​လႅၼ်ႈ​ယူႇ ႁဵတ်း​သဵင်​ယွင်ႈ​ယေႃး​ၶုၼ်​ႁေႃ​ၶမ်း​ယူႇ​ၼၼ်ႉ​သေ​ယဝ်ႉ၊ ၵႂႃႇ​ၸူး​ၵႃႈ​တီႈ​ၵူၼ်း​တင်း​လၢႆ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ​လႄႈ၊-</verse>
				<verse number="13">မုင်ႈ​ႁၼ်​ၶုၼ်​ႁေႃ​ၶမ်း​ၸုၵ်း​ၵႃႈ​တီႈ​ႁိမ်း​သဝ်​ႁူး​သူပ်း​တီႈ​ဢၼ်​ၶဝ်ႈ​ၸူး​ၼၼ်ႉ​ယူႇ၊ တပ်ႉ​မူး​တင်း​လၢႆ​ဢိၵ်ႇ​တင်း​ၶဝ်​ၸိူဝ်း​ဢၼ် ပဝ်ႇ​တိုင်ႈ​ၼႄးၶရႃႇ​ၼၼ်ႉ​ၸိူဝ်း​ၼၼ်ႉ ၸုၵ်း​ၵႃႈ​တီႈ​ႁိမ်း​ၶုၼ်​ႁေႃ​ၶမ်း​ယူႇ​သေ​လႄႈ၊ ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင်​ၸူမ်း​သိူဝ်း​လႄႈ ပဝ်ႇ​တိုင်ႈ​ၼႄးၶရႃႇ​ယူႇ၊ မေႃ​ၵႂၢမ်း​တင်း​လၢႆ ယိပ်း​ၵမ်​တူႇရီႉယႃႇ​ၵူႈ​ၸိူဝ်ႉ​ၵူႈ​မဵဝ်း​လႄႈ ဢွၼ်​ႁူဝ်​ႁဵတ်း​ၵႂၢမ်း​ယွင်ႈ​ယေႃး​ယူႇ​ၼၼ်ႉ​သေ​ယဝ်ႉ၊ ဢႃႇထလီႉ ​ၼၼ်ႉ ၸၵ်ႉ​သိၵ်ႇ​ၶူဝ်း​ၼုင်ႈ​မၼ်း​သေ​လႄႈ သႅၼ်ႇ​ႁွင်ႉ​လႄႈ​ဝႃႈ၊ ဢမူႉ​ဢၼ်​ပုင်ႇ​ၵၢၼ်ႇ​လူင်​ပႄႇ။ ဢမူႉ​ဢၼ်​ပုင်ႇ​ၵၢၼ်ႇ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ယိတ်ႈပရေႃးႁဵၵ်ႈ​ ယေႃးယတႃႉ ​ၼၼ်ႉ ဢဝ်​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ ဢၼ်​လႆႈ​ၶၢမ်ႇ​တၢင်း​ဢၼ်​ၶၢၼ်း​ဝႆႉ​ၵႃႈ​ၼိူဝ်​ပူဝ်ႇ​ပႃႇ​ၸိူဝ်း​ၼၼ်ႉ ဢွၵ်ႇ​လႄႈ​လၢတ်ႈ​တီႈ​ၶဝ်​လႄႈ​ဝႃႈ၊ ဢွၼ်​ၵၼ်​ဢဝ်​မၼ်း​ဢွၵ်ႇ​သေ​ၵႃႈ​ၼွၵ်ႈ​ထႅဝ်​ၵူၼ်း​သိုၵ်း​သေ​လႄႈ ဢဝ်​ၶဝ်​ၸိူဝ်း​ဢၼ်​ၸွမ်း​လင်​မၼ်း​ၼၼ်ႉ​တၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ၊ လွင်ႈ​မၼ်း​ၸမ်ႉ ယိတ်ႈပရေႃးႁဵၵ်ႈ​လႆႈ​လၢတ်ႈ​လႄႈ​ဝႃႈ၊ ယႃႇ​ပေ​ဢဝ်​မၼ်း​တၢႆ​ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​သေ​ၵမ်း၊ ဝႃႈ​ၼင်ႇ​ၼႆ​ဝႆႉ​ဢေႃႈ။-</verse>
				<verse number="15">ၶဝ်​ၼၼ်ႉ​ဢွၼ်​ၵၼ်​ငိူင်ႉ​ဝႄႈ​ပၼ်​တၢင်း​တီႈ​မၼ်း​လႄႈ မၼ်း​ဢွၵ်ႇ​ၵႂႃႇ​ၸူး​ၵႃႈ​တီႈ သူပ်း​တၢင်း​မႃႉ​ဢၼ်​ၶဝ်ႈ​ၸူး​ႁေႃ​ၸဝ်ႈ​ၼၼ်ႉ​လႄႈ၊ ၶဝ်​ဢွၼ်​ၵၼ်​ဢဝ်​မၼ်း​တၢႆ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="16">ယေႃးယတႃႉ ​ႁဵတ်း​ပတီႉၺိၺ်ႇ​ဝူင်ႈ​ၵၢင်​မၼ်း ဢိၵ်ႇ​တင်း​ၵူၼ်း​တင်း​သဵင်ႈ​တင်း​လူင် တင်း​ၶုၼ်​ႁေႃ​ၶမ်း ႁႂ်ႈ​ၶဝ်​ပဵၼ်​ၵူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="17">ၵူၼ်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ၵႂႃႇ​ၵႃႈ​တီႈ​ၵျွင်း​ ပႃႇလႃႉ ​လႄႈ ၵိူၼ်ႇ​ယႃႉ​ပႅတ်ႈ​ဢေႃႈ။ ဢွၼ်​ၵၼ်​ႁၵ်း​ႁဵၵ်း​ယိတ်ႈပလၢင်ႇ​လႂ် တင်း​ရုၵ်ႈ​ထူႉ​လႂ်​ပႅတ်ႈ​လႄႈ ဢဝ်​ မတ်ႉသၼ်ႇ ​ယိတ်ႈပရေႃးႁဵၵ်ႈ​ ပႃႇလႃႉ ​ၼၼ်ႉ​တၢႆ ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="18">ယေႃးယတႃႉ ၸီႇ​ယၢင်ႇ​တၢင်း​ဢၼ်​ၵိုတ်ႉ​ႁၢပ်ႇ​ဢမူႉ​ၸဝ်ႈ​တင်း​လၢႆ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ​သေ​လႄႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ယိတ်ႈပရေႃးႁဵၵ်ႈ ၵူၼ်း​မဵဝ်း​ လေႇဝီႉ ဢၼ်​ တႃႇဝိတ်ႈ ၽႄ​ဢွၵ်ႇ​ၶၢၼ်း​ဝႆႉ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​တီႈ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​ပႃး​ၵႃႈ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ မူဝ်းသေႇ ​ၼၼ်ႉ​လႄႈ ႁဵတ်း​တၢင်း​ဢၼ်​သႂၢင်ႇ​သိူဝ်း၊ တၢင်း​ဢၼ်​ႁဵတ်း​ၵႂၢမ်း​မႅၼ်ႈ​ၸွမ်း ၵႃႈ​ၼင်ႇ​ဢၼ်​ တႃႇဝိတ်ႈ ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။-</verse>
				<verse number="19">ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​ႁိူၼ်း​ၸဝ်ႈ​ၼၼ်ႉ​ၵေႃႈ မၼ်း​ၶၢၼ်း​ဝႆႉ​ႁႂ်ႈ​ၵေႃႉ​ဢၼ်​မီး​လၢၵ်ႈၶၼႃႇ ဢၼ်​ဢမ်ႇ​မူတ်း​သႂ်​သေ​ၸိူဝ်ႉ​သေ​ပိူင်​ၼၼ်ႉ ဢမ်ႇ​လႆႈ​ၶဝ်ႈ​မႃး​ၼၼ်ႉ​ဢေႃႈ။-</verse>
				<verse number="20">မၼ်း​ႁွင်ႉ​ဢဝ်​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ​လႂ်၊ မူး​မၢတ်ႈ​ၽွင်း​မိူင်း​လႂ်၊ ၶဝ်​ၸိူဝ်း​ဢၼ်​ပဵၼ် ၵူၼ်း​ယႂ်ႇ​ၵူၼ်း​လူင်​လႂ်၊ ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင်​သေ​လႄႈ ဢွၼ်​ၵၼ်​ဢဝ်​ၶုၼ်​ႁေႃ​ၶမ်း​လူင်း​သေ​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​လႄႈ ၸွမ်း​သဵၼ်ႈ​တၢင်း​ၽၵ်း​တူ​ဢၼ်​သုင်​ၼၼ်ႉ သူင်ႇ​ႁွတ်ႈ​ၵႃႈ​ၼႂ်း​ႁေႃ​ၸဝ်ႈ​လႄႈ ဢဝ်​တၢင်ႇ​ၵႃႈ​ၼိူဝ်​ရႃႇၸႃႉ​ပလၢင်ႇ​သိုင်ႇ​ၸိုင်ႈ​ဝၢၼ်ႈ​မိူင်း​ဢေႃႈ။-</verse>
				<verse number="21">ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင်​ၸူမ်း​သိူဝ်း​လႄႈ၊ ဝဵင်း​တင်း​ဝဵင်း​ၵေႃႈ မီး​တၢင်း​ဢၼ်​တဵတ်ႇ​လီ​ၼိမ်​လီ​ဢေႃႈ။ ၶဝ်​ဢွၼ်​ၵၼ်​ဢဝ်​ ဢႃႇထလီႉ ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။</verse>
			</chapter>
			<chapter number="24">
				<verse number="1">ယေႃးသႃႉ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​ၸဵတ်း​ပီႊ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း ဝဵင်း​ ယေႇရူႉသလႅမ်ႇ ​သီႇ​သိပ်း​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ၸီႉပီႉ ၵူၼ်း​ဝဵင်း​ ပေႇရသေႇၽႃႉ ၊​ဢေႃႈ။-</verse>
				<verse number="2">ၼႂ်း​ၸူဝ်ႈ​ပၢၼ်​ယိတ်ႈပရေႃးႁဵၵ်ႈ​ ယေႃးယတႃႉ ​ၼၼ်ႉ​တဵမ်​တဵမ် ယေႃးသႃႉ ​သၢင်ႈ​ႁဵတ်း ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ဢေႃႈ။-</verse>
				<verse number="3">ယေႃးယတႃႉ ဢဝ်​မႄႈ​ယိင်း​သွင်​ၵေႃႉ​ဢၢပ်ႈ​ပၼ်​ႁႂ်ႈ​ပဵၼ်​မေး​မၼ်း​လႄႈ၊ မၼ်း​လႆႈ​လုၵ်ႈ​ယိင်း​လုၵ်ႈ​ၸၢႆး​ဢေႃႈ။</verse>
				<verse number="4">လိုၼ်း​ၼၼ်ႉ​ ယေႃးသႃႉ ​ၼၼ်ႉ မီး​တၢင်း​ၵျၢမ်ႇ​တၢင်း​ပွင်​တၵ်း​မႄး​ၵုမ်း​မႄး​ႁဵတ်း​ႁိူၼ်း​ထႃႇဝရႃႉ​ၽြႃး​လႄႈ၊-</verse>
				<verse number="5">ႁႂ်ႈ​ယိတ်ႈပရေႃးႁဵၵ်ႈ တင်း​ၵူၼ်း​မဵဝ်း​ လေႇဝီႉ ​တင်း​လၢႆ ၸူႉ​ၵၼ်​တုမ်​ၵၼ်​သေ​လႄႈ​မီး​ဢမိင်ႉ​လႄႈ​ဝႃႈ၊ သူ​ဢွၼ်​ၵၼ်​ဢွၵ်ႇ​ၵႂႃႇ​ၸူး ၵႃႈ​တီႈ​ဝဵင်း​ ယူႉတႃႉ ​တင်း​လၢႆ​သေ​လႄႈ ၶၢမ်ႇ​ဢဝ်​တုင်း​ဢဝ်​ငိုၼ်း တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ႁႂ်ႈ​လႆႈ​မႄး​ၵုမ်း​မႄး​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ​သူ​ၵူႈ​ပီႊ​လႄႈ ၵျူဝ်း​ၸႃး​ႁႂ်ႈ​ဢမူႉ​ယဝ်ႉ​တူဝ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵူၺ်း​ၵႃႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ယင်း​ဢမ်ႇ​ၵျူဝ်း​ၸႃး​လႄႈ​ယူႇ​ဢေႃႈ။-</verse>
				<verse number="6">လႆႈ​သမ်ႉ​ၶုၼ်​ႁေႃ​ၶမ်း​ႁွင်ႉ​ဢဝ်​ယိတ်ႈပရေႃးႁဵၵ်ႈ​လူင် ယေႃးယတႃႉ ​မႃး​လႄႈ ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ယင်း​ဢမ်ႇ​သင်ႇ​လၢတ်ႈ​တီႈ​ၵူၼ်း​မဵဝ်း​ လေႇဝီႉ ​တင်း​လၢႆ ႁႂ်ႈ​ၶဝ်​ၶၢမ်ႇ​ဢဝ်​တုင်း​ဢဝ်​ငိုၼ်း ၽႃႇ​ၵဵပ်း​ဢၼ်​ မူဝ်းသေႇ ​ၶႃႈ​ထႃႇဝရႃႉ​ၽြႃး ဢိၵ်ႇ​တင်း​ပရဵၵ်ႈသၢတ်ႈ​တီႈ​ၸူႉ​တီႈ​တုမ်​ ဢီႉသရေႇလႃႉ ဢွၼ်​ၵၼ်​ပၼ်​ပုၼ်ႈ​မူဝ်းၵႃႇ​ၸဝ်ႈ တီႈ​ဢၼ်​ဝႆႉ​ၶိူင်ႈ​ဢၼ်​ၶၢမ်ႇ​သၢၵ်ႈ​သေႇ​ၸဝ်ႈ​ၼၼ်ႉ ၵႃႈ​ၼႂ်း​မိူင်း​ ယူႉတႃႉ ​တင်း​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ ယူႇ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">လုၵ်ႈ​ၸၢႆး​ ဢႃႇထလီႉ မႄႈ​ယိင်း​ဢႃႉထမ်ႇမႃႉ​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​ၵိူၼ်ႇ​ယႃႉ​ႁိူၼ်း ၽြႃး​ပဵၼ်​ၸဝ်ႈ​သေ​လႄႈ ဢဝ်​ၽၼ်ႇတႃႇ​ၶိူင်ႈ​ပုၵ်ႈ​ၸေႃႇ​ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​ၵႃႈ​မီး ပုၵ်ႈ​ၸေႃႇ​တီႈ​ၽြႃး ပႃႇလႃႉ ​ယဝ်ႉ​ယဝ်ႉ​ဢေႃႈ။-</verse>
				<verse number="8">ၶုၼ်​ႁေႃ​ၶမ်း​မီး​ဢမိင်ႉ​လႄႈ ၶဝ်​ဢွၼ်​ၵၼ်​ႁဵတ်း​တိူၵ်ႈ​တႃႇ​လႄႈ ဝႆႉ​ၵႃႈ​တီႈ​ႁိမ်း​ၽၵ်း​တူ​ၵႃႈ​ၼွၵ်ႈ​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="9">ၶဝ်​ဢွၼ်​ၵၼ်​လႄႇ​ပၢဝ်ႇ​လႄႈ​လၢတ်ႈ ၵႃႈ​ၼႂ်း​မိူင်း​ ယူႉတႃႉ ဢိၵ်ႇ​တင်း​ဝဵင်း​ ယေႇရူႉသလႅမ်ႇ ႁႂ်ႈ​ၶဝ်​ဢွၼ်​ၵၼ်​ဢဝ်​ငိုၼ်း ၽႃႇ​ၵဵပ်း​ဢၼ်​ မူဝ်းသေႇ ​ၶႃႈ​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ဝႆႉ​တီႈ​မဵဝ်း ဢီႉသရေႇလႃႉ ​ၵႃႈ​ၼႂ်း​ထိူၼ်ႇ​ၼၼ်ႉ​မႃး​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="10">ၶုၼ်​တင်း​လၢႆ​ဢိၵ်ႇ​တင်း​ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင် ဢွၼ်​ၵၼ်​မီး​တင်း​ၸႂ်​ဢၼ်​ၸူမ်း​သိူဝ်း​သေ​လႄႈ ဢဝ်​မႃး​လႄႈ တွတ်ႈ​သႂ်ႇ​ဝႆႉ​ၵႃႈ​ၼႂ်း​တိူၵ်ႈ​တႃႇ တေႃႇ​ထိုင်​ႁွတ်ႈ​ထၼ်ႈ​ပေႃး​ယဝ်ႉ​ပေႃး​တူဝ်ႈ​ဢေႃႈ။-</verse>
				<verse number="11">မိူဝ်ႈ​ဢၼ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢဝ်​တိူၵ်ႈ​တႃႇ​ၼၼ်ႉ​သႂ်ႇ​ဝႆႉ ၵႃႈ​ၼႂ်း​တိူၵ်ႈ​ၽၼ်ႇတႃႇ​ၶုၼ်​ႁေႃ​ၶမ်း​လႄႈ ႁူႉ​ႁၼ်​လွင်ႈ​ဢၼ်​ငိုၼ်း​ၼမ်​ၼႃႇ​ၼၼ်ႉ​ၸိုင် ၸရေး​လူင်​ၶုၼ်​ႁေႃ​ၶမ်း ဢိၵ်ႇ​တင်း​ၸရေး​လူင်​ယိတ်ႈပရေႃးႁဵၵ်ႈ​လူင်​ၸိူဝ်း​ၼၼ်ႉ​မႃး​လႄႈ ၼုၵ်ႈ​ဢဝ်​ငိုၼ်း​ႁႂ်ႈ​တိူၵ်ႈ​တႃႇ​ပဝ်ႇ​သေ​ယဝ်ႉ၊ သမ်ႉ​ဢဝ်​ၵႂႃႇ​ၶိုၼ်း​ဝႆႉ​တီႈ​မၼ်း​ဢေႃႈ။ ၶဝ်​ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼၼ်​ၵူႈ​ဝၼ်း​လႄႈ ဢဝ်​ငိုၼ်း​ၼမ်​ၼႃႇ​ၸူႉ​ၶွၼ်ႈ​ဝႆႉ​ဢေႃႈ။-</verse>
				<verse number="12">ၶုၼ်​ႁေႃ​ၶမ်း​တင်း​ ယေႃးယတႃႉ ​ၼၼ်ႉ ဢွၼ်​ၵၼ်​ဢဝ်​ငိုၼ်း​ၼၼ်ႉ​ဢၢပ်ႈ​ပၼ်​တီႈ​ၶဝ်​ၸိူဝ်း​ဢၼ် ပႂ်ႉ​တၢင်း​ဢၼ်​ၵိုတ်ႉ​ႁၢပ်ႇ​ဢမူႉ​ႁိူၼ်း​ထႃႇဝရႃႉ​ၽြႃး​ၼၼ်ႉ​လႄႈ ၶဝ်​ၼၼ်ႉ​ဢွၼ်​ၵၼ်​ၸၢင်ႈ​ငႃ​ဢဝ် ၶဝ်​ၸိူဝ်း​ဢၼ်​မေႃ​တႄႇ​တိူၵ်ႈ​ႁဵတ်း​တိူၵ်ႈ​လႂ်၊ လၢၵ်ႈသမႃး​လႂ် ႁႂ်ႈ​လႆႈ​မႄး​ၵုမ်း​မႄႈ​ႁဵတ်း​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ၸၢင်ႈ​လဵၵ်း​လႂ်၊ ၸၢင်ႈ​ၶမ်း​ဢၼ်​ႁဵတ်း​တွင်း​လိူင်​လႂ် ႁႂ်ႈ​လႆႈ​မႄး​ႁဵတ်း​မႄး​ပွင်​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="13">ၶဝ်​ၸိူဝ်း​ဢၼ်​ႁဵတ်း​တၢင်း​ႁဵတ်း​ၼၼ်ႉ ဢွၼ်​ၵၼ်​ၵျူဝ်း​ၸႃး​လႄႈ မႄး​ၵုမ်း​မႄး​ႁဵတ်း​သေ​လႄႈ​ႁႂ်ႈ​ႁိူၼ်း​ၽြႃး​ပဵၼ်​ၸဝ်ႈ​ပဵၼ်​ၼင်ႇ​ပၵ်း​ၵဝ်ႇ​ပိူင်​ၵဝ်ႇ​ၼၼ်ႉ​လႄႈ ႁႂ်ႈ​မၼ်ႈ​ၶိူင်ႇ​ဢေႃႈ။-</verse>
				<verse number="14">မိူဝ်ႈ​ဢၼ်​ႁဵတ်း​ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ ၶဝ်​ဢွၼ်​ၵၼ်​ဢဝ်​ငိုၼ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ မႃး​တီႈ​ၶုၼ်​ႁေႃ​ၶမ်း​တင်း ယေႃးယတႃႉ ​လႄႈ ဢဝ်​ငိုၼ်း​ၼၼ်ႉ​ႁဵတ်း​ၶိူင်ႈ​ပိူင်​ပုၼ်ႈ​ႁိူၼ်း​ထႃႇဝရႃႉ​ၽြႃး ဢၼ်​ဝႃႈ ၶိူင်ႈ​ပိူင်​ဢၼ်​တၵ်း​ဢဝ်​ၵိုတ်ႉ​ႁၢပ်ႇ​ဢမူႉ​ၸဝ်ႈ​လႄႈ ပုၵ်ႈ​ၸေႃႇ​လႂ်၊ ၸေႃႉ​လႂ်၊ ၵွၵ်း​ၶမ်း​လႂ်၊ ၵွၵ်း​ငိုၼ်း​လႂ်​ဢေႃႈ၊ ၸူဝ်ႈ​ပၢၼ်​ ယေႃးယတႃႉ ​ၼၼ်ႉ​တဵမ်​တဵမ် ၶဝ်​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ယူႇ​တႃႇ​သေႇ​ဢေႃႈ။</verse>
				<verse number="15">ယေႃးယတႃႉ ​ၼၼ်ႉ ထဝ်ႈ​ၵႄႇ​လႄႈ ႁွတ်ႈ​ထိုင်​တၢင်း​ဢၼ်​ၶိင်ႇ​ၵႃႇလႃႉ​မိုဝ်ႉ​ဝၼ်း​မၼ်း​ပျေႉ​ၸုမ်ႇ​ယဝ်ႉ​လႄႈ တၢႆ​သေ​ဢေႃႈ။ မိူဝ်ႈ​ဢၼ်​တၢႆ​ၼၼ်ႉ​ၸိုင် ဢသၢၵ်ႈ​မၼ်း​လႆႈ ပၢၵ်ႇ​ပၢႆ​သၢမ်​သိပ်း​ပီႊ​ဢေႃႈ။-</verse>
				<verse number="16">ၶဝ်​ဢဝ်​မၼ်း​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ တႃႇဝိတ်ႈ လူၺ်ႈ​ၵၼ်​တင်း​ၶုၼ်​ႁေႃ​ၶမ်း​တင်း​လၢႆ ၵွပ်ႈ​ပိူဝ်ႈ​ဢၼ်​ၼႂ်း​မဵဝ်း​ ဢီႉသရေႇလႃႉ ​ၼၼ်ႉ မၼ်း​ၼၼ်ႉ​ပဵၼ်​ၵေႃႉ​ဢၼ်​ႁဵတ်း​ဢၼ်​လီ​ဢၼ်​ငၢမ်း​တီႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ႁိူၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="17">လိုၼ်း​သေ​ ယေႃးယတႃႉ တၢႆ​ယဝ်ႉ​ၼၼ်ႉ၊ ၶုၼ်​ ယူႉတႃႉ ​တင်း​လၢႆ ဢွၼ်​ၵၼ်​မႃး​တီႈ​ၶုၼ်​ႁေႃ​ၶမ်း​လႄႈ ၶုပ်ႉ​ဝႆႈ​ဢေႃႈ၊ ၶုၼ်​ႁေႃ​ၶမ်း​ထွမ်ႇ​ဢဝ်​ၵႂၢမ်း​ၶဝ်​ၼၼ်ႉ​သေ​ယဝ်ႉ၊-</verse>
				<verse number="18">ၶဝ်​ၼၼ်ႉ​ဢွၼ်​ၵၼ်​ၸုၼ်ႉ​ပႅတ်ႈ​ႁိူၼ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ပူႇ​ၶဝ်​မွၼ်ႇ​ၶဝ်​လႄႈ ႁဵတ်း​ဝၢတ်ႈ​တီႈ​တူၼ်ႈ​ ဢႃႇသရႃႉ လႂ် တင်း​ရုၵ်ႈ​ထူႉ​လႂ်​ဢေႃႈ။ ၵွပ်ႈ​ပိူဝ်ႈ​ဢပႅတ်ႈ​ၶဝ်​ၼၼ်ႉ​လႄႈ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ တူၵ်း​ႁွတ်ႈ​ၵႃႈ​ၼိူဝ်​မိူင်း​ ယူႉတႃႉ ဢိၵ်ႇ​တင်း ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="19">မၼ်း​ၸဝ်ႈ​ပွႆႇ​ၸႂ်ႉ​ပရေႃးၽႅတ်ႈ​တင်း​လၢႆ​တီႈ​ၶဝ်​ၼၼ်ႉ ႁႂ်ႈ​လႆႈ​တိုၵ်း​ယူင်း​ၸူဝ်း​ဢဝ်​ၶဝ်​ၼၼ်ႉ​ၶိုၼ်း​မႃး​ၸူး​ၵႃႈ​တီႈ​ထႃႇဝရႃႉ​ၽြႃး​လႄႈ ပိၵ်ႉ​သမ်ႉ​ၶဝ်​ဢွၼ်​ၵၼ်​ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​ၶဝ်​ၼၼ်ႉ​သေ​ၵေႃႈ ၶဝ်​ၼၼ်ႉ​ဢမ်ႇ​ထွမ်ႇ​ဢမ်ႇ​ဢဝ်။-</verse>
				<verse number="20">ၽဝ်ႇ​ၼိုင်ႈ ဝီႉၺိၺ်ႇ​ထႃႇဝရႃႉ​ၽြႃး​တူၵ်း​ႁွတ်ႈ​ၵႃႈ​ၼိူဝ်​ ၸႃႇၶရီႉ လုၵ်ႈ​ၸၢႆး​ယိတ်ႈပရေႃးႁဵၵ်ႈ ယေႃးယတႃႉ ​ၼၼ်ႉ​လႄႈ မၼ်း​ၼၼ်ႉ​ၸုၵ်း​ယူႇ​ၵႃႈ​တီႈ​ဢၼ်​သုင်​ၵႃႈ​ၼႂ်း ၵၢင်​ပရဵၵ်ႈသၢတ်ႈ​သေ​လႄႈ ဢွၵ်ႇ​သူပ်း​လႄႈ​ဝႃႈ ၽြႃး​ပဵၼ်​ၸဝ်ႈ​မီး​ဢမိင်ႉ​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢွၼ်​ၵၼ်​ပူၼ်ႉ​လိူဝ်​ပိင်း​ၺၢပ်ႈ​ထႃႇဝရႃႉ​ၽြႃး ႁႂ်ႈ​ဢၵျူဝ်း​သူ​လူႉ​ၼင်ႇ​ႁိုဝ်။ ၵွပ်ႈ​ပိူဝ်ႈ​ဢၼ်​သူ​ၸုၼ်ႉ​ပႅတ်ႈ​ထႃႇဝရႃႉ​ၽြႃး​လႄႈ မၼ်း​ၸဝ်ႈ​ၸုၼ်ႉ​ပႅတ်ႈ​သူ​ယဝ်ႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="21">ၶဝ်​လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​မၼ်း​လႄႈ ဢွၼ်​ၵၼ်​ဢဝ်​မၢၵ်ႇ​ႁိၼ်​ထိမ်ႈ​မၼ်း​ၵႃႈ​ၼႂ်း​တမ်ႇ​တိူင်း​ႁိူၼ်း​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​ဢမိင်ႉ ၶုၼ်​ႁေႃ​ၶမ်း​မီး​ၼၼ်ႉ​ဢေႃႈ။-</verse>
				<verse number="22">ၼင်ႇ​ၼၼ်​လႄႈ​ၶုၼ်​လူင်​ ယေႃးသႃႉ ယင်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵျေး​ၸူး​ဢၼ်​ ယေႃးယတႃႉ ပေႃႈ​မၼ်း​ၼၼ်ႉ​ႁဵတ်း​ၼၼ်ႉ​လႄႈ ဢဝ်​လုၵ်ႈ​ၸၢႆး​မၼ်း​တၢႆ​လူင်​ပႄႇ။ မိူဝ်ႈ​ဢၼ်​မၼ်း​ၼၼ်ႉ​တၢႆ​ၼၼ်ႉ​ၸိုင် မၼ်း​ၼၼ်ႉ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​တၵ်း​တူၺ်း​ႁၼ်​ဢမူႉ​ၼႆႉ​လႄႈ ၸႅတ်ႈ​ထၢမ်​ၸီႇ​ယၢင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ၼႂ်း​တီႈ​သုတ်း​ပီႊ​ၼၼ်ႉ ၵူၼ်း​တပ်ႉ​ၵူၼ်း​သိုၵ်း​ သူႉရီႉ ​တင်း​လၢႆ ဢွၼ်​ၵၼ်​ၶီႇ​သိုၵ်း​မႃး​ယူႇ​ၽၢႆႇ​ၼိုင်ႈ​တင်း​မၼ်း​လႄႈ ႁွတ်ႈ​ထိုင်​ၵႃႈ​တီႈ မိူင်း​ ယူႉတႃႉ ဢိၵ်ႇ​တင်း​ဝဵင်း​ ယေႇရူႉသလႅမ်ႇ ​သေ​ယဝ်ႉ၊ ဢွၼ်​ၵၼ်​ပႄႇ​ၽဵဝ်ႈ​မူး​မၢတ်ႈ​ၽွင်း​မိူင်း​ၵႃႈ​မီး​ပႅတ်ႈ​သေ ၵႃႈ​ၼႂ်း​ၵူၼ်း​တင်း​လၢႆ​လႄႈ ဢဝ်​ဢုၵ်ႉ​ၸႃႇ ၵႃႈ​ဢၼ်​ႁိမ်​လႆႈ​ၸိူဝ်း​ၼၼ်ႉ ပၼ်​ၵႂႃႇ​တီႈ​ၶုၼ်​ႁေႃ​ၶမ်း ထမ်ႇမသႅတ်ႉ ​ဢေႃႈ။-</verse>
				<verse number="24">ပိၵ်ႉ​သမ်ႉ​ၵူၼ်း​တပ်ႉ​ၵူၼ်း​သိုၵ်း​ သူႉရီႉ ပဵၼ်​မုၵ်ႉ​ဢွၼ်ႇ​ၸိူဝ်း​ဢွၼ်ႇ​သေ​လႄႈ​မႃး​သေ​ၵေႃႈ ထႃႇဝရႃႉ​ၽြႃး​ဢဝ်​မုၵ်ႉ​လူင်​ၸိူဝ်း​လူင်​ဢၼ်​ယႂ်ႇ​ၼႃႇ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​ၸုၼ်ႉ​ပႅတ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ၶဝ်​မွၼ်ႇ​ၶဝ်​ဢေႃႈ။ ၼင်ႇ​ၼၼ်​လႄႈ​ၶဝ်​ၼၼ်ႉ​ဢွၼ်​ၵၼ်​ၸီႇ​ယၢင်ႇ​ပၼ်​တၢမ်ႇ​တီႈ​ ယေႃးသႃႉ ​ဢေႃႈ။-</verse>
				<verse number="25">မိူဝ်ႈ​ဢၼ်​ၶဝ်​ၼၼ်ႉ​ဢွၵ်ႇ​ၵႂႃႇ​သေ​ၵႃႈ​တီႈ​မၼ်း​ယဝ်ႉ​ၼၼ်ႉ​ၸိုင်၊ မၼ်း​လႆႈ​ၶၢမ်ႇ​တၢင်း​ၶႆႈ​တၢင်း​ပဵၼ်​ဢၼ်​ယႂ်ႇ​ၼႃႇ​လူင်​လၢင်​ၼၼ်ႉ​ယူႇ​လႄႈ ၶႃႈ​မၼ်း​ၵူၼ်း​မၼ်း​ဢွၼ်​ၵၼ်​လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​မၼ်း ၵွပ်ႈ​ပိူဝ်ႈ​လိူတ်ႈ​လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ယေႃးယတႃႉ ဢၼ်​ထွၵ်ႇ​ပႅတ်ႈ​ၼၼ်ႉ​လႄႈ ယႃႉ​မၼ်း​ပႅတ်ႈ​ၵႃႈ​ၼိူဝ်​ၵူႇ​တီႈ​ၼွၼ်း​မၼ်း​ထၼ်ႈ​ပေႃး​တၢႆ​ဢေႃႈ။ မၼ်း​ၼၼ်ႉ​ၸိုင်၊ ပိၵ်ႉ​သမ်ႉ​ၶဝ်​ဢဝ်​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ တႃႇဝိတ်ႈ ​သေ​ၵေႃႈ၊ ၶဝ်​ဢမ်ႇ​ဢဝ်​သၢင်း​ၵျူဝ်ႇ​ၵႃႈ​ၼႂ်း​ပႃႇ​ႁဵဝ်ႈ​သၢင်း​ၶႅင်း​ၶုၼ်​ႁေႃ​ၶမ်း​တင်း​လၢႆ။-</verse>
				<verse number="26">ၶဝ်​ၸိူဝ်း​ဢၼ်​လွမ်ႉ​ႁွပ်ႈ ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​မၼ်း​ၼၼ်ႉ​ၸမ်ႉ၊ ပဵၼ်​ ၸပတ်ႉ လုၵ်ႈ​ၸၢႆး​ သီႉမတ်ႉ မႄႈ​ယိင်း​မဵဝ်း​ ဢမ်ႇမုၼ်ႇ ၊ ဢိၵ်ႇ​တင်း​ ယႁေႃးၸပတ်ႉ လုၵ်ႈ​ၸၢႆး​ သီႉမရိတ်ႉ မႄႈ​ယိင်း​မဵဝ်း​ မေႃႇၽႃႉ ​ဢေႃႈ။-</verse>
				<verse number="27">လွင်ႈ​တၢင်း​လုၵ်ႈ​မၼ်း​လၢင်း​မၼ်း၊ လွင်ႈ​တၢင်း​ဢၼ်​မၼ်း​ႁၢပ်ႇ​ဢမူႉ​ဢၼ်​ၼၵ်း၊ လွင်ႈ​တၢင်း​ဢၼ်​မႄး​ၵုမ်း​မႄး​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​လိၵ်ႈ​ဢၼ်​သိုပ်ႇ​ၵၼ်​တင်း​ရႃႇၸဝၢင်ႇ​ၼၼ်ႉ​ဢေႃႈ။ ဢႃႇမၸီႉ လုၵ်ႈ​ၸၢႆး​ၸဝ်ႈ​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="25">
				<verse number="1">ဢႃႇမၸီႉ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​သၢဝ်း​ပၢႆ​ႁႃႈ​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း ဝဵင်း​ ယေႇရူႉသလႅမ်ႇ သၢဝ်း​ပၢႆ​ၵဝ်ႈ​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ယုတ်ႉတၼ်ႇ ၵူၼ်း​ယိင်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="2">မၼ်း​ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​သေ​ၵေႃႈ ႁူဝ်​ၸႂ်​မၼ်း​ဢမ်ႇ​ၸေး​ဢမ်ႇ​ၸုမ်ႇ။-</verse>
				<verse number="3">မိူဝ်ႈ​ဢၼ်​သိုင်ႇ​ၸိုင်ႈ​ဝၢၼ်ႈ​မိူင်း​တႄႇ​ယူႇ​တီႈ​မၼ်း​ယဝ်ႉ​ၼၼ်ႉ​ၸိုင်၊ မၼ်း​ဢဝ်​ၶႃႈ​မၼ်း​ၵူၼ်း​မၼ်း​ဢၼ်​ဢဝ်​ၸဝ်ႈ​ပေႃႈ​မၼ်း​ၶုၼ်​လူင်​ၼၼ်ႉ​တၢႆ​ၸိူဝ်း​ၼၼ်ႉ​တၢႆ​ဢေႃႈ။-</verse>
				<verse number="4">ၵူၺ်း​ၵႃႈ မၼ်း​ဢမ်ႇ​ဢဝ်​လုၵ်ႈ​ၸၢႆး​ၶဝ်​ၸိူဝ်း​ၼၼ်ႉ​တၢႆ​လႄႈ ၸွမ်း​ပိင်း​ၺၢပ်ႈ​တြႃး​ဢၼ်​တႅမ်ႈ​ဝႆႉ​မီး​ယူႇ ၵႃႈ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ မူဝ်းသေႇ ဢၼ်​ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ပေႃႈ​ဢမ်ႇ​လႆႈ​ၶၢမ်ႇ​တၢႆ​တၢင်​တူဝ်​လုၵ်ႈ​လၢင်း၊ လုၵ်ႈ​လၢင်း​ဢမ်ႇ​လႆႈ​ၶၢမ်ႇ​တၢႆ​တၢင်​တူဝ်​ပေႃႈ၊ ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ၶၢမ်ႇ​တၢႆ​ၵွပ်ႈ​ပိူဝ်ႈ​ဢပႅတ်ႈ​တူဝ်​ၸဝ်ႈ​ၵဝ်ႇ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="5">ဢႃႇမၸီႉ ​ၼၼ်ႉ​ႁႂ်ႈ​ၵူၼ်း​မဵဝ်း​ ယူႉတႃႉ ​တင်း​လၢႆ​ၸူႉ​ၵၼ်​တုမ်​ၵၼ်​လႄႈ ၸွမ်း​လူၺ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​သေ​လႄႈ ဢဝ်​ၶဝ်​ဢၼ်​ဝႃႈ​ၵူၼ်း​မဵဝ်း​ ယူႉတႃႉ တင်း​ၵူၼ်း​ ပိၼ်ႇယႃႇမိၼ်ႇ ​တင်း​သဵင်ႈ​တင်း​လူင်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ် ၵူၼ်း​ယေႈ​ႁဵင်၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ယေႈ​ပၢၵ်ႇ​ၸိူဝ်း​ၼၼ်ႉ​ဢေႃႈ။ မၼ်း​ၼပ်ႉ​ဢၢၼ်ႇ​ၶဝ်​ၸိူဝ်း​ဢၼ် ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​ၼၼ်ႉ​လႄႈ ထူပ်း​ႁၼ်​မီး​ၶဝ်​ၸိူဝ်း​ဢၼ် ပဵၼ်​ၵေႃႉ​ဢၼ်​လိူၵ်ႈ​ၵဵပ်း​ဢဝ်​သေ​လႄႈ တၢတ်ႈ​ၼိူင်ႇ​လႆႈ​ႁႂ်ႈ​လႆႈ​ဢွၵ်ႇ​ၵႂႃႇ​တိုၵ်း​သိုၵ်း​လႄႈ ၸၢင်ႈ​ယိပ်း​ႁွၵ်ႇ​တင်း​ၶိူင်ႈ​ႁႄႉ​လၢၵ်ႈ​ၼၢၵ်ႈ​ၼၼ်ႉ သၢမ်​သႅၼ်​ဢေႃႈ။-</verse>
				<verse number="6">ႁူဝ်​ႁၢၼ်​ၵူၼ်း​သိုၵ်း ဢီႉသရေႇလႃႉ ​ဢၼ်​ႁႅင်း​ယႂ်ႇ​ၼႃႇ​သႅၼ်​ၼိုင်ႈ​ၵေႃႈ၊ မၼ်း​ဢဝ်​တင်း​ငိုၼ်း​ပၢၵ်ႇ​ တလၢၼ်ႇတၢၼ်ႇ ၸၢင်ႈ​ငႃ​ဢဝ်​ဝႆႉ​ဢေႃႈ။-</verse>
				<verse number="7">ၵူၺ်း​ၵႃႈ​ၵူၼ်း​ၽြႃး​ပဵၼ်​ၸဝ်ႈ​ၵေႃႉ​ၼိုင်ႈ မႃး​တီႈ​မၼ်း​လႄႈ​ဝႃႈ၊ ၸဝ်ႈ​ၶုၼ်​လူင်​ဢိူၺ်း၊ ယႃႇ​ပေ​ႁႂ်ႈ​တပ်ႉ​ ဢီႉသရေႇလႃႉ ​လႆႈ​ၸွမ်း​လူၺ်ႈ​ၵၼ်​တင်း​ၸဝ်ႈ​ႁဝ်း။ ထႃႇဝရႃႉ​ၽြႃး​ဢမ်ႇ​မီး​လူၺ်ႈ​ၵၼ်​တင်း​ၵူၼ်း​မဵဝ်း​ ဢီႉသရေႇလႃႉ ​ဢၼ်​ဝႃႈ ၵူၼ်း​မဵဝ်း​ ဢေႇၽရိမ်ႇ ​ၸိူဝ်း​ၼၼ်ႉ။-</verse>
				<verse number="8">ပေႃး​ၸဝ်ႈ​ၶုၼ်​လူင်​ယင်း​ၶႂ်ႈ​ၵႂႃႇ​ယူႇ​ၸိုင်၊ ပိၵ်ႉ​သမ်ႉ​ၵႂႃႇ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​မၼ်ႈ​ၶိူင်ႇ​ႁႂ်ႈ​လႆႈ​တိုၵ်း​သိုၵ်း​သေ​ၵေႃႈ၊ ၽြႃး​ပဵၼ်​ၸဝ်ႈ​တၵ်း​ႁႂ်ႈ​ၸဝ်ႈ​ႁဝ်း​တူၵ်း​သုမ်း ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​ဢေႃႈ။ ၽြႃး​ပဵၼ်​ၸဝ်ႈ​ၼၼ်ႉ​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ ဢိၵ်ႇ​တင်း​ႁႂ်ႈ​လႆႈ​ၶျႃး​တူၵ်း​တီႈ​တႅမ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊</verse>
				<verse number="9">ဢႃႇမၸီႉ ထၢမ်​တီႈ​ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​လႄႈ​ဝႃႈ၊ ငိုၼ်း​ပၢၵ်ႇ​ တလၢၼ်ႇတၢၼ်ႇ ဢၼ်​လႆႈ​ဢဝ်​ၸၢင်ႈ​ငႃ​ဢဝ်​တပ်ႉ ဢီႉသရေႇလႃႉ ​ၼၼ်ႉ မႅၼ်ႈ​ယဝ်ႉ​ၼၼ်ႉ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ပၼ်​ဢၼ်​ယဵင်ႈ​ၶႅၼ်း​လိူဝ်​တွၼ်း​သေ​ၼၼ်ႉ​လႆႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ၼၼ်ႉ​ ဢႃႇမၸီႉ ၽေ​ဢဝ်​ႁူဝ်​ႁၢၼ်​ၵူၼ်း​သိုၵ်း ဢၼ်​လုၵ်ႉ​သေ​ၵႃႈ​တီႈ​မိူင်း​ ဢေႇၽရိမ်ႇ ​မႃး​ၼၼ်ႉ​လႄႈ ပွႆႇ​ႁႂ်ႈ​ၶဝ်​ၶိုၼ်း​မိူဝ်း​ၵႂႃႇ​ၵႃႈ​တီႈ တီႈ​ယူႇ​တီႈ​သဝ်း​ၶဝ်​သေ​လႄႈ ၶဝ်​ၼၼ်ႉ​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​လႄႈ ဝႆႉ​တၢင်း​ၽိတ်း​တီႈ​ၵူၼ်း​မိူင်း​ ယူႉတႃႉ ​တင်း​လၢႆ​သေ​လႄႈ ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၵႃႈ​တီႈ တီႈ​ယူႇ​တီႈ​သဝ်း​ၶဝ်​ဢေႃႈ။</verse>
				<verse number="11">ဢႃႇမၸီႉ ​ၵေႃႈ​ႁႂ်ႈ​တူဝ်​ၸဝ်ႈ​ၵဝ်ႇ​မၼ်ႈ​ၶိူင်ႇ​လႄႈ ဢွၼ်​ႁူဝ်​ၵူၼ်း​မၼ်း​တင်း​လၢႆ​ဢွၵ်ႇ​လႄႈ​ၶီႇ​သိုၵ်း​ၸူး​ၵႃႈ​တီႈ​ပၢင်ႇ​ႁူၺ်ႈ​ၵိူဝ်​သေ​ယဝ်ႉ၊ တိုၵ်း​တေႃး​ယႃႉ​ပႅတ်ႈ​ၵူၼ်း​လွႆ​ ၸီႉရႃႉ မိုၼ်ႇ​ၼိုင်ႈ​ဢေႃႈ။-</verse>
				<verse number="12">ၵူၼ်း​မဵဝ်း​ ယူႉတႃႉ ​တင်း​လၢႆ​တီႉ​လႆႈ​ၵူၼ်း​လိပ်း​မိုၼ်ႇ​ၼိုင်ႈ​သေ​ယဝ်ႉ၊ ဢွၼ်​ၵၼ်​ဢဝ်​ၶဝ်​ၼၼ်ႉ​ၵႂႃႇ​ၵႃႈ​တီႈ​ပၢႆ​ၸိၵ်း​လွႆ​မၢၵ်ႇ​ႁိၼ်​သေ​လႄႈ ဢီး​ၶဝ်​တူၵ်း​သေ​ၵႃႈ​ၼိူဝ်​ပၢႆ​ၸိၵ်း​လွႆ​မၢၵ်ႇ​ႁိၼ်​ၼၼ်ႉ ႁႂ်ႈ​ၶဝ်​ထၼ်ႈ​ပေႃး​ႁၵ်း​ပေႃး​လႅဝ်​ဢေႃႈ။-</verse>
				<verse number="13">ႁူဝ်​ႁၢၼ်​ၵူၼ်း​သိုၵ်း ဢၼ်​ ဢႃႇမၸီႉ ပွႆႇ​မိူဝ်း​ၵႂႃႇ​လႄႈ ဢမ်ႇ​ပၼ်​ဢၶႂၢင်ႉ​ဢၼ်​လႆႈ​ၸွမ်း​လူၺ်ႈ​ၵၼ်​တင်း​မၼ်း​သေ​လႄႈ တိုၵ်း​သိုၵ်း​ၸိူဝ်း​ၼၼ်ႉ​ၸမ်ႉ၊ ဢွၼ်​ၵၼ်​တိုၵ်း​တေႃး​ဝဵင်း ယူႉတႃႉ ​တင်း​လၢႆ ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ သမႃႇရီႉ တေႃႇ​ထိုင်​ႁွတ်ႈ ဝဵင်း​ ပႅတ်ႉႁေႃႇရုၼ်ႇ ​သေ​လႄႈ ဢဝ်​ၵူၼ်း​သၢမ်​ႁဵင်​တၢႆ​လႄႈ သိမ်း​ဢဝ်​ဢုၵ်ႉ​ၸႃႇ​ဢၼ်​ႁိမ်​လႆႈ​ၼမ်​ၼႃႇ​ၵႂႃႇ​ဢေႃႈ။</verse>
				<verse number="14">ဢႃႇမၸီႉ ​ၼၼ်ႉ မိူဝ်ႈ​ဢၼ်​လုၵ်ႉ​သေ​ၵႃႈ​တီႈ တီႈ​ဢၼ်​ၶႃႈ​ၽၼ်း​ဢဝ်​တၢႆ​ၵူၼ်း​မဵဝ်း​ ဢေႇတုမ်ႇ ​ၸိူဝ်း​ၼၼ်ႉ ၶိုၼ်း​မႃး​ၼၼ်ႉ​ၸိုင်၊ ဢဝ်​ၽြႃး​ဢၼ်​ၵူၼ်း​လွႆ​ ၸီႉရႃႉ ​တင်း​လၢႆ​ၵူဝ်း​ၵႂၢႆႇ​ၸိူဝ်း​ၼၼ်ႉ​မႃး​လႄႈ​တႄႇ​တင်ႈ​ဝႆႉ ႁႂ်ႈ​လႆႈ​ပဵၼ်​ၽြႃး​တီႈ​ဢၼ်​မၼ်း​ၵူဝ်း​ၵႂၢႆႇ​ၼၼ်ႉ​သေ​ယဝ်ႉ၊ ၶုပ်ႉ​မူပ်ႇ​ဝၢင်း​ႁူဝ်​ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​လႄႈ ဢဝ်​ၽႆး​တုတ်ႇ​ၼၢမ်ႇ​သႃႇ​ဢေႃႈ။-</verse>
				<verse number="15">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​ၸႂ်​မႆႈ​ၶႆႈ​ၸႃႉ​တီႈ​ ဢႃႇမၸီႉ ​လႄႈ ပွႆႇ​ၸႂ်ႉ​ပရေႃးၽႅတ်ႈ​ၵေႃႉ​ၼိုင်ႈ​မႃး​တီႈ​မၼ်း​လႄႈ မၼ်း​ၼၼ်ႉ​လၢတ်ႈ​တီႈ​မၼ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​သွၼ်ႈ​ပိုင်ႈ​ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ဢမ်ႇ​ၵႄႇ​သႄႇ​ၼုၵ်ႈ​ဢဝ်​ၵူၼ်း​ၶဝ်​ဢွၵ်ႇ​သေ​ၵႃႈ​ၼႂ်း​မိုဝ်း​ၸဝ်ႈ​ႁဝ်း​လႆႈ​ၸိူဝ်း​ၼၼ်ႉ ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="16">ၼႂ်း​မိူဝ်ႈ​ဢၼ်​မၼ်း​ၼၼ်ႉ​ယင်း​တိုၵ်ႉ​လဝ်ႊ​လၢတ်ႈ​တီႈ​မၼ်း​ယူႇ​ၼၼ်ႉ​ၸိုင်၊ မၼ်း​ၶိုၼ်း​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ႁဝ်း​ႁႂ်ႈ​မႂ်း​ပဵၼ်​မူး​မၢတ်ႈ​ဢၼ်​တိူင်ႇ​ပၢင်ႇ​ၵၼ်​တင်း​ၶုၼ်​ႁေႃ​ၶမ်း​ႁိုဝ်။ ပေႃး​တႃႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၶႂ်ႈ​ၶၢမ်ႇ​ရႃႇၸဝၢတ်ႈ​ၼင်ႇ​ႁိုဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပရေႃးၽႅတ်ႈ​ၼၼ်ႉ​ၵိုတ်း​ပေႃး​သေ​လႄႈ​ဝႃႈ၊ ၶႃႈ​ၸဝ်ႈ​ႁူႉ​ႁၼ်​လွင်ႈ​ဢၼ်​ၽြႃး​ပဵၼ်​ၸဝ်ႈ​ၵျၢမ်ႇ​ပွင်​တၵ်း​ယႃႉ​ၽဵဝ်ႈ​ၸဝ်ႈ​ၶုၼ်​လူင်​ပႅတ်ႈ ၵွပ်ႈ​ပိူဝ်ႈ​ဢၼ်​ၸဝ်ႈ​ၶုၼ်​လူင်​ႁဵတ်း​ဢမူႉ​ၼႆႉ​လႄႈ ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ဢၼ်​ၶႃႈ​ၸဝ်ႈ​ပၼ်​သတီႉ​ၼၼ်ႉ​လႄႈ ယူႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">လိုၼ်း​ၼၼ်ႉ​ ဢႃႇမၸီႉ ၶုၼ်​ႁေႃ​ၶမ်း​ ယူႉတႃႉ ​တိူင်ႇ​ပၢင်ႇ​ၵၼ်​သေ​ယဝ်ႉ၊ ပွႆႇ​ၸႂ်ႉ​ၵႂႃႇ​ၸူး​ၵႃႈ​တီႈ ယႁေႃးသႃႉ ​လုၵ်ႈ​ၸၢႆး​ ယေႃးၶတ်ႉ ၊ လုၵ်ႈ​ၸၢႆး​ ယေႇႁူႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​လႄႈ သင်ႇ​လၢတ်ႈ​ၵႂႃႇ​လႄႈ​ဝႃႈ၊ မႃး​လႄႈ​တေႃႇ​ၼႃႈ​ႁူပ်ႉ​ထူပ်း​ၵၼ်​တႃႉ​ႁဝ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="18">ယႁေႃးသႃႉ ၶုၼ်​ႁေႃ​ၶမ်း​ ဢီႉသရေႇလႃႉ ၶိုၼ်း​သင်ႇ​လၢတ်ႈ​မႃး​တီႈ ဢႃႇမၸီႉ ၶုၼ်​ႁေႃ​ၶမ်း​ ယူႉတႃႉ ​လႄႈ​ဝႃႈ တူၼ်ႈ​ၼၢမ်​ လေႇပၼုၼ်ႇ ပွႆႇ​ၸႂ်ႉ​ၵႂႃႇ​ၵႃႈ​တီႈ​တူၼ်ႈ ဢႃႇရိတ်ႉ ​ လေႇပၼုၼ်ႇ ​လႄႈ​ဝႃႈ၊ ဢဝ်​လုၵ်ႈ​ယိင်း​မႂ်း​ပၼ်​ၵၼ်​တင်း​လုၵ်ႈ​ၸၢႆး​ၵဝ်​တႃႉ၊ ဝႃႈ​ၼင်ႇ​ၼႆ​လႄႈ၊ တူဝ်​ထိူၼ်ႇ​ႁၢႆႉ​ လေႇပၼုၼ်ႇ ​တူဝ်​ၼိုင်ႈ​တႆႇ​တၢင်း​ပႆ​တၢင်း​ၵႂႃႇ​လႄႈ ယဵပ်ႇ​မႅၼ်ႈ​တူၼ်ႈ​ၼၢမ်​ၼၼ်ႉ​ဢေႃႈ။-</verse>
				<verse number="19">မႂ်း​ဝႃႈ​ၵဝ်​ၼႆႉ​တိုၵ်း​တေႃး​ယႃႉ​ပႅတ်ႈ​ၵူၼ်း​ ဢေႇတုမ်ႇ ​ၸိူဝ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ ၸႂ်​မႂ်း​မီး​တၢင်း​ဢၼ်​ၶႂ်ႈ​ဢုပ်ႇ​ဢၢတ်ႇ​သုင်​ၼႃႇ​ဢေႃႈ။ ယူႇ​ၵႃႈ​တီႈ​ႁိူၼ်း​တီႈ​ယူႇ​မႂ်း​တႃႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ႁႃ​ဢမူႉ​ႁႂ်ႈ​ၽေး​ႁွတ်ႈ​ထိုင်​ၵႃႈ​တီႈ​မႂ်း​လႄႈ မႂ်း​ဢၼ်​ဝႃႈ​တူဝ်​မႂ်း​လႆႈ​လူမ်ႉ​တူၵ်း​ပႃး​လူၺ်ႈ​ၵၼ်​တင်း​မိူင်း​ ယူႉတႃႉ ​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၵူၺ်း​ၵႃႈ​ ဢႃႇမၸီႉ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၼၼ်ႉ၊ လွင်ႈ​မၼ်း​ၸမ်ႉ​လွင်ႈ​တၢင်း​ၼၼ်ႉ​ပဵၼ်​မႃး​တီႈ​ၽြႃး​ပဵၼ်​ၸဝ်ႈ ႁႂ်ႈ​မၼ်း​ၸဝ်ႈ​လႆႈ​ဢဝ်​ၶဝ်​ဢၢပ်ႈ​ၵႃႈ​ၼႂ်း​မိုဝ်း​ရၢၼ်ႇ​သူႇ ၵွပ်ႈ​ပိူဝ်ႈ​ဢၼ်​ၶဝ်​သွၼ်ႈ​ပိုင်ႈ​ၽြႃး​ ဢေႇတုမ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="21">ယႁေႃးသႃႉ ၶုၼ်​ႁေႃ​ၶမ်း​ ဢီႉသရေႇလႃႉ ၶီႇ​သိုၵ်း​ၶိုၼ်ႈ​ၸူး​လႄႈ မၼ်း​ဢိၵ်ႇ​တင်း ဢႃႇမၸီႉ ​ၼၼ်ႉ တေႃႇ​ၼႃႈ​ႁူပ်ႉ​ထူပ်း​ၵၼ်​ၵႃႈ​တီႈ​ပၢင်ႇ​ပဵင်း ပႅတ်ႉသေးမိတ်ႉ ​မိူင်း​ ယူႉတႃႉ ​သေ​ယဝ်ႉ၊-</verse>
				<verse number="22">မဵဝ်း​ ယူႉတႃႉ ​တူၵ်း​သုမ်း ၵႃႈ​တီႈ​ၽၢႆႇ​ၼႃႈ​မဵဝ်း​ ဢီႉသရေႇလႃႉ ​လႄႈ ဢွၼ်​ၵၼ်​ဢွၵ်ႇ​ပၢႆႈ​ၸူး​ၵႃႈ​တီႈ​မူဝ်းၵႃႇ​တီႈ​ယူႇ​တီႈ​သဝ်း​ၶဝ် ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="23">ယႁေႃးသႃႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ တီႉ​လႆႈ​ ဢႃႇမၸီႉ ​ၶုၼ်​ႁေႃ​ၶမ်း​ ယူႉတႃႉ ဢၼ်​ပဵၼ်​လုၵ်ႈ​ၸၢႆး​ ယေႃးသႃႉ လုၵ်ႈ​ၸၢႆး ယေႇႁေႃးႁတ်ႉ ​ၼၼ်ႉ​ၵႃႈ​တီႈ​ဝဵင်း​ ပႅတ်ႉသေးမိတ်ႉ ​လႄႈ ဢဝ်​ၵႂႃႇ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ယဝ်ႉ၊ ၵိူၼ်ႇ​ယႃႉ​လမ်း​ဝဵင်း ယေႇရူႉသလႅမ်ႇ ​ပႅတ်ႈ​သီႇ​ပၢၵ်ႇ​သွၵ်ႇ ဢဝ်​ၵႃႈ​တီႈ​ၽၵ်း​တူ ဢေႇၽရိမ်ႇ ​တေႃႇ​ထိုင်​ႁွတ်ႈ​ၽၵ်း​တူ​ၸဵင်ႇ​ဝဵင်း​ဢေႃႈ။-</verse>
				<verse number="24">မၼ်း​သိမ်း​ဢဝ်​ၸႃႉ​ၸဵမ်​ငိုၼ်း၊ ၶမ်း​လႄႈ ၶိူင်ႈ​ပိူင်​ၵႃႈ​ဢၼ်​ထူပ်း​ႁၼ်​ၵႃႈ​ၼႂ်း​မိုဝ်း​ ဢူဝ်းပိတ်ႉဢေႇတုမ်ႇ ၵႃႈ​တီႈ​ႁိူၼ်း​ၽြႃး​ပဵၼ်​ၸဝ်ႈ​ဢိၵ်ႇ​တင်း​ၽၼ်ႇတႃႇ​ႁေႃ​ၸဝ်ႈ တင်း​ၶဝ်​ၸိူဝ်း​ဢၼ်​ႁပ်ႉ​တုင်း​ဢဝ်​ၵမ်ႈ​ၽွင်ႈ​ၼၼ်ႉ​သေ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ သမႃႇရီႉ ​ဢေႃႈ။</verse>
				<verse number="25">လိုၼ်း​သေ​ ယႁေႃးသႃႉ လုၵ်ႈ​ၸၢႆး​ ယေႃးၶတ်ႉ ၶုၼ်​ႁေႃ​ၶမ်း​ ဢီႉသရေႇလႃႉ ​တၢႆ​ယဝ်ႉ​ၼၼ်ႉ၊ ဢႃႇမၸီႉ လုၵ်ႈ​ၸၢႆး​ ယေႃးသႃႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​ဢသၢၵ်ႈ​လိပ်း​ယူႇ​သိပ်း​ႁႃႈ​ပီႊ​လူး​ၵွၼ်ႇ​ဢေႃႈ။-</verse>
				<verse number="26">လွင်ႈ​တၢင်း​ ဢႃႇမၸီႉ ဢၼ်​ယင်း​ၵိုတ်း​ယင်း​ၵျၢၼ်ႇ​ဢဝ်​ၸဵမ်​ငဝ်ႈ​တေႃႇ​ပၢႆ​ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ ​တင်း ရႃႇၸဝၢင်ႇ​ ဢီႉသရေႇလႃႉ ​ဢေႃႈ။-</verse>
				<verse number="27">ၸႃႉ​ၸဵမ်​မိူဝ်ႈ​ဢၼ် ဢႃႇမၸီႉ ယင်း​ဢမ်ႇ​ၸွမ်း​လင်​ထႃႇဝရႃႉ​ၽြႃး​လႄႈ ဝႄႈ​ပိူင်ႈ​ၵႂႃႇ​ၼၼ်ႉ​လႄႈ ၶဝ်​ဢွၼ်​ၵၼ်​လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​မၼ်း ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ မၼ်း​ဢွၵ်ႇ​ပၢႆႈ​ၵႂႃႇ​ၵႃႈ​တီႈ​ဝဵင်း​ လႃႇၶီႉသႃႉ ​လႄႈ ၶဝ်​ဢွၼ်​ၵၼ်​ပွႆႇ​ၸႂ်ႉ​ၸွမ်း​ၵႂႃႇ​ၵႃႈ​တီႈ​ဝဵင်း​ လႃႇၶီႉသႃႉ ​ၼၼ်ႉ​သေ​လႄႈ ဢဝ်​မၼ်း​တၢႆ​ၵႃႈ​တီႈ​ၼၼ်ႈ​သေ​ယဝ်ႉ၊-</verse>
				<verse number="28">ဢဝ်​မၼ်း​တၢင်ႇ​ၵႃႈ​ၼိူဝ်​မႃႉ​သေ​လႄႈ မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ဢဝ်​မၼ်း​သၢင်း​ၵျူဝ်ႇ​လူၺ်ႈ​ၵၼ်​တင်း​ပူႇ​မၼ်း​မွၼ်ႇ​မၼ်း​တင်း​လၢႆ ၵႃႈ​ၼႂ်း​ဝဵင်း​ၸဝ်ႈ မိူင်း​ ယူႉတႃႉ ​ၼၼ်ႉ​ဢေႃႈ။</verse>
			</chapter>
			<chapter number="26">
				<verse number="1">ၵူၼ်း​ဝၢၼ်ႈ​ၵူၼ်း​မိူင်း​ ယူႉတႃႉ တင်း​သဵင်ႈ​တင်း​လူင် ဢွၼ်​ၵၼ်​ဢဝ်​ ဢူဝ်းၸီႉယႃႉ ဢၼ်​ဢသၢၵ်ႈ​လႆႈ​သိပ်း​ပၢႆ​ႁူၵ်း​ပီႊ​ၼၼ်ႉ ႁဵတ်း​ၶုၼ်​ႁေႃ​ၶမ်း​တၢင်​တူဝ်​ ဢႃႇမၸီႉ ၸဝ်ႈ​ပေႃႈ​မၼ်း​ၼၼ်ႉ​ဢေႃႈ။-</verse>
				<verse number="2">မၼ်း​ၼၼ်ႉ​တႄႇ​ႁဵတ်း​ဝဵင်း​ ဢေႇလုတ်ႉ ​လႄႈ သမ်ႉ​ဢဝ်​သႂၢင်း​ၶဝ်ႈ​ၵႃႈ​ၼႂ်း​မိူင်း​ ယူႉတႃႉ လိုၼ်း​သေ​ၸဝ်ႈ​ပေႃႈ​မၼ်း​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​ယဝ်ႉ​ၼၼ်ႉ​ဢေႃႈ။-</verse>
				<verse number="3">ဢူဝ်းၸီႉယႃႉ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သိပ်း​ပၢႆ​ႁူၵ်း​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ႁႃႈ​သိပ်း​ပၢႆ​သွင်​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ယေႇၶေႃးလီႉ မႄႈ​ယိင်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="4">မၼ်း​ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ၸွမ်း​ၵႃႈ​ၼင်ႇ​ဢၼ် ၸဝ်ႈ​ပေႃႈ​မၼ်း​ ဢႃႇမၸီႉ ​ႁဵတ်း​ၼၼ်ႉ​ဢေႃႈ။-</verse>
				<verse number="5">ၼႂ်း​ၸူဝ်ႈ​ပၢၼ်​ ၸႃႇၶရီႉ ဢၼ်​ႁူႉ​ပျႃႇ​တိၵ်ႈ​ရူႇပႃႇရူင်ႇ​ၽြႃး​ပဵၼ်​ၸဝ်ႈ​ၼၼ်ႉ၊ မၼ်း​သွၼ်ႈ​ပိုင်ႈ​ၽြႃး​ပဵၼ်​ၸဝ်ႈ​ဢေႃႈ။ ၼႂ်း​ၸူဝ်ႈ​ပၢၼ်​ဢၼ်​မၼ်း​သွၼ်ႈ​ပိုင်ႈ​ထႃႇဝရႃႉ​ၽြႃး​ယူႇ​ၼၼ်ႉ​တဵမ်​တဵမ် ၽြႃး​ပဵၼ်​ၸဝ်ႈ​ႁႂ်ႈ​တၢင်း​ၵျၢမ်ႇ​တၢင်း​ပွင်​မၼ်း​ပဵၼ်​လႆႈ​ဢေႃႈ။-</verse>
				<verse number="6">မၼ်း​ၶီႇ​သိုၵ်း​ဢွၵ်ႇ​လႄႈ​တိုၵ်း​တေႃး​ၵူၼ်း​ ၽီႉလိတ်ႉတီႉ ​တင်း​လၢႆ​သေ​လႄႈ​ၵိူၼ်ႇ​ယႃႉ​ပႅတ်ႈ​လမ်း​ဝဵင်း​ ၵႃႇသႃႉ ၊ လမ်း​ဝဵင်း​ ယႃႇပၼေႉ ၊ လမ်း​ဝဵင်း​ ဢႃႇၸုတ်ႉ ​ပႅတ်ႈ​သေ​ယဝ်ႉ၊ တႄႇ​ႁဵတ်း​ဝဵင်း​မႂ်ႇ​ၵူၺ်း​ၵူၺ်း​ၵႃႈ​ၼႂ်း​လိၼ် ဢႃႇၸုတ်ႉ ​မိူင်း​ ၽီႉလိတ်ႉတီႉ ​ၼၼ်ႉ​ဢေႃႈ။-</verse>
				<verse number="7">ၽြႃး​ပဵၼ်​ၸဝ်ႈ​ၸွႆႈ​ထႅမ်​မႃႉ​ၸႃႉ​မၼ်း ယူႇ​ၽၢႆႇ​ၼိုင်ႈ​တင်း​ၵူၼ်း​ ၽီႉလိတ်ႉတီႉ ၊ ၵူၼ်း​ ဢရေႇပျႃႉ ​ဢၼ်​ယူႇ​ၵႃႈ​တီႈ​ဝဵင်း​ ၵူႉရႃႉပႃႇလႃႉ တင်း​ၵူၼ်း မႁူႉၼိမ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="8">ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ​ၵေႃႈ ဢွၼ်​ၵၼ်​သၢၵ်ႈ​လၢၵ်ႈ​သွင်ႇ​ပၼ်ႇ​ၼႃႇ​တီႈ ဢူဝ်းၸီႉယႃႉ ​ဢေႃႈ။ မၼ်း​ႁႂ်ႈ​တူဝ်​ၸဝ်ႈ​ၵဝ်ႇ​မၼ်ႈ​ၶိူင်ႇ​ၼႃႇ​လူင်​လၢင်​သေ​ယဝ်ႉ၊ သတၢင်း​သဵင်​ၶၢဝ်ႇ​ၸိုဝ်ႈ​သဵင်​မၼ်း​ႁူင်​ႁၢင်း​တူဝ်ႈ​ၸွတ်ႇ​ၵႂႃႇ​တေႃႇ​ထိုင်​ႁွတ်ႈ​တီႈ​ဢၼ်​ၶဝ်ႈ​မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။-</verse>
				<verse number="9">ဢူဝ်းၸီႉယႃႉ ​တႄႇ​ႁဵတ်း​တိူၵ်ႈ​တီႈ​တိုၵ်း​သိုၵ်း​ၵႃႈ​တီႈ​ၽၵ်း​တူ​ၸဵင်ႇ​ဝဵင်း၊ ၽၵ်း​တူ​ၶူင်ႈ​ႁူၺ်ႈ၊ ၽၵ်း​တူ​လမ်း​ဝဵင်း တီႈ​ဢၼ်​ၵူတ်ႉ​ၸိူဝ်း​ၼၼ်ႉ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ႁႂ်ႈ​မၼ်ႈ​ၶိူင်ႇ​ဢေႃႈ။-</verse>
				<verse number="10">ၵႃႈ​ၼႂ်း​ထိူၼ်ႇ​ၵေႃႈ မၼ်း​တႄႇ​ႁဵတ်း​တိူၵ်ႈ​တီႈ​တိုၵ်း​သိုၵ်း​တင်း​လၢႆ​လႄႈ ၶုတ်း​ၼမ်ႉ​မေႃႇ​ဝႆႉ​ၼမ်​ၼႃႇ​ဢေႃႈ။ လွင်ႈ​မၼ်း​ၸမ်ႉ မၼ်း​မီး​သူဝ်း​ဝူဝ်း​ၼမ်​ၼႃႇ ၵႃႈ​တႂ်ႈ​တီႈ​ဢၼ်​ပၢင်ႇ​ဢၼ်​ပဵင်း​ဢိၵ်ႇ​တင်း​ၵႃႈ​ၼိူဝ်​ႁၢၼ်ႉ​လွႆ​ၵႄႈ​လွႆ​ၼၼ်ႉ​ဢေႃႈ။ မၼ်း​မီး​ၵူၼ်း​ဢၼ်​ႁဵတ်း​ႁႆႊ​ႁဵတ်း​ၼႃး ဢိၵ်ႇ​တင်း​ၵူၼ်း​ဢၼ်​လုမ်း​လႃး​သူၼ်​ဢူးယဵၼ်ႇ​ၸပိတ်ႈ​ၼမ်​ၼႃႇ ၵႃႈ​ၼိူဝ်​လွႆ​လႂ်၊ ၵႃႈ​တီႈ​ဢၼ်​လိၼ်​လီ​လႂ်​လႄႈ၊ မၼ်း​မီး​ဝႃႇ​သ​ၼႃႇ​လွင်ႈ​တၢင်း​ၸိူဝ်း​ၼၼ်ႉ​ဢေႃႈ။</verse>
				<verse number="11">တီႈ​ ဢူဝ်းၸီႉယႃႉ ​ၼၼ်ႉ မီး​ပူဝ်ႇ​ပႃႇ​ႁူဝ်​ႁၢၼ်​ၵူၼ်း​သိုၵ်း ဢၼ်​ပဵၼ်​မုၵ်ႉ​ပဵၼ်​ၸိူဝ်း​ႁင်း​ၽႂ်​ႁင်း​မၼ်း​ၼမ်​ၼႃႇ ၸွမ်း​ၵႃႈ​ၼင်ႇ​ဢၼ် ႁႃႇၼၼီႉ ၶုၼ်​ပူဝ်ႇ​ၶုၼ်​ႁေႃ​ၶမ်း ဢဝ်​ ယေႇယေႇလႃႉ ၸရေး​တပ်ႉ​တင်း မႃႇသေႇယႃႉ ၵေႃႉ​ဢၼ်​ဢုပ်ႉ​တပ်ႉ​ၸိူဝ်း​ၼၼ်ႉ​ဢဝ်​ၸရၢင်း​ဝႆႉ​ၼၼ်ႉ​ဢေႃႈ။-</verse>
				<verse number="12">ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​ပေႃႈ​ၶဝ် ဢၼ်​ပဵၼ်​ႁူဝ်​ႁၢၼ်​ၵူၼ်း​သိုၵ်း ဢၼ်​ႁႅင်း​ယႂ်ႇ​ၸိူဝ်း​ၼၼ်ႉ​ၸမ်ႉ၊ မီး​သွင်​ႁဵင်​ပၢႆ​ႁူၵ်း​ပၢၵ်ႇ​ဢေႃႈ။-</verse>
				<verse number="13">တႂ်ႈ​ၶဝ်​ၼၼ်ႉ​မီး​ႁူဝ်​ႁၢၼ်​ၵူၼ်း​သိုၵ်း ဢၼ်​မီး​ႁႅင်း​ဢၼ်​ယႂ်ႇ​လႄႈ တိုၵ်း​သိုၵ်း​ႁႂ်ႈ​လႆႈ​ၵမ်ႉ​ထွၵ်ႈ​ၶုၼ်​ႁေႃ​ၶမ်း​ယူႇ​ၽၢႆႇ​ၼိုင်ႈ တင်း​ရၢၼ်ႇ​သူႇ​မၼ်း​ၸိူဝ်း​ၼၼ်ႉ သၢမ်​သႅၼ်​ပၢႆ​ၸဵတ်း​ႁဵင်​ႁႃႈ​ပၢၵ်ႇ​ဢေႃႈ။-</verse>
				<verse number="14">ဢူဝ်းၸီႉယႃႉ ​ၼၼ်ႉ ပွင်​ႁဵတ်း​ပွင်​ႁႅၼ်း​ၶိူင်ႈ​ႁႄႉ​လၢၵ်ႈ​ၼၢၵ်ႈ​လႂ်၊ ႁွၵ်ႇ​လႂ်၊ ၵုပ်း​လဵၵ်း​လႂ်၊ သိူဝ်ႈ​ၶႅပ်း​လဵၵ်း​လႂ်၊ ၵၢင်ႇ​လႂ်၊ ၵူင်​ၵွၼ်​တီႈ​ဢၼ်​တၵ်း​ပိုတ်း​မၢၵ်ႇ​ႁိၼ်​လႂ် ပုၼ်ႈ​ပူဝ်ႇ​ပႃႇ​ၵႃႈ​မီး​ၼၼ်ႉ​ဢေႃႈ။-</verse>
				<verse number="15">ၸၢၵ်ႈ​ယၢၼ်း​တရႃး ဢၼ်​ၶဝ်​ၸိူဝ်း​ဢၼ်​လၵ်း​လႅမ်​ၼၼ်ႉ ဢဝ်​ၺၢၼ်ႇ​ႁႃ​ဢဝ်​လႄႈ​ႁဵတ်း​ၸိူဝ်း​ၼၼ်ႉ​ၵေႃႈ မၼ်း​ပွင်​ႁဵတ်း​ပွင်​ႁႅၼ်း​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ပုၼ်ႈ​ဢၼ်​တၵ်း​ဝႆႉ​ၵႃႈ​ၼိူဝ်​တိူၵ်ႈ​တီႈ​တိုၵ်း​သိုၵ်း ဢိၵ်ႇ​တင်း​လၢင်း​ၸီး​တင်း​လၢႆ ႁႂ်ႈ​လႆႈ​ပိုတ်း​ပိုၼ်​ထိမ်ႈ​မၢၵ်ႇ​ႁိၼ်​လူင်​ဢေႃႈ။ ၼင်ႇ​ၼၼ်​လႄႈ ပိူဝ်ႈ​ဢၼ်​မၼ်း​လႆႈ​ၶၢမ်ႇ​တၢင်း​ဢၼ် ၸွႆႈ​ထႅမ်​မႃႉ​ၸႃႉ​ၼႃႇ​လူင်​လၢင်​ထၼ်ႈ​ပေႃး ႁႂ်ႈ​တၼ်း​ၶူဝ်း​ယႂ်ႇ​ၼႃႇ​ၼၼ်ႉ​လႄႈ သတၢင်း​သဵင်​ၶၢဝ်ႇ​ၼႃႇ​မႃႉ​ၸိုဝ်ႈ​သဵင်​မၼ်း​ၼၼ်ႉ ႁူင်​ႁၢင်း​ၸွတ်ႇ​တူဝ်ႈ​ၵႂႃႇ​ဢေႃႈ။</verse>
				<verse number="16">မိူဝ်ႈ​ဢၼ်​တၼ်း​ၶူဝ်း​မၼ်း​ယႂ်ႇ​ၼၼ်ႉ​ၸိုင် မၼ်း​မီး​ၸႂ်​ဢၼ်​ပူၵ်း​ပႅၼ်​လုၵ်ႉ​ၶိုၼ်ႈ ႁႂ်ႈ​တူဝ်​ၸဝ်ႈ​ၵဝ်ႇ​လူႉ​လႅဝ်​ၼၼ်ႉ​သေ​လႄႈ ၽိတ်း​ပိူင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​လႄႈ ၶဝ်ႈ​ၵႂႃႇ​ၵႃႈ​ၼႂ်း​ပိၵ်ႈ​မၢၼ်ႇ​ထႃႇဝရႃႉ​ၽြႃး ႁႂ်ႈ​လႆႈ​ဢဝ်​ၼၢမ်ႇ​သႃႇ​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ တီႈ​ဢၼ်​တုတ်ႇ​ၽႆး​ၼၢမ်ႇ​သႃႇ​ၼၼ်ႉ​ဢေႃႈ။-</verse>
				<verse number="17">ယိတ်ႈပရေႃးႁဵၵ်ႈ​ ဢႃႇၸရီႉ ​ဢိၵ်ႇ​လူၺ်ႈ​ၵၼ်​တင်း​ယိတ်ႈပရေႃးႁဵၵ်ႈ​ပႅတ်ႇ​သိပ်း ဢၼ်​ၵိုတ်ႉ​ႁၢပ်ႇ​ဢမူႉ​ထႃႇဝရႃႉ​ၽြႃး ဢၼ်​မီး​တၢင်း​ဢၼ်​ႁတ်း​ႁၢၼ်​ၸိူဝ်း​ၼၼ်ႉ ၸွမ်း​လင်​ၶုၼ်​ႁေႃ​ၶမ်း​ ဢူဝ်းၸီႉယႃႉ ​ၶဝ်ႈ​ၵႂႃႇ​လႄႈ၊-</verse>
				<verse number="18">ႁၢမ်ႈ​တၢပ်ႈ​ႁႄႉ​ၶႅၼ်​မၼ်း​လႄႈ​ဝႃႈ၊ ၸဝ်ႈ​ၶုၼ်​လူင်​ ဢူဝ်းၸီႉယႃႉ ​ဢိူၺ်း၊ ၸဝ်ႈ​ႁဝ်း​ၼႆႉ​ဢမ်ႇ​ၸၢပ်ႈ​သႅင်ႇ​ၵၼ်​တင်း​ဢမူႉ​တၢင်း​ဢၼ်​ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ​ထႃႇဝရႃႉ​ၽြႃး​ၼႆႉ​တီႈ​ၶႃႈ။ ယိတ်ႈပရေႃးႁဵၵ်ႈ​လုၵ်ႈ​လၢၼ်​ ဢႃႇရုၼ်ႇ ဢၼ်​လႆႈ​ၶၢမ်ႇ​တၢင်း​ဢၼ်​ၶၢၼ်း​ဝႆႉ ႁႂ်ႈ​လႆႈ​ဢဝ်​ၼၢမ်ႇ​သႃႇ​တုတ်ႇ​ၽႆး​ၸိူဝ်း​ၼၼ်ႉ​ၵူၺ်း ၸၢပ်ႈ​သႅင်ႇ​ၵၼ်​တင်း​ဢမူႉ​တီႈ​ၶႃႈ​ဢေႃႈ။ ဢွၵ်ႇ​သေ​ၵႃႈ​ၼႂ်း​ထႃႇၼႃႉ တီႈ​မူတ်း​ၸၢင်ႇ​ၸဝ်ႈ​ၵႂႃႇ​သေ​ၵမ်း။ ၸဝ်ႈ​ႁဝ်း​ၽိတ်း​ပိူင်ႈ​တီႈ​ၶႃႈ​ယဝ်ႉ။ သရေႇ​ၸဝ်ႈ​ႁဝ်း​တၵ်း​လူႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ဢူဝ်းၸီႉယႃႉ ​ၼၼ်ႉ တေႃး​သႃႉ​တၢင်း​ၸႂ်​မႆႈ​ဢွၵ်ႇ​လႄႈ ယိပ်း​ၵမ်​လၢင်ႇ​ပၢၼ်း​ႁႂ်ႈ​လႆႈ​ဢဝ်​ၼၢမ်ႇ​သႃႇ​တုတ်ႇ​ၽႆး​ယူႇ​သေ​လႄႈ၊ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၸႂ်​မႆႈ​ၶႆႈ​ၸႃႉ​တီႈ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ယူႇ​ၼၼ်ႉ​ၸိုင် တုတ်ႈ​ပေႃႇ​ဢွၵ်ႇ​မႃး​ၵႃႈ​တီႈ​ၼႃႈ​ၽၢၵ်ႇ​မၼ်း ၵႃႈ​တီႈ​ၽၢႆႇ​ၼႃႈ​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ၵႃႈ​တီႈ​ႁိမ်း​ယိတ်ႈပလၢင်ႇ တီႈ​ဢၼ်​ဢဝ်​ၼၢမ်ႇ​သႃႇ​တုတ်ႇ​ၽႆး​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="20">ၶုၼ်​ယိတ်ႈပရေႃးႁဵၵ်ႈ​ ဢႃႇၸရီႉ ဢိၵ်ႇ​တင်း​ယိတ်ႈပရေႃးႁဵၵ်ႈ​ၵႃႈ​မီး​ၸိူဝ်း​ၼၼ်ႉ​လူ​တူၺ်း​လႄႈ ႁၼ်​တုတ်ႈ​ၸပ်း​ၵႃႈ​တီႈ​ၼႃႈ​ၽၢၵ်ႇ​မၼ်း​ၼၼ်ႉ​သေ​ယဝ်ႉ၊ ဢွၼ်​ၵၼ်​ဢီး​မၼ်း​ဢွၵ်ႇ​ၵႂႃႇ​ၵႃႈ​တီႈ​ၼွၵ်ႈ​သေ​ဢေႃႈ။ တူဝ်​မၼ်း​ၵေႃႈ၊ ဢွၵ်ႇ​ၶၼ်​ၶၼ်​ၽႂ်း​ၽႂ်း ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ပၼ်​တၢမ်ႇ​တီႈ​မၼ်း​ၼၼ်ႉ​ဢေႃႈ။-</verse>
				<verse number="21">ၼင်ႇ​ၼၼ်​လႄႈ ၶုၼ်​လူင်​ ဢူဝ်းၸီႉယႃႉ ​ၼၼ်ႉ ပဵၼ်​တုတ်ႈ​တေႃႇ​ထိုင်​ႁွတ်ႈ​မၼ်း​ထၼ်ႈ​ပေႃး​တၢႆ​လႄႈ လႆႈ​ယူႇ​ၵႃႈ​တီ​ႁေႃ​လင်​ၼိုင်ႈ​ၶေႃ​ၶေႃ​ၵူၺ်း​မၼ်း​ဢေႃႈ။ မၼ်း​ဢမ်ႇ​လႆႈ​ဢၶႂၢင်ႉ​ဢၼ်​လႆႈ​ၶဝ်ႈ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး။ ယူဝ်းထမ်ႇ ​လုၵ်ႈ​ၸၢႆး​ၸဝ်ႈ​ၼၼ်ႉ​လႆႈ​ဢုပ်ႉ​ၵႃႈ​ၼိူဝ်​ႁေႃ​ၸဝ်ႈ​လႄႈ ၸီႇ​ယၢင်ႇ​ဢမူႉ​တီႈ​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ဢေႃႈ။</verse>
				<verse number="22">လွင်ႈ​တၢင်း​ ဢူဝ်းၸီႉယႃႉ ဢၼ်​ယင်း​ၵိုတ်း​ယင်း​ၵျၢၼ်ႇ ဢဝ်​ၸဵမ်​ငဝ်ႈ​တေႃႇ​ပၢႆ​ၸိူဝ်း​ၼၼ်ႉ​ၸိုင်၊ ပရေႃးၽႅတ်ႈ​ ဢီႉသႃႇယႃႉ လုၵ်ႈ​ၸၢႆး​ ဢႃႇမုတ်ႉ ​ၼၼ်ႉ​တႅမ်ႈ​ဝႆႉ​မီး​ယူႇ​ဢေႃႈ။-</verse>
				<verse number="23">ဢူဝ်းၸီႉယႃႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ၊ ၶဝ်​ဢွၼ်​ၵၼ်​ဢဝ်​သၢင်း​ၵျူဝ်ႇ​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​ၸိူဝ်း​ၼၼ်ႉ ၵႃႈ​ၼႂ်း​ၵႂၢၵ်ႈ​လိၼ်​ဢၼ်​ၸၢပ်ႈ​သႅင်ႇ​ၵၼ်​တင်း​သၢင်း​ၶႅင်း​ၶုၼ်​ႁေႃ​ၶမ်း​ၸိူဝ်း​ၼၼ်ႉ​ၵူၺ်း ၵွပ်ႈ​ပိူဝ်ႈ​ဢၼ်​မၼ်း​ပဵၼ်​ၵူၼ်း​တုတ်ႈ​ၼၼ်ႉ​ဢေႃႈ။ ယူဝ်းထမ်ႇ ​လုၵ်ႈ​ၸၢႆး​ၸဝ်ႈ​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="27">
				<verse number="1">ယူဝ်းထမ်ႇ ​ၼၼ်ႉ မိူဝ်ႈ​ဢၼ် ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢဝ်း​ပၢႆ​ႁႃႈ​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ သိပ်း​ပၢႆ​ႁူၵ်း​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ယေႇရူႉသႃႇ လုၵ်ႈ​ယိင်း​ ၸႃႇတုတ်ႉ ​ဢေႃႈ။-</verse>
				<verse number="2">မၼ်း​ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​ၸဝ်ႈ​ပေႃႈ​မၼ်း ဢူဝ်းၸီႉယႃႉ ​ႁဵတ်း​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မၼ်း​ဢမ်ႇ​ၶဝ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ထႃႇဝရႃႉ​ၽြႃး၊ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ယင်း​ဢွၼ်​ၵၼ်​ႁဵတ်း​ဢၼ်​ဢမ်ႇ​တြႃး​ယူႇ​ဢေႃႈ။-</verse>
				<verse number="3">မၼ်း​ႁဵတ်း​ၽၵ်း​တူ​ဢၼ်​ၵႃႈ​ၼိူဝ်​ႁိူၼ်း​ထႃႇဝရႃႉ​ၽြႃး​လႄႈ တႄႇ​ႁဵတ်း​လမ်း​ဝဵင်း ဢေႃႇၽေႇလႃႉ ​ယဝ်ႉ​ၼမ်​ၼႃႇ​ဢေႃႈ။-</verse>
				<verse number="4">မၼ်း​တႄႇ​ႁဵတ်း​ဝဵင်း​တင်း​လၢႆ​ၵႃႈ​ၼိူဝ်​သၼ်​လွႆ​ ယူႉတႃႉ ဢိၵ်ႇ​တင်း​တိူၵ်ႈ​တီႈ​တိုၵ်း​သိုၵ်း​လႂ် တင်း​လၢင်း​ၸီး​လႂ်​ၵႃႈ​တီႈ​ထိူၼ်ႇ​တီႈ​ၶိူဝ်း​ဢေႃႈ။-</verse>
				<verse number="5">ၶုၼ်​ႁေႃ​ၶမ်း​ ဢမ်ႇမုၼ်ႇ ​ၵေႃႈ မၼ်း​တိုၵ်း​တေႃး​လႄႈ ပႄႉ​ၼႅင်ႇ​သေ​ယဝ်ႉ၊ ၼႂ်း​ပီႊ​ၼၼ်ႉ​ၵမ်း​လဵဝ် ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ ဢွၼ်​ၵၼ်​သၢၵ်ႈ​ပၼ်​ငိုၼ်း ပၢၵ်ႇ​ တလၢၼ်ႇတၢၼ်ႇ ​၊ ၶဝ်ႈ​ၵျုင်ႇ​မိုၼ်ႇ​ ၵေႃးရႃႉ ၊ ၶဝ်ႈ​မူႉ​ယေႃး​မိုၼ်ႇ​ ၵေႃးရႃႉ ၵမ်း​လဵဝ်​ဢေႃႈ။ ၼႂ်း​ပီႊ​တူႉတီႉယႃႉ​တင်း​ပီႊ​တႃႉတီႉယႃႉ​ၼၼ်ႉ​ၵေႃႈ ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​ဢွၼ်​ၵၼ်​သၢၵ်ႈ​ပၼ်​မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="6">ၼင်ႇ​ၼၼ်​လႄႈ ယူဝ်းထမ်ႇ ​ၼၼ်ႉ တၼ်း​ၶူဝ်း​ယႂ်ႇ​ၽႄႈ​ၼမ်​မႃး ၵွပ်ႈ​ပိူဝ်ႈ​ဢၼ်​မၼ်း​မႄး​ႁဵတ်း​မႄး​ႁႅၼ်း တၢင်း​ၵမ်​တၢင်း​ၵျၢင်ႉ​မၼ် ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​ၼၼ်ႉ​ဢေႃႈ။-</verse>
				<verse number="7">လွင်ႈ​တၢင်း​ ယူဝ်းထမ်ႇ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ဢၼ်​မၼ်း​တိုၵ်း​သိုၵ်း​ၵႃႈ​မီး၊ သဵၼ်ႈ​တၢင်း​ဢၼ်​မၼ်း​ၸွမ်း​တင်း​လၢႆ​ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ဢီႉသရေႇလႃႉ ​တင်း ရႃႇၸဝၢင်ႇ​ ယူႉတႃႉ ​ၼၼ်ႉ​ဢေႃႈ။-</verse>
				<verse number="8">မိူဝ်ႈ​ဢၼ်​မၼ်း​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢဝ်း​ပၢႆ​ႁႃႈ​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ သိပ်း​ပၢႆ​ႁူၵ်း​ပီႊ​ဢေႃႈ။-</verse>
				<verse number="9">ယူဝ်းထမ်ႇ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶဝ်​ဢွၼ်​ၵၼ်​ဢဝ်​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ တႃႇဝိတ်ႈ ​ဢေႃႈ။ ဢႃႇၶတ်ႉ ​လုၵ်ႈ​ၸၢႆး​ၸဝ်ႈ​ၼၼ်ႉ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="28">
				<verse number="1">ဢႃႇၶတ်ႉ ​ၼၼ်ႉ​မိူဝ်ႈ​ဢၼ် ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢဝ်း​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သိပ်း​ပၢႆ​ႁူၵ်း​ပီႊ​ဢေႃႈ။ မၼ်း​ဢမ်ႇ​ႁဵတ်း​ဢၼ်​လီ​ဢၼ်​ငၢမ်း သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​ၸဝ်ႈ​ပေႃႈ​မၼ်း တႃႇဝိတ်ႈ ​ၼၼ်ႉ။-</verse>
				<verse number="2">မၼ်း​ၸွမ်း​သဵၼ်ႈ​တၢင်း​ဢၼ် ၶုၼ်​ႁေႃ​ၶမ်း​ ဢီႉသရေႇလႃႉ ​ၸိူဝ်း​ၼၼ်ႉ​ၸွမ်း​ၼၼ်ႉ​လႄႈ လေႃႇ​သွၼ်း​ႁဵတ်း​ရုၵ်ႈ​ထူႉ​သၢင်း​ထူႉ ပုၼ်ႈ​ၽြႃး ပႃႇလႃႉ ​တင်း​လၢႆ​ဢေႃႈ။-</verse>
				<verse number="3">မၼ်း​ဢဝ်​ၼၢမ်ႇ​သႃႇ​တုတ်ႇ​ၽႆး ၵႃႈ​ၼႂ်း​ၶူင်ႈ​ႁူၺ်ႈ​လုၵ်ႈ​ၸၢႆး​ ႁိၼ်ႇၼုမ်ႇ ​လႄႈ ဢဝ်​လုၵ်ႈ​လၢင်း​မၼ်း​တုတ်ႇ​ၽႆး​ပုၵ်ႈ​ၸေႃႇ​ၸွမ်း​ၵႃႈ​ၼင်ႇ​ထုင်း​ၸၢမ်ႇ ဢၼ်​လီ​ႁင်ႈ​ဢဵတ်ႇ​သဵတ်ႇ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ် ထႃႇဝရႃႉ​ၽြႃး​ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​ဢေႃႈ။-</verse>
				<verse number="4">မၼ်း​ၸၢင်ႈ​ပုၵ်ႈ​ၸေႃႇ​ယိတ်ႈ​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​ၵႃႈ​ၼိူဝ်​ထႃႇၼႃႉ​တီႈ​သုင်​လႂ်၊ ၵႃႈ​ၼိူဝ်​ၵုင်း​လႂ်၊ ၵႃႈ​တႂ်ႈ​တူၼ်ႈ​မႆႉ​ဢၼ်​ၶဵဝ်​လႂ်​ဢေႃႈ။</verse>
				<verse number="5">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း ဢဝ်​မၼ်း​ဢၢပ်ႈ​ပၼ်​ၵႃႈ​ၼႂ်း​မိုဝ်း ၶုၼ်​ႁေႃ​ၶမ်း​ သူႉရီႉ ​လႄႈ ၶဝ်​ၼၼ်ႉ​ဢွၼ်​ၵၼ်​တိုၵ်း​တေႃး​ယႃႉ​ပႅတ်ႈ​မၼ်း​လႄႈ သိမ်း​ဢဝ်​ၵူၼ်း​ဢၼ်​တီႉ​လႆႈ​ၼမ်​ၼႃႇ​သေ​လႄႈ ဢဝ်​ၵႂႃႇ​ၵႃႈ​တီႈ​ဝဵင်း ထမ်ႇမသႅတ်ႉ ​ဢေႃႈ။ မၼ်း​သမ်ႉ​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ဢီႉသရေႇလႃႉ ဢၼ်​ႁဵတ်း​တၢင်း​ဢၼ်​ၶႃႈ​ၽၼ်း ဢဝ်​တၢႆ​ဢၼ်​ယႂ်ႇ​ၼႃႇ​ၼၼ်ႉ​သေ​လႄႈ တိုၵ်း​တေႃး​ယႃႉ​ပႅတ်ႈ​မၼ်း​လူး​ၵွၼ်ႇ​ဢေႃႈ။-</verse>
				<verse number="6">ၼႂ်း​ဝၼ်း​လဵဝ်​ၵူၺ်း ပေႇၵႃႇ ​လုၵ်ႈ​ၸၢႆး​ ရေႇမလီႉ ​ၼၼ်ႉ ဢဝ်​ၵူၼ်း​မဵဝ်း​ ယူႉတႃႉ ဢၼ်​ႁတ်း​ႁၢၼ်​ၼၼ်ႉ​တၢႆ​သႅၼ်​ပၢႆ​သွင်​မိုၼ်ႇ​ဢေႃႈ။ လွင်ႈ​မၼ်း​ၸမ်ႉ​ၶဝ်​ဢွၼ်​ၵၼ်​ၸုၼ်ႉ​ပႅတ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ၶဝ်​မွၼ်ႇ​ၶဝ်​ဢေႃႈ။-</verse>
				<verse number="7">ၸီႉၶရီႉ ၵူၼ်း​ ဢေႇၽရိမ်ႇ ဢၼ်​ႁႅင်း​ယႂ်ႇ​ၼႃႇ​ၼၼ်ႉ ဢဝ်​ မႃႇသေႇယႃႉ လုၵ်ႈ​ၸၢႆး​ၶုၼ်​ႁေႃ​ၶမ်း၊ ဢႃႇၸရီႉၵမ်ႇ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၸဝ်ႈ၊ ဢေးလႃႉၵႃႇၼႃႉ ၶုၼ်​တူႉတီႉယႃႉ တႂ်ႈ​ၶုၼ်​ႁေႃ​ၶမ်း​ၸိူဝ်း​ၼၼ်ႉ​တၢႆ​ဢေႃႈ။-</verse>
				<verse number="8">ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​တီႉ​ဢဝ်​သိမ်း​ဢဝ်​ၵူၼ်း​ၸၢႆး ၵူၼ်း​ယိင်း လုၵ်ႈ​ၸၢႆး​လုၵ်ႈ​ယိင်း​သွင်​သႅၼ် ဢၼ်​ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​ၶဝ်​ၼၼ်ႉ​ၵႂႃႇ​လႄႈ ဢွၼ်​ၵၼ်​ႁိမ်​ဢဝ်​ႁူင်ႇ​ဢဝ် ဢုၵ်ႉ​ၸႃႇ​ဢၼ်​ၼမ်​ၼႃႇ​သေ​လႄႈ ဢဝ်​ဢၼ်​ႁိမ်​ႁူင်ႇ​လႆႈ​ၸိူဝ်း​ၼၼ်ႉ ၵႂႃႇ​ၵႃႈ​တီႈ​ဝဵင်း​ သမႃႇရီႉ ​ဢေႃႈ။</verse>
				<verse number="9">မိူဝ်ႈ​ၼၼ်ႉ​မီး​ပရေႃးၽႅတ်ႈ​ထႃႇဝရႃႉ​ၽြႃး ဢၼ်​လႆႈ​ၸိုဝ်ႈ​ ဢူဝ်းတိတ်ႉ ​ၼၼ်ႉ​ပႃး​ၼိုင်ႈ ၵႃႈ​တီႈ​ၼၼ်ႈ​လႄႈ မၼ်း​ၼၼ်ႉ​ဢွၵ်ႇ​ႁပ်ႉ​ႁူဝ်​တၢင်း တပ်ႉ​ဢၼ်​ၶိုၼ်ႈ​မႃး​ၸူး​ၵႃႈ​တီႈ​ဝဵင်း​ သမႃႇရီႉ ​ၼၼ်ႉ​သေ​လႄႈ​လၢတ်ႈ​လႄႈ​ဝႃႈ၊ တူၺ်း​လူး၊ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​သူ​မွၼ်ႇ​သူ​ၼၼ်ႉ​ၸႂ်​မႆႈ​ၶႆႈ​ၸႃႉ​တီႈ​မိူင်း​ ယူႉတႃႉ ​လႄႈ မၼ်း​ၸဝ်ႈ​ဢဝ်​ၶဝ်​ၼၼ်ႉ​ဢၢပ်ႈ​ပၼ်​ၵႃႈ​ၼႂ်း​မိုဝ်း​သူ​လႄႈ သူ​ဢွၼ်​ၵၼ်​ပႃး​တင်း​ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ ဢၼ်​ၶိုတ်း​ထိုင်​ႁွတ်ႈ​ၵႃႈ​တီႈ​ၽႃႉ​ၵၢင်​ႁၢဝ်​ၼၼ်ႉ​သေ​လႄႈ ဢဝ်​ၶဝ်​ၼၼ်ႉ​တၢႆ​ယဝ်ႉ​လူင်​ပႄႇ။-</verse>
				<verse number="10">မိူဝ်ႈ​လဵဝ်​ၼႆႉ​ၵေႃႈ သူ​ဢွၼ်​ၵၼ်​မီး​တၢင်း​ၵျၢမ်ႇ​တၢင်း​ပွင်​တၵ်း​ဢဝ်​ၵူၼ်း​မိူင်း​ ယူႉတႃႉ တင်း​ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​ႁဵတ်း​ၶႃႈ​ၵူၼ်း​ၸၢႆး ၶႃႈ​ၵူၼ်း​ယိင်း​တီႈ​သူ​လႄႈ ၼိၵ်ႈ​ၸၢၵ်ႈ​ငႅၼ်း​သႄး​လူင်​ပႄႇ။ သူ​ယင်း​မီး​ဢပႅတ်ႈ ဢၼ်​သူ​လႆႈ​ၽိတ်း​ပိူင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼၼ်ႉ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="11">သူ​ဢွၼ်​ၵၼ်​ထွမ်ႇ​ဢဝ်​ၵႂၢမ်း​ၵဝ်​လႄႈ ပွႆႇ​ပီႈ​သူ​ၼွင်ႉ​သူ​ဢၼ်​သူ​တီႉ​ၵမ်​သိမ်း​ဢဝ်​မႃး​ၸိူဝ်း​ၼႆႉ​ၶိုၼ်း​မိူဝ်း​ၵႂႃႇ​သေ​တႃႉ။ လွင်ႈ​မၼ်း​ၸမ်ႉ​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢၼ်​ႁႅင်း​ယႂ်ႇ​ၼႃႇ​ၼၼ်ႉ​တၵ်း​တူၵ်း​ႁွတ်ႈ​ၵႃႈ​ၼိူဝ်​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ပဵၼ်​တူၼ်ႈ​ပဵၼ်​ငဝ်ႈ​ၼႂ်း​ၵူၼ်း​မဵဝ်း ဢေႇၽရိမ်ႇ ​ဢၼ်​ဝႃႈ ဢႃႇၸရီႉ ​လုၵ်ႈ​ၸၢႆး​ ယေႃးႁၼၼ်ႇ၊ ပေႇရၶီႉ လုၵ်ႈ​ၸၢႆး​ မေႇသီႉလမုတ်ႉ၊ ႁေႇၸၵီႉ လုၵ်ႈ​ၸၢႆး​ သႃႇလုမ်ႇ၊ ဢႃႇမသႃႉ လုၵ်ႈ​ၸၢႆး​ ႁႃႇတလၢႆး ​ၸိူဝ်း​ၼၼ်ႉ ႁၢမ်ႈ​တၢပ်ႈ​ႁႄႉ​ၶႅၼ်​ၶဝ်​ၸိူဝ်း​ဢၼ် လုၵ်ႉ​သေ​ၵႃႈ​တီႈ​ဢၼ်​တိုၵ်း​သိုၵ်း​မႃး​ၼၼ်ႉ​လႄႈ​ဝႃႈ၊-</verse>
				<verse number="13">သူ​ဢမ်ႇ​လႆႈ​ဢဝ် ၶဝ်​ၸိူဝ်း​ဢၼ်​သူ​တီႉ​လႆႈ​သိမ်း​ဢဝ်​မႃး​ၼၼ်ႉ သႂၢင်း​ၶဝ်ႈ​ၵႃႈ​ၼႂ်း​ဝဵင်း​ၼႆႉ၊ သူ​ဢွၼ်​ၵၼ်​ၵျၢမ်ႇ​ပွင်​ႁႂ်ႈ​လွင်ႈ​တၢင်း​ဢၼ်​ၽိတ်း​ပိူင်ႈ​ထႃႇဝရႃႉ​ၽြႃး ႁွတ်ႈ​ထိုင်​ၵႃႈ​ၼိူဝ်​ႁဝ်း​လႄႈ ဢဝ်​ထၢပ်ႈ​သႂ်ႇ​ထႅင်ႈ​ၵႃႈ​ၼိူဝ်​ဢပႅတ်ႈ​ႁဝ်း ဢိၵ်ႇ​တင်း​တၢင်း​ဢၼ်​ႁဝ်း​လႆႈ​ၽိတ်း​ပိူင်ႈ​ၸိူဝ်း​ၼၼ်ႉ​လူင်​ပႄႇ။ မိူဝ်ႈ​လဵဝ်​ၼႆႉ ဢပႅတ်ႈ​ႁဝ်း​ယႂ်ႇ​ၼႃႇ​လူင်​လၢင်​လႄႈ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ဢၼ်​ႁႅင်း​ယႂ်ႇ​ၼႃႇ​ၼၼ်ႉ ယင်း​တိုၵ်ႉ​ဢွၵ်ႇ​ၸူး​ၵႃႈ​တီႈ​မဵဝ်း​ ဢီႉသရေႇလႃႉ ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ ႁူဝ်​ႁၢၼ်​ၵူၼ်း​သိုၵ်း​ၸိူဝ်း​ၼၼ်ႉ ဢွၼ်​ၵၼ်​ဢဝ်​ၶဝ်​ၸိူဝ်း​ဢၼ်​တီႉ​လႆႈ​သိမ်း​ဢဝ်​မႃး ဢိၵ်ႇ​တင်း​ဢုၵ်ႉ​ၸႃႇ​ဢၼ်​ႁိမ်​ဢဝ်​ႁူင်ႇ​ဢဝ်​မႃး​ၸိူဝ်း​ၼၼ်ႉ​ဝႆႉ​ၵႃႈ​တီႈ​ၽၢႆႇ​ၼႃႈ​ၶုၼ်​တင်း​လၢႆ ဢိၵ်ႇ​တင်း​ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="15">ၶဝ်​ၸိူဝ်း​ဢၼ်​ဢဝ်​ၸိုဝ်ႈ​ဢဝ်​သဵင်​သေ​လႄႈ ဝႃႈ​မႃး​ယဝ်ႉ​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​လႄႈ ႁွင်ႉ​ဢဝ်​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​တီႉ​လႆႈ​သိမ်း​ဢဝ်​မႃး​ၸိူဝ်း​ၼၼ်ႉ မႃး​သေ​လႄႈ​ဢဝ်​ဢုၵ်ႉ​ၸႃႇ​ဢၼ်​ႁိမ်​ဢဝ်​ႁူင်ႇ​ဢဝ်​လႆႈ​ၸိူဝ်း​ၼၼ်ႉ​ပၼ်​ႁႂ်ႈ​ၶဝ်​ၸိူဝ်း​ဢၼ်​ဢမ်ႇ​မီး ၶူဝ်း​ၼုင်ႈ​မႆ​ၼၼ်ႉ​ၼုင်ႈ​မႆ​လႄႈ ဢဝ်​ၼုင်ႈ​မႆ​ပၼ်​ၶဝ်​ဢေႃႈ။ ဢွၼ်​ၵၼ်​ႁႂ်ႈ​ၶဝ်​တိုဝ်း​ၶႅပ်း​တိၼ်​လႄႈ ပၼ်​ပုၼ်ႈ​ဢၼ်​ၶဝ်​တၵ်း​ၵိၼ်​တၵ်း​ၶူပ်း​ဢေႃႈ။ ဢွၼ်​ၵၼ်​ဢဝ်​ၼမ်ႉ​မၼ်း​တႃး​ပၼ်​ၶဝ်​လႄႈ ဢဝ်​ၶဝ်​ၵႃႈ​ဢၼ်​ဢမ်ႇ​မီး​ဢဵၼ်​မီး​ႁႅင်း​ၸိူဝ်း​ၼၼ်ႉ​တၢင်ႇ​ၵႃႈ​ၼိူဝ်​လီႈ​သေ​လႄႈ ဢဝ်​ၵႂႃႇ​သူင်ႇ​ၵႃႈ​တီႈ​ဝဵင်း​တူၼ်ႈ​ထၢၼ် ဢၼ်​ဝႃႈ​ဝဵင်း​ ယေႇရီႉၶူဝ်း တီႈ​ဢၼ်​ပီႈ​ၶဝ်​ၼွင်ႉ​ၶဝ်​မီး​ၼၼ်ႉ​သေ​ယဝ်ႉ၊ ၶဝ်​ၼၼ်ႉ​ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ သမႃႇရီႉ ​ဢေႃႈ။</verse>
				<verse number="16">မိူဝ်ႈ​ၼၼ်ႉ​ၶုၼ်​လူင်​ ဢႃႇၶတ်ႉ ပွႆႇ​ၸႂ်ႉ​ၸူး​ၵႃႈ​တီႈ​ၶုၼ်​ႁေႃ​ၶမ်း ဢႃႇသူႉရီႉ ႁႂ်ႈ​မႃး​ၸွႆႈ​မႃး​ထႅမ်​မၼ်း​ဢေႃႈ။-</verse>
				<verse number="17">လွင်ႈ​မၼ်း​ၸမ်ႉ ၵူၼ်း​ ဢေႇတုမ်ႇ ​တင်း​လၢႆ သမ်ႉ​ၶိုၼ်း​မႃး​သေ​ယဝ်ႉ၊ တိုၵ်း​တေႃး​ယႃႉ​ပႅတ်ႈ မိူင်း​ ယူႉတႃႉ ​သေ​လႄႈ ဢဝ်​ၶဝ်​ၸိူဝ်း​ဢၼ်​တီႉ​ၵမ်​သိမ်း​ဢဝ်​လႆႈ​ၼၼ်ႉ​ၵႂႃႇ​ယဝ်ႉ​ယဝ်ႉ။-</verse>
				<verse number="18">ၵူၼ်း​ ၽီႉလိတ်ႉတီႉ ​တင်း​လၢႆ​ၵေႃႈ ဢွၼ်​ၵၼ်​ၶီႇ​သိုၵ်း​ၸူး ၵႃႈ​တီႈ​ဝဵင်း​ဢၼ်​မီး​ၵႃႈ​တႂ်ႈ​တီႈ​ဢၼ်​ပၢင်ႇ​ဢၼ်​ပဵင်း ဢိၵ်ႇ​တင်း​ၵႃႈ​တီႈ​လိၼ် ပွတ်း​တၢင်း​ၸၢၼ်း​မိူင်း​ ယူႉတႃႉ ​ၸိူဝ်း​ၼၼ်ႉ​လႄႈ သိမ်း​ဢဝ်​ဝဵင်း​ ပႅတ်ႉသေးမတ်ႉ ဝဵင်း​ ဢႃႇၸလုၼ်ႇ ၊ ဝဵင်း​ ၵေႇတရုၼ်ႇ ၊ ဝဵင်း​ သေႃႇၶေႃႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ တီႉမၼႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ ၵီႉမၸေႃႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​သေ​လႄႈ ၶျႃး​တီႈ​ယူႇ​ၶဝ်​ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="19">ၵွပ်ႈ​ပိူဝ်ႈ​ ဢႃႇၶတ်ႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​လႄႈ ထႃႇဝရႃႉ​ၽြႃး ၶျႃး​မိူင်း​ ယူႉတႃႉ တူၵ်း​တီႈ​တႅမ်ႇ​ၼႃႇ​လူင်​လၢင်​ဢေႃႈ။ မၼ်း​ၼၼ်ႉ​ထွတ်ႇ​ၶူဝ်း​ၼုင်ႈ​တၢင်း​မႆ​မိူင်း​ ယူႉတႃႉ ​ပႅတ်ႈ​လႄႈ ၽိတ်း​ပိူင်ႈ​ထႃႇဝရႃႉ​ၽြႃး​ၵျၢမ်း​ထၢမ်း​ၼႃႇ​လူင်​လၢင်​ဢေႃႈ။-</verse>
				<verse number="20">ပိၵ်ႉ​သမ်ႉ တီႉၵလတ်ႉပီႉလေႇသႃႇ ၶုၼ်​ႁေႃ​ၶမ်း​ ဢႃႇသူႉရီႉ ​မႃး​တီႈ​မၼ်း​လႄႈ ႁႂ်ႈ​မၼ်း​မီး​တုၵ်ႉ​ၶႃႉ​တၢင်း​ဢၼ်​ၶၢၼ်​ၸႂ်​ၵွပ်ႈ​သေ​ၵေႃႈ၊ ဢမ်ႇ​ပၼ်​ႁႅင်း​တီႈ​မၼ်း။-</verse>
				<verse number="21">လွင်ႈ​မၼ်း​ၸမ်ႉ ပိၵ်ႉ​သမ်ႉ​ ဢႃႇၶတ်ႉ ဢဝ်​ၵႃႈ​ၼႂ်း​ၽၼ်ႇတႃႇ​ႁိူၼ်း​ထႃႇဝရႃႉ​ၽြႃး ဢိၵ်ႇ​တင်း​ၵႃႈ​ၼႂ်း​ၽၼ်ႇတႃႇ​ႁေႃ​ၸဝ်ႈ​တင်း ၵႃႈ​ၼႂ်း​ဢုၵ်ႉ​ၸႃႇ​မူး​မၢတ်ႈ​ၽွင်း​မိူင်း​တင်း​လၢႆ​ၸိူဝ်း​ၼၼ်ႉ​သေ​လႄႈ ပၼ်​တီႈ​ၶုၼ်​ႁေႃ​ၶမ်း​ ဢႃႇသူႉရီႉ ​သေ​ၵေႃႈ မၼ်း​ၼၼ်ႉ​ဢမ်ႇ​မႃႉ​ၸႃႉ​ၸွႆႈ​ထႅမ်​မၼ်း။</verse>
				<verse number="22">ၶုၼ်​လူင်​ ဢႃႇၶတ်ႉ ​ၼၼ်ႉ ၼႂ်း​မိူဝ်ႈ​ဢၼ်​မၼ်း​လႆႈ​ၶၢမ်ႇ​တုၵ်ႉ​ၶႃႉ​တၢင်း​ဢၼ်​ၶၢၼ်​ၸႂ်​ၼၼ်ႉ​ၸိုင် မၼ်း​ယဵင်ႈ​ၶႅၼ်း​ၽိတ်း​ပိူင်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="23">မၼ်း​ပုၵ်ႈ​ၸေႃႇ​ယိတ်ႈ​တီႈ​ၽြႃး​ဝဵင်း​ ထမ်ႇမသႅတ်ႉ ဢၼ်​ယႃႉ​မၼ်း​ပႅတ်ႈ​ၸိူဝ်း​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၽြႃး​ဢၼ် ၶုၼ်​ႁေႃ​ၶမ်း​ သူႉရီႉ ​တင်း​လၢႆ ၵူဝ်း​ၵႂၢႆႇ​ၸိူဝ်း​ၼၼ်ႉ ၸၢင်ႈ​ၸွႆႈ​ထႅမ်​မႃႉ​ၸႃႉ​ၶဝ်​ၼၼ်ႉ​လႄႈ ၵဝ်​တၵ်း​ပုၵ်ႈ​ၸေႃႇ​ယိတ်ႈ​တီႈ​ၶဝ် ႁႂ်ႈ​ၶဝ်​ၸွႆႈ​ထႅမ်​မႃႉ​ၸႃႉ​ၵဝ်​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ ၽြႃး​ၸိူဝ်း​ၼၼ်ႉ​ပဵၼ်​လွင်ႈ​ဢၼ် မၼ်း​ဢိၵ်ႇ​တင်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​လႆႈ​လူႉ​လႆႈ​သုမ်း​ဢေႃႈ။-</verse>
				<verse number="24">ၽဝ်ႇ​ၼိုင်ႈ၊ ဢႃႇၶတ်ႉ ​ဢဝ်​ၶိူင်ႈ​ပိူင်​ႁိူၼ်း​ၽြႃး​ပဵၼ်​ၸဝ်ႈ ၸူႉ​ၵၼ်​ၶွၼ်ႈ​ၵၼ်​ဝႆႉ​လႄႈ ႁၵ်း​ႁဵၵ်း​ပဵၼ်​ပွတ်း​ပဵၼ်​တွၼ်ႈ​သေ​လႄႈ ဢိုတ်း​ႁပ်း​ၽၵ်း​တူ​ႁိူၼ်း​ထႃႇဝရႃႉ​ၽြႃး​ၸိူဝ်း​ၼၼ်ႉ​ဝႆႉ​သေ​ဢေႃႈ။ မၼ်း​တႄႇ​ႁဵတ်း​ယိတ်ႈပလၢင်ႇ​ၵႃႈ​ၼႂ်း ဝဵင်း​ ယေႇရူႉသလႅမ်ႇ ​ၵူႈ​ၸဵင်ႇ​ဢေႃႈ။-</verse>
				<verse number="25">မၼ်း​တႄႇ​ႁဵတ်း​ထႃႇၼႃႉ​တီႈ​သုင် ၵႃႈ​ၼႂ်း​ဝဵင်း​ ယူႉတႃႉ ၵူႈ​ဝဵင်း​ႁင်း​ၽႂ်​ႁင်း​မၼ်း ပုၼ်ႈ​ဢၼ်​တၵ်း​ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ​ၽြႃး​တၢင်ႇ​သူႇ​တၢင်ႇ​ပႃး​တင်း​လၢႆ​လႄႈ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​မွၼ်ႇ​မၼ်း​ဢေႃႈ။-</verse>
				<verse number="26">လွင်ႈ​တၢင်း​ ဢႃႇၶတ်ႉ ဢၼ်​ယင်း​ၵိုတ်း​ယင်း​ၵျၢၼ်ႇ သဵၼ်ႈ​တၢင်း​ၵႃႈ​ဢၼ်​မၼ်း​ၸွမ်း​ဢဝ် ၸဵမ်​ငဝ်ႈ​တေႃႇ​ပၢႆ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ တင်း​ရႃႇၸဝၢင်ႇ​ ဢီႉသရေႇလႃႉ ​ဢေႃႈ။-</verse>
				<verse number="27">ဢႃႇၶတ်ႉ ​ၼၼ်ႉ​ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ပိၵ်ႉ​သမ်ႉ​ၶဝ်​ဢဝ်​မၼ်း​သၢင်း​ၵျူဝ်ႇ​ၵႃႈ​ၼႂ်း​ဝဵင်း​ၸဝ်ႈ​ဢၼ်​ဝႃႈ ဝဵင်း​ ယေႇရူႉသလႅမ်ႇ ​သေ​ၵေႃႈ ၶဝ်​ဢမ်ႇ​ဢဝ်​သၢင်း​ၵျူဝ်ႇ​ၵႃႈ​ၼႂ်း သၢင်း​ၶႅင်း​ၶုၼ်​ႁေႃ​ၶမ်း​ ဢီႉသရေႇလႃႉ ​ၸိူဝ်း​ၼၼ်ႉ။ ႁေႇၸၵီႉ လုၵ်ႈ​ၸၢႆး​ၸဝ်ႈ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="29">
				<verse number="1">ႁေႇၸၵီႉ ​ၼၼ်ႉ မိူဝ်ႈ​ဢၼ်​မၼ်း​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢဝ်း​ပၢႆ​ႁႃႈ​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သၢဝ်း​ပၢႆ​ၵဝ်ႈ​ပီႊ​ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ဢၽီႉယႃႉ လုၵ်ႈ​ယိင်း​ ၸႃႇၶရီႉ ​ဢေႃႈ။-</verse>
				<verse number="2">မၼ်း​ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​ၸဝ်ႈ​ပေႃႈ​မၼ်း​ တႃႇဝိတ်ႈ ​ႁဵတ်း​ၼၼ်ႉ​ဢေႃႈ။</verse>
				<verse number="3">ၼႂ်း​ပီႊ​ပထမႃႉ၊ လိူၼ်​ပထမႃႉ ဢၼ်​မၼ်း​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ မၼ်း​ၽုၺ်ႇ​ပိုတ်ႇ​ၽၵ်း​တူ​ႁိူၼ်း​ထႃႇဝရႃႉ​ၽြႃး​သေ​လႄႈ မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="4">မၼ်း​ႁွင်ႉ​ဢဝ်​ယိတ်ႈပရေႃးႁဵၵ်ႈ​လႂ် ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​လႂ် မႃး​လႄႈ ႁႂ်ႈ​ၸူႉ​ၵၼ်​တုမ်​ၵၼ်​ၵႃႈ​ၼႂ်း​တလၢင်း​ၽၢႆႇ​ဝၼ်း​ဢွၵ်ႇ​ၼၼ်ႉ​သေ​လႄႈ၊-</verse>
				<verse number="5">မီး​ဢမိင်ႉ​လႄႈ​ဝႃႈ၊ ၵူၼ်း​မဵဝ်း​ လေႇဝီႉ ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ဢွၼ်​ၵၼ်​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​လႄႈ ႁႂ်ႈ​ႁိူၼ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​သူ​မွၼ်ႇ​သူ​မူတ်း​ၸၢင်ႇ​သေ​လႄႈ ပႄႇ​ၽဵဝ်ႈ​မုၼ်ႈ​ဢၢင်ႉ​ဢၢၵ်ႇ​ယိူဝ်ႈ​ယုၵ်း​ပႅတ်ႈ​သေ ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​တႃႉ။-</verse>
				<verse number="6">ပူႇ​ႁဝ်း​ပေႃႈ​ႁဝ်း​ၸိူဝ်း​ၼၼ်ႉ ဢွၼ်​ၵၼ်​ၽိတ်း​ပိူင်ႈ​လႄႈ ႁဵတ်း​တူႉ​ၸရိူၵ်ႈ​ဢပႅတ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ယဝ်ႉ။ ၶဝ်​ၼၼ်ႉ​ဢွၼ်​ၵၼ်​ၸုၼ်ႉ​ပႅတ်ႈ​မၼ်း​ၸဝ်ႈ​လႄႈ ဝၢႆႇ​ၼႃႈ​ပႅတ်ႈ​သေ​ၵႃႈ​တီႈ တီႈ​ဢၼ်​မၼ်း​ၸဝ်ႈ​ၵိင်း​ဝၢပ်ႈ​ယူႇ​ၼၼ်ႉ​ယူႇ​သေ​လႄႈ ၵွင်​လင်​ပၼ်​ယဝ်ႉ​လူင်​ပႄႇ။-</verse>
				<verse number="7">ၶဝ်​ၼၼ်ႉ​ဢွၼ်​ၵၼ်​ဢိုတ်း​ႁပ်း​ၽၵ်း​တူ​ႁိူၼ်း​ၼႃႈ​ႁိူၼ်း​ၸဝ်ႈ​ၸိူဝ်း​ၼၼ်ႉ ဝႆႉ​ဢဝ်​ဝၢၼ်ႇ​ၽႆး​တဵၼ်း​တင်း​လၢႆ​မွတ်ႇ​ဝႆႉ​သေ​လႄႈ ယင်း​ဢမ်ႇ​ဢဝ်​ၼၢမ်ႇ​သႃႇ​တုတ်ႇ​ၽႆး၊ ယင်း​ဢမ်ႇ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​တီႈ ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ​လႄႈ​ယူႇ​ဢေႃႈ။-</verse>
				<verse number="8">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး ဢွၵ်ႇ​တီႈ​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ ​လႄႈ မၼ်း​ၸဝ်ႈ​ဢဝ်​ၶဝ်​ဢၢပ်ႈ​ပၼ် ႁႂ်ႈ​ပဵၼ်​တၢင်း​ဢၼ်​လႆႈ​ၶၢမ်ႇ​တုၵ်ႉ​ၶႃႉ​ၶၢၼ်​ၸႂ်၊ တၢင်း​ဢၼ်​ၵိုတ်း​မိူၼ်ႇ​ၵႂင်​ၸႂ်၊ တၢင်း​ဢၼ်​ငိၼ်း​သဵင်​ဢၼ်​သႄႉ​သွမ်း​ၼၼ်ႉ ၵႃႈ​ၼင်ႇ​ဢၼ်​တႃ​သူ​လႆႈ​ႁၼ်​ၼၼ်ႉ​ယဝ်ႉ။-</verse>
				<verse number="9">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ပူႇ​ႁဝ်း​ပေႃႈ​ႁဝ်း​ၸိူဝ်း​ၼၼ်ႉ လႆႈ​လူမ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ယဝ်ႉ၊ လုၵ်ႈ​ၸၢႆး​လုၵ်ႈ​ယိင်း​ႁဝ်း​မေး​ႁဝ်း လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ယဝ်ႉ။-</verse>
				<verse number="10">မိူဝ်ႈ​လဵဝ်​ၼႆႉ​ၸမ်ႉ၊ လွင်ႈ​ၼင်ႇ​ႁိုဝ်​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ ဢၼ်​ႁႅင်း​ယႂ်ႇ​ၼႃႇ​ၼၼ်ႉ တၵ်း​ဝႄႈ​ပိူင်ႈ​သေ​ၵႃႈ​တီႈ​ႁဝ်း​ၵႂႃႇ​ၸိုင်၊ ၵဝ်​မီး​တၢင်း​ၵျၢမ်ႇ​တၢင်း​ပွင်​တၵ်း​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="11">လုၵ်ႈ​ၸၢႆး​ၵဝ်​တင်း​လၢႆ​ၶဝ်​ဢိူၺ်း၊ ယႃႇ​ပေ​ဢွၼ်​ၵၼ်​ႁဵတ်း​ၵွႆႈ​ႁဵတ်း​ထိူင်း၊ ထႃႇဝရႃႉ​ၽြႃး လိူၵ်ႈ​ၵဵပ်း​ဢဝ်​သူ​ႁႂ်ႈ​သူ​လႆႈ​ၸုၵ်း​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​သေ​လႄႈ ႁဵတ်း​ဢမူႉ​တၢင်း​ဢၼ်​ႁဵတ်း​ဝၢတ်ႈ​ၼၼ်ႉ​လႄႈ ပဵၼ်​ၵေႃႉ​ဢၼ်​ပႂ်ႉ​ဢမူႉ​ၸဝ်ႈ​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">ၵူၼ်း​မဵဝ်း​ လေႇဝီႉ ​ဢၼ်​ဝႃႈ မႃႇႁတ်ႉ လုၵ်ႈ​ၸၢႆး​ ဢႃႇမသေး တင်း​ ယူဝ်းဢေးလႃႉ လုၵ်ႈ​ၸၢႆး​ ဢႃႇၸရီႉ ၼႂ်း​ၸိူဝ်ႉ​ၶိူဝ်း​ ၵေႃႇႁတ်ႉ၊ ၵီႉသႃႉ ​လုၵ်ႈ​ၸၢႆး​ ဢႃႇပတီႉ တင်း​ ဢႃႇၸရီႉ လုၵ်ႈ​ၸၢႆး​ ယေႇႁႃႉလေးလႃႉ ၼႂ်း​ၸိူဝ်ႉ​ၶိူဝ်း​ မေႇရႃႇရီႉ၊ ယေႃႇဢႃႇ လုၵ်ႈ​ၸၢႆး​ ၸိမ်းမႃႉ တင်း ဢေႇတိၼ်ႇ လုၵ်ႈ​ၸၢႆး​ ယေႃႇဢႃႇ ၼႂ်း​ၸိူဝ်ႉ​ၶိူဝ်း​ ၵေႇရသုၼ်ႇ ၊-</verse>
				<verse number="13">သီႉမရီႉ တင်း​ ယေႇယေႇလႃႉ ၼႂ်း​ၵူၼ်း​မဵဝ်း​ ဢေးလီႉၸပၢၼ်ႇ၊ ၸႃႇၶရီႉ တင်း​ မတ်ႉတၼီႉ ၼႂ်း​ၵူၼ်း​မဵဝ်း​ ဢႃႇသပ်ႉ ၊-</verse>
				<verse number="14">ယေႇႁေႇလႃႉ တင်း​ သီႉမီႉ ၼႂ်း​ၵူၼ်း​မဵဝ်း​ ႁေႇမၼ်ႇ၊ သေႇမႃႇယႃႉ တင်း​ ဢေႃးၸေးလႃႉ ၼႂ်း​ၵူၼ်း​မဵဝ်း​ ယေႇတူႉသုၼ်ႇ ​ၼၼ်ႉ ၸိူဝ်း​ၼၼ်ႉ​ဢွၼ်​ၵၼ်​လုၵ်ႉ​လႄႈ၊-</verse>
				<verse number="15">ႁွင်ႉ​ဢဝ်​ပီႈ​ၶဝ်​ၼွင်ႉ​ၶဝ်​သေ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​သေ​ယဝ်ႉ၊ ၶဝ်ႈ​ၵႂႃႇ​ႁႂ်ႈ​လႆႈ​ႁႂ်ႈ​ႁိူၼ်း​ထႃႇဝရႃႉ​ၽြႃး လႆႈ​မူတ်း​လီ​ၵဵင်ႈ​လီ​ၸွမ်း​ၵႃႈ​ၼင်ႇ​ဢၼ် ၶုၼ်​ႁေႃ​ၶမ်း​ဢဝ်​ဢမိင်ႉ ထႃႇဝရႃႉ​ၽြႃး​မီး​ဢမိင်ႉ​ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။-</verse>
				<verse number="16">ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ဢွၼ်​ၵၼ်​ၶဝ်ႈ​ၵႃႈ​ၼႂ်း​လုၵ်း​တၢင်း​ၼႂ်း​ႁိူၼ်း​ထႃႇဝရႃႉ​ၽြႃး ႁႂ်ႈ​မူတ်း​လီ​ၵဵင်ႈ​လီ​လႄႈ ဢဝ်​မုၼ်ႈ​ဢၢင်ႉ​ဢၢၵ်ႇ​ယိူဝ်ႈ​ယႃႈ​ယိူဝ်ႈ​ယုၵ်း ၵႃႈ​ဢၼ်​ထူပ်း​ၵႃႈ​ၼႂ်း​ပိၵ်ႈ​မၢၼ်ႇ​ထႃႇဝရႃႉ​ၽြႃး​ၼၼ်ႉ​ဢွၵ်ႇ​ၸူး ၵႃႈ​တီႈ​တမ်ႇ​တိူင်း​ႁိူၼ်း​ထႃႇဝရႃႉ​ၽြႃး​သေ​ယဝ်ႉ၊ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​ဢွၵ်ႇ​ၵႂႃႇ​ၵႃႈ​ၼွၵ်ႈ တီႈ​ၼမ်ႉ​ႁွင်ႈ​ ၵီႉတြုၼ်ႇ ​ဢေႃႈ။-</verse>
				<verse number="17">ၼႂ်း​လိူၼ်​ပထမႃႉ၊ ဝၼ်း​ပထမႃႉ​ၼၼ်ႉ ၶဝ်​ဢွၼ်​ၵၼ်​ၸႃႉ​ႁဵတ်း​တၢင်း​ဢၼ်​ႁႂ်ႈ​မူတ်း​ၸၢင်ႇ​လႄႈ ၼႂ်း​ဝၼ်း​ဢၼ်​ထူၼ်ႈ​ထိုင်​ပႅတ်ႇ​ဝၼ်း​ၼၼ်ႉ ထိုင်​ႁွတ်ႈ​ၵႃႈ​တီႈ​ႁိူၼ်း​ၼႃႈ​ႁိူၼ်း​ထႃႇဝရႃႉ​ၽြႃး​ဢေႃႈ။ လိုၼ်း​ၼၼ်ႉ​ပႅတ်ႇ​ဝၼ်း​တဵမ်​တဵမ် ဢွၼ်​ၵၼ်​ႁႂ်ႈ​ႁိူၼ်း​ၽြႃး​ပဵၼ်​ၸဝ်ႈ​မူတ်း​ၸၢင်ႇ​လႄႈ ၼႂ်း​လိူၼ်​ပထမႃႉ​သိပ်း​ႁူၵ်း​ဝၼ်း​ၼၼ်ႉ​ယဝ်ႉ​တူဝ်ႈ​လီ​ငၢမ်း​ဢေႃႈ။-</verse>
				<verse number="18">မိူဝ်ႈ​ၼၼ်ႉ ၶဝ်​ဢွၼ်​ၵၼ်​ၶဝ်ႈ​ၸူး​ၵႃႈ​တီႈ​ၶုၼ်​လူင်​ ႁေႇၸၵီႉ ​လႄႈ လဝ်ႊ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ်​ဢွၼ်​ၵၼ်​ႁႂ်ႈ​ႁိူၼ်း​ထႃႇဝရႃႉ​ၽြႃး​တင်း​သဵင်ႈ​တင်း​လူင်၊ ယိတ်ႈပလၢင်ႇ​တီႈ​ဢၼ်​ဢဝ်​ယိတ်ႈ​ဢၼ်​တုတ်ႇ​ၽႆး​တင်း​ၶိူင်ႈ​ပိူင်​မၼ်း​ၵႃႈ​မီး၊ ၶူင်ႇ​တီႈ​ၵိၼ်​ဢၼ်​ဢဝ်​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ​တၢင်ႇ​ဝႆႉ တင်း​ၶိူင်ႈ​ပိူင်​မၼ်း​ၵႃႈ​မီး​ၼၼ်ႉ မူတ်း​လီ​ၵဵင်ႈ​လီ​ယဝ်ႉ​တီႈ​ၶႃႈ​ယဝ်ႉ။-</verse>
				<verse number="19">ၼွၵ်ႈ​သေ​ၼႆႉ ၶိူင်ႈ​ပိူင်​ၵႃႈ​ဢၼ် ၶုၼ်​လူင်​ ဢႃႇၶတ်ႉ ႁဵတ်း​ဢႃႉထမ်ႇမႃႉ​ၼႂ်း​ၸူဝ်ႈ​ပၢၼ်​မၼ်း​လႄႈ ပႅတ်ႈ​ဝႆႉ​ၼႂ်း​မိူဝ်ႈ​ဢၼ်​မၼ်း​ၽိတ်း​ပိူင်ႈ​ၼၼ်ႉ​ၸိူဝ်း​ၼၼ်ႉ​ၵေႃႈ ၶႃႈ​ၸဝ်ႈ​ႁဝ်း​ၶဝ်​ၶိုၼ်း​ႁဵတ်း​ၶိုၼ်း​မႄး​လႄႈ ႁႂ်ႈ​မူတ်း​ၸၢင်ႇ​ယဝ်ႉ​တီႈ​ၶႃႈ​ဢေႃႈ။ တူၺ်း​တီႈ​ၶႃႈ​လူး၊ မီး​ယူႇ​ၵႃႈ​တီႈ​ၽၢႆႇ​ၼႃႈ ယိတ်ႈပလၢင်ႇ​ထႃႇဝရႃႉ​ၽြႃး​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">မိူဝ်ႈ​ၼၼ်ႉ​ၶုၼ်​လူင်​ ႁေႇၸၵီႉ လုၵ်ႉ​ၸဝ်ႉ​ၸဝ်ႉ​သေ​လႄႈ ႁႂ်ႈ​ၵူၼ်း​ဝဵင်း​တင်း​လၢႆ ၸူႉ​ၵၼ်​တုမ်​ၵၼ်​လႄႈ ၶိုၼ်ႈ​ၸူး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="21">ၶဝ်​ဢွၼ်​ၵၼ်​ဢဝ်​ဝူဝ်း​ၸဵတ်း​တူဝ်၊ သူဝ်း​ပေႃႈ​ၸဵတ်း​တူဝ်၊ သူဝ်း​ဢွၼ်ႇ​ၸဵတ်း​တူဝ်၊ ပႄႉ​ပေႃႈ​ၸဵတ်း​တူဝ်၊ ပုၼ်ႈ​ဢၼ်​တၵ်း​ပုၵ်ႈ​ၸေႃႇ ယိတ်ႈ​ၽေႇ​ဢပႅတ်ႈ​ႁေႃ​ၸဝ်ႈ၊ ဢပႅတ်ႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ၊ ဢပႅတ်ႈ​မိူင်း​ ယူႉတႃႉ ​ၸိူဝ်း​ၼၼ်ႉ​မႃး​ဢေႃႈ။ မၼ်း​မီး​ဢမိင်ႉ​ႁႂ်ႈ​ယိတ်ႈပရေႃးႁဵၵ်ႈ ၵူၼ်း​မဵဝ်း​ ဢႃႇရုၼ်ႇ ​တင်း​လၢႆ ဢဝ်​ၸိူဝ်း​ၼၼ်ႉ​ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ထႃႇဝရႃႉ​ၽြႃး​ၼၼ်ႉ​လႄႈ၊-</verse>
				<verse number="22">ၶဝ်​ၼၼ်ႉ​ဢွၼ်​ၵၼ်​ဢဝ်​ဝူဝ်း​တၢႆ ၸွမ်း​ၵႃႈ​ၼင်ႇ​ဢၼ်​မီး​ဢမိင်ႉ​ၼၼ်ႉ​လႄႈ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ၶၢမ်ႇ​ဢဝ်​လိူတ်ႈ​မၼ်း​သေ​လႄႈ ဢဝ်​ၽႅတ်း​သႂ်ႇ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။ သူဝ်း​ပေႃႈ​ၸိူဝ်း​ၼၼ်ႉ​ၵေႃႈ၊ ၶဝ်​ၼၼ်ႉ​ဢွၼ်​ၵၼ်​ဢဝ်​တၢႆ​လႄႈ ဢဝ်​လိူတ်ႈ​မၼ်း​ၽႅတ်း​သႂ်ႇ​ၵႃႈ​ၼိူဝ်​ယိတ်ႈပလၢင်ႇ​ဢေႃႈ။ သူဝ်း​ဢွၼ်ႇ​ၸိူဝ်း​ၼၼ်ႉ​ၵေႃႈ ၶဝ်​ဢွၼ်​ၵၼ်​ဢဝ်​တၢႆ​လႄႈ ဢဝ်​လိူတ်ႈ​မၼ်း​ၽႅတ်း​သႂ်ႇ ၵႃႈ​ၼိူဝ်​ယိတ်ႈပလၢင်ႇ​ဢေႃႈ။-</verse>
				<verse number="23">ပႄႉ​ပေႃႈ​ပုၼ်ႈ​ဢၼ်​တၵ်း​ပုၵ်ႈ​ၸေႃႇ​ယိတ်ႈ​ၽေႇ​ဢပႅတ်ႈ​ၸိူဝ်း​ၼၼ်ႉ​ၵေႃႈ၊ ၶဝ်​ၼၼ်ႉ​ဢွၼ်​ၵၼ်​ဢဝ်​ဢွၵ်ႇ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း တင်း​ပရဵၵ်ႈသၢတ်ႈ​တင်း​လၢႆ​လႄႈ ၶဝ်​ဢဝ်​မိုဝ်း​တူဝ်​ၸဝ်ႈ​ၵဝ်ႇ​တၢင်ႇ​သေ​ယဝ်ႉ၊-</verse>
				<verse number="24">ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ဢွၼ်​ၵၼ်​ဢဝ်​တၢႆ​လႄႈ ႁဵတ်း​မင်ႇၵလႃႇ​တၢင်း​ဢၼ်​ဢဝ်​လိူတ်ႈ​ၽေႇ​ဢပႅတ်ႈ​ၵႃႈ​ၼိူဝ်​ယိတ်ႈပလၢင်ႇ ႁႂ်ႈ​လႆႈ​ၽေႇ​ဢပႅတ်ႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢေႃႈ။ ၼင်ႇ​ၼၼ်​လႄႈ ၶုၼ်​ႁေႃ​ၶမ်း​မီး​ဢမိင်ႉ​ႁႂ်ႈ​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး တင်း​ယိတ်ႈ​ဢၼ်​ၽေႇ​ဢပႅတ်ႈ ပုၼ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢေႃႈ။-</verse>
				<verse number="25">မၼ်း​ၶၢၼ်း​ၵူၼ်း​မဵဝ်း​ လေႇဝီႉ ဢၼ်​ပႃး​ဢဝ်​တင်း​သႅင်ႇ​လႂ်၊ တိင်ႇ​လႂ်၊ တရေႃး​လႂ်​ၸိူဝ်း​ၼၼ်ႉ ဝႆႉ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ် ၶုၼ်​လူင်​ တႃႇဝိတ်ႈ ဢိၵ်ႇ​တင်း​ ၵၢတ်ႉ ​ၵေႃႉ​ဢၼ်​ႁူ​ပွင်ႇ​တႃ​လႅင်း တီႈ​ၶုၼ်​ႁေႃ​ၶမ်း တင်း​ပရေႃးၽႅတ်ႈ​ ၼႃႇသၼ်ႇ ​ၸိူဝ်း​ၼၼ်ႉ ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။ ၼင်ႇ​ၼၼ်​လႄႈ​ဢမိင်ႉ​ၸဝ်ႈ​ၼၼ်ႉ ပဵၼ်​မႃး​တီႈ​ထႃႇဝရႃႉ​ၽြႃး​ၵႃႈ​ၼႂ်း​သူပ်း​ပရေႃးၽႅတ်ႈ​တင်း​လၢႆ​ၼၼ်ႉ​ဢေႃႈ။-</verse>
				<verse number="26">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​ယိပ်း​ၵမ်​မဵဝ်း​တူႇရီႉယႃႇ ဢၼ်​ၶုၼ်​ တႃႇဝိတ်ႈ ၸီႇ​ယၢင်ႇ​ဝႆႉ​ၼၼ်ႉ​ယူႇ၊ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ဢွၼ်​ၵၼ်​ယိပ်း​ၵမ်​ၼႄးၶရႃႇ​တင်း​လၢႆ​ယူႇ​သေ​လႄႈ ၸုၵ်း​ယူႇ​ဢေႃႈ။-</verse>
				<verse number="27">ႁေႇၸၵီႉ မီး​ဢမိင်ႉ​ႁႂ်ႈ​ဢဝ်​ယိတ်ႈ​ဢၼ်​တုတ်ႇ​ၽႆး ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​လႄႈ မိူဝ်ႈ​ဢၼ်​ၸႃႉ​ႁဵတ်း​တၢင်း​ဢၼ် ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​ၼၼ်ႉ​ၸိုင် ၶဝ်​ၼၼ်ႉ​ဢွၼ်​ၵၼ်​ၸႃႉ​ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး ဢိၵ်ႇ​တင်း​တၢင်း​ဢၼ်​ပဝ်ႇ​ႁႆႇ​ၼႄးၶရႃႇ တင်း​မဵဝ်း​တူႇရီႉယႃႇ ဢၼ်​ တႃႇဝိတ်ႈ ​ၶုၼ်​ႁေႃ​ၶမ်း​ ဢီႉသရေႇလႃႉ ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​ဢေႃႈ။-</verse>
				<verse number="28">ပရဵၵ်ႈသၢတ်ႈ​တင်း​သဵင်ႈ​တင်း​လူင် ဢွၼ်​ၵၼ်​ၵူဝ်း​ၵႂၢႆႇ​ယူႇ၊ ၶဝ်​ၸိူဝ်း​ဢၼ်​ႁဵတ်း​ၵႂၢမ်း​ၵေႃႈ​ႁဵတ်း​ၵႂၢမ်း​ယူႇ၊ ၶဝ်​ၸိူဝ်း​ဢၼ်​ပဝ်ႇ​တိုင်ႈ​ၼႄးၶရႃႇ​ၵေႃႈ၊ ပဝ်ႇ​တိုင်ႈ​ယူႇ တေႃႇ​ထိုင်​ႁွတ်ႈ​တၢင်း​ဢၼ်​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​ၼၼ်ႉ ထၼ်ႈ​ပေႃး​ယဝ်ႉ​ပေႃး​တူဝ်ႈ​ဢေႃႈ။-</verse>
				<verse number="29">ဢဝ်​ပုၵ်ႈ​ၸေႃႇ​ယဝ်ႉ​တူဝ်ႈ​သေ​ယဝ်ႉ၊ ၶုၼ်​ႁေႃ​ၶမ်း ဢိၵ်ႇ​တင်း​ၶဝ်​ၵႃႈ​ဢၼ်​မီး​ၵႃႈ​တီႈ​ၼၼ်ႈ​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ ဢွၼ်​ၵၼ်​ၶုပ်ႉ​မူပ်ႇ​ဝၢင်း​ႁူဝ်​လႄႈ​ၵူဝ်း​ၵႂၢႆႇ​ဢေႃႈ။-</verse>
				<verse number="30">လႆႈ​သမ်ႉ ၶုၼ်​လူင်​ ႁေႇၸၵီႉ ဢိၵ်ႇ​တင်း​ၶုၼ်​ၸိူဝ်း​ၼၼ်ႉ​ၸီႇ​ယၢင်ႇ ႁႂ်ႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​ၵႂၢမ်း​ တႃႇဝိတ်ႈ တင်း​ၵႂၢမ်း​ ဢႃႇသပ်ႉ ၵေႃႉ​ဢၼ်​ႁူ​ပွင်ႇ​တႃ​လႅင်း​ၼၼ်ႉ ႁဵတ်း​ၵႂၢမ်း​ထေႃးပၼႃႇ​တီႈ​ထႃႇဝရႃႉ​ၽြႃး​ဢေႃႈ။ ၶဝ်​ၼၼ်ႉ​ဢွၼ်​ၵၼ်​မီး​တၢင်း​ၸႂ်​ဢၼ်​သႂၢင်ႇ​သိူဝ်း​ႁဵတ်း​ၵႂၢမ်း ထေႃးပၼႃႇ​ယူႇ​သေ​လႄႈ ၵူမ်ႈ​ၵွမ်း​ဝၢင်း​ႁူဝ်​လႄႈ ၵူဝ်း​ၵႂၢႆႇ​ဢေႃႈ။-</verse>
				<verse number="31">လိုၼ်း​ၼၼ်ႉ​ ႁေႇၸၵီႉ သမ်ႉ​မီး​ဢမိင်ႉ​ထႅင်ႈ​လႄႈ​ဝႃႈ သူ​ၼႆႉ​ဢွၼ်​ၵၼ်​ဢဝ်​တူဝ်​ၸဝ်ႈ​ၵဝ်ႇ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​မိူဝ်ႈ​လဵဝ်​ၼႆႉ​ယဝ်ႉ။ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​လႄႈ ဢဝ်​မဵဝ်း​ယိတ်ႈ​လႂ် ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​တီႈ​ဢၼ်​ႁပ်ႉ​တုင်း​ဢဝ်​ၵျေး​ၸူး​ၸဝ်ႈ​လႂ် မႃး​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​တႃႉ၊ ဝႃႈ​ၼင်ႇ​ၼႆ​လႄႈ ပရဵၵ်ႈသၢတ်ႈ​ၸိူဝ်း​ၼၼ်ႉ ဢွၼ်​ၵၼ်​ဢဝ်​မဵဝ်း​ယိတ်ႈ​လႂ် ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ တီႈ​ဢၼ်​ႁပ်ႉ​တုင်း​ဢဝ်​ၵျေး​ၸူး​ၸဝ်ႈ​လႂ်​မႃး​ဢေႃႈ။ ၶဝ်​ၵႃႈ​ဢၼ်​မီး​ၸႂ်​ၸေႇတၼႃႇ​ၸိူဝ်း​ၼၼ်ႉ ဢဝ်​ယိတ်ႈ​ဢၼ်​တုတ်ႇ​ၽႆး​မႃး​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="32">ယိတ်ႈ​ဢၼ်​တုတ်ႇ​ၽႆး ဢၼ်​ပရဵၵ်ႈသၢတ်ႈ​ၸိူဝ်း​ၼၼ်ႉ ဢဝ်​မႃး​ၼၼ်ႉ​ပွင်း​ၵၼ်​မီး​ဝူဝ်း​ၸဵတ်း​သိပ်း၊ သူဝ်း​ပေႃႈ​ပၢၵ်ႇ​ၼိုင်ႈ၊ သူဝ်း​ဢွၼ်ႇ​သွင်​ပၢၵ်ႇ​ဢေႃႈ။ ၸိူဝ်း​ၼၼ်ႉ​ပဵၼ်​ပုၼ်ႈ​ဢၼ်​တၵ်း​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="33">ဢုၵ်ႉ​ၸႃႇ​ဢၼ်​ပုၵ်ႈ​ၸေႃႇ​ၼၼ်ႉ​ၸမ်ႉ၊ မီး​ဝူဝ်း​ႁႃႈ​ပၢၵ်ႇ ဢိၵ်ႇ​တင်း​သူဝ်း​သၢမ်​ႁဵင်​ဢေႃႈ။-</verse>
				<verse number="34">ၵွပ်ႈ​ပိူဝ်ႈ​ဢၼ်​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ၵေႇ​လႄႈ ဢမ်ႇ​လွၵ်ႈ​ဢဝ်​ၼင်​တူဝ်​ယိတ်ႈ​ဢၼ်​တုတ်ႇ​ၽႆး​ၸိူဝ်း​ၼၼ်ႉ​လႆႈ​လႄႈ ပီႈ​ၼွင်ႉ​ၶဝ်​ၵူၼ်း​မဵဝ်း​ လေႇဝီႉ ​တင်း​လၢႆ ဢွၼ်​ၵၼ်​ၸွႆႈ​ထႅမ်​တေႃႇ​ထိုင်​ႁွတ်ႈ​ဢမူႉ​ၼၼ်ႉ ထၼ်ႈ​ပေႃး​ယဝ်ႉ​တူဝ်ႈ​ဢိၵ်ႇ​တင်း တေႃႇ​ထိုင်​ႁွတ်ႈ​ယိတ်ႈပရေႃးႁဵၵ်ႈ​တၢင်ႇ​ၵေႃႉ​တၢင်ႇ​ၵူၼ်း​ၸိူဝ်း​ၼၼ်ႉ ႁႂ်ႈ​တူဝ်​ၸဝ်ႈ​ၵဝ်ႇ​လႆႈ​မူတ်း​ၸၢင်ႇ​ယဝ်ႉ​ၼၼ်ႉ​ဢေႃႈ။ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ယဵင်ႈ​ၶႅၼ်း​ဢွၼ်​ၵၼ်​မီး​ၸႂ်​သၽေႃး ဢၼ်​သိုဝ်ႈ​လီ​ယူဝ်း​လီ ႁႂ်ႈ​တူဝ်​ၸဝ်ႈ​ၵဝ်ႇ​လႆႈ​မူတ်း​ၸၢင်ႇ လိူဝ်​တွၼ်း​ၼႃႇ​သေ​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="35">ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ၵွၼ်ႈ​ၶႆ​ၵွၼ်ႈ​မၼ်း ယိတ်ႈ​မိၵ်ႉသႃႇႁႃယႃႉ​ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ ဢၼ်​ၸၢပ်ႈ​သႅင်ႇ​ၵၼ်​တင်း ယိတ်ႈ​ဢၼ်​တုတ်ႇ​ၽႆး​ႁင်း​ၽႂ်​ႁင်း​မၼ်း​ၸိူဝ်း​ၼၼ်ႉ မီး​ဝႆႉ​ၼမ်​ၼႃႇ​ဢေႃႈ။ ၼင်ႇ​ၼၼ်​လႄႈ ၶဝ်​ဢွၼ်​ၵၼ်​ၸီႇ​ယၢင်ႇ တၢင်း​ဢၼ်​ႁဵတ်း​ဝၢတ်ႈ ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ​ဝႆႉ​ဢေႃႈ။-</verse>
				<verse number="36">ႁေႇၸၵီႉ ဢိၵ်ႇ​တင်း​ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ၸူမ်း​သိူဝ်း​ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ လႆႈ​ႁဵတ်း​ပွင်​မႄး​ပုၼ်ႈ​ၵူၼ်း​တင်း​လၢႆ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ဢမူႉ​ၼၼ်ႉ​ပဵၼ်​တၢင်း​ဢၼ် ၶဝ်​ၶုၵ်း​ၶီႈ​ၶုၵ်း​ၶၵ်း​ႁဵတ်း​ဢေႃႈ။</verse>
			</chapter>
			<chapter number="30">
				<verse number="1">လႆႈ​သမ်ႉ​ ႁေႇၸၵီႉ ပွႆႇ​ၸႂ်ႉ​တီႈ​မဵဝ်း​ ဢီႉသရေႇလႃႉ ဢိၵ်ႇ​တင်း​မဵဝ်း​ ယူႉတႃႉ ​တင်း​သဵင်ႈ​တင်း​လူင်​လႄႈ၊ တီႈ​မဵဝ်း​ ဢေႇၽရိမ်ႇ ဢိၵ်ႇ​တင်း​မဵဝ်း​ မၼႃႇ​သေႇ ၵေႃႈ​မၼ်း​တႅမ်ႈ​လိၵ်ႈ​ႁွင်ႉ​ႁႂ်ႈ​ၶဝ်​မႃး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ ၶၢမ်ႇ​ပွႆး​ပႃႉသၶႃႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="2">လွင်ႈ​မၼ်း​ၸမ်ႉ ၶုၼ်​ႁေႃ​ၶမ်း​တိူင်ႇ​ပၢင်ႇ​လႄႈ မူး​မၢတ်ႈ​ၽွင်း​မိူင်း​တင်း​လၢႆ၊ ဢိၵ်ႇ​တင်း​ပရဵၵ်ႈသၢတ်ႈ​ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၊ တင်း​သဵင်ႈ​တင်း​လူင်​ၸိူဝ်း​ၼၼ်ႉ ဢွၼ်​ၵၼ်​ၸီႇ​ယၢင်ႇ​ႁႂ်ႈ​လႆႈ​ၶၢမ်ႇ​ပွႆး​ပႃႉသၶႃႇ​ၼႂ်း​လိူၼ်​တူႉတီႉယႃႉ​ၼၼ်ႉ​ဝႆႉ​ယဝ်ႉ။-</verse>
				<verse number="3">ၼႂ်း​လိူၼ်​ဢၼ်​ပူၼ်ႉ​မႃး​ယဝ်ႉ​ၼၼ်ႉ ၵွပ်ႈ​ပိူဝ်ႈ​ဢၼ်​ယိတ်ႈပရေႃးႁဵၵ်ႈ​တင်း​လၢႆ ဢမ်ႇ​ပႆႇ​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ ႁႂ်ႈ​ပေႃး​ၵုမ်ႇ​ပေႃး​ႁဵတ်း​ဢမူႉ​ၸဝ်ႈ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ဢမ်ႇ​ပႆႇ​ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ ဢမ်ႇ​ပႆႇ​ၶၢမ်ႇ​ပွႆး​ၼၼ်ႉ​လႆႈ။-</verse>
				<verse number="4">ၵွပ်ႈ​ပိူဝ်ႈ​ဢၼ်​လွင်ႈ​တၢင်း​ၼၼ်ႉ ပဵၼ်​ဢၼ်​လီ​ထုၵ်ႇ​တႃ​ၶုၼ်​ႁေႃ​ၶမ်း ဢိၵ်ႇ​တင်း​ပရဵၵ်ႈသၢတ်ႈ​တင်း​သဵင်ႈ​တင်း​လူင်​လႄႈ ၶဝ်​ဢွၼ်​ၵၼ်​ၸီႇ​ယၢင်ႇ​ႁဵတ်း​ဢမိင်ႉ​ၵျေႃႇ​ၺႃႇ​ပၼ်​ငိၼ်း​ၵႂႃႇ​တီႈ​မိူင်း ဢီႉသရေႇလႃႉ တင်း​သဵင်ႈ​တင်း​မူတ်း​ဢဝ်​ၵႃႈ​တီႈ​ဝဵင်း​ ပေႇရသေႇၽႃႉ ၊ တေႃႇ​ထိုင်​ႁွတ်ႈ​ဝဵင်း​ တၢၼ်ႇ ​လႄႈ ႁႂ်ႈ​ဢွၼ်​ၵၼ်​လုၵ်ႉ​လႄႈ​ၶၢမ်ႇ​ပွႆး​ပႃႉသၶႃႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="5">လွင်ႈ​မၼ်း​ၸမ်ႉ ၶဝ်​ဢမ်ႇ​လႆႈ​ၶၢမ်ႇ​ပွႆး​ပႃႉသၶႃႇ ဢၼ်​ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​ၼၼ်ႉ​လႄႈ ယူႇ​ၶိင်ႇ​ၵႃႇလႃႉ​ႁိုင်​ၼႃႇ​လူင်​လၢင်​ယဝ်ႉ။-</verse>
				<verse number="6">လိၵ်ႈ​ဢၼ်​ၶုၼ်​ႁေႃ​ၶမ်း​ဢိၵ်ႇ​တင်း​မူး​မၢတ်ႈ​ၽွင်း​မိူင်း​ၸိူဝ်း​ၼၼ်ႉ​ပၼ်​ၼၼ်ႉ​ၸိုင် ၵူၼ်း​ဢွၼ်ႇ​ဢၼ်​ၶုၼ်ႇ​လႅၼ်ႈ​သူင်ႇ​လိၵ်ႈ​တင်း​လၢႆ ဢွၼ်​ၵၼ်​ပႃး​ဢဝ်​လႄႈ ၵႂႃႇ​ၵႃႈ​တီႈ​မိူင်း​ ဢီႉသရေႇလႃႉ ​တင်း​မိူင်း​ ယူႉတႃႉ တင်း​သဵင်ႈ​တင်း​မူတ်း​ၸွမ်း​ၵႃႈ​ၼင်ႇ​ဢၼ် ဢမိင်ႉ​ၶုၼ်​ႁေႃ​ၶမ်း​မီး​ၼၼ်ႉ​ဢေႃႈ။ ၵႂၢမ်း​ဢၼ်​ပႃး​ၵႃႈ​ၼႂ်း​လိၵ်ႈ​ၸိူဝ်း​ၼၼ်ႉ​လႄႈ​ဝႃႈ​ၸမ်ႉ၊ ၵူၼ်း​မဵဝ်း​ ဢီႉသရေႇလႃႉ ​ၶဝ်​ဢိူၺ်း၊ ဢွၼ်​ၵၼ်​ၶိုၼ်း​မႃး​ၸူး​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၼၼ်ႉ ႁႂ်ႈ​မၼ်း​ၸဝ်ႈ​ၶိုၼ်း​မႃး​ၸူး​ၵႃႈ​တီႈ​ၶဝ်​ၸိူဝ်း​ဢၼ်​လွတ်ႈ​သေ ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ဢႃႇသူႉရီႉ ​လႄႈ ယင်း​ၵိုတ်း​ယင်း​ၵျၢၼ်ႇ​ယူႇ​ၸိူဝ်း​ၼႆႉ​တႃႉ။-</verse>
				<verse number="7">ယႃႇ​ပေ​ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ပူႇ​သူ​ပေႃႈ​သူ​ဢိၵ်ႇ​တင်း​ပီႈ​သူ​ၼွင်ႉ​သူ ဢၼ်​ၽိတ်း​ပိူင်ႈ​ထႃႇဝရႃႉ​ၽြႃး​ၼၼ်ႉ ႁႂ်ႈ​မၼ်း​ၸဝ်ႈ​ထၼ်ႈ​ပေႃး​လႆႈ​ဢဝ်​ၶဝ်​ဢၢပ်ႈ​ပၼ် ၵႃႈ​တီႈ​တၢင်း​ဢၼ်​ယႃႉ​ၽဵဝ်ႈ​ပႅတ်ႈ​မူတ်း​မူတ်း​သဵင်ႈ​သဵင်ႈ ၵႃႈ​ၼင်ႇ​ဢၼ်​သူ​လႆႈ​ႁၼ်​ၼၼ်ႉ​သေ​ၵမ်း။-</verse>
				<verse number="8">ယႃႇ​ပေ​ဢွၼ်​ၵၼ်​မီး​လမ်း​ၶေႃး​ဢၼ်​ၵႅၼ်ႇ​ၶႅင်​မိူၼ်​ၸိူဝ်ႉ​ၼင်ႇ​ပူႇ​သူ​ပေႃႈ​သူ​ၸိူဝ်း​ၼၼ်ႉ။ ဢွၼ်​ၵၼ်​ဢဝ်​တူဝ်​ၸဝ်ႈ​ၵဝ်ႇ ဢၢပ်ႈ​ပၼ်​တီႈ​ထႃႇဝရႃႉ​ၽြႃး​တႃႉ။ ဢွၼ်​ၵၼ်​ၶဝ်ႈ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ ဢၼ်​မၼ်း​ၸဝ်ႈ​ႁႂ်ႈ​မူတ်း​ၸၢင်ႇ​ယူႇ​တႃႇ​သေႇ​ၼၼ်ႉ​လႄႈ ပႂ်ႉ​ဢမူႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ ဢၼ်​ႁႅင်း​ယႂ်ႇ​ၼႃႇ​ၼၼ်ႉ လႆႈ​ဝႄႈ​ပိူင်ႈ​သေ​ၵႃႈ​တီႈ​သူ​ၵႂႃႇ​သေ​တႃႉ။-</verse>
				<verse number="9">ပေႃး​သူ​ၶိုၼ်း​မႃး​ၸူး​တီႈ​ထႃႇဝရႃႉ​ၽြႃး​ၸိုင် ပီႈ​သူ​ၼွင်ႉ​သူ၊ လုၵ်ႈ​သူ​လၢင်း​သူ​ၸိူဝ်း​ၼၼ်ႉ တၵ်း​လႆႈ​ထူပ်း​ၸႂ်​ၵရူႉၼႃႇ ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ်​တီႉ​လႆႈ​သိမ်း​ဢဝ်​ၶဝ်​ၵႂႃႇ​ၸိူဝ်း​ၼၼ်ႉ​သေ​လႄႈ လႆႈ​ၶိုၼ်း​မႃး​ၵႃႈ​တီႈ​မိူင်း​ၼႆႉ​ဢေႃႈ။ လွင်ႈ​မၼ်း​ၸမ်ႉ ပေႃး​သူ​ၶိုၼ်း​မႃး​ၸိုင် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼၼ်ႉ မီး​သၽေႃး​ဢၼ်​ၶႂ်ႈ​ႁဵတ်း​ၵျေး​ၸူး သၽေႃး​ဢၼ်​ၸၢင်ႈ​ဢဵတ်း​လူ​လႄႈ​မၼ်း​ၸဝ်ႈ​ဢမ်ႇ​ဝၢႆႇ​ၼႃႈ​မၼ်း​ၸဝ်ႈ​ပႅတ်ႈ​သူ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၼင်ႇ​ၼၼ်​လႄႈ ၵူၼ်း​ဢွၼ်ႇ​ဢၼ်​ၶုၼ်ႇ​လႅၼ်ႈ​သူင်ႇ​လိၵ်ႈ​ၸိူဝ်း​ၼၼ်ႉ ဢွၼ်​ၵၼ်​ၵႂႃႇ​ၵႃႈ​တီႈ​ဝဵင်း​ၼိုင်ႈ​ယဝ်ႉ​ဝဵင်း​ၼိုင်ႈ​ၼႂ်း​လိၼ် ဢေႇၽရိမ်ႇ ၊ လိၼ်​ မၼႃႇ​သေႇ ​တင်း​သဵင်ႈ​တင်း​မူတ်း​တေႃႇ​ထိုင်​ႁွတ်ႈ​လိၼ် ၸေႇပူႉလုၼ်ႇ ​ဢေႃႈ။ ၵူၺ်း​ၵႃႈ​ၶဝ်​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ပျၢၵ်ႈ​ၶူဝ်​ၶဝ်​သေ​လႄႈ​သႄႉ​သွမ်း​ဢေႃႈ။-</verse>
				<verse number="11">ၼႂ်း​ဝႃႈ​ၼၼ်​သေ​ၵေႃႈ ၵူၼ်း​မဵဝ်း​ ဢႃႇသႃႇ ၊ ၵူၼ်း​မဵဝ်း​ မၼႃႇ​သေႇ ၊ ၵူၼ်း​မဵဝ်း​ ၸေႇပူႉလုၼ်ႇ ၵမ်ႈ​ၽွင်ႈ​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​လႄႈ ဢွၼ်​ၵၼ်​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="12">ၵႃႈ​ၼႂ်း​ၵူၼ်း​မဵဝ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ မိုဝ်း​ၽြႃး​ပဵၼ်​ၸဝ်ႈ​မီး​ယူႇ​လူၺ်ႈ​ၵၼ်​တင်း​ၶဝ် ႁႂ်ႈ​ၶဝ်​လႆႈ​ၸႂ်​ၸေႇတၼႃႇ ဢၼ်​ၶႂ်ႈ​ၽွမ်ႉ​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ်​ၶုၼ်​ႁေႃ​ၶမ်း ဢိၵ်ႇ​တင်း​မူး​မၢတ်ႈ​ၽွင်း​မိူင်း​တင်း​လၢႆ ဢဝ်​ဢမိင်ႉ​ထႃႇဝရႃႉ​ၽြႃး​ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။</verse>
				<verse number="13">ၵူၼ်း​ၼမ်​ၼႃႇ​လူင်​လၢင် ဢွၼ်​ၵၼ်​မႃး​ၸူႉ​ၵၼ်​တုမ်​ၵၼ် ၵႃႈ​တီႈ​ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ၶၢမ်ႇ​ပွႆး​ၶဝ်ႈ​မုၼ်း ဢၼ်​ဢမ်ႇ​ပႃး​ၸိူဝ်ႉ​ပႅင်ႈ ၼႂ်း​လိူၼ်​တူႉတီႉယႃႉ​ၼၼ်ႉ​လႄႈ ပဵၼ်​ပရဵၵ်ႈသၢတ်ႈ​ဢၼ်​ယႂ်ႇ​ၼႃႇ​လူင်​လၢင်​ဢေႃႈ။-</verse>
				<verse number="14">ၶဝ်​ၼၼ်ႉ​ဢွၼ်​ၵၼ်​လုၵ်ႉ​လႄႈ ပႄႇ​ၽဵဝ်ႈ​ယိတ်ႈပလၢင်ႇ ဢၼ်​မီး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ပႅတ်ႈ​လႄႈ​ပႄႇ​ၽဵဝ်ႈ ယိတ်ႈပလၢင်ႇ​တီႈ​ဢၼ်​ဢဝ်​ၼၢမ်ႇ​သႃႇ​တုတ်ႇ​ၽႆး ၵႃႈ​မီး​ၼၼ်ႉ​ပႅတ်ႈ​လႄႈ ဢဝ်​ထိမ်ႈ​တူၵ်း​ပႅတ်ႈ​ၵႃႈ​ၼႂ်း​ၼမ်ႉ​ႁွင်ႈ​ ၵီႉတြုၼ်ႇ ​ဢေႃႈ။-</verse>
				<verse number="15">ၼႂ်း​လိူၼ်​တူႉတီႉယႃႉ​သိပ်း​သီႇ​ဝၼ်း​ၼၼ်ႉ ၶဝ်​ၼၼ်ႉ​ဢွၼ်​ၵၼ်​ဢဝ်​သူဝ်း​ဢွၼ်ႇ​ပႃႉသၶႃႇ​တၢႆ​ဢေႃႈ။ ယိတ်ႈပရေႃးႁဵၵ်ႈ​လႂ်​ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​လႂ်​ၸိူဝ်း​ၼၼ်ႉ ငိၼ်း​ဢူၵ်း​ငိၼ်း​ဢၢႆ​လႄႈ ဢွၼ်​ၵၼ်​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​သေ​လႄႈ ဢဝ်​ယိတ်ႈ​ဢၼ်​တုတ်ႇ​ၽႆး​တင်း​လၢႆ သႂၢင်း​ၶဝ်ႈ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="16">ၶဝ်​ဢွၼ်​ၵၼ်​ၸုၵ်း​ယူႇ​ၵႃႈ​ၼႂ်း တီႈ​ယူႇ​ၽႂ်​တီႈ​ယူႇ​မၼ်း​ၸွမ်း​ၵႃႈ​ၼင်ႇ​ဢၼ်​ထုင်း​ၸၢမ်ႇ ဢၼ်​ၸီႇ​ယၢင်ႇ​ဝႆႉ​ၵႃႈ​ၼႂ်း​ပိင်း​ၺၢပ်ႈ​တြႃး မူဝ်းသေႇ ၵူၼ်း​ၽြႃး​ပဵၼ်​ၸဝ်ႈ​မီး​ၼၼ်ႉ​လႄႈ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ဢွၼ်​ၵၼ်​ဢဝ်​လိူတ်ႈ​ၵႃႈ​တီႈ​မိုဝ်း​ၵူၼ်း​မဵဝ်း​ လေႇဝီႉ ​တင်း​လၢႆ​သေ​လႄႈ ၽႅတ်း​သႂ်ႇ​ဢေႃႈ။-</verse>
				<verse number="17">ၵွပ်ႈ​ပိူဝ်ႈ​ဢၼ်​ၶဝ်​ၸိူဝ်း​ဢၼ်​ဢမ်ႇ​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​ၼၼ်ႉ ပႃး​ၵႃႈ​ၼႂ်း​ပရဵၵ်ႈသၢတ်ႈ​ၼမ်​ၼႃႇ​လႄႈ ၵူၼ်း​မဵဝ်း​ လေႇဝီႉ ​တင်း​လၢႆ လႆႈ​ဢွၼ်​ၵၼ်​ပႂ်ႉ​ဢမူႉ တၢင်း​ဢၼ်​ဢဝ်​သူဝ်း​ဢွၼ်ႇ​ပႃႉသၶႃႇ ၸိူဝ်း​ၼၼ်ႉ​တၢႆ​ပုၼ်ႈ​ၶဝ်​ၵႃႈ​ဢၼ်​ဢမ်ႇ​မူတ်း​ၸၢင်ႇ​ၼၼ်ႉ​ၼၼ်ႉ ႁႂ်ႈ​ၶဝ်​လႆႈ​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="18">ၶဝ်​ၸိူဝ်း​ဢၼ်​ၼမ်​ၼႃႇ​ဢၼ်​ဝႃႈ ၵူၼ်း​မဵဝ်း​ ဢေႇၽရိမ်ႇ ၵူၼ်း​မဵဝ်း​ မၼႃႇ​သေႇ ၊ ၵူၼ်း​မဵဝ်း​ ဢီႉသၶႃႇ ၊ ၵူၼ်း​မဵဝ်း​ ၸေႇပူႉလုၼ်ႇ ၵမ်ႈ​ၽွင်ႈ​ၸိူဝ်း​ၼၼ်ႉ ယင်း​ဢမ်ႇ​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​လႄႈ ဢွၼ်​ၵၼ်​ၵိၼ်​သူဝ်း​ပႃႉသၶႃႇ ဢမ်ႇ​မႅၼ်ႈ​ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ​ၵႃႈ​ၼႂ်း​ၵျၢမ်း​လိၵ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ႁေႇၸၵီႉ ​သူး​တွင်း​ပုၼ်ႈ​ၶဝ်​ၼၼ်ႉ​လႄႈ​ဝႃႈ၊-</verse>
				<verse number="19">ပိၵ်ႉ​သမ်ႉ​ၶဝ်​ဢမ်ႇ​မီး​တၢင်း​ဢၼ်​မူတ်း​ၸၢင်ႇ​ၸွမ်း​ၵႃႈ​ၼင်ႇ​ထုင်း​ၸၢမ်ႇ ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ​သေ​ၵေႃႈ၊ ထႃႇဝရႃႉ​ၽြႃး​ဢၼ်​မျၢတ်ႈ​လီ​ၼၼ်ႉ ၶႅၼ်း​တေႃႈ​ပွႆႇ​လွတ်ႈ​ဢပႅတ်ႈ​ၶဝ် ၵႃႈ​ဢၼ်​တူၵ်း​ၵၢင်​ၸႂ်​ႁႂ်ႈ​လႆႈ​ႁႃ​ဢဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ၶဝ်​မွၼ်ႇ​ၶဝ်​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="20">ထႃႇဝရႃႉ​ၽြႃး​ထွမ်ႇ​ဢဝ်​ၵႂၢမ်း ႁေႇၸၵီႉ ​ၼၼ်ႉ​လႄႈ ပၼ်​ၵတ်း​ယဵၼ်​ၶျၢမ်း​သႃႇ​တီႈ​ၵူၼ်း​တင်း​လၢႆ​ဢေႃႈ။-</verse>
				<verse number="21">ၵူၼ်း​မဵဝ်း​ ဢီႉသရေႇလႃႉ ဢၼ်​ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ဢွၼ်​ၵၼ်​မီး​ၸႂ်​ၸေႇတၼႃႇ​ၶၢမ်ႇ​ပွႆး ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၼၼ်ႉ​ၸဵတ်း​ဝၼ်း​တဵမ်​တဵမ်​လႄႈ ယိတ်ႈပရေႃးႁဵၵ်ႈ​လႂ် တင်း​ၵူၼ်း​မဵဝ်း​ လေႇဝီႉ ​လႂ်​ၸိူဝ်း​ၼၼ်ႉ ဢွၼ်​ၵၼ်​ပႃး​ဢဝ်​မဵဝ်း​တူႇရီႉယႃႇ ဢၼ်​သဵင်​ယႂ်ႇ​သဵင်​ႁႅင်း​ၼၼ်ႉ​သေ​လႄႈ ဝၼ်း​ၼိုင်ႈ​ယဝ်ႉ​ဝၼ်း​ၼိုင်ႈ ႁဵတ်း​ၵႂၢမ်း​ထေႃးပၼႃႇ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="22">ႁေႇၸၵီႉ ​လၢတ်ႈ​ၵႂၢမ်း​ဢၼ်​ပၼ်​ႁႅင်း တီႈ​ၵူၼ်း​မဵဝ်း​ လေႇဝီႉ ၵႃႈ​ဢၼ်​ၸၢင်ႈ​မေႃ​လူၺ်ႈ​လွင်ႈ​ဢၼ်​ၵိုတ်ႉ​ႁၢပ်ႇ​ဢမူႉ​ထႃႇဝရႃႉ​ၽြႃး​ၼၼ်ႉ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ​ၼႂ်း​ၸူဝ်ႈ​ဢၼ်​ယင်း​တိုၵ်ႉ​ၶၢမ်ႇ​ပွႆး ၸဵတ်း​ဝၼ်း​တဵမ်​တဵမ်​ယူႇ​ၼၼ်ႉ​ၸိုင်၊ ဢွၼ်​ၵၼ်​ၵိၼ်​ၶူပ်း​ယူႇ၊ ပုၵ်ႈ​ၸေႃႇ​ယိတ်ႈ​မိၵ်ႉသႃႇႁႃယႃႉ​ယူႇ၊ တွင်း​ပၢၼ်ႇ​တီႈ​ထႃႇဝရႃႉ​ၽြႃး​ၽြႃး​ပဵၼ်​ၸဝ်ႈ​ပူႇ​ၶဝ်​မွၼ်ႇ​ၶဝ်​ယူႇ​ဢေႃႈ။</verse>
				<verse number="23">ပရဵၵ်ႈသၢတ်ႈ တင်း​သဵင်ႈ​တင်း​လူင် တိူင်ႇ​ပၢင်ႇ​ၵၼ်​ႁႂ်ႈ​လႆႈ​ထၢပ်ႈ​ထႅင်ႈ​ၸဵတ်း​ဝၼ်း​သေ​လႄႈ ၶၢမ်ႇ​ပွႆး​လႄႈ ဢွၼ်​ၵၼ်​မီး​တင်း​ၸႂ် ဢၼ်​သႂၢင်ႇ​သိူဝ်း​သေ​လႄႈ​ၶၢမ်ႇ​ပွႆး​ထႅင်ႈ​ၸဵတ်း​ဝၼ်း​ဢေႃႈ။-</verse>
				<verse number="24">ႁေႇၸၵီႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ဢဝ်​ဝူဝ်း​ႁဵင်​ၼိုင်ႈ၊ သူဝ်း​ၸဵတ်း​ႁဵင်​ပၼ်​တီႈ​ပရဵၵ်ႈသၢတ်ႈ​တင်း​လၢႆ ႁႂ်ႈ​လႆႈ​ႁဵတ်း​တၢင်း​ဢၼ်​ပုၵ်ႈ​ၸေႃႇ​လႄႈ မူး​မၢတ်ႈ​ၽွင်း​မိူင်း​တင်း​လၢႆ​ၵေႃႈ ဢွၼ်​ၵၼ်​ဢဝ်​ဝူဝ်း​ႁဵင်​ၼိုင်ႈ တင်း​သူဝ်း​မိုၼ်ႇ​ၼိုင်ႈ ပၼ်​တီႈ​ပရဵၵ်ႈသၢတ်ႈ​တင်း​လၢႆ​ဢေႃႈ။ ယိတ်ႈပရေႃးႁဵၵ်ႈ​ၼမ်​ၼႃႇ​လူင်​လၢင် ဢွၼ်​ၵၼ်​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​ဢေႃႈ။-</verse>
				<verse number="25">ပရဵၵ်ႈသၢတ်ႈ​ ယူႉတႃႉ ​တင်း​သဵင်ႈ​တင်း​လူင် တင်း​ယိတ်ႈပရေႃးႁဵၵ်ႈ​လႂ်၊ တင်း​ၵူၼ်း​မဵဝ်း​ လေႇဝီႉ ​လႂ် ဢိၵ်ႇ​တင်း​ပရဵၵ်ႈသၢတ်ႈ​ဢၼ် လုၵ်ႉ​သေ​ၵႃႈ​ၼႂ်း​မိူင်း​ ဢီႉသရေႇလႃႉ ​မႃး တင်း​သဵင်ႈ​တင်း​လူင် တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ် လုၵ်ႉ​သေ​ၵႃႈ​ၼႂ်း​မိူင်း ဢီႉသရေႇလႃႉ ​မႃး​လႄႈ ယူႇ​ၵႃႈ​ၼႂ်း​မိူင်း​ ယူႉတႃႉ ​ၸိူဝ်း​ၼၼ်ႉ ဢွၼ်​ၵၼ်​မီး​တၢင်း​ဢၼ်​ၸူမ်း​ဢၼ်​သိူဝ်း​ဢေႃႈ။-</verse>
				<verse number="26">ၼင်ႇ​ၼၼ်​လႄႈ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ မီး​တၢင်း​ဢၼ်​ၸူမ်း​သိူဝ်း​ဢၼ်​ယႂ်ႇ​ၼႃႇ​လူင်​လၢင်​ဢေႃႈ။ ဢဝ်​ၵႃႈ​တီႈ​ၸႃႉ​ၸဵမ်​ၸူဝ်ႈ​ပၢၼ်​ သေႃးလမုၼ်ႇ လုၵ်ႈ​ၸၢႆး​ တႃႇဝိတ်ႈ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ​မႃး​ၼၼ်ႉ၊ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ ဢမ်ႇ​မီး​တၢင်း​ဢၼ်​ၸူမ်း​သိူဝ်း​ဢၼ်​ယႂ်ႇ​ၼႃႇ​လူင်​လၢင်​ထၢၼ်ႇ​ၼၼ်ႉ။-</verse>
				<verse number="27">မိူဝ်ႈ​ၼၼ်ႉ​ယိတ်ႈပရေႃးႁဵၵ်ႈ​လႂ် တင်း​ၵူၼ်း​မဵဝ်း​ လေႇဝီႉ ​လႂ်​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​လႄႈ​ပၼ်​တၢင်း​လီ​တီႈ​ၵူၼ်း​တင်း​လၢႆ​ဢေႃႈ။ သဵင်​ၵႂၢမ်း​ၶဝ်​ၼၼ်ႉ​ၸိုင် မၼ်း​ၸဝ်ႈ​ငိၼ်း​လႄႈ​သဵင်​ၵႂၢမ်း​ပထၼႃႇ​ၶဝ်​ၼၼ်ႉ ၶိုၼ်ႈ​ၵႂႃႇ​ႁွတ်ႈ​ထိုင်​ၵႃႈ​တီႈ​ဢၼ်​မၼ်း​ၸဝ်ႈ​ၵိင်း​ဝၢပ်ႈ​ယူႇ ဢၼ်​မူတ်း​ၸၢင်ႇ​ဢၼ်​ဝႃႈ​ၽုင်ႇ​ၵၢင်​ႁၢဝ်​ၼၼ်ႉ​ဢေႃႈ။</verse>
			</chapter>
			<chapter number="31">
				<verse number="1">မိူဝ်ႈ​ဢၼ်​လွင်ႈ​တၢင်း​ၵႃႈ​မီး​ၼၼ်ႉ​ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင် ၵူၼ်း​ ဢီႉသရေႇလႃႉ ဢၼ်​မႃး​ၸူႉ​ၵၼ်​တုမ်​ၵၼ်​ၵႃႈ​မီး​ၼၼ်ႉ ဢွၼ်​ၵၼ်​ဢွၵ်ႇ​ၸူး ၵႃႈ​တီႈ​ဝဵင်း​ ယူႉတႃႉ ​တင်း​လၢႆ​လႄႈ ႁၵ်း​ႁဵၵ်း​သဝ်​တီႈ​ၵူဝ်း​ၵႂၢႆႇ​လႂ်၊ ပမ်ႈ​လူမ်ႉ​တူၼ်ႈ​ ဢႃႇသရႃႉ ​လႂ်၊ ၵိူၼ်ႇ​ယႃႉ​ထႃႇၼႃႉ​တီႈ​သုင်​လႂ် တင်း​ယိတ်ႈပလၢင်ႇ​လႂ်​ပႅတ်ႈ​သေ ၵႃႈ​ၼႂ်း​မိူင်း​ ယူႉတႃႉ ၊ မိူင်း​ ပိၼ်ႇယႃႇမိၼ်ႇ ၊ မိူင်း​ ဢေႇၽရိမ်ႇ ၊ မိူင်း​ မၼႃႇ​သေႇ ၵူႈ​တီႈ​ၵူႈ​လႅၼ် တေႃႇ​ထိုင်​ႁွတ်ႈ​ထၼ်ႈ​ပေႃး ၶဝ်​ယႃႉ​ပႅတ်ႈ​ၵႃႈ​မီး​ၼၼ်ႉ​မူတ်း​မူတ်း​သဵင်ႈ​သဵင်ႈ​ဢေႃႈ။ လိုၼ်း​ၼၼ်ႉ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ဢွၼ်​ၵၼ်​ၶိုၼ်း​မိူဝ်း​ၵႂႃႇ​ၵႃႈ​တီႈ ဝၢၼ်ႈ​ဝဵင်း​တီႈ​ယူႇ​ဢၼ်​ၶဝ်​ပိူင်ႇ​ႁင်း​ၽႂ်​ႁင်း​မၼ်း​ၼၼ်ႉ​သေ​ဢေႃႈ။</verse>
				<verse number="2">ႁေႇၸၵီႉ ​ၶၢၼ်း​ဝႆႉ မုၵ်ႉ​ၸိူဝ်း​ယိတ်ႈပရေႃးႁဵၵ်ႈ​လႂ်၊ တင်း​ၵူၼ်း​မဵဝ်း​ လေႇဝီႉ ​လႂ် ၸွမ်း​ၵႃႈ​ၼင်ႇ​ဢၼ် ၵူႈ​ၵေႃႉ​ၵူႈ​ၵူၼ်း​တူၵ်း​လႄႉ​တူၵ်း​ၵမ်း​တီႈ​ဢမူႉ​ၶဝ် ႁင်း​ၽႂ်​ႁင်း​မၼ်း​ဢၼ်​ဝႃႈ ယိတ်ႈပရေႃးႁဵၵ်ႈ​လႂ်၊ တင်း​ၵူၼ်း​မဵဝ်း​ လေႇဝီႉ ​လႂ် ၸိူဝ်း​ၼၼ်ႉ ပဵၼ်​မုၵ်ႉ​ပဵၼ်​ၸိူဝ်း ႁႂ်ႈ​ၶဝ်​လႆႈ​ႁဵတ်း​ဢမူႉ​တၢင်း​ဢၼ်​ပုၵ်ႈ​ၸေႃႇ​ယိတ်ႈ ဢၼ်​တုတ်ႇ​ၽႆး​လႂ်၊​တင်း​ယိတ်ႈ​မိၵ်ႉသႃႇႁႃယႃႉ​လႂ်၊ တၢင်း​ဢၼ်​ၵိုတ်ႉ​ႁၢပ်ႇ​ဢမူႉ​ၸဝ်ႈ၊ တၢင်း​ဢၼ်​ႁပ်ႉ​တုင်း​ဢဝ်​ၵျေး​ၸူး​ၸဝ်ႈ၊ တၢင်း​ဢၼ်​ႁဵတ်း​ၵႂၢမ်း​ထေႃးပၼႃႇ ၵႃႈ​တီႈ​ၼႂ်း​ၽၵ်း​တူ​တပ်ႉ​ထႃႇဝရႃႉ​ၽြႃး​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="3">မၼ်း​ၸီႇ​ယၢင်ႇ​ဝႆႉ​လွင်ႈ​ဢၼ်​တၵ်း​လႆႈ​ဢဝ်​ၵႃႈ​ၼႂ်း​ၽၼ်ႇတႃႇ​ၶုၼ်​ႁေႃ​ၶမ်း​ၼၼ်ႉ​ပုၼ်ႈ​ၼိုင်ႈ ဝႆႉ​ပုၼ်ႈ​ဢၼ်​တၵ်း​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​ဢၼ်​ဝႃႈ ယိတ်ႈ​ဢၼ်​တုတ်ႇ​ၽႆး ၶိင်ႇ​ႁူဝ်​ၼႂ်၊ ၶိင်ႇ​ႁူဝ်​ၶမ်ႈ ဢိၵ်ႇ​တင်း​ယိတ်ႈ​ဢၼ်​တုတ်ႇ​ၽႆး​ဝၼ်း​ၵမ်​သိၼ်၊ ဝၼ်း​လိူၼ်​မႂ်ႇ၊ ဝၼ်း​ပွႆး​ထမ်ႇမႃႉ​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ် တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="4">လိူဝ်​သေ​ၼၼ်ႉ ယိတ်ႈပရေႃးႁဵၵ်ႈ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ၊ မၼ်း​မီး​ဢမိင်ႉ​လွင်ႈ​ဢၼ် ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ တၵ်း​လႆႈ​ဢဝ်​ဢၼ်​ပဵၼ်​ပုၼ်ႈ​ပုၼ်ႈ​ၼိုင်ႈ လူႇ​တၢၼ်း​ႁႂ်ႈ​ၶဝ်​လႆႈ​ၵျူဝ်း​ၸႃး​လႄႈ ၵိုတ်ႉ​ႁၢပ်ႇ​ဢမူႉ​ၸွမ်း​တြႃး​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="5">မိူဝ်ႈ​ဢၼ်​ဢမိင်ႉ​ၸဝ်ႈ​ၼၼ်ႉ ဢွၵ်ႇ​ၵႂႃႇ​ၸွတ်ႇ​တူဝ်ႈ​ယဝ်ႉ​ၼၼ်ႉ​ၸိုင် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ဢဝ်​မၢၵ်ႇ​လိၼ်​ႁူင်း​လိၼ်​ဢၼ်​မၢၵ်ႇ​ဢွၼ်​တၢင်း တီႈ​ၶဝ်ႈ​ပိူၵ်ႇ၊ ၼမ်ႉ​ၸပိတ်ႈ၊ ၼမ်ႉ​မၼ်း၊ ၼမ်ႉ​ၽိုင်ႈ​ၸိူဝ်း​ၼၼ်ႉ ဢိၵ်ႇ​တင်း​ၵႃႈ​ၼႂ်း​တၢင်း​ဢၼ်​ယႂ်ႇ​ၽႄႈ​တူဝ်း​တွၼ်း​မႃး တီႈ​ႁႆႊ​တီႈ​ၼႃး​မႃး​ၼမ်​ၼႃႇ​လႄႈ ဢဝ်​ဢုၵ်ႉ​ၸႃႇ​တၢင်ႇ​ၸိူဝ်ႉ​တၢင်ႇ​ပိူင် ၵႃႈ​မီး​သိပ်း​ပုၼ်ႈ​ပုၼ်ႈ​ၼိုင်ႈ​မႃး​ၼမ်​ၼႃႇ​ဢေႃႈ။-</verse>
				<verse number="6">ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ဢၼ်​ယူႇ​ၵႃႈ​ၼႂ်း​ဝဵင်း​ ယူႉတႃႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ဢဝ်​သူဝ်း​ဝူဝ်း​သိပ်း​ပုၼ်ႈ​ပုၼ်ႈ​ၼိုင်ႈ ဢိၵ်ႇ​တင်း​ဢုၵ်ႉ​ၸႃႇ​ဢၼ်​ပုၵ်ႈ​ၸေႃႇ​လႄႈ​မူတ်း​ၸၢင်ႇ​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​ၼၼ်ႉ သိပ်း​ပုၼ်ႈ​ပုၼ်ႈ​ၼိုင်ႈ​ၸိူဝ်း​ၼၼ်ႉ​မႃး​လႄႈ ၵွင်​ဝႆႉ​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="7">ၶဝ်​ဢွၼ်​ၵၼ်​ၸႃႉ​ဢဝ်​ၵွင်​ဝႆႉ ၼႂ်း​လိူၼ်​တႃႉတီႉယႃႉ​လႄႈ ယဝ်ႉ​တူဝ်ႈ​ၼႂ်း​လိူၼ်​သတ်ႉတမႃႉ​ဢေႃႈ။-</verse>
				<verse number="8">မိူဝ်ႈ​ဢၼ်​ ႁေႇၸၵီႉ ဢိၵ်ႇ​တင်း​မူး​မၢတ်ႈ​ၽွင်း​မိူင်း​တင်း​လၢႆ မႃး​လႄႈ​ႁၼ်​ၵွင်​ၸိူဝ်း​ၼၼ်ႉ​ၸိုင် ၶဝ်​ဢွၼ်​ၵၼ်​ပၼ်​တၢင်း​လီ​တီႈ​ထႃႇဝရႃႉ​ၽြႃး ဢိၵ်ႇ​တင်း​ၵူၼ်း​မၼ်း​ၸဝ်ႈ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="9">ႁေႇၸၵီႉ ​ထၢမ်​လွင်ႈ​ၵွင်​ၸိူဝ်း​ၼၼ်ႉ​တီႈ​ယိတ်ႈပရေႃးႁဵၵ်ႈ​တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​သေ​ယဝ်ႉ၊-</verse>
				<verse number="10">ၶုၼ်​ယိတ်ႈပရေႃးႁဵၵ်ႈ​ ဢႃႇၸရီႉ မဵဝ်း​ ၸႃႇတုၵ်ႉ ​ၼၼ်ႉ လဝ်ႊ​လၢတ်ႈ​လႄႈ​ဝႃႈ၊ ၸႃႉ​ၸဵမ်​ၵူၼ်း​တင်း​လၢႆ​ၸႃႉ​ဢဝ်​ၶိူင်ႈ​ပုၵ်ႈ​ၸေႃႇ​မႃး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ လူၼ်ႉ​လိူဝ်​သေ​တၢင်း​ဢၼ်​ၶႃႈ​ၸဝ်ႈ​ႁဝ်း​ၶဝ်​ၵုမ်ႇ​ၵိၼ်​ပေႃး​ၵိၼ်​ၼၼ်ႉ​ၵူၺ်း​ဢမ်ႇ​ၵႃး ယင်း​ၵိုတ်း​ၵျၢၼ်ႇ​ဝႆႉ​ၼမ်​ၼႃႇ​တီႈ​ၶႃႈ​ဢေႃႈ။ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ပၼ်​တၢင်း​လီ​တီႈ​ၵူၼ်း​မၼ်း​ၸဝ်ႈ​တင်း​လၢႆ​လႄႈ ဢုၵ်ႉ​ၸႃႇ​ဢၼ်​ၵွင်​ဝႆႉ​ၸိူဝ်း​ၼႆႉ​ၵိုတ်း​ၵျၢၼ်ႇ​လႄႈ မီး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မိူဝ်ႈ​ၼၼ်ႉ​ ႁေႇၸၵီႉ မီး​ဢမိင်ႉ​ႁႂ်ႈ​ပွင်​ႁဵတ်း​ပွင်​မႄး​လုၵ်း​ၽၼ်ႇတႃႇ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​လႄႈ ၶဝ်​ဢွၼ်​ၵၼ်​ပွင်​ႁဵတ်း​ပွင်​မႄး​လႄႈ၊-</verse>
				<verse number="12">ဢဝ်​ဢုၵ်ႉ​ၸႃႇ​ဢၼ်​လူႇ​တၢၼ်း၊ ဢုၵ်ႉ​ၸႃႇ​ဢၼ်​သိပ်း​ပုၼ်ႈ​ပုၼ်ႈ​ၼိုင်ႈ၊ ဢုၵ်ႉ​ၸႃႇ​ဢၼ်​ပုၵ်ႈ​ၸေႃႇ​ၸိူဝ်း​ၼၼ်ႉ​သႂၢင်း​သႂ်ႇ​ဝႆႉ မႅၼ်ႈ​ၸွမ်း​ၼင်ႇ​တြႃး​ဢေႃႈ။ ၵေႃးၼၼီႉ ၵူၼ်း​မဵဝ်း​ လေႇဝီႉ ​ၼၼ်ႉ ပဵၼ်​ၵေႃႉ​ဢၼ်​ဢုပ်ႉ​မၼ်း၊ သီႉမီႉ ၼွင်ႉ​ၸၢႆး​မၼ်း​ၼၼ်ႉ​ပဵၼ်​ၸရေး​မၼ်း​ဢေႃႈ။-</verse>
				<verse number="13">ယေႇႁေႇလႃႉ၊ ဢႃႇၸၸီႉ၊ ၼႃႇႁတ်ႉ၊ ဢႃႇသႃႇႁေးလႃႉ၊ ယေႇရီႉမုတ်ႉ၊ ယေႃးၸပတ်ႉ၊ ဢေးလေႇလႃႉ၊ ဢီႉသမၶီႉ၊ မႃႇႁတ်ႉ၊ ပေႇၼႃႇယႃႉ ​ၸိူဝ်း​ၼၼ်ႉ ပဵၼ်​ၵေႃႉ​ဢၼ်​ၸွႆႈ​ၵမ်ႉ​ၸွႆႈ​ထွၵ်ႈ​တႂ်ႈ​မိုဝ်း​ ၵေႃးၼၼီႉ တင်း​ၼွင်ႉ​ၸၢႆး​မၼ်း​ သီႉမီႉ ​ၼၼ်ႉ ၸွမ်း​ၵႃႈ​ၼင်ႇ​ဢၼ်​ၶုၼ်​လူင် ႁေႇၸၵီႉ တင်း​ ဢႃႇၸရီႉ ၵေႃႉ​ဢၼ်​ဢုပ်ႉ​ႁိူၼ်း​ၽြႃး​ပဵၼ်​ၸဝ်ႈ​ၼၼ်ႉ​ၶၢၼ်း​ဝႆႉ​ၼၼ်ႉ​ဢေႃႈ။-</verse>
				<verse number="14">ၵေႃးရႃႉ လုၵ်ႈ​ၸၢႆး​ ဢီႉမၼႃႉ ၵူၼ်း​မဵဝ်း​ လေႇဝီႉ ၵႄႇ​ၽၵ်း​တူ​ၼႃႈ​တၢင်း​ဝၼ်း​ဢွၵ်ႇ​ၼၼ်ႉ ပဵၼ်​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ၶိူင်ႈ​ပုၵ်ႈ​ၸေႃႇ ဢၼ်​ပႃး​တင်း​ၸႂ်​ၸေႇတၼႃႇ​သေ​လႄႈ​ပုၵ်ႈ​ၸေႃႇ​တီႈ​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​လႄႈ ပႂ်ႉ​ဢမူႉ​ဢၼ်​လႆႈ​မႅင်ႇ​ၽႄ​ဢုၵ်ႉ​ၸႃႇ​ဢၼ်​လူႇ​တၢၼ်း ပုၵ်ႈ​ၸေႃႇ​ထႃႇဝရႃႉ​ၽြႃး၊ ဢုၵ်ႉ​ၸႃႇ​ဢၼ်​မူတ်း​ၸၢင်ႇ​ၼႃႇ​လူင်​လၢင် ၸိူဝ်း​ၼၼ်ႉ​ဢေႃႈ။-</verse>
				<verse number="15">ဢေႇတိၼ်ႇ၊ မိၼ်ႇယႃႇမိၼ်ႇ၊ ယေႃးသူႉ၊ သေႇမႃႇယႃႉ၊ ဢႃႇမရီႉ၊ သေႇၶၼီႉ ​ၸိူဝ်း​ၼၼ်ႉ၊ ပဵၼ်​ၵေႃႉ​ဢၼ်​ၸွႆႈ​ၵမ်ႉ​ၸွႆႈ​ထွၵ်ႈ​တႂ်ႈ​မိုဝ်း​မၼ်း​ၼၼ်ႉ ၵႃႈ​ၼႂ်း​ဝဵင်း​တီႈ​ယူႇ​ယိတ်ႈပရေႃးႁဵၵ်ႈ​တင်း​လၢႆ ၸွမ်း​ၵႃႈ​ၼင်ႇ​ဢၼ်​ၶဝ်​လႆႈ​ၶၢမ်ႇ​ဢရႃႇ​ၼၼ်ႉ​ႁႂ်ႈ​လႆႈ မႅင်ႇ​ပၼ်​ၽႄ​ပၼ်​တီႈ​ပီႈ​ၶဝ်​ၼွင်ႉ​ၶဝ် ၸွမ်း​လူၺ်ႈ​မုၵ်ႉ​ၽႂ်​ၸိူဝ်း​မၼ်း​ၸဵမ်​လဵၵ်ႉ​ၸဵမ်​ယႂ်ႇ​တင်း​လၢႆ​ၼၼ်ႉ​ဢေႃႈ။-</verse>
				<verse number="16">လိူဝ်​သေ​ၼၼ်ႉ ၶဝ်​ၼၼ်ႉ​မႅင်ႇ​ပၼ်​ၽႄ​ပၼ် တီႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸွမ်း​လူၺ်ႈ​ၸရၢင်း​ၵူၼ်း​ၸၢႆး​သေ​လႄႈ ဢသၢၵ်ႈ​လႆႈ​သၢမ်​ပီႊ​လႄႈ ဢသၢၵ်ႈ​လိူဝ်​သၢမ်​ပီႊ​ၵႂႃႇ ဢၼ်​ဝႃႈ​ၶဝ်​ၵႃႈ​ဢၼ်​ၶဝ်ႈ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ႁႂ်ႈ​လႆႈ​ၶၢမ်ႇ​ပုၼ်ႈ​ၶဝ်​တႃႇ​ၶဝ်​ၵူႈ​ဝၼ်း​ၵူႈ​ဝၼ်း ပုၼ်ႈ​တၢင်း​ဢၼ်​ၶဝ်​ၵိုတ်ႉ​ႁၢပ်ႇ​ဢမူႉ​ၸဝ်ႈ​ဢၼ်​ၶဝ်​ႁဵတ်း​ၸွမ်း​ၵႃႈ​ၼင်ႇ​ဢၼ်​ပဵၼ်​မုၵ်ႉ​ပဵၼ်​ၸိူဝ်း​ၼၼ်ႉ၊-</verse>
				<verse number="17">ဢိၵ်ႇ​တင်း​တီႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၸွမ်း​လူၺ်ႈ​ၸရၢင်း​ယိတ်ႈပရေႃးႁဵၵ်ႈ ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ်​ၼၼ်ႉ​ၸိူဝ်း​ၼၼ်ႉ တင်း​ၵူၼ်း​မဵဝ်း​ လေႇဝီႉ ​ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ ဢသၢၵ်ႈ​လိူဝ်​သၢဝ်း​ၵႂႃႇ​လႄႈ ၵိုတ်ႉ​ႁၢပ်ႇ​ဢမူႉ​ၸဝ်ႈ ၸွမ်း​ၵႃႈ​ၼင်ႇ​ဢၼ်​ပဵၼ်​မုၵ်ႉ​ပဵၼ်​ၸိူဝ်း​ၼၼ်ႉ​ၸိူဝ်း​ၼၼ်ႉ၊-</verse>
				<verse number="18">ဢိၵ်ႇ​တင်း​တီႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸွမ်း​လူၺ်ႈ​ၸရၢင်း​လုၵ်ႈ​ဢွၼ်ႇ​လၢင်း​ဢွၼ်ႇ​ၶဝ်၊ မေး​ၶဝ်၊ လုၵ်ႈ​ၸၢႆး​ၶဝ်၊ လုၵ်ႈ​ယိင်း​ၶဝ် ဢၼ်​မီး​ယူႇ​ၵႃႈ​ၼႂ်း​ပရဵၵ်ႈသၢတ်ႈ ၵူၼ်း​တင်း​သဵင်ႈ​တင်း​လူင် ၵွပ်ႈ​ပိူဝ်ႈ​ဢၼ်​ၶဝ်​ပႂ်ႉ​သဵတ်ႈ​ၸႃႇ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ ၸွမ်း​ၵႃႈ​ၼင်ႇ​ဢၼ်​ၶဝ်​လႆႈ​ၶၢမ်ႇ​ဢရႃႇ​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="19">မိူၼ်​ၼင်ႇ​ၼၼ်​ပုၼ်ႈ​ၵူၼ်း​မဵဝ်း​ ဢႃႇရုၼ်ႇ ယိတ်ႈပရေႃးႁဵၵ်ႈ​ဢၼ်​ယူႇ ၵႃႈ​ၼႂ်း​လိၼ်​တီႈ​ဢၼ်​လဵပ်ႈ​ႁွပ်ႈ​ဝဵင်း​ၶဝ် ႁင်း​ၽႂ်​ႁင်း​မၼ်း​ၸိူဝ်း​ၼၼ်ႉ​ၵေႃႈ မီး​ၶဝ်​ၸိူဝ်း​ဢၼ်​ဢဝ်​ၸိုဝ်ႈ​ဢဝ်​သဵင်​သေ​လႄႈ မၢတ်ႈ​မၢႆ​ဝႆႉ​ၸိူဝ်း​ၼၼ်ႉ ယူႇ​ႁႂ်ႈ​လႆႈ​မႅင်ႇ​ပၼ်​ၽႄ​ပၼ်​တီႈ​ၵူၼ်း​ၸၢႆး ၵႃႈ​ဢၼ်​ပႃး​ၵႃႈ​ၼႂ်း​ယိတ်ႈပရေႃးႁဵၵ်ႈ​တင်း​လၢႆ ဢိၵ်ႇ​တင်း​ၵႃႈ​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၸွမ်း​လူၺ်ႈ​ၸရၢင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢေႃႈ။</verse>
				<verse number="20">ၼင်ႇ​ၼၼ်​လႄႈ ႁေႇၸၵီႉ ​ၸီႇ​ယၢင်ႇ ႁဵတ်း​ၵႃႈ​ၼႂ်း​မိူင်း​ ယူႉတႃႉ ​တင်း​သဵင်ႈ​တင်း​မူတ်း​လႄႈ ႁဵတ်း​လွင်ႈ​တၢင်း​ဢၼ်​လီ၊ လွင်ႈ​တၢင်း​ဢၼ်​သိုဝ်ႈ​တေႃႇ၊ လွင်ႈ​တၢင်း​သမ်ႇမႃႇ​တြႃး ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​ဢေႃႈ။-</verse>
				<verse number="21">ၵႃႈ​ၼႂ်း​လွင်ႈ​တၢင်း ၵႃႈ​ဢၼ်​မၼ်း​ၸႃႉ​ပွင်​ၸႃႉ​ႁဵတ်း​ဢမူႉ ပုၼ်ႈ​ႁိူၼ်း​ၽြႃး​ပဵၼ်​ၸဝ်ႈ၊ တြႃး​ၸဝ်ႈ၊ ပိင်း​ၺၢပ်ႈ​ၸဝ်ႈ​ၸိူဝ်း​ၼၼ်ႉ ႁႂ်ႈ​လႆႈ​ႁႃ​ဢဝ်​ၽြႃး​ပဵၼ်​ၸဝ်ႈ​မၼ်း​ၼၼ်ႉ မၼ်း​ပႃး​ဢဝ်​တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ပွင်​ႁဵတ်း​လႄႈ တၢင်း​ၵျၢမ်ႇ​တၢင်း​ပွင်​မၼ်း​ပဵၼ်​ဢေႃႈ။</verse>
			</chapter>
			<chapter number="32">
				<verse number="1">လိုၼ်း​သေ​ဢၼ်​ႁဵတ်း​ၸိူဝ်း​ၼၼ်ႉ​ယဝ်ႉ​သေ​လႄႈ ပႂ်ႉ​ၸွမ်း​သဵတ်ႈ​ၸႃႇ​ၸဝ်ႈ​ယဝ်ႉ​ၼၼ်ႉ၊ သၼႃႇၶရိပ်ႉ ၶုၼ်​ႁေႃ​ၶမ်း​ ဢႃႇသူႉရီႉ ၶီႇ​သိုၵ်း​ၶဝ်ႈ​မႃး​ၵႃႈ​ၼႂ်း​မိူင်း​ ယူႉတႃႉ ​လႄႈ လွမ်ႉ​ဝဵင်း​ဢၼ်​မၼ်ႈ​ၶိူင်ႇ​တင်း​လၢႆ​ဝႆႉ​သေ​လႄႈ ဢဝ်​ႁႅင်း​ဢွၵ်ႇ​ႁႂ်ႈ​လႆႈ​တိုၵ်း​ဢဝ်​ဢေႃႈ။-</verse>
				<verse number="2">ႁေႇၸၵီႉ ႁူႉ​ႁၼ်​လွင်ႈ​ဢၼ်​ သၼႃႇၶရိပ်ႉ ​ၼၼ်ႉ​မႃး​လႄႈ မီး​တၢင်း​ၵျၢမ်ႇ​တၢင်း​ပွင်​တၵ်း​တိုၵ်း​တေႃး ဝဵင်း​ ယေႇရူႉသလႅမ်ႇ ​ၼၼ်ႉ​သေ​ယဝ်ႉ၊-</verse>
				<verse number="3">တိူင်ႇ​ပၢင်ႇ​ၵၼ်​တင်း​မူး​မၢတ်ႈ​ၽွင်း​မိူင်း​မၼ်း၊ ပူဝ်ႇ​ႁူဝ်​သိုၵ်း​မၼ်း​တင်း​လၢႆ ႁႂ်ႈ​လႆႈ​တဵင်​လႆႈ​ဢိုတ်း​ၼမ်ႉ​ဢွၵ်ႇ​ႁူး ဢၼ်​မီး​ၵႃႈ​တီႈ​ၼွၵ်ႈ​ဝဵင်း​ၼၼ်ႉ​လႄႈ ၶဝ်​ၼၼ်ႉ​ၽွမ်ႉ​ၵၼ်​ၸွႆႈ​ထႅမ်​မၼ်း​ဢေႃႈ။-</verse>
				<verse number="4">ၼင်ႇ​ၼၼ်​လႄႈ ၵူၼ်း​ၼမ်​ၼႃႇ​ၸူႉ​ၵၼ်​တုမ်​ၵၼ်​သေ​လႄႈ ဢွၼ်​ၵၼ်​တဵင်​ဢိုတ်း​ႁူး​ၼမ်ႉ​ဢွၵ်ႇ​ႁူး​ၵႃႈ​မီး​ဢိၵ်ႇ​တင်း​ၼမ်ႉ​ႁွင်ႈ ဢၼ်​လႆ​ၵႂႃႇ​ၵႃႈ​ၼႂ်း​ၵၢင်​မိူင်း​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶုၼ်​ႁေႃ​ၶမ်း​ ဢႃႇသူႉရီႉ ​ၸိူဝ်း​ၼၼ်ႉ​တၵ်း​မႃး​လႄႈ လႆႈ​ထူပ်း​ၼမ်ႉ​ဢၼ်​ၼမ်​ၼႃႇ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မၼ်း​ႁဵတ်း​ႁႂ်ႈ​ၸႂ်​မၼ်း​မၼ်ႈ​ၶိူင်ႇ​လႄႈ မႄး​ၵုမ်း​မႄး​ႁဵတ်း​လမ်း​ဝဵင်း​ၵႃႈ​ဢၼ်​ၵိူၼ်ႇ​ပင်း​လူႉ​လႅဝ်​ၼၼ်ႉ​လႄႈ တႄႇ​ႁဵတ်း​ႁႂ်ႈ​သုင်​ပဵင်း​ၵၼ်​တင်း​တိူၵ်ႈ​တီႈ​တိုၵ်း​သိုၵ်း​ဢေႃႈ။ လမ်း​ဝဵင်း​ဢၼ်​ၵႃႈ​ၼွၵ်ႈ​ၵေႃႈ မၼ်း​တႄႇ​ႁဵတ်း​ဢေႃႈ။ တီႈ​ မီႉလေႃႇ ၵႃႈ​ၼႂ်း​ဝဵင်း​ တႃႇဝိတ်ႈ ​ၵေႃႈ မၼ်း​မႄး​ၵုမ်း​မႄး​ႁဵတ်း​လႄႈ ႁဵတ်း​လၢၵ်ႈ​ၼၢၵ်ႈ​ႁွၵ်ႇ​လႂ်၊ ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢၼ်​ၼမ်​ၼႃႇ​လူင်​လၢင်​လႂ်​ဝႆႉ​ဢေႃႈ။-</verse>
				<verse number="6">မၼ်း​ၶၢၼ်း​တပ်ႉ​မူး​တင်း​လၢႆ​ဝႆႉ​ၵႃႈ​ၼိူဝ်​ၵူၼ်း​တင်း​လၢႆ​လႄႈ ႁႂ်ႈ​ၶဝ်​ၸူႉ​ၵၼ်​တုမ်​ၵၼ်​ၵႃႈ​တီႈ​ပၢင်ႇ​လူင် ႁိမ်း​ၽၵ်း​တူ​ဝဵင်း​သေ​ယဝ်ႉ၊ လၢတ်ႈ​ၵႂၢမ်း​ဢၼ်​ပၼ်​ႁႅင်း​တီႈ​ၶဝ်​သေ​လႄႈ​ဝႃႈ၊-</verse>
				<verse number="7">ဢွၼ်​ၵၼ်​ဢဝ်​ႁႅင်း​လႄႈ​မီး​တၢင်း​ဢၼ်​ႁတ်း​ႁၢၼ်​တႃႉ။ ယႃႇ​ပေ​ၵူဝ်​ပေ​ႁႄ​လႄႈ​ၸႂ်​လူႉ၊ ၵွပ်ႈ​ပိူဝ်ႈ​ၶုၼ်​ႁေႃ​ၶမ်း​ ဢႃႇသူႉရီႉ ဢိၵ်ႇ​တင်း​မူႇ​ၽုင်​မုၵ်ႉ​ၸိူဝ်း​ဢၼ်​ပႃး​တီႈ​မၼ်း​ၵႃႈ​မီး​ၸိူဝ်း​ၼၼ်ႉ၊ ၶဝ်​ၸိူဝ်း​ဢၼ်​ယူႇ​ၽၢႆႇ​ႁဝ်း​ၼႆႉ​ယဵင်ႈ​ၶႅၼ်း​ၼမ်​ၼႃႇ​သေ​ၶဝ်​ၸိူဝ်း​ဢၼ်​ယူႇ​ၽၢႆႇ​မၼ်း​ၼၼ်ႉ​ဢေႃႈ။-</verse>
				<verse number="8">ၽၢႆႇ​မၼ်း​ၼၼ်ႉ​မီး​ၶႅၼ်​မိုဝ်း​ဢၼ်​ပဵၼ်​ၼိူဝ်ႉ​ၵူၺ်း​ဢေႃႈ။ ၽၢႆႇ​ႁဝ်း​ၼႆႉ​ၸမ်ႉ၊ မီး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ဢၼ်​ၵမ်ႉ​ထွၵ်ႈ​ႁဝ်း​လႄႈ​ၸွႆႈ​သိုၵ်း​ထႅမ်​သိုၵ်း​တီႈ​ႁဝ်း​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​လႄႈ ၵူၼ်း​တင်း​လၢႆ​ဢွၼ်​ၵၼ်​ၸႂ်​လီ​လူၺ်ႈ​ၵႂၢမ်း​ ႁေႇၸၵီႉ ၶုၼ်​ႁေႃ​ၶမ်း ယူႉတႃႉ ​ၼၼ်ႉ​ဢေႃႈ။</verse>
				<verse number="9">လိုၼ်း​ၼၼ်ႉ သၼႃႇၶရိပ်ႉ ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ ၼႂ်း​မိူဝ်ႈ​ဢၼ်​ယင်း​တိုၵ်ႉ​ပႃး​တင်း​ပူဝ်ႇ​ပႃႇ​မၼ်း​တင်း​သဵင်ႈ​တင်း​လူင် တိုၵ်း​တေႃး​လွမ်ႉ​ႁွပ်ႈ​ဝဵင်း​ လႃႇၶီႉသႃႉ ​ဝႆႉ​ယူႇ​ၼၼ်ႉ​ၸိုင်၊ ပွႆႇ​ၸႂ်ႉ​ၶႃႈ​မၼ်း​ၵူၼ်း​မၼ်း​ၵမ်ႈ​ၽွင်ႈ​ၸူး​ၵႃႈ​တီႈ ႁေႇၸၵီႉ ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း​ၵႃႈ​တီႈ​ၵူၼ်း​မဵဝ်း​ ယူႉတႃႉ ၵႃႈ​ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​လႄႈ သင်ႇ​လၢတ်ႈ​လႄႈ​ဝႃႈ၊-</verse>
				<verse number="10">သၼႃႇၶရိပ်ႉ ၶုၼ်​ႁေႃ​ၶမ်း​ ဢႃႇသူႉရီႉ မီး​ဢမိင်ႉ​လႄႈ​ဝႃႈ​ၸမ်ႉ၊ သူ​ဢိင်​ပိုင်ႈ​ၵႃႈ​သင်​ယူႇ ႁႂ်ႈ​သူ​လႆႈ​ၶၢမ်ႇ​တၢင်း​ဢၼ်​လွမ်ႉ​ဝႆႉ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ။-</verse>
				<verse number="11">ႁေႇၸၵီႉ ​ၸူဝ်း​ဢဝ်​သူ​ႁႂ်ႈ​လႆႈ​ၸုၼ်ႉ​ပႅတ်ႈ​သူ ႁႂ်ႈ​သူ​လႆႈ​တၢႆ​လူၺ်ႈ​တၢင်း​ဢၼ်​တွင်ႉ​မႆႈ​သႆႈ​လိူတ်ႇ၊ တၢင်း​ဢၼ်​ယၢၵ်ႇ​ၼမ်ႉ​ၼၼ်ႉ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​တၵ်း​ၵႄႇ​သႄႇ​ဢဝ်​ႁဝ်း​လွတ်ႈ​သေ​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ဢႃႇသူႉရီႉ ​ဢေႃႈ၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​ႁိုဝ်။-</verse>
				<verse number="12">ႁေႇၸၵီႉ ​ၼၼ်ႉ ပႄႇ​ၽဵဝ်ႈ​ထႃႇၼႃႉ​တီႈ​သုင်​မၼ်း​လႂ် တင်း​ယိတ်ႈပလၢင်ႇ​မၼ်း​လႂ် ၸိူဝ်း​ၼၼ်ႉ​ပႅတ်ႈ​လႄႈ မီး​ဢမိင်ႉ​တီႈ​ၵူၼ်း​မိူင်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​လႄႈ​ဝႃႈ၊ သူ​တၵ်း​လႆႈ​ၵူဝ်း​ၵႂၢႆႇ​ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ဢၼ်​လဵဝ်​ၵူၺ်း။ တၵ်း​လႆႈ​ဢဝ်​ၼၢမ်ႇ​သႃႇ​တုတ်ႇ​ၽႆး ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="13">သူ​ဢမ်ႇ​ႁူႉ​လွင်ႈ​ဢၼ်​ၵဝ်​ဢိၵ်ႇ​တင်း​ပူႇ​ၵဝ်​မွၼ်ႇ​ၵဝ်​ၸိူဝ်း​ၼၼ်ႉ ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၵူၼ်း​ၵူႈ​သိုင်ႇ​ၵူႈ​မိူင်း​ၼၼ်ႉ​ႁိုဝ်။ ၽြႃး​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၵႃႈ​ၼႂ်း​မိူင်း​ၸိူဝ်း​ၼၼ်ႉ တၢတ်ႈ​ၼိူင်ႇ​လႆႈ​ႁႂ်ႈ​လႆႈ​ၵႄႇ​သႄႇ​ဢဝ်​မိူင်း​ၶဝ်​လွတ်ႈ​သေ​ၵႃႈ​ၼႂ်း​မိုဝ်း​ၵဝ်​ႁိုဝ်။-</verse>
				<verse number="14">ၼႂ်း​ၽြႃး​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ပူႇ​ၵဝ်​မွၼ်ႇ​ၵဝ်​ယႃႉ​ပႅတ်ႈ​မူတ်း​မူတ်း​ၼၼ်ႉ​ၸိူဝ်း​ၼၼ်ႉ ၽြႃး​သူႇ​လႂ်​ပႃး​လႂ်​ယၢမ်ႈ​တွၼ်ႉ​ၵႄႇ​သႄႇ​ၼုၵ်ႈ​ဢဝ်​ၵူၼ်း​မၼ်း​တင်း​လၢႆ လွတ်ႈ​သေ​ၵႃႈ​ၼႂ်း​မိုဝ်း​ၵဝ်​လႄႈ ၽြႃး​သူ​တၵ်း​ၵႄႇ​သႄႇ​ၼုၵ်ႈ​ဢဝ်​သူ​လွတ်ႈ​သေ​ၵႃႈ​ၼႂ်း​မိုဝ်း​ၵဝ်​ၼႆႉ။-</verse>
				<verse number="15">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ယႃႇ​ပေ​ႁႂ်ႈ​ ႁေႇၸၵီႉ ပႅတ်ႉ​လႅၼ်​သူ​လႄႈ ၸူဝ်း​ဢဝ်​သူ​ၸိူဝ်ႉ​ၼင်ႇ​ၼၼ်​သေ​ၵမ်း။ ယႃႇ​ပေ​ဢွၼ်​ၵၼ်​ယုမ်ႇ​ၵႂၢမ်း​မၼ်း။ ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း၊ ၽြႃး​သိုင်ႇ​ၸိုင်ႈ​ဝၢၼ်ႈ​မိူင်း​တၢင်ႇ​တီႈ​တၢင်ႇ​လႅၼ်​ၸိူဝ်း​ၼၼ်ႉ ဢမ်ႇ​ၵႄႇ​သႄႇ​ၼုၵ်ႈ​ဢဝ်​ၵူၼ်း​မၼ်း​တင်း​လၢႆ​လွတ်ႈ​သေ​ၵႃႈ​ၼႂ်း​မိုဝ်း​ၵဝ် ဢိၵ်ႇ​တင်း​ၵႃႈ​ၼႂ်း​မိုဝ်း​ပူႇ​ၵဝ်​မွၼ်ႇ​ၵဝ်​ၼၼ်ႉ​လႆႈ​သေ​သူႇ​သေ​ပႃး​လႄႈ ၽြႃး​သူ​ၼႆႉ​ယဵင်ႈ​ၶႅၼ်း​တၵ်း​ဢမ်ႇ​ၵႄႇ​သႄႇ​ၼုၵ်ႈ​ဢဝ်​သူ​လွတ်ႈ​သေ​ၵႃႈ​ၼႂ်း​မိုဝ်း​ၵဝ်​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၶႃႈ​မၼ်း​ၵူၼ်း​မၼ်း​ၸိူဝ်း​ၼၼ်ႉ ယဵင်ႈ​ၶႅၼ်း​ဢွၼ်​ၵၼ်​လၢတ်ႈ​ယူႇ​ၽၢႆႇ​ၼိုင်ႈ​တင်း​ထႃႇဝရႃႉ​ၽြႃး​ၽြႃး​ပဵၼ်​ၸဝ်ႈ ဢိၵ်ႇ​တင်း​ၽၢႆႇ​ၼိုင်ႈ​တင်း​ ႁေႇၸၵီႉ ၶႃႈ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="17">လိူဝ်​သေ​ၼၼ်ႉ မၼ်း​တႅမ်ႈ​လိၵ်ႈ​ဢၼ်​သႄႉ​သွမ်း​တၢင်ႇ​ဢပႅတ်ႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​လႄႈ လၢတ်ႈ​ၶတ်း​ၵၼ်​တင်း​မၼ်း​ၸဝ်ႈ​လႄႈ​ဝႃႈ၊ မိူၼ်​ၸိူဝ်ႉ​ၼင်ႇ​ဢၼ် ၽြႃး​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​တၢင်ႇ​တီႈ​တၢင်ႇ​လႅၼ်​ၸိူဝ်း​ၼၼ်ႉ ဢမ်ႇ​ၵႄႇ​သႄႇ​ၼုၵ်ႈ​ဢဝ်​ၵူၼ်း​ၶဝ်​တင်း​လၢႆ လွတ်ႈ​သေ​ၵႃႈ​ၼႂ်း​မိုဝ်း​ၵဝ်​လႆႈ​ၼၼ်ႉ၊ ၽြႃး​ဢၼ်​ ႁေႇၸၵီႉ ​ၵူဝ်း​ၵႂၢႆႇ​ၼၼ်ႉ​တၵ်း​ဢမ်ႇ​ၵႄႇ​သႄႇ​ၼုၵ်ႈ​ဢဝ်​ၵူၼ်း​မၼ်း​တင်း​လၢႆ လွတ်ႈ​သေ​ၵႃႈ​ၼႂ်း​မိုဝ်း​ၵဝ်​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">လႆႈ​သမ်ႉ​ၶဝ်​ဢဝ်​တင်း​ၵႂၢမ်း​ၽႃႇသႃႇ​ ယူႉတႃႉ ႁဵတ်း​သဵင်​ဢၼ်​ႁႅင်း​ယႂ်ႇ​ၼႃႇ​ႁွင်ႉ​ပၢဝ်ႇ​ႁွင်ႉ​လၢတ်ႈ​တီႈ​ၵူၼ်း​ဝဵင်း​ ယေႇရူႉသလႅမ်ႇ ဢၼ်​မီး​ၵႃႈ​ၼိူဝ်​လမ်း​ဝဵင်း​ၸိူဝ်း​ၼၼ်ႉ ႁႂ်ႈ​လႆႈ​လွၵ်ႇ​ငိုတ်ႈ​ၶဝ်​လႄႈ​ယႃႉ​ယူၵ်ႉ​ၶဝ် ႁႂ်ႈ​ထၼ်ႈ​ပေႃး​တိုၵ်း​ဢဝ်​ဝဵင်း​လႆႈ​ဢေႃႈ။-</verse>
				<verse number="19">ၶဝ်​ဢွၼ်​ၵၼ်​သႄႉ​သွမ်း​ၽြႃး​ပဵၼ်​ၸဝ်ႈ ဝဵင်း​ ယေႇရူႉသလႅမ်ႇ ၊ မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​ပဵၼ်​ၽြႃး​ဢၼ်​ၵူၼ်း​လိၼ်​မိူင်း​တင်း​လၢႆ​ၵူဝ်း​ၵႂၢႆႇ ဢၼ်​ပဵၼ်​ၽြႃး​ဢၼ်​မိုဝ်း​ၵူၼ်း​ႁဵတ်း​ပဵၼ်​ၸိူဝ်း​ၼၼ်ႉ​ဢေႃႈ။</verse>
				<verse number="20">ၶုၼ်​လူင်​ ႁေႇၸၵီႉ ဢိၵ်ႇ​တင်း​ပရေႃးၽႅတ်ႈ​ ဢီႉသႃႇယႃႉ လုၵ်ႈ​ၸၢႆး​ ဢႃႇမုတ်ႉ ​ၼၼ်ႉ သူး​တွင်း​ၵွပ်ႈ​ပိူဝ်ႈ​လွင်ႈ​ၼၼ်ႉ​သေ​လႄႈ ႁွင်ႉ​သႅၼ်ႇ​ၸူး​ၵႃႈ​ၼိူဝ်​ၽုင်ႇ​ၵၢင်​ႁၢဝ်​လႄႈ၊-</verse>
				<verse number="21">ထႃႇဝရႃႉ​ၽြႃး​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ် ဢၼ်​ပႄႇ​ၽဵဝ်ႈ​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​တင်း​လၢႆ ဢိၵ်ႇ​တင်း​ပူဝ်ႇ​တင်း​တပ်ႉ​မူး​တင်း​လၢႆ​ပႅတ်ႈ​သေ ၵႃႈ​ၼႂ်း​တပ်ႉ​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ​မႃး​ဢေႃႈ။ ပိူဝ်ႈ​ၼႆ​လႄႈ​မၼ်း​ၼၼ်ႉ​ၼႃႈ​လူႉ​ယူႇ​သေ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​မၼ်း​သေ​ဢေႃႈ။ မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​တီႈ​ပိၵ်ႈ​မၢၼ်ႇ​ၽြႃး​မၼ်း​ၼၼ်ႉ​ၸိုင် ၶဝ်​ၸိူဝ်း​ဢၼ်​ဢွၵ်ႇ​မႃး​ၵႃႈ​ၼႂ်း​တွင်ႉ​မၼ်း​ၼၼ်ႉ​ဢဝ်​မၼ်း​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="22">ၼင်ႇ​ၼၼ်​လႄႈ ထႃႇဝရႃႉ​ၽြႃး​ၵႄႇ​သႄႇ​ၼုၵ်ႈ​ဢဝ် ႁေႇၸၵီႉ ​ဢိၵ်ႇ​တင်း​ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ လွတ်ႈ​သေ​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း ဢႃႇသူႉရီႉ ဢိၵ်ႇ​တင်း​ၵႃႈ​ၼႂ်း​မိုဝ်း​ရၢၼ်ႇ​သူႇ​တၢင်ႇ​တီႈ​တၢင်ႇ​လႅၼ်​လႄႈ ပႂ်ႉ​ၸွႆႈ​ထႅမ်​မႃႉ​ၸႃႉ​ၶဝ်​ယူႇ​ၵူႈ​ၽၢႆႇ​ၵူႈ​ပႃႈ​ဢေႃႈ။-</verse>
				<verse number="23">ၵူၼ်း​ၼမ်​ၼႃႇ ဢွၼ်​ၵၼ်​ဢဝ်​ၶိူင်ႈ​ပုၵ်ႈ​ၸေႃႇ​ပုၼ်ႈ​ထႃႇဝရႃႉ​ၽြႃး​မႃး​တီႈ​ဝဵင်း​ ယေႇရူႉသလႅမ်ႇ ​သေ​လႄႈ ဢဝ်​လၢၵ်ႈ​သွင်ႇ​ပၼ်ႇ​ၼႃႇ​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ် မႃး​ၵႃႈ​တီႈ​ ႁေႇၸၵီႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ႁႂ်ႈ​မၼ်း​ထၼ်ႈ​ပေႃး​မီး​မုၼ်​မီး​ၽုင်း​ဢၼ်​ယႂ်ႇ​ၼႃႇ​သိုဝ်ႈ​ၼႃႈ​တႂ်ႈ​တႃ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸႃႉ​ၸဵမ်​ၶိင်ႇ​ၵႃႇလႃႉ​ၼၼ်ႉ​ၵႂႃႇ​ဢေႃႈ။</verse>
				<verse number="24">ၼႂ်း​ၶိင်ႇ​မိုဝ်ႉ​ဝၼ်း​ၸိူဝ်း​ၼၼ်ႉ ႁေႇၸၵီႉ ​ပဵၼ်​တၢင်း​ၶႆႈ​တၢင်း​ပဵၼ် ဢၼ်​မၼ်း​တၵ်း​တၢႆ​လူၺ်ႈ​ၼၼ်ႉ​လႄႈ သူး​တွင်း​တီႈ​ထႃႇဝရႃႉ​ၽြႃး​သေ​လႄႈ မၼ်း​ၸဝ်ႈ​ပၼ်​ပျႃႇ​တိၵ်ႈ​ဢိၵ်ႇ​တင်း​ၼီႉမိၵ်ႈ​လၢၵ်ႈၶၼႃႇ​တီႈ​မၼ်း​ဢေႃႈ။-</verse>
				<verse number="25">ၵူၺ်း​ၵႃႈ​ ႁေႇၸၵီႉ ဢမ်ႇ​ၵမ်​ၵျၢင်ႉ​ၸွမ်း​ၵႃႈ​ၼင်ႇ​ဢၼ်​ၵိုင်ႇ​တၢၼ်ႇ​ၵၼ် တင်း​ၵျေး​ၸူး​ၸဝ်ႈ ဢၼ်​မၼ်း​လႆႈ​ၶၢမ်ႇ​ၼၼ်ႉ​လႄႈ မီး​ၸႂ်​ဢၼ်​ပူၵ်း​ပႅၼ်​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ဢွၵ်ႇ​ၸူး​တီႈ​မၼ်း ဢိၵ်ႇ​တင်း​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="26">ၼႂ်း​ဝႃႈ​ၼၼ်​သေ​ၵေႃႈ ၵွပ်ႈ​ပိူဝ်ႈ​ဢၼ်​ ႁေႇၸၵီႉ ဢိၵ်ႇ​တင်း​ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ ၵွပ်ႈ​ပိူဝ်ႈ​တၢင်း​ဢၼ်​ႁူဝ်​ၸႂ်​ၶဝ်​ၽႅၼ်​သုင်​ၼၼ်ႉ​လႄႈ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢမ်ႇ​တူၵ်း​ဢမ်ႇ​ႁွတ်ႈ​ၵႃႈ​ၼိူဝ်​ၶဝ် ၼႂ်း​ၸူဝ်ႈ​ပၢၼ် ႁေႇၸၵီႉ ​ၼၼ်ႉ။</verse>
				<verse number="27">ႁေႇၸၵီႉ မီး​ၸေး​ၸိမ်ႇ​ဢုၵ်ႉ​ၸႃႇ​တင်း​မုၼ်​ၵုင်ႇ​သရေႇ​ၼမ်​ၼႃႇ​လူင်​လၢင်​ဢေႃႈ။ မၼ်း​တႄႇ​ႁဵတ်း​တိူၵ်ႈ​ၽၼ်ႇတႃႇ တီႈ​ဢၼ်​သိမ်း​ဝႆႉ ၶမ်း​ငိုၼ်း၊ သႅင်​မျၢတ်ႈ၊ မဵဝ်း​ၼၢမ်ႇ​သႃႇ၊ ၶိူင်ႈ​ႁႄႉ​လၢၵ်ႈ​ၼၢၵ်ႈ ၶိူင်ႈ​ပိူင်​ဢၼ်​လီ​ဢၼ်​ငၢမ်း​ၸိူဝ်း​ၼၼ်ႉ၊-</verse>
				<verse number="28">ဢိၵ်ႇ​တင်း​ယွင်​ၶဝ်ႈ​ယေး​ၶဝ်ႈ၊ တိူၵ်ႈ​တီႈ​ဢၼ်​သိမ်း​ဝႆႉ​ၼမ်ႉ​မၼ်း ၼမ်ႉ​ၸပိတ်ႈ၊ သိုင်ႇ​တရိၵ်ႈသၢၼ်ႇ​ၵူႈ​ၸိူဝ်ႉ​ၵူႈ​မဵဝ်း၊ ၶွၵ်ႈ​သူဝ်း ဢၼ်​ပဵၼ်​ၽုင်​ပဵၼ်​ၽုင်​ၸိူဝ်း​ၼၼ်ႉ​ဝႆႉ​ဢေႃႈ။-</verse>
				<verse number="29">မၼ်း​တႄႇ​ႁဵတ်း​ဝဵင်း​တင်း​လၢႆ ပုၼ်ႈ​တူဝ်​ၸဝ်ႈ​ၵဝ်ႇ​လႄႈ ၵဵပ်း​ႁွမ်​သူဝ်း​ဝူဝ်း​ဝႆႉ​ၼမ်​ၼႃႇ​လူင်​လၢင်​ဢေႃႈ။ ၽြႃး​ပဵၼ်​ၸဝ်ႈ ဢဵတ်း​လူ​ပၼ်​ဢုၵ်ႉ​ၸႃႇ​ဢၼ်​ၼမ်​ၼႃႇ​လူင်​လၢင်​တီႈ​မၼ်း​ဢေႃႈ။-</verse>
				<verse number="30">ႁေႇၸၵီႉ ​ၼၼ်ႉ တဵင်​ဢိုတ်း​ၼမ်ႉ​ဢွၵ်ႇ​ႁူး​ ၵီႉႁုၼ်ႇ ဢၼ်​ၵႃႈ​ၼိူဝ်​လႄႈ ႁႂ်ႈ​လႆ​ၵႂႃႇ​ၽၢႆႇ​တၢင်း​တူၵ်း​ဝဵင်း​ တႃႇဝိတ်ႈ သိုဝ်ႈ​သိုဝ်ႈ​သေ​ဢေႃႈ။ ၼင်ႇ​ၼၼ်​လႄႈ ႁေႇၸၵီႉ ​ၼၼ်ႉ ႁဵတ်း​လႆႈ​ပဵၼ်​လႆႈ​ၵႃႈ​ဢၼ်​မၼ်း​ၵျၢမ်ႇ​ပွင်​သၢင်ႈ​ႁဵတ်း​ၼၼ်ႉ​ဢေႃႈ။-</verse>
				<verse number="31">ၼႂ်း​ဝႃႈ​ၼၼ်​သေ​ၵေႃႈ ၼႂ်း​ဢမူႉ​သၢၼ်ႇတမၢၼ်ႇ ဢၼ်​ၶုၼ်​ ပႃႇပူႉလုၼ်ႇ ​တင်း​လၢႆ ပွႆႇ​ၸႂ်ႉ​မႃး ႁႂ်ႈ​လႆႈ​တွင်ႈ​ထၢမ်​လူၺ်ႈ​လွင်ႈ​တၢင်း​ဢၼ်​လီ​ဢၢမ်း​ဢၼ်​ပဵၼ်​ၵႃႈ​တီႈ​မိူင်း​ၸဝ်ႈ​ၼၼ်ႉ ၸိူဝ်း​ၼၼ်ႉ​ၼၼ်ႉ​ၸိုင် ၽြႃး​ပဵၼ်​ၸဝ်ႈ​ပႅတ်ႈ​မၼ်း​ဝႆႉ ႁႂ်ႈ​လႆႈ​ၸၢမ်း​တူၺ်း​မၼ်း​ထၼ်ႈ​ပေႃး​မၼ်း​ၸဝ်ႈ လႆႈ​ႁူႉ​သၽေႃး​မၼ်း​တင်း​သဵင်ႈ​တင်း​မူတ်း​ၼၼ်ႉ​ဢေႃႈ။</verse>
				<verse number="32">လွင်ႈ​တၢင်း​ ႁေႇၸၵီႉ ဢၼ်​ယင်း​ၵိုတ်း​ယင်း​ၵျၢၼ်ႇ ဢိၵ်ႇ​တင်း​လွင်ႈ​တၢင်း​ဢၼ်​မၼ်း​ႁဵတ်း​ၵျေး​ၸူး​တင်း​လၢႆ​ၼၼ်ႉ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ၵျၢမ်း​လိၵ်ႈ​ရူႇပႃႇရူင်ႇ ပရေႃးၽႅတ်ႈ ဢီႉသႃႇယႃႉ လုၵ်ႈ​ၸၢႆး​ ဢႃႇမုတ်ႉ ဢိၵ်ႇ​တင်း​ၵႃႈ​ၼႂ်း​ရႃႇၸဝၢင်ႇ​ ယူႉတႃႉ တင်း ရႃႇၸဝၢင်ႇ​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="33">ႁေႇၸၵီႉ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶဝ်​ဢွၼ်​ၵၼ်​ဢဝ်​မၼ်း​သၢင်း​ၵျူဝ်ႇ ၵႃႈ​တီႈ​သဵၼ်ႈ​တၢင်း​ဢၼ်​ၶိုၼ်ႈ​ၸူး ၵႃႈ​တီႈ​သၢင်း​ၶႅင်း​လုၵ်ႈ​ၸဝ်ႈ​လၢၼ်​ၸဝ်ႈ​ တႃႇဝိတ်ႈ ​ၸိူဝ်း​ၼၼ်ႉ​ဢေႃႈ။ ၵူၼ်း​မိူင်း​ ယူႉတႃႉ ၵူၼ်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင် ဢွၼ်​ၵၼ်​ယုၵ်ႉ​ယွင်ႈ​မုၼ်​ၵုင်ႇ​သရေႇ ႁေႇၸၵီႉ ၼႂ်း​မိူဝ်ႈ​ဢၼ်​မၼ်း​ႁွတ်ႈ​ဢၼိၵ်ႈၸႃႉ​ၼၼ်ႉ​ဢေႃႈ။ မၼႃႇ​သေႇ ​လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​ၵႃႈ​တီႈ​ဢရႃႇ​ပေႃႈ​ၸဝ်ႈ​ဢေႃႈ။</verse>
			</chapter>
			<chapter number="33">
				<verse number="1">မၼႃႇ​သေႇ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သိပ်း​ပၢႆ​သွင်​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ႁႃႈ​သိပ်း​ပၢႆ​ႁႃႈ​ပီႊ​ဢေႃႈ။-</verse>
				<verse number="2">မၼ်း​ႁဵတ်း​တူႉ​ၸရိူၵ်ႈ​ဢပႅတ်ႈ သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ၸွမ်း​ၼင်ႇ​ထုင်း​ၸၢမ်ႇ​ဢၼ်​လီ​ႁင်ႈ​ဢဵတ်ႇ​သဵတ်ႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ထႃႇဝရႃႉ​ၽြႃး​ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​ဢေႃႈ။-</verse>
				<verse number="3">မၼ်း​မႄး​ၵုမ်း​မႄး​ႁဵတ်း​ထႃႇၼႃႉ​တီႈ​သုင် ဢၼ်​ၸဝ်ႈ​ပေႃႈ​မၼ်း​ ႁေႇၸၵီႉ ​ပႅတ်ႈ​ၸိူဝ်း​ၼၼ်ႉ​လႄႈ တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ၽြႃး ပႃႇလႃႉ ​လႂ်၊ ႁဵတ်း​တူၼ်ႈ​ ဢႃႇသရႃႉ ​လႂ်​သေ​လႄႈ ႁဵတ်း​ဝၢတ်ႈ​တီႈ​ၶိူင်ႈ​ပိူင်​ၽႃႉ​ၵၢင်​ႁၢဝ်​ၵႃႈ​မီး​လႄႈ ၵူဝ်း​ၵႂၢႆႇ​ဢေႃႈ။-</verse>
				<verse number="4">ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ဢၼ်​ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၼႃႇ​မႃႉ​ၸိုဝ်ႈ​သဵင်​ၵဝ်​တၵ်း​လႆႈ​တႄႇ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သေႇ​သေႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၵေႃႈ မၼ်း​တႄႇ​ႁဵတ်း​ယိတ်ႈပလၢင်ႇ​တင်း​လၢႆ​ဢေႃႈ။-</verse>
				<verse number="5">မၼ်း​တႄႇ​ႁဵတ်း​ယိတ်ႈပလၢင်ႇ​ပုၼ်ႈ​ၶိူင်ႈ​ပိူင်​ၽႃႉ​ၵၢင်​ႁၢဝ်​ၵႃႈ​မီး​ၼၼ်ႉ ၵႃႈ​ၼႂ်း​တမ်ႇ​တိူင်း​ႁိူၼ်း​ထႃႇဝရႃႉ​ၽြႃး​တင်း​သွင်​ထၢပ်ႈ​ဢေႃႈ။-</verse>
				<verse number="6">မၼ်း​ႁႂ်ႈ​လုၵ်ႈ​လၢင်း​မၼ်း​လႆႈ​ၶၢမ်ႇ​တၢင်း​ဢၼ် ဢဝ်​ၽႆး​ပုၵ်ႈ​ၸေႃႇ​ၵႃႈ​ၼႂ်း​ၶူင်ႈ​ႁူၺ်ႈ​ ႁိၼ်ႇၼုမ်ႇ ​ဢေႃႈ။ မၼ်း​ၸၢင်ႈ​တူၺ်း​ပေႇ​တၢင်ႇ​ၵႃႇ​လႃး​လႄႈ သုင်း​သွင်ႇ​ဢတၢတ်ႈ​ဢၼ်​ၸၢင်ႈ​ၸေႃႉ​ၸၢင်ႈ​ႁဵတ်း​ၼၼ်ႉ​သေ​လႄႈ ႁဵတ်း​ဢတၢတ်ႈ​ၽီ​ဝိၵ်ႉၸႃႇ​လႄႈ ပၼ်​ဢၶႂၢင်ႉ​တီႈ​ၽိူဝ်ႉ​ၶဝ်​ၽီ​ၶဝ်​ဢေႃႈ။ မၼ်း​ႁဵတ်း​တူႉ​ၸရိူၵ်ႈ​ၼမ်​ၼႃႇ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး ႁႂ်ႈ​လႆႈ​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢေႃႈ။-</verse>
				<verse number="7">မၼ်း​ဢဝ်​ရုၵ်ႈ​ထူႉ ဢၼ်​ႁဵတ်း​ႁႂ်ႈ​မိူၼ်​ၵၼ်​တင်း​ရုၵ်ႈ​ထူႉ ဢၼ်​မၼ်း​လုမ်း​လႃး​မႄး​ႁဵတ်း​ၼၼ်ႉ​သေ​လႄႈ တၢင်ႇ​ဝႆႉ​ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ ဢၼ်​ၽြႃး​ပဵၼ်​ၸဝ်ႈ မီး​ဢမိင်ႉ​တီႈ​ တႃႇဝိတ်ႈ ဢိၵ်ႇ​တင်း​လုၵ်ႈ​ၸၢႆး​ၸဝ်ႈ​ သေႃးလမုၼ်ႇ ​လႄႈ​ဝႃႈ၊ ၵဝ်​တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​တႄႇ​ယူႇ​ၵႃႈ​ၼႂ်း​ႁိူၼ်း​ၸဝ်ႈ​ၼႆႉ ဢိၵ်ႇ​တင်း​ဝဵင်း​ ယေႇရူႉသလႅမ်ႇ ဢၼ်​ၵဝ်​လိူၵ်ႈ​ၵဵပ်း​ဢဝ်​ၵႃႈ​ၼႂ်း​မဵဝ်း​ ဢီႉသရေႇလႃႉ ၵူႈ​မဵဝ်း​ၼၼ်ႉ​ယူႇ​တႃႇ​သေႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="8">ပိၵ်ႉ​သမ်ႉ​မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ပေႃး​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပႂ်ႉ​ၵမ်​ပႂ်ႉ​ၸွမ်း​ႁႂ်ႈ​လႆႈ​ၵမ်​ၵျၢင်ႉ​ၸွမ်း​ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​ဢၼ်​ဝႃႈ တြႃး​ၸဝ်ႈ၊ ထုင်း​ၽိင်ႈ​တြႃး၊ လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ​တင်း​လၢႆ ဢၼ်​ဢဝ်​တင်း​ မူဝ်းသေႇ မီး​ဢမိင်ႉ​ဝႆႉ​ၸိူဝ်း​ၼၼ်ႉ​ၸိုင်၊ ၵမ်း​လိုၼ်း​ၵဝ်​တၵ်း​ဢမ်ႇ​ႁႂ်ႈ​တိၼ်​ၶဝ်​လႆႈ​ၶၢႆႉ​ဢွၵ်ႇ​သေ​ၵႃႈ​ၼႂ်း​မိူင်း ဢၼ်​ၵဝ်​ပၼ်​တီႈ​ပူႇ​သူ​မွၼ်ႇ​သူ​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ​သေ​ၵေႃႈ၊-</verse>
				<verse number="9">မၼႃႇ​သေႇ ​ၼၼ်ႉ ႁႂ်ႈ​ၵူၼ်း​မိူင်း​ ယူႉတႃႉ ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ ၽိတ်း​တၢင်း​ပိူင်ႈ​တၢင်း ႁႂ်ႈ​ၶဝ်​ထၼ်ႈ​ပေႃး​လႆႈ​ႁဵတ်း​လွင်ႈ​တၢင်း​ဢၼ်​ယဵင်ႈ​ၶႅၼ်း​ႁၢႆႉ​မိူၵ်ႈ​ၼႃႇ​သေ လွင်ႈ​တၢင်း​ဢၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ထႃႇဝရႃႉ​ၽြႃး​ယႃႉ​ၽဵဝ်ႈ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၸိူဝ်း​ၼၼ်ႉ​ႁဵတ်း​ၼၼ်ႉ​ဢေႃႈ။</verse>
				<verse number="10">ထႃႇဝရႃႉ​ၽြႃး​မီး​ဢမိင်ႉ​တီႈ​ မၼႃႇ​သေႇ ဢိၵ်ႇ​တင်း​ၵူၼ်း​မၼ်း​တင်း​လၢႆ​လႄႈ ၶဝ်​ဢမ်ႇ​ထွမ်ႇ​ဢမ်ႇ​ဢဝ်။-</verse>
				<verse number="11">ပိူဝ်ႈ​ၼႆ​လႄႈ ထႃႇဝရႃႉ​ၽြႃး ႁႂ်ႈ​ၶုၼ်​ပူဝ်ႇ ၶုၼ်​ႁေႃ​ၶမ်း​ ဢႃႇသူႉရီႉ ​တင်း​လၢႆ ၶီႇ​သိုၵ်း​မႃး​လႄႈ​ၶဝ်​ၼၼ်ႉ​တီႉ​ၵမ်​လႄႈ ဢဝ်​ၸိူၵ်ႈ​လဵၵ်း​မတ်ႉ​ဢဝ် မၼႃႇ​သေႇ ​လႄႈ ဢဝ်​ဝႅၼ်​လဵၵ်း​သႂ်ႇ​သေ​ယဝ်ႉ၊ ဢွၼ်​ၵၼ်​ဢဝ်​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ဢေႃႈ။-</verse>
				<verse number="12">မၼႃႇ​သေႇ ​ၼၼ်ႉ​ၼႂ်း​မိူဝ်ႈ​ဢၼ်​မၼ်း​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် မၼ်း​တွင်း​ပၢၼ်ႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​လႄႈ ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ၼႃႇ​လူင်​လၢင် ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ပူႇ​မၼ်း​မွၼ်ႇ​မၼ်း​ယူႇ​သေ​လႄႈ၊-</verse>
				<verse number="13">သူး​တွင်း​တီႈ​မၼ်း​ၸဝ်ႈ​လႄႈ မၼ်း​ၸဝ်ႈ​ထွမ်ႇ​ဢဝ်​လႄႈ ႁပ်ႉ​တုင်း​ဢဝ်​ၵႂၢမ်း​ဢၼ်​မၼ်း​ႁဵတ်း​သူး​တွင်း​ပထၼႃႇ​ၼၼ်ႉ​သေ​ယဝ်ႉ၊ သမ်ႉ​ၶိုၼ်း​ဢဝ်​မၼ်း​မႃး​သူင်ႇ ၵႃႈ​တီႈ​ဝဵင်း​ ယေႇရူႉသလႅမ်ႇ ၊ သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​မၼ်း​ဢုပ်ႉ​ပိူင်ႇ​ယူႇ​ၵဝ်ႇ​ၵဝ်ႇ​ၼၼ်ႉ​ဢေႃႈ။ မိူဝ်ႈ​ၼၼ်ႉ​ မၼႃႇ​သေႇ လႆႈ​ႁူႉ​လွင်ႈ​ဢၼ် ထႃႇဝရႃႉ​ၽြႃး​ပဵၼ်​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။</verse>
				<verse number="14">လိုၼ်း​ၼၼ်ႉ မၼ်း​တႄႇ​ႁဵတ်း​လမ်း​ဝဵင်း​ထၢပ်ႈ​ၼွၵ်ႈ ၵႃႈ​တီႈ​ဝဵင်း​ တႃႇဝိတ်ႈ ၵႃႈ​ၼႂ်း​ၶူင်ႈ​ႁူၺ်ႈ​ၽၢႆႇ​ဝၼ်း​တူၵ်း​တီႈ​ ၵီႉႁုၼ်ႇ ​ၼၼ်ႉ တေႃႇ​ထိုင်​ႁွတ်ႈ​ႁူး​ၽၵ်း​တူ​ပႃ​လႄႈ ႁဵတ်း​လဵပ်ႈ​ႁွပ်ႈ​ၸွမ်း​ႁိမ်း​တိူၵ်ႈ​တီႈ​တိုၵ်း​သိုၵ်း ဢေႃႇၽေႇလႃႉ ​ၼၼ်ႉ​သေ​လႄႈ ႁႂ်ႈ​သုင်​ၼႃႇ​လူင်​လၢင်​ဢေႃႈ။ မၼ်း​ၶၢၼ်း​တပ်ႉ​မူး​တင်း​လၢႆ​ဝႆႉ ၵႃႈ​ၼႂ်း​ဝဵင်း​ဢၼ်​မၼ်ႈ​ၶိူင်ႇ ၵႃႈ​ဢၼ်​မီး​ၵႃႈ​ၼႂ်း​မိူင်း​ ယူႉတႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="15">မၼ်း​ပႄႇ​ၽဵဝ်ႈ​ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ၊ ရုၵ်ႈ​ထူႉ​ဢၼ်​မၼ်း​ႁဵတ်း​ၼၼ်ႉ​သေ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး၊ ယိတ်ႈပလၢင်ႇ​ၵႃႈ​ဢၼ်​မၼ်း​တႄႇ​ႁဵတ်း​ဝႆႉ ၵႃႈ​ၼိူဝ်​လွႆ​ႁိူၼ်း​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​သေ​လႄႈ ဢဝ်​ဢွၵ်ႇ​ပႅတ်ႈ​ၵႃႈ​ၼွၵ်ႈ​ဝဵင်း​သေ​ဢေႃႈ။-</verse>
				<verse number="16">မၼ်း​မႄး​ၵုမ်း​မႄး​ႁဵတ်း​ယိတ်ႈပလၢင်ႇ​ထႃႇဝရႃႉ​ၽြႃး​လႄႈ ပုၵ်ႈ​ၸေႃႇ​ယိတ်ႈ​မိၵ်ႉသႃႇႁႃယႃႉ တင်း​ယိတ်ႈ​ဢၼ်​ႁပ်ႉ​တုင်း​ဢဝ် ၵျေး​ၸူး​ၸဝ်ႈ​ၵႃႈ​ၼိူဝ်​ၼၼ်ႉ​ဢေႃႈ။ မၼ်း​သင်ႇ​လၢတ်ႈ​တီႈ​ၵူၼ်း​မိူင်း​ ယူႉတႃႉ ​တင်း​လၢႆ လွင်ႈ​ဢၼ်​ၶဝ်​တၵ်း​လႆႈ​ႁဵတ်း​ဝၢတ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="17">ၼႂ်း​ဝႃႈ​ၼၼ်​သေ​ၵေႃႈ ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ ယင်း​ပုၵ်ႈ​ၸေႃႇ​ယိတ်ႈ​ၵႃႈ​ၼိူဝ်​ထႃႇၼႃႉ​တီႈ​သုင်​တင်း​လၢႆ​ယူႇ​သေ​ၵေႃႈ​ဢွၼ်​ၵၼ်​ၵူဝ်း​ၵႂၢႆႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​ၵူၺ်း​ဢေႃႈ။</verse>
				<verse number="18">လွင်ႈ​တၢင်း​ မၼႃႇ​သေႇ ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ဢၼ်​မၼ်း​သူး​တွင်း​တီႈ​ၽြႃး​ပဵၼ်​ၸဝ်ႈ​မၼ်း ဢိၵ်ႇ​တင်း​ၵႂၢမ်း​ဢၼ်​ၶဝ်​ၸိူဝ်း​ဢၼ်​ႁူ​ပွင်ႇ​တႃ​လႅင်း​ၼၼ်ႉ ဢိင်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​သေ​လႄႈ ႁေႃး​လၢတ်ႈ​တီႈ​မၼ်း​ၼၼ်ႉ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ဢီႉသရေႇလႃႉ ​ဢေႃႈ။-</verse>
				<verse number="19">လွင်ႈ​တၢင်း​ဢၼ်​မၼ်း​သူး​တွင်း၊ လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ​ထွမ်ႇ​ဢဝ်​ၵႂၢမ်း​မၼ်း၊ လွင်ႈ​တၢင်း​ဢၼ်​မၼ်း​ၽိတ်း​ပိူင်ႈ​ပူၼ်ႉ​လိူဝ်၊ လွင်ႈ​တၢင်း​ဢၼ်​မၼ်း​တႄႇ​ႁဵတ်း​ထႃႇၼႃႉ​တီႈ​သုင်​တင်း​လၢႆ​လႄႈ ပူၵ်း​တင်ႈ​တူၼ်ႈ​ ဢႃႇသရႃႉ ​လႂ် ဢိၵ်ႇ​တင်း​ရုၵ်ႈ​ထူႉ​သၢင်း​ထူႉ​လႂ်၊ ၸူဝ်ႈ​ဢၼ်​မၼ်း​ဢမ်ႇ​ပႆႇ​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ၼၼ်ႉ ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​တီႈ ၵႂၢမ်း​ၵျၢမ်း​လိၵ်ႈ​ ႁူဝ်းသေႇ ​ဢေႃႈ။-</verse>
				<verse number="20">မၼႃႇ​သေႇ ​ၼၼ်ႉ ၼွၼ်း​လပ်း​လူၺ်ႈ​ၵၼ်​တင်း​ပူႇ​မွၼ်ႇ​မၼ်း​တင်း​လၢႆ​လႄႈ ၶဝ်​ဢွၼ်​ၵၼ်​ဢဝ်​မၼ်း​သၢင်း​ၵျူဝ်ႇ​ၵႃႈ​ၼႂ်း​ႁေႃ​မၼ်း​ဢေႃႈ။ ဢႃႇမုၼ်ႇ ​လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="21">ဢႃႇမုၼ်ႇ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​သၢဝ်း​ပၢႆ​သွင်​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း ဝဵင်း​ ယေႇရူႉသလႅမ်ႇ ​သွင်​ပီႊ​ဢေႃႈ။-</verse>
				<verse number="22">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​ဢၼ် ၸဝ်ႈ​ပေႃႈ​မၼ်း​ မၼႃႇ​သေႇ ႁဵတ်း​ၼၼ်ႉ​ဢေႃႈ။ ဢႃႇမုၼ်ႇ ​ၼၼ်ႉ ပုၵ်ႈ​ၸေႃႇ​ယိတ်ႈ​တီႈ​ရုၵ်ႈ​ထူႉ​သၢင်း​ထူႉ ၸဝ်ႈ​ပေႃႈ​မၼ်း​ႁဵတ်း​ၵႃႈ​မီး​ၼၼ်ႉ​လႄႈ ႁဵတ်း​ဝၢတ်ႈ​ဢေႃႈ။-</verse>
				<verse number="23">မၼ်း​ယင်း​ဢမ်ႇ​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​ဢၼ်​ၸဝ်ႈ​ပေႃႈ​မၼ်း​ မၼႃႇ​သေႇ ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ၼၼ်ႉ​လႄႈ ဢႃႇမုၼ်ႇ ​ၼၼ်ႉ​ယဵင်ႈ​ၶႅၼ်း​ၽိတ်း​ပိူင်ႈ​ၼႃႇ​လူင်​လၢင်​ဢေႃႈ။-</verse>
				<verse number="24">ၶႃႈ​မၼ်း​ၵူၼ်း​မၼ်း​တင်း​လၢႆ ဢွၼ်​ၵၼ်​လွမ်​ႁဵတ်း​မုၵ်ႉ​ႁဵတ်း​ၸိူဝ်း​လႄႈ​ဢဝ်​မၼ်း​တၢႆ​ၵႃႈ​ၼႂ်း​ႁေႃ​ၸဝ်ႈ​ဢေႃႈ။-</verse>
				<verse number="25">ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ဢွၼ်​ၵၼ်​ၶႃႈ​ၽၼ်း ၶဝ်​ၸိူဝ်း​ဢၼ်​လွမ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ​ၽၢႆႇ​ၼိုင်ႈ​တင်း​ၶုၼ်​လူင်​ ဢႃႇမုၼ်ႇ ​ၼၼ်ႉ​ၸိူဝ်း​ၼၼ်ႉ​လႄႈ၊ ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ ဢဝ်​ ယူဝ်းသီႉယႃႉ လုၵ်ႈ​ၸၢႆး​ၸဝ်ႈ​ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="34">
				<verse number="1">ယူဝ်းသီႉယႃႉ ​ၼၼ်ႉ​မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​ပႅတ်ႇ​ပီႊ​လႄႈ​မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း ဝဵင်း​ ယေႇရူႉသလႅမ်ႇ ​သၢမ်​သိပ်း​ပၢႆ​ဢဵတ်း​ပီႊ​ဢေႃႈ။-</verse>
				<verse number="2">မၼ်း​ႁဵတ်း​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ ၸွမ်း​သဵၼ်ႈ​တၢင်း​ဢၼ် တႃႇဝိတ်ႈ ​ၸဝ်ႈ​ပေႃႈ​မၼ်း​ၸွမ်း​ၼၼ်ႉ​ယူႇ​သေ​လႄႈ ဢမ်ႇ​ဝႄႈ​ပိူင်ႈ​သေ​ၵႃႈ​တီႈ​ၽၢႆႇ​ၶႂႃ​ၵႃႈ​တီႈ​ၽၢႆႇ​သၢႆႉ။</verse>
				<verse number="3">ၼႂ်း​ပီႊ​ဢၼ်​ၸၢမ်ႇ​ႁၢင်ႈ​ၸၢမ်ႇ​ႁေႃ​ပႅတ်ႇ​ပီႊ​ၼၼ်ႉ ၼႂ်း​မိူဝ်ႈ​ဢၼ်​ဢသၢၵ်ႈ​မၼ်း​ယင်း​လဵၵ်ႉ​ယင်း​ၼုမ်ႇ​ယူႇ​ၼၼ်ႉ​ၸိုင် မၼ်း​ၸႃႉ​ႁႃ​ၽြႃး​ပဵၼ်​ၸဝ်ႈ ၸဝ်ႈ​ပေႃႈ​မၼ်း​ တႃႇဝိတ်ႈ ​ဢေႃႈ။ ၼႂ်း​ပီႊ​ဢၼ်​လႆႈ​သိပ်း​သွင်​ပီႊ​ၼၼ်ႉ၊ မၼ်း​ၸႃႉ​ပႄႇ​ၽဵဝ်ႈ​ထႃႇၼႃႉ​တီႈ​သုင်​လႂ်၊ တူၼ်ႈ ဢႃႇသရႃႉ ​လႂ်၊ ရုၵ်ႈ​ထူႉ​ဢၼ်​တွင်ႈ​ႁဵတ်း​ၶၵ်း​ႁဵတ်း​လႂ်၊ ရုၵ်ႈ​ထူႉ​ဢၼ်​သွၼ်း​ႁဵတ်း​လေႃႇ​ႁဵတ်း​လႂ်၊ ပႅတ်ႈ​သေ​ၵႃႈ​ၼႂ်း​မိူင်း​ ယူႉတႃႉ ၊ တင်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="4">ၶဝ်​ဢွၼ်​ၵၼ်​ၵိူၼ်ႇ​ယႃႉ​ယိတ်ႈပလၢင်ႇ​ၽြႃး ပႃႇလႃႉ ​တင်း​လၢႆ တူၵ်း​ပႅတ်ႈ​ၵႃႈ​တီႈ​ၽၢႆႇ​ၼႃႈ​မၼ်း​လႄႈ ပမ်ႈ​ရုၵ်ႈ​ထူႉ​ၵၢင်​ဝၼ်း​တင်း​လၢႆ ဢၼ်​တၢင်ႇ​ဝႆႉ​ၵႃႈ​တီႈ​ဢၼ်​သုင်​ၵႃႈ​ၼိူဝ်​ယိတ်ႈပလၢင်ႇ​ၸိူဝ်း​ၼၼ်ႉ​လူမ်ႉ​ပႅတ်ႈ​ဢေႃႈ။ မၼ်း​ႁၵ်း​ႁဵၵ်း​တူၼ်ႈ ဢႃႇသရႃႉ ​လႂ်၊ ရုၵ်ႈ​ထူႉ​ဢၼ်​တွင်ႈ​ႁဵတ်း​ၶၵ်း​ႁဵတ်း​လႂ် ဢိၵ်ႇ​တင်း​ရုၵ်ႈ​ထူႉ​ဢၼ်​သွၼ်း​ႁဵတ်း​လေႃႇ​ႁဵတ်း​လႂ်​ပႅတ်ႈ​လႄႈ ႁႂ်ႈ​ပဵၼ်​မုၼ်ႈ​ပဵၼ်​ၽွင်​သေ​ယဝ်ႉ၊ ဢဝ်​ၽၢဝ်ႇ​ဢဝ်​ပိုၼ်​သႂ်ႇ​ၵႃႈ​ၼိူဝ်​သၢင်း​ၶႅင်း​ၶဝ်​ၸိူဝ်း​ဢၼ်​ပုၵ်ႈ​ၸေႃႇ​ယိတ်ႈ​တီႈ​ၸိူဝ်း​ၼၼ်ႉ​ၼၼ်ႉ​ဢေႃႈ။-</verse>
				<verse number="5">မၼ်း​ဢဝ်​လုပ်ႇ​ယိတ်ႈပရေႃးႁဵၵ်ႈ​တင်း​လၢႆ​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ၶဝ်​ၸိူဝ်း​ၼၼ်ႉ​လႄႈ ႁႂ်ႈ​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ မူတ်း​သႂ်​ဢေႃႈ။-</verse>
				<verse number="6">မိူၼ်​ၼင်ႇ​ၼၼ်​မၼ်း​ႁဵတ်း​တီႈ​ဝဵင်း​တင်း​လၢႆ ၵႃႈ​ၼႂ်း​လိၼ်​ မၼႃႇ​သေႇ ၊ လိၼ်​ ဢေႇၽရိမ်ႇ ၊ လိၼ်​ သီႉမုၼ်ႇ ၊ တေႃႇ​ထိုင်​ႁွတ်ႈ လိၼ်​ ၼပ်ႉထလီႉ ၵႃႈ​ၼႂ်း​ဝၢၼ်ႈ​လူႉ​ဝဵင်း​ႁၢမ်း​ၸိူဝ်း​ၼၼ်ႉ​လႄႈ၊-</verse>
				<verse number="7">ႁၵ်း​ႁဵၵ်း​ယိတ်ႈပလၢင်ႇ​တင်း​လၢႆ​ပႅတ်ႈ၊ ဢဝ်​တူၼ်ႈ​ ဢႃႇသရႃႉ ​လႂ် ဢိၵ်ႇ​တင်း​ရုၵ်ႈ​ထူႉ​ဢၼ်​တွင်ႈ​ႁဵတ်း​ၶၵ်း​ႁဵတ်း​လႂ် တွႆႇ​တမ်​ႁႂ်ႈ​ပဵၼ်​မုၼ်ႈ​ပဵၼ်​ၽွင်၊ ပမ်ႈ​ရုၵ်ႈ​ထူႉ​ၵၢင်​ဝၼ်း ၵႃႈ​ဢၼ်​မီး​ၵႃႈ​ၼႂ်း​မိူင်း​ ဢီႉသရေႇလႃႉ တင်း​သဵင်ႈ​တင်း​မူတ်း​ၼၼ်ႉ လူမ်ႉ​ပႅတ်ႈ​သေ​လႄႈ​ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ဢေႃႈ။</verse>
				<verse number="8">ၼႂ်း​ပီႊ​ဢၼ်​မၼ်း​ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ပၢႆ​ပႅတ်ႇ​ပီႊ​ၼၼ်ႉ၊ မၼ်း​ႁႂ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ တင်း​ပိၵ်ႈ​မၢၼ်ႇ​ၸဝ်ႈ​မူတ်း​သႂ်​သေ​ယဝ်ႉ၊ ပွႆႇ​ၸႂ်ႉ​ သႃႇၽၢၼ်ႇ လုၵ်ႈ​ၸၢႆး​ ဢႃႇၸႃႇလီႉ မဵဝ်ႉ​ဝုၼ်ႇ​ မႃႇသေႇယႃႉ ၊ ဢတႂၢင်းဝုၼ်ႇ​ ယေႃးဢေးလႃႉ လုၵ်ႈ​ၸၢႆး​ ယေႃးၶတ်ႉ ​ၸိူဝ်း​ၼၼ်ႉ ႁႂ်ႈ​လႆႈ​မႄး​ၵုမ်း​မႄး​ႁဵတ်း ႁိူၼ်း​ထႃႇဝရႃႉ​ၽြႃး​ၽြႃး​ပဵၼ်​ၸဝ်ႈ​မၼ်း​ဢေႃႈ။-</verse>
				<verse number="9">ၶဝ်​ၼၼ်ႉ​ၵႂႃႇ​ၸူး​ၵႃႈ​တီႈ​ၶုၼ်​ယိတ်ႈပရေႃးႁဵၵ်ႈ ႁီႉလၶီႉ ​လႄႈ ဢဝ်​ငိုၼ်း​ဢၼ်​ၵူၼ်း​တင်း​လၢႆ​ဢဝ်​မႃး​ၵႃႈ​တီႈ​ႁိူၼ်း​ၽြႃး​ပဵၼ်​ၸဝ်ႈ၊ ဢၼ်​ၵူၼ်း​မဵဝ်း​ လေႇဝီႉ ဢၼ်​ပႂ်ႉ​ၽၵ်း​တူ​ၸိူဝ်း​ၼၼ်ႉ ၶၢမ်ႇ​ဢဝ်​ၵႃႈ​တီႈ​မိုဝ်း​ၵူၼ်း​မဵဝ်း​ မၼႃႇ​သေႇ ၊ ၵူၼ်း​မဵဝ်း​ ဢေႇၽရိမ်ႇ ၊ ၵူၼ်း​မဵဝ်း​ ဢီႉသရေႇလႃႉ ဢၼ်​ၵိုတ်း​ဢၼ်​ၵျၢၼ်ႇ​ၵႃႈ​မီး၊ ၵူၼ်း​မဵဝ်း​ ယူႉတႃႉ ၊ ၵူၼ်း​မဵဝ်း​ ပိၼ်ႇယႃႇမိၼ်ႇ ၵူၼ်း​ၶႃႈ​ၵူၼ်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်​ၼၼ်ႉ​သေ​လႄႈ၊-</verse>
				<verse number="10">ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​သၢင်ႈ​ဢၼ်​ႁဵတ်း ဢၼ်​ဢုပ်ႉ​ၵႃႈ​ၼိူဝ်​ႁိူၼ်း​ထႃႇဝရႃႉ​ၽြႃး​ယူႇ​ၸိူဝ်း​ၼၼ်ႉ​သေ​ယဝ်ႉ၊ ၶဝ်​ၼၼ်ႉ​ဢွၼ်​ၵၼ်​မႅင်ႇ​ပၼ်​တီႈ​ၶဝ်​ၸိူဝ်း​ဢၼ်​သၢင်ႈ​ဢၼ်​ႁဵတ်း ႁႂ်ႈ​လႆႈ​မႄး​ၵုမ်း​မႄး​ႁဵတ်း​ႁိူၼ်း​ထႃႇဝရႃႉ​ၽြႃး၊-</verse>
				<verse number="11">ဢၼ်​ဝႃႈ​ၶဝ်​ၸိူဝ်း​ဢၼ်​မေႃ​တိၼ်​မေႃ​မိုဝ်း​လႂ် တင်း​လၢၵ်ႈသမႃး​လႂ်၊ ပုၼ်ႈ​ဢၼ်​တၵ်း​သိုဝ်ႉ​ဢဝ်​မၢၵ်ႇ​ႁိၼ် ဢၼ်​သပ်း​ယဝ်ႉ​ထၢၵ်ႇ​ယဝ်ႉ​လႂ် ဢိၵ်ႇ​တင်း ၶိုဝ်ႇ ပႄ တူင် ၵွၼ် ပုၼ်ႈ​ဢၼ်​တၵ်း​မႄး​ၵုမ်း​မႄး​ႁဵတ်း​လင် ဢၼ်​ၶုၼ်​ႁေႃ​ၶမ်း​ ယူႉတႃႉ ​တင်း​လၢႆ​ယႃႉ​ပႅတ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="12">ၶဝ်​ၸိူဝ်း​ဢၼ်​သၢင်ႈ​ႁဵတ်း​ၼၼ်ႉ​ဢွၼ်​ၵၼ်​ပႂ်ႉ​သဵတ်ႈ​ၸႃႇ​သေ​လႄႈ​သၢင်ႈ​ႁဵတ်း​ဢေႃႈ။ ၶဝ်​ၸိူဝ်း​ဢၼ်​ဢုပ်ႉ​ဢၼ်​ၶျုၵ်ႈ​ၶဝ်​ၼၼ်ႉ ပဵၼ်​ ယႃႇႁတ်ႉ တင်း​ ဢေႃးပတီႉ ၸိူဝ်ႉ​ၶိူဝ်း​ မေႇရႃႇရီႉ မဵဝ်း​ လေႇဝီႉ၊ ၸႃႇၶရီႉ တင်း​ မေႇသူႉလမ်ႇ ၸိူဝ်ႉ​ၶိူဝ်း​ ၵေႃႇႁတ်ႉ ​ၼၼ်ႉ ႁႂ်ႈ​လႆႈ​ဢွၼ်​ႁဵတ်း​ဢွၼ်​သၢင်ႈ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ၵႃႈ​ဢၼ်​ၸၢင်ႈ​ပဝ်ႇ​ၸၢင်ႈ​ႁႆႇ​မဵဝ်း​တူႇရီႉယႃႇ​သေ​လႄႈ ႁဵတ်း​ၵႂၢမ်း​ၸိူဝ်း​ၼၼ်ႉ​ဢေႃႈ။-</verse>
				<verse number="13">ၶဝ်​ၼၼ်ႉ လႆႈ​ဢွၼ်​ၵၼ်​လူ​တူၺ်း ဢုပ်ႉ​ၵႃႈ​ၼိူဝ်​ၶဝ်​ၸိူဝ်း​ဢၼ်​လႆႈ​တေႃႉ​လႆႈ​ႁၢပ်ႇ​ၼၼ်ႉ​လႄႈ ဢွၼ်​ႁဵတ်း​ဢွၼ်​သၢင်ႈ​ၶဝ် ၵႃႈ​ဢၼ်​လႆႈ​ႁဵတ်း​လႆႈ​သၢင်ႈ မဵဝ်း​တၢင်း​ႁဵတ်း​ၵူႈ​မဵဝ်း​ၸိူဝ်း​ၼၼ်ႉ​ဢေႃႈ။ ၵူၼ်း​ လေႇဝီႉ ​ၵမ်ႈ​ၽွင်ႈ​ၵေႃႈ လႆႈ​ႁဵတ်း​ၸရေး​လႂ်၊ ၵူၼ်း​လူင်​ဢၼ်​ၸီႇ​ယၢင်ႇ​တြႃး​လႂ်၊ ၵူၼ်း​ပႂ်ႉ​ၽၵ်း​တူ​လႂ်​ဢေႃႈ။</verse>
				<verse number="14">မိူဝ်ႈ​ဢၼ်​ၶဝ်​ဢဝ်​ငိုၼ်း​ဢၼ်​ဢဝ်​မႃး ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ​ဢွၵ်ႇ​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ ႁီႉလၶီႉ ထူပ်း​ႁၼ်​ၽိုၼ်​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ထႃႇဝရႃႉ​ၽြႃး​ဢၼ်​ မူဝ်းသေႇ ​တႅမ်ႈ​ဝႆႉ​ၼၼ်ႉ​လႄႈ၊-</verse>
				<verse number="15">ႁီႉလၶီႉ ​ၼၼ်ႉ မွၵ်ႇ​လၢတ်ႈ​လွင်ႈ​ဢၼ်​ထူပ်း​ႁၼ်​ၼၼ်ႉ တီႈ​ သႃႇၽၢၼ်ႇ ၸရေး​ၸဝ်ႈ​လႄႈ​ဝႃႈ၊ ၵဝ်​ထူပ်း​ၽိုၼ်​ၵျၢမ်း​ပိင်း​ၺၢပ်ႈ​တီႉ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ၊ ႁီႉလၶီႉ ​ၼၼ်ႉ ဢဝ်​ၵျၢမ်း​လိၵ်ႈ​ၼၼ်ႉ ဢၢပ်ႈ​ပၼ်​တီႈ​ သႃႇၽၢၼ်ႇ ​လႄႈ၊-</verse>
				<verse number="16">သႃႇၽၢၼ်ႇ ​ၼၼ်ႉ ဢဝ်​ၵျၢမ်း​လိၵ်ႈ​ၼၼ်ႉ​ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​သေ​လႄႈ ဢဝ်​ၵႂၢမ်း​ၶိုၼ်း​လဝ်ႊ​လၢတ်ႈ တီႈ​ၶုၼ်​ႁေႃ​ၶမ်း​လႄႈ​ဝႃႈ၊ တၢင်း​ႁဵတ်း​ၵႃႈ​ဢၼ် ၸဝ်ႈ​ႁဝ်း​သင်ႇ​လၢတ်ႈ​တီႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​ၸိုင် ၶႃႈ​ၸဝ်ႈ​ႁဝ်း​ၶဝ်​ဢွၼ်​ၵၼ်​ႁဵတ်း​တီႈ​ၶႃႈ​ဢေႃႈ။-</verse>
				<verse number="17">ၶဝ်​ဢဝ်​ငိုၼ်း​ဢၼ်​ထူပ်း​ႁၼ်​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ​ဢွၵ်ႇ​သေ​ယဝ်ႉ၊ ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ဢုပ်ႉ​ဢၼ်​ၶျုၵ်ႈ​လႂ် ဢိၵ်ႇ​တင်း​တီႈ​ၶဝ်​ၸိူဝ်း​ဢၼ်​သၢင်ႈ​ဢၼ်​ႁဵတ်း​လႂ်​ၼၼ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၸရေး​လူင်​ သႃႇၽၢၼ်ႇ ​သမ်ႉ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ယိတ်ႈပရေႃးႁဵၵ်ႈ​ ႁီႉလၶီႉ ​ၼၼ်ႉ ဢဝ်​ၽိုၼ်​လိၵ်ႈ​ဢၢပ်ႈ​ပၼ်​တီႈ​ၶႃႈ​ၸဝ်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ဢဝ်​ၽတ်း​ႁွတ်ႈ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="19">ၶုၼ်​ႁေႃ​ၶမ်း​ငိၼ်း​ၵႂၢမ်း​တြႃး​ၼၼ်ႉ​သေ​ယဝ်ႉ၊ သိၵ်ႇ​ၶူဝ်း​ၼုင်ႈ​မၼ်း​လႄႈ၊-</verse>
				<verse number="20">ၶုၼ်​ႁေႃ​ၶမ်း​မီး​ဢမိင်ႉ​တီႈ​ယိတ်ႈပရေႃးႁဵၵ်ႈ​ ႁီႉလၶီႉ၊ ဢႁီႉၵမ်ႇ လုၵ်ႈ​ၸၢႆး​ သႃႇၽၢၼ်ႇ၊ ဢႃႇပတုၼ်ႇ ​လုၵ်ႈ​ၸၢႆး​ မိၵ်ႉၶႃႇ၊ သႃႇၽၢၼ်ႇ ​ၸရေး​ၸဝ်ႈ၊ ဢသႃႇယႃႉ ၶႃႈ​ၶုၼ်​ႁေႃ​ၶမ်း​ၸိူဝ်း​ၼၼ်ႉ​လႄႈ​ဝႃႈ၊-</verse>
				<verse number="21">သူ​ဢွၼ်​ၵၼ်​ၵႂႃႇ​လႄႈ လဝ်ႊ​ထၢမ်​တီႈ​ထႃႇဝရႃႉ​ၽြႃး လူၺ်ႈ​လွင်ႈ​ၵႂၢမ်း​ၵျၢမ်း​လိၵ်ႈ ဢၼ်​ထူပ်း​ႁၼ်​မိူဝ်ႈ​လဵဝ်​ၼႆႉ​ၼၼ်ႉ​ပုၼ်ႈ​ၵဝ် ဢိၵ်ႇ​တင်း​ပုၼ်ႈ​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ တီႈ​မိူင်း​ ဢီႉသရေႇလႃႉ ဢိၵ်ႇ​တင်း​မိူင်း​ ယူႉတႃႉ ​တင်း​လၢႆ​ၼၼ်ႉ​သေ​ၵမ်း။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ပူႇ​ႁဝ်း​မွၼ်ႇ​ႁဝ်း​ၸိူဝ်း​ၼၼ်ႉ ယင်း​ဢမ်ႇ​ထွမ်ႇ​ဢမ်ႇ​ဢဝ်​ဢမိင်ႉ​ထႃႇဝရႃႉ​ၽြႃး ႁႂ်ႈ​လႆႈ​ၵျၢင်ႉ​ၸွမ်း​ၵႃႈ​ဢၼ်​တႅမ်ႈ​ဝႆႉ​ၵႃႈ​ၼႂ်း​ၵျၢမ်း​လိၵ်ႈ​ၼႆႉ​လႄႈ​ယူႇ​ၼၼ်ႉ​လႄႈ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢၼ်​တူၵ်း​ႁွတ်ႈ​ၵႃႈ​ၼိူဝ်​ႁဝ်း​ၼၼ်ႉ ပဵၼ်​ဢၼ်​ႁႅင်း​ယႂ်ႇ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">မိူဝ်ႈ​ၼၼ်ႉ ႁီႉလၶီႉ ဢိၵ်ႇ​တင်း​ၶဝ်​ၸိူဝ်း​ဢၼ်​ၶုၼ်​ႁေႃ​ၶမ်း​ပွႆႇ​ၸႂ်ႉ​ၼၼ်ႉ ဢွၼ်​ၵၼ်​ၵႂႃႇ​ၸူး​ၵႃႈ​တီႈ​မႄႈ​ယိင်း​ပရေႃးၽႅတ်ႈ ႁူႉလတႃႉ ၊ မေး​ သႃႇလုမ်ႇ ဝုၼ်ႇ​ဢၼ်​ပႂ်ႉ​လူ​ပႂ်ႉ​ထိင်း​ၶူဝ်း​ၼုင်ႈ​ၸဝ်ႈ ဢၼ်​ပဵၼ်​လုၵ်ႈ​ၸၢႆး​ တီႉၵဝႃႉ ဢၼ်​ပဵၼ်​လုၵ်ႈ​ၸၢႆး ရႃႇႁတ်ႉ ​လႄႈ ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ထၢပ်ႈ​ၼွၵ်ႈ​ၼၼ်ႉ​လႄႈ မွၵ်ႇ​လၢတ်ႈ​တီႈ​မၼ်း​ၼၼ်ႉ​ဢေႃႈ။-</verse>
				<verse number="23">မႄႈ​ယိင်း​ၼၼ်ႉ​ၵေႃႈ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ​ၸမ်ႉ၊ သူ​ၶိုၼ်း​မိူဝ်း​လၢတ်ႈ​တီႈ​ၵေႃႉ​ဢၼ် ပွႆႇ​ၸႂ်ႉ​သူ​မႃး​တီႈ​ၵဝ်​ၼၼ်ႉ​လႄႈ​ဝႃႈ၊-</verse>
				<verse number="24">ၵဝ်​တၵ်း​ႁႂ်ႈ​ၽေး​ႁွတ်ႈ​ထိုင် ၵႃႈ​ၼိူဝ်​တီႈ​ၼႆႈ ဢိၵ်ႇ​တင်း​ၵူၼ်း​ၵႃႈ​တီႈ​ၼႆႈ ႁႂ်ႈ​ၵႂၢမ်း​ဢၼ်​ၵိၼ်ႇ​ဝႃႈ​ၵႃႈ​ဢၼ်​တႅမ်ႈ​ဝႆႉ​ၵႃႈ​ၼႂ်း​ၵျၢမ်း​လိၵ်ႈ ၵႃႈ​ဢၼ်​ၶဝ်​လႆႈ​ၽတ်း ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ယူႉတႃႉ ​ယဝ်ႉ​ၼၼ်ႉ​ပျေႉ​ၸုမ်ႇ​ဢေႃႈ။-</verse>
				<verse number="25">လွင်ႈ​မၼ်း​ၸမ်ႉ ၶဝ်​ဢွၼ်​ၵၼ်​ၸုၼ်ႉ​ပႅတ်ႈ​ၵဝ်​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ​ၽြႃး​တၢင်ႇ​သူႇ​တၢင်ႇ​ပႃး ႁႂ်ႈ​လႆႈ​ဢဝ်​လွင်ႈ​တၢင်း​ဢၼ်​ၶဝ်​ႁဵတ်း​ၸိူဝ်း​ၼၼ်ႉ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ယဝ်ႉ၊ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၽႆး​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ယင်း​ဢမ်ႇ​မွတ်ႇ​လႄႈ တၵ်း​လႆႈ​တူၵ်း​ႁွတ်ႈ​ၵႃႈ​ၼိူဝ်​ၵႃႈ​တီႈ​ၼႆႈ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="26">လႆႈ​သမ်ႉ​သူ​တၵ်း​လႆႈ​ၶိုၼ်း​လဝ်ႊ​လၢတ်ႈ တီႈ​ၶုၼ်​ႁေႃ​ၶမ်း​ ယူႉတႃႉ ဢၼ်​ပွႆႇ​ၸႂ်ႉ​သူ​မႃး ႁႂ်ႈ​လႆႈ​လဝ်ႊ​ထၢမ်​တီႈ​ထႃႇဝရႃႉ​ၽြႃး​ၼၼ်ႉ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢဝ်​လွင်ႈ​ၵႂၢမ်း​ၵျၢမ်း​လိၵ်ႈ​ဢၼ်​ၸဝ်ႈ​လႆႈ​ငိၼ်း​ၼၼ်ႉ​လႄႈ မီး​ဢမိင်ႉ​လႄႈ​ဝႃႈ​ၸမ်ႉ၊-</verse>
				<verse number="27">ၵွပ်ႈ​ပိူဝ်ႈ​ဢၼ်​မႂ်း​မီး​ၸႂ်​ဢၼ်​ဢူၼ်ႈ​ဢွၼ်ႇ​လႄႈ ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၼႂ်း​မိူဝ်ႈ​ဢၼ်​မႂ်း​ငိၼ်း​ၵႂၢမ်း ဢၼ်​ၵဝ်​လွၵ်ႇ​ငိုတ်ႈ​တီႈ​ထႃႇၼႃႉ​တီႈ​ၼႆႈ ဢိၵ်ႇ​တင်း​တီႈ​ၵူၼ်း​ၵႃႈ​တီႈ​ၼႆႈ​ၸိူဝ်း​ၼၼ်ႉ​လႄႈ သိၵ်ႇ​ၶူဝ်း​ၼုင်ႈ​မႂ်း​သေ​လႄႈ​ႁႆႈ​ႁွင်ႉ ၵႃႈ​တီႈ​ၽၢႆႇ​ၼႃႈ​ၵဝ်​ၼၼ်ႉ​လႄႈ၊ ၵဝ်​ထွမ်ႇ​ဢဝ်​ၵႂၢမ်း​မႂ်း​ဢေႃႈ၊ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="28">ၵူၺ်း​ၵႃႈ ၵဝ်​တၵ်း​ဢဝ်​မႂ်း​သူင်ႇ​ႁွတ်ႈ​တီႈ​ဢၼ် ပူႇ​မႂ်း​မွၼ်ႇ​မႂ်း​ၸူႉ​တုမ်​ၼၼ်ႉ​လႄႈ မႂ်း​တၵ်း​လႆႈ​ၶဝ်ႈ​ၸူး​ၵႃႈ​တီႈ​သၢင်း​ၶႅင်း​ၼိမ်​ၼိမ်​လီ​လီ​ဢေႃႈ။ တႃ​မႂ်း​တၵ်း​လႆႈ​တူၺ်း​လႆႈ​ႁၼ် ၽေး​ၵႃႈ​ဢၼ်​ၵဝ်​ႁႂ်ႈ​ႁွတ်ႈ​ထိုင်​ၵႃႈ​ၼိူဝ်​တီႈ​ၼႆႈ ဢိၵ်ႇ​တင်း​ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ၼႆႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ၼၼ်ႉ​ဢွၼ်​ၵၼ်​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ဢေႃႈ။</verse>
				<verse number="29">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ပွႆႇ​ၸႂ်ႉ​လႄႈ ႁႂ်ႈ​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​မိူင်း​ ယူႉတႃႉ ၊ တင်း​ၵူၼ်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်​ၸူႉ​ၵၼ်​တုမ်​ၵၼ်​မႃး​လႄႈ၊-</verse>
				<verse number="30">ၶုၼ်​ႁေႃ​ၶမ်း​ၶိုၼ်ႈ​ၵႃႈ​ၼိူဝ်​ႁိူၼ်း​ထႃႇဝရႃႉ​ၽြႃး ဢိၵ်ႇ​လူၺ်ႈ​ၵၼ်​တင်း​ၵူၼ်း​မိူင်း​ ယူႉတႃႉ တင်း​ၵူၼ်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင် ယိတ်ႈပရေႃးႁဵၵ်ႈ​လႂ်၊ ၵူၼ်း​မဵဝ်း​ လေႇဝီႉ ​လႂ်၊ ၵူၼ်း​တင်း​သဵင်ႈ​တင်း​လူင်​ၸဵမ်​လဵၵ်ႉ​ၸဵမ်​ယႂ်ႇ​ၸိူဝ်း​ၼၼ်ႉ​လႄႈ ဢဝ်​ၵႂၢမ်း​ၵျၢမ်း​လိၵ်ႈ​ပတီႉၺိၺ်ႇ​တြႃး​ဢၼ်​ထူပ်း​ႁၼ် ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၼၼ်ႉ​ၵႃႈ​မီး​ၽတ်း​ႁႂ်ႈ​ႁူ​ၶဝ်​လႆႈ​ငိၼ်း​ဢေႃႈ။-</verse>
				<verse number="31">ၶုၼ်​ႁေႃ​ၶမ်း​ၵေႃႈ​ၸုၵ်း​ယူႇ​ၵႃႈ​ၼႂ်း​တီႈ​မၼ်း​သေ​လႄႈ ႁဵတ်း​တိၵ်ႈ​ထၢၼ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး လူၺ်ႈ​လွင်ႈ​ဢၼ်​မၼ်း​တၵ်း​ၸွမ်း​လင်​ထႃႇဝရႃႉ​ၽြႃး​လႄႈ ဢဝ်​တင်း​ႁူဝ်​ၸႂ်​သဵင်ႈ​သဵင်ႈ ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​တြႃး​မၼ်း​ၸဝ်ႈ၊ သၢၵ်ႈ​သေႇ​မၼ်း​ၸဝ်ႈ၊ ထုင်း​ၽိင်ႈ​တြႃး​မၼ်း​ၸဝ်ႈ​ၸိူဝ်း​ၼၼ်ႉ​သေ​လႄႈ ၵမ်​ၵျၢင်ႉ​ၸွမ်း​ၵႂၢမ်း​ပတီႉၺိၺ်ႇ ဢၼ်​ပႃး​ၵႃႈ​ၼႂ်း​ၵျၢမ်း​လိၵ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="32">မၼ်း​ၸီႇ​ယၢင်ႇ​ႁႂ်ႈ​ၶဝ် ၵႃႈ​ဢၼ်​လႆႈ​ထူပ်း​လႆႈ​ႁၼ်​လႄႈ ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ တင်း​လိၼ်​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ ႁပ်ႉ​တုင်း​ဢဝ်​ၵႂၢမ်း​ၼၼ်ႉ​ဢေႃႈ၊ ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၵမ်​ၵျၢင်ႉ​ၸွမ်း​ပတီႉၺိၺ်ႇ​တြႃး​ၽြႃး​ပဵၼ်​ၸဝ်ႈ​ဢၼ်​ပဵၼ်​ၽြႃး​ပဵၼ်​ၸဝ်ႈ​ပူႇ​ၶဝ်​မွၼ်ႇ​ၶဝ်​ၼၼ်ႉ​ဢေႃႈ။-</verse>
				<verse number="33">ယူဝ်းသီႉယႃႉ ပႄႇ​ၽဵဝ်ႈ​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ၵႃႈ​မီး​ပႅတ်ႈ​သေ ၵႃႈ​ၼႂ်း​မိူင်း​ဢၼ် ၵူၼ်း​မဵဝ်း​ ဢီႉသရေႇလႃႉ ​ပိူင်ႇ​ၵူႈ​တီႈ​ၵူႈ​လႅၼ်​ၼၼ်ႉ​လႄႈ ၸီႇ​ယၢင်ႇ​ႁႂ်ႈ​ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​မိူင်း​ ဢီႉသရေႇလႃႉ ​တင်း​လၢႆ​ၼၼ်ႉ ႁဵတ်း​ဝၢတ်ႈ​ဢၼ်​ဝႃႈ ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​ၼၼ်ႉ​သေ​လႄႈ ၸူဝ်ႈ​ပၢၼ်​မၼ်း​ၼၼ်ႉ​တဵမ်​တဵမ်၊ ၶဝ်​ၼၼ်ႉ​ယင်း​ဢမ်ႇ​သုတ်ႉ​ၶိုၼ်း​ယိုတ်း​ၶိုၼ်း​သေ​ၵႃႈ​တီႈ​တၢင်း​ဢၼ်​ၸွမ်း​လင် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ၶဝ်​မွၼ်ႇ​ၶဝ်​ၼၼ်ႉ​လႄႈ​ယူႇ​ဢေႃႈ။</verse>
			</chapter>
			<chapter number="35">
				<verse number="1">လႆႈ​သမ်ႉ ယူဝ်းသီႉယႃႉ ​ၶၢမ်ႇ​ပွႆး​ပႃႉသၶႃႇ​ပုၼ်ႈ​ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ ၼႂ်း​လိူၼ်​ပထမႃႉ​သိပ်း​သီႇ​ဝၼ်း​ၼၼ်ႉ ၶဝ်​ဢွၼ်​ၵၼ်​ဢဝ်​သူဝ်း​ဢွၼ်ႇ​ပႃႉသၶႃႇ​တၢႆ​ဢေႃႈ။-</verse>
				<verse number="2">မၼ်း​ၶၢၼ်း​ယိတ်ႈပရေႃးႁဵၵ်ႈ​တင်း​လၢႆ​ဝႆႉ​ၵႃႈ​ၼႂ်း​ဢရႃႇ​ၶဝ်​လႄႈ တိုၵ်း​ယူင်း​ၸူဝ်း​ဢဝ်​ၶဝ် ႁႂ်ႈ​ၶဝ်​ပွင်​ႁဵတ်း​ဢမူႉ​ႁိူၼ်း​ထႃႇဝရႃႉ​ၽြႃး​ဢေႃႈ။-</verse>
				<verse number="3">မၼ်း​မီး​ဢမိင်ႉ တီႈ​ၵူၼ်း​မဵဝ်း​ လေႇဝီႉ ဢၼ်​သင်ႇ​သွၼ်​မဵဝ်း​ ဢီႉသရေႇလႃႉ ​ၵႃႈ​မီး​လႄႈ မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး​ၸိူဝ်း​ၼၼ်ႉ​လႄႈ​ဝႃႈ၊ ဢွၼ်​ၵၼ်​ဢဝ်​တိူၵ်ႈ​တႃႇ​ၸဝ်ႈ ဢၼ်​မူတ်း​ၸၢင်ႇ​ၼၼ်ႉ​သႂၢင်း​သႂ်ႇ​ဝႆႉ​ၵႃႈ​ၼႂ်း​ႁိူၼ်း​ၸဝ်ႈ ဢၼ်​ သေႃးလမုၼ်ႇ လုၵ်ႈ​ၸၢႆး​ တႃႇဝိတ်ႈ ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ တႄႇ​ႁဵတ်း​ၼၼ်ႉ​တႃႉ။ ၵမ်း​လိုၼ်း​ယင်း​ဢမ်ႇ​လႆႈ​ပဵၼ်​ၶူဝ်း​ႁၢပ်ႇ​ၶူဝ်း​ပႃး​ၵႃႈ​ၼိူဝ်​ႁူဝ်​မႃႇ​သူ​ယဝ်ႉ။ မိူဝ်ႈ​လဵဝ်​ၼႆႉ​ၸိုင်၊ သူ​ဢွၼ်​ၵၼ်​ပွင်​ႁဵတ်း​ဢမူႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢိၵ်ႇ​တင်း​ဢမူႉ​ၵူၼ်း​မၼ်း​ၸဝ်ႈ မဵဝ်း​ ဢီႉသရေႇလႃႉ ​တႃႉ။-</verse>
				<verse number="4">ဢွၼ်​ၵၼ်​မႄး​ႁႅၼ်း​တူဝ်​သူ​ဝႆႉ ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​သူ ၵႃႈ​ၼင်ႇ​ဢၼ်​ပဵၼ်​မုၵ်ႉ​ပဵၼ်​ၸိူဝ်း​ဝႆႉ မႅၼ်ႈ​ၵၼ်​တင်း​လိၵ်ႈ​ တႃႇဝိတ်ႈ ၶုၼ်​ႁေႃ​ၶမ်း​ ဢီႉသရေႇလႃႉ ဢိၵ်ႇ​တင်း​လိၵ်ႈ​ သေႃးလမုၼ်ႇ ​လုၵ်ႈ​ၸၢႆး​ၸဝ်ႈ​ၼၼ်ႉ​လႄႈ၊-</verse>
				<verse number="5">ၸုၵ်း​ယူႇ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ ၸွမ်း​ၵႃႈ​ၼင်ႇ​ဢၼ်​မဵဝ်း​ပူႇ​မဵဝ်း​ပေႃႈ​ပီႈ​ၼွင်ႉ​သူ ဢၼ်​ဝႃႈ​ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ​လႆႈ​ၶၢမ်ႇ​တၢင်း​ဢၼ်​ၽႄ​ဝႆႉ​ႁင်း​ၽႂ်​ႁင်း​မၼ်း​သေ​လႄႈ ႁႂ်ႈ​မဵဝ်း​ပူႇ​မဵဝ်း​ပေႃႈ​ၵူၼ်း​မဵဝ်း​ လေႇဝီႉ ယေႈ​ပုၼ်ႈ​ပဵၼ်​ပုၼ်ႈ​ယေႈ​မဵဝ်း​ႁင်း​ၽႂ်​ႁင်း​မၼ်း​ၼၼ်ႉ​တႃႉ။-</verse>
				<verse number="6">ၼင်ႇ​ၼၼ်​လႄႈ ဢွၼ်​ၵၼ်​ဢဝ်​သူဝ်း​ဢွၼ်ႇ ပႃႉသၶႃႇ ​တၢႆ​လႄႈ ႁႂ်ႈ​တူဝ်​သူ​မူတ်း​ၸၢင်ႇ​သေ​လႄႈ မႄး​ႁႅၼ်း​ပီႈ​ၼွင်ႉ​သူ​ၸိူဝ်း​ၼၼ်ႉ​ဝႆႉ ႁႂ်ႈ​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​ဢဝ်​ မူဝ်းသေႇ သင်ႇ​လၢတ်ႈ​ဝႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ယူဝ်းသီႉယႃႉ ဢဝ်​သူဝ်း​ဢွၼ်ႇ​ပႄႉ​ဢွၼ်ႇ ၵႃႈ​ၼႂ်း​ၽုင်​သူဝ်း​ၽုင်​ပႄႉ​သၢမ်​မိုၼ်ႇ ဢိၵ်ႇ​တင်း​ဝူဝ်း​သၢမ်​ႁဵင် ဢၢပ်ႈ​ပၼ်​ၵူၼ်း​ဝၢၼ်ႈ​ၵူၼ်း​မိူင်း ၵႃႈ​ဢၼ်​ၸူႉ​တုမ်​တင်း​သဵင်ႈ​တင်း​လူင်​ၼၼ်ႉ ပုၼ်ႈ​တၢင်း​ပုၵ်ႈ​ၸေႃႇ​ပႃႉသၶႃႇ​ဢေႃႈ။ ဢၼ်​ၸိူဝ်း​ၼၼ်ႉ​ၸမ်ႉ၊ ပဵၼ်​ဢုၵ်ႉ​ၸႃႇ​ၶုၼ်​ႁေႃ​ၶမ်း​ဢေႃႈ။-</verse>
				<verse number="8">မူး​မၢတ်ႈ​ၽွင်း​မိူင်း​မၼ်း​တင်း​လၢႆ​ၵေႃႈ ဢွၼ်​ၵၼ်​မီး​ၸႂ်​ၸေႇတၼႃႇ​သေ​လႄႈ ပၼ်​တီႈ​ၵူၼ်း​တင်း​လၢႆ ဢိၵ်ႇ​တင်း​ယိတ်ႈပရေႃးႁဵၵ်ႈ​တင်း​လၢႆ တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢေႃႈ။ ႁီႉလၶီႉ၊ ၸႃႇၶရီႉ၊ ယေႇႁေႇလႃႉ ၊ ဢၼ်​ဢုပ်ႉ​ၵႃႈ​ၼိူဝ်​ႁိူၼ်း​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ဢဝ်​သူဝ်း​ပႄႉ သွင်​ႁဵင်​ပၢႆ​ႁူၵ်း​ပၢၵ်ႇ တင်း​ဝူဝ်း​သၢမ်​ပၢၵ်ႇ ဢၢပ်ႈ​ပၼ်​တီႈ​ယိတ်ႈပရေႃးႁဵၵ်ႈ​တင်း​လၢႆ ပုၼ်ႈ​တၢင်း​ပုၵ်ႈ​ၸေႃႇ ပႃႉသၶႃႇ ​ဢေႃႈ။-</verse>
				<verse number="9">ၵေႃးၼၼီႉ ဢိၵ်ႇ​တင်း​ သေႇမႃႇယႃႉ တင်း​ ၼႃႇသၼေႇလႃႉ ဢၼ်​ပဵၼ်​ၼွင်ႉ​ၸၢႆး​မၼ်း ႁႃႇသပီႉ၊ ယေႇယေႇလႃႉ၊ ယေႃးသပတ်ႉ ဢၼ်​ပဵၼ်​ငဝ်ႈ​ပဵၼ်​ႁူဝ် ၵူၼ်း​မဵဝ်း​ လေႇဝီႉ ​ၼၼ်ႉ ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ဢဝ်​သူဝ်း​ပႄႉ​ႁႃႈ​ႁဵင် တင်း​ဝူဝ်း​ႁႃႈ​ပၢၵ်ႇ ဢၢပ်ႈ​ပၼ်​တီႈ​ၵူၼ်း​မဵဝ်း​ လေႇဝီႉ ​တင်း​လၢႆ ပုၼ်ႈ​တၢင်း​ပုၵ်ႈ​ၸေႃႇ​ ပႃႉသၶႃႇ ​ဢေႃႈ။-</verse>
				<verse number="10">ၼင်ႇ​ၼၼ်​လႄႈ ၶဝ်​ဢွၼ်​ၵၼ်​မႄး​ႁႅၼ်း​ပုၼ်ႈ​ဢၼ်​တၵ်း​ႁဵတ်း​ဝၢတ်ႈ​လႄႈ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​ဢွၼ်​ၵၼ်​ၸုၵ်း​ယူႇ​ၵႃႈ​ၼႂ်း​တီႈ​ယူႇ​ၶဝ်​သေ​လႄႈ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ႁဵတ်း​ပဵၼ်​မုၵ်ႉ​ပဵၼ်​ၸိူဝ်း​ယူႇ ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၶုၼ်​ႁေႃ​ၶမ်း​မီး​ၼၼ်ႉ​ဢေႃႈ။-</verse>
				<verse number="11">ၶဝ်​ဢွၼ်​ၵၼ်​ဢဝ်​သူဝ်း​ဢွၼ်ႇ​ ပႃႉသၶႃႇ ​တၢႆ​လႄႈ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ဢွၼ်​ၵၼ်​ဢဝ်​လိူတ်ႈ​ဢၼ်​ၶဝ်​ႁပ်ႉ​ၶၢမ်ႇ​ဢဝ်​ၵႃႈ​တီႈ​မိုဝ်း​ၶဝ်​ၼၼ်ႉ ၽႅတ်း​သႂ်ႇ​ယူႇ၊ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​လွၵ်ႈ​ၼင်​မၼ်း​ယူႇ​ဢေႃႈ။-</verse>
				<verse number="12">ၶဝ်​ဢွၼ်​ၵၼ်​ၽႄ​ဢဝ်​ယိတ်ႈ​ဢၼ်​တုတ်ႇ​ၽႆး​တင်း​လၢႆ ႁႂ်ႈ​လႆႈ​မႅင်ႇ​ပၼ်​ၸွမ်း​လူၺ်ႈ တၢင်း​ဢၼ်​မဵဝ်း​ပူႇ​မဵဝ်း​ပေႃႈ​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ လႆႈ​ၶၢမ်ႇ​တၢင်း​ဢၼ်​ၽႄ​ဝႆႉ​ႁင်း​ၽႂ်​ႁင်း​မၼ်း ႁႂ်ႈ​လႆႈ​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​မႅၼ်ႈ​ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ ၵႃႈ​ၼႂ်း​ၵျၢမ်း​လိၵ်ႈ​ မူဝ်းသေႇ ​ၼၼ်ႉ​ဢေႃႈ။ ဝူဝ်း​တင်း​လၢႆ​ၵေႃႈ ၶဝ်​ဢဝ်​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="13">ၶဝ်​ဢွၼ်​ၵၼ်​ဢဝ်​သူဝ်း​ဢွၼ်ႇ​ ပႃႉသၶႃႇ ပိင်ႈ​ၽႆး​ႁၢင်း​ၽႆး​ၸွမ်း​ၵႃႈ​ၼင်ႇ​ဢၼ်​ထုင်း​ၽိင်ႈ​တြႃး​မီး​ၼၼ်ႉ​လႄႈ ဢဝ်​ၶိူင်ႈ​ပုၵ်ႈ​ၸေႃႇ​တၢင်း​ဢၼ်​မူတ်း​ၸၢင်ႇ​ၸိူဝ်း​ၼၼ်ႉ တူမ်ႈ​ၵႃႈ​ၼႂ်း​မေႃႈ​လိၼ်၊ မေႃႈ​လဵၵ်း ဢွမ်​လဵၵ်း​သေ​လႄႈ ဢဝ်​ၽႄ​မႅင်ႇ​ပၼ်​တီႈ​ၵူၼ်း​တင်း​သဵင်ႈ​တင်း​လူင်​ၶၼ်​ၶၼ်​ၽႂ်း​ၽႂ်း​ဢေႃႈ။-</verse>
				<verse number="14">လိုၼ်း​ၼၼ်ႉ ၶဝ်​ဢွၼ်​ၵၼ်​မႄး​ႁဵတ်း​မႄး​ႁႅၼ်း​ပုၼ်ႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ပုၼ်ႈ​ယိတ်ႈပရေႃးႁဵၵ်ႈ​တင်း​လၢႆ​ဢေႃႈ။ ၵွပ်ႈ​ပိူဝ်ႈ​ဢၼ်​ယိတ်ႈပရေႃးႁဵၵ်ႈ​ၵူၼ်း​မဵဝ်း​ ဢႃႇရုၼ်ႇ ​ၸိူဝ်း​ၼၼ်ႉ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ၵွၼ်ႈ​ၶႆ​ၵွၼ်ႈ​မၼ်း မၼ်း​ယူႇ​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​လႄႈ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ လႆႈ​ဢွၼ်​ၵၼ်​မႄး​ႁဵတ်း​မႄး​ႁႅၼ်း​ပုၼ်ႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ပုၼ်ႈ ယိတ်ႈပရေႃးႁဵၵ်ႈ​ၵူၼ်း​မဵဝ်း​ ဢႃႇရုၼ်ႇ ​ၸိူဝ်း​ၼၼ်ႉ​ဝႆႉ​ဢေႃႈ။-</verse>
				<verse number="15">မေႃ​ႁဵတ်း​ၵႂၢမ်း ၵူၼ်း​မဵဝ်း​ ဢႃႇသပ်ႉ ​ၸိူဝ်း​ၼၼ်ႉ ဢွၼ်​ၵၼ်​မီး​ယူႇ​ၵႃႈ​ၼႂ်း​တီႈ​ယူႇ​ၶဝ် ၸွမ်း​ၵႃႈ​ၼင်ႇ​ဢၼ်​ တႃႇဝိတ်ႈ၊ ဢႃႇသပ်ႉ၊ ႁေႇမၼ်ႇ ၊ တင်း​ ယေႇတူႉသုၼ်ႇ ၵေႃႉ​ဢၼ်​ႁူ​ပွင်ႇ​တႃ​လႅင်း တီႈ​ၶုၼ်​ႁေႃ​ၶမ်း​ၼၼ်ႉ​ၸိူဝ်း​ၼၼ်ႉ​ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။ ၵူၼ်း​ပႂ်ႉ​ၽၵ်း​တူ​ၸိူဝ်း​ၼၼ်ႉ​ၵေႃႈ၊ ဢွၼ်​ၵၼ်​မီး​ယူႇ​ၵႃႈ​တီႈ ႁူး​ၽၵ်း​တူ​ၽႂ်​ႁူး​ၽၵ်း​တူ​မၼ်း​လႄႈ ဢမ်ႇ​လႆႈ​ယႃႉ​လႆႈ​ဝႆႉ​ဢမူႉ​ၶဝ်​ၵွပ်ႈ​ပိူဝ်ႈ​ဢၼ်​ပီႈ​ၼွင်ႉ​ၶဝ် ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​မႄး​ႁႅၼ်း​ပုၼ်ႈ​ၶဝ်​ယူႇ​ၼၼ်ႉ​ဢေႃႈ။-</verse>
				<verse number="16">ၶဝ်​ဢွၼ်​ၵၼ်​မႄး​ႁဵတ်း​မႄး​ႁႅၼ်း​ဝၢတ်ႈ​ဢၼ် လႆႈ​ႁဵတ်း​တီႈ​ထႃႇဝရႃႉ​ၽြႃး ၼႂ်း​ဝၼ်း​ၼၼ်ႉ​ၵမ်း​လဵဝ် ႁႂ်ႈ​လႆႈ​ၶၢမ်ႇ​ပွႆး​ ပႃႉသၶႃႇ ​လႄႈ​ပုၵ်ႈ​ၸေႃႇ ယိတ်ႈ​ဢၼ်​တုတ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​ၶုၼ်​လူင်​ ယူဝ်းသီႉယႃႉ မီး​ဢမိင်ႉ​ၼၼ်ႉ​ဢေႃႈ။-</verse>
				<verse number="17">ၵူၼ်း​မဵဝ်း​ ဢီႉသရေႇလႃႉ ဢၼ်​ၸူႉ​ၵၼ်​တုမ်​ၵၼ်​ၸိူဝ်း​ၼၼ်ႉ ဢွၼ်​ၵၼ်​ၶၢမ်ႇ​ပွႆး​ ပႃႉသၶႃႇ ဢိၵ်ႇ​တင်း​ပွႆး​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၸဵတ်း​ဝၼ်း​တဵမ်​တဵမ် ၼႂ်း​ၶိင်ႇ​မိူဝ်ႈ​ၼၼ်ႉ​ဢေႃႈ။-</verse>
				<verse number="18">ပွႆး​ဢၼ်​မိူၼ်​ၸိူဝ်ႉ​ၼင်ႇ​ပွႆး​ ပႃႉသၶႃႇ ဢၼ်​ ယူဝ်းသီႉယႃႉ ဢိၵ်ႇ​တင်း​ယိတ်ႈပရေႃးႁဵၵ်ႈ​လႂ်၊ ၵူၼ်း​မဵဝ်း​ လေႇဝီႉ ​လႂ်၊ ၵူၼ်း​မိူင်း​ ယူႉတႃႉ တင်း​ၵူၼ်း​မိူင်း​ ဢီႉသရေႇလႃႉ ၵႃႈ​ဢၼ်​ၸူႉ​တုမ်​လႂ်၊ ၵူၼ်း​ဝဵင်း​ ယေႇရူႉသလႅမ်ႇ ​လႂ် ၶၢမ်ႇ​ၼၼ်ႉ​ၸိုင်​ၸႃႉ​ၸဵမ်​ၸူဝ်ႈ​ပၢၼ်​ပရေႃးၽႅတ်ႈ​ သမူၺ်ႇလႃႉ ​ၼၼ်ႉ​လႄႈ ဢမ်ႇ​တွၼ်ႉ​ၶၢမ်ႇ​ၵႃႈ​တီႈ​သိုင်ႇ​ၸိုင်ႈ​ဝၢၼ်ႈ​မိူင်း​ ဢီႉသရေႇလႃႉ ။ ပွႆး​ ပႃႉသၶႃႇ ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် ၶုၼ်​ႁေႃ​ၶမ်း​ ဢီႉသရေႇလႃႉ ​တင်း​လၢႆ ဢမ်ႇ​တွၼ်ႉ​ၶၢမ်ႇ​သေ​ၵေႃႉ​သေ​ၵူၼ်း။-</verse>
				<verse number="19">ၼႂ်း​ပီႊ​ဢၼ်​ ယူဝ်းသီႉယႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ပၢႆ​ပႅတ်ႇ​ပီႊ​ၼၼ်ႉ ၶဝ်​ဢွၼ်​ၵၼ်​ၶၢမ်ႇ​ပွႆး​ ပႃႉသၶႃႇ ​ၼၼ်ႉ​ဢေႃႈ။</verse>
				<verse number="20">လိုၼ်း​ၼၼ်ႉ​မိူဝ်ႈ​ဢၼ် ယူဝ်းသီႉယႃႉ မႄး​ၵုမ်း​မႄး​ႁဵတ်း​ပိၵ်ႈ​မၢၼ်ႇ​ၸဝ်ႈ​ယဝ်ႉ​ၼၼ်ႉ​ၸိုင် ၼေႇၶေႃႇ ​ၶုၼ်​ႁေႃ​ၶမ်း​ ဢေႇၵိပ်ႉတူႉ ၶီႇ​သိုၵ်း​ၶိုၼ်ႈ​ၸူး​ၵႃႈ​တီႈ​ဝဵင်း ၶႃႇၶေႇမိတ်ႉ ၵႃႈ​တီႈ​ႁိမ်း​ၼမ်ႉ​ႁွင်ႈ ဢူႉၽရတ်ႉ ​ၼၼ်ႉ​လႄႈ ယူဝ်းသီႉယႃႉ ​ဢွၵ်ႇ​ၵႂႃႇ ႁႂ်ႈ​လႆႈ​ႁႄႉ​တၢင်း​မၼ်း​ၼၼ်ႉ​ဢေႃႈ။-</verse>
				<verse number="21">မၼ်း​ၼၼ်ႉ​ပွႆႇ​ၸႂ်ႉ​တမၢၼ်ႇ​တင်း​လၢႆ​မႃး​တီႈ​မၼ်း​လႄႈ သင်ႇ​လၢတ်ႈ​ဝႃႈ၊ ၶုၼ်​ႁေႃ​ၶမ်း​ ယူႉတႃႉ ​ဢိူၺ်း၊ မႂ်း​ၸၢပ်ႈ​သႅင်ႇ​ၵၼ်​တင်း​ၵဝ်​ၸိူဝ်ႉ​ၼင်ႇ​ႁိုဝ်။ ၵဝ်​ၶီႇ​သိုၵ်း​ၸူး​တီႈ​မႂ်း​ဝၼ်း​မိူဝ်ႈ​ၼႆႉ​ဢမ်ႇ​ၸႂ်ႈ၊ ၵဝ်​ၶီႇ​သိုၵ်း​ၸူး​တီႈ​ၶဝ်​ၸိူဝ်း​ဢၼ်​တိုၵ်း​တေႃး​ၵၼ်​တင်း​ၵဝ်​ၼၼ်ႉ​ဢေႃႈ။ ၽြႃး​ပဵၼ်​ၸဝ်ႈ​သင်ႇ​လၢတ်ႈ​ဝႆႉ​ႁႂ်ႈ​ၵဝ်​ႁဵတ်း​ၶၼ်​ၶၼ်​ၽႂ်း​ၽႂ်း​ယဝ်ႉ။ ယႃႇ​ပေ​ႁဵတ်း​ၶတ်း​ၵၼ်​တင်း​ၽြႃး​ပဵၼ်​ၸဝ်ႈ​ဢၼ်​မီး​ယူႇ​ၽၢႆႇ​ၵဝ်​ၼႆႉ​လႄႈ​ယူႇ​သေ​ၵမ်း။ ပေႃး​ဢမ်ႇ​ၼၼ် မၼ်း​ၸဝ်ႈ​တၵ်း​ယႃႉ​မႂ်း​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၵူၺ်း​ၵႃႈ​ ယူဝ်းသီႉယႃႉ ဢမ်ႇ​ဝၢႆႇ​ၼႃႈ​မၼ်း​ၶိုၼ်း​သေ​ၵႃႈ​တီႈ​မၼ်း​ၼၼ်ႉ​လႄႈ ယႃႉ​ႁၢင်ႈ​ယႃႉ​ၽၢင်​မၼ်း​ႁႂ်ႈ​လႆႈ​တိုၵ်း​သိုၵ်း​ၵၼ်​တင်း​မၼ်း​ၼၼ်ႉ​ယူႇ​သေ​လႄႈ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ဢၼ်​ ၼေႇၶေႃႇ ​ၼၼ်ႉ ဢဝ်​ဢမိင်ႉ​ၽြႃး​ပဵၼ်​ၸဝ်ႈ​သင်ႇ​လၢတ်ႈ​ၼၼ်ႉ​လႄႈ ၶဝ်ႈ​ၵႃႈ​ၼႂ်း​ပွႆး​သိုၵ်း​ၵႃႈ​တီႈ​ပၢင်ႇ​ႁူၺ်ႈ​ မေႇၵိတ်ႉတေႃႇ ​ဢေႃႈ။-</verse>
				<verse number="23">ႁူဝ်​ႁၢၼ်​ၵူၼ်း​သိုၵ်း​ဢၼ်​ယိပ်း​ၵမ်​ၵၢင်ႇ​ၸိူဝ်း​ၼၼ်ႉ ပိုတ်း​ယိုဝ်း​သႂ်ႇ​ၶုၼ်​လူင်​ ယူဝ်းသီႉယႃႉ ​လႄႈ ထုၵ်ႇ​မႅၼ်ႈ​သေ​ယဝ်ႉ၊ ၶုၼ်​လူင်​လၢတ်ႈ​တီႈ​ၶႃႈ​မၼ်း​ၵူၼ်း​မၼ်း​လႄႈ​ဝႃႈ၊ ဢဝ်​ၵဝ်​ဢွၵ်ႇ​ၵႂႃႇ​တႃႉ၊ ၵဝ်​လႆႈ​ၶၢမ်ႇ​တၢင်း​ဢၼ်​တိူဝ်ႉ​မၢတ်ႇ​ဢၼ်​ၸဵပ်း​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="24">ၶႃႈ​မၼ်း​ၵူၼ်း​မၼ်း​ဢွၼ်​ၵၼ်​ဢဝ်​မၼ်း​ၶျႃး​လူင်း​သေ​ၵႃႈ​ၼိူဝ်​လေႃႉရထႃး​မၼ်း​လႄႈ တၢင်ႇ​ၵႃႈ​ၼိူဝ်​လေႃႉရထႃး​တူႉတီႉယႃႉ​သေ​ယဝ်ႉ၊ ဢဝ်​မၼ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ မၼ်း​ႁွတ်ႈ​ဢၼိၵ်ႈၸႃႉ​သေ​လႄႈ ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၵႃႈ​ၼႂ်း​သၢင်း​ၶႅင်း​ပူႇ​မွၼ်ႇ​မၼ်း​တင်း​လၢႆ​ဢေႃႈ။ ၵူၼ်း​မိူင်း​ ယူႉတႃႉ တင်း​ၵူၼ်း​ဝဵင်း​ ယေႇရူႉသလႅမ်ႇ ​တင်း​သဵင်ႈ​တင်း​လူင်​ဢွၼ်​ၵၼ်​ႁဵတ်း​တၢင်း​ဢၼ်​ႁႆႈ​ႁွင်ႉ​ပွင်ႉ​ၶၢင်း​ၵွပ်ႈ​ပိူဝ်ႈ​ ယူဝ်းသီႉယႃႉ ​ၼၼ်ႉ​ဢေႃႈ။-</verse>
				<verse number="25">ယေႇရမီႉ ​ၵေႃႈ​ၸီႇ​ယၢင်ႇ​ၸၢပ်ႈ​ၵႂၢမ်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ​ဝႆႉ​လႄႈ မႄႈ​ယိင်း​ၵူၼ်း​ၸၢႆး ဢၼ်​မေႃ​ႁဵတ်း​ၵႂၢမ်း​ၵႃႈ​မီး​ၼၼ်ႉ​ဢွၼ်​ၵၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ ယူဝ်းသီႉယႃႉ ​ယူႇ​သေ​လႄႈ သုင်း​သွင်ႇ​ၵႂၢမ်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​လႄႈ ႁႂ်ႈ​ပဵၼ်​ထုင်း​ပဵၼ်​ၽိင်ႈ တီႈ​မဵဝ်း​ ဢီႉသရေႇလႃႉ ​ယူႇ​ဢေႃႈ။ ၵႂၢမ်း​ၼၼ်ႉ​တႅမ်ႈ​ဝႆႉ​မီး​ယူႇ​ၵႃႈ​ၼႂ်း​လိၵ်ႈ​ဢၼ်​ပွင်ႉ​ၶၢင်း​ပွင်ႉ​မိူၼ်ႇ​ၼၼ်ႉ​ဢေႃႈ။</verse>
				<verse number="26">လွင်ႈ​တၢင်း​ ယူဝ်းသီႉယႃႉ ဢၼ်​ယင်း​ၵိုတ်း​ယင်း​ၵျၢၼ်ႇ ဢိၵ်ႇ​တင်း​လွင်ႈ​တၢင်း​ဢၼ်​မၼ်း​ႁဵတ်း​ၵျေး​ၸူး ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ထႃႇဝရႃႉ​ၽြႃး၊-</verse>
				<verse number="27">လွင်ႈ​တၢင်း​ဢၼ်​မၼ်း​ၵမ်​ၵျၢင်ႉ​ၸဵမ်​ငဝ်ႈ​တေႃႇ​ပၢႆ​ၼၼ်ႉ​ၸိူဝ်း​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​ၼႂ်း ရႃႇၸဝၢင်ႇ​ ဢီႉသရေႇလႃႉ တင်း​ရႃႇၸဝၢင်ႇ​ ယူႉတႃႉ ​ဢေႃႈ။</verse>
			</chapter>
			<chapter number="36">
				<verse number="1">ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ဢွၼ်​ၵၼ်​ဢဝ် ယေႃးၶတ်ႉ လုၵ်ႈ​ၸၢႆး​ၸဝ်ႈ​ ယူဝ်းသီႉယႃႉ ​လႄႈ ႁႂ်ႈ​မၼ်း​ပဵၼ်​ၶုၼ်​ႁေႃ​ၶမ်း​တၢင်​တူဝ်​ၸဝ်ႈ​ပေႃႈ​မၼ်း ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="2">ယေႃးၶတ်ႉ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​သၢဝ်း​ပၢႆ​သၢမ်​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သၢမ်​လိူၼ်​ဢေႃႈ။-</verse>
				<verse number="3">မၼ်း​ၼၼ်ႉ​ၸိုင်၊ ၶုၼ်​ႁေႃ​ၶမ်း​ ဢေႇၵိပ်ႉတူႉ ၶျႃး​တူၵ်း​ႁၢင်ႈ​တူၵ်း​ႁေႃ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​သေ​လႄႈ ယွၼ်း​ဢဝ်​ၶွၼ်ႇ​ငိုၼ်း​ပၢၵ်ႇ​ တလၢၼ်ႇတၢၼ်ႇ တင်း​ၶမ်း​ တလၢၼ်ႇတၢၼ်ႇ ​ၼိုင်ႈ တီႈ​မိူင်း​ၸဝ်ႈ​ဢေႃႈ။-</verse>
				<verse number="4">ၶုၼ်​ႁေႃ​ၶမ်း​ ဢေႇၵိပ်ႉတူႉ ​ၼၼ်ႉ ဢဝ်​ ဢေးလျႃႇၵိမ်ႇ ပီႈ​ၸၢႆး​ ယေႃးၶတ်ႉ ​ၼၼ်ႉ ႁဵတ်း​ၶုၼ်​ႁေႃ​ၶမ်း ၵႃႈ​ၼိူဝ်​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ ​လႄႈ တၢင်ႇ​ပၼ်​ၸိုဝ်ႈ​မႂ်ႇ​သဵင်​မႂ်ႇ ယေႃးယၵိမ်း ​သေ​ယဝ်ႉ၊ ၼေႇၶေႃႇ ​ၼၼ်ႉ ဢဝ်​ ယေႃးၶတ်ႉ ၼွင်ႉ​ၸၢႆး​ၸဝ်ႈ​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။</verse>
				<verse number="5">ယေႃးယၵိမ်း ​ၼၼ်ႉ၊ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​သၢဝ်း​ပၢႆ​ႁႃႈ​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သိပ်း​ပၢႆ​ဢဵတ်း​ပီႊ​ဢေႃႈ။ မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ ထႃႇဝရႃႉ​ၽြႃး​ၽြႃး​ပဵၼ်​ၸဝ်ႈ​မၼ်း​ဢေႃႈ။-</verse>
				<verse number="6">ၼေႇပူႉၶတ်ႉၼေႇၸႃႇ ​ၶုၼ်​ႁေႃ​ၶမ်း​ ပႃႇပူႉလုၼ်ႇ ၶီႇ​သိုၵ်း​ၶိုၼ်ႈ​ၸူး​မၼ်း​လႄႈ ဢဝ်​ၸိူၵ်ႈ​လဵၵ်း​မတ်ႉ​ၽုၵ်ႇ​မၼ်း ႁႂ်ႈ​လႆႈ​ဢဝ်​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ဢေႃႈ။-</verse>
				<verse number="7">ၶိူင်ႈ​ပိူင်​ႁိူၼ်း​ထႃႇဝရႃႉ​ၽြႃး​တင်း​လၢႆ​ၵေႃႈ ၼေႇပူႉၶတ်ႉၼေႇၸႃႇ ​ဢဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​လႄႈ ဝႆႉ​ၵႃႈ​ၼႂ်း​ပိၵ်ႈ​မၢၼ်ႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ဢေႃႈ။-</verse>
				<verse number="8">လွင်ႈ​တၢင်း​ ယေႃးယၵိမ်း ဢၼ်​ယင်း​ၵိုတ်း​ယင်း​ၵျၢၼ်ႇ၊ လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​မၼ်း​ႁဵတ်း​မႅၼ်ႈ၊ သၽေႃး​ဢၼ်​ထူပ်း​ႁၼ်​ၼႂ်း​မၼ်း​ၼၼ်ႉ ၸိူဝ်း​ၼၼ်ႉ​ၸိုင်၊ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ ဢီႉသရေႇလႃႉ တင်း​ရႃႇၸဝၢင်ႇ​ ယူႉတႃႉ ​ဢေႃႈ။ ယေႇၶေႃးၼီႉ လုၵ်ႈ​ၸၢႆး​ၸဝ်ႈ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
				<verse number="9">ယေႇၶေႃးၼီႉ ​ၼၼ်ႉ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင် ဢသၢၵ်ႈ​မၼ်း​လႆႈ​ပႅတ်ႇ​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သၢမ်​လိူၼ်​ပၢႆ​သိပ်း​ဝၼ်း​ဢေႃႈ။ မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ဢေႃႈ။-</verse>
				<verse number="10">မိူဝ်ႈ​ဢၼ်​ၶွပ်ႈ​ၶူပ်ႇ​ၼၼ်ႉ​ၸိုင်၊ ၶုၼ်​လူင်​ ၼေႇပူႉၶတ်ႉၼေႇၸႃႇ ​ၼၼ်ႉ ႁႂ်ႈ​ၶီႇ​သိုၵ်း​လႄႈ​ဢဝ်​မၼ်း​ဢိၵ်ႇ​တင်း​ၶိူင်ႈ​ပိူင်​ႁိူၼ်း​ထႃႇဝရႃႉ​ၽြႃး ဢၼ်​လီ​ဢၼ်​ငၢမ်း​တင်း​လၢႆ ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​လႄႈ ဢဝ်​ပေႃႈ​ဢၢဝ်​မၼ်း ၸေႇတၵီႉ ​ႁဵတ်း​ၶုၼ်​ႁေႃ​ၶမ်း​ၵႃႈ​ၼိူဝ်​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ ​ဢေႃႈ။</verse>
				<verse number="11">ၸေႇတၵီႉ ​ၼၼ်ႉ၊ မိူဝ်ႈ​ဢၼ်​ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​သၢဝ်း​ပၢႆ​ဢဵတ်း​ပီႊ​လႄႈ မၼ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သိပ်း​ပၢႆ​ဢဵတ်း​ပီႊ​ဢေႃႈ။-</verse>
				<verse number="12">မၼ်း​ႁဵတ်း​တူႉ​ၸရိူၵ်ႈ​သိုဝ်ႈ​ၼႃႈ​တႂ်ႈ​တႃ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​ဢေႃႈ။ မၼ်း​ဢမ်ႇ​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​ၵႃႈ​တီႈ​ၽၢႆႇ​ၼႃႈ​ပရေႃးၽႅတ်ႈ​ ယေႇရမီႉ ဢၼ်​ဢဝ်​ဢမိင်ႉ​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​ၼၼ်ႉ။</verse>
				<verse number="13">မၼ်း​ပုင်ႇ​ၵၢၼ်ႇ ၶုၼ်​လူင်​ ၼေႇပူႉၶတ်ႉၼေႇၸႃႇ ဢၼ်​ႁႂ်ႈ​မၼ်း​ဢဝ် ၽြႃး​ပဵၼ်​ၸဝ်ႈ​ႁဵတ်း​တၢင်း​ၵိၼ်ႇ​တၢင်း​ဝႃႈ​ဝႆႉ​ယဝ်ႉ​ၼၼ်ႉ​ဢေႃႈ။ မၼ်း​ႁႂ်ႈ​လမ်း​ၶေႃး​မၼ်း​ၶႅင်​လႄႈ ႁႂ်ႈ​ႁူဝ်​ၸႂ်​မၼ်း​ၵႅၼ်ႇ ႁႂ်ႈ​မၼ်း​ဢမ်ႇ​လႆႈ​ၶိုၼ်း​မႃး​ၸူး ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း ဢီႉသရေႇလႃႉ ​ဢေႃႈ။-</verse>
				<verse number="14">လိူဝ်​သေ​ၼၼ်ႉ ၵႃႈ​ပဵၼ်​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင် ဢွၼ်​ၵၼ်​ၽိတ်း​ပိူင်ႈ​ၼႃႇ​လူင်​လၢင် ၸွမ်း​လင်​တၢင်း​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ႁဵတ်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ၵႃႈ​မီး​ၼၼ်ႉ​ဢေႃႈ။ ၶဝ်​ဢွၼ်​ၵၼ် ႁႂ်ႈ​ႁိူၼ်း​ထႃႇဝရႃႉ​ၽြႃး​ဢၼ်​မၼ်း​ၸဝ်ႈ​ႁႂ်ႈ​မူတ်း​ၸၢင်ႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="15">ပိၵ်ႉ​သမ်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ၶဝ်​မွၼ်ႇ​ၶဝ်​ဢဝ်​တမၢၼ်ႇ​တင်း​လၢႆ ပွႆႇ​ၸႂ်ႉ​ၸူး​တီႈ​ၶဝ်​လႄႈ ယၢမ်ႈ​ႁဵတ်း​တၢင်း​ဢၼ် လုၵ်ႉ​ၸဝ်ႉ​ၸဝ်ႉ​သေ​လႄႈ ပွႆႇ​ၸႂ်ႉ​ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ဢဵတ်း​လူ ၵူၼ်း​မၼ်း​ၸဝ်ႈ​ဢိၵ်ႇ​တင်း ထႃႇၼႃႉ​တီႈ​ဢၼ်​မၼ်း​ၸဝ်ႈ​ၵိင်း​ဝၢပ်ႈ​ယူႇ​ၼၼ်ႉ​သေ​ၵေႃႈ၊-</verse>
				<verse number="16">ၶဝ်​ႁဵတ်း​ပျၢၵ်ႈ​ၶူဝ်​တမၢၼ်ႇ​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ဢမိင်ႉ​မၼ်း​ၸဝ်ႈ၊ ၼိၵ်ႈ​ၸၢၵ်ႈ​ငႅၼ်း​သႄး ပရေႃးၽႅတ်ႈ​ၸဝ်ႈ​ၸိူဝ်း​ၼၼ်ႉ ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ထၼ်ႈ​ပေႃး​လႆႈ​ဢွၵ်ႇ​ၸူး တီႈ​ၶုၼ်​မၼ်း​ၸဝ်ႈ​တင်း​လၢႆ တေႃႇ​ထိုင်​ႁွတ်ႈ​ထၼ်ႈ​ပေႃး​ဢမ်ႇ​ထၢတ်ႇ​လႆႈ​ယဵၼ်​လႆႈ​ဢေႃႈ။</verse>
				<verse number="17">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မၼ်း​ၸဝ်ႈ​ႁႂ်ႈ​ၶုၼ်​ႁေႃ​ၶမ်း ၶႃႇလတေး ​ၶီႇ​သိုၵ်း​ၸူး​ၵႃႈ​တီႈ​ၶဝ်​လႄႈ မၼ်း​ၼၼ်ႉ​ဢဝ်​ၵူၼ်း​ၼုမ်ႇ​ၵူၼ်း​ၵမ်​ၶဝ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း ၵႃႈ​ၼႂ်း​ႁိူၼ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ဢေႃႈ။ မၼ်း​ဢမ်ႇ​ဢဵတ်း​လူ​ၵူၼ်း​ၸၢႆး​ၼုမ်ႇ၊ ၵူၼ်း​ယိင်း​ၼုမ်ႇ၊ ၵူၼ်း​ထဝ်ႈ၊ ၵေႃႉ​ဢၼ်​ဢသၢၵ်ႈ​ယႂ်ႇ​လႄႈ​လင်​ၵွမ်း​ၼၼ်ႉ​လႄႈ မၼ်း​ၸဝ်ႈ​ဢဝ်​ၶဝ်​ၵႃႈ​မီး​တင်း​သဵင်ႈ​တင်း​လူင် ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း​ၼၼ်ႉ​ဢေႃႈ။-</verse>
				<verse number="18">မၼ်း​သိမ်း​ဢဝ်​ၶိူင်ႈ​ပိူင်​ႁိူၼ်း​ၽြႃး​ပဵၼ်​ၸဝ်ႈ ဢၼ်​ယႂ်ႇ​ဢၼ်​လဵၵ်ႉ​ၵႃႈ​မီး၊ ၽၼ်ႇတႃႇ​ႁိူၼ်း​ထႃႇဝရႃႉ​ၽြႃး၊ ၽၼ်ႇတႃႇ​ႁေႃ​ၸဝ်ႈ၊ ၽၼ်ႇတႃႇ​မူး​မၢတ်ႈ​ၽွင်း​မိူင်း ၵႃႈ​မီး​ၸိူဝ်း​ၼၼ်ႉ ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ဢေႃႈ။-</verse>
				<verse number="19">ၶဝ်​ဢွၼ်​ၵၼ်​ဢဝ်​ၽႆး​တုတ်ႇ​ႁိူၼ်း​ၽြႃး​ပဵၼ်​ၸဝ်ႈ​ပႅတ်ႈ​လႄႈ ၵိူၼ်ႇ​ယႃႉ​လမ်း​ဝဵင်း​ ယေႇရူႉသလႅမ်ႇ ​တူၵ်း​ပႅတ်ႈ​သေ​လႄႈ ႁႂ်ႈ​ႁိူၼ်း​ၶုၼ်​ၵႃႈ​မီး​မႆႈ​ၽႆး​ပႅတ်ႈ​လႄႈ ယႃႉ​ၽဵဝ်ႈ​ၶိူင်ႈ​ပိူင်​ဢၼ်​လီ​ဢၼ်​မျၢတ်ႈ​ၵႃႈ​မီး​ပႅတ်ႈ​ဢေႃႈ။-</verse>
				<verse number="20">မၼ်း​သိမ်း​ဢဝ် ၶဝ်​ၸိူဝ်း​ဢၼ်​လွတ်ႈ​ၽေး​လၢပ်ႇ​ၽေး​လႅဝ်း​ၼၼ်ႉ​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​လႄႈ​ၶဝ်​ၼၼ်ႉ လႆႈ​ဢွၼ်​ၵၼ်​ၶၢမ်ႇ​ႁဵတ်း​ၶႃႈ​တီႈ​မၼ်း​ၼၼ်ႉ ဢိၵ်ႇ​တင်း​ၸူဝ်ႈ​လုၵ်ႈ​ပၢၼ်​လၢၼ်​မၼ်း​ၼၼ်ႉ​ယူႇ​တေႃႇ​ထိုင်​ႁွတ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​ ပေႇရသီႉ တႄႇ​ပဵၼ်​ၼၼ်ႉ​လႄႈ၊-</verse>
				<verse number="21">ဢမိင်ႉ​ထႃႇဝရႃႉ​ၽြႃး ဢၼ်​ ယေႇရမီႉ သင်ႇ​လၢတ်ႈ​ဝႆႉ​ၼၼ်ႉ​လႆႈ​ပျေႉ​ၸုမ်ႇ​တေႃႇ​ထိုင်​ႁွတ်ႈ​မိူင်း​ၸဝ်ႈ​ၼၼ်ႉ လႆႈ​မူၼ်ႈ​ပျေႃႇ​ဝၼ်း​ၵမ်​သိၼ်​မၼ်း​တင်း​လၢႆ​ၼၼ်ႉ​ဢေႃႈ။ မိူင်း​ၸဝ်ႈ​ၼၼ်ႉ​ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​မီး​တၢင်း​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ယူႇ​ၼၼ်ႉ​ၸိုင် မၼ်း​လႆႈ​ပႂ်ႉ​ဝၼ်း​ၵမ်​သိၼ်​မၼ်း​ယူႇ ႁႂ်ႈ​ထၼ်ႈ​ပေႃး​ထူၼ်ႈ​ပေႃး​တဵမ်​ၸဵတ်း​သိပ်း​ပီႊ​ဢေႃႈ။</verse>
				<verse number="22">ၼႂ်း​ပီႊ​ဢၼ် ၵူႉရူႉ ၶုၼ်​ႁေႃ​ၶမ်း​ ပေႇရသီႉ ၸၢမ်ႇ​ႁၢင်ႈ​ၸၢမ်ႇ​ႁေႃ​ပီႊ​ပထမႃႉ လွင်ႈ​ၼင်ႇ​ႁိုဝ်​ဢမိင်ႉ​ထႃႇဝရႃႉ​ၽြႃး ဢၼ် ယေႇရမီႉ သင်ႇ​လၢတ်ႈ​ဝႆႉ​ၼၼ်ႉ တၵ်း​ပျေႉ​ၸုမ်ႇ​ၸိုင် ထႃႇဝရႃႉ​ၽြႃး​တိုၵ်း​ယူင်း​ၸူဝ်း​ဢဝ်​ႁူဝ်​ၸႂ်​ ၵူႉရူႉ ၶုၼ်​ႁေႃ​ၶမ်း​ ပေႇရသီႉ ႁႂ်ႈ​မၼ်း​ၼၼ်ႉ​ပူင်​ဢမိင်ႉ ၵျေႃႇ​ၺႃႇ​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း ၵူႈ​တီႈ​ၵူႈ​လႅၼ်​သေ​လႄႈ တႅမ်ႈ​သႂ်ႇ​ၵႃႈ​ၼႂ်း​လိၵ်ႈ​ၼႂ်း​လၢႆး​လႄႈ​ဝႃႈ၊-</verse>
				<verse number="23">ၵူႉရူႉ ​ၶုၼ်​ႁေႃ​ၶမ်း​ ပေႇရသီႉ မီး​ဢမိင်ႉ​လႄႈ​ဝႃႈ​ၸမ်ႉ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၸဝ်ႈ​ၽုင်ႇ​ၵၢင်​ႁၢဝ်​ၼၼ်ႉ ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​ၵႃႈ​ဢၼ်​မီး ၵႃႈ​ၼိူဝ်​လိၼ်​မိူင်း​ၼႆႉ ပၼ်​တီႈ​ၵဝ်​လႄႈ​သင်ႇ​လၢတ်ႈ​ဝႆႉ လွင်ႈ​ဢၼ်​ၵဝ်​တၵ်း​လႆႈ တႄႇ​ႁဵတ်း​ႁိူၼ်း​ၸဝ်ႈ​ပုၼ်ႈ​မၼ်း​ၸဝ်ႈ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ မိူင်း​ ယူႉတႃႉ ​ၼၼ်ႉ​ယဝ်ႉ။ ၼႂ်း​ၵူၼ်း​မၼ်း​ၸဝ်ႈ​တင်း​သဵင်ႈ​တင်း​လူင်​ၼၼ်ႉ ၽူႈ​လႂ်​မီး​ယူႇ​ၵႃႈ​ၼႂ်း​သူ​ၼႆႉ၊ ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​ၼၼ်ႉ မီး​ယူႇ​လူၺ်ႈ​ၵၼ်​တင်း​မၼ်း​ၼၼ်ႉ​သေ​ၵမ်း​လူၺ်ႈ။ ႁႂ်ႈ​မၼ်း​ၼၼ်ႉ ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။ ရႃႇၸဝၢင်ႇ​ၶျုၵ်ႈ​ၽိုၼ်​တူႉတီႉယႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="15">
			<chapter number="1">
				<verse number="1">ၼႂ်း​ပီႊ​ဢၼ်​ ၵူႉရူႉ ၶုၼ်​ႁေႃ​ၶမ်း​ ပေႇရသီႉ ၸၢမ်ႇ​ႁၢင်ႈ​ၸၢမ်ႇ​ႁေႃ​ပီႊ​ပထမႃႉ​ၼၼ်ႉ လွင်ႈ​ၼင်ႇ​ႁိုဝ်​ဢမိင်ႉ​ၸဝ်ႈ​ထႃႇဝရႃႉ​ၽြႃး ဢၼ်​ ယေႇရမီႉ သင်ႇ​လၢတ်ႈ​ဝႆႉ​ၼၼ်ႉ တၵ်း​ပျေႉ​ၸုမ်ႇ​ၸိုင်၊ ထႃႇဝရႃႉ​ၽြႃး​တိုၵ်း​ယူင်း​ၸူဝ်း​ဢဝ်​ႁူဝ်​ၸႂ်​ ၵူႉရူႉ ​ၶုၼ်​ႁေႃ​ၶမ်း​ ပေႇရသီႉ ႁႂ်ႈ​မၼ်း​ၼၼ်ႉ ပူင်​ဢမိင်ႉ​ၵျေႃႇ​ၺႃႇ​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း ၵူႈ​တီႈ​ၵူႈ​လႅၼ်​သေ​လႄႈ တႅမ်ႈ​သႂ်ႇ​ၵႃႈ​ၼႂ်း​လိၵ်ႈ​ၼႂ်း​လၢႆး​လႄႈ​ဝႃႈ၊-</verse>
				<verse number="2">ၵူႉရူႉ ​ၶုၼ်​ႁေႃ​ၶမ်း​ ပေႇရသီႉ မီး​ဢမိင်ႉ​လႄႈ​ဝႃႈ​ၸမ်ႉ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ်​ၼၼ်ႉ ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း​ၼႆႉ​ပၼ်​တီႈ​ၵဝ်​လႄႈ သင်ႇ​လၢတ်ႈ​ဝႆႉ​လွင်ႈ​ဢၼ်​ၵဝ်​တၵ်း​လႆႈ​တႄႇ​ႁဵတ်း​ႁိူၼ်း​ၸဝ်ႈ ပုၼ်ႈ​မၼ်း​ၸဝ်ႈ ၵႃႈ​ၼႂ်း​ဝဵင်း​ ယေႇရူႉသလႅမ်ႇ မိူင်း​ ယူႉတႃႉ ​ၼၼ်ႉ​ယဝ်ႉ။-</verse>
				<verse number="3">ၼႂ်း​ၵူၼ်း​မၼ်း​ၸဝ်ႈ​တင်း​သဵင်ႈ​တင်း​လူင်​ၼၼ်ႉ ၽူႈ​လႂ်​မီး​ယူႇ​ၵႃႈ​ၼႂ်း​သူ​ၼႆႉ ႁႂ်ႈ​ၽြႃး​ပဵၼ်​ၸဝ်ႈ​မၼ်း​ၼၼ်ႉ မီး​ယူႇ​လူၺ်ႈ​ၵၼ်​တင်း​မၼ်း​ၼၼ်ႉ​သေ​ၵမ်း​လူၺ်ႈ။ ႁႂ်ႈ​မၼ်း​ၼၼ်ႉ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ မိူင်း​ ယူႉတႃႉ ​လႄႈ တႄႇ​ႁဵတ်း​ႁိူၼ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​သေ​ၵမ်း။ ၽြႃး​ဢၼ်​မီး​ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ ပဵၼ်​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="4">ပဵၼ်​ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၵိုတ်း​ၵျၢၼ်ႇ​ဝႆႉ​သေ​တီႈ​သေ​လႅၼ် တီႈ​ဢၼ်​မၼ်း​သွၼ်ႈ​ပိုင်ႈ​ယူႇ​ၼၼ်ႉ​ၸမ်ႉ၊ ႁႂ်ႈ​ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ဢၼ်​မၼ်း​ယူႇ​မၼ်း​သဝ်း​ၼၼ်ႉ​ၸိူဝ်း​ၼၼ်ႉ၊ ၼွၵ်ႈ​သေ​တၢင်း​လူႇ​တၢင်း​တၢၼ်း​ဢၼ်​မီး​ၸႂ်​ၸေႇတၼႃႇ​သေ​လႄႈ​လူႇ​တၢၼ်း​ပုၼ်ႈ​ႁိူၼ်း​ၽြႃး​ပဵၼ်​ၸဝ်ႈ ဢၼ်​မီး​ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ၊ ဢဝ်​ငိုၼ်း​ၶမ်း​ဢုၵ်ႉ​ၸႃႇ​တရိၵ်ႈသၢၼ်ႇ​ၸွႆႈ​ထႅမ်​မႃႉ​ၸႃႉ​မၼ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">မိူဝ်ႈ​ၼၼ်ႉ​ၶဝ်​ၸိူဝ်း​ဢၼ် ပဵၼ်​ငဝ်ႈ​ပဵၼ်​ႁူဝ် မဵဝ်း​ပူႇ​မဵဝ်း​ပေႃႈ​ၼႂ်း​မဵဝ်း​ ယူႉတႃႉ တင်း​မဵဝ်း​ ပိၼ်ႇယႃႇမိၼ်ႇ ၊ ယိတ်ႈပရေႃးႁဵၵ်ႈ တင်း​ၵူၼ်း​မဵဝ်း​ လေႇဝီႉ ​တင်း​လၢႆ ဢၼ်​ဝႃႈ​ၶဝ်​ၵႃႈ​ဢၼ်​ၽြႃး​ပဵၼ်​ၸဝ်ႈ​တိုၵ်း​ယူင်း​ၸူဝ်း​ဢဝ်​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​ႁႂ်ႈ​လႆႈ​ၵႂႃႇ​လႄႈ တႄႇ​ႁဵတ်း​ႁိူၼ်း​ထႃႇဝရႃႉ​ၽြႃး ဢၼ်​မီး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="6">ၵူၼ်း​ႁိူၼ်း​ၸမ်​ၵၼ်​ၵႃႈ​မီး​ၼၼ်ႉ၊ ၼွၵ်ႈ​သေ​တၢင်း​လူႇ​တၢင်း​တၢၼ်း​ဢၼ်​မီး​ၸႂ်​ၸေႇတၼႃႇ​သေ​လႄႈ​လူႇ​တၢၼ်း​ၼၼ်ႉ ဢွၼ်​ၵၼ်​ဢဝ်​တင်း​ၶိူင်ႈ​ငိုၼ်း၊ ၶိူင်ႈ​ၶမ်း၊ ဢုၵ်ႉ​ၸႃႇ​တရိၵ်ႈသၢၼ်ႇ တင်း​ၶိူင်ႈ​ပိူင်​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ် တင်း​လၢႆ​ၸွႆႈ​ထႅမ်​မႃႉ​ၸႃႉ​ၶဝ်​ဢေႃႈ။</verse>
				<verse number="7">လိူဝ်​သေ​ၼၼ်ႉ၊ ၶုၼ်​လူင်​ ၵူႉရူႉ ဢဝ်​ၶိူင်ႈ​ပိူင်​ပိၵ်ႈ​မၢၼ်ႇ ထႃႇဝရႃႉ​ၽြႃး ဢၼ်​ ၼေႇပူႉၶတ်ႉၼေႇၸႃႇ သိမ်း​ဢဝ်​ဢွၵ်ႇ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၵႂႃႇ​လႄႈ သႂၢင်း​သႂ်ႇ​ဝႆႉ​ၵႃႈ​ၼႂ်း​ပိၵ်ႈ​မၢၼ်ႇ​ၽြႃး​မၼ်း​ၸိူဝ်း​ၼၼ်ႉ​ဢွၵ်ႇ​လႄႈ၊-</verse>
				<verse number="8">ၵူႉရူႉ ၶုၼ်​ႁေႃ​ၶမ်း​ ပေႇရသီႉ ​ၼၼ်ႉ ဢဝ်​တင်း​မိုဝ်း မီႉသရေႇတတ်ႉ ၵေႃႉ​ဢၼ်​ပႂ်ႉ​တိူၵ်ႈ​ၶမ်း​ၸဝ်ႈ​ၼၼ်ႉ ဢဝ်​ၶိူင်ႈ​ပိူင်​ၸိူဝ်း​ၼၼ်ႉ​ဢွၵ်ႇ​လႄႈ​ၼပ်ႉ​ဢၢၼ်ႇ​သေ​လႄႈ ဢၢပ်ႈ​ပၼ်​တီႈ​ သေႇသႃႉပႃႇၸႃႇ ၶုၼ်​ ယူႉတႃႉ ​ၼၼ်ႉ​ဢေႃႈ။</verse>
				<verse number="9">ၸရၢင်း​ၶိူင်ႈ​ပိူင်​ၸိူဝ်း​ၼၼ်ႉ​ၸမ်ႉ၊ မီး​ၵွၵ်း​ၶမ်း​သၢမ်​သိပ်း၊ ၵွၵ်း​ငိုၼ်း​ႁဵင်​ၼိုင်ႈ၊ လၢပ်ႇ သၢဝ်း​ၵဝ်ႈ​မၢၵ်ႈ၊-</verse>
				<verse number="10">မေႃႈ​ၶမ်း သၢမ်​သိပ်း၊ မေႃႈ​ငိုၼ်း​ဢၼ်​လၢၵ်ႇ​ပိူင်ႈ သီႇ​ပၢၵ်ႇ​ပၢႆ​သိပ်း၊ ၶိူင်ႈ​ပိူင်​တၢင်ႇ​ၸိူဝ်ႉ​တၢင်ႇ​ဢၼ် ႁဵင်​ၼိုင်ႈ​ဢေႃႈ။-</verse>
				<verse number="11">တၢင်း​ဢၼ်​ၼပ်ႉ​ဢၼ်​ဢၢၼ်ႇ ၶိူင်ႈ​ၶမ်း​ၶိူင်ႈ​ငိုၼ်း​ပွင်း​ၵၼ်​ၸမ်ႉ၊ မီး​ႁႃႈ​ႁဵင်​ပၢႆ​သီႇ​ပၢၵ်ႇ​ဢေႃႈ။ ၶိူင်ႈ​ပိူင်​တင်း​သဵင်ႈ​တင်း​လူင်​ၼၼ်ႉ​ၸိုင်၊ သေႇသႃႉပႃႇၸႃႇ ​ၼၼ်ႉ ဢဝ်​မႃး​ၼႂ်း​မိူဝ်ႈ​ဢၼ် ၶဝ်​ၸိူဝ်း​ဢၼ်​ၶဝ်ႈ​ပႃး​ၼႂ်း​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ လႆႈ​ဢွၵ်ႇ​သေ​ၵႃႈ​တီႈ​ဝဵင်း​ ပႃႇပူႉလုၼ်ႇ ၶိုၼ်ႈ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">ၵူၼ်း​ၸိူဝ်း​ၼႆႉ​ပဵၼ်​ၵူၼ်း​မိူင်း​ၸဝ်ႈ ဢၼ်​ဢွၵ်ႇ​သေ​ၵႃႈ​ၼႂ်း​တၢင်း​ဢၼ်​သိမ်း​ဢဝ်​ၵႂႃႇ ဢၼ်​ၸၢပ်ႈ​သႅင်ႇ​ၵၼ်​တင်း​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ၊ ဢၼ်​ ၼေႇပူႉၶတ်ႉၼေႇၸႃႇ ​ၶုၼ်​ႁေႃ​ၶမ်း​ ပႃႇပူႉလုၼ်ႇ လႆႈ​သိမ်း​ဢဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ၼၼ်ႉ​လႄႈ ၶိုၼ်း​မိူဝ်း​ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ၊ တင်း​မိူင်း​ ယူႉတႃႉ တီႈ​ဝၢၼ်ႈ​ဝဵင်း​တီႈ​ယူႇ​ၶဝ်​ႁင်း​ၽႂ်​ႁင်း​မၼ်း​လႄႈ၊-</verse>
				<verse number="2">ၸွမ်း​လူၺ်ႈ​ၵၼ်​တင်း ၸေႇရူႉပႃႉပေႇလႃႉ၊ ယေႃးသူႉ၊ ၼေႇႁမီႉ၊ သရႃႇယႃႉ၊ ရေႇလႃႇယႃႉ၊ မေႃႇတၵႄး၊ ပီႉလသၼ်ႇ၊ မီႇၸပႃႇ၊ ပီႉၵဝေႇ၊ ရေႇႁုမ်ႇ၊ ပႃႇၼႃႇ ​ၸိူဝ်း​ၼၼ်ႉ မႃး​ၼၼ်ႉ​ဢေႃႈ။ ၸရၢင်း​ၵူၼ်း​ၸၢႆး​မဵဝ်း​ ဢီႉသရေႇလႃႉ ​ၸမ်ႉ၊-</verse>
				<verse number="3">မီး​ၵူၼ်း​မဵဝ်း​ ပႃႇရုတ်ႉ သွင်​ႁဵင်​ပၢၵ်ႇ​ၼိုင်ႈ​ၸဵတ်း​သိပ်း​ပၢႆ​သွင်​ၵေႃႉ၊-</verse>
				<verse number="4">ၵူၼ်း​မဵဝ်း​ သေႇၽတီႉ သၢမ်​ပၢၵ်ႇ​ၸဵတ်း​သိပ်း​ပၢႆ​သွင်​ၵေႃႉ၊-</verse>
				<verse number="5">ၵူၼ်း​မဵဝ်း​ ဢႃႇရႃႉ ၸဵတ်း​ပၢၵ်ႇ​ၸဵတ်း​သိပ်း​ပၢႆ​ႁႃႈ​ၵေႃႉ၊-</verse>
				<verse number="6">ၵူၼ်း​မဵဝ်း​ ပႃႇႁတ်ႉမေႃႇၽႃႉ ၊ ၵူၼ်း​မဵဝ်း​ ယေႃးသူႉ တင်း​ ယႂႃႇၽႃႉ သွင်​ႁဵင်​ပႅတ်ႇ​ပၢၵ်ႇ​သိပ်း​ပၢႆ​သွင်​ၵေႃႉ၊-</verse>
				<verse number="7">ၵူၼ်း​မဵဝ်း​ ဢေႇလမ်ႇ ႁဵင်​ၼိုင်ႈ​သွင်​ပၢၵ်ႇ​ႁႃႈ​သိပ်း​ပၢႆ​သီႇ​ၵေႃႉ၊-</verse>
				<verse number="8">ၵူၼ်း​မဵဝ်း​ ၸတ်ႉတူႉ ၵဝ်ႈ​ပၢၵ်ႇ​သီႇ​သိပ်း​ပၢႆ​ႁႃႈ​ၵေႃႉ၊-</verse>
				<verse number="9">ၵူၼ်း​မဵဝ်း​ ၸၵ်ႉၶေး ၸဵတ်း​ပၢၵ်ႇ​ပၢႆ​ႁူၵ်း​သိပ်း​ၵေႃႉ၊-</verse>
				<verse number="10">ၵူၼ်း​မဵဝ်း​ ပႃႇၼီႇ ႁူၵ်း​ပၢၵ်ႇ​သီႇ​သိပ်း​ပၢႆ​သွင်​ၵေႃႉ၊-</verse>
				<verse number="11">ၵူၼ်း​မဵဝ်း​ ပေႇပေႇ ႁူၵ်း​ပၢၵ်ႇ​သၢဝ်း​ပၢႆ​သၢမ်​ၵေႃႉ၊-</verse>
				<verse number="12">ၵူၼ်း​မဵဝ်း​ ဢႃႇၸၵတ်ႉ ႁဵင်​ၼိုင်ႈ​သွင်​ပၢၵ်ႇ​သၢဝ်း​ပၢႆ​သွင်​ၵေႃႉ၊-</verse>
				<verse number="13">ၵူၼ်း​မဵဝ်း​ ဢႃႇတေႃးၼီႉၵမ်ႇ ႁူၵ်း​ပၢၵ်ႇ​ႁူၵ်း​သိပ်း​ပၢႆ​ႁူၵ်း​ၵေႃႉ၊-</verse>
				<verse number="14">ၵူၼ်း​မဵဝ်း​ ပီႉၵဝေႇ သွင်​ႁဵင်​ႁႃႈ​သိပ်း​ပၢႆ​ႁူၵ်း​ၵေႃႉ၊-</verse>
				<verse number="15">ၵူၼ်း​မဵဝ်း​ ဢႃႇတိၼ်ႇ သီႇ​ပၢၵ်ႇ​ႁႃႈ​သိပ်း​ပၢႆ​သီႇ​ၵေႃႉ၊-</verse>
				<verse number="16">ၵူၼ်း​မဵဝ်း​ ဢႃႇတႃႇ တင်း​ ႁေႇၸၵီႉ ၵဝ်ႈ​သိပ်း​ပၢႆ​ပႅတ်ႇ​ၵေႃႉ၊-</verse>
				<verse number="17">ၵူၼ်း​မဵဝ်း​ ပေႇၸေႇ သၢမ်​ပၢၵ်ႇ​သၢဝ်း​ပၢႆ​သၢမ်​ၵေႃႉ၊-</verse>
				<verse number="18">ၵူၼ်း​မဵဝ်း​ ယေႃႇရႃႇ ပၢၵ်ႇ​ပၢႆ​သိပ်း​သွင်​ၵေႃႉ၊-</verse>
				<verse number="19">ၵူၼ်း​မဵဝ်း​ ႁႃႇသုမ်ႇ သွင်​ပၢၵ်ႇ​သၢဝ်း​ပၢႆ​သၢမ်​ၵေႃႉ၊-</verse>
				<verse number="20">ၵူၼ်း​မဵဝ်း​ ၵိပ်ႉပႃႇ ၵဝ်ႈ​သိပ်း​ပၢႆ​ႁႃႈ​ၵေႃႉ၊-</verse>
				<verse number="21">ၵူၼ်း​ဝဵင်း​ ပႅတ်ႉလႁႅမ်ႇ ပၢၵ်ႇ​ပၢႆ​သၢဝ်း​ပၢႆ​သၢမ်​ၵေႃႉ၊-</verse>
				<verse number="22">ၵူၼ်း​ဝဵင်း​ ၼေႇတေႃႇၽႃႉ ႁႃႈ​သိပ်း​ပၢႆ​ႁူၵ်း​ၵေႃႉ၊-</verse>
				<verse number="23">ၵူၼ်း​ဝဵင်း​ ဢႃႇၼသုတ်ႉ ပၢၵ်ႇ​သၢဝ်း​ပၢႆ​ပႅတ်ႇ​ၵေႃႉ၊-</verse>
				<verse number="24">ၵူၼ်း​ဝဵင်း​ ဢႃႇၸမႃႇဝိတ်ႉ သီႇ​သိပ်း​ပၢႆ​သွင်​ၵေႃႉ၊-</verse>
				<verse number="25">ၵူၼ်း​ဝဵင်း​ ၵီႉရယတ်ႉယႃႇရိမ်ႇ ၊ ဝဵင်း​ ၶေႇၽီႉရႃႉ ၊ ဝဵင်း​ ပေႇရုတ်ႉ ၸဵတ်း​ပၢၵ်ႇ​သီႇ​သိပ်း​ပၢႆ​သၢမ်​ၵေႃႉ၊-</verse>
				<verse number="26">ၵူၼ်း​ဝဵင်း​ ရႃႇမႃႉ ဝဵင်း​ ၵႃႇပႃႉ ႁူၵ်း​ပၢၵ်ႇ​ပၢႆ​သၢဝ်း​ဢဵတ်း​ၵေႃႉ၊-</verse>
				<verse number="27">ၵူၼ်း​ဝဵင်း​ မိၵ်ႉမတ်ႉ ပၢၵ်ႇ​သၢဝ်း​ပၢႆ​သွင်​ၵေႃႉ၊-</verse>
				<verse number="28">ၵူၼ်း​ဝဵင်း​ ပေႇသလႃႉ ၊ ဝဵင်း​ ဢႃႇဢီႉ သွင်​ပၢၵ်ႇ​သၢဝ်း​ပၢႆ​သၢမ်​ၵေႃႉ၊-</verse>
				<verse number="29">ၵူၼ်း​ဝဵင်း​ ၼေႇပေႃႇ ႁႃႈ​သိပ်း​ပၢႆ​သွင်​ၵေႃႉ၊-</verse>
				<verse number="30">ၵူၼ်း​ဝဵင်း​ မႃႇၵပိတ်ႉ ပၢၵ်ႇ​ပၢႆ​ႁႃႈ​သိပ်း​ႁူၵ်း​ၵေႃႉ၊-</verse>
				<verse number="31">ၵူၼ်း​ဝဵင်း​ ဢေႇလမ်ႇ တီႈ​ၼိုင်ႈ​ႁဵင်​ၼိုင်ႈ​သွင်​ပၢၵ်ႇ​ႁႃႈ​သိပ်း​ပၢႆ​သီႇ​ၵေႃႉ၊-</verse>
				<verse number="32">ၵူၼ်း​ဝဵင်း​ ႁႃႇရိမ်း သၢမ်​ပၢၵ်ႇ​ပၢႆ​သၢဝ်း​ၵေႃႉ၊-</verse>
				<verse number="33">ၵူၼ်း​ဝဵင်း​ လေႃးတႃႉ ၊ ဝဵင်း​ ႁႃႇတိတ်ႉ ၊ ဝဵင်း​ ဢေႃးၼေႃး ၸဵတ်း​ပၢၵ်ႇ​သၢဝ်း​ပၢႆ​ႁႃႈ​ၵေႃႉ၊-</verse>
				<verse number="34">ၵူၼ်း​ဝဵင်း​ ယေႇရီႉၶူဝ်း သၢမ်​ပၢၵ်ႇ​သီႇ​သိပ်း​ပၢႆ​ႁႃႈ​ၵေႃႉ၊-</verse>
				<verse number="35">ၵူၼ်း​ဝဵင်း​ သေးၼႃႉ သၢမ်​ႁဵင်​ႁူၵ်း​ပၢၵ်ႇ​ပၢႆ​သၢမ်​သိပ်း​ၵေႃႉ​ဢေႃႈ။</verse>
				<verse number="36">ၸရၢင်း​ယိတ်ႈပရေႃးႁဵၵ်ႈ​ၸမ်ႉ၊ မီး​ၵူၼ်း​မဵဝ်း​ ယေႇတႃႇယႃႉ ၵႃႈ​ၼႂ်း​မဵဝ်း​ ယေႃးသူႉ ​ၼၼ်ႉ ၵဝ်ႈ​ပၢၵ်ႇ​ၸဵတ်း​သိပ်း​ပၢႆ​သၢမ်​ၵေႃႉ၊-</verse>
				<verse number="37">ၵူၼ်း​မဵဝ်း​ ဢီႉမေႇရႃႉ ႁဵင်​ၼိုင်ႈ​ႁႃႈ​သိပ်း​ပၢႆ​သွင်​ၵေႃႉ၊-</verse>
				<verse number="38">ၵူၼ်း​မဵဝ်း​ ပႃႇသူႉရႃႉ ႁဵင်​ၼိုင်ႈ​သွင်​ပၢၵ်ႇ​သီႇ​သိပ်း​ပၢႆ​ၸဵတ်း​ၵေႃႉ၊-</verse>
				<verse number="39">ၵူၼ်း​မဵဝ်း​ ႁႃႇရိမ်း ႁဵင်​ၼိုင်ႈ​ပၢႆ​သိပ်း​ၸဵတ်း​ၵေႃႉ​ဢေႃႈ။-</verse>
				<verse number="40">ၸရၢင်း​ၵူၼ်း​မဵဝ်း​ လေႇဝီႉ ​ၸမ်ႉ၊ မီး​ၵူၼ်း​မဵဝ်း​ ယေႃးသူႉ တင်း​ၵူၼ်း​မဵဝ်း​ ၵႃႇတမေႇလႃႉ ၊ ၵႃႈ​ၼႂ်း​မဵဝ်း​ ႁေႃးတဝီႉ ​ၼၼ်ႉ ၸဵတ်း​သိပ်း​ပၢႆ​သီႇ​ၵေႃႉ၊-</verse>
				<verse number="41">ၵူၼ်း​ဢၼ်​မေႃ​ႁဵတ်း​ၵႂၢမ်း​ဢၼ်​ဝႃႈ​ၵူၼ်း​မဵဝ်း​ ဢႃႇသပ်ႉ ပၢၵ်ႇ​သၢဝ်း​ပၢႆ​ပႅတ်ႇ​ၵေႃႉ၊-</verse>
				<verse number="42">ၵူၼ်း​မဵဝ်း​ဢၼ်​ပႂ်ႉ​ၽၵ်း​တူ ဢၼ်​ဝႃႈ​ၵူၼ်း​မဵဝ်း​ သႃႇလုမ်ႇ ၵူၼ်း​မဵဝ်း​ ဢႃႇတႃႇ ၊ ၵူၼ်း​မဵဝ်း​ တႃႇလမုၼ်ႇ ၊ ၵူၼ်း​မဵဝ်း​ ဢၵ်ႉၵုပ်ႉ ၊ ၵူၼ်း​မဵဝ်း​ ႁတီႉတႃႉ ၊ ၵူၼ်း​မဵဝ်း​ သေႃႇပေႇ ၊ ၼပ်ႉ​ပွင်း​ၵၼ် မီး​ပၢၵ်ႇ​သၢမ်​သိပ်း​ပၢႆ​ၵဝ်ႈ​ၵေႃႉ​ဢေႃႈ။</verse>
				<verse number="43">ၶဝ်​ၸိူဝ်း​ဢၼ်​ၶၢမ်ႇ​ႁဵတ်း​ၶႃႈ​ၽြႃး​ၼၼ်ႉ​ၸမ်ႉ၊ မီး​ၵူၼ်း​မဵဝ်း​ ၸီႉႁႃႉ ၊ ၵူၼ်း​မဵဝ်း​ ႁသူႉၽႃႉ ၊ ၵူၼ်း​မဵဝ်း​ တပ်ႉပွၵ်ႉ ၊-</verse>
				<verse number="44">ၵူၼ်း​မဵဝ်း​ ၵေးရုတ်ႉ ၊ ၵူၼ်း​မဵဝ်း​ သယႃႇႁႃႉ ၊ ၵူၼ်း​မဵဝ်း​ ပႃႇတုၼ်ႇ ၊-</verse>
				<verse number="45">ၵူၼ်း​မဵဝ်း​ လေႇပၼႃႉ ၊ ၵူၼ်း​မဵဝ်း​ ႁႃႇၵပႃႉ ၊ ၵူၼ်း​မဵဝ်း​ ဢၵ်ႉၵုပ်ႉ ၊-</verse>
				<verse number="46">ၵူၼ်း​မဵဝ်း​ ႁႃႇၵပ်ႉ ၊ ၵူၼ်း​မဵဝ်း​ သႃႇလမေး ၊ ၵူၼ်း​မဵဝ်း​ ႁႃႇၼၼ်ႇ ၊-</verse>
				<verse number="47">ၵူၼ်း​မဵဝ်း​ ၵိတ်ႉတေးလႃႉ ၊ ၵူၼ်း​မဵဝ်း​ ၵႃႇႁႃႇ ၊ ၵူၼ်း​မဵဝ်း​ ရႃႇယႃႉ ၊-</verse>
				<verse number="48">ၵူၼ်း​မဵဝ်း​ ရေႇၸိၼ်း ၊ ၵူၼ်း​မဵဝ်း​ ၼေႇၵေႃႇတႃႉ ၊ ၵူၼ်း​မဵဝ်း​ ၵိတ်ႉၸမ်ႇ ၊-</verse>
				<verse number="49">ၵူၼ်း​မဵဝ်း​ ဢေႃႇၸႃႉ ၊ ၵူၼ်း​မဵဝ်း​ ပႃႇသႃႉ ၊ ၵူၼ်း​မဵဝ်း​ ပေႇသေႇ ၊-</verse>
				<verse number="50">ၵူၼ်း​မဵဝ်း​ ဢႃႇသၼႃႇ ၊ ၵူၼ်း​မဵဝ်း​ မႁူႉၼိမ်ႇ ၊ ၵူၼ်း​မဵဝ်း​ ၼပူႉသိမ်း ၊-</verse>
				<verse number="51">ၵူၼ်း​မဵဝ်း​ ပႃႇၵပုတ်ႉ ၊ ၵူၼ်း​မဵဝ်း​ ႁႃႇၵူႇၽႃႉ ၊ ၵူၼ်း​မဵဝ်း​ ႁႃႇရႃႉႁူႉရႃႉ ၊-</verse>
				<verse number="52">ၵူၼ်း​မဵဝ်း​ ပႃႇၸလုတ်ႉ ၊ ၵူၼ်း​မဵဝ်း​ မႁီႉတႃႉ ၊ ၵူၼ်း​မဵဝ်း​ ႁႃႇရသႃႉ ၊-</verse>
				<verse number="53">ၵူၼ်း​မဵဝ်း​ ပႃႇၵုတ်ႉ ။ ၵူၼ်း​မဵဝ်း​ သီႉသရႃႉ ၊ ၵူၼ်း​မဵဝ်း​ ထႃႇမႃႉ ၊-</verse>
				<verse number="54">ၵူၼ်း​မဵဝ်း​ ၼေႇၸီႉ ၊ ၵူၼ်း​မဵဝ်း​ ႁတီႉၽႃႉ ​ဢေႃႈ။</verse>
				<verse number="55">ၵူၼ်း​မဵဝ်း​ဢၼ်​ပဵၼ်​ၸူဝ်ႈ​လုၵ်ႈ​ပၢၼ်​လၢၼ်​ၶႃႈ သေႃးလမုၼ်ႇ ​ၼၼ်ႉ​ၸမ်ႉ၊ မီး​ၵူၼ်း​မဵဝ်း​ သေႃးတေႇ ၊ ၵူၼ်း​မဵဝ်း​ ႁသေႃႇၽရိတ်ႉ ၊ ၵူၼ်း​မဵဝ်း​ ပေႇရူႉတႃႉ ၊-</verse>
				<verse number="56">ၵူၼ်း​မဵဝ်း​ ယႃႇလႃႉ ၊ ၵူၼ်း​မဵဝ်း​ တႃႇၵုၼ်ႇ ၊ ၵူၼ်း​မဵဝ်း​ ၵိတ်ႉတေးလႃႉ ၊-</verse>
				<verse number="57">ၵူၼ်း​မဵဝ်း​ သေႇၽတီႉ ၊ ၵူၼ်း​မဵဝ်း​ ႁတ်ႉတီႉလႃႉ ၊ ၵူၼ်း​မဵဝ်း​ ပေႃႇၶရိတ်ႉႁၸေႇပိမ်း ၊ ၵူၼ်း​မဵဝ်း​ ဢႃႇမီႉ ​လႄႈ၊-</verse>
				<verse number="58">ၶႃႈ​ၽြႃး တင်း​ၶႃႈ​ သေႃးလမုၼ်ႇ ၵႃႈ​မီး​ၼပ်ႉ​ပွင်း​ၵၼ်​ၸမ်ႉ၊ မီး​သၢမ်​ပၢၵ်ႇ​ၵဝ်ႈ​သိပ်း​ပၢႆ​သွင်​ၵေႃႉ​ဢေႃႈ။</verse>
				<verse number="59">ၼွၵ်ႈ​သေ​ၼၼ်ႉ ၶဝ်​ၸိူဝ်း​ဢၼ်​ဢွၵ်ႇ​သေ​ၵႃႈ​တီႈ​ဝဵင်း​ တေးလႃႉမေႇလႃႉ ၊ ဝဵင်း​ တေးလႃႉႁႃႇသႃႉ ၊ ဝဵင်း​ ၶေႇရုပ်ႉ ၊ ဝဵင်း​ ဢတ်ႉတၼ်ႇ ၊ ဝဵင်း​ ဢီႉမေႇရႃႉ ၵႂႃႇ​လႄႈ ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး​မဵဝ်း​ပူႇ​မဵဝ်း​ပေႃႈ​ၶဝ်၊ ၸိူဝ်ႉ​ၶိူဝ်း​ၶဝ် ဢိၵ်ႇ​တင်း​လွင်ႈ​ဢၼ်​ၶဝ်​ၸႂ်ႈ​မဵဝ်း​ ဢီႉသရေႇလႃႉ ​ႁိုဝ် ဢမ်ႇ​ၸႂ်ႈ​ႁိုဝ်​ၼၼ်ႉ လႆႈ​ၸိူဝ်း​ၼၼ်ႉ​ၸမ်ႉ၊-</verse>
				<verse number="60">ပဵၼ်​ၵူၼ်း​မဵဝ်း​ တေႇလႃႇယႃႉ ၊ ၵူၼ်း​မဵဝ်း​ တေႃႇပီႉ ၊ ၵူၼ်း​မဵဝ်း​ ၼေႇၵေႃႇတႃႉ ၊ ၼပ်ႉ​ပွင်း​ၵၼ်​မီး​ႁူၵ်း​ပၢၵ်ႇ​ႁႃႈ​သိပ်း​ပၢႆ​သွင်​ၵေႃႉ​ဢေႃႈ။</verse>
				<verse number="61">ၵႃႈ​ၼႂ်း​မဵဝ်း​ယိတ်ႈပရေႃးႁဵၵ်ႈ​ၼၼ်ႉ၊ ၵူၼ်း​မဵဝ်း​ ႁႃႇပႃႇယႃႉ ၊ ၵူၼ်း​မဵဝ်း​ ႁၵေႃႇၸႃႉ တင်း​ၵူၼ်း​မဵဝ်း​ ပႃႇၸီႉလေး ဢၼ်​ႁူမ်ႈ​ပွင်း​ၵၼ်​တင်း​လုၵ်ႈ​ယိင်း ပႃႇၸီႉလေး ၵူၼ်း​မိူင်း​ ၵီႉလတ်ႉ ​ၼၼ်ႉ​ၵေႃႉ​ၼိုင်ႈ​လႄႈ လႆႈ​ၶၢမ်ႇ​တၢင်း​ဢၼ်​ဢဝ်​ၸိုဝ်ႈ​ဢဝ်​သဵင်​ပူႇ​ၼၢႆး​မၼ်း​ၼၼ်ႉ ႁွင်ႉ​ႁဵၵ်ႈ​ၼၼ်ႉ​ၸိူဝ်း​ၼၼ်ႉ၊-</verse>
				<verse number="62">ႁႃ​ၸရၢင်း​ၶဝ် ၵႃႈ​ၼႂ်း​မုၵ်ႉ​ၼႂ်း​ၸိူဝ်း​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ပႃး ၼႂ်း​ၸရၢင်း​ၼၼ်ႉ​လႄႈ ဢမ်ႇ​ထူပ်း​ဢမ်ႇ​ႁၼ်။ ပိူဝ်ႈ​ၼႆ​လႄႈ ၶဝ်​ၼၼ်ႉ​လႆႈ​ၶၢမ်ႇ​တၢင်း​ဢၼ်​မၢတ်ႈ​ပဵၼ်​မဵဝ်း​ဢၼ်​ဢမ်ႇ​ၸႅတ်ႈ​ဢမ်ႇ​မၢၼ်ႇ​သေ​လႄႈ လႆႈ​ၶၢမ်ႇ​တၢင်း​ဢၼ်​ၼုၵ်ႈ​ဢွၵ်ႇ​သေ​ၵႃႈ​ၼႂ်း​ဢရႃႇ​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="63">ၶုၼ်​ဢၼ်​ဢုပ်ႉ​ၵႃႈ​ၼိူဝ်​မိူင်း​ၼၼ်ႉ ၸီႇ​ယၢင်ႇ​လႄႈ​ဝႃႈ၊ ၸူဝ်ႈ​ဢၼ်​ယိတ်ႈပရေႃးႁဵၵ်ႈ​ဢၼ်​ပႃး​ ဢူႉရိမ်း ​တင်း​ ထူႉမိမ်း ​ၼၼ်ႉ ဢမ်ႇ​ပႆႇ​ပေႃႇ​မႃး​ၼၼ်ႉ​ၸိုင်၊ ၶဝ်​ၼၼ်ႉ​ဢမ်ႇ​လႆႈ​ၵိၼ်​ၶိူင်ႈ​ပိူင်​ဢၼ်​မူတ်း​ၸၢင်ႇ​ၼႃႇ​လူင်​လၢင်​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="64">ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၼပ်ႉ​ပွင်း​ၵၼ်​ၸမ်ႉ မီး​သီႇ​မိုၼ်ႇ​သွင်​ႁဵင်​သၢမ်​ပၢၵ်ႇ​ပၢႆ​ႁူၵ်း​သိပ်း​ဢေႃႈ။-</verse>
				<verse number="65">ၼွၵ်ႈ​သေ​ၼၼ်ႉ ၶႃႈ​ၵူၼ်း​ယိင်း​ၶဝ် ၶႃႈ​ၵူၼ်း​ၸၢႆး​ၶဝ် ၼပ်ႉ​ပွင်း​ၵၼ် မီး​ၸဵတ်း​ႁဵင်​သၢမ်​ပၢၵ်ႇ​သၢမ်​သိပ်း​ပၢႆ​ၸဵတ်း​ၵေႃႉ​ဢေႃႈ။ မေႃ​ႁဵတ်း​ၵႂၢမ်း​ၵူၼ်း​ၸၢႆး မေႃ​ႁဵတ်း​ၵႂၢမ်း​ၵူၼ်း​ယိင်း ၼပ်ႉ​ပွင်း​ၵၼ်​မီး​သွင်​ပၢၵ်ႇ​ၵေႃႉ​ဢေႃႈ။-</verse>
				<verse number="66">မႃႉ​ၶဝ်​ၼပ်ႉ​ပွင်း​ၵၼ် မီး​ၸဵတ်း​ပၢၵ်ႇ​သၢမ်​သိပ်း​ပၢႆ​ႁူၵ်း​တူဝ်​ဢေႃႈ။ လေႃႈ​ၶဝ်​လႃး​ၶဝ်​ၼပ်ႉ​ပွင်း​ၵၼ် မီး​သွင်​ပၢၵ်ႇ​သီႇ​သိပ်း​ပၢႆ​ႁႃႈ​တူဝ်​ဢေႃႈ။-</verse>
				<verse number="67">ၵလႃးဢုၵ်ႉ​ၶဝ် ၼပ်ႉ​ပွင်း​ၵၼ်​မီး​သီႇ​ပၢၵ်ႇ​သၢမ်​သိပ်း​ပၢႆ​ႁႃႈ​တူဝ်​ဢေႃႈ။ လီႈ​ၶဝ်​ၼပ်ႉ​ပွင်း​ၵၼ် မီး​ႁူၵ်း​ႁဵင်​ၸဵတ်း​ပၢၵ်ႇ​ပၢႆ​သၢဝ်း​တူဝ်​ဢေႃႈ။</verse>
				<verse number="68">ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် မဵဝ်း​ပူႇ​မဵဝ်း​ပေႃႈ​ၶဝ်​ၵမ်ႈ​ၽွင်ႈ​ၼၼ်ႉ ႁွတ်ႈ​ထိုင်​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​သေ​ယဝ်ႉ၊ မီး​ၸႂ်​ၸေႇတၼႃႇ​သေ​လႄႈ လူႇ​တၢၼ်း​ပုၼ်ႈ​ႁိူၼ်း​ၽြႃး​ပဵၼ်​ၸဝ်ႈ ႁႂ်ႈ​လႆႈ​ၶိုၼ်း​တႄႇ​ၶိုၼ်း​ႁဵတ်း​မၼ်း ၵႃႈ​ၼႂ်း​တီႈ​ၵဝ်ႇ​မၼ်း​လႄႈ၊-</verse>
				<verse number="69">ၵႃႈ​ၼင်ႇ​ဢၼ်​ၶဝ်​တၢတ်ႈ​ၼိူင်ႇ​လႆႈ​ၼၼ်ႉ ဢွၼ်​ၵၼ်​ဢဝ်​တႅင်း​ၵႃး​ၶမ်း တရႅၵ်ႉ ​ႁူၵ်း​မိုၼ်ႇ​ပၢႆ​ႁဵင်​ၼိုင်ႈ၊ ငိုၼ်း​ႁႃႈ​ႁဵင်​ၸွႆႉ၊ ၶူဝ်း​ၼုင်ႈ​ၶူဝ်း​မႆ​ယိတ်ႈပရေႃးႁဵၵ်ႈ​ပၢၵ်ႇ​ၸုမ်ႇ သႂၢင်း​ၶဝ်ႈ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ၸဝ်ႈ​ဢေႃႈ။-</verse>
				<verse number="70">ၼင်ႇ​ၼၼ်​လႄႈ ယိတ်ႈပရေႃးႁဵၵ်ႈ​လႂ်၊ ၵူၼ်း​မဵဝ်း​ လေႇဝီႉ ​လႂ်၊ ၵူၼ်း​ဝၢၼ်ႈ​ၵူၼ်း​မိူင်း​ၵမ်ႈ​ၽွင်ႈ​လႂ်၊ မေႃ​ႁဵတ်း​ၵႂၢမ်း​လႂ်၊ ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​လႂ်၊ ၶႃႈ​ၽြႃး​လႂ်​ၸိူဝ်း​ၼၼ်ႉ ဢွၼ်​ၵၼ်​တူၵ်း​တီႈ​တူၵ်း​လႅၼ်​ၵႃႈ​တီႈ​ဝၢၼ်ႈ​ဝဵင်း​တီႈ​ယူႇ​ၶဝ်​ၼၼ်ႉ​လႄႈ၊ ၵူၼ်း​ဝၢၼ်ႈ​ၵူၼ်း​မိူင်း ဢီႉသရေႇလႃႉ တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​တူၵ်း​တီႈ​တူၵ်း​လႅၼ် ၵႃႈ​တီႈ​ဝၢၼ်ႈ​ဝဵင်း​တီႈ​ယူႇ​ၶဝ်​ဢေႃႈ။</verse>
			</chapter>
			<chapter number="3">
				<verse number="1">မိူဝ်ႈ​ဢၼ်​ႁွတ်ႈ​ထိုင်​လိူၼ်​သတ်ႉတမႃႉ​လႄႈ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တူၵ်း​တီႈ​တူၵ်း​လႅၼ်​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း တီႈ​ယူႇ​ၶဝ်​ယဝ်ႉ​ၼၼ်ႉ​ၸိုင်၊ ၵူၼ်း​တင်း​လၢႆ ဢွၼ်​ၵၼ်​မႃး​ၸူႉ​ၵၼ်​တုမ်​ၵၼ် ၵႃႈ​တီႈ​ဝဵင်း​ ယေႇရူႉသလႅမ်ႇ မိူၼ်​ၸိူဝ်ႉ​ၼင်ႇ​ဢၼ်​ပဵၼ်​တူဝ်​လဵဝ်​ၸႂ်​လဵဝ်​ၵူၺ်း​ၼၼ်ႉ​ဢေႃႈ။-</verse>
				<verse number="2">မိူဝ်ႈ​ၼၼ်ႉ​ ယေႃးသူႉ လုၵ်ႈ​ၸၢႆး​ ယေႃးၸတၵ်ႉ ဢိၵ်ႇ​တင်း​ယိတ်ႈပရေႃးႁဵၵ်ႈ​ဢၼ်​ပဵၼ်​ၼွင်ႉ​ၸၢႆး​မၼ်း​တင်း​လၢႆ၊​ ၸေႇရူႉပႃႉပေႇလႃႉ လုၵ်ႈ​ၸၢႆး​ သႃႇလႃႉသေးလႃႉ ဢိၵ်ႇ​တင်း​ၼွင်ႉ​ၸၢႆး​မၼ်း​တင်း​လၢႆ​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​လႄႈ​တႄႇ​ႁဵတ်း​ယိတ်ႈပလၢင်ႇ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ႁႂ်ႈ​လႆႈ​ဢဝ်​ယိတ်ႈ​ဢၼ်​တုတ်ႇ​ၽႆး​ပုၵ်ႈ​ၸေႃႇ​ၵႃႈ​ၼိူဝ်​မၼ်း ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ မူဝ်းသေႇ ​ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။-</verse>
				<verse number="3">ပိၵ်ႉ​သမ်ႉ​ၶဝ်​ၵူဝ်​ႁႄ​ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​မိူင်း​ၼၼ်ႉ​ၵူႈ​တီႈ​ၵူႈ​လႅၼ်​ၸိူဝ်း​ၼၼ်ႉ​သေ​ၵေႃႈ၊ ၶဝ်​ဢွၼ်​ၵၼ်​ဢဝ်​ယိတ်ႈပလၢင်ႇ​တႄႇ​ဝႆႉ​ၵႃႈ​ၼိူဝ်​ၶူင်ႇ​ႁၢၼ်ႉ​တိၼ်​မၼ်း​သေ​လႄႈ ဢဝ်​ယိတ်ႈ​ဢၼ်​တုတ်ႇ​ၽႆး​ဢၼ်​ဝႃႈ ယိတ်ႈ​ဢၼ်​တုတ်ႇ​ၽႆး​ၶိင်ႇ​ႁူဝ်​ၼႂ် ၶိင်ႇ​ႁူဝ်​ၶမ်ႈ​ၼၼ်ႉ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​ယူႇ​သေႇ​သေႇ​ဢေႃႈ။-</verse>
				<verse number="4">ပွႆး​ႁဵတ်း​သုမ်ႉ​ထဵင်​ၵေႃႈ​ၶဝ်​ဢွၼ်​ၵၼ်​ၶၢမ်ႇ ၸွမ်း​ၵႃႈ​ၼင်ႇ​ဢၼ်​ၵျၢမ်း​လိၵ်ႈ​မႃး​ၼၼ်ႉ​လႄႈ ႁဵတ်း​တၢင်း​ဢၼ်​ၼပ်ႉ​ဢၼ်​ဢၢၼ်ႇ​သေ​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး​ၵူႈ​ဝၼ်း​ၵူႈ​ဝၼ်း မႅၼ်ႈ​ၸွမ်း​ၵႃႈ​ၼင်ႇ​ဢၼ်​ထုင်း​ၽိင်ႈ​တြႃး​မီး​လႄႈ ထုၵ်ႇ​လီ​ႁဵတ်း​ဝၢတ်ႈ​ယူႇ​ၵူႈ​ဝၼ်း​ၼၼ်ႉ​ဢေႃႈ။-</verse>
				<verse number="5">လိုၼ်း​ၼၼ်ႉ​ၶဝ်​ဢွၼ်​ၵၼ်​ဢဝ်​ယိတ်ႈ​ဢၼ်​တုတ်ႇ​ၽႆး ဢၼ်​လႆႈ​ပုၵ်ႈ​ၸေႃႇ​သေႇ​သေႇ၊ ယိတ်ႈ​ဢၼ်​လႆႈ​ပုၵ်ႈ​ၸေႃႇ​ဝၼ်း​လိူၼ်​မႂ်ႇ ဢိၵ်ႇ​တင်း​ဝၼ်း​ပွႆး​ထမ်ႇမႃႉ ၵႃႈ​ဢၼ်​ႁႂ်ႈ​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး၊ ယိတ်ႈ​ဢၼ်​လႆႈ​ပုၵ်ႈ​ၸေႃႇ​ပုၼ်ႈ​ၶဝ်​ၸိူဝ်း​ဢၼ် မီး​ၸေႇတၼႃႇ​သေ​လႄႈ ဢဝ်​ၶိူင်ႈ​ပုၵ်ႈ​ၸေႃႇ​မႃး​တီႈ​ထႃႇဝရႃႉ​ၽြႃး ႁင်း​ၽႂ်​ႁင်း​မၼ်း​ၼၼ်ႉ​ၸိူဝ်း​ၼၼ်ႉ​ပုၵ်ႈ​ၸေႃႇ​ဢေႃႈ။-</verse>
				<verse number="6">ပိၵ်ႉ​သမ်ႉ​ဢမ်ႇ​ပႆႇ​ၶျႃး​ငဝ်ႈ​ႁၢၵ်ႈ​တိူၵ်ႈ​ပိၵ်ႈ​မၢၼ်ႇ​ထႃႇဝရႃႉ​ၽြႃး​သေ​ၵေႃႈ၊ ၶဝ်​ဢွၼ်​ၵၼ်​ဢဝ်​ယိတ်ႈ​ဢၼ်​တုတ်ႇ​ၽႆး​ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ၸႃႉ​ၸဵမ်​လိူၼ်​သတ်ႉတမႃႉ​ဝၼ်း​ၼိုင်ႈ​ၼၼ်ႉ​ဢေႃႈ။</verse>
				<verse number="7">ၶဝ်​ဢွၼ်​ၵၼ်​ဢဝ်​ငိုၼ်း​ပၼ်​တီႈ​ၶဝ်​ၸိူဝ်း​ဢၼ်​မေႃ​တႄႇ​မေႃ​ႁဵတ်း၊ ဢိၵ်ႇ​တင်း​လၢၵ်ႈသမႃး​တင်း​လၢႆ​လႄႈ ဢွၼ်​ၵၼ်​ဢဝ်​ၸရိပ်ႈ​တၢင်း​ၵိၼ်​တင်း​ၼမ်ႉ​မၼ်း ပၼ်​တီႈ​ၵူၼ်း​ဝဵင်း​ ၸီႉတုၼ်ႇ တင်း​ၵူၼ်း​ဝဵင်း​ တူႉရူႉ ​ၸိူဝ်း​ၼၼ်ႉ ႁႂ်ႈ​လႆႈ​ဢဝ်​မႆႉ​ ဢႃႇရိတ်ႉ သေ​ၵႃႈ​ၼိူဝ်​လွႆ​ လေႇပၼုၼ်ႇ လူင်း​ၸူး​ပၢင်ႇ​လၢႆႇ သူင်ႇ​ႁွတ်ႈ​ၵႃႈ​တီႈ​တႃႈ​ ယွပ်ႉပႃႉ ၸွမ်း​ၵႃႈ​ၼင်ႇ​ဢၼ်​ၶဝ်​လႆႈ​ဢၶႂၢင်ႉ​တီႈ​ ၵူႉရူႉ ၶုၼ်​ႁေႃ​ၶမ်း​ ပေႇရသီႉ ​ၼၼ်ႉ​ဢေႃႈ။-</verse>
				<verse number="8">ၼႂ်း​ပီႊ​တူႉတီႉယႃႉ လိူၼ်​တူႉတီႉယႃႉ ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​ႁိူၼ်း​ၽြႃး​ပဵၼ်​ၸဝ်ႈ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ၊ ၸေႇရူႉပႃႉပေႇလႃႉ လုၵ်ႈ​ၸၢႆး​ သႃႇလႃႉသေးလႃႉ၊ ယေႃးသူႉ လုၵ်ႈ​ၸၢႆး​ ယေႃးၸႃႉ တင်း​ပီႈ​ၼွင်ႉ​ၶဝ်​ဢၼ်​ၵိုတ်း​ဢၼ်​ၵျၢၼ်ႇ​ဢၼ်​ပဵၼ်​ယိတ်ႈပရေႃးႁဵၵ်ႈ​တင်း​ၵူၼ်း​မဵဝ်း​ လေႇဝီႉ ၶဝ်​ၵႃႈ​ဢၼ်​ဢွၵ်ႇ​သေ​ၵႃႈ​ၼႂ်း​မုၵ်ႉ​ၸိူဝ်း​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​သေ​လႄႈ မႃး​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​လႄႈ​ၶၢၼ်း​ၵူၼ်း​ လေႇဝီႉ ဢၼ်​ၸႃႉ​ၸဵမ်​ဢသၢၵ်ႈ​လႆႈ​သၢဝ်း​ၼိုင်ႈ​လႄႈ​ဢသၢၵ်ႈ​လိူဝ်​သၢဝ်း​ၵႂႃႇ​ၸိူဝ်း​ၼၼ်ႉ​ဝႆႉ ႁႂ်ႈ​လႆႈ​ဢုပ်ႉ​ထိင်း​ၵႃႈ​ၼိူဝ်​တၢင်း​ဢၼ်​တႄႇ​ဢၼ်​ႁဵတ်း​ႁိူၼ်း​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="9">မိူဝ်ႈ​ၼၼ်ႉ​ ယေႃးသူႉ၊ ယူႉတႃႉ ​ဢိၵ်ႇ​တင်း​လုၵ်ႈ​ၸၢႆး​ၼွင်ႉ​ၸၢႆး​မၼ်း​တင်း​လၢႆ၊ ၵတ်ႉမျေႇလႃႉ ဢိၵ်ႇ​တင်း​လုၵ်ႈ​ၸၢႆး​မၼ်း​တင်း​လၢႆ ဢၼ်​ပဵၼ်​ၵူၼ်း​မဵဝ်း​ ယူႉတႃႉ ၊ ၵူၼ်း​ ႁေႇၼတပ်ႉ ​တင်း​လၢႆ ဢိၵ်ႇ​တင်း​လုၵ်ႈ​ၸၢႆး​ၶဝ်​ၼွင်ႉ​ၸၢႆး​ၶဝ်​ဢၼ်​ပဵၼ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢွၼ်​ၵၼ်​လုၵ်ႉ​ႁႂ်ႈ​လႆႈ​ဢုပ်ႉ​လႆႈ​ထိင်း​ၵႃႈ​ၼိူဝ်​ၶဝ်​ၸိူဝ်း​ဢၼ်​တႄႇ​ဢၼ်​ႁဵတ်း ႁိူၼ်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။-</verse>
				<verse number="10">ၶဝ်​ၸိူဝ်း​ဢၼ်​တႄႇ​ဢၼ်​ႁဵတ်း​ၼၼ်ႉ၊ မိူဝ်ႈ​ဢၼ်​ၶဝ်​ၶျႃး​ငဝ်ႈ​ႁၢၵ်ႈ​တိူၵ်ႈ​ပိၵ်ႈ​မၢၼ်ႇ​ထႃႇဝရႃႉ​ၽြႃး​ၼၼ်ႉ​ၸိုင်၊ ၶဝ်​ၶၢၼ်း​ယိတ်ႈပရေႃးႁဵၵ်ႈ​ဢၼ်​ၼုင်ႈ​မႆ​ႁၢင်ႈ​ၶိူင်ႈ​တၢင်း​ၼုင်ႈ​တၢင်း​မႆ​ၶဝ်​သေ​လႄႈ ယိပ်း​ၵမ်​ၼႄးၶရႃႇ​ယူႇ၊ ၵူၼ်း​ ဢႃႇသပ်ႉ မဵဝ်း​ လေႇဝီႉ ဢၼ်​ယိပ်း​ၵမ်​သႅင်ႇ​ယူႇ​ၸိူဝ်း​ၼၼ်ႉ​ဝႆႉ ႁႂ်ႈ​လႆႈ​ယွင်ႈ​ယေႃး​မုၼ်​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​ တႃႇဝိတ်ႈ ၶုၼ်​ႁေႃ​ၶမ်း​ ဢီႉသရေႇလႃႉ ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။-</verse>
				<verse number="11">ဢွၼ်​ၵၼ်​ယွင်ႈ​ယေႃး​မုၼ်​ၸဝ်ႈ​ယူႇ၊ ႁပ်ႉ​တုင်း​ဢဝ်​ၵျေး​ၸူး​ၸဝ်ႈ​ယူႇ​သေ​လႄႈ ၶေႉ​သဵင်​တႅၵ်ႈ​သဵင်​ၵၼ်​လႄႈ ႁဵတ်း​ၵႂၢမ်း​ပဵၼ်​လႄႉ​ပဵၼ်​ၵမ်း​တီႈ​ထႃႇဝရႃႉ​ၽြႃး​လႄႈ​ဝႃႈ၊ မၼ်း​ၸဝ်ႈ​မျၢတ်ႈ​လီ​ဢေႃႈ။ ၵရူႉၼႃႇ​ၸဝ်ႈ​ဢၼ်​မၼ်း​ၸဝ်ႈ​ၼႄ​ပျႃး​တီႈ​မဵဝ်း​ ဢီႉသရေႇလႃႉ ​ၼၼ်ႉ တႄႇ​ယူႇ​တႃႇ​သေႇ​မၼ်ႈ​ၶိူင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ယွင်ႈ​ယေႃးမုၼ်​ထႃႇဝရႃႉ​ၽြႃး​ယူႇ​သေ​လႄႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​ႁုၼ်ႉ​ႁွင်ႉ​သႅၼ်ႇ ၵွပ်ႈ​ပိူဝ်ႈ​ဢၼ်​လႆႈ​ၶျႃး​ငဝ်ႈ​ႁၢၵ်ႈ​တိူၵ်ႈ​ႁိူၼ်း​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="12">ၵူၺ်း​ၵႃႈ ယိတ်ႈပရေႃးႁဵၵ်ႈ​ဢိၵ်ႇ​တင်း​ၵူၼ်း​ လေႇဝီႉ ဢၼ်​ပဵၼ်​ငဝ်ႈ​ပဵၼ်​ႁူဝ် မဵဝ်း​ပူႇ​မဵဝ်း​ပေႃႈ​ၶဝ်​ဢၼ်​ဝႃႈ ၶဝ်​ၸိူဝ်း​ဢၼ်​ဢသၢၵ်ႈ​ထဝ်ႈ​ၵႄႇ​လႄႈ ယၢမ်ႈ​လႆႈ​ႁၼ်​ပိၵ်ႈ​မၢၼ်ႇ​ၸဝ်ႈ ဢၼ်​ၵမ်း​ဢွၼ်​တၢင်း​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​ႁႆႈ​ၼႂ်း​မိူဝ်ႈ​ဢၼ်​ၶျႃး​ငဝ်ႈ​ႁၢၵ်ႈ​ပိၵ်ႈ​မၢၼ်ႇ​ၸဝ်ႈ​ၼၼ်ႉ သိုဝ်ႈ​ၼႃႈ​တႂ်ႈ​တႃ​ၶဝ်​ၼၼ်ႉ​ဢေႃႈ။ ၵူၼ်း​ၼမ်​ၼႃႇ​ၵေႃႈ ဢွၼ်​ၵၼ်​မီး​တင်း​ၸႂ်​ဢၼ်​ၸူမ်း​သိူဝ်း​သေ​လႄႈ ႁွင်ႉ​ႁုၼ်ႉ​ႁွင်ႉ​သႅၼ်ႇ၊-</verse>
				<verse number="13">ထၼ်ႈ​ပေႃး​ၵူၼ်း​တင်း​လၢႆ ဢမ်ႇ​ၸၵ်း​ၽႄ​လႄႈ​ႁူႉ​သဵင်​ဢၼ်​မီး​ၸႂ်​ဢၼ်​ၸူမ်း​သိူဝ်း​သေ​လႄႈ​ႁွင်ႉ​ႁုၼ်ႉ​ႁွင်ႉ​သႅၼ်ႇ ဢိၵ်ႇ​တင်း​သဵင်​ဢၼ်​ၵူၼ်း​တင်း​လၢႆ​ႁႆႈ​ႁွင်ႉ​ၼၼ်ႉ​လႆႈ။ လွင်ႈ​မၼ်း​ၸမ်ႉ ၵူၼ်း​တင်း​လၢႆ​ႁဵတ်း​သဵင်​ဢၼ်​ယႂ်ႇ​ၼႃႇ​သေ​လႄႈ ႁွင်ႉ​ႁုၼ်ႉ​ႁွင်ႉ​သႅၼ်ႇ​လႄႈ သဵင်​ၼၼ်ႉ​လႆႈ​ငိၼ်း​ၵႂႃႇ​တေႃႇ​ထိုင်​ႁွတ်ႈ​တီႈ​ဢၼ်​ၵႆ​ၼႃႇ​ဢေႃႈ။</verse>
			</chapter>
			<chapter number="4">
				<verse number="1">ရၢၼ်ႇ​သူႇ​မဵဝ်း​ ယူႉတႃႉ တင်း​မဵဝ်း​ ပိၼ်ႇယႃႇမိၼ်ႇ ​ၸိူဝ်း​ၼၼ်ႉ လႆႈ​ငိၼ်း​လွင်ႈ​ဢၼ်​ၵူၼ်း​မဵဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၸိူဝ်း​ၼၼ်ႉ ဢွၼ်​ၵၼ်​တႄႇ​ႁဵတ်း​ပိၵ်ႈ​မၢၼ်ႇ​ပုၼ်ႈ​ထႃႇဝရႃႉ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ​သေ​ယဝ်ႉ၊-</verse>
				<verse number="2">ဢွၼ်​ၵၼ်​မႃး​ၸူး​တီႈ​ ၸေႇရူႉပႃႉပေႇလႃႉ တင်း​ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် မဵဝ်း​ပူႇ​မဵဝ်း​ပေႃႈ​ၸိူဝ်း​ၼၼ်ႉ​လႄႈ​လၢတ်ႈ​လႄႈ​ဝႃႈ၊ ႁႂ်ႈ​ႁဝ်း​လႆႈ​တႄႇ​ႁဵတ်း​လူၺ်ႈ​ၵၼ်​တင်း​သူ​သေ​ၵမ်း​လူၺ်ႈ။ ႁဝ်း​ၵေႃႈ​ဢွၼ်​ၵၼ်​ႁႃ​ၽြႃး​ပဵၼ်​ၸဝ်ႈ​သူ မိူၼ်​ၸိူဝ်ႉ​ၼင်ႇ​ဢၼ်​သူ​ႁႃ​ၼၼ်ႉ​ဢေႃႈ။ ႁဝ်း​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​တီႈ​မၼ်း​ၸဝ်ႈ​ယူႇ ၸႃႉ​ၸဵမ်​ၸူဝ်ႈ​ပၢၼ်​ ဢေႇသရႃႇႁတ်ႉတုၼ်ႇ ​ၶုၼ်​ႁေႃ​ၶမ်း​ ဢႃႇသူႉရီႉ ၊ ဢၼ်​ဢဝ်​ႁဝ်း​မႃး​ၵႃႈ​တီႈ​မိူင်း​ၼႆႉ​ၼၼ်ႉ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="3">ၸေႇရူႉပႃႉပေႇလႃႉ ဢိၵ်ႇ​တင်း​ ယေႃးသူႉ တင်း​ၶဝ်​ၸိူဝ်း​ဢၼ် ယင်း​ၵိုတ်း​ယင်း​ၵျၢၼ်ႇ​လႄႈ ပဵၼ်​ငဝ်ႈ​ပဵၼ်​ႁူဝ်​မဵဝ်း​ပူႇ​မဵဝ်း​ပေႃႈ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ သူ​ဢမ်ႇ​လႆႈ​ၽွမ်ႉ​လႆႈ​ပႃး​လူၺ်ႈ​ၵၼ်​တင်း​ႁဝ်း​သေ​လႄႈ တႄႇ​ႁဵတ်း​ႁိူၼ်း​ပုၼ်ႈ​ၽြႃး​ပဵၼ်​ၸဝ်ႈ​ႁဝ်း။ တူဝ်​ႁဝ်း​တၵ်း​လႆႈ​တႄႇ​ႁဵတ်း​ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၸွမ်း​ၵႃႈ​ၼင်ႇ​ဢၼ်​ ၵူႉရူႉ ၶုၼ်​ႁေႃ​ၶမ်း​ ပေႇရသီႉ မီး​ဢမိင်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မိူဝ်ႈ​ၼၼ်ႉ​ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ ဢွၼ်​ၵၼ်​ႁႂ်ႈ​ႁႅင်း​မိုဝ်း​ၵူၼ်း​မဵဝ်း​ ယူႉတႃႉ ဢူၼ်ႈ​ၵႂႃႇ​ယွမ်း​ၵႂႃႇ​လႄႈ ယႃႉ​ယူၵ်ႉ​ဢမူႉ တၢင်း​ဢၼ်​ၶဝ်​တႄႇ​ႁဵတ်း​ၼၼ်ႉ​သေ​လႄႈ၊-</verse>
				<verse number="5">ၸၢင်ႈ​ငႃ​ဢဝ်​ၶဝ်​ၸိူဝ်း​ဢၼ်​ဢွၼ်​ႁူဝ် လၢတ်ႈ​ဢမူႉ​ႁႂ်ႈ​လႆႈ​ႁႄႉ​ၶႅၼ်​တၢင်း​ၵျၢမ်ႇ​တၢင်း​ပွင်​ၶဝ်​ၼၼ်ႉ​ဝႆႉ ၸႃႉ​ၸဵမ်​ၸူဝ်ႈ​ပၢၼ်​ ၵူႉရူႉ ၶုၼ်​ႁေႃ​ၶမ်း​ ပေႇရသီႉ ​ၼၼ်ႉ​တဵမ်​တဵမ်​တေႃႇ​ထိုင်​ႁွတ်ႈ ၸူဝ်ႈ​ပၢၼ်​ တႃႇရီႉ ​ၶုၼ်​ႁေႃ​ၶမ်း​ ပေႇရသီႉ ​ၼၼ်ႉ​ဢေႃႈ။</verse>
				<verse number="6">ၼႂ်း​မိူဝ်ႈ​ဢၼ်​ ဢႃႇသူၺ်ႇရူႉ ၸႃႉ​ၸၢမ်ႇ​ႁၢင်ႈ​ၸၢမ်ႇ​ႁေႃ​ၼၼ်ႉ၊ ၶဝ်​ၼၼ်ႉ​ဢွၼ်​ၵၼ်​ဢဝ်​လိၵ်ႈ​ဢၼ်​လဝ်ႊ​လၢတ်ႈ​တၢင်ႇ​ဢပႅတ်ႈ တီႈ​ၵူၼ်း​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ ​တင်း​လၢႆ​ၼၼ်ႉ​ပၼ်​ၵႂႃႇ​ဢေႃႈ။-</verse>
				<verse number="7">ၼႂ်း​ၸူဝ်ႈ​ပၢၼ်​ ဢႃႇတၸေႇရိတ်ႉ ​ၼၼ်ႉ၊ ပီႉသလမ်ႇ၊ မီႉသရေႇတတ်ႉ၊ တပႄႇလႃႉ ​ဢိၵ်ႇ​တင်း ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​လႄႈ ပဵၼ်​ၵေႃႉ​သေႈ​ဢၼ်​ႁူမ်ႈ​ပွင်း​ၵၼ်​တင်း​ၶဝ်​ၼၼ်ႉ ဢွၼ်​ၵၼ်​ဢဝ်​လိၵ်ႈ​ဢၼ်​လဝ်ႊ​လၢတ်ႈ ဢၼ်​ဢဝ်​တင်း​တူဝ်​လိၵ်ႈ​ဢႅၵ်ႉၶရႃႇ သူႉရီႉ ​တႅမ်ႈ​လႄႈ ဢဝ်​တင်း​ၵႂၢမ်း​ၽႃႇသႃႇ​ သူႉရီႉ ​လဝ်ႊ​လၢတ်ႈ​ၼၼ်ႉ ပၼ်​ၵႂႃႇ​တီႈ ဢႃႇတၸေႇရိတ်ႉ ၶုၼ်​ႁေႃ​ၶမ်း​ ပေႇရသီႉ ​ၼၼ်ႉ​ဢေႃႈ။-</verse>
				<verse number="8">ရေႇႁုမ်ႇ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​တိူၵ်ႈ​လိၵ်ႈ တင်း​ သီႉမသေး ၸရေး​ဝဵင်း​ၸိူဝ်း​ၼၼ်ႉ ႁဵတ်း​ရၢၼ်ႇ​တၢင်း​ၽိတ်း​တီႈ​ဝဵင်း​ ယေႇရူႉသလႅမ်ႇ ​သေ​လႄႈ ပၼ်​လိၵ်ႈ​ဢၼ်​ၸိူဝ်ႉ​ၼင်ႇ​ၼႆ ၵႂႃႇ​တီႈ​ၶုၼ်​လူင်​ ဢႃႇတၸေႇရိတ်ႉ ​ဢေႃႈ။-</verse>
				<verse number="9">လိၵ်ႈ​ၼၼ်ႉ​ၸိုင်၊ ရေႇႁုမ်ႇ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​တိူၵ်ႈ​လိၵ်ႈ၊ သီႉမသေး ၸရေး​ဝဵင်း ဢိၵ်ႇ​တင်း​ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​လႄႈ ပဵၼ်​ၵေႃႉ​သေႈ​ဢၼ်​ႁူမ်ႈ​ပွင်း​ၵၼ်​တင်း​ၶဝ်​ၼၼ်ႉ ၵူၼ်း​မိူင်း​ တီႉၼေႇ ၊ ၵူၼ်း​မိူင်း​ ဢၽႃႉသသၢၵ်ႉ ၊ ၵူၼ်း​မိူင်း​ တႃႇပေႇလႃႉ ၊ ၵူၼ်း​မိူင်း​ ဢၽႃႇရႃႇသႃႉ ၊ ၵူၼ်း​မိူင်း​ ဢႃႇၶေးဝႃႉ ၊ ၵူၼ်း​မိူင်း​ ပႃႇပူႉလုၼ်ႇ ၊ ၵူၼ်း​မိူင်း​ သူႉသၼၵ်ႉ ၊ ၵူၼ်း​မိူင်း တေႇႁဝႃႉ ၊ ၵူၼ်း​မိူင်း​ ဢေႇလမ်ႇ ၊-</verse>
				<verse number="10">တင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ၶုၼ်​ ဢႃႇသၼပ်ႉပႃႇ ဢၼ်​ယႂ်ႇ​မျၢတ်ႈ ဢဝ်​မႃး​လႄႈ​ၶျႃး​တီႈ​ယူႇ​ဝႆႉ ၵႃႈ​တီႈ​ဝၢၼ်ႈ​ဝဵင်း​ သမႃႇရီႉ ဢိၵ်ႇ​တင်း​မိူင်း​ဢၼ်​မီး​ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ၼၼ်ႉ​ၸိူဝ်း​ၼၼ်ႉ​ဢွၼ်​ၵၼ်​တႅမ်ႈ​ဢေႃႈ။-</verse>
				<verse number="11">လၢၵ်ႈ​ၶၢမ်ႇ​လိၵ်ႈ​ဢၼ် ၶဝ်​ပၼ်​ၵႂႃႇ​တီႈ​ၶုၼ်​လူင်​ ဢႃႇတၸေႇရိတ်ႉ ​ၼၼ်ႉ​ဝႃႈ​ၸမ်ႉ၊ ၶႃႈ​ၸဝ်ႈ​ႁဝ်း​ၶဝ်​ဢၼ်​ယူႇ​ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ၸိူဝ်း​ၼႆႉ လဝ်ႊ​လၢတ်ႈ​ၼႂ်း​ဝၼ်း​ဢၼ်​ၸိူဝ်း​ၼႆႉ​တီႈ​ၶႃႈ​ဢေႃႈ။-</verse>
				<verse number="12">ၶႅၼ်း​တေႃႈ​ႁႂ်ႈ​ၸဝ်ႈ​ၶုၼ်​လူင်​ႁူႉ​လွင်ႈ​ဢၼ်​ၵူၼ်း​မဵဝ်း​ ယူႉတႃႉ ဢၼ်​လုၵ်ႉ​သေ​ၵႃႈ​တီႈ​ၸဝ်ႈ​ႁဝ်း​ႁွတ်ႈ​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ တီႈ​ဢၼ်​ၶႃႈ​ၸဝ်ႈ​ႁဝ်း​ၶဝ်​ယူႇ​ၼႆႉ​ၸိူဝ်း​ၼၼ်ႉ တႄႇ​ႁဵတ်း​ဝဵင်း​ဢၼ်​ႁၢႆႉ​ယုတ်ႈ​လႄႈ ၸၢင်ႈ​ပုင်ႇ​ၵၢၼ်ႇ​ၼၼ်ႉ​ယူႇ​သေ​လႄႈ ၶျႃး​ငဝ်ႈ​ႁၢၵ်ႈ​လမ်း​ဝဵင်း​လႄႈ ၸမ်​တၵ်း​ယဝ်ႉ​တၵ်း​တူဝ်ႈ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="13">ၶႅၼ်း​တေႃႈ​ႁႂ်ႈ​ၸဝ်ႈ​ၶုၼ်​လူင်​ႁူႉ​လွင်ႈ​ဢၼ် ပေႃး​သမ်ႉ​ၶိုၼ်း​တႄႇ​ႁဵတ်း​ဝဵင်း​ၼၼ်ႉ​လႄႈ လမ်း​ဝဵင်း​ယဝ်ႉ​တူဝ်ႈ​ယဝ်ႉ​ၼၼ်ႉ​ၸိုင်၊ ၶဝ်​တၵ်း​ဢမ်ႇ​သၢၵ်ႈ​ဢမ်ႇ​ပၼ်​ၶွၼ်ႇ​ဝၢၼ်ႈ​ၶွၼ်ႇ​မိူင်း၊ ၶွၼ်ႇ​ၵႃႉ​ၶွၼ်ႇ​ၶၢႆ၊ ၶွၼ်ႇ​တႃႈ​ၶွၼ်ႇ​ၵၢင်​လႄႈ ဢၵျူဝ်း​ၶုၼ်​ႁေႃ​ၶမ်း​ၵူႈ​ၸူဝ်ႈ​ၵူႈ​ပၢၼ်​တၵ်း​လူႉ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="14">ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ႁဝ်း​ၶဝ် ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​လဵင်ႉ​ဢၼ်​လူ​လူၺ်ႈ​ႁေႃ​ၸဝ်ႈ​ယူႇ​လႄႈ ဢမ်ႇ​ထုၵ်ႇ​လီ​ႁၼ် တၢင်း​ဢၼ်​မုၼ်​ၽုင်း​ၸဝ်ႈ​ၶုၼ်​လူင်​သုတ်ႈ​ၵႂႃႇ​ယွမ်း​ၵႂႃႇ​ၼၼ်ႉ​လႄႈ၊ ၶႃႈ​ၸဝ်ႈ​ႁဝ်း​ၶဝ် ပွႆႇ​ၸႂ်ႉ​လႄႈ​လဝ်ႊ​လၢတ်ႈ​ပၼ်​ငိၼ်း​ၵႂႃႇ​တီႈ​ၸဝ်ႈ​ၶုၼ်​လူင်၊-</verse>
				<verse number="15">ႁႂ်ႈ​လႆႈ​ၸႅတ်ႈ​ထၢမ်​ၸႅတ်ႈ​တူၺ်း လိၵ်ႈ​ဢၼ်​မၢတ်ႈ​မၢႆ​လူၺ်ႈ​လွင်ႈ​ပူႇ​ၸဝ်ႈ​မွၼ်ႇ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၸဝ်ႈ​ၶုၼ်​လူင်​တၵ်း​ထူပ်း​ႁၼ် ၵႃႈ​ၼႂ်း​လိၵ်ႈ​ဢၼ်​မၢတ်ႈ​မၢႆ​ဝႆႉ​ၼၼ်ႉ​လႄႈ ႁူႉ​လွင်ႈ​ဢၼ်​ဝဵင်း​ၼႆႉ​ပဵၼ်​ဝဵင်း​ဢၼ်​ၸၢင်ႈ​ပုင်ႇ​ၵၢၼ်ႇ ဝဵင်း​ဢၼ်​ၸၢင်ႈ​ယႃႉ​ယူၵ်ႉ​ဢၵျူဝ်း​ၶုၼ်​ႁေႃ​ၶမ်း​တင်း​ဢၵျူဝ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​လႄႈ လုမ်း​လႃး​တၢင်း​ၵျၢမ်ႇ​တၢင်း​ပွင် ဢၼ်​ပုင်ႇ​ၵၢၼ်ႇ​ၵႃႈ​ၼႂ်း​မၼ်း ၶိင်ႇ​ၵႃႇလႃႉ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​တိုၵ်း​ဢၼ်​ယႃႉ ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="16">ၶႃႈ​ၸဝ်ႈ​ႁဝ်း​ၶဝ်​လဝ်ႊ​လၢတ်ႈ​ပၼ်​ငိၼ်း​လွင်ႈ​ဢၼ်​ပေႃး​သမ်ႉ​ၶိုၼ်း​တႄႇ​ႁဵတ်း​ဝဵင်း​ၼၼ်ႉ​လႄႈ လမ်း​ဝဵင်း​ယဝ်ႉ​တူဝ်ႈ​ယဝ်ႉ​ၸိုင်၊ ၸဝ်ႈ​ႁဝ်း​တၵ်း​ဢမ်ႇ​လႆႈ​ဢုပ်ႉ​ပိူင်ႇ ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ၼႆႉ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">လိၵ်ႈ​ဢၼ်​ၶုၼ်​ႁေႃ​ၶမ်း​ၶိုၼ်း​ပၼ်​ၵႂႃႇ​တီႈ​ ရေႇႁုမ်ႇ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​တိူၵ်ႈ​လိၵ်ႈ​တင်း သီႉမသေး ၸရေး​ဝဵင်း တင်း​ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​လႄႈ ပဵၼ်​ၵေႃႉ​သေႈ​ဢၼ်​ႁူမ်ႈ​ပွင်း​ၵၼ် တင်း​ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ဝဵင်း​ သမႃႇရီႉ ဢိၵ်ႇ​တင်း​ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​လႄႈ ယူႇ​ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ၼၼ်ႉ​ဝႃႈ​ၸမ်ႉ၊ ႁႂ်ႈ​သူ​ၵတ်း​ယဵၼ်​ၶျၢမ်း​သႃႇ​သေ​ၵမ်း​လူၺ်ႈ။ ၵဝ်​တႅမ်ႈ​ဢၼ်​ၸိူဝ်း​ၼႆႉ​ဢေႃႈ။-</verse>
				<verse number="18">လိၵ်ႈ​ဢၼ်​သူ​ပၼ်​မႃး​တီႈ​ၵဝ်​ၼၼ်ႉ​ၸိုင်၊ ၶိုၼ်း​ပျၢၼ်ႇ​ဢၼၢၵ်ႈ​မၼ်း​သေ​လႄႈ ၽတ်း​ၵႃႈ​တီႈ​ၽၢႆႇ​ၼႃႈ​ၵဝ်​ယဝ်ႉ။-</verse>
				<verse number="19">ၵဝ်​မီး​ဢမိင်ႉ​သေ​လႄႈ ဢွၼ်​ၵၼ်​ၸႅတ်ႈ​ထၢမ်​ၸႅတ်ႈ​တူၺ်း​လႄႈ လႆႈ​ႁူႉ​လွင်ႈ​ဢၼ်​ဝဵင်း​ၼၼ်ႉ​ၸၢင်ႈ​ၶိုၼ်း​ၽိုၼ်ႉ​ၶိုၼ်း​ႁဵတ်း​တီႈ​ၶုၼ်​ႁေႃ​ၶမ်း​ၼမ်​ၼႃႇ မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ၊ လွင်ႈ​ဢၼ်​ပဵၼ်​ဝဵင်း​ဢၼ်​ႁဵတ်း​တၢင်း​ဢၼ်​ပုင်ႇ​ၵၢၼ်ႇ၊ တၢင်း​ဢၼ်​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင် ဢၼ်​ၶတ်း​ၵၼ်​တင်း​ၶုၼ်​ၼၼ်ႉ​ၵႃႈ​ၼႂ်း​မၼ်း၊-</verse>
				<verse number="20">လွင်ႈ​ဢၼ်​ၶုၼ်​ႁေႃ​ၶမ်း ဢၼ်​တၼ်း​ၶူဝ်း​ယႂ်ႇ​ၼႃႇ ဢၼ်​ဢုပ်ႉ​ပိူင်ႇ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​တင်း​သဵင်ႈ​တင်း​မူတ်း​လႄႈ ၶၢမ်ႇ​ဢဝ်​ၶွၼ်ႇ​ဝၢၼ်ႈ​ၶွၼ်ႇ​မိူင်း၊ ၶွၼ်ႇ​ၵႃႉ​ၶွၼ်ႇ​ၶၢႆ၊ ၶွၼ်ႇ​တႃႈ​ၶွၼ်ႇ​ၵၢင်​ၸိူဝ်း​ၼၼ်ႉ​ယၢမ်ႈ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="21">ပိူဝ်ႈ​ၼႆ​လႄႈ သူ​ဢွၼ်​ၵၼ်​မီး​ဢမိင်ႉ​ႁႂ်ႈ​ၶဝ်​ၼၼ်ႉ ယႃႇ​သေ​ဝႆႉ​သေ​လႄႈ ယင်း​ဢမ်ႇ​တႄႇ​ဢမ်ႇ​ႁဵတ်း​ဝဵင်း​လႄႈ ယူႇ​တေႃႇ​ထိုင်​ႁွတ်ႈ​ၵဝ်​မီး​ဢမိင်ႉ​ၼၼ်ႉ​တႃႉ။-</verse>
				<verse number="22">ဢွၼ်​ၵၼ်​ႁဵတ်း​သတီႉ​ႁႂ်ႈ​ဢမ်ႇ​လႆႈ​ထိူင်း​လႆႈ​ၼၢၼ်း ၼႂ်း​ဢမူႉ​ၼႆႉ​တႃႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ဢၵျူဝ်း​ၶုၼ်​ႁေႃ​ၶမ်း​ၵူႈ​ၸူဝ်ႈ​ၵူႈ​ပၢၼ်​တၵ်း​လႆႈ​လူႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၽတ်း​လၢၵ်ႈ​ၶၢမ်ႇ​လိၵ်ႈ​ၶုၼ်​လူင် ဢႃႇတၸေႇရိတ်ႉ ​ၼၼ်ႉ ၵႃႈ​တီႈ​ၽၢႆႇ​ၼႃႈ​ ရေႇႁုမ်ႇ တင်း​ၸရေး​ဝဵင်း​ သီႉမသေး ဢိၵ်ႇ​တင်း​ၵေႃႉ​သေႈ​ဢၼ်​ႁူမ်ႈ​ပွင်း​ၵၼ်​တင်း​ၶဝ်​ၼၼ်ႉ​သေ​ယဝ်ႉ၊ ၶဝ်​ၼၼ်ႉ​ဢွၼ်​ၵၼ်​ၵႂႃႇ​ၸူး ၵႃႈ​တီႈ​ဝဵင်း​ ယေႇရူႉသလႅမ်ႇ တီႈ​ဢၼ်​ၵူၼ်း​မဵဝ်း​ ယူႉတႃႉ ​တင်း​လၢႆ​မီး​ၼၼ်ႉ ၶၼ်​ၶၼ်​ၽႂ်း​ၽႂ်း​လႄႈ ႁဵတ်း​ပႄႉ​ႁဵတ်း​ၼႅင်ႇ​ႁႂ်ႈ​ၶဝ်​ယႃႇ​သေ​ဝႆႉ​သေ​ဢေႃႈ။-</verse>
				<verse number="24">ၼင်ႇ​ၼၼ်​လႄႈ တၢင်း​ဢၼ်​တႄႇ​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ လႆႈ​ထၢတ်ႇ​ၵႂႃႇ​လႄႈ ဢမ်ႇ​လႆႈ​ႁဵတ်း​လႆႈ​သၢင်ႈ တေႃႇ​ထိုင်​ႁွတ်ႈ​ တႃႇရီႉ ၶုၼ်​ႁေႃ​ၶမ်း​ ပေႇရသီႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သွင်​ပီႊ​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">မိူဝ်ႈ​ၼၼ်ႉ ပရေႃးၽႅတ်ႈ​ဢၼ်​ဝႃႈ ပရေႃးၽႅတ်ႈ​ ႁၵ်ႉၵႄး တင်း​ပရေႃးၽႅတ်ႈ​ ၸႃႇၶရီႉ လုၵ်ႈ​ၸၢႆး​ ဢီႉတေႃႇ ​ၸိူဝ်း​ၼၼ်ႉ​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​သေ​လႄႈ ႁေႃး​လၢတ်ႈ​တီႈ​ၵူၼ်း​ ယူႉတႃႉ ​တင်း​လၢႆ​ဢၼ်​မီး​ၵႃႈ​ၼႂ်း​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="2">ၵမ်း​ၼၼ်ႉ ၸေႇရူႉပႃႉပေႇလႃႉ လုၵ်ႈ​ၸၢႆး​ သႃႇလႃႉသေးလႃႉ ဢိၵ်ႇ​တင်း​ ယေႃးသူႉ လုၵ်ႈ​ၸၢႆး​ ယေႃးၸႃႉ ​ၼၼ်ႉ​ဢွၼ်​ၵၼ်​လုၵ်ႉ​လႄႈ သမ်ႉ​ၶိုၼ်း​ၸႃႉ​တႄႇ​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ ပရေႃးၽႅတ်ႈ​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​ၵေႃႈ ၽွမ်ႉ​ၵၼ်​ၸွႆႈ​ၵၼ်​တင်း​ၶဝ်​ယူႇ​ဢေႃႈ။</verse>
				<verse number="3">မိူဝ်ႈ​ၼၼ်ႉ​ တႃႇတၼေး မဵဝ်ႉ​ဝုၼ်ႇ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ တင်း​ သေးသႃႇပေႃးၸၼေး ဢိၵ်ႇ​တင်း​ၵေႃႉ​သေႈ​ဢၼ်​ႁူမ်ႈ​ပွင်း​ၵၼ်​တင်း​ၶဝ်​ၸိူဝ်း​ၼၼ်ႉ ဢွၼ်​ၵၼ်​မႃး​လႄႈ​ထၢမ်​တီႈ​ၶဝ်​လႄႈ​ဝႃႈ၊ ၽူႈ​လႂ်​မီး​ဢမိင်ႉ​ႁႂ်ႈ​သူ​လႆႈ​တႄႇ​ႁဵတ်း​ႁိူၼ်း​ၼႆႉ​လႄႈ ႁႂ်ႈ​လမ်း​ဝဵင်း​ၼႆႉ​ယဝ်ႉ​တူဝ်ႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="4">သမ်ႉ​ထၢမ်​လႄႈ​ဝႃႈ၊ ၸိုဝ်ႈ​သဵင်​ၶဝ်​ၸိူဝ်း​ဢၼ်​တႄႇ​ႁဵတ်း​ႁိူၼ်း​ၼႆႉ​ၸမ်ႉ၊ ၸိုဝ်ႈ​ၵႃႈ​သင်၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="5">တႃ​ၽြႃး​ပဵၼ်​ၸဝ်ႈ​ၶဝ် လူ​တူၺ်း​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ် ၵူၼ်း​ ယူႉတႃႉ ​တင်း​လၢႆ​ၸိူဝ်း​ၼၼ်ႉ​ယူႇ​လႄႈ ၶဝ်​ၼၼ်ႉ​ဢမ်ႇ​လႆႈ​ႁႂ်ႈ​တၢင်း​ႁဵတ်း​တၢင်း​သၢင်ႈ​ၶဝ်​ၼၼ်ႉ လႆႈ​ထၢတ်ႇ​ၵႂႃႇ​ၵိုတ်း​ၵႂႃႇ​ၼႂ်း​ၸူဝ်ႈ​ဢၼ်​ဢမူႉ​ၼၼ်ႉ ဢမ်ႇ​ပႆႇ​ႁွတ်ႈ​ပႆႇ​ထိုင်​တီႈ​ တႃႇရီႉ ​လႄႈ လိၵ်ႈ​ဢၼ်​ၶိုၼ်း​ဢိူဝ်​ၶိုၼ်း​လၢတ်ႈ​လွင်ႈ​မၼ်း​ၼၼ်ႉ ဢမ်ႇ​ပႆႇ​ၶိုၼ်း​ႁွတ်ႈ​ၶိုၼ်း​မႃး​ၼၼ်ႉ​ဢေႃႈ။</verse>
				<verse number="6">လၢၵ်ႈ​ၶၢမ်ႇ​လိၵ်ႈ​ဢၼ်​ တႃႇတၼေး ​မဵဝ်ႉ​ဝုၼ်ႇ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ တင်း​ သေးသႃႇပေႃးၸၼေး ဢိၵ်ႇ​တင်း​ၵေႃႉ​သေႈ ဢၼ်​ႁူမ်ႈ​ပွင်း​ၵၼ်​တင်း​ၶဝ်​ဢၼ်​ဝႃႈ ၵူၼ်း​ ဢၽႃႇသသၢၵ်ႉ ဢၼ်​ယူႇ​ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ၸိူဝ်း​ၼၼ်ႉ ပၼ်​ၵႂႃႇ​တီႈ​ၶုၼ်​လူင် တႃႇရီႉ ​ၼၼ်ႉ၊-</verse>
				<verse number="7">ဢၼ်​ဝႃႈ​လိၵ်ႈ​ဢၼ်​ၶဝ်​ပၼ်​ၵႂႃႇ​တီႈ​ၶုၼ်​ၼၼ်ႉ​လႄႈ ပႃး​တၢင်း​ဢၼ်​တႅမ်ႈ​ဝႆႉ​ၸိူဝ်ႉ​ၼင်ႇ​ၼႆ​ၼၼ်ႉ​လႄႈ​ဝႃႈ​ၸမ်ႉ၊ ႁႂ်ႈ​ၵတ်း​ယဵၼ်​ၶျၢမ်း​သႃႇ​မီး​တီႈ​ၶုၼ်​လူင်​ တႃႇရီႉ ​သေႇ​သေႇ သေ​ၵမ်း​လူၺ်ႈ။-</verse>
				<verse number="8">ၶႅၼ်း​တေႃႈ​ႁႂ်ႈ​ၸဝ်ႈ​ၶုၼ်​လူင်​ႁူႉ​လွင်ႈ​ဢၼ်​ၶႃႈ​ၸဝ်ႈ​ႁဝ်း​ၶဝ် ႁွတ်ႈ​ထိုင်​ၵႃႈ​တီႈ​ဢိူင်ႇ​ ယူႉတႃႉ ၵႃႈ​တီႈ​ႁိူၼ်း​ၽြႃး​ပဵၼ်​ၸဝ်ႈ​ဢၼ်​ယႂ်ႇ​မျၢတ်ႈ​ၼႃႇ ဢၼ်​မီး​တၢင်း​ဢၼ်​ဢဝ်​မၢၵ်ႇ​ႁိၼ်​လူင်​တႄႇ​ႁဵတ်း​ယူႇ၊ ဢဝ်​မႆႉ​တၢင်ႇ​သႂ်ႇ​ၵႃႈ​ၼိူဝ်​ၽႃ​ႁိၼ်​ယူႇ​သေ​လႄႈ တၢင်း​ဢၼ်​ပွင်​ဢၼ်​ႁဵတ်း​မၼ်း​ၼၼ်ႉ ပဵၼ်​ဢၼ်​ၶၼ်​ဢၼ်​ၽႂ်း​ၼႃႇ​လႄႈ တၢင်း​ၵျၢမ်ႇ​တၢင်း​ပွင်​ၶဝ်​ၼၼ်ႉ​ပဵၼ်​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="9">ၶႃႈ​ၸဝ်ႈ​ႁဝ်း​ၶဝ်​တွင်ႈ​ထၢမ်​တီႈ​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ​လႄႈ​ဝႃႈ၊ ၽူႈ​လႂ်​မီး​ဢမိင်ႉ ႁႂ်ႈ​သူ​လႆႈ​တႄႇ​ႁဵတ်း​ႁိူၼ်း​ၼႆႉ​လႄႈ ႁႂ်ႈ​လမ်း​ဝဵင်း​ၼႆႉ​ယဝ်ႉ​တူဝ်ႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="10">သမ်ႉ​ထၢမ်​ၸိုဝ်ႈ​သဵင်​ၶဝ် ႁႂ်ႈ​လႆႈ​ဢဝ်​ၸိုဝ်ႈ​ဢဝ်​သဵင်​ၶဝ်​ၸိူဝ်း​ဢၼ် ပဵၼ်​ငဝ်ႈ​ပဵၼ်​ႁူဝ်​ၶဝ်​ၼၼ်ႉ​လႄႈ ပၼ်​မႃး​တီႈ​ၸဝ်ႈ​ႁဝ်း​ၼၼ်ႉ​သေ​ယဝ်ႉ၊-</verse>
				<verse number="11">ၶဝ်​ၼၼ်ႉ​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၼႆႉ​ပဵၼ်​ၶႃႈ​ၽြႃး​ပဵၼ်​ၸဝ်ႈ၊ ၸဝ်ႈ​ၽုင်ႇ​ၵၢင်​ႁၢဝ်​တင်း​လိၼ်​မိူင်း​ၼၼ်ႉ​လႄႈ ဢွၼ်​ၵၼ်​မႄး​ၵုမ်း​မႄး​ႁဵတ်း​ႁိူၼ်း​ၸဝ်ႈ​ဢၼ်​တႄႇ​ႁဵတ်း​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ဢၼ်​ၶုၼ်​ႁေႃ​ၶမ်း​ ဢီႉသရေႇလႃႉ ပႃး​ၼိုင်ႈ​ဢၼ် ယႂ်ႇ​မျၢတ်ႈ​ၼႃႇ​လူင်​လၢင်​ၼၼ်ႉ တႄႇ​ႁဵတ်း​ႁႂ်ႈ​ယဝ်ႉ​ႁႂ်ႈ​တူဝ်ႈ​ၼၼ်ႉ​ဢေႃႈ။-</verse>
				<verse number="12">လိၼ်​ၼၼ်ႉ၊ ၵွပ်ႈ​ပိူဝ်ႈ​ဢၼ်​ပူႇ​ႁဝ်း​မွၼ်ႇ​ႁဝ်း​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ်​ၼၼ်ႉ​လႄႈ မၼ်း​ၸဝ်ႈ​ဢဝ်​ၶဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ၶုၼ်​ ၶႃႇလတေး ဢၼ်​ယႃႉ​ၽဵဝ်ႈ​ႁိူၼ်း​ၸဝ်ႈ​ၼႆႉ​ပႅတ်ႈ​လႄႈ သိမ်း​ဢဝ်​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၵႂႃႇ​ၵႃႈ​တီႈ​မိူင်း​ ပႃႇပူႉလုၼ်ႇ ​ပုၼ်ႉ​ၼၼ်ႉ​ဢေႃႈ။-</verse>
				<verse number="13">ၼႂ်း​ပီႊ​ဢၼ်​ ၵူႉရူႉ ၶုၼ်​ႁေႃ​ၶမ်း​ ပႃႇပူႉလုၼ်ႇ ၸၢမ်ႇ​ႁၢင်ႈ​ၸၢမ်ႇ​ႁေႃ​ပီႊ​ပထမႃႉ​ၼၼ်ႉ၊ ၶုၼ်​လူင်​ ၵူႉရူႉ ​ၼၼ်ႉ မီး​ဢမိင်ႉ​ႁႂ်ႈ​မႄး​ၵုမ်း​မႄး​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ​ၼႆႉ​ဢေႃႈ။-</verse>
				<verse number="14">ၶိူင်ႈ​ငိုၼ်း​ၶိူင်ႈ​ၶမ်း ဢၼ်​ၸၢပ်ႈ​သႅင်ႇ​ၵၼ်​တင်း​ႁိူၼ်း​ၽြႃး​ပဵၼ်​ၸဝ်ႈ ဢၼ်​ ၼေႇပူႉၶတ်ႉၼေႇၸႃႇ ဢဝ်​ဢွၵ်ႇ​သေ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ ဢၼ်​မီး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ ဢဝ်​ၵႂႃႇ​ဝႆႉ​ၵႃႈ​တီႈ​ပိၵ်ႈ​မၢၼ်ႇ​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ​ၸိုင် ၶုၼ်​လူင်​ ၵူႉရူႉ ​ၼၼ်ႉ သမ်ႉ​ဢဝ်​ဢွၵ်ႇ​သေ ၵႃႈ​ၼႂ်း​ပိၵ်ႈ​မၢၼ်ႇ​ဝဵင်း​ ပႃႇပူႉလုၼ်ႇ ​ၼၼ်ႉ​လႄႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵေႃႉ​ဢၼ်​လႆႈ​ၸိုဝ်ႈ​လႆႈ​သဵင်​ သေႇသႃႉပႃႇၸႃႇ ​လႄႈ ၶုၼ်​ၼၼ်ႉ​ၶၢၼ်း​ဝႆႉ​ၼႂ်း​ဢရႃႇ​မဵဝ်ႉ​ဝုၼ်ႇ​ၼၼ်ႉ​သေ​လႄႈ မီး​ဢမိင်ႉ​တီႈ​မၼ်း​လႄႈ​ဝႃႈ၊-</verse>
				<verse number="15">ဢဝ်​ၶိူင်ႈ​ပိူင်​ၸိူဝ်း​ၼႆႉ​သေ​လႄႈ ၵႂႃႇ​ဝႆႉ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ ႁႂ်ႈ​ၶိုၼ်း​တႄႇ​ၶိုၼ်း​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ ၵႃႈ​ၼႂ်း​တီႈ​ၵဝ်ႇ​မၼ်း​ၼၼ်ႉ​သေ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="16">သေႇသႃႉပႃႇၸႃႇ ​ၼၼ်ႉ​မႃး​လႄႈ ၶျႃး​ဝႆႉ​ငဝ်ႈ​ႁၢၵ်ႈ​တိူၵ်ႈ​ၽြႃး​ပဵၼ်​ၸဝ်ႈ ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼႆႉ​သေ​ယဝ်ႉ၊ ၸႃႉ​ၸဵမ်​မိူဝ်ႈ​ၶိင်ႇ​ၼၼ်ႉ​လႄႈ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ တႄႇ​ႁဵတ်း​ယူႇ​သေ​လႄႈ​ဢမ်ႇ​ပႆႇ​ယဝ်ႉ​ပႆႇ​တူဝ်ႈ​ၵူၺ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ ပေႃး​ၸဝ်ႈ​ၶုၼ်​လူင်​မီး​ဢလူဝ်ႇ​ၸိုင်၊ ၶႅၼ်း​တေႃႈ​ႁႂ်ႈ​ႁႃ​ဢဝ်​ၵႃႈ​ၼႂ်း​တိူၵ်ႈ​ၽၼ်ႇတႃႇ​ၸဝ်ႈ​ၶုၼ်​လူင် ဢၼ်​မီး​ၵႃႈ​ၼႂ်း​ဝဵင်း​ ပႃႇပူႉလုၼ်ႇ ​ၼၼ်ႉ ႁႂ်ႈ​လႆႈ​ႁူႉ​လွင်ႈ​ဢၼ်​ၶုၼ်​လူင်​ ၵူႉရူႉ ​ၼၼ်ႉ လႆႈ​မီး​ဢမိင်ႉ​လွင်ႈ​ဢၼ်​တၵ်း​လႆႈ​တႄႇ​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ ဢၼ်​မီး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ႁိုဝ် ဢမ်ႇ​မီး​ႁိုဝ်​ၼၼ်ႉ​သေ​ၵမ်း​တီႈ​ၶႃႈ။ ၵမ်း​လိုၼ်း​ၸဝ်ႈ​ၶုၼ်​လူင် ၶႅၼ်း​တေႃႈ​ပူင်​ဢမိင်ႉ​ၸဝ်ႈ​ႁဝ်း​မႃး​တီႈ​ၶႃႈ​ၸဝ်ႈ​ႁဝ်း​ၶဝ် ၸွမ်း​ၵႃႈ​ၼင်ႇ​ဢၼ်​ၸဝ်ႈ​ၶုၼ်​လူင်​မီး​ဢလူဝ်ႇ​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="6">
				<verse number="1">မိူဝ်ႈ​ၼၼ်ႉ​ၶုၼ်​လူင်​ တႃႇရီႉ ​မီး​ဢမိင်ႉ​လႄႈ ၶဝ်​ဢွၼ်​ၵၼ်​ႁႃ​ၵႃႈ​ၼႂ်း​တိူၵ်ႈ​လိၵ်ႈ​ဢၼ်​ဝႆႉ​ၽၼ်ႇတႃႇ​ၸဝ်ႈ​ၵႃႈ​ၼႂ်း​ဝဵင်း​ ပႃႇပူႉလုၼ်ႇ ​ၼၼ်ႉ​ဢေႃႈ။-</verse>
				<verse number="2">ၶဝ်​ထူပ်း​ႁၼ်​ၵဵၼ်​ႁမ်း​လိၵ်ႈ ၵႃႈ​တီႈ​ႁေႃ​ၸဝ်ႈ ၼႂ်း​ဝဵင်း​ ဢႃႇၶႃႇမေႇသႃႉ မိူင်း​ မေႇတီႉ ​လႄႈ ၵႂၢမ်း​ဢၼ်​ပႃး​ၼႂ်း​လိၵ်ႈ​ၼၼ်ႉ​ဝႃႈ​ၸမ်ႉ၊-</verse>
				<verse number="3">ၼႂ်း​ပီႊ​ဢၼ်​ၶုၼ်​လူင်​ ၵူႉရူႉ ၸၢမ်ႇ​ႁၢင်ႈ​ၸၢမ်ႇ​ႁေႃ​ပီႊ​ပထမႃႉ​ၼၼ်ႉ ၶုၼ်​လူင်​ ၵူႉရူႉ မီး​ဢမိင်ႉ​လူၺ်ႈ​လွင်ႈ​ဢမူႉ​ႁိူၼ်း​ၽြႃး​ပဵၼ်​ၸဝ်ႈ ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ​ဝႃႈ၊ ႁႂ်ႈ​တႄႇ​ႁဵတ်း​ႁိူၼ်း​ၸဝ်ႈ တီႈ​ဢၼ်​ပုၵ်ႈ​ၸေႃႇ​ယိတ်ႈ​ၼၼ်ႉ​သေ​လႄႈ ႁႂ်ႈ​ၶျႃး​ငဝ်ႈ​ႁၢၵ်ႈ​တိူၵ်ႈ​မၼ်း​ဝႆႉ​မၼ်ႈ​မၼ်ႈ​ၶိူင်ႇ​ၶိူင်ႇ​သေ။ ႁႂ်ႈ​တၢင်း​သုင်​မၼ်း​မီး​ႁူၵ်း​သိပ်း​သွၵ်ႇ​လႄႈ ၼႃႈ​ၼွႆႉ​မၼ်း​ၵႂၢင်ႈ​ႁူၵ်း​သိပ်း​သွၵ်ႇ​သေ။-</verse>
				<verse number="4">ႁႂ်ႈ​ဢဝ်​တင်း​မၢၵ်ႇ​ႁိၼ်​ဢၼ်​ယႂ်ႇ​ဢၼ်​လူင်​သၢမ်​ႁၢၼ်ႉ၊ မႆႉ​ႁၢၼ်ႉ​ၼိုင်ႈ၊ တႄႇ​ႁဵတ်း​ပဵၼ်​ၸၼ်ႉ​ပဵၼ်​ထၢပ်ႈ​လႄႈ ႁႂ်ႈ​ဢဝ်​ၸရိပ်ႈ​မၼ်း​ဢွၵ်ႇ​သေ​ၵႃႈ​ၼႂ်း​ၽၼ်ႇတႃႇ​ႁေႃ​ၸဝ်ႈ​ပၼ်​သေ။-</verse>
				<verse number="5">ႁႂ်ႈ​ဢဝ်​ၶိူင်ႈ​ငိုၼ်း​ၶိူင်ႈ​ၶမ်း​ဢၼ်​ၸၢပ်ႈ​သႅင်ႇ​ၵၼ်​တင်း​ႁိူၼ်း​ၽြႃး​ပဵၼ်​ၸဝ်ႈ ဢၼ်​ ၼေႇပူႉၶတ်ႉၼေႇၸႃႇ ​ဢဝ်​ဢွၵ်ႇ​သေ​ၵႃႈ​ၼႂ်း​ပိၵ်ႈ​မၢၼ်ႇ​ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ ဢဝ်​မႃး​ၵႃႈ​တီႈ​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ ၶိုၼ်း​ပၼ်​လႄႈ ႁႂ်ႈ​ဢဝ်​ၵႂႃႇ​သူင်ႇ​ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ ဢဝ်​တင်း​သဵင်ႈ​တင်း​လူင်​ၶိုၼ်း​ဝႆႉ​တီႈ​ၽႂ်​တီႈ​မၼ်း​သေ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၶုၼ်​လူင်​ၼၼ်ႉ​ၶိုၼ်း​ပူင်​ဢမိင်ႉ​လႄႈ​ဝႃႈ၊ တႃႇတၼေး မဵဝ်ႉ​ဝုၼ်ႇ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ တင်း​ သေးသႃႇပေႃးၸၼေး ဢိၵ်ႇ​တင်း​ၵေႃႉ​သေႈ​ဢၼ်​ႁူမ်ႈ​ပွင်း​ၵၼ်​တင်း​သူ​ဢၼ်​ဝႃႈ ၵူၼ်း​ ဢၽႃႇသသၢၵ်ႉ ဢၼ်​ယူႇ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ၶဝ်​ဢိူၺ်း၊ ဢွၼ်​ၵၼ်​ယူႇ​ၵႆ​ၵႆ​တီႈ​ၼၼ်ႈ​တႃႉ။-</verse>
				<verse number="7">ယႃႇ​ပေ​ဢွၼ်​ၵၼ်​ႁၢမ်ႈ​တၢပ်ႈ​ႁႄႉ​ၶႅၼ် ဢမူႉ​တၢင်း​ဢၼ်​တႄႇ​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ​ၼၼ်ႉ။ ႁႂ်ႈ​မဵဝ်ႉ​ဝုၼ်ႇ​ ယူႉတႃႉ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ် ယူႉတႃႉ ​ၸိူဝ်း​ၼၼ်ႉ လႆႈ​တႄႇ​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ​ၼၼ်ႉ ၵႃႈ​ၼႂ်း​တီႈ​မၼ်း​ၼၼ်ႉ​သေ။-</verse>
				<verse number="8">လိူဝ်​သေ​ၼၼ်ႉ ၵဝ်​မီး​ဢမိင်ႉ​လွင်ႈ​ဢၼ်​သူ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​သေ​လႄႈ ၸွႆႈ​ထႅမ်​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​ ယူႉတႃႉ ​ၼၼ်ႉ ၼႂ်း​ဢမူႉ​တၢင်း​ဢၼ်​တႄႇ​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ​ၼၼ်ႉ ဢိၵ်ႇ​တင်း​လွင်ႈ​ဢၼ်​သူ​တၵ်း​လႆႈ​ထုတ်ႇ​ဢဝ်​ၵႃႈ​ၼႂ်း​ၽၼ်ႇတႃႇ​ၶုၼ်​ႁေႃ​ၶမ်း​ဢၼ်​ဝႃႈ ၶွၼ်ႇ​ဢၼ်​လႆႈ​ၶၢမ်ႇ​ဢဝ်​ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ၼၼ်ႉ​ပုၼ်ႈ​ၸရိပ်ႈ​မၼ်း​လႄႈ ဢဝ်​ပၼ်​တီႈ​ၶဝ်​ၼၼ်ႉ​ၵမ်း​လဵဝ် ၶၼ်​ၶၼ်​ၽႂ်း​ၽႂ်း ႁႂ်ႈ​ၶဝ်​ဢမ်ႇ​လႆႈ​မီး​တၢင်း​ဢၼ် ႁၢမ်ႈ​တၢပ်ႈ​ႁႄႉ​ၶႅၼ်​ဢေႃႈ။-</verse>
				<verse number="9">ၼွၵ်ႈ​သေ​ၼၼ်ႉ ႁႂ်ႈ​ဢဝ်​ၵႃႈ​ဢၼ်​ၶဝ်​မီး​ဢလူဝ်ႇ​ၶႂ်ႈ​လႆႈ​တင်း​သဵင်ႈ​တင်း​လူင်​ဢၼ်​ဝႃႈ ဝူဝ်း​လႂ်၊ သူဝ်း​ပေႃႈ​လႂ်၊ သူဝ်း​ဢွၼ်ႇ​လႂ် ပုၼ်ႈ​ဢၼ်​တၵ်း​ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး တီႈ​ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ်​ၼၼ်ႉ ဢိၵ်ႇ​တင်း​ၶဝ်ႈ​ၵျုင်ႇ၊ ၵိူဝ်၊ ၼမ်ႉ​ၸပိတ်ႈ၊ ၼမ်ႉ​မၼ်း ပၼ်​ၵူႈ​ဝၼ်း​ၸွမ်း​ၵႃႈ​ၼင်ႇ​ဢၼ် ယိတ်ႈပရေႃးႁဵၵ်ႈ​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ၸီႇ​ယၢင်ႇ​ၼၼ်ႉ၊-</verse>
				<verse number="10">ႁႂ်ႈ​ၶဝ်​လႆႈ​ပုၵ်ႈ​ၸေႃႇ​ယိတ်ႈ​ဢၼ်​ႁွမ်​ဢၼ်​ႁူၺ်း​တီႈ​ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ်​လႄႈ​သူး​တွင်း​ပုၼ်ႈ​ဢသၢၵ်ႈ​ၶုၼ်​ႁေႃ​ၶမ်း ဢိၵ်ႇ​တင်း​လုၵ်ႈ​လၢၼ်​မဵဝ်း​ၸိူဝ်ႉ​ၶိူဝ်း​ၸဝ်ႈ​သေ။-</verse>
				<verse number="11">လိူဝ်​သေ​ၼၼ်ႉ ၵဝ်​မီး​ဢမိင်ႉ​လႄႈ​ဝႃႈ​ၸမ်ႉ၊ ၵေႃႉ​လႂ်​သေ​ဢမ်ႇ​ဝႃႈ၊ ပေႃး​ဝႄႈ​ပိူင်ႈ​သေ​ၵႂၢမ်း​ၸဝ်ႈ​ၼႆႉ​ၵႂႃႇ​ၸိုင်၊ ႁႂ်ႈ​ထွတ်ႇ​ထူၺ်ႈ​ဢဝ်​သဝ်​မႆႉ​သေ​ၵႃႈ​ၼႂ်း​ႁိူၼ်း​ၵေႃႉ​ၼၼ်ႉ​သေ​လႄႈ​ပၵ်း​သေ​ယဝ်ႉ၊ ဢဝ်​မၼ်း​မတ်ႉ​ႁွႆႈ​ၵႅၼ်​ၶေႃး​တူၵ်း​သေ။ ႁိူၼ်း​မၼ်း​ၵေႃႈ၊ ႁႂ်ႈ​ပဵၼ်​ၵွင်​ၶီႈ​ဝူဝ်း​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ႁႂ်ႈ​ၽြႃး​ပဵၼ်​ၸဝ်ႈ ဢၼ်​ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ တႄႇ​ယူႇ​ၵႃႈ​တီႈ​ၼၼ်ႈ​ၼၼ်ႉ ယႃႉ​ၽဵဝ်ႈ​ၶုၼ်​ႁေႃ​ၶမ်း ဢိၵ်ႇ​တင်း​ၶႃႈ​ဝၢၼ်ႈ​ၵူၼ်း​မိူင်း ၵႃႈ​ဢၼ်​ယဵတ်ႇ​မိုဝ်း​ၶဝ်​သေ​လႄႈ ဝႄႈ​ပိူင်ႈ​ၵႂၢမ်း​ၸဝ်ႈ​ၼႆႉ​လႄႈ ႁဵတ်း​ႁိူၼ်း​ၽြႃး​ပဵၼ်​ၸဝ်ႈ ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ လူႉ​လႅဝ်​ၼၼ်ႉ​ပႅတ်ႈ​သေ​ၵမ်း​လူၺ်ႈ။ ၵဝ်​ တႃႇရီႉ ​ၼႆႉ ပူင်​ဢမိင်ႉ​ၸဝ်ႈ​ဢေႃႈ။ ႁႂ်ႈ​ဢွၼ်​ၵၼ်​ႁဵတ်း​ၸွမ်း​ဢမိင်ႉ​ၸဝ်ႈ​ၼႆႉ ၶၼ်​ၶၼ်​ၽႂ်း​ၽႂ်း​သေ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">မိူဝ်ႈ​ၼၼ်ႉ​ တႃႇတၼေး မဵဝ်ႉ​ဝုၼ်ႇ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ တင်း​ သေးသႃႇပေႃးၸၼေး ဢိၵ်ႇ​တင်း​ၵေႃႉ​သေႈ​ဢၼ်​ႁူမ်ႈ​ပွင်း​ၵၼ်​တင်း​ၶဝ်​ၼၼ်ႉ ဢွၼ်​ၵၼ်​ႁဵတ်း​ၶၼ်​ၶၼ်​ၽႂ်း​ၽႂ်း ၸွမ်း​ၵႃႈ​ၼင်ႇ​ဢမိင်ႉ​ၸဝ်ႈ ဢၼ်​ၶုၼ်​လူင်​ တႃႇရီႉ ​ပၼ်​ၵႂႃႇ​ၼၼ်ႉ​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵူၼ်း​ ယူႉတႃႉ ​ၸိူဝ်း​ၼၼ်ႉ ဢွၼ်​ၵၼ်​တႄႇ​ႁဵတ်း​လႄႈ တၢင်း​ၵျၢမ်ႇ​တၢင်း​ပွင်​ၶဝ်​ပဵၼ်​ၵွပ်ႈ​ပိူဝ်ႈ​ဢၼ်​ပရေႃးၽႅတ်ႈ​ ႁၵ်ႉၵႄး တင်း​ ၸႃႇၶရီႉ လုၵ်ႈ​ၸၢႆး​ ဢီႉတေႃႇ ႁေႃး​လၢတ်ႈ​ၼၼ်ႉ​ဢေႃႈ။-</verse>
				<verse number="15">ၶဝ်​ဢွၼ်​ၵၼ်​တႄႇ​ႁဵတ်း​လႄႈ ၵွႆႈ​မိုဝ်း​ယဝ်ႉ​တူဝ်ႈ​ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢိၵ်ႇ​တင်း ဢမိင်ႉ​ၶုၼ်​ ၵူႉရူႉ ၊ ၶုၼ်​ တႃႇရီႉ ၊ ၶုၼ်​ ဢႃႇတၸေႇရိတ်ႉ ၶုၼ်​ႁေႃ​ၶမ်း​ ပေႇရသီႉ ​ၼၼ်ႉ ၸိူဝ်း​ၼၼ်ႉ​မီး​ၼၼ်ႉ​ဢေႃႈ။-</verse>
				<verse number="16">ၼႂ်း​ပီႊ​ဢၼ်​ၶုၼ်​လူင်​ တႃႇရီႉ ၸၢမ်ႇ​ႁၢင်ႈ​ၸၢမ်ႇ​ႁေႃ​ႁူၵ်း​ပီႊ လိူၼ်​ ဢႃႇတႃႇ သၢမ်​ဝၼ်း​ၼၼ်ႉ ႁိူၼ်း​ၸဝ်ႈ​ယဝ်ႉ​တူဝ်ႈ​လီ​ငၢမ်း​ဢေႃႈ။-</verse>
				<verse number="17">ၵူၼ်း​မဵဝ်း​ ဢီႉသရေႇလႃႉ ၊ ယိတ်ႈပရေႃးႁဵၵ်ႈ​ၵူၼ်း​မဵဝ်း​ လေႇဝီႉ ဢိၵ်ႇ​တင်း​ၶဝ်​ၸိူဝ်း​ဢၼ်​ၶဝ်ႈ​ပႃး​ၼႂ်း​မုၵ်ႉ​ၼႂ်း​ၸိူဝ်း ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​လႄႈ ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ ဢွၼ်​ၵၼ်​မီး​တၢင်း​ၸႂ်​ဢၼ်​ၸူမ်း​သိူဝ်း​သေ​လႄႈ ၶၢမ်ႇ​ပွႆး​ဢၼူႉ​မေႃးတၼႃႇ​ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="18">ၼႂ်း​ပွႆး​ဢၼူႉ​မေႃးတၼႃႇ​ႁိူၼ်း​ၽြႃး​ပဵၼ်​ၸဝ်ႈ​ၼၼ်ႉ၊ ၶဝ်​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​ဢၼ်​ဝႃႈ ဝူဝ်း​ပၢၵ်ႇ​ၼိုင်ႈ၊ သူဝ်း​ပေႃႈ​သွင်​ပၢၵ်ႇ၊ သူဝ်း​ဢွၼ်ႇ​သီႇ​ပၢၵ်ႇ ဢိၵ်ႇ​တင်း​ပႄႉ​ပေႃႈ​သိပ်း​ပၢႆ​သွင်​တူဝ် ဢၼ်​ပဵၼ်​ယိတ်ႈ​တီႈ​ဢၼ်​ၽေႇ​ဢပႅတ်ႈ​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၢၼ်ႇ မဵဝ်း​ ဢီႉသရေႇလႃႉ သိပ်း​ပၢႆ​သွင်​မဵဝ်း​ၼၼ်ႉ​ဢေႃႈ။</verse>
				<verse number="19">ၶဝ်​ဢွၼ်​ၵၼ်​ၶၢၼ်း​ယိတ်ႈပရေႃးႁဵၵ်ႈ​တင်း​လၢႆ ဝႆႉ​တီႈ​ၽႂ်​တီႈ​မၼ်း ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​တင်း​လၢႆ​ဝႆႉ တီႈ​မုၵ်ႉ​ၸိူဝ်း​ၽႂ်​မုၵ်ႉ​ၸိူဝ်း​မၼ်း ႁႂ်ႈ​လႆႈ​ႁဵတ်း​ဝၢတ်ႈ​ၽြႃး ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ မီး​ယူႇ​ၵႃႈ​ၼႂ်း​ၵျၢမ်း​လိၵ်ႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="20">မုၵ်ႉ​ၸိူဝ်း​ၶဝ်​ၸိူဝ်း ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၸိူဝ်း​ၼၼ်ႉ ဢွၼ်​ၵၼ်​ၶၢမ်ႇ​ပွႆး​ ပႃႉသၶႃႇ ၼႂ်း​လိူၼ်​ပထမႃႉ​သိပ်း​သီႇ​ဝၼ်း​ၼၼ်ႉ​ဢေႃႈ။-</verse>
				<verse number="21">ယိတ်ႈပရေႃးႁဵၵ်ႈ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​တင်း​လၢႆ​ၸိူဝ်း​ၼၼ်ႉ ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​ၽွမ်ႉ​ၽွမ်ႉ​ၵၼ်​လႄႈ ၶဝ်​တင်း​သဵင်ႈ​တင်း​လူင် မူတ်း​သႂ်​ယူႇ​သေ​လႄႈ ဢွၼ်​ၵၼ်​ဢဝ်​သူဝ်း​ဢွၼ်ႇ​ ပႃႉသၶႃႇ ​တၢႆ ပုၼ်ႈ​မုၵ်ႉ​ၸိူဝ်း​ပုၼ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၵႃႈ​မီး ဢိၵ်ႇ​တင်း​ပုၼ်ႈ​ယိတ်ႈပရေႃးႁဵၵ်ႈ ဢၼ်​ပဵၼ်​ပီႈ​ၼွင်ႉ​ၸိူဝ်ႉ​ၶိူဝ်း​ၶဝ်​တင်း​ပုၼ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="22">ၵူၼ်း​မဵဝ်း​ ဢီႉသရေႇလႃႉ ဢၼ်​ဢွၵ်ႇ​သေ​ၵႃႈ​ၼႂ်း​မုၵ်ႉ​ၼႂ်း​ၸိူဝ်း​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​လႄႈ မႃး​ၸိူဝ်း​ၼၼ်ႉ ဢိၵ်ႇ​တင်း​ၶဝ်​ၵႃႈ​ဢၼ်​ၸုၼ်ႉ​ပႅတ်ႈ​တၢင်း​ဢၼ်​ၵူဝ်ႈ​ၵိူၵ်ႇ​ၶႆး​တင်​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​သေ​လႄႈ​မႃး​တီႈ​ၶဝ် ႁႂ်ႈ​လႆႈ​ႁႃ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​ၵိၼ်​လႄႈ၊- မီး​တင်း​ၸႂ်​ဢၼ်​ၸူမ်း​သိူဝ်း​သေ​လႄႈ ၶၢမ်ႇ​ပွႆး​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ ၸဵတ်း​ဝၼ်း​တဵမ်​တဵမ်​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ပၼ်​ဢၶႂၢင်ႉ ဢၼ်​ၶဝ်​လႆႈ​ၸူမ်း​သိူဝ်း​လႄႈ ႁႂ်ႈ​ႁူဝ်​ၸႂ်​ၶုၼ်​ႁေႃ​ၶမ်း​ ဢႃႇသူႉရီႉ ၶၢႆႉ​ပုတ်ႈ​မႃး​ယူႇ​ၽၢႆႇ​ၶဝ် ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ​ၶဝ် ၼႂ်း​လွင်ႈ​တၢင်း​ဢၼ် တႄႇ​ႁဵတ်း​ႁိူၼ်း​ၽြႃး​ပဵၼ်​ၸဝ်ႈ၊ ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။</verse>
			</chapter>
			<chapter number="7">
				<verse number="1">လိုၼ်း​ၼၼ်ႉ ၼႂ်း​ၸူဝ်ႈ​ပၢၼ်​ ဢႃႇတၸေႇရိတ်ႉ ၶုၼ်​ႁေႃ​ၶမ်း​ ပေႇရသီႉ ​ၼၼ်ႉ၊ ဢေးၸရႃႉ ဢၼ်​ပဵၼ်​လုၵ်ႈ​ၸၢႆး ၸရႃႇယႃႉ ၊ ဢၼ်​ပဵၼ်​လုၵ်ႈ​ၸၢႆး​ ဢႃႇၸရီႉ ၊ ဢၼ်​ပဵၼ်​လုၵ်ႈ​ၸၢႆး​ ႁီႉလၶီႉ ၊-</verse>
				<verse number="2">ဢၼ်​ပဵၼ်​လုၵ်ႈ​ၸၢႆး​ သႃႇလုမ်ႇ ၊ ဢၼ်​ပဵၼ်​လုၵ်ႈ​ၸၢႆး​ ၸႃႇတုၵ်ႉ ၊ ဢၼ်​ပဵၼ်​လုၵ်ႈ​ၸၢႆး​ ဢႁီႉတုပ်ႉ ၊-</verse>
				<verse number="3">ဢၼ်​ပဵၼ်​လုၵ်ႈ​ၸၢႆး​ ဢႃႇမရီႉ ၊ ဢၼ်​ပဵၼ်​လုၵ်ႈ​ၸၢႆး​ ဢႃႇၸရီႉ ၊ ဢၼ်​ပဵၼ်​လုၵ်ႈ​ၸၢႆး​ မေႇရႃႇယုတ်ႉ ၊-</verse>
				<verse number="4">ဢၼ်​ပဵၼ်​လုၵ်ႈ​ၸၢႆး​ ၸေးရႁီႉ ၊ ဢၼ်​ပဵၼ်​လုၵ်ႈ​ၸၢႆး​ ဢေႃႇၸီႉ ၊ ဢၼ်​ပဵၼ်​လုၵ်ႈ​ၸၢႆး​ ပုၵ်ႉၵီႉ ၊-</verse>
				<verse number="5">ဢၼ်​ပဵၼ်​လုၵ်ႈ​ၸၢႆး​ ဢၽီႉသႂႃႇ ၊ ဢၼ်​ပဵၼ်​လုၵ်ႈ​ၸၢႆး​ ၽီႉၼႁတ်ႉ ၊ ဢၼ်​ပဵၼ်​လုၵ်ႈ​ၸၢႆး​ ဢေးလႃႇၸႃႇ ၊ ဢၼ်​ပဵၼ်​လုၵ်ႈ​ၸၢႆး​ယိတ်ႈပရေႃးႁဵၵ်ႈ​လူင်​ ဢႃႇရုၼ်ႇ ​ၼၼ်ႉ၊-</verse>
				<verse number="6">ဢၼ်​ဝႃႈ​ ဢေးၸရႃႉ ​ၼၼ်ႉ လုၵ်ႉ​သေ​ၵႃႈ​တီႈ​ဝဵင်း​ ပႃႇပူႉလုၼ်ႇ ​မႃး​ဢေႃႈ။ မၼ်း​ၼၼ်ႉ​ပဵၼ်​သြႃႇ​ဢၼ်​ၸၢင်ႈ​မေႃ​လူၺ်ႈ​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ မူဝ်းသေႇ ဢၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ပၼ်​ဝႆႉ​ၼၼ်ႉ​ဢေႃႈ။ ၶုၼ်​ႁေႃ​ၶမ်း​ဢဵတ်း​လူ​ပၼ် ၵႃႈ​ဢၼ်​မၼ်း​ၼၼ်ႉ ယွၼ်း​ဢဝ်​ၼၼ်ႉ ၵွပ်ႈ​ပိူဝ်ႈ​ဢၼ်​တၼ်း​ၶူဝ်း​မိုဝ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း မီး​ယူႇ​ၵႃႈ​ၼိူဝ်​မၼ်း​ၼၼ်ႉ​ဢေႃႈ။-</verse>
				<verse number="7">ၼႂ်း​ပီႊ​ဢၼ်​ၶုၼ်​လူင်​ ဢႃႇတၸေႇရိတ်ႉ ၸၢမ်ႇ​ႁၢင်ႈ​ၸၢမ်ႇ​ႁေႃ​ၸဵတ်း​ပီႊ​ၼၼ်ႉ၊ ၼႂ်း​ၵူၼ်း​မဵဝ်း​ ဢီႉသရေႇလႃႉ ယိတ်ႈပရေႃးႁဵၵ်ႈ ၵူၼ်း​မဵဝ်း​ လေႇဝီႉ ၊ ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း၊ ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ၊ ၶႃႈ​ၽြႃး​ၸိူဝ်း​ၼၼ်ႉ​ၵမ်ႈ​ၽွင်ႈ​ၼၼ်ႉ​ၵေႃႈ ဢွၼ်​ၵၼ်​ၸွမ်း​မၼ်း​ၼၼ်ႉ​မႃး ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ၊-</verse>
				<verse number="8">ၼႂ်း​ပီႊ​ဢၼ်​ၶုၼ်​ႁေႃ​ၶမ်း ၸၢမ်ႇ​ႁၢင်ႈ​ၸၢမ်ႇ​ႁေႃ​ၸဵတ်း​ပီႊ လိူၼ်​ပိၼ်ႇၸမႃႉ​ၼၼ်ႉ မၼ်း​ၼၼ်ႉ​ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="9">ၼႂ်း​လိူၼ်​ပထမႃႉ​ဝၼ်း​ၼိုင်ႈ​ၼၼ်ႉ မၼ်း​ဢွၵ်ႇ​သေ​ၵႃႈ​ၼႂ်း​ဝဵင်း​ ပႃႇပူႉလုၼ်ႇ ​လႄႈ ၼႂ်း​လိူၼ်​ပိၼ်ႇၸမႃႉ​ဝၼ်း​ၼိုင်ႈ​ၼၼ်ႉ ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ၵွပ်ႈ​ပိူဝ်ႈ​ဢၼ်​ၵျေး​ၸူး​တၼ်း​ၶူဝ်း​မိုဝ်း​ၽြႃး​ပဵၼ်​ၸဝ်ႈ​မၼ်း မီး​ယူႇ​ၵႃႈ​ၼိူဝ်​မၼ်း​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ ဢေးၸရႃႉ ​ၼၼ်ႉ ပဵၼ်​ၵေႃႉ​ဢၼ်​ဝႆႉ​ၸႂ်​ၶျႃး​ၸႂ် ႁႂ်ႈ​လႆႈ​ႁႃ​ဢဝ်​တြႃး​ထႃႇဝရႃႉ​ၽြႃး​သေ​လႄႈ ပႂ်ႉ​ၵမ်​ပႂ်ႉ​ၸွမ်း ဢိၵ်ႇ​တင်း​ႁႂ်ႈ​လႆႈ​ဢဝ်​ထုင်း​ၽိင်ႈ​တြႃး​ဢိၵ်ႇ​တင်း​လွင်ႈ​တၢင်း​ဢၼ် မၼ်း​ၸဝ်ႈ​ၸီႇ​ယၢင်ႇ​ဝႆႉ​ၼၼ်ႉ​ၸိူဝ်း​ၼၼ်ႉ သင်ႇ​ပၼ်​သွၼ်​ပၼ်​တီႈ​မဵဝ်း​ ဢီႉသရေႇလႃႉ ​ဢေႃႈ။</verse>
				<verse number="11">လၢၵ်ႈ​ၶၢမ်ႇ​လိၵ်ႈ​ဢမိင်ႉ​ၸဝ်ႈ ဢၼ်​ၶုၼ်​လူင်​ ဢႃႇတၸေႇရိတ်ႉ ပၼ်​တီႈ​ ဢေးၸရႃႉ ယိတ်ႈပရေႃးႁဵၵ်ႈ သြႃႇ​ဢၼ်​ၸၢင်ႈ​မေႃ​လူၺ်ႈ​ၵႂၢမ်း​ပိင်း​ၺၢပ်ႈ​ထႃႇဝရႃႉ​ၽြႃး ဢိၵ်ႇ​တင်း​ထုင်း​ၽိင်ႈ​တြႃး ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​တီႈ​မဵဝ်း​ ဢီႉသရေႇလႃႉ ​ၼၼ်ႉ ၼၼ်ႉ​ဝႃႈ​ၸမ်ႉ၊-</verse>
				<verse number="12">ဢႃႇတၸေႇရိတ်ႉ ​ၶုၼ်​ႁေႃ​ၶမ်း​ၼိူဝ်​ၶုၼ်​ႁေႃ​ၶမ်း​တင်း​လၢႆ​ၼႆႉ သင်ႇ​လၢတ်ႈ​ၵႂႃႇ​တီႈ ဢေးၸရႃႉ ​ယိတ်ႈပရေႃးႁဵၵ်ႈ သြႃႇ​ဢၼ်​ၸၢင်ႈ​မေႃ​တြႃး​ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ်​ၼၼ်ႉ ၼႂ်း​ၶိင်ႇ​ဢၼ်​ၸိူဝ်ႉ​ၼင်ႇ​ၼႆ​ၼၼ်ႉ​လႄႈ​ဝႃႈ၊ ႁႂ်ႈ​မီး​တၢင်း​လီ​မင်ႇၵလႃႇ ဢၼ်​ၸေး​ၸုမ်ႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵဝ်​မီး​ဢမိင်ႉ​လူၺ်ႈ​လွင်ႈ ဢၼ်​ၼႂ်း​ၵူၼ်း​မဵဝ်း​ ဢီႉသရေႇလႃႉ ယိတ်ႈပရေႃးႁဵၵ်ႈ၊ ၵူၼ်း​မဵဝ်း​ လေႇဝီႉ ဢၼ်​မီး​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၵဝ်​ၼႆႉ​ၸိူဝ်း​ၼၼ်ႉ၊ ၶဝ်​ၵႃႈ​ဢၼ်​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ ၶၢႆႉ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​တၵ်း​လႆႈ​ၸွမ်း​မႂ်း​ၵႂႃႇ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ ၶုၼ်​ႁေႃ​ၶမ်း ဢိၵ်ႇ​တင်း​ဢတႂၢင်းဝုၼ်ႇ​ၸဵတ်း​ပႃး ပွႆႇ​ၸႂ်ႉ​မႂ်း​ၵႂႃႇ ႁႂ်ႈ​မႂ်း​လႆႈ​တွင်ႈ​ထၢမ်​ၸႅတ်ႈ​တူၺ်း လူၺ်ႈ​လွင်ႈ​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ ၸွမ်း​လူၺ်ႈ​တြႃး​ၽြႃး​ပဵၼ်​ၸဝ်ႈ​မႂ်း ဢၼ်​မီး​ၵႃႈ​ၼႂ်း​မိုဝ်း​မႂ်း​ၼၼ်ႉ၊-</verse>
				<verse number="15">ဢိၵ်ႇ​တင်း​ႁႂ်ႈ​လႆႈ​ဢဝ်​ငိုၼ်း​ၶမ်း ဢၼ်​ၶုၼ်​ႁေႃ​ၶမ်း ဢိၵ်ႇ​တင်း​ဢတႂၢင်းဝုၼ်ႇ​တင်း​လၢႆ မီး​တၢင်း​ၸႂ်​ၸေႇတၼႃႇ​သေ​လႄႈ ပုၵ်ႈ​ၸေႃႇ​တီႈ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ဢၼ်​ၵိင်း​ဝၢပ်ႈ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ၊-</verse>
				<verse number="16">ဢိၵ်ႇ​တင်း​ငိုၼ်း​ၶမ်း ၵႃႈ​ဢၼ်​မႂ်း​လႆႈ​ဢဝ်​ၵႃႈ​ၼႂ်း​မိူင်း​ ပႃႇပူႉလုၼ်ႇ ​ၼႆႉ တင်း​တႃႇ​ၼႃႉ​တၢင်း​လူႇ ဢၼ်​မီး​ၸႂ်​ၸေႇတၼႃႇ​သေ​လႄႈ​လူႇ၊ ဢၼ်​ၵူၼ်း​တင်း​လၢႆ တင်း​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ မီး​ၸႂ်​ၸေႇတၼႃႇ​သေ​လႄႈ​လူႇ​တၢၼ်း ပုၼ်ႈ​ႁိူၼ်း​ၽြႃး​ပဵၼ်​ၸဝ်ႈ ၶဝ်​ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ ၸိူဝ်း​ၼၼ်ႉ​ၵႂႃႇ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ မႂ်း​တၵ်း​လႆႈ​ဢဝ်​ငိုၼ်း​ၶမ်း​ၼၼ်ႉ သိုဝ်ႉ​ဢဝ်​ဝူဝ်း​လႂ်၊ သူဝ်း​ပေႃႈ​လႂ်၊ သူဝ်း​ဢွၼ်ႇ​လႂ် ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​လႂ်၊ ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ​လႂ် ၶၼ်​ၶၼ်​ၽႂ်း​ၽႂ်း​လႄႈ ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ႁိူၼ်း​ၽြႃး​ပဵၼ်​ၸဝ်ႈ​မႂ်း ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="18">ၵႃႈ​ဢၼ်​မႂ်း တင်း​ပီႈ​ၼွင်ႉ​မႂ်း​ထၢင်ႇ​လီ​ဢဝ်​ငိုၼ်း​ၶမ်း ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ႁဵတ်း​ၼၼ်ႉ​ၸိုင် ႁဵတ်း​ႁႂ်ႈ​မႅၼ်ႈ​ၸွမ်း​ၼင်ႇ ဢလူဝ်ႇ​ၽြႃး​ပဵၼ်​ၸဝ်ႈ​သူ​တႃႉ။-</verse>
				<verse number="19">ၶိူင်ႈ​ပိူင်​ဢၼ်​ဢၢပ်ႈ​ပၼ်​တီႈ​မႂ်း ပုၼ်ႈ​ဢၼ်​တၵ်း​ႁဵတ်း​ဝၢတ်ႈ ႁိူၼ်း​ၽြႃး​ပဵၼ်​ၸဝ်ႈ​မႂ်း​ၵႃႈ​မီး​ၼၼ်ႉ​ၵေႃႈ ဢဝ်​ဝႆႉ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဝဵင်း​ ယေႇရူႉသလႅမ်ႇ ​တႃႉ။-</verse>
				<verse number="20">ၵႃႈ​ဢၼ်​ယင်း​လူဝ်ႇ​ထႅင်ႈ​ပုၼ်ႈ​ႁိူၼ်း​ၽြႃး​ပဵၼ်​ၸဝ်ႈ​မႂ်း၊ ဢၼ်​မႂ်း​မီး​တီႈ​တၵ်း​သုင်း​ၼၼ်ႉ​ၸိုင် ထုတ်ႇ​ဢဝ်​ၵႃႈ​ၼႂ်း​တိူၵ်ႈ​ၽၼ်ႇတႃႇ ၶုၼ်​ႁေႃ​ၶမ်း​လႄႈ​သုင်း​တႃႉ။-</verse>
				<verse number="21">ၵဝ်​ဢၼ်​ဝႃႈ ၵဝ်​ၶုၼ်​ႁေႃ​ၶမ်း​ ဢႃႇတၸေႇရိတ်ႉ ​ၼႆႉ မီး​ဢမိင်ႉ​တီႈ​ဝုၼ်ႇ​ၵဵပ်း​ၶွၼ်ႇ​ၵႃႈ​မီး ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ၸိူဝ်း​ၼၼ်ႉ ႁႂ်ႈ​ၶဝ်​ပၼ်​ၵႃႈ​ဢၼ်​ ဢေးၸရႃႉ ယိတ်ႈပရေႃးႁဵၵ်ႈ​သြႃႇ​ဢၼ်​ၸၢင်ႈ​မေႃ​လူၺ်ႈ​တြႃး ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ်​ၼၼ်ႉ​ယွၼ်း​ဢဝ်​ၼၼ်ႉ ၶၼ်​ၶၼ်​ၽႂ်း​ၽႂ်း၊-</verse>
				<verse number="22">တေႃႇ​ထိုင်​ႁွတ်ႈ​ငိုၼ်း​ပၢၵ်ႇ​ တလၢၼ်ႇတၢၼ်ႇ ​၊ ၶဝ်ႈ​သၢၼ်​ၵျုင်ႇ​ပၢၵ်ႇ​ ၵေႃးရႃႉ ၊ ၼမ်ႉ​ၸပိတ်ႈ​ပၢၵ်ႇ​ ပၢတ်ႈ ၊ ၼမ်ႉ​မၼ်း​ပၢၵ်ႇ​ ပၢတ်ႈ ဢိၵ်ႇ​တင်း​ၵိူဝ်​ဢၼ်​ဢမ်ႇ​ၼပ်ႉ​ဢမ်ႇ​ဢၢၼ်ႇ​ၼၼ်ႉ​ဢေႃႈ။-</verse>
				<verse number="23">ၵႃႈ​ဢၼ်​ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ်​သင်ႇ​လၢတ်ႈ​ဝႆႉ​ၼၼ်ႉ၊ ႁႂ်ႈ​ဢွၼ်​ၵၼ်​သၢင်ႈ​ႁဵတ်း​ပုၼ်ႈ​ႁိူၼ်း​ၽြႃး​ပဵၼ်​ၸဝ်ႈ​ၼၼ်ႉ မၢၼ်ႇ​မၢၼ်ႇ​မႅၼ်ႈ​မႅၼ်ႈ​သေ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ၊ တၵ်း​လႆႈ​တူၵ်း​ႁွတ်ႈ​ၵႃႈ​ၼိူဝ်​ၶုၼ်​ႁေႃ​ၶမ်း တင်း​လုၵ်ႈ​လၢၼ်​ၸိူဝ်ႉ​ၶိူဝ်း​ၸဝ်ႈ​ၼင်ႇ​ႁိုဝ်။-</verse>
				<verse number="24">ၼွၵ်ႈ​သေ​ၼၼ်ႉ ၵဝ်​သင်ႇ​လၢတ်ႈ​လွင်ႈ​ဢၼ် ၽူႈ​လႂ်​ဢမ်ႇ​လႆႈ​ၵဵပ်း​ဢဝ်​ၶွၼ်ႇ​ဝၢၼ်ႈ​ၶွၼ်ႇ​မိူင်း၊ ၶွၼ်ႇ​ၵႃႉ​ၶွၼ်ႇ​ၶၢႆ၊ ၶွၼ်ႇ​တႃႈ​ၶွၼ်ႇ​ၵၢင်​တီႈ​ယိတ်ႈပရေႃးႁဵၵ်ႈ၊ ၵူၼ်း​မဵဝ်း​ လေႇဝီႉ ၊ မေႃ​ႁဵတ်း​ၵႂၢမ်း၊ ၵူၼ်း​ပႂ်ႉ​ၽၵ်း​တူ​ၶႃႈ​ၽြႃး၊ ၶဝ်​ၸိူဝ်း​ဢၼ်​ပႂ်ႉ​ဢမူႉ​ႁိူၼ်း​ၽြႃး​ပဵၼ်​ၸဝ်ႈ ၸိူဝ်း​ၼၼ်ႉ​သေ​ၵေႃႉ​သေ​ၵူၼ်း​ၼၼ်ႉ​ဢေႃႈ။-</verse>
				<verse number="25">မႂ်း​ ဢေးၸရႃႉ ​ၵေႃႈ ၸွမ်း​လူၺ်ႈ​တၢင်း​ဢၼ်​မႂ်း​ပျေႉ​ၸုမ်ႇ​ဝႆႉ တင်း​ၺၢၼ်ႇ​ၽြႃး​ပဵၼ်​ၸဝ်ႈ​မႂ်း ဢၼ်​မီး​ၵႃႈ​ၼႂ်း​မိုဝ်း​မႂ်း​ၼၼ်ႉ​သေ​လႄႈ​ၶၢၼ်း​ၶုၼ်​လႂ် ဢိၵ်ႇ​တင်း​ၵူၼ်း​ဢၼ်​ၸီႇ​ယၢင်ႇ​တြႃး​လႂ် ဢၼ်​တၵ်း​လႆႈ​ၸီႇ​ယၢင်ႇ​ဢမူႉ​တြႃး တီႈ​ၵူၼ်း​တင်း​လၢႆ​ဢၼ်​မီး​ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ ၸိူဝ်း​ၼၼ်ႉ​လႄႈ ႁူႉ​တြႃး​ၽြႃး​ပဵၼ်​ၸဝ်ႈ​မႂ်း​ၼၼ်ႉ ၵႃႈ​မီး​ၼၼ်ႉ​ဝႆႉ ဢိၵ်ႇ​တင်း​သင်ႇ​သွၼ်​ပၼ် တီႈ​ၶဝ်​ၸိူဝ်း​ဢၼ်​ဢမ်ႇ​ႁူႉ​ၼၼ်ႉ​တႃႉ။-</verse>
				<verse number="26">ၵေႃႉ​ဢၼ်​တွပ်ႇ​ထဵင်​ပူၼ်ႉ​လိူဝ်​တြႃး​ၽြႃး​ပဵၼ်​ၸဝ်ႈ​မႂ်း ဢိၵ်ႇ​တင်း​ဢမိင်ႉ​ၸဝ်ႈ​ၶုၼ်​ႁေႃ​ၶမ်း​ၼၼ်ႉ​ၸမ်ႉ၊ ႁႂ်ႈ​မၼ်း​ၶၢမ်ႇ​ရႃႇၸဝူတ်ႈ​သေ​ၸိူဝ်ႉ​သေ​ပိူင် ဢၼ်​ဝႃႈ​တၢင်း​ဢၼ်​ဢဝ်​တၢႆ၊ တၢင်း​ဢၼ်​ႁေႃႈ​ဢဝ်​ဢွၵ်ႇ​ပႅတ်ႈ၊ တၢင်း​ဢၼ်​သိမ်း​ဢဝ်​ဢုၵ်ႉ​ၸႃႇ​မၼ်း၊ တၢင်း​ဢၼ်​ဢဝ်​မၼ်း​ၶင်​ဝႆႉ​ၵႃႈ​ၼႂ်း​ထွင်ႇ​ၼၼ်ႉ​ၶၼ်​ၶၼ်​ၽႂ်း​ၽႂ်း​သေ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​ႁဝ်း​မွၼ်ႇ​ႁဝ်း ဢၼ်​ဢဝ်​တၢင်း​ၵျၢမ်ႇ​တၢင်း​ပွင် ဢၼ်​တၵ်း​ႁႂ်ႈ​ႁိူၼ်း​ထႃႇဝရႃႉ​ၽြႃး ၵႃႈ​ၼႂ်း​ဝဵင်း ယေႇရူႉသလႅမ်ႇ ႁၢင်ႈ​လီ​ႁၢင်ႈ​ငၢမ်း​ၼႆႉ သႂၢင်း​သႂ်ႇ​ပၼ် ၵႃႈ​ၼႂ်း​ႁူဝ်​ၸႂ်​ၶုၼ်​ႁေႃ​ၶမ်း​သေ​လႄႈ၊-</verse>
				<verse number="28">ႁဵတ်း​ၵျေး​ၸူး​ပၼ်​ဢၶႂၢင်ႉ​တီႈ​ၵဝ် ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း ဢိၵ်ႇ​တင်း​ဢတႂၢင်းဝုၼ်ႇ​မၼ်း​တင်း​လၢႆ တင်း​ၶုၼ်​ပူဝ်ႇ​မၼ်း တင်း​သဵင်ႈ​တင်း​လူင်​ၼၼ်ႉ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။ ၼင်ႇ​ၼၼ်​လႄႈ ၵဝ်​လႆႈ​ႁႅင်း​မီး​ႁႅင်း ၵွပ်ႈ​ပိူဝ်ႈ​တၼ်း​ၶူဝ်း​မိုဝ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ် ဢၼ်​မီး​ယူႇ​ၵႃႈ​ၼိူဝ်​ၵဝ်​ၼၼ်ႉ​လႄႈ ဢဝ်​ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ၵမ်ႈ​ၽွင်ႈ​ဢွၵ်ႇ​သေ​ၵႃႈ​ၼႂ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸူႉ​ၵၼ်​တုမ်​ၵၼ်​ႁႂ်ႈ​လႆႈ​ၸွမ်း​လူၺ်ႈ​ၵၼ်​တင်း​ၵဝ်​ၵႂႃႇ​ဢေႃႈ။</verse>
			</chapter>
			<chapter number="8">
				<verse number="1">ၸရၢင်း​ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် မဵဝ်း​ပူႇ​မဵဝ်း​ပေႃႈ​ၶဝ် ဢၼ်​ဝႃႈ​ၸရၢင်း​ၸိူဝ်ႉ​ၶိူဝ်း​ၶဝ်​ၸိူဝ်း​ဢၼ် လုၵ်ႉ​သေ​ၵႃႈ​တီႈ ဝဵင်း​ ပႃႇပူႉလုၼ်ႇ လူၺ်ႈ​ၵၼ်​တင်း​ၵဝ်​မႃး​ၼႂ်း​ၸူဝ်ႈ​ပၢၼ် ၶုၼ်​လူင်​ ဢႃႇတၸေႇရိတ်ႉ ​ၼၼ်ႉ​ၸိူဝ်း​ၼၼ်ႉ​ၸမ်ႉ၊-</verse>
				<verse number="2">မီး​ ၵေႇရသုၼ်ႇ မဵဝ်း​ ၽီႉၼႁတ်ႉ၊ တၢၼ်ႇယေႇလႃႉ မဵဝ်း​ ဢီႉသမႃႇ၊ ႁတ်ႉတုတ်ႉ ​မဵဝ်း​ တႃႇဝိတ်ႈ ၊-</verse>
				<verse number="3">ၸႃႇၶရီႉ ​မဵဝ်း​ သေႇၶၼီႉ ၵႃႈ​ၼႂ်း​ၸိူဝ်ႉ​ၶိူဝ်း​ ၽႃႇရုတ်ႉ ဢိၵ်ႇ​တင်း​ၶဝ်​ၸိူဝ်း​ဢၼ်​လႆႈ​တၢင်း​ဢၼ်​မၢတ်ႈ​မၢႆ​ၶဝ်ႈ​ပႃး​ၵႃႈ​ၼႂ်း​ၸရၢင်း​ၵူၼ်း​ၸၢႆး​ၼၼ်ႉ ပၢၵ်ႇ​ပၢႆ​ႁႃႈ​သိပ်း​ၵေႃႉ၊-</verse>
				<verse number="4">ဢေးလေႇၼေႇ လုၵ်ႈ​ၸၢႆး​ ၸေးရႃႇယႃႉ မဵဝ်း​ ပႃႇႁတ်ႉမေႃႇၽႃႉ ဢိၵ်ႇ​တင်း​ၵူၼ်း​ၸၢႆး ဢၼ်​ပႃး​တီႈ​မၼ်း​သွင်​ပၢၵ်ႇ​ၵေႃႉ၊-</verse>
				<verse number="5">လုၵ်ႈ​ၸၢႆး​ ယႁႃႇၸေးလႃႉ မဵဝ်း​ သေႇၶၼီႉ ဢိၵ်ႇ​တင်း​ၵူၼ်း​ၸၢႆး​ဢၼ်​ပႃး​တီႈ​မၼ်း​သၢမ်​ပၢၵ်ႇ​ၵေႃႉ၊-</verse>
				<verse number="6">ဢေးပႅတ်ႉ လုၵ်ႈ​ၸၢႆး​ ယေႃးၼသၼ်ႇ မဵဝ်း​ ဢေႇတိၼ်ႇ ဢိၵ်ႇ​တင်း​ၵူၼ်း​ၸၢႆး​ဢၼ်​ပႃး​တီႈ​မၼ်း​ႁႃႈ​သိပ်း​ၵေႃႉ၊-</verse>
				<verse number="7">ယေႇသႃႇယႃႉ ​လုၵ်ႈ​ၸၢႆး​ ဢႃႇထလီႉ မဵဝ်း​ ဢေႇလမ်ႇ ဢိၵ်ႇ​တင်း​ၵူၼ်း​ၸၢႆး​ဢၼ်​ပႃး​တီႈ​မၼ်း​ၸဵတ်း​သိပ်း​ၵေႃႉ၊-</verse>
				<verse number="8">ၸေႇပတီႉ လုၵ်ႈ​ၸၢႆး​ မိၵ်ႉၶေႇလႃႉ မဵဝ်း​ သေႇၽတီႉ ဢိၵ်ႇ​တင်း​ၵူၼ်း​ၸၢႆး​ဢၼ်​ပႃး​တီႈ​မၼ်း​ပႅတ်ႇ​သိပ်း​ၵေႃႉ၊-</verse>
				<verse number="9">ဢေႃးပတီႉ ​လုၵ်ႈ​ၸၢႆး​ ယေႇႁေႇလႃႉ မဵဝ်း​ ယႂႃႇၽႃႉ ဢိၵ်ႇ​တင်း​ၵူၼ်း​ၸၢႆး​ဢၼ်​ပႃး​တီႈ​မၼ်း သွင်​ပၢၵ်ႇ​ပၢႆ​သိပ်း​ပႅတ်ႇ​ၵေႃႉ၊-</verse>
				<verse number="10">လုၵ်ႈ​ၸၢႆး​ ယေႃးသီႉၽီႉ မဵဝ်း​ သေႇလေႃးမိတ်ႉ ဢိၵ်ႇ​တင်း​ၵူၼ်း​ၸၢႆး​ဢၼ်​ပႃး​တီႈ​မၼ်း ပၢၵ်ႇ​ပၢႆ​ႁူၵ်း​သိပ်း​ၵေႃႉ၊-</verse>
				<verse number="11">ၸႃႇၶရီႉ ​လုၵ်ႈ​ၸၢႆး​ ပေႇပေႇ မဵဝ်း​ ပေႇပေႇ ဢိၵ်ႇ​တင်း​ၵူၼ်း​ၸၢႆး​ဢၼ်​ပႃး​တီႈ​မၼ်း သၢဝ်း​ပၢႆ​ပႅတ်ႇ​ၵေႃႉ၊-</verse>
				<verse number="12">ယေႃးႁၼၼ်ႇ ​လုၵ်ႈ​ၸၢႆး​ ႁၵ်ႉၵတၼ်ႇ မဵဝ်း​ ဢႃႇၸၵတ်ႉ ဢိၵ်ႇ​တင်း​ၵူၼ်း​ၸၢႆး​ဢၼ်​ပႃး​တီႈ​မၼ်း ပၢၵ်ႇ​ပၢႆ​သိပ်း​ၵေႃႉ၊-</verse>
				<verse number="13">ဢေးလီႉၽလႅတ်ႉ၊ ယေႇယေႇလႃႉ၊ သေႇမႃႇယႃႉ ဢၼ်​ပဵၼ်​ၶဝ်​ၸိူဝ်း​ဢၼ်​တူၵ်း​လိုၼ်း ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း ဢတေႃးၼီႉၵမ်ႇ ​ၼၼ်ႉ ဢိၵ်ႇ​တင်း​ၵူၼ်း​ၸၢႆး​ဢၼ်​ပႃး​တီႈ​ၶဝ် ႁူၵ်း​သိပ်း​ၵေႃႉ၊-</verse>
				<verse number="14">ဢူႉသေႇ တင်း​ ၸပ်ႉပုတ်ႉ မဵဝ်း​ ပီႉၵဝေႇ ဢိၵ်ႇ​တင်း​ၵူၼ်း​ၸၢႆး​ဢၼ်​ပႃး​တီႈ​ၶဝ် ၸဵတ်း​သိပ်း​ၵေႃႉ​ဢေႃႈ။</verse>
				<verse number="15">ၶဝ်​ၸိူဝ်း​ၼၼ်ႉ​ၸိုင် ၵဝ်​ႁႂ်ႈ​ၸူႉ​ၵၼ်​တုမ်​ၵၼ် ၵႃႈ​တီႈ​ႁိမ်း​ၼမ်ႉ​ႁွင်ႈ​ဢၼ်​လႆ​ၵႂႃႇ​ၸူး​ၵႃႈ​တီႈ​ဝဵင်း​ ဢႁႃႇဝႃႉ ​ၼၼ်ႉ​လႄႈ ႁဝ်း​ဢွၼ်​ၵၼ်​ယူႇ​ၵႃႈ​ၼႂ်း​သုမ်ႉ​ထဵင် ၵႃႈ​တီႈ​ၼၼ်ႈ​သၢမ်​ဝၼ်း​တဵမ်​တဵမ်​ဢေႃႈ။ ၵဝ်​ၸႅတ်ႈ​ထၢမ်​တီႈ​ၵူၼ်း​တင်း​လၢႆ ဢိၵ်ႇ​တင်း​ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ​လႄႈ မိူဝ်ႈ​ဢၼ်​ဢမ်ႇ​ထူပ်း​ဢမ်ႇ​ႁၼ် ၵူၼ်း​မဵဝ်း​ လေႇဝီႉ ​သေ​ၵေႃႉ​သေ​ၵူၼ်း​ၼၼ်ႉ​ၸိုင်၊-</verse>
				<verse number="16">ၵဝ်​ႁွင်ႉ​ဢဝ်​ ဢေးလႃႇၸႃႇ၊ ဢရေႇလႃႉ၊ သေႇမႃႇယႃႉ၊ ဢေးလႃႉၼႃႇသၼ်ႇ၊ ယႃႇရိပ်ႉ၊ ဢေးလႃႉၼႃႇသၼ်ႇ၊ ၼႃႇသၼ်ႇ၊ ၸႃႇၶရီႉ၊ မေႇသူႉလမ်ႇ ဢၼ်​ပဵၼ်​ငဝ်ႈ​ပဵၼ်​ႁူဝ်​ၸိူဝ်း​ၼၼ်ႉ ဢိၵ်ႇ​တင်း​ ယေႃးယရိပ်ႉ တင်း​ ဢေးလႃႉၼႃႇသၼ်ႇ ဢၼ်​ပဵၼ်​ၵေႃႉ​ဢၼ်​မီး​ပိင်ႇ​ၺႃႇ​ၸိူဝ်း​ၼၼ်ႉ​မႃး​လႄႈ၊-</verse>
				<verse number="17">ပွႆႇ​ၸႂ်ႉ​ၶဝ်​ၵႂႃႇ​ၸူး​ၵႃႈ​တီႈ ဢီႉတေႃႇ ​ၵေႃႉ​ဢၼ်​ပဵၼ်​ငဝ်ႈ​ပဵၼ်​ႁူဝ် ၵႃႈ​ၼႂ်း​ဝဵင်း​ ၵသီႉၽီႉ ​ၼၼ်ႉ​သေ​လႄႈ သင်ႇ​လၢတ်ႈ​တီႈ​ၶဝ်​လွင်ႈ​ဢၼ်​ၶဝ်​တၵ်း​လႆႈ​လၢတ်ႈ​ၵႂၢမ်း​ၸိူဝ်ႉ​ၼင်ႇ​ႁိုဝ် တီႈ​ ဢီႉတေႃႇ ​ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း ၶႃႈ​ၽြႃး​ဢၼ်​ယူႇ​ၵႃႈ​တီႈ ဝဵင်း​ ၵသီႉၽီႉ ​ၸိူဝ်း​ၼၼ်ႉ ႁႂ်ႈ​ၶဝ်​ၼၼ်ႉ​ပၼ်​ၶဝ်​ၸိူဝ်း​ဢၼ် တၵ်း​လႆႈ​ပႂ်ႉ​ဢမူႉ​ႁိူၼ်း ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​ဢေႃႈ။-</verse>
				<verse number="18">ၶဝ်​ၼၼ်ႉ ၵွပ်ႈ​ပိူဝ်ႈ​ၵျေး​ၸူး​တၼ်း​ၶူဝ်း​မိုဝ်း​ၽြႃး​ပဵၼ်​ၸဝ်ႈ​ႁဝ်း ဢၼ်​မီး​ယူႇ​ၵႃႈ​ၼိူဝ်​ႁဝ်း​ၼၼ်ႉ​လႄႈ ဢွၼ်​ၵၼ်​ႁွင်ႉ​ဢဝ် ၵေႃႉ​ဢၼ်​မီး​ပိင်ႇ​ၺႃႇ ဢၼ်​ပဵၼ်​ၵူၼ်း​မဵဝ်း မႁႃႇလီႉ ၊ မဵဝ်း​ လေႇဝီႉ ၊ မဵဝ်း​ ဢီႉသရေႇလႃႉ ​ၼၼ်ႉ ၵေႃႉ​ၼိုင်ႈ၊ သေႇရၽီႉ ဢိၵ်ႇ​တင်း လုၵ်ႈ​လၢင်း​ပီႈ​ၼွင်ႉ​မၼ်း​သိပ်း​ပၢႆ​ပႅတ်ႇ​ၵေႃႉ၊-</verse>
				<verse number="19">ႁႃႇသၽီႉ တင်း​ ယေႇသႃႇယႃႉ မဵဝ်း​ မေႇရႃႇရီႉ ဢိၵ်ႇ​တင်း​ပီႈ​ၼွင်ႉ​မၼ်း​တင်း​လုၵ်ႈ​လၢင်း​ၶဝ် သၢဝ်း​ၼိုင်ႈ၊-</verse>
				<verse number="20">ၶႃႈ​ၽြႃး​ဢၼ်​ တႃႇဝိတ်ႈ တင်း​မူး​မၢတ်ႈ​ၽွင်း​မိူင်း​မၼ်း​ၸိူဝ်း​ၼၼ်ႉ ၶၢၼ်း​ဝႆႉ​ႁႂ်ႈ​လႆႈ​ၵိုတ်ႉ​ႁၢပ်ႇ​ဢမူႉ​ၵူၼ်း​မဵဝ်း​ လေႇဝီႉ ​တင်း​လၢႆ​ၼၼ်ႉ​မႃး​လႄႈ ၶဝ်​တင်း​သဵင်ႈ​တင်း​လူင်​ၼၼ်ႉ ၸိုဝ်ႈ​သဵင်​ၶဝ်ႈ​ပႃး​ၼႂ်း​ၸရၢင်း​လႄႈ မီး​သွင်​ပၢၵ်ႇ​ပၢႆ​သၢဝ်း​ၵေႃႉ​ဢေႃႈ။</verse>
				<verse number="21">မိူဝ်ႈ​ၼၼ်ႉ ၵဝ်​မီး​ဢမိင်ႉ​မွၵ်ႇ​လၢတ်ႈ​ၶိင်ႇ​ဢၼ်​တၵ်း​လႆႈ​ၵမ်​တၢင်း​ၵိၼ်​ၼၼ်ႉ ၵႃႈ​တီႈ​ႁိမ်း​ၼမ်ႉ​ႁွင်ႈ ဢႁႃႇဝႃႉ ​ၼၼ်ႉ ႁႂ်ႈ​ႁဝ်း​လႆႈ​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ႁဝ်း​လႄႈ ႁႃ​ဢဝ်​သဵၼ်ႈ​တၢင်း​ဢၼ်​သိုဝ်ႈ​ဢၼ်​လီ​ပုၼ်ႈ​ႁဝ်း ဢိၵ်ႇ​တင်း​လုၵ်ႈ​ဢွၼ်ႇ​လၢင်း​ဢွၼ်ႇ​ႁဝ်း တင်း​ဢုၵ်ႉ​ၸႃႇ​ႁဝ်း​ၵႃႈ​မီး​ၼၼ်ႉ တီႈ​မၼ်း​ၸဝ်ႈ​ဢေႃႈ။-</verse>
				<verse number="22">လွင်ႈ​မၼ်း​ၸမ်ႉ ၵဝ်​ဢူၵ်း​ဢၢႆ​လွင်ႈ​ဢၼ်​တၵ်း​ယွၼ်း​ဢဝ်​တပ်ႉ​ႁူဝ်​ႁၢၼ်​ၵူၼ်း​သိုၵ်း၊ ႁူဝ်​ႁၢၼ်​ၶီႇ​မႃႉ​သေ တပ်ႉ​ဢၼ်​လႆႈ​ၸွမ်း​သူင်ႇ​ႁဝ်း ႁႂ်ႈ​လႆႈ​ၸွႆႈ​ထႅမ်​ႁၢမ်ႈ​တၢပ်ႈ​ႁႄႉ​ၶႅၼ်​ရၢၼ်ႇ​သူႇ ၵႃႈ​တႃႈ​ၵႃႈ​တၢင်း​ၼၼ်ႉ တီႈ​ၶုၼ်​ႁေႃ​ၶမ်း​ၵွပ်ႈ​ပိူဝ်ႈ​ဢၼ် ႁဝ်း​လႆႈ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ဝႆႉ​လႄႈ​ဝႃႈ၊ ၵျေး​ၸူး​တၼ်း​ၶူဝ်း​မိုဝ်း​ၽြႃး​ပဵၼ်​ၸဝ်ႈ​ႁဝ်း​ၶႃႈ မီး​ယူႇ​ၵႃႈ​ၼိူဝ်​ၶဝ်​ၵႃႈ​ဢၼ်​ဢွၼ်​ၵၼ်​ႁႃ​ဢဝ်​မၼ်း​ၸဝ်ႈ ပုၼ်ႈ​ဢၼ်​လီ​ဢၼ်​ငၢမ်း​ၼၼ်ႉ​တီႈ​ၶႃႈ​ဢေႃႈ။ တၼ်း​ၶူဝ်း​မၼ်း​ၸဝ်ႈ ဢိၵ်ႇ​တင်း တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၸိူဝ်း​ၼၼ်ႉ ယူႇ​ၽၢႆႇ​ၼိုင်ႈ​တင်း​ၶဝ် ၵႃႈ​ဢၼ်​ၸုၼ်ႉ​ပႅတ်ႈ​မၼ်း​ၸဝ်ႈ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ၼၼ်ႉ​ဢေႃႈ။-</verse>
				<verse number="23">ၼင်ႇ​ၼၼ်​လႄႈ ႁဝ်း​ဢွၼ်​ၵၼ်​ၵမ်​တၢင်း​ၵိၼ်​လႄႈ သူး​တွင်း​ယွၼ်း​ဢဝ်​လွင်ႈ​တၢင်း​ၼၼ်ႉ တီႈ​ၽြႃး​ပဵၼ်​ၸဝ်ႈ​ႁဝ်း​ဢေႃႈ။ မၼ်း​ၸဝ်ႈ​ၵေႃႈ​ထွမ်ႇ​ဢဝ်​ဢေႃႈ။</verse>
				<verse number="24">မိူဝ်ႈ​ၼၼ်ႉ ၵဝ်​လိူၵ်ႈ​ၵဵပ်း​ဢဝ်​ယိတ်ႈပရေႃးႁဵၵ်ႈ​ဢၼ်​ယႂ်ႇ သိပ်း​ပၢႆ​သွင်​ပႃး ဢၼ်​ဝႃႈ​ သေႇရၽီႉ၊ ႁႃႇသၽီႉ ဢိၵ်ႇ​တင်း ပီႈ​ၶဝ်​ၼွင်ႉ​ၶဝ် သိပ်း​ၼိုင်ႈ​သေ​ယဝ်ႉ၊-</verse>
				<verse number="25">ၸင်ႈ​ႁိဝ်ႈ​ငိုၼ်း​ၶမ်း​ၶိူင်ႈ​ပိူင်​တင်း​လၢႆ ဢၼ်​ဝႃႈ​တၢင်း​ပုၵ်ႈ​ၸေႃႇ​ပုၼ်ႈ​ႁိူၼ်း​ၽြႃး​ပဵၼ်​ၸဝ်ႈ​ႁဝ်း ဢၼ်​ၶုၼ်​ႁေႃ​ၶမ်း​ဢိၵ်ႇ​တင်း ဢတႂၢင်းဝုၼ်ႇ​ၸဝ်ႈ၊ မူး​မၢတ်ႈ​ၽွင်း​မိူင်း​ၸဝ်ႈ​တင်း​လၢႆ၊ ၵူၼ်း​မဵဝ်း​ ဢီႉသရေႇလႃႉ ​ၵႃႈ​ဢၼ်​ၸူႉ​ၵၼ်​တုမ်​ၵၼ်​ၵႃႈ​တီႈ​ၼၼ်ႈ​ၸိူဝ်း​ၼၼ်ႉ​လူႇ​တၢၼ်း​ၼၼ်ႉ​သေ​လႄႈ ဢၢပ်ႈ​ပၼ်​တီႈ​ၶဝ်​ၼၼ်ႉ​ဢေႃႈ။-</verse>
				<verse number="26">ၵဝ်​ၸင်ႈ​ႁိဝ်ႈ​ငိုၼ်း​ဢၼ်​မီး ႁူၵ်း​ပၢၵ်ႇ​ပၢႆ​ႁႃႈ​သိပ်း​ တလၢၼ်ႇတၢၼ်ႇ ​၊ ၶိူင်ႈ​ငိုၼ်း​ပၢၵ်ႇ​ တလၢၼ်ႇတၢၼ်ႇ ၊ ၶိူင်ႈ​ၶမ်း​ပၢၵ်ႇ​ တလၢၼ်ႇတၢၼ်ႇ ၊-</verse>
				<verse number="27">ၵွၵ်း​ဝၢၼ်ႇ​ၶမ်း ဢၼ်​ၶၼ်​ၸင်ႈ​မၼ်း​မီး​တႅင်း​ၵႃး​ၶမ်း တရႅၵ်ႉ ​ႁဵင်​ၼိုင်ႈ​ၼၼ်ႉ သၢဝ်း​လုၵ်ႈ၊ ၵွၵ်း​တွင်း​လိူင်​ၸႅတ်ႈ​ၸႅတ်ႈ ဢၼ်​မျၢတ်ႈ​ပဵင်း​တၢၼ်ႇ​ၶမ်း​ၼၼ်ႉ​သွင်​လုၵ်ႈ​ၸိူဝ်း​ၼၼ်ႉ​သေ​လႄႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၼၼ်ႉ​သေ​ယဝ်ႉ၊ သင်ႇ​လၢတ်ႈ​လႄႈ​ဝႃႈ၊-</verse>
				<verse number="28">သူ​ၼႆႉ​ပဵၼ်​ဢၼ်​မူတ်း​ၸၢင်ႇ​ပုၼ်ႈ​ထႃႇဝရႃႉ​ၽြႃး​ဢေႃႈ။ ၶိူင်ႈ​ပိူင်​ၸိူဝ်း​ၼႆႉ​ၵေႃႈ ပဵၼ်​ဢၼ်​မူတ်း​ၸၢင်ႇ​ဢေႃႈ။ ငိုၼ်း​ၼႆႉ​ဢိၵ်ႇ​တင်း​ၶမ်း​ၼႆႉ​ၵေႃႈ ပဵၼ်​တၢင်း​ပုၵ်ႈ​ၸေႃႇ​ဢၼ်​မီး​ၸႂ်​ၸေႇတၼႃႇ​သေ​လႄႈ လူႇ​တၢၼ်း​တီႈ​ၽြႃး​ပဵၼ်​ၸဝ်ႈ​ပူႇ​ႁဝ်း​မွၼ်ႇ​ႁဝ်း​ၼၼ်ႉ​ဢေႃႈ။-</verse>
				<verse number="29">သူ​ဢွၼ်​ၵၼ်​ဢဝ်​ၸိူဝ်း​ၼႆႉ ပႂ်ႉ​ဝႆႉ​လႄႈ​လူ​တူၺ်း​ဝႆႉ​ယူႇ တေႃႇ​ထိုင်​ႁွတ်ႈ​လႆႈ​ဢဝ်​ၸင်ႈ​ႁိဝ်ႈ​ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ် ပဵၼ်​ငဝ်ႈ​ပဵၼ်​ႁူဝ်​ၼႂ်း​ယိတ်ႈပရေႃးႁဵၵ်ႈ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​တင်း​လၢႆ တင်း​ၶဝ်​ၸိူဝ်း​ဢၼ်​ပဵၼ်​ၶုၼ် မဵဝ်း​ပူႇ​မဵဝ်း​ပေႃႈ ဢီႉသရေႇလႃႉ ၵႃႈ​တီႈ​ဝဵင်း​ ယေႇရူႉသလႅမ်ႇ ၵႃႈ​ၼႂ်း​လုၵ်း​ႁိူၼ်း​ထႃႇဝရႃႉ​ၽြႃး​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ၼင်ႇ​ၼၼ်​လႄႈ​ယိတ်ႈပရေႃးႁဵၵ်ႈ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​ႁပ်ႉ​တုင်း​ဢဝ်​ငိုၼ်း​ၶမ်း၊ ၶိူင်ႈ​ပိူင်​ဢၼ်​ၸင်ႈ​ႁိဝ်ႈ​ၸိူဝ်း​ၼၼ်ႉ ႁႂ်ႈ​လႆႈ​ဢဝ်​သူင်ႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​ႁဝ်း​ဢေႃႈ။</verse>
				<verse number="31">ၼႂ်း​လိူၼ်​ပထမႃႉ သိပ်း​သွင်​ဝၼ်း​ၼၼ်ႉ ႁဝ်း​ဢွၼ်​ၵၼ်​ဢွၵ်ႇ​သေ​ၵႃႈ​တီႈ​ႁွင်ႈ​ ဢႁႃႇဝႃႉ ​လႄႈ​ၵႂႃႇ​တၢင်း​ပႆ​တၢင်း​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။ တၼ်း​ၶူဝ်း​မိုဝ်း​ၽြႃး​ပဵၼ်​ၸဝ်ႈ​ႁဝ်း မီး​ယူႇ​ၵႃႈ​ၼိူဝ်​ႁဝ်း​လႄႈ မၼ်း​ၸဝ်ႈ​ၵႄႇ​သႄႇ​ဢဝ်​ႁဝ်း​လွတ်ႈ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ ဢိၵ်ႇ​တင်း​ၵေႃႉ​ဢၼ်​လွမ်​ပႂ်ႉ​ယူႇ ၵႃႈ​တႃႈ​ၵႃႈ​တၢင်း​ၼၼ်ႉ​သေ​လႄႈ၊-</verse>
				<verse number="32">ႁဝ်း​ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ယူႇ​သၢမ်​ဝၼ်း​သေ​ယဝ်ႉ၊-</verse>
				<verse number="33">ၼႂ်း​ဝၼ်း​ၸတုၵ်ႉထႃႉ​ၼၼ်ႉ၊ ၶဝ်​ၼၼ်ႉ​ဢွၼ်​ၵၼ် ၸင်ႈ​ႁိဝ်ႈ​ငိုၼ်း၊ ၶမ်း၊ ၶိူင်ႈ​ပိူင်​ၸိူဝ်း​ၼၼ်ႉ​ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​ႁဝ်း​သေ​လႄႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ မေႇရမုတ်ႉ လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢူႉရီႉယႃႉ ​ၼၼ်ႉ​လႄႈ ဢေးလႃႇၸႃႇ ​လုၵ်ႈ​ၸၢႆး​ ၽီႉၼႁတ်ႉ ​ၵေႃႈ မီး​ယူႇ​လူၺ်ႈ​ၵၼ်​တင်း​မၼ်း​လႄႈ ယေႃးၸပတ်ႉ ​လုၵ်ႈ​ၸၢႆး​ ယေႃးသူႉ ဢိၵ်ႇ​တင်း​ ၼေႃႇတီႉ လုၵ်ႈ​ၸၢႆး​ ပီႉၼုၺ်ႇ ၵူၼ်း​ လေႇဝီႉ ​ၸိူဝ်း​ၼၼ်ႉ ၽွမ်ႉ​လူၺ်ႈ​ၵၼ်​တင်း​ၶဝ်​ၼၼ်ႉ​သေ​လႄႈ၊-</verse>
				<verse number="34">ဢဝ်​ၼပ်ႉ​ဢၢၼ်ႇ​ၸင်ႈ​ႁိဝ်ႈ​တင်း​သဵင်ႈ​တင်း​လူင်​ၸိူဝ်း​ၼၼ်ႉ​လႄႈ မၢတ်ႈ​မၢႆ​တႅမ်ႈ​ဝႆႉ ၶၼ်​ၸင်ႈ​ၼမ်ႉ​ၼၵ်း​မၼ်း​တင်း​သဵင်ႈ​တင်း​လူင်​ဝႆႉ​ၼႂ်း​ဝၼ်း​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="35">ၶဝ်​ၸိူဝ်း​ဢၼ်​ဢွၵ်ႇ​သေ​ၵႃႈ​ၼႂ်း​မုၵ်ႉ​ၸိူဝ်း​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​မႃး​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ဢဝ်​ယိတ်ႈ​ဢၼ်​တုတ်ႇ​ၽႆး ဢၼ်​ဝႃႈ​ဝူဝ်း​သိပ်း​သွင်​တူဝ် ပုၼ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်၊ သူဝ်း​ပေႃႈ ၵဝ်ႈ​သိပ်း​ပၢႆ​ႁူၵ်း​တူဝ်၊ သူဝ်း​ဢွၼ်ႇ ၸဵတ်း​သိပ်း​ပၢႆ​ၸဵတ်း​တူဝ်၊ ပႄႉ​ပေႃႈ သိပ်း​သွင်​တူဝ် ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​ၸိူဝ်း​ၼၼ်ႉ ပုၵ်ႈ​ၸေႃႇ​တီႈ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ဢေႃႈ။ တင်း​သဵင်ႈ​တင်း​မူတ်း​ၼႆႉ​ၸမ်ႉ၊ ပဵၼ်​ယိတ်ႈ​ဢၼ်​တုတ်ႇ​ၽႆး တီႈ​ထႃႇဝရႃႉ​ၽြႃး​ဢေႃႈ။</verse>
				<verse number="36">ၶဝ်​ဢဝ်​ဢမိင်ႉ​ဢၼ်​ၶုၼ်​ႁေႃ​ၶမ်း​သင်ႇ​လၢတ်ႈ​ဝႆႉ​ၸိူဝ်း​ၼၼ်ႉ ဢၢပ်ႈ​ပၼ်​တီႈ​ၸဝ်ႈ​ၽႃႉ​လႂ် တင်း​မဵဝ်ႉ​ဝုၼ်ႇ​ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​လႂ် ၸိူဝ်း​ၼၼ်ႉ​လႄႈ ၶဝ်​ၼၼ်ႉ​ဢွၼ်​ၵၼ်​လူ​တူၺ်း ၸွႆႈ​ၵမ်ႉ​ၸွႆႈ​ထွၵ်ႈ​ၵူၼ်း​တင်း​လၢႆ ဢိၵ်ႇ​တင်း​ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။</verse>
			</chapter>
			<chapter number="9">
				<verse number="1">ဢမူႉ​လွင်ႈ​တၢင်း​ၸိူဝ်း​ၼၼ်ႉ​ယဝ်ႉ​တူဝ်ႈ​သေ​ယဝ်ႉ၊ ၶုၼ်​တင်း​လၢႆ​ဢွၼ်​ၵၼ်​မႃး​တီႈ​ၵဝ်​လႄႈ မွၵ်ႇ​လၢတ်ႈ​လႄႈ​ဝႃႈ၊ ၵူၼ်း​မဵဝ်း ဢီႉသရေႇလႃႉ ​တင်း​လၢႆ ဢိၵ်ႇ​တင်း​ယိတ်ႈပရေႃးႁဵၵ်ႈ တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ယင်း​ဢမ်ႇ​ၽၢတ်ႇ​ၽႄ​ၵၼ်​တင်း​ၵူၼ်း​ဢၼ်​ယူႇ​ၵဝ်ႇ​ၵဝ်ႇ ၵႃႈ​တီႈ​မိူင်း​ၼႆႉ​ၸိူဝ်း​ၼၼ်ႉ​လႄႈ ဢွၼ်​ၵၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ၵူၼ်း​ ၶႃႇၼၼီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ၽေႇရသီႉ ၊ ၵူၼ်း​ ယေႇပူႉသီႉ ၊ ၵူၼ်း​ ဢမ်ႇမုၼ်ႇ ၊ ၵူၼ်း​ မေႃႇၽႃႉ ၊ ၵူၼ်း​ ဢေႇၵိပ်ႉတူႉ ၊ ၵူၼ်း​ ဢႃႇမေႃးရီႉ ဢၼ်​လီ​ႁင်ႈ​ဢဵတ်ႇ​သဵတ်ႇ​ၸိူဝ်း​ၼၼ်ႉ​ယူႇ ဢေႃႈ။-</verse>
				<verse number="2">လွင်ႈ​မၼ်း​ၸမ်ႉ ၶဝ်​ဢဝ်​လုၵ်ႈ​ယိင်း​ၶဝ်​ၼၼ်ႉ​ၸိူဝ်း​ၼၼ်ႉ ပုၼ်ႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ပုၼ်ႈ​လုၵ်ႈ​ၸၢႆး​တူဝ်​ၸဝ်ႈ​ၵဝ်ႇ​သေ​လႄႈ မဵဝ်း​ဢၼ်​မူတ်း​ၸၢင်ႇ​ၼၼ်ႉ မီး​တၢင်း​ဢၼ်​လေႃး​လႄး​လူၺ်ႈ​ၵၼ်​တင်း ၵူၼ်း​ဢၼ်​ယူႇ​ၵဝ်ႇ​ၵဝ်ႇ​ၵႃႈ​တီႈ​မိူင်း​ၼႆႉ​ၸိူဝ်း​ၼၼ်ႉ​ယူႇ​လႄႈ ၶုၼ်​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​မီး​ဢရႃႇ​ၼၼ်ႉ ဢွၼ်​ၵၼ်​ႁဵတ်း​ဢမူႉ​တူႉ​ၸရိူၵ်ႈ​ၼႆႉ ၼႃႇ​သေ​ပိူၼ်ႈ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ဢၼ်​ၵဝ်​ငိၼ်း​ၵႂၢမ်း​ၼၼ်ႉ​ၸိုင်၊ ၵဝ်​ၸၵ်ႉ​သိၵ်ႇ​ၶူဝ်း​ၼုင်ႈ​ၵဝ်၊ တင်း​ၶူဝ်း​မႆ​ၵဝ်​လႄႈ ထူၺ်ႈ​ၶူၼ်​ႁူဝ်​ၵဝ် တင်း​ၼူတ်ႇ​ၵၢင်း​ၵဝ်​ပႅတ်ႈ​သေ​လႄႈ ငိူဝ်ႈ​ငဝ်​ၵႂင်​ၸႂ်​လႄႈ​ၼင်ႈ​ယူႇ​ဢေႃႈ။-</verse>
				<verse number="4">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ၵူဝ်​ႁႄ​ဢမိင်ႉ​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ထၼ်ႈ​ပေႃး​သၼ်ႇ​ပေႃး​ဝႆ​ယူႇ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​ၵႃႈ​တီႈ​ၵဝ် ၵွပ်ႈ​ပိူဝ်ႈ​ဢပႅတ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၸိူဝ်း​ၼၼ်ႉ​လႄႈ ၵဝ်​ငိူဝ်ႈ​ငဝ်​ၵႂင်​ၸႂ်​လႄႈ​ၼင်ႈ​ယူႇ တေႃႇ​ထိုင်​ႁွတ်ႈ​ၶိင်ႇ​ဢၼ် ပုၵ်ႈ​ၸေႃႇ​ယိတ်ႈ​ၶိင်ႇ​ႁူဝ်​ၶမ်ႈ​ၼၼ်ႉ​ဢေႃႈ။</verse>
				<verse number="5">ၶိင်ႇ​ဢၼ်​ပုၵ်ႈ​ၸေႃႇ​ယိတ်ႈ​ၶိင်ႇ​ႁူဝ်​ၶမ်ႈ​ၼၼ်ႉ၊ ၵဝ်​လုၵ်ႉ​သေ​ၵႃႈ​တီႈ​တၢင်း​ဢၼ် ၵဝ်​တမ်ႇ​ၼွႆႉ​မွင်​ၸႂ်​ၼၼ်ႉ​လႄႈ ပႃး​ဢဝ်​ၶူဝ်း​ၼုင်ႈ​ၵဝ်​ဢိၵ်ႇ​တင်း ၶူဝ်း​မႆ​ၵဝ်​ဢၼ်​ၸၵ်ႉ​သိၵ်ႇ​ယဝ်ႉ​ၼၼ်ႉ​သေ​လႄႈ ၶုပ်ႉ​ၶဝ်ႇ​ၵၢဝ်ႈ​တဝ်ႉ​လႄႈ ၵီႈ​ၽႃႇ​မိုဝ်း​ၸူး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​သေ​လႄႈ သူး​တွင်း​လႄႈ​ဝႃႈ၊-</verse>
				<verse number="6">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​ဢူၵ်း​ဢၢႆ​လႄႈ ၼႃႈ​လႅင်​ယူႇ​သေ​လႄႈ ဢမ်ႇ​ႁတ်း​မုင်ႈ​တူၺ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ တူႉ​ၸရိူၵ်ႈ​ဢၼ်​ၶႃႈ​ၸဝ်ႈ​ႁဝ်း​ၶဝ်​ႁဵတ်း​မႅၼ်ႈ​ၸိူဝ်း​ၼႆႉ ယႂ်ႇ​မႃး​ၽႄႈ​မႃး​ထူမ်ႈ​ႁူမ်ႇ​ၵႃႈ​ၼိူဝ်​ႁူဝ်​ၶႃႈ​ၸဝ်ႈ​ႁဝ်း​ၶဝ်​လႄႈ ဢပႅတ်ႈ​ၶႃႈ​ၸဝ်ႈ​ႁဝ်း​ၶဝ် ဢၼ်​ယႂ်ႇ​ၼႃႇ​ၼၼ်ႉ​ယႂ်ႇ​ၽႄႈ​တူဝ်း​တွၼ်း ၶိုတ်း​ထိုင်​ၽႃႉ​ၵၢင်​ႁၢဝ်​တီႈ​ၶႃႈ​ဢေႃႈ။-</verse>
				<verse number="7">ၶႃႈ​ၸဝ်ႈ​ႁဝ်း​ၶဝ်​ၽိတ်း​ပိူင်ႈ​ၼႃႇ​လူင်​လၢင် ၸႃႉ​ၸဵမ်​ၸူဝ်ႈ​ပူႇ​ၸူဝ်ႈ​မွၼ်ႇ​လႄႈ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​တီႈ​ၶႃႈ​ယဝ်ႉ။ ၵွပ်ႈ​ပိူဝ်ႈ​ဢပႅတ်ႈ​တူဝ်​ၸဝ်ႈ​ၵဝ်ႇ​တင်း​လၢႆ​လႄႈ ၶႃႈ​ၸဝ်ႈ​ႁဝ်း​ၶဝ် ဢိၵ်ႇ​တင်း​ၶုၼ်​ႁေႃ​ၶမ်း​ၶႃႈ​ၸဝ်ႈ​ႁဝ်း​ၶဝ်​တင်း​လၢႆ တင်း​ယိတ်ႈပရေႃးႁဵၵ်ႈ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ လႆႈ​ဢွၼ်​ၵၼ်​ၶၢမ်ႇ​တၢင်း​ဢၼ် ဢဝ်​ဢၢပ်ႈ​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း တၢင်ႇ​သိုင်ႇ​တၢင်ႇ​မိူင်း၊ တၢင်း​ဢၼ်​ဢဝ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း၊ တၢင်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ၊ တၢင်း​ဢၼ်​လႆႈ​ၶၢမ်ႇ​တၢင်း​ဢၼ်​ႁိမ်​ႁူင်ႇ၊ တၢင်း​ဢၼ်​ၼႃႈ​လူႉ​မိူၼ်​ၸိူဝ်ႉ​ၼင်ႇ​ဢၼ်​ပဵၼ်​ဝၼ်း​မိူဝ်ႈ​ၼႆႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">မိူဝ်ႈ​လဵဝ်​ၼႆႉ​ၵႅပ်ႉ​ဢွၼ်ႇ​ၵမ်း​ဢွၼ်ႇ​ၼိုင်ႈ​ၼႆႉ​ၵေႃႈ၊ ၵျေး​ၸူး​ၸဝ်ႈ​ဢၼ် ႁႂ်ႈ​ၶႃႈ​ၸဝ်ႈ​ႁဝ်း​ၶဝ် ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼႆႉ ၵၢင်း​လွတ်ႈ​တင်း​ၽေး​သေ​လႄႈ ပၼ်​တႅမ်​ဢၼ်​တွၵ်ႇ​ၸပ်း​ဝႆႉ ၵႃႈ​တီႈ​ထႃႇၼႃႉ​ဢၼ်​မူတ်း​ၸၢင်ႇ​ၸဝ်ႈ​ၼႆႉ​ၼၼ်ႉ​သေ​လႄႈ ၽြႃး​ပဵၼ်​ၸဝ်ႈ​ႁဝ်း​ၶႃႈ တၵ်း​ႁႂ်ႈ​မၢၵ်ႇ​တႃ​ၶႃႈ​ၸဝ်ႈ​ႁဝ်း​ၶဝ်​လႅင်း​လႄႈ ပၼ်​ဢၶႂၢင်ႉ​ဢၼ်​လႆႈ​သမ်ႉ​ၶိုၼ်း​ထူၺ်ႈ​ၸႂ်​ၵႃႈ​ၼႂ်း​တၢင်း​ဢၼ်​ၶႃႈ​ၸဝ်ႈ​ႁဝ်း​ၶဝ်​ၶၢမ်ႇ​ႁဵတ်း​ၶႃႈ​ယူႇ​ၼၼ်ႉ​ၸိူဝ်း​ၼႆႉ​ၸိုင် ပဵၼ်​ဢွၵ်ႇ​သေ​ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​တီႈ​ၶႃႈ​ယဝ်ႉ။-</verse>
				<verse number="9">ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼႆႉ လႆႈ​ဢွၼ်​ၵၼ်​ၶၢမ်ႇ​ႁဵတ်း​ၶႃႈ​ယူႇ​တီႈ​ၶႃႈ​ဢေႃႈ။ ပိၵ်ႉ​သမ်ႉ​လႆႈ​ၶၢမ်ႇ​ႁဵတ်း​ၶႃႈ​ယူႇ​သေ​ၵေႃႈ၊ ၽြႃး​ပဵၼ်​ၸဝ်ႈ​ႁဝ်း​ၶႃႈ ဢမ်ႇ​ၸုၼ်ႉ​ဢမ်ႇ​ပႅတ်ႈ​လႄႈ ဢဵတ်း​လူ​ပၼ်​ၸႂ်​ၸေႇတၼႃႇ ဢၼ်​ၶႂ်ႈ​ႁဵတ်း​ၵျေး​ၸူး​တီႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ တီႈ​ၶုၼ်​ႁေႃ​ၶမ်း​ ပေႇရသီႉ ႁႂ်ႈ​မၼ်း​ပၼ်​ၶႃႈ​ၸဝ်ႈ​ႁဝ်း​ၶဝ် လႆႈ​သမ်ႉ​ၶိုၼ်း​ထူၺ်ႈ​ၸႂ် ဢိၵ်ႇ​တင်း​ႁႂ်ႈ​လႆႈ​သမ်ႉ​ၶိုၼ်း​ပူၵ်း​ၶိုၼ်း​တင်ႈ​ႁိူၼ်း​ၽြႃး​ပဵၼ်​ၸဝ်ႈ​ႁဝ်း​ၶႃႈ​လႄႈ မႄး​ၵုမ်း​မႄး​ႁဵတ်း​တီႈ​ဢၼ်​ၵိူၼ်ႇ​ပင်း​လူႉ​လႅဝ်​ၼၼ်ႉ ဢိၵ်ႇ​တင်း​ႁႂ်ႈ​လႆႈ​ပၼ်​လမ်း​ဢုတ်ႇ​လမ်း​ႁိၼ် ၵႃႈ​တီႈ​ဝဵင်း​ ယေႇရူႉသလႅမ်ႇ မိူင်း​ ယူႉတႃႉ ပုၼ်ႈ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ယဝ်ႉ။-</verse>
				<verse number="10">မိူဝ်ႈ​လဵဝ်​ၼႆႉ​ၵေႃႈ၊ ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ႁဵတ်း​မႅၼ်ႈ​ၸိူဝ်ႉ​ၼင်ႇ​ၼႆ​ယဝ်ႉ​လႄႈ တၵ်း​လႆႈ​လဝ်ႊ​လၢတ်ႈ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ။ ၶႃႈ​ၸဝ်ႈ​ႁဝ်း​ၶဝ်​ဢွၼ်​ၵၼ်​ၸုၼ်ႉ​ပႅတ်ႈ​ၵႂၢမ်း​ပိင်း​ၺၢပ်ႈ​ၸဝ်ႈ​ႁဝ်း၊-</verse>
				<verse number="11">ဢၼ်​ၸဝ်ႈ​ႁဝ်း​ဢဝ်​ၶႃႈ​ၸဝ်ႈ​ႁဝ်း ပရေႃးၽႅတ်ႈ​တင်း​လၢႆ သင်ႇ​လၢတ်ႈ​ဝႆႉ​လႄႈ​ဝႃႈ၊ မိူင်း​ဢၼ်​သူ​တၵ်း​ၵႂႃႇ​သိမ်း​ဢဝ်​ၼၼ်ႉ ပဵၼ်​မိူင်း​ဢၼ်​ၵူဝ်ႈ​ၵိူၵ်ႇ​လူၺ်ႈ​တၢင်း​ဢၼ်​ဝူၺ်ႇ​ဢၼ်​ႁင်ႈ ၵူၼ်း​ဝၢၼ်ႈ​ၵူၼ်း​မိူင်း​ဢိၵ်ႇ​တင်း လူၺ်ႈ​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​တဵမ်​ဝႆႉ​ၵႃႈ​ၼႂ်း​မိူင်း ၸႃႉ​ၸဵမ်​ၽၢႆႇ​ၼိုင်ႈ​တေႃႇ​ထိုင်​ႁွတ်ႈ​ၽၢႆႇ​ၼိုင်ႈ​လႄႈ ၵူဝ်ႈ​ၵိူၵ်ႇ​ဝႆႉ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ ယႃႇ​ပေ​ဢွၼ်​ၵၼ်​ဢဝ်​လုၵ်ႈ​ယိင်း​သူ​ပၼ်​ၵၼ်​တင်း​လုၵ်ႈ​ၸၢႆး​ၶဝ်။ ယႃႇ​ပေ​ႁႂ်ႈ​လုၵ်ႈ​ယိင်း​ၶဝ်​ႁူမ်ႈ​ပွင်း​ပဵၼ်​ၵူပ်ႉ​ပဵၼ်​ၵူႈ​လူၺ်ႈ​ၵၼ်​တင်း​လုၵ်ႈ​ၸၢႆး​သူ။ ယႃႇ​ပေ​ဢွၼ်​ၵၼ်​လုမ်း​လႃး​ၵတ်း​ယဵၼ်​ၶျၢမ်း​သႃႇ​ၶဝ်​တင်း​ၸေး​ၸိမ်ႇ​ၶဝ်​လႃး​လႃး။ လွင်ႈ​ၼင်ႇ​ႁိုဝ် သူ​တၵ်း​မီး​ဢၶႂၢင်ႉ​ဢၼ်​ႁႅင်း​ယႂ်ႇ​လႄႈ လႆႈ​ၵိၼ်​မၢၵ်ႇ​လိၼ်​ႁူင်း​လိၼ်၊ ဢၶႂၢင်ႉ​ဢၼ်​လႆႈ ႁႂ်ႈ​လိၼ်​ၼၼ်ႉ​ၵိုတ်း​ၵျၢၼ်ႇ​ဝႆႉ​လႄႈ ပဵၼ်​ဢမူၺ်ႇ​ၼိၵ်ႈၸႃႉ တီႈ​လုၵ်ႈ​လၢၼ်​သူ​ၸိုင် ၵမ်​ၵျၢင်ႉ​ၸိူဝ်ႉ​ၼင်ႇ​ၼၼ်​လႄႈ​ယူႇ​တႃႉ၊ ဝႃႈ​ၼင်ႇ​ၼႆ​ၼၼ်ႉ​တီႈ​ၶႃႈ​လူင်​ပႄႇ။-</verse>
				<verse number="13">ပိၵ်ႉ​သမ်ႉ​ၸဝ်ႈ​ႁဝ်း​ဢၼ်​ဝႃႈ ၽြႃး​ပဵၼ်​ၸဝ်ႈ​ႁဝ်း​ၶႃႈ ပၼ်​တၢမ်ႇ​ဢၼ်​လဵၵ်ႉ​ဢၼ်​ဢွၼ်ႇ​သေ​တၢင်း​ဢၼ်​ၵိုင်ႇ​တၢၼ်ႇ​ၵၼ်​တင်း တၢင်း​ဢၼ်​ဢပႅတ်ႈ​ၶႃႈ​ၸဝ်ႈ​ႁဝ်း​ၶဝ် ထိူၵ်ႈ​ၶၢမ်ႇ​ၼၼ်ႉ​လႄႈ ပၼ်​ပဵၼ်​မုၵ်ႉ​ဢွၼ်ႇ​ၸိူဝ်း​ဢွၼ်ႇ ၵိုတ်း​ၵျၢၼ်ႇ​ဝႆႉ​ထၢၼ်ႇ​ၼႆႉ​ၵူၺ်း​သေ​ၵေႃႈ၊ ၶႃႈ​ၸဝ်ႈ​ႁဝ်း​ၶဝ်​လႆႈ​ၶၢမ်ႇ ၵႃႈ​ဢၼ်​တူၵ်း​ႁွတ်ႈ​ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ် ၵွပ်ႈ​ပိူဝ်ႈ​တၢင်း​ဢၼ်​ၶႃႈ​ၸဝ်ႈ​ႁဝ်း​ၶဝ် ၵမ်​ၵျၢင်ႉ​ဢၼ်​ႁၢႆႉ​ဢၼ်​မိူၵ်ႈ၊ ဢိၵ်ႇ​တင်း ဢပႅတ်ႈ​တၢင်း​ဢၼ်​ပူၼ်ႉ​လိူဝ် ဢၼ်​ယႂ်ႇ​ၼႃႇ​ၼၼ်ႉ​ယဝ်ႉ​လႄႈ၊-</verse>
				<verse number="14">ပေႃး​ၶႃႈ​ၸဝ်ႈ​ႁဝ်း​ၶဝ်​သမ်ႉ​ၶိုၼ်း​ပူၼ်ႉ​လိူဝ်​ပိင်း​ၺၢပ်ႈ​တြႃး​ၸဝ်ႈ​ထႅင်ႈ​လႄႈ ႁူမ်ႈ​ပွင်း​လူၺ်ႈ​ၵၼ်​တင်း ၵူၼ်း​မဵဝ်း​ဢၼ်​ၸၢင်ႈ​ႁဵတ်း​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ၸိူဝ်း​ၼႆႉ​ၸိုင် တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း တၵ်း​ဢွၵ်ႇ​လႄႈ​ယႃႉ​ၽဵဝ်ႈ​ၶႃႈ​ၸဝ်ႈ​ႁဝ်း​ၶဝ်​ပႅတ်ႈ တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​ႁႂ်ႈ​သေ​ၵေႃႉ​သေ​ၵူၼ်း လႆႈ​ၵိုတ်း​လႆႈ​ၵျၢၼ်ႇ လႆႈ​ၵၢင်း​လႆႈ​လွတ်ႈ၊ ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="15">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​တီႈ​ၶႃႈ၊ ၸဝ်ႈ​ႁဝ်း​သိုဝ်ႈ​တေႃႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၶဝ် ပဵၼ်​ၵေႃႉ​ဢၼ်​ၵိုတ်း​ဢၼ်​ၵျၢၼ်ႇ​လႄႈ လွတ်ႈ​ဝႆႉ​မိူၼ်​ၸိူဝ်ႉ​ၼင်ႇ​ဢၼ်​ပဵၼ်​ဝၼ်း​မိူဝ်ႈ​ၼႆႉ​တီႈ​ၶႃႈ​ဢေႃႈ။ တူၺ်း​တီႈ​ၶႃႈ​လူး။ ၶႃႈ​ၸဝ်ႈ​ႁဝ်း​ၶဝ် ပႃး​တင်း​ဢပႅတ်ႈ​တူဝ်​ၸဝ်ႈ​ၵဝ်ႇ​တင်း​လၢႆ​သေ​လႄႈ မီး​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၵွပ်ႈ​ပိူဝ်ႈ​ဢပႅတ်ႈ​ၸိူဝ်း​ၼၼ်ႉ​လႄႈ ၽူႈ​လႂ်​ဢမ်ႇ​လႆႈ​ၼႃႈ​တႃ​လီ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵေႃႉ​သေ​ၵူၼ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="10">
				<verse number="1">ၼႂ်း​မိူဝ်ႈ​ဢၼ်​ ဢေးၸရႃႉ ​ၼၼ်ႉ​ၼမ်ႉ​တႃ​တူၵ်း​ယူႇ ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​ႁိူၼ်း​ၸဝ်ႈ​ယူႇ​သေ​လႄႈ တွင်း​ပၢၼ်ႇ​လႄႈ​ႁဵတ်း​ပထၼႃႇ​ၼၼ်ႉ​ၸိုင် ပရဵၵ်ႈသၢတ်ႈ​ဢၼ်​ၼမ်​ၼႃႇ​လူင်​လၢင်၊ ၵူၼ်း​ၸၢႆး၊ ၵူၼ်း​ယိင်း၊ လုၵ်ႈ​ဢွၼ်ႇ​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ၸူႉ​ၵၼ်​တုမ်​ၵၼ် ၵႃႈ​တီႈ​မၼ်း​လႄႈ ၵူၼ်း​တင်း​လၢႆ​ဢွၼ်​ၵၼ်​ႁႆႈ​ႁွင်ႉ​ၼႃႇ​လူင်​လၢင်​ဢေႃႈ။-</verse>
				<verse number="2">သေႇၶၼီႉ လုၵ်ႈ​ၸၢႆး​ ယေႇႁေႇလႃႉ မဵဝ်း​ ဢေႇလမ်ႇ ​ၼၼ်ႉ ၶိုၼ်း​လၢတ်ႈ​တီႈ​ ဢေးၸရႃႉ ​လႄႈ​ဝႃႈ၊ ႁဝ်း​ၼႆႉ​ဢွၼ်​ၵၼ်​ၽိတ်း​ပိူင်ႈ​ၽြႃး​ပဵၼ်​ၸဝ်ႈ​ႁဝ်း​လႄႈ ႁူမ်ႈ​ပွင်း​လူၺ်ႈ​ၵၼ်​တင်း​မႄႈ​ယိင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ယူႇ​ၵႃႈ​တီႈ​မိူင်း​ၼႆႉ​ၸိူဝ်း​ၼၼ်ႉ​ယဝ်ႉ။ ၼႂ်း​ဝႃႈ​ၼၼ်​သေ​ၵေႃႈ ၼႂ်း​ဢမူႉ​ၼႆႉ တီႈ​ဢၼ်​မဵဝ်း​ ဢီႉသရေႇလႃႉ လီ​မုင်ႈ​မွင်း​ၼၼ်ႉ​ယင်း​မီး​ယူႇ​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ ဢွၼ်​ၵၼ်​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း ၽြႃး​ပဵၼ်​ၸဝ်ႈ​ႁဝ်း လူၺ်ႈ​လွင်ႈ​ဢၼ်​ႁဝ်း​တၵ်း​ၸုၼ်ႉ​ပႅတ်ႈ​မႄႈ​ယိင်း​ၸိူဝ်း​ၼၼ်ႉ​တင်း​သဵင်ႈ​တင်း​လူင် ဢိၵ်ႇ​တင်း​လုၵ်ႈ​ၶဝ်​လၢၼ်​ၶဝ်​ၸိူဝ်း​ၼၼ်ႉ ၸွမ်း​ၵႃႈ​ဢၼ်​ၸဝ်ႈ​ႁဝ်း တင်း​ၶဝ်​ၸိူဝ်း​ဢၼ်​ၵူဝ်​ႁႄ​ပိင်း​ၺၢပ်ႈ​ၽြႃး​ပဵၼ်​ၸဝ်ႈ​ႁဝ်း​ထၼ်ႈ​ပေႃး​သၼ်ႇ​ပေႃး​ဝႆ​ၸိူဝ်း​ၼၼ်ႉ ပၼ်​သတီႉ​ၼၼ်ႉ​တႃႉ​ႁဝ်း။ ဢွၼ်​ၵၼ်​ၸီႇ​ယၢင်ႇ​ဢမူႉ​ၼႆႉ ၸွမ်း​ၵႃႈ​ၼင်ႇ​ဢၼ်​တြႃး​မီး​ၼၼ်ႉ​တႃႉ​ႁဝ်း။-</verse>
				<verse number="4">လုၵ်ႉ​သေ​ၵမ်း​ၶႃႈ။ ဢမူႉ​ၼႆႉ​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ႁဝ်း​လႄႈ ႁဝ်း​ၶႃႈ​ၵေႃႈ ဢွၼ်​ၵၼ်​မီး​ယူႇ​ၽၢႆႇ​ၸဝ်ႈ​ႁဝ်း​ၶႃႈ​ဢေႃႈ။ မီး​ၸႂ်​ဢၼ်​ႁတ်း​ႁၢၼ်​သေ​လႄႈ ႁဵတ်း​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="5">ဢေးၸရႃႉ ​လုၵ်ႉ​လႄႈ ႁႂ်ႈ​ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ၼႂ်း​ယိတ်ႈပရေႃးႁဵၵ်ႈ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​တင်း​လၢႆ တင်း​ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ ၵိၼ်ႇ​ဝႃႈ​လူၺ်ႈ​လွင်ႈ​ဢၼ်​ၶဝ်​တၵ်း​လႆႈ​ႁဵတ်း​ၸွမ်း​ၵႃႈ​ၼင်ႇ​ၵႂၢမ်း​ၼၼ်ႉ​လႄႈ ၶဝ်​ၼၼ်ႉ​ၵေႃႈ​ဢွၼ်​ၵၼ်​ၵိၼ်ႇ​ဝႃႈ​ဢေႃႈ။</verse>
				<verse number="6">မိူဝ်ႈ​ၼၼ်ႉ​ ဢေးၸရႃႉ ​လုၵ်ႉ​သေ​ၵႃႈ​တီႈ​ၽၢႆႇ​ၼႃႈ​ႁိူၼ်း​ၽြႃး​ပဵၼ်​ၸဝ်ႈ​လႄႈ ၶဝ်ႈ​ၵႂႃႇ​ၵႃႈ​ၼႂ်း​လုၵ်း​ ယေႃးႁၼၼ်ႇ လုၵ်ႈ​ၸၢႆး​ ဢေးလျႃႇသိပ်ႉ ​ၼၼ်ႉ​သေ​လႄႈ ႁွတ်ႈ​ထိုင်​သေ​ယဝ်ႉ၊ ယင်း​ဢမ်ႇ​ၵိၼ်​ၶဝ်ႈ​မုၼ်း၊ ယင်း​ဢမ်ႇ​ၵိၼ်​ၼမ်ႉ​လႄႈ​ယူႇ​ဢေႃႈ။ လွင်ႈ​မၼ်း​ၸမ်ႉ မၼ်း​ၶၢင်း​ၶီ​ၶၢင်း​ၽၢၼ်​ပွင်ႉ​မိူၼ်ႇ ၵွပ်ႈ​ပိူဝ်ႈ​ဢပႅတ်ႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​လႄႈ​ယူႇ​ဢေႃႈ။-</verse>
				<verse number="7">ၶဝ်​ဢွၼ်​ၵၼ်​ပၢဝ်ႇ​သေႃႇ​ၵႃႈ​ၼႂ်း​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ တင်း​ႁူတ်ႈ ႁႂ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ ၸူႉ​ၵၼ်​တုမ်​ၵၼ် ၵႃႈ​တီႈ​ဝဵင်း​ ယေႇရူႉသလႅမ်ႇ ၊-</verse>
				<verse number="8">ဢိၵ်ႇ​တင်း​ႁႂ်ႈ​ၶဝ်​ၸိူဝ်း​ဢၼ်​ဢမ်ႇ​မႃး​ႁွတ်ႈ​မႃး​ထိုင်​သၢမ်​ဝၼ်း ၸွမ်း​ၵႃႈ​ၼင်ႇ​ဢၼ်​ၶုၼ်​တင်း​လၢႆ တင်း​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼၼ်ႉ ၸီႇ​ယၢင်ႇ​ၼၼ်ႉ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ဢုၵ်ႉ​ၸႃႇ​ၶဝ်​ၵႃႈ​မီး​ပဵၼ်​ဢၼ်​ထုၵ်ႇ​ၵိၼ်ႇ​ထုၵ်ႇ​ဝႃႈ​လႄႈ တူဝ်​ၶဝ်​လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႅတ်ႈ​သေ​ၵႃႈ​ၼႂ်း​ပရဵၵ်ႈသၢတ်ႈ ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​ဢေႃႈ။</verse>
				<verse number="9">မိူဝ်ႈ​ၼၼ်ႉ​ၵူၼ်း​ၸၢႆး​မဵဝ်း​ ယူႉတႃႉ တင်း​မဵဝ်း​ ပိၼ်ႇယႃႇမိၼ်ႇ တင်း​သဵင်ႈ​တင်း​လူင်​ၼၼ်ႉ ၼႂ်း​သၢမ်​ဝၼ်း​ၵူၺ်း ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ၼႂ်း​လိူၼ်​ၼဝမႃႉ သၢဝ်း​ဝၼ်း​ၼၼ်ႉ ၵူၼ်း​တင်း​သဵင်ႈ​တင်း​လူင်​ၼၼ်ႉ​သၼ်ႇ​သၼ်ႇ​ဝႆ​ဝႆ ၵွပ်ႈ​ပိူဝ်ႈ​ဢမူႉ​ၼၼ်ႉ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ် ၽူၼ်​တူၵ်း​ၽူၼ်​သိင်း​ၼႃႇ​လူင်​လၢင်​ၼၼ်ႉ​လႄႈ ဢွၼ်​ၵၼ်​ၼင်ႈ​ယူႇ​ၵႃႈ​တီႈ​ၼႂ်း​ၵၢင်​ပၢင်ႇ ၵႃႈ​တီႈ​ၼႃႈ​ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="10">မိူဝ်ႈ​ၼၼ်ႉ​ယိတ်ႈပရေႃးႁဵၵ်ႈ​ ဢေးၸရႃႉ လုၵ်ႉ​လႄႈ​လၢတ်ႈ​တီႈ​ၶဝ်​လႄႈ​ဝႃႈ၊ သူ​ၼႆႉ​ၽိတ်း​ပိူင်ႈ​ယဝ်ႉ။ သူ​ဢွၼ်​ၵၼ်​ႁူမ်ႈ​ပွင်း​လူၺ်ႈ​ၵၼ်​တင်း​မႄႈ​ယိင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ႁႂ်ႈ​ဢပႅတ်ႈ​မဵဝ်း​ ဢီႉသရေႇလႃႉ ​လႆႈ​ယႂ်ႇ​ၽႄႈ​တူဝ်း​တွၼ်း​မႃး​ယဝ်ႉ​လူင်​ပႄႇ။-</verse>
				<verse number="11">ပိူဝ်ႈ​ၼႆ​လႄႈ​ဢွၼ်​ၵၼ်​တွင်း​ပၢၼ်ႇ​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူႇ​သူ​မွၼ်ႇ​သူ​တႃႉ။ ဢွၼ်​ၵၼ်​ႁဵတ်း​ၸွမ်း​ဢလူဝ်ႇ မၼ်း​ၸဝ်ႈ​ယူႇ​သေ​လႄႈ ၽၢတ်ႇ​ယၢၼ်​ၵၼ်​တင်း​ၵူၼ်း​မိူင်း​ၼႆႉ ဢိၵ်ႇ​တင်း​မႄႈ​ယိင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၸိူဝ်း​ၼၼ်ႉ​သေ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၵေႃႈ ဢွၼ်​ၵၼ်​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​လူင်​လၢင်​သေ​လႄႈ ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၶႃႈ​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​မီး​ဢမိင်ႉ​ၼၼ်ႉ​ၶႃႈ​ဢေႃႈ။-</verse>
				<verse number="13">ၵူၺ်း​ၵႃႈ ၵူၼ်း​ၼမ်​ၼႃႇ​ၶႃႈ​ဢေႃႈ။ ပဵၼ်​ၶိင်ႇ​ဢၼ်​ၽူၼ်​တူၵ်း​ၽူၼ်​သိင်း​ၼႃႇ​လူင်​လၢင်​လႄႈ ႁဝ်း​ၶႃႈ​ဢမ်ႇ​ၸုၵ်း​ဢမ်ႇ​ယူႇ​ၵႃႈ​တီႈ​ၼွၵ်ႈ​ႁိူၼ်း​လႆႈ​ၶႃႈ။ ဢမူႉ​ၼႆႉ​ပဵၼ်​ဢမူႉ​ဢၼ်​ယဝ်ႉ​တူဝ်ႈ​ၼႂ်း​ဝၼ်း​ၼိုင်ႈ သွင်​ဝၼ်း​ၵူၺ်း​လႆႈ​ဢမ်ႇ​ၸႂ်ႈ​ၶႃႈ။ ႁဝ်း​ၶႃႈ​ၽိတ်း​ပိူင်ႈ​ၼႃႇ​လူင်​လၢင်​ၶႃႈ​ယဝ်ႉ။-</verse>
				<verse number="14">ႁႂ်ႈ​ၶုၼ်​ႁဝ်း​ၶႃႈ​တင်း​လၢႆ ၸုၵ်း​ယူႇ​ပုၼ်ႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင်​လႄႈ ႁႂ်ႈ​ၶဝ်​ၵႃႈ​ဢၼ်​ႁူမ်ႈ​ပွင်း​လူၺ်ႈ​ၵၼ်​တင်း​မႄႈ​ယိင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​မီး​ၵႃႈ​ၼႂ်း​ဝၢၼ်ႈ​ဝဵင်း​ႁဝ်း​ၶႃႈ​ၸိူဝ်း​ၼၼ်ႉ ၸွမ်း​ႁူမ်ႈ​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ် ဢိၵ်ႇ​တင်း​ၵူၼ်း​ယႂ်ႇ​ၵူၼ်း​လူင်​တြႃး​ဝဵင်း​ႁင်း​ၽႂ်​ႁင်း​မၼ်း​ၼၼ်ႉ ဢွၼ်​ၵၼ်​မႃး​ၼႂ်း​ၶိင်ႇ​ဢၼ်​မၵ်း​ၶိၼ်း​ဝႆႉ​ၼၼ်ႉ​လႄႈ ၽေႇ​တၢင်း​ၸႂ်​မႆႈ​ၶႆႈ​ၸႃႉ​ၽြႃး​ပဵၼ်​ၸဝ်ႈ​ႁဝ်း​ၶႃႈ​ဢၼ်​ဢွၵ်ႇ ၵွပ်ႈ​ပိူဝ်ႈ​ဢမူႉ​ၼႆႉ​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ယေႃးၼသၼ်ႇ ​လုၵ်ႈ​ၸၢႆး​ ဢႃႇသႃႇႁေးလႃႉ ဢိၵ်ႇ​တင်း​ ယႁႃႇၸီႉ လုၵ်ႈ​ၸၢႆး​ တီႉၵဝႃႉ ​ၼၼ်ႉ​ၵူၺ်း ဢွၼ်​ၵၼ်​ၸုၵ်း​ယူႇ​ၽၢႆႇ​ၼိုင်ႈ​တင်း​ဢမူႉ​ၼၼ်ႉ​ဢေႃႈ။ မေႇသူႉလမ်ႇ ဢိၵ်ႇ​တင်း​ သပ်ႉပႃႉသေး ၵူၼ်း​မဵဝ်း​ လေႇဝီႉ ​ၼၼ်ႉ ၽွမ်ႉ​ႁူမ်ႈ​ၸွႆႈ​ထႅမ်​သွင်​ၶႃ​ၼၼ်ႉ​ဢေႃႈ။-</verse>
				<verse number="16">ၵႃႈ​ၼင်ႇ​ဢၼ်​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ႁပ်ႉ​တုင်း​ဢဝ်​ၼၼ်ႉ၊ ယိတ်ႈပရေႃးႁဵၵ်ႈ​ ဢေးၸရႃႉ ဢိၵ်ႇ​တင်း ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ၼႂ်း​မဵဝ်း​ပူႇ​မဵဝ်း​ပေႃႈ​ၶဝ် ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ၶဝ် ဢၼ်​လႆႈ​ၶၢမ်ႇ​တၢင်း​ဢၼ်​မၢတ်ႈ​မၢႆ​ၸိုဝ်ႈ​သဵင်​ၶဝ်​ၵႃႈ​မီး​ၼၼ်ႉ လႆႈ​ၶၢမ်ႇ​တၢင်း​ဢၼ်​ၽႄ​ဢွၵ်ႇ​ဝႆႉ​လႄႈ ၼႂ်း​လိူၼ်​တႃႉသမႃႉ ဝၼ်း​ၼိုင်ႈ​ၼၼ်ႉ၊ ဢွၼ်​ၵၼ်​ၼင်ႈ ႁႂ်ႈ​လႆႈ​ၸႅတ်ႈ​ထၢမ်​ၸႅတ်ႈ​တူၺ်း​ဢမူႉ​ၼၼ်ႉ​ဢေႃႈ။-</verse>
				<verse number="17">ၶဝ်​ဢွၼ်​ၵၼ်​ၵွႆ​ဢမူႉ ၶဝ်​ၸိူဝ်း​ဢၼ်​ႁူမ်ႈ​ပွင်း​ပဵၼ်​ၵူပ်ႉ​ပဵၼ်​ၵူႈ လူၺ်ႈ​ၵၼ်​တင်း​မႄႈ​ယိင်း​ၵူၼ်း​တၢင်ႇ​ၸိူဝ်ႉ​တင်း​မဵဝ်း​ၵႃႈ​မီး​ၼၼ်ႉ ၼႂ်း​လိူၼ်​ပထမႃႉ ဝၼ်း​ၼိုင်ႈ​ၼၼ်ႉ​ဢေႃႈ။</verse>
				<verse number="18">ၵူၼ်း​မဵဝ်း​ယိတ်ႈပရေႃးႁဵၵ်ႈ​ဢၼ်​ႁူမ်ႈ​ပွင်း​ပဵၼ်​ၵူပ်ႉ​ပဵၼ်​ၵူႈ လူၺ်ႈ​ၵၼ်​တင်း​မႄႈ​ယိင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၸမ်ႉ၊ ပဵၼ်​လုၵ်ႈ​ၸၢႆး​ ယေႃးၸတၵ်ႉ ​မဵဝ်း​ ယေႃးသူႉ ဢိၵ်ႇ​တင်း​ၼွင်ႉ​ၸၢႆး​မၼ်း​ မႃႇသေႇယႃႉ၊ ဢေးလျႃႇၸႃႇ၊ ယႃႇရိပ်ႉ၊ ၵေႇတလီႉ ​ဢေႃႈ။-</verse>
				<verse number="19">ၶဝ်​ၼၼ်ႉ ဢွၼ်​ၵၼ်​ယိုၼ်ႈ​မိုဝ်း​ပၼ်​ဝႆႉ​ၵတီႉ လွင်ႈ​ဢၼ်​ၶဝ်​တၵ်း​ပႅတ်ႈ​မေး​ၶဝ်​ၼၼ်ႉ​သေ​လႄႈ ဢဝ်​သူဝ်း​ပေႃႈ​ပုၵ်ႈ​ၸေႃႇ​ပုၼ်ႈ​ဢပႅတ်ႈ​ၶဝ် ၵွပ်ႈ​ပိူဝ်ႈ​ဢၼ်​ၶဝ်​ႁဵတ်း​ဢပႅတ်ႈ​မႅၼ်ႈ​ၼၼ်ႉ​ဢေႃႈ။-</verse>
				<verse number="20">ၼွၵ်ႈ​သေ​ၼၼ်ႉ ႁႃႇၼၼီႉ တင်း​ ၸေႇပတီႉ ​မဵဝ်း​ ဢီႉမေႇရႃႉ ၊-</verse>
				<verse number="21">မႃႇသေႇယႃႉ၊ ဢေးလီႉယႃႉ၊ သေႇမႃႇယႃႉ၊ ယေႇႁေႇလႃႉ၊ ဢေႃးၸီႉ ၊ မဵဝ်း​ ႁႃႇရိမ်း ၊-</verse>
				<verse number="22">ဢေးလီႉဢေႃးၼေႇ၊ မေႇသေႇယႃႉ၊ ဢီႉသမေႇလႃႉ၊ ၼႃႇသၼေႇလႃႉ၊ ယေႃးၸပတ်ႉ၊ ဢေးလႃႇသႃႉ မဵဝ်း​ ပႃႇသူႉရႃႉ ၊-</verse>
				<verse number="23">ယေႃးၸပတ်ႉ၊ သီႉမီႉ၊ ၵေႇလႃႇယႃႉ ဢၼ်​ဝႃႈ​ ၵေႇလီႉတႃႉ၊ ပေႇသႁီႉ၊ ယူႉတႃႉ၊ ဢေးလျႃႇၸႃႇ ၵူၼ်း​မဵဝ်း​ လေႇဝီႉ ၊-</verse>
				<verse number="24">ဢေးလျႃႇသိပ်ႉ ဢၼ်​ပဵၼ်​မေႃ​ႁဵတ်း​ၵႂၢမ်း တင်း​ သႃႇလုမ်ႇ၊ တေႇလိမ်ႇ၊ ဢူႉရီႉ ဢၼ်​ပဵၼ်​ၵူၼ်း​ပႂ်ႉ​ၽၵ်း​တူ၊-</verse>
				<verse number="25">ရႃႇမီႉ၊ ယေႇၸီႉ၊ မႃႇလၶီႉ၊ မျႃႇမိၼ်ႇ၊ ဢေးလျႃႇၸႃႇ၊ မႃႇလၵီႉယႃႉ၊ ပေႇၼႃႇယႃႉ မဵဝ်း​ ပႃႇရုတ်ႉ ၼႂ်း​မဵဝ်း​ ဢီႉသရေႇလႃႉ ၊-</verse>
				<verse number="26">မတ်ႉတၼီႉ၊ ၸႃႇၶရီႉ၊ ယေႇႁေႇလႃႉ၊ ဢႃႇပတီႉ၊ ယေႇရမုတ်ႉ၊ ဢေးလျႃႇ မဵဝ်း​ ဢေႇလမ်ႇ ၊-</verse>
				<verse number="27">ဢေးလီႉဢေႃးၼေႇ၊ ဢေးလျႃႇသိပ်ႉ၊ မတ်ႉတၼီႉ၊ ယေႇရမုတ်ႉ၊ ၸႃႇပတ်ႉ၊ ဢၸီႉၸႃႉ မဵဝ်း​ ၸတ်ႉတူႉ ၊-</verse>
				<verse number="28">ယေႃးႁၼၼ်ႇ၊ ႁႃႇၼၼီႉ၊ ၸပ်ႉပေႇ၊ ဢႃႇသလေႇ မဵဝ်း​ ပေႇပေႇ ၊-</verse>
				<verse number="29">မေႇသူႉလမ်ႇ၊ မႃႇလုတ်ႉ၊ ဢတႃႇယႃႉ၊ ယႃႇသုပ်ႉ၊ သႃႇလႃႉ၊ ရႃႇမုတ်ႉ မဵဝ်း​ ပႃႇၼီႇ ၊-</verse>
				<verse number="30">ဢႃႇတၼႃႉ၊ ၶေႇလႃႇယႃႉ၊ ပေႇၼႃႇယႃႉ၊ မႃႇသေႇယႃႉ၊ မတ်ႉတၼီႉ၊ ပေႇၸလေႇလႃႉ၊ ပီႉၼုၺ်ႇ၊ မၼႃႇ​သေႇ မဵဝ်း​ ပႃႇႁတ်ႉမေႃႇၽႃႉ ၊-</verse>
				<verse number="31">ဢေးလႃႇၸႃႇ၊ ဢီႉသီႉယႃႉ၊ မႃႇလၶီႉ၊ သေႇမႃႇယႃႉ၊ သီႉမွင်ႇ ၊-</verse>
				<verse number="32">ပိၼ်ႇယႃႇမိၼ်ႇ၊ မႃႇလုတ်ႉ၊ သေႇမရီႉ မဵဝ်း​ ႁႃႇရိမ်း ၊-</verse>
				<verse number="33">မတ်ႉတၼေႇ၊ မတ်ႉတထႃႉ၊ ၸႃႇပတ်ႉ၊ ဢေးလီႉၽလႅတ်ႉ၊ ယေႇရမေႇ၊ မၼႃႇ​သေႇ၊ သီႉမီႉ မဵဝ်း​ ႁႃႇသုမ်ႇ ၊-</verse>
				<verse number="34">မႃႇတေႇ၊ ဢႃႇမရမ်ႇ၊ ဝေႇလႃႉ ၊-</verse>
				<verse number="35">ပေႇၼႃႇယႃႉ၊ ပေႇတီႉ၊ ၶေႇလူႉႁီႉ ၊-</verse>
				<verse number="36">ဝႃႇၼီႉ၊ မေႇရမုတ်ႉ၊ ဢေးလျႃႇသိပ်ႉ ၊-</verse>
				<verse number="37">မတ်ႉတၼီႉ၊ မတ်ႉတၼေႇ၊ ယႃႇသေႃႇ ၊-</verse>
				<verse number="38">ပႃႇၼီႇ၊ ပီႉၼုၺ်ႇ၊ သီႉမီႉ ၊-</verse>
				<verse number="39">သေႇလမီႉ၊ ၼႃႇသၼ်ႇ၊ ဢတႃႇယႃႉ ၊-</verse>
				<verse number="40">မႃႇၶၼႃႉတေႇပေႇ၊ သႃႇသေႇ၊ သႃႇရေႇ ၊-</verse>
				<verse number="41">ဢႃႇၸရေႇလႃႉ၊ သေႇလမီႉ၊ သေႇမရီႉ ၊-</verse>
				<verse number="42">သႃႇလုမ်ႇ၊ ဢႃႇမရီႉ၊ ယူဝ်းသႅပ်ႈ မဵဝ်း​ ပႃႇၼီႇ ၊-</verse>
				<verse number="43">ယေႇယေႇလႃႉ၊ မတ်ႉတီႉသီႉ၊ ၸႃႇပတ်ႉ၊ ၸေးပီႉၼႃႉ၊ ယႃႇတေႃႇ၊ ယူဝ်းဢေးလႃႉ၊ ပေႇၼႃႇယႃႉ မဵဝ်း​ ၼေႇပေႃႇ ​ဢေႃႈ။-</verse>
				<verse number="44">ၵူၼ်း​တင်း​သဵင်ႈ​တင်း​လူင်​ၸိူဝ်း​ၼႆႉ လႆႈ​ႁူမ်ႈ​ပွင်း​ပဵၼ်​ၵူပ်ႉ​ပဵၼ်​ၵူႈ လူၺ်ႈ​ၵၼ်​တင်း​မႄႈ​ယိင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​လႄႈ မႄႈ​ယိင်း​ၸိူဝ်း​ၼၼ်ႉ​ၵမ်ႈ​ၽွင်ႈ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ဝႆႉ​ယဝ်ႉ။ လိၵ်ႈ​မၢတ်ႈ​လွင်ႈ​ဢေးၸရႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="16">
			<chapter number="1">
				<verse number="1">ၵႂၢမ်း​ဢၼ်​ ၼေႇႁမီႉ လုၵ်ႈ​ၸၢႆး​ ႁႃႇၶလီႉ ဝႃႈ​ၼၼ်ႉ​ၸမ်ႉ၊ ၼႂ်း​ပီႊ​ဢၼ်​ၶုၼ်​လူင်​ ဢႃႇတၸေႇရိတ်ႉ ​ၸၢမ်ႇ​ႁၢင်ႈ​ၸၢမ်ႇ​ႁေႃ​သၢဝ်း​ပီႊ၊ လိူၼ်​ ၶီႉသလူႉ ​ၼၼ်ႉ၊ ၼႂ်း​မိူဝ်ႈ​ဢၼ်​ၵဝ်​ယင်း​တိုၵ်ႉ​မီး​ယူႇ​ၵႃႈ​ၼႂ်း​ သူႉသၼ်ႇ ႁေႃ​ၸဝ်ႈ​ၼၼ်ႉ​ၸိုင်၊-</verse>
				<verse number="2">ၼွင်ႉ​ၸၢႆး​ၵဝ်​ ႁႃႇၼၼီႉ ဢိၵ်ႇ​တင်း ၵူၼ်း​ ယူႉတႃႉ ​ၵမ်ႈ​ၽွင်ႈ​ႁွတ်ႈ​မႃး​လႄႈ၊ ၵဝ်​တွင်ႈ​ထၢမ်​လွင်ႈ​ၵူၼ်း​ ယူႉတႃႉ ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ဢၼ်​လွတ်ႈ​ဢွၵ်ႇ​လႄႈ ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ ဢိၵ်ႇ​တင်း လွင်ႈ​ဝဵင်း​ ယေႇရူႉသလႅမ်ႇ ​ၼၼ်ႉ တီႈ​ၶဝ်​သေ​ယဝ်ႉ၊-</verse>
				<verse number="3">ၶဝ်​ဢွၼ်​ၵၼ်​ၶိုၼ်း​လၢတ်ႈ​တီႈ​ၵဝ်​လႄႈ​ဝႃႈ၊ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ဢၼ်​ယင်း​ၵိုတ်း​ယင်း​ၵျၢၼ်ႇ​လႄႈ ယူႇ​ၵႃႈ​ၼႂ်း​မိူင်း​ၼၼ်ႉ​ၸိူဝ်း​ၼၼ်ႉ လႆႈ​ဢွၼ်​ၵၼ်​ၶၢမ်ႇ​တၢင်း​ဢၼ်​ယၢပ်ႇ​ၸႂ်​ၶၢၼ်​ၸႂ်၊ တၢင်း​ဢၼ်​သႄႉ​သွမ်း​ဢၼ်​ယႂ်ႇ​ၼႃႇ​လူင်​လၢင်​ဢေႃႈ။ လမ်း​ဝဵင်း​ ယေႇရူႉသလႅမ်ႇ ​ၼၼ်ႉ​ၵေႃႈ ၵိူၼ်ႇ​ပင်း​ယူႇ၊ ၽၵ်း​တူ​ဝဵင်း​တင်း​လၢႆ​ၵေႃႈ ၽႆး​မႆႈ​သဵင်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">မိူဝ်ႈ​ဢၼ်​ၵဝ်​ငိၼ်း​ၵႂၢမ်း​ၼၼ်ႉ​ၸိုင်၊ ၵဝ်​ၼင်ႈ​လႄႈ​ႁႆႈ​ႁွင်ႉ​ပွင်ႉ​ၶၢင်း​ယူႇ ၶိင်ႇ​ၵႃႇလႃႉ​ႁိုင်​တၢၼ်ႇ​တၢၼ်ႇ​လႄႈ ၵမ်​တၢင်း​ၵိၼ်​ယူႇ​သေ​လႄႈ သူး​တွင်း​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ်​လႄႈ​ဝႃႈ​ၸမ်ႉ၊-</verse>
				<verse number="5">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ်၊ ၽြႃး​ဢၼ်​ယႂ်ႇ​မျၢတ်ႈ​လႄႈ လီ​ၵူဝ်​လီ​ႁႄ၊ ၽြႃး​ဢၼ်​ပႂ်ႉ​ၸွမ်း​ပတီႉၺိၺ်ႇ ၵရူႉၼႃႇ​ဢၼ်​ႁဵတ်း​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ႁၵ်ႉ​ပႅင်း​ၸဝ်ႈ​ႁဝ်း​လႄႈ​ၵမ်​ၵျၢင်ႉ​ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ​သေ​လႄႈ ႁႂ်ႈ​တႄႇ​ယူႇ​ၼၼ်ႉ​တီႈ​ၶႃႈ၊-</verse>
				<verse number="6">ၶႅၼ်း​တေႃႈ​ႁေႈ​ႁူ​ၸဝ်ႈ​ႁဝ်း​လႄႈ ၽုၺ်ႇ​တႃ​မိုၼ်း​တႃ​ၸဝ်ႈ​ႁဝ်း​ၸူး ႁႂ်ႈ​လႆႈ​ငိၼ်း​ၵႂၢမ်း​ပထၼႃႇ​ၶႃႈ​ၸဝ်ႈ​ႁဝ်း ဢၼ်​ၶႃႈ​ၸဝ်ႈ​သူး​တွင်း​ယူႇ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ၵူႈ​ဝၼ်း​ၵူႈ​ၶိုၼ်း​မိူဝ်ႈ​လဵဝ်​ၼႆႉ ပုၼ်ႈ​ၶႃႈ​ၸဝ်ႈ​ႁဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​လႄႈ ၽုၺ်ႇ​ဢွၵ်ႇ​ၼႄ​ပျႃး တွင်း​ပၢၼ်ႇ​ဢပႅတ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢၼ်​ၶႃႈ​ၸဝ်ႈ​ႁဝ်း​ၶဝ်​လႆႈ​ၽိတ်း​ပိူင်ႈ​ၸဝ်ႈ​ႁဝ်း​မႅၼ်ႈ​ၼၼ်ႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ဢိၵ်ႇ​တင်း​မဵဝ်း​ၸိူဝ်ႉ​ၶိူဝ်း​ပေႃႈ​ၶႃႈ​ၸဝ်ႈ​ႁဝ်း​ၼႆႉ ၽိတ်း​ပိူင်ႈ​တီႈ​ၶႃႈ​ယဝ်ႉ။-</verse>
				<verse number="7">ၶႃႈ​ၸဝ်ႈ​ႁဝ်း​ၶဝ်​ၽိတ်း​ပိူင်ႈ​ၸဝ်ႈ​ႁဝ်း​လႄႈ ႁဵတ်း​မႅၼ်ႈ​လွင်ႈ​တၢင်း​ဢၼ်​ႁၢႆႉ​ယုတ်ႈ​ၼႃႇ​လူင်​လၢင်​ၼၼ်ႉ​လႄႈ ယင်း​ဢမ်ႇ​ပႂ်ႉ ပိင်း​ၺၢပ်ႈ​တြႃး၊ ထုင်း​ၽိင်ႈ​တြႃး၊ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​တင်း​လၢႆ ဢၼ်​ၸဝ်ႈ​ႁဝ်း​သင်ႇ​လၢတ်ႈ​ဝႆႉ​တီႈ​ၶႃႈ​ၸဝ်ႈ​ႁဝ်း မူဝ်းသေႇ ​ၼၼ်ႉ​လႄႈ ယူႇ​တီႈ​ၶႃႈ​ယဝ်ႉ။-</verse>
				<verse number="8">ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵတီႉ​ၸဝ်ႈ​ဢၼ်​ၸဝ်ႈ​ႁဝ်း​ဝႆႉ​တီႈ​ၶႃႈ​ၸဝ်ႈ​ႁဝ်း မူဝ်းသေႇ ​ၼၼ်ႉ​လႄႈ​ဝႃႈ၊ ပေႃး​သူ​ပူၼ်ႉ​လိူဝ်​ၸိုင်၊ ၵဝ်​တၵ်း​ႁႂ်ႈ​သူ​ၽၢတ်ႇ​ၽႄ​ၵၼ်​ၵႂႃႇ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ​ဢေႃႈ။-</verse>
				<verse number="9">ၵူၺ်း​ၵႃႈ ပေႃး​သူ​သမ်ႉ​ၶိုၼ်း​မႃး​တီႈ​ၵဝ်​လႄႈ သမ်ႉ​ၶိုၼ်း​ပႂ်ႉ​ၸွမ်း​ပိင်း​ၺၢပ်ႈ​ၵဝ်​တင်း​လၢႆ ႁႂ်ႈ​လႆႈ​ၵမ်​ၵျၢင်ႉ​ၸိုင်၊ ပိၵ်ႉ​သမ်ႉ​သူ​ဢၼ်​ပဵၼ်​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႅတ်ႈ​ၼၼ်ႉ မီး​ယူႇ​ၵႃႈ​ၼႂ်း​တီႈ​ဢၼ်​ၵႆ​သေ​ပိူၼ်ႈ တႂ်ႈ​ၽႃႉ​ၵၢင်​ႁၢဝ်​ၼၼ်ႉ​သေ​ၵေႃႈ၊ ၵဝ်​တၵ်း​သိမ်း​ဢဝ်​သေ​ၵႃႈ​တီႈ​ၼၼ်ႈ​လႄႈ ဢဝ်​မႃး​ၸူး​ၵႃႈ​တီႈ တီႈ​ဢၼ်​ၵဝ်​လိူၵ်ႈ​ၵဵပ်း​ဢဝ် ပုၼ်ႈ​ဢၼ်​ၼႃႇ​မႃႉ​ၸိုဝ်ႈ​သဵင်​ၵဝ် တၵ်း​တႄႇ​ယူႇ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="10">မိူဝ်ႈ​လဵဝ်​ၼႆႉ​ၸိုင် ၶဝ်​ၸိူဝ်း​ၼႆႉ​ပဵၼ်​ၶႃႈ​ၸဝ်ႈ​ႁဝ်း၊ ၵူၼ်း​ၸဝ်ႈ​ႁဝ်း ဢၼ်​ၸဝ်ႈ​ႁဝ်း​ဢဝ်​တင်း​မႁႃႇ​တၼ်း​ၶူဝ်း​ၸဝ်ႈ​ႁဝ်း ဢိၵ်ႇ​တင်း​မိုဝ်း​ၸဝ်ႈ​ႁဝ်း ဢၼ်​ႁႅင်း​ယႂ်ႇ​ၼႃႇ​ၼၼ်ႉ ၵႄႇ​သႄႇ​ၼုၵ်ႈ​ဢဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဝ်​ႁူ​ၸဝ်ႈ​ႁဝ်း ထွမ်ႇ​ငိၼ်း​ၵႂၢမ်း​ပထၼႃႇ​ဢၼ်​ၶႃႈ​ၸဝ်ႈ​ႁဝ်း​ၼႆႉ​ႁဵတ်း ဢိၵ်ႇ​တင်း​ၵႂၢမ်း​ပထၼႃႇ​ဢၼ်​ၶႃႈ​ၸဝ်ႈ​ႁဝ်း​ၶဝ် ဢၼ်​ၶႂ်ႈ​ရူဝ်ႇ​သေႇ​ၵူဝ်​ယမ် ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၸိူဝ်း​ၼႆႉ ႁဵတ်း​ၼႆႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ပၼ်​တၢင်း​လီ​တီႈ​ၶႃႈ​ၸဝ်ႈ​ႁဝ်း​ၼႆႉ​ဝၼ်း​မိူဝ်ႈ​ၼႆႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဢဵတ်း​လူ​ၸွႆႈ​ထႅမ်​ႁႂ်ႈ​လႆႈ​ၼႃႈ​လႆႈ​တႃ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ၼႆႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ ၵဝ်​လႆႈ​ပဵၼ်​ၵေႃႉ​ဢၼ်​ယိပ်း​ၵွၵ်း​ၶုၼ်​ႁေႃ​ၶမ်း​ယူႇ​ဢေႃႈ။</verse>
			</chapter>
			<chapter number="2">
				<verse number="1">ၼႂ်း​ပီႊ​ဢၼ်​ၶုၼ်​လူင်​ ဢႃႇတၸေႇရိတ်ႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သၢဝ်း​ပီႊ လိူၼ်​ ၼီႉသၼ်ႇ ​ၼၼ်ႉ၊ ၵဝ်​ယိပ်း​ၵမ်​ဢဝ်​ၼမ်ႉ​ၸပိတ်ႈ ဢၼ်​တၢင်ႇ​ဝႆႉ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ၼၼ်ႉ​သေ​လႄႈ​သၢၵ်ႈ​ဢေႃႈ။ မိူဝ်ႈ​ဢွၼ်​တၢင်း​ၼၼ်ႉ ပိူဝ်ႈ​ဢၼ်​ၵဝ်​ဢမ်ႇ​တွၼ်ႉ​ၼႄ​ပျႃး​ၼႃႈ​ဢၼ်​ႁဵဝ်ႇ​ၸွပ်ႈ ၵႃႈ​တီႈ​ၽၢႆႇ​ၼႃႈ​ၸဝ်ႈ​သေ​ပွၵ်ႈ​လႄႈ၊-</verse>
				<verse number="2">ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ မႂ်း​ၼႆႉ​ယူႇ​လီ​ၵိၼ်​ဝၢၼ်​ယူႇ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ၼႃႈ​ႁဵဝ်ႇ​ၸွပ်ႈ​ၼင်ႇ​ႁိုဝ်။ မိူၼ်​ၼင်ႇ​ႁၢင်ႈ​မႂ်း​ၸႂ်​လဵၵ်ႉ​ငိၼ်း​ၽၢၼ်​ထိုင်​ၸႂ်​ယူႇ​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵဝ်​ၵူဝ်​ႁႄ​ၼႃႇ​လူင်​လၢင်​လႄႈ၊-</verse>
				<verse number="3">လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ႁႂ်ႈ​ဢသၢၵ်ႈ​ၸဝ်ႈ​ၶုၼ်​လူင်​လိပ်း​ယူႇ​တႃႇ​သေႇ​သေ​ၵမ်း​လူၺ်ႈ​တီႈ​ၶႃႈ။ ၵွပ်ႈ​ပိူဝ်ႈ​ဢၼ်​ဝဵင်း​တီႈ​ဢၼ် ပႃႇ​ႁဵဝ်ႈ​သၢင်း​ၶႅင်း​ပူႇ​မွၼ်ႇ​ၶႃႈ​ၸဝ်ႈ​ၼႆႉ​ၸိူဝ်း​ၼၼ်ႉ မီး​ၼၼ်ႉ​လူႉ​ယူႇ​ႁၢမ်း​ယူႇ​သေ​လႄႈ ၽၵ်း​တူ​ဝဵင်း​တင်း​လၢႆ​ၵေႃႈ ၽႆး​မႆႈ​ပႅတ်ႈ​ယဝ်ႉ​ၼၼ်ႉ​လႄႈ၊ ၶႃႈ​ၸဝ်ႈ​ႁဝ်း​ၼႆႉ ၼႃႈ​ယင်း​ဢမ်ႇ​ႁဵဝ်ႇ​ၸွပ်ႈ​လႄႈ တၵ်း​ယူႇ​လႆႈ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="4">ၶုၼ်​ႁေႃ​ၶမ်း​တွင်ႈ​ထၢမ်​လႄႈ​ဝႃႈ၊ မႂ်း​ၶႂ်ႈ​လဝ်ႊ​ယွၼ်း​ဢဝ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၵဝ်​သူး​တွင်း​တီႈ​ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ်​သေ​ယဝ်ႉ၊ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ပေႃး​ဢလူဝ်ႇ​ၸဝ်ႈ ၶုၼ်​လူင်​မီး​လႄႈ ၶႃႈ​ၸဝ်ႈ​ၼႆႉ​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ၸိုင်၊ ၶႅၼ်း​တေႃႈ​ပွႆႇ​ၸႂ်ႉ​ၶႃႈ​ၸဝ်ႈ​ႁဝ်း​ၼႆႉ​ၵႂႃႇ​ၵႃႈ​တီႈ​မိူင်း​ ယူႉတႃႉ ၸူး​ၵႃႈ​တီႈ​ဝဵင်း တီႈ​ဢၼ်​ပႃႇ​ႁဵဝ်ႈ​သၢင်း​ၶႅင်း​ပူႇ​မွၼ်ႇ​ၶႃႈ​ၸဝ်ႈ​ၼႆႉ​ၸိူဝ်း​ၼၼ်ႉ​မီး​ၼၼ်ႉ ႁႂ်ႈ​လႆႈ​မႄး​ၵုမ်း​မႄး​ႁဵတ်း​ဝဵင်း​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ၼႂ်း​မိူဝ်ႈ​ဢၼ်​ၼၢင်း​ႁေႃ​ၶမ်း ယင်း​တိုၵ်ႉ​ၼင်ႈ​ယူႇ​ၵႃႈ​တီႈ​ႁိမ်း​မၼ်း​ၸဝ်ႈ​ၼၼ်ႉ​ၸိုင်၊ ၶုၼ်​ႁေႃ​ၶမ်း​မီး​ဢမိင်ႉ​တီႈ​ၵဝ်​လႄႈ​ဝႃႈ၊ ပေႃး​မႂ်း​ၵႂႃႇ​ၸိုင်၊ တၵ်း​ႁိုင်​ၶိင်ႇ​ၵႃႈ​ႁိုဝ်။ တၵ်း​ၶိုၼ်း​မႃး​မိူဝ်ႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​မီး​ဢလူဝ်ႇ​ၶႂ်ႈ​ပွႆႇ​ၸႂ်ႉ​ၵဝ်​လႄႈ၊ ၵဝ်​လႆႈ​မၵ်း​ၶိၼ်း​ဝႆႉ​မိုဝ်ႉ​မၼ်း​ဝၼ်း​မၼ်း​ဢေႃႈ။-</verse>
				<verse number="7">ၵဝ်​သမ်ႉ​လဝ်ႊ​ယွၼ်း​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ပေႃး​ဢလူဝ်ႇ​ၸဝ်ႈ​ၶုၼ်​လူင်​မီး​ၸိုင်၊ ၶႅၼ်း​တေႃႈ​ဢဵတ်း​လူ​ပၼ် လိၵ်ႈ​ဢမိင်ႉ​ၸဝ်ႈ​တီႈ​ၶႃႈ​ၸဝ်ႈ​ႁဝ်း​ၼႆႉ ပုၼ်ႈ​မဵဝ်ႉ​ဝုၼ်ႇ​ဢၼ်​မီး​ၵႃႈ​တီႈ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ၸိူဝ်း​ၼၼ်ႉ ႁႂ်ႈ​ၶဝ်​ဢမ်ႇ​လႆႈ​ႁႄႉ​လႆႈ​ႁၢမ်ႈ​လႄႈ ပွႆႇ​ၸႂ်ႉ​ၶႃႈ​ၸဝ်ႈ​ႁဝ်း​ၵႂႃႇ တေႃႇ​ထိုင်​ႁွတ်ႈ​မိူင်း​ ယူႉတႃႉ ​ပုၼ်ႉ​သေ​ၵမ်း​တီႈ​ၶႃႈ၊-</verse>
				<verse number="8">လိၵ်ႈ​ဢမိင်ႉ​ၸဝ်ႈ​တင်း​ၽိုၼ်​ဢၼ်​ႁႂ်ႈ​ ဢႃႇသပ်ႉ ၵူၼ်း​ပႂ်ႉ​သူၼ်​ဢူးယဵၼ်ႇ​ၸဝ်ႈ​ၼၼ်ႉ ပၼ်​မႆႉ​ၸိင်​ပုၼ်ႈ​ဢၼ်​တၵ်း​ႁဵတ်း​သဝ်​ၽၵ်း​တူ​တိူၵ်ႈ​တီႈ​တိုၵ်း​သိုၵ်း ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ တင်း​ၶိုဝ်ႇ​ၽၵ်း​တူ​ဢိၵ်ႇ​တင်း​ပုၼ်ႈ​လမ်း​ဝဵင်း တင်း​ပုၼ်ႈ​ႁိူၼ်း ဢၼ်​ၶႃႈ​ၸဝ်ႈ​ႁဝ်း​ၼႆႉ​တၵ်း​ယူႇ​ၼၼ်ႉ​ၵေႃႈ ၶႅၼ်း​တေႃႈ​ဢဵတ်း​လူ​ပၼ်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ၊ ၶုၼ်​ႁေႃ​ၶမ်း​ဢဵတ်း​လူ​ပၼ် ၵွပ်ႈ​ပိူဝ်ႈ​ၵျေး​ၸူး​တၼ်း​ၶူဝ်း​မိုဝ်း​ၽြႃး​ပဵၼ်​ၸဝ်ႈ ဢၼ်​မီး​ယူႇ​ၵႃႈ​ၼိူဝ်​ၵဝ်​ၼၼ်ႉ​ဢေႃႈ။</verse>
				<verse number="9">မိူဝ်ႈ​ၼၼ်ႉ​ၵဝ်​ႁွတ်ႈ​ထိုင်​ၵႃႈ​တီႈ​မဵဝ်ႉ​ဝုၼ်ႇ ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ၸိူဝ်း​ၼၼ်ႉ​လႄႈ ဢဝ်​လိၵ်ႈ​ဢမိင်ႉ​ၸဝ်ႈ​ၶုၼ်​ႁေႃ​ၶမ်း ဢွၵ်ႇ​ၼႄ​ပျႃး​တီႈ​ၶဝ်​ၼၼ်ႉ​ဢေႃႈ။ တပ်ႉ​မူး​လႂ် တင်း​ႁူဝ်​ႁၢၼ်​ၶီႇ​မႃႉ​လႂ်​ၵေႃႈ၊ ၶုၼ်​ႁေႃ​ၶမ်း​ပွႆႇ​ၸႂ်ႉ​ၸွမ်း​လူၺ်ႈ​ၵၼ်​တင်း​ၵဝ်​ဢေႃႈ။-</verse>
				<verse number="10">မိူဝ်ႈ​ဢၼ်​ သၼ်ႇပႃးလတ်ႉ ၵူၼ်း​ ႁေႃႇရၼီႉ ဢိၵ်ႇ​တင်း​ တေႃႇၽီႉ ၵေႃႉ​ဢၼ်​ပဵၼ်​ၶႃႈ​လႄႈ ပဵၼ်​ၵူၼ်း​မဵဝ်း​ ဢမ်ႇမုၼ်ႇ ​ၼၼ်ႉ ငိၼ်း​လွင်ႈ​ဢၼ်​ၵူၼ်း​ၵေႃႉ​ၼိုင်ႈ မႃး​ႁႂ်ႈ​လႆႈ​ပွင်​ႁဵတ်း​လုမ်း​လႃး​ဢၵျူဝ်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ၸိုင်၊ သွင်​ၶႃ​ၼၼ်ႉ ၽိတ်း​ၸႂ်​ၸဵပ်း​ၸႂ်​ၼႃႇ​လူင်​လၢင်​ဢေႃႈ။</verse>
				<verse number="11">ၵဝ်​ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ယူႇ​သၢမ်​ဝၼ်း​သေ​ယဝ်ႉ၊-</verse>
				<verse number="12">ၵဝ်​ဢိၵ်ႇ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် ပႃး​တီႈ​ၵဝ်​ၼၼ်ႉ​ၵမ်ႈ​ၽွင်ႈ လုၵ်ႉ​ၶိင်ႇ​ၵၢင်​ၶိုၼ်း​သေ​လႄႈ ယင်း​ဢမ်ႇ​မွၵ်ႇ​ဢမ်ႇ​လၢတ်ႈ​လွင်ႈ​ဢၼ်​ၽြႃး​ပဵၼ်​ၸဝ်ႈ​ၵဝ် သႂၢင်း​သႂ်ႇ​ပၼ်​ၵႃႈ​ၼႂ်း​ႁူဝ်​ၸႂ် ႁႂ်ႈ​လႆႈ​ပွင်​လႆႈ​ႁဵတ်း​ပုၼ်ႈ​ဝဵင်း​ ယေႇရူႉသလႅမ်ႇ ​ၼၼ်ႉ တီႈ​ပိူၼ်ႈ​တၢင်ႇ​ၵေႃႉ​သေ​ၵေႃႉ​သေ​ၵူၼ်း ၼွၵ်ႈ​သေ​မႃႉ​ဢၼ်​ၵဝ်​ၶီႇ​ၼၼ်ႉ ယင်း​ဢမ်ႇ​ပႃး​သေ​တူဝ်​လႄႈ၊-</verse>
				<verse number="13">ၼႂ်း​ၶိင်ႇ​ၵၢင်​ၶိုၼ်း ဢွၵ်ႇ​ၽၵ်း​တူ​ၶူင်ႈ​ႁူၺ်ႈ​လႄႈ ၵႂႃႇ​ၽၢႆႇ​တၢင်း​ၼမ်ႉ​မေႃႇ​ၼၵႃး တေႃႇ​ထိုင်​ႁွတ်ႈ​ၽၵ်း​တူ​ၶီႈ​ဝူဝ်း​သေ​လႄႈ လူ​တူၺ်း​လမ်း​ဝဵင်း​ ယေႇရူႉသလႅမ်ႇ ဢၼ်​ၵိူၼ်ႇ​ပင်း​ယဝ်ႉ​ၼၼ်ႉ​သေ​လႄႈ ၽၵ်း​တူ​မၼ်း​တင်း​လၢႆ​ၵေႃႈ ၽႆး​မႆႈ​ပႅတ်ႈ​ယဝ်ႉ​ၼၼ်ႉ​သေ​ယဝ်ႉ၊-</verse>
				<verse number="14">သမ်ႉ​ပူၼ်ႉ​ၸူး​ၵႃႈ​တီႈ​ၽၵ်း​တူ​ၼမ်ႉ​မေႃႇ​ဢွၵ်ႇ​ႁူး ဢိၵ်ႇ​တင်း​ၼမ်ႉ​ၼွင်​ၶုၼ်​ႁေႃ​ၶမ်း​သေ​လႄႈ ၵွပ်ႈ​ပိူဝ်ႈ​ဢၼ်​ဢမ်ႇ​မီး​တၢင်း​ဢၼ် မႃႉ​ၵႂႃႇ​လႆႈ​ၼၼ်ႉ​လႄႈ၊-</verse>
				<verse number="15">ၼႂ်း​ၶိင်ႇ​ၵၢင်​ၶိုၼ်း​ၼၼ်ႉ သမ်ႉ​တႆႇ​လတ်း​ၵႂႃႇ​ၸွမ်း​ၵႃႈ​တီႈ​ႁိမ်း​ၼမ်ႉ​ႁွင်ႈ​လႄႈ လူ​တူၺ်း​လမ်း​ဝဵင်း​သေ​ယဝ်ႉ၊ သမ်ႉ​ဝၢႆႇ​ၶိုၼ်း​လႄႈ ၶဝ်ႈ​ၽၵ်း​တူ​ၶူင်ႈ​ႁူၺ်ႈ​သေ​လႄႈ ၶိုၼ်း​မႃး​ဢေႃႈ။-</verse>
				<verse number="16">ၶုၼ်​ဢရႃႇသီႉ​တင်း​လၢႆ ဢမ်ႇ​ႁူႉ​လွင်ႈ​ဢၼ်​ၵဝ်​ၵႂႃႇ​ၵႃႈ​တီႈ​လႂ်၊ လွင်ႈ​ဢၼ်​ၵဝ်​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ။ ၵဝ်​ယင်း​ဢမ်ႇ​ပႆႇ​မွၵ်ႇ​ပႆႇ​လၢတ်ႈ​လွင်ႈ​တီႈ​ႁဵင်း​ၼၼ်ႉ တီႈ​ၵူၼ်း​ ယူႉတႃႉ ၊ ယိတ်ႈပရေႃးႁဵၵ်ႈ၊ မူး​မၢတ်ႈ​ၽွင်း​မိူင်း၊ ၶုၼ်​ဢရႃႇသီႉ ဢိၵ်ႇ​တင်း​ၶဝ်​ၸိူဝ်း​ဢၼ်​သၢင်ႈ​ဢၼ်​ႁဵတ်း​ၸိူဝ်း​ၼၼ်ႉ​သေ​ၵေႃႉ​သေ​ၵူၼ်း​လႄႈ​ယူႇ​ဢေႃႈ။</verse>
				<verse number="17">လိုၼ်း​ၼၼ်ႉ ၵဝ်​လၢတ်ႈ​တီႈ​ၶဝ်​လႄႈ​ဝႃႈ၊ သူ​လႆႈ​ႁူႉ​လႆႈ​ႁၼ် လွင်ႈ​ဢၼ်​ႁဝ်း​လႆႈ​ၶၢမ်ႇ​တုၵ်ႉ​ၶႃႉ​တၢင်း​ဢၼ်​ၶၢၼ်​ၸႂ်၊ လွင်ႈ​ဢၼ်​ဝဵင်း​ ယေႇရူႉသလႅမ်ႇ လူႉ​ယူႇ​ႁၢမ်း​ယူႇ၊ လွင်ႈ​ဢၼ်​ၽၵ်း​တူ​ဝဵင်း​တင်း​လၢႆ ၽႆး​မႆႈ​ပႅတ်ႈ​ယဝ်ႉ​ၼၼ်ႉ​ယူႇ​ဢေႃႈ။ မႃး​မႃး​ဢိူၺ်း၊ ဢွၼ်​ၵၼ်​မႄး​တႄႇ​မႄး​ႁဵတ်း​ဝဵင်း​ ယေႇရူႉသလႅမ်ႇ ႁႂ်ႈ​ႁဝ်း​ၵၢင်း​လွတ်ႈ​တင်း​တၢင်း​ဢၼ်​သႄႉ​သွမ်း​တႃႉ​ႁဝ်း၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="18">ၽုၺ်ႇ​လၢတ်ႈ​ပၼ်​ငိၼ်း လွင်ႈ​ဢၼ်​ၵျေး​ၸူး​မိုဝ်း​ၽြႃး​ပဵၼ်​ၸဝ်ႈ​ၵဝ် ႁဵတ်း​ဢၼ်​လီ​ဢၼ်​ငၢမ်း​တီႈ​ၵဝ် ဢိၵ်ႇ​တင်း​လွင်ႈ​ၵႂၢမ်း​ဢၼ်​ၶုၼ်​ႁေႃ​ၶမ်း မီး​ဢမိင်ႉ​တီႈ​ၵဝ်​ၼၼ်ႉ​တီႈ​ၶဝ်​လႄႈ၊ ၶဝ်​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ဢွၼ်​ၵၼ်​လုၵ်ႉ​လႄႈ မႄး​တႄႇ​မႄး​ႁဵတ်း​တႃႉ​ႁဝ်း၊ ဝႃႈ​ၼင်ႇ​ၼႆ​သေ​လႄႈ ၵေႃႉ​ၼိုင်ႈ​တိုၵ်း​ယူင်း​ၸူဝ်း​ဢဝ်​ၵေႃႉ​ၼိုင်ႈ ႁႂ်ႈ​ဢမူႉ​ဢၼ်​လီ​ဢၼ်​ငၢမ်း​ၼၼ်ႉ လႆႈ​ယဝ်ႉ​လႆႈ​တူဝ်ႈ​ဢေႃႈ။-</verse>
				<verse number="19">မိူဝ်ႈ​ဢၼ်​ သၼ်ႇပႃးလတ်ႉ ၵူၼ်း​ ႁေႃႇရၼီႉ၊ တေႃႇၽီႉ ၵေႃႉ​ဢၼ်​ပဵၼ်​ၶႃႈ​လႄႈ ပဵၼ်​ၵူၼ်း​ ဢမ်ႇမုၼ်ႇ တင်း​ ၵေႇသိမ်ႇ ၵူၼ်း​ ဢရေႇပျႃႉ ​ၸိူဝ်း​ၼၼ်ႉ ငိၼ်း​လွင်ႈ​မၼ်း​ၼၼ်ႉ​ၸိုင်၊ ၶဝ်​ဢွၼ်​ၵၼ်​ႁဵတ်း​ပျၢၵ်ႈ​ၶူဝ်​လႄႈ ႁဵတ်း​ဢမ်ႇ​ၼပ်ႉ​ဢမ်ႇ​ၶၢၼ်း​တီႈ​ႁဝ်း​သေ​လႄႈ​ဝႃႈ၊ သူ​တၵ်း​ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ႁိုဝ်။ သူ​တၵ်း​ပုင်ႇ​ၵၢၼ်ႇ​ၶုၼ်​ႁေႃ​ၶမ်း​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၵဝ်​ၵေႃႈ​ၶိုၼ်း​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ်​ၼၼ်ႉ တၵ်း​ပၼ်​ဢၶႂၢင်ႉ​တီႈ​ႁဝ်း​ဢေႃႈ။ ပိူဝ်ႈ​ၼႆ​လႄႈ ႁဝ်း​ဢၼ်​ပဵၼ်​ၶႃႈ​မၼ်း​ၸဝ်ႈ​ၼၼ်ႉ​ၸိူဝ်း​ၼႆႉ တၵ်း​ဢွၼ်​ၵၼ်​လုၵ်ႉ​လႄႈ မႄး​တႄႇ​မႄး​ႁဵတ်း​ဢေႃႈ။ သူ​ၸမ်ႉ၊ ဢမ်ႇ​မီး​ပုၼ်ႈ​မီး​တႃႇ၊ ဢမ်ႇ​မီး​တီႈ​ဢၼ်​ဢုပ်ႉ​ဢၼ်​ပိူင်ႇ၊ ဢမ်ႇ​မီး​တီႈ​မၢတ်ႈ​တီႈ​မၢႆ ပုၼ်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼႆႉ​လႃး​လႃး၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="3">
				<verse number="1">မိူဝ်ႈ​ၼၼ်ႉ​ၶုၼ်​ယိတ်ႈပရေႃးႁဵၵ်ႈ​ ဢေးလျႃႇသိပ်ႉ ​ဢိၵ်ႇ​တင်း​ပီႈ​ၼွင်ႉ​မၼ်း ယိတ်ႈပရေႃးႁဵၵ်ႈ​တင်း​လၢႆ လုၵ်ႉ​လႄႈ​ဢွၼ်​ၵၼ်​မႄး​ၵုမ်း​မႄး​ႁဵတ်း​ၽၵ်း​တူ​သူဝ်း​လႄႈ ႁႂ်ႈ​မၼ်း​မူတ်း​ၸၢင်ႇ​သေ​လႄႈ ဢဝ်​မႂ်​ၽၵ်း​တူ​တင်း​လၢႆ​ပူၵ်း​တင်ႈ​ဝႆႉ​ဢေႃႈ။ ဢဝ်​ၵႃႈ​တီႈ​လၢင်း​ၸီး မေႇဢႃႇ ​တေႃႇ​ထိုင်​ႁွတ်ႈ​လၢင်း​ၸီး​ ႁႃႇၼၼေႇလႃႉ ​ၼၼ်ႉ​လႄႈ၊ ၶဝ်​ဢွၼ်​ၵၼ်​ႁႂ်ႈ​မူတ်း​ၸၢင်ႇ​ဢေႃႈ။-</verse>
				<verse number="2">တီႈ​ဢၼ်​သိုပ်ႇ​တၢမ်း​ၵၼ်​တင်း​ၶဝ်​ၼၼ်ႉ ၵူၼ်း​ဝဵင်း​ ယေႇရီႉၶူဝ်း ​တင်း​လၢႆ ဢွၼ်​ၵၼ်​မႄး​ၵုမ်း​မႄး​ႁဵတ်း​ဢေႃႈ။ တီႈ​ဢၼ်​သိုပ်ႇ​တၢမ်း​ၵၼ်​တင်း​ၶဝ်​ၼၼ်ႉ ၸၵ်ႉၵူႉရႃႉ ​လုၵ်ႈ​ၸၢႆး​ ဢီႉမရီႉ မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="3">ၽၵ်း​တူ​ပႃ​ၸမ်ႉ၊ ၵူၼ်း​မဵဝ်း​ ႁတ်ႉသေႇၼႃႉ ​တင်း​လၢႆ​ဢွၼ်​ၵၼ်​မႄး​ၵုမ်း​မႄး​ႁဵတ်း​သေ​လႄႈ ဢဝ်​ၶူင်ႇ​ၽၵ်း​တူ​သိုဝ်ႈ​ဝႆႉ​လႄႈ၊ ဢဝ်​မႂ်​ၽၵ်း​တူ​ပႃး​လူၺ်ႈ​ၵၼ်​တင်း​မၢၵ်ႇ​သေႃး​မၼ်း​တင်း​ၵိူၼ်ႇ​မၼ်း ပူၵ်း​တင်ႈ​ဝႆႉ​ဢေႃႈ။-</verse>
				<verse number="4">တီႈ​ဢၼ်​သိုပ်ႇ​တၢမ်း​ၵၼ်​တင်း​ၶဝ်​ၼၼ်ႉ မေႇရမုတ်ႉ ​လုၵ်ႈ​ၸၢႆး​ ဢူႉရီႉယႃႉ ဢၼ်​ပဵၼ်​လုၵ်ႈ​ၸၢႆး​ ၵေႃႇၸႃႉ ​ၼၼ်ႉ မႄး​ၵုမ်း​မႄး​ႁဵတ်း​ဢေႃႈ။ တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ မေႇသူႉလမ်ႇ ​လုၵ်ႈ​ၸၢႆး​ ပေႇရၶီႉ ဢၼ်​ပဵၼ်​လုၵ်ႈ​ၸၢႆး​ မေႇသၸႃႉပေႇလႃႉ ​ၼၼ်ႉ မႄး​ၵုမ်း​မႄး​ႁဵတ်း​ဢေႃႈ။ တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ၸႃႇတုၵ်ႉ ​လုၵ်ႈ​ၸၢႆး​ ပႃႇၼႃႇ မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="5">တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ၵူၼ်း​ဝဵင်း​ တေႇၵေႃႇ ​တင်း​လၢႆ ဢွၼ်​ၵၼ်​မႄး​ၵုမ်း​မႄး​ႁဵတ်း​ဢေႃႈ။ ၵူၺ်း​ၵႃႈ ၶုၼ်​ၶဝ်​ၸိူဝ်း​ၼၼ်ႉ ဢမ်ႇ​ဢွၼ်​ၵၼ်​ဢဝ်​ၶေႃး​ၶဝ် ၵိုတ်ႉ​ႁၢပ်ႇ​ဢမူႉ​ၸဝ်ႈ​ၶဝ်။-</verse>
				<verse number="6">ၽၵ်း​တူ​ဢၼ်​ၵဝ်ႇ​ၸမ်ႉ၊ ယေႃးယတႃႉ ​လုၵ်ႈ​ၸၢႆး​ ပႃႇသႃႉ ​ဢိၵ်ႇ​တင်း​ မေႇသူႉလမ်ႇ ​လုၵ်ႈ​ၸၢႆး​ ပေႇသေႃးတေႇယႃႉ ​ဢွၼ်​ၵၼ်​မႄး​ၵုမ်း​မႄး​ႁဵတ်း​သေ​လႄႈ ဢဝ်​ၶူင်ႇ​ၽၵ်း​တူ​သိုဝ်ႈ​ဝႆႉ​လႄႈ ဢဝ်​မႂ်​ၽၵ်း​တူ​ပႃး​လူၺ်ႈ​ၵၼ်​တင်း​မၢၵ်ႇ​သေႃး​မၼ်း​တင်း​ၵိူၼ်ႇ​မၼ်း ပူၵ်း​တင်ႈ​ဝႆႉ​ဢေႃႈ။-</verse>
				<verse number="7">တီႈ​ဢၼ်​သိုပ်ႇ​တၢမ်း​ၵၼ်​တင်း​ၶဝ်​ၼၼ်ႉ မေႇလတီႉ ၵူၼ်း​ဝဵင်း​ ၵီႉပွင်ႇ၊ ယႃႇတုၼ်ႇ ၵူၼ်း​ဝဵင်း​ မေႇရႃးၼုတ်ႉ ဢိၵ်ႇ​တင်း​ၵူၼ်း​ ၵီႉပွင်ႇ ​တင်း​လၢႆ၊ ၵူၼ်း​ မီႉၸပႃႇ ​တင်း​လၢႆ ဢွၼ်​ၵၼ်​မႄး​ၵုမ်း​မႄး​ႁဵတ်း​တေႃႇ​ထိုင်​ႁွတ်ႈ​ရႃႇၸႃႉ​ပလၢင်ႇ မဵဝ်ႉ​ဝုၼ်ႇ​ၽၢႆႇ​ဝၼ်း​တူၵ်း​ၼမ်ႉ​ႁွင်ႈ​ၼၼ်ႉ​ဢေႃႈ။-</verse>
				<verse number="8">တီႈ​ဢၼ်​သိုပ်ႇ​တၢမ်း​ၵၼ်​တင်း​ၶဝ်​ၼၼ်ႉ ၸၢင်ႈ​ၶမ်း​ ဢေႃးၸေးလႃႉ ​လုၵ်ႈ​ၸၢႆး​ ႁႃႇႁႃႇယႃႉ ​မႄး​ၵုမ်း​မႄး​ႁဵတ်း​ဢေႃႈ။ တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ မေႃ​ယႃ​ ႁႃႇၼၼီႉ ​မႄး​ၵုမ်း​မႄး​ႁဵတ်း​သေ​လႄႈ သွင်​ၵေႃႉ​ၼၼ်ႉ ဢွၼ်​ၵၼ်​ႁႂ်ႈ​ဝဵင်း​ ယေႇရူႉသလႅမ်ႇ ​မၼ်ႈ​ၶိူင်ႇ တေႃႇ​ထိုင်​ႁွတ်ႈ​လမ်း​ဝဵင်း​ဢၼ်​ၵႂၢင်ႈ​ၼႃႇ​ၼၼ်ႉ​ဢေႃႈ။-</verse>
				<verse number="9">တီႈ​ဢၼ်​သိုပ်ႇ​တၢမ်း​ၵၼ်​တင်း​ၶဝ်​ၼၼ်ႉ ရေႇၽႃႇယႃႉ ​လုၵ်ႈ​ၸၢႆး​ ႁူႉရႃႉ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ဝဵင်း​ ယေႇရူႉသလႅမ်ႇ ​ၽၢၵ်ႇ​ၼိုင်ႈ​ၼၼ်ႉ မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="10">တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ယေႇတႃႇယႃႉ ​လုၵ်ႈ​ၸၢႆး​ ႁႃႇရူႉမပ်ႉ မႄး​ၵုမ်း​မႄး​ႁဵတ်း​တီႈ​ဢၼ်​မီး​သိုဝ်ႈ​ၵၼ်​တင်း​ႁိူၼ်း​မၼ်း​ၼၼ်ႉ​ဢေႃႈ။ တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ႁတ်ႉတုတ်ႉ ​လုၵ်ႈ​ၸၢႆး​ ႁႃႇသႃႉပၼီႉ မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="11">မႃႇလၶီႉယႃႉ ​လုၵ်ႈ​ၸၢႆး​ ႁႃႇရိမ်း ​တင်း​ ႁႃႇသုပ်ႉ ​လုၵ်ႈ​ၸၢႆး​ ပႃႇႁတ်ႉမေႃႇၽႃႉ ဢွၼ်​ၵၼ်​မႄး​ၵုမ်း​မႄး​ႁဵတ်း​တီႈ​ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ​ယူႇ​ပွတ်း​ၼိုင်ႈ​ၼၼ်ႉ ဢိၵ်ႇ​တင်း​လၢင်း​ၸီး​ၽီး​ၽႆး​ဢေႃႈ။-</verse>
				<verse number="12">တီႈ​ဢၼ်​သိုပ်ႇ​တၢမ်း​ၵၼ်​တင်း​သွင်​ၶႃ​ၼၼ်ႉ၊ သႃႇလုမ်ႇ ​လုၵ်ႈ​ၸၢႆး​ ႁႃႇလေႃးႁိတ်ႉ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ဝဵင်း​ ယေႇရူႉသလႅမ်ႇ ​ၽၢၵ်ႇ​ၼိုင်ႈ​ၼၼ်ႉ ဢိၵ်ႇ​တင်း​လုၵ်ႈ​ယိင်း​မၼ်း​တင်း​လၢႆ ဢွၼ်​ၵၼ်​မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="13">ႁႃႇၼၼ်ႇ ​တင်း​ၵူၼ်း​ဝဵင်း​ ၸႃႇၼေႃႇ ​တင်း​လၢႆ မႄး​ၵုမ်း​မႄး​ႁဵတ်း​ၽၵ်း​တူ​ၶူင်ႈ​ႁူၺ်ႈ​သေ​လႄႈ ဢဝ်​မႂ်​ၽၵ်း​တူ​ပႃး​လူၺ်ႈ​ၵၼ်​တင်း​မၢၵ်ႇ​သေႃး​မၼ်း​တင်း​ၵိူၼ်ႇ​မၼ်း ပူၵ်း​တင်ႈ​ဝႆႉ​သေ​ယဝ်ႉ၊ ဢွၼ်​ၵၼ်​တႄႇ​ႁဵတ်း​လမ်း​ဝဵင်း​ႁဵင်​သွၵ်ႇ တေႃႇ​ထိုင်​ႁွတ်ႈ​ၽၵ်း​တူ​ၶီႈ​ဝူဝ်း​ဢေႃႈ။-</verse>
				<verse number="14">မႃႇလၶီႉ လုၵ်ႈ​ၸၢႆး​ ရေႇၶပ်ႉ ၵေႃႉ​ဢၼ်​ဢုပ်ႉ​ဝဵင်း​ ပေႇသၵ်ႉၵရိမ်ႇ ၽၢၵ်ႇ​ၼိုင်ႈ​ၼၼ်ႉ မႄး​ၵုမ်း​မႄး​ႁဵတ်း​ၽၵ်း​တူ​ၶီႈ​ဝူဝ်း​ၼၼ်ႉ​သေ​လႄႈ ႁဵတ်း​သေ​ယဝ်ႉ၊ ဢဝ်​မႂ်​ၽၵ်း​တူ​ပႃး​လူၺ်ႈ​ၵၼ်​တင်း​မၢၵ်ႇ​သေႃး​မၼ်း တင်း​ၵိူၼ်ႇ​မၼ်း​ပူၵ်း​တင်ႈ​ဝႆႉ​ဢေႃႈ။-</verse>
				<verse number="15">သႃႇလုမ်ႇ ​လုၵ်ႈ​ၸၢႆး​ ၵေႃးလႃႉႁေႃႇၸႃႉ ဢၼ်​ဢုပ်ႉ​ၵႃႈ​ၼိူဝ်​ဝဵင်း​ မီႉၸပႃႇ ​ၽၢၵ်ႇ​ၼိုင်ႈ​ၼၼ်ႉ မႄး​ၵုမ်း​မႄး​ႁဵတ်း​ၽၵ်း​တူ​ၼမ်ႉ​မေႃႇ​ဢွၵ်ႇ​ႁူး​သေ​လႄႈ​ႁဵတ်း​သေ​ယဝ်ႉ၊ မုင်း​ဝႆႉ​လႄႈ ဢဝ်​မႂ်​ၽၵ်း​တူ​ပႃး​လူၺ်ႈ​ၵၼ်​တင်း​မၢၵ်ႇ​သေႃး​မၼ်း​တင်း​ၵိူၼ်ႇ​မၼ်း ပူၵ်း​တင်ႈ​ဝႆႉ​သေ​ယဝ်ႉ၊ တႄႇ​ႁဵတ်း​လမ်း​ဝဵင်း​ၽၢႆႇ​ၼမ်ႉ​ၼွင်​ သီႉလွင်ႇ ၵႃႈ​တီႈ​ႁိမ်း​သူၼ်​ဢူးယဵၼ်ႇ ၶုၼ်​ႁေႃ​ၶမ်း​ၼၼ်ႉ​တေႃႇ​ထိုင်​ႁွတ်ႈ​ၶၼ်ႈ​လႆ​ဢၼ်​လူင်း​သေ ၵႃႈ​တီႈ​ဝဵင်း​ တႃႇဝိတ်ႈ ​ၵႂႃႇ​ၼၼ်ႉ​ဢေႃႈ။-</verse>
				<verse number="16">တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ၼေႇႁမီႉ ​လုၵ်ႈ​ၸၢႆး​ ဢႃႇၸပုၵ်ႉ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ဝဵင်း​ ပႅတ်ႉၸူႉရႃႉ ​ၽၢၵ်ႇ​ၼိုင်ႈ​ၼၼ်ႉ မႄး​ၵုမ်း​မႄး​ႁဵတ်း ဢဝ်​ၵႃႈ​တီႈ​ဢၼ်​သိုဝ်ႈ​ၵၼ်​တင်း ပႃႇ​ႁဵဝ်ႈ​သၢင်း​ၶႅင်း​ တႃႇဝိတ်ႈ ​ၼၼ်ႉ တေႃႇ​ထိုင်​ႁွတ်ႈ​ၼမ်ႉ​ၼွင်​ဢၼ်​လႆႈ​ႁဵတ်း​ယဝ်ႉ​ၼၼ်ႉ ဢိၵ်ႇ​တင်း​ႁိူၼ်း​ၶုၼ်​ပူဝ်ႇ​တင်း​လၢႆ​ၼၼ်ႉ​ဢေႃႈ။</verse>
				<verse number="17">တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ရေႇႁုမ်ႇ ​လုၵ်ႈ​ၸၢႆး​ ပႃႇၼီႇ မဵဝ်း​ လေႇဝီႉ ​မႄး​ၵုမ်း​မႄး​ႁဵတ်း​ဢေႃႈ။ တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ႁႃႇသပီႉ ဢၼ်​ဢုပ်ႉ​ၵႃႈ​ၼိူဝ်​ဝဵင်း​ ၵီႉလႃႉ ​ၽၢၵ်ႇ​ၼိုင်ႈ​ၼၼ်ႉ မႄး​ၵုမ်း​မႄး​ႁဵတ်း​ပုၼ်ႈ​မၼ်း​တႃႇ​မၼ်း​ဢေႃႈ။-</verse>
				<verse number="18">တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ၼွင်ႉ​ၸၢႆး​မၼ်း​ ပႃႇဝေႇ လုၵ်ႈ​ၸၢႆး​ ႁေႇၼတပ်ႉ ဢၼ်​ဢုပ်ႉ​ၵႃႈ​ၼိူဝ်​ဝဵင်း​ ၵီႉလႃႉ ​ၽၢၵ်ႇ​ၼိုင်ႈ​ၼၼ်ႉ မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="19">တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ဢေးၸႃႇ ​လုၵ်ႈ​ၸၢႆး​ ယေႃးသူႉ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ဝဵင်း​ မီႉၸပႃႇ ​ၼၼ်ႉ မႄး​ၵုမ်း​မႄး​ႁဵတ်း​ပွတ်း​ၼိုင်ႈ ဢၼ်​မီး​သိုဝ်ႈ​ၵၼ်​တင်း တီႈ​ဢၼ်​ၶိုၼ်ႈ​ၸူး​တိူၵ်ႈ​လၢၵ်ႈ​ၼၢၵ်ႈ​ၸုမ်ႇ​ၼၼ်ႉ​လႄႈ မီး​ၵႃႈ​တီႈ​ၸဵင်ႇ​ဝဵင်း​ဢေႃႈ။-</verse>
				<verse number="20">တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ပႃႇရုၵ်ႉ ​လုၵ်ႈ​ၸၢႆး​ ၸပ်ႉပေႇ ၶတ်း​ၸႂ်​ၵျူဝ်း​ၸႃး​ႁဵတ်း​ပွတ်း​ၼိုင်ႈ ဢဝ်​ၵႃႈ​တီႈ​ၸဵင်ႇ​ဝဵင်း​ၼၼ်ႉ​တေႃႇ​ထိုင်​ႁွတ်ႈ​ၽၵ်း​တူ​ႁိူၼ်း​ ဢေးလျႃႇသိပ်ႉ ၶုၼ်​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="21">တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ မေႇရမုတ်ႉ ​လုၵ်ႈ​ၸၢႆး​ ဢူႉရီႉယႃႉ ဢၼ်​ပဵၼ်​လုၵ်ႈ​ၸၢႆး​ ၵေႃႇၸႃႉ ​ၼၼ်ႉ မႄး​ၵုမ်း​မႄး​ႁဵတ်း​ပွတ်း​ၼိုင်ႈ ဢဝ်​ၵႃႈ​တီႈ​ၽၵ်း​တူ​ႁိူၼ်း​ ဢေးလျႃႇသိပ်ႉ ​ၼၼ်ႉ တေႃႇ​ထိုင်​ႁွတ်ႈ​ၸဵင်ႇ​ႁိူၼ်း​ ဢေးလျႃႇသိပ်ႉ ​ၼၼ်ႉ​ဢေႃႈ။</verse>
				<verse number="22">တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ယိတ်ႈပရေႃးႁဵၵ်ႈ​ဢၼ်​ပဵၼ်​ၵူၼ်း ၵႃႈ​ၼႂ်း​တီႈ​ပၢင်ႇ​တီႈ​ပဵင်း​ၸိူဝ်း​ၼၼ်ႉ ဢွၼ်​ၵၼ်​မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="23">တီႈ​ဢၼ်​သိုပ်ႇ​တၢမ်း​ၵၼ်​တင်း​ၶဝ်​ၼၼ်ႉ ပိၼ်ႇယႃႇမိၼ်ႇ ​တင်း​ ႁႃႇသုပ်ႉ ဢွၼ်​ၵၼ်​မႄး​ၵုမ်း​မႄး​ႁဵတ်း ၵႃႈ​တီႈ​ဢၼ်​သိုဝ်ႈ​ၵၼ်​တင်း​ႁိူၼ်း​သွင်​ၶႃ​ၼၼ်ႉ​ဢေႃႈ။ တီႈ​ဢၼ်​သိုပ်ႇ​တၢမ်း​ၵၼ်​တင်း​သွင်​ၶႃ​ၼၼ်ႉ၊ ဢႃႇၸရီႉ ​လုၵ်ႈ​ၸၢႆး​ မႃႇသေႇယႃႉ ဢၼ်​ပဵၼ်​လုၵ်ႈ​ၸၢႆး​ ဢႃႇၼၼီႉ ​ၼၼ်ႉ မႄး​ၵုမ်း​မႄး​ႁဵတ်း ၵႃႈ​တီႈ​ဢၼ်​မီး​ႁိမ်း​ႁိူၼ်း​မၼ်း​ၼၼ်ႉ​ဢေႃႈ။-</verse>
				<verse number="24">တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ပီႉၼုၺ်ႇ ​လုၵ်ႈ​ၸၢႆး​ ႁေႇၼတပ်ႉ ​ၼၼ်ႉ မႄး​ၵုမ်း​မႄး​ႁဵတ်း​ပွတ်း​ၼိုင်ႈ ဢဝ်​ၵႃႈ​တီႈ​ႁိူၼ်း​ ဢႃႇၸရီႉ တေႃႇ​ထိုင်​ႁွတ်ႈ​တီႈ​ဢၼ်​လမ်း​ဝဵင်း​ၵူတ်ႉ​မွင်ႉ ဢိၵ်ႇ​တင်း​တေႃႇ​ထိုင်​ႁွတ်ႈ​ၵႃႈ​တီႈ​ၸဵင်ႇ​ဝဵင်း​ဢေႃႈ။-</verse>
				<verse number="25">ပႃႇလႃႉလႃႉ ​လုၵ်ႈ​ၸၢႆး​ ဢူႉၸေႇ မႄး​ၵုမ်း​မႄး​ႁဵတ်း​ၵႃႈ​တီႈ​ဢၼ်​သိုပ်ႇ​တၢမ်း​ၵၼ်​တင်း တီႈ​ဢၼ်​လမ်း​ဝဵင်း​ၵူတ်ႉ​မွင်ႉ​ၼၼ်ႉ​ဢိၵ်ႇ​တင်း​လၢင်း​ၸီး ဢၼ်​မီး​ၵႃႈ​တီႈ​ၽၢႆႇ​ၼႃႈ​ႁေႃ​ၶုၼ်​ႁေႃ​ၶမ်း ဢၼ်​ၵႃႈ​ၼိူဝ်​ဢၼ်​မီး​ၵႃႈ​ႁိမ်း​ဝၢင်း​ထွင်ႇ​ၼၼ်ႉ​ဢေႃႈ။ တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ပေႇတႃႇယႃႉ ​လုၵ်ႈ​ၸၢႆး​ ပႃႇရုတ်ႉ ​မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="26">ၼွၵ်ႈ​သေ​ၼၼ်ႉ​ၶႃႈ​ၽြႃး​တင်း​လၢႆ ဢွၼ်​ၵၼ်​မႄး​ၵုမ်း​မႄး​ႁဵတ်း​တီႈ​ဝဵင်း​ ဢေႃႇၽေႇလႃႉ တီႈ​ဢၼ်​ၶဝ်​ယူႇ​ၶဝ်​သဝ်း​ၼၼ်ႉ တေႃႇ​ထိုင်​ႁွတ်ႈ​တီႈ​ဢၼ်​သိုဝ်ႈ​ၵၼ်​တင်း​ၽၵ်း​တူ​ၼမ်ႉ ဢၼ်​မီး​ၵႃႈ​တီႈ​ၽၢႆႇ​ၼႃႈ​ဝၼ်း​ဢွၵ်ႇ​ၼၼ်ႉ ဢိၵ်ႇ​တင်း လၢင်း​ၸီး​ဢၼ်​ပႅၼ်​ဢွၵ်ႇ​ၵႃႈ​ၼွၵ်ႈ​ၼၼ်ႉ​ဢေႃႈ။</verse>
				<verse number="27">တီႈ​ဢၼ်​သိုပ်ႇ​တၢမ်း​ၵၼ်​တင်း​ၶဝ်​ၼၼ်ႉ ၵူၼ်း​ဝဵင်း​ တေႇၵေႃႇ ​တင်း​လၢႆ ဢွၼ်​ၵၼ်​မႄး​ၵုမ်း​မႄး​ႁဵတ်း​ပွတ်း​ၼိုင်ႈ ဢဝ်​ၵႃႈ​တီႈ​ဢၼ်​သိုဝ်ႈ​ၵၼ်​တင်း​လၢင်း​ၸီး​လူင်​ဢၼ်​ပႅၼ်​ဢွၵ်ႇ​ၵႃႈ​ၼွၵ်ႈ​ၼၼ်ႉ တေႃႇ​ထိုင်​ႁွတ်ႈ​လမ်း​ဝဵင်း​ ဢေႃႇၽေႇလႃႉ ​ဢေႃႈ။-</verse>
				<verse number="28">ယိတ်ႈပရေႃးႁဵၵ်ႈ​တင်း​လၢႆ ဢွၼ်​ၵၼ်​မႄး​ၵုမ်း​မႄး​ႁဵတ်း​ပွတ်း​ၽၢႆႇ​ၼိူဝ်​ၽၵ်း​တူ​မႃႉ တီႈ​ဢၼ်​သိုဝ်ႈ​ၵၼ်​တင်း​ႁိူၼ်း ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။-</verse>
				<verse number="29">တီႈ​ဢၼ်​သိုပ်ႇ​တၢမ်း​ၵၼ်​တင်း​ၶဝ်​ၼၼ်ႉ ၸႃႇတုၵ်ႉ ​လုၵ်ႈ​ၸၢႆး​ ဢီႉမေႇရႃႉ မႄး​ၵုမ်း​မႄး​ႁဵတ်း ၵႃႈ​တီႈ​ဢၼ်​သိုဝ်ႈ​ၵၼ်​တင်း​ႁိူၼ်း​မၼ်း​ဢေႃႈ။ တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ သေႇမႃႇယႃႉ ၵႄႇ​ၽၵ်း​တူ​တၢင်း​ဝၼ်း​ဢွၵ်ႇ ဢၼ်​ပဵၼ်​လုၵ်ႈ​ၸၢႆး​ သေႇၶၼီႉ ​ၼၼ်ႉ မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="30">တီႈ​ဢၼ်​သိုပ်ႇ​တၢမ်း​ၵၼ်​တင်း​မၼ်း​ၼၼ်ႉ ႁႃႇၼၼီႉ ​လုၵ်ႈ​ၸၢႆး​ သေႇလမီႉ ဢိၵ်ႇ​တင်း​ ႁႃႇၼၼ်ႇ ဢၼ်​ပဵၼ်​လုၵ်ႈ​ၸၢႆး​သႃႉထမႃႉ တီႈ​ ၸႃႇ​လပ်ႉ ​ၼၼ်ႉ မႄး​ၵုမ်း​မႄး​ႁဵတ်း​ပွတ်း​ၼိုင်ႈ​ဢေႃႈ။-</verse>
				<verse number="31">တီႈ​ဢၼ်​သိုပ်ႇ​တၢမ်း​ၵၼ်​တင်း​သွင်​ၶႃ​ၼၼ်ႉ၊ မႃႇလၶီႉ လုၵ်ႈ​ၸၢႆး​ၸၢင်ႈ​ၶမ်း​ၼၼ်ႉ မႄး​ၵုမ်း​မႄး​ႁဵတ်း ၵႃႈ​တီႈ​ဢၼ်​သိုဝ်ႈ​ၵၼ်​တင်း​ၽၵ်း​တူ​ မီႉၽၵတ်ႉ တေႃႇ​ထိုင်​ႁွတ်ႈ​တီႈ​ဢၼ်​ၶႃႈ​ၽြႃး​တင်း​လၢႆ​ယူႇ ဢိၵ်ႇ​တင်း​တီႈ​ဢၼ်​ၸဝ်ႈ​ၵုၼ်ႇ​ၸဝ်ႈ​သိၼ်​တင်း​လၢႆ​ယူႇ​ဢိၵ်ႇ​တင်း တေႃႇ​ထိုင်​ႁွတ်ႈ​တီႈ​ဢၼ်​ၶိုၼ်ႈ​ၸူး​ၸဵင်ႇ​ဝဵင်း​ၼၼ်ႉ​ဢေႃႈ။-</verse>
				<verse number="32">ၸႃႉ​ၸဵမ်​ဢၼ်​ၶိုၼ်ႈ​ၸူး​ၸဵင်ႇ​ဝဵင်း​ၼၼ်ႉ တေႃႇ​ထိုင်​ႁွတ်ႈ​ၽၵ်း​တူ​သူဝ်း ၼၼ်ႉ​လႄႈ၊ ၸၢင်ႈ​ၶမ်း​တင်း​လၢႆ ဢိၵ်ႇ​တင်း​ၸဝ်ႈ​ၵုၼ်ႇ​ၸဝ်ႈ​သိၼ်​တင်း​လၢႆ ဢွၼ်​ၵၼ်​မႄး​ၵုမ်း​မႄး​ႁဵတ်း​ဢေႃႈ။</verse>
			</chapter>
			<chapter number="4">
				<verse number="1">မိူဝ်ႈ​ဢၼ်​ သၼ်ႇပႃးလတ်ႉ ငိၼ်း​လွင်ႈ​ဢၼ်​ႁဝ်း​တႄႇ​ႁဵတ်း​လမ်း​ဝဵင်း​ၼၼ်ႉ​ၸိုင်၊ တေႃး​သႃႉ​မၼ်း​ဢွၵ်ႇ မၼ်း​မီး​တၢင်း​ဢၼ်​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​ယူႇ​သေ​လႄႈ ႁဵတ်း​ပျၢၵ်ႈ​ၶူဝ်​ၵူၼ်း​ ယူႉတႃႉ ​တင်း​လၢႆ​သေ​လႄႈ၊-</verse>
				<verse number="2">လၢတ်ႈ​ၵႃႈ​တီႈ​ၽၢႆႇ​ၼႃႈ​ပီႈ​ၼွင်ႉ​မၼ်း ဢိၵ်ႇ​တင်း​တပ်ႉ​ၵူၼ်း​သိုၵ်း​ သမႃႇရီႉ ​တင်း​လၢႆ​လႄႈ​ဝႃႈ၊ ၵူၼ်း​ ယူႉတႃႉ ​ဢၼ်​ႁႅင်း​လဵၵ်ႉ​ႁႅင်း​ၵေႇ​ၸိူဝ်း​ၼၼ်ႉ တၵ်း​ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ႁိုဝ်။ ၶဝ်​တၵ်း​ႁဵတ်း​ႁႂ်ႈ​တူဝ်​ၸဝ်ႈ​ၵဝ်ႇ မီး​တပ်ႉ​ဢၼ်​မၼ်ႈ​ၶိူင်ႇ​ႁိုဝ်။ ၶဝ်​တၵ်း​ပုၵ်ႈ​ၸေႃႇ​ယိတ်ႈ​ႁိုဝ်။ ၶဝ်​တၵ်း​ႁႂ်ႈ​ယဝ်ႉ​ႁႂ်ႈ​တူဝ်ႈ​ၼႂ်း​ဝၼ်း​လဵဝ်​ၵူၺ်း​ႁိုဝ်။ ၶဝ်​တၵ်း​ဢဝ်​မၢၵ်ႇ​ႁိၼ်​ဢၼ်​ၽႆး​မႆႈ​ယဝ်ႉ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​ၵွင်​ၶီႈ​ၽုၼ်ႇ​ၶီႈ​လိၼ်​ယိူဝ်ႈ​ယႃႈ​ယိူဝ်ႈ​ယုၵ်း​ၼၼ်ႉ​လႄႈ မႄး​ၵုမ်း​မႄး​ႁဵတ်း​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">တေႃႇၽီႉ ၵူၼ်း​မဵဝ်း​ ဢမ်ႇမုၼ်ႇ မီး​ယူႇ​ၵႃႈ​တီႈ​ႁိမ်း​မၼ်း​လႄႈ ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ ဢၼ်​ၶဝ်​တႄႇ​ႁဵတ်း​ၼၼ်ႉ​ၸမ်ႉ၊ ပေႃး​မႃ​ထိူၼ်ႇ​ၶိုၼ်ႈ​ၵႃႈ​ၼိူဝ်​မၼ်း​ၸိုင်၊ တၵ်း​ႁႂ်ႈ​လမ်း​မၢၵ်ႇ​ႁိၼ်​ၶဝ်​ၼၼ်ႉ ၵိူၼ်ႇ​တူၵ်း​ပင်း​တူၵ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ထွမ်ႇ​ငိၼ်း​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၶဝ်​လႆႈ​ၶၢမ်ႇ​တၢင်း​ဢၼ် ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၶႃႈ​ဢေႃႈ။ ႁႂ်ႈ​ၵႂၢမ်း​ဢၼ်​ၶဝ်​သႄႉ​သွမ်း​ၼၼ်ႉ ၶိုၼ်း​တၵ်း​ႁွတ်ႈ​ၵႃႈ​ၼိူဝ်​ႁူဝ်​ၶဝ်​သေ​ၵမ်း​လူၺ်ႈ။ ႁႂ်ႈ​ၶဝ်​လႆႈ​ၶၢမ်ႇ​တၢင်း​ဢၼ်​ႁိမ်​ဢၼ်​ႁူင်ႇ ၵႃႈ​ၼႂ်း​မိူင်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​သေ​ၵမ်း​လူၺ်ႈ။-</verse>
				<verse number="5">ယႃႇ​ပေ​ႁူမ်ႇ​ငမ်း​တူႉ​ၸရိူၵ်ႈ ဢၼ်​ၶဝ်​ႁဵတ်း​ၼၼ်ႉ​ဝႆႉ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​ဢပႅတ်ႈ​ၶဝ်​လႆႈ​မီး​တၢင်း​ဢၼ်​ၵႄႈ​မွတ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶဝ်​ဢွၼ်​ၵၼ်​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ် တႄႇ​ႁဵတ်း​လမ်း​ဝဵင်း​ၼၼ်ႉ​ယဝ်ႉ​လူင်​ပႄႇ။-</verse>
				<verse number="6">ၵူၺ်း​ၵႃႈ ႁဝ်း​ဢွၼ်​ၵၼ်​တႄႇ​ႁဵတ်း​လမ်း​ဝဵင်း​ယူႇ​လႄႈ လမ်း​ဝဵင်း​ယဝ်ႉ​တူဝ်ႈ​တေႃႇ​ထိုင်​ႁွတ်ႈ ဢၼ်​သုင်​လမ်း​ဝဵင်း​ၶိုင်ႈ​ၼိုင်ႈ လဵပ်ႈ​ႁွပ်ႈ​ဝဵင်း​ၵွပ်ႈ​ပိူဝ်ႈ​ဢၼ်​ၶဝ်​ၸိူဝ်း​ဢၼ် တႄႇ​ႁဵတ်း​ၼၼ်ႉ​မီး​ၸေႇတၼႃႇ​သေ​လႄႈ​ႁဵတ်း​ၼၼ်ႉ​ဢေႃႈ။</verse>
				<verse number="7">မိူဝ်ႈ​ဢၼ် သၼ်ႇပႃးလတ်ႉ ​ဢိၵ်ႇ​တင်း​ တေႃႇၽီႉ တင်း​ၵူၼ်း​ ဢရေႇပျႃႉ ​လႂ်၊ ၵူၼ်း​ ဢမ်ႇမုၼ်ႇ ​လႂ်၊ ၵူၼ်း​ ဢႃႇၸုတ်ႉ ​လႂ်​ၸိူဝ်း​ၼၼ်ႉ​ငိၼ်း​လွင်ႈ​ဢၼ် ယင်း​တိုၵ်ႉ​ဢွၼ်​ၵၼ်​မႄး​ၵုမ်း​မႄး​ႁဵတ်း​လမ်း​ဝဵင်း​ ယေႇရူႉသလႅမ်ႇ ​လႄႈ မႄး​ဢုတ်း​မႄး​ယႃ တီႈ​ဢၼ်​ၵိူၼ်ႇ​ပင်း​လူႉ​လႅဝ်​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊ ၶဝ်​မီး​ၸႂ်​တေႃး​သႃႉ ၶႆႈ​ၸႃႉ​ၶႆႈ​ၸဵတ်ႉ​ၼႃႇ​လူင်​လၢင်​လႄႈ၊-</verse>
				<verse number="8">တိူင်ႇ​ပၢင်ႇ​ၵၼ်​ႁႂ်ႈ​လႆႈ​ၽွမ်ႉ​ၵၼ်​ၶီႇ​မႃး​လႄႈ တိုၵ်း​တေႃး​ဝဵင်း​ ယေႇရူႉသလႅမ်ႇ ​လႄႈ ယႃႉ​ဢမူႉ​ၼၼ်ႉ​ဢေႃႈ။-</verse>
				<verse number="9">ၵူၺ်း​ၵႃႈ ႁဝ်း​သူး​တွင်း​တီႈ​ၽြႃး​ပဵၼ်​ၸဝ်ႈ​ႁဝ်း​သေ​လႄႈ ဢွၼ်​ၵၼ်​ဝႆႉ​ၶဝ်​ၸိူဝ်း​ဢၼ်​ပႂ်ႉ​ယူႇ​ဝၼ်း​ဝၼ်း​ၶိုၼ်း​ၶိုၼ်း​ဢမ်ႇ​ထၢတ်ႇ ၵွပ်ႈ​ပိူဝ်ႈ​ၶဝ်​ၼၼ်ႉ​ဢေႃႈ။-</verse>
				<verse number="10">ၵူၼ်း​ ယူႉတႃႉ ​ၵမ်ႈ​ၽွင်ႈ ဢွၼ်​ၵၼ်​လၢတ်ႈ​လႄႈ​ဝႃႈ၊ ၶဝ်​ၸိူဝ်း​ဢၼ်​လႆႈ​ႁၢပ်ႇ​လႆႈ​ပႃး​ၸိူဝ်း​ၼၼ်ႉ ႁႅင်း​သဵင်ႈ​ၵႂႃႇ​ယဝ်ႉ။ ၶီႈ​ၽုၼ်ႇ​ၶီႈ​လိၼ် ယိူဝ်ႈ​ယႃႈ​ယိူဝ်ႈ​ယုၵ်း​ၼမ်​ၼႃႇ​ထၼ်ႈ​ပေႃး ႁႂ်ႈ​ႁဝ်း​ဢမ်ႇ​တၢတ်ႈ​ၼိူင်ႇ​လႆႈ ႁႂ်ႈ​လမ်း​ဝဵင်း​လႆႈ​ယဝ်ႉ​လႆႈ​တူဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ရၢၼ်ႇ​သူႇ​ႁဝ်း​ၸိူဝ်း​ၼၼ်ႉ ဢွၼ်​ၵၼ်​လၢတ်ႈ​လႄႈ​ဝႃႈ၊ ၶဝ်​တၵ်း​ဢမ်ႇ​ႁူႉ​ၶဝ်​တၵ်း​ဢမ်ႇ​ႁၼ်​တေႃႇ​ထိုင်​ႁွတ်ႈ​ႁဝ်း​ထၼ်ႈ​ပေႃး ၶဝ်ႈ​ႁွတ်ႈ​ၶဝ်ႈ​ထိုင်​ၵႃႈ​ၼႂ်း​ၵၢင်​ၶဝ်​ၵႂႃႇ​သေ​လႄႈ ၶႃႈ​ၽၼ်း​ဢဝ်​ၶဝ်​တၢႆ​လႄႈ ႁႂ်ႈ​တၢင်း​ႁဵတ်း​တၢင်း​သၢင်ႈ​ၶဝ် လႆႈ​ထၢတ်ႇ​ၵႂႃႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵူၼ်း​ ယူႉတႃႉ ဢၼ်​ယူႇ​ၵႃႈ​တီႈ​ႁိမ်း​ၶဝ်​ၼၼ်ႉ​ၸိူဝ်း​ၼၼ်ႉ​ၵေႃႈ မႃး​လႄႈ​မွၵ်ႇ​လၢတ်ႈ​တီႈ​ႁဝ်း သိပ်း​ပွၵ်ႈ​သိပ်း​ၽဝ်ႇ​လႄႈ​ဝႃႈ၊ ၶဝ်​ၼၼ်ႉ တၵ်း​လုၵ်ႉ​သေ​ၵႃႈ​တီႈ တီႈ​ယူႇ​ၶဝ်​ၵူႈ​တီႈ​ၵူႈ​လႅၼ်​မႃး​တိုၵ်း​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၵႃႈ​ၼႂ်း​တီႈ​ဢၼ်​တႅမ်ႇ ၵႃႈ​တီႈ​ၽၢႆႇ​လင်​လမ်း​ဝဵင်း၊ ၵႃႈ​တီႈ​ဢၼ်​ပၢင်ႇ​ဢၼ်​ပဵင်း​ၸိူဝ်း​ၼၼ်ႉ ၵဝ်​ၶၢၼ်း​ၵူၼ်း​ဢၼ်​ပႃး​လၢၵ်ႈ​ၼၢၵ်ႈ၊ လၢပ်ႇ၊ ႁွၵ်ႇ၊ ၵၢင်ႇ​တင်း​လၢႆ​ၼၼ်ႉ​ဝႆႉ ၸွမ်း​လူၺ်ႈ​ၸိူဝ်ႉ​ၶိူဝ်း​ၽႂ်​ၸိူဝ်ႉ​ၶိူဝ်း​မၼ်း​ဢေႃႈ။-</verse>
				<verse number="14">ၵဝ်​လူ​တူၺ်း​သေ​လႄႈ လုၵ်ႉ​လႄႈ​လၢတ်ႈ​တီႈ​မူး​မၢတ်ႈ​ၽွင်း​မိူင်း၊ ၶုၼ်​ဢၼ်​မီး​ဢရႃႇ၊ ၵူၼ်း​တင်း​လၢႆ ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ၸိူဝ်း​ၼၼ်ႉ​လႄႈ​ဝႃႈ၊ ယႃႇ​ပေ​ၵူဝ်​ႁႄ​ၶဝ်။ ဢွၼ်​ၵၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ထႃႇဝရႃႉ​ၽြႃး ဢၼ်​ယႂ်ႇ​မျၢတ်ႈ​လႄႈ လီ​ၵူဝ်​လီ​ႁႄ​ၼၼ်ႉ​တႃႉ။ ဢွၼ်​ၵၼ်​တိုၵ်း​ပုၼ်ႈ​ပီႈ​ၼွင်ႉ​သူ၊ လုၵ်ႈ​ၸၢႆး​သူ၊ လုၵ်ႈ​ယိင်း​သူ၊ မေး​သူ၊ ႁိူၼ်း​ယေး​သူ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မိူဝ်ႈ​ဢၼ်​ရၢၼ်ႇ​သူႇ​ႁဝ်း​ၸိူဝ်း​ၼၼ်ႉ ႁူႉ​ငိၼ်း​လွင်ႈ​ဢၼ်​ႁဝ်း​လႆႈ​သတီႉ​လႄႈ ၽြႃး​ပဵၼ်​ၸဝ်ႈ​ယႃႉ​တၢင်း​ၵျၢမ်ႇ​တၢင်း​ပွင်​ၶဝ်​ၼၼ်ႉ​ၸိုင်၊ ႁဝ်း​ၵႃႈ​မီး​ဢွၼ်​ၵၼ်​သမ်ႉ​ၶိုၼ်း​တႄႇ​ၶိုၼ်း​ႁဵတ်း ၵႃႈ​တီႈ​လမ်း​ဝဵင်း တီႈ​တၢင်း​ႁဵတ်း​ၽႂ်​တၢင်း​ႁဵတ်း​မၼ်း​ၼၼ်ႉ​ဢေႃႈ။-</verse>
				<verse number="16">ၸႃႉ​ၸဵမ်​ၶိင်ႇ​ၼၼ်ႉ​ၵႂႃႇ​လႄႈ ၶႃႈ​ၵဝ်​ၵူၼ်း​ၵဝ်​ၶိုင်ႈ​ၼိုင်ႈ ဢွၼ်​ၵၼ်​ႁဵတ်း​တၢင်း​ႁဵတ်း​လႄႈ ၶိုင်ႈ​ၼိုင်ႈ​ဢွၼ်​ၵၼ်​ယိပ်း​ၵမ်​ႁွၵ်ႇ၊ ၶိူင်ႈ​ႁႄႉ​လၢၵ်ႈ​ၼၢၵ်ႈ၊ ၵၢင်ႇ၊ သိူဝ်ႈ​ၶႅပ်း​လဵၵ်း​ယူႇ​ဢေႃႈ။ ၶုၼ်​တင်း​လၢႆ ယူႇ​ၵႃႈ​တီႈ​ၽၢႆႇ​လင်​ၵူၼ်း​မဵဝ်း​ ယူႉတႃႉ ​ၵႃႈ​မီး​ၼၼ်ႉ​ဢေႃႈ။-</verse>
				<verse number="17">ၶဝ်​ၸိူဝ်း​ဢၼ်​တႄႇ​ႁဵတ်း​လမ်း​ဝဵင်း ဢိၵ်ႇ​တင်း​ၶဝ်​ၸိူဝ်း​ဢၼ်​ႁၢပ်ႇ​ဢၼ်​ပႃး​ၸိူဝ်း​ၼၼ်ႉ ႁၢပ်ႇ​ယူႇ​ပႃး​ယူႇ​သေ​လႄႈ၊ ၵူႈ​ၵေႃႉ​ၵူႈ​ၵူၼ်း ဢွၼ်​ၵၼ်​ဢဝ်​မိုဝ်း​ၶွၼ်​ၼိုင်ႈ​ၵူၺ်း​ႁဵတ်း​လႄႈ ဢဝ်​မိုဝ်း​ၶွၼ်​ၼိုင်ႈ​ယိပ်း​ၵမ်​လၢၵ်ႈ​ၼၢၵ်ႈ​ယူႇ​ဢေႃႈ။-</verse>
				<verse number="18">ၶဝ်​ၵႃႈ​ဢၼ်​တႄႇ​ႁဵတ်း​ၸိူဝ်း​ၼၼ်ႉ ဢွၼ်​ၵၼ်​ဢဝ်​လၢပ်ႇ​မတ်ႉ​ႁွႆႈ​ဝႆႉ​ၵႃႈ​တီႈ​ဢႅဝ်​ယူႇ​သေ​လႄႈ တႄႇ​ႁဵတ်း​ဢေႃႈ။ ၵေႃႉ​ဢၼ်​ပဝ်ႇ​ၼႄးၶရႃႇ​ၼၼ်ႉ​ၵေႃႈ ၸုၵ်း​ယူႇ​ၵႃႈ​တီႈ​ႁိမ်း​ၵဝ်​ဢေႃႈ။</verse>
				<verse number="19">ၵဝ်​ၵေႃႈ​လၢတ်ႈ​တီႈ​မူး​မၢတ်ႈ​ၽွင်း​မိူင်း၊ ၶုၼ်​ဢၼ်​မီး​ဢရႃႇ၊ ၶုၼ်​တင်း​လၢႆ​ၵႃႈ​ဢၼ်​ၵိုတ်း​ဢၼ်​ၵျၢၼ်ႇ​ၸိူဝ်း​ၼၼ်ႉ​လႄႈ​ဝႃႈ၊ တၢင်း​ႁဵတ်း​ၼႆႉ​ယႂ်ႇ​ၼႃႇ​လူင်​လၢင်​ဢေႃႈ။ ႁဝ်း​လႆႈ​ႁဵတ်း​ၵႃႈ​ၼိူဝ်​လမ်း​ဝဵင်း ယေႈ​ၵေႃႉ​ယေႈ​တီႈ ၵႆ​ၵၼ်​ယၢၼ်​ၵၼ်​ဢေႃႈ။-</verse>
				<verse number="20">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ သူ​မီး​ၵႃႈ​တီႈ​လႂ်​သေ​ဢမ်ႇ​ဝႃႈ၊ ပေႃး​ငိၼ်း​သဵင်​ပဝ်ႇ​ၶရႃႇ​ၸိုင် ဢွၼ်​ၵၼ်​လုၵ်ႉ​လႄႈ​မႃး​ၸူႉ​ၵၼ်​တုမ်​ၵၼ်​ၵႃႈ​တီႈ​ႁဝ်း​ၼႆႉ​တႃႉ။ ၽြႃး​ပဵၼ်​ၸဝ်ႈ​ႁဝ်း တၵ်း​ၸွႆႈ​သိုၵ်း​ထႅမ်​သိုၵ်း​ယူႇ​ၽၢႆႇ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၼင်ႇ​ၼၼ်​လႄႈ ႁဝ်း​ဢွၼ်​ၵၼ်​ႁဵတ်း​တၢင်း​ႁဵတ်း​ဢေႃႈ။ ၵူၼ်း​ၶိုင်ႈ​ၼိုင်ႈ​ၼၼ်ႉ ယိပ်း​ၵမ်​လၢၵ်ႈ​ၼၢၵ်ႈ​ႁွၵ်ႇ​ယူႇ ၸႃႉ​ၸဵမ်​မိူဝ်ႈ​မိူင်း​ၸႃႉ​လႅင်း​လႄႈ တေႃႇ​ထိုင်​ႁွတ်ႈ​ၶိင်ႇ​ဢၼ်​လၢဝ်​ဢွၵ်ႇ​ၼၼ်ႉ​ဢေႃႈ။-</verse>
				<verse number="22">မိူဝ်ႈ​ၼၼ်ႉ​ၵေႃႈ ၵဝ်​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ ႁႂ်ႈ​ၵူႈ​ၵေႃႉ​ၵူႈ​ၵူၼ်း ဢိၵ်ႇ​လူၺ်ႈ​ၵၼ်​တင်း​ၶႃႈ​ၶဝ်​ၵူၼ်း​ၶဝ်​ၼွၼ်း​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၶိင်ႇ​ၵၢင်​ၶိုၼ်း​ႁႂ်ႈ​လႆႈ​ပဵၼ် ၵေႃႉ​ဢၼ်​ပႂ်ႉ​ပုၼ်ႈ​ႁဝ်း​ၶိင်ႇ​ၵၢင်​ၶိုၼ်း​လႄႈ လႆႈ​ႁဵတ်း​လႆႈ​သၢင်ႈ​ၶိင်ႇ​ၵၢင်​ဝၼ်း​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၼင်ႇ​ၼၼ်​လႄႈ ၼွၵ်ႈ​သေ​ပုၼ်ႈ​တၢင်း​ဢၼ် တၵ်း​သၵ်ႉ​ၶူဝ်း​ၼုင်ႈ​ၼၼ်ႉ၊ ၵဝ်​ဢိၵ်ႇ​တင်း​ၼွင်ႉ​ၸၢႆး​ၵဝ်၊ ၶႃႈ​ၵဝ်၊ ၵူၼ်း​ၵဝ်၊ ႁူဝ်​ႁၢၼ်​ၵူၼ်း​သိုၵ်း ဢၼ်​ၸွမ်း​လင်​ၵဝ်​ၸိူဝ်း​ၼၼ်ႉ ယင်း​ဢမ်ႇ​ထွတ်ႇ​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ​လႄႈ ယူႇ​ဢေႃႈ။</verse>
			</chapter>
			<chapter number="5">
				<verse number="1">မိူဝ်ႈ​ၼၼ်ႉ ၵူၼ်း​တင်း​လၢႆ​ၸဵမ်​ယိင်း​ၸဵမ်​ၸၢႆး ဢွၼ်​ၵၼ်​ပွင်ႉ​ၶၢင်း​ပွင်ႉ​မိူၼ်ႇ​ၼႃႇ​လူင်​လၢင်​လႄႈ တၢင်ႇ​ဢပႅတ်ႈ​တီႈ​ၵူၼ်း​ ယူႉတႃႉ ဢၼ်​ပဵၼ်​ပီႈ​ၶဝ်​ၼွင်ႉ​ၶဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="2">ၵမ်ႈ​ၽွင်ႈ​လၢတ်ႈ​လႄႈ​ဝႃႈ၊ ႁဝ်း​ဢိၵ်ႇ​လူၺ်ႈ​ၵၼ်​တင်း​လုၵ်ႈ​ၸၢႆး​ႁဝ်း လုၵ်ႈ​ယိင်း​ႁဝ်း​ၼမ်​ၼႃႇ​ဢေႃႈ။ ႁႂ်ႈ​ႁဝ်း​လႆႈ​ၶဝ်ႈ​ပိူၵ်ႇ​ၶဝ်ႈ​သၢၼ် ပုၼ်ႈ​ဢၼ်​ႁဝ်း​တၵ်း​ၵိၼ်​လႄႈ လဵင်ႉ​ဢသၢၵ်ႈ​ႁဝ်း​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵမ်ႈ​ၽွင်ႈ​ၵေႃႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ ႁဝ်း​ၼႆႉ​ဢဝ်​ႁႆႊ​ၼႃး​သူၼ်​ဢူးယဵၼ်ႇ​ႁိူၼ်း​ႁဝ်း ပွင်ႇ​ၵမ်ႉ​ဝႆႉ​ယဝ်ႉ၊ ႁႂ်ႈ​ႁဝ်း​လႆႈ​ၶဝ်ႈ​ပိူၵ်ႇ​ၶဝ်ႈ​သၢၼ် ၵွပ်ႈ​ပိူဝ်ႈ​ဢၼ်​ပဵၼ်​ၶိင်ႇ​ၵႃႇလႃႉ ဢၼ်​တၢင်း​ၵိၼ်​ၵႃႈ​ပႅင်း​ၼႆႉ​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၵမ်ႈ​ၽွင်ႈ​ၵေႃႈ​လၢတ်ႈ​လႄႈ​ဝႃႈ၊ ႁဝ်း​ဢဝ်​ႁႆႊ​ႁဝ်း​ၼႃး​ႁဝ်း သူၼ်​ဢူးယဵၼ်ႇ​ႁဝ်း ၵိူၼ်ႉ​ၼၢႆ​သေ​လႄႈ ၵူႈ​ဢဝ်​ငိုၼ်း​ႁႂ်ႈ​လႆႈ​ပၼ်​ၶွၼ်ႇ​ၶုၼ်​ႁေႃ​ၶမ်း​ယဝ်ႉ​ယဝ်ႉ။-</verse>
				<verse number="5">မိူဝ်ႈ​လဵဝ်​ၼႆႉ၊ ၼိူဝ်ႉ​ၼင်​ႁဝ်း​ၼႆႉ ပဵၼ်​ၸိူဝ်ႉ​ၼင်ႇ​ၼိူဝ်ႉ​ၼင်​ပီႈ​ႁဝ်း​ၼွင်ႉ​ႁဝ်း​ၸိူဝ်း​ၼၼ်ႉ​ဢေႃႈ။ လုၵ်ႈ​လၢင်း​ႁဝ်း​ၵေႃႈ ပဵၼ်​ၸိူဝ်ႉ​ၼင်ႇ​လုၵ်ႈ​လၢင်း​ၶဝ်​ၼၼ်ႉ​ဢေႃႈ။ တူၺ်း​လူး၊ ႁဝ်း​တၵ်း​လႆႈ​ၶၢႆ​လုၵ်ႈ​လၢင်း​ႁဝ်း ႁႂ်ႈ​ၶဝ်​လႆႈ​ၶၢမ်ႇ​ႁဵတ်း​ၶႃႈ​ပိူၼ်ႈ​လႄႈ လုၵ်ႈ​ယိင်း​ႁဝ်း​ၵမ်ႈ​ၽွင်ႈ​ၵေႃႈ လႆႈ​ၶၢမ်ႇ​ႁဵတ်း​ၶႃႈ​ပိူၼ်ႈ​ယဝ်ႉ​ယဝ်ႉ။ ႁဝ်း​ဢမ်ႇ​ထုတ်ႇ​ၼုၵ်ႈ​ဢဝ်​ၶဝ်​လႆႈ။ ႁႆႊ​ၼႃး​သူၼ်​ဢူးယဵၼ်ႇ​ဢၼ်​ႁဝ်း​ပိူင်ႇ​ၼၼ်ႉ ႁွတ်ႈ​ထိုင်​ၵႃႈ​ၼႂ်း​မိုဝ်း​ပိူၼ်ႈ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မိူဝ်ႈ​ဢၼ်​ၵဝ်​ငိၼ်း​ၵႂၢမ်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ​သေ​လႄႈ တၢင်ႇ​ဢပႅတ်ႈ​ၸိူဝ်း​ၼၼ်ႉ​ၸိုင်၊ ၵဝ်​မီး​ၸႂ်​ဢၼ်​မႆႈ​ဢၼ်​ႁွၼ်ႉ​ၼႃႇ​လူင်​လၢင်​လႄႈ၊-</verse>
				<verse number="7">ၶႆႈ​ၸႂ်​ဝူၼ်ႉ​ၸႂ်​ၵူၺ်း​တူဝ်​ၸဝ်ႈ​ၵဝ်ႇ​သေ​လႄႈ သင်ႇ​သွၼ်​မူး​မၢတ်ႈ​ၽွင်း​မိူင်း​တင်း​လၢႆ ဢိၵ်ႇ​တင်း​ၶုၼ်​ဢၼ်​မီး​ဢရႃႇ​ၸိူဝ်း​ၼၼ်ႉ​လႄႈ​ဝႃႈ၊ သူ​ၼႆႉ​ၸၢင်ႈ​ဢွၼ်​ၵၼ်​ၵိၼ်​ၶီႈ​ၶဝ်ႈ​ၶီႈ​ငိုၼ်း တီႈ​ပီႈ​တီႈ​ၼွင်ႉ​သူ​ႁင်း​ၽႂ်​ႁင်း​မၼ်း​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊ ႁႂ်ႈ​ၵူၼ်း​ၸူႉ​ၵၼ်​တုမ်​ၵၼ် ပဵၼ်​ပရဵၵ်ႈသၢတ်ႈ​ဢၼ်​ယႂ်ႇ​ၼႃႇ​ယူႇ​ၽၢႆႇ​ၼိုင်ႈ​တင်း​ၶဝ်​ၼၼ်ႉ​သေ​လႄႈ​လၢတ်ႈ​ဝႃႈ၊-</verse>
				<verse number="8">ၵႃႈ​ၼင်ႇ​ဢၼ်​ႁဝ်း​တၢတ်ႈ​ၼိူင်ႇ​လႆႈ​ၼၼ်ႉ ႁဝ်း​ထုတ်ႇ​ၼုၵ်ႈ​ဢဝ်​ၵူၼ်း​ ယူႉတႃႉ ဢၼ်​ပဵၼ်​ပီႈ​ႁဝ်း​ၼွင်ႉ​ႁဝ်း ဢၼ်​လႆႈ​ၶၢမ်ႇ​ႁဵတ်း​ၶႃႈ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ​ၸိူဝ်း​ၼၼ်ႉ​မႃး​သေ​ယဝ်ႉ၊ သူ​သမ်ႉ​တၵ်း​ၶၢႆ​ပီႈ​သူ​ၼွင်ႉ​သူ​ထႅင်ႈ​လူး​ၵွၼ်ႇ​ႁိုဝ်။ ၶဝ်​တၵ်း​လႆႈ​ၶၢမ်ႇ​တၢင်း​ဢၼ် ၶၢႆ​ပၼ်​တီႈ​ႁဝ်း​ထႅင်ႈ​လူး​ၵွၼ်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ယင်း​ဢမ်ႇ​တၵ်း​သဵင်​လႄႈ ဢမ်ႇ​မီး​ၵႂၢမ်း​တီႈ​ဢၼ်​တၵ်း​ၶိုၼ်း​လၢတ်ႈ​သေ​ၶေႃႈ​သေ​ၵမ်း။-</verse>
				<verse number="9">ၵဝ်​ၵေႃႈ​လၢတ်ႈ​လႄႈ​ဝႃႈ၊ လွင်ႈ​တၢင်း​ဢၼ်​သူ​ႁဵတ်း​ၼႆႉ​ဢမ်ႇ​လီ​လူင်​ပႄႇ။ သူ​ထုၵ်ႇ​ၸွမ်း​သဵၼ်ႈ​တၢင်း​ဢၼ်​ၵူဝ်​ႁႄ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​တၢင်း​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ပဵၼ်​ရၢၼ်ႇ​သူႇ​ႁဝ်း​ၸိူဝ်း​ၼၼ်ႉ တၵ်း​လႆႈ​သႄႉ​သွမ်း​ႁဝ်း​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="10">ၵဝ်​ဢိၵ်ႇ​တင်း​ၼွင်ႉ​ၸၢႆး​ၵဝ်၊ ၶႃႈ​ၵူၼ်း​ၵဝ်​ၸိူဝ်း​ၼႆႉ​ၵေႃႈ၊ ၵဝ်​လႆႈ​ပၼ်​ၵူႈ​ပၼ်​ယိမ်​ငိုၼ်း၊ ၶဝ်ႈ​ပိူၵ်ႇ၊ ၶဝ်ႈ​သၢၼ်​တီႈ​ၶဝ်​ၼၼ်ႉ ပုၼ်ႈ​ဢတူဝ်း​ဢမျၢတ်ႈ​မၼ်း​ယူႇ​ဢေႃႈ။ ၵူၺ်း​ၵႃႈ ဢွၼ်​ၵၼ်​ပႄႇ​ပႅတ်ႈ​ဢမူႉ တၢင်း​ဢၼ်​ၵိၼ်​ၶီႈ​ၶဝ်ႈ​ၶီႈ​ငိုၼ်း​ၼၼ်ႉ​တႃႉ​ႁဝ်း။-</verse>
				<verse number="11">ဝၼ်း​မိူဝ်ႈ​ၼႆႉ ဢွၼ်​ၵၼ်​ဢဝ်​ႁႆႊ​ၼႃး​ၶဝ်၊ သူၼ်​ဢူးယဵၼ်ႇ​ၸပိတ်ႈ​ၶဝ်၊ သူၼ်​ဢူးယဵၼ်ႇ​ သၢၼ်ႇလုၼ်ႇ ​ၶဝ်၊ ႁိူၼ်း​ယေး​ၶဝ် ဢိၵ်ႇ​တင်း ၵႃႈ​ၼႂ်း​ငိုၼ်း၊ ၶဝ်ႈ​ပိူၵ်ႇ​ၶဝ်ႈ​သၢၼ်၊ ၼမ်ႉ​ၸပိတ်ႈ ၼမ်ႉ​မၼ်း ဢၼ်​သူ​ၽႃႇ​ၵဵပ်း​ဢဝ်​တီႈ​ၶဝ်​ယဝ်ႉ​ၼၼ်ႉ ပၢၵ်ႇ​ပုၼ်ႈ​ပုၼ်ႈ​ၼိုင်ႈ​ၼၼ်ႉ ၶိုၼ်း​ပၼ်​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">ၶဝ်​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ၊ ႁဝ်း​ၶႃႈ​တၵ်း​ၶိုၼ်း​ပၼ်​ဢေႃႈ။ တၵ်း​ဢမ်ႇ​ယွၼ်း​ဢဝ်​ၵႃႈ​သင်။ တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​မီး​ဢမိင်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ​ၵဝ်​ႁွင်ႉ​ဢဝ်​ယိတ်ႈပရေႃးႁဵၵ်ႈ​တင်း​လၢႆ​မႃး​လႄႈ ၵူၼ်း​တင်း​လၢႆ​တိူင်ႇ​ဝႃႈ​ၵိၼ်ႇ​ဝႃႈ လွင်ႈ​ဢၼ်​ၶဝ်​တၵ်း​လႆႈ​ႁဵတ်း ၸွမ်း​ၵႃႈ​ၼင်ႇ​ဢၼ်​ဝႆႉ​ၵတီႉ​ၼၼ်ႉ​သေ​လႄႈ၊-</verse>
				<verse number="13">ၽႅတ်း​သၼ်ႇ​ပိၵ်ႇ​သိူဝ်ႈ​ၵဝ်​လႄႈ လၢတ်ႈ​လႄႈ​ဝႃႈ၊ ႁႂ်ႈ​ၽြႃး​ပဵၼ်​ၸဝ်ႈ​ၽႅတ်း​သၼ်ႇ​ၶဝ်​ၸိူဝ်း​ဢၼ်​ႁႂ်ႈ​ၵတီႉ​ၼႆႉ​လူႉ​ၼၼ်ႉ​ပႅတ်ႈ​သေ​ၵႃႈ​ၼႂ်း​ႁိူၼ်း​ၸဝ်ႈ ဢိၵ်ႇ​တင်း​ဢမူႉ​ၸဝ်ႈ​ၸိူဝ်ႉ​ၼင်ႇ​ၼႆ​သေ​ၵမ်း​လူၺ်ႈ။ ႁႂ်ႈ​ၶဝ်​ၼၼ်ႉ​လႆႈ​ၶၢမ်ႇ​တၢင်း​ဢၼ်​ၽႅတ်း​သၼ်ႇ​ၸိူဝ်ႉ​ၼင်ႇ​ၼႆ​လႄႈ ပဵၼ်​ဢၼ်​ပဝ်ႇ​ဢၼ်​လၢပ်ႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ပရဵၵ်ႈသၢတ်ႈ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ၊ ဢႃႇမိၼ်ႇ၊ ဝႃႈ​ၼင်ႇ​ၼႆ​လႄႈ ယွင်ႈ​ယေႃး​ထႃႇဝရႃႉ​ၽြႃး​ဢေႃႈ။ ၵူၼ်း​တင်း​လၢႆ​ၵေႃႈ ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ်​ဝႆႉ​ၵတီႉ​ၼၼ်ႉ​ဢေႃႈ။</verse>
				<verse number="14">ၼွၵ်ႈ​သေ​ၼၼ်ႉ ၼႂ်း​ၶိင်ႇ​ဢၼ်​ၵဝ်​လႆႈ​ၶၢမ်ႇ​ဢဝ်​ဢရႃႇ​မဵဝ်ႉ​ဝုၼ်ႇ ၸႃႉ​ၸဵမ်​ပီႊ​ဢၼ်​ၶုၼ်​လူင်​ ဢႃႇတၸေႇရိတ်ႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သၢဝ်း​ပီႊ တေႃႇ​ထိုင်​ႁွတ်ႈ သၢမ်​သိပ်း​ပၢႆ​သွင်​ပီႊ​ၼၼ်ႉ​တဵမ်​တဵမ်၊ ၵဝ်​ဢိၵ်ႇ​တင်း​ၼွင်ႉ​ၸၢႆး​ၵဝ်​တင်း​လၢႆ ဢမ်ႇ​ၵိၼ်​ၸရိပ်ႈ​မဵဝ်ႉ​ဝုၼ်ႇ။-</verse>
				<verse number="15">မဵဝ်ႉ​ဝုၼ်ႇ​ဢၼ်​ဢွၼ်​တၢင်း​ၸိူဝ်း​ၼၼ်ႉ​ၸမ်ႉ၊ ဢွၼ်​ၵၼ်​ၶၢမ်ႇ​ဢဝ်​တၢင်း​ဢၼ်​လဵင်ႉ​ဢၼ်​လူ တီႈ​ၵူၼ်း​တင်း​လၢႆ​ဢေႃႈ။ ယေႈ​ဝၼ်း​ယေႈ​ဝၼ်း ၶဝ်​ဢွၼ်​ၵၼ်​ၶၢမ်ႇ​ဢဝ် ၶဝ်ႈ​မုၼ်း​တင်း​ၼမ်ႉ​ၸပိတ်ႈ ဢိၵ်ႇ​တင်း​ငိုၼ်း​သီႇ​သိပ်း​ၵျၢပ်ႈ​ သၶေးလႃႉ ​ဢေႃႈ။ ၵူၼ်း​ၸႂ်ႉ​ၵူၼ်း​သွႆ ၵူၼ်း​ဢွၼ်ႇ​ၸၢႆး​ၶဝ်​ၼၼ်ႉ​ၵေႃႈ၊ ႁဵတ်း​ၶုၼ် ဝႆႉ​ဢႃႇၼႃႇ​ၵႃႈ​ၼိူဝ်​ၵူၼ်း​တင်း​လၢႆ​ဢေႃႈ။ ၵဝ်​ၸမ်ႉ၊ ၵွပ်ႈ​ပိူဝ်ႈ​ဢၼ် ၵူဝ်​ႁႄ​ၽြႃး​ပဵၼ်​ၸဝ်ႈ​ၼၼ်ႉ​လႄႈ ဢမ်ႇ​ႁဵတ်း​ၸိူဝ်ႉ​ၼင်ႇ​ၼၼ်။-</verse>
				<verse number="16">ၼွၵ်ႈ​သေ​ၼၼ်ႉ ၵဝ်​ႁဵတ်း​လမ်း​ဝဵင်း​ယူႇ​တိၵ်း​တိၵ်း​ဢေႃႈ။ ႁဝ်း​ဢမ်ႇ​ႁဵတ်း​တၢင်း​ဢၼ်​သိုဝ်ႉ​ဢဝ်​ႁႆႊ​ဢဝ်​ၼႃး​လႃး​လႃး။ ၵဝ် ဢိၵ်ႇ​တင်း​ၶႃႈ​ၵူၼ်း​ၵဝ်​တင်း​သဵင်ႈ​တင်း​လူင် ဢွၼ်​ၵၼ်​ၽွမ်ႉ​ႁူမ်ႈ​ၸွႆႈ​ထႅမ်​ပွင်​ႁဵတ်း​ဢမူႉ တၢင်း​ဢၼ်​တႄႇ​ႁဵတ်း​လမ်း​ဝဵင်း​ၵူၺ်း​ဢေႃႈ။-</verse>
				<verse number="17">ၼွၵ်ႈ​သေ​ၼၼ်ႉ ယင်း​ဢမ်ႇ​ဝႃႈ​ပႃး​ၵူၼ်း​တၢင်ႇ​ၸိူဝ်ႉ​တင်း​မဵဝ်း​ဢၼ်​ယူႇ​ၵႃႈ​တီႈ​လဵပ်ႈ​ႁွပ်ႈ​ႁဝ်း​လႄႈ​မႃး​ၸူး​ၵႃႈ​တီႈ​ၵဝ်​ၸိူဝ်း​ၼၼ်ႉ​လႄႈ ၵူၼ်း​မဵဝ်း​ ယူႉတႃႉ ဢိၵ်ႇ​တင်း ၶုၼ်​ဢၼ်​မီး​ဢရႃႇ​တင်း​လၢႆ ဢၼ်​ၵိၼ်​ၵႃႈ​တီႈ​ၶူင်ႇ​တီႈ​ၵိၼ်​ၵဝ်​ယူႇ​သေႇ​သေႇ​ၼၼ်ႉ မီး​ပၢၵ်ႇ​ပၢႆ​ႁႃႈ​သိပ်း​ၵေႃႉ​ဢေႃႈ။-</verse>
				<verse number="18">ၼႂ်း​ယေႈ​ဝၼ်း​ယေႈ​ဝၼ်း လႆႈ​ၸီႇ​ယၢင်ႇ​မႄး​ႁႅၼ်း ဝူဝ်း​တူဝ်​ၼိုင်ႈ ဢိၵ်ႇ​တင်း​သူဝ်း​ဢၼ်​လိူၵ်ႈ​ၵဵပ်း​ဢဝ်​ႁူၵ်း​တူဝ်​လႄႈ ၵႆႇ​ၼမ်​ၼႃႇ​ၵေႃႈ လႆႈ​မႄး​ႁႅၼ်း​ပုၼ်ႈ​ၵဝ်​ဢေႃႈ။ သိပ်း​ဝၼ်း​ယေႈ​ပွၵ်ႈ လႆႈ​ဢဝ်​ၼမ်ႉ​ၸပိတ်ႈ​ဢၼ်​ၼမ်​ၼႃႇ​ၵူႈ​ၸိူဝ်ႉ​ၵူႈ​မဵဝ်း တၢင်ႇ​တမ်း​ဢေႃႈ။ သဵင်ႈ​ထၢၼ်ႇ​ၼၼ်ႉ​သေ​ၵေႃႈ ၵဝ်​ဢမ်ႇ​ယွၼ်း​ဢဝ်​ၸရိပ်ႈ​မဵဝ်ႉ​ဝုၼ်ႇ ၵွပ်ႈ​ပိူဝ်ႈ​ဢၼ်​ၵၢၼ်​တၢင်း​ႁဵတ်း​ဢၼ်​ၼၵ်း​ၼႃႇ မီး​ယူႇ​ၵႃႈ​ၼိူဝ်​ၵူၼ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="19">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႃႈ​ဢၼ်​ၶႃႈ​ၸဝ်ႈ​ႁဵတ်း​ပုၼ်ႈ ၵူၼ်း​တင်း​လၢႆ​ၸိူဝ်း​ၼႆႉ​လႄႈ ႁဵတ်း​ၵျေး​ၸူး​သေ​ၵမ်း​တီႈ​ၶႃႈ။</verse>
			</chapter>
			<chapter number="6">
				<verse number="1">မိူဝ်ႈ​ၼၼ်ႉ မိူဝ်ႈ​ဢၼ်​ သၼ်ႇပႃးလတ်ႉ ဢိၵ်ႇ​တင်း​ တေႃႇၽီႉ တင်း​ ၵေႇသိမ်ႇ ၵူၼ်း​ ဢရေႇပျႃႉ တင်း​ရၢၼ်ႇ​သူႇ​ႁဝ်း ဢၼ်​ၵိုတ်း​ဢၼ်​ၵျၢၼ်ႇ​ၸိူဝ်း​ၼၼ်ႉ ငိၼ်း​လွင်ႈ​ဢၼ်​ၵဝ်​တႄႇ​ႁဵတ်း​လမ်း​ဝဵင်း​လႄႈ ပိၵ်ႉ​သမ်ႉ​ဢမ်ႇ​ပႆႇ​လႆႈ​ပူၵ်း​တင်ႈ​ၽၵ်း​တူ​ဝဵင်း​သေ​ၵေႃႈ လမ်း​ဝဵင်း​လူင်ႉ​လီ​လွတ်ႈ​လီ​ၼၼ်ႉ​ၸိုင်၊-</verse>
				<verse number="2">သၼ်ႇပႃးလတ်ႉ တင်း​ ၵေႇသိမ်ႇ ​ၸိူဝ်း​ၼၼ်ႉ သင်ႇ​လၢတ်ႈ​မႃး​တီႈ​ၵဝ်​လႄႈ​ဝႃႈ၊ မႃး​သေ​ၵမ်း။ ႁူပ်ႉ​ထူပ်း​ၵၼ်​ၵႃႈ​တီႈ​ဝၢၼ်ႈ​ဝၢၼ်ႈ​ၼိုင်ႈ ၵႃႈ​ၼႂ်း​ပၢင်ႇ​ႁူၺ်ႈ​ ဢေႃးၼေႃး ​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​လႄႈ သွင်​ၶႃ​ၼၼ်ႉ မီး​တၢင်း​ၵျၢမ်ႇ​တၢင်း​ပွင် ဢၼ်​ၶႂ်ႈ​ႁဵတ်း​ဢၼ်​ဢမ်ႇ​လီ​တီႈ​ၵဝ်​ဢေႃႈ။-</verse>
				<verse number="3">ၵဝ်​ၵေႃႈ၊ ပွႆႇ​ၸႂ်ႉ​တမၢၼ်ႇ ၸူး​တီႈ​သွင်​ၶႃ​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​လႆႈ​ၵိုတ်ႉ​ႁၢပ်ႇ​ဢမူႉ​ဢၼ်​ယႂ်ႇ​ၼႃႇ​လူင်​လၢင်​လႄႈ​ၵဝ်​ဢမ်ႇ​လူင်း​ဢမ်ႇ​ၵႂႃႇ​လႆႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ယင်း​ဢမ်ႇ​ၵိုတ်ႉ​ႁၢပ်ႇ​ဢမူႉ​ၼႆႉ​လႄႈ တၵ်း​လႆႈ​လူင်း​ၵႂႃႇ​တီႈ​ဢၼ်​သူ​မီး​ၼၼ်ႉ​သေ​လႄႈ ႁႂ်ႈ​ဢမူႉ​ၼႆႉ​လႆႈ​ထၢတ်ႇ​ၵႂႃႇ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၼင်ႇ​ၼၼ်​လႄႈ သွင်​ၶႃ​ၼၼ်ႉ သင်ႇ​လၢတ်ႈ​မႃး​တီႈ​ၵဝ် တေႃႇ​ထိုင်​ႁွတ်ႈ​သီႇ​ပွၵ်ႈ​လႄႈ ၵဝ်​ၵေႃႈ​ၶိုၼ်း​လၢတ်ႈ​မိူၼ်​ၸိူဝ်ႉ​ၼင်ႇ​ပွၵ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="5">လိုၼ်း​ၼၼ်ႉ​ပွၵ်ႈ​ပိၼ်ႇၸမႃႉ သၼ်ႇပႃးလတ်ႉ ​ၼၼ်ႉ ပွႆႇ​ၸႂ်ႉ​ၶႃႈ​မၼ်း​မႃး မိူၼ်​ၸိူဝ်ႉ​ၼင်ႇ​ပွၵ်ႈ​ဢွၼ်​တၢင်း​ၼၼ်ႉ​လႄႈ ၶႃႈ​မၼ်း​ၼၼ်ႉ​ပႃး​ဢဝ်​လိၵ်ႈ​ဢၼ်​ဢမ်ႇ​တူပ်ႉ​ဢမ်ႇ​ႁမ်း​မႃး​ဢေႃႈ။-</verse>
				<verse number="6">ၵႂၢမ်း​လိၵ်ႈ​ၼၼ်ႉ​ဝႃႈ​ၸမ်ႉ၊ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢွၼ်​ၵၼ်​လၢတ်ႈ​လွင်ႈ​ဢၼ်​မႂ်း ဢိၵ်ႇ​တင်း​ၵူၼ်း​ ယူႉတႃႉ ​တင်း​လၢႆ မီး​တၢင်း​ၵျၢမ်ႇ​တၢင်း​ပွင်​တၵ်း​ပုင်ႇ​ၵၢၼ်ႇ​ၼၼ်ႉ​ဢေႃႈ။ ၵေႇသိမ်ႇ ​ၵေႃႈ​ၶၢမ်ႇ​သၢၵ်ႈ​သေႇ​ၸိူဝ်ႉ​ၼင်ႇ​ၼၼ်​ဢေႃႈ။ မႅၼ်ႈ​ၵၼ်​တင်း​ၵႂၢမ်း​ၼၼ်ႉ​လႄႈ မႂ်း​တႄႇ​ႁဵတ်း​လမ်း​ဝဵင်း ၵွပ်ႈ​ပိူဝ်ႈ​လွင်ႈ​ၼၼ်ႉ​လႄႈ မီး​ဢလူဝ်ႇ​ၶႂ်ႈ​ပဵၼ်​ၶုၼ်​ႁေႃ​ၶမ်း​ၶဝ်​ဢေႃႈ။-</verse>
				<verse number="7">မႂ်း​လႆႈ​ၶၢၼ်း​ယိတ်ႈပရေႃးႁဵၵ်ႈ​တင်း​လၢႆ ဝႆႉ​ႁႂ်ႈ​လႆႈ​ဢဝ်​လွင်ႈ​မႂ်း​ႁေႃး​လၢတ်ႈ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ​ဝႃႈ၊ ၵႃႈ​တီႈ​မိူင်း​ ယူႉတႃႉ မီး​ၶုၼ်​ႁေႃ​ၶမ်း​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။ မီး​တီႈ​ဢၼ်​တၵ်း​လႆႈ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း ၸွမ်း​ၵႃႈ​ၼင်ႇ​ဢၼ်​ၵႂၢမ်း​ၼၼ်ႉ​မီး​ၼၼ်ႉ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ တေႃႈ​လဵဝ်​ၼႆႉ မႃး​လႄႈ​တိူင်ႇ​ပၢင်ႇ​ၵၼ်​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မိူဝ်ႈ​ၼၼ်ႉ​ၵဝ်​ပွႆႇ​ၸႂ်ႉ​ၵႂႃႇ​တီႈ​မၼ်း​လႄႈ​ဝႃႈ၊ ၵႂၢမ်း​ဢၼ်​မႂ်း​လၢတ်ႈ​ၼၼ်ႉ ဢမ်ႇ​မၢၼ်ႇ​ဢမ်ႇ​မႅၼ်ႈ​သေ​ၶေႃႈ​သေ​ၵမ်း။ မႂ်း​ဢဝ်​ၵႃႈ​ၼႂ်း​ႁူဝ်​ၸႂ်​မႂ်း​ၵျၢမ်ႇ​ပွင်​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">လွင်ႈ​မၼ်း​ၸမ်ႉ ၶဝ်​ၼၼ်ႉ​ဢွၼ်​ၵၼ်​လွၵ်ႇ​ငိုတ်ႈ​ႁဝ်း​သေ​လႄႈ​ဝႃႈ၊ ႁႅင်း​မိုဝ်း​ၶဝ်​တၵ်း​ဢူၼ်ႈ​ၵႂႃႇ​ယွမ်း​ၵႂႃႇ ႁႂ်ႈ​ဢမူႉ​ၼၼ်ႉ​ထၼ်ႈ​ပေႃး​ဢမ်ႇ​ယဝ်ႉ​ဢမ်ႇ​တူဝ်ႈ​လႆႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵူၺ်း​ၵႃႈ ၵွပ်ႈ​ပိူဝ်ႈ​ၵႂၢမ်း​ၼၼ်ႉ​လႄႈ ႁႅင်း​မိုဝ်း​ၵဝ်​ယဵင်ႈ​ၶႅၼ်း​ယႂ်ႇ​မႃး​တူဝ်း​မႃး​ဢေႃႈ။</verse>
				<verse number="10">မိူဝ်ႈ​ၼၼ်ႉ​ၵဝ်​ၶဝ်ႈ​ၵႂႃႇ​ၵႃႈ​ၼႂ်း​ႁိူၼ်း​ သေႇမႃႇယႃႉ လုၵ်ႈ​ၸၢႆး​ တေႇလႃႇယႃႉ ဢၼ်​ပဵၼ်​လုၵ်ႈ​ၸၢႆး မႁေႇတပေႇလႃႉ ​တီႈ​ဢၼ်​မၼ်း တဵတ်ႇ​မႅပ်ႉ​ယူႇ​ၼၼ်ႉ​လႄႈ မၼ်း​ၼၼ်ႉ​လၢတ်ႈ​လႄႈ​ဝႃႈ၊ ႁဝ်း​ဢွၼ်​ၵၼ်​ၸူႉ​ၵၼ်​တုမ်​ၵၼ် ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ ၵႃႈ​တီႈ​ၼႂ်း​ပိၵ်ႈ​မၢၼ်ႇ​ၸဝ်ႈ​သေ​လႄႈ ဢိုတ်း​ၽၵ်း​တူ​ပိၵ်ႈ​မၢၼ်ႇ​ၸဝ်ႈ​ဝႆႉ​တႃႉ​ႁဝ်း။ ၶဝ်​တၵ်း​ဢွၼ်​ၵၼ်​မႃး ႁႂ်ႈ​လႆႈ​ဢဝ်​ၸဝ်ႈ​ႁဝ်း​တၢႆ​ဢေႃႈ။ တၵ်း​မႃး​ၶိင်ႇ​ၵၢင်​ၶိုၼ်း ႁႂ်ႈ​လႆႈ​ဢဝ်​ၸဝ်ႈ​ႁဝ်း​တၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၵဝ်​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵူၼ်း​ၸိူဝ်ႉ​ၼင်ႇ​ၵဝ်​ၼႆႉ တၵ်း​လႆႈ​ပၢႆႈ​ႁိုဝ်။ ၽူႈ​လႂ်​ဢၼ်​ပဵၼ်​ၵူၼ်း​ဢၼ်​မိူၼ်​ၸိူဝ်ႉ​ၼင်ႇ​ၵဝ်​ၼႆႉ တၵ်း​ၶဝ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ ႁႂ်ႈ​ဢသၢၵ်ႈ​လႆႈ​ၵတ်း​ယဵၼ်​ၶျၢမ်း​သႃႇ​ၼၼ်ႉ ၵဝ်​ဢမ်ႇ​ၶဝ်ႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵဝ်​ႁူႉ​သၢႆ​ငၢႆ လွင်ႈ​ဢၼ်​ၽြႃး​ပဵၼ်​ၸဝ်ႈ ဢမ်ႇ​ပွႆႇ​ၸႂ်ႉ​မၼ်း​လႄႈ မၼ်း​ႁေႃး​လၢတ်ႈ​ယူႇ​ၽၢႆႇ​ၼိုင်ႈ​တင်း​ၵဝ်​ၸိူဝ်ႉ​ၼင်ႇ​ၼၼ် ၵွပ်ႈ​ပိူဝ်ႈ​ဢၼ်​ တေႃႇၽီႉ ဢိၵ်ႇ​တင်း​ သၼ်ႇပႃးလတ်ႉ ၸၢင်ႈ​ငႃ​ဢဝ်​မၼ်း​ၼၼ်ႉ​ယူႇ​ဢေႃႈ။-</verse>
				<verse number="13">လွင်ႈ​ဢၼ်​ၸၢင်ႈ​ငႃ​ဢဝ်​မၼ်း​ၼၼ်ႉ​ၸမ်ႉ၊ ပဵၼ်​လွင်ႈ​ဢၼ် တၵ်း​ႁႂ်ႈ​ၵဝ်​ၵူဝ်​ႁႄ​လႄႈ ႁဵတ်း​ၸိူဝ်ႉ​ၼင်ႇ​ၼၼ်​သေ​လႄႈ ၽိတ်း​ပိူင်ႈ​သေ​ယဝ်ႉ၊ မီး​လွင်ႈ​ဢၼ်​တၵ်း​လႆႈ​လၢတ်ႈ​ဢၼ်​ဢမ်ႇ​လီ​ဢမ်ႇ​ငၢမ်း​လႄႈ လႆႈ​ဢၶႂၢင်ႉ​ဢၼ်​တၵ်း​သႄႉ​တၵ်း​သွမ်း​တီႈ​ၵဝ်​ဢေႃႈ။-</verse>
				<verse number="14">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​မၢတ်ႈ​တွင်း တေႃႇၽီႉ တင်း​ သၼ်ႇပႃးလတ်ႉ ၸွမ်း​လူၺ်ႈ​တၢင်း​ဢၼ် ၶဝ်​ႁဵတ်း​ၸိူဝ်ႉ​ၼင်ႇ​ၼၼ် ဢိၵ်ႇ​တင်း​ ၼေႃႇတီႉ ပရေႃးၽႅတ်ႈ​မႄႈ​ယိင်း တင်း​ပရေႃးၽႅတ်ႈ ဢၼ်​လွၵ်ႇ​ငိုတ်ႈ​ၶႃႈ​ၸဝ်ႈ​တင်း​လၢႆ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="15">ၼႂ်း​လိူၼ်​ ဢေးလူႉလႃႉ သၢဝ်း​ႁႃႈ​ဝၼ်း​ၼၼ်ႉ ႁိုင်​ႁႃႈ​သိပ်း​ပၢႆ​သွင်​ဝၼ်း​လႄႈ လမ်း​ဝဵင်း​ယဝ်ႉ​တူဝ်ႈ​ဢေႃႈ။-</verse>
				<verse number="16">မိူဝ်ႈ​ဢၼ်​ရၢၼ်ႇ​သူႇ​ႁဝ်း​တင်း​သဵင်ႈ​တင်း​လူင် လႆႈ​ငိၼ်း​လွင်ႈ​မၼ်း​ၼၼ်ႉ​ၸိုင် ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ယူႇ​ၵႃႈ​တီႈ​လဵပ်ႈ​ႁွပ်ႈ​ႁဝ်း​ၸိူဝ်း​ၼၼ်ႉ​ၵူဝ်​ႁႄ​လႄႈ ဢွၼ်​ၵၼ်​မီး​တၢင်း​ဢၼ် ၶျႃး​တူၵ်း​တီႈ​တႅမ်ႇ​သိုဝ်ႈ​ၼႃႈ​တႂ်ႈ​တႃ​တူဝ်​ၸဝ်ႈ​ၵဝ်ႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ႁူႉ​သၢႆ​ငၢႆ​လွင်ႈ​ဢၼ်​ဢမူႉ​ၼၼ်ႉ​ယဝ်ႉ​တူဝ်ႈ​လူၺ်ႈ​ဢၶႂၢင်ႉ​ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​ဢေႃႈ။-</verse>
				<verse number="17">ၼႂ်း​ၶိင်ႇ​ၵႃႇလႃႉ​မိူဝ်ႈ​ၼၼ်ႉ မူး​မၢတ်ႈ​ၽွင်း​မိူင်း​ ယူႉတႃႉ ​တင်း​လၢႆ ပၼ်​လိၵ်ႈ​မႅတ်ႈ​တႃႇ​ၵႂႃႇ​တီႈ​ တေႃႇၽီႉ ​ၼမ်​ၼႃႇ​လႄႈ လိၵ်ႈ​ တေႃႇၽီႉ ၵေႃႈ​ၶိုၼ်း​တွပ်ႇ​မႃး​တီႈ​ၶဝ်​ၼမ်​ၼႃႇ​ဢေႃႈ။-</verse>
				<verse number="18">ၵူၼ်း​ ယူႉတႃႉ ​ၼမ်​ၼႃႇ ၶၢမ်ႇ​သဵတ်ႈ​ၸႃႇ​တီႈ​ တေႃႇၽီႉ ၵွပ်ႈ​ပိူဝ်ႈ​ဢၼ်​မၼ်း​ၼၼ်ႉ ပဵၼ်​လုၵ်ႈ​ၶူၺ်​ သေႇၵၼီႉ လုၵ်ႈ​ၸၢႆး​ ဢႃႇရႃႉ ဢိၵ်ႇ​တင်း ၵွပ်ႈ​ပိူဝ်ႈ​ဢၼ်​ ယေႃးႁၼၼ်ႇ လုၵ်ႈ​ၸၢႆး​မၼ်း​ၼၼ်ႉ ပဵၼ်​ၵူပ်ႉ​ပဵၼ်​ၵူႈ​လူၺ်ႈ​ၵၼ်​တင်း​လုၵ်ႈ​ယိင်း​ မေႇသူႉလမ်ႇ လုၵ်ႈ​ၸၢႆး​ ပေႇရၶီႉ ​ၼၼ်ႉ​ဢေႃႈ။-</verse>
				<verse number="19">ၶဝ်​ၼၼ်ႉ ၸၢင်ႈ​ဢွၼ်​ၵၼ်​ဢဝ်​လွင်ႈ​တၢင်း​ဢၼ်​လီ​ဢၼ်​ငၢမ်း ဢၼ်​ တေႃႇၽီႉ ​ႁဵတ်း​ၼၼ်ႉ ၶိုၼ်း​လၢတ်ႈ​တီႈ​ၵဝ်​လႄႈ ၵႂၢမ်း​ၵဝ်​ၵေႃႈ ၸၢင်ႈ​ဢွၼ်​ၵၼ်​ဢဝ်​ၶိုၼ်း​လၢတ်ႈ တီႈ​ တေႃႇၽီႉ ​ဢေႃႈ။ တေႃႇၽီႉ ​ၵေႃႈ​ပၼ်​လိၵ်ႈ​ပုၼ်ႈ​ဢၼ်​တၵ်း​ႁႂ်ႈ​ၵဝ်​ၵူဝ်​ႁႄ​ၼၼ်ႉ​မႃး​ဢေႃႈ။</verse>
			</chapter>
			<chapter number="7">
				<verse number="1">မိူဝ်ႈ​ဢၼ် လမ်း​ဝဵင်း​ယဝ်ႉ​တူဝ်ႈ​ယဝ်ႉ​ၼၼ်ႉ​လႄႈ ၵဝ်​ပူၵ်း​တင်ႈ​ၽၵ်း​တူ​တင်း​လၢႆ​သေ​လႄႈ​ၶၢၼ်း​ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ၊ ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​တင်း​လၢႆ​ဝႆႉ​ယဝ်ႉ​ၼၼ်ႉ​ၸိုင်၊-</verse>
				<verse number="2">ၵဝ်​ဢဝ်​ဝဵင်း​ ယေႇရူႉသလႅမ်ႇ ဢၢပ်ႈ​ပၼ်​တီႈ​ ႁႃႇၼၼီႉ ၼွင်ႉ​ၸၢႆး​ၵဝ် ဢိၵ်ႇ​တင်း​ ႁႃႇၼၼီႉယႃႉ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​တိူၵ်ႈ​တီႈ​တိုၵ်း​သိုၵ်း ဢၼ်​မီး​သဵတ်ႈ​ၸႃႇ​လႄႈ ရူဝ်ႇ​သေႇ​ၵူဝ်​ယမ်​ၽြႃး​ပဵၼ်​ၸဝ်ႈ​လိူဝ်​တွၼ်း​ၼႃႇ​သေ​ၵူၼ်း​ၼမ်​ၼႃႇ​ၼၼ်ႉ​သေ​လႄႈ ၸီႇ​ယၢင်ႇ​လႄႈ​ဝႃႈ၊-</verse>
				<verse number="3">ၸူဝ်ႈ​ဢၼ်​ၵၢင်​ဝၼ်း​ဢမ်ႇ​ပႆ​ဢွၵ်ႇ၊ လႅတ်ႇ​ဢမ်ႇ​ပႆႇ​မႆႈ​ၼၼ်ႉ​ၸိုင် ယႃႇ​ပေ​ႁႂ်ႈ​ၽုၺ်ႇ​ပိုတ်ႇ​ၽၵ်း​တူ​ဝဵင်း​ ယေႇရူႉသလႅမ်ႇ ။ ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ပႂ်ႉ​ၽၵ်း​တူ​ယူႇ​ၼၼ်ႉ ႁႂ်ႈ​ၶဝ်​ဢိုတ်း​ႁပ်း​ၽၵ်း​တူ​သေ​လႄႈ​သွတ်ႇ​ၵိူၼ်ႇ​ၽၵ်း​တူ​ဝႆႉ​သေ။ ႁႂ်ႈ​ၵူၼ်း​ၶူး​ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​ဝႆႉ​ပဵၼ်​မုၵ်ႉ​ပဵၼ်​ၸိူဝ်း​ယူႇ​လႄႈ ႁႂ်ႈ​ပဵၼ်​ၵၢင်​ၽႂ်​ၵၢင်​မၼ်း​ယူႇ​သေ​လႄႈ ႁႂ်ႈ​ၵူႈ​ၵေႃႉ​ၵူႈ​ၵူၼ်း​ပႂ်ႉ​ယူႇ​ၵႃႈ​တီႈ ဢၼ်​သိုဝ်ႈ​ၵၼ်​တင်း​ႁိူၼ်း​ၽႂ်​ႁိူၼ်း​မၼ်း​သေ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">လွင်ႈ​မၼ်း​ၸမ်ႉ ဝဵင်း​ပဵၼ်​ဢၼ်​ယႂ်ႇ​ၵႂၢင်ႈ​လႄႈ ၵူၼ်း​ဢၼ်​ယူႇ​ၵႃႈ​ၼႂ်း​မၼ်း​ပဵၼ် ဢၼ်​ၵေႇ​မၢင်​လႄႈ ဢမ်ႇ​ပႆႇ​ဢွၼ်​ၵၼ်​တႄႇ​ႁဵတ်း​ႁိူၼ်း​ၶဝ်​ယေး​ၶဝ်။-</verse>
				<verse number="5">မိူဝ်ႈ​ၼၼ်ႉ​ၽြႃး​ပဵၼ်​ၸဝ်ႈ​ၵဝ် ဢဝ်​တၢင်း​ၵျၢမ်ႇ​တၢင်း​ပွင် ဢၼ်​တၵ်း​ႁႂ်ႈ​မူး​မၢတ်ႈ​ၽွင်း​မိူင်း၊ ၶုၼ်​ဢၼ်​မီး​ဢရႃႇ၊ ၶႃႈ​ဝၢၼ်ႈ​ၵူၼ်း​မိူင်း​တင်း​လၢႆ ၸူႉ​ၵၼ်​တုမ်​ၵၼ်​ႁႂ်ႈ​ၶဝ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ၶဝ်ႈ​ၼႂ်း​ၸရၢင်း​ၸွမ်း​လူၺ်ႈ​မဵဝ်း​ၸိူဝ်ႉ​ၶိူဝ်း​ၶဝ်​ၼၼ်ႉ သႂၢင်း​သႂ်ႇ​ပၼ်​ၵႃႈ​ၼႂ်း​ႁူဝ်​ၸႂ်​ၵဝ်​ဢေႃႈ။ ၵဝ်​ထူပ်း​ႁၼ်​လိၵ်ႈ​ၸရၢင်း ပီႈ​ၼွင်ႉ​မဵဝ်း​ၸိူဝ်ႉ​ၶိူဝ်း​ၶဝ်​ၸိူဝ်း​ဢၼ်​ႁွတ်ႈ​မႃး​မိူဝ်ႈ​ဢွၼ်​တၢင်း​ၼၼ်ႉ​လႄႈ ၵႂၢမ်း​ဢၼ်​ၵဝ်​ထူပ်း​ႁၼ်​တႅမ်ႈ​ဝႆႉ​မီး​ယူႇ​ၵႃႈ​ၼႂ်း​လိၵ်ႈ​ၸရၢင်း​ၼၼ်ႉ​ဝႃႈ​ၸမ်ႉ၊-</verse>
				<verse number="6">ၵူၼ်း​ၸိူဝ်း​ၼႆႉ​ပဵၼ်​ၵူၼ်း​မိူင်း​ၸဝ်ႈ ဢၼ်​ဢွၵ်ႇ​သေ​ၵႃႈ​ၼႂ်း​တၢင်း​ဢၼ်​သိမ်း​ဢဝ်​ၵႂႃႇ ဢၼ်​ၸၢပ်ႈ​သႅင်ႇ​ၵၼ်​တင်း​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ ဢၼ်​ ၼေႇပူႉၶတ်ႉၼေႇၸႃႇ ​ၶုၼ်​ႁေႃ​ၶမ်း​ ပႃႇပူႉလုၼ်ႇ လႆႈ​သိမ်း​ဢဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ၼၼ်ႉ​လႄႈ ၶိုၼ်း​မိူဝ်း​ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ တင်း​မိူင်း​ ယူႉတႃႉ တီႈ​ဝၢၼ်ႈ​ဝဵင်း​တီႈ​ယူႇ​ၶဝ်​ႁင်း​ၽႂ်​ႁင်း​မၼ်း​လႄႈ၊-</verse>
				<verse number="7">ၸွမ်း​လူၺ်ႈ​ၵၼ်​တင်း ၸေႇရူႉပႃႉပေႇလႃႉ၊ ယေႃးသူႉ၊ ၼေႇႁမီႉ၊ ဢႃႇၸရီႉ၊ ရႃႇမီႉ၊ ၼႃႇႁမႃႇၼီႉ၊ မေႃႇတၵႄး၊ ပီႉလသၼ်ႇ၊ မီႇၸပႃႇ၊ ပီႉၵဝေႇ၊ ၼေႇႁုမ်ႇ၊ ပႃႇၼႃႇ ​ၸိူဝ်း​ၼၼ်ႉ​မႃး​ဢေႃႈ။ ၸရၢင်း​ဢၼ်​ၼပ်ႉ​ဢၢၼ်ႇ​ၵူၼ်း​ၸၢႆး​မဵဝ်း​ ဢီႉသရေႇလႃႉ ​ၸမ်ႉ၊-</verse>
				<verse number="8">မီး​ၵူၼ်း​မဵဝ်း​ ပႃႇရုတ်ႉ သွင်​ႁဵင်​ပၢၵ်ႇ​ၼိုင်ႈ​ၸဵတ်း​သိပ်း​ပၢႆ​သွင်​ၵေႃႉ၊-</verse>
				<verse number="9">ၵူၼ်း​မဵဝ်း​ သေႇၽတီႉ သၢမ်​ပၢၵ်ႇ​ၸဵတ်း​သိပ်း​ပၢႆ​သွင်​ၵေႃႉ၊-</verse>
				<verse number="10">ၵူၼ်း​မဵဝ်း​ ဢႃႇရႃႉ ႁူၵ်း​ပၢၵ်ႇ​ႁႃႈ​သိပ်း​ပၢႆ​သွင်​ၵေႃႉ၊-</verse>
				<verse number="11">ၵူၼ်း​မဵဝ်း​ ပႃႇႁတ်ႉမေႃႇၽႃႉ ၊ ၵူၼ်း​မဵဝ်း​ ယေႃးသူႉ တင်း​ ယႂႃႇၽႃႉ သွင်​ႁဵင်​ပႅတ်ႇ​ပၢၵ်ႇ​ပၢႆ​သိပ်း​ပႅတ်ႇ​ဢေႃႈ။-</verse>
				<verse number="12">ၵူၼ်း​မဵဝ်း​ ဢေႇလမ်ႇ ႁဵင်​ၼိုင်ႈ​သွင်​ပၢၵ်ႇ​ႁႃႈ​သိပ်း​ပၢႆ​သီႇ​ၵေႃႉ၊-</verse>
				<verse number="13">ၵူၼ်း​မဵဝ်း​ ၸတ်ႉတူႉ ပႅတ်ႇ​ပၢၵ်ႇ​သီႇ​သိပ်း​ပၢႆ​ႁႃႈ​ၵေႃႉ၊-</verse>
				<verse number="14">ၵူၼ်း​မဵဝ်း​ ၸၵ်ႉၶေး ၸဵတ်း​ပၢၵ်ႇ​ပၢႆ​ႁူၵ်း​သိပ်း​ၵေႃႉ၊-</verse>
				<verse number="15">ၵူၼ်း​မဵဝ်း​ ပီႉၼုၺ်ႇ ႁူၵ်း​ပၢၵ်ႇ​သီႇ​သိပ်း​ပၢႆ​ပႅတ်ႈ​ၵေႃႉ၊-</verse>
				<verse number="16">ၵူၼ်း​မဵဝ်း​ ပေႇပေႇ ႁူၵ်း​ပၢၵ်ႇ​သၢဝ်း​ပၢႆ​ပႅတ်ႇ​ၵေႃႉ၊-</verse>
				<verse number="17">ၵူၼ်း​မဵဝ်း​ ဢႃႇၸၵတ်ႉ သွင်​ႁဵင်​သၢမ်​ပၢၵ်ႇ​သၢဝ်း​ပၢႆ​သွင်​ၵေႃႉ၊-</verse>
				<verse number="18">ၵူၼ်း​မဵဝ်း​ ဢႃႇတေႃးၼီႉၵမ်ႇ ႁူၵ်း​ပၢၵ်ႇ​ႁူၵ်း​သိပ်း​ပၢႆ​ၸဵတ်း​ၵေႃႉ၊-</verse>
				<verse number="19">ၵူၼ်း​မဵဝ်း​ ပီႉၵဝေႇ သွင်​ႁဵင်​ႁူၵ်း​သိပ်း​ပၢႆ​ၸဵတ်း​ၵေႃႉ၊-</verse>
				<verse number="20">ၵူၼ်း​မဵဝ်း​ ဢႃႇတိၼ်ႇ ႁူၵ်း​ပၢၵ်ႇ​ႁႃႈ​သိပ်း​ပၢႆ​ႁႃႈ​ၵေႃႉ၊-</verse>
				<verse number="21">ၵူၼ်း​မဵဝ်း​ ဢႃႇတႃႇ တင်း​ ႁေႇၸၵီႉ ၵဝ်ႈ​သိပ်း​ပၢႆ​ပႅတ်ႇ​ၵေႃႉ၊-</verse>
				<verse number="22">ၵူၼ်း​မဵဝ်း​ ႁႃႇသုမ်ႇ သၢမ်​ပၢၵ်ႇ​သၢဝ်း​ပၢႆ​ပႅတ်ႇ​ၵေႃႉ၊-</verse>
				<verse number="23">ၵူၼ်း​မဵဝ်း​ ပေႇၸေႇ သၢမ်​ပၢၵ်ႇ​သၢဝ်း​ပၢႆ​သီႇ​ၵေႃႉ၊-</verse>
				<verse number="24">ၵူၼ်း​မဵဝ်း​ ႁႃႇရိပ်ႉ ပၢၵ်ႇ​ပၢႆ​သိပ်း​သွင်​ၵေႃႉ၊-</verse>
				<verse number="25">ၵူၼ်း​မဵဝ်း​ ၵီႉပွင်ႇ ၵဝ်ႈ​သိပ်း​ပၢႆ​ႁႃႈ​ၵေႃႉ၊-</verse>
				<verse number="26">ၵူၼ်း​ဝဵင်း​ ပႅတ်ႉလႁႅမ်ႇ တင်း​ဝဵင်း​ ၼေႇတေႃႇၽႃႉ ပၢၵ်ႇ​ပႅတ်ႇ​သိပ်း​ပၢႆ​ပႅတ်ႇ​ၵေႃႉ၊-</verse>
				<verse number="27">ၵူၼ်း​ဝဵင်း​ ဢႃႇၼသုတ်ႉ ပၢၵ်ႇ​သၢဝ်း​ပၢႆ​ပႅတ်ႇ​ၵေႃႉ၊-</verse>
				<verse number="28">ၵူၼ်း​ဝဵင်း​ ပေႇသႃႇၸမႃႇဝိတ်ႉ သီႇ​သိပ်း​ပၢႆ​သွင်​ၵေႃႉ၊-</verse>
				<verse number="29">ၵူၼ်း​ဝဵင်း​ ၵီႉရယတ်ႉယႃႇရိမ်ႇ ၊ ဝဵင်း​ ၶေႇၽီႉရႃႉ ၊ ဝဵင်း​ ပေႇရုတ်ႉ ၸဵတ်း​ပၢၵ်ႇ​သီႇ​သိပ်း​ပၢႆ​သၢမ်​ၵေႃႉ၊-</verse>
				<verse number="30">ၵူၼ်း​ဝဵင်း​ ရႃႇမႃႉ ၊ ဝဵင်း​ ၵႃႇပႃႉ ႁူၵ်း​ပၢၵ်ႇ​သၢဝ်း​ပၢႆ​ဢဵတ်း​ၵေႃႉ၊-</verse>
				<verse number="31">ၵူၼ်း​ဝဵင်း​ မိၵ်ႉမတ်ႉ ပၢၵ်ႇ​သၢဝ်း​ပၢႆ​သွင်​ၵေႃႉ၊-</verse>
				<verse number="32">ၵူၼ်း​ဝဵင်း​ ပေႇသလႃႉ ၊ ဝဵင်း​ ဢႃႇဢီႉ ပၢၵ်ႇ​သၢဝ်း​ပၢႆ​သၢမ်​ၵေႃႉ၊-</verse>
				<verse number="33">ၵူၼ်း​ဝဵင်း​ ၼေႇပေႃႇ ႁႃႈ​သိပ်း​ပၢႆ​သွင်​ၵေႃႉ၊-</verse>
				<verse number="34">ၵူၼ်း​ဝဵင်း​ ဢေႇလမ်ႇ တီႈ​ၼိုင်ႈ ႁဵင်​ၼိုင်ႈ​သွင်​ပၢၵ်ႇ​ႁႃႈ​သိပ်း​ပၢႆ​သီႇ​ၵေႃႉ၊-</verse>
				<verse number="35">ၵူၼ်း​ဝဵင်း​ ႁႃႇရိမ်း သၢမ်​ပၢၵ်ႇ​ပၢႆ​သၢဝ်း​ၵေႃႉ၊-</verse>
				<verse number="36">ၵူၼ်း​ဝဵင်း​ ယေႇရီႉၶူဝ်း သၢမ်​ပၢၵ်ႇ​သီႇ​သိပ်း​ပၢႆ​ႁႃႈ​ၵေႃႉ၊-</verse>
				<verse number="37">ၵူၼ်း​ဝဵင်း​ လေႃးတႃႉ ၊ ဝဵင်း​ ႁႃႇတိတ်ႉ ၊ ဝဵင်း​ ဢေႃးၼေႃး ၸဵတ်း​ပၢၵ်ႇ​သၢဝ်း​ပၢႆ​ဢဵတ်း​ၵေႃႉ၊-</verse>
				<verse number="38">ၵူၼ်း​ဝဵင်း​ သေးၼႃႉ သၢမ်​ႁဵင်​ၵဝ်ႈ​ပၢၵ်ႇ​ပၢႆ​သၢမ်​သိပ်း​ၵေႃႉ​ဢေႃႈ။</verse>
				<verse number="39">ၸရၢင်း​ယိတ်ႈပရေႃးႁဵၵ်ႈ​ၸမ်ႉ၊ မီး​ၵူၼ်း​မဵဝ်း​ ယေႇတႃႇယႃႉ ၵႃႈ​ၼႂ်း​မဵဝ်း​ ယေႃးသူႉ ​ၼၼ်ႉ ၵဝ်ႈ​ပၢၵ်ႇ​ၸဵတ်း​သိပ်း​ပၢႆ​သၢမ်​ၵေႃႉ၊-</verse>
				<verse number="40">ၵူၼ်း​မဵဝ်း​ ဢီႉမေႇရႃႉ ႁဵင်​ၼိုင်ႈ​ႁႃႈ​သိပ်း​ပၢႆ​သွင်​ၵေႃႉ၊-</verse>
				<verse number="41">ၵူၼ်း​မဵဝ်း​ ပႃႇသူႉရႃႉ ႁဵင်​ၼိုင်ႈ​သွင်​ပၢၵ်ႇ​သီႇ​သိပ်း​ပၢႆ​ၸဵတ်း​ၵေႃႉ၊-</verse>
				<verse number="42">ၵူၼ်း​မဵဝ်း​ ႁႃႇရိမ်း ႁဵင်​ၼိုင်ႈ​သိပ်း​ပၢႆ​ၸဵတ်း​ၵေႃႉ​ဢေႃႈ။-</verse>
				<verse number="43">ၸရၢင်း​ၵူၼ်း​မဵဝ်း​ လေႇဝီႉ ​ၸမ်ႉ၊ မီး​ၵူၼ်း​မဵဝ်း​ ယေႃးသူႉ တင်း​ၵူၼ်း​မဵဝ်း​ ၵႃႇတမေႇလႃႉ ၵႃႈ​ၼႂ်း​မဵဝ်း​ ႁေႃႇတေႇဝႃႉ ၸဵတ်း​သိပ်း​ပၢႆ​သီႇ​ၵေႃႉ​ဢေႃႈ။</verse>
				<verse number="44">ၸရၢင်း​ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း​ၸမ်ႉ၊ မီး​ၵူၼ်း​မဵဝ်း​ ဢႃႇသပ်ႉ ပၢၵ်ႇ​သီႇ​သိပ်း​ပၢႆ​ပႅတ်ႇ​ၵေႃႉ​ဢေႃႈ။-</verse>
				<verse number="45">ၸရၢင်း​ၶဝ်​ၸိူဝ်း​ဢၼ် ပႂ်ႉ​ၽၵ်း​တူ​ၸမ်ႉ၊ မီး​ၵူၼ်း​မဵဝ်း​ သႃႇလုမ်ႇ ၊ ၵူၼ်း​မဵဝ်း​ ဢႃႇတႃႇ ၊ ၵူၼ်း​မဵဝ်း​ တႃႇလမုၼ်ႇ ၊ ၵူၼ်း​မဵဝ်း​ ဢၵ်ႉၵုပ်ႉ ၊ ၵူၼ်း​မဵဝ်း​ ႁတီႉတႃႉ ၊ ၵူၼ်း​မဵဝ်း​ သေႃႇပေႇ ၊ ပၢၵ်ႇ​သၢမ်​သိပ်း​ပၢႆ​ပႅတ်ႇ​ၵေႃႉ​ဢေႃႈ။-</verse>
				<verse number="46">ၸရၢင်း​ၶဝ်​ၸိူဝ်း​ဢၼ် ပဵၼ်​ၶႃႈ​ၽြႃး​ၸမ်ႉ၊ မီး​ၵူၼ်း​မဵဝ်း​ ၸီႉႁႃႉ ၊ ၵူၼ်း​မဵဝ်း​ ႁသူႉၽႃႉ ၊ ၵူၼ်း​မဵဝ်း​ တပ်ႉပွၵ်ႉ ၊-</verse>
				<verse number="47">ၵူၼ်း​မဵဝ်း​ ၵေးရုတ်ႉ ၊ ၵူၼ်း​မဵဝ်း​ သယႃႇဢႃႉ ၊ ၵူၼ်း​မဵဝ်း​ ပႃႇတုၼ်ႇ ၊-</verse>
				<verse number="48">ၵူၼ်း​မဵဝ်း​ လေႇပၼႃႉ ၊ ၵူၼ်း​မဵဝ်း​ ႁႃႇၵပႃႉ ၊ ၵူၼ်း​မဵဝ်း​ သႃႇလမေး ၊-</verse>
				<verse number="49">ၵူၼ်း​မဵဝ်း​ ႁႃႇၼၼ်ႇ ၊ ၵူၼ်း​မဵဝ်း​ ၵိတ်ႉတေးလႃႉ ၊ ၵူၼ်း​မဵဝ်း​ ၵႃႇႁႃႇ ၊-</verse>
				<verse number="50">ၵူၼ်း​မဵဝ်း​ ရႃႇယဢႃႉ ၊ ၵူၼ်း​မဵဝ်း​ ရေႇၸိၼ်း ၊ ၵူၼ်း​မဵဝ်း​ ၼေႇၵေႃႇတႃႉ ၊-</verse>
				<verse number="51">ၵူၼ်း​မဵဝ်း​ ၵတ်ႉၸမ်ႇ ၊ ၵူၼ်း​မဵဝ်း​ ဢေႃႇၸႃႉ ၊ ၵူၼ်း​မဵဝ်း​ ပႃႇသႃႉ ၊-</verse>
				<verse number="52">ၵူၼ်း​မဵဝ်း​ ပေႇသေႇ ၊ ၵူၼ်း​မဵဝ်း​ မူႉၼိမ်ႇ ၊ ၵူၼ်း​မဵဝ်း​ ၼေႇၽီႉသေႇသိမ်ႇ ၊-</verse>
				<verse number="53">ၵူၼ်း​မဵဝ်း​ ပႃႇၵပုတ်ႉ ၊ ၵူၼ်း​မဵဝ်း​ ႁႃႇၵူႇၽႃႉ ၊ ၵူၼ်း​မဵဝ်း​ ႁႃႇရႃႉႁူႉရႃႉ ၊-</verse>
				<verse number="54">ၵူၼ်း​မဵဝ်း​ ပႃႇၸလိတ်ႉ ၊ ၵူၼ်း​မဵဝ်း​ မေႇႁီႉတႃႉ ၊-</verse>
				<verse number="55">ၵူၼ်း​မဵဝ်း​ ႁႃႇရသႃႉ ၊ ၵူၼ်း​မဵဝ်း​ ပႃႇရၵုတ်ႉ ၊ ၵူၼ်း​မဵဝ်း​ သီႉသရႃႉ ၊ ၵူၼ်း​မဵဝ်း​ တႃႇမႃႉ ၊-</verse>
				<verse number="56">ၵူၼ်း​မဵဝ်း​ ၼေႇၸီႉ ၊ ၵူၼ်း​မဵဝ်း​ ႁတီႉၽႃႉ ​ဢေႃႈ။</verse>
				<verse number="57">ၸရၢင်း​ၵူၼ်း​မဵဝ်း​ဢၼ်​ပဵၼ် ၸူဝ်ႈ​လုၵ်ႈ​ပၢၼ်​လၢၼ်​ၶႃႈ​ သေႃးလမုၼ်ႇ ​ၼၼ်ႉ​ၸမ်ႉ၊ မီး​ၵူၼ်း​မဵဝ်း​ သေႃႇတေႇ ၊ ၵူၼ်း​မဵဝ်း​ သေႃႇၽရိတ်ႉ ၊ ၵူၼ်း​မဵဝ်း​ ပေႇရီႉတႃႉ ၊-</verse>
				<verse number="58">ၵူၼ်း​မဵဝ်း​ ယႃႇလႃႉ ၊ ၵူၼ်း​မဵဝ်း​ တႃႇၵုၼ်ႇ ၊ ၵူၼ်း​မဵဝ်း​ ၵီႉတေႇလႃႉ ၊-</verse>
				<verse number="59">ၵူၼ်း​မဵဝ်း​ သေႇၽတီႉ ၊ ၵူၼ်း​မဵဝ်း​ ႁတ်ႉတီႉလႃႉ ၊ ၵူၼ်း​မဵဝ်း​ ပေႃႇၶရိတ်ႉႁၸေႇပိမ်း ၊ ၵူၼ်း​မဵဝ်း​ ဢႃႇမုၼ်ႇ ​ဢေႃႈ။-</verse>
				<verse number="60">ၶႃႈ​ၽြႃး တင်း​ၶႃႈ​ သေႃးလမုၼ်ႇ ​ၵႃႈ​မီး ၼပ်ႉ​ပွင်း​ၵၼ်​ၸမ်ႉ မီး​သၢမ်​ပၢၵ်ႇ​ၵဝ်ႈ​သိပ်း​ပၢႆ​သွင်​ၵေႃႉ​ဢေႃႈ။-</verse>
				<verse number="61">ၼွၵ်ႈ​သေ​ၼၼ်ႉ ၶဝ်​ၸိူဝ်း​ဢၼ်​ဢွၵ်ႇ​သေ​ၵႃႈ​တီႈ​ဝဵင်း​ တေးလႃႉမေႇလႃႉ ၊ ဝဵင်း​ တေးလႃႉႁႃႇရသႃႉ ၊ ဝဵင်း​ ၵေႇရုပ်ႉ ၊ ဝဵင်း​ ဢတ်ႉတုၼ်ႇ ၊ ဝဵင်း​ ဢီႉမေႇရႃႉ ၵႂႃႇ​လႄႈ ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး​မဵဝ်း​ပူႇ​မဵဝ်း​ပေႃႈ​ၶဝ်၊ ၸိူဝ်ႉ​ၶိူဝ်း​ၶဝ်၊ ဢိၵ်ႇ​တင်း​လွင်ႈ​ဢၼ် ၶဝ်​ၸႂ်ႈ​မဵဝ်း​ ဢီႉသရေႇလႃႉ ​ႁိုဝ် ဢမ်ႇ​ၸႂ်ႈ​ႁိုဝ်​ၼၼ်ႉ လႆႈ​ၸိူဝ်း​ၼၼ်ႉ​ၸမ်ႉ၊-</verse>
				<verse number="62">ပဵၼ်​ၵူၼ်း​မဵဝ်း​ တေႇလႃႇယႃႉ ၊ ၵူၼ်း​မဵဝ်း​ တေႃႇၽီႉ ၊ ၵူၼ်း​မဵဝ်း​ ၼေႇၵေႃႇတႃႉ ၊ ၼပ်ႉ​ပွင်း​ၵၼ်​မီး​ႁူၵ်း​ပၢၵ်ႇ​သီႇ​သိပ်း​ပၢႆ​သွင်​ၵေႃႉ​ဢေႃႈ။-</verse>
				<verse number="63">ၵႃႈ​ၼႂ်း​မဵဝ်း​ယိတ်ႈပရေႃးႁဵၵ်ႈ​ၼၼ်ႉ ၵူၼ်း​မဵဝ်း​ ႁႃႇပႃႇယႃႉ ၊ ၵူၼ်း​မဵဝ်း​ ႁၵေႃႇၸႃႉ ၊ ၵူၼ်း​မဵဝ်း​ ပႃႇၸီႉလေး ဢၼ်​ႁူမ်ႈ​ပွင်း​ၵၼ် တင်း​လုၵ်ႈ​ယိင်း​ ပႃႇၸီႉလေး ၵူၼ်း​မိူင်း​ ၵီႉလတ်ႉ ​ၼၼ်ႉ​ၵေႃႉ​ၼိုင်ႈ​လႄႈ လႆႈ​ၶၢမ်ႇ​တၢင်း​ဢၼ် ဢဝ်​ၸိုဝ်ႈ​ဢဝ်​သဵင်​ပူႇ​ၼၢႆး​မၼ်း​ၼၼ်ႉ ႁွင်ႉ​ႁဵၵ်ႈ​ၼၼ်ႉ​ၸိူဝ်း​ၼၼ်ႉ၊-</verse>
				<verse number="64">ႁႃ​ၸရၢင်း​ၶဝ် ၵႃႈ​ၼႂ်း​မုၵ်ႉ​ၼႂ်း​ၸိူဝ်း​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ပႃး​ၼႂ်း​ၸရၢင်း​ၼၼ်ႉ​လႄႈ ဢမ်ႇ​ထူပ်း​ဢမ်ႇ​ႁၼ်။ ပိူဝ်ႈ​ၼႆ​လႄႈ ၶဝ်​ၼၼ်ႉ​လႆႈ​ၶၢမ်ႇ​တၢင်း​ဢၼ် မၢတ်ႈ​ပဵၼ်​မဵဝ်း​ဢၼ်​ဢမ်ႇ​ၸႅတ်ႈ​ဢမ်ႇ​မၢၼ်ႇ​သေ​လႄႈ လႆႈ​ၶၢမ်ႇ​တၢင်း​ဢၼ်​ၼုၵ်ႈ​ဢွၵ်ႇ​သေ​ၵႃႈ​ၼႂ်း​ဢရႃႇ​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="65">ၶုၼ်​ဢၼ်​ဢုပ်ႉ​ၵႃႈ​ၼိူဝ်​မိူင်း​ၼၼ်ႉ ၸီႇ​ယၢင်ႇ​လႄႈ​ဝႃႈ၊ ၸူဝ်ႈ​ဢၼ်​ယိတ်ႈပရေႃးႁဵၵ်ႈ​ဢၼ်​ပႃး​ ဢူႉရိမ်း ​တင်း​ ထူႉမိမ်း ​ၼၼ်ႉ ဢမ်ႇ​ပႆႇ​ပေႃႇ​မႃး​ၼၼ်ႉ​ၸိုင်၊ ၶဝ်​ၼၼ်ႉ​ဢမ်ႇ​လႆႈ​ၵိၼ်​ၶိူင်ႈ​ပိူင် ဢၼ်​မူတ်း​ၸၢင်ႇ​ၼႃႇ​လူင်​လၢင်​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="66">ပရဵၵ်ႈသၢတ်ႈ​တင်း​သဵင်ႈ​တင်း​လူင် ၼပ်ႉ​ပွင်း​ၵၼ်​ၸမ်ႉ၊ မီး​သီႇ​မိုၼ်ႇ​သွင်​ႁဵင်​သၢမ်​ပၢၵ်ႇ​ပၢႆ​ႁူၵ်း​သိပ်း​ဢေႃႈ။-</verse>
				<verse number="67">လိူဝ်​သေ​ၼၼ်ႉ ၶႃႈ​ၵူၼ်း​ၸၢႆး​ၶဝ်၊ ၶႃႈ​ၵူၼ်း​ယိင်း​ၶဝ် ၼပ်ႉ​ပွင်း​ၵၼ် မီး​ၸဵတ်း​ႁဵင်​သၢမ်​ပၢၵ်ႇ​သၢမ်​သိပ်း​ပၢႆ​ၸဵတ်း​ၵေႃႉ​ဢေႃႈ။ မေႃ​ႁဵတ်း​ၵႂၢမ်း​ၵူၼ်း​ၸၢႆး မေႃ​ႁဵတ်း​ၵႂၢမ်း​ၵူၼ်း​ယိင်း ၼပ်ႉ​ပွင်း​ၵၼ် မီး​သွင်​ပၢၵ်ႇ​သီႇ​သိပ်း​ပၢႆ​ႁႃႈ​ၵေႃႉ​ဢေႃႈ။-</verse>
				<verse number="68">မႃႉ​ၶဝ် ၼပ်ႉ​ပွင်း​ၵၼ် မီး​ၸဵတ်း​ပၢၵ်ႇ​ပၢႆ​သၢမ်​သိပ်း​ပၢႆ​ႁူၵ်း​တူဝ်​ဢေႃႈ။ လေႃႈ​ၶဝ်​လႃး​ၶဝ်​ၼပ်ႉ​ပွင်း​ၵၼ် မီး​သွင်​ပၢၵ်ႇ​သီႇ​သိပ်း​ပၢႆ​ႁႃႈ​တူဝ်​ဢေႃႈ။-</verse>
				<verse number="69">ၵလႃးဢုၵ်ႉ​ၶဝ်​ၼပ်ႉ​ပွင်း​ၵၼ် မီး​သီႇ​ပၢၵ်ႇ​သၢမ်​သိပ်း​ပၢႆ​ႁႃႈ​တူဝ်​ဢေႃႈ။ လီႈ​ၶဝ်​ၼပ်ႉ​ပွင်း​ၵၼ်​မီး​ႁူၵ်း​ႁဵင်​ၸဵတ်း​ပၢၵ်ႇ​ပၢႆ​သၢဝ်း​တူဝ်​ဢေႃႈ။</verse>
				<verse number="70">ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် မဵဝ်း​ပူႇ​မဵဝ်း​ပေႃႈ​ၶဝ်​ၵမ်ႈ​ၽွင်ႈ​ၼၼ်ႉ ဢွၼ်​ၵၼ်​လူႇ​တၢၼ်း​ပုၼ်ႈ​ဢၼ်​တၵ်း​ၵိုတ်ႉ​ႁၢပ်ႇ​ဢမူႉ​ၸဝ်ႈ​ဢေႃႈ။ ၶုၼ်​ဢၼ်​ဢုပ်ႉ​ၵႃႈ​ၼိူဝ်​မိူင်း​ၼၼ်ႉ​ၵေႃႈ၊ ဢဝ်​တႅင်း​ၵႃး ၶမ်း​ တရႅၵ်ႉ ​ႁဵင်​ၼိုင်ႈ၊ ဝၢၼ်ႇ​ႁႃႈ​သိပ်း​လုၵ်ႈ၊ ၶူဝ်း​ၼုင်ႈ​ၶူဝ်း​မႆ​ယိတ်ႈပရေႃးႁဵၵ်ႈ ႁႃႈ​ပၢၵ်ႇ​ပၢႆ​သၢမ်​သိပ်း​ၸုမ်ႇ လူႇ​တၢၼ်း​လႄႈ သႂၢင်း​ၶဝ်ႈ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ၸဝ်ႈ​ဢေႃႈ။-</verse>
				<verse number="71">ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် မဵဝ်း​ပူႇ​မဵဝ်း​ပေႃႈ​ၶဝ်​ၵမ်ႈ​ၽွင်ႈ​ၼၼ်ႉ ဢွၼ်​ၵၼ်​ဢဝ်​တႅင်း​ၵႃး​ၶမ်း​ တရႅၵ်ႉ ​သွင်​မိုၼ်ႇ တင်း​ငိုၼ်း​သွင်​ႁဵင်​ပၢႆ​သွင်​ပၢၵ်ႇ​ၸွႆႉ လူႇ​တၢၼ်း​လႄႈ​သႂၢင်း​ၶဝ်ႈ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ၸဝ်ႈ​ဢေႃႈ။-</verse>
				<verse number="72">ၵူၼ်း​တင်း​လၢႆ ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ၵေႃႈ၊ ဢွၼ်​ၵၼ်​ဢဝ်​တႅင်း​ၵႃး​ၶမ်း​ တရႅၵ်ႉ ​သွင်​မိုၼ်ႇ၊ ငိုၼ်း​သွင်​ႁဵင်​ၸွႆႉ တင်း​ၶူဝ်း​ၼုင်ႈ​ၶူဝ်း​မႆ ယိတ်ႈပရေႃးႁဵၵ်ႈ ႁူၵ်း​သိပ်း​ပၢႆ​ၸဵတ်း​ၸုမ်ႇ လူႇ​တၢၼ်း​ဢေႃႈ။-</verse>
				<verse number="73">ၼင်ႇ​ၼၼ်​လႄႈ ယိတ်ႈပရေႃးႁဵၵ်ႈ​လႂ်၊ ၵူၼ်း​မဵဝ်း​ လေႇဝီႉ ​လႂ်၊ ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​လႂ်၊ မေႃ​ႁဵတ်း​ၵႂၢမ်း​လႂ်၊ ၶဝ်​ၸိူဝ်း​ဢၼ်​ၸိုဝ်ႈ​ဢမ်ႇ​ပေႃး​ဢွၵ်ႇ သဵင်​ဢမ်ႇ​ပေႃး​ဢွၵ်ႇ​ၵမ်ႈ​ၽွင်ႈ​လႂ်၊ ၶႃႈ​ၽြႃး​လႂ် ဢိၵ်ႇ​တင်း​ၵူၼ်း​ဝၢၼ်ႈ​ၵူၼ်း​မိူင်း ဢီႉသရေႇလႃႉ ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​တူၵ်း​တီႈ​တူၵ်း​လႅၼ်​ယူႇ ၵႃႈ​တီႈ​ဝၢၼ်ႈ​ဝဵင်း​တီႈ​ယူႇ​ၶဝ်​ဢေႃႈ။</verse>
			</chapter>
			<chapter number="8">
				<verse number="1">မိူဝ်ႈ​ဢၼ်​ႁွတ်ႈ​ထိုင် လိူၼ်​သတ်ႉတမႃႉ​လႄႈ ၵူၼ်း​မဵဝ်း​ ဢီႉသရေႇလႃႉ တူၵ်း​တီႈ​တူၵ်း​လႅၼ် ၵႃႈ​ၼႂ်း​ဝၢၼ်ႈ​ၼႂ်း​ဝဵင်း တီႈ​ယူႇ​ၶဝ်​ယဝ်ႉ​ၼၼ်ႉ​ၸိုင်၊ ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​မႃး​ၸူႉ​တုမ်​ၵၼ်​ၵႃႈ​တီႈ ၼႂ်း​ၵၢင်​ပၢင်ႇ ဢၼ်​မီး​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ၼမ်ႉ​ၼၼ်ႉ​မိူၼ်​ၸိူဝ်ႉ​ၼင်ႇ​ဢၼ်​ပဵၼ်​တူဝ်​လဵဝ်​ၸႂ်​လဵဝ်​ၵူၺ်း​ၼၼ်ႉ​ဢေႃႈ။ ၶဝ်​ၼၼ်ႉ​ဢွၼ်​ၵၼ်​လၢတ်ႈ​တီႈ​ ဢေးၸရႃႉ သြႃႇ​မေႃ​ၵျၢမ်း​ၼၼ်ႉ ႁႂ်ႈ​မၼ်း​ဢဝ်​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ မူဝ်းသေႇ ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ တီႈ​မဵဝ်း​ ဢီႉသရေႇလႃႉ ​ၼၼ်ႉ​မႃး​ဢေႃႈ။-</verse>
				<verse number="2">ၼႂ်း​လိူၼ်​သတ်ႉတမႃႉ၊ ဝၼ်း​ပထမႃႉ​ၼၼ်ႉ၊ ယိတ်ႈပရေႃးႁဵၵ်ႈ​ ဢေးၸရႃႉ ဢဝ်​လိၵ်ႈ​ပိင်း​ၺၢပ်ႈ​တီႉ​မႃး​ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ​ၵူၼ်း​ၸၢႆး​ၵူၼ်း​ယိင်း ၵႃႈ​ဢၼ်​ထွမ်ႇ​လႆႈ​ႁူႉ​လႆႈ​ၸိူဝ်း​ၼၼ်ႉ​လႄႈ၊-</verse>
				<verse number="3">ၽတ်း​ရွတ်ႈ​ၵႃႈ​တီႈ​ၼႂ်း​ၵၢင်​ပၢင်ႇ ဢၼ်​မီး​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ၼမ်ႉ ၸႃႉ​ၸဵမ်​ၶိင်ႇ​ၵၢင်​ၼႂ် တေႃႇ​ထိုင်​ႁွတ်ႈ​ၶိင်ႇ​ၵၢင်​ဝၼ်း​တဵင်ႈ ၵႃႈ​တီႈ​ၽၢႆႇ​ၼႃႈ​ၵူၼ်း​ၸၢႆး​ၵူၼ်း​ယိင်း ဢၼ်​ႁူႉ​လႆႈ​ၸိူဝ်း​ၼၼ်ႉ​ဢေႃႈ။ ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ဢဝ်​ႁူ​ၶဝ်​ထွမ်ႇ​ငိၼ်း​ၵႂၢမ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ ၸေး​ၸေး​ၸွတ်ႇ​ၸွတ်ႇ​ဢေႃႈ။-</verse>
				<verse number="4">ဢေးၸရႃႉ သြႃႇ​ဢၼ်​မေႃ​ၵျၢမ်း​ၼၼ်ႉ​ၸုၵ်း​ယူႇ​ၵႃႈ​ၼိူဝ်​ပလၢင်ႇ​မႆႉ​ၸိင် တီႈ​ဢၼ်​ႁေႃး​တြႃး ဢၼ်​ၶဝ်​ဢွၼ်​ၵၼ်​ႁဵတ်း​ၼၼ်ႉ​သေ​လႄႈ မတ်ႉတီႉသီႉ၊ သေႇမႃႉ၊ ဢၼႃႇယႃႉ၊ ဢူႉရီႉယႃႉ၊ ႁီႉလၶီႉ၊ မႃႇသေႇယႃႉ ​ၸိူဝ်း​ၼၼ်ႉ ၸုၵ်း​ယူႇ​ၵႃႈ​တီႈ​ၽၢႆႇ​တၢင်း​ၶႂႃ​မၼ်း​လႄႈ ပေႇတႃႇယႃႉ၊ မီႉသေႇလႃႉ၊ မႃႇလၶီႉ၊ ႁႃႇသုမ်ႇ၊ ႁႃႇသႃႉပတၼႃႉ၊ ၸႃႇၶရီႉ၊ မေႇသူႉလမ်ႇ ​ၸိူဝ်း​ၼၼ်ႉ ၸုၵ်း​ယူႇ​ၵႃႈ​တီႈ​ၽၢႆႇ​တၢင်း​သၢႆႉ​မၼ်း​ဢေႃႈ။-</verse>
				<verse number="5">ၼင်ႇ​ၼၼ်​လႄႈ ဢေးၸရႃႉ ​ၼၼ်ႉ မီး​တီႈ​ဢၼ်​သုင်​သေ​ၵူၼ်း​တင်း​သဵင်ႈ​တင်း​လူင်​သေ​လႄႈ ၽုၺ်ႇ​လိတ်ႈ​ၵျၢမ်း​လိၵ်ႈ​သိုဝ်ႈ​ၼႃႈ​တႂ်ႈ​တႃ ၵူၼ်း​တင်း​သဵင်ႈ​တင်း​လူင်​လႄႈ ၽုၺ်ႇ​လိတ်ႈ​သေ​ယဝ်ႉ၊ ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​လုၵ်ႉ​ၸုၵ်း​ဢေႃႈ။-</verse>
				<verse number="6">ဢေးၸရႃႉ ​ၼၼ်ႉ ယွင်ႈ​ယေႃး​ပၼ်​တၢင်း​လီ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ဢၼ်​ယႂ်ႇ​မျၢတ်ႈ​ၼႃႇ​ဢေႃႈ။ ၵူၼ်း​တင်း​သဵင်ႈ​တင်း​လူင်​ဢွၼ်​ၵၼ်​ယုၵ်ႉ​မိုဝ်း​ၶဝ်​သေ​လႄႈ ႁပ်ႉ​တုင်း​ဢဝ်​လႄႈ​ဝႃႈ၊ ဢႃႇမိၼ်ႇ၊ ဢႃႇမိၼ်ႇ၊ ဝႃႈ​ၼင်ႇ​ၼႆ​လႄႈ ၵူမ်ႈ​ၵွမ်း​ႁူဝ် ၶုပ်ႉ​မူပ်ႇ​ၵႃႈ​ၼိူဝ်​လိၼ်​ယူႇ​သေ​လႄႈ ၵူဝ်း​ၵႂၢႆႇ​ထႃႇဝရႃႉ​ၽြႃး​ဢေႃႈ။-</verse>
				<verse number="7">ယေႃးသူႉ၊ ပႃႇၼီႇ၊ သေႇရၽီႉ၊ ယႃႇမိၼ်ႇ၊ ဢၵ်ႉၵုပ်ႉ၊ သပ်ႉပေႇသေး၊ ႁေႃးတီႉယႃႉ၊ မႃႇသေႇယႃႉ၊ ၵေႇလီႉတႃႉ၊ ဢႃႇၸရီႉ၊ ယေႃးၸပတ်ႉ၊ ႁႃႇၼၼ်ႇ၊ ပေႇလႃႇယႃႉ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​ၵျၢမ်း​လိၵ်ႈ​ပိင်း​ၺၢပ်ႈ​တီႉ တီႈ​ၵူၼ်း​တင်း​လၢႆ​ဢေႃႈ။ ၵူၼ်း​တင်း​လၢႆ​ၸိူဝ်း​ၼၼ်ႉ​ၵေႃႈ​ဢွၼ်​ၵၼ်​ၸုၵ်း​ယူႇ​ၵႃႈ​ၼႂ်း​တီႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="8">ၼင်ႇ​ၼၼ်​လႄႈ ၶဝ်​ဢွၼ်​ၵၼ်​ၽတ်း​ရွတ်ႈ ၵျၢမ်း​လိၵ်ႈ​ပိင်း​ၺၢပ်ႈ​တီႉ ၽြႃး​ပဵၼ်​ၸဝ်ႈ​သေႇ​ၶျႃႇ​လီ​ငၢမ်း​လႄႈ ၽုၺ်ႇ​ဢွၵ်ႇ​ဢၼၢၵ်ႈ​မၼ်း​သေ​လႄႈ ႁဵတ်း​ႁႂ်ႈ​ၵူၼ်း​တင်း​လၢႆ ႁူႉ​တီႈ​ဢၼ်​ၽတ်း​ဢၼ်​ရွတ်ႈ​ၼၼ်ႉ​ဢေႃႈ။</verse>
				<verse number="9">ၼေႇႁမီႉ ၶုၼ်​ဢၼ်​ဢုပ်ႉ​ၵႃႈ​ၼိူဝ်​မိူင်း ဢိၵ်ႇ​တင်း​ယိတ်ႈပရေႃးႁဵၵ်ႈ​ ဢေးၸရႃႉ သြႃႇ​မေႃ​ၵျၢမ်း တင်း​ၵူၼ်း​မဵဝ်း​ လေႇဝီႉ ဢၼ်​သင်ႇ​သွၼ်​တီႈ​ၵူၼ်း​တင်း​လၢႆ ၸိူဝ်း​ၼၼ်ႉ​လၢတ်ႈ​တီႈ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ ဝၼ်း​မိူဝ်ႈ​ၼႆႉ ပဵၼ်​ဝၼ်း​ဢၼ်​မူတ်း​ၸၢင်ႇ ပုၼ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ။ ယႃႇ​ပေ​ဢွၼ်​ၵၼ်​ႁဵတ်း​တၢင်း​ဢၼ်​ၶၢင်း​ၶီ​ၶၢင်း​ၽၢၼ်၊ တၢင်း​ဢၼ်​ႁႆႈ​ဢၼ်​ႁွင်ႉ​ပွင်ႉ​မိူၼ်ႇ။ လွင်ႈ​မၼ်း​ၸမ်ႉ ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ႁႆႈ​ႁွင်ႉ ၼႂ်း​မိူဝ်ႈ​ဢၼ်​ငိၼ်း​ၵႂၢမ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မၼ်း​သမ်ႉ​လၢတ်ႈ​တီႈ​ၶဝ်​လႄႈ​ဝႃႈ၊ ဢွၼ်​ၵၼ်​ၵႂႃႇ​လႄႈ ၵိၼ်​တၢင်း​ၵိၼ်​တၢင်း​ၶူပ်း ဢၼ်​ပီး​လီ​မၼ်း​လီ​တႃႉ။ ဢွၼ်​ၵၼ်​သူတ်ႉ​ၵိၼ်​ၼမ်ႉ ဢၼ်​ဝၢၼ်​လီ​ၸဵမ်း​လီ​တႃႉ။ ဢွၼ်​ၵၼ်​ပၼ်​ပုၼ်ႈ​ပၼ်​တႃႇ​ၶဝ်​ၸိူဝ်း​ဢၼ်​ဢမ်ႇ​မီး​ၵႃႈ​သင်​သေ​ၸိူဝ်ႉ​သေ​ပိူင်​ၼၼ်ႉ​တႃႉ။ ဝၼ်း​ၼႆႉ​ပဵၼ်​ဝၼ်း​ဢၼ်​မူတ်း​ၸၢင်ႇ​ပုၼ်ႈ​ၸဝ်ႈ​ၽြႃး​ႁဝ်း​ဢေႃႈ။ ယႃႇ​ပေ​ဢွၼ်​ၵၼ်​ငိၼ်း​ၶီ​ငိၼ်း​ၽၢၼ်။ လွင်ႈ​မၼ်း​ၸမ်ႉ ဢၶႂၢင်ႉ​တၢင်း​ဢၼ်​ၸူမ်း​သိူဝ်း​ဢၼ် ထႃႇဝရႃႉ​ၽြႃး​ပၼ်​ၼၼ်ႉ ပဵၼ်​ႁႅင်း​တၼ်း​ၶူဝ်း​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၼင်ႇ​ၼၼ်​လႄႈ​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ဝၼ်း​ၼႆႉ​ပဵၼ် ဝၼ်း​ဢၼ်​မူတ်း​ၸၢင်ႇ​လႄႈ ဢွၼ်​ၵၼ်​ယူႇ​သဵတ်ႇ​သဵတ်ႇ​ယဵၼ်​ယဵၼ်​တႃႉ။ ယႃႇ​ပေ​ဢွၼ်​ၵၼ်​ငိၼ်း​ၶီ​ငိၼ်း​ၽၢၼ်၊ ဝႃႈ​ၼင်ႇ​ၼႆ​လႄႈ ႁႂ်ႈ​ၵူၼ်း​တင်း​သဵင်ႈ​တင်း​လူင်​တဵတ်ႇ​ယဵၼ်​ဢေႃႈ။-</verse>
				<verse number="12">ၵူၼ်း​တင်း​သဵင်ႈ​တင်း​လူင်​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​ႁူႉ​ၸႅင်ႈ​ၵႂၢမ်း​ဢၼ် ႁေႃး​လၢတ်ႈ​တီႈ​ၶဝ်​ၸိူဝ်း​ၼၼ်ႉ​လႄႈ၊ ဢွၼ်​ၵၼ်​ၵႂႃႇ ႁႂ်ႈ​လႆႈ​ႁဵတ်း​တၢင်း​ဢၼ်​ၵိၼ်​ဢၼ်​ၶူပ်း၊ တၢင်း​ဢၼ်​ပၼ်​ပုၼ်ႈ​ပၼ်​တႃႇ၊ တၢင်း​ဢၼ်​ၸူမ်း​ဢၼ်​သိူဝ်း​ၼႃႇ​လူင်​လၢင်​ၼၼ်ႉ​ဢေႃႈ။</verse>
				<verse number="13">ၼႂ်း​ဝၼ်း​တူႉတီႉယႃႉ​ၼၼ်ႉ ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ် မဵဝ်း​ပူႇ​မဵဝ်း​ပေႃႈ ၼႂ်း​ၵူၼ်း​တင်း​သဵင်ႈ​တင်း​လူင် ဢိၵ်ႇ​တင်း​ယိတ်ႈပရေႃးႁဵၵ်ႈ​တင်း​လၢႆ တင်း​ၵူၼ်း​ လေႇဝီႉ ​တင်း​လၢႆ​ၸိူဝ်း​ၼၼ်ႉ ဢွၼ်​ၵၼ်​ၸူႉ​ၵၼ်​တုမ်​ၵၼ် ၵႃႈ​တီႈ​ ဢေးၸရႃႉ ​သြႃႇ​မေႃ​ၵျၢမ်း​ၼၼ်ႉ ႁႂ်ႈ​လႆႈ​ထွမ်ႇ​ငိၼ်း​ၵႂၢမ်း ၵျၢမ်း​ပိင်း​ၺၢပ်ႈ​တီႉ​ၸေး​ၸေး​ၸွတ်ႇ​ၸွတ်ႇ​ဢေႃႈ။-</verse>
				<verse number="14">ၶဝ်​ဢွၼ်​ၵၼ်​ထူပ်း​ႁၼ် ဢၼ်​တႅမ်ႈ​ဝႆႉ​မီး​ယူႇ ၵႃႈ​ၼႂ်း​ၵျၢမ်း​ပိင်း​ၺၢပ်ႈ​တီႉ​ၼၼ်ႉ လူၺ်ႈ​လွင်ႈ​ဢၼ် ထႃႇဝရႃႉ​ၽြႃး​ဢဝ်​ မူဝ်းသေႇ ၸီႇ​ယၢင်ႇ​ဝႆႉ ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ယူႇ​ၵႃႈ​ၼႂ်း​သုမ်ႉ​ၼႂ်း​ထဵင် ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ၶၢမ်ႇ​ပွႆး​ၼႂ်း​လိူၼ်​သတ်ႉတမႃႉ​ၼၼ်ႉ​ယူႇ​ၼၼ်ႉ၊-</verse>
				<verse number="15">ဢိၵ်ႇ​တင်း​ႁႂ်ႈ​ၶဝ်​ဢွၼ်​ၵၼ်​ပၢဝ်ႇ​သေႃႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ဢိၵ်ႇ​တင်း​ဝၢၼ်ႈ​ဝဵင်း​ၵႃႈ​မီး​လႄႈ​ဝႃႈ၊ လွင်ႈ​ၼင်ႇ​ႁိုဝ် တၵ်း​လႆႈ​ႁဵတ်း​သုမ်ႉ​ထဵင်​တင်း​လၢႆ​ၸွမ်း​ၵႃႈ​ၼင်ႇ​ဢၼ် ပႃး​ၼႂ်း​ၵျၢမ်း​လိၵ်ႈ​ၼၼ်ႉ​ၸိုင်၊ ဢွၼ်​ၵၼ်​ဢွၵ်ႇ​ၸူး​ၵႃႈ​တီႈ​လွႆ​လႄႈ ဢဝ်​ၵိင်ႇ​မႆႉ​ၶႃႊ​မႆႉ သၢၼ်ႇလုၼ်ႇ ၊ ၵိင်ႇ​မႆႉ​ၶႃႊ​မႆႉ​ သၢၼ်ႇလုၼ်ႇ ​ထိူၼ်ႇ၊ ၵိင်ႇ​မႆႉ​ၶႃႊ​မႆႉ​ မူႉရတူႉ ၊ ၵၢၼ်ႈ​မႂ်​တွင်​ထၢၼ် တင်း​ၵိင်ႇ​မႆႉ​ၶႃႊ​မႆႉ​ဢၼ်​ၽိူဝ်​ၼႃ​လီ​ပူင်း​လီ​ၼၼ်ႉ​မႃး ႁႂ်ႈ​လႆႈ​ႁဵတ်း​သုမ်ႉ​ႁဵတ်း​ထဵင် ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ​ၼၼ်ႉ​ဢေႃႈ။</verse>
				<verse number="16">ၼင်ႇ​ၼၼ်​လႄႈ​ၵူၼ်း​တင်း​လၢႆ ဢွၼ်​ၵၼ်​ဢွၵ်ႇ​ၵႂႃႇ​လႄႈ ဢဝ်​ၵိင်ႇ​မႆႉ​ၶႃႊ​မႆႉ​မႃး​သေ​လႄႈ ႁဵတ်း​သုမ်ႉ​ႁဵတ်း​ထဵင် ၵႃႈ​ၼိူဝ်​မုင်း​ႁိူၼ်း​ၵႃႈ​ၼႂ်း​ဝၢင်း​ၶဝ်၊ ၵႃႈ​ၼႂ်း​တမ်ႇ​တိူင်း​ႁိူၼ်း​ၽြႃး​ပဵၼ်​ၸဝ်ႈ၊ ၵႃႈ​တီႈ​ၼႂ်း​ၵၢင်​ပၢင်ႇ​ၽၵ်း​တူ​ၼမ်ႉ ဢိၵ်ႇ​တင်း​ၵႃႈ​တီႈ​ၼႂ်း​ၵၢင်​ပၢင်ႇ​ၽၵ်း​တူ ဢေႇၽရိမ်ႇ ​ဢေႃႈ။-</verse>
				<verse number="17">ပရဵၵ်ႈသၢတ်ႈ​တင်း​သဵင်ႈ​တင်း​လူင် ဢၼ်​ဢွၵ်ႇ​သေ​ၵႃႈ​ၼႂ်း​မုၵ်ႉ​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​မႃး​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​သုမ်ႉ​ႁဵတ်း​ထဵင်​သေ​လႄႈ ၼင်ႈ​ယူႇ​ၵႃႈ​တႂ်ႈ​သုမ်ႉ​ထဵင်​ၸိူဝ်း​ၼၼ်ႉ​ဢေႃႈ။ ၸႃႉ​ၸဵမ်​ၸူဝ်ႈ​ပၢၼ်​ ယေႃးသူႉ လုၵ်ႈ​ၸၢႆး​ ၼုၼ်ႇ တေႃႇ​ထိုင်​ႁွတ်ႈ​ဝၼ်း​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢမ်ႇ​တွၼ်ႉ​ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼၼ်​သေ​ၽဝ်ႇ​သေ​ပွၵ်ႈ။ ၶဝ်​ဢွၼ်​ၵၼ်​ၸူမ်း​သိူဝ်း​ၼႃႇ​လူင်​လၢင်​သေ​လႄႈ​ယူႇ​ဢေႃႈ။-</verse>
				<verse number="18">ၸႃႉ​ၸဵမ်​ဝၼ်း​ပထမႃႉ တေႃႇ​ထိုင်​ႁွတ်ႈ​ဝၼ်း​တီႈ​သုတ်း​ၼၼ်ႉ​လႄႈ၊ ဝၼ်း​ၼိုင်ႈ​ယဝ်ႉ​ဝၼ်း​ၼိုင်ႈ မၼ်း​ၽတ်း​ရွတ်ႈ​ၵျၢမ်း​လိၵ်ႈ​ပိင်း​ၺၢပ်ႈ​တီႉ ၽြႃး​ပဵၼ်​ၸဝ်ႈ​ယူႇ​ဢေႃႈ။ ၶဝ်​ဢွၼ်​ၵၼ်​ၶၢမ်ႇ​ပွႆး​ၼၼ်ႉ​ၸဵတ်း​ဝၼ်း​တဵမ်​တဵမ်​လႄႈ ၼႂ်း​ဝၼ်း​ဢၼ်​ထူၼ်ႈ​ထိုင်​ပႅတ်ႇ​ဝၼ်း​ၼၼ်ႉ ဢွၼ်​ၵၼ်​ၶၢမ်ႇ​ပွႆး​ထမ်ႇမႃႉ​ၸွမ်း​ၵႃႈ​ၼင်ႇ​ဢၼ် တြႃး​ၸဝ်ႈ​မီး​ၼၼ်ႉ​ဢေႃႈ။</verse>
			</chapter>
			<chapter number="9">
				<verse number="1">ၼႂ်း​လိူၼ်​ၼၼ်ႉ သၢဝ်း​သီႇ​ဝၼ်း​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ၵမ်​တၢင်း​ၵိၼ်​ယူႇ၊ ၼုင်ႈ​မႆ​ၶူဝ်း​ၼုင်ႈ​ၼင်​ပေႃ​ယူႇ၊ ဢဝ်​မုၼ်ႈ​လိၼ်​တၢင်ႇ​သႂ်ႇ​ၵႃႈ​ၼိူဝ်​တူဝ်​ၸဝ်ႈ​ၵဝ်ႇ​ယူႇ​သေ​လႄႈ ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="2">မိူဝ်ႈ​ၼၼ်ႉ​ၶဝ်​ၸိူဝ်း​ဢၼ်​ပဵၼ်​မဵဝ်း​ ဢီႉသရေႇလႃႉ ​ၸႅတ်ႈ​ၸႅတ်ႈ​ၼၼ်ႉ ဢွၼ်​ၵၼ်​ၽႄ​တူဝ်​ၸဝ်ႈ​ၵဝ်ႇ ၽၢတ်ႇ​ယၢၼ်​ၵၼ်​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၵႃႈ​မီး​ၼၼ်ႉ​သေ​လႄႈ ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ​ၶဝ် ဢိၵ်ႇ​တင်း​ဢပႅတ်ႈ​ပူႇ​ၶဝ်​မွၼ်ႇ​ၶဝ်​ဢေႃႈ။-</verse>
				<verse number="3">ၶဝ်​ဢွၼ်​ၵၼ်​ၸုၵ်း​ယူႇ​ၵႃႈ​ၼႂ်း​တီႈ​ယူႇ​တူဝ်​ၸဝ်ႈ​ၵဝ်ႇ​သေ​လႄႈ ၽတ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် ၼႂ်း​မိုဝ်ႉ​ဝၼ်း​သီႇ​ပုၼ်ႈ​ပုၼ်ႈ​ၼိုင်ႈ​ဢေႃႈ။ ၶဝ်​ဢွၼ်​ၵၼ်​ၽုၺ်ႇ​ဢွၵ်ႇ​ၼႄ​ပျႃး​တွင်း​ပၢၼ်ႇ​ဢပႅတ်ႈ​လႄႈ ၵူဝ်း​ၵႂၢႆႇ​ႁဵတ်း​ဝၢတ်ႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် ၼႂ်း​မိုဝ်ႉ​ဝၼ်း​သီႇ​ပုၼ်ႈ​ပုၼ်ႈ​ၼိုင်ႈ​ဢေႃႈ။</verse>
				<verse number="4">မိူဝ်ႈ​ၼၼ်ႉ ယေႃးသူႉ၊ ပႃႇၼီႇ၊ ၵႃႇတမေႇလႃႉ၊ သေးပၼီႉ၊ ပုၼ်ႇၼီႉ၊ သေႇရၽီႉ၊ ပႃႇၼီႇ၊ ၶေးၼၼီႉ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​ၸုၵ်း​ယူႇ​ၵႃႈ​ၼိူဝ်​ၶၼ်ႈ​လႆ​လႄႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​ႁႃ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​ဢေႃႈ။-</verse>
				<verse number="5">လႆႈ​သမ်ႉ ယေႃးသူႉ၊ ၵႃႇတမေႇလႃႉ၊ ပႃႇၼီႇ၊ ႁႃႇသႃႉပၼီႉ၊ သေႇရၽီႉ၊ ႁေႃးတီႉယႃႉ၊ သေးပၼီႉ၊ ပေႇသႁီႉ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ဢွၼ်​ၵၼ်​မွၵ်ႇ​လၢတ်ႈ​လႄႈ​ဝႃႈ၊ ဢွၼ်​ၵၼ်​လုၵ်ႉ​လႄႈ ယွင်ႈ​ယေႃး​ပၼ်​တၢင်း​လီ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​လႄႈ​ဝႃႈ၊ ႁႂ်ႈ​မၼ်း​ၸဝ်ႈ​မီး​မင်ႇၵလႃႇ​သိုပ်ႇ​သိုပ်ႇ​တၢမ်း​တၢမ်း​တႃႇ​သေႇ​ဢမ်ႇ​ထၢတ်ႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​တႃႉ။ ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ဢၼ်​ယႂ်ႇ​သုင်​လိူဝ်​တွၼ်း​ၼႃႇ​သေ တၢင်း​ဢၼ်​ပၼ်​တၢင်း​လီ၊ တၢင်း​ဢၼ်​ယွင်ႈ​ယေႃး​ၵူႈ​ၸိူဝ်ႉ​ၵူႈ​မဵဝ်း​လႄႈ မုၼ်​ၽုင်း​ယႂ်ႇ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="6">ၸဝ်ႈ​ႁဝ်း​ဢၼ်​ဝႃႈ ၸဝ်ႈ​ႁဝ်း​ၵူၺ်း ပဵၼ်​ထႃႇဝရႃႉ​ၽြႃး​တီႈ​ၶႃႈ​ဢေႃႈ။ ၸဝ်ႈ​ႁဝ်း​ႁဵတ်း​ပဵၼ်​ၵၢင်​ႁၢဝ်​ဢၼ်​ဝႃႈ ၵၢင်​ႁၢဝ်​ဢၼ်​သုင်​ၼႃႇ​သေ​ပိူၼ်ႈ ဢိၵ်ႇ​တင်း​ပူဝ်ႇ​ပႃႇ​မၼ်း​ၵႃႈ​မီး၊ လိၼ်​မိူင်း​ဢိၵ်ႇ​တင်း ၵႃႈ​ဢၼ်​မီး​ၵႃႈ​ၼိူဝ်​မၼ်း၊ ပၢင်ႇ​လၢႆႇ​ဢိၵ်ႇ​တင်း​ၵႃႈ​ဢၼ်​မီး​ၵႃႈ​ၼႂ်း​မၼ်း​ၼၼ်ႉ​သေ​လႄႈ ပႂ်ႉ​လူ​တူၺ်း​လုမ်း​လႃး​ယူႇ ၵူႈ​ၸိူဝ်ႉ​ၵူႈ​ပိူင်​တီႈ​ၶႃႈ​ဢေႃႈ။ ပူဝ်ႇ​ပႃႇ​ၵၢင်​ႁၢဝ်​ၵႃႈ​မီး​ၼၼ်ႉ ဢွၼ်​ၵၼ်​ၵူဝ်း​ၵႂၢႆႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="7">ၸဝ်ႈ​ႁဝ်း​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ဢၼ်​လိူၵ်ႈ​ၵဵပ်း​ဢဝ်​ ဢႃႇပြမ်ႇ ​လႄႈ ႁွင်ႉ​ဢဝ်​မၼ်း​ဢွၵ်ႇ​သေ​ၼႂ်း​ဝဵင်း​ ဢူႉရႃႉ မိူင်း​ ၶႃႇလတေး ​မႃး​သေ​ယဝ်ႉ၊ တၢင်ႇ​ပၼ်​ၸိုဝ်ႈ​မႂ်ႇ​သဵင်​မႂ်ႇ ဢႃႇပြႃႇႁၢမ်ႇ ​လႄႈ၊-</verse>
				<verse number="8">ထူပ်း​ႁၼ်​ၸႂ်​သၽေႃး​မၼ်း ပဵၼ်​ဢၼ်​သိုဝ်ႈ​ဢၼ်​လီ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​လႄႈ ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​မၼ်း လူၺ်ႈ​လွင်ႈ​ဢၼ်​ၸဝ်ႈ​ႁဝ်း တၵ်း​ဢဝ်​မိူင်း​ၵူၼ်း​ ၶႃႇၼၼီႉ ၊ ၵူၼ်း​ ႁိတ်ႉတီႉ ၊ ၵူၼ်း​ ဢႃႇမေႃးရီႉ ၊ ၵူၼ်း​ ၽေႇရၸီႉ ၊ ၵူၼ်း​ ယေႇပူႉသီႉ ၊ ၵူၼ်း​ ၵီႉရၵႃႇသီႉ ​ၸိူဝ်း​ၼၼ်ႉ ပၼ်​တီႈ​မဵဝ်း​ၸိူဝ်ႉ​ၶိူဝ်း​မၼ်း​ၼၼ်ႉ သဵတ်ႈ​ၸႃႇ​ၸဝ်ႈ​ႁဝ်း​ဢမ်ႇ​လူႉ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း ဢၼ်​သိုဝ်ႈ​လီ​တေႃႇ​လီ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="9">ၸဝ်ႈ​ႁဝ်း​ႁၼ်​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၸိူဝ်း​ၼၼ်ႉ​လႆႈ​ၶၢမ်ႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​လႄႈ​ငိၼ်း​သဵင်​ဢၼ်​ၶဝ်​ႁွင်ႉ​သႅၼ်ႇ ၵႃႈ​တီႈ​ႁိမ်း​ပၢင်ႇ​လၢႆႇ​ ဢေႇတုမ်ႇ ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="10">ၸဝ်ႈ​ႁဝ်း​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​လႂ်၊ လွင်ႈ​တၢင်း​ဢၼ်​လီ​ဢၢမ်း​လႂ် ၵႃႈ​ၼိူဝ်​ ၽႃႇရေႃး ဢိၵ်ႇ​တင်း​ၶႃႈ​မၼ်း​ၵူၼ်း​မၼ်း တင်း​သဵင်ႈ​တင်း​လူင် ၵူၼ်း​ဝၢၼ်ႈ​ၵူၼ်း​မိူင်း​မၼ်း တင်း​သဵင်ႈ​တင်း​လူင် ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ႁူႉ​လွင်ႈ​ဢၼ် ၶဝ်​ၸွၵ်ႇ​ၵႃး​လူ​လၢႆ ႁဵတ်း​ပႄႉ​ႁဵတ်း​ၼႅင်ႇ​ၶဝ်​ၼၼ်ႉ​လႄႈ၊ သတၢင်း​သဵင်​ၶၢဝ်ႇ​ၸဝ်ႈ​ႁဝ်း ၸွတ်ႇ​သႃႈ​ႁူင်​ႁၢင်း​ယူႇ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​တီႈ​ၶႃႈ​ဢေႃႈ။-</verse>
				<verse number="11">ၸဝ်ႈ​ႁဝ်း​ၽႃႇ​ၼမ်ႉ​ပၢင်ႇ​လၢႆႇ ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ ႁႂ်ႈ​ၶဝ်​ၼၼ်ႉ လႆႈ​ပႆ​ၵႂႃႇ​ၵႃႈ​ၼိူဝ်​လိၼ် ၵႃႈ​ၼႂ်း​ၵၢင်​ပၢင်ႇ​လၢႆႇ​တီႈ​ၶႃႈ​ဢေႃႈ။ ၶဝ်​ၸိူဝ်း​ဢၼ်​လိုပ်ႈ​ၸွမ်း​လမ်း​ၸွမ်း​ၸိူဝ်း​ၼၼ်ႉ​ၸမ်ႉ၊ ၸဝ်ႈ​ႁဝ်း​ဢဝ်​ထိမ်ႈ​တူၵ်း​သႂ်ႇ​ၵႃႈ​ၼႂ်း​ၼမ်ႉ​ဢၼ်​လိုၵ်ႉ​ဢၼ်​လမ်ႇ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​ဢဝ်​မၢၵ်ႇ​ႁိၼ်​ထိမ်ႈ​တူၵ်း​သႂ်ႇ​ၵႃႈ​ၼႂ်း​ၼမ်ႉ ဢၼ်​ယႂ်ႇ​ၼႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="12">ၼွၵ်ႈ​သေ​ၼၼ်ႉ ၶိင်ႇ​ၵၢင်​ဝၼ်း​ၸဝ်ႈ​ႁဝ်း ဢဝ်​တင်း​သဝ်​မွၵ်ႇ​ၵုမ်ႈ​လႄႈ ၶိင်ႇ​ၵၢင်​ၶိုၼ်း​ၸဝ်ႈ​ႁဝ်း​ဢဝ် သဝ်​ၽႆး​ဢၼ်​ႁႂ်ႈ​သဵၼ်ႈ​တၢင်း​ဢၼ်​ၶဝ်​ၵႂႃႇ​ၼၼ်ႉ​လႅင်း​ၼၼ်ႉ ဢဝ်​ၶဝ်​ၼၼ်ႉ​ၵႂႃႇ​သူင်ႇ​တီႈ​ၶႃႈ​ဢေႃႈ။-</verse>
				<verse number="13">တူဝ်​ၸဝ်ႈ​ႁဝ်း​ၵေႃႈ လူင်း​မႃး​ၵႃႈ​ၼိူဝ်​လွႆ​ သီႉၼႃႉ ​လႄႈ လၢတ်ႈ​တေႃႇ​ၶဝ်​ၼၼ်ႉ​သေ​ၵႃႈ​ၼိူဝ်​ၽႃႉ​ၵၢင်​ႁၢဝ်​သေ​လႄႈ ဢၢပ်ႈ​ပၼ်​လွင်ႈ​တၢင်း​ဢၼ်​ၸီႇ​ယၢင်ႇ​ဝႆႉ ဢၼ်​မၢၼ်ႇ​ဢၼ်​မႅၼ်ႈ​တြႃး​ၸဝ်ႈ ဢၼ်​ၸိုဝ်ႈ​ၸႂ်ႈ​သိုဝ်ႈ​တေႃႇ၊ ထုင်း​ၽိင်ႈ​တြႃး တင်း​ပိင်း​ၺၢပ်ႈ​ၸဝ်ႈ​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="14">ၸဝ်ႈ​ႁဝ်း​ၽုၺ်ႇ​ဢွၵ်ႇ​ၼႄ​ပျႃး မိုဝ်ႉ​ဝၼ်း​ၵမ်​သိၼ်​ၸဝ်ႈ​ႁဝ်း​ဢၼ်​မူတ်း​ၸၢင်ႇ​ၼၼ်ႉ​လႄႈ ဢဝ်​ၶႃႈ​ၸဝ်ႈ​ႁဝ်း​ မူဝ်းသေႇ သင်ႇ​လၢတ်ႈ​ဝႆႉ ၼႄး​ဢူႉပတေႇ​လႂ်၊ ထုင်း​ၽိင်ႈ​တြႃး​လႂ်၊ တြႃး​ၸဝ်ႈ​လႂ်​တီႈ​ၶႃႈ​ဢေႃႈ။-</verse>
				<verse number="15">ၸဝ်ႈ​ႁဝ်း​ဢဝ်​ၶဝ်ႈ​မုၼ်း​ၽႃႉ​ၵၢင်​ႁၢဝ် ပၼ်​တီႈ​ၶဝ်​ပုၼ်ႈ​တၢင်း​ဢၼ်​ၶဝ်​တွင်ႉ​မႆႈ​သႆႈ​လိူတ်ႇ​ၼၼ်ႉ​လႄႈ ဢဝ်​ၼမ်ႉ​ဢၼ်​ၸဝ်ႈ​ႁဝ်း ႁႂ်ႈ​ဢွၵ်ႇ​ၵႃႈ​ၼႂ်း​မၢၵ်ႇ​ႁိၼ်​ၼၼ်ႉ ပၼ်​ပုၼ်ႈ​တၢင်း​ဢၼ်​ၶဝ်​ယၢၵ်ႇ​ၼမ်ႉ​ၶေႃး​ႁွင်​ၼၼ်ႉ​တီႈ​ၶႃႈ​ဢေႃႈ။ ၸဝ်ႈ​ႁဝ်း​မီး​ဢမိင်ႉ ႁႂ်ႈ​ၶဝ်​လႆႈ​ၶဝ်ႈ​လႄႈ​သိမ်း​ဢဝ် မိူင်း​ဢၼ်​ၸဝ်ႈ​ႁဝ်း ယုၵ်ႉ​မိုဝ်း​ၸဝ်ႈ​ႁဝ်း​သေ​လႄႈ ၵိၼ်ႇ​ဝႃႈ​လွင်ႈ​ဢၼ်​တၵ်း​ပၼ်​တီႈ​ၶဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="16">ၵူၺ်း​ၵႃႈ ၵဝ်​ဢိၵ်ႇ​တင်း​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ ဢွၼ်​ၵၼ်​မႃႇၼႃႉ​ပူၵ်း​ပႅၼ်​လႄႈ၊ ႁႂ်ႈ​လမ်း​ၶေႃး​ၶဝ်​ၵႅၼ်ႇ​ၶႅင်​ယူႇ​သေ​လႄႈ ယင်း​ဢမ်ႇ​ထွမ်ႇ​ဢဝ်​ပိင်း​ၺၢပ်ႈ​ၸဝ်ႈ​ႁဝ်း​တင်း​လၢႆ​လႄႈ တွပ်ႇ​ပႅတ်ႈ​ထဵင်​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="17">ၶဝ်​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ဢၼ်​ၸဝ်ႈ​ႁဝ်း​ႁဵတ်း​ၵႃႈ​ၼႂ်း​ၶဝ်​ၼၼ်ႉ​လႄႈ ႁႂ်ႈ​လမ်း​ၶေႃး​ၶဝ်​ၵႅၼ်ႇ​ၶႅင်​သေ​လႄႈ တွပ်ႇ​ထဵင်​ပူၼ်ႉ​လိူဝ်​ဢႃႇၼႃႇ​ၸဝ်ႈ​ယူႇ​သေ​လႄႈ ဢွၼ်​ၵၼ်​ယုၵ်ႉ​ယွင်ႈ ၵူၼ်း​ၵေႃႉ​ၼိုင်ႈ ႁဵတ်း​ငဝ်ႈ​ႁဵတ်း​ႁူဝ်​ၶဝ် ႁႂ်ႈ​လႆႈ​ၶိုၼ်း​မိူဝ်း​ၸူး ၵႃႈ​တီႈ​ဢၼ်​ၶဝ်​ၶၢမ်ႇ​ႁဵတ်း​ၶႃႈ​ၼၼ်ႉ​တီႈ​ၶႃႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၸဝ်ႈ​ႁဝ်း​ပဵၼ်​ၽြႃး​ဢၼ်​ၸၢင်ႈ​ပွႆႇ​လွတ်ႈ​ဢပႅတ်ႈ၊ ၽြႃး​ဢၼ်​ၸၢင်ႈ​ႁဵတ်း​ၵျေး​ၸူး​လႄႈ ပျေႉ​ၸုမ်ႇ​ဝႆႉ​တင်း တၢင်း​ႁၵ်ႉ​မႅတ်ႈ​တႃႇ​ၵရူႉၼႃႇ၊ ၽြႃး​ဢၼ်​မၢၵ်ႈ​မီး​လိူင်ႇ​ၼမ်​ဝႆႉ​တင်း​တၢင်း​ဢၼ်​ၸႂ်​ယႂ်ႇ​ၸႂ်​ယၢဝ်း၊ တၢင်း​ဢၼ်​ၸၢင်ႈ​ႁဵတ်း​ၵရူႉၼႃႇ​တၢင်း​ဢဵတ်း​လူ​လႄႈ ၸဝ်ႈ​ႁဝ်း​ဢမ်ႇ​ၸုၼ်ႉ​ဢမ်ႇ​ပႅတ်ႈ​ၶဝ်​တီႈ​ၶႃႈ၊-</verse>
				<verse number="18">ထၢၼ်ႇ​ၼၼ်ႉ​ၵူၺ်း​ဢမ်ႇ​ၵႃး၊ မိူဝ်ႈ​ဢၼ်​ၶဝ်​သွၼ်း​လေႃႇ ႁဵတ်း​ဝူဝ်း​ဢွၼ်ႇ​သေ​လႄႈ​လၢတ်ႈ​လႄႈ​ဝႃႈ၊ ဢၼ်​ၼႆႉ​ၸမ်ႉ၊ ပဵၼ်​ၽြႃး​မႂ်း​ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ ႁဵတ်း​တၢင်း​ဢၼ်​ၽိတ်း​ပိူင်ႈ ၸဝ်ႈ​ႁဝ်း​ၼႃႇ​လူင်​လၢင်​ၼၼ်ႉ​ၸိုင်၊-</verse>
				<verse number="19">ၸဝ်ႈ​ႁဝ်း​ပဵၼ်​ၽြႃး​ဢၼ်​ၸၢင်ႈ​ဢဵတ်း​လူ​ႁၵ်ႉ​ပႅင်း လိူဝ်​တွၼ်း​ၼႃႇ​လူင်​လၢင်​လႄႈ ၸဝ်ႈ​ႁဝ်း​ဢမ်ႇ​ၸုၼ်ႉ​ဢမ်ႇ​ပႅတ်ႈ​ၶဝ်​ဝႆႉ ၵႃႈ​ၼႂ်း​ထိူၼ်ႇ​ၼၼ်ႉ​တီႈ​ၶႃႈ။ သဝ်​မွၵ်ႇ​ၵုမ်ႈ​ဢမ်ႇ​ႁၢႆ​သေ​ၶိင်ႇ​ၵၢင်​ဝၼ်း​ႁႂ်ႈ​လႆႈ​ၼႄ​ပျႃး​သဵၼ်ႈ​တၢင်း​ၶဝ်​ယူႇ​လႄႈ သဝ်​ၽႆး​ဢမ်ႇ​ႁၢႆ​သေ​ၶိင်ႇ​ၵၢင်​ၶိုၼ်း ႁႂ်ႈ​သဵၼ်ႈ​တၢင်း​ဢၼ်​ၶဝ်​ၵႂႃႇ​ၼၼ်ႉ လႅင်း​ယူႇ​တီႈ​ၶႃႈ​ဢေႃႈ။-</verse>
				<verse number="20">ၸဝ်ႈ​ႁဝ်း​ပၼ်​ဝီႉၺိၺ်ႇ​ၸဝ်ႈ​ဢၼ်​လီ​ဢၼ်​ငၢမ်း ပုၼ်ႈ​ဢၼ်​တၵ်း​သင်ႇ​သွၼ်​ၶဝ်​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢမ်ႇ​ၵူႈ​ဢဝ်​သိမ်း​ဢဝ်​ၶဝ်ႈ​မုၼ်း မၼ်ႇၼႃႉ ​သေ ၵႃႈ​တီႈ​သူပ်း​ၶဝ်​လႄႈ ဢဝ်​ၼမ်ႉ​ပၼ်​ပုၼ်ႈ​တၢင်း​ဢၼ်​ၶဝ်​ယၢၵ်ႇ​ၼမ်ႉ​ၶေႃး​ႁွင်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="21">သီႇ​သိပ်း​ပီႊ​တဵမ်​တဵမ်၊ ၸဝ်ႈ​ႁဝ်း​လဵင်ႉ​လူ​ၶဝ် ႁႂ်ႈ​ၶဝ်​ဢမ်ႇ​လႆႈ​လူဝ်ႇ​ထႅင်ႈ​သေ​ၸိူဝ်ႉ​သေ​ပိူင်​လႃး​လႃး​တီႈ​ၶႃႈ​ဢေႃႈ။ ၶူဝ်း​ၼုင်ႈ​ၶူဝ်း​မႆ​ၶဝ်​ဢမ်ႇ​လႆႈ​ၵဝ်ႇ​လႆႈ​မွင်​လႄႈ တိၼ်​ၶဝ်​ၵေႃႈ​ဢမ်ႇ​လႆႈ​ၵႂ်ႈ​လႆႈ​ပွင်း​တီႈ​ၶႃႈ၊-</verse>
				<verse number="22">လိုၼ်း​ၼၼ်ႉ​ၸဝ်ႈ​ႁဝ်း​ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း​တင်း​လၢႆ ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၸိူဝ်း​ၼၼ်ႉ​ဢၢပ်ႈ​ပၼ်​တီႈ​ၶဝ်​လႄႈ ဢဝ်​ၽႄ​မႅင်ႇ​ပၼ် ၸွမ်း​လူၺ်ႈ​ပုၼ်ႈ​တႃႇ​ၽႂ်​ပုၼ်ႈ​တႃႇ​မၼ်း​သေ​လႄႈ၊ ၶဝ်​ဢွၼ်​ၵၼ်​သိမ်း​ဢဝ်​မိူင်း ဢၼ်​ သီႉႁုၼ်ႇ ​ၶုၼ်​ႁေႃ​ၶမ်း ႁေႇသၽုၼ်ႇ ဢုပ်ႉ​ပိူင်ႇ​ဢိၵ်ႇ​တင်း မိူင်း​ဢၼ်​ ဢေႃႇၶႃႉ ၶုၼ်​ႁေႃ​ၶမ်း​ ပႃႇသၢၼ်ႇ ​ဢုပ်ႉ​ပိူင်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="23">ၸဝ်ႈ​ႁဝ်း​ႁႂ်ႈ​လုၵ်ႈ​ၶဝ်​လၢၼ်​ၶဝ် ၼမ်​ၼႃႇ​လူင်​လၢင်​မိူၼ်​ၸိူဝ်ႉ​ၼင်ႇ​လၢဝ်​ၵၢင်​ႁၢဝ်​ၼၼ်ႉ​လႄႈ ဢဝ်​ၶဝ်​သႂၢင်း​ၶဝ်ႈ​ၵႃႈ​ၼႂ်း​မိူင်း​ဢၼ်​ၸဝ်ႈ​ႁဝ်း​ဝႆႉ​ၵတီႉ တီႈ​ပူႇ​ၶဝ်​မွၼ်ႇ​ၶဝ် လူၺ်ႈ​လွင်ႈ​ဢၼ်​တၵ်း​လႆႈ​ၶဝ်ႈ​လႄႈ​သိမ်း​ဢဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="24">ၼင်ႇ​ၼၼ်​လႄႈ​ၶဝ်​ၸိူဝ်း​ဢၼ်​ပဵၼ်​လုၵ်ႈ​ပဵၼ်​လၢၼ်​တင်း​လၢႆ ဢွၼ်​ၵၼ်​ၶဝ်ႈ​လႄႈ​သိမ်း​ဢဝ်​မိူင်း​လႄႈ ၸဝ်ႈ​ႁဝ်း​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​ဝၢၼ်ႈ​ၵူၼ်း​မိူင်း​ဢၼ်​ဝႃႈ ၵူၼ်း​ ၶႃႇၼၼီႉ ​ၸိူဝ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ၶဝ်​သေ​လႄႈ ဢဝ်​ၶုၼ်​ႁေႃ​ၶမ်း​ၶဝ်​ၼၼ်ႉ​ၸိူဝ်း​ၼၼ်ႉ ဢိၵ်ႇ​တင်း​ၵူၼ်း​ဝၢၼ်ႈ​ၵူၼ်း​မိူင်း​ၵူႈ​ၸိူဝ်ႉ​ၵူႈ​မဵဝ်း​ၸိူဝ်း​ၼၼ်ႉ ဢၢပ်ႈ​ပၼ်​ၵႃႈ​တီႈ​မိုဝ်း​ၶဝ် ႁႂ်ႈ​ၶဝ်​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၶဝ်​ၶႂ်ႈ​ႁဵတ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="25">ၼင်ႇ​ၼၼ်​လႄႈ ၶဝ်​ဢွၼ်​ၵၼ်​သိမ်း​ဢဝ်​ဝဵင်း​ဢၼ်​မၼ်ႈ​ၶိူင်ႇ​လႂ်၊ မိူင်း​ဢၼ်​ၶွၼ်ႇ​ၼမ်ႉ​မၼ်း​လိၼ်​လီ​လႄႈ လႆႈ​ႁိူၼ်း​လႆႈ​ယေး ဢၼ်​တဵမ်​ဝႆႉ​တင်း​ဢုၵ်ႉ​ၸႃႇ ဢၼ်​လီ​ဢၼ်​ငၢမ်း​ၵူႈ​ၸိူဝ်ႉ​ၵူႈ​ပိူင်​လႂ်၊ ၼမ်ႉ​မေႃႇ​ဢၼ်​ၶုတ်း​ယဝ်ႉ​လႂ်၊ သူၼ်​ဢူးယဵၼ်ႇ​ၸပိတ်ႈ​လႂ်၊ သူၼ်​ဢူးယဵၼ်ႇ သၢၼ်ႇလုၼ်ႇ ​လႂ်၊ တူၼ်ႈ​မႆႉ​ဢၼ်​မၢၵ်ႇ​မၢၵ်ႇ​ၼမ်​ၼႃႇ​လႂ်​သေ​ယဝ်ႉ၊ လႆႈ​ၵိၼ်​လႆႈ​ၶူပ်း​ဢိမ်ႇ​ဢိမ်ႇ​တဵမ်​တဵမ်​သေ​လႄႈ ၼိူဝ်ႉ​ပီး​လီ​မၼ်း​လီ​မႃး​လႄႈ ဢွၼ်​ၵၼ်​မူၼ်ႈ​ပျေႃႇ​ၵႃႈ​ၼႂ်း​တၢင်း​ဢၼ်​ၵျေး​ၸူး​ၸဝ်ႈ​လိူင်ႇ​ၼမ်​ယႂ်ႇ​ၼႃႇ​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="26">ၵူၺ်း​ၵႃႈ ၶဝ်​ဢမ်ႇ​ထွမ်ႇ​ဢမ်ႇ​ဢဝ် ဢမိင်ႉ​ၸဝ်ႈ​လႄႈ ပုင်ႇ​ၵၢၼ်ႇ​ၸဝ်ႈ​ႁဝ်း​သေ​လႄႈ ဢဝ်​တြႃး​ၸဝ်ႈ​ႁဝ်း​ပႅတ်ႈ​ဝႆႉ ၵႃႈ​တီႈ​ၽၢႆႇ​တၢင်း​လင်​ၶဝ်​သေ​တီႈ​ၶႃႈ​ဢေႃႈ။ ၶဝ်​ဢွၼ်​ၵၼ်​ဢဝ်​ပရေႃးၽႅတ်ႈ​ၸဝ်ႈ​ႁဝ်း ဢၼ်​သင်ႇ​သွၼ်​သုင်း​မႃႉ​ပၼ်​ၶဝ် ႁႂ်ႈ​ၶဝ်​ၶိုၼ်း​မႃး​ၸူး​တီႈ​ၸဝ်ႈ​ႁဝ်း​ၸိူဝ်း​ၼၼ်ႉ​တၢႆ​လႄႈ ႁဵတ်း​တၢင်း​ဢၼ်​ၽိတ်း​ပိူင်ႈ​ၸဝ်ႈ​ႁဝ်း​ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="27">ပိူဝ်ႈ​ၼႆ​လႄႈ ၸဝ်ႈ​ႁဝ်း​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ် ဢၼ်​ယႃႉ​ယူၵ်ႉ​ၶဝ်​ယူႇ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ ယၢမ်း​မိူဝ်ႈ​ဢၼ်​ၶဝ်​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​လႄႈ ႁွင်ႉ​သႅၼ်ႇ​တီႈ​ၸဝ်ႈ​ႁဝ်း​ၼၼ်ႉ​ၸိုင်၊ ၸဝ်ႈ​ႁဝ်း​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ​ထွမ်ႇ​ငိၼ်း​လႄႈ ၸဝ်ႈ​ႁဝ်း​ႁႂ်ႈ​ၸဝ်ႈ​ၵျေး​ၸူး ဢၼ်​ၵႄႇ​သႄႇ​ၶျွတ်ႈ​ဢဝ်​ၶဝ်​လွတ်ႈ​ဢွၵ်ႇ​သေ ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ်​ၼၼ်ႉ​ၸိူဝ်း​ၼၼ်ႉ​ပေႃႇ​ဢွၵ်ႇ ၸွမ်း​ၵႃႈ​ၼင်ႇ​ဢၼ် ၵျေး​ၸူး​ၵရူႉၼႃႇ​ၸဝ်ႈ​ႁဝ်း လိူင်ႇ​ၼမ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="28">လႆႈ​သမ်ႉ ယၢမ်း​မိူဝ်ႈ​ဢၼ်​ၶဝ်​လႆႈ​ၵတ်း​ယဵၼ်​ၶျၢမ်း​သႃႇ​ၼၼ်ႉ​ၸိုင်၊ ၶဝ်​သမ်ႉ​ၶိုၼ်း​ႁဵတ်း​တူႉ​ၸရိူၵ်ႈ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ထႅင်ႈ​တီႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ​ၸဝ်ႈ​ႁဝ်း​သမ်ႉ​ၶိုၼ်း​ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ် ႁႂ်ႈ​ၶဝ်​ၼၼ်ႉ​ထၼ်ႈ​ပေႃး​လႆႈ​ဢုပ်ႉ​ပိူင်ႇ​ၶဝ်​တီႈ​ၶႃႈ​ဢေႃႈ။ ယၢမ်း​မိူဝ်ႈ​ဢၼ်​ၶဝ်​သမ်ႉ​ၶိုၼ်း​မႃး​လႄႈ ႁွင်ႉ​သႅၼ်ႇ​တီႈ​ၸဝ်ႈ​ႁဝ်း​ၼၼ်ႉ​ၸိုင် ၸဝ်ႈ​ႁဝ်း​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ​ထွမ်ႇ​ငိၼ်း​လႄႈ ၵႄႇ​သႄႇ​ၶျွတ်ႈ​ဢဝ်​ၶဝ်​ၶိူဝ်း​ၶိူဝ်း​ယႂ်း​ယႂ်း ၸွမ်း​ၵႃႈ​ၼင်ႇ​ဢၼ်​ၵရူႉၼႃႇ​ၸဝ်ႈ​ႁဝ်း​မီး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="29">ပိၵ်ႉ​သမ်ႉ​ၸဝ်ႈ​ႁဝ်း​သင်ႇ​သွၼ်​သုင်း​မႃႉ​ၶဝ် ႁႂ်ႈ​ၶဝ်​ၶိုၼ်း​ၵမ်​ၶိုၼ်း​ၵျၢင်ႉ​တြႃး​ၸဝ်ႈ​ႁဝ်း​သေ​ၵေႃႈ၊ ၶဝ်​ဢွၼ်​ၵၼ်​ႁဵတ်း​တၢင်း​ဢၼ်​မႃႇၼႃႉ​ပူၵ်း​ပႅၼ်​လႄႈ ဢမ်ႇ​ထွမ်ႇ​ဢမ်ႇ​ဢဝ်​တီႈ​ၶႃႈ၊ ၶဝ်​ဢွၼ်​ၵၼ်​ပူၼ်ႉ​လိူဝ်​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ ဢၼ်​ပဵၼ်​လွင်ႈ​ဢၼ်​ဢသၢၵ်ႈ​လိပ်း​တီႈ​ၵေႃႉ​ဢၼ်​ၵမ်​ၵျၢင်ႉ​ၼၼ်ႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ ၶဝ်​ဢွၼ်​ၵၼ်​သုတ်ႉ​ယိုတ်း​ႁူဝ်​မႃႇ ပူတ်း​ဝၢင်း​ပႅတ်ႈ​သေ​လႄႈ​ႁႂ်ႈ​လမ်း​ၶေႃး​ၶဝ်​ၵႅၼ်ႇ​ၶႅင်​လႄႈ ယင်း​ဢမ်ႇ​ထွမ်ႇ​ဢမ်ႇ​ဢဝ်​လႄႈ ယူႇ​တီႈ​ၶႃႈ​ဢေႃႈ။-</verse>
				<verse number="30">ပိၵ်ႉ​သမ်ႉ​ၸဝ်ႈ​ႁဝ်း​ယိူၼ်ႉ​ၶၢမ်ႇ​ၶဝ် ပီႊ​ၼမ်​ၼႃႇ​လႄႈ​ဢဝ်​ဝီႉၺိၺ်ႇ​ၸဝ်ႈ​ႁဝ်း ဢၼ်​မီး​တီႈ​ပရေႃးၽႅတ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ သင်ႇ​သွၼ်​သုင်း​မႃႉ​ၶဝ်​သေ​ၵေႃႈ ၶဝ်​ဢမ်ႇ​ထွမ်ႇ​ဢမ်ႇ​ဢဝ်​တီႈ​ၶႃႈ။ ပိူဝ်ႈ​ၼႆ​လႄႈ​ၸဝ်ႈ​ႁဝ်း​ဢဝ်​ၶဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ၸိူဝ်း​ၼႆႉ​တီႈ​ၶႃႈ​ဢေႃႈ။-</verse>
				<verse number="31">ၼႂ်း​ဝႃႈ​ၼၼ်​သေ​ၵေႃႈ ၵွပ်ႈ​ပိူဝ်ႈ​ဢၼ်​ၵရူႉၼႃႇ​ၸဝ်ႈ​ႁဝ်း လိူင်ႇ​ၼမ်​ၼၼ်ႉ​လႄႈ၊ ၸဝ်ႈ​ႁဝ်း​ဢမ်ႇ​ယႃႉ​ၽဵဝ်ႈ​ၶဝ်​ပႅတ်ႈ မူတ်း​မူတ်း​သဵင်ႈ​သဵင်ႈ၊ ၸဝ်ႈ​ႁဝ်း​ဢမ်ႇ​ၸုၼ်ႉ​ဢမ်ႇ​ပႅတ်ႈ​ၶဝ်​တီႈ​ၶႃႈ၊ လွင်ႈ​မၼ်း​ၸမ်ႉ ၸဝ်ႈ​ႁဝ်း​ပဵၼ်​ၽြႃး​ဢၼ်​ပျေႉ​ၸုမ်ႇ​ဝႆႉ​တင်း တၢင်း​ဢၼ်​ႁၵ်ႉ​ဢဵတ်း​လူ၊ တၢင်း​ဢၼ်​မီး​မႅတ်ႈ​တႃႇ​ၵရူႉၼႃႇ​တီႈ​ၶႃႈ​ဢေႃႈ။-</verse>
				<verse number="32">ပိူဝ်ႈ​ၼႆ​လႄႈ ၽြႃး​ပဵၼ်​ၸဝ်ႈ​ႁဝ်း​ၶႃႈ၊ ၽြႃး​ဢၼ်​ယႂ်ႇ​မျၢတ်ႈ​ၼႃႇ​လႄႈ ပျေႉ​ၸုမ်ႇ​တင်း​မႁႃႇ​တၼ်း​ၶူဝ်း​လႄႈ​လီ​ၵူဝ်​လီ​ႁႄ၊ ဢၼ်​ပႂ်ႉ​ပတီႉၺိၺ်ႇ​ၵရူႉၼႃႇ​ၸဝ်ႈ​တီႈ​ၶႃႈ၊ ယႃႇ​ပေ​မၢတ်ႈ​ၽေး​တၢမ်ႇ​ၵႃႈ​မီး ဢၼ်​တူၵ်း​ႁွတ်ႈ ၵႃႈ​ၼိူဝ်​ၶုၼ်​ႁေႃ​ၶမ်း​ၶႃႈ​ၸဝ်ႈ​ႁဝ်း​ၶဝ်​လႂ် မူး​မၢတ်ႈ​ၽွင်း​မိူင်း​ၶႃႈ​ၸဝ်ႈ​ႁဝ်း​ၶဝ်၊ ယိတ်ႈပရေႃးႁဵၵ်ႈ​ၶႃႈ​ၸဝ်ႈ​ႁဝ်း​ၶဝ်၊ ပရေႃးၽႅတ်ႈ​ၶႃႈ​ၸဝ်ႈ​ႁဝ်း​ၶဝ်၊ ပူႇ​ပေႃႈ​ၶႃႈ​ၸဝ်ႈ​ႁဝ်း​ၶဝ် တင်း​ၵူၼ်း​ၸဝ်ႈ​ႁဝ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၸႃႉ​ၸဵမ်​မိူဝ်ႈ​ၸူဝ်ႈ​ပၢၼ်​ၶုၼ်​ႁေႃ​ၶမ်း ဢႃႇသူႉရီႉ ​တင်း​လၢႆ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ၼၼ်ႉ​ၸိူဝ်း​ၼၼ်ႉ ပဵၼ်​ဢၼ်​လဵၵ်ႉ​ဢၼ်​ဢွၼ်ႇ​သေ​ၵမ်း​တီႈ​ၶႃႈ။-</verse>
				<verse number="33">ၸဝ်ႈ​ႁဝ်း​ၸမ်ႉ ႁဵတ်း​ၸွမ်း​တြႃး​ၼႂ်း​ၵႃႈ​ဢၼ်​ႁွတ်ႈ​ထိုင် ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၶဝ်​ဢွၼ်​ၵၼ်​ႁဵတ်း​ဢမ်ႇ​တြႃး​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ၸီႇ​ယၢင်ႇ​ၸွမ်း​တြႃး​ၵူၺ်း​တီႈ​ၶႃႈ​ယဝ်ႉ။-</verse>
				<verse number="34">ၶုၼ်​ႁေႃ​ၶမ်း​ၶႃႈ​ၸဝ်ႈ​ႁဝ်း​ၶဝ်၊ မူး​မၢတ်ႈ​ၽွင်း​မိူင်း​ၶႃႈ​ၸဝ်ႈ​ႁဝ်း​ၶဝ်၊ ယိတ်ႈပရေႃးႁဵၵ်ႈ​ၶႃႈ​ၸဝ်ႈ​ႁဝ်း​ၶဝ်၊ ပူႇ​ပေႃႈ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ ဢမ်ႇ​ဢွၼ်​ၵၼ်​ပႂ်ႉ​ၵမ်​ပႂ်ႉ​ၸွမ်း​တြႃး​ၸဝ်ႈ​ႁဝ်း​တီႈ​ၶႃႈ၊ ဢမ်ႇ​ဢွၼ်​ၵၼ်​ထွမ်ႇ​ဢဝ်​ပိင်း​ၺၢပ်ႈ​ၸဝ်ႈ​ႁဝ်း ဢိၵ်ႇ​တင်း​လွင်ႈ​တၢင်း​ဢၼ်​ၶၢမ်ႇ​သၢၵ်ႈ​သေႇ ဢၼ်​ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​ၶဝ်​ၼၼ်ႉ​တီႈ​ၶႃႈ။-</verse>
				<verse number="35">ၶဝ်​လႆႈ​ယူႇ​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ၸဝ်ႈ​ႁဝ်း​ႁဵတ်း​ၵျေး​ၸူး ဢၼ်​ယႂ်ႇ​ၼႃႇ​သေ​လႄႈ ဢၢပ်ႈ​ပၼ်​တီႈ​ၶဝ်​ဢၼ်​မိူင်း​လီ​မိူင်း​ငၢမ်း ဢၼ်​ၸဝ်ႈ​ႁဝ်း​ဢဵတ်း​လူ​ပၼ်​တီႈ​ၶဝ်​ၼၼ်ႉ​သေ​လႄႈ ၶဝ်​ဢမ်ႇ​ၵိုတ်ႉ​ဢမ်ႇ​ႁၢပ်ႇ​ဢမူႉ​ၸဝ်ႈ​ႁဝ်း​တီႈ​ၶႃႈ၊ ၶဝ်​ယင်း​ဢမ်ႇ​ဝႄႈ​ပႅတ်ႈ​တူႉ​ၸရိူၵ်ႈ ဢၼ်​ၶဝ်​ႁဵတ်း​ၼၼ်ႉ​လႄႈ​ယူႇ​တီႈ​ၶႃႈ​ဢေႃႈ။-</verse>
				<verse number="36">တူၺ်း​တီႈ​ၶႃႈ​လူး။ ၶႃႈ​ၸဝ်ႈ​ႁဝ်း​ၶဝ်​ပဵၼ်​ၶႃႈ​ၸႂ်ႉ​ၶႃႈ​သွႆ​ယူႇ​ဝၼ်း​မိူဝ်ႈ​ၼႆႉ​လႄႈ လႆႈ​ၶၢမ်ႇ​ႁဵတ်း​ၶႃႈ​ယူႇ​ၵႃႈ​ၼႂ်း​မိူင်း​ဢၼ် ၸဝ်ႈ​ႁဝ်း​ဢဝ်​ပၼ်​တီႈ​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ် ႁႂ်ႈ​လႆႈ​ၵိၼ်​မၢၵ်ႇ​မၼ်း​ႁူင်း​မၼ်း ဢိၵ်ႇ​တင်း​ဢၼ်​လီ​ဢၼ်​ငၢမ်း​မၼ်း​ၸိူဝ်း​ၼၼ်ႉ​ၼႆႉ​ယူႇ​တီႈ​ၶႃႈ​ဢေႃႈ။-</verse>
				<verse number="37">တၢင်း​ဢၼ်​ယႂ်ႇ​တူဝ်း​တွၼ်း​မႃး​ၵႃႈ​တီႈ​မိူင်း​ၼႆႉ​ၼၼ်ႉ လႆႈ​ပဵၼ်​ပုၼ်ႈ​ၶုၼ်​ႁေႃ​ၶမ်း ဢၼ်​ၸဝ်ႈ​ႁဝ်း​ၶၢၼ်း​ဝႆႉ ၵွပ်ႈ​ပိူဝ်ႈ​ဢပႅတ်ႈ​ၶႃႈ​ၸဝ်ႈ​ႁဝ်း​ၶဝ်​ၼႆႉ​ၸိူဝ်း​ၼၼ်ႉ​ၼမ်​ၼႃႇ​လႄႈ ၶဝ်​ၼၼ်ႉ​လႆႈ​ဢုပ်ႉ​ပိူင်ႇ​တူဝ်​ၶႃႈ​ၸဝ်ႈ​ႁဝ်း​ၶဝ် ဢိၵ်ႇ​တင်း​တရိၵ်ႈသၢၼ်ႇ​ၶႃႈ​ၸဝ်ႈ​ႁဝ်း​ၶဝ်​ၸွမ်း​ၵႃႈ​ၼင်ႇ​ဢၼ် ဢလူဝ်ႇ​ၶဝ်​မီး​ၼၼ်ႉ​သေ​လႄႈ ၶႃႈ​ၸဝ်ႈ​ႁဝ်း​ၶဝ်​လႆႈ​ၶၢမ်ႇ​တၢင်း​ဢၼ် ယၢၵ်ႈ​ၽၢၼ်​ၶၢၼ်​ၸႂ်​ၼႃႇ​လူင်​လၢင်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="38">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ႁဝ်း​ဢွၼ်​ၵၼ်​ႁဵတ်း​သဵတ်ႈ​ၸႃႇ ဢၼ်​မၼ်ႈ​ဢၼ်​ၶိူင်ႇ​သေ​လႄႈ တႅမ်ႈ​မၢႆ​ဝႆႉ​သေ​လႄႈ ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ်​ႁဝ်း ၵူၼ်း​မဵဝ်း​ လေႇဝီႉ ​ႁဝ်း ယိတ်ႈပရေႃးႁဵၵ်ႈ​ႁဝ်း​ၸိူဝ်း​ၼၼ်ႉ ဢွၼ်​ၵၼ်​တွၵ်ႇ​တၼ်း​သိၵ်ႈ​ဢေႃႈ။</verse>
			</chapter>
			<chapter number="10">
				<verse number="1">ၶဝ်​ၸိူဝ်း​ဢၼ်​တွၵ်ႇ​တၼ်း​သိၵ်ႈ​ၼၼ်ႉ​ၸမ်ႉ၊ ပဵၼ်​ ၼေႇႁမီႉ ၊ ၶုၼ်​ဢၼ်​ဢုပ်ႉ​ၵႃႈ​ၼိူဝ်​မိူင်း ဢၼ်​ပဵၼ်​လုၵ်ႈ​ၸၢႆး​ ႁႃႇၶလီႉ ၊ ၶဝ်​ၸိူဝ်း​ဢၼ်​ပဵၼ်​ယိတ်ႈပရေႃးႁဵၵ်ႈ ဢၼ်​ဝႃႈ ၸီႉတၵီႉယႃႉ ၊-</verse>
				<verse number="2">ၸႃႇရႃႇယႃႉ၊ ဢႃႇၸရီႉ၊ ယေႇရမီႉ ၊-</verse>
				<verse number="3">ပႃႇသူႉရႃႉ၊ ဢႃႇမရီႉ၊ မႃႇလၶီႉယႃႉ ၊-</verse>
				<verse number="4">ႁတ်ႉတုတ်ႉ၊ သေးပၼီႉ၊ မႃႇလုၵ်ႉ ၊-</verse>
				<verse number="5">ႁႃႇရိမ်း၊ မေႇရမုတ်ႉ၊ ဢေႃးပတီႉ ၊-</verse>
				<verse number="6">တၢၼ်ႇယေႇလႃႉ၊ ၵိၼ်ႇၼေႇသုၼ်ႇ၊ ပႃႇရုၵ်ႉ ၊-</verse>
				<verse number="7">မေႇသူႉလမ်ႇ၊ ဢၽီႉယႃႉ၊ မီႉယမိၼ်း ၊-</verse>
				<verse number="8">မႃႇၸီႉ၊ ပီႉလၵေႇ၊ သေႇမႃႇယႃႉ ​ၸိူဝ်း​ၼၼ်ႉ၊-</verse>
				<verse number="9">ၶဝ်​ၸိူဝ်း​ဢၼ်​ပဵၼ်​ၵူၼ်း​မဵဝ်း​ လေႇဝီႉ ဢၼ်​ဝႃႈ​ ယေႃးသူႉ လုၵ်ႈ​ၸၢႆး​ ဢႃႇၸၼီႉ ပႃး​ၼိုင်ႈ၊ ပီႉၼုၺ်ႇ လုၵ်ႈ​ၸၢႆး​ ႁေႇၼတပ်ႉ ​ပႃး​ၼိုင်ႈ၊​ ၵႃႇတမေႇလႃႉ ​ပႃး​ၼိုင်ႈ၊-</verse>
				<verse number="10">ၼွင်ႉ​ၸၢႆး​ၶဝ် သေးပၼီႉ၊ ႁေႃးတီႉယႃႉ၊ ၵေႇလီႉတႃႉ၊ ပေႇလႃႇယႃႉ၊ ႁႃႇၼၼ်ႇ ၊-</verse>
				<verse number="11">မီႉၶႃႇ၊ ရေႇႁုပ်ႉ၊ ႁႃႇသပီႉ ၊-</verse>
				<verse number="12">ၸၵ်ႉၵူႉရႃႉ၊ သေႇရၽီႉ၊ သေႇပၼီႉ ၊-</verse>
				<verse number="13">ႁေႃးတီႉယႃႉ၊ ပႃႇၼီႇ၊ ပေႇၼီႉၼူႉ ​ၸိူဝ်း​ၼၼ်ႉ၊-</verse>
				<verse number="14">ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ်​ၵူၼ်း​တင်း​လၢႆ၊ ဢၼ်​ဝႃႈ ပႃႇရုတ်ႉ၊ ပႃႇႁတ်ႉမေႃႇၽႃႉ၊ ဢေႇလမ်ႇ၊ ၸတ်ႉတူႉ၊ ပႃႇၼီႇ ၊-</verse>
				<verse number="15">ပုၼ်ႇၼီႉ၊ ဢႃႇၸၵတ်ႉ၊ ပေႇပေႇ ၊-</verse>
				<verse number="16">ဢတေႃးၼီႉယႃႉ၊ ပီႉၵဝေႇ၊ ဢႃႇတိၼ်ႇ ၊-</verse>
				<verse number="17">ဢႃႇတႃႇ၊ ႁီႉၸၵီႉယႃႉ၊ ဢတ်ႉၸူႉရႃႉ ၊-</verse>
				<verse number="18">ႁေႃးတီႉယႃႉ၊ ႁႃႇသုမ်ႇ၊ ပေႇၸေႇ ၊-</verse>
				<verse number="19">ႁႃႇရိပ်ႉ၊ ဢႃႇၼသုတ်ႉ၊ ၼေႇပေႇ ၊-</verse>
				<verse number="20">မႃႇၵပျႃႇသႃႉ၊ မေႇသူႉလမ်ႇ၊ ႁေႇၸီႉရႃႉ ၊-</verse>
				<verse number="21">မေႇသၸႃႉပေႇလႃႉ၊ ၸႃႇတုၵ်ႉ၊ ယႃႇတႂႃႇ ၊-</verse>
				<verse number="22">ပေႇလတီႉ၊ ႁႃႇၼၼ်ႇ၊ ဢၼႃႇယႃႉ ၊-</verse>
				<verse number="23">ႁေႃးသေႇ၊ ႁႃႇၼၼီႉ၊ ႁႃႇသုပ်ႉ ၊-</verse>
				<verse number="24">ႁႃႇလေႃးႁိတ်ႉ၊ ပီႉလႁႃႉ၊ သေႃးပိၵ်ႉ ၊-</verse>
				<verse number="25">ရေႇႁုမ်ႇ၊ ႁႃႇသႃႇပၼႃႉ၊ မႃႇသေႇယႃႉ ၊-</verse>
				<verse number="26">ဢႁီႉယႃႉ၊ ႁႃႇၼၼ်ႇ၊ ဢႃႇၼၼ်ႇ ၊-</verse>
				<verse number="27">မႃႇလုၵ်ႉ၊ ႁႃႇရိမ်း၊ ပႃႇၼႃႇ ​ၸိူဝ်း​ၼၼ်ႉ​ဢေႃႈ။</verse>
				<verse number="28">ၵူၼ်း​တင်း​လၢႆ​ဢၼ်​ယင်း​ၵိုတ်း​ယင်း​ၵျၢၼ်ႇ​လႂ်၊ ယိတ်ႈပရေႃးႁဵၵ်ႈ​လႂ်၊ ၵူၼ်း​မဵဝ်း​ လေႇဝီႉ ​လႂ်၊ ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​လႂ်၊ ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း​လႂ်၊ ၶႃႈ​ၽြႃး​လႂ်၊ ၶဝ်​ၵႃႈ​ဢၼ်​ၽၢတ်ႇ​ၽႄ​ၵၼ် တင်း​ၵူၼ်း​ဢၼ်​ယူႇ​ၵဝ်ႇ​ၵဝ်ႇ​ၵႃႈ​တီႈ​မိူင်း​ၼၼ်ႉ ႁႂ်ႈ​လႆႈ​ၵမ်​ၵျၢင်ႉ​တြႃး ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​လႂ် ဢိၵ်ႇ​လူၺ်ႈ​ၵၼ်​တင်း​မေး​ၶဝ် လုၵ်ႈ​ၸၢႆး​ၶဝ် လုၵ်ႈ​ယိင်း​ၶဝ်​လႂ်၊ ၶဝ်​ၸိူဝ်း​ဢၼ် ၸၢင်ႈ​ႁူႉ​ၸၢင်ႈ​ၸႅင်ႈ​လႄႈ မီး​ၺၢၼ်ႇ​တင်း​သဵင်ႈ​တင်း​လူင်​လႂ်​ၸိူဝ်း​ၼၼ်ႉ၊-</verse>
				<verse number="29">ၽွမ်ႉ​ႁူမ်ႈ​လူၺ်ႈ​ၵၼ်​တင်း​ပီႈ​ၼွင်ႉ​ၶဝ်၊ မူး​မၢတ်ႈ​ၽွင်း​မိူင်း​ၶဝ်​ယူႇ​သေ​လႄႈ ဢွၼ်​ၵၼ်​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ ဢိၵ်ႇ​တင်း​တၢင်း​ဢၼ်​ဝႆႉ​သဵတ်ႈ​ၸႃႇ​ၵတီႉ လူၺ်ႈ​လွင်ႈ​ဢၼ်​တၵ်း​ၸွမ်း​သဵၼ်ႈ​တၢင်း​တြႃး ၽြႃး​ပဵၼ်​ၸဝ်ႈ​ဢၼ်​မၼ်း​ၸဝ်ႈ ဢဝ်​ မူဝ်းသေႇ ၶႃႈ​ၽြႃး​ပဵၼ်​ၸဝ်ႈ​ဢၢပ်ႈ​ဝႆႉ​ၼၼ်ႉ လွင်ႈ​ဢၼ်​တၵ်း​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၸဝ်ႈ​ႁဝ်း​ၶႃႈ ထႃႇဝရႃႉ​ၽြႃး ဢိၵ်ႇ​တင်း​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ၊ ထုင်း​ၽိင်ႈ​တြႃး​မၼ်း​ၸဝ်ႈ ၵႃႈ​မီး​ၸိူဝ်း​ၼၼ်ႉ၊-</verse>
				<verse number="30">လွင်ႈ​ဢၼ်​ႁဝ်း​ၶႃႈ​ယင်း ဢမ်ႇ​ဢဝ်​လုၵ်ႈ​ယိင်း​ႁဝ်း​ၶႃႈ ပၼ်​တီႈ​ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼႆႉ၊ ယင်း​ဢမ်ႇ​သိမ်း​ဢမ်ႇ​ဢဝ်​လုၵ်ႈ​ယိင်း​ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼႆႉ​ပုၼ်ႈ​လုၵ်ႈ​ၸၢႆး​ႁဝ်း​ၶႃႈ​လႄႈ​တၵ်း​ယူႇ။-</verse>
				<verse number="31">လွင်ႈ​ဢၼ်​ပေႃး​ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼႆႉ ဢဝ်​ဢုၵ်ႉ​ၸႃႇ​ၶူဝ်း​လဵင်း၊ တၢင်း​ၵိၼ်​တၢင်း​ၶူပ်း​မႃး​ၼႂ်း​ဝၼ်း​ၵမ်​သိၼ် ႁႂ်ႈ​လႆႈ​ၶၢႆ​ၸိုင်၊ ပဵၼ်​ဝၼ်း​ၵမ်​သိၼ်​သေ​ဢမ်ႇ​ဝႃႈ၊ ဝၼ်း​ထမ်ႇမႃႉ​တင်း​ဝၼ်း​သေ​ဢမ်ႇ​ဝႃႈ၊ ႁဝ်း​ၶႃႈ​တၵ်း​ဢမ်ႇ​သိုဝ်ႉ​ဢမ်ႇ​လႅၵ်ႈ၊ ဢိၵ်ႇ​တင်း​လွင်ႈ​တၢင်း​ဢၼ် ႁဝ်း​ၶႃႈ​တၵ်း​ဢမ်ႇ​ႁဵတ်း​ႁႆႊ​ႁဵတ်း​ၼႃး ၼႂ်း​ပီႊ​သတ်ႉတမႃႉ​ၼၼ်ႉ​လႄႈ ယင်း​ဢမ်ႇ​ႁဵတ်း​ပႄႉ​ႁဵတ်း​ၼႅင်ႇ ယွၼ်း​ဢဝ်​ၼီႈ​ဢဝ်​ၶွတ်ႇ​လႄႈ တၵ်း​ယူႇ​ၼၼ်ႉ​ဢေႃႈ။</verse>
				<verse number="32">လိူဝ်​သေ​ၼၼ်ႉ၊ ႁဝ်း​ဢွၼ်​ၵၼ်​ၸီႇ​ယၢင်ႇ​ႁဵတ်း​ထုင်း​ႁဵတ်း​ၽိင်ႈ​ဝႆႉ​ပုၼ်ႈ​တူဝ်​ႁဝ်း လူၺ်ႈ​လွင်ႈ​ဢၼ်​ႁဝ်း​ၵူႈ​ၵေႃႉ​ၵူႈ​ၵူၼ်း​ယေႈ​ပီႊ​ယေႈ​ပီႊ ယေႈ​ၵေႃႉ​တၵ်း​လႆႈ​ပၼ်​ငိုၼ်း​ၵျၢပ်ႈ​ သၶေးလႃႉ သၢမ်​ပုၼ်ႈ​ပုၼ်ႈ​ၼိုင်ႈ ပုၼ်ႈ​ဢၼ်​တၵ်း​ၵိုတ်ႉ​ႁၢပ်ႇ​ဢမူႉ​ႁိူၼ်း​ၽြႃး​ပဵၼ်​ၸဝ်ႈ​ႁဝ်း၊-</verse>
				<verse number="33">ဢၼ်​ဝႃႈ ၸႃႉ​ၸဵမ်​ပုၼ်ႈ​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ ပုၼ်ႈ​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​ဢၼ်​သေႇ​သေႇ၊ ပုၼ်ႈ​ယိတ်ႈ​ဢၼ်​တုတ်ႇ​ၽႆး​ဢၼ်​သေႇ​သေႇ၊ ဢိၵ်ႇ​တင်း​ဢၼ်​ပဵၼ်​ၼႂ်း​ဝၼ်း​ၵမ်​သိၼ်​လႂ် တင်း​ဝၼ်း​လိူၼ်​မႂ်ႇ​လႂ်​ၼၼ်ႉ၊ ပုၼ်ႈ​ပွႆး​ထမ်ႇမႃႉ​လႂ်၊ ပုၼ်ႈ​ၶိူင်ႈ​ယိပ်း​ၶိူင်ႈ​ၵႅမ်း​ဢၼ်​မူတ်း​ၸၢင်ႇ​လႂ်၊ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ ႁႂ်ႈ​လႆႈ​ၽေႇ​ဢပႅတ်ႈ​မဵဝ်း​ ဢီႉသရေႇလႃႉ ဢိၵ်ႇ​တင်း​ပုၼ်ႈ​ဢမူႉ​ႁိူၼ်း​ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="34">ႁဝ်း​ဢၼ်​ဝႃႈ ယိတ်ႈပရေႃးႁဵၵ်ႈ​လႂ် ၵူၼ်း​မဵဝ်း​ လေႇဝီႉ ​လႂ် တင်း​ၵူၼ်း​ဝၢၼ်ႈ​ၵူၼ်း​မိူင်း​လႂ် ဢွၼ်​ၵၼ်​တူၵ်း​ၸႃႇ​ၵွၵ်ႈ​လူၺ်ႈ​လွင်ႈ​ၶိူင်ႈ​ပုၵ်ႈ​ၸေႃႇ ၽိုၼ်း​ႁႂ်ႈ​လႆႈ​ဢဝ်​မႃး​ၵႃႈ​တီႈ​ႁိူၼ်း​ၽြႃး​ပဵၼ်​ၸဝ်ႈ ၸွမ်း​လူၺ်ႈ​မဵဝ်း​ပူႇ​မဵဝ်း​ပေႃႈ​ႁဝ်း ၼႂ်း​ၶိင်ႇ​ဢၼ်​မၵ်း​ၶိၼ်း​ဝႆႉ​ၼၼ်ႉ​ၵူႈ​ပီႊ​ၵူႈ​ပီႊ ႁႂ်ႈ​လႆႈ​သႂ်ႇ​ၽႆး​ၵႃႈ​ၼိူဝ်​ယိတ်ႈပလၢင်ႇ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ၼၼ်ႉ၊-</verse>
				<verse number="35">ဢိၵ်ႇ​တင်း လွင်ႈ​ဢၼ်​တၵ်း​လႆႈ​ဢဝ်​မၢၵ်ႇ​လိၼ်​ႁူင်း​လိၼ်​ႁဝ်း ဢၼ်​မၢၵ်ႇ​ဢွၼ်​တၢင်း တင်း​မၢၵ်ႇ​မႆႉ​မၢၵ်ႇ​တွၵ်ႇ​ဢၼ်​မၢၵ်ႇ​ဢွၼ်​တၢင်း​ၵူႈ​ၸိူဝ်ႉ​ၵူႈ​ပိူင် မႃး​ၵႃႈ​တီႈ​ႁိူၼ်း​ထႃႇဝရႃႉ​ၽြႃး​ၵူႈ​ပီႊ​ၵူႈ​ပီႊ၊-</verse>
				<verse number="36">တင်း​လွင်ႈ​ဢၼ် တၵ်း​လႆႈ​ဢဝ်​လုၵ်ႈ​ၸၢႆး​တူၼ်ႈ​ႁဝ်း တင်း​တရိၵ်ႈသၢၼ်ႇ​ႁဝ်း ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ ၵႃႈ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ၼၼ်ႉ ဢိၵ်ႇ​တင်း​တူဝ်​ဢၼ်​ၵိူတ်ႇ​လဵင်ႉ​ဢွၼ်​တၢင်း ၵႃႈ​ၼႂ်း​ၽုင်​သူဝ်း​ၽုင်​ဝူဝ်း​ႁဝ်း​ၸိူဝ်း​ၼၼ်ႉ မႃး​ၵႃႈ​တီႈ​ႁိူၼ်း​ၽြႃး​ပဵၼ်​ၸဝ်ႈ​ႁဝ်း​ၸူး​ၵႃႈ​တီႈ​ယိတ်ႈပရေႃးႁဵၵ်ႈ ဢၼ်​ပႂ်ႉ​ဢမူႉ​ႁိူၼ်း​ၽြႃး​ပဵၼ်​ၸဝ်ႈ​ႁဝ်း​ၸိူဝ်း​ၼၼ်ႉ</verse>
				<verse number="37">တင်း​လွင်ႈ​ဢၼ်​တၵ်း​လႆႈ​ဢဝ်​ၶဝ်ႈ​မုၼ်း​လိပ်း​ႁဝ်း ဢၼ်​ႁဵတ်း​ဢွၼ်​တၢင်း၊ ၶိူင်ႈ​ပုၵ်ႈ​ၸေႃႇ​ႁဝ်း​ဢၼ်​ယုၵ်ႉ​ယွင်ႈ၊ မၢၵ်ႇ​မႆႉ​မၢၵ်ႇ​တွၵ်ႇ​ႁဝ်း​ၵူႈ​ၸိူဝ်ႉ​ၵူႈ​မဵဝ်း၊ ၼမ်ႉ​ၸပိတ်ႈ၊ ၼမ်ႉ​မၼ်း မႃး​ၸူး​တီႈ​ယိတ်ႈပရေႃးႁဵၵ်ႈ​တင်း​လၢႆ ၵႃႈ​တီႈ​လုၵ်း​ႁိူၼ်း​ၽြႃး​ပဵၼ်​ၸဝ်ႈ​ႁဝ်း ဢိၵ်ႇ​တင်း​လွင်ႈ​ဢၼ်​တၵ်း​လႆႈ​ဢဝ် မၢၵ်ႇ​လိၼ်​ႁူင်း​လိၼ်​ႁဝ်း သိပ်း​ပုၼ်ႈ​ပုၼ်ႈ​ၼိုင်ႈ မႃး​တီႈ​ၵူၼ်း​မဵဝ်း​ လေႇဝီႉ ​တင်း​လၢႆ ၵွပ်ႈ​ပိူဝ်ႈ​ဢၼ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​ဢဝ်​သိပ်း​ပုၼ်ႈ​ပုၼ်ႈ​ၼိုင်ႈ ၵႃႈ​ၼႂ်း​ဝၢၼ်ႈ​ၼႂ်း​ဝဵင်း တီႈ​ဢၼ်​ႁဝ်း​ႁဵတ်း​ႁႆႊ​ႁဵတ်း​ၼႃး​ၵႃႈ​မီး​ၼၼ်ႉ​ဢေႃႈ။-</verse>
				<verse number="38">ယၢမ်း​မိူဝ်ႈ​ဢၼ်​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ ၶၢမ်ႇ​ဢဝ်​သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ မဵဝ်း​ ဢႃႇရုၼ်ႇ ​တၵ်း​လႆႈ​မီး​လူၺ်ႈ​ၵၼ်​တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဢေႃႈ။ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၵေႃႈ တၵ်း​လႆႈ​ဢွၼ်​ၵၼ်​ၼုၵ်ႈ​ဢွၵ်ႇ​သိပ်း​ပုၼ်ႈ​ပုၼ်ႈ​ၼိုင်ႈ​သေ​ၵႃႈ​ၼႂ်း​သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ​လႄႈ ဢဝ်​သႂၢင်း​ၶဝ်ႈ​ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​ႁဝ်း ၵႃႈ​ၼႂ်း​လုၵ်း​တင်း​လၢႆ ၵႃႈ​ၼႂ်း​တိူၵ်ႈ​ၽၼ်ႇတႃႇ​ဢေႃႈ။-</verse>
				<verse number="39">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​တင်း​လၢႆ တၵ်း​လႆႈ​ဢွၼ်​ၵၼ်​ဢဝ်​ၶိူင်ႈ​ပုၵ်ႈ​ၸေႃႇ ၶဝ်ႈ​သၢၼ်​ၶဝ်ႈ​ပိူၵ်ႇ၊ ၼမ်ႉ​ၸပိတ်ႈ​ဢၼ်​မႂ်ႇ၊ ၼမ်ႉ​မၼ်း​ပုၼ်ႈ​ဢၼ်​တၵ်း​ယုၵ်ႉ​ယွင်ႈ​ၼၼ်ႉ သႂၢင်း​သႂ်ႇ​ၶဝ်ႈ​ၵႃႈ​ၼႂ်း​လုၵ်း​တီႈ​ဢၼ် ၶိူင်ႈ​ပိူင်​ထႃႇၼႃႉ တီႈ​မူတ်း​ၸၢင်ႇ​လႂ်၊ ယိတ်ႈပရေႃးႁဵၵ်ႈ​ဢၼ်​ပႂ်ႉ​ဢမူႉ​ၸဝ်ႈ​လႂ်၊ ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​လႂ်၊ ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း​လႂ် ၸိူဝ်း​ၼၼ်ႉ​မီး​ၼၼ်ႉ​ဢေႃႈ။ ႁဝ်း​တၵ်း​ဢမ်ႇ​ပႅတ်ႈ​ႁိူၼ်း​ၽြႃး​ပဵၼ်​ၸဝ်ႈ​ႁဝ်း​ဝႆႉ။</verse>
			</chapter>
			<chapter number="11">
				<verse number="1">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ႁဵတ်း​ၶုၼ်​ၼႂ်း​ၵူၼ်း​တင်း​လၢႆ​ၼၼ်ႉ ဢွၼ်​ၵၼ်​ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။ ၵူၼ်း​တင်း​လၢႆ ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ ဢွၼ်​ၵၼ်​တူၵ်း​ၸႃႇ​ၵွၵ်ႈ​တီႈ​ၵၼ် ႁႂ်ႈ​လႆႈ​ဢဝ်​ၼႂ်း​ယေႈ​သိပ်း​ယေႈ​ၵေႃႉ မႃး​ႁႂ်ႈ​လႆႈ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ဝဵင်း​ဢၼ်​မူတ်း​ၸၢင်ႇ​ၼၼ်ႉ ဢိၵ်ႇ​တင်း​ၼႂ်း​ယေႈ​သိပ်း​ယေႈ​ၵဝ်ႈ​ၵေႃႉ ႁႂ်ႈ​လႆႈ​ယူႇ​ၵႃႈ​ၼႂ်း​ဝၢၼ်ႈ​ၶဝ်​ဝဵင်း​ၶဝ်​ၼၼ်ႉ​ဢေႃႈ။-</verse>
				<verse number="2">တီႈ​ၶဝ်​ၸိူဝ်း​ဢၼ်​မီး​ၸေႇတၼႃႇ​သေ​လႄႈ ႁပ်ႉ​တုင်း​ဢဝ်​ႁႂ်ႈ​လႆႈ​ယူႇ ၵႃႈ​တီႈ​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်​ၼၼ်ႉ​ၸိုင် ၵူၼ်း​တင်း​လၢႆ​ဢွၼ်​ၵၼ်​ပၼ်​တၢင်း​လီ​ဢေႃႈ။-</verse>
				<verse number="3">ၶဝ်​ၸိူဝ်း​ၼႆႉ​ပဵၼ်​ၶဝ်​ၸိူဝ်း​ဢၼ်​ႁဵတ်း​ၶုၼ်​ဢၼ်​မီး​ဢရႃႇ​ၵႃႈ​ၼႂ်း​ဝၢၼ်ႈ​ၼႂ်း​မိူင်း​လႄႈ ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။ ၵူၺ်း​ၵႃႈ ၵႃႈ​ၼႂ်း​ဝၢၼ်ႈ​ဝဵင်း​ ယူႉတႃႉ ​ၸိူဝ်း​ၼၼ်ႉ​ၸိုင်၊ ၵူၼ်း​တင်း​သဵင်ႈ​တင်း​လူင် ဢၼ်​ဝႃႈ​ၵူၼ်း​မဵဝ်း​ ဢီႉသရေႇလႃႉ ​လႂ်၊ ယိတ်ႈပရေႃးႁဵၵ်ႈ​လႂ်၊ ၵူၼ်း​မဵဝ်း​ လေႇဝီႉ ​လႂ်၊ ၶႃႈ​ၽြႃး​လႂ်၊ ၶဝ်​ၸိူဝ်း​ဢၼ်​ပဵၼ်​ၶႃႈ​ သေႃးလမုၼ်ႇ ​လႂ်​ၸိူဝ်း​ၼၼ်ႉ ဢွၼ်​ၵၼ်​ယူႇ​ၵႃႈ​ၼႂ်း​ဝၢၼ်ႈ​ဝဵင်း​တီႈ​ဢၼ်​ၶဝ်​ထိူၵ်ႈ​ပိူင်ႇ​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။</verse>
				<verse number="4">ၵူၼ်း​မဵဝ်း​ ယူႉတႃႉ ဢိၵ်ႇ​တင်း​ၵူၼ်း​မဵဝ်း​ ပိၼ်ႇယႃႇမိၼ်ႇ ​ဢၼ်​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ၸမ်ႉ၊ ၼႂ်း​မဵဝ်း​ ယူႉတႃႉ မီး​ ဢသႃႇယႃႉ လုၵ်ႈ​ၸၢႆး​ ဢေႃးၸီႉ ၊ လုၵ်ႈ​ၸၢႆး​ ၸႃႇၶရီႉ ၊ လုၵ်ႈ​ၸၢႆး​ ဢႃႇမရီႉ ၊ လုၵ်ႈ​ၸၢႆး​ သေႇၽတီႉ ၊ လုၵ်ႈ​ၸၢႆး မႁႃႇလေႇလႃႉ ၊ လုၵ်ႈ​ၸၢႆး ၽႃႇရိတ်ႉ ​ၼၼ်ႉ​ပႃး​ၼိုင်ႈ၊-</verse>
				<verse number="5">မႃႇသေႇယႃႉ လုၵ်ႈ​ၸၢႆး​ ပႃႇရုၵ်ႉ ၊ လုၵ်ႈ​ၸၢႆး​ ၵေႃးလႃႉႁေႃႇၸႃႉ ၊ လုၵ်ႈ​ၸၢႆး​ ႁၸႃႇယႃႉ ၊ လုၵ်ႈ​ၸၢႆး​ ဢတႃႇယႃႉ ၊ လုၵ်ႈ​ၸၢႆး​ ယေႃးယရိပ်ႉ ၊ လုၵ်ႈ​ၸၢႆး​ ၸႃႇၶရီႉ ၊ လုၵ်ႈ​ၸၢႆး​ၵူၼ်း​မဵဝ်း​ သီႉလေႃးၼီႉ ​ၼၼ်ႉ​ပႃး​ၼိုင်ႈ၊-</verse>
				<verse number="6">ဢိၵ်ႇ​လူၺ်ႈ​ၵၼ်​တင်း​ၵူၼ်း​မဵဝ်း​ ၽႃႇရိတ်ႉ ၵႃႈ​ဢၼ်​ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ပဵၼ်​ႁူဝ်​ႁၢၼ်​ၵူၼ်း​သိုၵ်း သီႇ​ပၢၵ်ႇ​ႁူၵ်း​သိပ်း​ပၢႆ​ပႅတ်ႇ​ၵေႃႉ​ၸိူဝ်း​ၼၼ်ႉ​ဢေႃႈ။</verse>
				<verse number="7">ၼႂ်း​မဵဝ်း​ ပိၼ်ႇယႃႇမိၼ်ႇ ၊ မီး​ သႃႇလူႉ လုၵ်ႈ​ၸၢႆး​ မေႇသူႉလမ်ႇ ၊ လုၵ်ႈ​ၸၢႆး​ ယေႃႇတႃႉ ၊ လုၵ်ႈ​ၸၢႆး​ ပေႇတႃႇယႃႉ ၊ လုၵ်ႈ​ၸၢႆး​ ၵေႃးလႃႇယႃႉ ၊ လုၵ်ႈ​ၸၢႆး​ မႃႇသေႇယႃႉ ၊ လုၵ်ႈ​ၸၢႆး​ ဢီႉသေးလႃႉ ၊ လုၵ်ႈ​ၸၢႆး​ ယေႇသႃႇယႃႉ ​ၼၼ်ႉ ပႃး​ၼိုင်ႈ၊-</verse>
				<verse number="8">လိုၼ်း​မၼ်း​ၼၼ်ႉ မီး​ၸႃႉ​ၸဵမ်​ ၵပ်ႉပေႇ တင်း​ သႃႇလႆႇ ​လႄႈ ၼပ်ႉ​ပွင်း​ၵၼ် ၵဝ်ႈ​ပၢၵ်ႇ​သၢဝ်း​ပၢႆ​ပႅတ်ႇ​ၵေႃႉ​ဢေႃႈ။-</verse>
				<verse number="9">ယူဝ်းဢေးလႃႉ လုၵ်ႈ​ၸၢႆး​ ၸီႉၶရီႉ ​ၼၼ်ႉ​ပဵၼ်​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ၶဝ်​ၼၼ်ႉ​ဢေႃႈ။ ယူႉတႃႉ ​လုၵ်ႈ​ၸၢႆး ႁသေးၼႂႃႇ ​ၼၼ်ႉ ပဵၼ်​ၵေႃႉ​တူႉတီႉယႃႉ​လႄႈ လႆႈ​ဢုပ်ႉ​ၵႃႈ​ၼိူဝ်​ဝဵင်း​ဢေႃႈ။</verse>
				<verse number="10">ယိတ်ႈပရေႃးႁဵၵ်ႈ​ၸမ်ႉ၊ မီး​ ယေႇတႃႇယႃႉ လုၵ်ႈ​ၸၢႆး​ ယေႃးပရိပ်ႉ၊ ယႃႇၶိၼ်ႇ ၊-</verse>
				<verse number="11">ၸရႃႇယႃႉ ဢၼ်​ပဵၼ်​လုၵ်ႈ​ၸၢႆး​ ႁီႉလၶီႉ ၊ လုၵ်ႈ​ၸၢႆး​ မေႇသူႉလမ်ႇ ၊ လုၵ်ႈ​ၸၢႆး​ ၸႃႇတုၵ်ႉ ၊ လုၵ်ႈ​ၸၢႆး​ မရႃႇယုတ်ႉ ၊ လုၵ်ႈ​ၸၢႆး​ ဢႁီႉတုပ်ႉ ​လႄႈ ပဵၼ်​ၵေႃႉ​ဢၼ်​ဢုပ်ႉ​ၵႃႈ​ၼိူဝ် ႁိူၼ်း​ၽြႃး​ပဵၼ်​ၸဝ်ႈ​ၼၼ်ႉ၊-</verse>
				<verse number="12">ဢိၵ်ႇ​တင်း​ပီႈ​ၶဝ်​ၼွင်ႉ​ၶဝ်​ဢၼ်​ၵိုတ်ႉ​ႁၢပ်ႇ​ဢမူႉ​ႁိူၼ်း​ၸဝ်ႈ ပႅတ်ႇ​ပၢၵ်ႇ​သၢဝ်း​ပၢႆ​သွင်​ၵေႃႉ​ၸိူဝ်း​ၼၼ်ႉ​ဢေႃႈ။ ၼွၵ်ႈ​သေ​ၼၼ်ႉ မီး​ ဢတႃႇယႃႉ လုၵ်ႈ​ၸၢႆး​ ယေႇရေႃးႁမ်ႇ ၊ လုၵ်ႈ​ၸၢႆး​ ပေႇလလီႉ ၊ လုၵ်ႈ​ၸၢႆး​ ဢႃႇမၸီႉ ၊ လုၵ်ႈ​ၸၢႆး​ ၸႃႇၶရီႉ ၊ လုၵ်ႈ​ၸၢႆး​ ပႃႇသူႉရႃႉ ၊ လုၵ်ႈ​ၸၢႆး​ မႃႇလၶီႉယႃႉ ​ၼၼ်ႉ၊-</verse>
				<verse number="13">ဢိၵ်ႇ​တင်း​ပီႈ​မၼ်း​ၼွင်ႉ​မၼ်း​ဢၼ်​ဝႃႈ ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ်​မဵဝ်း​ပူႇ​မဵဝ်း​ပေႃႈ​ၶဝ် သွင်​ပၢၵ်ႇ​သီႇ​သိပ်း​ပၢႆ​သွင်​ၵေႃႉ၊ တင်း​ ဢႃႇမသေး လုၵ်ႈ​ၸၢႆး​ ဢႃႇၸရေႇလႃႉ ၊ လုၵ်ႈ​ၸၢႆး​ ဢႁႃႇသေႇ ၊ လုၵ်ႈ​ၸၢႆး​ မေႇသီႉလမုတ်ႉ ၊ လုၵ်ႈ​ၸၢႆး​ ဢီႉမေႇရႃႉ ​ၼၼ်ႉ၊-</verse>
				<verse number="14">ဢိၵ်ႇ​တင်း​ပီႈ​မၼ်း​ၼွင်ႉ​မၼ်း ဢၼ်​ပဵၼ်​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ ပၢၵ်ႇ​သၢဝ်း​ပၢႆ​ပႅတ်ႇ​ၵေႃႉ​ၸိူဝ်း​ၼၼ်ႉ​ဢေႃႈ။ ၸႃႇပတေးလႃႉ လုၵ်ႈ​ၸၢႆး​ ႁႃႇၵတေႃးလိမ်ႇ ​ၼၼ်ႉ ပဵၼ်​ၵေႃႉ​ဢၼ်​လႆႈ​ဢုပ်ႉ​ၵႃႈ​ၼိူဝ်​ၶဝ်​ၼၼ်ႉ​ဢေႃႈ။</verse>
				<verse number="15">ၵူၼ်း​မဵဝ်း​ လေႇဝီႉ ​ၸမ်ႉ၊ မီး​ သေႇမႃႇယႃႉ ​လုၵ်ႈ​ၸၢႆး​ ႁႃႇသုပ်ႉ ၊ လုၵ်ႈ​ၸၢႆး​ ဢႃႇၸရီႉၵမ်ႇ ၊ လုၵ်ႈ​ၸၢႆး​ ႁႃႇသပီႉ ၊ လုၵ်ႈ​ၸၢႆး​ ပုၼ်ႇၼီႉ ​ၼၼ်ႉ​ပႃး​ၼိုင်ႈ၊-</verse>
				<verse number="16">ဢိၵ်ႇ​တင်း​ သပ်ႉပေႇသေး တင်း​ ယေႃးၸပတ်ႉ ​ၵႃႈ​ၼႂ်း​ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် မဵဝ်း​ လေႇဝီႉ ဢၼ်​လႆႈ​ဢွၼ်​ၵၼ်​လူ​တူၺ်း​ၸီႇ​ယၢင်ႇ​ဢမူႉ​ဢၼ် ၵႃႈ​ၼွၵ်ႈ​ႁိူၼ်း​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ၊-</verse>
				<verse number="17">မတ်ႉတၼီႉ ဢၼ်​ပဵၼ်​လုၵ်ႈ​ၸၢႆး​ မီႉၶႃႇ ၊ လုၵ်ႈ​ၸၢႆး​ ၸႃႇပတီႉ ၊ လုၵ်ႈ​ၸၢႆး​ ဢႃႇသပ်ႉ ​လႄႈ ပဵၼ်​ၵေႃႉ​ဢၼ်​ဢွၼ်​ႁူဝ်​ပိူၼ်ႈ ၸႃႉ​ႁဵတ်း​တၢင်း​ဢၼ်​သူး​တွင်း​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ၼၼ်ႉ၊ ပႃႇၵပူႇၵီႉ ဢၼ်​ပဵၼ်​ၵေႃႉ​တူႉတီႉယႃႉ ၵႃႈ​ၼႂ်း​ပီႊ​မၼ်း​ၼွင်ႉ​မၼ်း​ၼၼ်ႉ ဢိၵ်ႇ​တင်း​ ဢေႃးပတီႉ လုၵ်ႈ​ၸၢႆး​ သမႂႃႇ ၊ လုၵ်ႈ​ၸၢႆး​ ၵလႃးလႃႉ ၊ လုၵ်ႈ​ၸၢႆး​ ယေႇတူႉသုၼ်ႇ ​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="18">ၵူၼ်း​မဵဝ်း​ လေႇဝီႉ ​ဢၼ်​ယူႇ ၵႃႈ​ၼႂ်း​ဝဵင်း​ဢၼ်​မူတ်း​ၸၢင်ႇ​ၼၼ်ႉ​ၸိူဝ်း​ၼၼ်ႉ​ၸမ်ႉ၊ မီး​သွင်​ပၢၵ်ႇ​ပႅတ်ႇ​သိပ်း​ပၢႆ​သီႇ​ၵေႃႉ​ဢေႃႈ။</verse>
				<verse number="19">ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​ဢၼ်​ဝႃႈ ဢၵ်ႉၵုပ်ႉ၊ တႃႇလမုၼ်ႇ ဢိၵ်ႇ​တင်း​ပီႊ​ၶဝ်​ၼွင်ႉ​ၶဝ် ဢၼ်​ပႂ်ႉ​ၽၵ်း​တူ​ၸိူဝ်း​ၼၼ်ႉ​ၸမ်ႉ၊ မီး​ပၢၵ်ႇ​ၸဵတ်း​သိပ်း​ပၢႆ​သွင်​ၵေႃႉ​ဢေႃႈ။-</verse>
				<verse number="20">ၵူၼ်း​မဵဝ်း​ ဢီႉသရေႇလႃႉ ၊ ယိတ်ႈပရေႃးႁဵၵ်ႈ၊ ၵူၼ်း​မဵဝ်း​ လေႇဝီႉ ဢၼ်​ဝႃႈ​ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ​ဢွၼ်​ၵၼ်​ယူႇ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ ယူႉတႃႉ ၵူႈ​တီႈ​ၵူႈ​လႅၼ် ၵႃႈ​တီႈ​ဢၼ်​ၶဝ်​ပိူင်ႇ​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။-</verse>
				<verse number="21">ၶႃႈ​ၽြႃး​တင်း​လၢႆ​ၼၼ်ႉ​ယူႇ​ၵႃႈ​တီႈ​ဝဵင်း​ ဢေႃႇၽေႇလႃႉ ​လႄႈ၊ ၸီႉႁႃႉ တင်း ၵီႉသပႃႇ ​ၼၼ်ႉ ဢွၼ်​ၵၼ်​ပဵၼ်​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ၶႃႈ​ၽြႃး​ၸိူဝ်း​ၼၼ်ႉ​ဢေႃႈ။-</verse>
				<verse number="22">ဢေႃႇၸီႉ ​ဢၼ်​ပဵၼ်​လုၵ်ႈ​ၸၢႆး​ ပႃႇၼီႇ ၊ လုၵ်ႈ​ၸၢႆး​ ႁႃႇသပီႉ ၊ လုၵ်ႈ​ၸၢႆး​ မတ်ႉတၼီႉ ၊ လုၵ်ႈ​ၸၢႆး​ မီႉၶႃႇ ​ၼၼ်ႉ​လႆႈ​ဢုပ်ႉ​ၵႃႈ​ၼိူဝ်​ၵူၼ်း​မဵဝ်း​ လေႇဝီႉ ဢၼ်​ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း ၼႂ်း​မဵဝ်း​ ဢႃႇသပ်ႉ ​ၼၼ်ႉ​ၵေႃႈ ဢွၼ်​ၵၼ်​လႆႈ​လူ​တူၺ်း​ၸီႇ​ယၢင်ႇ​ဢမူႉ​ႁိူၼ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="23">လွင်ႈ​မၼ်း​ၸမ်ႉ ၶုၼ်​ႁေႃ​ၶမ်း​မီး​ဢမိင်ႉ​ဝႆႉ ႁႂ်ႈ​ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း​ၼၼ်ႉ လႆႈ​ၶၢမ်ႇ​ဢဝ်​ၸရိပ်ႈ​တၢင်း​ၵိၼ်​ၶဝ် ၸွမ်း​ၵႃႈ​ၼင်ႇ​ဢၼ်​မိုဝ်ႉ​ဝၼ်း​ၸႅၼ်ႇ​တၢမ်း​ၵၼ်​ၼၼ်ႉ​ဢေႃႈ။-</verse>
				<verse number="24">ပေႇသႁီႉ လုၵ်ႈ​ၸၢႆး​ မေႇသႃႉၸပေႇလႃႉ ၸိူဝ်ႉ​ၶိူဝ်း​ ၸေးရႃႉ မဵဝ်း​ ယူႉတႃႉ ​ၼၼ်ႉ​ၵေႃႈ လႆႈ​ဢဝ်​ဢၶႂၢင်ႉ​ၶုၼ်​ႁေႃ​ၶမ်း ဢုပ်ႉ​ၵႃႈ​ၼိူဝ်​လွင်ႈ​တၢင်း​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၵူၼ်း​ဝၢၼ်ႈ​ၵူၼ်း​မိူင်း​ဢေႃႈ။</verse>
				<verse number="25">ၵူၼ်း​ ယူႉတႃႉ ​ၵမ်ႈ​ၽွင်ႈ ဢွၼ်​ၵၼ်​ယူႇ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း ၵႃႈ​ၼွၵ်ႈ​ၵႃႈ​ပၢင်ႇ​ဢၼ်​ဝႃႈ ဝဵင်း​ ၵီႉရယႃႉသႃႇၽႃႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ တီႉၽုၼ်ႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ ယေႇၵတ်ႉၸေးလႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊-</verse>
				<verse number="26">ဝဵင်း​ ယေႇသႂႃႉ ၊ ဝဵင်း​ မေႃႇလတႃႇ ၊ ဝဵင်း​ ပႅတ်ႉပႃႇလိတ်ႉ ၊-</verse>
				<verse number="27">ဝဵင်း​ ႁႃႇၸႃႇသႂႃႇလႃႉ ၊ ဝဵင်း​ ပေႇရသေႇၽႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊-</verse>
				<verse number="28">ဝဵင်း​ ၸီႉၵလတ်ႉ ၊ ဝဵင်း​ မေႇၵေႃးၼႃႉ ဢိၵ်ႇ​တင်း​ဝၢၼ်ႇ​မၼ်း​တင်း​လၢႆ၊-</verse>
				<verse number="29">ဝဵင်း​ ဢိၼ်ႇရိမ်ႇမုၼ်ႇ ၊ ဝဵင်း​ ၸႃႇရႃႉ ၊ ဝဵင်း​ ယႃႇမုတ်ႉ ၊-</verse>
				<verse number="30">ဝဵင်း​ ၸႃႇၼေႃႇ ၊ ဝဵင်း​ ဢတူႉလမ်ႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊ ဝဵင်း​ လႃႇၶီႉသႃႉ ဢိၵ်ႇ​တင်း​ဝၢၼ်ႈ​မၼ်း​ၼႃး​မၼ်း၊ ဝဵင်း​ ဢၸေႇၵႃႇ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ​ဢေႃႈ။ ၶဝ်​ၼၼ်ႉ​ယူႇ​ၵႃႈ​တီႈ​ၸႃႉ​ၸဵမ် ဝဵင်း​ ပေႇရသေႇၽႃႉ ၊ တေႃႇ​ထိုင်​ႁွတ်ႈ​ၶူင်ႈ​ႁူၺ်ႈ​ ႁိၼ်ႇၼုမ်ႇ ​ဢေႃႈ။-</verse>
				<verse number="31">ၵူၼ်း​မဵဝ်း​ ပိၼ်ႇယႃႇမိၼ်ႇ ​တင်း​လၢႆ​ၵေႃႈ ဢွၼ်​ၵၼ်​ယူႇ​ၵႃႈ​တီႈ ၸႃႉ​ၸဵမ်​ဝဵင်း​ ၵေႇပႃႉ ​လႄႈ၊ ဝဵင်း​ မိၵ်ႉမတ်ႉ ၊ ဝဵင်း​ ဢႃႇဢီႉ ၊ ဝဵင်း​ ပေႇသလႃႉ ဢိၵ်ႇ​တင်း​ဝၢၼ်ႈ​မၼ်း​တင်း​လၢႆ၊-</verse>
				<verse number="32">ဝဵင်း​ ဢႃႇၼသုတ်ႉ ၊ ဝဵင်း​ ၼေႃႇပႃႉ ၊ ဝဵင်း​ ဢႃႇၼၼီႉ ၊-</verse>
				<verse number="33">ဝဵင်း​ ႁႃႇၸေႃႇ ၊ ဝဵင်း​ ရႃႇမႃႉ ၊ ဝဵင်း​ ၵိတ်ႉတဵမ် ၊-</verse>
				<verse number="34">ဝဵင်း​ ႁႃႇတိတ်ႉ ၊ ဝဵင်း​ ၸေႇၽူဝ်းဢိမ်း ၊ ဝဵင်း​ ၼေႇပႃႇလတ်ႉ ၊-</verse>
				<verse number="35">ဝဵင်း​ လေႃးတႃႉ ၊ ဝဵင်း​ ဢေႃးၼေႃး ဢိၵ်ႇ​တင်း​ၶူင်ႈ​ႁူၺ်ႈ​သြႃႇသမႃး​ၼၼ်ႉ​ဢေႃႈ။-</verse>
				<verse number="36">ၼႂ်း​ၵူၼ်း​မဵဝ်း​ လေႇဝီႉ ​တင်း​လၢႆ၊ မုၵ်ႉ​ၸိူဝ်း​ဢၼ်​မီး​ၵႃႈ​ၼႂ်း​မိူင်း​ ယူႉတႃႉ ​ၸိူဝ်း​ၼၼ်ႉ ၵမ်ႈ​ၽွင်ႈ​ၶဝ်ႈ​ပႃး​ၼႂ်း​မိူင်း​ ပိၼ်ႇယႃႇမိၼ်ႇ ​ဢေႃႈ။</verse>
			</chapter>
			<chapter number="12">
				<verse number="1">ယိတ်ႈပရေႃးႁဵၵ်ႈ​တင်း​လၢႆ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​တင်း​လၢႆ ဢၼ်​ၸွမ်း​ ၸေႇရူႉပႃႉပေႇလႃႉ လုၵ်ႈ​ၸၢႆး​ သႃႇလႃႉသေးလႃႉ ဢိၵ်ႇ​တင်း ယေႃးသူႉ ​ၼၼ်ႉ​မႃး​ၸိူဝ်း​ၼၼ်ႉ​ၸမ်ႉ၊ မီး​ ၸရႃႇယႃႉ၊ ယေႇရမီႉ၊ ဢေးၸရႃႉ ၊-</verse>
				<verse number="2">ဢႃႇမရီႉ၊ မႃႇလုၵ်ႉ၊ ႁတ်ႉတုတ်ႉ ၊-</verse>
				<verse number="3">သေႇၶၼီႉ၊ ရေႇႁုမ်ႇ၊ မေႇရမုတ်ႉ ၊-</verse>
				<verse number="4">ဢီႉတေႃႇ၊ ၵိၼ်ႇၼေႇသုၼ်ႇ၊ ဢၽီႉယႃႉ ၊-</verse>
				<verse number="5">မိၼ်ႇၺႃႇမိၼ်ႇ၊ မႃႇတျႃႇ၊ ပီႉလၵႃႉ ၊-</verse>
				<verse number="6">သေႇမႃႇယႃႉ၊ ယေႃးယရိပ်ႉ၊ ယေႇတႃႇယႃႉ ၊-</verse>
				<verse number="7">သႃႇလူႉ၊ ဢႃႇမွၵ်ႉ၊ ႁီႉလၶီႉ၊ ယေႇတႃႇယႃႉ ​ၸိူဝ်း​ၼၼ်ႉ​ဢေႃႈ။ ၶဝ်​ၸိူဝ်း​ၼႆႉ​ၸမ်ႉ၊ ပဵၼ်​ၵေႃႉ​ဢၼ်​ပဵၼ်​ငဝ်ႈ​ပဵၼ်​ႁူဝ်​ယိတ်ႈပရေႃးႁဵၵ်ႈ​တင်း​လၢႆ ဢိၵ်ႇ​တင်း​ပီႈ​ၶဝ်​ၼွင်ႉ​ၶဝ် ၼႂ်း​ၸူဝ်ႈ​ပၢၼ်​ ယေႃးသူႉ ​ၼၼ်ႉ​ဢေႃႈ။</verse>
				<verse number="8">ၵူၼ်း​မဵဝ်း​ လေႇဝီႉ ​ၸမ်ႉ၊ မီး​ ယေႃးသူႉ၊ ပီႉၼုၺ်ႇ၊ ၵႃႇတမေႇလႃႉ၊ သေႇရၽီႉ၊ ယူႉတႃႉ တင်း​ မတ်ႉတၼီႉ ၵေႃႉ​ဢၼ်​ဢုပ်ႉ​ဢမူႉ တၢင်း​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ​ၼၼ်ႉ ဢိၵ်ႇ​လူၺ်ႈ​ၵၼ်​တင်း​ပီႈ​မၼ်း​ၼွင်ႉ​မၼ်း​တင်း​လၢႆ​ဢေႃႈ။-</verse>
				<verse number="9">ပႃႇၵပူႇၵီႉ တင်း​ ဢုၼ်ႇၼီႉ ဢၼ်​ပဵၼ်​ပီႈ​ၶဝ်​ၼွင်ႉ​ၶဝ်​ၼၼ်ႉ လႆႈ​ဢွၼ်​ၵၼ်​ဢုပ်ႉ​ၵႃႈ​ၼိူဝ် ၶဝ်​ၸိူဝ်း​ဢၼ်​ပဵၼ်​မုၵ်ႉ​ပဵၼ်​ၸိူဝ်း​သေ​လႄႈ ပႂ်ႉ​ၵၢင်​ၼၼ်ႉ​ဢေႃႈ။</verse>
				<verse number="10">ယေႃးသူႉ ​မီး​လုၵ်ႈ​ၸၢႆး​ ယေႃးယၵိမ်း၊ ယေႃးယၵိမ်း ​မီး​လုၵ်ႈ​ၸၢႆး​ ဢေးလျႃႇသိပ်ႉ၊ ဢေးလျႃႇသိပ်ႉ ​မီး​လုၵ်ႈ​ၸၢႆး​ ယေႃးယတႃႉ ၊-</verse>
				<verse number="11">ယေႃးယတႃႉ ​မီး​လုၵ်ႈ​ၸၢႆး​ ယေႃးၼသၼ်ႇ၊ ယေႃးၼသၼ်ႇ ​မီး​လုၵ်ႈ​ၸၢႆး​ ယႃႇတႂႃႇ ​ဢေႃႈ။-</verse>
				<verse number="12">ယိတ်ႈပရေႃးႁဵၵ်ႈ​ဢၼ်​ပဵၼ်​ငဝ်ႈ​ပဵၼ်​ႁူဝ် မဵဝ်း​ပူႇ​မဵဝ်း​ပေႃႈ​ၶဝ်​ၼႂ်း​ၸူဝ်ႈ​ပၢၼ်​ ယေႃးယၵိမ်း ​ၼၼ်ႉ​ၸမ်ႉ၊ ပဵၼ်​ မေႇရႃႇယႃႉ လုၵ်ႈ​ၸၢႆး​ ၸရႃႇယႃႉ၊ ႁႃႇၼၼီႉ လုၵ်ႈ​ၸၢႆး​ ယေႇရမီႉ ၊-</verse>
				<verse number="13">မေႇသူႉလမ်ႇ လုၵ်ႈ​ၸၢႆး​ ဢေးၸရႃႉ၊ ယေႃးႁၼၼ်ႇ လုၵ်ႈ​ၸၢႆး​ ဢႃႇမရီႉ ၊-</verse>
				<verse number="14">ယေႃးၼသၼ်ႇ လုၵ်ႈ​ၸၢႆး​ မႃႇလုၵ်ႉ၊ ယူဝ်းသႅပ်ႈ လုၵ်ႈ​ၸၢႆး​ သေးပၼီႉ ၊-</verse>
				<verse number="15">ဢႃႇတၼႃႉ လုၵ်ႈ​ၸၢႆး​ ႁႃႇရိမ်း၊ ႁေႇလၵေး လုၵ်ႈ​ၸၢႆး​ မရႃႇယုတ်ႉ ၊-</verse>
				<verse number="16">ၸႃႇၶရီႉ လုၵ်ႈ​ၸၢႆး​ ဢီႉတေႃႇ၊ မေႇသူႉလမ်ႇ လုၵ်ႈ​ၸၢႆး​ ၵိၼ်ႇၼေႇသုၼ်ႇ ၊-</verse>
				<verse number="17">ၸီႉၶရီႉ လုၵ်ႈ​ၸၢႆး​ ဢၽီႉယႃႉ၊ ပီႉလတေႇ လုၵ်ႈ​ၸၢႆး​ မႃႇတျႃႇ ၊ လုၵ်ႈ​ၸၢႆး​ မိၼ်ႇၺႃႇမိၼ်ႇ ၊-</verse>
				<verse number="18">သမႂႃႇ လုၵ်ႈ​ၸၢႆး​ ပီႉလၵႃႉ၊ ယေႇႁေႃးၼသၼ်ႇ လုၵ်ႈ​ၸၢႆး​ သေႇမႃႇယႃႉ ၊-</verse>
				<verse number="19">မတ်ႉတေၼေႇ လုၵ်ႈ​ၸၢႆး​ ယေႃးယရိပ်ႉ၊ ဢေႃႇၸီႉ ​လုၵ်ႈ​ၸၢႆး​ ယေႇတႃႇယႃႉ ၊-</verse>
				<verse number="20">ၵႃႇလေး လုၵ်ႈ​ၸၢႆး​ သႃႇလႆႇ၊ ဢေႇပႃႇ လုၵ်ႈ​ၸၢႆး​ ဢႃႇမွၵ်ႉ ၊-</verse>
				<verse number="21">ႁႃႇသပီႉ လုၵ်ႈ​ၸၢႆး​ ႁီႉလၶီႉ၊ ၼႃႇသၼေႇလႃႉ လုၵ်ႈ​ၸၢႆး​ ယေႇတႃႇယႃႉ ​ၸိူဝ်း​ၼၼ်ႉ​ဢေႃႈ။</verse>
				<verse number="22">ၵူၼ်း​မဵဝ်း​ လေႇဝီႉ ​တင်း​လၢႆ လႆႈ​ၶၢမ်ႇ​တၢင်း​ဢၼ်​မၢတ်ႈ​မၢႆ​တႅမ်ႈ​ဢဝ် ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် မဵဝ်း​ပူႇ​မဵဝ်း​ပေႃႈ​ၶဝ်​ၼၼ်ႉ​ဝႆႉ ၼႂ်း​ၸူဝ်ႈ​ပၢၼ်​ ဢေးလျႃႇသိပ်ႉ၊ ယေႃးယတႃႉ၊ ယေႃးႁၼၼ်ႇ၊ ယႃႇတႂႃႇ ​ၸိူဝ်း​ၼၼ်ႉ​လႄႈ၊ ယိတ်ႈပရေႃးႁဵၵ်ႈ​တင်း​လၢႆ​ၵေႃႈ လႆႈ​ၶၢမ်ႇ​တၢင်း​ဢၼ်​မၢတ်ႈ​မၢႆ​တႅမ်ႈ​ဢဝ်​ၼႂ်း​ၸူဝ်ႈ​ပၢၼ် တႃႇရီႉ ၶုၼ်​လူင်​ ပေႇရသီႉ ​ၼၼ်ႉ​ဝႆႉ​ဢေႃႈ။-</verse>
				<verse number="23">ၵူၼ်း​မဵဝ်း​ လေႇဝီႉ ဢၼ်​ပဵၼ်​ငဝ်ႈ​ပဵၼ်​ႁူဝ် မဵဝ်း​ပူႇ​မဵဝ်း​ပေႃႈ​ၶဝ်​ၼၼ်ႉ လႆႈ​ၶၢမ်ႇ​တၢင်း​ဢၼ်​မၢတ်ႈ​မၢႆ​တႅမ်ႈ​သႂ်ႇ​ဝႆႉ ၵႃႈ​ၼႂ်း​လိၵ်ႈ​ရႃႇၸဝၢင်ႇ​ၶိူဝ်း​ၶုၼ်​တေႃႇ​ထိုင်​ႁွတ်ႈ​ၸူဝ်ႈ​ပၢၼ် ယေႃးႁၼၼ်ႇ လုၵ်ႈ​ၸၢႆး​ ဢေးလျႃႇသိပ်ႉ ​ၼၼ်ႉ​ဢေႃႈ။-</verse>
				<verse number="24">ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ်​ၵူၼ်း​မဵဝ်း​ လေႇဝီႉ ​ၼၼ်ႉ​ၸမ်ႉ၊ ပဵၼ်​ ႁႃႇသၽီႉ၊ သေႇရၽီႉ တင်း​ ယေႃးသူႉ ​လုၵ်ႈ​ၸၢႆး​ ၵႃႇတမေႇလႃႉ ဢိၵ်ႇ​တင်း​ပီႈ​ၶဝ်​ၼွင်ႉ​ၶဝ် ဢၼ်​ၽွမ်ႉ​ႁူမ်ႈ​လူၺ်ႈ​ၵၼ်​တင်း​ၶဝ် ႁႂ်ႈ​လႆႈ​ပႂ်ႉ​ဢမူႉ​တၢင်း​ဢၼ်​ယွင်ႈ​ယေႃး​မုၼ်​ၸဝ်ႈ​လႄႈ ႁပ်ႉ​တုင်း​ဢဝ်​ၵျေး​ၸူး​ၸဝ်ႈ ပဵၼ်​လႄႉ​ပဵၼ်​ၵမ်း​ၸွမ်း​ၵႃႈ​ၼင်ႇ​ဢၼ်​ တႃႇဝိတ်ႈ ​ၵူၼ်း​ၽြႃး​ပဵၼ်​ၸဝ်ႈ ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။-</verse>
				<verse number="25">မတ်ႉတၼီႉ၊ ပႃႇၵပူႇၵီႉ၊ ဢေႃးပတီႉ၊ မေႇသူႉလမ်ႇ၊ တႃႇလမုၼ်ႇ၊ ဢၵ်ႉၵုပ်ႉ ​ၸိူဝ်း​ၼၼ်ႉ​ၵေႃႈ လႆႈ​ဢွၼ်​ၵၼ်​ပဵၼ်​ၵူၼ်း​ပႂ်ႉ​ၽၵ်း​တူ ဢၼ်​လႆႈ​ပႂ်ႉ​ယူႇ​ၵႃႈ​တီႈ​တိူၵ်ႈ​ၽၼ်ႇတႃႇ​ၵႃႈ​တီႈ​ႁိမ်း​ၽၵ်း​တူ​ဢေႃႈ။-</verse>
				<verse number="26">ၶဝ်​ၼၼ်ႉ​မီး​ၼႂ်း​ၸူဝ်ႈ​ပၢၼ်​ ယေႃးယၵိမ်း လုၵ်ႈ​ၸၢႆး​ ယေႃးသူႉ ၊ လုၵ်ႈ​ၸၢႆး​ ယေႃးၸတၵ်ႉ ဢိၵ်ႇ​တင်း​ၸူဝ်ႈ​ပၢၼ်​မဵဝ်ႉ​ဝုၼ်ႇ​ ၼေႇႁမီႉ တင်း​ၸူဝ်ႈ​ပၢၼ်​ယိတ်ႈပရေႃးႁဵၵ်ႈ​ ဢေးၸရႃႉ သြႃႇ​မေႃ​ႁဵတ်း​ၵျၢမ်း​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="27">မိူဝ်ႈ​ဢၼ်​ႁဵတ်း​ဢၼူႉမေႃးတၼႃႇ​လမ်း​ဝဵင်း​ၼၼ်ႉ​ၸိုင်၊ ၶဝ်​ဢွၼ်​ၵၼ်​ႁႃ​ဢဝ်​ၵူၼ်း​မဵဝ်း​ လေႇဝီႉ ​တင်း​လၢႆ​လႄႈ ႁွင်ႉ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​တီႈ​ဢၼ် ၶဝ်​ယူႇ​ၶဝ်​သဝ်း​ၵူႈ​တီႈ​ၵူႈ​လႅၼ်​ၼၼ်ႉ​မႃး ႁႂ်ႈ​လႆႈ​ပႃး​ဢဝ်​ၵွင်၊ သႅင်ႇ၊ တိင်ႇ၊ တရေႃး​ယူႇ ႁဵတ်း​တၢင်း​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ ဢိၵ်ႇ​တင်း​တၢင်း​ဢၼ်​ႁဵတ်း​ၵႂၢမ်း​ယူႇ​သေ​လႄႈ မီး​တၢင်း​ဢၼ်​ၸူမ်း​သိူဝ်း​မူၼ်ႈ​ပျေႃႇ​ႁဵတ်း​ဢၼူႉမေႃးတၼႃႇ​ဢေႃႈ။-</verse>
				<verse number="28">ၵူၼ်း​မဵဝ်း​ဢၼ်​ၸၢင်ႈ​မေႃ​ႁဵတ်း​ၵႂၢမ်း​ထမ်ႇမႃႉ​ၸိူဝ်း​ၼၼ်ႉ ဢွၼ်​ၵၼ်​လုၵ်ႉ​သေ​ၵႃႈ​တီႈ​ပၢင်ႇ​ပဵင်း ဢၼ်​လဵပ်ႈ​ႁွပ်ႈ​ဝဵင်း​ ယေႇရူႉသလႅမ်ႇ ဢိၵ်ႇ​တင်း​ဝၢၼ်ႈ ၼေႇတေႃႇၽႃႇသီႉ ​တင်း​လၢႆ တင်း​ဢိူင်ႇ​ဝဵင်း​ ၵီႉလႃႉၵႃႇလႃႉ တင်း​ဝၢၼ်ႈ​ၼွၵ်ႈ​ၼႃး​ပၢင်ႇ ၵေႇပႃႉ တင်း​ ဢႃႇၸမႃႇဝိတ်ႉ ​ၸိူဝ်း​ၼၼ်ႉ​မႃး​လႄႈ ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="29">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း​ၼၼ်ႉ ဢွၼ်​ၵၼ်​တႄႇ​ႁဵတ်း​ဝၢၼ်ႈ​ႁဵတ်း​ဝဵင်း​သေ​လႄႈ ယူႇ​ၵႃႈ​တီႈ​လဵပ်ႈ​ႁွပ်ႈ​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="30">ယိတ်ႈပရေႃးႁဵၵ်ႈ​တင်း​လၢႆ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​တင်း​လၢႆ​ၵေႃႈ ဢွၼ်​ၵၼ်​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​သေ​လႄႈ ႁႂ်ႈ​ၵူၼ်း​တင်း​လၢႆ၊ ၽၵ်း​တူ​ဝဵင်း၊ လမ်း​ဝဵင်း​ၸိူဝ်း​ၼၼ်ႉ​မူတ်း​ၸၢင်ႇ​ဢေႃႈ။-</verse>
				<verse number="31">မိူဝ်ႈ​ၼၼ်ႉ ၵဝ်​ႁွင်ႉ​ဢဝ်​ၶုၼ်​ ယူႉတႃႉ ​တင်း​လၢႆ​မႃး ၵႃႈ​တီႈ​ၼိူဝ်​လမ်း​ဝဵင်း​လႄႈ ၶၢၼ်း​ႁဵတ်း​မုၵ်ႉ​လူင်​ၸိူဝ်း​လူင် ဢၼ်​လႆႈ​ႁဵတ်း​ၵႂၢမ်း​ယွင်ႈ​ယေႃး​ၼၼ်ႉ​ဝႆႉ​သွင်​မုၵ်ႉ​သွင်​ၸိူဝ်း​ဢေႃႈ။ မုၵ်ႉ​ၸိူဝ်း​ၼိုင်ႈ​ၸမ်ႉ ဢွၼ်​ၵၼ်​လဵပ်ႈ​ၽၢႆႇ​တၢင်း​ၶႂႃ​လႄႈ တႆႇ​ၸွမ်း​ၵႃႈ​ၼိူဝ်​လမ်း​ဝဵင်း​ၸူး​ၵႃႈ​တီႈ​ၽၵ်း​တူ​ၶီႈ​ဝူဝ်း​ဢေႃႈ။-</verse>
				<verse number="32">လိုၼ်း​လင်​ၶဝ်​ၼၼ်ႉ ႁေႃးသႃႇယႃႉ ဢိၵ်ႇ​တင်း​ၶုၼ်​ ယူႉတႃႉ ​ၶိုင်ႈ​ၼိုင်ႈ၊-</verse>
				<verse number="33">ဢႃႇၸရီႉ၊ ဢေးၸရႃႉ၊ မေႇသူႉလမ်ႇ ၊-</verse>
				<verse number="34">ယူႉတႃႉ၊ ပိၼ်ႇယႃႇမိၼ်ႇ၊ သေႇမႃႇယႃႉ၊ ယေႇရမီႉ ၊-</verse>
				<verse number="35">ၵူၼ်း​မဵဝ်း​ယိတ်ႈပရေႃးႁဵၵ်ႈ ဢၼ်​ယိပ်း​ၵမ်​ၼႄးၶရႃႇ​ၼၼ်ႉ​ၵမ်ႈ​ၽွင်ႈ၊ ၸႃႇၶရီႉ ဢၼ်​ပဵၼ်​လုၵ်ႈ​ၸၢႆး​ ယေႃးၼသၼ်ႇ ၊ လုၵ်ႈ​ၸၢႆး​ သေႇမႃႇယႃႉ ၊ လုၵ်ႈ​ၸၢႆး​ မတ်ႉတၼီႉ ၊ လုၵ်ႈ​ၸၢႆး​ မိၵ်ႉၶယႃႉ ၊ လုၵ်ႈ​ၸၢႆး​ ၸၵ်ႉၵူႉရႃႉ ၊ လုၵ်ႈ​ၸၢႆး​ ဢႃႇသပ်ႉ ​ၼၼ်ႉ၊-</verse>
				<verse number="36">ဢိၵ်ႇ​တင်း​ၼွင်ႉ​ၸၢႆး​မၼ်း သေႇမႃႇယႃႉ၊ ဢႃႇၸရေႇလႃႉ၊ မီႉလလေႇ၊ ၵီႉလလေႇ၊ မႃႇဢီႉ၊ ၼႃႇသၼေႇလႃႉ၊ ယူႉတႃႉ၊ ႁႃႇၼၼီႉ ​ၸိူဝ်း​ၼၼ်ႉ ဢွၼ်​ၵၼ်​ယိပ်း​ၵမ်​ဢဝ်​မဵဝ်း​တူႇရီႉယႃႇ​ တႃႇဝိတ်ႈ ၵူၼ်း​ၽြႃး​ပဵၼ်​ၸဝ်ႈ​ၼၼ်ႉ​ယူႇ​သေ​လႄႈ​ၸွမ်း​ဢေႃႈ။ ဢေးၸရႃႉ ​သြႃႇ​မေႃ​ၵျၢမ်း​ၼၼ်ႉ ဢွၼ်​ႁူဝ်​ၶဝ်​ၵႂႃႇ​ဢေႃႈ။-</verse>
				<verse number="37">ၶဝ်​တႆႇ​ၸွမ်း​ၵႃႈ​တီႈ​ႁိမ်း​ၽၵ်း​တူ​ၼမ်ႉ​ဢွၵ်ႇ​ႁူး​လႄႈ ၵႂႃႇ​သိုဝ်ႈ​ၼႃႈ​ၶဝ်​တိၵ်း​တိၵ်း​သေ​ယဝ်ႉ၊ ဢွၼ်​ၵၼ်​ၶိုၼ်ႈ​ၸွမ်း​ၶၼ်ႈ​လႆ​ဝဵင်း​ တႃႇဝိတ်ႈ တီႈ​ဢၼ်​လမ်း​ဝဵင်း​ၶိုၼ်ႈ​ၵႂႃႇ​ၸူး ၵႃႈ​တီႈ​ၽၢႆႇ​ၼိူဝ်​ႁေႃ​ တႃႇဝိတ်ႈ ဢၼ်​ဝႃႈ​ၵႃႈ​တီႈ​ၽၵ်း​တူ​ၼမ်ႉ ၽၢႆႇ​ၼႃႈ​ဝၼ်း​ဢွၵ်ႇ​ၼၼ်ႉ​ဢေႃႈ။-</verse>
				<verse number="38">မုၵ်ႉ​ၸိူဝ်း​ၼိုင်ႈ ဢၼ်​လႆႈ​ႁဵတ်း​ၵႂၢမ်း​ယွင်ႈ​ယေႃး​ၼၼ်ႉ​ၸမ်ႉ၊ လဵပ်ႈ​ၵႂႃႇ​ၽၢႆႇ​ၼိုင်ႈ ႁႂ်ႈ​လႆႈ​ႁူပ်ႉ​ၵၼ်​ၶွပ်ႈ​ၵၼ်​တင်း​ၶဝ်​ၼၼ်ႉ​လႄႈ ၵဝ်​ဢိၵ်ႇ​လူၺ်ႈ​ၵၼ်​တင်း​ၵူၼ်း​တင်း​လၢႆ​ၶိုင်ႈ​ၼိုင်ႈ ဢွၼ်​ၵၼ်​တႆႇ​ၸွမ်း​ၵႃႈ​ၼိူဝ်​လမ်း​ဝဵင်း ဢဝ်​ၵႃႈ​တီႈ​ၽၢႆႇ​ၼိူဝ်​လၢင်း​ၸီး​ၽီး​ၽႆး တေႃႇ​ထိုင်​ႁွတ်ႈ လမ်း​ဝဵင်း​ဢၼ်​ၵႂၢင်ႈ၊-</verse>
				<verse number="39">ဢိၵ်ႇ​တင်း​ၵႃႈ​ၼိူဝ်​ၽၵ်း​တူ​ ဢေႇၽရိမ်ႇ ၊ ၽၵ်း​တူ​ဢၼ်​ၵဝ်ႇ၊ ၽၵ်း​တူ​ပႃ၊ လၢင်း​ၸီး​ ႁႃႇၼၼေႇလႃႉ ၊ လၢင်း​ၸီး မေႇဢႃႇ တေႃႇ​ထိုင်​ႁွတ်ႈ​ၽၵ်း​တူ​သူဝ်း​သေ​ယဝ်ႉ၊ ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ​ထွင်ႇ​ဢေႃႈ။-</verse>
				<verse number="40">ၼင်ႇ​ၼၼ်​လႄႈ​မုၵ်ႉ​ၸိူဝ်း​ဢၼ်​လႆႈ​ႁဵတ်း​ၵႂၢမ်း​ယွင်ႈ​ယေႃး ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​သွင်​မုၵ်ႉ​သွင်​ၸိူဝ်း​ၼၼ်ႉ ဢွၼ်​ၵၼ်​ၸုၵ်း​ယူႇ​သေ​လႄႈ ၵဝ်​ဢိၵ်ႇ​တင်း​ၶုၼ်​ဢၼ်​မီး​ဢရႃႇ​ၸိူဝ်း​ၼၼ်ႉ​ၶိုင်ႈ​ၼိုင်ႈ ဢၼ်​ပႃး​လူၺ်ႈ​ၵၼ်​တင်း​ၵဝ်၊-</verse>
				<verse number="41">ဢိၵ်ႇ​တင်း​ယိတ်ႈပရေႃးႁဵၵ်ႈ​ ဢေးလျႃႇၵိမ်ႇ၊ မႃႇသေႇယႃႉ၊ မိၼ်ႇယႃႇမိၼ်ႇ၊ မိၵ်ႉၶယႃႉ၊ ဢေးလီႉဢေႃးၼေႇ၊ ၸႃႇၶရီႉ၊ ႁႃႇၼၼီႉ ဢၼ်​ယိပ်း​ၵမ်​ၼႄးၶရႃႇ​ၸိူဝ်း​ၼၼ်ႉ၊-</verse>
				<verse number="42">တင်း​ မႃႇသေႇယႃႉ၊ သေႇမႃႇယႃႉ၊ ဢေးလႃႇၸႃႇ၊ ဢေႃႇၸီႉ၊ ယေႃးႁၼၼ်ႇ၊ မႃႇလၶီႉယႃႉ၊ ဢေႇလမ်ႇ၊ ဢေးၸႃႇ ​ၸိူဝ်း​ၼၼ်ႉ​ၵေႃႈ မီး​ယူႇ​ဢေႃႈ။ ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း​ၼၼ်ႉ ဢွၼ်​ၵၼ်​ႁွင်ႉ​ႁဵတ်း​ၵႂၢမ်း​လူၺ်ႈ​ၵၼ်​တင်း​သြႃႇ​ၶဝ်​ ယေႇၸရႃႇႁီႉ ​ၼၼ်ႉ​ဢေႃႈ။-</verse>
				<verse number="43">ၼႂ်း​ဝၼ်း​ၼၼ်ႉ ၶဝ်​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​ၼမ်​ၼႃႇ​လႄႈ မီး​တၢင်း​ဢၼ်​ၸူမ်း​သိူဝ်း​မူၼ်ႈ​ပျေႃႇ ၵွပ်ႈ​ပိူဝ်ႈ​ဢၼ် ၽြႃး​ပဵၼ်​ၸဝ်ႈ​ပၼ်​ဢၶႂၢင်ႉ​ဢၼ်​ၶဝ်​လႆႈ​ၸူမ်း​သိူဝ်း​မူၼ်ႈ​ပျေႃႇ​ၼႃႇ​လူင်​လၢင်​ၼၼ်ႉ​ဢေႃႈ။ မႄႈ​ယိင်း​ဢိၵ်ႇ​တင်း လုၵ်ႈ​လၢင်း​တင်း​လၢႆ​ၵေႃႈ ဢွၼ်​ၵၼ်​မီး​တၢင်း​ဢၼ်​ၸူမ်း​သိူဝ်း​မူၼ်ႈ​ပျေႃႇ​လႄႈ သဵင်​တၢင်း​ဢၼ်​ၸူမ်း​သိူဝ်း​မူၼ်ႈ​ပျေႃႇ​ဝဵင်း​ ယေႇရူႉသလႅမ်ႇ ​ၼၼ်ႉ​ထၼ်ႈ​ပေႃး​ငိၼ်း​ၵႂႃႇ​တေႃႇ​ထိုင်​ႁွတ်ႈ​တီႈ​ဢၼ်​ၵႆ​ၼႃႇ​ဢေႃႈ။</verse>
				<verse number="44">ၼႂ်း​ဝၼ်း​ၼၼ်ႉ ၵွပ်ႈ​ပိူဝ်ႈ​ဢၼ်​ၵူၼ်း​မဵဝ်း​ ယူႉတႃႉ ​တင်း​လၢႆ ဢွၼ်​ၵၼ်​မီး​တၢင်း​ဢၼ်​ၸူမ်း​သိူဝ်း​မူၼ်ႈ​ပျေႃႇ ၵွပ်ႈ​ပိူဝ်ႈ​ယိတ်ႈပရေႃးႁဵၵ်ႈ​တင်း ၵူၼ်း​မဵဝ်း​ လေႇဝီႉ ​ဢၼ်​လႆႈ​ပႂ်ႉ​ဢမူႉ​ၸဝ်ႈ​ၸိူဝ်း​ၼၼ်ႉ​လႄႈ ၶဝ်​ဢွၼ်​ၵၼ်​ၶၢၼ်း​ၵူၼ်း​ၵမ်ႈ​ၽွင်ႈ​ဝႆႉ ၵႃႈ​ၼိူဝ်​လုၵ်း​တိူၵ်ႈ​ၽၼ်ႇတႃႇ​တင်း​လၢႆ ပုၼ်ႈ​ၽၼ်ႇတႃႇ​လႂ်၊ ၶိူင်ႈ​ပုၵ်ႈ​ၸေႃႇ​ဢၼ်​ယုၵ်ႉ​ယွင်ႈ​လႂ်၊ မၢၵ်ႇ​ဢၼ်​မၢၵ်ႇ​ဢွၼ်​တၢင်း​လႂ်၊ သိပ်း​ပုၼ်ႈ​ပုၼ်ႈ​ၼိုင်ႈ​လႂ်​ၸိူဝ်း​ၼၼ်ႉ ႁႂ်ႈ​လႆႈ​ၸွမ်း​လူၺ်ႈ​ၼမ်ႉ​လိၼ်​ဝၢၼ်ႈ​ၼွၵ်ႈ​ၼႃး​ပၢင်ႇ​သေ​လႄႈ သိမ်း​ဢဝ်​ပုၼ်ႈ​ဢဝ်​တႃႇ​ဢၼ်​တြႃး​ၸဝ်ႈ​ၸီႇ​ယၢင်ႇ​ဝႆႉ ပုၼ်ႈ​ဢၼ်​ယိတ်ႈပရေႃးႁဵၵ်ႈ​တင်း​လၢႆ ဢိၵ်ႇ​တင်း​ၵူၼ်း​ လေႇဝီႉ ​တင်း​လၢႆ​ၸိူဝ်း​ၼၼ်ႉ ထုၵ်ႇ​ၶၢမ်ႇ​ထုၵ်ႇ​ဢဝ်​ၼၼ်ႉ​မႃး​ဢေႃႈ။-</verse>
				<verse number="45">ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း ဢိၵ်ႇ​တင်း​ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​ၼၼ်ႉ​ၵေႃႈ ဢွၼ်​ၵၼ်​ပႂ်ႉ​ၵမ်​ပႂ်ႉ​ၸွမ်း​ဢမူႉ​ၽြႃး​ပဵၼ်​ၸဝ်ႈ​ၶဝ် ဢိၵ်ႇ​တင်း​ဢမူႉ​တၢင်း​ဢၼ်​မူတ်း​သႂ်​ယူႇ ၸွမ်း​ၵႃႈ​ၼင်ႇ​ဢၼ် တႃႇဝိတ်ႈ ​တင်း​လုၵ်ႈ​ၸၢႆး​ၸဝ်ႈ​ သေႃးလမုၼ်ႇ ဢၼ်​မေႃ​ႁဵတ်း​ၵႂၢမ်း ဢိၵ်ႇ​တင်း​ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​ၼၼ်ႉ​ၵေႃႈ ဢွၼ်​ၵၼ်​ပႂ်ႉ​ၵမ်​ပႂ်ႉ​ၸွမ်း​ဢမူႉ​ၽြႃး​ပဵၼ်​ၸဝ်ႈ​ၶဝ် ဢိၵ်ႇ​တင်း​ဢမူႉ​တၢင်း​ဢၼ်​မူတ်း​သႂ်​ယူႇ ၸွမ်း​ၵႃႈ​ၼင်ႇ​ဢၼ် တႃႇဝိတ်ႈ ​တင်း​လုၵ်ႈ​ၸၢႆး​ၸဝ်ႈ​ သေႃးလမုၼ်ႇ ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။-</verse>
				<verse number="46">မိူဝ်ႈ​ဢွၼ်​ၼႆႉ ၼႂ်း​ၸူဝ်ႈ​ပၢၼ်​ တႃႇဝိတ်ႈ တင်း​ ဢႃႇသပ်ႉ ​ၼၼ်ႉ​မီး​ၵေႃႉ​ဢၼ်​ပဵၼ်​ငဝ်ႈ​ပဵၼ်​ႁူဝ် ၼႂ်း​ၶဝ်​ၸိူဝ်း​ဢၼ်​ႁဵတ်း​ၵႂၢမ်း​ၼၼ်ႉ ဢိၵ်ႇ​တင်း​တၢင်း​ဢၼ်​ႁဵတ်း​ၵႂၢမ်း​ဢၼ်​ယွင်ႈ​ယေႃး၊ ၵႂၢမ်း​ဢၼ်​ႁပ်ႉ​တုင်း​ဢဝ်​ၵျေး​ၸူး​ၸဝ်ႈ​ၼၼ်ႉ တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="47">ၼႂ်း​ၸူဝ်ႈ​ပၢၼ်​ ၸေႇရူႉပႃႉပေႇလႃႉ ဢိၵ်ႇ​တင်း​ၸူဝ်ႈ​ပၢၼ်​ ၼေႇႁမီႉ ​ၵေႃႈ ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ဢွၼ်​ၵၼ်​ဢဝ်​ပုၼ်ႈ​ဢဝ်​တႃႇ ဢၼ်​ၶဝ်​ၸိူဝ်း​ဢၼ် မေႃ​ႁဵတ်း​ၵႂၢမ်း ဢိၵ်ႇ​တင်း​ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​ၼၼ်ႉ​ထုၵ်ႇ​ၶၢမ်ႇ​ထုၵ်ႇ​ဢဝ်​ၸိူဝ်း​ၼၼ်ႉ ပၼ်​ၸွမ်း​ၵႃႈ​ၼင်ႇ​ဢၼ်​မိုဝ်ႉ​ဝၼ်း​ၸႅၼ်ႇ​တၢမ်း​ၵၼ်​လႄႈ ႁႂ်ႈ​မူတ်း​ၸၢင်ႇ​ပုၼ်ႈ​ၵူၼ်း​မဵဝ်း​ လေႇဝီႉ ​တင်း​လၢႆ​ဢေႃႈ။ ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ၵေႃႈ သမ်ႉ​ဢဝ်​ႁႂ်ႈ​မူတ်း​ၸၢင်ႇ​ပုၼ်ႈ​ၵူၼ်း​မဵဝ်း​ ဢႃႇရုၼ်ႇ ​တင်း​လၢႆ​ဢေႃႈ။</verse>
			</chapter>
			<chapter number="13">
				<verse number="1">ၼႂ်း​ဝၼ်း​ၼၼ်ႉ မိူဝ်ႈ​ဢၼ်​ၶဝ်​ၽတ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ မူဝ်းသေႇ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ၼၼ်ႉ​ၸိုင်၊ ၶဝ်​ထူပ်း​ႁၼ်​လွင်ႈ​ဢၼ် ၵူၼ်း​မဵဝ်း​ ဢမ်ႇမုၼ်ႇ တင်း​ၵူၼ်း​မဵဝ်း​ မေႃႇၽႃႉ ဢမ်ႇ​မီး​ဢၶႂၢင်ႉ​ဢၼ်​လႆႈ​ၶဝ်ႈ​ၵႃႈ​ၼႂ်း​ပရဵၵ်ႈသၢတ်ႈ​ၽြႃး​ပဵၼ်​ၸဝ်ႈ​ယူႇ​သေႇ​သေႇ​ၼၼ်ႉ​ဢေႃႈ။-</verse>
				<verse number="2">လွင်ႈ​မၼ်း​ၸမ်ႉ ၶဝ်​ၼၼ်ႉ​ဢမ်ႇ​ဢဝ်​ၶဝ်ႈ​မုၼ်း​တင်း​ၼမ်ႉ ႁႄႉ​ႁပ်ႉ​ႁူဝ်​တၢင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ။ ၶဝ်​ၼၼ်ႉ​ဢွၼ်​ၵၼ် ၸၢင်ႈ​ငႃ​ဢဝ်​ ပႃႇလၢမ်ႇ ႁႂ်ႈ​လႆႈ​ၵိၼ်ႇ​လႃႇ​ၶဝ်​ဢေႃႈ။ ၵူၺ်း​ၵႃႈ ၽြႃး​ပဵၼ်​ၸဝ်ႈ​ႁဝ်း​ၼၼ်ႉ ႁႂ်ႈ​ၵႂၢမ်း​ဢၼ်​ၵိၼ်ႇ​လႃႇ​ၼၼ်ႉ ပဵၼ်​ၵႂၢမ်း​ဢၼ်​ပၼ်​တၢင်း​လီ​သေ​ဢေႃႈ။-</verse>
				<verse number="3">မိူဝ်ႈ​ဢၼ်​ၶဝ်​လႆႈ​ငိၼ်း​ၵႂၢမ်း​တြႃး​ၼၼ်ႉ​ၸိုင် ၶဝ်​ဢွၼ်​ၵၼ်​ၽႄ​ၶဝ်​ၸိူဝ်း​ဢၼ် မဵဝ်း​ဢမ်ႇ​ၸႅတ်ႈ​ဢမ်ႇ​မၢၼ်ႇ​ၵႃႈ​မီး​ၼၼ်ႉ ဢွၵ်ႇ​သေ​ၵႃႈ​ၼႂ်း မဵဝ်း​ ဢီႉသရေႇလႃႉ ​ဢေႃႈ။</verse>
				<verse number="4">မိူဝ်ႈ​ဢွၼ်​တၢင်း​ၼၼ်ႉ​ယိတ်ႈပရေႃးႁဵၵ်ႈ​ ဢေးလျႃႇသိပ်ႉ ဢၼ်​လႆႈ​ဢုပ်ႉ​ၵႃႈ​ၼိူဝ်​လုၵ်း ဢၼ်​ၵႃႈ​ၼွၵ်ႈ​ႁိူၼ်း​ၽြႃး​ပဵၼ်​ၸဝ်ႈ​တင်း​လၢႆ​လႄႈ ပဵၼ်​ပီႈ​ပဵၼ်​ၼွင်ႉ​ တေႃႇၽီႉ ​ၼၼ်ႉ၊-</verse>
				<verse number="5">မႄး​ႁႅၼ်း​လုၵ်း​လူင် ဢၼ်​ယၢမ်ႈ​ဢဝ်​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​လႂ်၊ ၼၢမ်ႇ​သႃႇ​လႂ်၊ ၶိူင်ႈ​ယိပ်း​ၶိူင်ႈ​ၵႅမ်း​လႂ်၊ ၶဝ်ႈ​ပိူၵ်ႇ​ၶဝ်ႈ​သၢၼ်​ၼမ်ႉ​ၸပိတ်ႈ၊ ၼမ်ႉ​မၼ်း​သိပ်း​ပုၼ်ႈ​ပုၼ်ႈ​ၼိုင်ႈ ဢၼ်​လႆႈ​ပၼ်​တီႈ​ၵူၼ်း​မဵဝ်း​ လေႇဝီႉ ၊ ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း​လႂ်၊ ၶဝ်​ၸိူဝ်း​ဢၼ်​ပႂ်ႉ​ၽၵ်း​တူ​ၼၼ်ႉ​ၸိူဝ်း​ၼၼ်ႉ​လႂ်၊ ဢိၵ်ႇ​တင်း တၢင်း​လူႇ​တၢင်း​တၢၼ်း ဢၼ်​လႆႈ​လူႇ​တၢၼ်း​တီႈ​ယိတ်ႈပရေႃးႁဵၵ်ႈ​တင်း​လၢႆ​လႂ် သႂ်ႇ​ဝႆႉ​သိမ်း​ဝႆႉ​ၼၼ်ႉ ပုၼ်ႈ​ တေႃႇၽီႉ ​ဢေႃႈ။-</verse>
				<verse number="6">ၼႂ်း​ၶိင်ႇ​မိူဝ်ႈ​ၼၼ်ႉ​တဵမ်​တဵမ် ၵဝ်​ဢမ်ႇ​မီး​ၵႃႈ​တီႈ​ဝဵင်း​ ယေႇရူႉသလႅမ်ႇ ၊ ၼႂ်း​ပီႊ​ဢၼ်​ ဢႃႇတၸေႇရိတ်ႉ ၶုၼ်​ႁေႃ​ၶမ်း​ ပႃႇပူႉလုၼ်ႇ ၸၢမ်ႇ​ႁၢင်ႈ​ၸၢမ်ႇ​ႁေႃ သၢမ်​သိပ်း​ပၢႆ​သွင်​ပီႊ​ၼၼ်ႉ ၵဝ်​လႆႈ​ၵႂႃႇ​တီႈ​ၶုၼ်​ႁေႃ​ၶမ်း​သေ​ဢေႃႈ။ ႁိုင်​တၢၼ်ႇ​တၢၼ်ႇ​သေ​ယဝ်ႉ၊ ၵဝ်​သမ်ႉ​လႆႈ​ဢၶႂၢင်ႉ​တီႈ​ၶုၼ်​ႁေႃ​ၶမ်း​လႄႈ၊-</verse>
				<verse number="7">မိူဝ်ႈ​ဢၼ်​ၵဝ် ႁွတ်ႈ​ထိုင်​ၵႃႈ​တီႈ​ႁိမ်း​ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင်၊ ၵဝ်​လႆႈ​ႁူႉ​လႆႈ​ငိၼ်း လွင်ႈ​တူႉ​ၸရိူၵ်ႈ​ဢၼ်​ ဢေးလျႃႇသိပ်ႉ လႆႈ​ႁဵတ်း ၵွပ်ႈ​ပိူဝ်ႈ​ တေႃႇၽီႉ ၼႂ်း​တၢင်း​ဢၼ်​မၼ်း​မႄး​ႁႅၼ်း လုၵ်း​ၵႃႈ​ၼႂ်း​တမ်ႇ​တိူင်း​ႁိူၼ်း​ၽြႃး​ပဵၼ်​ၸဝ်ႈ​ဝႆႉ​ပုၼ်ႈ​မၼ်း​ၼၼ်ႉ​ဢေႃႈ။-</verse>
				<verse number="8">မိူဝ်ႈ​ၼၼ်ႉ ၵဝ်​မီး​ၸႂ်​ဢၼ်​ၸဵပ်း​ၶိုၼ်ႈ​ၼႃႇ​လူင်​လၢင်​လႄႈ ဢဝ်​ဢုၵ်ႉ​ၸႃႇ​ၶူဝ်း​လဵင်း​ တေႃႇၽီႉ ​ၵႃႈ​မီး ဢွၵ်ႇ​ပႅတ်ႈ​သေ​ၵႃႈ​ၼႂ်း​လုၵ်း​ၼၼ်ႉ​သေ​ယဝ်ႉ၊-</verse>
				<verse number="9">ၸီႇ​ယၢင်ႇ​ႁႂ်ႈ​လုၵ်း​ၶဝ်​တင်း​လၢႆ​မူတ်း​သႂ်​သေ​လႄႈ သမ်ႉ​ဢဝ်​ၶိူင်ႈ​ပိူင်​ႁိူၼ်း​ၽြႃး​ပဵၼ်​ၸဝ်ႈ​လႂ်၊ ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​လႂ်၊ ၼၢမ်ႇ​သႃႇ​လႂ် မႃး​သႂၢင်း​သႂ်ႇ​ဝႆႉ​ဢေႃႈ။</verse>
				<verse number="10">ၵဝ်​ထွၵ်ႈ​လူၺ်ႈ​ၵူၼ်း​မဵဝ်း​ လေႇဝီႉ တင်း​ၶဝ်​ၸိူဝ်း​ဢၼ်​မေႃ​ႁဵတ်း​ၵႂၢမ်း ဢၼ်​ပႂ်ႉ​ဢမူႉ​ၸဝ်ႈ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ပၢႆႈ​ၵႂႃႇ​ၸူး ၵႃႈ​တီႈ​ႁႆႊ​ၶဝ်​ၼႃး​ၶဝ်​ႁင်း​ၽႂ်​ႁင်း​မၼ်း​ၼၼ်ႉ​လႄႈ ႁူႉ​သၢႆ​ငၢႆ​လွင်ႈ​ဢၼ်​ၶဝ် ဢမ်ႇ​လႆႈ​ၶၢမ်ႇ​ဢဝ်​ပုၼ်ႈ​ဢဝ်​တႃႇ ၵူၼ်း​မဵဝ်း​ လေႇဝီႉ ​ၼၼ်ႉ​သေ​လႄႈ၊-</verse>
				<verse number="11">တၢင်ႇ​ဢပႅတ်ႈ​တီႈ​ၶုၼ် ဢၼ်​မီး​ဢရႃႇ​တင်း​လၢႆ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁိူၼ်း​ၽြႃး​ပဵၼ်​ၸဝ်ႈ​လႆႈ​ၶၢမ်ႇ​တၢင်း​ဢၼ်​ၸုၼ်ႉ​ပႅတ်ႈ​သေ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​လႄႈ ႁႂ်ႈ​ၶဝ်​ၼၼ်ႉ​ၸူႉ​ၵၼ်​တုမ်​ၵၼ်​သေ​ယဝ်ႉ၊ သမ်ႉ​ၶိုၼ်း​ၶၢၼ်း​ၶဝ်​ဝႆႉ​ၵႃႈ​ၼႂ်း​တီႈ​ၶဝ်​ဢေႃႈ။-</verse>
				<verse number="12">မိူဝ်ႈ​ၼၼ်ႉ​ၵူၼ်း​ ယူႉတႃႉ ​တင်း​လၢႆ သမ်ႉ​ၶိုၼ်း​ဢွၼ်​ၵၼ်​ဢဝ်​ၶဝ်ႈ​ပိူၵ်ႇ​ၶဝ်ႈ​သၢၼ်၊ ၼမ်ႉ​ၸပိတ်ႈ၊ ၼမ်ႉ​မၼ်း သိပ်း​ပုၼ်ႈ​ပုၼ်ႈ​ၼိုင်ႈ မႃး​တီႈ​တိူၵ်ႈ​ၽၼ်ႇတႃႇ​ၸဝ်ႈ​ဢေႃႈ။-</verse>
				<verse number="13">ၵဝ်​ၶၢၼ်း​ၽၼ်ႇတႃႇ​ၸူဝ်း​ဝႆႉ ၵႃႈ​ၼိူဝ်​တိူၵ်ႈ​ၽၼ်ႇတႃႇ​ၸဝ်ႈ​တင်း​လၢႆ​ဢၼ်​ဝႃႈ ယိတ်ႈပရေႃးႁဵၵ်ႈ​ သေႇလမီႉ၊ ၸႃႇတုၵ်ႉ ဢၼ်​ပဵၼ်​ၵူၼ်း​မေႃ​ၵျၢမ်း၊ ပေႇတႃႇယႃႉ ဢၼ်​ပဵၼ်​ၵူၼ်း​မဵဝ်း​ လေႇဝီႉ ၊ လိုၼ်း​မၼ်း​ၼၼ်ႉ ႁႃႇၼၼ်ႇ ဢၼ်​ပဵၼ်​လုၵ်ႈ​ၸၢႆး​ ၸၵ်ႉၵူႉရႃႉ လုၵ်ႈ​ၸၢႆး​ မတ်ႉတၼီႉ ​ၼၼ်ႉ​ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​မီး​သရေႇ​လူၺ်ႈ​လွင်ႈ​ဢၼ်​ပႂ်ႉ​သဵတ်ႈ​ၸႃႇ​ၼၼ်ႉ​လႄႈ လႆႈ​ႁဵတ်း​ဢမူႉ​တၢင်း​ဢၼ် မႅင်ႇ​ပၼ်​ၽႄ​ပၼ်​တီႈ​ပီႈ​ၶဝ်​ၼွင်ႉ​ၶဝ်​ဢေႃႈ။-</verse>
				<verse number="14">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ယႃႇ​ပေ​ၶႄ​မွတ်ႇ​ထူ​မွတ်ႇ​ၵျေး​ၸူး​ဢၼ်​ၶႃႈ​ၸဝ်ႈ​ႁဝ်း လႆႈ​ႁဵတ်း​ပုၼ်ႈ​ႁိူၼ်း​ၽြႃး​ပဵၼ်​ၸဝ်ႈ​ၵဝ်​ၶႃႈ ဢိၵ်ႇ​တင်း​ပုၼ်ႈ​တၢင်း​ဢၼ်​ပႂ်ႉ​ဢမူႉ​ႁိူၼ်း​ၸဝ်ႈ​ၼၼ်ႉ​ပႅတ်ႈ​သေ​ၵမ်း​တီႈ​ၶႃႈ။</verse>
				<verse number="15">ၼႂ်း​ၶိင်ႇ​ၵႃႇလႃႉ​မိူဝ်ႈ​ၼၼ်ႉ ၵႃႈ​ၼႂ်း​မိူင်း​ ယူႉတႃႉ ၵဝ်​လႆႈ​ႁၼ်​ၵမ်ႈ​ၽွင်ႈ ယဵပ်ႇ​ၼူတ်ႈ​မၢၵ်ႇ​ၸပိတ်ႈ​ၼႂ်း​ဝၼ်း​ၵမ်​သိၼ်​ယူႇ။ ဢဝ်​လိုၼ်ႈ​ၶဝ်ႈ​သႂၢင်း​ၶဝ်ႈ​ယူႇ။ ဢဝ်​ၶူဝ်း​တၢင်ႇ​ၵႃႈ​ၼိူဝ်​လီႈ​ယူႇ​သေ​လႄႈ ဢဝ်​ၼမ်ႉ​ၸပိတ်ႈ၊ မၢၵ်ႇ​လိူဝ်ႇ​သၢင်း​ၽေႃး၊ ၶူဝ်း​ႁၢပ်ႇ​ၶူဝ်း​ပႃး​ၵူႈ​ၸိူဝ်ႉ​ၵူႈ​မဵဝ်း မႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ဝၼ်း​ၵမ်​သိၼ်​ၼၼ်ႉ​လႄႈ ၵဝ်​ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​ၶဝ် ၼႂ်း​ဝၼ်း​ဢၼ် ၶဝ်​ၶၢႆ​တၢင်း​ၵိၼ်​တၢင်း​ၶူပ်း​ယူႇ​ၼၼ်ႉ​ဢေႃႈ။-</verse>
				<verse number="16">ၵူၼ်း​ တူႉရူႉ ဢၼ်​ယူႇ​ၵႃႈ​တီႈ​ၼၼ်ႈ​ၸိူဝ်း​ၼၼ်ႉ​ၵေႃႈ ၸၢင်ႈ​ဢွၼ်​ၵၼ်​ဢဝ်​ပႃ​လႂ် တင်း​ဢုၵ်ႉ​ၸႃႇ​ၶူဝ်း​လဵင်း ၵူႈ​ၸိူဝ်ႉ​ၵူႈ​ပိူင်​လႂ်​မႃး​လႄႈ ၶၢႆ​ပၼ်​တီႈ​ၵူၼ်း​မဵဝ်း​ ယူႉတႃႉ ​တင်း​လၢႆ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၼႂ်း​ဝၼ်း​ၵမ်​သိၼ်​ဢေႃႈ။-</verse>
				<verse number="17">မိူဝ်ႈ​ၼၼ်ႉ​ၵဝ်​တၢင်ႇ​ဢပႅတ်ႈ​တီႈ​မူး​မၢတ်ႈ​ၽွင်း​မိူင်း​ ယူႉတႃႉ ​တင်း​လၢႆ​လႄႈ​ဝႃႈ၊ တူႉ​ၸရိူၵ်ႈ​ဢၼ်​သူ​ႁဵတ်း​လႄႈ ယႃႉ​ဝၼ်း​ၵမ်​သိၼ်​ၼႆႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။-</verse>
				<verse number="18">ပူႇ​သူ​မွၼ်ႇ​သူ​ၼၼ်ႉ​ႁဵတ်း​ၸိူဝ်ႉ​ၼင်ႇ​ၼႆ​လႄႈ ၽြႃး​ပဵၼ်​ၸဝ်ႈ​ႁဝ်း​ႁႂ်ႈ​တုၵ်ႉ​ၶႃႉ​တၢင်း​ၽၢၼ်​ဢၼ်​ယႂ်ႇ​ၼႃႇ​ၵႃႈ​မီး​ၼႆႉ​ႁွတ်ႈ​ထိုင်​ၵႃႈ​ၼိူဝ်​ႁဝ်း ဢိၵ်ႇ​တင်း​ၵႃႈ​ၼိူဝ်​ဝဵင်း​ၼႆႉ​ဢမ်ႇ​ၸႂ်ႈ​ႁိုဝ်။ သူ​ယႃႉ​ဝၼ်း​ၵမ်​သိၼ်​ၼႆႉ​လႄႈ တၵ်း​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ ဢၼ်​ယဵင်ႈ​ၶႅၼ်း​ႁႅင်း​ယႂ်ႇ​ၼႃႇ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မဵဝ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="19">မိူဝ်ႈ​ဢၼ်​ၸႃႉ​ငႃ​လပ်း​သိင်ႇ​ဝွၼ်ႉ​ဝႅၼ်ႉ​တီႈ​ၽၵ်း​တူ​ဝဵင်း​ ယေႇရူႉသလႅမ်ႇ ​တင်း​လၢႆ ၼႂ်း​ဝၼ်း​ၽိတ်ႈ​ၼၼ်ႉ​ၸိုင်၊ ၵဝ်​ၸီႇ​ယၢင်ႇ​ႁႂ်ႈ​ဢိုတ်း​ႁပ်း​ၽၵ်း​တူ​ၸိူဝ်း​ၼၼ်ႉ​ဝႆႉ​လႄႈ မီး​ဢမိင်ႉ​ဝႆႉ​ႁႂ်ႈ​ဢမ်ႇ​လႆႈ​ၽုၺ်ႇ တေႃႇ​ထိုင်​ႁွတ်ႈ​ထၼ်ႈ​ပေႃး​ပူၼ်ႉ​ဝၼ်း​ၵမ်​သိၼ်​ၼၼ်ႉ​သေ​လႄႈ ၶၢၼ်း​ၶႃႈ​ၵူၼ်း​ၵဝ်​ၵမ်ႈ​ၽွင်ႈ​ဝႆႉ ၵႃႈ​တီႈ​ၽၵ်း​တူ​ၸိူဝ်း​ၼၼ်ႉ ႁႂ်ႈ​ဢမ်ႇ​လႆႈ​ဢဝ်​ၶူဝ်း​ႁၢပ်ႇ​ၶူဝ်း​ပႃး ၶဝ်ႈ​ၵႃႈ​ၼႂ်း​ဝဵင်း​ၼႂ်း​ဝၼ်း​ၵမ်​သိၼ်​ဢေႃႈ။-</verse>
				<verse number="20">လိုၼ်း​ၼၼ်ႉ ၸဝ်ႈ​ၵုၼ်ႇ​ၸဝ်ႈ​သိၼ်​ဢိၵ်ႇ​တင်း​ၶဝ်​ၸိူဝ်း​ဢၼ်​ၶၢႆ​ၶူဝ်း​ၶၢႆ​လဵင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၸိူဝ်း​ၼၼ်ႉ လႆႈ​ဢွၼ်​ၵၼ်​ၼွၼ်း​ၵႃႈ​တီႈ​ၼွၵ်ႈ​ဝဵင်း​ ယေႇရူႉသလႅမ်ႇ ပွၵ်ႈ​ၼိုင်ႈ သွင်​ပွၵ်ႈ​ဢေႃႈ။-</verse>
				<verse number="21">ၵဝ်​ၵေႃႈ​ပၼ်​သတီႉ​တီႈ​ၶဝ်​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ ႁဵတ်း​သင်​လႄႈ​သူ​ဢွၼ်​ၵၼ်​ၼွၼ်း​ၵႃႈ​တီႈ​လဵပ်ႈ​ႁွပ်ႈ​လမ်း​ဝဵင်း​ၼင်ႇ​ႁိုဝ်။ ၵမ်း​လိုၼ်း​ပေႃး​သူ​ႁဵတ်း​ၸိူဝ်ႉ​ၼင်ႇ​ၼၼ်​ထႅင်ႈ​ၸိုင်၊ ၵဝ်​တၵ်း​တီႉ​ဢဝ်​ၵမ်​ဢဝ်​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၸႃႉ​ၸဵမ်​မိူဝ်ႈ​ၼၼ်ႉ​ၵႂႃႇ​လႄႈ ၶဝ်​ယင်း​ဢမ်ႇ​ဢွၼ်​ၵၼ်​မႃး​ၼႂ်း​ဝၼ်း​ၵမ်​သိၼ်​လႄႈ​ယူႇ​ဢေႃႈ။-</verse>
				<verse number="22">ၵဝ်​ၸီႇ​ယၢင်ႇ​ႁႂ်ႈ​ၵူၼ်း​မဵဝ်း​ လေႇဝီႉ ​တင်း​လၢႆ ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​သေ​လႄႈ မႃး​ပႂ်ႉ​ၽၵ်း​တူ ႁႂ်ႈ​ဝၼ်း​ၵမ်​သိၼ်​လႆႈ​မူတ်း​ၸၢင်ႇ​ဢေႃႈ။ ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ​ႁဝ်း ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ၶႅၼ်း​တေႃႈ​ဢဵတ်း​လူ​ၵႄႇ​သႄႇ​ၶျွတ်ႈ​ဢဝ် ၶႃႈ​ၸဝ်ႈ​ႁဝ်း​ၸွမ်း​ၵႃႈ​ၼင်ႇ​ဢၼ်​ၵရူႉၼႃႇ​ၸဝ်ႈ​ၼမ်​ၼႃႇ​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="23">ၼႂ်း​ၶိင်ႇ​ၵႃႇလႃႉ​မိူဝ်ႈ​ၼၼ်ႉ ၵဝ်​ႁၼ်​ၵူၼ်း​ ယူႉတႃႉ ဢၼ်​ပဵၼ်​ၵူပ်ႉ​ပဵၼ်​ၵူႈ​လူၺ်ႈ​ၵၼ်​တင်း​လုၵ်ႈ​ယိင်း မဵဝ်း​ ဢႃႇၸုတ်ႉ မဵဝ်း​ ဢမ်ႇမုၼ်ႇ မဵဝ်း​ မေႃႇၽႃႉ ​ၵမ်ႈ​ၽွင်ႈ​ဢေႃႈ။-</verse>
				<verse number="24">လုၵ်ႈ​ၶဝ်​လၢင်း​ၶဝ်​ၼၼ်ႉ​မေႃ​လၢတ်ႈ​ၵႂၢမ်း​ ဢႃႇၸုတ်ႉ ​ယေႈ​ၶိုင်ႈ​ၵူၺ်း​လႄႈ၊ ယင်း​ဢမ်ႇ​မေႃ​လၢတ်ႈ​ၵႂၢမ်း​ ယူႉတႃႉ ​လႄႈ လၢတ်ႈ​ၸွမ်း​ၵႂၢမ်း​ၽႃႇသႃႇ​မဵဝ်း​ၽႂ်​မဵဝ်း​မၼ်း​ၼၼ်ႉ​ဢေႃႈ။-</verse>
				<verse number="25">ၵဝ်​တၢင်ႇ​ဢပႅတ်ႈ​တီႈ​ၶဝ်​လႄႈ​သႄႉ​သွမ်း​ၶဝ်​ဢေႃႈ။ ၵဝ်​ဢဝ်​ၵမ်ႈ​ၽွင်ႈ​ပေႃႉ​ယႅၼ်ႉ​လႄႈ ထူၺ်ႈ​ၶူၼ်​ႁူဝ်​ၶဝ်​ပႅတ်ႈ​သေ​လႄႈ ႁႂ်ႈ​ၶဝ်​ဢဝ်​ၽြႃး​ပဵၼ်​ၸဝ်ႈ​တိူင်ႇ​ဝႃႈ​ၵိၼ်ႇ​ဝႃႈ​လႄႈ​ဝႃႈ၊ သူ​ၼႆႉ​ဢမ်ႇ​လႆႈ​ဢဝ်​လုၵ်ႈ​ယိင်း​သူ​ပၼ်​တီႈ​လုၵ်ႈ​ၸၢႆး​ၶဝ်​ၼၼ်ႉ။ ဢမ်ႇ​လႆႈ​သိမ်း​ဢဝ်​လုၵ်ႈ​ယိင်း​ၶဝ်​ပုၼ်ႈ​လုၵ်ႈ​ၸၢႆး​သူ ဢိၵ်ႇ​တင်း​ပုၼ်ႈ​တူဝ်​သူ၊-</verse>
				<verse number="26">သေႃးလမုၼ်ႇ ​ၶုၼ်​ႁေႃ​ၶမ်း​ ဢီႉသရေႇလႃႉ ​ၼၼ်ႉ ႁဵတ်း​ၸိူဝ်ႉ​ၼင်ႇ​ၼၼ်​လႄႈ ႁွတ်ႈ​ထိုင်​တၢင်း​ဢၼ်​ၽိတ်း​ပိူင်ႈ​ဢမ်ႇ​ၸႂ်ႈ​ႁိုဝ်။ ပိၵ်ႉ​သမ်ႉ​ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း ၶုၼ်​ႁေႃ​ၶမ်း​ဢၼ်​မိူၼ်​ၵၼ်​တင်း​မၼ်း​ၼၼ်ႉ ဢမ်ႇ​မီး​လႄႈ မၼ်း​ပဵၼ်​ၵေႃႉ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၽြႃး​ပဵၼ်​ၸဝ်ႈ တေႃႇ​ထိုင်​ႁွတ်ႈ​ထၼ်ႈ​ပေႃး ၽြႃး​ပဵၼ်​ၸဝ်ႈ​ႁႂ်ႈ​မၼ်း​ပဵၼ်​ၶုၼ်​ႁေႃ​ၶမ်း​ ဢီႉသရေႇလႃႉ ​သေ​ၵေႃႈ၊ မႄႈ​ယိင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ ဢွၼ်​ၵၼ်​ႁႂ်ႈ​မၼ်း​ၽိတ်း​ပိူင်ႈ​လူင်​ပႄႇ။-</verse>
				<verse number="27">ႁဝ်း​တၵ်း​လႆႈ​ထွမ်ႇ​ဢဝ်​ၵႂၢမ်း​သူ​သေ​လႄႈ ႁဵတ်း​တူႉ​ၸရိူၵ်ႈ​ဢၼ်​ယႂ်ႇ​ၵႃႈ​မီး​ၼႆႉ ဢၼ်​ဝႃႈ​တၢင်း​ဢၼ်​ႁူမ်ႈ​ပွင်း​ပဵၼ်​ၵူပ်ႉ​ပဵၼ်​ၵူႈ လူၺ်ႈ​ၵၼ်​တင်း​မႄႈ​ယိင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼၼ်ႉ​လႄႈ ၽိတ်း​ပိူင်ႈ​ၽြႃး​ပဵၼ်​ၸဝ်ႈ​ႁဝ်း​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၵွပ်ႈ​ပိူဝ်ႈ​ဢၼ်​လုၵ်ႈ​ၸၢႆး​ ယေႃးယတႃႉ ၊ ဢၼ်​ပဵၼ်​လုၵ်ႈ​ၸၢႆး​ ဢေးလျႃႇသိပ်ႉ ၶုၼ်​ယိတ်ႈပရေႃးႁဵၵ်ႈ​ၼၼ်ႉ​ၵေႃႉ​ၼိုင်ႈ ပဵၼ်​လုၵ်ႈ​ၶူၺ်​ သၼ်ႇပႃးလတ်ႉ ၵူၼ်း​ ႁေႃႇရၼီႉ ​ၼၼ်ႉ​လႄႈ ၵဝ်​ႁေႃႈ​မၼ်း​ၼၼ်ႉ​ဢွၵ်ႇ​ပႅတ်ႈ​သေ​ဢေႃႈ။-</verse>
				<verse number="29">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ၶဝ်​ၼၼ်ႉ ႁဵတ်း​ႁႂ်ႈ​ဢရႃႇ​ယိတ်ႈပရေႃးႁဵၵ်ႈ​ဢိၵ်ႇ​တင်း​ပတီႉၺိၺ်ႇ​ဢၼ်​ႁဵတ်း​လူၺ်ႈ​ၵၼ်​တင်း​ယိတ်ႈပရေႃးႁဵၵ်ႈ တင်း​ၵူၼ်း​မဵဝ်း​ လေႇဝီႉ ​ၼၼ်ႉ ၵူဝ်ႈ​ၵိူၵ်ႇ​ၼၼ်ႉ​လႄႈ ၶႅၼ်း​တေႃႈ​မၢတ်ႈ​တွင်း​ၶဝ်​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="30">ၼင်ႇ​ၼၼ်​လႄႈ ၵဝ်​ႁႂ်ႈ​ၶဝ်​မူတ်း​သႂ် ၵၢင်း​လွတ်ႈ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​သေ​လႄႈ ၶၢၼ်း​ယိတ်ႈပရေႃးႁဵၵ်ႈ ဢိၵ်ႇ​တင်း​ၵူၼ်း​မဵဝ်း​ လေႇဝီႉ ​ၸိူဝ်း​ၼၼ်ႉ​ဝႆႉ ပဵၼ်​မုၵ်ႉ​ပဵၼ်​ၸိူဝ်း​ပုၼ်ႈ တၢင်း​ႁဵတ်း​ၽႂ်​တၢင်း​ႁဵတ်း​မၼ်း၊-</verse>
				<verse number="31">ဢိၵ်ႇ​တင်း ပုၼ်ႈ​ဢၼ်​တၵ်း​ပုၵ်ႈ​ၸေႃႇ တၢင်း​ပုၵ်ႈ​ၸေႃႇ​ၽိုၼ်း ဢိၵ်ႇ​တင်း မၢၵ်ႇ​ဢၼ်​မၢၵ်ႇ​ဢွၼ်​တၢင်း​ၼႂ်း​ၶိင်ႇ​ဢၼ်​မၵ်း​ၶၢၼ်း​ဝႆႉ​ၼၼ်ႉ​ဢေႃႈ။ ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ​ႁဝ်း ပုၼ်ႈ​ဢၼ်​လီ​ဢၼ်​ငၢမ်း​သေ​ၵမ်း​တီႈ​ၶႃႈ။ လိၵ်ႈ​မၢတ်ႈ​လွင်ႈ​ၼေႇႁမီႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="17">
			<chapter number="1">
				<verse number="1">ၼႂ်း​ၸူဝ်ႈ​ပၢၼ် ဢႃႇသူၺ်ႇရူႉ ဢၼ်​ပဵၼ်​ ဢႃႇသူၺ်ႇရူႉ ​ဢၼ်​လႆႈ​ဢုပ်ႉ​ပိူင်ႇ ၸႃႉ​ၸဵမ်​မိူင်း​ ဢိၼ်ႇတျႃႉ တေႃႇ​ထိုင်​ႁွတ်ႈ​မိူင်း​ ၵူႉသႃႉ ၊ မိူင်း​ပၢၵ်ႇ​သၢဝ်း​ပၢႆ​ၸဵတ်း​မိူင်း​ၼၼ်ႉ၊-</verse>
				<verse number="2">ၼႂ်း​မိူဝ်ႈ​ဢၼ်​ၶုၼ်​ႁေႃ​ၶမ်း​ ဢႃႇသူၺ်ႇရူႉ ​ၼၼ်ႉ ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ သိုင်ႇ​ၸိုင်ႈ​ဝၢၼ်ႈ​မိူင်း​ယူႇ ၵႃႈ​ၼႂ်း​ႁေႃ​ၶမ်း​ သူႉသၼ်ႇ ​လႄႈ ၸၢမ်ႇ​ႁၢင်ႈ​ၸၢမ်ႇ​ႁေႃ​လႆႈ​သၢမ်​ပီႊ​ၼၼ်ႉ​ၸိုင်၊-</verse>
				<verse number="3">မၼ်း​ၶၢမ်ႇ​ပွႆး​ပုၼ်ႈ​မူး​မၢတ်ႈ​ၽွင်း​မိူင်း​ၸဝ်ႈ ၶႃႈ​ၵူၼ်း​ၸဝ်ႈ​တင်း​သဵင်ႈ​တင်း​လူင်​လႄႈ၊ ၶုၼ်​ပူဝ်ႇ​ ပေႇရသီႉ ​လႂ်၊ ၶုၼ်​ပူဝ်ႇ​ မေႇတီႉ ​လႂ်၊ မူး​မၢတ်ႈ​ၽွင်း​မိူင်း ဢိၵ်ႇ​တင်း​ၶုၼ်​ၵူႈ​သိုင်ႇ​ၵူႈ​မိူင်း​လႂ်၊ ဢွၼ်​ၵၼ်​မီး​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="4">မိူဝ်ႈ​ၼၼ်ႉ မၼ်း​ၼႄ​ပျႃး​ၸေး​ၸိမ်ႇ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ဢၼ်​မုၼ်ႈ​ယႂ်ႇ​ၼႃႇ ဢိၵ်ႇ​တင်း​ၽုင်း​ဢႃႇၼူႉၽေႃႇ​ၸဝ်ႈ​ဢၼ်​မျၢတ်ႈ​လီ​ၼႃႇ​ၼၼ်ႉ ပၢၵ်ႇ​ပၢႆ​ပႅတ်ႇ​သိပ်း​ဝၼ်း​တဵမ်​တဵမ်​ဢေႃႈ။-</verse>
				<verse number="5">မိူဝ်ႈ​ဢၼ်​ၶိင်ႇ​ဝၼ်း​ၸိူဝ်း​ၼၼ်ႉ​ၸေး​ယဝ်ႉ​ၼၼ်ႉ​ၸိုင်၊ ၶုၼ်​ႁေႃ​ၶမ်း​သမ်ႉ​ၶၢမ်ႇ​ပွႆး​ၵႃႈ​ၼႂ်း​ဝၢင်း​သူၼ်​ဢူးယဵၼ်ႇ ၵႃႈ​ႁိမ်း​ႁေႃ​ၶမ်း ပုၼ်ႈ​ၵူၼ်း​တင်း​သဵင်ႈ​တင်း​လူင်​ၸဵမ်​လဵၵ်ႉ​ၸဵမ်​ယႂ်ႇ ဢၼ်​ၸူႉ​ၵၼ်​တုမ်​ၵၼ်​ၵႃႈ​တီႈ​ႁေႃ​ၶမ်း​ သူႉသၼ်ႇ ​ၼၼ်ႉ​ၸိူဝ်း​ၼၼ်ႉ ၸဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="6">ၵႃႈ​တီႈ​ၼၼ်ႈ ပျေႉ​ၸုမ်ႇ​ဝႆႉ​တင်း​ၽႃႈ​ၵင်ႈ​ပိၵ်ႈ​ၶျေႃး​ဢၼ်​ၽိူၵ်ႇ၊ ဢၼ်​ၶဵဝ်၊ ဢၼ်​သွမ်ႇ ဢၼ်​ဢဝ်​ၸိူၵ်ႈ​ပိၵ်ႈ​ၶျေႃး​ဢၼ်​လႅင်​ၵမ်ႇ မတ်ႉ​ႁွႆႈ​ဝႆႉ​ၵႃႈ​တီႈ​ၶူၺ်ႇ​ငိုၼ်း ၵႃႈ​တီႈ​သဝ်​မၢၵ်ႇ​ႁိၼ်​ၽိူၵ်ႇ​တင်း​လၢႆ ဢိၵ်ႇ​တင်း​တင်း​ငူင်း​ငိုၼ်း တင်း​ငူင်း​ၶမ်း ဢၼ်​တၢင်ႇ​ဝႆႉ​ၵႃႈ​ၼိူဝ်​ၶႅပ်း​မၢၵ်ႇ​ႁိၼ် ဢၼ်​သိူဝ်ႇ​ဝႆႉ​လႄႈ ပဵၼ်​ဢၼ်​လႅင်​ဢၼ်​သွမ်ႇ ဢၼ်​ၽိူၵ်ႇ​ဢၼ်​လမ်​ဝႆႉ​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="7">ၶဝ်​ဢွၼ်​ၵၼ် ဢဝ်​ၵွၵ်း​ၶမ်း​ဢၼ်​လၢၵ်ႇ​ပိူင်ႈ​ၵၼ်​ၼၼ်ႉ ပၼ်​သူတ်ႉ​ပၼ်​ၵိၼ် ၼမ်ႉ​ၸပိတ်ႈ​ဢၼ်​ၼမ်​ၼႃႇ​လူင်​လၢင် မႅၼ်ႈ​ၸွမ်း​ၸေး​ၸိမ်ႇ​ၶုၼ်​ႁေႃ​ၶမ်း​ၼၼ်ႉ​ဢေႃႈ။-</verse>
				<verse number="8">ဢမူႉ​တၢင်း​ဢၼ်​သူတ်ႉ​ၵိၼ်​ၼမ်ႉ​ၸပိတ်ႈ​ၼၼ်ႉ ပဵၼ်​ၸွမ်း​ၼင်ႇ​တြႃး​ဢေႃႈ။ ၽူႈ​လႂ်​ဢမ်ႇ​ႁဵတ်း​ပႄႉ​ႁဵတ်း​ၼႅင်ႇ ႁႂ်ႈ​ၽူႈ​လႂ်​လႆႈ​သူတ်ႉ​လႆႈ​ၵိၼ်။ ၶုၼ်​ႁေႃ​ၶမ်း​မီး​ဢမိင်ႉ​ဝႆႉ တီႈ​ၶဝ်​ၵႃႈ​ဢၼ်​မီး​ဢရႃႇ​ၵႃႈ​ၼႂ်း​ႁေႃ​ၶမ်း​ၼၼ်ႉ ႁႂ်ႈ​ၵူႈ​ၵေႃႉ​ၵူႈ​ၵူၼ်း လႆႈ​ႁဵတ်း​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="9">ၼၢင်း​ႁေႃ​ၶမ်း​ ဝႃႇသတီႉ ၵေႃႈ​ၶၢမ်ႇ​ပွႆး​ပုၼ်ႈ​မႄႈ​ယိင်း ဢၼ်​မီး​ၵႃႈ​ၼႂ်း​ႁေႃ​ၶမ်း​ၶုၼ်​လူင်​ ဢႃႇသူၺ်ႇရူႉ ​ၼၼ်ႉ​ဢေႃႈ။</verse>
				<verse number="10">ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ မိူဝ်ႈ​ဢၼ်​ၶုၼ်​ႁေႃ​ၶမ်း​သူတ်ႉ​ၵိၼ်​ၼမ်ႉ​ၸပိတ်ႈ​လႄႈ မီး​ၸႂ်​ဢၼ်​သႂၢင်ႇ​သိူဝ်း​ၼၼ်ႉ​ၸိုင်၊-</verse>
				<verse number="11">မၼ်း​မီး​ဢမိင်ႉ​တီႈ မႁူႉမၼ်ႇ၊ ပီႉၸသႃႉ၊ ႁႃႇပေႃႇၼႃႉ၊ ပီႉၵသႃႇ၊ ဢပႃႇၵသႃႉ၊ ၸေႇသႃႇ၊ ၵႃႇၵတ်ႉ ဢၼ်​ပဵၼ်​ၵူၼ်း​ထိင်း​ၼၢင်း​ၸဵတ်း​ၵေႃႉ ဢၼ်​ၶႃး​ၸႃး​ယူႇ​ၵႃႈ​တီႈ​ၽၢႆႇ​ၼႃႈ​ၶုၼ်​လူင်​ ဢႃႇသူၺ်ႇရူႉ ​ၼၼ်ႉ ႁႂ်ႈ​ၶဝ်​ၼၼ်ႉ ႁႂ်ႈ​ၼၢင်း​ႁေႃ​ၶမ်း​ ဝႃႇသတီႉ တိုဝ်း​မွၵ်ႇ​ႁူဝ်​ရႃႇၸႃႉ​သရၽူႇ​သေ​လႄႈ ဢဝ်​မႃး​တီႈ​မၼ်း ႁႂ်ႈ​လႆႈ​ၼႄ​ပျႃး​တၢင်း​ဢၼ်​ၼၢင်း​ႁေႃ​ၶမ်း​ႁၢင်ႈ​လီ​ၼၼ်ႉ တီႈ​ၶုၼ်​တင်း​လၢႆ ဢိၵ်ႇ​တင်း​ၵူၼ်း​တင်း​လၢႆ​ၸိူဝ်း​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​ၼၼ်ႉ​ႁၢင်ႈ​လီ​ၼႃႇ​လူင်​လၢင်​ၼၼ်ႉ​ဢေႃႈ။-</verse>
				<verse number="12">ၵူၺ်း​ၵႃႈ​ၼၢင်း​ႁေႃ​ၶမ်း​ ဝႃႇသတီႉ ​ၼၼ်ႉ တွပ်ႇ​ထဵင်​ဢမိင်ႉ​ၶုၼ်​ႁေႃ​ၶမ်း ဢၼ်​ၵူၼ်း​ထိင်း​ၼၢင်း​ၸိူဝ်း​ၼၼ်ႉ​ဢဝ်​မႃး​သင်ႇ​လၢတ်ႈ​ၼၼ်ႉ​ပႅတ်ႈ​လႄႈ ယင်း​ဢမ်ႇ​မႃး​လႄႈ​ယူႇ​ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၶုၼ်​ႁေႃ​ၶမ်း​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​လႄႈ မီး​တၢင်း​ဢၼ်​ၽႆး​တေႃး​သႃႉ​မႆႈ​သေ​လႄႈ​ယူႇ​ဢေႃႈ။</verse>
				<verse number="13">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ႁွင်ႉ​ဢဝ် ပိင်ႇ​ၺႃႇ​သီႉ ဢၼ်​ႁူႉ​လွင်ႈ​ႁၼ်​တၢင်း​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ်​ထုင်း​ၸၢမ်ႇ​ဢၼ်​ၶုၼ်​ႁေႃ​ၶမ်း​တိူင်ႇ​ပၢင်ႇ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​မေႃ​တြႃး​လႄႈ ၸၢင်ႈ​ၸီႇ​ယၢင်ႇ​ၸိူဝ်း​ၼၼ်ႉ​ၼၼ်ႉ​လႄႈ၊-</verse>
				<verse number="14">ၵႃႇသေႇၼႃႉ၊ သေးသႃႇ၊ ဢႃႇတမႃႇသႃႉ၊ တႃႇရီႉသႃႇ၊ မေႇရိတ်ႈ၊ မႃႇသေႇၼႃႉ၊ မမူႉၵၼ်ႇ ဢၼ်​ဝႃႈ​ၶုၼ်​ဢတႂၢင်းဝုၼ်ႇ​ ပေႇရသီႉ၊ မေႇတီႉ ဢၼ်​လႆႈ​ထူပ်း​ႁၼ်​ၼႃႈ​ၶုၼ်​ႁေႃ​ၶမ်း​ယူႇ​သေ​လႄႈ မျၢတ်ႈ​လီ​ၼႃႇ​သေ​ပိူၼ်ႈ​ၵႃႈ​ၼႂ်း​မိူင်း​ၸဝ်ႈ​ၼၼ်ႉ ၸဵတ်း​ပႃး​ၼၼ်ႉ​ၵေႃႈ ၼင်ႈ​ယူႇ​ၵႃႈ​တီႈ​ႁိမ်း​မၼ်း​လႄႈ၊-</verse>
				<verse number="15">မၼ်း​မီး​ဢမိင်ႉ​တွင်ႈ​ထၢမ်​လႄႈ​ဝႃႈ၊ ၸွမ်း​လူၺ်ႈ​ထမ်ႇမသၢတ်ႈ​သေ​လႄႈ တၵ်း​လႆႈ​ၸီႇ​ယၢင်ႇ​တီႈ ၼၢင်း​ႁေႃ​ၶမ်း​ ဝႃႇသတီႉ ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​ထွမ်ႇ​ဢဝ်​ဢမိင်ႉ​ၶုၼ်​ႁေႃ​ၶမ်း​ ဢႃႇသူၺ်ႇရူႉ ဢၼ်​ၵူၼ်း​ထိင်း​ၼၢင်း​ၶဝ်​ဢဝ်​ၵႂႃႇ​သင်ႇ​လၢတ်ႈ​ၼၼ်ႉ​ၸိူဝ်ႉ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="16">မမူႉၵၼ်ႇ လဝ်ႊ​လၢတ်ႈ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း ဢိၵ်ႇ​တင်း​မူး​မၢတ်ႈ​ၽွင်း​မိူင်း​တင်း​လၢႆ​လႄႈ​ဝႃႈ၊ ၼၢင်း​ႁေႃ​ၶမ်း​ ဝႃႇသတီႉ ​ၼၼ်ႉ​ၽိတ်း​ပိူင်ႈ​ၸဝ်ႈ​ၶုၼ်​လူင်​ၵူၺ်း​ဢမ်ႇ​ၸႂ်ႈ​တီႈ​ၶႃႈ။ ၽိတ်း​ပိူင်ႈ​ၶုၼ်​တင်း​သဵင်ႈ​တင်း​လူင် ဢိၵ်ႇ​တင်း​ၶႃႈ​ဝၢၼ်ႈ​ၵူၼ်း​မိူင်း​ၵႃႈ​ဢၼ်​မီး​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ ဢၼ်​ၸဝ်ႈ​ၶုၼ်​လူင် ဢႃႇသူၺ်ႇရူႉ ဢုပ်ႉ​ပိူင်ႇ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="17">လွင်ႈ​တၢင်း​ဢၼ်​ၼၢင်း​ႁေႃ​ၶမ်း​ႁဵတ်း​ၼႆႉ တၵ်း​ငိၼ်း​ႁွတ်ႈ​ၸွတ်ႇ​ၵႂႃႇ ၵႃႈ​တီႈ​မႄႈ​ယိင်း​တင်း​သဵင်ႈ​တင်း​လူင်​လႄႈ ႁႂ်ႈ​ၽူဝ်​ၶဝ်​ပဵၼ်​ဢၼ်​တႅမ်ႇ​ယေႃႈ​မဝ်​မၢင်​သိုဝ်ႈ​ၼႃႈ​တႂ်ႈ​တႃ​ၶဝ် ၼႂ်း​မိူဝ်ႈ​ဢၼ်​ပိူၼ်ႈ​လၢတ်ႈ​လႄႈ​ဝႃႈ၊ ၶုၼ်​ႁေႃ​ၶမ်း​ ဢႃႇသူၺ်ႇရူႉ မီး​ဢမိင်ႉ​ႁႂ်ႈ​ဢဝ်​ၼၢင်း​ႁေႃ​ၶမ်း​ ဝႃႇသတီႉ မႃး​ၵႃႈ​တီႈ​ၽၢႆႇ​ၼႃႈ​မၼ်း​လႄႈ မၼ်း​ၼၼ်ႉ​ယင်း​ဢမ်ႇ​မႃး​လႄႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="18">မႄႈ​ယိင်း​ဢၼ်​ပဵၼ်​ၸွႆႈ​ပဵၼ်​ၼၢင်း​ ပေႇရသီႉ ဢိၵ်ႇ​တင်း​ မေႇတီႉ ​ၸိူဝ်း​ၼၼ်ႉ​တၵ်း​ဢွၼ်​ၵၼ်​ငိၼ်း​ဢမူႉ ဢၼ်​ၼၢင်း​ႁေႃ​ၶမ်း​ႁဵတ်း​ၼႆႉ​သေ​လႄႈ တၵ်း​ၶိုၼ်း​တွပ်ႇ​ၶိုၼ်း​လၢတ်ႈ တီႈ​မူး​မၢတ်ႈ​ၽွင်း​မိူင်း​ၸဝ်ႈ​ၶုၼ်​လူင် မိူၼ်​ၸိူဝ်ႉ​ၼင်ႇ​ၼၼ်​လႄႈ တၵ်း​မီး​လွင်ႈ​ဢၼ် ၸႂ်​ဢမ်ႇ​ၸၢင်ႈ​ဢႃး​ၼႃႇ၊ ၸႂ်​တေႃး​သႃႉ​ၽႄႈ​ၵႂၢင်ႈ​ၼမ်​ၼႃႇ​တီႈ​ၶႃႈ​ဢေႃႈ။-</verse>
				<verse number="19">ပေႃး​ၸဝ်ႈ​ၶုၼ်​လူင်​မီး​ဢလူဝ်ႇ​ၸိုင်၊ ႁႂ်ႈ​ၸဝ်ႈ​ၶုၼ်​လူင်​ပူင်​ဢမိင်ႉ​လႄႈ ၶႅၼ်း​တေႃႈ​ႁႂ်ႈ​ဢဝ်​သႂၢင်း​သႂ်ႇ​တႅမ်ႈ​ဝႆႉ​ၵႃႈ​ၼႂ်း​ထမ်ႇမသၢတ်ႈ ပေႇရသီႉ၊ မေႇတီႉ ဢၼ်​ဢမ်ႇ​ၶၢႆႉ​ဢမ်ႇ​ပုတ်ႈ​လႆႈ​ၼၼ်ႉ လူၺ်ႈ​လွင်ႈ​ဢၼ်​ ဝႃႇသတီႉ ​ၼၼ်ႉ ၵမ်း​လိုၼ်း​တၵ်း​ဢမ်ႇ​လႆႈ​ၶဝ်ႈ​ၸူး​ၵႃႈ​တီႈ​ၸဝ်ႈ​ၶုၼ်​လူင် ဢႃႇသူၺ်ႇရူႉ ​ၼၼ်ႉ​သေ​ၵမ်း​တီႈ​ၶႃႈ။ ႁႂ်ႈ​ၸဝ်ႈ​ၶုၼ်​လူင်​ဢဝ်​ဢရႃႇ​မၼ်း​ပၼ်​တီႈ​မႄႈ​ယိင်း​ဢၼ်​လီ​ၼႃႇ​သေ​မၼ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="20">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸမ်ႉ၊ မိူဝ်ႈ​ဢၼ်​ဢမိင်ႉ​ၸဝ်ႈ ဢၼ်​ၸဝ်ႈ​ၶုၼ်​လူင်​ပူင်​ၼၼ်ႉ သႃႈ​ၸွတ်ႇ​ၵႂႃႇ​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ဢၼ်​ယႂ်ႇ​ၵႂၢင်ႈ​ၼႃႇ​ၵူႈ​တီႈ​ၵူႈ​လႅၼ်​ယဝ်ႉ​ၼၼ်ႉ​ၸိုင်၊ မႄႈ​ယိင်း​တင်း​သဵင်ႈ​တင်း​လူင် တၵ်း​ဢွၼ်​ၵၼ်​ႁဵတ်း​ရူဝ်ႇ​သေႇ​ၵူဝ်​ယမ်​ၽူဝ်​ၶဝ် ဢၼ်​ယုတ်ႈ​ဢၼ်​မျၢတ်ႈ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၵႂၢမ်း​ၼၼ်ႉ​ပဵၼ်​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၶုၼ်​ႁေႃ​ၶမ်း ဢိၵ်ႇ​တင်း​မူး​မၢတ်ႈ​ၽွင်း​မိူင်း​ၸဝ်ႈ​တင်း​လၢႆ​လႄႈ ၶုၼ်​ႁေႃ​ၶမ်း​ႁဵတ်း​ၸွမ်း​ၵႃႈ​ၼင်ႇ​ဢၼ် မမူႉၵၼ်ႇ ​လဝ်ႊ​လၢတ်ႈ​ၼၼ်ႉ​လႄႈ၊-</verse>
				<verse number="22">ပၼ်​လိၵ်ႈ​ဢမိင်ႉ​ၸဝ်ႈ​ၵႂႃႇ​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း ၵူႈ​တီႈ​ၵူႈ​လႅၼ်၊ ၵႃႈ​တီႈ​ၵူႈ​သိုင်ႇ​ၵူႈ​မိူင်း ၸွမ်း​လူၺ်ႈ​ၵႂၢမ်း​ၽႃႇသႃႇ မိူင်း​ၽႂ်​မိူင်း​မၼ်း၊ ၵႃႈ​တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸွမ်း​လူၺ်ႈ​ၵႂၢမ်း​ၽႃႇသႃႇ​ႁင်း​ၽႂ်​ႁင်း​မၼ်း​ၼၼ်ႉ လူၺ်ႈ​လွင်ႈ​ဢၼ်​ၵူႈ​ၵေႃႉ​ၵူႈ​ၵူၼ်း တၵ်း​လႆႈ​ဢုပ်ႉ​ပိူင်ႇ​ႁိူၼ်း​တူဝ်​ၸဝ်ႈ​ၵဝ်ႇ​လႄႈ ဢမိင်ႉ​ၸဝ်ႈ​ၼႆႉ မွၵ်ႇ​လၢတ်ႈ​ၸွမ်း​လူၺ်ႈ​ၵႂၢမ်း​ၽႃႇသႃႇ​ၵူၼ်း​မဵဝ်း​ၽႂ်​မဵဝ်း​မၼ်း​ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">လိုၼ်း​ၼၼ်ႉ ၶုၼ်​ႁေႃ​ၶမ်း​ ဢႃႇသူၺ်ႇရူႉ ​ၼၼ်ႉ၊ မိူဝ်ႈ​ဢၼ်​ၸႂ်​ၸဝ်ႈ​ပေႇ​ယဝ်ႉ​ၼၼ်ႉ​ၸိုင် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ဝႃႇသတီႉ ဢိၵ်ႇ​တင်း​ဢမူႉ​ဢၼ်​မၼ်း​ႁဵတ်း ဢိၵ်ႇ​တင်း​ဢမူႉ​ဢၼ်​ၸီႇ​ယၢင်ႇ​တီႈ​မၼ်း​ၼၼ်ႉ​ဢေႃႈ။-</verse>
				<verse number="2">ၶႃႈ​ၶုၼ်​ႁေႃ​ၶမ်း​ဢၼ်​ၶႃး​ၸႃး​ယူႇ​ၸိူဝ်း​ၼၼ်ႉ​ၵေႃႈ၊ ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ၶႅၼ်း​တေႃႈ​ပၼ်​ဢၶႂၢင်ႉ​ႁႂ်ႈ​လႆႈ​ႁႃ​ဢဝ်​ၵၼ်ႇ​ၺႃႇ​လုၵ်ႈ​ယိင်း​သၢဝ်​ဢၼ်​ႁၢင်ႈ​လီ​တင်း​လၢႆ ပုၼ်ႈ​ၸဝ်ႈ​ၶုၼ်​လူင်​သေ​ၵမ်း​တီႈ​ၶႃႈ။-</verse>
				<verse number="3">ၶႅၼ်း​တေႃႈ​ၶၢၼ်း​ၶုၼ်​ဢရႃႇသီႉ​ဝႆႉ​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ ႁႂ်ႈ​ၶဝ်​ႁႂ်ႈ​ၵၼ်ႇ​ၺႃႇ​လုၵ်ႈ​ယိင်း​သၢဝ်​ဢၼ်​ႁၢင်ႈ​လီ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​ၵႃႈ​ၼႂ်း​တီႈ​ယူႇ​ၸိူင်ႉ​ၼၢင်း ၵႃႈ​တီႈ​ႁေႃ​ၶမ်း​ သူႉသၼ်ႇ ​လႄႈ ဢၢပ်ႈ​ဝႆႉ​ၵႃႈ​တီႈ​ ႁေႇၵႄး ၵူၼ်း​ထိင်း​ၼၢင်း​ဢၼ်​ဢုပ်ႉ​ၵႃႈ​ၼိူဝ်​ၸိူင်ႉ​ၼၢင်း​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဢဝ်​မဵဝ်း​ယႃႈ​မဵဝ်း​ယႃ​ဢၢပ်ႇ​ပၼ်​ပုၼ်ႈ​ဢၼ်​တၵ်း​ႁႂ်ႈ​ၶဝ် မူတ်း​သႂ်​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="4">ၶႅၼ်း​တေႃႈ​ဢဝ် ၵၼ်ႇ​ၺႃႇ​လုၵ်ႈ​ယိင်း​သၢဝ် ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၸဝ်ႈ​ၶုၼ်​လူင်​ၼၼ်ႉ ႁႂ်ႈ​ပဵၼ်​ၼၢင်း​ႁေႃ​ၶမ်း တၢင်​တူဝ်​ ဝႃႇသတီႉ ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ ၵႂၢမ်း​ဢၼ်​လဝ်ႊ​လၢတ်ႈ​ၼၼ်ႉ ထုၵ်ႇ​ၸႂ်​ၵျိူၵ်ႈ​ၸႂ်​ၶုၼ်​ႁေႃ​ၶမ်း​လႄႈ မၼ်း​ၸီႇ​ယၢင်ႇ​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="5">မိူဝ်ႈ​ၼၼ်ႉ​မီး​ၵူၼ်း​ ယူႉတႃႉ ဢၼ်​လႆႈ​ၸိုဝ်ႈ​လႆႈ​သဵင် မေႃႇတၵႄး ​ပဵၼ်​လုၵ်ႈ​ၸၢႆး ယႃႇဢီႉရႃႉ ၊ လုၵ်ႈ​ၸၢႆး​ သီႉမီႉ ၊ လုၵ်ႈ​ၸၢႆး​ ၵီႉသႃႉ မဵဝ်း​ ပိၼ်ႇယႃႇမိၼ်ႇ ​ၼၼ်ႉ​ၵေႃႉ​ၼိုင်ႈ ၵႃႈ​ၼႂ်း​ႁေႃ​ၶမ်း​ သူႉသၼ်ႇ ​ၼၼ်ႉ​ဢေႃႈ။-</verse>
				<verse number="6">မၼ်း​ၼၼ်ႉ​ပဵၼ်​ၵေႃႉ​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​သေ ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ၶဝ်ႈ​ပႃး​ၼႂ်း​မုၵ်ႉ​ၼႂ်း​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​လူၺ်ႈ​ၵၼ်​တင်း​ ယေႇၶေႃးၼီႉ ၶုၼ်​ႁေႃ​ၶမ်း​ ယူႉတႃႉ ဢၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ သိမ်း​ဢဝ်​ၵႂႃႇ​ၼၼ်ႉ​ဢေႃႈ။-</verse>
				<verse number="7">မၼ်း​ၼၼ်ႉ​ၵဵပ်း​လဵင်ႉ​ၵဵပ်း​လူ ႁတတ်ႉသႃႉ ၊ ဢၼ်​ဝႃႈ ဢေးသတႃႇ ​လုၵ်ႈ​ယိင်း​ပေႃႈ​ၼႃႉ​မၼ်း​ၼၼ်ႉ​ဝႆႉ​ဢေႃႈ။ လုၵ်ႈ​ယိင်း​ၼၼ်ႉ ဢမ်ႇ​မီး​ပေႃႈ​မီး​မႄႈ၊ ပဵၼ်​ၵေႃႉ​ဢၼ်​ႁၢင်ႈ​ၽၢင်​တူဝ်​ၶိင်း​ယဵၼ်ႇ​လႄႈ ၼိူဝ်ႉ​ၼင်​ႁၢင်ႈ​လီ​ဢေႃႈ။ မိူဝ်ႈ​ဢၼ်​ပေႃႈ​မႄႈ​မၼ်း​တၢႆ​ၼၼ်ႉ မေႃႇတၵႄး ဢဝ်​မၼ်း​ႁဵတ်း​လုၵ်ႈ​ႁဵတ်း​လၢင်း​ဝႆႉ ပဵၼ်​ၸိူဝ်ႉ​ၼင်ႇ​လုၵ်ႈ​ယိင်း​ဢွၵ်ႇ​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="8">မိူဝ်ႈ​ဢၼ် ဢဝ်​ဢမိင်ႉ​ၶုၼ်​ႁေႃ​ၶမ်း​ဢွၵ်ႇ​လႄႈ​ပၢဝ်ႇ​သေႃႇ​လႄႈ ၶဝ်​ႁႂ်ႈ​ၵၼ်ႇ​ၺႃႇ​လုၵ်ႈ​ယိင်း​သၢဝ်​ၼမ်​ၼႃႇ ၸူႉ​ၵၼ်​တုမ်​ၵၼ်​ၵႃႈ​တီႈ​ႁေႃ​ၶမ်း​ သူႉသၼ်ႇ ​သေ​လႄႈ ဢၢပ်ႈ​တီႈ​ ႁေႇၵႄး ​ၼၼ်ႉ​ၸိုင် ၶဝ်​ဢဝ်​ ဢေးသတႃႇ ​ၼၼ်ႉ​သႂၢင်း​ၶဝ်ႈ​ၵႃႈ​ၼႂ်း​ႁေႃ​ၸဝ်ႈ​လႄႈ ဢၢပ်ႈ​ပၼ်​တီႈ ႁေႇၵႄး ​ၵေႃႉ​ဢၼ်​ထိင်း​ၼၢင်း​ၼၼ်ႉ​ဢေႃႈ။-</verse>
				<verse number="9">မႄႈ​ယိင်း​ၼၼ်ႉ ထုၵ်ႇ​ၸႂ်​ၵျိူၵ်ႈ​ၸႂ်​မၼ်း​ၼၼ်ႉ​လႄႈ လႆႈ​ၼႃႈ​လႆႈ​တႃ​တီႈ​မၼ်း​ၼၼ်ႉ​သေ​လႄႈ၊ မၼ်း​ၼၼ်ႉ​ဢဝ်​မဵဝ်း​ယႃႈ​မဵဝ်း​ယႃ​ပုၼ်ႈ​ဢၼ်​တၵ်း​ႁႂ်ႈ​မူတ်း​သႂ် ဢိၵ်ႇ​တင်း​ၶိူင်ႈ​ၼုင်ႈ​တၢင်း​မႆ ဢၼ်​တၵ်း​လႆႈ​ဢၢပ်ႈ​ပၼ်​ၼၼ်ႉ တင်း​ၶႃႈ​မႄႈ​ယိင်း​ဢၼ်​လိူၵ်ႈ​ၵဵပ်း​ဢဝ်​ၵႃႈ​ၼႂ်း​ႁေႃ​ၸဝ်ႈ​လႄႈ ထုၵ်ႇ​လီ​ပၼ်​ၼၼ်ႉ​ၸဵတ်း​ၵေႃႉ ဢၢပ်ႈ​ပၼ်​ၶၼ်​ၶၼ်​ၽႂ်း​ၽႂ်း​လႄႈ ယုၵ်ႉ​ယွင်ႈ​ဢဝ်​မၼ်း ဢိၵ်ႇ​တင်း​ၶႃႈ​မႄႈ​ယိင်း​မၼ်း​ၸိူဝ်း​ၼၼ်ႉ​ဝႆႉ​တီႈ​ဢၼ်​မျၢတ်ႈ​ၼႃႇ​သေ​ပိူၼ်ႈ ၵႃႈ​ၼႂ်း​ႁေႃ​မႄႈ​ယိင်း​ၼၼ်ႉ​ဢေႃႈ။-</verse>
				<verse number="10">ဢေးသတႃႇ ယင်း​ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး​မဵဝ်း​မၼ်း ဢိၵ်ႇ​တင်း ပီႈ​ၼွင်ႉ​ၸိူဝ်ႉ​ၶိူဝ်း​မၼ်း ၵွပ်ႈ​ပိူဝ်ႈ​ဢၼ်​ မေႃႇတၵႄး ပၼ်​သတီႉ လွင်ႈ​ဢၼ်​မၼ်း​တၵ်း​ဢမ်ႇ​လႆႈ​ၽုၺ်ႇ​ဢွၵ်ႇ​ၼႄ​ပျႃး​ၼၼ်ႉ​လႄႈ​ယူႇ​ဢေႃႈ။-</verse>
				<verse number="11">မေႃႇတၵႄး ​ၵေႃႈ ၵႂႃႇ​မႃး​ၵႃႈ​တီႈ​ၽၢႆႇ​ၼႃႈ​ဝၢင်း​ႁေႃ​မႄႈ​ယိင်း​ၸိူဝ်း​ၼၼ်ႉ​ယူႇ​ၵူႈ​ဝၼ်း ႁႂ်ႈ​လႆႈ​ႁူႉ​လွင်ႈ​ဢၼ် ဢေးသတႃႇ ​ယူႇ​လီ​ယူႇ​ၸႃႉ​ၸိူဝ်ႉ​ၼင်ႇ​ႁိုဝ် ဢိၵ်ႇ​တင်း​လွင်ႈ​ဢၼ်​ၶဝ်​တၵ်း​ႁဵတ်း​တီႈ​မၼ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ။</verse>
				<verse number="12">လုၵ်ႈ​ယိင်း​သၢဝ်​ၵေႃႉ​လႂ်​သေ​ဢမ်ႇ​ဝႃႈ၊ လိုၼ်း​သေ​ဢၼ်​မၼ်း​လႆႈ​ၶၢမ်ႇ​တၢင်း​ဢၼ်​ႁဵတ်း​တီႈ​မၼ်း ၸွမ်း​ၵႃႈ​ၼင်ႇ​ဢၼ်​ထုင်း​ၸၢမ်ႇ​မႄႈ​ယိင်း​တင်း​လၢႆ​မီး​လႄႈ​ၸေး​သိပ်း​သွင်​လိူၼ်​တဵမ်​တဵမ်​ယဝ်ႉ​ၼၼ်ႉ၊ မၼ်း​လႆႈ​ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ဢႃႇသူၺ်ႇရူႉ ၸွမ်း​ၵႃႈ​ၼင်ႇ​ဢၼ် ထုၵ်ႇ​လႄႉ​ထုၵ်ႇ​ၵမ်း​ၼၼ်ႉ​ဢေႃႈ။ လႆႈ​သုင်း​သွင်ႇ​ယၢင် မူႉရၼ်ႇ ႁူၵ်း​လိူၼ်​တဵမ်​တဵမ်၊ မဵဝ်း​ၼၢမ်ႇ​သႃႇ ဢိၵ်ႇ​တင်း​မဵဝ်း​ယႃႈ​မဵဝ်း​ယႃ​ပုၼ်ႈ​ဢၼ်​တၵ်း​ႁႂ်ႈ​မူတ်း​သႂ်​ၸိူဝ်း​ၼၼ်ႉ ႁူၵ်း​လိူၼ်​တဵမ်​တဵမ်​လႄႈ လႆႈ​ႁႂ်ႈ​ပူၼ်ႉ​ၶိင်ႇ​ၵႃႇလႃႉ​ထၢၼ်ႇ​ၼၼ်ႉ တေႃႇ​ထိုင်​ႁွတ်ႈ​ထၼ်ႈ​ပေႃး ႁႂ်ႈ​ဢမူႉ​တၢင်း​ဢၼ်​မူတ်း​သႂ်​ၼၼ်ႉ​ယဝ်ႉ​တူဝ်ႈ​ၼၼ်ႉ​ဢေႃႈ။-</verse>
				<verse number="13">လိုၼ်း​ၼၼ်ႉ မိူဝ်ႈ​ဢၼ်​ထိုင်​ႁွတ်ႈ​ၶိင်ႇ​ဢၼ်​ၵၼ်ႇ​ၺႃႇ​လုၵ်ႈ​ယိင်း​သၢဝ်​ၼၼ်ႉ​ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ၼၼ်ႉ​ၸိုင် ၵႃႈ​ဢၼ်​မၼ်း​မီး​ဢလူဝ်ႇ​လႄႈ​ယွၼ်း​ဢဝ်​ၼၼ်ႉ​ၶဝ်​ပၼ်​သေ​လႄႈ ႁႂ်ႈ​မၼ်း​လႆႈ​ဢဝ်​ဢွၵ်ႇ​သေ​ၵႃႈ​ၼႂ်း​ႁေႃ​မႄႈ​ယိင်း​ၼၼ်ႉ ၵႂႃႇ​ၸူး​တီႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="14">မၼ်း​ၶဝ်ႈ​ၶိင်ႇ​ႁူဝ်​ၶမ်ႈ​လႄႈ ၶိင်ႇ​ၵၢင်​ၼႂ်​လႆႈ​ဢွၵ်ႇ​ၸူး​ၵႃႈ​တီႈ​ႁေႃ​မႄႈ​ယိင်း​ဢၼ်​တူႉတီႉယႃႉ ဢၼ်​ သႃႇၵၸႃႉ ၵူၼ်း​ထိင်း ၼၢင်း​ႁေႃ​ၸဝ်ႈ ဢၼ်​လႆႈ​ဢုပ်ႉ​ထိင်း​ၵႃႈ​ၼိူဝ်​ၸိူင်ႉ​ၼၢင်း​ၼၼ်ႉ လႆႈ​ပႂ်ႉ​ၼၼ်ႉ​ဢေႃႈ။ ပေႃး​ၶုၼ်​ႁေႃ​ၶမ်း​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​လႄႈ ဢဝ်​ၸိုဝ်ႈ​ဢဝ်​သဵင်​မၼ်း​ႁွင်ႉ​ဢဝ်​မၼ်း​ၸိုင်၊ ၵမ်း​လိုၼ်း​မၼ်း​ဢမ်ႇ​လႆႈ​ၶဝ်ႈ​ၸူး​တီႈ​ၶုၼ်​ႁေႃ​ၶမ်း​ထႅင်ႈ။</verse>
				<verse number="15">မိူဝ်ႈ​ဢၼ်​ ဢေးသတႃႇ လုၵ်ႈ​ယိင်း​ ဢၽီႉႁေးလႃႉ ပေႃႈ​ၼႃႉ​ မေႃႇတၵႄး ဢၼ်​မၼ်း​ၵဵပ်း​လဵင်ႉ​ၵဵပ်း​လူ​ဝႆႉ မိူၼ်​ၸိူဝ်ႉ​ၼင်ႇ​လုၵ်ႈ​ယိင်း​ဢွၵ်ႇ​တူဝ်​ၸဝ်ႈ​ၵဝ်ႇ​ၼၼ်ႉ ထုၵ်ႇ​လႄႉ​ထုၵ်ႇ​ၵမ်း​လႄႈ လႆႈ​ၶဝ်ႈ​ၸူး​တီႈ​ၶုၼ်​ႁေႃ​ၶမ်း​ၼၼ်ႉ​ၸိုင်၊ ၼွၵ်ႈ​သေ​လွင်ႈ​တၢင်း​ဢၼ် ႁေႇၵႄး ​ၵူၼ်း​ထိင်း​ၼၢင်း​ႁေႃ​ၸဝ်ႈ ဢၼ်​လႆႈ​ဢုပ်ႉ​ထိင်း​ၵႃႈ​ၼိူဝ်​ၸိူင်ႉ​ၼၢင်း​ၼၼ်ႉ ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ၊ မၼ်း​ဢမ်ႇ​ယွၼ်း​ဢဝ်​လွင်ႈ​တၢင်း​ဢၼ်​လႂ်​သေ​ၸိူဝ်ႉ​သေ​ပိူင်။ ဢေးသတႃႇ ​ၼၼ်ႉ လႆႈ​ၼႃႈ​လႆႈ​တႃ ၵႃႈ​တီႈ​ၽၢႆႇ​ၼႃႈ​ၶဝ် ၵႃႈ​ဢၼ်​ထူပ်း​ႁၼ်​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="16">ၼင်ႇ​ၼၼ်​လႄႈ ဢေးသတႃႇ ​လႆႈ​ၶၢမ်ႇ​တၢင်း​ဢၼ်​ဢဝ်​သႂၢင်း​ၶဝ်ႈ​ၵႃႈ​ၼႂ်း​ႁေႃ​ၶုၼ်​ႁေႃ​ၶမ်း​ ဢႃႇသူၺ်ႇရူႉ ၼႂ်း​ပီႊ​ဢၼ်​ၸၢမ်ႇ​ႁၢင်ႈ​ၸၢမ်ႇ​ႁေႃ​ၸဵတ်း​ပီႊ လိူၼ်​တႃႉသမႃႉ ဢၼ်​လႆႈ​ၸိုဝ်ႈ​ တႄႇပႅတ်ႉ ​ၼၼ်ႉ​လႄႈ၊-</verse>
				<verse number="17">ၶုၼ်​ႁေႃ​ၶမ်း ယဵင်ႈ​ၶႅၼ်း​ႁၵ်ႉ​ ဢေးသတႃႇ လိူဝ်​တွၼ်း​ၼႃႇ​သေ မႄႈ​ယိင်း​ၵႃႈ​မီး​ၼၼ်ႉ​လႄႈ ဢေးသတႃႇ ​လႆႈ​ၼႃႈ​လႆႈ​တႃ​လႄႈ ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၸဝ်ႈ လိူဝ်​တွၼ်း​ၼႃႇ​သေ​ၵၼ်ႇ​ၺႃႇ​လုၵ်ႈ​ယိင်း​သၢဝ်​ၵႃႈ​မီး​ၼၼ်ႉ ႁႂ်ႈ​မၼ်း​ထၼ်ႈ​ပေႃး​လႆႈ​ဢဝ်​ရႃႇၸႃႉ​သရၽူႇ​တၢင်ႇ​သႂ်ႇ​ပၼ်​ၵႃႈ​ၼိူဝ်​ႁူဝ်​မၼ်း​လႄႈ ႁႂ်ႈ​မၼ်း​လႆႈ​ပဵၼ်​ၼၢင်း​ႁေႃ​ၶမ်း တၢင်​တူဝ်​ ဝႃႇသတီႉ ​ဢေႃႈ။-</verse>
				<verse number="18">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ၼၼ်ႉ ၶၢမ်ႇ​ပွႆး​ဢၼ်​ယႂ်ႇ​ၼႃႇ​ဢၼ်​ႁွင်ႉ​ဝႃႈ ပွႆး​ ဢေးသတႃႇ ​ၼၼ်ႉ​ပုၼ်ႈ မူး​မၢတ်ႈ​ၽွင်း​မိူင်း​မၼ်း၊ ၶႃႈ​ၵူၼ်း​မၼ်း​တင်း​သဵင်ႈ​တင်း​လူင်​လႄႈ ပွႆႇ​လွတ်ႈ​ဢမူႉ​ၶုၼ်​ၵႃႈ​ၼႂ်း ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​သေ​လႄႈ ၶျႃး​သူး​မႅၼ်ႈ​ၸွမ်း​ၵႃႈ​ၼင်ႇ​ၸေး​ၸိမ်ႇ​ၶုၼ်​ႁေႃ​ၶမ်း​ၼၼ်ႉ​ဢေႃႈ။</verse>
				<verse number="19">မိူဝ်ႈ​ဢၼ်​ၵၼ်ႇ​ၺႃႇ​လုၵ်ႈ​ယိင်း​သၢဝ်​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​ၵမ်း​တူႉတီႉယႃႉ​ၼၼ်ႉ​ၸိုင်၊ မေႃႇတၵႄး ​ၼၼ်ႉ​လႆႈ​ၼင်ႈ​ယူႇ​ၵႃႈ​တီႈ​ၽၵ်း​တူ​ႁေႃ​ၸဝ်ႈ​ဢေႃႈ။-</verse>
				<verse number="20">ဢေးသတႃႇ ​ၼၼ်ႉ ယင်း​ဢမ်ႇ​ပႆႇ​တွၼ်ႉ​ၽုၺ်ႇ​ဢွၵ်ႇ​ၼႄ​ပျႃး​မဵဝ်း​မၼ်း၊ ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​ၸွမ်း​ၵႃႈ​ၼင်ႇ​ဢၼ်​ မေႃႇတၵႄး ပၼ်​သတီႉ​ဝႆႉ​ၼၼ်ႉ ၵွပ်ႈ​ပိူဝ်ႈ​ဢၼ်​ ဢေးသတႃႇ ထွမ်ႇ​ဢဝ်​ၵႂၢမ်း​ မေႃႇတၵႄး ယူႇ​မိူၼ်​ၸိူဝ်ႉ​ၼင်ႇ မိူဝ်ႈ​ဢၼ်​မၼ်း​လႆႈ​ၶၢမ်ႇ​တၢင်း​ဢၼ်​မၼ်း​ၼၼ်ႉ​ၵဵပ်း​လဵင်ႉ​ၵဵပ်း​လူ​ဝႆႉ​ၼၼ်ႉ​ယူႇ​ဢေႃႈ။-</verse>
				<verse number="21">မိူဝ်ႈ​ၼၼ်ႉ ၼႂ်း​မိူဝ်ႈ​ဢၼ်​ မေႃႇတၵႄး ယင်း​တိုၵ်ႉ​ၼင်ႈ​ယူႇ ၵႃႈ​တီႈ​ၽၵ်း​တူ​ႁေႃ​ၸဝ်ႈ​ယူႇ​ၼၼ်ႉ​ၸိုင် ပီႉၵသၼ်ႇ တင်း​ တေႇရိတ်ႉ ဢၼ်​ပဵၼ်​ၵူၼ်း​ထိင်း​ၼၢင်း ၵႃႈ​ၼႂ်း​ႁေႃ​ၸဝ်ႈ​လႄႈ​ၶဝ်ႈ​ပႃး​ၼႂ်း​ၶဝ်​ၸိူဝ်း​ဢၼ် ပႂ်ႉ​ၽၵ်း​တူ​ၼၼ်ႉ​သွင်​ၵေႃႉ​ၼၼ်ႉ မီး​ၸႂ်​တေႃး​သႃႉ​လႄႈ ဢွၼ်​ၵၼ်​ၵျူဝ်း​ၸႃး​ႁႂ်ႈ​လႆႈ​ဢဝ်​ၶုၼ်​ႁေႃ​ၶမ်း​ ဢႃႇသူၺ်ႇရူႉ ​တၢႆ​ဢေႃႈ။-</verse>
				<verse number="22">မေႃႇတၵႄး ႁူႉ​လွင်ႈ​ဢမူႉ​ၼၼ်ႉ​လႄႈ​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​မၼ်း​တီႈ​ၼၢင်း​ႁေႃ​ၶမ်း ဢေးသတႃႇ ​ဢေႃႈ။ ဢေးသတႃႇ ​ၵေႃႈ​ဢဝ်​ၸိုဝ်ႈ​ဢဝ်​သဵင်​ မေႃႇတၵႄး ​သေ​လႄႈ လဝ်ႊ​လၢတ်ႈ​လွင်ႈ​ဢမူႉ​ၼၼ်ႉ​တီႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="23">မိူဝ်ႈ​ဢၼ်​ၸႅတ်ႈ​ထၢမ်​ၸႅတ်ႈ​တူၺ်း​လွင်ႈ​ဢမူႉ​ၼၼ်ႉ​လႄႈ ႁူႉ​လွင်ႈ​ဢၼ်​မၢၼ်ႇ​မႅၼ်ႈ​ၸိုဝ်ႈ​ၸႂ်ႈ​ယဝ်ႉ​ၼၼ်ႉ​ၸိုင် သွင်​ၶႃ​ၼၼ်ႉ​လႆႈ​ၶၢမ်ႇ​တၢင်း​ဢၼ် ၵႅၼ်​ၶေႃး​ႁွႆႈ​တူၵ်း​ၵႃႈ​ၼိူဝ်​တူၼ်ႈ​မႆႉ​သေ​လႄႈ ဢဝ်​လွင်ႈ​မၼ်း​မၢတ်ႈ​မၢႆ​တႅမ်ႈ​သႂ်ႇ​ဝႆႉ​ၵႃႈ​ၼႂ်း​လိၵ်ႈ​ရႃႇၸဝၢင်ႇ ဢၼ်​မၢတ်ႈ​မၢႆ​တႅမ်ႈ​ဝႆႉ​ၸွမ်း​ၵူႈ​ဝၼ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ဢေႃႈ။</verse>
			</chapter>
			<chapter number="3">
				<verse number="1">လိုၼ်း​ၼၼ်ႉ ၶုၼ်​ႁေႃ​ၶမ်း​ ဢႃႇသူၺ်ႇရူႉ ​ၼၼ်ႉ ယုၵ်ႉ​ယွင်ႈ​ ႁႃႇမၢၼ်ႇ လုၵ်ႈ​ၸၢႆး​ ႁမ်ႇမေႇတႃႇသႃႉ မဵဝ်း​ ဢႃႇၵတ်ႉ ​လႄႈ ႁႂ်ႈ​မၼ်း​ပဵၼ်​ဢၼ်​ယႂ်ႇ​ဢၼ်​သုင်​သေ​လႄႈ ပၼ်​တီႈ​ယူႇ​တီႈ​ၼင်ႈ​ဢၼ်​မျၢတ်ႈ​သုင် လိူဝ်​တွၼ်း​ၼႃႇ​သေ​မူး​မၢတ်ႈ​ၽွင်း​မိူင်း​ဢၼ်​မီး​တီႈ​မၼ်း​တင်း​သဵင်ႈ​တင်း​လူင်​ၼၼ်ႉ တီႈ​မၼ်း​ၼၼ်ႉ​ဢေႃႈ။-</verse>
				<verse number="2">ၶႃႈ​ၵူၼ်း​ၶုၼ်​ႁေႃ​ၶမ်း ၵႃႈ​ဢၼ်​ႁွတ်ႈ​ထိုင်​ၵႃႈ​တီႈ​ၽၵ်း​တူ​ႁေႃ​ၸဝ်ႈ​ၼၼ်ႉ ဢွၼ်​ၵၼ်​ၵူမ်ႈ​ႁူဝ်​ၵွမ်း​ႁူဝ် ဝႆႈ​သႃ​ ႁႃႇမၢၼ်ႇ ၸွမ်း​ၵႃႈ​ၼင်ႇ​ဢၼ် ၶုၼ်​ႁေႃ​ၶမ်း​မီး​ဢမိင်ႉ​လူၺ်ႈ​လွင်ႈ​မၼ်း​ဝႆႉ​ၼၼ်ႉ​ဢေႃႈ။ မေႃႇတၵႄး ​ၸမ်ႉ၊ ဢမ်ႇ​ၵူမ်ႈ​ႁူဝ်​ၵွမ်း​ႁူဝ် ဢမ်ႇ​ဝႆႈ​ဢမ်ႇ​သႃ။-</verse>
				<verse number="3">မိူဝ်ႈ​ၼၼ်ႉ ၶႃႈ​ၵူၼ်း​ၶုၼ်​ႁေႃ​ၶမ်း​ဢၼ်​ႁွတ်ႈ​ထိုင်​ၵႃႈ​တီႈ​ၽၵ်း​တူ​ႁေႃ​ၸဝ်ႈ​ၸိူဝ်း​ၼၼ်ႉ တွင်ႈ​ထၢမ်​ပၼ်​သတီႉ​တီႈ​ မေႃႇတၵႄး ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​တွပ်ႇ​ထဵင်​ပူၼ်ႉ​လိူဝ်​ဢမိင်ႉ​ၶုၼ်​ႁေႃ​ၶမ်း​ၼင်ႇ​ႁိုဝ်။ ဝႃႈ​ၼင်ႇ​ၼႆ​လႄႈ၊-</verse>
				<verse number="4">ပိၵ်ႉ​သမ်ႉ​ၶဝ်​ဢွၼ်​ၵၼ်​လၢတ်ႈ​ၸိူဝ်ႉ​ၼင်ႇ​ၼႆ​တီႈ​မၼ်း​ၵူႈ​ဝၼ်း​သေ​ၵေႃႈ မၼ်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၶဝ်​ၼၼ်ႉ​လႄႈ ၶဝ်​ၼၼ်ႉ​ဢွၼ်​ၵၼ်​ၶိုၼ်း​လၢတ်ႈ​တီႈ ႁႃႇမၢၼ်ႇ ႁႂ်ႈ​လႆႈ​ႁူႉ​လွင်ႈ​ဢၼ် ၵႂၢမ်း​ မေႃႇတၵႄး ​ၼၼ်ႉ တႄႉ​ႁိုဝ် ဢမ်ႇ​တႄႉ​ႁိုဝ်​ၼၼ်ႉ​ဢေႃႈ။-</verse>
				<verse number="5">လွင်ႈ​မၼ်း​ၸမ်ႉ မေႃႇတၵႄး ​လႆႈ​လၢတ်ႈ​လွင်ႈ​ဢၼ် မၼ်း​ပဵၼ်​ၵူၼ်း​ ယူႉတႃႉ ​ၼၼ်ႉ တီႈ​ၶဝ်​ၼၼ်ႉ​ဢေႃႈ။ မိူဝ်ႈ​ဢၼ်​ ႁႃႇမၢၼ်ႇ ႁူႉ​ႁၼ်​လွင်ႈ​ဢၼ်​ မေႃႇတၵႄး ယင်း​ဢမ်ႇ​ၵူမ်ႈ​ႁူဝ်​ၵွမ်း​ႁူဝ်​လႄႈ​ဝႆႈ​သႃ​ၼၼ်ႉ​ၸိုင် မၼ်း​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​လႄႈ၊-</verse>
				<verse number="6">မၢတ်ႈ​တၢင်း​ဢၼ်​ဢဝ်​ မေႃႇတၵႄး ​တၢႆ​ၵေႃႉ​လဵဝ်​ၵူၺ်း​ၼၼ်ႉ ပဵၼ်​ဢၼ်​ဢမ်ႇ​ၶိုတ်း​ၸႂ်​ပဵင်း​ၸႂ်​မၼ်း ၵွပ်ႈ​ပိူဝ်ႈ​ဢၼ်​ၶဝ်​လႆႈ​ၽုၺ်ႇ​ဢွၵ်ႇ​ၼႄ​ပျႃး မဵဝ်း​ မေႃႇတၵႄး ​တီႈ​မၼ်း​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ႁႃႇမၢၼ်ႇ ၵျၢမ်ႇ​ႁႃ​ႁႂ်ႈ​လႆႈ​ယႃႉ​ၽဵဝ်ႈ ၵူၼ်း​ ယူႉတႃႉ ​ၵႃႈ​တီႈ​ဢၼ်​မီး​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ ဢႃႇသူၺ်ႇရူႉ ၵူႈ​တီႈ​ၵူႈ​လႅၼ် ဢၼ်​ဝႃႈ​ၵူၼ်း​မဵဝ်း​ မေႃႇတၵႄး ​ၸိူဝ်း​ၼၼ်ႉ​ပႅတ်ႈ​ဢေႃႈ။</verse>
				<verse number="7">ပိူဝ်ႈ​ၼႆ​လႄႈ ၼႂ်း​ပီႊ​ဢၼ်​ ဢႃႇသူၺ်ႇရူႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​သွင်​ပီႊ လိူၼ်​ပထမႃႉ ဢၼ်​လႆႈ​ၸိုဝ်ႈ ၼီႉသၼ်ႇ ​ၼၼ်ႉ လႆႈ​ဢွၼ်​ၵၼ်​တူၵ်း​ၸႃႇ​ၵွၵ်ႈ ပူႉရႃႉ ​ၵႃႈ​တီႈ​ၽၢႆႇ​ၼႃႈ​ ႁႃႇမၢၼ်ႇ ဝၼ်း​ၼိုင်ႈ​ယဝ်ႉ​ဝၼ်း​ၼိုင်ႈ လိူၼ်​ၼိုင်ႈ​ယဝ်ႉ​လိူၼ်​ၼိုင်ႈ ၵႃႈ​ၼင်ႇ​ဢၼ်​ၸႅၼ်ႇ​တၢမ်း​ၵၼ် တေႃႇ​ထိုင်​ႁွတ်ႈ​လိူၼ်​တႂႃႇ​တႃႉသမႃႉ ဢၼ်​လႆႈ​ၸိုဝ်ႈ ဢႃႇတႃႇ ​ၼၼ်ႉ​ဢေႃႈ။-</verse>
				<verse number="8">မိူဝ်ႈ​ၼၼ်ႉ ႁႃႇမၢၼ်ႇ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း ဢႃႇသူၺ်ႇရူႉ ​လႄႈ​ဝႃႈ၊ မီး​မဵဝ်း​ၵူၼ်း​ဢၼ်​ၽၢတ်ႇ​ၽႄ​ၵၼ် ယူႇ​ၵူႈ​တီႈ​ၵူႈ​လႅၼ်​လႄႈ​ႁွတ်ႈ​ထိုင်​ၵႃႈ​ၼႂ်း​ၵူၼ်း​ဝၢၼ်ႈ​ၵူၼ်း​မိူင်း​ၵူႈ​ၸိူဝ်ႉ​ၵူႈ​မဵဝ်း ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ႁဝ်း ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​လႄႈ ဢၼ်​ထုင်း​ၸၢမ်ႇ​တၢင်း​ဢၼ်​ၶဝ်​ၵမ်​ၶဝ်​ၵျၢင်ႉ​ၼၼ်ႉ ဢမ်ႇ​မိူၼ်​ၵၼ်​တင်း​ထုင်း​ၸၢမ်ႇ ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၵႃႈ​မီး ဢၼ်​ယင်း​ဢမ်ႇ​ထွမ်ႇ​ဢမ်ႇ​ဢဝ် ဢူႉပတေႇ​ဢၼ်​ၸဝ်ႈ​ၶုၼ်​လူင်​ၸီႇ​ယၢင်ႇ​ဝႆႉ​လႄႈ​ယူႇ​ၼၼ်ႉ​မဵဝ်း​ၼိုင်ႈ​တီႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ လွင်ႈ​ဢၼ်​ၸဝ်ႈ​ၶုၼ်​လူင်​ပၼ်​ဢၶႂၢင်ႉ​တီႈ​မဵဝ်း​ၼၼ်ႉ​ၼၼ်ႉ၊ ဢမ်ႇ​မီး​ၵျေး​ၸူး​ၵႃႈ​သင်​လႃး​လႃး​တီႈ​ၶႃႈ။-</verse>
				<verse number="9">ပေႃး​ၸဝ်ႈ​ၶုၼ်​လူင်​မီး​ဢလူဝ်ႇ​ၸိုင် ၶႅၼ်း​တေႃႈ​ႁႂ်ႈ​တႅမ်ႈ​လိၵ်ႈ​ဢမိင်ႉ ႁႂ်ႈ​ယႃႉ​ၽဵဝ်ႈ​မဵဝ်း​ၼၼ်ႉ​ပႅတ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​ဢဝ်​ငိုၼ်း​မိုၼ်ႇ​ တလၢၼ်ႇတၢၼ်ႇ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ၵိုတ်ႉ​ႁၢပ်ႇ​ဢမူႉ​ၸဝ်ႈ​ၶုၼ်​လူင်​ၼၼ်ႉ ႁႂ်ႈ​ၶဝ်​လႆႈ​ဢဝ်​သႂၢင်း​ၶဝ်ႈ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ၸဝ်ႈ​ၶုၼ်​လူင်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၶုၼ်​ႁေႃ​ၶမ်း​ၵေႃႈ​ထွတ်ႇ​ဢဝ်​လၢၵ်ႈ​ၸွပ်ႈ​ၸဝ်ႈ​သေ​လႄႈ ပၼ်​တီႈ​ ႁႃႇမၢၼ်ႇ လုၵ်ႈ​ၸၢႆး​ ႁမ်ႇမေႇတႃႇသႃႉ မဵဝ်း​ ဢႃႇၵတ်ႉ ဢၼ်​ပဵၼ်​ရၢၼ်ႇ​သူႇ မဵဝ်း​ ယူႉတႃႉ ​ၼၼ်ႉ​ဢေႃႈ။-</verse>
				<verse number="11">ၶုၼ်​ႁေႃ​ၶမ်း​မီး​ဢမိင်ႉ​တီႈ​ ႁႃႇမၢၼ်ႇ ​လႄႈ​ဝႃႈ၊ ငိုၼ်း​ၼၼ်ႉ​ၸိုင်​ၵဝ်​ပၼ်​တီႈ​မႂ်း​ဢေႃႈ။ ၵူၼ်း​မဵဝ်း​ၼၼ်ႉ​ၵေႃႈ ၵဝ်​ဢၢပ်ႈ​ပၼ်​တီႈ​မႂ်း ႁႂ်ႈ​မႂ်း​လႆႈ​ႁဵတ်း​ၵႃႈ​ၼင်ႇ​ဢၼ် မႂ်း​ၶႂ်ႈ​ႁဵတ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မိူဝ်ႈ​ၼၼ်ႉ ၼႂ်း​လိူၼ်​ပထမႃႉ​သိပ်း​သၢမ်​ဝၼ်း​ၼၼ်ႉ ၶဝ်​ႁွင်ႉ​ဢဝ်​ၸရေး​လူင်​ၸဝ်ႈ​တင်း​လၢႆ​လႄႈ တႅမ်ႈ​ၸွမ်း​ၵႃႈ​ၼင်ႇ​ဢၼ် ႁႃႇမၢၼ်ႇ ​သင်ႇ​လၢတ်ႈ​ဝႆႉ​တီႈ​ၸဝ်ႈ​ၽႃႉ​လႂ်၊ မဵဝ်ႉ​ဝုၼ်ႇ​ဢၼ်​ဢုပ်ႉ​ၵႃႈ​ၼိူဝ်​ၵူႈ​သိုင်ႇ​ၵူႈ​မိူင်း၊ ၵူႈ​ဢိူင်ႇ​ၵူႈ​ၵျၢၵ်ႈ​လႂ်၊ ၶုၼ်​ဢၼ်​ၸီႇ​ယၢင်ႇ​ၵႃႈ​ၼိူဝ် ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႂ်၊ ၵႃႈ​တီႈ​ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ ၸွမ်း​လူၺ်ႈ​လိၵ်ႈ​ၽႃႇသႃႇ​မိူင်း​ၽႂ်​မိူင်း​မၼ်း ဢိၵ်ႇ​တင်း​တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸွမ်း​လူၺ်ႈ​ၽႃႇသႃႇ​ၽႂ်​ၽႃႇသႃႇ​မၼ်း​ၼၼ်ႉ​သေ​လႄႈ ဢဝ်​ၸိုဝ်ႈ​ဢဝ်​သဵင်​ၶုၼ်​ႁေႃ​ၶမ်း ဢႃႇသူၺ်ႇရူႉ ​သႂ်ႇ​လႄႈ ဢဝ်​လၢၵ်ႈ​ၸွပ်ႈ​ၶုၼ်​ႁေႃ​ၶမ်း​တွၵ်ႇ​တၼ်း​သိၵ်ႈ​ဢေႃႈ။-</verse>
				<verse number="13">ၶဝ်​ဢဝ်​ၵူၼ်း​ဢွၼ်ႇ ဢၼ်​သူင်ႇ​လိၵ်ႈ​တင်း​လၢႆ ဢဝ်​လိၵ်ႈ​ဢမိင်ႉ​ၸဝ်ႈ​ၼၼ်ႉ ပၼ်​ၵႂႃႇ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ ႁႂ်ႈ​ဢွၼ်​ၵၼ်​ၶႃႈ​ၽၼ်း​ဢဝ်​တၢႆ​ပႄႇ​ၽဵဝ်ႈ​ၵူၼ်း​ ယူႉတႃႉ ၸဵမ်​ၼုမ်ႇ​ၸဵမ်​ထဝ်ႈ လုၵ်ႈ​ဢွၼ်ႇ မႄႈ​ယိင်း​ၵႃႈ​မီး​ပႅတ်ႈ​လႄႈ ၼႂ်း​လိူၼ်​တႂႃႇ​တႃႉသမႃႉ​ဢၼ်​လႆႈ​ၸိုဝ်ႈ ဢႃႇတႃႇ ​ၼၼ်ႉ သိပ်း​သၢမ်​ဝၼ်း​ၼၼ်ႉ​ၵမ်း​လဵဝ်​သေ​လႄႈ ႁိမ်​ႁူင်ႇ​သိမ်း​ဢဝ်​ဢုၵ်ႉ​ၸႃႇ​ၶဝ်​ဢေႃႈ။-</verse>
				<verse number="14">လိၵ်ႈ​ဢမိင်ႉ​ၸဝ်ႈ​ဢၼ်​လႆႈ​မွၵ်ႇ​လၢတ်ႈ​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​ၼၼ်ႉ လႆႈ​ၵျေႃႇ​ၺႃႇ​တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ႁႂ်ႈ​ၶဝ်​မႄး​ႁႅၼ်း​မီး​ဝႆႉ​ထႃႈ​ပုၼ်ႈ​ဝၼ်း​ၼၼ်ႉ​ဢေႃႈ။-</verse>
				<verse number="15">ၵူၼ်း​ဢွၼ်ႇ​ဢၼ်​သူင်ႇ​လိၵ်ႈ​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ်​ၶုၼ်​ႁေႃ​ၶမ်း ၸီႇ​ယၢင်ႇ​ဝႆႉ​ၼၼ်ႉ​သေ​လႄႈ ႁိပ်ႈ​ၼႅတ်ႈ​ၵႂႃႇ​ၶၼ်​ၶၼ်​ၽႂ်း​ၽႂ်း​လႄႈ ဢမိင်ႉ​ၸဝ်ႈ​ၼၼ်ႉ​သႃႈ​ၸွတ်ႇ​ၵႂႃႇ​ၵႃႈ​ၼႂ်း​ႁေႃ​ၶမ်း​ သူႉသၼ်ႇ ​ၼၼ်ႉ​ဢေႃႈ။ ၶုၼ်​ႁေႃ​ၶမ်း​ဢိၵ်ႇ​တင်း​ ႁႃႇမၢၼ်ႇ ​ၸမ်ႉ၊ ၼင်ႈ​ၵႃႈ​တီႈ​ပွႆး​သူတ်ႉ​ပွႆး​ၵိၼ်​ၼမ်ႉ​ၸပိတ်ႈ​ယူႇ​လႄႈ ဝဵင်း​ သူႉသၼ်ႇ ​ၼၼ်ႉ ႁွတ်ႈ​ထိုင်​တၢင်း​ဢၼ်​ယၢပ်ႇ​ၸႂ်​ယုင်ႈ​ၸႂ်​ဢေႃႈ။</verse>
			</chapter>
			<chapter number="4">
				<verse number="1">မိူဝ်ႈ​ဢၼ် မေႃႇတၵႄး ႁူႉ​လွင်ႈ​ဢၼ်​ႁဵတ်း​ၵႃႈ​မီး​ၼၼ်ႉ​ၸိုင်၊ မေႃႇတၵႄး ​ၸၵ်ႉ​သိၵ်ႇ​ၶူဝ်း​ၼုင်ႈ​မၼ်း​လႄႈ ၼုင်ႈ​မႆ​ၼင်​ပေႃ​ယူႇ၊ ၵူဝ်ႈ​တဝ်ႈ​ယူႇ​သေ​လႄႈ ဢွၵ်ႇ​ၸူး​ၵႃႈ​ၼႂ်း​ၵၢင်​ဝဵင်း​လႄႈ ႁဵတ်း​သဵင်​ဢၼ်​ယႂ်ႇ​ၼႃႇ ၶီ​ၸႂ်​ၶူမ်​ၸႂ်​ၼႃႇ​လူင်​လၢင် ႁွင်ႉ​ႁႆႈ​ဢေႃႈ။-</verse>
				<verse number="2">မၼ်း​ႁွတ်ႈ​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ႁေႃ​ၸဝ်ႈ​လႄႈ​ၵိုတ်း​သဝ်း​ယူႇ ၵွပ်ႈ​ပိူဝ်ႈ​ဢၼ်​ပေႃး​ၼုင်ႈ​မႆ​ၼင်​ပေႃ​ယူႇ​ၸိုင် ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လႆႈ​ၶဝ်ႈ​ၵႃႈ​ၼႂ်း​ၽၵ်း​တူ​ႁေႃ​ၸဝ်ႈ​ၼၼ်ႉ​ဢေႃႈ။-</verse>
				<verse number="3">ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ ၵႃႈ​ဢၼ်​ဢမိင်ႉ​ၸဝ်ႈ ဢၼ်​ၶုၼ်​ႁေႃ​ၶမ်း​ပူင်​ၼၼ်ႉ​ႁွတ်ႈ​ထိုင်​ၼၼ်ႉ ပဵၼ်​တၢင်း​ဢၼ်​ၶၢင်း​ၶီ​ၶၢင်း​ၽၢၼ် ဢၼ်​ယႂ်ႇ​ၼႃႇ​လူင်​လၢင်၊ တၢင်း​ဢၼ်​ၵမ်​တၢင်း​ၵိၼ်၊ တၢင်း​ဢၼ်​ႁႆႈ​ဢၼ်​ႁွင်ႉ၊ တၢင်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ​တီႈ​ၵူၼ်း​ ယူႉတႃႉ ​တင်း​လၢႆ​လႄႈ၊ ၵူၼ်း​ၼမ်​ၼႃႇ​ဢွၼ်​ၵၼ်​ၼွၼ်း​ၵႃႈ​ၼႂ်း​ၶူဝ်း​ၼုင်ႈ​ၼင်​ပေႃ​တင်း​တဝ်ႈ​ဢေႃႈ။</verse>
				<verse number="4">မိူဝ်ႈ​ဢၼ်​ၶႃႈ​မႄႈ​ယိင်း​ ဢေးသတႃႇ ဢိၵ်ႇ​တင်း​ၵူၼ်း​ထိင်း​ၼၢင်း​တင်း​လၢႆ မႃး​လႄႈ​လဝ်ႊ​လၢတ်ႈ​လွင်ႈ​မၼ်း​ၼၼ်ႉ​ၸိုင်၊ ၼၢင်း​ႁေႃ​ၶမ်း​မႆႈ​ၸႂ်​ယၢပ်ႇ​ၸႂ်​ၼႃႇ​လူင်​လၢင်​ယူႇ​သေ​လႄႈ ဢဝ်​ၶူဝ်း​ၼုင်ႈ​တၢင်း​မႆ​ပၼ်​ၵႂႃႇ ႁႂ်ႈ​ မေႃႇတၵႄး ပႄႇ​ပႅတ်ႈ​ၶူဝ်း​ၼုင်ႈ​ၼင်​ပေႃ​သေ​လႄႈ​ၼုင်ႈ​မႆ​သေ​ၵေႃႈ၊ မၼ်း​ယင်း​ဢမ်ႇ​ႁပ်ႉ​ဢမ်ႇ​ဢဝ်​လႄႈ​ယူႇ​ဢေႃႈ။-</verse>
				<verse number="5">လႆႈ​သမ်ႉ ဢေးသတႃႇ ႁွင်ႉ​ဢဝ်​ ႁႃႇတိၵ်ႉ ၵူၼ်း​ထိင်း​ၼၢင်း ဢၼ်​ၶုၼ်​ႁေႃ​ၶမ်း​မီး​ဢမိင်ႉ​ၸဝ်ႈ​ဝႆႉ ႁႂ်ႈ​ၶႃး​ၸႃး​ယူႇ​တီႈ​မၼ်း​ၼၼ်ႉ​လႄႈ ပွႆႇ​ၸႂ်ႉ​မၼ်း​ၵႂႃႇ​တီႈ​ မေႃႇတၵႄး ႁႂ်ႈ​လႆႈ​တွင်ႈ​ထၢမ်​လွင်ႈ​ဢၼ်​ပဵၼ်​ၵႃႈ​သင် ဢိၵ်ႇ​တင်း​ပဵၼ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ၊-</verse>
				<verse number="6">ႁႃႇတိၵ်ႉ ​ၼၼ်ႉ ဢွၵ်ႇ​ၸူး​တီႈ​ မေႃႇတၵႄး ၵႃႈ​ၼႂ်း​တီႈ​ပၢင်ႇ​ၵၢင်​ဝဵင်း ဢၼ်​မီး​ၽၢႆႇ​ၼႃႈ​ၽၵ်း​တူ​ႁေႃ​ၸဝ်ႈ​ၼၼ်ႉ​လႄႈ၊-</verse>
				<verse number="7">မေႃႇတၵႄး ​ၼၼ်ႉ​မွၵ်ႇ​လၢတ်ႈ​လွင်ႈ​တၢင်း ၵႃႈ​ဢၼ်​ႁွတ်ႈ​ထိုင်​တီႈ​မၼ်း ဢိၵ်ႇ​တင်း​လွင်ႈ​ငိုၼ်း​ၵႃႈ​ႁိုဝ်​ဢၼ်​ ႁႃႇမၢၼ်ႇ ​ဝႆႉ​ၵတီႉ တၵ်း​ဢဝ်​သႂၢင်း​ၶဝ်ႈ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ၶုၼ်​ႁေႃ​ၶမ်း ပုၼ်ႈ​ဢၼ်​တၵ်း​မီး​ဢၶႂၢင်ႉ ဢၼ်​လႆႈ​ယႃႉ​ၵူၼ်း​ ယူႉတႃႉ ​တင်း​လၢႆ​ပႅတ်ႈ​ၼၼ်ႉ​သေ​လႄႈ၊-</verse>
				<verse number="8">ဢဝ်​လိၵ်ႈ​လၢၵ်ႈ​ၶၢမ်ႇ​ဢမိင်ႉ​ၸဝ်ႈ ဢၼ်​ထုတ်ႇ​ဢွၵ်ႇ​ၵႃႈ​တီႈ​ႁေႃ​ သူႉသၼ်ႇ ႁႂ်ႈ​လႆႈ​ယႃႉ​ၽဵဝ်ႈ​ၶဝ်​ပႅတ်ႈ​ၼၼ်ႉ ပၼ်​ၵႂႃႇ​ပုၼ်ႈ​ဢၼ်​တၵ်း​ၼႄ​ပျႃး တီႈ​ ဢေးသတႃႇ ႁႂ်ႈ​မၼ်း​လႆႈ​ႁူႉ​လႆႈ​ငိၼ်း​လႄႈ​သင်ႇ​လၢတ်ႈ​ၵႂႃႇ ႁႂ်ႈ​မၼ်း​ၶဝ်ႈ​ၸူး​တီႈ​ၶုၼ်​ႁေႃ​ၶမ်း​လႄႈ လဝ်ႊ​ယွၼ်း​ပုၼ်ႈ​မဵဝ်း​တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ​ၸဝ်ႈ​ၼၼ်ႉ​ဢေႃႈ။-</verse>
				<verse number="9">ႁႃႇတိၵ်ႉ ​ၼၼ်ႉ​ၵေႃႈ​မႃး​လႄႈ ႁႃ​ဢဝ်​ၵႂၢမ်း​ မေႃႇတၵႄး ၶိုၼ်း​လဝ်ႊ​လၢတ်ႈ​တီႈ ဢေးသတႃႇ ​ဢေႃႈ။</verse>
				<verse number="10">မိူဝ်ႈ​ၼၼ်ႉ ဢေးသတႃႇ ​ၼၼ်ႉ မီး​ဢမိင်ႉ​တီႈ​ ႁႃႇတိၵ်ႉ ​လႄႈ သင်ႇ​လၢတ်ႈ​ၵႂႃႇ​တီႈ​ မေႃႇတၵႄး ​လႄႈ​ဝႃႈ​ၸမ်ႉ၊-</verse>
				<verse number="11">ၶႃႈ​ၵူၼ်း​ၶုၼ်​ႁေႃ​ၶမ်း​တင်း​သဵင်ႈ​တင်း​လူင် ဢိၵ်ႇ​တင်း​ၶႃႈ​ဝၢၼ်ႈ​ၵူၼ်း​မိူင်း​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​ၸိူဝ်း​ၼၼ်ႉ ႁူႉ​လွင်ႈ​ဢၼ်​ပဵၼ်​ၵူၼ်း​ၸၢႆး​သေ​ဢမ်ႇ​ဝႃႈ၊ ပဵၼ်​မႄႈ​ယိင်း​သေ​ဢမ်ႇ​ဝႃႈ၊ ၵေႃႉ​ဢၼ်​ၶုၼ်​ႁေႃ​ၶမ်း​ယင်း​ဢမ်ႇ​ႁွင်ႉ​လႄႈ​ၶဝ်ႈ​ၵႃႈ​ၼႂ်း​တမ်ႇ​တိူင်း​တီႈ​မၼ်း​ၸဝ်ႈ​မႅၼ်ႈ​ၼၼ်ႉ၊ ပေႃး​မၼ်း​ၸဝ်ႈ​ယင်း​ဢမ်ႇ​ဢဝ် ၵၼ်း​ႁွၵ်ႇ​ရႃႇၸႃႉ​ယိုၼ်ႈ​ပၼ်​ႁႂ်ႈ​မၼ်း​လႆႈ ၵတ်း​ယဵၼ်​ၶျၢမ်း​သႃႇ​ၸိုင် မီး​တြႃး​ပႃး​လဵဝ်​ၵူၺ်း တီႈ​မၼ်း​ၼၼ်ႉ​လႄႈ မၼ်း​ၼၼ်ႉ​တၵ်း​လႆႈ​တၢႆ​ဢမၢၼ်ႇ​ၶၼ်​ပဵၼ်​ၼၼ်ႉ​ယူႇ​ဢေႃႈ။ ၵဝ်​ၶႃႈ​ၼႆႉ ၶုၼ်​ႁေႃ​ၶမ်း​ယင်း​ဢမ်ႇ​ႁွင်ႉ​ဢဝ်​ၶဝ်ႈ​ၸူး​တီႈ​မၼ်း​ၸဝ်ႈ​လႄႈ ယူႇ​လႆႈ​သၢမ်​သိပ်း​ဝၼ်း​တဵမ်​တဵမ်​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="12">ၶဝ်​ဢဝ်​ၵႂၢမ်း​ ဢေးသတႃႇ ​ၼၼ်ႉ ၶိုၼ်း​လၢတ်ႈ​တီႈ​ မေႃႇတၵႄး ​သေ​ယဝ်ႉ၊-</verse>
				<verse number="13">မေႃႇတၵႄး ​သမ်ႉ​ၶိုၼ်း​သင်ႇ​လၢတ်ႈ​ၵႂႃႇ​တီႈ​ ဢေးသတႃႇ ​လႄႈ​ဝႃႈ၊ ပေႃး​ဢသၢၵ်ႈ​ၵူၼ်း​ ယူႉတႃႉ ​တင်း​သဵင်ႈ​တင်း​လူင်​ဢမ်ႇ​လွတ်ႈ​ၸိုင်၊ ပိၵ်ႉ​သမ်ႉ​မႂ်း​ယူႇ​ၵႃႈ​ၼႂ်း​ႁေႃ​ၸဝ်ႈ​သေ​ၵေႃႈ ယႃႇ​ပေ​ထၢင်ႇ​ဢသၢၵ်ႈ​မႂ်း​တၵ်း​လွတ်ႈ။-</verse>
				<verse number="14">ပေႃး​မႂ်း​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​မိူဝ်ႈ​လဵဝ်​ၼႆႉ​ၸိုင် တၢင်း​ဢၼ်​ဢသၢၵ်ႈ​လိပ်း၊ တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၼၼ်ႉ တၵ်း​လုၵ်ႉ​တၢင်ႇ​တီႈ​တၢင်ႇ​လႅၼ်​ပေႃႇ​မႃး​တီႈ​ၵူၼ်း​ ယူႉတႃႉ ​တင်း​လၢႆ​လႄႈ၊ မႂ်း​ဢိၵ်ႇ​တင်း​မဵဝ်း​ၸိူဝ်ႉ​ၶိူဝ်း​ပေႃႈ​မႂ်း တၵ်း​လူႉ​တၵ်း​လႅဝ်​ဢေႃႈ။ ၽူႈ​လႂ်​တၵ်း​ႁူႉ​လွင်ႈ​ဢၼ်​မႂ်း​လႆႈ​ဢရႃႇ ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ၼႆႉ တၵ်း​ပဵၼ်​ပုၼ်ႈ​ၶိင်ႇ​မိူဝ်ႈ​လဵဝ်​ၼႆႉ​ၼၼ်ႉ​ႁိုဝ်။ ဢမ်ႇ​ပဵၼ်​ႁိုဝ် ၼၼ်ႉ​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ဢေးသတႃႇ ​ၵေႃႈ​သင်ႇ​လၢတ်ႈ​တီႈ​ၶဝ် ႁႂ်ႈ​လႆႈ​ၶိုၼ်း​မွၵ်ႇ​လၢတ်ႈ​တီႈ​ မေႃႇတၵႄး ​လႄႈ​ဝႃႈ၊-</verse>
				<verse number="16">ၵႂႃႇ​လႄႈ ႁႂ်ႈ​ၵူၼ်း​ ယူႉတႃႉ ​ၵႃႈ​ဢၼ်​မီး​ၵႃႈ​ၼႂ်း​ဝဵင်း​ သူႉသၼ်ႇ ​ၼႆႉ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​သေ​လႄႈ ယင်း​ဢမ်ႇ​ၵိၼ်​ဢမ်ႇ​ၶူပ်း​ယူႇ ဝၼ်း​ဝၼ်း​ၶိုၼ်း​ၶိုၼ်း​ဢမ်ႇ​ထၢတ်ႇ​သၢမ်​ဝၼ်း​တဵမ်​တဵမ်​လႄႈ ဢွၼ်​ၵၼ်​ၵမ်​တၢင်း​ၵိၼ်​ပုၼ်ႈ​ၵဝ်​ၶႃႈ​သေ​ၵမ်း။ ၵဝ်​ၶႃႈ​ၵေႃႈ​ဢိၵ်ႇ​လူၺ်ႈ​ၵၼ်​တင်း​ၶႃႈ​မႄႈ​ယိင်း​ၵဝ်​ၶႃႈ​တင်း​လၢႆ တၵ်း​ဢွၼ်​ၵၼ်​ၵမ်​တၢင်း​ၵိၼ် မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။ လိုၼ်း​ၼၼ်ႉ​ပိၵ်ႉ​သမ်ႉ​လႆႈ​ပူၼ်ႉ​လိူဝ်​ၼႄး​ဢူႉပတေႇ​ၸဝ်ႈ​သေ​ၵေႃႈ ၵဝ်​ၶႃႈ​တၵ်း​ၶဝ်ႈ​ၸူး​တီႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="17">ပေႃး​လႆႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​ၵေႃႈ၊ တၵ်း​လႆႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ၊ ဝႃႈ​ၼင်ႇ​ၼႆ​လႄႈ မေႃႇတၵႄး ​ၵႂႃႇ​လႄႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ ဢေးသတႃႇ ​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">ၼႂ်း​ဝၼ်း​ဢၼ် ထူၼ်ႈ​ထိုင်​သၢမ်​ဝၼ်း​ၼၼ်ႉ ဢေးသတႃႇ ​ၼုင်ႈ​မႆ​ႁၢင်ႈ​ၶိူင်ႈ​ၶူဝ်း​ၼုင်ႈ​တၢင်း​မႆ​ၼၢင်း​ႁေႃ​ၶမ်း​သေ​လႄႈ ၶဝ်ႈ​ၸုၵ်း​ယူႇ​ၵႃႈ​ၼႂ်း​တမ်ႇ​တိူင်း​ႁေႃ​ၸဝ်ႈ ဢၼ်​ၵႃႈ​ၼႂ်း​ဢၼ်​မီး​သိုဝ်ႈ​ၵၼ်​တင်း​ႁေႃ​လူင်​ၼၼ်ႉ​ဢေႃႈ။ ၶုၼ်​ႁေႃ​ၶမ်း​ၵေႃႈ​ၼင်ႈ​ယူႇ​ၵႃႈ​ၼိူဝ်​ရႃႇၸႃႉ​ပလၢင်ႇ​ၵႃႈ​ၼႂ်း​ႁေႃ​ၸဝ်ႈ ဢၼ်​မီး​သိုဝ်ႈ​ၽၵ်း​တူ​ႁေႃ​ၸဝ်ႈ​ၼၼ်ႉ​ဢေႃႈ။-</verse>
				<verse number="2">မိူဝ်ႈ​ဢၼ်​ၶုၼ်​ႁေႃ​ၶမ်း ႁၼ်​ၼၢင်း​ႁေႃ​ၶမ်း​ ဢေးသတႃႇ ၸုၵ်း​ယူႇ​ၵႃႈ​ၼႂ်း​တမ်ႇ​တိူင်း​ၸဝ်ႈ​ၼၼ်ႉ​ၸိုင်၊ မၼ်း​လႆႈ​ၼႃႈ​လႆႈ​တႃ​တီႈ​ၶုၼ်​ႁေႃ​ၶမ်း​လႄႈ ၶုၼ်​ႁေႃ​ၶမ်း​ဢဝ်​ၵၼ်း​ႁွၵ်ႇ​ရႃႇၸႃႉ​ၶမ်း ဢၼ်​မီး​ၵႃႈ​ၼႂ်း​မိုဝ်း​ၸဝ်ႈ​ၼၼ်ႉ​ယိုၼ်ႈ​ၸူး​တီႈ​ ဢေးသတႃႇ ​လႄႈ ဢေးသတႃႇ ​ၼၼ်ႉ သုတ်ႉ​ၸပ်း​သုတ်ႉ​ၸူး​သေ​လႄႈ တိူဝ်ႉ​သႂ်ႇ​ပၢႆ​လႅမ်​ၵၼ်း​ႁွၵ်ႇ​ရႃႇၸႃႉ​ၼၼ်ႉ​ဢေႃႈ။-</verse>
				<verse number="3">ၶုၼ်​ႁေႃ​ၶမ်း​ၵေႃႈ​မီး​ဢမိင်ႉ​လႄႈ​ဝႃႈ၊ ၼၢင်း​ႁေႃ​ၶမ်း​ ဢေးသတႃႇ ​ဢိူၺ်း၊ မႂ်း​မီး​ဢလူဝ်ႇ​ၶႂ်ႈ​လႆႈ​ၵႃႈ​သင်။ မႂ်း​ၶႂ်ႈ​ယွၼ်း​ဢဝ်​သူး​လၢပ်ႈ​ၵႃႈ​သင်။ ၵဝ်​တၵ်း​ပၼ်​ၵႃႈ​ဢၼ်​ၶႂ်ႈ​ယွၼ်း​ဢဝ်​ၼၼ်ႉ တေႃႇ​ထိုင်​ႁွတ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ၽၢၵ်ႇ​ၼိုင်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">ဢေးသတႃႇ ​လဝ်ႊ​လၢတ်ႈ​လႄႈ​ဝႃႈ၊ ပေႃး​ၸဝ်ႈ​ၶုၼ်​လူင်​မီး​ဢလူဝ်ႇ​ၸိုင်၊ ဝၼ်း​မိူဝ်ႈ​ၼႆႉ ၶႅၼ်း​တေႃႈ​ၸဝ်ႈ​ၶုၼ်​လူင်​ဢိၵ်ႇ​တင်း​ ႁႃႇမၢၼ်ႇ ​မႃး​တီႈ​ပွႆး​ဢၼ်​ၶိင်း​ပဵၼ်​ၶႃႈ​ပွင်​ႁဵတ်း​ပွင်​ႁႅၼ်း​ဝႆႉ ပုၼ်ႈ​ၸဝ်ႈ​ၶုၼ်​လူင်​ၼၼ်ႉ​သေ​ၵမ်း​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ႁႂ်ႈ​ ႁႃႇမၢၼ်ႇ ​မႃး​ၶၼ်​ၶၼ်​ဝႆး​ဝႆး ႁႂ်ႈ​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ဢေးသတႃႇ ​လဝ်ႊ​လၢတ်ႈ​ၼၼ်ႉ​သေ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​ဢိၵ်ႇ​တင်း​ ႁႃႇမၢၼ်ႇ မႃး​ၵႃႈ​တီႈ​ပွႆး​ဢၼ်​ ဢေးသတႃႇ ​ပွင်​ႁဵတ်း​ပွင်​ႁႅၼ်း​ဝႆႉ​ၼၼ်ႉ​ဢေႃႈ။</verse>
				<verse number="6">ၶုၼ်​ႁေႃ​ၶမ်း​မီး​ဢမိင်ႉ​တီႈ​ ဢေးသတႃႇ ၵႃႈ​ၼႂ်း​ပွႆး​ၼမ်ႉ​ၸပိတ်ႈ​ၼၼ်ႉ​လႄႈ​ဝႃႈ၊ မႂ်း​မီး​ဢလူဝ်ႇ​ၶႂ်ႈ​လႆႈ​ၵႃႈ​သင်။ ၵဝ်​တၵ်း​ပၼ်​ၸွမ်း​ၵႃႈ​ဢၼ်​မႂ်း​မီး​ဢလူဝ်ႇ​ၶႂ်ႈ​လႆႈ​ၼၼ်ႉ​ဢေႃႈ။ မႂ်း​ၶႂ်ႈ​ယွၼ်း​ဢဝ်​သူး​လၢပ်ႈ​ၵႃႈ​သင်။ ၵဝ်​တၵ်း​ပၼ်​ၵႃႈ​ဢၼ်​မႂ်း​ယွၼ်း​ဢဝ်​ၼၼ်ႉ​တေႃႇ​ထိုင်​ႁွတ်ႈ သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ၽၢၵ်ႇ​ၼိုင်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ဢေးသတႃႇ ​လဝ်ႊ​လၢတ်ႈ​လႄႈ​ဝႃႈ၊ သူး​လၢပ်ႈ​ဢၼ်​ၶိင်း​ပဵၼ်​ၶႃႈ​မီး​ဢလူဝ်ႇ​ၶႂ်ႈ​လႆႈ​လႄႈ ၶိင်း​ပဵၼ်​ၶႃႈ​ၶႂ်ႈ​ယွၼ်း​ဢဝ်​ၼၼ်ႉ တီႈ​ၶႃႈ​ၸမ်ႉ၊-</verse>
				<verse number="8">ပေႃး​ၶိင်း​ပဵၼ်​ၶႃႈ​ထုၵ်ႇ​ၸႂ်​မႅၼ်ႈ​ၸႂ်​ၸဝ်ႈ​ၶုၼ်​လူင်၊ ပေႃး​ၸဝ်ႈ​ၶုၼ်​လူင်​မီး​ဢလူဝ်ႇ​ၶႂ်ႈ​ဢဵတ်း​လူ​ပၼ်​သူး​လၢပ်ႈ ဢၼ်​ၶိင်း​ပဵၼ်​ၶႃႈ​မီး​ဢလူဝ်ႇ​ၶႂ်ႈ​လႆႈ​ၼၼ်ႉ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ်​ၶိင်း​ပဵၼ်​ၶႃႈ ၶႂ်ႈ​ယွၼ်း​ဢဝ်​ၼၼ်ႉ​တီႈ​ၶႃႈ​ၸိုင်၊ ၸဝ်ႈ​ၶုၼ်​လူင် ဢိၵ်ႇ​တင်း​ ႁႃႇမၢၼ်ႇ သမ်ႉ​မႃး​တီႈ​ပွႆး​ဢၼ်​ၶိင်း​ပဵၼ်​ၶႃႈ တၵ်း​ပွင်​ႁဵတ်း​ပွင်​ႁႅၼ်း​ဝႆႉ​ၼၼ်ႉ​ထႅင်ႈ​သေ​ၵမ်း​တီႈ​ၶႃႈ။ ဝၼ်း​မိူဝ်ႈ​ၽုၵ်ႈ ၶိင်း​ပဵၼ်​ၶႃႈ​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ် ၸဝ်ႈ​ၶုၼ်​လူင်​မီး​ဢမိင်ႉ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၼႂ်း​ဝၼ်း​ၼၼ်ႉ ပိၵ်ႉ​သမ်ႉ​ ႁႃႇမၢၼ်ႇ ​မီး​ၸႂ်​ဢၼ်​ၸူမ်း​သိူဝ်း​သႂၢင်ႇ​ၵီႈ​သေ​လႄႈ ဢွၵ်ႇ​မိူဝ်း​ၵႂႃႇ​သေ​ၵေႃႈ၊ မိူဝ်ႈ​ဢၼ်​မၼ်း​ႁၼ်​ မေႃႇတၵႄး ယင်း​ဢမ်ႇ​လုၵ်ႉ​ၸုၵ်း၊ ယင်း​ဢမ်ႇ​တူင်ႉ​ဢမ်ႇ​ၼိုင်​ၵွပ်ႈ​ပိူဝ်ႈ​မၼ်း​လႃး​လႃး​လႄႈ ယူႇ​ၵႃႈ​ၼႂ်း​ႁူး​ၽၵ်း​တူ​ႁေႃ​ၸဝ်ႈ​ၼၼ်ႉ​ယူႇ​ၼၼ်ႉ​ၸိုင် မၼ်း​မီး​တၢင်း​ဢၼ်​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​တီႈ​ မေႃႇတၵႄး ​ဢေႃႈ။-</verse>
				<verse number="10">ၼႂ်း​ဝႃႈ​ၼၼ်​သေ​ၵေႃႈ ႁႃႇမၢၼ်ႇ ​ၶျုၵ်ႈ​ၵၼ်ႈ​ၸႂ်​မၼ်း​ယူႇ​သေ​လႄႈ မိူဝ်း​ၵႂႃႇ​ႁွတ်ႈ​ထိုင်​ၵႃႈ​တီႈ​ႁိူၼ်း​မၼ်း​သေ​ယဝ်ႉ၊ ပွႆႇ​ၸႂ်ႉ​လႄႈ ႁွင်ႉ​ဢဝ်​မေး​မၼ်း ၸေးရိတ်ႉ ဢိၵ်ႇ​တင်း​ၵေႃႉ​သေႈ​မၼ်း​တင်း​လၢႆ​မႃး​လႄႈ၊-</verse>
				<verse number="11">ႁႃႇမၢၼ်ႇ ​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​ဢၼ်​မုၼ်​ၽုင်း​ၸေး​ၸိမ်ႇ​မၼ်း​ယႂ်ႇ​ၼႃႇ၊ လွင်ႈ​ဢၼ်​လုၵ်ႈ​လၢင်း​မၼ်း​ၼမ်​ၼႃႇ၊ လွင်ႈ​ၵႃႈ​ဢၼ်​ၶုၼ်​ႁေႃ​ၶမ်း​ယုၵ်ႉ​ယွင်ႈ​မၼ်း​ၼႃႇ​လူင်​လၢင်​လႄႈ ၶၢၼ်း​မၼ်း​ဝႆႉ​ၵႃႈ​ၼႂ်း​ဢရႃႇ​ဢၼ်​မျၢတ်ႈ​လိူဝ်​တွၼ်း​ၼႃႇ​သေ​မူး​မၢတ်ႈ​ၽွင်း​မိူင်း​ၸဝ်ႈ​တင်း​လၢႆ ဢိၵ်ႇ​တင်း​ၶႃႈ​ၵူၼ်း​ၸဝ်ႈ​တင်း​လၢႆ​ၼၼ်ႉ​ဢေႃႈ။-</verse>
				<verse number="12">လိူဝ်​သေ​ၼၼ်ႉ ႁႃႇမၢၼ်ႇ ​လၢတ်ႈ​လႄႈ​ဝႃႈ၊ ၼၢင်း​ႁေႃ​ၶမ်း​ ဢေးသတႃႇ ​ၼၼ်ႉ၊ ၼွၵ်ႈ​သေ​ၵဝ်​ၼႆႉ ဢမ်ႇ​ႁႂ်ႈ​ၽူႈ​လႂ်​သေ​ၵေႃႉ​သေ​ၵူၼ်း​ၸွမ်း​လူၺ်ႈ​ၵၼ်​တင်း​ၶုၼ်​ႁေႃ​ၶမ်း ၶဝ်ႈ​ၸူး​ၵႃႈ​တီႈ​ပွႆး​ဢၼ်​မၼ်း​ပွင်​ႁဵတ်း​ပွင်​ႁႅၼ်း​ဝႆႉ​ၼၼ်ႉ​လႄႈ၊ ၵႃႈ​တီႈ​ဝၼ်း​မိူဝ်ႈ​ၽုၵ်ႈ​ၵေႃႈ၊ ၵဝ်​သမ်ႉ​လႆႈ​ၶၢမ်ႇ​တၢင်း​ဢၼ်​ၽိတ်ႈ​ပၢင်း​ၸွမ်း ဢိၵ်ႇ​လူၺ်ႈ​ၵၼ်​တင်း​ၶုၼ်​ႁေႃ​ၶမ်း​ဢေႃႈ။-</verse>
				<verse number="13">ၵူၺ်း​ၵႃႈ ၸူဝ်ႈ​ဢၼ်​ၵဝ်​ယင်း​လႆႈ​ႁၼ် မေႃႇတၵႄး ၵူၼ်း​ ယူႉတႃႉ ​ၼၼ်ႉ​ၼင်ႈ​ယူႇ​ၵႃႈ​တီႈ​ႁူး​ၽၵ်း​တူ​ႁေႃ​ၸဝ်ႈ​ၼၼ်ႉ​ၸိုင်၊ ၵႃႈ​ဢၼ်​ၵဝ်​လၢတ်ႈ​မိူဝ်ႈ​လဵဝ်​ၼႆႉ​ၸိူဝ်း​ၼၼ်ႉ ဢမ်ႇ​ပွင်ႇ​လွင်ႈ​ၵႃႈ​သင်​တီႈ​ၵဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မိူဝ်ႈ​ၼၼ်ႉ မေး​မၼ်း​ ၸေးရိတ်ႉ ဢိၵ်ႇ​တင်း​ၵေႃႉ​သေႈ​မၼ်း​ၵႃႈ​မီး​ၼၼ်ႉ ဢွၼ်​ၵၼ်​လၢတ်ႈ​လႄႈ​ဝႃႈ၊ ႁႂ်ႈ​ပၵ်း​သဝ်​ဢၼ်​မတ်ႉ​ႁွႆႈ​ၵႅၼ်​ၶေႃး​တူၵ်း ဢၼ်​သုင်​ႁႃႈ​သိပ်း​သွၵ်ႇ​ၼၼ်ႉ​သေ​ၵမ်း။ ဝၼ်း​မိူဝ်ႈ​ၽုၵ်ႈ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ႁႂ်ႈ​လႆႈ​ဢဝ်​ မေႃႇတၵႄး မတ်ႉ​ႁွႆႈ​ၵႅၼ်​ၶေႃး​တူၵ်း​ၵႃႈ​တီႈ​သဝ်​ၼၼ်ႉ​ပႅတ်ႈ​သေ​ၵမ်း။ လိုၼ်း​ၼၼ်ႉ​ၸင်ႇ မီး​ၸႂ်​ဢၼ်​သႂၢင်ႇ​သိူဝ်း​သေ​လႄႈ ၶဝ်ႈ​ပွႆး​လူၺ်ႈ​ၵၼ်​တင်း​ၶုၼ်​ႁေႃ​ၶမ်း​သေ​ၵမ်း၊ ဝႃႈ​ၼင်ႇ​ၼႆ​လႄႈ ၵႂၢမ်း​ဢၼ်​လၢတ်ႈ​ဝႃႈ​ၼၼ်ႉ ထုၵ်ႇ​ၸႂ်​ၵျိူၵ်ႈ​ၸႂ်​ ႁႃႇမၢၼ်ႇ ​လႄႈ မၼ်း​ႁႂ်ႈ​ႁဵတ်း​ႁႂ်ႈ​ႁႅၼ်း​သဝ်​ဢၼ်​မတ်ႉ​ႁွႆႈ​ၵႅၼ်​ၶေႃး​တူၵ်း​ၼၼ်ႉ​ဝႆႉ​ဢေႃႈ။</verse>
			</chapter>
			<chapter number="6">
				<verse number="1">ၼႂ်း​ၶိုၼ်း​ၼၼ်ႉ ၶုၼ်​ႁေႃ​ၶမ်း​ၼွၼ်း​ဢမ်ႇ​လပ်း​လႆႈ​လႄႈ မီး​ဢမိင်ႉ​ႁႂ်ႈ​ဢဝ်​လိၵ်ႈ​ရႃႇၸဝၢင်ႇ​ဢၼ်​မၢတ်ႈ​မၢႆ​တႅမ်ႈ​ဝႆႉ​ၸွမ်း​ၵူႈ​ဝၼ်း​ၼၼ်ႉ​မႃး​လႄႈ ၶဝ်​ဢွၼ်​ၵၼ်​ဢဝ်​ၽတ်း​ၵႃႈ​တီႈ​ၽၢႆႇ​ၼႃႈ ၶုၼ်​ႁေႃ​ၶမ်း​ဢေႃႈ။-</verse>
				<verse number="2">မိူဝ်ႈ​ဢၼ်​ထူပ်း​ႁၼ် ဢၼ်​တႅမ်ႈ​ဝႆႉ​လွင်ႈ​ဢၼ်​ မေႃႇတၵႄး ​ၽုၺ်ႇ​ဢွၵ်ႇ​ၼႄ​ပျႃး လွင်ႈ​ဢၼ်​ ပီႉၵသၼ်ႇ တင်း​ တေႇရိတ်ႉ ဢၼ်​ပဵၼ်​ၵူၼ်း​ထိင်း​ၼၢင်း​ၵႃႈ​ၼႂ်း​ႁေႃ​ၸဝ်ႈ​လႄႈ ပဵၼ်​ၵေႃႉ​ဢၼ်​ပႂ်ႉ​ၽၵ်း​တူ​သွင်​ၵေႃႉ​ၼၼ်ႉ ၵျၢမ်ႇ​ပွင်​ႁႂ်ႈ​လႆႈ​ဢဝ်​ၶုၼ်​ႁေႃ​ၶမ်း​ ဢႃႇသူၺ်ႇရူႉ ​တၢႆ​ၼၼ်ႉ​ၼၼ်ႉ​ၸိုင်၊-</verse>
				<verse number="3">ၶုၼ်​ႁေႃ​ၶမ်း​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​လွင်ႈ​ၼႆႉ​လႄႈ လႆႈ​ပၼ်​သူး​လၢပ်ႈ​ၵႃႈ​သင်။ လႆႈ​ပၼ်​ဢရႃႇ​ၵႃႈ​သင်​တီႈ​ မေႃႇတၵႄး ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ၊ ၶႃႈ​ၵူၼ်း​ၶုၼ်​ႁေႃ​ၶမ်း​ဢၼ်​ၶႃး​ၸႃး​ယူႇ​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ဢမ်ႇ​ပႆႇ​လႆႈ​ပၼ်​သူး​လၢပ်ႈ​ၵႃႈ​သင်​တီႈ​မၼ်း​လႃး​လႃး​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">ၶုၼ်​ႁေႃ​ၶမ်း​ၵေႃႈ​ထၢမ်​လႄႈ​ဝႃႈ၊ ၽူႈ​လႂ်​မီး​ၵႃႈ​ၼႂ်း​တမ်ႇ​တိူင်း​ၼႆႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ႁႃႇမၢၼ်ႇ ​ၼၼ်ႉ​ၶဝ်ႈ​ၵႃႈ​ၼႂ်း​တမ်ႇ​တိူင်း​ဢၼ်​ၵႃႈ​ၼွၵ်ႈ ႁႂ်ႈ​လႆႈ​လဝ်ႊ​ယွၼ်း​ဢၶႂၢင်ႉ​တီႈ​ၶုၼ်​ႁေႃ​ၶမ်း၊ ႁႂ်ႈ​လႆႈ​ဢဝ်​ မေႃႇတၵႄး မတ်ႉ​ႁွႆႈ​ၵႅၼ်​ၶေႃး​တူၵ်း ၵႃႈ​တီႈ​သဝ်​ဢၼ်​မၼ်း​ႁဵတ်း​ဝႆႉ​ႁႅၼ်း​ဝႆႉ​ထႃႈ​ၼၼ်ႉ​လႄႈ၊-</verse>
				<verse number="5">ၶႃႈ​ၵူၼ်း​ၶုၼ်​ႁေႃ​ၶမ်း​ၸိူဝ်း​ၼၼ်ႉ ဢွၼ်​ၵၼ်​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ႁႃႇမၢၼ်ႇ ​ၸုၵ်း​ယူႇ​ၵႃႈ​ၼႂ်း​တမ်ႇ​တိူင်း​ၸဝ်ႈ​တီႈ​ၶႃႈ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ႁႂ်ႈ​မၼ်း​ၶဝ်ႈ​မႃး​ၵႃႈ​ၼႂ်း​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ႁႃႇမၢၼ်ႇ ​ၶဝ်ႈ​ၵႃႈ​ၼႂ်း​သေ​ယဝ်ႉ၊ ၶုၼ်​ႁေႃ​ၶမ်း​ထၢမ်​တီႈ​မၼ်း​လႄႈ​ဝႃႈ၊ ထုၵ်ႇ​လီ​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၵေႃႉ​ဢၼ်​ၶုၼ်​ႁေႃ​ၶမ်း မီး​ဢလူဝ်ႇ​ၶႂ်ႈ​ယုၵ်ႉ​ယွင်ႈ​ၼၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ႁႃႇမၢၼ်ႇ ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼႂ်း​ၸႂ်​မၼ်း​လႄႈ​ဝႃႈ၊ လိူဝ်​သေ​ၵဝ်​ၼႆႉ ၶုၼ်​ႁေႃ​ၶမ်း​ယင်း​မီး​ဢလူဝ်ႇ​ၶႂ်ႈ​ယုၵ်ႉ​ယွင်ႈ​ၽူႈ​လႂ်​ၼႃႇ​သေ​ၵဝ်​ၼႆႉ​လူး​ၵွၼ်ႇ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="7">ႁႃႇမၢၼ်ႇ ​ၶိုၼ်း​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ပုၼ်ႈ​ၵေႃႉ​ဢၼ်​ၶုၼ်​ႁေႃ​ၶမ်း​မီး​ဢလူဝ်ႇ​ၶႂ်ႈ​ယုၵ်ႉ​ယွင်ႈ​ၼၼ်ႉ​ၸိုင်၊-</verse>
				<verse number="8">လီ​ဢဝ်​ၶိူင်ႈ​ၼုင်ႈ​တၢင်း​မႆ ဢၼ်​ၶုၼ်​ႁေႃ​ၶမ်း​ယၢမ်ႈ​ၼုင်ႈ​မႆ​ယူႇ၊ မႃႉ​ဢၼ်​ၶုၼ်​ႁေႃ​ၶမ်း​ယၢမ်ႈ​ၶီႇ​ယူႇ၊ ရႃႇၸႃႉ​သရၽူႇ​ဢၼ်​မၼ်း​ၸဝ်ႈ​တိုဝ်း​ယူႇ​ၼၼ်ႉ​မႃး​လႄႈ၊-</verse>
				<verse number="9">ဢဝ်​ၶိူင်ႈ​ၼုင်ႈ​တၢင်း​မႆ​ၸဝ်ႈ ဢိၵ်ႇ​တင်း​မႃႉ​ၸဝ်ႈ​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​မူး​မၢတ်ႈ​ၽွင်း​မိူင်း​ၸဝ်ႈ ၵေႃႉ​ဢၼ်​မုၼ်​ၽုင်း​ယႂ်ႇ​ပႃး​ၼိုင်ႈ​ၼၼ်ႉ​သေ​လႄႈ ႁႂ်ႈ​ဢဝ်​ၼုင်ႈ​ပၼ်​ၵေႃႉ​ဢၼ်​ၶုၼ်​ႁေႃ​ၶမ်း​မီး​ဢလူဝ်ႇ​ၶႂ်ႈ​ယုၵ်ႉ​ယွင်ႈ​ၼၼ်ႉ​လႄႈ ႁႂ်ႈ​မၼ်း​ၶီႇ​မႃႉ​ၸဝ်ႈ​ၸွမ်း​သဵၼ်ႈ​တၢင်း​လူင်​ဝဵင်း​ၸဝ်ႈ​ၼၼ်ႉ​သေ​လႄႈ ႁႂ်ႈ​ႁွင်ႉ​ပၢဝ်ႇ​ႁွင်ႉ​လၢတ်ႈ​ၵႃႈ​တီႈ​ဢွၼ်​တၢင်း​မၼ်း​လႄႈ​ဝႃႈ၊ လႆႈ​ႁဵတ်း​ၸိူဝ်ႉ​ၼင်ႇ​ၼႆ​တီႈ​ၵေႃႉ​ဢၼ်​ၶုၼ်​ႁေႃ​ၶမ်း​မီး​ဢလူဝ်ႇ​ၶႂ်ႈ​ယုၵ်ႉ​ယွင်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​မီး​ဢမိင်ႉ​တီႈ​ ႁႃႇမၢၼ်ႇ ​လႄႈ​ဝႃႈ၊ မႂ်း​ၵႂႃႇ​ၶၼ်​ၶၼ်​ၽႂ်း​ၽႂ်း​လႄႈ ဢဝ်​ၶိူင်ႈ​ၼုင်ႈ​တၢင်း​မႆ​ၸဝ်ႈ ဢိၵ်ႇ​တင်း​မႃႉ​ၸဝ်ႈ ၸွမ်း​ၵႃႈ​ၼင်ႇ​ဢၼ်​မႂ်း​လဝ်ႊ​လၢတ်ႈ​ၼၼ်ႉ​လႄႈ ႁဵတ်း​တီႈ​ မေႃႇတၵႄး ​ၵူၼ်း​ ယူႉတႃႉ ဢၼ်​ၼင်ႈ​ယူႇ​ၵႃႈ​တီႈ​ၽၵ်း​တူ​ႁေႃ​ၸဝ်ႈ​ၼၼ်ႉ​တႃႉ။ ယႃႇ​ပေ​ႁႂ်ႈ​ၵႃႈ​ဢၼ်​မႂ်း​လဝ်ႊ​လၢတ်ႈ​ၼၼ်ႉ လႆႈ​လုတ်ႈ​လႆႈ​ယွမ်း​သေ​ၸိူဝ်ႉ​သေ​ပိူင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​ၼၼ်ႉ​ ႁႃႇမၢၼ်ႇ ဢဝ်​ၶိူင်ႈ​ၼုင်ႈ​တၢင်း​မႆ​ၸဝ်ႈ ဢိၵ်ႇ​တင်း​မႃႉ​ၸဝ်ႈ​လႄႈ ၼုင်ႈ​ပၼ်​ မေႃႇတၵႄး ​သေ​ယဝ်ႉ၊ ႁႂ်ႈ​မၼ်း​ၶီႇ​မႃႉ​ၸဝ်ႈ ၸွမ်း​သဵၼ်ႈ​တၢင်း​လူင်​ဝဵင်း​ၸဝ်ႈ​ယူႇ​သေ​လႄႈ ႁွင်ႉ​ပၢဝ်ႇ​ႁွင်ႉ​လၢတ်ႈ​ၵႃႈ​တီႈ​ဢွၼ်​တၢင်း​မၼ်း​လႄႈ​ဝႃႈ၊ လႆႈ​ႁဵတ်း​ၸိူဝ်ႉ​ၼင်ႇ​ၼႆ တီႈ​ၵေႃႉ​ဢၼ်​ၶုၼ်​ႁေႃ​ၶမ်း​မီး​ဢလူဝ်ႇ​ၶႂ်ႈ​ယုၵ်ႉ​ယွင်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ႁဵတ်း​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ မေႃႇတၵႄး ​ၶိုၼ်း​မႃး​ၸူး​တီႈ​ၽၵ်း​တူ​ႁေႃ​ၸဝ်ႈ​သေ​ဢေႃႈ။ ႁႃႇမၢၼ်ႇ ​ၸမ်ႉ၊ ၶၢင်း​ၶီ​ၶၢင်း​ၽၢၼ်​ယူႇ၊ ႁူမ်ႇ​သုမ်ႇ​ႁူဝ်​မၼ်း​ယူႇ​သေ​လႄႈ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ႁိူၼ်း​မၼ်း​ၶၼ်​ၶၼ်​ၽႂ်း​ၽႂ်း​သေ​ယဝ်ႉ၊-</verse>
				<verse number="13">ႁႃႇမၢၼ်ႇ ​ၶိုၼ်း​မွၵ်ႇ​လၢတ်ႈ လွင်ႈ​တၢင်း​ၵႃႈ​ဢၼ်​ပဵၼ်​တီႈ​မၼ်း​ၸိူဝ်း​ၼၼ်ႉ တီႈ​မေး​မၼ်း​ ၸေးရိတ်ႉ ဢိၵ်ႇ​တင်း​ၵေႃႉ​သေႈ​မၼ်း​ၵႃႈ​မီး​ၸိူဝ်း​ၼၼ်ႉ​ဢေႃႈ။ မိူဝ်ႈ​ၼၼ်ႉ​ပိင်ႇ​ၺႃႇ​သီႉ​မၼ်း​တင်း​လၢႆ ဢိၵ်ႇ​တင်း​မေး​မၼ်း​ ၸေးရိတ်ႉ ​ၼၼ်ႉ ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ပေႃး​ မေႃႇတၵႄး ဢၼ်​ၸဝ်ႈ​ႁဝ်း​ၸႃႉ​တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​မၼ်း​ၼၼ်ႉ ပဵၼ်​မဵဝ်း​ ယူႉတႃႉ ​ဢမၢၼ်ႇ​ၶၼ်​ပဵၼ်​ၸိုင်၊ ၸဝ်ႈ​ႁဝ်း​တၵ်း​ဢမ်ႇ​ပႄႉ​ဢမ်ႇ​ၼႅင်ႇ​မၼ်း​လႆႈ။ တၵ်း​တူၵ်း​သုမ်း​ၵႃႈ​တီႈ​ၽၢႆႇ​ၼႃႈ​မၼ်း ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​လၢတ်ႈ​တေႃႇ​မၼ်း​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ ၵူၼ်း​ထိင်း​ၼၢင်း​ၵႃႈ​တီႈ​ႁေႃ​ၸဝ်ႈ​ၸိူဝ်း​ၼၼ်ႉ​ဢွၼ်​ၵၼ်​မႃး​လႄႈ ႁွင်ႉ​ဢဝ်​ ႁႃႇမၢၼ်ႇ ၵႂႃႇ​ၵႃႈ​တီႈ​ပွႆး​ဢၼ်​ ဢေးသတႃႇ ​ပွင်​ႁဵတ်း​ပွင်​ႁႅၼ်း​ဝႆႉ​ၼၼ်ႉ ၶၼ်​ၶၼ်​ၽႂ်း​ၽႂ်း​ဢေႃႈ။</verse>
			</chapter>
			<chapter number="7">
				<verse number="1">ၼင်ႇ​ၼၼ်​လႄႈ ၶုၼ်​ႁေႃ​ၶမ်း​ဢိၵ်ႇ​တင်း​ ႁႃႇမၢၼ်ႇ ဢွၼ်​ၵၼ်​မႃး ႁႂ်ႈ​လႆႈ​သူတ်ႉ​လႆႈ​ၵိၼ်​ၼမ်ႉ​ၸပိတ်ႈ​လူၺ်ႈ​ၵၼ်​တင်း ၼၢင်း​ႁေႃ​ၶမ်း ဢေးသတႃႇ ​ဢေႃႈ။-</verse>
				<verse number="2">ၶုၼ်​ႁေႃ​ၶမ်း​မီး​ဢမိင်ႉ​တီႈ​ ဢေးသတႃႇ ၵႃႈ​ၼႂ်း​ပွႆး​ၼမ်ႉ​ၸပိတ်ႈ​ၼၼ်ႉ​ၼႂ်း​ဝၼ်း​တူႉတီႉယႃႉ​ၼၼ်ႉ​လႄႈ​ဝႃႈ၊ ၼၢင်း​ႁေႃ​ၶမ်း​ ဢေးသတႃႇ ဢိူၺ်း၊ မႂ်း​မီး​ဢလူဝ်ႇ​ၶႂ်ႈ​လႆႈ​ၵႃႈ​သင်။ ၵဝ်​တၵ်း​ပၼ်​ၵႃႈ​ဢၼ်​မႂ်း​မီး​ဢလူဝ်ႇ​ၶႂ်ႈ​လႆႈ​ၼၼ်ႉ​ဢေႃႈ။ မႂ်း​ၶႂ်ႈ​ယွၼ်း​ဢဝ်​သူး​လၢပ်ႈ​ၵႃႈ​သင်။ ၵဝ်​တၵ်း​ပၼ်​ၵႃႈ​ဢၼ်​မႂ်း​ယွၼ်း​ဢဝ်​ၼၼ်ႉ တေႃႇ​ထိုင်​ႁွတ်ႈ​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ၽၢၵ်ႇ​ၼိုင်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="3">ၼၢင်း​ႁေႃ​ၶမ်း​ ဢေးသတႃႇ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ပေႃး​ၶိင်း​ပဵၼ်​ၶႃႈ​ထုၵ်ႇ​ၸႂ်​မႅၼ်ႈ​ၸႂ်​ၸဝ်ႈ​ႁဝ်း၊ ပေႃး​ၸဝ်ႈ​ႁဝ်း​မီး​ဢလူဝ်ႇ​ၸိုင် ၶႅၼ်း​တေႃႈ​ပၼ်​ဢသၢၵ်ႈ​ၶိင်း​ပဵၼ်​ၶႃႈ ၵတ်း​ယဵၼ်​ၶျၢမ်း​သႃႇ​ၸွမ်း​ၵႃႈ​ၼင်ႇ​ဢၼ်​ၶိင်း​ပဵၼ်​ၶႃႈ​မီး​ဢလူဝ်ႇ​ၶႂ်ႈ​လႆႈ​ၼၼ်ႉ ဢိၵ်ႇ​တင်း​ဢသၢၵ်ႈ​မဵဝ်း​ၸိူဝ်ႉ​ၶိူဝ်း​ၶိင်း​ပဵၼ်​ၶႃႈ​ၵတ်း​ယဵၼ်​ၶျၢမ်း​သႃႇ ၸွမ်း​ၵႃႈ​ၼင်ႇ​ဢၼ်​ၶိင်း​ပဵၼ်​ၶႃႈ​တွင်း​ပၢၼ်ႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="4">ပိူၼ်ႈ​ၶႃႉ​ပိူၼ်ႈ​ၶၢႆ ႁႂ်ႈ​ၶိင်း​ပဵၼ်​ၶႃႈ ဢိၵ်ႇ​တင်း​မဵဝ်း​ၸိူဝ်ႉ​ၶိူဝ်း​ၶိင်း​ပဵၼ်​ၶႃႈ လႆႈ​ၶၢမ်ႇ​တၢင်း​ဢၼ်​ၶႃႈ​ၽၼ်း​ဢဝ်​တၢႆ​ပႄႇ​ၽဵဝ်ႈ​ပႅတ်ႈ​တီႈ​ၶႃႈ​ယဝ်ႉ။ သင်​ၶႃႈ​ၶႂ်ႈ​ႁႂ်ႈ​လႆႈ​ပဵၼ်​ၶႃႈ​မႄႈ​ယိင်း၊ ၶႃႈ​ၵူၼ်း​ၸၢႆး​ၵူၺ်း​ၸိုင်၊ ပိၵ်ႉ​သမ်ႉ​ရၢၼ်ႇ​သူႇ​ၼၼ်ႉ ဢမ်ႇ​ပၼ်​ၵႃႈ​ၶၼ်​ဢၼ်​တၢၼ်ႇ​ၵၼ်​ပဵင်း​ၵၼ်​တင်း တၢင်း​ဢၼ်​ဢၵျူဝ်း​ၶုၼ်​ႁေႃ​ၶမ်း​လူႉ​ၼၼ်ႉ​လႆႈ​သေ​ၵေႃႈ၊ ၶိင်း​ပဵၼ်​ၶႃႈ​တၵ်း​ယူႇ​တဵတ်ႇ​တဵတ်ႇ​ယဵၼ်​ယဵၼ် ဢမ်ႇ​တၵ်း​သဵင်​လႄႈ​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ ဢႃႇသူၺ်ႇရူႉ ထၢမ်​တီႈ​ၼၢင်း​ႁေႃ​ၶမ်း​ ဢေးသတႃႇ ​လႄႈ​ဝႃႈ၊ ၵေႃႉ​ဢၼ်​ၵျၢမ်ႇ​ပွင်​တၵ်း​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸမ်ႉ၊ ပဵၼ်​ၽူႈ​လႂ်။ မီး​ၵႃႈ​တီႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ဢေးသတႃႇ လဝ်ႊ​လၢတ်ႈ​လႄႈ​ဝႃႈ၊ ရၢၼ်ႇ​သူႇ​ဢၼ်​ႁဵတ်း​ရၢၼ်ႇ​တၢင်း​ၽိတ်း​ၼၼ်ႉ ပဵၼ်​ ႁႃႇမၢၼ်ႇ ဢၼ်​ႁၢႆႉ​ယုတ်ႈ​ၼႆႉ​တီႈ​ၶႃႈ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ႁႃႇမၢၼ်ႇ ​ၼၼ်ႉ ငိၼ်း​ၵူဝ်​ငိၼ်း​ႁႄ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း ဢိၵ်ႇ​တင်း​ၼၢင်း​ႁေႃ​ၶမ်း​ၼၼ်ႉ​ဢေႃႈ။</verse>
				<verse number="7">မိူဝ်ႈ​ၼၼ်ႉ ၶုၼ်​ႁေႃ​ၶမ်း​မီး​တၢင်း​ဢၼ်​ၸႂ်​မႆႈ​ၶႆႈ​ၸႃႉ​သေ​လႄႈ လုၵ်ႉ​သေ​ၵႃႈ​တီႈ​ပွႆး​ၼမ်ႉ​ၸပိတ်ႈ​ၼၼ်ႉ​လႄႈ ၶဝ်ႈ​ၵႂႃႇ​ၵႃႈ​ၼႂ်း​သူၼ်​ဢူးယဵၼ်ႇ​ႁေႃ​ၸဝ်ႈ​ဢေႃႈ။ ႁႃႇမၢၼ်ႇ ​ႁူႉ​သၢႆ​ငၢႆႈ လွင်ႈ​ဢၼ်​ၶုၼ်​ႁေႃ​ၶမ်း တၵ်း​ပၼ်​ဢပႅတ်ႈ​တီႈ​မၼ်း​ၼၼ်ႉ​လႄႈ လုၵ်ႉ​ၸုၵ်း​ႁႂ်ႈ​လႆႈ​ႁဵတ်း​တၢင်း​ဢၼ်​တွင်း​ပၢၼ်ႇ​ယွၼ်း​ဢဝ်​ဢၶႂၢင်ႉ​တီႈ​ၼၢင်း​ႁေႃ​ၶမ်း​ ဢေးသတႃႇ ႁႂ်ႈ​ဢသၢၵ်ႈ​မၼ်း​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="8">ၶုၼ်​ႁေႃ​ၶမ်း​သမ်ႉ လုၵ်ႉ​သေ​ၵႃႈ​တီႈ​သူၼ်​ဢူးယဵၼ်ႇ​ႁေႃ​ၸဝ်ႈ ၶိုၼ်း​ၶဝ်ႈ​ၸူး​ၵႃႈ​တီႈ​ပွႆး​ၼမ်ႉ​ၸပိတ်ႈ​ၼၼ်ႉ​ထႅင်ႈ​လႄႈ ႁၼ်​ ႁႃႇမၢၼ်ႇ ၶုပ်ႉ​မူပ်ႇ​ယူႇ​ၵႃႈ​ၼိူဝ်​ၵူႇ​ငိုၵ်း တီႈ​ဢၼ်​ ဢေးသတႃႇ ​ၼင်ႈ​ၼၼ်ႉ​လႄႈ မီး​ဢမိင်ႉ​လႄႈ​ဝႃႈ၊ ၵေႃႉ​ၼႆႉ​တၵ်း​လႆႈ​ႁဵတ်း​ဢႃႉထမ်ႇမႃႉ​တီႈ ၼၢင်း​ႁေႃ​ၶမ်း​ၵႃႈ​တီႈ​ၽၢႆႇ​ၼႃႈ​ၵဝ် ၵႃႈ​ၼႂ်း​ႁေႃ​ၸဝ်ႈ​ၼႆႉ​ႁိုဝ်။ ဝႃႈ​ၼင်ႇ​ၼႆ​လႄႈ ၼႂ်း​မိူဝ်ႈ​ဢၼ်​ယင်း​တိုၵ်ႉ​မီး​ဢမိင်ႉ​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင် ၶဝ်​ဢွၼ်​ၵၼ်​ႁူမ်ႇ​သုမ်ႇ​ၼႃႈ​ ႁႃႇမၢၼ်ႇ ​ဢေႃႈ။-</verse>
				<verse number="9">မိူဝ်ႈ​ၼၼ်ႉ ႁႃႇပေႃႇၼႃႉ ၵူၼ်း​ထိင်း​ၼၢင်း​ဢၼ်​မီး​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ၼၼ်ႉ​ၵေႃႉ​ၼိုင်ႈ လဝ်ႊ​လၢတ်ႈ​လႄႈ​ဝႃႈ၊ တူၺ်း​တီႈ​ၶႃႈ​လူး။ သဝ်​ဢၼ်​မတ်ႉ​ႁွႆႈ​ၵႅၼ်​ၶေႃး​တူၵ်း ဢၼ်​သုင်​ႁႃႈ​သိပ်း​သွၵ်ႇ ဢၼ်​ ႁႃႇမၢၼ်ႇ ​ႁဵတ်း​ဝႆႉ​ပုၼ်ႈ​ မေႃႇတၵႄး ၵေႃႉ​ဢၼ်​ပႂ်ႉ​ဢၵျူဝ်း​ၸဝ်ႈ​ၶုၼ်​လူင်​သေ​လႄႈ​လဝ်ႊ​လၢတ်ႈ​ၼၼ်ႉ​ၼၼ်ႉ ပၵ်း​ဝႆႉ​မီး​ယူႇ​ၵႃႈ​တီႈ​ႁိူၼ်း​ ႁႃႇမၢၼ်ႇ ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ဢဝ်​မၼ်း​ၵႂႃႇ​မတ်ႉ​ႁွႆႈ​ၵႅၼ်​ၶေႃး​တူၵ်း​ၵႃႈ​တီႈ​ၼၼ်ႈ​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၼင်ႇ​ၼၼ်​လႄႈ ၶဝ်​ဢွၼ်​ၵၼ်​ဢဝ်​ ႁႃႇမၢၼ်ႇ မတ်ႉ​ႁွႆႈ​ၵႅၼ်​ၶေႃး​တူၵ်း​ၵႃႈ​တီႈ​သဝ်​ဢၼ်​မတ်ႉ​ႁွႆႈ​ၵႅၼ်​ၶေႃး​တူၵ်း ဢၼ်​မၼ်း​ႁဵတ်း​ဝႆႉ​ႁႅၼ်း​ဝႆႉ​ပုၼ်ႈ​ မေႃႇတၵႄး ​ၼၼ်ႉ​ဢေႃႈ။ တၢင်း​ၸႂ်​မႆႈ​ၶႆႈ​ၸႃႉ​ၶုၼ်​ႁေႃ​ၶမ်း​ထၢတ်ႇ​ၵႂႃႇ​ယဵၼ်​ၵႂႃႇ​သေ​ဢေႃႈ။</verse>
			</chapter>
			<chapter number="8">
				<verse number="1">ၼႂ်း​ဝၼ်း​ၼၼ်ႉ​ၵမ်း​လဵဝ် ၶုၼ်​ႁေႃ​ၶမ်း​ ဢႃႇသူၺ်ႇရူႉ ​ၼၼ်ႉ ဢဝ်​ႁိူၼ်း​ ႁႃႇမၢၼ်ႇ ရၢၼ်ႇ​သူႇ​မဵဝ်း​ ယူႉတႃႉ ​ၼၼ်ႉ ပၼ်​တီႈ​ၼၢင်း​ႁေႃ​ၶမ်း ဢေးသတႃႇ ​ဢေႃႈ။ မေႃႇတၵႄး ​ၼၼ်ႉ လႆႈ​ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း ၵွပ်ႈ​ပိူဝ်ႈ​ဢၼ်​ ဢေးသတႃႇ လဝ်ႊ​လၢတ်ႈ​လွင်ႈ​ဢၼ်​မၼ်း​ၼၼ်ႉ ထုၵ်ႇ​ပဵၼ်​ၸိူဝ်ႉ​ၼင်ႇ​ႁိုဝ်​တီႈ​မၼ်း​ၼၼ်ႉ​ဢေႃႈ။-</verse>
				<verse number="2">ၶုၼ်​ႁေႃ​ၶမ်း​ၵေႃႈ​ထွတ်ႇ​ဢဝ်​လၢၵ်ႈ​ၸွပ်ႈ​ၸဝ်ႈ ဢၼ်​ၼုၵ်ႈ​ဢဝ်​ၵႃႈ​တီႈ​မိုဝ်း​ ႁႃႇမၢၼ်ႇ ​ၼၼ်ႉ​လႄႈ ပၼ်​တီႈ​ မေႃႇတၵႄး ​ဢေႃႈ။ ဢေးသတႃႇ ​ၵေႃႈ ႁႂ်ႈ​ မေႃႇတၵႄး ​လႆႈ​ဢုပ်ႉ​ဢဝ်​ပိူင်ႇ​ဢဝ်​ႁိူၼ်း​ ႁႃႇမၢၼ်ႇ ​ၼၼ်ႉ​ဢေႃႈ။</verse>
				<verse number="3">လႆႈ​သမ်ႉ ဢေးသတႃႇ ​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ထႅင်ႈ​လႄႈ ၶုပ်ႉ​မူပ်ႇ​ၵႃႈ​တီႈ​ႁိမ်း​တိၼ်​မၼ်း​ယူႇ၊ ၼမ်ႉ​တႃ​တူၵ်း​ယူႇ​သေ​လႄႈ​တွင်း​ပၢၼ်ႇ ႁႂ်ႈ​မၼ်း​ၸဝ်ႈ​ပႄႇ​ပႅတ်ႈ​ဢပႅတ်ႈ​ဢၼ်​ ႁႃႇမၢၼ်ႇ မဵဝ်း​ ဢႃႇၵတ်ႉ ​ၼၼ်ႉ​ႁဵတ်း ဢိၵ်ႇ​တင်း​တၢင်း​ၵျၢမ်ႇ​တၢင်း​ပွင်​ဢၼ်​မၼ်း​ၵျၢမ်ႇ​ပွင်​ယူႇ​ၽၢႆႇ​ၼိုင်ႈ တင်း​မဵဝ်း​ ယူႉတႃႉ ​ၼၼ်ႉ​ဢေႃႈ။-</verse>
				<verse number="4">မိူဝ်ႈ​ၼၼ်ႉ​ၶုၼ်​ႁေႃ​ၶမ်း​ဢဝ်​ၵၼ်း​ႁွၵ်ႇ​ရႃႇၸႃႉ​ၶမ်း​ၸဝ်ႈ ယိုၼ်ႈ​ပၼ်​တီႈ​ ဢေးသတႃႇ ​လႄႈ၊ ဢေးသတႃႇ ​လုၵ်ႉ​သေ​လႄႈ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​လႄႈ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="5">ပေႃး​ၸဝ်ႈ​ၶုၼ်​လူင်​မီး​ဢလူဝ်ႇ​လႄႈ ၶိင်း​ပဵၼ်​ၶႃႈ​ထုၵ်ႇ​ၸႂ်​မႅၼ်ႈ​ၸႂ်​ၸဝ်ႈ​ႁဝ်း၊ ပေႃး​ဢမူႉ​ၶိင်း​ပဵၼ်​ၶႃႈ​ပဵၼ်​ဢၼ်​ထုၵ်ႇ​ဢၼ်​လီ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ၶုၼ်​လူင်​လႄႈ ၶိင်း​ပဵၼ်​ၶႃႈ​လႆႈ​ၼႃႈ​လႆႈ​တႃ​တီႈ​ၸဝ်ႈ​ၶုၼ်​လူင်​တီႈ​ၶႃႈ​ၸိုင် ၶႅၼ်း​တေႃႈ​ထၢပ်ႈ​လႄႈ​ႁဵတ်း​လိၵ်ႈ ႁႂ်ႈ​လႆႈ​ပႄႇ​ပႅတ်ႈ​လိၵ်ႈ​ဢၼ်​ ႁႃႇမၢၼ်ႇ လုၵ်ႈ​ၸၢႆး​ ႁမ်ႇမေႇတႃႇသႃႉ ​မဵဝ်း​ ဢႃႇၵတ်ႉ ၸီႇ​ယၢင်ႇ​တႅမ်ႈ​ႁႂ်ႈ​လႆႈ​ယႃႉ​ၽဵဝ်ႈ​ၵူၼ်း​ ယူႉတႃႉ ​ဢၼ်​မီး​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ၶုၼ်​လူင် ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="6">ၶိင်း​ပဵၼ်​ၶႃႈ တၵ်း​လူ​တူၺ်း​ၽေး​ဢၼ်​တၵ်း​ႁွတ်ႈ​ထိုင်​ၵႃႈ​ၼိူဝ်​မဵဝ်း​ၸိူဝ်ႉ​ၶိူဝ်း​ၶိင်း​ပဵၼ်​ၶႃႈ​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ၶိင်း​ပဵၼ်​ၶႃႈ​တၵ်း​လူ​တူၺ်း​ဢမူႉ တၢင်း​ဢၼ်​ၵူၼ်း​မဵဝ်း​လဵဝ်​ၵၼ်​တင်း​ၶိင်း​ပဵၼ်​ၶႃႈ​ၸိူဝ်း​ၼၼ်ႉ လူႉ​လႅဝ်​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၶုၼ်​ႁေႃ​ၶမ်း​ ဢႃႇသူၺ်ႇရူႉ ​ၵေႃႈ မီး​ဢမိင်ႉ​တီႈ​ၼၢင်း​ႁေႃ​ၶမ်း​ ဢေးသတႃႇ ဢိၵ်ႇ​တင်း​ မေႃႇတၵႄး ၵူၼ်း​ ယူႉတႃႉ ​ၼၼ်ႉ​လႄႈ​ဝႃႈ၊ ၶဝ်​ဢဝ်​ႁိူၼ်း​ ႁႃႇမၢၼ်ႇ ပၼ်​တီႈ​ၼၢင်း​ႁေႃ​ၶမ်း​ ဢေးသတႃႇ ​လႄႈ တူဝ်​မၼ်း​ၼၼ်ႉ​ၵေႃႈ ၶဝ်​ဢွၼ်​ၵၼ်​ဢဝ်​မတ်ႉ​ႁွႆႈ​ၵႅၼ်​ၶေႃး​တူၵ်း​ၵႃႈ​ၼိူဝ်​သဝ်​ဢၼ်​မတ်ႉ​ႁွႆႈ​ၵႅၼ်​ၶေႃး​တူၵ်း​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​လႆႈ​ႁဵတ်း​တီႈ​ၵူၼ်း​ ယူႉတႃႉ ​တင်း​လၢႆ​ၼၼ်ႉ​ယဝ်ႉ။-</verse>
				<verse number="8">ၵူၺ်း​ၵႃႈ သူ​သမ်ႉ​တႅမ်ႈ​လိၵ်ႈ​ဢမိင်ႉ​ၸဝ်ႈ ပုၼ်ႈ​ၵူၼ်း​ ယူႉတႃႉ ​တင်း​လၢႆ ၸွမ်း​ၵႃႈ​ၼင်ႇ​ဢၼ်​ၸႂ်​သူ​မီး​ၼၼ်ႉ​သေ​လႄႈ ဢဝ်​လၢၵ်ႈ​ၸွပ်ႈ​ၶုၼ်​ႁေႃ​ၶမ်း​တွၵ်ႇ​တၼ်း​သိၵ်ႈ​တႃႉ။ လွင်ႈ​မၼ်း​ၸမ်ႉ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လႆႈ​ၶိုၼ်း​ၼုၵ်ႈ​ၶိုၼ်း​ထွၼ်​လိၵ်ႈ​ဢမိင်ႉ​ၶုၼ်​ႁေႃ​ၶမ်း​ဢၼ်​ဢဝ်​လၢၵ်ႈ​ၸွပ်ႈ​ၶုၼ်​ႁေႃ​ၶမ်း တွၵ်ႇ​တၼ်း​သိၵ်ႈ​ယဝ်ႉ​ၼၼ်ႉ​ပႅတ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မိူဝ်ႈ​ၼၼ်ႉ ၼႂ်း​လိူၼ်​တႃႉတီႉယႃႉ ဢၼ်​လႆႈ​ၸိုဝ်ႈ​ ၸီႉဝၼ်ႇ သၢဝ်း​သၢမ်​ဝၼ်း​ၼၼ်ႉ ၶဝ်​ႁွင်ႉ​ဢဝ်​ၸရေး​လူင်​ၶုၼ်​ႁေႃ​ၶမ်း​တင်း​လၢႆ​လႄႈ တႅမ်ႈ​ၸွမ်း​ၵႃႈ​ၼင်ႇ​ဢၼ်​ မေႃႇတၵႄး ၸီႇ​ယၢင်ႇ​သင်ႇ​လၢတ်ႈ​ၼၼ်ႉ တီႈ​ၵူၼ်း​ ယူႉတႃႉ ​လႂ်၊ ၸဝ်ႈ​ၽႃႉ​လႂ်၊ မဵဝ်ႉ​ဝုၼ်ႇ ဢိၵ်ႇ​တင်း​ၶုၼ်​ဢၼ်​ဢုပ်ႉ​ၵႃႈ​ၼိူဝ်​သိုင်ႇ​ၸိုင်ႈ​ဝၢၼ်ႈ​မိူင်း ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​လႂ် ဢၼ်​မီး​ယူႇ​ၵႃႈ​တီႈ​မိူင်း ပၢၵ်ႇ​သၢဝ်း​ပၢႆ​ၸဵတ်း​မိူင်း ဢဝ်​ၵႃႈ​တီႈ​မိူင်း ဢိၼ်ႇတျႃႉ တေႃႇ​ထိုင်​ႁွတ်ႈ​မိူင်း​ ၵူႉသႃႉ ​ၸိူဝ်း​ၼၼ်ႉ ဢိၵ်ႇ​တင်း​တီႈ​သိုင်ႇ​ၸိုင်ႈ​ဝၢၼ်ႈ​မိူင်း ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ ၸွမ်း​လူၺ်ႈ​လိၵ်ႈ​ၽႃႇသႃႇ​ၽႂ်​လိၵ်ႈ​ၽႃႇသႃႇ​မၼ်း ဢိၵ်ႇ​တင်း​တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸွမ်း​လူၺ်ႈ​ၵႂၢမ်း​ၽႃႇသႃႇ​ၽႂ်​ၵႂၢမ်း​ၽႃႇသႃႇ​မၼ်း ဢိၵ်ႇ​တင်း​တီႈ​ၵူၼ်း​မဵဝ်း​ ယူႉတႃႉ ​တင်း​လၢႆ ၸွမ်း​လူၺ်ႈ​လိၵ်ႈ​ၽႃႇသႃႇ​ၶဝ် ၵႂၢမ်း​ၽႃႇသႃႇ​ၶဝ်​ၼၼ်ႉ​ဢေႃႈ။-</verse>
				<verse number="10">မၼ်း​ဢဝ်​ၸိုဝ်ႈ​ဢဝ်​သဵင်​ၶုၼ်​ႁေႃ​ၶမ်း​ ဢႃႇသူၺ်ႇရူႉ တႅမ်ႈ​လိၵ်ႈ​ဢမိင်ႉ​ၸဝ်ႈ​ၼၼ်ႉ​သေ​လႄႈ ဢဝ်​လၢၵ်ႈ​ၸွပ်ႈ​ၶုၼ်​ႁေႃ​ၶမ်း တွၵ်ႇ​တၼ်း​သိၵ်ႈ​သေ​ယဝ်ႉ၊ ပွႆႇ​ၸႂ်ႉ​ၵူၼ်း​ဢွၼ်ႇ​ဢၼ်​သူင်ႇ​လိၵ်ႈ​တင်း​လၢႆ ပႃး​ဢဝ်​လိၵ်ႈ​ၸိူဝ်း​ၼၼ်ႉ​သေ​လႄႈ ၶီႇ​မႃႉ၊ လေႃႉ၊ ၵလႃးဢုၵ်ႉ​ၸိူဝ်း​ၼၼ်ႉ​ၵႂႃႇ ၶၼ်​ၶၼ်​ၽႂ်း​ၽႂ်း​ဢေႃႈ။-</verse>
				<verse number="11">ၵႂၢမ်း​လိၵ်ႈ​ဢမိင်ႉ​ၸဝ်ႈ​ၼၼ်ႉ​ဝႃႈ၊ လွင်ႈ​ဢၼ်​ၶုၼ်​ႁေႃ​ၶမ်း​ပၼ်​ဢၶႂၢင်ႉ​တီႈ​ၵူၼ်း​ ယူႉတႃႉ ဢၼ်​မီး​ယူႇ​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၵူႈ​ဝၢၼ်ႈ​ၵူႈ​ဝဵင်း​ၸိူဝ်း​ၼၼ်ႉ ႁႂ်ႈ​ၶဝ်​လႆႈ​ၸူႉ​ၵၼ်​တုမ်​ၵၼ်​သေ​လႄႈ​ပႂ်ႉ​ဢသၢၵ်ႈ​ၶဝ်၊ ဢၶႂၢင်ႉ​ဢၼ်​ၶဝ်​လႆႈ​ၶႃႈ​ၽၼ်း​ဢဝ်​တၢႆ ပႄႇ​ၽဵဝ်ႈ​ႁူဝ်​ႁၢၼ်​ၵူၼ်း​သိုၵ်း​ၵူၼ်း​ဝၢၼ်ႈ​ၵူၼ်း​မိူင်း ပဵၼ်​မဵဝ်း​လႂ်​သေ​ဢမ်ႇ​ဝႃႈ ဢိူင်ႇ​လႂ်​ၵျၢၵ်ႈ​လႂ်​သေ​ဢမ်ႇ​ဝႃႈ၊ ဢၼ်​မီး​ဢလူဝ်ႇ​ၶႂ်ႈ​တိုၵ်း​မႃး​ၼၼ်ႉ တင်း​သဵင်ႈ​တင်း​လူင် ဢိၵ်ႇ​တင်း​လုၵ်ႈ​ဢွၼ်ႇ​ၶဝ်၊ မႄႈ​ယိင်း​ၶဝ်​သေ​လႄႈ ႁိမ်​ႁူင်ႇ​သိမ်း​ဢဝ်​ဢုၵ်ႉ​ၸႃႇ​ၶဝ်​ၼၼ်ႉ​ဝၼ်း​ၼိုင်ႈ၊-</verse>
				<verse number="12">ဢၼ်​ဝႃႈ​ၼႂ်း​လိူၼ်​တႂႃႇ​တႃႉသမႃႉ ဢၼ်​လႆႈ​ၸိုဝ်ႈ​ ဢႃႇတႃႇ သိပ်း​သၢမ်​ဝၼ်း​ၼၼ်ႉ​ၵမ်း​လဵဝ်​ၼၼ်ႉ​ဢေႃႈ။-</verse>
				<verse number="13">လိၵ်ႈ​ဢမိင်ႉ​ၸဝ်ႈ​ဢၼ်​လႆႈ​မွၵ်ႇ​လၢတ်ႈ ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​ၼၼ်ႉ လႆႈ​ၵျေႃႇ​ၺႃႇ​တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ႁႂ်ႈ​ၵူၼ်း​ ယူႉတႃႉ ​တင်း​လၢႆ မႄး​ႁႅၼ်း မီး​ဝႆႉ​ထႃႈ​ပုၼ်ႈ​ဝၼ်း​ၼၼ်ႉ ႁႂ်ႈ​လႆႈ​ၶိုၼ်း​တွပ်ႇ​တီႈ​ရၢၼ်ႇ​သူႇ​ၶဝ်​ၼၼ်ႉ​ဢေႃႈ။-</verse>
				<verse number="14">ၼင်ႇ​ၼၼ်​လႄႈ ၵူၼ်း​ဢွၼ်ႇ​ဢၼ်​သူင်ႇ​လိၵ်ႈ​လႄႈ ၶီႇ​လေႃႉ၊ ၵလႃးဢုၵ်ႉ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ၵႂႃႇ​ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၶုၼ်​ႁေႃ​ၶမ်း ႁိပ်ႈ​ၼႅတ်ႈ​ၼႃႇ​လူင်​လၢင်​လႄႈ ႁႂ်ႈ​ၵႂႃႇ​ၶၼ်​ၶၼ်​ၽႂ်း​ၽႂ်း​ၼၼ်ႉ​လႄႈ ဢမိင်ႉ​ၸဝ်ႈ​ၼၼ်ႉ​သႃႈ​ၸွတ်ႇ​ၵႂႃႇ​ၵႃႈ​ၼႂ်း​ႁေႃ​ၶမ်း​ သူႉသၼ်ႇ ​ၼၼ်ႉ​ဢေႃႈ။</verse>
				<verse number="15">မေႃႇတၵႄး ​ၼၼ်ႉ ၼုင်ႈ​မႆ​ၶူဝ်း​ၼုင်ႈ​တၢင်း​မႆ​ၶုၼ်​ႁေႃ​ၶမ်း ဢၼ်​ဝႃႈ​ၶူဝ်း​ၼုင်ႈ​ဢၼ်​ၽိူၵ်ႇ​ဢၼ်​သွမ်ႇ​ၼၼ်ႉ​ယူႇ၊ တိုဝ်း​သရၽူႇ​ၶမ်း​ဢၼ်​ယႂ်ႇ​ၼႃႇ​ယူႇ၊ ၼုင်ႈ​မႆ​သိူဝ်ႈ​ယၢဝ်း ဢၼ်​ဢဝ်​ပိၵ်ႈ​ၶျေႃး​တင်း​ၶူဝ်း​ဢၼ်​လႅင်​ၵမ်ႇ​ႁဵတ်း​ၼၼ်ႉ​ယူႇ​သေ​လႄႈ ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ၵႂႃႇ​ဢေႃႈ။ ဝဵင်း​ သူႉသၼ်ႇ ​ၼၼ်ႉ ပဵၼ်​သဵင်​ဢၼ်​ႁူၼ်ႈ​ဢၼ်​မေႃး​လႄႈ မီး​တၢင်း​ဢၼ်​ၸူမ်း​ဢၼ်​သိူဝ်း​ဢေႃႈ။-</verse>
				<verse number="16">ၵူၼ်း​ ယူႉတႃႉ ​တင်း​လၢႆ​ၵေႃႈ လႆႈ​တၢင်း​ဢၼ်​ပၢင်ႇ​ၸႂ်​လႅင်း​ၸႂ်၊ တၢင်း​ဢၼ်​ၸူမ်း​ၸႂ်​သိူဝ်း​ၸႂ်​မႃး​လႄႈ မီး​တၢင်း​ဢၼ်​မူၼ်ႈ​ၸႂ်​ပျေႃႇ​ၸႂ်၊ တၢင်း​ဢၼ်​မီး​မုၼ်​မီး​သရေႇ​မႃး​ဢေႃႈ။-</verse>
				<verse number="17">ၵႃႈ​ၼႂ်း​ၵႃႈ​ပဵၼ်​ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ ၵူႈ​ဝၢၼ်ႈ​ၵူႈ​ဝဵင်း ဢၼ်​လိၵ်ႈ​ဢမိင်ႉ​ၸဝ်ႈ​ႁွတ်ႈ​ထိုင်​ၼၼ်ႉ​ၵေႃႈ ၵူၼ်း​ ယူႉတႃႉ ​တင်း​လၢႆ​မီး​တၢင်း​ဢၼ်​ၸူမ်း​ၸႂ်​သိူဝ်း​ၸႂ်၊ တၢင်း​ဢၼ်​မူၼ်ႈ​ၸႂ်​ပျေႃႇ​ၸႂ်၊ တၢင်း​ဢၼ်​ၶၢမ်ႇ​ပွႆး၊ တၢင်း​ဢၼ်​ပႂ်ႉ​ဝၼ်း​မင်ႇၵလႃႇ​လႄႈ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ဢွၼ်​ၵၼ်​ၶဝ်ႈ​ၼႂ်း​ၽႃႇသႃႇ​ ယူႉတႃႉ ​ၼမ်​ၼႃႇ ၵွပ်ႈ​ပိူဝ်ႈ​ဢၼ်​ၶဝ်​ၵူဝ်​ႁႄ​ၵူၼ်း​ ယူႉတႃႉ ​ၼၼ်ႉ​ဢေႃႈ။</verse>
			</chapter>
			<chapter number="9">
				<verse number="1">ၼႂ်း​လိူၼ်​တႂႃႇ​တႃႉသမႃႉ ဢၼ်​လႆႈ​ၸိုဝ်ႈ​ ဢႃႇတႃႇ သိပ်း​သၢမ်​ဝၼ်း ဢၼ်​ဝႃႈ​ဝၼ်း​ဢၼ်​ပဵၼ်​ၶိင်ႇ​ဢၼ်​လႆႈ​ႁဵတ်း ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၶုၼ်​ႁေႃ​ၶမ်း​မီး​ၼၼ်ႉ​ၸမ်ႉ​မႃး​လႄႈ ရၢၼ်ႇ​သူႇ​မဵဝ်း​ ယူႉတႃႉ ​တင်း​လၢႆ မုင်ႈ​မွင်း​လူၺ်ႈ​လွင်ႈ​ဢၼ်​ၶဝ်​တၵ်း​ပႄႉ​ၼႅင်ႇ​ၼၼ်ႉ ဝၼ်း​ဢၼ်​ဢမူႉ​ၶၢႆႉ​ပုတ်ႈ​လႄႈ ၵူၼ်း​ ယူႉတႃႉ ​တင်း​လၢႆ လႆႈ​ပႄႉ​ၼႅင်ႇ​ၶဝ်​ၸိူဝ်း​ဢၼ်​သီႈ​ၵေႉ​ႁေႈ​တႃ​ၶဝ်​ၼၼ်ႉ​ၼၼ်ႉ၊-</verse>
				<verse number="2">ၵူၼ်း​ ယူႉတႃႉ ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​ၵႃႈ​တီႈ​ဝၢၼ်ႈ​ၶဝ်​ဝဵင်း​ၶဝ် ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၶုၼ်​ႁေႃ​ၶမ်း​ ဢႃႇသူၺ်ႇရူႉ ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ ႁႂ်ႈ​လႆႈ​ႁႄႉ​တိုၵ်း​ႁႄႉ​တေႃး ၶဝ်​ၸိူဝ်း​ဢၼ်​မီး​ဢလူဝ်ႇ​ၶႂ်ႈ​ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ် ၵူၼ်း​ဝၢၼ်ႈ​ၵူၼ်း​မိူင်း ၵူႈ​ၸိူဝ်ႉ​ၵူႈ​မဵဝ်း ၵူဝ်​ႁႄ​ၶဝ်​ၼၼ်ႉ​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၸုၵ်း​ဢမ်ႇ​ၶၢမ်ႇ​ၶဝ်​လႆႈ။-</verse>
				<verse number="3">ၶုၼ်​ဢၼ်​ဢုပ်ႉ​ၵႃႈ​ၼိူဝ် ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​လႂ်၊ ၸဝ်ႈ​ၽႃႉ​လႂ်၊ မဵဝ်ႉ​ဝုၼ်ႇ​လႂ်၊ ဢရႃႇသီႉ​ဢၼ်​ပႂ်ႉ​ဢမူႉ​ၶုၼ်​ႁေႃ​ၶမ်း​လႂ် တင်း​သဵင်ႈ​တင်း​လူင်​ၸိူဝ်း​ၼၼ်ႉ ဢွၼ်​ၵၼ်​ၸွႆႈ​ထႅမ်​မႃႉ​ၸႃႉ ၵူၼ်း​ ယူႉတႃႉ ​တင်း​လၢႆ ၵွပ်ႈ​ပိူဝ်ႈ​ဢၼ်​ၶဝ်​ၵူဝ်​ႁႄ​ မေႃႇတၵႄး ​ၼၼ်ႉ​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ မေႃႇတၵႄး ​ၼၼ်ႉ​မုၼ်​ၽုင်း​ယႂ်ႇ​ၵႃႈ​တီႈ​ႁေႃ​ၸဝ်ႈ​ယူႇ​သေ​လႄႈ သတၢင်း​သဵင်​ၶၢဝ်ႇ​မၼ်း​သႃႈ​ၸွတ်ႇ​ၵႂႃႇ ၵႃႈ​တီႈ​ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​လႄႈ မေႃႇတၵႄး ​ၼၼ်ႉ မီး​တၢင်း​ဢၼ်​ယႂ်ႇ​ၽႄႈ​တူဝ်း​တွၼ်း​မႃး​ယူႇ​တိၵ်း​တိၵ်း​ဢေႃႈ။-</verse>
				<verse number="5">မိူဝ်ႈ​ၼၼ်ႉ​ၵူၼ်း​ ယူႉတႃႉ ​တင်း​လၢႆ ဢွၼ်​ၵၼ်​တိုၵ်း​တေႃး​ယႃႉ​ပႅတ်ႈ​ရၢၼ်ႇ​သူႇ​ၶဝ်​တင်း​သဵင်ႈ​တင်း​လူင် လူၺ်ႈ​လၢပ်ႇ​လူၺ်ႈ​လႅဝ်း လူၺ်ႈ​တၢင်း​ဢၼ်​ၶႃႈ​ၽၼ်း​ဢဝ်​တၢႆ၊ လူၺ်ႈ​တၢင်း​ဢၼ်​လူႉ​ဢၼ်​လႅဝ်​ၼၼ်ႉ​လႄႈ ႁဵတ်း​တီႈ​ၶဝ်​ၸိူဝ်း​ဢၼ်​သီႈ​ၵေႉ​ႁေႈ​တႃ​ၶဝ်​ၼၼ်ႉ ၸွမ်း​ၵႃႈ​ၼင်ႇ​ဢၼ်​ၶဝ်​ၶႂ်ႈ​ႁဵတ်း​ၼၼ်ႉ​ဢေႃႈ။-</verse>
				<verse number="6">ၶဝ်​ဢွၼ်​ၵၼ်​ၶႃႈ​ၽၼ်း​ဢဝ်​ၵူၼ်း​တၢႆ​ပႅတ်ႈ​ႁႃႈ​ပၢၵ်ႇ ၵႃႈ​ၼႂ်း​ႁေႃ​ၶမ်း​ သူႉသၼ်ႇ ​ၼၼ်ႉ​ဢေႃႈ။-</verse>
				<verse number="7">ပႃႇသၼ်ႇတႃႇလႃႉ၊ တႃႇလၽူၼ်း၊ ဢႃႇသပႃႇသႃႉ ၊-</verse>
				<verse number="8">ပေႃႇရသႃႉ၊ ဢႃႇတလီႉ၊ ဢႃႇရီႉတႃႇသႃႉ ၊-</verse>
				<verse number="9">ပႃႇမသႃႇတႃႉ၊ ဢရီႉသေႇ၊ ဢရီႉထေး၊ ဝႃႇၸေႇၸႃႇသႃႉ ၊-</verse>
				<verse number="10">ဢၼ်​ဝႃႈ​လုၵ်ႈ​ၸၢႆး​ ႁႃႇမၢၼ်ႇ ဢၼ်​ပဵၼ်​လုၵ်ႈ​ၸၢႆး​ ႁမ်ႇမေႇတႃႇသႃႉ ​လႄႈ ပဵၼ်​ရၢၼ်ႇ​သူႇ​မဵဝ်း​ ယူႉတႃႉ ​ၼၼ်ႉ​သိပ်း​ၵေႃႉ​ၼၼ်ႉ​ၵေႃႈ၊ ၶဝ်​ဢွၼ်​ၵၼ်​ဢဝ်​တၢႆ​ဢေႃႈ။ ၵူၺ်း​ၵႃႈ​ၶဝ်​ယင်း​ဢမ်ႇ​ႁိမ်​ႁူင်ႇ​သိမ်း​ဢဝ် ဢုၵ်ႉ​ၸႃႇ​ၶဝ်​ၼၼ်ႉ​လႄႈ​ယူႇ​ဢေႃႈ။-</verse>
				<verse number="11">ၼႂ်း​ဝၼ်း​ၼၼ်ႉ လႆႈ​ဢဝ်​ၸရၢင်း​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢႆ​ၵႃႈ​ၼႂ်း​ႁေႃ​ၶမ်း​ သူႉသၼ်ႇ ​ၼၼ်ႉ သႂၢင်း​ၶဝ်ႈ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ဢေႃႈ။</verse>
				<verse number="12">ၶုၼ်​ႁေႃ​ၶမ်း​ၵေႃႈ မီး​ဢမိင်ႉ​တီႈ​ၼၢင်း​ႁေႃ​ၶမ်း​ ဢေးသတႃႇ ​လႄႈ​ဝႃႈ၊ ၵူၼ်း​ ယူႉတႃႉ ​တင်း​လၢႆ ဢွၼ်​ၵၼ်​ၶႃႈ​ၽၼ်း​ဢဝ်​ၵူၼ်း​ႁႃႈ​ပၢၵ်ႇ ဢိၵ်ႇ​တင်း​လုၵ်ႈ​ၸၢႆး​ ႁႃႇမၢၼ်ႇ ​သိပ်း​ၵေႃႉ​တၢႆ​ပႅတ်ႈ ၵႃႈ​ၼႂ်း​ႁေႃ​ၶမ်း​ သူႉသၼ်ႇ ​ၼႆႉ​ယဝ်ႉ။ ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ၼႆႉ ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ ဢၼ်​ၵိုတ်း​ၵျၢၼ်ႇ​ၸိူဝ်း​ၼၼ်ႉ​ၸိုင် ၶဝ်​ႁဵတ်း​ၸိူဝ်ႉ​ၼင်ႇ​ႁိုဝ်​ယဝ်ႉ​ဢမ်ႇ​ႁူႉ။ မႂ်း​ယင်း​မီး​ဢလူဝ်ႇ​ၶႂ်ႈ​လႆႈ​ၵႃႈ​သင်​လူး​ၵွၼ်ႇ။ ၵဝ်​တၵ်း​ႁဵတ်း​ၸွမ်း​ၵႃႈ​ဢၼ်​မႂ်း​မီး​ဢလူဝ်ႇ​ၶႂ်ႈ​လႆႈ​ၼၼ်ႉ​ဢေႃႈ။ မႂ်း​ၶႂ်ႈ​ယွၼ်း​ဢဝ်​သူး​လၢပ်ႈ​ၵႃႈ​သင်​လူး​ၵွၼ်ႇ။ ၵဝ်​တၵ်း​ပၼ်​ၵႃႈ​ဢၼ်​မႂ်း​ယွၼ်း​ဢဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">ဢေးသတႃႇ ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ပေႃး​ၸဝ်ႈ​ၶုၼ်​လူင်​မီး​ဢလူဝ်ႇ​ၸိုင်​ၶႅၼ်း​တေႃႈ​မီး​ဢမိင်ႉ​ႁႂ်ႈ​ၵူၼ်း​ ယူႉတႃႉ ဢၼ်​မီး​ၵႃႈ​ၼႂ်း​ဝဵင်း​ သူႉသၼ်ႇ ​ၸိူဝ်း​ၼႆႉ လႆႈ​ႁဵတ်း​ထႅင်ႈ​ဝၼ်း​မိူဝ်ႈ​ၽုၵ်ႈ ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၸဝ်ႈ​မီး​ဝႆႉ​ပုၼ်ႈ​ဝၼ်း​မိူဝ်ႈ​ၼႆႉ​ၼၼ်ႉ​လႄႈ ႁႂ်ႈ​ဢဝ်​လုၵ်ႈ​ၸၢႆး​ ႁႃႇမၢၼ်ႇ ​သိပ်း​ၼိုင်ႈ​ၼၼ်ႉ မတ်ႉ​ႁွႆႈ​ၶႅၼ်​ၶေႃး​တူၵ်း​ၵႃႈ​တီႈ​သဝ်​ဢၼ်​မတ်ႉ​ႁွႆႈ​ၶႅၼ်​ၶေႃး​တူၵ်း​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="14">ၶုၼ်​ႁေႃ​ၶမ်း​မီး​ဢမိင်ႉ​ႁႂ်ႈ​ႁဵတ်း​ၸိူဝ်ႉ​ၼင်ႇ​ၼၼ်​လႄႈ ထုတ်ႇ​ဢွၵ်ႇ​ဢမိင်ႉ​ၸဝ်ႈ​ၵႃႈ​တီႈ​ဝဵင်း​ သူႉသၼ်ႇ ​သေ​ယဝ်ႉ၊ ၶဝ်​ဢွၼ်​ၵၼ်​ဢဝ်​လုၵ်ႈ​ၸၢႆး​ ႁႃႇမၢၼ်ႇ ​သိပ်း​ၼိုင်ႈ​ၼၼ်ႉ​မတ်ႉ​ႁွႆႈ​ၵႅၼ်​ၶေႃး​တူၵ်း​ဢေႃႈ။-</verse>
				<verse number="15">ၵူၼ်း​ ယူႉတႃႉ ဢၼ်​မီး​ၵႃႈ​ၼႂ်း​ဝဵင်း​ သူႉသၼ်ႇ ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ် ၼႂ်း​ဝၼ်း​ဢၼ်​လိူၼ်​ ဢႃႇတႃႇ လႆႈ​သိပ်း​သီႇ​ဝၼ်း​ၼၼ်ႉ​သေ​လႄႈ ဢွၼ်​ၵၼ်​ဢဝ်​ၵူၼ်း​ၵႃႈ​ၼႂ်း​ဝဵင်း​ သူႉသၼ်ႇ ​တၢႆ သၢမ်​ပၢၵ်ႇ​ဢေႃႈ။ ၵူၺ်း​ၵႃႈ​ၶဝ်​ဢမ်ႇ​ႁိမ်​ႁူင်ႇ​သိမ်း​ဢဝ်​ဢုၵ်ႉ​ၸႃႇ​ၶဝ်​ၼၼ်ႉ​လႄႈ​ယူႇ​ဢေႃႈ။-</verse>
				<verse number="16">ၵူၼ်း​ ယူႉတႃႉ ​တၢင်ႇ​တီႈ​တၢင်ႇ​လႅၼ် ဢၼ်​မီး​ယူႇ​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​သေ​လႄႈ ပႂ်ႉ​ဢသၢၵ်ႈ​ၶဝ်​လႄႈ လႆႈ​ၵတ်း​ယဵၼ်​ၶျၢမ်း​သႃႇ​ၵၢင်း​လွတ်ႈ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ်​သေ​လႄႈ ဢဝ်​ၶဝ်​ၸိူဝ်း​ဢၼ်​ၸင်း​ၶဝ်​ၼၼ်ႉ​တၢႆ​ၸဵတ်း​မိုၼ်ႇ​ပၢႆ​ႁႃႈ​ႁဵင်​ဢေႃႈ။ ၵူၺ်း​ၵႃႈ​ၶဝ်​ယင်း​ဢမ်ႇ​ႁိမ်​ႁူင်ႇ​သိမ်း​ဢဝ်​ဢုၵ်ႉ​ၸႃႇ​ၶဝ်​ၼၼ်ႉ​လႄႈ ယူႇ​ဢေႃႈ။-</verse>
				<verse number="17">ၶဝ်​ႁဵတ်း​ၸိူဝ်ႉ​ၼင်ႇ​ၼၼ်​ၼႂ်း​လိူၼ်​ ဢႃႇတႃႇ ​သိပ်း​သၢမ်​ဝၼ်း​ၼၼ်ႉ​လႄႈ ၼႂ်း​ဝၼ်း​လိုၼ်း​ ဢႃႇတႃႇ သိပ်း​သီႇ​ဝၼ်း​ၼၼ်ႉ ၶဝ်​ယူႇ​ၼိမ်​ၼိမ်​လီ​လီ​သေ​လႄႈ ဢွၼ်​ၵၼ်​ႁႂ်ႈ​ပဵၼ်​ဝၼ်း​ဢၼ်​ၶၢမ်ႇ​ပွႆး၊ ဝၼ်း​ဢၼ်​ၸူမ်း​သိူဝ်း​မူၼ်ႈ​ပျေႃႇ​ဢေႃႈ။-</verse>
				<verse number="18">ၵူၼ်း​ ယူႉတႃႉ ဢၼ်​မီး​ၼႂ်း​ဝဵင်း​ သူႉသၼ်ႇ ​ၸိူဝ်း​ၼၼ်ႉ​ၸမ်ႉ၊ ၸူႉ​ၵၼ်​တုမ်​ၵၼ်​ၼႂ်း​ဝၼ်း​သိပ်း​သၢမ်​ဝၼ်း တင်း​ဝၼ်း​သိပ်း​သီႇ​ဝၼ်း​ၼၼ်ႉ​ဢေႃႈ။ ၼႂ်း​ဝၼ်း​ဢၼ်​ထူၼ်ႈ​ထိုင်​သိပ်း​ႁႃႈ​ဝၼ်း​ၼၼ်ႉ​ၸိုင်၊ ၶဝ်​ယူႇ​ၼိမ်​ၼိမ်​လီ​လီ​လႄႈ ဢွၼ်​ၵၼ်​ႁႂ်ႈ​ပဵၼ်​ဝၼ်း​ဢၼ် ၶၢမ်ႇ​ပွႆး၊ ဝၼ်း​ဢၼ်​ၸူမ်း​သိူဝ်း​မူၼ်ႈ​ပျေႃႇ​ဢေႃႈ။-</verse>
				<verse number="19">ပိူဝ်ႈ​ၼႆ​လႄႈ ၵူၼ်း​ ယူႉတႃႉ ​ဢၼ်​မီး​ၵႃႈ​ၼွၵ်ႈ​ၵႃႈ​ပၢင်ႇ​လႄႈ​ယူႇ​ၵႃႈ​ၼႂ်း​ဝၢၼ်ႈ​ဢၼ်​ဢမ်ႇ​မီး​လမ်း​ဝဵင်း​ၼၼ်ႉ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ႁႂ်ႈ​ဝၼ်း​လိူၼ်​ ဢႃႇတႃႇ သိပ်း​သီႇ​ဝၼ်း​ၼၼ်ႉ ပဵၼ်​ဝၼ်း​ဢၼ်​ၸူမ်း​သိူဝ်း​မူၼ်ႈ​ပျေႃႇ၊ ဝၼ်း​ဢၼ်​ၶၢမ်ႇ​ပွႆး၊ ဝၼ်း​မင်ႇၵလႃႇ၊ ဝၼ်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ပၼ်​လၢၵ်ႈ​သွင်ႇ​ၸူး​ၵၼ်​ဢေႃႈ။</verse>
				<verse number="20">လႆႈ​သမ်ႉ မေႃႇတၵႄး ​ၼၼ်ႉ တႅမ်ႈ​လွင်ႈ​တၢင်း​ၸိူဝ်း​ၼႆႉ​ဝႆႉ​လႄႈ ပၼ်​လိၵ်ႈ​ၵႂႃႇ​တီႈ​ၵူၼ်း​ ယူႉတႃႉ ၵႃႈ​ဢၼ်​မီး​တီႈ​ဢၼ်​ၸမ်၊ တီႈ​ဢၼ်​ၵႆ၊ ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ ဢႃႇသူၺ်ႇရူႉ ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​ၼၼ်ႉ​ၸိူဝ်း​ၼၼ်ႉ​လႄႈ၊-</verse>
				<verse number="21">သင်ႇ​လၢတ်ႈ​ၵႂႃႇ​ႁႂ်ႈ​ၶဝ်​ႁဵတ်း​ထုင်း​ၸၢမ်ႇ ဢၼ်​ပႂ်ႉ​ဝၼ်း​လိူၼ်​ ဢႃႇတႃႇ သိပ်း​သီႇ​ဝၼ်း ဢိၵ်ႇ​တင်း​သိပ်း​ႁႃႈ​ဝၼ်း ၵူႈ​ပီႊ​ၵူႈ​ပီႊ၊-</verse>
				<verse number="22">ဢၼ်​ဝႃႈ ဝၼ်း​ဢၼ်​ၵူၼ်း​ ယူႉတႃႉ ​တင်း​လၢႆ လႆႈ​ၵတ်း​ယဵၼ်​ၶျၢမ်း​သႃႇ ၵၢင်း​လွတ်ႈ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ်၊ လိူၼ်​ဢၼ် တၢင်း​ဢၼ်​ၶဝ်​ယၢပ်ႇ​ၸႂ်​ၶၢၼ်​ၸႂ်​ၼၼ်ႉ ၶၢႆႉ​ပုတ်ႈ​လႄႈ​ႁွတ်ႈ​ထိုင်​တၢင်း​ဢၼ်​ၸူမ်း​သိူဝ်း​မူၼ်ႈ​ပျေႃႇ တၢင်း​ဢၼ်​ၶဝ်​ၶၢင်း​ၶီ​ၶၢင်း​ၽၢၼ်​ၼၼ်ႉ ၶၢႆႉ​ပုတ်ႈ​လႄႈ​ႁွတ်ႈ​ထိုင်​ဝၼ်း​ဢၼ်​မင်ႇၵလႃႇ၊ ဢိၵ်ႇ​တင်း​ႁႂ်ႈ​ပဵၼ်​ဝၼ်း​ဢၼ်​ၶၢမ်ႇ​ပွႆး၊ ဝၼ်း​ဢၼ်​ၸူမ်း​သိူဝ်း​မူၼ်ႈ​ပျေႃႇ၊ ဝၼ်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ပၼ်​လၢၵ်ႈ​သွင်ႇ​ၸူး​ၵၼ်​လႄႈ ၽႄ​ၸွၼ်း​ယိုၼ်ႈ​မႅင်ႇ​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ဢေႃႈ။-</verse>
				<verse number="23">ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ႁပ်ႉ​တုင်း​ဢဝ်​လွင်ႈ​ဢၼ်​ၶဝ်​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​ၶဝ် တႄႇ​ၸႃႉ​ႁဵတ်း​ၼၼ်ႉ ဢိၵ်ႇ​တင်း​ၵႃႈ​ၼင်ႇ​ဢၼ် မေႃႇတၵႄး ​တႅမ်ႈ​ပၼ်​ဝႆႉ​တီႈ​ၶဝ်​ၼၼ်ႉ​ဢေႃႈ။-</verse>
				<verse number="24">လွင်ႈ​မၼ်း​ၸမ်ႉ ႁႃႇမၢၼ်ႇ ​လုၵ်ႈ​ၸၢႆး​ ႁမ်ႇမေႇတႃႇသႃႉ မဵဝ်း​ ဢႃႇၵတ်ႉ ဢၼ်​ပဵၼ်​ရၢၼ်ႇ​သူႇ​ၵူၼ်း​ ယူႉတႃႉ ​တင်း​သဵင်ႈ​တင်း​လူင်​ၼၼ်ႉ မီး​တၢင်း​ၵျၢမ်ႇ​တၢင်း​ပွင်​ယူႇ​ၽၢႆႇ​ၼိုင်ႈ တင်း​ၵူၼ်း​ ယူႉတႃႉ ​တင်း​လၢႆ ႁႂ်ႈ​လႆႈ​ယႃႉ​ၶဝ်​ပႅတ်ႈ​လႄႈ တူၵ်း​ၸႃႇ​ၵွၵ်ႈ​ ပူႉရႃႉ ဢၼ်​ဝႃႈ တၢင်း​ဢၼ်​တူၵ်း​ၸႃႇ​ၵွၵ်ႈ ႁႂ်ႈ​လႆႈ​ယႃႉ​ၶဝ်​ပႅတ်ႈ​ၼၼ်ႉ​သေ​ၵေႃႈ၊-</verse>
				<verse number="25">မိူဝ်ႈ​ဢၼ်​ ဢေးသတႃႇ ၶဝ်ႈ​ၸူး​တီႈ​ၶုၼ်​ႁေႃ​ၶမ်း​ၼၼ်ႉ​ၸိုင်၊ ၶုၼ်​ၼၼ်ႉ​ပူင်​ဢမိင်ႉ ႁႂ်ႈ​တၢင်း​ၵျၢမ်ႇ​တၢင်း​ပွင်​ဢႃႉထမ်ႇမႃႉ ဢၼ်​ ႁႃႇမၢၼ်ႇ ၵျၢမ်ႇ​ပွင်​ယူႇ​ၽၢႆႇ​ၼိုင်ႈ တင်း​ၵူၼ်း​ ယူႉတႃႉ ​တင်း​လၢႆ​ၼၼ်ႉ ၶိုၼ်း​ႁွတ်ႈ​ၶိုၼ်း​ထိုင် ၵႃႈ​ၼိူဝ်​ႁူဝ်​မၼ်း ဢိၵ်ႇ​တင်း​ႁႂ်ႈ​ဢဝ်​မၼ်း​တင်း​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ မတ်ႉ​ႁွႆႈ​ၵႅၼ်​ၶေႃး​တူၵ်း​ၵႃႈ​တီႈ​သဝ်​ဢၼ်​မတ်ႉ​ႁွႆႈ​ၵႅၼ်​ၶေႃး​တူၵ်း​ၼၼ်ႉ​ဢေႃႈ။-</verse>
				<verse number="26">ပိူဝ်ႈ​ၼႆ​လႄႈ ၶဝ်​ဢွၼ်​ၵၼ်​ႁွင်ႉ​ႁဵၵ်ႈ​ဝၼ်း​ၸိူဝ်း​ၼၼ်ႉ ၸိုဝ်ႈ​ ပူႉရိမ်း ၸွမ်း​လူၺ်ႈ​ၸိုဝ်ႈ​သဵင် ပူႉရႃႉ ​ၼၼ်ႉ​ဢေႃႈ။ ထွၵ်ႈ​လူၺ်ႈ​ၵႂၢမ်း​ဢမိင်ႉ​ၸဝ်ႈ​ၵႃႈ​မီး​ၼၼ်ႉ ဢိၵ်ႇ​တင်း​လွင်ႈ​တၢင်း​ဢၼ်​ၶဝ်​ထူပ်း​ႁၼ်​လူၺ်ႈ​လွင်ႈ​ဢမူႉ​ၼႆႉ တင်း​လွင်ႈ​တၢင်း​ဢၼ်​ႁွတ်ႈ​ထိုင်​ၵႃႈ​ၼိူဝ်​ၶဝ်​ၼၼ်ႉ​သေ​လႄႈ၊-</verse>
				<verse number="27">ၵူၼ်း​ ယူႉတႃႉ ​တင်း​လၢႆ ဢွၼ်​ၵၼ်​ၸီႇ​ယၢင်ႇ​လႄႈ​ႁပ်ႉ​တုင်း​ဢဝ် လွင်ႈ​ဢၼ်​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ၸူဝ်ႈ​လုၵ်ႈ​ပၢၼ်​လၢၼ်​ၶဝ် တင်း​ၶဝ်​ၸိူဝ်း​ဢၼ်​ၶဝ်ႈ​ၽႃႇသႃႇ​ၶဝ်​ၵႃႈ​မီး​ၼၼ်ႉ ယင်း​ဢမ်ႇ​ႁႂ်ႈ​လုတ်ႈ​ႁႂ်ႈ​ႁၢမ်း​လႄႈ တၵ်း​ဢွၼ်​ၵၼ်​ပႂ်ႉ​ၵမ်​ပႂ်ႉ​ၸွမ်း ဝၼ်း​သွင်​ဝၼ်း​ၼၼ်ႉ ၵူႈ​ပီႊ​ၵူႈ​ပီႊ ၸွမ်း​ၵႃႈ​ၼင်ႇ​ဢၼ်​မၵ်း​ၶၢၼ်း​ၶိင်ႇ​မၼ်း​ဝႆႉ​ၼၼ်ႉ ဢိၵ်ႇ​တင်း​ၵႃႈ​ဢၼ်​ၸီႇ​ယၢင်ႇ​ဝႆႉ​ၵႃႈ​ၼႂ်း​လိၵ်ႈ​ၼၼ်ႉ၊-</verse>
				<verse number="28">ဢိၵ်ႇ​တင်း လွင်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဝၼ်း​ၸိူဝ်း​ၼၼ်ႉ​လႄႈ ပႂ်ႉ​ၵမ်​ပႂ်ႉ​ၸွမ်း​ၵႃႈ​တီႈ​ၸူဝ်ႈ​လုၵ်ႈ​ပၢၼ်​လၢၼ်၊ ၵူႈ​ၸူဝ်ႈ​ၵူႈ​ပၢၼ်၊ ပီႈ​ၼွင်ႉ​ၸိူဝ်ႉ​ၶိူဝ်း​ၵူႈ​ၸိူဝ်ႉ​ၵူႈ​ၶိူဝ်း ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ၊ ၵႃႈ​ၼႂ်း​ၵူႈ​ဝၢၼ်ႈ​ၵူႈ​ဝဵင်း ဢိၵ်ႇ​တင်း​လွင်ႈ​ဢၼ်​ဝၼ်း​ ပူႉရိမ်း ​ၸိူဝ်း​ၼၼ်ႉ တၵ်း​ဢမ်ႇ​လႆႈ​လုတ်ႈ​သေ​ႁၢမ်း​သေ​ၵႃႈ​ၼႂ်း​ၵူၼ်း​ ယူႉတႃႉ ​တင်း​လၢႆ​လႄႈ တၢင်း​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဝၼ်း​ၸိူဝ်း​ၼၼ်ႉ ဢမ်ႇ​လႆႈ​လူႉ​ၵႂႃႇ​ႁၢႆ​ၵႂႃႇ​သေ ၵႃႈ​တီႈ​ၸူဝ်ႈ​လုၵ်ႈ​ပၢၼ်​လၢၼ်​ၶဝ်​ၼၼ်ႉ​ဢေႃႈ။-</verse>
				<verse number="29">မိူဝ်ႈ​ၼၼ်ႉ​ၼၢင်း​ႁေႃ​ၶမ်း​ ဢေးသတႃႇ လုၵ်ႈ​ယိင်း​ ဢၽီႉႁေးလႃႉ ဢိၵ်ႇ​တင်း​ မေႃႇတၵႄး ​မဵဝ်း​ ယူႉတႃႉ ​ၼၼ်ႉ ဢွၼ်​ၵၼ်​ဝႆႉ​ဢႃႇၼႃႇ​ဢၼ်​ႁႅင်း​ယႂ်ႇ​ၼႃႇ​လူင်​လၢင်​လႄႈ တႅမ်ႈ​ပၼ်​ၵႂႃႇ​ႁႂ်ႈ​ၸီႇ​ယၢင်ႇ​လူၺ်ႈ​လွင်ႈ​ဝၼ်း​ ပူႉရိမ်း ​ၸိူဝ်း​ၼၼ်ႉ​ၼၼ်ႉ လႆႈ​တႄႇ​ယူႇ​မၼ်ႈ​ၶိူင်ႇ​ၼၼ်ႉ​ဢေႃႈ။-</verse>
				<verse number="30">မၼ်း​ဢဝ်​ၵႂၢမ်း​တၢင်း​ၼိမ် ဢိၵ်ႇ​တင်း​ၵႂၢမ်း​သဵတ်ႈ​ၸႃႇ​သေ​လႄႈ ပၼ်​လိၵ်ႈ​ၵႂႃႇ​တီႈ​ၵူၼ်း​ ယူႉတႃႉ ​တင်း​သဵင်ႈ​တင်း​လူင် ၵႃႈ​တီႈ​မိူင်း ပၢၵ်ႇ​သၢဝ်း​ပၢႆ​ၸဵတ်း​မိူင်း ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ ဢႃႇသူၺ်ႇရူႉ ​ၼၼ်ႉ၊-</verse>
				<verse number="31">ႁႂ်ႈ​ဝၼ်း​ ပူႉရိမ်း ​ၸိူဝ်း​ၼၼ်ႉ လႆႈ​တႄႇ​ယူႇ​မၼ်ႈ​ၶိူင်ႇ​ၼႂ်း​ၶိင်ႇ​မၼ်း​ဢၼ်​မၵ်း​ၶၢၼ်း​ဝႆႉ​ၼၼ်ႉ ၸွမ်း​ၵႃႈ​ၼင်ႇ​ဢၼ် မေႃႇတၵႄး ၵူၼ်း​မဵဝ်း​ ယူႉတႃႉ ဢိၵ်ႇ​တင်း​ၼၢင်း​ႁေႃ​ၶမ်း​ ဢေးသတႃႇ သင်ႇ​လၢတ်ႈ​လႄႈ ၸီႇ​ယၢင်ႇ​ဝႆႉ​တၢင်း​ဢၼ်​ၵမ်​တၢင်း​ၵိၼ်​ဢၼ်​သူး​တွင်း​ၼၼ်ႉ ပုၼ်ႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ပုၼ်ႈ​ၸူဝ်ႈ​လုၵ်ႈ​ပၢၼ်​လၢၼ်​ၶဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="32">ဢမိင်ႉ​ ဢေးသတႃႇ ​ၼၼ်ႉ ႁႂ်ႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ဝၼ်း​ ပူႉရိမ်း ​ၸိူဝ်း​ၼၼ်ႉ​တႄႇ​ယူႇ​မၼ်ႈ​ၶိူင်ႇ​လႄႈ မီး​တၢင်း​ဢၼ်​တႅမ်ႈ​ဝႆႉ​လွင်ႈ​မၼ်း​ၵႃႈ​ၼႂ်း​လိၵ်ႈ​ၼႆႉ​ယူႇ​ဢေႃႈ။</verse>
			</chapter>
			<chapter number="10">
				<verse number="1">ၶုၼ်​ႁေႃ​ၶမ်း​ ဢႃႇသူၺ်ႇရူႉ ​ၼၼ်ႉ ၽႃႇ​ၵဵပ်း​ဢဝ်​ငိုၼ်း​ၸဝ်ႈ​ၵႃႈ​ၼိူဝ်​လိၼ်​ၼိူဝ်​ၵုင်း ဢိၵ်ႇ​တင်း​ၵႃႈ​ၼိူဝ်​ၵုၼ်​ၼႂ်း​ပၢင်ႇ​လၢႆႇ​တင်း​လၢႆ​ဢေႃႈ။-</verse>
				<verse number="2">လွင်ႈ​တၢင်း​ၵႃႈ​ဢၼ်​မၼ်း​ၸီႇ​ယၢင်ႇ ဢိၵ်ႇ​တင်း​ဢႃႇၼႃႇ​တၼ်း​ၶူဝ်း​မၼ်း တင်း​လွင်ႈ​တၢင်း​ဢၼ်​ၽုၺ်ႇ​ဢွၵ်ႇ​ၼႄ​ပျႃး မုၼ်​ၽုင်း မေႃႇတၵႄး ဢၼ်​ၶုၼ်​ႁေႃ​ၶမ်း​ယုၵ်ႉ​ယွင်ႈ​ၼၼ်ႉ​ၸိူဝ်း​ၼၼ်ႉ တႅမ်ႈ​ဝႆႉ​မီး​ယူႇ​ၵႃႈ​ၼႂ်း​ရႃႇၸဝၢင်ႇ​ မေႇတီႉ၊ ပေႇရသီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="3">မေႃႇတၵႄး ​ၵူၼ်း​မဵဝ်း​ ယူႉတႃႉ ​ၼၼ်ႉ လႆႈ​ဢရႃႇ​ဢၼ်​မျၢတ်ႈ​သေ​ပိူၼ်ႈ တႂ်ႈ​ၶုၼ်​ႁေႃ​ၶမ်း​ ဢႃႇသူၺ်ႇရူႉ ​လႄႈ မုၼ်​ၽုင်း​ယႂ်ႇ​ၵႃႈ​ၼႂ်း​ၵူၼ်း​ ယူႉတႃႉ ​တင်း​လၢႆ​ဢေႃႈ။ မၼ်း​ပဵၼ်​ၵေႃႉ​ဢၼ် ပွင်​ႁဵတ်း​လုမ်း​လႃး​ဢၵျူဝ်း​ၵူၼ်း​မဵဝ်း​မၼ်း​ယူႇ၊ လၢတ်ႈ​ၵႂၢမ်း​မင်ႇၵလႃႇ​တီႈ​ၵူၼ်း​မဵဝ်း​လဵဝ်​ၵၼ်​တင်း​မၼ်း တင်း​သဵင်ႈ​တင်း​လူင်​ယူႇ​သေ​လႄႈ လႆႈ​ၼႃႈ​လႆႈ​တႃ​ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​ၼမ်​ၼႃႇ​ၸိူဝ်း​ၼၼ်ႉ​ဢေႃႈ။ ဝုတ်ႉထူႉ​ဢေးသတႃႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="18">
			<chapter number="1">
				<verse number="1">မိူဝ်ႈ​ၼၼ်ႉ​မီး​ၵူၼ်း​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ​လႆႈ​သဵင်​ ယေႃးၽႃႉ ​ၼၼ်ႉ ၵႃႈ​ၼႂ်း​မိူင်း​ ဢူႉၸႃႉ ​ဢေႃႈ။ ၵေႃႉ​ၼၼ်ႉ​ပဵၼ်​ၵေႃႉ​ဢၼ်​ၸေး​ၸုမ်ႇ၊ ၵေႃႉ​ဢၼ်​သိုဝ်ႈ​တေႃႇ​ဢေႃႈ။ ပဵၼ်​ၵေႃႉ​ဢၼ်​ၵူဝ်​ယမ်​ၽြႃး​ပဵၼ်​ၸဝ်ႈ၊ ၵေႃႉ​ဢၼ်​ဝႄႈ​ပႅတ်ႈ​တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​လီ​ဢေႃႈ။-</verse>
				<verse number="2">မၼ်း​မီး​လုၵ်ႈ​ၸၢႆး​ၸဵတ်း​ၵေႃႉ တင်း​လုၵ်ႈ​ယိင်း​သၢမ်​ၵေႃႉ​ဢေႃႈ။-</verse>
				<verse number="3">ဢုၵ်ႉ​ၸႃႇ​မၼ်း​ၸမ်ႉ၊ မီး​သူဝ်း​ၸဵတ်း​ႁဵင်၊ ၵလႃးဢုၵ်ႉ​သၢမ်​ႁဵင်၊ ဝူဝ်း​ႁႃႈ​ပၢၵ်ႇ​ၵူႈ၊ လီႈ​မႄႈ​ႁႃႈ​ပၢၵ်ႇ၊ ၵူၼ်း​ႁိူၼ်း​ၵူၼ်း​ယေး ၵူၼ်း​ၸႂ်ႉ​ၵူၼ်း​သွႆ ဢမ်ႇ​ႁူႉ​ၼမ်​လႂ်​ၼမ်​ၼႃႇ​လူင်​လၢင်​ထၼ်ႈ​ပေႃး မၼ်း​ပဵၼ်​ၵေႃႉ​ဢၼ်​ယဵင်ႈ​ၶႅၼ်း​ယႂ်ႇ​ၼႃႇ​သေ​ၵူၼ်း​ၵႃႈ​တီႈ​ၼႃႈ​ဝၼ်း​ဢွၵ်ႇ တင်း​သဵင်ႈ​တင်း​လူင်​ၸိူဝ်း​ၼၼ်ႉ​ဢေႃႈ။</verse>
				<verse number="4">လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​မီး​ထုင်း​ၸၢမ်ႇ​ဢၼ်​ယၢမ်ႈ​ဢွၼ်​ၵၼ်​ၵႂႃႇ​လႄႈ​ၶၢမ်ႇ​ပွႆး​ၵႃႈ​တီႈ​ႁိူၼ်း ပဵၼ်​ၵေႃႉ​ပဵၼ်​ၵေႃႉ​လႄႈ ဢွၼ်​ၵၼ်​ႁွင်ႉ​ဢဝ်​ၼွင်ႉ​ယိင်း​ၶဝ်​သၢမ်​ၵေႃႉ မႃး​ႁႂ်ႈ​လႆႈ​ၵိၼ်​လူၺ်ႈ​ၵၼ်​တင်း​ၶဝ် ၼႂ်း​မိူဝ်ႈ​ဢၼ်​ႁွတ်ႈ​ထိုင်​ဝၼ်း​ဢၼ်​မၼ်း​ၼၼ်ႉ ၵိူတ်ႇ​လဵင်ႉ​မႃး​ၼၼ်ႉ​ဢေႃႈ။-</verse>
				<verse number="5">မိူဝ်ႈ​ဢၼ်​ပူၼ်ႉ​မိုဝ်ႉ​ဝၼ်း​ဢၼ်​ၶၢမ်ႇ​ပွႆး​ၼၼ်ႉ​ယဝ်ႉ​ၼၼ်ႉ၊ ယေႃးၽႃႉ ​မီး​ထုင်း​ၸၢမ်ႇ ဢၼ်​ယၢမ်ႈ​ပွႆႇ​ၸႂ်ႉ​ႁွင်ႉ​ဢဝ်​ၶဝ်​မႃး​လႄႈ ႁႂ်ႈ​မူတ်း​ၸၢင်ႇ​သေ​လႄႈ လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ၸွမ်း​ၵႃႈ​ၼင်ႇ​ဢၼ် တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၶဝ်​မီး​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ယေႃးၽႃႉ ​ဝႃႈ၊ လုၵ်ႈ​ၸၢႆး​ၵဝ်​ၸိူဝ်း​ၼႆႉ​ဢွၼ်​ၵၼ်​ၽိတ်း​ပိူင်ႈ​လႄႈ ၸုၼ်ႉ​ၽြႃး​ပဵၼ်​ၸဝ်ႈ​ပႅတ်ႈ​သေ​ၵႃႈ​ၼႂ်း​ႁူဝ်​ၸႂ်​ၶဝ်​ယဝ်ႉ​ႁိုဝ်​ဢမ်ႇ​ႁူႉ၊ ဝႃႈ​ၼင်ႇ​ၼႆ​ဢေႃႈ။ ယေႃးၽႃႉ ​ယၢမ်ႈ​ႁဵတ်း​ၸိူဝ်ႉ​ၼင်ႇ​ၼၼ်​ယူႇ​သေႇ​သေႇ​ဢေႃႈ။</verse>
				<verse number="6">ၽဝ်ႇ​ၼိုင်ႈ မိူဝ်ႈ​ဢၼ်​ထိုင်​ႁွတ်ႈ မိုဝ်ႉ​ဝၼ်း​ဢၼ်​လုၵ်ႈ​ၽြႃး​ပဵၼ်​ၸဝ်ႈ​တင်း​လၢႆ​လႆႈ​မႃး​ၶႃး​ၸႃး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၼၼ်ႉ​ၸိုင်၊ ၸႃႇတၢၼ်ႇ ​ၵေႃႈ ပႃး​လူၺ်ႈ​ၵၼ်​တင်း​ၶဝ်​ၼၼ်ႉ​သေ​လႄႈ​မႃး​ဢေႃႈ။-</verse>
				<verse number="7">ထႃႇဝရႃႉ​ၽြႃး​ၵေႃႈ​ထၢမ်​တီႈ​ ၸႃႇတၢၼ်ႇ ​လႄႈ​ဝႃႈ၊ မႂ်း​လုၵ်ႉ​ၵႃႈ​တီႈ​လႂ်​မႃး၊ ဝႃႈ​ၼင်ႇ​ၼႆ​သေ​ယဝ်ႉ၊ ၸႃႇတၢၼ်ႇ ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ လုၵ်ႉ​သေ​ၵႃႈ​တီႈ​တၢင်း​ဢၼ်​လႄႇ​လဵပ်ႈ​ၵႃႈ​ၼိူဝ်​လိၼ်​မိူင်း​လႄႈ ၵႂႃႇ​ၵႂႃႇ​မႃး​မႃး​ၼၼ်ႉ​မႃး​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ထႃႇဝရႃႉ​ၽြႃး​မီး​ဢမိင်ႉ​တီႈ​ ၸႃႇတၢၼ်ႇ ​လႄႈ​ဝႃႈ၊ မႂ်း​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ၶႃႈ​ၵဝ် ယေႃးၽႃႉ ​ၼၼ်ႉ​ယဝ်ႉ​ႁိုဝ်။ ၵႃႈ​ၼိူဝ်​လိၼ်​မိူင်း ၵေႃႉ​ဢၼ်​မိူၼ်​ၵၼ်​တင်း​မၼ်း​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။ မၼ်း​ပဵၼ်​ၵေႃႉ​ဢၼ်​ၸေး​ၸုမ်ႇ ၵေႃႉ​ဢၼ်​သိုဝ်ႈ​တေႃႇ​ဢေႃႈ။ ပဵၼ်​ၵေႃႉ​ဢၼ် ၵူဝ်​ယမ်​ၽြႃး​ပဵၼ်​ၸဝ်ႈ၊ ၵေႃႉ​ဢၼ်​ဝႄႈ​ပႅတ်ႈ​တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​လီ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၸႃႇတၢၼ်ႇ ​ၵေႃႈ ၶိုၼ်း​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ယေႃးၽႃႉ ​ၼၼ်ႉ​ယင်း​ဢမ်ႇ​မီး​ဢၵျူဝ်း​လႄႈ ၵူဝ်​ယမ်​ၽြႃး​ပဵၼ်​ၸဝ်ႈ​တီႈ​ၶႃႈ​ႁိုဝ်။-</verse>
				<verse number="10">ၸဝ်ႈ​ႁဝ်း​ႁဵတ်း​ႁူဝ်ႉ​ႁဵတ်း​ႁိူၵ်ႈ လွမ်ႉ​ၵႃႈ​တီႈ​လဵပ်ႈ​ႁွပ်ႈ​ၸႃႉ​ၸဵမ်​တူဝ်​မၼ်း​လႄႈ ႁိူၼ်း​မၼ်း​တင်း​ဢုၵ်ႉ​ၸႃႇ​မၼ်း​ၸိူဝ်း​ၼၼ်ႉ​ယူႇ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ၸဝ်ႈ​ႁဝ်း​ပၼ်​တၢင်း​လီ​တီႈ​ၵႃႈ​ဢၼ်​မိုဝ်း​မၼ်း​ႁဵတ်း​ၼၼ်ႉ​တီႈ​ၶႃႈ​ယဝ်ႉ။ တရိၵ်ႈသၢၼ်ႇ​မၼ်း​ၸိူဝ်း​ၼၼ်ႉ ပဵၼ်​ဢၼ်​ၼမ်​ၼႃႇ​လူင်​လၢင် ၵႃႈ​ၼိူဝ်​ၼႃႈ​လိၼ်​မိူင်း​တီႈ​ၶႃႈ​ယဝ်ႉ။-</verse>
				<verse number="11">မိူဝ်ႈ​လဵဝ်​ၼႆႉ​ၸမ်ႉ၊ ပေႃး​ၸဝ်ႈ​ႁဝ်း ယဵတ်ႇ​မိုဝ်း​ၸဝ်ႈ​ႁဝ်း​သေ​လႄႈ တိူဝ်ႉ​ထုၵ်ႇ​ဢုၵ်ႉ​ၸႃႇ​မၼ်း​ၵႃႈ​မီး​ၸိူဝ်း​ၼၼ်ႉ​ၸိုင်၊ မၼ်း​တၵ်း​ၸုၼ်ႉ​ပႅတ်ႈ​ၸဝ်ႈ​ႁဝ်း သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ထႃႇဝရႃႉ​ၽြႃး ၵေႃႈ​မီး​ဢမိင်ႉ​တီႈ​ ၸႃႇတၢၼ်ႇ ​လႄႈ​ဝႃႈ၊ ဢုၵ်ႉ​ၸႃႇ​မၼ်း​ၵႃႈ​မီး​ၸိူဝ်း​ၼၼ်ႉ မီး​ၵႃႈ​ၼႂ်း​မိုဝ်း​မႂ်း​ဢေႃႈ။ ၵူၺ်း​ၵွမ်ႉ ယႃႇ​ပေ​ယဵတ်ႇ​မိုဝ်း​တိူဝ်ႉ​ထုၵ်ႇ​တူဝ်​မၼ်း​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၸႃႇတၢၼ်ႇ ​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၵႂႃႇ​ဢေႃႈ။</verse>
				<verse number="13">ဝၼ်း​ၼိုင်ႈ ၼႂ်း​မိူဝ်ႈ​ဢၼ်​လုၵ်ႈ​ၸၢႆး​လုၵ်ႈ​ယိင်း​ ယေႃးၽႃႉ ​ၸိူဝ်း​ၼၼ်ႉ ယင်း​တိုၵ်ႉ​ဢွၼ်​ၵၼ်​ၵိၼ်​ၶူပ်း​လႄႈ သူတ်ႉ​ဢိုၵ်ႉ​ၼမ်ႉ​ၸပိတ်ႈ​ယူႇ​ၵႃႈ​တီႈ​ႁိူၼ်း​ပီႈ​ၸၢႆး​လူင်​ၶဝ်​ၼၼ်ႉ​ၸိုင်၊-</verse>
				<verse number="14">ၵူၼ်း​ၸႂ်ႉ​ၵူၼ်း​သွႆ​ၵေႃႉ​ၼိုင်ႈ မႃး​ၵႃႈ​တီႈ​ ယေႃးၽႃႉ ​လႄႈ လဝ်ႊ​လၢတ်ႈ​လႄႈ​ဝႃႈ၊ ၼႂ်း​မိူဝ်ႈ​ဢၼ်​ဝူဝ်း​တင်း​လၢႆ ယင်း​တိုၵ်ႉ​ဢွၼ်​ၵၼ်​ထႆ​ၼႃး​ယူႇ​လႄႈ လီႈ​မႄႈ​တင်း​လၢႆ​ဢွၼ်​ၵၼ်​ၵိၼ်​ယူႇ​ၵႃႈ​တီႈ​ႁိမ်း​ၶဝ်​ၼၼ်ႉ​ၸိုင်၊-</verse>
				<verse number="15">ၵူၼ်း​မဵဝ်း​ သေးၽႃႉ ​တင်း​လၢႆ ဢွၼ်​ၵၼ်​တိုၵ်း​တေႃး​လႄႈ​သိမ်း​ဢဝ်​ၵႂႃႇ​ၶႃႈ​ယဝ်ႉ။ ၵူၼ်း​ဢၼ်​ပဵၼ်​လုၵ်ႈ​လဵင်ႉ​လုၵ်ႈ​လေႃး​ၸိူဝ်း​ၼၼ်ႉ​ၵေႃႈ၊ ၶဝ်​ဢဝ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​လႄႈ ၵိုတ်း​ၵျၢၼ်ႇ​ဝႆႉ​ၵဝ်​ၶႃႈ​ၵေႃႉ​လဵဝ်​ၵူၺ်း​လႄႈ လႆႈ​ၶိုၼ်း​မႃး​မွၵ်ႇ​လၢတ်ႈ​တီႈ​ၸဝ်ႈ​ႁဝ်း​ၼႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၼႂ်း​မိူဝ်ႈ​ဢၼ်​မၼ်း​ၼၼ်ႉ ယင်း​တိုၵ်ႉ​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ ၵူၼ်း​တၢင်ႇ​ၵေႃႉ ၵေႃႉ​ၼိုင်ႈ​မႃး​လႄႈ​လဝ်ႊ​လၢတ်ႈ​လႄႈ​ဝႃႈ၊ ၽႆး​ၽြႃး​ပဵၼ်​ၸဝ်ႈ တူၵ်း​သေ​ၵႃႈ​ၼိူဝ်​ၽႃႉ​ၵၢင်​ႁၢဝ်​မႃး​သေ​လႄႈ မႆႈ​သူဝ်း​တင်း​လၢႆ ဢိၵ်ႇ​တင်း လုၵ်ႈ​လဵင်ႉ​လုၵ်ႈ​လေႃး​ၸိူဝ်း​ၼၼ်ႉ​လႄႈ မႆႈ​ၶဝ်​ၼၼ်ႉ​သုတ်း​ၵႂႃႇ​သဵင်ႈ​ၵႂႃႇ​ၶႃႈ​ယဝ်ႉ။ ၵိုတ်း​ၵျၢၼ်ႇ​ဝႆႉ​ၵဝ်​ၶႃႈ​ၵေႃႉ​လဵဝ်​ၵူၺ်း​လႄႈ လႆႈ​ၶိုၼ်း​မႃး​မွၵ်ႇ​လၢတ်ႈ​တီႈ​ၸဝ်ႈ​ႁဝ်း​ၼႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ၼႂ်း​မိူဝ်ႈ​ဢၼ်​မၼ်း​ၼၼ်ႉ ယင်း​တိုၵ်ႉ​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ ၵူၼ်း​တၢင်ႇ​ၵေႃႉ ၵေႃႉ​ၼိုင်ႈ မႃး​လႄႈ​လဝ်ႊ​လၢတ်ႈ​လႄႈ​ဝႃႈ၊ ၵူၼ်း​မဵဝ်း​ ၶႃႇလတေး ​တင်း​လၢႆ ဢွၼ်​ၵၼ်​ႁဵတ်း​သၢမ်​မုၵ်ႉ​သၢမ်​ၸိူဝ်း​သေ​လႄႈ ၶီႇ​မႃႉ​လႄႈ​တိုၵ်း​တေႃး​ဢဝ်​ၵလႃးဢုၵ်ႉ​တင်း​လၢႆ​ၵႂႃႇ​ၶႃႈ​ယဝ်ႉ။ လုၵ်ႈ​လဵင်ႉ​လုၵ်ႈ​လေႃး​ၸိူဝ်း​ၼၼ်ႉ​ၵေႃႈ ၶဝ်​ဢဝ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​လႄႈ ၵိုတ်း​ၵျၢၼ်ႇ​ဝႆႉ​ၵဝ်​ၶႃႈ​ၵေႃႉ​လဵဝ်​ၵူၺ်း​လႄႈ လႆႈ​ၶိုၼ်း​မႃး​မွၵ်ႇ​လၢတ်ႈ​တီႈ​ၸဝ်ႈ​ႁဝ်း​ၼႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၼႂ်း​မိူဝ်ႈ​ဢၼ်​မၼ်း​ၼၼ်ႉ ယင်း​တိုၵ်ႉ​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ ၵူၼ်း​တၢင်ႇ​ၵေႃႉ ၵေႃႉ​ၼိုင်ႈ​မႃး​လႄႈ​လဝ်ႊ​လၢတ်ႈ​လႄႈ​ဝႃႈ၊ ၼႂ်း​မိူဝ်ႈ​ဢၼ် လုၵ်ႈ​ၸၢႆး​လုၵ်ႈ​ယိင်း​ၸဝ်ႈ​ႁဝ်း​ၸိူဝ်း​ၼၼ်ႉ ယင်း​တိုၵ်ႉ​ၵိၼ်​ၶူပ်း​လႄႈ သူတ်ႉ​ဢိုၵ်ႉ​ၼမ်ႉ​ၸပိတ်ႈ​ယူႇ​ၵႃႈ​တီႈ​ႁိူၼ်း​ပီႈ​ၸၢႆး​လူင်​ၶဝ်​ၼၼ်ႉ၊-</verse>
				<verse number="19">လူမ်း​လူင် လုၵ်ႉ​သေ​ၵႃႈ​တီႈ​ထိူၼ်ႇ​မႃး​သေ​လႄႈ ပတ်ႉ​ထူဝ်း​သီႇ​ၸဵင်ႇ​ႁိူၼ်း​လႄႈ ႁိူၼ်း​ၼၼ်ႉ​ပင်း​တူၵ်း​သႂ်ႇ​ၵႃႈ​ၼိူဝ်​လုၵ်ႈ​လၢင်း​ၸဝ်ႈ​ႁဝ်း​ၸိူဝ်း​ၼၼ်ႉ​ၶႃႈ​ဢေႃႈ။ ၶဝ်​ၼၼ်ႉ​တၢႆ​လႄႈ ၵိုတ်း​ၵျၢၼ်ႇ​ဝႆႉ​ၵဝ်​ၶႃႈ​ၵေႃႉ​လဵဝ်​ၵူၺ်း​လႄႈ လႆႈ​ၶိုၼ်း​မႃး​မွၵ်ႇ​လၢတ်ႈ​တီႈ​ၸဝ်ႈ​ႁဝ်း​ၼႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မိူဝ်ႈ​ၼၼ်ႉ​ ယေႃးၽႃႉ ​လုၵ်ႉ​လႄႈ ၸၵ်ႉ​သိၵ်ႇ​သိူဝ်ႈ​ယၢဝ်း​မၼ်း​လႄႈ ထႃ​ၶူၼ်​ႁူဝ်​မၼ်း​ပႅတ်ႈ​သေ​ယဝ်ႉ၊ ၶုပ်ႉ​မူပ်ႇ​ယူႇ​ၵႃႈ​ၼိူဝ်​လိၼ်​လႄႈ ၵူဝ်း​ၵႂၢႆႇ​ယူႇ​သေ​လႄႈ လၢတ်ႈ​လႄႈ​ဝႃႈ၊-</verse>
				<verse number="21">ၵဝ်​ၼႆႉ ယင်း​ဢမ်ႇ​ပႃး​ၶူဝ်း​ၼုင်ႈ​လႄႈ​ဢွၵ်ႇ​သေ​ၵႃႈ​ၼႂ်း​တွင်ႉ​မႄႈ​မႃး​ဢေႃႈ။ ယင်း​ဢမ်ႇ​ပႃး​ၶူဝ်း​ၼုင်ႈ ၼုင်ႈ​လႄႈ တၵ်း​ၶိုၼ်း​ၵႂႃႇ​ၵႃႈ​တီႈ​ၼၼ်ႈ​ဢေႃႈ။ ထႃႇဝရႃႉ​ၽြႃး​ပၼ်​ယဝ်ႉ။ ထႃႇဝရႃႉ​ၽြႃး​ၵူႈ​သိမ်း​ဢဝ်​ယဝ်ႉ။ ႁႂ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၼႂ်း​လွင်ႈ​တၢင်း​ၼႆႉ​တင်း​သဵင်ႈ​တင်း​လူင် ယေႃးၽႃႉ ​ယင်း​ဢမ်ႇ​ၽိတ်း​ပိူင်ႈ၊ ယင်း​ဢမ်ႇ​တၢင်ႇ​ဢပႅတ်ႈ​တီႈ​ထႃႇဝရႃႉ​ၽြႃး​လႄႈ​ယူႇ​ဢေႃႈ။</verse>
			</chapter>
			<chapter number="2">
				<verse number="1">လႆႈ​သမ်ႉ မိူဝ်ႈ​ဢၼ်​ထိုင်​ႁွတ်ႈ​မိုဝ်ႉ​ဝၼ်း​ဢၼ် လုၵ်ႈ​ၽြႃး​ပဵၼ်​ၸဝ်ႈ​တင်း​လၢႆ လႆႈ​မႃး​ၶႃး​ၸႃး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၼၼ်ႉ​ၸိုင်၊ ၸႃႇတၢၼ်ႇ ​ၵေႃႈ ပႃး​လူၺ်ႈ​ၵၼ်​တင်း​ၶဝ် ႁႂ်ႈ​လႆႈ​ၶႃး​ၸႃး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="2">ထႃႇဝရႃႉ​ၽြႃး​ၵေႃႈ ထၢမ်​တီႈ​ ၸႃႇတၢၼ်ႇ ​လႄႈ​ဝႃႈ၊ မႂ်း​လုၵ်ႉ​ၵႃႈ​တီႈ​လႂ်​မႃး၊ ဝႃႈ​ၼင်ႇ​ၼႆ​သေ​ယဝ်ႉ၊ ၸႃႇတၢၼ်ႇ ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ လုၵ်ႉ​သေ​ၵႃႈ​တီႈ​တၢင်း​ဢၼ်​လႄႇ​လဵပ်ႈ​ၵႃႈ​ၼိူဝ်​လိၼ်​မိူင်း​လႄႈ ၵႂႃႇ​ၵႂႃႇ​မႃး​မႃး​ၼၼ်ႉ​မႃး​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ထႃႇဝရႃႉ​ၽြႃး​မီး​ဢမိင်ႉ​တီႈ​ ၸႃႇတၢၼ်ႇ ​လႄႈ​ဝႃႈ၊ မႂ်း​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ၶႃႈ​ၵဝ် ယေႃးၽႃႉ ​ၼၼ်ႉ​ယဝ်ႉ​ႁိုဝ်။ ၵႃႈ​ၼိူဝ်​လိၼ်​မိူင်း ၵေႃႉ​ဢၼ်​မိူၼ်​ၵၼ်​တင်း​မၼ်း​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။ မၼ်း​ပဵၼ်​ၵေႃႉ​ဢၼ်​ၸေး​ၸုမ်ႇ၊ ၵေႃႉ​ဢၼ်​သိုဝ်ႈ​တေႃႇ​ဢေႃႈ။ ပဵၼ်​ၵေႃႉ​ဢၼ်​ၵူဝ်​ယမ်​ၽြႃး​ပဵၼ်​ၸဝ်ႈ၊ ၵေႃႉ​ဢၼ်​ဝႄႈ​ပႅတ်ႈ​တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​လီ​ဢေႃႈ။ ပိၵ်ႉ​သမ်ႉ​မႂ်း​တိုၵ်း​ယူင်း​ၵဝ်​လွင်ႈ​ၼင်ႇ​ႁိုဝ် လွင်ႈ​မၼ်း​ယင်း​ဢမ်ႇ​မီး​လႄႈ တၵ်း​ႁႂ်ႈ​ၵဝ်​ႁႂ်ႈ​မၼ်း​လူႉ​လႅဝ်​သေ​ၵေႃႈ၊ မၼ်း​ၸွႆး​ၸပ်း​လူၺ်ႈ​ၸႂ်​သၽေႃး ဢၼ်​သိုဝ်ႈ​တေႃႇ​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၸႃႇတၢၼ်ႇ ​ၵေႃႈ​ၶိုၼ်း​လဝ်ႊ​လၢတ်ႈ​တီႈ ထႃႇဝရႃႉ​ၽြႃး​လႄႈ​ဝႃႈ၊ ၸိူဝ်ႉ​ၼင်ႇ​ဢၼ်​ဝႃႈ ၽိဝ်​ၼင်​ပုၼ်ႈ​ၽိဝ်​ၼင်၊ ဝႃႈ​ၼင်ႇ​ၼႆ​ၼၼ်ႉ၊ ၵူၼ်း​တၵ်း​ဢဝ်​ၵႃႈ​ဢၼ်​မၼ်း​မီး​ၼၼ်ႉ ပၼ်​ပုၼ်ႈ​ဢသၢၵ်ႈ​တူဝ်​ၸဝ်ႈ​ၵဝ်ႇ​တီႈ​ၶႃႈ​ဢေႃႈ။-</verse>
				<verse number="5">မိူဝ်ႈ​လဵဝ်​ၼႆႉ ပေႃး​ၸဝ်ႈ​ႁဝ်း​ယဵတ်ႇ​မိုဝ်း​လႄႈ တိူဝ်ႉ​ထုၵ်ႇ​လုပ်ႇ​မၼ်း တင်း​ၼိူဝ်ႉ​မၼ်း​ၸိုင်၊ မၼ်း​တၵ်း​ၸုၼ်ႉ​ပႅတ်ႈ​ၸဝ်ႈ​ႁဝ်း သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ထႃႇဝရႃႉ​ၽြႃး​ၵေႃႈ မီး​ဢမိင်ႉ​တီႈ​ ၸႃႇတၢၼ်ႇ ​လႄႈ​ဝႃႈ၊ တူၺ်း​လူး၊ မၼ်း​ၼၼ်ႉ​မီး​ယူႇ​ၵႃႈ​ၼႂ်း​မိုဝ်း​မႂ်း​ဢေႃႈ။ ၵူၺ်း​ၵႃႈ ႁႂ်ႈ​ဢသၢၵ်ႈ​မၼ်း​လွတ်ႈ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ၸႃႇတၢၼ်ႇ ​ၼၼ်ႉ​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ၵႂႃႇ​လႄႈ ႁႂ်ႈ​တုမ်ႇ​ၸဵပ်း​တုမ်ႇ​ၽီ​ဢွၵ်ႇ​ၵႃႈ​တီႈ​ ယေႃးၽႃႉ ဢဝ်​ၵႃႈ​တီႈ​ၽႃႇ​တိၼ်​မၼ်း တေႃႇ​ထိုင်​ႁွတ်ႈ​ၸိၵ်း​ႁူဝ်​မၼ်း​ဢေႃႈ။-</verse>
				<verse number="8">မၼ်း​ၵေႃႈ​ယိပ်း​ၵမ်​ဢဝ်​ၽၢၵ်ႇ​မေႃႈ ပုၼ်ႈ​ဢၼ်​တၵ်း​ၶုတ်ႇ​တၵ်း​ယၢႆး​တူဝ်​ၸဝ်ႈ​ၵဝ်ႇ​ယူႇ​သေ​လႄႈ ၼင်ႈ​ယူႇ​ၵႃႈ​ၼႂ်း တဝ်ႈ​ၽီး​ၽႆး​ဢေႃႈ။-</verse>
				<verse number="9">မိူဝ်ႈ​ၼၼ်ႉ မေး​မၼ်း​လၢတ်ႈ​လႄႈ​ဝႃႈ၊ မႂ်း​ယင်း​ၸွႆး​ၸပ်း​လူၺ်ႈ​တြႃး​ဢၼ်​သိုဝ်ႈ​တေႃႇ​ယူႇ​လူး​ၵွၼ်ႇ​ႁိုဝ်။ ၸုၼ်ႉ​ပႅတ်ႈ​ၽြႃး​ပဵၼ်​ၸဝ်ႈ​သေ​လႄႈ​တၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မႂ်း​ၼႆႉ​လၢတ်ႈ​မိူၼ်​ၸိူဝ်ႉ​ၼင်ႇ​ဢၼ် မႄႈ​ယိင်း​မိူၵ်ႈ​ၸၢင်ႈ​လၢတ်ႈ​ၼၼ်ႉ​ဢေႃႈ။ ပဵၼ်​ၸိူဝ်ႉ​ၼင်ႇ​ႁိုဝ်​ႁဝ်း​ၶၢမ်ႇ​ဢဝ်​သုၵ်ႉ​ၶႃႉ​ၵတ်း​ယဵၼ်​ၶျၢမ်း​သႃႇ​တီႈ​မိုဝ်း​ၽြႃး​ပဵၼ်​ၸဝ်ႈ​လႄႈ ႁဝ်း​ဢမ်ႇ​လႆႈ​ၶၢမ်ႇ​ဢဝ်​တုၵ်ႉ​ၶႃႉ​တၢင်း​ၽၢၼ်​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ၼႂ်း​လွင်ႈ​တၢင်း​ၼႆႉ​တင်း​သဵင်ႈ​တင်း​လူင် ယေႃးၽႃႉ ​ဢမ်ႇ​ၽိတ်း​ပိူင်ႈ​လူၺ်ႈ​သူပ်း​မၼ်း​လႃး​လႃး။</verse>
				<verse number="11">မိူဝ်ႈ​ၼၼ်ႉ ၵေႃႉ​သေႈ​ ယေႃးၽႃႉ သၢမ်​ၵေႃႉ​ဢၼ်​ဝႃႈ ဢေးလီႉၽတ်ႉ ၵူၼ်း​မဵဝ်း​ တေႇမၢၼ်ႇ၊ ပီႉလတတ်ႉ ၵူၼ်း​မဵဝ်း​ သူႉဢႃႇ၊ ၸေႃႇၽႃႇ ၵူၼ်း​မဵဝ်း​ ၼေႇမတ်ႉ ​ၸိူဝ်း​ၼၼ်ႉ ငိၼ်း​လွင်ႈ​ၽေး​လူင်​ဢၼ်​ႁွတ်ႈ​ထိုင်​ၵႃႈ​ၼိူဝ်​မၼ်း တင်း​သဵင်ႈ​တင်း​လူင်​ၼၼ်ႉ​သေ​ယဝ်ႉ၊ ဢွၼ်​ၵၼ်​လုၵ်ႉ​သေ​ၵႃႈ​တီႈ တီႈ​ယူႇ​တီႈ​သဝ်း​ၶဝ်​ႁင်း​ၽႂ်​ႁင်း​မၼ်း​သေ​လႄႈ ႁွတ်ႈ​မႃး​ၸွမ်း​ၵႃႈ​ၼင်ႇ​ဢၼ်​ၶဝ်​မၵ်း​ၶိၼ်း​ၶၢၼ်း​ဝႆႉ လူၺ်ႈ​လွင်ႈ​ဢၼ်​ၶဝ်​တၵ်း​ၸူႉ​ၵၼ်​တုမ်​ၵၼ် ႁႂ်ႈ​လႆႈ​ႁဵတ်း​တၢင်း​ဢၼ်​ၶၢင်း​ၶီ​ၶၢင်း​ၽၢၼ်၊ တၢင်း​ဢၼ်​ႁႂ်ႈ​မၼ်း​ပေႇ​ၸႂ်​ၼိမ်​ၸႂ်​ၼၼ်ႉ​ဢေႃႈ။-</verse>
				<verse number="12">ၶဝ်​ၼၼ်ႉ​ယူႇ​တီႈ​ဢၼ်​ၵႆ မုင်ႈ​တူၺ်း​လႄႈ​ဢမ်ႇ​ႁူႉ​ၸၵ်း​မၼ်း​သေ​ယဝ်ႉ၊ ဢွၼ်​ၵၼ်​ၵိဝ်​သဵင်​လႄႈ​ႁႆႈ​ႁွင်ႉ​ဢေႃႈ။ ၶဝ်​ဢွၼ်​ၵၼ် ၸၵ်ႉ​သိၵ်ႇ​သိူဝ်ႈ​ယၢဝ်း​ၶဝ်​ႁင်း​ၽႂ်​ႁင်း​မၼ်း​လႄႈ ဢဝ်​မုၼ်ႈ​လိၼ်​ပိုၼ်​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ် ႁႂ်ႈ​တူၵ်း​သႂ်ႇ​ၵႃႈ​ၼိူဝ်​ႁူဝ်​ၶဝ်​ဢေႃႈ။-</verse>
				<verse number="13">ၸဵတ်း​ဝၼ်း​ၸဵတ်း​ၶိုၼ်း​တဵမ်​တဵမ် ၶဝ်​ဢွၼ်​ၵၼ်​ၼင်ႈ​ယူႇ​လူၺ်ႈ​ၵၼ်​တင်း​မၼ်း​ၵႃႈ​ၼိူဝ်​လိၼ်​လႄႈ ၽူႈ​လႂ်​သေ​ၵေႃႉ​သေ​ၵူၼ်း ယင်း​ဢမ်ႇ​လၢတ်ႈ​ၵႂၢမ်း​တေႃႇ​မၼ်း သေ​ၶေႃႈ​သေ​ၵမ်း​လႄႈ​ယူႇ ၵွပ်ႈ​ပိူဝ်ႈ​ဢၼ်​ၶဝ်​ႁူႉ​ႁၼ်​လွင်ႈ​ဢၼ် မၼ်း​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼႃႇ​လူင်​လၢင် ၼၼ်ႉ​ဢေႃႈ။</verse>
			</chapter>
			<chapter number="3">
				<verse number="1">လိုၼ်း​ၼၼ်ႉ​ ယေႃးၽႃႉ ၽုၺ်ႇ​သူပ်း​မၼ်း​လႄႈ ၵိၼ်ႇ​လႃႇ​မိုဝ်ႉ​ဝၼ်း​ဢၼ်​မၼ်း​ၵိူတ်ႇ​လဵင်ႉ​မႃး​ၼၼ်ႉ​ဢေႃႈ။-</verse>
				<verse number="2">ယေႃးၽႃႉ ​ဢွၵ်ႇ​သူပ်း​လႄႈ​ဝႃႈ​ၸမ်ႉ၊-</verse>
				<verse number="3">ႁႂ်ႈ​မိုဝ်ႉ​ဝၼ်း​ဢၼ်​ၵဝ်​ၵိူတ်ႇ​လဵင်ႉ​မႃး​ၼၼ်ႉ​လူႉ​လႅဝ်​လႄႈ ႁႂ်ႈ​ၵၢင်​ၶိုၼ်း​ဢၼ်​မွၵ်ႇ​လၢတ်ႈ​လႄႈ​ဝႃႈ၊ ပႃး​ပတိၵ်ႉသၼ်ႇထေႇ​လုၵ်ႈ​ၸၢႆး​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ လူႉ​လႅဝ်​သေ​ၵမ်း​လူၺ်ႈ။-</verse>
				<verse number="4">ႁႂ်ႈ​မိုဝ်ႉ​ဝၼ်း​ၼၼ်ႉ ပဵၼ်​ဢၼ်​လပ်း​သိင်ႇ​သေ​ၵမ်း​လူၺ်ႈ။ ယႃႇ​ပေ​ႁႂ်ႈ​ၽြႃး​ပဵၼ်​ၸဝ်ႈ​ဝၢႆႇ​ၼႃႈ​ၸူး​သေ​ၵမ်း။ ယႃႇ​ပေ​ႁႂ်ႈ​ဢၼ်​လႅင်း​ႁိူဝ်ႈ​လႅင်း​ထွင်ႇ​မၼ်း​သေ​ၵမ်း။-</verse>
				<verse number="5">ႁႂ်ႈ​လပ်း​သိင်ႇ ဢိၵ်ႇ​တင်း​ႁူမ်ႈ​တၢင်း​တၢႆ သိမ်း​ဢဝ်​ပိူင်ႇ​ဢဝ်​မၼ်း​သေ​ၵမ်း​လူၺ်ႈ။ ႁႂ်ႈ​ၶႅပ်း​ၽႃႈ​ၽူၼ်​ႁူမ်ႇ​သုမ်ႇ​မၼ်း​ဝႆႉ​သေ​ၵမ်း​လူၺ်ႈ။ ႁႂ်ႈ​တၢင်း​ဢၼ်​ၽႃႉ​မိုတ်ႉ​ၽူၼ်​ဢုမ်း ၶိင်ႇ​ၵၢင်​ဝၼ်း​ပဵၼ်​ဢၼ်​လီ​ၵူဝ်​လီ​ႁႄ​ၼႃႇ​လူင်​လၢင်​တီႈ​မၼ်း​သေ​ၵမ်း​လူၺ်ႈ။-</verse>
				<verse number="6">ႁႂ်ႈ​လပ်း​သိင်ႇ တီႉ​ၵမ်​ဢဝ်​ၶိုၼ်း​ၼၼ်ႉ​သေ​ၵမ်း​လူၺ်ႈ။ ယႃႇ​ပေ​ႁႂ်ႈ​မၼ်း​လႆႈ​မူၼ်ႈ​ပျေႃႇ​လူၺ်ႈ​ၵၼ်​တင်း​မိုဝ်ႉ​ဝၼ်း​ဢၼ် ၸႅၼ်ႇ​တၢမ်း​ၵၼ်​ၸိူဝ်း​ၼၼ်ႉ​သေ​ၵမ်း။ ယႃႇ​ပေ​ႁႂ်ႈ​မၼ်း​လႆႈ​ၶဝ်ႈ​ပႃး​ၼႂ်း​တၢင်း​ဢၼ်​ၼပ်ႉ​ဢၼ်​ဢၢၼ်ႇ​လိူၼ်​တင်း​လၢႆ​သေ​ၵမ်း။ ဢလူဝ်း၊ ႁႂ်ႈ​ၶိုၼ်း​ၼၼ်ႉ ပဵၼ်​ဢၼ်​သဵတ်ႇ​ဢၼ်​ယဵၼ်​သေ​ၵမ်း။-</verse>
				<verse number="7">ယႃႇ​ပေ​ႁႂ်ႈ​မီး​သဵင်​ဢၼ်​သႂၢင်ႇ​ဢၼ်​သိူဝ်း​သေ​ၵမ်း။-</verse>
				<verse number="8">ႁႂ်ႈ​ၶဝ်​ၸိူဝ်း​ဢၼ်​ၸၢင်ႈ​လိူၵ်ႈ​မိုဝ်ႉ​လိူၵ်ႈ​ဝၼ်း​လႄႈ ၵိၼ်ႇ​လႃႇ၊ ဢၼ်​ၸၢင်ႈ​ႁႂ်ႈ​ငိူၵ်ႈ​လုၵ်ႉ​ၼၼ်ႉ ၵိၼ်ႇ​လႃႇ​ၶိုၼ်း​ၼၼ်ႉ​သေ​ၵမ်း​လူၺ်ႈ။-</verse>
				<verse number="9">ႁႂ်ႈ​လၢဝ်​ၶိင်ႇ​ႁူဝ်​ၶမ်ႈ​ၶိုၼ်း​ၼၼ်ႉ​ၸိူဝ်း​ၼၼ်ႉ​လပ်း​သိင်ႇ​သေ​ၵမ်း​လူၺ်ႈ။ ႁႂ်ႈ​ၶိုၼ်း​ၼၼ်ႉ​မုင်ႈ​မွင်း​ဢၼ်​လႅင်း​လႄႈ ယႃႇ​ပေ​ႁႂ်ႈ​လႆႈ​သေ​ၵမ်း။ ယႃႇ​ပေ​ႁႂ်ႈ​မၼ်း​ႁၼ် ဢႃႇရူင်ႇ​ၵၢင်​ၼႂ်​သေ​ၵမ်း။-</verse>
				<verse number="10">လွင်ႈ​မၼ်း​ၸမ်ႉ မၼ်း​ဢမ်ႇ​ဢိုတ်း​ႁပ်း​ၽၵ်း​တူ တွင်ႉ​မႄႈ​ၵဝ်​ဝႆႉ။ မၼ်း​ဢမ်ႇ​ႁႄႉ​ၵင်ႈ​လပ်ႉ​တႃ​ၵဝ်​ဝႆႉ​သေ​ၵႃႈ​တီႈ တုၵ်ႉ​ၶႃႉ​တၢင်း​ၽၢၼ်​ၼၼ်ႉ။</verse>
				<verse number="11">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​ဢမ်ႇ​တၢႆ​ဢွၵ်ႇ​တွင်ႉ​မႄႈ​ၵဝ်​မႃး။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸႂ်​ၵဝ်​ဢမ်ႇ​ၶၢတ်ႇ ၸဵမ်​မိူဝ်ႈ​ၸႃႉ​ဢွၵ်ႇ​သေ​ၵႃႈ​ၼႂ်း​တွင်ႉ​မႄႈ​မႃး​ၼၼ်ႉ။-</verse>
				<verse number="12">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​မီး​တၵ်း​မီး​ၶႃ​ဝႆႉ​ထႃႈ​ပုၼ်ႈ​ၵဝ်​ၼင်ႇ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မီး​တဝ်ႈ​ၼူမ်း​ဝႆႉ​ပုၼ်ႈ​ဢၼ်​ၵဝ်​တၵ်း​ၸုပ်ႇ​ၵိၼ်​ၼင်ႇ​ႁိုဝ်။-</verse>
				<verse number="13">သင်​ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​လႆႈ​ၼွၼ်း​လႄႈ​ယဵၼ်​ယဝ်ႉ။ ၵဝ်​လႆႈ​လပ်း​လႄႈ​ၼိမ်​လီ​ယဝ်ႉ။-</verse>
				<verse number="14">လႆႈ​ႁူမ်ႈ​လူၺ်ႈ​ၵၼ်​တင်း​ၶုၼ်​ႁေႃ​ၶမ်း​လႂ် တင်း​မူး​မၢတ်ႈ​ၽွင်း​မိူင်း​လေႃးၵီႇ ဢၼ်​တႄႇ​ႁဵတ်း​ဝဵင်း​ဢၼ်​လူႉ​ဢၼ်​ႁၢမ်း​လႂ်၊-</verse>
				<verse number="15">ဢိၵ်ႇ​တင်း ၶုၼ်​ဢၼ်​မီး​ၶမ်း​ၼမ်​ၼႃႇ​လႄႈ ႁႂ်ႈ​ႁိူၼ်း​ၶဝ်​တဵမ်​ဝႆႉ​တင်း​ငိုၼ်း​ၼၼ်ႉ​လႂ်​ၸိူဝ်း​ၼၼ်ႉ​ယဝ်ႉ။-</verse>
				<verse number="16">ဢမ်ႇ​ၼၼ်​ၵေႃႈ ၵဝ်​လႆႈ​လူႉ​လႅဝ်​မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ ဢၼ်​လိူၼ်​ဝၼ်း​ဢမ်ႇ​ပႆႇ​ၸေး​လႄႈ​ၵိူတ်ႇ​လဵင်ႉ​မႃး​ၼၼ်ႉ​လႄႈ လႆႈ​ပဵၼ်​ၸိူဝ်ႉ​ၼင်ႇ​လုၵ်ႈ​လႅင်​ဢွၼ်ႇ ဢၼ်​ဢမ်ႇ​လႆႈ​ႁၼ်​ဢၼ်​လႅင်း​လႃး​လႃး​ၼၼ်ႉ​ယဝ်ႉ။-</verse>
				<verse number="17">ၵႃႈ​တီႈ​ၼၼ်ႈ ၵမ်း​လိုၼ်း ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ​လႆႈ​ဢွၼ်​ၵၼ်​ထၢတ်ႇ​သေ​ယဵၼ်​သေ တၢင်း​ဢၼ်​ၶဝ်​ယႃႉ​ယူၵ်ႉ​ပိူၼ်ႈ​ၼၼ်ႉ​လႄႈ ၶဝ်​ၸိူဝ်း​ဢၼ်​ယၢပ်ႇ​ၸႂ်​ၶၢၼ်​ၸႂ်​ၼၼ်ႉ ဢွၼ်​ၵၼ်​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="18">ၶဝ်​ၸိူဝ်း​ဢၼ်​ၶၢမ်ႇ​လႆႈ​တၢင်း​ဢၼ်​ၶျုၵ်ႈ​ဝႆႉ​ၼၼ်ႉ လႆႈ​ဢွၼ်​ၵၼ်​ယူႇ​ၼိမ်​ၼိမ်​လီ​လီ​လူၺ်ႈ​ၵၼ်​လႄႈ ဢမ်ႇ​လႆႈ​ဢွၼ်​ၵၼ်​ငိၼ်း​သဵင်​ၵႂၢမ်း​ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ။-</verse>
				<verse number="19">ၵႃႈ​တီႈ​ၼၼ်ႈ မီး​ၶဝ်​ၸိူဝ်း​ဢၼ်​ယႂ်ႇ​ဢၼ်​လူင် ဢိၵ်ႇ​တင်း​ၶဝ်​ၸိူဝ်း​ဢၼ်​လဵၵ်ႉ​ဢၼ်​ဢွၼ်ႇ​လႄႈ ၶႃႈ​ၵေႃႈ​လႆႈ​လွတ်ႈ​သေ​ၵႃႈ​ၼႂ်း​မိုဝ်း​ၸဝ်ႈ​မၼ်း​ဢေႃႈ။</verse>
				<verse number="20">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ပၼ်​ဢၼ်​လႅင်း​တီႈ​ၵေႃႉ​ဢၼ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ၼင်ႇ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ပၼ်​ဢသၢၵ်ႈ​တီႈ​ၵေႃႉ​ဢၼ်​ႁူဝ်​ၸႂ်​ၶူမ်​ၼၼ်ႉ​ၼင်ႇ​ႁိုဝ်။-</verse>
				<verse number="21">ၶဝ်​ၼၼ်ႉ​မုင်ႈ​မွင်း​တၢင်း​ဢၼ်​တၢႆ​ၼၼ်ႉ​လႄႈ ဢမ်ႇ​လႆႈ​လႄႈ ယဵင်ႈ​ၶႅၼ်း​ၶုတ်း​ႁႃ​ဢဝ်​လွင်ႈ​တၢင်း​ၼၼ်ႉ​လိူဝ်​တွၼ်း​ၼႃႇ​သေ ၶုတ်း​ႁႃ​ဢဝ်​ၽၼ်ႇတႃႇ ဢၼ်​သိူင်ႇ​ဝႆႉ​သိမ်း​ဝႆႉ​ၼၼ်ႉ​ဢေႃႈ။-</verse>
				<verse number="22">ၶဝ်​ၼၼ်ႉ​မိူဝ်ႈ​ဢၼ်​ထူပ်း​ႁၼ် ၶုမ်​သၢင်း​ၶႅင်း​ၼၼ်ႉ​ၸိုင်၊ ၸူမ်း​သိူဝ်း​ၼႃႇ​လူင်​လၢင်​လႄႈ မူၼ်ႈ​ၸႂ်​ပျေႃႇ​ၸႂ်​ဢေႃႈ။</verse>
				<verse number="23">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ပၼ်​ဢၼ်​လႅင်း​တီႈ​ၵေႃႉ​ဢၼ်​သဵၼ်ႈ​တၢင်း​မၼ်း​လပ်ႉ​ၵႂႃႇ​တၼ်​ၵႂႃႇ​ယဝ်ႉ​ၼၼ်ႉ၊ ၵေႃႉ​ဢၼ်​ၽြႃး​ပဵၼ်​ၸဝ်ႈ​ႁႄႉ​ၵင်ႈ​ၶင်​ဝႆႉ​ၼၼ်ႉ​ၼင်ႇ​ႁိုဝ်။-</verse>
				<verse number="24">ၼႂ်း​မိူဝ်ႈ​ဢၼ်​ၵဝ်​ၵိၼ်​တၢင်း​ၵိၼ်​တၢင်း​ၶူပ်း​ယူႇ​ၼၼ်ႉ၊ တၢင်း​ဢၼ်​ၵဝ်​ၶၢင်း​ၶီ​ၶၢင်း​ၽၢၼ်​ပေႃႇ​မႃး​လႄႈ ၼမ်ႉ​တႃ​တၢင်း​ဢၼ်​ၵဝ်​ႁႆႈ​ႁွင်ႉ​ပွင်ႉ​ၶၢင်း​ၼၼ်ႉ လႆႈ​တူၵ်း​ယူႇ​ပဵၼ်​ၸိူဝ်ႉ​ၼင်ႇ ၼမ်ႉ​ဢၼ်​လႆ​တူၵ်း​ယူႇ​ၼၼ်ႉ​ဢေႃႈ။-</verse>
				<verse number="25">လွင်ႈ​တၢင်း​ဢၼ်​ၵဝ်​ၵူဝ်​ႁႄ​ၼၼ်ႉ ႁွတ်ႈ​မႃး​ၵႃႈ​တီႈ​ၵဝ်​လႄႈ ၽေး​ဢၼ်​ၵဝ်​ၵူဝ်​ႁႄ​သၼ်ႇ​ဝႆ​ၼၼ်ႉ ထူပ်း​မႅၼ်ႈ​ၵဝ်​ယဝ်ႉ။-</verse>
				<verse number="26">ၵဝ်​ၼႆႉ​ဢမ်ႇ​မီး​တၢင်း​ဢၼ်​ၼိမ်​ဢၼ်​လီ၊ ဢမ်ႇ​မီး​တၢင်း​ဢၼ်​ၵတ်း​ယဵၼ်​ၶျၢမ်း​သႃႇ၊ ဢမ်ႇ​မီး​တၢင်း​ဢၼ်​ထၢတ်ႇ​ၸႂ်​ယဵၼ်​ၸႂ်၊ မီး​တုၵ်ႉ​ၶႃႉ​တၢင်း​ၽၢၼ်​လွၼ်ႉ​လွၼ်ႉ​ၸႅတ်ႈ​ၸႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="4">
				<verse number="1">မိူဝ်ႈ​ၼၼ်ႉ ဢေးလီႉၽတ်ႉ ​မဵဝ်း​ တေႇမၢၼ်ႇ ဢွၵ်ႇ​သူပ်း​လႄႈ​ဝႃႈ​ၸမ်ႉ၊-</verse>
				<verse number="2">ပေႃး​သေ​ၵေႃႉ​သေ​ၵူၼ်း​ၸမ်ႉ လၢတ်ႈ​တေႃႇ​ၸႃ​တေႃႇ​မႂ်း​ၸိုင်၊ မႂ်း​တၵ်း​မီး​တၢင်း​ဢၼ်​ၸႂ်​လူႉ​ႁိုဝ်။ ၵူၺ်း​ၵႃႈ​ၽူႈ​လႂ်​ယင်း​ဢမ်ႇ​လၢတ်ႈ​ၵႂၢမ်း​လႄႈ ဢမ်ႇ​ယူႇ​လႆႈ​လူင်​ပႄႇ။-</verse>
				<verse number="3">တူၺ်း​လူး၊ မႂ်း​သင်ႇ​သွၼ်​သုင်း​မႃႉ​ၵူၼ်း​ၼမ်​ၼႃႇ​လႄႈ ႁႂ်ႈ​ၶဝ်​ၸိူဝ်း​ဢၼ်​ႁႅင်း​ၶႅၼ်​ႁႅင်း​မိုဝ်း​ဢူၼ်ႈ​ၼၼ်ႉ လႆႈ​ၵႅၼ်ႇ​ၶႅင်​ယဝ်ႉ​ယဝ်ႉ။-</verse>
				<verse number="4">ၵႂၢမ်း​မႂ်း​လႆႈ​ၵမ်ႉ​ထွၵ်ႈ​ၶဝ်​ၸိူဝ်း​ဢၼ်​ၸမ်​တၵ်း​လူမ်ႉ​တၵ်း​တူၵ်း​ၼၼ်ႉ​လႄႈ ႁႂ်ႈ​ႁူဝ်​ၶဝ်ႇ​ဢၼ်​ဢူၼ်ႈဢွၼ်ႇ​ထွပ်ႉ​ထီႈ​ထွပ်ႉ​ထႅပ်ႉ​ၼၼ်ႉ မၼ်ႈ​ၶိူင်ႇ​ယဝ်ႉ​ယဝ်ႉ။-</verse>
				<verse number="5">မိူဝ်ႈ​လဵဝ်​ၼႆႉ​ၸမ်ႉ၊ ဢမူႉ​ႁွတ်ႈ​ထိုင်​တီႈ​မႂ်း​လႄႈ မႂ်း​မီး​တၢင်း​ဢၼ်​ၸႂ်​လူႉ​ဢေႃႈ။ ဢမူႉ​တိူဝ်ႉ​ထုၵ်ႇ​မႂ်း​လႄႈ မႂ်း​ၵိုတ်း​မိူၼ်ႇ​ၵႂင်​ၸႂ်​ယူႇ​ဢေႃႈ။-</verse>
				<verse number="6">သၽေႃး​မႂ်း​ဢၼ်​ရူဝ်ႇ​သေႇ​ၵူဝ်​ယမ်​ၽြႃး​ၼၼ်ႉ ပဵၼ်​တီႈ​ဢၼ်​မႂ်း​ဢိင်​ပိုင်ႈ​ဢမ်ႇ​ၸႂ်ႈ​ႁိုဝ်။ သၽေႃး​ဢၼ်​ၵမ်​ၵျၢင်ႉ​ၸွမ်း​ၼင်ႇ​တြႃး​ၼၼ်ႉ ပဵၼ်​တီႈ​မုင်ႈ​ထႃႈ​မွင်း​ထႃႈ​မႂ်း​ဢမ်ႇ​ၸႂ်ႈ​ႁိုဝ်။-</verse>
				<verse number="7">ၶႆႈ​ၸႂ်​ဝူၼ်ႉ​ၸႂ်​လႄႈ​ဝႃႈ၊ ၽူႈ​လႂ်​ယင်း​ဢမ်ႇ​မီး​ဢပႅတ်ႈ​လႄႈ လႆႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်။ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ လႆႈ​သုမ်း​လႆႈ​ၸွမ်း​ၵႃႈ​တီႈ​လႂ်၊ ဝႃႈ​ၼင်ႇ​ၼႆ​ၼၼ်ႉ​တႃႉ။-</verse>
				<verse number="8">ၵႃႈ​ၼင်ႇ​ဢၼ်​ၵဝ်​ႁူႉ​ႁၼ်​ၼၼ်ႉ၊ ၶဝ်​ၸိူဝ်း​ဢၼ်​ဢွၼ်​ၵၼ်​ႁဵတ်း​တၢင်း​ဢၼ်​ထႆ​ၼႃး​ဢမ်ႇ​တြႃး ဢိၵ်ႇ​တင်း​ၶဝ်​ၸိူဝ်း​ဢၼ်​ဢွၼ်​ၵၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ဢႃႉထမ်ႇမႃႉ​ၼၼ်ႉ ၸၢင်ႈ​လႆႈ​ဢွၼ်​ၵၼ်​ပၢတ်ႇ​ဢဝ်​ၶဝ်ႈ​ဢၼ်​မႅၼ်ႈ​ၵၼ်​တၢင်း​ဢၼ်​ၸိူဝ်း​ၼၼ်ႉ​ဢေႃႈ။-</verse>
				<verse number="9">ၶဝ်​ၼၼ်ႉ​လႆႈ​လူႉ​လႆႈ​လႅဝ်​လူၺ်ႈ​တၢင်း​ဢၼ်​ၽြႃး​ပဵၼ်​ၸဝ်ႈ​ထူၺ်ႈ​ၸႂ်​ဢွၵ်ႇ​ၸူး​ၼၼ်ႉ​လႄႈ လႆႈ​သုမ်း​လႆႈ​ၸွမ်း​လူၺ်ႈ​တၢင်း​ဢၼ်​မၼ်း​ၸဝ်ႈ ဢဝ်​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ပဝ်ႇ​သႂ်ႇ​ၼၼ်ႉ​ဢေႃႈ။-</verse>
				<verse number="10">တၢင်း​ဢၼ်​သၢင်ႇ​သီႈ​ႁွင်ႉ​ႁဝ်ႇ၊ တၢင်း​ဢၼ်​သဵင်​သၢင်ႇ​သီႈ ဢၼ်​ၵျၢမ်း​ထၢမ်း​ၼႃႇ​လူင်​လၢင်​ၼၼ်ႉ​ၶၢင်း၊ တၢင်း​ဢၼ်​သဵင်​ၶဵဝ်ႈ​သဵင်​သူပ်း သၢင်ႇ​သီႈ​ဢွၼ်ႇ​တၢင်း​လၢႆ​ၼၼ်ႉ​လႆႈ​ထၢတ်ႇ​ယဵၼ်​ၵႂႃႇ​ဢေႃႈ။-</verse>
				<verse number="11">သၢင်ႇ​သီႈ​ဢၼ်​ႁႅင်း​ယႂ်ႇ​ၼႃႇ​ၼၼ်ႉ တၢႆ​ၵွပ်ႈ​ပိူဝ်ႈ​ဢၼ်​တီႈ​ဢၼ်​တၵ်း​တီႉ​ၵိၼ်​ဢဝ်​ၵိၼ်​ဢမ်ႇ​မီး​ၼၼ်ႉ​လႄႈ လုၵ်ႈ​ဢွၼ်ႇ​သၢင်ႇ​သီႈ​မႄႈ​ၸိူဝ်း​ၼၼ်ႉ လႆႈ​ၽၢတ်ႇ​ၽႄ​ၵၼ်​ၵႂႃႇ​ၵူႈ​တီႈ​ၵူႈ​လႅၼ်​ဢေႃႈ။</verse>
				<verse number="12">ၽဝ်ႇ​ၼိုင်ႈ ပျႃႇ​တိၵ်ႈ​ၸဝ်ႈ​တဵတ်ႇ​တဵတ်ႇ​ႁွတ်ႈ​မႃး​တီႈ​ၵဝ်​လႄႈ ႁူ​ၵဝ်​လႆႈ​ငိၼ်း​သဵင်​ဢၼ်​သွပ်ႉ​သႅပ်ႉ​ဢေႃႈ။-</verse>
				<verse number="13">ၼႂ်း​မိူဝ်ႈ​ဢၼ်​ၵဝ်​ယင်း​တိုၵ်ႉ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ရူႇပႃႇရူင်ႇ ဢၼ်​လႆႈ​ပေႃႇ​မႃး​ၶိင်ႇ​ၵၢင်​ၶိုၼ်း မိူဝ်ႈ​ဢၼ်​တၢင်း​ဢၼ်​ၼွၼ်း​လပ်း​ဢၼ်​ယႂ်ႇ​ၼႃႇ​လူင်​လၢင် ယင်း​တိုၵ်ႉ​တူၵ်း​ႁွတ်ႈ​ၵႃႈ​ၼိူဝ်​ၵူၼ်း​တင်း​လၢႆ​ယူႇ​ၼၼ်ႉ​ၸိုင်၊-</verse>
				<verse number="14">တၢင်း​ဢၼ်​တူၵ်း​ၸႂ်​ၵူဝ်​ႁႄ​လႄႈ သၼ်ႇ​သၼ်ႇ​သၢႆ​သၢႆ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၵဝ်​လႄႈ ႁႂ်ႈ​လုပ်ႇ​ၵဝ်​တင်း​သဵင်ႈ​တင်း​လူင် ထၼ်ႈ​ပေႃး​သၼ်ႇ​ၶွၼ်း​ဝႆ​ဢေႃႈ။-</verse>
				<verse number="15">ၵမ်း​ၼၼ်ႉ ဝီႉၺိၺ်ႇ​ပႃး​ၼိုင်ႈ တႆႇ​လတ်း​ၵႂႃႇ​သိုဝ်ႈ​ၼႃႈ​တႂ်ႈ​တႃ​ၵဝ်​လႄႈ တုမ်ႇ​ၶူၼ်​ၼိူဝ်ႉ​ၶူၼ်​ၶိင်း​ၵဝ်​လုၵ်ႉ​ဢေႃႈ။-</verse>
				<verse number="16">ဢၼ်​ၼၼ်ႉ​ၵိုတ်း​ၸုၵ်း​ယူႇ​လႄႈ ပုင်ႇ​ႁၢင်ႈ​ၽၢင်​မၼ်း​ၵေႃႈ ၵဝ်​ဢမ်ႇ​ႁၼ်​လႆႈ​လီ​လီ​ငၢမ်း​ငၢမ်း။ ၵွင်ႉ​ငဝ်း​မၼ်း​ၵူၺ်း​မီး​ယူႇ သိုဝ်ႈ​ၼႃႈ​တႂ်ႈ​တႃ​ၵဝ်​ဢေႃႈ။ ပဵၼ်​တၢင်း​ဢၼ်​သဵတ်ႇ​ဢၼ်​ယဵၼ်​သေ​လႄႈ ၵဝ်​လႆႈ​ငိၼ်း​သဵင်​ဢၼ်​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="17">ၵူၼ်း​ဢၼ်​ၸၢင်ႈ​တၢႆ​ၼႆႉ လႆႈ​မီး​တၢင်း​ဢၼ်​သိုဝ်ႈ​တေႃႇ လိူဝ်​တွၼ်း​ၼႃႇ​သေ​ၽြႃး​ပဵၼ်​ၸဝ်ႈ​ႁိုဝ်။ ၵူၼ်း​သတ်ႉတဝႃႇ​ၼႆႉ လႆႈ​မီး​တၢင်း​ဢၼ်​မူတ်း​သႂ် လိူဝ်​တွၼ်း​ၼႃႇ​သေ​ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​မၼ်း​ၼၼ်ႉ​ႁိုဝ်။-</verse>
				<verse number="18">တူၺ်း​လူး၊ မၼ်း​ၸဝ်ႈ​ဢမ်ႇ​ယုမ်ႇ​ၶဝ်​ၸိူဝ်း​ဢၼ်​ၵိုတ်ႉ​ႁၢပ်ႇ​ဢမူႉ​မၼ်း​ၸဝ်ႈ​တင်း​လၢႆ​ၼၼ်ႉ​လႄႈ မၼ်း​ၸဝ်ႈ​ထၢင်ႇ​တၢင်း​ဢၼ်​ဢမ်ႇ​ၸေး​ဢမ်ႇ​ၸုမ်ႇ​ၼၼ်ႉ မီး​ယူႇ​တီႈ​တမၢၼ်ႇ​ၵၢင်​ႁၢဝ်​ၸဝ်ႈ​တင်း​လၢႆ​ဢမ်ႇ​ၵႃး၊-</verse>
				<verse number="19">ယဵင်ႈ​ၶႅၼ်း​ၼႃႇ​သေ​ၼၼ်ႉ တီႈ​ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​ႁိူၼ်း​လိၼ်​လႄႈ တႄႇ​ယူႇ​ၵႃႈ​ၼႂ်း​မုၼ်ႈ​လိၼ်​သေ​လႄႈ လႆႈ​ၶၢမ်ႇ​တၢင်း​ဢၼ် ၼူတ်ႈ​ပႅတ်ႈ​ထူ​ပႅတ်ႈ မိူၼ်​ၸိူဝ်ႉ​ၼင်ႇ​မူင်ႈ​ဢွၼ်ႇ​မႅင်း​ဢွၼ်ႇ​ၼၼ်ႉ​လူင်​ပႄႇ။-</verse>
				<verse number="20">ၼႂ်း​ၸူဝ်ႈ​ၸႃႉ​ၸဵမ်​ၶိင်ႇ​ႁူဝ်​ၼႂ် တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​ၼၼ်ႉ​ၵူၺ်း ၶဝ်​ၸၢင်ႈ​ႁွတ်ႈ​ထိုင်​တၢင်း​ဢၼ်​ယႃႉ​ၽဵဝ်ႈ​ပႅတ်ႈ​ဢေႃႈ။ ၽူႈ​လႂ်​ယင်း​ဢမ်ႇ​ႁဵတ်း​ပမႃႇၼႃႉ​တီႈ​ၶဝ်​လႃး​လႃး​လႄႈ ၶဝ်​ၸၢင်ႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ။-</verse>
				<verse number="21">ၵုင်ႇ​သရေႇ​ၶဝ်​ၼၼ်ႉ ၸၢင်ႈ​လပ်ႉ​ၵႂႃႇ​ႁၢႆ​ၵႂႃႇ​ဢမ်ႇ​ၸႂ်ႈ​ႁိုဝ်။ ၶဝ်​ယင်း​ဢမ်ႇ​မီး​ပိင်ႇ​ၺႃႇ​လႄႈ ၸၢင်ႈ​ဢွၼ်​ၵၼ်​တၢႆ​ၵႂႃႇ​ဝၢႆး​ၵႂႃႇ​ဢေႃႈ။</verse>
			</chapter>
			<chapter number="5">
				<verse number="1">မႂ်း​သႅၼ်ႇ​ႁွင်ႉ​မိူဝ်ႈ​လဵဝ်​ၼႆႉ​လူး။ မီး​ၵေႃႉ​ဢၼ်​တၵ်း​ဢိူဝ်​မႂ်း​ႁိုဝ်။ ၼႂ်း​ၶဝ်​ၸိူဝ်း​ဢၼ်​မူတ်း​ၸၢင်ႇ​ၼၼ်ႉ၊ မႂ်း​တၵ်း​မုင်ႈ​လူ​မုင်ႈ​တူၺ်း​ၽူႈ​လႂ်။-</verse>
				<verse number="2">တေႃး​သႃႉ​ၸၢင်ႈ​ယႃႉ​ၵူၼ်း​မိူၵ်ႈ​ပႅတ်ႈ​လႄႈ၊ သၽေႃး​ဢၼ်​သီႈ​ၵေႉ​ႁေႈ​တႃ​ၼၼ်ႉ ၸၢင်ႈ​ဢဝ်​ၵေႃႉ​ဢၼ်​ဢမ်ႇ​မီး​ပိင်ႇ​ၺႃႇ​ၼၼ်ႉ​တၢႆ​ဢေႃႈ။-</verse>
				<verse number="3">ၵဝ်​လႆႈ​ႁၼ်​ၵူၼ်း​မိူၵ်ႈ ယင်ႇ​ႁၢၵ်ႈ​မၼ်း​ဢေႃႈ။ ၵူၺ်း​ၵႃႈ​ၵဝ်​ၶီႉ​ၶႃႉ​ၵိၼ်ႇ​လႃႇ​တီႈ​ယူႇ​တီႈ​သဝ်း​မၼ်း​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="4">လုၵ်ႈ​လၢင်း​မၼ်း​ၸိူဝ်း​ၼၼ်ႉ ၵႆ​ၵၼ်​ယၢၼ်​ၵၼ်​တင်း​တီႈ​ဢၼ်​ၵၢင်း​လွတ်ႈ​ၽေး​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ၵႃႈ​ၼႂ်း​ၽၵ်း​တူ​ဝဵင်း​ယူႇ​သေ​လႄႈ ဢမ်ႇ​မီး​ၵေႃႉ​ဢၼ်​ၵႄႇ​သႄႇ​ၼုၵ်ႈ​ဢဝ်​ဢွၵ်ႇ​သေ​ၵေႃႉ​သေ​ၵူၼ်း။-</verse>
				<verse number="5">ၶဝ်ႈ​ပိူၵ်ႇ​ဢၼ်​ၶဝ်​ပၢတ်ႇ​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​တွင်ႉ​မႆႈ​သႆႈ​လိူတ်ႇ​ၼၼ်ႉ ဢွၼ်​ၵၼ်​ၵိၼ်​လႄႈ တေႃႈ​ၵႃႈ​မီး​ယူႇ​ၵႃႈ​ၼႂ်း​ၶွၵ်ႈ ဢၼ်​တူၼ်ႈ​ၼၢမ်​လွမ်ႉ​ဝႆႉ​ၼၼ်ႉ ယင်း​ဢွၼ်​ၵၼ်​ဢဝ်​ဢွၵ်ႇ​လႄႈ တူင်ႇ​ႁႅဝ်ႉ​တူင်ႇ​ၶိုမ်း​ၽုၺ်ႇ​ၵီႈ​ဝႆႉ​မီး​ယူႇ​ပုၼ်ႈ​ဢုၵ်ႉ​ၸႃႇ​ၶဝ်​ၼၼ်ႉ​ဢေႃႈ။-</verse>
				<verse number="6">တၢင်း​ၶီ​တၢင်း​ၽၢၼ်​လုၵ်ႉ​သေ​ၵႃႈ​ၼႂ်း​မုၼ်ႈ​လိၼ်​မႃး​ဢမ်ႇ​ၸႂ်ႈ။ တုၵ်ႉ​ၶႃႉ​ဝူၺ်ႇတၼႃႇ​ဢွၵ်ႇ​သေ​ၵႃႈ​ၼႂ်း​လိၼ်​မႃး​ဢမ်ႇ​ၸႂ်ႈ။-</verse>
				<verse number="7">ၵူၼ်း​ၸိုင်​ၵိူတ်ႇ​လဵင်ႉ​မႃး​ပုၼ်ႈ​ဢၼ်​တၵ်း​ၶၢမ်ႇ​တုၵ်ႉ​ၶႃႉ မိူၼ်​ၸိူဝ်ႉ​ၼင်ႇ​ဢၼ်​ၶႆႇ​ၽႆး​ၸၢင်ႈ​မိၼ်​ၶိုၼ်ႈ​ၵႃႈ​ၼိူဝ်​ၼၼ်ႉ​ဢေႃႈ။</verse>
				<verse number="8">ၵဝ်​ၸမ်ႉ၊ တၵ်း​သုတ်ႉ​ၸပ်း​သုတ်ႉ​ၸူး​ၽြႃး​ပဵၼ်​ၸဝ်ႈ​လႄႈ ဢဝ်​ဢမူႉ​ၵဝ်​ဢၢပ်ႈ​တီႈ​ၽြႃး​ပဵၼ်​ၸဝ်ႈ၊-</verse>
				<verse number="9">ဢၼ်​ႁဵတ်း​လွင်ႈ​တၢင်း​ဢၼ်​ယႂ်ႇ​ဢၼ်​လူင်၊ လွင်ႈ​တၢင်း​ဢၼ်​ၸႅတ်ႈ​ထၢမ်​ၸႅတ်ႈ​တူၺ်း​လႄႈ ဢမ်ႇ​သဵင်ႈ​လႆႈ၊ လွင်ႈ​တၢင်း​ဢၼ်​လီ​ဢၢမ်း​ဢၼ်​ၼပ်ႉ​ဢၢၼ်ႇ​လႄႈ ဢမ်ႇ​သုတ်း​ဢမ်ႇ​သဵင်ႈ​လႆႈ​ၼၼ်ႉ၊-</verse>
				<verse number="10">ဢၼ်​ႁႂ်ႈ​ၽူၼ်​တူၵ်း​ၵႃႈ​ၼိူဝ်​လိၼ်​မိူင်း​လႄႈ ပၼ်​ၼမ်ႉ​တီႈ​ၼႃႈ​လိၼ်​ၼၼ်ႉ​ဢေႃႈ။-</verse>
				<verse number="11">ၼင်ႇ​ၼၼ်​လႄႈ​မၼ်း​ၸဝ်ႈ​ဢဝ်​ၶဝ်​ၸိူဝ်း​ဢၼ်​ၶျႃး​တူၵ်း​တီႈ​တႅမ်ႇ​ၼၼ်ႉ တၢင်ႇ​ဝႆႉ​ၵႃႈ​တီႈ​ဢၼ်​သုင်​လႄႈ ယုၵ်ႉ​ယွင်ႈ​ၶဝ်​ၸိူဝ်း​ဢၼ်​ယၢၵ်ႈ​ၽၢၼ်​ၶၢၼ်​ၸႂ်​ၼၼ်ႉ ဝႆႉ​တီႈ​ဢၼ်​ၵုမ်ႇ​လီ​ပေႃး​လီ​ၼၼ်ႉ​ဢေႃႈ။-</verse>
				<verse number="12">မၼ်း​ၸဝ်ႈ​ယႃႉ​တၢင်း​ၵျၢမ်ႇ​တၢင်း​ပွင်​ၶဝ်​ၸိူဝ်း​ဢၼ်​ႁဵတ်း​ပရီႉယႄႇ​ၼၼ်ႉ ပႅတ်ႈ​ႁႂ်ႈ​ထၼ်ႈ​ပေႃး​မိုဝ်း​ၶဝ်​ၼၼ်ႉ ဢမ်ႇ​ပွင်​ဢမ်ႇ​ႁဵတ်း​ဢမူႉ​ၶဝ်​ၼၼ်ႉ​လႆႈ​ဢေႃႈ။-</verse>
				<verse number="13">မၼ်း​ၸဝ်ႈ​တီႉ​ၵမ်​ဢဝ်​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​လူၺ်ႈ​ပရီႉယႄႇ​ၶဝ်​ၼၼ်ႉ​လႄႈ ႁႂ်ႈ​တၢင်း​ဢၼ်​ၶဝ်​ၸိူဝ်း​ဢၼ် ၸၢင်ႈ​ပႅတ်ႉ​ၸၢင်ႈ​လႅၼ်​တင်း​လၢႆ​တိူင်ႇ​ပၢင်ႇ​လၢတ်ႈ​ၸႃ​ၵၼ်​ၼၼ်ႉ လူမ်ႉ​ပၵ်း​ၶိတ်း​တူၵ်း​ၵႂႃႇ​ဢေႃႈ။-</verse>
				<verse number="14">ၶဝ်​ၼၼ်ႉ​လႆႈ​ဢွၼ်​ၵၼ်​ထူပ်း​လပ်း​သိင်ႇ​ၼႂ်း​ၶိင်ႇ​ၵၢင်​ဝၼ်း​လႄႈ လႆႈ​ၵုမ်း​ၵီႈ​ၵုမ်း​ၵမ်း​ၵႂႃႇ​မႃး​မိူဝ်ႈ​ၶိင်ႇ​ၵၢင်​ဝၼ်း​တဵင်ႈ မိူၼ်​ၸိူဝ်ႉ​ၼင်ႇ​မိူဝ်ႈ​ၶိင်ႇ​ၵၢင်​ၶိုၼ်း​ၼၼ်ႉ​ဢေႃႈ။-</verse>
				<verse number="15">မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​သေ​ၵႃႈ​တီႈ​ၽေး​လၢပ်ႇ​သူပ်း​ၶဝ်​ၼၼ်ႉ ဢိၵ်ႇ​တင်း​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ႁႅင်း​ယႂ်ႇ​လႂ်​ၼၼ်ႉ​ဢေႃႈ။-</verse>
				<verse number="16">ၼင်ႇ​ၼၼ်​လႄႈ ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ လႆႈ​မီး​ဢၶႂၢင်ႉ​ဢၼ်​မုင်ႈ​မွင်း​ၼၼ်ႉ​ယူႇ​လႄႈ ဢႃႉထမ်ႇမႃႉ​ၵေႃႈ​လႆႈ​ဢိုတ်း​သူပ်း​မၼ်း​ဝႆႉ​ယူႇ​ဢေႃႈ။</verse>
				<verse number="17">တူၺ်း​လူး၊ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် ၽြႃး​ပဵၼ်​ၸဝ်ႈ​ၸႅတ်ႈ​ထၢမ်​ၸႅတ်ႈ​တူၺ်း ၸွမ်း​လူၺ်ႈ​ဢပႅတ်ႈ​ၼၼ်ႉ​မီး​မင်ႇၵလႃႇ​ဢေႃႈ။ ပိူဝ်ႈ​ၼႆ​လႄႈ ယႃႇ​ပေ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​တၢင်း​ဢၼ်​ၸဝ်ႈ​ဢၼၼ်ႇတႃႉ​တၼ်း​ၶူဝ်း​သင်ႇ​သွၼ်​သုင်း​မႃႉ​ၼၼ်ႉ​သေ​ၵမ်း။-</verse>
				<verse number="18">မၼ်း​ၸဝ်ႈ​ႁႂ်ႈ​ပဵၼ်​ၸဵပ်း​ပဵၼ်​သႅပ်ႇ​လႄႈ သမ်ႉ​မတ်ႉ​ႁေႃႇ​ၶဵၼ်း​ပၼ်​တီႈ​ၸဵပ်း​တီႈ​သႅပ်ႇ​ၼၼ်ႉ​ဢေႃႈ။ မၼ်း​ၸဝ်ႈ​ပၼ်​တၢမ်ႇ​လႄႈ သမ်ႉ​ဢဝ်​တင်း​မိုဝ်း​ၸဝ်ႈ ႁႂ်ႈ​သၢၵ်ႈ​သႃႇ​ၶႅၼ်း​မႃး​ဢေႃႈ။-</verse>
				<verse number="19">မၼ်း​ၸဝ်ႈ​တၵ်း​ၵႄႇ​သႄႇ​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​ဢမူႉ ႁူၵ်း​ပႃး​ၵူၺ်း​ဢမ်ႇ​ၵႃး ၵႃႈ​ၼႂ်း​ဢမူႉ​ၸဵတ်း​ပႃး​ၵေႃႈ၊ ၽေး​သေ​ၸိူဝ်ႉ​သေ​ပိူင်​ဢမ်ႇ​လႆႈ​တိူဝ်ႉ​လႆႈ​ထုၵ်ႇ​မႂ်း။-</verse>
				<verse number="20">မၼ်း​ၸဝ်ႈ​တၵ်း​ထုတ်ႇ​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​တၢင်း​တၢႆ ယၢမ်း​မိူဝ်ႈ​ဢၼ်​တၢင်း​ၵိၼ်​တၢင်း​ၶူပ်း​ၵႃႈ​ပႅင်း​ၼၼ်ႉ ဢိၵ်ႇ​သေ​ၵႃႈ​ၼႂ်း​ၽေး​လၢပ်ႇ​ၽေး​လႅဝ်း ယၢမ်း​မိူဝ်ႈ​ဢၼ်​တိုၵ်း​သိုၵ်း​ၼၼ်ႉ​ဢေႃႈ။-</verse>
				<verse number="21">မႂ်း​တၵ်း​ၵၢင်း​လွတ်ႈ​တင်း​ၽေး​သူပ်း​ၽေး​လိၼ်ႉ​လႄႈ ပိၵ်ႉ​သမ်ႉ​ၽေး​တၢင်း​ဢၼ်​လူႉ​လႅဝ်​ထိုင်​ႁွတ်ႈ​သေ​ၵေႃႈ ဢမ်ႇ​လႆႈ​ၵူဝ်​လႆႈ​ႁႄ။-</verse>
				<verse number="22">မႂ်း​တၵ်း​ၶူဝ်​ႁိုဝ်ႉ ၽေး​တၢင်း​ဢၼ်​လူႉ​လႅဝ် ဢိၵ်ႇ​တင်း​ၽေး​တၢင်း​ဢၼ်​တၢင်း​ၵိၼ်​တၢင်း​ၶူပ်း​ၵႃႈ​ပႅင်း​ၼၼ်ႉ​လႄႈ ဢမ်ႇ​လႆႈ​ၵူဝ်​လႆႈ​ႁႄ တူဝ်​ႁၢႆႉ​တူဝ်​ရိူင်း​ၵႃႈ​ၼိူဝ်​လိၼ်​မိူင်း။-</verse>
				<verse number="23">လွင်ႈ​မၼ်း​ၸမ်ႉ မႂ်း​တၵ်း​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​မၢၵ်ႇ​ႁိၼ် ၵႃႈ​တီႈ​တူင်ႈ​ႁႆႊ​တူင်ႈ​ၼႃး​ၸိူဝ်း​ၼၼ်ႉ​လႄႈ တူဝ်​ထိူၼ်ႇ​ႁၢႆႉ​တင်း​လၢႆ တၵ်း​ဢွၼ်​ၵၼ်​ႁဵတ်း​မိၵ်ႉသႃႇႁႃယႃႉ​လူၺ်ႈ​ၵၼ်​တင်း​မႂ်း​ဢေႃႈ။-</verse>
				<verse number="24">မႂ်း​တၵ်း​ႁူႉ​ႁၼ်​လွင်ႈ​ဢၼ် မူဝ်းၵႃႇ​မႂ်း​မီး​တၢင်း​ဢၼ်​ၼိမ်​ဢၼ်​လီ​ယူႇ​ၼၼ်ႉ​လႄႈ မႂ်း​ၵႂႃႇ​ၸူး​ၵႃႈ​တီႈ​ၶွၵ်ႈ​သူဝ်း​ၶွၵ်ႈ​ဝူဝ်း​မႂ်း​လႄႈ ဢမ်ႇ​လႆႈ​ၶီ​ၸႂ်​မႆႈ​ၸႂ်​လူၺ်ႈ​လွင်ႈ​ဢၼ်​ႁုၵ်း​ဢၼ်​ႁၢႆႉ​သေ​ၸိူဝ်ႉ​သေ​ပိူင်။-</verse>
				<verse number="25">မႂ်း​တၵ်း​ႁူႉ​ႁၼ်​လွင်ႈ​ဢၼ်​လုၵ်ႈ​လၢင်း​မႂ်း​ယႂ်ႇ​ၼမ်​ၼၼ်ႉ​လႄႈ မဵဝ်း​ၸိူဝ်ႉ​ၶိူဝ်း​မႂ်း​ပဵၼ်​ၸိူဝ်ႉ​ၼင်ႇ ယိူဝ်ႈ​ယႃႈ​ၵႃႈ​ၼိူဝ်​လိၼ်​မိူင်း​ၼၼ်ႉ​ဢေႃႈ။-</verse>
			</chapter>
			<chapter number="6">
				<verse number="1">လႆႈ​သမ်ႉ ယေႃးၽႃႉ ​ဢွၵ်ႇ​သူပ်း ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">ႁႂ်ႈ​ၸင်ႈ​ႁိဝ်ႈ​တူၺ်း​လွင်ႈ​တၢင်း​ဢၼ်​ၵဝ်​ငိၼ်း​ၶီ​ငိၼ်း​ၽၢၼ်​ၼႆႉ​သေ​ၵမ်း​လူၺ်ႈ။ ႁႂ်ႈ​ဢဝ်​တုၵ်ႉ​ၶႃႉ​တၢင်း​ၽၢၼ်​ၵဝ်​ၼႆႉ ၸူႉ​ဝႆႉ​ၶွၼ်ႈ​ဝႆႉ​ၵႃႈ​တီႈ​ယႃႇ​ၸူႇ​သေ​ၵမ်း​လူၺ်ႈ။-</verse>
				<verse number="3">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တေႃႈ​လဵဝ်​ၼႆႉ​ယဵင်ႈ​ၶႅၼ်း တၵ်း​ၼၵ်း​ၼႃႇ​သေ​သၢႆး​ၼမ်ႉ​သမ်ႇ​မုၵ်ႉ​တြႃႇ​ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၵႂၢမ်း​ၵဝ်​လႆႈ​ပူၼ်ႉ​လႆႈ​လိူဝ်​မႅၼ်ႈ​ယဝ်ႉ။-</verse>
				<verse number="4">ပိုၼ်​ဢၼ်​ၸဝ်ႈ​ဢၼၼ်ႇတႃႉ​တၼ်း​ၶူဝ်း ပိုတ်း​ယိုဝ်း​ၸိူဝ်း​ၼၼ်ႉ ၸပ်း​သႂ်ႇ​ထုၵ်ႇ​သႂ်ႇ​တီႈ​ၵဝ်​လႄႈ ၵွင်ႉ​မၼ်း​ယၢင်​မၼ်း သူတ်ႉ​ဢိုၵ်ႉ​ၵိၼ်​ဝီႉၺိၺ်ႇ​ၵဝ်​ဝႆႉ​ယဝ်ႉ။ လွင်ႈ​တၢင်း​ဢၼ်​လီ​ၵူဝ်​လီ​ႁႄ ဢၼ်​ၽြႃး​ပဵၼ်​ၸဝ်ႈ​ၼႄ​ပျႃး​ၸိူဝ်း​ၼၼ်ႉ ၶၢင်း​တပ်ႉ​ၶၢင်း​ငႃး​ယူႇ​ၽၢႆႇ​ၼိုင်ႈ​တင်း​ၵဝ်​ဢေႃႈ။-</verse>
				<verse number="5">လီႈ​ထိူၼ်ႇ​ၸၢင်ႈ​ႁွင်ႉ​ႁႄႇ​ႁွင်ႉ​ၶၢင်း ယၢမ်း​မိူဝ်ႈ​ဢၼ်​မီး​ယိူဝ်ႈ​မီး​ၵိင်ႇ​ၼၼ်ႉ​ႁိုဝ်။ ဝူဝ်း​ၸၢင်ႈ​ႁွင်ႉ​ၸၢင်ႈ​ဝေႃး မိူဝ်ႈ​ဢၼ်​မီး​တၢင်း​ၵိၼ်​တၢင်း​ၶူပ်း​ၼၼ်ႉ​ႁိုဝ်။-</verse>
				<verse number="6">တၢင်း​ၵိၼ်​တၢင်း​ၶူပ်း​ဢၼ်​ၸၢင်​ဢၼ်​ၸိုတ်ႇ​ၼၼ်ႉ ယင်း​ဢမ်ႇ​ပႃး​ၵိူဝ်​လႄႈ​ၵိၼ်​လႆႈ​ႁိုဝ်။ ၵိူမ်ႈ​ၶႆႇ​ၵႆႇ​ၼၼ်ႉ မီး​ဢရႃႉသႃႇ​တၢင်း​ဝၢၼ်​တၢင်း​မၼ်း​ႁိုဝ်။-</verse>
				<verse number="7">ၵဝ်​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​ၸိူဝ်း​ၼၼ်ႉ ထၼ်ႈ​ပေႃး​ဢမ်ႇ​ဢဝ်​မိုဝ်း​တိူဝ်ႉ​ထုၵ်ႇ​လႆႈ​လႄႈ ပဵၼ်​တၢင်း​ၵိၼ်​တၢင်း​ၶူပ်း​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​ၵဝ်​ဢေႃႈ။</verse>
				<verse number="8">ႁႂ်ႈ​ၵဝ်​လႆႈ​လွင်ႈ​တၢင်း​ဢၼ်​ၵဝ်​ယွၼ်း​ၼၼ်ႉ​သေ​ၵမ်း​လူၺ်ႈ။ ႁႂ်ႈ​ၽြႃး​ပဵၼ်​ၸဝ်ႈ​ဢဵတ်း​လူ​ပၼ် လွင်ႈ​တၢင်း​ဢၼ်​ၵဝ်​မုင်ႈ​မွင်း​ယူႇ​ၼၼ်ႉ​သေ​ၵမ်း​လူၺ်ႈ။-</verse>
				<verse number="9">လွင်ႈ​တၢင်း​ဢၼ်​ၵဝ်​မုင်ႈ​မွင်း​ၸမ်ႉ၊ ႁႂ်ႈ​ၽြႃး​ပဵၼ်​ၸဝ်ႈ​ယႃႉ​ၽဵဝ်ႈ​ၵဝ်​ပႅတ်ႈ​သေ​ၵမ်း​လူၺ်ႈ။ ႁႂ်ႈ​မၼ်း​ၸဝ်ႈ​ယဵတ်ႇ​မိုဝ်း​မၼ်း​ၸဝ်ႈ​ၸူး​လႄႈ ႁႂ်ႈ​ၵဝ်​သုမ်း​ၸွမ်း​သေ​ၵမ်း​လူၺ်ႈ။-</verse>
				<verse number="10">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​တၵ်း​လႆႈ​သၢၵ်ႈ​သႃႇ​မႃး​ဢေႃႈ။ ၸႂ်ႈ​ယဝ်ႉ၊ ၵဝ်​တၵ်း​သႂၢင်ႇ​သိူဝ်း​ၼႂ်း​တၢင်း​ဢၼ် ၶူပ်း​ၶိုၼ်ႈ​ဢၼ်​ဢမ်ႇ​ဢဵတ်း​လူ​ဢမ်ႇ​သေ​လၢႆ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵဝ်​ဢမ်ႇ​တွပ်ႇ​ထဵင်​ပူၼ်ႉ​လိူဝ်​ၵႂၢမ်း ၸဝ်ႈ​ဢၼ်​မူတ်း​ၸၢင်ႇ​ၼၼ်ႉ​ယဝ်ႉ။-</verse>
				<verse number="11">ႁႅင်း​ၵဝ်​ပဵၼ်​ၸိူဝ်ႉ​ၼင်ႇ​ႁိုဝ်​လႄႈ ႁႂ်ႈ​ၵဝ်​လႆႈ​မီး​ဢၶႂၢင်ႉ​ဢၼ်​မုင်ႈ​မွင်း​ယူႇ၊ ဢၵျူဝ်း​ဢၼ်​တၵ်း​လႆႈ​ၶၢမ်ႇ​ၵမ်း​လိုၼ်း​သုတ်း​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်​လႄႈ ႁႂ်ႈ​ၵဝ်​လႆႈ​ယိူၼ်ႉ​ယူႇ​ၵၼ်ႈ​ယူႇ။-</verse>
				<verse number="12">ႁႅင်း​ၵဝ်​ၼႆႉ ပဵၼ်​ႁႅင်း​မၢၵ်ႇ​ႁိၼ်​ႁိုဝ်။ ၼိူဝ်ႉ​ၵဝ်​ၼႆႉ​ပဵၼ်​ၼိူဝ်ႉ​တွင်း​လိူင်​ႁိုဝ်။-</verse>
				<verse number="13">ပဵၼ်​တၢင်း​ဢၼ် ၵဝ်​ဢမ်ႇ​ၸွႆႈ​ထႅမ်​မႃႉ​ၸႃႉ​တူဝ်​ၸဝ်ႈ​ၵဝ်ႇ​လႆႈ​ဢမ်ႇ​ၸႂ်ႈ​ႁိုဝ်။ ပဵၼ်​တၢင်း​ဢၼ်​သၢၵ်ႈ​သႃႇ​ၶႅၼ်း​မႃး​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၵဝ်​ယဝ်ႉ​ဢမ်ႇ​ၸႂ်ႈ​ႁိုဝ်။</verse>
				<verse number="14">ၵေႃႉ​ဢၼ်​ပဵၼ်​ၵေႃႉ​ပဵၼ်​သေႈ​ၼၼ်ႉ ထုၵ်ႇ​လီ​ဢဵတ်း​လူ​ၵေႃႉ​ဢၼ်​ႁွတ်ႈ​ထိုင်​တၢင်း​ဢၼ်​ႁူဝ်​ၸႂ်​တႅၵ်ႇ​လႅဝ်​ၼၼ်ႉ​ဢေႃႈ။ ပေႃး​ဢမ်ႇ​ၼၼ် မၼ်း​ၼၼ်ႉ​တၵ်း​ၸုၼ်ႉ​ပႅတ်ႈ​သၽေႃး​ဢၼ်​ၵူဝ်​ႁႄ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၵႂႃႇ​ဢေႃႈ။-</verse>
				<verse number="15">ပီႈ​ၵဝ်​ၼွင်ႉ​ၵဝ် ၸၢင်ႈ​ဢွၼ်​ၵၼ်​ပႅတ်ႉ​လႅၼ် မိူၼ်​ၸိူဝ်ႉ​ၼင်ႇ​ၼမ်ႉ​ႁွင်ႈ၊ မိူၼ်​ၸိူဝ်ႉ​ၼင်ႇ​ၼမ်ႉ ၼႂ်း​ႁူၺ်ႈ​ၼႂ်း​ႁွင်ႈ ဢၼ်​ၸၢင်ႈ​ယူတ်း​ၵႂႃႇ​ႁႅင်ႈ​ၵႂႃႇ၊-</verse>
				<verse number="16">ဢၼ်​ၶုၼ်ႇ​ၵႂႃႇ​ဢူၼ်​ၵႂႃႇ လူၺ်ႈ​ၼမ်ႉ​ၵွၼ်ႈ​ၼမ်ႉ​ၵၢမ်ႈ ဢိၵ်ႇ​တင်း​လူၺ်ႈ​မူၺ်​ႁႃႇ ဢၼ်​မူၵ်း​ယူႇ​တဵတ်ႇ​ယူႇ​ၵႃႈ​ၼႂ်း​မၼ်း​ၼၼ်ႉ​ဢေႃႈ။-</verse>
				<verse number="17">ၸၢင်ႈ​သဵင်ႈ​ၵႂႃႇ​ႁၢႆ​ၵႂႃႇ မိူဝ်ႈ​ၶိင်ႇ​ဢၼ်​ႁွၼ်ႉ​ဢၼ်​မႆႈ​ၼၼ်ႉ​လႄႈ ၸၢင်ႈ​ယူတ်း​ၵႂႃႇ​ႁႅင်ႈ​ၵႂႃႇ​သေ​ၵႃႈ​တီႈ တီႈ​မၼ်း​မိူဝ်ႈ​ၶိင်ႇ​ဢၼ်​လႅတ်ႇ​မႆႈ လႅတ်ႇ​ၶႅင်​ၼၼ်ႉ​ဢေႃႈ။-</verse>
				<verse number="18">မုၵ်ႉ​ၵူၼ်း​ၸိူဝ်း​ၵူၼ်း​ဢၼ်​ၸွမ်း​သဵၼ်ႈ​တၢင်း ႁိမ်း​ၼမ်ႉ​ႁွင်ႈ​ၸိူဝ်း​ၼၼ်ႉ ၸၢင်ႈ​ဢွၼ်​ၵၼ်​ငႅၵ်း​ပႅတ်ႈ​ဝႄႈ​ပႅတ်ႈ​သေ​လႄႈ ၶဝ်ႈ​ၵႃႈ​ၼႂ်း ပၢင်ႇ​ပလႁႃႇ​သေ​လႄႈ ႁၢႆ​ၵႂႃႇ​ဢေႃႈ။-</verse>
				<verse number="19">မုၵ်ႉ​ၵူၼ်း​ၸိူဝ်း​ၵူၼ်း​မဵဝ်း​ တေႇမၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ႁႃ​ဢဝ်​ဢေႃႈ။ မုၵ်ႉ​ၵူၼ်း​ၸိူဝ်း​ၵူၼ်း ဢၼ်​လုၵ်ႉ​သေ​ၵႃႈ​တီႈ မိူင်း​ သေးၽႃႉ ၵႂႃႇ​တၢင်း​ပႆ​တၢင်း​ၸိူဝ်း​ၼၼ်ႉ ဢွၼ်​ၵၼ်​မုင်ႈ​မွင်း​ယူႇ​ဢေႃႈ။-</verse>
				<verse number="20">ဢွၼ်​ၵၼ်​မုင်ႈ​မွင်း​လႄႈ ႁွတ်ႈ​တၢင်း​ဢၼ်​ဢူၵ်း​ဢၢႆ​ဢေႃႈ။ ၶဝ်​ႁွတ်ႈ​ထိုင်​ၵႃႈ​တီႈ​ၼၼ်ႈ​လႄႈ ၸႂ်​လူႉ​ဢေႃႈ။-</verse>
				<verse number="21">မိူၼ်​ၸိူဝ်ႉ​ၼင်ႇ​ၼၼ် သူ​ၼႆႉ​ဢွၼ်​ၵၼ်​ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​လူင်​ပႄႇ။ သူ​ဢွၼ်​ၵၼ်​ႁၼ်​တင်း​ဢၼ်​လီ​ၵူဝ်​လီ​ႁႄ​လႄႈ​တူၵ်း​ၸႂ်​ဢေႃႈ။-</verse>
				<verse number="22">ၵဝ်​လၢတ်ႈ​လႄႈ​ဝႃႈ၊ ဢွၼ်​ၵၼ်​ဢဝ်​သေ​ၸိူဝ်ႉ​သေ​ပိူင်​ပၼ်​တီႈ​ၵဝ်​သေ​ၵမ်း။ ဢွၼ်​ၵၼ်​ဢဝ်​ၵႃႈ​ၼႂ်း​ဢုၵ်ႉ​ၸႃႇ​ၶူဝ်း​လဵင်း​သူ​ၼၼ်ႉ​ဢွၵ်ႇ​လႄႈ​ပၼ်​သူး​ပၼ်​လၢပ်ႈ​တီႈ​ၵဝ်​သေ​ၵမ်း။-</verse>
				<verse number="23">ဢွၼ်​ၵၼ်​ၵႄႇ​သႄႇ​ဢဝ်​ၵဝ်​ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​သေ​ၵမ်း။ ဢွၼ်​ၵၼ်​ထုတ်ႇ​ၼုၵ်ႈ​ဢဝ်​ၵဝ်​ဢွၵ်ႇ​သေ ၵႃႈ​ၼႂ်း​မိုဝ်း ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ႁိုဝ်။-</verse>
				<verse number="24">ဢွၼ်​ၵၼ်​သင်ႇ​သွၼ်​ၵဝ်​သေ​ၵမ်း။ ၵဝ်​တၵ်း​ယူႇ​တဵတ်ႇ​တဵတ်ႇ​ယဵၼ်​ယဵၼ်​ဢေႃႈ။ ဢွၼ်​ၵၼ်​ႁဵတ်း​ႁႂ်ႈ​ၵဝ်​လႆႈ​ႁူႉ လွင်ႈ​ဢၼ်​ၵဝ်​ၽိတ်း​ပိူင်ႈ​လူၺ်ႈ​ၵႃႈ​သင်​ၼၼ်ႉ​သေ​ၵမ်း။-</verse>
				<verse number="25">ၵႂၢမ်း​ဢၼ်​ၸိုဝ်ႈ​ၸႂ်ႈ​မၢၼ်ႇ​မႅၼ်ႈ​ၼၼ်ႉ မီး​တၼ်း​ၶူဝ်း​ယႂ်ႇ​ၼႃႇ​ဢေႃႈ။ ၵႂၢမ်း​ဢၼ်​သူ​သႄႉ​သွမ်း​ၼၼ်ႉ တူၵ်း​တီႈ​တူၵ်း​လႅၼ်​ၵႃႈ​တီႈ​လႂ်။-</verse>
				<verse number="26">သူ​ဢွၼ်​ၵၼ်​ၵျၢမ်ႇ​ပွင် တၵ်း​တၢင်ႇ​ဢပႅတ်ႈ​တီႈ​ၵႂၢမ်း​ၼႆႉ​ႁိုဝ်။ ၵႂၢမ်း​ၵေႃႉ​ဢၼ်​ဢမ်ႇ​မီး​တီႈ​ဢၼ်​လီ​မုင်ႈ​လီ​မွင်း​ၼၼ်ႉ​လၢတ်ႈ​ၼၼ်ႉ ပဵၼ်​လူမ်း​လွၼ်ႉ​လွၼ်ႉ​ၸႅတ်ႈ​ၸႅတ်ႈ​ဢေႃႈ။-</verse>
				<verse number="27">သူ​ဢွၼ်​ၵၼ်​တူၵ်း​ၸႃႇ​ၵွၵ်ႈ​ပုၼ်ႈ​ဢၼ်​တၵ်း​ပိူင်ႇ​ဢဝ်​လုၵ်ႈ​တိၼ်ႇ​ၽႃႉ​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။ သူ​ဢွၼ်​ၵၼ် ၶုတ်း​ၶုမ်​ၶုတ်း​ႁူး ပုၼ်ႈ​ၵေႃႉ​သူ​သေႈ​သူ​ဢေႃႈ။-</verse>
				<verse number="28">ယင်း​ဢမ်ႇ​ဝႆႉ​ၸႂ်​မီး​ၸႂ်​လႄႈ ဢွၼ်​ၵၼ်​လူ​တူၺ်း​ၵဝ်​တႃႉ။ ၵဝ်​ဢမ်ႇ​ပႅတ်ႉ​ဢမ်ႇ​လႅၼ် ၵႃႈ​တီႈ​ၽၢႆႇ​ၼႃႈ​သူ။-</verse>
				<verse number="29">ဢွၼ်​ၵၼ်​သမ်ႉ​ၶိုၼ်း​ၶႆႈ​ၸႂ်​ဝူၼ်ႉ​ၸႂ်​ထႅင်ႈ​သေ​ၵမ်း။ ယႃႇ​ပေ​ဢွၼ်​ၵၼ်​ႁဵတ်း​ဢမ်ႇ​တြႃး​သေ​ၵမ်း။ ဢွၼ်​ၵၼ်​သမ်ႉ​ၶိုၼ်း​ၶႆႈ​ၸႂ်​ဝူၼ်ႉ​ၸႂ်​ထႅင်ႈ​သေ​ၵမ်း။ ဢမူႉ​ၵဝ်​ၼႆႉ​သိုဝ်ႈ​တေႃႇ​ယူႇ​ဢေႃႈ။-</verse>
				<verse number="30">တီႈ​လိၼ်ႉ​ၵဝ်​ၼႆႉ မီး​သၽေႃး​ဢၼ်​ၵူတ်ႉ​ဢၼ်​ငေႃး​ႁိုဝ်။ ၵဝ်​ၼႆႉ​ၸိမ်း​တူၺ်း​လႄႈ ဢမ်ႇ​ၸၵ်း​ၽႄ​ႁူႉ​လႆႈ လွင်ႈ​တၢင်း​ဢၼ်​ပႃး​ဢပႅတ်ႈ​ၼၼ်ႉ​ႁိုဝ်။</verse>
			</chapter>
			<chapter number="7">
				<verse number="1">ၵူၼ်း​ၸိုင်၊ လႆႈ​ၵိုတ်ႉ​ႁၢပ်ႇ​ဢမူႉ​ဢၼ်​ယၢပ်ႇ​ၽိုတ်ႇ​ၼႃႇ​လူင်​လၢင် ၵႃႈ​ၼိူဝ်​လိၼ်​မိူင်း​ယူႇ​ဢမ်ႇ​ၸႂ်ႈ​ႁိုဝ်။ မိုဝ်ႉ​ဝၼ်း​ၵႃႈ​ဢၼ်​မၼ်း​လႆႈ​ယူႇ​ၼၼ်ႉ ပဵၼ်​ၸိူဝ်ႉ​ၼင်ႇ​မိုဝ်ႉ​ဝၼ်း​ဢၼ် ၵေႃႉ​ဢၼ်​ၶၢမ်ႇ​ၵိၼ်​ၸၢင်ႈ​ၵိၼ်​ငႃ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="2">ၸိူဝ်ႉ​ၼင်ႇ​ဢၼ်​ၵေႃႉ​ဢၼ်​ၶၢမ်ႇ​ႁဵတ်း​ၶႃႈ​ၼၼ်ႉ မုင်ႈ​မွင်း​ၶိင်ႇ​ဢၼ်​ၵၢင်​ဝၼ်း​ၶမ်ႈ ဢိၵ်ႇ​တင်း​ၸိူဝ်ႉ​ၼင်ႇ​ၵေႃႉ​ဢၼ်​ၶၢမ်ႇ​ၵိၼ်​ၸၢင်ႈ​ၵိၼ်​ငႃ​ၼၼ်ႉ မုင်ႈ​မွင်း​ၶိင်ႇ​ဢၼ်​လႆႈ​ၵႃႈ​လႆႈ​ၶၼ်​ၼၼ်ႉ၊-</verse>
				<verse number="3">မိူၼ်​ၸိူဝ်ႉ​ၼင်ႇ​ၼၼ် ၵဝ်​ၼႆႉ​လႆႈ​ၸၢပ်ႈ​သႅင်ႇ​ၵၼ်​လိူၼ်​တုၵ်ႉ​ၶႃႉ​ဝၼ်း​တုၵ်ႉ​ၶႃႉ​ယူႇ​ဢေႃႈ။ ၶိင်ႇ​ၵၢင်​ၶိုၼ်း​ဢၼ်​လႆႈ​ၶၢမ်ႇ​ယၢပ်ႇ​ၸႂ် ၼႃႇ​လူင်​လၢင်​ၸိူဝ်း​ၼၼ်ႉ​ၵေႃႈ ပဵၼ်​ပုၼ်ႈ​ပဵၼ်​တႃႇ​ၵဝ်​ဢေႃႈ။-</verse>
				<verse number="4">မိူဝ်ႈ​ဢၼ်​ၵဝ်​ၼွၼ်း​ၼၼ်ႉ​ၸိုင်၊ ၵဝ်​လႆႈ​လၢတ်ႈ​လႄႈ​ဝႃႈ၊ ၵဝ်​တၵ်း​လႆႈ​လုၵ်ႉ​မိူဝ်ႈ​လႂ်​လႄႈ ၶိင်ႇ​ၵၢင်​ၶိုၼ်း​တၵ်း​သဵင်ႈ​မိူဝ်ႈ​လႂ်​ယဝ်ႉ၊ ဝႃႈ​ၼင်ႇ​ၼႆ​ယူႇ​လႄႈ လႆႈ​ၵိင်ႈ​ယူႇ​ၵိူၵ်ႇ​ယူႇ​သေ​လႄႈ​ၼွၼ်း​ယူႇ​တေႃႇ​ထိုင်​ႁွတ်ႈ​မိူင်း​လႅင်း​ဢေႃႈ။-</verse>
				<verse number="5">ၼိူဝ်ႉ​ၵဝ်​ၼႆႉ​လႆႈ​ၶၢမ်ႇ​တၢင်း​ဢၼ်​ၼွၼ် ဢိၵ်ႇ​တင်း​ၵူမ်ႇ​ႁေႃႇ​ဝႆႉ​မိူၼ်​ၸိူဝ်ႉ​ၼင်ႇ​ၶူဝ်း​ၼုင်ႈ​လႄႈ၊ ၼင်​ၵဝ်​ၼႆႉ​ႁူမ်ႇ​မႃး​ယူႇ​သေ​လႄႈ သမ်ႉ​ပူၺ်ႇ​လၢၼ်ႈ​ယူႇ​ဢေႃႈ။-</verse>
				<verse number="6">မိုဝ်ႉ​ဝၼ်း​ၵဝ်​ၸိူဝ်း​ၼၼ်ႉ ၶၼ်​ၽႂ်း​သေ​လွၼ်ႉ​ႁုၵ်ႇ​လႄႈ ယင်း​ဢမ်ႇ​မီး​တီႈ​ဢၼ်​လီ​မုင်ႈ​လီ​မွင်း​လႄႈ​ၸၢင်ႈ​ဢွၼ်​ၵၼ်​ပူၼ်ႉ​ၵႂႃႇ​ဢေႃႈ။-</verse>
				<verse number="7">ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ဢသၢၵ်ႈ​ၵဝ်​ၼႆႉ ပဵၼ်​လူမ်း​လွၼ်ႉ​လွၼ်ႉ​ၸႅတ်ႈ​ၸႅတ်ႈ​ၵူၺ်း​ၼၼ်ႉ​သေ​ၵမ်း​လူၺ်ႈ။ ၵမ်း​လိုၼ်း​မၢၵ်ႇ​တႃ​ၵဝ်​ဢမ်ႇ​လႆႈ​ႁၼ်​ဢၵျူဝ်း​ဢၼ်​လီ။-</verse>
				<verse number="8">မၢၵ်ႇ​တႃ​ၵေႃႉ​ဢၼ်​ႁၼ်​ၵဝ်​ၼၼ်ႉ၊ ၵမ်း​လိုၼ်း​တၵ်း​ဢမ်ႇ​လႆႈ​ႁၼ်​ၵဝ်။ မိူဝ်ႈ​ဢၼ်​မၢၵ်ႇ​တႃ​ၸဝ်ႈ​ႁဝ်း လူ​တူၺ်း​ၶႃႈ​ၸဝ်ႈ​ၼၼ်ႉ၊ ၶႃႈ​ၸဝ်ႈ​တၵ်း​ဢမ်ႇ​မီး​ယဝ်ႉ။-</verse>
				<verse number="9">ၸိူဝ်ႉ​ၼင်ႇ​ဢၼ်​ၽႃႈ​ၽူၼ်​ပၢင်ႇ​လႄႈ​လပ်ႉ​ႁၢႆ​ၵႂႃႇ​ၼၼ်ႉ၊ ၵေႃႉ​ဢၼ်​လူင်း​ၵႃႈ​ၼႂ်း​ၶုမ်​ပႃႇ​ႁဵဝ်ႈ​ၼၼ်ႉ ၵမ်း​လိုၼ်း​တၵ်း​ဢမ်ႇ​လႆႈ​ၶိုၼ်း​လႆႈ​မႃး။-</verse>
				<verse number="10">မၼ်း​တၵ်း​ဢမ်ႇ​လႆႈ​ၶိုၼ်း​မိူဝ်း​ၸူး​ၵႃႈ​တီႈ​ႁိူၼ်း​မၼ်း​လႄႈ တီႈ​ဢၼ်​မၼ်း​ယူႇ​ၵဝ်ႇ​ၵဝ်ႇ​ၼၼ်ႉ ၵမ်း​လိုၼ်း​ဢမ်ႇ​လႆႈ​ႁူႉ​ၸၵ်း​မၼ်း။-</verse>
				<verse number="11">ပိူဝ်ႈ​ၼႆ​လႄႈ ၵဝ်​တၵ်း​ဢမ်ႇ​ၶျုၵ်ႈ​သူပ်း​ၵဝ်​ဝႆႉ​လႄႈ မီး​တၢင်း​ဢၼ်​ႁူဝ်​ၸႂ်​ယၢပ်ႇ​ၽိုတ်ႇ​ယူႇ​သေ​လႄႈ တၵ်း​လၢတ်ႈ​ၵႂၢမ်း​ဢေႃႈ။ မီး​တၢင်း​ဢၼ်​ၶီ​ၸႂ်​ၶူမ်​ၸႂ်​သေ​လႄႈ တၵ်း​ပွင်ႉ​မိူၼ်ႇ​ဢေႃႈ။</verse>
				<verse number="12">ၵဝ်​ၼႆႉ​ပဵၼ်​ပၢင်ႇ​လၢႆႇ​ႁိုဝ်။ ပဵၼ်​ၼၵႃး​ႁိုဝ်။ ၵွပ်ႈ​ပိူဝ်ႈ​ဢၼ်​ပဵၼ်​ၼင်ႇ​ၼၼ်​လႄႈ ၸဝ်ႈ​ႁဝ်း​လႆႈ​ဝႆႉ​ဢၼ်​ပႂ်ႉ​ၶႃႈ​ၸဝ်ႈ​ယူႇ တီႈ​ၶႃႈ​ႁိုဝ်။-</verse>
				<verse number="13">မိူဝ်ႈ​ဢၼ်​ၵဝ်​ဝႃႈ၊ တီႈ​ၼွၼ်း​ၵဝ်​တၵ်း​ႁႂ်ႈ​ၵဝ်​သၢၵ်ႈ​သႃႇ​လႄႈ၊ ၵူႇ​ၵဝ်​တၵ်း​ပၼ်​ၵတ်း​ယဵၼ်​ၶျၢမ်း​သႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="14">ၸဝ်ႈ​ႁဝ်း​ပၼ်​တၢင်း​ဢၼ်​ၼွၼ်း​ၽၼ်​ႁၼ် ဢၼ်​လီ​ၵူဝ်​လီ​ႁႄ​ၼႃႇ​လူင်​လၢင်​လႄႈ ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ လႆႈ​တူၵ်း​ၸႂ်​လူၺ်ႈ​ရူႇပႃႇရူင်ႇ​ၶိင်ႇ​ၵၢင်​ၶိုၼ်း​ၼၼ်ႉ၊-</verse>
				<verse number="15">ႁႂ်ႈ​ၶႃႈ​ၸဝ်ႈ​ထၼ်ႈ​ပေႃး​မုင်ႈ​မွင်း​ဢၶႂၢင်ႉ​ဢၼ်​လႆႈ​ၶၢမ်ႇ​တၢင်း​ဢၼ်​တဵၵ်း​ငႅၼ်း​လႄႈ​တၢႆ​ၼၼ်ႉ ယဵင်ႈ​ၶႅၼ်း​လိူဝ်​တွၼ်း​ၼႃႇ​သေ​တၢင်း​ဢၼ်​သေ​လၢႆ​လုပ်ႇ​တူဝ်​ၸဝ်ႈ​ၵဝ်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="16">ၵဝ်​ၼႆႉ​မီး​တၢင်း​ဢၼ်​ႁႅင်း​ဢူၼ်ႈ​ႁႅင်း​ယွမ်း​ယူႇ​လႄႈ ဢသၢၵ်ႈ​ၵဝ်​ဢမ်ႇ​လႆႈ​လိပ်း​ယူႇ​သေ​လႄႈ၊ ယႃႇ​ၵဝ်​တႃႉ။ ဢသၢၵ်ႈ​ၵဝ်​ၼႆႉ​ပဵၼ်​ဢၢႆ ပဵၼ်​ၵႂၼ်း​ဢေႃႈ။-</verse>
				<verse number="17">ၵူၼ်း​ၸိုင်၊ ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ႁဵတ်း​ပမႃႇၼႃႉ​တီႈ​မၼ်း​ယူႇ။ ၸဝ်ႈ​ႁဝ်း​ၸၢမ်း​တူၺ်း​မၼ်း​ၵူႈ​ၸူဝ်ႈ​ၵူႈ​ယၢမ်း​ယူႇ။-</verse>
				<verse number="18">ၸဝ်ႈ​ႁဝ်း​မႃး​လူ​မႃး​တူၺ်း​မၼ်း​ယူႇ​ၵူႈ​ၼႂ်​ယူႇ။ ၸဝ်ႈ​ႁဝ်း​ၸၢမ်း​တူၺ်း​မၼ်း ၵူႈ​ၸူဝ်ႈ​ၵူႈ​ယၢမ်း​ယူႇ​တီႈ​ၶႃႈ။-</verse>
				<verse number="19">ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ် ၸဝ်ႈ​ႁဝ်း​တၵ်း​ဢမ်ႇ​ဝၢႆႇ​ၼႃႈ​ပႅတ်ႈ​ၶႃႈ​ၸဝ်ႈ​လႄႈ ဢမ်ႇ​ႁႂ်ႈ​ၶႃႈ​ၸဝ်ႈ​လႆႈ​ပဵၼ်​ၵူၺ်း​ၶႃႈ​ၸဝ်ႈ တေႃႇ​ထိုင်​ႁွတ်ႈ​ထၼ်ႈ​ပေႃး ၶႃႈ​ၸဝ်ႈ​လႆႈ​ဢိုၼ်​ၵိၼ်​ၼမ်ႉ​လၢႆး​တူဝ်​ၸဝ်ႈ​ၵဝ်ႇ​ၼၼ်ႉ​တီႈ​ၶႃႈ။-</verse>
				<verse number="20">ၸဝ်ႈ​ဢၼ်​ပႂ်ႉ​လူ​ပႂ်ႉ​တူၺ်း​ၵူၼ်း​ယူႇ​တီႈ​ၶႃႈ​ဢိူၺ်း၊ သင်​ၶႃႈ​ၸဝ်ႈ​မီး​ဢပႅတ်ႈ​ၸိုင် ၶႃႈ​ၸဝ်ႈ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၸဝ်ႈ​ႁဝ်း​တီႈ​ၶႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ​ပဵၼ်​ၸၢၵ်ႈ​ပဵၼ်​မၢႆ​ပုၼ်ႈ​ဢၼ်​တၵ်း​ယဵင်း​တၵ်း​ယိုဝ်း​ၼၼ်ႉ​ယူႇ​တေႃႇ​ထိုင်​ႁွတ်ႈ​ထၼ်ႈ​ပေႃး ၶႃႈ​ၸဝ်ႈ​လႆႈ​လီ​ႁင်ႈ​တူဝ်​ၸဝ်ႈ​ၵဝ်ႇ​ယူႇ​ၼင်ႇ​ႁိုဝ်​တီႈ​ၶႃႈ၊-</verse>
				<verse number="21">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ဢမ်ႇ​ပွႆႇ​လွတ်ႈ​တၢင်း​ဢၼ်​ၶႃႈ​ၸဝ်ႈ​ၽိတ်း​ပိူင်ႈ​ၼၼ်ႉ​လႄႈ ဢမ်ႇ​ၽေႇ​ဢပႅတ်ႈ​ၶႃႈ​ၸဝ်ႈ​မူတ်း​မူတ်း​သဵင်ႈ​သဵင်ႈ​ၼင်ႇ​ႁိုဝ်​တီႈ​ၶႃႈ။ မိူဝ်ႈ​လဵဝ်​ၼႆႉ၊ ၶႃႈ​ၸဝ်ႈ​တၵ်း​လႆႈ​ၼွၼ်း​ၵႃႈ​တီႈ​မုၼ်ႈ​လိၼ်​လႄႈ၊ မိူဝ်ႈ​ဢၼ်​ၸဝ်ႈ​ႁဝ်း​ႁႃ​ၶႃႈ​ၸဝ်ႈ​ၼၼ်ႉ​ၸိုင်၊ ၶႃႈ​ၸဝ်ႈ​တၵ်း​ဢမ်ႇ​မီး​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="8">
				<verse number="1">မိူဝ်ႈ​ၼၼ်ႉ​ ပီႉလတတ်ႉ ​မဵဝ်း​ သူႉဢႃႇ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​တၵ်း​လၢတ်ႈ​ၸိူဝ်ႉ​ၼင်ႇ​ၼႆ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ၵႂၢမ်း​ဢၼ်​ဢွၵ်ႇ​သူပ်း​မႂ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​လူမ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။-</verse>
				<verse number="3">ၽြႃး​ပဵၼ်​ၸဝ်ႈ​ၸွမ်း​ၼင်ႇ​ဢၼ်​ဢမ်ႇ​တြႃး​သေ​လႄႈ တၵ်း​ပၼ်​ဢပႅတ်ႈ​ႁိုဝ်။ ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ တၵ်း​ယႃႉ​တြႃး​တၢင်း​သိုဝ်ႈ​တေႃႇ​ပႅတ်ႈ​ႁိုဝ်။-</verse>
				<verse number="4">ပိၵ်ႉ​သမ်ႉ​လုၵ်ႈ​လၢင်း​မႂ်း​ၸိူဝ်း​ၼၼ်ႉ ၽိတ်း​ပိူင်ႈ​မၼ်း​ၸဝ်ႈ​လႄႈ မၼ်း​ၸဝ်ႈ​ဢဝ်​ၶဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​တၢင်း​ဢၼ်​ၶဝ်​ၽိတ်း​ပိူင်ႈ​ၼၼ်ႉ​သေ​ၵေႃႈ၊-</verse>
				<verse number="5">ပေႃး​မႂ်း​ယင်း​ဢမ်ႇ​ၵိုတ်း​ဢမ်ႇ​သဝ်း​လႄႈ ႁႃ​ၽြႃး​ပဵၼ်​ၸဝ်ႈ​လႄႈ တွင်း​ပၢၼ်ႇ​တီႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ၊-</verse>
				<verse number="6">ပေႃး​မႂ်း​မီး​ၸႂ်​သၽေႃး​ဢၼ်​မူတ်း​သႂ်​သိုဝ်ႈ​တေႃႇ​ယူႇ​ၸိုင်၊ မၼ်း​ၸဝ်ႈ​တၵ်း​လုၵ်ႉ​ပုၼ်ႈ​မႂ်း​လႄႈ ႁႂ်ႈ​တီႈ​ယူႇ​တီႈ​သဝ်း​ဢၼ်​သိုဝ်ႈ​တေႃႇ​မႂ်း​ၼၼ်ႉ ပဵၼ်​ဢၼ်​လီ​ဢၼ်​ငၢမ်း​ယူႇ​ဢေႃႈ။-</verse>
				<verse number="7">ပိၵ်ႉ​သမ်ႉ​မိူဝ်ႈ​ႁူဝ်​ပိုင်း​မႂ်း​ၼၼ်ႉ ပဵၼ်​ဢၼ်​လဵၵ်ႉ​ဢၼ်​ၵေႇ​သေ​ၵေႃႈ တီႈ​လိုၼ်း​လင်​သုတ်း​မႂ်း တၵ်း​ယႂ်ႇ​ၽႄႈ​တူဝ်း​တွၼ်း​မႃး​ၼႃႇ​လူင်​လၢင်​ဢေႃႈ။</verse>
				<verse number="8">တွင်ႈ​ထၢမ်​လူၺ်ႈ​လွင်ႈ​ၶိင်ႇ​ၵႃႇလႃႉ ဢၼ်​ပူၼ်ႉ​မႃး​ယဝ်ႉ​ၼၼ်ႉ​လႄႈ ဢဝ်​ႁႅင်း​ဢွၵ်ႇ​ၶႆႈ​ၸႂ်​လူၺ်ႈ​လွင်ႈ​ဢၼ် ပူႇ​ၶဝ်​မွၼ်ႇ​ၶဝ်​ၼၼ်ႉ လႆႈ​ၸႅတ်ႈ​ထၢမ်​ၸႅတ်ႈ​တူၺ်း​ၼၼ်ႉ​တႃႉ။-</verse>
				<verse number="9">ႁဝ်း​ၼႆႉ​ပဵၼ်​ၵူၼ်း​မိူဝ်ႈ​ဝႃး​ၵူၺ်း​လႄႈ ဢမ်ႇ​ႁူႉ​ၵႃႈ​သင်​လႃး​လႃး။ မိုဝ်ႉ​ဝၼ်း​ဢၼ်​ႁဝ်း​လႆႈ​ယူႇ​ၵႃႈ​ၼိူဝ်​လိၼ်​မိူင်း​ၼႆႉ​ၸိူဝ်း​ၼၼ်ႉ ပဵၼ်​ႁူမ်ႈ​ပဵၼ်​ငဝ်း​ၵူၺ်း​လွၼ်ႉ​လွၼ်ႉ​ဢေႃႈ။-</verse>
				<verse number="10">ၶဝ်​ၼၼ်ႉ​တၵ်း​ဢွၼ်​ၵၼ်​သင်ႇ​သွၼ်​သုင်း​မႃႉ​ပၼ်​မႂ်း​လႄႈ လၢတ်ႈ​ပၼ်​တီႈ​မႂ်း​သေ​လႄႈ ဢဝ်​ၵႃႈ​ၼႂ်း​ႁူဝ်​ၸႂ်​ၶဝ်​ဢွၵ်ႇ​သူပ်း​ဝႃႈ​ဢမ်ႇ​ၸႂ်ႈ​ႁိုဝ်။-</verse>
				<verse number="11">တူၼ်ႈ​ၶႅမ်​ၵႃႇ​မႃႇ​ၼၼ်ႉ ယင်း​ဢမ်ႇ​မီး​ၵူမ်ႇ​မီး​ငႂ်ႈ​လႄႈ ယႂ်ႇ​မႃး​လႆႈ​ႁိုဝ်။ တူၼ်ႈ​ယိူဝ်ႈ​ဢၼ်​ဢွၵ်ႇ​ၵႃႈ​ႁိမ်း​ၼမ်ႉ​ႁွင်ႈ​ၼၼ်ႉ ယင်း​ဢမ်ႇ​မီး​ၼမ်ႉ​လႄႈ ယႂ်ႇ​ၽႄႈ​မႃး​လႆႈ​ႁိုဝ်။-</verse>
				<verse number="12">တူၼ်ႈ​ၼၼ်ႉ ပိၵ်ႉ​သမ်ႉ​ၶဵဝ်​ယူႇ​လႄႈ ဢမ်ႇ​ပၢတ်ႇ​ဢမ်ႇ​ထိူဝ်​သေ​ၵေႃႈ ယဵင်ႈ​ၶႅၼ်း​ၸၢင်ႈ​ႁဵဝ်ႇ​ၸၢင်ႈ​ၸွပ်ႈ​ၼႃႇ​သေ​တူၼ်ႈ တၢင်ႇ​ၸိူဝ်ႉ​တၢင်ႇ​ပိူင်​ဢေႃႈ။-</verse>
				<verse number="13">သဵၼ်ႈ​တၢင်း​ၶဝ်​ၵႃႈ​ဢၼ်​လူင်​လိုမ်း​ၽြႃး​ပဵၼ်​ၸဝ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​ၼၼ်​လႄႈ တီႈ​ဢၼ်​ၵူၼ်း​ဢၼ်​ၵူဝ်ႈ​ဢၼ်​ၵိူၵ်ႇ မုင်ႈ​မွင်း​ၼၼ်ႉ တၵ်း​ႁွတ်ႈ​ထိုင်​တၢင်း​လူႉ​တၢင်း​သုမ်း​ဢေႃႈ။-</verse>
				<verse number="14">တၢင်း​ဢၼ်​ၶဝ်​ၸႂ်​လီ​လူၺ်ႈ​ၼၼ်ႉ တၵ်း​ႁၵ်း​ၵႂႃႇ​ၶၢတ်ႇ​ၵႂႃႇ​လႄႈ၊ တၢင်း​ဢၼ်​ၶဝ်​သွၼ်ႈ​ပိုင်ႈ​ၼၼ်ႉ​ၵေႃႈ တၵ်း​ပဵၼ်​ၸိူဝ်ႉ​ၼင်ႇ ယႂ်း​ၵူင်ႇ​ၵၢဝ်​ဢေႃႈ။-</verse>
				<verse number="15">မၼ်း​တၵ်း​ဢိင်​ႁိူၼ်း​မၼ်း​လႄႈ ႁိူၼ်း​မၼ်း​ၼၼ်ႉ​တၵ်း​ဢမ်ႇ​ၶၢမ်ႇ​တၢင်း​ဢၼ်​မၼ်း​ဢိင်။ မၼ်း​တၵ်း​ဢဝ်​တင်း​မိုဝ်း​ယိပ်း​ၵမ်​လႄႈ၊ ႁိူၼ်း​မၼ်း​ၼၼ်ႉ​တၵ်း​ဢမ်ႇ​မၼ်ႈ​ဢမ်ႇ​ၶိူင်ႇ​လႆႈ။-</verse>
				<verse number="16">ပိၵ်ႉ​သမ်ႉ​မၼ်း​ပဵၼ် ဢၼ်​ၶဵဝ်​ဢၼ်​တင်ႈ​ၵႃႈ​တီႈ​ဢၼ်​လႅတ်ႇ​ထွင်ႇ​ယူႇ၊ ၵိင်ႇ​မၼ်း​ၶႃႊ​မၼ်း​မီး​တၢင်း​ဢၼ်​ၸွတ်ႇ​တူဝ်ႈ​ၵႃႈ​တီႈ​သူၼ်​ဢူးယဵၼ်ႇ​မၼ်း​ယူႇ၊-</verse>
				<verse number="17">ႁၢၵ်ႈ​မၼ်း လဵပ်ႈ​ႁွပ်ႈ​ၵဵဝ်ႈ​ၶဵၼ်း​ၵွင်ႉ​မၢၵ်ႇ​ႁိၼ်​လႄႈ ထူပ်း​ႁၼ်​တီႈ​ဢၼ်​မၢၵ်ႇ​ႁိၼ်​ၼမ်​ၼႃႇ​ယူႇ​သေ​ၵေႃႈ၊-</verse>
				<verse number="18">ပေႃး​မၼ်း​လႆႈ​ၶၢမ်ႇ​တၢင်း​ဢၼ်​ပႄႇ​မူတ်း​ပႅတ်ႈ​သေ​ၵႃႈ​တီႈ​တီႈ​ဢၼ်​မၼ်း​ယူႇ​ၼၼ်ႉ​ၸိုင်၊ တီႈ​ၼၼ်ႈ​တၵ်း​ထဵင်​ပႅတ်ႈ​မၼ်း​လႄႈ​ဝႃႈ၊ ၵဝ်​ဢမ်ႇ​တွၼ်ႉ​လႆႈ​ႁၼ်​မႂ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">သဵၼ်ႈ​တၢင်း​ဢၼ်​မၼ်း​ၸူမ်း​သိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​ၼၼ်​လႄႈ ပိူၼ်ႈ​တၢင်ႇ​ၵေႃႉ တၵ်း​ဢွၼ်​ၵၼ်​ဢွၵ်ႇ​မႃး​ၵႃႈ​တီႈ​မုၼ်ႈ​လိၼ် တီႈ​ယူႇ​တီႈ​သဝ်း​မၼ်း​ၼၼ်ႉ​ဢေႃႈ။-</verse>
				<verse number="20">ၵေႃႉ​ဢၼ်​ၸေး​ၸုမ်ႇ​ၸမ်ႉ၊ ၽြႃး​ပဵၼ်​ၸဝ်ႈ​တၵ်း​ဢမ်ႇ​ၸုၼ်ႉ​ဢမ်ႇ​ပႅတ်ႈ။ ၶဝ်​ၸိူဝ်း​ဢၼ်​ႁဵတ်း​ဢမ်ႇ​တြႃး​ၼၼ်ႉ​ၸမ်ႉ၊ မၼ်း​ၸဝ်ႈ​ဢမ်ႇ​ၸွႆႈ​ဢမ်ႇ​ထႅမ်။-</verse>
				<verse number="21">မၼ်း​ၸဝ်ႈ​တၵ်း​ႁႂ်ႈ​သူပ်း​မႂ်း​ပၢၵ်ႇ​မႂ်း တဵမ်​ဝႆႉ​တင်း​တၢင်း​ယုမ်ႉ​ဢၼ်​ၶူဝ်​လႄႈ ႁႂ်ႈ​သီႇ​သူပ်း​မႂ်း​တဵမ်​ဝႆႉ​တင်း တၢင်း​ဢၼ်​ၸူမ်း​ဢၼ်​သိူဝ်း​ၼႃႇ​လူင်​လၢင်​ဢေႃႈ။-</verse>
				<verse number="22">ၶဝ်​ၸိူဝ်း​ဢၼ်​ၸင်း​မႂ်း​ၼၼ်ႉ တၵ်း​လႆႈ​ဢွၼ်​ၵၼ်​ၶၢမ်ႇ​တၢင်း​ဢၼ် တၢင်း​ဢူၵ်း​တၢင်း​ဢၢႆ​ၼုင်ႈ​ႁေႃႇ​လႄႈ မူဝ်းၵႃႇ​တီႈ​ယူႇ​တီႈ​သဝ်း​ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ တၵ်း​လႆႈ​ႁွတ်ႈ​ထိုင်​တၢင်း​ဢၼ်​လူႉ​ဢၼ်​သုမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="9">
				<verse number="1">မိူဝ်ႈ​ၼၼ်ႉ​ ယေႃးၽႃႉ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">ၸိုဝ်ႈ​ၸႂ်ႈ​မၢၼ်ႇ​မႅၼ်ႈ​ဢေႃႈ။ ၵဝ်​ႁူႉ​လွင်ႈ​ဢၼ်​ၵႂၢမ်း​ၼၼ်ႉ ပဵၼ်​ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵူၼ်း​ၸိုင်၊ တၵ်း​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="3">ပေႃး​မၼ်း​ၸဝ်ႈ​မီး​ဢလူဝ်ႇ ၶႂ်ႈ​တၢင်ႇ​ဢပႅတ်ႈ​တီႈ​မၼ်း​ၸိုင် မၼ်း​ၼၼ်ႉ​ၼႂ်း​ဢပႅတ်ႈ​ယေႈ​ႁဵင်​ဢမ်ႇ​တၵ်း​သဵင်​လူၺ်ႈ​လွင်ႈ​သေ​ဢၼ်​လႆႈ။-</verse>
				<verse number="4">မၼ်း​ၸဝ်ႈ​ပျေႉ​ၸုမ်ႇ​တင်း​ၺၢၼ်ႇ ဢိၵ်ႇ​တင်း​တၼ်း​ၶူဝ်း​ဢၼ်​ယႂ်ႇ​ၼႃႇ​လူင်​လၢင်​လႄႈ ၽူႈ​လႂ်​တၵ်း​ႁႄႉ​ၶႅၼ်​ႁၢမ်ႈ​တၢပ်ႈ​မၼ်း​ၸဝ်ႈ​လႄႈ ပႄႉ​ၼႅင်ႇ​လႆႈ။-</verse>
				<verse number="5">မၼ်း​ၸဝ်ႈ​ၶၢႆႉ​လွႆ​တင်း​လၢႆ​လႄႈ ၶဝ်​ဢမ်ႇ​တၼ်း​ႁူႉ​တူဝ်​ႁူႉ​ႁၢင်ႈ။ မၼ်း​ၸဝ်ႈ​ၸႂ်​မႆႈ​ၶႆႈ​ၸႃႉ​လႄႈ ဢဝ်​ၶဝ်​ၶႂမ်ႈ​ပိၼ်ႈ​ပႅတ်ႈ​ဢေႃႈ။-</verse>
				<verse number="6">မၼ်း​ၸဝ်ႈ​ႁဵတ်း​ႁႂ်ႈ​လိၼ်​မိူင်း​ၶၢႆႉ​တီႈ​လႄႈ သဝ်​လၵ်း​မၼ်း​တင်း​လၢႆ ဢွၼ်​ၵၼ်​သၼ်ႇ​ၶွၼ်း​ဝႆ​ဢေႃႈ။-</verse>
				<verse number="7">မၼ်း​ၸဝ်ႈ​မီး​ဢမိင်ႉ​တီႈ​ၵၢင်​ဝၼ်း​လႄႈ မၼ်း​ဢမ်ႇ​လႆႈ​ဢွၵ်ႇ။ မၼ်း​ၸဝ်ႈ​ပူၵ်ႉ​ႁေႃႇ​လၢဝ်​တင်း​လၢႆ​သေ​လႄႈ တွၵ်ႇ​တၼ်း​သိၵ်ႈ​ဝႆႉ​ဢေႃႈ။-</verse>
				<verse number="8">မၼ်း​ၸဝ်ႈ​သူႇ​လဵဝ်​ပႃး​လဵဝ်​ၵူၺ်း ပိုတ်ႇ​ၵီႈ​မုင်း​ၽႃႉ​ၵၢင်​ႁၢဝ်​ယူႇ​လႄႈ ယဵပ်ႇ​ပႆ​ၵႃႈ​ၼိူဝ်​ပိူပ်ႈ​ၼမ်ႉ​လႅင်း​ၼမ်ႉ​သမ်ႇ​မုၵ်ႉ​တြႃႇ​ဢေႃႈ။-</verse>
				<verse number="9">မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ် လၢဝ်​ၸၢင်ႉ၊ လၢဝ်​တဝ်ႇ၊ လၢဝ်​ဝီး​ဢိၵ်ႇ​တင်း တိူၵ်ႈ​လၢဝ် ၼႃႈ​တၢင်း​ၸၢၼ်း​တင်း​လၢႆ​ဢေႃႈ။-</verse>
				<verse number="10">မၼ်း​ၸဝ်ႈ​ႁဵတ်း​လွင်ႈ​တၢင်း​ဢၼ်​ယႂ်ႇ​ၼႃႇ​လူင်​လၢင်​ထၼ်ႈ​ပေႃး ၸႅတ်ႈ​ထၢမ်​ၸႅတ်ႈ​တူၺ်း​လႄႈ​ဢမ်ႇ​ႁူႉ​လႆႈ၊ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း ဢၼ်​ၼမ်​ၼႃႇ​လူင်​လၢင်​ထၼ်ႈ​ပေႃး ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ၸိူဝ်း​ၼၼ်ႉ​ဢေႃႈ။-</verse>
				<verse number="11">မၼ်း​ၸဝ်ႈ​ၵၢႆ​ၵႃႈ​တီႈ​ႁိမ်း​ၵဝ်​လႄႈ ၵဝ်​ဢမ်ႇ​ႁၼ်​မၼ်း​ၸဝ်ႈ။ မၼ်း​ၸဝ်ႈ​ၽၢတ်ႈ​ၵႂႃႇ​ၵႃႈ​တီႈ​ႁိမ်း​ၵဝ်​လႄႈ ၵဝ်​ဢမ်ႇ​ႁူႉ​သၢႆ​ငၢႆ​မၼ်း​ၸဝ်ႈ။-</verse>
				<verse number="12">မၼ်း​ၸဝ်ႈ​ႁိမ်​ႁူင်ႇ​သိမ်း​ဢဝ်​လႄႈ ၽူႈ​လႂ်​တၵ်း​ႁၢမ်ႈ​တၢပ်ႈ​ႁႄႉ​ၶႅၼ်​မၼ်း​ၸဝ်ႈ​လႆႈ။ ၸဝ်ႈ​ႁဝ်း​ႁဵတ်း​ၸိူဝ်ႉ​ၼင်ႇ​ႁိုဝ် ဝႃႈ​ၼႆ​ၽူႈ​လႂ် တၵ်း​ႁတ်း​လဝ်ႊ​ႁတ်း​ဝႃႈ။-</verse>
				<verse number="13">ၽြႃး​ပဵၼ်​ၸဝ်ႈ​တၵ်း​ဢမ်ႇ​ၶိုၼ်း​ၼုၵ်ႈ​ၶိုၼ်း​သိမ်း​ဢဝ်​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​လႄႈ ၶဝ်​ၸိူဝ်း​ဢၼ်​မႃႇၼႃႉ​ယႂ်ႇ​လႄႈ​ပၼ်​ႁႅင်း​ၼၼ်ႉ လႆႈ​ဢွၼ်​ၵၼ်​ၶၢမ်ႇ​တၢင်း​ဢၼ် ၶျႃး​တူၵ်း​တီႈ​တႅမ်ႇ​ၵႃႈ​တီႈ​တႂ်ႈ​မၼ်း​ၸဝ်ႈ​ဢေႃႈ။-</verse>
				<verse number="14">လိူဝ်​တွၼ်း​သေ​ၼၼ်ႉ​ဢမ်ႇ​ၵႃး၊ ၵဝ်​တၵ်း​ၶိုၼ်း​လဝ်ႊ​ၶိုၼ်း​လၢတ်ႈ​တီႈ​မၼ်း​ၸဝ်ႈ​ၸိူဝ်ႉ​ၼင်ႇ​ႁိုဝ်။ ၵဝ်​တၵ်း​လိူၵ်ႈ​ၵဵပ်း​ဢဝ်​ၵႂၢမ်း​သေ​လႄႈ လဝ်ႊ​လၢတ်ႈ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="15">ပိၵ်ႉ​သမ်ႉ​ၵဝ်​သိုဝ်ႈ​တေႃႇ​ယူႇ​သေ​ၵေႃႈ ၵဝ်​ဢမ်ႇ​ၶိုၼ်း​လဝ်ႊ​ၶိုၼ်း​လၢတ်ႈ​တီႈ​မၼ်း​ၸဝ်ႈ​လႄႈ ၵဝ်​တၵ်း​ႁဵတ်း​တၢင်း​ဢၼ်​တွင်း​ပၢၼ်ႇ​တီႈ​ၸဝ်ႈ ဢၼ်​ၸီႇ​ယၢင်ႇ​တြႃး​ၵဝ်​ၼၼ်ႉ​ၵူၺ်း​ဢေႃႈ။-</verse>
				<verse number="16">ပိၵ်ႉ​သမ်ႉ​ၵဝ်​ႁွင်ႉ​မၼ်း​ၸဝ်ႈ​ဢိူဝ်​သေ​ၵေႃႈ၊ ၵဝ်​ဢမ်ႇ​ယုမ်ႇ​လွင်ႈ​ဢၼ်​မၼ်း​ၸဝ်ႈ​တၵ်း​ထွမ်ႇ​ဢဝ်​ၵႂၢမ်း​ၵဝ်​ၼၼ်ႉ​လႆႈ။-</verse>
				<verse number="17">လွင်ႈ​မၼ်း​ၸမ်ႉ မၼ်း​ၸဝ်ႈ​ဢဝ်​ၽူၼ်​လူင်​လူမ်း​လူင် ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​လႄႈ လွင်ႈ​မၼ်း​ယင်း​ဢမ်ႇ​မီး​လႄႈ မၼ်း​ၸဝ်ႈ​ႁႂ်ႈ​တၢင်း​ၸဵပ်း​ၼမ်​ၼႃႇ​တီႈ​ၵဝ်​ယဝ်ႉ။-</verse>
				<verse number="18">မၼ်း​ၸဝ်ႈ​ဢမ်ႇ​ပၼ်​ဢၶႂၢင်ႉ ဢၼ်​လႆႈ​ထူၺ်ႈ​ၸႂ်​ၼၼ်ႉ​တီႈ​ၵဝ်​လႄႈ ႁႂ်ႈ​ပျေႉ​ၸုမ်ႇ​ဝႆႉ​တင်း​ဝူၺ်ႇတၼႃႇ​တၢင်း​ဢၼ်​ၶူမ်​ၼႃႇ​လူင်​လၢင်​ၼၼ်ႉ​ဢေႃႈ။-</verse>
				<verse number="19">ပေႃး​ဝႃႈ၊ တၵ်း​ဢိင်​ပိုင်ႈ​တၼ်း​ၶူဝ်း၊ ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​တၼ်း​ၶူဝ်း​ယႂ်ႇ​ၼႃႇ​ဢေႃႈ။ ပေႃး​သမ်ႉ​ၶိုၼ်း​ဝႃႈ၊ တၵ်း​ဢိင်​ပိုင်ႈ​တြႃး​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ၽူႈ​လႂ်​တၵ်း​မၵ်း​ၶၢၼ်း​ဝႆႉ​ၶိင်ႇ​ဢၼ်​လႆႈ​ၶိုၼ်း​လဝ်ႊ​ၶိုၼ်း​လၢတ်ႈ​ၼၼ်ႉ။-</verse>
				<verse number="20">ပိၵ်ႉ​သမ်ႉ​ၵဝ်​ပဵၼ်​ဢၼ်​သိုဝ်ႈ​တေႃႇ​ယူႇ​သေ​ၵေႃႈ သူပ်း​ၵဝ်​တၵ်း​ဢဝ်​သုမ်း​တြႃး​ဢေႃႈ။ ပိၵ်ႉ​သမ်ႉ​ၵဝ်​ၸေး​ၸုမ်ႇ​ယူႇ​သေ​ၵေႃႈ၊ မၼ်း​ၸဝ်ႈ​တၵ်း​ႁႂ်ႈ​လွင်ႈ​ဢၼ်​သၽေႃး​ၵဝ် ၵူတ်ႉ​ငေႃး​ၼၼ်ႉ​ထၢင်ႇ​သႃး​ဢေႃႈ။-</verse>
				<verse number="21">ပိၵ်ႉ​သမ်ႉ​ၵဝ်​ၸေး​ၸုမ်ႇ​သေ​ၵေႃႈ ၵဝ်​ဢမ်ႇ​ႁဵတ်း​ပမႃႇၼႃႉ​တီႈ​တူဝ်​ၵဝ်။ ၵဝ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ဢသၢၵ်ႈ​ၵဝ်​ဢေႃႈ။</verse>
				<verse number="22">ပဵၼ်​မိူၼ်​မိူၼ်​ၵၼ်​တင်း​သဵင်ႈ​တင်း​မူတ်း​ဢေႃႈ။ ပိူဝ်ႈ​ၼႆ​လႄႈ ၵဝ်​လၢတ်ႈ​လႄႈ​ဝႃႈ​ၸမ်ႉ၊ မၼ်း​ၸဝ်ႈ​ၸၢင်ႈ​ယႃႉ​ပႅတ်ႈ​ၶဝ်​ၸိူဝ်း​ဢၼ် ၸေး​ၸုမ်ႇ​လႂ် ဢိၵ်ႇ​တင်း​ၶဝ်​ၸိူဝ်း​ဢၼ်​ႁၢႆႉ​ယုတ်ႈ​လႂ်​ၼၼ်ႉ​ဢေႃႈ။-</verse>
				<verse number="23">မိူဝ်ႈ​ဢၼ်​ၽေး​သေ​ၸိူဝ်ႉ​သေ​ပိူင် ၶီႉ​ၶႃႉ​ႁွတ်ႈ​ထိုင်​ၼၼ်ႉ​ၸိုင် မၼ်း​ၸဝ်ႈ​ၶူဝ်​လွင်ႈ​ဢၼ်​ၶဝ်​ၸိူဝ်း​ဢၼ်​ဢမ်ႇ​မီး​ဢပႅတ်ႈ​ၼၼ်ႉ လႆႈ​ၶၢမ်ႇ​ၼၼ်ႉ​ဢေႃႈ။-</verse>
				<verse number="24">မၼ်း​ၸဝ်ႈ​ဢဝ်​လိၼ်​မိူင်း​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​ႁၢႆႉ​ၵူၼ်း​မိူၵ်ႈ​လႄႈ ႁူမ်ႇ​သုမ်ႇ​ၼႃႈ​ၵူၼ်း​ယႂ်ႇ​ၵူၼ်း​လူင်​ဢၼ်​ၸီႇ​ယၢင်ႇ​တြႃး​တင်း​လၢႆ​ဢေႃႈ။ ပေႃး​ဢမ်ႇ​ၸႂ်ႈ​မၼ်း​ၸဝ်ႈ​ၸိုင် ပဵၼ်​ၽူႈ​လႂ်။</verse>
				<verse number="25">မိုဝ်ႉ​ဝၼ်း​ၵဝ်​ၸိူဝ်း​ၼႆႉ​ၶၼ်​ၽႂ်း​သေ​ၵူၼ်း​ဢွၼ်ႇ ဢၼ်​လႅၼ်ႈ​သူင်ႇ​လိၵ်ႈ​ၼၼ်ႉ​လႄႈ ယင်း​ဢမ်ႇ​လႆႈ​ၶၢမ်ႇ​ဢၶႂၢင်ႉ ဢၼ်​လီ​ဢၼ်​ငၢမ်း​လႄႈ ၸၢင်ႈ​ဢွၼ်​ၵၼ် ႁိပ်ႈ​ၼႅတ်ႈ​ပူၼ်ႉ​ၵႂႃႇ​ယူႇ​ဢေႃႈ။-</verse>
				<verse number="26">ၶဝ်​ၸၢင်ႈ​ဢွၼ်​ၵၼ်​ပူၼ်ႉ​ၵႂႃႇ မိူၼ်​ၸိူဝ်ႉ​ၼင်ႇ​ႁိူဝ်း​သၢင်း​ၽေႃး ဢၼ်​ၶၼ်​ၽႂ်း​ၼႃႇ​လူင်​လၢင်​ၸိူဝ်း​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ယဵဝ်ႈ​ႁုင်ႉ ဢၼ်​သိတ်ႈ​ဢဝ်​တူဝ်​ၼၼ်ႉ​ဢေႃႈ။-</verse>
				<verse number="27">ပိၵ်ႉ​သမ်ႉ​ၵဝ်​ဝႃႈ တၵ်း​လူင်​လိုမ်း​ၵႂၢမ်း​ဢၼ်​ပွင်ႉ​ဢၼ်​ၶၢင်း​လႄႈ ၶၢႆႉ​ပုတ်ႈ​ၼႃႈ​လူႉ​တႃ​မႃႇ​ၼၼ်ႉ​သေ​လႄႈ ႁွတ်ႈ​ထိုင်​တၢင်း​ဢၼ်​ၼႃႈ​ၵီႈ​တႃ​ဝၢၼ်​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="28">ၵဝ်​မီး​သၽေႃး​ဢၼ်​ၵူဝ်​ႁႄ ၵွပ်ႈ​ပိူဝ်ႈ​တုၵ်ႉ​ၶႃႉ​ဝူၺ်ႇတၼႃႇ ၵႃႈ​ဢၼ်​ၵဝ်​လႆႈ​ၶၢမ်ႇ​ၼၼ်ႉ​လႄႈ ၵဝ်​ႁူႉ​လွင်ႈ​ဢၼ်​မၼ်း​ၸဝ်ႈ တၵ်း​ဢမ်ႇ​ၸီႇ​ယၢင်ႇ​လူၺ်ႈ​လွင်ႈ ဢၼ်​ၵဝ်​လွတ်ႈ​ဢပႅတ်ႈ​ၼၼ်ႉ​ယူႇ​ဢေႃႈ။-</verse>
				<verse number="29">ၵဝ်​ၼႆႉ​ထုၵ်ႇ​ဢပႅတ်ႈ​ယဝ်ႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​တၵ်း​လႆႈ​ၵျူဝ်း​ၸႃး​လၢႆ​လၢႆ​လွၵ်ႇ​လွၵ်ႇ​ယူႇ​ၼင်ႇ​ႁိုဝ်။-</verse>
				<verse number="30">ပိၵ်ႉ​သမ်ႉ​ၵဝ်​ဢဝ်​ၼမ်ႉ​မူၺ်​ႁႃႇ သုၵ်ႈ​ပွတ်ႇ​တူဝ်​ၸဝ်ႈ​ၵဝ်ႇ​လႄႈ ႁႂ်ႈ​မိုဝ်း​ၵဝ်​မူတ်း​လီ​သႂ်​လီ​လူၺ်ႈ​လွင်ႈ ၼမ်ႉ​လင်ႇ ​သေ​ၵေႃႈ၊-</verse>
				<verse number="31">မၼ်း​ၸဝ်ႈ​တၵ်း​တွၵ်ႈ​ၵဝ်​ဢီး​ၵဝ်​တူၵ်း​သႂ်ႇ​ၵႃႈ​ၼႂ်း​ၶုမ်​ၵူမ်ႇ ၶုမ်​လိၼ်​လႄႈ တေႃႈ​ၵႃႈ​ၶူဝ်း​ၼုင်ႈ​ၵဝ်​တၵ်း​လီ​ႁင်ႈ​ၵဝ်​ဢေႃႈ။-</verse>
				<verse number="32">လွင်ႈ​ၼင်ႇ​ႁိုဝ်​ၵဝ်​တၵ်း​ၶိုၼ်း​လဝ်ႊ​လၢတ်ႈ​တီႈ​မၼ်း​ၸဝ်ႈ​လႆႈ ဢိၵ်ႇ​တင်း​လွင်ႈ​ၼင်ႇ​ႁိုဝ်​ၵဝ်​တၵ်း​ထူပ်း​တြႃး​ၵၼ်​တင်း​ၵႂၢမ်း​မၼ်း​ၸဝ်ႈ​လႆႈ​ၸိုင်၊ မၼ်း​ၸဝ်ႈ​ပဵၼ်​ၵူၼ်း​ၸိူဝ်ႉ​ၼင်ႇ​ၵဝ်​ၼႆႉ​ဢမ်ႇ​ၸႂ်ႈ။-</verse>
				<verse number="33">ဢမ်ႇ​မီး​ၵူၼ်း​ဝူင်ႈ​ၵၢင် ၵႃႈ​တီႈ​ၵႄႈ​ဝူင်ႈ​ၵၢင်​ႁႃး ႁႂ်ႈ​လႆႈ​ယုၵ်ႉ​မိုဝ်း​မၼ်း​သေ​လႄႈ ၶႄ​ႁႃး။-</verse>
				<verse number="34">ႁႂ်ႈ​မၼ်း​ၸဝ်ႈ​ၶိုၼ်း​ယိုတ်း​ဢဝ်​ၶွၼ်ႉ​မၼ်း​ၸဝ်ႈ​သေ​ၵႃႈ​တီႈ​ၵဝ်​သေ​ၵမ်း​လူၺ်ႈ။ ယႃႇ​ပေ​ႁႂ်ႈ​တၢင်း​ဢၼ်​ၵူဝ်​ႁႄ​မၼ်း​ၸဝ်ႈ​ၼၼ်ႉ ႁႂ်ႈ​ၵဝ်​လႆႈ​တူၵ်း​ၸႂ်​သေ​ၵမ်း။-</verse>
				<verse number="35">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​ယင်း​ဢမ်ႇ​ၵူဝ်​ႁႄ​မၼ်း​ၸဝ်ႈ​လႄႈ တၵ်း​မီး​ဢၶႂၢင်ႉ​ဢၼ်​လႆႈ​လၢတ်ႈ​ဢေႃႈ။ မိူဝ်ႈ​လဵဝ်​ၼႆႉ​ၸမ်ႉ၊ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ် ၵႃႈ​ၼႂ်း​တူဝ်​ၵဝ်​ၼႆႉ။</verse>
			</chapter>
			<chapter number="10">
				<verse number="1">ဝီႉၺိၺ်ႇ​ၵဝ်​ၼႆႉ​မိူဝ်ႇ​ၸၢၼ်ႈ​ဢသၢၵ်ႈ​ဢေႃႈ။ ၵဝ်​တၵ်း​ပွႆႇ​ပိုၼ်ႉ​ပွႆႇ​ပႅတ်ႈ​တၢင်း​ဢၼ်​ၵဝ်​ပွင်ႉ​ၶၢင်း​ပွင်ႉ​မိူၼ်ႇ​ၼၼ်ႉ​လႄႈ ၵဝ်​တၵ်း​မီး​ၸႂ်​ဢၼ်​ႁဵဝ်ႇ​ၸွပ်ႈ​ၼႃႇ​လူင်​လၢင်​သေ​လႄႈ​လၢတ်ႈ​ဢေႃႈ။-</verse>
				<verse number="2">ၵဝ်​တၵ်း​လဝ်ႊ​လၢတ်ႈ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ​ၸမ်ႉ၊ ယႃႇ​ပေ​ၸီႇ​ယၢင်ႇ​ဢပႅတ်ႈ​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၼႄ​ပျႃး​လွင်ႈ​ဢၼ်​ၸဝ်ႈ​ႁဝ်း​ႁဵတ်း​ၶတ်း​ၵၼ်​တင်း​ၶႃႈ​ၸဝ်ႈ​ယူႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="3">ၸဝ်ႈ​ႁဝ်း​ထုၵ်ႇ​လီ​ၼိၵ်ႈ​ၸၢၵ်ႈ​ငႅၼ်း​သႄး​တီႈ​ၶႃႈ​ႁိုဝ်။ ၸဝ်ႈ​ႁဝ်း​ထုၵ်ႇ​လီ လီ​ႁင်ႈ​ဢဵတ်ႇ​သဵတ်ႇ​လွင်ႈ​တၢင်း​ဢၼ်​ၸဝ်ႈ​ႁဝ်း​ႁဵတ်း​ပဵၼ်​ၼၼ်ႉ​သေ​လႄႈ ႁိူဝ်ႈ​လႅင်း​ထွင်ႇ​သႂ်ႇ​တီႈ​တၢင်း​ၵျၢမ်ႇ​တၢင်း​ပွင်​ၵေႃႉ​ဢၼ်​ႁၢႆႉ​ဢၼ်​ႁုၵ်း​ၼၼ်ႉ​တီႈ​ၶႃႈ​ႁိုဝ်။-</verse>
				<verse number="4">ၸဝ်ႈ​ႁဝ်း​မီး​မၢၵ်ႇ​တႃ​ရူႇပႃႉ​တီႈ​ၶႃႈ​ႁိုဝ်။ ၸဝ်ႈ​ႁဝ်း​ႁၼ်​မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​ႁၼ်​ၼၼ်ႉ​တီႈ​ၶႃႈ​ႁိုဝ်။-</verse>
				<verse number="5">မိုဝ်ႉ​ဝၼ်း​ၸဝ်ႈ​ႁဝ်း​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​မိုဝ်ႉ​ဝၼ်း​ၵူၼ်း​တီႈ​ၶႃႈ​ႁိုဝ်။ ၶူပ်း​ပီႊ​ၸဝ်ႈ​ႁဝ်း​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​မိုဝ်ႉ​ဝၼ်း​ၵူၼ်း​ၸၢႆး​လႄႈ၊-</verse>
				<verse number="6">ၸဝ်ႈ​ႁဝ်း​ၸႅတ်ႈ​ထၢမ်​ၸႅတ်ႈ​တူၺ်း တူႉ​ၸရိူၵ်ႈ​ၶႃႈ​ၸဝ်ႈ​လႄႈ သွၵ်ႈ​ႁႃ​ဢပႅတ်ႈ​ၶႃႈ​ၸဝ်ႈ​တီႈ​ၶႃႈ​ႁိုဝ်။-</verse>
				<verse number="7">ၸဝ်ႈ​ႁဝ်း​ႁူႉ​လွင်ႈ​ဢၼ်​ၶႃႈ​ၸဝ်ႈ​ဢမ်ႇ​ၸႂ်ႈ​ၵူၼ်း​ႁၢႆႉ ဢိၵ်ႇ​တင်း​လွင်ႈ​ဢၼ်​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၵႄႇ​သႄႇ​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​မိုဝ်း​ၸဝ်ႈ​ႁဝ်း​လႆႈ​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="8">ၸဝ်ႈ​ႁဝ်း​ဢဝ်​တင်း​မိုဝ်း​ၸဝ်ႈ​ႁဝ်း ႁဵတ်း​ပဵၼ်​ၶႃႈ​ၸဝ်ႈ​လႄႈ ပွင်​ႁဵတ်း​ပွင်​မႄး​ၶႃႈ​ၸဝ်ႈ​ၸုမ်ႇ​ၽွမ်ႉ ၸေး​ၸေး​ၸွတ်ႇ​ၸွတ်ႇ​ယဝ်ႉ​လႄႈ ၸဝ်ႈ​ႁဝ်း​တၵ်း​ယႃႉ​ၶႃႈ​ၸဝ်ႈ​ပႅတ်ႈ​တီႈ​ၶႃႈ​ႁိုဝ်။-</verse>
				<verse number="9">ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​ၸဝ်ႈ​ႁဝ်း​ပွင်​ႁဵတ်း​ပွင်​မႄး​ၶႃႈ​ၸဝ်ႈ မိူၼ်​ၸိူဝ်ႉ​ၼင်ႇ​ဢၼ် ဢဝ်​လိၼ်​ၼဵဝ်​ႁဵတ်း​ၼၼ်ႉ​သေ​ၵမ်း​တီႈ​ၶႃႈ။ ၸဝ်ႈ​ႁဝ်း​တၵ်း​ႁႂ်ႈ​သမ်ႉ​ၶိုၼ်း​ပဵၼ်​မုၼ်ႈ​လိၼ်​တီႈ​ၶႃႈ​ႁိုဝ်။-</verse>
				<verse number="10">ၸဝ်ႈ​ႁဝ်း​ထွၵ်ႇ​ႁိုဝ်ႈ​ၶႃႈ​ၸဝ်ႈ မိူၼ်​ၸိူဝ်ႉ​ၼင်ႇ​ၼမ်ႉ​ၼူမ်း​လႄႈ ႁႂ်ႈ​ၶႃႈ​ၸဝ်ႈ​ၵွၼ်ႈ​ၵၢမ်ႈ​ၸိူဝ်ႉ​ၼင်ႇ​ၼမ်ႉ​ၼူမ်း​ၵၢမ်ႈ​ၼၼ်ႉ​ယဝ်ႉ ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="11">ၸဝ်ႈ​ႁဝ်း​ဢဝ်​ၼိူဝ်ႉ​ဢဝ်​ၼင်​ၼုင်ႈ​ႁေႃႇ​ပၼ်​လႄႈ ႁႂ်ႈ​ၶႃႈ​ၸဝ်ႈ​ပဵၼ်​တၢင်း​ဢၼ်​မၼ်ႈ​ၶွတ်ႇ​ၽွတ်ႇ​ၶဵၼ်း​ဝႆႉ လူၺ်ႈ​လုပ်ႇ​လူၺ်ႈ​ဢဵၼ်​တီႈ​ၶႃႈ​ယဝ်ႉ။-</verse>
				<verse number="12">ၸဝ်ႈ​ႁဝ်း​ပၼ်​တၢင်း​ဢၼ်​ဢသၢၵ်ႈ​လိပ်း ဢိၵ်ႇ​တင်း​ၵျေး​ၸူး​တီႈ​ၶႃႈ​ၸဝ်ႈ​တီႈ​ၶႃႈ​ယဝ်ႉ။ ၵျေး​ၸူး​တၢင်း​ဢၼ်​ၸဝ်ႈ​ႁဝ်း​လူ​တူၺ်း​လုမ်း​လႃး​ၼၼ်ႉ​ၵေႃႈ ၸွႆႈ​ထႅမ်​မႃႉ​ၸႃႉ​ဝီႉၺိၺ်ႇ​ၶႃႈ​ၸဝ်ႈ​တီႈ​ၶႃႈ​ယဝ်ႉ။-</verse>
				<verse number="13">လွင်ႈ​တၢင်း​ဢၼ်​ႁွတ်ႈ​ထိုင်​မိူဝ်ႈ​လဵဝ်​ၼႆႉ​ၸိူဝ်း​ၼႆႉ​ၵေႃႈ၊ ၸဝ်ႈ​ႁဝ်း​သိမ်း​ဝႆႉ​သိူင်ႇ​ဝႆႉ​ၵႃႈ​ၼႂ်း​ႁူဝ်​ၸႂ်​ၸဝ်ႈ​ႁဝ်း​လႄႈ ၶႃႈ​ၸဝ်ႈ​ႁူႉ​လွင်ႈ​ဢၼ်​ႁွတ်ႈ​ထိုင်​မႅၼ်ႈ​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​ၵျၢမ်ႇ​ပွင်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="14">ပေႃး​ၶႃႈ​ၸဝ်ႈ​ၽိတ်း​ပိူင်ႈ​ၸိုင်၊ ၸဝ်ႈ​ႁဝ်း​မၢတ်ႈ​တွင်း​ဝႆႉ​တီႈ​ၶႃႈ​ဢေႃႈ။ ၸဝ်ႈ​ႁဝ်း​တၵ်း​ဢမ်ႇ​ပွႆႇ​လွတ်ႈ​ဢပႅတ်ႈ​ၶႃႈ​ၸဝ်ႈ​ၼၼ်ႉ​တီႈ​ၶႃႈ၊-</verse>
				<verse number="15">ပေႃး​ၶႃႈ​ၸဝ်ႈ​ႁၢႆႉ​ယုတ်ႈ​ၸိုင် ၶႃႈ​ၸဝ်ႈ​မီး​ဢႃႉ​မင်ႇၵလႃႇ​တီႈ​ၶႃႈ​ဢေႃႈ။ ပိၵ်ႉ​သမ်ႉ​ၶႃႈ​ၸဝ်ႈ​သိုဝ်ႈ​တေႃႇ​ယူႇ​သေ​ၵေႃႈ ၶႃႈ​ၸဝ်ႈ​ဢမ်ႇ​လႆႈ​ယုၵ်ႉ​ႁူဝ်​ငွၵ်ႈ​ႁူဝ်​ၶႃႈ​ၸဝ်ႈ​တီႈ​ၶႃႈ။ ၶႃႈ​ၸဝ်ႈ​လႆႈ​ပျေႉ​ၸုမ်ႇ​တဵမ်​ဝႆႉ​တင်း တၢင်း​ဢၼ်​ဢူၵ်း​ဢၼ်​ဢၢႆ ဢိၵ်ႇ​တင်း​တၢင်း​ဢၼ်​ထူပ်း​ႁၼ်​တုၵ်ႉ​ၶႃႉ​တၢင်း​ၽၢၼ်​ၶႃႈ​ၸဝ်ႈ​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="16">ပေႃး​ၶႃႈ​ၸဝ်ႈ​လုၵ်ႉ​ၸိုင်၊ ၸဝ်ႈ​ႁဝ်း​လႄႇ​လဵပ်ႈ​ႁႃ​လွမ်​ႁႃ​ၶႃႈ​ၸဝ်ႈ​ယူႇ မိူၼ်​ၸိူဝ်ႉ​ၼင်ႇ​သၢင်ႇ​သီႈ​လႄႈ ၼႄ​ပျႃး​တူဝ်​ၸဝ်ႈ​ႁဝ်း​ၼႂ်း​တၢင်း​ဢၼ်​ႁဵတ်း​လွင်ႈ​တၢင်း​ဢၼ်​လီ​ဢၢမ်း​တီႈ​ၶႃႈ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="17">ၸဝ်ႈ​ႁဝ်း​သမ်ႉ​ၶိုၼ်း​ႁဵတ်း​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​ထႅင်ႈ​လႄႈ ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​ယႂ်ႇ​ၽႄႈ​ၼမ်​မႃး တီႈ​ၶႃႈ​ၸဝ်ႈ​ယူႇ​သေ​လႄႈ ရၢၼ်ႇ​သူႇ​သိုၵ်း​တင်း​လၢႆ​ဢွၼ်​ၵၼ် လုၵ်ႉ​ပဵၼ်​ၸၼ်ႉ​ပဵၼ်​ထၢပ်ႈ​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="18">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ဢဝ်​ၶႃႈ​ၸဝ်ႈ​ဢွၵ်ႇ​သေ​ၵႃႈ​ၼႂ်း​တွင်ႉ​မႄႈ​ၼင်ႇ​ႁိုဝ်​တီႈ​ၶႃႈ။ သင်​ဢမ်ႇ​ၼၼ် ၸႂ်​ၶႃႈ​ၸဝ်ႈ​ၶၢတ်ႇ​ယဝ်ႉ​လႄႈ၊ မၢၵ်ႇ​တႃ​ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​လႆႈ​ႁၼ်​ၶႃႈ​ၸဝ်ႈ​ယဝ်ႉ​တီႈ​ၶႃႈ။-</verse>
				<verse number="19">ၼင်ႇ​ၼၼ်​လႄႈ ၶႃႈ​ၸဝ်ႈ​တၵ်း​ပဵၼ်​ၸိူဝ်ႉ​ၼင်ႇ​ဢၼ်​ဢမ်ႇ​ပႆႇ​ပဵၼ်​ၼၼ်ႉ​ယဝ်ႉ​လႄႈ လႆႈ​ၶၢမ်ႇ​တၢင်း​ဢၼ်​ဢဝ်​သေ​ၵႃႈ​ၼႂ်း​တွင်ႉ​မႄႈ သူင်ႇ​ႁွတ်ႈ​ၵႃႈ​တီႈ​ပႃႇ​ႁဵဝ်ႈ​သၢင်း​ၶႅင်း​ၼၼ်ႉ​ယဝ်ႉ​တီႈ​ၶႃႈ​ဢေႃႈ။-</verse>
				<verse number="20">မိုဝ်ႉ​ဝၼ်း​ၶႃႈ​ၸဝ်ႈ​ၸိူဝ်း​ၼႆႉ ၵေႇ​ၼႃႇ​မၢင်​ၼႃႇ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ယႃႇ​ၶႃႈ​ၸဝ်ႈ​တီႈ​ၶႃႈ​တႃႉ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ပဵၼ်​ၵူၺ်း​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​မီး​တၢင်း​ဢၼ်​သၢၵ်ႈ​သႃႇ​ၶႅၼ်း​ၸႂ်​သေ​ဢိတ်း​ဢွၼ်ႇ​ၼိုင်ႈ။-</verse>
				<verse number="21">ၸူဝ်ႈ​ဢၼ်​ၶႃႈ​ၸဝ်ႈ​ဢမ်ႇ​ပႆႇ​ၵႂႃႇ​ၵႃႈ​တီႈ တီႈ​ဢၼ်​ႁွတ်ႈ​ထိုင်​သေ​ယဝ်ႉ ဢမ်ႇ​သမ်ႉ​ၶိုၼ်း​လႆႈ​မႃး၊ မိူင်း​ဢၼ်​ဢၼ်​လပ်း​သိင်ႇ တၢင်း​ႁူမ်ႈ​ၵွင်ႉ​ငဝ်း​တၢင်း​တၢႆ​ႁူမ်ႇ​သုမ်ႇ​ဝႆႉ၊-</verse>
				<verse number="22">မိူင်း​ဢၼ်​လိူၼ်​လမ်​ပဵၼ်​ဢၼ်​လပ်း​သိင်ႇ​ၽိတ်း​ၽိတ်း၊ မိူင်း​တီႈ​ႁူမ်ႈ​ၵွင်ႉ​ငဝ်း​တၢင်း​တၢႆ ဢၼ်​သုၵ်ႉ​သီႉ​သုၵ်ႉ​သၵ်ႉ၊ မိူင်း​ဢၼ်​ဢၼ်​လႅင်း​ပဵၼ်​ဢၼ်​လပ်း​သိင်ႇ​လွၼ်ႉ​လွၼ်ႉ​ၸႅတ်ႈ​ၸႅတ်ႈ​ၼၼ်ႉ သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="11">
				<verse number="1">မိူဝ်ႈ​ၼၼ်ႉ ၸေႃႇၽႃႇ ၵူၼ်း​မဵဝ်း​ ၼေႇမတ်ႉ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">ဢမ်ႇ​ထုၵ်ႇ​လီ​ၶိုၼ်း​တွပ်ႇ​ၶိုၼ်း​လၢတ်ႈ​တီႈ ၵႂၢမ်း​ဢၼ်​ၼမ်​ၼႃႇ​ႁိုဝ်။ ၵေႃႉ​ဢၼ်​သူပ်း​ၼမ်​ၵႂၢမ်း​ၽႄႈ​ၼၼ်ႉ တၵ်း​လႆႈ​ၵၢင်း​လွတ်ႈ​တင်း​ဢပႅတ်ႈ​ႁိုဝ်။-</verse>
				<verse number="3">ၵႂၢမ်း​ဢၼ်​မႂ်း​ဢုပ်ႇ​ဢၢတ်ႇ​ၼၼ်ႉ တၵ်း​ႁႂ်ႈ​ပိူၼ်ႈ​တၢင်ႇ​ၵေႃႉ​လႆႈ​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​ႁိုဝ်။ မိူဝ်ႈ​ဢၼ်​မႂ်း​သႄႉ​မႂ်း​သွမ်း​ၼၼ်ႉ​ၽူႈ​လႂ်​ယင်း​ဢမ်ႇ​ႁႂ်ႈ​မႂ်း​ဢူၵ်း​ဢၢႆ​လႄႈ​တၵ်း​ယူႇ။-</verse>
				<verse number="4">လွင်ႈ​မၼ်း​ၸမ်ႉ မႂ်း​ဝႃႈ ၵႂၢမ်း​ၵဝ်​ၼႆႉ​သိုဝ်ႈ​လီ​ဢေႃႈ။ ၵဝ်​မူတ်း​သႂ်​သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ​ယူႇ​ဢေႃႈ၊ ဝႃႈ​ၼင်ႇ​ၼႆ​မႅၼ်ႈ​ယဝ်ႉ။-</verse>
				<verse number="5">ႁႂ်ႈ​ၽြႃး​ပဵၼ်​ၸဝ်ႈ​မီး​ဢမိင်ႉ​သေ​ၵမ်း​လူၺ်ႈ။ ႁႂ်ႈ​မၼ်း​ၸဝ်ႈ​ၽုၺ်ႇ​သူပ်း​ယူႇ​ၽၢႆႇ​ၼိုင်ႈ​တင်း​မႂ်း​သေ​ၵမ်း​လူၺ်ႈ။-</verse>
				<verse number="6">ႁႂ်ႈ​မၼ်း​ၸဝ်ႈ​ဢဝ်​ပိင်ႇ​ၺႃႇ​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၼၼ်ႉ ၼႄ​ပျႃး​တီႈ​မႂ်း​သေ​ၵမ်း​လူၺ်ႈ။ လွင်ႈ​မၼ်း​ၸမ်ႉ ပိင်ႇ​ၺႃႇ​ၼၼ်ႉ​ပဵၼ်​လၢႆ​ၸိူဝ်ႉ​လၢႆ​ပိူင် ၼႂ်း​တၢင်း​ဢၼ်​မၼ်း​ပွင်​ႁဵတ်း​ပွင်​မႄး​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ မႂ်း​ႁူႉ​လွင်ႈ​ဢၼ်​ၽြႃး​ပဵၼ်​ၸဝ်ႈ​ဢမ်ႇ​ပၼ်​တၢမ်ႇ​ဢပႅတ်ႈ ဢၼ်​ဢမ်ႇ​ၵိုင်ႇ​ဢမ်ႇ​တၢၼ်ႇ​ၵၼ်​တင်း တၢင်း​ဢၼ်​မႂ်း​ထိူၵ်ႈ​ၶၢမ်ႇ​ၼၼ်ႉ​တႃႉ။</verse>
				<verse number="7">မႂ်း​ၸႅတ်ႈ​ထၢမ်​ၸႅတ်ႈ​တူၺ်း​လႄႈ ထူပ်း​ႁၼ်​လွင်ႈ​ၽြႃး​ပဵၼ်​ၸဝ်ႈ​လႆႈ​ႁိုဝ်။ မႂ်း​ႁႃႈ​ဢဝ်​လႄႈ ႁူႉ​လွင်ႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ မူတ်း​မူတ်း​သဵင်ႈ​သဵင်ႈ​လႆႈ​ႁိုဝ်။-</verse>
				<verse number="8">ပိူဝ်ႈ​ဢၼ်​ၶိုတ်း​ထိုင်​ၽႃႉ​ၵၢင်​ႁၢဝ်​လႄႈ မႂ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​လႆႈ။ ပိူဝ်ႈ​ဢၼ်​ယဵင်ႈ​ၶႅၼ်း​လိုၵ်ႉ​လမ်ႇ​ၼႃႇ​သေ​မိူင်း​မရၼႃႉ​လႄႈ မႂ်း​တၵ်း​ႁူႉ​ၸိူဝ်ႉ​ၼင်ႇ​ႁိုဝ်​လႆႈ။-</verse>
				<verse number="9">တၢင်း​ဢၼ်​ၶပ်ႉ​ဢၼ်​တႅၵ်ႈ​မၼ်း​ၼၼ်ႉ ပူၼ်ႉ​ပႅၼ်​လိၼ်​မိူင်း​လႄႈ ယဵင်ႈ​ၶႅၼ်း​ၵႂၢင်ႈ​ယႂ်ႇ​ၼႃႇ​သေ​ၼမ်ႉ​သမ်ႇ​မုၵ်ႉ​တြႃႇ​ဢေႃႈ။-</verse>
				<verse number="10">ပေႃး​မၼ်း​ၸဝ်ႈ​လဵပ်ႈ​မႃး​ၵၢႆ​မႃး​လႄႈ တီႉ​ၵမ်​ၶျုၵ်ႈ​ဝႆႉ​သေ​လႄႈ ႁႂ်ႈ​ၸူႉ​ၵၼ်​တုမ်​ၵၼ် ႁႂ်ႈ​လႆႈ​ၸႅတ်ႈ​ထၢမ်​ၸႅတ်ႈ​တူၺ်း​ၸိုင်၊ ၽူႈ​လႂ်​တၵ်း​ႁၢမ်ႈ​တၢပ်ႈ​ႁႄႉ​ၶႅၼ်​မၼ်း​ၸဝ်ႈ​လႆႈ။-</verse>
				<verse number="11">မၼ်း​ၸဝ်ႈ​ႁူႉ​ၸၵ်း​ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ​ယူႇ​ဢေႃႈ။ ပိၵ်ႉ​သမ်ႉ​မၼ်း​ၸဝ်ႈ​ႁဵတ်း​မိူၼ်​ၼင်ႇ​ႁၢင်ႈ ဢမ်ႇ​ၶႆႈ​ၸႂ်​လူၺ်ႈ​လွင်ႈ​မၼ်း​လႄႈ​ယူႇ​သေ​ၵေႃႈ မၼ်း​ၸဝ်ႈ​ႁူႉ​ႁၼ်​တူႉ​ၸရိူၵ်ႈ​ၼၼ်ႉ​ယူႇ​ဢေႃႈ။-</verse>
				<verse number="12">ၵူၺ်း​ၵႃႈ​ၵူၼ်း​ဢၼ်​မိူၵ်ႈ​ၼၼ်ႉ ဢမ်ႇ​လႆႈ​သတီႉ​ပိင်ႇ​ၺႃႇ။ ၵူၼ်း​ၸိုင်​ၵိူတ်ႇ​လဵင်ႉ​မႃး​ပဵၼ်​ၸိူဝ်ႉ​ၼင်ႇ​လီႈ​ဢွၼ်ႇ ဢၼ်​ရိူင်း​ၼၼ်ႉ​ဢေႃႈ။</verse>
				<verse number="13">ပေႃး​မႂ်း​မႄး​ႁူဝ်​ၸႂ်​မႂ်း​သေ​လႄႈ ယဵတ်ႇ​မိုဝ်း​ၸူး​တီႈ​မၼ်း​ၸဝ်ႈ၊-</verse>
				<verse number="14">ပေႃး​တူႉ​ၸရိူၵ်ႈ​မီး​ယူႇ​ၵႃႈ​ၼႂ်း​မိုဝ်း​မႂ်း​ၸိုင်၊ ပႄႇ​မၼ်း​ပႅတ်ႈ​ၵႆ​ၵႆ​သေ​လႄႈ ယႃႇ​ပေ​ႁႂ်ႈ​ဢမူႉ​ဢၼ်​ဢမ်ႇ​တြႃး​မီး​ယူႇ​ၵႃႈ​ၼႂ်း​မူဝ်းၵႃႇ​တီႈ​ယူႇ​မႂ်း​သေ​ၵမ်း။-</verse>
				<verse number="15">ပေႃး​ႁဵတ်း​ၼင်ႇ​ၼၼ်​ၸိုင်၊ မႂ်း​တၵ်း​လႆႈ​ယုၵ်ႉ​ငွၵ်ႈ​ၼႃႈ​မႂ်း ဢၼ်​ၵၢင်း​လွတ်ႈ​တင်း​တၢင်း​ဢၼ်​ၵူဝ်ႈ​ၵိူၵ်ႇ​ၶႆး​တင်​ၼၼ်ႉ​လႄႈ ယင်း​ဢမ်ႇ​မီး​လွင်ႈ​ဢၼ်​တၵ်း​မႆႈ​ၸႂ်​ၵွပ်ႈ​လႄႈ တၵ်း​လႆႈ​တႄႇ​ၼိမ်​ယူႇ​ဢေႃႈ။-</verse>
				<verse number="16">မႂ်း​တၵ်း​လူင်​လိုမ်း​တုၵ်ႉ​ၶႃႉ​တၢင်း​ဢၼ်​ၶၢၼ်​ၸႂ် ဢၼ်​မႂ်း​လႆႈ​ၶၢမ်ႇ​ၼၼ်ႉ​ပႅတ်ႈ​လႄႈ မႂ်း​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း ပဵၼ်​ၸိူဝ်ႉ​ၼင်ႇ ၼမ်ႉ​ဢၼ်​လႆ​ပူၼ်ႉ​ၵႂႃႇ​ယဝ်ႉ​ၼၼ်ႉ​ဢေႃႈ။-</verse>
				<verse number="17">ဢသၢၵ်ႈ​မႂ်း​တၵ်း​ႁိူဝ်ႈ​ႁိူင်း​ၼႃႇ​သေ​ဢရွင်ႇ​ၵၢင်​ဝၼ်း​တဵင်ႈ​လႄႈ ပိၵ်ႉ​သမ်ႉ​မိူဝ်ႈ​လဵဝ်​ၼႆႉ လပ်း​သိင်ႇ​သေ​ၵေႃႈ၊ တၵ်း​ပၢင်ႇ​ၸိုၼ်ႈ​ၸိူဝ်ႉ​ၼင်ႇ​ၵၢင်​ၼႂ်​ဢေႃႈ။-</verse>
				<verse number="18">မႂ်း​တၵ်း​လႆႈ​ယူႇ​လူင်ႉ​လီ​လွတ်ႈ​လီ ၵွပ်ႈ​ပိူဝ်ႈ​ဢၼ်​မီး​တီႈ​ဢၼ်​မုင်ႈ​မွင်း​ၼၼ်ႉ​လႄႈ ပိၵ်ႉ​သမ်ႉ​မႂ်း​သွၵ်ႈ​ႁႃ​ၵႃႈ​တီႈ​ႁိမ်း​မႂ်း​သေ​ၵေႃႈ၊ ယင်း​ဢမ်ႇ​မီး​တီႈ​ဢၼ်​လီ​ၵူဝ်​လီ​ႁႄ​လႄႈ တၵ်း​လႆႈ​ယူႇ​ၼိမ်​ၼိမ်​လီ​လီ​ဢေႃႈ။-</verse>
				<verse number="19">မိူဝ်ႈ​ဢၼ်​မႂ်း​ၼွၼ်း​ၼၼ်ႉ ၽူႈ​လႂ်​တၵ်း​ဢမ်ႇ​လွၵ်ႇ​ဢမ်ႇ​ငိုတ်ႈ​မႂ်း​လႄႈ ၵူၼ်း​ၼမ်​ၼႃႇ​တၵ်း​ဢွၼ်​ၵၼ်​ဝွၼ်း​ၸူး​တီႈ​မႂ်း​ဢေႃႈ။-</verse>
				<verse number="20">မၢၵ်ႇ​တႃ​ၶဝ်​ၸိူဝ်း​ဢၼ်​ႁၢႆႉ​မိူၵ်ႈ​ၼၼ်ႉ ႁႅင်း​တၵ်း​ဢူၼ်ႈ​ၵႂႃႇ​လႄႈ တီႈ​ဢၼ်​ၶဝ်​သွၼ်ႈ​ပိုင်ႈ​ၼၼ်ႉ တၵ်း​လပ်ႉ​ႁၢႆ​ၵႂႃႇ​သေ​ၵႃႈ​တီႈ​ၶဝ်​ဢေႃႈ။ လွင်ႈ​ဢၼ်​ၶဝ်​မုင်ႈ​ထႃႈ​မွင်း​ထႃႈ​ၼၼ်ႉ တၵ်း​ပဵၼ်​ဢၢႆ​ပဵၼ်​ၵႂၼ်း​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="12">
				<verse number="1">မိူဝ်ႈ​ၼၼ်ႉ​ ယေႃးၽႃႉ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">သူ​ၵူၺ်း​ပဵၼ်​ၵူၼ်း​လႄႈ ၺၢၼ်ႇ​ပိင်ႇ​ၺႃႇ​တၵ်း​တၢႆ​လူၺ်ႈ​ၵၼ်​တင်း​သူ​ဢေႃႈ​ဝႃႈ​ၼႆ တီႈ​ဢၼ်​ယုမ်ႇ​ၶိုင်ႈ​ၼိုင်ႈ ဢမ်ႇ​ယုမ်ႇ​ၶိုင်ႈ​ၼိုင်ႈ​ဢမ်ႇ​မီး။-</verse>
				<verse number="3">ၵူၺ်း​ၵႃႈ ၵဝ်​ၵေႃႈ​မီး​ၺၢၼ်ႇ​မိူၼ်​ၸိူဝ်ႉ​ၼင်ႇ​သူ​ဢေႃႈ။ ၵဝ်​ယဵင်ႈ​ၶႅၼ်း​ယုတ်ႈ​ယွမ်း​ၼႃႇ​သေ​သူ​ဢမ်ႇ​ၸႂ်ႈ။ ၽူႈ​လႂ်​ယင်း​ဢမ်ႇ​ႁူႉ လွင်ႈ​တၢင်း​ၸိူဝ်း​ၼႆႉ​လႄႈ​တၵ်း​ယူႇ။-</verse>
				<verse number="4">ၵဝ်​ၼႆႉ ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် ၵူၼ်း​ႁိူၼ်း​ၸမ်​ၵၼ်​ႁဵတ်း​ပျၢၵ်ႈ​ၶူဝ်​လႄႈ ပဵၼ်​ၵေႃႉ​ဢၼ်​ယင်း​တိုၵ်ႉ​ႁဵတ်း​ပထၼႃႇ​တီႈ​ၽြႃး​ပဵၼ်​ၸဝ်ႈ​လႄႈ မၼ်း​ၸဝ်ႈ​ဢိူဝ်​မၼ်း​ၼၼ်ႉ​ဢေႃႈ။ ၵေႃႉ​ဢၼ်​ဢမ်ႇ​မီး​ဢပႅတ်ႈ၊ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁဵတ်း​ပျၢၵ်ႈ​ၶူဝ်​လူင်​ပႄႇ။-</verse>
				<verse number="5">ၼႂ်း​တၢင်း​ၵျၢမ်ႇ​တၢင်း​ပွင်​ၶဝ်​ၸိူဝ်း​ဢၼ် လႆႈ​ယူႇ​ၼိမ်​ၼိမ်​လီ​လီ​ၼၼ်ႉ မီး​တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် ပုၼ်ႈ​တုၵ်ႉ​ၶႃႉ​တၢင်း​ၽၢၼ်​ပိူၼ်ႈ​လႄႈ မႄး​ႁႅၼ်း​မီး​ဝႆႉ​ပုၼ်ႈ​ၶဝ်​ၸိူဝ်း​ဢၼ် ၸၢင်ႈ​ပရၢတ်ႈ​လူမ်ႉ​ၼၼ်ႉ​ဢေႃႈ။-</verse>
				<verse number="6">မူဝ်းၵႃႇ​တီႈ​ယူႇ​တီႈ​သဝ်း​ၶဝ်​ၸိူဝ်း​ဢၼ်​ႁဵတ်း​ပႃႇ​ႁဵတ်း​ၸူၼ်​ၼၼ်ႉ ၸၢင်ႈ​လႆႈ​လီ​လႆႈ​ပဵၼ်​ဢေႃႈ။ ၶဝ်​ၸိူဝ်း​ဢၼ်​ပူၼ်ႉ​လိူဝ်​ဢႃႇၼႃႇ​ၽြႃး​ပဵၼ်​ၸဝ်ႈ​ၼၼ်ႉ ၸၢင်ႈ​ဢွၼ်​ၵၼ်​လႆႈ​ယူႇ​လူင်ႉ​လီ​လွတ်ႈ​လီ​လႄႈ ၸၢမ်ႇ​ၸႃး​ၸေး​ၸိမ်ႇ ဢၼ်​ၽြႃး​ပဵၼ်​ၸဝ်ႈ​ပၼ်​ၼၼ်ႉ​ဢေႃႈ။-</verse>
				<verse number="7">တွင်ႈ​ထၢမ်​တီႈ​မဵဝ်း​တူဝ်​သတ်း​တင်း​လၢႆ​တႃႉ။ ၶဝ်​တၵ်း​ဢွၼ်​ၵၼ်​သွၼ်​ပၼ်​မႂ်း​ဢေႃႈ။ တွင်ႈ​ထၢမ်​တီႈ​ၼူၵ်ႉ​ၵၢင်​ႁၢဝ်​တင်း​လၢႆ​တႃႉ။ ၶဝ်​တၵ်း​ဢွၼ်​ၵၼ်​ၼႄ​ပျႃး​တီႈ​မႂ်း​ဢေႃႈ။-</verse>
				<verse number="8">တွင်ႈ​ထၢမ်​တီႈ​လိၼ်​မိူင်း​တႃႉ။ မၼ်း​တၵ်း​သွၼ်​ပၼ်​မႂ်း​ဢေႃႈ။ တွင်ႈ​ထၢမ်​တီႈ​ပႃ​ပၢင်ႇ​လၢႆႇ​တင်း​လၢႆ​တႃႉ။ ၶဝ်​တၵ်း​ဢွၼ်​ၵၼ်​ႁေႃး​လၢတ်ႈ​ပၼ်​တီႈ​မႂ်း​ဢေႃႈ။-</verse>
				<verse number="9">ဢိင်​ပိုင်ႈ​ၸိူဝ်း​ၼႆႉ​သေ​လႄႈ ၽူႈ​လႂ်​ယင်း​ဢမ်ႇ​ႁူႉ​လွင်ႈ​ဢၼ် ထႃႇဝရႃႉ​ၽြႃး​ဢဝ်​မိုဝ်း​ႁဵတ်း လွင်ႈ​တၢင်း​ၼႆႉ​ၼၼ်ႉ​လႄႈ​တၵ်း​ယူႇ။-</verse>
				<verse number="10">ၸီႇဝႃႉ​ဢသၢၵ်ႈ​သတ်ႉတဝႃႇ​ဢၼ် ဢသၢၵ်ႈ​လိပ်း​ယူႇ​တင်း​သဵင်ႈ​တင်း​လူင် ဢိၵ်ႇ​တင်း​တၢင်း​ဢၼ်​ထူၺ်ႈ​ၸႂ်​ၶဝ်ႈ ထူၺ်ႈ​ၸႂ်​ဢွၵ်ႇ​ၵူၼ်း​သတ်ႉတဝႃႇ​ၵႃႈ​မီး​ၼၼ်ႉ မီး​ယူႇ​ၼႂ်း​မိုဝ်း​မၼ်း​ၸဝ်ႈ​ဢေႃႈ။</verse>
				<verse number="11">ႁူ​ၸၢင်ႈ​သၢပ်ႇ​တူၺ်း​ၸၢမ်း​တူၺ်း​ၵႂၢမ်း မိူၼ်​ၸိူဝ်ႉ​ၼင်ႇ​ဢၼ် သူပ်း​ၸိမ်း​တူၺ်း​တၢင်း​ၵိၼ်​တၢင်း​ၶူပ်း​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="12">ၶဝ်​ၸိူဝ်း​ဢၼ်​ထဝ်ႈ​ၵႄႇ​ၼၼ်ႉ ဢွၼ်​ၵၼ်​ပျေႉ​ၸုမ်ႇ​ဝႆႉ​တင်း​ပိင်ႇ​ၺႃႇ​လႄႈ ၶဝ်​ၸိူဝ်း​ဢၼ်​ဢသၢၵ်ႈ​ဢရွႆႇ​ယၢဝ်း​ယိုၼ်း​ၼၼ်ႉ​ပျေႉ​ၸုမ်ႇ​ဝႆႉ​တင်း​ၺၢၼ်ႇ​ဢေႃႈ။-</verse>
				<verse number="13">မၼ်း​ၸဝ်ႈ​ၸမ်ႉ၊ ပျေႉ​ၸုမ်ႇ​ဝႆႉ​တင်း​ပိင်ႇ​ၺႃႇ ဢိၵ်ႇ​တင်း​တၢင်း​ၵတ်ႉ​တၢင်း​ၶၼ်​လႄႈ မၼ်း​ၸဝ်ႈ​ၼၼ်ႉ မီး​ၺၢၼ်ႇ ဢိၵ်ႇ​တင်း​တၢင်း​ဢၼ်​ႁူႉ​ဢၼ်​ၸႅင်ႈ​ဢေႃႈ။-</verse>
				<verse number="14">တူၺ်း​လူး၊ မၼ်း​ၸဝ်ႈ​ၵိူၼ်ႇ​ယႃႉ​ပႅတ်ႈ​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​မီး​ဢၶႂၢင်ႉ​ဢၼ်​လႆႈ​ၶိုၼ်း​တႄႇ​ၶိုၼ်း​ႁဵတ်း။ မၼ်း​ၸဝ်ႈ​ၶျုၵ်ႈ​ၵူၼ်း​ဝႆႉ​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​မီး​ဢၶႂၢင်ႉ​ဢၼ်​လႆႈ​လွတ်ႈ​လႆႈ​ၵၢင်း။-</verse>
				<verse number="15">တူၺ်း​လူး၊ မၼ်း​ၸဝ်ႈ​ႁၢမ်ႈ​တၢပ်ႈ​ႁႄႉ​ၶႅၼ် ၼမ်ႉ​တင်း​လၢႆ​ဝႆႉ​လႄႈ ၶဝ်​လႆႈ​ယူတ်း​ႁႅင်ႈ​ၵႂႃႇ​ဢေႃႈ။ လႆႈ​သမ်ႉ မၼ်း​ၸဝ်ႈ​ပွႆႇ​ၸႂ်ႉ​ၶဝ်​လႄႈ ၶဝ်​ဢွၼ်​ၵၼ်​ထူမ်​ႁူမ်ႇ​လိၼ်​မိူင်း​ဢေႃႈ။-</verse>
				<verse number="16">မၼ်း​ၸဝ်ႈ​ပျေႉ​ၸုမ်ႇ​ဝႆႉ​တင်း တၼ်း​ၶူဝ်း​ဢိၵ်ႇ​တင်း​ၺၢၼ်ႇ​လႄႈ မၼ်း​ၸဝ်ႈ​ဢုပ်ႉ​ပိူင်ႇ​ၵႃႈ​ၼိူဝ်​ၶဝ်​ၸိူဝ်း​ဢၼ်​ၽိတ်း​ပိူင်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ႁႂ်ႈ​ၽိတ်း​ပိူင်ႈ​ၼၼ်ႉ​ဢေႃႈ။-</verse>
				<verse number="17">မၼ်း​ၸဝ်ႈ​တီႉ​ၵမ်​သိမ်း​ဢဝ် မူး​မၢတ်ႈ​ၽွင်း​မိူင်း​ဢၼ်​တိူင်ႇ​ပၢင်ႇ​တင်း​လၢႆ​ၵႂႃႇ​လႄႈ မၼ်း​ၸဝ်ႈ​ႁႂ်ႈ​ၵူၼ်း​လူင်​ဢၼ်​ၸီႇ​ယၢင်ႇ​တြႃး​တင်း​လၢႆ ယွင်ႇ​မႃႈ​ဢေႃႈ။-</verse>
				<verse number="18">မၼ်း​ၸဝ်ႈ​ၵႄႈ​သၢႆ​ဢႅဝ်​ၶုၼ်​ႁေႃ​ၶမ်း​တင်း​လၢႆ​ပႅတ်ႈ​သေ​လႄႈ ဢဝ်​ၸိူၵ်ႈ​မတ်ႉ​ၽုၵ်ႇ​ဢႅဝ်​ၶဝ်​ဢေႃႈ။-</verse>
				<verse number="19">မၼ်း​ၸဝ်ႈ​တီႉ​ၵမ်​သိမ်း​ဢဝ် ယိတ်ႈပရေႃးႁဵၵ်ႈ​တင်း​လၢႆ​ၵႂႃႇ​လႄႈ ႁႂ်ႈ​ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ​တူၵ်း​သုမ်း​ဢေႃႈ။-</verse>
				<verse number="20">မၼ်း​ၸဝ်ႈ​ႁႂ်ႈ​ၵႂၢမ်း​ၶဝ်​ၸိူဝ်း​ဢၼ် မီး​တၢင်း​ၵတ်ႉ​တၢင်း​ၶၼ်​သူပ်း​ၼၼ်ႉ​ဢႃႉ​လႄႈ ၼုၵ်ႈ​ဢဝ်​ပိင်ႇ​ၺႃႇ​ဢွၵ်ႇ​သေ​ၵႃႈ​ၼႂ်း​ၶဝ်​ၸိူဝ်း​ဢၼ်​ထဝ်ႈ​ဢၼ်​ၵႄႇ​ၼၼ်ႉ​ဢေႃႈ။-</verse>
				<verse number="21">မၼ်း​ၸဝ်ႈ​ယႃႉ​သရေႇ​ၶုၼ်​ဢရႃႇသီႉ​တင်း​လၢႆ​လႄႈ ၵႄႈ​သၢႆ​ဢႅဝ်​ၶဝ်​ၸိူဝ်း​ဢၼ်​ႁႅင်း​ယႂ်ႇ​တင်း​လၢႆ​ၼၼ်ႉ​ပႅတ်ႈ​ဢေႃႈ။-</verse>
				<verse number="22">မၼ်း​ၸဝ်ႈ​ႁႂ်ႈ​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ ထၢင်ႇ​သႃး​ဢွၵ်ႇ​မႃး​ၵႃႈ​ၼႂ်း​လပ်း​သိင်ႇ​လႄႈ ဢဝ်​ႁူမ်ႈ​တၢင်း​တၢႆ ၽုၺ်ႇ​ဢွၵ်ႇ​ၼႄ​ပျႃး​ၵႃႈ​ၼႂ်း​ဢၼ်​လႅင်း​ဢေႃႈ။-</verse>
				<verse number="23">မၼ်း​ၸဝ်ႈ​ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ယႂ်ႇ​ၽႄႈ​တူဝ်း​တွၼ်း​မႃး​လႄႈ သမ်ႉ​ယႃႉ​ၽဵဝ်ႈ​ပႅတ်ႈ​ဢေႃႈ။ မၼ်း​ၸဝ်ႈ​ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၽႄႈ​ၸွတ်ႇ​ၵူႈ​တီႈ​ၵူႈ​လႅၼ်​လႄႈ သမ်ႉ​ၶိုၼ်း​ႁုပ်ႈ​ၸူႉ​ႁုပ်ႈ​တုမ်​ဢေႃႈ။-</verse>
				<verse number="24">မၼ်း​ၸဝ်ႈ​ထူၺ်ႈ​ၺၢၼ်ႇ​ဢွၵ်ႇ​သေ​ၵႃႈ​ၼႂ်း​ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ်​ၵူၼ်း​လိၼ်​မိူင်း​တင်း​လၢႆ​ၼၼ်ႉ​လႄႈ ႁႂ်ႈ​ၶဝ်​လႆႈ​လႄႇ​ၵႂႃႇ​လႄႇ​မႃး​ယူႇ​ၵႃႈ​ၼႂ်း​ထိူၼ်ႇ ဢၼ်​ဢမ်ႇ​မီး​သဵၼ်ႈ​တၢင်း​ၼၼ်ႉ​ဢေႃႈ။-</verse>
				<verse number="25">ၶဝ်​ၼၼ်ႉ​ယင်း​ဢမ်ႇ​မီး​ဢၼ်​လႅင်း​လႄႈ လႆႈ​ဢွၼ်​ၵၼ်​ၵူမ်ႈ​ၵွမ်း​ယူႇ​ၵႃႈ​ၼႂ်း​ဢၼ်​လပ်း​သိင်ႇ​ဢေႃႈ။ မၼ်း​ၸဝ်ႈ​ႁႂ်ႈ​ၶဝ်​ဝၢင်ႇ​ဝီႈ​ဝၢင်ႇ​ဝိူဝ်ႈ​ယူႇ​မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​မဝ်း​လဝ်ႈ​မဝ်း​ၵမ်​ၼၼ်ႉ​ဢေႃႈ။</verse>
			</chapter>
			<chapter number="13">
				<verse number="1">တူၺ်း​လူး၊ မၢၵ်ႇ​တႃ​ၵဝ်​ၼႆႉ လႆႈ​ႁၼ်​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ယဝ်ႉ​လႄႈ ႁူ​ၵဝ်​ၵေႃႈ​လႆႈ​ငိၼ်း​လႄႈ ႁူႉ​ၸႅင်ႈ​ယဝ်ႉ။-</verse>
				<verse number="2">ၵႃႈ​ဢၼ်​သူ​ႁူႉ​ၼၼ်ႉ ၵဝ်​ၵေႃႈ​ႁူႉ​ဢေႃႈ။ ၵဝ်​ယဵင်ႈ​ၶႅၼ်း​ယုတ်ႈ​ယွမ်း​ၼႃႇ​သေ​သူ​ဢမ်ႇ​ၸႂ်ႈ။-</verse>
				<verse number="3">ၵဝ်​မီး​ဢလူဝ်ႇ​ၶႂ်ႈ​လဝ်ႊ​လၢတ်ႈ​တီႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​လႄႈ ၵဝ်​ၶႂ်ႈ​တိူင်ႇ​ပၢင်ႇ​တွင်ႈ​ထၢမ်​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="4">သူ​ၼႆႉ​ပဵၼ်​ၵေႃႉ​ဢၼ် ပွင်​ႁဵတ်း​ပွင်​ႁႅၼ်း​မူႉ​သႃႇ​လႄႈ ပဵၼ်​မေႃ​ယႃ​ဢၼ်​ဢမ်ႇ​ပွင်ႇ​လွင်ႈ​ၵႃႈ​သင်​လူင်​ပႄႇ။-</verse>
				<verse number="5">သူ​ၼႆႉ ယင်း​ဢမ်ႇ​တၵ်း​သဵင်​လႃး​လႃး​လႄႈ ႁႂ်ႈ​ဢွၼ်​ၵၼ်​ယူႇ​သေ​ၵမ်း​လူၺ်ႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် မိူၼ်​ၼင်ႇ​ႁၢင်ႈ​သူ​မီး​ပိင်ႇ​ၺႃႇ​ဢေႃႈ။</verse>
				<verse number="6">ဢွၼ်​ၵၼ်​ထွမ်ႇ​ငိၼ်း​လွင်ႈ​မၼ်း​တၢင်း​မၼ်း ဢၼ်​ၵဝ်​တၵ်း​လၢတ်ႈ​ၼၼ်ႉ​သေ​ၵမ်း။ ဢွၼ်​ၵၼ်​ဢဝ်​ၵႂၢမ်း​ဢၼ် ၵဝ်​တၵ်း​ဢဝ်​သူပ်း​ၵဝ်​တိူင်ႇ​ပၢင်ႇ​တွင်ႈ​ထၢမ်​ၼၼ်ႉ သႂၢင်း​ၸႂ်​ဝႆႉ​သေ​ၵမ်း။-</verse>
				<verse number="7">သူ​တၵ်း​ယူႇ​ၽၢႆႇ​ၽြႃး​ပဵၼ်​ၸဝ်ႈ​သေ​လႄႈ လၢတ်ႈ​ၵႂၢမ်း​ဢၼ်​ဢမ်ႇ​တြႃး​ႁိုဝ်။ သူ​တၵ်း​ယူႇ​ၽၢႆႇ​မၼ်း​ၸဝ်ႈ​သေ​လႄႈ သုင်း​သွင်ႇ​မူႉ​သႃႇ​ႁိုဝ်။-</verse>
				<verse number="8">သူ​တၵ်း​ထွၵ်ႈ​လူၺ်ႈ​ၼႃႈ​မၼ်း​ၸဝ်ႈ​ႁိုဝ်။ သူ​တၵ်း​ယူႇ​ၽၢႆႇ​ၽြႃး​ပဵၼ်​ၸဝ်ႈ​သေ​လႄႈ တွပ်ႇ​ထဵင်​တိုၵ်း​သိုၵ်း​ႁိုဝ်။-</verse>
				<verse number="9">ပေႃး​မၼ်း​ၸဝ်ႈ​ၸႅတ်ႈ​ထၢမ်​ၸႅတ်ႈ​တူၺ်း​သူ​ၼႃႇ​ၼႃႇ​ၸိုင်၊ တီႈ​သူ​တၵ်း​မီး​ၵျေး​ၸူး​ႁိုဝ်။ ၸိူဝ်ႉ​ၼင်ႇ​ဢၼ် ပႅတ်ႉ​လႅၼ်​ၵူၼ်း ၼၼ်ႉ သူ​ပႅတ်ႉ​လႅၼ်​မၼ်း​ၸဝ်ႈ​လႆႈ​ႁိုဝ်။-</verse>
				<verse number="10">ပေႃး​သူ​သိူင်ႇ​မႅပ်ႉ​သေ​လႄႈ ထွၵ်ႈ​လူၺ်ႈ​ၼႃႈ​ပိူၼ်ႈ​ၸိုင်၊ မၼ်း​ၸဝ်ႈ​တၵ်း​သင်ႇ​သွၼ်​သုင်း​မႃႉ​သူ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="11">တၼ်း​ၶူဝ်း​ဢႃႇၼူႉၽေႃႇ​မၼ်း​ၸဝ်ႈ တၵ်း​ႁႂ်ႈ​သူ​ၵူဝ်​ႁႄ​ယူႇ​ဢမ်ႇ​ၸႂ်ႈ​ႁိုဝ်။ မုၼ်​ၵုင်ႇ​မၼ်း​ၸဝ်ႈ ဢၼ်​လီ​ၵူဝ်​လီ​ႁႄ​ၼၼ်ႉ တၵ်း​ႁႂ်ႈ​သူ​တူၵ်း​ၸႂ်​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="12">ၵႂၢမ်း​ဢၼ်​လီ​မၢတ်ႈ​လီ​တွင်း​တီႈ​သူ​ၼၼ်ႉ ပဵၼ်​ၵႂၢမ်း​ထုင်း​ၵဝ်ႇ​ထုင်း​မွၼ်ႇ ဢၼ်​မိူၼ်​ၸိူဝ်ႉ​ၼင်ႇ​တဝ်ႈ​ၼၼ်ႉ​လႄႈ၊ လမ်း​ဝဵင်း​ဢၼ်​သူ​သွၼ်ႈ​ပိုင်ႈ​ၼၼ်ႉ​ၵေႃႈ ပဵၼ်​ၸိူဝ်ႉ​ၼင်ႇ​လမ်း​ဝဵင်း​လိၼ်​ၼဵဝ်​ဢေႃႈ။</verse>
				<verse number="13">ယူႇ​တဵတ်ႇ​တဵတ်ႇ​ယဵၼ်​ယဵၼ်​လႄႈ ယႃႇ​ႁႂ်ႈ​ၵဝ်​လႆႈ​လၢတ်ႈ​သေ​ၵမ်း​လူၺ်ႈ။ ဢမူႉ​ၵႃႈ​သင်​ၶႂ်ႈ​ႁွတ်ႈ​ထိုင်​ၵႃႈ​ၼိူဝ်​ၵဝ်​ၵေႃႈ ႁႂ်ႈ​မၼ်း​ႁွတ်ႈ​ထိုင်​သေ​ၵမ်း​လူၺ်ႈ။-</verse>
				<verse number="14">ၵူၺ်း​ၵႃႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​တၵ်း​လႆႈ​ဢဝ်​တင်း​ၶဵဝ်ႈ​ၵဝ်​ၵၢပ်ႈ​ဢဝ်​ၼိူဝ်ႉ​ၵဝ်​လႄႈ ဢဝ်​တင်း​မိုဝ်း​ၵဝ်​ယိပ်း​ၵမ်​ဢဝ်​ဢသၢၵ်ႈ​ၵဝ်​ယူႇ​ၼင်ႇ​ႁိုဝ်။-</verse>
				<verse number="15">ပိၵ်ႉ​သမ်ႉ​မၼ်း​ၸဝ်ႈ​ဢဝ်​ၵဝ်​တၢႆ​သေ​ၵေႃႈ ၵဝ်​တၵ်း​မုင်ႈ​ထႃႈ​မွင်း​ထႃႈ​မၼ်း​ၸဝ်ႈ​လႄႈ ၵဝ်​တၵ်း​လဝ်ႊ​လၢတ်ႈ​လွင်ႈ​ဢၼ် ႁပ်ႉ​တုင်း​ဢဝ်​သဵၼ်ႈ​တၢင်း​ၵဝ်​တင်း​လၢႆ​ၼၼ်ႉ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ဢေႃႈ။-</verse>
				<verse number="16">ဢၼ်​ၼႆႉ​ၵူၺ်း တၵ်း​ပဵၼ်​လွင်ႈ​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​ၵဝ်​ဢေႃႈ။ လွင်ႈ​မၼ်း​ၸမ်ႉ ၵူၼ်း​ဢႃႉထမ်ႇမႃႉ ဢမ်ႇ​လႆႈ​ၶဝ်ႈ​ၸူး​ၵႃႈ​တီႈ​မၼ်း​ၸဝ်ႈ။-</verse>
				<verse number="17">ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၵဝ်​ၸေး​ၸေး​ၸွတ်ႇ​ၸွတ်ႇ​တႃႉ။ ဢွၼ်​ၵၼ်​ႁႂ်ႈ​ၵႂၢမ်း​ဢၼ်​ၵဝ်​လဝ်ႊ​လၢတ်ႈ​ဝႆႉ​ၼႆႉ တႄႇ​ယူႇ​ၵႃႈ​ၼႂ်း​ႁူ​သူ​တႃႉ။-</verse>
				<verse number="18">မိူဝ်ႈ​လဵဝ်​ၼႆႉ ၵဝ်​မႄး​ႁႅၼ်း​ဢမူႉ​ၵဝ်​ဝႆႉ​ယဝ်ႉ။ ၵဝ်​ႁူႉ​လွင်ႈ​ဢၼ်​ၵဝ်​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ​ယူႇ​ဢေႃႈ။-</verse>
				<verse number="19">ၵေႃႉ​ဢၼ်​တၵ်း​ယူႇ​ၽၢႆႇ​ၼိုင်ႈ တင်း​ၵဝ်​သေ​လႄႈ ၽုၺ်ႇ​ဢွၵ်ႇ​ၼႄ​ပျႃး​ဢမူႉ​ၵဝ်​ၼၼ်ႉ​ၸမ်ႉ၊ ပဵၼ်​ၽူႈ​လႂ်။ ပေႃး​မီး​ၸိုင် ၵဝ်​တၵ်း​ယူႇ တဵတ်ႇ​တဵတ်ႇ​ယဵၼ်​ယဵၼ်​သေ​လႄႈ တိုတ်ႉ​ၸႂ်​ၵဝ်​ၶၢတ်ႇ​ဢေႃႈ။</verse>
				<verse number="20">ၵူၺ်း​ၵွမ်ႉ​သွင်​ပိူင်​သွင်​ပႃး​ၼၼ်ႉ​ၵူၺ်း ယႃႇ​ပေ​ပၼ်​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ပေႃး​ဢမ်ႇ​ပၼ်​ၸိုင်၊ ၶႃႈ​ၸဝ်ႈ​ဢမ်ႇ​ငိူင်ႉ​ဝႄႈ​သေ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ၊-</verse>
				<verse number="21">ၶႅၼ်း​တေႃႈ​ယိုတ်း​ဢဝ်​မိုဝ်း​ၸဝ်ႈ​ႁဝ်း​ၵႂႃႇ​ၵႆ​ၵႆ​သေ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​တၢင်း​ဢၼ်​လီ​ၵူဝ်​လီ​ႁႄ​ၸဝ်ႈ​ႁဝ်း​ၼၼ်ႉ​ႁႂ်ႈ​ၶႃႈ​ၸဝ်ႈ​လႆႈ​တူၵ်း​ၸႂ်​သေ​ၵမ်း​တီႈ​ၶႃႈ။-</verse>
				<verse number="22">မိူဝ်ႈ​ၼၼ်ႉ ၶႅၼ်း​တေႃႈ​ႁွင်ႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​ၶိုၼ်း​လဝ်ႊ​လၢတ်ႈ​တီႈ​ၶႃႈ​ဢေႃႈ။ ဢမ်ႇ​ၼၼ်​ၵေႃႈ ႁႂ်ႈ​ၶႃႈ​ၸဝ်ႈ​လႆႈ​လဝ်ႊ​လၢတ်ႈ​လႄႈ ၸဝ်ႈ​ႁဝ်း​ၶႅၼ်း​တေႃႈ​ၶိုၼ်း​ဢိူဝ်​သေ​ၵမ်း​တီႈ​ၶႃႈ၊-</verse>
				<verse number="23">တူႉ​ၸရိူၵ်ႈ​ဢပႅတ်ႈ​ဢၼ်​ၶႃႈ​ၸဝ်ႈ​ႁဵတ်း​မႅၼ်ႈ​ၼၼ်ႉ ၼမ်​ၼႃႇ​လူင်​လၢင်​ထၢၼ်ႇ​လႂ်​တီႈ​ၶႃႈ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​လႆႈ​ႁူႉ​ဢပႅတ်ႈ​တၢင်း​ဢၼ်​ၶႃႈ​ၸဝ်ႈ​ၽိတ်း​ပိူင်ႈ​ပူၼ်ႉ​လိူဝ်​ၼၼ်ႉ သေ​ၵမ်း​တီႈ​ၶႃႈ။-</verse>
				<verse number="24">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ဝၢႆႇ​ၼႃႈ​ပႅတ်ႈ​သေ​လႄႈ မၢတ်ႈ​ၶႃႈ​ၸဝ်ႈ​ပဵၼ်​ၸိူဝ်ႉ​ၼင်ႇ ရၢၼ်ႇ​သူႇ​ၸဝ်ႈ​ႁဝ်း​ၼၼ်ႉ​ၼင်ႇ​ႁိုဝ်​တီႈ​ၶႃႈ။-</verse>
				<verse number="25">ၸဝ်ႈ​ႁဝ်း​တၵ်း​လွၵ်ႇ​ငိုတ်ႈ​မႂ်​မႆႉ ဢၼ်​လူမ်း​ထူဝ်း​ယူႇ​ၼၼ်ႉ​တီႈ​ၶႃႈ​ႁိုဝ်။ ၸဝ်ႈ​ႁဝ်း​တၵ်း​လိုပ်ႈ​ၸွမ်း​လမ်း​ၸွမ်း​ယိူဝ်ႈ​ႁႅင်ႈ ႁႂ်ႈ​ၶိုတ်း​တီႈ​ၶႃႈ​ႁိုဝ်။-</verse>
				<verse number="26">ၸဝ်ႈ​ႁဝ်း​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​သေ​လႄႈ မၢတ်ႈ​မၢႆ​တႅမ်ႈ​ဝႆႉ ၵႂၢမ်း​ဢၼ်​တၢင်ႇ​ဢပႅတ်ႈ ဢၼ်​ၶူမ်​ၼႃႇ​လူင်​လၢင်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="27">ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ​ၶၢမ်ႇ​ဢမူၺ်ႇ​ဢပႅတ်ႈ ဢၼ်​ၶႃႈ​ၸဝ်ႈ​လႆႈ​ႁဵတ်း​မႅၼ်ႈ​ၼႂ်း​မိူဝ်ႈ​ဢၼ် ဢသၢၵ်ႈ​ၶႃႈ​ၸဝ်ႈ​ယင်း​လဵၵ်ႉ​ယင်း​ဢွၼ်ႇ​ၼၼ်ႉ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢဝ်​တိၼ်​ၶႃႈ​ၸဝ်ႈ​သႂ်ႇ​ထိၵ်ႈ​သႂ်ႇ​ထၢင်ႇ​ယူႇ၊ ပႂ်ႉ​သဵၼ်ႈ​တၢင်း​ဢၼ်​ၶႃႈ​ၸဝ်ႈ​တၵ်း​ၸွမ်း​ၵႃႈ​မီး​ၼၼ်ႉ​ယူႇ​သေ​လႄႈ ၶိတ်ႇ​ၵႅတ်ႇ​လဵပ်ႈ​ႁွပ်ႈ​ၽႃႇ​တိၼ်​ၶႃႈ​ၸဝ်ႈ​ဝႆႉ​တီႈ​ၶႃႈ​ဢေႃႈ။-</verse>
				<verse number="28">ၵေႃႉ​ဢၼ်​လႆႈ​ၶၢမ်ႇ​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ​ၶိူင်ႈ​ပိူင် ဢၼ်​ၽင်ႉ​ဢူႉ​လႄႈ​လူႉ​ၵႂႃႇ​လႅဝ်​ၵႂႃႇ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ၶူဝ်း​ၼုင်ႈ​ဢၼ်​မူင်ႈ​မႅင်း​ၶူပ်း​ၵိၼ်​ၼၼ်ႉ တီႈ​ၶႃႈ​ဢေႃႈ။</verse>
			</chapter>
			<chapter number="14">
				<verse number="1">ၵူၼ်း​ဢၼ်​ၵိူတ်ႇ​လဵင်ႉ​မႃး​တီႈ​မႄႈ​ယိင်း​ၼၼ်ႉ မိုဝ်ႉ​ၵေႇ​ဝၼ်း​ၵေႇ​လႄႈ ပျေႉ​ၸုမ်ႇ​ဝႆႉ​တင်း​တုၵ်ႉ​ၶႃႉ​တၢင်း​ၽၢၼ်​တီႈ​ၶႃႈ​ဢေႃႈ။-</verse>
				<verse number="2">မၼ်း​လႆႈ​ၵီႈ​မိူၼ်​ၸိူဝ်ႉ​ၼင်ႇ​လူင်ႇ​မွၵ်ႇ​ၵီႈ​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​ပၢတ်ႇ​ဢၼ်​ထိူဝ်​တီႈ​ၶႃႈ​ဢေႃႈ။ မၼ်း​ၸၢင်ႈ​ၶၢႆႉ​ၵႂႃႇ မိူၼ်​ၸိူဝ်ႉ​ၼင်ႇ​ႁူမ်ႈ​ၵွင်ႉ​ငဝ်း​လႄႈ ဢမ်ႇ​တႄႇ​ဢမ်ႇ​ယူႇ​လႃး​လႃး​တီႈ​ၶႃႈ။-</verse>
				<verse number="3">ၸဝ်ႈ​ႁဝ်း​ၽုၺ်ႇ​တႃ​မိုၼ်း​တႃ​ၸူး​တီႈ​ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ​တီႈ​ၶႃႈ​ႁိုဝ်။ ၸဝ်ႈ​ႁဝ်း​တၵ်း​ၽၢၵ်ႈ​ၵၼ်​တင်း​ၶႃႈ​ၸဝ်ႈ​သေ​လႄႈ​ထူပ်း​တြႃး​တီႈ​ၶႃႈ​ႁိုဝ်။-</verse>
				<verse number="4">ၽူႈ​လႂ်​ႁႂ်ႈ​လွင်ႈ​တၢင်း​ဢၼ်​မူတ်း​သႂ် ဢွၵ်ႇ​သေ​ၵႃႈ​ၼႂ်း​လွင်ႈ​တၢင်း​ဢၼ်​ဢမ်ႇ​မူတ်း​သႂ်​မႃး​လႆႈ​တီႈ​ၶႃႈ။ ၽူႈ​လႂ်​ဢမ်ႇ​ႁႂ်ႈ​ဢွၵ်ႇ​မႃး​လႆႈ​တီႈ​ၶႃႈ။-</verse>
				<verse number="5">ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​မၢတ်ႈ​မၢႆ​မိုဝ်ႉ​ဝၼ်း​မၼ်း​တင်း​လၢႆ​လႄႈ ႁူႉ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​လိူၼ်​ဢၼ်​မၼ်း​လႆႈ​ယူႇ​ၼၼ်ႉ​သေ​ယဝ်ႉ၊ ဝႆႉ​တၢင်း​ဢၼ်​ၶၼ်ႈ​ဢၼ်​ၶႅၼ်ႈ ဢၼ်​မၼ်း​ဢမ်ႇ​ပူၼ်ႉ​ဢမ်ႇ​ပႅၼ်​လႆႈ​ၼၼ်ႉ​လႄႈ၊-</verse>
				<verse number="6">ၶႅၼ်း​တေႃႈ​ဝၢႆႇ​ၼႃႈ​ၸဝ်ႈ​ႁဝ်း​ပႅတ်ႈ​သေ​ၵႃႈ​တီႈ​မၼ်း​လႄႈ ပၼ်​ဢၶႂၢင်ႉ​ဢၼ်​မၼ်း​လႆႈ​ယူႇ ၼိမ်​ၼိမ်​လီ​လီ​တေႃႇ​ထိုင်​ႁွတ်ႈ​ထၼ်ႈ​ပေႃး မၼ်း​လႆႈ​ပူၼ်ႉ​မိုဝ်ႉ​ပူၼ်ႉ​ဝၼ်း​မၼ်း​ၵႂႃႇ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ၵိၼ်​ၸၢင်ႈ​ၵိၼ်​ငႃ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="7">ပိၵ်ႉ​သမ်ႉ​ပမ်ႈ​တူၼ်ႈ​မႆႉ​လူမ်ႉ​ပႅတ်ႈ​သေ​ၵေႃႈ တေႃ​မၼ်း​တၵ်း​တႅၵ်ႇ​ၵိင်ႇ​တႅၵ်ႇ​ႁုၼ်ႈ​ဢွၵ်ႇ​မႃး ၵိင်ႇ​မၼ်း​ႁုၼ်ႈ​မၼ်း​ၼၼ်ႉ တၵ်း​ဢမ်ႇ​သုတ်း​ၵႂႃႇ​ထၢတ်ႇ​ၵႂႃႇ​ဝႃႈ​ၼႆ မီး​တီႈ​မုင်ႈ​တီႈ​မွင်း​တီႈ​ၶႃႈ​ဢေႃႈ။-</verse>
				<verse number="8">ပိၵ်ႉ​သမ်ႉ​ႁၢၵ်ႈ​မၼ်း​ၵႃႈ​ၼႂ်း​လိၼ်​ၵဝ်ႇ​ၵႂႃႇ​မွင်​ၵႂႃႇ​လႄႈ တေႃ​မၼ်း​ၵႃႈ​ၼိူဝ်​လိၼ်​တၢႆ​သေ​ၵေႃႈ။-</verse>
				<verse number="9">တၵ်း​တႅၵ်ႇ​ၵိင်ႇ​တႅၵ်ႇ​ႁုၼ်ႈ​ဢွၵ်ႇ​မႃး ၵွပ်ႈ​ပိူဝ်ႈ​ဢၢႆ​ၼမ်ႉ​လႄႈ ပျေႉ​ၸုမ်ႇ​ဝႆႉ​တင်း​ၵိင်ႇ​တင်း​ၶႃႊ​မိူၼ်​ၸိူဝ်ႉ​ၼင်ႇ​တူၼ်ႈ​ၵႃႈ​ၼၼ်ႉ​ဢေႃႈ။-</verse>
				<verse number="10">ၵူၼ်း​ၸမ်ႉ၊ ၸၢင်ႈ​တၢႆ​လႄႈ ပူၺ်ႇ​လၢၼ်ႈ​လူႉ​လႅဝ်​ၵႂႃႇ​ဢေႃႈ။ ၵူၼ်း​ၼႆႉ​ၶျုၵ်ႈ​ဢသၢၵ်ႈ​ယဝ်ႉ​လႄႈ​မီး​ၵႃႈ​လႂ်။-</verse>
				<verse number="11">ၸိူဝ်ႉ​ၼင်ႇ​ဢၼ်​ၼမ်ႉ​သဵင်ႈ​ႁၢႆ​ၵႂႃႇ ၵႃႈ​တီႈ​ဢိူင်ႇ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ဢၼ်​ၼမ်ႉ​ႁွင်ႈ​ယူတ်း​ၵႂႃႇ​ႁႅင်ႈ​ၵႂႃႇ​ၼၼ်ႉ၊-</verse>
				<verse number="12">ၵူၼ်း​ၼႆႉ​ၼွၼ်း​လပ်း​သေ​လႄႈ ၵမ်း​လိုၼ်း​ဢမ်ႇ​လႆႈ​လုၵ်ႉ။ ဢမ်ႇ​လႆႈ​တိုၼ်ႇ​မႃး​တေႃႇ​ထိုင်​ႁွတ်ႈ​ၽႃႉ​ၵၢင်​ႁၢဝ်​ထၼ်ႈ​ပေႃး​သဵင်ႈ​ၵႂႃႇ​သုတ်း​ၵႂႃႇ​ၼၼ်ႉ​လႄႈ ဢမ်ႇ​လႆႈ​ၶၢမ်ႇ​တၢင်း​ဢၼ်​ပူၵ်း​တိုၼ်ႇ​သေ​ၵႃႈ​ၼႂ်း​တၢင်း​ဢၼ်​ၼွၼ်း​လပ်း​ၼၼ်ႉ​တီႈ​ၶႃႈ၊</verse>
				<verse number="13">ႁႂ်ႈ​ၸဝ်ႈ​ႁဝ်း​ဢဝ်​ၶႃႈ​ၸဝ်ႈ​သိူင်ႇ​သိမ်း​ဝႆႉ​ၵႃႈ​ၼႂ်း​မိူင်း​မရၼႃႉ​သေ​ၵမ်း​လူၺ်ႈ။ ႁႂ်ႈ​ၸဝ်ႈ​ႁဝ်း​ဢဝ်​ၶႃႈ​ၸဝ်ႈ ႁႄႉ​လပ်ႉ​ဝႆႉ​တေႃႇ​ထိုင်​ႁွတ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​ထၼ်ႈ​ပေႃး​ပူၼ်ႉ​ၵႂႃႇ​ၼၼ်ႉ​သေ​ၵမ်း​လူၺ်ႈ။ ႁႂ်ႈ​ၸဝ်ႈ​ႁဝ်း​မၵ်း​ၶိၼ်း​ဝႆႉ ၶိင်ႇ​မၼ်း​တီႈ​ၶႃႈ​ၸဝ်ႈ​သေ​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="14">ၵူၼ်း​ၼႆႉ​ပေႃး​တၢႆ​ၸိုင်၊ ဢသၢၵ်ႈ​တၵ်း​ၶိုၼ်း​လိပ်း​တီႈ​ၶႃႈ​ႁိုဝ်။ ၸူဝ်ႈ​ဢၼ်​ၶႃႈ​ၸဝ်ႈ​ဢမ်ႇ​ပႆႇ​ႁွတ်ႈ​ထိုင်​ၶိင်ႇ​ဢၼ်​ၶၢႆႉ​ပုတ်ႈ​ၼၼ်ႉ​ၸိုင် ၶႃႈ​ၸဝ်ႈ​တၵ်း​ယိူၼ်ႉ​ၶၢမ်ႇ​ယူႇ​ၼႂ်း​မိုဝ်ႉ​ဝၼ်း​ဢၼ်​လႆႈ​ၵိုတ်ႉ​ႁၢပ်ႇ​ဢမူႉ ဢၼ်​ယၢပ်ႇ​ၸႂ်​ၽိုတ်ႇ​ၸႂ်​ၼႃႇ​လူင်​လၢင်​တဵမ်​တဵမ်​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="15">ၸဝ်ႈ​ႁဝ်း​ႁွင်ႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​ၶိုၼ်း​ဢိူဝ်​တီႈ​ၶႃႈ​ဢေႃႈ။ ၶႅၼ်း​တေႃႈ​မီး​ၸႂ်​ဢၼ်​ဢဵတ်း​လူ ဢၼ်​မိုဝ်း​ၸဝ်ႈ​ႁဝ်း​ႁဵတ်း​ပဵၼ်​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="16">မိူဝ်ႈ​လဵဝ်​ၼႆႉ​ၸိုင်၊ ၸဝ်ႈ​ႁဝ်း​ၼပ်ႉ​ဢၢၼ်ႇ​ႁွႆး​တိၼ်​ၶႃႈ​ၸဝ်ႈ​တင်း​လၢႆ​ဝႆႉ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ပႂ်ႉ​ဢပႅတ်ႈ​ၶႃႈ​ၸဝ်ႈ​ယူႇ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="17">ၸဝ်ႈ​ႁဝ်း​ဢဝ်​လွင်ႈ​တၢင်း​ဢၼ်​ၶႃႈ​ၸဝ်ႈ​ၽိတ်း​ပိူင်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​သႂ်ႇ​ၼႂ်း​ထူင်​တွၵ်ႇ​တၼ်း​သိၵ်ႈ​ဝႆႉ​လႄႈ ၸဝ်ႈ​ႁဝ်း​ဢဝ်​တူႉ​ၸရိူၵ်ႈ​ဢပႅတ်ႈ​ၶႃႈ​ၸဝ်ႈ မူမ်ႇ​ႁေႃႇ​ယဵပ်ႉ​ၸပ်း​ဝႆႉ​တီႈ​ၶႃႈ​ဢေႃႈ။-</verse>
				<verse number="18">လွႆ​ဢၼ်​ၵိူၼ်ႇ​ပင်း​ၼၼ်ႉ ၸၢင်ႈ​လပ်ႉ​ႁၢႆ​ၵႂႃႇ​လႄႈ မၢၵ်ႇ​ႁိၼ်​မၢၵ်ႇ​ၽႃ​ၸၢင်ႈ​သုတ်ႉ​ၶၢႆႉ​သေ​ၵႃႈ​တီႈ​တီႈ​ယူႇ​မၼ်း​တီႈ​ၶႃႈ​ဢေႃႈ။-</verse>
				<verse number="19">ၼမ်ႉ​တင်း​လၢႆ ၸၢင်ႈ​ႁႂ်ႈ​မၢၵ်ႇ​ႁိၼ်​ယေႃႈ​ၵႂႃႇ​သုတ်ႉ​ၵႂႃႇ​လႄႈ တၢင်း​ဢၼ်​ၼမ်ႉ​ၼွင်း​ထူမ်ႈ​ႁူမ်ႇ​ၼၼ်ႉ ၸၢင်ႈ​ပႃး​ဢဝ်​မုၼ်ႈ​ငႂ်ႈ​မုၼ်ႈ​လိၼ်​ၵႂႃႇ​တီႈ​ၶႃႈ​ဢေႃႈ။ မိူၼ်​ၼင်ႇ​ၼၼ် ၸဝ်ႈ​ႁဝ်း​ယႃႉ​တၢင်း​ဢၼ် ၵူၼ်း​မုင်ႈ​မွင်း​ၼၼ်ႉ​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="20">ၸဝ်ႈ​ႁဝ်း​ပႄႉ​ၼႅင်ႇ​မၼ်း​ယူႇ​သေႇ​သေႇ​လႄႈ မၼ်း​ၸၢင်ႈ​လပ်ႉ​ၵႂႃႇ​ႁၢႆ​ၵႂႃႇ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ၶၢႆႉ​ပုတ်ႈ​ၼႃႈ​မၼ်း​သေ​လႄႈ ပွႆႇ​မၼ်း​ၵႂႃႇ​သေ​တီႈ​ၶႃႈ​ဢေႃႈ။-</verse>
				<verse number="21">ပိၵ်ႉ​သမ်ႉ​လုၵ်ႈ​ၸၢႆး​မၼ်း​တင်း​လၢႆ​ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ​သေ​ၵေႃႈ၊ မၼ်း​ဢမ်ႇ​လႆႈ​ႁူႉ​လႃး​လႃး​တီႈ​ၶႃႈ။ ပိၵ်ႉ​သမ်ႉ​ၶဝ်​ႁွတ်ႈ​ထိုင် တၢင်း​ဢၼ်​ၶျႃး​တူၵ်း​တီႈ​တႅမ်ႇ​သေ​ၵေႃႈ မၼ်း​ဢမ်ႇ​ႁူႉ​သၢႆ​ငၢႆႈ​လွင်ႈ​တၢင်း​ၼၼ်ႉ​တီႈ​ၶႃႈ။-</verse>
				<verse number="22">ၵူၺ်း​ၵႃႈ။ ၼိူဝ်ႉ​ၼင်​တူဝ်​ၶိင်း​မၼ်း​ၶူပ်း​ၶိုၼ်ႈ​ယူႇ​သေ​လႄႈ ဝီႉၺိၺ်ႇ​မၼ်း ၶၢင်း​ၶီ​ၶၢင်း​ၽၢၼ်​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="15">
				<verse number="1">မိူဝ်ႈ​ၼၼ်ႉ​ ဢေးလီႉၽတ်ႉ ​မဵဝ်း​ တေႇမၢၼ်ႇ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ထုၵ်ႇ​လီ​ၶိုၼ်း​လၢတ်ႈ​ၵႂၢမ်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​မိူၼ်​ၸိူဝ်ႉ​ၼင်ႇ​လူမ်း​ၼၼ်ႉ​ႁိုဝ်။ ထုၵ်ႇ​လီ​ႁႂ်ႈ​တွင်ႉ​မၼ်း​တဵမ်​ဝႆႉ​တင်း​လူမ်း​တၢင်း​ဢွၵ်ႇ​ၼၼ်ႉ​ႁိုဝ်။-</verse>
				<verse number="3">ထုၵ်ႇ​လီ​ဢဝ်​တင်း​ၵႂၢမ်း​ဢၼ်​ဢမ်ႇ​မီး​ဢၵျူဝ်း၊ ၵႂၢမ်း​ဢၼ်​ဢမ်ႇ​ႁဵတ်း​ၵျေး​ၸူး​လႆႈ​ၼၼ်ႉ တိူင်ႇ​ပၢင်ႇ​လၢတ်ႈ​ၸႃ​ႁိုဝ်။-</verse>
				<verse number="4">မႂ်း​ၸၢင်ႈ​ၸုၼ်ႉ​ပႅတ်ႈ​တၢင်း​ဢၼ်​ရူဝ်ႇ​သေႇ​ၵူဝ်​ယမ်​မၼ်း​ၸဝ်ႈ​လႄႈ၊ ၸၢင်ႈ​ႁၢမ်ႈ​တၢပ်ႈ​ႁႄႉ​ၶႅၼ် ဝၢတ်ႈ​တၢင်း​ဢၼ်​ႁဵတ်း​သူး​တွင်း​ပထၼႃႇ တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="5">သူပ်း​မႂ်း​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ​မႂ်း​လႄႈ မႂ်း​သုင်း​သွင်ႇ​လိၼ်ႉ​ၵေႃႉ​ဢၼ်​ၸၢင်ႈ​ႁဵတ်း​ပရီႉယႄႇ​ၼၼ်ႉ​ဢေႃႈ။-</verse>
				<verse number="6">ၵဝ်​ဢမ်ႇ​တၢင်ႇ​ဢပႅတ်ႈ​တီႈ​မႂ်း။ သူပ်း​မႂ်း​တၢင်ႇ​ဢပႅတ်ႈ​မႂ်း​ဢေႃႈ။ သီႇ​သူပ်း​မႂ်း​ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။-</verse>
				<verse number="7">မႂ်း​ပဵၼ်​ၵေႃႉ​ဢၼ်​ၵိူတ်ႇ​လဵင်ႉ​ဢွၼ်​တၢင်း​သုတ်း​ပိူၼ်ႈ​ႁိုဝ်။ မႂ်း​လႆႈ​ၶၢမ်ႇ​တၢင်း​ဢၼ်​ပေႃႇ​ပဵၼ်​မႃး ၸူဝ်ႈ​ဢၼ်​လွႆ​တင်း​လၢႆ​ဢမ်ႇ​ပႆႇ​ပေႃႇ​ပႆႇ​မီး​ၼၼ်ႉ​ႁိုဝ်။-</verse>
				<verse number="8">မႂ်း​ယၢမ်ႈ​တွၼ်ႉ​လႆႈ​ထွမ်ႇ​လႆႈ​ငိၼ်း တၢင်း​ဢၼ်​ၽြႃး​ပဵၼ်​ၸဝ်ႈ တဵတ်ႇ​တဵတ်ႇ​ၵျၢမ်ႇ​ပွင်​ၵႃႈ​ၼႂ်း​ၸႂ်​မၼ်း​ၸဝ်ႈ​ၼၼ်ႉ​ႁိုဝ်။ မႂ်း​လႆႈ​သိမ်း​ဢဝ်​ပိင်ႇ​ၺႃႇ​တင်း​သဵင်ႈ​တင်း​မူတ်း​ဝႆႉ​ၵႃႈ​တီႈ​တူဝ်​မႂ်း​ယဝ်ႉ​ႁိုဝ်။-</verse>
				<verse number="9">လွင်ႈ​တၢင်း​ဢၼ်​ႁဝ်း​ဢမ်ႇ​ႁူႉ​လႄႈ မႂ်း​ႁူႉ​ၼၼ်ႉ​မီး​ၵႃႈ​သင်။ လွင်ႈ​တၢင်း​ဢၼ်​ဢမ်ႇ​ပႃး​ၵႃႈ​ၼႂ်း​ႁဝ်း​လႄႈ မႂ်း​ႁူႉ​သဵင်ႈ​ၼၼ်ႉ​မီး​ၵႃႈ​သင်။-</verse>
				<verse number="10">ၶဝ်​ၸိူဝ်း​ဢၼ်​ႁူဝ်​ႁွၵ်ႇ​ႁူဝ်​ၶၢဝ် ဢိၵ်ႇ​တင်း​ၶဝ်​ၸိူဝ်း​ဢၼ်​ထဝ်ႈ​ၵႄႇ​ၼႃႇ​လူင်​လၢင် ဢၼ်​ဢသၢၵ်ႈ​ယႂ်ႇ​လိူဝ်​တွၼ်း​ၼႃႇ​သေ ပေႃႈ​မႂ်း​ၼၼ်ႉ​ၸိူဝ်း​ၼၼ်ႉ မီး​ယူႇ​ၵႃႈ​ၼႂ်း​ႁဝ်း​ဢေႃႈ။-</verse>
				<verse number="11">လွင်ႈ​တၢင်း​ဢၼ်​သၢၵ်ႈ​သႃႇ​ဢၼ်​ၽြႃး​ပဵၼ်​ၸဝ်ႈ​ပၼ်​တီႈ​မႂ်း​ၸိူဝ်း​ၼၼ်ႉ ပဵၼ်​ဢၼ်​လဵၵ်ႉ​ဢၼ်​ၵေႇ​ႁိုဝ်။ ၵႂၢမ်း​ဢၼ်​လၢတ်ႈ​ဢူၼ်ႈ​ဢူၼ်ႈ​ဢွၼ်ႇ​ဢွၼ်ႇ​တီႈ​မႂ်း​ၼၼ်ႉ ဢမ်ႇ​ပွင်ႇ​လွင်ႈ​ၵႃႈ​သင်​ႁိုဝ်။-</verse>
				<verse number="12">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ ဝႄႈ​ပိူင်ႈ​ၵႂႃႇ​ၼင်ႇ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၽႅပ်ႉ​တႃ​ယုပ်း​တႃ​မႂ်း​ၸူး။-</verse>
				<verse number="13">ႁႂ်ႈ​ထၼ်ႈ​ပေႃး​ၸႂ်​သၽေႃး​မႂ်း​ၼၼ်ႉ ပဵၼ်​ဢၼ်​ၶတ်း​ၵၼ်​တင်း​ၽြႃး​ပဵၼ်​ၸဝ်ႈ​လႄႈ ပၼ်​ဢၶႂၢင်ႉ​ၵႂၢမ်း​ဢၼ်​ၸိူဝ်ႉ​ၼင်ႇ​ၼၼ် လႆႈ​ဢွၵ်ႇ​ၵႃႈ​ၼႂ်း​သူပ်း​မႂ်း​ၼင်ႇ​ႁိုဝ်။-</verse>
				<verse number="14">ၵူၼ်း​ၸိုင် ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​လႄႈ​မူတ်း​သႂ်​လႆႈ။ ၵေႃႉ​ဢၼ်​ၵိူတ်ႇ​လဵင်ႉ​မႃး​တီႈ​မႄႈ​ယိင်း​ၼၼ်ႉ ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​လႄႈ​သိုဝ်ႈ​တေႃႇ​လႆႈ။-</verse>
				<verse number="15">တူၺ်း​လူး၊ မၼ်း​ၸဝ်ႈ​ဢမ်ႇ​ယုမ်ႇ​ၶဝ်​ၸိူဝ်း​ဢၼ်​မူတ်း​ၸၢင်ႇ​မၼ်း​ၸဝ်ႈ​တင်း​လၢႆ​ၼၼ်ႉ။ ၽုင်ႇ​ၵၢင်​ႁၢဝ်​ၵေႃႈ​ဢမ်ႇ​မူတ်း​သႂ်​သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ။-</verse>
				<verse number="16">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ တီႈ​ၵူၼ်း​သတ်ႉတဝႃႇ ဢၼ်​ႁၢႆႉ​ယုတ်ႈ​လီ​ႁင်ႈ​ဢဵတ်ႇ​သဵတ်ႇ​လႄႈ သူတ်ႉ​ၵိၼ်​တူႉ​ၸရိူၵ်ႈ​ဢပႅတ်ႈ​မိူၼ်​ၸိူဝ်ႉ​ၼင်ႇ​ဢၼ်​သူတ်ႉ​ၵိၼ်​ၼမ်ႉ​ၼၼ်ႉ​ယူႇ​ၼႆႉ တၵ်း​မီး​တီႈ​လၢတ်ႈ​ၸိူဝ်ႉ​ၼင်ႇ​ႁိုဝ်။</verse>
				<verse number="17">ထွမ်ႇ​ငိၼ်း​ၵႂၢမ်း​ၵဝ်​တႃႉ။ ၵဝ်​တၵ်း​ၽုၺ်ႇ​ဢွၵ်ႇ​ၼႄ​ပျႃး​တီႈ​မႂ်း​ဢေႃႈ။ ၵဝ်​တၵ်း​မွၵ်ႇ​လၢတ်ႈ​လွင်ႈ​တၢင်း​ဢၼ်​ၵဝ်​လႆႈ​ႁၼ်၊-</verse>
				<verse number="18">လွင်ႈ​တၢင်း​ဢၼ်​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ ယင်း​ဢမ်ႇ​သိူင်ႇ​ဢမ်ႇ​မႅပ်ႉ​လႄႈ​ယၢမ်ႈ​တွၼ်ႉ​လၢတ်ႈ​ယူႇ​ၸႃႉ​ၸဵမ်​ၸူဝ်ႈ​ပူႇ​ပၢၼ်​မွၼ်ႇ။-</verse>
				<verse number="19">ဢၼ်​ဢမ်ႇ​လေႃး​လႄး​လူၺ်ႈ​ၵၼ်​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​လႄႈ မဵဝ်း​တူဝ်​ၸဝ်ႈ​ၵဝ်ႇ​မဵဝ်း​လဵဝ်​ၵူၺ်း လႆႈ​ပိူင်ႇ​လိၼ်​ၼၼ်ႉ​ၸိူဝ်း​ၼၼ်ႉ​တီႈ​မႂ်း​ဢေႃႈ။-</verse>
				<verse number="20">ၵေႃႉ​ဢၼ်​ႁၢႆႉ​ၼၼ်ႉ လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ် ၸူဝ်ႈ​ဢသၢၵ်ႈ​ဢၼ်​ဝႃႈ ၶူပ်ႇ​ပီႊ​ဢၼ်​ၼပ်ႉ​ဢၢၼ်ႇ​လႄႈ သိမ်း​ဝႆႉ​ပုၼ်ႈ​ၵေႃႉ​ဢၼ်​ၸၢင်ႈ​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ဢေႃႈ။-</verse>
				<verse number="21">သဵင်​တၢင်း​ဢၼ်​လီ​ၵူဝ်​လီ​ႁႄ​ၼၼ်ႉ မီး​ယူႇ​ၵႃႈ​ၼႂ်း​ႁူ​မၼ်း​လႄႈ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၸၢမ်ႇ​ၸႃး​ၸေး​ၸိမ်ႇ​ယူႇ​ၼၼ်ႉ၊ ၵေႃႉ​ဢၼ်​ႁိမ်​ႁူင်ႇ​ၼၼ်ႉ​ပေႃႇ​မႃး​ဢေႃႈ။-</verse>
				<verse number="22">မၼ်း​ဢမ်ႇ​ယုမ်ႇ​လွင်ႈ​ဢၼ်​မၼ်း​တၵ်း​လုၵ်ႉ​သေ​ၵႃႈ​ၼႂ်း​လပ်း​သိင်ႇ​ၶိုၼ်ႈ​မႃး​ၼၼ်ႉ။ လၢပ်ႇ​လႅဝ်း​ပႂ်ႉ​လွမ်​ပႂ်ႉ​တူၺ်း​မၼ်း​ယူႇ​ဢေႃႈ။-</verse>
				<verse number="23">မၼ်း​လႆႈ​လႄႇ​လဵပ်ႈ​လႄႇ​ႁႃ တၢင်း​ၵိၼ်​တၢင်း​ၶူပ်း​မၼ်း​လႄႈ​ဝႃႈ၊ မီး​ၵႃႈ​လႂ်၊ ဝႃႈ​ၼင်ႇ​ၼႆ​လႄႈ၊ မၼ်း​ႁူႉ​လွင်ႈ​ဢၼ်​လပ်း​သိင်ႇ​မႄး​ႁႅၼ်း​မီး​ဝႆႉ​ယူႇ​ပုၼ်ႈ​မၼ်း​ၼၼ်ႉ​ဢေႃႈ။-</verse>
				<verse number="24">တုၵ်ႉ​ၶႃႉ​တၢင်း​ဢၼ်​ၶၢၼ်​ၸႂ် ဢိၵ်ႇ​တင်း​ဝူၺ်ႇတၼႃႇ တၢင်း​ဢၼ်​ၸဵပ်း​ၸႂ်​ၸိူဝ်း​ၼၼ်ႉ ၸၢင်ႈ​လွၵ်ႇ​ငိုတ်ႈ​မၼ်း​လႄႈ ၸၢင်ႈ​ပႄႉ​ၼႅင်ႇ​မၼ်း​ယူႇ​မိူၼ်​ၸိူဝ်ႉ​ၼင်ႇ​ၶုၼ်​ႁေႃ​ၶမ်း ဢၼ်​မႄး​ႁႅၼ်း​ဝႆႉ​ႁႂ်ႈ​လႆႈ​တိုၵ်း​သိုၵ်း​ၼၼ်ႉ​ဢေႃႈ။-</verse>
				<verse number="25">လွင်ႈ​မၼ်း​ၸမ်ႉ မၼ်း​ယိုၼ်ႈ​မိုဝ်း​မၼ်း​ယူႇ​ၽၢႆႇ​ၼိုင်ႈ​တင်း​ၽြႃး​ပဵၼ်​ၸဝ်ႈ​လႄႈ ႁဵတ်း​ၶတ်း​ၶႅင်​ႁႅင်း​တႃႉ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ဢေႃႈ။-</verse>
				<verse number="26">မၼ်း​ယဵတ်ႇ​ၶေႃး​ငိုၼ်း​ၶေႃး​မၼ်း​လႄႈ ပႃး​ဢဝ်​တင်း​ပုင်ႇ​ၸွၼ်း​ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢၼ်​ၼႃ​ၼၼ်ႉ​ယူႇ​သေ​လႄႈ ၶုၼ်ႇ​လႅၼ်ႈ​ႁႂ်ႈ​လႆႈ​တိုၵ်း​တေႃး​မၼ်း​ၸဝ်ႈ​ဢေႃႈ။-</verse>
				<verse number="27">လွင်ႈ​မၼ်း​ၸမ်ႉ မၼ်း​ဢဝ်​တင်း​တၢင်း​ဢၼ်​ပီး​လီ​မၼ်း​လီ​ႁူမ်ႇ​သုမ်ႇ​ၼႃႈ​မၼ်း​ဝႆႉ​လႄႈ ႁႂ်ႈ​ၼင်​တွင်ႉ​ၼင်​ပုမ်​မၼ်း​ပီး​မၼ်း​ထၼ်ႈ​ပေႃး​ပဵၼ်​ၶူၺ်​ပဵၼ်​ႁၢၼ်ႉ​ဝႆႉ​ဢေႃႈ။-</verse>
				<verse number="28">မၼ်း​လႆႈ​ယူႇ​ၵႃႈ​ၼႂ်း​ဝဵင်း​ဢၼ်​ၵူၼ်း​သဵတ်ႇ​ၵူၼ်း​ယဵၼ် ၵႃႈ​တီႈ​ႁိူၼ်း​ဢၼ်​ၽူႈ​လႂ်​ဢမ်ႇ​ယူႇ​ဢမ်ႇ​သဝ်း​လႄႈ ၸမ်​တၵ်း​လူမ်ႉ​တၵ်း​ပင်း​ၼၼ်ႉ​ဢေႃႈ။-</verse>
				<verse number="29">မၼ်း​ဢမ်ႇ​လႆႈ​မၢၵ်ႈ​လႆႈ​မီး ၸေး​ၸိမ်ႇ​မၼ်း​ဢမ်ႇ​လႆႈ​မၼ်ႈ​လႆႈ​ၶိူင်ႇ။ ဢုၵ်ႉ​ၸႃႇ​ၶူဝ်း​လဵင်း​မၼ်း ဢမ်ႇ​လႆႈ​ၽႄႈ​ၵႂၢင်ႈ​ၵႃႈ​ၼိူဝ်​လိၼ်​မိူင်း။-</verse>
				<verse number="30">မၼ်း​ဢမ်ႇ​လႆႈ​လွတ်ႈ​ၽေး​လပ်း​သိင်ႇ။ ပဵဝ်​ၽႆး​တၵ်း​ႁုပ်ႇ​မႆႈ​ၵိင်ႇ​မၼ်း​ၶႃႊ​မၼ်း​ဢေႃႈ။ မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ၽဵဝ်ႈ​ပႅတ်ႈ လူၺ်ႈ​လူမ်း​သူပ်း​မၼ်း​ၸဝ်ႈ​ဢေႃႈ။-</verse>
				<verse number="31">ယႃႇ​ပေ​ႁႂ်ႈ​မၼ်း​ၶၢမ်ႇ​တၢင်း​ဢၼ်​ပႅတ်ႉ​လႅၼ်​သေ​လႄႈ သွၼ်ႈ​ပိုင်ႈ​ဢၼတ်ႉတႃႉ​သေ​ၵမ်း။ ပေႃး​ဢမ်ႇ​ၼၼ် မၼ်း​တၵ်း​လႆႈ​ၶၢမ်ႇ​ဢၵျူဝ်း​ဢၼတ်ႉတႃႉ​ဢေႃႈ။-</verse>
				<verse number="32">ၸူဝ်ႈ​ဢၼ်​ၶိင်ႇ​မၼ်း​ဢမ်ႇ​ပႆႇ​ၸေး​ၼၼ်ႉ၊ တၵ်း​ႁွတ်ႈ​ထိုင်​တၢင်း​ဢၼ်​သုမ်း​ၸွမ်း​ဢေႃႈ။ တူၼ်ႈ​ထၢၼ်​မၼ်း​ၼၼ်ႉ ဢမ်ႇ​လႆႈ​ၶဵဝ်​လႆႈ​လိပ်း၊-</verse>
				<verse number="33">မၼ်း​တၵ်း​လႆႈ​လူၼ်ႇ​ႁူင်ႈ​မၢၵ်ႇ​မၼ်း ဢၼ်​ဢမ်ႇ​သုၵ်း​ၼၼ်ႉ​ပႅတ်ႈ မိူၼ်​ၸိူဝ်ႉ​ၼင်ႇ​ၶိူဝ်း​မၢၵ်ႇ​ၸပိတ်ႈ​ၼၼ်ႉ​လႄႈ လူၼ်ႇ​ႁူင်ႈ​မွၵ်ႇ​မၼ်း​ပႅတ်ႈ မိူၼ်​ၸိူဝ်ႉ​ၼင်ႇ​တူၼ်ႈ​ သၢၼ်ႇလုၼ်ႇ ​ၼၼ်ႉ​ဢေႃႈ။-</verse>
				<verse number="34">ၵူၼ်း​ႁိူၼ်း​ၵူၼ်း​ယေး​ဢႃႉထမ်ႇမႃႉ​ၸိူဝ်း​ၼၼ်ႉ​တၵ်း​သဵတ်ႇ​ယဵၼ်​လႄႈ ၽႆး​တၵ်း​မႆႈ​မူဝ်းၵႃႇ​တီႈ​ယူႇ​တီႈ​သဝ်း​ၶဝ်​ၸိူဝ်း​ၼၼ်ႉ ၵိၼ်​လၢၵ်ႈ​သွင်ႇ​ၼၼ်ႉ​ပႅတ်ႈ​ဢေႃႈ။-</verse>
				<verse number="35">ၶဝ်​ၼၼ်ႉ ၸၢင်ႈ​ဢွၼ်​ၵၼ်​ပႃး​ပတိၵ်ႉသၼ်ႇထေႇ တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​လႄႈ ၵိူတ်ႇ​လဵင်ႉ​ဢၼတ်ႉတႃႉ​မႃး​ဢေႃႈ။ တွင်ႉ​ၶဝ်​ပုမ်​ၶဝ်​ၼၼ်ႉ ၸၢင်ႈ​ပႃး​တွင်ႉ​ပႃး​မၼ်း​မူႉ​သႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="16">
				<verse number="1">မိူဝ်ႈ​ၼၼ်ႉ​ ယေႃးၽႃႉ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">ၵဝ်​ယၢမ်ႈ​လႆႈ​ငိၼ်း​ၵႂၢမ်း​ၸိူဝ်ႉ​ၼင်ႇ​ၼၼ်​ၼမ်​ၼႃႇ​ယဝ်ႉ​ယဝ်ႉ။ သူ​ၵႃႈ​မီး​ၼႆႉ ဢွၼ်​ၵၼ်​ႁဵတ်း​ႁႂ်ႈ​ပေႇ​ၸႂ်​ၼိမ်​ၸႂ်​လႄႈ ပဵၼ်​ၵေႃႉ​ဢၼ်​ႁဵတ်း​ႁႂ်ႈ​ၶၢၼ်​ၸႂ်​ယၢပ်ႇ​ၸႂ်​ၵႂႃႇ​လူင်​ပႄႇ။-</verse>
				<verse number="3">ၵႂၢမ်း​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ ဢမ်ႇ​သဵင်ႈ​ဢမ်ႇ​မူတ်း​လႆႈ​ႁိုဝ်။ ၵႃႈ​သင်​ႁႂ်ႈ​မႂ်း​ႁတ်း​ႁၢၼ်​ထၼ်ႈ​ပေႃး​ႁႂ်ႈ​မႂ်း​ၶိုၼ်း​တွပ်ႇ​ၵႂၢမ်း​လၢတ်ႈ​ၵႂၢမ်း။-</verse>
				<verse number="4">ၵဝ်​ၵေႃႈ​လၢတ်ႈ​ၸိူဝ်ႉ​ၼင်ႇ​ဢၼ်​သူ​လၢတ်ႈ​ၼၼ်ႉ​လႆႈ​ယူႇ​ဢေႃႈ။ ပေႃး​ဝီႉၺိၺ်ႇ​သူ မီး​တၢင်​တူဝ်​ဝီႉၺိၺ်ႇ​ၵဝ်​ၼႆႉ​ဝႆႉ​ၸိုင်၊ ၵဝ်​ဢဝ်​ၵႂၢမ်း​ပုမ်ႇ​ၵွင်​ဝႆႉ​ယူႇ​ၽၢႆႇ​ၼိုင်ႈ​တင်း​သူ​လႆႈ​ယူႇ​လႄႈ သၼ်ႇ​ႁူဝ်​ဝႆ​ႁူဝ်​ၵဝ်​ၸူး​သူ​လႆႈ​ဢေႃႈ။-</verse>
				<verse number="5">ၵူၺ်း​ၵႃႈ​ၵဝ်​တၵ်း​ဢဝ်​သူပ်း​ၵဝ်​ပၢၵ်ႇ​ၵဝ်​ပၼ်​ႁႅင်း​တီႈ​သူ​လႄႈ၊ တၢင်း​ဢၼ်​သီႇ​သူပ်း​ၵဝ်​လၢတ်ႈ​ႁႂ်ႈ​ၼိမ်​ၸႂ်​လီ​ၸႂ်​ၼၼ်ႉ တၵ်း​ၸွႆႈ​ထႅမ်​မႃႉ​ၸႃႉ​သူ​ဢေႃႈ။</verse>
				<verse number="6">မိူဝ်ႈ​လဵဝ်​ၼႆႉ​ၸိုင် ပိၵ်ႉ​သမ်ႉ​ၵဝ်​လၢတ်ႈ​သေ​ၵေႃႈ တၢင်း​ဢၼ်​ၵဝ်​မႆႈ​ၸႂ်​ၶီ​ၸႂ်​ၼၼ်ႉ ဢမ်ႇ​သၢၵ်ႈ​သႃႇ။ ပိၵ်ႉ​သမ်ႉ​ၵဝ်​ဢမ်ႇ​လၢတ်ႈ​လႄႈ​ယူႇ​သေ​ၵေႃႈ ဢမ်ႇ​မီး​တၢင်း​ဢၼ်​လၢၵ်ႇ​မႃး​ပိူင်ႈ​မႃး။-</verse>
				<verse number="7">မၼ်း​ၸဝ်ႈ​ႁႂ်ႈ​ၵဝ်​ယၢပ်ႇ​ၸႂ်​ၶၢၼ်​ၸႂ်​ယဝ်ႉ။ ၸဝ်ႈ​ႁဝ်း​တီႇ​ပႅတ်ႈ​ၽဵဝ်ႈ​ပႅတ်ႈ​ႁိူၼ်း​ၶႃႈ​ၸဝ်ႈ​တီႈ​ၶႃႈ​ယဝ်ႉ။-</verse>
				<verse number="8">ၸဝ်ႈ​ႁဝ်း​ယိပ်း​ၵမ်​ဢဝ်​ၶႃႈ​ၸဝ်ႈ မၼ်ႈ​ၼႃႇ​လူင်​လၢင်​သေ​လႄႈ ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​တီႈ​ၶႃႈ​ဢေႃႈ။ တၢင်း​ဢၼ်​ၵဝ်​ယွမ်​ႁဵဝ်ႇ​ၼၼ်ႉ​ၵေႃႈ လုၵ်ႉ​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​လႄႈ ၼႃႈ​တေႃႇ​ၼႃႈ​ယူႇ​သေ​လႄႈ ၶၢမ်ႇ​သၢၵ်ႈ​သေႇ​ယူႇ​တီႈ​ၶႃႈ​ဢေႃႈ။-</verse>
				<verse number="9">မၼ်း​ၸဝ်ႈ​တိုတ်ႉ​ဢဝ်​ၶၢတ်ႇ ပဵၼ်​ပွတ်း​ပဵၼ်​တွၼ်ႈ​ၼႂ်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၼၼ်ႉ​သေ​လႄႈ ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​ဢေႃႈ။ မၼ်း​ၸဝ်ႈ​ႁဵတ်း​တၢင်း​ဢၼ်​ၵတ်း​ၶဵဝ်ႈ​ၵတ်း​ၽၼ်း​ၵႃႈ​ၼိူဝ်​ၵဝ်​လႄႈ ရၢၼ်ႇ​သူႇ​ၵဝ်​ၼၼ်ႉ ၽႅပ်ႉ​တႃ​ယုပ်း​တႃ​ၸူး​ၵဝ်​ယူႇ​ဢေႃႈ။-</verse>
				<verse number="10">ၶဝ်​ဢွၼ်​ၵၼ်​ဢႃႈ​သူပ်း​ဢႃႈ​ပၢၵ်ႇ​ၸူး​တီႈ​ၵဝ်​လႄႈ ဢွၼ်​ၵၼ်​တူပ်း​ၵႅမ်ႈ​ယႃႉ​သရေႇ​ၵဝ်​ဢေႃႈ။ ၶဝ်​ၽွမ်ႉ​ၵၼ်​ၸူႉ​တုမ်​ယူႇ​ၽၢႆႇ​ၼိုင်ႈ​တင်း​ၵဝ်​ဢေႃႈ။-</verse>
				<verse number="11">ၽြႃး​ပဵၼ်​ၸဝ်ႈ​ဢဝ်​ၵဝ်​ဢၢပ်ႈ​ဝႆႉ​ၵႃႈ​ၼႂ်း​ၶဝ်​ၸိူဝ်း​ဢၼ်​ဢမ်ႇ​တြႃး​လႄႈ မၼ်း​ၸဝ်ႈ​ဢဝ်​ၵဝ်​ထိမ်ႈ​သႂ်ႇ​ဝႆႉ​ၵႃႈ​ၼႂ်း​မိုဝ်း​ၵူၼ်း​ႁၢႆႉ​ၵူၼ်း​မိူၵ်ႈ​တင်း​လၢႆ​ယဝ်ႉ။</verse>
				<verse number="12">ၵဝ်​ယူႇ​တဵတ်ႇ​လီ​ၼိမ်​လီ​ယူႇ​လႄႈ မၼ်း​ၸဝ်ႈ​ႁၵ်း​ႁဵၵ်း​ၵဝ်​ပႅတ်ႈ​ယဝ်ႉ။ မၼ်း​ၸဝ်ႈ​ယုပ်း​ဢဝ်​ၶေႃး​ၵဝ်​သေ​လႄႈ ၽတ်ႉ​ႁႂ်ႈ​ၶၢတ်ႇ​ပဵၼ်​ပွတ်း​ပဵၼ်​တွၼ်ႈ​ယဝ်ႉ။ မၼ်း​ၸဝ်ႈ​ဢဝ်​ၵဝ်​ၶၢၼ်း​ဝႆႉ ပုၼ်ႈ​ၸၢၵ်ႈ​ပုၼ်ႈ​မၢႆ​တီႈ​ဢၼ်​မၼ်း​တၵ်း​ယဵင်း​တၵ်း​ယိုဝ်း​ယဝ်ႉ။-</verse>
				<verse number="13">ႁူဝ်​ႁၢၼ်​ၵူၼ်း​သိုၵ်း​မၼ်း​ၸဝ်ႈ​တင်း​လၢႆ ဢွၼ်​ၵၼ်​လွမ်ႉ​ႁွပ်ႈ​ၵဝ်​ယူႇ​လႄႈ မၼ်း​ၸဝ်ႈ​ယင်း​ဢမ်ႇ​သေ​လၢႆ​လႄႈ ႁႂ်ႈ​ၸူၵ်ႉ​သဵပ်ႇ​သႂ်ႇ​မၢၵ်ႇ​လၼ်း​ၵဝ်​ယဝ်ႉ။ မၼ်း​ၸဝ်ႈ​ဢဝ်​ၼမ်ႉ​ႁူင်း​လီ​ၵဝ် ထွၵ်ႇ​ႁိုဝ်ႈ​ပႅတ်ႈ​ၵႃႈ​ၼိူဝ်​လိၼ်​မိူင်း​ယဝ်ႉ။-</verse>
				<verse number="14">မၼ်း​ၸဝ်ႈ​သိၵ်ႇ​ယႃႉ​ၵဝ်​ပဵၼ်​ႁူး​ပဵၼ်​ႁွႆး​ဝႆႉ​လႄႈ တိုၵ်း​တေႃး​ၵဝ်​မႃး​ယူႇ မိူၼ်​ၸိူဝ်ႉ​ၼင်ႇ​ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="15">ၵဝ်​လႆႈ​ယဵပ်ႉ​ၶူဝ်း​ၼုင်ႈ​ၼင်​ပေႃ​သႂ်ႇ​ၵႃႈ​ၼိူဝ်​ၼင်​တူဝ်​ၵဝ်​လႄႈ လႆႈ​ဢဝ်​ၶဝ်​လႅမ်​ၵဝ်​ၶျႃး​သႂ်ႇ​ဝႆႉ​ၵႃႈ​ၼႂ်း​ၽုၼ်ႇ​မုၵ်ႉ​ယဝ်ႉ။-</verse>
				<verse number="16">ၼႃႈ​ၵဝ်​လူႉ​ယူႇ​လူၺ်ႈ​တၢင်း​ဢၼ်​ႁႆႈ​ဢၼ်​ႁွင်ႉ​လႄႈ ႁူမ်ႈ​တၢင်း​တၢႆ​သုမ်ႇ​ႁူမ်ႇ​ဝႆႉ ၵႃႈ​ၼိူဝ်​ၼင်​တႃ​ၵဝ်​ဢေႃႈ။-</verse>
				<verse number="17">ၼႂ်း​ဝႃႈ​ၼၼ်​သေ​ၵေႃႈ ဢမူႉ​ဢၼ်​ဢမ်ႇ​တြႃး ဢမ်ႇ​မီး​ၵႃႈ​တီႈ​မိုဝ်း​ၵဝ်။ ပထၼႃႇ​ဢၼ်​ၵဝ်​ႁဵတ်း​ၼၼ်ႉ​မူတ်း​သႂ်​ယူႇ​ဢေႃႈ။</verse>
				<verse number="18">လိၼ်​မိူင်း​ဢိူၺ်း၊ ယႃႇ​ပေ​ႁူမ်ႇ​သုမ်ႇ​လိူတ်ႈ​ၵဝ်​ဝႆႉ​သေ​ၵမ်း။ ယႃႇ​ပေ​ႁႂ်ႈ​သဵင်​ဢၼ်​ၵဝ်​သႅၼ်ႇ​ႁွင်ႉ​ၼၼ်ႉ လႆႈ​ၵိုတ်း​ယူႇ​ၵႃႈ​တီႈ​မႂ်း​သေ​ၵမ်း။-</verse>
				<verse number="19">တူၺ်း​လူး၊ မိူဝ်ႈ​လဵဝ်​ၼႆႉ​သၢၵ်ႈ​သေႇ​ၵဝ်​မီး​ယူႇ​ၵႃႈ​ၼိူဝ်​ၵၢင်​ႁၢဝ်​ဢေႃႈ။ ၵေႃႉ​ဢၼ်​ႁႃ​သၽေႃး​ၵဝ်​ၼႆႉ​ၼၼ်ႉ မီး​ယူႇ​ၵႃႈ​တီႈ​ဢၼ်​သုင်​ဢေႃႈ။-</verse>
				<verse number="20">ၵေႃႉ​သေႈ​ၵဝ်​တင်း​လၢႆ​ဢွၼ်​ၵၼ်​သႄႉ​သွမ်း​ၵဝ်​လႄႈ ၼမ်ႉ​တႃ​ၵဝ်​လႆႈ​တူၵ်း​ၸူး​ၵႃႈ​တီႈ​ၽြႃး​ပဵၼ်​ၸဝ်ႈ၊-</verse>
				<verse number="21">ႁႂ်ႈ​မၼ်း​ၸဝ်ႈ​လႆႈ​ႁႂ်ႈ​ဢၶႂၢင်ႉ​ဢၼ် ၵူၼ်း​လႆႈ​ၶၢမ်ႇ​ဢၼ်​တြႃး​တီႈ​ၽြႃး​ပဵၼ်​ၸဝ်ႈ​ၼၼ်ႉ မၼ်ႈ​ၶိူင်ႇ​မိူၼ်​ၸိူဝ်ႉ​ၼင်ႇ​ဢၶႂၢင်ႉ​ဢၼ်​ၵူၼ်း​ၸၢင်ႈ​မီး​တီႈ​ၵူၼ်း​ႁိူၼ်း​ၸမ်​ၵၼ်​ၼၼ်ႉ​ဢေႃႈ။-</verse>
				<verse number="22">ၸူဝ်ႈ​ဢၼ်​ၶူပ်ႇ​ၼီႈ​ပီႊ​မိူင်း​ဢမ်ႇ​ပႆႇ​ထၢၼ်ႇ​ႁိုင်​ထၢၼ်ႇ​ၼၼ်ႉ​ၼၼ်ႉ ၵဝ်​တၵ်း​လႆႈ​ၵႂႃႇ​ၸွမ်း​သဵၼ်ႈ​တၢင်း​ဢၼ်​ၵဝ်​ဢမ်ႇ​လႆႈ​ၶိုၼ်း​မႃး​ၼၼ်ႉ​ဢေႃႈ။</verse>
			</chapter>
			<chapter number="17">
				<verse number="1">ဢသၢၵ်ႈ​ၵဝ်​သဵင်ႈ​မူတ်း​ယဝ်ႉ။ မိုဝ်ႉ​ဝၼ်း​ဢၼ်​ၵဝ်​လႆႈ​ယူႇ​ၼၼ်ႉ​ပူၼ်ႉ​ယဝ်ႉ။ ပႃႇ​ႁဵဝ်ႈ​သၢင်း​ၶႅင်း​ၼၼ်ႉ ပဵၼ်​ပုၼ်ႈ​ၵဝ်​ဢေႃႈ။-</verse>
				<verse number="2">ၶဝ်​ၸိူဝ်း​ဢၼ်​ၸၢင်ႈ​သႄႉ​သွမ်း​ၼၼ်ႉ ဢွၼ်​ၵၼ်​မီး​ယူႇ​လူၺ်ႈ​ၵၼ်​တင်း​ၵဝ်​ဢမ်ႇ​ၸႂ်ႈ​ႁိုဝ်။ မၢၵ်ႇ​တႃ​ၵဝ်​လႆႈ​တူၺ်း​လႆႈ​ႁၼ် လွင်ႈ​တၢင်း​ဢၼ်​ၶဝ်​ယႃႉ​ယူၵ်ႉ​ၼၼ်ႉ​ယူႇ​သေႇ​သေႇ​ဢမ်ႇ​ၸႂ်ႈ​ႁိုဝ်။-</verse>
				<verse number="3">ၶႅၼ်း​တေႃႈ​ဝႆႉ​ဢၼ်​ပွင်ႇ​ဢၼ်​ၵမ်ႉ​သေ​လႄႈ ပဵၼ်​ၵေႃႉ​ဢၼ်​ႁပ်ႉ​တုင်း​ဢဝ်​ၶႃႈ​ၸဝ်ႈ​ႁဝ်း​ဝႆႉ​တီႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၽူႈ​လႂ်​တၵ်း​တူပ်း​မိုဝ်း​ၵၼ်​တင်း​ၵဝ်။-</verse>
				<verse number="4">ပိူဝ်ႈ​ဢၼ်​ၸဝ်ႈ​ႁဝ်း​ႁႄႉ​လပ်ႉ​ႁူဝ်​ၸႂ်​ၶဝ်​ဝႆႉ​သေ​ၵႃႈ​တီႈ​ၺၢၼ်ႇ​လႄႈ ၸဝ်ႈ​ႁဝ်း​ဢမ်ႇ​ယုၵ်ႉ​ယွင်ႈ​ၶဝ်​တီႈ​ၶႃႈ။-</verse>
				<verse number="5">ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ဢဝ်​ၵေႃႉ​သေႈ​မၼ်း​ဢၢပ်ႈ​ႁႂ်ႈ​လႆႈ​ၶၢမ်ႇ​တၢင်း​ဢၼ်​ႁိမ်​ဢၼ်​ႁူင်ႇ​ၼၼ်ႉ မၢၵ်ႇ​တႃ​လုၵ်ႈ​လၢင်း​မၼ်း​ၼၼ်ႉ​တၵ်း​လႆႈ​မူၼ်ႇ​ၵႂႃႇ​မူဝ်း​ၵႂႃႇ​ဢေႃႈ။-</verse>
				<verse number="6">မၼ်း​ၸဝ်ႈ​ႁႂ်ႈ​ၵဝ်​ပဵၼ်​လွင်ႈ​ဢၼ်​ပိူၼ်ႈ​လီ​သႄႉ​သွမ်း​လႄႈ ၵဝ်​လႆႈ​ပဵၼ်​ၵေႃႉ​ဢၼ်​ပိူၼ်ႈ​ထူမ်ႇ​ၼမ်ႉ​လၢႆး​သႂ်ႇ​ၵႃႈ​တီႈ​ၼႃႈ​ဢေႃႈ။-</verse>
				<verse number="7">မၢၵ်ႇ​တႃ​ၵဝ်​ၼႆႉ​မူၼ်ႇ​ၵႂႃႇ​မူဝ်း​ၵႂႃႇ ၵွပ်ႈ​ပိူဝ်ႈ​ဢၼ်​တၢင်း​ဢၼ်​ငိၼ်း​ၽၢၼ်​ထိုင်​ၸႂ်​ႁႅင်း​ယႂ်ႇ​ၼႃႇ​ၼၼ်ႉ​လႄႈ ဢၢင်ႇ​ၵႃႇ​ၵဝ်​တင်း​သဵင်ႈ​တင်း​လူင် လႆႈ​ပဵၼ်​မိူၼ်​ၸိူဝ်ႉ​ၼင်ႇ​ႁူမ်ႈ​ၵွင်ႉ​ငဝ်း​ဢေႃႈ။-</verse>
				<verse number="8">ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ဢွၼ်​ၵၼ်​ၵိုတ်း​မိုင်​ၵႂင်​ၸႂ် ၵွပ်ႈ​ပိူဝ်ႈ​ဢမူႉ​ၼႆႉ​လႄႈ ၶဝ်​ၸိူဝ်း​ဢၼ်​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ တၵ်း​ဢွၼ်​ၵၼ်​တိုၵ်း​ယူင်း​တူဝ်​ၸဝ်ႈ​ၵဝ်ႇ​ယူႇ​ၽၢႆႇ​ၼိုင်ႈ တင်း​ၵူၼ်း​ဢႃႉထမ်ႇမႃႉ​တင်း​လၢႆ​ဢေႃႈ။-</verse>
				<verse number="9">ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ဢွၼ်​ၵၼ်​မီး​တၢင်း​ဢၼ်​တႄႇ​ၼိမ်​လႄႈ ၶဝ်​ၸိူဝ်း​ဢၼ်​မိုဝ်း​မူတ်း​သႂ်​ၼၼ်ႉ တၵ်း​ဢွၼ်​ၵၼ်​မီး​တၢင်း​ဢၼ်​ႁႅင်း​ၽႄႈ​ၵႂၢင်ႈ​ၼမ်​မႃး​ဢေႃႈ။-</verse>
				<verse number="10">သူ​ၼႆႉ​ၸမ်ႉ၊ ဢွၼ်​ၵၼ်​ၶိုၼ်း​မိူဝ်း​ၵႂႃႇ။ ယႃႇ​ပေ​ႁႂ်ႈ​ၵိုတ်း​ႁႂ်ႈ​ၵျၢၼ်ႇ​သေ​ၵေႃႉ​သေ​ၵူၼ်း​လႄႈ သမ်ႉ​ၶိုၼ်း​ဢွၼ်​ၵၼ်​မႃး​တႃႉ။ ၵဝ်​ဢမ်ႇ​ထူပ်း​ၵေႃႉ​ဢၼ်​မီး​ပိင်ႇ​ၺႃႇ​ၵႃႈ​ၼႂ်း​သူ​ၼႆႉ​သေ​ၵေႃႉ​သေ​ၵူၼ်း​လႆႈ။</verse>
				<verse number="11">မိုဝ်ႉ​ဝၼ်း​ၵဝ်​ပူၼ်ႉ​ယဝ်ႉ။ တၢင်း​ၵျၢမ်ႇ​တၢင်း​ပွင်​ၵဝ်​ဢၼ်​ဝႃႈ​ၽၼ်ႇတႃႇ​ႁူဝ်​ၸႂ်​ၶဝ်​ၸိူဝ်း​ၼၼ်ႉ ဢွၼ်​ၵၼ်​ႁွတ်ႈ​ထိုင်​တၢင်း​ဢၼ်​ႁၵ်း​ႁဵၵ်း​လူႉ​လႅဝ်​ယဝ်ႉ။-</verse>
				<verse number="12">ၵႃ​ၶိုၼ်း​ပဵၼ်​ၸိူဝ်ႉ​ၼင်ႇ​ၵႃ​ဝၼ်း​ၵႃႈ​တီႈ​ၵဝ်​လႄႈ ဢၼ်​လႅင်း​ၸပ်း​ၸမ်​ၵၼ်​တင်း​လပ်း​သိင်ႇ​ဢေႃႈ။-</verse>
				<verse number="13">ၵဝ်​မုင်ႈ​မွင်း​လွင်ႈ​ဢၼ် ပႃႇ​ႁဵဝ်ႈ​သၢင်း​ၶႅင်း​တၵ်း​ပဵၼ်​တီႈ​ယူႇ​တီႈ​သဝ်း​ၵဝ်​ၼၼ်ႉ​လႄႈ ၵဝ်​ဢဝ်​တီႈ​ၼွၼ်း​သိူဝ်ႇ​ဝႆႉ​ၵႃႈ​ၼႂ်း​လပ်း​သိင်ႇ​ဢေႃႈ။-</verse>
				<verse number="14">ၵဝ်​လႆႈ​လၢတ်ႈ​တီႈ​တၢင်း​ဢၼ်​တူႇ​ဢၼ်​ၼဝ်ႈ​ၼၼ်ႉ​လႄႈ​ဝႃႈ၊ မႂ်း​ၼႆႉ​ပဵၼ်​ပေႃႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ လႆႈ​လၢတ်ႈ​တီႈ​တူဝ်​ၼွၼ်​ၼၼ်ႉ​လႄႈ​ဝႃႈ၊ မႂ်း​ၼႆႉ​ပဵၼ်​မႄႈ​ၵဝ်၊ ၼွင်ႉ​ယိင်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ပိူဝ်ႈ​ၼႆ​လႄႈ​တီႈ​ဢၼ်​ၵဝ်​လီ​မုင်ႈ​မွင်း​ၼၼ်ႉ​မီး​ၵႃႈ​လႂ်။ ၽူႈ​လႂ်​လႆႈ​ႁၼ်​တီႈ​ဢၼ်​ၵဝ်​လီ​မုင်ႈ​မွင်း​ၼၼ်ႉ။-</verse>
				<verse number="16">လွင်ႈ​တၢင်း​ၼၼ်ႉ တၵ်း​လႆႈ​လူင်း​ၵႂႃႇ​ၸူး​ၵႃႈ​တီႈ​ၵိူၼ်ႇ​ၽၵ်း​တူ​မိူင်း​မရၼႃႉ​လႄႈ တဵတ်ႇ​ယူႇ​ၼိမ်​ယူႇ​ၵႃႈ​တီႈ​မုၼ်ႈ​လိၼ်​လွၼ်ႉ​လွၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">မိူဝ်ႈ​ၼၼ်ႉ​ ပီႉလတတ်ႉ ၵူၼ်း​မဵဝ်း​ သူႉဢႃႇ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">သူ​တၵ်း​ႁႃ​ထွႆႈ​ႁႃ​ၵႂၢမ်း​ယူႇ​ႁိုင်​ၵႃႈ​ႁိုဝ်။ ဢွၼ်​ၵၼ်​ႁဵတ်း​သတီႉ​တႃႉ​ဢိူၺ်း၊ ႁဵတ်း​ၼင်ႇ​ၼၼ်​သေ​ယဝ်ႉ၊ ႁဝ်း​တၵ်း​ဢွၼ်​ၵၼ်​လၢတ်ႈ​ၵႂၢမ်း​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​မၢတ်ႈ​ႁဝ်း​ပဵၼ်​ၸိူဝ်ႉ​ၼင်ႇ​တရိၵ်ႈသၢၼ်ႇ​လႄႈ မၢတ်ႈ​ႁဝ်း​ပဵၼ်​ဢၼ်​ဢမ်ႇ​မူတ်း​သႂ် သိုဝ်ႈ​ၼႃႈ​တႂ်ႈ​တႃ​မႂ်း​ၼင်ႇ​ႁိုဝ်။-</verse>
				<verse number="4">ၵေႃႉ​ဢၼ်​တၢင်း​ၸႂ်​မႆႈ​ၶႆႈ​ၸႃႉ​ဢွၵ်ႇ​လႄႈ​ၶူပ်း​တူဝ်​ၸဝ်ႈ​ၵဝ်ႇ​ၶၢတ်ႇ​ၼႆႉ​ဢိူၺ်း၊ လိၼ်​မိူင်း​တၵ်း​လႆႈ​ၶၢမ်ႇ​တၢင်း​ဢၼ်​ၸုၼ်ႉ​ပႅတ်ႈ​ၵွပ်ႈ​ပိူဝ်ႈ​မႂ်း​ႁိုဝ်။ မၢၵ်ႇ​ႁိၼ်​မၢၵ်ႇ​ၽႃ​တၵ်း​လႆႈ​ၶၢမ်ႇ​တၢင်း​ဢၼ်​ၶၢႆႉ​သေ​ၵႃႈ​တီႈ​တီႈ​ယူႇ​မၼ်း​ႁိုဝ်။-</verse>
				<verse number="5">တၢင်း​ဢၼ်​လႅင်း​ၵေႃႉ​ဢၼ်​ႁၢႆႉ​မိူၵ်ႈ​ၼၼ်ႉ တၵ်း​လပ်ႉ​ႁၢႆ​ၵႂႃႇ​ဢမၢၼ်ႇ​ၶၼ်​ပဵၼ်​လႄႈ ပဵဝ်​ၽႆး​မၼ်း​ဢမ်ႇ​လႆႈ​လုၵ်ႉ​လႆႈ​ႁိူဝ်ႈ။</verse>
				<verse number="6">ဢၼ်​လႅင်း​မူဝ်းၵႃႇ​တီႈ​ယူႇ​တီႈ​သဝ်း​မၼ်း​ၼၼ်ႉ တၵ်း​ပဵၼ်​ဢၼ်​လပ်း​သိင်ႇ​ၵႂႃႇ​လႄႈ တဵၼ်း​ၽႆး​ၵႃႈ​ၼိူဝ်​မၼ်း တၵ်း​မွတ်ႇ​တၵ်း​တၢႆ​ဢေႃႈ။-</verse>
				<verse number="7">တၢင်း​ၵႂႃႇ​တၢင်း​ပႆ​မၼ်း​ဢၼ်​ၵႅၼ်ႇ​ၶႅင်​ႁႅင်း​လီ​ၼႃႇ​ၼၼ်ႉ တၵ်း​ႁွတ်ႈ​ထိုင်​တီႈ​ဢၼ်​ၵိတ်ႇ​ဢၼ်​ၵိၼ်း​လႄႈ တၢင်း​ၵျၢမ်ႇ​တၢင်း​ပွင်​မၼ်း​ၼၼ်ႉ တၵ်း​ႁႂ်ႈ​မၼ်း​တူၵ်း​သုမ်း​ဢေႃႈ။-</verse>
				<verse number="8">တိၼ်​မၼ်း​ၸၢင်ႈ​ႁႂ်ႈ​မၼ်း​ၶဝ်ႈ​ၵႃႈ​ၼႂ်း​ၼႅင်ႈ​ၼႂ်း​ၶႄ​ၵူၺ်း​မၼ်း​လႄႈ မၼ်း​ၸၢင်ႈ​ယဵပ်ႇ​သႂ်ႇ​ၵႃႈ​ၼႂ်း​ၼိူဝ်​တူင်ႇ​ႁႅဝ်ႉ​တူင်ႇ​ၶိုမ်း​ဢေႃႈ။-</verse>
				<verse number="9">ၼဵၼ်​မၼ်း​လုတ်ႈ​သေ​လႄႈ ထုၵ်ႇ​မႅၼ်ႈ​သူၼ်ႈ​တိၼ်​မၼ်း​လႄႈ တူင်ႇ​ႁႅဝ်ႉ​တူင်ႇ​ၶိုမ်း​ႁုတ်ႉ​ဢဝ်​မၼ်း​ဝႆႉ​ဢေႃႈ။-</verse>
				<verse number="10">မီး​တၢင်း​ဢၼ်​ၽင်​ၸိူၵ်ႈ​ၵႃႈ​တီႈ​လိၼ်​ပုၼ်ႈ​မၼ်း​လႄႈ ၵၢင်​ႁၢဝ်း​ဝႆႉ​ၵႃႈ​တီႈ​သဵၼ်ႈ​တၢင်း​ဢၼ်​မၼ်း​ၵႂႃႇ​ၼၼ်ႉ​ယူႇ​ဢေႃႈ။-</verse>
				<verse number="11">လွင်ႈ​တၢင်း​ဢၼ်​လီ​ၵူဝ်​လီ​ႁႄ​တင်း​လၢႆ ဢွၼ်​ၵၼ်​လွမ်ႉ​ႁွပ်ႈ​ဝႆႉ​ယူႇ​ၵူႈ​ၽၢႆႇ​ၵူႈ​ပႃႈ​လႄႈ လိုပ်ႈ​လွမ်ႉ​ၸပ်း​ၸွမ်း​သူၼ်ႈ​တိၼ်​မၼ်း​ဢေႃႈ။-</verse>
				<verse number="12">ႁႅင်း​မၼ်း​ဢူၼ်ႈ​ယွမ်း​ၵႂႃႇ ၵွပ်ႈ​ပိူဝ်ႈ​ဢၼ်​ဢိုပ်း​ဢၼ်​ယၢၵ်ႈ​ၼၼ်ႉ​လႄႈ ၽေး​တၢင်း​ဢၼ်​လူႉ​လႅဝ်​ၼၼ်ႉ မႄး​ႁႅၼ်း​ဝႆႉ​မီး​ၵႃႈ​တီႈ​ႁိမ်း​မၼ်း​ဢေႃႈ။-</verse>
				<verse number="13">ၽေး​ၼၼ်ႉ​တၵ်း​ၶူပ်း​ငၼ်ႈ​ၼိူဝ်ႉ​မၼ်း​ၼင်​မၼ်း​လႄႈ လုၵ်ႈ​ၸၢႆး​တူၼ်ႈ​ၶုၼ်​တၢႆ​ၼၼ်ႉ တၵ်း​ဢိုၼ်​ၵိၼ်​တူဝ်​မၼ်း​ၶိင်း​မၼ်း​ဢေႃႈ။-</verse>
				<verse number="14">မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ထူၺ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​မူဝ်းၵႃႇ​တီႈ​ယူႇ​မၼ်း တီႈ​ဢၼ်​မၼ်း​သွၼ်ႈ​ပိုင်ႈ​ယူႇ​ၼၼ်ႉ​လႄႈ ၶၢမ်ႇ​တၢင်း​ဢၼ်​ဢဝ်​ၵႂႃႇ​သူင်ႇ​ၵႃႈ​တီႈ​ၶုၼ်​ႁေႃ​ၶမ်း​ၽေး​တၢမ်ႇ​ဢေႃႈ။-</verse>
				<verse number="15">ၶဝ်​ၸိူဝ်း​ဢၼ်​ဢမ်ႇ​ၸၢပ်ႈ​ဢမ်ႇ​သႅင်ႇ​တင်း​မၼ်း​ၼၼ်ႉ တၵ်း​ဢွၼ်​ၵၼ်​ယူႇ​ၵႃႈ​ၼႂ်း​မူဝ်းၵႃႇ​တီႈ​ယူႇ​တီႈ​သဝ်း​မၼ်း​ၼၼ်ႉ​လႄႈ ၵႃႈ​ၼိူဝ်​ဢၼ်​မုင်း​မၼ်း​တၵ်း​မီး​တၢင်း​ဢၼ်​ဢဝ်​ၵၢၼ်ႉ ဢွႆ​သႂ်ႇ​ဝႆႉ​ယူႇ​ဢေႃႈ။-</verse>
				<verse number="16">ငဝ်ႈ​မၼ်း​ႁၢၵ်ႈ​မၼ်း​ၵႃႈ​တီႈ​တႂ်ႈ​ၼၼ်ႉ တၵ်း​မီး​တၢင်း​ဢၼ်​ယူတ်း​ႁႅင်ႈ​ၵႂႃႇ​လႄႈ ၵိင်ႇ​မၼ်း​ၶႃႊ​မၼ်း​ၵႃႈ​တီႈ​ၼိူဝ်​ၼၼ်ႉ တၵ်း​မီး​တၢင်း​ဢၼ်​လွၵ်ႈ​ၵႂႃႇ​တၢႆ​ၵႂႃႇ​ဢေႃႈ။-</verse>
				<verse number="17">တီႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း​ၼၼ်ႉ တၵ်း​လူႉ​ႁၢႆ​ၵႂႃႇ​သေ​ၵႃႈ​ၼိူဝ်​လိၼ်​မိူင်း​လႄႈ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​တုၵ်း​ဢမ်ႇ​ႁႃ​ၼႃႇ​မႃႉ​ၸိုဝ်ႈ​သဵင်​မၼ်း ၵႃႈ​ၼႂ်း​သဵၼ်ႈ​တႃႈ​သၢႆ​တၢင်း။-</verse>
				<verse number="18">မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​သေ​ၵႃႈ​ၼႂ်း​ဢၼ်​လႅင်း ၸူး​ၵႃႈ​ၼႂ်း​ဢၼ်​လပ်း​သိင်ႇ​လႄႈ ၶၢမ်ႇ​တၢင်း​ဢၼ်​လိုပ်ႈ​လူၺ်း​ဢွၵ်ႇ​သေ​ၵႃႈ​ၼႂ်း​မိူင်း​ၵူၼ်း​ဢေႃႈ။-</verse>
				<verse number="19">ၼႂ်း​မဵဝ်း​မၼ်း​ၼၼ်ႉ လုၵ်ႈ​လၢၼ်​မၼ်း​တၵ်း​ဢမ်ႇ​လႆႈ​မီး၊ ၵူၼ်း​ႁိူၼ်း​ၵူၼ်း​ယေး​မၼ်း​ဢမ်ႇ​လႆႈ​ၵိုတ်း​ဝႆႉ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း။-</verse>
				<verse number="20">ၶဝ်​ၸိူဝ်း​ဢၼ်​ပဵၼ်​မႃး​လိုၼ်း​မၼ်း​ၼၼ်ႉ ဢွၼ်​ၵၼ်​ၵိုတ်း​မိုင်​ၵႂင်​ၸႂ် ၵွပ်ႈ​ပိူဝ်ႈ​ဢမူႉ​မၼ်း​ၼၼ်ႉ​လႄႈ ၶဝ်​ၸိူဝ်း​ဢၼ်​ပဵၼ်​ဢွၼ်​တၢင်း​မၼ်း​ၼၼ်ႉ ဢွၼ်​ၵၼ်​တူၵ်း​ၸႂ်​ဢေႃႈ။-</verse>
				<verse number="21">တီႈ​ယူႇ​တီႈ​သဝ်း​ၶဝ်​ၸိူဝ်း​ဢၼ်​ႁၢႆႉ​မိူၵ်ႈ​ၼၼ်ႉ မီး​လၢၵ်ႈၶၼႃႇ​ၸိူဝ်ႉ​ၼင်ႇ​ၼၼ်​ဢမၢၼ်ႇ​ၶၼ်​ပဵၼ်​ယဝ်ႉ။ ၵေႃႉ​ဢၼ်​ဢမ်ႇ​ႁူႉ​ၸၵ်း​ၽြႃး​ပဵၼ်​ၸဝ်ႈ​ၼၼ်ႉ တၵ်း​လႆႈ​ႁွတ်ႈ​ထိုင်​တီႈ​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="19">
				<verse number="1">မိူဝ်ႈ​ၼၼ်ႉ​ ယေႃးၽႃႉ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">သူ​တၵ်း​ဢွၼ်​ၵၼ်​ယႃႉ​ယူၵ်ႉ​ၸႂ်​ဝီႉၺိၺ်ႇ​ၵဝ်​လႄႈ ဢဝ်​တင်း​ၵႂၢမ်း​ႁၵ်း​မိတ်း​ၵဝ်​ယူႇ​ႁိုင်​ၵႃႈ​ႁိုဝ်။-</verse>
				<verse number="3">သူ​ဢွၼ်​ၵၼ်​သႄႉ​သွမ်း​ၵဝ်​တေႃႇ​ထိုင်​ႁွတ်ႈ​သိပ်း​ပွၵ်ႈ​ယဝ်ႉ။ သူ​ယင်း​ဢမ်ႇ​မီး​တၢင်း​ဢူၵ်း​တၢင်း​ဢၢႆ​လႄႈ ဢွၼ်​ၵၼ်​ႁဵတ်း​ႁႂ်ႈ​ၵဝ်​လႆႈ​ၵိုတ်း​မိုင်​ၵႂင်​ၸႂ်​ယူႇ​ယဝ်ႉ။-</verse>
				<verse number="4">ၵဝ်​ၽိတ်း​ပိူင်ႈ​ယဝ်ႉ ႁႂ်ႈ​ၸႂ်ႈ​သေ​တႃႉ။ ဢပႅတ်ႈ​ၵဝ်​ၸၢပ်ႈ​သႅင်ႇ​ၵၼ်​တင်း​ၵဝ်​ၵူၺ်း​ဢေႃႈ။-</verse>
				<verse number="5">ပေႃး​သူ​ဢွၼ်​ၵၼ်​ဢုပ်ႇ​ဢၢတ်ႇ​ယူႇ​ၵႃႈ​ၼိူဝ်​ၵဝ်​ၸိုင် ႁႂ်ႈ​တၢင်း​ဢၼ်​ၵဝ်​လႆႈ​ၶၢမ်ႇ​တၢင်း​ဢၼ်​ဢူၵ်း​ဢၼ်​ဢၢႆ​ၼၼ်ႉ ထၢင်ႇ​သႃး​သေ​ၵမ်း။</verse>
				<verse number="6">ဢွၼ်​ၵၼ်​ႁူႉ​ၸႅင်ႈ​မၢတ်ႈ​တွင်း လွင်ႈ​ဢၼ်​ၽြႃး​ပဵၼ်​ၸဝ်ႈ​ဢဝ်​ၵဝ်​လူမ်ႉ​တူၵ်း​လႄႈ ထုၵ်ႇ​ၶဵၼ်း​မႅၼ်ႈ​ၵႃႈ​တီႈ​တူင်ႇ​ႁႅဝ်ႉ​မၼ်း​ၸဝ်ႈ​ဝႆႉ​ၼၼ်ႉ​တႃႉ။-</verse>
				<verse number="7">ပိၵ်ႉ​သမ်ႉ​ၵဝ်​ပွင်ႉ​ၶၢင်း​ပွင်ႉ​မိူၼ်ႇ​လူၺ်ႈ​လွင်ႈ​ဢၼ်​ၵဝ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼႆႉ​သေ​ၵေႃႈ၊ ၽူႈ​လႂ်​ဢမ်ႇ​ထွမ်ႇ​ဢမ်ႇ​ငိၼ်း။ ပိၵ်ႉ​သမ်ႉ​ၵဝ်​သႅၼ်ႇ​ႁွင်ႉ​သေ​ၵေႃႈ၊ ဢမ်ႇ​မီး​ၵေႃႉ​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး။-</verse>
				<verse number="8">မၼ်း​ၸဝ်ႈ​ႁဵတ်း​ဢၼ်​ႁႄႉ​ဢၼ်​ၵင်ႈ​ဝႆႉ​ၵႃႈ​ၼႂ်း​သဵၼ်ႈ​တၢင်း​ၵဝ် ႁႂ်ႈ​ၵဝ်​ဢမ်ႇ​ၵႂႃႇ​လႆႈ​လႄႈ ဢဝ်​လပ်း​သိင်ႇ​ဝႆႉ​ၵႃႈ​တီႈ​သဵၼ်ႈ​တၢင်း​ဢၼ်​ၵဝ်​ၵႂႃႇ​ၼၼ်ႉ​ယဝ်ႉ။-</verse>
				<verse number="9">မၼ်း​ၸဝ်ႈ​ပူတ်း​မုၼ်​ၽုင်း​သရေႇ​ၵဝ်​ပႅတ်ႈ​လႄႈ ၶျႃး​ပၢၼ်း​ၵုမ်း​သရၽူႇ​ၵႃႈ​တီႈ​ႁူဝ်​ၵဝ်​ပႅတ်ႈ​ယဝ်ႉ။-</verse>
				<verse number="10">မၼ်း​ၸဝ်ႈ​လွမ်ႉ​လဵပ်ႈ​ႁွပ်ႈ​ၵဝ်​ယူႇ​ၵူႈ​ၽၢႆႇ​ၵူႈ​ပႃႈ​သေ​လႄႈ ယႃႉ​ပႅတ်ႈ​ၵဝ်​လႄႈ ၵဝ်​လႆႈ​ႁၢႆ​ၵႂႃႇ​သဵင်ႈ​သဵင်ႈ​မူတ်း​မူတ်း​ယဝ်ႉ။ မၼ်း​ၸဝ်ႈ​ထူၺ်ႈ​ဢၶႂၢင်ႉ​ဢၼ်​ၵဝ်​လႆႈ​မုင်ႈ​မွင်း​ၼၼ်ႉ​ပႅတ်ႈ မိူၼ်​ၸိူဝ်ႉ​ၼင်ႇ​ဢၼ်​ထူၺ်ႈ​တူၼ်ႈ​မႆႉ​ပႅတ်ႈ​ၼၼ်ႉ​ယဝ်ႉ။-</verse>
				<verse number="11">မၼ်း​ၸဝ်ႈ​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၸူး​တီႈ​ၵဝ်​လႄႈ မၢတ်ႈ​ၵဝ်​ပဵၼ်​ၸိူဝ်ႉ​ၼင်ႇ​ရၢၼ်ႇ​သူႇ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="12">ႁူဝ်​ႁၢၼ်​ၵူၼ်း​သိုၵ်း​မၼ်း​ၸဝ်ႈ​တင်း​လၢႆ ဢွၼ်​ၵၼ်​ၶီႇ​သိုၵ်း​မႃး​လႄႈ တဵင်​တႅၼ်ႈ​တဵင်​တႄး​ယူႇ​ၽၢႆႇ​ၼိုင်ႈ​တင်း​ၵဝ်​လႄႈ ၶျႃး​တပ်ႉ​ယူႇ​ၵႃႈ​တီႈ​လဵပ်ႈ​ႁွပ်ႈ​မူဝ်းၵႃႇ​တီႈ​ယူႇ​တီႈ​သဝ်း​ၵဝ်​ဢေႃႈ။</verse>
				<verse number="13">မၼ်း​ၸဝ်ႈ​ဢဝ်​ပီႈ​ၸၢႆး​ၼွင်ႉ​ၸၢႆး​ၵဝ်​ဝႆႉ​တီႈ​ဢၼ်​ၵႆ​ၵၼ်​ယၢၼ်​ၵၼ်​တင်း​ၵဝ်​ၼၼ်ႉ​လႄႈ ၶဝ်​ၸိူဝ်း​ဢၼ်​မိုတ်ႈ​ၵၼ်​ၵိုဝ်း​ၵၼ်​တင်း​ၵဝ်​ၼၼ်ႉ ဢမ်ႇ​ႁူႉ​ၸၵ်း​ၵဝ်​လႃး​လႃး။-</verse>
				<verse number="14">ပီႈ​ၼွင်ႉ​ၸိူဝ်ႉ​ၶိူဝ်း​ၵဝ်​ဢွၼ်​ၵၼ်​ၸုၼ်ႉ​ပႅတ်ႈ​ၵဝ်​လႄႈ ၵေႃႉ​သေႈ​ၵဝ်​ဢွၼ်​ၵၼ်​လူင်​လိုမ်း​ၵဝ်​ဢေႃႈ။-</verse>
				<verse number="15">ၵူၼ်း​ႁိူၼ်း​ၵူၼ်း​ယေး​ၵဝ် ဢိၵ်ႇ​တင်း​ၶႃႈ​မႄႈ​ယိင်း​ၵဝ် ဢွၼ်​ၵၼ်​မၢတ်ႈ​ၵဝ်​ပဵၼ်​ၸိူဝ်ႉ​ၼင်ႇ​ၶႅၵ်ႇ​လႄႈ ၵဝ်​လႆႈ​ပဵၼ်​ၸိူဝ်ႉ​ၼင်ႇ​ၵူၼ်း​တၢင်ႇ​သိုင်ႇ​တၢင်ႇ​မိူင်း​ၼၼ်ႉ သိုဝ်ႈ​ၼႃႈ​တႂ်ႈ​တႃ​ၶဝ်​ဢေႃႈ။-</verse>
				<verse number="16">ၵဝ်​ႁွင်ႉ​ၶႃႈ​ၵဝ်​လႄႈ မၼ်း​ဢမ်ႇ​ၶိုၼ်း​လၢတ်ႈ​ၶိုၼ်း​ဢိူဝ်။ ၵဝ်​လႆႈ​ဢဝ်​သူပ်း​တၵ်ႉ​လၢတ်ႈ​မၼ်း​သေ​လႄႈ တွင်း​ပၢၼ်ႇ​ဢဝ်​ဢေႃႈ။-</verse>
				<verse number="17">လူမ်း​ဢသၢၵ်ႈ​ၵဝ်​ပဵၼ်​ဢၼ်​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​မေး​ၵဝ်​လႄႈ သဵင်​ဢၼ်​ၵဝ်​ၶၢင်း​ၶီ​ၶၢင်း​ၽၢၼ်​ၼၼ်ႉ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​တီႈ​လုၵ်ႈ​လၢင်း​တွင်ႉ​ဢၼ်​ၵိူတ်ႇ​လဵင်ႉ​ၵဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="18">လုၵ်ႈ​ဢွၼ်ႇ​ၵူၼ်း​ဢွၼ်ႇ​တင်း​လၢႆ ဢွၼ်​ၵၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၵဝ်​လႄႈ ယၢမ်း​မိူဝ်ႈ​ဢၼ်​ၵဝ်​လုၵ်ႉ​ၼၼ်ႉ​ၸိုင် ၶဝ်​ဢွၼ်​ၵၼ်​သႄႉ​သွမ်း​ၵဝ်​ဢေႃႈ။-</verse>
				<verse number="19">ၵေႃႉ​ၵဝ်​သေႈ​ၵဝ်​ၵႃႈ​မီး​ၼၼ်ႉ ဢွၼ်​ၵၼ်​လီ​ႁင်ႈ​ၵဝ်​လႄႈ ၶဝ်​ၸိူဝ်း​ဢၼ်​ၵဝ်​ႁၵ်ႉ​ၵဝ်​ပႅင်း​ၼၼ်ႉ ဢွၼ်​ၵၼ်​ၶၢႆႉ​ပုတ်ႈ​ႁူဝ်​ၸႂ်​ၸူး​ၵဝ်​ဢေႃႈ။-</verse>
				<verse number="20">လုပ်ႇ​ၵဝ်​မီး​တၢင်း​ဢၼ်​ၸပ်း​ၼိူဝ်ႉ​ၸပ်း​ၼင်​ၵဝ်​ယူႇ​လႄႈ ၵဝ်​လႆႈ​ပႃး​ဢဝ်​တင်း​ႁိူၵ်ႇ​ၵဝ်​ၸိူဝ်ႉ​လဵဝ်​ၵူၺ်း​ပၢႆႈ​လွတ်ႈ​ဢေႃႈ။-</verse>
				<verse number="21">ၵေႃႉ​ၵဝ်​သေႈ​ၵဝ်​ၶဝ်​ဢိူၺ်း၊ ဢွၼ်​ၵၼ်​ဢဵတ်း​လူ​ၵဝ်​ၶႃႈ​သေ​ၵမ်း။ ဢွၼ်​ၵၼ်​ဢဵတ်း​လူ​ၵဝ်​ၶႃႈ​သေ​ၵမ်း။ မိုဝ်း​ၽြႃး​ပဵၼ်​ၸဝ်ႈ​လႆႈ​တိူဝ်ႉ​ထုၵ်ႇ​ၵဝ်​ယဝ်ႉ။-</verse>
				<verse number="22">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢွၼ်​ၵၼ်​လိုပ်ႈ​လမ်း​ၸွမ်း​ၵဝ် မိူၼ်​ၸိူဝ်ႉ​ၼင်ႇ​ဢၼ်​ၽြႃး​ပဵၼ်​ၸဝ်ႈ​လိုပ်ႈ​လမ်း​ၸွမ်း​ၼၼ်ႉ​လႄႈ ဢွၼ်​ၵၼ်​ၵိၼ်​ၼိူဝ်ႉ​ၵဝ်​ၼင်​ၵဝ်​လႄႈ ဢမ်ႇ​ဢိမ်ႇ​ၸႂ်​တိူၵ်ႈ​ၸႂ်​ၼင်ႇ​ႁိုဝ်။</verse>
				<verse number="23">ႁႂ်ႈ​မၢတ်ႈ​မၢႆ​တႅမ်ႈ​ဝႆႉ​ၵႂၢမ်း​ၵဝ်​မိူဝ်ႈ​လဵဝ်​ၼႆႉ​သေ​ၵမ်း​လူၺ်ႈ။ ႁႂ်ႈ​ဢဝ်​သႂၢင်း​သႂ်ႇ​ဝႆႉ​ၵႃႈ​ၼႂ်း​ၸရၢင်း​သေ​ၵမ်း​လူၺ်ႈ။-</verse>
				<verse number="24">ႁႂ်ႈ​ဢဝ်​ၵၼ်း​ၺိတ်ႈ​တင်း​ၸိုၼ်း​တၢင်ႇ​သႂ်ႇ​တူဝ်​လိၵ်ႈ​ဢႅၵ်ႉၶရႃႇ​လႄႈ တွၵ်ႇ​တူဝ်​လိၵ်ႈ​သႂ်ႇ​ၵႃႈ​တီႈ​မၢၵ်ႇ​ႁိၼ်​ဝႆႉ​ယူႇ​သေႇ​သေႇ​မၼ်ႈ​ၶိူင်ႇ​သေ​ၵမ်း​လူၺ်ႈ။-</verse>
				<verse number="25">ၵဝ်​ႁူႉ​လွင်ႈ​ဢၼ်​ၸဝ်ႈ​ဢၼ်​ထုတ်ႇ​ၼုၵ်ႈ​ဢဝ်​ၵဝ်​ၼၼ်ႉ ဢသၢၵ်ႈ​လိပ်း​ယူႇ​လႄႈ တၵ်း​မႃး​ၸုၵ်း​ယူႇ​ၵႃႈ​ၼိူဝ်​လိၼ်​မိူင်း​မိူဝ်ႈ​ၶိင်ႇ​ၵႃႇလႃႉ​ၵမ်း​လိုၼ်း​သုတ်း​ပုၼ်ႉ၊-</verse>
				<verse number="26">ဢိၵ်ႇ​တင်း​လွင်ႈ​ဢၼ် ပိၵ်ႉ​သမ်ႉ​ၼင်​ၵဝ်​ၼိူဝ်ႉ​ၵဝ်​လူႉ​လႅဝ်​သဵင်ႈ​မူတ်း​သေ​ၵေႃႈ ၵဝ်​ၼႆႉ​တၵ်း​ယူႇ​ၵႃႈ​ၼႂ်း​တူဝ်​ၶၼ်ႇ​ထႃႇ​သေ​လႄႈ​ႁၼ်​ၽြႃး​ပဵၼ်​ၸဝ်ႈ​ၼၼ်ႉ​ယူႇ​ဢေႃႈ။-</verse>
				<verse number="27">ၵဝ်​တၵ်း​ႁၼ်​မၼ်း​ၸဝ်ႈ ပုၼ်ႈ​တူဝ်​ၸဝ်ႈ​ၵဝ်ႇ​လႄႈ တၢင်ႇ​ၵေႃႉ​တၢင်ႇ​ၵူၼ်း​ဢမ်ႇ​ၸႂ်ႈ၊ မၢၵ်ႇ​တႃ​ၵဝ်​ၼႆႉ​တၵ်း​လႆႈ​ထူပ်း​ႁၼ်​မၼ်း​ၸဝ်ႈ​မိူဝ်ႈ​ဢၼ်​မၢၵ်ႇ​လၼ်း​ၵဝ်​ၼႆႉ​လူႉ​လႅဝ်​ယဝ်ႉ​ၼၼ်ႉ​ဢေႃႈ။</verse>
				<verse number="28">မိူဝ်ႈ​လဵဝ်​ၼႆႉ ၵွပ်ႈ​ပိူဝ်ႈ​ဢၼ်​ထူပ်း​ႁၼ် ငဝ်ႈ​ႁၢၵ်ႈ​လွင်ႈ​မၼ်း​တၢင်း​မၼ်း​ၵႃႈ​ၼႂ်း​ၵဝ်​ယဝ်ႉ​လႄႈ ပေႃး​သူ​လၢတ်ႈ​လႄႈ​ဝႃႈ၊ ႁဝ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ် ၼိၵ်ႈ​ၸၢၵ်ႈ​ငႅၼ်း​သႄး​မၼ်း၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="29">သူ​ဢွၼ်​ၵၼ်​ၵူဝ်​ႁႄ​ၽေး​လၢပ်ႇ​ၽေး​လႅဝ်း​တႃႉ။ လွင်ႈ​မၼ်း​ၸမ်ႉ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၼၼ်ႉ ၸၢင်ႈ​ဢဝ်​ၽေး​လၢပ်ႇ​ၽေး​လႅဝ်း​ပၼ်​ဢပႅတ်ႈ​ႁႂ်ႈ​သူ​ထၼ်ႈ​ပေႃး​လႆႈ​ႁူႉ​ၸႅင်ႈ​မၢတ်ႈ​တွင်း လွင်ႈ​ဢၼ်​မီး​ၶိင်ႇ​ဢၼ်​ၸီႇ​ယၢင်ႇ​ဢပႅတ်ႈ​တြႃး​ၼၼ်ႉ​ယူႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="20">
				<verse number="1">မိူဝ်ႈ​ၼၼ်ႉ​ ၸေႃႇၽႃႇ ၵူၼ်း​မဵဝ်း​ ၼေႇမတ်ႉ ဢွၵ်ႇ​သူပ်း​လၢတ်ႈ​လႄႈ​ဝႃႈ၊-</verse>
				<verse number="2">ပိူဝ်ႈ​ဢၼ်​ႁူဝ်​ၸႂ်​ၵဝ်​တိုၵ်း​ယူင်း​ၵဝ်​ႁႂ်ႈ​ၶိုၼ်း​လၢတ်ႈ​လႄႈ ၵဝ်​မီး​ၸႂ်​ဢၼ်​ၶႂ်ႈ​လၢတ်ႈ​ႁႅင်း​ယႂ်ႇ​ၼႃႇ​လူင်​လၢင်​ဢေႃႈ။-</verse>
				<verse number="3">ၵဝ်​လႆႈ​ငိၼ်း​ၵႂၢမ်း​တၢင်း​ဢၼ်​သႄႉ​သွမ်း​တၢင်ႇ​ဢပႅတ်ႈ ဢၼ်​ၵဝ်​လႆႈ​ၶၢမ်ႇ​ၼၼ်ႉ​သေ​လႄႈ သၽေႃး​ၺၢၼ်ႇ​ၵဝ်​တိုၵ်း​ယူင်း​လႄႈ ၵဝ်​လႆႈ​ၶိုၼ်း​လၢတ်ႈ​ဢေႃႈ။</verse>
				<verse number="4">ၸႃႉ​ၸဵမ်​ၶိင်ႇ​ၵႃႇလႃႉ​မိူဝ်ႈ​ဢွၼ်​ၼႆႉ​ၼၼ်ႉ၊ ၶိင်ႇ​ၵႃႇလႃႉ​ဢၼ်​ၸႃႉ​ဢဝ်​ၵူၼ်း​တၢင်ႇ​သႂ်ႇ​ဝႆႉ​ၵႃႈ​ၼိူဝ်​လိၼ်​မိူင်း​ၼၼ်ႉ၊-</verse>
				<verse number="5">မႂ်း​ဢမ်ႇ​ႁူႉ​လွင်ႈ​ဢၼ်​ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ ဢမ်ႇ​လႆႈ​ဢုပ်ႇ​ဢၢတ်ႇ​ယူႇ​ႁိုင်​ႁိုင် ဢိၵ်ႇ​တင်း​လွင်ႈ​ဢၼ်​ၵူၼ်း​ဢႃႉထမ်ႇမႃႉ​တင်း​လၢႆ လႆႈ​ၸူမ်း​သိူဝ်း​မူၼ်ႈ​ပျေႃႇ ယေႈ​ၸူဝ်ႈ​ဢွၼ်ႇ​ၵမ်း​ဢွၼ်ႇ​ၼိုင်ႈ​ၵူၺ်း​ၼၼ်ႉ​ႁိုဝ်။-</verse>
				<verse number="6">ပိၵ်ႉ​သမ်ႉ​မုၼ်​ၽုင်း​မၼ်း​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​လႄႈ ႁူဝ်​မၼ်း​ၶိုတ်း​ထိုင်​ၽႃႈ​ၽူၼ်​သေ​ၵေႃႈ၊-</verse>
				<verse number="7">မၼ်း​တၵ်း​လူႉ​လႅဝ်​မိူၼ်​ၸိူဝ်ႉ​ၼင်ႇ​ၽၢႆႈ​လူင်​မၼ်း​ၼၼ်ႉ​ယူႇ​သေႇ​သေႇ​ဢေႃႈ။ ၶဝ်​ၸိူဝ်း​ဢၼ်​ယၢမ်ႈ​ႁၼ်​မၼ်း​ၼၼ်ႉ တၵ်း​ထၢမ်​လႄႈ​ဝႃႈ၊ မၼ်း​မီး​ၵႃႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မၼ်း​တၵ်း​ၶီႉ​ၶႃႉ​ႁၢႆ​ၵႂႃႇ​မိူၼ်​ၸိူဝ်ႉ​ၼင်ႇ တၢင်း​ဢၼ်​ၼွၼ်း​ၽၼ်​ႁၼ်​ၼၼ်ႉ​လႄႈ ၵမ်း​လိုၼ်း​ဢမ်ႇ​လႆႈ​ထူပ်း​လႆႈ​ႁၼ်။ မၼ်း​တၵ်း​လႆႈ​လပ်ႉ​ၵႂႃႇ​ႁၢႆ​ၵႂႃႇ မိူၼ်​ၸိူဝ်ႉ​ၼင်ႇ​ရူႇပႃႇရူင်ႇ​ၶိင်ႇ​ၵၢင်​ၶိုၼ်း​ၼၼ်ႉ​ဢေႃႈ။-</verse>
				<verse number="9">မၢၵ်ႇ​တႃ​ဢၼ်​ယၢမ်ႈ​လႆႈ​ႁၼ်​မၼ်း​ၼၼ်ႉ ၵမ်း​လိုၼ်း​ဢမ်ႇ​လႆႈ​ႁၼ်​မၼ်း။ တီႈ​ဢၼ်​မၼ်း​ယူႇ​မၼ်း​သဝ်း​ၼၼ်ႉ ၵမ်း​လိုၼ်း​ဢမ်ႇ​လႆႈ​ထူပ်း​လႆႈ​ႁၼ်​မၼ်း။-</verse>
				<verse number="10">ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ တၵ်း​ၼိၵ်ႈ​ၸၢၵ်ႈ​ငႅၼ်း​သႄး​လုၵ်ႈ​လၢင်း​မၼ်း​လႄႈ မိုဝ်း​မၼ်း​တၵ်း​လႆႈ​ဢဝ် ဢုၵ်ႉ​ၸႃႇ​ၸေး​ၸိမ်ႇ​ဢၼ်​မၼ်း​မႅတ်း​ဝႆႉ​သိမ်း​ဝႆႉ​ၼၼ်ႉ​ၶိုၼ်း​ပၼ်​ဢေႃႈ။-</verse>
				<verse number="11">ပိၵ်ႉ​သမ်ႉ​လုပ်ႇ​မၼ်း​ပျေႉ​ၸုမ်ႇ​ဝႆႉ​တင်း​ဢဵၼ်​ႁႅင်း မိူဝ်ႈ​ဢၼ်​မၼ်း​ယင်း​ၼုမ်ႇ​ယင်း​ၵမ်​ၼၼ်ႉ​ယူႇ​သေ​ၵေႃႈ ဢၼ်​ၸိူဝ်း​ၼၼ်ႉ​တၵ်း​လႆႈ​ၼွၼ်း​လူၺ်ႈ​ၵၼ်​တင်း​မၼ်း​ၵႃႈ​ၼႂ်း​မုၼ်ႈ​လိၼ်​ဢေႃႈ။</verse>
				<verse number="12">ပိၵ်ႉ​သမ်ႉ​တူႉ​ၸရိူၵ်ႈ​မၼ်း​ၼၼ်ႉ ပဵၼ်​ဢၼ်​ဝၢၼ်​ဢၼ်​ၸဵမ်း​တီႈ​သူပ်း​မၼ်း​လႄႈ မၼ်း​ဢဝ်​သိူင်ႇ​ဝႆႉ​သိမ်း​ဝႆႉ​ၵႃႈ​တႂ်ႈ​လိၼ်ႉ​မၼ်း​သေ​လႄႈ၊-</verse>
				<verse number="13">ငိၼ်း​ပဵၼ်​သေ​လၢႆ​ယူႇ ယင်း​ဢမ်ႇ​ၸုၼ်ႉ​ဢမ်ႇ​ပႅတ်ႈ​လႄႈ ဢူမ်​သႂ်ႇ​ဝႆႉ​ၵႃႈ​ၼႂ်း​သူပ်း​မၼ်း​သေ​ၵေႃႈ၊-</verse>
				<verse number="14">တၢင်း​ဢၼ်​မၼ်း​ၵိၼ်​မၼ်း​ၶူပ်း​ၼၼ်ႉ တၵ်း​ၶၢႆႉ​ပုတ်ႈ​သၽေႃး​ၵႃႈ​ၼႂ်း​တွင်ႉ​မၼ်း​လႄႈ ပဵၼ်​ၵွင်ႉ​ပဵၼ်​ယၢင်​ငူး​ႁၢႆႉ​ၵႂႃႇ​ၵႃႈ​ၼႂ်း​မၼ်း​ဢေႃႈ။-</verse>
				<verse number="15">မၼ်း​ဢိုၼ်​ၵိၼ်​ၸေး​ၸိမ်ႇ​ဢုၵ်ႉ​ၸႃႇ​သေ​ယဝ်ႉ၊ သမ်ႉ​တၵ်း​လႆႈ​ၶိုၼ်း​ႁၢၵ်ႈ​လႄႈ ၽြႃး​ပဵၼ်​ၸဝ်ႈ​တၵ်း​ၼုၵ်ႈ​ပႅတ်ႈ​ၶျႃး​ပႅတ်ႈ​သေ​ၵႃႈ​ၼႂ်း​တွင်ႉ​မၼ်း​ဢေႃႈ။-</verse>
				<verse number="16">မၼ်း​တၵ်း​ၸုပ်ႇ​ၵိၼ်​ၵွင်ႉ​ယၢင်​ငူး​ႁၢႆႉ​လႄႈ တၵ်း​တၢႆ​လူၺ်ႈ​လိၼ်ႉ​ငူး​တိုင်း​ဢေႃႈ။-</verse>
				<verse number="17">မၼ်း​ဢမ်ႇ​လႆႈ​ႁၼ်​ၼမ်ႉ​ႁွင်ႈ ဢၼ်​ပဵၼ်​ႁွင်ႈ​ပဵၼ်​ၵေး၊ ၼမ်ႉ​ႁွင်ႈ​ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ​လႆ​ယူႇ​ၼၼ်ႉ၊-</verse>
				<verse number="18">ဢုၵ်ႉ​ၸႃႇ​ဢၼ်​မၼ်း​ႁဵတ်း​လႄႈ​လႆႈ​ၼၼ်ႉ၊ တူဝ်​မၼ်း​ဢမ်ႇ​လႆႈ​သုင်း​လႆႈ​ၸၢႆႇ​လႄႈ တၵ်း​လႆႈ​ၶိုၼ်း​ပၼ်​ဢေႃႈ။ ၸွမ်း​လူၺ်ႈ​ဢုၵ်ႉ​ၸႃႇ ဢၼ်​မၼ်း​လႆႈ​ၼၼ်ႉ​သေ​လႄႈ မၼ်း​ဢမ်ႇ​လႆႈ​ၸူမ်း​သိူဝ်း​သႂၢင်ႇ​ၸႂ်။-</verse>
				<verse number="19">ၵွပ်ႈ​ပိူဝ်ႈ​ဢၼ်​မၼ်း​ၼိၵ်ႈ​ၸၢၵ်ႈ​ငႅၼ်း​သႄး​လႄႈ ၸုၼ်ႉ​ပႅတ်ႈ​ၵူၼ်း​ယၢၵ်ႈ​ၵူၼ်း​ၽၢၼ်​ၼၼ်ႉ​လႄႈ မၼ်း​ဢမ်ႇ​လႆႈ​တႄႇ​လႆႈ​ႁဵတ်း​ႁိူၼ်း​ဢၼ်​မၼ်း​ႁိမ်​ဢဝ်​ၼၼ်ႉ။-</verse>
				<verse number="20">ၵွပ်ႈ​ပိူဝ်ႈ​ဢၼ်​လေႃး​ၽႃႉ​မၼ်း​ဢမ်ႇ​ပေႇ​လႆႈ​လႄႈ ဢုၵ်ႉ​ၸႃႇ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​မၼ်း​ၼၼ်ႉ ဢမ်ႇ​လႆႈ​ၵိုတ်း​ၵျၢၼ်ႇ​ဝႆႉ​တီႈ​မၼ်း​သေ​ၸိူဝ်ႉ​သေ​ဢၼ်။-</verse>
				<verse number="21">ၵွပ်ႈ​ပိူဝ်ႈ​ဢၼ်​လွင်ႈ​တၢင်း​ဢၼ်​လႂ်​ဢမ်ႇ​ၵၢင်း​လွတ်ႈ တင်း​မိုဝ်း​လေႃး​ၽႃႉ​မၼ်း ဢၼ်​ၶႂ်ႈ​ႁိမ်​ဢဝ်​ၼၼ်ႉ​လႃး​လႃး​လႄႈ ၸေး​ၸိမ်ႇ​မၼ်း​ဢမ်ႇ​လႆႈ​တႄႇ​လႆႈ​ပဵၼ်။-</verse>
				<verse number="22">တေႃႈ​ၵႃႈ​ၼႂ်း​မိူဝ်ႈ​ဢၼ်​ဢုၵ်ႉ​ၸႃႇ​မၼ်း ယင်း​တိုၵ်ႉ​လိူင်ႇ​ၼမ်​ယူႇ​ၼၼ်ႉ၊ မၼ်း​လႆႈ​ႁူပ်ႉ​ထူပ်း​တၢင်း​ဢၼ်​ယၢၵ်ႈ​ဢၼ်​ၽၢၼ်​လႄႈ၊ မိုဝ်း​ၶဝ်​ၸိူဝ်း​ဢၼ်​ယၢၵ်ႈ​ၸႂ်​ၶၢၼ်​ၸႂ်​ၼၼ်ႉ တၵ်း​ႁွတ်ႈ​ထိုင်​ၵႃႈ​ၼိူဝ်​မၼ်း​ဢေႃႈ။-</verse>
				<verse number="23">ၼႂ်း​မိူဝ်ႈ​ဢၼ်​မၼ်း​ၵိၼ်​လႄႈ ၸမ်​တၵ်း​ဢိမ်ႇ​တၵ်း​တဵမ်​ၼၼ်ႉ၊ ၽြႃး​ပဵၼ်​ၸဝ်ႈ​တၵ်း​ပွႆႇ​ၸႂ်ႉ​ဢၢႆ​ႁႅင်း တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​မႃး​ၵႃႈ​ၼိူဝ်​မၼ်း​လႄႈ ႁႂ်ႈ​ၽူၼ်​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ တူၵ်း​ပုၼ်ႈ​ဢၼ်​မၼ်း​တၵ်း​ၵိၼ်​ဢေႃႈ။-</verse>
				<verse number="24">ပိၵ်ႉ​သမ်ႉ​မၼ်း​ငႅၵ်း​ပိူင်ႈ​ဢွၵ်ႇ​ပၢႆႈ​သေ​လၢၵ်ႈ​ၼၢၵ်ႈ​လဵၵ်း​သေ​ၵေႃႈ၊ ၵၢင်ႇ​တွင်း​လိူင်​တၵ်း​ယိုဝ်း​ၸပ်း​မၼ်း​ပွင်ႇ​ပဵဝ်​ၵႂႃႇ​ဢေႃႈ။-</verse>
				<verse number="25">မၼ်း​ထွတ်ႇ​ဢဝ်​ပိုၼ်​ၼၼ်ႉ​ဢွၵ်ႇ​လႄႈ ပိုၼ်​ၼၼ်ႉ​ဢွၵ်ႇ​မႃး​ၵႃႈ​ၼႂ်း​တူဝ်​မၼ်း​ဢေႃႈ။ လၢပ်ႇ​ဢၼ်​ဢရွင်ႇ​မၢပ်ႈ​မႅပ်ႈ​ၼၼ်ႉ ဢွၵ်ႇ​မႃး​ၵႃႈ​ၼႂ်း​လီ​မၼ်း​လႄႈ မၼ်း​လႆႈ​မိင်း​မဝ်း​လိုမ်း​တူဝ်​ၵႂႃႇ​ဢေႃႈ။</verse>
				<verse number="26">လပ်း​သိင်ႇ​ၵႃႈ​မီး​ၼၼ်ႉ သိမ်း​ဝႆႉ​မီး​ယူႇ​ပုၼ်ႈ​မၼ်း​လႄႈ ၽႆး​ဢၼ်​ၵူၼ်း​ဢမ်ႇ​သႂ်ႇ​ဢမ်ႇ​သုမ်​ၼၼ်ႉ၊ တၵ်း​ႁုပ်ႇ​မႆႈ​မၼ်း​ဢေႃႈ။ တၵ်း​မႆႈ​ၵႃႈ​ဢၼ်​ၵိုတ်း​ဝႆႉ​ၵျၢၼ်ႇ​ဝႆႉ​ၵႃႈ​ၼႂ်း​မူဝ်းၵႃႇ​မၼ်း​ၼၼ်ႉ​ဢေႃႈ။-</verse>
				<verse number="27">ၽႃႉ​ၵၢင်​ႁၢဝ်​တၵ်း​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ​မၼ်း​လႄႈ လိၼ်​မိူင်း​ၵေႃႈ​တၵ်း​လုၵ်ႉ​ယူႇ​ၽၢႆႇ​ၼိုင်ႈ​တင်း​မၼ်း​ဢေႃႈ။-</verse>
				<verse number="28">ဢုၵ်ႉ​ၸႃႇ​ၵႃႈ​ၼႂ်း​ႁိူၼ်း​မၼ်း​တၵ်း​လပ်ႉ​ႁၢႆႉ​ၵႂႃႇ​လႄႈ လွင်ႈ​ၵႂႃႇ​လႆ​ၵႂႃႇ​မိူၼ်​ၸိူဝ်ႉ​ၼင်ႇ​ၼမ်ႉ​ၼၼ်ႉ ၼႂ်း​မိုဝ်ႉ​ဝၼ်း​ဢၼ်​တင်း​ၸႂ်​မႆႈ​ၶႆႈ​ၸႃႉ မၼ်း​ၸဝ်ႈ​ဢွၵ်ႇ​ၼၼ်ႉ​ဢေႃႈ။-</verse>
				<verse number="29">ဢၼ်​ၼႆႉ​ပဵၼ်​ပုၼ်ႈ​ပဵၼ်​တႃႇ​ၵူၼ်း​ႁၢႆႉ​ၵူၼ်း​မိူၵ်ႈ​ဢၼ်​ၽြႃး​ပဵၼ်​ၸဝ်ႈ​ပၼ်​ၼၼ်ႉ​လႄႈ ပဵၼ်​ဢမူၺ်ႇ​ဢုၵ်ႉ​ၸႃႇ​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ၶၢၼ်း​ဝႆႉ​ပုၼ်ႈ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="21">
				<verse number="1">မိူဝ်ႈ​ၼၼ်ႉ​ ယေႃးၽႃႉ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၵဝ်​ၸေး​ၸေး​ၸွတ်ႇ​ၸွတ်ႇ​သေ​လႄႈ ႁႂ်ႈ​ပဵၼ်​တၢင်း​ဢၼ်​ပေႇ​ၸႂ်​ၼိမ်​ၸႂ်​တီႈ​သူ​သေ​ၵမ်း​တႃႉ။-</verse>
				<verse number="3">ဢွၼ်​ၵၼ်​ယိူၼ်ႉ​ၶၢမ်ႇ ႁႂ်ႈ​ၵဝ်​မီး​ဢၶႂၢင်ႉ​ဢၼ်​လႆႈ​ၶိုၼ်း​လၢတ်ႈ​သေ​ၵမ်း​တႃႉ။ ၵဝ်​လၢတ်ႈ​သေ​ယဝ်ႉ၊ သမ်ႉ​ဢွၼ်​ၵၼ်​ႁဵတ်း​တၢင်း​ဢၼ် ႁဵတ်း​ပျၢၵ်ႈ​ၶူဝ်​ထႅင်ႈ​လူး​ၵွၼ်ႇ​တႃႉ။-</verse>
				<verse number="4">ၵဝ်​ပွင်ႉ​ၶၢင်း​ပွင်ႉ​မိူၼ်ႇ​တေႃႇ​ၵူၼ်း​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​ဢမ်ႇ​ထုၵ်ႇ​လီ​ၸႂ်​ပွတ်း​ၼင်ႇ​ႁိုဝ်။-</verse>
				<verse number="5">ဢွၼ်​ၵၼ်​လူ​တူၺ်း​ၵဝ်​လႄႈ ၵိုတ်း​မိုင်​ၵႂင်​ၸႂ်​ယူႇ​သေ​လႄႈ ဢဝ်​တင်း​မိုဝ်း​သူ​တူမ်း​သူပ်း​သူ​ယူႇ​သေ​ၵမ်း​တႃႉ။-</verse>
				<verse number="6">ယၢမ်း​မိူဝ်ႈ​ဢၼ်​ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼၼ်ႉ​ၸိုင်၊ ၵဝ်​မီး​တၢင်း​ဢၼ်​မိင်း​မဝ်း​လိုမ်း​တူဝ်​လႄႈ တၢင်း​ဢၼ်​သၼ်ႇ​ၶွၼ်း​ဝႆ​ၼၼ်ႉ ပဵၼ်​မႃး​တီႈ​ၼိူဝ်ႉ​ၵဝ်​ဢေႃႈ။</verse>
				<verse number="7">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵူၼ်း​ႁၢႆႉ​ၵူၼ်း​မိူၵ်ႈ​တင်း​လၢႆ လႆႈ​ဢသၢၵ်ႈ​လိပ်း​ယူႇ​ၵူၺ်း​ဢမ်ႇ​ၵႃး၊ ဢွၼ်​ၵၼ်​ၵႄႇ​ထဝ်ႈ​လႄႈ ပျေႉ​ၸုမ်ႇ​ဝႆႉ​တၢင်း​မုၼ်​ၸေး​ၸိမ်ႇ​ၼင်ႇ​ႁိုဝ်။-</verse>
				<verse number="8">လုၵ်ႈ​လၢင်း​ၶဝ်​လႆႈ​တူၵ်း​တီႈ​တူၵ်း​လႅၼ်​ယူႇ​ၵႃႈ​တီႈ​ႁိမ်း​လဵပ်ႈ​ႁွပ်ႈ​ၶဝ် ၵႃႈ​တီႈ​ၽၢႆႇ​ၼႃႈ​ၶဝ်​လႄႈ၊ မဵဝ်း​ၸိူဝ်ႉ​ၶိူဝ်း​ၶဝ်​တူၵ်း​တီႈ​တူၵ်း​လႅၼ်​ယူႇ​သိုဝ်ႈ​ၼႃႈ​တႂ်ႈ​တႃ​ၶဝ်​ဢေႃႈ။-</verse>
				<verse number="9">ႁိူၼ်း​ၶဝ်​ယေး​ၶဝ်​ၵေႃႈ ဢွၼ်​ၵၼ်​လွတ်ႈ​တၢင်း​ၽႄး​သေ​လႄႈ တဵတ်ႇ​လီ​ၼိမ်​လီ​ယူႇ​လႄႈ ႁွႆး​ၶွၼ်ႉ​ႁွႆး​တၢမ်ႇ​ၽြႃး​ပဵၼ်​ၸဝ်ႈ ဢမ်ႇ​မီး​ၵႃႈ​ၼိူဝ်​ၶဝ်။-</verse>
				<verse number="10">ဝူဝ်း​ငၢၼ်​ၶဝ်​ၼၼ်ႉ ဢွၼ်​ၵၼ်​ၸွမ်း​ၽွၵ်ႇ​သေ​ယဝ်ႉ၊ ဢမ်ႇ​လုတ်ႈ​ဢမ်ႇ​ႁၢမ်း​လႄႈ၊ ဝူဝ်း​မႄႈ​ၶဝ်​ၵေႃႈ​ၸၢင်ႈ​ၵိူတ်ႇ​လဵင်ႉ​လႄႈ ဢမ်ႇ​ယွတ်ႇ​ဢမ်ႇ​တူၵ်း။-</verse>
				<verse number="11">ၶဝ်​ပွႆႇ​လုၵ်ႈ​ဢွၼ်ႇ​ၶဝ်​တင်း​လၢႆ​ဝႆႉ မိူၼ်​ၸိူဝ်ႉ​ၼင်ႇ​ၽုင်​သူဝ်း​လႄႈ လုၵ်ႈ​ၶဝ်​လၢင်း​ၶဝ်​ၼၼ်ႉ​ဢွၼ်​ၵၼ်​ၵႃႈ​ယူႇ​ဝႅၼ်​ယူႇ​ဢေႃႈ။-</verse>
				<verse number="12">ၶဝ်​ၼၼ်ႉ​ၸၢင်ႈ​ဢွၼ်​ၵၼ် ႁႆႇ​ၵွင်​ၶဵတ်ႇ လဵတ်း​တိင်ႇ​လႄႈ ၸူမ်း​ၸူမ်း​သိုဝ်ႈ​သိုဝ်ႈ​လူၺ်ႈ​သဵင်​ပဝ်ႇ​ၶရႃႇ​ဢေႃႈ။-</verse>
				<verse number="13">ၶဝ်​ၸၢင်ႈ​ဢွၼ်​ၵၼ်​လႆႈ​လီ​လႆႈ​ပဵၼ်​ယူႇ​သေ​လႄႈ ႁႂ်ႈ​ၸူဝ်ႈ​ပၢၼ်​ၶဝ်​ပူၼ်ႉ​ၵႂႃႇ​လႄႈ ဢွၼ်​ၵၼ်​လူင်း​ၵႂႃႇ​ၸူး​ၵႃႈ​တီႈ​မရၼႃႉ​ၵမ်း​လဵဝ်​ဢေႃႈ။-</verse>
				<verse number="14">ၶဝ်​ၸၢင်ႈ​ဢွၼ်​ၵၼ်​လၢတ်ႈ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ဢွၵ်ႇ​ၵႂႃႇ​သေ​ၵႃႈ​တီႈ​ႁဝ်း​တႃႉ။ ႁဝ်း​ဢမ်ႇ​မီး​ဢလူဝ်ႇ​ၶႂ်ႈ​ႁူႉ​သဵၼ်ႈ​တၢင်း​ၸဝ်ႈ​ႁဝ်း။-</verse>
				<verse number="15">ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​လႄႈ ႁဝ်း​တၵ်း​လႆႈ​ႁဵတ်း​ဝၢတ်ႈ​တီႈ​မၼ်း။ ပေႃး​ႁဝ်း​သူး​တွင်း​တီႈ​မၼ်း​ၸိုင် တၵ်း​မီး​ဢၵျူဝ်း​ၵႃႈ​သင်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">တူၺ်း​လူး၊ ၸေး​ၸိမ်ႇ​ၶျၢမ်း​သႃႇ​ၶဝ်​ၼၼ်ႉ ဢမ်ႇ​တႄႇ​ယူႇ​ၵႃႈ​ၼႂ်း​မိုဝ်း​ၶဝ်။ တၢင်း​ၵျၢမ်ႇ​တၢင်း​ပွင်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ပဵၼ်​ဢၼ်​ၵႆ​ၵၼ်​တင်း​ၵဝ်​ဢေႃႈ။-</verse>
				<verse number="17">ဝၢၼ်ႇ​ၽႆး​တဵၼ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ယၢမ်ႈ​မွတ်ႇ​ယၢမ်ႈ​တၢႆ​လႄႈ ၽေး​တၢင်း​ဢၼ်​ယႃႉ​ပႅတ်ႈ​ၶဝ်​ၼၼ်ႉ ယၢမ်ႈ​တွၼ်ႉ​ႁွတ်ႈ​ထိုင်​ၵႃႈ​ၼိူဝ်​ၶဝ် လၢႆ​ၽဝ်ႇ​လၢႆ​ပွၵ်ႈ​ယဝ်ႉ။ ၽြႃး​ပဵၼ်​ၸဝ်ႈ​ၸႂ်​မႆႈ​ၶႆႈ​ၸႃႉ​လႄႈ ယၢမ်ႈ​တွၼ်ႉ​ၸီႇ​ယၢင်ႇ​ၽေး​ဢူႉ​ပၢတ်ႈ​တၢင်း​ဢၼ်​ယၢပ်ႇ​ၸႂ်​ၽိုတ်ႇ​ၸႂ်​တီႈ​ၶဝ် လၢႆ​ၽဝ်ႇ​လၢႆ​ပွၵ်ႈ​ယဝ်ႉ။-</verse>
				<verse number="18">ၶဝ်​ယၢမ်ႈ​တွၼ်ႉ​ပဵၼ်​ၸိူဝ်ႉ​ၼင်ႇ မုၼ်ႈ​ယိူဝ်ႈ​မုၼ်ႈ​ယႃႈ​ၵႃႈ​တီႈ​ၽၢႆႇ​ၼႃႈ​လူမ်း ဢိၵ်ႇ​တင်း​ၸိူဝ်ႉ​ၼင်ႇ​ၵႅပ်ႇ ဢၼ်​ၽူၼ်​လူင်​လူမ်း​လူင်​ပတ်ႉ​ထူဝ်း​ၵႂႃႇ​ၼၼ်ႉ လၢႆ​ၽဝ်ႇ​လၢႆ​ပွၵ်ႈ​ယဝ်ႉ။-</verse>
				<verse number="19">ၽြႃး​ပဵၼ်​ၸဝ်ႈ​တၵ်း​ဢဝ်​ဢပႅတ်ႈ​မၼ်း​သိမ်း​ဝႆႉ​ပုၼ်ႈ​လုၵ်ႈ​ပုၼ်ႈ​လၢင်း​မၼ်း​ႁိုဝ်။ ႁႂ်ႈ​ၸဝ်ႈ​မၼ်း​တွပ်ႇ​တႅၼ်း​ပၼ်​ဢပႅတ်ႈ​မၼ်း​တီႈ​မၼ်း ႁႂ်ႈ​မၼ်း​လႆႈ​ႁူႉ​လႆႈ​ၸႅင်ႈ​သေ​ၵမ်း။-</verse>
				<verse number="20">ႁႂ်ႈ​မၢၵ်ႇ​တႃ​မၼ်း​လႆႈ​ႁၼ်​တၢင်း​ဢၼ်​မၼ်း​လူႉ​လႅဝ်​သေ​ၵမ်း​လူၺ်ႈ။ ႁႂ်ႈ​မၼ်း​လႆႈ​သူတ်ႉ​ၵိၼ်​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ဢၼၼ်ႇတႃႉ တၼ်း​ၶူဝ်း​သေ​ၵမ်း​လူၺ်ႈ။-</verse>
				<verse number="21">ယၢမ်း​မိူဝ်ႈ​ဢၼ်​ပီႊ​မၼ်း​လိူၼ်​မၼ်း လႆႈ​ၶၢမ်ႇ​တၢင်း​ဢၼ်​တႅပ်း​ၶၢတ်ႇ​ပႅတ်ႈ​သေ​ၼႂ်း​ၶိုင်ႈ​ၵၢင်​ၸူဝ်ႈ​ဢသၢၵ်ႈ​မၼ်း​ၼၼ်ႉ မၼ်း​မီး​တၢင်း​ဢၼ်​မူၼ်ႈ​ဢၼ်​ပျေႃႇ​ၼႂ်း​လုၵ်ႈ​ၼႂ်း​လၢင်း​မၼ်း လိုၼ်း​မၼ်း​ၼၼ်ႉ​ၸိူဝ်ႉ​ၼင်ႇ​ႁိုဝ်။-</verse>
				<verse number="22">ၽူႈ​လႂ်​တၵ်း​သင်ႇ​သွၼ်​ပၼ်​ပိင်ႇ​ၺႃႇ​တီႈ​ၽြႃး​ပဵၼ်​ၸဝ်ႈ ဢၼ်​ၸီႇ​ယၢင်ႇ​တီႈ​ၶဝ်​ၸိူဝ်း​ဢၼ်​ယႂ်ႇ​ဢၼ်​သုင်​ၼၼ်ႉ​ၼၼ်ႉ။-</verse>
				<verse number="23">ၵူၼ်း​ၵေႃႉ​ၼိုင်ႈ​ၸမ်ႉ၊ ၸၢင်ႈ​ပျေႉ​ၸုမ်ႇ​တင်း​ႁႅင်း​ယူႇ​သေ​လႄႈ တၢႆ​ၵႂႃႇ​ဢေႃႈ။ မၼ်း​ပဵၼ်​ၵေႃႉ​ဢၼ်​မီး​တၢင်း​ဢၼ်​တဵတ်ႇ​ၼိမ်​ၵတ်း​ယဵၼ်​ၶျၢမ်း​သႃႇ​ၼႃႇ​လူင်​လၢင်​ဢေႃႈ။-</verse>
				<verse number="24">ပဵမ်ႉ​မၼ်း​ၸိူဝ်း​ၼၼ်ႉ​ပီး​မၼ်း​လႄႈ ဢွၵ်း​လုပ်ႇ​မၼ်း​မီး​တၢင်း​ဢၼ်​ပိူဝ်ႉ​လီ​ယမ်း​လီ​ဝႆႉ​ဢေႃႈ။-</verse>
				<verse number="25">ၵူၼ်း​ၵေႃႉ​ၼိုင်ႈ​ၸမ်ႉ၊ မီး​တၢင်း​ဢၼ်​ၶီ​ၸႂ်​ၶူမ်​ၸႂ်​လႄႈ​တၢႆ​ၵႂႃႇ​ဢေႃႈ။ မၼ်း​ပဵၼ်​ၵေႃႉ​ဢၼ်​ဢမ်ႇ​တွၼ်ႉ​လႆႈ​ၸိမ်း​လူ​ၸိမ်း​တူၺ်း တၢင်း​ဢၼ်​လီ​ဢၼ်​ငၢမ်း​သေ​ၽဝ်ႇ​သေ​ပွၵ်ႈ​ဢေႃႈ။-</verse>
				<verse number="26">သွင်​ၶႃ​သွင်​ၵေႃႉ​ၼၼ်ႉ လႆႈ​ၼွၼ်း​ၵႃႈ​ၼႂ်း​မုၼ်ႈ​လိၼ်​မိူၼ်​မိူၼ်​ၵၼ်​လႄႈ ၶၢမ်ႇ​တၢင်း​ဢၼ် တူဝ်​ၼွၼ်​ႁူမ်ႇ​သုမ်ႇ​ဢေႃႈ။</verse>
				<verse number="27">တူၺ်း​လူး၊ ၵဝ်​ႁူႉ​လွင်ႈ​တၢင်း​ဢၼ်​သူ​ၵျၢမ်ႇ​သူ​ပွင် ဢိၵ်ႇ​တင်း​လွင်ႈ​တၢင်း​ဢၼ်​သူ​ၶႆႈ​ၸႂ်​ဝူၼ်ႉ​ၸႂ် ဢၼ်​ဢမ်ႇ​တြႃး​ယူႇ​ၽၢႆႇ​ၼိုင်ႈ​တင်း​ၵဝ်​ၼၼ်ႉ​ယူႇ​ဢေႃႈ။-</verse>
				<verse number="28">သူ​ဢွၼ်​ၵၼ်​ထၢမ်​လႄႈ​ဝႃႈ၊ ႁိူၼ်း​ၶုၼ်​ဢရႃႇ​သီႉ​ၼၼ်ႉ​မီး​ၵႃႈ​တီႈ​လႂ်။ မူဝ်းၵႃႇ​တီႈ​ယူႇ​တီႈ​သဝ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ မီး​ၵႃႈ​တီႈ​လႂ်၊ ဝႃႈ​ၼင်ႇ​ၼႆ​ဢေႃႈ၊-</verse>
				<verse number="29">သူ​ဢမ်ႇ​တွၼ်ႉ​ယၢမ်ႈ​ဢွၼ်​ၵၼ်​ထၢမ်​တူၺ်း တီႈ​ၶဝ်​ၸိူဝ်း​ဢၼ်​ၵႂႃႇ​တၢင်း​ပႆ​တၢင်း​ၼၼ်ႉ​ႁိုဝ်။ သူ​ဢမ်ႇ​ဢွၼ်​ၵၼ်​ႁူႉ လၢၵ်ႈၶၼႃႇ​သၢၵ်ႈ​သေႇ​ၶဝ်​တင်း​လၢႆ​ဢၼ်​ဝႃႈ၊-</verse>
				<verse number="30">လွင်ႈ​ဢၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၵ်း​ၵၢင်း​လွတ်ႈ​ၽေး​မိူဝ်ႈ​လဵဝ်​ၼႆႉ​ဝႆႉ ပုၼ်ႈ​ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ်​ယႃႉ​ပႅတ်ႈ​ၼၼ်ႉ ဢိၵ်ႇ​တင်း​လွင်ႈ​ဢၼ် ၶဝ်​တၵ်း​လွတ်ႈ​ဢွၵ်ႇ​မိူဝ်ႈ​လဵဝ်​ၼႆႉ​ဝႆႉ ပုၼ်ႈ​ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ် လႆႈ​ၶၢမ်ႇ​တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၼၼ်ႉ​ႁိုဝ်။-</verse>
				<verse number="31">ၽူႈ​လႂ်​တၵ်း​ၸီႉ​ၼႃႈ​တမ်​တႃ​မၼ်း​သေ​လႄႈ ၽုၺ်ႇ​ဢွၵ်ႇ​ၼႄ​ပျႃး​သဵၼ်ႈ​တၢင်း​ဢၼ်​မၼ်း​ၵႂႃႇ​ယူႇ​ၸွမ်း​ယူႇ​ၼၼ်ႉ​တီႈ​မၼ်း။ ၽူႈ​လႂ်​တၵ်း​တွပ်ႇ​တႅၼ်း​ပၼ် ၸွမ်း​ၼင်ႇ​ဢပႅတ်ႈ​ဢၼ်​မၼ်း​ႁဵတ်း​ၼၼ်ႉ​တီႈ​မၼ်း။-</verse>
				<verse number="32">မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​သူင်ႇ​ၵႃႈ​တီႈ​သၢင်း​ၶႅင်း​လႄႈ ပိူၼ်ႈ​တၵ်း​ဢွၼ်​ၵၼ်​ပႂ်ႉ​ၵွင်​သၢင်း​ၶႅင်း​မၼ်း​ဢေႃႈ။-</verse>
				<verse number="33">ၵွၼ်ႈ​လိၼ်​မမ်ႈ​လိၼ်​ၵႃႈ​ၼႂ်း​ၶူင်ႈ​ႁူၺ်ႈ​ၼၼ်ႉ​ၸိူဝ်း​ၼၼ်ႉ တၵ်း​ပဵၼ်​ဢၼ်​ထုၵ်ႇ​ၸႂ်​ဝၢၼ်​ၸႂ်​တီႈ​မၼ်း​လႄႈ ၵူၼ်း​တင်း​သဵင်ႈ​တင်း​လူင် တၵ်း​လႆႈ​ဢွၼ်​ၵၼ်​ၸွမ်း​လင်​မၼ်း​ၵႂႃႇ မိူၼ်​ၸိူဝ်ႉ​ၼင်ႇ​ဢၼ် ၵူၼ်း​ၼမ်​ၼႃႇ​လူင်​လၢင်​ထၼ်ႈ​ပေႃး​ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ဢၼ်​ၵႂႃႇ​ဢွၼ်​တၢင်း​မၼ်း​ယဝ်ႉ​ၼၼ်ႉ​ၸိူဝ်း​ၼၼ်ႉ​ဢေႃႈ။</verse>
				<verse number="34">ၵွပ်ႈ​ႁွႆး​ၼႆႉ​လႄႈ ပိူဝ်ႈ​ဢၼ်​ၵႂၢမ်း​ဢၼ်​သူ​ၶိုၼ်း​လၢတ်ႈ​ၸိူဝ်း​ၼၼ်ႉ​ပႃး​မူႉ​သႃႇ​လႄႈ သူ​ဢွၼ်​ၵၼ်​ႁဵတ်း​ႁႂ်ႈ​ၵဝ်​ပေႇ​ၸႂ်​ၼိမ်​ၸႂ်၊ ဢမ်ႇ​ပွင်​လွင်ႈ​ၵႃႈ​သင်​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="22">
				<verse number="1">မိူဝ်ႈ​ၼၼ်ႉ​ ဢေးလီႉၽတ်ႉ မဵဝ်း​ တေႇမၢၼ်ႇ ​ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">ၵူၼ်း​ၸိုင် ႁဵတ်း​ၵျေး​ၸူး​တီႈ​ၽြႃး​ပဵၼ်​ၸဝ်ႈ​လႆႈ​ႁိုဝ်။ ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ပွင်​ႁဵတ်း​ဢၵျူဝ်း​တူဝ်​ၸဝ်ႈ​ၵဝ်ႇ​ၵူၺ်း ဢမၢၼ်ႇ​ၶၼ်​ပဵၼ်​ႁိုဝ်။-</verse>
				<verse number="3">တၢင်း​ဢၼ်​မႂ်း​သိုဝ်ႈ​တေႃႇ​ၼၼ်ႉ ပဵၼ်​ဢၼ်​ၸူမ်း​ဢၼ်​သိူဝ်း​တီႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ႁိုဝ်။ တၢင်း​ဢၼ်​မႂ်း​ႁႂ်ႈ​သဵၼ်ႈ​တၢင်း​ဢၼ်​မႂ်း​ၵႂႃႇ​ၼၼ်ႉ​ၸေး​ၸုမ်ႇ​ၼၼ်ႉ ပဵၼ်​တိုၼ်း​ပဵၼ်​ႁွၼ်း​တီႈ​မၼ်း​ၸဝ်ႈ​ႁိုဝ်။-</verse>
				<verse number="4">ၵွပ်ႈ​ပိူဝ်ႈ​ဢၼ်​မႂ်း​ၵူဝ်​ႁႄ​မၼ်း​ၸဝ်ႈ​လႄႈ မၼ်း​ၸဝ်ႈ​တၵ်း​သင်ႇ​သွၼ်​သုင်း​မႃႉ​ပၼ်​မႂ်း​ႁိုဝ်။ မၼ်း​ၸဝ်ႈ​တၵ်း​ထူပ်း​တြႃး​ၵၼ်​တင်း​မႂ်း​ႁိုဝ်။-</verse>
				<verse number="5">တူႉ​ၸရိူၵ်ႈ​ဢၼ်​မႂ်း​ႁဵတ်း​ၼၼ်ႉ​ယႂ်ႇ​ၼႃႇ​လူင်​လၢင်​ဢမ်ႇ​ၸႂ်ႈ​ႁိုဝ်။ ဢပႅတ်ႈ​မႂ်း​တင်း​လၢႆ​ၼၼ်ႉ ဢမ်ႇ​မီး​တီႈ​သုတ်း​တီႈ​သဵင်ႈ​ၵူၺ်ႉ။-</verse>
				<verse number="6">မႂ်း​ယင်း​ဢမ်ႇ​ပၼ်​ၵႃႈ​သင်​လႄႈ ဢဝ်​ဢုၵ်ႉ​ၸႃႇ​ဢၼ်​ပီႈ​မႂ်း​ၼွင်ႉ​မႂ်း ပွင်ႇ​ၵမ်ႉ​ဝႆႉ​ၼၼ်ႉ​လႄႈ မႂ်း​ထွတ်ႇ​ဢဝ်​ၶူဝ်း​ၼုင်ႈ​ၶဝ်​ၸိူဝ်း​ဢၼ်​ယူႇ​တူဝ်​ပူၺ်​ၼၼ်ႉ​ယဝ်ႉ။-</verse>
				<verse number="7">မႂ်း​ဢမ်ႇ​ပၼ်​ၼမ်ႉ​ပုၼ်ႈ​ၵေႃႉ​ဢၼ်​ႁိူဝ်ႉ​ဢၼ်​ၼူၼ်း​ၼၼ်ႉ​တၵ်း​ၵိၼ်။ မႂ်း​ဢမ်ႇ​လဵင်ႉ​လူ​ၶဝ်​ၸိူဝ်း​ဢၼ်​ဢိုပ်း​ဢၼ်​ယၢၵ်ႈ​ၼၼ်ႉ။-</verse>
				<verse number="8">ၵေႃႉ​ဢၼ်​ႁႅင်း​ယႂ်ႇ​ၼၼ်ႉ​ၸမ်ႉ၊ လႆႈ​ပိူင်ႇ​ၼမ်ႉ​ပိူင်ႇ​လိၼ်​ဢေႃႈ။ ၵေႃႉ​ဢၼ်​မီး​ၵုင်ႇ​သရေႇ​ၼၼ်ႉ လႆႈ​ဢၶႂၢင်ႉ​ဢၼ်​ယူႇ​ၼႂ်း​မၼ်း​ဢေႃႈ။-</verse>
				<verse number="9">မႂ်း​ပွႆႇ​မႄႈ​မူၵ်း​မႄႈ​မၢႆႈ​တင်း​လၢႆ​ပႅတ်ႈ​တိၼ်​လၢႆ​မိုဝ်း​ပဝ်ႇ​လႄႈ ႁၵ်း​ၶႅၼ်​ႁၵ်း​မိုဝ်း လုၵ်ႈ​တိၼ်ႇ​ၽႃႉ​တင်း​လၢႆ​ပႅတ်ႈ​ယဝ်ႉ။-</verse>
				<verse number="10">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ တူင်ႇ​ႁႅဝ်ႉ​တူင်ႇ​ၶိုမ်း​လွမ်ႉ​ႁွပ်ႈ​မႂ်း​ဝႆႉ​လႄႈ တၢင်း​ဢၼ်​ၶီႉ​ၶႃႉ​တူၵ်း​ၸႂ်​ၼၼ်ႉ ႁႂ်ႈ​မႂ်း​ယၢပ်ႇ​ၸႂ်​ၶၢၼ်​ၸႂ်​ဢေႃႈ။-</verse>
				<verse number="11">လပ်း​သိင်ႇ​ဢၼ်​မႂ်း​ဢမ်ႇ​ႁၼ်​လႆႈ​ၼၼ်ႉ​ၼိၵ်ႈ​ၸၢၵ်ႈ​ငႅၼ်း​သႄး​လႄႈ ၼမ်ႉ​ဢၼ်​လႆ​ၸႅဝ်ႈ​ၼႃႇ​လူင်​လၢင်​ၼၼ်ႉ​လႆ​ထူမ်ႈ​ႁူမ်ႇ​မႂ်း​ဢေႃႈ။</verse>
				<verse number="12">ၽြႃး​ပဵၼ်​ၸဝ်ႈ​မီး​ယူႇ​ၵႃႈ​ၼိူဝ်​ပၢႆ​ၸိၵ်း​ၸွမ်​ၵၢင်​ႁၢဝ်​ဢမ်ႇ​ၸႂ်ႈ​ႁိုဝ်။ တူၺ်း​တၢင်း​ဢၼ်​လၢဝ်​တင်း​လၢႆ​သုင်​ၼႃႇ​ၼၼ်ႉ​လူး။ လၢဝ်​ၸိူဝ်း​ၼၼ်ႉ​ပဵၼ်​ဢၼ်​သုင်​ၼႃႇ​လူင်​လၢင်​လူင်​ပႄႇ။-</verse>
				<verse number="13">ပိူဝ်ႈ​ၼႆ​လႄႈ မႂ်း​ၸၢင်ႈ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​တၵ်း​ႁူႉ​လႆႈ​ၸိူဝ်ႉ​ၼင်ႇ​ႁိုဝ်။ မၼ်း​ၸဝ်ႈ​ယူႇ​ၵႃႈ​ၼႂ်း​တိူၵ်ႈ​ၽႃႈ​ၽူၼ် ဢၼ်​ၼႃ​တၼ်​ၼႃႇ​ၼၼ်ႉ​လႄႈ တၵ်း​ၸီႇ​ယၢင်ႇ​လႆႈ​ႁိုဝ်။-</verse>
				<verse number="14">ၽႃႈ​ၽူၼ်​ဢၼ်​ၼႃ​တၼ်​ၼႃႇ​လူင်​လၢင်​ထၼ်ႈ​ပေႃး မၼ်း​ၸဝ်ႈ​ဢမ်ႇ​ႁၼ်​လႆႈ​ၸိူဝ်း​ၼၼ်ႉ ဢွၼ်​ၵၼ်​ႁူမ်ႇ​သုမ်ႇ​မၼ်း​ၸဝ်ႈ​ယူႇ​လႄႈ မၼ်း​ၸဝ်ႈ​လႄႇ​လဵပ်ႈ​ၵႃႈ​ၼိူဝ်​ပၢႆ​ၸိၵ်း​ၸၵျႃႇဝလႃႇ​ၽႃႉ​ၵၢင်​ႁၢဝ်​ယူႇ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="15">မႂ်း​တၵ်း​ၸွမ်း​သဵၼ်ႈ​တၢင်း​ဢၼ်​ၵဝ်ႇ​ဢၼ်​မွၼ် ဢၼ်​ၵူၼ်း​ဢႃႉထမ်ႇမႃႉ​တင်း​လၢႆ၊-</verse>
				<verse number="16">ဢၼ်​ဝႃႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၸၵ်ႉ​ထူၺ်ႈ​ဢွၵ်ႇ​ပႅတ်ႈ ၸူဝ်ႈ​ဢၼ်​ၸူဝ်ႈ​ပၢၼ်​ၶဝ်​ဢမ်ႇ​ပႆႇ​ထူၼ်ႈ​ပႆႇ​တဵမ် ဢၼ်​ငဝ်ႈ​ႁၢၵ်ႈ​ၶဝ်​လႆႈ​ၶၢမ်ႇ​တၢင်း​ဢၼ် ၼမ်ႉ​ၼွင်း​ထူဝ်း​ဢဝ်​ပႃး​ဢဝ်​ၵႂႃႇ​ပႅတ်ႈ မူတ်း​မူတ်း​သဵင်ႈ​သဵင်ႈ​ၼၼ်ႉ​လႄႈ၊-</verse>
				<verse number="17">ၸၢင်ႈ​လၢတ်ႈ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ဢွၵ်ႇ​ၵႂႃႇ​သေ​ၵႃႈ​တီႈ​ႁဝ်း​တႃႉ။ ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ​တၵ်း​ႁဵတ်း​ပုၼ်ႈ​ႁဝ်း​ၸိူဝ်ႉ​ၼင်ႇ​ႁိုဝ်​လႆႈ၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ ယၢမ်ႈ​ၸွမ်း​ၼၼ်ႉ​ႁိုဝ်။-</verse>
				<verse number="18">ၼႂ်း​ဝႃႈ​ၼၼ်​သေ​ၵေႃႈ မၼ်း​ၸဝ်ႈ​ႁႂ်ႈ​ႁိူၼ်း​ၶဝ်​ၼၼ်ႉ တဵမ်​ဝႆႉ​တင်း​ၶိူင်ႈ​ပိူင်​ဢၼ်​လီ​ဢၼ်​ငၢမ်း​ဢေႃႈ။ ၵူၺ်း​ၵႃႈ​တၢင်း​ၵျၢမ်ႇ​တၢင်း​ပွင်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ မီး​ၵႆ​ၵၼ်​တင်း​ၵဝ်​ဢေႃႈ။-</verse>
				<verse number="19">ၶဝ်​ၸိူဝ်း​ဢၼ်​သိုဝ်ႈ​တေႃႇ​ဢွၼ်​ၵၼ်​တူၺ်း​ႁၼ်​လႄႈ ၸူမ်း​သိူဝ်း​ဢေႃႈ။ ၶဝ်​ၸိူဝ်း​ဢၼ်​ၵၢင်း​လွတ်ႈ​တၢင်း​ဢပႅတ်ႈ​ၼၼ်ႉ ဢွၼ်​ၵၼ်​ၶူဝ်​ၶဝ်​သေ​လႄႈ​ဝႃႈ၊-</verse>
				<verse number="20">ၶဝ်​ၸိူဝ်း​ဢၼ်​လုၵ်ႉ​ယူႇ​ၽၢႆႇ​ၼိုင်ႈ​တင်း​ႁဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ယႃႉ​ပႅတ်ႈ​ဢမၢၼ်ႇ​ၶၼ်​ပဵၼ်​ယဝ်ႉ​လႄႈ ၵႃႈ​ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ​တီႈ​ၶဝ်​ၼၼ်ႉ​ၵေႃႈ ၽႆး​မႆႈ​ပႅတ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">မိုတ်ႈ​ၵိုဝ်း​ႁူႉ​ၸၵ်း​မၼ်း​ၸဝ်ႈ​လႄႈ ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​မၼ်း​ၸဝ်ႈ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၢင်း​ဢၼ်​လႆႈ​လီ​လႆႈ​ပဵၼ် တၵ်း​ႁွတ်ႈ​ထိုင်​တီႈ​မႂ်း​ဢေႃႈ။-</verse>
				<verse number="22">ၶႅၼ်း​တေႃႈ​ၶၢမ်ႇ​ဢဝ်​တြႃး​ၵႃႈ​တီႈ​သူပ်း​မၼ်း​ၸဝ်ႈ​လႄႈ ဢဝ်​ၵႂၢမ်း​မၼ်း​ၸဝ်ႈ​သႂၢင်း​သႂ်ႇ​ဝႆႉ​ၵႃႈ​ၼႂ်း​ႁူဝ်​ၸႂ်​မႂ်း​သေ​ၵမ်း။-</verse>
				<verse number="23">ပေႃး​မႂ်း​ၶိုၼ်း​မႃး​ၸူး​တီႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း၊ ပေႃး​မႂ်း​ပႄႇ​ပႅတ်ႈ​တူႉ​ၸရိူၵ်ႈ ႁႂ်ႈ​ၵႆ​ယၢၼ်​သေ​ၵႃႈ​တီႈ​မူဝ်းၵႃႇ​တီႈ​ယူႇ​တီႈ​သဝ်း​မႂ်း​ၸိုင် မႂ်း​တၵ်း​လႆႈ​ၶၢမ်ႇ​တၢင်း​ဢၼ်​တႄႇ​ႁဵတ်း​ဢေႃႈ။-</verse>
				<verse number="24">ဢဝ်​ၽၼ်ႇတႃႇ​ၶမ်း​မႂ်း​ၶျႃး​ပႅတ်ႈ​ၵႃႈ​တီႈ​မုၼ်ႈ​လိၼ်​လႄႈ ဢဝ်​ၶမ်း​ ဢေႃႇၽီႉရႃႉ ​ၶျႃး​ပႅတ်ႈ​ၵႃႈ​ၼႂ်း​မၢၵ်ႇ​ႁိၼ်​ႁႄႈ ဢၼ်​မီး​ၵႃႈ​ၼႂ်း​ၼမ်ႉ​ႁွင်ႈ​ၼမ်ႉ​ၵႄး​ၼၼ်ႉ​သေ​တႃႉ။-</verse>
				<verse number="25">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၸဝ်ႈ​ဢၼၼ်ႇတႃႉ​တၼ်း​ၶူဝ်း တၵ်း​ပဵၼ်​ၽၼ်ႇတႃႇ​ၶမ်း​ဢိၵ်ႇ​တင်း​ၽၼ်ႇတႃႇ​ငိုၼ်း​ပုၼ်ႈ​မႂ်း​ဢေႃႈ။-</verse>
				<verse number="26">မိူဝ်ႈ​ၼၼ်ႉ မႂ်း​တၵ်း​မူၼ်ႈ​ပျေႃႇ​တီႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​လႄႈ မီး​ဢၶႂၢင်ႉ​ဢၼ်​လႆႈ​ငွၵ်ႈ​ၸူး​ႁႅၼ်​ၸူး​တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="27">မႂ်း​တၵ်း​မီး​ဢၶႂၢင်ႉ​ဢၼ်​လႆႈ​သူး​တွင်း​တီႈ​မၼ်း​ၸဝ်ႈ၊ မၼ်း​ၸဝ်ႈ​ၵေႃႈ​တၵ်း​ထွမ်ႇ​ဢဝ်​ၵႂၢမ်း​မႂ်း​လႄႈ မႂ်း​တၵ်း​မီး​ဢၶႂၢင်ႉ​ဢၼ်​လႆႈ​ၽေႇ​ဝၢတ်ႈ​သဵတ်ႈ​ၸႃႇ ဢၼ်​မႂ်း​ဝႆႉ​ၵတီႉ​ၼၼ်ႉ​ဢေႃႈ။-</verse>
				<verse number="28">မႂ်း​တၵ်း​မီး​ဢၶႂၢင်ႉ​ဢၼ်​လႆႈ​ၵျၢမ်ႇ​ပွင်​လႄႈ တၢင်း​ၵျၢမ်ႇ​တၢင်း​ပွင်​ၼၼ်ႉ​ၵေႃႈ​တၵ်း​ပဵၼ်​လႄႈ သၢႆ​ဢရွင်ႇ​တၵ်း​ႁိူဝ်ႈ​လႅင်း​ၵႃႈ​တီႈ သဵၼ်ႈ​တၢင်း​ဢၼ်​မႂ်း​ၵႂႃႇ​ၼၼ်ႉ​ဢေႃႈ။-</verse>
				<verse number="29">ယၢမ်း​မိူဝ်ႈ​ဢၼ်​ပိူၼ်ႈ​ၶျႃး​မႂ်း​တူၵ်း​တီႈ​တႅမ်ႇ​ၼၼ်ႉ၊ မႂ်း​တၵ်း​ဝႃႈ၊ တၵ်း​မီး​ဢၶႂၢင်ႉ​ဢၼ်​ယုၵ်ႉ​ယွင်ႈ​လႆႈ​ဝႃႈ​ၼင်ႇ​ၼႆ​လႄႈ၊ မၼ်း​ၸဝ်ႈ​တၵ်း​ၵႄႇ​သႄႇ​ၶျွတ်ႈ​ဢဝ်​ၵေႃႉ​ဢၼ်​ႁူဝ်​ၸႂ်​ၶျႃး​တႅမ်ႇ​ၼၼ်ႉ​ဢေႃႈ။-</verse>
				<verse number="30">မၼ်း​ၸဝ်ႈ​တၵ်း​ၵႄႇ​သႄႇ​ၼုၵ်ႈ​ဢဝ် ၵေႃႉ​ဢၼ်​ဢမ်ႇ​ၵၢင်း​ဢမ်ႇ​လွတ်ႈ​တင်း​ဢပႅတ်ႈ​ၼၼ်ႉ​လႄႈ မၼ်း​ၼၼ်ႉ​တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​သႄႇ​ၼုၵ်ႈ​ဢဝ် ၵွပ်ႈ​ပိူဝ်ႈ​တၢင်း​ဢၼ်​မိုဝ်း​မႂ်း ပဵၼ်​ဢၼ်​မူတ်း​သႂ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="23">
				<verse number="1">မိူဝ်ႈ​ၼၼ်ႉ​ ယေႃးၽႃႉ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">ဝၼ်း​မိူဝ်ႈ​ၼႆႉ​တၢင်း​ဢၼ်​ၵဝ်​ပွင်ႉ​ၶၢင်း​ပွင်ႉ​မိူၼ်ႇ​ၼၼ်ႉ ပဵၼ်​ဢၼ်​ၶူမ်​ၼႃႇ​လူင်​လၢင်​လႄႈ တၢမ်ႇ​ဢၼ်​ၵဝ်​လႆႈ​ၶၢမ်ႇ​ၼႆႉ ယဵင်ႈ​ၶႅၼ်း​ၼၵ်း​ၼႃႇ​သေ​တၢင်း​ဢၼ်​ၵဝ်​ၶၢင်း​ၶီ​ၶၢင်း​ၽၢၼ်​ဢေႃႈ။-</verse>
				<verse number="3">ဢလူဝ်း။ ႁႂ်ႈ​ၵဝ်​လႆႈ​ႁူႉ​တီႈ​ဢၼ်​ထူပ်း​ႁၼ်​မၼ်း​ၸဝ်ႈ​လႆႈ​ၼၼ်ႉ​သေ​ၵမ်း​လူၺ်ႈ။ ႁႂ်ႈ​ၵဝ်​လႆႈ​ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ပလၢင်ႇ​မၼ်း​ၸဝ်ႈ​ၼၼ်ႉ​သေ​ၵမ်း​လူၺ်ႈ။-</verse>
				<verse number="4">ပေႃး​ႁွတ်ႈ​ထိုင်​ၼင်ႇ​ၼၼ်​ၸိုင်၊ ၵဝ်​တၵ်း​မႄး​ႁႅၼ်း​ဢမူႉ​ၵဝ်​ဝႆႉ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ ႁႂ်ႈ​သူပ်း​ၵဝ်​တဵမ်​ဝႆႉ​တင်း​ၵႂၢမ်း​ဢၼ်​လီ​လဝ်ႊ​လီ​လၢတ်ႈ​ၼမ်​ၼႃႇ​ဢေႃႈ။-</verse>
				<verse number="5">ၵဝ်​တၵ်း​လႆႈ​ႁူႉ​လႆႈ​ၸႅင်ႈ​ၵႂၢမ်း​ဢၼ်​မၼ်း​ၸဝ်ႈ​တၵ်း​ၶိုၼ်း​လၢတ်ႈ​တီႈ​ၵဝ်​ၼၼ်ႉ​လႄႈ လႆႈ​မၢတ်ႈ​လႆႈ​တွင်း​လွင်ႈ​ဢၼ်​မၼ်း​ၸဝ်ႈ​တၵ်း​မီး​ဢမိင်ႉ ဢွၵ်ႇ​သူပ်း​ဝႃႈ​တီႈ​ၵဝ်​ၼၼ်ႉ​ဢေႃႈ။-</verse>
				<verse number="6">မၼ်း​ၸဝ်ႈ​တၵ်း​ဢဝ်​မႁႃႇ​တၼ်း​ၶူဝ်း​မၼ်း​ၸဝ်ႈ ထူပ်း​တြႃး​ၵၼ်​တင်း​ၵဝ်​ႁိုဝ်။ မၼ်း​ၸဝ်ႈ​တၵ်း​ဢမ်ႇ​ႁဵတ်း​ၸိူဝ်ႉ​ၼင်ႇ​ၼၼ်။ မၼ်း​ၸဝ်ႈ​တၵ်း​ထွမ်ႇ​ဢဝ်​ၵႂၢမ်း​ၵဝ်​ဢေႃႈ။-</verse>
				<verse number="7">ၵႃႈ​တီႈ​ၼၼ်ႈ၊ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ မီး​ဢၶႂၢင်ႉ​ဢၼ်​လႆႈ​တိူင်ႇ​ပၢင်ႇ​တွင်ႈ​ထၢမ်​ၵၼ်​တင်း​မၼ်း​ၸဝ်ႈ​လႄႈ ၵဝ်​တၵ်း​ၶၢမ်ႇ​တၢင်း တၢင်း​ဢၼ်​ၵႄႇ​သႄႇ​ၼုၵ်ႈ​ဢဝ်​သေ ၵႃႈ​ၼႂ်း​မိုဝ်း​ၸဝ်ႈ​တြႃး​ၵဝ်​ၼၼ်ႉ​သေႇ​သေႇ​ဢေႃႈ။</verse>
				<verse number="8">တူၺ်း​လူး၊ ပေႃး​ၵဝ်​ၵႂႃႇ​ၽၢႆႇ​တၢင်း​ၼႃႈ​ၸိုင်၊ မၼ်း​ၸဝ်ႈ​ဢမ်ႇ​မီး။ ပေႃး​ၵႂႃႇ​ၽၢႆႇ​တၢင်း​လင်​ၸိုင်၊ ၵဝ်​ဢမ်ႇ​ႁူႉ​သၢႆ​ငၢႆႈ​မၼ်း​ၸဝ်ႈ။-</verse>
				<verse number="9">ပေႃး​ၵႂႃႇ​ၵႃႈ​တီႈ​ၽၢႆႇ​တၢင်း​သၢႆႉ တီႈ​ဢၼ်​မၼ်း​ၸဝ်ႈ​သၢင်ႈ​ႁဵတ်း​ၼၼ်ႉ​ၸိုင်၊ ၵဝ်​ဢမ်ႇ​လႆႈ​ထူပ်း​လႆႈ​ႁၼ်​မၼ်း​ၸဝ်ႈ။ မၼ်း​ၸဝ်ႈ​တဵတ်ႇ​မႅပ်ႉ​ယူႇ၊ ၵႃႈ​တီႈ​ၽၢႆႇ​တၢင်း​ၶႂႃ​လႄႈ ၵဝ်​ဢမ်ႇ​လႆႈ​ႁၼ်​မၼ်း​ၸဝ်ႈ။-</verse>
				<verse number="10">ၼႂ်း​ဝႃႈ​ၼၼ်​သေ​ၵေႃႈ မၼ်း​ၸဝ်ႈ​ႁူႉ​သဵၼ်ႈ​တၢင်း​ဢၼ်​ၵဝ်​ၵႂႃႇ​ၼၼ်ႉ​ယူႇ​ဢေႃႈ။ ၵဝ်​ၶၢမ်ႇ​တၢင်း​ဢၼ်​မၼ်း​ၸဝ်ႈ ၸႅတ်ႈ​တူၺ်း​သေ​ယဝ်ႉ၊ တၵ်း​ပေႃႇ​ဢွၵ်ႇ​မႃး​မိူၼ်​ၸိူဝ်ႉ​ၼင်ႇ​ၶမ်း​ဢေႃႈ။-</verse>
				<verse number="11">တိၼ်​ၵဝ်​ၼႆႉ ၸပ်း​ၸွမ်း​တႆႇ​ၸွမ်း​ႁွႆး​တိၼ်​မၼ်း​ၸဝ်ႈ​ယူႇ​လႄႈ ယင်း​ဢမ်ႇ​ဝႄႈ​ဢမ်ႇ​ပိူင်ႈ​လႄႈ ၸွမ်း​သဵၼ်ႈ​တၢင်း​ဢၼ်​မၼ်း​ၸဝ်ႈ​ၵႂႃႇ​ၼၼ်ႉ​ယူႇ​ဢေႃႈ။-</verse>
				<verse number="12">ၵဝ်​ဢမ်ႇ​သုတ်ႉ​ၶိုၼ်း​ယိုတ်း​ၶိုၼ်း​သေ​ၵႃႈ​တီႈ​ပိင်း​ၺၢပ်ႈ ဢၼ်​ဢွၵ်ႇ​တီႈ​သူပ်း​မၼ်း​ၸဝ်ႈ​ၼၼ်ႉ​လႄႈ ၵဝ်​ထုၵ်ႇ​ၸႂ်​ၵျိူၵ်ႈ​ၸႂ်​ၵႂၢမ်း​ဢၼ်​ဢွၵ်ႇ​သူပ်း​မၼ်း​ၸဝ်ႈ​ၼၼ်ႉ လိူဝ်​တွၼ်း​ၼႃႇ​သေ​ၵႃႈ​ဢၼ်​ပဵၼ်​ထုင်း​ပဵၼ်​ၽိင်ႈ​ဝႆႉ​တီႈ​ၵဝ်​ၼၼ်ႉ​ဢေႃႈ။</verse>
				<verse number="13">ၼႂ်း​ဝႃႈ​ၼၼ်​သေ​ၵေႃႈ မၼ်း​ၸဝ်ႈ​မီး​သၽေႃး​ဢၼ်​လဵဝ်​ၵူၺ်း​ယူႇ​သေႇ​သေႇ​လႄႈ၊ ၽူႈ​လႂ်​တၵ်း​ႁႂ်ႈ​မၼ်း​ၸဝ်ႈ​ၶၢႆႉ​ပုတ်ႈ​လႆႈ။ မၼ်း​ၸဝ်ႈ​တၵ်း​ႁဵတ်း ၵႃႈ​ၼင်ႇ​ဢၼ်​ႁူဝ်​ၸႂ်​မၼ်း​ၸဝ်ႈ​မီး​ဢလူဝ်ႇ​ၼၼ်ႉ​ဢေႃႈ။-</verse>
				<verse number="14">မၼ်း​ၸဝ်ႈ​ၸီႇ​ယၢင်ႇ​ႁဵတ်း​ဝႆႉ​ပုၼ်ႈ​ၵဝ်​တႃႇ​ၵဝ်​လႄႈ၊ တၢင်း​ၵျၢမ်ႇ​တၢင်း​ပွင်​ၸဝ်ႈ​ဢၼ်​ၸိူဝ်ႉ​ၼင်ႇ​ၼၼ်​ၼၼ်ႉ မီး​ၼမ်​ၼႃႇ​လူင်​လၢင်​ဢေႃႈ။-</verse>
				<verse number="15">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼၼ်​လႄႈ ၵဝ်​မီး​တၢင်း​ဢၼ်​ထုၵ်ႇ​ၸႂ်​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ ယၢမ်း​မိူဝ်ႈ​ဢၼ်​ၵဝ်​ၶႆႈ​ၸႂ်​ဝူၼ်ႉ​ၸႂ်​ၼၼ်ႉ ၵဝ်​လႆႈ​ၵူဝ်​ႁႄ​မၼ်း​ၸဝ်ႈ​ဢေႃႈ။-</verse>
				<verse number="16">ၽြႃး​ပဵၼ်​ၸဝ်ႈ ႁဵတ်း​ႁႂ်ႈ​ၸႂ်​ၵဝ်​လူႉ​လႄႈ၊ ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ ႁဵတ်း​ႁႂ်ႈ​ၵဝ်​ၵူဝ်​ႁႄ​ဢေႃႈ။-</verse>
				<verse number="17">လွင်ႈ​မၼ်း​ၸမ်ႉ ၵဝ်​ဢမ်ႇ​လႆႈ​ၶၢမ်ႇ​တၢင်း​ဢၼ်​ပႄႇ​ၽဵဝ်ႈ​ပႅတ်ႈ​သေ ၸူဝ်ႈ​ဢၼ်​လပ်း​သိင်ႇ​ဢမ်ႇ​ပႆႇ​ႁွတ်ႈ​မႃး​ၽႅဝ်​မႃး​ၼၼ်ႉ​လႄႈ မၼ်း​ၸဝ်ႈ ဢမ်ႇ​သူင်ႇ​ႁူမ်ႇ​ၽႃႈ​ၽူၼ်​ဢၼ်​ၼႃ​တၼ်​ၼႃႇ​ၼၼ်ႉ​ဝႆႉ​သေ​ၵႃႈ​တီႈ​ၼႃႈ​ၵဝ်။</verse>
			</chapter>
			<chapter number="24">
				<verse number="1">ပေႃး​ၶိင်ႇ​ၵႃႇလႃႉ​ဢမ်ႇ​မီး​တၢင်း​ဢၼ်​သိမ်း​သိူင်ႇ​ဝႆႉ​သေ​ၵႃႈ​တီႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ​ၸိုင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶဝ်​ၸိူဝ်း​ဢၼ်​ႁူႉ​မၼ်း​ၸဝ်ႈ​ၼၼ်ႉ ဢမ်ႇ​လႆႈ​ႁၼ်​မိုဝ်ႉ​ဝၼ်း​မၼ်း​ၸဝ်ႈ​ၸိူဝ်း​ၼၼ်ႉ​ၼင်ႇ​ႁိုဝ်။-</verse>
				<verse number="2">ၵူၼ်း​ၵမ်ႈ​ၽွင်ႈ ၸၢင်ႈ​ဢွၼ်​ၵၼ်​ၶၢႆႉ​သဝ် ဢၼ်​မၢတ်ႈ​လိၼ်​မၢႆ​လိၼ်​လႄႈ ၸၢင်ႈ​ဢွၼ်​ၵၼ်​ႁိမ်​ဢဝ်​ၽုင်​သူဝ်း​ၽုင်​ပႄႉ​ပိူၼ်ႈ​သေ​လႄႈ လဵင်ႉ​ဝႆႉ​ပုၼ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="3">ၶဝ်​ၸၢင်ႈ​ဢွၼ်​ၵၼ်​ႁေႃႈ​ဢဝ်​လီႈ​လုၵ်ႈ​ဢွၼ်ႇ ဢၼ်​ဢမ်ႇ​မီး​ပေႃႈ​မီး​မႄႈ​ၼၼ်ႉ​ၵႂႃႇ​လႄႈ ၸၢင်ႈ​ဢွၼ်​ၵၼ်​ဢဝ်​ဝူဝ်း​မႄႈ​မူၵ်း​မႄႈ​မၢႆႈ ပုၼ်ႈ​ဢၼ်​ပွင်ႇ​ဢၼ်​ၵမ်ႉ​ဢေႃႈ။-</verse>
				<verse number="4">ၶဝ်​ၸၢင်ႈ​ဢွၼ်​ၵၼ်​ႁႂ်ႈ​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ ၽိတ်း​တၢင်း​ပိူင်ႈ​တၢင်း​ၵႂႃႇ​လႄႈ ၵူၼ်း​ဝၢၼ်ႈ​ၵူၼ်း​မိူင်း​ဢၼ်​ယၢၵ်ႈ​ဢၼ်​ၽၢၼ်​ၸိူဝ်း​ၼၼ်ႉ လႆႈ​ဢွၼ်​ၵၼ်​ၽွမ်ႉ​ၵၼ်​တဵတ်ႇ​မႅပ်ႉ​ယူႇ​ဢေႃႈ။-</verse>
				<verse number="5">တူၺ်း​လူး၊ ၸိူဝ်ႉ​ၼင်ႇ​လီႈ​ဢၼ်​ရိူင်း​ၵႃႈ​တီႈ​ထိူၼ်ႇ​ၼၼ်ႉ​သေ​လႄႈ ၶဝ်​ဢွၼ်​ၵၼ်​ဢွၵ်ႇ​ႁႂ်ႈ​လႆႈ​ႁဵတ်း​ၵၢၼ်​ႁဵတ်း​ငၢၼ်း​လႄႈ ၵျူဝ်း​ၸႃး​ႁႃ​ဢဝ်​တၢင်း​ၵိၼ်​တၢင်း​ၶူပ်း​ၶဝ်​လႄႈ ထိူၼ်ႇ​ၼၼ်ႉ​ပၼ်​တၢင်း​ၵိၼ်​တၢင်း​ၶူပ်း​ပုၼ်ႈ​ၶဝ် ဢိၵ်ႇ​တင်း​ပုၼ်ႈ​လုၵ်ႈ​ပုၼ်ႈ​လၢင်း​ၶဝ်​ဢေႃႈ။-</verse>
				<verse number="6">ၶဝ်​ဢွၼ်​ၵၼ်​ပၢတ်ႇ​ထိူဝ်​မၢၵ်ႇ​ႁူင်း ၵႃႈ​ၼႂ်း​တူင်ႈ​ႁႆႊ​တူင်ႈ​ၼႃး​ပၼ်​လႄႈ ၸူႉ​သိမ်း​မၢၵ်ႇ​ၸပိတ်ႈ ၵေႃႉ​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ​ပၼ်​ဢေႃႈ။-</verse>
				<verse number="7">ၶဝ်​ယင်း​ဢမ်ႇ​မီး​ၶူဝ်း​ၼုင်ႈ​ၶူဝ်း​မႆ​လႄႈ ၼွၼ်း​ယူႇ​တင်း​ၶိုၼ်း​လႄႈ ဢမ်ႇ​မီး​ၽႃႈ​မီး​ၽႅၼ်ႇ ပုၼ်ႈ​ဢၼ်​တၵ်း​ႁူမ်ႇ​ၶဝ်​ၼၼ်ႉ ၼႂ်း​ၶိင်ႇ​မိူဝ်ႈ​ဢၼ်​ၵတ်း​ဢၼ်​ၼၢဝ်​ၼၼ်ႉ။-</verse>
				<verse number="8">ၶဝ်​လႆႈ​ၶၢမ်ႇ​လႆႈ​ယမ်း​ႁႃႇ​ၽူၼ် ၵႃႈ​တီႈ​ၼိူဝ်​လွႆ​ၼိူဝ်​ၵုင်း​လႄႈ ယင်း​ဢမ်ႇ​မီး​တီႈ​ဢၼ်​တၵ်း​သွၼ်ႈ​တၵ်း​ပိုင်ႈ​လႄႈ လႆႈ​ဢွၼ်​ၵၼ်​သွၼ်ႈ​ယူႇ​မႅပ်ႉ​ယူႇ ၵႃႈ​ၼႂ်း​ၵႄႈ​မၢၵ်ႇ​ႁိၼ်​မၢၵ်ႇ​ၽႃ​ဢေႃႈ။-</verse>
				<verse number="9">လုၵ်ႈ​ဢွၼ်ႇ​ဢၼ်​ဢမ်ႇ​မီး​ပေႃႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ပိူၼ်ႈ​ဢဝ်​ၽၢတ်ႇ​ၼူမ်း​မႄႈ​မၼ်း​လႄႈ ၵူၼ်း​ယၢၵ်ႈ​ၵူၼ်း​ၽၢၼ်​ၼၼ်ႉ လႆႈ​ၶၢမ်ႇ​တၢင်း​ဢၼ်​ပိူၼ်ႈ​သိမ်း​ဢဝ်​ဢုၵ်ႉ​ၸႃႇ​မၼ်း ႁႂ်ႈ​ပဵၼ်​ပုၼ်ႈ​ဢၼ်​ပွင်ႇ​ဢၼ်​ၵမ်ႉ​ဢေႃႈ။-</verse>
				<verse number="10">ၶဝ်​ယင်း​ဢမ်ႇ​မီး​ၶူဝ်း​ၼုင်ႈ​တၢင်း​မႆ​လႄႈ လႆႈ​ဢွၼ်​ၵၼ်​လႄႇ​ၵႂႃႇ​လႄႇ​မႃး​ယူႇ​တူဝ်​ပူၺ်​လႄႈ တွင်ႉ​မႆႈ​သႆႈ​လိူတ်ႇ​ယူႇ​သေ​လႄႈ​လႆႈ​တေႃႉ​လႆႈ​ႁၢပ်ႇ​လိုၼ်ႈ​ၶဝ်ႈ​ပိူၼ်ႈ​ပၼ်​ဢေႃႈ။-</verse>
				<verse number="11">ၶဝ်​လႆႈ​ဢွၼ်​ၵၼ်​ၶိုတ်ႈ​ၼမ်ႉ​မၼ်း ၵႃႈ​ၼႂ်း​ႁူဝ်ႉ​ဝၢင်း​ပိူၼ်ႈ​ယူႇ၊ ယဵပ်ႇ​ၼူတ်ႈ​ၵႃႈ​တီႈ​ၶိူင်ႈ​ဢၼ်​ယဵပ်ႇ​ၼူတ်ႈ​မၢၵ်ႇ​ၸပိတ်ႈ​ပိူၼ်ႈ​ယူႇ​သေ​လႄႈ လႆႈ​ၶၢမ်ႇ​တၢင်း​ဢၼ်​ယၢၵ်ႇ​ၼမ်ႉ​ယၢၵ်ႇ​ၼၢႆး​ဢေႃႈ။-</verse>
				<verse number="12">ၵူၼ်း​ၼမ်​ၼႃႇ လႆႈ​ဢွၼ်​ၵၼ်​ၶၢင်း​ၶီ​ၶၢင်း​ၽၢၼ်​ၵႃႈ​ၼႂ်း​ဝဵင်း​လႄႈ ႁူဝ်​ၸႂ်​ၶဝ်​ၸိူဝ်း​ဢၼ်​ၸဵပ်း​သႅပ်ႇ​ၼၼ်ႉ ႁွင်ႉ​ၵၢဝ်ႇ​ႁွင်ႉ​ႁႃ​ဢေႃႈ။ ၵူၺ်း​ၵႃႈ ၽြႃး​ပဵၼ်​ၸဝ်ႈ​ဢမ်ႇ​ႁဵတ်း​ပမႃႇၼႃႉ​တီႈ​ၵႂၢမ်း​ဢၼ်​ၶဝ်​သူး​တွင်း​ၼၼ်ႉ။</verse>
				<verse number="13">ၶဝ်​ၼႆႉ​ၶဝ်ႈ​ပႃး​ၼႂ်း​ၶဝ်​ၸိူဝ်း​ဢၼ် ႁဵတ်း​ၶတ်း​ၵၼ်​တင်း​ဢၼ်​လႅင်း​လႄႈ ဢမ်ႇ​ႁူႉ​သၽေႃး​ဢၼ်​လႅင်း​ၼၼ်ႉ၊ ဢမ်ႇ​ၸၢင်ႈ​ၸွမ်း​သဵၼ်ႈ​တၢင်း​မၼ်း​ၼၼ်ႉ။-</verse>
				<verse number="14">ၵူၼ်း​ဢၼ်​ဢဝ်​တၢႆ​ၼၼ်ႉ ၸၢင်ႈ​လုၵ်ႉ​မိူဝ်ႈ​ဢၼ်​မိူင်း​ၸႃႉ​ပၢင်ႇ​ၸႃႉ​လႅင်း​ၼၼ်ႉ​သေ​လႄႈ ဢဝ်​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​လႂ်၊ ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​လႂ်​ၼၼ်ႉ​တၢႆ​လႄႈ၊ ၶိင်ႇ​ၵၢင်​ၶိုၼ်း​ၸမ်ႉ၊ မၼ်း​ႁဵတ်း​ၸိူဝ်ႉ​ၼင်ႇ​ၽူႈ​လၵ်ႉ​ၼၼ်ႉ​ယူႇ​ဢေႃႈ။-</verse>
				<verse number="15">မၢၵ်ႇ​တႃ​ၵေႃႉ​ဢၼ်​ၸၢင်ႈ​ၵူတ်ႉ​မေး​ပိူၼ်ႈ​ၼၼ်ႉ၊ မုင်ႈ​မွင်း​ၶိင်ႇ​ႁူဝ်​ၶမ်ႈ​လႄႈ​ႁူမ်ႇ​သုမ်ႇ​ၼႃႈ​မၼ်း​ယူႇ​သေ​လႄႈ ၸၢင်ႈ​လၢတ်ႈ​လႄႈ​ဝႃႈ၊ မၢၵ်ႇ​တႃ​ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​လႆႈ​ႁၼ်​ၵဝ်​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၶဝ်​ၼၼ်ႉ​ၶိင်ႇ​ၵၢင်​ၶိုၼ်း ၸၢင်ႈ​ဢွၼ်​ၵၼ်​ၶုတ်း​မူင်ႇ​ႁိူၼ်း​ပိူၼ်ႈ​လႄႈ ၶိင်ႇ​ၵၢင်​ဝၼ်း​ၸမ်ႉ၊ ၸၢင်ႈ​ဢွၼ်​ၵၼ်​တဵတ်ႇ​မႅပ်ႉ​ယူႇ​လႄႈ ဢမ်ႇ​ႁူႉ​ၸၵ်း​ဢၼ်​လႅင်း။-</verse>
				<verse number="17">ၶိင်ႇ​ၵၢင်​ၼႂ်​ၸိုင် ပဵၼ်​ၸိူဝ်ႉ​ၼင်ႇ​ငဝ်း​ႁူမ်ႈ​တၢင်း​တၢႆ​တီႈ​ၶဝ်​လႄႈ ၶဝ်​လႆႈ​ႁူႉ​ၽေး​တၢင်း​ဢၼ်​လီ​ၵူဝ်​လီ​ႁႄ ၵႃႈ​ၼႂ်း​ငဝ်း​ႁူမ်ႈ​တၢင်း​တၢႆ​ၼၼ်ႉ​ဢေႃႈ။-</verse>
				<verse number="18">မၼ်း​ပဵၼ်​ဢၼ်​မဝ်​ထွင်​ယွင် ၵႃႈ​ၼိူဝ်​ၼႃႈ​ၼမ်ႉ​ဢေႃႈ။ ပုၼ်ႈ​ၶဝ်​တႃႇ​ၶဝ်​ၼၼ်ႉ ပဵၼ်​တၢင်း​ဢၼ်​ၵိၼ်ႇ​လႃႇ​ၵႃႈ​ၼိူဝ်​လိၼ်​မိူင်း​လႄႈ ၶဝ်​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​သူၼ်​ဢူးယဵၼ်ႇ​ၸပိတ်ႈ။-</verse>
				<verse number="19">တၢင်း​ဢၼ်​ႁႅင်ႈ​ဢၼ်​ႁွင် ဢိၵ်ႇ​တင်း​တၢင်း​ဢၼ်​လႅတ်ႇ​မႆႈ​ၼၼ်ႉ ၸၢင်ႈ​ၵိၼ်​ၼမ်ႉ​မူၺ်​ႁႃႇ​ပႅတ်ႈ​လႄႈ မိူင်း​မရၼႃႉ​ၼၼ်ႉ ၸၢင်ႈ​ၵိၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ပႅတ်ႈ​ဢေႃႈ။-</verse>
				<verse number="20">တွင်ႉ​ဢၼ်​ၵိူတ်ႇ​လဵင်ႉ​မၼ်း​ၼၼ်ႉ တၵ်း​လူင်​လိုမ်း​မၼ်း​လႄႈ တူဝ်​ၼွၼ်​တၵ်း​ၵိၼ်​မၼ်း ဝၢၼ်​ဝၢၼ်​မၼ်း​မၼ်း​ဢေႃႈ။ ၵမ်း​လိုၼ်း​ၽူႈ​လႂ်​သေ​ၵေႃႉ​သေ​ၵူၼ်း တၵ်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း။ လွင်ႈ​တၢင်း​ဢၼ်​ဢမ်ႇ​တြႃး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ႁၵ်း​ႁဵၵ်း​ပႅတ်ႈ​မိူၼ်​ၸိူဝ်ႉ​ၼင်ႇ​တူၼ်ႈ​မႆႉ​ၼၼ်ႉ​ဢေႃႈ။</verse>
				<verse number="21">မၼ်း​ၸၢင်ႈ​ၼိၵ်ႈ​ၸၢၵ်ႈ​ငႅၼ်း​သႄး​မႄႈ​ယိင်း​ဢၼ်​ဢမ်ႇ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ၼၼ်ႉ​လႄႈ တီႈ​မႄႈ​မူၵ်း​မႄႈ​မၢႆႈ​ၵေႃႈ မၼ်း​ဢမ်ႇ​ၸၢင်ႈ​ႁဵတ်း​ၵျေး​ၸူး။-</verse>
				<verse number="22">မၼ်း​ၸၢင်ႈ​ဢဝ်​တင်း တၼ်း​ၶူဝ်း​မၼ်း​ပႄႇ​ၽဵဝ်ႈ ၵေႃႉ​ဢၼ်​ႁႅင်း​ယႂ်ႇ​ၼၼ်ႉ​ပႅတ်ႈ​လႄႈ ယၢမ်း​မိူဝ်ႈ​ဢၼ်​မၼ်း​လုၵ်ႉ​ၼၼ်ႉ ၵူႈ​ၵေႃႉ​ၵူႈ​ၵူၼ်း​ဢွၼ်​ၵၼ်​မႆႈ​ၸႂ်​ပုၼ်ႈ​ဢသၢၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="23">ၵူၺ်း​ၵႃႈ​မၼ်း​ၸဝ်ႈ​ပၼ်​ဢၶႂၢင်ႉ​တီႈ​ဢၼ်​လူင်ႉ​လီ​လွတ်ႈ​လီ​တီႈ​ၶဝ်​လႄႈ ၶဝ်​လႆႈ​တႄႇ​ယူႇ​ၼိမ်​ယူႇ​ၼႂ်း​မၼ်း​သေ​လႄႈ မၢၵ်ႇ​တႃ​မၼ်း​ၸဝ်ႈ​လူ​တူၺ်း​သဵၼ်ႈ​တၢင်း​ၶဝ်​ယူႇ​ဢေႃႈ။-</verse>
				<verse number="24">ၶဝ်​ဢွၼ်​ၵၼ်​ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ​သေ​ယဝ်ႉ၊ ၵမ်း​ဢွၼ်ႇ​ၼိုင်ႈ​ၵူၺ်း သမ်ႉ​လႆႈ​လပ်ႉ​ႁၢႆ​ၵႂႃႇ​ဢေႃႈ။ ၶဝ်​ႁွတ်ႈ​ထိုင်​တၢင်း​ဢၼ်​ၶျႃး​တူၵ်း​တီႈ​တႅမ်ႇ​သေ​ယဝ်ႉ၊ လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဢသၢၵ်ႈ မိူၼ်​ၸိူဝ်ႉ​ၼင်ႇ​ပိူၼ်ႈ​လႄႈ လႆႈ​ၶၢမ်ႇ​တၢင်း​ဢၼ်​ပၢတ်ႇ​ဢၼ်​ထိူဝ် မိူၼ်​ၸိူဝ်ႉ​ၼင်ႇ​ပၢႆ​ႁူင်း​ၶဝ်ႈ​ၼၼ်ႉ​ဢေႃႈ။-</verse>
				<verse number="25">ပေႃး​ဢမ်ႇ​ၸႂ်ႈ​ၸိူဝ်း​ၼၼ်ႉ​ၸိုင်၊ ၽူႈ​လႂ်​တၵ်း​ၼႄ​ပျႃး​ဢပႅတ်ႈ​မူႉ​သႃႇ​ၵဝ်။ ၽူႈ​လႂ်​တၵ်း​ႁႂ်ႈ​ၵႂၢမ်း​ၵဝ်​ပဵၼ်​ဢၼ်​မဝ်​ဢၼ်​မၢင်​ၵႂႃႇ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="25">
				<verse number="1">မိူဝ်ႈ​ၼၼ်ႉ ပီႉလတတ်ႉ ​မဵဝ်း​ သူႉဢႃႇ ​ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">မၼ်း​ၸဝ်ႈ​ၼၼ်ႉ​ပျေႉ​ၸုမ်ႇ​ဝႆႉ​တင်း​ဢႃႇၼႃႇ​ၸဝ်ႈ ဢိၵ်ႇ​တင်း​မုၼ်​ၵုင်ႇ​ဢၼ်​လီ​ၵူဝ်​လီ​ႁႄ​ၼၼ်ႉ​လႄႈ ပွင်​ႁဵတ်း​လုမ်း​လႃး​တၢင်း​ဢၼ်​တဵတ်ႇ​လီ​ၼိမ်​လီ ၵႃႈ​တီႈ​ထႃႇၼႃႉ​တီႈ​ဢၼ်​သုင်​မၼ်း​ၸဝ်ႈ​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="3">ၼပ်ႉ​ဢၢၼ်ႇ​ပူဝ်ႇ​ပႃႇ​မၼ်း​ၸဝ်ႈ​ၸိူဝ်း​ၼၼ်ႉ​လႆႈ​ႁိုဝ်။ ဢၼ်​လႅင်း​မၼ်း​ၸဝ်ႈ​ၼၼ်ႉ ယင်း​ဢမ်ႇ​ႁႂ်ႈ​ၽူႈ​လႂ်​လႅင်း​လႄႈ​တၵ်း​ယူႇ။-</verse>
				<verse number="4">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵူၼ်း​ၸိုင်​တၵ်း​လႆႈ​တၢင်း​ဢၼ်​သိုဝ်ႈ​တေႃႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​လႆႈ​ၸိူဝ်ႉ​ၼင်ႇ​ႁိုဝ်။ ၵေႃႉ​ဢၼ်​ၵူၼ်း​ယိင်း​ၵိူတ်ႇ​လဵင်ႉ​မႃး​ၼၼ်ႉ​ၸိုင် တၵ်း​မူတ်း​ၸၢင်ႇ​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="5">လိူၼ်​သေ​ၵေႃႈ ဢမ်ႇ​မီး​ဢၼ်​လႅင်း။ လၢဝ်​တင်း​လၢႆ​သေ​ၵေႃႈ ဢမ်ႇ​ၶၢဝ်​ၸၢင်ႇ​သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ။-</verse>
				<verse number="6">ပိူဝ်ႈ​ၼႆ​လႄႈ ၵူၼ်း​ႁဝ်း​ဢၼ်​ပဵၼ်​တူဝ်​ၼွၼ်၊ လုၵ်ႈ​ၵူၼ်း​ဢၼ်​ပဵၼ်​တိူၵ်ႇ​လိူၼ်​ၼႆႉ တၵ်း​မီး​တီႈ​လၢတ်ႈ​ၸိူဝ်ႉ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="26">
				<verse number="1">မိူဝ်ႈ​ၼၼ်ႉ​ ယေႃးၽႃႉ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​လႆႈ​ၸွႆႈ​ထႅမ်​မႃႉ​ၸႃႉ​ၵေႃႉ​ဢၼ်​ႁႅင်း​ၵေႇ​ၼၼ်ႉ​ၸိူဝ်ႉ​ၼင်ႇ​ႁိုဝ်​ယဝ်ႉ။ မႂ်း​လႆႈ​ၵမ်ႉ​ထွၵ်ႈ​ၶႅၼ်​မိုဝ်း​ဢၼ်​ဢူၼ်ႈ​ဢွၼ်ႇ​ၼၼ်ႉ​ၸိူဝ်ႉ​ၼင်ႇ​ႁိုဝ်​ယဝ်ႉ။-</verse>
				<verse number="3">မႂ်း​ပၼ်​တၢင်း​ၵျၢမ်ႇ​တၢင်း​ပွင်​တီႈ​ၵေႃႉ​ဢၼ်​ဢမ်ႇ​မီး​ပိင်ႇ​ၺႃႇ​ၼၼ်ႉ​ၸိူဝ်ႉ​ၼင်ႇ​ႁိုဝ်​ယဝ်ႉ။ မႂ်း​ၼႄ​ပျႃး​ပိင်ႇ​ၺႃႇ​ၼမ်​ၼႃႇ​ၸိူဝ်ႉ​ၼင်ႇ​ႁိုဝ်​ယဝ်ႉ။-</verse>
				<verse number="4">မႂ်း​ဢဝ်​ၽူႈ​လႂ်​ဢွၵ်ႇ​သူပ်း​ဝႃႈ​ၵႂၢမ်း​ၼႆႉ။ မႂ်း​ဢဝ်​ဝီႉၺိၺ်ႇ​ၽူႈ​လႂ်​ႁေႃး​လၢတ်ႈ။-</verse>
				<verse number="5">ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ ဢိၵ်ႇ​တင်း​ၶဝ်​ၸိူဝ်း​ဢၼ်​ယူႇ​ၵႃႈ​တႂ်ႈ​ပိုၼ်ႉ​ၼမ်ႉ​ၼၼ်ႉ ဢွၼ်​ၵၼ်​သၼ်ႇ​ၶွၼ်း​ဝႆ​ယူႇ​ၵႃႈ​တီႈ​တႂ်ႈ​ပိုၼ်ႉ​ၼမ်ႉ​ၼၼ်ႉ​ဢေႃႈ။-</verse>
				<verse number="6">မိူင်း​မရၼႃႉ​ၼၼ်ႉ မီး​တၢင်း​ဢၼ်​ၽုၺ်ႇ​ပိုတ်ႇ​ဝႆႉ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ တၢင်း​လူႉ​တၢင်း​လႅဝ်​ၼၼ်ႉ ဢမ်ႇ​မီး​ဢၼ်​ႁူမ်ႇ​ဝႆႉ​ငမ်း​ဝႆႉ။-</verse>
				<verse number="7">မၼ်း​ၸဝ်ႈ​ပိုတ်ႇ​ၵီႈ​ၼႃႈ​တၢင်း​ႁွင်ႇ ၵႃႈ​ၼိူဝ်​တီႈ​ဢၼ်​ပၢင်ႇ​ပလႁႃႇ​ၸၢႆ​ဝၢႆး​ၼၼ်ႉ​လႄႈ မၼ်း​ၸဝ်ႈ​ဢဝ်​ႁူၺ်ႇ​လိၼ်​မိူင်း​ႁွႆႈ​ၽႅၼ်​ဝႆႉ​ၵႃႈ​ၼိူဝ်​တီႈ​ဢၼ်​ဢမ်ႇ​မီး​ၵႃႈ​သင်​လႃး​လႃး​ၼၼ်ႉ​ဢေႃႈ။-</verse>
				<verse number="8">မၼ်း​ၸဝ်ႈ​ဢဝ်​ၼမ်ႉ​ပူၵ်ႉ​ႁေႃႇ​သႂ်ႇ​ၵႃႈ​ၼႂ်း​ၽႃႈ​ၽူၼ်​မၼ်း​ၸဝ်ႈ ဢၼ်​ၼႃ​တၼ်​ၼႃႇ​ၼၼ်ႉ​လႄႈ ၽႃႈ​ၽူၼ်​ၼၼ်ႉ ယင်း​ဢမ်ႇ​သိၵ်ႇ​ဢမ်ႇ​ယွၵ်း။-</verse>
				<verse number="9">မၼ်း​ၸဝ်ႈ​ၵင်ႈ​လပ်ႉ​ၼႃႈ​ပလၢင်ႇ​မၼ်း​ၸဝ်ႈ​ဝႆႉ​လႄႈ ပိုတ်ႇ​ၵီႈ​ၽႃႈ​ၽူၼ်​မၼ်း​ၸဝ်ႈ​ႁူမ်ႇ​သုမ်ႇ​ဝႆႉ​ဢေႃႈ။-</verse>
				<verse number="10">မၼ်း​ၸဝ်ႈ​မၢတ်ႈ​မၢႆ​လႅၼ်​ႁိမ်း​ၼႃႈ​ၼမ်ႉ​ဝႆႉ​တေႃႇ​ထိုင်​ႁွတ်ႈ ၵႃႈ​တီႈ​ဢၼ်​ၶၼ်ႈ​ဢၼ်​ၶႅၼ်ႈ​ဢၼ်​လႅင်း ဢိၵ်ႇ​တင်း​ဢၼ်​လပ်း​သိင်ႇ တေႃႇ​မႅၼ်ႈ​ၵၢမ်း​ၵၼ်​ၼၼ်ႉ​ဢေႃႈ။-</verse>
				<verse number="11">သဝ်​ၽႃႉ​ၵၢင်​ႁၢဝ်​တင်း​လၢႆ​ဢွၼ်​ၵၼ်​သၼ်ႇ​ၶွၼ်း​ဝႆ​လႄႈ မိင်း​မဝ်း​လိုမ်း​တူဝ်​သေ​လႄႈ​ယူႇ​ၵွပ်ႈ​ပိူဝ်ႈ​တၢင်း​ဢၼ်​မၼ်း​ၸဝ်ႈ သင်ႇ​သွၼ်​သုင်း​မႃႉ​ၼၼ်ႉ​ဢေႃႈ။-</verse>
				<verse number="12">မၼ်း​ၸဝ်ႈ​ဢဝ်​တၼ်း​ၶူဝ်း​မၼ်း​ၸဝ်ႈ ပႄႉ​ၼႅင်ႇ​ၼမ်ႉ​သမ်ႇ​မုၵ်ႉ​တြႃႇ​လႄႈ မၼ်း​ၸဝ်ႈ​ဢဝ်​ပိင်ႇ​ၺႃႇ​မၼ်း​ၸဝ်ႈ ႁၵ်း​ယႃႉ​မႃႇၼႃႉ​ၸႂ်​သုင်​ဢေႃႈ။-</verse>
				<verse number="13">မၼ်း​ၸဝ်ႈ​ဢဝ်​ဝီႉၺိၺ်ႇ​မၼ်း​ၸဝ်ႈ ပွင်​ႁဵတ်း​ပွင်​ႁႅၼ်း​ၶိူင်ႈ​ပိူင်​ၽႃႉ​ၵၢင်​ႁၢဝ်​လႄႈ ငူး​ဢၼ်​ၶၼ်​ဢၼ်​ၽႂ်း​ၵေႃႈ မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ဢေႃႈ။-</verse>
				<verse number="14">ဢၼ်​ၼႆႉ​ၸမ်ႉ၊ ပဵၼ်​ပၢႆ​ပိၵ်ႇ​ပၢႆ​ၽူၺ်း ဢမူႉ​မၼ်း​ၸဝ်ႈ​ၼၼ်ႉ​ၵူၺ်း​လႄႈ ႁဝ်း​လႆႈ​ႁူႉ​ငိၼ်း​သဵင်​ဢၼ်​သွပ်ႉ​သႅပ်ႉ​ဢဝ်​ဢိတ်း​ဢွၼ်ႇ​ၼိုင်ႈ​ၵူၺ်း​တီႈ​မၼ်း​ၸဝ်ႈ​ဢေႃႈ။ သဵင်​ၽႃႉ​လင်​တၼ်း​ၶူဝ်း​မၼ်း​ၸဝ်ႈ​ၼၼ်ႉ​ၸိုင်၊ ၽူႈ​လႂ်​ႁူႉ​လႆႈ​ၸႅင်ႈ​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="27">
				<verse number="1">ယေႃးၽႃႉ ​သမ်ႉ​ဢဝ်​ၵႂၢမ်း​သိုပ်ႇ​ထႅင်ႈ​လႄႈ ဢွၵ်ႇ​သူပ်း​ဝႃႈ​ၸမ်ႉ။-</verse>
				<verse number="2">ၵႃႈ​ၼင်ႇ​ဢၼ်​ၽြႃး​ပဵၼ်​ၸဝ်ႈ ဢၼ်​ႁႂ်ႈ​ၵဝ်​သုမ်း​ဢမူႉ​ၸဝ်ႈ​ဢၼၼ်ႇတႃႉ​တၼ်း​ၶူဝ်း ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၸႂ်​ဝီႉၺိၺ်ႇ​ၵဝ်​ၼၼ်ႉ ဢသၢၵ်ႈ​လိပ်း​ယူႇ​ၼၼ်ႉ၊-</verse>
				<verse number="3">ၸူဝ်ႈ​ဢၼ်​လူမ်း​ၶဝ်ႈ​လူမ်း​ဢွၵ်ႇ​ၵဝ် ယင်း​မီး​ယူႇ​တီႈ​ၵဝ်​လႄႈ ဢသၢၵ်ႈ​ဢၼ်​ၽြႃး​ပဵၼ်​ၸဝ်ႈ​ပၼ်​ၼၼ်ႉ တႄႇ​ယူႇ​ၵႃႈ​ၼႂ်း​ၶူႈ​လင်​ၵဝ်​ၼၼ်ႉ​တဵမ်​တဵမ်၊-</verse>
				<verse number="4">သူပ်း​ၵဝ်​ယင်း​ဢမ်ႇ​လၢတ်ႈ​ၵႂၢမ်း​ဢႃႉထမ်ႇမႃႉ၊ လိၼ်ႉ​ၵဝ်​ယင်း​ဢမ်ႇ​လၢတ်ႈ​ၵႂၢမ်း​ဢၼ်​ပႅတ်ႉ​လႅၼ်​လႄႈ တၵ်း​ယူႇ​ဢေႃႈ။-</verse>
				<verse number="5">ႁႂ်ႈ​ၵႂၢမ်း​ဢၼ်​ႁပ်ႉ​တုင်း​ဢဝ်​လႄႈ​ဝႃႈ၊ သၽေႃး​သူ​သိုဝ်ႈ​လီ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ၵႆ​ၵၼ်​တင်း​ၵဝ်​သေ​ၵမ်း​လူၺ်ႈ။ လွင်ႈ​ဢၼ်​ၵဝ်​သၽေႃး​သိုဝ်ႈ​လီ​ၼၼ်ႉ​ၸိုင်၊ ၵဝ်​တၵ်း​ဢမ်ႇ​တွပ်ႇ​ဢမ်ႇ​ထဵင်​တေႃႇ​ထိုင်​ႁွတ်ႈ​ၵဝ်​ထၼ်ႈ​ပေႃး​တၢႆ။-</verse>
				<verse number="6">တၢင်း​ၵမ်​တၢင်း​ၵျၢင်ႉ​ၵဝ်​ဢၼ်​ၸွမ်း​တြႃး​ၼၼ်ႉ​ၸိုင် ၵဝ်​တၵ်း​ယိပ်း​ၵမ်​ယူႇ​မၼ်ႈ​မၼ်ႈ​ၶိူင်ႇ​ၶိူင်ႇ​လႄႈ ဢမ်ႇ​ပွႆႇ​မိုဝ်း​ၽႃႈ​မိုဝ်း​ၵဝ်။ ၸူဝ်ႈ​ဢၼ်​ၵဝ်​ယင်း​ဢသၢၵ်ႈ​လိပ်း​ယူႇ​ၼၼ်ႉ​တဵမ်​တဵမ်၊ ႁူဝ်​ၸႂ်​ၵဝ် တၵ်း​ဢမ်ႇ​လႆႈ​တၢင်ႇ​ဢပႅတ်ႈ​တီႈ​တူဝ်​ၵဝ်။</verse>
				<verse number="7">ႁႂ်ႈ​ရၢၼ်ႇ​သူႇ​ၵဝ်​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ႁုၵ်း​ဢၼ်​ႁၢႆႉ​ၼၼ်ႉ​သေ​ၵမ်း​လူၺ်ႈ။ ႁႂ်ႈ​ၵေႃႉ​ဢၼ်​လုၵ်ႉ​ယူႇ​ၽၢႆႇ​ၼိုင်ႈ​တင်း​ၵဝ်​ၼၼ်ႉ ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ဢမ်ႇ​သိုဝ်ႈ​တေႃႇ​ၼၼ်ႉ​သေ​ၵမ်း​လူၺ်ႈ။-</verse>
				<verse number="8">ၵူၼ်း​ဢႃႉထမ်ႇမႃႉ​ၼၼ်ႉ ပိၵ်ႉ​သမ်ႉ​လႆႈ​ဢုၵ်ႉ​ၸႃႇ​ၸေး​ၸိမ်ႇ​သေ​ၵေႃႈ၊ မိူဝ်ႈ​ဢၼ် ၽြႃး​ပဵၼ်​ၸဝ်ႈ​ၼုၵ်ႈ​ဢဝ်​ၸႂ်​ဝီႉၺိၺ်ႇ​မၼ်း​ၼၼ်ႉ​ၸိုင်၊ မၼ်း​ယင်း​မီး​တီႈ​ဢၼ်​မုင်ႈ​မွင်း​ၸိူဝ်ႉ​ၼင်ႇ​ႁိုဝ်​လူး​ၵွၼ်ႇ။-</verse>
				<verse number="9">မိူဝ်ႈ​ဢၼ်​တုၵ်ႉ​ၶႃႉ​ဝူၺ်ႇတၼႃႇ ႁွတ်ႈ​ထိုင်​ၵႃႈ​ၼိူဝ်​မၼ်း​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​တၵ်း​ထွမ်ႇ​ဢဝ်​တၢင်း​ဢၼ်​မၼ်း​ႁွင်ႉ​သႅၼ်ႇ​ၼၼ်ႉ​ႁိုဝ်။-</verse>
				<verse number="10">ၵေႃႉ​ၼၼ်ႉ​တၵ်း​မူၼ်ႈ​ပျေႃႇ​ၼႂ်း​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ႁိုဝ်။ မၼ်း​တၵ်း​ႁဵတ်း​ပထၼႃႇ​တီႈ​ၽြႃး​ပဵၼ်​ၸဝ်ႈ​ယူႇ​သေႇ​သေႇ​ႁိုဝ်။</verse>
				<verse number="11">ၵဝ်​တၵ်း​ဢဝ်​လွင်ႈ​မိုဝ်း​ၽြႃး​ပဵၼ်​ၸဝ်ႈ​ၼၼ်ႉ​သင်ႇ​ပၼ်​သွၼ်​ပၼ်​တီႈ​သူ​လႄႈ ၵဝ်​တၵ်း​ဢမ်ႇ​သိူင်ႇ​မႅပ်ႉ လွင်ႈ​တၢင်း​ဢၼ်​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၵျၢမ်ႇ​ပွင်​ၼၼ်ႉ​ဝႆႉ။-</verse>
				<verse number="12">တူၺ်း​လူး၊ တူဝ်​သူ​ၵႃႈ​မီး​တင်း​သဵင်ႈ​တင်း​လူင်​ႁူႉ​ႁၼ်​လွင်ႈ​မၼ်း​တၢင်း​မၼ်း​ယူႇ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ဢွၼ်​ၵၼ်​လုမ်း​လႃး​ၸႂ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ယူႇ​ထၢၼ်ႇ​ၼႆႉ​ၼင်ႇ​ႁိုဝ်။-</verse>
				<verse number="13">သူး​လၢပ်ႈ​ဢၼ်​ၽြႃး​ပဵၼ်​ၸဝ်ႈ​ပၼ်​တီႈ​ၵူၼ်း​ႁၢႆႉ​ၵူၼ်း​မိူၵ်ႈ၊ ဢမူၺ်ႇ​ဢုၵ်ႉ​ၸႃႇ​ဢၼ် ၵေႃႉ​ဢၼ်​ၸၢင်ႈ​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ လႆႈ​ၶၢမ်ႇ​ဢဝ်​တီႈ​မိုဝ်း​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ​ၸမ်ႉ၊-</verse>
				<verse number="14">ပိၵ်ႉ​သမ်ႉ​လုၵ်ႈ​လၢင်း​မၼ်း ပဵၼ်​ဢၼ်​ၼမ်​ၼႃႇ​သေ​ၵေႃႈ ၶဝ်​ၼၼ်ႉ​ဢွၼ်​ၵၼ်​ပဵၼ်​တၢင်း​ၵိၼ်​လၢပ်ႇ​ဢေႃႈ။ ၶဝ်​ၸိူဝ်း​ဢၼ်​ၵိူတ်ႇ​လဵင်ႉ​မႃး​တီႈ​မၼ်း​ၸိူဝ်း​ၼၼ်ႉ ဢမ်ႇ​လႆႈ​ဢိမ်ႇ​လႆႈ​တဵမ်​လူၺ်ႈ​တၢင်း​ၵိၼ်​တၢင်း​ၶူပ်း။-</verse>
				<verse number="15">ၶဝ်​ၸိူဝ်း​ဢၼ်​ၵိုတ်း​ဝႆႉ​ၵျၢၼ်ႇ​ဝႆႉ​တီႈ​မၼ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် သၢင်း​ၵျူဝ်ႇ​လူၺ်ႈ​ၽေး​ၵႃႇလႃႉ​ႁႃႈ​လႅင်​မိူင်း​လႄႈ မႄႈ​မူၵ်း​မႄႈ​မၢႆႈ​မၼ်း​ၸိူဝ်း​ၼၼ်ႉ တၵ်း​ဢမ်ႇ​လႆႈ​ႁဵတ်း​တၢင်း​ဢၼ်​ႁႆႈ​ႁွင်ႉ​ပွင်ႉ​ၶၢင်း။-</verse>
				<verse number="16">ပိၵ်ႉ​သမ်ႉ​မၼ်း​ဢဝ်​ငိုၼ်း​ၵွင်​ဝႆႉ မိူၼ်​ၸိူဝ်ႉ​ၼင်ႇ​မုၼ်ႈ​လိၼ်​လႄႈ မႄး​ႁဵတ်း​မႄး​ႁႅၼ်း​ၶိူင်ႈ​ၼုင်ႈ​တၢင်း​မႆ​ဝႆႉ​မိူၼ်​ၸိူဝ်ႉ​ၼင်ႇ​ၵူမ်ႇ​သေ​ၵေႃႈ၊-</verse>
				<verse number="17">မၼ်း​မီး​ဢၶႂၢင်ႉ​ဢၼ်​လႆႈ​မႄး​ႁဵတ်း​မႄး​ႁႅၼ်း​ဝႆႉ​ၵူၺ်း​လႄႈ၊ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ တၵ်း​လႆႈ​ဢဝ်​ၼုင်ႈ​ဢဝ်​မႆ​လႄႈ ၵေႃႉ​ဢၼ်​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ တၵ်း​လႆႈ​မႅင်ႇ​လႆႈ​ၽႄ​ငိုၼ်း​မၼ်း​ၼၼ်ႉ​ဢေႃႈ။-</verse>
				<verse number="18">မၼ်း​တႄႇ​ႁဵတ်း​ႁိူၼ်း​မၼ်း​မိူၼ်​ၸိူဝ်ႉ​ၼင်ႇ ႁိူၼ်း​မူင်ႈ​ႁိူၼ်း​မႅင်း ဢိၵ်ႇ​တင်း​မိူၼ်​ၸိူဝ်ႉ​ၼင်ႇ​သုမ်ႉ​ထဵင်​ဢၼ်​ၵူၼ်း​ဢၼ်​ပႂ်ႉ​ၼၼ်ႉ​ႁဵတ်း​ၼၼ်ႉ​ဢေႃႈ။-</verse>
				<verse number="19">ၵေႃႉ​ဢၼ်​မၢၵ်ႈ​မီး​ၼၼ်ႉ​ၼွၼ်း​လပ်း​လႄႈ ဢမ်ႇ​လႆႈ​ၶၢမ်ႇ​တၢင်း​ဢၼ်​ဢဝ်​ဝႆႉ​သိမ်း​ဝႆႉ။ မၼ်း​ၽုၺ်ႇ​တႃ​မိုၼ်း​တႃ​မၼ်း​သေ​လႄႈ​မၼ်း​ႁၢႆ​ၵႂႃႇ​ဢေႃႈ။-</verse>
				<verse number="20">ၽေး​ဢူႉ​ပၢတ်ႈ​ၸၢင်ႈ​လိုပ်ႈ​ၸွမ်း​မၼ်း​ၸိူဝ်ႉ​ၼင်ႇ​ၼမ်ႉ​ဢၼ်​လူၵ်ႈ​ၼၼ်ႉ​ဢေႃႈ။ ၶိင်ႇ​ၵၢင်​ၶိုၼ်း​ၽူၼ်​လူင်​လူမ်း​လူင် ၸၢင်ႈ​ပတ်ႉ​ထူဝ်း​ဢဝ်​မၼ်း​ၵႂႃႇ​ဢေႃႈ။-</verse>
				<verse number="21">လူမ်း​တၢင်း​ဢွၵ်ႇ​ပတ်ႉ​ထူဝ်း​ပႃး​ဢဝ်​မၼ်း​ၵႂႃႇ​လႄႈ မၼ်း​ဢမ်ႇ​တႄႇ​ဢမ်ႇ​ယူႇ​လႆႈ။ မၼ်း​ၸၢင်ႈ​ပိဝ်​သဵၼ်​ၸွမ်း​လူၺ်ႈ​ႁႅင်း​လူမ်း​ၵႂႃႇ​ဢေႃႈ။-</verse>
				<verse number="22">မၼ်း​ၸဝ်ႈ​ယင်း​ဢမ်ႇ​ဢဵတ်း​လူ​လႄႈ ပၼ်​တၢမ်ႇ​တီႈ​မၼ်း​လႄႈ၊ မၼ်း​တၵ်း​မီး​ဢလူဝ်ႇ​ဢၼ်​ၶႂ်ႈ​ပၢႆႈ​ဢွၵ်ႇ​သေ​ၵႃႈ​ၼႂ်း​မိုဝ်း​မၼ်း​ၸဝ်ႈ ဢေႃႈ။-</verse>
				<verse number="23">ၵူၼ်း​တင်း​လၢႆ​တၵ်း​ဢွၼ်​ၵၼ်​တူပ်း​မိုဝ်း​တေႃႇ​မၼ်း​လႄႈ ႁဵတ်း​သဵင်​ဢၼ်​သႄႉ​သွမ်း သီႉ​သီႉ​သေႃႉ​သေႃႉ တေႃႇ​မၼ်း​ယူႇ​သေ​လႄႈ ႁေႃႈ​မၼ်း​ဢွၵ်ႇ​ပႅတ်ႈ​သေ​ၵႃႈ​ၼႂ်း​တီႈ​ယူႇ​မၼ်း​ဢေႃႈ။</verse>
			</chapter>
			<chapter number="28">
				<verse number="1">ႁွႆး​ဢၼ်​ငိုၼ်း​ၸွမ်း​ၼၼ်ႉ မီး​ဢမၢၼ်ႇ​ၶၼ်​ပဵၼ်​လႄႈ တီႈ​ယူႇ​ၶမ်း​ဢၼ်​ၵူၼ်း​ၸၢင်ႈ​ၸႅတ်ႈ​ဢဝ်​ၶႃႇ​ဢဝ်​ၼၼ်ႉ​ၵေႃႈ​မီး​ဢေႃႈ။-</verse>
				<verse number="2">လဵၵ်း​ၸိုင် ၸၢင်ႈ​ၶုတ်း​ဢဝ်​ၵႃႈ​ၼႂ်း​လိၼ်​လႄႈ ၸၢင်ႈ​ထူဝ်း​ဢဝ်​တွင်း​လႅင်​ၵႃႈ​ၼႂ်း​မၢၵ်ႇ​ႁိၼ်​ဢေႃႈ။-</verse>
				<verse number="3">ၵူၼ်း​ၸၢင်ႈ​ႁႂ်ႈ​လပ်း​သိင်ႇ​ႁၢႆ​လႄႈ ၸၢင်ႈ​ၸွမ်း​ၸႅတ်ႈ​ထၢမ်​ႁႃ​ဢဝ်​မၢၵ်ႇ​ႁိၼ်​လပ်း​သိင်ႇ၊ မၢၵ်ႇ​ႁိၼ်​ငဝ်း​ႁူမ်ႈ​တၢင်း​တၢႆ​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​တီႈ​သုတ်း​မၼ်း​ဢေႃႈ။-</verse>
				<verse number="4">မၼ်း​ၶုတ်း​ၶုမ်​သွင်​ႁူး​တီႈ​ဢၼ်​ၵႆ​ၵၼ်​တင်း​တီႈ​ယူႇ​ၵူၼ်း​ၼၼ်ႉ​လႄႈ ယင်း​ဢမ်ႇ​ဢဝ်​တိၼ်​မၼ်း​ၵမ်ႉ​ထွၵ်ႈ​မၼ်း​လႄႈ ဢွင်ႇဢွႆႈ​ႁွႆႈ​ၽႅၼ်​ယူႇ​သေ​လႄႈ ၸုၼ်ႉ​ပႅတ်ႈ​တီႈ​ယူႇ​ၵူၼ်း​ဢေႃႈ။-</verse>
				<verse number="5">လိၼ်​ၼႆႉ ၸၢင်ႈ​ပၼ်​တၢင်း​ၵိၼ်​တၢင်း​ၶူပ်း​လႄႈ ၵႃႈ​တီႈ​တႂ်ႈ​မၼ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ယႃႉ​ပႅတ်ႈ​မိူၼ်​ၸိူဝ်ႉ​ၼင်ႇ​ဢၼ် ၽႆး​ယႃႉ​ပႅတ်ႈ​ၼၼ်ႉ​ဢေႃႈ။-</verse>
				<verse number="6">မၢၵ်ႇ​ႁိၼ်​မၼ်း​ၸိူဝ်း​ၼၼ်ႉ ပဵၼ်​တီႈ​ယူႇ​သႅင်​ၼီႇလႃႇ​လႄႈ မုၼ်ႈ​လိၼ်​မၼ်း​ၵေႃႈ​ပဵၼ်​ၶမ်း​ဢေႃႈ။-</verse>
				<verse number="7">သဵၼ်ႈ​တၢင်း​မၼ်း​ၸိုင် ၼူၵ်ႉ​ႁၢႆႉ​ၼူၵ်ႉ​ရိူင်း​ဢမ်ႇ​ႁူႉ​သေ​တူဝ်။ မၢၵ်ႇ​တႃ​မဵဝ်း​ႁုင်ႉ​ၵေႃႈ ဢမ်ႇ​ပႆႇ​တွၼ်ႉ​လႆႈ​ႁၼ်။-</verse>
				<verse number="8">တူဝ်​ထိူၼ်ႇ​ႁၢႆႉ​ဢမ်ႇ​ပႆႇ​တွၼ်ႉ​လႆႈ​ယဵပ်ႇ​လႆႈ​ၶၢမ်ႈ​လႄႈ သၢင်ႇ​သီႈ​ဢမ်ႇ​ပႆႇ​တွၼ်ႉ​လႆႈ​ပႆ​လႆႈ​လတ်း။-</verse>
				<verse number="9">ၵူၼ်း​ၸၢင်ႈ​ဢဝ်​မိုဝ်း​တၢင်ႇ​သႂ်ႇ​ၵႃႈ​ၼိူဝ်​မၢၵ်ႇ​ႁိၼ်​မၢၵ်ႇ​ၽႃ​လႄႈ ဢဝ်​လွႆ​တင်း​လၢႆ​ၶႂမ်ႈ​ပိၼ်ႈ​ပႅတ်ႈ​တေႃႇ​ထိုင်​ႁွတ်ႈ​တိၼ်​မၼ်း​ဢေႃႈ။-</verse>
				<verse number="10">မၼ်း​ၸၢင်ႈ​ၶုတ်း​ႁဵတ်း​ႁွင်ႈ​ၼမ်ႉ​ၵႃႈ​ၼိူဝ်​မၢၵ်ႇ​ႁိၼ်​တင်း​လၢႆ​လႄႈ မၢၵ်ႇ​တႃ​မၼ်း​ၸၢင်ႈ​တူၺ်း​ႁၼ်​လွင်ႈ​တၢင်း​ဢၼ် ထိူၵ်ႈ​ၵႃႈ​ထိူၵ်ႈ​ၶၼ်​ၵႃႈ​မီး​ဢေႃႈ။-</verse>
				<verse number="11">မၼ်း​ၸၢင်ႈ​ႁၢမ်ႈ​တၢပ်ႈ​ႁႄႉ​ၶႅၼ်​ၼမ်ႉ​ဢၼ်​လႆ​ၵႂႃႇ​ယူႇ​ၼၼ်ႉ​ဝႆႉ ထၼ်ႈ​ပေႃး​ဢမ်ႇ​လႆႈ​ႁူဝ်ႈ​လႆႈ​ၸိုမ်း​လႄႈ ဢဝ်​လွင်ႈ​တၢင်း​ဢၼ်​သိူင်ႇ​ဝႆႉ​မႅပ်ႉ​ဝႆႉ​ၼၼ်ႉ​ဢွၵ်ႇ​ဢေႃႈ။</verse>
				<verse number="12">ၼႂ်း​ဝႃႈ​ၼၼ်​သေ​ၵေႃႈ တၵ်း​ထူပ်း​ပိင်ႇ​ၺႃႇ​ၵႃႈ​တီႈ​လႂ်။ တီႈ​ဢၼ်​ၺၢၼ်ႇ​ယူႇ​ၼၼ်ႉ​မီး​ၵႃႈ​တီႈ​လႂ်။-</verse>
				<verse number="13">ၵူၼ်း​ဢမ်ႇ​ႁူႉ​ၵႃႈ​ၶၼ်​မၼ်း​လႆႈ။ ႁႃ​ဢဝ်​ၵႃႈ​ၼႂ်း​တီႈ​ယူႇ​တီႈ​သဝ်း​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​လႄႈ ဢမ်ႇ​ထူပ်း​လႆႈ။-</verse>
				<verse number="14">တီႈ​ဢၼ်​လိုၵ်ႉ​ဢၼ်​လမ်ႇ​ၼၼ်ႉ ၸၢင်ႈ​လၢတ်ႈ​လႄႈ​ဝႃႈ၊ ဢမ်ႇ​မီး​ၵႃႈ​ၼႂ်း​ၵဝ်​ၼႆႉ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။ ပၢင်ႇ​လၢႆႇ​ၸၢင်ႈ​လၢတ်ႈ​လႄႈ​ဝႃႈ၊ ဢမ်ႇ​မီး​လူၺ်ႈ​ၵၼ်​တင်း​ၵဝ်​ၼႆႉ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ဢဝ်​ၶမ်း​လွတ်ႈ​ငၢၼ်ႇ​ပၼ်​လႄႈ ဢမ်ႇ​လႅၵ်ႈ​လၢႆႈ​ဢဝ်​မၼ်း​လႆႈ။ ၸင်ႈ​ႁိဝ်ႈ​ငိုၼ်း​လႄႈ ဢမ်ႇ​ၶိုတ်း​ၵႃႈ​ၶၼ်​မၼ်း​လႆႈ။-</verse>
				<verse number="16">ဢဝ်​တင်း​ၶမ်း​ ဢေႃႇၽီႉရႃႉ ၊ သႅင်​ၸၢႆး​ၶႃး​ယွတ်ႇ တင်း​သႅင်​ၼီႇလႃႇ​ဢၼ်​မျၢတ်ႈ​ၼၼ်ႉ​သိုဝ်ႉ​ဢဝ်​သေ​ၵေႃႈ​ဢမ်ႇ​လႆႈ။-</verse>
				<verse number="17">ၶမ်း​ဢိၵ်ႇ​တင်း​ၽၢၼ်ႇ​တင်း​ၸမ်ႈ​ၼၼ်ႉ ဢမ်ႇ​ၶိုတ်း​ဢမ်ႇ​ပဵင်း​မၼ်း​လႆႈ။ ဢဝ်​တင်း​ၶိူင်ႈ​ပိူင်​ၶမ်း​လွတ်ႈ​ငၢၼ်ႇ​လႅၵ်ႈ​ဢဝ်​လႄႈ​ဢမ်ႇ​လႆႈ။-</verse>
				<verse number="18">သၢၼ်ႇ​တႃႇ​ဢိၵ်ႇ​တင်း​သႅင်​ၶၢဝ်​ၸိုင်၊ ဢမ်ႇ​မီး​တီႈ​ဢၼ်​တၵ်း​ဢဝ်​လၢတ်ႈ​လႃး​လႃး။ ပိင်ႇ​ၺႃႇ​ၼၼ်ႉ​ယဵင်ႈ​ၶႅၼ်း​ထိူၵ်ႈ​ၵႃႈ​ထိူၵ်ႈ​ၶၼ်​ယႂ်ႇ​ၼႃႇ​သေ​ပူး​လႄး​ဢေႃႈ။-</verse>
				<verse number="19">ဢုၵ်ႉ​သ​ၽူး​ရႃႇ မိူင်း​ ၵူႉသႃႉ ​ၼၼ်ႉ ဢမ်ႇ​ၶိုတ်း​ဢမ်ႇ​ပဵင်း​မၼ်း​လႆႈ။ ဢဝ်​တင်း​ၶမ်း​ဢၼ်​မျၢတ်ႈ​ၼႃႇ​သေ​ပိူၼ်ႈ​ၼၼ်ႉ သိုဝ်ႉ​ဢဝ်​လႄႈ​ဢမ်ႇ​လႆႈ။</verse>
				<verse number="20">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ပိင်ႇ​ၺႃႇ​လုၵ်ႉ​ၵႃႈ​တီႈ​လႂ်​မႃး။ တီႈ​ဢၼ်​ၺၢၼ်ႇ​ယူႇ​ၼၼ်ႉ​မီး​ၵႃႈ​တီႈ​လႂ်။-</verse>
				<verse number="21">မၼ်း​လႆႈ​ၶၢမ်ႇ​တၢင်း​ဢၼ်​သိူင်ႇ​ဝႆႉ​မႅပ်ႉ​ဝႆႉ​သေ​မၢၵ်ႇ​တႃ​သတ်ႉတဝႃႇ ဢၼ်​ဢသၢၵ်ႈ​လိပ်း​ယူႇ​ၵႃႈ​မီး​လႄႈ ၶၢမ်ႇ​တၢင်း​ဢၼ်​ႁူမ်ႇ​သုမ်ႇ​လပ်ႉ​ဝႆႉ​သေ​ၵႃႈ​တီႈ​ၼူၵ်ႉ​ၼိူဝ်​ၽႃႉ​ၵၢင်​ႁၢဝ်​တင်း​လၢႆ​ယူႇ​ဢေႃႈ။-</verse>
				<verse number="22">တၢင်း​ဢၼ်​လူႉ​လႅဝ် ဢိၵ်ႇ​တင်း​တၢင်း​တၢႆ​ၼၼ်ႉ ၸၢင်ႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ ႁဝ်း​ၵွမ်ႉ​ၵႃႈ​လႆႈ​ဢဝ်​ႁူ​ႁဝ်း​ထွမ်ႇ​ငိၼ်း​သတၢင်း​သဵင်​ၶၢဝ်ႇ​မၼ်း​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၽြႃး​ပဵၼ်​ၸဝ်ႈ​ၵူၺ်း​ႁူႉ​သဵၼ်ႈ​တၢင်း​မၼ်း​လႄႈ မၼ်း​ၸဝ်ႈ​ၵူၺ်း​ႁူႉ​တီႈ​ဢၼ်​မၼ်း​ယူႇ​မၼ်း​သဝ်း​ၼၼ်ႉ​ဢေႃႈ။-</verse>
				<verse number="24">မၼ်း​ၸဝ်ႈ​လူ​တူၺ်း​တေႃႇ​ထိုင်​ႁွတ်ႈ​တီႈ​သုတ်း​လိၼ်​မိူင်း​လႄႈ ႁၼ်​ၵႃႈ​ဢၼ်​မီး​ၵႃႈ​တႂ်ႈ​ၽႃႉ​ၵၢင်​ႁၢဝ်​လႂ်​ၼၼ်ႉ၊-</verse>
				<verse number="25">ႁႂ်ႈ​လႆႈ​ၸင်ႈ​ႁိဝ်ႈ​လူမ်း​လႄႈ တူင်​တူၺ်း​ၼမ်ႉ​တင်း​လၢႆ​ဢေႃႈ။-</verse>
				<verse number="26">မိူဝ်ႈ​ဢၼ်​မၼ်း​ၸဝ်ႈ​ၸီႇ​ယၢင်ႇ​လူၺ်ႈ​လွင်ႈ​ၽူၼ်​တူၵ်း​လႄႈ ႁဵတ်း​သဵၼ်ႈ​တၢင်း​ဢၼ် ၽႃႉ​ၽႃႇ​ၽႃႉ​မႅပ်ႈ​ၼၼ်ႉ၊-</verse>
				<verse number="27">မၼ်း​ၸဝ်ႈ​ႁၼ်​မၼ်း​လႄႈ ဢဝ်​မၼ်း​ဢွၵ်ႇ​ၼႄ​ပျႃး​ဢေႃႈ။ မၼ်း​ၸဝ်ႈ​ဢဝ်​မၼ်း​ဝႆႉ​သေ​လႄႈ ၸႅတ်ႈ​ထၢမ်​ၸၢမ်း​တူၺ်း​မၼ်း​ဢေႃႈ။-</verse>
				<verse number="28">တီႈ​ၵူၼ်း​ၵေႃႈ​မၼ်း​ၸဝ်ႈ​မွၵ်ႇ​လၢတ်ႈ​လႄႈ​ဝႃႈ၊ တူၺ်း​လူး၊ တၢင်း​ဢၼ်​ၵူဝ်​ယမ်​ထႃႇဝရႃႉ​ၽြႃး​ၼၼ်ႉ ပဵၼ်​ပိင်ႇ​ၺႃႇ​လႄႈ တၢင်း​ဢၼ်​ဝႄႈ​ပႅတ်ႈ​တူႉ​ၸရိူၵ်ႈ​ၼၼ်ႉ ပဵၼ်​ၺၢၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="29">
				<verse number="1">ယေႃးၽႃႉ ​သမ်ႉ​ဢဝ်​ၵႂၢမ်း​သိုပ်ႇ​ထႅင်ႈ​လႄႈ ဢွၵ်ႇ​သူပ်း​ဝႃႈ​ၸမ်ႉ၊-</verse>
				<verse number="2">ႁႂ်ႈ​ၵဝ်​လႆႈ​သမ်ႉ​ၶိုၼ်း​ပဵၼ်​ၸိူဝ်ႉ​ၼင်ႇ​ဢၼ် ပဵၼ်​ၼႂ်း​ပီႊ​လိူၼ်​ဢၼ်​ပူၼ်ႉ​မႃး​ယဝ်ႉ၊ မိုဝ်ႉ​ဝၼ်း​ဢၼ်​ၽြႃး​ပဵၼ်​ၸဝ်ႈ​ပႂ်ႉ​ၸွႆႈ​ပႂ်ႉ​ထႅမ်​ၵဝ်​ယူႇ​ၼၼ်ႉ​သေ​ၵမ်း​လူၺ်ႈ။-</verse>
				<verse number="3">မိူဝ်ႈ​ယၢမ်း​ၼၼ်ႉ ဝၢၼ်ႇ​ၽႆး​တဵၼ်း​မၼ်း​ၸဝ်ႈ​ႁိူဝ်ႈ​လႅင်း​ယူႇ​ၵႃႈ​ၼိူဝ်​ႁူဝ်​ၵဝ်​လႄႈ ၵဝ်​ဢိင်​ဢၼ်​လႅင်း​မၼ်း​ၸဝ်ႈ​ၼၼ်ႉ​သေ​လႄႈ​တႆႇ​လတ်း​ၵႂႃႇ​ၵႃႈ​ၼႂ်း​ဢၼ်​လပ်း​သိင်ႇ​ဢေႃႈ။-</verse>
				<verse number="4">ႁႂ်ႈ​ၵဝ်​လႆႈ​သမ်ႉ​ၶိုၼ်း​ပဵၼ်​ၸိူဝ်ႉ​ၼင်ႇ​ဢၼ် ပဵၼ်​ၼႂ်း​ၶိင်ႇ​ဢၼ်​ၵဝ်​ဢသၢၵ်ႈ​ယင်း​ၼုမ်ႇ​ယင်း​ၵမ်၊ ၶိင်ႇ​ဢၼ်​ၵျေး​ၸူး​ၽြႃး​ပဵၼ်​ၸဝ်ႈ​ယင်း​တိုၵ်ႉ​ႁွတ်ႈ​ထိုင်​ၵႃႈ​ၼိူဝ်​မူဝ်းၵႃႇ​တီႈ​ယူႇ​တီႈ​သဝ်း​ၵဝ်။-</verse>
				<verse number="5">ၶိင်ႇ​ဢၼ်​ၸဝ်ႈ​ဢၼၼ်ႇတႃႉ​တၼ်း​ၶူဝ်း​မီး​ယူႇ​လူၺ်ႈ​ၵၼ်​တင်း​ၵဝ်​လႄႈ လုၵ်ႈ​လၢင်း​ၵဝ်​ဢွၼ်​ၵၼ်​ဢုမ်ႇ​လွမ်ႉ​ၵဝ်​ယူႇ။-</verse>
				<verse number="6">ၶိင်ႇ​ဢၼ်​တိၼ်​ၵဝ်​လႆႈ​ၶၢမ်ႇ​တၢင်း​ဢၼ်​ဢဝ်​ၼမ်ႉ​ၼူမ်း​ဢၢပ်ႇ​သုၵ်ႈ​လႄႈ မၢၵ်ႇ​ႁိၼ်​မၢၵ်ႇ​ၽႃ​ထွၵ်ႇ​ႁိုဝ်ႈ​ၼမ်ႉ​ၶႆ​ၼမ်ႉ​မၼ်း​ပဵၼ်​ႁွင်ႈ​ပဵၼ်​ၵႄး ပုၼ်ႈ​ၵဝ်​ယူႇ​ၼၼ်ႉ​သေ​ၵမ်း​လူၺ်ႈ။</verse>
				<verse number="7">ၼႂ်း​မိူဝ်ႈ​ဢၼ်​ၵဝ်​ယင်း​တိုၵ်ႉ​ဢွၵ်ႇ​ၸူး​ၵႃႈ​တီႈ​ၽၵ်း​တူ​ဝဵင်း​ယူႇ၊ မႄး​ႁႅၼ်း​တီႈ​ၼင်ႈ​ၵဝ်​ၵႃႈ​တီႈ​သဵၼ်ႈ​တၢင်း​ၼၼ်ႉ​ယူႇ​ၼၼ်ႉ​ၸိုင်၊-</verse>
				<verse number="8">ၵူၼ်း​ၼုမ်ႇ​ၵူၼ်း​ၵမ်​တင်း​လၢႆ​ႁၼ်​ၵဝ်​လႄႈ ဢွၼ်​ၵၼ်​တဵတ်ႇ​မႅပ်ႉ​ယူႇ​ဢေႃႈ။ ၶဝ်​ၸိူဝ်း​ဢၼ်​ၵႄႇ​ဢၼ်​ထဝ်ႈ​တင်း​လၢႆ​ၵေႃႈ ဢွၼ်​ၵၼ်​လုၵ်ႉ​လႄႈ​ၸုၵ်း​ယူႇ​ဢေႃႈ။-</verse>
				<verse number="9">ၶုၼ်​တင်း​လၢႆ​ဢွၼ်​ၵၼ် ထၢတ်ႇ​ၵႂၢမ်း​ယဵၼ်​ၵႂၢမ်း​သေ​လႄႈ ဢဝ်​မိုဝ်း​ၶဝ်​တူမ်း​သူပ်း​ၶဝ်​ယူႇ​ဢေႃႈ။-</verse>
				<verse number="10">သဵင်​မူး​မၢတ်ႈ​ၽွင်း​မိူင်း​တင်း​လၢႆ​ၵေႃႈ ထၢတ်ႇ​ၵႂႃႇ​ယဵၼ်​ၵႂႃႇ​လႄႈ လိၼ်ႉ​ၶဝ်​ၼၼ်ႉ​ၸပ်း​ယူႇ​ၵႃႈ​တီႈ​ႁိူၵ်ႇ​ၵူင်​ၶေႃး​ဢေႃႈ။-</verse>
				<verse number="11">ယၢမ်း​မိူဝ်ႈ​ဢၼ်​ႁူ​ၵူၼ်း​တင်း​လၢႆ​ငိၼ်း​ၵႂၢမ်း​ၵဝ်​ၼၼ်ႉ ၶဝ်​ဢွၼ်​ၵၼ်​ပၼ်​တၢင်း​လီ​လႄႈ ယၢမ်း​မိူဝ်ႈ​ဢၼ်​မၢၵ်ႇ​တႃ​ၶဝ်​ႁၼ်​ၵဝ်​ၼၼ်ႉ၊ ၶဝ်​ဢွၼ်​ၵၼ်​ၶၢမ်ႇ​သၢၵ်ႈ​သေႇ​လွင်ႈ​ၵဝ်​ဢေႃႈ။-</verse>
				<verse number="12">လွင်ႈ​မၼ်း​ၸမ်ႉ ၵဝ်​ၸၢင်ႈ​ၵႄႇ​သႄႇ​ၼုၵ်ႈ​ဢဝ် ၵေႃႉ​ဢၼ်​ယၢၵ်ႈ​ဢၼ်​ၽၢၼ်​လႄႈ ႁွင်ႉ​သႅၼ်ႇ​ၵေႃႉ​ဢၼ်​ဢမ်ႇ​မီး​ပေႃႈ​မီး​မႄႈ၊ ၵေႃႉ​ဢၼ်​ဢမ်ႇ​မီး​တီႈ​ဢၼ်​ပိုင်ႈ​ဢၼ်​ဢိင်​ၼၼ်ႉ​ဢေႃႈ။-</verse>
				<verse number="13">တၢင်း​ဢၼ်​ၵေႃႉ​ဢၼ်​ၸမ်​တၵ်း​လူႉ​တၵ်း​လႅဝ်​ၼၼ်ႉ ပၼ်​တၢင်း​လီ​ၼၼ်ႉ​ႁွတ်ႈ​ထိုင်​ၵႃႈ​ၼိူဝ်​ၵဝ်​လႄႈ ၵဝ်​ၸၢင်ႈ​ႁႂ်ႈ​ၸႂ်​မႄႈ​မူၵ်း​မႄႈ​မၢႆႈ​သႂၢင်ႇ​သိူဝ်း​လႄႈ​ႁဵတ်း​ၵႂၢမ်း​ဢေႃႈ။-</verse>
				<verse number="14">ၵဝ်​ဢဝ်​ပႃႇရမီႇ​တၢင်း​ဢၼ်​သိုဝ်ႈ​တေႃႇ​ႁဵတ်း​ၶူဝ်း​ၼုင်ႈ​ၶူဝ်း​မႆ​သေ​လႄႈ​ၼုင်ႈ​မႆ​လႄႈ တၢင်း​ဢၼ်​ၵဝ်​ႁဵတ်း​ၸွမ်း​ၼင်ႇ​တြႃး​ၼၼ်ႉ​ပဵၼ်​သိူဝ်ႈ​ယၢဝ်း​ၵဝ်၊ ပၢၼ်း​ၵုမ်း​ၶဵၼ်း​ႁူဝ်​ၵဝ်​ဢေႃႈ။-</verse>
				<verse number="15">ၵဝ်​ပဵၼ်​မၢၵ်ႇ​တႃ​တီႈ​ၶဝ်​ၸိူဝ်း​ဢၼ်​တႃ​မွတ်ႇ​တႃ​တၼ်​ၼၼ်ႉ​လႄႈ ပဵၼ်​တိၼ်​တီႈ​ၶဝ်​ၸိူဝ်း​ဢၼ် တိၼ်​ၵႅင်ႉ​တိၼ်​ၵုၵ်ႉ​ၼၼ်ႉ​ဢေႃႈ။-</verse>
				<verse number="16">ၵဝ်​ပဵၼ်​ပေႃႈ​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​လႄႈ ၸၢင်ႈ​ၸႅတ်ႈ​တူၺ်း​ထၢမ်​တူၺ်း​လွင်ႈ​ဢမူႉ​ၶဝ်​ၸိူဝ်း​ဢၼ်​ၵဝ်​ဢမ်ႇ​မိုတ်ႈ​ဢမ်ႇ​ၵိုဝ်း​ၼၼ်ႉ​ဢေႃႈ။-</verse>
				<verse number="17">ၵဝ်​ႁၵ်း​ႁဵၵ်း​ငႃး​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ပႅတ်ႈ​လႄႈ ၼုၵ်ႈ​ထွၼ်​ဢဝ်​ဢၼ်​ၶဝ်​ႁိမ်​ဢဝ်​ၶူပ်း​ၵိၼ်​ၼၼ်ႉ ဢွၵ်ႇ​သေ​ၵႃႈ​ၼႂ်း​ၶဵဝ်ႈ​ၶဝ်​ဢေႃႈ။-</verse>
				<verse number="18">မိူဝ်ႈ​ၼၼ်ႉ​ၵဝ်​လႆႈ​လၢတ်ႈ​လႄႈ​ဝႃႈ၊ ၵဝ်​တၵ်း​မီး​ဢၶႂၢင်ႉ​ဢၼ်​လႆႈ​တၢႆ​ၵႃႈ​ၼႂ်း​ႁင်း​ၵဝ်​လႄႈ မိုဝ်ႉ​ဝၼ်း​ဢသၢၵ်ႈ​ၵဝ်​ၼၼ်ႉ တၵ်း​ၼမ်​ၼႃႇ​ထၢၼ်ႇ​မဵတ်ႉ​ႁိၼ်​မဵတ်ႉ​သၢႆး​ဢေႃႈ။-</verse>
				<verse number="19">ႁၢၵ်ႈ​ၵဝ်​ၼႆႉ​ၽႄႈ​ၵႂၢင်ႈ​ၸွတ်ႇ​တူဝ်ႈ​ၵႃႈ​တီႈ​ႁိမ်း​ၼမ်ႉ​လႄႈ ၼမ်ႉ​မူၺ်​ၼမ်ႉ​ၼၢႆး​တူၵ်း​သႂ်ႇ​ၵႃႈ​ၼိူဝ်​ၵိင်ႇ​ၵဝ်​ၶႃႊ​ၵဝ်​ယူႇ​တင်း​ၶိုၼ်း​ဢေႃႈ။-</verse>
				<verse number="20">မုၼ်​ၽုင်း​ၵဝ်​မီး​တၢင်း​ဢၼ်​ၵီႈ​တင်ႈ​ယူႇ​သေ​လႄႈ ၵၢင်ႇ​ၵဝ်​ၵေႃႈ​မီး​တၢင်း​ဢၼ်​ႁွမ်​ႁႅင်း​ယူႇ​ၵႃႈ​ၼႂ်း​မိုဝ်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">ပိူၼ်ႈ​ဢွၼ်​ၵၼ်​ထွမ်ႇ​ငိၼ်း​ၶေႃႈ​ၵႂၢမ်း​ၵဝ်​လႄႈ ယူႇ​တဵတ်ႇ​တဵတ်ႇ​ယဵၼ်​ယဵၼ်​သေ​လႄႈ ပႂ်ႉ​ထႃႈ​တၢင်း​ၵျၢမ်ႇ​တၢင်း​ပွင် ဢၼ်​ၵဝ်​တၵ်း​ပၼ်​ၼၼ်ႉ​ယူႇ​ဢေႃႈ။-</verse>
				<verse number="22">လိုၼ်း​သေ​ဢၼ်​ၵဝ်​လၢတ်ႈ​ယဝ်ႉ​ၼၼ်ႉ၊ ၶဝ်​ဢမ်ႇ​ၶိုၼ်း​လၢတ်ႈ​သေ​ၶေႃႈ​သေ​ၵမ်း။ ၵႂၢမ်း​ၵဝ်​ယွတ်ႇ​သႂ်ႇ​တူၵ်း​သႂ်ႇ​ၵႃႈ​ၼိူဝ်​ၶဝ်​ၼၼ်ႉ​ဢေႃႈ။-</verse>
				<verse number="23">ၶဝ်​ဢွၼ်​ၵၼ်​ပႂ်ႉ​ထႃႈ​ၵဝ်​ယူႇ​မိူၼ်​ၸိူဝ်ႉ​ၼင်ႇ​ဢၼ်​ပႂ်ႉ​ထႃႈ​ၼမ်ႉ​ၽူၼ်​ၼၼ်ႉ​လႄႈ ဢွၼ်​ၵၼ်​ဢႃႈ​ပၢၵ်ႇ​ၶဝ်​ၵႂၢင်ႈ​ၵႂၢင်ႈ​သေ​လႄႈ ယူႇ​မိူၼ်​ၸိူဝ်ႉ​ၼင်ႇ​ဢၼ်​ၶႂ်ႈ​ၶၢမ်ႇ​ဢဝ်​ၼမ်ႉ​ၽူၼ်​ဢၼ်​တူၵ်း​ၵမ်း​လိုၼ်း​လင်​သုတ်း​ၼၼ်ႉ​ဢေႃႈ။-</verse>
				<verse number="24">ယၢမ်း​မိူဝ်ႈ​ဢၼ်​ၵဝ်​ယုမ်ႉ​ၶူဝ်​ၸူး​ၶဝ်​ၸိုင်၊ ၶဝ်​ဢမ်ႇ​ယုမ်ႇ​ဢမ်ႇ​မၢတ်ႈ​လႆႈ။ ၵဝ်​ဢမ်ႇ​ႁဵတ်း​ႁႂ်ႈ​ဢၼ်​လႅင်း​ၼႃႈ​ၵဝ်​လႆႈ​လူႉ​ၵႂႃႇ​ႁၢႆ​ၵႂႃႇ။-</verse>
				<verse number="25">ၵဝ်​လိူၵ်ႈ​ၵဵပ်း​ဢဝ်​သဵၼ်ႈ​တၢင်း​ၶဝ်​လႄႈ ၼင်ႈ​ၵႃႈ​တီႈ​ဢၼ်​မျၢတ်ႈ​ဢၼ်​သုင်​သေ​ပိူၼ်ႈ​ဢေႃႈ။ ၵဝ်​ပဵၼ်​ၸိူဝ်ႉ​ၼင်ႇ​ၶုၼ်​ႁေႃ​ၶမ်း ၵႃႈ​ၼႂ်း​မူႇ​ၽုင်​မုၵ်ႉ​ၸိူဝ်း​ပူဝ်ႇ​ပႃႇ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ၵေႃႉ​ဢၼ်​ႁႂ်ႈ​ၶဝ်​ၸိူဝ်း​ဢၼ်​ႁဵဝ်ႇ​ၸွပ်ႈ​တင်း​လၢႆ လႆႈ​ပေႇ​ၸႂ် ၼိမ်​ၸႂ်​ၼၼ်ႉ​ဢေႃႈ။</verse>
			</chapter>
			<chapter number="30">
				<verse number="1">မိူဝ်ႈ​လဵဝ်​ၼႆႉ​ၸမ်ႉ၊ ၶဝ်​ၸိူဝ်း​ဢၼ်​ဢသၢၵ်ႈ​လဵၵ်ႉ​သေ​ၵဝ်​ၼၼ်ႉ ၸၢင်ႈ​ဢွၼ်​ၵၼ်​ႁဵတ်း​ပျၢၵ်ႈ​ၶူဝ်​ၵဝ်​ဢေႃႈ။ ပေႃႈ​ၶဝ်​ၼၼ်ႉ​ၸိူဝ်း​ၼၼ်ႉ​ၸိုင် ၵဝ်​လီ​ႁင်ႈ​ဢဵတ်ႇ​သဵတ်ႇ​ထၼ်ႈ​ပေႃး​ဢမ်ႇ​ၶျႃး​တီႈ​ယူႇ​ပၼ်​လူၺ်ႈ​ၵၼ်​တင်း​မႃ​ဢၼ်​ပႂ်ႉ​မုၵ်ႉ​သူဝ်း​ၽုင်​သူဝ်း​ၵဝ်​ၼၼ်ႉ။-</verse>
				<verse number="2">တၢင်း​ၵတ်ႉ​တၢင်း​ၶၼ်​မိုဝ်း​ၶဝ်​ၸိူဝ်း​ဢၼ်​ႁႅင်း​ဢူၼ်ႈ​ၵႂႃႇ​လႄႈ ဢမ်ႇ​ပႆႇ​တၼ်း​ႁွတ်ႈ​ထိုင်​ၶိင်ႇ​ဢၼ်​ထဝ်ႈ​လႄႈ ထဝ်ႈ​ၼၼ်ႉ​တၵ်း​ပွင်​ႁဵတ်း​ဢၵျူဝ်း​ပုၼ်ႈ​ၵဝ်​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="3">ၵွပ်ႈ​ပိူဝ်ႈ​ဢၼ်​ၶဝ်​ယၢၵ်ႈ​ၽၢၼ်​ဢိုပ်း​ယၢၵ်ႈ​ၼၼ်ႉ​လႄႈ ၶဝ်​မီး​တၢင်း​ဢၼ်​တွင်ႉ​မႆႈ​သႆႈ​လိူတ်ႇ​ဢေႃႈ။ ၶဝ်​ဢွၼ်​ၵၼ်​ၵိၼ်​ၶူပ်း​ၵႃႈ​ၼႂ်း​ထိူၼ်ႇ ၵႃႈ​ၼႂ်း​တီႈ​လပ်း​သိင်ႇ​တီႈ​ဢၼ်​ပဝ်ႇ​လၢပ်ႈ​ပၢင်ႇ​ပလႁႃႇ တီႈ​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ၼၼ်ႉ​ဢေႃႈ။-</verse>
				<verse number="4">ၶဝ်​ဢွၼ်​ၵၼ်​ပၢတ်ႇ​ဢဝ်​ယိူဝ်ႈ​ယႃႈ မလႂႃႉ ၵႃႈ​တီႈ​ႁိမ်း​ယုမ်း​ႁိမ်း​ယွမ်ႇ​လႄႈ ႁၢၵ်ႈ ရႃႇသမ်ႇ ပဵၼ်​ပုၼ်ႈ​တၢင်း​ၵိၼ်​ၶဝ်​ဢေႃႈ။-</verse>
				<verse number="5">ၶဝ်​လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႅတ်ႈ​သေ​ၵႃႈ​ၼႂ်း​တီႈ​ယူႇ​ၵူၼ်း​လႄႈ ပိူၼ်ႈ​ဢွၼ်​ၵၼ်​ႁွင်ႉ​သႅၼ်ႇ​ၸွမ်း​လင်​ၶဝ်​မိူၼ်​ၸိူဝ်ႉ​ၼင်ႇ​ၽူႈ​လၵ်ႉ​ၼၼ်ႉ​ဢေႃႈ။-</verse>
				<verse number="6">ၶဝ်​ဢွၼ်​ၵၼ်​ယူႇ​ၵႃႈ​ၼႂ်း​ၵႄႈ​ႁူၺ်ႈ​ၵႄႈ​လွႆ ဢၼ်​လီ​ၵူဝ်​လီ​ႁႄ​ၼႃႇ​လႂ်၊ ၼႂ်း​လုၵ်း​လိၼ်​ၶုမ်​လိၼ်​လႂ်။ ၼႂ်း​ႁူး​ထမ်ႈ​ႁူး​လွႆ​လႂ်​ဢေႃႈ။-</verse>
				<verse number="7">ၶဝ်​ဢွၼ်​ၵၼ်​ပွင်ႉ​ၶၢင်း​ပွင်ႉ​မိူၼ်ႇ ၵႃႈ​ၼႂ်း​ယုမ်း​ၼႂ်း​ယွမ်ႇ​လႄႈ ၸူႉ​ၵၼ်​တုမ်​ၵၼ်​ၵႃႈ​တီႈ​တႂ်ႈ​တူၼ်ႈ​ၼၢမ်​ဢေႃႈ။-</verse>
				<verse number="8">ၶဝ်​ပဵၼ်​လုၵ်ႈ​ပဵၼ်​လၢင်း​ၵူၼ်း​မိူၵ်ႈ၊ လုၵ်ႈ​လၢင်း​ၵူၼ်း​ယုတ်ႈ​လႄႈ လႆႈ​ဢွၼ်​ၵၼ်​ၶၢမ်ႇ​တၢင်း​ဢၼ်​ႁေႃႈ​ပႅတ်ႈ​သေ​ၵႃႈ​ၼႂ်း​ဝၢၼ်ႈ​ၼႂ်း​မိူင်း​ဢေႃႈ။</verse>
				<verse number="9">မိူဝ်ႈ​လဵဝ်​ၼႆႉ​ၸမ်ႉ၊ ၵဝ်​ပဵၼ်​တီႈ​ဢၼ်​ၶဝ်​ၼၼ်ႉ ႁဵတ်း​ၵႂၢမ်း​ဝႃႈ​လႄႈ ပဵၼ်​တီႈ​ဢၼ်​ၶဝ်​ၼၼ်ႉ​သႄႉ​သွမ်း​ႁဵတ်း​ဢပုမ်ႇ​တႅၵ်ႈ​ယဝ်ႉ​လူင်​ပႄႇ။-</verse>
				<verse number="10">ၶဝ်​ဢွၼ်​ၵၼ်​လီ​ႁင်ႈ​ဢဵတ်ႇ​သဵတ်ႇ​ၵဝ်​လႄႈ ဝႄႈ​ပႅတ်ႈ​ၵဝ်​ၵႆ​ၵႆ​ဢေႃႈ။ ၶဝ်​ယင်း​ဢမ်ႇ​ထူမ်ႇ​ၼမ်ႉ​လၢႆး​သႂ်ႇ​ၵဝ်​လႄႈ​ဢမ်ႇ​ယူႇ။-</verse>
				<verse number="11">မၼ်း​ၸဝ်ႈ​ၵႄႈ​လိတ်ႈ​ၸိူၵ်ႈ​မၼ်း​ၸဝ်ႈ​တီႈ​ၶဝ်​ၼၼ်ႉ​သေ​လႄႈ ၼိၵ်ႈ​ၸၢၵ်ႈ​ငႅၼ်း​သႄး​လႄႈ ၶဝ်​ၼၼ်ႉ ဢွၼ်​ၵၼ်​ပူတ်း​ၵၵ်ႉ​ပူတ်း​ၵိုဝ်​ၶဝ် ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။</verse>
				<verse number="12">မုၵ်ႉ​ၸိူဝ်း​ၵူၼ်း လုၵ်ႉ​ၵႃႈ​တီႈ​ၽၢႆႇ​တၢင်း​ၶႂႃ​ၵဝ်​သေ​လႄႈ တွၵ်ႈ​ဢီး​တိၼ်​ၵဝ်​လႄႈ ထူမ်​တၢင်း​တဵင်​တၢင်း ႁႂ်ႈ​လႆႈ​ယႃႉ​ၵဝ်​ပႅတ်ႈ​ဢေႃႈ။-</verse>
				<verse number="13">ၶဝ်​ဢွၼ်​ၵၼ်​ယႃႉ​သဵၼ်ႈ​တၢင်း​ၵဝ်​ပႅတ်ႈ​သေ​လႄႈ ၵျူဝ်း​ၸႃး​ႁႂ်ႈ​ၵဝ်​လူမ်ႉ​လႄႈ ဢမ်ႇ​မီး​ၵေႃႉ​ဢၼ်​ၸွႆႈ​ထႅမ်​ယူႇ​ၽၢႆႇ​ၼိုင်ႈ​တင်း​ၶဝ်​ၼၼ်ႉ။-</verse>
				<verse number="14">ၶဝ်​ဢွၼ်​ၵၼ်​မႃး​မိူၼ်​ၸိူဝ်ႉ​ၼင်ႇ ၶဝ်ႈ​ၸွမ်း​ၵႃႈ​ၼႂ်း​ႁူး​ဢၼ်​လူင်ႉ​ဢၼ်​ပွင်ႇ​လႄႈ ၵႂၢင်ႈ​ၼၼ်ႉ​လႄႈ ၶုၼ်ႇ​ၽၢင်ႈ​လႅၼ်ႈ​ၸွမ်း​ၵႃႈ​ၼႂ်း​တီႈ​ဢၼ်​ၵိူၼ်ႇ​ပင်း​လူႉ​လႅဝ်​ၼၼ်ႉ​ဢေႃႈ။-</verse>
				<verse number="15">လွင်ႈ​တၢင်း​ဢၼ်​လီ​ၵူဝ်​လီ​ႁႄ​တင်း​လၢႆ ႁွတ်ႈ​ထိုင်​ၵႃႈ​ၼိူဝ်​ၵဝ်​လႄႈ ပတ်ႉ​ထူဝ်း​ဢဝ်​မုၼ်​ၽုင်း​ၵဝ်​ၵႂႃႇ မိူၼ်​ၸိူဝ်ႉ​ၼင်ႇ​လူမ်း​ၼၼ်ႉ​လႄႈ ၸေး​ၸိမ်ႇ​ၵဝ်​ၽူင်ႉ​ပိဝ်​သဵၼ်​ၵႂႃႇ မိူၼ်​ၸိူဝ်ႉ​ၼင်ႇ​ၽႃႈ​ၽူၼ်​ၼၼ်ႉ​ယဝ်ႉ။</verse>
				<verse number="16">မိူဝ်ႈ​လဵဝ်​ၼႆႉ​ၸမ်ႉ၊ ႁူဝ်​ၸႂ်​ၵဝ်​တႅၵ်ႇ​လႅဝ်​ၵႂႃႇ​ယဝ်ႉ။ မိုဝ်ႉ​ဝၼ်း​ဢၼ်​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ ဢွၼ်​ၵၼ်​ၸွမ်း​ၶိုတ်း​ၵဝ်​ယဝ်ႉ။-</verse>
				<verse number="17">ၶိင်ႇ​ၵၢင်​ၶိုၼ်း​လုပ်ႇ​ၵဝ်​ၸိူဝ်း​ၼႆႉ လႆႈ​ၶၢမ်ႇ​တၢင်း​ဢၼ်​ၸီး​သႂ်ႇ​တမ်​သႂ်ႇ​သေ​လႄႈ ၶၢတ်ႇ​ပုတ်း​တူၵ်း​သေ​ၵႃႈ​တီႈ​ၵဝ်​ၼၼ်ႉ​လႄႈ တၢင်း​ဢၼ်​ၶူပ်း​ၶိုၼ်ႈ​ၼႃႇ​လူင်​လၢင်​ၼၼ်ႉ ဢမ်ႇ​ထၢတ်ႇ​ဢမ်ႇ​ယဵၼ်​လႃး​လႃး။-</verse>
				<verse number="18">ၵွပ်ႈ​ပိူဝ်ႈ​ဢၼ်​တၢင်း​ၸဵပ်း​ၵဝ်​ၼႆႉ ႁႅင်း​ယႂ်ႇ​ၼႃႇ​လူင်​လၢင်​လႄႈ ၶူဝ်း​ၼုင်ႈ​ၶူဝ်း​မႆ​ၵဝ်​လၢၵ်ႇ​ပိူင်ႈ​လႄႈ မတ်ႉ​ၶဵၼ်း​ၵဝ်​ယူႇ​မိူၼ်​ၸိူဝ်ႉ​ၼင်ႇ​ၶေႃး​သိူဝ်ႈ​ၼၼ်ႉ​ဢေႃႈ။-</verse>
				<verse number="19">မၼ်း​ၸဝ်ႈ​တွၵ်ႈ​ဢီး​ၵဝ်​တူၵ်း​ၵႃႈ​ၼႂ်း​ၵူမ်ႇ​ၼႂ်း​ဢုင်​လႄႈ၊ ၵဝ်​ၼႆႉ​ပဵၼ်​ၸိူဝ်ႉ​ၼင်ႇ​မုၼ်ႈ​လိၼ်​တင်း​တဝ်ႈ​ၼၼ်ႉ​ယဝ်ႉ။-</verse>
				<verse number="20">ၶႃႈ​ၸဝ်ႈ​သႅၼ်ႇ​ႁွင်ႉ​တီႈ​ၸဝ်ႈ​ႁဝ်း​လႄႈ ၸဝ်ႈ​ႁဝ်း​ဢမ်ႇ​ဢိူဝ်​တီႈ​ၶႃႈ။ ၶႃႈ​ၸဝ်ႈ​လုၵ်ႉ​ၸုၵ်း​လႄႈ ၸဝ်ႈ​ႁဝ်း​ဢမ်ႇ​မၢတ်ႈ​ဢမ်ႇ​တွင်း​တီႈ​ၶႃႈ။-</verse>
				<verse number="21">ၸဝ်ႈ​ႁဝ်း​ႁဵတ်း​ၵျၢမ်း​ထၢမ်း​လူင်​လၢင်​တီႈ​ၶႃႈ​ၸဝ်ႈ​လႄႈ ဢဝ်​တင်း​မိုဝ်း​ၸဝ်ႈ​ဢၼ်​ႁႅင်း​ယႂ်ႇ​ၼႃႇ​ၼၼ်ႉ လွမ်ႉ​ပႂ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="22">ၸဝ်ႈ​ႁဝ်း​ယုၵ်ႉ​ဢဝ်​ၶႃႈ​ၸဝ်ႈ​သႂ်ႇ​ၵႃႈ​ၼိူဝ်​လူမ်း​သေ​လႄႈ ႁႂ်ႈ​ၶႃႈ​ၸဝ်ႈ​ၶီႇ​ပႃး​ၵႂႃႇ​ၵႃႈ​ၼိူဝ်​မၼ်း​လႄႈ ႁႂ်ႈ​ၶႃႈ​ၸဝ်ႈ​ပိဝ်​သဵၼ်​ႁၢႆ​လၢႆ​ၵႂႃႇ​ၵႃႈ​ၼႂ်း​ဢၢႆ​ႁႅင်း​လူမ်း​လူင်​ၽူၼ်​လူင်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="23">ၶႃႈ​ၸဝ်ႈ​ႁူႉ​လွင်ႈ​ဢၼ်​ၸဝ်ႈ​ႁဝ်း​တၵ်း​ဢဝ် ၶႃႈ​ၸဝ်ႈ​သူင်ႇ​ႁွတ်ႈ​ၵႃႈ​တီႈ​တၢင်း​တၢႆ ဢိၵ်ႇ​တင်း​ၵႃႈ​တီႈ​ႁိူၼ်း​တီႈ​ယူႇ​ဢၼ်​ၸီႇ​ယၢင်ႇ​ႁဵတ်း​ဝႆႉ ပုၼ်ႈ​ၶဝ်​ၵႃႈ​ဢၼ်​ဢသၢၵ်ႈ​ယင်း​လိပ်း​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="24">ၼႂ်း​မိူဝ်ႈ​ဢၼ်​မၼ်း​ၸဝ်ႈ​ယင်း​တိုၵ်ႉ​ယဵတ်ႇ​မိုဝ်း​ယိုၼ်ႈ​မိုဝ်း​မၼ်း​ၸဝ်ႈ​ယူႇ​ၼၼ်ႉ၊ ပိၵ်ႉ​သမ်ႉ​သူး​တွင်း​သေ​ၵေႃႈ၊ ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​လႄႈ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ယင်း​တိုၵ်ႉ​ယႃႉ​ပႅတ်ႈ​ယူႇ​ၼၼ်ႉ၊ ပိၵ်ႉ​သမ်ႉ​သႅၼ်ႇ​ႁွင်ႉ​သေ​ၵေႃႈ ဢမ်ႇ​မီး​ၵျေး​ၸူး။</verse>
				<verse number="25">ၵဝ်​ယၢမ်ႈ​ႁႆႈ​ႁွင်ႉ​ပုၼ်ႈ​ၶဝ်​ၸိူဝ်း​ဢၼ် ႁွတ်ႈ​ဢမူႉ​ၼၼ်ႉ​ယဝ်ႉ​ဢမ်ႇ​ၸႂ်ႈ​ႁိုဝ်။ ၵဝ်​ယၢမ်ႈ​ၸဵပ်း​ၸႂ်​ၶိုၼ်ႈ​ၸႂ်​ပုၼ်ႈ​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​ယဝ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="26">ၵူၺ်း​ၵႃႈ ၼႂ်း​မိူဝ်ႈ​ဢၼ်​ၵဝ်​မုင်ႈ​မွင်း တၢင်း​ဢၼ်​လီ​ဢၼ်​ငၢမ်း​ယူႇ​ၼၼ်ႉ​ၸိုင် ၽေး​ႁွတ်ႈ​မႃး​ဢေႃႈ။ ၼႂ်း​မိူဝ်ႈ​ဢၼ်​ၵဝ်​တူၵ်း​ဢၢင်ႈ​ဢၼ်​ပၢင်ႇ​ဢၼ်​လႅင်း​ယူႇ​ၼၼ်ႉ​ၸိုင် ပဵၼ်​ဢၼ်​လပ်း​သိင်ႇ​ၵႂႃႇ​ဢေႃႈ။-</verse>
				<verse number="27">ႁူဝ်​ၸႂ်​ၵဝ်​ၼႆႉ​လိူတ်ႇ​ယူႇ​လႄႈ ဢမ်ႇ​မီး​တၢင်း​ဢၼ်​ၼိမ်​ဢၼ်​ယဵၼ်။ မိုဝ်ႉ​ဝၼ်း​ဢၼ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ ထူပ်း​မႅၼ်ႈ​ၵဝ်​ယဝ်ႉ။-</verse>
				<verse number="28">ၵွပ်ႈ​ပိူဝ်ႈ​လႅတ်ႇ​မႆႈ​ၵၢင်​ဝၼ်း​ၼၼ်ႉ ယင်း​ဢမ်ႇ​ၸႂ်ႈ​လႄႈ ၵဝ်​မီး​ၼႃႈ​ဢၼ်​ၵမ်ႇ​ၵႂႃႇ​လမ်​ၵႂႃႇ​လႄႈ လႆႈ​လႄႇ​လဵပ်ႈ​ယူႇ​ဢေႃႈ။ ၵဝ်​လုၵ်ႉ​ၸုၵ်း ယူႇ​ၵႃႈ​ၼႂ်း​ၵၢင်​ပရဵၵ်ႈသၢတ်ႈ​သေ​လႄႈ ႁွင်ႉ​ၸူး​ၶၢင်း​ၸူး​ၶဝ်​ယူႇ​ဢေႃႈ။-</verse>
				<verse number="29">ၵဝ်​လႆႈ​ပဵၼ်​ပီႈ​ၼွင်ႉ​ၵၼ်​တင်း​မႃ​လိၼ်​လႄႈ လႆႈ​ပဵၼ်​ၵေႃႉ​သေႈ​လူၺ်ႈ​ၵၼ်​တင်း ၼူၵ်ႉ​ၵလႃးဢုၵ်ႉ​တင်း​လၢႆ​ဢေႃႈ။-</verse>
				<verse number="30">ၼိူဝ်ႉ​ၼင်​ၵဝ်​မီး​တၢင်း​ဢၼ်​ၵမ်ႇ​ၵႂႃႇ​လမ်​ၵႂႃႇ​လႄႈ ၶၢတ်ႇ​ပုတ်း​တူၵ်း​ၵႂႃႇ​သေ​ၵႃႈ​တီႈ​ၵဝ်​ဢေႃႈ။ လုပ်ႇ​ၵဝ်​ၸိူဝ်း​ၼႆႉ​မႆႈ​ႁွၼ်ႉ​လႄႈ ႁႅင်ႈ​ၵႂႃႇ​ႁွင်​ၵႂႃႇ​ဢေႃႈ။-</verse>
				<verse number="31">တိင်ႇ​ၵဝ်​ၸၢင်ႈ​လင်​ဢွၵ်ႇ​သဵင် ဢၼ်​ၶၢင်း​ၶီ​ၶၢင်း​ၽၢၼ်​လႄႈ ပီႇ​ၵဝ်​ၼႄး​ၵဝ်​ၸၢင်ႈ​လင်​ဢွၵ်ႇ​သဵင် ဢၼ်​ႁႆႈ​ဢၼ်​ႁွင်ႉ​ဢေႃႈ။</verse>
			</chapter>
			<chapter number="31">
				<verse number="1">ၵဝ်​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​မၢၵ်ႇ​တႃ​ၵဝ်​ဝႆႉ​ယဝ်ႉ။ ပိူဝ်ႈ​ၼႆ​လႄႈ ၵဝ်​တၵ်း​လူ​တူၺ်း​မႄႈ​ယိင်း ဢၼ်​ပဵၼ်​သၢဝ်​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="2">ပေႃး​ဢမ်ႇ​ၼၼ် ပုၼ်ႈ​တႃႇ​ဢၼ်​ၽြႃး​ပဵၼ်​ၸဝ်ႈ တၵ်း​ယူႇ​ၵႃႈ​တီႈ​ၼိူဝ်​ၼၼ်ႉ​သေ​လႄႈ​ပၼ်​ၼၼ်ႉ ပဵၼ်​ၵႃႈ​သင်။ ဢမူၺ်ႇ​ဢုၵ်ႉ​ၸႃႇ​ဢၼ်​ၸဝ်ႈ​ဢၼၼ်ႇတႃႉ​တၼ်း​ၶူဝ်း​တၵ်း​ယူႇ​ၵႃႈ​တီႈ​ဢၼ်​သုင်​ၼၼ်ႉ​လႄႈ​ပၼ်​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်။-</verse>
				<verse number="3">တီႈ​ၶဝ်​ၸိူဝ်း​ဢၼ်​ႁၢႆႉ​မိူၵ်ႈ​ၼၼ်ႉ ပဵၼ်​တၢင်း​ဢၼ်​လူႉ​လႅဝ်​လႄႈ တီႈ​ၶဝ်​ၸိူဝ်း​ဢၼ်​ၵမ်​ၵျၢင်ႉ​တၢင်း​ဢၼ်​ဢမ်ႇ​တြႃး​ၼၼ်ႉ ပဵၼ်​တၢင်း​ဢၼ်​သုမ်း​ၸွမ်း​ဢမ်ႇ​ၸႂ်ႈ​ႁိုဝ်။-</verse>
				<verse number="4">မၼ်း​ၸဝ်ႈ​ႁၼ်​သဵၼ်ႈ​တၢင်း​ဢၼ်​ၵဝ်​ၵႂႃႇ​ၼၼ်ႉ​ယူႇ​ဢမ်ႇ​ၸႂ်ႈ​ႁိုဝ်။ မၼ်း​ၸဝ်ႈ​ၼပ်ႉ​ဢၢၼ်ႇ​ႁွႆး​တိၼ်​ၵဝ်​ၵႃႈ​မီး​ၼၼ်ႉ​ဝႆႉ​ယဝ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="5">ပေႃး​ၵဝ်​လႆႈ​ၸွမ်း​သဵၼ်ႈ​တၢင်း​မူႉ​သႃႇ​မႅၼ်ႈ​လႄႈ တိၼ်​ၵဝ်​လႆႈ​ၶုၼ်ႇ​လႅၼ်ႈ​ႁႂ်ႈ​လႆႈ​ပႅတ်ႉ​လႅၼ်​မႅၼ်ႈ​ၸိုင်၊-</verse>
				<verse number="6">ႁႂ်ႈ​ၵဝ်​လႆႈ​ၶၢမ်ႇ​တၢင်း​ဢၼ် ၸင်ႈ​ႁိဝ်ႈ​ၵႃႈ​ၼႂ်း​ယႃႇ​ၸူႇ ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ ႁႂ်ႈ​ၽြႃး​ပဵၼ်​ၸဝ်ႈ​လႆႈ​ႁူႉ​တၢင်း​ဢၼ်​ၵဝ်​သိုဝ်ႈ​တေႃႇ​ၼၼ်ႉ​သေ​ၵမ်း​လူၺ်ႈ။-</verse>
				<verse number="7">ပေႃး​တိၼ်​ၵဝ်​လႆႈ​ၽိတ်း​တၢင်း​ပိူင်ႈ​တၢင်း​မႅၼ်ႈ​လႄႈ ႁူဝ်​ၸႂ်​ၵဝ်​လႆႈ​ၸွမ်း​ဢလူဝ်ႇ​မၢၵ်ႇ​တႃ​ၵဝ်​မႅၼ်ႈ၊ ပေႃး​တၢင်း​ဢၼ်​ၵူဝ်ႈ​ၵိူၵ်ႇ​ၶႆး​တင် လႆႈ​ၸပ်း​ၵႃႈ​တီႈ​မိုဝ်း​ၵဝ်​မႅၼ်ႈ​ၸိုင်၊-</verse>
				<verse number="8">ၵဝ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​လႄႈ ႁႂ်ႈ​ပိူၼ်ႈ​တၢင်ႇ​ၵေႃႉ​လႆႈ​ဢဝ်​ၵိၼ်​သေ​ၵမ်း​လူၺ်ႈ။ ႁႂ်ႈ​ပိူၼ်ႈ​တၢင်ႇ​ၵေႃႉ ထူၺ်ႈ​ဢဝ်​တူၼ်ႈ​ၵႃႈ​ၵဝ်​သေ​ၵမ်း​လူၺ်ႈ။-</verse>
				<verse number="9">ပေႃး​ၵဝ်​လႆႈ​မီး​ၸႂ်​ၸပ်း​ၸႂ်​ၸွႆး​မေး​ပိူၼ်ႈ​မႅၼ်ႈ​လႄႈ ပႂ်ႉ​လွမ်​ပႂ်ႉ​တူၺ်း​ၵႃႈ​တီႈ​ႁိမ်း​ၽၵ်း​တူ​ၵူၼ်း​ႁိူၼ်း​ၸမ်​ၵၼ်​မႅၼ်ႈ​ၸိုင်၊-</verse>
				<verse number="10">ႁႂ်ႈ​မေး​ၵဝ်​လႆႈ​ၶိုတ်ႈ​ၵႃႈ​တီႈ​လူၺ်​ၶိုတ်ႈ​ၶဝ်ႈ​ပိူၼ်ႈ​သေ​ၵမ်း​လူၺ်ႈ။ ႁႂ်ႈ​ပိူၼ်ႈ​ၼွၼ်း​ႁူမ်ႈ​လူၺ်ႈ​ၵၼ်​တင်း​မၼ်း​သေ​ၵမ်း​လူၺ်ႈ။-</verse>
				<verse number="11">ပေႃး​ၵဝ်​ႁဵတ်း​မႅၼ်ႈ​ၸိူဝ်ႉ​ၼင်ႇ​ၼၼ်​ၸိုင်၊ ပဵၼ်​ဢပႅတ်ႈ​ဢၼ်​ယႂ်ႇ​ၼႃႇ​လႄႈ ပဵၼ်​ဢပႅတ်ႈ​ဢၼ်​ထိူၵ်ႈ​ၶၢမ်ႇ​ရႃႇၸဝူတ်ႈ​ဢေႃႈ။-</verse>
				<verse number="12">ဢၼ်​ၸိူဝ်း​ၼၼ်ႉ​ပဵၼ်​ၽႆး​ဢၼ်​မႆႈ တေႃႇ​ထိုင်​ႁွတ်ႈ​ထၼ်ႈ​ပေႃး​သုတ်း​ပေႃး​သဵင်ႈ​လႄႈ ထူၺ်ႈ​ၸေး​ၸိမ်ႇ​ၵဝ်​ၵႃႈ​မီး​ဢွၵ်ႇ​ပႅတ်ႈ​ဢေႃႈ။-</verse>
				<verse number="13">ပေႃး​ၵဝ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ဢမူႉ ၶႃႈ​ၵူၼ်း​ၸၢႆး​ၵဝ်​ၶႃႈ​ၵူၼ်း​ယိင်း​ၵဝ် ၼႂ်း​မိူဝ်ႈ​ဢၼ်​ၶဝ်​ထူပ်း​တြႃး​ၵၼ်​တင်း​ၵဝ်​ၼၼ်ႉ​လႄႈ​ယူႇ​မႅၼ်ႈ​ၸိုင်၊-</verse>
				<verse number="14">ယၢမ်း​မိူဝ်ႈ​ဢၼ်​ၽြႃး​ပဵၼ်​ၸဝ်ႈ​လုၵ်ႉ​ၼၼ်ႉ၊ ၵဝ်​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်။ ယၢမ်း​မိူဝ်ႈ​ဢၼ်​မၼ်း​ၸဝ်ႈ​ၸႅတ်ႈ​ထၢမ်​ၼၼ်ႉ၊ ၵဝ်​တၵ်း​လႆႈ​ၶိုၼ်း​လဝ်ႊ​လၢတ်ႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="15">မၼ်း​ၸဝ်ႈ​ဢၼ်​ႁဵတ်း​ႁႂ်ႈ​ၵဝ်​ပဵၼ်​မႃး ၵႃႈ​ၼႂ်း​တွင်ႉ​မႄႈ​ၼၼ်ႉ ႁဵတ်း​ႁႂ်ႈ​မၼ်း​ၼၼ်ႉ​ပဵၼ်​မႃး​ဢမ်ႇ​ၸႂ်ႈ​ႁိုဝ်။ မၼ်း​ၸဝ်ႈ​သူႇ​လဵဝ်​ပႃး​လဵဝ်​ၼၼ်ႉ ပွင်​ႁဵတ်း​ပွင်​မႄး​ႁႃး​သွင်​ၵေႃႉ ၵႃႈ​ၼႂ်း​တွင်ႉ​မႄႈ​ဢမ်ႇ​ၸႂ်ႈ​ႁိုဝ်။</verse>
				<verse number="16">ၵဝ်​ယင်း​ဢမ်ႇ​ပၼ်​လွင်ႈ​တၢင်း​ဢၼ် ၵူၼ်း​ယၢၵ်ႈ​ၵူၼ်း​ၽၢၼ်​တူၵ်း​ဢၢင်ႈ​ၼၼ်ႉ​လႄႈ ယၢမ်ႈ​တွၼ်ႉ​ယူႇ​ႁိုဝ်။ ၵဝ်​ယၢမ်ႈ​တွၼ်ႉ​ႁဵတ်း​ႁႂ်ႈ​တႃႇ​မႄႈ​မူၵ်း​မႄႈ​မၢႆႈ​လူႉ​ႁိုဝ်။-</verse>
				<verse number="17">ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ​ၼၼ်ႉ ယင်း​ဢမ်ႇ​လႆႈ​ၵိၼ်​လႆႈ​ၶူပ်း​လႄႈ ၵဝ်​ယၢမ်ႈ​တွၼ်ႉ​ၵိၼ်​တႃႇ​ၶဝ်ႈ​ၵဝ် ၵမ်း​ၶဝ်ႈ​ၵဝ်​ၵေႃႉ​လဵဝ်​ၵူၺ်း​ႁိုဝ်။-</verse>
				<verse number="18">မၼ်း​ၼၼ်ႉ​လႆႈ​ယႂ်ႇ​လႆႈ​သုင်​မႃး​ယူႇ​တီႈ​ၵဝ်​မိူၼ်​ၸိူဝ်ႉ​ၼင်ႇ​တီႈ​ပေႃႈ​ၼၼ်ႉ ၸႃႉ​ၸဵမ်​မိူဝ်ႈ​ဢၼ်​ၵဝ်​ဢသၢၵ်ႈ​ယင်း​လဵၵ်ႉ​ယင်း​ဢွၼ်ႇ​ၼၼ်ႉ​ယဝ်ႉ။ ၵဝ်​လႆႈ​ၸွႆႈ​ထႅမ်​မႃႉ​ၸႃႉ​မႄႈ​ယိင်း​ၸိူဝ်ႉ​ၼင်ႇ​ၼၼ်​ၼၼ်ႉ ၸႃႉ​ၸဵမ်​မိုဝ်ႉ​ဝၼ်း​ဢၼ်​ၵဝ်​ၵိူတ်ႇ​လဵင်ႉ​မႃး​ၼၼ်ႉ​ယဝ်ႉ။-</verse>
				<verse number="19">ပေႃး​ၵဝ်​ႁၼ်​သေ​ၵေႃႉ​သေ​ၵူၼ်း ႁွတ်ႈ​ထိုင်​တၢင်း​လူႉ​တၢင်း​လႅဝ် ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​မီး​ၶူဝ်း​ၼုင်ႈ​တၢင်း​မႆ ဢိၵ်ႇ​တင်း​ၵေႃႉ​ဢၼ်​ၸုတ်ႈ​ဢၼ်​လုတ်ႈ​သေ​ၵေႃႉ​သေ​ၵူၼ်း ယင်း​ဢမ်ႇ​မီး​တီႈ​ဢၼ်​တၵ်း​ႁူမ်ႇ​တၵ်း​မႆ​လႄႈ​ယူႇ၊-</verse>
				<verse number="20">ပေႃး​ဢႅဝ်​မၼ်း​ယင်း​ဢမ်ႇ​ပၼ်​တၢင်း​လီ​တီႈ​ၵဝ်၊ ပေႃး​မၼ်း​ယင်း​ဢမ်ႇ​လႆႈ​ဢဝ်​ၶူၼ်​သူဝ်း​ၵဝ်​ဢုၼ်ႇ​လႄႈ​ယူႇ၊-</verse>
				<verse number="21">ပေႃး​ၵဝ်​ဢဝ်​မိုဝ်း​ငႃ​ၸူး ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ​ၼၼ်ႉ​မႅၼ်ႈ ၵွပ်ႈ​ပိူဝ်ႈ​ဢၼ်​ၵဝ်​ႁၼ်​ၵူၼ်း​ဢၼ်​ယူႇ​ၽၢႆႇ​ၵဝ်​ၵႃႈ​တီႈ​ၼႂ်း​ၽၵ်း​တူ​ဝဵင်း​ၼၼ်ႉ​ၸိုင်၊-</verse>
				<verse number="22">ႁႂ်ႈ​ၶႅၼ်​ၵဝ်​ၼႆႉ​တူၵ်း​သေ​ၵႃႈ​တီႈ​ႁူဝ်​မႃႇ​ၵဝ်​သေ​ၵမ်း​လူၺ်ႈ။ ႁႂ်ႈ​ၶေႃႈ​မိုဝ်း​ႁၵ်း​သေ​ၵႃႈ​တီႈ​လုပ်ႇ​မၼ်း​သေ​ၵမ်း​လူၺ်ႈ။-</verse>
				<verse number="23">တၢင်း​ဢၼ်​ၽြႃး​ပဵၼ်​ၸဝ်ႈ​ယႃႉ​ပႅတ်ႈ​ၼၼ်ႉ ပဵၼ်​တီႈ​ဢၼ်​လီ​ၵူဝ်​လီ​ႁႄ​တီႈ​ၵဝ်​လႄႈ ၵဝ်​ယင်း​ဢမ်ႇ​မီး​ႁႅင်း​လႄႈ​ယူႇ​ၵွပ်ႈ​ပိူဝ်ႈ​တၼ်း​ၶူဝ်း​ဢႃႇၼူႉၽေႃႇ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="24">ပေႃး​ၵဝ်​ၸႂ်​လီ​လူၺ်ႈ​ၶမ်း​လႄႈ လၢတ်ႈ​တီႈ​ၶမ်း​လွတ်ႈ​ငၢၼ်ႇ​လႄႈ​ဝႃႈ၊ မႂ်း​ၼႆႉ​ပဵၼ်​တီႈ​ဢၼ်​ၵဝ်​သွၼ်ႈ​ပိုင်ႈ​ဢေႃႈ၊ ဝႃႈ​ၼင်ႇ​ၼႆ​မႅၼ်ႈ၊-</verse>
				<verse number="25">ပေႃး​ၵဝ်​ဢုပ်ႇ​ဢၢတ်ႇ​ၸူမ်း​သိူဝ်း​ၵွပ်ႈ​ပိူဝ်ႈ​ဢၼ်​ၸေး​ၸိမ်ႇ​ၵဝ်​ယႂ်ႇ​လႄႈ မိုဝ်း​ၵဝ်​လႆႈ​ဢဝ်​သိမ်း​ဝႆႉ​ၼမ်​ၼႃႇ​ၼၼ်ႉ၊-</verse>
				<verse number="26">ပေႃး​ၵဝ်​လူ​တူၺ်း​ၵၢင်​ဝၼ်း ဢၼ်​သၢႆ​ဢရွင်ႇ​မၼ်း​ႁိူဝ်ႈ​ဢွၵ်ႇ​တွၵ်ႈ​ဢွၵ်ႇ၊ လိူၼ်​ဢၼ်​ႁိူဝ်ႈ​ႁိူင်း​ပိူင်း​သႂ်​ၼၼ်ႉ​လႄႈ၊-</verse>
				<verse number="27">ႁူဝ်​ၸႂ်​ၵဝ်​တဵတ်ႇ​တဵတ်ႇ​ဢူၼ်ႈ​ဢွၼ်ႇ​ၼူပ်ႈ​ၸူး​လႄႈ သူပ်း​ၵဝ်​ၸုပ်ႇ​မိုဝ်း​ၵဝ်​ၸူး​မႅၼ်ႈ​ၸိုင်၊-</verse>
				<verse number="28">ပဵၼ်​ဢပႅတ်ႈ​ဢၼ်​ထိူၵ်ႈ​ၶၢမ်ႇ​ရႃႇၸဝူတ်ႈ​ၵွပ်ႈ​ပိူဝ်ႈ​ဢၼ်​ၵဝ်​လႆႈ​ႁဵတ်း​တၢင်း​ဢၼ်​တွပ်ႇ​ထဵင်​ပႄႇ​ပႅတ်ႈ ၽြႃး​ပဵၼ်​ၸဝ်ႈ ဢၼ်​မီး​ယူႇ​ၵႃႈ​ၼိူဝ်​ၼၼ်ႉ​ဢေႃႈ။</verse>
				<verse number="29">မိူဝ်ႈ​ဢၼ်​ၵေႃႉ​ဢၼ်​ၸင်း​ၵဝ်​ၼၼ်ႉ​လူႉ​လႅဝ်​ၼၼ်ႉ၊ ၵဝ်​ၸူမ်း​သိူဝ်း​ႁိုဝ်။ မိူဝ်ႈ​ဢၼ်​ၽေး​ႁွတ်ႈ​ထိုင်​ၵႃႈ​တီႈ​မၼ်း​ၼၼ်ႉ ၵဝ်​ဢုပ်ႇ​ဢၢတ်ႇ​ႁိုဝ်။-</verse>
				<verse number="30">ၵဝ်​ဢမ်ႇ​ပၼ်​ဢၶႂၢင်ႉ ဢၼ်​သူပ်း​ၵဝ်​လႆႈ​ထုၵ်ႇ​ဢပႅတ်ႈ​လူၺ်ႈ​လွင်ႈ ဢၼ်​ၵိၼ်ႇ​လႃႇ​ၵိၼ်ႇ​ဝႃႈ ယွၼ်း​ဢဝ်​ႁႂ်ႈ​ဢသၢၵ်ႈ​ပိူၼ်ႈ​လႆႈ​သုမ်း​ၼၼ်ႉ။-</verse>
				<verse number="31">ၵူၼ်း​ႁိူၼ်း​ၵူၼ်း​ယေး​ၵဝ် ၸၢင်ႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ ၵေႃႉ​လႂ်​ယင်း​ဢမ်ႇ​လႆႈ​ၵိၼ်​ၼိူဝ်ႉ​တီႈ​မၼ်း​ဢိမ်ႇ​ဢိမ်ႇ​တဵမ်​တဵမ်​လႄႈ​ယူႇ၊ ဝႃႈ​ၼင်ႇ​ၼႆ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="32">ၶႅၵ်ႇ​ဢမ်ႇ​တွၼ်ႉ​လႆႈ​ပူၼ်ႉ​ၶိုၼ်း​ၵႃႈ​ၼႂ်း​သဵၼ်ႈ​တၢင်း​လႄႈ ၵဝ်​ၽုၺ်ႇ​ၽၵ်း​တူ​ၵဝ်​ဝႆႉ​ပုၼ်ႈ​ၶဝ်​ၸိူဝ်း​ဢၼ် ၵႂႃႇ​တၢင်း​ပႆ​တၢင်း​ၼၼ်ႉ​ယဝ်ႉ။-</verse>
				<verse number="33">ပေႃး​ၵဝ်​ယၢမ်ႈ​တွၼ်ႉ​ႁူမ်ႇ​သုမ်ႇ​တူႉ​ၸရိူၵ်ႈ​ၵဝ်​ဝႆႉ မိူၼ်​ၸိူဝ်ႉ​ၼင်ႇ​ ဢႃႇတၢမ်ႇ ​ၼၼ်ႉ​လႄႈ ဢဝ်​ဢပႅတ်ႈ​ၵဝ်​သိူင်ႇ​မႅပ်ႉ​ဝႆႉ ၵႃႈ​ၼႂ်း​ႁူဝ်​ဢူၵ်း​ၵဝ်​ၸိုင်၊-</verse>
				<verse number="34">ႁႂ်ႈ​ၵဝ်​လႆႈ​ၵူဝ်​ႁႄ​ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ ဢၼ်​ယႂ်ႇ​ၼႃႇ​ၼၼ်ႉ​သေ​ၵမ်း​လူၺ်ႈ။ ႁႂ်ႈ​တၢင်း​ဢၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ငိၼ်း​ၸၢၼ်ႈ​ငိၼ်း​မိူဝ်ႇ​ၵဝ်​ၼၼ်ႉ ႁႂ်ႈ​ၵဝ်​လႆႈ​မိင်း​မဝ်း​လိုမ်း​တူဝ်​သေ​ၵမ်း​လူၺ်ႈ။ ႁႂ်ႈ​ၵဝ်​ယင်း​ဢမ်ႇ​လႆႈ​ဢွၵ်ႇ​ၽၵ်း​တူ​ႁိူၼ်း​လႄႈ လႆႈ​ယူႇ​တဵတ်ႇ​တဵတ်ႇ​ယဵၼ်​ယဵၼ်​သေ​ၵမ်း​လူၺ်ႈ။</verse>
				<verse number="35">ႁႂ်ႈ​သေ​ၵေႃႉ​သေ​ၵူၼ်း ထွမ်ႇ​ငိၼ်း​ၵႂၢမ်း​ၵဝ်​သေ​ၵမ်း​လူၺ်ႈ။ လူ​တူၺ်း လၢၵ်ႈ​မၢတ်ႈ​ၵဝ်​သေ​ၵမ်း။ ႁႂ်ႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း ၶိုၼ်း​တွပ်ႇ​ၶိုၼ်း​လၢတ်ႈ​တီႈ​ၵဝ်​သေ​ၵမ်း​လူၺ်ႈ။ ႁႂ်ႈ​ၵေႃႉ​ဢၼ်​ထူပ်း​တြႃး​ၵၼ်​တင်း​ၵဝ်​ၼၼ်ႉ တႅမ်ႈ​လိၵ်ႈ​ဝႆႉ​သေ​ၵမ်း​လူၺ်ႈ။-</verse>
				<verse number="36">ၵဝ်​တၵ်း​ဢဝ်​လိၵ်ႈ​ၼၼ်ႉ​တၢင်ႇ​သႂ်ႇ​ဝႆႉ​ၵႃႈ​ၼိူဝ် ႁူဝ်​မႃႇ​ၵဝ်​ဢမၢၼ်ႇ​ၶၼ်​ပဵၼ်​လႄႈ တၵ်း​ဢဝ်​တိုဝ်း​ဝႆႉ​မိူၼ်​ၸိူဝ်ႉ​ၼင်ႇ​မွၵ်ႇ​ႁူဝ်​သရၽူႇ​ဢေႃႈ။-</verse>
				<verse number="37">ၵဝ်​တၵ်း​ၽုၺ်ႇ​ဢွၵ်ႇ​ၼႄ​ပျႃး ႁွႆး​တိၼ်​ၵဝ်​ၵူႈ​ႁွႆး​လႄႈ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ မိူၼ်​ၸိူဝ်ႉ​ၼင်ႇ​တီႈ​ၶုၼ်​ဢေႃႈ။</verse>
				<verse number="38">ပေႃး​ၵႂၢၵ်ႈ​လိၼ်​ၵဝ်​သႅၼ်ႇ​ႁွင်ႉ​တၢင်ႇ​ဢပႅတ်ႈ​တီႈ​ၵဝ်​လႄႈ ႁွႆး​ထႆ​မၼ်း​ၸိူဝ်း​ၼၼ်ႉ ၽွမ်ႉ​ၵၼ်​ပွင်ႉ​ၶၢင်း​ပွင်ႉ​မိူၼ်ႇ၊-</verse>
				<verse number="39">ပေႃး​ၵဝ်​ယင်း​ဢမ်ႇ​သဵင်ႈ​ၸရိပ်ႈ​လႄႈ ၵိၼ်​မၢၵ်ႇ​မၼ်း​ႁူင်း​မၼ်း​လႄႈ ႁႂ်ႈ​ၶဝ်​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​မၼ်း​ၼၼ်ႉ ထူၺ်ႈ​ၸႂ်​သဝ်ႇ​ၸႂ်​လူင်​ၸိုင်၊-</verse>
				<verse number="40">ပုၼ်ႈ​တူၼ်ႈ​ၶဝ်ႈ​ၼၼ်ႉ ႁႂ်ႈ​တူၼ်ႈ​ၼၢမ်​ဢွၵ်ႇ​မႃး​သေ​ၵမ်း​လူၺ်ႈ။ ပုၼ်ႈ​တူၼ်ႈ​ၶဝ်ႈ​မူႉ​ယေႃး​ၼၼ်ႉ ႁႂ်ႈ​တူၼ်ႈ​ဝင်​ဢွၵ်ႇ​မႃး​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။ ၵႂၢမ်း​ ယေႃးၽႃႉ ​ယဝ်ႉ​ယဝ်ႉ​ဢေႃႈ။</verse>
			</chapter>
			<chapter number="32">
				<verse number="1">ၼင်ႇ​ၼၼ်​လႄႈ ၵွပ်ႈ​ပိူဝ်ႈ​ဢၼ် ယေႃးၽႃႉ ​ပဵၼ်​ၵေႃႉ​ဢၼ်​ႁဵတ်း​တၢင်း​ဢၼ်​သိုဝ်ႈ​တေႃႇ သိုဝ်ႈ​ၼႃႈ​တႂ်ႈ​တႃ​မၼ်း​ယူႇ​ၼၼ်ႉ​လႄႈ ၶဝ်​သၢမ်​ၵေႃႉ​ၼၼ်ႉ ယင်း​ဢမ်ႇ​ဢွၼ်​ၵၼ်​ၶိုၼ်း​လၢတ်ႈ​လႄႈ​ယူႇ​ဢေႃႈ။</verse>
				<verse number="2">မိူဝ်ႈ​ၼၼ်ႉ ဢေးလီႉႁူႉ လုၵ်ႈ​ၸၢႆး​ ပႃႇရၶေးလႃႉ မဵဝ်း​ ပူႉၸႃႉ ​ဢၼ်​ပဵၼ်​ၸိူဝ်ႉ​ၶိူဝ်း​ ဢႃႇရမ်ႇ ​ၼၼ်ႉ ၸႂ်​မႆႈ​ၶႆႈ​ၸႃႉ​ဢေႃႈ။ တၢင်း​ၸႂ်​မႆႈ​ၶႆႈ​ၸႃႉ​မၼ်း​ဢွၵ်ႇ​တီႈ​ ယေႃးၽႃႉ ​ၵွပ်ႈ​ပိူဝ်ႈ​ဢၼ် မၼ်း​ၼၼ်ႉ​ၼႄ​ပျႃး​လွင်ႈ​ဢၼ်​တူဝ်​ၸဝ်ႈ​ၵဝ်ႇ​သိုဝ်ႈ​တေႃႇ​ၼႃႇ​သေ​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။-</verse>
				<verse number="3">တီႈ​ၵေႃႉ​သေႈ​ ယေႃးၽႃႉ ​သၢမ်​ၵေႃႉ​ၼၼ်ႉ​ၵေႃႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ဢွၵ်ႇ ၵွပ်ႈ​ပိူဝ်ႈ​ဢၼ်​ၶဝ်​ၼၼ်ႉ​ယင်း​ဢမ်ႇ​ၶိုၼ်း​ဢမ်ႇ​လၢတ်ႈ​လႆႈ​လႄႈ ဢွၼ်​ၵၼ်​ၸီႇ​ယၢင်ႇ​တၢင်ႇ​ဢပႅတ်ႈ​တီႈ​ ယေႃးၽႃႉ ​ၼၼ်ႉ​ဢေႃႈ။-</verse>
				<verse number="4">ဢေးလီႉႁူႉ ​ၼၼ်ႉ ၵိုတ်း​ပႂ်ႉ​ထႃႈ​ယူႇ ႁႂ်ႈ​လႆႈ​ၶိုၼ်း​လၢတ်ႈ​တီႈ​ ယေႃးၽႃႉ ၵွပ်ႈ​ပိူဝ်ႈ​ဢၼ်​ၶဝ်​ၼၼ်ႉ ဢသၢၵ်ႈ​ယႂ်ႇ​သေ​မၼ်း​ၼၼ်ႉ​ဢေႃႈ။-</verse>
				<verse number="5">မိူဝ်ႈ​ဢၼ်​ ဢေးလီႉႁူႉ ​ၼၼ်ႉ ႁၼ်​လွင်ႈ​ဢၼ်​ၵႂၢမ်း​တီႈ​ဢၼ်​တၵ်း​ၶိုၼ်း​လၢတ်ႈ​ၼၼ်ႉ ဢမ်ႇ​မီး​ၵႃႈ​ၼႂ်း​သူပ်း​ၶဝ်​သၢမ်​ၵေႃႉ​ၼၼ်ႉ​ၸိုင် တၢင်း​ၸႂ်​မႆႈ​ၶႆႈ​ၸႃႉ​မၼ်း​ဢွၵ်ႇ​ဢေႃႈ။</verse>
				<verse number="6">မိူဝ်ႈ​ၼၼ်ႉ​ ဢေးလီႉႁူႉ လုၵ်ႈ​ၸၢႆး​ ပႃႇရၶေးလႃႉ မဵဝ်း​ ပူႉၸႃႉ ​ၼၼ်ႉ ဢွၵ်ႇ​သူပ်း​ၶိုၼ်း​လၢတ်ႈ​လႄႈ​ဝႃႈ​ၸမ်ႉ၊ ၵဝ်​ၶႃႈ​ၼႆႉ​ဢသၢၵ်ႈ​လဵၵ်ႉ​ၶႃႈ​ဢေႃႈ။ သူ​ၸဝ်ႈ​ၸမ်ႉ၊ ဢသၢၵ်ႈ​ယႂ်ႇ​ၼႃႇ​လူင်​လၢင်​ၶႃႈ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵဝ်​ၶႃႈ​ၼႆႉ​ဢႃး​ၼႃႇ​လႄႈ ယင်း​ဢမ်ႇ​ႁတ်း​ၼႄ​ပျႃး​သၽေႃး​တူဝ်​ၸဝ်ႈ​ၵဝ်ႇ​လႄႈ​ယူႇ​ၶႃႈ​ယဝ်ႉ။-</verse>
				<verse number="7">ၵဝ်​ၶႃႈ​ဝႃႈ၊ မိုဝ်ႉ​ဝၼ်း​ၼမ်​ၼႃႇ​ၼၼ်ႉ ထုၵ်ႇ​လီ​လၢတ်ႈ​ၵႂၢမ်း​လႄႈ ၶူပ်ႇ​ၼီႈ​ပီႊ​မိူင်း​ၼမ်​ၼႃႇ​ၼၼ်ႉ၊ ထုၵ်ႇ​လီ​သင်ႇ​သွၼ်​ပၼ်​ပိင်ႇ​ၺႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၼႂ်း​ဝႃႈ​ၼၼ်​သေ​ၵေႃႈ ဝီႉၺိၺ်ႇ​မီး​ၵႃႈ​တီႈ​ၼႂ်း​ၵူၼ်း​လႄႈ လူမ်း​ဢသၢၵ်ႈ​ဢၼ်​ၸဝ်ႈ​ဢၼၼ်ႇတႃႉ​တၼ်း​ၶူဝ်း ပဝ်ႇ​သႂ်ႇ​ၵႃႈ​ၼႂ်း​ၵူၼ်း​ၼၼ်ႉ ပၼ်​ၺၢၼ်ႇ​ဢေႃႈ။-</verse>
				<verse number="9">ပိၵ်ႉ​သမ်ႉ​ပဵၼ်​ၵူၼ်း​ယႂ်ႇ​ၵူၼ်း​လူင်​သေ​ၵေႃႈ၊ တၵ်း​မီး​ပိင်ႇ​ၺႃႇ​ဢမ်ႇ​ၸႂ်ႈ။ ပိၵ်ႉ​သမ်ႉ​ပဵၼ်​ၵူၼ်း​ထဝ်ႈ​ၵူၼ်း​ၵႄႇ​သေ​ၵေႃႈ တၵ်း​ႁူႉ​ႁၼ်​တြႃး​ဢၼ်​မၢၼ်ႇ​ဢၼ်​မႅၼ်ႈ​ဢမ်ႇ​ၸႂ်ႈ။-</verse>
				<verse number="10">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ​ၵဝ်​ၶႃႈ​ဝႃႈ၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၵဝ်​ၶႃႈ​သေ​ၵမ်း။ ၵဝ်​ၶႃႈ​တၵ်း​ၼႄ​ပျႃး​သၽေႃး​ၵဝ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ၵဝ်​ၶႃႈ​ၵိုတ်း​ပႂ်ႉ​ထႃႈ​ၵႂၢမ်း​သူ​ၸဝ်ႈ​ယူႇ​ဢေႃႈ။ ၵဝ်​ၶႃႈ​ထွမ်ႇ​ငိၼ်း​ၵႂၢမ်း​ဢၼ်​သူ​ၸဝ်ႈ​ႁႃ​ဢဝ် တီႈ​ဢၼ်​တၵ်း​ၶိုၼ်း​လၢတ်ႈ​ၶိုၼ်း​တွပ်ႇ​ၼၼ်ႉ​ယူႇ​ယဝ်ႉ။-</verse>
				<verse number="12">ၼႂ်း​မိူဝ်ႈ​ဢၼ်​ၵဝ်​ၶႃႈ​ယင်း​တိုၵ်ႉ​ထွမ်ႇ​ငိၼ်း​ၸေး​ၸေး​ၸွတ်ႇ​ၸွတ်ႇ​ယူႇ​ၼၼ်ႉ​ၸိုင်၊ ၼႂ်း​သူ​ၸဝ်ႈ​ၼႆႉ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ပႄႉ​ၼႅင်ႇ​ ယေႃးၽႃႉ ။ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ၵႄႈ​လိတ်ႈ​ၵႂၢမ်း​မၼ်း​လႆႈ။-</verse>
				<verse number="13">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ တီႈ​ဢၼ်​သူ​ၸဝ်ႈ​တၵ်း​လၢတ်ႈ​လႄႈ​ဝႃႈ၊ ႁဝ်း​ၼႆႉ​ႁႃ​ပိင်ႇ​ၺႃႇ​လႄႈ​ထူပ်း​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ ဢမ်ႇ​မီး။ ၵေႃႉ​ဢၼ်​ၶျႃး​ ယေႃးၽႃႉ ​တူၵ်း​တီႈ​တႅမ်ႇ​ၸမ်ႉ၊ ပဵၼ်​ၵူၼ်း​ဢမ်ႇ​ၸႂ်ႈ။ ပဵၼ်​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="14">မၼ်း​ဝႆႉ​ၸႂ်​တီႈ​ၵဝ်​ၶႃႈ​လႄႈ လၢတ်ႈ​ဢမ်ႇ​ၸႂ်ႈ။ ၵဝ်​ၶႃႈ​ၵေႃႈ​တၵ်း​ၶိုၼ်း​လၢတ်ႈ​ၸွမ်း​ၵႃႈ​ၼင်ႇ​ဢၼ်​သူ​ၸဝ်ႈ​လၢတ်ႈ​ၼၼ်ႉ​ဢမ်ႇ​ၸႂ်ႈ။-</verse>
				<verse number="15">ၶဝ်​ၸိူဝ်း​ၼႆႉ​ၵိုတ်း​မိုင်​ၵႂင်​ၸႂ်​ယူႇ​သေ​လႄႈ ယင်း​ဢမ်ႇ​ၶိုၼ်း​တွပ်ႇ​ၶိုၼ်း​လၢတ်ႈ​ထႅင်ႈ​လႄႈ ဢမ်ႇ​မီး​ၵႂၢမ်း​ပုၼ်ႈ​ဢၼ်​တၵ်း​လၢတ်ႈ သေ​ၶေႃႈ​သေ​ၵမ်း။-</verse>
				<verse number="16">ၵွပ်ႈ​ပိူဝ်ႈ​ဢၼ်​ၶဝ်​ယင်း​ဢမ်ႇ​ဢွၵ်ႇ​သူပ်း​ဝႃႈ၊ ၵွပ်ႈ​ပိူဝ်ႈ​ဢၼ်​ၶဝ်​ဢွၼ်​ၵၼ်​ယူႇ​တဵတ်ႇ​တဵတ်ႇ​ယဵၼ်​ယဵၼ်​လႄႈ ဢမ်ႇ​ၶိုၼ်း​တွပ်ႇ​ၶိုၼ်း​လၢတ်ႈ​ၼၼ်ႉ​လႄႈ ၵဝ်​ၶႃႈ​ၵိုတ်း​ပႂ်ႉ​ထႃႈ​ယူႇ​ဢေႃႈ။-</verse>
				<verse number="17">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵဝ်​ၶႃႈ​တၵ်း​ၶိုၼ်း​လၢတ်ႈ​ပုၼ်ႈ​တူဝ်​ၸဝ်ႈ​ၵဝ်ႇ​လႄႈ တၵ်း​ၼႄ​ပျႃး​သၽေႃး​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="18">လွင်ႈ​မၼ်း​ၸမ်ႉ ၵဝ်​ၶႃႈ​မီး​တဵမ်​ဝႆႉ​တင်း​ၵႂၢမ်း​လႄႈ၊ ဝီႉၺိၺ်ႇ​ဢၼ်​မီး​ၵႃႈ​ၼႂ်း​ၵဝ်​ၶႃႈ​ၼႆႉ​ၼၼ်ႉ တိုၵ်း​ယူင်း​ၵဝ်​ၶႃႈ​ဢေႃႈ။-</verse>
				<verse number="19">ပုမ်​ၵဝ်​ၶႃႈ​ၼႆႉ မိူၼ်​ၸိူဝ်ႉ​ၼင်ႇ​ၼမ်ႉ​ၸပိတ်ႈ ဢၼ်​ဢုတ်း​ဝႆႉ​ဢိုတ်း​ဝႆႉ​လႄႈ ပဵၼ်​မိူၼ်​ၸိူဝ်ႉ​ၼင်ႇ ထူင်​ၼင်​ဢၼ်​ၸမ်​တၵ်း​တႅၵ်ႇ​ၼၼ်ႉ​ဢေႃႈ။-</verse>
				<verse number="20">ၵဝ်​ၶႃႈ​တၵ်း​လႆႈ​ဢွၵ်ႇ​သူပ်း​ဝႃႈ ႁႂ်ႈ​လႆႈ​သၢၵ်ႈ​သႃႇ​ၶႅၼ်း​ၸႂ်​လႄႈ တၵ်း​လႆႈ​ၽုၺ်ႇ​သူပ်း​လႄႈ​ၶိုၼ်း​လၢတ်ႈ​ဢေႃႈ။-</verse>
				<verse number="21">ၵဝ်​ၶႃႈ​တၵ်း​ဢမ်ႇ​ထွၵ်ႈ​လူၺ်ႈ​ၼႃႈ​ၽူႈ​လႂ်​လႃး​လႃး။ ၵဝ်​ၶႃႈ​တၵ်း​ဢမ်ႇ​ဢဝ်​တင်း​ၵႂၢမ်း​ဢၼ်​လၢတ်ႈ​ယွင်ႈ​ၼၼ်ႉ ၶျေႃး​ဝွၼ်း​ၽူႈ​လႂ်​လႃး​လႃး။-</verse>
				<verse number="22">ၵဝ်​ၶႃႈ​ဢမ်ႇ​ၸၢင်ႈ​ဢဝ်​တင်း​ၵႂၢမ်း ဢၼ်​လၢတ်ႈ​ယွင်ႈ​ၼၼ်ႉ ၶျေႃး​ဝွၼ်း​ပိူၼ်ႈ​တၢင်ႇ​ၵေႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼႆ​ၸိုင်၊ ၽြႃး​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ၵဝ်​ၶႃႈ​ၼၼ်ႉ တၵ်း​ပႄႇ​ၵဝ်​ၶႃႈ​ပႅတ်ႈ​ၵမ်း​လဵဝ်​ဢေႃႈ။</verse>
			</chapter>
			<chapter number="33">
				<verse number="1">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ယေႃးၽႃႉ ​ဢိူၺ်း၊ ၶႅၼ်း​တေႃႈ​ငိၼ်း​ၵႃႈ​ဢၼ်​ၵဝ်​ၶႃႈ တၵ်း​ဢွၵ်ႇ​သူပ်း​ဝႃႈ​ၼၼ်ႉ​လႄႈ ထွမ်ႇ​ၵႂၢမ်း​ၵဝ်​ၶႃႈ​တင်း​သဵင်ႈ​တင်း​မူတ်း​သေ​ၵမ်း။-</verse>
				<verse number="2">မိူဝ်ႈ​လဵဝ်​ၼႆႉ​ၵဝ်​ၶႃႈ​ၽုၺ်ႇ​သူပ်း​လႄႈ လိၼ်ႉ​ၵဝ်​ၶႃႈ​ၼႆႉ​ဢွၵ်ႇ​သူပ်း​ဝႃႈ​ဢေႃႈ။-</verse>
				<verse number="3">ၵႂၢမ်း​ၵဝ်​ၶႃႈ​တၵ်း​ဢွၵ်ႇ​မႅၼ်ႈ​ၸွမ်း​ၵႃႈ​ၼင်ႇ​ဢၼ်​ၸႂ်​သၽေႃး​ၵဝ်​ၶႃႈ​သိုဝ်ႈ​တေႃႇ​ၼၼ်ႉ​လႄႈ သီႇ​သူပ်း​ၵဝ်​ၶႃႈ​တၵ်း​မွၵ်ႇ​လၢတ်ႈ​ပိင်ႇ​ၺႃႇ​ဢၼ်​ၶၢဝ်​ဢၼ်​ၸၢင်ႇ​ဢေႃႈ။-</verse>
				<verse number="4">ဝီႉၺိၺ်ႇ​ၽြႃး​ပဵၼ်​ၸဝ်ႈ ၽၢၼ်ႇ​သၢင်း​ႁဵတ်း​ပဵၼ်​ၵဝ်​ၶႃႈ​လႄႈ လူမ်း​ဢသၢၵ်ႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ ႁႂ်ႈ​ၵဝ်​ၶႃႈ​ဢသၢၵ်ႈ​လိပ်း​ယူႇ​ယဝ်ႉ။-</verse>
				<verse number="5">ပေႃး​ၸဝ်ႈ​တၢတ်ႈ​ၼိူင်ႇ​ၸိုင်၊ ၶိုၼ်း​လၢတ်ႈ​တီႈ​ၵဝ်​ၶႃႈ​သေ​ၵမ်း။ မႄး​ႁႅၼ်း​ၵႂၢမ်း​ၸဝ်ႈ​ဝႆႉ​ၵႃႈ​တီႈ​ၽၢႆႇ​ၼႃႈ​ၵဝ်​ၶႃႈ​လႄႈ ၸုၵ်း​ၶၢမ်ႇ​ယူႇ​သေ​ၵမ်း။-</verse>
				<verse number="6">ၵဝ်​ၶႃႈ​ၼႆႉ မိူၼ်​ၵၼ်​တင်း​ၸဝ်ႈ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​လႄႈ ပဵၼ်​လွင်ႈ​ဢၼ်​မၼ်း​ၸဝ်ႈ ဢဝ်​မုၼ်ႈ​လိၼ်​ႁဵတ်း​ပဵၼ်​ဢေႃႈ။-</verse>
				<verse number="7">တီႈ​ဢၼ်​လီ​ၵူဝ်​လီ​ႁႄ​ၵဝ်​ၶႃႈ​ၼၼ်ႉ တၵ်း​ဢမ်ႇ​ႁႂ်ႈ​ၸဝ်ႈ​တူၵ်း​ၸႂ်​လႄႈ၊ တၢင်း​ဢၼ်​ၵဝ်​ၶႃႈ​ဢဝ်​မိုဝ်း​တၢင်ႇ​သႂ်ႇ​ၼၼ်ႉ တၵ်း​ဢမ်ႇ​ပဵၼ်​ဢၼ်​ၼၵ်း​ၼႃႇ​တီႈ​ၸဝ်ႈ။</verse>
				<verse number="8">ၸဝ်ႈ​လၢတ်ႈ​ငိၼ်း​ထိုင်​ႁူ​ၵဝ်​ၶႃႈ ဢမၢၼ်ႇ​ၶၼ်​ပဵၼ်​လႄႈ ၵဝ်​ၶႃႈ​လႆႈ​ငိၼ်း​သဵင်​ၵႂၢမ်း​ၸဝ်ႈ​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="9">ၵဝ်​မီး​တၢင်း​ဢၼ်​မူတ်း​သႂ်​လႄႈ ဢမ်ႇ​ၸၢင်ႈ​ႁဵတ်း​တၢင်း​ဢၼ်​ၽိတ်း​ပိူင်ႈ။ ၵဝ်​မီး​တၢင်း​ဢၼ်​ၶၢဝ်​ၸၢင်ႇ​လႄႈ ဢပႅတ်ႈ​ဢမ်ႇ​မီး​တီႈ​ၵဝ်။-</verse>
				<verse number="10">တူၺ်း​လူး၊ မၼ်း​ၸဝ်ႈ​ႁႃ​ဢၶႂၢင်ႉ​တီႈ​ဢၼ်​တၵ်း​တၢင်ႇ​ဢပႅတ်ႈ​တီႈ​ၵဝ်​လႄႈ မၼ်း​ၸဝ်ႈ​မၢတ်ႈ​ၵဝ်​ပဵၼ်​ၸိူဝ်ႉ​ၼင်ႇ​ရၢၼ်ႇ​သူႇ​ၼၼ်ႉ​ဢေႃႈ။-</verse>
				<verse number="11">မၼ်း​ၸဝ်ႈ​ဢဝ်​တိၼ်​ၵဝ်​သႂ်ႇ​ထိၵ်ႈ​သႂ်ႇ​ထၢင်ႇ​လႄႈ မၼ်း​ၸဝ်ႈ​ပႂ်ႉ​သဵၼ်ႈ​တၢင်း​ၵဝ်​ၵႃႈ​မီး​ၼၼ်ႉ​ဝႆႉ​ဢေႃႈ၊ ဝႃႈ​ၼင်ႇ​ၼႆ​မႅၼ်ႈ​ယဝ်ႉ။-</verse>
				<verse number="12">ပေႃး​ဝႃႈ​ၸိူဝ်ႉ​ၼင်ႇ​ၼၼ်​ၸိုင်၊ ၸဝ်ႈ​ပဵၼ်​ၵေႃႉ​ဢၼ်​ဢမ်ႇ​သိုဝ်ႈ​ဢမ်ႇ​တေႃႇ​ဢေႃႈ။ ၵဝ်​ၶႃႈ​တၵ်း​ၶိုၼ်း​လၢတ်ႈ​တီႈ​ၸဝ်ႈ​ဢေႃႈ။ ၽြႃး​ပဵၼ်​ၸဝ်ႈ​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ၵူၼ်း ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="13">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဵတ်း​ၶတ်း​ၵၼ်​တင်း​မၼ်း​ၸဝ်ႈ​ၼင်ႇ​ႁိုဝ်။ မၼ်း​ၸဝ်ႈ​ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​မၼ်း​ၸဝ်ႈ ႁဵတ်း​ၸိူဝ်း​ၼၼ်ႉ။</verse>
				<verse number="14">ၽြႃး​ပဵၼ်​ၸဝ်ႈ​မီး​ဢမိင်ႉ​ဢွၵ်ႇ​သူပ်း​ဝႃႈ​ပွၵ်ႈ​ၼိုင်ႈ​လႄႈ ပိၵ်ႉ​သမ်ႉ​ၵူၼ်း​ဢမ်ႇ​ဝႆႉ​ဢမူႉ​သေ​ၵေႃႈ၊ မၼ်း​ၸဝ်ႈ​မီး​ဢမိင်ႉ​တေႃႇ​ထိုင်​ႁွတ်ႈ​သွင်​ပွၵ်ႈ​ဢေႃႈ။-</verse>
				<verse number="15">ၼႂ်း​မိူဝ်ႈ​ဢၼ်​ၵူၼ်း​ႁဝ်း​ၼႆႉ​ၼွၼ်း​ၼူၵ်ႇ​ယူႇ​သေ​လႄႈ ၼွၼ်း​လပ်း​ယူႇ​ၵႃႈ​ၼိူဝ်​တီႈ​ၼွၼ်း​ၼၼ်ႉ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ၸၢင်ႈ​ဢဝ် တၢင်း​ဢၼ်​ၼွၼ်း​ၽၼ်​ႁၼ်၊ တၢင်း​ဢၼ်​လႆႈ​ၶၢမ်ႇ​ရူႇပႃႇရူင်ႇ ၶိင်ႇ​ၵၢင်​ၶိုၼ်း​ၼၼ်ႉ​ပၼ်​သေ​လႄႈ၊-</verse>
				<verse number="16">ၽုၺ်ႇ​ႁူ​ၵူၼ်း​လႄႈ တွၵ်ႇ​တၼ်း​သိၵ်ႈ​တီႈ​တၢင်း​ဢၼ်​ၸိူဝ်း​ၼၼ်ႉ သင်ႇ​သွၼ်​သုင်း​မႃႉ​ပၼ်​ၼၼ်ႉ၊-</verse>
				<verse number="17">ႁႂ်ႈ​ၵူၼ်း​လႆႈ​ၸုၼ်ႉ​ပႅတ်ႈ​တၢင်း​ၵမ်​တၢင်း​ၵျၢင်ႉ​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ႁႂ်ႈ​လႆႈ​ႁူမ်ႇ​သုမ်ႇ​မၢၼ်ႇ​မႃႇၼႃႉ​သေ​ၵႃႈ​တီႈ​ၵူၼ်း​ႁဝ်း​ဢေႃႈ။-</verse>
				<verse number="18">မၼ်း​ၸဝ်ႈ​ႁႄႉ​ၵင်ႈ​ဢသၢၵ်ႈ​မၼ်း​သေ​ၵႃႈ​တီႈ​ၶုမ်​သၢင်း​ၶႅင်း​လႄႈ ႁႂ်ႈ​ဢသၢၵ်ႈ​မၼ်း​ဢမ်ႇ​လႆႈ​လူႉ​လႅဝ်​လူၺ်ႈ​ၽေး​လၢပ်ႇ​ၽေး​လႅဝ်း။</verse>
				<verse number="19">မၼ်း​လႆႈ​ၶၢမ်ႇ​ဝူၺ်ႇတၼႃႇ​တၢင်း​ဢၼ် ၶႆႈ​ပဵၼ်​ၸဵပ်း​သႅပ်ႇ​ၵႃႈ​ၼိူဝ်​တီႈ​ၼွၼ်း​မၼ်း​လႄႈ ပဵၼ်​တၢင်း​ဢၼ်​လုပ်ႇ​မၼ်း​ၵႃႈ​မီး ၶူပ်း​ၶိုၼ်ႈ​ၼႃႇ​လူင်​လၢင်၊-</verse>
				<verse number="20">ထၼ်ႈ​ပေႃး​ၸႂ်​မၼ်း လီ​ႁင်ႈ​ဢဵတ်ႇ​သဵတ်ႇ​ၶဝ်ႈ​မုၼ်း​လႄႈ ဝီႉၺိၺ်ႇ​မၼ်း​ၶၢၼ်ႉ​ႁၼ်​တၢင်း​ၵိၼ်​တၢင်း​ၶူပ်း ဢၼ်​ဝၢၼ်​ဢၼ်​မၼ်း​ၼၼ်ႉ​ဢေႃႈ။-</verse>
				<verse number="21">ၼိူဝ်ႉ​ၼင်​မၼ်း​ယူပ်ႈ​ယွမ်း​ႁၢႆ​ၵႂႃႇ​လႄႈ လုပ်ႇ​မၼ်း​ဢၼ်​ဢမ်ႇ​တွၼ်ႉ​ပေႃႇ​တွၼ်ႉ​ဢွၵ်ႇ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၸွၼ်း​ဢွၵ်ႇ​မႅၼ်း​ဢွၵ်ႇ​ဢေႃႈ။-</verse>
				<verse number="22">ဝီႉၺိၺ်ႇ​မၼ်း​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ႁိမ်း​ၶုမ်​သၢင်း​ၶႅင်း​လႄႈ ဢသၢၵ်ႈ​မၼ်း​ၸမ်ႉ​တၵ်း​ႁွတ်ႈ​ထိုင် ၵႃႈ​ၼႂ်း​မိုဝ်း​တမၢၼ်ႇ​ဢၼ်​ယႃႉ​ပႅတ်ႈ​ၸိူဝ်း​ၼၼ်ႉ​ယဝ်ႉ။-</verse>
				<verse number="23">ၼႂ်း​ဝႃႈ​ၼၼ်​သေ​ၵေႃႈ ပေႃး​မီး​တမၢၼ်ႇ​ဢၼ်​ဝႃႈ ၵေႃႉ​ဢၼ်​ပဵၼ်​ၸိၵ်း​ပဵၼ်​ၸွမ်​ၼႂ်း​ႁဵင်​ၼိုင်ႈ​လႄႈ ၸၢင်ႈ​ပျၢၼ်ႇ​ၵႂၢမ်း​တြႃး​ႁႂ်ႈ​လႆႈ​ၼႄ​ပျႃး​သဵၼ်ႈ​တၢင်း​တြႃး​တီႈ​ၵူၼ်း​တင်း​လၢႆ​ၼၼ်ႉ​ၸိုင်၊-</verse>
				<verse number="24">မၼ်း​ၸဝ်ႈ​တၵ်း​မီး​ၸႂ်​ၵရူႉၼႃႇ​တီႈ​မၼ်း​လႄႈ မီး​ဢမိင်ႉ​လႄႈ​ဝႃႈ၊ ၵႄႇ​သႄႇ​ဢဝ်​မၼ်း​လွတ်ႈ ႁႂ်ႈ​မၼ်း​ဢမ်ႇ​လႆႈ​လူင်း​ၵႃႈ​ၼႂ်း​ၶုမ်​သၢင်း​ၶႅင်း​တႃႉ။ ၵဝ်​ထူပ်း​ႁၼ်​လွင်ႈ​ဢၼ်​တၵ်း​ထုတ်ႇ​ဢဝ်​မၼ်း​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">ၼိူဝ်ႉ​ၼင်​မၼ်း​ၼၼ်ႉ တၵ်း​ၼုမ်ႇ​ၽူၵ်ႈ​ပီး​ပုၵ်း​မႃး​လိူဝ်​တွၼ်း​ၼႃႇ​သေ​လုၵ်ႈ​ဢွၼ်ႇ​လႄႈ မၼ်း​ၶိုၼ်း​ပဵၼ်​ၸိူဝ်ႉ​ၼင်ႇ​မိုဝ်ႉ​ဝၼ်း​ဢၼ် ယင်း​ၼုမ်ႇ​ယင်း​ၵမ်​ၼၼ်ႉ​ဢေႃႈ။-</verse>
				<verse number="26">မၼ်း​တၵ်း​သူး​တွင်း​တီႈ​ၽြႃး​ပဵၼ်​ၸဝ်ႈ​လႄႈ လႆႈ​ၶၢမ်ႇ​ဢဝ်​ၵျေး​ၸူး​ၸဝ်ႈ​သေ​ယဝ်ႉ၊ တၵ်း​လႆႈ​မီး​တၢင်း​ၸႂ်​ဢၼ်​ၸူမ်း​ဢၼ်​သိူဝ်း​သေ​လႄႈ​ထူပ်း​ႁၼ်​ၼႃႈ​မၼ်း​ၸဝ်ႈ​ဢေႃႈ။ မၼ်း​ၸဝ်ႈ​တၵ်း​တႅၼ်း​ပၼ်​ဢၵျူဝ်း​တၢင်း​ဢၼ်​သိုဝ်ႈ​ဢၼ်​တေႃႇ​တီႈ​ၵူၼ်း​ဢေႃႈ။-</verse>
				<verse number="27">မၼ်း​တၵ်း​ႁဵတ်း​ၵႂၢမ်း ၵႃႈ​ၼႂ်း​ၵူၼ်း​တင်း​လၢႆ​လႄႈ​ဝႃႈ၊ ၵဝ်​ၽိတ်း​ပိူင်ႈ​ယဝ်ႉ။ ၵဝ်​ၶႂမ်ႈ​ပိၼ်ႈ​တြႃး​ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ​ပႅတ်ႈ​ယဝ်ႉ။ ၵူၺ်း​ၵႃႈ ၵဝ်​ဢမ်ႇ​လႆႈ​ၶၢမ်ႇ​ဢပႅတ်ႈ​ဢၼ်​ၵဝ်​ထိူၵ်ႈ​ၶၢမ်ႇ​ၼၼ်ႉ။-</verse>
				<verse number="28">မၼ်း​ၸဝ်ႈ​ၵႄႇ​သႄႇ​ဢဝ်​ဝီႉၺိၺ်ႇ​ၵဝ်​လွတ်ႈ ႁႂ်ႈ​ဢမ်ႇ​လႆႈ​လူင်း​ၵႃႈ​ၼႂ်း​ၶုမ်​သၢင်း​ၶႅင်း​လႄႈ ဢသၢၵ်ႈ​ၵဝ်​ၼႆႉ တၵ်း​ထူပ်း​ႁၼ်​ဢၼ်​လႅင်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">မၼ်း​ၸဝ်ႈ​ၸီႇ​ယၢင်ႇ​ႁဵတ်း​လွင်ႈ​တၢင်း​ၸိူဝ်း​ၼႆႉ တင်း​သဵင်ႈ​တင်း​လူင်​တီႈ​ၵူၼ်း သွင်​ပွၵ်ႈ​သၢမ်​ပွၵ်ႈ၊-</verse>
				<verse number="30">ႁႂ်ႈ​လႆႈ​ၼုၵ်ႈ​ဢဝ်​ဝီႉၺိၺ်ႇ​မၼ်း​လွတ်ႈ​သေ​ၵႃႈ​ၼႂ်း​ၶုမ်​သၢင်း​ၶႅင်း​လႄႈ ဢဝ်​တၢင်း​ဢၼ်​ႁိူဝ်ႈ​ဢၼ်​လႅင်း ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ၼၼ်ႉ ႁႂ်ႈ​မၼ်း​လႅင်း​ဢေႃႈ။-</verse>
				<verse number="31">ယေႃးၽႃႉ ​ဢိူၺ်း၊ ႁဵတ်း​တၢင်း​သတီႉ​လႄႈ ထွမ်ႇ​ငိၼ်း​ၵႂၢမ်း​ၵဝ်​ၶႃႈ​သေ​ၵမ်း။ ယူႇ​တဵတ်ႇ​တဵတ်ႇ​ယဵၼ်​ယဵၼ်​သေ​ၵမ်း။ ၵဝ်​ၶႃႈ​တၵ်း​လၢတ်ႈ​ဢေႃႈ။-</verse>
				<verse number="32">ၼႂ်း​ဝႃႈ​ၼၼ်​သေ​ၵေႃႈ ပေႃး​ၸဝ်ႈ​မီး​တီႈ​တၵ်း​လၢတ်ႈ​ၸိုင် ၶိုၼ်း​လၢတ်ႈ​သေ​ၵမ်း။ ပိူဝ်ႈ​ဢၼ်​ၵဝ်​ၶႃႈ​မီး​ဢလူဝ်ႇ ၶႂ်ႈ​ႁႂ်ႈ​ၸဝ်ႈ​ပဵၼ်​ဢၼ်​သိုဝ်ႈ​ဢၼ်​တေႃႇ​လႄႈ လၢတ်ႈ​ၵႂၢမ်း​သေ​ၵမ်း။-</verse>
				<verse number="33">ပေႃး​တီႈ​တၵ်း​လၢတ်ႈ​ဢမ်ႇ​မီး​ၸိုင်၊ ထွမ်ႇ​ငိၼ်း​ၵႂၢမ်း​ၵဝ်​ၶႃႈ​သေ​ၵမ်း။ ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​သေ​ၵမ်း။ ၵဝ်​ၶႃႈ​တၵ်း​သင်ႇ​သွၼ်​ပၼ်​ပိင်ႇ​ၺႃႇ​တီႈ​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="34">
				<verse number="1">လႆႈ​သမ်ႉ ဢေးလီႉႁူႉ ​သိုပ်ႇ​ၵႂၢမ်း​လႄႈ ဢွၵ်ႇ​သူပ်း​ဝႃႈ​ထႅင်ႈ​ၸမ်ႉ၊-</verse>
				<verse number="2">ၵူၼ်း​ဢၼ်​မီး​ပိင်ႇ​ၺႃႇ​ၶဝ်​ဢိူၺ်း၊ ဢွၼ်​ၵၼ်​ငိၼ်း​ၵႂၢမ်း​ၵဝ်​ၶႃႈ​သေ​ၵမ်း။ ၵူၼ်း​ဢၼ်​ႁူႉ​ယႂ်ႇ​ႁၼ်​ၼမ်​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ၵႂၢမ်း​ၵဝ်​ၶႃႈ​သေ​ၵမ်း။-</verse>
				<verse number="3">ႁူ​ၸၢင်ႈ​သၢပ်ႇ​တူၺ်း​ၸၢမ်း​တူၺ်း​ၵႂၢမ်း မိူၼ်​ၸိူဝ်ႉ​ၼင်ႇ​ဢၼ်​သူပ်း​ၸၢင်ႈ​ၸိမ်း​တူၺ်း​တၢင်း​ၵိၼ်​တၢင်း​ၶူပ်း​ၼၼ်ႉ​ဢေႃႈ။-</verse>
				<verse number="4">ႁဝ်း​ဢွၼ်​ၵၼ်​ၸႅတ်ႈ​ထၢမ်​ၸႅတ်ႈ​တူၺ်း​တၢင်း​ဢၼ်​ၸွမ်း​ၼင်ႇ​တြႃး​ၼၼ်ႉ ပုၼ်ႈ​တူဝ်​ၸဝ်ႈ​ၵဝ်ႇ​တႃႉ​ႁဝ်း။ ႁဝ်း​ဢွၼ်​ၵၼ်​ႁႂ်ႈ​တူဝ်​ၸဝ်ႈ​ၵဝ်ႇ ႁူႉ​ၸႅင်ႈ​လွင်ႈ​တၢင်း​ဢၼ်​လီ​ဢၼ်​ငၢမ်း​တႃႉ​ႁဝ်း။-</verse>
				<verse number="5">လွင်ႈ​မၼ်း​ၸမ်ႉ ယေႃးၽႃႉ ​လႆႈ​လၢတ်ႈ​မႅၼ်ႈ​လႄႈ​ဝႃႈ၊ ၵဝ်​ၼႆႉ​သိုဝ်ႈ​တေႃႇ​ဢေႃႈ။ ၽြႃး​ပဵၼ်​ၸဝ်ႈ​ႁႂ်ႈ​ၵဝ်​သုမ်း​ဢမူႉ​ဢေႃႈ။-</verse>
				<verse number="6">ၵဝ်​တၵ်း​လႆႈ​လၢတ်ႈ​ၵႂၢမ်း​မူႉ​သႃႇ​ယူႇ​ၽၢႆႇ​ၼိုင်ႈ​တင်း​ဢမူႉ​ၵဝ်​ႁိုဝ်။ ပိၵ်ႉ​သမ်ႉ​ၵဝ်​ဢမ်ႇ​ၽိတ်း​ပိူင်ႈ​သေ​ၵေႃႈ၊ ၵဝ်​ၸပ်း​တၢင်း​ၶႆႈ​တၢင်း​ပဵၼ်​ဢၼ်​ဢမ်ႇ​ႁၢႆ​လႆႈ​ၼၼ်ႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="7">ၵူၼ်း​ဢၼ်​မိူၼ်​ၵၼ်​တင်း​ ယေႃးၽႃႉ ​ၼႆႉ တၵ်း​မီး​သေ​ၵေႃႉ​သေ​ၵူၼ်း​ႁိုဝ်။ မၼ်း​ၸၢင်ႈ​ဢိုၼ်​ၵိၼ်​တၢင်း​ဢၼ်​သႄႉ​သွမ်း​မိူၼ်​ၸိူဝ်ႉ​ၼင်ႇ​ဢၼ်​ၵိၼ်​ၼမ်ႉ​ၼၼ်ႉ​ဢေႃႈ။-</verse>
				<verse number="8">မၼ်း​ၸၢင်ႈ​ႁူမ်ႈ​ပွင်း​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ၵမ်​ၵျၢင်ႉ​ဢၼ်​ဢမ်ႇ​တြႃး​ၼၼ်ႉ​လႄႈ ၵႂႃႇ​မႃး​လူၺ်ႈ​ၵၼ်​တင်း​ၵူၼ်း​ႁၢႆႉ​ၵူၼ်း​မိူၵ်ႈ​တင်း​လၢႆ​ဢေႃႈ။-</verse>
				<verse number="9">လွင်ႈ​မၼ်း​ၸမ်ႉ မၼ်း​လႆႈ​လၢတ်ႈ​မႅၼ်ႈ​လႄႈ​ဝႃႈ၊ တၢင်း​ဢၼ်​ၵူၼ်း​မူၼ်ႈ​ပျေႃႇ​လူၺ်ႈ​ၵၼ် တင်း​ၽြႃး​ပဵၼ်​ၸဝ်ႈ​ၼၼ်ႉ ဢမ်ႇ​မီး​ဢၵျူဝ်း၊ ဝႃႈ​ၼင်ႇ​ၼႆ​ယဝ်ႉ။</verse>
				<verse number="10">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵူၼ်း​ဢၼ်​ၺၢၼ်ႇ​လီ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၵဝ်​ၶႃႈ​သေ​ၵမ်း။ ႁႂ်ႈ​တူႉ​ၸရိူၵ်ႈ​ၵႆ​ၵၼ်​တင်း​ၽြႃး​ပဵၼ်​ၸဝ်ႈ​လႄႈ ႁႂ်ႈ​ဢပႅတ်ႈ​ၵႆ​ၵၼ်​တင်း​ၸဝ်ႈ​ဢၼၼ်ႇတႃႉ​တၼ်း​ၶူဝ်း​သေ​ၵမ်း​လူၺ်ႈ။-</verse>
				<verse number="11">မၼ်း​ၸဝ်ႈ​တၵ်း​တွပ်ႇ​တႅၼ်း​ပၼ် ၸွမ်း​ၵႃႈ​ၼင်ႇ​ဢမူႉ ဢၼ်​ၵူၼ်း​ႁဵတ်း​ၼၼ်ႉ​ဢေႃႈ။ မၼ်း​ၸဝ်ႈ​တၵ်း​ႁႂ်ႈ​ၵူႈ​ၵေႃႉ​ၵူႈ​ၵူၼ်း​ၶၢမ်ႇ​ဢဝ်​ၸွမ်း​ၵႃႈ​ၼင်ႇ​ဢၼ်​ထိူၵ်ႈ​တၢၼ်ႇ​ၵၼ်​တင်း​သဵၼ်ႈ​တၢင်း​ၽႂ်​သဵၼ်ႈ​တၢင်း​မၼ်း​ဢေႃႈ။-</verse>
				<verse number="12">ၸႂ်ႈ​တႄႉ​တႄႉ​ဢေႃႈ။ ၽြႃး​ပဵၼ်​ၸဝ်ႈ​ဢမ်ႇ​ႁဵတ်း​တူႉ​ၸရိူၵ်ႈ။ ၸဝ်ႈ​ဢၼၼ်ႇတႃႉ​တၼ်း​ၶူဝ်း ဢမ်ႇ​ၸီႇ​ယၢင်ႇ​ၸွမ်း​ၼင်ႇ​ဢၼ်​ဢမ်ႇ​တြႃး။-</verse>
				<verse number="13">ၽူႈ​လႂ်​ဢဝ်​လိၼ်​မိူင်း​ဢၢပ်ႈ​ပၼ်​တီႈ​မၼ်း​ၸဝ်ႈ။ ၽူႈ​လႂ်​ပွင်​ႁဵတ်း​လုမ်း​လႃး လေႃးၵထၢတ်ႈ​တင်း​သဵင်ႈ​တင်း​မူတ်း။-</verse>
				<verse number="14">ပေႃး​မၼ်း​ၸဝ်ႈ ဝၢႆႇ​ၸႂ်​ၸူး​တီႈ​ၵူၼ်း​လႄႈ ၵူႈ​သိမ်း​ဢဝ်​ဢသၢၵ်ႈ​ဝီႉၺိၺ်ႇ​မၼ်း​ၸိုင်၊-</verse>
				<verse number="15">ၵူၼ်း​သတ်ႉတဝႃႇ​တင်း​သဵင်ႈ​တင်း​လူင် တၵ်း​ဢွၼ်​ၵၼ်​လူႉ​လႅဝ်​ႁၢႆ​ၵႂႃႇ​ၵမ်း​လဵဝ်​လႄႈ ၵူၼ်း​သမ်ႉ​တၵ်း​လႆႈ​ၶိုၼ်း​ႁွတ်ႈ​ထိုင်​ၵႃႈ​တီႈ​မုၼ်ႈ​လိၼ်​ဢေႃႈ။-</verse>
				<verse number="16">မိူဝ်ႈ​လဵဝ်​ၼႆႉ​ပေႃး​ၸဝ်ႈ​မီး​ၺၢၼ်ႇ​ၸိုင် ထွမ်ႇ​ငိၼ်း​လူး​ၵွၼ်ႇ​သေ​ၵမ်း။ ႁေႈ​ႁူ​ၸူး​တီႈ​သဵင်​ၵႂၢမ်း​ၵဝ်​ၶႃႈ​လူး​ၵွၼ်ႇ​သေ​ၵမ်း။-</verse>
				<verse number="17">ၵေႃႉ​ဢၼ်​ငိၼ်း​ၸင်း​တြႃး​ၼၼ်ႉ တၵ်း​လႆႈ​ဢုပ်ႉ​လႆႈ​ပိူင်ႇ​ႁိုဝ်။ ထုၵ်ႇ​လီ​တၢင်ႇ​ဢပႅတ်ႈ​တီႈ​ၸဝ်ႈ​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ တၼ်း​ၶူဝ်း​ယႂ်ႇ​ၼၼ်ႉ​ႁိုဝ်။-</verse>
				<verse number="18">ထုၵ်ႇ​လီ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ မႂ်း​ၼႆႉ​ပဵၼ်​ၵူၼ်း​ႁၢႆႉ​ၵူၼ်း​ယုတ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ထုၵ်ႇ​လီ​လၢတ်ႈ​တီႈ​မူး​မၢတ်ႈ​ၽွင်း​မိူင်း​တင်း​လၢႆ​လႄႈ​ဝႃႈ၊ သူ​ၼႆႉ​ပဵၼ်​ၵူၼ်း​ဢႃႉထမ်ႇမႃႉ​ဢေႃႈ၊ ဝႃႈ​ၼင်ႇ​ၼႆ​ႁိုဝ်။-</verse>
				<verse number="19">လိူဝ်​သေ​ၼၼ်ႉ​ဢမ်ႇ​ၵႃး၊ ယဵင်ႈ​ၶႅၼ်း​ဢမ်ႇ​ထုၵ်ႇ​လီ​လၢတ်ႈ​တီႈ​မၼ်း​ၸဝ်ႈ ဢၼ်​ဢမ်ႇ​ထွၵ်ႈ​လူၺ်ႈ​ၼႃႈ​ၶုၼ်၊ ဢၼ်​ဢမ်ႇ​ဢႃး​ၼႃႇ​ၵေႃႉ​ဢၼ်​မၢၵ်ႈ​ဢၼ်​မီး​ၼၼ်ႉ လိူဝ်​တွၼ်း​ၼႃႇ​သေ​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ၼၼ်ႉ​ဢမ်ႇ​ၸႂ်ႈ​ႁိုဝ်။ လွင်ႈ​မၼ်း​ၸမ်ႉ ၶဝ်​တင်း​သဵင်ႈ​တင်း​လူင်​ၼၼ်ႉ ပဵၼ်​ဢၼ်​မၼ်း​ၸဝ်ႈ​ဢဝ်​မိုဝ်း​ၸဝ်ႈ​ႁဵတ်း​ပဵၼ်​ဢေႃႈ။-</verse>
				<verse number="20">ၼႂ်း​ၵႅပ်ႉ​ဢွၼ်ႇ​ၵမ်း​ဢွၼ်ႇ​ၼိုင်ႈ​ၵူၺ်း ၶဝ်​ၸၢင်ႈ​ဢွၼ်​ၵၼ်​တၢႆ​ၵႂႃႇ​ဝၢႆး​ၵႂႃႇ​ဢေႃႈ။ ၶိင်ႇ​တဵင်ႈ​ၶိုၼ်း​ၵူၼ်း​တင်း​လၢႆ ၸၢင်ႈ​လႆႈ​ၶၢမ်ႇ​တၢင်း​ဢၼ် ဢဝ်​သၼ်ႇ​ဢဝ်​ဝႆ​သေ​လႄႈ လပ်ႉ​ႁၢႆ​ၵႂႃႇ​လႄႈ ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ၊ ၽူႈ​လႂ်​သေ​ၵေႃႉ​သေ​ၵူၼ်း ယင်း​ဢမ်ႇ​ဢဝ်​မိုဝ်း​ႁဵတ်း​ၵႃႈ​သင်​တီႈ​ၶဝ်​လႄႈ ၸၢင်ႈ​ဢွၼ်​ၵၼ်​ႁွတ်ႈ​ထိုင် တၢင်း​ဢၼ်​ပႄႇ​ၽဵဝ်ႈ​ပႅတ်ႈ​ဢေႃႈ။-</verse>
				<verse number="21">လွင်ႈ​မၼ်း​ၸမ်ႉ မၢၵ်ႇ​တႃ​မၼ်း​ၸဝ်ႈ​လူ​တူၺ်း​သဵၼ်ႈ​တၢင်း​ဢၼ် ၵူၼ်း​ၵႂႃႇ​ၸိူဝ်း​ၼၼ်ႉ​ယူႇ​လႄႈ ႁၼ်​ႁွႆး​တိၼ်​မၼ်း​ၵႃႈ​မီး​ၼၼ်ႉ​ယူႇ​ဢေႃႈ။-</verse>
				<verse number="22">ဢမ်ႇ​မီး​လပ်း​သိင်ႇ၊ ဢမ်ႇ​မီး​ႁူမ်ႈ​တၢင်း​တၢႆ၊ တီႈ​ဢၼ်​ၶဝ်​ၸိူဝ်း​ဢၼ်​ၵမ်​ၵျၢင်ႉ​ၸွမ်း​ၼင်ႇ​ဢၼ်​ဢမ်ႇ​တြႃး​ၼၼ်ႉ တၵ်း​တဵတ်ႇ​မႅပ်ႉ​ယူႇ​ၼၼ်ႉ​သေ​ၸိူဝ်ႉ​သေ​ဢၼ်။-</verse>
				<verse number="23">လွင်ႈ​ဢၼ်​မၼ်း​ၸဝ်ႈ တၵ်း​လႆႈ​ၸႅတ်ႈ​ထၢမ်​ၵူၼ်း​ယူႇ​ၶိူဝ်း​ၶိူဝ်း​ယႂ်း​ယႂ်း ႁႂ်ႈ​လႆႈ​ဢဝ်​မၼ်း​ၶဝ်ႈ ၶၢမ်ႇ​တၢင်း​ဢၼ်​ၸီႇ​ယၢင်ႇ​တြႃး ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ​ဢမ်ႇ​မီး။-</verse>
				<verse number="24">ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼၼ်ႉ​ၵေႃႈ မၼ်း​ၸဝ်ႈ​ယင်း​ဢမ်ႇ​ၸႅတ်ႈ​ဢမ်ႇ​ထၢမ်​လႄႈ​ႁၵ်း​ယႃႉ​ပႅတ်ႈ​သေ​လႄႈ ၶၢၼ်း​တၢင်ႇ​ၵေႃႉ​တၢင်ႇ​ၵူၼ်း​ဝႆႉ​တၢင်​တူဝ်​ၶဝ်​ဢေႃႈ။-</verse>
				<verse number="25">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မၼ်း​ၸဝ်ႈ​ႁူႉ​ၵႃႈ​ဢၼ်​ၶဝ်​ႁဵတ်း​ၼၼ်ႉ​ယူႇ​လႄႈ ဢဝ်​ၶဝ်​ၶႂမ်ႈ​ပိၼ်ႈ​ပႅတ်ႈ ၶိင်ႇ​ၵၢင်​ၶိုၼ်း​ထၼ်ႈ​ပေႃး​လူႉ​ပေႃး​လႅဝ်​ဢေႃႈ။-</verse>
				<verse number="26">မၼ်း​ၸဝ်ႈ​ပၼ်​တၢမ်ႇ​တီႈ​ၶဝ် မိူၼ်​ၸိူဝ်ႉ​ၼင်ႇ​ၵူၼ်း​ႁၢႆႉ​ၵူၼ်း​မိူၵ်ႈ​ၼၼ်ႉ သိုဝ်ႈ​ၼႃႈ​တႂ်ႈ​တႃ​ပရဵၵ်ႈသၢတ်ႈ​ဢေႃႈ။-</verse>
				<verse number="27">လွင်ႈ​မၼ်း​ၸမ်ႉ ၶဝ်​ၼၼ်ႉ​ဢွၼ်​ၵၼ်​ငႅၵ်း​ပိူင်ႈ​ဝႄႈ​ပိူင်ႈ​သေ ၵႃႈ​တီႈ​တၢင်း​ဢၼ်​ၸွမ်း​လင်​မၼ်း​ၸဝ်ႈ​ၼၼ်ႉ​လႄႈ ၶဝ်​ဢမ်ႇ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​သဵၼ်ႈ​တၢင်း​မၼ်း​ၸဝ်ႈ​ၸိူဝ်း​ၼၼ်ႉ​လႃး​လႃး။-</verse>
				<verse number="28">ၵွပ်ႈ​ပိူဝ်ႈ​ဢၼ်​ႁဵတ်း​ၼင်ႇ​ၼၼ်​လႄႈ သဵင်​ၶဝ်​ၸိူဝ်း​ဢၼ်​ႁႅင်း​လဵၵ်ႉ​ႁႅင်း​ဢူၼ်ႈ​ႁႆႈ​ႁွင်ႉ​ၼၼ်ႉ​ၶိုၼ်ႈ​ၸူး​ၵႃႈ​တီႈ​မၼ်း​ၸဝ်ႈ​လႄႈ မၼ်း​ၸဝ်ႈ​လႆႈ​ငိၼ်း​သဵင်​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ႁွင်ႉ​ႁႆႈ​ၼၼ်ႉ​ဢေႃႈ။-</verse>
				<verse number="29">ပေႃး​မၼ်း​ၸဝ်ႈ​ပၼ်​ၵတ်း​ယဵၼ်​ၶျၢမ်း​သႃႇ​ၸိုင်၊ ၽူႈ​လႂ်​တၵ်း​ၸီႇ​ယၢင်ႇ​ဢပႅတ်ႈ​တီႈ​မၼ်း​ၸဝ်ႈ။-</verse>
				<verse number="30">ပဵၼ်​မဵဝ်း​ၵူၼ်း​မဵဝ်း​ၼိုင်ႈ​သေ​ဢမ်ႇ​ဝႃႈ၊ ပဵၼ်​ၵူၼ်း​ၵေႃႉ​ၼိုင်ႈ​ၵေႃႉ​လဵဝ်​သေ​ဢမ်ႇ​ဝႃႈ၊ ပေႃး​မၼ်း​ၸဝ်ႈ​ႁႄႉ​ၵင်ႈ​ၼႃႈ​မၼ်း​ၸဝ်ႈ​ဝႆႉ​သေ​ၵႃႈ​တီႈ​တၢင်း​ဢၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ဢုပ်ႉ​ပိူင်ႇ​ၸၢမ်ႇ​ၸႃး ဢိၵ်ႇ​တင်း​သေ​ၵႃႈ​တီႈ​တူင်ႇ​ႁႅဝ်ႉ​တူင်ႇ​ၶိုမ်း​ၵူၼ်း​တင်း​လၢႆ​ၸိူဝ်း​ၼၼ်ႉ​ၸိုင် ၽူႈ​လႂ်​တၵ်း​ႁၼ်​ၼႃႈ​မၼ်း​ၸဝ်ႈ​လႆႈ။</verse>
				<verse number="31">လီ​လဝ်ႊ​လၢတ်ႈ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ ၶႃႈ​ၸဝ်ႈ​ၼႆႉ​လႆႈ​ၶၢမ်ႇ​တၢင်း​ဢၼ် သင်ႇ​သွၼ်​သုင်း​မႃႉ​ၸဝ်ႈ​ႁဝ်း​တီႈ​ၶႃႈ​ယဝ်ႉ။ ၵမ်း​လိုၼ်း​ၶႃႈ​ၸဝ်ႈ​တၵ်း​ဢမ်ႇ​ၽိတ်း​ဢမ်ႇ​ပိူင်ႈ​တီႈ​ၶႃႈ။-</verse>
				<verse number="32">လွင်ႈ​တၢင်း​ဢၼ်​ၶႃႈ​ၸဝ်ႈ​ဢမ်ႇ​ႁူႉ​ဢမ်ႇ​ႁၼ်​ၼၼ်ႉ​ၸိုင် ၶႅၼ်း​တေႃႈ​သင်ႇ​သွၼ်​ပၼ်​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ပေႃး​ၶႃႈ​ၸဝ်ႈ​လႆႈ​ႁဵတ်း​တူႉ​ၸရိူၵ်ႈ​မႅၼ်ႈ​ၸိုင်၊ ၵမ်း​လိုၼ်း​ယင်း​ဢမ်ႇ​ႁဵတ်း​လႄႈ တၵ်း​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ ဢမ်ႇ​ၸႂ်ႈ​ႁိုဝ်။-</verse>
				<verse number="33">မၼ်း​ၸဝ်ႈ​တၵ်း​လႆႈ​ၸွမ်း​ဢလူဝ်ႇ​မႂ်း​ၸဝ်ႈ​ၵူၺ်း​ၵူၺ်း​သေ​လႄႈ ပၼ်​ဢၵျူဝ်း​ဢပႅတ်ႈ​လႄႈ မႂ်း​ၸဝ်ႈ​ထဵင်​ပႅတ်ႈ​ႁိုဝ်။ ၵဝ်​ၶႃႈ​ဢမ်ႇ​ၶဝ်ႈ​ဢမ်ႇ​ပႃး၊ ၸဝ်ႈ​ၵူၺ်း​တၵ်း​လႆႈ​ႁပ်ႉ​တုင်း​ဢဝ်​ဢေႃႈ။ ပိူဝ်ႈ​ၼႆ​လႄႈ လၢတ်ႈ​ၸွမ်း​ၵႃႈ​ဢၼ်​ၸဝ်ႈ​ႁူႉ​ၼၼ်ႉ​သေ​ၵမ်း။</verse>
				<verse number="34">ၶဝ်​ၸိူဝ်း​ဢၼ်​ၺၢၼ်ႇ​လီ​ၼၼ်ႉ ဢၼ်​ဝႃႈ​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​လႄႈ ထွမ်ႇ​ငိၼ်း​ၵႂၢမ်း​ၵဝ်​ၶႃႈ​ၼၼ်ႉ တၵ်း​ဢွၼ်​ၵၼ်​လၢတ်ႈ​တီႈ​ၵဝ်​ၶႃႈ​လႄႈ​ဝႃႈ၊-</verse>
				<verse number="35">ယေႃးၽႃႉ ​ၼႆႉ ယင်း​ဢမ်ႇ​ႁူႉ​လႄႈ​လၢတ်ႈ​မႅၼ်ႈ​ယဝ်ႉ။ ၵႂၢမ်း​ဢၼ်​မၼ်း​လၢတ်ႈ​ၼၼ်ႉ ဢမ်ႇ​ၸႂ်ႈ​ပိင်ႇ​ၺႃႇ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ၵဝ်​ၶႃႈ​မီး​ဢလူဝ်ႇ​ၶႂ်ႈ​ႁႂ်ႈ​ ယေႃးၽႃႉ ​ၶၢမ်ႇ​တၢင်း​ဢၼ် ၸၢမ်း​တူၺ်း​တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ၵွပ်ႈ​ပိူဝ်ႈ​ဢၼ်​မၼ်း​ၸၢင်ႈ​ၶိုၼ်း​လၢတ်ႈ​မိူၼ်​ၸိူဝ်ႉ​ၼင်ႇ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ဢေႃႈ။-</verse>
				<verse number="37">မၼ်း​ဢဝ်​ဢပႅတ်ႈ​တၢင်း​ဢၼ်​ပုင်ႇ​ၵၢၼ်ႇ​ၼၼ်ႉ ထၢပ်ႈ​ထႅင်ႈ​သႂ်ႇ​ထႅင်ႈ​ၵႃႈ​ၼိူဝ်​တူႉ​ၸရိူၵ်ႈ​မၼ်း​ဢေႃႈ။ မၼ်း​ၸၢင်ႈ​တူပ်း​မိုဝ်း​မၼ်း​ၵႃႈ​ၼႂ်း​ၵႄႈ​ႁဝ်း​ၵၢင်​ႁဝ်း​လႄႈ ဢဝ်​တင်း​ၵႂၢမ်း​ဢၼ်​ၽိတ်း​ပိူင်ႈ​ၽြႃး​ပဵၼ်​ၸဝ်ႈ လၢတ်ႈ​ၼမ်​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="35">
				<verse number="1">လႆႈ​သမ်ႉ ဢေးလီႉႁူႉ ​သိုပ်ႇ​ၵႂၢမ်း​လႄႈ ဢွၵ်ႇ​သူပ်း​ဝႃႈ​ထႅင်ႈ​ၸမ်ႉ၊-</verse>
				<verse number="2">ၸဝ်ႈ​ထၢင်ႇ​ၵႂၢမ်း​ၼႆႉ ဢၼ်​ၸဝ်ႈ​လၢတ်ႈ​လႄႈ​ဝႃႈ၊ တၢင်း​သိုဝ်ႈ​တေႃႇ​ၵဝ်​ၼႆႉ လိူဝ်​တွၼ်း​ၼႃႇ​သေ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ၸိုဝ်ႈ​ၸႂ်ႈ​ႁိုဝ်။-</verse>
				<verse number="3">ၸဝ်ႈ​ၶႂ်ႈ​ဝႃႈ၊ ၵဝ်​ၼႆႉ​တၵ်း​မီး​ဢၵျူဝ်း​ၵႃႈ​သင်။ ပေႃး​ဢမ်ႇ​ႁဵတ်း​တူႉ​ၸရိူၵ်ႈ​လႄႈ​ယူႇ​ၸိုင် တၵ်း​မီး​ၵျေး​ၸူး​ၵႃႈ​သင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၵဝ်​ၶႃႈ​တၵ်း​ၶိုၼ်း​တွပ်ႇ​ၶိုၼ်း​လၢတ်ႈ​တီႈ​ၸဝ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ပဵၼ်​ၵေႃႉ​သေႈ​ၵၼ်​တင်း​ၸဝ်ႈ​ၼၼ်ႉ​ဢေႃႈ။-</verse>
				<verse number="5">ႁႅၼ်​ၶိုၼ်ႈ​ၼိူဝ်​ၽႃႉ​လႄႈ လူ​တူၺ်း​သေ​ၵမ်း။ ႁႅၼ်​တူၺ်း​ၵၢင်​ႁၢဝ်​ဢၼ်​သုင်​ၼႃႇ​သေ​ၸဝ်ႈ​ၼၼ်ႉ​တႃႉ။-</verse>
				<verse number="6">ပေႃး​ၸဝ်ႈ​ႁဵတ်း​တူႉ​ၸရိူၵ်ႈ​ၸိုင်​တၵ်း​တိူဝ်ႉ​ထုၵ်ႇ​မၼ်း​ၸဝ်ႈ​ၸိူဝ်ႉ​ၼင်ႇ​ႁိုဝ်​လႆႈ။ ပေႃး​ၸဝ်ႈ​မီး​ဢပႅတ်ႈ​ဢၼ်​ၽိတ်း​ပိူင်ႈ​ၼမ်​ၼႃႇ​ၸိုင် တၵ်း​ယႃႉ​ဢၵျူဝ်း​မၼ်း​ၸဝ်ႈ​ၸိူဝ်ႉ​ၼင်ႇ​ႁိုဝ်​လႆႈ။-</verse>
				<verse number="7">ပေႃး​ၸဝ်ႈ​သိုဝ်ႈ​တေႃႇ​ၸိုင် တၵ်း​ပၼ်​ဢၵျူဝ်း​တီႈ​မၼ်း​ၸဝ်ႈ​ၸိူဝ်ႉ​ၼင်ႇ​ႁိုဝ်​လႆႈ။ မၼ်း​ၸဝ်ႈ​တၵ်း​ၶၢမ်ႇ​ဢဝ်​ၵျေး​ၸူး​ဢၼ်​လႂ်​ၵႃႈ​ၼႂ်း​မိုဝ်း​ၸဝ်ႈ။-</verse>
				<verse number="8">တူႉ​ၸရိူၵ်ႈ​ဢၼ်​ၸဝ်ႈ​ႁဵတ်း​ဢၼ်​တိူဝ်ႉ​ထုၵ်ႇ​ၵူၼ်း​သတ်ႉတဝႃႇ ဢၼ်​မိူၼ်​ၵၼ်​တင်း​ၸဝ်ႈ​ၼၼ်ႉ​ၵူၺ်း​လႆႈ​ဢေႃႈ။ သူႉ​ၸရိူၵ်ႈ​ဢၼ်​ၸဝ်ႈ​ႁဵတ်း​ၼၼ်ႉ​ၵေႃႈ ႁဵတ်း​ၵျေး​ၸူး​တီႈ​ၵူၼ်း​ၵူၺ်း​လႆႈ​ဢေႃႈ။</verse>
				<verse number="9">ၵွပ်ႈ​ပိူဝ်ႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ဢၼ်​ၼမ်​ၼႃႇ​လူင်​လၢင်​ၼၼ်ႉ​လႄႈ ၶဝ်​ၸၢင်ႈ​ဢွၼ်​ၵၼ်​ႁွင်ႉ​သႅၼ်ႇ​ဢေႃႈ။ ၵွပ်ႈ​ပိူဝ်ႈ​ၶႅၼ်​မိုဝ်း​ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼၼ်ႉ​လႄႈ ၶဝ်​ၸၢင်ႈ​ဢွၼ်​ၵၼ်​ႁွင်ႉ​သႅၼ်ႇ​ယွၼ်း​ၶၢမ်ႇ​ဢဝ်​တၢင်း​ဢၼ်​ၸွႆႈ​ထႅမ်​မႃႉ​ၸႃႉ​ဢေႃႈ။-</verse>
				<verse number="10">ၵူၺ်း​ၵႃႈ ၶဝ်​ဢမ်ႇ​ၸၢင်ႈ​တွင်ႈ​ထၢမ်​လႄႈ​ဝႃႈ၊ ၽြႃး​ပဵၼ်​ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ၵဝ်၊ ဢၼ်​ပၼ်​ဢၶႂၢင်ႉ​ဢၼ်​လႆႈ​ႁဵတ်း​ၵႂၢမ်း​ၶိင်ႇ​ၵၢင်​ၶိုၼ်း၊-</verse>
				<verse number="11">ဢၼ်​ႁႂ်ႈ​ႁဝ်း​ယဵင်ႈ​ၶႅၼ်း​ႁူႉ​လိူဝ်​တွၼ်း​ၼႃႇ​သေ​တရိၵ်ႈသၢၼ်ႇ​လိၼ်​မိူင်း​တင်း​လၢႆ၊ ဢၼ်​ႁႂ်ႈ​ႁဝ်း​ပျေႉ​ၸုမ်ႇ​ဝႆႉ​တင်း​ပိင်ႇ​ၺႃႇ ဢၼ်​လၢၵ်ႇ​လၢႆး​လိူဝ်​တွၼ်း​ၼႃႇ​သေ​ၼူၵ်ႉ​ၵၢင်​ႁၢဝ်​တင်း​လၢႆ​ၸိူဝ်း​ၼၼ်ႉ​ၼၼ်ႉ မီး​ယူႇ​ၵႃႈ​တီႈ​လႂ်၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="12">ပိူဝ်ႈ​ၼႆ​လႄႈ ၶဝ်​သႅၼ်ႇ​ႁွင်ႉ​ၵွပ်ႈ​ပိူဝ်ႈ​မႃႇၼႃႉ​ပူၵ်း​ပႅၼ်​ၵူၼ်း​ဢႃႉထမ်ႇမႃႉ​တင်း​လၢႆ​ၼၼ်ႉ​လႄႈ မၼ်း​ၸဝ်ႈ​ဢမ်ႇ​ဢိူဝ်။-</verse>
				<verse number="13">ၽြႃး​ပဵၼ်​ၸဝ်ႈ​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​ဢမၢၼ်ႇ​ၶၼ်​ပဵၼ်​ဢေႃႈ။ ၸဝ်ႈ​ဢၼၼ်ႇတႃႉ​တၼ်း​ၶူဝ်း ယင်း​ဢမ်ႇ​မၢတ်ႈ​ဢမ်ႇ​တွင်း​ၵႂၢမ်း​ၸိူဝ်ႉ​ၼင်ႇ​ၼၼ်​လႄႈ​ယူႇ​ဢေႃႈ။-</verse>
				<verse number="14">လိူဝ်​သေ​ၼၼ်ႉ​ဢမ်ႇ​ၵႃး၊ ယဵင်ႈ​ၶႅၼ်း​တၵ်း​ဢမ်ႇ​မၢတ်ႈ​ဢမ်ႇ​တွင်း မိူဝ်ႈ​ဢၼ်​ၸဝ်ႈ​လၢတ်ႈ​လႄႈ​ဝႃႈ၊ ၵဝ်​ၼႆႉ​ဢမ်ႇ​လႆႈ​ထူပ်း​လႆႈ​ႁၼ်​မၼ်း​ၸဝ်ႈ၊ ဢမူႉ​မီး​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ ၵဝ်​လႆႈ​မုင်ႈ​မွင်း​မၼ်း​ၸဝ်ႈ​ယူႇ​လူင်​ပႄႇ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="15">မိူဝ်ႈ​လဵဝ်​ၼႆႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ ဢမ်ႇ​ၸႂ်​မႆႈ​ၶႆႈ​ၸႃႉ​လႄႈ​သင်ႇ​သွၼ်​သုင်း​မႃႉ၊ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ ဢမ်ႇ​မၢတ်ႈ​ဢမ်ႇ​တွင်း​ဢပႅတ်ႈ​ၼႃႇ​ၼႃႇ​လႄႈ၊-</verse>
				<verse number="16">ယေႃးၽႃႉ ​ၸၢင်ႈ​ဢွၵ်ႇ​သူပ်း​ဝႃႈ​ၵႂၢမ်း ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။ မၼ်း​ယင်း​ဢမ်ႇ​မီး​တၢင်း​ႁူႉ​လႄႈ ၸၢင်ႈ​လၢတ်ႈ​ၵႂၢမ်း​ၼမ်​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="36">
				<verse number="1">လႆႈ​သမ်ႉ ဢေးလီႉႁူႉ သိုပ်ႇ​ၵႂၢမ်း​လႄႈ​ဢွၵ်ႇ​သူပ်း​ဝႃႈ​ထႅင်ႈ​ၸမ်ႉ၊-</verse>
				<verse number="2">ယိူၼ်ႉ​ၶၢမ်ႇ​ၵဝ်​ၶႃႈ​သေ​ၵမ်း၊ ၵဝ်​ၶႃႈ​တၵ်း​ၼႄ​ပျႃး​လွင်ႈ​မၼ်း​တၢင်း​မၼ်း​တီႈ​ၸဝ်ႈ​ထႅင်ႈ​လူး​ၵွၼ်ႇ​ဢေႃႈ။ မီး​တီႈ​တၵ်း​လၢတ်ႈ​ပုၼ်ႈ ၽြႃး​ပဵၼ်​ၸဝ်ႈ​ထႅင်ႈ​လူး​ၵွၼ်ႇ​ဢေႃႈ။-</verse>
				<verse number="3">ၵဝ်​ၶႃႈ​တၵ်း​ဢဝ်​ပိင်ႇ​ၺႃႇ​ၵဝ်​ၶႃႈ​သေ​ၵႃႈ​တီႈ​ဢၼ်​ၵႆ​ၼၼ်ႉ​မႃး​လႄႈ တၵ်း​ၼႄ​ပျႃး​လွင်ႈ​ဢၼ်​ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ၵဝ်​ၶႃႈ​ၼၼ်ႉ သိုဝ်ႈ​တေႃႇ​ၼၼ်ႉ​ဢေႃႈ။-</verse>
				<verse number="4">ၵႂၢမ်း​ၵဝ်​ၶႃႈ ဢမ်ႇ​ပဵၼ်​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ​ဢမၢၼ်ႇ​ၶၼ်​ပဵၼ်၊ ၵေႃႉ​ဢၼ်​ၸေး​ၸုမ်ႇ​ဝႆႉ​တင်း ဢတၢတ်ႈ​ပိင်ႇ​ၺႃႇ​ၼၼ်ႉ​မီး​ယူႇ​ၵႃႈ​တီႈ​ႁိမ်း​ၸဝ်ႈ​ဢေႃႈ။</verse>
				<verse number="5">ၽြႃး​ပဵၼ်​ၸဝ်ႈ​တၼ်း​ၶူဝ်း​ယႂ်ႇ​ဢေႃႈ။ မၼ်း​ၸဝ်ႈ​ဢမ်ႇ​ၸၢင်ႈ​ႁဵတ်း ဢၼ်​ဢမ်ႇ​ပေႃး​ၼင်ႇ​ႁိုဝ်​ၼၼ်ႉ​တီႈ​ၽူႈ​လႂ်။ မၼ်း​ၸဝ်ႈ​ပျေႉ​ၸုမ်ႇ​ဝႆႉ​တင်း​တၢင်း​ၵတ်ႉ​တၢင်း​ၶၼ် ၺၢၼ်ႇ​ဢေႃႈ။-</verse>
				<verse number="6">မၼ်း​ၸဝ်ႈ​ဢမ်ႇ​ပႂ်ႉ​ဢသၢၵ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ။ မၼ်း​ၸဝ်ႈ​ၸီႇ​ယၢင်ႇ​ဢၶႂၢင်ႉ​တြႃး​ၽၢႆႇ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ဢေႃႈ။-</verse>
				<verse number="7">မၼ်း​ၸဝ်ႈ​ယင်း​ဢမ်ႇ​သိမ်း​ဢဝ်​တႃ​မၼ်း​ၸဝ်ႈ​သေ​ၵႃႈ​တီႈ​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​လႄႈ​ယူႇ​ဢေႃႈ။ မၼ်း​ၸဝ်ႈ​ႁႂ်ႈ​ၶဝ်​ၼင်ႈ​ယူႇ​ထႃႇဝရႃႉ ၵႃႈ​ၼိူဝ်​ရႃႇၸႃႉ​ပလၢင်ႇ ႁူမ်ႈ​လူၺ်ႈ​ၵၼ်​တင်း​ၶုၼ်​ႁေႃ​ၶမ်း​လႄႈ ယုၵ်ႉ​ယွင်ႈ​ၶဝ်​ဢေႃႈ။-</verse>
				<verse number="8">ပေႃး​ၶဝ်​လႆႈ​ၶၢမ်ႇ​တၢင်း​ဢၼ်​သႂ်ႇ​ဝႅၼ်​လဵၵ်း​လႄႈ မီး​တၢင်း​ဢၼ်​ဢဝ်​တင်း​ၸိူၵ်ႈ​တုၵ်ႉ​ၶႃႉ​မတ်ႉ​ၽုၵ်ႇ​ၶဝ်​ၸိုင်၊-</verse>
				<verse number="9">မၼ်း​ၸဝ်ႈ​ၼႄ​ပျႃး​ဢမူႉ​ၶဝ် ဢိၵ်ႇ​တင်း​တၢင်း​ဢၼ်​ၶဝ်​ပူၼ်ႉ​လိူဝ် ဢၼ်​ၶဝ်​မီး​မၢၼ်ႇ​မႃႇၼႃႉ ၸႂ်​သုင်​သေ​လႄႈ ႁဵတ်း​မႅၼ်ႈ​ၼၼ်ႉ​ဢေႃႈ။-</verse>
				<verse number="10">မၼ်း​ၸဝ်ႈ​ၽုၺ်ႇ​ပိုတ်ႇ​ႁူ​ၶဝ် ႁႂ်ႈ​ၶဝ်​ၶႂ်ႈ​ထွမ်ႇ​ၶႂ်ႈ​ငိၼ်း​ၵႂၢမ်း​ဢၼ်​သင်ႇ​သွၼ်​သုင်း​မႃႉ​ၼၼ်ႉ​လႄႈ ပိင်း​ၺၢပ်ႈ​ႁႂ်ႈ​ၶဝ်​ၸုၼ်ႉ​ပႅတ်ႈ​တူႉ​ၸရိူၵ်ႈ​ဢေႃႈ။-</verse>
				<verse number="11">ပေႃး​ၶဝ်​ထွမ်ႇ​ဢဝ်​ၵႂၢမ်း​မၼ်း​ၸဝ်ႈ​လႄႈ ၵိုတ်ႉ​ႁၢပ်ႇ​ဢမူႉ​မၼ်း​ၸိုင်၊ ၶဝ်​တၵ်း​လႆႈ​လီ​လႆႈ​ပဵၼ်​ယူႇ​သေ​လႄႈ ပူၼ်ႉ​မိုဝ်ႉ​ပူၼ်ႉ​ဝၼ်း​ၶဝ်​ဢေႃႈ။ ၶဝ်​တၵ်း​လႆႈ​မူၼ်ႈ​ပျေႃႇ​ၵတ်း​ယဵၼ်​ၶျၢမ်း​သႃႇ​ယူႇ​သေ​လႄႈ ပူၼ်ႉ​ပီႊ​ၶဝ်​လိူၼ်​ၶဝ်​ဢေႃႈ။-</verse>
				<verse number="12">ပေႃး​ၶဝ်​ဢမ်ႇ​ထွမ်ႇ​ဢမ်ႇ​ဢဝ်​ၸိုင်၊ ၶဝ်​တၵ်း​ဢွၼ်​ၵၼ်​သုမ်း​ၸွမ်း​လူၺ်ႈ ၽေး​လၢပ်ႇ​ၽေး​လႅဝ်း​လႄႈ ယင်း​ဢမ်ႇ​မီး​ဢတၢတ်ႈ​ပိင်ႇ​ၺႃႇ​လႄႈ​တၢႆ​ၵႂႃႇ​ဢေႃႈ။-</verse>
				<verse number="13">ၶဝ်​ၸိူဝ်း​ဢၼ်​မီး​သၽေႃး​ဢၼ်​ၵူဝ်ႈ​ၵိူၵ်ႇ​ၼၼ်ႉ ၸၢင်ႈ​ဢွၼ်​ၵၼ်​သိမ်း​ဝႆႉ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​လႄႈ ၸၢင်ႈ​ဢွၼ်​ၵၼ်​သႅၼ်ႇ​ႁွင်ႉ​ယွၼ်း​ၶၢမ်ႇ​ဢဝ် တၢင်း​ဢၼ်​ၸွႆႈ​ထႅမ်​မႃႉ​ၸႃႉ​ၼႂ်း​မိူဝ်ႈ​ဢၼ်​မၼ်း​ၸဝ်ႈ​မတ်ႉ​ၽုၵ်ႇ​ၼၼ်ႉ​ဢေႃႈ။-</verse>
				<verse number="14">လူမ်း​ဢသၢၵ်ႈ​ၶဝ်​ၼၼ်ႉ ၸၢင်ႈ​သဵင်ႈ​ၸၢင်ႈ​ႁၢႆ​ၸဵမ်​မိူဝ်ႈ​ဢၼ်​ဢသၢၵ်ႈ​ၶဝ်​ယင်း​လဵၵ်ႉ​ယင်း​ဢွၼ်ႇ​ၼၼ်ႉ​လႄႈ ဢသၢၵ်ႈ​ၶဝ်​ၸၢင်ႈ​သုမ်း​ၸွမ်း ႁူမ်ႈ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ႁၢႆႉ​ဢၼ်​ယုတ်ႈ​ၼၼ်ႉ​ဢေႃႈ။-</verse>
				<verse number="15">မၼ်း​ၸဝ်ႈ​ၵႄႇ​သႄႇ​လိတ်ႈ​ဢဝ်​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ၼႂ်း​မိူဝ်ႈ​ဢၼ်​ၶဝ်​ႁွတ်ႈ​ထိုင်​ဢမူႉ​ၼၼ်ႉ​လႄႈ ၽုၺ်ႇ​ပိုတ်ႇ​ႁူ​ၶဝ်​ၼႂ်း​မိူဝ်ႈ​ဢၼ်​ၶဝ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ဢေႃႈ။-</verse>
				<verse number="16">ၼင်ႇ​ၼၼ်​လႄႈ​မၼ်း​ၸဝ်ႈ​မီး​ဢလူဝ်ႇ ၶႂ်ႈ​ႁႂ်ႈ​ၸဝ်ႈ​ၶၢႆႉ​သေ​ၵႃႈ​တီႈ​ဢၼ်​ၵိတ်ႇ​ဢၼ်​ၵႅၼ်း​ၸူး​ၵႃႈ​တီႈ​ဢၼ်​ပၢင်ႇ​လီ​ၵႂၢင်ႈ​လီ တီႈ​ဢၼ်​ဢမ်ႇ​မီး​တၢင်း​ဢၼ်​ၵိတ်ႇ​ဢၼ်​ၵိၼ်း​ၼၼ်ႉ​လႄႈ ဢဝ်​တၢင်း​ၵိၼ်​တၢင်း​ၶူပ်း ဢၼ်​ပျေႉ​ၸုမ်ႇ​ဝႆႉ​တင်း​ဢရႃႉသႃႇ​ဢၼ်​လီ​ၼၼ်ႉ တၢင်ႇ​သႂ်ႇ​ဝႆႉ​ၵႃႈ​ၼိူဝ်​ၶူင်ႇ​တီႈ​ၵိၼ်​ၸဝ်ႈ​ဢေႃႈ။-</verse>
				<verse number="17">ၵူၺ်း​ၵႃႈ ၸဝ်ႈ​ပျေႉ​ၸုမ်ႇ​ဝႆႉ​တင်း​ဢပႅတ်ႈ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ဢမ်ႇ​တြႃး​ၼၼ်ႉ​လႄႈ တၢမ်ႇ​ဢပႅတ်ႈ​ဢိၵ်ႇ​တင်း​တြႃး​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ ယိပ်း​ၵမ်​တီႉ​ဢဝ်​ၸဝ်ႈ​ဢေႃႈ။-</verse>
				<verse number="18">ၵူၺ်း​ၵူဝ်​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၼၼ်ႉ၊ တၵ်း​တိုၵ်း​ယူင်း​ၸူဝ်း​ဢဝ်​ၸဝ်ႈ ႁႂ်ႈ​ၸဝ်ႈ​လႆႈ​ႁဵတ်း​တၢင်း​ဢၼ်​ၶတ်း​ၵၼ်​တင်း​တၢင်း​ဢၼ်​မၼ်း​ၸဝ်ႈ ပၼ်​တၢမ်ႇ​ၼၼ်ႉ​လႄႈ ဢမူႉ​ႁွတ်ႈ​ထိုင်​သေ​ယဝ်ႉ၊ ပိၵ်ႉ​သမ်ႉ​ပၼ်​ၵႃႈ​ၶၼ်​ၼမ်​ၼႃႇ​လူင်​လၢင်​သေ​ၵေႃႈ၊ ဢမ်ႇ​ထုတ်ႇ​ဢမ်ႇ​ၼုၵ်ႈ​ဢဝ်​တူဝ်​ၸဝ်ႈ​ၵဝ်ႇ​လႆႈ​ၵူၺ်း​ယဝ်ႉ။-</verse>
				<verse number="19">မၼ်း​ၸဝ်ႈ​တၵ်း​ႁဵတ်း​ပမႃႇၼႃႉ​တီႈ​ဢုၵ်ႉ​ၸႃႇ​ၸဝ်ႈ​ဢၼ်​ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ ဢိၵ်ႇ​တင်း​ၸေး​ၸိမ်ႇ​ၸဝ်ႈ​ဢၼ်​ၼမ်​ၵိုၼ်း​ၼႃႇ​လူင်​လၢင်​ၼၼ်ႉ​ႁိုဝ်။-</verse>
				<verse number="20">ယႃႇ​ပေ​တူၵ်း​ဢၢင်ႈ ၶိင်ႇ​ၵၢင်​ၶိုၼ်း ၶိင်ႇ​ဢၼ်​ၵူၼ်း​တင်း​လၢႆ ၸၢင်ႈ​ဢွၼ်​ၵၼ်​လႆႈ​ၶၢမ်ႇ​တၢင်း​ဢၼ်​ပႄႇ​ၽဵဝ်ႈ​ပႅတ်ႈ​သေ ၵႃႈ​တီႈ တီႈ​ယူႇ​တီႈ​သဝ်း​ၶဝ်​ၼၼ်ႉ။-</verse>
				<verse number="21">ႁဵတ်း​သတီႉ​သေ​ၵမ်း။ ယႃႇ​ပေ​ဝၢႆႇ​ၵႂႃႇ​ၸူး​ဢမူႉ​ဢၼ်​ဢမ်ႇ​တြႃး​ၼၼ်ႉ​သေ​ၵမ်း။ လွင်ႈ​မၼ်း​ၸမ်ႉ ၸဝ်ႈ​ယဵင်ႈ​ၶႅၼ်း​မီး​ၸႂ်​ၶႂ်ႈ​လႆႈ​ဢမူႉ​ၸိူဝ်ႉ​ၼင်ႇ​ၼၼ်​ၼၼ်ႉ လိူဝ်​တွၼ်း​ၼႃႇ​သေ တၢင်း​ဢၼ်​ယၢၵ်ႈ​ၽၢၼ်​ၶၢၼ်​ၸႂ်​ၼၼ်ႉ​ယူႇ​လူင်​ပႄႇ။</verse>
				<verse number="22">တူၺ်း​လူး၊ ၽြႃး​ပဵၼ်​ၸဝ်ႈ မီး​တၢင်း​ဢၼ်​ယုၵ်ႉ​ယွင်ႈ ၵွပ်ႈ​ပိူဝ်ႈ​တၼ်း​ၶူဝ်း​မၼ်း​ၸဝ်ႈ​လႄႈ ၽူႈ​လႂ်​သင်ႇ​သွၼ်​ပၼ်​မိူၼ်​ၸိူဝ်ႉ​ၼင်ႇ​မၼ်း​ၸဝ်ႈ​ၼၼ်ႉ​လႆႈ။-</verse>
				<verse number="23">ၽူႈ​လႂ်​ၸီႇ​ယၢင်ႇ​ပၼ်​သဵၼ်ႈ​တၢင်း​ဢၼ်​မၼ်း​ၸဝ်ႈ​ၵႂႃႇ​ၼၼ်ႉ။ ၽူႈ​လႂ်​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ႁဵတ်း​ဢမူႉ​ဢၼ်​ဢမ်ႇ​တြႃး မႅၼ်ႈ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​လႆႈ။-</verse>
				<verse number="24">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ႁႂ်ႈ​လႆႈ​ယုၵ်ႉ​ယွင်ႈ​ဢမူႉ​မၼ်း​ၸဝ်ႈ ဢၼ်​ၵူၼ်း​တင်း​လၢႆ​ဢဝ်​ႁဵတ်း​ၵႂၢမ်း​ယွင်ႈ​ၵႂၢမ်း​ဢိုၼ်း​ၼၼ်ႉ​တႃႉ။-</verse>
				<verse number="25">ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ႁၼ်​လွင်ႈ​တၢင်း​ၼၼ်ႉ​လႄႈ မဵဝ်း​ၵူၼ်း​ဢွၼ်​ၵၼ်​ယူႇ​တီႈ​ၵႆ​သေ​လႄႈ​လူ​တူၺ်း​ဢေႃႈ။-</verse>
				<verse number="26">တူၺ်း​လူး၊ ၽြႃး​ပဵၼ်​ၸဝ်ႈ​ယႂ်ႇ​မျၢတ်ႈ​လႄႈ ႁဝ်း​ဢမ်ႇ​ႁူႉ​မၼ်း​ၸဝ်ႈ။ တၢင်း​ဢၼ်​ၼပ်ႉ​ဢၼ်​ဢၢၼ်ႇ ၶူပ်ႇ​ၼီႈ​ပီႊ​မိူင်း​မၼ်း​ၸဝ်ႈ​ၼၼ်ႉ​ဢမ်ႇ​သဵင်ႈ​လႆႈ။-</verse>
				<verse number="27">မၼ်း​ၸဝ်ႈ​တိုတ်ႉ​ၸၼ်​ဢဝ် မဵတ်ႉ​ၼမ်ႉ​ၽူၼ်​ၶိုၼ်ႈ​ၵႃႈ​ၼိူဝ်​လႄႈ မဵတ်ႉ​ၽူၼ်​ၸင်ႇ​တူၵ်း​လူင်း​မႃး​သေ​ၵႃႈ​တီႈ ဢၢႆ​ၼမ်ႉ​မၼ်း​ၸဝ်ႈ​လႄႈ၊-</verse>
				<verse number="28">တူၵ်း​သေ​ၵႃႈ​ၼိူဝ်​ၽႃႉ​ၵၢင်​ႁၢဝ်​လူင်း​မႃး​သႂ်ႇ​ၵႃႈ​ၼိူဝ်​ၵူၼ်း ႁႃႇ​ယႂ်ႇ​ႁႃႇ​လူင်​ဢေႃႈ။-</verse>
				<verse number="29">ၽူႈ​လႂ်​ႁူႉ တၢင်း​ဢၼ်​ၽႃႈ​ၽူၼ်​ၸွတ်ႇ​တူဝ်ႈ ဢိၵ်ႇ​တင်း​တၢင်း​ဢၼ်​သဵင်​သုမ်ႉ​ထဵင်​ၸဝ်ႈ လင်​မေႃး​ၼၼ်ႉ​လႆႈ။-</verse>
				<verse number="30">တူၺ်း​လူး၊ မၼ်း​ၸဝ်ႈ​ပိုတ်ႇ​ၵီႈ ဢၼ်​လႅင်း​မၼ်း​ၸဝ်ႈ ၵႃႈ​တီႈ​ႁိမ်း​မၼ်း​ၸဝ်ႈ​လႄႈ ႁူမ်ႇ​သုမ်ႇ​တီႈ​ဢၼ်​လိုၵ်ႉ​ဢၼ်​လမ်ႇ ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​ဢေႃႈ။-</verse>
				<verse number="31">မၼ်း​ၸဝ်ႈ​ဢဝ်​ဢၼ်​ၸိူဝ်ႉ​ၼင်ႇ​ၼၼ်​ၸီႇ​ယၢင်ႇ​တြႃး တီႈ​မဵဝ်း​ၵူၼ်း​တင်း​လၢႆ​လႄႈ ပၼ်​ဢႁႃႇရႃႉ​တၢင်း​ၵိၼ်​တၢင်း​ၶူပ်း ဢၼ်​ၼမ်​ၼႃႇ​လူင်​လၢင်​ဢေႃႈ။-</verse>
				<verse number="32">မၼ်း​ၸဝ်ႈ​ဢဝ်​ဢၼ်​လႅင်း​ႁူမ်ႇ​သုမ်ႇ​ၽႃႇ​မိုဝ်း​မၼ်း​ၸဝ်ႈ​သေ​လႄႈ ပွႆႇ​ၸႂ်ႉ​ၸူး​ၵႃႈ​တီႈ​ဢၼ်​ရၢၼ်ႇ​သူႇ​မီး​ၼၼ်ႉ​ဢေႃႈ။-</verse>
				<verse number="33">ၽႃႉ​လင်​မၼ်း​ၸဝ်ႈ မွၵ်ႇ​လၢတ်ႈ​ၼႄ​ပျႃး​လွင်ႈ​မၼ်း​ၸဝ်ႈ​ဢၼ်​ဝႃႈ ၸဝ်ႈ​ဢၼ်​ယူႇ​ၵႃႈ​ၼိူဝ်​တီႈ​ဢၼ်​သုင်​ၼႃႇ​ၼၼ်ႉ တီႈ​မူႇ​ၽုင်​တရိၵ်ႈသၢၼ်ႇ​တင်း​လၢႆ​ဢေႃႈ။</verse>
			</chapter>
			<chapter number="37">
				<verse number="1">ၵွပ်ႈ​ပိူဝ်ႈ​လွင်ႈ​တၢင်း​ၼႆႉ​လႄႈ ႁူဝ်​ၸႂ်​ၵဝ်​ၶႃႈ​သၼ်ႇ​ဝႆ​သေ​လႄႈ ၶၢႆႉ​သေ​ၵႃႈ​တီႈ​ဢၼ်​မၼ်း​ယူႇ​ၼၼ်ႉ​ၵႂႃႇ​ဢေႃႈ။-</verse>
				<verse number="2">ဢွၼ်​ၵၼ်​ထွမ်ႇ​ငိၼ်း​သဵင်​ဢၼ်​မၼ်း​ၸဝ်ႈ​ဝႃႈ​ဢွၵ်ႇ​သူပ်း ဢိၵ်ႇ​တင်း​သဵင်​ဢၼ်​မေႃး​လင်​ဢွၵ်ႇ​မႃး​ၵႃႈ​ၼႂ်း​သူပ်း​မၼ်း​ၸဝ်ႈ​ၼၼ်ႉ​ၸေး​ၸေး​ၸွတ်ႇ​ၸွတ်ႇ​တႃႉ။-</verse>
				<verse number="3">မၼ်း​ၸဝ်ႈ​ပွႆႇ​ၸႂ်ႉ​ၸွတ်ႇ​တူဝ်ႈ​ၵႃႈ​တႂ်ႈ​ၽႃႉ​ၵၢင်​ႁၢဝ်​တင်း​သဵင်ႈ​တင်း​မူတ်း​လႄႈ ႁႂ်ႈ​ၽႃႉ​မႅပ်ႈ​မၼ်း​ၸဝ်ႈ ထိုင်​ႁွတ်ႈ​လႅၼ်​သုတ်း​လိၼ်​မိူင်း​ဢေႃႈ။-</verse>
				<verse number="4">ၽႃႉ​မႅပ်ႈ​သေ​ယဝ်ႉ၊ သဵင်​မေႃး​လင်​ဢေႃႈ။ မၼ်း​ၸဝ်ႈ​ဢဝ်​သဵင်​မုၼ်​ၽုင်း ဢႃႇၼူႉၽေႃႇ​မၼ်း​ၸဝ်ႈ​သေ​လႄႈ​ၽႃႉ​လင်​ဢေႃႈ။ ယၢမ်း​မိူဝ်ႈ​ဢၼ်​သဵင်​မၼ်း​ၸဝ်ႈ​လင်​မေႃး​ၼၼ်ႉ​ၸိုင်၊ မၼ်း​ၸဝ်ႈ​ဢမ်ႇ​ႁႄႉ​ၶဝ်​ႁၢမ်ႈ​ၶဝ်​ဝႆႉ။-</verse>
				<verse number="5">ၽြႃး​ပဵၼ်​ၸဝ်ႈ​ဢဝ်​တင်း​သဵင်​မၼ်း​ၸဝ်ႈ ၽႃႉ​လင်​လီ​ဢၢမ်း​ၼႃႇ​လူင်​လၢင်​ဢေႃႈ။ မၼ်း​ၸဝ်ႈ​ႁဵတ်း​လွင်ႈ​တၢင်း​ဢၼ်​ယႂ်ႇ​ဢၼ်​လူင် ဢၼ်​ႁဝ်း​ဢမ်ႇ​ႁူႉ​လႆႈ​ၼၼ်ႉ​ဢေႃႈ။-</verse>
				<verse number="6">မၼ်း​ၸဝ်ႈ​မီး​ဢမိင်ႉ​တီႈ​မူၺ်​ႁႃႇ ဢိၵ်ႇ​တင်း​ႁႃႇ​ၽူၼ်​တင်း​ၽူၼ်​မၼ်း​ၸဝ်ႈ ဢၼ်​တူၵ်း​ႁႅင်း​ယႂ်ႇ​ၼႃႇ​လူင်​လၢင်​ၼၼ်ႉ​လႄႈ​ဝႃႈ၊ ႁႂ်ႈ​တူၵ်း​လူင်း​ၵႃႈ​ၼိူဝ်​လိၼ်​မိူင်း​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မၼ်း​ၸဝ်ႈ​တွၵ်ႇ​တၼ်း​သိၵ်ႈ​သႂ်ႇ ၵႃႈ​တီႈ​မိုဝ်း​ၵူၼ်း​ၵူႈ​ၵေႃႉ​ၵူႈ​ၵူၼ်း ႁႂ်ႈ​ၵူၼ်း​တင်း​သဵင်ႈ​တင်း​လူင် ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ​လႆႈ​ႁူႉ​ဢေႃႈ။-</verse>
				<verse number="8">မိူဝ်ႈ​ၼၼ်ႉ တူဝ်​ထိူၼ်ႇ​ႁၢႆႉ​တင်း​လၢႆ ၸၢင်ႈ​ဢွၼ်​ၵၼ်​ၶဝ်ႈ​ၵႃႈ​ၼႂ်း​ႁူး​ထမ်ႈ​ႁူး​လိၼ်​လႄႈ ထင်​ယူႇ​ၵႃႈ​ၼႂ်း​တီႈ​ဢၼ်​ၶဝ်​ယူႇ​ၼၼ်ႉ​ဢေႃႈ။-</verse>
				<verse number="9">လူမ်း​ၽိဝ်ႇ​ႁုင် ၸၢင်ႈ​လုၵ်ႉ​ဢွၵ်ႇ​သေ​ၵႃႈ​တီႈ​ၼႃႈ​တၢင်း​ၸၢၼ်း​မႃး​လႄႈ တၢင်း​ၵတ်း​တၢင်း​ၼၢဝ် ၸၢင်ႈ​လုၵ်ႉ​ဢွၵ်ႇ​သေ​ၵႃႈ​တီႈ​ၼႃႈ​တၢင်း​ႁွင်ႇ​မႃး​ဢေႃႈ။-</verse>
				<verse number="10">ၽြႃး​ပဵၼ်​ၸဝ်ႈ​ပဝ်ႇ​သႂ်ႇ​လႄႈ ပဵၼ်​ၼမ်ႉ​ၵွၼ်ႈ​ၼမ်ႉ​ၵၢမ်ႈ​ၵႂႃႇ​လႄႈ ၼႃႈ​ၼမ်ႉ​ၼၼ်ႉ မီး​တၢင်း​ဢၼ်​ၵွၼ်ႈ​ၵၢမ်ႈ​ယူႇ​ဢေႃႈ။-</verse>
				<verse number="11">မၼ်း​ၸဝ်ႈ​ႁႂ်ႈ​ၽႃႈ​ၽူၼ်​ဢၼ်​ၼႃ​တၼ်​ၼႃႇ​ၼၼ်ႉ ၼၵ်း​လူၺ်ႈ​ၼမ်ႉ​ၽူၼ်​လႄႈ ပိုတ်ႇ​ၵီႈ​ၽႃႈ​ၽူၼ်​ဢၼ်​ပႃး​သၢႆ​ဢရွင်ႇ​မၼ်း​ၸဝ်ႈ​ၼၼ်ႉ​ဝႆႉ​ဢေႃႈ။-</verse>
				<verse number="12">မၼ်း​ၸဝ်ႈ​ၸီႉ​ၼႄ​ႁႂ်ႈ​ၽႃႈ​ၽူၼ်​လႄႇ​လဵပ်ႈ​ယူႇ ႁႂ်ႈ​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​သင်ႇ​လၢတ်ႈ​ဝႆႉ​ၼၼ်ႉ ၵႃႈ​ၼိူဝ်​ၼႃႈ​လိၼ်​မိူင်း​ဢေႃႈ။-</verse>
				<verse number="13">ပဵၼ်​ပုၼ်ႈ​တၢင်း​ဢၼ်​ပၼ်​တၢမ်ႇ​သေ​ဢမ်ႇ​ဝႃႈ၊ ပဵၼ်​ပုၼ်ႈ​တၢင်း​ဢၼ်​လုမ်း​လႃး​လိၼ်​သေ​ဢမ်ႇ​ဝႃႈ၊ ပဵၼ်​ပုၼ်ႈ​တၢင်း​ဢၼ်​ပၼ် ၵတ်း​ယဵၼ်​ၶျၢမ်း​သႃႇ​သေ​ဢမ်ႇ​ဝႃႈ၊ မၼ်း​ၸဝ်ႈ​ႁႂ်ႈ​မႃး​ဢေႃႈ။</verse>
				<verse number="14">ယေႃးၽႃႉ ​ဢိူၺ်း၊ ထွမ်ႇ​ငိၼ်း​ၵႂၢမ်း​ၼႆႉ​သေ​ၵမ်း။ ယူႇ​ၼိမ်​ၼိမ်​လီ​လီ​လႄႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​တၢင်း​ဢၼ်​လီ​ဢၢမ်း​ၽြႃး​ပဵၼ်​ၸဝ်ႈ​တင်း​လၢႆ​သေ​ၵမ်း။-</verse>
				<verse number="15">ၸဝ်ႈ​ႁူႉ​လွင်ႈ​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​လွင်ႈ​တၢင်း​ၸိူဝ်း​ၼၼ်ႉ​လႄႈ ႁႂ်ႈ​ဢၼ်​လႅင်း​ၽႃႈ​ၽူၼ်​မၼ်း​ၸဝ်ႈ ႁိူဝ်ႈ​လႅင်း​ၼၼ်ႉ​ႁိုဝ်။-</verse>
				<verse number="16">ၸဝ်ႈ​ႁူႉ​လွင်ႈ​ဢၼ်​မၼ်း​ၸဝ်ႈ ႁဵတ်း​ႁႂ်ႈ​ၽႃႈ​ၽူၼ်​ဢမ်ႇ​ၼၵ်း​ဢမ်ႇ​မဝ် ၶိုင်ႈ​ၵၼ်​ပဵင်း​ၵၼ်​ဢၼ်​ဝႃႈ လွင်ႈ​တၢင်း​ဢၼ်​လီ​ဢၢမ်း​မၼ်း​ၸဝ်ႈ ဢၼ်​ပိင်ႇ​ၺႃႇ​ၸေး​ၸုမ်ႇ​ၼၼ်ႉ ၸိူဝ်း​ၼၼ်ႉ၊-</verse>
				<verse number="17">ဢိၵ်ႇ​တင်း​လွင်ႈ​ဢၼ်​ၶူဝ်း​ၼုင်ႈ​မႂ်း​ၸဝ်ႈ​ၼၼ်ႉ ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ ဢုၼ်ႇ​လီ​ၼႂ်း​မိူဝ်ႈ​ဢၼ်​မၼ်း​ၸဝ်ႈ ႁႂ်ႈ​တၢင်း​ၵတ်း​တၢင်း​ၼၢဝ် ႁၢႆ​သေ​ၵႃႈ​ၼိူဝ်​လိၼ်​မိူင်း​ၼႆႉ လူၺ်ႈ​လူမ်း​ၼႃႈ​တၢင်း​ၸၢၼ်း​ၼၼ်ႉ​ႁိုဝ်။-</verse>
				<verse number="18">ၸဝ်ႈ​လႆႈ​ၽွမ်ႉ​ႁူမ်ႈ​ၸွႆႈ​ထႅမ်​လူၺ်ႈ​ၵၼ်​တင်း​မၼ်း​ၸဝ်ႈ​သေ​လႄႈ ပိုတ်ႇ​ၵီႈ​ၽႃႉ​ၵၢင်​ႁၢဝ် ဢၼ်​တႄႇ​တင်ႈ​လႄႈ မီး​ယူႇ​မိူၼ်​ၸိူဝ်ႉ​ၼင်ႇ ၼႃႈ​ၸမ်ႈ​ဢၼ်​လေႃႇ​သွၼ်း​ႁဵတ်း​ၼၼ်ႉ​ႁိုဝ်။-</verse>
				<verse number="19">ၶႅၼ်း​တေႃႈ​သင်ႇ​သွၼ်​ပၼ်​လွင်ႈ​ဢၼ်​ႁဝ်း​တၵ်း​လႆႈ​လဝ်ႊ​လၢတ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ တီႈ​ႁဝ်း​သေ​ၵမ်း။ ႁဝ်း​ၼႆႉ​ဢမ်ႇ​မေႃ​လဝ်ႊ​လၢတ်ႈ​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ ၵွပ်ႈ​ပိူဝ်ႈ​ဢၼ်​မိူၵ်ႈ​လပ်း​သိင်ႇ​ၼၼ်ႉ​ဢေႃႈ။-</verse>
				<verse number="20">တၵ်း​လႆႈ​ဢဝ်​လွင်ႈ​ဢၼ်​ၵဝ်​ၶႃႈ​မီး​ဢလူဝ်ႇ​ၶႂ်ႈ​လၢတ်ႈ​ၼၼ်ႉ လဝ်ႊ​လၢတ်ႈ​တီႈ​မၼ်း​ၸဝ်ႈ​ႁိုဝ်။ ၵူၼ်း​ႁတ်း​လဝ်ႊ​လၢတ်ႈ​တီႈ​မၼ်း​ၸဝ်ႈ ႁႂ်ႈ​ထၼ်ႈ​ပေႃး​လႆႈ​တၢင်း​ဢၼ်​လူႉ​လႅဝ်​ႁၢႆ​လၢႆ​ႁိုဝ်။-</verse>
				<verse number="21">ၵူၼ်း​ႁဝ်း​ၼႆႉ​ဢမ်ႇ​တူၺ်း​သၢႆ​ဢရွင်ႇ ဢၼ်​ႁိူဝ်ႈ​လႅင်း​ၵႃႈ​တီႈ​ၽႃႉ​ၵၢင်​ႁၢဝ် ၼႂ်း​မိူဝ်ႈ​ဢၼ်​လူမ်း​ပတ်ႉ​ထူဝ်း​လႄႈ ပၢင်ႇ​လီ​ၸိုၼ်ႈ​လီ​ၼၼ်ႉ​လႆႈ။-</verse>
				<verse number="22">သၢႆ​ဢရွင်ႇ​ၶမ်း ၸၢင်ႈ​ဢွၵ်ႇ​သေ​ၵႃႈ​တီႈ​ၼႃႈ​တၢင်း​ႁွင်ႇ​မႃး​လႄႈ ၽြႃး​ပဵၼ်​ၸဝ်ႈ​ၼၼ်ႉ ပျေႉ​ၸုမ်ႇ​တင်း​မုၼ်​ၽုင်း​ဢႃႇၼူႉၽေႃႇ ဢၼ်​လီ​ၵူဝ်​လီ​ႁႄ​ဢေႃႈ။-</verse>
				<verse number="23">ႁဝ်း​ဢွၼ်​ၵၼ်​ၸႅတ်ႈ​ထၢမ်​ၸႅတ်ႈ​တူၺ်း ၸဝ်ႈ​ဢၼၼ်ႇတႃႉ​တၼ်း​ၶူဝ်း​လႄႈ ဢမ်ႇ​သဵင်ႈ​ဢမ်ႇ​သုတ်း​လႆႈ။ မၼ်း​ၸဝ်ႈ​ပျေႉ​ၸုမ်ႇ​ဝႆႉ​တင်း​တၢင်း​ၵတ်ႉ​တၢင်း​ၶၼ်၊ တၢင်း​ဢၼ်​သိုဝ်ႈ​တေႃႇ၊ တၢင်း​ဢၼ်​တဵမ်​ဝႆႉ​တင်း​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ ဢမ်ႇ​ၼိၵ်ႈ​ၸၢၵ်ႈ​ငႅၼ်း​သႄး​ၽူႈ​လႂ်​သေ​ၵေႃႉ​သေ​ၵူၼ်း။-</verse>
				<verse number="24">ပိူဝ်ႈ​ၼႆ​လႄႈ ၵူၼ်း​တင်း​လၢႆ​ဢွၼ်​ၵၼ်​မီး​လွင်ႈ​ဢၼ်​လီ​ၵူဝ်​လီ​ႁႄ​လႄႈ မၼ်း​ၸဝ်ႈ​ဢမ်ႇ​လူ​ဢမ်ႇ​တူၺ်း ၵူၼ်း​ဢၼ်​ၺၢၼ်ႇ​ယႂ်ႇ​ၼၼ်ႉ​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="38">
				<verse number="1">မိူဝ်ႈ​ၼၼ်ႉ​ထႃႇဝရႃႉ​ၽြႃး ယူႇ​ၵႃႈ​ၼႂ်း​ၽူၼ်​လူင်​လူမ်း​လူင်​သေ​လႄႈ ၶိုၼ်း​လၢတ်ႈ​တီႈ​ ယေႃးၽႃႉ ​လႄႈ မီး​ဢမိင်ႉ​ဝႃႈ​ၸမ်ႉ၊-</verse>
				<verse number="2">ၵေႃႉ​ဢၼ်​ယင်း​ဢမ်ႇ​မီး​ၺၢၼ်ႇ​လႄႈ ဢဝ်​ၵႂၢမ်း​ၵူၺ်း​လၢတ်ႈ ႁႂ်ႈ​တၢင်း​ၵျၢမ်ႇ​တၢင်း​ပွင်​မိူၵ်ႈ​လပ်း​သိင်ႇ​ၼႆႉ​ၸမ်ႉ၊ ပဵၼ်​ၽူႈ​လႂ်။-</verse>
				<verse number="3">ႁတ်ႉ​ဢႅဝ်​မႂ်း​မိူၼ်​ၸိူဝ်ႉ​ၼင်ႇ​ၵူၼ်း​ၸၢႆး​သေ​လႄႈ ၵႄႈ​လိတ်ႈ​ၵႂၢမ်း​ပျၢတ်ႈ​သၼႃႇ ဢၼ်​ၵဝ်​တၵ်း​တွင်ႈ​ထၢမ်​တီႈ​မႂ်း​ၼၼ်ႉ​တႃႉ။-</verse>
				<verse number="4">ယၢမ်း​မိူဝ်ႈ​ဢၼ်​ၵဝ်​တႄႇ​တင်ႈ​ငဝ်ႈ​ႁၢၵ်ႈ​လိၼ်​မိူင်း​ၼၼ်ႉ၊ မႂ်း​မီး​ယူႇ​ၵႃႈ​တီႈ​လႂ်။ ပေႃး​မႂ်း​ႁူႉ​ၸိုင် ၽုၺ်ႇ​ဢွၵ်ႇ​ၼႄ​ပျႃး​တႃႉ။-</verse>
				<verse number="5">ၽူႈ​လႂ်​ၸီႇ​ယၢင်ႇ​တၢင်း​ဢၼ်​တႅၵ်ႈ​ဢၼ်​ၶပ်ႉ​မၼ်း​ဝႆႉ။ ပေႃး​မႂ်း​ႁူႉ​ၸိုင်​လၢတ်ႈ​တႃႉ။ ၽူႈ​လႂ်​ၶဵင်ႈ​ၸိူၵ်ႈ​မႆ​မီႈ​သေ​လႄႈ​ၶျႃး​မၼ်း​ဝႆႉ။-</verse>
				<verse number="6">ႁႂ်ႈ​ငဝ်ႈ​ႁၢၵ်ႈ​မၼ်း​ၸၢပ်ႈ​ယူႇ​ၵႃႈ​ၼိူဝ်​တီႈ​ဢၼ်​လႂ်။ ၽူႈ​လႂ်​ဢဝ်​မၢၵ်ႇ​ႁိၼ်​ႁူဝ်​ၸဵင်ႇ​တိူၵ်ႈ​မၼ်း​တၢင်ႇ​သႂ်ႇ​ဝႆႉ၊-</verse>
				<verse number="7">ၼႂ်း​မိူဝ်ႈ​ဢၼ်​လၢဝ်​ၵၢင်​ၼႂ်​တင်း​လၢႆ ၽွမ်ႉ​ၵၼ်​ႁဵတ်း​ၵႂၢမ်း​လႄႈ လုၵ်ႈ​ၽြႃး​ပဵၼ်​ၸဝ်ႈ​တင်း​လၢႆ ၸူမ်း​သိူဝ်း​ယူႇ​သေ​လႄႈ ႁွင်ႉ​သႅၼ်ႇ​ယူႇ​ၼၼ်ႉ။-</verse>
				<verse number="8">ၽူႈ​လႂ်​ဢဝ်​ၽၵ်း​တူ​ဢိုတ်း​ၼမ်ႉ​သမ်ႇ​မုၵ်ႉ​တြႃႇ​ဝႆႉ ၼႂ်း​မိူဝ်ႈ​ဢၼ် မၼ်း​ၵိူတ်ႇ​လဵင်ႉ​မႃး​ၵႃႈ​ၼႂ်း​တွင်ႉ​မႄႈ​မၼ်း​လႄႈ​ဢွၵ်ႇ​မႃး​ၼၼ်ႉ၊-</verse>
				<verse number="9">ၼႂ်း​မိူဝ်ႈ​ဢၼ်​ၵဝ်​ဢဝ်​ၽႃႈ​ၽူၼ်​ႁူမ်ႇ​သုမ်ႇ​မၼ်း​လႄႈ ဢဝ်​တင်း​လပ်း​သိင်ႇ​ဢၼ်​ၼႃ​တၼ်​ၼႃႇ​ႁေႃႇ​ၶဵၼ်း​မၼ်း​ၼၼ်ႉ၊-</verse>
				<verse number="10">ၼႂ်း​မိူဝ်ႈ​ဢၼ်​ၵဝ်​ၸီႇ​ယၢင်ႇ​ဢၼ်​ၶၼ်ႈ​ဢၼ်​ၶႅၼ်ႈ​မၼ်း​ဝႆႉ​လႄႈ ဢဝ်​ၽၵ်း​တူ​တင်း​ၵိူၼ်ႇ​ၽၵ်း​တူ​တင်း​လၢႆ​ဝႆႉ​သေ​လႄႈ၊-</verse>
				<verse number="11">ပိင်း​ၺၢပ်ႈ​ဝႆႉ​လႄႈ​ဝႃႈ၊ မႂ်း​ၼႆႉ​လႆႈ​မႃး​တေႃႇ​ထိုင်​ႁွတ်ႈ​ၵႃႈ​တီႈ​ၼႆႈ​ၵူၺ်း​ဢေႃႈ။ ဢမ်ႇ​လႆႈ​ပူၼ်ႉ​လႆႈ​ပႅၼ်​ၵႂႃႇ။ ၵႃႈ​တီႈ​ၼႆႈ​ၸိုင်၊ လႅင်း​ၼမ်ႉ​ပိူပ်ႇ​ၼမ်ႉ​မႂ်း​ဢၼ်​ပူၵ်း​ပႅၼ်​ၸိူဝ်း​ၼၼ်ႉ​တၵ်း​လႆႈ​သုတ်း​လႆႈ​တိူၵ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="12">ၸူဝ်ႈ​ဢသၢၵ်ႈ​မႂ်း​ၼႆႉ မႂ်း​ယၢမ်ႈ​တွၼ်ႉ​သင်ႇ​လၢတ်ႈ​ဝႆႉ​ၶိင်ႇ​ၵၢင်​ၼႂ်​သေ​ပွၵ်ႈ​ႁိုဝ်။ မႂ်း​ၼႆႉ​ယၢမ်ႈ​တွၼ်ႉ​ၶျႃး​တီႈ​ယူႇ​တီႈ​သဝ်း​ဢႃႇရူင်ႇ​မိူင်း​လႅင်း၊-</verse>
				<verse number="13">ႁႂ်ႈ​မၼ်း​ထၼ်ႈ​ပေႃး​ယိပ်း​ၵမ် ႁိမ်း​လႅၼ်​သုတ်း​လိၼ်​မိူင်း​သေ​လႄႈ ၽႅတ်း​သၼ်ႇ​ၵူၼ်း​ႁၢႆႉ​တင်း​လၢႆ​ပႅတ်ႈ​ႁိုဝ်။-</verse>
				<verse number="14">လိၼ်​မိူင်း​ၼႆႉ​ၶၢႆႉ​ပုတ်ႈ ပုင်ႇ​ႁၢင်ႈ​ၽၢင်​မႃး မိူၼ်​ၸိူဝ်ႉ​ၼင်ႇ​ဢၼ်​တွၵ်ႇ​တၼ်း​သိၵ်ႈ​သႂ်ႇ​ၼၼ်ႉ​လႄႈ ပဵၼ်​ၸိူဝ်ႉ​ၼင်ႇ​ဢၼ်​ဢဝ်​ၶူဝ်း​ၼုင်ႈ​ၶူဝ်း​မႆ ၼုင်ႈ​မႆ​ပၼ်​ၼၼ်ႉ​ဢေႃႈ။-</verse>
				<verse number="15">ဢၼ်​လႅင်း​ဢၼ်​ၵူၼ်း​ႁၢႆႉ​မိူၵ်ႈ​ၼၼ်ႉ လပ်ႉ​ႁၢႆ​ၵႂႃႇ​လႄႈ ၶႅၼ်​မိုဝ်း​ၶဝ်​ဢၼ်​ယုၵ်ႉ​ယွင်ႈ​ၼၼ်ႉ​ၵေႃႈ လႆႈ​ၶၢမ်ႇ​တၢင်း​ဢၼ်​ႁၵ်း​ႁဵၵ်း​ပႅတ်ႈ​ဢေႃႈ။-</verse>
				<verse number="16">မႂ်း​ယၢမ်ႈ​တွၼ်ႉ​ၶဝ်ႈ​ၵႃႈ​ၼႂ်း ၼမ်ႉ​ဢွၵ်ႇ​ႁူး ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​ႁိုဝ်။ မႂ်း​ယၢမ်ႈ​တွၼ်ႉ​လႄႇ​လဵပ်ႈ​ၵႃႈ​တီႈ​တႂ်ႈ​သုတ်း​တီႈ​ဢၼ်​လိုၵ်ႉ​ဢၼ်​လမ်ႇ​ၼၼ်ႉ​ႁိုဝ်။-</verse>
				<verse number="17">ၽၵ်း​တူ​တၢင်း​တၢႆ​ၸိူဝ်း​ၼၼ်ႉ ယၢမ်ႈ​တွၼ်ႉ​မီး​တၢင်း​ဢၼ်​ၽုၺ်ႇ​ပိုတ်ႇ​ဝႆႉ​တီႈ​မႂ်း​ႁိုဝ်။ မႂ်း​ယၢမ်ႈ​တွၼ်ႉ​လႆႈ​ႁၼ်​ၽၵ်း​တူ တၢင်း​ဢၼ်​ၶဝ်ႈ​ၸူး​ၵႃႈ​ၼႂ်း​ႁူမ်ႈ​တၢင်း​တၢႆ​ၼၼ်ႉ​ႁိုဝ်။-</verse>
				<verse number="18">မႂ်း​ယၢမ်ႈ​တွၼ်ႉ​လူ​တူၺ်း​ၼႃႈ​လိၼ်​မိူင်း​တင်း​ၼႃႈ​ႁိုဝ်။ ပေႃး​မႂ်း​ႁူႉ​မၼ်း​တင်း​သဵင်ႈ​တင်း​မူတ်း​ၸိုင် ၽုၺ်ႇ​ဢွၵ်ႇ​ၼႄ​ပျႃး​တႃႉ။</verse>
				<verse number="19">သဵၼ်ႈ​တၢင်း​ဢၼ်​လႂ်​ပွင်ႇ​ႁွတ်ႈ​ၽႅဝ်​ထိုင်​တီႈ​ဢၼ်​လႅင်း တီႈ​ယူႇ​လပ်း​သိင်ႇ​ၵေႃႈ မီး​ၵႃႈ​လႂ်​လႄႈ၊-</verse>
				<verse number="20">ႁႂ်ႈ​မႂ်း​ထၼ်ႈ​ပေႃး ဢဝ်​သူင်ႇ​ႁွတ်ႈ​တီႈ​ဢၼ်​ၶၼ်ႈ​ဢၼ်​ၶႅၼ်ႈ​မၼ်း​လႄႈ ႁူႉ​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ႁိူၼ်း​မၼ်း​ၼၼ်ႉ။-</verse>
				<verse number="21">ၵွပ်ႈ​ပိူဝ်ႈ​ဢၼ်​မႂ်း​လႆႈ​ၵိူတ်ႇ​လဵင်ႉ​မႃး မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႄႈ မိုဝ်ႉ​ဝၼ်း​ဢသၢၵ်ႈ​မႂ်း​ယႂ်ႇ​ၼမ်​ၼႃႇ​လူင်​လၢင်​ၼၼ်ႉ​လႄႈ မႂ်း​ႁူႉ​တႄႉ​တႄႉ​ဢေႃႈ။-</verse>
				<verse number="22">မႂ်း​ယၢမ်ႈ​တွၼ်ႉ​ၶဝ်ႈ​ၵႃႈ​ၼႂ်း ၽၼ်ႇတႃႇ​မူၺ်​ႁႃႇ​ႁိုဝ်။ မႂ်း​ယၢမ်ႈ​တွၼ်ႉ​ႁၼ်​တိူၵ်ႈ​ၽၼ်ႇတႃႇ​မၢၵ်ႇ​ႁဵပ်း၊-</verse>
				<verse number="23">ဢၼ်​ၵဝ်​သိမ်း​ဝႆႉ​ပုၼ်ႈ ၶိင်ႇ​ၵႃႇလႃႉ​ဢၼ် ႁႂ်ႈ​ၽေး​ႁွတ်ႈ​ထိုင် ဢိၵ်ႇ​တင်း​ၶိင်ႇ​ၵႃႇလႃႉ​ဢၼ်​ၶဵင်ႇ​သိုၵ်း​သေ​လႄႈ​တိုၵ်း​တေႃး​ၼၼ်ႉ​ႁိုဝ်။</verse>
				<verse number="24">ဢၼ်​လႅင်း​ၼၼ်ႉ ဢဝ်​သဵၼ်ႈ​တၢင်း​ၸိူဝ်ႉ​ၼင်ႇ​ႁိုဝ်​သေ​လႄႈ​ၸွတ်ႇ​တူဝ်ႈ။ လူမ်း​တၢင်း​ဢွၵ်ႇ​ၼၼ်ႉ ဢဝ်​သဵၼ်ႈ​တၢင်း​ၸိူဝ်ႉ​ၼင်ႇ​ႁိုဝ်​သေ​လႄႈ ပတ်ႉ​ထူဝ်း​ၵႃႈ​ၼိူဝ်​လိၼ်​မိူင်း။-</verse>
				<verse number="25">ၽူႈ​လႂ်​ၽုၺ်ႇ​ပိုတ်ႇ​သဵၼ်ႈ​တၢင်း​ၼမ်ႉ​ၽူၼ်​ဢၼ်​ထူမ်ႈ​ႁူမ်ႇ၊ သဵၼ်ႈ​တၢင်း​ၽႃႉ​မႅပ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၽႃႉ​ၽႃႇ​ၼၼ်ႉ၊-</verse>
				<verse number="26">ႁႂ်ႈ​ၽူၼ်​တူၵ်း​ၵႃႈ​ၼိူဝ်​လိၼ်​တီႈ​ဢၼ်​ၵူၼ်း​ဢမ်ႇ​မီး ဢိၵ်ႇ​တင်း​ၵႃႈ​ၼိူဝ်​ထိူၼ်ႇ ဢၼ်​ၵူၼ်း​ဢမ်ႇ​ယူႇ​ၼၼ်ႉ၊-</verse>
				<verse number="27">ဢိၵ်ႇ​တင်း​ႁႂ်ႈ​ပၢင်ႇ​ပဵင်း​တီႈ​ဢၼ်​လွတ်ႈ​ဢၼ်​ပဝ်ႇ​ၼၼ်ႉ ဢိမ်ႇ​တဵမ်​ဝႆႉ​တင်း​ၼမ်ႉ​လႄႈ ႁႂ်ႈ​ယွတ်ႈ​ယိူဝ်ႈ​ဢၼ်​ၼမ်​ၼႃႇ​ဢွၵ်ႇ​မႃး​ၼၼ်ႉ။</verse>
				<verse number="28">ၽူႈ​လႂ်​ပဵၼ်​ပေႃႈ​ၼမ်ႉ​ၽူၼ်။ ၽူႈ​လႂ်​ႁႂ်ႈ​မဵတ်ႉ​ၼမ်ႉ​ၼၢႆး​တင်း​လၢႆ​ၵိူတ်ႇ​ပဵၼ်​မႃး။-</verse>
				<verse number="29">ၼမ်ႉ​ၵွၼ်ႈ​ၼမ်ႉ​ၵၢမ်ႈ​ၼၼ်ႉ​ဢွၵ်ႇ​မႃး​ၵႃႈ​ၼႂ်း​တွင်ႉ​ၽူႈ​လႂ်။ ၽူႈ​လႂ်​ႁႂ်ႈ​ၼမ်ႉ​ၼၢႆး​ၵွၼ်ႈ​ၽႃႉ​ၵၢင်​ႁၢဝ်​ၼၼ်ႉ​တႄႇ​ပတိၵ်ႉသၼ်ႇထေႇ။-</verse>
				<verse number="30">ၼမ်ႉ​တင်း​လၢႆ​ၵၢမ်ႈ​ၵႂႃႇ​ပဵၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​လႄႈ ၼႃႈ​ပၢင်ႇ​လၢႆႇ​မီး​တၢင်း​ဢၼ်​ၵႅၼ်ႇ​ၶႅင်​ၵႂႃႇ​ဢေႃႈ။-</verse>
				<verse number="31">မႂ်း​ၶျုၵ်ႈ​ဝႆႉ​တၢင်း​ဢၼ်​မုၵ်ႉ​လၢဝ်​ဝီး​ပွင်​ႁဵတ်း​သႃႇ​ယႃႇ​ၼၼ်ႉ​လႆႈ​ႁိုဝ်။ မႂ်း​ၵႄႈ​လိတ်ႈ​တၢင်း​ဢၼ်​မတ်ႉ​ဢၼ်​ၽုၵ်ႇ​လၢဝ်​တဝ်ႇ ၼၼ်ႉ​လႆႈ​ႁိုဝ်။-</verse>
				<verse number="32">ပေႃး​ၶိင်ႇ​မၼ်း​ထိုင်​ၸိုင်၊ မႂ်း​ၽုၺ်ႇ​ဢွၵ်ႇ​လၢဝ်​ ရႃႇ​သီႇ ​ၸိူဝ်း​ၼၼ်ႉ​လႆႈ​ႁိုဝ်။ မႂ်း​သင်ႇ​သွၼ်​သုင်း​မႃႉ လၢဝ်​ၸၢင်ႉ တင်း​လုၵ်ႈ​လၢင်း​မၼ်း​တင်း​လၢႆ​လႆႈ​ႁိုဝ်။-</verse>
				<verse number="33">မႂ်း​ႁူႉ​ၸႅင်ႈ​ၼႄး​ဢူႉပတေႇ​ၽႃႉ​ၵၢင်​ႁၢဝ်​တင်း​လၢႆ​ႁိုဝ်။ မႂ်း​ပၼ်​ဢၶႂၢင်ႉ​ႁႂ်ႈ​ၼႄး​ဢူႉပတေႇ​ၸိူဝ်း​ၼၼ်ႉ ဢုပ်ႉ​ပိူင်ႇ​လိၼ်​မိူင်း​လႆႈ​ႁိုဝ်။-</verse>
				<verse number="34">မႂ်း​သႅၼ်ႇ​သဵင် ၵိဝ်​သဵင်​တီႈ​ၽႃႈ​ၽူၼ်​တင်း​လၢႆ ႁႂ်ႈ​ၼမ်ႉ​ၽူၼ်​ဢၼ်​ၼမ်​ၼႃႇ ႁူမ်ႇ​သုမ်ႇ​မႂ်း​လႆႈ​ႁိုဝ်။-</verse>
				<verse number="35">မႂ်း​ပွႆႇ​ၸႂ်ႉ​ၽႃႉ​မႅပ်ႈ​တင်း​လၢႆ ႁႂ်ႈ​ၶဝ်​ထၼ်ႈ​ပေႃး​ၵႂႃႇ​လႄႈ ဢွၼ်​ၵၼ်​လဝ်ႊ​လၢတ်ႈ​တီႈ​မႂ်း​လႄႈ​ဝႃႈ၊ ႁဝ်း​ၶႃႈ​မီး​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။-</verse>
				<verse number="36">ၽူႈ​လႂ်​ဢဝ်​ပိင်ႇ​ၺႃႇ​သႂၢင်း​သႂ်ႇ​ၵႃႈ​ၼႂ်း​တူဝ်​ၶၼ်ႇ​ထႃႇ။ ၽူႈ​လႂ်​ဢဝ်​ၺၢၼ်ႇ​ဢၼ်​ႁူႉ​လႆႈ​ၼၼ်ႉ ပၼ်​တီႈ​ဝီႉၺိၺ်ႇ။-</verse>
				<verse number="37">ၽူႈ​လႂ်​မီး​ပိင်ႇ​ၺႃႇ​လႄႈ ၼပ်ႉ​ဢၢၼ်ႇ​ၽႃႈ​ၽူၼ်​တင်း​လၢႆ​လႆႈ။ ၽူႈ​လႂ်​ဢဝ်​ၼမ်ႉ​တဝ်ႈ​ၵၢင်​ႁၢဝ်​တင်း​လၢႆ​ထွၵ်ႇ​ႁိုဝ်ႈ​သွၼ်း​လူင်း၊-</verse>
				<verse number="38">ၼႂ်း​မိူဝ်ႈ​ဢၼ်​မုၼ်ႈ​လိၼ် ၵဝ်​ၵၼ်​ၶူၼ်း​ၵၼ်​လႄႈ ၵွၼ်ႈ​လိၼ်​မမ်ႈ​လိၼ်​တင်း​လၢႆ​ၸပ်း​ၵၼ်​ယူႇ​ၼၼ်ႉ။</verse>
				<verse number="39">မႂ်း​ၸွမ်း​ႁႃ​တူဝ်​ဢၼ် တၵ်း​ၵိၼ်​ပုၼ်ႈ​သၢင်ႇ​သီႈ​မႄႈ​လႆႈ​ႁိုဝ်။ မႂ်း​ဢွႆႇ​ပၼ်​ႁႂ်ႈ​တၢင်း​ဢၼ်​သၢင်ႇ​သီႈ​ၼုမ်ႇ​တင်း​လၢႆ တွင်ႉ​မႆႈ​သႆႈ​လိူတ်ႇ​ၼၼ်ႉ​ထၼ်ႈ​ပေႃး​ဢိမ်ႇ​ပေႃး​တဵမ်၊-</verse>
				<verse number="40">ၼႂ်း​မိူဝ်ႈ​ဢၼ်​ၶဝ်​မူပ်ႇ​ယူႇ​ၵႃႈ​ၼႂ်း​ႁူး​ထမ်ႈ​သေ​လႄႈ ပႂ်ႉ​လွမ်​ပႂ်ႉ​တူၺ်း​ၵႃႈ​တီႈ​တႂ်ႈ​ယုမ်း​တႂ်ႈ​ယွမ်ႇ​ယူႇ​ၼၼ်ႉ။-</verse>
				<verse number="41">ၽူႈ​လႂ်​ပၼ်​တၢင်း​ၵိၼ်​တီႈ​ၵႃ​မႄႈ​လူင် ၼႂ်း​မိူဝ်ႈ​ဢၼ်​ၵႃ​လူင်​ဢွၼ်ႇ​တင်း​လၢႆ ယင်း​ဢမ်ႇ​မီး​တၢင်း​ၵိၼ်​လႄႈ လႄႇ​ၵႂႃႇ​လႄႇ​မႃး​ယူႇ​သေ​လႄႈ သႅၼ်ႇ​ႁွင်ႉ​တီႈ​ၽြႃး​ပဵၼ်​ၸဝ်ႈ​ၼၼ်ႉ။</verse>
			</chapter>
			<chapter number="39">
				<verse number="1">မႂ်း​ႁူႉ​ၶိင်ႇ​ဢၼ်​ပႄႉ​ထိူၼ်ႇ​ၵိူတ်ႇ​လဵင်ႉ​ၼၼ်ႉ​ႁိုဝ်။ မႂ်း​မၢတ်ႈ​တွင်း​ၶိင်ႇ​ဢၼ်​ၵႂၢင်​မႄႈ လႆႈ​ၶၢမ်ႇ​ဝူၺ်ႇတၼႃႇ​တၢင်း​ဢၼ်​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ၼၼ်ႉ​လႆႈ​ႁိုဝ်။-</verse>
				<verse number="2">မႂ်း​ၼပ်ႉ​ဢၢၼ်ႇ​လိူၼ်​ဢၼ်​ၶဝ်​လႆႈ​ပႃး ပတိၵ်ႉသၼ်ႇထေႇ​ၸိူဝ်း​ၼၼ်ႉ​လႆႈ​ႁိုဝ်။ မႂ်း​ႁူႉ​ၶိင်ႇ​ဢၼ်​ၶဝ်​ၵိူတ်ႇ​လဵင်ႉ​ၼၼ်ႉ​ႁိုဝ်။-</verse>
				<verse number="3">ၶဝ်​ၼၼ်ႉ​ဢွၼ်​ၵၼ်​ၵွင်ႇ​ဢႅဝ်​ၶူတ်း​ဢႅဝ်​သေ​လႄႈ ၵိူတ်ႇ​လဵင်ႉ​လုၵ်ႈ​ဢွၼ်ႇ​ၶဝ်​လႄႈ ထၢတ်ႇ​ယဵၼ်​ဝူၺ်ႇတၼႃႇ​ဢေႃႈ။-</verse>
				<verse number="4">လုၵ်ႈ​ဢွၼ်ႇ​ၶဝ်​ၸိူဝ်း​ၼၼ်ႉ ၸၢင်ႈ​ဢွၼ်​ၵၼ်​ယူႇ​လီ​လႄႈ​ယႂ်ႇ​မႃး​ၵႃႈ​တီႈ​ပၢင်ႇ​တီႈ​ပဵင်း​ဢေႃႈ။ ၶဝ်​ၸၢင်ႈ​ဢွၼ်​ၵၼ်​ၵႂႃႇ​သေ​လႄႈ​ယင်း​ဢမ်ႇ​ၶိုၼ်း​ဢမ်ႇ​မႃး​တီႈ​မႄႈ​ၶဝ်​လႄႈ​ယူႇ​ဢေႃႈ။</verse>
				<verse number="5">ၽူႈ​လႂ်​ပွႆႇ​ပိုၼ်ႉ​ပွႆႇ​ပႅတ်ႈ​လီႈ​ထိူၼ်ႇ​ၼၼ်ႉ။ ၽူႈ​လႂ်​ၵႄႈ​လိတ်ႈ​တၢင်း​ဢၼ်​မတ်ႉ​ဢၼ်​ၽုၵ်ႇ​တူဝ်​ဢၼ် ၸၢင်ႈ​လႄႇ​ၸၢင်ႈ​လၢဝ်း​ၼၼ်ႉ။-</verse>
				<verse number="6">ၵဝ်​ၶၢၼ်း​ဝႆႉ​ထိူၼ်ႇ​ပုၼ်ႈ​ႁိူၼ်း​မၼ်း ဢိၵ်ႇ​တင်း​ပၢင်ႇ​ပဵင်း​ဢၼ်​ပဝ်ႇ​ဢၼ်​လၢပ်ႈ​ပုၼ်ႈ​တီႈ​ယူႇ​မၼ်း​ယဝ်ႉ။-</verse>
				<verse number="7">မၼ်း​ၼၼ်ႉ​ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​သဵင်​ဢၼ်​တူင်ႉ​ဢၼ်​တိုၼ်ႇ ဢၼ်​ပဵၼ်​ၵႃႈ​တီႈ​ဝဵင်း​ၼၼ်ႉ​လႄႈ ဢမ်ႇ​ၸၢင်ႈ​တွၼ်ႉ​ႁူႉ​တွၼ်ႉ​ငိၼ်း သဵင်​ႁွင်ႉ​သဵင်​သႅၼ်ႇ​ၵေႃႉ​ဢၼ်​ႁေႃႈ​ၼၼ်ႉ။-</verse>
				<verse number="8">မၼ်း​ၸၢင်ႈ​လႄႇ​ၵိၼ်​ၵႃႈ​တီႈ​ၼိူဝ်​လွႆ​ၼိူဝ်​ၵုင်း​လႄႈ ႁႃ​ဢဝ်​တူၼ်ႈ​ဢၼ်​လိပ်း​ဢၼ်​ၶဵဝ်​ၵူႈ​ၸိူဝ်ႉ​ၵူႈ​မဵဝ်း​ဢေႃႈ။</verse>
				<verse number="9">ဝူဝ်း​ထိူၼ်ႇ​ၼၼ်ႉ​တၵ်း​မီး​ဢလူဝ်ႇ​ၶႂ်ႈ​ၵိုတ်ႉ​ႁၢပ်ႇ​ဢမူႉ​မႂ်း​လႄႈ ယူႇ​ၵႃႈ​ၼႂ်း​သိုင်ႇ​မႂ်း​ၶွၵ်ႈ​မႂ်း​ႁိုဝ်။-</verse>
				<verse number="10">မႂ်း​ဢဝ်​ၸိူၵ်ႈ​မတ်ႉ​ၽုၵ်ႇ​ဝူဝ်း​ထိူၼ်ႇ ႁႂ်ႈ​မၼ်း​ထႆ​ၸွမ်း​ႁွႆး​ထႆ​လႆႈ​ႁိုဝ်။ ဢမ်ႇ​ၼၼ်​ၵေႃႈ​မၼ်း​တၵ်း​ၸွမ်း​လင်​မႂ်း​လႄႈ ထိူၼ်ႇ​ၼႃး​ၵႃႈ​ၼႂ်း​ၶူင်ႈ​ၼႂ်း​ႁူၺ်ႈ​ႁိုဝ်။-</verse>
				<verse number="11">ၵွပ်ႈ​ပိူဝ်ႈ​ဢၼ်​ႁႅင်း​မၼ်း​ယႂ်ႇ​လႄႈ မႂ်း​တၵ်း​ယုမ်ႇ​မၼ်း​ႁိုဝ်။ မႂ်း​တၵ်း​ဢဝ်​တၢင်း​ႁဵတ်း​တၢင်း​သၢင်ႈ​မႂ်း ဢၢပ်ႈ​ပၼ်​တီႈ​မၼ်း​ႁိုဝ်။-</verse>
				<verse number="12">မႂ်း​တၵ်း​ၸႂ်​ပိုင်ႈ​မၼ်း​လွင်ႈ​ဢၼ်​မၼ်း​တၵ်း​ဢဝ်​ၶဝ်ႈ​ပိူၵ်ႇ​မႂ်း​မႃး​လႄႈ ၸူႉ​သိမ်း​ဝႆႉ​ၵႃႈ​တီႈ​တလၢင်း​ယဵပ်ႇ​ၶဝ်ႈ​မႂ်း​ၼၼ်ႉ​ႁိုဝ်။-</verse>
				<verse number="13">ပိၵ်ႇ​ၼူၵ်ႉ​ၵလႃးဢုၵ်ႉ​ၼၼ်ႉ ၸၢင်ႈ​သႂၢင်ႇ​ၸၢင်ႈ​သိူဝ်း​ယူႇ​သေ​လႄႈ ဝီး​ယူႇ​ဢေႃႈ။ ၵူၺ်း​ၵႃႈ ပိၵ်ႇ​မၼ်း သဵၼ်ႈ​ၶူၼ်​မၼ်း​ၸိူဝ်း​ၼၼ်ႉ ၸၢင်ႈ​ႁဵတ်း​ၵျေး​ၸူး​ႁိုဝ်။-</verse>
				<verse number="14">လွင်ႈ​မၼ်း​ၸမ်ႉ မၼ်း​ၸၢင်ႈ​ၸုၼ်ႉ​ပႅတ်ႈ​ၶႆႇ​မၼ်း​ၵႃႈ​တီႈ​လိၼ်​လႄႈ ၸၢင်ႈ​ႁႂ်ႈ​ၶႆႇ​ၸိူဝ်း​ၼၼ်ႉ​ဢုၼ်ႇ​လီ​ၵႃႈ​ၼႂ်း​မုၼ်ႈ​လိၼ်​ဢေႃႈ။-</verse>
				<verse number="15">မၼ်း​ၸၢင်ႈ​လူင်​လိုမ်း​ပႅတ်ႈ​လွင်ႈ​ဢၼ် တိၼ်​ပိူၼ်ႈ​တၵ်း​ယဵပ်ႇ​သႂ်ႇ​ၶႆႇ​မၼ်း​လႄႈ တူဝ်​ထိူၼ်ႇ​တၵ်း​ယဵပ်ႇ​ယမ်ႈ ႁႂ်ႈ​လူႉ​လႅဝ်​ၼၼ်ႉ​ဢေႃႈ။-</verse>
				<verse number="16">မၼ်း​မီး​ၸႂ်​ဢၼ်​ၵႅၼ်ႇ​ၶႅင်​တီႈ​လုၵ်ႈ​ဢွၼ်ႇ​လၢင်း​ဢွၼ်ႇ​မၼ်း​တင်း​လၢႆ ထၼ်ႈ​ပေႃး​ၼင်ႇ​ဢမ်ႇ​ၸႂ်ႈ​လုၵ်ႈ​မၼ်း​လၢင်း​မၼ်း​ဢေႃႈ။ မၼ်း​ဢမ်ႇ​ၵူဝ်​လွင်ႈ​ဢၼ်​ၶၢမ်ႇ​ဝူၺ်ႇတၼႃႇ​တၢင်း​ဢၼ်​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​သေ​လႄႈ တၵ်း​ပဵၼ်​ဢၼ်​လၢႆ​လၢႆ​လွၵ်ႇ​လွၵ်ႇ​ၵႂႃႇ​ၼၼ်ႉ။-</verse>
				<verse number="17">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ႁႂ်ႈ​မၼ်း​ၵၢင်း​လွတ်ႈ​တင်း​ပိင်ႇ​ၺႃႇ​လႄႈ၊ မၼ်း​ၸဝ်ႈ​ဢမ်ႇ​ပၼ်​ၺၢၼ်ႇ​တီႈ​မၼ်း။-</verse>
				<verse number="18">ၵူၺ်း​ၵႃႈ ယၢမ်း​မိူဝ်ႈ​ဢၼ်​မၼ်း​ယုၵ်ႉ​ယွင်ႈ​ၵီႈ​ပိၵ်ႇ​တူပ်ႉ​ပိၵ်ႇ​မၼ်း​ၼၼ်ႉ​ၸိုင်၊ မၼ်း​ၸၢင်ႈ​ၶူဝ် မႃႉ တင်း​ၵေႃႉ​ဢၼ်​ၶီႇ​မႃႉ​ၼၼ်ႉ​ဢေႃႈ။</verse>
				<verse number="19">မႂ်း​ႁႂ်ႈ​မႃႉ ပျေႉ​ၸုမ်ႇ​ဝႆႉ​တင်း​ဢဵၼ်​တင်း​ႁႅင်း​ႁိုဝ်။ မႂ်း​ဢဝ်​ၵုၵ်ႈ​မႃႉ ဢၼ်​ၽႅတ်း​သၼ်ႇ​ယူႇ​ၼၼ်ႉ သႂ်ႇ​ဝႆႉ​ၵႃႈ​တီႈ​ၶေႃး​မႃႉ​ႁိုဝ်။-</verse>
				<verse number="20">မႂ်း​ႁႂ်ႈ​မၼ်း​ၵျွၵ်း​ဝႅၼ် မိူၼ်​ၸိူဝ်ႉ​ၼင်ႇ​ဢၼ် မႅင်း​ၵႅင်း​ၵျွၵ်း​ဝႅၼ်​ၼၼ်ႉ​ႁိုဝ်။ သဵင်​ဢၼ်​ၶူႈ​လင်​မၼ်း​ထင်ႇ​ဢွၵ်ႇ​ၼၼ်ႉ​ပဵၼ်​ဢၼ်​လီ​ၵူဝ်​လီ​ႁႄ​ဝႆႉ​ဢေႃႈ။-</verse>
				<verse number="21">မၼ်း​ၸၢင်ႈ​ၶုတ်း​ယၢႆး​မၼ်း​ၵႃႈ​တီႈ​ပၢင်ႇ​တီႈ​ႁူၺ်ႈ​သေ​လႄႈ သႂၢင်ႇ​သိူဝ်း​လူၺ်ႈ​ႁႅင်း​မၼ်း​လႄႈ ဢွၵ်ႇ​ႁႂ်ႈ​လႆႈ​ထူပ်း​ႁၼ် ႁူဝ်​ႁၢၼ်​ၵူၼ်း​သိုၵ်း​တင်း​လၢႆ​ဢေႃႈ။-</verse>
				<verse number="22">မၼ်း​ႁဵတ်း​ပျၢၵ်ႈ​တေႃႇ လွင်ႈ​ဢၼ်​လီ​ၵူဝ်​လီ​ႁႄ​ၼၼ်ႉ​လႄႈ ၵၢင်း​လွတ်ႈ​တင်း​သၽေႃး​ဢၼ်​တူၵ်း​ၸႂ်​လႄႈ ဢမ်ႇ​ၸၢင်ႈ​ဝၢႆႇ​ၶိုၼ်း​သေ​ၵႃႈ​တီႈ​ၽေး​လၢပ်ႇ​ၽေး​လႅဝ်း။-</verse>
				<verse number="23">မူၵ်ႇ​ပိုၼ်​ႁွၵ်ႇ​လူင် ဢၼ်​လိူမ်ႈ​မၢပ်ႈ​မႅပ်ႈ​ၼၼ်ႉ ဢိၵ်ႇ​တင်း​ႁွၵ်ႇ​ဢွၼ်ႇ​ၸိူဝ်း​ၼၼ်ႉ တုမ်ႉ​သႂ်ႇ​တွၵ်ႈ​သႂ်ႇ​မၼ်း​ၼၼ်ႉ​ဢေႃႈ။-</verse>
				<verse number="24">မၼ်း​ၸၢင်ႈ​မီး​ၸႂ်​ဢၼ်​မႃႇၼႃႉ​ယႂ်ႇ ဢိၵ်ႇ​တင်း​ၸႂ်​ဢၼ်​ႁၢဝ်ႈ​ၵျၢမ်း​ၼႃႇ​သေ​လႄႈ ဢိုၼ်​ၵိၼ်​လိၼ်​ဢေႃႈ။ မၼ်း​ဢမ်ႇ​ဝႆႉ​ဢမူႉ တီႈ​သဵင်​ၼႄးၶရႃႇ​ၼၼ်ႉ။-</verse>
				<verse number="25">မၼ်း​ငိၼ်း​သဵင်​ၼႄးၶရႃႇ​မိူဝ်ႈ​လႂ်​သေ​ဢမ်ႇ​ဝႃႈ၊ မၼ်း​ၸၢင်ႈ​ဝႃႈ၊ ဢႄႁႄႉ၊ ဝႃႈ​ၼင်ႇ​ၼႆ​ဢေႃႈ။ မၼ်း​မီး​ယူႇ​တီႈ​ဢၼ်​ၵႆ​ၼႃႇ​လႄႈ ၸၢင်ႈ​ၼူမ်​ႁႃ သပ်း​ပွႆႇ​တိုၵ်း​သိုၵ်း​ဢိၵ်ႇ​တင်း​သဵင်​ႁုၼ်ႉ သဵင်​ႁိူဝ်ႇ​ပူဝ်ႇ​ပႃႇ​တင်း​လၢႆ တင်း​သဵင်​ဢၼ်​သႅၼ်ႇ​ဢၼ်​ႁွင်ႉ​ၼၼ်ႉ​ဢေႃႈ။</verse>
				<verse number="26">ၵွပ်ႈ​ပိူဝ်ႈ​ၺၢၼ်ႇ​မႂ်း​လႄႈ ယဵဝ်ႈ​ၸွၵ်ႇ​ၸၢင်ႈ​မိၼ်​ၶိုၼ်ႈ​ၵႃႈ​ၼိူဝ်​လႄႈ ၵီႈ​ပိၵ်ႇ​မၼ်း​ၵႂႃႇ​ၸူး​ၵႃႈ​တီႈ​ၼႃႈ​တၢင်း​ၸၢၼ်း​ႁိုဝ်။-</verse>
				<verse number="27">ၵွပ်ႈ​ပိူဝ်ႈ​ဢမိင်ႉ​မႂ်း​လႄႈ ယဵဝ်ႈ​ႁုင်ႉ ၸၢင်ႈ​ၶိုၼ်ႈ​ၵႃႈ​တီႈ​ၼိူဝ်​လႄႈ​ႁဵတ်း​ႁင်း​မၼ်း​ၵႃႈ​တီႈ​တီႈ​ဢၼ်​သုင်​ႁိုဝ်။-</verse>
				<verse number="28">မၼ်း​ၼၼ်ႉ​ၸၢင်ႈ​ယူႇ​ၵႃႈ​ၼိူဝ် မၢၵ်ႇ​ႁိၼ်​မၢၵ်ႇ​ၽႃ​လႄႈ တူၵ်း​တီႈ​ယူႇ​တီႈ​သဝ်း​ၵႃႈ​ၼိူဝ်​ၸိၵ်း​လွႆ ဢိၵ်ႇ​တင်း​တီႈ​ဢၼ်​လူင်ႉ​လီ​လွတ်ႈ​လီ​ၼၼ်ႉ​ဢေႃႈ။-</verse>
				<verse number="29">မၼ်း​ၸၢင်ႈ​ယူႇ​ၵႃႈ​တီႈ​ၼၼ်ႈ​သေ​လႄႈ လူ​တူၺ်း​တူဝ်​ဢၼ်​တၵ်း​လႆႈ​ၵိၼ်​လႆႈ​ၶူပ်း​ၼၼ်ႉ​လႄႈ ယူႇ​တီႈ​ဢၼ်​ၵႆ​ႁၼ်​တူဝ်​ၼၼ်ႉ​ဢေႃႈ။-</verse>
				<verse number="30">လုၵ်ႈ​ဢွၼ်ႇ​လၢင်း​ဢွၼ်ႇ​မၼ်း​ၸိူဝ်း​ၼၼ်ႉ ၸၢင်ႈ​သူတ်ႉ​ၸၢင်ႈ​ၵိၼ်​လိူတ်ႈ​လႄႈ တူဝ်​တၢႆ​မီး​ၵႃႈ​တီႈ​လႂ်​ၵေႃႈ မၼ်း​မီး​ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="40">
				<verse number="1">လႆႈ​သမ်ႉ ထႃႇဝရႃႉ​ၽြႃး​မီး​ဢမိင်ႉ​တီႈ​ ယေႃးၽႃႉ ​လႄႈ​ဝႃႈ၊-</verse>
				<verse number="2">ၵေႃႉ​ဢၼ်​သင်ႇ​သွၼ်​သုင်း​မႃႉ​ၼၼ်ႉ တၵ်း​ႁဵတ်း​ၶတ်း​ၶႅင်​ႁႅင်း​တႃႉ ၸဝ်ႈ​ဢၼၼ်ႇတႃႉ​တၼ်း​ၶူဝ်း​လူး​ၵွၼ်ႇ​ႁိုဝ်။ ႁႂ်ႈ​ၵေႃႉ​ဢၼ်​တၢင်ႇ​ဢပႅတ်ႈ​တီႈ​ၽြႃး​ပဵၼ်​ၸဝ်ႈ​ၼၼ်ႉ ၶိုၼ်း​လၢတ်ႈ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="3">ယေႃးၽႃႉ ​ၶိုၼ်း​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊-</verse>
				<verse number="4">တူၺ်း​တီႈ​ၶႃႈ​လူး။ ၶႃႈ​ၸဝ်ႈ​ၼႆႉ ပဵၼ်​ဢၼ်​တႅမ်ႇ​ယေႃႈ​မဝ်​မၢင်​တီႈ​ၶႃႈ​ဢေႃႈ။ တၵ်း​လႆႈ​ၶိုၼ်း​လဝ်ႊ​လၢတ်ႈ​တီႈ​ၸဝ်ႈ​ႁဝ်း​ၸိူဝ်ႉ​ၼင်ႇ​ႁိုဝ်​တီႈ​ၶႃႈ။ ၶႃႈ​ၸဝ်ႈ​တၵ်း​ဢဝ်​မိုဝ်း​တူဝ်​ၸဝ်ႈ​ၵဝ်ႇ တူမ်း​သူပ်း​တူဝ်​ၸဝ်ႈ​ၵဝ်ႇ​ယူႇ​တီႈ​ၶႃႈ​ဢေႃႈ။-</verse>
				<verse number="5">ၶႃႈ​ၸဝ်ႈ​လႆႈ​လၢတ်ႈ​မႅၼ်ႈ​ပွၵ်ႈ​ၼိုင်ႈ​တီႈ​ၶႃႈ​ယဝ်ႉ။ တၵ်း​ဢမ်ႇ​ၶိုၼ်း​လၢတ်ႈ​ထႅင်ႈ​တီႈ​ၶႃႈ။ ၶႃႈ​ၸဝ်ႈ​လၢတ်ႈ​မႅၼ်ႈ​တေႃႇ​ထိုင်​ႁွတ်ႈ​သွင်​ပွၵ်ႈ​တီႈ​ၶႃႈ​ယဝ်ႉ။ ၵူၺ်း​ၵႃႈ ၶႃႈ​ၸဝ်ႈ​တၵ်း​ဢမ်ႇ​ထၢပ်ႈ​ထႅင်ႈ​လႄႈ​လၢတ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မိူဝ်ႈ​ၼၼ်ႉ​ထႃႇဝရႃႉ​ၽြႃး​ယူႇ​ၵႃႈ​ၼႂ်း​ၽူၼ်​လူင်​လူမ်း​လူင်​သေ​လႄႈ မီး​ဢမိင်ႉ​တီႈ​ ယေႃးၽႃႉ ​လႄႈ​ဝႃႈ​ၸမ်ႉ၊-</verse>
				<verse number="7">ႁတ်ႉ​ဢႅဝ်​မႂ်း​မိူၼ်​ၸိူဝ်ႉ​ၼင်ႇ​ၵူၼ်း​ၸၢႆး​တႃႉ။ ၵဝ်​တၵ်း​တွင်ႈ​ထၢမ်​တီႈ​မႂ်း​လႄႈ မႂ်း​ၶိုၼ်း​ၵႄႈ​လိတ်ႈ​ၵႂၢမ်း​ၵဝ်​တႃႉ။-</verse>
				<verse number="8">မႂ်း​တၵ်း​ပႄႇ​ပႅတ်ႈ​တီႈ​ဢၼ်​ၵဝ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​ႁိုဝ်။ မႂ်း​တၵ်း​ၸီႇ​ယၢင်ႇ​ဢပႅတ်ႈ​တီႈ​ၵဝ် ႁႂ်ႈ​မႂ်း​ပဵၼ်​မိူၼ်​ၼင်ႈ​ႁၢင်ႈ​သိုဝ်ႈ​တေႃႇ​ၼၼ်ႉ​ႁိုဝ်။-</verse>
				<verse number="9">မႂ်း​မီး​ႁႅင်း​ၶႅၼ်​ႁႅင်း​မိုဝ်း မိူၼ်​ၸိူဝ်ႉ​ၼင်ႇ​ၽြႃး​ပဵၼ်​ၸဝ်ႈ​ႁိုဝ်။ မႂ်း​ဢဝ်​တင်း​သဵင်​ဢၼ်​ၸိူဝ်ႉ​ၼင်ႇ​သဵင်​ၽြႃး​ပဵၼ်​ၸဝ်ႈ​ၼၼ်ႉ​သေ​လႄႈ​ၽႃႉ​လင်​လႆႈ​ႁိုဝ်။-</verse>
				<verse number="10">မႂ်း​ဢဝ်​မုၼ်​ၽုင်း​ဢႃႇၼူႉၽေႃႇ ဢၼ်​လၢၵ်ႇ​လၢႆး​ၼၼ်ႉ​ၼုင်ႈ​မႆ​တႃႉ။ မႂ်း​ဢဝ်​တင်း​ၵုင်ႇ​သရေႇ​တၢင်း​ဢၼ်​ၶိုၵ်ႉ​ၶမ်ႇ​ၼၼ်ႉ​ႁၢင်ႈ​ၶိူင်ႈ​တႃႉ။-</verse>
				<verse number="11">ထွၵ်ႇ​ႁိုဝ်ႈ​တၢင်း​ဢၼ်​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​မႂ်း​ထူမ်ႈ​ႁူမ်ႇ​ၼၼ်ႉ​တႃႉ။ တူၺ်း​ၶဝ်​ၸိူဝ်း​ဢၼ် မႃႇၼႃႉ​ပူၵ်း​ပႅၼ်​ၵႃႈ​မီး​ၼၼ်ႉ​သေ​လႄႈ ၶျႃး​ၶဝ်​တူၵ်း​တီႈ​တႅမ်ႇ​တႃႉ။-</verse>
				<verse number="12">တူၺ်း​ၶဝ်​ၸိူဝ်း​ဢၼ် မႃႇၼႃႉ​ပူၵ်း​ပႅၼ်​ၵႃႈ​မီး​ၼၼ်ႉ​သေ​လႄႈ ယႃႉ​သရေႇ​ၶဝ်​တႃႉ။ တဵၵ်း​ယဵပ်ႇ​ၵူၼ်း​ဢႃႉထမ်ႇမႃႉ ၼႂ်း​တီႈ​ဢၼ်​ၶဝ်​ယူႇ​ၶဝ်​သဝ်း​ၼၼ်ႉ​တႃႉ။-</verse>
				<verse number="13">ဢဝ်​ၶဝ်​သိူင်ႇ​ဝႆႉ ၵႃႈ​ၼႂ်း​မုၼ်ႈ​လိၼ်​မုၵ်ႉ​လဵဝ်​ၸုမ်း​လဵဝ်​ၵူၺ်း​လႄႈ ဢဝ်​ဢၼ်​လပ်း​သိင်ႇ​မတ်ႉ​ၶဵၼ်း​ၼႃႈ​ၶဝ်​တႃႉ။-</verse>
				<verse number="14">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​တၵ်း​ႁပ်ႉ​တုင်း​ဢဝ် လွင်ႈ​ဢၼ်​ႁႅင်း​မိုဝ်း​ၶွၼ်​ၶႂႃ​မႂ်း​ၼၼ်ႉ တၵ်း​ၵႄႇ​သႄႇ​ၶျွတ်ႈ​ဢဝ်​မႂ်း​လႆႈ​ၼၼ်ႉ​ဢေႃႈ။</verse>
				<verse number="15">တူၺ်း​ၸူင် ဢၼ်​ၵဝ်​ၽၢၼ်ႇ​သၢင်း​ႁဵတ်း​ပဵၼ်​လူၺ်ႈ​ၵၼ်​တင်း​မႂ်း​ၼၼ်ႉ​တႃႉ။ မၼ်း​ၸၢင်ႈ​ၵိၼ်​ယိူဝ်ႈ​မိူၼ်​ၸိူဝ်ႉ​ၼင်ႇ​ဝူဝ်း​ဢေႃႈ။-</verse>
				<verse number="16">တၼ်း​ၶူဝ်း​မၼ်း​တႄႇ​ယူႇ​ၵႃႈ​တီႈ​ဢႅဝ်​မၼ်း​လႄႈ ႁႅင်း​မၼ်း​တႄႇ​ယူႇ​ၵႃႈ​တီႈ​ဢဵၼ်​တွင်ႉ​မၼ်း​ဢေႃႈ။-</verse>
				<verse number="17">မၼ်း​ၸၢင်ႈ​ၼိုင်​ၶွၼ်း​ႁၢင်​မၼ်း မိူၼ်​ၸိူဝ်ႉ​ၼင်ႇ​တူၼ်ႈ​ ဢႃႇရိတ်ႉ ​လႄႈ ဢဵၼ်​ၶႃ​မၼ်း​ၸိူဝ်း​ၼၼ်ႉ မီး​တၢင်း​ဢၼ်​ၶႂႆႇ​ၵၼ်​သၢၼ်​ၵၼ်​ယူႇ​ဢေႃႈ။-</verse>
				<verse number="18">လုပ်ႇ​ယွႆႈ​မၼ်း​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​လႅမ်ႈ​တွင်း​လိူင်​လႄႈ လုပ်ႇ​လူင်​မၼ်း​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​တုမ်​လဵၵ်း​ဢေႃႈ။-</verse>
				<verse number="19">မၼ်း​ပဵၼ်​ဢၼ်​လၢၵ်ႇ​လၢႆး​ၼႃႇ​သေ​ပိူၼ်ႈ​ၼႂ်း​သတ်ႉတဝႃႇ ဢၼ်​ၽြႃး​ပဵၼ်​ၸဝ်ႈ​ႁဵတ်း​ပဵၼ်​ၸိူဝ်း​ၼၼ်ႉ​ဢေႃႈ။ မၼ်း​ၸဝ်ႈ​ဢၼ်​ႁဵတ်း​ပဵၼ်​မၼ်း​ၼၼ်ႉ​ၵူၺ်း ပၼ်​လၢပ်ႇ​မၼ်း​ၶဵဝ်း​မၼ်း​တီႈ​မၼ်း​ယဝ်ႉ။-</verse>
				<verse number="20">သၼ်​လွႆ​တႄး​လွႆ တီႈ​ဢၼ်​တရိၵ်ႈသၢၼ်ႇ​တင်း​သဵင်ႈ​တင်း​လူင်​လႅၼ်ႈ​လေႃႈ ယဝ်ႉ​ယွၵ်ႇ​ၵၼ်​ၼၼ်ႉ ၸၢင်ႈ​ဢွၵ်ႇ​တၢင်း​ၵိၼ်​တၢင်း​ၶူပ်း ပုၼ်ႈ​မၼ်း​ဢေႃႈ။-</verse>
				<verse number="21">မၼ်း​ၸၢင်ႈ​ၼွၼ်း​ယူႇ​ၵႃႈ​တႂ်ႈ​တူၼ်ႈ​မူဝ်​လႂ်၊ ၵႃႈ​ၼႂ်း​ပုင်ႇ​ၶႅမ်​ပုင်ႇ​လဝ်း​လႂ်၊ ၵႃႈ​တီႈ​ၼမ်ႉ​ၸိုဝ်ႉ​ၼမ်ႉ​ယမ်း​လႂ်​ၼၼ်ႉ​ဢေႃႈ။-</verse>
				<verse number="22">တူၼ်ႈ​မူဝ်​ၸိူဝ်း​ၼၼ်ႉ ဢဝ်​ႁူမ်ႈ​ၵွင်ႉ​ငဝ်း​ၶဝ်​ႁူမ်ႇ​သုမ်ႇ​မၼ်း​ယူႇ​လႄႈ တူၼ်ႈ​မႆႉ​ၶႆႉ ဢၼ်​မီး​ၵႃႈ​ႁိမ်း​ၼမ်ႉ​ႁွင်ႈ​ၼမ်ႉ​ၵႄး​ၸိူဝ်း​ၼၼ်ႉ လွမ်ႉ​ႁွပ်ႈ​မၼ်း​ဝႆႉ​ဢေႃႈ။-</verse>
				<verse number="23">ပိၵ်ႉ​သမ်ႉ​ၼမ်ႉ​ႁွင်ႈ​လုၵ်ႉ​ၶိုၼ်ႈ​ၼွင်း​မႃး​သေ​ၵေႃႈ၊ မၼ်း​ဢမ်ႇ​တူၵ်း​ၸႂ်။ ပိၵ်ႉ​သမ်ႉ​ၼမ်ႉ​ႁွင်ႈ​ ယေႃးတၢၼ်ႇ ပၼ်ႇ​ၵၢဝ်ႉ​ပတ်ႉ​ထူဝ်း​သူပ်း​မၼ်း​သေ​ၵေႃႈ၊ မၼ်း​ဢမ်ႇ​မီး​တၢင်း​ဢၼ်​ၵူဝ်​ႁႄ။-</verse>
				<verse number="24">တၵ်း​ၶဝ်ႈ​ၸူး​သိုဝ်ႈ​ၼႃႈ​တႂ်ႈ​တႃ​မၼ်း​သေ​လႄႈ တီႉ​ဢဝ်​မၼ်း​ႁိုဝ်။ တၵ်း​ဢဝ်​ၶေႃ​လဵၵ်း​ၸီး​ၶူႈ​လင်​မၼ်း​ပွင်ႇ​ႁိုဝ်။</verse>
			</chapter>
			<chapter number="41">
				<verse number="1">ငိူၵ်ႈ​ၸိုင်​မႂ်း​တၵ်း​ဢဝ်​တင်း​ၶေႃ​ဝဵတ်း​တိုတ်ႉ​ၸၼ်​ဢဝ်​လႄႈ ဢဝ်​တင်း​ၸိူၵ်ႈ​တဵၵ်း​ၶီႇ​တဵၵ်း​တဵင်​လိၼ်ႉ​မၼ်း​လႆႈ​ႁိုဝ်။-</verse>
				<verse number="2">မႂ်း​တၵ်း​ဢဝ်​ၶူၺ်ႇ​လဵၵ်း သႂ်ႇ​ၵႃႈ​တီႈ​ၶူႈ​လင်​မၼ်း​လႄႈ ဢဝ်​တူင်ႇ​လဵၵ်း​သွတ်ႇ​သႂ်ႇ​ၵႃႈ​တီႈ​လုပ်ႇ​ၵၢင်း​မၼ်း​လႆႈ​ႁိုဝ်။-</verse>
				<verse number="3">မၼ်း​ၼၼ်ႉ​တၵ်း​တွင်း​ပၢၼ်ႇ​တီႈ​မႂ်း​ၼႃႇ​လူင်​လၢင်​လႄႈ တၵ်း​လၢတ်ႈ​ၵႂၢမ်း​ဢၼ်​ၶျေႃး​ဝွၼ်း​တီႈ​မႂ်း​ႁိုဝ်။-</verse>
				<verse number="4">မၼ်း​တၵ်း​ႁဵတ်း​ပတီႉၺိၺ်ႇ​တၢင်း​ဢၼ်​ႁပ်ႉ​တုင်း​ဢဝ်​လူၺ်ႈ​ၵၼ်​တင်း​မႂ်း​လႄႈ၊ မႂ်း​တၵ်း​ၶၢၼ်း​မၼ်း​ဝႆႉ ႁႂ်ႈ​မၼ်း​ၵိုတ်ႉ​ႁၢပ်ႇ​ဢမူႉ​မႂ်း​ယူႇ​သေႇ​သေႇ​ႁိုဝ်။-</verse>
				<verse number="5">မႂ်း​တၵ်း​လႅၼ်ႈ​လေႃႈ​ယဝ်ႉ​ယွၵ်ႇ​မၼ်း မိူၼ်​ၸိူဝ်ႉ​ၼင်ႇ​ၼူၵ်ႉ​ၼၼ်ႉ​လႄႈ တၵ်း​မတ်ႉ​ၽုၵ်ႇ​မၼ်း ပုၼ်ႈ​မႄႈ​ယိင်း​ဢွၼ်ႇ​မႂ်း​တင်း​လၢႆ​ႁိုဝ်။-</verse>
				<verse number="6">ၶဝ်​ၸိူဝ်း​ဢၼ်​ႁူမ်ႈ​ၵၼ်​ပွင်း​ၵၼ်​ၼၼ်ႉ တၵ်း​ဢွၼ်​ၵၼ်​ဢဝ်​မၼ်း​ႁဵတ်း​ၶူဝ်း​ၵႃႉ​ၶူဝ်း​ၶၢႆ​လႄႈ တၵ်း​ဢွၼ်​ၵၼ်​ၽႄ​မၼ်း​မႅင်ႇ​ပၼ်​တီႈ​ၸဝ်ႈ​ၵုၼ်ႇ​ၸဝ်ႈ​သိၼ်​တင်း​လၢႆ​ႁိုဝ်။-</verse>
				<verse number="7">ဢဝ်​ႁွၵ်ႇ​တႅင်း​သႂ်ႇ​ၼင်​မၼ်း​လႄႈ​ဢဝ်​သီႈ​ဢၼ်​တႅင်း​ပႃ​ၼၼ်ႉ တႅင်း​သႂ်ႇ​ၵွၵ်း​ႁူဝ်​မၼ်း​ႁႂ်ႈ​ထၼ်ႈ​ပေႃး​ပွင်ႇ​ၵူႈ​တီႈ​ၵူႈ​လႅၼ်​လႆႈ​ႁိုဝ်။-</verse>
				<verse number="8">ဢဝ်​မိုဝ်း​မႂ်း​တၢင်ႇ​သႂ်ႇ​ၵႃႈ​ၼိူဝ်​မၼ်း​ၵူၺ်း​သေ​ၵမ်း။ တၢင်း​ၵျၢမ်ႇ​တၢင်း​ပွင်​ဢၼ်​တၵ်း​တိုၵ်း​တေႃး​မၼ်း​ၼၼ်ႉ​ၸိုင် ၵမ်း​လိုၼ်း​မႂ်း​တၵ်း​ဢမ်ႇ​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း။-</verse>
				<verse number="9">တူၺ်း​လူး၊ တၢင်း​ဢၼ်​ၵေႃႉ​ဢၼ်​တိုၵ်း​ၼၼ်ႉ မုင်ႈ​မွင်း​ၼၼ်ႉ​ပဵၼ်​ဢၼ်​လၢႆ​လၢႆ​လွၵ်ႇ​လွၵ်ႇ​ဢေႃႈ။ ၵွမ်ႉ​ၵႃႈ​ႁၼ်​ဢဝ်​ၵူၺ်း​လႄႈ ၸႂ်​လူႉ​ဢမ်ႇ​ၸႂ်ႈ​ႁိုဝ်။-</verse>
				<verse number="10">ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁတ်း​ဢမ်ႇ​ႁၢၼ် ႁႂ်ႈ​ထၼ်ႈ​ပေႃး​လႆႈ​တိုၵ်း​ယူင်း​မၼ်း။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၽူႈ​လႂ်​တၵ်း​ၸုၵ်း​ၶၢမ်ႇ​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​လႆႈ။-</verse>
				<verse number="11">ၽူႈ​လႂ်​ယၢမ်ႈ​တွၼ်ႉ ႁဵတ်း​ၵျေး​ၸူး​တီႈ​ၵဝ် ႁႂ်ႈ​ၵဝ်​လႆႈ​တွပ်ႇ​တႅၼ်း​ၶိုၼ်း​ၵျေး​ၸူး​မၼ်း။ ၵႃႈ​ဢၼ်​မီး​ၵႃႈ​တႂ်ႈ​ၽႃႉ​ၵၢင်​ႁၢဝ်​ၸိူဝ်း​ၼႆႉ​ပဵၼ်​ဢုၵ်ႉ​ၸႃႇ​ၵဝ်​ဢေႃႈ။</verse>
				<verse number="12">ၵဝ်​ယင်း​ဢမ်ႇ​လၢတ်ႈ​လွင်ႈ​လၢၵ်ႈၶၼႃႇ​ဢၢင်ႇ​ၵႃႇ​မၼ်း ႁႅင်း​မၼ်း​ဢၼ်​ႁူင်​ႁၢင်း၊ ၶိူင်ႈ​မၼ်း​ဢၼ်​ႁၢင်ႈ​လီ​ႁၢင်ႈ​ငၢမ်း​ၸိူဝ်း​ၼၼ်ႉ​လႄႈ​တၵ်း​ဢမ်ႇ​ယူႇ။-</verse>
				<verse number="13">ၽူႈ​လႂ်​ပိုတ်ႇ​ပိၼ်ႈ​ၶူဝ်း​ၼုင်ႈ​ထၢပ်ႈ​ၼွၵ်ႈ​မၼ်း​လႆႈ။ ၽူႈ​လႂ်​တၵ်း​သုတ်ႉ​ၸပ်း​သုတ်ႉ​ၸူး​ၵႃႈ​ၼႂ်း​လုပ်ႇ​ၵႅမ်ႈ​လုပ်ႇ​ၵၢင်း​မၼ်း ဢၼ်​ပဵၼ်​သွင်​ၸၼ်ႉ​သွင်​ထၢပ်ႈ​ဝႆႉ​ၼၼ်ႉ။-</verse>
				<verse number="14">ၽူႈ​လႂ်​တၵ်း​ၽုၺ်ႇ​ပိုတ်ႇ​ၽၵ်း​တူ​ၼႃႈ​မၼ်း​ၸိူဝ်း​ၼၼ်ႉ။ ထႅဝ်​ၶဵဝ်ႈ​မၼ်း​ၸိူဝ်း​ၼၼ်ႉ​ပဵၼ်​တီႈ​ဢၼ်​လီ​ၵူဝ်​လီ​ႁႄ​ဝႆႉ​ဢေႃႈ။-</verse>
				<verse number="15">ၵဵတ်း​မၼ်း​ၸိူဝ်း​ၼၼ်ႉ ပဵၼ်​တီႈ​ဢၼ်​မၼ်း​ဢုပ်ႇ​ဢၢတ်ႇ​လႄႈ ၵိူပ်ႇ​ၼိုင်ႈ​လႄႈ​ၵိူပ်ႇ​ၼိုင်ႈ သွၼ်ႉ​ၸပ်း​ၵၼ်​ယူႇ မိူၼ်​ၸိူဝ်ႉ​ၼင်ႇ​ဢၼ် တွၵ်ႇ​တၼ်း​သိၵ်ႈ ဢၼ်​လွတ်ႈ​လီ​တၼ်​လီ​ၼၼ်ႉ​ဝႆႉ​ဢေႃႈ။-</verse>
				<verse number="16">ၶဝ်​မီး​တၢင်း​ဢၼ်​ၵိူပ်ႇ​ၼိုင်ႈ​လႄႈ​ၵိူပ်ႇ​ၼိုင်ႈ သွၼ်ႉ​ၸပ်း​ၵၼ်​ယူႇ​ထၼ်ႈ​ပေႃး​လူမ်း​ဢမ်ႇ​ၶဝ်ႈ​လႆႈ​ဢေႃႈ။-</verse>
				<verse number="17">ၶဝ်​မီး​တၢင်း​ဢၼ်​သွၼ်ႉ​ၵၢမ်း​ၵၼ်​လႄႈ ၸပ်း​ၵၼ်​ယူႇ​ထၼ်ႈ​ပေႃး ၵိူပ်ႇ​ၼိုင်ႈ​လႄႈ ၵိူပ်ႇ​ၼိုင်ႈ​ဢမ်ႇ​ၵွၵ်း​ၽၢတ်ႇ​ၵၼ်​လႆႈ​ဢေႃႈ။-</verse>
				<verse number="18">မိူဝ်ႈ​ဢၼ်​မၼ်း​ၶီႈ​ၸၢမ်​ၼၼ်ႉ​ၸိုင်၊ ဢၼ်​လႅင်း​ၸၢင်ႈ​လုၵ်ႉ​ႁိူဝ်ႈ​လႄႈ မၢၵ်ႇ​တႃ​မၼ်း​ၼၼ်ႉ ပဵၼ်​ၸိူဝ်ႉ​ၼင်ႇ​ၽႅပ်ႉ​တႃ​ၵၢင်​ၼႂ်​ၼၼ်ႉ​ဢေႃႈ။-</verse>
				<verse number="19">ပဵဝ်​ၽႆး​ဢွၵ်ႇ​သေ​ၵႃႈ​ၼႂ်း​သူပ်း​မၼ်း​လႄႈ ၶႆႇ​ၽႆး​တင်း​လၢႆ​ဢွၼ်​ၵၼ်​ၽူင်ႉ​ပိဝ်​သဵၼ်​ဢေႃႈ။-</verse>
				<verse number="20">ဢၢႆ​ၵႂၼ်း​ၸၢင်ႈ​လုၵ်ႉ​သေ​ၵႃႈ​ၼႂ်း​ၶူႈ​လင်​မၼ်း ၶိုၼ်ႈ​မိူၼ်​ၸိူဝ်ႉ​ၼင်ႇ မေႃႈ​ၶၢင်​ဢၼ်​လိူတ်ႇ​ယူႇ၊ ပုင်ႇ​ၶႅမ်​ပုင်ႇ​လဝ်း​ဢၼ်​ၽႆး​မႆႈ​ယူႇ​ၼၼ်ႉ​ဢေႃႈ။-</verse>
				<verse number="21">တၢင်း​ဢၼ်​မၼ်း​ထူၺ်ႈ​ၸႂ်​ၼၼ်ႉ ႁႂ်ႈ​ထၢၼ်ႇ​ၽႆး​လုၵ်ႉ​လႄႈ ပဵဝ်​ၽႆး​ၸၢင်ႈ​ဢွၵ်ႇ​သေ​ၵႃႈ​ၼႂ်း​သူပ်း​မၼ်း​ဢေႃႈ။-</verse>
				<verse number="22">တၼ်း​ၶူဝ်း​တႄႇ​ယူႇ​ၵႃႈ​တီႈ​ၶေႃး​မၼ်း​လႄႈ တၢင်း​ဢၼ်​လီ​ၵူဝ်​လီ​ႁႄ ၵႃႈ​ယူႇ​ၵျွၵ်း​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="23">ၸၼ်ႉ​ၼိူဝ်ႉ​ၸၼ်ႉ​ၼင်​မၼ်း​ၼၼ်ႉ လႆႈ​ၸပ်း​ၵၼ်​ယူႇ​လႄႈ မီး​တၢင်း​ဢၼ်​ၵႅၼ်ႇ​ၶႅင်​မၼ်ႈ​ၶိူင်ႇ​ယူႇ​ထၼ်ႈ​ပေႃး ဢမ်ႇ​ၶၢႆႉ​တီႈ​လႆႈ​ဢေႃႈ။-</verse>
				<verse number="24">ႁူဝ်​ၸႂ်​မၼ်း​ၵႅၼ်ႇ​ၶႅင်​မိူၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​လႄႈ မိူၼ်​ၸိူဝ်ႉ​ၼင်ႇ မၢၵ်ႇ​ႁိၼ်​လူၺ်​ဢၼ်​ၵႃႈ​တႂ်ႈ​ၼၼ်ႉ​ဢေႃႈ။-</verse>
				<verse number="25">ယၢမ်း​မိူဝ်ႈ​ဢၼ်​မၼ်း​လုၵ်ႉ​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼၼ်ႉ ဢွၼ်​ၵၼ်​ၵူဝ်​ႁႄ​လႄႈ ပဵၼ်​ၸိူဝ်ႉ​ၼင်ႇ​ၵူၼ်း​ယွင်ႇ ၵူၼ်း​မႃႈ​ၵႂႃႇ ၵွပ်ႈ​ပိူဝ်ႈ​ဢၼ် တူၵ်း​ၸႂ်​ႁႅင်း​ယႂ်ႇ​ၼႃႇ​လူင်​လၢင်​ၼၼ်ႉ​ဢေႃႈ။-</verse>
				<verse number="26">ပေႃး​ဢဝ်​လၢပ်ႇ​ဢဝ်​လႅဝ်း​တိုၵ်း​တေႃး​မၼ်း​ၸိုင်၊ လၢပ်ႇ​လႅဝ်း​ဢမ်ႇ​ၸၢင်ႈ​မၼ်ႈ​ၶိူင်ႇ၊ ႁွၵ်ႇ၊ ပိုၼ်၊ သိူဝ်ႈ​ၶႅပ်း​လဵၵ်း​ၵေႃႈ​ဢမ်ႇ​ၸၢင်ႈ မၼ်ႈ​ၶိူင်ႇ။-</verse>
				<verse number="27">မၼ်း​ၸၢင်ႈ​မၢတ်ႈ​လဵၵ်း​ပဵၼ်​ၸိူဝ်ႉ​ၼင်ႇ​ၽိူင်း​လႄႈ မၢတ်ႈ​တွင်း​လိူင်​ပဵၼ်​ၸိူဝ်ႉ​ၼင်ႇ​မႆႉ​ဢူႉ​မႆႉ​ၽင်ႉ​ၼၼ်ႉ​ဢေႃႈ။-</verse>
				<verse number="28">ပိုၼ်​ၵၢင်ႇ​ဢမ်ႇ​ႁႂ်ႈ​မၼ်း​ပၢႆႈ​လႆႈ။ မၢၵ်ႇ​ႁိၼ်​ဢၼ်​ဢဝ်​တင်း ၵူင်​ၵွၼ်​ပိုတ်း​ယိုဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​မုၼ်ႈ​ယိူဝ်ႈ​မုၼ်ႈ​ယႃႈ​တီႈ​မၼ်း​ဢေႃႈ။-</verse>
				<verse number="29">မၼ်း​မၢတ်ႈ​ၶွၼ်ႉ​လူင်​တင်း​လၢႆ ပဵၼ်​ၸိူဝ်ႉ​ၼင်ႇ​ၵႅပ်ႇ​လႄႈ မၼ်း​ၸၢင်ႈ​ၶူဝ်​တၢင်း​ဢၼ်​ဢဝ်​ႁွၵ်ႇ​ငႃ​ၼၼ်ႉ​ဢေႃႈ။-</verse>
				<verse number="30">ၵႃႈ​တီႈ​တႂ်ႈ​တူဝ်​မၼ်း​မီး​ၽၢၵ်ႇ​မေႃႈ ဢၼ်​ၽၢႆ​ၼႃႇ​လႄႈ မၼ်း​ၸၢင်ႈ​ပိုတ်ႇ​ၵီႈ​သိၵ်ႈ​ၽိူဝ်​ထိူၼ်ႇ​ၵႃႈ​ၼိူဝ်​ၵူမ်ႇ​ဢေႃႈ။-</verse>
				<verse number="31">မၼ်း​ၸၢင်ႈ​ႁႂ်ႈ​ၼမ်ႉ​ပၢင်ႇ​လၢႆႇ​လိူတ်ႇ​ဢွၵ်ႇ မိူၼ်​ၸိူဝ်ႉ​ၼင်ႇ​ဢၼ် မေႃႈ​ၶၢင်​လိူတ်ႇ​ၼၼ်ႉ​လႄႈ ၸၢင်ႈ​ႁႂ်ႈ​ၼမ်ႉ​သမ်ႇ​မုၵ်ႉ​တြႃႇ ပဵၼ်​မိူၼ်​ၸိူဝ်ႉ​ၼင်ႇ မေႃႈ​ၽယွင်း​ၼၼ်ႉ​ဢေႃႈ။-</verse>
				<verse number="32">မၼ်း​ႁႂ်ႈ​သဵၼ်ႈ​တၢင်း​ဢၼ်​မၼ်း​ၵႂႃႇ​ၼၼ်ႉ လုၵ်ႉ​ႁိူဝ်ႈ​လႄႈ ပိူၼ်ႈ​လႆႈ​ထၢင်ႇ​ၼမ်ႉ​ပၢင်ႇ​လၢႆႇ ပဵၼ်​ၸိူဝ်ႉ​ၼင်ႇ​ၶူၼ်​ႁူဝ်​ႁွၵ်ႇ​ၼၼ်ႉ​ဢေႃႈ။-</verse>
				<verse number="33">ၵႃႈ​ၼိူဝ်​လိၼ်​မိူင်း​ၼႆႉ ဢမ်ႇ​မီး​သတ်ႉတဝႃႇ​ဢၼ်​မိူၼ်​ၵၼ်​တင်း​မၼ်း​ၼၼ်ႉ။ မၼ်း​ပဵၼ်​မဵဝ်း​ဢၼ် ၵၢင်း​လွတ်ႈ​တင်း​သၽေႃး ဢၼ်​ၵူဝ်​ဢၼ်​ႁႄ​ဢေႃႈ။-</verse>
				<verse number="34">မၼ်း​ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​လွင်ႈ​တၢင်း​ၵႃႈ​ဢၼ်​ယႂ်ႇ​ဢၼ်​သုင်​ၼၼ်ႉ​လႄႈ ပဵၼ်​ၶုၼ်​ႁေႃ​ၶမ်း​ၵႃႈ​ၼိူဝ်​ၶဝ်​ၸိူဝ်း​ဢၼ် မႃႇၼႃႉ​ပူၵ်း​ပႅၼ်ႈ​ၵႃႈ​မီး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="42">
				<verse number="1">မိူဝ်ႈ​ၼၼ်ႉ​ ယေႃးၽႃႉ ​ၶိုၼ်း​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ​ၸမ်ႉ၊-</verse>
				<verse number="2">ၶႃႈ​ၸဝ်ႈ​ႁူႉ​လွင်ႈ​ဢၼ်​ၸဝ်ႈ​ႁဝ်း​တၢတ်ႈ​ၼိူင်ႇ​လႆႈ​ၵူႈ​ၸိူဝ်ႉ​ၵူႈ​ပိူင် ဢိၵ်ႇ​တင်း​လွင်ႈ​ဢၼ်​ၽူႈ​လႂ် ဢမ်ႇ​ႁၢမ်ႈ​တၢပ်ႈ​ႁႄႉ​ၶႅၼ်​တၢင်း​ၵျၢမ်ႇ​တၢင်း​ပွင်​ၸဝ်ႈ​ႁဝ်း​လႆႈ​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="3">ၵေႃႉ​ဢၼ်​ယင်း​ဢမ်ႇ​မီး​ပိင်ႇ​ၺႃႇ​လႄႈ ႁႂ်ႈ​တၢင်း​ၵျၢမ်ႇ​တၢင်း​ပွင်​ၸဝ်ႈ​ႁဝ်း မိူၵ်ႈ​လပ်း​သိင်ႇ​ၼႆႉ​ၼၼ်ႉ​ၸမ်ႉ၊ ပဵၼ်​ၽူႈ​လႂ်​တီႈ​ၶႃႈ၊ ပိူဝ်ႈ​ၼႆ​လႄႈ ၶႃႈ​ၸဝ်ႈ​လႆႈ​လၢတ်ႈ​လွင်ႈ​တၢင်း​ဢၼ်​ဢမ်ႇ​ပွင်ႇ​ၸႂ်၊ လွင်ႈ​တၢင်း​ဢၼ်​လီ​ဢၢမ်း​လႄႈ ဢမ်ႇ​သုတ်း​ဢမ်ႇ​သဵင်ႈ​လႆႈ​ဢၼ်​ၶႃႈ​ၸဝ်ႈ​ဢမ်ႇ​ႁူႉ​ၸိူဝ်း​ၼၼ်ႉ မႅၼ်ႈ​တီႈ​ၶႃႈ​ယဝ်ႉ။-</verse>
				<verse number="4">ၶႅၼ်း​တေႃႈ​ထွမ်ႇ​ငိၼ်း​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​လဝ်ႊ​လၢတ်ႈ​တီႈ​ၶႃႈ​ဢေႃႈ။ ၶႅၼ်း​တေႃႈ​ၵႄႈ​လိတ်ႈ​ၵႂၢမ်း​ပျၢတ်ႈ​သၼႃႇ ဢၼ်​ၶႃႈ​ၸဝ်ႈ​တၵ်း​လဝ်ႊ​ထၢမ်​တီႈ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="5">ၶႃႈ​ၸဝ်ႈ​ဢဝ်​တင်း​ႁူ​သေ​လႄႈ ယၢမ်ႈ​တွၼ်ႉ​ငိၼ်း​သတၢင်း​သဵင်​ၶၢဝ်ႇ​ၸဝ်ႈ​ႁဝ်း​တီႈ​ၶႃႈ​ယဝ်ႉ။ မိူဝ်ႈ​လဵဝ်​ၼႆႉ​ၸမ်ႉ၊ မၢၵ်ႇ​တႃ​ၶႃႈ​ၸဝ်ႈ လႆႈ​ႁၼ်​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="6">ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၶႃႈ​ၸဝ်ႈ​လီ​ႁင်ႈ​ဢဵတ်ႇ​သဵတ်ႇ​တူဝ်​ၸဝ်ႈ​ၵဝ်ႇ​လႄႈ ၼင်ႈ​ၵႃႈ​ၼိူဝ်​မုၼ်ႈ​လိၼ် တင်း​တဝ်ႈ​သေ​လႄႈ​ၶုၵ်း​ၸႂ်​လႆႈ​သေ​လႄႈ ၶုၵ်း​ၸႂ်​လႆႈ​မႆႈ​ၸႂ်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၼင်ႇ​ၼၼ်​လႄႈ လိုၼ်း​သေ​ထႃႇဝရႃႉ​ၽြႃး​မီး​ဢမိင်ႉ​တီႈ​ ယေႃးၽႃႉ ​ၸိူဝ်ႉ​ၼင်ႇ​ၼၼ်​ယဝ်ႉ​ၼၼ်ႉ၊ မၼ်း​ၸဝ်ႈ​မီး​ဢမိင်ႉ​တီႈ​ ဢေးလီႉၽတ်ႉ ၵူၼ်း​မဵဝ်း​ တေႇမၢၼ်ႇ ​ၼၼ်ႉ​လႄႈ​ဝႃႈ၊ ၵဝ်​ၸႂ်​မႆႈ​ၶႆႈ​ၸႃႉ​တီႈ​မႂ်း ဢိၵ်ႇ​တင်း​ၵေႃႉ​သေႈ​မႂ်း​သွင်​ၵေႃႉ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ သူ​ဢမ်ႇ​လၢတ်ႈ​လွင်ႈ​ၵဝ်​ၸိုဝ်ႈ​ၸိုဝ်ႈ​ၸႂ်ႈ​ၸႂ်ႈ မိူၼ်​ၸိူဝ်ႉ​ၼင်ႇ​ဢၼ်​ၶႃႈ​ၵဝ်​ ယေႃးၽႃႉ ​လၢတ်ႈ​ၼၼ်ႉ။-</verse>
				<verse number="8">ပိူဝ်ႈ​ၼႆ​လႄႈ​ဢွၼ်​ၵၼ်​ဢဝ်​ဝူဝ်း​ပေႃႈ​ၸဵတ်း​တူဝ် တင်း​သူဝ်း​ပေႃႈ​ၸဵတ်း​တူဝ်​သေ​လႄႈ ၸူး​ၵႃႈ​တီႈ​ၶႃႈ​ၵဝ်​ ယေႃးၽႃႉ ​လႄႈ ပုၵ်ႈ​ၸေႃႇ​ယိတ်ႈ​ဢၼ်​တုတ်ႇ​ၽႆး ပုၼ်ႈ​သူ​တႃႉ။ ၶႃႈ​ၵဝ်​ ယေႃးၽႃႉ ​တၵ်း​လႆႈ​သူး​တွင်း​ပုၼ်ႈ​သူ​ဢေႃႈ။ ၵဝ်​တၵ်း​ထွၵ်ႈ​လူၺ်ႈ​ၼႃႈ​မၼ်း​သေ​လႄႈ ဢမ်ႇ​ၸီႇ​ယၢင်ႇ​ၸွမ်း​ၼင်ႇ​ဢပႅတ်ႈ​သူ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ သူ​ဢမ်ႇ​လၢတ်ႈ​လွင်ႈ​ၵဝ်​ၸိုဝ်ႈ​ၸိုဝ်ႈ​ၸႂ်ႈ​ၸႂ်ႈ မိူၼ်​ၸိူဝ်ႉ​ၼင်ႇ​ၶႃႈ​ၵဝ်​ ယေႃးၽႃႉ ​လၢတ်ႈ​ၼၼ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မိူဝ်ႈ​ၼၼ်ႉ ဢေးလီႉၽတ်ႉ ၵူၼ်း​မဵဝ်း​ တေႇမၢၼ်ႇ၊ ပီႉလတတ်ႉ ၵူၼ်း​မဵဝ်း​ သူႉဢႃႇ၊ ၸေႃႇၽႃႇ ၵူၼ်း​မဵဝ်း​ ၼေႇမတ်ႉ ​ၸိူဝ်း​ၼၼ်ႉ ဢွၼ်​ၵၼ်​ၵႂႃႇ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ၶဝ်​ၼၼ်ႉ​လႄႈ ထႃႇဝရႃႉ​ၽြႃး​ၵေႃႈ​ထွၵ်ႈ​လူၺ်ႈ​ၼႃႈ​ ယေႃးၽႃႉ ​ဢေႃႈ။</verse>
				<verse number="10">ယေႃးၽႃႉ ​ၼၼ်ႉ သူး​တွင်း​ပုၼ်ႈ​ၵေႃႉ​သေႈ​မၼ်း​တင်း​လၢႆ​သေ​ယဝ်ႉ၊ ထႃႇဝရႃႉ​ၽြႃး​ပႄႇ​ပႅတ်ႈ​လွင်ႈ​တၢင်း​ဢၼ်​မၼ်း​ၶၢမ်ႇ​တုၵ်ႉ​ၶႃႉ တၢင်း​ၽၢၼ်​ၼၼ်ႉ​သေ​လႄႈ ထႃႇဝရႃႉ​ၽြႃး​ပၼ်​ဢုၵ်ႉ​ၸႃႇ​ဢၼ်​လိူဝ်​တွၼ်း​ၼႃႇ​သေ မိူဝ်ႈ​ဢွၼ်​တၢင်း​ၼၼ်ႉ​သွင်​ပုၼ်ႈ တီႈ​ ယေႃးၽႃႉ ​ဢေႃႈ။-</verse>
				<verse number="11">မိူဝ်ႈ​ၼၼ်ႉ​ပီႈ​ၸၢႆး​ၼွင်ႉ​ၸၢႆး​မၼ်း​တင်း​သဵင်ႈ​တင်း​လူင်၊ ပီႈ​ၼၢင်း​ၼွင်ႉ​ယိင်း​မၼ်း​တင်း​သဵင်ႈ​တင်း​လူင် ဢိၵ်ႇ​တင်း​ၶဝ်​ၸိူဝ်း​ဢၼ်​ႁူႉ​ၸၵ်း​မိုတ်ႈ​ၵိုဝ်း​မၼ်း မိူဝ်ႈ​ဢွၼ်​တၢင်း​ၵႃႈ​မီး​ၸိူဝ်း​ၼၼ်ႉ ဢွၼ်​ၵၼ်​မႃး​ၸူး​ၵႃႈ​တီႈ​မၼ်း​လႄႈ ၵိၼ်​ၶူပ်း​လူၺ်ႈ​ၵၼ်​တင်း​မၼ်း​ၵႃႈ​တီႈ​ႁိူၼ်း​မၼ်း​ဢေႃႈ။ ၶဝ်​ဢွၼ်​ၵၼ်​ႁဵတ်း​တၢင်း​ဢၼ် ၶၢင်း​ၶီ​ၶၢင်း​ၽၢၼ်​ဢိၵ်ႇ​တင်း တၢင်း​ဢၼ်​ႁႂ်ႈ​ပေႇ​ၸႂ်​ၼိမ်​ၸႂ်​လူၺ်ႈ​လွင်ႈ​တုၵ်ႉ​ၶႃႉ​တၢင်း​ၽၢၼ်​ဢၼ် ထႃႇဝရႃႉ​ၽြႃး​ႁႂ်ႈ​ႁွတ်ႈ​ထိုင်​ၵႃႈ​ၼိူဝ်​မၼ်း​ၵႃႈ​မီး​ၼၼ်ႉ​ဢေႃႈ။ ၶဝ်​ၼၼ်ႉ​ဢွၼ်​ၵၼ်​ပၼ်​ငိုၼ်း ယေႈ​ၵေႃႉ​ယေႈ​ၶႅပ်း၊ သွႆ​ၶမ်း​ႁွႆႈ​ၶူႈ​လင် ယေႈ​ၵေႃႉ​ယေႈ​ဢၼ်​တီႈ​မၼ်း​ဢေႃႈ။</verse>
				<verse number="12">ၼင်ႇ​ၼၼ်​လႄႈ ထႃႇဝရႃႉ​ၽြႃး​ယဵင်ႈ​ၶႅၼ်း​ပၼ်​တၢင်း​လီ​ဢၼ်​ပဵၼ်​ၵမ်း​လိုၼ်း​ၼၼ်ႉ လိူဝ်​တွၼ်း​ၼႃႇ​သေ​တၢင်း​ဢၼ် ပၼ်​တၢင်း​လီ​ဢၼ်​ပဵၼ်​မႃး​ယဝ်ႉ မိူဝ်ႈ​ၵမ်း​ဢွၼ်​တၢင်း​ၼၼ်ႉ တီႈ​ ယေႃးၽႃႉ ​လႄႈ မၼ်း​ၼၼ်ႉ​မၢၵ်ႈ​မီး​သူဝ်း​ပႄႉ မိုၼ်ႇ​ပၢႆ​သီႇ​ႁဵင်၊ ၵလႃးဢုၵ်ႉ​ႁူၵ်း​ႁဵင်၊ ဝူဝ်း​ႁဵင်​ၵူႈ၊ လီႈ​မႄႈ​ႁဵင်​ၼိုင်ႈ​ဢေႃႈ။-</verse>
				<verse number="13">လုၵ်ႈ​ၸၢႆး​ၸဵတ်း​ၵေႃႉ ဢိၵ်ႇ​တင်း​လုၵ်ႈ​ယိင်း​သၢမ်​ၵေႃႉ​ၵေႃႈ မၼ်း​သမ်ႉ​လႆႈ​ထႅင်ႈ​ဢေႃႈ။-</verse>
				<verse number="14">မၼ်း​ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ယိင်း​လူင်​မၼ်း​ ယေႇမီႇမႃႉ ၊ လုၵ်ႈ​ယိင်း​ၵၢင်​မၼ်း​ ၵေႇၸီႉ ၊ လုၵ်ႈ​ယိင်း​ဢွၼ်​မၼ်း ၵေႇရိၼ်ႇႁပ်ႉပုၵ်ႉ ​ဢေႃႈ။-</verse>
				<verse number="15">ၵႃႈ​ၼႂ်း​မိူင်း​တင်း​မိူင်း​ၼၼ်ႉ၊ မႄႈ​ယိင်း​ဢၼ်​ႁၢင်ႈ​လီ​မိူၼ်​ၸိူဝ်ႉ​ၼင်ႇ​လုၵ်ႈ​ယိင်း​ ယေႃးၽႃႉ ​ၸိူဝ်း​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။ ပေႃႈ​ၶဝ်​ၽႄ​ဢမူၺ်ႇ​ဢုၵ်ႉ​ၸႃႇ​မႅင်ႇ​ပၼ်​တီႈ​ၶဝ်​ၼၼ်ႉ တၢၼ်ႇ​ပဵင်း​ၵၼ်​တင်း​ပီႈ​ၸၢႆး​ၼွင်ႉ​ၸၢႆး​ၶဝ်​ၸိူဝ်း​ၼၼ်ႉ​ဢေႃႈ။</verse>
				<verse number="16">လိုၼ်း​ၼၼ်ႉ ယေႃးၽႃႉ ​ဢသၢၵ်ႈ​လိပ်း​ယူႇ ပၢၵ်ႇ​ပၢႆ​သီႇ​သိပ်း​ပီႊ​လႄႈ လႆႈ​ႁၼ်​လုၵ်ႈ​မၼ်း​လၢၼ်​မၼ်း​လိၼ်​မၼ်း တေႃႇ​ထိုင်​ႁွတ်ႈ​သိုပ်ႇ​ၸတုၵ်ႉထႃႉ​ဢေႃႈ။-</verse>
				<verse number="17">ၼင်ႇ​ၼၼ်​လႄႈ မၼ်း​မီး​တၢင်း​ဢၼ်​ဢသၢၵ်ႈ​ထဝ်ႈ​ၵႄႇ​ယဝ်ႉ ဢိၵ်ႇ​တင်း​တၢင်း​ဢၼ်​ၶိင်ႇ​ၵႃႇလႃႉ​မိုဝ်ႉ​ဝၼ်း​မၼ်း​တဵမ်​ယဝ်ႉ​ၸေး​ယဝ်ႉ​ၼၼ်ႉ​လႄႈ မၼ်း​ႁွတ်ႈ​ဢၼိၵ်ႈၸႃႉ​သေ​ဢေႃႈ။ ဝုတ်ႉထူႉ​ယေႃးၽႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="19">
			<chapter number="1">
				<verse number="1">ၵေႃႉ​ဢၼ်​ဢမ်ႇ​ၸွမ်း​ဢမ်ႇ​ၵႂႃႇ​ၼႂ်း​သဵၼ်ႈ​တၢင်း​ဢၼ် ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​တိုၵ်း​ယူင်း၊ ဢမ်ႇ​ၸုၵ်း​ဢမ်ႇ​သဝ်း ၼႂ်း​သဵၼ်ႈ​တၢင်း​ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ၊ ဢမ်ႇ​ၼင်ႈ​ဢမ်ႇ​ယူႇ​ၼႂ်း​တီႈ​ၼင်ႈ ၶဝ်​ၸိူဝ်း​ဢၼ်​ႁဵတ်း​ဢမ်ႇ​ၼပ်ႉ​ဢမ်ႇ​ၶၢၼ်း​ၼၼ်ႉ​လႄႈ၊-</verse>
				<verse number="2">မူၼ်ႈ​ပျေႃႇ​ၼႂ်း​တြႃး ထႃႇဝရႃႉ​ၽြႃး​လႄႈ ၶုၵ်း​ၸႂ်​လႆႈ​ၶႆႈ​ၸႂ်​လူၺ်ႈ​တြႃး​ၸဝ်ႈ​ယူႇ​ၵူႈ​ဝၼ်း​ၵူႈ​ၶိုၼ်း​ဢမ်ႇ​ထၢတ်ႇ​ၼၼ်ႉ​မီး​မင်ႇၵလႃႇ​ဢေႃႈ။-</verse>
				<verse number="3">မၼ်း​ၼၼ်ႉ​မိူၼ်​ၸိူဝ်ႉ​ၼင်ႇ​တူၼ်ႈ​မႆႉ​ဢၼ်​ၽုၵ်ႇ​သွမ်ႈ ၵႃႈ​ႁိမ်း​ၼမ်ႉ​ႁွင်ႈ​ၼမ်ႉ​ၵႄး​တင်း​လၢႆ​လႄႈ၊ ၸၢင်ႈ​မၢၵ်ႇ မၢၵ်ႇ​မၼ်း​ၼႂ်း​မိူဝ်ႈ​ဢၼ်​ၶိင်ႇ​မၼ်း​ထိုင်​မႃး​ၼၼ်ႉ​လႄႈ၊ မႂ်​မၼ်း​ဢမ်ႇ​ၸၢင်ႈ​ႁဵဝ်ႇ​ၸၢင်ႈ​ၸွပ်ႈ​ၼၼ်ႉ​ဢေႃႈ။ ၼႂ်း​ၵႃႈ​ဢၼ်​မၼ်း​ႁဵတ်း​တင်း​သဵင်ႈ​တင်း​လူင်​ၼၼ်ႉ မၼ်း​တၵ်း​လႆႈ​လီ​လႆႈ​ပဵၼ်​ဢေႃႈ။</verse>
				<verse number="4">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။ ပဵၼ်​မိူၼ်​ၼင်ႇ​ၵႅပ်ႇ ဢၼ်​လူမ်း​ထူဝ်း​လႄႈ​ပိဝ်​သဵၼ်​ၵႂႃႇ​ၼၼ်ႉ​ဢေႃႈ။-</verse>
				<verse number="5">ပိူဝ်ႈ​ၼႆ​လႄႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ဢမ်ႇ​လႆႈ​တႄႇ​လႆႈ​ယူႇ​ၼႂ်း​ၶိင်ႇ​မိူဝ်ႈ​ဢၼ် တၵ်း​ၸီႇ​ယၢင်ႇ​တြႃး​ၼၼ်ႉ။ ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ ဢမ်ႇ​လႆႈ​ၶဝ်ႈ​လႆႈ​ပႃး ၵႃႈ​ၼႂ်း​မုၵ်ႉ​ၼႂ်း​ၸိူဝ်း ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ။-</verse>
				<verse number="6">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ႁူႉ​သဵၼ်ႈ​တၢင်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​လႄႈ သဵၼ်ႈ​တၢင်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တၵ်း​လႆႈ​ႁွတ်ႈ​ထိုင်​တၢင်း​လူႉ​တၢင်း​သုမ်း​ဢေႃႈ။</verse>
			</chapter>
			<chapter number="2">
				<verse number="1">ၵူၼ်း​မဵဝ်း​တင်း​လၢႆ တူင်ႉ​တိုၼ်ႇ​ႁုၼ်ႉ​မေႃး​ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်။ မုၵ်ႉ​ၵူၼ်း​ၸိူဝ်း​ၵူၼ်း​တင်း​လၢႆ​ၵျၢမ်ႇ​ပွင်​ဢၼ် လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်။</verse>
				<verse number="2">ၶုၼ်​ႁေႃ​ၶမ်း​လေႃးၵီႇ​တင်း​လၢႆ​လုၵ်ႉ​ၸုၵ်း​လႄႈ၊ မူး​မၢတ်ႈ​ၽွင်း​မိူင်း​တင်း​လၢႆ ၽွမ်ႉ​ၵၼ်​ႁဵတ်း​ၶတ်း​ၶႅင်​ႁႅင်း​တႃႉ​ထႃႇဝရႃႉ​ၽြႃး ဢိၵ်ႇ​တင်း​ၸဝ်ႈ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ​မၼ်း​ၸဝ်ႈ​ၼၼ်ႉ​လႄႈ​ဝႃႈ၊-</verse>
				<verse number="3">ၸိူၵ်ႈ​တၢင်း​ဢၼ်​ၶဝ်​မတ်ႉ​ၽုၵ်ႇ​ၼၼ်ႉ ၶၢတ်ႇ​ပႅတ်ႈ​လႄႈ ပႄႇ​ၸိူၵ်ႈ​ၶဝ်​ၸိူဝ်း​ၼၼ်ႉ​ပႅတ်ႈ​သေ​တီႈ​ႁဝ်း​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">ၸဝ်ႈ​ဢၼ်​ၼင်ႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​ၼၼ်ႉ တၵ်း​ယုမ်ႉ​ၶူဝ်​သေ​လႄႈ ထႃႇဝရႃႉ​ၽြႃး​ၼၼ်ႉ တၵ်း​ႁဵတ်း​ပျၢၵ်ႈ​သႄႉ​သွမ်း​ၶဝ်​ဢေႃႈ။-</verse>
				<verse number="5">ၵမ်း​ၼၼ်ႉ မၼ်း​ၸဝ်ႈ​ၸႂ်​မႆႈ​ၶႆႈ​ၸႃႉ​သေ​လႄႈ မီး​ဢမိင်ႉ​တီႈ​ၶဝ်​ဢေႃႈ။ မၼ်း​ၸဝ်ႈ​တၵ်း​ပႃး​တင်း တၢင်း​ၸႂ်​မႆႈ​ၶႆႈ​ၸႃႉ ဢၼ်​ႁၢဝ်ႈ​ၵျၢမ်း​ၼႃႇ​သေ​လႄႈ ႁဵတ်း​ႁႂ်ႈ​ၶဝ်​ယၢပ်ႇ​ၸႂ်​ယုင်ႈ​ၸႂ်​ဢေႃႈ။-</verse>
				<verse number="6">ၶုၼ်​ႁေႃ​ၶမ်း​ၵဝ်​ၸိုင် ၵဝ်​ၶၢၼ်း​ဝႆႉ​ၵႃႈ​ၼိူဝ်​လွႆ ၸီႉဢုၼ်ႇ ဢၼ်​ဝႃႈ​လွႆ​ဢၼ်​မူတ်း​ၸၢင်ႇ​ၵဝ်​ၼၼ်ႉ​ယဝ်ႉ။</verse>
				<verse number="7">ၵဝ်​တၵ်း​မွၵ်ႇ​လၢတ်ႈ​ပျႃႇ​တိၵ်ႈ​ၸဝ်ႈ​ဢေႃႈ။ ထႃႇဝရႃႉ​ၽြႃး​လၢတ်ႈ​တီႈ​ၵဝ်​လႄႈ​ဝႃႈ၊ မႂ်း​ပဵၼ်​လုၵ်ႈ​ၸၢႆး​ၵဝ်​ဢေႃႈ။ ၼႂ်း​ဝၼ်း​မိူဝ်ႈ​ၼႆႉ ၵဝ်​ႁႂ်ႈ​မႂ်း​ၵိူတ်ႇ​လဵင်ႉ​ပဵၼ်​မႃး​ယဝ်ႉ။-</verse>
				<verse number="8">ယွၼ်း​တီႈ​ၵဝ်​တႃႉ။ ၵဝ်​တၵ်း​ဢဝ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ပၼ်​ပုၼ်ႈ​ဢုၵ်ႉ​ၸႃႇ​ဢမူၺ်ႇ​မႂ်း​ဢိၵ်ႇ​တင်း တီႈ​သုတ်း​တီႈ​ၵွႆ​လိၼ်​မိူင်း​ၼၼ်ႉ​ပုၼ်ႈ​ဢၼ်​မႂ်း​တၵ်း​ထိူၵ်ႈ​ပိူင်ႇ​ဢေႃႈ။-</verse>
				<verse number="9">မႂ်း​တၵ်း​ဢဝ်​ၶဝ်​တႅၵ်ႇ​လႅဝ်​လူၺ်ႈ​ၵၼ်း​ႁွၵ်ႇ​လဵၵ်း​လႄႈ ဢဝ်​ၶဝ်​ထိမ်ႈ​တူၵ်း​တႅၵ်ႇ​ပဵၼ်​ၽၢၵ်ႇ​ပဵၼ်​ၽိၵ်ႇ​ပႅတ်ႈ မိူၼ်​ၸိူဝ်ႉ​ၼင်ႇ​ဢၼ်​ဢဝ်​မေႃႈ​လိၼ်​တႅၵ်ႇ​လႅဝ်​ပႅတ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ။</verse>
				<verse number="10">ပိူဝ်ႈ​ၼႆ​လႄႈ ၶုၼ်​ႁေႃ​ၶမ်း​ၶဝ်​ဢိူၺ်း၊ ဢွၼ်​ၵၼ်​မီး​သတီႉ​ပိင်ႇ​ၺႃႇ​တႃႉ။ ၶုၼ်​လေႃးၵီႇ​ဢၼ်​ၸီႇ​ယၢင်ႇ​တြႃး​ၶဝ်​ဢိူၺ်း၊ ဢွၼ်​ၵၼ်​ၶၢမ်ႇ​ဢဝ်​တၢင်း​ဢၼ်​သင်ႇ​သွၼ်​သုင်း​မႃႉ​တႃႉ။-</verse>
				<verse number="11">ဢွၼ်​ၵၼ်​မီး​တင်း​ၸႂ်​ဢၼ်​ၵူဝ်​ဢၼ်​ႁႄ​သေ​လႄႈ ၵိုတ်ႉ​ႁၢပ်ႇ​ဢမူႉ​ထႃႇဝရႃႉ​ၽြႃး​လႄႈ ဢွၼ်​ၵၼ်​မီး​တင်း​တၢင်း​ဢၼ်​သၼ်ႇ​ဢၼ်​ဝႆ​သေ​လႄႈ ၸူမ်း​သိူဝ်း​တႃႉ။-</verse>
				<verse number="12">ဢွၼ်​ၵၼ်​ၸုပ်ႇ​ၼူမ်​လုၵ်ႈ​ၸဝ်ႈ​တႃႉ။ ပေႃး​ဢမ်ႇ​ၼၼ်​ၸိုင်၊ မၼ်း​ၸဝ်ႈ​တၵ်း​ၸႂ်​မႆႈ​ၶႆႈ​ၸႃႉ​လႄႈ၊ သူ​တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ် ၵႃႈ​ၼႂ်း​ၵၢင်​တၢင်း​ဢေႃႈ။ ဢမ်ႇ​ႁိုင်​ယဝ်ႉ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ တၵ်း​ဢွၵ်ႇ​ဢေႃႈ။ ၶဝ်​ၸိူဝ်း​ဢၼ်​ဢိင်​ပိုင်ႈ​မၼ်း​ၸဝ်ႈ​ယူႇ တင်း​သဵင်ႈ​တင်း​လူင်​ၼၼ်ႉ မီး​မင်ႇၵလႃႇ​ဢေႃႈ။</verse>
			</chapter>
			<chapter number="3">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ရၢၼ်ႇ​သူႇ​ၶႃႈ​ၸဝ်ႈ​ၸိူဝ်း​ၼၼ်ႉ ယႂ်ႇ​ၽႄႈ​တူဝ်း​တွၼ်း​မႃး​ၼႃႇ​လူင်​လၢင်​လႄႈ၊ ၶဝ်​ၸိူဝ်း​ဢၼ် ၸုၵ်း​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​ၸိူဝ်း​ၼၼ်ႉ ၼမ်​ၵိုၼ်း​ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="2">ၶဝ်​ၸိူဝ်း​ဢၼ်​လၢတ်ႈ​တီႈ​ႁူဝ်​ၸႂ်​ၶႃႈ​ၸဝ်ႈ​လႄႈ​ဝႃႈ၊ မၼ်း​ၼႆႉ ဢမ်ႇ​လႆႈ​ၵတ်း​ယဵၼ်​ၶျၢမ်း​သႃႇ​တီႈ​ၽြႃး​ပဵၼ်​ၸဝ်ႈ​ၵူၺ်ႉ၊ ဝႃႈ​ၼင်ႇ​ၼႆ​ၼၼ်ႉ မီး​ၼမ်​ၼႃႇ​လူင်​လၢင်​တီႈ​ၶႃႈ​ဢေႃႈ။ ၸေႇလႃႇ ။-</verse>
				<verse number="3">ၵူၺ်း​ၵႃႈ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပဵၼ်​ဢၼ်​ႁႄႉ​ဢၼ်​ၵင်ႈ​ၶႃႈ​ၸဝ်ႈ၊ မုၼ်​ၽုင်း​ၶႃႈ​ၸဝ်ႈ၊ ၸဝ်ႈ​ဢၼ်​ယုၵ်ႉ​ယွင်ႈ ႁူဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။</verse>
				<verse number="4">ၵဝ်​ၵိဝ်​သဵင်​ၵဝ်​ႁွင်ႉ​သႅၼ်ႇ​ႁွင်ႉ​ႁႃ​တီႈ​ထႃႇဝရႃႉ​ၽြႃး​လႄႈ မၼ်း​ၸဝ်ႈ​ယူႇ​ၵႃႈ​ၼိူဝ်​လွႆ​ၸဝ်ႈ​ဢၼ်​မူတ်း​ၸၢင်ႇ​ၼၼ်ႉ ထွမ်ႇ​ယူႇ​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး​ၸွႆႈ​ထႅမ်​မႃႉ​ၸႃႉ​ၵဝ်​ယူႇ​ၼၼ်ႉ​လႄႈ၊ ၵဝ်​မီး​ဢၶႂၢင်ႉ​ဢၼ်​ၼွၼ်း​လႄႈ​လပ်း ဢိၵ်ႇ​တင်း​ဢၶႂၢင်ႉ​ဢၼ်​တိုၼ်ႇ​မႃး​ဢေႃႈ။-</verse>
				<verse number="6">ၵဝ်​ယင်း​ဢမ်ႇ​ၵူဝ်​ဢမ်ႇ​ႁႄ​ၵူၼ်း​မိုၼ်ႇ​ၵူၼ်း​သႅၼ် ဢၼ်​ႁဵတ်း​ရၢၼ်ႇ​သူႇ​ၵဝ်​သေ​လႄႈ လွမ်ႉ​လဵပ်ႈ​ႁွပ်ႈ​ၵဝ်​ယူႇ​ၼၼ်ႉ​လႄႈ တၵ်း​ယူႇ​ဢေႃႈ။</verse>
				<verse number="7">ထႃႇဝရႃႉ​ၽြႃး​တီႈ​ၶႃႈ ၶႅၼ်း​တေႃႈ​လုၵ်ႉ​သေ​ၵမ်း​တီႈ​ၶႃႈ။ ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၸဝ်ႈ​ႁဝ်း​ပေႃႉ​တူပ်း​လုပ်ႇ​ၵႅမ်ႈ​ရၢၼ်ႇ​သူႇ​ၶႃႈ​ၸဝ်ႈ တင်း​သဵင်ႈ​တင်း​လူင်​သေ​လႄႈ ႁၵ်း​ၶဵဝ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="8">တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၼၼ်ႉ ၸၢပ်ႈ​သႅင်ႇ​ၵၼ်​တင်း​ထႃႇဝရႃႉ​ၽြႃး​တီႈ​ၶႃႈ​ဢေႃႈ။ ႁႂ်ႈ​တၢင်း​လီ​မင်ႇၵလႃႇ​ၸဝ်ႈ​ႁဝ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၵူၼ်း​ၸဝ်ႈ​ႁဝ်း​တင်း​လၢႆ​သေ​ၵမ်း​တီႈ​ၶႃႈ။ ၸေႇလႃႇ။</verse>
			</chapter>
			<chapter number="4">
				<verse number="1">ၽြႃး​ဢၼ်​သိုဝ်ႈ​လီ​တေႃႇ​လီ​ၶႃႈ​ၸဝ်ႈ​တီႈ​ၶႃႈ​ဢိူၺ်း၊ ၶႅၼ်း​တေႃႈ​ၶိုၼ်း​ဢိူဝ်​မိူဝ်ႈ​ဢၼ်​ၶႃႈ​ၸဝ်ႈ​ႁွင်ႉ​ၼၼ်ႉ​သေ​ၵမ်း​တီႈ​ၶႃႈ။ ၼႂ်း​မိူဝ်ႈ​ဢၼ်​ၶႃႈ​ၸဝ်ႈ ယင်း​တိုၵ်ႉ​မီး​တုၵ်ႉ​ၶႃႉ​တၢင်း​ၽၢၼ်​ယူႇ​ၼၼ်ႉ​ၸိုင် ၸဝ်ႈ​ႁဝ်း​ပၼ်​ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ဢဵတ်း​လူ​ၶႃႈ​ၸဝ်ႈ​လႄႈ ထွမ်ႇ​ဢဝ်​ၵႂၢမ်း​ပထၼႃႇ ၶႃႈ​ၸဝ်ႈ​သေ​ၵမ်း​တီႈ​ၶႃႈ။</verse>
				<verse number="2">ၵူၼ်း​တင်း​လၢႆ​ၶဝ်​ဢိူၺ်း၊ တၵ်း​ၶျႃး​မုၼ်​ၽုင်း​ၵဝ်​တူၵ်း တီႈ​တႅမ်ႇ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ တၵ်း​ထုၵ်ႇ​ၸႂ်​ၵျိူၵ်ႈ​ၸႂ်​လူၺ်ႈ​ဢၼတ်ႉတႃႉ​လႄႈ ၸွမ်း​လူၺ်ႈ​မူႉ​သႃႇ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ၸေႇလႃႇ။-</verse>
				<verse number="3">ႁူႉ​ၸႅင်ႈ​မၢတ်ႈ​တွင်း​လွင်ႈ​ဢၼ် ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ် ၵေႃႉ​ဢၼ်​မူတ်း​သႂ်​ၼၼ်ႉ​ဝႆႉ​ပုၼ်ႈ​မၼ်း​ၸဝ်ႈ​ၼၼ်ႉ​တႃႉ။ ထႃႇဝရႃႉ​ၽြႃး​တၵ်း​ထွမ်ႇ​ဢဝ် မိူဝ်ႈ​ဢၼ်​ၵဝ်​ႁွင်ႉ​ႁႃ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="4">ၼႂ်း​လွင်ႈ​ဢၼ်​တၢင်း​ၸႂ်​မႆႈ​သူ​ဢွၵ်ႇ​ၼၼ်ႉ ယႃႇ​ပေ​ႁႂ်ႈ​လႆႈ​မီး​ဢပႅတ်ႈ။ တိူင်ႇ​ပၢင်ႇ​တွင်ႈ​ထၢမ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ၵၼ်​တင်း​ႁူဝ်​ၸႂ်​သူ ၵႃႈ​ၼိူဝ်​တီႈ​ၼွၼ်း​သူ​လႄႈ မီး​တၢင်း​ဢၼ်​တဵတ်ႇ​လီ​ယဵၼ်​လီ​ယူႇ​တႃႉ။-</verse>
				<verse number="5">ပုၵ်ႈ​ၸေႃႇ​ယိတ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​သိုဝ်ႈ​တေႃႇ​ၼၼ်ႉ​သေ​လႄႈ ဢိင်​ပိုင်ႈ​ထႃႇဝရႃႉ​ၽြႃး​ယူႇ​တႃႉ။</verse>
				<verse number="6">ၶဝ်​ၸိူဝ်း​ဢၼ်​ၸၢင်ႈ​ထၢမ်​လႄႈ​ဝႃႈ၊ ၽူႈ​လႂ်​တၵ်း​ၼႄ​ပျႃး လွင်ႈ​တၢင်း​ဢၼ်​လီ​ဢၼ်​ငၢမ်း​တီႈ​ႁဝ်း​ဝႃႈ​ၼႆ​ၼၼ်ႉ မီး​ၼမ်​ၼႃႇ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဝ်​ဢၼ်​ႁိူဝ်ႈ​ဢၼ်​လႅင်း​ၼႃႈ​ၸဝ်ႈ​ႁဝ်း​ၼၼ်ႉ ပိူင်း​ထွင်ႇ​သႂ်ႇ​ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။-</verse>
				<verse number="7">ၸဝ်ႈ​ႁဝ်း​ႁႂ်ႈ​ႁူဝ်​ၸႂ်​ၶႃႈ​ၸဝ်ႈ မီး​တၢင်း​ဢၼ်​ၸူမ်း​သိူဝ်း​ၼႃႇ​သေ​တၢင်း​ဢၼ်​ၶဝ်​ၸူမ်း​သိူဝ်း​ၼႂ်း​မိူဝ်ႈ​ဢၼ် ၶဝ်ႈ​သၢၼ်​ၶဝ်ႈ​ပိူၵ်ႇ၊ ၼမ်ႉ​ၸပိတ်ႈ​လိူင်ႇ​ၼမ်​မႃး​တီႈ​ၶဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">ၶႃႈ​ၸဝ်ႈ​တၵ်း​ၼွၼ်း​လႄႈ လပ်း​ၼိမ်​ၼိမ်​လီ​လီ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ထႃႇဝရႃႉ​ၽြႃး​ၵူၺ်း ပၼ်​ဢၶႂၢင်ႉ​ဢၼ်​ၶႃႈ​ၸဝ်ႈ​လႆႈ​ယူႇ​လွတ်ႈ​ၽေး​လွတ်ႈ​ရၢၼ်ႇ​တီႈ​ၶႃႈ​ဢေႃႈ။</verse>
			</chapter>
			<chapter number="5">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ထွမ်ႇ​ဢဝ်​ၵႂၢမ်း​ၶႃႈ​ၸဝ်ႈ​လႄႈ ႁူႉ​ႁၼ်​တၢင်း​ဢၼ်​ၶႃႈ​ၸဝ်ႈ ၶႆႈ​ၸႂ်​ဝူၼ်ႉ​ၸႂ်​ယူႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="2">ၶုၼ်​ႁေႃ​ၶမ်း​ၵဝ်​ၶႃႈ ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ပိူဝ်ႈ​ဢၼ် ၶႃႈ​ၸဝ်ႈ​သူး​တွင်း​တီႈ​ၸဝ်ႈ​ႁဝ်း​လႄႈ​ၶႅၼ်း​တေႃႈ​ထွမ်ႇ​ဢဝ်​သဵင်​တၢင်း​ဢၼ်​ၶႃႈ​ၸဝ်ႈ ႁွင်ႉ​သႅၼ်ႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="3">ထႃႇဝရႃႉ​ၽြႃး​တီႈ​ၶႃႈ၊ ၶိင်ႇ​ၵၢင်​ၼႂ်​ၸဝ်ႈ​ႁဝ်း​ငိၼ်း​သဵင်​ၵႂၢမ်း ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။ ၶိင်ႇ​ၵၢင်​ၼႂ်​ၶႃႈ​ၸဝ်ႈ ဢဝ်​တင်း​တၢင်း​ဢၼ်​သူး​တွင်း​ပထၼႃႇ​ႁဵတ်း​သိုဝ်ႈ​ၼႃႈ​တၼ်း​တႃ​ၸဝ်ႈ​ႁဝ်း​လႄႈ မုင်ႈ​ထႃႈ​မွင်း​ထႃႈ​ယူႇ​တီႈ​ၶႃႈ​ဢေႃႈ။-</verse>
				<verse number="4">ၸဝ်ႈ​ႁဝ်း​ပဵၼ်​ၽြႃး​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ် လူၺ်ႈ​လွင်ႈ​တၢင်း​ဢၼ်​ဢမ်ႇ​တြႃး​ၼၼ်ႉ​ဢမ်ႇ​ၸႂ်ႈ။ ၶဝ်​ၸိူဝ်း​ဢၼ်​ႁၢႆႉ​ဢၼ်​ႁုၵ်း​ၼၼ်ႉ ဢမ်ႇ​မီး​ဢၶႂၢင်ႉ​ဢၼ်​လႆႈ​ယူႇ​သဝ်း​လူၺ်ႈ​ၵၼ်​တင်း​ၸဝ်ႈ​ႁဝ်း​တီႈ​ၶႃႈ။-</verse>
				<verse number="5">ၶဝ်​ၸိူဝ်း​ဢၼ်​မိူၵ်ႈ​ဢၼ်​ယုတ်ႈ​ၼၼ်ႉ ဢမ်ႇ​လႆႈ​ၸုၵ်း​ယူႇ​ၵႃႈ​ၼႂ်း​ဢထမ်ႇ​ၸဝ်ႈ။ ၸဝ်ႈ​ႁဝ်း​ၸင်း​ၶဝ်​ၸိူဝ်း​ဢၼ်​ႁဵတ်း​ဢမ်ႇ​တြႃး တင်း​သဵင်ႈ​တင်း​လူင်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ၸဝ်ႈ​ႁဝ်း​ယႃႉ​ၶဝ်​ၸိူဝ်း​ဢၼ်​လၢတ်ႈ​ၵႂၢမ်း​မူႉ​သႃႇ​ၼၼ်ႉ ပႅတ်ႈ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ ၶဝ်​ၸိူဝ်း​ဢၼ်​ၸၢင်ႈ​ဢဝ်​ဢသၢၵ်ႈ​ၵူၼ်း​တၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="7">ၶႃႈ​ၸဝ်ႈ​ၸမ်ႉ၊ တၵ်း​ႁွတ်ႈ​ထိုင်​ၵႃႈ​ၼႂ်း​ႁိူၼ်း​ၸဝ်ႈ​ႁဝ်း​ၵွပ်ႈ​ပိူဝ်ႈ ဢၼ်​လႆႈ​ၶၢမ်ႇ​ဢဝ်​ၵျေး​ၸူး​ၸဝ်ႈ​ၼမ်​ၼႃႇ​လူင်​လၢင်​ၼၼ်ႉ​လႄႈ၊ တၵ်း​မီး​ၸႂ်​ဢၼ်​ၵူဝ်​ဢၼ်​ႁႄ​ၸဝ်ႈ​ႁဝ်း​ယူႇ​သေ​လႄႈ ၵူဝ်း​ၵႂၢႆႇ​ၸူး​ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ​ႁဝ်း ဢၼ်​မူတ်း​ၸၢင်ႇ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="8">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဝ်​ၶႃႈ​ၸဝ်ႈ သူင်ႇ​ၵႃႈ​ၼႂ်း​သဵၼ်ႈ​တၢင်း​ဢၼ်​တြႃး​ၸဝ်ႈ​ႁဝ်း​ၼၼ်ႉ ၵွပ်ႈ​ပိူဝ်ႈ​ရၢၼ်ႇ​သူႇ​ၶႃႈ​ၸဝ်ႈ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​သဵၼ်ႈ​တၢင်း​ၸဝ်ႈ​ႁဝ်း သိုဝ်ႈ​လီ​ၵႃႈ​တီႈ​ၽၢႆႇ​ၼႃႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။</verse>
				<verse number="9">ၵႃႈ​ၼႂ်း​သူပ်း​ၶဝ်​ၼၼ်ႉ​ဢမ်ႇ​မီး​သဵတ်ႈ​ၸႃႇ​တီႈ​ၶႃႈ။ ၽၢႆႇ​တၢင်း​ၼႂ်း​ၶဝ်​ၼၼ်ႉ​ႁၢႆႉ​ယုတ်ႈ​ၼႃႇ​လူင်​လၢင်​တီႈ​ၶႃႈ​ဢေႃႈ။ ၵူင်​ၶေႃး​ၶဝ်​ၼၼ်ႉ​ပဵၼ်​ၶုမ်​ပႃႇ​ႁဵဝ်ႈ​ဢၼ်​ၽုၺ်ႇ​ဝႆႉ​တီႈ​ၶႃႈ​ဢေႃႈ။ ၶဝ်​ၼၼ်ႉ​ၸၢင်ႈ​ဢဝ်​လိၼ်ႉ​ၶဝ်​ၶျေႃး​လဝ်ႊ​တီႈ​ၶႃႈ​ဢေႃႈ။-</verse>
				<verse number="10">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ဢပႅတ်ႈ​ႁွတ်ႈ​ထိုင် ၵႃႈ​ၼိူဝ်​ၶဝ်​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​ၶဝ်​လူမ်ႉ​တူၵ်း​လူၺ်ႈ​တၢင်း​ဢၼ်​ၶဝ်​ၵျၢမ်ႇ​ပွင်​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁေႃႈ​ၶဝ်​ဢွၵ်ႇ​ပႅတ်ႈ ၵွပ်ႈ​ပိူဝ်ႈ​ဢပႅတ်ႈ ဢၼ်​ၶဝ်​ၽိတ်း​ပိူင်ႈ​ၼၼ်ႉ ၼမ်​ၼႃႇ​ၼၼ်ႉ​သေ​ၵမ်း​တီႈ​ၶႃႈ။ လွင်ႈ​မၼ်း​ၸမ်ႉ ၶဝ်​ဢွၼ်​ၵၼ်​ပုင်ႇ​ၵၢၼ်ႇ​ၸဝ်ႈ​ႁဝ်း​တီႈ​ၶႃႈ​ယဝ်ႉ။</verse>
				<verse number="11">ၶဝ်​ၸိူဝ်း​ဢၼ်​သွၼ်ႈ​ပိုင်ႈ​ၸဝ်ႈ​ႁဝ်း​ယူႇ​ၼၼ်ႉ​ၸမ်ႉ၊ တၵ်း​လႆႈ​မီး​တၢင်း​ဢၼ်​ၸူမ်း​သိူဝ်း​တီႈ​ၶႃႈ​ဢေႃႈ။ ၶဝ်​တၵ်း​လႆႈ​မီး တၢင်း​ဢၼ်​ၸူမ်း​သိူဝ်း​သေ​လႄႈ ႁွင်ႉ​သႅၼ်ႇ​ႁွင်ႉ​ၵိဝ်​ယူႇ​သေႇ​သေႇ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း ပႂ်ႉ​လူ​ပႂ်ႉ​တူၺ်း​ၶဝ်​ယူႇ​ၼၼ်ႉ​တီႈ​ၶႃႈ​ဢေႃႈ။ ၶဝ်​ၸိူဝ်း​ဢၼ်​ႁၵ်ႉ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ တၵ်း​လႆႈ​မီး​တၢင်း​ဢၼ်​ၸူမ်း​သိူဝ်း​သႂၢင်ႇ​ၸႂ်​ယူႇ​ၼႂ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="12">ၸဝ်ႈ​ႁဝ်း​တၵ်း​ပၼ်​တၢင်း​လီ တီႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​လႄႈ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​တၵ်း​ဢဝ်​တင်း​ၵျေး​ၸူး​ၸဝ်ႈ​ႁဝ်း ႁႄႉ​ၵင်ႈ​ႁႄႉ​လပ်ႉ​ၶဝ်​ဝႆႉ မိူၼ်​ၸိူဝ်ႉ​ၼင်ႇ​ၶိူင်ႈ​ႁႄႉ​လၢၵ်ႈ​ၼၢၵ်ႈ​ၼၼ်ႉ​တီႈ​ၶႃႈ​ဢေႃႈ။</verse>
			</chapter>
			<chapter number="6">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ဢွၵ်ႇ​လႄႈ၊ ၶႅၼ်း​တေႃႈ​ယႃႇ​ပေ​တၢင်ႇ​ဢပႅတ်ႈ​ၵႃႈ​ၼိူဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ ဢၼ်​ႁႅင်း​ယႂ်ႇ​ၼႃႇ​လူင်​လၢင်​ဢွၵ်ႇ​လႄႈ၊ ၶႅၼ်း​တေႃႈ​ယႃႇ​ပေ​သင်ႇ​သွၼ်​သုင်း​မႃႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="2">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ၸွႆႈ​ထႅမ်​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ႁႅင်း​လဵၵ်ႉ​ႁႅင်း​ၵေႇ​ၼႃႇ​လူင်​လၢင်​ၼၼ်ႉ သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ၸိုၼ်ႈ​မႃး​ၶႅၼ်း​မႃး ၵွပ်ႈ​ပိူဝ်ႈ​ဢၼ်​လုပ်ႇ​ၶႃႈ​ၸဝ်ႈ​ၸိူဝ်း​ၼႆႉ ၵူဝ်​ႁႄ​သၼ်ႇ​ဝႆ​ယူႇ​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="3">ၸႂ်​ဝီႉၺိၺ်ႇ​ၶႃႈ​ၸဝ်ႈ​ၼႆႉ ၵူဝ်​ႁႄ​သၼ်ႇ​ဝႆ​ၼႃႇ​လူင်​လၢင်​ယူႇ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​တၵ်း​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။</verse>
				<verse number="4">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​သမ်ႉ​ၶိုၼ်း​မႃး​လႄႈ ၵႄႇ​သႄႇ​ၼုၵ်ႈ​ဢဝ်​ၸႂ်​ဝီႉၺိၺ်ႇ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း ၵွပ်ႈ​ပိူဝ်ႈ​ၵရူႉၼႃႇ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="5">လွင်ႈ​မၼ်း​ၸမ်ႉ ၵႃႈ​ၼႂ်း​မိူင်း​ဢၼ်​တၢႆ​ၼၼ်ႉ ဢမ်ႇ​မီး​တၢင်း​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၸဝ်ႈ​ႁဝ်း​တီႈ​ၶႃႈ။ ၵႃႈ​ၼႂ်း​မိူင်း​မရၼႃႉ​ၼၼ်ႉ၊ ၽူႈ​လႂ်​တၵ်း​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း​တီႈ​ၶႃႈ၊-</verse>
				<verse number="6">ၶႃႈ​ၸဝ်ႈ​ၼႆႉ လႆႈ​ပွင်ႉ​ၶၢင်း​ပွင်ႉ​မိူၼ်ႇ​ယူႇ​လႄႈ ႁိူဝ်ႉ​ၸႂ်​ဢူၼ်ႈ​ၸႂ်​ၼႃႇ​လူင်​လၢင်​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁႂ်ႈ​ၵူႇ​တီႈ​ၼွၼ်း​ၶႃႈ​ၸဝ်ႈ လႆႈ​လွင်ႈ​ၵႂႃႇ​လႆ​ၵႂႃႇ​ၵူႈ​ၶိုၼ်း​လႄႈ ႁႂ်ႈ​တီႈ​ၼွၼ်း​ၶႃႈ​ၸဝ်ႈ​ၸိူမ်ႈ​လႅဝ်​ၵႂႃႇ လူၺ်ႈ​ၼမ်ႉ​တႃ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="7">မၢၵ်ႇ​တႃ​ၶႃႈ​ၸဝ်ႈ​လူႉ​ၵႂႃႇ​ၵွပ်ႈ​ပိူဝ်ႈ​တၢင်း​ဢၼ်​ၸႂ်​လဵၵ်ႉ​ၼၼ်ႉ​လႄႈ မီး​တၢင်း​ဢၼ်​မူၼ်ႇ​ၵႂႃႇ​မူဝ်း​ၵႂႃႇ ၵွပ်ႈ​ပိူဝ်ႈ​ရၢၼ်ႇ​သူႇ​ၶႃႈ​ၸဝ်ႈ တင်း​သဵင်ႈ​တင်း​လူင်​ၼၼ်ႉ​တီႈ​ၶႃႈ​ဢေႃႈ။</verse>
				<verse number="8">ၶဝ်​ၸိူဝ်း​ဢၼ်​ႁဵတ်း​လွင်ႈ​တၢင်း​ဢၼ်​ဢမ်ႇ​တြႃး​တင်း​သဵင်ႈ​တင်း​လူင်​ၶဝ်​ဢိူၺ်း၊ ဝႄႈ​သေ​ၵႃႈ​တီႈ​ၵဝ်​လႄႈ​ၵႂႃႇ​တႃႉ။-</verse>
				<verse number="9">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​လႆႈ​ငိၼ်း​သဵင်​တၢင်း​ဢၼ်​ၵဝ်​ႁႆႈ​ႁွင်ႉ​ၼၼ်ႉ​ယဝ်ႉ။ ထႃႇဝရႃႉ​ၽြႃး လႆႈ​ငိၼ်း​တၢင်း​ဢၼ်​ၵဝ်​တွင်း​ပၢၼ်ႇ​ၼၼ်ႉ​ယဝ်ႉ။ ထႃႇဝရႃႉ​ၽြႃး​တၵ်း​ထွမ်ႇ​ဢဝ်​ၵႂၢမ်း ဢၼ်​ၵဝ်​ႁဵတ်း​ပထၼႃႇ​ၼၼ်ႉ​ဢေႃႈ။-</verse>
				<verse number="10">ရၢၼ်ႇ​သူႇ​ၵဝ်​တင်း​သဵင်ႈ​တင်း​လူင် တၵ်း​မီး​တၢင်း​ဢၼ်​ဢူၵ်း​ဢၼ်​ဢၢႆ​လႄႈ ၵူဝ်​ႁႄ​သၼ်ႇ​ဝႆ​ၼႃႇ​လူင်​လၢင်​ယူႇ​ဢေႃႈ။ ၶဝ်​တၵ်း​ဝၢႆႇ​ၶိုၼ်း​ၵႂႃႇ​သေ​လႄႈ ၶီႉ​ၶႃႉ​ႁွတ်ႈ​ထိုင်​တၢင်း​ဢၼ်​ဢူၵ်း​ဢၼ်​ဢၢႆ​ၼၼ်ႉ​ဢေႃႈ။</verse>
			</chapter>
			<chapter number="7">
				<verse number="1">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​သွၼ်ႈ​ပိုင်ႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် လိုပ်ႈ​ၸွမ်း​လမ်း​ၸွမ်း​ၶႃႈ​ၸဝ်ႈ​တင်း​သဵင်ႈ​တင်း​လူင်​ၼၼ်ႉ​လႄႈ ၵႄႇ​သႄႇ​ၼုၵ်ႈ​ဢဝ်​ဢွၵ်ႇ​သေ​ၵမ်း​တီႈ​ၶႃႈ။-</verse>
				<verse number="2">ပေႃး​ဢမ်ႇ​ၼၼ် မၼ်း​တၵ်း​ၶူပ်း​ငၢၼ်ႈ​ၸႂ်​ဝီႉၺိၺ်ႇ​ၶႃႈ​ၸဝ်ႈ​ၶၢတ်ႇ မိူၼ်​ၸိူဝ်ႉ​ၼင်ႇ​သၢင်ႇ​သီႈ​ၼၼ်ႉ​လႄႈ ၸၵ်ႉ​သိၵ်ႇ​ၶၢတ်ႇ​ပဵၼ်​ပွတ်း​ပဵၼ်​တွၼ်ႈ​ပႅတ်ႈ​ၼႂ်း​မိူဝ်ႈ​ဢၼ် ဢမ်ႇ​မီး​ၵေႃႉ​ဢၼ်​ၵႄႇ​သႄႇ​ၼုၵ်ႈ​ဢဝ်​ၼၼ်ႉ​တီႈ​ၶႃႈ​ဢေႃႈ။</verse>
				<verse number="3">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ပေႃး​ၶႃႈ​ၸဝ်ႈ​ႁဵတ်း​ၸိူဝ်ႉ​ၼင်ႇ​ၼၼ်၊ ပေႃး​ဢမူႉ​ဢႃႉထမ်ႇမႃႉ​မီး​ၵႃႈ​ၼႂ်း​မိုဝ်း​ၶႃႈ​ၸဝ်ႈ၊-</verse>
				<verse number="4">ပေႃး​ၶႃႈ​ၸဝ်ႈ​တွပ်ႇ​တႅၼ်း​ၶိုၼ်း ဢၼ်​ဢမ်ႇ​လီ​တီႈ​ၵေႃႉ​ဢၼ် ထုၵ်ႇ​မေႃ​ၵၼ်​တင်း​ၶႃႈ​ၸဝ်ႈ​ၼၼ်ႉ​လႄႈ၊ လွင်ႈ​မၼ်း​ယင်း​ဢမ်ႇ​မီး​လႄႈ၊ ၶႃႈ​ၸဝ်ႈ​ႁိမ်​ဢဝ်​ႁူင်ႇ​ဢဝ်​ၵေႃႉ​ဢၼ် ႁဵတ်း​ရၢၼ်ႇ​သူႇ​ၶႃႈ​ၸဝ်ႈ​ၼၼ်ႉ​ၸိုင်၊-</verse>
				<verse number="5">ႁႂ်ႈ​ရၢၼ်ႇ​သူႇ​လိုပ်ႈ​ၸွမ်း​လမ်း​ၸွမ်း​ၸႂ်​ဝီႉၺိၺ်ႇ​ၶႃႈ​ၸဝ်ႈ​လႄႈ ၶိုတ်း​သေ​ၵမ်း​လူၺ်ႈ။ ႁႂ်ႈ​မၼ်း​ယဵပ်ႇ​ယမ်ႈ​ဢသၢၵ်ႈ ၶႃႈ​ၸဝ်ႈ​သႂ်ႇ​ၵႃႈ​ၼိူဝ်​လိၼ်​သေ​လႄႈ ႁႂ်ႈ​မုၼ်​ၽုင်း​သရေႇ​ၶႃႈ​ၸဝ်ႈ​တူၵ်း​တီႈ​တႅမ်ႇ ၵႃႈ​တီႈ​မုၼ်ႈ​လိၼ်​သေ​ၵမ်း​လူၺ်ႈ။</verse>
				<verse number="6">ထႃႇဝရႃႉ​ၽြႃး​တီႈ​ၶႃႈ၊ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​ဢွၵ်ႇ​သေ​လႄႈ ၶႅၼ်း​တေႃႈ​လုၵ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဝႆႉ​ၸႂ် ႁႄႉ​ၶႅၼ်​တၢင်း​ဢၼ်​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ ႁၢဝ်ႈ​ၵျၢမ်း​ၼႃႇ​ၼၼ်ႉ​သေ​ၵမ်း​တီႈ​ၶႃႈ။ ၸဝ်ႈ​ႁဝ်း​ဢၼ်​ၸၢင်ႈ​ၸီႇ​ယၢင်ႇ တြႃး​တီႈ​ၶႃႈ​ဢိူၺ်း၊ ၶႅၼ်း​တေႃႈ​တိုၼ်ႇ​မႃး​ပုၼ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၸေႇလႃႇ။-</verse>
				<verse number="7">ႁႂ်ႈ​တၢင်း​ဢၼ်​ၵူၼ်း​မဵဝ်း​တင်း​လၢႆ​ၸူႉ​ၵၼ်​တုမ်​ၵၼ်​ၼၼ်ႉ လွမ်ႉ​ႁွပ်ႈ​ၸဝ်ႈ​ႁဝ်း​သေ​လႄႈ၊ ၸဝ်ႈ​ႁဝ်း​သမ်ႉ​ၶိုၼ်း​ၶိုၼ်ႈ​ၵႂႃႇ​ၸူး ၵႃႈ​တီႈ​ဢၼ်​သုင်​ၼၼ်ႉ ၵႃႈ​ၼိူဝ်​ၶဝ်​သေ​ၵမ်း​တီႈ​ၶႃႈ။-</verse>
				<verse number="8">ထႃႇဝရႃႉ​ၽြႃး ၸီႇ​ယၢင်ႇ​တြႃး​တီႈ​ၵူၼ်း​မဵဝ်း​တင်း​လၢႆ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ထွၵ်ႈ​လူၺ်ႈ​တၢင်း​ဢၼ်​ၶႃႈ​ၸဝ်ႈ​သိုဝ်ႈ​တေႃႇ ဢိၵ်ႇ​တင်း​တၢင်း​ဢၼ်​ၸေး​ၸုမ်ႇ​တီႈ​ၶႃႈ​ၸဝ်ႈ​ၼၼ်ႉ​သေ​လႄႈ ၸီႇ​ယၢင်ႇ​တႅပ်း​တတ်း​ဢမူႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="9">ၶႅၼ်း​တေႃႈ​ႁႂ်ႈ​ဢမူႉ​ဢႃႉထမ်ႇမႃႉ​ၶဝ်​ၸိူဝ်း​ဢၼ်​ဢမ်ႇ​တြႃး ၼၼ်ႉ​သုမ်း​လႄႈ၊ ႁႂ်ႈ​ၶဝ်​ၸိူဝ်း​ဢၼ်​တြႃး​ၼၼ်ႉ​တႄႇ​ယူႇ​မၼ်ႈ​ၶိူင်ႇ​သေ​ၵမ်း​တီႈ​ၶႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ဢၼ်​ႁဵတ်း​ၸွမ်း​ၼင်ႇ​တြႃး​ၼၼ်ႉ​ၸၢင်ႈ​ၸႅတ်ႈ​ထၢမ်​ၸႅတ်ႈ​တူၺ်း​ႁူဝ်​ၸႂ် ဢိၵ်ႇ​တင်း​မၢၵ်ႇ​လၼ်း​တီႈ​ၶႃႈ​ဢေႃႈ။</verse>
				<verse number="10">ၶိူင်ႈ​ႁႄႉ​လၢၵ်ႈ​ၼၢၵ်ႈ​ၵဝ်​မီး​တီႈ​ၽြႃး​ပဵၼ်​ၸဝ်ႈ ဢၼ်​ၸၢင်ႈ​ၵႄႇ​သႄႇ​ၶျွတ်ႈ​ဢဝ်​ၶဝ်​ၸိူဝ်း​ဢၼ် သၽေႃး​သိုဝ်ႈ​တေႃႇ​ၼၼ်ႉ​ဢေႃႈ။-</verse>
				<verse number="11">ၽြႃး​ပဵၼ်​ၸဝ်ႈ ပဵၼ်​ၸဝ်ႈ​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ ပဵၼ်​ၽြႃး​ဢၼ်​ၸႂ်​မႆႈ​ၶႆႈ​ၸႃႉ​တီႈ​ၶဝ်​ၸိူဝ်း​ဢၼ် ဢမ်ႇ​တြႃး​ၼၼ်ႉ​ယူႇ​ၵူႈ​ဝၼ်း​ဢေႃႈ။-</verse>
				<verse number="12">ပေႃး​ၵူၼ်း​ဢမ်ႇ​ၶၢႆႉ​ပုတ်ႈ​သေ​ၸိုင်၊ မၼ်း​ၸဝ်ႈ​တၵ်း​လပ်ႉ​လၢပ်ႇ​မၼ်း​ၸဝ်ႈ​ဢေႃႈ။ မၼ်း​ၸဝ်ႈ​တၵ်း​ဝူတ်ႈ​ၵၢင်ႇ​မၼ်း​ၸဝ်ႈ​တၢင်ႇ​သေ​လႄႈ ႁႅၼ်း​ဝႆႉ​ၶိုင်​ဝႆႉ​ဢေႃႈ။-</verse>
				<verse number="13">လၢၵ်ႈ​ၼၢၵ်ႈ​ဢၼ်​ၸၢင်ႈ​ႁႂ်ႈ​တၢႆ​ၼၼ်ႉ​ၵေႃႈ၊ မၼ်း​ၸဝ်ႈ​ႁႅၼ်း​ဝႆႉ​ၶိုင်​ဝႆႉ​ပုၼ်ႈ​မၼ်း​ၼၼ်ႉ​လႄႈ ႁႂ်ႈ​ပိုၼ်​မၼ်း​ၸဝ်ႈ​တင်း​လၢႆ ပဵၼ်​ၽႆး​လုၵ်ႉ​မႆႈ​ယူႇ​ဢေႃႈ။</verse>
				<verse number="14">တူၺ်း​လူး၊ မၼ်း​ၼၼ်ႉ လႆႈ​ၶၢမ်ႇ​ဝူၺ်ႇတၼႃႇ​တၢင်း​ဢၼ်​ၵိူတ်ႇ​လဵင်ႉ​တူႉ​ၸရိူၵ်ႈ​ဢေႃႈ။ မၼ်း​ၼၼ်ႉ​လႆႈ​တႄႇ ပတိၵ်ႉသၼ်ႇထေႇ တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​သေ​လႄႈ ၸၢင်ႈ​ၵိူတ်ႇ​လဵင်ႉ​မူႉ​သႃႇ​ဢေႃႈ။-</verse>
				<verse number="15">မၼ်း​ၼၼ်ႉ​ၶုတ်း​ၶုမ်​ၶုတ်း​လုၵ်း​လႄႈ ႁဵတ်း​ႁႂ်ႈ​လိုၵ်ႉ​ၼႃႇ​သေ​ယဝ်ႉ၊ တူဝ်​မၼ်း​ၸၢင်ႈ​တူၵ်း​သႂ်ႇ​ၵႃႈ​ၼႂ်း​ၶုမ်​ၼႂ်း​လုၵ်း​ဢၼ် မၼ်း​ၶုတ်း​ၼၼ်ႉ​ဢေႃႈ။-</verse>
				<verse number="16">တၢင်း​ၵျၢမ်ႇ​တၢင်း​ပွင်​မၼ်း​ဢၼ်​ဢမ်ႇ​လီ​ၼၼ်ႉ တၵ်း​ၶိုၼ်း​ႁွတ်ႈ​ထိုင်​ၵႃႈ​ၼိူဝ်​ႁူဝ်​မၼ်း​လႄႈ၊ ဢမူႉ​မၼ်း​ဢၼ်​ႁၢဝ်ႈ​ၵျၢမ်း​ၼႃႇ​ၼၼ်ႉ တၵ်း​တူၵ်း​ႁွတ်ႈ​ၵႃႈ​ၼိူဝ်​ၸိၵ်း​ႁူဝ်​မၼ်း​ဢေႃႈ။-</verse>
				<verse number="17">ၵဝ်​ၸမ်ႉ၊ တၵ်း​ယွင်ႈ​ယေႃး​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​ႁဵတ်း​ဢၼ်​တြႃး​ၼၼ်ႉ​လႄႈ ႁဵတ်း​ၵႂၢမ်း​ထေႃးပၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ဢၼ်​သုင်​မျၢတ်ႈ​ၼႃႇ​သေ​ပိူၼ်ႈ​ၼၼ်ႉ​ဢေႃႈ။</verse>
			</chapter>
			<chapter number="8">
				<verse number="1">ၸဝ်ႈ​ႁဝ်း​ၶႃႈ​ထႃႇဝရႃႉ​ၽြႃး​တီႈ​ၶႃႈ၊ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ယႂ်ႇ​မျၢတ်ႈ​ၼႃႇ​လူင်​လၢင် ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​တီႈ​ၶႃႈ​ဢေႃႈ။ မုၼ်​ၽုင်း​ဢႃႇၼူႉၽေႃႇ​ၸဝ်ႈ​ႁဝ်း​တႄႇ​ယူႇ မီး​ဝႆႉ​ၵႃႈ​ၼိူဝ်​ၽႃႉ​ၵၢင်​ႁၢဝ်​တီႈ​ၶႃႈ​ဢေႃႈ။-</verse>
				<verse number="2">ၸဝ်ႈ​ႁဝ်း​ၸီႇ​ယၢင်ႇ​ဢၸုၼ်း​တၢင်း​ၵတ်ႉ​တၢင်း​ၶၼ်​ဝႆႉ ၵႃႈ​ၼႂ်း​သူပ်း​လုၵ်ႈ​ဢွၼ်ႇ​ႁၢႆး​လႂ် ဢိၵ်ႇ​တင်း​လုၵ်ႈ​ဢွၼ်ႇ​ဢၼ်​ယင်း​ၵိၼ်​ၼူမ်း​ယူႇ​လႂ်​ၸိူဝ်း​ၼၼ်ႉ ၵွပ်ႈ​ပိူဝ်ႈ​ရၢၼ်ႇ​သူႇ​ၸဝ်ႈ​ႁဝ်း​တင်း​လၢႆ​လႄႈ၊ ႁႂ်ႈ​ၸဝ်ႈ​ႁဝ်း​လႆႈ​ႁႂ်ႈ​ရၢၼ်ႇ​သူႇ ဢိၵ်ႇ​တင်း​ၵေႃႉ​ဢၼ်​မူမ်ႇ​တၢင်း​ၽိတ်း​ဝႆႉ ၵႃႈ​ၼႂ်း​ၸႂ်​ၼၼ်ႉ လႆႈ​ယူႇ​တဵတ်ႇ​တဵတ်ႇ​ယဵၼ်​ယဵၼ်​တီႈ​ၶႃႈ​ဢေႃႈ။</verse>
				<verse number="3">မိူဝ်ႈ​ဢၼ်​ၶႃႈ​ၸဝ်ႈ​လူ​တူၺ်း​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ၽႃႉ​ၵၢင်​ႁၢဝ်​ၸဝ်ႈ​ႁဝ်း ဢၼ်​ဝႃႈ​တၢင်း​ႁဵတ်း​ၼိဝ်ႉ​မိုဝ်း​ၸဝ်ႈ​ႁဝ်း ဢိၵ်ႇ​တင်း​လိူၼ်​လၢဝ်​ဢၼ်​ၸဝ်ႈ​ႁဝ်း​မႄး​ႁႅၼ်း​ဝႆႉ​ၸိူဝ်း​ၼၼ်ႉ​ၼၼ်ႉ၊-</verse>
				<verse number="4">ၵူၼ်း​ၸိုင်​ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း​တီႈ​ၶႃႈ။ လုၵ်ႈ​ၵူၼ်း​ၸိုင် ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​မႃး​လူ​မႃး​တူၺ်း​မၼ်း​တီႈ​ၶႃႈ။-</verse>
				<verse number="5">မၼ်း​ၸိုင်၊ ၸဝ်ႈ​ႁဝ်း​ၶျႃး​တႅမ်ႇ​ဝႆႉ ၵႃႈ​တႂ်ႈ​တမၢၼ်ႇ​ၵၢင်​ႁၢဝ်​တင်း​လၢႆ​ဢိတ်း​ၼိုင်ႈ​တီႈ​ၶႃႈ​ဢေႃႈ။ ႁူဝ်​မၼ်း​ၸိုင်​ၸဝ်ႈ​ႁဝ်း ဢဝ်​တင်း​မုၼ်​ၽုင်း​သရေႇ ၶဵၼ်း​ႁွပ်ႈ​ဝႆႉ​တီႈ​ၶႃႈ​ဢေႃႈ။</verse>
				<verse number="6">ၸဝ်ႈ​ႁဝ်း​ႁႂ်ႈ​မၼ်း​ဢုပ်ႉ​ပိူင်ႇ​ၶိူင်ႈ​ပိူင် ဢၼ်​ၸဝ်ႈ​ႁဝ်း​ဢဝ်​တင်း​မိုဝ်း​ၸဝ်ႈ​ႁဝ်း​ႁဵတ်း​ပဵၼ်​ၸိူဝ်း​ၼၼ်ႉ​လႄႈ ၸဝ်ႈ​ႁဝ်း​ဢဝ် ၶိူင်ႈ​ပိူင်​ၵႃႈ​မီး​တင်း​သဵင်ႈ​တင်း​လူင်​ဢၼ်​ဝႃႈ၊-</verse>
				<verse number="7">သူဝ်း၊ ဝူဝ်း၊ တရိၵ်ႈသၢၼ်ႇ ဢၼ်​မီး​ၵႃႈ​ၼိူဝ်​လိၼ်၊-</verse>
				<verse number="8">ၼူၵ်ႉ​ၵၢင်​ႁၢဝ်၊ ပႃ​ပၢင်ႇ​လၢႆႇ ဢိၵ်ႇ​တင်း​တရိၵ်ႈသၢၼ်ႇ​ၵႃႈ​ဢၼ်​ၸၢင်ႈ​ၵႂႃႇ​တၢင်း​ပႆ​တၢင်း ၵႃႈ​ၼႂ်း​ပၢင်ႇ​လၢႆႇ​ၸိူဝ်း​ၼၼ်ႉ ၶျႃး​ဝႆႉ​ၵႃႈ​တႂ်ႈ​တိၼ်​မၼ်း​တီႈ​ၶႃႈ​ယဝ်ႉ။-</verse>
				<verse number="9">ၸဝ်ႈ​ႁဝ်း​ၶႃႈ​ထႃႇဝရႃႉ​ၽြႃး​တီႈ​ၶႃႈ၊ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ယႂ်ႇ​မျၢတ်ႈ​ၼႃႇ​လူင်​လၢင် ၵႃႈ​ၼိူဝ်​လိၼ်​မိူင်း တင်း​သဵင်ႈ​တင်း​မူတ်း​တီႈ​ၶႃႈ​ဢေႃႈ။</verse>
			</chapter>
			<chapter number="9">
				<verse number="1">ၶႃႈ​ၸဝ်ႈ​တၵ်း​ပႃး​တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ယွင်ႈ​ယေႃး​ထႃႇဝရႃႉ​ၽြႃး​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​လီ​ဢၢမ်း​ၸဝ်ႈ​ႁဝ်း ၵႃႈ​မီး​တင်း​သဵင်ႈ​တင်း​လူင်​တီႈ​ၶႃႈ​ဢေႃႈ။-</verse>
				<verse number="2">ၶႃႈ​ၸဝ်ႈ​တၵ်း​ၸူမ်း​သိူဝ်း​လႄႈ သႂၢင်ႇ​ၸႂ်​သိူဝ်း​ၸႂ် ၼႂ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​ထေႃးပၼႃႇ တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၽြႃး​ဢၼ်​သုင်​မျၢတ်ႈ​ၼႃႇ​သေ​ပိူၼ်ႈ​တီႈ​ၶႃႈ၊-</verse>
				<verse number="3">လွင်ႈ​မၼ်း​ၸမ်ႉ မိူဝ်ႈ​ဢၼ်​ရၢၼ်ႇ​သူႇ​ၶႃႈ​ၸဝ်ႈ​ၸိူဝ်း​ၼၼ်ႉ သုတ်ႉ​ယိုတ်း​ၶိုၼ်ႈ​ၵႂႃႇ​ၼၼ်ႉ၊ ၶဝ်​ၼၼ်ႉ​ပိၼ်ႈ​လူမ်ႉ​လႄႈ လူႉ​လႅဝ်​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="4">ၸဝ်ႈ​ႁဝ်း​ယူႇ​ၽၢႆႇ​ၶႃႈ​ၸဝ်ႈ​သေ​လႄႈ​တႅပ်း​တတ်း​တြႃး​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၸဝ်ႈ​သေ​လႄႈ ပဵၼ်​ၸဝ်ႈ​ဢၼ်​ၸီႇ​ယၢင်ႇ ၸွမ်း​ၼင်ႇ​တၢင်း​ဢၼ်​သိုဝ်ႈ​ဢၼ်​တေႃႇ​တီႈ​ၶႃႈ​ဢေႃႈ။-</verse>
				<verse number="5">ၸဝ်ႈ​ႁဝ်း​သင်ႇ​သွၼ်​သုင်း​မႃႉ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ယႃႉ​ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ​ပႅတ်ႈ​လႄႈ မွတ်ႇ​ၼႃႇ​မႃႉ​ၸိုဝ်ႈ​သဵင်​ၶဝ်​ပႅတ်ႈ​ၶိင်ႇ​ၵႃႇလႃႉ​သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ဢေႃႈ။-</verse>
				<verse number="6">ရၢၼ်ႇ​သူႇ​တင်း​လၢႆ ႁွတ်ႈ​ထိုင်​တၢင်း​လူႉ​တၢင်း​လႅဝ်​လႄႈ ပဵၼ်​ဢၼ်​သဵတ်ႇ​ဢၼ်​ယဵၼ်​ယူႇ​သေႇ​သေႇ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ၵိူၼ်ႇ​ယႃႉ​ဝဵင်း​တင်း​လၢႆ​ပႅတ်ႈ​လႄႈ တီႈ​မၢတ်ႈ​တီႈ​တွင်း​ၶဝ်​ႁၢႆ​လၢႆ​ၵႂႃႇ​ထၼ်ႈ​ပေႃး ဢမ်ႇ​လႆႈ​မီး​လႃး​လႃး​တီႈ​ၶႃႈ​ယဝ်ႉ။</verse>
				<verse number="7">ထႃႇဝရႃႉ​ၽြႃး​ၸမ်ႉ၊ တႄႇ​ယူႇ​ၶိင်ႇ​ၵႃႇလႃႉ​သိုပ်ႇ​သိုပ်ႇ​တၢမ်း​တၢမ်း​လႄႈ မၼ်း​ၸဝ်ႈ​မႄး​ဝႆႉ​ႁႅၼ်း​ဝႆႉ​ပလၢင်ႇ​ၸဝ်ႈ ပုၼ်ႈ​ဢၼ်​တၵ်း​ၸီႇ​ယၢင်ႇ​တြႃး​ဢေႃႈ။-</verse>
				<verse number="8">မၼ်း​ၸဝ်ႈ​ၸီႇ​ယၢင်ႇ​ၵူၼ်း​လိၼ်​မိူင်း​တင်း​လၢႆ ၸွမ်း​ၼင်ႇ​တြႃး​လႄႈ၊ မၼ်း​ၸဝ်ႈ​ႁဵတ်း​တၢင်း​ဢၼ်​တႅပ်း​တတ်း​တီႈ​ၵူၼ်း​မဵဝ်း​တင်း​လၢႆ ၸွမ်း​ၼင်ႇ​တၢင်း​ဢၼ်​သိုဝ်ႈ​ဢၼ်​တေႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="9">ထႃႇဝရႃႉ​ၽြႃး​ပဵၼ်​တီႈ​သွၼ်ႈ​တီႈ​ပိုင်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​လႄႈ ပဵၼ်​တီႈ​သွၼ်ႈ​တီႈ​ပိုင်ႈ​ၼႂ်း​ၶိင်ႇ​ၵႃႇလႃႉ မိူဝ်ႈ​ဢၼ်​ၽေး​ဢၼ်ႇတရႄႇ​ႁွတ်ႈ​ထိုင်​ၼၼ်ႉ​ဢေႃႈ။-</verse>
				<verse number="10">ၶဝ်​ၸိူဝ်း​ဢၼ်​ႁူႉ​ၸၵ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ ယုမ်ႇ​မၢတ်ႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ဢမ်ႇ​ၸၢင်ႈ​ၸုၼ်ႉ​ပႅတ်ႈ ၶဝ်​ၸိူဝ်း​ဢၼ်​ႁႃ​ၸဝ်ႈ​ႁဝ်း​ၼၼ်ႉ​တီႈ​ၶႃႈ။</verse>
				<verse number="11">ႁဵတ်း​ၵႂၢမ်း​ထေႃးပၼႃႇ​တီႈ​ထႃႇဝရႃႉ​ၽြႃး ဢၼ်​ၵိင်း​ဝၢပ်ႈ​ယူႇ​ၵႃႈ​ၼႂ်း​ဝဵင်း​ ၸီႉဢုၼ်ႇ ​ၼၼ်ႉ​တႃႉ။ မွၵ်ႇ​လၢတ်ႈ​လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​ၸိူဝ်း​ၼၼ်ႉ တီႈ​ၵူၼ်း​တင်း​လၢႆ​တႃႉ။-</verse>
				<verse number="12">ၸဝ်ႈ​ဢၼ်​ၸႅတ်ႈ​ထၢမ်​ၸႅတ်ႈ​တူၺ်း​ဢမူႉ​တၢင်း​ဢၼ်​ထွၵ်ႇ​လိူတ်ႈ​ၼၼ်ႉ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶဝ်​ၼၼ်ႉ​ယူႇ​ဢေႃႈ။ မၼ်း​ၸဝ်ႈ​ဢမ်ႇ​ၸၢင်ႈ​လူင်​ၸၢင်ႈ​လိုမ်း သဵင်​တၢင်း​ဢၼ်​ၶဝ်​ၸိူဝ်း​ဢၼ်​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ႁွင်ႉ​သႅၼ်ႇ​ၼၼ်ႉ။</verse>
				<verse number="13">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ၵႄႇ​သႄႇ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ၶႅၼ်း​တေႃႈ​လူ​တူၺ်း​ဢမူႉ တၢင်း​ဢၼ် ၵူၼ်း​ဢၼ်​ၸင်း​ၶႃႈ​ၸဝ်ႈ​ၸိူဝ်း​ၼၼ်ႉ ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ၼၼ်ႉ​သေ​ၵမ်း​တီႈ​ၶႃႈ။ ၸဝ်ႈ​ဢၼ်​ၼုၵ်ႈ​ဢဝ်​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​ၽၵ်း​တူ​တၢင်း​တၢႆ​တီႈ​ၶႃႈ၊-</verse>
				<verse number="14">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် ၶႃႈ​ၸဝ်ႈ​တၵ်း​ၽုၺ်ႇ​ဢွၵ်ႇ​ၼႄ​ပျႃး​ၵုင်ႇ​ၵျေး​ၸူး​ၸဝ်ႈ​ႁဝ်း​တင်း​သဵင်ႈ​တင်း​မူတ်း ၵႃႈ​ၼႂ်း​ႁူး​ၽၵ်း​တူ​လုၵ်ႈ​ယိင်း​သၢဝ်​ ၸီႉဢုၼ်ႇ ​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​သႂၢင်ႇ​သိူဝ်း ၵႃႈ​ၼႂ်း​ၵျေး​ၸူး​တၢင်း​ဢၼ် ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​တီႈ​ၶႃႈ​ဢေႃႈ။</verse>
				<verse number="15">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ ဢွၼ်​ၵၼ်​တူၵ်း​ၵႃႈ​ၼႂ်း​ၶုမ်​ၼႂ်း​လုၵ်း ဢၼ်​ၶဝ်​ၶုတ်း​ၼၼ်ႉ​လႄႈ တိၼ်​ၶဝ်​ထုၵ်ႇ​မႅၼ်ႈ​ၵႃႈ​ၼႂ်း​တူင်ႇ​ႁႅဝ်ႉ​တူင်ႇ​ၶိုမ်း ဢၼ်​ၶဝ်​ၵၢင်​ဝႆႉ​ၼၼ်ႉ​ဢေႃႈ။-</verse>
				<verse number="16">ထႃႇဝရႃႉ​ၽြႃး​ႁႂ်ႈ​တူဝ်​မၼ်း​ၸဝ်ႈ​ထၢင်ႇ​သႃး ၼႂ်း​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​တႅပ်း​တတ်း​တြႃး​ၼၼ်ႉ​လႄႈ၊ ၵေႃႉ​ဢၼ်​ဢမ်ႇ​တြႃး​ၼၼ်ႉ လႆႈ​ၶၢမ်ႇ​တၢင်း​ဢၼ်​ထုၵ်ႇ​ၶဵၼ်း​မႅၼ်ႈ​ၵႃႈ​ၼႂ်း​တၢင်း​ႁဵတ်း ဢၼ်​မိုဝ်း​မၼ်း​ႁဵတ်း​ၼၼ်ႉ​ဢေႃႈ။ ၸေႇလႃႇ။-</verse>
				<verse number="17">ၶဝ်​ၸိူဝ်း​ဢၼ်​ဢမ်ႇ​တြႃး​ဢၼ်​ဝႃႈ ၵူၼ်း​မဵဝ်း​ၵႃႈ​ဢၼ်​လူင်​လိုမ်း​ၽြႃး​ပဵၼ်​ၸဝ်ႈ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ႁေႃႈ​ၵႂႃႇ​ၸူး ၵႃႈ​ၼႂ်း​မိူင်း​မရၼႃႉ​ဢေႃႈ။-</verse>
				<verse number="18">ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ ဢမ်ႇ​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​လူင်​လိုမ်း​ယူႇ​သေႇ​သေႇ​လႄႈ၊ တၢင်း​မုင်ႈ​ထႃႈ​မွင်း​ထႃႈ​ၶဝ်​ၸိူဝ်း​ဢၼ်​ႁူဝ်​ၸႂ်​ၶျႃး​တႅမ်ႇ​ၼၼ်ႉ ဢမ်ႇ​လႆႈ​လူႉ​လႆႈ​သုမ်း​ယူႇ​သေႇ​သေႇ။</verse>
				<verse number="19">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​လုၵ်ႉ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​ၵူၼ်း​လႆႈ​ပႄႉ​လႆႈ​ၼႅင်ႇ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​တႅပ်း​တတ်း ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="20">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​လွၵ်ႇ​ငိုတ်ႈ​ၶဝ်​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ လႆႈ​ႁူႉ​လွင်ႈ​ဢၼ်​ၶဝ်​ပဵၼ်​ၵူၼ်း​ၵူၺ်း​ၼၼ်ႉ​သေ​ၵမ်း​တီႈ​ၶႃႈ။ ၸေႇလႃႇ။</verse>
			</chapter>
			<chapter number="10">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၸုၵ်း​ၵိုတ်း​ယူႇ​တီႈ​ဢၼ်​ၵႆ​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​တဵတ်ႇ​မႅပ်ႉ​ယူႇ​ၼႂ်း​မိူဝ်ႈ​ဢၼ် ၽေး​ဢၼ်ႇတရႄႇ​ႁွတ်ႈ​ထိုင်​ၼၼ်ႉ​တီႈ​ၶႃႈ၊-</verse>
				<verse number="2">ၵေႃႉ​ဢၼ်​ဢမ်ႇ​တြႃး​ၼၼ်ႉ ႁဵတ်း​မႃႇၼႃႉ​ၸႂ်​သုင်​လႄႈ ၸၢင်ႈ​ႁႂ်ႈ​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ မႆႈ​ၸႂ်​ႁွၼ်ႉ​ၸႂ်​တီႈ​ၶႃႈ​ဢေႃႈ။ ၶဝ်​ၸၢင်ႈ​လႆႈ​ၶၢမ်ႇ​တၢင်း​ဢၼ်​တီႉ​ဢၼ်​ၵမ် ၼႂ်း​လွင်ႈ​တၢင်း​ဢၼ်​ၶဝ်​ဢဝ်​တင်း​ပရီႉယႄႇ​ၵျၢမ်ႇ​ပွင်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="3">ၵေႃႉ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​ဢုပ်ႇ​ဢၢတ်ႇ​လူၺ်ႈ​လွင်ႈ​ဢလူဝ်ႇ​ႁူဝ်​ၸႂ်​မၼ်း​တီႈ​ၶႃႈ​ဢေႃႈ။ ၸၢင်ႈ​ယွင်ႈ​ယေႃး​ၵေႃႉ​ဢၼ် ႁိမ်​ႁူင်ႇ​လႆႈ​ၼၼ်ႉ​လႄႈ ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ထႃႇဝရႃႉ​ၽြႃး​တီႈ​ၶႃႈ​ဢေႃႈ။-</verse>
				<verse number="4">ၵေႃႉ​ဢၼ်​ဢမ်ႇ​တြႃး​ၼၼ်ႉ ၸွမ်း​လူၺ်ႈ​မႃႇၼႃႉ​ပူၵ်း​ပႅၼ် ၼႃႈ​မၼ်း​ၼၼ်ႉ​သေ​လႄႈ ၸၢင်ႈ​လၢတ်ႈ​လႄႈ​ဝႃႈ၊ မၼ်း​ၸဝ်ႈ​တၵ်း​ဢမ်ႇ​ၶိုၼ်း​ယွၼ်း​ဢဝ်​ၵူၺ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။ တၢင်း​ဢၼ်​မၼ်း​ၵျၢမ်ႇ​ပွင်​ယူႇ​တင်း​သဵင်ႈ​တင်း​လူင်​ၼၼ်ႉ​ၸၢင်ႈ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ ဢမ်ႇ​မီး​ၵူၺ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="5">သဵၼ်ႈ​တၢင်း​ဢၼ်​မၼ်း​ၸွမ်း​ယူႇ​ၼၼ်ႉ ပဵၼ်​ဢၼ်​မၼ်ႈ​ၶိူင်ႇ​ယူႇ​သေႇ​သေႇ​တီႈ​ၶႃႈ​ဢေႃႈ။ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​တြႃး​ၸိူဝ်း​ၼၼ်ႉ ပဵၼ်​ဢၼ်​သုင် ၵႆ​ယၢၼ်​ၵၼ်​တင်း​မၼ်း​လႄႈ မၼ်း​ၸဝ်ႈ​ပဝ်ႇ​ရၢၼ်ႇ​သူႇ​မၼ်း​တင်း​သဵင်ႈ​တင်း​လူင်​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="6">မၼ်း​ၸၢင်ႈ​လၢတ်ႈ​ၵႃႈ​ၼႂ်း​ႁူဝ်​ၸႂ်​မၼ်း​လႄႈ​ဝႃႈ၊ ၵဝ်​ၼႆႉ ဢမ်ႇ​လႆႈ​ၶၢႆႉ​လႆႈ​ပုတ်ႈ။ ဢမ်ႇ​လႆႈ​ႁွတ်ႈ​ထိုင်​တီႈ​တုၵ်ႉ​ၶႃႉ​တၢင်း​ၽၢၼ်​ယူႇ​သေႇ​သေႇ​ဢေႃႈ၊ ဝႃႈ​ၼင်ႇ​ၼႆ​တီႈ ၶႃႈ​ဢေႃႈ။-</verse>
				<verse number="7">သူပ်း​မၼ်း​ၼၼ်ႉ တဵမ်​ဝႆႉ​တင်း​တၢင်း​ဢၼ်​ၵိၼ်ႇ​လႃႇ၊ တၢင်း​ဢၼ်​ပႅတ်ႉ​လႅၼ်၊ တၢင်း​ဢၼ်​ၶႃႉ​ၸိုဝ်ႈ​ၶၢႆ​သဵင်​တီႈ​ၶႃႈ​ဢေႃႈ။ ၵႃႈ​တႂ်ႈ​လိၼ်ႉ​မၼ်း​ၼၼ်ႉ​ၵေႃႈ မီး​တၢင်း​ဢၼ်​ႁႂ်ႈ ပိူၼ်ႈ​ယၢပ်ႇ​ၸႂ် ဢိၵ်ႇ​တင်း​တၢင်း​ဢၼ်​ဢမ်ႇ​တြႃး​တီႈ​ၶႃႈ​ဢေႃႈ။-</verse>
				<verse number="8">မၼ်း​ၸၢင်ႈ​ၼင်ႈ​ယူႇ​ၵႃႈ​ၼႂ်း​တီႈ​ဢၼ်​လပ်ႉ​ဢၼ်​တဵတ်ႇ ႁိမ်း​ဝၢၼ်ႈ​ႁိမ်း​ၼႃး​သေ​လႄႈ ဢဝ်​ၶဝ်​ၸိူဝ်း​ဢၼ်​ဢမ်ႇ​မီး​ဢပႅတ်ႈ​ၼၼ်ႉ တၢႆ​ၵႃႈ​ၼႂ်း​တီႈ​ဢၼ်​ၽိတ်ႇ​ဢၼ်​ငႅဝ်​တီႈ​ၶႃႈ​ဢေႃႈ။ မၢၵ်ႇ​တႃ​မၼ်း​ၼၼ်ႉ ၸၢင်ႈ​ပႂ်ႉ​လွမ်​ပႂ်ႉ​တူၺ်း​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ယူႇ​တီႈ​ၶႃႈ​ဢေႃႈ။-</verse>
				<verse number="9">မၼ်း​ၸၢင်ႈ​တဵတ်ႇ​မႅပ်ႉ​ယူႇ​ၵႃႈ​ၼႂ်း​တီႈ​ဢၼ်​ၽိတ်ႇ​ဢၼ်​ငႅဝ် မိူၼ်​ၸိူဝ်ႉ​ၼင်ႇ​သၢင်ႇ​သီႈ ဢၼ်​ယူႇ​ၵႃႈ​ၼႂ်း​ယုမ်း​ၼၼ်ႉ​တီႈ​ၶႃႈ​ဢေႃႈ။ မၼ်း​ၸၢင်ႈ​တဵတ်ႇ​မႅပ်ႉ​ယူႇ ႁႂ်ႈ​လႆႈ​တီႉ​ၵမ်​ဢဝ်​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​လႄႈ ၸၢင်ႈ​ဢဝ်​ၶႄ​ဝၢၼ်ႇ​တိုတ်ႉ​လႄႈ​တီႉ​ၵမ်​ဢဝ်​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​တီႈ​ၶႃႈ​ဢေႃႈ။</verse>
				<verse number="10">ၵေႃႉ​ၼၼ်ႉ​လႆႈ​ၶၢမ်ႇ​တၢင်း​ဢၼ် မူပ်ႇ​ၵႂႃႇ​ယေႃႈ​ၵႂႃႇ​လႄႈ ဢူၼ်ႈ​တူၵ်း​ၵႂႃႇ​တီႈ​ၶႃႈ​ဢေႃႈ။ ၶဝ်​ၸိူဝ်း​ဢၼ်​ဢမ်ႇ​မီး တီႈ​ဢၼ်​ၸႂ်​လီ​လူၺ်ႈ​ၼၼ်ႉ ၸၢင်ႈ​လူမ်ႉ​တူၵ်း​ၵႂႃႇ​ၵွပ်ႈ​ပိူဝ်ႈ​ၶဝ်​ၸိူဝ်း​ဢၼ် မီး​ႁႅင်း​တၼ်း​ၶူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">မၼ်း​ၼၼ်ႉ​ၸၢင်ႈ​လၢတ်ႈ​ၵႃႈ​ၼႂ်း​ႁူဝ်​ၸႂ်​မၼ်း​လႄႈ​ဝႃႈ၊ ၽြႃး​ပဵၼ်​ၸဝ်ႈ​လူင်​လိုမ်း​ယဝ်ႉ။ မၼ်း​ၸဝ်ႈ​ဝၢႆႇ​ၼႃႈ​မၼ်း​ၸဝ်ႈ​ပႅတ်ႈ​ယဝ်ႉ။ မၼ်း​ၸဝ်ႈ​တၵ်း​ဢမ်ႇ​ႁၼ်​လႃး​လႃး၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။</verse>
				<verse number="12">ထႃႇဝရႃႉ​ၽြႃး​တီႈ​ၶႃႈ၊ လုၵ်ႉ​သေ​ၵမ်း​တီႈ​ၶႃႈ၊ ၽြႃး​ပဵၼ်​ၸဝ်ႈ​တီႈ​ၶႃႈ၊ ယုၵ်ႉ​မိုဝ်း​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ယႃႇ​ပေ​လူင်​လိုမ်း​ပႅတ်ႈ ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="13">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵေႃႉ​ဢၼ်​ဢမ်ႇ​တြႃး​ၼၼ်ႉ လႆႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၽြႃး​ပဵၼ်​ၸဝ်ႈ​လႄႈ လၢတ်ႈ​ၵႃႈ​ၼႂ်း​ၸႂ်​မၼ်း​လႄႈ​ဝႃႈ၊ ၸဝ်ႈ​ႁဝ်း​တၵ်း​ဢမ်ႇ​ၶိုၼ်း​ယွၼ်း​ဢဝ်​ၵူၺ်ႉ၊ ဝႃႈ​ၸိူဝ်ႉ​ၼင်ႇ​ၼႆ​ယူႇ ၼင်ႇ​ႁိုဝ်​တီႈ​ၶႃႈ၊-</verse>
				<verse number="14">ၵူၺ်း​ၵႃႈ ၸဝ်ႈ​ႁဝ်း​လႆႈ​ႁၼ်​ယဝ်ႉ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ၊ ၸဝ်ႈ​ႁဝ်း​ၸၢင်ႈ​လူ​တူၺ်း​တၢင်း​ဢၼ်​ႁႂ်ႈ​ပိူၼ်ႈ​ယၢပ်ႇ​ၸႂ် ဢိၵ်ႇ​တင်း တၢင်း​ဢၼ်​ယႃႉ​ဢၼ်​ယူၵ်ႉ​ၼၼ်ႉ​ယူႇ ႁႂ်ႈ​လႆႈ​မၢတ်ႈ​မၢႆ​ဝႆႉ ၵႃႈ​ၼႂ်း​ၽႃႇ​မိုဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ၸၢင်ႈ​ဢဝ်​တူဝ်​ၸဝ်ႈ​ၵဝ်ႇ​ဢၢပ်ႈ​ပၼ်​တီႈ​ၸဝ်ႈ​ႁဝ်း​လႄႈ၊ ၸဝ်ႈ​ႁဝ်း​ပဵၼ်​ၸဝ်ႈ​ဢၼ်​ၵမ်ႉ​ထွၵ်ႈ​ၸွႆႈ​ထႅမ် ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="15">ၶႅၼ်း​တေႃႈ​ႁၵ်း​ၶႅၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ​ပႅတ်ႈ​သေ​ၵမ်း​တီႈ​ၶႃႈ၊ ႁႃ​ဢဝ်​ဢမူႉ​ဢၼ်​ဢမ်ႇ​တြႃး ဢၼ်​ၵေႃႉ​ဢၼ်​ႁၢႆႉ​မိူၵ်ႈ​ၼၼ်ႉ​ႁဵတ်း​ၼၼ်ႉ​ထၼ်ႈ​ပေႃး​ဢမ်ႇ​လႆႈ​ႁႂ်ႈ​ထူပ်း​ႁႂ်ႈ​ႁၼ်​ထႅင်ႈ​လႃး​လႃး​သေ​ၵမ်း​တီႈ​ၶႃႈ။</verse>
				<verse number="16">ထႃႇဝရႃႉ​ၽြႃး​ပဵၼ်​ၶုၼ်​ႁေႃ​ၶမ်း​ယူႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​လႄႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ၊ လႆႈ​လပ်ႉ​ႁၢႆ​ၵႂႃႇ ၵႃႈ​ၼႂ်း​မိုဝ်း​ၸဝ်ႈ​ဢေႃႈ။-</verse>
				<verse number="17">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​လႆႈ​ငိၼ်း​သဵင်​တၢင်း​ဢၼ် ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​မီး​ဢလူဝ်ႇ ၶႂ်ႈ​လႆႈ​ၼၼ်ႉ​ယူႇ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ႁႂ်ႈ​ႁူဝ်​ၸႂ်​ၶဝ်​ၼၼ်ႉ​တႄႇ​ၼိမ်​လႄႈ ၸဝ်ႈ​ႁဝ်း​ဢဝ်​ႁူ​ၸဝ်ႈ​ႁဝ်း ထွမ်ႇ​ဢဝ်​ငိၼ်း​ဢဝ်၊-</verse>
				<verse number="18">ႁႂ်ႈ​လႆႈ​ပၼ်​တြႃး​တီႈ​ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ ဢိၵ်ႇ​တင်း​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ ႁႂ်ႈ​ၵူၼ်း​ဢၼ်​ဢွၵ်ႇ​ပဵၼ်​မႃး​တီႈ​လိၼ်​မိူင်း ဢမ်ႇ​လႆႈ​လွၵ်ႇ​လႆႈ​ငိုတ်ႈ​ထႅင်ႈ​တီႈ​ၶႃႈ​ဢေႃႈ။</verse>
			</chapter>
			<chapter number="11">
				<verse number="1">ၵဝ်​ဢိင်​ပိုင်ႈ​ထႃႇဝရႃႉ​ၽြႃး​ယူႇ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​လၢတ်ႈ​တီႈ​ဝီႉၺိၺ်ႇ​ၵဝ်​လႄႈ​ဝႃႈ၊ မႂ်း​ၼႆႉ​ပၢႆႈ​ၵႂႃႇ​ၸူး​ၵႃႈ​တီႈ​လွႆ​ဢၼ်​မႂ်း​ယူႇ​ၼၼ်ႉ မိူၼ်​ၸိူဝ်ႉ​ၼင်ႇ​ၼူၵ်ႉ​ၼၼ်ႉ​တႃႉ၊ ဝႃႈ​ၸိူဝ်ႉ​ၼင်ႇ​ၼႆ​ယူႇ​ၼင်ႇ​ႁိုဝ်။-</verse>
				<verse number="2">တူၺ်း​လူး၊ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ဝူတ်ႈ​ၵၢင်ႇ​သေ​လႄႈ​ဢဝ်​ပိုၼ်​ၶဝ်​တၢင်ႇ​သႂ်ႇ​ဝႆႉ​ၵႃႈ​ၼိူဝ်​သၢႆ​ၵၢင်ႇ ႁႂ်ႈ​လႆႈ​ယိုဝ်း​ၶဝ်​ၸိူဝ်း​ဢၼ်​ၸႂ်​သၽေႃး​သိုဝ်ႈ​ယူဝ်း​ၼၼ်ႉ ၵႃႈ​ၼႂ်း​တီႈ​ဢၼ်​လပ်း​သိင်ႇ​ၼၼ်ႉ​ယူႇ​ဢေႃႈ။-</verse>
				<verse number="3">ပေႃး​တီႈ​ဢိင်​တီႈ​ပိုင်ႈ​လူႉ​လႅဝ်​ၸိုင်၊ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​လႆႈ။-</verse>
				<verse number="4">ထႃႇဝရႃႉ​ၽြႃး​မီး​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​မၼ်း​ၸဝ်ႈ ဢၼ်​မူတ်း​ၸၢင်ႇ​ၼၼ်ႉ​ဢေႃႈ။ ပလၢင်ႇ ထႃႇဝရႃႉ​ၽြႃး​ၼၼ်ႉ တႄႇ​ယူႇ​ၵႃႈ​ၼိူဝ်​ၵၢင်​ႁၢဝ်​လႄႈ၊ မၢၵ်ႇ​တႃ​မၼ်း​ၸဝ်ႈ​ၼၼ်ႉ​လူ​တူၺ်း​ယူႇ​လႄႈ ၼင်​တႃ​မၼ်း​ၸဝ်ႈ​ၼၼ်ႉ ၸႅတ်ႈ​တူၺ်း​လုၵ်ႈ​ၵူၼ်း​တင်း​လၢႆ​ယူႇ​ဢေႃႈ။-</verse>
				<verse number="5">ထႃႇဝရႃႉ​ၽြႃး​ၸၢမ်း​တူၺ်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ယူႇ​လႄႈ ဝီႉၺိၺ်ႇ​မၼ်း​ၸဝ်ႈ​ၸင်း​ၵေႃႉ​ဢၼ်​ဢမ်ႇ​တြႃး ဢိၵ်ႇ​တင်း​ၵေႃႉ​ဢၼ်​မီး​ဢလူဝ်ႇ​ၶႂ်ႈ​ႁိမ်​ႁူင်ႇ​ယႃႉ​ယူၵ်ႉ​ၼၼ်ႉ​ၼႃႇ​လူင်​လၢင်​ဢေႃႈ။-</verse>
				<verse number="6">မၼ်း​ၸဝ်ႈ​တၵ်း​ႁႂ်ႈ​ၽူၼ် ဢၼ်​ပဵၼ်​ႁႅဝ်ႉ​ပဵၼ်​ၶိုမ်း​တူၵ်း​သႂ်ႇ​ၵႃႈ​ၼိူဝ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​လႄႈ ၽႆး​ၵၢၼ်ႉ၊ လူမ်း​ၽိဝ်ႇ​ႁုင်​ဢၼ်​မႆႈ​ႁွၼ်ႉ​ၼၼ်ႉ​ၸိူဝ်း​ၼၼ်ႉ တၵ်း​ပဵၼ်​ပုၼ်ႈ​ဢၼ်​ၶဝ်​တၵ်း​ၵိၼ်​ဢေႃႈ။-</verse>
				<verse number="7">ထႃႇဝရႃႉ​ၽြႃး​ႁဵတ်း​ၸွမ်း​ၼင်ႇ​တြႃး​လႄႈ၊ မၼ်း​ၸဝ်ႈ​ၵျိူၵ်ႈ​ဢမူႉ​လွင်ႈ​တၢင်း​ဢၼ်​တြႃး​ဢေႃႈ။ ၵေႃႉ​ဢၼ်​ၸႂ်​သၽေႃး​သိုဝ်ႈ​ယူဝ်း​ၼၼ်ႉ​ၸမ်ႉ၊ တၵ်း​လႆႈ​ႁၼ်​ၼႃႈ​မၼ်း​ၸဝ်ႈ​ဢေႃႈ။</verse>
			</chapter>
			<chapter number="12">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၵႄႇ​သႄႇ​ဢဝ်​သေ​ၵမ်း​တီႈ​ၶႃႈ။ မဵဝ်း​ၵူၼ်း​သူႇ​တေႃႇ​ၵွင်း ၶၢတ်ႇ​ၵႂႃႇ​လႄႈ၊ မဵဝ်း​ၵူၼ်း​ဢၼ်​မီး​သဵတ်ႈ​ၸႃႇ​ၼၼ်ႉ လပ်ႉ​ႁၢႆ​ၵႂႃႇ​သေ​ၵႃႈ​တီႈ​လုၵ်ႈ​ၵူၼ်း​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="2">ၵူၼ်း​ႁိူၼ်း​ၸမ်​ၵၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၸၢင်ႈ​သုင်း​မူႉ​သႃႇ​တေႃႇ​ၵၼ်​လႄႈ ဢဝ်​တင်း​သီႇ​သူပ်း​ဢၼ်​ၶျေႃး​ဢဝ်​ဝွၼ်း​ဢဝ် ဢိၵ်ႇ​တင်း​ၸႂ်​သွင်​ငၢမ်ႈ​ၼၼ်ႉ လၢတ်ႈ​တေႃႇ​ၵၼ်​တီႈ​ၶႃႈ​ဢေႃႈ။-</verse>
				<verse number="3">ထႃႇဝရႃႉ​ၽြႃး​တၵ်း​တႅပ်း​သီႇ​သူပ်း ၵႃႈ​ဢၼ်​ၸၢင်ႈ​ၶျေႃး​ဢဝ်​ဝွၼ်း​ဢဝ်၊ ဢိၵ်ႇ​တင်း​လိၼ်ႉ​ၵႃႈ​ဢၼ်​ၸၢင်ႈ​ဢုပ်ႇ​ၸၢင်ႈ​ဢၢတ်ႇ တင်း​သဵင်ႈ​တင်း​လူင်၊-</verse>
				<verse number="4">ဢၼ်​ၸၢပ်ႈ​သႅင်ႇ​ၵၼ်​တင်း​ၶဝ်​ၸိူဝ်း​ဢၼ်​လၢတ်ႈ​လႄႈ​ဝႃႈ၊ ႁဝ်း​ၼႆႉ​တၵ်း​ဢဝ်​လိၼ်ႉ​ႁဝ်း​ပႄႉ​ၼႅင်ႇ​ဢေႃႈ။ သီႇ​သူပ်း​ႁဝ်း​မီး​ယူႇ​တီႈ​ႁဝ်း​ဢေႃႈ။ ၸဝ်ႈ​ႁဝ်း​ၸွမ်​ႁဝ်း​ၸမ်ႉ၊ ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​ၼၼ်ႉ​ပႅတ်ႈ​ဢေႃႈ။-</verse>
				<verse number="5">ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ၵွပ်ႈ​ပိူဝ်ႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​လႆႈ​ၶၢမ်ႇ ဢိၵ်ႇ​တင်း​တၢင်း​ဢၼ်​ထူၺ်ႈ​ၸႂ်​သဝ်ႇ​ၸႂ်​လူင် ၵေႃႉ​ဢၼ်​ဢိုပ်း​ယၢၵ်ႈ​ၼၼ်ႉ​လႄႈ၊ မိူဝ်ႈ​လဵဝ်​ၼႆႉ​ၵဝ်​တၵ်း​လုၵ်ႉ​ဢေႃႈ။ ၵဝ်​တၵ်း​ပၼ်​ၵတ်း​ယဵၼ်​ၶျၢမ်း​သႃႇ တီႈ​ၵေႃႉ​ဢၼ်​ထူၺ်ႈ​ၸႂ်​လူင်​တူၵ်း​ဢၢင်ႈ​ၶႂ်ႈ​လႆႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၵႂၢမ်း​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ ပဵၼ်​ၵႂၢမ်း​ဢၼ်​မူတ်း​သႂ်​လႄႈ ပဵၼ်​ၸိူဝ်ႉ​ၼင်ႇ​ငိုၼ်း​ဢၼ်​ၶႃႇ​ၵႃႈ​ၼႂ်း​မိူင်ႈ​တီႈ​လိၼ်​လႄႈ​ႁႂ်ႈ​မူတ်း​သႂ်​ၸဵတ်း​ပွၵ်ႈ​ၼၼ်ႉ​ဢေႃႈ။-</verse>
				<verse number="7">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​တၵ်း​ပႂ်ႉ​လူ​ပႂ်ႉ​ထိင်း​ၶဝ်​ၼၼ်ႉ​ယူႇ​လႄႈ ႁႄႉ​ၵင်ႈ​ၶဝ်​ယူႇ​ၵႃႈ​ၼႂ်း​မဵဝ်း​ၵူၼ်း​တေႃႈ​လဵဝ်​ၼႆႉ​ယူႇ တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="8">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ မီး​ဢၶႂၢင်ႉ​ဢၼ်​လႆႈ​လႄႇ​လႆႈ​လၢဝ်း​ၵူႈ​တီႈ​ၵူႈ​လႅၼ် ၵႃႈ​ၼႂ်း​လုၵ်ႈ​ၵူၼ်း​တင်း​လၢႆ​ၼၼ်ႉ ၼႂ်း​မိူဝ်ႈ​ဢၼ်​ၶဝ်​ၸိူဝ်း​ဢၼ်​ႁၢႆႉ​ယုတ်ႈ​ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ​ဝႆႉ​ၼၼ်ႉ​ဢေႃႈ။</verse>
			</chapter>
			<chapter number="13">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​တၵ်း​လူင်​လိုမ်း​ပႅတ်ႈ​ၶႃႈ​ၸဝ်ႈ​ယူႇ​သေႇ​သေႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။ တၵ်း​လပ်ႉ​ၼႃႈ​ၸဝ်ႈ​ႁဝ်း​သေ​ၵႃႈ​တီႈ​ၸဝ်ႈ​ႁဝ်း​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။-</verse>
				<verse number="2">ၶႃႈ​ၸဝ်ႈ​တၵ်း​လႆႈ​ပႃး​တၢင်း​ဢၼ်​မႆႈ​ၸႂ်​ၶီ​ၸႂ် ၵႃႈ​ၼႂ်း​ႁူဝ်​ၸႂ်​ၶႃႈ​ၸဝ်ႈ​ယူႇ​ၵူႈ​မိုဝ်ႉ​ၵူႈ​ဝၼ်း​သေ​လႄႈ လႆႈ​ၶႆႈ​ၸႂ်​ဝူၼ်ႉ​ၸႂ်​ၵႃႈ​ၼႂ်း​ႁူဝ်​ၸႂ်​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​ၶႃႈ။ ရၢၼ်ႇ​သူႇ​ၶႃႈ​ၸဝ်ႈ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ယုၵ်ႉ​ယွင်ႈ​ဝႆႉ​ၵႃႈ​ၼိူဝ်​ၶႃႈ​ၸဝ်ႈ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။-</verse>
				<verse number="3">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ဝၢႆႇ​ၼႃႈ​ၸူး​ၶႃႈ​ၸဝ်ႈ​လႄႈ ဢိူဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ႁႂ်ႈ​မၢၵ်ႇ​တႃ​ၶႃႈ​ၸဝ်ႈ​ၸိုၼ်ႈ​လီ​လႅင်း​လီ​သေ​ၵမ်း​တီႈ​ၶႃႈ။ ပေႃး​ဢမ်ႇ​ၼၼ်​ၸိုင်၊ ၶႃႈ​ၸဝ်ႈ​တၵ်း​လႆႈ​ႁွတ်ႈ​ထိုင်​တၢင်း​ဢၼ်​ၼွၼ်း​လပ်း တၢင်း​တၢႆ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="4">ရၢၼ်ႇ​သူႇ​ၶႃႈ​ၸဝ်ႈ​တၵ်ႉ​လၢတ်ႈ​လႄႈ​ဝႃႈ၊ ၵဝ်​ပႄႉ​ၼႅင်ႇ​မၼ်း​ယဝ်ႉ၊ ဝႃႈ​ၼင်ႇ​ၼႆ​လႄႈ၊ ၵေႃႉ​ဢၼ်​ယႃႉ​ယူၵ်ႉ​ၶႃႈ​ၸဝ်ႈ​ၼၼ်ႉ တၵ်း​သႂၢင်ႇ​သိူဝ်း​ၼႂ်း​မိူဝ်ႈ​ဢၼ်​ၶႃႈ​ၸဝ်ႈ​သၼ်ႇ​ဝႆ​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">ၶႃႈ​ၸဝ်ႈ​ဢိင်​ပိုင်ႈ​ၵရူႉၼႃႇ​ၸဝ်ႈ​ႁဝ်း​လႄႈ ႁူဝ်​ၸႂ်​ၶႃႈ​ၸဝ်ႈ​သႂၢင်ႇ​သိူဝ်း ၼႂ်း​လွင်ႈ​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​ထေႃးပၼႃႇ​တီႈ​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ႁဵတ်း​ၵျေး​ၸူး​တီႈ​ၶႃႈ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ။</verse>
			</chapter>
			<chapter number="14">
				<verse number="1">ၵေႃႉ​ဢၼ်​မိူၵ်ႈ​ၼၼ်ႉ ၸၢင်ႈ​လၢတ်ႈ​ၵႃႈ​ၼႂ်း​ႁူဝ်​ၸႂ်​မၼ်း​လႄႈ​ဝႃႈ၊ ၽြႃး​ပဵၼ်​ၸဝ်ႈ​ဢမ်ႇ​မီး၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​ဢၼ်​ၽင်ႉ​ဢူႉ​တူႇ​ၼဝ်ႈ​ဝႆႉ​လႄႈ ၸၢင်ႈ​ႁဵတ်း​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ၼၼ်ႉ​ဢေႃႈ။ ၵေႃႉ​ဢၼ်​ႁဵတ်း​လွင်ႈ​တၢင်း​ဢၼ်​လီ​ဢၼ်​ငၢမ်း​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။-</verse>
				<verse number="2">ထႃႇဝရႃႉ​ၽြႃး​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​ၵူမ်ႈ​ၵွမ်း​လႄႈ လူ​တူၺ်း​လုၵ်ႈ​ၵူၼ်း​တင်း​လၢႆ ႁႂ်ႈ​လႆႈ​ႁူႉ​ႁၼ်​လွင်ႈ​ဢၼ်​ၵေႃႉ​ဢၼ်​ႁူႉ​ဢၼ်​ၸႅင်ႈ၊ ၵေႃႉ​ဢၼ်​ႁႃ​ၽြႃး​ပဵၼ်​ၸဝ်ႈ မီး​သေ​ၵေႃႉ​သေ​ၵူၼ်း​ႁိုဝ်။ ဢမ်ႇ​မီး​ႁိုဝ်​ၼၼ်ႉ​ယူႇ​ဢေႃႈ။-</verse>
				<verse number="3">ၵူၼ်း​တင်း​သဵင်ႈ​တင်း​လူင် ၽိတ်း​တၢင်း​ယဝ်ႉ။ ပဵၼ်​ဢၼ်​ၽင်ႉ​ဢူႉ​တူႇ​ၼဝ်ႈ​ၵႂႃႇ မိူၼ်​မိူၼ်​ၵၼ်​ဢေႃႈ။ ၵေႃႉ​ဢၼ်​ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ​ဢၼ်​လီ​ဢမ်ႇ​မီး။ သေ​ၵေႃႉ​ၵေႃႈ​ဢမ်ႇ​မီး။</verse>
				<verse number="4">ၵူၼ်း​ဢႃႉထမ်ႇမႃႉ​တင်း​သဵင်ႈ​တင်း​လူင် ဢၼ်​ၶူပ်း​ၵိၼ်​ၵူၼ်း​ၵဝ်​တင်း​လၢႆ မိူၼ်​ၸိူဝ်ႉ​ၼင်ႇ​ဢၼ် ၶဝ်​ၵိၼ်​ၶဝ်ႈ​မုၼ်း​ၼၼ်ႉ​လႄႈ ဢမ်ႇ​ႁဵတ်း​ပထၼႃႇ​တီႈ​ထႃႇဝရႃႉ​ၽြႃး​ၼၼ်ႉ ယင်း​ဢမ်ႇ​ႁူႉ​လႄႈ​ယူႇ​ႁိုဝ်။-</verse>
				<verse number="5">ၵႃႈ​တီႈ​ၼၼ်ႈ ၶဝ်​တၵ်း​မီး​တၢင်း​ဢၼ်​ၵူဝ်​ဢၼ်​ႁႄ​ယူႇ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​မီး​ယူႇ​ၽၢႆႇ​မဵဝ်း​ၵူၼ်း​ဢၼ်​သိုဝ်ႈ​တေႃႇ​ၼၼ်ႉ​ဢေႃႈ။-</verse>
				<verse number="6">သူ​ၸၢင်ႈ​ႁႂ်ႈ​တၢင်း​ၵျၢမ်ႇ​တၢင်း​ပွင်​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ဢူၵ်း​ဢၢႆ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး ပဵၼ်​တီႈ​ဢၼ်​မၼ်း​သွၼ်ႈ​ပိုင်ႈ​ယူႇ​ၼၼ်ႉ​ဢေႃႈ။</verse>
				<verse number="7">ႁႂ်ႈ​ၵျေး​ၸူး​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် မဵဝ်း​ ဢီႉသရေႇလႃႉ ​ၼၼ်ႉ ပေႃႇ​ဢွၵ်ႇ​ၵႃႈ​ၼိူဝ်​လွႆ​ ၸီႉဢုၼ်ႇ သေ​ၵမ်း​လူၺ်ႈ။ မိူဝ်ႈ​ဢၼ်​ထႃႇဝရႃႉ​ၽြႃး သမ်ႉ​ဢဝ်​ၵူၼ်း​မၼ်း​ၸဝ်ႈ​တင်း​လၢႆ ဢၼ်​လႆႈ​ၶၢမ်ႇ​တၢင်း​ဢၼ် ႁုပ်ႈ​ဢဝ်​သိမ်း​ဢဝ်​ၵႂႃႇ​ၼၼ်ႉ ၶိုၼ်း​မႃး​ၼၼ်ႉ​ၸိုင်၊ ယႃႇၵုပ်ႈ တၵ်း​သႂၢင်ႇ​သိူဝ်း​လႄႈ၊ ဢီႉသရေႇလႃႉ ​တၵ်း​မူၼ်ႈ​ပျေႃႇ​ယူႇ​ဢေႃႈ။</verse>
			</chapter>
			<chapter number="15">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၽူႈ​လႂ်​တၵ်း​လႆႈ​သွၼ်ႈ​ပိုင်ႈ​ယူႇ​ၵႃႈ​ၼႂ်း​သုမ်ႉ​ထဵင်​ၸဝ်ႈ​ႁဝ်း​တီႈ​ၶႃႈ။ ၽူႈ​လႂ်​တၵ်း​လႆႈ​ယူႇ​ၵႃႈ​ၼိူဝ်​လွႆ​ၸဝ်ႈ​ႁဝ်း ဢၼ်​မူတ်း​ၸၢင်ႇ​ၼၼ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​ၸမ်ႉ၊-</verse>
				<verse number="2">ၵေႃႉ​ဢၼ်​ၸွမ်း​သဵၼ်ႈ​တၢင်း​ဢၼ်​သိုဝ်ႈ​ဢၼ်​တေႃႇ ဢၼ်​ႁဵတ်း​ဢမူႉ​ဢၼ်​တြႃး​လႄႈ လၢတ်ႈ​ၵႂၢမ်း​သဵတ်ႈ​ၸႃႇ​ယူႇ ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ၊-</verse>
				<verse number="3">ၵေႃႉ​ဢၼ်​ဢမ်ႇ​ဢဝ်​လိၼ်ႉ​မၼ်း​ၶႃႉ​ၸိုဝ်ႈ​ၶၢႆ​သဵင်​ပိူၼ်ႈ၊ ဢၼ်​ဢမ်ႇ​ႁဵတ်း​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​တီႈ​ၵေႃႉ​သေႈ​မၼ်း​လႄႈ ဢမ်ႇ​သႄႉ​ဢမ်ႇ​သွမ်း​ၵေႃႉ​ဢၼ်​ၸၢပ်ႈ​ၵၼ်​တင်း​မၼ်း​ၼၼ်ႉ၊-</verse>
				<verse number="4">ၵေႃႉ​ဢၼ်​ဢမ်ႇ​မၢတ်ႈ ၵေႃႉ​ဢၼ်​ႁၢႆႉ​ဢၼ်​ယုတ်ႈ​ၼၼ်ႉ​သိုဝ်ႈ​ၼႃႈ​တႂ်ႈ​တႃ​မၼ်း​လႄႈ ရူဝ်ႇ​သေႇ​ၵူဝ်​ယမ်​ၶဝ်​ၸိူဝ်း​ဢၼ် ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ၊ ၵေႃႉ​ဢၼ်​ပိၵ်ႉ​သမ်ႉ​ဢၵျူဝ်း​တူဝ်​ၸဝ်ႈ​ၵဝ်ႇ​လႆႈ​လူႉ​သေ​ၵေႃႈ၊ ဢမ်ႇ​ယႃႉ​သဵတ်ႈ​ၸႃႇ​ၵတီႉ ဢၼ်​လႆႈ​တိူင်ႇ​ဝႃႈ​ဝႆႉ​ယဝ်ႉ ၼၼ်ႉ၊-</verse>
				<verse number="5">ၵေႃႉ​ဢၼ်​ပၼ်​ၵူႈ​ပၼ်​ယိမ်​ငိုၼ်း​မၼ်း​လႄႈ ဢမ်ႇ​ဢဝ်​ၶီႈ​မၼ်း​ၼၼ်ႉ ၵေႃႉ​ဢၼ်​ဢမ်ႇ​ၶၢမ်ႇ​ဢမ်ႇ​ဢဝ်​လၢၵ်ႈ​သွင်ႇ ဢၼ်​ပဵၼ်​ၽၢႆႇ​ၼိုင်ႈ​တင်း​ၵေႃႉ​ဢၼ်​ဢမ်ႇ​မီး​ဢပႅတ်ႈ​ၼၼ်ႉ ဢၼ်​ဝႃႈ​ၵေႃႉ​ဢၼ်​ၵမ်​ၵျၢင်ႉ​လွင်ႈ​တၢင်း​ၸိူဝ်း​ၼႆႉ​ၼၼ်ႉ တၵ်း​ၵၢင်း​လွတ်ႈ​တင်း တၢင်း​ဢၼ်​တူင်ႉ​ၶွၼ်း​သၼ်ႇ​ဝႆ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။</verse>
			</chapter>
			<chapter number="16">
				<verse number="1">ၽြႃး​တီႈ​ၶႃႈ​ဢိူၺ်း၊ ပႂ်ႉ​ၸွႆႈ​ထႅမ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ဢိင်​ပိုင်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="2">ၼွၵ်ႈ​သေ​ၵျေး​ၸူး​ၸဝ်ႈ​ႁဝ်း​ၼၼ်ႉ တီႈ​ၶႃႈ​ၸဝ်ႈ​ၼႆႉ ဢမ်ႇ​မီး​မင်ႇၵလႃႇ​တၢင်ႇ​ၸိူဝ်ႉ​တၢင်ႇ​ဢၼ်​တီႈ​ၶႃႈ။-</verse>
				<verse number="3">ၼႂ်း​ၶဝ်​ၸိူဝ်း​ဢၼ်​မူတ်း​ၸၢင်ႇ ဢၼ်​ယူႇ​ၵႃႈ​ၼႂ်း​မိူင်း​ၸဝ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​မျၢတ်ႈ​လီ​လိူဝ်​တွၼ်း​ၼၼ်ႉ​ၵူၺ်း၊ ပဵၼ်​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၶႃႈ​ၸဝ်ႈ တင်း​သဵင်ႈ​တင်း​မူတ်း​တီႈ​ၶႃႈ​ဢေႃႈ။-</verse>
				<verse number="4">ၶဝ်​ၸိူဝ်း​ဢၼ်​ၼႅတ်ႈ​ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး​ၼၼ်ႉ တၵ်း​လႆႈ​တုၵ်ႉ​ၶႃႉ​တၢင်း​ၽၢၼ်​ၼမ်​ၼႃႇ​ဢေႃႈ။ ၵဝ်​ဢမ်ႇ​ၶႂ်ႈ​ထွၵ်ႇ​ၶႂ်ႈ​သွၼ်း​လိူတ်ႈ​တၢင်း​ပုၵ်ႈ​ၸေႃႇ ဢၼ်​ၶဝ်​သွၼ်း​လေႃႇ​ၼၼ်ႉ။ ၼႃႇ​မႃႉ​ၸိုဝ်ႈ​သဵင်​ၶဝ်​ၼၼ်ႉ​ၵေႃႈ၊ ၵဝ်​ဢမ်ႇ​ၶႂ်ႈ​လၢတ်ႈ​ဢွၵ်ႇ​သူပ်း​ဢွၵ်ႇ​ပၢၵ်ႇ။-</verse>
				<verse number="5">ထႃႇဝရႃႉ​ၽြႃး ပဵၼ်​ပုၼ်ႈ​ဢၼ်​ၵဝ်​ၶၢမ်ႇ​ဢမူၺ်ႇ၊ ပုၼ်ႈ​ၵွၵ်း​ဢၼ်​ၵဝ်​ၵိၼ်​ဢေႃႈ။ ၸဝ်ႈ​ႁဝ်း​ပႂ်ႉ​ပုၼ်ႈ​ဢမူၺ်ႇ​ၶႃႈ​ၸဝ်ႈ ဢၼ်​တူၵ်း​ၸႃႇ​ၵွၵ်ႈ​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="6">ၶွပ်ႇ​ၼမ်ႉ​လႅၼ်​လိၼ်​ဢၼ်​ၵဝ်​ထိူၵ်ႈ​ပိူင်ႇ​ၸိူဝ်း​ၼၼ်ႉ တူၵ်း​တီႈ​ဢၼ်​သႃႇ​ယႃႇ​လီ​ငၢမ်း​လႄႈ၊ ၵဝ်​လႆႈ​ၶၢမ်ႇ​ဢဝ်​ဢမူၺ်ႇ ဢၼ်​လီ​ဢၼ်​ငၢမ်း​ယဝ်ႉ။</verse>
				<verse number="7">ၵဝ်​တၵ်း​ယွင်ႈ​ယေႃး​ထႃႇဝရႃႉ​ၽြႃး ဢၼ်​ပၼ်​တၢင်း​ၵျၢမ်ႇ​တၢင်း​ပွင်​တီႈ​ၵဝ်​ၼၼ်ႉ​ဢေႃႈ။ ၼႂ်း​ၶိင်ႇ​ၵၢင်​ၶိုၼ်း​ၵေႃႈ မၢၵ်ႇ​လၼ်း​ၵဝ် ၸၢင်ႈ​တိုၵ်း​ယူင်း​ၵဝ်​ယူႇ​ဢေႃႈ။-</verse>
				<verse number="8">ၵဝ်​ဢဝ်​ထႃႇဝရႃႉ​ၽြႃး ဝႆႉ​သိုဝ်ႈ​ၼႃႈ​သိုဝ်ႈ​တႃ​ၵဝ်​ယူႇ​သေႇ​သေႇ​ဢေႃႈ။ လွင်ႈ​မၼ်း​ၸမ်ႉ ပိူဝ်ႈ​ဢၼ်​မၼ်း​ၸဝ်ႈ​မီး​ယူႇ​ၵႃႈ​တီႈ​ၽၢႆႇ​ၶႂႃ​ၵဝ်​လႄႈ ၵဝ်​ဢမ်ႇ​လႆႈ​မီး​တၢင်း​ဢၼ်​တူင်ႉ​ဢၼ်​ၶွၼ်း။-</verse>
				<verse number="9">ပိူဝ်ႈ​ၼႆ​လႄႈ ႁူဝ်​ၸႂ်​ၵဝ်​ပၢင်ႇ​ၸိုၼ်ႈ​ဢေႃႈ။ မုၼ်​ၽုင်း​ၵဝ်​ၵေႃႈ မီး​တၢင်း​ဢၼ်​သႂၢင်ႇ​သိူဝ်း​ဢေႃႈ။ လိူဝ်​သေ​ၼၼ်ႉ၊ ၼိူဝ်ႉ​ၵဝ်​ၼႆႉ တၵ်း​မုင်ႈ​ထႃႈ​မွင်း​ထႃႈ​သေ​လႄႈ ၵိင်း​ဝၢပ်ႈ​ယူႇ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ ၸဝ်ႈ​ႁဝ်း​တၵ်း​ဢမ်ႇ​ပႅတ်ႈ​ဝီႉၺိၺ်ႇ​ၶႃႈ​ၸဝ်ႈ​ဝႆႉ​ၵႃႈ​တီႈ​ၼႂ်း​မိူင်း​မရၼႃႉ​တီႈ​ၶႃႈ။ တီႈ​ၵူၼ်း​ဢၼ်​မူတ်း​ၸၢင်ႇ​ၸဝ်ႈ​ႁဝ်း​ၵေႃႈ၊ ၸဝ်ႈ​ႁဝ်း​တၵ်း​ဢမ်ႇ​ပၼ်​ႁွတ်ႈ​ထိုင်​တၢင်း​ဢၼ်​တူႇ​ဢၼ်​ၼဝ်ႈ​တီႈ​ၶႃႈ၊-</verse>
				<verse number="11">ၸဝ်ႈ​ႁဝ်း​တၵ်း​ၼႄ​ပျႃး​သဵၼ်ႈ​တၢင်း​ဢၼ်​ႁွတ်ႈ​ထိုင် တီႈ​ဢၼ်​ဢသၢၵ်ႈ​လိပ်း​ၼၼ်ႉ​တီႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ၼၼ်ႉ မီး​ဢၶႂၢင်ႉ​ဢၼ်​လႆႈ​ၸေး​ၸုမ်ႇ​တဵမ်​ဝႆႉ​တင်း တၢင်း​ဢၼ်​ၸူမ်း​သိူဝ်း​လႄႈ ၵႃႈ​တီႈ​ႁိမ်း​ၽၢႆႇ​ၶႂႃ​ၸဝ်ႈ​ႁဝ်း​ၼၼ်ႉ မီး​ဢၶႂၢင်ႉ​ဢၼ်​လႆႈ​သႃႇ​ယႃႇ​မူၼ်ႈ​ပျေႃႇ​ယူႇ​သေႇ​သေႇ​တီႈ​ၶႃႈ​ဢေႃႈ။</verse>
			</chapter>
			<chapter number="17">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ယူႇ​ၽၢႆႇ​ဢၼ်​တြႃး​သေ​လႄႈ မၢတ်ႈ​တွင်း​ဢဝ်​တၢင်း​ဢၼ်​ၶႃႈ​ၸဝ်ႈ​သႅၼ်ႇ​ႁွင်ႉ​ၼႆႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဝၢႆႇ​ႁူ​ၸဝ်ႈ​ႁဝ်း​ထွမ်ႇ​ဢဝ်​ၵႂၢမ်း​ပထၼႃႇ​ၶႃႈ​ၸဝ်ႈ ဢၼ်​ဢမ်ႇ​ဢွၵ်ႇ​ၵႃႈ​ၼႂ်း​သူပ်း​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="2">ႁႂ်ႈ​တၢင်း​ဢၼ်​ၸီႇ​ယၢင်ႇ​ၶႃႈ​ၸဝ်ႈ​ၼၼ်ႉ ဢွၵ်ႇ​မႃး​ၵႃႈ​တီႈ​ၸဝ်ႈ​ႁဝ်း​လႄႈ ႁႂ်ႈ​မၢၵ်ႇ​တႃ​ၸဝ်ႈ​ႁဝ်း​လူ​တူၺ်း​လွင်ႈ​တၢင်း​ဢၼ် သိုဝ်ႈ​လီ​ယူဝ်း​လီ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="3">ၸဝ်ႈ​ႁဝ်း​ၸၢမ်း​တူၺ်း​ႁူဝ်​ၸႂ်​ၶႃႈ​ၸဝ်ႈ​လႄႈ၊ ၶိင်ႇ​ၵၢင်​ၶိုၼ်း​ၸဝ်ႈ​ႁဝ်း​မႃး​လူ​မႃး​တူၺ်း​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ၸႅတ်ႈ​တူၺ်း​ၶႃႈ​ၸဝ်ႈ​လႄႈ ဢမ်ႇ​ထူပ်း​ဢမ်ႇ​ႁၼ်​ၵႃႈ​သင်​လႃး​လႃး။ ၶႃႈ​ၸဝ်ႈ​မီး​တၢင်း​ၵျၢမ်ႇ​တၢင်း​ပွင်​လွင်ႈ​ဢၼ်​သူပ်း​ၶႃႈ​ၸဝ်ႈ တၵ်း​ဢမ်ႇ​လႆႈ​ပူၼ်ႉ​လႆႈ​လိူဝ်​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="4">လွင်ႈ​တၢင်း​ဢၼ်​ၵူၼ်း​တင်း​လၢႆ ၸၢင်ႈ​ႁဵတ်း​ၸိူဝ်း​ၼၼ်ႉ​ၸမ်ႉ၊ ၶႃႈ​ၸဝ်ႈ​ၸွမ်း​ၼင်ႇ​ၼုၵ်ႈၵပၢတ်ႈ​ၸဝ်ႈ​ႁဝ်း​သေ​လႄႈ ဝႄႈ​ပႅတ်ႈ​သဵၼ်ႈ​တၢင်း​ဢၼ်​ၵေႃႉ​ဢၼ်​ၸၢင်ႈ​ႁၢဝ်ႈ​ၵျၢမ်း​ၼႃႇ​ၼၼ်ႉ ၸွမ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">တၢင်း​ဢၼ်​ၶႃႈ​ၸဝ်ႈ ယုၵ်ႉ​တိၼ်​ယၢင်ႈ​တိၼ်​ၼၼ်ႉ ၸပ်း​ၸွမ်း​သဵၼ်ႈ​တၢင်း​ၸဝ်ႈ​ႁဝ်း​မၢၼ်ႇ​မၢၼ်ႇ​မႅၼ်ႈ​မႅၼ်ႈ​လႄႈ၊ တိၼ်​ၶႃႈ​ၸဝ်ႈ ဢမ်ႇ​လႆႈ​ပြၢတ်ႈ ​တီႈ​ၶႃႈ။</verse>
				<verse number="6">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႃႈ​ၸဝ်ႈ​လဝ်ႊ​ယွၼ်း​တီႈ​ၸဝ်ႈ​ႁဝ်း ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ၸၢင်ႈ​ဢိူဝ်​ၶႃႈ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ။ ၶႅၼ်း​တေႃႈ​ႁေႈ​ႁူ​ၸဝ်ႈ​ႁဝ်း​ၸူး​ၶႃႈ​ၸဝ်ႈ​လႄႈ ထွမ်ႇ​ဢဝ်​ၵႂၢမ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="7">ၸဝ်ႈ​ဢၼ်​ဢဝ်​တင်း​မိုဝ်း​ၶွၼ်​ၶႂႃ ၵႄႇ​ၶျွတ်ႈ​ဢဝ်​ၶဝ်​ၸိူဝ်း​ဢၼ်​သွၼ်ႈ​ပိုင်ႈ​ၸဝ်ႈ​ႁဝ်း​ၼၼ်ႉ သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ပုင်ႇ​ၵၢၼ်ႇ​ၼၼ်ႉ​တီႈ​ၶႃႈ။ ၶႅၼ်း​တေႃႈ​ၼႄ​ပျႃး​မႅတ်ႈ​တႃႇ​ၵျေး​ၸူး​ၸဝ်ႈ​ႁဝ်း ဢၼ်​လၢၵ်ႇ​လၢႆး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="8">ၶႅၼ်း​တေႃႈ​ပႂ်ႉ​ၸွႆႈ​ပႂ်ႉ​ထႅမ်​ၶႃႈ​ၸဝ်ႈ မိူၼ်​ၸိူဝ်ႉ​ၼင်ႇ​ႁူၺ်ႇ​တႃ​ၸဝ်ႈ​ႁဝ်း​ၼၼ်ႉ​လႄႈ ဢဝ်​ၶႃႈ​ၸဝ်ႈ​ႁူမ်ႇ​သုမ်ႇ​ဝႆႉ​ၵႃႈ​တႂ်ႈ​ႁူမ်ႈ​ပိၵ်ႇ​ၸဝ်ႈ​ႁဝ်း၊-</verse>
				<verse number="9">ႁႂ်ႈ​ၶႃႈ​ၸဝ်ႈ​လႆႈ​ၵၢင်း​လွတ်ႈ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ႁုၵ်း​ဢၼ်​ႁၢႆႉ ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ ဢၼ်​ဝႃႈ​ရၢၼ်ႇ​သူႇ​ၶႃႈ​ၸဝ်ႈ ဢၼ်​မီး​ဢလူဝ်ႇ​ၶႂ်ႈ​ဢဝ်​ၶႃႈ​ၸဝ်ႈ​တၢႆ​လႄႈ လႆႈ​လွမ်ႉ​ႁွပ်ႈ​ၶႃႈ​ၸဝ်ႈ​ဝႆႉ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="10">ၶဝ်​ၼၼ်ႉ ဢဝ်​တၢင်း​ဢၼ်​ပီး​ဢၼ်​မၼ်း​ၶဝ်​ႁူမ်ႇ​သုမ်ႇ​တူဝ်​ၶဝ်​ဝႆႉ​သေ​လႄႈ ဢဝ်​သူပ်း​ၶဝ်​လၢတ်ႈ​ပူၵ်း​ပႅၼ်​ၽႅၼ်​သုင်​ယူႇ​တီႈ​ၶႃႈ​ဢေႃႈ။-</verse>
				<verse number="11">ၶႃႈ​ၸဝ်ႈ​ႁဝ်း​ၶဝ်​ၵႂႃႇ​တီႈ​လႂ်​တၢင်း​လႂ်​သေ​ၵေႃႈ၊ မိူဝ်ႈ​လဵဝ်​ၼႆႉ ၶဝ်​လွမ်ႉ​ႁွပ်ႈ​ဝႆႉ​ယူႇ​တီႈ​ၶႃႈ​ဢေႃႈ။ ၶဝ်​ဢဝ်​မၢၵ်ႇ​တႃ​ၶဝ်​ပၵ်း​သႂ်ႇ ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​လႆႈ​လူမ်ႉ​ၵႃႈ​ၼိူဝ်​လိၼ်​တီႈ​ၶႃႈ​ဢေႃႈ။-</verse>
				<verse number="12">မၼ်း​ပဵၼ်​ၸိူဝ်ႉ​ၼင်ႇ​သၢင်ႇ​သီႈ ဢၼ်​ၶႂ်ႈ​ယႃႉ​သိၵ်ႇ​ၵိၼ်​ၼႃႇ​လူင်​လၢင်​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​သၢင်ႇ​သီႈ​ၼုမ်ႇ​ဢၼ်​ယူႇ​ၵႃႈ​ၼႂ်း တီႈ​ဢၼ်​ၽိတ်ႇ​ဢၼ်​ငႅဝ်​ၼၼ်ႉ​တီႈ​ၶႃႈ​ဢေႃႈ။</verse>
				<verse number="13">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​လုၵ်ႉ​သေ​ၵမ်း​တီႈ​ၶႃႈ။ ႁႄႉ​ၶႅၼ်​မၼ်း​လႄႈ ဢဝ်​မၼ်း​လူမ်ႉ​တူၵ်း​ပႅတ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဢဝ်​လၢပ်ႇ​ၸဝ်ႈ​ႁဝ်း ၵႄႇ​သႄႇ​ဢဝ်​ၶႃႈ​ၸဝ်ႈ​လွတ်ႈ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ဢမ်ႇ​တြႃး။-</verse>
				<verse number="14">ၵႃႈ​ၼႂ်း​မိုဝ်း​ၵူၼ်း​ၸိူဝ်း​ၼၼ်ႉ​လူၺ်ႈ​မိုဝ်း​ၸဝ်ႈ​ႁဝ်း၊ ထႃႇဝရႃႉ​ၽြႃး​တီႈ​ၶႃႈ။ ၵႃႈ​ၼႂ်း​မိုဝ်း​ၵူၼ်း​လေႃးၵီႇ ဢၼ်​လႆႈ​ပုၼ်ႈ​ၶဝ်​တႃႇ​ၶဝ် ၵႃႈ​ၼႂ်း​ၸၢတ်ႈ​တေႃႈ​လဵဝ်​ၼႆႉ​လႄႈ ၸဝ်ႈ​ႁဝ်း​ႁႂ်ႈ​ပုမ်​ၶဝ်​တွင်ႉ​ၶဝ်​သတ်ႉ​ဝႆႉ​တဵမ်​ဝႆႉ​တင်း​ၽၼ်ႇတႃႇ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။ လွင်ႈ​လုၵ်ႈ​လွင်ႈ​လၢင်း​ၵေႃႈ၊ ဢလူဝ်ႇ​ၶဝ်​ပျေႉ​ၸုမ်ႇ​လႄႈ ႁႂ်ႈ​ၸေး​ၸိမ်ႇ​တၢင်း​ဢၼ်​ၶဝ်​မၢၵ်ႈ​မီး​ၼၼ်ႉ ၵိုတ်း​ဝႆႉ​တီႈ​လုၵ်ႈ​ဢွၼ်ႇ​လၢင်း​ဢွၼ်ႇ​ၶဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="15">ၶႃႈ​ၸဝ်ႈ​ၸမ်ႉ၊ မီး​တၢင်း​ဢၼ်​သိုဝ်ႈ​တေႃႇ​လႄႈ တၵ်း​ႁၼ်​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ မိူဝ်ႈ​ဢၼ်​တိုၼ်ႇ​မႃး​ၼၼ်ႉ ဢလူဝ်ႇ​ၶႃႈ​ၸဝ်ႈ တၵ်း​ပျေႉ​ၸုမ်ႇ​လူၺ်ႈ​ပုင်ႇ​ႁၢင်ႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
			</chapter>
			<chapter number="18">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ႁၵ်ႉ​ပႅင်း​ၸဝ်ႈ​ႁဝ်း ဢၼ်​ပဵၼ်​ႁႅင်း​တၼ်း​ၶူဝ်း​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="2">ထႃႇဝရႃႉ​ၽြႃး​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၵဝ်၊ လမ်း​ဝဵင်း​ၵဝ်၊ ၸဝ်ႈ​ဢၼ်​ၵႄႇ​သႄႇ​ဢဝ်​ၵဝ်​လွတ်ႈ၊ ၽြႃး​ၵဝ်​ဢၼ်​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၵဝ်၊ တီႈ​ဢၼ်​ၵဝ်​ဢိင်​ပိုင်ႈ၊ ဢၼ်​ႁႄႉ​ဢၼ်​ၵင်ႈ​ၵဝ်၊ ၶဝ်​လႅမ်​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်၊ တိူၵ်ႈ​တီႈ​တိုၵ်း​သိုၵ်း​ၵဝ်​ဢေႃႈ။-</verse>
				<verse number="3">ၵဝ်​တၵ်း​လဝ်ႊ​ယွၼ်း​တီႈ​ထႃႇဝရႃႉ​ၽြႃး ဢၼ်​ထုၵ်ႇ​လီ​ၶၢမ်ႇ​တၢင်း​ဢၼ်​ယွင်ႈ​ယေႃး​ၼၼ်ႉ​လႄႈ ႁွတ်ႈ​ထိုင်​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် ၵႃႈ​ၼႂ်း​မိုဝ်း​ရၢၼ်ႇ​သူႇ​ၵဝ်​တင်း​လၢႆ​ၼၼ်ႉ​ဢေႃႈ။</verse>
				<verse number="4">သဵၼ်ႈ​ၸိူၵ်ႈ​တၢင်း​တၢႆ​တင်း​လၢႆ လွမ်ႉ​ႁွပ်ႈ​ၵဝ်​ဝႆႉ​လႄႈ၊ ၼမ်ႉ​ၸႅဝ်ႈ​တၢင်း​ဢၼ်​ႁုၵ်း​ႁၢႆႉ​ယုတ်ႈ​ယွမ်း​ၼၼ်ႉ​ႁႂ်ႈ​ၵဝ်​လႆႈ​ၵူဝ်​လႆႈ​ႁႄ​ဢေႃႈ။-</verse>
				<verse number="5">သဵၼ်ႈ​ၸိူၵ်ႈ​မိူင်း​မရၼႃႉ လွမ်ႉ​ႁွပ်ႈ​ၵဝ်​ဝႆႉ​လႄႈ၊ တူင်ႇ​ႁႅဝ်ႉ​တူင်ႇ​ၶိုမ်း​ၶုၼ်​တၢႆ လႆႈ​ႁုတ်ႉ​မႅၼ်ႈ​ၵဝ်​ဝႆႉ​ဢေႃႈ။-</verse>
				<verse number="6">ၼႂ်း​မိူဝ်ႈ​ဢၼ်​ၵဝ်​ယၢပ်ႇ​ၸႂ်​ၶၢၼ်​ၸႂ်​ယူႇ​ၼၼ်ႉ​ၸိုင်၊ ၵဝ်​ႁွင်ႉ​ထႃႇဝရႃႉ​ၽြႃး​လႄႈ သႅၼ်ႇ​ႁွင်ႉ​ၽြႃး​ပဵၼ်​ၸဝ်ႈ​ၵဝ်​ဢေႃႈ။ မၼ်း​ၸဝ်ႈ​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​မၼ်း​ၸဝ်ႈ ငိၼ်း​သဵင်​ၵဝ်​လႄႈ၊ သဵင်​ဢၼ်​ၵဝ်​သႅၼ်ႇ​ႁွင်ႉ​ႁႃ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ ၶဝ်ႈ​ႁွတ်ႈ​ၶဝ်ႈ​ထိုင် ၵႃႈ​ၼႂ်း​ႁူ​မၼ်း​ၸဝ်ႈ​ဢေႃႈ။</verse>
				<verse number="7">မိူဝ်ႈ​ၼၼ်ႉ​လိၼ်​မိူင်း​တူင်ႉ​ၼိုင်​လႄႈ သၼ်ႇ​သၼ်ႇ​သၢႆ​သၢႆ​ယူႇ၊ ငဝ်ႈ​ႁၢၵ်ႈ​လွႆ​တင်း​လၢႆ​သၼ်ႇ​ၶွၼ်း​ဝႆ​လႄႈ ၼိုင်​ၵႂႃႇ​ၼိုင်​မႃး​ယူႇ ၵွပ်ႈ​ပိူဝ်ႈ​ဢၼ်​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢွၵ်ႇ​ၼၼ်ႉ​ဢေႃႈ။-</verse>
				<verse number="8">ၵႂၼ်း​ၽႆး​ဢွၵ်ႇ​ၵႃႈ​ၼႂ်း​ၶူႈ​လင်​မၼ်း​ၸဝ်ႈ​ယူႇ၊ ၽႆး​ၼႂ်း​သူပ်း​မၼ်း​ၸဝ်ႈ​မႆႈ​ယူႇ​သေ​လႄႈ ထၢၼ်ႇ​ၽႆး​လုၵ်ႉ​ၵွပ်ႈ​ပိူဝ်ႈ​မၼ်း​ဢေႃႈ။-</verse>
				<verse number="9">မၼ်း​ၸဝ်ႈ​ၼူပ်ႈ​ၽႃႉ​ၵၢင်​ႁၢဝ်​သေ​လႄႈ လူင်း​မႃး​လႄႈ၊ ၵႃႈ​တႂ်ႈ​တိၼ်​မၼ်း​ၸဝ်ႈ​ၼၼ်ႉ ပဵၼ်​ဢၼ်​လပ်း​သိင်ႇ​ဝႆႉ​ဢေႃႈ။-</verse>
				<verse number="10">မၼ်း​ၸဝ်ႈ​ၶီႇ​ ၶေႇရူႉၽဵမ်ႇ ​သေ​လႄႈ မိၼ်​ယူႇ​လႄႈ မၼ်း​ၸဝ်ႈ​မိၼ်​ယူႇ​ၵႃႈ​ၼိူဝ်​ပိၵ်ႇ​လူမ်း​ဢေႃႈ။-</verse>
				<verse number="11">မၼ်း​ၸဝ်ႈ​ႁႂ်ႈ​ဢၼ်​လပ်း​သိင်ႇ ပဵၼ်​တီႈ​ဢၼ်​မၼ်း​ၸဝ်ႈ​တဵတ်ႇ​ယူႇ​လပ်ႉ​ယူႇ​လႄႈ ႁႂ်ႈ​ၼမ်ႉ​ဢၼ်​လမ်​ၵမ်ႇ​ၼႃႇ ဢိၵ်ႇ​တင်း​ၽႃႈ​ၽူၼ်​ဢၼ်​ၼႃ​တၼ်​ၼႃႇ​ၼၼ်ႉ ပဵၼ်​မူဝ်းၵႃႇ​ဢၼ်​လွမ်ႉ​ႁွပ်ႈ​မၼ်း​ၸဝ်ႈ​ယူႇ​ဢေႃႈ။-</verse>
				<verse number="12">ၵွပ်ႈ​ပိူဝ်ႈ​သၢႆ​ဢရွင်ႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ​လႄႈ၊ ၶႅပ်း​ၽႃႈ​ၽူၼ်​တင်း​လၢႆ ပႃး​လူၺ်ႈ​ၵၼ်​တင်း​မၢၵ်ႇ​ႁဵပ်း ဢိၵ်ႇ​တင်း​ထၢၼ်ႇ​ၽႆး​သေ​လႄႈ ပိဝ်​သဵၼ်​ၵႂႃႇ​ဢေႃႈ။-</verse>
				<verse number="13">ထႃႇဝရႃႉ​ၽြႃး ၽႃႉ​လင်​ယူႇ​ၵႃႈ​ၼိူဝ်​ၵၢင်​ႁၢဝ်​လႄႈ၊ ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ပွႆႇ​သဵင်​မၼ်း​ၸဝ်ႈ​ဢၼ်​ဝႃႈ မၢၵ်ႇ​ႁဵပ်း​ဢိၵ်ႇ​တင်း​ထၢၼ်ႇ​ၽႆး​ၼၼ်ႉ​ဢေႃႈ။-</verse>
				<verse number="14">မၼ်း​ၸဝ်ႈ​ယိုဝ်း​ပိုၼ်​ၵၢင်ႇ​မၼ်း​ၸဝ်ႈ​သေ​လႄႈ ႁႂ်ႈ​ၶဝ်​ၽူင်ႉ​ပၢႆႈ​ယၢႆႈ​ၼီ​ၵႂႃႇ​လႄႈ မၼ်း​ၸဝ်ႈ​ႁႂ်ႈ​ၽႃႉ​မႅပ်ႈ​ၼႃႇ​လူင်​လၢင်​သေ​လႄႈ ႁႂ်ႈ​ၶဝ်​တူၵ်း​သုမ်း​ဢေႃႈ။</verse>
				<verse number="15">မိူဝ်ႈ​ၼၼ်ႉ​ၵႃႈ​တႂ်ႈ​ပိုၼ်ႉ​မႄႈ​ၼမ်ႉ​တင်း​လၢႆ၊ လႆႈ​ပိုတ်ႇ​ၵီႈ​လႄႈ၊ ငဝ်ႈ​ႁၢၵ်ႈ​တိူၵ်ႈ​လေႃးၵႃႉ​ပေႃႇ​ဢွၵ်ႇ​ဝႆႉ ၵွပ်ႈ​ပိူဝ်ႈ​ဢၼ်၊ ဢူဝ်း ထႃႇဝရႃႉ​ၽြႃး၊ ၸဝ်ႈ​ႁဝ်း​တၢင်ႇ​ဢပႅတ်ႈ ဢိၵ်ႇ​တင်း ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ထင်ႇ​တိုင်ႈ​တၢင်း​ဢၼ်​ထူၺ်ႈ​ၸႂ်​ၵႃႈ​ၼႂ်း​ၶူႈ​လင်​ၸဝ်ႈ​ႁဝ်း​ၼၼ်ႉ ဢွၵ်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="16">မၼ်း​ၸဝ်ႈ​ယဵတ်ႇ​မိုဝ်း​မၼ်း​ၸဝ်ႈ ၵႃႈ​ၼိူဝ်​ၼၼ်ႉ​သေ​လႄႈ ယိပ်း​ၵမ်​ၵဝ်​လႄႈ မၼ်း​ၸဝ်ႈ​ဢဝ်​ၵဝ်​ဢွၵ်ႇ​သေ​ၵႃႈ​ၼႂ်း​ၼမ်ႉ​ဢၼ်​ယႂ်ႇ​ၼႃႇ​ၸိူဝ်း​ၼၼ်ႉ​ဢေႃႈ။-</verse>
				<verse number="17">ပိူဝ်ႈ​ဢၼ်​ၶဝ်​ႁႅင်း​ယႂ်ႇ​ၼႃႇ​သေ​ၵဝ်​လႄႈ၊ မၼ်း​ၸဝ်ႈ​ၵႄႇ​သႄႇ​ၼုၵ်ႈ​ဢဝ်​ၵဝ်​ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၵဝ်​ဢၼ်​ႁႅင်း​ယႂ်ႇ​ၼႃႇ​ဢၼ်​ဝႃႈ ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ၸင်း​ၵဝ်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​ႁႅင်း​ယႂ်ႇ​ၼႃႇ​သေ​ၵဝ်​လႄႈ ၵဝ်​ဢမ်ႇ​ပႄႉ​ၶဝ်​လႆႈ။-</verse>
				<verse number="18">ၶဝ်​ၽုတ်း​ၽၢတ်း​ပေႃႇ​မႃး​တီႈ​ၵဝ် ၼႂ်း​မိုဝ်ႉ​ဝၼ်း​ဢၼ် ၵဝ်​ႁွတ်ႈ​ထိုင်​ၽေး​ဢူႉ​ပၢတ်ႈ​ၼၼ်ႉ​သေ​ၵေႃႈ၊ ထႃႇဝရႃႉ​ၽြႃး​ပဵၼ်​တီႈ​ဢၼ်​ၵဝ်​ဢိင်​ယူႇ​ပိုင်ႈ​ယူႇ​ဢေႃႈ။-</verse>
				<verse number="19">မၼ်း​ၸဝ်ႈ​ဢဝ်​ၵဝ်​သူင်ႇ​ၵႃႈ​တီႈ ဢၼ်​ၵႂၢင်ႈ​လီ​လႃး​လီ​လႄႈ မၼ်း​ၸဝ်ႈ​ၵႄႇ​သႄႇ​တိုတ်ႉ​ၸၼ်​ဢဝ်​ၵဝ်​ၵွပ်ႈ​ပိူဝ်ႈ​ဢၼ် မၼ်း​ၸဝ်ႈ​ၼႅတ်ႈ​သၢၵ်ႈ​ႁၵ်ႉ​ပႅင်း​ၵဝ်​ၼၼ်ႉ​ဢေႃႈ။</verse>
				<verse number="20">ထႃႇဝရႃႉ​ၽြႃး​ပၼ်​ဢၵျူဝ်း​ၸွမ်း​ၵႃႈ​ၼင်ႇ​ဢၼ်​ၵဝ်​မီး​တၢင်း​သိုဝ်ႈ​တေႃႇ​ၼၼ်ႉ​လႄႈ မၼ်း​ၸဝ်ႈ​တွပ်ႇ​တႅၼ်း​ပၼ် ၸွမ်း​ၵႃႈ​ၼင်ႇ​တၢင်း​ဢၼ်​မိုဝ်း​ၵဝ်​မူတ်း​သႂ်​ၼၼ်ႉ​ဢေႃႈ။-</verse>
				<verse number="21">လွင်ႈ​မၼ်း​ၸမ်ႉ ၵဝ်​ၸွမ်း​သဵၼ်ႈ​တၢင်း​ထႃႇဝရႃႉ​ၽြႃး​ယူႇ​သေႇ​သေႇ​လႄႈ၊ ၵဝ်​ဢမ်ႇ​ႁဵတ်း​ႁၢႆႉ​ႁဵတ်း​မိူၵ်ႈ ဝႄႈ​ပႅတ်ႈ​ၽြႃး​ပဵၼ်​ၸဝ်ႈ​ၵဝ်​သေ​လႄႈ​ၵႂႃႇ။-</verse>
				<verse number="22">လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​ၵႃႈ​မီး​ၼၼ်ႉ မီး​ယူႇ​သိုဝ်ႈ​ၼႃႈ​တႂ်ႈ​တႃ​ၵဝ်​လႄႈ၊ ၵဝ်​ဢမ်ႇ​ပႄႇ​ဢမ်ႇ​ပႅတ်ႈ​ထုင်း​ၽိင်ႈ​တြႃး​မၼ်း​ၸဝ်ႈ​ၸိူဝ်း​ၼၼ်ႉ​လႃး​လႃး။-</verse>
				<verse number="23">ၵဝ်​ၸေး​ၸုမ်ႇ​ဝႆႉ​တင်း လွင်ႈ​ဢၼ်​လီ​ဢၼ်​ငၢမ်း​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ​လႄႈ၊ ၵဝ်​ဝႄႈ​ပႅတ်ႈ​တူႉ​ၸရိူၵ်ႈ​တူဝ်​ၸဝ်ႈ​ၵဝ်ႇ သေ​လႄႈ​ယူႇ​ဢေႃႈ။-</verse>
				<verse number="24">ပိူဝ်ႈ​ၼႆ​လႄႈ​ထႃႇဝရႃႉ​ၽြႃး တွပ်ႇ​တႅၼ်း​ပၼ်​ဢၵျူဝ်း​တီႈ​ၵဝ် ၸွမ်း​ၵႃႈ​ၼင်ႇ​ဢၼ်​ၵဝ်​မီး​တၢင်း​ဢၼ်​သိုဝ်ႈ​တေႃႇ ဢိၵ်ႇ​တင်း​ၸွမ်း​ၵႃႈ​ၼင်ႇ​ဢၼ်​တၢင်း​ဢၼ်​မိုဝ်း​ၵဝ်​မူတ်း​သႂ်​သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ​ၼၼ်ႉ​ယဝ်ႉ။-</verse>
				<verse number="25">တီႈ​ၵေႃႉ​ဢၼ်​ဢဵတ်း​လူ​ၼၼ်ႉ၊ ၸဝ်ႈ​ႁဝ်း​ၼႄ​ပျႃး​သၽေႃး​တၢင်း​ဢၼ်​ဢဵတ်း​လူ​လႄႈ၊ တီႈ​ၵေႃႉ​ဢၼ်​ၸေး​ၸုမ်ႇ​ၼၼ်ႉ၊ ၸဝ်ႈ​ႁဝ်း ၼႄ​ပျႃး​သၽေႃး ဢၼ်​ၸေး​ၸုမ်ႇ​တီႈ​ၶႃႈ​ဢေႃႈ။-</verse>
				<verse number="26">တီႈ​ၵေႃႉ​ဢၼ်​သႂ်​ၸၢင်ႇ​ၼၼ်ႉ၊ ၸဝ်ႈ​ႁဝ်း​ၼႄ​ပျႃး​သၽေႃး​ဢၼ်​သႂ်​ၸၢင်ႇ​လႄႈ၊ တီႈ​ၵေႃႉ​ဢၼ်​ႁဵတ်း​ၶတ်း​ၼၼ်ႉ၊ ၸဝ်ႈ​ႁဝ်း​ၼႄ​ပျႃး​သၽေႃး​ဢၼ်​ႁဵတ်း​ၶတ်း​တီႈ​ၶႃႈ​ဢေႃႈ။-</verse>
				<verse number="27">ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ၸိုင်၊ ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​လႄႈ ၼႃႈ​တႃ​ဢၼ်​ၽႅၼ်​သုင်​ၸမ်ႉ၊ ၸဝ်ႈ​ႁဝ်း​ဢဝ်​ၶျႃး​တူၵ်း​တီႈ​တႅမ်ႇ​တီႈ​ၶႃႈ​ဢေႃႈ။-</verse>
				<verse number="28">ၸဝ်ႈ​ႁဝ်း​တႆႈ​ဝၢၼ်ႇ​ၽႆး​တဵၼ်း​ၶႃႈ​ၸဝ်ႈ​တီႈ​ၶႃႈ​လႄႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶႃႈ​ၸဝ်ႈ ႁႂ်ႈ​လပ်း​သိင်ႇ​ၶႃႈ​ၸဝ်ႈ​လႅင်း​တီႈ​ၶႃႈ​ဢေႃႈ။-</verse>
				<verse number="29">ၶႃႈ​ၸဝ်ႈ​ဢိင်​ပိုင်ႈ​ၸဝ်ႈ​ႁဝ်း​သေ​လႄႈ ၶုၼ်ႇ​လႅၼ်ႈ​ၽၢင်ႈ​တပ်ႉ​တီႈ​ၶႃႈ​လႄႈ၊ ၶႃႈ​ၸဝ်ႈ​ဢိင်​ပိုင်ႈ​ၽြႃး​ပဵၼ်​ၸဝ်ႈ​ၶႃႈ​ၸဝ်ႈ​သေ​လႄႈ ဝႅၼ်​ၶၢမ်ႈ​လမ်း​ဝဵင်း​ၵႂႃႇ​တီႈ​ၶႃႈ​ဢေႃႈ။</verse>
				<verse number="30">သဵၼ်ႈ​တၢင်း​ၽြႃး​ပဵၼ်​ၸဝ်ႈ​ၼၼ်ႉ​ၸေး​ၸုမ်ႇ​လႄႈ၊ သဵတ်ႈ​ၸႃႇ​ထႃႇဝရႃႉ​ၽြႃး ၶၢမ်ႇ​တၢင်း​ဢၼ်​ၸႅတ်ႈ​ထၢမ်​လႄႈ​မူတ်း​သႂ်​ယူႇ​ဢေႃႈ။ မၼ်း​ၸဝ်ႈ​ပဵၼ်​ဢၼ်​ႁႄႉ​ဢၼ်​ၵင်ႈ​ၶဝ်​ၸိူဝ်း​ဢၼ်​သွၼ်ႈ​ပိုင်ႈ​မၼ်း​ၸဝ်ႈ တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="31">ၼွၵ်ႈ​သေ​ထႃႇဝရႃႉ​ၽြႃး​ၼၼ်ႉ၊ ယင်း​မီး​ၽြႃး​ပဵၼ်​ၸဝ်ႈ​သူႇ​လႂ်​လူး​ၵွၼ်ႇ။ ၼွၵ်ႈ​သေ​ၽြႃး​ပဵၼ်​ၸဝ်ႈ​ႁဝ်း​ၼၼ်ႉ၊ ယင်း​မီး မၢၵ်ႇ​ႁိၼ်​မၢၵ်ႇ​ၽႃ​ဢၼ်​လႂ်​လူး​ၵွၼ်ႇ။-</verse>
				<verse number="32">ၽြႃး​ပဵၼ်​ၸဝ်ႈ​ၼၼ်ႉ ဢဝ်​တင်း​သၢႆ​ဢႅဝ်​ႁႅင်း​တၼ်း​ၶူဝ်း​ႁတ်ႉ​ၵဝ်​လႄႈ ႁႂ်ႈ​သဵၼ်ႈ​တၢင်း​ဢၼ်​ၵဝ်​ၵႂႃႇ​ၼၼ်ႉ​ၸေး​ၸုမ်ႇ​ဢေႃႈ။-</verse>
				<verse number="33">မၼ်း​ၸဝ်ႈ​ႁႂ်ႈ​တိၼ်​ၵဝ် ၶၼ်​ၽႂ်း​မိူၼ်​ၸိူဝ်ႉ​ၼင်ႇ​တိၼ်​ၵႂၢင်​ၼၼ်ႉ​လႄႈ၊ မၼ်း​ၸဝ်ႈ​ဢဝ်​ၵဝ်​တၢင်ႇ​ဝႆႉ​ၵႃႈ​ၼိူဝ်​တီႈ​ဢၼ်​သုင်​ၵဝ် ၸိူဝ်း​ၼၼ်ႉ​ဢေႃႈ။-</verse>
				<verse number="34">မၼ်း​ၸဝ်ႈ​သင်ႇ​သွၼ်​ပၼ်​မိုဝ်း​ၵဝ်​ႁႂ်ႈ​မေႃ ႁႂ်ႈ​ၸၢင်ႈ​လွင်ႈ​တၢင်း​ဢၼ်​တိုၵ်း​သိုၵ်း​လႄႈ၊ ၶႅၼ်​ၵဝ်​ဝူတ်ႈ​တၢင်ႇ​ၵၢင်ႇ​တွင်း​လိူင်​လႆႈ​ဢေႃႈ။</verse>
				<verse number="35">ၸဝ်ႈ​ႁဝ်း​ဢဝ်​ဢၼ်​ႁႄႉ​ဢၼ်​ၵင်ႈ​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ ပၼ်​တီႈ​ၶႃႈ​ၸဝ်ႈ​လႄႈ၊ မိုဝ်း​ၶွၼ်​ၶႂႃ​ၸဝ်ႈ​ႁဝ်း​ၸွႆႈ​ၵမ်ႉ​ၸွႆႈ​ထႅမ် ၶႃႈ​ၸဝ်ႈ​တီႈ​ၶႃႈ​ဢေႃႈ။ တၢင်း​ဢၼ်​ၸဝ်ႈ​ႁဝ်း​ဢဵတ်း​လူ​ယိူၼ်ႉ​ၶၢမ်ႇ​ၼၼ်ႉ ႁႂ်ႈ​ၶႃႈ​ၸဝ်ႈ​ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ​ဝႆႉ​တီႈ​ၶႃႈ​ဢေႃႈ။-</verse>
				<verse number="36">ၸဝ်ႈ​ႁဝ်း​ႁႂ်ႈ​သဵၼ်ႈ​တၢင်း​ဢၼ် တိၼ်​ၶႃႈ​ၸဝ်ႈ​ယဵပ်ႇ​ၼၼ်ႉ​ၵႂၢင်ႈ​လီ​လႃး​လီ​လႄႈ၊ တႃ​တိၼ်​ၶႃႈ​ၸဝ်ႈ​ဢမ်ႇ​ပြၢတ်ႈ ​ၵႂႃႇ​တီႈ​ၶႃႈ၊-</verse>
				<verse number="37">ၶႃႈ​ၸဝ်ႈ​လိုပ်ႈ​ၸွမ်း​လမ်း​ၸွမ်း​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ​သေ​လႄႈ ၶိုတ်း​ၶဝ်​လႄႈ ၸူဝ်ႈ​ဢၼ်​ဢမ်ႇ​ပႆႇ​ပႄႇ​ၽဵဝ်ႈ​ၶဝ်​ပႅတ်ႈ​ၼၼ်ႉ​ၸိုင်​ဢမ်ႇ​ၶိုၼ်း​မႃး​တီႈ​ၶႃႈ၊-</verse>
				<verse number="38">ၶႃႈ​ၸဝ်ႈ​တိူဝ်ႉ​ထုၵ်ႇ​သႂ်ႇ​ၶဝ် တေႃႇ​ထိုင်​ႁွတ်ႈ​ၶဝ်​ထၼ်ႈ​ပေႃး ဢမ်ႇ​လုၵ်ႉ​လႆႈ​လႄႈ၊ ၶဝ်​လူမ်ႉ​ယူႇ​ၵႃႈ​တႂ်ႈ​တိၼ်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="39">လွင်ႈ​မၼ်း​ၸမ်ႉ ၸဝ်ႈ​ႁဝ်း​ဢဝ်​သၢႆ​ဢႅဝ်​ႁႅင်း​တၼ်း​ၶူဝ်း​ႁတ်ႉ​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​မေႃ​ၸၢင်ႈ​လွင်ႈ​တၢင်း​ဢၼ်​တိုၵ်း​သိုၵ်း​လႄႈ​ၸဝ်ႈ​ႁဝ်း​ဢဝ်​ၶဝ်​ၸိူဝ်း​ဢၼ် လုၵ်ႉ​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​ၸိူဝ်း​ၼၼ်ႉ လူမ်ႉ​တူၵ်း​ပႅတ်ႈ​ၵႃႈ​တႂ်ႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="40">ၸဝ်ႈ​ႁဝ်း​ႁႂ်ႈ​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ ဝၢႆႇ​လင်​ပၼ်​တီႈ​ၶႃႈ​ၸဝ်ႈ​လႄႈ၊ ၶႃႈ​ၸဝ်ႈ​ယႃႉ​ၽဵဝ်ႈ​ၶဝ်​ၸိူဝ်း​ဢၼ်​ၸင်း​ၶႃႈ​ၸဝ်ႈ​ၼၼ်ႉ​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="41">ၶဝ်​ၼၼ်ႉ​ႁွင်ႉ​သႅၼ်ႇ​ႁႃ​သေ​ၵေႃႈ၊ ၵေႃႉ​ဢၼ်​ၵႄႇ​သႄႇ​ၶျွတ်ႈ​ဢဝ်​ဢမ်ႇ​မီး​လႄႈ ၶဝ်​ႁွင်ႉ​သႅၼ်ႇ​ႁႃ​ထႃႇဝရႃႉ​ၽြႃး​သေ​ၵေႃႈ၊ မၼ်း​ၸဝ်ႈ​ဢမ်ႇ​ဢိူဝ်။-</verse>
				<verse number="42">ၶဝ်​ၼၼ်ႉ​ၸိုင် ၶႃႈ​ၸဝ်ႈ​ၼူတ်ႈ​လႅဝ်​ဢွၼ်ႇ​ဢွၼ်ႇ​ၽွင်​မိူၼ်​ၸိူဝ်ႉ​ၼင်ႇ​မုၼ်ႈ​လိၼ် ဢၼ်​လူမ်း​ထူဝ်း​ၼၼ်ႉ​လႄႈ၊ ၶႃႈ​ၸဝ်ႈ​ဢဝ်​ထွၵ်ႇ​ပႅတ်ႈ မိူၼ်​ၸိူဝ်ႉ​ၼင်ႇ​မုၼ်​ဢၢင်ႉ​ဢၢၵ်ႇ​ၵႃႈ​တီႈ​ၵၢင်​တႃႈ​ၵၢင်​တၢင်း​ၼၼ်ႉ​တီႈ​ၶႃႈ​ဢေႃႈ။</verse>
				<verse number="43">ၸဝ်ႈ​ႁဝ်း​ၵႄႇ​သႄႇ​ဢဝ်​ၶႃႈ​ၸဝ်ႈ​လွတ်ႈ​သေ​ၵႃႈ​ၼႂ်း​တၢင်း​ဢၼ်​မုၵ်ႉ​ၵူၼ်း​ၸိူဝ်း​ၵူၼ်း​ၶႃႈ​ၸဝ်ႈ​တင်း​လၢႆ ၶေႉ​ၶဵင်ႇ​တိုၵ်း​တေႃး​ၵၼ်​ယူႇ​ၼၼ်ႉ​လႄႈ၊ ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ​ပဵၼ်​ၵႄႇ​ပဵၼ်​ႁူဝ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​လႄႈ၊ မုၵ်ႉ​ၵူၼ်း​ၸိူဝ်း​ၵူၼ်း​ဢၼ်​ၶႃႈ​ၸဝ်ႈ ဢမ်ႇ​တွၼ်ႉ​ႁူႉ​ၸၵ်း​ၼၼ်ႉ ၶၢမ်ႇ​ႁဵတ်း​ၶႃႈ​တီႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="44">ၶဝ်​ဢွၼ်​ၵၼ်​ထွမ်ႇ​ဢဝ် ၼႂ်း​မိူဝ်ႈ​ဢၼ်​ၶဝ်​ငိၼ်း​သဵင်​ၵႂၢမ်း​ၶႃႈ​ၸဝ်ႈ​ၼၼ်ႉ​လႄႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ ႁဵတ်း​ၵိူမ်ႈ​ႁဵတ်း​လိူမ်ႈ​တီႈ​ၶႃႈ​ၸဝ်ႈ တီႈ​ၶႃႈ​ဢေႃႈ။-</verse>
				<verse number="45">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ ႁဵဝ်ႇ​ၸွပ်ႈ​ၵႂႃႇ​လႄႈ ဢွၼ်​ၵၼ်​လုၵ်ႉ​သေ​ၵႃႈ​ၼႂ်း​တိူၵ်ႈ​တိုၵ်း​သိုၵ်း​ၶဝ်​ၼၼ်ႉ သၼ်ႇ​သၼ်ႇ​သၢႆ​သၢႆ​ဢွၵ်ႇ​ၵႂႃႇ​တီႈ​ၶႃႈ​ဢေႃႈ။-</verse>
				<verse number="46">ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​လႄႈ ႁႂ်ႈ​မၢၵ်ႇ​ႁိၼ်​မၢၵ်ႇ​ၽႃ​ၵဝ်​မီး​မင်ႇၵလႃႇ​သေ​ၵမ်း​လူၺ်ႈ။ ႁႂ်ႈ​ၽြႃး​ပဵၼ်​ၸဝ်ႈ ဢၼ်​ၵႄႇ​သႄႇ ၶျွတ်ႈ​ဢဝ်​ၵဝ်​ၼၼ်ႉ မီး​တၢင်း​ဢၼ်​ယုၵ်ႉ​ယွင်ႈ​သေ​ၵမ်း​လူၺ်ႈ။-</verse>
				<verse number="47">မၼ်း​ၸဝ်ႈ​ပဵၼ်​ၽြႃး​ပဵၼ်​ၸဝ်ႈ​ဢၼ်​ယူႇ​ၽၢႆႇ​ၵဝ်​သေ​လႄႈ​ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ ဢဝ်​မုၵ်ႉ​ၵူၼ်း​ၸိူဝ်း​ၵူၼ်း ၶျႃး​တူၵ်း​ဝႆႉ​ၵႃႈ​တႂ်ႈ​ၵဝ်​ၼၼ်ႉ​ဢေႃႈ။-</verse>
				<verse number="48">မၼ်း​ၸဝ်ႈ​ၵႄႇ​သႄႇ​ဢဝ်​ၵဝ်​လွတ်ႈ​သေ ၵႃႈ​ၼႂ်း​မိုဝ်း​ရၢၼ်ႇ​သူႇ​ၵဝ်​ဢေႃႈ။ ၸဝ်ႈ​ႁဝ်း​ယုၵ်ႉ​ယွင်ႈ​ၶႃႈ​ၸဝ်ႈ​တၢင်ႇ​ဝႆႉ​ၵႃႈ​ၼိူဝ်​ၶဝ်​ၸိူဝ်း​ဢၼ်​လုၵ်ႉ​ယူႇ​ၽၢႆႇ​ၼိုင်ႈ တင်း​ၶႃႈ​ၸဝ်ႈ​ၼၼ်ႉ​လႄႈ၊ ၸဝ်ႈ​ႁဝ်း​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​ဢွၵ်ႇ​သေ​ၵႃႈ​ၼႂ်း​မိုဝ်း​ၵေႃႉ​ဢၼ် ႁိမ်​ႁူင်ႇ​ယႃႉ​ယူၵ်ႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="49">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​တၵ်း​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​လႄႈ ႁဵတ်း​ၵႂၢမ်း​ထေႃးပၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="50">မၼ်း​ၸဝ်ႈ​ပၼ်​တၢင်း​ဢၼ်​ၵႄႇ​ၶျွတ်ႈ ဢၼ်​ယႂ်ႇ​ၼႃႇ​လူင်​လၢင် တီႈ​ၶုၼ်​လူင်​မၼ်း​ၸဝ်ႈ​ၼၼ်ႉ​ဢေႃႈ။ မၼ်း​ၸဝ်ႈ​ႁဵတ်း​ၵျေး​ၸူး​ၵရူႉၼႃႇ တီႈ​ၸႃႉ​ၸဵမ်​ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ​ၸဝ်ႈ ဢၼ်​ဝႃႈ​ တႃႇဝိတ်ႈ ​ၼၼ်ႉ ဢိၵ်ႇ​တင်း​ၸိူဝ်ႉ​ၶိူဝ်း​မၼ်း​တင်း​လၢႆ ယူႇ​ၶိင်ႇ​ၵႃႇလႃႉ​သိုပ်ႇ​သိုပ်ႇ​တၢမ်း​တၢမ်း​တႃႇ​သေႇ​ဢေႃႈ။</verse>
			</chapter>
			<chapter number="19">
				<verse number="1">ၽႃႉ​ၵၢင်​ႁၢဝ်​မွၵ်ႇ​လၢတ်ႈ​မုၼ်​ၽုင်း​သရေႇ​ၽြႃး​ပဵၼ်​ၸဝ်ႈ​လႄႈ၊ ၼႃႈ​ၽႃႉ​ၼႄ​ပျႃး​လွင်ႈ​တၢင်း​ဢၼ်​မၼ်း​ၸဝ်ႈ ဢဝ်​တင်း​မိုဝ်း​မၼ်း​ၸဝ်ႈ​ႁဵတ်း​ၼၼ်ႉ​ယူႇ​ဢေႃႈ။-</verse>
				<verse number="2">ဝၼ်း​ၼိုင်ႈ​တေႃႇ​ဝၼ်း​ၼိုင်ႈ​လၢတ်ႈ​ဝႃႈ​လႄႈ ၶိုၼ်း​ၼိုင်ႈ​တေႃႇ​ၶိုၼ်း​ၼိုင်ႈ သင်ႇ​သွၼ်​ယူႇ​ဢေႃႈ။-</verse>
				<verse number="3">ဢမ်ႇ​မီး​တၢင်း​ဢၼ်​ပိုတ်ႇ​သူပ်း၊ တၢင်း​ဢၼ်​လၢတ်ႈ​ၵႂၢမ်း၊ ဢမ်ႇ​လႆႈ​ငိၼ်း​သဵင်​ဢၼ်​ဢွၵ်ႇ​သူပ်း​ၶဝ်။-</verse>
				<verse number="4">ၸိူၵ်ႈ​ၶဝ်​သၢႆ​ၶဝ်​ဢၼ်​တႅၵ်ႈ​ဢၼ်​ၶပ်ႉ​ၼၼ်ႉ ၸွတ်ႇ​တူဝ်ႈ​ၵႃႈ​ၼိူဝ်​လိၼ်​မိူင်း​ၵူႈ​တီႈ​ၵူႈ​လႅၼ်​လႄႈ ၵႂၢမ်း​ၶဝ်​ၼၼ်ႉ​တေႃႇ​ႁွတ်ႈ​တေႃႇ​ထိုင် ၵႃႈ​တီႈ​ႁိမ်း​လိၼ်​သုတ်း​ဢေႃႈ။ ၵႃႈ​ၼိူဝ်​ၸိူဝ်း​ၼၼ်ႉ​ၸိုင် မၼ်း​ၸဝ်ႈ​ဢဝ်​ႁိူၼ်း​ၵၢင်​ဝၼ်း​ဝႆႉ​ဢေႃႈ။-</verse>
				<verse number="5">ၵၢင်​ဝၼ်း​ၼၼ်ႉ ပဵၼ်​ၸိူဝ်ႉ​ၼင်ႇ​ၵူၼ်း​သွင်ႇ​မင်ႇၵလႃႇ​ဢၼ်​ဢွၵ်ႇ​မႃး​ၵႃႈ​ၼႂ်း​လုၵ်း​ႁိူၼ်း​မၼ်း​ၼၼ်ႉ​လႄႈ ၸူမ်း​သိူဝ်း​ႁႂ်ႈ​လႆႈ​ၶုၼ်ႇ​လႅၼ်ႈ ၸွမ်း​သဵၼ်ႈ​တၢင်း​ဢၼ်​မၼ်း​ၵႂႃႇ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ႁႅင်း​ယႂ်ႇ​ၼၼ်ႉ​ဢေႃႈ။-</verse>
				<verse number="6">မၼ်း​ဢွၵ်ႇ​မႃး​သေ​ၵႃႈ​တီႈ​လႅၼ်​သုတ်း ၽႃႉ​ၵၢင်​ႁၢဝ်​တီႈ​သုတ်း​ၼိုင်ႈ လဵပ်ႈ​ၵႂႃႇ​တေႃႇ​ထိုင်​ႁွတ်ႈ​တီႈ​သုတ်း​ၼိုင်ႈ​လႄႈ လွင်ႈ​တၢင်း​ဢၼ်​လပ်ႉ​သိူင်ႇ ၵၢင်း​လွတ်ႈ​တင်း​တၢင်း​ဢၼ်​ႁွၼ်ႉ​ဢၼ်​မႆႈ​မၼ်း​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။</verse>
				<verse number="7">တြႃး​ထႃႇဝရႃႉ​ၽြႃး​ပဵၼ်​ဢၼ်​ၸေး​ၸုမ်ႇ​လႄႈ ၸၢင်ႈ​ၶိုၼ်း​ႁဵတ်း​ၶိုၼ်း​မႄး​ၸႂ်​ဝီႉၺိၺ်ႇ​ဢေႃႈ။ လွင်ႈ​တၢင်း​ဢၼ်​ၶၢမ်ႇ​သၢၵ်ႈ​သေႇ​ထႃႇဝရႃႉ​ၽြႃး​ၼၼ်ႉ ပဵၼ်​ဢၼ်​မၢၼ်ႇ​ဢၼ်​မႅၼ်ႈ​လႄႈ ၸၢင်ႈ​ႁႂ်ႈ​ၶဝ်​ၸိူဝ်း​ဢၼ်​ဢမ်ႇ​လၵ်း​ဢမ်ႇ​လႅမ်​ၼၼ်ႉ လၵ်း​လႅမ်​မႃး​ဢေႃႈ။-</verse>
				<verse number="8">ၼႄး​ဢူႉပတေႇ​ထႃႇဝရႃႉ​ၽြႃး​ၸိူဝ်း​ၼၼ်ႉ ပဵၼ်​ဢၼ်​သိုဝ်ႈ​လီ​ယူဝ်း​လီ​လႄႈ ၸၢင်ႈ​ႁႂ်ႈ​ႁူဝ်​ၸႂ် မီး​တၢင်း​ဢၼ်​ၸူမ်း​ဢၼ်​သိူဝ်း​ဢေႃႈ။ ပိင်း​ၺၢပ်ႈ​ထႃႇဝရႃႉ​ၽြႃး​ၼၼ်ႉ ပဵၼ်​ဢၼ်​သႂ်​ၸၢင်ႇ​လႄႈ ၸၢင်ႈ​ႁႂ်ႈ​မၢၵ်ႇ​တႃ​ပၢင်ႇ​လီ​လႅင်း​လီ​ဢေႃႈ။-</verse>
				<verse number="9">ၸႂ်​သၽေႃး​ဢၼ်​ၵူဝ်​ယမ်​ထႃႇဝရႃႉ​ၽြႃး​ၼၼ်ႉ ပဵၼ်​ဢၼ်​မူတ်း​သႂ်​လႄႈ တႄႇ​ယူႇ​သေႇ​သေႇ​ဢေႃႈ။ တၢင်း​ဢၼ်​ထႃႇဝရႃႉ​ၽြႃး​ၸီႇ​ယၢင်ႇ​ၸိူဝ်း​ၼၼ်ႉ မႅၼ်ႈ​တင်း​သဵတ်ႈ​ၸႃႇ​တြႃး​လႄႈ သိုဝ်ႈ​တေႃႇ​ၽွမ်ႉ​ပဵင်း​ၵၼ်​ဢေႃႈ။-</verse>
				<verse number="10">လိူဝ်​တွၼ်း​ၼႃႇ​သေ​ၶမ်း​ဢမ်ႇ​ၵႃး၊ လိူဝ်​တွၼ်း​ၼႃႇ​သေ​ၶမ်း​လွတ်ႈ​ငၢၼ်ႇ​ၼမ်​ၼႃႇ​ၼၼ်ႉ​လႄႈ ပဵၼ်​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ်​ၼႃႇ​လူင်​လၢင်​လႄႈ၊ လိူဝ်​တွၼ်း​ၼႃႇ​သေ​ၼမ်ႉ​ၽိုင်ႈ​ဢမ်ႇ​ၵႃး၊ လိူဝ်​တွၼ်း​ၼႃႇ​သေ​ႁူဝ်​ၼမ်ႉ​ႁူင်း​ၽိုင်ႈ​ၼၼ်ႉ​လႄႈ ပဵၼ်​ဢၼ်​ဝၢၼ်​ၼႃႇ​လူင်​လၢင်​ဢေႃႈ။-</verse>
				<verse number="11">ၵွပ်ႈ​ပိူဝ်ႈ​ၸိူဝ်း​ၼၼ်ႉ​လႄႈ ၶႃႈ​ၸဝ်ႈ​ႁဝ်း​ပၢင်ႇ​ၸႂ်​လႅင်း​ၸႂ်​လႄႈ၊ ၵွပ်ႈ​ပိူဝ်ႈ​ဢၼ်​ပႂ်ႉ​ၸွမ်း​ၸိူဝ်း​ၼၼ်ႉ​လႄႈ၊ ဢၵျူဝ်း​ယႂ်ႇ​ၼႃႇ​လူင်​လၢင်​တီႈ​ၶႃႈ​ဢေႃႈ။</verse>
				<verse number="12">ၽူႈ​လႂ်​တၵ်း​ႁူႉ​လွင်ႈ​တၢင်း​ဢၼ် တူဝ်​ၸဝ်ႈ​ၵဝ်ႇ​ၽိတ်း​ပိူင်ႈ​ၸိူဝ်း​ၼၼ်ႉ​လႆႈ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ၵၢင်း​လွတ်ႈ​တင်း​ဢပႅတ်ႈ​တူႉ​ၸရိူၵ်ႈ​ဢၼ်​ဢမ်ႇ​ထၢင်ႇ​သႃး​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="13">ၶႅၼ်း​တေႃႈ​ႁႄႉ​ၶႅၼ် ႁႂ်ႈ​ၶႃႈ​ၸဝ်ႈ​ႁဝ်း​ဢမ်ႇ​လႆႈ​ႁဵတ်း​တူႉ​ၸရိူၵ်ႈ​ဢၼ်​ႁတ်း​ဢၼ်​ႁၢၼ်​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​ၸိူဝ်း​ၼၼ်ႉ​လႆႈ​ဢုပ်ႉ​ပိူင်ႇ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼၼ်​လႄႈ ၶႃႈ​ၸဝ်ႈ​တၵ်း​မီး​တၢင်း​ဢၼ် ၵၢင်း​လွတ်ႈ​တင်း​တၢင်း​ဢၼ်​ၽိတ်း​ပိူင်ႈ​ယႂ်ႇ​ၼႃႇ​လူင်​လၢင်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="14">ၶႅၼ်း​တေႃႈ​ႁႂ်ႈ​ၵႂၢမ်း​ဢွၵ်ႇ​သူပ်း​ၶႃႈ​ၸဝ်ႈ ဢိၵ်ႇ​တင်း​တၢင်း​ၵျၢမ်ႇ​တၢင်း​ပွင်​ႁူဝ်​ၸႂ်​ၶႃႈ​ၸဝ်ႈ​ၸိူဝ်း​ၼၼ်ႉ ပဵၼ်​လွင်ႈ​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ်​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး၊ မၢၵ်ႇ​ႁိၼ်​မၢၵ်ႇ​ၽႃ​ၵဝ်​ၶႃႈ၊ ၸဝ်ႈ​ဢၼ်​ထုတ်ႇ​ၼုၵ်ႈ​ဢဝ်​ၵဝ်​ၶႃႈ​တီႈ​ၶႃႈ။</verse>
			</chapter>
			<chapter number="20">
				<verse number="1">ႁႂ်ႈ​ထႃႇဝရႃႉ​ၽြႃး​ဢိူဝ်​ၸဝ်ႈ​ႁဝ်း ၼႂ်း​မိုဝ်ႉ​ဝၼ်း​ဢၼ်​ၽေး​ဢၼ်ႇတရႄႇ​ႁွတ်ႈ​ထိုင်​ၼၼ်ႉ​လႄႈ၊ ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ ယႃႇၵုပ်ႈ ​ၼၼ်ႉ ယုၵ်ႉ​ယွင်ႈ​ၸဝ်ႈ​ႁဝ်း​သေ​ၵမ်း​လူၺ်ႈ။-</verse>
				<verse number="2">ႁႂ်ႈ​မၼ်း​ၸဝ်ႈ​ၼၼ်ႉ​ပွႆႇ​တၢင်း​ဢၼ်​ၸွႆႈ​ဢၼ်​ထႅမ်​သေ​ၵႃႈ​တီႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ မႃး​တီႈ​ၸဝ်ႈ​ႁဝ်း​လႄႈ၊ ႁႂ်ႈ​ဢဝ်​ၵႃႈ​တီႈ​ၼိူဝ်​လွႆ​ ၸီႉဢုၼ်ႇ ​ၼၼ်ႉ ထွၵ်ႈ​ၵမ်ႉ​ၸဝ်ႈ​ႁဝ်း​သေ​ၵမ်း​လူၺ်ႈ။-</verse>
				<verse number="3">ႁႂ်ႈ​မၼ်း​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၶိူင်ႈ​တၢင်း​ပုၵ်ႈ​ၸေႃႇ​ၸဝ်ႈ​ႁဝ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​လႄႈ၊ ႁႂ်ႈ​ႁပ်ႉ​တုင်း​ဢဝ်​ယိတ်ႈ​ဢၼ် တုတ်ႇ​ၽႆး​ၸဝ်ႈ​ႁဝ်း​ၸိူဝ်း​ၼၼ်ႉ​သေ​ၵမ်း​လူၺ်ႈ။ ၸေႇလႃႇ။-</verse>
				<verse number="4">ႁႂ်ႈ​မၼ်း​ၸဝ်ႈ​ဢဵတ်း​လူ​ပၼ် ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​ၸႂ်​ၸဝ်ႈ​ႁဝ်း​မီး​ၼၼ်ႉ​လႄႈ ႁႂ်ႈ​တၢင်း​ၵျၢမ်ႇ​တၢင်း​ပွင်​ၸဝ်ႈ​ႁဝ်း​ၵႃႈ​မီး​ၼၼ်ႉ ပျေႉ​ၸုမ်ႇ​သေ​ၵမ်း​လူၺ်ႈ။-</verse>
				<verse number="5">ႁဝ်း​ၶႃႈ​တၵ်း​သိူဝ်း​ပျေႃႇ​ၼႂ်း​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​ၸဝ်ႈ​ႁဝ်း​ၼၼ်ႉ​လႄႈ၊ တၵ်း​ဢိင်​ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ​ႁဝ်း​ၶႃႈ​ၼၼ်ႉ​သေ​လႄႈ ပူၵ်း​လၢမ်ႇ​ဢေႃႈ။ ႁႂ်ႈ​ထႃႇဝရႃႉ​ၽြႃး ႁႂ်ႈ​ၵႃႈ​ဢၼ်​ၸဝ်ႈ​ႁဝ်း​သူး​တွင်း​တင်း​သဵင်ႈ​တင်း​လူင်​ၼၼ်ႉ​ပျေႉ​ၸုမ်ႇ​သေ​ၵမ်း​လူၺ်ႈ။</verse>
				<verse number="6">မိူဝ်ႈ​လဵဝ်​ၼႆႉ​ၵဝ်​ႁူႉ​လွင်ႈ​ဢၼ် ထႃႇဝရႃႉ​ၽြႃး​ၵႄႇ​သႄႇ​ၶျွတ်ႈ​ဢဝ် ၵေႃႉ​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ​မၼ်း​ၸဝ်ႈ​ၼၼ်ႉ​ယူႇ​ဢေႃႈ။ မၼ်း​ၸဝ်ႈ​တၵ်း​ပႃး​တင်း တၢင်း​ၵတ်ႉ​တၢင်း​ၶၼ်၊ တၢင်း​ဢၼ်​မၼ်း​ၸဝ်ႈ​ဢဝ်​မိုဝ်း​ၶွၼ်​ၶႂႃ​မၼ်း​ၸဝ်ႈ ၵႄႇ​သႄႇ​ၶျွတ်ႈ​ဢဝ်​ၼၼ်ႉ​သေ​လႄႈ၊ ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် ဢၼ်​မူတ်း​ၸၢင်ႇ​မၼ်း​ၸဝ်ႈ​ၼၼ်ႉ​လႄႈ ဢိူဝ်​ၵေႃႉ​ၼၼ်ႉ​ဢေႃႈ။-</verse>
				<verse number="7">ၵမ်ႈ​ၽွင်ႈ​ၸၢင်ႈ​ယွင်ႈ​ယေႃး​လေႃႉ​ရထႃး​တင်း​လၢႆ​လႄႈ၊ ၵမ်ႈ​ၽွင်ႈ​ၸၢင်ႈ​ယွင်ႈ​ယေႃး​မႃႉ​တင်း​လၢႆ​ဢေႃႈ။ ႁဝ်း​ၸမ်ႉ၊ တၵ်း​ယွင်ႈ​ယေႃး ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ဢေႃႈ။-</verse>
				<verse number="8">ၶဝ်​ၼၼ်ႉ​ၵူမ်ႈ​မူပ်ႇ​လႄႈ​လူမ်ႉ​တူၵ်း​ယူႇ​ဢေႃႈ။ ႁဝ်း​ၸမ်ႉ၊ လုၵ်ႉ​လႄႈ​ၸုၵ်း​ယူႇ​ဢေႃႈ။-</verse>
				<verse number="9">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​သေ​ၵမ်း​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶုၼ်​လူင်​ဢိူဝ်​ၶႃႈ​ၸဝ်ႈ​ႁဝ်း​ၶဝ် ၼႂ်း​မိူဝ်ႈ​ဢၼ်​ၶႃႈ​ၸဝ်ႈ​ႁဝ်း​ၶဝ် ႁွင်ႉ​ၼၼ်ႉ​သေ​ၵမ်း​တီႈ​ၶႃႈ။</verse>
			</chapter>
			<chapter number="21">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶုၼ်​လူင်​ၸူမ်း​ပျေႃႇ ၼႂ်း​တၢင်း​ၵတ်ႉ​တၢင်း​ၶၼ်​ၸဝ်ႈ​ႁဝ်း​ၼၼ်ႉ​လႄႈ သႂၢင်ႇ​သိူဝ်း​ၼႂ်း​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="2">ၸဝ်ႈ​ႁဝ်း​ဢဵတ်း​လူ​ပၼ်​ၵႃႈ​ဢၼ် ဢလူဝ်ႇ​ၸႂ်​မၼ်း​မီး​ၼၼ်ႉ​လႄႈ ၸဝ်ႈ​ႁဝ်း​ဢမ်ႇ​ထဵင်​ပႅတ်ႈ​တၢင်း​ဢၼ် မၼ်း​ဢဝ်​သူပ်း​မၼ်း​သူး​တွင်း​ၼၼ်ႉ​တီႈ​ၶႃႈ၊-</verse>
				<verse number="3">ၸဝ်ႈ​ႁဝ်း​ဢဝ်​မင်ႇၵလႃႇ ဢၼ်​လီ​ဢၼ်​မျၢတ်ႈ​ၸိူဝ်း​ၼၼ်ႉ ႁဵတ်း​ငဝ်ႈ​ႁဵတ်း​ႁူဝ်​ပၼ်​လႄႈ ၸဝ်ႈ​ႁဝ်း​ဢဝ်​သရၽူႇ​ၶမ်း​လွတ်ႈ​ငၢၼ်ႇ တိုဝ်း​သႂ်ႇ​ပၼ် ၵႃႈ​ၼိူဝ်​ႁူဝ်​မၼ်း​တီႈ​ၶႃႈ​ဢေႃႈ။-</verse>
				<verse number="4">မၼ်း​သူး​တွင်း​ယွၼ်း​ဢဝ်​ဢသၢၵ်ႈ​လႄႈ၊ ၸဝ်ႈ​ႁဝ်း​ဢဵတ်း​လူ​ပၼ်​ဢသၢၵ်ႈ ဢၼ်​ဝႃႈ မိုဝ်ႉ​ဝၼ်း​ဢၼ်​ယိုၼ်း​ဢၼ်​ယၢဝ်း​ယူႇ သိုပ်ႇ​သိုပ်ႇ​တၢမ်း​တၢမ်း​တႃႇ​သေႇ​ဢမ်ႇ​ထၢတ်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">မၼ်း​ၼၼ်ႉ​မုၼ်​ယႂ်ႇ​ၵွပ်ႈ​ပိူဝ်ႈ​တၢင်း​ဢၼ် ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​လႄႈ၊ ၸဝ်ႈ​ႁဝ်း​ဢဝ်​ၵုင်ႇ​သရေႇ​တင်း​တၼ်း​ၶူဝ်း​ဢႃႇၼူႉၽေႃႇ တၢင်ႇ​သႂ်ႇ​ၵႃႈ​ၼိူဝ်​မၼ်း​တီႈ​ၶႃႈ​ဢေႃႈ။-</verse>
				<verse number="6">ၸဝ်ႈ​ႁဝ်း​ဢဝ်​မၼ်း​ၶၢၼ်း​ဝႆႉ ၼႂ်း​ဢရႃႇ​မင်ႇၵလႃႇ​ထႃႇဝရႃႉ​လႄႈ ႁႂ်ႈ​မၼ်း​ၸူမ်း​သိူဝ်း​မူၼ်ႈ​ပျေႃႇ​သိုဝ်ႈ​ၼႃႈ​သိုဝ်ႈ​တႃ​ၸဝ်ႈ​ႁဝ်း ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ ၶုၼ်​လူင်​ဢိင်​ပိုင်ႈ​ထႃႇဝရႃႉ​ၽြႃး​လႄႈ၊ ၸၢင်ႈ​ဢမ်ႇ​လႆႈ​တူင်ႉ​လႆႈ​ၶွၼ်း ၵွပ်ႈ​ပိူဝ်ႈ​ၵျေး​ၸူး​ၵရူႉၼႃႇ​ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="8">မိုဝ်း​ၸဝ်ႈ​ႁဝ်း​တၵ်း​ႁူပ်ႉ​ထူပ်း​ရၢၼ်ႇ​သူႇ​ၸဝ်ႈ​ႁဝ်း​တင်း​သဵင်ႈ​တင်း​လူင်​လႄႈ၊ မိုဝ်း​ၶွၼ်​ၶႂႃ​ၸဝ်ႈ​ႁဝ်း တၵ်း​ႁူပ်ႉ​ထူပ်း​ၶဝ်​ၸိူဝ်း​ဢၼ် ၸင်း​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="9">ၸဝ်ႈ​ႁဝ်း​တၵ်း​ႁႂ်ႈ​ၶဝ်​ပဵၼ်​ၸိူဝ်ႉ​ၼင်ႇ​မုၵ်ႉ​ၽႆး​ၼၼ်ႉ ၼႂ်း​မိူဝ်ႈ​ဢၼ်​တၢင်း​ၸႂ်​မႆႈ​ၸဝ်ႈ​ႁဝ်း ဢွၵ်ႇ​ၼၼ်ႉ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး တၵ်း​ဢိုၼ်​ၶဝ် ၵွပ်ႈ​ပိူဝ်ႈ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၼၼ်ႉ​လႄႈ၊ ၽႆး​တၵ်း​မႆႈ​ၵိၼ်​ၶဝ်​တီႈ​ၶႃႈ​ဢေႃႈ။-</verse>
				<verse number="10">ၸဝ်ႈ​ႁဝ်း​တၵ်း​ၽဵဝ်ႈ​ၸိူဝ်ႉ​ၶိူဝ်း​ၶဝ်​ၼၼ်ႉ​ပႅတ်ႈ​သေ​ၵႃႈ​ၼိူဝ်​လိၼ်​မိူင်း​လႄႈ၊ ၸဝ်ႈ​ႁဝ်း​တၵ်း​ယႃႉ​ၸူဝ်ႈ​လုၵ်ႈ​ပၢၼ်​လၢၼ်​ၶဝ်​ၼၼ်ႉ ပႅတ်ႈ​သေ​ၵႃႈ​ၼႂ်း​လုၵ်ႈ​ၵူၼ်း​တင်း​လၢႆ တီႈ​ၶႃႈ​ဢေႃႈ။-</verse>
				<verse number="11">လွင်ႈ​မၼ်း​ၸမ်ႉ ၶဝ်​မီး​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​ယူႇ​ၽၢႆႇ​ၼိုင်ႈ​တင်း​ၸဝ်ႈ​ႁဝ်း​လႄႈ ၵျၢမ်ႇ​ပွင်​ပရီႉယႄႇ ဢၼ်​ၶဝ်​ဢမ်ႇ​တၢတ်ႈ​ၼိူင်ႇ​လႆႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ ၸဝ်ႈ​ႁဝ်း​တၵ်း​ႁႂ်ႈ​ၶဝ်​ဝၢႆႇ​လင်​ၵွင်​လင်​လႄႈ ၸဝ်ႈ​ႁဝ်း​တၵ်း​ယူႇ​ၽၢႆႇ​ၼိုင်ႈ​တင်း​ၶဝ်​သေ​လႄႈ ဢဝ်​ပိုၼ်​ၵၢင်ႇ​ၸဝ်ႈ​ႁဝ်း​ယဵင်း​သႂ်ႇ​ၵႃႈ​တီႈ​ၼႃႈ​ၶဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="13">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ႁႂ်ႈ​ၸဝ်ႈ​ႁဝ်း​မီး​တၢင်း​ဢၼ်​ယုၵ်ႉ​ယွင်ႈ ၵွပ်ႈ​ပိူဝ်ႈ​တၼ်း​ၶူဝ်း​တၢင်း​ၵတ်ႉ​တၢင်း​ၶၼ်​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၶဝ်​တၵ်း​ယွင်ႈ​ယေႃး​ႁဵတ်း​ၵႂၢမ်း​ထေႃးပၼႃႇ​တီႈ​တၼ်း​ၶူဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
			</chapter>
			<chapter number="22">
				<verse number="1">ၽြႃး​ၵဝ်​ၶႃႈ၊ ၽြႃး​ၵဝ်​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၸုၼ်ႉ​ပႅတ်ႈ​ၶႃႈ​ၸဝ်ႈ​ၼင်ႇ​ႁိုဝ်​တီႈ​ၶႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ယူႇ​တီႈ​ဢၼ်​ၵႆ​ၵၼ်​တင်း တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ ဢိၵ်ႇ​တင်း​ၵႂၢမ်း​ဢၼ်​ၶႃႈ​ၸဝ်ႈ​ႁွင်ႉ​သႅၼ်ႇ​ၼၼ်ႉ​ၼင်ႇ​ႁိုဝ်​တီႈ​ၶႃႈ။-</verse>
				<verse number="2">ၽြႃး​ၵဝ်​ၶႃႈ၊ ၶိင်ႇ​ၵၢင်​ဝၼ်း​ၶႃႈ​ၸဝ်ႈ​ႁွင်ႉ​သႅၼ်ႇ​သေ​ၵေႃႈ ၸဝ်ႈ​ႁဝ်း​ဢမ်ႇ​ဢိူဝ်​တီႈ​ၶႃႈ။ ၶိင်ႇ​ၵၢင်​ၶိုၼ်း​ၵေႃႈ ၶႃႈ​ၸဝ်ႈ​ႁွင်ႉ​သႅၼ်ႇ​လႄႈ ဢမ်ႇ​ယူႇ​တဵတ်ႇ​တဵတ်ႇ​ယဵၼ်​ယဵၼ်​တီႈ​ၶႃႈ။-</verse>
				<verse number="3">ၸဝ်ႈ​ႁဝ်း​ပဵၼ်​ဢၼ်​မူတ်း​ၸၢင်ႇ​တီႈ​ၶႃႈ​ဢေႃႈ။ ၸဝ်ႈ​ဢၼ်​ၵိင်း​ဝၢပ်ႈ​ယူႇ​ၵႃႈ​ၼႂ်း​တၢင်း​ဢၼ် မဵဝ်း​ ဢီႉသရေႇလႃႉ ​ယွင်ႈ​ယေႃး​ၸိူဝ်း​ၼၼ်ႉ​တီႈ​ၶႃႈ၊-</verse>
				<verse number="4">ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ ဢိင်​ပိုင်ႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶဝ်​ဢိင်​ပိုင်ႈ​ၸဝ်ႈ​ႁဝ်း​လႄႈ၊ ၸဝ်ႈ​ႁဝ်း​ၵႄႇ​သႄႇ​ဢဝ်​ၶဝ်​လွတ်ႈ​တီႈ​ၶႃႈ​ဢေႃႈ။-</verse>
				<verse number="5">ၶဝ်​ႁွင်ႉ​သႅၼ်ႇ​တီႈ​ၸဝ်ႈ​ႁဝ်း​လႄႈ ႁွတ်ႈ​ထိုင်​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​တီႈ​ၶႃႈ​ဢေႃႈ။ ၶဝ်​ဢိင်​ပိုင်ႈ​ၸဝ်ႈ​ႁဝ်း​လႄႈ ၵၢင်း​လွတ်ႈ​တင်း တၢင်း​ဢၼ်​ဢူၵ်း​ဢၼ်​ဢၢႆ​တီႈ​ၶႃႈ​ဢေႃႈ။</verse>
				<verse number="6">ၶႃႈ​ၸဝ်ႈ​ၸမ်ႉ၊ ပဵၼ်​ၵူၼ်း​ဢမ်ႇ​ၸႂ်ႈ ပဵၼ်​တူဝ်​မူင်ႈ​ၵူၺ်း​လႄႈ ပဵၼ်​တီႈ​ဢၼ်​ၵူၼ်း​တင်း​လၢႆ​တၵ်း​သႄႉ​သွမ်း၊ တီႈ​ဢၼ်​မုၵ်ႉ​ၵူၼ်း​ၸိူဝ်း​ၵူၼ်း​တင်း​လၢႆ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၶႃႈ​ဢေႃႈ။-</verse>
				<verse number="7">ၶဝ်​ၸိူဝ်း​ဢၼ်​ႁၼ်​ၶႃႈ​ၸဝ်ႈ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ႁဵတ်း​ပျၢၵ်ႈ​ၶူဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၶဝ်​ဢွၼ်​ၵၼ်​မီး​သူပ်း​မီး​ပၢၵ်ႇ​ၸူး​လႄႈ ဝႆ​ႁူဝ်​ၶွၼ်း​ႁူဝ်​ၸူး​တီႈ​ၶႃႈ​ဢေႃႈ။-</verse>
				<verse number="8">ၶဝ်​ဢွၼ်​ၵၼ်​လၢတ်ႈ​လႄႈ​ဝႃႈ၊ မၼ်း​ဢိင်​ပိုင်ႈ​ထႃႇဝရႃႉ​ၽြႃး​ယဝ်ႉ။ ႁႂ်ႈ​မၼ်း​ၸဝ်ႈ​ၵႄႇ​သႄႇ​ဢဝ်​မၼ်း​လွတ်ႈ​သေ​ၵမ်း။ ပိူဝ်ႈ​ဢၼ်​မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​တီႈ​မၼ်း​လႄႈ၊ ႁႂ်ႈ​မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​မၼ်း​သေ​ၵမ်း၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။</verse>
				<verse number="9">ၸဝ်ႈ​ႁဝ်း​တိုတ်ႉ​ဢဝ်​ၶႃႈ​ၸဝ်ႈ​ဢွၵ်ႇ​သေ​ၵႃႈ​ၼႂ်း​တွင်ႉ​မႄႈ​လႄႈ ႁႂ်ႈ​ၶႃႈ​ၸဝ်ႈ​ဢိင်​ပိုင်ႈ​ယူႇ မိူဝ်ႈ​ဢၼ်​ၵိၼ်​ၼူမ်း​မႄႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="10">ၶႃႈ​ၸဝ်ႈ​ႁွတ်ႈ​ထိုင်​ၵႃႈ​ၼႂ်း​မိုဝ်း​ၸဝ်ႈ​ႁဝ်း​ၸဵမ်​မိူဝ်ႈ​ဢၼ် ၵိူတ်ႇ​ဢွၵ်ႇ​မႃး​ၼၼ်ႉ​လႄႈ ၸဝ်ႈ​ႁဝ်း​ပဵၼ် ၽြႃး​ပဵၼ်​ၸဝ်ႈ​ၵဝ်​ၶႃႈ​ယူႇ ၸဵမ်​မိူဝ်ႈ​ဢၼ်​ၶႃႈ​ၸဝ်ႈ​ယူႇ​ၵႃႈ​ၼႂ်း​တွင်ႉ​မႄႈ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="11">ယႃႇ​ပေ​ယူႇ​ၵႆ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၽေး​ဢၼ်ႇတရႄႇ​ၸမ်​တၵ်း​ႁွတ်ႈ​ထိုင်​တီႈ​ၶႃႈ​ယဝ်ႉ။ ၵေႃႉ​ဢၼ်​မႃႉ​ၸႃႉ​ၸွႆႈ​ထႅမ်​ဢမ်ႇ​မီး​တီႈ​ၶႃႈ။-</verse>
				<verse number="12">ဝူဝ်း​ ဢုၵ်ႉသၽႃႉ ​ၼမ်​ၼႃႇ​လွမ်ႉ​ဢုမ်ႇ​ၶႃႈ​ၸဝ်ႈ​ဝႆႉ​လႄႈ၊ ဢုၵ်ႉသၽႃႉ ပႃႇသၢၼ်ႇ ဢၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ လဵပ်ႈ​ႁွပ်ႈ​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="13">ၶဝ်​ဢႃႈ​သူပ်း​ဢႃႈ​ပၢၵ်ႇ​ၸူး​ၶႃႈ​ၸဝ်ႈ​ယူႇ မိူၼ်​ၸိူဝ်ႉ​ၼင်ႇ​သၢင်ႇ​သီႈ​ဢၼ်​ၸၢင်ႈ​ၶူပ်း​ၶၢတ်ႇ​လႄႈ ႁွင်ႉ​သႅၼ်ႇ​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="14">ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ်​ထွၵ်ႇ​ႁိုဝ်ႈ မိူၼ်​ၸိူဝ်ႉ​ၼင်ႇ​ၼမ်ႉ​ၼၼ်ႉ​လႄႈ၊ လုပ်ႇ​ၵပ်း​လုပ်ႇ​တေႃႇ​ၶႃႈ​ၸဝ်ႈ​ၵႃႈ​မီး​တင်း​သဵင်ႈ​တင်း​လူင်​သွၼ်ႇ​တူၵ်း​တီႈ​ၶႃႈ​ဢေႃႈ။ ႁူဝ်​ၸႂ်​ၶႃႈ​ၸဝ်ႈ​ပဵၼ်​ၸိူဝ်ႉ​ၼင်ႇ​ၶီႈ​ၽိုင်ႈ​ၼၼ်ႉ​လႄႈ မီး​တၢင်း​ဢၼ်​ၸိူမ်ႈ​ပဵၼ်​ၼမ်ႉ​ၵႂႃႇ ၵႃႈ​တီႈ​ၼႂ်း​ႁူဝ်​ဢူၵ်း​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="15">ႁႅင်း​တၼ်း​ၶူဝ်း​ၶႃႈ​ၸဝ်ႈ​ႁႅင်ႈ​ႁွင်​ၵႂႃႇ မိူၼ်​ၸိူဝ်ႉ​ၼင်ႇ​ၽၢၵ်ႇ​မေႃႈ​လႄႈ၊ လိၼ်ႉ​ၶႃႈ​ၸဝ်ႈ​ၵေႃႈ ၸပ်း​ယူႇ​ၵႃႈ​တီႈ​လုပ်ႇ​ၵႅမ်ႈ​လုပ်ႇ​ၵၢင်း​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢဝ်​ၶႃႈ​ၸဝ်ႈ​ၶျႃး​တူၵ်း​တေႃႇ​ထိုင်​ႁွတ်ႈ​မုၼ်ႈ​လိၼ်​တၢင်း​တၢႆ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="16">မႃ​တင်း​လၢႆ​ဢွၼ်​ၵၼ်​လွမ်ႉ​ဢုမ်ႇ​ၶႃႈ​ၸဝ်ႈ​သေ​လႄႈ မုၵ်ႉ​ၸိူဝ်း​ၵူၼ်း​ႁၢႆႉ​ၵူၼ်း​မိူၵ်ႈ​တင်း​လၢႆ​ဢွၼ်​ၵၼ်​လဵပ်ႈ​ႁွပ်ႈ​ၶႃႈ​ၸဝ်ႈ​လႄႈ ၸီး​တႅင်း​တိၼ်​မိုဝ်း​ၶႃႈ​ၸဝ်ႈ​ပွင်ႇ​တီႈ​ၶႃႈ​ဢေႃႈ။-</verse>
				<verse number="17">ၶႃႈ​ၸဝ်ႈ​ၼပ်ႉ​ဢၢၼ်ႇ​လုပ်ႇ​ၶႃႈ​ၸဝ်ႈ​ၵႃႈ​မီး​လႆႈ​ယူႇ​တီႈ​ၶႃႈ​ဢေႃႈ။ ၶဝ်​ဢွၼ်​ၵၼ်​လူ​တူၺ်း​ၶႃႈ​ၸဝ်ႈ​လႄႈ ယႅၵ်ႉ​တူၺ်း​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="18">ၶဝ်​ဢဝ်​ၶူဝ်း​ၼုင်ႈ​ၶႃႈ​ၸဝ်ႈ ၽႄ​မႅင်ႇ​ၵၼ်​လႄႈ ဢဝ်​သိူဝ်ႈ​ၶႃႈ​ၸဝ်ႈ​တူၵ်း​ၸႃႇ​ၵွၵ်ႈ တီႈ​ၶႃႈ​ဢေႃႈ။</verse>
				<verse number="19">ထႃႇဝရႃႉ​ၽြႃး​တီႈ​ၶႃႈ၊ ယႃႇ​ပေ​ယူႇ​ၵႆ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ၸဝ်ႈ​ဢၼ်​ပဵၼ်​ႁႅင်း​တၼ်း​ၶူဝ်း​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​မႃး​ၶၼ်​ၶၼ်​ၽႂ်း​ၽႂ်း ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊-</verse>
				<verse number="20">ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ဢသၢၵ်ႈ​ၶႃႈ​ၸဝ်ႈ​သေ​ၵႃႈ​တီႈ​ၽေး​လၢပ်ႇ ဢိၵ်ႇ​တင်း​လွင်ႈ​တၢင်း​ဢၼ်​ၶႃႈ​ၸဝ်ႈ​ႁၵ်ႉ​ၼႃႇ​သေ​ပိူၼ်ႈ​ၼၼ်ႉ သေ​ၵႃႈ​တီႈ​မိုဝ်း​မႃ​သေ​ၵမ်း​တီႈ​ၶႃႈ။-</verse>
				<verse number="21">ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ သေ​ၵႃႈ​တီႈ​သူပ်း​သၢင်ႇ​သီႈ​သေ​ၵမ်း​တီႈ​ၶႃႈ။ ၸဝ်ႈ​ႁဝ်း​ယူႇ​ၵႃႈ​တီႈ​ၶဝ်​လႅမ်​ဝူဝ်း​ထိူၼ်ႇ​သေ​လႄႈ ဢိူဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="22">ၶႃႈ​ၸဝ်ႈ​တၵ်း​မွၵ်ႇ​လၢတ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း တီႈ​ပီႈ​ၼွင်ႉ​ၶႃႈ​ၸဝ်ႈ​တင်း​လၢႆ​ၼၼ်ႉ​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​ယွင်ႈ​ယေႃး​ၸဝ်ႈ​ႁဝ်း​ၵႃႈ​တီႈ​ၼႂ်း​ၵၢင်​ပရဵၵ်ႈသၢတ်ႈ​တီႈ​ၶႃႈ​ဢေႃႈ။</verse>
				<verse number="23">သူ​ၸိူဝ်း​ဢၼ်​ၵူဝ်​ယမ်​ထႃႇဝရႃႉ​ၽြႃး​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​မၼ်း​ၸဝ်ႈ​တႃႉ။ ၸိူဝ်ႉ​ၶိူဝ်း​ ယႃႇၵုပ်ႈ တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ၽုၺ်ႇ​ဢွၵ်ႇ​မွၵ်ႇ​လၢတ်ႈ​ၵုင်ႇ​ၵျေး​ၸူး​မၼ်း​ၸဝ်ႈ​တႃႉ။ ၸိူဝ်ႉ​ၶိူဝ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ၵူဝ်​ႁႄ​မၼ်း​ၸဝ်ႈ​တႃႉ။-</verse>
				<verse number="24">လွင်ႈ​မၼ်း​ၸမ်ႉ မၼ်း​ၸဝ်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​တၢင်း​ယၢၵ်ႈ​တၢင်း​ၽၢၼ် ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ယူႇ​ဢမ်ႇ​ၸႂ်ႈ။ မၼ်း​ၸဝ်ႈ​ဢမ်ႇ​ဝၢႆႇ​ၼႃႈ​မၼ်း​ၸဝ်ႈ​ပႅတ်ႈ။ မၼ်း​ၸဝ်ႈ​ထွမ်ႇ​ဢဝ်​မိူဝ်ႈ​ဢၼ်​မၼ်း​ႁွင်ႉ​ႁႃ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="25">ၶႃႈ​ၸဝ်ႈ​တၵ်း​ယွင်ႈ​ယေႃး​ၸဝ်ႈ​ႁဝ်း​ၵႃႈ​ၼႂ်း​ၵၢင်​မႁႃႇ​ပရဵၵ်ႈသၢတ်ႈ​လႄႈ ၽေႇ​ဝၢတ်ႈ​သဵတ်ႈ​ၸႃႇ​ၸွမ်း​ၵႃႈ​ၼင်ႇ​ဢၼ် ဝႆႉ​သဵတ်ႈ​ၸႃႇ​ၵတီႉ ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ် ၵူဝ်​ယမ်​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="26">ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ တၵ်း​လႆႈ​ၵိၼ်​လႄႈ​ဢိမ်ႇ​တဵမ်​ဢေႃႈ။ ၶဝ်​ၸိူဝ်း​ဢၼ်​ႁႃ​ထႃႇဝရႃႉ​ၽြႃး​ၼၼ်ႉ​တၵ်း​ယွင်ႈ​ယေႃး​မၼ်း​ၸဝ်ႈ​ဢေႃႈ။ ႁႂ်ႈ​ႁူဝ်​ၸႂ်​သူ ႁွမ်​ႁႅင်း​ယူႇ​တႃႇ​သေႇ​ဢမ်ႇ​ထၢတ်ႇ​သေ​ၵမ်း။-</verse>
				<verse number="27">တီႈ​သုတ်း​တီႈ​ၵွႆ​လိၼ်​မိူင်း​ၵႃႈ​မီး​တင်း​သဵင်ႈ​တင်း​လူင် တၵ်း​လႆႈ​သတီႉ​လႄႈ ၶၢႆႉ​ပုတ်ႈ​မႃး​ၵႃႈ​တီႈ​ထႃႇဝရႃႉ​ၽြႃး​ဢေႃႈ။ မဵဝ်း​ၸိူဝ်ႉ​ၶိူဝ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​သဵင်ႈ​တင်း​လူင် တၵ်း​ဢွၼ်​ၵၼ်​ၵူဝ်း​ၵႂၢႆႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="28">လွင်ႈ​မၼ်း​ၸမ်ႉ သိုင်ႇ​ၸိုင်ႈ​ဝၢၼ်ႈ​မိူင်း​ပဵၼ်​မိူင်း​ထႃႇဝရႃႉ​ၽြႃး​ဢေႃႈ။ မၼ်း​ၸဝ်ႈ​ဢုပ်ႉ​ပိူင်ႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ယူႇ​ဢေႃႈ။-</verse>
				<verse number="29">ၶဝ်​ၸိူဝ်း​ဢၼ်​ပျေႉ​ၸုမ်ႇ​လိူင်ႇ​ၸႂ်​ၵႃႈ​ၼိူဝ်​လိၼ်​မိူင်း​ၼႆႉ တင်း​သဵင်ႈ​တင်း​လူင်​ၼၼ်ႉ တၵ်း​ဢွၼ်​ၵၼ်​ၵိၼ်​ၶူပ်း​လႄႈ ၵူဝ်း​ၵႂၢႆႇ​ဢေႃႈ။ ၶဝ်​ၵႃႈ​ဢၼ်​လႆႈ​လူင်း​ၸူး​မုၼ်ႈ​လိၼ်​ဢိၵ်ႇ​တင်း ၶဝ်​ၸိူဝ်း​ဢၼ်​ဢမ်ႇ​ပႂ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ​လႆႈ​ၼၼ်ႉ​ၵေႃႈ၊ တၵ်း​ဢွၼ်​ၵၼ်​ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ဢေႃႈ။-</verse>
				<verse number="30">ၸိူဝ်ႉ​ၶိူဝ်း​ၶဝ်​ၵေႃႈ တၵ်း​ဢွၼ်​ၵၼ်​ႁဵတ်း​ဝၢတ်ႈ​တီႈ​မၼ်း​ၸဝ်ႈ​လႄႈ တၵ်း​လႆႈ​မွၵ်ႇ​လၢတ်ႈ​လူၺ်ႈ​လွင်ႈ​ထႃႇဝရႃႉ​ၽြႃး တီႈ​ၵူၼ်း​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ဢေႃႈ။-</verse>
				<verse number="31">ၶဝ်​တၵ်း​ပေႃႇ​ပဵၼ်​မႃး​လႄႈ ဢွၼ်​ၵၼ်​ၽုၺ်ႇ​ဢွၵ်ႇ​ၼႄ​ပျႃး​တၢင်း​သိုဝ်ႈ​တေႃႇ​မၼ်း​ၸဝ်ႈ​ၼၼ်ႉ တီႈ​မဵဝ်း​ၵူၼ်း​ဢၼ်​တၵ်း​ၵိူတ်ႇ​လဵင်ႉ​မႃး​ၼၼ်ႉ​လႄႈ​ဝႃႈ၊ မၼ်း​ၸဝ်ႈ​ၸီႇ​ယၢင်ႇ​ၸိူဝ်ႉ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="23">
				<verse number="1">ထႃႇဝရႃႉ​ၽြႃး​ပဵၼ်​ၸဝ်ႈ​ဢၼ်​လဵင်ႉ​သူဝ်း​ထိင်း​သူဝ်း​ၵဝ်​ဢေႃႈ။ ၵဝ်​တၵ်း​ဢမ်ႇ​လူဝ်ႇ​ၵႃႈ​သင်​ထႅင်ႈ​လႃး​လႃး။-</verse>
				<verse number="2">မၼ်း​ၸဝ်ႈ​ႁႂ်ႈ​ၵဝ်​ၼွၼ်း​ယူႇ ၵႃႈ​ၼႂ်း​တီႈ​ဢၼ်​ယၢမ်ႈ​ၵိၼ်​ဢၼ်​ၶဵဝ်​ဝႆႉ​ၸိဝ်း​ငိဝ်း​ၸိူဝ်း​ၼၼ်ႉ​လႄႈ၊ မၼ်း​ၸဝ်ႈ​ဢဝ်​ၵဝ်​ၵႂႃႇ​ၵႃႈ​တီႈ​ႁိမ်း​ၼမ်ႉ​ဢၼ်​သႃႇ​ယႃႇ​ၼၼ်ႉ​ဢေႃႈ။-</verse>
				<verse number="3">မၼ်း​ၸဝ်ႈ​ထႅင်ႈ​ႁႅင်း​ပၼ်​ႁႅင်း​တီႈ​ဝီႉၺိၺ်ႇ​ၵဝ်​လႄႈ၊ မၼ်း​ၸဝ်ႈ​ၸူဝ်း​ဢဝ်​ၵဝ်​ၵႂႃႇ ၵႃႈ​ၼႂ်း​သဵၼ်ႈ​တၢင်း​ဢၼ်​တြႃး​တင်း​လၢႆ​ၼၼ်ႉ ပုၼ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ဢေႃႈ။-</verse>
				<verse number="4">ပိၵ်ႉ​သမ်ႉ​ၵဝ်​လႆႈ​လွင်ႈ​ၵႂႃႇ​ၸွမ်း​ၵႂႃႇ ၵႃႈ​ၼႂ်း​ႁူၺ်ႈ​ၼႂ်း​ႁွင်ႈ​ဢၼ်​ပဵၼ်​ႁူမ်ႈ​တၢင်း​တၢႆ​ၼၼ်ႉ​သေ​ၵေႃႈ၊ ၶႃႈ​ၸဝ်ႈ​ဢမ်ႇ​ၵူဝ်​ဢမ်ႇ​ႁႄ​ၽေး​ဢၼ်ႇတရႄႇ​တီႈ​ၶႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​မီး​ယူႇ​လူၺ်ႈ​ၵၼ်​တင်း​ၶႃႈ​ၸဝ်ႈ​လႄႈ၊ ၶွၼ်ႉ​ယႅၼ်ႉ​ၸဝ်ႈ​ႁဝ်း​ဢိၵ်ႇ​တင်း​ၶွၼ်ႉ​တဝ်ႉ​ၸဝ်ႈ​ႁဝ်း​ၼၼ်ႉ ႁႂ်ႈ​ၶႃႈ​ၸဝ်ႈ​လႆႈ ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ဢေႃႈ။-</verse>
				<verse number="5">ၸဝ်ႈ​ႁဝ်း​ႁႅၼ်း​တေႇ​ႁႅၼ်း​တမ်း​ၶူင်ႇ​တီႈ​ၵိၼ်​တီႈ​ၶူပ်း​ပုၼ်ႈ​ၶႃႈ​ၸဝ်ႈ သိုဝ်ႈ​ၼႃႈ​တႂ်ႈ​တႃ​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢဝ်​ၼမ်ႉ​မၼ်း​လုပ်ႈ​သႂ်ႇ​တႃး​သႂ်ႇ​ႁူဝ်​ၶႃႈ​ၸဝ်ႈ​လႄႈ၊ ၵွၵ်း​ဝၢၼ်ႇ​ၶႃႈ​ၸဝ်ႈ​မီး​တၢင်း​ဢၼ်​လူၼ်ႉ​ဝႆႉ​တဵမ်​ဝႆႉ​တီႈ​ၶႃႈ​ဢေႃႈ။-</verse>
				<verse number="6">ၵျေး​ၸူး​ဢိၵ်ႇ​တင်း​ၵရူႉၼႃႇ တၵ်း​ၸွမ်း​ၶႃႈ​ၸဝ်ႈ​ယူႇ ၸူဝ်ႈ​ဢသၢၵ်ႈ​ဢမၢၼ်ႇ​ၶၼ်​ပဵၼ်​လႄႈ၊ ၶႃႈ​ၸဝ်ႈ​တၵ်း​ယူႇ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ယူႇ သေႇ​သေႇ​တီႈ​ၶႃႈ​ဢေႃႈ။</verse>
			</chapter>
			<chapter number="24">
				<verse number="1">လိၼ်​မိူင်း​ဢိၵ်ႇ​တင်း ၵႃႈ​ဢၼ်​မီး​တီႈ​မၼ်း​တင်း​သဵင်ႈ​တင်း​လူင်၊ လေႃးၵႃႉ​ၼႆႉ​ဢိၵ်ႇ​တင်း ၶဝ်​ၵႃႈ​ဢၼ်​ယူႇ​ၼႂ်း​မၼ်း​တင်း​သဵင်ႈ​တင်း​လူင် ပဵၼ်​ၶွင်​ထႃႇဝရႃႉ​ၽြႃး​ဢေႃႈ။-</verse>
				<verse number="2">လွင်ႈ​မၼ်း​ၸမ်ႉ မၼ်း​ၸဝ်ႈ​ဢဝ်​မၼ်း​တႄႇ​ဝႆႉ​ၵႃႈ​ၼိူဝ်​ၼမ်ႉ​ပၢင်ႇ​လၢႆႇ​တင်း​လၢႆ​လႄႈ၊ ႁႂ်ႈ​မၼ်း​မၼ်ႈ​ၶိူင်ႇ​ယူႇ​ၵႃႈ​ၼိူဝ်​ၼမ်ႉ​သမ်ႇ​မုၵ်ႉ​တြႃႇ​တင်း​လၢႆ​ဢေႃႈ။</verse>
				<verse number="3">ၽူႈ​လႂ်​တၵ်း​လႆႈ​ၶိုၼ်ႈ​ၵႃႈ​ၼိူဝ်​လွႆ​ထႃႇဝရႃႉ​ၽြႃး​ၼၼ်ႉ၊ ၽူႈ​လႂ်​တၵ်း​လႆႈ​ၸုၵ်း​ယူႇ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​မၼ်း​ၸဝ်ႈ​ၼၼ်ႉ​ၸမ်ႉ၊-</verse>
				<verse number="4">ပဵၼ်​ၵေႃႉ​ဢၼ်​မီး​မိုဝ်း​ဢၼ်​မူတ်း​သႂ် ဢိၵ်ႇ​တင်း​ႁူဝ်​ၸႂ်​ဢၼ်​ၶၢဝ်​ၸၢင်ႇ၊ ၵေႃႉ​ဢၼ်​တိုတ်ႉ​ၸၼ်​ဢဝ်​ႁူဝ်​ၸႂ်​တူဝ်​ၸဝ်ႈ​ၵဝ်ႇ ၵႂႃႇ​ၵႃႈ​ၼႂ်း​မူႉ​သႃႇ၊ ၵေႃႉ​ဢၼ်​ဢမ်ႇ​ႁဵတ်း​တၢင်း​ဢၼ် တိူင်ႇ​ဝႃႈ​ၵိၼ်ႇ​ဝႃႈ​ဢၼ်​ဢမ်ႇ​မၢၼ်ႇ​ဢမ်ႇ​မႅၼ်ႈ​ၼၼ်ႉ​ဢေႃႈ။-</verse>
				<verse number="5">မၼ်း​တၵ်း​လႆႈ​ၶၢမ်ႇ​ဢဝ်​တၢင်း​လီ​မင်ႇၵလႃႇ တီႈ​ထႃႇဝရႃႉ​ၽြႃး ဢိၵ်ႇ​တင်း​တၢင်း​ဢၼ်​သိုဝ်ႈ​တေႃႇ​တီႈ​ၽြႃး​ပဵၼ်​ၸဝ်ႈ ဢၼ်​ၵႄႇ​သႄႇ​ၶျွတ်ႈ​ဢဝ်​မၼ်း​ၼၼ်ႉ​ဢေႃႈ။-</verse>
				<verse number="6">မၼ်း​ၼၼ်ႉ​ပဵၼ်​မဵဝ်း​ဢၼ်​ႁႃ​မၼ်း​ၸဝ်ႈ၊ မဵဝ်း​ဢၼ်​ႁႃ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၽြႃး​မဵဝ်း​ ယႃႇၵုပ်ႈ ​တီႈ​ၶႃႈ။ ၸေႇလႃႇ။</verse>
				<verse number="7">ၽၵ်း​တူ​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ယုၵ်ႉ​မုၵ်ႈ​သူ​တႃႉ။ ၽၵ်း​တူ​ထႃႇဝရႃႉ​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ယုၵ်ႉ​တူဝ်​သူ​သေ​တႃႉ။ ၶုၼ်​ႁေႃ​ၶမ်း​ဢၼ်​မုၼ်​ၽုင်း​ယႂ်ႇ​ၼႃႇ​ၼၼ်ႉ​တၵ်း​ၶဝ်ႈ​ဢေႃႈ။-</verse>
				<verse number="8">ၶုၼ်​ႁေႃ​ၶမ်း​ဢၼ်​မုၼ်​ၽုင်း​ယႂ်ႇ​ၼႃႇ​ၼၼ်ႉ​ၸမ်ႉ၊ ပဵၼ်​ၽူႈ​လႂ်။ ပဵၼ်​ထႃႇဝရႃႉ​ၽြႃး ဢၼ်​ပျေႉ​ၸုမ်ႇ​တင်း​ႁႅင်း​တၼ်း​ၶူဝ်း၊ ထႃႇဝရႃႉ​ၽြႃး ဢၼ်​တၼ်း​ၶူဝ်း​ယႂ်ႇ ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​တိုၵ်း​သိုၵ်း​ၼၼ်ႉ​ဢေႃႈ။-</verse>
				<verse number="9">ၽၵ်း​တူ​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ယုၵ်ႉ​မုၵ်ႈ​သူ​တႃႉ။ ၽၵ်း​တူ​ထႃႇဝရႃႉ​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ယုၵ်ႉ​တူဝ်​သူ​တႃႉ။ ၶုၼ်​ႁေႃ​ၶမ်း​ဢၼ်​မုၼ်​ၽုင်း​ယႂ်ႇ​ၼႃႇ​ၼၼ်ႉ​တၵ်း​ၶဝ်ႈ​ဢေႃႈ။-</verse>
				<verse number="10">ၶုၼ်​ႁေႃ​ၶမ်း​ဢၼ်​မုၼ်​ၽုင်း​ယႂ်ႇ​ၼၼ်ႉ​ၸမ်ႉ၊ ပဵၼ်​ၽူႈ​လႂ်။ ပဵၼ်​ထႃႇဝရႃႉ​ၽြႃး ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ဢေႃႈ။ မၼ်း​ၸဝ်ႈ​ၼၼ်ႉ ပဵၼ်​ၶုၼ်​ႁေႃ​ၶမ်း​ဢၼ်​မုၼ်​ၽုင်း​ယႂ်ႇ​ၼႃႇ​ဢေႃႈ။</verse>
			</chapter>
			<chapter number="25">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​တုၵ်း​ႁႃ​ဢေ​ႁႃ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="2">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​ဢိင်​ပိုင်ႈ​ၸဝ်ႈ​ႁဝ်း​လႄႈ၊ ယႃႇ​ပေ​ႁႂ်ႈ​ၶႃႈ​ၸဝ်ႈ​လႆႈ​ႁွတ်ႈ​တၢင်း​ဢၼ်​ဢူၵ်း​ဢၼ်​ဢၢႆ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ၊ လႆႈ​ပႄႉ​ၼႅင်ႇ​ၶႃႈ​ၸဝ်ႈ​လႄႈ​သႂၢင်ႇ​ၸႂ်​သိူဝ်း​ၸႂ်​သေ​ၵမ်း​တီႈ​ၶႃႈ။-</verse>
				<verse number="3">ၶဝ်​ၸိူဝ်း​ဢၼ်​မုင်ႈ​ထႃႈ​မွင်း​ထႃႈ​ၸဝ်ႈ​ႁဝ်း​ၼၼ်ႉ တၵ်း​ဢမ်ႇ​လႆႈ​ႁွတ်ႈ​ထိုင်​တၢင်း​ဢၼ်​ဢူၵ်း​ဢၼ်​ဢၢႆ ဢမၢၼ်ႇ​ၶၼ်​ပဵၼ်​တီႈ​ၶႃႈ။ ၶဝ်​ၸိူဝ်း​ဢၼ်​လွင်ႈ​မၼ်း​ယင်း​ဢမ်ႇ​မီး​လႄႈ ယႃႉ​သဵတ်ႈ​ၸႃႇ​ၼၼ်ႉ တၵ်း​လႆႈ​ႁွတ်ႈ​ထိုင်​တၢင်း​ဢၼ်​ဢူၵ်း​ဢၼ်​ဢၢႆ​တီႈ​ၶႃႈ​ဢေႃႈ။</verse>
				<verse number="4">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၼႄ​ပျႃး​သဵၼ်ႈ​တၢင်း​ၸဝ်ႈ​ႁဝ်း​တင်း​လၢႆ​တီႈ​ၶႃႈ​ၸဝ်ႈ​လႄႈ သင်ႇ​သွၼ်​ပၼ်​သၢႆ​တၢင်း ၸဝ်ႈ​ႁဝ်း​တင်း​လၢႆ တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="5">ဢဝ်​ၶႃႈ​ၸဝ်ႈ​သူင်ႇ​ၵႃႈ​ၼႂ်း​သမ်ႇမႃႇ​တြႃး​ၸဝ်ႈ​ႁဝ်း​လႄႈ သင်ႇ​သွၼ်​ပၼ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ​ဢၼ် ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ​ၸဝ်ႈ​ႁဝ်း​ယူႇ တင်း​ဝၼ်း​တင်း​ဝၼ်း​တီႈ​ၶႃႈ​ဢေႃႈ။-</verse>
				<verse number="6">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း သၽေႃး​ၵရူႉၼႃႇ​ဢိၵ်ႇ​တင်း သၽေႃး​မႅတ်ႈ​တႃႇ​ၸဝ်ႈ​ႁဝ်း​ၼၼ်ႉ ၵွပ်ႈ​ပိူဝ်ႈ​ဢၼ်​မီး​မႃး​ဝႆႉ​ယဝ်ႉ ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="7">ယႃႇ​ပေ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ဢပႅတ်ႈ​ဢၼ်​ၶႃႈ​ၸဝ်ႈ​ၽိတ်း​ပိူင်ႈ​မႅၼ်ႈ ၼႂ်း​မိူဝ်ႈ​ဢၼ်​ဢသၢၵ်ႈ​ဢရွႆႇ​ယင်း​လဵၵ်ႉ​ယင်း​ၼုမ်ႇ​ၼၼ်ႉ သေ​ၵမ်း​တီႈ​ၶႃႈ။ ၶႅၼ်း​တေႃႈ​ၸွမ်း​လူၺ်ႈ​ၵရူႉၼႃႇ​ၸဝ်ႈ​ႁဝ်း​သေ​လႄႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ပဵၼ်​ဢၼ်​မျၢတ်ႈ​လီ​ၼႃႇ​ၼၼ်ႉ​သေ​ၵမ်း​တီႈ​ၶႃႈ၊ ထႃႇဝရႃႉ​ၽြႃး​တီႈ​ၶႃႈ။</verse>
				<verse number="8">ထႃႇဝရႃႉ​ၽြႃး​ပျေႉ​ၸုမ်ႇ​ဝႆႉ​တင်း​သၽေႃး​ဢၼ်​လီ​ဢၼ်​ငၢမ်း၊ တင်း​သၽေႃး​ဢၼ်​သိုဝ်ႈ​ဢၼ်​တေႃႇ​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ မၼ်း​ၸဝ်ႈ​ၼႄ​ပျႃး​သဵၼ်ႈ​တၢင်း​မၼ်း​ၸဝ်ႈ တီႈ​ၶဝ်​ၸိူဝ်း​ဢၼ်​မီး​ဢပႅတ်ႈ​ၼၼ်ႉ​ဢေႃႈ။-</verse>
				<verse number="9">မၼ်း​ၸဝ်ႈ​ၸူဝ်း​ဢဝ်​ၶဝ်​ၸိူဝ်း​ဢၼ်​ႁူဝ်​ၸႂ်​ၶျႃး​တႅမ်ႇ​ၼၼ်ႉ ၵႂႃႇ​ၵႃႈ​ၼႂ်း​တၢင်း​ဢၼ်​တြႃး​ၼၼ်ႉ​လႄႈ မၼ်း​ၸဝ်ႈ​သင်ႇ​သွၼ်​ပၼ်​တၢင်း​ဢၼ်​မၼ်း​ၸဝ်ႈ​ၵႂႃႇ​ၼၼ်ႉ တီႈ​ၶဝ်​ၸိူဝ်း​ဢၼ်​ႁူဝ်​ၸႂ်​ၶျႃး​တႅမ်ႇ​ၼၼ်ႉ​ဢေႃႈ။-</verse>
				<verse number="10">သဵၼ်ႈ​တၢင်း​ထႃႇဝရႃႉ​ၽြႃး ၵႃႈ​မီး​တင်း​သဵင်ႈ​တင်း​လူင် ပဵၼ်​ၵရူႉၼႃႇ​တင်း​သဵတ်ႈ​ၸႃႇ တီႈ​ၶဝ်​ၸိူဝ်း​ဢၼ်​ပႂ်ႉ​ၵမ်​ပႂ်ႉ​ၸွမ်း​ပတီႉၺိၺ်ႇ​တြႃး​ၸဝ်ႈ ဢိၵ်ႇ​တင်း​တီႈ​ဢၼ်​ၶၢမ်ႇ​သၢၵ်ႈ​သေႇ​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="11">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ထွၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ ပွႆႇ​လွတ်ႈ​ဢပႅတ်ႈ​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​မၼ်း​ပဵၼ်​ဢၼ်​ယႂ်ႇ​ၼႃႇ​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="12">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၸၢင်ႈ​ၵူဝ်​ၸၢင်ႈ​ႁႄ ထႃႇဝရႃႉ​ၽြႃး​ၼၼ်ႉ​ၸိုင် မၼ်း​ၸဝ်ႈ​တၵ်း​ၼႄ​ပျႃး​သဵၼ်ႈ​တၢင်း​ဢၼ်​မၼ်း​လီ​လိူၵ်ႈ​ၵဵပ်း​ဢဝ်​ၼၼ်ႉ တီႈ​မၼ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="13">ႁူဝ်​ၸႂ်​မၼ်း​ၼၼ်ႉ​တၵ်း​လႆႈ​ယူႇ​ၼိမ်​ၼိမ်​လီ​လီ ၵႃႈ​ၼႂ်း​တၢင်း​ဢၼ်​လီ​ဢၼ်​ငၢမ်း​လႄႈ ၸိူဝ်ႉ​ၶိူဝ်း​မၼ်း​ၵေႃႈ တၵ်း​လႆႈ​ၶၢမ်ႇ​ဢမူၺ်ႇ​မိူင်း​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="14">မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၸႂ်​ထႃႇဝရႃႉ​ၽြႃး​ၼၼ်ႉ မီး​တီႈ​ၶဝ်​ၸိူဝ်း​ဢၼ်​ၵူဝ်​ႁႄ​မၼ်း​ၸဝ်ႈ​ၼၼ်ႉ​လႄႈ မၼ်း​ၸဝ်ႈ​တၵ်း​ႁႂ်ႈ​ၶဝ်​ၼၼ်ႉ ႁူႉ​ၸႅင်ႈ​ပတီႉၺိၺ်ႇ​တြႃး​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="15">မၢၵ်ႇ​တႃ​ၶႃႈ​ၸဝ်ႈ​ႁႅၼ်​တူၺ်း​တီႈ​ထႃႇဝရႃႉ​ၽြႃး ယူႇ​တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ မၼ်း​ၸဝ်ႈ​ၼုၵ်ႈ​ဢဝ်​တိၼ်​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​တူင်ႇ​ႁႅဝ်ႉ​တီႈ​ၶႃႈ​ဢေႃႈ။-</verse>
				<verse number="16">ၶႅၼ်း​တေႃႈ​ဝၢႆႇ​ၼႃႈ​တေႃႇ​ၶႃႈ​ၸဝ်ႈ​လႄႈ ဢဵတ်း​လူ​ႁဵတ်း​ၵျေး​ၸူး​တီႈ​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ၵိုတ်း​ၵျၢၼ်ႇ​ဝႆႉ​ၵေႃႉ​လဵဝ်​ၵူၺ်း​လႄႈ လႆႈ​ၶၢမ်ႇ​တၢင်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="17">ႁူဝ်​ၸႂ်​ၶႃႈ​ၸဝ်ႈ​တဵမ်​ဝႆႉ​တၢင်း​တုၵ်ႉ​ၶႃႉ​တၢင်း​ၽၢၼ်​လႄႈ၊ ၶႅၼ်း​တေႃႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​သေ​ၵႃႈ​ၼႂ်း​တၢင်း​ဢၼ်​ၶႃႈ​ၸဝ်ႈ​ၵိတ်ႇ​ၸႂ်​ၵႅၼ်း​ၸႂ်​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="18">ၶႅၼ်း​တေႃႈ​လူ​တူၺ်း​တၢင်း​ဢၼ်​ၶႃႈ​ၸဝ်ႈ​ယၢၵ်ႈ​ၽၢၼ် ဢိၵ်ႇ​တင်း​တၢင်း​ဢၼ်​ၶႃႈ​ၸဝ်ႈ​ယၢပ်ႇ​ၸႂ်​ၶၢၼ်​ၸႂ်​ၼၼ်ႉ​လႄႈ ပွႆႇ​လွတ်ႈ​သေ​ၵႃႈ​ၼႂ်း​ဢပႅတ်ႈ​ၶႃႈ​ၸဝ်ႈ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="19">ၶႅၼ်း​တေႃႈ​ႁၼ်​ရၢၼ်ႇ​သူႇ​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၶဝ်​ၼမ်​ၼႃႇ​လႄႈ ၸင်း​ၶႃႈ​ၸဝ်ႈ​ၼႃႇ​လူင်​လၢင်​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="20">ၶႅၼ်း​တေႃႈ​ပႂ်ႉ​လူ​ပႂ်ႉ​တူၺ်း​ဢသၢၵ်ႈ​ၶႃႈ​ၸဝ်ႈ​လႄႈ ၵႄႇ​သႄႇ​တိုတ်ႉ​ၸၼ်​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ဢိင်​ပိုင်ႈ​ၸဝ်ႈ​ႁဝ်း​ယူႇ​လႄႈ၊ ယႃႇ​ပေ​ႁႂ်ႈ​ၶႃႈ​ၸဝ်ႈ​လႆႈ​ႁွတ်ႈ​ထိုင်​တၢင်း​ဢၼ်​ဢူၵ်း​ဢၼ်​ဢၢႆ​သေ​ၵမ်း​တီႈ​ၶႃႈ။-</verse>
				<verse number="21">ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ​ၸဝ်ႈ​ႁဝ်း​ယူႇ​လႄႈ ႁႂ်ႈ​တၢင်း​ဢၼ်​ၵၢင်း​လွတ်ႈ​တင်း​ဢပႅတ်ႈ ဢိၵ်ႇ​တင်း​တၢင်း​ဢၼ်​သၽေႃး​သိုဝ်ႈ​တေႃႇ​ၼၼ်ႉ ပႂ်ႉ​လူ​ပႂ်ႉ​တူၺ်း​ၶႃႈ​ၸဝ်ႈ​ယူႇ​သေ​ၵမ်း​တီႈ​ၶႃႈ။-</verse>
				<verse number="22">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ထုတ်ႇ​ၼုၵ်ႈ​ဢဝ် မဵဝ်း​ ဢီႉသရေႇလႃႉ ​ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​မၼ်း တင်း​သဵင်ႈ​တင်း​လူင်​သေ​ၵမ်း​တီႈ​ၶႃႈ။</verse>
			</chapter>
			<chapter number="26">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၸီႇ​ယၢင်ႇ​တြႃး​ၽၢႆႇ​ၶႃႈ​ၸဝ်ႈ​ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ၸွမ်း​ၼႂ်း​တၢင်း​ဢၼ် ၵၢင်း​လွတ်ႈ​တင်း​ဢပႅတ်ႈ​ၼၼ်ႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ဢိင်​ပိုင်ႈ​ထႃႇဝရႃႉ​ၽြႃး​ယူႇ​လႄႈ၊ တၵ်း​ၵၢင်း​လွတ်ႈ​တင်း တၢင်း​ဢၼ်​ပြၢတ်ႈ ​လူမ်ႉ တီႈ​ၶႃႈ​ဢေႃႈ။-</verse>
				<verse number="2">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၸႅတ်ႈ​ထၢမ်​လႄႈ ၸၢမ်း​တူၺ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​ႁူဝ်​ၸႂ် ဢိၵ်ႇ​တင်း​မၢၵ်ႇ​လၼ်း​ၶႃႈ​ၸဝ်ႈ​သႂ်​ၸၢင်ႇ​သေ​ၵမ်း​တီႈ​ၶႃႈ။-</verse>
				<verse number="3">ၵျေး​ၸူး​မႅတ်ႈ​တႃႇ​ၸဝ်ႈ​ႁဝ်း မီး​သိုဝ်ႈ​ၼႃႈ​တၼ်း​တႃ​ၶႃႈ​ၸဝ်ႈ​လႄႈ၊ ၶႃႈ​ၸဝ်ႈ​ၸွမ်း​သဵၼ်ႈ​တၢင်း​သဵတ်ႈ​ၸႃႇ​တြႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="4">ၶႃႈ​ၸဝ်ႈ​ဢမ်ႇ​ၼင်ႈ​ယူႇ​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ၸၢင်ႈ​သုင်း​ၸၢင်ႈ​လၢတ်ႈ​မူႉ​သႃႇ​ၼၼ်ႉ​လႄႈ၊ ၶႃႈ​ၸဝ်ႈ​ဢမ်ႇ​ၶဝ်ႈ​ၵႃႈ​ၼႂ်း​မုၵ်ႉ​ၼႂ်း​ၸိူဝ်း​ၶဝ်​ၸိူဝ်း​ဢၼ် ၸၢင်ႈ​ထိမ်ႇ​ၸၢင်ႈ​မႅပ်း​ၼၼ်ႉ​တီႈ​ၶႃႈ။-</verse>
				<verse number="5">ၶႃႈ​ၸဝ်ႈ​ၸင်း​ၶဝ်​ၸိူဝ်း​ဢၼ် ၸူႉ​ၵၼ်​တုမ်​ၵၼ်​ဢၼ်​ဢမ်ႇ​တြႃး​ၼၼ်ႉ​လႄႈ ၶႃႈ​ၸဝ်ႈ​ဢမ်ႇ​ၼင်ႈ​ယူႇ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ႁုၵ်း​ဢၼ်​ႁၢႆႉ​ၼၼ်ႉ​တီႈ​ၶႃႈ။-</verse>
				<verse number="6">ၶႃႈ​ၸဝ်ႈ​ဢဝ်​တၢင်း​ဢၼ် ၵၢင်း​လွတ်ႈ​တင်း​ဢပႅတ်ႈ​ၼၼ်ႉ သုၵ်ႈ​မိုဝ်း​လႄႈ လွမ်ႉ​ႁွပ်ႈ​ယိတ်ႈပလၢင်ႇ​ၸဝ်ႈ​ႁဝ်း​ယူႇ၊-</verse>
				<verse number="7">ႁႂ်ႈ​လႆႈ​ႁဵတ်း​တင်း​သဵင်​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း မွၵ်ႇ​လၢတ်ႈ​လႄႈ ဢဝ်​လွင်ႈ​တၢင်း​ဢၼ်​လီ​ဢၢမ်း​ၸဝ်ႈ​ႁဝ်း​တင်း​လၢႆ ပၼ်​ငိၼ်း​ၵႂႃႇ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ။</verse>
				<verse number="8">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​မူၼ်ႈ​ၸႂ်​ပျေႃႇ​ၸႂ်​ယူႇ​ၼႂ်း​တီႈ​ဢၼ်​ႁိူၼ်း​ၸဝ်ႈ​ႁဝ်း​တႄႇ​ယူႇ​ၼၼ်ႉ ဢိၵ်ႇ​တင်း​ၵႃႈ​ၼႂ်း​ထႃႇၼႃႉ​တီႈ​ဢၼ် မုၼ်​ၽုင်း​ၸဝ်ႈ​ႁဝ်း​ထၢင်ႇ​သႃး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="9">ၶႅၼ်း​တေႃႈ​ယႃႇ​ပေ​ၶျုၵ်ႈ​ဝီႉၺိၺ်ႇ​ၶႃႈ​ၸဝ်ႈ​ဝႆႉ ႁူမ်ႈ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ၽိတ်း​ပိူင်ႈ​ၼၼ်ႉ ဢိၵ်ႇ​တင်း​ဢသၢၵ်ႈ​ၶႃႈ​ၸဝ်ႈ​ဝႆႉ ႁူမ်ႈ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ထွၵ်ႇ​လိူတ်ႈ​ပိူၼ်ႈ​ပႅတ်ႈ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="10">ၵႃႈ​ၼႂ်း​မိုဝ်း​ၶဝ်​ၼၼ်ႉ မီး​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​လႄႈ၊ မိုဝ်း​ၶွၼ်​ၶႂႃ​ၶဝ်​ၵေႃႈ​မီး​တဵမ်​ဝႆႉ​တင်း​လၢၵ်ႈ​သွင်ႇ​တၼ်း​သူဝ်း​တီႈ​ၶႃႈ​ဢေႃႈ။-</verse>
				<verse number="11">ၶႃႈ​ၸဝ်ႈ​ၸမ်ႉ၊ တၵ်း​ၸွမ်း​ၵႃႈ​ၼႂ်း​တၢင်း​ဢၼ်​ၶႃႈ​ၸဝ်ႈ​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ​တီႈ​ၶႃႈ​ဢေႃႈ။ ၶႅၼ်း​တေႃႈ​ထုတ်ႇ​ၼုၵ်ႈ​ဢဝ်​ၶႃႈ​ၸဝ်ႈ​လႄႈ ႁဵတ်း​ၵျေး​ၸူး​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="12">တိၼ်​ၶႃႈ​ၸဝ်ႈ​တူၵ်း​တီႈ​တူၵ်း​လႅၼ် ၵႃႈ​တီႈ​ဢၼ်​လိူမ်ႈ​လီ​ပဵင်း​လီ​လႄႈ၊ တၵ်း​ယွင်ႈ​ယေႃး​ပၼ်​တၢင်း​လီ​တီႈ​ထႃႇဝရႃႉ​ၽြႃး ၵႃႈ​ၼႂ်း​ၵၢင်​ပရဵၵ်ႈသၢတ်ႈ​တင်း​လၢႆ​ဢေႃႈ။</verse>
			</chapter>
			<chapter number="27">
				<verse number="1">ထႃႇဝရႃႉ​ၽြႃး​ပဵၼ်​ဢၼ်​လႅင်း​ၵဝ်၊ ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ဢေႃႈ။ ၵဝ်​တၵ်း​လႆႈ​ၵူဝ်​လႆႈ​ႁႄ​ၽူႈ​လႂ်။ ထႃႇဝရႃႉ​ၽြႃး ပဵၼ်​တီႈ​ဢၼ်​ဢသၢၵ်ႈ​ၵဝ်​သွၼ်ႈ​ပိုင်ႈ​ယူႇ​ဢေႃႈ။ ၵဝ်​တၵ်း​လႆႈ​တူၵ်း​ၸႂ်​ၽူႈ​လႂ်။-</verse>
				<verse number="2">မိူဝ်ႈ​ဢၼ်​ၵူၼ်း​ႁုၵ်း​ၵူၼ်း​ႁၢႆႉ ဢၼ်​ဝႆႉ​တၢင်း​ၽိတ်း​တီႈ​ၵဝ် ဢိၵ်ႇ​တင်း​ရၢၼ်ႇ​သူႇ​ၵဝ်​တင်း​လၢႆ ဢွၼ်​ၵၼ်​မႃး​ႁႂ်ႈ​လႆႈ​ၶူပ်း​ၵိၼ်​ၼိူဝ်ႉ​ၵဝ်​ၼၼ်ႉ​ၸိုင် ၶဝ်​ၶီႈ​လိုတ်း​လႄႈ​လူမ်ႉ​ဢေႃႈ။-</verse>
				<verse number="3">ပိၵ်ႉ​သမ်ႉ​ၵူၼ်း​တပ်ႉ​ၵူၼ်း​သိုၵ်း​ၶျႃး​တပ်ႉ​ယူႇ​ၽၢႆႇ​ၼိုင်ႈ​တင်း​ၵဝ်​သေ​ၵေႃႈ၊ ႁူဝ်​ၸႂ်​ၵဝ်​ဢမ်ႇ​ၸၢင်ႈ​ၵူဝ်​ၸၢင်ႈ​ႁႄ။ ပိၵ်ႉ​သမ်ႉ​ပဵၼ်​သိုၵ်း​ပဵၼ်​သိူဝ်​ၵၼ်​တင်း​ၵဝ်​သေ​ၵေႃႈ၊ ၵဝ်​တၵ်း​မီး​ၸႂ်​ဢၼ်​တႄႇ​ၼိမ်​ယူႇ​ၼႂ်း​လွင်ႈ​တၢင်း​ၼၼ်ႉ​ဢေႃႈ။</verse>
				<verse number="4">ၵဝ်​ယွၼ်း​ဢၶႂၢင်ႉ​ဢၼ်​ၼိုင်ႈ တီႈ​ထႃႇဝရႃႉ​ၽြႃး​ဢၼ်​ဝႃႈ လွင်ႈ​ဢၼ်​ၵဝ်​တၵ်း​လႆႈ​ယူႇ​ၼႂ်း​ႁိူၼ်း​ထႃႇဝရႃႉ​ၽြႃး​ၸူဝ်ႈ​ဢသၢၵ်ႈ ႁႂ်ႈ​လႆႈ​ထူပ်း​ႁၼ်​သရေႇ​ထႃႇဝရႃႉ​ၽြႃး​ဢၼ်​ႁၢင်ႈ​လီ​ႁၢင်ႈ​ငၢမ်း​ၼၼ်ႉ​သေ​လႄႈ မူၼ်ႈ​ပျေႃႇ​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​မၼ်း​ၸဝ်ႈ​ၼၼ်ႉ​ယဝ်ႉ။ ဢၶႂၢင်ႉ​ၼၼ်ႉ​ၸိုင် ၵဝ်​တၵ်း​လႆႈ​ႁႃ​ဢဝ်​ဢေႃႈ။-</verse>
				<verse number="5">လွင်ႈ​မၼ်း​ၸမ်ႉ ၼႂ်း​မိူဝ်ႈ​ဢၼ်​ၽေး​ဢၼ်ႇတရႄႇ​ႁွတ်ႈ​ထိုင်​ၼၼ်ႉ​ၸိုင်၊ မၼ်း​ၸဝ်ႈ​ႁူမ်ႇ​သုမ်ႇ​ၵဝ်​ဝႆႉ ၵႃႈ​ၼႂ်း​မူဝ်းၵႃႇ​မၼ်း​ၸဝ်ႈ​ၼၼ်ႉ​လႄႈ မၼ်း​ၸဝ်ႈ​ဢဝ်​ၵဝ်​သိူင်ႇ​မႅပ်ႉ​ဝႆႉ ၵႃႈ​ၼႂ်း​သုမ်ႉ​ထဵင်​မၼ်း​ၸဝ်ႈ​ၼၼ်ႉ​ဢေႃႈ။ ၵႃႈ​ၼိူဝ်​မၢၵ်ႇ​ႁိၼ်​မၢၵ်ႇ​ၽႃ​ၵေႃႈ၊ မၼ်း​ၸဝ်ႈ​ဢဝ်​ၵဝ်​တၢင်ႇ​ဝႆႉ​ဢေႃႈ။-</verse>
				<verse number="6">တေႃႈ​လဵဝ်​ၼႆႉ​ၵေႃႈ၊ ႁူဝ်​ၵဝ်​တၵ်း​လႆႈ​ၶၢမ်ႇ​တၢင်း​ဢၼ် ယွင်ႈ​ဝႆႉ​ၵႃႈ​ၼိူဝ်​ရၢၼ်ႇ​သူႇ​ၵဝ် ဢၼ်​လွမ်ႉ​ႁွပ်ႈ​ၵဝ်​ယူႇ​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ၵဝ်​တၵ်း​ပုၵ်ႈ​ၸေႃႇ​ယိတ်ႈ​တၢင်း​ဢၼ်​ၸူမ်း​သိူဝ်း​တင်း​လၢႆ ၵႃႈ​ၼႂ်း​သုမ်ႉ​ထဵင်​မၼ်း​ၸဝ်ႈ​လႄႈ တၵ်း​ႁဵတ်း​ၵႂၢမ်း​ယူႇ​ဢေႃႈ။ တၵ်း​ႁဵတ်း​ၵႂၢမ်း​ယွင်ႈ​ယေႃး​ထေႃးပၼႃႇ​တီႈ​ထႃႇဝရႃႉ​ၽြႃး​ဢေႃႈ။</verse>
				<verse number="7">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ထွမ်ႇ​ငိၼ်း​မိူဝ်ႈ​ဢၼ်​ၶႃႈ​ၸဝ်ႈ​ဢဝ်​သဵင်​ၶႃႈ​ၸဝ်ႈ​သေ​လႄႈ ႁွင်ႉ​သႅၼ်ႇ​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဢဵတ်း​လူ​ၶႃႈ​ၸဝ်ႈ​လႄႈ ဢိူဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="8">မိူဝ်ႈ​ဢၼ်​ၸဝ်ႈ​ႁဝ်း​မီး​ဢမိင်ႉ​လႄႈ​ဝႃႈ၊ ႁႃ​ၼႃႈ​ၵဝ်​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင် ႁူဝ်​ၸႂ်​ၶႃႈ​ၸဝ်ႈ​လဝ်ႊ​လၢတ်ႈ​တီႈ​ၸဝ်ႈ​ႁဝ်း​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​တၵ်း​ႁႃ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="9">ယႃႇ​ပေ​ဝၢႆႇ​ၼႃႈ​ပႅတ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၸဝ်ႈ​ႁဝ်း​ၸႂ်​မႆႈ​ၶႆႈ​ၸႃႉ​လႄႈ၊ ယႃႇ​ပေ​ပႄႇ​ပႅတ်ႈ​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၸဝ်ႈ​ႁဝ်း​ပဵၼ်​ၸဝ်ႈ​ဢၼ် ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​လႄႈ၊ ယႃႇ​ပေ​ၸုၼ်ႉ​ပႅတ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="10">ၽြႃး​ဢၼ်​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​တီႈ​ၶႃႈ၊ ပိၵ်ႉ​သမ်ႉ​ပေႃႈ​မႄႈ​ၶႃႈ​ၸဝ်ႈ​ၸိူဝ်း​ၼၼ်ႉ​ၸုၼ်ႉ​ပႅတ်ႈ​ၶႃႈ​ၸဝ်ႈ​သေ​ၵေႃႈ၊ ထႃႇဝရႃႉ​ၽြႃး တၵ်း​ဢုမ်ႈ​ႁွပ်ႇ​ဢဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="11">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​သင်ႇ​သွၼ်​ပၼ် သဵၼ်ႈ​တၢင်း​ၸဝ်ႈ​ႁဝ်း​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဢဝ်​ၶႃႈ​ၸဝ်ႈ ၵႂႃႇ​သူင်ႇ​ၵႃႈ​ၼႂ်း​သဵၼ်ႈ​တၢင်း​ဢၼ်​ၵဵင်ႈ​လီ​ပဵင်း​လီ​ၼၼ်ႉ ၵွပ်ႈ​ပိူဝ်ႈ​ရၢၼ်ႇ​သူႇ​ၶႃႈ​ၸဝ်ႈ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="12">ယႃႇ​ပေ​ဢဝ်​ၶႃႈ​ၸဝ်ႈ​ဢၢပ်ႈ​ပၼ် ၵႃႈ​တီႈ​ဢလူဝ်ႇ​ရၢၼ်ႇ​သူႇ​ၶႃႈ​ၸဝ်ႈ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​မၢၼ်ႇ​ဢမ်ႇ​မႅၼ်ႈ ဢိၵ်ႇ​တင်း​ၶဝ်​ၸိူဝ်း​ဢၼ် ထူၺ်ႈ​ၸႂ်​လူင်​ႁႅင်း​ၼႃႇ​ၼၼ်ႉ ႁႂ်ႈ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ ဢွၼ်​ၵၼ်​လုၵ်ႉ​ၶဵင်ႇ​လုၵ်ႉ​တႃႉ​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="13">ပေႃး​ၵဝ်​ဢမ်ႇ​မီး​တၢင်း​ဢၼ်​ယုမ်ႇ​မၢတ်ႈ လွင်ႈ​ဢၼ်​ၵဝ်​တၵ်း​ထူပ်း​ႁၼ်​ၵျေး​ၸူး​ထႃႇဝရႃႉ​ၽြႃး ၵႃႈ​ၼႂ်း​တီႈ​ယူႇ​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​ၸိုင် ႁႅင်း​ၵဝ်​တၵ်း​ဢူၼ်ႈ​ၵႂႃႇ​ႁၢႆ​ၵႂႃႇ​ယူႇ​ဢေႃႈ။-</verse>
				<verse number="14">မုင်ႈ​ထႃႈ​မွင်း​ထႃႈ​ထႃႇဝရႃႉ​ၽြႃး​တႃႉ။ ဢဝ်​ႁႅင်း​လႄႈ​မီး​ႁူဝ်​ၸႂ်​ဢၼ်​ႁတ်း​ဢၼ်​ႁၢၼ်​တႃႉ။ မုင်ႈ​ထႃႈ​မွင်း​ထႃႈ​ထႃႇဝရႃႉ​ၽြႃး​ယူႇ​တႃႉ။</verse>
			</chapter>
			<chapter number="28">
				<verse number="1">ထႃႇဝရႃႉ​ၽြႃး ဢၼ်​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​ႁွင်ႉ​သႅၼ်ႇ​ၸူး​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ယင်း​ဢမ်ႇ​တၵ်း​သဵင်​လႄႈ ယႃႇ​ပေ​ယူႇ​သေ​ၵမ်း​တီႈ​ၶႃႈ။ ပေႃး​ယင်း​ဢမ်ႇ​တၵ်း​သဵင်​လႄႈ​ယူႇ​ၸိုင်၊ ၶႃႈ​ၸဝ်ႈ​တၵ်း​လႆႈ​ပဵၼ်​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ်​လူင်း​ၵႂႃႇ​ၵႃႈ​ၼႂ်း​ၶုမ်​ပႃႇ​ႁဵဝ်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="2">ၶႅၼ်း​တေႃႈ​ထွမ်ႇ​ငိၼ်း​သဵင်​ဢၼ်​ၶႃႈ​ၸဝ်ႈ​လဝ်ႊ​ယွၼ်း မိူဝ်ႈ​ဢၼ်​ၶႃႈ​ၸဝ်ႈ​ႁွင်ႉ​သႅၼ်ႇ​ႁႃ​တီႈ​ၸဝ်ႈ​ႁဝ်း​လႄႈ ယုၵ်ႉ​မိုဝ်း​ၸူး​တီႈ​ထႃႇၼႃႉ​ပျႃႇ​တိၵ်ႈ ဢၼ်​မူတ်း​ၸၢင်ႇ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="3">ယႃႇ​ပေ​ၸူဝ်း​ဢဝ်​ၶႃႈ​ၸဝ်ႈ ၵႂႃႇ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ႁဵတ်း​ဢမ်ႇ​တြႃး ဢၼ်​ဝႃႈ​ၶဝ်​ၸိူဝ်း​ဢၼ်​လၢတ်ႈ​ၵႂၢမ်း​လေႃးၵဝၢတ်ႈ တီႈ​ၵူၼ်း​ႁိူၼ်း​ၸမ်​ၵၼ်​တင်း​ၶဝ်​ၵူၺ်း​လႄႈ မီး​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​ၵႃႈ​ၼႂ်း​ႁူဝ်​ၸႂ်​ၶဝ်​ယူႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="4">ၶႅၼ်း​တေႃႈ​တွပ်ႇ​တႅၼ်း​ပၼ်​ဢၵျူဝ်း​ဢပႅတ်ႈ ၸွမ်း​ၵႃႈ​ၼင်ႇ​ဢၼ်​တၢင်း​ၵမ်​တၢင်း​ၵျၢင်ႉ၊ တၢင်း​ႁဵတ်း​တၢင်း​သၢင်ႈ​ၶဝ် ႁၢႆႉ​ယုတ်ႈ​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​တႅၼ်း​ပၼ် ၸွမ်း​ၵႃႈ​ၼင်ႇ​တၢင်း​ႁဵတ်း​တၢင်း​ပွင်​မိုဝ်း​ၶဝ်​ၼၼ်ႉ​လႄႈ ၸီႇ​ယၢင်ႇ​ၸွမ်း​လူၺ်ႈ​ဢပႅတ်ႈ​ၶဝ်​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="5">လွင်ႈ​မၼ်း​ၸမ်ႉ ပိူဝ်ႈ​ဢၼ်​ၶဝ်​ဢမ်ႇ​မၢတ်ႈ​ဢမ်ႇ​တွင်း လွင်ႈ​တၢင်း​ဢၼ်​ထႃႇဝရႃႉ​ၽြႃး​ပွင်​ႁဵတ်း​ၼၼ်ႉ ဢိၵ်ႇ​တင်း​ႁွႆး​မိုဝ်း​မၼ်း​ၸဝ်ႈ​ဢၼ်​မၼ်း​ၸဝ်ႈ​သၢင်ႈ​ႁဵတ်း​ၼၼ်ႉ​လႄႈ၊ မၼ်း​ၸဝ်ႈ​တၵ်း​ဢမ်ႇ​တႄႇ​ဢမ်ႇ​ႁဵတ်း​ၶဝ်၊ တၵ်း​ၵိူၼ်ႇ​ယႃႉ​ၶဝ်​ပႅတ်ႈ​ဢေႃႈ။</verse>
				<verse number="6">ႁႂ်ႈ​ထႃႇဝရႃႉ​ၽြႃး​မီး​မင်ႇၵလႃႇ​သေ​ၵမ်း​လူၺ်ႈ။ မၼ်း​ၸဝ်ႈ​ထွမ်ႇ​ဢဝ်​သဵင် တၢင်း​ဢၼ်​ၵဝ်​လဝ်ႊ​ယွၼ်း​ၼၼ်ႉ​ယဝ်ႉ။-</verse>
				<verse number="7">ထႃႇဝရႃႉ​ၽြႃး​ပဵၼ်​ႁႅင်း​တၼ်း​ၶူဝ်း​ၵဝ်၊ ၶိူင်ႈ​ႁႄႉ​လၢၵ်ႈ​ၼၢၵ်ႈ​ၵဝ်​ဢေႃႈ။ ႁူဝ်​ၸႂ်​ၵဝ်​ဢိင်​ပိုင်ႈ​မၼ်း​ၸဝ်ႈ​ယူႇ​လႄႈ၊ မၼ်း​ၸဝ်ႈ​ပႂ်ႉ​ၸွႆႈ​ပႂ်ႉ​ထႅမ်​ၵဝ်​ဢေႃႈ။ ပိူဝ်ႈ​ၼႆ​လႄႈ ႁူဝ်​ၸႂ်​ၵဝ်​သႂၢင်ႇ​သိူဝ်း​ယူႇ​ဢေႃႈ။ ၵဝ်​တၵ်း​ႁဵတ်း​ၵႂၢမ်း​ယူႇ​သေ​လႄႈ ယွင်ႈ​ယေႃး​မုၼ်​မၼ်း​ၸဝ်ႈ​ဢေႃႈ။-</verse>
				<verse number="8">ထႃႇဝရႃႉ​ၽြႃး​ပဵၼ်​ႁႅင်း​တၼ်း​ၶူဝ်း​ၶဝ်​ဢေႃႈ။ မၼ်း​ၸဝ်ႈ​ပဵၼ်​တီႈ​ဢၼ်​မၼ်ႈ​ၶိူင်ႇ​ဢၼ်​ဝႃႈ တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၼၼ်ႉ တီႈ​ၵေႃႉ​ဢၼ်​ၶၢမ်ႇ​ၽိၵ်ႈ​သိၵ်ႈ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="9">ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၵူၼ်း​ၸဝ်ႈ​ႁဝ်း​တင်း​လၢႆ​လႄႈ ပၼ်​တၢင်း​လီ​မင်ႇၵလႃႇ တီႈ​ဢမူၺ်ႇ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​လဵင်ႉ​လူ​ၶဝ်​ၼၼ်ႉ​လႄႈ ႁႂ်ႈ​ၶဝ်​မီး​တၢင်း​ဢၼ်​ယုၵ်ႉ​ယွင်ႈ​ဝႆႉ​ယူႇ​သေႇ​သေႇ သေ​ၵမ်း​တီႈ​ၶႃႈ။</verse>
			</chapter>
			<chapter number="29">
				<verse number="1">ဢွၼ်​ၵၼ်​ႁပ်ႉ​တုင်း​ဢဝ်၊ လုၵ်ႈ​ၽြႃး​ပဵၼ်​ၸဝ်ႈ​ၶဝ်​ဢိူၺ်း၊ ဢွၼ်​ၵၼ်​ႁပ်ႉ​တုင်း​ဢဝ် လွင်ႈ​ဢၼ်​ထႃႇဝရႃႉ​ၽြႃး မုၼ်​ၽုင်း​တၼ်း​ၶူဝ်း​ယႂ်ႇ​ၼႃႇ​ၼၼ်ႉ​တႃႉ။-</verse>
				<verse number="2">ဢွၼ်​ၵၼ်​ႁပ်ႉ​တုင်း​ဢဝ် လွင်ႈ​ဢၼ်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး မုၼ်​ၽုင်း​ယႂ်ႇ​ၼႃႇ​ၼၼ်ႉ​လႄႈ ဢဝ်​ၶိူင်ႈ​ပိူင်​ဢၼ်​မူတ်း​ၸၢင်ႇ ႁၢင်ႈ​ၶိူင်ႈ​သေ​လႄႈ​ၵူဝ်း​ၵႂၢႆႇ​ထႃႇဝရႃႉ​ၽြႃး​တႃႉ။</verse>
				<verse number="3">သဵင်​ထႃႇဝရႃႉ​ၽြႃး မီး​ယူႇ​ၵႃႈ​ၼိူဝ်​ၼမ်ႉ​သမ်ႇ​မုၵ်ႉ​တြႃႇ​လႄႈ ၽြႃး​ပဵၼ်​ၸဝ်ႈ​ဢၼ်​မုၼ်​ယႂ်ႇ​ၼႃႇ​ၼၼ်ႉ​ၽႃႉ​လင်​ယူႇ​ဢေႃႈ။ ထႃႇဝရႃႉ​ၽြႃး​မီး​ယူႇ​ၵႃႈ​ၼိူဝ်​ၼမ်ႉ ဢၼ်​ၼမ်​ၼႃႇ​ၼၼ်ႉ​ဢေႃႈ။-</verse>
				<verse number="4">သဵင်​ထႃႇဝရႃႉ​ၽြႃး​ၼၼ်ႉ ပျေႉ​ၸုမ်ႇ​ဝႆႉ​တင်း​တၼ်း​ၶူဝ်း​လႄႈ သဵင်​ထႃႇဝရႃႉ​ၽြႃး​ၼၼ်ႉ ပျေႉ​ၸုမ်ႇ​ဝႆႉ​တင်း​မုၼ်​ဢႃႇၼူႉၽေႃႇ​ဢေႃႈ။</verse>
				<verse number="5">သဵင်​ထႃႇဝရႃႉ​ၽြႃး​ၼၼ်ႉ ႁၵ်း​ႁဵၵ်း​တူၼ်ႈ​ ဢႃႇရိတ်ႉ ​တင်း​လၢႆ​ပႅတ်ႈ​လႄႈ ထႃႇဝရႃႉ​ၽြႃး​ႁၵ်း​ႁဵၵ်း​တူၼ်ႈ​ ဢႃႇရိတ်ႉ လေႇပၼုၼ်ႇ ​တင်း​လၢႆ​ပႅတ်ႈ​ဢေႃႈ။-</verse>
				<verse number="6">မၼ်း​ၸဝ်ႈ​ႁႂ်ႈ​ၶဝ်​ၼၼ်ႉ ဝႅၼ်​ၵျွၵ်း​မိူၼ်​ၸိူဝ်ႉ​ၼင်ႇ ဝူဝ်း​ဢွၼ်ႇ​ၼၼ်ႉ​လႄႈ ႁႂ်ႈ​လွႆ​ လေႇပၼုၼ်ႇ တင်း​လွႆ​ ၸီႉရီႉဢုၼ်ႇ ဝႅၼ်​ၵျွၵ်း​မိူၼ်​ၸိူဝ်ႉ​ၼင်ႇ ဝူဝ်း​ထိူၼ်ႇ​ၼၼ်ႉ​ဢေႃႈ။-</verse>
				<verse number="7">သဵင်​ထႃႇဝရႃႉ​ၽြႃး​ၼၼ်ႉ ၽႃႇ​မုၵ်ႉ​ၽႆး​ပဵဝ်​ၽႆး​ဢေႃႈ။</verse>
				<verse number="8">သဵင်​ထႃႇဝရႃႉ​ၽြႃး​ၼၼ်ႉ ႁႂ်ႈ​ထိူၼ်ႇ​တူင်ႉ​ဝႆ​ၶွၼ်း​ၶဝ်ႇ​လႄႈ၊ ထႃႇဝရႃႉ​ၽြႃး​ႁႂ်ႈ​ထိူၼ်ႇ​ ၵႃႇတေႇသႃႉ ​တူင်ႉ​ဝႆ​ၶွၼ်း​ၶဝ်ႇ​ဢေႃႈ။-</verse>
				<verse number="9">သဵင်​ထႃႇဝရႃႉ​ၽြႃး​ၼၼ်ႉ ႁႂ်ႈ​ၵႂၢင်​မႄႈ​တင်း​လၢႆ ၵိူတ်ႇ​လဵင်ႉ​လုၵ်ႈ​လႄႈ ၽဵဝ်ႈ​ပႃႇ​မႆႉ​ပႃႇ​တွၵ်ႇ​တင်း​လၢႆ​ၵဵင်ႈ​မူတ်း​ပႅတ်ႈ​ဢေႃႈ။ ၵႃႈ​ဢၼ်​မီး​ၵႃႈ​ၼႂ်း​ပိၵ်ႈ​မၢၼ်ႇ​မၼ်း​ၸဝ်ႈ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​မွၵ်ႇ​လၢတ်ႈ​လႄႈ​ဝႃႈ၊ မုၼ်​ၽုင်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ထႃႇဝရႃႉ​ၽြႃး​လႆႈ​ၼင်ႈ​ယူႇ​ၵႃႈ​ၼိူဝ်​တၢင်း​ဢၼ်​ၼမ်ႉ​ထူမ်ႈ​လိၼ်​မိူင်း​ၼၼ်ႉ​မႃး​ယဝ်ႉ။ ထႃႇဝရႃႉ​ၽြႃး​မီး​တင်း​ဢရႃႇ​ၶုၼ်​ႁေႃ​ၶမ်း​သေ​လႄႈ ၼင်ႈ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="11">ထႃႇဝရႃႉ​ၽြႃး​တၵ်း​ပၼ်​ႁႅင်း​တီႈ​ၵူၼ်း​မၼ်း​ၸဝ်ႈ​တင်း​လၢႆ​လႄႈ၊ ထႃႇဝရႃႉ​ၽြႃး​တၵ်း​ဢဝ်​တၢင်း​ဢၼ်​တႄႇ​ဢၼ်​ၼိမ် ပၼ်​တၢင်း​လီ​မင်ႇၵလႃႇ​တီႈ​ၵူၼ်း​မၼ်း​ၸဝ်ႈ​တင်း​လၢႆ​ဢေႃႈ။</verse>
			</chapter>
			<chapter number="30">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​တၵ်း​ယွင်ႈ​ယေႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢမ်ႇ​ပၼ်​ဢၶႂၢင်ႉ​ဢၼ် ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ လႆႈ​ၸူမ်း​သိူဝ်း​လူၺ်ႈ​လွင်ႈ​ၶႃႈ​ၸဝ်ႈ​တီႈ​ၶႃႈ။-</verse>
				<verse number="2">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​ႁွင်ႉ​သႅၼ်ႇ​ၸူး​တီႈ​ၸဝ်ႈ​ႁဝ်း​လႄႈ၊ ၸဝ်ႈ​ႁဝ်း​ပၼ်​ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ဢေႃႈ။-</verse>
				<verse number="3">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ၼုၵ်ႈ​ဢဝ်​ဝီႉၺိၺ်ႇ​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​မိုဝ်း​မရၼႃႉ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ယင်း​ဢမ်ႇ​ပၼ် ႁႂ်ႈ​ၶႃႈ​ၸဝ်ႈ​လူင်း​ၵႂႃႇ​ၵႃႈ​ၼႂ်း​ၶုမ်​ပႃႇ​ႁဵဝ်ႈ​လႄႈ ပၼ်​ဢသၢၵ်ႈ​ၶႃႈ​ၸဝ်ႈ​ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ဢေႃႈ။-</verse>
				<verse number="4">ၵူၼ်း​ဢၼ်​မၼ်း​ၸဝ်ႈ​ႁၵ်ႉ​ပႅင်း​ၶဝ်​ဢိူၺ်း၊ ဢွၼ်​ၵၼ်​ႁဵတ်း​ၵႂၢမ်း​ထေႃးပၼႃႇ​တီႈ ထႃႇဝရႃႉ​ၽြႃး​တႃႉ။ ဢွၼ်​ၵၼ်​ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ဢၼ်​မူတ်း​ၸၢင်ႇ​ၼၼ်ႉ​တႃႉ။-</verse>
				<verse number="5">တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၼၼ်ႉ ဢွၵ်ႇ​ၵမ်း​ဢွၼ်ႇ​ၼိုင်ႈ​ၵူၺ်း​လႄႈ၊ ၵျေး​ၸူး​မၼ်း​ၸဝ်ႈ​ၸမ်ႉ၊ တႄႇ​ယူႇ​ၸူဝ်ႈ​ဢသၢၵ်ႈ​ဢေႃႈ။ တၢင်း​ဢၼ်​ႁႆႈ​ဢၼ်​ႁွင်ႉ​ၼၼ်ႉ သွၼ်ႈ​ပိုင်ႈ​ယူႇ​ၶိင်ႇ​ႁူဝ်​ၶမ်ႈ​ၵူၺ်း​လႄႈ၊ ၶိင်ႇ​ၵၢင်​ၼႂ်​ၸမ်ႉ၊ မီး​ဢၶႂၢင်ႉ​တၢင်း​ဢၼ်​ၸူမ်း​သိူဝ်း​ဢေႃႈ။</verse>
				<verse number="6">ၼႂ်း​မိူဝ်ႈ​ဢၼ်​ၶႃႈ​ၸဝ်ႈ​လႆႈ​လီ​လႆႈ​ပဵၼ်​ၼၼ်ႉ၊ ၶႃႈ​ၸဝ်ႈ​လၢတ်ႈ​လႄႈ​ဝႃႈ၊ ၵဝ်​တၵ်း​ၵၢင်း​လွတ်ႈ​တင်း​တၢင်း​ဢၼ်​သၼ်ႇ ဢၼ်​ၶွၼ်း​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="7">ထႃႇဝရႃႉ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ႁဝ်း​ၵူၺ်း​လႄႈ၊ ၸဝ်ႈ​ႁဝ်း​ႁႂ်ႈ​လွႆ​ၶႃႈ​ၸဝ်ႈ​မၼ်ႈ​ၶိူင်ႇ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဝၢႆႇ​ၼႃႈ​ပႅတ်ႈ​သေ​လႄႈ ၶႃႈ​ၸဝ်ႈ​ႁွတ်ႈ​ထိုင်​တၢင်း​ဢၼ် ၵႂင်​ၸႂ်​ယုင်ႈ​ၸႂ်​တီႈ​ၶႃႈ​ဢေႃႈ။-</verse>
				<verse number="8">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ႁွင်ႉ​သႅၼ်ႇ​ၸူး​တီႈ​ၸဝ်ႈ​ႁဝ်း​လႄႈ လဝ်ႊ​ယွၼ်း​တီႈ​ထႃႇဝရႃႉ​ၽြႃး​လႄႈ​ဝႃႈ​ၸမ်ႉ၊-</verse>
				<verse number="9">ပေႃး​ၶႃႈ​ၸဝ်ႈ​လူင်း​ၵႂႃႇ ၵႃႈ​ၼႂ်း​ၶုမ်​ပႃႇ​ႁဵဝ်ႈ​ၸိုင်၊ ၼႂ်း​လိူတ်ႈ​ၶႃႈ​ၸဝ်ႈ​ၼၼ်ႉ တၵ်း​မီး​ဢၵျူဝ်း​ၵႃႈ​သင်​တီႈ​ၶႃႈ။ မုၼ်ႈ​လိၼ်​တၵ်း​ယွင်ႈ​ယေႃး​ၸဝ်ႈ​ႁဝ်း​တီႈ​ၶႃႈ​ႁိုဝ်။ တၵ်း​ၽုၺ်ႇ​ဢွၵ်ႇ​ၼႄ​ပျႃး​သဵတ်ႈ​ၸႃႇ​ၸဝ်ႈ​ႁဝ်း​တီႈ​ၶႃႈ​ႁိုဝ်။-</verse>
				<verse number="10">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ထွမ်ႇ​ဢဝ်​လႄႈ ႁဵတ်း​ၵျေး​ၸူး​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ပႂ်ႉ​ၸွႆႈ​ပႂ်ႉ​ထႅမ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ၸဝ်ႈ​ႁဝ်း​ႁႂ်ႈ​တၢင်း​ဢၼ်​ၶႃႈ​ၸဝ်ႈ​ၶၢင်း​ၶီ​ၶၢင်း​ၽၢၼ်​ၼၼ်ႉ ပဵၼ်​တၢင်း​ဢၼ်​ၵႃႈ​ဢၼ်​ဝႅၼ်​တီႈ​ၶႃႈ​ဢေႃႈ။ ၸဝ်ႈ​ႁဝ်း​ထွတ်ႇ​လွၼ်ႈ​ၼင်​ပေႃ​ဢၼ်​ၶႃႈ​ၸဝ်ႈ​ၼုင်ႈ​ၼၼ်ႉ ပႅတ်ႈ​သေ​လႄႈ ဢဝ်​သၢႆ​ဢႅဝ်​တၢင်း​ဢၼ်​ၸူမ်း​သိူဝ်း ႁတ်ႉ​ပၼ်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ မုၼ်​ၽုင်း​ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​တီႈ​ၸဝ်ႈ​ႁဝ်း​လႄႈ တၵ်း​ဢမ်ႇ​ယူႇ​တဵတ်ႇ​တဵတ်ႇ​တီႈ​ၶႃႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​တၵ်း​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း​ယူႇ​တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။</verse>
			</chapter>
			<chapter number="31">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ဢိင်​ပိုင်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ ၵၢင်း​လွတ်ႈ​တင်း​တၢင်း​ဢၼ်​ဢူၵ်း​ဢၼ်​ဢၢႆ​ယူႇ တႃႇ​သေႇ​ဢမ်ႇ​ထၢတ်ႇ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၸွမ်း​လူၺ်ႈ​တၢင်း​သိုဝ်ႈ​တေႃႇ​ၸဝ်ႈ​ႁဝ်း​ၼၼ်ႉ​သေ​လႄႈ ၵႄႇ​သႄႇ​ဢဝ်​ၶႃႈ​ၸဝ်ႈ​လွတ်ႈ​သေ​ၵမ်း​တီႈ​ၶႃႈ။-</verse>
				<verse number="2">ၶႅၼ်း​တေႃႈ​ဝၢႆႇ​ႁူ​ၸဝ်ႈ​ႁဝ်း​မႃး​ၸူး​ၽၢႆႇ​ၶႃႈ​ၸဝ်ႈ​လႄႈ ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​ၼၼ်ႉ​ၶၼ်​ၶၼ်​ၽႂ်း​ၽႂ်း​သေ​ၵမ်း​တီႈ​ၶႃႈ။ ၸဝ်ႈ​ႁဝ်း​ၶႅၼ်း​တေႃႈ​ပဵၼ်​မၢၵ်ႇ​ႁိၼ်​မၢၵ်ႇ​ၽႃ ဢၼ်​မၼ်ႈ​ဢၼ်​ၶိူင်ႈ​ပုၼ်ႈ​ၶႃႈ​ၸဝ်ႈ ဢိၵ်ႇ​တင်း​တိူၵ်ႈ​တီႈ​တိုၵ်း​သိုၵ်း​ပုၼ်ႈ​ဢၼ်​တၵ်း​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="3">ၸဝ်ႈ​ႁဝ်း​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၶႃႈ​ၸဝ်ႈ၊ တိူၵ်ႈ​တီႈ​တိုၵ်း​သိုၵ်း​ၶႃႈ​ၸဝ်ႈ ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။ ၶႅၼ်း​တေႃႈ​ဢဝ်​ၶႃႈ​ၸဝ်ႈ​သူင်ႇ​လႄႈ ၼႄ​ပျႃး​သဵၼ်ႈ​တၢင်း​တီႈ​ၶႃႈ​ၸဝ်ႈ ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="4">ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း ပဵၼ်​တိူၵ်ႈ​တီႈ​တိုၵ်း​သိုၵ်း​ၶႃႈ​ၸဝ်ႈ​လႄႈ ၶႅၼ်း​တေႃႈ​ၼုၵ်ႈ​ဢဝ်​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​တူင်ႇ​ႁႅဝ်ႉ​တူင်ႇ​ၶိုမ်း​ဢၼ်​ၵၢင်​ဝႆႉ ပုၼ်ႈ​ၶႃႈ​ၸဝ်ႈ​ၼၼ်ႉ သေ​ၵမ်း​တီႈ​ၶႃႈ။</verse>
				<verse number="5">ၶႃႈ​ၸဝ်ႈ​ဢဝ်​ဝီႉၺိၺ်ႇ​ၶႃႈ​ၸဝ်ႈ​ဢၢပ်ႈ​ပၼ် ၵႃႈ​ၼႂ်း​မိုဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ဢၼ်​ပႂ်ႉ​သဵတ်ႈ​ၸႃႇ​တီႈ​ၶႃႈ၊ ၸဝ်ႈ​ႁဝ်း​ထုတ်ႇ​ၼုၵ်ႈ​ဢဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="6">ၶႃႈ​ၸဝ်ႈ​ၸင်း​ၶဝ်​ၸိူဝ်း​ဢၼ် ၸပ်း​ၸွမ်း​မူႉ​သႃႇ​ဢၼတ်ႉတႃႉ​ၸိူဝ်း​ၼၼ်ႉ​လႄႈ ဢိင်​ပိုင်ႈ​ထႃႇဝရႃႉ​ၽြႃး​တီႈ​ၶႃႈ​ဢေႃႈ။-</verse>
				<verse number="7">ၶႃႈ​ၸဝ်ႈ​တၵ်း​မီး​တၢင်း​ဢၼ်​ၸူမ်း​သိူဝ်း​သႂၢင်ႇ​ၸႂ် ၼႂ်း​ၵရူႉၼႃႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၸဝ်ႈ​ႁဝ်း​လူ​တူၺ်း​တၢင်း​ဢၼ် ၶႃႈ​ၸဝ်ႈ​ယၢၵ်ႈ​ၽၢၼ်​ၼၼ်ႉ​လႄႈ ႁူႉ​ႁၼ်​တုၵ်ႉ​ၶႃႉ​တၢင်း​ယၢပ်ႇ​တၢင်း​ၽၢၼ်​ဝီႉၺိၺ်ႇ​ၶႃႈ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">ၸဝ်ႈ​ႁဝ်း​ယင်း​ဢမ်ႇ​ဢဝ်​ၶႃႈ​ၸဝ်ႈ​ဢၢပ်ႈ​ပၼ် ၵႃႈ​ၼႂ်း​မိုဝ်း​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ​လႄႈ ဢဝ်​တိၼ်​ၶႃႈ​ၸဝ်ႈ​တမ်း​သႂ်ႇ​ပၼ် ၵႃႈ​ၼႂ်း​တီႈ​ဢၼ်​ၵႂၢင်ႈ​လီ​လႃး​လီ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="9">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ႁွတ်ႈ​ထိုင် တၢင်း​ဢၼ်​ၵိတ်ႇ​ၸႂ်​ၵႅၼ်း​ၸႂ်​ၼၼ်ႉ​သေ​ၵမ်း​တီႈ​ၶႃႈ။ မၢၵ်ႇ​တႃ​ၶႃႈ​ၸဝ်ႈ၊ ႁူဝ်​ၸႂ်​ၶႃႈ​ၸဝ်ႈ တၢင်း​တွင်ႉ​ၶႃႈ​ၸဝ်ႈ​လူႉ​ၵႂႃႇ​လႅဝ်​ၵႂႃႇ ၵွပ်ႈ​ပိူဝ်ႈ​တၢင်း​ဢၼ်​ယၢပ်ႇ​ၸႂ်​မႆႈ​ၸႂ်​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="10">ၶႃႈ​ၸဝ်ႈ​မီး​တၢင်း​ဢၼ်​မႆႈ​ၸႂ်​ႁွၼ်ႉ​ၸႂ်​ယူႇ​သေ​လႄႈ ဢသၢၵ်ႈ​ၶႃႈ​ၸဝ်ႈ​လႆႈ​ပူၼ်ႉ​ၵႂႃႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​လႆႈ​ၶၢင်း​ၶီ​ၶၢင်း​ၽၢၼ်​သေ​လႄႈ ယူႇ​ၵူႈ​ပီႊ​တီႈ​ၶႃႈ​ဢေႃႈ။ ႁႅင်း​ၶႃႈ​ၸဝ်ႈ​ဢူၼ်ႈ​ၵႂႃႇ ၵွပ်ႈ​ပိူဝ်ႈ​ဢပႅတ်ႈ​ၶႃႈ​ၸဝ်ႈ​ၼၼ်ႉ​လႄႈ၊ လုပ်ႇ​ၶႃႈ​ၸဝ်ႈ​တင်း​လၢႆ​ၽင်ႉ​ဢူႉ​ၵႂႃႇ​တီႈ​ၶႃႈ​ဢေႃႈ။-</verse>
				<verse number="11">ၵွပ်ႈ​ပိူဝ်ႈ​ရၢၼ်ႇ​သူႇ​ၶႃႈ​ၸဝ်ႈ​တင်း​သဵင်ႈ​တင်း​လူင်​ၼၼ်ႉ​လႄႈ ၶႃႈ​ၸဝ်ႈ​ပဵၼ်​တီႈ​ဢၼ်​သႄႉ​ဢၼ်​သွမ်း​ၼႃႇ​လူင်​လၢင် တီႈ​ၵူၼ်း​ႁိူၼ်း​ၸမ်​ၵၼ် ဢိၵ်ႇ​တင်း​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ တီႈ​ၶဝ်​ၸိူဝ်း​ဢၼ်​မိုတ်ႈ​ၵိုဝ်း​ၵၼ် တင်း​ၶႃႈ​ၸဝ်ႈ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ ၶဝ်​ၸိူဝ်း​ဢၼ်​ထူပ်း​ႁၼ်​ၶႃႈ​ၸဝ်ႈ ၵႃႈ​တီႈ​ၼွၵ်ႈ​ႁိူၼ်း​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ပၢႆႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="12">ၶဝ်​လူင်​လိုမ်း​ၶႃႈ​ၸဝ်ႈ​ပႅတ်ႈ​မိူၼ်​ၸိူဝ်ႉ​ၼင်ႇ​တူဝ်​တၢႆ ဢၼ်​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼၼ်ႉ​လႄႈ၊ ၶႃႈ​ၸဝ်ႈ​လႆႈ​ပဵၼ်​ၸိူဝ်ႉ​ၼင်ႇ​ၽၢၵ်ႇ​မေႃႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="13">ၶႃႈ​ၸဝ်ႈ​လႆႈ​ငိၼ်း​တၢင်း​ဢၼ် ၵူၼ်း​ၼမ်​ၼႃႇ ၶၢႆ​ၸိုဝ်ႈ​ၶႃႉ​သဵင်​ၼၼ်ႉ​လႄႈ၊ လွင်ႈ​တၢင်း​ဢၼ်​လီ​ၵူဝ်​လီ​ႁႄ​ၼၼ်ႉ မီး​ယူႇ​ၵူႈ​ၽၢႆႇ​ၵူႈ​ပႃႈ​တီႈ​ၶႃႈ​ဢေႃႈ။ ၼႂ်း​မိူဝ်ႈ​ဢၼ်​ၶဝ် ဢွၼ်​ၵၼ်​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​သေ​လႄႈ တိူင်ႇ​ပၢင်ႇ​လၢတ်ႈ​ၸႃ​ၵၼ်​ယူႇ​ၼၼ်ႉ​ၸိုင်၊ ၶဝ်​ၵျၢမ်ႇ​ပွင်​ႁႂ်ႈ​လႆႈ​ဢဝ်​ဢသၢၵ်ႈ​ၶႃႈ​ၸဝ်ႈ​တၢႆ​တီႈ​ၶႃႈ​ဢေႃႈ။-</verse>
				<verse number="14">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ဢိင်​ပိုင်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="15">ၶိင်ႇ​ၵႃႇလႃႉ​ၶႃႈ​ၸဝ်ႈ​မီး​ယူႇ​ၵႃႈ​ၼႂ်း​မိုဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႅၼ်း​တေႃႈ​ၵႄႇ​ၼုၵ်ႈ​ဢဝ်​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶႃႈ​ၸဝ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ၶႃႈ​ၸဝ်ႈ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="16">ႁႂ်ႈ​ၼႃႈ​ၸဝ်ႈ​ႁဝ်း​ၼၼ်ႉ လႅင်း​ထွင်ႇ​သႂ်ႇ​ၵႃႈ​တီႈ​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၸွမ်း​လူၺ်ႈ​ၵရူႉၼႃႇ​ၸဝ်ႈ​ႁဝ်း​သေ​လႄႈ ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="17">ထႃႇဝရႃႉ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ႁဵတ်း​သူး​တွင်း​ပထၼႃႇ​တီႈ​ၸဝ်ႈ​ႁဝ်း​ယူႇ​လႄႈ၊ ယႃႇ​ပေ​ႁႂ်ႈ​ၶႃႈ​ၸဝ်ႈ​မီး​တၢင်း​ဢၼ်​ဢူၵ်း​ဢၼ်​ဢၢႆ​သေ​ၵမ်း​တီႈ​ၶႃႈ။ ႁႂ်ႈ​ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ မီး​တၢင်း​ဢၼ်​ဢူၵ်း​ဢၼ်​ဢၢႆ​လႄႈ တဵတ်ႇ​ယဵၼ်​ယူႇ​ၵႃႈ​ၼႂ်း​မိူင်း​မရၼႃႉ​ပုၼ်ႉ​သေ​ၵမ်း​တီႈ​ၶႃႈ။-</verse>
				<verse number="18">ႁႂ်ႈ​သူပ်း​ဢၼ်​သုင်း​သွင်ႇ​မူႉ​သႃႇ​လႄႈ ယူႇ​ၽၢႆႇ​ၼိုင်ႈ​တင်း​ၵူၼ်း​သိုဝ်ႈ​တေႃႇ​သေ​လႄႈ လၢတ်ႈ​ၵႂၢမ်း​ဢၼ်​ဢမ်ႇ​ၼပ်ႉ​ဢမ်ႇ​ၶၢၼ်း ဢိၵ်ႇ​တင်း​တၢင်း​ဢၼ်​မႃႇၼႃႉ​ၸႂ်​သုင် တင်း​တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ၼၼ်ႉ​ၸိူဝ်း​ၼၼ်ႉ လႆႈ​ယူႇ​တဵတ်ႇ​တဵတ်ႇ​ယဵၼ်​ယဵၼ်​သေ​ၵမ်း​တီႈ​ၶႃႈ။</verse>
				<verse number="19">ၵျေး​ၸူး​ဢၼ်​ၸဝ်ႈ​ႁဝ်း​ဢဝ်​သိမ်း​ဝႆႉ ပုၼ်ႈ​ၶဝ်​ၸိူဝ်း​ဢၼ်​ၵူဝ်​ယမ်​ၸဝ်ႈ​ႁဝ်း၊ ဢၼ်​ၸဝ်ႈ​ႁဝ်း​မႄး​ႁဵတ်း ပုၼ်ႈ​ၶဝ်​ၸိူဝ်း​ဢၼ်​ဢိင်​ပိုင်ႈ​ၸဝ်ႈ​ႁဝ်း ၵႃႈ​တီႈ​ၽၢႆႇ​ၼႃႈ​လုၵ်ႈ​ၵူၼ်း​တင်း​လၢႆ​ၼၼ်ႉ ယႂ်ႇ​ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="20">ၸဝ်ႈ​ႁဝ်း​ဢဝ်​ၶဝ်​သိူင်ႇ​လပ်ႉ​ဝႆႉ ၵႃႈ​ၼႂ်း​တီႈ​ဢၼ်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၼၼ်ႉ ႁႂ်ႈ​ၶဝ်​လႆႈ​ၵၢင်း​လွတ်ႈ​တင်း​ပရီႉယႄႇ​ၵူၼ်း​တင်း​လၢႆ​ၼၼ်ႉ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ပႂ်ႉ​လူ​ပႂ်ႉ​တူၺ်း​ၶဝ်​ယူႇ ၵႃႈ​ၼႂ်း​မူဝ်းၵႃႇ​ၸဝ်ႈ​ႁဝ်း​သေ​လႄႈ ႁႄႉ​ၵင်ႈ​ႁႄႉ​လပ်ႉ​သဵင်​သူပ်း ဢၼ်​ၽိတ်း​ၵၼ်​ၽႅတ်ႇ​ၵၼ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="21">ႁႂ်ႈ​ထႃႇဝရႃႉ​ၽြႃး မီး​မင်ႇၵလႃႇ​သေ​ၵမ်း​လူၺ်ႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ၼႄ​ပျႃး​မႅတ်ႈ​တႃႇ​ၵရူႉၼႃႇ​ၸဝ်ႈ ဢၼ်​လီ​ဢၢမ်း​ၼၼ်ႉ​တီႈ​ၶႃႈ​ၸဝ်ႈ ၵႃႈ​ၼႂ်း​ဝဵင်း​ဢၼ်​မၼ်ႈ​ၶိူင်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="22">ပိၵ်ႉ​သမ်ႉ​ၶႃႈ​ၸဝ်ႈ​သၼ်ႇ​သၼ်ႇ​သၢႆ​သၢႆ​ယူႇ​သေ​လႄႈ လၢတ်ႈ​လႄႈ​ဝႃႈ၊ ၵဝ်​ၼႆႉ​လႆႈ​ၶၢမ်ႇ​တၢင်း​ဢၼ် ဢဝ်​ပႄႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​မၢၵ်ႇ​တႃ​ၸဝ်ႈ​ႁဝ်း​ယဝ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊ မိူဝ်ႈ​ဢၼ်​ၶႃႈ​ၸဝ်ႈ​ႁွင်ႉ​သႅၼ်ႇ​ၸူး​တီႈ​ၸဝ်ႈ​ႁဝ်း​ၼၼ်ႉ​ၸိုင်၊ ၸဝ်ႈ​ႁဝ်း​ထွမ်ႇ​ဢဝ်​သဵင်​ၵႂၢမ်း ဢၼ်​ၶႃႈ​ၸဝ်ႈ​ႁဵတ်း​သူး​တွင်း​ပထၼႃႇ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="23">ၵူၼ်း​ဢၼ်​ထႃႇဝရႃႉ​ၽြႃး​ႁၵ်ႉ​ပႅင်း​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ႁၵ်ႉ​ထႃႇဝရႃႉ​ၽြႃး​တႃႉ။ ထႃႇဝရႃႉ​ၽြႃး ပႂ်ႉ​လူ​ပႂ်ႉ​တူၺ်း ၶဝ်​ၸိူဝ်း​ဢၼ်​မီး​သဵတ်ႈ​ၸႃႇ​ၼၼ်ႉ​လႄႈ တွပ်ႇ​တႅၼ်း​ပၼ်​ဢပႅတ်ႈ​ၼမ်​ၼႃႇ တီႈ​ၶဝ်​ၸိူဝ်း​ဢၼ်​မႃႇၼႃႉ​ၸႂ်​သုင်​ၼၼ်ႉ​ဢေႃႈ။-</verse>
				<verse number="24">ၵူၼ်း​ဢၼ်​ဢိင်​ပိုင်ႈ​ထႃႇဝရႃႉ​ၽြႃး တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ဢဝ်​ႁႅင်း​လႄႈ မီး​ႁူဝ်​ၸႂ်​ဢၼ်​ႁတ်း​ဢၼ်​ႁၢၼ်​တႃႉ။</verse>
			</chapter>
			<chapter number="32">
				<verse number="1">ၵေႃႉ​ဢၼ်​ႁွတ်ႈ​ထိုင်​တၢင်း​ဢၼ်​ၵၢင်း​လွတ်ႈ​သေ​ၵႃႈ​ၼႂ်း​ဢပႅတ်ႈ ဢိၵ်ႇ​တင်း တၢင်း​ဢၼ်​သုမ်ႇ​ႁူမ်ႇ​တူႉ​ၸရိူၵ်ႈ​ဢပႅတ်ႈ​ဝႆႉ​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="2">ၵေႃႉ​ဢၼ်​ၵၢင်း​လွတ်ႈ​တင်း​တၢင်း​ဢၼ် ထႃႇဝရႃႉ​ၽြႃး​တၢင်ႇ​ဢပႅတ်ႈ​လႄႈ ဢမ်ႇ​မီး​ၸႂ်​သၽေႃး​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ မီး​မင်ႇၵလႃႇ​ဢေႃႈ။</verse>
				<verse number="3">ၼႂ်း​မိူဝ်ႈ​ဢၼ်​ၵဝ်​ဢမ်ႇ​တၵ်း​သဵင် လူၺ်ႈ​လွင်ႈ​ဢပႅတ်ႈ​ၶဝ်​လႄႈ​ယူႇ​ၼၼ်ႉ​ၸိုင်၊ လုပ်ႇ​ၵဝ်​တင်း​လၢႆ ႁွတ်ႈ​ထိုင်​တၢင်း​ဢၼ်​ၽင်ႉ​ဢူႉ​ၵႂႃႇ ၵွပ်ႈ​ပိူဝ်ႈ​တၢင်း​ဢၼ်​ၵဝ်​ၶၢင်း​ၶီ​ၶၢင်း​ၽၢၼ်​ယူႇ ၵူႈ​မိုဝ်ႉ​ၵူႈ​ဝၼ်း​ၼၼ်ႉ​ဢေႃႈ။-</verse>
				<verse number="4">မိုဝ်း​ၸဝ်ႈ​ႁဝ်း​ၼၵ်း​ယူႇ​ၵႃႈ​ၼိူဝ်​ၶႃႈ​ၸဝ်ႈ ၵူႈ​ဝၼ်း​ၵူႈ​ၶိုၼ်း​တႃႇ​သေႇ​ဢမ်ႇ​ထၢတ်ႇ​လႄႈ၊ ၼမ်ႉ​ႁိူဝ်ႇ​ၶႃႈ​ၸဝ်ႈ​ၶၢႆႉ​ပုတ်ႈ​ၵႂႃႇ​ပဵၼ်​မိူၼ်​ၸိူဝ်ႉ​ၼင်ႇ​ဢၼ်​ႁႅင်ႈ​ဢၼ်​ႁွင်​ၼႂ်း​မိူဝ်ႈ​ၶိင်ႇ​မႆႈ​ၶိင်ႇ​ႁွၼ်ႉ​ၼၼ်ႉ​တီႈ​ၶႃႈ​ဢေႃႈ။ ၸေႇလႃႇ။-</verse>
				<verse number="5">ၶႃႈ​ၸဝ်ႈ​ဢဝ်​ဢပႅတ်ႈ​ၶႃႈ​ၸဝ်ႈ​ၶျႃး​ဝႆႉ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​လႄႈ ၶႃႈ​ၸဝ်ႈ​ဢမ်ႇ​သိူင်ႇ​ဢမ်ႇ​မႅပ်ႉ​တူႉ​ၸရိူၵ်ႈ​ဢပႅတ်ႈ​ၶႃႈ​ၸဝ်ႈ​ဝႆႉ​တီႈ​ၶႃႈ။ ၶႃႈ​ၸဝ်ႈ​လၢတ်ႈ​လႄႈ​ဝႃႈ၊ ၵဝ်​တၵ်း​ၽုၺ်ႇ​ဢွၵ်ႇ​ၼႄ​ပျႃး​တွင်း​ပၢၼ်ႇ လွင်ႈ​တၢင်း​ဢၼ်​ၵဝ်​ပူၼ်ႉ​လိူဝ်​ၼၼ်ႉ တီႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​လႄႈ၊ ၸဝ်ႈ​ႁဝ်း​ပွႆႇ​လွတ်ႈ​ဢပႅတ်ႈ တၢင်း​ဢၼ်​ၶႃႈ​ၸဝ်ႈ​ၽိတ်း​ပိူင်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ ႁႂ်ႈ​ၶဝ်​ၸိူဝ်း​ဢၼ် ႁၵ်ႉ​ပႅင်း​ၸဝ်ႈ​ႁဝ်း​တင်း​သဵင်ႈ​တင်း​လူင် လဝ်ႊ​ယွၼ်း​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း ၼႂ်း​ၶိင်ႇ​မိူဝ်ႈ​ဢၼ်​ထုၵ်ႇ​လီ​ထူပ်း​ၸဝ်ႈ​ႁဝ်း​ၼၼ်ႉ​သေ​ၵမ်း​ၶႃႈ။ ၼႂ်း​မိူဝ်ႈ​ဢၼ် ၼမ်ႉ​ယႂ်ႇ​ၼမ်ႉ​လူင်​ထူမ်ႈ​ႁူဝ်​ၼၼ်ႉ၊ တၵ်း​ဢမ်ႇ​လႆႈ​ၵၢႆ​မႃး​ၵႃႈ​တီႈ​ႁိမ်း​မၼ်း​ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။-</verse>
				<verse number="7">ၸဝ်ႈ​ႁဝ်း​ပဵၼ်​တီႈ​ဢၼ်​တဵတ်ႇ​ဢၼ်​လပ်ႉ​ၶႃႈ​ၸဝ်ႈ​လႄႈ ႁႄႉ​ၵင်ႈ​ၸွႆႈ​ထႅမ်​ယူႇ ႁႂ်ႈ​ၶႃႈ​ၸဝ်ႈ​လႆႈ​ၵၢင်း​လွတ်ႈ​တင်း​ၽေး​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢဝ်​တင်း​တၢင်း​ဢၼ်​ႁဵတ်း​ၵႂၢမ်း​လူၺ်ႈ​လွင်ႈ​ဢၼ်​ၵႄႇ​သႄႇ​ၼုၵ်ႈ​ဢဝ်​ၼၼ်ႉ လွမ်ႉ​ႁွပ်ႈ​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။</verse>
				<verse number="8">ၵဝ်​တၵ်း​သင်ႇ​သွၼ်​မႂ်း​လႄႈ ၼႄ​ပျႃး​သဵၼ်ႈ​တၢင်း​ဢၼ်​မႂ်း​တၵ်း​လႆႈ​ၵႂႃႇ​ၼၼ်ႉ​တီႈ​မႂ်း​ဢေႃႈ။ ၵဝ်​တၵ်း​ဢဝ်​တင်း​မၢၵ်ႇ​တႃ​ၵဝ် လူ​တူၺ်း​လုမ်း​လႃး​မႂ်း​ဢေႃႈ။-</verse>
				<verse number="9">ယႃႇ​ပေ​ပဵၼ်​ၸိူဝ်ႉ​ၼင်ႇ မႃႉ​တင်း​လေႃႈ​လႃး ဢၼ်​ဢမ်ႇ​မီး​ၺၢၼ်ႇ​ပိင်ႇ​ၺႃႇ​ၼၼ်ႉ။ ၶဝ်​ၼၼ်ႉ မိူဝ်ႈ​ဢၼ်​ဢမ်ႇ​မႃး​ၸူး​တီႈ​မႂ်း​လႄႈ၊ တၢင်း​ဢၼ်​ႁၢင်ႈ​ၶိူင်ႈ​ၶဝ်​လႆႈ​ပဵၼ်​ၵၵ်ႉ​ဢၼ်​သႂ်ႇ​တီႈ​သူပ်း ဢိၵ်ႇ​တင်း​သၢႆ​ၵၵ်ႉ ပုၼ်ႈ​ဢၼ်​တၵ်း​တိုတ်ႉ​ၸၼ်​ၼၼ်ႉ​ဢေႃႈ။</verse>
				<verse number="10">ၵေႃႉ​ဢၼ်​ဢမ်ႇ​တြႃး​ၼၼ်ႉ လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼမ်​ၼႃႇ​လႄႈ၊ ၵေႃႉ​ဢၼ်​ဢိင်​ပိုင်ႈ​ထႃႇဝရႃႉ​ၽြႃး​ၼၼ်ႉ​ၸမ်ႉ၊ ၵရူႉၼႃႇ​ၸၢင်ႈ​လွမ်ႉ​ႁွပ်ႈ​မၼ်း​ဝႆႉ​ယူႇ​ဢေႃႈ။-</verse>
				<verse number="11">ၵူၼ်း​ဢၼ်​သိုဝ်ႈ​တေႃႇ​ၶဝ်​ဢိူၺ်း၊ ဢွၼ်​ၵၼ်​ၸူမ်း​သိူဝ်း​မူၼ်ႈ​ပျေႃႇ​တီႈ ထႃႇဝရႃႉ​ၽြႃး​တႃႉ။ ၵူၼ်း​ဢၼ်​ၸႂ်​သၽေႃး​သိုဝ်ႈ​ယူဝ်း​ၶဝ်​ဢိူၺ်း၊ ဢွၼ်​ၵၼ်​ႁဵတ်း​ၵႂၢမ်း​ဢၼ်​သႂၢင်ႇ​သိူဝ်း​တႃႉ။</verse>
			</chapter>
			<chapter number="33">
				<verse number="1">ၵူၼ်း​ဢၼ်​သိုဝ်ႈ​တေႃႇ​ၶဝ်​ဢိူၺ်း၊ ဢိင်​ပိုင်ႈ​ထႃႇဝရႃႉ​ၽြႃး​သေ​လႄႈ ႁဵတ်း​ၵႂၢမ်း​ဢၼ်​သႂၢင်ႇ​ဢၼ်​သိူဝ်း​ၼၼ်ႉ​တႃႉ။ တၢင်း​ဢၼ်​ႁဵတ်း​ထေႃးပၼႃႇ​ၼၼ်ႉ ထိူၵ်ႈ​တၢၼ်ႇ​ၵၼ်​တင်း​ၶဝ်​ၸိူဝ်း​ဢၼ် သၽေႃး​သိုဝ်ႈ​ယူဝ်း​ၼၼ်ႉ​ဢေႃႈ။-</verse>
				<verse number="2">ဢွၼ်​ၵၼ်​လဵတ်း​တိင်ႇ​သေ​လႄႈ ယွင်ႈ​ယေႃး​ထႃႇဝရႃႉ​ၽြႃး​တႃႉ။ ဢွၼ်​ၵၼ်​ဢဝ်​တင်း​တူႇရီႉယႃႇ​ဢၼ်​မီး​ၸိူၵ်ႈ​သိပ်း​သဵၼ်ႈ​ၼၼ်ႉ​သေ​လႄႈ ႁဵတ်း​ၵႂၢမ်း​ထေႃးပၼႃႇ​တႃႉ။-</verse>
				<verse number="3">ဢွၼ်​ၵၼ်​ႁဵတ်း​ၵႂၢမ်း​ဢၼ်​မႂ်ႇ​တီႈ​မၼ်း​ၸဝ်ႈ​တႃႉ။ ဢွၼ်​ၵၼ်​မီး​တၢင်း​ဢၼ်​ၸူမ်း​သိူဝ်း​သေ​လႄႈ လဵတ်း​တိင်ႇ​လီ​လီ​ငၢမ်း​ငၢမ်း​တႃႉ။-</verse>
				<verse number="4">လွင်ႈ​မၼ်း​ၸမ်ႉ ၼုၵ်ႈၵပၢတ်ႈ​ထႃႇဝရႃႉ​ၽြႃး သိုဝ်ႈ​ယူဝ်း​လႄႈ လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​သၢင်ႈ​ႁဵတ်း ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၵေႃႈ၊ မႅၼ်ႈ​တင်း​သဵတ်ႈ​ၸႃႇ​တြႃး​ဢေႃႈ။-</verse>
				<verse number="5">မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ် တၢင်း​ၵမ်​တၢင်း​ၵျၢင်ႉ​ဢၼ်​သိုဝ်ႈ​တေႃႇ ဢိၵ်ႇ​တင်း​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​လႄႈ၊ ပထဝီႇ​လိၼ်​မိူင်း​ၼႆႉ တဵမ်​ဝႆႉ​တင်း​ၵျေး​ၸူး​ၵရူႉၼႃႇ​ထႃႇဝရႃႉ​ၽြႃး​ဢေႃႈ။</verse>
				<verse number="6">ၽႃႉ​ၵၢင်​ႁၢဝ်​လႆႈ​ၶၢမ်ႇ​တၢင်း​ဢၼ်​ႁဵတ်း​ပဵၼ် လူၺ်ႈ​ၼုၵ်ႈၵပၢတ်ႈ​ထႃႇဝရႃႉ​ၽြႃး​လႄႈ၊ ၶိူင်ႈ​ပိူင်​ၽႃႉ​ၵၢင်​ႁၢဝ်​တင်း​လၢႆ လႆႈ​ၶၢမ်ႇ​တၢင်း​ဢၼ်​ႁဵတ်း​ပဵၼ် လူၺ်ႈ​ဢၢႆ​သူပ်း​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="7">မၼ်း​ၸဝ်ႈ​ႁႂ်ႈ​ၼမ်ႉ​သမ်ႇ​မုၵ်ႉ​တြႃႇ ၸူႉ​ၵၼ်​တုမ်​ၵၼ်​ပဵၼ်​ပုမ်ႇ​ပဵၼ်​ၵွင်​ဝႆႉ​လႄႈ၊ မၼ်း​ၸဝ်ႈ​ဢဝ်​တီႈ​ဢၼ်​လိုၵ်ႉ​ဢၼ်​လမ်ႇ​ၸိူဝ်း​ၼၼ်ႉ သိမ်း​ဝႆႉ​ၵႃႈ​ၼႂ်း​ယွင်​ၼႂ်း​ယေး​ဢေႃႈ။-</verse>
				<verse number="8">ႁႂ်ႈ​ၵႃႈ​ၼိူဝ်​ၽႅၼ်ႇ​လိၼ်​မိူင်း​တင်း​သဵင်ႈ​တင်း​လူင် ဢွၼ်​ၵၼ်​ၵူဝ်​ႁႄ​ထႃႇဝရႃႉ​ၽြႃး​တႃႉ။ ႁႂ်ႈ​ၵႃႈ​ဢၼ်​ယူႇ​ၵႃႈ​ၼႂ်း​မိူင်း​လေႃးၵီႇ​တင်း​သဵင်ႈ​တင်း​လူင် ဢွၼ်​ၵၼ်​မီး​တၢင်း​ဢၼ်​ရူဝ်ႇ​သေႇ​ၵူဝ်​ယမ်​တႃႉ။-</verse>
				<verse number="9">လွင်ႈ​မၼ်း​ၸမ်ႉ မၼ်း​ၸဝ်ႈ​ဢွၵ်ႇ​သူပ်း​ဝႃႈ​လႄႈ​ပဵၼ်​မႃး​ဢေႃႈ။ မၼ်း​ၸဝ်ႈ​မီး​ဢမိင်ႉ​လႄႈ​တႄႇ​ယူႇ​ဢေႃႈ။</verse>
				<verse number="10">ထႃႇဝရႃႉ​ၽြႃး​ပႄႇ​ပႅတ်ႈ​တၢင်း​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တိူင်ႇ​ပၢင်ႇ​လၢတ်ႈ​ၸႃ​ၵၼ်​ၼၼ်ႉ​လႄႈ မၼ်း​ၸဝ်ႈ​ယႃႉ​ပႅတ်ႈ​တၢင်း​ဢၼ် ၵူၼ်း​တင်း​လၢႆ​ၵျၢမ်ႇ​ပွင်​ၼၼ်ႉ​ဢေႃႈ။-</verse>
				<verse number="11">တၢင်း​ဢၼ်​ထႃႇဝရႃႉ​ၽြႃး​တႅပ်း​တတ်း​ဝႆႉ​ၼၼ်ႉ တႄႇ​ယူႇ​ၵႃႇလႃႉ​ဢၼၼ်ႇတႃႉ​လႄႈ တၢင်း​ဢၼ်​မၼ်း​ၸဝ်ႈ ၵျၢမ်ႇ​ပွင်​ၵႃႈ​ၼႂ်း​ႁူဝ်​ၸႂ်​မၼ်း​ၸဝ်ႈ​ၸိူဝ်း​ၼၼ်ႉ မီး​ယူႇ​တေႃႇ​ထိုင်​ႁွတ်ႈ​ၸူဝ်ႈ​လုၵ်ႈ​ပၢၼ်​လၢၼ် သိုပ်ႇ​သိုပ်ႇ​တၢမ်း​တၢမ်း​ဢေႃႈ။-</verse>
				<verse number="12">ၵူၼ်း​မဵဝ်း​ဢၼ် ၽြႃး​ပဵၼ်​ၸဝ်ႈ​မၼ်း ပဵၼ်​ထႃႇဝရႃႉ​ၽြႃး ၵူၼ်း​တင်း​လၢႆ ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ် ပုၼ်ႈ​ဢၼ်​တၵ်း​ပဵၼ်​ဢုၵ်ႉ​ၸႃႇ​ဢမူၺ်ႇ​မၼ်း​ၸဝ်ႈ​ၼၼ်ႉ မီး​မင်ႇၵလႃႇ​ဢေႃႈ။</verse>
				<verse number="13">ထႃႇဝရႃႉ​ၽြႃး ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​လူ​တူၺ်း​လႄႈ ႁၼ်​လုၵ်ႈ​ၵူၼ်း​တင်း​သဵင်ႈ​တင်း​လူင်​ယူႇ​ဢေႃႈ။-</verse>
				<verse number="14">မၼ်း​ၸဝ်ႈ​ယူႇ​ၵႃႈ​တီႈ​ဢၼ် မၼ်း​ၸဝ်ႈ​ၵိင်း​ဝၢပ်ႈ​ယူႇ​ၼၼ်ႉ​သေ​လႄႈ တူၺ်း​ႁၼ်​ၶဝ်​ၸိူဝ်း​ဢၼ်​ယူႇ​ၵႃႈ​ၼိူဝ်​လိၼ်​မိူင်း​ၼႆႉ​တင်း​သဵင်ႈ​တင်း​လူင်​ဢေႃႈ။-</verse>
				<verse number="15">မၼ်း​ၸဝ်ႈ​ႁဵတ်း​ပဵၼ်​ႁူဝ်​ၸႂ်​ၶဝ်​ၵႃႈ​မီး​လႄႈ ၶႆႈ​ၸႂ်​တူၺ်း​တၢင်း​ၵမ်​တၢင်း​ၵျၢင်ႉ​ၶဝ်​တင်း​သဵင်ႈ​တင်း​လူင်​ဢေႃႈ။-</verse>
				<verse number="16">ၶုၼ်​ႁေႃ​ၶမ်း​ပႃး​လႂ်​သေ​ဢမ်ႇ​ဝႃႈ၊ ဢမ်ႇ​လႆႈ​ၵတ်း​ယဵၼ်​ၶျၢမ်း​သႃႇ ၵွပ်ႈ​ပိူဝ်ႈ​မူႇ​ၵူၼ်း​ၽုင်​ၵူၼ်း​ဢၼ်​ၼမ်​ၼႃႇ​ၼၼ်ႉ။ ပူဝ်ႇ​သိုၵ်း​ၵေႃႈ ဢမ်ႇ​ႁွတ်ႈ​ထိုင်​တၢင်း​ဢၼ်​ၵႄႇ​သႄႇ​လွတ်ႈ​ဢွၵ်ႇ ၵွပ်ႈ​ပိူဝ်ႈ​ဢၼ်​ႁႅင်း​ယႂ်ႇ​ၼႃႇ​ၼၼ်ႉ။-</verse>
				<verse number="17">မႃႉ​ၵေႃႈ​ဢမ်ႇ​ပွင်ႇ​လွင်ႈ​ၵႃႈ​သင် လူၺ်ႈ​လွင်ႈ​ဢၼ်​တၵ်း​ၵၢင်း​လွတ်ႈ​ၽေး​ၼၼ်ႉ​လႄႈ ဢမ်ႇ​ၵႄႇ​သႄႇ​ၶျွတ်ႈ​ဢဝ်​လႆႈ ၵွပ်ႈ​ပိူဝ်ႈ​ႁႅင်း​မၼ်း​ဢၼ်​ယႂ်ႇ​ၼႃႇ​ၼၼ်ႉ။</verse>
				<verse number="18">မၢၵ်ႇ​တႃ​ထႃႇဝရႃႉ​ၽြႃး လူ​တူၺ်း​ၶဝ်​ၸိူဝ်း​ဢၼ်​ၵူဝ်​ႁႄ​မၼ်း​ၸဝ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​သွၼ်ႈ​ပိုင်ႈ​ၵျေး​ၸူး​ၵရူႉၼႃႇ​မၼ်း​ၸဝ်ႈ​ၸိူဝ်း​ၼၼ်ႉ​ယူႇ၊-</verse>
				<verse number="19">ႁႂ်ႈ​ၶဝ်​လႆႈ​ၵၢင်း​လွတ်ႈ​တင်း​ၽေး​တၢင်း​တၢႆ ဢိၵ်ႇ​တင်း​ႁႂ်ႈ​ၶဝ်​လႆႈ​ဢသၢၵ်ႈ​လိပ်း​ယူႇ ၼႂ်း​ၶိင်ႇ​မိူဝ်ႈ​ဢၼ် တၢင်း​ၵိၼ်​တၢင်း​ၶူပ်း​ၵႃႈ​ပႅင်း​ၼၼ်ႉ​ဢေႃႈ။-</verse>
				<verse number="20">ဝီႉၺိၺ်ႇ​ႁဝ်း​မုင်ႈ​ထႃႈ​မွင်း​ထႃႈ​ထႃႇဝရႃႉ​ၽြႃး​လႄႈ၊ မၼ်း​ၸဝ်ႈ​ပဵၼ်​ၸဝ်ႈ​ဢၼ် ၸွႆႈ​ထႅမ်​မႃႉ​ၸႃႉ​ႁဝ်း၊ ၶိူင်ႈ​ႁႄႉ​လၢၵ်ႈ​ၼၢၵ်ႈ​ႁဝ်း​ဢေႃႈ။-</verse>
				<verse number="21">ၵွပ်ႈ​ပိူဝ်ႈ​ဢၼ်​ႁဝ်း ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ဢၼ်​မူတ်း​ၸၢင်ႇ​ၼၼ်ႉ​လႄႈ၊ ႁူဝ်​ၸႂ်​ႁဝ်း​မီး​တၢင်း​ဢၼ်​ၸူမ်း​သိူဝ်း တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="22">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၵျေး​ၸူး​ၵရူႉၼႃႇ​ၸဝ်ႈ​ႁဝ်း ႁွတ်ႈ​ထိုင်​ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ်​ၸွမ်း​ၵႃႈ​ၼင်ႇ​ဢၼ်​ၶႃႈ​ၸဝ်ႈ​ႁဝ်း​ၶဝ် ဢႃး​ၵူဝ်း​ၸဝ်ႈ​ႁဝ်း​ယူႇ​ၼၼ်ႉ​သေ​ၵမ်း​တီႈ​ၶႃႈ။</verse>
			</chapter>
			<chapter number="34">
				<verse number="1">ၵဝ်​တၵ်း​ယွင်ႈ​ယေႃး ပၼ်​တၢင်း​လီ​တီႈ​ထႃႇဝရႃႉ​ၽြႃး ၵူႈ​ၶိင်ႇ​ၵူႈ​ၶႃႇ​လႄႈ၊ တၢင်း​ဢၼ်​မွၵ်ႇ​လၢတ်ႈ​လွင်ႈ​မုၼ်​ၵျေး​ၸူး​မၼ်း​ၸဝ်ႈ​ၼၼ်ႉ တၵ်း​မီး​ယူႇ​တီႈ​သူပ်း​ၵဝ်​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="2">ဝီႉၺိၺ်ႇ​ၵဝ်​တၵ်း​ဢိင်​ပိုင်ႈ​ထႃႇဝရႃႉ​ၽြႃး​သေ​လႄႈ ႁဵတ်း​တၢင်း​ဢၼ်​ဢုပ်ႇ​ဝၢဝ်း​လႄႈ၊ ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​တၵ်း​ႁူႉ​ငိၼ်း​လႄႈ​ၸူမ်း​သိူဝ်း​ဢေႃႈ။-</verse>
				<verse number="3">ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး လူၺ်ႈ​ၵၼ်​တင်း​ၵဝ်​တႃႉ။ ၽွမ်ႉ​ၵၼ်​ယုၵ်ႉ​ယွင်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႃႉ​ႁဝ်း။</verse>
				<verse number="4">ၵဝ်​ႁႃ​ထႃႇဝရႃႉ​ၽြႃး​လႄႈ၊ မၼ်း​ၸဝ်ႈ​ဢိူဝ်​ၵဝ်​လႄႈ၊ မၼ်း​ၸဝ်ႈ​ၵႄႇ​သႄႇ​ၼုၵ်ႈ​ဢဝ် ဢွၵ်ႇ​သေ​ၵႃႈ​ၼႂ်း​လွင်ႈ​တၢင်း​ဢၼ် ၵဝ်​လီ​ၵူဝ်​လီ​ႁႄ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="5">ၶဝ်​မုင်ႈ​ထႃႈ​မွင်း​ထႃႈ​မၼ်း​ၸဝ်ႈ​ယူႇ​လႄႈ လႆႈ​ဢၼ်​လႅင်း​ဢေႃႈ။ ၼႃႈ​ၶဝ်​ၵၢင်း​လွတ်ႈ​တင်း​တၢင်း​ဢၼ်​ဢူၵ်း​ဢၼ်​ဢၢႆ​ဢေႃႈ။-</verse>
				<verse number="6">ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ႁွင်ႉ​သႅၼ်ႇ​လႄႈ၊ ထႃႇဝရႃႉ​ၽြႃး​ထွမ်ႇ​ဢဝ်​မၼ်း​သေ​လႄႈ ၵႄႇ​သႄႇ​ၶျွတ်ႈ​ဢဝ်​မၼ်း​သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​မၼ်း ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="7">တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ၸၢင်ႈ​ၶျႃး​တပ်ႉ​လဵပ်ႈ​ႁွပ်ႈ​ႁိမ်း​ႁွမ်း ၶဝ်​ၸိူဝ်း​ဢၼ်​ၵူဝ်​ႁႄ​မၼ်း​ၸဝ်ႈ​ၼၼ်ႉ​သေ​လႄႈ ၵႄႇ​သႄႇ​ပွႆႇ​ၶဝ်​လွတ်ႈ​ဢေႃႈ။-</verse>
				<verse number="8">ဢွၼ်​ၵၼ်​ၸိမ်း​တူၺ်း​လႄႈ ႁူႉ​လွင်ႈ​ဢၼ် ထႃႇဝရႃႉ​ၽြႃး​လီ​မျၢတ်ႈ​ၼႃႇ​ၼၼ်ႉ​တႃႉ။ ၵေႃႉ​ဢၼ်​သွၼ်ႈ​ပိုင်ႈ​မၼ်း​ၸဝ်ႈ​ၼၼ်ႉ​မီး​မင်ႇၵလႃႇ​ဢေႃႈ။-</verse>
				<verse number="9">ၵူၼ်း​ဢၼ်​မူတ်း​ၸၢင်ႇ​ထႃႇဝရႃႉ​ၽြႃး​ၶဝ်​ဢိူၺ်း၊ ဢွၼ်​ၵၼ်​ၵူဝ်​ႁႄ​ထႃႇဝရႃႉ​ၽြႃး​တႃႉ။ တီႈ​ၶဝ်​ၸိူဝ်း​ဢၼ်​ၵူဝ်​ႁႄ​မၼ်း​ၸဝ်ႈ​ၼၼ်ႉ ဢမ်ႇ​မီး​တၢင်း​ဢၼ်​လူဝ်ႇ​ထႅင်ႈ​သေ​ၸိူဝ်ႉ​သေ​ပိူင်။-</verse>
				<verse number="10">သၢင်ႇ​သီႈ​ၼုမ်ႇ​တင်း​လၢႆ ၽၢၼ်​ၵိၼ်း​ၸုတ်ႈ​လုတ်ႈ​လႄႈ လႆႈ​ၶၢမ်ႇ​တၢင်း​ဢၼ်​ဢိုပ်း​ဢၼ်​ယၢၵ်ႈ​ယူႇ​သေ​ၵေႃႈ၊ တီႈ​ၶဝ်​ၸိူဝ်း​ဢၼ်​ႁႃ​ထႃႇဝရႃႉ​ၽြႃး​ၼၼ်ႉ၊ ဢမ်ႇ​လူဝ်ႇ​ထႅင်ႈ​လွင်ႈ​တၢင်း​ဢၼ်​လီ​ဢၼ်​ငၢမ်း​သေ​ၸိူဝ်ႉ​သေ​ပိူင်။</verse>
				<verse number="11">လုၵ်ႈ​ဢွၼ်ႇ​ၶဝ်​ဢိူၺ်း၊ ဢွၼ်​ၵၼ်​မႃး​လႄႈ​ထွမ်ႇ​ဢဝ်​ၵႂၢမ်း​ၵဝ်​တႃႉ။ ၵဝ်​တၵ်း​သင်ႇ​သွၼ်​ပၼ်​တြႃး​တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ​တီႈ​သူ​ဢေႃႈ။-</verse>
				<verse number="12">ၽူႈ​လႂ်​ပဵၼ်​ၵေႃႉ​ဢၼ်​မုင်ႈ​မွင်း​ၶႂ်ႈ​လႆႈ တၢင်း​ဢၼ်​ဢသၢၵ်ႈ​လိပ်း​လႄႈ ထုၵ်ႇ​ၸႂ်​ၵျိူၵ်ႈ​ၸႂ်​မိုဝ်ႉ​ဝၼ်း​ၼမ်​ၼႃႇ ႁႂ်ႈ​လႆႈ​ထူပ်း​ႁၼ်​လွင်ႈ​တၢင်း​ဢၼ်​လီ​ဢၼ်​ငၢမ်း​ၼၼ်ႉ​ၸမ်ႉ၊-</verse>
				<verse number="13">ႁႂ်ႈ​လိၼ်ႉ​ၸဝ်ႈ​ၵဝ်ႇ ၵၢင်း​လွတ်ႈ​တင်း လွင်ႈ​တၢင်း​ဢၼ်​ဢမ်ႇ​လီ​တႃႉ။ သူပ်း​ၸဝ်ႈ​ၵဝ်ႇ​ၵေႃႈ​ယႃႇ​ႁႂ်ႈ​လၢတ်ႈ​ၵႂၢမ်း​မူႉ​သႃႇ။-</verse>
				<verse number="14">ဝႄႈ​ပႅတ်ႈ​တူႉ​ၸရိူၵ်ႈ​သေ​လႄႈ ႁဵတ်း​သူႉ​ၸရိူၵ်ႈ​တႃႉ။ ႁႃ​တၢင်း​ဢၼ်​ယူႇ​ထုၵ်ႇ​ထုၵ်ႇ​ၵၼ် တင်း​ပိူၼ်ႈ​တၢင်ႇ​ၵေႃႉ​ၼၼ်ႉ​သေ​လႄႈ ၸွမ်း​ႁႂ်ႈ​ၶိုတ်း​တႃႉ။-</verse>
				<verse number="15">မၢၵ်ႇ​တႃ​ထႃႇဝရႃႉ​ၽြႃး လူ​တူၺ်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ယူႇ​ဢေႃႈ။ သဵင်​ဢၼ်​ၶဝ်​ႁွင်ႉ​သႅၼ်ႇ​ၼၼ်ႉ​ၵေႃႈ၊ ႁူ​မၼ်း​ၸဝ်ႈ ထွမ်ႇ​ဢဝ်​ယူႇ​ဢေႃႈ။-</verse>
				<verse number="16">တီႈ​ၶဝ်​ၸိူဝ်း​ဢၼ်​ႁဵတ်း​တူႉ​ၸရိူၵ်ႈ​ၼၼ်ႉ​ၸမ်ႉ၊ ထႃႇဝရႃႉ​ၽြႃး ဝၢႆႇ​ၼႃႈ​ဝၢႆႇ​တႃ​ၸဝ်ႈ​ပႅတ်ႈ ႁႂ်ႈ​လႆႈ​ပႄႇ​ပႅတ်ႈ​တီႈ​မၢတ်ႈ​တီႈ​တွင်း တီႈ​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶဝ်​ၼၼ်ႉ သေ​ၵႃႈ​ၼိူဝ်​လိၼ်​မိူင်း​ၼႆႉ​ဢေႃႈ။-</verse>
				<verse number="17">ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ႁွင်ႉ​သႅၼ်ႇ​လႄႈ၊ ထႃႇဝရႃႉ​ၽြႃး​ထွမ်ႇ​ဢဝ်​သေ​လႄႈ ၵႄႇ​သႄႇ​ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​ၶဝ် ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="18">ထႃႇဝရႃႉ​ၽြႃး​ယူႇ​ၸမ်​ၶဝ်​ၸိူဝ်း​ဢၼ်​ႁူဝ်​ၸႂ်​တႅၵ်ႇ​လႅဝ်​ၼၼ်ႉ​လႄႈ၊ မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ် ၶဝ်​ၸိူဝ်း​ဢၼ်​ႁူဝ်​ၸႂ်​ၶျႃး​တႅမ်ႇ​မႆႈ​ၸႂ်​ၼၼ်ႉ​ဢေႃႈ။-</verse>
				<verse number="19">ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼမ်​ၼႃႇ​သေ​ၵေႃႈ၊ ထႃႇဝရႃႉ​ၽြႃး ၵႄႇ​သႄႇ​ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​လွင်ႈ​တၢင်း​ၸိူဝ်း​ၼၼ်ႉ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="20">မၼ်း​ၸဝ်ႈ​ပႂ်ႉ​လူ​ပႂ်ႉ​တူၺ်း​လုပ်ႇ​မၼ်း​ၵႃႈ​မီး​တင်း​သဵင်ႈ​တင်း​လူင်​ယူႇ​လႄႈ၊ ဢမ်ႇ​လႆႈ​ႁၵ်း​လႆႈ​လူႉ​သေ​လႅမ်ႈ​သေ​ဢၼ်။-</verse>
				<verse number="21">ၽေး​ရၢၼ်ႇ​တၵ်း​ဢဝ်​ၵေႃႉ​ဢၼ်​ဢမ်ႇ​တြႃး​ၼၼ်ႉ​တၢႆ​လႄႈ ၶဝ်​ၸိူဝ်း​ဢၼ်​ၸင်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ၸီႇ​ယၢင်ႇ​ဢပႅတ်ႈ​ဢေႃႈ။-</verse>
				<verse number="22">ထႃႇဝရႃႉ​ၽြႃး​ထုတ်ႇ​ၼုၵ်ႈ​ဢဝ်​ဝီႉၺိၺ်ႇ​ၶႃႈ​မၼ်း​ၸဝ်ႈ​တင်း​လၢႆ​လႄႈ ၶဝ်​ၸိူဝ်း​ဢၼ်​သွၼ်ႈ​ပိုင်ႈ​မၼ်း​ၸဝ်ႈ​ယူႇ​ၼၼ်ႉ ဢမ်ႇ​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​သေ​ၵေႃႉ​သေ​ၵူၼ်း။</verse>
			</chapter>
			<chapter number="35">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁဵတ်း​ၶတ်း​ၵၼ်​တင်း​ၶဝ်​ၸိူဝ်း​ဢၼ် ႁဵတ်း​ၶတ်း​ၵၼ်​တင်း​ၶႃႈ​ၸဝ်ႈ​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​တိုၵ်း​တေႃး​ၶဝ်​ၸိူဝ်း​ဢၼ် တိုၵ်း​တေႃး​ၶႃႈ​ၸဝ်ႈ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="2">ၶႅၼ်း​တေႃႈ​ယိပ်း​ၵမ်​ဢဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ ဢိၵ်ႇ​တင်း​ၶိူင်ႈ​ဢၼ်​ႁႄႉ​ဢၼ်​ၵင်ႈ​လၢၵ်ႈ​ၼၢၵ်ႈ​ၼၼ်ႉ​သေ​လႄႈ လုၵ်ႉ​ၸွႆႈ​လုၵ်ႉ​ထႅမ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="3">ၶႅၼ်း​တေႃႈ​ဢဝ်​ႁွၵ်ႇ​ငႃ​သေ​လႄႈ ႁႄႉ​တၢင်း​ၶဝ်​ၸိူဝ်း​ဢၼ်​လိုပ်ႈ​ၸွမ်း​ၶႃႈ​ၸဝ်ႈ​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​မီး​ဢမိင်ႉ တီႈ​ႁူဝ်​ၸႂ်​ၶႃႈ​ၸဝ်ႈ​လႄႈ​ဝႃႈ၊ ၵဝ်​ပဵၼ်​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​မႂ်း​ဢေႃႈ၊ ဝႃႈ​ၼင်ႇ​ၼႆ​သေ​ၵမ်း​တီႈ​ၶႃႈ။-</verse>
				<verse number="4">ႁႂ်ႈ​ၶဝ်​ၸိူဝ်း​ဢၼ်​ႁႃ​ဢသၢၵ်ႈ​ၶႃႈ​ၸဝ်ႈ​ၼၼ်ႉ ဢူၵ်း​ဢၢႆ​လႄႈ​ၼႃႈ​လူႉ​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​ၵျၢမ်ႇ​ပွင်​ႁႂ်ႈ​လႆႈ​ႁဵတ်း​ဢၼ်ႇတရႄႇ​သႂ်ႇ တီႈ​ၶႃႈ​ၸဝ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ဝၢႆႇ​ၶိုၼ်း​ၵႂႃႇ​လႄႈ ႁွတ်ႈ​ထိုင်​တၢင်း​ဢၼ်​လီ​ၵူဝ်​လီ​ဢၢႆ​သေ​ၵမ်း​လူၺ်ႈ။-</verse>
				<verse number="5">ႁႂ်ႈ​ၶဝ်​ၼၼ်ႉ​ပဵၼ်​ၸိူဝ်ႉ​ၼင်ႇ ၵႅပ်ႇ​ဢၼ်​လူမ်း​ထူဝ်း​ၼၼ်ႉ​လႄႈ၊ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ႁေႃႈ​ႁိုပ်ႈ​လိုပ်ႈ​လူၺ်း​ၶဝ်​ပႅတ်ႈ​သေ​ၵမ်း​လူၺ်ႈ။-</verse>
				<verse number="6">ႁႂ်ႈ​သဵၼ်ႈ​တၢင်း​ဢၼ်​ၶဝ်​ၵႂႃႇ​ၼၼ်ႉ ပဵၼ်​ဢၼ်​လပ်း​သိင်ႇ​ဢၼ်​မိုၼ်ႈ​မၼ်း​လႄႈ၊ တမၢၼ်ႇ​ၵၢင်​ႁၢဝ် ထႃႇဝရႃႉ​ၽြႃး လိုပ်ႈ​ၸွမ်း​လမ်း​ၸွမ်း​ၶဝ်​သေ​ၵမ်း​လူၺ်ႈ။-</verse>
				<verse number="7">လွင်ႈ​မၼ်း​ယင်း​ဢမ်ႇ​မီး​လႄႈ၊ ၶဝ်​ဢဝ်​တူင်ႇ​ႁႅဝ်ႉ​တူင်ႇ​ႁၢဝ်း​သိူင်ႇ​ဝႆႉ​ၵၢင်​ဝႆႉ​ၵႃႈ​ၼႂ်း​ၶုမ်​ၼႂ်း​လုၵ်း​ပုၼ်ႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။ လွင်ႈ​မၼ်း​ယင်း​ဢမ်ႇ​မီး​လႄႈ ၶုတ်း​ၶုမ်​ၶုတ်း​လုၵ်း​ဝႆႉ​ပုၼ်ႈ​ဢၼ်​တၵ်း​ဢဝ်​ဢသၢၵ်ႈ​ၶႃႈ​ၸဝ်ႈ​တၢႆ​တီႈ​ၶႃႈ​ယဝ်ႉ။-</verse>
				<verse number="8">ၵူၼ်း​ၸိူဝ်ႉ​ၼင်ႇ​ၼၼ်​ၸိုင်၊ ယင်း​ဢမ်ႇ​တၼ်း​ႁူႉ​တူဝ်​ႁူႉ​ႁၢင်ႈ​လႄႈ ႁႂ်ႈ​တၢင်း​လူႉ​တၢင်း​လႅဝ်​ႁွတ်ႈ​ထိုင်​ၵႃႈ​ၼိူဝ်​မၼ်း​သေ​ၵမ်း​လူၺ်ႈ။ ႁႂ်ႈ​တူင်ႇ​ႁႅဝ်ႉ​တူင်ႇ​ႁၢဝ်း ဢၼ်​မၼ်း​သိူင်ႇ​ဝႆႉ​ၵၢင်​ဝႆႉ​ၼၼ်ႉ​ထုၵ်ႇ​ၶဵၼ်း​မႅၼ်ႈ​မၼ်း​သေ​ၵမ်း​လူၺ်ႈ။ ႁႂ်ႈ​မၼ်း​တူၵ်း​ႁွတ်ႈ ၵႃႈ​ၼႂ်း​တၢင်း​လူႉ​တၢင်း​လႅဝ်​ၼၼ်ႉ​သေ​ၵမ်း​လူၺ်ႈ။-</verse>
				<verse number="9">ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ဝီႉၺိၺ်ႇ​ၵဝ်​တၵ်း​ဢိင်​ပိုင်ႈ​ထႃႇဝရႃႉ​ၽြႃး​သေ​လႄႈ မီး​တၢင်း​ဢၼ်​ၸူမ်း​ဢၼ်​သိူဝ်း​ဢေႃႈ။ တၵ်း​ဢိင်​ပိုင်ႈ လွင်ႈ​တၢင်း​ဢၼ်​မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​လႄႈ မီး​တၢင်း​ဢၼ်​သိူဝ်း​သႂၢင်ႇ​မူၼ်ႈ​ပျေႃႇ​ဢေႃႈ။-</verse>
				<verse number="10">လုပ်ႇ​ၵဝ်​ၵႃႈ​မီး​တင်း​သဵင်ႈ​တင်း​လူင် ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၽူႈ​လႂ်​မိူၼ်​ၵၼ်​တင်း​ၸဝ်ႈ​ႁဝ်း​ဢၼ်​ၼုၵ်ႈ​ဢဝ်​ၵေႃႉ​ဢၼ်​ယၢၵ်ႈ​ဢၼ်​ၽၢၼ် သေ​ၵႃႈ​ၼႂ်း​မိုဝ်း​ၵေႃႉ​ဢၼ်​ႁႅင်း​ယႂ်ႇ​ၼႃႇ​သေ​မၼ်း​ၼၼ်ႉ​လႄႈ ပၼ်​ၵတ်း​ယဵၼ်​ၶျၢမ်း​သႃႇ တီႈ​ၵေႃႉ​ဢၼ်​ယၢၵ်ႈ​ဢၼ်​ၽၢၼ် ၵေႃႉ​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ သေ​ၵႃႈ​ၼႂ်း​မိုဝ်း​ၵေႃႉ​ဢၼ်​ႁိမ်​ဢဝ်​ႁူင်ႇ​ဢဝ်​မၼ်း​ၼၼ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ၵူၼ်း​ဢၼ်​ၶၢမ်ႇ​သၢၵ်ႈ​သေႇ​ဢၼ်​ဢမ်ႇ​တြႃး​တင်း​လၢႆ​ဢွၼ်​ၵၼ်​လုၵ်ႉ​သေ​လႄႈ တွင်ႈ​ထၢမ်​လွင်ႈ​တၢင်း​ဢၼ် ၵဝ်​ဢမ်ႇ​ႁူႉ​ၸိူဝ်း​ၼၼ်ႉ တီႈ​ၵဝ်​ဢေႃႈ။-</verse>
				<verse number="12">ၶဝ်​တႅၼ်း​ပၼ်​လွင်ႈ​တၢင်း​ဢၼ်​ဢမ်ႇ​လီ ပုၼ်ႈ​လွင်ႈ​တၢင်း​ဢၼ်​လီ ႁႂ်ႈ​ဝီႉၺိၺ်ႇ​ၵဝ်​ထၼ်ႈ​ပေႃး ၽၢၼ်​ၵေႃႉ​ၽၢၼ်​သေႈ​ဢေႃႈ။-</verse>
				<verse number="13">ၵဝ်​ၸမ်ႉ၊ မိူဝ်ႈ​ဢၼ်​ၶဝ်​မီး​တၢင်း​ၶႆႈ​တၢင်း​ပဵၼ်​ၼၼ်ႉ​ၸိုင်၊ ၼုင်ႈ​မႆ​ၼင်​ပေႃ​သေ​လႄႈ ၵမ်​တၢင်း​ၵိၼ်​လႄႈ ႁႂ်ႈ​ဝီႉၺိၺ်ႇ​ၵဝ်​လႆႈ​ယၢပ်ႇ​ၽိုတ်ႇ​ၼႃႇ​လူင်​လၢင်​ဢေႃႈ။ ႁႂ်ႈ​တၢင်း​ဢၼ်​ၵဝ်​သူး​တွင်း​ၼၼ်ႉ ၶိုၼ်း​မႃး​ၸူး​ၵႃႈ​ၼႂ်း​ႁူဝ်​ဢူၵ်း​ၵဝ်​သေ​ၵမ်း​လူၺ်ႈ။-</verse>
				<verse number="14">ၵဝ်​ႁဵတ်း​ၸိူဝ်ႉ​ၼင်ႇ​ဢၼ် ပဵၼ်​ၵေႃႉ​သေႈ​ၵဝ်၊ ၸိူဝ်ႉ​ၼင်ႇ​ဢၼ်​ပဵၼ်​ပီႈ​ၸၢႆး​ၵဝ်​ၼၼ်ႉ​ဢေႃႈ။ ၵဝ်​ၼုင်ႈ​ၶူဝ်း​ဢၼ်​ၵျၢမ်း​ၼႃႇ​ၼၼ်ႉ​သေ​လႄႈ ႁဵတ်း​ငိူဝ်ႈ​ႁဵတ်း​ငဝ်​ယူႇ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ႁူဝ်​ၸႂ်​ဢမ်ႇ​သႃႇ​မႆႈ​ၸႂ်​လူၺ်ႈ​လွင်ႈ​မႄႈ​မၼ်း​ၼၼ်ႉ​ဢေႃႈ။-</verse>
				<verse number="15">မိူဝ်ႈ​ဢၼ်​ၵဝ်​လူမ်ႉ​ၼၼ်ႉ​ၸိုင်၊ ၶဝ်​ၸူမ်း​သိူဝ်း​လႄႈ ၸူႉ​ၵၼ်​တုမ်​ၵၼ်​ဢေႃႈ။ ၶဝ်​ၸိူဝ်း​ဢၼ်​ပေႃႉ​ဢၼ်​ယႅၼ်ႉ​ၼၼ်ႉ ဢွၼ်​ၵၼ်​ၸုၵ်း​ယူႇ​ၽၢႆႇ​ၼိုင်ႈ​တင်း​ၵဝ်​လႄႈ ၸူႉ​ၵၼ်​တုမ်​ၵၼ်​သေ​လႄႈ ၵဝ်​ဢမ်ႇ​ႁူႉ​လွင်ႈ​မၼ်း​တၢင်း​မၼ်း။ ၶဝ်​ယင်း​ဢမ်ႇ​ထၢတ်ႇ​ဢမ်ႇ​ယဵၼ်​လႄႈ ဢွၼ်​ၵၼ်​ယႃႉ​သိၵ်ႇ​ၵဝ်​ဢေႃႈ။-</verse>
				<verse number="16">မိူၼ်​ၸိူဝ်ႉ​ၼင်ႇ​ၵူၼ်း​ႁၢႆႉ​ၵူၼ်း​ယုတ်ႈ ဢၼ်​ၸၢင်ႈ​ၵိူမ်ႈ​ၸၢင်ႈ​လိူမ်ႈ​လူၺ်ႈ​လွင်ႈ​တၢင်း​ၵိၼ်​တၢင်း​ၶူပ်း​ၼၼ်ႉ​သေ​လႄႈ ၶဝ်​ဢွၼ်​ၵၼ်​ၵတ်း​ၶဵဝ်ႈ​ၵတ်း​ၽၼ်း​တေႃႇ​ၵဝ်​ဢေႃႈ။</verse>
				<verse number="17">ၸဝ်ႈ​ၽြႃး​တီႈ​ၶႃႈ၊ ၸဝ်ႈ​ႁဝ်း​တၵ်း​လူ​တူၺ်း​လႄႈ ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ဢသၢၵ်ႈ​ၶႃႈ​ၸဝ်ႈ​သေ​ၵႃႈ​ၼႂ်း​တၢင်း​လူႉ​တၢင်း​လႅဝ် ဢိၵ်ႇ​တင်း​လွင်ႈ​ဢၼ်​ၶႃႈ​ၸဝ်ႈ​ႁၵ်ႉ​ၼႃႇ​သေ​ပိူၼ်ႈ​ၼၼ်ႉ သေ​ၵႃႈ​တီႈ​သၢင်ႇ​သီႈ​တင်း​လၢႆ ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="18">ၶႃႈ​ၸဝ်ႈ​တၵ်း​ႁပ်ႉ​တုင်း​ဢဝ်​လႄႈ​ဝႃႈ၊ ၵျေး​ၸူး​ၸဝ်ႈ​ႁဝ်း​ယႂ်ႇ​ၼႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၵႃႈ​ၼႂ်း​မႁႃႇ​ပရဵၵ်ႈသၢတ်ႈ​လႄႈ တၵ်း​ယွင်ႈ​ယေႃး​ၸဝ်ႈ​ႁဝ်း ၵႃႈ​ၼႂ်း​ၵူၼ်း​ၼမ်​ၼႃႇ​တီႈ​ၶႃႈ​ဢေႃႈ။-</verse>
				<verse number="19">ယင်း​ဢမ်ႇ​ၸိုဝ်ႈ​ဢမ်ႇ​ၸႂ်ႈ​လႄႈ ယႃႇ​ပေ​ႁႂ်ႈ​ၶဝ်​ၸိူဝ်း​ဢၼ်​ႁဵတ်း​ရၢၼ်ႇ​သူႇ​ၶႃႈ​ၸဝ်ႈ​ၼၼ်ႉ လႆႈ​ၸူမ်း​လႆႈ​သိူဝ်း​ၵႃႈ​ၼိူဝ်​ၶႃႈ​ၸဝ်ႈ သေ​ၵမ်း​တီႈ​ၶႃႈ။ လွင်ႈ​မၼ်း​ယင်း​ဢမ်ႇ​မီး​လႄႈ ယႃႇ​ပေ​ႁႂ်ႈ​ၶဝ်​ၸိူဝ်း​ဢၼ်​ၸင်း​ၶႃႈ​ၸဝ်ႈ​ၼၼ်ႉ လႆႈ​လိၵ်း​ႁူ​လိၵ်း​တႃ​သေ​ၵမ်း​တီႈ​ၶႃႈ။-</verse>
				<verse number="20">လွင်ႈ​မၼ်း​ၸမ်ႉ ၶဝ်​ဢမ်ႇ​လၢတ်ႈ​ၵႂၢမ်း​ဢၼ်​ႁႂ်ႈ​ဢမူႉ​လႆႈ​ထၢတ်ႇ​လႆႈ​ယဵၼ်​ၼၼ်ႉ​တီႈ​ၶႃႈ။ ၶဝ်​ဢွၼ်​ၵၼ်​ယူႇ​ၽၢႆႇ​ၼိုင်ႈ တင်း​ၵူၼ်း​ဝၢၼ်ႈ​ၵူၼ်း​မိူင်း ဢၼ်​ယူႇ​ၼိမ်​ၼိမ်​လီ​လီ​ၼၼ်ႉ​သေ​လႄႈ ၵျၢမ်ႇ​ပွင်​လွင်ႈ​တၢင်း​ဢၼ်​ပႅတ်ႉ​ဢၼ်​လႅၼ်​တီႈ​ၶႃႈ​ဢေႃႈ။-</verse>
				<verse number="21">ၶဝ်​ဢွၼ်​ၵၼ်​ဢႃႈ​ပၢၵ်ႇ​တေႃႇ​ၶႃႈ​ၸဝ်ႈ​သေ​လႄႈ လၢတ်ႈ​လႄႈ​ဝႃႈ၊ ဢႄႁႄႉ၊ ဢႄႁႄႉ၊ မၢၵ်ႇ​တႃ​တူဝ်​ႁဝ်း​လႆႈ​ႁၼ်​မၼ်း​ယဝ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။</verse>
				<verse number="22">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ႁူႉ​ႁၼ်​ယူႇ​တီႈ​ၶႃႈ​ဢေႃႈ။ ယႃႇ​ပေ​ယူႇ​တဵတ်ႇ​တဵတ်ႇ​ယဵၼ်​ယဵၼ်​သေ​ၵမ်း​တီႈ​ၶႃႈ။ ၸဝ်ႈ​ၽြႃး​တီႈ​ၶႃႈ၊ ယႃႇ​ပေ​ယူႇ​တီႈ​ဢၼ်​ၵႆ​ၵၼ်​တင်း​ၶႃႈ​ၸဝ်ႈ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="23">ၽြႃး​ပဵၼ်​ၸဝ်ႈ​ၵဝ်​ၶႃႈ။ ၸဝ်ႈ​ၽြႃး​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​တိုၵ်း​ယူင်း​တူဝ်​ၸဝ်ႈ​ႁဝ်း​သေ​လႄႈ တိုၼ်ႇ​မႃး​ပုၼ်ႈ​လွင်ႈ​ဢၼ်​ၸဝ်ႈ​ႁဝ်း​တၵ်း​လႆႈ​ၸီႇ​ယၢင်ႇ​ဢၼ်​ဝႃႈ ဢမူႉ​ၶႃႈ​ၸဝ်ႈ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="24">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ၸွမ်း​လူၺ်ႈ​တၢင်း​ဢၼ် ၸဝ်ႈ​ႁဝ်း​သိုဝ်ႈ​တေႃႇ​ၼၼ်ႉ​သေ​လႄႈ ၸီႇ​ယၢင်ႇ​တႅပ်း​တတ်း​ဢမူႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​ၶဝ်​လႆႈ​ၸူမ်း​သိူဝ်း​ၵႃႈ​ၼိူဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="25">ယႃႇ​ပေ​ႁႂ်ႈ​ၶဝ်​လႆႈ​လၢတ်ႈ​ၵႃႈ​ၼႂ်း​ႁူဝ်​ၸႂ်​ၶဝ်​လႄႈ​ဝႃႈ ဢႄႁႄႉ၊ ဢလူဝ်ႇ​ႁဝ်း​ပျေႉ​ၸုမ်ႇ​ယဝ်ႉ၊ ဝႃႈ​ၼင်ႇ​ၼႆ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​ၶဝ်​လႆႈ​လၢတ်ႈ​လႄႈ​ဝႃႈ၊ ႁဝ်း​ဢိုၼ်​ၵိၼ်​မၼ်း​ယဝ်ႉ၊ ဝႃႈ​ၼင်ႇ​ၼႆ​သေ​ၵမ်း​တီႈ​ၶႃႈ။-</verse>
				<verse number="26">ႁႂ်ႈ​ၶဝ်​ၸိူဝ်း​ဢၼ်​ၸူမ်း​သိူဝ်း​ၵွပ်ႈ​ပိူဝ်ႈ​ၽေး​ဢၼ်​ႁွတ်ႈ​ထိုင်​တီႈ​ၶႃႈ​ၸဝ်ႈ​ၼၼ်ႉ​ၼၼ်ႉ ဢူၵ်း​ဢၢႆ​လႄႈ​ၼႃႈ​လူႉ​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​သေ​လႄႈ ယွင်ႈ​ယေႃး​တူဝ်​ၸဝ်ႈ​ၵဝ်ႇ​ယူႇ​ၼၼ်ႉ လႆႈ​ဢဝ်​တၢင်း​ဢၼ်​သရေႇလူႉ၊ တင်း​တၢင်း​ဢၼ်​လီ​ၵူဝ်​လီ​ဢၢႆ​ၼၼ်ႉ ၼုင်ႈ​မႆ​သေ​ၵမ်း​လူၺ်ႈ။</verse>
				<verse number="27">ႁႂ်ႈ​ၶဝ်​ၸိူဝ်း​ဢၼ်​ယူႇ​ၽၢႆႇ​တၢင်း​ဢၼ်​ၸိုဝ်ႈ​ဢၼ်​ၸႂ်ႈ​ၶႃႈ​ၸဝ်ႈ​ၼၼ်ႉ လႆႈ​ဢွၼ်​ၵၼ်​ႁဵတ်း​ၵႂၢမ်း​ဢၼ်​သိူဝ်း​ဢၼ်​သႂၢင်ႇ​လႄႈ မူၼ်ႈ​ပျေႃႇ​သေ​ၵမ်း​လူၺ်ႈ။ ႁႂ်ႈ​ၶဝ်​လႆႈ​ဢွၼ်​ၵၼ်​မွၵ်ႇ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​တၢင်း​ဢၼ် ၶႃႈ​မၼ်း​ၸဝ်ႈ ၵတ်း​ယဵၼ်​ၶျၢမ်း​သႃႇ​ၼၼ်ႉ မုၼ်​ၽုင်း​ယႂ်ႇ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ယူႇ​တႃႇ​သေႇ​ဢမ်ႇ​ထၢတ်ႇ​သေ​ၵမ်း​လူၺ်ႈ။-</verse>
				<verse number="28">လိၼ်ႉ​ၶႃႈ​ၸဝ်ႈ​ၵေႃႈ တၵ်း​မွၵ်ႇ​လၢတ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း​သိုဝ်ႈ​တေႃႇ​ၼၼ်ႉ​လႄႈ ယွင်ႈ​ယေႃး​ၸဝ်ႈ​ႁဝ်း​ယူႇ တင်း​ဝၼ်း​တင်း​ဝၼ်း​တီႈ​ၶႃႈ​ဢေႃႈ။</verse>
			</chapter>
			<chapter number="36">
				<verse number="1">တူႉ​ၸရိူၵ်ႈ​ၵေႃႉ​ဢၼ်​ၸၢင်ႈ​ႁဵတ်း​ဢၼ်​ဢမ်ႇ​တြႃး​ၼၼ်ႉ​လၢတ်ႈ​ၵႃႈ​ၼႂ်း​ႁူဝ်​ၸႂ်​ၵဝ်​လႄႈ​ဝႃႈ၊ လွင်ႈ​ဢၼ်​တၵ်း​လႆႈ​ၵူဝ် ၽြႃး​ပဵၼ်​ၸဝ်ႈ​ၼၼ်ႉ ဢမ်ႇ​မီး​သိုဝ်ႈ​ၼႃႈ​တႂ်ႈ​တႃ​မၼ်း၊ ဝႃႈ​ၼင်ႇ​ၼႆ​ယူႇ​ဢေႃႈ။-</verse>
				<verse number="2">မၼ်း​ၶျေႃး​လဝ်ႊ​ပႅတ်ႉ​လႅၼ်​တူဝ်​မၼ်း​ယူႇ သိုဝ်ႈ​ၼႃႈ​တႂ်ႈ​တႃ​မၼ်း လူၺ်ႈ​လွင်ႈ​ဢၼ်​ဢပႅတ်ႈ​မၼ်း​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ထူပ်း​ႁၼ်​လႄႈ လီ​ႁင်ႈ​ဢဵတ်ႇ​သဵတ်ႇ​ၼၼ်ႉ​ဢေႃႈ။-</verse>
				<verse number="3">ၵႂၢမ်း​ဢၼ်​ဢွၵ်ႇ​သူပ်း​မၼ်း​ၼၼ်ႉ ပဵၼ်​ၵႂၢမ်း​ဢႃႉထမ်ႇမႃႉ တင်း​ၵႂၢမ်း​ဢၼ်​ပႅတ်ႉ​ဢၼ်​လႅၼ်​လႄႈ၊ မၼ်း​ၸုၼ်ႉ​ပႅတ်ႈ​သေ​ပိင်ႇ​ၺႃႇ ဢိၵ်ႇ​တင်း တၢင်း​ဢၼ်​ၸၢင်ႈ​ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​ၼၼ်ႉ​ယဝ်ႉ။-</verse>
				<verse number="4">မၼ်း​ၸၢင်ႈ​ၵျၢမ်ႇ​ပွင်​လွင်ႈ​တၢင်း​ဢၼ်​ဢမ်ႇ​တြႃး​ၼၼ်ႉ ၵႃႈ​ၼိူဝ်​တီႈ​ၼွၼ်း​မၼ်း​ဢေႃႈ။ မၼ်း​ၸွမ်း​သဵၼ်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ ယူႇ​သေႇ​သေႇ​လႄႈ ဢမ်ႇ​မီး​တၢင်း​ဢၼ်​လီ​ႁင်ႈ​တၢင်း​ၵမ်​တၢင်း​ၵျၢင်ႉ​ဢၼ်​ႁၢႆႉ​ယုတ်ႈ​ၼၼ်ႉ။</verse>
				<verse number="5">ထႃႇဝရႃႉ​ၽြႃး​တီႈ​ၶႃႈ၊ ၵရူႉၼႃႇ​ၸဝ်ႈ​ႁဝ်း​ၼၼ်ႉ​ၶိုတ်း​ထိုင်​ၽႃႉ​ၵၢင်​ႁၢဝ်​လႄႈ သဵတ်ႈ​ၸႃႇ​ၸဝ်ႈ​ႁဝ်း​ၼၼ်ႉ ၶိုတ်း​ထိုင်​ၽႃႈ​ၽူၼ်​တီႈ​ၶႃႈ​ဢေႃႈ။-</verse>
				<verse number="6">တၢင်း​ဢၼ်​ၸဝ်ႈ​ႁဝ်း​သိုဝ်ႈ​တေႃႇ​ၼၼ်ႉ မိူၼ်​ၼင်ႇ​လွႆ​ၽြႃး​ပဵၼ်​ၸဝ်ႈ​ၼၼ်ႉ​လႄႈ၊ တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ၸိူဝ်း​ၼၼ်ႉ ပဵၼ်​ဢၼ်​လိုၵ်ႉ​ဢၼ်​လမ်ႇ​ၼႃႇ​လူင်​လၢင်​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ၸွႆႈ​ထႅမ်​မႃႉ​ၸႃႉ​ၵူၼ်း ဢိၵ်ႇ​တင်း​တရိၵ်ႈသၢၼ်ႇ​တီႈ​ၶႃႈ​ဢေႃႈ။-</verse>
				<verse number="7">ၽြႃး​ပဵၼ်​ၸဝ်ႈ​တီႈ​ၶႃႈ၊ ၵရူႉၼႃႇ​ၸဝ်ႈ​ႁဝ်း​ၼၼ်ႉ ပဵၼ်​ဢၼ်​လီ​ႁၵ်ႉ​လီ​ပႅင်း​ၼႃႇ​လူင်​လၢင်​တီႈ​ၶႃႈ​ဢေႃႈ။ လုၵ်ႈ​ၵူၼ်း​တင်း​လၢႆ​ဢွၼ်​ၵၼ်​သွၼ်ႈ​ပိုင်ႈ​ႁူမ်ႈ​ပိၵ်ႇ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="8">ၶဝ်​တၵ်း​ဢိမ်ႇ​တဵမ်​ဝႆႉ​တင်း တၢင်း​ဢၼ်​ပီး​လီ​မၼ်း​လီ ႁိူၼ်း​ၸဝ်ႈ​ႁဝ်း​ၼၼ်ႉ​လႄႈ ၸဝ်ႈ​ႁဝ်း​တၵ်း​ပၼ်​ဢၶႂၢင်ႉ ႁႂ်ႈ​ၶဝ်​လႆႈ​ၵိၼ် ၼမ်ႉ​ႁွင်ႈ​ၵတ်း​ယဵၼ်​ၶျၢမ်း​သႃႇ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="9">လွင်ႈ​မၼ်း​ၸမ်ႉ ၼမ်ႉ​ဢွၵ်ႇ​ႁူး​ဢသၢၵ်ႈ​ၼၼ်ႉ မီး​ယူႇ​တီႈ​ၸဝ်ႈ​ႁဝ်း​လႄႈ၊ ၶႃႈ​ၸဝ်ႈ​ႁဝ်း​ၶဝ်​လႆႈ​ထူပ်း​ႁၼ်​ဢၼ်​လႅင်း ၵႃႈ​ၼႂ်း​ဢၼ်​လႅင်း​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။</verse>
				<verse number="10">ၶႅၼ်း​တေႃႈ​ႁႂ်ႈ​ၵရူႉၼႃႇ​ၸဝ်ႈ​ႁဝ်း တႄႇ​ယူႇ​တီႈ​ၶဝ်​ၸိူဝ်း​ဢၼ်​ႁူႉ​ၸၵ်း​ၸဝ်ႈ​ႁဝ်း​ၼၼ်ႉ​လႄႈ ႁႂ်ႈ​တၢင်း​ဢၼ်​ၸဝ်ႈ​ႁဝ်း​သိုဝ်ႈ​တေႃႇ​ၼၼ်ႉ တႄႇ​ယူႇ​တီႈ​ၶဝ်​ၸိူဝ်း​ဢၼ် သၽေႃး​သိုဝ်ႈ​ယူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="11">ယႃႇ​ပေ​ႁႂ်ႈ​တိၼ်​မႃႇၼႃႉ​ၸႂ်​သုင်​ၼၼ်ႉ​လႆႈ​ယဵပ်ႇ​ၶၢမ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​မိုဝ်း​ၵေႃႉ​ဢၼ်​ဢမ်ႇ​တြႃး​ၼၼ်ႉ လႆႈ​ၶၢႆႉ​တီႈ​ယူႇ​ၶႃႈ​ၸဝ်ႈ​ပႅတ်ႈ​သေ​ၵမ်း​တီႈ​ၶႃႈ။-</verse>
				<verse number="12">ၶဝ်​ၸိူဝ်း​ဢၼ်​ႁဵတ်း​တူႉ​ၸရိူၵ်ႈ​ၼၼ်ႉ လႆႈ​လူမ်ႉ​ယူႇ​ၵႃႈ​တီႈ​ၼၼ်ႈ​တီႈ​ၶႃႈ​ဢေႃႈ။ ၶဝ်​လႆႈ​ၶၢမ်ႇ​တၢင်း​ဢၼ် ၶျႃး​လူမ်ႉ​ၼၼ်ႉ​သေ​လႄႈ ဢမ်ႇ​တၢတ်ႈ​ၼိူင်ႇ​လႆႈ​ႁႂ်ႈ​လႆႈ​လုၵ်ႉ​ၶိုၼ်ႈ​တီႈ​ၶႃႈ။</verse>
			</chapter>
			<chapter number="37">
				<verse number="1">ယႃႇ​ပေ​မႆႈ​ၸႂ်​ယၢပ်ႇ​ၸႂ်​လူၺ်ႈ​လွင်ႈ ၶဝ်​ၸိူဝ်း​ဢၼ်​ႁဵတ်း​ႁုၵ်း​ႁဵတ်း​ႁၢႆႉ​ၼၼ်ႉ။ ယႃႇ​ပေ​သီႈ​ၵေႉ​ႁေႈ​တႃ​ၶဝ်​ၸိူဝ်း​ဢၼ် ႁဵတ်း​လွင်ႈ​တၢင်း​ဢၼ်​ဢမ်ႇ​တြႃး​ၼၼ်ႉ။-</verse>
				<verse number="2">လွင်ႈ​မၼ်း​ၸမ်ႉ ၶဝ်​ၼၼ်ႉ​ဢမ်ႇ​ႁိုင်​ဢမ်ႇ​ၼၢၼ်း၊ တၵ်း​လႆႈ​ၶၢမ်ႇ​တၢင်း​ဢၼ်​ပၢတ်ႇ​ဢၼ်​ထိူဝ်​မိူၼ်​ၸိူဝ်ႉ​ၼင်ႇ​ယိူဝ်ႈ​ယႃႈ​လႄႈ ႁဵဝ်ႇ​ၸွပ်ႈ​ၵႂႃႇ​မိူၼ်​ၸိူဝ်ႉ​ၼင်ႇ​တူၼ်ႈ​ဢၼ်​ၶဵဝ်​လီ​ၼုမ်ႇ​လီ​ၼၼ်ႉ​ဢေႃႈ။-</verse>
				<verse number="3">ဢိင်​ပိုင်ႈ​ထႃႇဝရႃႉ​ၽြႃး​လႄႈ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​တႃႉ။ ယူႇ​ၼႂ်း​မိူင်း​ၸဝ်ႈ​လႄႈ ၵိၼ်​ယူႇ​ၵႃႈ​ၼႂ်း​သဵတ်ႈ​ၸႃႇ​တြႃး​တႃႉ။-</verse>
				<verse number="4">မီး​တၢင်း​ဢၼ်​မူၼ်ႈ​ပျေႃႇ​ၼႂ်း​ထႃႇဝရႃႉ​ၽြႃး​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မၼ်း​ၸဝ်ႈ​တၵ်း​ပၼ်​ဢၶႂၢင်ႉ ဢၼ်​ဢလူဝ်ႇ​ႁူဝ်​ၸႂ်​မႂ်း​လႆႈ​ပျေႉ​ၸုမ်ႇ​ၼၼ်ႉ​ဢေႃႈ။-</verse>
				<verse number="5">ဢၢပ်ႈ​ပၼ်​သဵၼ်ႈ​တၢင်း​ဢၼ်​မႂ်း​ၵႂႃႇ​ၼၼ်ႉ တီႈ​ထႃႇဝရႃႉ​ၽြႃး​တႃႉ။ ဢိင်​ပိုင်ႈ​မၼ်း​ၸဝ်ႈ​ယူႇ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မၼ်း​ၸဝ်ႈ​တၵ်း​ၸီႇ​ယၢင်ႇ​ဢေႃႈ။-</verse>
				<verse number="6">မၼ်း​ၸဝ်ႈ​တၵ်း​ႁႂ်ႈ​လွင်ႈ​တၢင်း​ဢၼ်​မႂ်း​သိုဝ်ႈ​တေႃႇ​ၼၼ်ႉ ပေႃႇ​ဢွၵ်ႇ​မိူၼ်​ၸိူဝ်ႉ​ၼင်ႇ​ဢၼ်​လႅင်း​လႄႈ ႁႂ်ႈ​တၢင်း​ဢၼ်​မႂ်း​ႁဵတ်း​ၸွမ်း​တြႃး​ၼၼ်ႉ ပေႃႇ​ဢွၵ်ႇ​မိူၼ်​ၸိူဝ်ႉ​ၼင်ႇ​သၢႆ​ဢရွင်ႇ​ၵၢင်​ဝၼ်း​တဵင်ႈ​ၼၼ်ႉ​ဢေႃႈ။-</verse>
				<verse number="7">ယူႇ​တဵတ်ႇ​တဵတ်ႇ​ယဵၼ်​ယဵၼ် ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​လႄႈ ပႂ်ႉ​ထႃႈ​မၼ်း​ၸဝ်ႈ​ယူႇ​တႃႉ။ ယႃႇ​ပေ​မႆႈ​ၸႂ်​ယၢပ်ႇ​ၸႂ် လူၺ်ႈ​လွင်ႈ​ၵေႃႉ​ဢၼ်​ၸၢင်ႈ​ပႄႉ​ၼႅင်ႇ​ဢမူႉ​မၼ်း ဢိၵ်ႇ​တင်း​ၵေႃႉ​ဢၼ်​ၸၢင်ႈ​ႁႂ်ႈ​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​ဢမ်ႇ​ငၢမ်း​ယဝ်ႉ​တူဝ်ႈ​ၼၼ်ႉ။-</verse>
				<verse number="8">ယႃႇ​ပေ​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​လႆႈ​ဢွၵ်ႇ၊ ၸုၼ်ႉ​ပႅတ်ႈ​သေ​ၸႂ်​တေႃး​သႃႉ​တႃႉ။ ယႃႇ​ပေ​ႁႂ်ႈ​မီး​ၸႂ်​ဢၼ်​ၸၢင်ႈ​တိုၵ်း​ယူင်း​ၸူဝ်ႈ​ဢဝ်​တူဝ်​ၸဝ်ႈ​ၵဝ်ႇ ႁႂ်ႈ​လႆႈ​ၽိတ်း​လႆႈ​ပိူင်ႈ​ၼၼ်ႉ။-</verse>
				<verse number="9">ၶဝ်​ၸိူဝ်း​ဢၼ်​ၽိတ်း​ပိူင်ႈ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​ဢေႃႈ။ ၶဝ်​ၸိူဝ်း​ဢၼ်​မုင်ႈ​ထႃႈ​မွင်း​ထႃႈ​ထႃႇဝရႃႉ​ၽြႃး​ယူႇ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​ဢမူၺ်ႇ​မိူင်း​ၸဝ်ႈ​ဢေႃႈ။-</verse>
				<verse number="10">ႁိုင်​ၵမ်း​ဢွၼ်ႇ​ၼိုင်ႈ​သေ​ယဝ်ႉ၊ ၵေႃႉ​ဢၼ်​ဢမ်ႇ​တြႃး​ၼၼ်ႉ တၵ်း​ဢမ်ႇ​လႆႈ​မီး။ မႂ်း​တၵ်း​ႁႃ​တီႈ​ယူႇ​တီႈ​သဝ်း​မၼ်း​ၼၼ်ႉ လီ​လီ​ငၢမ်း​ငၢမ်း​လႄႈ၊ တၵ်း​ဢမ်ႇ​လႆႈ​ထူပ်း​လႆႈ​ႁၼ်။-</verse>
				<verse number="11">ၶဝ်​ၸိူဝ်း​ဢၼ်​ၶျႃး​တႅမ်ႇ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​ဢမူၺ်ႇ​မိူင်း​ၸဝ်ႈ​လႄႈ မူၼ်ႈ​ပျေႃႇ​ၼႂ်း​တၢင်း​ဢၼ်​ပျေႉ​ၸုမ်ႇ​တဵမ်​ဝႆႉ​တင်း တၢင်း​ဢၼ်​ၼိမ်​ဢၼ်​လီ​ၼၼ်ႉ​ဢေႃႈ။-</verse>
				<verse number="12">ၵေႃႉ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​ၵျၢမ်ႇ​ပွင်​ယူႇ​ၽၢႆႇ​ၼိုင်ႈ​တင်း​ၵေႃႉ​ဢၼ်​သိုဝ်ႈ​ဢၼ်​တေႃႇ​ၼၼ်ႉ​လႄႈ၊ ၵတ်း​ၶဵဝ်ႈ​ၵတ်း​ၽၼ်း​တေႃႇ​မၼ်း​ယူႇ​ဢေႃႈ။-</verse>
				<verse number="13">ၸဝ်ႈ​ၽြႃး​ႁူႉ​ႁၼ်​လွင်ႈ​ဢၼ် မိုဝ်ႉ​ဝၼ်း​မၼ်း​တၵ်း​ႁွတ်ႈ​ထိုင်​မႃး​ၼၼ်ႉ​လႄႈ ယုမ်ႉ​ၶူဝ်​မၼ်း​ယူႇ​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ၸၢင်ႈ​ထွတ်ႇ​လၢပ်ႇ​သေ​လႄႈ​ဝူတ်ႈ​ၵၢင်ႇ​ယူႇ ႁႂ်ႈ​လႆႈ​ဢဝ်​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ဢိၵ်ႇ​တင်း​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​လူမ်ႉ​တူၵ်း ဢိၵ်ႇ​တင်း​ႁႂ်ႈ​လႆႈ​ဢဝ်​ၶဝ်​ၸိူဝ်း​ဢၼ် ႁူဝ်​ၸႂ်​သိုဝ်ႈ​ယူဝ်း​ၼၼ်ႉ​တၢႆ​ဢေႃႈ။-</verse>
				<verse number="15">လၢပ်ႇ​ၶဝ်​ၼၼ်ႉ တၵ်း​လႆႈ​ၶဝ်ႈ​ၵႃႈ​ၼႂ်း​ႁူဝ်​ၸႂ်​ၶဝ်​လႄႈ၊ ၵၢင်ႇ​ၶဝ်​ၼၼ်ႉ​ၵေႃႈ တၵ်း​လႆႈ​ၶၢမ်ႇ​တၢင်း​ဢၼ်​ႁၵ်း​ပႅတ်ႈ​ဢေႃႈ။</verse>
				<verse number="16">ဢုၵ်ႉ​ၸႃႇ​ဢၼ်​မီး​ၵေႇ​ၼႃႇ ၵႃႈ​တီႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​ဢုၵ်ႉ​ၸႃႇ​ဢၼ်​ပျေႉ​ၸုမ်ႇ​လိူင်ႇ​ၸႂ် ၵႃႈ​တီႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼမ်​ၼႃႇ​ၼၼ်ႉ​ဢေႃႈ။-</verse>
				<verse number="17">လွင်ႈ​မၼ်း​ၸမ်ႉ ၶႅၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ႁၵ်း​ပႅတ်ႈ​လႄႈ၊ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ထႃႇဝရႃႉ​ၽြႃး​ၸွႆႈ​ထႅမ်​မႃႉ​ၸႃႉ​ယူႇ​ဢေႃႈ။-</verse>
				<verse number="18">ထႃႇဝရႃႉ​ၽြႃး​ႁူႉ​ၸႅင်ႈ​မၢတ်ႈ​တွင်း​မိုဝ်ႉ​ဝၼ်း ၶဝ်​ၸိူဝ်း​ဢၼ်​ၸေး​ၸုမ်ႇ​ၼၼ်ႉ​လႄႈ၊ ဢုၵ်ႉ​ၸႃႇ​ဢမူၺ်ႇ​ၶဝ်​ၼၼ်ႉ​တၵ်း​တႄႇ​ယူႇ​သေႇ​သေႇ​ဢေႃႈ။-</verse>
				<verse number="19">ၶဝ်​ၼၼ်ႉ တၵ်း​ဢမ်ႇ​လႆႈ​ဢူၵ်း​လႆႈ​ဢၢႆ​ၼႂ်း​မိူဝ်ႈ​ဢၼ်​ယၢပ်ႇ​ၽိုတ်ႇ​ၼၼ်ႉ​လႄႈ၊ တၵ်း​လႆႈ​ၵိၼ်​ဢိမ်ႇ​ၵိၼ်​တဵမ် ၼႂ်း​မိူဝ်ႈ​ဢၼ်​တၢင်း​ၵိၼ်​တၢင်း​ၶူပ်း​ၵႃႈ​ပႅင်း​ၼၼ်ႉ​ဢေႃႈ။-</verse>
				<verse number="20">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တၵ်း​လႆႈ​ႁွတ်ႈ​ထိုင်​တၢင်း​ဢၼ်​လူႉ​ဢၼ်​လႅဝ်​ဢေႃႈ။ ရၢၼ်ႇ​သူႇ​ထႃႇဝရႃႉ​ၽြႃး​တင်း​လၢႆ တၵ်း​ပဵၼ်​ၸိူဝ်ႉ​ၼင်ႇ​ႁၢင်ႈ​ၽၢင် ဢၼ်​ႁၢင်ႈ​လီ​တီႈ​ဢၼ်​ယၢမ်ႈ​ၵိၼ်​ယူႇ​ၼၼ်ႉ​လႄႈ လူႉ​ၵႂႃႇ​ႁၢႆ​ၵႂႃႇ​ဢေႃႈ။ တၵ်း​လူႉ​ၵႂႃႇ​ႁၢႆ​ၵႂႃႇ​မိူၼ်​ၸိူဝ်ႉ​ၼင်ႇ​ၵႂၼ်း​ၽႆး​ဢေႃႈ။-</verse>
				<verse number="21">ၵေႃႉ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​ၵူႈ​ဢဝ်​ယိမ်​ဢဝ်​လႄႈ၊ ဢမ်ႇ​ၶိုၼ်း​ၽေႃ​ၶိုၼ်း​တႅၼ်း။ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ၸၢင်ႈ​မီး​ၸႂ်​ဢၼ်​ဢဵတ်း​လူ​လႄႈ​ပၼ်​ဢေႃႈ။-</verse>
				<verse number="22">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​ပၼ်​တၢင်း​လီ​ၼၼ်ႉ တၵ်း​လႆႈ​ၶၢမ်ႇ​ဢဝ်​ဢမူၺ်ႇ​မိူင်း​ၸဝ်ႈ​လႄႈ၊ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​ၵိၼ်ႇ​ဝႃႈ​ၼၼ်ႉ​ၸမ်ႉ၊ တၵ်း​လႆႈ​ႁွတ်ႈ​ထိုင်​တၢင်း​ဢၼ်​မၼ်း​ၸဝ်ႈ​ပႄႇ​ပႅတ်ႈ​ဢေႃႈ။-</verse>
				<verse number="23">တၢင်း​ၵႂႃႇ​တၢင်း​ပႆ​ၵူၼ်း ပဵၼ်​တၢင်း​ဢၼ်​ထႃႇဝရႃႉ​ၽြႃး​ၸီႇ​ယၢင်ႇ​ဝႆႉ​လႄႈ မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​လူၺ်ႈ​လွင်ႈ​သဵၼ်ႈ​တၢင်း​ဢၼ်​မၼ်း​ၵႂႃႇ​ၼၼ်ႉ​ဢေႃႈ။-</verse>
				<verse number="24">ၵေႃႉ​ၼၼ်ႉ​ပိၵ်ႉ​သမ်ႉ​လူမ်ႉ​သေ​ၵေႃႈ၊ ဢမ်ႇ​လႆႈ​ထိုင်​တီႈ​ဢူပ်ႇ​ပူပ်ႇ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ယိပ်း​ၵမ်​မိုဝ်း​မၼ်း​ယူႇ​ဢေႃႈ။-</verse>
				<verse number="25">ၸႃႉ​ၸဵမ်​မိူဝ်ႈ​ဢၼ်​ၵဝ်​ဢသၢၵ်ႈ​ယင်း​ၼုမ်ႇ​ၼၼ်ႉ​လႄႈ တေႃႇ​ထိုင်​ႁွတ်ႈ​ထၼ်ႈ​ပေႃး​ထဝ်ႈ​ၼႆႉ၊ ၵဝ်​ဢမ်ႇ​တွၼ်ႉ​လႆႈ​ႁၼ်​ၵူၼ်း​သိုဝ်ႈ​တေႃႇ လႆႈ​ၶၢမ်ႇ​တၢင်း​ဢၼ်​ၸုၼ်ႉ​ပႅတ်ႈ​လႄႈ လုၵ်ႈ​မၼ်း​လၢၼ်​မၼ်း​လႆႈ​ၶေႃ​ၵိၼ်​ယွၼ်း​ၵိၼ်​ၼၼ်ႉ။-</verse>
				<verse number="26">မၼ်း​ၼၼ်ႉ​ၸၢင်ႈ​မီး​ၸႂ်​ဢၼ် ဢဵတ်း​လူ​ယူႇ​တင်း​ဝၼ်း​တင်း​ဝၼ်း​သေ​လႄႈ ပၼ်​ပိူၼ်ႈ​ၵူႈ​ပိူၼ်ႈ​ယိမ်​လႄႈ လုၵ်ႈ​မၼ်း​လၢၼ်​မၼ်း​တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ဢေႃႈ။</verse>
				<verse number="27">ပႄႇ​ပႅတ်ႈ​တူႉ​ၸရိူၵ်ႈ​သေ​လႄႈ ႁဵတ်း​သူႉ​ၸရိူၵ်ႈ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၵ်း​လႆႈ​ယူႇ​တႃႇ​သေႇ​မၼ်ႈ​ၶိူင်ႇ​ဢေႃႈ။-</verse>
				<verse number="28">ထႃႇဝရႃႉ​ၽြႃး​ထုၵ်ႇ​ၸႂ်​ၵျိူၵ်ႈ​ၸႂ် တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​လႄႈ၊ ဢမ်ႇ​ၸုၼ်ႉ​ဢမ်ႇ​ပႅတ်ႈ ၶဝ်​ၸိူဝ်း​ဢၼ်​မၼ်း​ၸဝ်ႈ​ႁၵ်ႉ​ပႅင်း​ၼၼ်ႉ။ ၶဝ်​ၼၼ်ႉ​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ပႂ်ႉ​လူ​ပႂ်ႉ​တူၺ်း​ယူႇ​ၼၼ်ႉ​တႃႇ​သေႇ​ဢမ်ႇ​ထၢတ်ႇ​လႄႈ၊ လုၵ်ႈ​လၢၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​ဢေႃႈ။-</verse>
				<verse number="29">ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ တၵ်း​လႆႈ​ၶၢမ်ႇ​ဢမူၺ်ႇ​မိူင်း​ၸဝ်ႈ​လႄႈ ယူႇ​ၵႃႈ​ၼႂ်း​မၼ်း​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="30">သူပ်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​မွၵ်ႇ​လၢတ်ႈ​ပိင်ႇ​ၺႃႇ​လႄႈ၊ လိၼ်ႉ​မၼ်း​ၵေႃႈ​ၸၢင်ႈ​လၢတ်ႈ​ၸၢင်ႈ​ဝႃႈ ၵႂၢမ်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​ဢေႃႈ။-</verse>
				<verse number="31">တြႃး​ထႃႇဝရႃႉ​ၽြႃး တႄႇ​ယူႇ​ၵႃႈ​ၼႂ်း​ႁူဝ်​ၸႂ်​မၼ်း​လႄႈ၊ တၢင်း​ဢၼ်​မၼ်း​ယၢင်ႈ​တိၼ်​ၼၼ်ႉ ဢမ်ႇ​လႆႈ​ပြၢတ်ႈ​လႆႈ​လူမ်ႉ။-</verse>
				<verse number="32">ၵေႃႉ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​ပႂ်ႉ​လွမ်​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​လႄႈ ၵျၢမ်ႇ​ႁႃ​ႁႂ်ႈ​လႆႈ​ဢဝ်​မၼ်း​တၢႆ​ဢေႃႈ။-</verse>
				<verse number="33">ထႃႇဝရႃႉ​ၽြႃး​တၵ်း​ၸုၼ်ႉ​မၼ်း​ပႅတ်ႈ​ဝႆႉ ၵႃႈ​ၼႂ်း​မိုဝ်း​ၵေႃႉ​ၼၼ်ႉ​ဢမ်ႇ​ၸႂ်ႈ။ တၵ်း​ၸီႇ​ယၢင်ႇ​ဢပႅတ်ႈ​တီႈ​မၼ်း မိူဝ်ႈ​ဢၼ်​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​ၸႅတ်ႈ​တူၺ်း​ၼၼ်ႉ​ဢမ်ႇ​ၸႂ်ႈ။</verse>
				<verse number="34">မုင်ႈ​ထႃႈ​မွင်း​ထႃႈ​ထႃႇဝရႃႉ​ၽြႃး​လႄႈ ၸွမ်း​ၵႂႃႇ​ၸွမ်း​ပႆ​ၵႃႈ​ၼႂ်း​သဵၼ်ႈ​တၢင်း​မၼ်း​ၸဝ်ႈ​တႃႉ။ မၼ်း​ၸဝ်ႈ​တၵ်း​ယုၵ်ႉ​ယွင်ႈ​မႂ်း ႁႂ်ႈ​မႂ်း​လႆႈ​ၶၢမ်ႇ​ဢမူၺ်ႇ​မိူင်း​ၸဝ်ႈ​လႄႈ၊ မႂ်း​တၵ်း​လႆႈ​ထူပ်း​လႆႈ​ႁၼ်​တၢင်း​ဢၼ် ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ လူႉ​သုမ်း​ၼၼ်ႉ​ဢေႃႈ။-</verse>
				<verse number="35">ပိၵ်ႉ​သမ်ႉ​ၵဝ်​လႆႈ​ႁၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ ဢႃႇၵႃႇ​ၼႃႇ​လူင်​လၢင်​လႄႈ ႁဵတ်း​ႁႂ်ႈ​တူဝ်​ၸဝ်ႈ​ၵဝ်ႇ​ၽႄႈ​မႃး​တိူၼ်း​မႃး မိူၼ်​ၸိူဝ်ႉ​ၼင်ႇ​တူၼ်ႈ​မႆႉ​ဢၼ်​ၼုမ်ႇ​လီ​မူႈ​လီ ၼႂ်း​တီႈ​ဢၼ်​မၼ်း​ဢွၵ်ႇ​မႃး​ၼၼ်ႉ​သေ​ၵေႃႈ၊-</verse>
				<verse number="36">လိုၼ်း​ၼၼ်ႉ​မၼ်း​ၶၢႆႉ​ပုတ်ႈ​ၵႂႃႇ​သေ​လႄႈ ႁၢႆ​လၢႆ​ၵႂႃႇ​ဢေႃႈ။ ၵဝ်​ႁႃ​မၼ်း​သေ​ၵေႃႈ ဢမ်ႇ​လႆႈ​ထူပ်း​လႆႈ​ႁၼ်။-</verse>
				<verse number="37">ၶႆႈ​ၸႂ်​တူၺ်း​ၵေႃႉ​ဢၼ်​မီး​တၢင်း​ဢၼ်​ၸေး​ၸုမ်ႇ​ၼၼ်ႉ​လႄႈ လူ​တူၺ်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​တႃႉ။ ၸူဝ်ႈ​ၼႃႈ​ၸၢတ်ႈ​ၼႃႈ​ၵေႃႉ​ၼၼ်ႉ တၵ်း​ပဵၼ်​တၢင်း​ဢၼ်​ၼိမ်​ဢၼ်​လီ​ဢေႃႈ။-</verse>
				<verse number="38">ၶဝ်​ၸိူဝ်း​ဢၼ်​ၽိတ်း​ပိူင်ႈ​ၼၼ်ႉ တၵ်း​လႆႈ​ႁွတ်ႈ​ထိုင်​တၢင်း​ဢၼ်​လူႉ​ဢၼ်​လႅဝ်​လႄႈ၊ ၸူဝ်ႈ​ၼႃႈ​ၸၢတ်ႈ​ၼႃႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​ဢေႃႈ။-</verse>
				<verse number="39">တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ ဢွၵ်ႇ​သေ​ၵႃႈ​တီႈ​ထႃႇဝရႃႉ​ၽြႃး​မႃး​လႄႈ၊ မၼ်း​ၸဝ်ႈ​ပဵၼ်​တီႈ​ဢၼ်​ၶဝ်​သွၼ်ႈ​ပိုင်ႈ​ယူႇ ၼႂ်း​မိူဝ်ႈ​ဢၼ်​ၽေး​ႁွတ်ႈ​ထိုင်​ၼၼ်ႉ​ဢေႃႈ။</verse>
				<verse number="40">ထႃႇဝရႃႉ​ၽြႃး​တၵ်း​ၸွႆႈ​ထႅမ်​မႃႉ​ၸႃႉ​ၶဝ်​လႄႈ ၵႄႇ​သႄႇ​ဢဝ်​ၶဝ်​လွတ်ႈ​ဢေႃႈ။ မၼ်း​ၸဝ်ႈ​တၵ်း​ၵႄႇ​သႄႇ​ဢဝ်​ၶဝ်​လွတ်ႈ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​လႄႈ ၵႄႇ​သႄႇ​ၶျွတ်ႈ​ဢဝ်​ၶဝ်​ၵွပ်ႈ​ပိူဝ်ႈ​ဢၼ်​ၶဝ်​ဢိင်​ပိုင်ႈ​မၼ်း​ၸဝ်ႈ​ၼၼ်ႉ​ဢေႃႈ။</verse>
			</chapter>
			<chapter number="38">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ တၢင်း​ၸႂ်​မႆႈ​ၸဝ်ႈ​ႁဝ်း​ဢွၵ်ႇ​လႄႈ ယႃႇ​ပေ​တၢင်ႇ​ဢပႅတ်ႈ​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ပႃး​တင်း​ၸႂ်​ဢၼ်​ႁၢဝ်ႈ​ၵျၢမ်း​ၼႃႇ​သေ​လႄႈ၊ ယႃႇ​ပေ​သင်ႇ​သွၼ်​သုင်း​မႃႉ​ၶႃႈ​ၸဝ်ႈ သေ​ၵမ်း​တီႈ​ၶႃႈ။-</verse>
				<verse number="2">ပိုၼ်​ၸဝ်ႈ​ႁဝ်း​တင်း​လၢႆ ၸူၵ်ႉ​သဵပ်ႇ​ၶႃႈ​ၸဝ်ႈ​ယူႇ​လႄႈ၊ မိုဝ်း​ၸဝ်ႈ​ႁဝ်း​တဵၵ်း​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​ဢၼ် တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​ဢွၵ်ႇ​ၼၼ်ႉ​လႄႈ၊ ၼိူဝ်ႉ​ၶႃႈ​ၸဝ်ႈ ဢမ်ႇ​မီး​တၢင်း​ဢၼ်​ယူႇ​လီ​တီႈ​ၶႃႈ။ ၵွပ်ႈ​ပိူဝ်ႈ​တူႉ​ၸရိူၵ်ႈ​ဢပႅတ်ႈ​ၶႃႈ​ၸဝ်ႈ​လႄႈ၊ ၵႃႈ​ၼႂ်း​လုပ်ႇ​ၶႃႈ​ၸဝ်ႈ​ၸိူဝ်း​ၼႆႉ ဢမ်ႇ​မီး​တၢင်း​ဢၼ်​သၢၵ်ႈ​သႃႇ​ၶႅၼ်း​မႃး​တီႈ​ၶႃႈ။-</verse>
				<verse number="4">တူႉ​ၸရိူၵ်ႈ​ၶႃႈ​ၸဝ်ႈ​တင်း​လၢႆ ထူမ်ႈ​ႁူမ်ႇ​ႁူဝ်​ၶႃႈ​ၸဝ်ႈ​ယူႇ​လႄႈ ၼၵ်း​ၼႃႇ​ထၼ်ႈ​ပေႃး ဢမ်ႇ​ႁၢပ်ႇ​လႆႈ မိူၼ်​ၸိူဝ်ႉ​ၼင်ႇ​ဢၼ် ၶူဝ်း​ႁၢပ်ႇ​ၼၵ်း​ၼႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">တၢင်း​ၸဵပ်း​တၢင်း​ယဵၼ်း​ၶႃႈ​ၸဝ်ႈ​တင်း​လၢႆ မဵၼ်​တူႇ​လႄႈ မီး​တၢင်း​ဢၼ်​ပဵၼ်​ၵႃႉ​ပဵၼ်​ၵီႉ​ယူႇ ၵွပ်ႈ​ပိူဝ်ႈ​တၢင်း​ဢၼ်​ၶႃႈ​ၸဝ်ႈ​မိူၵ်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ၶႃႈ​ၸဝ်ႈ​လႆႈ​ၶၢမ်ႇ​ၼႃႇ​လူင်​လၢင်​လႄႈ မီး​တၢင်း​ဢၼ်​ၶျႃး​တႅမ်ႇ​ယူႇ​သေ​လႄႈ ၼုင်ႈ​မႆ​ၶူဝ်း​ၼုင်ႈ​ဢၼ်​ၵျၢမ်း​ၼႃႇ​ၼၼ်ႉ​လႄႈ လႆႈ​ၵႂႃႇ​ယူႇ​ပႆ​ယူႇ တင်း​ဝၼ်း​တင်း​ဝၼ်း​တီႈ​ၶႃႈ​ဢေႃႈ။-</verse>
				<verse number="7">ဢႅဝ်​ၶႃႈ​ၸဝ်ႈ​တဵမ်​ဝႆႉ​တင်း တၢင်း​ဢၼ်​မႆႈ​ဢၼ်​ႁွၼ်ႉ​လႄႈ ၼိူဝ်ႉ​ၶႃႈ​ၸဝ်ႈ​ဢမ်ႇ​မီး​တၢင်း​ဢၼ်​ယူႇ​လီ​တီႈ​ၶႃႈ၊-</verse>
				<verse number="8">ၶႃႈ​ၸဝ်ႈ​လၢင်ႈ​ၵႂႃႇ​ၶႅင်​ၵႂႃႇ​လႄႈ တႅၵ်ႇ​ၵႂႃႇ​လႅဝ်​ၵႂႃႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁွင်ႉ​သႅၼ်ႇ​ၵွပ်ႈ​ပိူဝ်ႈ​တၢင်း​ဢၼ်​ႁူဝ်​ၸႂ်​ၶႃႈ​ၸဝ်ႈ သၼ်ႇ​ဝႆ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="9">ၸဝ်ႈ​ၽြႃး​တီႈ​ၶႃႈ၊ ဢလူဝ်ႇ​ၶႃႈ​ၸဝ်ႈ​ၵႃႈ​မီး​တင်း​သဵင်ႈ​တင်း​မူတ်း မီး​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​လႄႈ၊ တၢင်း​ဢၼ်​ၶႃႈ​ၸဝ်ႈ​ၶၢင်း​ၼၼ်ႉ​ၵေႃႈ၊ ဢမ်ႇ​မီး​တၢင်း​ဢၼ်​သိူင်ႇ​ဝႆႉ​လပ်ႉ​ဝႆႉ​ၵႃႈ​တီႈ​ၸဝ်ႈ​ႁဝ်း​တီႈ​ၶႃႈ။-</verse>
				<verse number="10">ႁူဝ်​ၸႂ်​ၶႃႈ​ၸဝ်ႈ​သဝ်ႇ​လႄႈ ႁႅင်း​ၶႃႈ​ၸဝ်ႈ​ၵေႃႈ​သဵင်ႈ​ၵႂႃႇ​တီႈ​ၶႃႈ​ယဝ်ႉ။ ဢၼ်​လႅင်း​မၢၵ်ႇ​တႃ​ၶႃႈ​ၸဝ်ႈ​ၵေႃႈ လပ်ႉ​ႁၢႆ​ၵႂႃႇ​သေ​ၵႃႈ​တီႈ ၶႃႈ​ၸဝ်ႈ​တီႈ​ၶႃႈ​ယဝ်ႉ။-</verse>
				<verse number="11">ၶဝ်​ၸိူဝ်း​ဢၼ်​ႁၵ်ႉ​ၶႃႈ​ၸဝ်ႈ ဢိၵ်ႇ​တင်း​ၵေႃႉ​သေႈ​ၶႃႈ​ၸဝ်ႈ​ၸိူဝ်း​ၼၼ်ႉ ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ဢၼ်​ၵႆ ၵွပ်ႈ​ပိူဝ်ႈ​တၢင်း​ၶႆႈ​တၢင်း​ပဵၼ်​ၶႃႈ​ၸဝ်ႈ​ၼႆႉ​လႄႈ၊ ပီႈ​ၼွင်ႉ​ၶႃႈ​ၸဝ်ႈ​တင်း​လၢႆ​ၵေႃႈ ဢွၼ်​ၵၼ်​ဝႄႈ​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="12">ၶဝ်​ၸိူဝ်း​ဢၼ်​ႁႃ​ဢသၢၵ်ႈ​ၶႃႈ​ၸဝ်ႈ​ၼၼ်ႉ ၵၢင်​တူင်ႇ​ႁႅဝ်ႉ​တူင်ႇ​ၶိုမ်း​ဝႆႉ​ပုၼ်ႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၶဝ်​ၸိူဝ်း​ဢၼ်​ႁႃ​ဢၶႂၢင်ႉ ဢၼ်​လႆႈ​ႁဵတ်း​ႁၢႆႉ​ႁဵတ်း​ယုတ်ႈ​သႂ်ႇ​တီႈ​ၶႃႈ​ၸဝ်ႈ​ၼၼ်ႉ ဢွၼ်​ၵၼ်​လၢတ်ႈ​ၵႂၢမ်း​ဢမ်ႇ​ၼႃႇ​လူဝ်ႇ​ယူႇ​လႄႈ ၵျၢမ်ႇ​ပွင်​ပရီႉယႄႇ​ယူႇ တင်း​ဝၼ်း​တင်း​ဝၼ်း​တီႈ​ၶႃႈ​ဢေႃႈ။-</verse>
				<verse number="13">ၶႃႈ​ၸဝ်ႈ​ၸမ်ႉ၊ ဢမ်ႇ​ငိၼ်း​မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ႁူ​ၼူၵ်ႇ​ၼၼ်ႉ​လႄႈ ပဵၼ်​ၸိူဝ်ႉ​ၼင်ႇ​ၵူၼ်း​ဢႃႉ ဢၼ်​ဢမ်ႇ​ၸၢင်ႈ​ၽုၺ်ႇ​သူပ်း​မၼ်း​ၼၼ်ႉ​ယူႇ​တီႈ​ၶႃႈ​ဢေႃႈ။</verse>
				<verse number="14">ၶႃႈ​ၸဝ်ႈ​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ႁူ​ဢမ်ႇ​ငိၼ်း​လႄႈ ဢမ်ႇ​မီး​တီႈ​ဢၼ်​တၵ်း​ၶိုၼ်း​လၢတ်ႈ ၵႃႈ​ၼႂ်း​သူပ်း​မၼ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ဢႃး​ၵူဝ်း​ၸဝ်ႈ​ႁဝ်း​လႄႈ ၸဝ်ႈ​ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၸဝ်ႈ​ႁဝ်း​တၵ်း​ၶိုၼ်း​ဢိူဝ်​တီႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="16">ၶႃႈ​ၸဝ်ႈ​လဝ်ႊ​လၢတ်ႈ​လႄႈ​ဝႃႈ၊ ၵူဝ်​ၶဝ်​တၵ်း​ၸူမ်း​သိူဝ်း​ၵႃႈ​ၼိူဝ်​ၶႃႈ​ၸဝ်ႈ​လႄႈ ဢွၼ်​ၵၼ်​ယုၵ်ႉ​ယွင်ႈ​တူဝ်​ၸဝ်ႈ​ၵဝ်ႇ​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ ၼႂ်း​မိူဝ်ႈ​ဢၼ်​တိၼ်​ၶႃႈ​ၸဝ်ႈ​ပြၢတ်ႈ ​ၵႂႃႇ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ။-</verse>
				<verse number="17">ၶႃႈ​ၸဝ်ႈ​ၸမ်​တၵ်း​လူမ်ႉ​လႄႈ၊ တၢင်း​ဢၼ်​ၶူပ်း​ဢၼ်​ၶိုၼ်ႈ​ၶႃႈ​ၸဝ်ႈ​ၼၼ်ႉ မီး​ယူႇ​သိုဝ်ႈ​ၼႃႈ​တႂ်ႈ​တႃ​ၶႃႈ​ၸဝ်ႈ​ယူႇ​သေႇ​သေႇ​တီႈ​ၶႃႈ​ဢေႃႈ။-</verse>
				<verse number="18">ၶႃႈ​ၸဝ်ႈ​တၵ်း​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ​ၶႃႈ​ၸဝ်ႈ​လႄႈ မီး​တၢင်း​ဢၼ်​မႆႈ​ၸႂ်​ၶီ​ၸႂ်​ယူႇ​ၵွပ်ႈ​ပိူဝ်ႈ​တၢင်း​ဢၼ်​ၽိတ်း​ပိူင်ႈ​မႅၼ်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="19">ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ​ၸမ်ႉ၊ ယူႇ​လီ​ၵိၼ်​ဝၢၼ်​ယူႇ​လႄႈ ႁႅင်း​ယႂ်ႇ​ၼႃႇ​ယူႇ​တီႈ​ၶႃႈ​ဢေႃႈ။ ယင်း​ဢမ်ႇ​ၸိုဝ်ႈ​ဢမ်ႇ​ၸႂ်ႈ​လႄႈ ၶဝ်​ၸိူဝ်း​ဢၼ်​ၸင်း​ၶႃႈ​ၸဝ်ႈ​ၼၼ်ႉ မီး​ၼမ်​ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="20">ၶဝ်​ၸိူဝ်း​ဢၼ်​ၸၢင်ႈ​ႁဵတ်း​ဢၼ်​ဢမ်ႇ​လီ ပုၼ်ႈ​လွင်ႈ​တၢင်း​ဢၼ်​လီ​ၼၼ်ႉ ဢွၼ်​ၵၼ်​ႁဵတ်း​ဢၼ်​ဢမ်ႇ​ထုၵ်ႇ​ၵၼ်​တင်း​ၶႃႈ​ၸဝ်ႈ​ယူႇ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ၵျူဝ်း​ၸႃး​ၸွမ်း​လွင်ႈ​တၢင်း​ဢၼ်​လီ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="21">ထႃႇဝရႃႉ​ၽြႃး​တီႈ​ၶႃႈ၊ ယႃႇ​ပေ​ၸုၼ်ႉ​ပႅတ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ယႃႇ​ပေ​ယူႇ​တီႈ​ဢၼ်​ၵႆ​ၵၼ်​တင်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="22">ၸဝ်ႈ​ၽြႃး​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ႁိပ်ႈ​ၼႅတ်ႈ ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။</verse>
			</chapter>
			<chapter number="39">
				<verse number="1">ၵဝ်​လၢတ်ႈ​လႄႈ​ဝႃႈ၊ ၵဝ်​တၵ်း​ႁဵတ်း​သတီႉ​လူၺ်ႈ​သဵၼ်ႈ​တၢင်း​ၵဝ်​တင်း​လၢႆ ႁႂ်ႈ​ဢမ်ႇ​လႆႈ​ဢဝ်​တင်း​လိၼ်ႉ​ၵဝ်​ၽိတ်း​ပိူင်ႈ​လႃး​လႃး​လႄႈ၊ တၵ်း​ဢဝ်​ၵၵ်ႉ​ဢဝ်​ၵိုဝ်​သႂ်ႇ​ဝႆႉ​ၵႃႈ​ၼႂ်း​သူပ်း​ၵဝ် ၼႂ်း​မိူဝ်ႈ​ဢၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ မီး​ယူႇ​သိုဝ်ႈ​ၼႃႈ​တႂ်ႈ​တႃ​ၵဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ။-</verse>
				<verse number="2">ၵဝ်​ယင်း​ဢမ်ႇ​တၵ်း​သဵင်​တၵ်း​ပၢၵ်ႇ​လႄႈ ဢႃႉ​ယူႇ​ဢေႃႈ။ တေႃႈ​ၵႃႈ​လွင်ႈ​ဢၼ် တၵ်း​ပဵၼ်​ဢၼ်​လီ​ဢၼ်​ငၢမ်း​ၼၼ်ႉ ၵဝ်​ယင်း​ယူႇ​တဵတ်ႇ​တဵတ်ႇ​ယူႇ​လႄႈ မီး​တၢင်း​ဢၼ်​ၵိတ်ႇ​ၸႂ်​ၵႅၼ်း​ၸႂ်​ယူႇ​ဢေႃႈ။-</verse>
				<verse number="3">ႁူဝ်​ၸႂ်​ၵဝ် မီး​တၢင်း​ဢၼ်​မႆႈ​ဢၼ်​ႁွၼ်ႉ​ၵႃႈ​ၼႂ်း​ၵဝ်​လႄႈ ၼႂ်း​မိူဝ်ႈ​ဢၼ်​ၵဝ်​ၶႆႈ​ၸႂ်​ဝူၼ်ႉ​ၸႂ်​ယူႇ​ၼၼ်ႉ​ၸိုင်၊ ၽႆး​လုၵ်ႉ​လႄႈ​မႆႈ​ယူႇ​ဢေႃႈ။ ၵဝ်​ၵေႃႈ​ဢဝ်​လိၼ်ႉ​ၵဝ်​လၢတ်ႈ​လႄႈ​ဝႃႈ​ၸမ်ႉ၊</verse>
				<verse number="4">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁူႉ​တီႈ​သုတ်း​တီႈ​ၵွႆ​ၶႃႈ​ၸဝ်ႈ ဢိၵ်ႇ​တင်း​လွင်ႈ​ဢၼ်​ၸူဝ်ႈ​တႃႇ​ဢသၢၵ်ႈ​ၶႃႈ​ၸဝ်ႈ​ပဵၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ​သေ​ၵမ်း​တီႈ​ၶႃႈ။ ႁႂ်ႈ​ၶႃႈ​ၸဝ်ႈ​ႁူႉ​လွင်ႈ​တၢင်း​ဢၼ် တူဝ်​ၸဝ်ႈ​ၵဝ်ႇ​ၸၢင်ႈ​လူႉ​ၸၢင်ႈ​လႅဝ်​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="5">တူၺ်း​လူး​တီႈ​ၶႃႈ၊ ၸဝ်ႈ​ႁဝ်း​မၵ်း​ၶၢၼ်း​ဝႆႉ ၸူဝ်ႈ​တႃႇ​ဢသၢၵ်ႈ​ၶႃႈ​ၸဝ်ႈ​မီး​သေ​မိူၵ်ႈ​ၼိုင်ႈ​ ​ၵူၺ်း​လႄႈ၊ ဢရွႆႇ​ၶႃႈ​ၸဝ်ႈ​ပဵၼ်​ၸိူဝ်ႉ​ၼင်ႇ​ဢမ်ႇ​ၸႂ်ႈ​ၵႃႈ​သင်​လႃး​လႃး ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၵူၼ်း​ဢၼ်​ဝႃႈ​ၸမ်ႉ၊ ပိၵ်ႉ​သမ်ႉ​ပဵၼ်​ၸိၵ်း​ပဵၼ်​ၸွမ်​ၵူၼ်း​တင်း​လၢႆ​သေ​ၵေႃႈ၊ ပဵၼ်​ဢၼတ်ႉတႃႉ​ၵူၺ်း​ၵူၺ်း ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။ ၸေႇလႃႇ။-</verse>
				<verse number="6">ၵူၼ်း​ၸိုင် ၵႂႃႇ​မႃး​ယူႇ​ၵႃႈ​ၼႂ်း​ႁူမ်ႈ​ၵွင်ႉ​ငဝ်း ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။ ၶဝ်​ယၢပ်ႇ​ၸႂ်​ၶၢၼ်​ၸႂ် ဢမ်ႇ​မီး​ဢၵျူဝ်း​ၵႃႈ​သင်​ဢမၢၼ်ႇ​ၶၼ်​ပဵၼ်​လႄႈ၊ ပိၵ်ႉ​သမ်ႉ​ၶဝ်​သိမ်း​ပႅင်း​ဢုၵ်ႉ​ၸႃႇ​ဝႆႉ​သေ​ၵေႃႈ၊ ၶဝ်​ဢမ်ႇ​ႁူႉ​လွင်ႈ​ဢၼ် ၽူႈ​လႂ်​တၵ်း​လႆႈ​ၼၼ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။</verse>
				<verse number="7">မိူဝ်ႈ​လဵဝ်​ၼႆႉ​ၸမ်ႉ၊ ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ​ၵႃႈ​သင်​ယူႇ​တီႈ​ၶႃႈ၊ ထႃႇဝရႃႉ​ၽြႃး​တီႈ​ၶႃႈ၊ တၢင်း​ဢၼ်​ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ​ၼၼ်ႉ မီး​တီႈ​ၸဝ်ႈ​ႁဝ်း​ၵူၺ်း​တီႈ​ၶႃႈ​ဢေႃႈ။-</verse>
				<verse number="8">ၶႅၼ်း​တေႃႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​ဢပႅတ်ႈ ၵႃႈ​ဢၼ်​လႆႈ​ၽိတ်း​ပိူင်ႈ​မႅၼ်ႈ​ၼၼ်ႉ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ် ၵူၼ်း​မိူၵ်ႈ​တင်း​လၢႆ​သႄႉ​သွမ်း​ၼၼ်ႉ သေ​ၵမ်း​တီႈ​ၶႃႈ။-</verse>
				<verse number="9">ၶႃႈ​ၸဝ်ႈ​ဢႃႉ​ယူႇ​လႄႈ ယင်း​ဢမ်ႇ​ၽုၺ်ႇ​သူပ်း​ၽုၺ်ႇ​ပၢၵ်ႇ​လႄႈ​ယူႇ ၵွပ်ႈ​ပိူဝ်ႈ​ဢၼ်​ပဵၼ်​လွင်ႈ​တၢင်း​ဢၼ်​ၸဝ်ႈ​ႁဝ်း​ႁဵတ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="10">ၶႅၼ်း​တေႃႈ​ပႄႇ​တၢမ်ႇ​ၸဝ်ႈ​ႁဝ်း​ပႅတ်ႈ​သေ​ၵႃႈ​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ်​ၸဝ်ႈ​ႁဝ်း ဢဝ်​မိုဝ်း​ၸဝ်ႈ​ႁဝ်း​ပေႃႉ​ယႅၼ်ႉ​ၼၼ်ႉ​လႄႈ ႁႅင်း​သဵင်ႈ​ၵႂႃႇ​တီႈ​ၶႃႈ​ယဝ်ႉ။-</verse>
				<verse number="11">မိူဝ်ႈ​ဢၼ်​ၸဝ်ႈ​ႁဝ်း​သင်ႇ​သွၼ်​သုင်း​မႃႉ​ပၼ်​တၢမ်ႇ တီႈ​ၵူၼ်း​ၵွပ်ႈ​ပိူဝ်ႈ​ဢပႅတ်ႈ​မၼ်း​ၼၼ်ႉ​ၸိုင်၊ ၸဝ်ႈ​ႁဝ်း​ႁႂ်ႈ​လွင်ႈ​တၢင်း​ဢၼ်​မၼ်း​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ ႁၢႆ​ၵႂႃႇ​မိူၼ်​ၸိူဝ်ႉ​ၼင်ႇ​မူင်ႈ​ၼင်ႇ​မႅင်း​ၼၼ်ႉ​လႄႈ၊ ၵူၼ်း​တင်း​သဵင်ႈ​တင်း​လူင် ပဵၼ်​ဢၼတ်ႉတႃႉ​ၵူၺ်း​ၵူၺ်း​တီႈ​ၶႃႈ​ဢေႃႈ။ ၸေႇလႃႇ။-</verse>
				<verse number="12">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ထွမ်ႇ​ငိၼ်း​တၢင်း​ဢၼ်​ၶႃႈ​ၸဝ်ႈ​သူး​တွင်း​ႁဵတ်း​ပထၼႃႇ​ၼႆႉ​လႄႈ ဝၢႆႇ​ႁူ​ၸဝ်ႈ​ႁဝ်း​ၸူး​သဵင်​ဢၼ်​ၶႃႈ​ၸဝ်ႈ​ႁွင်ႉ​သႅၼ်ႇ​ၼႆႉ​သေ​ၵမ်း​တီႈ​ၶႃႈ။ ယႃႇ​ပေ​တူၺ်း​ၼမ်ႉ​တႃ​ၶႃႈ​ၸဝ်ႈ​သေ​လႄႈ တဵတ်ႇ​ယဵၼ်​ယူႇ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ၵေႃႈ​လႆႈ​ပဵၼ်​ၶႅၵ်ႇ​ဢႃႇၵၼ်ႇတူႉ​ယူႇ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း မိူၼ်​ၸိူဝ်ႉ​ၼင်ႇ​ဢၼ်​ပူႇ​မွၼ်ႇ​ၶႃႈ​ၸဝ်ႈ​တင်း​သဵင်ႈ​တင်း​လူင်​လႆႈ​ပဵၼ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="13">ၶႅၼ်း​တေႃႈ​ဝၢႆႇ​ၼႃႈ​ၸဝ်ႈ​ႁဝ်း​ပိူင်ႈ​သေ​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​သၢၵ်ႈ​သႃႇ​ၶႅၼ်း​မႃး​ၼႂ်း​ၸူဝ်ႈ​ဢၼ်​ၶႃႈ​ၸဝ်ႈ​ဢမ်ႇ​ပႆႇ​ၶၢႆႉ​ၵႂႃႇ​လႄႈ ႁၢႆ​လၢႆ​ၵႂႃႇ​ၼၼ်ႉ​သေ​ၵမ်း​တီႈ​ၶႃႈ။</verse>
			</chapter>
			<chapter number="40">
				<verse number="1">ၵဝ်​မုင်ႈ​မွင်း​ထႃႇဝရႃႉ​ၽြႃး​ယူႇ​လႄႈ၊ မၼ်း​ၸဝ်ႈ​ဝၢႆႇ​ၼႃႈ​ၸူး​ၵဝ်​သေ​လႄႈ ထွမ်ႇ​ငိၼ်း​သဵင်​ဢၼ်​ၵဝ်​ႁွင်ႉ​သႅၼ်ႇ​ၼၼ်ႉ​ဢေႃႈ။-</verse>
				<verse number="2">မၼ်း​ၸဝ်ႈ​ၵႄႇ​သႄႇ​ၼုၵ်ႈ​ဢဝ်​ၵဝ် ဢွၵ်ႇ​သေ​ၵႃႈ​ၼႂ်း​လုၵ်း​ၼႂ်း​ၶုမ်​တၢင်း​ဢၼ်​လူႉ​ဢၼ်​လႅဝ် ဢိၵ်ႇ​တင်း​ၵႃႈ​ၼႂ်း​ၵူမ်ႇ​ၼႂ်း​ဢုင်​ၼၼ်ႉ​သေ​လႄႈ ဢဝ်​တိၼ်​ၵဝ်​တၢင်ႇ​သႂ်ႇ​ၵႃႈ​ၼိူဝ်​မၢၵ်ႇ​ႁိၼ်​မၢၵ်ႇ​ၽႃ​လႄႈ ႁႂ်ႈ​ႁွႆး​တိၼ်​ၵဝ်​တႄႇ​ယူႇ​ဢေႃႈ။-</verse>
				<verse number="3">မၼ်း​ၸဝ်ႈ​ဢဝ်​တၢင်း​ဢၼ်​ႁဵတ်း​ၵႂၢမ်း​ဢၼ်​မႂ်ႇ ဢၼ်​ဝႃႈ​တၢင်း​ဢၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ​ႁဝ်း​ၼၼ်ႉ သႂ်ႇ​ပၼ်​ၵႃႈ​ၼႂ်း​သူပ်း​ၵဝ်​ဢေႃႈ။ ၵူၼ်း​ၼမ်​ၼႃႇ​တၵ်း​ႁူႉ​ႁၼ်​လႄႈ မီး​တင်း​ၸႂ်​ဢၼ်​ၵူဝ်​ဢၼ်​ႁႄ​သေ​လႄႈ ဢိင်​ပိုင်ႈ​ထႃႇဝရႃႉ​ၽြႃး​ဢေႃႈ။-</verse>
				<verse number="4">ၵေႃႉ​ဢၼ်​ဢိင်​ပိုင်ႈ​ထႃႇဝရႃႉ​ၽြႃး​ယူႇ​လႄႈ ဢမ်ႇ​ဝႄႉ​ၶဝ်ႈ​ဝႄႉ​ၸူး​ၶဝ်​ၸိူဝ်း​ဢၼ်​မႃႇၼႃႉ​ၸႂ်​သုင် ဢိၵ်ႇ​တင်း​ၶဝ်​ၸိူဝ်း​ဢၼ်​ပိူင်ႈ​ၵႂႃႇ​ၸူး​ၵႃႈ​တီႈ​မိၵ်ႉသႃႇ​တြႃး​ၼၼ်ႉ​ၼၼ်ႉ မီး​မင်ႇၵလႃႇ​ဢေႃႈ။</verse>
				<verse number="5">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ လွင်ႈ​တၢင်း​ဢၼ်​လီ​ဢၢမ်း​ဢၼ်​ၸဝ်ႈ​ႁဝ်း​ႁဵတ်း ဢိၵ်ႇ​တင်း​တၢင်း​ၵျၢမ်ႇ​တၢင်း​ပွင် ဢၼ်​ၸဝ်ႈ​ႁဝ်း​ၵျၢမ်ႇ​ပွင်​ပုၼ်ႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ ၼမ်​ၼႃႇ​လူင်​လၢင်​တီႈ​ၶႃႈ​ဢေႃႈ။ ၸွမ်း​ၵႃႈ​ၼင်ႇ​ဢၼ်​ၸႅၼ်ႇ​တၢမ်း​ၵၼ်​ဝႆႉ​ၼၼ်ႉ​သေ​လႄႈ ဢဝ်​လဝ်ႊ​လၢတ်ႈ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​လႄႈ ဢမ်ႇ​သဵင်ႈ​လႆႈ​တီႈ​ၶႃႈ၊ ပေႃး​ၶႃႈ​ၸဝ်ႈ​ဝႃႈ၊ တၵ်း​ဢဝ်​ဢွၵ်ႇ​လႄႈ မွၵ်ႇ​လၢတ်ႈ​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ပဵၼ်​ဢၼ်​ၼမ်​ၼႃႇ​လူင်​လၢင်​ထၼ်ႈ​ပေႃး ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​တီႈ​ၶႃႈ​ဢေႃႈ။</verse>
				<verse number="6">ၸဝ်ႈ​ႁဝ်း​ဢမ်ႇ​မီး​ဢလူဝ်ႇ​ၶႂ်ႈ​လႆႈ​ယိတ်ႈ ဢိၵ်ႇ​တင်း​ၶိူင်ႈ​တၢင်း​ပုၵ်ႈ​ၸေႃႇ​တင်း​လၢႆ​လႄႈ ၽုၺ်ႇ​ႁူ​ၶႃႈ​ၸဝ်ႈ​တီႈ​ၶႃႈ​ယဝ်ႉ။ ယိတ်ႈ​တၢင်း​ဢၼ်​တုတ်ႇ​ၽႆး ဢိၵ်ႇ​တင်း​ယိတ်ႈ​ဢၼ်​ၽေႇ​ဢပႅတ်ႈ​တင်း​လၢႆ​ၵေႃႈ၊ ၸဝ်ႈ​ႁဝ်း​ဢမ်ႇ​ယွၼ်း​ဢဝ်​တီႈ​ၶႃႈ။-</verse>
				<verse number="7">မိူဝ်ႈ​ၼၼ်ႉ ၶႃႈ​ၸဝ်ႈ​ႁပ်ႉ​တုင်း​ဢဝ်​မႅၼ်ႈ​ၼင်ႇ​ဢၼ် ဢဝ်​လွင်ႈ​ၶႃႈ​ၸဝ်ႈ​တႅမ်ႈ​ဝႆႉ​ၼႂ်း​ၵဵၼ်​ႁမ်း​ၵျၢမ်း​လိၵ်ႈ​ၼၼ်ႉ​လႄႈ​ဝႃႈ၊ ၶႃႈ​ၸဝ်ႈ​တၵ်း​ၵႂႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">ဢူဝ်း​ၽြႃး​ပဵၼ်​ၸဝ်ႈ​ၵဝ်​ၶႃႈ၊ ၼင်ႇ​ႁိုဝ်​တၵ်း​လႆႈ​ႁဵတ်း​ၸွမ်း​ဢလူဝ်ႇ​ၸဝ်ႈ​ႁဝ်း​ၼၼ်ႉ​ၸိုင်၊ ၶႃႈ​ၸဝ်ႈ​ၸူမ်း​သိူဝ်း​တီႈ​ၶႃႈ​ဢေႃႈ။ တြႃး​ၸဝ်ႈ​ႁဝ်း​ၵေႃႈ မီး​ယူႇ​ၵႃႈ​ၼႂ်း​ႁူဝ်​ၸႂ်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="9">ၶႃႈ​ၸဝ်ႈ​ႁေႃး​လၢတ်ႈ​တြႃး​တၢင်း​သိုဝ်ႈ​တေႃႇ ၵႃႈ​ၼႂ်း​ၵၢင်​ပရဵၵ်ႈသၢတ်ႈ​လူင်​ၼၼ်ႉ​တီႈ​ၶႃႈ​ယဝ်ႉ။ ထႃႇဝရႃႉ​ၽြႃး​တီႈ​ၶႃႈ၊ တူၺ်း​တီႈ​ၶႃႈ​လူး။ ၸဝ်ႈ​ႁဝ်း​ႁူႉ​လွင်ႈ​ဢၼ်​ၶႃႈ​ၸဝ်ႈ ဢမ်ႇ​ဢုတ်း​သူပ်း​ၶႃႈ​ၸဝ်ႈ​ဝႆႉ​လႆႈ​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="10">ၶႃႈ​ၸဝ်ႈ​ဢမ်ႇ​ဢဝ်​တြႃး​တၢင်း​ဢၼ်​ၸဝ်ႈ​ႁဝ်း​သိုဝ်ႈ​တေႃႇ​ၼၼ်ႉ သိူင်ႇ​ဝႆႉ​မႅပ်ႉ​ဝႆႉ​ၵႃႈ​တီႈ​ၼႂ်း​ႁူဝ်​ၸႂ်​ၶႃႈ​ၸဝ်ႈ​တီႈ​ၶႃႈ။ ၶႃႈ​ၸဝ်ႈ​ဢဝ်​တြႃး​တၢင်း​ဢၼ်​ၸဝ်ႈ​ႁဝ်း​ပႂ်ႉ​သဵတ်ႈ​ၸႃႇ ဢိၵ်ႇ​တင်း​တြႃး​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ ႁေႃး​လၢတ်ႈ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ဢမ်ႇ​ဢဝ်​ၵရူႉၼႃႇ​ၸဝ်ႈ​ႁဝ်း ဢိၵ်ႇ​တင်း​သဵတ်ႈ​ၸႃႇ​ၸဝ်ႈ​ႁဝ်း​သိူင်ႇ​ဝႆႉ​မႅပ်ႉ​ဝႆႉ​ၵႃႈ​ၼႂ်း​ၵၢင်​ပရဵၵ်ႈသၢတ်ႈ​လူင်​ၼၼ်ႉ​တီႈ​ၶႃႈ၊</verse>
				<verse number="11">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ယႃႇ​ပေ​ၶျုၵ်ႈ​ၸႂ်​တၢင်း​ဢၼ်​ၸဝ်ႈ​ႁဝ်း​ဢဵတ်း​လူ​ႁၵ်ႉ​ပႅင်း​ၼၼ်ႉ ဝႆႉ​သေ​ၵႃႈ​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​ၵရူႉၼႃႇ​ၸဝ်ႈ​ႁဝ်း ဢိၵ်ႇ​တင်း​သဵတ်ႈ​ၸႃႇ​ၸဝ်ႈ​ႁဝ်း​ၼၼ်ႉ ပႂ်ႉ​လူ​ပႂ်ႉ​တူၺ်း​ၶႃႈ​ၸဝ်ႈ​ယူႇ​သေႇ​သေႇ​သေ​ၵမ်း​တီႈ​ၶႃႈ၊-</verse>
				<verse number="12">လွင်ႈ​မၼ်း​ၸမ်ႉ ၽေး​ဢူႉ​ပၢတ်ႈ​ၼမ်​ၼႃႇ​ဢမ်ႇ​ႁူႉ​ၼမ်​လႂ်​ၼၼ်ႉ ဢွၼ်​ၵၼ်​လွမ်ႉ​ႁွပ်ႈ​ၶႃႈ​ၸဝ်ႈ​ဝႆႉ​တီႈ​ၶႃႈ​ယဝ်ႉ။ ဢပႅတ်ႈ​ဢၼ်​ၶႃႈ​ၸဝ်ႈ​လႆႈ​ၶၢမ်ႇ​ထၼ်ႈ​ပေႃး ဢမ်ႇ​ႁႅၼ်​ဢမ်ႇ​တူၺ်း​လႆႈ​ၸိူဝ်း​ၼၼ်ႉ ၸွမ်း​ၶိုတ်း​ၶႃႈ​ၸဝ်ႈ​ယဝ်ႉ​တီႈ​ၶႃႈ​ယဝ်ႉ။ ၶဝ်​ၼၼ်ႉ​ၼမ်​ၼႃႇ​သေ​ၶူၼ်​ႁူဝ်​ၶႃႈ​ၸဝ်ႈ​လႄႈ ႁူဝ်​ၸႂ်​ၶႃႈ​ၸဝ်ႈ​ႁႅင်း​ဢူၼ်ႈ​ၵႂႃႇ​တီႈ​ၶႃႈ​ယဝ်ႉ။</verse>
				<verse number="13">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​မီး​ဢလူဝ်ႇ​ၶႂ်ႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁိပ်ႈ​ၼႅတ်ႈ​ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="14">ႁႂ်ႈ​ၶဝ်​ၸိူဝ်း​ဢၼ် ၵျၢမ်ႇ​ႁႃ​ႁႂ်ႈ​လႆႈ​ဢဝ်​ဢသၢၵ်ႈ​ၵဝ်​တၢႆ​ၸိူဝ်း​ၼၼ်ႉ ဢူၵ်း​ဢၢႆ​လႄႈ​ၼႃႈ​လူႉ​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​မီး​ဢလူဝ်ႇ​ၶႂ်ႈ​ႁဵတ်း​ဢၼ်ႇတရႄႇ​သႂ်ႇ​တီႈ​ၵဝ်​ၼၼ်ႉ လႆႈ​ၶၢမ်ႇ​တၢင်း​ဢၼ်​တူၵ်း​ၸႂ်​လႄႈ ႁွတ်ႈ​ထိုင်​တၢင်း​ဢၼ်​လီ​ဢူၵ်း​လီ​ဢၢႆ​သေ​ၵမ်း​လူၺ်ႈ။-</verse>
				<verse number="15">ႁႂ်ႈ​ၶဝ်​ၸိူဝ်း​ဢၼ်​လၢတ်ႈ​တီႈ​ၵဝ်​လႄႈ​ဝႃႈ၊ ဢႄႁႄႉ၊ ဢႄႁႄႉ၊ ဝႃႈ​ၼင်ႇ​ၼႆ​ၼၼ်ႉ​ၼၼ်ႉ လႆႈ​မိုင်​ယူႇ​ငဝ်​ယူႇ ၵွပ်ႈ​ပိူဝ်ႈ​တၢင်း​ဢၼ်​ၶဝ်​ဢူၵ်း​ဢၢႆ​ၼၼ်ႉ သေ​ၵမ်း​လူၺ်ႈ။</verse>
				<verse number="16">ႁႂ်ႈ​ၶဝ်​ၸိူဝ်း​ဢၼ်​ႁႃ​ၸဝ်ႈ​ႁဝ်း​တင်း​သဵင်ႈ​တင်း​လူင်​ၼၼ်ႉ လႆႈ​ၸူမ်း​သိူဝ်း​လႄႈ​သႂၢင်ႇ​ၸႂ်​ယူႇ ၵႃႈ​တီႈ​ၸဝ်ႈ​ႁဝ်း​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၵျေး​ၸူး​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ၊ ဢွၼ်​ၵၼ်​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မုၼ်​ၽုင်း​ယႂ်ႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ယူႇ​တႃႇ​သေႇ​ဢမ်ႇ​ထၢတ်ႇ​သေ​ၵမ်း​လူၺ်ႈ။</verse>
				<verse number="17">ၵဝ်​ၸမ်ႉ၊ ပိၵ်ႉ​သမ်ႉ​ပဵၼ်​ဢၼ်​ယၢၵ်ႈ​ဢၼ်​ၽၢၼ်​ဢၼ်​ၸုတ်ႈ​ဢၼ်​လုတ်ႈ​သေ​ၵေႃႈ၊ ၸဝ်ႈ​ၽြႃး​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ်​ယူႇ​ဢေႃႈ။ ၸဝ်ႈ​ႁဝ်း​ပဵၼ်​ၸဝ်ႈ​ဢၼ်​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ၊ ၸဝ်ႈ​ဢၼ်​ၵႄႇ​သႄႇ​ဢဝ်​ၶႃႈ​ၸဝ်ႈ​လွတ်ႈ​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ယႃႇ​ပေ​ၵိုတ်း​သဝ်း​ယူႇ​သေ​ၵမ်း​တီႈ​ၶႃႈ။</verse>
			</chapter>
			<chapter number="41">
				<verse number="1">ၵေႃႉ​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵေႃႉ​ဢၼ်​ၽၢၼ်​ဢၼ်​ၵိၼ်း​ၼၼ်ႉ မီး​မင်ႇၵလႃႇ​ဢေႃႈ။ ထႃႇဝရႃႉ​ၽြႃး​တၵ်း​ၵႄႇ​သႄႇ ၼုၵ်ႈ​ဢဝ်​မၼ်း ၼႂ်း​မိုဝ်ႉ​ဝၼ်း​ဢၼ်​ယၢပ်ႇ​ဢၼ်​ၽိုတ်ႇ​ၼၼ်ႉ​ဢေႃႈ။-</verse>
				<verse number="2">ထႃႇဝရႃႉ​ၽြႃး​တၵ်း​ပႂ်ႉ​ၸွႆႈ​ပႂ်ႉ​ထႅမ်​မၼ်း​ယူႇ​လႄႈ ပၼ်​ဢသၢၵ်ႈ​မၼ်း​ၵတ်း​ယဵၼ်​ၶျၢမ်း​သႃႇ​ဢေႃႈ။ မၼ်း​တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ၵႃႈ​ၼႂ်း​မိူင်း​ၸဝ်ႈ​ဢေႃႈ။ ၸဝ်ႈ​ႁဝ်း​တၵ်း ဢမ်ႇ​ဢဝ်​မၼ်း​ဢၢပ်ႈ​ပၼ်​တီႈ​ဢလူဝ်ႇ​ရၢၼ်ႇ​သူႇ​မၼ်း​တင်း​လၢႆ​ၼၼ်ႉ​တီႈ​ၶႃႈ။-</verse>
				<verse number="3">ထႃႇဝရႃႉ​ၽြႃး​တၵ်း​ၵမ်ႉ​ထွၵ်ႈ​ၸွႆႈ​ထႅမ်​မၼ်း ၼႂ်း​မိူဝ်ႈ​ဢၼ်​မၼ်း​မီး​တၢင်း​ၶႆႈ​တၢင်း​ပဵၼ်​လႄႈ ယဵတ်ႇ​ယူႇ​ဢိူၼ်​လိူၼ်​ၵႃႈ​ၼိူဝ်​ၵူႇ​တီႈ​ၼွၼ်း​မၼ်း​ၼၼ်ႉ​ဢေႃႈ။ ၸဝ်ႈ​ႁဝ်း​တၵ်း​မႄး​ၽိုၼ်ႉ​မႄး​ပိၼ်ႈ​တီႈ​ၼွၼ်း​မၼ်း တင်း​သဵင်ႈ​တင်း​မူတ်း ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၶႆႈ​ယူႇ​ပဵၼ်​ယူႇ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="4">ၵဝ်​လႆႈ​လဝ်ႊ​လၢတ်ႈ​လႄႈ​ဝႃႈ​ၸမ်ႉ၊ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​တၢင်း​ၸဵပ်း​ၵႃႈ​တီႈ​ဝီႉၺိၺ်ႇ​ၶႃႈ​ၸဝ်ႈ ႁၢႆ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​လႆႈ​ၽိတ်း​ပိူင်ႈ​ၸဝ်ႈ​ႁဝ်း​မႅၼ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ရၢၼ်ႇ​သူႇ​ၵဝ်​တင်း​လၢႆ ၸၢင်ႈ​ဢွၼ်​ၵၼ်​လၢတ်ႈ​ဢမ်ႇ​လီ​ဢမ်ႇ​ငၢမ်း​လွင်ႈ​ၵဝ်​လႄႈ​ဝႃႈ၊ မၼ်း​တၵ်း​တၢႆ​လႄႈ ၸိုဝ်ႈ​သဵင်​မၼ်း​တၵ်း​သုမ်း​ႁၢႆ​ၵႂႃႇ​မိူဝ်ႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ဢၼ်​မၼ်း​မႃး​တူၺ်း​ၵဝ်​ၼၼ်ႉ​ၸိုင်၊ မၼ်း​ၸၢင်ႈ​လၢတ်ႈ​ၵႂၢမ်း​မူႉ​သႃႇ​ဢေႃႈ။ ႁူဝ်​ၸႂ်​မၼ်း​ၵေႃႈ​သိမ်း​ပႅင်း​တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ဝႆႉ​တီႈ​မၼ်း​လႄႈ ၸၢင်ႈ​ၽုၺ်ႇ​လၢတ်ႈ​လွင်ႈ​မၼ်း မိူဝ်ႈ​ဢၼ်​မၼ်း​ဢွၵ်ႇ​ၵႂႃႇ​ၼၼ်ႉ​ဢေႃႈ။-</verse>
				<verse number="7">ၶဝ်​ၸိူဝ်း​ဢၼ်​ၸင်း​ၵဝ်​တင်း​သဵင်ႈ​တင်း​လူင်​ၼၼ်ႉ ၸၢင်ႈ​ဢွၼ်​ၵၼ်​ယူႇ​ၽၢႆႇ​ၼိုင်ႈ​တင်း​ၵဝ်​သေ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​သွပ်ႉ​သႅပ်ႉ​ၵၼ်​လႄႈ ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​ဢမ်ႇ​ငၢမ်း​သႂ်ႇ​တီႈ​ၵဝ်​ဢေႃႈ။-</verse>
				<verse number="8">ၶဝ်​ဝႃႈ၊ လွင်ႈ​တၢင်း​ဢၼ်​ႁုၵ်း​ဢၼ်​ႁၢႆႉ​ၼၼ်ႉ​ၸပ်း​တီႈ​မၼ်း​လႄႈ၊ တေႃႈ​လဵဝ်​ၼႆႉ​မၼ်း​လူမ်ႉ​ယဝ်ႉ။ ၵမ်း​လိုၼ်း​မၼ်း​တၵ်း​ဢမ်ႇ​လႆႈ​လုၵ်ႉ​ၶိုၼ်း​လႃး​လႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၵေႃႉ​သေႈ​ၵဝ်​ဢၼ်​ၵဝ်​ယုမ်ႇ၊ ဢၼ်​ၵိၼ်​ၶဝ်ႈ​မုၼ်း​ၵဝ်​ၼၼ်ႉ ဢဝ်​တိၼ်​ပိတ်ႉ​ၵဝ်​ဢေႃႈ။</verse>
				<verse number="10">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ၶႃႈ​ၸဝ်ႈ​လႄႈ ႁႂ်ႈ​ၶႃႈ​ၸဝ်ႈ​လုၵ်ႉ​ၶိုၼ်း ႁႂ်ႈ​လႆႈ​တွပ်ႇ​တႅၼ်း​ပၼ်​ဢပႅတ်ႈ​ၶဝ် သေ​ၵမ်း​တီႈ​ၶႃႈ။-</verse>
				<verse number="11">ၶႃႈ​ၸဝ်ႈ​ထွၵ်ႈ​လူၺ်ႈ​လွင်ႈ​ဢၼ် ရၢၼ်ႇ​သူႇ​ၶႃႈ​ၸဝ်ႈ​ဢမ်ႇ​လႆႈ​ၸူမ်း​သိူဝ်း​ႁွင်ႉ​သႅၼ်ႇ​ၵႃႈ​ၼိူဝ်​ၶႃႈ​ၸဝ်ႈ​ၼၼ်ႉ​လႄႈ လႆႈ​ႁူႉ​လွင်ႈ​ဢၼ်​ၸဝ်ႈ​ႁဝ်း​ႁၵ်ႉ​ပႅင်း​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="12">ၸဝ်ႈ​ႁဝ်း​ၸွႆႈ​ၵမ်ႉ​ၸွႆႈ​ထွၵ်ႈ​ၶႃႈ​ၸဝ်ႈ ၼႂ်း​တၢင်း​ဢၼ်​ၶႃႈ​ၸဝ်ႈ​ၸေး​ၸုမ်ႇ​ၼၼ်ႉ​လႄႈ ၶျႃး​ပၼ်​တီႈ​ယူႇ​ၶႃႈ​ၸဝ်ႈ သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ယူႇ ၶိင်ႇ​ၵႃႇလႃႉ​သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ဢေႃႈ။</verse>
				<verse number="13">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​မင်ႇၵလႃႇ​ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း​သေ​ၵမ်း​လူၺ်ႈ။ ဢႃႇမိၼ်ႇ တင်း​ဢႃႇမိၼ်ႇ။</verse>
			</chapter>
			<chapter number="42">
				<verse number="1">ၸိူဝ်ႉ​ၼင်ႇ​ၸၢတ်ႇ​ၶၢႆး​မုင်ႈ​မွင်း​ၼမ်ႉ​ႁွင်ႈ​ဢၼ်​လႆ​ယူႇ​ၸိူဝ်း​ၼၼ်ႉ​လႄႈ၊ ဝီႉၺိၺ်ႇ​ၶႃႈ​ၸဝ်ႈ​မုင်ႈ​မွင်း​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ​တီႈ​ၶႃႈ၊-</verse>
				<verse number="2">ဝီႉၺိၺ်ႇ​ၵဝ်​ဢိုပ်း​ယၢၵ်ႈ​တွင်ႉ​မႆႈ​ၽြႃး​ပဵၼ်​ၸဝ်ႈ ဢၼ်​ဝႃႈ ၽြႃး​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​ၼႃႇ​လူင်​လၢင်​ဢေႃႈ။ ၵဝ်​တၵ်း​လႆႈ​ႁွတ်ႈ​ထိုင် ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​လႄႈ ၼႄ​ပျႃး​ၼႃႈ​ၵဝ်​မိူဝ်ႈ​လႂ်။-</verse>
				<verse number="3">ၼမ်ႉ​တႃ​ၵဝ်​ၼႆႉ လႆႈ​ပဵၼ်​ပုၼ်ႈ​တၢင်း​ၵိၼ်​ၵဝ်​ယူႇ ၵူႈ​ဝၼ်း​ၵူႈ​ၶိုၼ်း​ယူႇ​တႃႇ​သေႇ​ဢမ်ႇ​ထၢတ်ႇ ၼႂ်း​မိူဝ်ႈ​ဢၼ်​ပိူၼ်ႈ​ထၢမ်​တီႈ​ၵဝ်​ယူႇ​သေႇ​သေႇ​လႄႈ​ဝႃႈ၊ ၽြႃး​ပဵၼ်​ၸဝ်ႈ​မႂ်း​ၼၼ်ႉ​မီး​ၵႃႈ​လႂ်၊ ဝႃႈ​ၼင်ႇ​ၼႆ​ယူႇ​ၼၼ်ႉ​ဢေႃႈ။-</verse>
				<verse number="4">ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​တၢင်း​ၸိူဝ်း​ၼၼ်ႉ​လႄႈ ဢဝ်​ႁူဝ်​ၸႂ်​ၵဝ်​ၼႆႉ ထွၵ်ႇ​ႁိုဝ်ႈ​ပႅတ်ႈ​ၵႃႈ​ၼႂ်း​ၵဝ်​ဢေႃႈ။ လွင်ႈ​မၼ်း​ၸမ်ႉ ၵဝ်​ပႆ​ၸွမ်း​တၢင်း​ႁူမ်ႈ​လူၺ်ႈ​ၵၼ်​တင်း​မုၵ်ႉ​ၵူၼ်း​ၸိူဝ်း​ၵူၼ်း​တင်း​လၢႆ​လႄႈ ပႃး​ဢဝ်​တင်း​သဵင်​ဢၼ်​သႂၢင်ႇ​သိူဝ်း တင်း​သဵင်​ဢၼ်​ႁဵတ်း​ထေႃးပၼႃႇ​ၼၼ်ႉ ဢွၼ်​ႁူဝ်​မုၵ်ႉ​ၵူၼ်း​ၸိူဝ်း​ၵူၼ်း ဢၼ်​ၶၢမ်ႇ​ပွႆး​ထမ်ႇမႃႉ​ၸိူဝ်း​ၼၼ်ႉ​ၵႂႃႇ​ၸူး​ၵႃႈ​တီႈ​ႁိူၼ်း​ၽြႃး​ပဵၼ်​ၸဝ်ႈ​ယဝ်ႉ။-</verse>
				<verse number="5">ဝီႉၺိၺ်ႇ​ၵဝ်​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၸႂ်​လဵၵ်ႉ​ၸႂ်​ဢူၼ်ႈ​ၼင်ႇ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢမ်ႇ​တႄႇ​ဢမ်ႇ​ၼိမ် ယူႇ​ၵႃႈ​ၼႂ်း​ၵဝ်​ၼႆႉ​ၼင်ႇ​ႁိုဝ်။ မုင်ႈ​ထႃႈ​မွင်း​ထႃႈ​ၽြႃး​ပဵၼ်​ၸဝ်ႈ​ယူႇ​တႃႉ။ ၵဝ်​တၵ်း​ယွင်ႈ​ယေႃး​ႁဵတ်း​ထေႃးပၼႃႇ​တီႈ​မၼ်း​ၸဝ်ႈ ဢၼ်​ပဵၼ်​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၼႃႈ​ၵဝ်​ၼၼ်ႉ လူး​ၵွၼ်ႇ​ဢေႃႈ။</verse>
				<verse number="6">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၸႂ်​ဝီႉၺိၺ်ႇ​ၶႃႈ​ၸဝ်ႈ​လဵၵ်ႉ​ၵႂႃႇ​ဢူၼ်ႈ​ၵႂႃႇ​ယူႇ​ၵႃႈ​ၼႂ်း​ၶႃႈ​ၸဝ်ႈ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၶႃႈ​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၸဝ်ႈ​ႁဝ်း ၵႃႈ​တီႈ​ၽင်ႇ​ၼမ်ႉ​ႁွင်ႈ​ ယေႃးတၢၼ်ႇ ဢိၵ်ႇ​တင်း​ၵႃႈ​ၼိူဝ်​ၶိုဝ်ႇ​လွႆ​ ႁေႇရမုၼ်ႇ တင်း​ၵုင်း​ မီႇၸႃႉ ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="7">ဝႄးဢေႃးၵႃႉ​ဢၼ်​ၼိုင်ႈ​လႄႈ​ဢၼ်​ၼိုင်ႈ ပႃး​တင်း​သဵင်​ယႂ်ႇ​သဵင်​လူင် ၼမ်ႉ​ၸဝ်ႈ​ႁဝ်း​ဢၼ်​ပၼ်ႇ​ၶိုၼ်ႈ​ပဵၼ်​ၽၼ်ႈ​ၸိူဝ်း​ၼၼ်ႉ​သေ​လႄႈ၊ ႁွင်ႉ​သႅၼ်ႇ​ၸူး​ၵၼ်​လႄႈ၊ လႅင်း​ၼမ်ႉ​ပိူပ်ႈ​ၼမ်ႉ​ဢၼ်​လဵၵ်ႉ​ဢၼ်​ယႂ်ႇ​ၸဝ်ႈ​ႁဝ်း​ၸိူဝ်း​ၼၼ်ႉ ထူမ်ႈ​ႁူမ်ႇ​ၶႃႈ​ၸဝ်ႈ​ယဝ်ႉ​တီႈ​ၶႃႈ​ယဝ်ႉ။-</verse>
				<verse number="8">ၵူၺ်း​ၵႃႈ ထႃႇဝရႃႉ​ၽြႃး ၶိင်ႇ​ၵၢင်​ဝၼ်း ဢဝ်​ၵျေး​ၸူး​တၢင်း​ဢၼ်​ဢဵတ်း​လူ​ပၼ်​ဝႆႉ​လႄႈ ၶိင်ႇ​ၵၢင်​ၶိုၼ်း​ၵေႃႈ၊ တၢင်း​ဢၼ်​ႁဵတ်း​ၵႂၢမ်း​မၼ်း​ၸဝ်ႈ ဢၼ်​ဝႃႈ​တၢင်း​ဢၼ်​ႁဵတ်း​ပထၼႃႇ​တီႈ​ၽြႃး​ပဵၼ်​ၸဝ်ႈ​ဢသၢၵ်ႈ​ၵဝ်​ၼၼ်ႉ မီး​ယူႇ​တီႈ​ၵဝ်​ဢေႃႈ။-</verse>
				<verse number="9">ၵဝ်​တၵ်း​လဝ်ႊ​လၢတ်ႈ​ၽြႃး​ပဵၼ်​ၸဝ်ႈ ဢၼ်​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၵဝ်​ၼၼ်ႉ​လႄႈ​ဝႃႈ၊ ၵွပ်ႈ​ပိူဝ်ႈ​လွင်ႈ​ၼင်ႇ​ႁိုဝ်​လႄႈ ၸဝ်ႈ​ႁဝ်း​လူင်​လိုမ်း​ၶႃႈ​ၸဝ်ႈ​ယူႇ​ၼင်ႇ​ႁိုဝ်​တီႈ​ၶႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ်​ရၢၼ်ႇ​သူႇ​ၼိၵ်ႈ​ၸၢၵ်ႈ​ငႅၼ်း​သႄး​သေ​လႄႈ လႆႈ​ၼုင်ႈ​ၶူဝ်း​ဢၼ်​ၵျၢမ်း​ၼႃႇ​လႄႈ ယူႇ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ရၢၼ်ႇ​သူႇ​ၵဝ်​တင်း​လၢႆ ဢွၼ်​ၵၼ်​သႄႉ​သွမ်း​ၵဝ်​မိူၼ်​ၸိူဝ်ႉ​ၼင်ႇ​ဢၼ် တၵ်း​ႁၵ်း​လုပ်ႇ​ၵဝ်​တင်း​လၢႆ​ပႅတ်ႈ ၼႂ်း​မိူဝ်ႈ​ဢၼ်​ၶဝ်​ထၢမ်​တီႈ​ၵဝ်​သေႇ​သေႇ​လႄႈ​ဝႃႈ၊ ၽြႃး​ပဵၼ်​ၸဝ်ႈ​မႂ်း​ၼၼ်ႉ မီး​ၵႃႈ​လႂ်၊ ဝႃႈ​ၼင်ႇ​ၼႆ​ယူႇ​ၼၼ်ႉ​ဢေႃႈ။-</verse>
				<verse number="11">ဝီႉၺိၺ်ႇ​ၵဝ်​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၸႂ်​လဵၵ်ႉ​ၸႂ်​ဢူၼ်ႈ​ၼင်ႇ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢမ်ႇ​တႄႇ​ဢမ်ႇ​ၼိမ်​ယူႇ​ၵႃႈ​ၼႂ်း​ၵဝ်​ၼႆႉ​ၼင်ႇ​ႁိုဝ်။ မုင်ႈ​ထႃႈ​မွင်း​ထႃႈ​ၽြႃး​ပဵၼ်​ၸဝ်ႈ​ယူႇ​တႃႉ။ ၵဝ်​တၵ်း​ယွင်ႈ​ယေႃး​ႁဵတ်း​ထေႃးပၼႃႇ​တီႈ​မၼ်း​ၸဝ်ႈ ဢၼ်​ပဵၼ်​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၼႃႈ​ၵဝ်​ၼၼ်ႉ​လူး​ၵွၼ်ႇ​ဢေႃႈ။</verse>
			</chapter>
			<chapter number="43">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ၸီႇ​ယၢင်ႇ​တတ်း​ပၼ်​ဢမူႉ​ၶႃႈ​ၸဝ်ႈ​လႄႈ ပႂ်ႉ​လၢတ်ႈ​ပႂ်ႉ​ဝႃႈ​လွင်ႈ​ဢမူႉ​ၶႃႈ​ၸဝ်ႈ​ယူႇ​ၽၢႆႇ​ၼိုင်ႈ တင်း​ၵူၼ်း​မဵဝ်း​ဢၼ်​ဢမ်ႇ​မီး​ၵရူႉၼႃႇ​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၵႄႇ​သႄႇ​ဢဝ်​ၶႃႈ​ၸဝ်ႈ လွတ်ႈ​သေ​ၵႃႈ​ၼႂ်း​မိုဝ်း​ၵေႃႉ​ဢၼ်​ဢမ်ႇ​မီး​သဵတ်ႈ​ၸႃႇ​လႄႈ ဢမ်ႇ​တြႃး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="2">ၸဝ်ႈ​ႁဝ်း​ပဵၼ်​ၽြႃး​တီႈ​ဢၼ်​ၶႃႈ​ၸဝ်ႈ​ဢိင်​ပိုင်ႈ​တီႈ​ၶႃႈ​ဢေႃႈ။ ၵွပ်ႈ​ပိူဝ်ႈ​လွင်ႈ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၸုၼ်ႉ​ပႅတ်ႈ​ၶႃႈ​ၸဝ်ႈ​ၼင်ႇ​ႁိုဝ်​တီႈ​ၶႃႈ။ ၵွပ်ႈ​ပိူဝ်ႈ​လွင်ႈ​ၼင်ႇ​ႁိုဝ်​လႄႈ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ်​ရၢၼ်ႇ​သူႇ​ၼိၵ်ႈ​ၸၢၵ်ႈ​ငႅၼ်း​သႄး​သေ​လႄႈ လႆႈ​ၼုင်ႈ​ၶူဝ်း​ဢၼ်​ၵျၢမ်း​ၼႃႇ​လႄႈ ယူႇ​ၼင်ႇ​ႁိုဝ်​တီႈ​ၶႃႈ။-</verse>
				<verse number="3">ၶႅၼ်း​တေႃႈ​ပွႆႇ​ၸႂ်ႉ​ဢၼ်​လႅင်း​ၸဝ်ႈ​ႁဝ်း ဢိၵ်ႇ​တင်း​သဵတ်ႈ​ၸႃႇ​ၸဝ်ႈ​ႁဝ်း မႃး​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​ၶဝ်​ဢဝ်​ၶႃႈ​ၸဝ်ႈ ၵႂႃႇ​သူင်ႇ​ၵႃႈ​တီႈ​လွႆ​ၸဝ်ႈ​ႁဝ်း​ဢၼ်​မူတ်း​ၸၢင်ႇ ဢိၵ်ႇ​တင်း​ၵႃႈ​တီႈ​သုမ်ႉ​ထဵင်​ၸဝ်ႈ​ႁဝ်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="4">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​တၵ်း​ႁွတ်ႈ​ထိုင်​ၵႃႈ​တီႈ​ယိတ်ႈပလၢင်ႇ​ၽြႃး​ပဵၼ်​ၸဝ်ႈ​ၼၼ်ႉ ဢိၵ်ႇ​တင်း​ၵႃႈ​တီႈ​ၽြႃး​ပဵၼ်​ၸဝ်ႈ ဢၼ်​ပဵၼ်​တီႈ​ဢၼ်​ၶႃႈ​ၸဝ်ႈ​ၸူမ်း​သိူဝ်း​သႂၢင်ႇ​ၸႂ်​ၼႃႇ​လူင်​လၢင်​ၼၼ်ႉ​လႄႈ ဢဝ်​တင်း​တၢင်း​ဢၼ်​လဵတ်း​တိင်ႇ​ၼၼ်ႉ ယွင်ႈ​ယေႃး​ႁဵတ်း​ထေႃးပၼႃႇ​တီႈ​ၽြႃး​ပဵၼ်​ၸဝ်ႈ ၽြႃး​ၵဝ်​ၶႃႈ​တီႈ​ၶႃႈ​ဢေႃႈ။-</verse>
				<verse number="5">ဝီႉၺိၺ်ႇ​ၵဝ်​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၸႂ်​လဵၵ်ႉ​ၸႂ်​ဢူၼ်ႈ​ၼင်ႇ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢမ်ႇ​တႄႇ​ဢမ်ႇ​ၼိမ်​ယူႇ​ၵႃႈ​ၼႂ်း​ၵဝ်​ၼႆႉ​ၼင်ႇ​ႁိုဝ်။ မုင်ႈ​ထႃႈ​မွင်း​ထႃႈ​ၽြႃး​ပဵၼ်​ၸဝ်ႈ​ယူႇ​တႃႉ။ ၵဝ်​တၵ်း​ယွင်ႈ​ယေႃး​ႁဵတ်း​ထေႃးပၼႃႇ​တီႈ​မၼ်း​ၸဝ်ႈ ဢၼ်​ပဵၼ်​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၼႃႈ​ၵဝ်​ၼၼ်ႉ လူး​ၵွၼ်ႇ​ဢေႃႈ။</verse>
			</chapter>
			<chapter number="44">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ်​လႆႈ​ဢဝ်​ႁူ​ငိၼ်း ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ် လႆႈ​လၢတ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း​ႁဵတ်း​ၼႂ်း​ၸူဝ်ႈ​ပၢၼ်​ၶဝ် ဢၼ်​ဝႃႈ ၶိင်ႇ​ၵႃႇလႃႉ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="2">ၸဝ်ႈ​ႁဝ်း​ဢဝ်​မိုဝ်း​ၸဝ်ႈ​ႁဝ်း​ႁေႃႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢွၵ်ႇ​ပႅတ်ႈ​သေ​လႄႈ ၶျႃး​တီႈ​ယူႇ​ပၼ်​တီႈ​ၶဝ်​ၼၼ်ႉ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ၼိၵ်ႈ​ၸၢၵ်ႈ​ငႅၼ်း​သႄး မဵဝ်း​ၵူၼ်း​တင်း​လၢႆ​သေ​လႄႈ ႁႂ်ႈ​ၶဝ်​ၼၼ်ႉ​ၽႄႈ​မႃး​တိူၼ်း​မႃး​တီႈ​ၶႃႈ​ဢေႃႈ။-</verse>
				<verse number="3">ၶဝ်​ၼၼ်ႉ​ဢဝ်​တင်း​လၢပ်ႇ​ၶဝ်​သေ​လႄႈ လႆႈ​ဢုပ်ႉ​ပိူင်ႇ​လိၼ်​ၼၼ်ႉ​ဢမ်ႇ​ၸႂ်ႈ​တီႈ​ၶႃႈ။ ၶဝ်​ဢဝ်​တင်း​ၶႅၼ်​ၶဝ်​သေ​လႄႈ ၵႄႇ​သႄႇ​ၶျွတ်ႈ​ဢဝ်​တူဝ်​ၶဝ်​ဢမ်ႇ​ၸႂ်ႈ​တီႈ​ၶႃႈ။ ၵွပ်ႈ​ပိူဝ်ႈ​ဢၼ်​ဢလူဝ်ႇ​ၸဝ်ႈ​ႁဝ်း​မီး​တီႈ​ၶဝ်​ၼၼ်ႉ​လႄႈ၊ ၸဝ်ႈ​ႁဝ်း​ဢဝ်​တင်း​မိုဝ်း​ၶွၼ်​ၶႂႃ​ၸဝ်ႈ​ႁဝ်း ဢိၵ်ႇ​တင်း​ၶႅၼ်​ၸဝ်ႈ​ႁဝ်း တင်း​ဢၼ်​လႅင်း​ၼႃႈ​ၸဝ်ႈ​ႁဝ်း​သေ​လႄႈ ၵႄႇ​သႄႇ​ၶျွတ်ႈ​ဢဝ်​ၶဝ်​တီႈ​ၶႃႈ​ဢေႃႈ။-</verse>
				<verse number="4">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ပဵၼ်​ၶုၼ်​ႁေႃ​ၶမ်း​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၶႅၼ်း​တေႃႈ​ၸီႇ​ယၢင်ႇ​လွင်ႈ​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​မဵဝ်း​ ယႃႇၵုပ်ႈ ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="5">ၶႃႈ​ၸဝ်ႈ​ႁဝ်း​ၶဝ်​တၵ်း​ဢိင်​ပိုင်ႈ​ၸဝ်ႈ​ႁဝ်း​သေ​လႄႈ ဢီး​ရၢၼ်ႇ​သူႇ​ၶႃႈ​ၸဝ်ႈ​ႁဝ်း​ၶဝ်​တင်း​လၢႆ တူၵ်း​ပႅတ်ႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၶဝ်​တၵ်း​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ တဵၵ်း​ယဵပ်ႇ​ၶဝ်​ၸိူဝ်း​ဢၼ်​ႁဵတ်း​ရၢၼ်ႇ​သူႇ​တီႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ၶႃႈ​ၸဝ်ႈ​ဢမ်ႇ​ဢိင်​ပိုင်ႈ​ၵၢင်ႇ ဢၼ်​ပႃး​ယူႇ​တီႈ​တူဝ်​ၶႃႈ​ၸဝ်ႈ​ၼႆႉ​လႄႈ၊ လၢပ်ႇ​ၶႃႈ​ၸဝ်ႈ​ဢမ်ႇ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​လႆႈ​တီႈ​ၶႃႈ။-</verse>
				<verse number="7">ၸဝ်ႈ​ႁဝ်း​ၵူၺ်း​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ် သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​တင်း​လၢႆ​တီႈ​ၶႃႈ​ဢေႃႈ။ ၶဝ်​ၸိူဝ်း​ဢၼ်​ၸင်း​ၶႃႈ​ၸဝ်ႈ​ႁဝ်း​ၶဝ်​တင်း​လၢႆ​ၼၼ်ႉ​ၵေႃႈ၊ ၸဝ်ႈ​ႁဝ်း​ႁႂ်ႈ​ဢူၵ်း​ႁႂ်ႈ​ဢၢႆ​တီႈ​ၶႃႈ​ဢေႃႈ။-</verse>
				<verse number="8">ၶႃႈ​ၸဝ်ႈ​ႁဝ်း​ၶဝ်​ဢုပ်ႇ​ဝၢဝ်း​ၵႃႈ​ၼႂ်း​ၽြႃး​ပဵၼ်​ၸဝ်ႈ​ယူႇ တင်း​ဝၼ်း​တင်း​ဝၼ်း​လႄႈ ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ယူႇ​သေႇ​သေႇ​တီႈ​ၶႃႈ​ဢေႃႈ။ ၸေႇလႃႇ။</verse>
				<verse number="9">ၵူၺ်း​ၵႃႈ ၸဝ်ႈ​ႁဝ်း​ၸုၼ်ႉ​ပႅတ်ႈ​ၶႃႈ​ၸဝ်ႈ​ႁဝ်း​ၶဝ်​သေ​လႄႈ ႁႂ်ႈ​ဢူၵ်း​ႁႂ်ႈ​ဢၢႆ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ဢမ်ႇ​ဢွၵ်ႇ​ၵႂႃႇ​လူၺ်ႈ​ၵၼ်​တင်း​ပူဝ်ႇ​ပႃႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ​တီႈ​ၶႃႈ။-</verse>
				<verse number="10">ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ​ႁဝ်း​ၶဝ် လႆႈ​ဝၢႆႇ​ၶိုၼ်း​သုတ်ႉ​ၶိုၼ်း​သေ​ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​လႄႈ ၶဝ်​ၸိူဝ်း​ဢၼ်​ၸင်း​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ လႆႈ​ႁိမ်​ႁူင်ႇ​ဢဝ်​ၸွမ်း​ၵႃႈ​ၼင်ႇ​ဢၼ်​ၸႂ်​ၶဝ်​မီး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">ၸဝ်ႈ​ႁဝ်း​ဢဝ်​ၶႃႈ​ၸဝ်ႈ​ႁဝ်း​ၶဝ်​ဢၢပ်ႈ​ပၼ် ၸိူဝ်ႉ​ၼင်ႇ​သူဝ်း​ဢၼ်​ၶၢၼ်း​ဝႆႉ​ပုၼ်ႈ​ဢၼ်​တၵ်း​ပဵၼ်​တၢင်း​ၵိၼ်​ၼၼ်ႉ​လႄႈ ႁႂ်ႈ​ၽၢတ်ႇ​ၽႄ​ၵၼ်​ၵႂႃႇ​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="12">ၸဝ်ႈ​ႁဝ်း​ယင်း​ဢမ်ႇ​ဢဝ်​ၵႃႈ​မၼ်း​ၶၼ်​မၼ်း​လႄႈ ၶၢႆ​ၵူၼ်း​ၸဝ်ႈ​ႁဝ်း​တင်း​လၢႆ​ပႅတ်ႈ​သေ​လႄႈ ၸဝ်ႈ​ႁဝ်း​ႁႂ်ႈ​ၸီး​ပႂႃး​ၸဝ်ႈ​ႁဝ်း​ယႂ်ႇ​ၽႄႈ​ၼမ်​မႃး​လူၺ်ႈ​လွင်ႈ​တၢင်း​ဢၼ်​ၶၢႆ​ၼၼ်ႉ​ဢမ်ႇ​ၸႂ်ႈ​တီႈ​ၶႃႈ။-</verse>
				<verse number="13">ၸဝ်ႈ​ႁဝ်း​ၸီႇ​ယၢင်ႇ​ႁႂ်ႈ​ၶႃႈ​ၸဝ်ႈ​ႁဝ်း​ၶဝ် ပဵၼ်​တီႈ​ဢၼ်​ၵူၼ်း​ႁိူၼ်း​ၸမ်​ၵၼ်​တင်း​လၢႆ​သႄႉ​သွမ်း၊ တီႈ​ဢၼ်​ၵူၼ်း​ဢၼ်​ယူႇ​လဵပ်ႈ​ႁွပ်ႈ​ႁိမ်း​ႁွမ်း​ၶႃႈ​ၸဝ်ႈ​ႁဝ်း​ၶဝ် ႁဵတ်း​ပျၢၵ်ႈ​ၶူဝ်​လႄႈ ႁႂ်ႈ​ဢူၵ်း​ႁႂ်ႈ​ဢၢႆ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="14">ၸဝ်ႈ​ႁဝ်း​ၸီႇ​ယၢင်ႇ​ႁႂ်ႈ​ၶႃႈ​ၸဝ်ႈ​ႁဝ်း​ၶဝ် ပဵၼ်​တီႈ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ႁဵတ်း​ဢူႉပမႃႇ​တႅၵ်ႈ ဢိၵ်ႇ​တင်း​တီႈ​ဢၼ်​မုၵ်ႉ​ၵူၼ်း​ၸိူဝ်း​ၵူၼ်း​တင်း​လၢႆ လႆႈ​ငွၵ်း​ႁူဝ်​ၶွၼ်း​ႁူဝ်​ၶဝ်​ၸူး​တီႈ​ၶႃႈ​ဢေႃႈ။-</verse>
				<verse number="15">တၢင်း​ဢၼ်​သရေႇ​ၶႃႈ​ၸဝ်ႈ​လူႉ​ၼၼ်ႉ လႆႈ​မီး​သိုဝ်ႈ​ၼႃႈ​တႂ်ႈ​တႃ​ၶႃႈ​ၸဝ်ႈ​ယူႇ တင်း​ဝၼ်း​တင်း​ဝၼ်း​လႄႈ၊ တၢင်း​ဢၼ်​ၼႃႈ​ၶႃႈ​ၸဝ်ႈ ဢူၵ်း​ဢၢႆ​ၼၼ်ႉ လႆႈ​ႁူမ်ႇ​သုမ်ႇ​ၶႃႈ​ၸဝ်ႈ​ယူႇ၊-</verse>
				<verse number="16">ၵွပ်ႈ​ပိူဝ်ႈ​ၵႂၢမ်း​ၵေႃႉ​ဢၼ်​ယႃႉ​သရေႇ​ၵေႃႉ​ဢၼ်​သႄႉ​သွမ်း​ၼၼ်ႉ ဢိၵ်ႇ​တင်း​ၵွပ်ႈ​ပိူဝ်ႈ​ၵေႃႉ​ဢၼ်​ႁဵတ်း​ရၢၼ်ႇ​သူႇ​ၵေႃႉ​ဢၼ်​ၶိုၼ်း​တွပ်ႇ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="17">လႆႈ​ၶၢမ်ႇ​ထၢၼ်ႇ​ၼၼ်ႉ​သေ​ၵေႃႈ၊ ၶႃႈ​ၸဝ်ႈ​ႁဝ်း​ၶဝ် ဢမ်ႇ​လူင်​ဢမ်ႇ​လိုမ်း​ၸဝ်ႈ​ႁဝ်း​တီႈ​ၶႃႈ။ ဢမ်ႇ​ယႃႉ​သဵတ်ႈ​ၸႃႇ​ပတီႉၺိၺ်ႇ​ၸဝ်ႈ​ႁဝ်း​ပႅတ်ႈ​တီႈ​ၶႃႈ။-</verse>
				<verse number="18">ႁူဝ်​ၸႂ်​ၶႃႈ​ၸဝ်ႈ​ႁဝ်း​ၶဝ် ဢမ်ႇ​သုတ်ႉ​ၶိုၼ်း​တၢင်း​လင်​တီႈ​ၶႃႈ။ ဢမ်ႇ​ပိူင်ႈ​သဵၼ်ႈ​တၢင်း​ၸဝ်ႈ​ႁဝ်း​သေ​လႄႈ​ၵႂႃႇ​တီႈ​ၶႃႈ။-</verse>
				<verse number="19">ၸဝ်ႈ​ႁဝ်း​ၸမ်ႉ၊ ႁၵ်း​ပႅတ်ႈ​သိၵ်ႇ​ပႅတ်ႈ​ၶႃႈ​ၸဝ်ႈ​ႁဝ်း​ၶဝ် ၵႃႈ​ၼႂ်း​တီႈ​ယူႇ​မႃ​လိၼ်​သေ​လႄႈ ဢဝ်​တင်း​ႁူမ်ႈ​တၢင်း​တၢႆ​သုမ်ႇ​ငမ်း​ဝႆႉ​တီႈ​ၶႃႈ​ဢေႃႈ။-</verse>
				<verse number="20">ပေႃး​ၶႃႈ​ၸဝ်ႈ​ႁဝ်း​ၶဝ်​လႆႈ​လူင်​လိုမ်း ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ​ႁဝ်း​ၶႃႈ​သေ​လႄႈ ယဵတ်ႇ​မိုဝ်း​ယုၵ်ႉ​မိုဝ်း​ၸူး​တီႈ​ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၼၼ်ႉ​ၸိုင်၊-</verse>
				<verse number="21">ၽြႃး​ပဵၼ်​ၸဝ်ႈ ယင်း​ဢမ်ႇ​ၸႅတ်ႈ​ဢမ်ႇ​ထၢမ်​ဢမူႉ​ၼၼ်ႉ​လႄႈ တၵ်း​ယူႇ​တီႈ​ၶႃႈ​ႁိုဝ်။ လွင်ႈ​မၼ်း​ၸမ်ႉ မၼ်း​ၸဝ်ႈ​ႁူႉ​ႁၼ်​လွင်ႈ​တၢင်း​ဢၼ် သိူင်ႇ​လပ်ႉ​ဝႆႉ​ၵႃႈ​ၼႂ်း​ႁူဝ်​ၸႂ်​တင်း​လၢႆ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="22">ၵွပ်ႈ​ပိူဝ်ႈ​ပုၼ်ႈ​ၸဝ်ႈ​ႁဝ်း​လႄႈ ၶႃႈ​ၸဝ်ႈ​ႁဝ်း​ၶဝ် လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​တႃႇ​သေႇ​ဢမ်ႇ​ထၢတ်ႇ ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။ ပိူၼ်ႈ​ၸၢင်ႈ​မၢတ်ႈ​ၶႃႈ​ၸဝ်ႈ​ႁဝ်း​ၶဝ် ပဵၼ်​ၸိူဝ်ႉ​ၼင်ႇ​သူဝ်း​ဢၼ်​ၶၢၼ်း​ဝႆႉ​ပုၼ်ႈ​ဢၼ်​တၵ်း​ဢဝ်​တၢႆ​တင်း​လၢႆ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="23">ၸဝ်ႈ​ၽြႃး​တီႈ​ၶႃႈ၊ တိုၼ်ႇ​မႃး​သေ​ၵမ်း​တီႈ​ၶႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ၸဝ်ႈ​ႁဝ်း​ၵိင်း​ၼွၼ်း​ယူႇ​တီႈ​ၶႃႈ။ လုၵ်ႉ​သေ​ၵမ်း​တီႈ​ၶႃႈ။ ယႃႇ​ပေ​ၸုၼ်ႉ​ပႅတ်ႈ​ၶႃႈ​ၸဝ်ႈ​ႁဝ်း​ၶဝ်​သေႇ​သေႇ​သေ​ၵမ်း​တီႈ​ၶႃႈ။-</verse>
				<verse number="24">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ဝၢႆႇ​ၼႃႈ​ပႅတ်ႈ​ၶႃႈ​ၸဝ်ႈ​ႁဝ်း​ၶဝ်​လႄႈ လူင်​လိုမ်း​တၢင်း​ဢၼ်​ၶႃႈ​ၸဝ်ႈ​ႁဝ်း​ၶဝ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ဢိၵ်ႇ​တင်း တၢင်း​ဢၼ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ ၼင်ႇ​ႁိုဝ်​တီႈ​ၶႃႈ၊-</verse>
				<verse number="25">ဝီႉၺိၺ်ႇ​ၶႃႈ​ၸဝ်ႈ​ႁဝ်း​ၶဝ် လႆႈ​ၶၢမ်ႇ​တၢင်း​ဢၼ်​ၶျႃး​တႅမ်ႇ​ထိုင်​ႁွတ်ႈ​မုၼ်ႈ​လိၼ်​လႄႈ၊ တူဝ်​ၵႃႇ​ယႃႉ​ၵေႃႈ​ယင်း​တိုၵ်ႉ​ၸပ်း​ယူႇ​ၵႃႈ​တီႈ​လိၼ်​တီႈ​ၶႃႈ​ဢေႃႈ။-</verse>
				<verse number="26">ၶႅၼ်း​တေႃႈ​လုၵ်ႉ​ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။ ၶႅၼ်း​တေႃႈ​ထုတ်ႇ​ၼုၵ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ် ၸွမ်း​ၵႃႈ​ၼင်ႇ​ဢၼ်​မႅၼ်ႈ​ၵၼ်​တင်း​ၵရူႉၼႃႇ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။</verse>
			</chapter>
			<chapter number="45">
				<verse number="1">ႁူဝ်​ၸႂ်​ၵဝ်​ၼႆႉ ပႃး​တင်း​ၵႂၢမ်း​မင်ႇၵလႃႇ​သေ​လႄႈ​လိူတ်ႇ​ပုၼ်း​ၶိုၼ်ႈ တၵ်း​မွၵ်ႇ​လၢတ်ႈ​ဢေႃႈ။ လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ႁဵတ်း​ဝႆႉ​ၼႆႉ မီး​ဝႆႉ​ပုၼ်ႈ​ၶုၼ်​ႁေႃ​ၶမ်း​ဢေႃႈ။ လိၼ်ႉ​ၵဝ်​ၵေႃႈ ပဵၼ်​ၵၼ်း​ၺိတ်ႈ​ၸရေး ဢၼ်​လၵ်း​လႅမ်​မေႃ​ၸၢင်ႈ​ၼၼ်ႉ​ဢေႃႈ။</verse>
				<verse number="2">ၸဝ်ႈ​ႁဝ်း​ႁၢင်ႈ​လီ​ၼႃႇ​သေ မဵဝ်း​ၵူၼ်း​တီႈ​ၶႃႈ​ဢေႃႈ။ သူပ်း​ၸဝ်ႈ​ႁဝ်း​ပျေႉ​ၸုမ်ႇ​ဝႆႉ​တင်း​ၵႂၢမ်း​ၵျေး​ၸူး​တီႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ ၽြႃး​ပဵၼ်​ၸဝ်ႈ​ပၼ်​တၢင်း​လီ​တီႈ​ၸဝ်ႈ​ႁဝ်း​ယူႇ​တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="3">ၸဝ်ႈ​ဢၼ်​တၼ်း​ၶူဝ်း​ယႂ်ႇ​ၼႃႇ​တီႈ​ၶႃႈ​ဢိူၺ်း၊ ဢဝ်​လၢပ်ႇ​ၸဝ်ႈ​ႁဝ်း ဢၼ်​ပဵၼ်​မုၼ်​ၽုင်း​ဢႃႇၼူႉၽေႃႇ​ၸဝ်ႈ​ႁဝ်း​ၼၼ်ႉ မတ်ႉ​ၸပ်း​ဝႆႉ​ၵႃႈ​တီႈ​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="4">ပႃး​ဢဝ်​ဢႃႇၼူႉၽေႃႇ​ၸဝ်ႈ​ႁဝ်း​ႁဵတ်း​ပႄႉ​ႁဵတ်း​ၼႅင်ႇ​သေ​လႄႈ ၶီႇ​ၵႂႃႇ ၵွပ်ႈ​ပိူဝ်ႈ​တြႃး​သဵတ်ႈ​ၸႃႇ၊ တြႃး​တၢင်း​ဢၼ်​ဢူၼ်ႈ​ဢွၼ်ႇ တင်း​တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ​သေ​ၵမ်း​တီႈ​ၶႃႈ။ မိုဝ်း​ၶွၼ်​ၶႂႃ​ၸဝ်ႈ​ႁဝ်း​ၼၼ်ႉ​ၵေႃႈ တၵ်း​ၼႄ​ပျႃး​လွင်ႈ​တၢင်း​ဢၼ်​လီ​ၵူဝ်​လီ​ႁႄ​ၼၼ်ႉ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="5">ပိုၼ်​ၸဝ်ႈ​ႁဝ်း​ၸိူဝ်း​ၼၼ်ႉ ပဵၼ်​ဢၼ်​ၽၢႆ​ၼႃႇ​လႄႈ ၵူၼ်း​တင်း​လၢႆ​လူမ်ႉ​တူၵ်း​ၵႃႈ​တႂ်ႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶဝ်ႈ​သဵပ်ႇ​ၸပ်း​သႂ်ႇ​ၵႃႈ​ၼႂ်း​ႁူဝ်​ၸႂ်​ရၢၼ်ႇ​သူႇ ၶုၼ်​ႁေႃ​ၶမ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။</verse>
				<verse number="6">ၽြႃး​ပဵၼ်​ၸဝ်ႈ​တီႈ​ၶႃႈ၊ ပလၢင်ႇ​ၸဝ်ႈ​ႁဝ်း​ၼၼ်ႉ ပဵၼ်​ပလၢင်ႇ​ၼိၵ်ႈၸႃႉ​ထႃႇဝရႃႉ​တီႈ​ၶႃႈ​ဢေႃႈ။ ၵၼ်း​ႁွၵ်ႇ​ရႃႇ​ၸႃႉ​တၢင်း​ဢၼ်​သိုဝ်ႈ​တေႃႇ​ၼၼ်ႉ ပဵၼ်​ၵၼ်း​ႁွၵ်ႇ​မိူင်း​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="7">ၸဝ်ႈ​ႁဝ်း​ထုၵ်ႇ​ၸႂ်​ၵျိူၵ်ႈ​ၸႂ်​တြႃး​တၢင်း​ဢၼ်​သိုဝ်ႈ​တေႃႇ​လႄႈ ၸင်း​လွင်ႈ​တၢင်း​ဢၼ်​ဢမ်ႇ​တြႃး​ၼၼ်ႉ​တီႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ ၽြႃး​ပဵၼ်​ၸဝ်ႈ​တီႈ​ၶႃႈ၊ ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ၼၼ်ႉ ယုၵ်ႉ​ယွင်ႈ​ၸဝ်ႈ​ႁဝ်း​ၼႃႇ​လူင်​လၢင် ၵႃႈ​ၼိူဝ်​ၵေႃႉ​သေႈ​ၸဝ်ႈ​ႁဝ်း​တင်း​လၢႆ​ၼၼ်ႉ​လႄႈ ဢဝ်​တင်း​ၼမ်ႉ​မၼ်း တၢင်း​ဢၼ်​သိူဝ်း​ပျေႃႇ​ပၼ်​ၽိၵ်ႈ​သိၵ်ႈ​တီႈ​ၶႃႈ​ယဝ်ႉ။-</verse>
				<verse number="8">မူႉရၢၼ်ႇ၊ ဢၵျေုႇ ​တင်း​မႆႉ​ႁွမ်​ႁိူတ်ႈ​ၼၼ်ႉ ပဵၼ်​ၶိူင်ႈ​ၶူဝ်း​ၸဝ်ႈ​ႁဝ်း ၵႃႈ​မီး​တင်း​သဵင်ႈ​တင်း​လူင်​တီႈ​ၶႃႈ​ဢေႃႈ။ တၢင်း​ဢၼ်​ႁႆႇ​ဢၼ်​ပဝ်ႇ​ဢွၵ်ႇ​သေ​ၵႃႈ​ၼႂ်း​ႁေႃ​ငႃး​ၸၢင်ႉ​တင်း​လၢႆ​လႄႈ ႁႂ်ႈ​ၸဝ်ႈ​ႁဝ်း​ၸူမ်း​သိူဝ်း​တီႈ​ၶႃႈ​ဢေႃႈ။-</verse>
				<verse number="9">လုၵ်ႈ​ယိင်း​ၶုၼ်​ႁေႃ​ၶမ်း​ၵူႈ​မိူင်း​ၸိူဝ်း​ၼၼ်ႉ ပဵၼ်​ဢၼ်​ၶဝ်ႈ​ပႃး​ၼႂ်း​ၸိူင်ႉ​ၼႂ်း​ၼၢင်း​ၸဝ်ႈ​ႁဝ်း​တင်း​လၢႆ​လႄႈ ၵႃႈ​တီႈ​ၽၢႆႇ​ၶႂႃ​ၸဝ်ႈ​ႁဝ်း​ၼၼ်ႉ ပဵၼ်​တီႈ​ယူႇ​ၼၢင်း​ႁေႃ​ၶမ်း​မေး​ၸဝ်ႈ​ႁဝ်း ဢၼ်​ဢဝ်​တင်း​ၶိူင်ႈ​ၶမ်း​ ဢေႃႇၽီႉရႃႉ ႁၢင်ႈ​ၶိူင်ႈ​ၼၼ်ႉ ၸုၵ်း​ယူႇ​တီႈ​ၶႃႈ​ဢေႃႈ။</verse>
				<verse number="10">လုၵ်ႈ​ယိင်း​ဢိူၺ်း၊ ထွမ်ႇ​ငိၼ်း​လႄႈ ၶႆႈ​ၸႂ်​ဝူၼ်ႉ​ၸႂ်​သေ​လႄႈ​ဝၢႆႇ​ႁူ​ၸူး​တႃႉ။ လူင်​လိုမ်း​ပီႈ​ၼွင်ႉ​ၸိူဝ်ႉ​ၶိူဝ်း​တူဝ်​ၸဝ်ႈ​ၵဝ်ႇ​တင်း​ႁိူၼ်း​ပေႃႈ​တူဝ်​ၸဝ်ႈ​ၵဝ်ႇ​တႃႉ။-</verse>
				<verse number="11">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶုၼ်​ႁေႃ​ၶမ်း​တၵ်း​ႁၵ်ႉ​ႁူမ်​ၸူမ်း​တွၼ်ႈ​ႁၢင်ႈ​ၽၢင်​ဢၼ် ၼၢင်း​ႁဝ်း​ႁၢင်ႈ​လီ​ၼၼ်ႉ​ဢေႃႈ။ ပိူဝ်ႈ​ဢၼ်​မၼ်း​ၸဝ်ႈ​ၼၼ်ႉ ပဵၼ်​ၸဝ်ႈ​ၼၢင်း​ႁဝ်း​လႄႈ၊ ၵူဝ်း​ၵႂၢႆႇ​မၼ်း​ၸဝ်ႈ​သေ​ၵမ်း။-</verse>
				<verse number="12">ၸႃႉ​ၸဵမ်​လုၵ်ႈ​ယိင်း​ၶုၼ်​ တူႉရူႉ ​လႄႈ ၶဝ်​ၸိူဝ်း​ဢၼ်​ပဵၼ်​ၵူၼ်း​မၢၵ်ႈ​ၵူၼ်း​မီး ၵႃႈ​ၼႂ်း​မုၵ်ႉ​ၵူၼ်း​ၸိူဝ်း​ၵူၼ်း​ၼၼ်ႉ တၵ်း​ဢွၼ်​ၵၼ်​ပႃး​ဢဝ်​လၢၵ်ႈ​သွင်ႇ​ပၼ်ႇ​ၼႃႇ​သေ​လႄႈ ၸူဝ်း​ဢဝ်​ၼၢင်း​ႁဝ်း​ဢေႃႈ။-</verse>
				<verse number="13">လုၵ်ႈ​ယိင်း​ၶုၼ်​ႁေႃ​ၶမ်း​ၼၼ်ႉ မီး​မုၼ်​ၵုင်ႇ​သရေႇ​ၵူၺ်း​ၵူၺ်း​ၵႃႈ​တီႈ​ၼႂ်း​ၼၼ်ႉ​ဢေႃႈ။ မၼ်း​ၼၢင်း​ဢဝ်​တင်း​ၶူဝ်း​ၼုင်ႈ​ၶူဝ်း​မႆ ဢၼ်​ဢဝ်​တင်း​ၶမ်း​တမ်ႇ​လႄႈ​တေႃး​ႁဵတ်း​ၼၼ်ႉ ႁၢင်ႈ​ၶိူင်ႈ​ႁၢင်ႈ​ၽၢင်​ဢေႃႈ။-</verse>
				<verse number="14">ၶဝ်​ဢဝ်​ၸႃႇ​သိူဝ်ႇ​ဝႆႉ​လိူၼ်ႈ​ဝႆႉ​သေ​လႄႈ လႆႈ​ဢဝ်​မၼ်း​ၼၢင်း ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ဢေႃႈ။ လုၵ်ႈ​ယိင်း​သၢဝ်​ဢၼ်​ပဵၼ်​ၵေႃႉ​သေႈ​မၼ်း​ၼၢင်း​ၸိူဝ်း​ၼၼ်ႉ​ၵေႃႈ၊ ၶဝ်​လႆႈ​ဢဝ်​သႂၢင်း​ၶဝ်ႈ​ၵႃႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="15">ပႃး​တင်း တၢင်း​ဢၼ်​ၸူမ်း​သိူဝ်း၊ တၢင်း​ဢၼ်​သႂၢင်ႇ​ၸႂ်​သေ​လႄႈ ဢဝ်​ၶဝ်​ၼၢင်း​မႃး​လႄႈ၊ ၶဝ်​ၼၢင်း​လႆႈ​ၶဝ်ႈ​ၵႃႈ​ၼႂ်း​ႁေႃ​ၶုၼ်​ႁေႃ​ၶမ်း​ဢေႃႈ။-</verse>
				<verse number="16">ပုၼ်ႈ​ဢၼ်​တၵ်း​ပဵၼ်​တၢင်​တူဝ်​ပူႇ​ပေႃႈ​ၸဝ်ႈ​ႁဝ်း​ၸိူဝ်း​ၼၼ်ႉ၊ တၵ်း​မီး​လုၵ်ႈ​လၢင်း​ၸဝ်ႈ​ႁဝ်း​တင်း​လၢႆ ဢၼ်​ၸဝ်ႈ​ႁဝ်း​တၵ်း​ဢဝ်​ၶၢၼ်း​ဝႆႉ ႁႂ်ႈ​ပဵၼ်​ၶုၼ်​ၵႃႈ​ၼိူဝ်​လိၼ်​မိူင်း​ၼႆႉ တင်း​သဵင်ႈ​တင်း​မူတ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="17">ၶႃႈ​ၸဝ်ႈ​တၵ်း​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း မွၵ်ႇ​လၢတ်ႈ​တီႈ​မဵဝ်း​ၵူၼ်း​ၸႅၼ်ႇ​ၸႅၼ်ႇ​သၢၵ်ႈ​သၢၵ်ႈ​လႄႈ မဵဝ်း​ၵူၼ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​ယွင်ႈ​ယေႃး​ၸဝ်ႈ​ႁဝ်း​ယူႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ဢေႃႈ။</verse>
			</chapter>
			<chapter number="46">
				<verse number="1">ၽြႃး​ပဵၼ်​ၸဝ်ႈ ပဵၼ်​တီႈ​ဢၼ်​ႁဝ်း​ဢိင်​ပိုင်ႈ ဢိၵ်ႇ​တင်း​ႁႅင်း​တၼ်း​ၶူဝ်း​ႁဝ်း​လႄႈ ပဵၼ်​လွင်ႈ​ဢၼ်​မႃႉ​ၸႃႉ​ၸွႆႈ​ထႅမ်​ၼႃႇ​လူင်​လၢင်​ၼႂ်း​ၶိင်ႇ​မိူဝ်ႈ​ဢၼ်​ၽေး​ႁွတ်ႈ​ထိုင်​ၼၼ်ႉ​ဢေႃႈ။-</verse>
				<verse number="2">ပိူဝ်ႈ​ၼႆ​လႄႈ ပိၵ်ႉ​သမ်ႉ​ပထဝီႇ​လိၼ်​မိူင်း​ၼႆႉ သုတ်ႉ​ၶၢႆႉ​တီႈ​လႄႈ လွႆ​တင်း​လၢႆ​သၼ်ႇ​သၼ်ႇ​သၢႆ​သၢႆ​ယူႇ​ၵႃႈ​ၼႂ်း​ၵၢင်​ၼမ်ႉ​သမ်ႇ​မုၵ်ႉ​တြႃႇ​ၵႂႃႇ၊-</verse>
				<verse number="3">ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ မေႃး​ႁိုင်း​ႁိုင်း​ႁၢင်း​ႁၢင်း​သေ​လႄႈ​ၶုၼ်ႇ​ဢူၼ်​ၵႂႃႇ၊ လွႆ​တင်း​လၢႆ​သၼ်ႇ​ဝႆ​တူင်ႉ​ၼိုင်​ၶွၼ်း​ၶဝ်ႇ​ၵႂႃႇ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​လႅင်း​ၼမ်ႉ​ပိူပ်ႈ​ၼမ်ႉ လုၵ်ႉ​ၶိုၼ်ႈ​သုင်​ၼႃႇ​ၼၼ်ႉ​သေ​ၵေႃႈ၊ ႁဝ်း​ဢမ်ႇ​ၵူဝ်​ဢမ်ႇ​ႁႄ။ ၸေႇလႃႇ။</verse>
				<verse number="4">မီး​မႄႈ​ၼမ်ႉ​မႄႈ​ၼိုင်ႈ ဢၼ်​ၼမ်ႉ​မၼ်း​ဢၼ်​လႆ​ၼၼ်ႉ ၸၢင်ႈ​ႁႂ်ႈ​ဝဵင်း​ၽြႃး​ပဵၼ်​ၸဝ်ႈ တီႈ​ဢၼ်​မူတ်း​ၸၢင်ႇ​ၵႃႈ​ၼႂ်း​တီႈ​ဢၼ်​ၽြႃး​ဢၼ်​သုင်​ၼႃႇ​သေ​ပိူၼ်ႈ ၵိင်း​ဝၢပ်ႈ​ယူႇ​ၼၼ်ႉ​ၸူမ်း​သိူဝ်း​ဢေႃႈ။-</verse>
				<verse number="5">ၽြႃး​ပဵၼ်​ၸဝ်ႈ​ၵိင်း​ဝၢပ်ႈ​ယူႇ ၵႃႈ​ၼႂ်း​ၵၢင်​ဝဵင်း​ၼၼ်ႉ​လႄႈ၊ ဝဵင်း​ၼၼ်ႉ ဢမ်ႇ​လႆႈ​မီး​တၢင်း​ဢၼ်​သၼ်ႇ​ဢၼ်​ဝႆ။ ၽြႃး​ပဵၼ်​ၸဝ်ႈ​တၵ်း​ၸွႆႈ​ထႅမ်​မႃႉ​ၸႃႉ​မၼ်း ၶိင်ႇ​ႁူဝ်​ၼႂ်​မိူဝ်ႈ​ဢၼ်​မိူင်း​ၸႃႉ​လႅင်း​ၼၼ်ႉ​ဢေႃႈ။</verse>
				<verse number="6">မဵဝ်း​ၵူၼ်း​တင်း​လၢႆ ဢွၼ်​ၵၼ်​မေႃး​ၼၼ်း​ယူႇ​ႁိုင်း​ႁိုင်း​ႁၢင်း​ႁၢင်း​လႄႈ သိုင်ႇ​ၸိုင်ႈ​ဝၢၼ်ႈ​မိူင်း​တင်း​လၢႆ​ဢွၼ်​ၵၼ်​သၼ်ႇ​ဝႆ​ယူႇ​ဢေႃႈ။ မၼ်း​ၸဝ်ႈ​ပွႆႇ​သဵင်​ပျႃႇ​တိၵ်ႈ​ၸဝ်ႈ​လႄႈ လိၼ်​မိူင်း​ၼႆႉ​ပဵၼ်​ၼမ်ႉ​ၵႂႃႇ​ဢေႃႈ။-</verse>
				<verse number="7">ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ မီး​ယူႇ​လူၺ်ႈ​ၵၼ်​တင်း​ႁဝ်း​လႄႈ၊ ၽြႃး​ပဵၼ်​ၸဝ်ႈ မဵဝ်း​ ယႃႇၵုပ်ႈ ​ၼၼ်ႉ ပဵၼ်​တီႈ​ဢၼ်​ႁဝ်း​ဢိင်​ပိုင်ႈ​ဢေႃႈ။</verse>
				<verse number="8">ဢွၼ်​ၵၼ်​မႃး​လႄႈ​လူ​တူၺ်း လွင်ႈ​တၢင်း​ဢၼ်​ထႃႇဝရႃႉ​ၽြႃး​ၸီႇ​ယၢင်ႇ​ႁဵတ်း​ဝႆႉ​လႄႈ ပႄႇ​ၽဵဝ်ႈ​ပႅတ်ႈ​ၵႃႈ​ၼိူဝ်​လိၼ်​မိူင်း​ၼႆႉ​ၸိူဝ်း​ၼၼ်ႉ​တႃႉ။-</verse>
				<verse number="9">မၼ်း​ၸဝ်ႈ​ႁႂ်ႈ​ဢမူႉ​သိုၵ်း​ယဵၼ် တေႃႇ​ထိုင်​ႁွတ်ႈ​တီႈ​သုတ်း​လိၼ်​မိူင်း​ၼႆႉ​ယူႇ၊ ႁၵ်း​ၵၢင်ႇ​ပႅတ်ႈ​ယူႇ၊ တႅပ်း​ႁွၵ်ႇ​ႁႂ်ႈ​ပဵၼ်​ပွတ်း​ပဵၼ်​တွၼ်ႈ​ပႅတ်ႈ​ယူႇ၊ ဢဝ်​ၽႆး​တုတ်ႇ​လေႃႉ​ရထႃး​တင်း​လၢႆ​ယူႇ​ဢေႃႈ။-</verse>
				<verse number="10">ဢွၼ်​ၵၼ်​ယူႇ​ၼိမ်​ၼိမ်​လီ​လီ​လႄႈ ႁူႉ​ၸႅင်ႈ​လွင်ႈ​ဢၼ်​ၵဝ်​ပဵၼ်​ၽြႃး​ပဵၼ်​ၸဝ်ႈ​ၼၼ်ႉ​တႃႉ။ ၵဝ်​တၵ်း​ၶၢမ်ႇ​တၢင်း​ဢၼ်​ယုၵ်ႉ​ယွင်ႈ ၵႃႈ​ၼႂ်း​မဵဝ်း​ၵူၼ်း​တင်း​လၢႆ​လႄႈ၊ ၵဝ်​တၵ်း​ၶၢမ်ႇ​တၢင်း​ဢၼ်​ယုၵ်ႉ​ယွင်ႈ​ၵႃႈ​ၼိူဝ်​မိူင်း​ၼႆႉ​ဢေႃႈ။-</verse>
				<verse number="11">ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ မီး​ယူႇ​လူၺ်ႈ​ၵၼ်​တင်း​ႁဝ်း​ဢေႃႈ။ ၽြႃး​ပဵၼ်​ၸဝ်ႈ မဵဝ်း​ ယႃႇၵုပ်ႈ ​ၼၼ်ႉ ပဵၼ်​တီႈ​ဢၼ်​ႁဝ်း​ဢိင်​ပိုင်ႈ​ဢေႃႈ။ ၸေႇလႃႇ။</verse>
			</chapter>
			<chapter number="47">
				<verse number="1">ၵူၼ်း​မဵဝ်း​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​တူပ်း​မိုဝ်း​တႃႉ။ ဢွၼ်​ၵၼ်​ႁဵတ်း​သဵင်​ဢၼ်​ပႄႉ​ၼႅင်ႇ​သေ​လႄႈ ႁွင်ႉ​သႅၼ်ႇ​တီႈ​ၽြႃး​ပဵၼ်​ၸဝ်ႈ​တႃႉ။-</verse>
				<verse number="2">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ဢၼ်​ပဵၼ်​ၸဝ်ႈ​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ပဵၼ်​ဢၼ်​လီ​ၵူဝ်​လီ​ႁႄ၊ ပဵၼ်​မႁႃႇ​ၶုၼ်​ႁေႃ​ၶမ်း ဢၼ်​လႆႈ​ဢုပ်ႉ​ပိူင်ႇ​လိၼ်​မိူင်း​ၼႆႉ​တင်း​သဵင်ႈ​တင်း​မူတ်း​ဢေႃႈ။-</verse>
				<verse number="3">မၼ်း​ၸဝ်ႈ​ၶျႃး​မဵဝ်း​ၵူၼ်း​တင်း​လၢႆ​တူၵ်း​ဝႆႉ​ၵႃႈ​တႂ်ႈ​ႁဝ်း၊ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​တူၵ်း​ဝႆႉ​ၵႃႈ​တႂ်ႈ​တိၼ်​ႁဝ်း​ဢေႃႈ။-</verse>
				<verse number="4">မၼ်း​ၸဝ်ႈ​လိူၵ်ႈ​ၵဵပ်း​ဢဝ် ဢမူၺ်ႇ​ႁဝ်း​ဢၼ်​ပဵၼ်​မုၼ်​ၽုင်း​ ယႃႇၵုပ်ႈ ဢၼ်​မၼ်း​ၸဝ်ႈ​ႁၵ်ႉ​ၼၼ်ႉ ပၼ်​ပုၼ်ႈ​ႁဝ်း​ဢေႃႈ။ ၸေႇလႃႇ။</verse>
				<verse number="5">ၽြႃး​ပဵၼ်​ၸဝ်ႈ​ပႃး​ဢဝ်​တင်း​သဵင် တၢင်း​ဢၼ်​ႁွင်ႉ​ၸူမ်း​ႁွင်ႉ​သိူဝ်း​ၼၼ်ႉ​သေ​လႄႈ ၶိုၼ်ႈ​ၵႂႃႇ​လႄႈ ထႃႇဝရႃႉ​ၽြႃး​ပႃး​ဢဝ်​တင်း​သဵင် တၢင်း​ဢၼ်​ပဝ်ႇ​ၶရႃႇ​ၼၼ်ႉ​သေ​လႄႈ​ၶိုၼ်ႈ​ၵႂႃႇ​ဢေႃႈ။-</verse>
				<verse number="6">ဢွၼ်​ၵၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ​သေ​လႄႈ ႁဵတ်း​ၵႂၢမ်း​တႃႉ။ ႁဵတ်း​ၵႂၢမ်း​တႃႉ။ ဢွၼ်​ၵၼ်​ယွင်ႈ​ယေႃး​ၶုၼ်​ႁေႃ​ၶမ်း​ႁဝ်း​သေ​လႄႈ ႁဵတ်း​ၵႂၢမ်း​တႃႉ။ ႁဵတ်း​ၵႂၢမ်း​တႃႉ။-</verse>
				<verse number="7">ၽြႃး​ပဵၼ်​ၸဝ်ႈ ပဵၼ်​ၶုၼ်​ႁေႃ​ၶမ်း​ဢၼ်​ဢုပ်ႉ​ပိူင်ႇ​လိၼ်​မိူင်း​ၼႆႉ​တင်း​သဵင်ႈ​တင်း​မူတ်း​ဢေႃႈ။ ဢွၼ်​ၵၼ်​ႁဵတ်း​ၵႂၢမ်း​ထေႃးပၼႃႇ တၢင်း​ဢၼ်​ယွင်ႈ​ယေႃး​တႃႉ။-</verse>
				<verse number="8">ၽြႃး​ပဵၼ်​ၸဝ်ႈ​ဢုပ်ႉ​ပိူင်ႇ​မဵဝ်း​ၵူၼ်း​တင်း​လၢႆ​လႄႈ၊ ၽြႃး​ပဵၼ်​ၸဝ်ႈ​ၼင်ႈ​ယူႇ​ၵႃႈ​ၼိူဝ်​ပလၢင်ႇ​မၼ်း​ၸဝ်ႈ ဢၼ်​မူတ်း​ၸၢင်ႇ​ၼၼ်ႉ​ဢေႃႈ။-</verse>
				<verse number="9">ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ် မဵဝ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ လႆႈ​ၸူႉ​ၵၼ်​တုမ်​ၵၼ်​ယူႇ​ၵႃႈ​တီႈ​မဵဝ်း​ၵူၼ်း​ၽြႃး​ပဵၼ်​ၸဝ်ႈ ဢၼ်​ ဢႃႇပြႃႇႁၢမ်ႇ ​ၵူဝ်း​ၵႂၢႆႇ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၶိူင်ႈ​ဢၼ်​ႁႄႉ​လၢၵ်ႈ​ၼၢၵ်ႈ​တင်း​လၢႆ ပဵၼ်​ဢုၵ်ႉ​ၸႃႇ​ၽြႃး​ပဵၼ်​ၸဝ်ႈ​လႄႈ မၼ်း​ၸဝ်ႈ​မီး​ဢရႃႇ​တၢင်း​ဢၼ်​ယုၵ်ႉ​ယွင်ႈ​ၼႃႇ​လူင်​လၢင်​ဢေႃႈ။</verse>
			</chapter>
			<chapter number="48">
				<verse number="1">ထႃႇဝရႃႉ​ၽြႃး​ယႂ်ႇ​မျၢတ်ႈ​ၼႃႇ​လႄႈ ထိူၵ်ႈ​ၶၢမ်ႇ​တၢင်း​ဢၼ်​ႁဵတ်း​ထေႃးပၼႃႇ ယွင်ႈ​ယေႃး​ၼႃႇ​လူင်​လၢင် ၵႃႈ​ၼႂ်း​ဝဵင်း ၽြႃး​ပဵၼ်​ၸဝ်ႈ​ႁဝ်း​ၵႃႈ​ၼိူဝ်​လွႆ​မၼ်း​ၸဝ်ႈ ဢၼ်​မူတ်း​ၸၢင်ႇ​ၼၼ်ႉ​ဢေႃႈ။-</verse>
				<verse number="2">တီႈ​ဢၼ်​ႁၢင်ႈ​လီ​ႁၢင်ႈ​ငၢမ်း​ၼႂ်း​တီႈ​ဢၼ်​သုင်​မၼ်း၊ တီႈ​ဢၼ်​လိၼ်​မိူင်း​တင်း​သဵင်ႈ​တင်း​မူတ်း​သႂၢင်ႇ​သိူဝ်း​ၸမ်ႉ၊ ပဵၼ်​လွႆ​ ၸီႉဢုၼ်ႇ ၵႃႈ​တီႈ​ၽၢႆႇ​တၢင်း​ႁွင်ႇ ဢၼ်​ဝႃႈ​ဝဵင်း​မႁႃႇ​ၶုၼ်​ႁေႃ​ၶမ်း​ၼၼ်ႉ​ဢေႃႈ။-</verse>
				<verse number="3">ၽြႃး​ပဵၼ်​ၸဝ်ႈ​ႁႂ်ႈ​ႁူႉ​လွင်ႈ​ဢၼ် မၼ်း​ၸဝ်ႈ​ပဵၼ်​တီႈ​ဢၼ်​ဢိင်​ဢၼ်​ပိုင်ႈ​ယူႇ​ၵႃႈ​ၼႂ်း​ႁေႃ​ဝဵင်း​ၼၼ်ႉ​ဢေႃႈ။</verse>
				<verse number="4">ယေႃ၊ တူၺ်း​လူး၊ ၶုၼ်​ႁေႃ​ၶမ်း​တင်း​လၢႆ​ၸူႉ​ၵၼ်​တုမ်​ၵၼ်​သေ​လႄႈ ဢွၼ်​ၵၼ်​ပႃး​လူၺ်ႈ​ၵၼ်​ၵၢႆ​ၵႂႃႇ​ဢေႃႈ။-</verse>
				<verse number="5">ၶဝ်​ႁၼ်​သေ​ယဝ်ႉ၊ ဢွၼ်​ၵၼ်​ဢၢမ်း​ၼႃႇ​လူင်​လၢင်​သေ​လႄႈ တူၵ်း​ၸႂ်​လႄႈ​ပၢႆႈ​ၵႂႃႇ​ဢေႃႈ။-</verse>
				<verse number="6">တၢင်း​ဢၼ်​သၼ်ႇ​ဢၼ်​သၢႆ တီႉ​ယိပ်း​ၵမ်​ဢဝ်​ၶဝ်​ၵႃႈ​တီႈ​ၼၼ်ႈ​လႄႈ ၶဝ်​မီး​ဝူၺ်ႇတၼႃႇ မိူၼ်​ၸိူဝ်ႉ​ၼင်ႇ​ၽူႈ​ယိင်း​ဢၼ်​လႆႈ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​လုၵ်ႈ​ၼၼ်ႉ​ဢေႃႈ။-</verse>
				<verse number="7">ၸဝ်ႈ​ႁဝ်း​ဢဝ်​လူမ်း​တၢင်း​ဢွၵ်ႇ ႁၵ်း​ႁိူဝ်း​သၢင်း​ၽေႃး​ တႃႇသူႉ ​တင်း​လၢႆ ပႅတ်ႈ​တီႈ​ၶႃႈ​ဢေႃႈ။-</verse>
				<verse number="8">ၵႃႈ​ၼင်ႇ​ဢၼ်​ႁဝ်း​ယၢမ်ႈ​လႆႈ​ငိၼ်း​ၼၼ်ႉ၊ ႁဝ်း​လႆႈ​ထူပ်း​ႁၼ်​ၵႃႈ​ၼႂ်း​ဝဵင်း​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ဢၼ်​ဝႃႈ​ဝဵင်း​ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​ဢေႃႈ။ ၽြႃး​ပဵၼ်​ၸဝ်ႈ​တၵ်း​ႁႂ်ႈ​မၼ်း​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။ ၸေႇလႃႇ။</verse>
				<verse number="9">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵရူႉၼႃႇ​ၸဝ်ႈ​ႁဝ်း ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="10">ၽြႃး​ပဵၼ်​ၸဝ်ႈ​တီႈ​ၶႃႈ၊ မိူၼ်​ၸိူဝ်ႉ​ၼင်ႇ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ​လႄႈ၊ တၢင်း​ဢၼ်​ဢိုၼ်း​ယွင်ႈ​ၸဝ်ႈ​ႁဝ်း ၸွတ်ႇ​တူဝ်ႈ​ထိုင်​ႁွတ်ႈ တီႈ​သုတ်း​လိၼ်​မိူင်း​ၼၼ်ႉ​တီႈ​ၶႃႈ​ဢေႃႈ။ မိုဝ်း​ၶွၼ်​ၶႂႃ​ၸဝ်ႈ​ႁဝ်း​ပျေႉ​ၸုမ်ႇ​တဵမ်​ဝႆႉ​တင်း တြႃး​တၢင်း​သိုဝ်ႈ​တေႃႇ​တီႈ​ၶႃႈ​ဢေႃႈ။-</verse>
				<verse number="11">လွႆ​ ၸီႉဢုၼ်ႇ ​ၸူမ်း​သိူဝ်း​လႄႈ လုၵ်ႈ​ယိင်း​မဵဝ်း​ ယူႉတႃႉ ​တင်း​လၢႆ မူၼ်ႈ​ပျေႃႇ​ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။</verse>
				<verse number="12">ဢွၼ်​ၵၼ်​လဵပ်ႈ​ႁွပ်ႈ​ဝဵင်း​ ၸီႉဢုၼ်ႇ ​သေ​လႄႈ ၼပ်ႉ​ဢၢၼ်ႇ​ၵၢပ်ႇ​ၸႃႈ ​မၼ်း​တင်း​လၢႆ​တႃႉ။-</verse>
				<verse number="13">ဢွၼ်​ၵၼ်​မၢတ်ႈ​တွင်း​ဝႆႉ ႁူဝ်​မူ ​မၼ်း​တင်း​လၢႆ​လႄႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ႁေႃ​မၼ်း​တင်း​လၢႆ​ၸိူဝ်း​ၼၼ်ႉ​ဝႆႉ ႁႂ်ႈ​လႆႈ​မွၵ်ႇ​လၢတ်ႈ​တီႈ​ၸူဝ်ႈ​လုၵ်ႈ​ပၢၼ်​လၢၼ် သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​တႃႉ။-</verse>
				<verse number="14">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ၼၼ်ႉ ပဵၼ်​ၽြႃး​ႁဝ်း​ယူႇ​တႃႇ​သေႇ​မၼ်ႈ​ၶိူင်ႇ​လႄႈ မၼ်း​ၸဝ်ႈ​တၵ်း​ဢဝ်​ႁဝ်း​သူင်ႇ​တေႃႇ​ထိုင်​ႁွတ်ႈ​မိူဝ်ႈ​ဢၼ်​တၢႆ​ၼၼ်ႉ​ဢေႃႈ။</verse>
			</chapter>
			<chapter number="49">
				<verse number="1">မဵဝ်း​ၵူၼ်း​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ငိၼ်း​တႃႉ။-</verse>
				<verse number="2">ၵူၼ်း​လေႃးၵႃႉ​တင်း​သဵင်ႈ​တင်း​လူင် ဢၼ်​ယုတ်ႈ​ယွမ်း ဢၼ်​မျၢတ်ႈ​လီ၊ ဢၼ်​မၢၵ်ႈ​မီး ဢၼ်​ယၢၵ်ႈ​ၽၢၼ်​ၶဝ်​ဢိူၺ်း၊ ၽွမ်ႉ​ၵၼ်​ထွမ်ႇ​တႃႉ။-</verse>
				<verse number="3">သူပ်း​ၵဝ်​တၵ်း​မွၵ်ႇ​လၢတ်ႈ​ပိင်ႇ​ၺႃႇ​လႄႈ တၢင်း​ဢၼ်​ႁူဝ်​ၸႂ်​ၵဝ်​ၶႆႈ​ၸႂ်​ဝူၼ်ႉ​ၸႂ်​ယူႇ​ၼၼ်ႉ ပဵၼ်​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၺၢၼ်ႇ​ဢေႃႈ။-</verse>
				<verse number="4">ၵဝ်​တၵ်း​ဝၢႆႇ​ႁူ​ၵဝ်​ၸူး​ၵႂၢမ်း​ဢပုမ်ႇ​သေ​လႄႈ လဵတ်း​တိင်ႇ​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ဢေႃႈ။</verse>
				<verse number="5">ၼႂ်း​မိုဝ်ႉ​ဝၼ်း​ဢၼ်​ယၢပ်ႇ​ၽိုတ်ႇ​ႁၢႆႉ​ယုတ်ႈ​ၼၼ်ႉ၊ ပိၵ်ႉ​သမ်ႉ​ဢမူႉ​တူႉ​ၸရိူၵ်ႈ​ၵႃႈ​တီႈ​ႁိမ်း​သူၼ်ႈ​တိၼ်​ၵဝ်​ၼႆႉ​ၼၼ်ႉ လွမ်ႉ​ႁွပ်ႈ​ၵဝ်​ယူႇ​သေ​ၵေႃႈ၊ ၵဝ်​တၵ်း​ၵူဝ်​ႁႄ​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="6">ၶဝ်​ၸိူဝ်း​ဢၼ်​ဢိင်​ပိုင်ႈ​ဢုၵ်ႉ​ၸႃႇ​ၶဝ်​လႄႈ ဢုပ်ႇ​ဢၢတ်ႇ​ယူႇ​ၵွပ်ႈ​ပိူဝ်ႈ​ဢၼ်​ၸေး​ၸိမ်ႇ​ၶဝ်​မီး​ၼမ်​ၼႃႇ​ၼၼ်ႉ​ၼၼ်ႉ၊-</verse>
				<verse number="7">ပဵၼ်​ၵေႃႉ​လႂ်​သေ​ဢမ်ႇ​ဝႃႈ၊ ဢမ်ႇ​ထုတ်ႇ​ဢဝ်​ပီႈ​ၼွင်ႉ​မၼ်း​လႆႈ​လႃး​လႃး။ ဢမ်ႇ​ဢဝ်​ၵႃႈ​ၶၼ်​ဢၼ်​တၵ်း​ထုတ်ႇ​ဢဝ်​မၼ်း​ၼၼ်ႉ ပၼ်​တီႈ​ၽြႃး​ပဵၼ်​ၸဝ်ႈ​လႆႈ။-</verse>
				<verse number="8">ၵႃႈ​ၶၼ်​ဢၼ်​တၵ်း​ထုတ်ႇ​ဢဝ်​ဢသၢၵ်ႈ​ဝီႉၺိၺ်ႇ​ၶဝ်​ၼၼ်ႉ ယႂ်ႇ​ၼႃႇ​လူင်​လၢင်​ဢေႃႈ။ တၵ်း​လႆႈ​ယႃႉ​ပႅတ်ႈ​ဝႆႉ​သေႇ​သေႇ​ဢေႃႈ။-</verse>
				<verse number="9">ၽူႈ​လႂ်​ဢမ်ႇ​ထုတ်ႇ​ဢဝ်​ႁႂ်ႈ​ဢသၢၵ်ႈ​လႆႈ​လိပ်း​ယူႇ​တႃႇ​သေႇ​လႄႈ ႁႂ်ႈ​ဢမ်ႇ​လႆႈ​ႁွတ်ႈ​ထိုင်​ၵႃႈ​တီႈ​ၶုမ်​သၢင်း​ၶႅင်း​ၼၼ်ႉ။-</verse>
				<verse number="10">လွင်ႈ​တၢင်း​ဢၼ်​မၼ်း​ႁၼ်​ၼၼ်ႉ​ၸမ်ႉ၊ ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​တၢႆ​ယူႇ​ဢေႃႈ။ ၶဝ်​ၸိူဝ်း​ဢၼ်​မိူၵ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​မီး​သၽေႃး​တရိၵ်ႈသၢၼ်ႇ​ၼၼ်ႉ​ၵေႃႈ၊ ၸၢင်ႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​မိူၼ်​မိူၼ်​ၵၼ်​လႄႈ ႁႂ်ႈ​ဢုၵ်ႉ​ၸႃႇ​ၸေး​ၸိမ်ႇ​ၶဝ် ၵိုတ်း​ၵျၢၼ်ႇ​ဝႆႉ​ၵႃႈ​တီႈ​ပိူၼ်ႈ​ဢေႃႈ။-</verse>
				<verse number="11">ၸႂ်​ၶဝ်​ထၢင်ႇ​ႁိူၼ်း​ၶဝ်​ၼၼ်ႉ တၵ်း​ပဵၼ်​ထႃႇဝရႃႉ​လႄႈ၊ တီႈ​ယူႇ​တီႈ​သဝ်း​ၶဝ်​ၼၼ်ႉ တၵ်း​တႄႇ​ယူႇ​ၶိင်ႇ​ၵႃႇလႃႉ သိုပ်ႇ​သိုပ်ႇ​တၢမ်း​တၢမ်း​ဢေႃႈ။ ၶဝ်​ဢဝ်​ၼႃႇ​မႃႉ​ၸိုဝ်ႈ​သဵင်​ၶဝ်​ၼၼ်ႉ ႁွင်ႉ​ၵူပ်း​ဝႆႉ​ၵႃႈ​တီႈ​လိၼ်​ၶဝ်​ၼၼ်ႉ​ဢေႃႈ။-</verse>
				<verse number="12">ၵူၼ်း​ဢမ်ႇ​ၸၢင်ႈ​တႄႇ​ယူႇ​ၵႃႈ​ၼႂ်း​မုၼ်​ၵုင်ႇ​သရေႇ။ မၼ်း​ၼၼ်ႉ​မိူၼ်​ၸိူဝ်ႉ​ၼင်ႇ​တရိၵ်ႈသၢၼ်ႇ ဢၼ်​ၸၢင်ႈ​ႁွတ်ႈ​တၢင်း​လူႉ​တၢင်း​လႅဝ်​ၼၼ်ႉ​ဢေႃႈ။</verse>
				<verse number="13">သဵၼ်ႈ​တၢင်း​ၶဝ်​ဢၼ်​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​တီႈ​ဢၼ်​ၶဝ်​ဢိင်​ၶဝ်​ပိုင်ႈ​လႄႈ၊ လိုၼ်း​သေ​ၶဝ်​ၼၼ်ႉ ၵူၼ်း​တင်း​လၢႆ ဢွၼ်​ၵၼ်​ႁပ်ႉ​တုင်း​ဢဝ်​ၵႂၢမ်း​ၶဝ်​ၼၼ်ႉ​ဢေႃႈ။ ၸေႇလႃႇ။-</verse>
				<verse number="14">ၶဝ်​ၼၼ်ႉ​လႆႈ​ၶၢမ်ႇ​တၢင်း​ဢၼ်​ဢဝ်​ၶျႃး​ဝႆႉ ၵႃႈ​ၼႂ်း​မိူင်း​မရၼႃႉ မိူၼ်​ၸိူဝ်ႉ​ၼင်ႇ​ၽုင်​သူဝ်း​ၼၼ်ႉ​လႄႈ ၶုၼ်​တၢႆ​လဵင်ႉ​လူ​ၶဝ်​ဝႆႉ​ဢေႃႈ။ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ဢုပ်ႉ​ပိူင်ႇ​ၶဝ်​ၶိင်ႇ​ၵၢင်​ၼႂ်​လႄႈ၊ တူဝ်​ၶၼ်ႇ​ထႃႇ​ၶဝ်​ၼၼ်ႉ ပဵၼ်​ပုၼ်ႈ​ဢၼ်​မိူင်း​မရၼႃႉ တၵ်း​ယႃႉ​ၽဵဝ်ႈ​ပႅတ်ႈ​ထၼ်ႈ​ပေႃး​တီႈ​ယူႇ​မၼ်း​ဢမ်ႇ​ၵိုတ်း​ဢမ်ႇ​ၵျၢၼ်ႇ​ဝႆႉ​ဢေႃႈ။-</verse>
				<verse number="15">ဝီႉၺိၺ်ႇ​ၵဝ်​ၸမ်ႉ၊ ၽြႃး​ပဵၼ်​ၸဝ်ႈ တၵ်း​ထုတ်ႇ​ဢဝ်​သေ​ၵႃႈ​ၼႂ်း​တၼ်း​ၶူဝ်း​မိူင်း​မရၼႃႉ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​တၵ်း​သိမ်း​ဢဝ်​ၵဝ်​ၼၼ်ႉ​ဢေႃႈ။ ၸေႇလႃႇ။</verse>
				<verse number="16">မိူဝ်ႈ​ဢၼ်​ပိူၼ်ႈ​တၢင်ႇ​ၵေႃႉ မၢၵ်ႈ​မီး​ဢုၵ်ႉ​ၸႃႇ​ၼမ်​ၼႃႇ​လႄႈ ၵုင်ႇ​သရေႇ​ႁိူၼ်း​မၼ်း​ယႂ်ႇ​ၽႄႈ​တူဝ်း​တွၼ်း​မႃး​ၼၼ်ႉ​ၸိုင်၊ မႂ်း​ယႃႇ​ပေ​တိူဝ်ႉ​ၸႂ်​ၼႅင်​ၸႂ်။-</verse>
				<verse number="17">မၼ်း​ၼၼ်ႉ မိူဝ်ႈ​ဢၼ်​တၢႆ​ၸိုင်၊ ဢမ်ႇ​လႆႈ​ပႃး​ဢဝ်​ဢုၵ်ႉ​ၸႃႇ​ၵႂႃႇ​သေ​ဢိတ်း။ ၵုင်ႇ​သရေႇ​မၼ်း​ၵေႃႈ​ဢမ်ႇ​လႆႈ​သိုပ်ႇ​ၵႂႃႇ​ၸွမ်း​လင်​မၼ်း။-</verse>
				<verse number="18">မၼ်း​ၼၼ်ႉ ၼႂ်း​မိူဝ်ႈ​ဢၼ် ယင်း​တိုၵ်ႉ​ဢသၢၵ်ႈ​လိပ်း​ယူႇ​ၼၼ်ႉ၊ ၸၢင်ႈ​ပၼ်​တၢင်း​လီ​တီႈ​ဝီႉၺိၺ်ႇ​မၼ်း​ဢေႃႈ။ မိူဝ်ႈ​ဢၼ်​မႂ်း​ပွင်​ဢၵျူဝ်း​မႂ်း​ၼၼ်ႉ​ၸိုင်၊ ၵူၼ်း​တင်း​လၢႆ​ၸၢင်ႈ​ယွင်ႈ​ယေႃး​မႂ်း​ဢေႃႈ။-</verse>
				<verse number="19">ၵူၺ်း​ၵႃႈ မၼ်း​ၼၼ်ႉ​တၵ်း​လႆႈ​ၵႂႃႇ​ၸူး​ၵႃႈ​တီႈ​ဢၼ်​ပူႇ​မၼ်း​မွၼ်ႇ​မၼ်း​မီး​ၼၼ်ႉ​ဢေႃႈ။ ၶဝ်​တၵ်း​ဢမ်ႇ​လႆႈ​ထူပ်း​လႆႈ​ႁၼ်​ဢၼ်​လႅင်း ယူႇ​ၶိင်ႇ​ၵႃႇလႃႉ သိုပ်ႇ​သိုပ်ႇ​တၢမ်း​တၢမ်း။-</verse>
				<verse number="20">ၵေႃႉ​ဢၼ်​ပျေႉ​ၸုမ်ႇ​တင်း​ၵုင်ႇ​သရေႇ​လႄႈ ဢမ်ႇ​မီး​ပိင်ႇ​ၺႃႇ​သတီႉ​ၼၼ်ႉ​ၸမ်ႉ၊ ပဵၼ်​မိူၼ်​ၸိူဝ်ႉ​ၼင်ႇ​တရိၵ်ႈသၢၼ်ႇ ဢၼ်​ၸၢင်ႈ​ႁွတ်ႈ​တၢင်း​လူႉ​တၢင်း​လႅဝ်​ၼၼ်ႉ​ဢေႃႈ။</verse>
			</chapter>
			<chapter number="50">
				<verse number="1">ၽြႃး​ပဵၼ်​ၸဝ်ႈ ဢၼ်​ပဵၼ်​ၸဝ်ႈ​ပဵၼ်​ၸွမ်​ၽြႃး​တင်း​လၢႆ​ဢၼ်​ဝႃႈ ထႃႇဝရႃႉ​ၽြႃး​ၼၼ်ႉ ပၼ်​ပျႃႇ​တိၵ်ႈ​လႄႈ​ႁွင်ႉ​ဢဝ်​လိၼ်​မိူင်း ၸႃႉ​ၸဵမ်​တီႈ​ဢၼ်​ၵၢင်​ဝၼ်း​ဢွၵ်ႇ တေႃႇ​ထိုင်​ႁွတ်ႈ​တီႈ​ဢၼ်​ၵၢင်​ဝၼ်း​တူၵ်း​ၼၼ်ႉ​ဢေႃႈ။-</verse>
				<verse number="2">သၢႆ​ဢရွင်ႇ​ၽြႃး​ပဵၼ်​ၸဝ်ႈ ႁိူဝ်ႈ​လႅင်း​ဢွၵ်ႇ​ၵႃႈ​ၼိူဝ်​လွႆ​ ၸီႉဢုၼ်ႇ တီႈ​ဢၼ်​ၸေး​ၸုမ်ႇ​ဝႆႉ​တင်း တၢင်း​ဢၼ်​ႁၢင်ႈ​လီ​ႁၢင်ႈ​ငၢမ်း​ၼၼ်ႉ​ဢေႃႈ။-</verse>
				<verse number="3">ၽြႃး​ပဵၼ်​ၸဝ်ႈ​ႁဝ်း​မႃး​လႄႈ၊ မၼ်း​ၸဝ်ႈ​တၵ်း​ဢမ်ႇ​ယူႇ​တဵတ်ႇ​တဵတ်ႇ​ယဵၼ်​ယဵၼ်။ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ မီး​တၢင်း​ဢၼ်​ၽႆး​မႆႈ​ယူႇ​လႄႈ၊ ၵႃႈ​တီႈ​ႁိမ်း​ႁွမ်း​မၼ်း​ၸဝ်ႈ​ၼၼ်ႉ မီး​ၽူၼ်​လူင်​လူမ်း​လူင်​ယူႇ​ဢေႃႈ။-</verse>
				<verse number="4">မၼ်း​ၸဝ်ႈ​ႁွင်ႉ​ဢဝ်​ၽႃႉ​ၵၢင်​ႁၢဝ်​ၵႃႈ​ၼိူဝ် ဢိၵ်ႇ​တင်း​လိၼ်​မိူင်း ႁႂ်ႈ​လႆႈ​ၸႅတ်ႈ​ထၢမ်​ၸီႇ​ယၢင်ႇ​ၵူၼ်း​မၼ်း​ၸဝ်ႈ​တင်း​လၢႆ​လႄႈ​ဝႃႈ၊-</verse>
				<verse number="5">ႁႂ်ႈ​ၶဝ်​ၸိူဝ်း​ဢၼ်​ၵဝ်​ႁၵ်ႉ​ပႅင်း၊ ဢၼ်​ဢဝ်​တင်း တၢင်း​ဢၼ်​ပုၵ်ႈ​ၸေႃႇ​ယိတ်ႈ ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ၵဝ်​ၼၼ်ႉ ၸူႉ​ၵၼ်​တုမ်​ၵၼ်​ၵႃႈ​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၽႃႉ​ၵၢင်​ႁၢဝ်​ၸိူဝ်း​ၼၼ်ႉ ဢွၼ်​ၵၼ်​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း​ဢၼ် မၼ်း​ၸဝ်ႈ​သိုဝ်ႈ​တေႃႇ​ၼၼ်ႉ ၵွပ်ႈ​ပိူဝ်ႈ​ဢၼ်​တူဝ်​ၽြႃး​ပဵၼ်​ၸဝ်ႈ တႅပ်း​တတ်း​တြႃး​ၼၼ်ႉ​ဢေႃႈ။ ၸေႇလႃႇ။</verse>
				<verse number="7">ၵူၼ်း​ၵဝ်​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​တႃႉ။ ၵဝ်​တၵ်း​လၢတ်ႈ​ဢေႃႈ။ မဵဝ်း​ ဢီႉသရေႇလႃႉ ​ဢိူၺ်း၊ ၵဝ်​တၵ်း​ၶၢမ်ႇ​သၢၵ်ႈ​သေႇ​တီႈ​မႂ်း​ဢေႃႈ။ ၵဝ်​ပဵၼ်​ၽြႃး​ပဵၼ်​ၸဝ်ႈ​ဢေႃႈ။ ပဵၼ်​ၽြႃး​ပဵၼ်​ၸဝ်ႈ​မႂ်း​ဢေႃႈ။-</verse>
				<verse number="8">ၵဝ်​ဢမ်ႇ​တၢင်ႇ​ဢပႅတ်ႈ​တီႈ​မႂ်း ၵွပ်ႈ​ပိူဝ်ႈ​တၢင်း​ပုၵ်ႈ​ၸေႃႇ​ယိတ်ႈ​မႂ်း​ၸိူဝ်း​ၼၼ်ႉ။ ယိတ်ႈ​ဢၼ်​တုတ်ႇ​ၽႆး​မႂ်း​ၸိူဝ်း​ၼၼ်ႉ မီး​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​သေႇ​သေႇ​ဢေႃႈ။-</verse>
				<verse number="9">ၵဝ်​ဢမ်ႇ​ၶၢမ်ႇ​ဢမ်ႇ​ဢဝ်​ဝူဝ်း ၵႃႈ​ၼႂ်း​ႁိူၼ်း​မႂ်း ဢိၵ်ႇ​တင်း​ပႄႉ​ပေႃႈ​ၵႃႈ​ၼႂ်း​ၶွၵ်ႈ​မႂ်း​ၼၼ်ႉ။-</verse>
				<verse number="10">တူဝ်​သတ်း​ၼႂ်း​ထိူၼ်ႇ​ၼႂ်း​ၶိူဝ်း​ၵႃႈ​မီး​တင်း​သဵင်ႈ​တင်း​လူင် ဢိၵ်ႇ​တင်း​တရိၵ်ႈသၢၼ်ႇ​ဢၼ်​ပဵၼ်​ပၢၵ်ႇ​ပဵၼ်​ႁဵင် ၵႃႈ​ၼိူဝ်​လွႆ​ၼိူဝ်​ၵုင်း​ၼၼ်ႉ ပဵၼ်​ဢုၵ်ႉ​ၸႃႇ​ၵဝ်​ဢေႃႈ။-</verse>
				<verse number="11">ၵဝ်​ႁူႉ​ၼူၵ်ႉ​ဢၼ်​ၸၢင်ႈ​ယူႇ​ၵႃႈ​ၼိူဝ်​လွႆ​တင်း​သဵင်ႈ​တင်း​လူင်​ၼၼ်ႉ​ယူႇ​ဢေႃႈ။ တူဝ်​ထိူၼ်ႇ​ၸိူဝ်း​ၼၼ်ႉ​မီး​ယူႇ​ၵႃႈ​တီႈ​ၵဝ်​ဢေႃႈ။-</verse>
				<verse number="12">ပေႃး​ၵဝ်​ဢိုပ်း​ယၢၵ်ႈ​ၸိုင်၊ ၵဝ်​ဢမ်ႇ​လၢတ်ႈ​တီႈ​မႂ်း။ လွင်ႈ​မၼ်း​ၸမ်ႉ လေႃးၵထၢတ်ႈ​တင်း​ၵႃႈ​ဢၼ်​မီး​ၼႂ်း​မၼ်း​ၼႆႉ ပဵၼ်​ဢုၵ်ႉ​ၸႃႇ​ၵဝ်​ဢေႃႈ။-</verse>
				<verse number="13">ၸွင်ႇ​ၵဝ်​တၵ်း​ၵိၼ်​ၼိူဝ်ႉ​ဝူဝ်း​ႁိုဝ်။ ၸွင်ႇ​ၵဝ်​တၵ်း​သူတ်ႉ​လိူတ်ႈ​ပႄႉ​ႁိုဝ်။-</verse>
				<verse number="14">ပုၵ်ႈ​ၸေႃႇ​ယိတ်ႈ​တၢင်း​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ​ၼၼ်ႉ တီႈ​ၽြႃး​ပဵၼ်​ၸဝ်ႈ​တႃႉ။ ၸွမ်း​ၵႃႈ​ၼင်ႇ​ဢၼ်​မႂ်း​ဝႆႉ​ၵတီႉ​သဵတ်ႈ​ၸႃႇ​ၼၼ်ႉ​သေ​လႄႈ ၽေႇ​ဝၢတ်ႈ​သဵတ်ႈ​ၸႃႇ​တီႈ​ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​တႃႉ။-</verse>
				<verse number="15">ႁွင်ႉ​သႅၼ်ႇ​ႁွင်ႉ​ႁႃ​ၵဝ်​ၼႂ်း​မိုဝ်ႉ​ဝၼ်း​ဢၼ် ၽေး​ဢၼ်ႇတရႄႇ​ႁွတ်ႈ​ထိုင်​ၼၼ်ႉ​တႃႉ။ ၵဝ်​တၵ်း​ၵႄႇ​သႄႇ​တိုတ်ႉ​ၸၼ်​ဢဝ်​မႂ်း​ဢွၵ်ႇ​လႄႈ မႂ်း​တၵ်း​လႆႈ​ယွင်ႈ​ယေႃး​မုၼ်​ၽုင်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">တီႈ​ၵူၼ်း​ဢၼ်​ဢမ်ႇ​တြႃး​ၼၼ်ႉ​ၵေႃႈ၊ ၽြႃး​ပဵၼ်​ၸဝ်ႈ​လၢတ်ႈ​လႄႈ​ဝႃႈ၊ တၢင်း​ဢၼ်​ႁဵတ်း​ႁႂ်ႈ​လႆႈ​မွၵ်ႇ​လၢတ်ႈ ထုင်း​ၽိင်ႈ​တြႃး​ၵဝ်​တင်း​လၢႆ​လႄႈ ဢဝ်​ပတီႉၺိၺ်ႇ​တြႃး​ၵဝ်​ဝႃႈ​ဢွၵ်ႇ​သူပ်း​ၼၼ်ႉ ၸၢပ်ႈ​သႅင်ႇ​ၵၼ်​တင်း​မႂ်း​ၸိူဝ်ႉ​ၼင်ႇ​ႁိုဝ်။-</verse>
				<verse number="17">မႂ်း​ၸင်း​တၢင်း​ဢၼ်​သင်ႇ​သွၼ်​သုင်း​မႃႉ​ၼၼ်ႉ​လႄႈ ဢဝ်​ၵႂၢမ်း​ၵဝ်​ပႅတ်ႈ​ဝႆႉ​ၽၢႆႇ​လင်​မႂ်း​ယဝ်ႉ​လူင်​ပႄႇ။-</verse>
				<verse number="18">ပေႃး​မႂ်း​ႁၼ်​ၽူႈ​လၵ်ႉ​ၸိုင်၊ သၽေႃး​မႂ်း​ၸၢင်ႈ​မိူၼ်​ၵၼ်​တင်း​မၼ်း​ၼၼ်ႉ​လႄႈ ၸၢင်ႈ​သိူၵ်ႈ​သမ်ႇ​ၵၼ်​တင်း​ၶဝ်​ၸိူဝ်း​ဢၼ် ၽိတ်း​ပိူင်ႈ​မေး​ပိူၼ်ႈ​ၼၼ်ႉ​ဢေႃႈ။-</verse>
				<verse number="19">မႂ်း​ၸၢင်ႈ​ဢဝ်​သူပ်း​မႂ်း​ဢၢပ်ႈ​ပၼ်​တီႈ​တူႉ​ၸရိူၵ်ႈ​လႄႈ ဢဝ်​တင်း​လိၼ်ႉ​မႂ်း​ၸီႇ​ယၢင်ႇ​မူႉ​သႃႇ​ဢေႃႈ။-</verse>
				<verse number="20">မႂ်း​ၸၢင်ႈ​ၼင်ႈ​လႄႈ လၢတ်ႈ​ၵႂၢမ်း​ၶတ်း​ၵၼ်​တင်း​ပီႈ​မႂ်း​ၼွင်ႉ​မႂ်း​လႄႈ ၸၢင်ႈ​သႄႉ​သွမ်း​လုၵ်ႈ​ၸၢႆး​ဢွၵ်ႇ​မႄႈ​မႂ်း​ဢေႃႈ။-</verse>
				<verse number="21">မႂ်း​ႁဵတ်း​လွင်ႈ​တၢင်း​ၸိူဝ်ႉ​ၼင်ႇ​ၼၼ်​လႄႈ ၵဝ်​ဢမ်ႇ​တၵ်း​သဵင်​တၵ်း​ပၢၵ်ႇ​လႄႈ​ယူႇ​ဢေႃႈ။ ပိူဝ်ႈ​ၼႆ​လႄႈ မႂ်း​ထၢင်ႇ​ၵဝ်​မိူၼ်​ၵၼ်​တင်း​မႂ်း​ယဝ်ႉ​လူင်​ပႄႇ။ ၵဝ်​တၵ်း​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ​မႂ်း​လႄႈ ဢဝ်​ၵီႈ​ၽႄႇ​ဝႆႉ​သိုဝ်ႈ​ၼႃႈ​တႂ်ႈ​တႃ​မႂ်း​ဢေႃႈ။-</verse>
				<verse number="22">ၵူၼ်း​ၸိူဝ်း​ဢၼ်​လူင်​လိုမ်း ၽြႃး​ပဵၼ်​ၸဝ်ႈ​ၶဝ်​ဢိူၺ်း၊ ဢွၼ်​ၵၼ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​တၢင်း​ၼႆႉ​တႃႉ။ ပေႃး​ဢမ်ႇ​ၼၼ် ၵေႃႉ​ဢၼ်​ၵႄႇ​သႄႇ​ၼုၵ်ႈ​ဢဝ်​သူ​ယင်း​ဢမ်ႇ​မီး​လႄႈ၊ ၵဝ်​တၵ်း​တိုတ်ႉ​သူ​ၶၢတ်ႇ ပဵၼ်​ပွတ်း​ပဵၼ်​တွၼ်ႈ​ပႅတ်ႈ​ဢေႃႈ။-</verse>
				<verse number="23">ၵေႃႉ​ဢၼ်​ပုၵ်ႈ​ၸေႃႇ​ယိတ်ႈ​တၢင်း​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ​ၼၼ်ႉ ပဵၼ်​ၵေႃႉ​ဢၼ်​ႁႂ်ႈ​မုၼ်​ၽုင်း​ၵဝ်​ထၢင်ႇ​သႃး​ဢေႃႈ။ တီႈ​ၵေႃႉ​ဢၼ်​ၶႆႈ​ၸႂ်​လူၺ်ႈ​တၢင်း​ဢၼ်​မၼ်း​ၵႂႃႇ​ယူႇ​ၼၼ်ႉ​ၵေႃႈ၊ ၵဝ်​တၵ်း​ၽုၺ်ႇ​ဢွၵ်ႇ​ၼႄ​ပျႃး​ၵျေး​ၸူး​တၢင်း​ဢၼ်​ၽြႃး​ပဵၼ်​ၸဝ်ႈ ၵႄႇ​သႄႇ​ၶျွတ်ႈ​ဢဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="51">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ၶႃႈ​ၸဝ်ႈ ၸွမ်း​ၵႃႈ​ၼင်ႇ​ၸႂ်​ၸေႇတၼႃႇ​ၸဝ်ႈ​ႁဝ်း ဢၼ်​ၶႂ်ႈ​ႁဵတ်း​ၵျေး​ၸူး ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ထူ​မွတ်ႇ​ပႅတ်ႈ​ဢပႅတ်ႈ တၢင်း​ဢၼ်​ၶႃႈ​ၸဝ်ႈ​ပူၼ်ႉ​လိူဝ်​ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ်​ၵရူႉၼႃႇ​ၸဝ်ႈ​ႁဝ်း ယႂ်ႇ​ၼမ်​ၼႃႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="2">ၶႅၼ်း​တေႃႈ​ဢဝ်​ၶႃႈ​ၸဝ်ႈ​သုၵ်ႈ​ပွတ်ႈ​ပႅတ်ႈ​သေ​တူႉ​ၸရိူၵ်ႈ​ၶႃႈ​ၸဝ်ႈ တင်း​သဵင်ႈ​တင်း​မူတ်း​လႄႈ ႁႂ်ႈ​မူတ်း​ၸၢင်ႇ​သေ​ဢပႅတ်ႈ​တၢင်း​ဢၼ်​ၶႃႈ​ၸဝ်ႈ​ပူၼ်ႉ​လိူဝ်​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="3">လွင်ႈ​မၼ်း​ၸမ်ႉ ၶႃႈ​ၸဝ်ႈ​ႁပ်ႉ​တုင်း​ဢဝ် လွင်ႈ​တၢင်း​ဢၼ်​ၶႃႈ​ၸဝ်ႈ​ပူၼ်ႉ​လိူဝ်​ၸိူဝ်း​ၼၼ်ႉ​လႄႈ၊ ဢပႅတ်ႈ​ၶႃႈ​ၸဝ်ႈ​မီး​ယူႇ​သိုဝ်ႈ​ၼႃႈ​တႂ်ႈ​တႃ​ၶႃႈ​ၸဝ်ႈ​ယူႇ​တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="4">ၶႃႈ​ၸဝ်ႈ​ၽိတ်း​ပိူင်ႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ။ ၽိတ်း​ပိူင်ႈ​ၸဝ်ႈ​ႁဝ်း​ၵူၺ်း​ၵူၺ်း​လႄႈ ႁဵတ်း​လွင်ႈ​တၢင်း​ဢၼ်​ဢမ်ႇ​တြႃး သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း ႁႂ်ႈ​ၸဝ်ႈ​ႁဝ်း​လႆႈ​မီး​တၢင်း​ဢၼ်​သိုဝ်ႈ​ဢၼ်​တေႃႇ ၼႂ်း​မိူဝ်ႈ​ဢၼ်​ၸဝ်ႈ​ႁဝ်း​မီး​ဢမိင်ႉ​ၼၼ်ႉ​လႄႈ ၵၢင်း​လွတ်ႈ​တင်း​ဢပႅတ်ႈ ၼႂ်း​မိူဝ်ႈ​ဢၼ်​ၸဝ်ႈ​ႁဝ်း​ၸီႇ​ယၢင်ႇ​တြႃး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">တူၺ်း​တီႈ​ၶႃႈ​လူး၊ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ်​ပဵၼ်​ပုင်ႇ​ပဵၼ်​ႁၢင်ႈ မႃး​ၵႃႈ​ၼႂ်း​တူႉ​ၸရိူၵ်ႈ​လႄႈ မႄႈ​ၶႃႈ​ၸဝ်ႈ​လႆႈ​ပႃး​ပတိၵ်ႉသၼ်ႇထေႇ​ၶႃႈ​ၸဝ်ႈ ၼႂ်း​ဢပႅတ်ႈ​တီႈ​ၶႃႈ​ဢေႃႈ။</verse>
				<verse number="6">တူၺ်း​တီႈ​ၶႃႈ​လူး၊ ၸဝ်ႈ​ႁဝ်း​ထုၵ်ႇ​ၸႂ်​ၵျိူၵ်ႈ​ၸႂ်​သဵတ်ႈ​ၸႃႇ​ၽၢႆႇ​တၢင်း​ၼႂ်း​ၶႃႈ​ၸဝ်ႈ​လႄႈ၊ တၵ်း​ႁႂ်ႈ​ၶႃႈ​ၸဝ်ႈ​ႁူႉ​ပိင်ႇ​ၺႃႇ​ၵႃႈ​ၼႂ်း​တီႈ​ဢၼ်​သိူင်ႇ​ဢၼ်​လပ်ႉ​ၼႂ်း​ၸႂ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="7">ၶႅၼ်း​တေႃႈ​ဢဝ်​တင်း​မႂ်​ ႁုတ်ႉသူပ်ႇ ​ပၼ်​မင်ႇၵလႃႇ​ဢၼ်​မူတ်း​ၸၢင်ႇ​ၼၼ်ႉ ႁႂ်ႈ​ၶႃႈ​ၸဝ်ႈ​မူတ်း​သႂ်​သေ​ၵမ်း​တီႈ​ၶႃႈ။ ၶႅၼ်း​တေႃႈ​သုၵ်ႈ​ပွတ်ႈ​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​ၶၢဝ်​ၽိူၵ်ႇ​ၼႃႇ​သေ​မူၺ်​ႁႃႇ​သေ​ၵမ်း​တီႈ​ၶႃႈ။-</verse>
				<verse number="8">ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​လႆႈ​ငိၼ်း​ၵႂၢမ်း​တၢင်း​ဢၼ်​သၢၵ်ႈ​သႃႇ တၢင်း​ဢၼ်​ၸူမ်း​သိူဝ်း​ၼၼ်ႉ​ႁႂ်ႈ​လုပ်ႇ​ဢၼ်​ၸဝ်ႈ​ႁဝ်း​ႁၵ်း​ပႅတ်ႈ​ၸိူဝ်း​ၼၼ်ႉ လႆႈ​မီး​တၢင်း​သႂၢင်ႇ​သိူဝ်း​သေ​ၵမ်း​တီႈ​ၶႃႈ။</verse>
				<verse number="9">ၶႅၼ်း​တေႃႈ​ဝၢႆႇ​ၼႃႈ​ၸဝ်ႈ​ႁဝ်း​ပႅတ်ႈ​သေ​ၵႃႈ​တီႈ​တူႉ​ၸရိူၵ်ႈ တၢင်း​ဢၼ်​ၶႃႈ​ၸဝ်ႈ​ပူၼ်ႉ​လိူဝ်​ၸိူဝ်း​ၼၼ်ႉ​လႄႈ ထူ​မွတ်ႇ​ဢပႅတ်ႈ​ၶႃႈ​ၸဝ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပႅတ်ႈ​သေ​ၵမ်း​တီႈ​ၶႃႈ။-</verse>
				<verse number="10">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ၽၢၼ်ႇ​သၢင်း​ႁဵတ်း​ပဵၼ်​ႁူဝ်​ၸႂ်​ဢၼ်​မူတ်း​သႂ်​ၼၼ်ႉ ၵႃႈ​ၼႂ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ၶႅၼ်း​တေႃႈ​မႄး​ၵုမ်း​မႄး​ႁဵတ်း​ၸႂ်​သၽေႃး​ဢၼ်​မၼ်ႈ​ၶိူင်ႇ​တႄႇ​ၼိမ်​ၼၼ်ႉ ပဵၼ်​ဢၼ်​မႂ်ႇ​သေ​ၵမ်း​တီႈ​ၶႃႈ။-</verse>
				<verse number="11">ယႃႇ​ပေ​ႁေႃႈ​ၶႃႈ​ၸဝ်ႈ​ဢွၵ်ႇ​ပႅတ်ႈ​သေ​ၵႃႈ​ၼႂ်း​ဢထမ်ႇ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ယႃႇ​ပေ​ၽူမ်ႈ​သိမ်း​ဢဝ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ႁဝ်း သေ​ၵႃႈ​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="12">ၶႅၼ်း​တေႃႈ​ဢဵတ်း​လူ​ၶိုၼ်း​ပၼ်​ဢၶႂၢင်ႉ​တၢင်း​ဢၼ်​သိူဝ်း​ပျေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ ပၼ်​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဢဝ်​တင်း​ၸႂ်​ၸေႇတၼႃႇ ၵမ်ႉ​ထွၵ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="13">သင်​ၼၼ်၊ ၶႃႈ​ၸဝ်ႈ​တၵ်း​သင်ႇ​သွၼ်​ၼႄ​ပျႃး​သဵၼ်ႈ​တၢင်း​တြႃး​ၸဝ်ႈ​ႁဝ်း တီႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​လႄႈ၊ ၶဝ်​ၸိူဝ်း​ဢၼ်​မီး​ဢပႅတ်ႈ​ၼၼ်ႉ တၵ်း​ၶိုၼ်း​မႃး​ၸူး​ၵႃႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
				<verse number="14">ၽြႃး​ပဵၼ်​ၸဝ်ႈ၊ ၽြႃး​ဢၼ်​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ၵၢင်း​လွတ်ႈ​တင်း​ဢပႅတ်ႈ တၢင်း​ဢၼ်​ဢဝ်​ဢသၢၵ်ႈ​ပိူၼ်ႈ​တၢႆ​ၼၼ်ႉ​သေ​ၵမ်း​တီႈ​ၶႃႈ။ လိၼ်ႉ​ၶႃႈ​ၸဝ်ႈ​တၵ်း​ႁဵတ်း​သဵင်​ဢၼ်​ႁွင်ႉ​သႅၼ်ႇ​သေ​လႄႈ ႁဵတ်း​ၵႂၢမ်း​လူၺ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="15">ၸဝ်ႈ​ၽြႃး​တီႈ​ၶႃႈ၊ ၶႅၼ်း​တေႃႈ​ၽုၺ်ႇ​သီႇ​သူပ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ သူပ်း​ၶႃႈ​ၸဝ်ႈ​တၵ်း​ယွင်ႈ​ယေႃး​မုၼ်​ၵျေး​ၸူး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="16">ၸဝ်ႈ​ႁဝ်း​ဢမ်ႇ​မီး​ဢလူဝ်ႇ​ၶႂ်ႈ​လႆႈ​ယိတ်ႈ​တၢင်း​ဢၼ်​ပုၵ်ႈ​ၸေႃႇ​ၼၼ်ႉ​တီႈ​ၶႃႈ။ သင်​ဢမ်ႇ​ၼၼ် ၶႃႈ​ၸဝ်ႈ​တၵ်း​ပုၵ်ႈ​ၸေႃႇ​ယိတ်ႈ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ် ယိတ်ႈ​ဢၼ်​တုတ်ႇ​ၽႆး​ၼၼ်ႉ​တီႈ​ၶႃႈ။-</verse>
				<verse number="17">ယိတ်ႈ​ဢၼ်​ၽြႃး​ပဵၼ်​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ​ၸမ်ႉ၊ ပဵၼ်​ႁူဝ်​ၸႂ်​ဢၼ်​ႁၵ်း​ႁဵၵ်း​ၵႂႃႇ​ၼၼ်ႉ​လႄႈ၊ ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ဢမ်ႇ​ၸၢင်ႈ​ပႄႇ​ပႅတ်ႈ​ႁူဝ်​ၸႂ်​ဢၼ်​ႁၵ်း​ႁဵၵ်း​တႅၵ်ႇ​လႅဝ်​ၵႂႃႇ​ၼၼ်ႉ​တီႈ​ၶႃႈ။</verse>
				<verse number="18">ၶႅၼ်း​တေႃႈ​ၸဝ်ႈ​ႁဝ်း​ပႃး​ၸႂ်​ၸေႇတၼႃႇ​ၸဝ်ႈ​ႁဝ်း​သေ​လႄႈ ႁဵတ်း​ၵျေး​ၸူး​တီႈ​လွႆ​ ၸီႉဢုၼ်ႇ ​သေ​ၵမ်း​တီႈ​ၶႃႈ။ ၶႅၼ်း​တေႃႈ​တႄႇ​ႁဵတ်း​လမ်း​ဝဵင်း​ ယေႇရူႉသလႅမ်ႇ သေ​ၵမ်း​တီႈ​ၶႃႈ။-</verse>
				<verse number="19">မိူဝ်ႈ​ၼၼ်ႉ​ၸဝ်ႈ​ႁဝ်း​တၵ်း​မူၼ်ႈ​ပျေႃႇ​လူၺ်ႈ​ယိတ်ႈ​တၢင်း​ဢၼ်​ပုၵ်ႈ​ၸေႃႇ​ၸွမ်း​ၼင်ႇ​တြႃး​လႂ်၊ ယိတ်ႈ​ဢၼ်​တုတ်ႇ​ၽႆး​လႂ်၊ ယိတ်ႈ​ဢၼ်​တုတ်ႇ​ၽႆး​တင်း​တူဝ်​လႂ်​ၼၼ်ႉ​တီႈ​ၶႃႈ​ဢေႃႈ။ မိူဝ်ႈ​ၼၼ်ႉ ၶႃႈ​ၸဝ်ႈ​ႁဝ်း​ၶဝ်​တၵ်း​ဢဝ်​ယိတ်ႈ​ဝူဝ်း​ငၢၼ်​တင်း​လၢႆ ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
			</chapter>
			<chapter number="52">
				<verse number="1">ၵူၼ်း​ဢၼ်​ႁႅင်း​ယႂ်ႇ​ၼႃႇ​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢုပ်ႇ​ဢၢတ်ႇ​ယူႇ​ၼႂ်း​တၢင်း​ဢၼ်​ယႃႉ​ဢၵျူဝ်း​ပိူၼ်ႈ​ၼၼ်ႉ​ၼင်ႇ​ႁိုဝ်။ ၵရူႉၼႃႇ​ၽြႃး​ပဵၼ်​ၸဝ်ႈ​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="2">လိၼ်ႉ​မႂ်း​ၼၼ်ႉ ပွင်​ႁဵတ်း​တၢင်း​ဢၼ်​ႁၢႆႉ​ဢၼ်​မိူၵ်ႈ​သေ​လႄႈ ႁဵတ်း​တၢင်း​ဢၼ်​ပႅတ်ႉ​ဢၼ်​လႅၼ် မိူၼ်​ၸိူဝ်ႉ​ၼင်ႇ​မိတ်ႈ​ႁူၼ်​ဢၼ်​ၽၢႆ​ၼႃႇ​ၼၼ်ႉ​ဢေႃႈ။-</verse>
				<verse number="3">မႂ်း​ၸၢင်ႈ​ထုၵ်ႇ​ၸႂ်​ၵျိူၵ်ႈ​ၸႂ်​တူႉ​ၸရိူၵ်ႈ​ၼႃႇ​သေ​သူႉ​ၸရိူၵ်ႈ၊ ၵႂၢမ်း​မူႉ​သႃႇ​ၼႃႇ​သေ​တၢင်း​ဢၼ်​လၢတ်ႈ​ၵႂၢမ်း​ဢၼ်​သိုဝ်ႈ​ဢၼ်​တေႃႇ​ၼၼ်ႉ​ဢေႃႈ။ ၸေႇလႃႇ။-</verse>
				<verse number="4">လိၼ်ႉ​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ဢိူၺ်း၊ မႂ်း​ၸၢင်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ၵႂၢမ်း​ဢၼ်​ယႃႉ​ယူၵ်ႉ​ၵႃႈ​မီး​တင်း​သဵင်ႈ​တင်း​လူင်​ဢေႃႈ။-</verse>
				<verse number="5">ၽြႃး​ပဵၼ်​ၸဝ်ႈ​တၵ်း​ႁၵ်း​ႁဵၵ်း​မႂ်း​ပႅတ်ႈ​သေႇ​သေႇ​ဢေႃႈ။ မၼ်း​ၸဝ်ႈ​တၵ်း​ယိပ်း​ၵမ်​ဢဝ်​မႂ်း​လႄႈ ဢဝ်​မႂ်း​ႁေႃႈ​ဢွၵ်ႇ​သေ​ၵႃႈ​ၼႂ်း​မူဝ်းၵႃႇ​မႂ်း​လႄႈ ထူၺ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​တီႈ​ယူႇ​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​ဢေႃႈ။-</verse>
				<verse number="6">ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ႁၼ်​လႄႈ​ၵူဝ်​ႁႄ​ဢေႃႈ။ ၶဝ်​တၵ်း​ၶူဝ်​မၼ်း​သေ​လႄႈ​လၢတ်ႈ​လႄႈ​ဝႃႈ၊-</verse>
				<verse number="7">တူၺ်း​လူး၊ ၵေႃႉ​ၼႆႉ​ပဵၼ်​ၵေႃႉ​ဢၼ်​ဢမ်ႇ​ႁႂ်ႈ​ၽြႃး​ပဵၼ်​ၸဝ်ႈ ပဵၼ်​တီႈ​ဢၼ်​မၼ်း​ဢိင်​မၼ်း​ပိုင်ႈ​လႄႈ ဢႃး​ၵူဝ်း​လူၺ်ႈ​တၢင်း​ဢၼ်​ဢုၵ်ႉ​ၸႃႇ​မၼ်း ပျေႉ​ၸုမ်ႇ​လိူင်ႇ​ၸႂ်​ၼၼ်ႉ​သေ​လႄႈ ႁႂ်ႈ​တူဝ်​မၼ်း​မၼ်ႈ​ၶိူင်ႇ​ယူႇ​ၵႃႈ​ၼႂ်း​တူႉ​ၸရိူၵ်ႈ​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵဝ်​ၸမ်ႉ၊ ပဵၼ်​ၸိူဝ်ႉ​ၼင်ႇ​တူၼ်ႈ​ သၢၼ်ႇလုၼ်ႇ ဢၼ်​ၶဵဝ်​လီ​တင်ႈ​လီ ၵႃႈ​တီႈ​ႁိူၼ်း​ၽြႃး​ပဵၼ်​ၸဝ်ႈ​ၼၼ်ႉ​လႄႈ ဢိင်​ပိုင်ႈ​ၵရူႉၼႃႇ​ၽြႃး​ပဵၼ်​ၸဝ်ႈ​ယူႇ ၵူႈ​ၶိင်ႇ​ၵူႈ​ၶႃႇ​သိုပ်ႇ​သိုပ်ႇ​တၢမ်း​တၢမ်း​ဢေႃႈ။-</verse>
				<verse number="9">ၶႃႈ​ၸဝ်ႈ​တၵ်း​ယွင်ႈ​ယေႃး​ၸဝ်ႈ​ႁဝ်း​ယူႇ ၵူႈ​ၶိင်ႇ​ၵူႈ​ၶႃႇ​သိုပ်ႇ​သိုပ်ႇ​တၢမ်း​တၢမ်း ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ႁဵတ်း​ၸိူဝ်ႉ​ၼင်ႇ​ၼၼ်​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​မုင်ႈ​ထႃႈ​မွင်း​ထႃႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း သိုဝ်ႈ​ၼႃႈ​တၼ်း​တႃ​ၶဝ်​ၸိူဝ်း​ဢၼ်​ၸဝ်ႈ​ႁဝ်း​ႁၵ်ႉ​ပႅင်း​ၼၼ်ႉ ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ ပဵၼ်​ဢၼ်​လီ​ဢၼ်​မျၢတ်ႈ​ၼႃႇ​ၼၼ်ႉ​တီႈ​ၶႃႈ​ဢေႃႈ။</verse>
			</chapter>
			<chapter number="53">
				<verse number="1">ၵေႃႉ​ဢၼ်​မိူၵ်ႈ​ၼၼ်ႉ ၸၢင်ႈ​လၢတ်ႈ​ၵႃႈ​ၼႂ်း​ႁူဝ်​ၸႂ်​မၼ်း​လႄႈ​ဝႃႈ၊ ၽြႃး​ပဵၼ်​ၸဝ်ႈ​ဢမ်ႇ​မီး၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၸိူဝ်ႉ​ၼင်ႇ​ၼၼ်​ၼၼ်ႉ ၽင်ႉ​ဢူႉ​တူႇ​ၼဝ်ႈ​ဝႆႉ​လႄႈ ၸၢင်ႈ​ႁဵတ်း​တူႉ​ၸရိူၵ်ႈ​ဢၼ်​လီ​ႁင်ႈ​ၼၼ်ႉ​ဢေႃႈ။ ၵေႃႉ​ဢၼ်​ႁဵတ်း​လွင်ႈ​တၢင်း​ဢၼ်​လီ​ဢၼ်​ငၢမ်း​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။-</verse>
				<verse number="2">ၽြႃး​ပဵၼ်​ၸဝ်ႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​ၵူမ်ႈ​လႄႈ လူ​တူၺ်း​လုၵ်ႈ​ၵူၼ်း​တင်း​လၢႆ ႁႂ်ႈ​လႆႈ​ႁူႉ​ႁၼ်​လွင်ႈ​ဢၼ်​ၵေႃႉ​ဢၼ်​ႁူႉ​ဢၼ်​ၸႅင်ႈ၊ ၵေႃႉ​ဢၼ်​ႁႃ​ၽြႃး​ပဵၼ်​ၸဝ်ႈ မီး​သေ​ၵေႃႉ​သေ​ၵူၼ်း​ႁိုဝ်။ ဢမ်ႇ​မီး​ႁိုဝ်​ၼၼ်ႉ​ဢေႃႈ။-</verse>
				<verse number="3">ၵူၼ်း​တင်း​သဵင်ႈ​တင်း​လူင် သုတ်ႉ​ၶိုၼ်း​ၵႂႃႇ​ယဝ်ႉ။ ပဵၼ်​ဢၼ်​ၽင်ႉ​ဢူႉ​တူႇ​ၼဝ်ႈ​ၵႂႃႇ မိူၼ်​မိူၼ်​ၵၼ်​ဢေႃႈ။ ၵေႃႉ​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢမ်ႇ​မီး။ သေ​ၵေႃႉ​ၵေႃႈ​ဢမ်ႇ​မီး။</verse>
				<verse number="4">ၵူၼ်း​ဢႃႉထမ်ႇမႃႉ​တင်း​သဵင်ႈ​တင်း​လူင် ဢၼ်​ၶူပ်း​ၵိၼ်​ၵူၼ်း​ၵဝ်​တင်း​လၢႆ မိူၼ်​ၸိူဝ်ႉ​ၼင်ႇ​ဢၼ်​ၶဝ်​ၵိၼ်​ၶဝ်ႈ​မုၼ်း​ၼၼ်ႉ​လႄႈ ဢမ်ႇ​ႁဵတ်း​ပထၼႃႇ​တီႈ​ၽြႃး​ပဵၼ်​ၸဝ်ႈ​ၼၼ်ႉ ယင်း​ဢမ်ႇ​ႁူႉ​လႄႈ​ယူႇ​ႁိုဝ်။-</verse>
				<verse number="5">ၵႃႈ​တီႈ​ၼၼ်ႈ၊ ပိၵ်ႉ​သမ်ႉ​ဢမ်ႇ​မီး​လွင်ႈ​ဢၼ်​လီ​ၵူဝ်​လီ​ႁႄ​သေ​ၵေႃႈ၊ ၶဝ်​မီး​တၢင်း​ဢၼ်​ၵူဝ်​ဢၼ်​ႁႄ​ၼႃႇ​လူင်​လၢင်​ယူႇ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​တၵ်း​ႁႂ်ႈ​လုပ်ႇ​ၵေႃႉ​ဢၼ်​ၶျႃး​တပ်ႉ​ယူႇ​ၽၢႆႇ​ၼိုင်ႈ​တင်း​မႂ်း​ၼၼ်ႉ ၽၢတ်ႇ​ၽႄ​ၵၼ်​မိူဝ်​မႃ​ၵႂႃႇ​ဢေႃႈ။ မႂ်း​တၵ်း​လႆႈ​ႁႂ်ႈ​ၶဝ်​ႁွတ်ႈ​ထိုင်​တၢင်း​ဢၼ်​လီ​ဢူၵ်း​လီ​ဢၢႆ ၵွပ်ႈ​ပိူဝ်ႈ​ဢၼ်​ၽြႃး​ပဵၼ်​ၸဝ်ႈ​ပႄႇ​ၶဝ်​ပႅတ်ႈ​ၼၼ်ႉ​ဢေႃႈ။</verse>
				<verse number="6">ႁႂ်ႈ​ၵျေး​ၸူး​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​မဵဝ်း​ ဢီႉသရေႇလႃႉ ​ၼၼ်ႉ ပေႃႇ​ဢွၵ်ႇ​ၵႃႈ​ၼိူဝ်​လွႆ​ ၸီႉဢုၼ်ႇ သေ​ၵမ်း​လူၺ်ႈ။ မိူဝ်ႈ​ဢၼ်​ၽြႃး​ပဵၼ်​ၸဝ်ႈ သမ်ႉ​ဢဝ်​ၵူၼ်း​မၼ်း​ၸဝ်ႈ​တင်း​လၢႆ ဢၼ်​လႆႈ​ၶၢမ်ႇ​ဢဝ်​တၢင်း​ဢၼ်​ႁုပ်ႈ​ဢဝ်​သိမ်း​ဢဝ်​ၵႂႃႇ​ၼၼ်ႉ ၶိုၼ်း​မႃး​ၼၼ်ႉ​ၸိုင်၊ ယႃႇၵုပ်ႈ ​တၵ်း​သႂၢင်ႇ​သိူဝ်း​လႄႈ ဢီႉသရေႇလႃႉ ​တၵ်း​မူၼ်ႈ​ပျေႃႇ​ဢေႃႈ။</verse>
			</chapter>
			<chapter number="54">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဢဝ်​တၼ်း​ၶူဝ်း​ၸဝ်ႈ​ႁဝ်း​ၸီႇ​ယၢင်ႇ​တြႃး​ၽၢႆႇ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="2">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ထွမ်ႇ​ဢဝ်​ၵႂၢမ်း​သူး​တွင်း​ပထၼႃႇ​ၶႃႈ​ၸဝ်ႈ​လႄႈ ဢဝ်​ႁူ​ထွမ်ႇ​ငိၼ်း​ၵႂၢမ်း​ဢၼ်​ဢွၵ်ႇ​သူပ်း​ၶႃႈ​ၸဝ်ႈ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="3">လွင်ႈ​မၼ်း​ၸမ်ႉ ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း ဢွၼ်​ၵၼ်​လုၵ်ႉ​လႄႈ​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​လႄႈ၊ ၶဝ်​ၸိူဝ်း​ဢၼ်​ႁၢဝ်ႈ​ၵျၢမ်း​ၼၼ်ႉ ႁႃ​ဢဝ်​ဢသၢၵ်ႈ​ၶႃႈ​ၸဝ်ႈ​တီႈ​ၶႃႈ​ယဝ်ႉ။ ၶဝ်​ဢမ်ႇ​ထွၵ်ႈ​လူၺ်ႈ​ၼႃႈ​ၽြႃး​ပဵၼ်​ၸဝ်ႈ​တီႈ​ၶႃႈ။</verse>
				<verse number="4">တူၺ်း​လူး၊ ၽြႃး​ပဵၼ်​ၸဝ်ႈ​ၸွႆႈ​ထႅမ်​မႃႉ​ၸႃႉ​ၵဝ်​ယူႇ​လႄႈ၊ ၸဝ်ႈ​ၽြႃး​ၶဝ်ႈ​ပႃး​ၼႂ်း​ၶဝ်​ၸိူဝ်း​ဢၼ်​ၵမ်ႉ​ထွၵ်ႈ​ဢသၢၵ်ႈ​ၵဝ်​ၼၼ်ႉ​ယူႇ​ဢေႃႈ။-</verse>
				<verse number="5">မၼ်း​ၸဝ်ႈ​တၵ်း​တွပ်ႇ​တႅၼ်း​ပၼ်​ဢၵျူဝ်း​ဢၼ်​ဢမ်ႇ​လီ​ၼၼ်ႉ တီႈ​ရၢၼ်ႇ​သူႇ​ၵဝ်​ၸိူဝ်း​ၼၼ်ႉ​ဢေႃႈ။ ၶႅၼ်း​တေႃႈ​ပႄႇ​ပႅတ်ႈ​ၶဝ် ၸွမ်း​ၵႃႈ​ၼင်ႇ​ဢၼ်​သဵတ်ႈ​ၸႃႇ​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="6">သင်​ၼၼ်၊ ၶႃႈ​ၸဝ်ႈ​တၵ်း​ဢဝ်​တၢင်း​ပုၵ်ႈ​ၸေႃႇ ဢၼ်​ယူႇ​ဢလူဝ်ႇလူဝ်ႇ​လႄႈ​ႁဵတ်း​ၼၼ်ႉ ပုၵ်ႈ​ၸေႃႇ​တီႈ​ၸဝ်ႈ​ႁဝ်း​လႄႈ၊ ထႃႇဝရႃႉ​ၽြႃး​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​တၵ်း​ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ၵွပ်ႈ​ပိူဝ်ႈ​ဢၼ်​လွင်ႈ​တၢင်း​ၼၼ်ႉ ပဵၼ်​ဢၼ်​လီ​ဢၼ်​မျၢတ်ႈ​ၼႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ မၼ်း​ၸဝ်ႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ တင်း​သဵင်ႈ​တင်း​လူင်​လႄႈ မၢၵ်ႇ​တႃ​ၶႃႈ​ၸဝ်ႈ​လႆႈ​ႁၼ်​ၵႃႈ​ဢၼ်​ၶႃႈ​ၸဝ်ႈ​မီး​ဢလူဝ်ႇ ၵႃႈ​ၼိူဝ်​ရၢၼ်ႇ​သူႇ​ၶႃႈ​ၸဝ်ႈ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။</verse>
			</chapter>
			<chapter number="55">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ထွမ်ႇ​ဢဝ်​ၵႂၢမ်း​ဢၼ်​ၶႃႈ​ၸဝ်ႈ​သူး​တွင်း​ၼၼ်ႉ​သေ​ၵမ်း​တီႈ​ၶႃႈ။ ယႃႇ​ပေ​တဵတ်ႇ​မႅပ်ႉ​ယူႇ​သေ​ၵႃႈ​တီႈ တၢင်း​ဢၼ်​ၶႃႈ​ၸဝ်ႈ​လဝ်ႊ​ယွၼ်း ၶၢမ်ႇ​ဢဝ်​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="2">ၶႅၼ်း​တေႃႈ​လူ​တူၺ်း​လႄႈ ၶိုၼ်း​ဢိူဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​လႆႈ​မီး​ၸႂ်​ဢၼ်​လဵၵ်ႉ​ဢၼ်​ဢူၼ်ႈ ၼႂ်း​တၢင်း​ဢၼ်​ၶႃႈ​ၸဝ်ႈ​တမ်ႇ​ၼွႆႉ​မွင်​ၸႂ်​လႄႈ ၶၢင်း​ၶီ​ၶၢင်း​ၽၢၼ်​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​သဵင်​ၵႂၢမ်း​ရၢၼ်ႇ​သူႇ ဢိၵ်ႇ​တင်း​ၵွပ်ႈ​ပိူဝ်ႈ​တၢင်း​ဢၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​လႄႈ ၶဝ်​ၼၼ်ႉ​ႁႂ်ႈ​ဢပႅတ်ႈ​တူၵ်း​ႁွတ်ႈ​ၵႃႈ​ၼိူဝ်​ၶႃႈ​ၸဝ်ႈ​လႄႈ ပႃး​တင်း​ၸႂ်​တေႃး​သႃႉ​ယႃႉ​ယူၵ်ႉ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="4">ႁူဝ်​ၸႂ်​ၶႃႈ​ၸဝ်ႈ​သၼ်ႇ​ဝႆ​ယူႇ ၵႃႈ​ၼႂ်း​တူဝ်​ၶႃႈ​ၸဝ်ႈ​လႄႈ၊ တၢင်း​ဢၼ်​ၵူဝ်​ဢၼ်​ႁႄ​ၽေး​တၢင်း​တၢႆ​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="5">တၢင်း​ဢၼ်​ၵူဝ်​ဢၼ်​ႁႄ​ဢိၵ်ႇ​တင်း တၢင်း​ဢၼ်​သၼ်ႇ​ဢၼ်​ဝႆ​ၼၼ်ႉ ႁွတ်ႈ​ထိုင်​တီႈ​ၶႃႈ​ၸဝ်ႈ​လႄႈ၊ တၢင်း​ဢၼ်​တူၵ်း​ၸႂ်​ၼႃႇ​လူင်​လၢင်​ၼၼ်ႉ ႁူမ်ႇ​သုမ်ႇ​ၶႃႈ​ၸဝ်ႈ​ဝႆႉ​တီႈ​ၶႃႈ​ဢေႃႈ။-</verse>
				<verse number="6">ၶႃႈ​ၸဝ်ႈ​လႆႈ​လၢတ်ႈ​လႄႈ​ဝႃႈ၊ ႁႂ်ႈ​ၵဝ်​လႆႈ​မီး​ပိၵ်ႇ မိူၼ်​ၸိူဝ်ႉ​ၼင်ႇ​ၼူၵ်ႉ​တူႈ​ၼၼ်ႉ​သေ​ၵမ်း​လူၺ်ႈ။ သင်​ၼၼ်၊ ၵဝ်​တၵ်း​မိၼ်​ၵႂႃႇ​တၢင်ႇ​တီႈ​တၢင်ႇ​လႅၼ်​သေ​လႄႈ ယူႇ​ၼိမ်​ၼိမ်​လီ​လီ​ဢေႃႈ။-</verse>
				<verse number="7">ၵဝ်​တၵ်း​ၵႂႃႇ​ၵႃႈ​တီႈ​ဢၼ်​ၵႆ​ၼၼ်ႉ​လႄႈ တူၵ်း​တီႈ​ယူႇ​တီႈ​သဝ်း​ၵႃႈ​ၼႂ်း​ထိူၼ်ႇ​ပုၼ်ႉ​ဢေႃႈ။ ၸေႇလႃႇ။-</verse>
				<verse number="8">ၵဝ်​တၵ်း​ႁိပ်ႈ​ၼႅတ်ႈ​ပၢႆႈ​ၸူး ၵႃႈ​တီႈ​ဢၼ်​ၵၢင်း​လွတ်ႈ​တင်း ၽူၼ်​လူင်​လူမ်း​လူင်​ဢၼ်​ႁႅင်း​ယႂ်ႇ​ၼႃႇ​လူင်​လၢင်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢိုၼ်​ၶဝ်​ပႅတ်ႈ​လႄႈ ႁႂ်ႈ​လိၼ်ႉ​ၶဝ်​ၵႂၢမ်း​ၶဝ်​ၽၢတ်ႇ​ၽႄ​ၵၼ်​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​လႆႈ​ႁၼ်​တၢင်း​ဢၼ်​ႁဵတ်း​ပႄႉ​ႁဵတ်း​ၼႅင်ႇ ဢိၵ်ႇ​တင်း​တၢင်း​ဢၼ်​ႁိမ်​ႁူင်ႇ​ဢဝ်​ၼၼ်ႉ ၵႃႈ​ၼႂ်း​ဝဵင်း​ယဝ်ႉ​တီႈ​ၶႃႈ​ယဝ်ႉ။-</verse>
				<verse number="10">ၶဝ်​တႆႇ​ၸွမ်း​လဵပ်ႈ​ၸွမ်း​ယူႇ​ၵႃႈ​ၼိူဝ်​လမ်း​ဝဵင်း​ၼၼ်ႉ ဢမ်ႇ​ထၢတ်ႇ​သေ​ဝၼ်း​သေ​ၶိုၼ်း​လႄႈ၊ တၢင်း​ဢၼ်​ႁၢႆႉ​ဢၼ်​ယုတ်ႈ ဢိၵ်ႇ​တင်း​တၢင်း​ဢၼ်​ယႃႉ​ဢၼ်​ယူၵ်ႉ​ၼၼ်ႉ မီး​ယူႇ​ၵႃႈ​ၼႂ်း​ဝဵင်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">ဢႃႉထမ်ႇမႃႉ​တြႃး မီး​ယူႇ​ၵႃႈ​ၼႂ်း​ၵၢင်​မၼ်း​လႄႈ၊ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢိၵ်ႇ​တင်း​တၢင်း​ဢၼ်​ပႅတ်ႉ​ဢၼ်​လႅၼ်​ၼၼ်ႉ တူၵ်း​တီႈ​ယူႇ​တီႈ​သဝ်း​ၵႃႈ​ၼႂ်း​ၵၢတ်ႇ​မၼ်း​တီႈ​ၶႃႈ​ဢေႃႈ။-</verse>
				<verse number="12">ၵေႃႉ​ဢၼ်​သႄႉ​သွမ်း​ၵဝ်​ၼၼ်ႉ ပဵၼ်​ရၢၼ်ႇ​သူႇ​ၵဝ်​ဢမ်ႇ​ၸႂ်ႈ။ ပေႃး​ၸႂ်ႈ​ၸိုင်၊ ၵဝ်​ယိူၼ်ႉ​ၶၢမ်ႇ​လႆႈ​ယူႇ​ဢေႃႈ။ ၵေႃႉ​ဢၼ်​ယူႇ​ၽၢႆႇ​ၼိုင်ႈ​တင်း​ၵဝ်​သေ​လႄႈ ႁဵတ်း​တူဝ်​တေႃႇ​ၵဝ်​ယူႇ​ၼၼ်ႉ ပဵၼ်​ၵေႃႉ​ဢၼ်​ၸင်း​ၵဝ်​ဢမ်ႇ​ၸႂ်ႈ။ ပေႃး​ၸႂ်ႈ​ၸိုင် ၵဝ်​ငိူင်ႉ​ဝႄႈ​ပႅတ်ႈ​သေ​ၵေႃႉ​ၼၼ်ႉ​လႆႈ​ယူႇ​ဢေႃႈ။-</verse>
				<verse number="13">ၵူၺ်း​ၵႃႈ ပဵၼ်​မႂ်း​ဢၼ်​ပဵၼ်​ၵေႃႉ​ဢၼ်​ၽၢၵ်ႈ​ၵၼ်​တင်း​ၵဝ်၊ ၵေႃႉ​သေႈ​ၵဝ်၊ ၵေႃႉ​ဢၼ်​မိုတ်ႈ​ၵၼ်​ၵိုဝ်း​ၵၼ်​တင်း​ၵဝ်​ဢေႃႈ။-</verse>
				<verse number="14">ႁဝ်း​ၶႃႈ​ၼင်ႇ​ၵၼ်​ၵၼ် တိူင်ႇ​ပၢင်ႇ​တွင်ႈ​ထၢမ်​ၵၼ် ဝၢၼ်​ဝၢၼ်​မၼ်း​မၼ်း​လႄႈ ၵႂႃႇ​ၵႃႈ​တီႈ​ႁိူၼ်း​ၽြႃး​ပဵၼ်​ၸဝ်ႈ ႁူမ်ႈ​လူၺ်ႈ​ၵၼ်​တင်း​မုၵ်ႉ​ၵူၼ်း​ၸိူဝ်း​ၵူၼ်း​တင်း​လၢႆ​ယဝ်ႉ။-</verse>
				<verse number="15">ႁႂ်ႈ​တၢင်း​တၢႆ​ၶီႉ​ၶႃႉ​ႁွတ်ႈ​ထိုင် တီႈ​ၶဝ်​ၵမ်း​လဵဝ်​သေ​ၵမ်း​လူၺ်ႈ။ ႁႂ်ႈ​ၶဝ်​ဢသၢၵ်ႈ​လိပ်း​ယူႇ​သေ​လႄႈ လူင်း​ၵႂႃႇ​ၵႃႈ​တီႈ​မိူင်း​မရၼႃႉ​သေ​ၵမ်း​လူၺ်ႈ။ လွင်ႈ​မၼ်း​ၸမ်ႉ တူႉ​ၸရိူၵ်ႈ​မီး​ယူႇ​ၵႃႈ​ၼႂ်း​တီႈ​ယူႇ​ၶဝ် ၵႃႈ​ၼႂ်း​တူဝ်​ၶဝ်​ၼၼ်ႉ​ဢေႃႈ။</verse>
				<verse number="16">ၵဝ်​ၸမ်ႉ၊ တၵ်း​ႁွင်ႉ​ႁႃ​ၽြႃး​ပဵၼ်​ၸဝ်ႈ​လႄႈ၊ ထႃႇဝရႃႉ​ၽြႃး​တၵ်း​ၵႄႇ​သႄႇ​ၶျွတ်ႈ​ဢဝ်​ၵဝ်​ဢေႃႈ။-</verse>
				<verse number="17">ၶိင်ႇ​ႁူဝ်​ၶမ်ႈ၊ ၶိင်ႇ​ႁူဝ်​ၼႂ်၊ ၶိင်ႇ​ၵၢင်​ဝၼ်း​တဵင်ႈ၊ ၵဝ်​တမ်ႇ​ၼွႆႉ​မွင်​ၸႂ်​လႄႈ ၶၢင်း​ၶီ​ၶၢင်း​ၽၢၼ်​ယူႇ​လႄႈ၊ မၼ်း​ၸဝ်ႈ​ငိၼ်း​သဵင်​ၵဝ်​ဢေႃႈ။-</verse>
				<verse number="18">မၼ်း​ၸဝ်ႈ​ထုတ်ႇ​ၼုၵ်ႈ​ဢဝ်​ဢသၢၵ်ႈ​ၵဝ်​သေ​လႄႈ ပၼ်​ၵတ်း​ယဵၼ်​ၶျၢမ်း​သႃႇ ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ တိုၵ်း​သိုၵ်း​ၵၼ်​တင်း​ၵဝ်​ယူႇ​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​ယူႇ​ၽၢႆႇ​ၵဝ်​ၼၼ်ႉ မီး​ၼမ်​ၼႃႇ​ဢေႃႈ။-</verse>
				<verse number="19">ၽြႃး​ပဵၼ်​ၸဝ်ႈ ဢၼ်​ၼင်ႈ​ႁၢင်ႈ​ၼင်ႈ​ႁေႃ​ယူႇ ၸႃႉ​ၸဵမ်​မိူဝ်ႈ​ၵွၼ်ႇ​မိူဝ်ႈ​မိုၼ်ႉ​ၼၼ်ႉ တၵ်း​ထွမ်ႇ​ဢဝ်​လႄႈ​ၶိုၼ်း​တွပ်ႇ​ၶိုၼ်း​လၢတ်ႈ​တီႈ​ၶဝ်​ၸိူဝ်း​ဢၼ် ဢမ်ႇ​မီး​တၢင်း​ဢၼ်​ၶၢႆႉ​ပုတ်ႈ၊ ဢမ်ႇ​ၵူဝ်​ႁႄ​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။ ၸေႇလႃႇ။-</verse>
				<verse number="20">ၵူၼ်း​ၸိူဝ်ႉ​ၼင်ႇ​ၼၼ်​ၼၼ်ႉ ၸၢင်ႈ​ယိုၼ်ႈ​မိုဝ်း​တိူဝ်ႉ​ထုၵ်ႇ​သႂ်ႇ​ၵႃႈ​ၼိူဝ်​ၶဝ်​ၸိူဝ်း​ဢၼ် ယူႇ​ၼိမ်​ၼိမ်​လီ​လီ​လူၺ်ႈ​ၵၼ်​တင်း​မၼ်း​ယူႇ​ၼၼ်ႉ​လႄႈ ယႃႉ​ပတီႉၺိၺ်ႇ​မၼ်း​ပႅတ်ႈ​ဢေႃႈ။-</verse>
				<verse number="21">ပိၵ်ႉ​သမ်ႉ​သူပ်း​မၼ်း​ၼၼ်ႉ မိုၼ်ႈ​ၼႃႇ​သေ​ထေႃးပၢတ်ႈ​သေ​ၵေႃႈ၊ ႁူဝ်​ၸႂ်​မၼ်း​ၵျၢမ်ႇ​ပွင်​တၢင်း​ဢၼ်​တိုၵ်း​သိုၵ်း​ယူႇ​ဢေႃႈ။ ပိၵ်ႉ​သမ်ႉ​ၵႂၢမ်း​မၼ်း​ၼၼ်ႉ ပိူဝ်ႉ​ၼႃႇ​သေ​ၼမ်ႉ​မၼ်း​သေ​ၵေႃႈ၊ ပဵၼ်​လၢပ်ႇ​ပဵၼ်​လႅဝ်း​ဢၼ်​ထွတ်ႇ​ဝႆႉ​ဢေႃႈ။</verse>
				<verse number="22">ဢဝ်​ၶူဝ်း​ဢၼ်​ၼၵ်း​ဢၼ်​ၼႃ​မႂ်း​ၼၼ်ႉ ဢၢပ်ႈ​ပၼ်​ၶျႃး​ပၼ်​တီႈ​ထႃႇဝရႃႉ​ၽြႃး​တႃႉ။ မၼ်း​ၸဝ်ႈ​တၵ်း​ၵမ်ႉ​ထွၵ်ႈ​ၸွႆႈ​ထႅမ် မႂ်း​ဢေႃႈ။ မၼ်း​ၸဝ်ႈ​တၵ်း​ဢမ်ႇ​တွၼ်ႉ​ပၼ်​ႁႂ်ႈ​ၵူၼ်း​ဢၼ်​သိုဝ်ႈ​တေႃႇ​ၼၼ်ႉ လႆႈ​သၼ်ႇ​လႆႈ​ဝႆ။-</verse>
				<verse number="23">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​တၵ်း​ဢဝ်​ၶဝ်​ၶျႃး​တူၵ်း​သႂ်ႇ​ၵႃႈ​ၼႂ်း​ၶုမ်​ၼႂ်း​ႁူး တီႈ​ဢၼ်​လူႉ​ဢၼ်​လႅဝ်​ၼၼ်ႉ​တီႈ​ၶႃႈ​ဢေႃႈ။ ၶဝ်​ၸိူဝ်း​ဢၼ်​ထွၵ်ႇ​လိူတ်ႈ​ၵူၼ်း​ပႅတ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​သဵတ်ႈ​ၸႃႇ​လူႉ​ၼၼ်ႉ ဢမ်ႇ​လႆႈ​ဢသၢၵ်ႈ​လိပ်း​ယူႇ​ၼႂ်း​ၸူဝ်ႈ​တႃႇ​ဢသၢၵ်ႈ​ၶဝ်​ၼၼ်ႉ သေ​ၶိုင်ႈ​ၼိုင်ႈ။ ၶႃႈ​ၸဝ်ႈ​ၸမ်ႉ၊ ဢိင်​ပိုင်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။</verse>
			</chapter>
			<chapter number="56">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ လွင်ႈ​မၼ်း​ၸမ်ႉ ၵူၼ်း​ထူၺ်ႈ​ၸႂ်​သဝ်ႇ​ၸႂ်​လူင် လိုပ်ႈ​ၸွမ်း​လႄႈ ႁဵတ်း​တၢင်း​ဢၼ်​တိုၵ်း​သိုၵ်း​ယူႇ​သေ​လႄႈ ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ယူႇ​တင်း​ဝၼ်း​တင်း​ဝၼ်း​တီႈ​ၶႃႈ​ဢေႃႈ။-</verse>
				<verse number="2">ရၢၼ်ႇ​သူႇ​ၶႃႈ​ၸဝ်ႈ​ၸိူဝ်း​ၼၼ်ႉ ဢွၼ်​ၵၼ်​ထူၺ်ႈ​ၸႂ်​သဝ်ႇ​ၸႂ်​လူင် လိုပ်ႈ​ၸွမ်း​ၶႃႈ​ၸဝ်ႈ​ယူႇ​တင်း​ဝၼ်း​တင်း​ဝၼ်း​လႄႈ ၶဝ်​ၸိူဝ်း​ဢၼ်​မီး​တင်း​ၸႂ်​ဢၼ်​ၽႅၼ်​သုင်​သေ​လႄႈ တိုၵ်း​တေႃး​ၶႃႈ​ၸဝ်ႈ​ၼၼ်ႉ မီး​ၼမ်​ၼႃႇ​တီႈ​ၶႃႈ​ဢေႃႈ။-</verse>
				<verse number="3">မိူဝ်ႈ​ဢၼ်​ၶႃႈ​ၸဝ်ႈ​ၵူဝ်​ႁႄ​ၼၼ်ႉ၊ ၶႃႈ​ၸဝ်ႈ​တၵ်း​ဢိင်​ပိုင်ႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="4">ၵဝ်​ဢိင်​ပိုင်ႈ​ၽြႃး​ပဵၼ်​ၸဝ်ႈ​သေ​လႄႈ ယွင်ႈ​ယေႃး​ၼုၵ်ႈၵပၢတ်ႈ​မၼ်း​ၸဝ်ႈ​ဢေႃႈ။ ၵဝ်​သွၼ်ႈ​ပိုင်ႈ​ၽြႃး​ပဵၼ်​ၸဝ်ႈ​ယူႇ​လႄႈ၊ ၵဝ်​ဢမ်ႇ​မီး​တီႈ​ဢၼ်​တၵ်း​ၵူဝ်​တၵ်း​ႁႄ။ ၵူၼ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၵဝ်​လႆႈ။-</verse>
				<verse number="5">ၶဝ်​ၼၼ်ႉ​ဢဝ်​ၵႂၢမ်း​ၵဝ်​ပိူင်ႈ​ၵႂႃႇ​တင်း​ဝၼ်း​တင်း​ဝၼ်း​လႄႈ တၢင်း​ၵျၢမ်ႇ​တၢင်း​ပွင်​ၶဝ်​ၼၼ်ႉ ပဵၼ်​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​ၵူၺ်း​ၵူၺ်း တီႈ​ၵဝ်​ဢေႃႈ။-</verse>
				<verse number="6">ၶဝ်​ၼၼ်ႉ​ၸူႉ​ၵၼ်​တုမ်​ၵၼ်​ယူႇ၊ လွမ်​တူၺ်း​ယူႇ၊ မၢတ်ႈ​တွင်း​ႁွႆး​သူၼ်ႈ​တိၼ်​ၵဝ်​တင်း​လၢႆ​ယူႇ၊ ၸွမ်း​ၵႃႈ​ၼင်ႇ​ဢၼ်​ၶဝ်​လွမ်​ပႂ်ႉ​ဢသၢၵ်ႈ​ၵဝ်​ယူႇ​ၼၼ်ႉ​ဢေႃႈ။-</verse>
				<verse number="7">ၶဝ်​ၼၼ်ႉ တၵ်း​လႆႈ​မီး​တၢင်း​ဢၼ်​ၵၢင်း​လွတ်ႈ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ဢမ်ႇ​တြႃး​ၼၼ်ႉ​တီႈ​ၶႃႈ​ႁိုဝ်။ ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ပႃး​တၢင်း​ၸႂ်​မႆႈ​ၶႆႈ​ၸႃႉ​သေ​လႄႈ ပမ်ႈ​မဵဝ်း​ၵူၼ်း​တင်း​လၢႆ​လူမ်ႉ​ပႅတ်ႈ​သေ​ၵမ်း​တီႈ​ၶႃႈ။</verse>
				<verse number="8">ၸဝ်ႈ​ႁဝ်း​မၢတ်ႈ​တွင်း​လွင်ႈ​တၢင်း​ဢၼ်​ၶႃႈ​ၸဝ်ႈ​လႆႈ​လႄႇ​ၵႂႃႇ​ၵူႈ​တီႈ​ၵူႈ​လႅၼ်​ၼၼ်ႉ​လႄႈ၊ ၶႅၼ်း​တေႃႈ​ဢဝ်​ၼမ်ႉ​တႃ​ၶႃႈ​ၸဝ်ႈ​တင်း​လၢႆ ထႅမ်​သႂ်ႇ​ၵႃႈ​ၼႂ်း​ၼမ်ႉ​တဝ်ႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ မီး​ယူႇ​ၵႃႈ​ၼႂ်း​လိၵ်ႈ​ၸရၢင်း​ၸဝ်ႈ​ႁဝ်း​ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="9">မိူဝ်ႈ​ၼၼ်ႉ ရၢၼ်ႇ​သူႇ​ၵဝ်​တင်း​လၢႆ​တၵ်း​လႆႈ​သုတ်ႉ​ၶိုၼ်း​ၵႂႃႇ ၼႂ်း​မိူဝ်ႈ​ဢၼ်​ၵဝ်​သႅၼ်ႇ​ႁွင်ႉ​ၼၼ်ႉ​လႄႈ၊ ၵဝ်​ႁူႉ​လွင်ႈ​ဢၼ်​ၽြႃး​ပဵၼ်​ၸဝ်ႈ မီး​ယူႇ​ၽၢႆႇ​ၵဝ်​ၼၼ်ႉ​ဢေႃႈ။-</verse>
				<verse number="10">ၵဝ်​ဢိင်​ပိုင်ႈ​ၽြႃး​ပဵၼ်​ၸဝ်ႈ​သေ​လႄႈ ယွင်ႈ​ယေႃး​ၼုၵ်ႈၵပၢတ်ႈ​မၼ်း​ၸဝ်ႈ​ဢေႃႈ။ ၵဝ်​ဢိင်​ပိုင်ႈ​ထႃႇဝရႃႉ​ၽြႃး​သေ​လႄႈ ယွင်ႈ​ယေႃး​ၼုၵ်ႈၵပၢတ်ႈ​မၼ်း​ၸဝ်ႈ​ဢေႃႈ။-</verse>
				<verse number="11">ၵဝ်​သွၼ်ႈ​ပိုင်ႈ ၽြႃး​ပဵၼ်​ၸဝ်ႈ​ယူႇ​လႄႈ ၵဝ်​ဢမ်ႇ​မီး​တီႈ​ဢၼ်​တၵ်း​ၵူဝ်​တၵ်း​ႁႄ။ ၵူၼ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၵဝ်​လႆႈ။-</verse>
				<verse number="12">ၽြႃး​ပဵၼ်​ၸဝ်ႈ​တီႈ​ၶႃႈ၊ တၢင်း​ဢၼ်​ႁဵတ်း​ၵတီႉ​သဵတ်ႈ​ၸႃႇ​တီႈ​ၸဝ်ႈ​ႁဝ်း​ၼၼ်ႉ မီး​ယူႇ​တီႈ​ၶႃႈ​ၸဝ်ႈ​လႄႈ၊ ၶႃႈ​ၸဝ်ႈ​တၵ်း​ၽေႇ​ဝၢတ်ႈ​သဵတ်ႈ​ၸႃႇ ယွင်ႈ​ယေႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="13">လွင်ႈ​မၼ်း​ၸမ်ႉ ၸဝ်ႈ​ႁဝ်း​ၵႄႇ​သႄႇ​ၼုၵ်ႈ​ဢဝ်​ဢသၢၵ်ႈ​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​တၢင်း​တၢႆ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ၵႄႇ​သႄႇ​ၼုၵ်ႈ​ဢဝ်​တိၼ်​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​တၢင်း​ဢၼ်​တိူဝ်ႉ​မႅၼ်ႈ​လႄႈ​လူမ်ႉ​ၼၼ်ႉ ႁႂ်ႈ​ၶႃႈ​ၸဝ်ႈ​လႆႈ​ၵႂႃႇ​မႃး​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၵႃႈ​ၼႂ်း​ဢၼ်​လႅင်း​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။</verse>
			</chapter>
			<chapter number="57">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ဢဵတ်း​လူ​သေ​ၵမ်း​တီႈ​ၶႃႈ။ ဝီႉၺိၺ်ႇ​ၶႃႈ​ၸဝ်ႈ သွၼ်ႈ​ပိုင်ႈ​ၸဝ်ႈ​ႁဝ်း​ယူႇ​လႄႈ၊ ၶႃႈ​ၸဝ်ႈ​သွၼ်ႈ​ပိုင်ႈ​ၵႃႈ​တႂ်ႈ​ႁူမ်ႈ​ပိၵ်ႇ​ၸဝ်ႈ​ႁဝ်း​ယူႇ တေႃႇ​ထိုင်​ႁွတ်ႈ​ၽေး​ထၼ်ႈ​ပေႃး​ပူၼ်ႉ​ၵႂႃႇ​တီႈ​ၶႃႈ​ဢေႃႈ။-</verse>
				<verse number="2">ၵဝ်​တၵ်း​ႁွင်ႉ​သႅၼ်ႇ​ႁွင်ႉ​ႁႃ ၽြႃး​ပဵၼ်​ၸဝ်ႈ​ဢၼ်​သုင်​ၼႃႇ​သေ​ပိူၼ်ႈ၊ ၽြႃး​ပဵၼ်​ၸဝ်ႈ​ဢၼ်​တၵ်း​ႁႂ်ႈ​ဢမူႉ​ၵဝ်​ယဝ်ႉ​တူဝ်ႈ​လီ​ငၢမ်း​ၼၼ်ႉ​ဢေႃႈ။-</verse>
				<verse number="3">မၼ်း​ၸဝ်ႈ​တၵ်း​ပွႆႇ​ၸႂ်ႉ​သေ​ၵႃႈ​တီႈ​ၵၢင်​ႁၢဝ်​မႃး​လႄႈ ၵႄႇ​သႄႇ​ၶျွတ်ႈ​ဢဝ်​ၵဝ် ၼႂ်း​မိူဝ်ႈ​ဢၼ်​ၵေႃႉ​ဢၼ်​ထူၺ်ႈ​ၸႂ်​သဝ်ႇ​ၸႂ်​လူင် လိုပ်ႈ​ၸွမ်း​ၵဝ်​ယူႇ​ၼၼ်ႉ သႄႉ​သွမ်း​ၵဝ်​ၼၼ်ႉ​ဢေႃႈ။ ၸေႇလႃႇ။ ၽြႃး​ပဵၼ်​ၸဝ်ႈ​တၵ်း​ပွႆႇ​ၸႂ်ႉ​ၵရူႉၼႃႇ​မၼ်း​ၸဝ်ႈ ဢိၵ်ႇ​တင်း​သဵတ်ႈ​ၸႃႇ​မၼ်း​ၸဝ်ႈ​မႃး​ဢေႃႈ။-</verse>
				<verse number="4">ဝီႉၺိၺ်ႇ​ၵဝ်​လႆႈ​ယူႇ​ၵႃႈ​ၼႂ်း​ၽုင်​သၢင်ႇ​သီႈ​လႄႈ၊ ၵဝ်​လႆႈ​ၼွၼ်း​ယူႇ​ၵႃႈ​ၼႂ်း​ၶဝ်​ၸိူဝ်း​ဢၼ်​ၽႆး​လုၵ်ႉ​မႆႈ​ယူႇ ဢၼ်​ဝႃႈ​လုၵ်ႈ​ၵူၼ်း​ဢၼ်​ၶဵဝ်ႈ​ၶဝ်​ပဵၼ်​ႁွၵ်ႇ​တင်း​ပိုၼ်​လႄႈ၊ လိၼ်ႉ​ၶဝ်​ပဵၼ်​လၢပ်ႇ​ပဵၼ်​လႅဝ်း​ဢၼ်​ၽၢႆ​ၼၼ်ႉ​ဢေႃႈ။</verse>
				<verse number="5">ၽြႃး​ပဵၼ်​ၸဝ်ႈ​တီႈ​ၶႃႈ၊ ႁႂ်ႈ​ၸဝ်ႈ​ႁဝ်း​မီး​တၢင်း​ဢၼ်​သုင်​ၼႃႇ​သေ​ၵၢင်​ႁၢဝ်​သုင်​ၼၼ်ႉ​သေ​ၵမ်း​လူၺ်ႈ​တီႈ​ၶႃႈ။ ႁႂ်ႈ​မုၼ်​ၽုင်း​ၸဝ်ႈ​ႁဝ်း မီး​ယူႇ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​သေ​ၵမ်း​လူၺ်ႈ​တီႈ​ၶႃႈ၊-</verse>
				<verse number="6">ၶဝ်​ၼၼ်ႉ​မႄး​ၵၢင်​မႄး​ႁႅၼ်း​တူင်ႇ​ႁႅဝ်ႉ​ဝႆႉ ၵႃႈ​ၼႂ်း​သဵၼ်ႈ​တၢင်း​ဢၼ်​ၵဝ်​ၵႂႃႇ​ၼၼ်ႉ​ယဝ်ႉ။ ဝီႉၺိၺ်ႇ​ၵဝ်​မီး​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ယူႇ​ဢေႃႈ။ ၶဝ်​ၶုတ်း​ၶုမ်​ၶုတ်း​လုၵ်း​ဝႆႉ​ၵႃႈ​တီႈ​ၽၢႆႇ​ၼႃႈ​ၵဝ်​သေ​ယဝ်ႉ၊ တူဝ်​ၶဝ်​တူၵ်း​သႂ်ႇ​ၵႃႈ​ၼႂ်း​မၼ်း​ၼၼ်ႉ​ယဝ်ႉ။ ၸေႇလႃႇ။-</verse>
				<verse number="7">ၽြႃး​ပဵၼ်​ၸဝ်ႈ​တီႈ​ၶႃႈ၊ ႁူဝ်​ၸႂ်​ၶႃႈ​ၸဝ်ႈ​တႄႇ​ယူႇ​တီႈ​ၶႃႈ​ဢေႃႈ။ ႁူဝ်​ၸႂ်​ၶႃႈ​ၸဝ်ႈ​တႄႇ​ယူႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​လႄႈ၊ တၵ်း​ယွင်ႈ​ယေႃး​ႁဵတ်း​ထေႃးပၼႃႇ​တီႈ​ၶႃႈ​ဢေႃႈ။-</verse>
				<verse number="8">မုၼ်​ၽုင်း​ၵဝ်​ဢိူၺ်း၊ တိုၼ်ႇ​မႃး​တႃႉ။ တရေႃး​ဢိၵ်ႇ​တင်း​တိင်ႇ​ၶဝ်​ဢိူၺ်း၊ တိုၼ်ႇ​မႃး​တႃႉ။ ၵဝ်​ၵေႃႈ​တၵ်း​တိုၼ်ႇ​မႃး​ၸဝ်ႉ​ၸဝ်ႉ​ၸဵဝ်း​ၸဵဝ်း​ဢေႃႈ။-</verse>
				<verse number="9">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​တၵ်း​ယွင်ႈ​ယေႃး​ၸဝ်ႈ​ႁဝ်း​ၵႃႈ​ၼႂ်း​ၵၢင်​ပရဵၵ်ႈသၢတ်ႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​ထေႃးပၼႃႇ​တီႈ​ၸဝ်ႈ​ႁဝ်း ၼႂ်း​မဵဝ်း​ၵူၼ်း​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ ၵရူႉၼႃႇ​ၸဝ်ႈ​ႁဝ်း​ၶိုတ်း​ထိုင်​ၽႃႉ​ၵၢင်​ႁၢဝ်​လႄႈ သဵတ်ႈ​ၸႃႇ​ၸဝ်ႈ​ႁဝ်း​ၶိုတ်း​ထိုင်​ၽႃႈ​ၽူၼ်​တီႈ​ၶႃႈ​ဢေႃႈ။-</verse>
				<verse number="11">ၽြႃး​ပဵၼ်​ၸဝ်ႈ​တီႈ​ၶႃႈ၊ ႁႂ်ႈ​ၸဝ်ႈ​ႁဝ်း​မီး​တၢင်း​ဢၼ်​သုင်​ၼႃႇ​သေ​ၵၢင်​ႁၢဝ်​သုင်​ၼၼ်ႉ သေ​ၵမ်း​လူၺ်ႈ​တီႈ​ၶႃႈ၊ ႁႂ်ႈ​မုၼ်​ၽုင်း​ၸဝ်ႈ​ႁဝ်း မီး​ယူႇ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​သေ​ၵမ်း​လူၺ်ႈ​တီႈ​ၶႃႈ။</verse>
			</chapter>
			<chapter number="58">
				<verse number="1">သူ​ယင်း​ဢမ်ႇ​တၵ်း​သဵင်​တၵ်း​ပၢၵ်ႇ​လႄႈ လၢတ်ႈ​ၸွမ်း​တၢင်း​ဢၼ်​သိုဝ်ႈ​တေႃႇ​ၼၼ်ႉ ဢမၢၼ်ႇ​ၶၼ်​ပဵၼ်​ႁိုဝ်။ လုၵ်ႈ​ၵူၼ်း​ၶဝ်​ဢိူၺ်း၊ သူ​ၸီႇ​ယၢင်ႇ​ၸွမ်း​လူၺ်ႈ​တြႃး​ႁိုဝ်။-</verse>
				<verse number="2">သူ​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ၵႃႈ​ၼႂ်း​ႁူဝ်​ၸႂ်​သူ​လႄႈ​ႁိဝ်ႈ​ၸင်ႈ​တၢင်း​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​သူ​ဢဝ်​မိုဝ်း​ႁဵတ်း​ၼၼ်ႉ ၵႃႈ​ၼိူဝ်​လိၼ်​မိူင်း​ၼႆႉ​ဢေႃႈ။-</verse>
				<verse number="3">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ မီး​ၸႂ်​သၽေႃး​ဢၼ်​မိူၵ်ႈ​ရိူင်း ၸႃႉ​ၸဵမ်​မိူဝ်ႈ​ၼႂ်း​တွင်ႉ​မႄႈ​လႄႈ ၸၢင်ႈ​လၢတ်ႈ​ၵႂၢမ်း​မူႉ​သႃႇ​သေ​လႄႈ​ပိူင်ႈ​တၢင်း​ၵႂႃႇ ၸႃႉ​ၸဵမ်​မိူဝ်ႈ​ဢၼ်​ၵိူတ်ႇ​လဵင်ႉ​မႃး​ၼၼ်ႉ​ဢေႃႈ။-</verse>
				<verse number="4">ၵွင်ႉ​ၶဝ်​ၼၼ်ႉ​မိူၼ်​ၸိူဝ်ႉ​ၼင်ႇ​ၵွင်ႉ​ငူး​ဢေႃႈ။</verse>
				<verse number="5">ၶဝ်​ပဵၼ်​ၸိူဝ်ႉ​ၼင်ႇ​ငူး​ႁၢႆႉ ဢၼ်​ႁူ​ၼူၵ်ႇ​ဢၼ်​ဢိုတ်း​ႁူး​ႁူ​တူဝ်​ၸဝ်ႈ​ၵဝ်ႇ​ယူႇ​လႄႈ ဢမ်ႇ​ထွမ်ႇ​ဢဝ်​တုင်း​ဢဝ် သဵင်​ၵႂၢမ်း​ၶဝ်​ၸိူဝ်း​ဢၼ်​ဢဝ်​မၢၼ်း​တရႃး​ဢလမ်ႇပႄႇ ဢၼ်​လၵ်း​လႅမ်​ၼႃႇ​လူင်​လၢင်​ဢွၵ်ႇ​သူပ်း​ဝႃႈ​ၼၼ်ႉ​ဢေႃႈ။-</verse>
				<verse number="6">ၽြႃး​ပဵၼ်​ၸဝ်ႈ​တီႈ​ၶႃႈ၊ ႁၵ်း​ႁဵၵ်း​ၶဵဝ်ႈ​ၵႃႈ​ၼႂ်း​သူပ်း​ၶဝ်​ၼၼ်ႉ​ပႅတ်ႈ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ဢဝ်​ငႃး​သၢင်ႇ​သီႈ​ၼုမ်ႇ​ၸိူဝ်း​ၼၼ်ႉ သွၼ်ႇ​ဢွၵ်ႇ​ပႅတ်ႈ​သေ​ၵမ်း​တီႈ​ၶႃႈ။-</verse>
				<verse number="7">ႁႂ်ႈ​ၶဝ်​ၼၼ်ႉ လပ်ႉ​ႁၢႆ​ၵႂႃႇ မိူၼ်​ၸိူဝ်ႉ​ၼင်ႇ​ၼမ်ႉ​ဢၼ်​လႆ​ၵႂႃႇ​ၼၼ်ႉ​သေ​ၵမ်း​လူၺ်ႈ။ မိူဝ်ႈ​ဢၼ်​မၼ်း ပိုတ်း​ယိုဝ်း​ပိုၼ်​မၼ်း​ၼၼ်ႉ​ၸိုင်၊ ႁႂ်ႈ​ပဵၼ်​ၸိူဝ်ႉ​ၼင်ႇ​ဢၼ်​ႁၵ်း​ပႅတ်ႈ​ယဝ်ႉ​ၼၼ်ႉ​သေ​ၵမ်း​လူၺ်ႈ။-</verse>
				<verse number="8">ႁႂ်ႈ​ၶဝ်​ပဵၼ်​ၸိူဝ်ႉ​ၼင်ႇ တၢၵ်ႇ​တၢၼ်​ဢၼ်​သုတ်ႈ​ယွမ်း ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၵႂႃႇ​ယူႇ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ဢၼ်​လူႉ​ၼႂ်း​တွင်ႉ​မႄႈ​လႄႈ ဢမ်ႇ​လႆႈ​ႁၼ်​ငဝ်း​ဢရွင်ႇ​ၵၢင်​ဝၼ်း​ၼၼ်ႉ​သေ​ၵမ်း​လူၺ်ႈ။-</verse>
				<verse number="9">ၸူဝ်ႈ​ဢၼ်​မေႃႈ​သူ ဢမ်ႇ​ပႆႇ​တၼ်း​ႁူႉ​တူၼ်ႈ​ၼၢမ်​တင်း​လၢႆ​ၼၼ်ႉ​ၸိုင်၊ မၼ်း​ၸဝ်ႈ​တၵ်း​ဢဝ်​လူမ်း​ၽိဝ်ႇ​ႁုင်​ထူဝ်း​ဢဝ်​ၶဝ်​ၼၼ်ႉ ပဵၼ်​ဢၼ်​လိပ်း​သေ​ဢမ်ႇ​ဝႃႈ၊ ပဵၼ်​ဢၼ်​မႆႈ​ၽႆး​ယူႇ​သေ​ဢမ်ႇ​ဝႃႈ​ၼၼ်ႉ ၵႂႃႇ​ပႅတ်ႈ​ဢေႃႈ။</verse>
				<verse number="10">ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ဢွၼ်​ၵၼ်​ၸူမ်း​သိူဝ်း မိူဝ်ႈ​ဢၼ်​ႁၼ်​တၢင်း​ဢၼ်​ပၼ်​တၢမ်ႇ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ၊ တၵ်း​သုၵ်ႈ​တိၼ်​ၶဝ် ၵႃႈ​ၼႂ်း​လိူတ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ဢေႃႈ။-</verse>
				<verse number="11">ၼင်ႇ​ၼၼ်​လႄႈ ပိူၼ်ႈ​တၵ်း​ဢွၼ်​ၵၼ်​လၢတ်ႈ​လႄႈ​ဝႃႈ၊ မီး​ဢၵျူဝ်း​ပုၼ်ႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။ မီး​ၽြႃး​ပဵၼ်​ၸဝ်ႈ ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး ၵႃႈ​ၼိူဝ်​လိၼ်​မိူင်း​ၼႆႉ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="59">
				<verse number="1">ၽြႃး​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ​လႄႈ ဢဝ်​ၶႃႈ​ၸဝ်ႈ​ယုၵ်ႉ​ယွင်ႈ​ဝႆႉ ၵႃႈ​ၼိူဝ်​ၶဝ်​ၸိူဝ်း​ဢၼ် လုၵ်ႉ​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="2">ၶႅၼ်း​တေႃႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ႁဵတ်း​တူႉ​ၸရိူၵ်ႈ​ၼၼ်ႉ​လႄႈ ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​သေ ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ထွၵ်ႇ​လိူတ်ႈ​ၵူၼ်း​ပႅတ်ႈ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="3">တူၺ်း​တီႈ​ၶႃႈ​လူး၊ ၶဝ်​ဢွၼ်​ၵၼ်​လွမ်​ႁႃ​ဢသၢၵ်ႈ​ၶႃႈ​ၸဝ်ႈ​လႄႈ၊ ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ ၸူႉ​ၵၼ်​တုမ်​ၵၼ်​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး တီႈ​ၶႃႈ၊ ပဵၼ်​ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ၽိတ်း​ပိူင်ႈ​ၼၼ်ႉ​ဢမ်ႇ​ၸႂ်ႈ​တီႈ​ၶႃႈ။ ပဵၼ်​ၵွပ်ႈ​ပိူဝ်ႈ​ဢပႅတ်ႈ​ၶႃႈ​ၸဝ်ႈ​ၵေႃႈ​ဢမ်ႇ​ၸႂ်ႈ​တီႈ​ၶႃႈ၊-</verse>
				<verse number="4">ၶႃႈ​ၸဝ်ႈ​ယင်း​ဢမ်ႇ​မီး​ဢပႅတ်ႈ​ၵႃႈ​သင်​လႄႈ၊ ၶဝ်​ၼၼ်ႉ​ဢွၼ်​ၵၼ်​ၶုၼ်ႇ​လႅၼ်ႈ​မႃး​လႄႈ မႄး​ၶိုင်​မႄး​ႁႅၼ်း​တူဝ်​ၶဝ်​ဝႆႉ​တီႈ​ၶႃႈ​ဢေႃႈ။ ၶႅၼ်း​တေႃႈ​တိုၼ်ႇ​မႃး​ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​လႄႈ လူ​တူၺ်း​သေ​ၵမ်း​တီႈ​ၶႃႈ။-</verse>
				<verse number="5">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​တီႈ​ၶႃႈ၊ ၶႅၼ်း​တေႃႈ​တိုၼ်ႇ​မႃး​ႁႂ်ႈ​လႆႈ​သင်ႇ​သွၼ်​သုင်း​မႃႉ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၵႃႈ​မီး​ၼၼ်ႉ​သေ​ၵမ်း​တီႈ​ၶႃႈ။ ယႃႇ​ပေ​ဢဵတ်း​လူ​ၶဝ်​ၸိူဝ်း​ဢၼ် ၵႂႃႇ​မႃး​ၼႂ်း​တူႉ​ၸရိူၵ်ႈ​ၼၼ်ႉ သေ​ၵေႃႉ​သေ​ၵူၼ်း​သေ​ၵမ်း​တီႈ​ၶႃႈ။ ၸေႇလႃႇ။</verse>
				<verse number="6">ၶဝ်​ၼၼ်ႉ​ဢွၼ်​ၵၼ်​ၶိုၼ်း​မႃး​ၶိင်ႇ​ႁူဝ်​ၶမ်ႈ​လႄႈ ႁဝ်ႇ​ႁွၼ်​မိူၼ်​ၸိူဝ်ႉ​ၼင်ႇ​မႃ​ၼၼ်ႉ​ယူႇ​လႄႇ​လဵပ်ႈ​ဝဵင်း​ၵႂႃႇ​ယူႇ​တီႈ​ၶႃႈ​ဢေႃႈ။-</verse>
				<verse number="7">ၶဝ်​ဢဝ်​သူပ်း​ၶဝ်​လၢတ်ႈ​ၵႂၢမ်း​ဢၼ်​ၸွၵ်ႇ​ၵႃး ​သေ​လႄႈ လၢပ်ႇ​လႅဝ်း​ပႃး​ယူႇ​ၵႃႈ​ၼႂ်း​သီႇ​သူပ်း​ၶဝ်​ၼၼ်ႉ​ဢေႃႈ။ ၶဝ်​ၸၢင်ႈ​ထၢမ်​လႄႈ​ဝႃႈ၊ ၽူႈ​လႂ်​တၵ်း​ငိၼ်း၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="8">ၵူၺ်း​ၵႃႈ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​တၵ်း​ယုမ်ႉ​ၶူဝ်​ၶဝ်​သေ​လႄႈ သႄႉ​သွမ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၵႃႈ​မီး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="9">ႁႅင်း​တၼ်း​ၶူဝ်း​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​တၵ်း​မုင်ႈ​ထႃႈ​မွင်း​ထႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ ပဵၼ်​တီႈ​ဢၼ်​မၼ်ႈ​ၶိူင်ႇ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="10">ၽြႃး​ပဵၼ်​ၸဝ်ႈ​ၵဝ်​ၶႃႈ တၵ်း​ဢဝ်​ၵရူႉၼႃႇ​မႃး​ႁပ်ႉ​ႁူဝ်​တၢင်း​ၶႃႈ​ၸဝ်ႈ​လႄႈ၊ ၽြႃး​ပဵၼ်​ၸဝ်ႈ​တၵ်း​ႁႂ်ႈ ၶႃႈ​ၸဝ်ႈ​မီး​ဢၶႂၢင်ႉ ဢၼ်​လႆႈ​ႁၼ်​ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​ၶႃႈ​ၸဝ်ႈ​မီး​ၼၼ်ႉ ၵႃႈ​ၼိူဝ်​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">ယႃႇ​ပေ​ဢဝ်​ၶဝ်​တၢႆ​သေ​ၵမ်း​တီႈ​ၶႃႈ။ ၵူဝ်​ၵူၼ်း​ၶႃႈ​ၸဝ်ႈ​တင်း​လၢႆ တၵ်း​ဢမ်ႇ​လႆႈ​သတီႉ​တီႈ​ၶႃႈ​ဢေႃႈ။ ၸဝ်ႈ​ၽြႃး​ဢၼ်​ပဵၼ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ၊ ဢဝ်​တင်း​တၼ်း​ၶူဝ်း​ၸဝ်ႈ​ႁဝ်း​သေ​လႄႈ ႁႂ်ႈ​ၶဝ်​လႆႈ​လႄႇ​ၵႂႃႇ​လႄႇ​မႃး ၵူႈ​တီႈ​ၵူႈ​လႅၼ်​လႄႈ၊ ၶျႃး​ၶဝ်​တူၵ်း​တီႈ​တႅမ်ႇ​သေ​ၵမ်း​တီႈ​ၶႃႈ။-</verse>
				<verse number="12">ဢပႅတ်ႈ​သူပ်း​ၶဝ်​ၼၼ်ႉ ပဵၼ်​ၵႂၢမ်း​ဢၼ်​ၶဝ်​လၢတ်ႈ​မႅၼ်ႈ​ၼၼ်ႉ​လႄႈ ႁႂ်ႈ​ၶဝ်​ထုၵ်ႇ​ၶဵၼ်း​မႅၼ်ႈ​ၼႂ်း​မႃႇၼႃႉ​ၶဝ် ၵွပ်ႈ​ပိူဝ်ႈ​တၢင်း​ဢၼ်​သႄႉ​သွမ်း ဢိၵ်ႇ​တင်း​ၵႂၢမ်း​မူႉ​သႃႇ​ဢၼ်​ၶဝ်​လၢတ်ႈ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="13">ၶႅၼ်း​တေႃႈ ပႃး​တင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​သေ​လႄႈ ႁႂ်ႈ​ၶဝ်​လူႉ​ႁၢႆ​ပႅတ်ႈ​သေ​ၵမ်း​တီႈ​ၶႃႈ။ ႁႂ်ႈ​ၶဝ်​လူႉ​ႁၢႆ​ပႅတ်ႈ​တင်း​သဵင်ႈ​တင်း​မူတ်း​သေ​ၵမ်း​တီႈ​ၶႃႈ။ ႁႂ်ႈ​ၶဝ်​ႁူႉ​လွင်ႈ​ဢၼ် ၽြႃး​ပဵၼ်​ၸဝ်ႈ​ဢုပ်ႉ​ပိူင်ႇ​ၸႃႉ​ၸဵမ်​မဵဝ်း​ ယႃႇၵုပ်ႈ တေႃႇ​ထိုင်​ႁွတ်ႈ​တီႈ​သုတ်း​လိၼ်​မိူင်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="14">ႁႂ်ႈ​ၶဝ်​ၶိုၼ်း​မႃး​ၶိင်ႇ​ႁူဝ်​ၶမ်ႈ​လႄႈ ႁဝ်ႇ​ႁွၼ်​မိူၼ်​ၸိူဝ်ႉ​ၼင်ႇ​မႃ​ၼၼ်ႉ​ယူႇ​လႄႇ လဵပ်ႈ​ဝဵင်း​ၵႂႃႇ​ယူႇ​သေ​ၵမ်း​တီႈ​ၶႃႈ။-</verse>
				<verse number="15">ၶဝ်​တၵ်း​လႄႇ​ၵႂႃႇ​လႄႇ​မႃး​ယူႇ ႁႂ်ႈ​လႆႈ​ႁႃ​တၢင်း​ၵိၼ်​တၢင်း​ၶူပ်း​လႄႈ ယင်း​ဢမ်ႇ​ဢိမ်ႇ​တဵမ်​လႄႈ ယူႇ​တင်း​ၶိုၼ်း​တီႈ​ၶႃႈ​ဢေႃႈ။-</verse>
				<verse number="16">ၶႃႈ​ၸဝ်ႈ​ၸမ်ႉ၊ တၵ်း​ႁဵတ်း​ၵႂၢမ်း​လူၺ်ႈ​လွင်ႈ​တၼ်း​ၶူဝ်း​ၸဝ်ႈ​ႁဝ်း​လႄႈ၊ ၶိင်ႇ​ႁူဝ်​ၼႂ် တၵ်း​ႁဵတ်း​ၵႂၢမ်း​သႂၢင်ႇ​သိူဝ်း​ၼႃႇ​လူင်​လၢင် လူၺ်ႈ​လွင်ႈ​ၵရူႉၼႃႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ပဵၼ်​တီႈ​ဢၼ်​မၼ်ႈ​ၶိူင်ႇ​ၶႃႈ​ၸဝ်ႈ၊ တီႈ​ဢၼ်​ၶႃႈ​ၸဝ်ႈ​ၵၢင်း​လွတ်ႈ​ၽေး ၼႂ်း​မိူဝ်ႈ​ဢၼ်​မီး​ၽေး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="17">ႁႅင်း​တၼ်း​ၶူဝ်း​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ ပဵၼ်​တီႈ​ဢၼ်​မၼ်ႈ​ၶိူင်ႇ​ၶႃႈ​ၸဝ်ႈ၊ ၽြႃး​ၵရူႉၼႃႇ​ၶႃႈ​ၸဝ်ႈ​တီႈ​ၶႃႈ​ဢေႃႈ။</verse>
			</chapter>
			<chapter number="60">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ၸုၼ်ႉ​ၶႃႈ​ၸဝ်ႈ​ႁဝ်း​ၶဝ်​ပႅတ်ႈ​လႄႈ ႁၵ်း​ႁဵၵ်း​ပႅတ်ႈ​တီႈ​ၶႃႈ​ယဝ်ႉ။ တၢင်း​ၸႂ်​မႆႈ​ၸဝ်ႈ​ႁဝ်း ဢွၵ်ႇ​တီႈ​ၶႃႈ​ယဝ်ႉ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​သမ်ႉ​ၶိုၼ်း​ဢသၢၵ်ႈ​လိပ်း​သေ​ၵမ်း​တီႈ​ၶႃႈ။-</verse>
				<verse number="2">ၸဝ်ႈ​ႁဝ်း​ဢဝ်​လိၼ်​မိူင်း​သၼ်ႇ​ဝႆ​လႄႈ သိၵ်ႇ​ပႅတ်ႈ​တီႈ​ၶႃႈ​ယဝ်ႉ။ ၶႅၼ်း​တေႃႈ​ႁႂ်ႈ​ႁွႆး​ဢၼ်​တႅၵ်ႇ​ဢႃႈ​ၵႂႃႇ​ၸိူဝ်း​ၼၼ်ႉ သမ်ႉ​ၶိုၼ်း​ငီႇငႅၼ်ႈ​ၵၼ်​သေ​ၵမ်း​တီႈ​ၶႃႈ။ ယင်း​မီး​တၢင်း​ဢၼ်​သၼ်ႇ​ဝႆ​ယူႇ​တီႈ​ၶႃႈ​ဢေႃႈ။-</verse>
				<verse number="3">ၸဝ်ႈ​ႁဝ်း​ၼႄ​ပျႃး​လွင်ႈ​တၢင်း​ဢၼ်​ယၢပ်ႇ​ၽိုတ်ႇ​ၼႃႇ​ၼၼ်ႉ​တီႈ​ၵူၼ်း​ၸဝ်ႈ​ႁဝ်း​တင်း​လၢႆ​လႄႈ ဢဝ်​ၼမ်ႉ​ၸပိတ်ႈ​တၢင်း​ဢၼ်​မဝ်း​မိင်း​ယူႇ​ၼၼ်ႉ တိုၵ်း​ပၼ်​တီႈ​ၶႃႈ​ယဝ်ႉ။-</verse>
				<verse number="4">ၸဝ်ႈ​ႁဝ်း​ဢဝ်​လၢမ်ႇ ဢဵတ်း​လူ​ပၼ်​တီႈ​ၶဝ်​ၸိူဝ်း​ဢၼ်​ၵူဝ်​ဢၼ်​ႁႄ​ၸဝ်ႈ​ႁဝ်း​ၼၼ်ႉ ႁႂ်ႈ​လႆႈ​ပူၵ်း​ၵွပ်ႈ​ပိူဝ်ႈ​သဵတ်ႈ​ၸႃႇ​တြႃး​ၼၼ်ႉ​တီႈ​ၶႃႈ​ယဝ်ႉ။ ၸေႇလႃႇ။-</verse>
				<verse number="5">လွင်ႈ​ၼင်ႇ​ႁိုဝ်​ၶဝ်​ၸိူဝ်း​ဢၼ်​ၸဝ်ႈ​ႁဝ်း​ႁၵ်ႉ​ပႅင်း​ၼၼ်ႉ တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ၸိုင်၊ ၶႅၼ်း​တေႃႈ​ဢဝ်​တင်း​မိုဝ်း​ၶွၼ်​ၶႂႃ​ၸဝ်ႈ​ႁဝ်း ၵႄႇ​သႄႇ​ၶျွတ်ႈ​ဢဝ်​လႄႈ ဢိူဝ်​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။</verse>
				<verse number="6">ၵွပ်ႈ​ပိူဝ်ႈ​ဢၼ်​ၽြႃး​ပဵၼ်​ၸဝ်ႈ​ဢိင်​ပိုင်ႈ​ပႃႇရမီႇ​တၢင်း​ဢၼ်​မူတ်း​ၸၢင်ႇ​မၼ်း​ၸဝ်ႈ​သေ​လႄႈ ဝႆႉ​ပျႃႇ​တိၵ်ႈ​ၼၼ်ႉ​လႄႈ၊ ၵဝ်​တၵ်း​သႂၢင်ႇ​သိူဝ်း​ဢေႃႈ။ ၵဝ်​တၵ်း​ၸၵ်း​ၽႄ​ဝဵင်း​ သေႇၶိမ်ႇ ​ဢေႃႈ။ ၵဝ်​တၵ်း​တႅၵ်ႈ​ၶိုပ်ႈ​တူၺ်း​ပၢင်ႇ​ႁူၺ်ႈ​ သူႉၵုတ်ႉ ​ဢေႃႈ။-</verse>
				<verse number="7">ၵဝ်​လႆႈ​ပိူင်ႇ​မိူင်း​ ၵီႉလတ်ႉ ​ဢေႃႈ။ မိူင်း​ မၼႃႇ​သေႇ ​ၵေႃႈ​ၵဝ်​လႆႈ​ပိူင်ႇ​ဢေႃႈ။ မိူင်း​ ဢေႇၽရိမ်ႇ ​ၸမ်ႉ၊ လႆႈ​ပဵၼ်​ႁႅင်း​တၼ်း​ၶူဝ်း​ႁူဝ်​ၵဝ်​ဢေႃႈ။ မိူင်း​ ယူႉတႃႉ ​ၸမ်ႉ၊ လႆႈ​ပဵၼ်​ၵၼ်း​ႁွၵ်ႇ​ရႃႇ​ၸႃႉ​ၵဝ်​ဢေႃႈ။-</verse>
				<verse number="8">မိူင်း​ မေႃႇၽႃႉ ​ၸမ်ႉ၊ လႆႈ​ပဵၼ်​မေႃႈ​ဢၢပ်ႇ​ၼမ်ႉ​ၵဝ်​ဢေႃႈ။ ၵဝ်​တၵ်း​ဢဝ်​ၶႅပ်း​တိၼ်​ၵဝ်​ထိမ်ႈ​ပၼ်​ဝႆႉ တီႈ​မိူင်း​ ဢေႇတုမ်ႇ ​ဢေႃႈ။ မိူင်း​ ၽီႉလိတ်ႉတီႉ ​ဢိူၺ်း၊ ႁွင်ႉ​ႁုၼ်ႉ​ႁွင်ႉ​ႁိူဝ်ႇ​ၵွပ်ႈ​ပိူဝ်ႈ​ၵဝ်​တႃႉ။</verse>
				<verse number="9">ၽူႈ​လႂ်​တၵ်း​ဢဝ်​ၵဝ်​သူင်ႇ​ႁွတ်ႈ​ထိုင်​ၵႃႈ​ၼႂ်း​ဝဵင်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ။ ၽူႈ​လႂ်​တၵ်း​ၸွမ်း​ၼႄ​ပၼ်​သဵၼ်ႈ​တၢင်း​ဢၼ် ၵႂႃႇ​ၸူး​ၵႃႈ​တီႈ​မိူင်း​ ဢေႇတုမ်ႇ ​ၼၼ်ႉ​တီႈ​ၵဝ်။-</verse>
				<verse number="10">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​လႆႈ​ၸုၼ်ႉ​ပႅတ်ႈ​ၶႃႈ​ၸဝ်ႈ​ႁဝ်း​ၶဝ်​ယဝ်ႉ ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ဢမ်ႇ​ၸွမ်း​ဢမ်ႇ​ၵႂႃႇ​လူၺ်ႈ​ၵၼ်​တင်း ပူဝ်ႇ​ပႃႇ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ယဝ်ႉ။-</verse>
				<verse number="11">ၶႅၼ်း​တေႃႈ​ၸွႆႈ​ထႅမ်​ၶႃႈ​ၸဝ်ႈ​ႁဝ်း​ၶဝ်​လႄႈ ယူႇ​ၽၢႆႇ​ၼိုင်ႈ​တင်း​ရၢၼ်ႇ​သူႇ​သေ​ၵမ်း​တီႈ​ၶႃႈ၊ တၢင်း​ဢၼ်​ၵူၼ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​ပဵၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​တီႈ​ၶႃႈ​ဢေႃႈ။-</verse>
				<verse number="12">ၵွပ်ႈ​ပိူဝ်ႈ​ၽြႃး​ပဵၼ်​ၸဝ်ႈ​လႄႈ၊ ႁဝ်း​တၵ်း​ႁဵတ်း​ႁတ်း​ႁတ်း​ႁၢၼ်​ႁၢၼ်​ဢေႃႈ။ ပဵၼ်​မၼ်း​ၸဝ်ႈ​ဢၼ်​တၵ်း​ယဵပ်ႇ​ၶၢမ်ႈ​ရၢၼ်ႇ​သူႇ​ႁဝ်း​တင်း​လၢႆ​ၼၼ်ႉ​ဢေႃႈ။</verse>
			</chapter>
			<chapter number="61">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ထွမ်ႇ​ငိၼ်း​တၢင်း​ဢၼ်​ၶႃႈ​ၸဝ်ႈ​ႁွင်ႉ​သႅၼ်ႇ​ၼၼ်ႉ​လႄႈ မၢတ်ႈ​တွင်း​ဢဝ်​ၵႂၢမ်း​ပထၼႃႇ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="2">ၶႃႈ​ၸဝ်ႈ​ႁွင်ႉ​သႅၼ်ႇ​ႁွင်ႉ​ႁႃ​ၸဝ်ႈ​ႁဝ်း​ၸႃႉ​ၸဵမ်​တီႈ​သုတ်း​လိၼ်​မိူင်း​ပုၼ်ႉ​ၼၼ်ႉ ၼႂ်း​မိူဝ်ႈ​ဢၼ်​ႁူဝ်​ၸႂ်​ႁဵဝ်ႇ​ၸွပ်ႈ​ၼၼ်ႉ​လႄႈ ၸဝ်ႈ​ႁဝ်း​တၵ်း​ဢဝ်​ၶႃႈ​ၸဝ်ႈ သူင်ႇ​ႁွတ်ႈ​ၵႃႈ​တီႈ​မၢၵ်ႇ​ႁိၼ်​ဢၼ်​သုင်​သေ​ၶႃႈ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="3">ၸဝ်ႈ​ႁဝ်း​ပဵၼ်​တီႈ​ဢၼ်​ၶႃႈ​ၸဝ်ႈ​သွၼ်ႈ​ပိုင်ႈ၊ ပဵၼ်​တိူၵ်ႈ​တီႈ​တိုၵ်း​သိုၵ်း​ဢၼ်​မၼ်ႈ​ၶိူင်ႇ ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="4">ၶႃႈ​ၸဝ်ႈ​တၵ်း​ယူႇ​ၵႃႈ​ၼႂ်း​သုမ်ႉ​ထဵင်​ၸဝ်ႈ​ႁဝ်း​တႃႇ​သေႇ​လႄႈ တၵ်း​သွၼ်ႈ​ပိုင်ႈ​ယူႇ ၵႃႈ​ၼႂ်း​တီႈ​ဢၼ်​ပိၵ်ႇ​ၸဝ်ႈ​ႁဝ်း​ႁူမ်ႇ​သုမ်ႇ​ဝႆႉ​ၼၼ်ႉ​တီႈ​ၶႃႈ​ဢေႃႈ။ ၸေႇလႃႇ။-</verse>
				<verse number="5">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ငိၼ်း​ၵႂၢမ်း​ၵတီႉ​သဵတ်ႈ​ၸႃႇ ဢၼ်​ၶႃႈ​ၸဝ်ႈ​ႁဵတ်း​ၸိူဝ်း​ၼၼ်ႉ​လႄႈ ၸဝ်ႈ​ႁဝ်း​ဢဝ်​ဢမူၺ်ႇ​ၶဝ်​ၸိူဝ်း​ဢၼ်​ၵူဝ်​ယမ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ ပၼ်​တီႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။</verse>
				<verse number="6">ၸဝ်ႈ​ႁဝ်း​တၵ်း​ႁႂ်ႈ​ဢသၢၵ်ႈ​ၶုၼ်​ႁေႃ​ၶမ်း​ယိုၼ်း​ယၢဝ်း​လႄႈ၊ ၶူပ်ႇ​ၼီႈ​ပီႊ​မိူင်း​မၼ်း​ၸဝ်ႈ​ၼၼ်ႉ တၵ်း​တႄႇ​ယူႇ​ၵူႈ​ၸူဝ်ႈ​ၵူႈ​ပၢၼ်​တီႈ​ၶႃႈ​ဢေႃႈ။-</verse>
				<verse number="7">မၼ်း​ၸဝ်ႈ​တၵ်း​ၼင်ႈ​ယူႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၼိၵ်ႈၸႃႉ​ထႃႇဝရႃႉ​တီႈ​ၶႃႈ​ဢေႃႈ။ ၶႅၼ်း​တေႃႈ​ၸီႇ​ယၢင်ႇ​ႁႂ်ႈ​ၵရူႉၼႃႇ​ၶႃႈ​ၸဝ်ႈ ဢိၵ်ႇ​တင်း​သဵတ်ႈ​ၸႃႇ​ၸဝ်ႈ ပႂ်ႉ​ၸွႆႈ​ပႂ်ႉ​ထႅမ်​မၼ်း​ၸဝ်ႈ​ယူႇ​သေ​ၵမ်း​တီႈ​ၶႃႈ၊-</verse>
				<verse number="8">ၼင်ႇ​ၼၼ်​လႄႈ ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​ထေႃးပၼႃႇ တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တႃႇ​သေႇ​ဢမ်ႇ​ထၢတ်ႇ ႁႂ်ႈ​လႆႈ​ၽေႇ​ဝၢတ်ႈ​သဵတ်ႈ​ၸႃႇ ၵူႈ​မိုဝ်ႉ​ၵူႈ​ဝၼ်း​တီႈ​ၶႃႈ​ဢေႃႈ။</verse>
			</chapter>
			<chapter number="62">
				<verse number="1">ဝီႉၺိၺ်ႇ​ၵဝ်​ၼႆႉ ၸၢင်ႈ​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ တီႈ​ၽြႃး​ပဵၼ်​ၸဝ်ႈ​ၵူၺ်း​လႄႈ လွင်ႈ​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ၼၼ်ႉ လႆႈ​လုၵ်ႉ​သေ​ၵႃႈ​တီႈ​မၼ်း​ၸဝ်ႈ​ၼၼ်ႉ​မႃး​ဢေႃႈ။-</verse>
				<verse number="2">မၼ်း​ၸဝ်ႈ​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၵဝ်၊ တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်၊ တီႈ​ဢၼ်​မၼ်ႈ​ၶိူင်ႇ​ၵဝ်​လႄႈ တၢင်း​ဢၼ်​သၼ်ႇ​ဝႆ​ၼႃႇ​လူင်​လၢင်​ၼၼ်ႉ တၵ်း​ဢမ်ႇ​မီး​တီႈ​ၵဝ်။-</verse>
				<verse number="3">သူ​ၵႃႈ​မီး​တင်း​သဵင်ႈ​တင်း​လူင် တၵ်း​ဢွၼ်​ၵၼ်​တိုၵ်း​တေႃး​ၵူၼ်း​ၵေႃႉ​ၼိုင်ႈ​ယူႇ ႁႂ်ႈ​လႆႈ​ဢဝ်​မၼ်း​တၢႆ​လႄႈ မၢတ်ႈ​မၼ်း​ပဵၼ်​ၸိူဝ်ႉ​ၼင်ႇ ၽႃ​ဢၼ်​ႁေႈ​ဢၼ်​ၵိူင်း ဢိၵ်ႇ​တင်း​လမ်း​ဢုတ်ႇ​ဢၼ်​ၼိုင်​ဢၼ်​ၶွၼ်း​ၼၼ်ႉ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။-</verse>
				<verse number="4">ၶဝ်​ၵျၢမ်ႇ​ပွင်​ႁႂ်ႈ​လႆႈ​ဢဝ်​မၼ်း​လူမ်ႉ​တူၵ်း​သေ​ၵႃႈ​တီႈ​ဢၼ်​မျၢတ်ႈ​သုင်​မၼ်း​ၼၼ်ႉ​ယူႇ​ဢေႃႈ။ ၶဝ်​ထုၵ်ႇ​ၸႂ်​ၵျိူၵ်ႈ​ၸႂ်​မူႉ​သႃႇ​လႄႈ ၶဝ်​ၸၢင်ႈ​ဢဝ်​သူပ်း​ၶဝ်​ပၼ်​တၢင်း​လီ​သေ​လႄႈ ၸၢင်ႈ​ဢဝ်​ႁူဝ်​ၸႂ်​ၶဝ်​ႁဵတ်း​တၢင်း​ဢၼ်​ၵိၼ်ႇ​လႃႇ​ဢေႃႈ။</verse>
				<verse number="5">ဝီႉၺိၺ်ႇ​ၵဝ်​ဢိူၺ်း၊ မႂ်း​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ တီႈ​ၽြႃး​ပဵၼ်​ၸဝ်ႈ​ၵူၺ်း​တႃႉ။ လွင်ႈ​တၢင်း​ဢၼ်​ၵဝ်​မုင်ႈ​ထႃႈ​မွင်း​ထႃႈ​ၼၼ်ႉ လႆႈ​လုၵ်ႉ​သေ​ၵႃႈ​တီႈ​မၼ်း​ၸဝ်ႈ​ၼၼ်ႉ​မႃး​ဢေႃႈ။-</verse>
				<verse number="6">မၼ်း​ၸဝ်ႈ​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၵဝ် တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်၊ တီႈ​ဢၼ်​မၼ်ႈ​ၶိူင်ႇ​ၵဝ်​လႄႈ၊ ၵႃႈ​တီႈ​ၵဝ်​ၼႆႉ တၢင်း​ဢၼ်​သၼ်ႇ​ဝႆ​ၼႃႇ​လူင်​လၢင်​ၼၼ်ႉ တၵ်း​ဢမ်ႇ​မီး​တီႈ​ၵဝ်။-</verse>
				<verse number="7">လွင်ႈ​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ် ဢိၵ်ႇ​တင်း​မုၼ်​ၽုင်း​ၵဝ်​ၼၼ်ႉ​ၸမ်ႉ၊ မီး​တီႈ​ၽြႃး​ပဵၼ်​ၸဝ်ႈ​လႄႈ၊ မၢၵ်ႇ​ႁိၼ်​မၢၵ်ႇ​ၽႃ​ဢၼ်​ပၼ်​ႁႅင်း​တီႈ​ၵဝ်၊ တီႈ​ဢၼ်​ၵဝ်​သွၼ်ႈ​ပိုင်ႈ​ၼၼ်ႉ​ၸမ်ႉ၊ မီး​တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="8">ၵူၼ်း​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ဢိင်​ပိုင်ႈ​ယူႇ​တီႈ​မၼ်း​ၸဝ်ႈ​ၵူႈ​ၶိင်ႇ​ၵူႈ​ၶႃႇ​လႄႈ ဢဝ်​ႁူဝ်​ၸႂ်​သူ​ထွၵ်ႇ​ႁိုဝ်ႈ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​တႃႉ။ ၽြႃး​ပဵၼ်​ၸဝ်ႈ​ပဵၼ်​တီႈ​ဢၼ်​ႁဝ်း​သွၼ်ႈ​ပိုင်ႈ​ယူႇ​ဢေႃႈ။ ၸေႇလႃႇ။</verse>
				<verse number="9">ၶဝ်​ၸိူဝ်း​ဢၼ်​တႅမ်ႇ​ဢၼ်​ယေႃႈ​ၼၼ်ႉ ပဵၼ်​ဢၼတ်ႉတႃႉ​လႄႈ၊ ၶဝ်​ၸိူဝ်း​ဢၼ်​မီး​သရေႇ​ၼၼ်ႉ ပဵၼ်​မူႉ​သႃႇ​ဢေႃႈ။ ၶဝ်​တၵ်း​ယုၵ်ႉ​ၶိုၼ်ႈ​ၵႃႈ​ၼႂ်း​ယႃႇ​ၸူႇ ၽၢင်​ယွႆး​ၼၼ်ႉ​ၵႂႃႇ​ၵမ်း​လဵဝ်​လႄႈ၊ ၶဝ်​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ယင်း​မဝ်​ၼႃႇ​သေ​ဢၼတ်ႉတႃႉ​ဢေႃႈ။-</verse>
				<verse number="10">ယႃႇ​ပေ​ၸႂ်​လီ​လူၺ်ႈ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ။ ယႃႇ​ပေ​ဢုပ်ႇ​ဢၢတ်ႇ​ၼႂ်း​တၢင်း​ဢၼ် ႁဵတ်း​ပႄႉ​ႁဵတ်း​ၼႅင်ႇ​ႁိမ်​ဢဝ်​ႁူင်ႇ​ဢဝ်​ၼၼ်ႉ။ ပေႃး​ဢုၵ်ႉ​ၸႃႇ​မီး​တၢင်း​ဢၼ်​ယႂ်ႇ​ၽႄႈ​တူဝ်း​တွၼ်း​မႃး​ၸိုင်၊ ယႃႇ​ပေ​မီး​ၸႂ်​ဢၼ်​ၸပ်း​ဢၼ်​ၸွႆး​ၸိူဝ်း​ၼၼ်ႉ​ယူႇ။-</verse>
				<verse number="11">ၽြႃး​ပဵၼ်​ၸဝ်ႈ​ပၼ်​ပျႃႇ​တိၵ်ႈ​ၸဝ်ႈ​ပွၵ်ႈ​ၼိုင်ႈ​ယဝ်ႉ။ ပျႃႇ​တိၵ်ႈ​ဢၼ်​ၵဝ်​သမ်ႉ​လႆႈ​ငိၼ်း​ထူၼ်ႈ​ထိုင်​သွင်​ပွၵ်ႈ​ၼၼ်ႉ​ၸမ်ႉ၊ တၼ်း​ၶူဝ်း​မီး​တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="12">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပျေႉ​ၸုမ်ႇ​တင်း​ၵရူႉၼႃႇ​ယူႇ​တီႈ​ၶႃႈ​ဢေႃႈ။ ၸဝ်ႈ​ႁဝ်း​တွပ်ႇ​တႅၼ်း​ပၼ်​ဢၵျူဝ်း​ဢပႅတ်ႈ တီႈ​ၵူၼ်း​ႁင်း​ၽႂ်​ႁင်း​မၼ်း ၸွမ်း​လူၺ်ႈ​တၢင်း​ၵမ်​တၢင်း​ၵျၢင်ႉ​ၶဝ်​ၼၼ်ႉ​တီႈ​ၶႃႈ​ဢေႃႈ။</verse>
			</chapter>
			<chapter number="63">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ၵျူဝ်း​ၸႃး​လႄႈ ႁႃ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ဝီႉၺိၺ်ႇ​ၶႃႈ​ၸဝ်ႈ​တွင်ႉ​မႆႈ​ၸဝ်ႈ​ႁဝ်း​လႄႈ၊ တူဝ်​ၶၼ်ႇ​ထႃႇ​ၶႃႈ​ၸဝ်ႈ​ၵေႃႈ ၸႂ်​ထိုင်​ၸဝ်ႈ​ႁဝ်း​ယူႇ ၵႃႈ​တီႈ​ၼႂ်း​ပၢင်ႇ​ဢၼ်​ႁႅင်ႈ​ႁွင်​ဝႆႉ​လႄႈ ႁိူဝ်ႉ​ဢူၼ်ႈ​ယူႇ​သေ​လႄႈ ဢမ်ႇ​မီး​ၼမ်ႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="2">ပိူဝ်ႈ​ၼႆ​လႄႈ ၶႃႈ​ၸဝ်ႈ​လႆႈ​ယႅၵ်ႉ​တူၺ်း​ၸဝ်ႈ​ႁဝ်း​ၵႃႈ​တီႈ​ၼႂ်း​ထႃႇၼႃႉ​တီႈ​ဢၼ်​မူတ်း​ၸၢင်ႇ​ၼၼ်ႉ ၸိူဝ်ႉ​ၼင်ႇ​ၼၼ်​ယူႇ ႁႂ်ႈ​လႆႈ​ႁၼ်​မုၼ်​တၼ်း​ၶူဝ်း​ဢႃႇၼူႉၽေႃႇ​ၸဝ်ႈ​ႁဝ်း​တီႈ​ၶႃႈ​ယဝ်ႉ။-</verse>
				<verse number="3">ၵွပ်ႈ​ပိူဝ်ႈ​ဢၼ်​ၵရူႉၼႃႇ​ၸဝ်ႈ​ႁဝ်း​ယဵင်ႈ​ၶႅၼ်း​လီ​ၼႃႇ​သေ​ဢသၢၵ်ႈ​လႄႈ၊ သူပ်း​ၶႃႈ​ၸဝ်ႈ​တၵ်း​ယွင်ႈ​ယေႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
				<verse number="4">ၼင်ႇ​ၼၼ်​လႄႈ ၼႂ်း​မိူဝ်ႈ​ဢၼ်​ဢသၢၵ်ႈ​ၶႃႈ​ၸဝ်ႈ​ယင်း​တိုၵ်ႉ​လိပ်း​ယူႇ​ၼၼ်ႉ၊ ၶႃႈ​ၸဝ်ႈ​တၵ်း​ယွင်ႈ​ယေႃး​ပၼ်​တၢင်း​လီ​တီႈ​ၸဝ်ႈ​ႁဝ်း​လႄႈ ၶႃႈ​ၸဝ်ႈ​တၵ်း​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ ယုၵ်ႉ​မိုဝ်း​ဝႆႉ​တီႈ​ၶႃႈ​ဢေႃႈ။-</verse>
				<verse number="5">ဝီႉၺိၺ်ႇ​ၶႃႈ​ၸဝ်ႈ​တၵ်း​ဢိမ်ႇ​လီ​တဵမ်​လီ မိူၼ်​ၸိူဝ်ႉ​ၼင်ႇ​ဢၼ်​ၵိၼ်​ၵွၼ်ႈ​ၶႆ​ၵွၼ်ႈ​မၼ်း ဢိၵ်ႇ​တင်း​ၼိူဝ်ႉ​ဢၼ်​ပီး​လီ​မၼ်း​လီ​ၼၼ်ႉ​လႄႈ၊ သူပ်း​ၶႃႈ​ၸဝ်ႈ​တၵ်း​ပႃး​ဢဝ်​တင်း​သဵင်​ဢၼ်​သႂၢင်ႇ​သိူဝ်း​ၼၼ်ႉ ယွင်ႈ​ယေႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="6">မိူဝ်ႈ​ဢၼ်​ၶႃႈ​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၸဝ်ႈ​ႁဝ်း ၵႃႈ​ၼိူဝ်​တီႈ​ၼွၼ်း​ၼၼ်ႉ​ၸိုင်၊ ၶႃႈ​ၸဝ်ႈ​ၶႆႈ​ၸႂ်​ဝူၼ်ႉ​ၸႂ် လူၺ်ႈ​လွင်ႈ​ၸဝ်ႈ​ႁဝ်း​ၼႂ်း​ၶိင်ႇ​ၵၢင်​ၶိုၼ်း မိူဝ်ႈ​ဢၼ်​လိုၵ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="7">ပိူဝ်ႈ​ဢၼ်​ၸဝ်ႈ​ႁဝ်း​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​လႄႈ၊ ၶႃႈ​ၸဝ်ႈ​တၵ်း​သိူဝ်း​ပျေႃႇ​ၵႃႈ​ၼႂ်း​ႁူမ်ႈ​ပိၵ်ႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="8">ဝီႉၺိၺ်ႇ​ၶႃႈ​ၸဝ်ႈ​ဢိင်​ပိုင်ႈ​ၸဝ်ႈ​ႁဝ်း​ယူႇ​လႄႈ၊ မိုဝ်း​ၶွၼ်​ၶႂႃ​ၸဝ်ႈ​ႁဝ်း​ၼၼ်ႉ ၵမ်ႉ​ထွၵ်ႈ​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။</verse>
				<verse number="9">ၶဝ်​ၸိူဝ်း​ဢၼ်​ႁႃ​ဢဝ်​ဢသၢၵ်ႈ​ၶႃႈ​ၸဝ်ႈ ႁႂ်ႈ​လႆႈ​ယႃႉ​ပႅတ်ႈ​ၼၼ်ႉ တၵ်း​လႆႈ​လူင်း​ၵႂႃႇ​ၵႃႈ​တီႈ​တႂ်ႈ​လိၼ်​မိူင်း​ၼႆႉ​တီႈ​ၶႃႈ​ဢေႃႈ။-</verse>
				<verse number="10">ၶဝ်​တၵ်း​လႆႈ​သုမ်း​လူၺ်ႈ​လၢပ်ႇ​လူၺ်ႈ​လႅဝ်း​လႄႈ ပဵၼ်​ပုၼ်ႈ​ဢၼ်​မႃ​လိၼ်​တၵ်း​ၵိၼ်​တၵ်း​ၶူပ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">ၶုၼ်​ႁေႃ​ၶမ်း​ၸမ်ႉ၊ တၵ်း​သိူဝ်း​ပျေႃႇ​ၵႃႈ​ၼႂ်း​ၽြႃး​ပဵၼ်​ၸဝ်ႈ​ဢေႃႈ။ ၶဝ်​ၸိူဝ်း​ဢၼ်​ဢဝ်​မၼ်း​ၸဝ်ႈ ႁဵတ်း​တၢင်း​ဢၼ်​တိူင်ႇ​ဢၼ်​ဝႃႈ တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ဢုပ်ႇ​ဝၢဝ်း​ဢေႃႈ။ သူပ်း​ၶဝ်​ၸိူဝ်း​ဢၼ်​လၢတ်ႈ​ၵႂၢမ်း​မူႉ​သႃႇ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​တူမ်း​လႄႈ​ယူႇ​ဢေႃႈ။</verse>
			</chapter>
			<chapter number="64">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ထွမ်ႇ​ဢဝ်​သဵင်​ၵႂၢမ်း​ၶႃႈ​ၸဝ်ႈ ၼႂ်း​တၢင်း​ဢၼ်​ၶႃႈ​ၸဝ်ႈ​ၸႂ်​လဵၵ်ႉ​ၸႂ်​ဢူၼ်ႈ​ၼၼ်ႉ​လႄႈ ႁႄႉ​ၵင်ႈ​ပႂ်ႉ​ၸွႆႈ​ပႂ်ႉ​ထႅမ်​ဢသၢၵ်ႈ​ၶႃႈ​ၸဝ်ႈ ၵႃႈ​ၼႂ်း​ၽေး​ရၢၼ်ႇ​တင်း​လၢႆ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="2">ၶႅၼ်း​တေႃႈ​ႁႄႉ​ၵင်ႈ​ႁႄႉ​လပ်ႉ​ၶႃႈ​ၸဝ်ႈ​ဝႆႉ သေ​ၵႃႈ​တီႈ​တၢင်း​ဢၼ်​ၵူၼ်း​ႁၢႆႉ​ၵူၼ်း​မိူၵ်ႈ တိူင်ႇ​ပၢင်ႇ​လၢတ်ႈ​ၸႃ​ၵၼ်​ၼၼ်ႉ ဢိၵ်ႇ​တင်း​ၵႃႈ​ၼႂ်း​တီႈ​ၸူႉ​တီႈ​တုမ် ၶဝ်​ၸိူဝ်း​ဢၼ်​ၸၢင်ႈ​ႁဵတ်း​တူႉ​ၸရိူၵ်ႈ​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="3">ၶဝ်​ၼၼ်ႉ ၸၢင်ႈ​လပ်ႉ​လိၼ်ႉ​ၸဝ်ႈ​ၵဝ်ႇ​ယူႇ မိူၼ်​ၸိူဝ်ႉ​ၼင်ႇ​လၢပ်ႇ​ၼင်ႇ​လႅဝ်း​ၼၼ်ႉ​လႄႈ ၸၢင်ႈ​ဢဝ်​ပိုၼ်​ၶဝ် ဢၼ်​ဝႃႈ ၵႂၢမ်း​ဢၼ်​ၶူမ်​ဢၼ်​ၶၼ်း​ၼၼ်ႉ ငႃ​ၸူး​ယဵင်း​ၸူး၊-</verse>
				<verse number="4">ႁႂ်ႈ​လႆႈ​ယိုဝ်း​သႂ်ႇ​ၵေႃႉ​ဢၼ်​ၸေး​ၸုမ်ႇ​ၼၼ်ႉ ၼႂ်း​တီႈ​ဢၼ်​ဢမ်ႇ​ထၢင်ႇ​ဢမ်ႇ​သႃး​ၼၼ်ႉ​ဢေႃႈ။ ၶဝ်​ၶီႉ​ၶႃႉ​ယိုဝ်း​သႂ်ႇ​မၼ်း​လႄႈ ဢမ်ႇ​မီး​တၢင်း​ဢၼ်​ၵူဝ်​ဢၼ်​ႁႄ။-</verse>
				<verse number="5">ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၸၢင်ႈ​တိုၵ်း​ယူင်း​ၸူဝ်း​ဢဝ်​ၵၼ်​ၵႂႃႇ ၵႃႈ​ၼႂ်း​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​လႄႈ ၸၢင်ႈ​တိူင်ႇ​ပၢင်ႇ​လၢတ်ႈ​ၸႃ​ၵၼ် လူၺ်ႈ​လွင်ႈ​ဢၼ်​တၵ်း​လႆႈ​ၵၢင်​တူင်ႇ​ႁႅဝ်ႉ​တူင်ႇ​ၶိုမ်း​ဝႆႉ​ၼၼ်ႉ​လႄႈ​ဝႃႈ၊ ၽူႈ​လႂ်​တၵ်း​ႁၼ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၶဝ်​ၼၼ်ႉ ၸၢင်ႈ​ၸႅတ်ႈ​တူၺ်း​ႁႃ​ဢဝ်​ဢမူႉ​ဢၼ်​ဢမ်ႇ​တြႃး​ၸိူဝ်း​ၼၼ်ႉ​လႄႈ ႁူႉ​လွင်ႈ​ဢၼ်​ၸၢင်ႈ​ၸႅတ်ႈ​တူၺ်း​ႁႃ​ဢဝ်​ၼၼ်ႉ လႆႈ​ၸေး​ၸုမ်ႇ​တင်း​သဵင်ႈ​တင်း​မူတ်း​ဢေႃႈ။ တီႈ​ၼႂ်း​တူဝ်​ၶဝ်​ဢိၵ်ႇ​တင်း​ႁူဝ်​ၸႂ်​ၶဝ်​ၼၼ်ႉ ပဵၼ်​ဢၼ်​လိုၵ်ႉ​လမ်ႇ​ၼႃႇ​လူင်​လၢင်​ဢေႃႈ။-</verse>
				<verse number="7">ၵူၺ်း​ၵႃႈ ၽြႃး​ပဵၼ်​ၸဝ်ႈ​တၵ်း​ယိုဝ်း​ၶဝ်​ၼၼ်ႉ​လႄႈ၊ ၶဝ်​ၼၼ်ႉ​တၵ်း​ၶီႉ​ၶႃႉ​ၸဵပ်း​မႃး​သႅပ်ႇ​မႃး​လူၺ်ႈ​ပိုၼ်​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="8">ၼင်ႇ​ၼၼ်​လႄႈ လိၼ်ႉ​ၶဝ်​တၵ်း​ယူႇ​ၽၢႆႇ​ၼိုင်ႈ​တင်း​ၶဝ်​သေ​လႄႈ ႁႂ်ႈ​ၶဝ်​လႆႈ​ၶီႈ​လိုတ်း​လူမ်ႉ​လႄႈ၊ ၶဝ်​ၸိူဝ်း​ဢၼ်​ႁၼ်​ၶဝ်​ၼၼ်ႉ​တင်း​သဵင်ႈ​တင်း​လူင် တၵ်း​ဢွၼ်​ၵၼ်​ဢွၵ်ႇ​ပၢႆႈ​ဢေႃႈ။-</verse>
				<verse number="9">ၵူၼ်း​တင်း​သဵင်ႈ​တင်း​လူင်​ၵေႃႈ တၵ်း​ဢွၼ်​ၵၼ်​ၵူဝ်​ႁႄ​လႄႈ ဢဝ်​ဢမူႉ​ၽြႃး​ပဵၼ်​ၸဝ်ႈ မွၵ်ႇ​လၢတ်ႈ​လႄႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​တၢင်း​ဢၼ် မၼ်း​ၸဝ်ႈ​ၸီႇ​ယၢင်ႇ​ႁဵတ်း​ဝႆႉ​ၼၼ်ႉ သေႇ​ၶျႃႇ​လီ​ငၢမ်း​ဢေႃႈ။-</verse>
				<verse number="10">ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ဢွၼ်​ၵၼ်​ၸူမ်း​သိူဝ်း​ၼႂ်း​ထႃႇဝရႃႉ​ၽြႃး​သေ​လႄႈ ဢိင်​ပိုင်ႈ​မၼ်း​ၸဝ်ႈ​ယူႇ​လႄႈ ၶဝ်​ၸိူဝ်း​ဢၼ်​သၽေႃး​သိုဝ်ႈ​ယူဝ်း​ၼၼ်ႉ တၵ်း​ဢွၼ်​ၵၼ်​ဢုပ်ႇ​ဝၢဝ်း​ဢေႃႈ။</verse>
			</chapter>
			<chapter number="65">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ တၢင်း​ဢၼ်​ယူႇ​တဵတ်ႇ​တဵတ်ႇ​ယဵၼ်​ယဵၼ် တီႈ​ၸဝ်ႈ​ႁဝ်း​လႄႈ​ယွင်ႈ​ယေႃး​ၼၼ်ႉ မီး​ၵႃႈ​ၼႂ်း​ဝဵင်း​ ၸီႉဢုၼ်ႇ တီႈ​ၶႃႈ​ဢေႃႈ။-</verse>
				<verse number="2">ၸဝ်ႈ​ဢၼ်​ထွမ်ႇ​ဢဝ်​ၵႂၢမ်း​ပထၼႃႇ​တီႈ​ၶႃႈ၊ ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​မႃး​ၸူး​ၵႃႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="3">တၢင်း​ဢၼ်​ဢမ်ႇ​တြႃး​ၸိူဝ်း​ၼၼ်ႉ ႁဵတ်း​ပႄႉ​ႁဵတ်း​ၼႅင်ႇ​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။ ၵူၺ်း​ၵႃႈ ၸဝ်ႈ​ႁဝ်း​ႁူမ်ႇ​ဢပႅတ်ႈ တၢင်း​ဢၼ်​ၶႃႈ​ၸဝ်ႈ​ၽိတ်း​ပိူင်ႈ​ၸိူဝ်း​ၼၼ်ႉ​ဝႆႉ​တီႈ​ၶႃႈ​ဢေႃႈ။-</verse>
				<verse number="4">ၵေႃႉ​ဢၼ်​ၸဝ်ႈ​ႁဝ်း​လိူၵ်ႈ​ၵဵပ်း​ဢဝ်​လႄႈ ႁႂ်ႈ​ၶဝ်ႈ​ၸူး​ၵႃႈ​တီႈ​ၸဝ်ႈ​ႁဝ်း ႁႂ်ႈ​လႆႈ​ယူႇ​ၵႃႈ​ၼႂ်း​တမ်ႇ​တိူင်း​ၸဝ်ႈ​ႁဝ်း​ၼၼ်ႉ မီး​မင်ႇၵလႃႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၶဝ်​တၵ်း​လိူင်ႇ​ၸႂ်​ဢိမ်ႇ​ၸႂ် လူၺ်ႈ​လွင်ႈ​တၢင်း​ဢၼ်​လီ​ဢၼ်​ငၢမ်း ၵႃႈ​ၼႂ်း​ႁိူၼ်း​ၸဝ်ႈ​ႁဝ်း​ဢၼ်​ဝႃႈ ထႃႇၼႃႉ​တီႈ​မူတ်း​ၸၢင်ႇ​ပိၵ်ႈ​မၢၼ်ႇ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="5">ၽြႃး​ဢၼ်​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ၊ ၸဝ်ႈ​ႁဝ်း​ဢဝ်​လွင်ႈ​တၢင်း​ဢၼ်​လီ​ၵူဝ်​လီ​ႁႄ​တင်း​လၢႆ ၶိုၼ်း​ဢိူဝ်​ၶႃႈ​ၸဝ်ႈ​ႁဝ်း​ၶဝ် မႅၼ်ႈ​ၸွမ်း​ၼင်ႇ​တြႃး​တီႈ​ၶႃႈ​ဢေႃႈ။ ၸဝ်ႈ​ႁဝ်း​ပဵၼ်​တီႈ​ဢၼ်​ၶဝ်​ၸိူဝ်း​ဢၼ်​ယူႇ​ၵႃႈ​တီႈ​လႅၼ်​သုတ်း​လိၼ်​မိူင်း​ၵႃႈ​မီး ဢိၵ်ႇ​တင်း​ၶဝ်​ၸိူဝ်း​ဢၼ်​ၵႆ​ၼႃႇ​ၵႃႈ​ၼိူဝ်​ပၢင်ႇ​လၢႆႇ​ၸိူဝ်း​ၼၼ်ႉ ဢိင်​ပိုင်ႈ တီႈ​ၶႃႈ​ဢေႃႈ။-</verse>
				<verse number="6">ၸဝ်ႈ​ႁဝ်း​မီး​တၢင်း​ဢၼ်​ဢဝ်​တင်း​တၼ်း​ၶူဝ်း​ႁတ်ႉ​ဢႅဝ်​ၼၼ်ႉ​သေ​လႄႈ ဢဝ်​တင်း​ႁႅင်း​ဢၼ်​ယႂ်ႇ​ၼႃႇ ႁႂ်ႈ​လွႆ​တင်း​လၢႆ တႄႇ​ယူႇ​တီႈ​ၶႃႈ​ဢေႃႈ။-</verse>
				<verse number="7">သဵင်​ၼမ်ႉ​သမ်ႇ​မုၵ်ႉ​တြႃႇ​ႁွင်ႉ၊ သဵင်​လႅင်း​ၼမ်ႉ​ပိူပ်ႈ​ၼမ်ႉ​တင်း​လၢႆ​ႁွင်ႉ၊ သဵင်​ၵူၼ်း​တင်း​လၢႆ​ဢူၼ်​ဢဵၼ်​မေႃး​မႄး​ၸိူဝ်း​ၼၼ်ႉ​ၵေႃႈ ၸဝ်ႈ​ႁဝ်း​ႁႂ်ႈ​ထၢတ်ႇ​ၵႂႃႇ​ၼိမ်​ၵႂႃႇ​တီႈ​ၶႃႈ​ဢေႃႈ။-</verse>
				<verse number="8">ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ဢၼ်​ၵႆ​ၼႃႇ​သေ​ပိူၼ်ႈ​ၼၼ်ႉ ႁၼ်​ၼီႉမိၵ်ႈ​လၢၵ်ႈၶၼႃႇ​ၸဝ်ႈ​ႁဝ်း​တင်း​လၢႆ​သေ​လႄႈ ဢွၼ်​ၵၼ်​ၵူဝ်​ႁႄ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ႁႂ်ႈ​တီႈ​ဢၼ်​ဢွၵ်ႇ​ဢၼ်​တူၵ်း​ၶိင်ႇ​ၵၢင်​ၼႂ် ဢိၵ်ႇ​တင်း​ၶိင်ႇ​ၵၢင်​ၶမ်ႈ​ၸိူဝ်း​ၼၼ်ႉ ၸူမ်း​သိူဝ်း​တီႈ​ၶႃႈ​ဢေႃႈ။</verse>
				<verse number="9">ၸဝ်ႈ​ႁဝ်း​မႃး​လူ​မႃး​တူၺ်း​လိၼ်​မိူင်း​လႄႈ ႁႂ်ႈ​ၽူၼ်​တူၵ်း​ယမ်း​မၼ်း​သေ​လႄႈ ႁႂ်ႈ​ၶွၼ်ႇ​ၼမ်ႉ​မၼ်း​လိၼ်​မၼ်း​လီ​ၼႃႇ​လူင်​လၢင်​တီႈ​ၶႃႈ​ဢေႃႈ။ ၼမ်ႉ​ႁွင်ႈ ၽြႃး​ပဵၼ်​ၸဝ်ႈ​တဵမ်​ဝႆႉ​တင်း​ၼမ်ႉ​လႄႈ ၸဝ်ႈ​ႁဝ်း​ပွင်​ႁဵတ်း​ပွင်​မႄး​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ပွင်​ႁဵတ်း​ပွင်​မႄး မဵတ်ႉ​ၶဝ်ႈ​မၢၵ်ႇ​ၼမ်ႉ ပုၼ်ႈ​ၵူၼ်း​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="10">ၸဝ်ႈ​ႁဝ်း​ႁႂ်ႈ​ႁွႆး​ထိူၼ်ႇ​ႁွႆး​ထႆ​မၼ်း ပဵၵ်ႇ​လီ​ယမ်း​လီ​လႄႈ ႁႂ်ႈ​တီႈ​ဢၼ်​ၸွၼ်း​ဢၼ်​မႅၼ်း​မၼ်း​တင်း​လၢႆ ယၢႆႈ​တူၵ်း​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢဝ်​ၽူၼ်​တူၵ်း​သႂ်ႇ​ႁႂ်ႈ​မၼ်း​ပိူဝ်ႉ​လီ​သေ​လႄႈ ပၼ်​တၢင်း​လီ​တီႈ​တူၼ်ႈ ဢၼ်​ဢွၵ်ႇ​မႃး​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">ၸဝ်ႈ​ႁဝ်း​ဢဝ်​တင်း​ၵျေး​ၸူး​ၸဝ်ႈ​ႁဝ်း ႁေႃႇ​ၶဵၼ်း​ၶူပ်ႇ​ၼီႈ​ပီႊ​မိူင်း​တင်း​လၢႆ​ဝႆႉ​လႄႈ ႁွႆး​တိၼ်​ၸဝ်ႈ​ႁဝ်း​ၼၼ်ႉ ၸၢင်ႈ​ယွတ်ႇ​ႁူဝ်ႈ​ၵွၼ်ႈ​ၶႆ​ၵွၼ်ႈ​မၼ်း​တီႈ​ၶႃႈ​ဢေႃႈ။-</verse>
				<verse number="12">ယွတ်ႇ​ႁူဝ်ႈ​သႂ်ႇ​ၵႃႈ​တီႈ​ထိူၼ်ႇ​ဢၼ်​သႃႇ​ယႃႇ​ၼၼ်ႉ​လႄႈ၊ လွႆ​တင်း​လၢႆ​ၵေႃႈ လႆႈ​မီး​တၢင်း​ဢၼ်​ဢဝ်​တင်း​ပီႇတီႉ​ႁတ်ႉ​ဢႅဝ်​ယူႇ​တီႈ​ၶႃႈ​ဢေႃႈ။-</verse>
				<verse number="13">တီႈ​တူင်ႈ​တၢင်း​ဢၼ်​ယၢမ်ႈ​ၵိၼ်​ယူႇ​ၸိူဝ်း​ၼၼ်ႉ ႁၢင်ႈ​ၶိူင်ႈ​ဝႆႉ​တင်း​ၽုင်​သူဝ်း​ၽုင်​ပႄႉ​သေ​လႄႈ၊ ပၢင်ႇ​တူင်ႈ​ၼႃး​တင်း​လၢႆ​ၵေႃႈ မီး​တၢင်း​ဢၼ်​တူၼ်ႈ​ၶဝ်ႈ​ႁူမ်ႇ​သုမ်ႇ​ဝႆႉ​လႄႈ မီး​တၢင်း​ဢၼ်​ဢဝ်​တင်း​သဵင်​ဢၼ်​ဢိုၼ်း​ယွင်ႈ ၵတ်း​လီ​ယဵၼ်​လီ​ၼၼ်ႉ​သေ​လႄႈ ႁဵတ်း​ၵႂၢမ်း​ယူႇ​တီႈ​ၶႃႈ​ဢေႃႈ။</verse>
			</chapter>
			<chapter number="66">
				<verse number="1">လိၼ်​မိူင်း​တင်း​သဵင်ႈ​တင်း​မူတ်း​ဢိူၺ်း၊ ႁဵတ်း​တၢင်း​ဢၼ်​ဢိုၼ်း​ယွင်ႈ​ၵတ်း​လီ​ယဵၼ်​လီ​တီႈ​ၽြႃး​ပဵၼ်​ၸဝ်ႈ​တႃႉ။-</verse>
				<verse number="2">ႁဵတ်း​ၵႂၢမ်း​တီႈ​မုၼ်​ၽုင်း​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႃႉ။ ၽုၺ်ႇ​ဢွၵ်ႇ​ၼႄ​ပျႃး​သရေႇ​မုၼ်​ၽုင်း တၢင်း​ဢၼ်​ယွင်ႈ​ယေႃး​မၼ်း​ၸဝ်ႈ​ၼၼ်ႉ​တႃႉ။-</verse>
				<verse number="3">လဝ်ႊ​လၢတ်ႈ​တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊ လွင်ႈ​တၢင်း​ဢၼ်​ႁဝ်း​ၸီႇ​ယၢင်ႇ​ႁဵတ်း​ဝႆႉ​ၸိူဝ်း​ၼၼ်ႉ ပဵၼ်​ဢၼ်​လီ​ၵူဝ်​လီ​ႁႄ​ၼႃႇ​လူင်​လၢင်​တီႈ​ၶႃႈ​ဢေႃႈ။ ပိူဝ်ႈ​ဢၼ်​တၼ်း​ၶူဝ်း​ၸဝ်ႈ​ႁဝ်း​ယႂ်ႇ​ၼႃႇ​လႄႈ၊ ရၢၼ်ႇ​သူႇ​ၸဝ်ႈ​ႁဝ်း​တင်း​လၢႆ ဢွၼ်​ၵၼ်​တွင်း​ပၢၼ်ႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="4">လိၼ်​မိူင်း​တင်း​သဵင်ႈ​တင်း​မူတ်း ၵူဝ်း​ၵႂၢႆႇ​ၸဝ်ႈ​ႁဝ်း​လႄႈ ႁဵတ်း​ၵႂၢမ်း​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶဝ်​ႁဵတ်း​ၵႂၢမ်း​တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တႃႉ။ ၸေႇလႃႇ။</verse>
				<verse number="5">ဢွၼ်​ၵၼ်​မႃး​လႄႈ​လူ​တူၺ်း လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ ၸီႇ​ယၢင်ႇ​ႁဵတ်း​ဝႆႉ​ၸိူဝ်း​ၼၼ်ႉ​တႃႉ။ လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ႁဵတ်း​ဝႆႉ တီႈ​လုၵ်ႈ​ၵူၼ်း​တင်း​လၢႆ​ၼၼ်ႉ ပဵၼ်​ဢၼ်​လီ​ၵူဝ်​လီ​ႁႄ​ဢေႃႈ။-</verse>
				<verse number="6">မၼ်း​ၸဝ်ႈ​ႁႂ်ႈ​ပၢင်ႇ​လၢႆႇ ပဵၼ်​လိၼ်​ပဵၼ်​ၵုင်း​ၵႂႃႇ​လႄႈ ၶဝ်​ၼၼ်ႉ​လႆႈ​ဢဝ်​တိၼ်​ပႆ​ၵႂႃႇ​ၵႃႈ​တီႈ​ဢၼ်​ၼမ်ႉ​ၸႅဝ်ႈ​လႄႈ၊ ႁဝ်း​ဢွၼ်​ၵၼ်​ၸူမ်း​သိူဝ်း​ၵႃႈ​ၼႂ်း​ၽြႃး​ပဵၼ်​ၸဝ်ႈ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="7">ၵွပ်ႈ​ပိူဝ်ႈ​တၼ်း​ၶူဝ်း​ၸဝ်ႈ​လႄႈ မၼ်း​ၸဝ်ႈ​ဢုပ်ႉ​ပိူင်ႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။ မၢၵ်ႇ​တႃ​မၼ်း​ၸဝ်ႈ​လူ​တူၺ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ယူႇ​လႄႈ၊ ယႃႇ​ပေ​ႁႂ်ႈ​ၶဝ်​ၸိူဝ်း​ဢၼ်​ထဵင်​ပႅတ်ႈ​ၼၼ်ႉ ယုၵ်ႉ​ယွင်ႈ​တူဝ်​ၸဝ်ႈ​ၵဝ်ႇ​ယူႇ။ ၸေႇလႃႇ။</verse>
				<verse number="8">မဵဝ်း​ၵူၼ်း​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​ပၼ်​တၢင်း​လီ​တီႈ​ၽြႃး​ပဵၼ်​ၸဝ်ႈ​ႁဝ်း​တႃႉ။ ဢွၼ်​ၵၼ်​ဢဝ်​သဵင်​ၵႂၢမ်း ဢၼ်​ယွင်ႈ​ယေႃးမုၼ်​ၵျေး​ၸူး​မၼ်း​ၸဝ်ႈ​ၼၼ်ႉ ႁွင်ႉ​ပၢဝ်ႇ​ႁွင်ႉ​လၢတ်ႈ​တႃႉ။-</verse>
				<verse number="9">မၼ်း​ၸဝ်ႈ​ႁႂ်ႈ​ဢသၢၵ်ႈ​ႁဝ်း​လႆႈ​လိပ်း​ယူႇ​လႄႈ၊ ဢမ်ႇ​ပၼ်​ႁႂ်ႈ​တိၼ်​ႁဝ်း​လႆႈ​ပရၢတ်ႈ​ၵႂႃႇ။-</verse>
				<verse number="10">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ၸၢမ်း​တူၺ်း​ၶႃႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ၸႅတ်ႈ​တူၺ်း​ၶႃႈ​ၸဝ်ႈ​ၶဝ် မိူၼ်​ၸိူဝ်ႉ​ၼင်ႇ​ဢၼ်​ၸႅတ်ႈ​တူၺ်း​ၶႃႇ​တူၺ်း​ငိုၼ်း​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="11">ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ​ႁဝ်း​ၶဝ် ထုၵ်ႇ​ၶဵၼ်း​မႅၼ်ႈ​ၵႃႈ​ၼႂ်း​တူင်ႇ​ႁႅဝ်ႉ​သေ​လႄႈ ဢဝ်​ၶူဝ်း​ဢၼ်​ၼၵ်း​ၼႃႇ​တၢင်ႇ​သႂ်ႇ​ၵႃႈ​ၼိူဝ်​သၼ်​လင်​တီႈ​ၶႃႈ​ယဝ်ႉ။-</verse>
				<verse number="12">ၸဝ်ႈ​ႁဝ်း​ႁႂ်ႈ​ပိူၼ်ႈ​ၶီႇ​ၵႃႈ​ၼိူဝ်​ႁူဝ်​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ယဝ်ႉ။ ပိၵ်ႉ​သမ်ႉ​ၶႃႈ​ၸဝ်ႈ​ႁဝ်း လႆႈ​ၵႂႃႇ​တၢင်း​ပႆ​တၢင်း​ၵႃႈ​ၼႂ်း​ၽႆး ဢိၵ်ႇ​တင်း ၵႃႈ​ၼႂ်း​ၼမ်ႉ​သေ​ၵေႃႈ၊ ၸဝ်ႈ​ႁဝ်း​ဢဝ်​သူင်ႇ​ႁွတ်ႈ ၵႃႈ​တီႈ​ဢၼ်​ပျေႉ​ၸုမ်ႇ​လိူင်ႇ​ၸႂ်​ၼၼ်ႉ​တီႈ​ၶႃႈ​ယဝ်ႉ။</verse>
				<verse number="13">ၶႃႈ​ၸဝ်ႈ​တၵ်း​ပႃး​ဢဝ် တင်း​ယိတ်ႈ​ဢၼ်​တုတ်ႇ​ၽႆး​တင်း​လၢႆ​သေ​လႄႈ ၶဝ်ႈ​ၵႃႈ​ၼႂ်း​ႁိူၼ်း​ၸဝ်ႈ​ႁဝ်း​တီႈ​ၶႃႈ၊-</verse>
				<verse number="14">ၶႃႈ​ၸဝ်ႈ​တၵ်း​ၽေႇ​ဝၢတ်ႈ​ၵတီႉ​သဵတ်ႈ​ၸႃႇ ဢၼ်​သီႇ​သူပ်း​ၶႃႈ​ၸဝ်ႈ​ဝႃႈ​ဢွၵ်ႇ​လႄႈ သူပ်း​ၶႃႈ​ၸဝ်ႈ​လၢတ်ႈ​ၼႂ်း​မိူဝ်ႈ​ဢၼ်​လႆႈ​ၶၢမ်ႇ​တုၵ်ႉ​ၶႃႉ​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="15">ၶႃႈ​ၸဝ်ႈ​တၵ်း​ဢဝ်​ယိတ်ႈ​သူဝ်း​ဢၼ်​ပီး​လီ​မၼ်း​လီ ဢၼ်​တုတ်ႇ​ၽႆး ဢိၵ်ႇ​တင်း ၼၢမ်ႇ​သႃႇ​သူဝ်း​ပေႃႈ​ၼၼ်ႉ ပုၵ်ႈ​ၸေႃႇ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ဝူဝ်း​လႂ် ဢိၵ်ႇ​တင်း​ပႄႉ​လႂ်​ၵေႃႈ ၶႃႈ​ၸဝ်ႈ​တၵ်း​ပုၵ်ႈ​ၸေႃႇ တီႈ​ၶႃႈ​ဢေႃႈ။</verse>
				<verse number="16">ၵူၼ်း​ဢၼ်​ၵူဝ်​ႁႄ​ၽြႃး​ပဵၼ်​ၸဝ်ႈ တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​မႃး​လႄႈ​ထွမ်ႇ​ငိၼ်း​တႃႉ။ ၵဝ်​တၵ်း​မွၵ်ႇ​လၢတ်ႈ​လွင်ႈ​ဢၼ်​မၼ်း​ၸဝ်ႈ​ႁဵတ်း​ၸိူဝ်ႉ​ၼင်ႇ​ႁိုဝ် ပုၼ်ႈ​ဝီႉၺိၺ်ႇ​ၵဝ်​ၼၼ်ႉ​ဢေႃႈ။-</verse>
				<verse number="17">ၵဝ်​ဢဝ်​တင်း​သူပ်း​ႁွင်ႉ​သႅၼ်ႇ​တီႈ​မၼ်း​ၸဝ်ႈ​လႄႈ၊ တၢင်း​ဢၼ်​ယွင်ႈ​ယေႃး​မၼ်း​ၸဝ်ႈ​ၵေႃႈ လႆႈ​မီး​ဝႆႉ​ယူႇ​ၵႃႈ​တီႈ​တႂ်ႈ​လိၼ်ႉ​ၵဝ်​ယဝ်ႉ။ ၸေႇလႃႇ။-</verse>
				<verse number="18">ပေႃး​ၵဝ်​ထူပ်း​ႁၼ်​တူႉ​ၸရိူၵ်ႈ​ၵႃႈ​ၼႂ်း​ႁူဝ်​ၸႂ်​ၵဝ်​ၸိုင်၊ ၸဝ်ႈ​ၽြႃး​ဢမ်ႇ​ထွမ်ႇ​ဢဝ်​ငိၼ်း​ဢဝ်။-</verse>
				<verse number="19">တေႃႈ​လဵဝ်​ၸမ်ႉ၊ ၽြႃး​ပဵၼ်​ၸဝ်ႈ​ထွမ်ႇ​ဢဝ်​လႄႈ မၢတ်ႈ​တွင်း​သဵင်​ၵႂၢမ်း​ပထၼႃႇ​ၵဝ်​ၼၼ်ႉ​ယဝ်ႉ။-</verse>
				<verse number="20">ႁႂ်ႈ​ၽြႃး​ပဵၼ်​ၸဝ်ႈ ဢၼ်​ဢမ်ႇ​ပႄႇ​ပႅတ်ႈ​ၵႂၢမ်း​ပထၼႃႇ​ၵဝ်​လႄႈ ဢမ်ႇ​ၼုၵ်ႈ​သိမ်း​ဢဝ်​ၵျေး​ၸူး​မၼ်း​ၸဝ်ႈ​သေ​ၵႃႈ​တီႈ​ၵဝ်​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။</verse>
			</chapter>
			<chapter number="67">
				<verse number="1">ႁႂ်ႈ​ၽြႃး​ပဵၼ်​ၸဝ်ႈ မီး​ၸႂ်​ၵရူႉၼႃႇ​တၢင်း​ဢၼ်​ဢဵတ်း​လူ​တီႈ​ႁဝ်း​လႄႈ ပၼ်​တၢင်း​လီ​တီႈ​ႁဝ်း​သေ​ၵမ်း​လူၺ်ႈ။ ႁႂ်ႈ​ၼႃႇ​မႃႉ​မၼ်း​ၸဝ်ႈ​ႁိူဝ်ႈ​လႅင်း​ထွင်ႇ​သႂ်ႇ ၵႃႈ​တီႈ​ႁဝ်း​သေ​ၵမ်း​လူၺ်ႈ။ ၸေႇလႃႇ။-</verse>
				<verse number="2">ၼင်ႇ​ၼၼ်​လႄႈ ႁႂ်ႈ​လိၼ်​မိူင်း​လႆႈ​ႁူႉ​သဵၼ်ႈ​တၢင်း​ဢၼ်​ၸဝ်ႈ​ႁဝ်း​ၵႂႃႇ​ၼၼ်ႉ​လႄႈ ႁႂ်ႈ​မဵဝ်း​ၵူၼ်း​တင်း​လၢႆ လႆႈ​ၶၢမ်ႇ​ဢဝ်​ၵျေး​ၸူး​တၢင်း​ဢၼ် ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​သေ​ၵမ်း​လူၺ်ႈ။</verse>
				<verse number="3">ၽြႃး​ပဵၼ်​ၸဝ်ႈ​တီႈ​ၶႃႈ၊ ႁႂ်ႈ​မဵဝ်း​ၵူၼ်း​တင်း​လၢႆ ဢွၼ်​ၵၼ်​ယွင်ႈ​ယေႃး​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ႁႂ်ႈ​ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ယွင်ႈ​ယေႃး​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="4">ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​မူၼ်ႈ​ပျေႃႇ​လႄႈ ႁဵတ်း​ၵႂၢမ်း​ၸူမ်း​သိူဝ်း​သႂၢင်ႇ​ၸႂ်​သေ​ၵမ်း​တီႈ​ၶႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ၸီႇ​ယၢင်ႇ​မဵဝ်း​ၵူၼ်း​တင်း​လၢႆ ၸွမ်း​ၼင်ႇ​တြႃး​တၢင်း​သိုဝ်ႈ​တေႃႇ​လႄႈ ဢဝ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​မီး​ယူႇ​ၵႃႈ​ၼိူဝ်​လိၼ်​မိူင်း​ၼႆႉ​ၸိူဝ်း​ၼၼ်ႉ သူင်ႇ​တီႈ​ၶႃႈ​ဢေႃႈ။-</verse>
				<verse number="5">ၽြႃး​ပဵၼ်​ၸဝ်ႈ​တီႈ​ၶႃႈ၊ ႁႂ်ႈ​မဵဝ်း​ၵူၼ်း​တင်း​လၢႆ​ဢွၼ်​ၵၼ်​ယွင်ႈ​ယေႃး​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ႁႂ်ႈ​မဵဝ်း​ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ယွင်ႈ​ယေႃး​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="6">လိၼ်​မိူင်း​ပၼ်​ၽၼ်ႇတႃႇ​တူဝ်​ၸဝ်ႈ​ၵဝ်ႇ​လႄႈ၊ ၽြႃး​ပဵၼ်​ၸဝ်ႈ ဢၼ်​ဝႃႈ ၽြႃး​ပဵၼ်​ၸဝ်ႈ​ႁဝ်း​ၼၼ်ႉ ပၼ်​တၢင်း​လီ​တီႈ​ႁဝ်း​ဢေႃႈ။-</verse>
				<verse number="7">ၽြႃး​ပဵၼ်​ၸဝ်ႈ​တၵ်း​ပၼ်​တၢင်း​လီ​တီႈ​ႁဝ်း​ထႅင်ႈ​လူး​ၵွၼ်ႇ​လႄႈ လႅၼ်​သုတ်း​လိၼ်​မိူင်း​တင်း​သဵင်ႈ​တင်း​လူင် တၵ်း​ဢွၼ်​ၵၼ်​ၵူဝ်​ႁႄ​မၼ်း​ၸဝ်ႈ​ဢေႃႈ။</verse>
			</chapter>
			<chapter number="68">
				<verse number="1">ႁႂ်ႈ​ၽြႃး​ပဵၼ်​ၸဝ်ႈ​လုၵ်ႉ​လႄႈ ႁႂ်ႈ​ရၢၼ်ႇ​သူႇ​မၼ်း​ၸဝ်ႈ​တင်း​လၢႆ ၽၢတ်ႇ​ၽႄ​ၵၼ်​ၵႂႃႇ ၵူႈ​တီႈ​ၵူႈ​လႅၼ်​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​ၸင်း​မၼ်း​ၸဝ်ႈ​ၼၼ်ႉ လႆႈ​ဢွၵ်ႇ​ပၢႆႈ​သေ​ၵႃႈ​တီႈ​မၼ်း​ၸဝ်ႈ​သေ​ၵမ်း​လူၺ်ႈ။-</verse>
				<verse number="2">ဢဝ်​ၶဝ်​ပိဝ်​သဵၼ်​ၵႂႃႇ မိူၼ်​ၸိူဝ်ႉ​ၼင်ႇ​ဢၼ်​ၵႂၼ်း​ၽႆး​ပိဝ်​သဵၼ်​ၵႂႃႇ​ၼၼ်ႉ​သေ​ၵမ်း​တီႈ​ၶႃႈ။ မိူၼ်​ၸိူဝ်ႉ​ၼင်ႇ​ဢၼ်​ၶီႈ​ၽိုင်ႈ ၸိူမ်ႈ​ပဵၼ်​ၼမ်ႉ​ၵႃႈ​တီႈ​ၽၢႆႇ​ၼႃႈ​ၽႆး​ၼၼ်ႉ​လႄႈ ႁႂ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​လူႉ​လႅဝ်​ပႅတ်ႈ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​သေ​ၵမ်း​တီႈ​ၶႃႈ၊-</verse>
				<verse number="3">ႁႂ်ႈ​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ လႆႈ​ၸူမ်း​သိူဝ်း​လႄႈ​သႂၢင်ႇ​ၸႂ် ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ​သေ​ၵမ်း​လူၺ်ႈ။ ႁႂ်ႈ​ၶဝ်​လႆႈ​မီး​တၢင်း​ဢၼ်​မူၼ်ႈ​ပျေႃႇ​သေ​လႄႈ သႂၢင်ႇ​သိူဝ်း​သေ​ၵမ်း​လူၺ်ႈ။-</verse>
				<verse number="4">ဢွၼ်​ၵၼ်​ႁဵတ်း​ၵႂၢမ်း​တီႈ​ၽြႃး​ပဵၼ်​ၸဝ်ႈ​လႄႈ ႁဵတ်း​ၵႂၢမ်း​ထေႃးပၼႃႇ တီႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႃႉ။ ဢွၼ်​ၵၼ်​မႄး​ႁႅၼ်း​သဵၼ်ႈ​တၢင်း​ပုၼ်ႈ​ၸဝ်ႈ ဢၼ်​ၶီႇ​ၵႂႃႇ​ၵႃႈ​ၼႂ်း​ထိူၼ်ႇ​ၼၼ်ႉ​ဝႆႉ​တႃႉ။ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ​ၸမ်ႉ၊ ပဵၼ်​ထႃႇဝရႃႉ​ၽြႃး​ဢေႃႈ။ ဢွၼ်​ၵၼ်​သႂၢင်ႇ​ၸႂ်​သိူဝ်း​ၸႂ် ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​တႃႉ။-</verse>
				<verse number="5">ၽြႃး​ပဵၼ်​ၸဝ်ႈ ပဵၼ်​ပေႃႈ​ၶဝ်​ၸိူဝ်း​ဢၼ်​ၽၢၼ်​ပေႃႈ​ၽၢၼ်​မႄႈ​ၼၼ်ႉ​လႄႈ ပဵၼ်​ဢၼ်​ယူႇ​ၽၢႆႇ​မႄႈ​မူၵ်း​မႄႈ​မၢႆႈ​တင်း​လၢႆ ၸီႇ​ယၢင်ႇ​တြႃး​ၵႃႈ​ၼႂ်း​ပိၵ်ႈ​မၢၼ်ႇ​မၼ်း​ၸဝ်ႈ ဢၼ်​မူတ်း​ၸၢင်ႇ​ၼၼ်ႉ​ဢေႃႈ။-</verse>
				<verse number="6">ၽြႃး​ပဵၼ်​ၸဝ်ႈ​ပၼ်​ႁႂ်ႈ​ၶဝ်​ၸိူဝ်း​ဢၼ်​ဢမ်ႇ​မီး​ၵေႃႉ​မီး​သေႈ​ၼၼ်ႉ ႁဵတ်း​တၢင်း​ဢၼ်​ပဵၼ်​ႁိူၼ်း​ပဵၼ်​ယေး​လႄႈ ဢဝ်​ၶဝ်​ၸိူဝ်း​ဢၼ်​ၶျုၵ်ႈ​ဝႆႉ​ၼၼ်ႉ သႂၢင်း​သႂ်ႇ​ၵႃႈ​ၼႂ်း​တၢင်း​ဢၼ် မၢၵ်ႈ​မီး​လိူင်ႇ​ၸႂ်​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​ထဵင်​ပႅတ်ႈ​ၼၼ်ႉ​ၸမ်ႉ၊ လႆႈ​ယူႇ​ၵႃႈ​ၼႂ်း​တီႈ​ဢၼ်​ႁႅင်ႈ​ဢၼ်​ႁွင်​ၼၼ်ႉ​ဢေႃႈ။</verse>
				<verse number="7">ၽြႃး​ပဵၼ်​ၸဝ်ႈ​တီႈ​ၶႃႈ၊ မိူဝ်ႈ​ဢၼ်​ၸဝ်ႈ​ႁဝ်း​ဢွၼ်​ႁူဝ်​ၵူၼ်း​ၸဝ်ႈ​ႁဝ်း​တင်း​လၢႆ​သေ​လႄႈ ၶီႇ​ၵႂႃႇ​ၵႃႈ​ၼႂ်း​ထိူၼ်ႇ​ၼၼ်ႉ၊-</verse>
				<verse number="8">လိၼ်​မိူင်း​သၼ်ႇ​ဝႆ​လႄႈ ၽႃႉ​ၵၢင်​ႁၢဝ်​ယွတ်ႇ​တူၵ်း​ႁူဝ်ႈ​တူၵ်း​ယူႇ ၵွပ်ႈ​ပိူဝ်ႈ​ၼႃႈ​ၽြႃး​ပဵၼ်​ၸဝ်ႈ​တီႈ​ၶႃႈ​ဢေႃႈ။ လွႆ​ သီႉၼႃႉ ​ၵေႃႈ သၼ်ႇ​ဝႆ​ယူႇ ၵွပ်ႈ​ပိူဝ်ႈ​ၼႃႈ​ၽြႃး​ပဵၼ်​ၸဝ်ႈ မဵဝ်း​ၵူၼ်း​ ဢီႉသရေႇလႃႉ ​ၼၼ်ႉ​တီႈ​ၶႃႈ​ဢေႃႈ။ ၸေႇလႃႇ။-</verse>
				<verse number="9">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ႁႂ်ႈ​ၽူၼ်​တူၵ်း​ၼမ်​ၼႃႇ​လႄႈ ၸဝ်ႈ​ႁဝ်း​ၵမ်ႉ​ထွၵ်ႈ​ၸွႆႈ​ထႅမ်​ဢမူၺ်ႇ​ၸဝ်ႈ​ႁဝ်း​ၼၼ်ႉ ၼႂ်း​မိူဝ်ႈ​ဢၼ်​မၼ်း​ႁိူဝ်ႉ​ဢူၼ်ႈ​ယၢပ်ႇ​ၸႂ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="10">ပရဵၵ်ႈသၢတ်ႈ​ၸဝ်ႈ​ႁဝ်း​တင်း​လၢႆ​ၼၼ်ႉ လႆႈ​တူၵ်း​တီႈ​ယူႇ​တီႈ​သဝ်း ၵႃႈ​ၼႂ်း​မၼ်း​ၼၼ်ႉ​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ​တီႈ​ၶႃႈ၊ ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ႁဝ်း​လႄႈ မႄး​ႁႅၼ်း​ဝႆႉ​ပုၼ်ႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">ၸဝ်ႈ​ၽြႃး​မီး​ဢမိင်ႉ​ၸဝ်ႈ​လႄႈ၊- ၽူႈ​ယိင်း​ဢၼ်​မွၵ်ႇ​လၢတ်ႈ​သတၢင်း​သိူဝ်း​ပျေႃႇ​ၼၼ်ႉ​ၸိူဝ်း​ၼၼ်ႉ မီး​ၼမ်​ၼႃႇ​လူင်​လၢင်​ဢေႃႈ။-</verse>
				<verse number="12">ၶုၼ်​ႁေႃ​ၶမ်း​ပူဝ်ႇ​ပႃႇ​တင်း​လၢႆ ဢွၼ်​ၵၼ်​ဢွၵ်ႇ​ပၢႆႈ​ဢေႃႈ။ ဢွၼ်​ၵၼ်​ဢွၵ်ႇ​ပၢႆႈ​ဢေႃႈ။ ၽူႈ​ယိင်း​ဢၼ်​ၵိုတ်း​သဝ်း​ယူႇ​ၵႃႈ​တီႈ​ႁိူၼ်း​ၼၼ်ႉ ဢဝ်​ဢုၵ်ႉ​ၸႃႇ​ဢၼ်​ႁိမ်​ဢဝ်​လႆႈ​ၼၼ်ႉ ၽႄ​ပၼ်​မႅင်ႇ​ပၼ်​ဢေႃႈ။-</verse>
				<verse number="13">မိူဝ်ႈ​ဢၼ်​သူ​တူၵ်း​တီႈ​ယူႇ​တီႈ​သဝ်း​ၵႃႈ​ၼႂ်း​ၶွၵ်ႈ​သူဝ်း​တင်း​လၢႆ​ယဝ်ႉ​ၼၼ်ႉ​ၸိုင် သူ​ပဵၼ်​ၸိူဝ်ႉ​ၼင်ႇ​ၼူၵ်ႉ​တူႈ ဢၼ်​ဢဝ်​ငိုၼ်း​ဢုမ်ႇ​ႁေႃႇ​ဝႆႉ​ၼၼ်ႉ ဢိၵ်ႇ​တင်း​ၶူၼ်​ပိၵ်ႇ​မၼ်း ဢၼ်​ဢဝ်​တင်း​ၶမ်း​လႅင် ဢုမ်ႇ​ႁေႃႇ​ဝႆႉ​ၼၼ်ႉ​ဢေႃႈ။-</verse>
				<verse number="14">မိူဝ်ႈ​ဢၼ်​ၽြႃး ဢၼ်​ပျေႉ​ၸုမ်ႇ​တင်း​ဢၼၼ်ႇတႃႉ​တၼ်း​ၶူဝ်း​ၼၼ်ႉ ႁႂ်ႈ​ၶုၼ်​ႁေႃ​ၶမ်း​တင်း​လၢႆ​ၽၢတ်ႇ​ၽႄ​ၵၼ် ၵႃႈ​ၼႂ်း​မၼ်း​ၼၼ်ႉ​ၸိုင်၊ ၵႃႈ​တီႈ​ၼၼ်ႈ​ပဵၼ်​ၸိူဝ်ႉ​ၼင်ႇ​မူၺ်​ႁႃႇ ၵႃႈ​ၼိူဝ်​လွႆ​ ၸႃႇလမုၼ်ႇ ​ၼၼ်ႉ​ဢေႃႈ။</verse>
				<verse number="15">လွႆ​ ပႃႇသၢၼ်ႇ ​ပဵၼ်​လွႆ ၽြႃး​ပဵၼ်​ၸဝ်ႈ​ဢေႃႈ။ လွႆ​ ပႃႇသၢၼ်ႇ ​ၼၼ်ႉ ပဵၼ်​လွႆ​ဢၼ်​ပျေႉ​ၸုမ်ႇ​ဝႆႉ​တင်း​ၸိၵ်း​ဢၼ်​သုင်​ဢေႃႈ။-</verse>
				<verse number="16">လွႆ​ဢၼ်​ပျေႉ​ၸုမ်ႇ​ဝႆႉ​တင်း​ၸိၵ်း​ဢၼ်​သုင်​ၶဝ်​ဢိူၺ်း၊ ႁဵတ်း​သင်​လႄႈ​သူ​လွမ်​တူၺ်း​လွႆ​ဢၼ်​ၽြႃး​ပဵၼ်​ၸဝ်ႈ​မီး​ဢလူဝ်ႇ​ၶႂ်ႈ​ၵိင်း​ဝၢပ်ႈ​ယူႇ​ၼၼ်ႉ​ယူႇ​ၼင်ႇ​ႁိုဝ်။ ထႃႇဝရႃႉ​ၽြႃး​တၵ်း​ၶျႃး​တီႈ​ယူႇ​တီႈ​သဝ်း ၵႃႈ​ၼိူဝ်​လွႆ​ၼၼ်ႉ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="17">လေႃႉ​ရထႃး​ၽြႃး​ပဵၼ်​ၸဝ်ႈ မီး​သွင်​မိုၼ်ႇ​ဢမ်ႇ​ၵႃး၊ ပဵၼ်​မိုၼ်ႇ​ပဵၼ်​သႅၼ်​ၼမ်​ၼႃႇ​ဢေႃႈ။ ၸဝ်ႈ​ၽြႃး​မီး​ယူႇ​ၼႂ်း​ၶဝ်​ၼၼ်ႉ​ဢေႃႈ။ လွႆ​ သီႉၼႃႉ ​ၵေႃႈ မီး​ယူႇ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ဢေႃႈ။-</verse>
				<verse number="18">ၸဝ်ႈ​ႁဝ်း​ၶိုၼ်ႈ​ၵႂႃႇ ၵႃႈ​တီႈ​ဢၼ်​သုင်​ၼၼ်ႉ​သေ​ယဝ်ႉ၊ လႆႈ​တီႉ​ဢဝ်​ၵူၼ်း​ၵႂႃႇ​ၼမ်​ၼႃႇ​လႄႈ ၶၢမ်ႇ​ဢဝ်​သူး​လၢပ်ႈ​ၵႃႈ​ၼႂ်း​ၵူၼ်း​တင်း​လၢႆ ဢမ်ႇ​ၵႃး၊ ၶၢမ်ႇ​ဢဝ်​ၵႃႈ​ၼႂ်း​ၶဝ်​ၸိူဝ်း​ဢၼ်​ပုင်ႇ​ၵၢၼ်ႇ​ၼၼ်ႉ၊ ထႃႇဝရႃႉ​ၸဝ်ႈ​ၽြႃး​ပဵၼ်​ၸဝ်ႈ လႆႈ​ယူႇ​လႆႈ​သဝ်း​ၵႃႈ​ၼႂ်း​ၶဝ်​ၼၼ်ႉ​ဢေႃႈ။</verse>
				<verse number="19">ၸဝ်ႈ​ၽြႃး​မီး​မင်ႇၵလႃႇ ၵူႈ​မိုဝ်ႉ​ၵူႈ​ဝၼ်း​ဢေႃႈ။ ပေႃး​ပိူၼ်ႈ​ဢဝ်​ၶူဝ်း​ဢၼ်​ၼၵ်း​ၼႃႇ တၢင်ႇ​သႂ်ႇ​ၵႃႈ​ၼိူဝ်​ႁဝ်း​ၸိုင် ၽြႃး​ပဵၼ်​ၸဝ်ႈ ပဵၼ်​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ႁဝ်း​ဢေႃႈ။ ၸေႇလႃႇ။-</verse>
				<verse number="20">ၽြႃး​ပဵၼ်​ၸဝ်ႈ ပဵၼ်​ၽြႃး​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​လႆႈ တင်း​လၢႆ​ၼၼ်ႉ​ဢေႃႈ။ ၸဝ်ႈ​ထႃႇဝရႃႉ​ၽြႃး ဢုပ်ႉ​ပိူင်ႇ​သဵၼ်ႈ​တၢင်း​ဢၼ်​ဢွၵ်ႇ​သေ​ၵႃႈ​ၼႂ်း​တၢင်း​တၢႆ​ဢေႃႈ။-</verse>
				<verse number="21">ၽြႃး​ပဵၼ်​ၸဝ်ႈ​တၵ်း​ပေႃႉ​ယႅၼ်ႉ​ႁူဝ်​ရၢၼ်ႇ​သူႇ​မၼ်း​ၸဝ်ႈ​တင်း​လၢႆ ဢၼ်​ဝႃႈ​ၼင်ႇ​ၶူၼ်​ႁူဝ်​ၶဝ်​ၸိူဝ်း​ဢၼ် ၵႂႃႇ​မႃး​ၼႂ်း​ဢပႅတ်ႈ​ၼၼ်ႉ​ၸိူဝ်း​ၼၼ်ႉ လူမ်ႉ​ပႅတ်ႈ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="22">ၸဝ်ႈ​ၽြႃး​လၢတ်ႈ​လႄႈ​ဝႃႈ၊ ၵဝ်​တၵ်း​ဢဝ်​ၶဝ်​ၼၼ်ႉ ဢွၵ်ႇ​သေ​ၵႃႈ​ၼႂ်း​မိူင်း​ ပႃႇသၢၼ်ႇ ​မႃး​လႄႈ၊ ၵဝ်​တၵ်း​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​ပၢင်ႇ​လၢႆႇ ဢၼ်​လိုၵ်ႉ​ဢၼ်​လမ်ႇ​ၼၼ်ႉ​မႃး။-</verse>
				<verse number="23">ႁႂ်ႈ​မႂ်း​လႆႈ​ယဵပ်ႇ​ၶၢမ်ႈ​လိူတ်ႈ​ၶဝ်​လႄႈ၊ လိၼ်ႉ​မႃ​မႂ်း​တင်း​လၢႆ​ၵေႃႈ လႆႈ​လေး​ၵိၼ်​တီႈ​ရၢၼ်ႇ​သူႇ​မႂ်း​ၸိူဝ်း​ၼၼ်ႉ​ဢေႃႈ။</verse>
				<verse number="24">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶဝ်​လႆႈ​ႁၼ်​တၢင်း​ဢၼ်​ၸဝ်ႈ​ႁဝ်း​ၵႂႃႇ ဢၼ်​ဝႃႈ​တၢင်း​ဢၼ်​ၽြႃး​ပဵၼ်​ၸဝ်ႈ​ၵဝ်​ၶႃႈ၊ ၶုၼ်​ႁေႃ​ၶမ်း​ၵဝ်​ၶႃႈ ၵႂႃႇ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="25">ၶဝ်​ၸိူဝ်း​ဢၼ်​ႁဵတ်း​ၵႂၢမ်း​တင်း​လၢႆ ဢွၼ်​ႁူဝ်​ၵႂႃႇ​ဢွၼ်​တၢင်း​လႄႈ၊ ၶဝ်​ၸိူဝ်း​ဢၼ်​လဵတ်း​တိင်ႇ​တင်း​လၢႆ ၸွမ်း​လိုၼ်း​လင်​သုတ်း​လႄႈ ၽူႈ​သၢဝ်​ဢၼ်​ႁႆႇ​ၵွင်​ၶဵတ်ႇ​တင်း​လၢႆ မီး​ၶိုင်ႈ​ၵၢင်​တီႈ​ၶႃႈ​ဢေႃႈ။-</verse>
				<verse number="26">သူ​ၸိူဝ်း​ဢၼ်​ဢွၵ်ႇ​ပဵၼ်​မႃး​ၵႃႈ​တီႈ ဢီႉသရေႇလႃႉ ​ၼၼ်ႉ​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​ပၼ်​တၢင်း​လီ​တီႈ​ၸဝ်ႈ​ၽြႃး​ပဵၼ်​ၸဝ်ႈ ၵႃႈ​ၼႂ်း​ပရဵၵ်ႈသၢတ်ႈ​တီႈ​ၸူႉ​တီႈ​တုမ်​ၼၼ်ႉ​တႃႉ။-</verse>
				<verse number="27">ၸႃႉ​ၸဵမ်​ ပိၼ်ႇယႃႇမိၼ်ႇ ဢွၼ်​ၵၼ်​လႆႈ​ဢုပ်ႉ​ပိူင်ႇ​ၼၼ်ႉ​လႄႈ ၶုၼ်​ ယူႉတႃႉ ​လႂ် ဢိၵ်ႇ​တင်း​မုၵ်ႉ​ၵူၼ်း​ၸိူဝ်း​ၵူၼ်း​ၶဝ်​လႂ် တင်း​ၶုၼ်​ ၸေႇပူႉလုၼ်ႇ ​လႂ်၊ တင်း​ၶုၼ်​ ၼပ်ႉထလီႉ ​လႂ် ၵေႃႈ​ပႃး​ၵႃႈ​တီႈ​ၼၼ်ႈ​ဢေႃႈ။</verse>
				<verse number="28">ၽြႃး​ပဵၼ်​ၸဝ်ႈ​မႂ်း ႁႂ်ႈ​မႂ်း​မီး​တၼ်း​ၶူဝ်း​ယဝ်ႉ​ယဝ်ႉ။ ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၵျေး​ၸူး​တၢင်း​ဢၼ်​ၸဝ်ႈ​ႁဝ်း​ႁဵတ်း​ပုၼ်ႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ တႄႇ​ယူႇ​သေ​ၵမ်း​တီႈ​ၶႃႈ၊-</verse>
				<verse number="29">ၵွပ်ႈ​ပိူဝ်ႈ​ပိၵ်ႈ​မၢၼ်ႇ​ၸဝ်ႈ​ႁဝ်း ဢၼ်​မီး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ၊ ၶုၼ်​ႁေႃ​ၶမ်း​တင်း​လၢႆ တၵ်း​ဢွၼ်​ၵၼ်​ဢဝ်​လၢၵ်ႈ​သွင်ႇ​ပၼ်ႇ​ၼႃႇ မႃး​ၸူး​ၵႃႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="30">ၶႅၼ်း​တေႃႈ​သင်ႇ​သွၼ်​သုင်း​မႃႉ​တူဝ်​သတ်း​တူဝ်​ႁၢႆႉ ဢၼ်​မီး​ၵႃႈ​ၼႂ်း​ပႃႇ​မႆႉ​ဢေႃႈ ဢိၵ်ႇ​တင်း​မူႇ​ၽုင် ဢုၵ်ႉသၽႃႉ ​ဝူဝ်း​ငၢၼ် တင်း​ဝူဝ်း​ၼုမ်ႇ​တင်း​လၢႆ ၵႃႈ​ၼႂ်း​မဵဝ်း​ၵူၼ်း​တင်း​လၢႆ​လႄႈ ႁႂ်ႈ​ၶဝ်​ၸိူဝ်း​ဢၼ်​ပႃး​ဢဝ်​ၽွႆ​ငိုၼ်း​ၼၼ်ႉ ဢွၼ်​ၵၼ်​ၵူမ်ႈ​ႁူဝ်​ၵွမ်း​ႁူဝ်​သေ​ၵမ်း​တီႈ​ၶႃႈ။ ႁႂ်ႈ​ၵူၼ်း​မဵဝ်း​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ် လူၺ်ႈ​ဢမူႉ​သိုၵ်း​ၼၼ်ႉ​ၸိူဝ်း​ၼၼ်ႉ ၽၢတ်ႇ​ၽႄ​ၵၼ်​ၵႂႃႇ​ၵူႈ​တီႈ​ၵူႈ​လႅၼ်​သေ​ၵမ်း​တီႈ​ၶႃႈ၊-</verse>
				<verse number="31">ၵူၼ်း​မၢၵ်ႈ​ၵူၼ်း​မီး​တင်း​လၢႆ တၵ်း​ဢွၼ်​ၵၼ်​လုၵ်ႉ​သေ​ၵႃႈ​တီႈ​မိူင်း​ ဢေႇၵိပ်ႉတူႉ ​မႃး​လႄႈ၊ မိူင်း​ ၵူႉသႃႉ တၵ်း​ယဵတ်ႇ​မိုဝ်း​ၸူး​တီႈ​ၽြႃး​ပဵၼ်​ၸဝ်ႈ ၶၼ်​ၶၼ်​ၽႂ်း​ၽႂ်း​ဢေႃႈ။</verse>
				<verse number="32">သိုင်ႇ​ၸိုင်ႈ​ဝၢၼ်ႈ​မိူင်း​လေႃးၵီႇ​ၶဝ်​ဢိူၺ်း၊ ဢွၼ်​ၵၼ်​ႁဵတ်း​ၵႂၢမ်း​တီႈ​ၽြႃး​ပဵၼ်​ၸဝ်ႈ​တႃႉ။ ဢွၼ်​ၵၼ်​ႁဵတ်း​ၵႂၢမ်း​ထေႃးပၼႃႇ​တီႈ​ၸဝ်ႈ​ၽြႃး၊-</verse>
				<verse number="33">ဢၼ်​ဝႃႈ​ၸဝ်ႈ​ဢၼ်​ၶီႇ​ၵႃႈ​ၼိူဝ်​ၸိၵ်း​ၸွမ်​ၽႃႉ​ၵၢင်​ႁၢဝ် ဢၼ်​ပဵၼ်​ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ယူႇ​ၼၼ်ႉ​တႃႉ။ ၸေႇလႃႇ။ တူၺ်း​လူး၊ မၼ်း​ၸဝ်ႈ​ပွႆႇ​သဵင်​မၼ်း​ၸဝ်ႈ​ၵႂႃႇ​လႄႈ ပဵၼ်​သဵင်​ဢၼ်​ယႂ်ႇ​ၼႃႇ​ဢေႃႈ။-</verse>
				<verse number="34">ႁပ်ႉ​တုင်း​ဢဝ်​လွင်ႈ​ဢၼ်​ၽြႃး​ပဵၼ်​ၸဝ်ႈ တၼ်း​ၶူဝ်း​ယႂ်ႇ​ၼႃႇ​ၼၼ်ႉ​တႃႉ။ မုၼ်​ၽုင်း​မၼ်း​ၸဝ်ႈ မီး​ယူႇ​ၵႃႈ​ၼိူဝ်​မဵဝ်း​ ဢီႉသရေႇလႃႉ ​လႄႈ တၼ်း​ၶူဝ်း​မၼ်း​ၸဝ်ႈ​ၵေႃႈ ထၢင်ႇ​သႃး​ယူႇ​ၵႃႈ​ၼႂ်း​ၽႃႈ​ၽူၼ်​တင်း​လၢႆ​ဢေႃႈ။-</verse>
				<verse number="35">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ပဵၼ်​လွင်ႈ​တၢင်း​ဢၼ်​လီ​ၵူဝ်​လီ​ႁႄ​ယူႇ ၵႃႈ​တီႈ​ၼွၵ်ႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ ပၼ်​ဢၶႂၢင်ႉ​ႁႅင်း​တၼ်း​ၶူဝ်း တီႈ​ၵူၼ်း​မၼ်း​ၸဝ်ႈ​တင်း​လၢႆ​ဢေႃႈ။ ႁႂ်ႈ​ၽြႃး​ပဵၼ်​ၸဝ်ႈ မီး​မင်ႇၵလႃႇ​သေ​ၵမ်း​လူၺ်ႈ။</verse>
			</chapter>
			<chapter number="69">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၼမ်ႉ​ၶိုၼ်ႈ​ႁွတ်ႈ​ထိုင်​ၵႃႈ​တီႈ​ဝီႉၺိၺ်ႇ​ၶႃႈ​ၸဝ်ႈ​တီႈ​ၶႃႈ​ယဝ်ႉ။-</verse>
				<verse number="2">ၶႃႈ​ၸဝ်ႈ​လူမ်ႇ​ၶဝ်ႈ​ၵႃႈ​ၼႂ်း​ၵူမ်ႇ​ၼႂ်း​ဢုင်​ဢၼ်​လိုၵ်ႉ​ၼႃႇ တီႈ​ဢၼ်​ဢမ်ႇ​မီး​တီႈ​ဢၼ်​ယဵပ်ႇ​တမ်း​တိၼ်​ၼၼ်ႉ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ႁွတ်ႈ​ထိုင်​ၵႃႈ​ၼႂ်း​ၼမ်ႉ​ဢၼ်​လိုၵ်ႉ​ၼႃႇ တီႈ​ဢၼ်​လႅင်း​ၼမ်ႉ​ပိူပ်ႈ​ၼမ်ႉ ႁူမ်ႇ​သုမ်ႇ​ၶႃႈ​ၸဝ်ႈ​ဝႆႉ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="3">ၶႃႈ​ၸဝ်ႈ​ႁွင်ႉ​သႅၼ်ႇ​လႄႈ ႁိူဝ်ႉ​ၸႂ်​ဢူၼ်ႈ​ၸႂ်​ၼႃႇ​လူင်​လၢင်​တီႈ​ၶႃႈ​ယဝ်ႉ။ ၶေႃး​ၶႃႈ​ၸဝ်ႈ​ႁႅင်ႈ​ႁွင်​ၵႂႃႇ​တီႈ​ၶႃႈ​ယဝ်ႉ။ ၼႂ်း​မိူဝ်ႈ​ဢၼ်​ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ​ၽြႃး​ပဵၼ်​ၸဝ်ႈ​ၵဝ်​ၶႃႈ​ယူႇ​ၼၼ်ႉ​ၸိုင် မၢၵ်ႇ​တႃ​ၶႃႈ​ၸဝ်ႈ​လူႉ​ၵႂႃႇ​တီႈ​ၶႃႈ​ယဝ်ႉ။-</verse>
				<verse number="4">ၶဝ်​ၸိူဝ်း​ဢၼ်​လွင်ႈ​မၼ်း​ယင်း​ဢမ်ႇ​မီး​လႄႈ ၸင်း​ၶႃႈ​ၸဝ်ႈ​ၼၼ်ႉ မီး​ၼမ်​ၼႃႇ​သေ​ၶူၼ်​ႁူဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၶဝ်​ၸိူဝ်း​ဢၼ်​ဢမ်ႇ​မီး​လွင်ႈ​ဢၼ်​ၸိုဝ်ႈ​ဢၼ်​ၸႂ်ႈ​လႄႈ ႁဵတ်း​ရၢၼ်ႇ​သူႇ​သႂ်ႇ​ၶႃႈ​ၸဝ်ႈ​လႄး ယႃႉ​ၶႃႈ​ၸဝ်ႈ​ပႅတ်ႈ​ၼၼ်ႉ ႁႅင်း​ယႂ်ႇ​ၼႃႇ​လူင်​လၢင်​တီႈ​ၶႃႈ​ဢေႃႈ။ မိူဝ်ႈ​ၼၼ်ႉ ၶႃႈ​ၸဝ်ႈ​လႆႈ​ၶိုၼ်း​တႅၼ်း​ပၼ်​ဢုၵ်ႉ​ၸႃႇ ဢၼ်​ၶႃႈ​ၸဝ်ႈ​ဢမ်ႇ​လႆႈ​ဢဝ်​ၼၼ်ႉ​တီႈ​ၶႃႈ​ဢေႃႈ။</verse>
				<verse number="5">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ႁူႉ​လွင်ႈ​တၢင်း​ဢၼ်​ၶႃႈ​ၸဝ်ႈ​မိူၵ်ႈ​ၼၼ်ႉ​ယူႇ​တီႈ​ၶႃႈ​ဢေႃႈ။ ဢပႅတ်ႈ​ၶႃႈ​ၸဝ်ႈ​တင်း​လၢႆ ဢမ်ႇ​မီး​တၢင်း​ဢၼ်​သိူင်ႇ​ဝႆႉ​လပ်ႉ​ဝႆႉ​ၵႃႈ​တီႈ​ၸဝ်ႈ​ႁဝ်း​တီႈ​ၶႃႈ။-</verse>
				<verse number="6">ထႃႇဝရႃႉ​ၽြႃး ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​တီႈ​ၶႃႈ၊ ယႃႇ​ပေ​ႁႂ်ႈ​ၶဝ်​ၸိူဝ်း​ဢၼ်​မုင်ႈ​ထႃႈ​မွင်း​ထႃႈ​ၸဝ်ႈ​ႁဝ်း​ၼၼ်ႉ ႁွတ်ႈ​ထိုင်​တၢင်း​ဢၼ်​ဢူၵ်း​ဢၼ်​ဢၢႆ ၵွပ်ႈ​ပိူဝ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​တီႈ​ၶႃႈ၊ ယႃႇ​ပေ​ႁႂ်ႈ​ၶဝ်​ၸိူဝ်း​ဢၼ်​ႁႃ​ၸဝ်ႈ​ႁဝ်း​ၼၼ်ႉ ႁွတ်ႈ​ထိုင်​တၢင်း​ဢၼ်​သုၵ်ႉ​ၸႂ်​ၵႂင်​ၸႂ် ၵွပ်ႈ​ပိူဝ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။</verse>
				<verse number="7">ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ်​သႄႉ​သွမ်း​ၵွပ်ႈ​ပိူဝ်ႈ​ၸဝ်ႈ​ႁဝ်း​လႄႈ တၢင်း​ဢၼ်​သုၵ်ႉ​ၸႂ်​ၵႂင်​ၸႂ်​ႁူမ်ႇ​သုမ်ႇ​ၼႃႈ​ၶႃႈ​ၸဝ်ႈ​ဝႆႉ​တီႈ​ၶႃႈ​ဢေႃႈ။-</verse>
				<verse number="8">ၶႃႈ​ၸဝ်ႈ​ပဵၼ်​ၵူၼ်း​လိပ်း​ၵူၼ်း​လႅင်​ၵႃႈ​ၼႂ်း​ပီႈ​ၼွင်ႉ​ၶႃႈ​ၸဝ်ႈ​တင်း​လၢႆ​ၼၼ်ႉ​ၵႂႃႇ​လႄႈ ပဵၼ်​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ၵႃႈ​ၼႂ်း​လုၵ်ႈ​လၢင်း​မႄႈ​ၶႃႈ​ၸဝ်ႈ​ၼၼ်ႉ​ၵႂႃႇ​တီႈ​ၶႃႈ​ယဝ်ႉ။-</verse>
				<verse number="9">ၸႂ်​ဢၼ်​ၸပ်း​ဢၼ်​ၸွႆး​ယၢပ်ႇ​ၸႂ် လူၺ်ႈ​လွင်ႈ​ႁိူၼ်း​ၸဝ်ႈ​ႁဝ်း​ၼႆႉ ၵိၼ်ႇ​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၵႂၢမ်း​သႄႉ​သွမ်း​ၶဝ်​ၸိူဝ်း​ဢၼ်​သႄႉ​သွမ်း​ၸဝ်ႈ​ႁဝ်း​ၼၼ်ႉ လႆႈ​ႁွတ်ႈ​ထိုင်​ၵႃႈ​ၼိူဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="10">မိူဝ်ႈ​ဢၼ်​ၶႃႈ​ၸဝ်ႈ​ႁႆႈ​ႁွင်ႉ​လႄႈ ပႃး​တင်း​ႁူဝ်​ၸႂ်​ၵမ်​တၢင်း​ၵိၼ်​ၼၼ်ႉ​ၸိုင်၊ လွင်ႈ​တၢင်း​ၼၼ်ႉ ပဵၼ်​တီႈ​ဢၼ်​သႄႉ​ဢၼ်​သွမ်း​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="11">မိူဝ်ႈ​ဢၼ်​ၶႃႈ​ၸဝ်ႈ​ၼုင်ႈ​ၶူဝ်း​ၼုင်ႈ​ၼင်​ပေႃ​ယူႇ​ၼၼ်ႉ ၶႃႈ​ၸဝ်ႈ​ပဵၼ်​ပုၼ်ႈ​ဢၼ်​ၶဝ်​ႁဵတ်း​ဢပုမ်ႇ​တႅၵ်ႈ​တီႈ​ၶႃႈ​ဢေႃႈ။-</verse>
				<verse number="12">ၶဝ်​ၸိူဝ်း​ဢၼ်​ၼင်ႈ​ယူႇ​ၵႃႈ​ၼႂ်း​ၽၵ်း​တူ​ဝဵင်း​ၼၼ်ႉ မွၵ်ႇ​လၢတ်ႈ​လွင်ႈ​ၶႃႈ​ၸဝ်ႈ​လႄႈ၊ ၶဝ်​ၸိူဝ်း​ဢၼ်​ၵိၼ်​လဝ်ႈ​မဝ်း​ၵမ်​ၼၼ်ႉ ၸၢင်ႈ​ဢဝ်​လွင်ႈ​ၶႃႈ​ၸဝ်ႈ​ႁဵတ်း​ၵႂၢမ်း​တီႈ​ၶႃႈ​ဢေႃႈ။</verse>
				<verse number="13">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ၸမ်ႉ၊ သူး​တွင်း​တီႈ​ၸဝ်ႈ​ႁဝ်း​ၼႂ်း​ၶိင်ႇ​မိူဝ်ႈ​ဢၼ်​ထုၵ်ႇ​ဢၼ်​လီ​ၼၼ်ႉ​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ၸွမ်း​လူၺ်ႈ​တၢင်း​ဢၼ်​ၵရူႉၼႃႇ​ၸဝ်ႈ​ႁဝ်း​လိူင်ႇ​ၸႂ်​ပျေႉ​ၸုမ်ႇ​ၼၼ်ႉ​သေ​လႄႈ ၶိုၼ်း​ဢိူဝ်​ၶႃႈ​ၸဝ်ႈ ၸွမ်း​ၵႃႈ​ၼင်ႇ​သဵတ်ႈ​ၸႃႇ တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="14">ၶႅၼ်း​တေႃႈ​ၵႄႇ​လႄႈ ၼုၵ်ႈ​ဢဝ်​ၶႃႈ​ၸဝ်ႈ​ဢွၵ်ႇ​သေ​ၵႃႈ​ၼႂ်း​ၵူမ်ႇ​ၼႂ်း​ဢုင်​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​လႆႈ​ၸူမ်​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ်​ၵႄႇ​သႄႇ​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ၸင်း​ၶႃႈ​ၸဝ်ႈ​ၼၼ်ႉ ဢိၵ်ႇ​တင်း​ၵႃႈ​ၼႂ်း​ၼမ်ႉ​ဢၼ်​လိုၵ်ႉ​ဢၼ်​လမ်ႇ​ၼႃႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="15">ယႃႇ​ပေ​ႁႂ်ႈ​ၼမ်ႉ​လုၵ်ႉ​လႄႈ ထူမ်ႈ​ၶႃႈ​ၸဝ်ႈ​ပႅတ်ႈ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​တီႈ​ဢၼ်​လိုၵ်ႉ​ဢၼ်​လမ်ႇ​ဢိုၼ်​ၶႃႈ​ၸဝ်ႈ​ပႅတ်ႈ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​ၶုမ်​ႁူး​ဢိုတ်း​ႁပ်း​ပၢၵ်ႇ​မၼ်း​ၵႃႈ​ၼိူဝ်​ၶႃႈ​ၸဝ်ႈ သေ​ၵမ်း​တီႈ​ၶႃႈ။-</verse>
				<verse number="16">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢိူဝ်​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၸေႇတၼႃႇ​တၢင်း​ဢၼ် ၸဝ်ႈ​ႁဝ်း​ၶႂ်ႈ​ႁဵတ်း​ၵျေး​ၸူး​ၼၼ်ႉ ပဵၼ်​ဢၼ်​လီ​ဢၼ်​ငၢမ်း​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဝၢႆႇ​ၼႃႈ​ၸူး​ၶႃႈ​ၸဝ်ႈ​ၸွမ်း​ၵႃႈ​ၼင်ႇ​ဢၼ်​ၵရူႉၼႃႇ​တၢင်း​ဢၼ်​ၸဝ်ႈ​ႁဝ်း​ႁၵ်ႉ​ပႅင်း​ၼၼ်ႉ မီး​ၼမ်​ၼႃႇ​လူင်​လၢင်​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="17">ယႃႇ​ပေ​ႁူမ်ႇ​ၼႃႈ​ၸဝ်ႈ​ႁဝ်း​ဝႆႉ​သေ​ၵႃႈ​တီႈ​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၽေး​ႁွတ်ႈ​ထိုင်​ၵႃႈ​တီႈ​ၶႃႈ​ၸဝ်ႈ​တီႈ​ၶႃႈ​ယဝ်ႉ။ ၶႅၼ်း​တေႃႈ​ဢိူဝ်​ၶႃႈ​ၸဝ်ႈ​ၶၼ်​ၶၼ်​ၽႂ်း​ၽႂ်း​သေ​ၵမ်း​တီႈ​ၶႃႈ။-</verse>
				<verse number="18">ၶႅၼ်း​တေႃႈ​သုတ်ႉ​ၸပ်း​သုတ်ႉ​ၸူး ၵႃႈ​တီႈ​ၸႂ်​ဝီႉၺိၺ်ႇ​ၶႃႈ​ၸဝ်ႈ​လႄႈ ထုတ်ႇ​ၼုၵ်ႈ​ဢဝ်​သေ​ၵမ်း​တီႈ​ၶႃႈ။ ၶႅၼ်း​တေႃႈ​ထွၵ်ႈ​လူၺ်ႈ​လွင်ႈ​ဢၼ်​ရၢၼ်ႇ​သူႇ​ၶႃႈ​ၸဝ်ႈ​မီး​ၼမ်​ၼႃႇ​ၼၼ်ႉ​သေ​လႄႈ ပွႆႇ​ၶႃႈ​ၸဝ်ႈ​လွတ်ႈ​သေ​ၵမ်း​တီႈ​ၶႃႈ။-</verse>
				<verse number="19">ၸဝ်ႈ​ႁဝ်း​ႁူႉ​တၢင်း​ဢၼ်​သႄႉ​ဢၼ်​သွမ်း တၢင်း​ဢၼ်​ဢူၵ်း​ဢၼ်​ဢၢႆ၊ တၢင်း​ဢၼ်​သုၵ်ႉ​ၸႂ်​ၵႂင်​ၸႂ် ဢၼ်​ၶႃႈ​ၸဝ်ႈ​လႆႈ​ၶၢမ်ႇ ၸိူဝ်း​ၼၼ်ႉ​ယူႇ​တီႈ​ၶႃႈ​ဢေႃႈ။ ရၢၼ်ႇ​သူႇ​ၶႃႈ​ၸဝ်ႈ​တင်း​သဵင်ႈ​တင်း​လူင် မီး​ယူႇ​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="20">တၢင်း​ဢၼ်​သႄႉ​ဢၼ်​သွမ်း​ၼၼ်ႉ ႁႂ်ႈ​ႁူဝ်​ၸႂ်​ၶႃႈ​ၸဝ်ႈ​တႅၵ်ႇ​ၵႂႃႇ​လႅဝ်​ၵႂႃႇ​လႄႈ၊ ၶႃႈ​ၸဝ်ႈ​မီး​တၢင်း​ဢၼ်​မႆႈ​ၸႂ်​ႁွၼ်ႉ​ၸႂ် ထၼ်ႈ​ပေႃး​တၵ်း​တၢႆ​တီႈ​ၶႃႈ​ဢေႃႈ။ ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ တၢင်း​ဢၼ်​ပိူၼ်ႈ​တၵ်း​ဢဵတ်း​လူ​ၼၼ်ႉ​လႄႈ ဢမ်ႇ​မီး​ၽူႈ​လႂ်​လႃး​လႃး။ ၶႃႈ​ၸဝ်ႈ​ႁႃ​ၶဝ်​ၸိူဝ်း​ဢၼ်​ႁႂ်ႈ​သၢၵ်ႈ​သႃႇ​ၼၼ်ႉ​လႄႈ ဢမ်ႇ​ထူပ်း​ဢမ်ႇ​ႁၼ်​တီႈ​ၶႃႈ၊-</verse>
				<verse number="21">ၶဝ်​ဢဝ်​ယႃႈ​ၶူမ်​လဵင်ႉ​ပၼ်​ပုၼ်ႈ​ဢၼ်​ၶႃႈ​ၸဝ်ႈ​တၵ်း​ၵိၼ်​တီႈ​ၶႃႈ​ဢေႃႈ။ ၶဝ်​ဢဝ်​ၼမ်ႉ​ပုင်း​ယေႇ​တိုၵ်း​ပၼ် မိူဝ်ႈ​ဢၼ်​ၶႃႈ​ၸဝ်ႈ​ယၢၵ်ႇ​ၼမ်ႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="22">ႁႂ်ႈ​ၶူင်ႇ​တီႈ​ၵိၼ်​ၶဝ်​ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ ပဵၼ်​တူင်ႇ​ႁႅဝ်ႉ​တူင်ႇ​ၶိုမ်း​လႄႈ ႁႂ်ႈ​ပဵၼ်​တီႈ​ဢၼ်​ၵၢင်​ဢဝ်​တီႉ​လႆႈ​ၶဝ် မိူဝ်ႈ​ဢၼ်​ၶဝ်​ယူႇ ၼိမ်​ၼိမ်​လီ​လီ​ယူႇ​ၼၼ်ႉ​သေ​ၵမ်း​လူၺ်ႈ။-</verse>
				<verse number="23">ႁႂ်ႈ​မၢၵ်ႇ​တႃ​ၶဝ်​လပ်း​ၵႂႃႇ​ထၼ်ႈ​ပေႃး​ဢမ်ႇ​ႁၼ်​လႆႈ​လႄႈ ႁႂ်ႈ​ဢႅဝ်​ၶဝ်​သၼ်ႇ​ဝႆ​ယူႇ​တႃႇ​သေႇ​သေ​ၵမ်း​လူၺ်ႈ။-</verse>
				<verse number="24">ဢဝ်​တင်း​တၢင်း​ဢၼ်​ၸႂ်​လမ်​ၶႆႈ​ၸႃႉ​ၸဝ်ႈ​ႁဝ်း ႁိုဝ်ႈ​ထွၵ်ႇ​သႂ်ႇ​ၵႃႈ​ၼိူဝ်​ၶဝ်​လႄႈ ႁႂ်ႈ​ဢႁူင်ႇ​တၢင်း​ဢၼ်​ၸႂ်​မႆႈ​ၸႂ်​လိူတ်ႇ​ၸဝ်ႈ​ႁဝ်း ၶိုတ်း​ထိုင်​ၶဝ်​သေ​ၵမ်း​လူၺ်ႈ။-</verse>
				<verse number="25">ႁႂ်ႈ​တီႈ​ဢၼ်​ၶဝ်​ယူႇ​ၼၼ်ႉ ပဵၼ်​တီႈ​ဢၼ်​ၵူၼ်း​သဵတ်ႇ​ၵူၼ်း​ယဵၼ်​သေ​ၵမ်း​လူၺ်ႈ။ ယႃႇ​ပေ​ႁႂ်ႈ​မီး​ၵေႃႉ​ဢၼ်​ယူႇ​ၵႃႈ​ၼႂ်း​မူဝ်းၵႃႇ​ၶဝ်​ၼၼ်ႉ​သေ​ၵမ်း​လူၺ်ႈ။-</verse>
				<verse number="26">လွင်ႈ​မၼ်း​ၸမ်ႉ ၶဝ်​ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၸိူဝ်း​ဢၼ်​ၸဝ်ႈ​ႁဝ်း​ပေႃႉ​ယႅၼ်ႉ​ၼၼ်ႉ​လႄႈ မွၵ်ႇ​လၢတ်ႈ​လူၺ်ႈ​လွင်ႈ​တၢင်း​ဢၼ်​ၶူပ်း​ဢၼ်​ၶိုၼ်ႈ ၶဝ်​ၸိူဝ်း​ဢၼ်​ၸဝ်ႈ​ႁဝ်း​ႁႂ်ႈ​ၸဵပ်း​ႁႂ်ႈ​သႅပ်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="27">ၶႅၼ်း​တေႃႈ​ဢဝ်​ဢပႅတ်ႈ​ထၢပ်ႈ​သႂ်ႇ ၵႃႈ​တီႈ​ဢပႅတ်ႈ​ၶဝ်​ၼၼ်ႉ​ထႅင်ႈ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​ၶဝ်​လႆႈ​ၶဝ်ႈ​ၵႃႈ​ၼႂ်း​တၢင်း​ဢၼ် သိုဝ်ႈ​တေႃႇ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="28">ႁႂ်ႈ​ၶဝ်​လႆႈ​ၶၢမ်ႇ​တၢင်း​ဢၼ်​မွတ်ႇ​ပႅတ်ႈ သေ​ၵႃႈ​ၼႂ်း​ၸရၢင်း​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​လႄႈ၊ ယႃႇ​ပေ​ႁႂ်ႈ​ၶဝ်​မီး​တၢင်း​ဢၼ်​တႅမ်ႈ​ဝႆႉ​မၢႆ​ဝႆႉ လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="29">ၶႃႈ​ၸဝ်ႈ​ၸမ်ႉ၊ ယၢၵ်ႈ​ၽၢၼ်​လႄႈ မီး​တၢင်း​ဢၼ်​ၶူပ်း​ၶိုၼ်ႈ​ယူႇ​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ​တီႈ​ၶႃႈ၊ ၵျေး​ၸူး​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ တၵ်း​ယုၵ်ႉ​ယွင်ႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။</verse>
				<verse number="30">ၵဝ်​တၵ်း​ႁဵတ်း​ၵႂၢမ်း​ထေႃးပၼႃႇ တီႈ​ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ​လႄႈ တၵ်း​ၽုၺ်ႇ​ဢွၵ်ႇ​ၼႄ​ပျႃး​ၵျေး​ၸူး​မၼ်း​ၸဝ်ႈ​ယူႇ​သေ​လႄႈ ယွင်ႈ​ယေႃး​မၼ်း​ၸဝ်ႈ​ဢေႃႈ။-</verse>
				<verse number="31">တၢင်း​ဢၼ်​ႁဵတ်း​ၸိူဝ်း​ၼၼ်ႉ​ၼၼ်ႉ ပဵၼ်​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ် ထႃႇဝရႃႉ​ၽြႃး​ၼႃႇ​သေ​ဝူဝ်း ဢၼ်​ဝႃႈ ဝူဝ်း​ငၢၼ်​ဢၼ်​ပျေႉ​ၸုမ်ႇ​ဝႆႉ​တင်း​ၶဝ်​တင်း​ၵိပ်ႇ​ၼၼ်ႉ​ဢေႃႈ။-</verse>
				<verse number="32">ၶဝ်​ၸိူဝ်း​ဢၼ်​ၸႂ်​ၶျႃး​တႅမ်ႇ​ၼၼ်ႉ တၵ်း​ႁၼ်​လႄႈ​ဢွၼ်​ၵၼ်​သိူဝ်း​ပျေႃႇ​ဢေႃႈ။ သူ​ၸိူဝ်း​ဢၼ်​ႁႃ​ၽြႃး​ပဵၼ်​ၸဝ်ႈ​ၶဝ်​ဢိူၺ်း၊ ဢွၼ်​ၵၼ်​ႁႂ်ႈ​ႁူဝ်​ၸႂ်​သူ ႁွမ်​ႁႅင်း​ယူႇ​သေ​ၵမ်း။-</verse>
				<verse number="33">ထႃႇဝရႃႉ​ၽြႃး​ထွမ်ႇ​ဢဝ်​ၵႂၢမ်း​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​လႄႈ၊ မၼ်း​ၸဝ်ႈ​ဢမ်ႇ​ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၵူၼ်း​မၼ်း​ၸဝ်ႈ ဢၼ်​လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ၶင်​ဝႆႉ​ၸိူဝ်း​ၼၼ်ႉ။-</verse>
				<verse number="34">ႁႂ်ႈ​ၽႃႉ​ၵၢင်​ႁၢဝ်၊ လိၼ်​မိူင်း၊ ၼမ်ႉ​သမ်ႇ​မုၵ်ႉ​တြႃႇ ဢိၵ်ႇ​တင်း​သတ်ႉတဝႃႇ ၵႃႈ​ဢၼ်​ၵႂႃႇ​မႃး​ယူႇ​ၵႃႈ​ၼႂ်း​မၼ်း​ၸိူဝ်း​ၼၼ်ႉ ဢွၼ်​ၵၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ​သေ​ၵမ်း​လူၺ်ႈ။-</verse>
				<verse number="35">ၽြႃး​ပဵၼ်​ၸဝ်ႈ​တၵ်း​ၵႄႇ​သႄႇ​ၶျွတ်ႈ​ဢဝ် ၸီႉဢုၼ်ႇ ​လႄႈ မႄး​ၵုမ်း​မႄး​ႁဵတ်း​ဝဵင်း​ ယူႉတႃႉ ​တင်း​လၢႆ​ဢေႃႈ။ ၶဝ်​တၵ်း​လႆႈ​ယူႇ​ၵႃႈ​တီႈ​ၼၼ်ႈ​လႄႈ ဢုပ်ႉ​ပိူင်ႇ​ဢေႃႈ။-</verse>
				<verse number="36">လုၵ်ႈ​လၢၼ်​မဵဝ်း​ၶႃႈ​မၼ်း​ၸဝ်ႈ​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​ဢမူၺ်ႇ​ဝဵင်း​ၼၼ်ႉ​လႄႈ၊ ၶဝ်​ၸိူဝ်း​ဢၼ်​ႁၵ်ႉ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ တၵ်း​လႆႈ​တူၵ်း​တီႈ​ယူႇ​တီႈ​သဝ်း​ၵႃႈ​ၼႂ်း​မၼ်း​ဢေႃႈ။</verse>
			</chapter>
			<chapter number="70">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​မီး​ဢလူဝ်ႇ​ၶႂ်ႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁိပ်ႈ​ၼႅတ်ႈ ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="2">ႁႂ်ႈ​ၶဝ်​ၸိူဝ်း​ဢၼ်​ၵျၢမ်ႇ​ႁႃ​ႁႂ်ႈ​လႆႈ​ဢဝ်​ဢသၢၵ်ႈ​ၵဝ်​တၢႆ​ၼၼ်ႉ ဢူၵ်း​ဢၢႆ​လႄႈ​ၼႃႈ​လူႉ​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​မီး​ဢလူဝ်ႇ​ၶႂ်ႈ​ႁဵတ်း​ဢၼ်ႇတရႄႇ​တီႈ​ၵဝ်​ၼၼ်ႉ လႆႈ​ၶၢမ်ႇ​တၢင်း​ဢၼ်​တူၵ်း​ၸႂ်​လႄႈ ႁွတ်ႈ​ထိုင်​တၢင်း​ဢၼ်​လီ​ဢူၵ်း​လီ​ဢၢႆ​သေ​ၵမ်း​လူၺ်ႈ။-</verse>
				<verse number="3">ႁႂ်ႈ​ၶဝ်​ၸိူဝ်း​ဢၼ်​လၢတ်ႈ​တီႈ​ၵဝ်​လႄႈ​ဝႃႈ၊ ဢႄႁႄႉ၊ ဢႄႁႄႉ၊ ဝႃႈ​ၼင်ႇ​ၼႆ​ၼၼ်ႉ​ၼၼ်ႉ လႆႈ​ၶၢမ်ႇ​တၢင်း​ဢၼ်​ပိၼ်ႈ​ၶိုၼ်း​ၵႂႃႇ​တၢင်း​လင် ၵွပ်ႈ​ပိူဝ်ႈ​တၢင်း​ဢၼ်​ၶဝ်​ဢူၵ်း​ဢၢႆ​ၼၼ်ႉ​သေ​ၵမ်း​လူၺ်ႈ။-</verse>
				<verse number="4">ႁႂ်ႈ​ၶဝ်​ၸိူဝ်း​ဢၼ်​ႁႃ​ၸဝ်ႈ​ႁဝ်း​တင်း​သဵင်ႈ​တင်း​လူင်​ၼၼ်ႉ လႆႈ​ၸူမ်း​သိူဝ်း​လႄႈ သႂၢင်ႇ​ၸႂ်​ယူႇ​ၵႃႈ​တီႈ​ၸဝ်ႈ​ႁဝ်း​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၵျေး​ၸူး​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ ဢွၼ်​ၵၼ်​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​မုၼ်​ၽုင်း​ယႂ်ႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ယူႇ​တႃႇ​သေႇ​ဢမ်ႇ​ထၢတ်ႇ​သေ​ၵမ်း​လူၺ်ႈ။</verse>
				<verse number="5">ၶႃႈ​ၸဝ်ႈ​ၸမ်ႉ၊ ပဵၼ်​ဢၼ်​ယၢၵ်ႈ​ဢၼ်​ၽၢၼ် ဢၼ်​ၸုတ်ႈ​ဢၼ်​လုတ်ႈ​တီႈ​ၶႃႈ​ဢေႃႈ။ ၶႅၼ်း​တေႃႈ​ႁိပ်ႈ​ၼႅတ်ႈ​ၸူး​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ၸဝ်ႈ​ႁဝ်း​ပဵၼ်​ၸဝ်ႈ​ဢၼ် ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ၊ ၸဝ်ႈ​ဢၼ်​ၵႄႇ​သႄႇ​ဢဝ်​ၶႃႈ​ၸဝ်ႈ​လွတ်ႈ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ယႃႇ​ပေ​ၵိုတ်း​သဝ်း​ယူႇ​သေ​ၵမ်း​တီႈ​ၶႃႈ။</verse>
			</chapter>
			<chapter number="71">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ဢိင်​ပိုင်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ ၵၢင်း​လွတ်ႈ​တင်း​တၢင်း​ဢၼ်​ဢူၵ်း​ဢၼ်​ဢၢႆ​ယူႇ​တႃႇ​သေႇ​ဢမ်ႇ​ထၢတ်ႇ​သေ​ၵမ်း​တီႈ​ၶႃႈ၊-</verse>
				<verse number="2">ၶႅၼ်း​တေႃႈ​ၸွမ်း​လူၺ်ႈ​တၢင်း​သိုဝ်ႈ​တေႃႇ​ၸဝ်ႈ​ႁဝ်း​ၼၼ်ႉ​သေ​လႄႈ ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ဝၢႆႇ​ႁူ​ၸဝ်ႈ​ႁဝ်း​မႃး​ၸူး​ၽၢႆႇ​ၶႃႈ​ၸဝ်ႈ​သေ​လႄႈ ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="3">ၸဝ်ႈ​ႁဝ်း​ၶႅၼ်း​တေႃႈ​ပဵၼ်​မၢၵ်ႇ​ႁိၼ်​မၢၵ်ႇ​ၽႃ ဢၼ်​ၶႃႈ​ၸဝ်ႈ​တူၵ်း​တီႈ​ယူႇ​တီႈ​သဝ်း၊ တီႈ​ဢၼ်​ၶႃႈ​ၸဝ်ႈ​ႁွတ်ႈ​ထိုင်​ယူႇ​တႃႇ​သေႇ ဢမ်ႇ​ထၢတ်ႇ​ၼၼ်ႉ​သေ​ၵမ်း​တီႈ​ၶႃႈ။ ၸဝ်ႈ​ႁဝ်း​မီး​ဢမိင်ႉ​ႁႂ်ႈ​လႆႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၶႃႈ​ၸဝ်ႈ ဢိၵ်ႇ​တင်း​တိူၵ်ႈ​တီႈ​တိုၵ်း​သိုၵ်း​ၶႃႈ​ၸဝ်ႈ​တီႈ​ၶႃႈ​ဢေႃႈ။</verse>
				<verse number="4">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ၵႄႇ​သႄႇ​ဢဝ်​ၶႃႈ​ၸဝ်ႈ​လွတ်ႈ​သေ​ၵႃႈ​ၼႂ်း​မိုဝ်း​ၵေႃႉ​ဢၼ်​ႁၢႆႉ​ဢၼ်​မိူၵ်ႈ ဢိၵ်ႇ​တင်း​ၵႃႈ​ၼႂ်း​မိုဝ်း​ၵေႃႉ​ဢၼ်​ဢမ်ႇ​တြႃး တင်း​ၵေႃႉ​ဢၼ်​ႁၢဝ်ႈ​ၵျၢမ်း​ၼႃႇ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="5">ၸဝ်ႈ​ၽြႃး​ထႃႇဝရႃႉ​တီႈ​ၶႃႈ၊ ၸဝ်ႈ​ႁဝ်း​ပဵၼ်​တီႈ​ဢၼ်​ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ​တီႈ​ၶႃႈ​ဢေႃႈ။ ပဵၼ်​တီႈ​ဢၼ်​ၶႃႈ​ၸဝ်ႈ​ဢိင်​ပိုင်ႈ​ယူႇ​ၸဵမ်​မိူဝ်ႈ​ဢၼ်​ၶႃႈ​ၸဝ်ႈ ယင်း​လဵၵ်ႉ​ယင်း​ဢွၼ်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ၶႃႈ​ၸဝ်ႈ​လႆႈ​ဢိင်​ၸဝ်ႈ​ႁဝ်း​ယူႇ​ၸဵမ်​မိူဝ်ႈ​ဢၼ်​ၸႃႉ​ၵိူတ်ႇ​လဵင်ႉ​မႃး​ၼၼ်ႉ​လႄႈ၊ ၸဝ်ႈ​ႁဝ်း​ပဵၼ်​ၸဝ်ႈ​ဢၼ်​ႁဵတ်း​ၵျေး​ၸူး​တီႈ​ၶႃႈ​ၸဝ်ႈ ၸဵမ်​မိူဝ်ႈ​ၼႂ်း​တွင်ႉ​မႄႈ​ၼၼ်ႉ​တီႈ​ၶႃႈ​ယဝ်ႉ။ တၢင်း​ဢၼ်​ၶႃႈ​ၸဝ်ႈ​ယွင်ႈ​ယေႃး​ၼၼ်ႉ ၸၢပ်ႈ​သႅင်ႇ​ၵၼ်​တင်း​ၸဝ်ႈ​ႁဝ်း​ယူႇ​တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="7">ပိၵ်ႉ​သမ်ႉ​ၶႃႈ​ၸဝ်ႈ​ပဵၼ်​ၸိူဝ်ႉ​ၼင်ႇ​လွင်ႈ​တၢင်း​ဢၼ်​လီ​ဢၢမ်း​ၼၼ်ႉ တီႈ​ၵူၼ်း​ၼမ်​ၼႃႇ​သေ​ၵေႃႈ၊ ၸဝ်ႈ​ႁဝ်း​ပဵၼ်​တီႈ​သွၼ်ႈ​တီႈ​ပိုင်ႈ​ဢၼ်​မၼ်ႈ​ၶိူင်ႇ တီႈ​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="8">သူပ်း​ၶႃႈ​ၸဝ်ႈ​တဵမ်​ဝႆႉ​တင်း တၢင်း​ဢၼ်​ႁဵတ်း​ထေႃးပၼႃႇ​တီႈ​ၸဝ်ႈ​ႁဝ်း ဢိၵ်ႇ​တင်း​မုၼ်​ၽုင်း​ၸဝ်ႈ​ႁဝ်း​ယူႇ တင်း​ဝၼ်း​တင်း​ဝၼ်း​တီႈ​ၶႃႈ​ဢေႃႈ။-</verse>
				<verse number="9">မိူဝ်ႈ​ဢၼ်​ၶႃႈ​ၸဝ်ႈ​ထဝ်ႈ​ၵႄႇ​ယဝ်ႉ​ၼၼ်ႉ​ၸိုင်၊ ယႃႇ​ပေ​ပႅတ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ မိူဝ်ႈ​ဢၼ်​ႁႅင်း​ၶႃႈ​ၸဝ်ႈ​ဢူၼ်ႈ​ၵႂႃႇ​ၼွမ်း​ၵႂႃႇ​ယဝ်ႉ​ၼၼ်ႉ​ၸိုင် ယႃႇ​ပေ​ၸုၼ်ႉ​ပႅတ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊-</verse>
				<verse number="10">ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ ဢွၼ်​ၵၼ်​ယူႇ​ၽၢႆႇ​ၼိုင်ႈ တင်း​ၶႃႈ​ၸဝ်ႈ​လၢတ်ႈ​ဝႃႈ​ယူႇ​တီႈ​ၶႃႈ​ဢေႃႈ။ ၶဝ်​ၸိူဝ်း​ဢၼ်​လွမ်​ႁႃ​ဢသၢၵ်ႈ​ၶႃႈ​ၸဝ်ႈ​ယူႇ​ၼၼ်ႉ တိူင်ႇ​ပၢင်ႇ​လၢတ်ႈ​ၸႃ​ၵၼ်​လႄႈ​ဝႃႈ၊-</verse>
				<verse number="11">ၽြႃး​ပဵၼ်​ၸဝ်ႈ​ၸုၼ်ႉ​ပႅတ်ႈ​မၼ်း​ယဝ်ႉ။ လိုပ်ႈ​ၸွမ်း​လမ်း​ၸွမ်း​လႄႈ တီႉ​ဢဝ်​မၼ်း​တႃႉ။ ဢမ်ႇ​မီး​ၵေႃႉ​ဢၼ်​တၵ်း​ၵႄႇ​သႄႇ​ၼုၵ်ႈ​ဢဝ်​မၼ်း​လႃး​လႃး၊ ဝႃႈ​ၼင်ႇ​ၼႆ​ယူႇ​တီႈ​ၶႃႈ​ဢေႃႈ။-</verse>
				<verse number="12">ၽြႃး​ပဵၼ်​ၸဝ်ႈ​တီႈ​ၶႃႈ၊ ယႃႇ​ပေ​ယူႇ​တီႈ​ဢၼ်​ၵႆ​ၵၼ်​တင်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ႁိပ်ႈ​ၼႅတ်ႈ ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="13">ႁႂ်ႈ​ၶဝ်​ၸိူဝ်း​ဢၼ်​ႁဵတ်း​တၢင်း​ၽိတ်း​သႂ်ႇ​တီႈ​ဢသၢၵ်ႈ​ၶႃႈ​ၸဝ်ႈ​ၼၼ်ႉ ႁွတ်ႈ​ထိုင်​တၢင်း​ဢၼ်​လီ​ဢူၵ်း​လီ​ဢၢႆ ဢိၵ်ႇ​တင်း​တၢင်း​ဢၼ်​သုၵ်ႉ​ၸႂ်​ၵႂင်​ၸႂ်​ၼၼ်ႉ​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​ႁႃ​ဢၶႂၢင်ႉ​တၢင်း​ဢၼ်​ႁဵတ်း​ဢပႅတ်ႈ​သႂ်ႇ​တီႈ​ၶႃႈ​ၸဝ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ၸူမ်​ယူႇ​ၵႃႈ​ၼႂ်း​တၢင်း​ဢၼ်​သႄႉ​သွမ်း ဢိၵ်ႇ​တင်း​တၢင်း​ဢၼ်​သုၵ်ႉ​ၸႂ်​ၵႂင်​ၸႂ်​ၼၼ်ႉ​သေ​ၵမ်း​လူၺ်ႈ။</verse>
				<verse number="14">ၶႃႈ​ၸဝ်ႈ​ၸမ်ႉ၊ တၵ်း​မုင်ႈ​ထႃႈ​မွင်း​ထႃႈ​ယူႇ​သေႇ​သေႇ​လႄႈ ယဵင်ႈ​ၶႅၼ်း​တၵ်း​ယွင်ႈ​ယေႃး​ၸဝ်ႈ​ႁဝ်း​ၼႃႇ​သေ ၵႃႈ​ဢၼ်​ယွင်ႈ​ယေႃး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="15">သူပ်း​ၶႃႈ​ၸဝ်ႈ တၵ်း​ဢဝ်​တၢင်း​ဢၼ်​ၸဝ်ႈ​ႁဝ်း​သိုဝ်ႈ​တေႃႇ ဢိၵ်ႇ​တင်း​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ မွၵ်ႇ​လၢတ်ႈ​ယူႇ​တင်း​ဝၼ်း​တင်း​ဝၼ်း​တီႈ​ၶႃႈ​ဢေႃႈ။ ၼပ်ႉ​ဢၢၼ်ႇ​ၸိူဝ်း​ၼၼ်ႉ​လႄႈ ဢမ်ႇ​သဵင်ႈ​လႆႈ​တီႈ​ၶႃႈ၊-</verse>
				<verse number="16">ၶႃႈ​ၸဝ်ႈ​တၵ်း​ပႃး​ဢဝ်​တင်း​တၼ်း​ၶူဝ်း​ၸဝ်ႈ​ၽြႃး​ထႃႇဝရႃႉ​တင်း​လၢႆ​မႃး​လႄႈ မွၵ်ႇ​လၢတ်ႈ​တြႃး​တၢင်း​သိုဝ်ႈ​တေႃႇ​ၸဝ်ႈ​ႁဝ်း​ၼၼ်ႉ​ၵူၺ်း​တီႈ​ၶႃႈ​ဢေႃႈ။-</verse>
				<verse number="17">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​သင်ႇ​သွၼ်​ပၼ်​ၶႃႈ​ၸဝ်ႈ​ၸဵမ်​မိူဝ်ႈ​ဢၼ် ဢသၢၵ်ႈ​ယင်း​လဵၵ်ႉ​ယင်း​ဢွၼ်ႇ​ၼၼ်ႉ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ဢဝ်​လွင်ႈ​တၢင်း​ဢၼ်​လီ​ဢၢမ်း​ၸဝ်ႈ​ႁဝ်း​ၸိူဝ်း​ၼၼ်ႉ ၼႄ​ပျႃး​ယူႇ​ႁၢၼ်ႉ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​တီႈ​ၶႃႈ​ယဝ်ႉ။-</verse>
				<verse number="18">ၽြႃး​ပဵၼ်​ၸဝ်ႈ​တီႈ​ၶႃႈ၊ လႆႈ​သမ်ႉ​ထၼ်ႈ​ပေႃး​တေႃႇ​ထိုင်​ႁွတ်ႈ​ၶိင်ႇ​မိူဝ်ႈ​ဢၼ်​ဢသၢၵ်ႈ​ၶႃႈ​ၸဝ်ႈ​ယႂ်ႇ​လႄႈ ၶူၼ်​ႁူဝ်​ႁွၵ်ႇ​ၵႂႃႇ​ၼၼ်ႉ၊ ယႃႇ​ပေ​ၸုၼ်ႉ​ပႅတ်ႈ​ၶႃႈ​ၸဝ်ႈ ၼႂ်း​ၸူဝ်ႈ​ဢၼ်​ၶႃႈ​ၸဝ်ႈ​ဢမ်ႇ​ပႆႇ​ၼႄ​ပျႃး​ၶႅၼ်​ၸဝ်ႈ​ႁဝ်း တီႈ​ၵူၼ်း​တေႃႈ​လဵဝ်​ၼႆႉ​ၸိူဝ်း​ၼၼ်ႉ ဢိၵ်ႇ​တင်း​တၼ်း​ၶူဝ်း​ၸဝ်ႈ​ႁဝ်း တီႈ​ၶဝ်​ၸိူဝ်း​ဢၼ်​တၵ်း​ပဵၼ်​မႃး​ၵမ်း​လိုၼ်း တင်း​သဵင်ႈ​တင်း​လူင်​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="19">ၽြႃး​ပဵၼ်​ၸဝ်ႈ​တီႈ​ၶႃႈ၊ တၢင်း​ဢၼ်​ၸဝ်ႈ​ႁဝ်း​သိုဝ်ႈ​တေႃႇ​ၼၼ်ႉ ပဵၼ်​ဢၼ်​သုင်​ၼႃႇ​လူင်​လၢင်​လႄႈ၊ ၸဝ်ႈ​ႁဝ်း​ႁဵတ်း​လွင်ႈ​တၢင်း​ဢၼ်​ယႂ်ႇ​ၼႃႇ​တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ​တီႈ​ၶႃႈ၊ ၽူႈ​လႂ်​တၵ်း​မိူၼ်​ၵၼ်​တင်း​ၸဝ်ႈ​ႁဝ်း​လႆႈ​တီႈ​ၶႃႈ။-</verse>
				<verse number="20">ၸဝ်ႈ​ႁဝ်း​ဢၼ်​ၼႄ​ပျႃး​ၽေး​ဢၼ်ႇတရႄႇ​ဢၼ်​ႁၢဝ်ႈ​ၵျၢမ်း​ၼႃႇ တီႈ​ၶႃႈ​ၸဝ်ႈ​ၼမ်​ၼႃႇ​ၼၼ်ႉ တၵ်း​သမ်ႉ​ပၼ်​ဢသၢၵ်ႈ ၵတ်း​ယဵၼ် ၶျၢမ်း​သႃႇ​တီႈ​ၶႃႈ​ၸဝ်ႈ​လႄႈ သမ်ႉ​ႁႂ်ႈ​ၶႃႈ​ၸဝ်ႈ​လုၵ်ႉ​ဢွၵ်ႇ​သေ​ၵႃႈ​ၼႂ်း​တီႈ​လိုၵ်ႉ​တီႈ​လမ်ႇ​လိၼ်​မိူင်း​ၼႆႉ​မႃး​တီႈ​ၶႃႈ​ဢေႃႈ။-</verse>
				<verse number="21">ၸဝ်ႈ​ႁဝ်း​တၵ်း​ႁႂ်ႈ​ၸေး​ၸိမ်ႇ​ၶႃႈ​ၸဝ်ႈ​ယႂ်ႇ​ၼမ်​မႃး​လႄႈ သမ်ႉ​ဝၢႆႇ​ၶိုၼ်း​ၸူး​သေ​လႄႈ ႁႂ်ႈ​ၶႃႈ​ၸဝ်ႈ​သၢၵ်ႈ​သႃႇ​တီႈ​ၶႃႈ​ဢေႃႈ။-</verse>
				<verse number="22">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​တၵ်း​သႄႇ​တရေႃး​သေ​လႄႈ ယွင်ႈ​ယေႃး​ၸဝ်ႈ​ႁဝ်း ဢိၵ်ႇ​တင်း​သဵတ်ႈ​ၸႃႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၽြႃး​ဢၼ်​မူတ်း​ၸၢင်ႇ မဵဝ်း​ၵူၼ်း​ ဢီႉသရေႇလႃႉ ​တီႈ​ၶႃႈ၊ ၶႃႈ​ၸဝ်ႈ​တၵ်း​လဵတ်း​တိင်ႇ​သေ​လႄႈ ႁဵတ်း​ၵႂၢမ်း​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="23">မိူဝ်ႈ​ဢၼ်​ၶႃႈ​ၸဝ်ႈ​ႁဵတ်း​ၵႂၢမ်း​တီႈ​ၸဝ်ႈ​ႁဝ်း​ၼၼ်ႉ​ၸိုင်၊ သူပ်း​ၶႃႈ​ၸဝ်ႈ​တၵ်း​ႁွင်ႉ​သႂၢင်ႇ​ႁွင်ႉ​သိူဝ်း​တီႈ​ၸဝ်ႈ​ႁဝ်း​လႄႈ၊ ဝီႉၺိၺ်ႇ​ၶႃႈ​ၸဝ်ႈ ဢၼ်​ၸဝ်ႈ​ႁဝ်း​ထုတ်ႇ​ဢဝ်​ၼၼ်ႉ​ၵေႃႈ၊ တၵ်း​ႁွင်ႉ​သႂၢင်ႇ​ႁွင်ႉ​သိူဝ်း​တီႈ​ၶႃႈ​ဢေႃႈ။-</verse>
				<verse number="24">လိၼ်ႉ​ၶႃႈ​ၸဝ်ႈ​ၵေႃႈ တၵ်း​ဢဝ်​လွင်ႈ​တၢင်း​ဢၼ်​ၸဝ်ႈ​ႁဝ်း​သိုဝ်ႈ​တေႃႇ​ၼၼ်ႉ မွၵ်ႇ​လၢတ်ႈ​ယူႇ​တင်း​ဝၼ်း​တင်း​ဝၼ်း​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ႁႃ​ဢၶႂၢင်ႉ​တၢင်း​ဢၼ်​ႁဵတ်း​ဢပႅတ်ႈ​သႂ်ႇ​တီႈ​ၶႃႈ​ၸဝ်ႈ​ၼၼ်ႉ၊ ဢွၼ်​ၵၼ်​ႁွတ်ႈ​ထိုင်​တၢင်း​ဢၼ်​လီ​ဢူၵ်း​လီ​ဢၢႆ​လႄႈ ၼႃႈ​လူႉ​တီႈ​ၶႃႈ​ဢေႃႈ။</verse>
			</chapter>
			<chapter number="72">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ပၼ်​တၢင်း​ဢၼ်​ၸဝ်ႈ​ႁဝ်း တႅပ်း​တတ်း​ဢမူႉ​တင်း​လၢႆ​ၼၼ်ႉ တီႈ​ၶုၼ်​ႁေႃ​ၶမ်း ဢိၵ်ႇ​တင်း တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​သိုဝ်ႈ​သိုဝ်ႈ​တေႃႇ​တေႃႇ​ၼၼ်ႉ တီႈ​လုၵ်ႈ​ၸၢႆး​ၶုၼ်​ႁေႃ​ၶမ်း​သေ​ၵမ်း​တီႈ​ၶႃႈ၊-</verse>
				<verse number="2">မၼ်း​ၸဝ်ႈ​တၵ်း​ၸီႇ​ယၢင်ႇ​ၵူၼ်း​ၸဝ်ႈ​ႁဝ်း​တင်း​လၢႆ​သိုဝ်ႈ​သိုဝ်ႈ​တေႃႇ​တေႃႇ​လႄႈ ပၼ်​တြႃး​တီႈ​ၵူၼ်း​ဢၼ်​ယၢၵ်ႈ​ဢၼ်​ၽၢၼ်​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="3">လွႆ​လူင်​တင်း​လၢႆ တၵ်း​ပၼ်​ၵတ်း​ယဵၼ်​ၶျၢမ်း​သႃႇ​တီႈ​ၵူၼ်း​တင်း​လၢႆ​လႄႈ လွႆ​ဢွၼ်ႇ​တင်း​လၢႆ​ၵေႃႈ တၵ်း​ပၼ်​ၵွပ်ႈ​ပိူဝ်ႈ​တြႃး​တၢင်း​ဢၼ် ၸီႇ​ယၢင်ႇ​သိုဝ်ႈ​သိုဝ်ႈ​တေႃႇ​တေႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="4">မၼ်း​ၸဝ်ႈ​တၵ်း​ၸီႇ​ယၢင်ႇ​တြႃး​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၵႃႈ​ၼႂ်း​ၵူၼ်း​တင်း​လၢႆ​လႄႈ ၵႄႇ​သႄႇ​ၶျွတ်ႈ​ဢဝ်​လုၵ်ႈ​လၢင်း​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​သေ​လႄႈ ႁၵ်း​ႁဵၵ်း​ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="5">ၵူၼ်း​သိုပ်ႇ​သိုပ်ႇ​တၢမ်း​တၢမ်း​တင်း​သဵင်ႈ​တင်း​လူင် တၵ်း​ဢွၼ်​ၵၼ်​ၵူဝ်​ႁႄ​ၸဝ်ႈ​ႁဝ်း​ယူႇ ၶိင်ႇ​ၵႃႇလႃႉ​ၸူဝ်ႈ​ဢၼ်​ၵၢင်​ဝၼ်း ဢိၵ်ႇ​တင်း လိူၼ်​ယင်း​တိုၵ်ႉ​တႄႇ​ယူႇ​ၼၼ်ႉ​တဵမ်​တဵမ်​တီႈ​ၶႃႈ​ဢေႃႈ။</verse>
				<verse number="6">မၼ်း​ၸဝ်ႈ​တၵ်း​တူၵ်း​လူင်း​မႃး​မိူၼ်​ၸိူဝ်ႉ​ၼင်ႇ​ၽူၼ် ဢၼ်​တူၵ်း​သႂ်ႇ​ၵႃႈ​ၼိူဝ်​တူၼ်ႈ​ယိူဝ်ႈ​ဢၼ်​ပၢတ်ႇ​ၼၼ်ႉ ဢိၵ်ႇ​တင်း​မိူၼ်​ၸိူဝ်ႉ​ၼင်ႇ​ႁႃႇ​ၽူၼ်​ဢၼ်​ႁႂ်ႈ​လိၼ်​မိူင်း​ယမ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="7">ၵႃႈ​ၼႂ်း​ၸူဝ်ႈ​ပၢၼ်​မၼ်း​ၸဝ်ႈ​ၼၼ်ႉ​ၸိုင်၊ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ တၵ်း​ပျေႉ​ၸုမ်ႇ​လိူင်ႇ​ၸႂ်​လႄႈ ၵတ်း​ယဵၼ်​ၶျၢမ်း​သႃႇ ယႂ်ႇ​ၽႄႈ​ၼမ်​ၵိုၼ်း​မႃး​ယူႇ​တေႃႇ​ထိုင်​ႁွတ်ႈ မိူဝ်ႈ​ဢၼ်​လိူၼ်​ႁၢႆ​လၢႆ​ၵႂႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">မၼ်း​ၸဝ်ႈ​လႆႈ​ဢုပ်ႉ​ပိူင်ႇ ဢဝ်​ၵႃႈ​တီႈ​ပၢင်ႇ​လၢႆႇ​မႄႈ​ၼိုင်ႈ တေႃႇ​ထိုင်​ႁွတ်ႈ​ပၢင်ႇ​လၢႆႇ​မႄႈ​ၼိုင်ႈ ဢိၵ်ႇ​တင်း​ဢဝ်​ၵႃႈ​တီႈ​ၼမ်ႉ​ႁွင်ႈ တေႃႇ​ထိုင်​ႁွတ်ႈ​တီႈ​သုတ်း​လိၼ်​မိူင်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="9">ၵူၼ်း​ဢၼ်​ယူႇ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​တင်း​လၢႆ တၵ်း​ဢွၼ်​ၵၼ်​ၵူမ်ႈ​ႁူဝ်​ၵွမ်း​ႁူဝ် ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ၊ ရၢၼ်ႇ​သူႇ​မၼ်း​ၸဝ်ႈ​တင်း​လၢႆ တၵ်း​ဢွၼ်​ၵၼ်​လေး​ၵိၼ်​မုၼ်ႈ​လိၼ်​တီႈ​ၶႃႈ​ဢေႃႈ။-</verse>
				<verse number="10">ၶုၼ်​ႁေႃ​ၶမ်း​မိူင်း​ တႃႇသူႉ ​တင်း​လၢႆ ဢိၵ်ႇ​တင်း​ၶုၼ်​ႁေႃ​ၶမ်း တီႈ​ၵုၼ်​ၼႂ်း​ပၢင်ႇ​လၢႆႇ​ၸိူဝ်း​ၼၼ်ႉ တၵ်း​ဢွၼ်​ၵၼ်​သႂၢင်း​ပၼ်​ၶွၼ်ႇ​လႄႈ၊ ၶုၼ်​ႁေႃ​ၶမ်း​မိူင်း​ သေးၽႃႉ တင်း​ၶုၼ်​ႁေႃ​ၶမ်း​မိူင်း​ ၸေးၽႃႉ ​ၸိူဝ်း​ၼၼ်ႉ တၵ်း​ဢွၼ်​ၵၼ်​သၢၵ်ႈ​လၢၵ်ႈ​သွင်ႇ​တီႈ​ၶႃႈ​ဢေႃႈ။-</verse>
				<verse number="11">လိူဝ်​သေ​ၼၼ်ႉ​ဢမ်ႇ​ၵႃး ၶုၼ်​ႁေႃ​ၶမ်း​တင်း​သဵင်ႈ​တင်း​လူင် တၵ်း​ဢွၼ်​ၵၼ်​ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ၊ မဵဝ်း​ၵူၼ်း​တင်း​သဵင်ႈ​တင်း​လူင် တၵ်း​ဢွၼ်​ၵၼ်​ႁၢပ်ႇ​ဢမူႉ​မၼ်း​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="12">လွင်ႈ​မၼ်း​ၸမ်ႉ မၼ်း​ၸဝ်ႈ​တၵ်း​ပၼ်​ၵတ်း​ယဵၼ်​ၶျၢမ်း​သႃႇ တီႈ​ၵေႃႉ​ဢၼ်​ၸုတ်ႈ​ဢၼ်​လုတ်ႈ​ဢၼ်​ႁွင်ႉ​သႅၼ်ႇ​ၼၼ်ႉ ဢိၵ်ႇ​တင်း​ၵေႃႉ​ဢၼ်​ယၢၵ်ႈ​ဢၼ်​ၽၢၼ် တင်း​ၵေႃႉ​ဢၼ်​ဢမ်ႇ​မီး​တီႈ​ဢၼ်​ၸႂ်​လီ​လူၺ်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="13">မၼ်း​ၸဝ်ႈ​တၵ်း​ဢဵတ်း​လူ​ၵေႃႉ​ဢၼ်​ၽၢၼ်​ဢၼ်​ၵိၼ်း ဢိၵ်ႇ​တင်း​ၵေႃႉ​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​လႄႈ ၵႄႇ​သႄႇ​ၶျွတ်ႈ​ဢဝ်​ဢသၢၵ်ႈ ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​ဢေႃႈ။-</verse>
				<verse number="14">မၼ်း​ၸဝ်ႈ​တၵ်း​ထုတ်ႇ​ၼုၵ်ႈ​ဢဝ်​ဢသၢၵ်ႈ​ၶဝ် ဢွၵ်ႇ​သေ​ၵႃႈ​ၼႂ်း​မိုဝ်း​တၢင်း​ဢၼ်​ပႅတ်ႉ​ဢၼ်​လႅၼ် ဢိၵ်ႇ​တင်း​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​လႄႈ၊ လိူတ်ႈ​ၶဝ်​တၵ်း​ထိူၵ်ႈ​ၵႃႈ​ထိူၵ်ႈ​ၶၼ် သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="15">မၼ်း​ၼၼ်ႉ ဢသၢၵ်ႈ​တၵ်း​တႄႇ​ယူႇ​လႄႈ၊ မၼ်း​တၵ်း​ဢဝ်​ၶမ်း​မိူင်း​ သေးၽႃႉ သၢၵ်ႈ​တီႈ​မၼ်း​ၸဝ်ႈ​ယူႇ၊ သူး​တွင်း​ပထၼႃႇ​ပုၼ်ႈ​မၼ်း​ၸဝ်ႈ​ယူႇ​တႃႇ​သေႇ​သေ​လႄႈ ႁဵတ်း​ထေႃးပၼႃႇ​ယွင်ႈ​ယေႃး​ယူႇ​တင်း​ဝၼ်း​တင်း​ဝၼ်း​ဢေႃႈ။</verse>
				<verse number="16">ၶဝ်ႈ​သၢၼ်​ၶဝ်ႈ​ပိူၵ်ႇ တၵ်း​မီး​လိူင်ႇ​ၼမ်​ၼႃႇ​ၵႃႈ​ၼႂ်း​မိူင်း​ၸဝ်ႈ ၵႃႈ​ၼိူဝ်​ၸိၵ်း​လွႆ​ၸွမ်​လွႆ​တင်း​လၢႆ​လႄႈ၊ မၢၵ်ႇ​မၼ်း​ႁူင်း​မၼ်း တၵ်း​တူင်ႉ​ၼိုင်​ယူႇ မိူၼ်​ၸိူဝ်ႉ​ၼင်ႇ​ထိူၼ်ႇ​ လေႇပၼုၼ်ႇ ​ၼၼ်ႉ​လႄႈ၊ ၵူၼ်း​ဝဵင်း​ၸဝ်ႈ​တင်း​လၢႆ​ၵေႃႈ တၵ်း​ၵိုၼ်း​ၼႃႇ မိူၼ်​ၸိူဝ်ႉ​ၼင်ႇ​တူၼ်ႈ​ယိူဝ်ႈ​တူၼ်ႈ​ယႃႈ ၵႃႈ​တီႈ​လိၼ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="17">ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ တၵ်း​တႄႇ​ယူႇ​သေႇ​သေႇ​လႄႈ၊ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ တၵ်း​ယႂ်ႇ​ၽႄႈ​တူဝ်း​တွၼ်း​မႃး​ယူႇ ၼႂ်း​ၶိင်ႇ​မိူဝ်ႈ​ဢၼ်​ၵၢင်​ဝၼ်း​ယင်း​တိုၵ်ႉ​တႄႇ​ယူႇ​ၼၼ်ႉ​တီႈ​ၶႃႈ​ဢေႃႈ။ ၵူၼ်း​တင်း​လၢႆ​တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​တီႈ​မၼ်း​ၸဝ်ႈ​လႄႈ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​သဵင်ႈ​တင်း​လူင် တၵ်း​ဢွၼ်​ၵၼ်​ယွင်ႈ​ယေႃး​မၼ်း​ၸဝ်ႈ​လႄႈ​ဝႃႈ၊ မီး​မင်ႇၵလႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။</verse>
				<verse number="18">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ၊ ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ဢၼ်​မၼ်း​ၸဝ်ႈ​သူႇ​လဵဝ်​ပႃး​လဵဝ်​ၵူၺ်း ၸီႇ​ယၢင်ႇ​ႁဵတ်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ​ၼၼ်ႉ​ၼၼ်ႉ​မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="19">ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ ဢၼ်​မုၼ်​ၽုင်း​ယႂ်ႇ​ၼၼ်ႉ မီး​မင်ႇၵလႃႇ​ယူႇ​သေႇ​သေႇ​သေ​ၵမ်း​လူၺ်ႈ။ ႁႂ်ႈ​လိၼ်​မိူင်း​တင်း​သဵင်ႈ​တင်း​မူတ်း တဵမ်​ဝႆႉ​တင်း​မုၼ်​ၽုင်း​မၼ်း​ၸဝ်ႈ​သေ​ၵမ်း​လူၺ်ႈ။ ဢႃႇမိၼ်ႇ တင်း​ဢႃႇမိၼ်ႇ။</verse>
				<verse number="20">ၵႂၢမ်း​သူး​တွင်း​ပထၼႃႇ တႃႇဝိတ်ႈ လုၵ်ႈ​ၸၢႆး​ ယေႇသႄး ​ၼၼ်ႉ​ယဝ်ႉ​ယဝ်ႉ​ဢေႃႈ။</verse>
			</chapter>
			<chapter number="73">
				<verse number="1">ၽြႃး​ပဵၼ်​ၸဝ်ႈ ၵျေး​ၸူး​ယႂ်ႇ​ၼႃႇ​တီႈ​မဵဝ်း​ ဢီႉသရေႇလႃႉ ဢၼ်​ဝႃႈ​ၶဝ်​ၸိူဝ်း​ဢၼ်​ႁူဝ်​ၸႂ်​မူတ်း​သႂ်​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="2">ၵဝ်​ၸမ်ႉ၊ လႆႈ​မီး​တၢင်း​ဢၼ်​တိၼ်​ၸမ်​တၵ်း​ပရၢတ်ႈ​လႄႈ ႁွႆး​တိၼ်​ၸမ်​တၵ်း​ပိူင်ႈ​ၵႂႃႇ​ယဝ်ႉ။-</verse>
				<verse number="3">လွင်ႈ​မၼ်း​ၸမ်ႉ မိူဝ်ႈ​ဢၼ်​ၵဝ်​ႁၼ်​ၸေး​ၸိမ်ႇ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸိုင်၊ ၵဝ်​လႆႈ​မီး​တၢင်း​ဢၼ်​သီႈ​ၵေႉ​ႁေႈ​တႃ ၶဝ်​ၸိူဝ်း​ဢၼ်​မႃႇၼႃႉ​ၸႂ်​သုင်​ၸွၵ်ႇ​ၵႃး​ၼၼ်ႉ​မႃး​ယဝ်ႉ။-</verse>
				<verse number="4">ၶဝ်​ၼၼ်ႉ​ဢမ်ႇ​မီး​ဝူၺ်ႇတၼႃႇ​တၢင်း​ဢၼ်​ၸဵပ်း​ဢၼ်​ၶိုၼ်ႈ တေႃႇ​ထိုင်​ႁွတ်ႈ​ထၼ်ႈ​ပေႃး​တၢႆ​လႄႈ မီး​ဢဵၼ်​မီး​ႁႅင်း​ဢၼ်​ၵႅၼ်ႇ​ၶႅင်​ၼၼ်ႉ​ယူႇ​ဢေႃႈ။-</verse>
				<verse number="5">ၶဝ်​ၼၼ်ႉ ဢမ်ႇ​မီး​တုၵ်ႉ​ၶႃႉ​မိူၼ်​ၸိူဝ်ႉ​ၼင်ႇ​ပိူၼ်ႈ​တၢင်ႇ​ၵေႃႉ။ ၶဝ်​ဢမ်ႇ​လႆႈ​ၶၢမ်ႇ​တၢင်း​ဢၼ်​ယႃႉ​ဢၼ်​ယူၵ်ႉ မိူၼ်​ၸိူဝ်ႉ​ၼင်ႇ​ၵူၼ်း​တင်း​လၢႆ။-</verse>
				<verse number="6">ပိူဝ်ႈ​ၼႆ​လႄႈ မႃႇၼႃႉ​ၶဵၼ်း​ႁွပ်ႈ​ၶဝ်​ဝႆႉ မိူၼ်​ၸိူဝ်ႉ​ၼင်ႇ​ၶိူင်ႈ​ပႃး​ၶေႃး​ၼၼ်ႉ​လႄႈ၊ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ ၼုင်ႈ​ႁေႃႇ​ၶဝ်​ဝႆႉ​မိူၼ်​ၸိူဝ်ႉ​ၼင်ႇ​ၶူဝ်း​ၼုင်ႈ​ၼၼ်ႉ​ဢေႃႈ။-</verse>
				<verse number="7">ၵွပ်ႈ​ပိူဝ်ႈ​ဢၼ်​ပီး​လီ​မၼ်း​လီ​ၼၼ်ႉ​လႄႈ၊ တႃ​ၶဝ်​ထၼ်ႈ​ပေႃး​တူၺ်ႇ​ပေႃး​ပွင်း​လႄႈ၊ တၢင်း​ဢၼ်​ႁူဝ်​ၸႂ်​ၶဝ်​ၵျၢမ်ႇ​ပွင်​ၼၼ်ႉ ၸၢင်ႈ​လူၼ်ႉ​ၵႂႃႇ​လိူဝ်​ၵႂႃႇ​ဢေႃႈ။-</verse>
				<verse number="8">ၶဝ်​ၸၢင်ႈ​ႁဵတ်း​ပျၢၵ်ႈ​ၶူဝ်​လႄႈ မီး​တင်း​တၢင်း​ဢၼ်​ႁၢႆႉ​ဢၼ်​ႁုၵ်း​ၼၼ်ႉ​သေ​လႄႈ လၢတ်ႈ​လူၺ်ႈ​လွင်ႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ဢေႃႈ။ ၶဝ်​ၸၢင်ႈ​ဢဝ်​ၵႂၢမ်း​မႃႇၼႃႉ​ၸႂ်​သုင်​လၢတ်ႈ​ဢေႃႈ။-</verse>
				<verse number="9">ၶဝ်​ၸၢင်ႈ​ဢဝ်​သူပ်း​ၶဝ်​ဝႆႉ​ၵႃႈ​ၼိူဝ်​ၽႃႉ​ၵၢင်​ႁၢဝ်​လႄႈ လိၼ်ႉ​ၶဝ်​ၵေႃႈ​ၸၢင်ႈ​လႄႇ​ၵႂႃႇ​လႄႇ​မႃး​ယူႇ ၵႃႈ​ၼိူဝ်​လိၼ်​မိူင်း​ၼႆႉ​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ ၵူၼ်း​မၼ်း​ၸဝ်ႈ​တင်း​လၢႆ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ၼၼ်ႈ​လႄႈ လႆႈ​ဢိုၵ်ႉ​လႆႈ​ၵိၼ်​ၼမ်​ၼႃႇ​ဢေႃႈ။-</verse>
				<verse number="11">ၶဝ်​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​တၵ်း​ႁူႉ​လႆႈ​ၸိူဝ်ႉ​ၼင်ႇ​ႁိုဝ်။ ၺၢၼ်ႇ​တၵ်း​မီး​ၵႃႈ​တီႈ ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">တူၺ်း​လူး၊ ၶဝ်​ၼၼ်ႉ​ပဵၼ်​ၵူၼ်း​ဢၼ်​ဢမ်ႇ​တြႃး​လႄႈ၊ ပိူဝ်ႈ​ဢၼ်​ၶဝ်​လႆႈ​လီ​လႆႈ​ပဵၼ်​ယူႇ​တႃႇ​သေႇ​ၼၼ်ႉ​လႄႈ ၶဝ်​မီး​တၢင်း​ဢၼ်​ဢုၵ်ႉ​ၸႃႇ​ယႂ်ႇ​ၽႄႈ​ၼမ်​မႃး​ဢေႃႈ။-</verse>
				<verse number="13">ပိၵ်ႉ​သမ်ႉ​ၵဝ်​ႁႂ်ႈ​ႁူဝ်​ၸႂ်​ၵဝ်​မူတ်း​ၸၢင်ႇ​သေ​ၵေႃႈ ဢမ်ႇ​မီး​ဢၵျူဝ်း​ဢမၢၼ်ႇ​ၶၼ်​ပဵၼ်​လႄႈ ပိၵ်ႉ​သမ်ႉ​ၵဝ်​ဢဝ်​တၢင်း​ဢၼ် ၵၢင်း​လွတ်ႈ​တင်း​ဢပႅတ်ႈ​ၼၼ်ႉ သုၵ်ႈ​သီ​မိုဝ်း​ၵဝ်​သေ​ၵေႃႈ ဢမ်ႇ​မီး​ဢၵျူဝ်း။-</verse>
				<verse number="14">ၵဝ်​လႆႈ​ၶၢမ်ႇ​တၢင်း​ဢၼ်​ယႃႉ​ယူၵ်ႉ​ယူႇ​တင်း​ဝၼ်း​တင်း​ဝၼ်း​လႄႈ လႆႈ​ၶၢမ်ႇ​တၢင်း​ဢၼ်​သင်ႇ​သွၼ်​သုင်း​မႃႉ​ယူႇ​ၵူႈ​ၼႂ်​ဢေႃႈ။</verse>
				<verse number="15">သင်​ၶႃႈ​ၸဝ်ႈ​လႆႈ​ဝႃႈ၊ ၵဝ်​တၵ်း​လၢတ်ႈ​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ၶႃႈ​တၵ်း​ႁွတ်ႈ​ထိုင်​တၢင်း​ဢၼ်​ႁဵတ်း တၢင်း​ဢၼ်​ပႅတ်ႉ​ဢၼ်​လႅၼ် တီႈ​မဵဝ်း​ၵူၼ်း​ၸဝ်ႈ​ႁဝ်း​တင်း​လၢႆ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="16">မိူဝ်ႈ​ဢၼ်​ၶႃႈ​ၸဝ်ႈ ၶႆႈ​ၸႂ်​ဝူၼ်ႉ​ၸႂ် ႁႂ်ႈ​လႆႈ​ႁူႉ​လွင်ႈ​တၢင်း​ၼၼ်ႉ​ၼၼ်ႉ​ၸိုင်၊ ပဵၼ်​တၢင်း​ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ တီႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="17">လိုၼ်း​ၼၼ်ႉ ၶႃႈ​ၸဝ်ႈ​ၶဝ်ႈ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၽြႃး​ပဵၼ်​ၸဝ်ႈ​လႄႈ လႆႈ​ႁူႉ​တီႈ​သုတ်း​တီႈ​ၵွႆ​ၶဝ်​တီႈ​ၶႃႈ​ဢေႃႈ။-</verse>
				<verse number="18">ၸဝ်ႈ​ႁဝ်း​ဢဝ်​ၶဝ်​ဝႆႉ​ၵႃႈ​ၼႂ်း​တီႈ​ဢၼ်​မိုၼ်ႈ​ၼၼ်ႉ ဢမၢၼ်ႇ​ၶၼ်​ပဵၼ်​လႄႈ၊ ၸဝ်ႈ​ႁဝ်း​ဢဝ်​ၶဝ်​ၶျႃး​တူၵ်း​သႂ်ႇ​ၵႃႈ​ၼႂ်း​တၢင်း​ဢၼ်​လူႉ​ဢၼ်​လႅဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="19">ၼႂ်း​ၸူဝ်ႈ​ဢွၼ်ႇ​ၵႅပ်ႉ​ဢွၼ်ႇ​ၼိုင်ႈ​ၵူၺ်း ၶဝ်​လႆႈ​လူႉ​လႅဝ်​ၵႂႃႇ​ၵမ်း​လဵဝ်​တီႈ​ၶႃႈ​ယဝ်ႉ​လူင်​ပႄႇ။ ၶဝ်​မီး​တၢင်း​ဢၼ်​လူႉ​ၵႂႃႇ​ႁၢႆ​ၵႂႃႇ မူတ်း​မူတ်း​သဵင်ႈ​သဵင်ႈ ၵွပ်ႈ​ပိူဝ်ႈ​ၽေး​ဢူႉ​ပၢတ်ႈ​တင်း​လၢႆ တီႈ​ၶႃႈ​ယဝ်ႉ​လူင်​ပႄႇ။-</verse>
				<verse number="20">ၸဝ်ႈ​ၽြႃး​တီႈ​ၶႃႈ၊ ၸိူဝ်ႉ​ၼင်ႇ​ဢၼ်​ၵူၼ်း​မၢတ်ႈ​တွင်း​တၢင်း​ဢၼ်​ၼွၼ်း​ၽၼ်​ႁၼ် မိူဝ်ႈ​ဢၼ်​မၼ်း​တိုၼ်ႇ​မႃး​ၼၼ်ႉ၊ မိူဝ်ႈ​ဢၼ်​ၸဝ်ႈ​ႁဝ်း​တိုၼ်ႇ​မႃး​ၼၼ်ႉ​ၸိုင်၊ ၸဝ်ႈ​ႁဝ်း​တၵ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ပုင်ႇ​ႁၢင်ႈ​ၶဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="21">ၼင်ႇ​ၼၼ်​လႄႈ ၶႃႈ​ၸဝ်ႈ​မီး​တၢင်း​ဢၼ်​ႁူဝ်​ၸႂ်​ၸဵပ်း​ၼႃႇ​လႄႈ လႆႈ​ၶၢမ်ႇ​တၢင်း​ဢၼ်​ၸူၵ်ႉ​သဵပ်ႇ​သႂ်ႇ တီႈ​မၢၵ်ႇ​လၼ်း​ၶႃႈ​ၸဝ်ႈ​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="22">ၶႃႈ​ၸဝ်ႈ​ပဵၼ်​ၵူၼ်း​ဢၼ်​မိူၵ်ႈ၊ ၵူၼ်း​ဢၼ်​ဢမ်ႇ​မီး​ပိင်ႇ​ၺႃႇ​တီႈ​ၶႃႈ​ဢေႃႈ။ ပဵၼ်​ၸိူဝ်ႉ​ၼင်ႇ​တရိၵ်ႈသၢၼ်ႇ​ယူႇ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="23">ၵူၺ်း​ၵႃႈ ၶႃႈ​ၸဝ်ႈ​မီး​ယူႇ​ၵႃႈ​တီႈ​ၸဝ်ႈ​ႁဝ်း​တႃႇ​သေႇ​လႄႈ၊ ၸဝ်ႈ​ႁဝ်း​ယိပ်း​ၵမ်​မိုဝ်း​ၶွၼ်​ၶႂႃ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="24">ၸဝ်ႈ​ႁဝ်း​တၵ်း​ပၼ်​ၺၢၼ်ႇ​တီႈ​ၶႃႈ​ၸဝ်ႈ​လႄႈ ဢဝ်​ၶႃႈ​ၸဝ်ႈ​သူင်ႇ​တီႈ​ၶႃႈ​ဢေႃႈ။ လိုၼ်း​ၼၼ်ႉ ၸဝ်ႈ​ႁဝ်း​တၵ်း​သိမ်း​ဢဝ်​ၶႃႈ​ၸဝ်ႈ ၵႂႃႇ​ၵႃႈ​ၼႂ်း​မုၼ်​ၽုင်း​တီႈ​ၶႃႈ​ဢေႃႈ။-</verse>
				<verse number="25">လိူဝ်​သေ​ၸဝ်ႈ​ႁဝ်း​ၼႆႉ၊ ၵႃႈ​ၼိူဝ်​ၽုင်ႇ​ၵၢင်​ႁၢဝ်​ပုၼ်ႉ​ၼၼ်ႉ ၶႃႈ​ၸဝ်ႈ​တၵ်း​မီး​ၽူႈ​လႂ်​တီႈ​ၶႃႈ။ လိူဝ်​သေ​ၸဝ်ႈ​ႁဝ်း​ၼႆႉ၊ ၵႃႈ​ၼိူဝ်​လိၼ်​မိူင်း​ၼႆႉ ၶႃႈ​ၸဝ်ႈ​ဢမ်ႇ​မီး​ဢလူဝ်ႇ​တီႈ​ၽူႈ​လႂ်​တီႈ​ၶႃႈ။-</verse>
				<verse number="26">ၼိူဝ်ႉ​လိူတ်ႈ​ၶႃႈ​ၸဝ်ႈ​ဢိၵ်ႇ​တင်း​ႁူဝ်​ၸႂ်​ၶႃႈ​ၸဝ်ႈ​လူႉ​ၵႂႃႇ​တီႈ​ၶႃႈ​ဢေႃႈ။ ၵူၺ်း​ၵႃႈ ၽြႃး​ပဵၼ်​ၸဝ်ႈ​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ႁူဝ်​ၸႂ်​ၶႃႈ​ၸဝ်ႈ၊ ပဵၼ်​ပုၼ်ႈ​တႃႇ​ၶႃႈ​ၸဝ်ႈ​ယူႇ တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="27">တူၺ်း​တီႈ​ၶႃႈ​လူး။ ၶဝ်​ၸိူဝ်း​ဢၼ်​ယူႇ​တီႈ​ဢၼ်​ၵႆ​ၵၼ်​တင်း​ၸဝ်ႈ​ႁဝ်း​ၼၼ်ႉ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​တီႈ​ၶႃႈ​ဢေႃႈ။ ၸဝ်ႈ​ႁဝ်း​တၵ်း​ယႃႉ​ပႄႇ​ၽဵဝ်ႈ ၶဝ်​ၸိူဝ်း​ဢၼ်​ၽၢတ်ႇ​ယၢၼ်​ၵၼ်​တင်း​ၸဝ်ႈ​ႁဝ်း​သေ​လႄႈ ၽိတ်း​ပိူင်ႈ​ၵႂႃႇ​တင်း​သဵင်ႈ​တင်း​လူင်​ၼၼ်ႉ​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="28">ၶႃႈ​ၸဝ်ႈ​ၸမ်ႉ၊ တၢင်း​ဢၼ်​သုတ်ႉ​ၸပ်း​သုတ်ႉ​ၸူး​တီႈ​ၽြႃး​ပဵၼ်​ၸဝ်ႈ​ၼၼ်ႉ ပဵၼ်​ဢၼ်​လီ​ပုၼ်ႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ၸႂ်​လီ​လူၺ်ႈ​ၸဝ်ႈ​ၽြႃး​ထႃႇဝရႃႉ​ယူႇ ႁႂ်ႈ​လႆႈ​ဢဝ်​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ႁဵတ်း​ဝႆႉ တင်း​သဵင်ႈ​တင်း​လူင်​ၼၼ်ႉ မွၵ်ႇ​လၢတ်ႈ​တီႈ​ၶႃႈ​ဢေႃႈ။</verse>
			</chapter>
			<chapter number="74">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၸုၼ်ႉ​ပႅတ်ႈ​ၶႃႈ​ၸဝ်ႈ​ႁဝ်း​ၶဝ်​ဝႆႉ​သေႇ​သေႇ ၼင်ႇ​ႁိုဝ်​တီႈ​ၶႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ဢၢႆ​ၵႂၼ်း​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ဢွၵ်ႇ​ၸူး​တီႈ​သူဝ်း​ၵႃႈ​ၼႂ်း​တီႈ​ဢၼ်​ယၢမ်ႈ​ၵိၼ်​ယူႇ​ၸဝ်ႈ​ႁဝ်း​ၼၼ်ႉ ၸိူဝ်း​ၼၼ်ႉ​ၼင်ႇ​ႁိုဝ်​တီႈ​ၶႃႈ။-</verse>
				<verse number="2">ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ပရဵၵ်ႈသၢတ်ႈ​ၸဝ်ႈ​ႁဝ်း​တင်း​လၢႆ ဢၼ်​ၸဝ်ႈ​ႁဝ်း​လႆႈ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ၊ ဢၼ်​ၸဝ်ႈ​ႁဝ်း​ထုတ်ႇ​ဢဝ်​ပုၼ်ႈ​ဢၼ်​တၵ်း​ပဵၼ်​ဢမူၺ်ႇ​ၸဝ်ႈ​ႁဝ်း​ၼၼ်ႉ ဢိၵ်ႇ​တင်း​လွႆ​ ၸီႉဢုၼ်ႇ တီႈ​ဢၼ်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="3">ၶႅၼ်း​တေႃႈ​ဢဝ်​တိၼ်​ၸဝ်ႈ​ႁဝ်း ပႆ​ၵႂႃႇ​ၵႃႈ​တီႈ တီႈ​ဢၼ်​ယႃႉ​ၽဵဝ်ႈ​ပႄႇ​ပႅတ်ႈ​တႃႇ​သေႇ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="4">ရၢၼ်ႇ​သူႇ​လႆႈ​ႁဵတ်း​ဢၼ်​ဢမ်ႇ​တြႃး​ၵူႈ​ၸိူဝ်ႉ​ၵူႈ​ပိူင် ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​တီႈ​ၶႃႈ​ယဝ်ႉ။ ရၢၼ်ႇ​သူႇ​ၸဝ်ႈ​ႁဝ်း​တင်း​လၢႆ ဢွၼ်​ၵၼ်​ႁွင်ႉ​သႅၼ်ႇ​ၵႃႈ​ၼႂ်း​ၵၢင်​ပရဵၵ်ႈသၢတ်ႈ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။ ၶဝ်​ဢဝ်​လၢၵ်ႈၶၼႃႇ​သၢၵ်ႈ​သေႇ​ၶဝ်​ဝႆႉ ၵႃႈ​ၼႂ်း​ဢရႃႇ​လၢၵ်ႈၶၼႃႇ​သၢၵ်ႈ​သေႇ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">ၶဝ်​ပဵၼ်​ၸိူဝ်ႉ​ၼင်ႇ​ၵူၼ်း​ဢၼ် ဢဝ်​တႃ​မၢတ်ႇ​တီႇ​ပမ်ႈ​တႅပ်း​ၽၼ်း​ပႃႇ​တူၼ်ႈ​မႆႉ ဢၼ်​ၼႃ​တၼ်​ၼႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">မိူဝ်ႈ​လဵဝ်​ၼႆႉ ၶဝ်​ဢဝ်​တႃ​မႅတ်း​လႂ် ၶွၼ်ႉ​လဵၵ်း​လႂ် ပေႃႉ​ထုပ်ႉ​ၶိူင်ႈ​ပိူင်​ဢၼ်​တွင်ႈ​ႁဵတ်း​လၢႆး​မွၵ်ႇ​လၢႆး​မႂ်​ၸိူဝ်း​ၼၼ်ႉ ႁၵ်း​ပႅတ်ႈ​တင်း​သဵင်ႈ​တင်း​မူတ်း​တီႈ​ၶႃႈ​ဢေႃႈ။-</verse>
				<verse number="7">ၶဝ်​ဢဝ်​ၽႆး​တုတ်ႇ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ႁဝ်း​ၼၼ်ႉ​ပႅတ်ႈ​လႄႈ ဢဝ်​တီႈ​ဢၼ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၼၼ်ႉ ၶျႃး​တူၵ်း​ပႅတ်ႈ​တေႃႇ​ထိုင်​ႁွတ်ႈ​လိၼ်​တီႈ​ၶႃႈ​ဢေႃႈ။-</verse>
				<verse number="8">ၶဝ်​လၢတ်ႈ​ၼႂ်း​ၸႂ်​လႄႈ​ဝႃႈ၊ ႁဝ်း​တၵ်း​ယႃႉ​ၶဝ်​ပႅတ်ႈ​မူတ်း​မူတ်း​သဵင်ႈ​သဵင်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ဢဝ်​ၽႆး​တုတ်ႇ​ၸရွပ်ႈ​ႁေႃး​တြႃး ၽြႃး​ပဵၼ်​ၸဝ်ႈ ၵႃႈ​ၼႂ်း​မိူင်း​ၸဝ်ႈ တင်း​သဵင်ႈ​တင်း​လူင်​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="9">ၶႃႈ​ၸဝ်ႈ​ႁဝ်း​ၶဝ်​ဢမ်ႇ​လႆႈ​ႁၼ် လၢၵ်ႈၶၼႃႇ​သၢၵ်ႈ​သေႇ​တူဝ်​ၸဝ်ႈ​ၵဝ်ႇ​လႃး​လႃး​တီႈ​ၶႃႈ။ ပရေႃးၽႅတ်ႈ​ၵေႃႈ သမ်ႉ​ဢမ်ႇ​မီး​ထႅင်ႈ​တီႈ​ၶႃႈ၊ ၵႃႈ​ၼႂ်း​ၶႃႈ​ၸဝ်ႈ​ႁဝ်း​ၶဝ်​ၼႆႉ၊ ဢမ်ႇ​မီး​ၵေႃႉ​ဢၼ်​ၸၵ်း​ၽႄ​ႁူႉ​ႁၼ် လွင်ႈ​ဢၼ်​ၶိင်ႇ​ၵႃႇလႃႉ​တၵ်း​ႁိုင်​ၵႃႈ​ႁိုဝ်​ၼၼ်ႉ​တီႈ​ၶႃႈ။</verse>
				<verse number="10">ၽြႃး​ပဵၼ်​ၸဝ်ႈ​တီႈ​ၶႃႈ၊ ၵေႃႉ​ဢၼ်​ႁဵတ်း​တၢင်း​ၽိတ်း​ၼၼ်ႉ တၵ်း​လႆႈ​သႄႉ​သွမ်း​ယူႇ ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။ ရၢၼ်ႇ​သူႇ​တၵ်း​လႆႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ​ယူႇ​တႃႇ​သေႇ​တီႈ​ၶႃႈ​ႁိုဝ်။-</verse>
				<verse number="11">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ယိုတ်း​ဢဝ်​မိုဝ်း​ၶွၼ်​ၶႂႃ​ၸဝ်ႈ​ႁဝ်း​ဝႆႉ​ၼင်ႇ​ႁိုဝ်​တီႈ​ၶႃႈ။ ၶႅၼ်း​တေႃႈ​ဢဝ်​ဢွၵ်ႇ​သေ​ၵႃႈ​ၼႂ်း ႁူဝ်​ဢူၵ်း​ၸဝ်ႈ​ႁဝ်း​လႄႈ ယႃႉ​ၽဵဝ်ႈ​ၶဝ်​ပႅတ်ႈ​သေ​ၵမ်း​တီႈ​ၶႃႈ။-</verse>
				<verse number="12">ၽြႃး​ပဵၼ်​ၸဝ်ႈ ပဵၼ်​ၶုၼ်​ႁေႃ​ၶမ်း​ၵဝ် ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​လႄႈ ႁဵတ်း​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် ၵႃႈ​ၼႂ်း​ၵၢင်​ၼႃႈ​လိၼ်​မိူင်း​ၼႆႉ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="13">ၸဝ်ႈ​ႁဝ်း​ဢဝ်​တၼ်း​ၶူဝ်း​ၸဝ်ႈ​ႁဝ်း ၽႃႇ​ၼမ်ႉ​ပၢင်ႇ​လၢႆႇ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ႁၵ်း​ႁူဝ်​ငိူၵ်ႈ​တင်း​လၢႆ ၵႃႈ​ၼႂ်း​ၼမ်ႉ​ၼၼ်ႉ​ပႅတ်ႈ​တီႈ​ၶႃႈ​ယဝ်ႉ။-</verse>
				<verse number="14">ၸဝ်ႈ​ႁဝ်း​ႁၵ်း​ႁူဝ်​ပႃ​လူင် လဝီႉသၢၼ်ႇ ​ၶၢတ်ႇ​လႄႈ ဢဝ်​မၼ်း​ဢၢပ်ႈ​ပၼ်​တီႈ​ၵူၼ်း​ၼႂ်း​ထိူၼ်ႇ​ၼႂ်း​ၶိူဝ်း​တင်း​လၢႆ ပုၼ်ႈ​ဢၼ်​ၶဝ်​တၵ်း​ၵိၼ်​တီႈ​ၶႃႈ​ယဝ်ႉ။-</verse>
				<verse number="15">ၸဝ်ႈ​ႁဝ်း​ႁႂ်ႈ​ၼမ်ႉ​ဢွၵ်ႇ​ႁူး​လႂ် ၼမ်ႉ​ႁွင်ႈ​လႂ်​ပုၼ်း​ဢွၵ်ႇ​လႄႈ ႁႂ်ႈ​ၼမ်ႉ​မႄႈ​ဢၼ် ၼမ်ႉ​ဢမ်ႇ​တွၼ်ႉ​ထၢတ်ႇ​ၸိူဝ်း​ၼၼ်ႉ ယူတ်း​ႁႅင်ႈ​ၵႂႃႇ​တီႈ​ၶႃႈ​ယဝ်ႉ။-</verse>
				<verse number="16">ၸဝ်ႈ​ႁဝ်း​ပိူင်ႇ​ၵႃ​ဝၼ်း​လႄႈ ၵႃ​ၶိုၼ်း​ၵေႃႈ​ၸဝ်ႈ​ႁဝ်း​ပိူင်ႇ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ႁဵတ်း​ပဵၼ်​ႁိူၼ်း​ဢၼ်​လႅင်း ဢိၵ်ႇ​တင်း​ၵၢင်​ဝၼ်း​တီႈ​ၶႃႈ​ယဝ်ႉ။-</verse>
				<verse number="17">ၸဝ်ႈ​ႁဝ်း​ၶၼ်ႈ​ဝႆႉ​ၶႅၼ်ႈ​ဝႆႉ လႅၼ်​လိၼ်​မိူင်း​ၵႃႈ​မီး​တင်း​သဵင်ႈ​တင်း​လူင်​လႄႈ ၸီႇ​ယၢင်ႇ​ဝႆႉ ၶိင်ႇ​မႆႈ ၶိင်ႇ​ၵတ်း​တီႈ​ၶႃႈ​ယဝ်ႉ။</verse>
				<verse number="18">ၶႅၼ်း​တေႃႈ​ၶုၵ်း​ၸႂ်​လႆႈ ၶႆႈ​ၸႂ်​ထူပ်း လွင်ႈ​ဢၼ်​ရၢၼ်ႇ​သူႇ​သႄႉ​သွမ်း​ထႃႇဝရႃႉ​ၽြႃး​လႄႈ ၵူၼ်း​မိူၵ်ႈ​ၵူၼ်း​ရိူင်း ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="19">ယႃႇ​ပေ​ဢဝ်​ဢသၢၵ်ႈ​ၼူၵ်ႉ​တူႈ​ၸဝ်ႈ​ႁဝ်း ဢၢပ်ႈ​ပၼ်​တီႈ​တူဝ်​ထိူၼ်ႇ​ႁၢႆႉ​သေ​ၵမ်း​တီႈ​ၶႃႈ။ ယႃႇ​ပေ​လူင်​လိုမ်း​ဢသၢၵ်ႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၸဝ်ႈ​ႁဝ်း​ၼၼ်ႉ​လႄႈ ယူႇ​တႃႇ​သေႇ​သေ​ၵမ်း​တီႈ​ၶႃႈ။-</verse>
				<verse number="20">ၶႅၼ်း​တေႃႈ​ထွၵ်ႈ​လူၺ်ႈ​ပတီႉၺိၺ်ႇ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ လွင်ႈ​မၼ်း​ၸမ်ႉ တီႈ​ဢၼ်​လပ်း​သိင်ႇ​ၵႃႈ​ၼိူဝ်​လိၼ်​မိူင်း​ၸိူဝ်း​ၼၼ်ႉ မီး​တဵမ်​ဝႆႉ​တင်း​တီႈ​ယူႇ​တီႈ​သဝ်း တၢင်း​ဢၼ်​ႁိမ်​ဢဝ် ၼိၵ်ႈ​ၸၢၵ်ႈ​ငႅၼ်း​သႄး တင်း​လၢႆ​တီႈ​ၶႃႈ​ဢေႃႈ။-</verse>
				<verse number="21">ယႃႇ​ပေ​ႁႂ်ႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ ႁွတ်ႈ​ထိုင်​တၢင်း​ဢၼ်​ဢူၵ်း​ဢၼ်​ဢၢႆ​လႄႈ ၶိုၼ်း​ၵႂႃႇ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ဢိၵ်ႇ​တင်း​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ လႆႈ​ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="22">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​လုၵ်ႉ​လႄႈ​ၸီႇ​ယၢင်ႇ​တႅပ်း​တတ်း​ဢမူႉ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၶုၵ်း​ၸႂ်​လႆႈ ၶႆႈ​ၸႂ်​ထူပ်း လွင်ႈ​ဢၼ်​ၵူၼ်း​မိူၵ်ႈ​ၵူၼ်း​ရိူင်း သႄႉ​သွမ်း​ၸဝ်ႈ​ႁဝ်း​ယူႇ တင်း​ဝၼ်း​တင်း​ဝၼ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="23">ယႃႇ​ပေ​လူင်​လိုမ်း​သဵင်​ရၢၼ်ႇ​သူႇ​ၸဝ်ႈ​ႁဝ်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ သဵင်​တၢင်း​ဢၼ်​ဢူၼ်​ဢဵၼ်​ႁုၼ်ႉ​မေႃး ၶဝ်​ၸိူဝ်း​ဢၼ်​ပုင်ႇ​ၵၢၼ်ႇ​ၸဝ်ႈ​ႁဝ်း​ၼၼ်ႉ မီး​တၢင်း​ဢၼ်​ၶိုၼ်ႈ​ၵႂႃႇ​ၵႃႈ​ၼိူဝ်​ယူႇ​သေႇ​သေႇ​တီႈ​ၶႃႈ​ဢေႃႈ။</verse>
			</chapter>
			<chapter number="75">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ်​ဢွၼ်​ၵၼ်​ယွင်ႈ​ယေႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၶဝ်​ဢွၼ်​ၵၼ်​ယွင်ႈ​ယေႃး​တီႈ​ၶႃႈ​ဢေႃႈ။ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​မီး​ၸမ်​ယူႇ​လႄႈ ဢွၼ်​ၵၼ်​ဢဝ်​လွင်ႈ​တၢင်း​ဢၼ်​လီ​ဢၢမ်း​ၸဝ်ႈ​ႁဝ်း​ၸိူဝ်း​ၼၼ်ႉ ၶၢမ်ႇ​သၢၵ်ႈ​သေႇ​ယူႇ​တီႈ​ၶႃႈ​ဢေႃႈ။-</verse>
				<verse number="2">မိူဝ်ႈ​ဢၼ်​ၶဝ်​ႁူပ်ႉ​ထူပ်း​ၶိင်ႇ​ဢၼ်​ၶၢၼ်း​ဝႆႉ​ၼၼ်ႉ၊ ၵဝ်​တၵ်း​ၸီႇ​ယၢင်ႇ​သိုဝ်ႈ​သိုဝ်ႈ​တေႃႇ​တေႃႇ​ဢေႃႈ။-</verse>
				<verse number="3">လိၼ်​မိူင်း​ဢိၵ်ႇ​တင်း ၵူၼ်း​လိၼ်​မိူင်း​တင်း​သဵင်ႈ​တင်း​လူင် မီး​တၢင်း​ဢၼ်​ၸိူမ်ႈ​ႁၢႆ​ၵႂႃႇ​လႄႈ၊ ၵဝ်​လႆႈ​ဢဝ်​သဝ်​မၼ်း​တင်း​လၢႆ ပူၵ်း​သႂ်ႇ​ဝႆႉ​ယူႇ​ဢေႃႈ။-</verse>
				<verse number="4">ၵဝ်​လၢတ်ႈ​တီႈ​ၶဝ်​ၸိူဝ်း​ဢၼ် မႃႇၼႃႉ​ၸႂ်​သုင်​ၸွၵ်ႇ​ၵႃး​ၼၼ်ႉ​လႄႈ​ဝႃႈ၊ ယႃႇ​ပေ​မီး​မႃႇၼႃႉ​ၸႂ်​သုင်​ၸွၵ်ႇ​ၵႃး၊-</verse>
				<verse number="5">ဢိၵ်ႇ​တင်း​တီႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​လႄႈ​ဝႃႈ၊ ယႃႇ​ပေ​ယုၵ်ႉ​ယွင်ႈ​ၶဝ်​လႅမ်၊ ယႃႇ​ပေ​ယုၵ်ႉ​ယွင်ႈ​ၶဝ်​လႅမ်​သူ​ၶိုၼ်ႈ​ၵႃႈ​ၼိူဝ်။ ယႃႇ​ပေ​ႁဵတ်း​ၶေႃး​ၵႅၼ်​ၶေႃး​ၶႅင်​သေ​လႄႈ​လၢတ်ႈ၊ ဝႃႈ​ၼင်ႇ​ၼႆ​ဝႆႉ​ဢေႃႈ။-</verse>
				<verse number="6">လွင်ႈ​မၼ်း​ၸမ်ႉ တၢင်း​ဢၼ်​ယုၵ်ႉ​ဢၼ်​ယွင်ႈ ဢမ်ႇ​လုၵ်ႉ​သေ​ၵႃႈ​တီႈ​ၽၢႆႇ​တၢင်း​ဝၼ်း​ဢွၵ်ႇ၊ ၽၢႆႇ​တၢင်း​ဝၼ်း​တူၵ်း၊ ၽၢႆႇ​တၢင်း​ၼႂ်း​ထိူၼ်ႇ​ၸိူဝ်း​ၼၼ်ႉ​မႃး။-</verse>
				<verse number="7">ၽြႃး​ပဵၼ်​ၸဝ်ႈ​ၸီႇ​ယၢင်ႇ​ဢေႃႈ။ မၼ်း​ၸဝ်ႈ​ၶျႃး​ၵေႃႉ​ၼိုင်ႈ​တူၵ်း​တီႈ​တႅမ်ႇ​လႄႈ ယုၵ်ႉ​ယွင်ႈ​ၵေႃႉ​ၼိုင်ႈ​ဢေႃႈ။-</verse>
				<verse number="8">ၵႃႈ​ၼႂ်း​မိုဝ်း​ထႃႇဝရႃႉ​ၽြႃး​ၼၼ်ႉ မီး​ၵွၵ်း​ယူႇ​လႄႈ ပႃး​တင်း​ၼမ်ႉ​ၸပိတ်ႈ ဢၼ်​ပူၵ်ႇ​မၼ်း​လိူတ်ႇ​ၶိုၼ်ႈ​ပုၼ်း​ၶိုၼ်ႈ​ၼၼ်ႉ​ယူႇ​ဢေႃႈ။ မီး​တၢင်း​ဢၼ်​ဢဝ်​ၼမ်ႉ​ယႃ​သႂ်ႇ​လေႃး​ဝႆႉ​လႄႈ၊ မၼ်း​ၸဝ်ႈ​ဢဝ်​ၼမ်ႉ​ၸပိတ်ႈ​ၼၼ်ႉ ထွၵ်ႇ​သႂ်ႇ​ဢေႃႈ။ ယိူဝ်ႇ​မၼ်း​ယေႇ​မၼ်း​ၸိူဝ်း​ၼၼ်ႉ​ၵေႃႈ၊ ၵူၼ်း​လိၼ်​မိူင်း​ဢၼ်​ဢမ်ႇ​တြႃး​တင်း​သဵင်ႈ​တင်း​လူင် လႆႈ​ဢွၼ်​ၵၼ်​မိပ်ႇ​လႄႈ​သူတ်ႉ​ၵိၼ်​ဢေႃႈ။-</verse>
				<verse number="9">ၵဝ်​ၸမ်ႉ၊ တၵ်း​မွၵ်ႇ​လၢတ်ႈ​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ ႁဵတ်း​ထေႃးပၼႃႇ​တီႈ​ၽြႃး​ပဵၼ်​ၸဝ်ႈ မဵဝ်း​ ယႃႇၵုပ်ႈ ​ဢေႃႈ။-</verse>
				<verse number="10">ၵဝ်​တၵ်း​တႅပ်း​ၶဝ်​လႅမ် ၶဝ်​ၸိူဝ်း​ဢၼ်​ဢမ်ႇ​တြႃး​တင်း​သဵင်ႈ​တင်း​လူင်​ၼၼ်ႉ​ပႅတ်ႈ​ဢေႃႈ။ ၶဝ်​လႅမ် ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ တၵ်း​လႆႈ​ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ​ဢေႃႈ။</verse>
			</chapter>
			<chapter number="76">
				<verse number="1">ၵႃႈ​ၼႂ်း​မိူင်း​ ယူႉတႃႉ ​ၼၼ်ႉ ဢွၼ်​ၵၼ်​ႁူႉ​ၽြႃး​ပဵၼ်​ၸဝ်ႈ​ဢေႃႈ။ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ ယႂ်ႇ​မျၢတ်ႈ​ၼႃႇ​ၵႃႈ​ၼႂ်း​တိူင်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="2">ၵႃႈ​ၼႂ်း​ဝဵင်း​ သႃႇလိမ်း ​ၼၼ်ႉ မီး​သုမ်ႉ​ထဵင်​မၼ်း​ၸဝ်ႈ​ဢေႃႈ။ ၵႃႈ​ၼိူဝ်​လွႆ​ ၸီႉဢုၼ်ႇ ​ၼၼ်ႉ မီး​တီႈ​ဢၼ်​မၼ်း​ၸဝ်ႈ​ၵိင်း​ဝၢပ်ႈ​ယူႇ​ဢေႃႈ။-</verse>
				<verse number="3">ၵႃႈ​တီႈ​ၼၼ်ႈ၊ မၼ်း​ၸဝ်ႈ​ႁၵ်း​ယႃႉ​လၢၵ်ႈ​ၼၢၵ်ႈ ပိုၼ်​ၵၢင်ႇ​လႂ်၊ ၶိူင်ႈ​ဢၼ်​ႁႄႉ​လၢၵ်ႈ​ၼၢၵ်ႈ​လႂ်၊ လၢပ်ႇ​လႅဝ်း​လႂ် ဢိၵ်ႇ​တင်း​ပွႆး​တိုၵ်း​သိုၵ်း​လႂ်​ပႅတ်ႈ​ဢေႃႈ။ ၸေႇလႃႇ။</verse>
				<verse number="4">မႂ်း​မီး​မုၼ်​မီး​ၽုင်း​လႄႈ ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​လွႆ​ဢၼ်​မီး​တူဝ်​ထိူၼ်ႇ​ႁၢႆႉ​တင်း​လၢႆ​ၼၼ်ႉ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​ၸႂ်​ႁတ်း​ၸႂ်​ႁၢၼ်​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁိမ်​ဢဝ်​လႄႈ ၼွၼ်း​လပ်း​ၵႂႃႇ​ယဝ်ႉ။ ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼၼ်ႉ ဢမ်ႇ​လႆႈ​ထူပ်း​ႁၼ် မိုဝ်း​ၶဝ်​သေ​ၵေႃႉ​သေ​ၵူၼ်း။-</verse>
				<verse number="6">ၽြႃး​ပဵၼ်​ၸဝ်ႈ​မဵဝ်း​ ယႃႇၵုပ်ႈ ​တီႈ​ၶႃႈ၊ ၵွပ်ႈ​ပိူဝ်ႈ​တၢင်း​ဢၼ်​ၸဝ်ႈ​ႁဝ်း သင်ႇ​သွၼ်​သုင်း​မႃႉ​ၼၼ်ႉ​လႄႈ၊ လေႃႉ​ရထႃး​တင်း​မႃႉ​ၸိူဝ်း​ၼၼ်ႉ ၼွၼ်း​လပ်း​ၵႂႃႇ​ၼႂ်း​တၢင်း​ဢၼ်​ၼွၼ်း​လပ်း ဢၼ်​ယႂ်ႇ​ၼႃႇ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="7">ၸဝ်ႈ​ႁဝ်း​သူႇ​လဵဝ်​ပႃး​လဵဝ်​ၵူၺ်း ပဵၼ်​တီႈ​ဢၼ်​လီ​ၵူဝ်​လီ​ႁႄ​တီႈ​ၶႃႈ​ဢေႃႈ။ မိူဝ်ႈ​ဢၼ်​ၸဝ်ႈ​ႁဝ်း​ၸႂ်​မႆႈ​ၶႆႈ​ၸႃႉ​ၼၼ်ႉ၊ ၽူႈ​လႂ်​တၵ်း​ၸုၵ်း​ၶၢမ်ႇ​ယူႇ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​လႆႈ​တီႈ​ၶႃႈ။-</verse>
				<verse number="8">ၸဝ်ႈ​ႁဝ်း​ပွႆႇ​သဵင် တၢင်း​ဢၼ်​တႅပ်း​တတ်း​တြႃး​သေ​ၵႃႈ​ၼိူဝ်​ၵၢင်​ႁၢဝ်​ပုၼ်ႉ​မႃး​လႄႈ၊ လိၼ်​မိူင်း​ၵူဝ်​ႁႄ​လႄႈ ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ၊-</verse>
				<verse number="9">ၼႂ်း​မိူဝ်ႈ​ဢၼ်​ၽြႃး​ပဵၼ်​ၸဝ်ႈ လုၵ်ႉ​ႁႂ်ႈ​လႆႈ​တႅပ်း​တတ်း​တြႃး​လႄႈ ၵႄႇ​သႄႇ​ၶျွတ်ႈ​ဢဝ်​ၵူၼ်း​လိၼ်​မိူင်း ဢၼ်​ယၢၵ်ႈ​ဢၼ်​ၽၢၼ်​တင်း​သဵင်ႈ​တင်း​လူင်​ၼၼ်ႉ​တီႈ​ၶႃႈ​ဢေႃႈ။ ၸေႇလႃႇ။-</verse>
				<verse number="10">လွင်ႈ​မၼ်း​ၸမ်ႉ တေႃး​သႃႉ​ၵူၼ်း​တင်း​လၢႆ တၵ်း​ယွင်ႈ​ယေႃး​ၸဝ်ႈ​ႁဝ်း​လႄႈ တေႃး​သႃႉ​ဢၼ်​ယင်း​ၵိုတ်း​ယင်း​ၵျၢၼ်ႇ​ၵေႃႈ ၸဝ်ႈ​ႁဝ်း​တၵ်း​ဢဝ်​ႁတ်ႉ​ဢႅဝ်​ဝႆႉ​တီႈ​ၶႃႈ​ဢေႃႈ။</verse>
				<verse number="11">ဢွၼ်​ၵၼ်​ႁဵတ်း​ၵတီႉ​သဵတ်ႈ​ၸႃႇ​လႄႈ ၽေႇ​ဝၢတ်ႈ​သဵတ်ႈ​ၸႃႇ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​တႃႉ။ ႁႂ်ႈ​ၶဝ်​ၸိူဝ်း​ဢၼ်​ယူႇ​လဵပ်ႈ​ႁွပ်ႈ​ၸဝ်ႈ​ႁဝ်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ဢဝ်​လၢၵ်ႈ​သွင်ႇ​မႃး​ၸူး​ၵႃႈ​တီႈ​မၼ်း​ၸဝ်ႈ ဢၼ်​ထုၵ်ႇ​လီ​ၵူဝ်​လီ​ႁႄ​ၼၼ်ႉ​သေ​ၵမ်း။-</verse>
				<verse number="12">မၼ်း​ၸဝ်ႈ​တႅပ်း​ဢသၢၵ်ႈ​လုၵ်ႈ​ၶုၼ်​တင်း​လၢႆ​ၶၢတ်ႇ​ဢေႃႈ။ မၼ်း​ၸဝ်ႈ​ပဵၼ်​တီႈ​ဢၼ်​လီ​ၵူဝ်​လီ​ႁႄ​တီႈ​ၶုၼ်​ႁေႃ​ၶမ်း​လေႃးၵီႇ​တင်း​လၢႆ​ဢေႃႈ။</verse>
			</chapter>
			<chapter number="77">
				<verse number="1">ၵဝ်​တၵ်း​ပွႆႇ​သဵင်​ၵဝ်​လႄႈ ႁွင်ႉ​သႅၼ်ႇ​ႁႃ​ၽြႃး​ပဵၼ်​ၸဝ်ႈ​ဢေႃႈ။ ၵဝ်​တၵ်း​ပွႆႇ​သဵင်​ၵဝ်​ၸူး​တီႈ​ၽြႃး​ပဵၼ်​ၸဝ်ႈ​လႄႈ ၸဝ်ႈ​ႁဝ်း​ၶႅၼ်း​တေႃႈ​ထွမ်ႇ​ဢဝ်​သေ​ၵမ်း​တီႈ​ၶႃႈ။-</verse>
				<verse number="2">ၼႂ်း​မိုဝ်ႉ​ဝၼ်း​ဢၼ်​ၽေး​ႁွတ်ႈ​ထိုင်​ၼၼ်ႉ၊ ၵဝ်​လႆႈ​ႁႃ​ၸဝ်ႈ​ၽြႃး​ဢေႃႈ။ ၶိင်ႇ​ၵၢင်​ၶိုၼ်း​ၵေႃႈ ၵဝ်​လႆႈ​ယဵတ်ႇ​မိုဝ်း​ၸူး​သေ​လႄႈ​ယူႇ​ဢေႃႈ။ ဝီႉၺိၺ်ႇ​ၵဝ်​ထဵင်​ပႅတ်ႈ​တၢင်း​ဢၼ်​သၢၵ်ႈ​သႃႇ​ဢေႃႈ။-</verse>
				<verse number="3">ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၽြႃး​ပဵၼ်​ၸဝ်ႈ​လႄႈ မီး​တၢင်း​ဢၼ်​ၶၢင်း​ၶီ​ၶၢင်း​ၽၢၼ်​ယူႇ​ဢေႃႈ။ ၵဝ်​ၶႆႈ​ၸႂ်​ဝူၼ်ႉ​ၸႂ်​လႄႈ ႁွတ်ႈ​တၢင်း​ဢၼ်​ၸႂ်​လူႉ​ဢေႃႈ။ ၸေႇလႃႇ။</verse>
				<verse number="4">ၸဝ်ႈ​ႁဝ်း​ယိပ်း​ၵႅမ်ႈ​တႃ​ၶႃႈ​ၸဝ်ႈ​သေ​လႄႈ ၽုၺ်ႇ​ဝႆႉ​တင်း​ၶိုၼ်း​တီႈ​ၶႃႈ​ဢေႃႈ။ ၵဝ်​မီး​တၢင်း​ဢၼ်​ယၢပ်ႇ​ၸႂ်​ယုင်ႈ​ၸႂ်​ယူႇ ထၼ်ႈ​ပေႃး​ဢမ်ႇ​မွၵ်ႇ​လၢတ်ႈ​လႆႈ။-</verse>
				<verse number="5">ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မိုဝ်ႉ​ဝၼ်း​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ဢိၵ်ႇ​တင်း​ၶူပ်ႇ​ၼီႈ​ပီႊ​မိူင်း မိူဝ်ႈ​မိုၼ်ႉ​ၸိုၼ်ႉ​သိုၼ်း​ၼၼ်ႉ​ဢေႃႈ။-</verse>
				<verse number="6">ၶိင်ႇ​ၵၢင်​ၶိုၼ်း​ၵေႃႈ၊ ၵဝ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​တၢင်း​ဢၼ်​ႁဵတ်း​ၵႂၢမ်း​ၵဝ်​ၼၼ်ႉ​ယူႇ​လႄႈ၊ ၵဝ်​တွင်ႈ​ထၢမ်​လၢတ်ႈ​ၸႃ​ၵၼ်​တင်း​ႁူဝ်​ၸႂ်​ၵဝ်​လႄႈ၊ ဝီႉၺိၺ်ႇ​ၵဝ်​ႁဵတ်း​တၢင်း​ဢၼ်​ၸႅတ်ႈ​ထၢမ်​ၸႅတ်ႈ​တူၺ်း​ၼႃႇ​လူင်​လၢင်​ဢေႃႈ။-</verse>
				<verse number="7">ၸဝ်ႈ​ၽြႃး​တၵ်း​ၸုၼ်ႉ​ပႅတ်ႈ​သေႇ​သေႇ​ႁိုဝ်။ ၵမ်း​လိုၼ်း​မၼ်း​ၸဝ်ႈ​ယင်း​ဢမ်ႇ​ႁဵတ်း​ၵျေး​ၸူး​လႃး​လႃး​လႄႈ တၵ်း​ယူႇ​ႁိုဝ်။-</verse>
				<verse number="8">ၵရူႉၼႃႇ​မၼ်း​ၸဝ်ႈ​သဵင်ႈ​မူတ်း​ၵႂႃႇ​ယဝ်ႉ​တႃႇ​သေႇ​ႁိုဝ်။ ၵတီႉ​မၼ်း​ၸဝ်ႈ​ၵေႃႈ​တၵ်း​လူႉ​ယူႇ​ၶိင်ႇ​ၶႃႇ​ၵႃႇလႃႉ သိုပ်ႇ​သိုပ်ႇ​တၢမ်း​တၢမ်း​ႁိုဝ်။-</verse>
				<verse number="9">ၽြႃး​ပဵၼ်​ၸဝ်ႈ​လူင်​လိုမ်း​လွင်ႈ​ဢၼ် တၵ်း​လႆႈ​ဢဵတ်း​လူ​ၼၼ်ႉ​ယဝ်ႉ​ႁိုဝ်။ မၼ်း​ၸဝ်ႈ​ၸႂ်​မႆႈ​ၶႆႈ​ၸႃႉ​သေ​လႄႈ၊ မၼ်း​ၸဝ်ႈ​ၶျုၵ်ႈ​ဝႆႉ ၵရူႉၼႃႇ​တၢင်း​ဢၼ်​ႁၵ်ႉ​ပႅင်း​ၼၼ်ႉ​ယဝ်ႉ​ႁိုဝ်။ ၸေႇလႃႇ။</verse>
				<verse number="10">ၵဝ်​ဝႃႈ​ၸမ်ႉ၊ တၢင်း​ၶႆႈ​တၢင်း​ပဵၼ်​ၵဝ်​ၼႆႉ ပဵၼ်​ၶူပ်ႇ​ၼီႈ​ပီႊ​မိူင်း မိုဝ်း​ၶွၼ်​ၶႂႃ​ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​ဢေႃႈ။-</verse>
				<verse number="11">ၵဝ်​တၵ်း​ဢဝ်​ဢမူႉ​ထႃႇဝရႃႉ​ၽြႃး​တင်း​လၢႆ မွၵ်ႇ​လၢတ်ႈ​လႄႈ၊ ၶႃႈ​ၸဝ်ႈ​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​တၢင်း​ဢၼ်​လီ​ဢၢမ်း ဢၼ်​ၸဝ်ႈ​ႁဝ်း​ယၢမ်ႈ​ႁဵတ်း​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="12">ၶႃႈ​ၸဝ်ႈ​တၵ်း​ၶႆႈ​ၸႂ်​လူၺ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း​ႁဵတ်း​ၵႃႈ​မီး​ၼၼ်ႉ​လႄႈ တွင်ႈ​ထၢမ်​လၢတ်ႈ​ၸႃ​ၵၼ်​တင်း​တူဝ်​ၸဝ်ႈ​ၵဝ်ႇ လူၺ်ႈ​လွင်ႈ​တၢင်း​ဢၼ် ၸဝ်ႈ​ႁဝ်း​ၸီႇ​ယၢင်ႇ​ႁဵတ်း​ဝႆႉ ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="13">ၽြႃး​ပဵၼ်​ၸဝ်ႈ​တီႈ​ၶႃႈ၊ သဵၼ်ႈ​တၢင်း​ၸဝ်ႈ​ႁဝ်း ပဵၼ်​ဢၼ်​မူတ်း​ၸၢင်ႇ​တီႈ​ၶႃႈ​ဢေႃႈ။ ၽြႃး​ဢၼ်​လႂ် ယႂ်ႇ​မျၢတ်ႈ​မိူၼ်​ၸိူဝ်ႉ​ၼင်ႇ​ၽြႃး​ပဵၼ်​ၸဝ်ႈ​တီႈ​ၶႃႈ။-</verse>
				<verse number="14">ၸဝ်ႈ​ႁဝ်း​ပဵၼ်​ၽြႃး​ဢၼ်​ၸၢင်ႈ​ႁဵတ်း လွင်ႈ​တၢင်း​ဢၼ်​လီ​ဢၢမ်း​တင်း​လၢႆ​လႄႈ ၼႄ​ပျႃး​တၼ်း​ၶူဝ်း​ၸဝ်ႈ​ႁဝ်း ၵႃႈ​ၼႂ်း​မဵဝ်း​ၵူၼ်း​တင်း​လၢႆ​တီႈ​ၶႃႈ​ယဝ်ႉ။-</verse>
				<verse number="15">ၸဝ်ႈ​ႁဝ်း​ဢဝ်​ၶႅၼ်​ၸဝ်ႈ​ႁဝ်း​ထုတ်ႇ​ဢဝ်​ၵူၼ်း​ၸဝ်ႈ​ႁဝ်း ဢၼ်​ဝႃႈ​မဵဝ်း​ ယႃႇၵုပ်ႈ ဢိၵ်ႇ​တင်း​မဵဝ်း​ ယူဝ်းသႅပ်ႈ ​ၸိူဝ်း​ၼၼ်ႉ တီႈ​ၶႃႈ​ယဝ်ႉ။ ၸေႇလႃႇ။-</verse>
				<verse number="16">ၽြႃး​ပဵၼ်​ၸဝ်ႈ​တီႈ​ၶႃႈ၊ ၼမ်ႉ​တင်း​လၢႆ​ႁၼ်​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၼမ်ႉ​တင်း​လၢႆ​ႁၼ်​ၸဝ်ႈ​ႁဝ်း​လႄႈ ၵူဝ်​ႁႄ​တီႈ​ၶႃႈ​ဢေႃႈ။ ၼမ်ႉ​တီႈ​ဢၼ်​လိုၵ်ႉ​ဢၼ်​လမ်ႇ​ၸိူဝ်း​ၼၼ်ႉ​ၵေႃႈ တူင်ႉ​ၼိုင်​ၶွၼ်း​ၶဝ်ႇ​ယူႇ​တီႈ​ၶႃႈ​ဢေႃႈ။-</verse>
				<verse number="17">ၽႃႈ​ၽူၼ်​တင်း​လၢႆ​ၼၼ်ႉ ထွၵ်ႇ​ႁိုဝ်ႈ​ၼမ်ႉ​လႄႈ၊ ၽႃႉ​ၵၢင်​ႁၢဝ်​ၵေႃႈ​ႁဵတ်း​သဵင်​ဢၼ် ႁုၼ်ႉ​ႁၼ်ႉ​ဢူၼ်​ဢဵၼ်​မေႃး​မႄး​ယူႇ​တီႈ​ၶႃႈ​ဢေႃႈ။ ပိုၼ်​ၵၢင်ႇ​ၸဝ်ႈ​ႁဝ်း​တင်း​လၢႆ​ၵေႃႈ ၸွတ်ႇ​တူဝ်ႈ​ၵႂႃႇ​ၵူႈ​တီႈ​ၵူႈ​လႅၼ်​တီႈ​ၶႃႈ​ဢေႃႈ။-</verse>
				<verse number="18">သဵင်​ၽႃႉ​ၽႃႇ​ၸဝ်ႈ​ႁဝ်း​ၼၼ်ႉ ပႃး​မႃး​ၼႂ်း​လူမ်း​ၽိဝ်ႇ​ႁုင်​လႄႈ၊ ၽႃႉ​မႅပ်ႈ​ၸိူဝ်း​ၼၼ်ႉ ႁႂ်ႈ​လေႃးၵႃႉ​ၼႆႉ​လႅင်း​တီႈ​ၶႃႈ​ဢေႃႈ။ လိၼ်​မိူင်း​ၵေႃႈ​သၼ်ႇ​ဝႆ​လႄႈ​တူင်ႉ​ၼိုင်​ယူႇ​တီႈ​ၶႃႈ​ဢေႃႈ။</verse>
				<verse number="19">သဵၼ်ႈ​တၢင်း​ၸဝ်ႈ​ႁဝ်း​မီး​ယူႇ ၵႃႈ​ၼႂ်း​ၼမ်ႉ​သမ်ႇ​မုၵ်ႉ​တြႃႇ​လႄႈ၊ တၢင်း​ဢၼ်​ၸဝ်ႈ​ႁဝ်း​ၵႂႃႇ​ၸိူဝ်း​ၼၼ်ႉ မီး​ယူႇ​ၵႃႈ​ၼႂ်း​ၼမ်ႉ​ဢၼ်​ယႂ်ႇ​ၵႂၢင်ႈ​ၼႃႇ​ၼၼ်ႉ​တီႈ​ၶႃႈ​ဢေႃႈ။ ႁွႆး​တိၼ်​ၸဝ်ႈ​ႁဝ်း​တင်း​လၢႆ​ၵေႃႈ ဢမ်ႇ​ထၢင်ႇ​ဢမ်ႇ​သႃး​တီႈ​ၶႃႈ၊-</verse>
				<verse number="20">ၸဝ်ႈ​ႁဝ်း​ဢဝ်​တင်း​မိုဝ်း​ မူဝ်းသေႇ ဢိၵ်ႇ​တင်း​ ဢႃႇရုၼ်ႇ ဢဝ်​ၵူၼ်း​ၸဝ်ႈ​ႁဝ်း​တင်း​လၢႆ​သူင်ႇ မိူၼ်​ၸိူဝ်ႉ​ၼင်ႇ ၽုင်​သူဝ်း​ၼၼ်ႉ​တီႈ​ၶႃႈ​ဢေႃႈ။</verse>
			</chapter>
			<chapter number="78">
				<verse number="1">ၵူၼ်း​ၵဝ်​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ဢဝ်​ႁူ​သူ​ထွမ်ႇ​ငိၼ်း​တြႃး​ၵဝ်​တႃႉ။ ဢွၼ်​ၵၼ်​ဝၢႆႇ​ႁူ​သူ​ၸူး​တီႈ​ၵႂၢမ်း​ဢၼ်​သူပ်း​ၵဝ်​မွၵ်ႇ​လၢတ်ႈ​ၼႆႉ​တႃႉ။-</verse>
				<verse number="2">ၵဝ်​တၵ်း​ပိုတ်ႇ​ပၢၵ်ႇ​လႄႈ မွၵ်ႇ​လၢတ်ႈ​ၵႂၢမ်း​ဢူႉပမႃႇ​ဢေႃႈ။ ၵဝ်​တၵ်း​ၽုၺ်ႇ​ၼႄ​လွင်ႈ​ဢၼ်​လိုၵ်ႉ​ဢၼ်​လမ်ႇ ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="3">လွင်ႈ​တၢင်း​ဢၼ်​ႁဝ်း​လႆႈ​ႁူႉ​လႆႈ​ငိၼ်း​လႄႈ ပူႇ​ႁဝ်း​ပေႃႈ​ႁဝ်း​လၢတ်ႈ​ၸိူဝ်း​ၼၼ်ႉ​ၸိုင်၊-</verse>
				<verse number="4">ႁဝ်း​ယင်း​ဢမ်ႇ​သိူင်ႇ​ဢမ်ႇ​မႅပ်ႉ ဝႆႉ​သေ​တီႈ​လုၵ်ႈ​ၶဝ်​လၢၼ်​ၶဝ်​လႄႈ တၵ်း​ဢဝ်​တၢင်း​ဢၼ်​ယွင်ႈ​ယေႃး​ထႃႇဝရႃႉ​ၽြႃး ဢိၵ်ႇ​တင်း​ႁႅင်း​တၼ်း​ၶူဝ်း​မၼ်း​ၸဝ်ႈ တင်း​လွင်ႈ​တၢင်း​ဢၼ်​လီ​ဢၼ်​မၼ်း​ၸဝ်ႈ​ႁဵတ်း​ၸိူဝ်း​ၼၼ်ႉ မွၵ်ႇ​လၢတ်ႈ​တီႈ​ၶဝ်​ၸိူဝ်း​ဢၼ်​တၵ်း​ပဵၼ်​မႃး​ၼၼ်ႉ​ဢေႃႈ။</verse>
				<verse number="5">လွင်ႈ​မၼ်း​ၸမ်ႉ မၼ်း​ၸဝ်ႈ​ၸီႇ​ယၢင်ႇ​လွင်ႈ​တၢင်း​ဢၼ်​ၶၢမ်ႇ​သၢၵ်ႈ​သေႇ​ၵႃႈ​ၼႂ်း မဵဝ်း​ ယႃႇၵုပ်ႈ ​လႄႈ ဝႆႉ​ပိင်း​ၺၢပ်ႈ​တြႃး ၵႃႈ​ၼႂ်း​မဵဝ်း ဢီႉသရေႇလႃႉ ​ဢေႃႈ။ တြႃး​ၼၼ်ႉ​ၸိုင်၊ မၼ်း​ၸဝ်ႈ​မီး​ဢမိင်ႉ​ဝႆႉ​တီႈ​ပူႇ​ႁဝ်း​ပေႃႈ​ႁဝ်း ႁႂ်ႈ​ၶဝ်​လႆႈ​ႁႂ်ႈ​လုၵ်ႈ​ၶဝ်​လၢင်း​ၶဝ်​လႆႈ​ႁူႉ​လႆႈ​ၸႅင်ႈ၊-</verse>
				<verse number="6">ဢိၵ်ႇ​တင်း​ႁႂ်ႈ​မဵဝ်း​ဢၼ်​တၵ်း​ပဵၼ်​မႃး ဢၼ်​ဝႃႈ​လုၵ်ႈ​လၢင်း​ဢၼ်​တၵ်း​ၵိူတ်ႇ​လဵင်ႉ​မႃး​ၵမ်း​လိုၼ်း၊ ဢၼ်​တၵ်း​လုၵ်ႉ​ဢွၵ်ႇ​မႃး​လႄႈ လၢတ်ႈ​ပၼ်​တီႈ​လၢၼ်​လိၼ်​ၶဝ်​ၼၼ်ႉ​ၸိူဝ်း​ၼၼ်ႉ လႆႈ​ႁူႉ​လႆႈ​ၸႅင်ႈ၊-</verse>
				<verse number="7">ႁႂ်ႈ​ၶဝ်​လႆႈ​ယုမ်ႇ​မၢတ်ႈ​သွၼ်ႈ​ပိုင်ႈ​ၽြႃး​ပဵၼ်​ၸဝ်ႈ​လႄႈ၊ ဢမ်ႇ​လႆႈ​လူင်​လႆႈ​လိုမ်း လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ​ႁဵတ်း​ၸိူဝ်း​ၼၼ်ႉ ၵမ်​ၸွမ်း​ၵျၢင်ႉ​ၸွမ်း​ပိင်း​ၺၢပ်ႈ​မၼ်း​ၸဝ်ႈ​ၸိူဝ်း​ၼၼ်ႉ​လႄႈ၊-</verse>
				<verse number="8">ဢမ်ႇ​ႁႂ်ႈ​လႆႈ​ပဵၼ်​မဵဝ်း​ဢၼ် ၸၢင်ႈ​တွပ်ႇ​ၸၢင်ႈ​ထဵင်​လႄႈ​ပုင်ႇ​ၵၢၼ်ႇ၊ မဵဝ်း​ဢၼ်​သၽေႃး​ဢမ်ႇ​သိုဝ်ႈ​ဢမ်ႇ​ယူဝ်း​လႄႈ ၸႂ်​ဝီႉၺိၺ်ႇ​ဢမ်ႇ​မီး​သဵတ်ႈ​ၸႃႇ​တီႈ​ၽြႃး​ပဵၼ်​ၸဝ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​ပူႇ​မွၼ်ႇ​ၶဝ်​ၼၼ်ႉ​ဢေႃႈ။</verse>
				<verse number="9">ၵူၼ်း​မဵဝ်း​ ဢေႇၽရိမ်ႇ ​ၸိူဝ်း​ၼၼ်ႉ ပႃး​လၢၵ်ႈ​ၼၢၵ်ႈ​လႄႈ ယိပ်း​ၵမ်​ၵၢင်ႇ​ယူႇ​သေ​လႄႈ​ဝၢႆႇ​ၶိုၼ်း​တၢင်း​လင် ၼႂ်း​မိုဝ်ႉ​ဝၼ်း​ဢၼ်​တိုၵ်း​သိုၵ်း​ၼၼ်ႉ​လူင်​ပႄႇ။-</verse>
				<verse number="10">ၶဝ်​ဢမ်ႇ​ပႂ်ႉ​သဵတ်ႈ​ၸႃႇ​ၽြႃး​ပဵၼ်​ၸဝ်ႈ၊ ၶဝ်​ဢမ်ႇ​မီး​ဢလူဝ်ႇ​ၶႂ်ႈ​ၸွမ်း​ၼႂ်း​သဵၼ်ႈ​တၢင်း​တြႃး​မၼ်း​ၸဝ်ႈ။-</verse>
				<verse number="11">ၶဝ်​လူင်​လိုမ်း​လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​ၸိူဝ်း​ၼၼ်ႉ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း ဢၼ်​မၼ်း​ၸဝ်ႈ​ၼႄ​ပျႃး​တီႈ​ၶဝ်​ၼၼ်ႉ ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="12">မၼ်း​ၸဝ်ႈ​ႁဵတ်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ သိုဝ်ႈ​ၼႃႈ​တႂ်ႈ​တႃ​ပူႇ​ၶဝ်​ပေႃႈ​ၶဝ် ၵႃႈ​ၼႂ်း​မိူင်း​ ဢေႇၵိပ်ႉတူႉ ဢိၵ်ႇ​တင်း​တီႈ​ ၸေႃးၼႃႉ ​ၼၼ်ႉ​ယဝ်ႉ​ဢေႃႈ။-</verse>
				<verse number="13">မၼ်း​ၸဝ်ႈ​ၽႃႇ​ပၢင်ႇ​လၢႆႇ​ၶၢတ်ႇ​သေ​လႄႈ ႁႂ်ႈ​ၶဝ်​ပႆ​ၵႂႃႇ​လတ်း​ၵႂႃႇ​လႄႈ မၼ်း​ၸဝ်ႈ​ဢဝ်​ၼမ်ႉ​ၶွၼ်ႈ​ၵၼ်​ၵွင်​ၵၼ်​ဝႆႉ​ဢေႃႈ။-</verse>
				<verse number="14">မၼ်း​ၸဝ်ႈ​ဢဝ်​မွၵ်ႇ​ၵုမ်ႈ​ၼႄ​ပျႃး သဵၼ်ႈ​တၢင်း​တီႈ​ၶဝ်​ၶိင်ႇ​ၵၢင်​ဝၼ်း​လႄႈ ဢဝ်​ဢၼ်​လႅင်း​ၽႆး​ၼႄ​ပျႃး​သဵၼ်ႈ​တၢင်း​တီႈ​ၶဝ်​ၶိင်ႇ​ၵၢင်​ၶိုၼ်း​တင်း​ၶိုၼ်း​ဢေႃႈ။-</verse>
				<verse number="15">မၼ်း​ၸဝ်ႈ​ၽႃႇ​မၢၵ်ႇ​ႁိၼ်​မၢၵ်ႇ​ၽႃ​ၶၢတ်ႇ ၵႃႈ​ၼႂ်း​ထိူၼ်ႇ​လႄႈ ဢဝ်​ၼမ်ႉ​ၼမ်​ၼႃႇ မိူၼ်​ၸိူဝ်ႉ​ၼင်ႇ​ၼမ်ႉ​တီႈ​ဢၼ်​လိုၵ်ႉ​ဢၼ်​လမ်ႇ​ၼၼ်ႉ တိုၵ်း​ပၼ်​ၶဝ်​ၵိၼ်​ဢေႃႈ။-</verse>
				<verse number="16">မၼ်း​ၸဝ်ႈ​ႁႂ်ႈ​ၼမ်ႉ​ဢၼ်​လႆ​ယူႇ​ၼၼ်ႉ ဢွၵ်ႇ​သေ​ၵႃႈ​ၼႂ်း​မၢၵ်ႇ​ႁိၼ်​မၢၵ်ႇ​ၽႃ​မႃး​လႄႈ ႁႂ်ႈ​ၼမ်ႉ​ၼမ်​ၼႃႇ​လႆ​ယူႇ မိူၼ်​ၸိူဝ်ႉ​ၼင်ႇ​ၼမ်ႉ​ႁွင်ႈ​ၼမ်ႉ​ၵႄး​ၼၼ်ႉ​ဢေႃႈ။</verse>
				<verse number="17">ၶဝ်​ၸိူဝ်း​ၼၼ်ႉ​ၸမ်ႉ၊ ယဵင်ႈ​ၶႅၼ်း​ၽိတ်း​ပိူင်ႈ​လႄႈ ပုင်ႇ​ၵၢၼ်ႇ​ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ၵႃႈ​ၼႂ်း​ထိူၼ်ႇ​ဢေႃႈ။-</verse>
				<verse number="18">ၶဝ်​ၸွမ်း​လူၺ်ႈ​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ ယွၼ်း​ဢဝ်​တၢင်း​ၵိၼ်​လႄႈ ၸၢမ်း​တူၺ်း​ၽြႃး​ပဵၼ်​ၸဝ်ႈ ၵႃႈ​ၼႂ်း​ႁူဝ်​ၸႂ်​ၶဝ်​ဢေႃႈ။-</verse>
				<verse number="19">ၶဝ်​လၢတ်ႈ​ၶတ်း​ၵၼ်​တင်း​ၽြႃး​ပဵၼ်​ၸဝ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​တၵ်း​မႄး​ႁႅၼ်း​ၶူင်ႇ​တီႈ​ၵိၼ်​ၵႃႈ​ၼႂ်း​ထိူၼ်ႇ​ၼႆႉ​လႆႈ​ႁိုဝ်။-</verse>
				<verse number="20">တူၺ်း​လူး၊ မၼ်း​ၸဝ်ႈ​ပေႃႉ​ယႅၼ်ႉ​မၢၵ်ႇ​ႁိၼ်​မၢၵ်ႇ​ၽႃ​ထၼ်ႈ​ပေႃး ႁႂ်ႈ​ၼမ်ႉ​ဢွၵ်ႇ​မႃး​လႄႈ ပဵၼ်​ႁွင်ႈ​ပဵၼ်​ၵႄး​လႆ​ယူႇ​ဢေႃႈ။ ၶဝ်ႈ​မုၼ်း​ၵေႃႈ မၼ်း​ၸဝ်ႈ​တၵ်း​ပၼ်​လႆႈ​ႁိုဝ်။ ၼိူဝ်ႉ​ၵေႃႈ​မၼ်း​ၸဝ်ႈ​တၵ်း​မႄး​ႁႅၼ်း​ဝႆႉ ပုၼ်ႈ​ၵူၼ်း​မၼ်း​ၸဝ်ႈ​တင်း​လၢႆ​လႆႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​ငိၼ်း​ၵႂၢမ်း​ၼၼ်ႉ​လႄႈ ၸႂ်​မႆႈ​ၶႆႈ​ၸႃႉ​ဢေႃႈ။ ၽႆး​မႆႈ​တီႈ​မဵဝ်း​ ယႃႇၵုပ်ႈ ​လႄႈ တေႃး​သႃႉ​ႁုပ်ႇ​ၶိုၼ်ႈ​တီႈ​မဵဝ်း ဢီႉသရေႇလႃႉ ​ဢေႃႈ။-</verse>
				<verse number="22">လွင်ႈ​မၼ်း​ၸမ်ႉ ၶဝ်​ဢမ်ႇ​ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ​လႄႈ ဢမ်ႇ​ဢိင်​ပိုင်ႈ​ၵျေး​ၸူး​တၢင်း​ဢၼ်​မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၼၼ်ႉ။-</verse>
				<verse number="23">မၼ်း​ၸဝ်ႈ​သင်ႇ​လၢတ်ႈ​တီႈ​ၽႃႈ​ၽူၼ်​ၵႃႈ​ၼိူဝ်​လႄႈ ၽုၺ်ႇ​ၽၵ်း​တူ​ၵၢင်​ႁၢဝ်​ဢေႃႈ။-</verse>
				<verse number="24">မၼ်း​ၸဝ်ႈ​ႁႂ်ႈ​ၽူၼ်​ မၼ်ႇၼႃႉ တူၵ်း​လူင်း​ပုၼ်ႈ​ဢၼ်​ၶဝ်​တၵ်း​ၵိၼ်​ၼၼ်ႉ​လႄႈ ဢဝ်​ၶဝ်ႈ​သၢၼ်​ၶဝ်ႈ​ပိူၵ်ႇ​ၵၢင်​ႁၢဝ် ပၼ်​တီႈ​ၶဝ်​ဢေႃႈ။-</verse>
				<verse number="25">ၶဝ်​တင်း​သဵင်ႈ​တင်း​လူင် ဢွၼ်​ၵၼ်​ၵိၼ်​ၶဝ်ႈ​မုၼ်း​ၶဝ်​ၸိူဝ်း​ဢၼ်​ယႂ်ႇ​မျၢတ်ႈ​ၼႃႇ​ၼၼ်ႉ​လႄႈ၊ မၼ်း​ၸဝ်ႈ​ပွႆႇ​ၸႂ်ႉ​တၢင်း​ၵိၼ်​မႃး​တီႈ​ၶဝ် ႁႂ်ႈ​ၶဝ်​လႆႈ​ၵိၼ်​ဢိမ်ႇ​ၵိၼ်​တဵမ်​ဢေႃႈ။-</verse>
				<verse number="26">မၼ်း​ၸဝ်ႈ​ႁႂ်ႈ​လူမ်း​တၢင်း​ဢွၵ်ႇ​ထူဝ်း​မႃး​ၵႃႈ​ၼိူဝ်​ၵၢင်​ႁၢဝ်​လႄႈ ဢဝ်​ႁႅင်း​တၼ်း​ၶူဝ်း​မၼ်း​ၸဝ်ႈ ဢဝ်​လူမ်း​တၢင်း​ၸၢၼ်း​ၵႂႃႇ​သူင်ႇ​ဢေႃႈ။-</verse>
				<verse number="27">မၼ်း​ၸဝ်ႈ​ႁႂ်ႈ​ၽူၼ်​ဢၼ်​ပဵၼ်​ၼိူဝ်ႉ​ၼမ်​ၼႃႇ​ပဵင်း​ထၢၼ်ႇ​မုၼ်ႈ​လိၼ် ဢိၵ်ႇ​တင်း​ၽူၼ်​ဢၼ်​ပဵၼ်​ၼူၵ်ႉ​ဢၼ်​ၸၢင်ႈ​မိၼ်​ၼမ်​ၼႃႇ ပဵင်း​ထၢၼ်ႇ​သၢႆး​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ တူၵ်း​လူင်း​ၵႃႈ​ၼိူဝ်​ၶဝ်​ဢေႃႈ။-</verse>
				<verse number="28">မၼ်း​ၸဝ်ႈ​ႁႂ်ႈ​တူၵ်း​ႁွတ်ႈ​ၵႃႈ​ၼႂ်း​တီႈ​ဢၼ်​ၶဝ်​ၶျႃး​တပ်ႉ ၵႃႈ​ႁိမ်း​တီႈ​ယူႇ​တီႈ​သဝ်း​ၶဝ်​ၼၼ်ႉ​ဢေႃႈ။-</verse>
				<verse number="29">ၼင်ႇ​ၼၼ်​လႄႈ ၶဝ်​လႆႈ​ၵိၼ်​ဢိမ်ႇ​ၵိၼ်​တဵမ်​ၼႃႇ​လူင်​လၢင်​လႄႈ မၼ်း​ၸဝ်ႈ​ပၼ်​ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​ၶဝ်​မီး​ၼၼ်ႉ​ဢေႃႈ။-</verse>
				<verse number="30">ၶဝ်​ဢမ်ႇ​ၵၢင်း​ဢမ်ႇ​လွတ်ႈ တင်း​ဢလူဝ်ႇ​ၶဝ်​ၼၼ်ႉ။ ၼႂ်း​မိူဝ်ႈ​ဢၼ်​တၢင်း​ၵိၼ်​ၶဝ် ယင်း​တိုၵ်ႉ​မီး​ယူႇ​ၵႃႈ​ၼႂ်း​သူပ်း​ၶဝ်​ၼၼ်ႉ​ၸိုင်၊-</verse>
				<verse number="31">တၢင်း​ၸႂ်​မႆႈ​ၶႆႈ​ၸႃႉ ၽြႃး​ပဵၼ်​ၸဝ်ႈ ႁုပ်ႇ​ၶိုၼ်ႈ​သႂ်ႇ​တီႈ​ၶဝ်​လႄႈ ဢဝ်​ၶဝ်​ၸိူဝ်း​ဢၼ်​ပီး​လီ​မၼ်း​လီ​ၼၼ်ႉ​တၢႆ​လႄႈ တီႇ​ပမ်ႈ​ၵူၼ်း​ၼုမ်ႇ​ၵူၼ်း​ၵမ်​ ဢီႉသရေႇလႃႉ ​တင်း​လၢႆ လူမ်ႉ​ပႅတ်ႈ​ဢေႃႈ။</verse>
				<verse number="32">ပိၵ်ႉ​သမ်ႉ ၶဝ်​လႆႈ​ထူပ်း​လႆႈ​ႁၼ်​လွင်ႈ​တၢင်း​ၵႃႈ​မီး​ၼၼ်ႉ​သေ​ၵေႃႈ၊ ၶဝ်​ၽိတ်း​ပိူင်ႈ​ထႅင်ႈ​ယူႇ​တိၵ်ႈ​တိၵ်ႈ​လႄႈ ယင်း​ဢမ်ႇ​ယုမ်ႇ​မၢတ်ႈ လွင်ႈ​တၢင်း​ဢၼ်​လီ​ဢၢမ်း​မၼ်း​ၸဝ်ႈ​ၸိူဝ်း​ၼၼ်ႉ​လႄႈ​ယူႇ​ဢေႃႈ။-</verse>
				<verse number="33">ပိူဝ်ႈ​ၼႆ​လႄႈ မၼ်း​ၸဝ်ႈ​ႁႂ်ႈ​မိုဝ်ႉ​ဝၼ်း​ၶဝ်​ၸိူဝ်း​ၼၼ်ႉ ပူၼ်ႉ​ၵႂႃႇ​ယူႇ​လၢႆ​လၢႆ​လွၵ်ႇ​လွၵ်ႇ​လႄႈ ဢဝ်​ၶူပ်ႇ​ၼီႈ​ပီႊ​မိူင်း​ၶဝ်​ၸိူဝ်း​ၼၼ်ႉ ပူၼ်ႉ​ၵႂႃႇ​ယူႇ​ၵႃႈ​ၼႂ်း​ၽေး​ဢူႉ​ပၢတ်ႈ​ၼၼ်ႉ​ဢေႃႈ။-</verse>
				<verse number="34">မိူဝ်ႈ​ဢၼ်​မၼ်း​ၸဝ်ႈ​ဢဝ်​ၶဝ်​တၢႆ​ၼၼ်ႉ​ၸိုင် ဢွၼ်​ၵၼ်​ႁႃ​ဢဝ်​မၼ်း​ၸဝ်ႈ​ဢေႃႈ။ ၶဝ်​ဢွၼ်​ၵၼ်​ၶိုၼ်း​မႃး​လႄႈ​ၸွမ်း​ႁႃ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="35">ၶဝ်​လႆႈ​သတီႉ​လွင်ႈ​ဢၼ် ၽြႃး​ပဵၼ်​ၸဝ်ႈ​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၶဝ်၊ ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ပဵၼ်​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၶဝ်​ၼၼ်ႉ​ဢေႃႈ။-</verse>
				<verse number="36">ၼႂ်း​ဝႃႈ​ၼၼ်​သေ​ၵေႃႈ ၶဝ်​ဢွၼ်​ၵၼ်​ဢဝ်​သူပ်း​ၶဝ် ၶျေႃး​ဝွၼ်း​မၼ်း​ၸဝ်ႈ​လႄႈ ဢဝ်​လိၼ်ႉ​ၶဝ်​လၢတ်ႈ​ၵႂၢမ်း​မူႉ​သႃႇ​ဢေႃႈ။-</verse>
				<verse number="37">ၸႂ်​သၽေႃး​ၶဝ်​ၸမ်ႉ၊ ဢမ်ႇ​သိုဝ်ႈ​ဢမ်ႇ​ယူဝ်း​တီႈ​မၼ်း​ၸဝ်ႈ ၶဝ်​ယင်း​ဢမ်ႇ​ပႂ်ႉ​သဵတ်ႈ​ၸႃႇ​မၼ်း​ၸဝ်ႈ​လႄႈ​ယူႇ​ဢေႃႈ။-</verse>
				<verse number="38">မၼ်း​ၸဝ်ႈ​ၸမ်ႉ၊ မီး​ၸႂ်​ၵရူႉၼႃႇ​လႄႈ ယင်း​ဢမ်ႇ​ယႃႉ​ၶဝ်​ပႅတ်ႈ​လႄႈ ႁူမ်ႇ​ဢပႅတ်ႈ​ၶဝ်​ဝႆႉ​ဢေႃႈ။ မၼ်း​ၸဝ်ႈ​ပေႇ​ၸႂ်​မၼ်း​ၸဝ်ႈ ဢမ်ႇ​ႁူႉ​လၢႆ​ၽဝ်ႇ​လၢႆ​ပွၵ်ႈ​ၼမ်​ၼႃႇ​လႄႈ၊ ဢမ်ႇ​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ။-</verse>
				<verse number="39">မၼ်း​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၶဝ်​ပဵၼ်​ၼိူဝ်ႉ​ပဵၼ်​လိူတ်ႈ​ၵူၺ်း ဢိၵ်ႇ​တင်း​လွင်ႈ​ဢၼ်​ၶဝ်​ပဵၼ်​လူမ်း​ဢၼ်​ၸၢင်ႈ​ပူၼ်ႉ​ၵႂႃႇ​လႄႈ ၵမ်း​လိုၼ်း​ဢမ်ႇ​ၶိုၼ်း​မႃး​ၼၼ်ႉ​ဢေႃႈ။</verse>
				<verse number="40">ၶဝ်​ႁဵတ်း​တၢင်း​ဢၼ်​ပုင်ႇ​ၵၢၼ်ႇ​မၼ်း​ၸဝ်ႈ​ၵႃႈ​ၼႂ်း​ထိူၼ်ႇ​လႄႈ ႁႂ်ႈ​မၼ်း​ၸဝ်ႈ​ၸဵပ်း​ၸႂ် ၵႃႈ​ၼႂ်း​တီႈ​ဢၼ်​ၵူၼ်း​သဵတ်ႇ​ၵူၼ်း​ယဵၼ်​ၼၼ်ႉ ဢမ်ႇ​ႁူႉ​လၢႆ​ၽဝ်ႇ​လၢႆ​ပွၵ်ႈ​ၼမ်​ၼႃႇ​လူင်​ပႄႇ။-</verse>
				<verse number="41">ၶဝ်​သမ်ႉ​ၶိုၼ်း​ၸၢမ်း​တူၺ်း​ၽြႃး​ပဵၼ်​ၸဝ်ႈ​လႄႈ ႁဵတ်း​တၢင်း​ဢၼ်​ဢမ်ႇ​ၼပ်ႉ​ဢမ်ႇ​ၶၢၼ်း​တီႈ​ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၼၼ်ႉ​လူင်​ပႄႇ။-</verse>
				<verse number="42">ၶဝ်​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၶႅၼ်​မိုဝ်း​မၼ်း​ၸဝ်ႈ ဢိၵ်ႇ​တင်း​မိုဝ်ႉ​ဝၼ်း​ဢၼ်​မၼ်း​ၸဝ်ႈ​ၵႄႇ​သႄႇ​ၼုၵ်ႈ​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၼၼ်ႉ။-</verse>
				<verse number="43">မၼ်း​ၸဝ်ႈ​ႁဵတ်း​လၢၵ်ႈၶၼႃႇ​သၢၵ်ႈ​သေႇ​မၼ်း​ၸဝ်ႈ​တင်း​လၢႆ ၵႃႈ​ၼႂ်း​မိူင်း​ ဢေႇၵိပ်ႉတူႉ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ၵႃႈ​ၼႂ်း​ပၢင်ႇ​ပဵင်း​ ၸေႃးၼႃႉ ​ၼၼ်ႉ​ဢေႃႈ။-</verse>
				<verse number="44">မၼ်း​ၸဝ်ႈ​ႁႂ်ႈ​ၼမ်ႉ​ႁွင်ႈ​ၼမ်ႉ​ၵႄး​ၶဝ်​တင်း​လၢႆ ပဵၼ်​လိူတ်ႈ​ၵႂႃႇ ႁႂ်ႈ​ၶဝ်​ဢမ်ႇ​ၵိၼ်​လႆႈ​ဢေႃႈ။-</verse>
				<verse number="45">မၼ်း​ၸဝ်ႈ​ပွႆႇ​ၸႂ်ႉ​လိူၵ်ႇ​ဢၼ်​ၸၢင်ႈ​ၶူပ်း​ၵိၼ်​ၶဝ်​ၼၼ်ႉ ဢိၵ်ႇ​တင်း​ၶဵတ်ႇ​ဢၼ်​ၸၢင်ႈ​ယႃႉ​ယူၵ်ႉ​ၶဝ်​ၼၼ်ႉ မႃး​တီႈ​ၶဝ်​ဢေႃႈ။-</verse>
				<verse number="46">မၼ်း​ၸဝ်ႈ​ဢဝ်​မၢၵ်ႇ​လိၼ်​ႁူင်း​လိၼ်​ၶဝ်​ၼၼ်ႉ ဢၢပ်ႈ​ပၼ်​တီႈ​မႅင်း​ၵႅင်း​ ၶႃႇသီႉလႃႉ လႄႈ ဢဝ်​ဢုၵ်ႉ​ၸႃႇ​ဢၼ်​ၶဝ်​လႆႈ​ႁဵတ်း​လႄႈ​လႆႈ​ၼၼ်ႉ ဢၢပ်ႈ​ပၼ်​တီႈ​မႅင်း​ၵႅင်း ဢရႃႇၽႃႉ ဢေႃႈ။-</verse>
				<verse number="47">မၼ်း​ၸဝ်ႈ​ဢဝ်​မၢၵ်ႇ​ႁဵပ်း ယႃႉ​ၶိူဝ်း​မၢၵ်ႇ​ၸပိတ်ႈ​ၶဝ်​တင်း​လၢႆ၊ ဢဝ်​ၵွၼ်ႈ​မူၺ်​ယႃႉ​မႆႉ​မွၼ်း​ၶဝ်​တင်း​လၢႆ ပႅတ်ႈ​ဢေႃႈ။-</verse>
				<verse number="48">မၼ်း​ၸဝ်ႈ​ဢဝ်​သူဝ်း​ဝူဝ်း​ၶဝ်​တင်း​လၢႆ ဢၢပ်ႈ​ပၼ်​တီႈ​မၢၵ်ႇ​ႁဵပ်း​လႄႈ ဢဝ်​ၽုင်​တရိၵ်ႈသၢၼ်ႇ​ၶဝ်​တင်း​လၢႆ ဢၢပ်ႈ​ပၼ်​တီႈ​ၽႆး​ၽႃႉ​ၽႃႇ​ဢေႃႈ။-</verse>
				<verse number="49">မၼ်း​ၸဝ်ႈ​ပွႆႇ​ၸႂ်ႉ​ဢႁုင်ႇ​တၢင်း​ဢၼ်​ၶႆႈ​ၸႃႉ တေႃး​သႃႉ​တၢင်း​ဢၼ်​ၸႂ်​မႆႈ၊ တၢင်း​ဢၼ်​ပၼ်​တၢမ်ႇ၊ တၢင်း​ဢၼ်​ယႃႉ​ယူၵ်ႉ ဢၼ်​ဝႃႈ​ပူဝ်ႇ​ပႃႇ​တမၢၼ်ႇ​ဢၼ်​ႁၢႆႉ​ၸိူဝ်း​ၼၼ်ႉ ၸူး​တီႈ​ၶဝ်​ဢေႃႈ။-</verse>
				<verse number="50">မၼ်း​ၸဝ်ႈ​မႄး​ပွင်​မႄး​ႁႅၼ်း​သဵၼ်ႈ​တၢင်း ပုၼ်ႈ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဝႆႉ​ဢေႃႈ။ မၼ်း​ၸဝ်ႈ​ဢမ်ႇ​ပၼ် ႁႂ်ႈ​ဝီႉၺိၺ်ႇ​ၶဝ်​လႆႈ​ၵၢင်း​လွတ်ႈ​တင်း​တၢင်း​တၢႆ​လႄႈ ဢဝ်​ဢသၢၵ်ႈ​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း တၢင်း​ဢၼ်​ပဵၼ်​ၵႃႇလႃႉ​ႁႃႈ​လႅင်​မိူင်း​ၼၼ်ႉ​ဢေႃႈ။-</verse>
				<verse number="51">မၼ်း​ၸဝ်ႈ​ပေႃႉ​လုၵ်ႈ​ၸၢႆး​တူၼ်ႈ ၵႃႈ​ဢၼ်​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ဢၼ်​ဝႃႈ ၶဝ်​ၸိူဝ်း​ဢၼ်​ပဵၼ်​ဢၼ်​ထွတ်ႈ​ဢၼ်​မျၢတ်ႈ ႁႅင်း​တၼ်း​ၶူဝ်း​ၶဝ် ၵႃႈ​ၼႂ်း​မူဝ်းၵႃႇ​ၵူၼ်း​ ႁႃႇမႃႉ ​ၸိူဝ်း​ၼၼ်ႉ​တၢႆ​ပႅတ်ႈ​ဢေႃႈ။-</verse>
				<verse number="52">ၵူၼ်း​မၼ်း​ၸဝ်ႈ​တင်း​လၢႆ​ၸမ်ႉ၊ မၼ်း​ၸဝ်ႈ​ႁႂ်ႈ​ဢွၵ်ႇ​ၵႂႃႇ မိူၼ်​ၸိူဝ်ႉ​ၼင်ႇ​သူဝ်း​လႄႈ ဢဝ်​ၶဝ်​သူင်ႇ​ၵႃႈ​ၼႂ်း​ထိူၼ်ႇ မိူၼ်​ၸိူဝ်ႉ​ၼင်ႇ​ၽုင်​သူဝ်း​ၼၼ်ႉ​ဢေႃႈ။-</verse>
				<verse number="53">မၼ်း​ၸဝ်ႈ​ဢဝ်​ၶဝ်​သူင်ႇ​လူင်ႉ​လီ​လွတ်ႈ​လီ ႁႂ်ႈ​ၶဝ်​ထၼ်ႈ​ပေႃး​ဢမ်ႇ​လႆႈ​ၵူဝ်​လႆႈ​ႁႄ​ဢေႃႈ။ ရၢၼ်ႇ​သူႇ​ၶဝ်​တင်း​လၢႆ​ၸမ်ႉ၊ ၼမ်ႉ​ပၢင်ႇ​လၢႆႇ​ထူမ်ႈ​ႁူမ်ႇ​ပႅတ်ႈ​ဢေႃႈ။-</verse>
				<verse number="54">မၼ်း​ၸဝ်ႈ​ဢဝ်​ၶဝ်​သူင်ႇ​တေႃႇ​ထိုင်​ႁွတ်ႈ လႅၼ်​လိၼ်​မိူင်း​ၸဝ်ႈ​ဢၼ်​မူတ်း​ၸၢင်ႇ​ၼၼ်ႉ ဢိၵ်ႇ​တင်း​ၵႃႈ​တီႈ​မိူင်း​လွႆ ဢၼ်​မၼ်း​ၸဝ်ႈ​ဢဝ်​တင်း​မိုဝ်း​ၶွၼ်​ၶႂႃ လႆႈ​ဢုပ်ႉ​ပိူင်ႇ​ၼႆႉ​ဢေႃႈ။-</verse>
				<verse number="55">မၼ်း​ၸဝ်ႈ​ႁေႃႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၶဝ်​လႄႈ တႅၵ်ႈ​တႃႇ​ၸၵ်း​ၽႄ​လိၼ် ပုၼ်ႈ​ဢၼ်​ၶဝ်​တၵ်း​လႆႈ​ၶၢမ်ႇ​ဢမူၺ်ႇ​ၼၼ်ႉ​သေ​လႄႈ ၶျႃး​ပၼ်​တီႈ​ယူႇ​တီႈ​သဝ်း မဵဝ်း​ၸိူဝ်ႉ​ၶိူဝ်း​ ဢီႉသရေႇလႃႉ ႁင်း​ၽႂ်​ႁင်း​မၼ်း ၵႃႈ​ၼႂ်း​မူဝ်းၵႃႇ​ၶဝ်​ၸိူဝ်း​ၼၼ်ႉ​ဢေႃႈ။</verse>
				<verse number="56">ၼႂ်း​ဝႃႈ​ၼၼ်​သေ​ၵေႃႈ ၶဝ်​ဢွၼ်​ၵၼ်​ၸၢမ်း​တူၺ်း​လႄႈ၊ ပုင်ႇ​ၵၢၼ်ႇ​ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​ဢေႃႈ။ ၶဝ်​ယင်း​ဢမ်ႇ​ပႂ်ႉ​ဢမ်ႇ​ၸွမ်း​လွင်ႈ​တၢင်း​ဢၼ် မၼ်း​ၸဝ်ႈ​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ။-</verse>
				<verse number="57">ၶဝ်​ဢွၼ်​ၵၼ်​ၽွၵ်ႈ​ပျၢၼ်ႇ​ၶိုၼ်း​ၵႂႃႇ​လႄႈ ယႃႉ​ပႅတ်ႈ​သဵတ်ႈ​ၸႃႇ​မိူၼ်​ၸိူဝ်ႉ​ၼင်ႇ​ပူႇ​ၶဝ်​မွၼ်ႇ​ၶဝ်​ၼၼ်ႉ​ဢေႃႈ။ ၶဝ်​ပိူင်ႈ​တၢင်း​ၵႂႃႇ မိူၼ်​ၸိူဝ်ႉ​ၼင်ႇ​ၵၢင်ႇ​ဢၼ်​ၸၢင်ႈ​လိမ်ႇ​ၼၼ်ႉ​ဢေႃႈ။-</verse>
				<verse number="58">ၶဝ်​ဢဝ်​ထႃႇၼႃႉ​တီႈ​သုင်​ၶဝ်​တင်း​လၢႆ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​လႄႈ ဢဝ်​ရုၵ်ႈ​ထူႉ​ဢၼ်​တွင်ႈ​ႁဵတ်း​ၶၵ်း​ႁဵတ်း​ၶဝ်​ၸိူဝ်း​ၼၼ်ႉ ယႃႉ​ယူၵ်ႉ​ၸႂ်​မၼ်း​ၸဝ်ႈ​ဢေႃႈ။-</verse>
				<verse number="59">ၽြႃး​ပဵၼ်​ၸဝ်ႈ​ႁူႉ​ငိၼ်း​သေ​ယဝ်ႉ၊ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢွၵ်ႇ​လႄႈ မၼ်း​ၸဝ်ႈ​လီ​ႁင်ႈ​ဢဵတ်ႇ​သဵတ်ႇ​မဵဝ်း​ ဢီႉသရေႇလႃႉ ၼႃႇ​လူင်​လၢင်​ဢေႃႈ။-</verse>
				<verse number="60">မၼ်း​ၸဝ်ႈ​ၸုၼ်ႉ​ပႅတ်ႈ​သုမ်ႉ​ထဵင်​ၸဝ်ႈ ဢၼ်​မီး​ၵႃႈ​တီႈ​ သီႉလေႃႇ ဢၼ်​ဝႃႈ မူဝ်းၵႃႇ​တီႈ​ယူႇ​ဢၼ်​မၼ်း​ၸဝ်ႈ​ၶျႃး​ဝႆႉ ၵႃႈ​ၼႂ်း​ၵူၼ်း တင်း​လၢႆ​ၼၼ်ႉ​သေ​ဢေႃႈ။-</verse>
				<verse number="61">မၼ်း​ၸဝ်ႈ​ဢဝ်​တၼ်း​ၶူဝ်း​မၼ်း​ၸဝ်ႈ ဢၢပ်ႈ​ပၼ်​တီႈ​တၢင်း​ဢၼ်​သိမ်း​ဢဝ်​ၵႂႃႇ ဢိၵ်ႇ​တင်း​မုၼ်​ၽုင်း​မၼ်း​ၸဝ်ႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ​မၼ်း​ၸဝ်ႈ​ဢေႃႈ။-</verse>
				<verse number="62">မၼ်း​ၸဝ်ႈ​ဢဝ်​ၵူၼ်း​မၼ်း​ၸဝ်ႈ​တင်း​လၢႆ ဢၢပ်ႈ​ပၼ်​တီႈ​ၽေး​လၢပ်ႇ​လႄႈ၊ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ဢွၵ်ႇ​ၸူး​တီႈ​ဢမူၺ်ႇ​မၼ်း​ၸဝ်ႈ​ဢေႃႈ။-</verse>
				<verse number="63">ႁုပ်ႇ​မႆႈ​ၽူႈ​မၢဝ်ႇ​ၶဝ်​တင်း​လၢႆ​ပႅတ်ႈ​လႄႈ၊ ၽူႈ​သၢဝ်​ၶဝ်​တင်း​လၢႆ ဢမ်ႇ​လႆႈ​ၶၢမ်ႇ​တၢင်း​ဢၼ်​ယွင်ႈ​ဢၼ်​ယေႃး။-</verse>
				<verse number="64">ယိတ်ႈပရေႃးႁဵၵ်ႈ​ၶဝ်​တင်း​လၢႆ လူႉ​သုမ်း​လူၺ်ႈ​ၽေး​လၢပ်ႇ​ၽေး​လႅဝ်း​လႄႈ မႄႈ​မူၵ်း​မႄႈ​မၢႆႈ​ၶဝ် ဢမ်ႇ​ဢွၼ်​ၵၼ်​ႁဵတ်း​တၢင်း​ဢၼ်​ႁွင်ႉ​ဢၼ်​ႁႆႈ။</verse>
				<verse number="65">မိူဝ်ႈ​ၼၼ်ႉ ၸဝ်ႈ​ၽြႃး​တိုၼ်ႇ​မႃး​မိူၼ်​ၸိူဝ်ႉ​ၼင်ႇ ၵေႃႉ​ဢၼ်​ၼွၼ်း​လပ်း​ယဝ်ႉ​လႄႈ​တိုၼ်ႇ​မႃး ဢိၵ်ႇ​တင်း​မိူၼ်​ၸိူဝ်ႉ​ၼင်ႇ​ၵူၼ်း​ႁတ်း​ၵူၼ်း​ႁၢၼ် ဢၼ်​ႁွင်ႉ​သႅၼ်ႇ​ၵွပ်ႈ​ပိူဝ်ႈ​ၼမ်ႉ​ၸပိတ်ႈ​ၼၼ်ႉ​ဢေႃႈ။-</verse>
				<verse number="66">မၼ်း​ၸဝ်ႈ​ပၼ်​တၢမ်ႇ​ႁႂ်ႈ​ရၢၼ်ႇ​သူႇ​မၼ်း​ၸဝ်ႈ​တင်း​လၢႆ ပိၼ်ႈ​ၶိုၼ်း​ၵႂႃႇ​လႄႈ ႁႂ်ႈ​ၶဝ်​ႁွတ်ႈ​ထိုင်​တၢင်း​ဢၼ်​ဢူၵ်း​ဢၼ်​ဢၢႆ ယူႇ​သေႇ​သေႇ​ၼၼ်ႉ​ဢေႃႈ။-</verse>
				<verse number="67">မၼ်း​ၸဝ်ႈ​ပႄႇ​မူဝ်းၵႃႇ​ ယူဝ်းသႅပ်ႈ ပႅတ်ႈ​လႄႈ ဢမ်ႇ​လိူၵ်ႈ​ၵဵပ်း​ဢဝ်​မဵဝ်း​ ဢေႇၽရိမ်ႇ ။-</verse>
				<verse number="68">မၼ်း​ၸဝ်ႈ​လိူၵ်ႈ​ၵဵပ်း​မဵဝ်း​ ယူႉတႃႉ ဢိၵ်ႇ​တင်း​လွႆ​ ၸီႉဢုၼ်ႇ ဢၼ်​မၼ်း​ၸဝ်ႈ​ႁၵ်ႉ​ၼၼ်ႉ​ဢေႃႈ။-</verse>
				<verse number="69">မၼ်း​ၸဝ်ႈ​တႄႇ​ႁဵတ်း​ထႃႇၼႃႉ​တီႈ​မူတ်း​ၸၢင်ႇ​မၼ်း​ၸဝ်ႈ မိူၼ်​ၸိူဝ်ႉ​ၼင်ႇ​ပၢႆ​ၸိၵ်း​လွႆ​တင်း​လၢႆ ဢိၵ်ႇ​တင်း​မိူၼ်​ၸိူဝ်ႉ​ၼင်ႇ​လိၼ်​မိူင်း ဢၼ်​မၼ်း​ၸဝ်ႈ​ႁႂ်ႈ​မၼ်ႈ​ၶိူင်ႇ​ယူႇ​သေႇ​သေႇ​ၼၼ်ႉ​ဢေႃႈ။-</verse>
				<verse number="70">မၼ်း​ၸဝ်ႈ​လိူၵ်ႈ​ၵဵပ်း​ၶႃႈ​မၼ်း​ၸဝ်ႈ တႃႇဝိတ်ႈ ​ၼၼ်ႉ​လႄႈ ဢဝ်​မၼ်း​ဢွၵ်ႇ​သေ​ၵႃႈ​ၼႂ်း​သိုင်ႇ​သူဝ်း​ၶွၵ်ႈ​သူဝ်း​ဢေႃႈ။-</verse>
				<verse number="71">မၼ်း​ၸဝ်ႈ​ၼုၵ်ႈ​ဢဝ်​မၼ်း​ဢွၵ်ႇ​သေ​ၵႃႈ​ၼႂ်း​တၢင်း​ဢၼ်​လဵင်ႉ​ထိင်း​သူဝ်း​မႄႈ​လုၵ်ႈ​ဢွၼ်ႇ​တင်း​လၢႆ ႁႂ်ႈ​မၼ်း​လႆႈ​လဵင်ႉ​လူ​ၵူၼ်း​မၼ်း​ၸဝ်ႈ ဢၼ်​ဝႃႈ​မဵဝ်း​ ယႃႇၵုပ်ႈ ဢိၵ်ႇ​တင်း​ဢမူၺ်ႇ​မၼ်း​ၸဝ်ႈ​ဢၼ်​ဝႃႈ မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="72">ၼင်ႇ​ၼၼ်​လႄႈ မၼ်း​ၼၼ်ႉ​လဵင်ႉ​လူ​ၶဝ် ၸွမ်း​ၵႃႈ​ၼင်ႇ​ဢၼ်​မၼ်း​မီး​သၽေႃး ဢၼ်​ၸေး​ၸုမ်ႇ​ၼၼ်ႉ​လႄႈ ဢဝ်​တင်း​မိုဝ်း​မၼ်း​ဢၼ်​လၵ်း​ဢၼ်​လႅမ်​ၼၼ်ႉ ဢဝ်​ၶဝ်​သူင်ႇ​ဢေႃႈ။</verse>
			</chapter>
			<chapter number="79">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ၶဝ်ႈ​ႁွတ်ႈ​ၶဝ်ႈ​ထိုင်​ၵႃႈ​ၼႂ်း​ဢမူၺ်ႇ​ၸဝ်ႈ​ႁဝ်း​တီႈ​ၶႃႈ​ယဝ်ႉ။ ၶဝ်​လႆႈ​ႁႂ်ႈ​ပိၵ်ႈ​မၢၼ်ႇ​ၸဝ်ႈ​ႁဝ်း ဢၼ်​မူတ်း​ၸၢင်ႇ​ၼၼ်ႉ​ၵူဝ်ႈ​ၵိူၵ်ႇ​လႄႈ ၵိူၼ်ႇ​ယႃႉ​ဝဵင်း​ ယေႇရူႉသလႅမ်ႇ ​ပႅတ်ႈ​တီႈ​ၶႃႈ​ယဝ်ႉ။-</verse>
				<verse number="2">ၶဝ်​ၼၼ်ႉ ဢဝ်​တူဝ်​တၢႆ​ၶႃႈ​ၸဝ်ႈ​ႁဝ်း​ၶဝ် ဢွႆႇ​ပၼ်​တီႈ​ၼူၵ်ႉ​ၵၢင်​ႁၢဝ်​တင်း​လၢႆ​လႄႈ ဢဝ်​ၼိူဝ်ႉ​လိူတ်ႈ​ၶဝ်​ၸိူဝ်း​ဢၼ်​ၸဝ်ႈ​ႁဝ်း​ႁၵ်ႉ​ပႅင်း​ၼၼ်ႉ ဢွႆႇ​ပၼ်​တီႈ​တူဝ်​ထိူၼ်ႇ​ႁၢႆႉ​တင်း​လၢႆ​တီႈ​ၶႃႈ​ယဝ်ႉ။-</verse>
				<verse number="3">ၶဝ်​ၼၼ်ႉ ဢဝ်​လိူတ်ႈ​ၶဝ်​ထွၵ်ႇ​သႂ်ႇ လဵပ်ႈ​ႁွပ်ႈ​ဝဵင်း​ ယေႇရူႉသလႅမ်ႇ ၸိူဝ်ႉ​ၼင်ႇ​ၼမ်ႉ​ၼၼ်ႉ​လႄႈ ဢမ်ႇ​မီး​ၵေႃႉ​ဢၼ်​သၢင်း​ၵျူဝ်ႇ​တီႈ​ၶႃႈ၊-</verse>
				<verse number="4">ၶႃႈ​ၸဝ်ႈ​ႁဝ်း​ၶဝ်​ပဵၼ်​တီႈ​ဢၼ်​ၵူၼ်း​ႁိူၼ်း​ၸမ်​ၵၼ်​သႄႉ​သွမ်း ဢိၵ်ႇ​တင်း​တီႈ​ဢၼ်​ၵူၼ်း​ဢၼ်​ယူႇ​ႁိမ်း​ႁွမ်း​ၶႃႈ​ၸဝ်ႈ​ႁဝ်း​ၶဝ် ႁဵတ်း​ပျၢၵ်ႈ​ၶူဝ်​လႄႈ ယႃႉ​သရေႇ​တီႈ​ၶႃႈ​ဢေႃႈ။</verse>
				<verse number="5">ထႃႇဝရႃႉ​ၽြႃး​တီႈ​ၶႃႈ၊ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ယင်း​ဢမ်ႇ​ထၢတ်ႇ​ဢမ်ႇ​ယဵၼ်​လႄႈ တၵ်း​ဢွၵ်ႇ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။ ၸႂ်​ၸဝ်ႈ​ႁဝ်း​ယင်း​ဢမ်ႇ​ပေႇ​လႄႈ တၵ်း​မႆႈ​မိူၼ်​ၸိူဝ်ႉ​ၼင်ႇ​ၽႆး​ၼၼ်ႉ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ၊-</verse>
				<verse number="6">ၶႅၼ်း​တေႃႈ​ဢဝ်​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ထွၵ်ႇ​ႁိုဝ်ႈ​သႂ်ႇ​ၵႃႈ​ၼိူဝ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ဢမ်ႇ​ႁူႉ​ၸဝ်ႈ​ႁဝ်း​ၸိူဝ်း​ၼၼ်ႉ ဢိၵ်ႇ​တင်း​ၵႃႈ​ၼိူဝ်​သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ဢမ်ႇ​ႁဵတ်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="7">လွင်ႈ​မၼ်း​ၸမ်ႉ ၶဝ်​ၼၼ်ႉ​ၶူပ်း​ၵိၼ်​မဵဝ်း​ ယႃႇၵုပ်ႈ ​လႄႈ ပႄႇ​ၽဵဝ်ႈ​တီႈ​ယူႇ​တီႈ​သဝ်း​မၼ်း​ပႅတ်ႈ​တီႈ​ၶႃႈ​ယဝ်ႉ။-</verse>
				<verse number="8">ယႃႇ​ပေ​မၢတ်ႈ​တွင်း​ဢပႅတ်ႈ ဢၼ်​ပူႇ​ပေႃႈ​ၶႃႈ​ၸဝ်ႈ​ႁဝ်း​ၶဝ် ၽိတ်း​ပိူင်ႈ​မႅၼ်ႈ​ၸိူဝ်း​ၼၼ်ႉ​တီႈ​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ႁဝ်း​ၶဝ် မီး​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ၼႃႇ​လူင်​လၢင်​ၼၼ်ႉ​လႄႈ၊ ၶႅၼ်း​တေႃႈ​ႁႂ်ႈ​ၵရူႉၼႃႇ​ၸဝ်ႈ​ႁဝ်း ၸွႆႈ​ထႅမ်​မႃႉ​ၸႃႉ​ၶၼ်​ၶၼ်​ၽႂ်း​ၽႂ်း​သေ​ၵမ်း​တီႈ​ၶႃႈ။-</verse>
				<verse number="9">ၽြႃး​ဢၼ်​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ၊ ၶႅၼ်း​တေႃႈ​ထွၵ်ႈ​လူၺ်ႈ မုၼ်​ၵုင်ႇ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ​သေ​လႄႈ ၸွႆႈ​ထႅမ်​မႃႉ​ၸႃႉ​သေ​ၵမ်း​တီႈ​ၶႃႈ။ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ​လႄႈ၊ ၶႅၼ်း​တေႃႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ်​လႄႈ ႁူမ်ႇ​သုမ်ႇ​ဢပႅတ်ႈ​ၶႃႈ​ၸဝ်ႈ​ႁဝ်း​ၶဝ်​ဝႆႉ​သေ​ၵမ်း​တီႈ​ၶႃႈ။-</verse>
				<verse number="10">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ လႆႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ၶဝ်​မီး​ၵႃႈ​လႂ်၊ ဝႃႈ​ၼင်ႇ​ၼႆ​ၼင်ႇ​ႁိုဝ်​တီႈ​ၶႃႈ။ ၶႅၼ်း​တေႃႈ​ႁႂ်ႈ​လွင်ႈ​တၢင်း​ဢၼ်​ၸီႇ​ယၢင်ႇ​တြႃး ၽၢႆႇ​လိူတ်ႈ​ၶႃႈ​ၸဝ်ႈ​ႁဝ်း​ၶဝ် ဢၼ်​လႆႈ​ၶၢမ်ႇ​တၢင်း​ဢၼ်​ထွၵ်ႇ​ပႅတ်ႈ​ယဝ်ႉ​ၼၼ်ႉ ထၢင်ႇ​သႃး ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​သိုဝ်ႈ​ၼႃႈ​တႂ်ႈ​တႃ ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။-</verse>
				<verse number="11">ၶႅၼ်း​တေႃႈ​ႁႂ်ႈ​သဵင်​တၢင်း​ဢၼ် ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ၼၼ်ႉ ၶၢင်း​ၶီ​ၶၢင်း​ၽၢၼ်​ၼၼ်ႉ ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​ပၼ်​ၵတ်း​ယဵၼ်​ၶျၢမ်း​သႃႇ တီႈ​ၶဝ်​ၸိူဝ်း​ဢၼ်​တၵ်း​လႆႈ​တၢႆ​ၼၼ်ႉ ၸွမ်း​ၵႃႈ​ၼင်ႇ​ဢၼ်​မႅၼ်ႈ​ၵၼ်​တင်း တၢင်း​ဢၼ်​ၶႅၼ်​ၸဝ်ႈ​ႁဝ်း​တၼ်း​ၶူဝ်း​ယႂ်ႇ​ၼႃႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="12">ၶႅၼ်း​တေႃႈ​ဢဝ်​ဢပႅတ်ႈ​တၢင်း​ဢၼ် ၵူၼ်း​ႁိူၼ်း​ၸမ်​ၵၼ်​တင်း​ၶႃႈ​ၸဝ်ႈ​ႁဝ်း​ၸိူဝ်း​ၼၼ်ႉ သႄႉ​သွမ်း​ၼၼ်ႉ တွပ်ႇ​တႅၼ်း​သႂ်ႇ​ပၼ် ၵႃႈ​ၼႂ်း​ႁူဝ်​ဢူၵ်း​ၶဝ် ႁႂ်ႈ​ထၼ်ႈ​ပေႃး​တေႃႇ​ထိုင်​ႁွတ်ႈ​ၸဵတ်း​ပုၼ်ႈ​သေ​ၵမ်း​တီႈ​ၶႃႈ။ ၸဝ်ႈ​ၽြႃး​တီႈ​ၶႃႈ၊-</verse>
				<verse number="13">ၼင်ႇ​ၼၼ်​လႄႈ ၶႃႈ​ၸဝ်ႈ​ႁဝ်း​ၶဝ်​ဢၼ်​ပဵၼ်​ၵူၼ်း​ၸဝ်ႈ​ႁဝ်း ဢၼ်​ဝႃႈ​ၽုင်​သူဝ်း​ဢၼ်​ယၢမ်ႈ​ၵိၼ်​ယူႇ ၵႃႈ​တီႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​ဢွၼ်​ၵၼ်​ယွင်ႈ​ယေႃး​ၸဝ်ႈ​ႁဝ်း​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ ဢဝ်​မုၼ်​ၵျေး​ၸူး​ၸဝ်ႈ​ႁဝ်း ၽုၺ်ႇ​ဢွၵ်ႇ​ၼႄ​ပျႃး​တီႈ​ၵူၼ်း ၸိူဝ်း​ဢၼ်​တၵ်း​ပဵၼ်​မႃး​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​တီႈ​ၶႃႈ​ဢေႃႈ။</verse>
			</chapter>
			<chapter number="80">
				<verse number="1">ၸဝ်ႈ​ဢၼ်​လဵင်ႉ​ထိင်း​သူဝ်း ဢီႉသရေႇလႃႉ ဢၼ်​ဢဝ်​မဵဝ်း​ ယူဝ်းသႅပ်ႈ သူင်ႇ မိူၼ်​ၸိူဝ်ႉ​ၼင်ႇ​ၽုင်​သူဝ်း​ၼၼ်ႉ​တီႈ​ၶႃႈ၊ ၶႅၼ်း​တေႃႈ​ဝၢႆႇ​ႁူ​ၸဝ်ႈ​ႁဝ်း​ၸူး​သေ​ၵမ်း​တီႈ​ၶႃႈ။ ၸဝ်ႈ​ဢၼ်​ၵိင်း​ဝၢပ်ႈ​ယူႇ​ၵႃႈ​ၼိူဝ် ၶေႇရူႉၽဵမ်ႇ ​ၼၼ်ႉ​တီႈ​ၶႃႈ၊ ၶႅၼ်း​တေႃႈ​ပွႆႇ​သၢႆ​ဢရွင်ႇ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="2">ၶႅၼ်း​တေႃႈ​တိုၵ်း​ယူင်း​တၼ်း​ၶူဝ်း​ၸဝ်ႈ​ႁဝ်း ၵႃႈ​တီႈ​ၽၢႆႇ​ၼႃႈ မဵဝ်း​ ဢေႇၽရိမ်ႇ ၊ မဵဝ်း​ ပိၼ်ႇယႃႇမိၼ်ႇ ၊ မဵဝ်း​ မၼႃႇ​သေႇ ​ၼၼ်ႉ​လႄႈ မႃး​ႁႂ်ႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။-</verse>
				<verse number="3">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​ၶၢႆႉ​ပုတ်ႈ​လႄႈ ၼႄ​ပျႃး​ဢၼ်​လႅင်း​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​ႁဝ်း​ၶဝ်​တၵ်း​ႁွတ်ႈ​ထိုင်​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​တီႈ​ၶႃႈ​ဢေႃႈ။</verse>
				<verse number="4">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​တီႈ​ၶႃႈ။ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း တၵ်း​ဢွၵ်ႇ​ၸူး​တီႈ​ၵႂၢမ်း​ပထၼႃႇ​ဢၼ်​ၵူၼ်း​ၸဝ်ႈ​ႁဝ်း​တင်း​လၢႆ​ႁဵတ်း​ၼၼ်ႉ ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။-</verse>
				<verse number="5">ၸဝ်ႈ​ႁဝ်း​ဢဝ်​ၶဝ်ႈ​မုၼ်း​ၼမ်ႉ​တႃ​လဵင်ႉ​ပၼ်​ၶဝ်​လႄႈ ဢဝ်​ၼမ်ႉ​တႃ​တိုၵ်း​ပၼ်​ၶဝ်​ၵိၼ်​ဢိမ်ႇ​တဵမ် ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="6">ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ​ႁဝ်း​ၶဝ် ပဵၼ်​တီႈ​ဢၼ် ၵူၼ်း​ႁိူၼ်း​ၸမ်​ၵၼ်​တင်း​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ တွပ်ႇ​ထဵင်​တီႈ​ၶႃႈ​ဢေႃႈ။ ရၢၼ်ႇ​သူႇ​ၶႃႈ​ၸဝ်ႈ​ႁဝ်း​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ပျၢၵ်ႈ​ၶူဝ် ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။-</verse>
				<verse number="7">ၽြႃး​ပဵၼ်​ၸဝ်ႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​ၶၢႆႉ​ပုတ်ႈ​လႄႈ ၼႄ​ပျႃး​ဢၼ်​လႅင်း​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​ႁဝ်း​ၶဝ်​တၵ်း​ႁွတ်ႈ​ထိုင် တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​တီႈ​ၶႃႈ​ဢေႃႈ။</verse>
				<verse number="8">ၸဝ်ႈ​ႁဝ်း​ဢဝ်​တူၼ်ႈ​ၶိူဝ်း​မၢၵ်ႇ​ၸပိတ်ႈ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​လႄႈ ႁေႃႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢွၵ်ႇ​ပႅတ်ႈ​သေ​ယဝ်ႉ။ ဢဝ်​ၽုၵ်ႇ​သွမ်ႈ​ဝႆႉ​တီႈ​ၶႃႈ​ဢေႃႈ။-</verse>
				<verse number="9">ၸဝ်ႈ​ႁဝ်း​မႄး​ႁဵတ်း​မႄး​ႁႅၼ်း တီႈ​ယူႇ​မၼ်း​ပၼ်​လႄႈ၊ မၼ်း​ယင်ႇ​ႁၢၵ်ႈ​မၼ်း​သေ​လႄႈ ၸွတ်ႇ​တူဝ်ႈ​ၵႂႃႇ​တင်း​မိူင်း​တီႈ​ၶႃႈ​ဢေႃႈ။-</verse>
				<verse number="10">ႁူမ်ႈ​မၼ်း​ႁူမ်ႇ​သုမ်ႇ​လွႆ​တင်း​လၢႆ​လႄႈ၊ ၵိင်ႇ​မၼ်း​ၶႃႊ​မၼ်း​တင်း​လၢႆ ပဵၼ်​မိူၼ်​ၸိူဝ်ႉ​ၼင်ႇ​တူၼ်ႈ​ ဢႃႇရိတ်ႉ ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">မၼ်း​ႁႂ်ႈ​ၵိင်ႇ​မၼ်း​ၶႃႊ​မၼ်း​တင်း​လၢႆ တႅၵ်ႇ​ၵႂႃႇ​ၽႄႈ​ၵႂႃႇ​တေႃႇ​ထိုင်​ႁွတ်ႈ​ပၢင်ႇ​လၢႆႇ ဢိၵ်ႇ​တင်း ယွတ်ႈ​မၼ်း​တေႃႇ​ထိုင်​ႁွတ်ႈ​ၼမ်ႉ​ႁွင်ႈ​လူင်​တီႈ​ၶႃႈ​ဢေႃႈ။</verse>
				<verse number="12">တေႃႈ​လဵဝ်​ၼႆႉ​ၸမ်ႉ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ႁၵ်း​ယႃႉ​ႁူဝ်ႉ​ဝၢင်း​မၼ်း​ပႅတ်ႈ ႁႂ်ႈ​ၶဝ်​ၸိူဝ်း​ဢၼ်​ပႆ​တၢင်း​ၵႂႃႇ​တၢင်း ၵၢႆ​ၵႂႃႇ​ၵႃႈ​ႁိမ်း​မၼ်း​တင်း​သဵင်ႈ​တင်း​လူင်​ၼၼ်ႉ လႆႈ​ဝိတ်း​ဢဝ်​ၼင်ႇ​ႁိုဝ်​တီႈ​ၶႃႈ။-</verse>
				<verse number="13">မူ​ထိူၼ်ႇ​ၶူပ်း​မၼ်း​ၶၢတ်ႇ​လႄႈ၊ တူဝ်​ထိူၼ်ႇ​ႁၢႆႉ​ဢဝ်​မၼ်း​ၵိၼ်​တီႈ​ၶႃႈ​ဢေႃႈ။-</verse>
				<verse number="14">ၽြႃး​ပဵၼ်​ၸဝ်ႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​တီႈ​ၶႃႈ၊ ၸဝ်ႈ​ႁဝ်း​ၶႅၼ်း​တေႃႈ​သမ်ႉ​ၶိုၼ်း​မႃး​ထႅင်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၶဝ်​တွင်း​ပၢၼ်ႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ လူ​တူၺ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​မႃး​လူ​မႃး​တူၺ်း​တူၼ်ႈ​ၶိူဝ်း​မၢၵ်ႇ​ၸပိတ်ႈ​ၼႆႉ၊-</verse>
				<verse number="15">ဢၼ်​ဝႃႈ တူၼ်ႈ​ဢၼ်​ၸဝ်ႈ​ႁဝ်း ဢဝ်​တင်း​မိုဝ်း​ၶွၼ်​ၶႂႃ​ၸဝ်ႈ​ႁဝ်း​ၽုၵ်ႇ​သွမ်ႈ​ဝႆႉ ဢၼ်​ဝႃႈ​လုၵ်ႈ​ၸၢႆး​ဢၼ်​ၸဝ်ႈ​ႁဝ်း​ႁႂ်ႈ​ပျေႉ​ၸုမ်ႇ​ဝႆႉ​တင်း​ႁႅင်း​ပုၼ်ႈ​ၸဝ်ႈ​ႁဝ်း​ၼၼ်ႉ သေ​ၵမ်း​တီႈ​ၶႃႈ။-</verse>
				<verse number="16">လႆႈ​ၶၢမ်ႇ​တၢင်း​ဢၼ်​ဢဝ်​တုတ်ႇ​ၽႆး​တီႈ​ၶႃႈ​ယဝ်ႉ။ လႆႈ​ၶၢမ်ႇ​တၢင်း​ဢၼ်​ပမ်ႈ​လူမ်ႉ​ပႅတ်ႈ​တီႈ​ၶႃႈ​ယဝ်ႉ။ ၵွပ်ႈ​ပိူဝ်ႈ​တၢင်း​ဢၼ်​ၼႃႈ​ၸဝ်ႈ​ႁဝ်း သင်ႇ​သွၼ်​ၼၼ်ႉ​လႄႈ ၶဝ်​ႁွတ်ႈ​ထိုင်​တၢင်း​လူႉ​တၢင်း​လႅဝ်​တီႈ​ၶႃႈ​ဢေႃႈ။-</verse>
				<verse number="17">ႁႂ်ႈ​ၸဝ်ႈ​ႁဝ်း​ဢဝ်​မိုဝ်း​ၸဝ်ႈ​ႁဝ်း တၢင်ႇ​သႂ်ႇ​ၵႃႈ​ၼိူဝ်​ၵေႃႉ​ဢၼ် ၸၢပ်ႈ​သႅင်ႇ​ၵၼ်​တင်း​မိုဝ်း​ၶွၼ်​ၶႂႃ​ၸဝ်ႈ​ႁဝ်း၊ လုၵ်ႈ​ၵူၼ်း​ဢၼ်​ၸဝ်ႈ​ႁဝ်း ႁႂ်ႈ​ပျေႉ​ၸုမ်ႇ​ဝႆႉ​တင်း​ႁႅင်း​ပုၼ်ႈ​ၸဝ်ႈ​ႁဝ်း​ၼၼ်ႉ သေ​ၵမ်း​လူၺ်ႈ​တီႈ​ၶႃႈ။-</verse>
				<verse number="18">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​ႁဝ်း​ၶဝ်​တၵ်း​ဢမ်ႇ​လႆႈ​သုတ်ႉ​ၶိုၼ်း​ယိုတ်း​ၶိုၼ်း သေ​ၵႃႈ​တီႈ​ၸဝ်ႈ​ႁဝ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​ဢသၢၵ်ႈ​လိပ်း​ယူႇ​သေ​ၵမ်း​တီႈ​ၶႃႈ။ တၵ်း​ဢွၼ်​ၵၼ်​ႁဵတ်း​ပထၼႃႇ တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="19">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​ၶၢႆႉ​ပုတ်ႈ​လႄႈ ၼႄ​ပျႃး​ဢၼ်​လႅင်း​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​ႁဝ်း​ၶဝ်​တၵ်း​ႁွတ်ႈ​ထိုင်​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​တီႈ​ၶႃႈ​ဢေႃႈ။</verse>
			</chapter>
			<chapter number="81">
				<verse number="1">ဢွၼ်​ၵၼ်​ႁဵတ်း​ၵႂၢမ်း​ဢၼ်​သႂၢင်ႇ​ဢၼ်​သိူဝ်း တီႈ​ၽြႃး​ပဵၼ်​ၸဝ်ႈ​ဢၼ်​ပဵၼ်​ႁႅင်း​တၼ်း​ၶူဝ်း​ႁဝ်း​ၼၼ်ႉ​တႃႉ။ ဢွၼ်​ၵၼ် ႁွင်ႉ​သႅၼ်ႇ​ႁွင်ႉ​ၵိဝ်​တီႈ​ၽြႃး​ပဵၼ်​ၸဝ်ႈ​မဵဝ်း​ ယႃႇၵုပ်ႈ ​ၼၼ်ႉ​တႃႉ။-</verse>
				<verse number="2">ဢွၼ်​ၵၼ်​ႁဵတ်း​ၵႂၢမ်း​ဢၼ်​ဢိုၼ်း​ယွင်ႈ​တႃႉ။ ဢွၼ်​ၵၼ်​ဢဝ်​တင်း​ၵွင်​ၶဵတ်ႇ ဢိၵ်ႇ​တင်း​တိင်ႇ​ဢၼ်​သဵင်​လီ​သဵင်​ဝၢၼ် တင်း​တရေႃး​မႃး​တႃႉ။-</verse>
				<verse number="3">ဢွၼ်​ၵၼ်​ပဝ်ႇ​တိုင်ႈ​ၶရႃႇ ဝၼ်း​လိူၼ်​မႂ်ႇ၊ ဝၼ်း​လိူၼ်​မူၼ်း၊ ဝၼ်း​ပွႆး​လူင်​ၼၼ်ႉ​တႃႉ။-</verse>
				<verse number="4">လွင်ႈ​မၼ်း​ၸမ်ႉ ပဵၼ်​ထုင်း​ၽိင်ႈ​တြႃး​ဝႆႉ ပုၼ်ႈ​မဵဝ်း​ ဢီႉသရေႇလႃႉ ဢိၵ်ႇ​တင်း​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ဝႆႉ ပုၼ်ႈ​မဵဝ်း​ ယႃႇၵုပ်ႈ ​ဢေႃႈ။-</verse>
				<verse number="5">မၼ်း​ၸဝ်ႈ​ၸီႇ​ယၢင်ႇ​လွင်ႈ​တၢင်း​ဢၼ် ၶၢမ်ႇ​သၢၵ်ႈ​သေႇ​ၸိူဝ်ႉ​ၼင်ႇ​ၼၼ်​ဝႆႉ တီႈ​မဵဝ်း​ၵူၼ်း​ ယူဝ်းသႅပ်ႈ ၼႂ်း​မိူဝ်ႈ​ဢၼ်​မၼ်း​ၸဝ်ႈ ၵႂႃႇ​ယူႇ​ၽၢႆႇ​ၼိုင်ႈ​တင်း​မိူင်း​ ဢေႇၵိပ်ႉတူႉ တီႈ​ဢၼ်​ၵဝ်​လႆႈ​ငိၼ်း ၵႂၢမ်း​ဢၼ်​ၵဝ်​ဢမ်ႇ​ႁူႉ​ၼၼ်ႉ​ဢေႃႈ။</verse>
				<verse number="6">ၵဝ်​ႁႂ်ႈ​ႁူဝ်​မႃႇ​မၼ်း လွတ်ႈ​ၶူဝ်း​ဢၼ်​ၼၵ်း​ၼႃႇ​ၼၼ်ႉ​သေ​လႄႈ၊ မိုဝ်း​မၼ်း​လႆႈ​ၶၢမ်ႇ​တၢင်း​ဢၼ်​ပွႆႇ​ၽႃႈ​သေ​ၵူၺ်​တၢင်ႇ​ဢေႃႈ။-</verse>
				<verse number="7">မိူဝ်ႈ​ဢၼ်​မႂ်း​လႆႈ​ၶၢမ်ႇ​တုၵ်ႉ​ၶႃႉ​ၼၼ်ႉ​ၸိုင်၊ မႂ်း​ႁွင်ႉ​ႁႃ​ၵဝ်​လႄႈ၊ ၵဝ်​ၵႄႇ​သႄႇ​တိုတ်ႉ​ၸၼ်​ဢဝ်​မႂ်း​ဢွၵ်ႇ​ဢေႃႈ။ ၵဝ်​ၶိုၼ်း​ဢိူဝ်​မႂ်း​ၵႃႈ​ၼႂ်း​တီႈ​ယူႇ​ၽႃႉ​ၽႃႇ ဢၼ်​ဢမ်ႇ​ထၢင်ႇ​ဢမ်ႇ​သႃး​ၼၼ်ႉ​လႄႈ ၸၢမ်း​တူၺ်း​မႂ်း​ၵႃႈ​တီႈ​ႁိမ်း​ၼမ်ႉ မေႇရီႇၽႃႉ ​ၼၼ်ႉ​ဢေႃႈ။ ၸေႇလႃႇ။-</verse>
				<verse number="8">ၵူၼ်း​ၵဝ်​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ၵဝ်​တၵ်း​သင်ႇ​လၢတ်ႈ​ဝႆႉ​တီႈ​မႂ်း​ဢေႃႈ။ မဵဝ်း​ ဢီႉသရေႇလႃႉ ​ဢိူၺ်း၊ ႁႂ်ႈ​မႂ်း​ထွမ်ႇ​ငိၼ်း​ၵႂၢမ်း​ၵဝ်​သေ​ၵမ်း​လူၺ်ႈ။-</verse>
				<verse number="9">ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢမ်ႇ​လႆႈ​မီး​တီႈ​မႂ်း။ မႂ်း​ဢမ်ႇ​လႆႈ​ၵူဝ်း​ၵႂၢႆႇ​ၽြႃး​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း။-</verse>
				<verse number="10">ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း ဢေႇၵိပ်ႉတူႉ ​မႃး​ယဝ်ႉ​ၼၼ်ႉ​ဢေႃႈ။ ၽုၺ်ႇ​သူပ်း​မႂ်း​ၵႂၢင်ႈ​ၵႂၢင်ႈ​တႃႉ။ ၵဝ်​တၵ်း​လဵင်ႉ​ပၼ် ဢိမ်ႇ​ဢိမ်ႇ​တဵမ်​တဵမ်​ဢေႃႈ။-</verse>
				<verse number="11">ၵူၼ်း​ၵဝ်​တင်း​လၢႆ​ၸမ်ႉ၊ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်၊ မဵဝ်း​ ဢီႉသရေႇလႃႉ ဢမ်ႇ​မီး​ဢလူဝ်ႇ​တီႈ​ၵဝ်​လူင်​ပႄႇ။-</verse>
				<verse number="12">ပိူဝ်ႈ​ၼႆ​လႄႈ ၵဝ်​ပၼ်​ၶဝ်​ၸွမ်း​တၢင်း​ဢၼ်​ႁူဝ်​ၸႂ်​ၶဝ်​ၵႅၼ်ႇ​ၶႅင်​ၼၼ်ႉ ႁႂ်ႈ​ၶဝ်​လႆႈ​ၵႂႃႇ​မႃး ၼႂ်း​တၢင်း​ဢၼ်​ၶဝ်​ၵျၢမ်ႇ​ပွင်​ၸိူဝ်း​ၼၼ်ႉ​ဢေႃႈ။</verse>
				<verse number="13">ႁႂ်ႈ​ၵူၼ်း​ၵဝ်​တင်း​လၢႆ​ၼၼ်ႉ ထွမ်ႇ​ဢဝ်​ၵႂၢမ်း​ၵဝ်​လႄႈ၊ ႁႂ်ႈ​မဵဝ်း​ ဢီႉသရေႇလႃႉ ၸွမ်း​သဵၼ်ႈ​တၢင်း​ၵဝ်​သေ​ၵမ်း​လူၺ်ႈ။-</verse>
				<verse number="14">ပေႃး​ၸွမ်း​ၸိုင်၊ ၵဝ်​တၵ်း​ႁိပ်ႈ​ၼႅတ်ႈ​ဢဝ်​ရၢၼ်ႇ​သူႇ​ၶဝ်​ၸိူဝ်း​ၼၼ်ႉ ၶျႃး​တူၵ်း​တီႈ​တႅမ်ႇ​လႄႈ ဢဝ်​မိုဝ်း​ၵဝ်​ႁႄႉ​ၶဝ် ၸိူဝ်း​ဢၼ်​ႁဵတ်း​ၶတ်း​ၵၼ်​တင်း​ၶဝ်​ၼၼ်ႉ​ပႅတ်ႈ​ဢေႃႈ။-</verse>
				<verse number="15">ၶဝ်​ၸိူဝ်း​ဢၼ်​ၸင်း​ထႃႇဝရႃႉ​ၽြႃး​ၼၼ်ႉ တၵ်း​ဢွၼ်​ၵၼ်​ႁဵတ်း​တၢင်း​ဢၼ်​တွင်း​ပၢၼ်ႇ​တီႈ​မၼ်း​ၸဝ်ႈ​လႄႈ ၶဝ်​ၸမ်ႉ၊ တၵ်း​မီး​ဢၶႂၢင်ႉ​ဢၼ်​လႆႈ​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="16">မၼ်း​ၸဝ်ႈ​တၵ်း​ဢဝ်​ဢၼ်​ပဵၼ်​ၶႆ​ပဵၼ်​မၼ်း​ၶဝ်ႈ​ၵျုင်ႇ​ၼၼ်ႉ လဵင်ႉ​ပၼ်​တီႈ​ၶဝ်​လႄႈ ဢဝ်​ၼမ်ႉ​ၽိုင်ႈ​ဢၼ်​ဢွၵ်ႇ​ၵႃႈ​တီႈ​ၼႂ်း မၢၵ်ႇ​ႁိၼ်​မၢၵ်ႇ​ၽႃ​ၼၼ်ႉ ႁႂ်ႈ​ၶဝ်​ဢိမ်ႇ​တဵမ်​ဢေႃႈ။</verse>
			</chapter>
			<chapter number="82">
				<verse number="1">ၽြႃး​ပဵၼ်​ၸဝ်ႈ​ၸုၵ်း​ယူႇ ၵႃႈ​ၼႂ်း​ပရဵၵ်ႈသၢတ်ႈ​ၽြႃး​ပဵၼ်​ၸဝ်ႈ​လႄႈ မၼ်း​ၸဝ်ႈ​ၸီႇ​ယၢင်ႇ​ယူႇ ၵႃႈ​ၼႂ်း​ၵၢင်​ၽြႃး​တင်း​လၢႆ​ဢေႃႈ။</verse>
				<verse number="2">သူ​တၵ်း​ထွၵ်ႈ​လူၺ်ႈ ၼႃႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​သေ​လႄႈ ၸီႇ​ယၢင်ႇ​တၢင်း​ဢၼ်​ဢမ်ႇ​တြႃး​ယူႇ ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ၸေႇလႃႇ။-</verse>
				<verse number="3">ၸီႇ​ယၢင်ႇ​တြႃး​ယူႇ​ၽၢႆႇ​ၶဝ်​ၸိူဝ်း​ဢၼ်​ၽၢၼ်​ဢၼ်​ၵိၼ်း ဢိၵ်ႇ​တင်း​ၶဝ်​ၸိူဝ်း​ဢၼ်​ဢမ်ႇ​မီး​ပေႃႈ​မီး​မႄႈ​ၼၼ်ႉ​တႃႉ။ ႁဵတ်း​တၢင်း​ဢၼ်​ၸွမ်း​တြႃး​ယူႇ ၽၢႆႇ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ဢိၵ်ႇ​တင်း​ၶဝ်​ၸိူဝ်း​ဢၼ်​ဢိုပ်း​ဢၼ်​ယၢၵ်ႈ​ၼၼ်ႉ​တႃႉ။-</verse>
				<verse number="4">ၵႄႇ​သႄႇ​ဢဝ်​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ဢိၵ်ႇ​တင်း​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​လွတ်ႈ​လႄႈ ၵႄႇ​သႄႇ​ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​တႃႉ။</verse>
				<verse number="5">ၶဝ်​ဢမ်ႇ​ႁူႉ၊ ၶဝ်​ဢမ်ႇ​ၸႅင်ႈ၊ ၶဝ်​ၵႂႃႇ​ၵႂႃႇ​မႃး​မႃး​ယူႇ​ၵႃႈ​ၼႂ်း​လပ်း​သိင်ႇ​ဢေႃႈ။ ငဝ်ႈ​ႁၢၵ်ႈ​တိူၵ်ႈ​လိၼ်​မိူင်း​တင်း​သဵင်ႈ​တင်း​လူင် မီး​တၢင်း​ဢၼ်​တူင်ႉ​ၼိုင်​ယူႇ​ဢေႃႈ။-</verse>
				<verse number="6">ၵဝ်​လၢတ်ႈ​လႄႈ​ဝႃႈ၊ သူ​ပဵၼ်​ၽြႃး​ဢေႃႈ။ သူ​ၵႃႈ​မီး​တင်း​သဵင်ႈ​တင်း​လူင် ပဵၼ်​လုၵ်ႈ​ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ။-</verse>
				<verse number="7">ၵူၺ်း​ၵႃႈ သူ​တၵ်း​လႆႈ​တၢႆ မိူၼ်​ၸိူဝ်ႉ​ၼင်ႇ​ၵူၼ်း​လႄႈ ႁွတ်ႈ​ထိုင်​တၢင်း​ဢၼ်​သုမ်း​ဢၼ်​ၸွမ်း မိူၼ်​ၸိူဝ်ႉ​ၼင်ႇ​ၶုၼ်​သေ​ၵေႃႉ​သေ​ပႃး​ၼၼ်ႉ​ဢေႃႈ။</verse>
				<verse number="8">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​လုၵ်ႉ​လႄႈ ၸီႇ​ယၢင်ႇ​တြႃး​တီႈ​လိၼ်​မိူင်း​သေ​ၵမ်း​တီႈ​ၶႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​လႆႈ​ၶၢမ်ႇ​ဢဝ်​ဢမူၺ်ႇ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​သဵင်ႈ​တင်း​လူင်​တီႈ​ၶႃႈ​ယဝ်ႉ။</verse>
			</chapter>
			<chapter number="83">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ယႃႇ​ပေ​ယူႇ​တဵတ်ႇ​တဵတ်ႇ​ယဵၼ်​ယဵၼ်​သေ​ၵမ်း​တီႈ​ၶႃႈ။ ၽြႃး​ပဵၼ်​ၸဝ်ႈ​တီႈ​ၶႃႈ၊ ဢမိင်ႉ​ၸဝ်ႈ​ယင်း​ဢမ်ႇ​မီး​လႄႈ၊ ယႃႇ​ပေ​ႁဵတ်း​တၢင်း​ဢၼ် ဢမ်ႇ​တၵ်း​သဵင်​လႄႈ​ယူႇ​သေ​ၵမ်း​တီႈ​ၶႃႈ။-</verse>
				<verse number="2">တူၺ်း​တီႈ​ၶႃႈ​လူး။ ရၢၼ်ႇ​သူႇ​ၸဝ်ႈ​ႁဝ်း​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​တၢင်း​ဢၼ် ႁုၼ်ႉ​ႁၼ်ႉ​ဢူၼ်​ဢဵၼ်​မေႃး​မႄး​ယူႇ​လႄႈ၊ ၶဝ်​ၸိူဝ်း​ဢၼ်​ၸင်း​ၸဝ်ႈ​ႁဝ်း​ၼၼ်ႉ ဢွၼ်​ၵၼ်​ယုၵ်ႉ​ငွၵ်း​ႁူဝ်​ၶဝ်​ယူႇ​တီႈ​ၶႃႈ​ဢေႃႈ။-</verse>
				<verse number="3">ၶဝ်​ဢွၼ်​ၵၼ်​ၵျၢမ်ႇ​ပွင်​ယူႇ​ၽၢႆႇ​ၼိုင်ႈ တင်း​ၵူၼ်း​ၸဝ်ႈ​ႁဝ်း​တင်း​လၢႆ​လႄႈ တိူင်ႇ​ပၢင်ႇ​လၢတ်ႈ​ၸႃ​ၵၼ်​ယူႇ​ၽၢႆႇ​ၼိုင်ႈ တင်း​ၶဝ်​ၸိူဝ်း​ဢၼ်​ၸဝ်ႈ​ႁဝ်း​ႁႄႉ​ၵင်ႈ​ႁႄႉ​လပ်ႉ​ဝႆႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="4">ၶဝ်​လၢတ်ႈ​ၵၼ်​လႄႈ​ဝႃႈ၊ မႃး​မႃး​ဢိူၺ်း၊ ဢွၼ်​ၵၼ်​ပႄႇ​တႅပ်း​မဵဝ်း​ၶဝ်​ပႅတ်ႈ​သေ​ၵႃႈ​ၼႂ်း​မဵဝ်း​ၵူၼ်း​တင်း​လၢႆ ႁႂ်ႈ​ၼႃႇ​မႃႉ​ၸိုဝ်ႈ​သဵင် ဢီႉသရေႇလႃႉ ထၼ်ႈ​ပေႃး​ဢမ်ႇ​လႆႈ​မီး တီႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵမ်း​လိုၼ်း​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​သၽေႃး​မိူၼ်​ၵၼ်​သေ​လႄႈ တိူင်ႇ​ပၢင်ႇ​လၢတ်ႈ​ၸႃ​ၵၼ်​လႄႈ ႁဵတ်း​ပတီႉၺိၺ်ႇ​လူၺ်ႈ​ၵၼ်​ယူႇ​ၽၢႆႇ​ၼိုင်ႈ တင်း​ၸဝ်ႈ​ႁဝ်း​ၼၼ်ႉ​ၸမ်ႉ၊-</verse>
				<verse number="6">ပဵၼ်​ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​မူဝ်းၵႃႇ ၵႃႈ​တီႈ​မိူင်း​ ဢေႇတုမ်ႇ ​လႂ်၊ ၵူၼ်း​မဵဝ်း​ ဢီႉသမေႇလႃႉ ​လႂ် ၵူၼ်း​ မေႃႇၽႃႉ ​လႂ်၊ ၵူၼ်း​မိူင်း​ ႁႃႇၵရႃႉ ​လႂ်၊-</verse>
				<verse number="7">ၵူၼ်း​မိူင်း​ ၵေႇပႃႉလႃႉ ​လႂ်၊ ၵူၼ်း​မိူင်း​ ဢမ်ႇမုၼ်ႇ ​လႂ်၊ ၵူၼ်း​မိူင်း​ ဢႃႇမလႅၵ်ႉ ​လႂ်၊ ၵူၼ်း​မဵဝ်း​ ၽီႉလိတ်ႉတီႉ ​လႂ်၊ ဢိၵ်ႇ​တင်း​ၵူၼ်း​ဝဵင်း​ တူႉရူႉ ​လႂ် ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">ၵူၼ်း​မဵဝ်း​ ဢႃႇသူႉရီႉ ​တင်း​လၢႆ​ၵေႃႈ ႁူမ်ႈ​လူၺ်ႈ​ၵၼ်​တင်း​ၶဝ်​လႄႈ ပဵၼ်​ၶႅၼ်​ပဵၼ်​မိုဝ်း​တီႈ​ၵူၼ်း​မဵဝ်း​ လေႃးတႃႉ ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ ၸေႇလႃႇ။</verse>
				<verse number="9">ၶႅၼ်း​တေႃႈ​ႁဵတ်း​တီႈ​ၶဝ် မိူၼ်​ၸိူဝ်ႉ​ၼင်ႇ​ဢၼ်​ၸဝ်ႈ​ႁဝ်း​ႁဵတ်း​တီႈ​မဵဝ်း​ မီႉတျၼ်ႇ ဢိၵ်ႇ​တင်း ၶုၼ်​ သီႉသရႃႉ တင်း​ၶုၼ်​ ယႃႇၽိၼ်း ၵႃႈ​တီႈ​ၼမ်ႉ​ႁွင်ႈ​ ၵီႉသုၼ်ႇ ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="10">ၶဝ်​ၸိူဝ်း​ၼၼ်ႉ​ႁွတ်ႈ​ထိုင်​တၢင်း​ဢၼ်​သုမ်း​ဢၼ်​ၸွမ်း​ၵႃႈ​တီႈ ဢိၼ်ႇတေႃးရႃႉ ​လႄႈ ပဵၼ်​ၸိူဝ်ႉ​ၼင်ႇ​ၽုၼ်ႇ​ၶီႈ​ဝူဝ်း ၵႃႈ​ၼိူဝ်​လိၼ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">ႁႂ်ႈ​မူး​မၢတ်ႈ​ၽွင်း​မိူင်း​ၶဝ်​တင်း​လၢႆ ပဵၼ်​ၸိူဝ်ႉ​ၼင်ႇ​ၶုၼ်​ ဢူဝ်းရပ်ႉ ဢိၵ်ႇ​တင်း​ၶုၼ်​ ၸေးၽႃႉ ​ၼၼ်ႉ​လႄႈ ႁႂ်ႈ​ၶုၼ်​ဝၢၼ်ႈ​ၶုၼ်​မိူင်း​ၶဝ်​တင်း​သဵင်ႈ​တင်း​လူင် ပဵၼ်​ၸိူဝ်ႉ​ၼင်ႇ​ၶုၼ်​ ၸေးၽႁႃႉ ဢိၵ်ႇ​တင်း​ၶုၼ်​ ၸႃႇလမုၼ်ႇၼႃႉ ဢၼ်​လၢတ်ႈ​လႄႈ​ဝႃႈ၊-</verse>
				<verse number="12">ဢွၼ်​ၵၼ်​သိမ်း​ဢဝ်​ႁိူၼ်း​ၽြႃး​ပဵၼ်​ၸဝ်ႈ​တင်း​လၢႆ ပုၼ်ႈ​ႁဝ်း​တႃႉ​ႁဝ်း၊ ဝႃႈ​ၼင်ႇ​ၼႆ​ၼၼ်ႉ ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="13">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ႁႂ်ႈ​ၶဝ်​ပဵၼ်​ၸိူဝ်ႉ​ၼင်ႇ​မုၼ်ႈ​ဢၼ်​ပႃး​ၵႂႃႇ​တီႈ​လူမ်း​ၽိဝ်ႇ​ႁုင်​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ၵႅပ်ႇ​ဢၼ်​လူမ်း​ထူဝ်း​လႄႈ ပိဝ်​သဵၼ်​ၵႂႃႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="14">မိူၼ်​ၸိူဝ်ႉ​ၼင်ႇ​ၽႆး​ဢၼ်​တုတ်ႇ​ထိူၼ်ႇ​ၼၼ်ႉ ဢိၵ်ႇ​တင်း​မိူၼ်​ၸိူဝ်ႉ​ၼင်ႇ​ပဵဝ်​ၽႆး​ဢၼ်​မႆႈ​ၵႃႈ​ၼိူဝ်​လွႆ​ၼၼ်ႉ​လႄႈ၊-</verse>
				<verse number="15">ဢဝ်​တင်း​ၽူၼ်​လူင်​လူမ်း​လူင်​ၸဝ်ႈ​ႁဝ်း လိုပ်ႈ​ၸွမ်း​လမ်း​ၸွမ်း​ၶဝ်​လႄႈ ဢဝ်​တင်း​လူမ်း​ၽိဝ်ႇ​ႁုင်​ၸဝ်ႈ​ႁဝ်း လွၵ်ႇ​ငိုတ်ႈ​ၶဝ်​ပႅတ်ႈ​သေ​ၵမ်း​တီႈ​ၶႃႈ။-</verse>
				<verse number="16">ထႃႇဝရႃႉ​ၽြႃး​တီႈ​ၶႃႈ၊ ႁႂ်ႈ​ၼႃႈ​ၶဝ်​တဵမ်​ဝႆႉ​တင်း တၢင်း​ဢၼ်​သုၵ်ႉ​ၸႂ်​ၵႂင်​ၸႂ် ႁႂ်ႈ​ၶဝ်​လႆႈ​ႁႃ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="17">ႁႂ်ႈ​ၶဝ်​ႁွတ်ႈ​ထိုင်​တၢင်း​ဢၼ်​လီ​ဢူၵ်း​လီ​ဢၢႆ​လႄႈ မီး​တၢင်း​ဢၼ်​ၵူဝ်​ဢၼ်​ႁႄ​သေ​ၵမ်း​လူၺ်ႈ။ ႁႂ်ႈ​ၶဝ်​မီး​တၢင်း​ဢၼ် သုၵ်ႉ​ၸႂ်​ၵႂင်​ၸႂ်​လႄႈ ႁွတ်ႈ​ထိုင်​တၢင်း​ဢၼ်​သုမ်း​ၸွမ်း​လူႉ​လႅဝ်​သေ​ၵမ်း​လူၺ်ႈ။-</verse>
				<verse number="18">ႁႂ်ႈ​ၶဝ်​လႆႈ​ႁူႉ​လွင်ႈ​ဢၼ် ၸဝ်ႈ​ႁဝ်း​သူႇ​လဵဝ်​ပႃး​လဵဝ်​ၵူၺ်း ဢၼ်​မီး​ၼႃႇ​မႃႉ​ၸိုဝ်ႈ​သဵင်​လႄႈ​ဝႃႈ၊ ထႃႇဝရႃႉ​ၽြႃး၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ၽြႃး​ဢၼ်​သုင်​ၼႃႇ​သေ​ပိူၼ်ႈ ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​ၼၼ်ႉ​သေ​ၵမ်း​လူၺ်ႈ။</verse>
			</chapter>
			<chapter number="84">
				<verse number="1">ထႃႇဝရႃႉ​ၽြႃး ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​တီႈ​ၶႃႈ၊ ထႃႇၼႃႉ​တီႈ​ဢၼ်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၸိူဝ်း​ၼၼ်ႉ ပဵၼ်​ဢၼ်​သႃႇ​ယႃႇ​လီ​ငၢမ်း​ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="2">ဝီႉၺိၺ်ႇ​ၶႃႈ​ၸဝ်ႈ​ၵၢဝ်ႇ​ႁႃ​ဢေ​ႁႃ တမ်ႇ​တိူင်း​ထႃႇဝရႃႉ​ၽြႃး​ၸိူဝ်း​ၼၼ်ႉ​လႄႈ ႁႅင်း​ဢူၼ်ႈ​ၵႂႃႇ​တီႈ​ၶႃႈ​ဢေႃႈ။ ႁူဝ်​ၸႂ်​တင်း​ၼိူဝ်ႉ​လိူတ်ႈ​ၶႃႈ​ၸဝ်ႈ ႁွင်ႉ​သႅၼ်ႇ​ႁွင်ႉ​ႁႃ​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="3">ထႃႇဝရႃႉ​ၽြႃး၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်၊ ၶုၼ်​ႁေႃ​ၶမ်း​ၵဝ်​ၶႃႈ၊ ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၼူၵ်ႉ​ၸွၵ်ႇ​လႆႈ​ထူပ်း​တီႈ​ယူႇ​တီႈ​သဝ်း​လႄႈ၊ ၼူၵ်ႉ​ဢႅၼ်ႇ​ၽႃႉ​ၵေႃႈ လႆႈ​ထူပ်း​ႁင်း​ပုၼ်ႈ​မၼ်း တီႈ​ဢၼ်​မၼ်း​တၵ်း​ၶႆႇ​လုၵ်ႈ​ဢွၼ်ႇ​မၼ်း ၵႃႈ​တီႈ​ယိတ်ႈပလၢင်ႇ​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="4">ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​ႁိူၼ်း​ၸဝ်ႈ​ႁဝ်း​ၼၼ်ႉ မီး​မင်ႇၵလႃႇ​တီႈ​ၶႃႈ​ဢေႃႈ။ ၶဝ်​တၵ်း​ဢွၼ်​ၵၼ်​ယွင်ႈ​ယေႃး​ၸဝ်ႈ​ႁဝ်း​ယူႇ တႃႇ​သေႇ​တီႈ​ၶႃႈ​ဢေႃႈ။ ၸေႇလႃႇ။-</verse>
				<verse number="5">ၵေႃႉ​ဢၼ်​ဢဝ်​ၸဝ်ႈ​ႁဝ်း​ႁဵတ်း​ႁႅင်း​ယူႇ​လႄႈ ၵႃႈ​ၼႂ်း​ၸႂ်​မၼ်း​ပႃး​သဵၼ်ႈ​တၢင်း​ၸဝ်ႈ​ႁဝ်း​တင်း​လၢႆ​ယူႇ​ၼၼ်ႉ မီး​မင်ႇၵလႃႇ​တီႈ​ၶႃႈ​ဢေႃႈ။-</verse>
				<verse number="6">ၶဝ်​ၼၼ်ႉ​ၼႂ်း​မိူဝ်ႈ​ဢၼ်​ယင်း​တိုၵ်ႉ​ပႆ​ၵႂႃႇ​လတ်း​ၵႂႃႇ​ၵႃႈ​ၼႂ်း​ပၢင်ႇ​ႁူၺ်ႈ တၢင်း​ဢၼ်​ႁႆႈ​ႁွင်ႉ​ၼၼ်ႉ​ယူႇ​ၼၼ်ႉ​ၸိုင်၊ ႁႂ်ႈ​ၵႃႈ​တီႈ​ၼၼ်ႈ ပဵၼ်​တီႈ​ဢၼ် ၼမ်ႉ​ဢွၵ်ႇ​ႁူး​မႃး​ၼမ်​ၼႃႇ​လႄႈ၊ ၽူၼ်​ႁူဝ်​ပီႊ​ၵေႃႈ၊ ဢဝ်​မင်ႇၵလႃႇ​တင်း​လၢႆ ထူမ်ႈ​ႁူမ်ႇ​တီႈ​ၶႃႈ​ဢေႃႈ။-</verse>
				<verse number="7">ၶဝ်​ၼၼ်ႉ​ယဵင်ႈ​ၵႂႃႇ​ယဵင်ႈ​ႁႅင်း​ထႅင်ႈ​တိၵ်း​တိၵ်း​လႄႈ ၼႄ​ပျႃး​ၼႃႈ​ၶဝ်​တီႈ​ၽြႃး​ပဵၼ်​ၸဝ်ႈ ၵႃႈ​ၼႂ်း​ဝဵင်း​ ၸီႉဢုၼ်ႇ ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="8">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​တီႈ​ၶႃႈ၊ ၶႅၼ်း​တေႃႈ​ထွမ်ႇ​ဢဝ် ၵႂၢမ်း​ပထၼႃႇ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၽြႃး​ပဵၼ်​ၸဝ်ႈ​မဵဝ်း​ ယႃႇၵုပ်ႈ ​တီႈ​ၶႃႈ၊ ၶႅၼ်း​တေႃႈ​ဝၢႆႇ​ႁူ​ၸူး​သေ​ၵမ်း​တီႈ​ၶႃႈ။ ၸေႇလႃႇ။-</verse>
				<verse number="9">ၽြႃး​ဢၼ်​ပဵၼ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​ႁဝ်း​ၶႃႈ​တီႈ​ၶႃႈ၊ ၶႅၼ်း​တေႃႈ​လူ​တူၺ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​ထွၵ်ႈ​လူၺ်ႈ​ၼႃႈ ၵေႃႉ​ဢၼ်​ၶၢမ်ႇ​ၽိၵ်ႈ​သိၵ်ႈ တီႈ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="10">မိုဝ်ႉ​ဝၼ်း​ဢၼ်​ယူႇ​ၵႃႈ​ၼႂ်း​တမ်ႇ​တိူင်း​ၸဝ်ႈ​ႁဝ်း​ဝၼ်း​ၼိုင်ႈ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​ဝၼ်း​ဢၼ်​ယူႇ​တၢင်ႇ​တီႈ​တၢင်ႇ​လႅၼ် ႁဵင်​ဝၼ်း​တီႈ​ၶႃႈ​ဢေႃႈ။ ၶႃႈ​ၸဝ်ႈ​ယဵင်ႈ​ၶႅၼ်း​ထုၵ်ႇ​ၸႂ်​ၵျိူၵ်ႈ​ၸႂ် ဢရႃႇ​ဢၼ်​ပႂ်ႉ​ၽၵ်း​တူ ၵႃႈ​တီႈ​ႁိူၼ်း​ၽြႃး​ပဵၼ်​ၸဝ်ႈ​ၵဝ်​ၶႃႈ​ၼၼ်ႉ ၼႃႇ​သေ​ဢၶႂၢင်ႉ​လႆႈ​ယူႇ​ၵႃႈ​ၼႂ်း​မူဝ်းၵႃႇ​ၶဝ်​ၸိူဝ်း​ဢၼ် ဢမ်ႇ​တြႃး​ၼၼ်ႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="11">ၸဝ်ႈ​ထႃႇဝရႃႉ​ၽြႃး​ပဵၼ်​ၸဝ်ႈ ပဵၼ်​ၵၢင်​ဝၼ်း​ဢိၵ်ႇ​တင်း ၶိူင်ႈ​ႁႄႉ​လၢၵ်ႈ​ၼၢၵ်ႈ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး ပၼ်​ၵျေး​ၸူး ဢိၵ်ႇ​တင်း​မုၼ်​သရေႇ​တီႈ​ၶႃႈ​ဢေႃႈ။ မၼ်း​ၸဝ်ႈ​ဢမ်ႇ​ထဵင်​လွင်ႈ​တၢင်း​ဢၼ်​လီ​ဢၼ်​ငၢမ်း​သေ​ၸိူဝ်ႉ​သေ​ပိူင် ပႅတ်ႈ​သေ​တီႈ​ၶဝ်​ၸိူဝ်း​ဢၼ် ၵႂႃႇ​မႃး​သိုဝ်ႈ​သိုဝ်ႈ​တေႃႇ​တေႃႇ​ၼၼ်ႉ​တီႈ​ၶႃႈ၊-</verse>
				<verse number="12">ထႃႇဝရႃႉ​ၽြႃး၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​တီႈ​ၶႃႈ၊ ၵေႃႉ​ဢၼ်​ဢိင်​ပိုင်ႈ​ၸဝ်ႈ​ႁဝ်း​ယူႇ​ၼၼ်ႉ မီး​မင်ႇၵလႃႇ​တီႈ​ၶႃႈ​ဢေႃႈ။</verse>
			</chapter>
			<chapter number="85">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ထုၵ်ႇ​ၸႂ်​ၵျိူၵ်ႈ​ၸႂ်​မိူင်း​ၸဝ်ႈ​ႁဝ်း​လႄႈ၊ ၸဝ်ႈ​ႁဝ်း​ဢဝ်​မဵဝ်း​ ယႃႇၵုပ်ႈ ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ ၶိုၼ်း​မႃး​သူင်ႇ​တီႈ​ၶႃႈ​ဢေႃႈ။-</verse>
				<verse number="2">ၸဝ်ႈ​ႁဝ်း​ပွႆႇ​လွတ်ႈ​ဢပႅတ်ႈ ၵူၼ်း​ၸဝ်ႈ​ႁဝ်း​တင်း​လၢႆ​လႄႈ ႁူမ်ႇ​သုမ်ႇ​တူႉ​ၸရိူၵ်ႈ​ၶဝ် တင်း​သဵင်ႈ​တင်း​လူင်​တီႈ​ၶႃႈ​ယဝ်ႉ။ ၸေႇလႃႇ။-</verse>
				<verse number="3">ၸဝ်ႈ​ႁဝ်း​ႁႂ်ႈ​ၸႂ်​တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ပေႇ​မူတ်း​မူတ်း​သဵင်ႈ​သဵင်ႈ​လႄႈ၊ ၸဝ်ႈ​ႁဝ်း​ႁႂ်ႈ​ဢႁုင်ႇ​တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ၽၢတ်ႇ​ယၢၼ်​တီႈ​ၶႃႈ​ယဝ်ႉ။</verse>
				<verse number="4">ၽြႃး​ဢၼ်​ၵႄႇ​သႄႇ​ၶျွတ်ႈ​ဢဝ်​ႁဝ်း​ၶႃႈ​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​ၶၢႆႉ​ပုတ်ႈ​လႄႈ ႁႂ်ႈ​တၢင်း​ဢၼ်​ၸဝ်ႈ​ႁဝ်း​ၸႂ်​မႆႈ​ၶႆႈ​ၸႃႉ ဢၼ်​ယၢမ်ႈ​ဢွၵ်ႇ​ၸူး​တီႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ ထၢတ်ႇ​ယဵၼ်​သေ​ၵမ်း​တီႈ​ၶႃႈ၊-</verse>
				<verse number="5">ၸဝ်ႈ​ႁဝ်း​တၵ်း​ၸႂ်​မႆႈ​ၶႆႈ​ၸႃႉ တီႈ​ၶႃႈ​ၸဝ်ႈ​ႁဝ်း​ၶဝ်​ယူႇ​သေႇ​သေႇ​တီႈ​ၶႃႈ​ႁိုဝ်။ ၸဝ်ႈ​ႁဝ်း​တၵ်း​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ဢမ်ႇ​ပေႇ​လႄႈ​ယူႇ​ၶိင်ႇ​ၵႃႇလႃႉ သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ႁိုဝ်။-</verse>
				<verse number="6">ၸဝ်ႈ​ႁဝ်း​တၵ်း​သမ်ႉ​ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​ဢသၢၵ်ႈ​လိပ်း​ယူႇ ႁႂ်ႈ​ၵူၼ်း​ၸဝ်ႈ​ႁဝ်း​တင်း​လၢႆ လႆႈ​ၸူမ်း​သိူဝ်း​မူၼ်ႈ​ပျေႃႇ​ၼႂ်း​ၸဝ်ႈ​ႁဝ်း​ယူႇ ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="7">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၼႄ​ပျႃး​ၵရူႉၼႃႇ​ၸဝ်ႈ​ႁဝ်း ၵႃႈ​တီႈ​ၶႃႈ​ၸဝ်ႈ​ႁဝ်း​ၶဝ်​လႄႈ ႁဵတ်း​ၵျေး​ၸူး​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် တီႈ​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။</verse>
				<verse number="8">ၵဝ်​တၵ်း​ထွမ်ႇ​ငိၼ်း​လွင်ႈ​ဢၼ် ၸဝ်ႈ​ထႃႇဝရႃႉ​ၽြႃး​ပဵၼ်​ၸဝ်ႈ တၵ်း​မီး​ဢမိင်ႉ​ၸိူဝ်ႉ​ၼင်ႇ​ႁိုဝ်​ၼၼ်ႉ​လူး​ၵွၼ်ႇ​ဢေႃႈ။ လွင်ႈ​မၼ်း​ၸမ်ႉ မၼ်း​ၸဝ်ႈ​တၵ်း​မီး​ဢမိင်ႉ​တၢင်း​ဢၼ်​ၼိမ်​သိမ်ႇ တီႈ​ၵူၼ်း​မၼ်း​ၸဝ်ႈ​တင်း​လၢႆ ဢိၵ်ႇ​တင်း တီႈ​ၶဝ်​ၸိူဝ်း​ဢၼ် မၼ်း​ၸဝ်ႈ​ႁၵ်ႉ​ပႅင်း​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵမ်း​လိုၼ်း​ယႃႇ​ပေ​ႁႂ်ႈ​ၶဝ် ၶိုၼ်း​ၸူး​ၵႃႈ​တီႈ​လွင်ႈ​တၢင်း​ဢၼ်​မိူၵ်ႈ​ၼၼ်ႉ​သေ​ၵမ်း​လူၺ်ႈ။-</verse>
				<verse number="9">ၵျေး​ၸူး​တၢင်း​ဢၼ်​မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၼၼ်ႉ ႁွတ်ႈ​ထိုင်​ၵႃႈ​တီႈ​ႁိမ်း​ၶဝ်​ၸိူဝ်း​ဢၼ်​ၵူဝ်​ႁႄ​မၼ်း​ၸဝ်ႈ​ၼၼ်ႉ ႁႂ်ႈ​မုၼ်​ၽုင်း​မၼ်း​ၸဝ်ႈ လႆႈ​ၵိင်း​ဝၢပ်ႈ​ယူႇ​ၵႃႈ​ၼႂ်း​မိူင်း​ႁဝ်း​ဢမၢၼ်ႇ​ၶၼ်​ပဵၼ်​ယဝ်ႉ။-</verse>
				<verse number="10">ၵရူႉၼႃႇ ဢိၵ်ႇ​တင်း​သဵတ်ႈ​ၸႃႇ ၸုမ်ႇ​ၽွမ်ႉ​ႁူပ်ႉ​ထူပ်း​ၵၼ်​ယဝ်ႉ။ တၢင်း​ဢၼ်​သိုဝ်ႈ​တေႃႇ ဢိၵ်ႇ​တင်း​တၢင်း​ၼိမ် ပႃး​ၼိုင်ႈ​လႄႈ​ပႃး​ၼိုင်ႈ ၸုပ်ႇ​ၵၼ်​ၼူမ်​ၵၼ်​ယဝ်ႉ။-</verse>
				<verse number="11">သဵတ်ႈ​ၸႃႇ​ဢွၵ်ႇ​သေ​ၵႃႈ​ၼႂ်း​လိၼ်​မိူင်း​မႃး​လႄႈ၊ တၢင်း​ဢၼ်​သိုဝ်ႈ​တေႃႇ​ယူႇ​ၵႃႈ​ၼိူဝ်​ၵၢင်​ႁၢဝ် ၵူမ်ႈ​တူၺ်း​ယူႇ​ဢေႃႈ။-</verse>
				<verse number="12">ထႃႇဝရႃႉ​ၽြႃး​တၵ်း​ပၼ်​ဢၼ်​လီ​ဢၼ်​ငၢမ်း​လႄႈ၊ လိၼ်​ႁဝ်း​တၵ်း​ဢဝ်​ၽၼ်ႇတႃႇ​မၼ်း ဢွၵ်ႇ​ပၼ်​ဢေႃႈ။-</verse>
				<verse number="13">တၢင်း​ဢၼ်​သိုဝ်ႈ​တေႃႇ တၵ်း​ဢွၼ်​ႁူဝ်​မၼ်း​ၸဝ်ႈ​ၵႂႃႇ​လႄႈ ႁႂ်ႈ​ႁွႆး​တိၼ်​မၼ်း​ၸဝ်ႈ ပဵၼ်​တၢင်း​ဢၼ်​လီ​ၸွမ်း​ၵႂႃႇ​ဢေႃႈ။</verse>
			</chapter>
			<chapter number="86">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁေႈ​ႁူ​ၸဝ်ႈ​ႁဝ်း​ၸူး​လႄႈ ၶိုၼ်း​ဢိူဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ပဵၼ်​ဢၼ်​ယၢၵ်ႈ​ၽၢၼ်​လႄႈ ၸုတ်ႈ​လုတ်ႈ​တီႈ​ၶႃႈ​ဢေႃႈ။-</verse>
				<verse number="2">ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ပႂ်ႉ​ဝီႉၺိၺ်ႇ​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ ပဵၼ်​ၵေႃႉ​ဢၼ်​ၸဝ်ႈ​ႁဝ်း​ႁၵ်ႉ​ပႅင်း​ၼၼ်ႉ​လႄႈ ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း ဢၼ်​ဢိင်​ပိုင်ႈ​ၸဝ်ႈ​ႁဝ်း​ယူႇ​ၼႆႉ​သေ​ၵမ်း​တီႈ​ၶႃႈ၊-</verse>
				<verse number="3">ၸဝ်ႈ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ ႁွင်ႉ​သႅၼ်ႇ​ႁွင်ႉ​ႁႃ​ၸဝ်ႈ​ႁဝ်း​ယူႇ​တင်း​ဝၼ်း​တင်း​ဝၼ်း​လႄႈ၊ ၶႅၼ်း​တေႃႈ​ဢဵတ်း​လူ​ၸွႆႈ​ထႅမ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="4">ၸဝ်ႈ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​ၶႃႈ​ၸဝ်ႈ​ၵၢဝ်ႇ​ႁႃ​ဢေ​ႁႃ​ၸဝ်ႈ​ႁဝ်း​ယူႇ​လႄႈ၊ ၶႅၼ်း​တေႃႈ​ႁဵတ်း​ႁႂ်ႈ​ႁူဝ်​ၸႂ်​ၶႃႈ​ၸဝ်ႈ​ႁဝ်း လႆႈ​ၸူမ်း​သိူဝ်း​သေ​ၵမ်း​တီႈ​ၶႃႈ။</verse>
				<verse number="5">ၸဝ်ႈ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပျေႉ​ၸုမ်ႇ​ဝႆႉ​တင်း​သၽေႃး​ဢၼ်​လီ​ဢၼ်​ငၢမ်း ဢိၵ်ႇ​တင်း​သၽေႃး​ဢၼ်​ယိူၼ်ႉ​ၶၢမ်ႇ​လႄႈ၊ ၵရူႉၼႃႇ​ၸဝ်ႈ​ႁဝ်း​လိူင်ႇ​ၼမ်​ၼႃႇ တီႈ​ၶဝ်​ၸိူဝ်း​ဢၼ်​ႁဵတ်း​ပထၼႃႇ တီႈ​ၸဝ်ႈ​ႁဝ်း​တင်း​သဵင်ႈ​တင်း​လူင်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဝၢႆႇ​ႁူ​ၸူး​ပထၼႃႇ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ထွမ်ႇ​ဢဝ်​သဵင်​ၵႂၢမ်း ဢၼ်​ၶႃႈ​ၸဝ်ႈ လဝ်ႊ​ယွၼ်း​ၶၢမ်ႇ​ဢဝ် တၢင်း​ဢၼ်​ၸဝ်ႈ​ႁဝ်း​ဢဵတ်း​လူ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="7">ၼႂ်း​ဝၼ်း​ဢၼ်​ၽေး​ႁွတ်ႈ​ထိုင်​ၼၼ်ႉ၊ ၶႃႈ​ၸဝ်ႈ​တၵ်း​ႁွင်ႉ​ႁႃ​ၸဝ်ႈ​ႁဝ်း​လႄႈ၊ ၸဝ်ႈ​ႁဝ်း​တၵ်း​ဢိူဝ်​တီႈ​ၶႃႈ​ဢေႃႈ။-</verse>
				<verse number="8">ၸဝ်ႈ​ၽြႃး​တီႈ​ၶႃႈ၊ ၵႃႈ​ၼႂ်း​ၽြႃး​တင်း​လၢႆ၊ ၽြႃး​ဢၼ်​မိူၼ်​ၸိူဝ်ႉ​ၼင်ႇ​ၸဝ်ႈ​ႁဝ်း ဢမ်ႇ​မီး​တီႈ​ၶႃႈ။ ဢမူႉ​ဢၼ်​မိူၼ်​ၼင်ႇ​ဢမူႉ​ၸဝ်ႈ​ႁဝ်း​ၸိူဝ်း​ၼၼ်ႉ​ၵေႃႈ ဢမ်ႇ​မီး​တီႈ​ၶႃႈ။-</verse>
				<verse number="9">ၸဝ်ႈ​ၽြႃး​တီႈ​ၶႃႈ၊ မဵဝ်း​ၵူၼ်း​ၵႃႈ​ဢၼ်​ၸဝ်ႈ​ႁဝ်း​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ တၵ်း​ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​သေ​လႄႈ ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​လႄႈ၊ ယွင်ႈ​ယေႃး​မုၼ်​ၽုင်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="10">ၸဝ်ႈ​ႁဝ်း​ပဵၼ်​ဢၼ်​ယႂ်ႇ​မျၢတ်ႈ​ၼႃႇ​လႄႈ ႁဵတ်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ​တီႈ​ၶႃႈ​ဢေႃႈ။ ၸဝ်ႈ​ႁဝ်း​သူႇ​လဵဝ်​ပႃး​လဵဝ်​ၵူၺ်း ပဵၼ်​ၽြႃး​ပဵၼ်​ၸဝ်ႈ​တီႈ​ၶႃႈ​ဢေႃႈ။</verse>
				<verse number="11">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၼႄ​ပျႃး​သဵၼ်ႈ​တၢင်း​ၸဝ်ႈ​ႁဝ်း တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​ၸွမ်း​ၵႂႃႇ ၵႃႈ​ၼႂ်း​သဵၼ်ႈ​တၢင်း​သမ်ႇမႃႇ​တြႃး​တီႈ​ၶႃႈ​ဢေႃႈ။ ၶႅၼ်း​တေႃႈ​ႁႂ်ႈ​ႁူဝ်​ၸႂ်​ၶႃႈ​ၸဝ်ႈ​ငီႇ​ၽွမ်ႉ​ၵၼ် ႁႂ်ႈ​ၶႃႈ​ၸဝ်ႈ​လႆႈ​ၵူဝ်​ႁႄ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="12">ၸဝ်ႈ​ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​တၵ်း​ပႃး​တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ယွင်ႈ​ယေႃး​ၸဝ်ႈ​ႁဝ်း​လႄႈ ယုၵ်ႉ​ယွင်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="13">ၵရူႉၼႃႇ​ၸဝ်ႈ​ႁဝ်း ဢၼ်​ၶႃႈ​ၸဝ်ႈ​လႆႈ​ၶၢမ်ႇ​ၼၼ်ႉ ယႂ်ႇ​ၼႃႇ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ၵႄႇ​သႄႇ​ၼုၵ်ႈ​ဢဝ်​ဝီႉၺိၺ်ႇ​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​မိုဝ်း​မရၼႃႉ​တၢင်း​တႂ်ႈ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="14">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶဝ်​ၸိူဝ်း​ဢၼ်​မႃႇၼႃႉ​ယႂ်ႇ​ၼၼ်ႉ ဢွၼ်​ၵၼ်​လုၵ်ႉ​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​လႄႈ၊ ပရဵၵ်ႈသၢတ်ႈ​ၵူၼ်း​ဢၼ်​ၵျၢမ်း​ထၢမ်း​ၼႃႇ​လူင်​လၢင်​ၸိူဝ်း​ၼၼ်ႉ ယင်း​ဢမ်ႇ​ဢဝ်​ၸဝ်ႈ​ႁဝ်း​ဝႆႉ သိုဝ်ႈ​ၼႃႈ​တႂ်ႈ​တႃ​ၶဝ်​လႄႈ ႁႃ​ဢသၢၵ်ႈ​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="15">ၸဝ်ႈ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပဵၼ်​ၽြႃး​ဢၼ်​ပျေႉ​ၸုမ်ႇ​ဝႆႉ​တင်း တၢင်း​ဢၼ်​ၸၢင်ႈ​ဢဵတ်း​လူ​ႁၵ်ႉ​ပႅင်း၊ တၢင်း​ဢၼ်​ၸၢင်ႈ​ႁဵတ်း​ၵျေး​ၸူး၊ တၢင်း​ဢၼ်​ယိူၼ်ႉ​ၶၢမ်ႇ ဢိၵ်ႇ​တင်း​တၢင်း​ဢၼ်​ၵရူႉၼႃႇ​တင်း​သဵတ်ႈ​ၸႃႇ လိူင်ႇ​ၼမ်​ၼႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="16">ၶႅၼ်း​တေႃႈ​ဝၢႆႇ​ၼႃႈ​တေႃႇ​ၶႃႈ​ၸဝ်ႈ​လႄႈ ဢဵတ်း​လူ​ၸွႆႈ​ထႅမ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ပၼ်​ႁႅင်း​တၼ်း​ၶူဝ်း​ၸဝ်ႈ​ႁဝ်း တီႈ​ၶႃႈ​ၸဝ်ႈ​ႁဝ်း​လႄႈ၊ ၵႄႇ​သႄႇ​ၶျွတ်ႈ​ဢဝ်​လုၵ်ႈ​ၸၢႆး မႄႈ​ယိင်း ၶႃႈ​ၸဝ်ႈ​ႁဝ်း​ၼႆႉ​သေ​ၵမ်း​တီႈ​ၶႃႈ။-</verse>
				<verse number="17">ၶႅၼ်း​တေႃႈ​ႁဵတ်း​ၼီႉမိၵ်ႈ​လၢၵ်ႈၶၼႃႇ​ဢၼ်​လီ​တီႈ​ၶႃႈ​ၸဝ်ႈ ႁႂ်ႈ​ၶဝ်​ၸိူဝ်း​ဢၼ်​ၸင်း​ၶႃႈ​ၸဝ်ႈ​ၼၼ်ႉ လႆႈ​ႁၼ်​လႄႈ​ဢူၵ်း​ဢၢႆ​သေ​ၵမ်း​တီႈ​ၶႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ၸွႆႈ​ထႅမ်​ၶႃႈ​ၸဝ်ႈ​လႄႈ ပၼ်​ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ဢေႃႈ။</verse>
			</chapter>
			<chapter number="87">
				<verse number="1">ငဝ်ႈ​ႁၢၵ်ႈ​တိူၵ်ႈ​မၼ်း​ၸဝ်ႈ​ၼၼ်ႉ မီး​ယူႇ​ၵႃႈ​ၼိူဝ်​လွႆ​ဢၼ်​မူတ်း​ၸၢင်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="2">ထႃႇဝရႃႉ​ၽြႃး ယဵင်ႈ​ၶႅၼ်း​ႁၵ်ႉ​ၽၵ်း​တူ​ ၸီႉဢုၼ်ႇ ​တင်း​လၢႆ ၼႃႇ​သေ​တီႈ​ယူႇ​တီႈ​သဝ်း ယႃႇၵုပ်ႈ တင်း​သဵင်ႈ​တင်း​လူင်​ဢေႃႈ။-</verse>
				<verse number="3">ဝဵင်း​ၽြႃး​ပဵၼ်​ၸဝ်ႈ​ဢိူၺ်း၊ မီး​ၵႂၢမ်း​မုၼ်​ၵႂၢမ်း​သရေႇ​ဢၼ်​ယႂ်ႇ​ၼႃႇ​လႄႈ လၢတ်ႈ​လူၺ်ႈ​လွင်ႈ​မႂ်း​ဝႆႉ​ၼၼ်ႉ​ယူႇ​ဢေႃႈ။ ၸေႇလႃႇ။-</verse>
				<verse number="4">ၼႂ်း​ၶဝ်​ၸိူဝ်း​ဢၼ်​မိုတ်ႈ​ၵိုဝ်း​ၵၼ်​တင်း​ၵဝ်​ၼၼ်ႉ၊ ၵဝ်​တၵ်း​ဢဝ်​ဝဵင်း​ ရႃႇၶပ်ႉ တင်း​ဝဵင်း​ ပႃႇပူႉလုၼ်ႇ ​လၢတ်ႈ​ဢေႃႈ။ တူၺ်း​မိူင်း​ ၽီႉလိတ်ႉတီႉ ၊ မိူင်း​ တူႉရူႉ ၊ မိူင်း​ ၵူႉသႃႉ ​ၸိူဝ်း​ၼၼ်ႉ​တႃႉ။ ၵေႃႉ​ၸိူဝ်ႉ​ၼင်ႇ​ၼႆ​ၼၼ်ႉ လႆႈ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး ၵႃႈ​ၼႂ်း​ဝဵင်း​ၼၼ်ႉ​ဢေႃႈ။-</verse>
				<verse number="5">လွင်ႈ​ဝဵင်း​ ၸီႉဢုၼ်ႇ ​ၵေႃႈ လႆႈ​လၢတ်ႈ​လႄႈ​ဝႃႈ၊ ၵေႃႉ​ၸိူဝ်ႉ​ၼင်ႇ​ၼႆ ဢိၵ်ႇ​တင်း ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ လႆႈ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး​ၵႃႈ​ၼႂ်း​မၼ်း​လႄႈ ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ၊ တူဝ်​မၼ်း​ၸဝ်ႈ​ႁႂ်ႈ​မၼ်း​မၼ်ႈ​ၶိူင်ႇ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ဢၼ်​ထႃႇဝရႃႉ​ၽြႃး ၼပ်ႉ​ဢဝ်​ၸရၢင်း​မဵဝ်း​ၵူၼ်း​တင်း​လၢႆ​ၼၼ်ႉ​ၸိုင် မၼ်း​ၸဝ်ႈ​တၵ်း​လၢတ်ႈ​လႄႈ​ဝႃႈ၊ ၵေႃႉ​ၸိူဝ်ႉ​ၼင်ႇ​ၼႆ​ၼၼ်ႉ လႆႈ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး ၵႃႈ​တီႈ​ၼၼ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၸေႇလႃႇ။-</verse>
				<verse number="7">ၶဝ်​ၸိူဝ်း​ဢၼ်​ႁဵတ်း​ၵႂၢမ်း ဢိၵ်ႇ​တင်း​ၶဝ်​ၸိူဝ်း​ဢၼ်​ၵႃႈ​ဢၼ်​ဝႅၼ်​ၼၼ်ႉ တၵ်း​ဢွၼ်​ၵၼ်​လၢတ်ႈ​လႄႈ​ဝႃႈ၊ ၼမ်ႉ​ဢွၵ်ႇ​ႁူး​ၵဝ်​ၵႃႈ​မီး​ၼၼ်ႉ မီး​ယူႇ​ၵႃႈ​ၼႂ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="88">
				<verse number="1">ထႃႇဝရႃႉ​ၽြႃး ၽြႃး​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​သႅၼ်ႇ​ႁွင်ႉ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ယူႇ ၵူႈ​ဝၼ်း​ၵူႈ​ၶိုၼ်း ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="2">ႁႂ်ႈ​ပထၼႃႇ​ဢၼ်​ၶႃႈ​ၸဝ်ႈ​ႁဵတ်း​ၼႆႉ ၶဝ်ႈ​ႁွတ်ႈ​ၶဝ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း သေ​ၵမ်း​လူၺ်ႈ​တီႈ​ၶႃႈ။ ၶႅၼ်း​တေႃႈ​ႁေႈ​ႁူ​ၸဝ်ႈ​ႁဝ်း​ၸူး သဵင်​ဢၼ်​ၶႃႈ​ၸဝ်ႈ​သႅၼ်ႇ​ႁွင်ႉ​ၼႆႉ​သေ​ၵမ်း​တီႈ​ၶႃႈ။</verse>
				<verse number="3">ဝီႉၺိၺ်ႇ​ၶႃႈ​ၸဝ်ႈ မီး​တဵမ်​ဝႆႉ​တၢင်း​တုၵ်ႉ​ၶႃႉ​လႄႈ၊ ဢသၢၵ်ႈ​ၶႃႈ​ၸဝ်ႈ​ၵေႃႈ ႁွတ်ႈ​ထိုင်​ၵႃႈ​တီႈ​ႁိမ်း​မိူင်း​မရၼႃႉ​တီႈ​ၶႃႈ​ယဝ်ႉ။-</verse>
				<verse number="4">ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ် ၼပ်ႉ​ဢၢၼ်ႇ​ၶဝ်ႈ​ပႃး​လူၺ်ႈ​ၵၼ်​တင်း​ၶဝ် ၸိူဝ်း​ဢၼ်​လူင်း​ၵႂႃႇ​ၸူး​ၵႃႈ​တီႈ​သၢင်း​ၶႅင်း​ၼၼ်ႉ ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ႁႅင်း​သဵင်ႈ​ၵႂႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">ၶႃႈ​ၸဝ်ႈ​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ပႅတ်ႈ​ဝႆႉ​ၵႃႈ​တီႈ​ၼႂ်း​တူဝ်​တၢႆ​တင်း​လၢႆ၊ ၵေႃႉ​ဢၼ်​လႆႈ​ၶၢမ်ႇ​တၢင်း​တၢႆ​လႄႈ ၼွၼ်း​ယူႇ​ၵႃႈ​ၼႂ်း​သၢင်း​ၶႅင်း ဢၼ်​ဝႃႈ​ၵေႃႉ​ဢၼ်​ၸဝ်ႈ​ႁဝ်း​ယင်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လႄႈ ၵႆ​ယၢၼ်​ၵၼ်​တင်း​မိုဝ်း​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ၸဝ်ႈ​ႁဝ်း​ဢဝ်​ၶႃႈ​ၸဝ်ႈ​ၶျႃး​သႂ်ႇ​ဝႆႉ ၵႃႈ​ၼႂ်း​ၶုမ်​ဢၼ်​လိုၵ်ႉ​ၼႃႇ​သေ​ပိူၼ်ႈ၊ ၵႃႈ​ၼႂ်း​တီႈ​ဢၼ်​လပ်း​သိင်ႇ​မုင်း​ႁူမ်ႇ​လႄႈ လိုၵ်ႉ​လမ်ႇ​ၼႃႇ​လူင်​လၢင်​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="7">တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​ၼၼ်ႉ တဵင်​ယူႇ​ၵႃႈ​ၼိူဝ်​ၶႃႈ​ၸဝ်ႈ​လႄႈ၊ ၸဝ်ႈ​ႁဝ်း​ဢဝ်​တင်း​လႅင်း​ၼမ်ႉ​ပိူပ်ႈ​ၼမ်ႉ​ၸဝ်ႈ​ႁဝ်း​တင်း​သဵင်ႈ​တင်း​လူင် ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၸေႇလႃႇ။-</verse>
				<verse number="8">ၸဝ်ႈ​ႁဝ်း​ဢဝ်​ၶဝ်​ၸိူဝ်း​ဢၼ် မိုတ်ႈ​ၵၼ်​ၵိုဝ်း​ၵၼ်​တင်း​ၶႃႈ​ၸဝ်ႈ​ၼၼ်ႉ ၶၢႆႉ​ၵႂႃႇ​လႄႈ ဝႆႉ​တီႈ​ဢၼ်​ၵႆ​ၵၼ်​တင်း​ၶႃႈ​ၸဝ်ႈ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ ပဵၼ်​လွင်ႈ​ဢၼ်​လီ​ႁင်ႈ​ဢဵတ်ႇ​သဵတ်ႇ တီႈ​ၶဝ်​ၼၼ်ႉ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​လႄႈ၊ ဢမ်ႇ​ဢွၵ်ႇ​ၵႃႈ​ၼွၵ်ႈ​လႆႈ​တီႈ​ၶႃႈ၊-</verse>
				<verse number="9">မၢၵ်ႇ​တႃ​ၶႃႈ​ၸဝ်ႈ​လူႉ​ၵႂႃႇ ၵွပ်ႈ​ပိူဝ်ႈ​တုၵ်ႉ​ၶႃႉ​ဢၼ်​ၶႃႈ​ၸဝ်ႈ​လႆႈ​ၶၢမ်ႇ​ၼၼ်ႉ​လႄႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ႁွင်ႉ​သႅၼ်ႇ​ႁွင်ႉ​ႁႃ​ၸဝ်ႈ​ႁဝ်း​ယူႇ ၵူႈ​မိုဝ်ႉ​ၵူႈ​ဝၼ်း​ဢမ်ႇ​ထၢတ်ႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ယဵတ်ႇ​မိုဝ်း​ၸူး​တီႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။</verse>
				<verse number="10">ၸဝ်ႈ​ႁဝ်း​တၵ်း​ၼႄ​ပျႃး​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ တီႈ​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​တီႈ​ၶႃႈ​ႁိုဝ်။ ၵူၼ်း​ပႃႇ​ႁဵဝ်ႈ​တင်း​လၢႆ​တၵ်း​ဢွၼ်​ၵၼ်​လုၵ်ႉ​လႄႈ ယွင်ႈ​ယေႃး​ၸဝ်ႈ​ႁဝ်း​တီႈ​ၶႃႈ​ႁိုဝ်။ ၸေႇလႃႇ။-</verse>
				<verse number="11">တၵ်း​ဢဝ်​ၵရူႉၼႃႇ​ၸဝ်ႈ​ႁဝ်း မွၵ်ႇ​လၢတ်ႈ​ၵႃႈ​ၼႂ်း​သၢင်း​ၶႅင်း ဢိၵ်ႇ​တင်း​ဢဝ်​သဵတ်ႈ​ၸႃႇ​ၸဝ်ႈ​ႁဝ်း မွၵ်ႇ​လၢတ်ႈ​ၵႃႈ​ၼႂ်း​တီႈ​ဢၼ်​လူႉ​ဢၼ်​လႅဝ်​ၼၼ်ႉ​တီႈ​ၶႃႈ​ႁိုဝ်။-</verse>
				<verse number="12">ၵႃႈ​ၼႂ်း​တီႈ​ဢၼ်​လပ်း​သိင်ႇ​ၼၼ်ႉ တၵ်း​ငိၼ်း​လွင်ႈ​တၢင်း​ဢၼ်​လီ​ဢၢမ်း ၸဝ်ႈ​ႁဝ်း​တင်း​လၢႆ​လႄႈ၊ ၵႃႈ​ၼႂ်း​မိူင်း​တီႈ​ဢၼ်​လူင်​လိုမ်း​ၼၼ်ႉ တၵ်း​ငိၼ်း​တြႃး​တၢင်း​ဢၼ်​ၸဝ်ႈ​ႁဝ်း​သိုဝ်ႈ​တေႃႇ​တီႈ​ၶႃႈ​ႁိုဝ်။-</verse>
				<verse number="13">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ႁွင်ႉ​သႅၼ်ႇ​ၸူး​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶိင်ႇ​ၵၢင်​ၼႂ်​ပထၼႃႇ​ၶႃႈ​ၸဝ်ႈ ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="14">ထႃႇဝရႃႉ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ပႄႇ​ဝီႉၺိၺ်ႇ​ၶႃႈ​ၸဝ်ႈ​ပႅတ်ႈ​ၼင်ႇ​ႁိုဝ်​တီႈ​ၶႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ဝၢႆႇ​ၼႃႈ​ပႅတ်ႈ​ၶႃႈ​ၸဝ်ႈ​ၼင်ႇ​ႁိုဝ်​တီႈ​ၶႃႈ။-</verse>
				<verse number="15">ၶႃႈ​ၸဝ်ႈ​လႆႈ​ၶၢမ်ႇ​တုၵ်ႉ​ၶႃႉ​ဝူၺ်ႇတၼႃႇ​လႄႈ မီး​တၢင်း​ဢၼ်​ၸမ်​တၵ်း​တၢႆ ၸဵမ်​မိူဝ်ႈ​ဢၼ်​ဢသၢၵ်ႈ​ယင်း​လဵၵ်ႉ​ယင်း​ဢွၼ်ႇ​ၼၼ်ႉ​တီႈ​ၶႃႈ​ဢေႃႈ။ ၶႃႈ​ၸဝ်ႈ​လႆႈ​ၶၢမ်ႇ​ၽေး ဢၼ်​ၸဝ်ႈ​ႁဝ်း​ၸီႇ​ယၢင်ႇ​ၸိူဝ်း​ၼၼ်ႉ​လႄႈ ယၢပ်ႇ​ၸႂ်​ယုင်ႈ​ၸႂ်​တီႈ​ၶႃႈ​ဢေႃႈ။-</verse>
				<verse number="16">တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ထူမ်ႈ​ႁူမ်ႇ​ၶႃႈ​ၸဝ်ႈ​ဝႆႉ​လႄႈ၊ ၽေး​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ၸိူဝ်း​ၼၼ်ႉ ယႃႉ​ၶႃႈ​ၸဝ်ႈ​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="17">ၶဝ်​လွမ်ႉ​ႁွပ်ႈ​ၶႃႈ​ၸဝ်ႈ​ယူႇ​တင်း​ဝၼ်း​တင်း​ဝၼ်း မိူၼ်​ၸိူဝ်ႉ​ၼင်ႇ​ၼမ်ႉ​ၼၼ်ႉ​လႄႈ ၽွမ်ႉ​ၵၼ်​ဝႅင်း​ႁွပ်ႈ​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="18">ၸဝ်ႈ​ႁဝ်း​ဢဝ်​ၵေႃႉ​ဢၼ်​ႁၵ်ႉ​ဢၼ်​ပႅင်း ဢိၵ်ႇ​တင်း​ၵေႃႉ​သေႈ​ၼၼ်ႉ ၶၢႆႉ​ၵႂႃႇ​လႄႈ ဝႆႉ​တီႈ​ဢၼ်​ၵႆ​ၵၼ်​တင်း​ၶႃႈ​ၸဝ်ႈ​တီႈ​ၶႃႈ​ယဝ်ႉ။ ၵေႃႉ​ဢၼ်​မိုတ်ႈ​ၵၼ်​ၵိုဝ်း​ၵၼ်​တင်း​ၶႃႈ​ၸဝ်ႈ​ၼၼ်ႉ မီး​ယူႇ​ၵႃႈ​ၼႂ်း​တီႈ​ဢၼ်​လပ်း​သိင်ႇ​တီႈ​ၶႃႈ​ဢေႃႈ။</verse>
			</chapter>
			<chapter number="89">
				<verse number="1">ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​ၵရူႉၼႃႇ​ထႃႇဝရႃႉ​ၽြႃး​ယူႇ တႃႇ​သေႇ​ဢမ်ႇ​ထၢတ်ႇ​လႄႈ၊ ၶႃႈ​ၸဝ်ႈ​တၵ်း​ဢဝ်​သဵတ်ႈ​ၸႃႇ​ၸဝ်ႈ​ႁဝ်း ဢွၵ်ႇ​သူပ်း​မွၵ်ႇ​လၢတ်ႈ​တီႈ​မဵဝ်း​ၵူၼ်း သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ဢေႃႈ။-</verse>
				<verse number="2">ၶႃႈ​ၸဝ်ႈ​လႆႈ​လၢတ်ႈ​လႄႈ​ဝႃႈ၊ ၵရူႉၼႃႇ​ၸဝ်ႈ​ႁဝ်း လႆႈ​တႄႇ​ယူႇ​သေႇ​သေႇ​လႄႈ ၸဝ်ႈ​ႁဝ်း​ႁႂ်ႈ​သဵတ်ႈ​ၸႃႇ​ၸဝ်ႈ​ႁဝ်း မၼ်ႈ​ၶိူင်ႇ​ယူႇ​ၵႃႈ​တီႈ​ၼိူဝ်​ၵၢင်​ႁၢဝ်​ၼၼ်ႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="3">ၸဝ်ႈ​ႁဝ်း​မီး​ဢမိင်ႉ​ၸမ်ႉ၊ ၵဝ်​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ၵေႃႉ​ဢၼ်​ၵဝ်​လိူၵ်ႈ​ၵဵပ်း​ဢဝ်​ၼၼ်ႉ​လႄႈ ႁဵတ်း​တၢင်း​ဢၼ်​တိူင်ႇ​ဝႃႈ​ၵိၼ်ႇ​ဝႃႈ တီႈ​ၶႃႈ​ၵဝ်​ တႃႇဝိတ်ႈ ​လႄႈ​ဝႃႈ၊-</verse>
				<verse number="4">ၵဝ်​တၵ်း​ႁႂ်ႈ​ၸိူဝ်ႉ​ၶိူဝ်း​မႂ်း မၼ်ႈ​ၶိူင်ႇ​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ တၵ်း​ႁႂ်ႈ​ပလၢင်ႇ​မႂ်း တႄႇ​ယူႇ​ၵႃႈ​တီႈ​မဵဝ်း​ၵူၼ်း​သိုပ်ႇ​သိုပ်ႇ​တၢမ်း​တၢမ်း​ဢေႃႈ၊ ဝႃႈ​ၼင်ႇ​ၼႆ​ဝႆႉ​တီႈ​ၶႃႈ​ယဝ်ႉ၊ ၸေႇလႃႇ။</verse>
				<verse number="5">ထႃႇဝရႃႉ​ၽြႃး​တီႈ​ၶႃႈ၊ ၽႃႉ​ၵၢင်​ႁၢဝ်​တၵ်း​ယွင်ႈ​ယေႃး လွင်ႈ​တၢင်း​ဢၼ်​လီ​ဢၢမ်း​ၸဝ်ႈ​ႁဝ်း​တင်း​လၢႆ ဢိၵ်ႇ​တင်း​သဵတ်ႈ​ၸႃႇ​ၸဝ်ႈ​ႁဝ်း ၵႃႈ​ၼႂ်း​ၵၢင်​ပရဵၵ်ႈသၢတ်ႈ ၵူၼ်း​မူတ်း​ၸၢင်ႇ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">လွင်ႈ​မၼ်း​ၸမ်ႉ ၵႃႈ​ၼႂ်း​ၽႃႉ​ၵၢင်​ႁၢဝ်​ၼၼ်ႉ၊ ၽူႈ​လႂ်​တၵ်း​ၶၢမ်ႇ​တၢင်း​ဢၼ်​ၶေႉ​ၵၼ်​တႅၵ်ႈ​ၵၼ်​တင်း​ထႃႇဝရႃႉ​ၽြႃး​လႆႈ။ ၼႂ်း​လုၵ်ႈ​ၸၢႆး​ၽြႃး​ၸိူဝ်း​ၼၼ်ႉ ၽူႈ​လႂ်​တၵ်း​မိူၼ်​ၵၼ်​တင်း​ထႃႇဝရႃႉ​ၽြႃး​လႆႈ။-</verse>
				<verse number="7">ၽြႃး​ပဵၼ်​ၸဝ်ႈ ပဵၼ်​တီႈ​ဢၼ်​လီ​ၵူဝ်​လီ​ႁႄ​ၼႃႇ​လူင်​လၢင် ၵႃႈ​ၼႂ်း​ပရဵၵ်ႈသၢတ်ႈ​ၶဝ်​ၸိူဝ်း​ဢၼ်​မူတ်း​ၸၢင်ႇ​ၼၼ်ႉ​လႄႈ ပဵၼ်​တီႈ​ဢၼ်​လီ​ရူဝ်ႇ​သေႇ​ၵူဝ်​ယမ်​ၼႃႇ​သေ​ၶဝ်​ၸိူဝ်း​ဢၼ်​ယူႇ​လဵပ်ႈ​ႁွပ်ႈ​မၼ်း​ၸဝ်ႈ တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="8">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​တီႈ​ၶႃႈ၊ ၽူႈ​လႂ်​တၵ်း​ႁႅင်း​ယႂ်ႇ​ၼႃႇ မိူၼ်​ၸိူဝ်ႉ​ၼင်ႇ​ၸဝ်ႈ​ႁဝ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ သဵတ်ႈ​ၸႃႇ​ၸဝ်ႈ​ႁဝ်း​ၵေႃႈ မီး​တၢင်း​ဢၼ်​ဝႅင်း​ႁွပ်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။</verse>
				<verse number="9">ၸဝ်ႈ​ႁဝ်း​လႆႈ​ဢုပ်ႉ​ပိူင်ႇ​တၢင်း​ဢၼ် မႃႇၼႃႉ​ၸႂ်​သုင်​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​လႄႈ၊ မိူဝ်ႈ​ဢၼ်​လႅင်း​ၼမ်ႉ​ပိူပ်ႈ​ၼမ်ႉ လုၵ်ႉ​ၶိုၼ်ႈ​ၼၼ်ႉ​ၸိုင် ၸဝ်ႈ​ႁဝ်း​ႁႂ်ႈ​ထၢတ်ႇ​ၵႂႃႇ​ယဵၼ်​ၵႂႃႇ​တီႈ​ၶႃႈ​ဢေႃႈ။-</verse>
				<verse number="10">ၸဝ်ႈ​ႁဝ်း​ယႃႉ​ႁၵ်း ရႃႇၶပ်ႉ ​ပႅတ်ႈ မိူၼ်​ၸိူဝ်ႉ​ၼင်ႇ​ၵေႃႉ​ဢၼ် လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ၼၼ်ႉ​လႄႈ ဢဝ်​တင်း​ၶႅၼ်​မိုဝ်း​ၸဝ်ႈ​ႁဝ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ ႁႂ်ႈ​ရၢၼ်ႇ​သူႇ​တင်း​လၢႆ ၽူင်ႉ​ပိဝ်​ၵႂႃႇ​တီႈ​ၶႃႈ​ဢေႃႈ။-</verse>
				<verse number="11">ၽႃႉ​ၵၢင်​ႁၢဝ်​ပဵၼ်​ဢုၵ်ႉ​ၸႃႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။ လိၼ်​မိူင်း​ၵေႃႈ​ပဵၼ်​ဢုၵ်ႉ​ၸႃႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။ လေႃးၵထၢတ်ႈ ဢိၵ်ႇ​တင်း​တၢင်း​ဢၼ်​ပျေႉ​ၸုမ်ႇ​တဵမ်​ဝႆႉ​ၵႃႈ​ၼႂ်း​မၼ်း​ၼၼ်ႉ​ၸိုင် ၸဝ်ႈ​ႁဝ်း​တႄႇ​ဝႆႉ​တီႈ​ၶႃႈ​ယဝ်ႉ။-</verse>
				<verse number="12">ၼႃႈ​တၢင်း​ႁွင်ႇ ဢိၵ်ႇ​တင်း​ၼႃႈ​တၢင်း​ၸၢၼ်း​ၵေႃႈ၊ ၸဝ်ႈ​ႁဝ်း​ၽၢၼ်ႇ​သၢင်း​ႁဵတ်း​ပဵၼ်​ဝႆႉ​တီႈ​ၶႃႈ​ယဝ်ႉ။ လွႆ​ တႃႇပေႃႇ ဢိၵ်ႇ​တင်း လွႆ​ ႁေႇရမုၼ်ႇ ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ ႁဵတ်း​ၵႂၢမ်း​ဢၼ်​သႂၢင်ႇ​ဢၼ်​သိူဝ်း​တီႈ​ၶႃႈ​ဢေႃႈ။-</verse>
				<verse number="13">ၸဝ်ႈ​ႁဝ်း​ပျေႉ​ၸုမ်ႇ​ဝႆႉ​တင်း​ၶႅၼ်​မိုဝ်း ဢၼ်​မီး​တၼ်း​ၶူဝ်း​ၼၼ်ႉ​တီႈ​ၶႃႈ​ဢေႃႈ။ မိုဝ်း​ၸဝ်ႈ​ႁဝ်း​ႁႅင်း​ယႂ်ႇ​ၼႃႇ​လႄႈ၊ မိုဝ်း​ၶွၼ်​ၶႂႃ​ၸဝ်ႈ​ႁဝ်း​သုင်​ၼႃႇ​တီႈ​ၶႃႈ​ဢေႃႈ။-</verse>
				<verse number="14">တၢင်း​ဢၼ်​သိုဝ်ႈ​တေႃႇ​ဢိၵ်ႇ​တင်း တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၸိူဝ်း​ၼၼ်ႉ ပဵၼ်​တူၼ်ႈ​ၵဝ်ႉ​ငဝ်ႈ​ႁၢၵ်ႈ​ပလၢင်ႇ​ၸဝ်ႈ​ႁဝ်း​လႄႈ ၵရူႉၼႃႇ​ဢိၵ်ႇ​တင်း​သဵတ်ႈ​ၸႃႇ ဢွၼ်​ၼႃႈ​ၸဝ်ႈ​ႁဝ်း​ၵႂႃႇ​တီႈ​ၶႃႈ​ဢေႃႈ။</verse>
				<verse number="15">ၵူၼ်း​မဵဝ်း​ဢၼ်​ႁူႉ​ငိၼ်း​သဵင်​တၢင်း​ဢၼ်​ၸူမ်း​သိူဝ်း​ၼၼ်ႉ မီး​မင်ႇၵလႃႇ​လႄႈ ထႃႇဝရႃႉ​ၽြႃး​တီႈ​ၶႃႈ၊ ၶဝ်​ၼၼ်ႉ လႆႈ​ၵႂႃႇ​မႃး​ၵႃႈ​ၼႂ်း​ဢၼ်​လႅင်း​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="16">ၶဝ်​လႆႈ​သိူဝ်း​ပျေႃႇ​ၼႂ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ယူႇ တင်း​ဝၼ်း​တင်း​ဝၼ်း​ဢမ်ႇ​ထၢတ်ႇ​လႄႈ ၶဝ်​လႆႈ​ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ ၵွပ်ႈ​ပိူဝ်ႈ​တြႃး​တၢင်း​သိုဝ်ႈ​တေႃႇ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="17">ၸဝ်ႈ​ႁဝ်း​ပဵၼ်​မုၼ်​ၽုင်း​ႁႅင်း​ၶဝ်​ၼၼ်ႉ​လႄႈ၊ ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ႁဝ်း​ၵေႃႈ၊ ၸဝ်ႈ​ႁဝ်း​ယုၵ်ႉ​ယွင်ႈ​ၶဝ်​လႅမ် ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။-</verse>
				<verse number="18">ၶိူင်ႈ​ႁႄႉ​လၢၵ်ႈ​ၼၢၵ်ႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ ပဵၼ်​ၶွင်​ထႃႇဝရႃႉ​ၽြႃး​လႄႈ၊ ၶုၼ်​ႁေႃ​ၶမ်း​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ ပဵၼ်​ၶွင်​ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="19">မိူဝ်ႈ​ၼၼ်ႉ​ၸဝ်ႈ​ႁဝ်း​ဢဝ်​တင်း​ရူႇပႃႇရူင်ႇ ဝႃႈ​ဢွၵ်ႇ​သူပ်း​တီႈ​ၶဝ်​ၸိူဝ်း​ဢၼ်​မူတ်း​ၸၢင်ႇ​ၸဝ်ႈ​ႁဝ်း​ၼၼ်ႉ​လႄႈ လၢတ်ႈ​လႄႈ​ဝႃႈ​ၸမ်ႉ၊ ၵဝ်​ဢဝ်​တၢင်း​ဢၼ်​ၸွႆႈ​ထႅမ်​မႃႉ​ၸႃႉ ဢၢပ်ႈ​ပၼ်​ဝႆႉ​တီႈ​ၵေႃႉ​ဢၼ်​ႁႅင်း​ယႂ်ႇ​ၼၼ်ႉ​လႄႈ ၵဝ်​ဢဝ်​ၵူၼ်း​ဢၼ်​လိူၵ်ႈ​ၵဵပ်း​ဢဝ် ၵႃႈ​ၼႂ်း​ၵူၼ်း​တင်း​လၢႆ​ၼၼ်ႉ​ၵေႃႉ​ၼိုင်ႈ ယုၵ်ႉ​ယွင်ႈ​ဝႆႉ​ယဝ်ႉ။-</verse>
				<verse number="20">ၵဝ်​ထူပ်း​ႁၼ်​ၶႃႈ​ၵဝ်​ တႃႇဝိတ်ႈ ​လႄႈ ဢဝ်​တင်း​ၼမ်ႉ​မၼ်း​ဢၼ်​မူတ်း​ၸၢင်ႇ ပၼ်​ၽိၵ်ႈ​သိၵ်ႈ​တီႈ​မၼ်း​ဝႆႉ​ယဝ်ႉ။-</verse>
				<verse number="21">မိုဝ်း​ၵဝ်​တၵ်း​တႄႇ​ယူႇ​ၽၢႆႇ​မၼ်း​လႄႈ၊ ၶႅၼ်​ၵဝ်​တၵ်း​ႁႂ်ႈ​မၼ်း​မၼ်ႈ​ၶိူင်ႇ​ဢေႃႈ။-</verse>
				<verse number="22">ရၢၼ်ႇ​သူႇ​ဢမ်ႇ​လႆႈ​ႁဵတ်း​ပႄႉ​ႁဵတ်း​ၼႅင်ႇ​ဢဝ်​ၶွင်​မၼ်း။ ၵူၼ်း​ဢၼ်​ဢမ်ႇ​တြႃး​ၼၼ်ႉ ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​မၼ်း။-</verse>
				<verse number="23">ၵဝ်​တၵ်း​ပေႃႉ​ထုပ်ႉ​ရၢၼ်ႇ​သူႇ​မၼ်း​တင်း​လၢႆ ၵႃႈ​တီႈ​ၽၢႆႇ​ၼႃႈ​မၼ်း​လႄႈ ပၼ်​တၢမ်ႇ​တီႈ​ၶဝ်​ၸိူဝ်း​ဢၼ်​ၸင်း​မၼ်း​ၼၼ်ႉ​ဢေႃႈ။-</verse>
				<verse number="24">သဵတ်ႈ​ၸႃႇ​ဢိၵ်ႇ​တင်း ၵရူႉၼႃႇ​ၵဝ် တၵ်း​ယူႇ​လူၺ်ႈ​ၵၼ်​တင်း​မၼ်း​လႄႈ ၶဝ်​လႅမ်​မၼ်း​တၵ်း​မီး​တၢင်း​ဢၼ် ယုၵ်ႉ​ယွင်ႈ​ယူႇ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ဢေႃႈ။-</verse>
				<verse number="25">ၵဝ်​တၵ်း​ဢဝ်​မိုဝ်း​မၼ်း တၢင်ႇ​ဝႆႉ​ၵႃႈ​ၼိူဝ်​ပၢင်ႇ​လၢႆႇ​လႄႈ ဢဝ်​မိုဝ်း​ၶွၼ်​ၶႂႃ​မၼ်း တၢင်ႇ​ဝႆႉ​ၵႃႈ​ၼိူဝ်​ၼမ်ႉ​ႁွင်ႈ​ၼမ်ႉ​ၵႄး​တင်း​လၢႆ​ဢေႃႈ။-</verse>
				<verse number="26">မၼ်း​တၵ်း​ႁွင်ႉ​သႅၼ်ႇ​တီႈ​ၵဝ်​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ပေႃႈ​ၵဝ်​ၶႃႈ၊ ၽြႃး​ပဵၼ်​ၸဝ်ႈ​ၵဝ်​ၶႃႈ၊ မၢၵ်ႇ​ႁိၼ်​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ၶႃႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ၵဝ်​တၵ်း​ဢဝ်​မၼ်း​ၶၢၼ်း​ဝႆႉ ၼႂ်း​ဢရႃႇ​လုၵ်ႈ​ၸၢႆး​တူၼ်ႈ​လႄႈ ယုၵ်ႉ​ယွင်ႈ​မၼ်း​ဝႆႉ​ၵႃႈ​ၼိူဝ်​ၶုၼ်​ႁေႃ​ၶမ်း​လေႃးၵီႇ​တင်း​လၢႆ​ဢေႃႈ။-</verse>
				<verse number="28">ၵဝ်​တၵ်း​ပႂ်ႉ​ၵရူႉၼႃႇ​ၵဝ် ပုၼ်ႈ​မၼ်း​ယူႇ​တႃႇ​သေႇ​လႄႈ၊ ပတီႉၺိၺ်ႇ​တြႃး​ၵဝ် တၵ်း​မၼ်ႈ​ၶိူင်ႇ​ယူႇ​တီႈ​မၼ်း​ဢေႃႈ။-</verse>
				<verse number="29">ၵဝ်​တၵ်း​ႁႂ်ႈ​ၸိူဝ်ႉ​ၶိူဝ်း​မၼ်း တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ ပလၢင်ႇ​မၼ်း​တၵ်း​ပဵၼ်​ၼိၵ်ႈၸႃႉ​ထႃႇဝရႃႉ​ယူႇ မိူၼ်​ၸိူဝ်ႉ​ၼင်ႇ​မိုဝ်ႉ​ဝၼ်း​ၵၢင်​ႁၢဝ်​ၼၼ်ႉ​ဢေႃႈ။</verse>
				<verse number="30">ပေႃး​လုၵ်ႈ​မၼ်း​လၢၼ်​မၼ်း ၸုၼ်ႉ​ပႅတ်ႈ​တြႃး​ၵဝ်​လႄႈ ဢမ်ႇ​ၵႂႃႇ​မႃး​ၼႂ်း​လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ၊-</verse>
				<verse number="31">ပေႃး​ၶဝ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ထုင်း​ၽိင်ႈ​တြႃး​ၵဝ်​တင်း​လၢႆ​လႄႈ ယင်း​ဢမ်ႇ​ပႂ်ႉ​ပိင်း​ၺၢပ်ႈ​ၵဝ်​လႄႈ​ယူႇ​ၸိုင်</verse>
				<verse number="32">ၵဝ်​တၵ်း​ဢဝ်​ၶွၼ်ႉ​ဝၢႆ သင်ႇ​သွၼ်​သုင်း​မႃႉ​တၢင်း​ဢၼ်​ၶဝ်​ၽိတ်း​ပိူင်ႈ​ၼၼ်ႉ​လႄႈ ဢဝ်​ႁွႆး​တၢမ်ႇ​တင်း​လၢႆ သင်ႇ​သွၼ်​သုင်း​မႃႉ တူႉ​ၸရိူၵ်ႈ​ဢပႅတ်ႈ​ၶဝ်​ဢေႃႈ။-</verse>
				<verse number="33">ၼႂ်း​ဝႃႈ​ၼၼ်​သေ​ၵေႃႈ ၵဝ်​တၵ်း​ဢမ်ႇ​ၼုၵ်ႈ​ဢဝ်​ထွၼ်​ဢဝ်​ၵရူႉၼႃႇ​ၵဝ် သေ​ၵႃႈ​တီႈ​မၼ်း​လႃး​လႃး​လႄႈ ဢမ်ႇ​ယႃႉ​ဢမ်ႇ​လိတ်ႈ​သဵတ်ႈ​ၸႃႇ​ၵဝ်။-</verse>
				<verse number="34">ၵဝ်​တၵ်း​ဢမ်ႇ​ႁဵတ်း တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ပတီႉၺိၺ်ႇ​တြႃး​ၵဝ်​ၼၼ်ႉ​လႄႈ ဢမ်ႇ​လႅၵ်ႈ​ဢမ်ႇ​လၢႆႈ ၵႂၢမ်း​ဢၼ်​ၵဝ်​မီး​ဢမိင်ႉ​ဢွၵ်ႇ​သူပ်း​ဢွၵ်ႇ​ပၢၵ်ႇ​ယဝ်ႉ​ၼၼ်ႉ။-</verse>
				<verse number="35">ၵဝ်​ဢဝ်​ပႃႇရမီႇ​တၢင်း​ဢၼ်​မူတ်း​ၸၢင်ႇ​ၵဝ် တိူင်ႇ​ဝႃႈ​လႄႈ​ဝႃႈ၊ ၵဝ်​တၵ်း​ဢမ်ႇ​ပႅတ်ႉ​ဢမ်ႇ​လႅၼ် တႃႇဝိတ်ႈ ​ၵူၺ်ႉ၊ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="36">ၸိူဝ်ႉ​ၶိူဝ်း​မၼ်း​တၵ်း​လႆႈ​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ ပလၢင်ႇ​မၼ်း​ၵေႃႈ တၵ်း​လႆႈ​ပဵၼ်​ၸိူဝ်ႉ​ၼင်ႇ​ၵၢင်​ဝၼ်း ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။-</verse>
				<verse number="37">မၼ်း​တၵ်း​လႆႈ​မၼ်ႈ​ၶိူင်ႇ​ယူႇ​တႃႇ​သေႇ မိူၼ်​ၸိူဝ်ႉ​ၼင်ႇ​လိူၼ်​ၼၼ်ႉ ဢိၵ်ႇ​တင်း မိူၼ်​ၸိူဝ်ႉ​ၼင်ႇ​သၢၵ်ႈ​သေႇ ဢၼ်​ပႂ်ႉ​သဵတ်ႈ​ၸႃႇ​ၵႃႈ​ၼိူဝ်​ၵၢင်​ႁၢဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ။ ၸေႇလႃႇ။</verse>
				<verse number="38">ၵူၺ်း​ၵႃႈ ၸဝ်ႈ​ႁဝ်း​ၸုၼ်ႉ​ပႅတ်ႈ​လႄႈ​လီ​ႁင်ႈ​တီႈ​ၶႃႈ​ယဝ်ႉ။ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ဢွၵ်ႇ​ၸူး​တီႈ​ၵေႃႉ​ဢၼ်​ၶၢမ်ႇ​ၽိၵ်ႈ​သိၵ်ႈ တီႈ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="39">ၸဝ်ႈ​ႁဝ်း​ယႃႉ​ပတီႉၺိၺ်ႇ ဢၼ်​ႁဵတ်း​ဝႆႉ​တင်း​ၶႃႈ​ၸဝ်ႈ​ႁဝ်း​ၼၼ်ႉ​ပႅတ်ႈ​လႄႈ ဢဝ်​သရၽူႇ​မၼ်း ၶျႃး​တူၵ်း​တီႈ​တႅမ်ႇ​တေႃႇ​ထိုင်​ႁွတ်ႈ​လိၼ်​တီႈ​ၶႃႈ​ယဝ်ႉ။-</verse>
				<verse number="40">ၸဝ်ႈ​ႁဝ်း​ႁၵ်း​ႁူဝ်ႉ​ဝၢင်း​မၼ်း ၵႃႈ​မီး​ပႅတ်ႈ​လႄႈ ၵိူၼ်ႇ​ယႃႉ​တိူၵ်ႈ​တီႈ​တိုၵ်း​သိုၵ်း​မၼ်း တင်း​လၢႆ​ပႅတ်ႈ​တီႈ​ၶႃႈ​ယဝ်ႉ။-</verse>
				<verse number="41">ၶဝ်​ၸိူဝ်း​ဢၼ်​ၵႂႃႇ​တၢင်း​ပႆ​တၢင်း​တင်း​သဵင်ႈ​တင်း​လူင်​ၼၼ်ႉ ႁိမ်​ႁူင်ႇ​ဢဝ်​မၼ်း​လႄႈ မၼ်း​ပဵၼ်​တီႈ​ဢၼ်​လီ​သႄႉ​လီ​သွမ်း တီႈ​ၵူၼ်း​ႁိူၼ်း​ၸမ်​ၵၼ်​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="42">ၸဝ်ႈ​ႁဝ်း​ယုၵ်ႉ​ယွင်ႈ မိုဝ်း​ၶွၼ်​ၶႂႃ​ရၢၼ်ႇ​သူႇ​မၼ်း​တင်း​လၢႆ​လႄႈ ႁႂ်ႈ​ၶဝ်​ၸိူဝ်း​ဢၼ်​ႁဵတ်း​ၶတ်း​ၵၼ်​တင်း​မၼ်း​တင်း​သဵင်ႈ​တင်း​လူင်​ၼၼ်ႉ ၸူမ်း​သိူဝ်း​တီႈ​ၶႃႈ​ဢေႃႈ။-</verse>
				<verse number="43">ၸဝ်ႈ​ႁဝ်း​ႁႂ်ႈ​ၶူမ်း​လၢပ်ႇ​ၶူမ်း​လႅဝ်း​မၼ်း မဵဝ်ႈ​ၵႂႃႇ​သေ​လႄႈ ဢမ်ႇ​ပၼ်​ႁႂ်ႈ​မၼ်း​ၸုၵ်း​ၶၢမ်ႇ​လႆႈ ၵႃႈ​ၼႂ်း​ပွႆး​တိုၵ်း​သိုၵ်း​ၼၼ်ႉ​တီႈ​ၶႃႈ၊-</verse>
				<verse number="44">ၸဝ်ႈ​ႁဝ်း​ႁႂ်ႈ​သၢႆ​ဢရွင်ႇ​မၼ်း လပ်ႉ​ႁၢႆ​ၵႂႃႇ​သေ​လႄႈ ဢဝ်​ရႃႇၸႃႉ​ပလၢင်ႇ​မၼ်း ၶျႃး​တူၵ်း​တေႃႇ​ထိုင်​ႁွတ်ႈ​လိၼ်​တီႈ​ၶႃႈ​ယဝ်ႉ။-</verse>
				<verse number="45">ၸဝ်ႈ​ႁဝ်း​ႁႂ်ႈ​ဢသၢၵ်ႈ​ဢရွႆႇ​မၼ်း ဢၼ်​ယင်း​ၼုမ်ႇ​ယင်း​ၵမ်​ၼၼ်ႉ​ပွတ်း​လႄႈ ဢဝ်​တင်း​တၢင်း​ဢၼ်​ဢူၵ်း​ဢၼ်​ဢၢႆ ႁူမ်ႇ​သုမ်ႇ​မၼ်း​ဝႆႉ​တီႈ​ၶႃႈ​ယဝ်ႉ။</verse>
				<verse number="46">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ယင်း​ဢမ်ႇ​ထၢင်ႇ​သႃး​လႃး​လႃး​လႄႈ၊ တၵ်း​တဵတ်ႇ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​ၼၼ်ႉ တၵ်း​မႆႈ​ယူႇ​ၸိူဝ်ႉ​ၼင်ႇ​ၽႆး​ၼၼ်ႉ ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။-</verse>
				<verse number="47">ၶႅၼ်း​တေႃႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၸူဝ်ႈ​တႃႇ​ဢသၢၵ်ႈ​ၶႃႈ​ၸဝ်ႈ​ပွတ်း​ၵႃႈ​ႁိုဝ်။ ဢိၵ်ႇ​တင်း​လွင်ႈ​ဢၼ်​ၸဝ်ႈ​ႁဝ်း ၽၢၼ်ႇ​သၢင်း​ႁဵတ်း​ပဵၼ်​လုၵ်ႈ​ၵူၼ်း​တင်း​သဵင်ႈ​တင်း​လူင် ပုၼ်ႈ​ဢၼ်​ၶဝ်​တၵ်း​ဢမ်ႇ​ပွင်ႇ​လွင်ႈ​ၵႃႈ​သင် ၵႃႈ​ႁိုဝ်​လႃး​လႃး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="48">ၵေႃႉ​ဢၼ်​ဢသၢၵ်ႈ​လိပ်း​ယူႇ​သေ​လႄႈ ယင်း​ဢမ်ႇ​ထူပ်း​ဢမ်ႇ​ႁၼ်​တၢင်း​တၢႆ​လႄႈ ၵႄႇ​သႄႇ​ၼုၵ်ႈ​ဢဝ်​ဝီႉၺိၺ်ႇ​မၼ်း​သေ ၵႃႈ​ၼႂ်း​မိုဝ်း​မိူင်း​မရၼႃႉ​ၼၼ်ႉ​ၸမ်ႉ၊ ပဵၼ်​ၽူႈ​လႂ်။ ၸေႇလႃႇ။-</verse>
				<verse number="49">ၸဝ်ႈ​ၽြႃး​တီႈ​ၶႃႈ၊ ၵရူႉၼႃႇ​မိူဝ်ႈ​ဢွၼ်​ၼႆႉ ဢၼ်​ၸဝ်ႈ​ႁဝ်း ပႃး​တင်း​သဵတ်ႈ​ၸႃႇ​သေ​လႄႈ၊ တိူင်ႇ​ဝႃႈ​ဝႆႉ​တီႈ​ၶႃႈ​ၸဝ်ႈ​ႁဝ်း တႃႇဝိတ်ႈ ​ၼၼ်ႉ မီး​ၵႃႈ​လႂ်​တီႈ​ၶႃႈ။-</verse>
				<verse number="50">ၸဝ်ႈ​ၽြႃး​တီႈ​ၶႃႈ၊ ၶႅၼ်း​တေႃႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တၢင်း​ဢၼ်​သႄႉ​ဢၼ်​သွမ်း ဢၼ်​ၶႃႈ​ၸဝ်ႈ​ႁဝ်း​ၶဝ်​လႆႈ​ၶၢမ်ႇ​ၼၼ်ႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​လႆႈ​ဢဝ်​ဢမူႉ​ၵူၼ်း​တင်း​သဵင်ႈ​တင်း​လူင် ၵူႈ​သမ်ႇ​ၵူႈ​ပိူင်​ၼၼ်ႉ ပႃး​သႂ်ႇ​ၵႃႈ​ၼႂ်း​ႁူဝ်​ဢူၵ်း​ၶႃႈ​ၸဝ်ႈ​ၵႂႃႇ​တီႈ​ၶႃႈ​ဢေႃႈ။-</verse>
				<verse number="51">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​တီႈ​ၶႃႈ၊ ရၢၼ်ႇ​သူႇ​ၸဝ်ႈ​ႁဝ်း​ၸိူဝ်း​ၼၼ်ႉ ၸၢင်ႈ​သႄႉ​ၸၢင်ႈ​သွမ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶဝ်​ဢွၼ်​ၵၼ်​သႄႉ​သွမ်း​ႁွႆး​တိၼ် ၵေႃႉ​ဢၼ်​ၶၢမ်ႇ​ၽိၵ်ႈ​သိၵ်ႈ​တီႈ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။</verse>
				<verse number="52">ႁႂ်ႈ​ထႃႇဝရႃႉ​ၽြႃး မီး​မင်ႇၵလႃႇ​ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း​သေ​ၵမ်း​လူၺ်ႈ။ ဢႃႇမိၼ်ႇ​တင်း ဢႃႇမိၼ်ႇ။</verse>
			</chapter>
			<chapter number="90">
				<verse number="1">ၸဝ်ႈ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပဵၼ်​တီႈ​ဢၼ်​ၶႃႈ​ၸဝ်ႈ​ႁဝ်း​ၶဝ်​သွၼ်ႈ​ပိုင်ႈ​ယူႇ ၵူႈ​ၸူဝ်ႈ​ၵူႈ​ပၢၼ်​တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="2">ၸူဝ်ႈ​ဢၼ်​လွႆ​တင်း​လၢႆ ဢမ်ႇ​ပႆႇ​ပေႃႇ​ပႆႇ​ဢွၵ်ႇ​လႄႈ၊ ၸဝ်ႈ​ႁဝ်း​ဢမ်ႇ​ပႆႇ​ႁဵတ်း​ပဵၼ်​လိၼ်​မိူင်း တင်း​လေႃးၵထၢတ်ႈ​ၼၼ်ႉ ၸဵမ်​မိူဝ်ႈ​ၵမ်ႇ​ၽႃႇ​ဢွၼ်​ၼႆႉ သိုပ်ႇ​သိုပ်ႇ​တၢမ်း​တၢမ်း တေႃႇ​ထိုင်​ႁွတ်ႈ​မိူဝ်ႈ​ၵမ်ႇ​ၽႃႇ​ၵမ်း​လိုၼ်း သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​လႄႈ ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="3">ၸဝ်ႈ​ႁဝ်း​ႁႂ်ႈ​မဵဝ်း​ၵူၼ်း​ဝၢႆႇ​ၶိုၼ်း​ၸူး တၢင်း​ဢၼ်​ယၢႆႈ​ဢၼ်​လႅဝ်​တီႈ​ၶႃႈ​ဢေႃႈ။ ၸဝ်ႈ​ႁဝ်း​မီး​ဢမိင်ႉ​လႄႈ​ဝႃႈ လုၵ်ႈ​ၵူၼ်း​ၶဝ်​ဢိူၺ်း၊ သမ်ႉ​ဝၢႆႇ ၶိုၼ်း​သေ​တႃႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="4">ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ၼၼ်ႉ ပီႊ​ႁဵင်​ၼိုင်ႈ​ပဵၼ်​ၸိူဝ်ႉ​ၼင်ႇ​မိူဝ်ႈ​ဝႃး​ဢၼ်​ပူၼ်ႉ​မႃး​ယဝ်ႉ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ၶိင်ႇ​ဢၼ်​ပႂ်ႉ​မိူဝ်ႈ​ၵၢင်​ၶိုၼ်း​ၶိင်ႇ​ၼိုင်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">ၸဝ်ႈ​ႁဝ်း​ပတ်ႉ​ထူဝ်း​ပႃး​ဢဝ်​ၶဝ်​ၵႂႃႇ မိူၼ်​ၸိူဝ်ႉ​ၼင်ႇ​ၼမ်ႉ​ၼွင်း​ၼၼ်ႉ​တီႈ​ၶႃႈ​ဢေႃႈ။ ၶဝ်​ပဵၼ်​ၸိူဝ်ႉ​ၼင်ႇ​ဢၼ် ၼွၼ်း​လပ်း​တီႈ​ၶႃႈ​ဢေႃႈ။ ၶိင်ႇ​ၵၢင်​ၼႂ် ၶဝ်​ပဵၼ်​ၸိူဝ်ႉ​ၼင်ႇ​တူၼ်ႈ​ယိူဝ်ႈ​တူၼ်ႈ​ယႃႈ ဢၼ်​ယႂ်ႇ​မႃး​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ၶိင်ႇ​ၵၢင်​ၼႂ်​ၸိုင် ၼုမ်ႇ​လီ​တင်ႈ​လီ​လႄႈ​ယႂ်ႇ​မႃး​ယူႇ​တီႈ​ၶႃႈ​ဢေႃႈ။ ၶိင်ႇ​ၵၢင်​ၶမ်ႈ​ၸမ်ႉ၊ လႆႈ​ၶၢမ်ႇ​တၢင်း​ဢၼ်​ပၢတ်ႇ​ထိူဝ်​လႄႈ ႁဵဝ်ႇ​ၸွပ်ႈ​ၵႂႃႇ​တီႈ​ၶႃႈ​ဢေႃႈ။-</verse>
				<verse number="7">ၶႃႈ​ၸဝ်ႈ​ႁဝ်း​ၶဝ် ႁွတ်ႈ​တၢင်း​လူႉ​တၢင်း​လႅဝ် ၵွပ်ႈ​ပိူဝ်ႈ​တၢင်း​ၸႂ်​မႆႈ​ၸဝ်ႈ​ႁဝ်း​လႄႈ ၶႃႈ​ၸဝ်ႈ​ႁဝ်း​ၶဝ် မီး​တၢင်း​ဢၼ်​မႆႈ​ၸႂ်​သၼ်ႇ​ဝႆ ၵွပ်ႈ​ပိူဝ်ႈ​တေႃး​သႃႉ​တၢင်း​ၶႆႈ​ၸႃႉ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="8">ၸဝ်ႈ​ႁဝ်း​ဢဝ်​တူႉ​ၸရိူၵ်ႈ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ ၽုၺ်ႇ​ၵီႈ​ဝႆႉ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​လႄႈ ဢဝ်​ဢပႅတ်ႈ​ၶႃႈ​ၸဝ်ႈ​ႁဝ်း​ၶဝ်​ဢၼ်​သိူင်ႇ​မႅပ်ႉ​ဝႆႉ​ၸိူဝ်း​ၼၼ်ႉ ၽုၺ်ႇ​ၵီႈ​ဝႆႉ​ၵႃႈ​ၼႂ်း​ဢၼ်​လႅင်း​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="9">မိုဝ်ႉ​ဝၼ်း​ၶႃႈ​ၸဝ်ႈ​ႁဝ်း​ၶဝ် တင်း​သဵင်ႈ​တင်း​လူင်​ၸၢင်ႈ​ၶၢႆႉ​ၵႂႃႇ​လႄႈ ၵွပ်ႈ​ပိူဝ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​လႄႈ ၶူပ်ႇ​ၼီႈ​ပီႊ​မိူင်း​ၶႃႈ​ၸဝ်ႈ​ႁဝ်း​ၶဝ် ပူၼ်ႉ​ၵႂႃႇ​ၸိူဝ်ႉ​ၼင်ႇ​တၢင်း​ဢၼ်​ၸႂ်​ထၢင်ႇ​ၸႂ်​ထိူမ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="10">ဢသၢၵ်ႈ​ဢရွႆႇ​ၶႃႈ​ၸဝ်ႈ​ႁဝ်း​ၶဝ် လႆႈ​ၸဵတ်း​သိပ်း​ပီႊ​တီႈ​ၶႃႈ​ဢေႃႈ။ ပေႃး​ႁႅင်း​ယႂ်ႇ​လႄႈ ပဵၼ်​ပႅတ်ႈ​သိပ်း​ပီႊ​ၸိုင်၊ တၢင်း​ဢၼ်​ၸိူဝ်း​ၼၼ်ႉ​ဢုပ်ႇ​ဝၢဝ်း​ၼၼ်ႉ ပဵၼ်​တၢင်း​ဢၼ်​ယၢပ်ႇ​ၽိုတ်ႇ​ၼႃႇ ဢိၵ်ႇ​တင်း​တၢင်း​ဢၼ်​ဢမ်ႇ​ပွင်ႇ​ၵႃႈ​သင်​တီႈ​ၶႃႈ​ဢေႃႈ။ ဢသၢၵ်ႈ​ၼၼ်ႉ​ၸဵဝ်း​ပူၼ်ႉ​ၵႂႃႇ ၶၼ်​ၶၼ်​ၽႂ်း​ၽႂ်း​လႄႈ ၶႃႈ​ၸဝ်ႈ​ႁဝ်း​ၶဝ် လၢႆႈ​ၸူဝ်ႈ​လၢႆႈ​ၸၢတ်ႈ​ၵႂႃႇ​တီႈ​ၶႃႈ​ဢေႃႈ။-</verse>
				<verse number="11">ၽူႈ​လႂ်​ႁူႉ​ဢႁုင်ႇ​တၢင်း​ၸႂ်​မႆႈ​ၸဝ်ႈ​ႁဝ်း ဢိၵ်ႇ​တင်း​တေႃး​သႃႉ​တၢင်း​ၶႆႈ​ၸႃႉ​ၸဝ်ႈ​ႁဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ်​ထုၵ်ႇ​လီ​ၵူဝ်​လီ​ႁႄ​ၸဝ်ႈ​ႁဝ်း​ၼၼ်ႉ​တီႈ​ၶႃႈ၊-</verse>
				<verse number="12">ၶႅၼ်း​တေႃႈ​သင်ႇ​သွၼ်​ပၼ်​ၶႃႈ​ၸဝ်ႈ​ႁဝ်း​ၶဝ် ၼပ်ႉ​ဢၢၼ်ႇ​မိုဝ်ႉ​ဝၼ်း​ၶႃႈ​ၸဝ်ႈ​ႁဝ်း​ၶဝ်၊ ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​လႆႈ​ႁူဝ်​ၸႂ် ဢၼ်​မီး​ပိင်ႇ​ၺႃႇ​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="13">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၶိုၼ်း​မႃး​သေ​ၵမ်း​တီႈ​ၶႃႈ။ တၵ်း​ယူႇ​ႁိုင်​ၼႃႇ​ၵႃႈ​ႁိုဝ်​တီႈ​ၶႃႈ၊ ၶႅၼ်း​တေႃႈ​ၶုၵ်း​ၸႂ်​လႆႈ​မႆႈ​ၸႂ် လူၺ်ႈ​လွင်ႈ​ၶႃႈ​ၸဝ်ႈ​ႁဝ်း​တင်း​လၢႆ​သေ​ၵမ်း​တီႈ​ၶႃႈ။-</verse>
				<verse number="14">ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁဝ်း​ၶဝ် လႆႈ​ၼိမ်​ၸႂ်​ယူႇ​ၼႂ်း​ၵရူႉၼႃႇ​ၸဝ်ႈ​ႁဝ်း​ၼၼ်ႉ ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​သေ​ၵမ်း​တီႈ​ၶႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​ႁဝ်း​ၶဝ်​တၵ်း​ဢဝ်​တင်း တၢင်း​ဢၼ်​ႁဵတ်း​ၵႂၢမ်း​ဢၼ်​သႂၢင်ႇ​ဢၼ်​သိူဝ်း​ၼၼ်ႉ​လႄႈ ၸူမ်း​သိူဝ်း​တီႈ​ၶႃႈ​ဢေႃႈ။-</verse>
				<verse number="15">ၶႅၼ်း​တေႃႈ​ဢဵတ်း​လူ​ပၼ်​ဢၶႂၢင်ႉ​တၢင်း​ဢၼ်​လႆႈ​ၸူမ်း​လႆႈ​သိူဝ်း ၸွမ်း​ၵႃႈ​ၼင်ႇ​မိုဝ်ႉ​ဝၼ်း​ဢၼ်​ၸဝ်ႈ​ႁဝ်း​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ႁဝ်း​ၶဝ် ဢိၵ်ႇ​တင်း​ၶူပ်း​ၼီႈ​ပီႊ​မိူင်း​ဢၼ်​ၶႃႈ​ၸဝ်ႈ​ႁဝ်း​ၶဝ် လႆႈ​ၶၢမ်ႇ​တုၵ်ႉ​ၶႃႉ​မႃး​ယဝ်ႉ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="16">ႁႂ်ႈ​ဢမူႉ​ၸဝ်ႈ​ႁဝ်း​ထၢင်ႇ​သႃး​တီႈ​ၶႃႈ​ၸဝ်ႈ​ႁဝ်း​တင်း​လၢႆ​လႄႈ ႁႂ်ႈ​မုၼ်​ၽုင်း​ၸဝ်ႈ​ႁဝ်း​ထၢင်ႇ​သႃး​တီႈ​လုၵ်ႈ​ၶဝ်​လၢင်း​ၶဝ်​သေ​ၵမ်း​လူၺ်ႈ​တီႈ​ၶႃႈ၊-</verse>
				<verse number="17">ႁႂ်ႈ​သရေႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ ဢၼ်​ႁၢင်ႈ​လီ​ႁၢင်ႈ​ငၢမ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​လူၺ်ႈ​တီႈ​ၶႃႈ။ ၶႅၼ်း​တေႃႈ​ႁႂ်ႈ​လွင်ႈ​တၢင်း​ဢၼ်​မိုဝ်း​ၶႃႈ​ၸဝ်ႈ​ႁဝ်း​ၶဝ်​ႁဵတ်း​ၼၼ်ႉ မၼ်ႈ​ၶိူင်ႇ​ပုၼ်ႈ​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။ ၸႂ်ႈ​တီႈ​ၶႃႈ​ယဝ်ႉ။ လွင်ႈ​တၢင်း​ဢၼ်​မိုဝ်း​ၶႃႈ​ၸဝ်ႈ​ႁဝ်း​ၶဝ်​ႁဵတ်း​ၼၼ်ႉ​ၸိုင် ၶႅၼ်း​တေႃႈ​ႁႂ်ႈ​မၼ်ႈ​ၶိူင်ႇ​ယူႇ​သေ​ၵမ်း​တီႈ​ၶႃႈ။</verse>
			</chapter>
			<chapter number="91">
				<verse number="1">ၵေႃႉ​ဢၼ်​ယူႇ​ၵႃႈ​ၼႂ်း​ထႃႇၼႃႉ တီႈ​ဢၼ်​ႁႄႉ​ဢၼ်​ၵင်ႈ​ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ တၵ်း​လႆႈ​တႄႇ​ယူႇ​ၵႃႈ​တႂ်ႈ​ငဝ်း​ႁူမ်ႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ဢေႃႈ။-</verse>
				<verse number="2">ၵဝ်​လဝ်ႊ​လၢတ်ႈ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၸဝ်ႈ​ႁဝ်း​ပဵၼ်​တီႈ​ဢၼ်​ၶႃႈ​ၸဝ်ႈ​သွၼ်ႈ​ပိုင်ႈ၊ တိူၵ်ႈ​တီႈ​တိုၵ်း​သိုၵ်း​ၶႃႈ​ၸဝ်ႈ၊ ၽြႃး​ပဵၼ်​ၸဝ်ႈ ဢၼ်​ၶႃႈ​ၸဝ်ႈ​ဢိင်​ပိုင်ႈ​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">မၼ်း​ၸဝ်ႈ​တၵ်း​ႁႂ်ႈ​မႂ်း​ၵၢင်း​လွတ်ႈ​တင်း​တူင်ႇ​ႁႅဝ်ႉ​မူး​သိူဝ်း ဢိၵ်ႇ​တင်း​ၵႃႇလႃႉ​ႁႃႈ​လႅင်​မိူင်း​ဢေႃႈ။-</verse>
				<verse number="4">မၼ်း​ၸဝ်ႈ​တၵ်း​ဢဝ်​တင်း​ၶူၼ်​ပိၵ်ႇ​မၼ်း​ၸဝ်ႈ ႁူမ်ႇ​သုမ်ႇ​မႂ်း​ဝႆႉ​လႄႈ၊ မႂ်း​တၵ်း​လႆႈ​ယူႇ​လူင်ႉ​လီ​လွတ်ႈ​လီ ၵႃႈ​တႂ်ႈ​ပိၵ်ႇ​မၼ်း​ၸဝ်ႈ​ဢေႃႈ။ သဵတ်ႈ​ၸႃႇ​မၼ်း​ၸဝ်ႈ​တၵ်း​ပဵၼ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​လူင်၊ ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢွၼ်ႇ​ဢေႃႈ။-</verse>
				<verse number="5">မႂ်း​တၵ်း​ဢမ်ႇ​လႆႈ​ၵူဝ်​လႆႈ​ႁႄ ၽေး​ဢၼ်​ၸၢင်ႈ​ပဵၼ်​ၶိင်ႇ​ၵၢင်​ၶိုၼ်း ဢိၵ်ႇ​တင်း ပိုၼ်​ဢၼ်​ပုင်ႈ​ၵႂႃႇ​ယူႇ​ၶိင်ႇ​ၵၢင်​ဝၼ်း၊-</verse>
				<verse number="6">တင်း​ၵႃႇလႃႉ​ႁႃႈ​လႅင်​မိူင်း ဢၼ်​လႄႇ​ၵႂႃႇ​လႄႇ​မႃး​ယူႇ​ၼႂ်း​လပ်း​သိင်ႇ တင်း​ဢူႉ​ပၢတ်ႈ​ဢၼ်​ၸၢင်ႈ​ယႃႉ​ပႅတ်ႈ​ၶိင်ႇ​ၵၢင်​ဝၼ်း​တဵင်ႈ​ၼၼ်ႉ​ၸိူဝ်း​ၼၼ်ႉ။-</verse>
				<verse number="7">ၵူၼ်း​ႁဵင်​ၼိုင်ႈ တၵ်း​လူမ်ႉ​ၵႃႈ​တီႈ​ႁိမ်း​မႂ်း၊ ၵူၼ်း​မိုၼ်ႇ​ၼိုင်ႈ တၵ်း​လူမ်ႉ​ၵႃႈ​တီႈ​ၽၢႆႇ​ၶႂႃ​မႂ်း​လႄႈ တၵ်း​ဢမ်ႇ​လႆႈ​တိူဝ်ႉ​လႆႈ​ထုၵ်ႇ​မႂ်း။-</verse>
				<verse number="8">မႂ်း​တၵ်း​လႆႈ​ဢဝ်​တင်း​မၢၵ်ႇ​တႃ​မႂ်း​တူၺ်း​ၵူၺ်း​လႄႈ ၵွမ်ႉ​ပေႃး​တၵ်း​လႆႈ​ႁၼ်​ဢပႅတ်ႈ​ဢၼ်​လႆႈ​ႁွတ်ႈ​ထိုင်​ၵႃႈ​တီႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ဢေႃႈ။-</verse>
				<verse number="9">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပဵၼ်​တီႈ​ဢၼ်​ၶႃႈ​ၸဝ်ႈ​သွၼ်ႈ​ပိုင်ႈ​ယူႇ​တီႈ​ၶႃႈ​ဢေႃႈ။ မႂ်း​တူၵ်း​တီႈ​ယူႇ​တီႈ​သဝ်း ၵႃႈ​တီႈ​ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​ဢေႃႈ။-</verse>
				<verse number="10">တၢင်း​ဢၼ်​ဢမ်ႇ​လီ​ဢမ်ႇ​ငၢမ်း တၵ်း​ဢမ်ႇ​လႆႈ​ႁွတ်ႈ​လႆႈ​ၸပ်း​တီႈ​မႂ်း​လႄႈ ၽေး​ဢူႉ​ပၢတ်ႈ​တၵ်း​ဢမ်ႇ​လႆႈ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​မူဝ်းၵႃႇ​မႂ်း။</verse>
				<verse number="11">ၼင်ႇ​ႁိုဝ်​တၵ်း​ပႂ်ႉ​လူ​ပႂ်ႉ​တူၺ်း​မႂ်း​ယူႇ ၼႂ်း​သဵၼ်ႈ​တၢင်း​ဢၼ်​မႂ်း​ၵႂႃႇ​ၵႃႈ​မီး​ၼၼ်ႉ​ၸိုင်၊ မၼ်း​ၸဝ်ႈ​တၵ်း​သင်ႇ​လၢတ်ႈ​လွင်ႈ​မႂ်း​ဝႆႉ တီႈ​တမၢၼ်ႇ​ၵၢင်​ႁၢဝ်​တင်း​လၢႆ​လႄႈ၊</verse>
				<verse number="12">ၼင်ႇ​ႁိုဝ်​ၶဝ်​တၵ်း​ဢမ်ႇ​ပၼ်​ႁႂ်ႈ​တိၼ်​မႂ်း​တိူဝ်ႉ​မၢၵ်ႇ​ႁိၼ်​ၸိုင်၊ ၶဝ်​တၵ်း​ဢဝ်​တင်း​မိုဝ်း​ႁႄႉ​ႁွပ်ႇ​ယွင်ႈ​ဢဝ်​မႂ်း​ဢေႃႈ။-</verse>
				<verse number="13">မႂ်း​တၵ်း​ယဵပ်ႇ​ယမ်ႈ​သႂ်ႇ​ၵႃႈ​ၼိူဝ်​သၢင်ႇ​သီႈ​တင်း​ငူး​ႁၢႆႉ​လႄႈ၊ တၵ်း​ဢဝ်​တိၼ်​ယဵပ်ႇ​ၶိုတ်ႈ​သႂ်ႇ​သၢင်ႇ​သီႈ​ၼုမ်ႇ​တင်း​ၼၵႃး​ဢေႃႈ။</verse>
				<verse number="14">ပိူဝ်ႈ​ဢၼ်​မၼ်း​ႁၵ်ႉ​ၵဝ်​လႄႈ ၵဝ်​တၵ်း​ၵႄႇ​သႄႇ​ဢဝ်​မၼ်း​လွတ်ႈ​ဢေႃႈ။ ပိူဝ်ႈ​ဢၼ်​မၼ်း​ႁူႉ​ၼႃႇ​မႃႉ​ၸိုဝ်ႈ​သဵင်​ၵဝ်​လႄႈ ၵဝ်​တၵ်း​ယုၵ်ႉ​ယွင်ႈ​မၼ်း​ဢေႃႈ။-</verse>
				<verse number="15">မၼ်း​တၵ်း​ႁွင်ႉ​ႁႃ​ၵဝ်​လႄႈ ၵဝ်​ၶိုၼ်း​ဢိူဝ်​မၼ်း​ဢေႃႈ။ မိူဝ်ႈ​ဢၼ်​မၼ်း​ၶၢမ်ႇ​တုၵ်ႉ​ၶႃႉ​ၼၼ်ႉ​ၸိုင်၊ ၵဝ်​တၵ်း​မီး​ယူႇ​ၽၢႆႇ​မၼ်း​ဢေႃႈ။ ၵဝ်​တၵ်း​ၵႄႇ​သႄႇ​ၼုၵ်ႈ​ဢဝ်​မၼ်း​ဢွၵ်ႇ​လႄႈ ႁႂ်ႈ​မုၼ်​ၽုင်း​မၼ်း​ထၢင်ႇ​သႃး​ဢေႃႈ။-</verse>
				<verse number="16">ၵဝ်​တၵ်း​ဢဝ်​တင်း​ဢသၢၵ်ႈ​ဢၼ်​ယၢဝ်း​ယိုၼ်း​ၼၼ်ႉ ႁႂ်ႈ​မၼ်း​ဢိမ်ႇ​ၸႂ်​ၼိမ်​ၸႂ်​လႄႈ ဢဝ်​ၵျေး​ၸူး​တၢင်း​ဢၼ်​ၵဝ်​ၵႄႇ​သႄႇ​ၶျွတ်ႈ​ဢဝ်​ၼၼ်ႉ ၼႄ​ပျႃး​တီႈ​မၼ်း​ဢေႃႈ။</verse>
			</chapter>
			<chapter number="92">
				<verse number="1">တၢင်း​ဢၼ်​ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး​လႄႈ ႁဵတ်း​ၵႂၢမ်း​ထေႃးပၼႃႇ​တီႈ​ၼႃႇ​မႃႉ​ၸိုဝ်ႈ​သဵင် ၽြႃး​ဢၼ်​သုင်​ၼႃႇ​သေ​ပိူၼ်ႈ၊-</verse>
				<verse number="2">တၢင်း​ဢၼ်​ဢဝ်​တင်း တူႇရီႉယႃႇ​ဢၼ်​မီး​သၢႆ​သိပ်း​သဵၼ်ႈ ဢိၵ်ႇ​တင်း​တရေႃး တင်း​သဵင်​ဢၼ်​လီ​ဢၼ်​ဝၢၼ် ဢၼ်​လဵတ်း​တီႈ​တိင်ႇ​ၸိူဝ်း​ၼၼ်ႉ​သေ​လႄႈ ၼႄ​ပျႃး​ၵရူႉၼႃႇ​ၸဝ်ႈ​ႁဝ်း​ၶိင်ႇ​ၵၢင်​ၼႂ်</verse>
				<verse number="3">ဢိၵ်ႇ​တင်း​သဵတ်ႈ​ၸႃႇ​ၸဝ်ႈ​ႁဝ်း ၶိင်ႇ​ၵၢင်​ၶိုၼ်း ၵူႈ​ၶိုၼ်း​ဢမ်ႇ​ထၢတ်ႇ​ၼၼ်ႉ ပဵၼ်​ဢၼ်​ထုၵ်ႇ​ဢၼ်​လီ​ၼႃႇ​လူင်​လၢင်​တီႈ​ၶႃႈ​ဢေႃႈ။</verse>
				<verse number="4">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ​ၸူမ်း​သိူဝ်း ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း ၸီႇ​ယၢင်ႇ​ႁဵတ်း​ဝႆႉ​ၸိူဝ်း​ၼၼ်ႉ​လႄႈ၊ ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​ဢၼ်​သႂၢင်ႇ​သိူဝ်း ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း ဢဝ်​မိုဝ်း​ပွင်​ႁဵတ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">ထႃႇဝရႃႉ​ၽြႃး​တီႈ​ၶႃႈ၊ လွင်ႈ​တၢင်း​ဢၼ်​ၸဝ်ႈ​ႁဝ်း ၸီႇ​ယၢင်ႇ​ႁဵတ်း​ဝႆႉ​ၸိူဝ်း​ၼၼ်ႉ​ယႂ်ႇ​ၼႃႇ​လႄႈ၊ တၢင်း​ၵျၢမ်ႇ​တၢင်း​ပွင်​ၸဝ်ႈ​ႁဝ်း​ၵေႃႈ လိုၵ်ႉ​လမ်ႇ​ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="6">လွင်ႈ​တၢင်း​ဢၼ် ၵေႃႉ​ဢၼ်​မီး​သၽေႃး​တရိၵ်ႈသၢၼ်ႇ​ၼၼ်ႉ ဢမ်ႇ​ႁူႉ၊ ၵေႃႉ​ဢၼ်​မိူၵ်ႈ​ၼၼ်ႉ ဢမ်ႇ​ၸႅင်ႈ​ၼၼ်ႉ​ၸမ်ႉ၊-</verse>
				<verse number="7">မိူဝ်ႈ​ဢၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ဢွၵ်ႇ​မႃး​မိူၼ်​ၸိူဝ်ႉ​ၼင်ႇ​ယိူဝ်ႈ​ယႃႈ​ၼၼ်ႉ​လႄႈ ၶဝ်​ၸိူဝ်း​ဢၼ်​ႁဵတ်း​ဢမူႉ​ဢႃႉထမ်ႇမႃႉ​ၼၼ်ႉ ၼုမ်ႇ​လီ​တင်ႈ​လီ​ၼၼ်ႉ​ၸိုင်၊ ပဵၼ်​လွင်ႈ​ဢၼ်​ၶဝ်​တၵ်း​လႆႈ​ႁွတ်ႈ​ထိုင် တၢင်း​လူႉ​တၢင်း​လႅဝ်​ထႃႇဝရႃႉ​ဢေႃႈ။</verse>
				<verse number="8">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ၸမ်ႉ၊ မီး​ယူႇ​ၵႃႈ​တီႈ​ထႃႇၼႃႉ​ဢၼ်​သုင်​ၼႃႇ​ၼၼ်ႉ တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="9">တူၺ်း​တီႈ​ၶႃႈ​လူး။ ရၢၼ်ႇ​သူႇ​ၸဝ်ႈ​ႁဝ်း​တင်း​လၢႆ၊ ထႃႇဝရႃႉ​ၽြႃး​တီႈ​ၶႃႈ၊ တူၺ်း​တီႈ​ၶႃႈ​လူး။ ရၢၼ်ႇ​သူႇ​ၸဝ်ႈ​ႁဝ်း တင်း​လၢႆ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​လႄႈ၊ ၶဝ်​ၸိူဝ်း​ဢၼ်​ႁဵတ်း​ဢမူႉ​ဢႃႉထမ်ႇမႃႉ တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၽူင်ႉ​ပိဝ်​ၵႂႃႇ​တီႈ​ၶႃႈ​ဢေႃႈ။</verse>
				<verse number="10">ၶဝ်​လႅမ်​ၶႃႈ​ၸဝ်ႈ​ၸမ်ႉ၊ ၸဝ်ႈ​ႁဝ်း​ယုၵ်ႉ​ယွင်ႈ မိူၼ်​ၸိူဝ်ႉ​ၼင်ႇ​ၶဝ်​လႅမ်​ဝူဝ်း​ထိူၼ်ႇ​ၼၼ်ႉ​လႄႈ ဢဝ်​တင်း​ၼမ်ႉ​မၼ်း​ဢၼ်​မႂ်ႇ တႃး​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="11">မၢၵ်ႇ​တႃ​ၶႃႈ​ၸဝ်ႈ တူၺ်း​ႁၼ်​ၶဝ်​ၸိူဝ်း​ဢၼ် လွမ်​တူၺ်း​ၶႃႈ​ၸဝ်ႈ​ယူႇ​ၼၼ်ႉ​လႄႈ ႁူ​ၶႃႈ​ၸဝ်ႈ​ငိၼ်း​လွင်ႈ​ၵူၼ်း​ႁၢႆႉ ဢၼ်​ႁဵတ်း​ဢမ်ႇ​ထုၵ်ႇ​ၶတ်း​ၵၼ်​တင်း​ၶႃႈ​ၸဝ်ႈ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။</verse>
				<verse number="12">ၵေႃႉ​ဢၼ်​သိုဝ်ႈ​တေႃႇ​ၼၼ်ႉ တၵ်း​ၽူၵ်ႈ​လီ​ႁႅင်း​လီ မိူၼ်​ၸိူဝ်ႉ​ၼင်ႇ​တူၼ်ႈ​ထၢၼ်​လႄႈ​ယႂ်ႇ​မႃး​သုင်​မႃး မိူၼ်​ၸိူဝ်ႉ​ၼင်ႇ​တူၼ်ႈ​ ဢႃႇရိတ်ႉ ဢၼ်​မီး​ၵႃႈ​ၼိူဝ်​လွႆ လေႇပၼုၼ်ႇ ​ၼၼ်ႉ​ဢေႃႈ။-</verse>
				<verse number="13">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၽုၵ်ႇ​သွမ်ႈ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ၼၼ်ႉ တၵ်း​ၽူၵ်ႈ​လီ​ႁႅင်း​လီ ၵႃႈ​ၼႂ်း​တမ်ႇ​တိူင်း​ၽြႃး​ပဵၼ်​ၸဝ်ႈ​ႁဝ်း​ဢေႃႈ။-</verse>
				<verse number="14">ၼႂ်း​မိူဝ်ႈ​ဢၼ်​ဢသၢၵ်ႈ​ၵႄႇ​ယႂ်ႇ​ယဝ်ႉ​ၼၼ်ႉ၊ ၶဝ်​တၵ်း​မၢၵ်ႇ​မၢၵ်ႇ​လႄႈ ပျေႉ​ၸုမ်ႇ​တဵမ်​ဝႆႉ​တင်း​ၼမ်​ယူႇ၊ ၶဵဝ်​လီ​တင်ႈ​လီ​ယူႇ၊-</verse>
				<verse number="15">ႁႂ်ႈ​လႆႈ​ၼႄ​ပျႃး​လွင်ႈ​ဢၼ်​ထႃႇဝရႃႉ​ၽြႃး ပဵၼ်​ဢၼ်​သိုဝ်ႈ​ဢၼ်​တေႃႇ​လႄႈ မၼ်း​ၸဝ်ႈ​ပဵၼ်​မၢၵ်ႇ​ႁိၼ်​မၢၵ်ႇ​ၽႃ​ၵဝ်​လႄႈ ၵၢင်း​လွတ်ႈ​တင်း​လွင်ႈ​တၢင်း​ဢၼ်​ဢမ်ႇ​တြႃး​ၼၼ်ႉ​ဢေႃႈ။</verse>
			</chapter>
			<chapter number="93">
				<verse number="1">ထႃႇဝရႃႉ​ၽြႃး ၼင်ႈ​ႁၢင်ႈ​ၼင်ႈ​ႁေႃ​ယူႇ​လႄႈ ဢဝ်​တင်း​ဢႃႇၼူႉၽေႃႇ ၼုင်ႈ​မႆ​ႁၢင်ႈ​ၶိူင်ႈ​မၼ်း​ၸဝ်ႈ​ယူႇ​ဢေႃႈ။ ထႃႇဝရႃႉ​ၽြႃး ၼုင်ႈ​မႆ​ႁၢင်ႈ​ၶိူင်ႈ​ၸိူဝ်ႉ​ၼင်ႇ​ၼၼ်​သေ​လႄႈ ဢဝ်​တင်း​ႁႅင်း​ႁတ်ႉ​ဢႅဝ်​မၼ်း​ၸဝ်ႈ​ယူႇ​လႄႈ လေႃးၵထၢတ်ႈ​မီး​တၢင်း​ဢၼ် တႄႇ​ယူႇ​တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​သၼ်ႇ​ဢမ်ႇ​ဝႆ​ဢမ်ႇ​တူင်ႉ​ဢမ်ႇ​ၼိုင်​လႆႈ​ဢေႃႈ။-</verse>
				<verse number="2">ပလၢင်ႇ​ၸဝ်ႈ​ႁဝ်း တႄႇ​ယူႇ​ၸဵမ်​မိူဝ်ႈ​ၵွၼ်ႇ​မိူဝ်ႈ​မိုၼ်ႉ​ၼၼ်ႉ​လႄႈ၊ ၸဝ်ႈ​ႁဝ်း​ပဵၼ်​ယူႇ​တႃႇ​သေႇ​ဢမ်ႇ​ထၢတ်ႇ ၸဵမ်​မိူဝ်ႈ​ၵမ်ႇ​ၽႃႇ​ဢွၼ်​ၼႆႉ သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="3">မႄႈ​ၼမ်ႉ​တင်း​လၢႆ ဢွၼ်​ၵၼ်​လုၵ်ႉ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ မႄႈ​ၼမ်ႉ​တင်း​လၢႆ ႁဵတ်း​သဵင်​ပွႆႇ​သဵင်​တီႈ​ၶႃႈ​ဢေႃႈ။ မႄႈ​ၼမ်ႉ​တင်း​လၢႆ ဢွၼ်​ၵၼ်​ဢူၼ်​ဢဵၼ်​မေႃး​မႄး​ၵၼ်​ယူႇ​တီႈ​ၶႃႈ​ဢေႃႈ။-</verse>
				<verse number="4">ထႃႇဝရႃႉ​ၽြႃး မုၼ်​ႁႅင်း​ယႂ်ႇ ၵႃႈ​ၼိူဝ်​ထႃႇၼႃႉ​တီႈ​ဢၼ်​သုင်​ၼႃႇ​ၼၼ်ႉ ၼႃႇ​သေ​သဵင်​ၼမ်ႉ​ဢၼ်​ၼမ်​ၼႃႇ​ႁွင်ႉ​ၸိူဝ်း​ၼၼ်ႉ ဢိၵ်ႇ​တင်း​လႅင်း​ၼမ်ႉ​ပိူပ်ႈ​ၼမ်ႉ​သမ်ႇ​မုၵ်ႉ​တြႃႇ ဢၼ်​မုၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ​ဢေႃႈ။-</verse>
				<verse number="5">လွင်ႈ​တၢင်း​ဢၼ်​ၶၢမ်ႇ​သၢၵ်ႈ​သေႇ​ၸဝ်ႈ​ႁဝ်း​ၸိူဝ်း​ၼၼ်ႉ မၼ်ႈ​ၶိူင်ႇ​ၼႃႇ​လူင်​လၢင်​လႄႈ၊ ပႃႇရမီႇ​တၢင်း​မူတ်း​ၸၢင်ႇ ပဵၼ်​သရေႇ​ႁိူၼ်း​ၸဝ်ႈ​ႁဝ်း​ယူႇ တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ။</verse>
			</chapter>
			<chapter number="94">
				<verse number="1">ထႃႇဝရႃႉ​ၽြႃး​ပဵၼ်​ၸဝ်ႈ​ဢၼ်​ပိူင်ႇ​ပၼ်​ဢပႅတ်ႈ​တီႈ​ၶႃႈ၊ ၽြႃး​ပဵၼ်​ၸဝ်ႈ​ဢၼ်​ပိူင်ႇ​ပၼ်​ဢပႅတ်ႈ​တီႈ​ၶႃႈ၊ ၶႅၼ်း​တေႃႈ​ပွႆႇ​ဢရွင်ႇ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="2">ၸဝ်ႈ​ဢၼ်​တႅပ်း​တတ်း​တြႃး ၵႃႈ​ၼိူဝ်​လိၼ်​မိူင်း​ၼႆႉ​တီႈ​ၶႃႈ၊ ၶႅၼ်း​တေႃႈ​လုၵ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​တွပ်ႇ​တႅၼ်း​ပၼ်​ဢၵျူဝ်း​ဢပႅတ်ႈ တီႈ​ၶဝ်​ၸိူဝ်း​ဢၼ်​မႃႇၼႃႉ​ၸႂ်​သုင်​ၼႃႇ​လူင်​လၢင်​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="3">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၵ်း​လႆႈ​သႂၢင်ႇ​ၸႂ်​သိူဝ်း​ၸႂ်​ယူႇ ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၵ်း​လႆႈ​သႂၢင်ႇ​ၸႂ်​သိူဝ်း​ၸႂ်​ယူႇ ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ။-</verse>
				<verse number="4">ၶဝ်​ဢွၼ်​ၵၼ်​သူပ်း​ၼမ်​ၵႂၢမ်း​ၽႄႈ​လႄႈ​ဝႃႈ​ဢွၵ်ႇ​သူပ်း​သုင်​ၼႃႇ​လူင်​လၢင်​လႄႈ ၶဝ်​ၸိူဝ်း​ဢၼ်​ႁဵတ်း​ဢမူႉ​ဢႃႉထမ်ႇမႃႉ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ဢုပ်ႇ​ဢၢတ်ႇ​ယူႇ​တီႈ​ၶႃႈ​ဢေႃႈ။</verse>
				<verse number="5">ထႃႇဝရႃႉ​ၽြႃး​တီႈ​ၶႃႈ၊ ၶဝ်​ၼၼ်ႉ ယႃႉ​ႁၵ်း​ၵူၼ်း​ၸဝ်ႈ​ႁဝ်း​တင်း​လၢႆ​ပႅတ်ႈ​လႄႈ ၼိၵ်ႈ​ၸၢၵ်ႈ​ငႅၼ်း​သႄး​ဢမူၺ်ႇ​ၸဝ်ႈ​ႁဝ်း တီႈ​ၶႃႈ​ဢေႃႈ။-</verse>
				<verse number="6">ၶဝ်​ဢဝ်​မႄႈ​မူၵ်း​မႄႈ​မၢႆႈ ဢိၵ်ႇ​တင်း​ၶႅၵ်ႇ​ဢႃႇၵၼ်ႇတူႉ​တၢႆ​လႄႈ ၶႃႈ​ၽၼ်း​လုၵ်ႈ​ဢွၼ်ႇ​ဢၼ်​ၽၢၼ်​ပေႃႈ​ၽၢၼ်​မႄႈ​ၼၼ်ႉ ပႅတ်ႈ​တီႈ​ၶႃႈ​ဢေႃႈ။-</verse>
				<verse number="7">ၶဝ်​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ဢမ်ႇ​ႁၼ်၊ ၽြႃး​ပဵၼ်​ၸဝ်ႈ​မဵဝ်း​ ယႃႇၵုပ်ႈ ဢမ်ႇ​မၢတ်ႈ​ဢမ်ႇ​တွင်း​ဝႆႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။</verse>
				<verse number="8">ၵူၼ်း​ဢၼ်​မီး​သၽေႃး​တရိၵ်ႈသၢၼ်ႇ​ၶဝ်​ဢိူၺ်း၊ ဢွၼ်​ၵၼ်​ႁူႉ​ႁၼ်​တႃႉ။ ၵူၼ်း​မိူၵ်ႈ​ၶဝ်​ဢိူၺ်း၊ သူ​တၵ်း​လႆႈ​ပိင်ႇ​ၺႃႇ​သတီႉ​မိူဝ်ႈ​လႂ်။-</verse>
				<verse number="9">ၸဝ်ႈ​ဢၼ်​ၽုၵ်ႇ​သွမ်ႈ​ႁူး​ႁူ​ၼၼ်ႉ တၵ်း​ဢမ်ႇ​ငိၼ်း​ႁိုဝ်။ ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​မၢၵ်ႇ​တႃ​ၼၼ်ႉ တၵ်း​ဢမ်ႇ​ႁၼ်​ႁိုဝ်။-</verse>
				<verse number="10">ၸဝ်ႈ​ဢၼ်​သုင်း​မႃႉ​ပၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း၊ ၸဝ်ႈ​ဢၼ်​သင်ႇ​သွၼ်​ပၼ်​ဢတၢတ်ႈ​ပိင်ႇ​ၺႃႇ တီႈ​ၵူၼ်း​တင်း​လၢႆ​ၼၼ်ႉ တၵ်း​ဢမ်ႇ​ပၼ်​ဢပႅတ်ႈ​ႁိုဝ်။-</verse>
				<verse number="11">ထႃႇဝရႃႉ​ၽြႃး ႁူႉ​လွင်ႈ​ဢၼ်​တၢင်း​ၵျၢမ်ႇ​တၢင်း​ပွင်​ၵူၼ်း ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​ယူႇ​ဢေႃႈ။</verse>
				<verse number="12">ထႃႇဝရႃႉ​ၽြႃး​တီႈ​ၶႃႈ၊ ၵေႃႉ​ဢၼ်​ၸဝ်ႈ​ႁဝ်း​သုင်း​မႃႉ​လႄႈ ဢဝ်​တြႃး​ၸဝ်ႈ​သင်ႇ​သွၼ်​ပၼ်၊-</verse>
				<verse number="13">ႁႂ်ႈ​လႆႈ​ပၼ်​ၵတ်း​ယဵၼ်​ၶျၢမ်း​သႃႇ တၢင်း​ဢၼ်​လွတ်ႈ​သေ​ၵႃႈ​ၼႂ်း​မိုဝ်ႉ​ဝၼ်း​တုၵ်ႉ​ၶႃႉ တေႃႇ​ထိုင်​ႁွတ်ႈ​ၶုတ်း​ၶုမ်​ၶုတ်း​လုၵ်း​ဝႆႉ ပုၼ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​တင်း​လၢႆ​ယဝ်ႉ​ၼၼ်ႉ​ၼၼ်ႉ မီး​မင်ႇၵလႃႇ​တီႈ​ၶႃႈ​ဢေႃႈ။-</verse>
				<verse number="14">ထႃႇဝရႃႉ​ၽြႃး​တၵ်း​ဢမ်ႇ​ပႄႇ​ပႅတ်ႈ​ၵူၼ်း​မၼ်း​ၸဝ်ႈ​တင်း​လၢႆ​လႄႈ မၼ်း​ၸဝ်ႈ​တၵ်း​ဢမ်ႇ​ၸုၼ်ႉ​ပႅတ်ႈ​ဢမူၺ်ႇ​မၼ်း​ၸဝ်ႈ​ၼၼ်ႉ။-</verse>
				<verse number="15">တၢင်း​ဢၼ်​ၸီႇ​ယၢင်ႇ​တႅပ်း​တတ်း​ၼၼ်ႉ တၵ်း​လႆႈ​ၶိုၼ်း​ပဵၼ်​ၽၢႆႇ​တၢင်း​ဢၼ်​သိုဝ်ႈ​တေႃႇ​လႄႈ၊ ၶဝ်​ၸိူဝ်း​ဢၼ်​သၽေႃး​သိုဝ်ႈ​ယူဝ်း​တင်း​သဵင်ႈ​တင်း​လူင်​ၼၼ်ႉ တၵ်း​ၸွမ်း​လင်​မၼ်း​ဢေႃႈ။</verse>
				<verse number="16">ၽူႈ​လႂ်​တၵ်း​လုၵ်ႉ​ယူႇ​ၽၢႆႇ​ၵဝ်​သေ​လႄႈ ႁႄႉ​ၶႅၼ်​ၵူၼ်း​ႁၢႆႉ​တင်း​လၢႆ။ ၽူႈ​လႂ်​တၵ်း​ၸုၵ်း​ယူႇ​ၽၢႆႇ​ၵဝ်​သေ​လႄႈ ႁႄႉ​ၶႅၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ။-</verse>
				<verse number="17">သင်​ထႃႇဝရႃႉ​ၽြႃး​ဢမ်ႇ​ၸွႆႈ​ထႅမ်​မႃႉ​ၸႃႉ​ၵဝ်​ယူႇ​ၸိုင်၊ ဢမ်ႇ​ပေႃး​ႁိုင်​ပေႃး​ၼၢၼ်း ဝီႉၺိၺ်ႇ​ၵဝ်​လႆႈ​ယူႇ​ၵႃႈ​ၼႂ်း​တီႈ​ဢၼ်​တဵတ်ႇ​ဢၼ်​ယဵၼ်​ၼၼ်ႉ​ယဝ်ႉ။-</verse>
				<verse number="18">မိူဝ်ႈ​ဢၼ်​ၶႃႈ​ၸဝ်ႈ​လၢတ်ႈ​လႄႈ​ဝႃႈ၊ တိၼ်​ၵဝ်​မီး​တၢင်း​ဢၼ်​ပရၢတ်ႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ထႃႇဝရႃႉ​ၽြႃး​တီႈ​ၶႃႈ၊ ၵရူႉၼႃႇ​ၸဝ်ႈ​ႁဝ်း ၵမ်ႉ​ထွၵ်ႈ​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="19">မိူဝ်ႈ​ဢၼ်​ၶႃႈ​ၸဝ်ႈ​ၸႂ်​ၼမ်​ယူႇ​ၼၼ်ႉ​ၸိုင်၊ တၢင်း​ဢၼ်​ၸဝ်ႈ​ႁဝ်း​ႁႂ်ႈ​သၢၵ်ႈ​သႃႇ​ၸိူဝ်း​ၼၼ်ႉ ႁႂ်ႈ​ဝီႉၺိၺ်ႇ​ၶႃႈ​ၸဝ်ႈ​သႂၢင်ႇ​သိူဝ်း​တီႈ​ၶႃႈ​ဢေႃႈ။-</verse>
				<verse number="20">ရႃႇၸႃႉ​ပလၢင်ႇ​ဢႃႉထမ်ႇမႃႉ ဢၼ်​ၸၢင်ႈ​ဢဝ်​တင်း​ဢၶႂၢင်ႉ​ၶုၼ် ပွင်​ႁဵတ်း​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​တြႃး​ၼၼ်ႉ တၵ်း​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​ၸဝ်ႈ​ႁဝ်း​လႆႈ​တီႈ​ၶႃႈ​ႁိုဝ်။-</verse>
				<verse number="21">ၶဝ်​ၸူႉ​ၵၼ်​တုမ်​ၵၼ်​ယူႇ​ၽၢႆႇ​ၼိုင်ႈ တင်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​လႄႈ ၸီႇ​ယၢင်ႇ​ထွၵ်ႇ​လိူတ်ႈ​ၶဝ်​ၸိူဝ်း​ဢၼ်​ဢမ်ႇ​မီး​ဢပႅတ်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="22">ၵူၺ်း​ၵႃႈ ထႃႇဝရႃႉ​ၽြႃး ပဵၼ်​တိူၵ်ႈ​တီႈ​တိုၵ်း​သိုၵ်း​ၵဝ်​လႄႈ၊ ၽြႃး​ပဵၼ်​ၸဝ်ႈ​ၵဝ် ပဵၼ်​မၢၵ်ႇ​ႁိၼ်​မၢၵ်ႇ​ၽႃ​တီႈ​ဢၼ်​ၵဝ်​သွၼ်ႈ​ပိုင်ႈ​ဢေႃႈ။-</verse>
				<verse number="23">မၼ်း​ၸဝ်ႈ​တၵ်း​ႁႂ်ႈ​ဢပႅတ်ႈ​ၶဝ် ႁွတ်ႈ​ထိုင်​ၵႃႈ​ၼိူဝ်​ၶဝ်​လႄႈ တၵ်း​တႅပ်း​ၶဝ်​ပႅတ်ႈ​ၼႂ်း​တၢင်း​ဢၼ် ၶဝ်​ႁဵတ်း​ဢႃႉထမ်ႇမႃႉ​ယူႇ​ၼၼ်ႉ​ဢေႃႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း တၵ်း​တႅပ်း​ၶဝ်​ပႅတ်ႈ​ဢေႃႈ။</verse>
			</chapter>
			<chapter number="95">
				<verse number="1">မႃး​မႃး​ဢိူၺ်း၊ ဢွၼ်​ၵၼ်​ႁဵတ်း​ၵႂၢမ်း တၢင်း​ဢၼ်​သႂၢင်ႇ​သိူဝ်း​တီႈ​ထႃႇဝရႃႉ​ၽြႃး​တႃႉ​ႁဝ်း။ ဢွၼ်​ၵၼ်​ဢဝ်​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​တီႈ​မၢၵ်ႇ​ႁိၼ်​မၢၵ်ႇ​ၽႃ​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ႁဝ်း​ၼၼ်ႉ​တႃႉ​ႁဝ်း။-</verse>
				<verse number="2">ဢွၼ်​ၵၼ်​ဢဝ်​တင်း တၢင်း​ဢၼ်​ယွင်ႈ​ယေႃး​ၵျေး​ၸူး​မၼ်း​ၸဝ်ႈ ၶဝ်ႈ​ၵႂႃႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ ဢဝ်​တင်း​တၢင်း​ဢၼ်​ႁဵတ်း​ၵႂၢမ်း​ သႃႇလၢမ်ႇ ႁွင်ႉ​သႅၼ်ႇ​သဵင်​ဢၼ်​ယႂ်ႇ​ၼႃႇ​တီႈ​မၼ်း​ၸဝ်ႈ​တႃႉ​ႁဝ်း။-</verse>
				<verse number="3">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ပဵၼ်​ၽြႃး​ဢၼ်​ယႂ်ႇ​မျၢတ်ႈ​ၼႃႇ၊ ၶုၼ်​ႁေႃ​ၶမ်း​ဢၼ်​ယႂ်ႇ​မျၢတ်ႈ​ၼႃႇ​သေ​ၽြႃး​တင်း​သဵင်ႈ​တင်း​လူင်​ဢေႃႈ။-</verse>
				<verse number="4">တီႈ​ဢၼ်​လိုၵ်ႉ​ဢၼ်​လမ်ႇ​လိၼ်​မိူင်း​ၸိူဝ်း​ၼၼ်ႉ မီး​ယူႇ​ၵႃႈ​ၼႂ်း​မိုဝ်း​မၼ်း​ၸဝ်ႈ​လႄႈ၊ ပၢႆ​လွႆ​ၸိၵ်း​လွႆ​တင်း​လၢႆ​ၵေႃႈ ပဵၼ်​ၶွင်​မၼ်း​ၸဝ်ႈ​ဢေႃႈ။-</verse>
				<verse number="5">ပၢင်ႇ​လၢႆႇ​ပဵၼ်​ၶွင်​မၼ်း​ၸဝ်ႈ​လႄႈ မၼ်း​ၸဝ်ႈ​ႁဵတ်း​ပဵၼ်​ဢေႃႈ။ ဢၼ်​ပဵၼ်​လိၼ်​ပဵၼ်​ၵုင်း​ၵေႃႈ မၼ်း​ၸဝ်ႈ​ဢဝ်​မိုဝ်း​မၼ်း​ၸဝ်ႈ​မႄး​ႁဵတ်း​ဢေႃႈ။</verse>
				<verse number="6">မႃး​မႃး​ဢိူၺ်း၊ ဢွၼ်​ၵၼ်​ၵူဝ်း​ၵႂၢႆႇ​လႄႈ ၵူမ်ႈ​ၵွမ်း​တႃႉ​ႁဝ်း။ ဢွၼ်​ၵၼ်​ၶုပ်ႉ​ၶဝ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဢၼ်​ၽၢၼ်ႇ​သၢင်း​ႁဵတ်း​ပဵၼ်​ႁဝ်း​ၼၼ်ႉ​တႃႉ​ႁဝ်း။-</verse>
				<verse number="7">လွင်ႈ​မၼ်း​ၸမ်ႉ မၼ်း​ၸဝ်ႈ​ပဵၼ်​ၽြႃး​ႁဝ်း​လႄႈ ႁဝ်း​ၵေႃႈ​ပဵၼ်​ၶဝ်​ၸိူဝ်း​ဢၼ်​ယၢမ်ႈ​ၵိၼ်​ယူႇ​တီႈ​မၼ်း​ၸဝ်ႈ၊ ၽုင်​သူဝ်း​ဢၼ်​ယူႇ​ၵႃႈ​တႂ်ႈ​မိုဝ်း​မၼ်း​ၸဝ်ႈ​ဢေႃႈ။</verse>
				<verse number="8">ၼႂ်း​ဝၼ်း​မိူဝ်ႈ​ၼႆႉ ပေႃး​သူ​တၵ်း​ငိၼ်း​သဵင်​ပျႃႇ​တိၵ်ႈ​ၸဝ်ႈ​ၸိုင် တၵ်း​လီ​ဢေႃႈ။-</verse>
				<verse number="9">ယႃႇ​ပေ​မီး​ႁူဝ်​ၸႂ်​ဢၼ်​ၵႅၼ်ႇ​ဢၼ်​ၶႅင် မိူၼ်​ၸိူဝ်ႉ​ၼင်ႇ​ဢၼ်​မီး​ၵႃႈ​တီႈ​ မေႇရီႇၽႃႉ ၼႂ်း​ဝၼ်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ၵႃႈ​ၼႂ်း​ထိူၼ်ႇ၊ တီႈ​ဢၼ်​ပူႇ​သူ​ပေႃႈ​သူ​ၸႅတ်ႈ​ထၢမ်​ၸၢမ်း​တူၺ်း​ယႃႉ​ယူၵ်ႉ​ၵဝ် ၵူႈ​ၸိူဝ်ႉ​ၵူႈ​ပိူင်​သေ​လႄႈ ႁၼ်​လွင်ႈ​တၢင်း​ဢၼ်​ၵဝ်​ႁဵတ်း​တင်း​လၢႆ​ၼၼ်ႉ။-</verse>
				<verse number="10">သီႇ​သိပ်း​ပီႊ​တဵမ်​တဵမ် ၵဝ်​လီ​ႁင်ႈ​ၵူၼ်း​မဵဝ်း​ၼၼ်ႉ​လႄႈ​ဝႃႈ၊ ၶဝ်​မီး​ၸႂ်​သၽေႃး​ဢၼ်​ၸၢင်ႈ​ၽိတ်း​ပိူင်ႈ​ဢေႃႈ။ ၶဝ်​ဢမ်ႇ​ႁူႉ​သဵၼ်ႈ​တၢင်း​ဢၼ်​ၵဝ်​ၵႂႃႇ​ၵႂႃႇ​မႃး​မႃး​ယူႇ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ ၵဝ်​ၸႂ်​မႆႈ​ၶႆႈ​ၸႃႉ​လႄႈ​တိူင်ႇ​ဝႃႈ ၶဝ်​ဢမ်ႇ​လႆႈ​ၶဝ်ႈ ၵႃႈ​ၼႂ်း​ၵတ်း​ယဵၼ်​ၶျၢမ်း​သႃႇ​ၵဝ်၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="96">
				<verse number="1">ႁဵတ်း​ၵႂၢမ်း​ဢၼ်​မႂ်ႇ​တီႈ​ထႃႇဝရႃႉ​ၽြႃး​တႃႉ။ လိၼ်​မိူင်း​တင်း​သဵင်ႈ​တင်း​မူတ်း​ၼႆႉ​ဢိူၺ်း၊ ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး​တႃႉ။-</verse>
				<verse number="2">ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး​လႄႈ ပၼ်​တၢင်း​လီ​တီႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႃႉ။ ဝၼ်း​ၼိုင်ႈ​ထႅင်ႈ​ဝၼ်း​ၼိုင်ႈ ဢဝ်​တြႃး​တၢင်း​ဢၼ်​မၼ်း​ၸဝ်ႈ​ၵႄႇ​ၶျွတ်ႈ​ဢဝ်​ၼၼ်ႉ မွၵ်ႇ​လၢတ်ႈ​တႃႉ။-</verse>
				<verse number="3">ၽုၺ်ႇ​ဢွၵ်ႇ​ၼႄ​ပျႃး​မုၼ်​ၽုင်း​မၼ်း​ၸဝ်ႈ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ လွင်ႈ​တၢင်း​ဢၼ်​လီ​ဢၢမ်း​မၼ်း​ၸဝ်ႈ​ၸိူဝ်း​ၼၼ်ႉ ၵႃႈ​ၼႂ်း​မဵဝ်း​ၵူၼ်း​ၵူႈ​မဵဝ်း​တႃႉ။</verse>
				<verse number="4">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ယႂ်ႇ​မျၢတ်ႈ​လႄႈ ပဵၼ်​တီႈ​ဢၼ်​ထုၵ်ႇ​လီ​ယွင်ႈ​ယေႃး​ၼႃႇ​လူင်​လၢင်​ဢေႃႈ။ ပဵၼ်​တီႈ​ဢၼ်​ထုၵ်ႇ​လီ​ၵူဝ်​ႁႄ ၼႃႇ​သေ​ၽြႃး​တင်း​သဵင်ႈ​တင်း​လူင်​ဢေႃႈ။-</verse>
				<verse number="5">ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​သဵင်ႈ​တင်း​လူင်​ၼၼ်ႉ ပဵၼ်​ဢၼ်​လၢႆ​လၢႆ ဢမ်ႇ​ပွင်​လွင်ႈ​ၵႃႈ​သင်​လႄႈ ထႃႇဝရႃႉ​ၽြႃး​ၸမ်ႉ၊ ႁဵတ်း​ပဵၼ်​ၽႃႉ​ၵၢင်​ႁၢဝ်​ဢေႃႈ။-</verse>
				<verse number="6">မုၼ်​ၽုင်း ဢိၵ်ႇ​တင်း​ဢႃႇၼူႉၽေႃႇ မီး​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ ႁႅင်း​တၼ်း​ၶူဝ်း​ဢိၵ်ႇ​တင်း​ၵုင်ႇ​သရေႇ မီး​ၵႃႈ​တီႈ​ထႃႇၼႃႉ​တီႈ​မူတ်း​ၸၢင်ႇ​မၼ်း​ၸဝ်ႈ​ဢေႃႈ။</verse>
				<verse number="7">ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၶဝ်​ဢိူၺ်း၊ ႁပ်ႉ​တုင်း​ဢဝ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ႁပ်ႉ​တုင်း​ဢဝ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၸဝ်ႈ​ႁဝ်း​မီး​မုၼ်​ၽုင်း ဢိၵ်ႇ​တင်း​ႁႅင်း​တၼ်း​ၶူဝ်း​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="8">ႁပ်ႉ​တုင်း​ဢဝ်​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ထိူၵ်ႈ​ၶၢမ်ႇ​မုၼ်​ၽုင်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တႃႉ။ ပႃး​တင်း​ၶိူင်ႈ​ပုၵ်ႈ​ၸေႃႇ​မႃး​လႄႈ ၶဝ်ႈ​ၵႃႈ​ၼႂ်း​တမ်ႇ​တိူင်း​မၼ်း​ၸဝ်ႈ​တႃႉ။-</verse>
				<verse number="9">ဢဝ်​တင်း​ၶိူင်ႈ​ပိူင်​ဢၼ်​မူတ်း​ၸၢင်ႇ​ႁၢင်ႈ​ၶိူင်ႈ​လႄႈ ၵူဝ်း​ၵႂၢႆႇ​ထႃႇဝရႃႉ​ၽြႃး​တႃႉ။ လိၼ်​မိူင်း​တင်း​သဵင်ႈ​တင်း​မူတ်း​ၼႆႉ​ဢိူၺ်း၊ သၼ်ႇ​သၼ်ႇ​သၢႆ​သၢႆ​ယူႇ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​တႃႉ။-</verse>
				<verse number="10">မွၵ်ႇ​လၢတ်ႈ​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ​ဝႃႈ၊ ထႃႇဝရႃႉ​ၽြႃး​ၼင်ႈ​ႁၢင်ႈ​ၼင်ႈ​ႁေႃ​ယူႇ​ဢေႃႈ၊ ဝႃႈ​ၼင်ႇ​ၼႆ​တႃႉ။ လေႃးၵထၢတ်ႈ​ၼႆႉ တႄႇ​ယူႇ​မၼ်ႈ​မၼ်ႈ​ၶိူင်ႇ​ၶိူင်ႇ ထၼ်ႈ​ပေႃး​ဢမ်ႇ​ၼိုင်​ဢမ်ႇ​ၶွၼ်း​လႆႈ​ဢေႃႈ။ မၼ်း​ၸဝ်ႈ​ၸီႇ​ယၢင်ႇ​တြႃး​သိုဝ်ႈ​သိုဝ်ႈ​တေႃႇ​တေႃႇ တီႈ​ၵူၼ်း​တင်း​လၢႆ​ဢေႃႈ။-</verse>
				<verse number="11">ႁႂ်ႈ​ၵၢင်​ႁၢဝ်​မီး​တၢင်း​ဢၼ်​ၸူမ်း​သိူဝ်း​သေ​ၵမ်း​လူၺ်ႈ။ လိၼ်​မိူင်း​ၵေႃႈ ႁႂ်ႈ​မီး​တၢင်း​ဢၼ်​သႂၢင်ႇ​သိူဝ်း​သေ​ၵမ်း​လူၺ်ႈ။ ႁႂ်ႈ​ပၢင်ႇ​လၢႆႇ ဢိၵ်ႇ​တင်း​တၢင်း​ဢၼ်​မီး​တဵမ်​ဝႆႉ​ၵႃႈ​ၼႂ်း​မၼ်း​ၼၼ်ႉ ႁဵတ်း​သဵင်​လင်​သဵင်​မေႃး​သေ​ၵမ်း​လူၺ်ႈ။-</verse>
				<verse number="12">ပၢင်ႇ​တူင်ႈ​ၼႃး​ဢိၵ်ႇ​တင်း ၵႃႈ​ဢၼ်​မီး​ၵႃႈ​ၼႂ်း​မၼ်း​ၵေႃႈ၊ ႁႂ်ႈ​သႂၢင်ႇ​သိူဝ်း​သေ​ၵမ်း​လူၺ်ႈ။ မိူဝ်ႈ​ၼၼ်ႉ တူၼ်ႈ​မႆႉ​တူၼ်ႈ​တွၵ်ႇ ၵႃႈ​ဢၼ်​မီး​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၼၼ်ႉ တၵ်း​ဢွၼ်​ၵၼ်​ႁဵတ်း​ၵႂၢမ်း​သႂၢင်ႇ​သႂၢင်ႇ​သိူဝ်း​သိူဝ်း ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="13">လွင်ႈ​မၼ်း​ၸမ်ႉ မၼ်း​ၸဝ်ႈ​မႃး​ဢေႃႈ။ မၼ်း​ၸဝ်ႈ​မႃး​ႁႂ်ႈ​လႆႈ​ၸီႇ​ယၢင်ႇ​တြႃး​တီႈ​လိၼ်​မိူင်း​ၼႆႉ​ဢေႃႈ။ မၼ်း​ၸဝ်ႈ​တၵ်း​ၸီႇ​ယၢင်ႇ​တႅပ်း​တတ်း​တီႈ​လေႃးၵႃႉ​ၼႆႉ ၸွမ်း​ၼင်ႇ​တြႃး​တၢင်း​သိုဝ်ႈ​တေႃႇ​လႄႈ တီႈ​ၵူၼ်း​တင်း​လၢႆ ၸွမ်း​ၼင်ႇ​သဵတ်ႈ​ၸႃႇ​ဢေႃႈ။</verse>
			</chapter>
			<chapter number="97">
				<verse number="1">ထႃႇဝရႃႉ​ၽြႃး​ၼင်ႈ​ႁၢင်ႈ​ၼင်ႈ​ႁေႃ​ယူႇ​ဢေႃႈ။ ႁႂ်ႈ​လိၼ်​မိူင်း​သႂၢင်ႇ​သိူဝ်း​လႄႈ၊ ႁႂ်ႈ​ၵုၼ်​ၼႂ်း​ၼမ်ႉ ၼမ်​ၼႃႇ​မူၼ်ႈ​ပျေႃႇ​သေ​ၵမ်း​လူၺ်ႈ။-</verse>
				<verse number="2">ၽႃႈ​ၽူၼ်​ဢိၵ်ႇ​တင်း တၢင်း​ဢၼ်​လပ်း​သိင်ႇ မီး​ႁွပ်ႈ​ႁိမ်း​မၼ်း​ၸဝ်ႈ​ယူႇ​လႄႈ၊ တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး ဢိၵ်ႇ​တင်း​တၢင်း​ဢၼ်​တႅပ်း​တတ်း​သိုဝ်ႈ​သိုဝ်ႈ​တေႃႇ​တေႃႇ​ၼၼ်ႉ ပဵၼ်​တူၼ်ႈ​ၵဝ်ႉ​ငဝ်ႈ​ႁၢၵ်ႈ​ပလၢင်ႇ​မၼ်း​ၸဝ်ႈ​ဢေႃႈ။-</verse>
				<verse number="3">ၽႆး​ၵႂႃႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ မႆႈ​ႁွပ်ႈ​ရၢၼ်ႇ​သူႇ​မၼ်း​ၸဝ်ႈ​တင်း​လၢႆ​ၼၼ်ႉ​ဢေႃႈ။</verse>
				<verse number="4">ၽႃႉ​မႅပ်ႈ​မၼ်း​ၸဝ်ႈ​ၼၼ်ႉ ႁႂ်ႈ​လေႃးၵထၢတ်ႈ​လႅင်း​ဢေႃႈ။ လိၼ်​မိူင်း​ႁၼ်​လႄႈ​သၼ်ႇ​ဝႆ​ဢေႃႈ။-</verse>
				<verse number="5">လွႆ​တင်း​လၢႆ​ၸိူမ်ႈ​ပဵၼ်​ၼမ်ႉ​ၵႂႃႇ မိူၼ်​ၸိူဝ်ႉ​ၼင်ႇ​ၶီႈ​ၽိုင်ႈ​ၼၼ်ႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး၊ ၵႃႈ​တီႈ​ၽၢႆႇ​ၼႃႈ​ၸဝ်ႈ​ဢၼ်​လႆႈ​ဢုပ်ႉ​ပိူင်ႇ​လိၼ်​မိူင်း​တင်း​သဵင်ႈ​တင်း​မူတ်း​ၼၼ်ႉ​ဢေႃႈ။-</verse>
				<verse number="6">ၽႃႉ​ၵၢင်​ႁၢဝ်​ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ်​သိုဝ်ႈ​တေႃႇ​မၼ်း​ၸဝ်ႈ​လႄႈ၊ မဵဝ်း​ၵူၼ်း​တင်း​သဵင်ႈ​တင်း​လူင် လႆႈ​ႁၼ်​မုၼ်​ၽုင်း​မၼ်း​ၸဝ်ႈ​ဢေႃႈ။</verse>
				<verse number="7">ႁႂ်ႈ​ၶဝ်​ၸိူဝ်း​ဢၼ်​ႁဵတ်း​ဝၢတ်ႈ​တီႈ​ရုၵ်ႈ​ထူႉ ဢၼ်​တွင်ႈ​ႁဵတ်း​ၶၵ်း​ႁဵတ်း​ၼၼ်ႉ​လႄႈ ဢုပ်ႇ​ဝၢဝ်း​ၼႂ်း​လွင်ႈ​တၢင်း​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင် တင်း​သဵင်ႈ​တင်း​လူင်​ၼၼ်ႉ ႁွတ်ႈ​ထိုင်​တၢင်း​ဢၼ်​ဢူၵ်း​ဢၼ်​ဢၢႆ​သေ​ၵမ်း​လူၺ်ႈ။ ၽြႃး​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ၵူဝ်း​ၵႂၢႆႇ​မၼ်း​ၸဝ်ႈ​တႃႉ။-</verse>
				<verse number="8">ဝဵင်း​ ၸီႉဢုၼ်ႇ ​ငိၼ်း​လႄႈ ၸူမ်း​သိူဝ်း​လႄႈ၊ လုၵ်ႈ​ယိင်း​ ယူႉတႃႉ ​တင်း​လၢႆ သႂၢင်ႇ​သိူဝ်း​ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း ၸီႇ​ယၢင်ႇ​တြႃး​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊-</verse>
				<verse number="9">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပဵၼ်​ဢၼ်​ယႂ်ႇ​သုင်​ၼႃႇ​သေ​ၵူၼ်း​လိၼ်​မိူင်း တင်း​သဵင်ႈ​တင်း​လူင်​တီႈ​ၶႃႈ​ဢေႃႈ။ ၸဝ်ႈ​ႁဝ်း​မီး​တၢင်း​ဢၼ်​ယုၵ်ႉ​ယွင်ႈ​ၼႃႇ​လူင်​လၢင် လိူဝ်​တွၼ်း​ၼႃႇ​သေ​ၽြႃး​တင်း​သဵင်ႈ​တင်း​လူင်​တီႈ​ၶႃႈ​ဢေႃႈ။</verse>
				<verse number="10">ၵူၼ်း​ဢၼ်​ႁၵ်ႉ​ထႃႇဝရႃႉ​ၽြႃး​ၶဝ်​ဢိူၺ်း၊ ဢွၼ်​ၵၼ်​လီ​ႁင်ႈ​ဢဵတ်ႇ​သဵတ်ႇ လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​တႃႉ။ မၼ်း​ၸဝ်ႈ​ပႂ်ႉ​ၸွႆႈ​ပႂ်ႉ​ထႅမ် ဢသၢၵ်ႈ​ဝီႉၺိၺ်ႇ​ၶဝ်​ၸိူဝ်း​ဢၼ်​မၼ်း​ၸဝ်ႈ​ႁၵ်ႉ​ၼၼ်ႉ​ယူႇ​လႄႈ ၵႄႇ​သႄႇ​ၼုၵ်ႈ​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ဢေႃႈ။-</verse>
				<verse number="11">ဢၼ်​လႅင်း မီး​တၢင်း​ဢၼ်​ဝၢၼ်ႇ​ပိုၼ်​ဝႆႉ ပုၼ်ႈ​ၶဝ်​ၸိူဝ်း​ဢၼ်​ၸွမ်း​တြႃး​ၼၼ်ႉ​လႄႈ၊ တၢင်း​ဢၼ်​ၸူမ်း​သိူဝ်း မီး​တၢင်း​ဢၼ်​ဝၢၼ်ႇ​ပိုၼ်​ဝႆႉ ပုၼ်ႈ​ၶဝ်​ၸိူဝ်း​ဢၼ်​သိုဝ်ႈ​လီ​ယူဝ်း​လီ​ၼၼ်ႉ​ဢေႃႈ။-</verse>
				<verse number="12">ၵူၼ်း​ဢၼ်​သိုဝ်ႈ​တေႃႇ​ၶဝ်​ဢိူၺ်း၊ ဢွၼ်​ၵၼ်​ၸူမ်း​သိူဝ်း​ယူႇ​ၵႃႈ​ၼႂ်း​ထႃႇဝရႃႉ​ၽြႃး​လႄႈ ဢွၼ်​ၵၼ်​ယွင်ႈ​ယေႃးၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ဢၼ်​မူတ်း​ၸၢင်ႇ​ၼၼ်ႉ​တႃႉ။</verse>
			</chapter>
			<chapter number="98">
				<verse number="1">ဢွၼ်​ၵၼ်​ႁဵတ်း​ၵႂၢမ်း​ဢၼ်​မႂ်ႇ တီႈ​ထႃႇဝရႃႉ​ၽြႃး​တႃႉ။ မၼ်း​ၸဝ်ႈ​ႁဵတ်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ​ယဝ်ႉ​ယဝ်ႉ။ မိုဝ်း​ၶွၼ်​ၶႂႃ​မၼ်း​ၸဝ်ႈ ဢိၵ်ႇ​တင်း​ၶႅၼ်​မၼ်း​ၸဝ်ႈ​ဢၼ်​မူတ်း​ၸၢင်ႇ​ၼၼ်ႉ ႁဵတ်း​လွင်ႈ​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် ပုၼ်ႈ​မၼ်း​ၸဝ်ႈ​ယဝ်ႉ​ယဝ်ႉ။-</verse>
				<verse number="2">ထႃႇဝရႃႉ​ၽြႃး​ႁႂ်ႈ​ၵျေး​ၸူး​တၢင်း​ဢၼ် မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​ထၢင်ႇ​သႃး​လႄႈ၊ ၼႄ​ပျႃး​တြႃး​တၢင်း​ဢၼ်​မၼ်း​ၸဝ်ႈ​သိုဝ်ႈ​တေႃႇ​ၼၼ်ႉ သိုဝ်ႈ​ၼႃႈ​တႂ်ႈ​တႃ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ယဝ်ႉ​ယဝ်ႉ။-</verse>
				<verse number="3">မၼ်း​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵရူႉၼႃႇ​ၸဝ်ႈ ဢိၵ်ႇ​တင်း​သဵတ်ႈ​ၸႃႇ​မၼ်း​ၸဝ်ႈ တီႈ​မဵဝ်း​ ဢီႉသရေႇလႃႉ ​ယဝ်ႉ​ယဝ်ႉ။ တီႈ​သုတ်း​လိၼ်​မိူင်း​တင်း​သဵင်ႈ​တင်း​လူင် လႆႈ​ႁၼ်​ၵျေး​ၸူး​တၢင်း​ဢၼ်​ၽြႃး​ပဵၼ်​ၸဝ်ႈ​ႁဝ်း ၵႄႇ​သႄႇ​ၶျွတ်ႈ​ဢဝ်​ၼၼ်ႉ​ယဝ်ႉ​ယဝ်ႉ။</verse>
				<verse number="4">လိၼ်​မိူင်း​တင်း​သဵင်ႈ​တင်း​မူတ်း​ၼႆႉ​ဢိူၺ်း၊ ဢဝ်​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​တႃႉ။ ၵိဝ်​သဵင်​လင်​လင်​လႄႈ ႁဵတ်း​ၵႂၢမ်း​ဢၼ်​သႂၢင်ႇ​ဢၼ်​သိူဝ်း​သေ​လႄႈ ႁဵတ်း​သဵင်​တူႇရီႉယႃႇ​တႃႉ။-</verse>
				<verse number="5">လဵတ်း​တိင်ႇ​သေ​လႄႈ ႁဵတ်း​ၵႂၢမ်း​တီႈ ထႃႇဝရႃႉ​ၽြႃး​တႃႉ။ လဵတ်း​တိင်ႇ​သေ​လႄႈ ႁဵတ်း​သဵင်​တူႇရီႉယႃႇ​တႃႉ။-</verse>
				<verse number="6">ပဝ်ႇ​ၼႄးၶရႃႇ​သေ​လႄႈ ဢဝ်​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ဢၼ်​ဝႃႈ​ၶုၼ်​ႁေႃ​ၶမ်း​ၼၼ်ႉ​တႃႉ။</verse>
				<verse number="7">ႁႂ်ႈ​ပၢင်ႇ​လၢႆႇ​ဢိၵ်ႇ​တင်း တၢင်း​ဢၼ်​မီး​တဵမ်​ဝႆႉ​ၵႃႈ​ၼႂ်း​မၼ်း၊ လေႃးၵထၢတ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​မီး​ယူႇ​ၼႂ်း​မၼ်း​ၼၼ်ႉ ဢွၼ်​ၵၼ်​ႁဵတ်း​သဵင်​လင်​လင်​သေ​ၵမ်း​လူၺ်ႈ။-</verse>
				<verse number="8">ႁႂ်ႈ​မႄႈ​ၼမ်ႉ​တင်း​လၢႆ ဢွၼ်​ၵၼ်​တူပ်း​မိုဝ်း​သေ​လႄႈ ႁႂ်ႈ​လွႆ​တင်း​လၢႆ​ၽွမ်ႉ​ၵၼ်​ႁဵတ်း​ၵႂၢမ်း​သိူဝ်း​သိူဝ်း​သႂၢင်ႇ​သႂၢင်ႇ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေ​ၵမ်း​လူၺ်ႈ။-</verse>
				<verse number="9">လွင်ႈ​မၼ်း​ၸမ်ႉ မၼ်း​ၸဝ်ႈ​မႃး​ႁႂ်ႈ​လႆႈ​ၸီႇ​ယၢင်ႇ​တြႃး တီႈ​လိၼ်​မိူင်း​ဢေႃႈ။ မၼ်း​ၸဝ်ႈ​တၵ်း​ဢဝ်​တင်း​တြႃး​တၢင်း​သိုဝ်ႈ​တေႃႇ ၸီႇ​ယၢင်ႇ​တႅပ်း​တတ်း​တီႈ​လေႃးၵႃႉ​လႄႈ ဢဝ်​တင်း​သဵတ်ႈ​ၸႃႇ​ၸီႇ​ယၢင်ႇ​တႅပ်း​တတ်း​တီႈ​ၵူၼ်း​တင်း​လၢႆ​ဢေႃႈ။</verse>
			</chapter>
			<chapter number="99">
				<verse number="1">ထႃႇဝရႃႉ​ၽြႃး​ၼင်ႈ​ႁၢင်ႈ​ၼင်ႈ​ႁေႃ​ယူႇ​ဢေႃႈ။ ႁႂ်ႈ​ၵူၼ်း​တင်း​လၢႆ​မီး​တၢင်း​ဢၼ်​သၼ်ႇ​ဢၼ်​ဝႆ​သေ​ၵမ်း​လူၺ်ႈ။ မၼ်း​ၸဝ်ႈ​ၵိင်း​ဝၢပ်ႈ​ယူႇ​ၵႃႈ​ၼိူဝ်​ ၶေႇရူႉၽဵမ်ႇ ​ဢေႃႈ။ ႁႂ်ႈ​လိၼ်​မိူင်း​မီး​တၢင်း​ဢၼ်​တူင်ႉ​ဢၼ်​ၼိုင်​သေ​ၵမ်း​လူၺ်ႈ။-</verse>
				<verse number="2">ထႃႇဝရႃႉ​ၽြႃး ယႂ်ႇ​မျၢတ်ႈ​ၼႃႇ​ၵႃႈ​ၼိူဝ်​လွႆ​ ၸီႉဢုၼ်ႇ ​လႄႈ၊ မၼ်း​ၸဝ်ႈ​မီး​တၢင်း​ဢၼ်​ယုၵ်ႉ​ယွင်ႈ​ယူႇ ၵႃႈ​ၼိူဝ်​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="3">ႁႂ်ႈ​ၶဝ်​ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ဢၼ်​ယႂ်ႇ​မျၢတ်ႈ​ၼႃႇ​လႄႈ လီ​ၵူဝ်​လီ​ႁႄ​ၼၼ်ႉ​သေ​ၵမ်း​လူၺ်ႈ။ လွင်ႈ​မၼ်း​ၸမ်ႉ မၼ်း​ၸဝ်ႈ​ပဵၼ်​ဢၼ်​မူတ်း​ၸၢင်ႇ​ဢေႃႈ။</verse>
				<verse number="4">ႁႅင်း​တၼ်း​ၶူဝ်း​ၶုၼ်​ႁေႃ​ၶမ်း​ၸိုင်၊ ထုၵ်ႇ​ၸႂ်​ၵျိူၵ်ႈ​ၸႂ်​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ဢေႃႈ။ ၸဝ်ႈ​ႁဝ်း​ႁႂ်ႈ​တၢင်း​ဢၼ်​သိုဝ်ႈ​လီ​ယူဝ်း​လီ​တႄႇ​ယူႇ​လႄႈ ၸဝ်ႈ​ႁဝ်း​ႁဵတ်း​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး ဢိၵ်ႇ​တင်း​တၢင်း​ဢၼ်​တႅပ်း​တတ်း​သိုဝ်ႈ​သိုဝ်ႈ​တေႃႇ​တေႃႇ ၵႃႈ​ၼႂ်း​မဵဝ်း​ ယႃႇၵုပ်ႈ ​ဢေႃႈ။-</verse>
				<verse number="5">ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​တႃႉ။ ဢွၼ်​ၵၼ်​ၵူဝ်း​ၵႂၢႆႇ​မၼ်း​ၸဝ်ႈ ၵႃႈ​တီႈ​ၶူင်ႇ​တီႈ​တၢင်ႇ​တိၼ်​မၼ်း​ၸဝ်ႈ​ၼၼ်ႉ​တႃႉ။ လွင်ႈ​မၼ်း​ၸမ်ႉ မၼ်း​ၸဝ်ႈ​ပဵၼ်​ဢၼ်​မူတ်း​ၸၢင်ႇ​ဢေႃႈ။</verse>
				<verse number="6">ၵႃႈ​ၼႂ်း​ယိတ်ႈပရေႃးႁဵၵ်ႈ​တင်း​လၢႆ​ၸမ်ႉ၊ မူဝ်းသေႇ ဢိၵ်ႇ​တင်း​ ဢႃႇရုၼ်ႇ ၊ ၵႃႈ​ၼႂ်း​ၶဝ်​ၸိူဝ်း​ဢၼ်​ႁဵတ်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ၊ သမူၺ်ႇလႃႉ ၊ ၶဝ်​ၸိူဝ်း​ၼႆႉ၊ ႁဵတ်း​ပထၼႃႇ​တီႈ​ထႃႇဝရႃႉ​ၽြႃး​လႄႈ မၼ်း​ၸဝ်ႈ​ၶိုၼ်း​ဢိူဝ်​ဢေႃႈ။-</verse>
				<verse number="7">မၼ်း​ၸဝ်ႈ​ယူႇ​ၵႃႈ​ၼႂ်း​သဝ်​မွၵ်ႇ​ၵုမ်ႈ​သေ​လႄႈ မီး​ဢမိင်ႉ​တီႈ​ၶဝ်​ဢေႃႈ။ ၶဝ်​ၵေႃႈ​ဢွၼ်​ၵၼ်​ပႂ်ႉ​ၵမ်​ပႂ်ႉ​ၸွမ်း လွင်ႈ​တၢင်း​ဢၼ်​မၼ်း​ၸဝ်ႈ​ၶၢမ်ႇ​သၢၵ်ႈ​သေႇ​တင်း​လၢႆ ဢိၵ်ႇ​တင်း​ထုင်း​ၽိင်ႈ​တြႃး ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​ၼၼ်ႉ​ယူႇ​ဢေႃႈ။-</verse>
				<verse number="8">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ၸဝ်ႈ​ႁဝ်း​ၶိုၼ်း​ဢိူဝ်​ၶဝ်​ၼၼ်ႉ​တီႈ​ၶႃႈ​ဢေႃႈ။ ပိၵ်ႉ​သမ်ႉ​ၸဝ်ႈ​ႁဝ်း​ပၼ်​ဢပႅတ်ႈ ၵွပ်ႈ​ပိူဝ်ႈ​ဢမူႉ​ၶဝ်​ၼၼ်ႉ​ၸိူဝ်း​ၼၼ်ႉ​သေ​ၵေႃႈ ၸဝ်ႈ​ႁဝ်း​ပဵၼ်​ၽြႃး​ဢၼ်​ယိူၼ်ႉ​ၶၢမ်ႇ​ၶဝ်​ယူႇ​တီႈ​ၶႃႈ​ဢေႃႈ။-</verse>
				<verse number="9">ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​လႄႈ ၵူဝ်း​ၵႂၢႆႇ​ၵႃႈ​တီႈ​လွႆ​မၼ်း​ၸဝ်ႈ​ဢၼ်​မူတ်း​ၸၢင်ႇ​ၼၼ်ႉ​တႃႉ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ပဵၼ်​ဢၼ်​မူတ်း​ၸၢင်ႇ​ဢေႃႈ။</verse>
			</chapter>
			<chapter number="100">
				<verse number="1">လိၼ်​မိူင်း​တင်း​သဵင်ႈ​တင်း​မူတ်း​ဢိူၺ်း၊ ဢဝ်​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​တႃႉ။-</verse>
				<verse number="2">မီး​တၢင်း​ဢၼ်​ၸူမ်း​သိူဝ်း​သေ​လႄႈ ပွင်​ႁဵတ်း​ဢမူႉ​ထႃႇဝရႃႉ​ၽြႃး​တႃႉ။ ႁဵတ်း​ၵႂၢမ်း​ဢၼ်​သႂၢင်ႇ​ဢၼ်​သိူဝ်း​သေ​လႄႈ ၶဝ်ႈ​ၸူး​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​တႃႉ။-</verse>
				<verse number="3">သူ​ဢွၼ်​ၵၼ်​ႁူႉ​မၢတ်ႈ​လွင်ႈ​ဢၼ်​ထႃႇဝရႃႉ​ၽြႃး ပဵၼ်​ၽြႃး​ပဵၼ်​ၸဝ်ႈ​ၼၼ်ႉ​တႃႉ။ မၼ်း​ၸဝ်ႈ​ႁဵတ်း​ႁႂ်ႈ​ႁဝ်း​ပဵၼ်​မႃး​လႄႈ ပဵၼ်​ၸဝ်ႈ​ႁဝ်း​ဢေႃႈ။ ႁဝ်း​ၵေႃႈ​ပဵၼ်​ၵူၼ်း​မၼ်း​ၸဝ်ႈ၊ ၽုင်​သူဝ်း​ဢၼ်​ယၢမ်ႈ​ၵိၼ်​ယူႇ​တီႈ​မၼ်း​ၸဝ်ႈ​ဢေႃႈ။-</verse>
				<verse number="4">ဢွၼ်​ၵၼ်​ပႃး​ဢဝ်​တၢင်း​ဢၼ်​ႁပ်ႉ​တုင်း​ဢဝ် လူၺ်ႈ​လွင်ႈ​ဢၼ်​ၵျေး​ၸူး​မၼ်း​ၸဝ်ႈ​ယႂ်ႇ​ၼႃႇ​ၼၼ်ႉ​သေ​လႄႈ၊ ၶဝ်ႈ​ၵႃႈ​ၼႂ်း​ၽၵ်း​တူ​မၼ်း​ၸဝ်ႈ​ၸိူဝ်း​ၼၼ်ႉ​လႄႈ ပႃး​ဢဝ်​တၢင်း​ဢၼ်​ယွင်ႈ​ယေႃး​မုၼ်​ၵုင်ႇ​မၼ်း​ၸဝ်ႈ​သေ​လႄႈ ၶဝ်ႈ​ၵႃႈ​ၼႂ်း​တမ်ႇ​တိူင်း​မၼ်း​ၸဝ်ႈ​ၸိူဝ်း​ၼၼ်ႉ​တႃႉ။ ဢွၼ်​ၵၼ်​ယွင်ႈ​ယေႃး​ၵျေး​ၸူး​မၼ်း​ၸဝ်ႈ​လႄႈ ပၼ်​တၢင်း​လီ​တီႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႃႉ။-</verse>
				<verse number="5">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ပဵၼ်​ဢၼ်​မျၢတ်ႈ​လီ​ၼႃႇ​ဢေႃႈ။ ၵရူႉၼႃႇ​မၼ်း​ၸဝ်ႈ မီး​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ၊ သဵတ်ႈ​ၸႃႇ​မၼ်း​ၸဝ်ႈ တႄႇ​ယူႇ​ၵူႈ​ၸူဝ်ႈ​ၵူႈ​ပၢၼ်​သိုပ်ႇ​သိုပ်ႇ​တၢမ်း​တၢမ်း​ဢေႃႈ။</verse>
			</chapter>
			<chapter number="101">
				<verse number="1">ၵဝ်​တၵ်း​ႁဵတ်း​ၵႂၢမ်း​လူၺ်ႈ​လွင်ႈ​တၢင်း​ဢၼ်​ဢဵတ်း​လူ​ႁၵ်ႉ​ပႅင်း ဢိၵ်ႇ​တင်း​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​လႄႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="2">ၶႃႈ​ၸဝ်ႈ​တၵ်း​ဢဝ်​ပိင်ႇ​ၺႃႇ​သတီႉ​ၵမ်​ၵျၢင်ႉ​ၸွမ်း​ၼင်ႇ​တြႃး တၢင်း​ဢၼ်​ၸေး​ၸုမ်ႇ​ၼၼ်ႉ​တီႈ​ၶႃႈ​ဢေႃႈ။ ၸဝ်ႈ​ႁဝ်း​တၵ်း​မႃး​ၸူး​တီႈ​ၶႃႈ​ၸဝ်ႈ​မိူဝ်ႈ​လႂ်​တီႈ​ၶႃႈ။ ၶႃႈ​ၸဝ်ႈ​တၵ်း​ပႃး​တင်း​ႁူဝ်​ၸႂ်​ဢၼ်​ၸေး​ၸုမ်ႇ​သေ​လႄႈ ၵႂႃႇ​မႃး​ယူႇ​ၵႃႈ​ၼႂ်း​ႁိူၼ်း​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="3">ၶႃႈ​ၸဝ်ႈ​တၵ်း​ဢမ်ႇ​ဢဝ်​လွင်ႈ​တၢင်း​ဢႃႉထမ်ႇမႃႉ ဝႆႉ​သိုဝ်ႈ​ၼႃႈ​တႂ်ႈ​တႃ​ၶႃႈ​ၸဝ်ႈ​တီႈ​ၶႃႈ။ ၵဝ်​လီ​ႁင်ႈ​ဢဵတ်ႇ​သဵတ်ႇ​လွင်ႈ​တၢင်း​ဢၼ် ၶဝ်​ၸိူဝ်း​ဢၼ် ၽိတ်း​တၢင်း​ပိူင်ႈ​တၢင်း​ၵႂႃႇ​ၼၼ်ႉ ႁဵတ်း​ၼၼ်ႉ​လႄႈ၊ ဢမ်ႇ​လႆႈ​ႁႂ်ႈ​ဢိင်​ယူႇ​ၸပ်း​ယူႇ​တီႈ​ၵဝ်။-</verse>
				<verse number="4">ႁူဝ်​ၸႂ်​ဢၼ်​ၵူတ်ႉ​ဢၼ်​ငေႃး​ၼၼ်ႉ တၵ်း​လႆႈ​ဢွၵ်ႇ​ၵႂႃႇ​သေ​ၵႃႈ​တီႈ​ၵဝ်​လႄႈ၊ ၵဝ်​တၵ်း​ဢမ်ႇ​ႁဵတ်း​တၢင်း​ဢၼ်​ႁၢႆႉ​ဢၼ်​ယုတ်ႈ​ၼၼ်ႉ​လႃး​လႃး။-</verse>
				<verse number="5">ၵဝ်​တၵ်း​ပႄႇ​ၽဵဝ်ႈ​ၵေႃႉ​ဢၼ်​တဵတ်ႇ​တဵတ်ႇ ယႃႉ​သရေႇ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​ၼၼ်ႉ​ပႅတ်ႈ​ဢေႃႈ။ ၵဝ်​တၵ်း​ဢမ်ႇ​ယိူၼ်ႉ​ဢမ်ႇ​ၶၢမ်ႇ ၵေႃႉ​ဢၼ်​ၼႃႈ​ပူၵ်း​ပႅၼ်​လႄႈ​ၸႂ်​ၽႅၼ်​သုင်​ၼၼ်ႉ။-</verse>
				<verse number="6">တႃ​ၵဝ်​တၵ်း​တူၺ်း​ၵူၼ်း​ဝၢၼ်ႈ​ၵူၼ်း​မိူင်း ဢၼ်​မီး​သဵတ်ႈ​ၸႃႇ​ၼၼ်ႉ ႁႂ်ႈ​ၶဝ်​လႆႈ​ယူႇ​လူၺ်ႈ​ၵၼ်​တင်း​ၵဝ်​လႄႈ ၵေႃႉ​ဢၼ်​ၵႂႃႇ​မႃး​ၼႂ်း​သဵၼ်ႈ​တၢင်း​ဢၼ်​ၸေး​ၸုမ်ႇ​ၼၼ်ႉ တၵ်း​လႆႈ​ပွင်​ႁဵတ်း​ဢမူႉ​ၵဝ်​ဢေႃႈ။-</verse>
				<verse number="7">ၵေႃႉ​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​ၸမ်ႉ၊ ဢမ်ႇ​လႆႈ​ယူႇ​ၵႃႈ​ၼႂ်း​ႁိူၼ်း​ၵဝ်။ ၵေႃႉ​ဢၼ်​ၸၢင်ႈ​လၢတ်ႈ​ၵႂၢမ်း​မူႉ​သႃႇ​ၼၼ်ႉ​ၵေႃႈ၊ ဢမ်ႇ​လႆႈ​တႄႇ​ယူႇ​သိုဝ်ႈ​ၼႃႈ​တႂ်ႈ​တႃ​ၵဝ်။-</verse>
				<verse number="8">ၵူႈ​ၼႂ်​ၵူႈ​ၼႂ်​တႃႇ​သေႇ​ဢမ်ႇ​ထၢတ်ႇ ၵဝ်​တၵ်း​ယႃႉ​ၽဵဝ်ႈ​ၵူၼ်း​ဝၢၼ်ႈ​ၵူၼ်း​မိူင်း​ဢၼ်​ဢမ်ႇ​တြႃး​ၸိူဝ်း​ၼၼ်ႉ​ပႅတ်ႈ ႁႂ်ႈ​လႆႈ​ပႄႇ​တႅပ်း​ၶဝ်​ၸိူဝ်း​ဢၼ်​ႁဵတ်း​လွင်ႈ​တၢင်း​ဢၼ်​ႁၢႆႉ​ဢၼ်​ႁုၵ်း​ၼၼ်ႉ ပႅတ်ႈ​သေ​ၵႃႈ​ၼႂ်း​ဝဵင်း​ထႃႇဝရႃႉ​ၽြႃး​ဢေႃႈ။</verse>
			</chapter>
			<chapter number="102">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ထွမ်ႇ​ဢဝ်​ပထၼႃႇ​ၶႃႈ​ၸဝ်ႈ​လႄႈ ႁႂ်ႈ​သဵင်​တၢင်း​ဢၼ်​ၶႃႈ​ၸဝ်ႈ​ႁွင်ႉ​သႅၼ်ႇ​ၼၼ်ႉ ႁွတ်ႈ​ထိုင်​တီႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="2">ယႃႇ​ပေ​သိူင်ႇ​မႅပ်ႉ​ၼႃႈ​ၸဝ်ႈ​ႁဝ်း​ဝႆႉ​သေ​ၵႃႈ​တီႈ​ၶႃႈ​ၸဝ်ႈ ၼႂ်း​မိုဝ်ႉ​ဝၼ်း​ဢၼ်​ၽေး​ႁွတ်ႈ​ထိုင်​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁေႈ​ႁူ​ၸဝ်ႈ​ႁဝ်း​ၸူး​ၶႃႈ​ၸဝ်ႈ​လႄႈ ၸဵဝ်း​ၶိုၼ်း​ဢိူဝ်​ၶႃႈ​ၸဝ်ႈ​ၶၼ်​ၶၼ်​ၽႂ်း​ၽႂ်း ၼႂ်း​မိူဝ်ႈ​ဢၼ်​ၶႃႈ​ၸဝ်ႈ​ႁွင်ႉ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="3">လွင်ႈ​မၼ်း​ၸမ်ႉ မိုဝ်ႉ​ဝၼ်း​ၶႃႈ​ၸဝ်ႈ​ၸၢင်ႈ​သဵင်ႈ​ၵႂႃႇ​ႁၢႆ​ၵႂႃႇ မိူၼ်​ၸိူဝ်ႉ​ၼင်ႇ ၵႂၼ်း​ၽႆး​ၼၼ်ႉ​လႄႈ လုပ်ႇ​ၶႃႈ​ၸဝ်ႈ​တင်း​လၢႆ​မႆႈ​သုတ်း​ၵႂႃႇ မိူၼ်​ၸိူဝ်ႉ​ၼင်ႇ​ထၢၼ်ႇ​ၽႆး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="4">ႁူဝ်​ၸႂ်​ၶႃႈ​ၸဝ်ႈ လႆႈ​ၶၢမ်ႇ​တၢင်း​ဢၼ်​တိူဝ်ႉ​ဢၼ်​မၢတ်ႇ မိူၼ်​ၸိူဝ်ႉ​ၼင်ႇ​ယိူဝ်ႈ​ယႃႈ​ၼၼ်ႉ​လႄႈ မီး​တၢင်း​ဢၼ်​ႁဵဝ်ႇ​ၸွပ်ႈ​ၵႂႃႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ၸၢင်ႈ​လူင်​လိုမ်း​ပႅတ်ႈ လွင်ႈ​ဢၼ်​တၵ်း​ၵိၼ်​တၵ်း​ၶူပ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​သဵင်​တၢင်း​ဢၼ်​ၶႃႈ​ၸဝ်ႈ ၶၢင်း​ၶီ​ၶၢင်း​ၽၢၼ်​ၼၼ်ႉ​လႄႈ၊ လုပ်ႇ​ၶႃႈ​ၸဝ်ႈ​တင်း​လၢႆ မီး​တၢင်း​ဢၼ်​ၸပ်း​ၼင်​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="6">ၶႃႈ​ၸဝ်ႈ​မိူၼ်​ၸိူဝ်ႉ​ၼင်ႇ​ၼူၵ်ႉ​ဝမ်ႇ​ပူဝ်ႇ ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၼၼ်ႉ​လႄႈ၊ ပဵၼ်​ၸိူဝ်ႉ​ၼင်ႇ​ၼူၵ်ႉ​ၵဝ်ႉ ဢၼ်​ယူႇ​ၵႃႈ​ၼႂ်း​တီႈ​ဢၼ်​ၵိူၼ်ႇ​ပင်း​လူႉ​လႅဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="7">ၶႃႈ​ၸဝ်ႈ​ပႂ်ႉ​ယူႇ​လႄႈ ပဵၼ်​ၸိူဝ်ႉ​ၼင်ႇ​ၼူၵ်ႉ​ဢၼ်​လႆႈ​ယူႇ​ၵႃႈ​ၼိူဝ်​မုင်း​ႁိူၼ်း တူဝ်​လဵဝ်​ၵူၺ်း​မၼ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ ဢွၼ်​ၵၼ်​သႄႉ​သွမ်း​ၶႃႈ​ၸဝ်ႈ​ယူႇ​တင်း​ဝၼ်း​တင်း​ဝၼ်း​တီႈ​ၶႃႈ​ဢေႃႈ။ ၶဝ်​ၸိူဝ်း​ဢၼ်​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​သေ​လႄႈ​ၸွၵ်ႇ​ၵႃး​လူ​လၢႆ​ၼၼ်ႉ ၸၢင်ႈ​ဢဝ်​ၶႃႈ​ၸဝ်ႈ​ႁဵတ်း​ဢပုမ်ႇ​တႅၵ်ႈ​သေ​လႄႈ ၵိၼ်ႇ​ဝႃႈ​တီႈ​ၶႃႈ​ဢေႃႈ။-</verse>
				<verse number="9">ၶႃႈ​ၸဝ်ႈ​လႆႈ​ၵိၼ်​တဝ်ႈ မိူၼ်​ၸိူဝ်ႉ​ၼင်ႇ​ၶဝ်ႈ​မုၼ်း​လႄႈ၊ မိူဝ်ႈ​ဢၼ်​သူတ်ႉ​ၼၼ်ႉ လႆႈ​သူတ်ႉ​လေႃး​ၼမ်ႉ​တႃ​ယူႇ ၵွပ်ႈ​ပိူဝ်ႈ​ဢၼ်​ၸႂ်​ၸဝ်ႈ​ႁဝ်း​ဢမ်ႇ​ပေႇ​လႄႈ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​ဢွၵ်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="10">ၸဝ်ႈ​ႁဝ်း​ယုၵ်ႉ​ယွင်ႈ​ၶႃႈ​ၸဝ်ႈ​သေ​လႄႈ သမ်ႉ​ဢဝ်​ၶျႃး​တူၵ်း​ပႅတ်ႈ​တီႈ​ၶႃႈ​ယဝ်ႉ။-</verse>
				<verse number="11">မိုဝ်ႉ​ဝၼ်း​ၶႃႈ​ၸဝ်ႈ​တင်း​လၢႆ ပဵၼ်​ၸိူဝ်ႉ​ၼင်ႇ​ႁူမ်ႈ​ၵွင်ႉ​ငဝ်း ဢၼ်​ယၢဝ်း​ၵႂႃႇ​ယူႇ​ၼၼ်ႉ​လႄႈ ၶႃႈ​ၸဝ်ႈ​ႁဵဝ်ႇ​ၸွပ်ႈ​ၵႂႃႇ မိူၼ်​ၸိူဝ်ႉ​ၼင်ႇ​ယိူဝ်ႈ​ယႃႈ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="12">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပဵၼ်​ယူႇ​ၼိၵ်ႈၸႃႉ​ထႃႇဝရႃႉ​လႄႈ လွင်ႈ​တၢင်း​ဢၼ်​ပဵၼ်​တီႈ​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၸဝ်ႈ​ႁဝ်း​ၼၼ်ႉ တႄႇ​ယူႇ​ၵူႈ​ၸူဝ်ႈ​ၵူႈ​ပၢၼ်​သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ဢေႃႈ။-</verse>
				<verse number="13">ၸဝ်ႈ​ႁဝ်း​တၵ်း​လုၵ်ႉ​လႄႈ ဢဵတ်း​လူ​ဝဵင်း​ ၸီႉဢုၼ်ႇ တီႈ​ၶႃႈ​ဢေႃႈ။ ၶိင်ႇ​ဢၼ်​တၵ်း​လႆႈ​ဢဵတ်း​လူ​မၼ်း၊ ၶိင်ႇ​ဢၼ်​ၸဝ်ႈ​ႁဝ်း​မၵ်း​ၶၢၼ်း​ဝႆႉ​ၼၼ်ႉ ႁွတ်ႈ​ထိုင်​တီႈ​ၶႃႈ​ယဝ်ႉ။-</verse>
				<verse number="14">ၶႃႈ​ၸဝ်ႈ​ႁဝ်း​ၸိူဝ်း​ၼၼ်ႉ ဢွၼ်​ၵၼ်​ထုၵ်ႇ​ၸႂ်​ၵျိူၵ်ႈ​ၸႂ်​မၢၵ်ႇ​ႁိၼ်​မၼ်း​တင်း​လၢႆ​လႄႈ ဢဵတ်း​လူ​မုၼ်ႈ​လိၼ်​မၼ်း​တီႈ​ၶႃႈ​ဢေႃႈ။-</verse>
				<verse number="15">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တၵ်း​ဢွၼ်​ၵၼ်​ၵူဝ်​ႁႄ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​လႄႈ၊ ၶုၼ်​ႁေႃ​ၶမ်း​လေႃးၵီႇ​တင်း​သဵင်ႈ​တင်း​လူင် တၵ်း​ဢွၼ်​ၵၼ်​ၵူဝ်​ႁႄ​မုၼ်​ၽုင်း​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="16">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​တႄႇ​ႁဵတ်း​ဝဵင်း​ ၸီႉဢုၼ်ႇ ​လႄႈ ပႃး​တင်း​မုၼ်​ၽုင်း​မၼ်း​ၸဝ်ႈ​သေ​လႄႈ ထၢင်ႇ​သႃး​ပေႃႇ​မႃး​ဢေႃႈ။-</verse>
				<verse number="17">မၼ်း​ၸဝ်ႈ​မၢတ်ႈ​တွင်း​ဢဝ် ပထၼႃႇ​ၶဝ်​ၸိူဝ်း​ဢၼ်​ၽၢၼ်​ဢၼ်​ၵိၼ်း​ၼၼ်ႉ​လႄႈ ဢမ်ႇ​ႁဵတ်း​တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ပထၼႃႇ​ၶဝ်​ၼၼ်ႉ။-</verse>
				<verse number="18">လွင်ႈ​မၼ်း​တၢင်း​မၼ်း​ၼၼ်ႉ​ၸိုင် တၵ်း​တႅမ်ႈ​မၢႆ​ဝႆႉ​ပုၼ်ႈ​ၶဝ်​ၸိူဝ်း​ဢၼ် တၵ်း​ပဵၼ်​မႃး​ၵမ်း​လိုၼ်း​ၼၼ်ႉ​လႄႈ ၵူၼ်း​ဢၼ်​မၼ်း​ၸဝ်ႈ​တၵ်း​ၽၢၼ်ႇ​သၢင်း​ႁဵတ်း​ပဵၼ်​ၸိူဝ်း​ၼၼ်ႉ တၵ်း​ဢွၼ်​ၵၼ်​ယွင်ႈ​ယေႃး ထႃႇဝရႃႉ​ၽြႃး​ဢေႃႈ။-</verse>
				<verse number="19">ထႃႇဝရႃႉ​ၽြႃး​ယူႇ​ၵႃႈ​ၼိူဝ်​ပၢႆ​ၸိၵ်း​ၸွမ် ထႃႇၼႃႉ​မၼ်း​ၸဝ်ႈ​ဢၼ်​မူတ်း​ၸၢင်ႇ​ၼၼ်ႉ​ၵူမ်ႈ​တူၺ်း​လႄႈ ယူႇ​ၵႃႈ​ၼိူဝ်​ၵၢင်​ႁၢဝ်​တူၺ်း​ႁၼ်​လိၼ်​မိူင်း​ဢေႃႈ။-</verse>
				<verse number="20">ႁႂ်ႈ​လႆႈ​ထွမ်ႇ​ဢဝ်​သဵင်​ၶၢင်း​ၶီ​ၶၢင်း​ၽၢၼ်​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ၼၼ်ႉ ဢိၵ်ႇ​တင်း​ႁႂ်ႈ​လႆႈ​ပွႆႇ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၶၢၼ်း​ဝႆႉ ပုၼ်ႈ​ဢၼ်​တၵ်း​လႆႈ​တၢႆ​ၼၼ်ႉ​လွတ်ႈ၊-</verse>
				<verse number="21">ပုၼ်ႈ​လွင်ႈ​ၼင်ႇ​ႁိုဝ်​ၵူၼ်း​တင်း​လၢႆ တၵ်း​ဢဝ်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽုၺ်ႇ​ဢွၵ်ႇ​ၼႄ​ပျႃး​ၵႃႈ​ၼိူဝ်​လွႆ​ ၸီႉဢုၼ်ႇ ဢိၵ်ႇ​တင်း ဢဝ်​ၵုင်ႇ​ၵျေး​ၸူး​မၼ်း​ၸဝ်ႈ ၽုၺ်ႇ​ဢွၵ်ႇ​ၼႄ​ပျႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၊-</verse>
				<verse number="22">ၼႂ်း​မိူဝ်ႈ​ဢၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢိၵ်ႇ​တင်း​သိုင်ႇ​မိူင်း​ၵူႈ​သိုင်ႇ​ၵူႈ​မိူင်း ၸူႉ​ၵၼ်​တုမ်​ၵၼ် ႁႂ်ႈ​လႆႈ​ႁဵတ်း​ဝၢတ်ႈ​ထႃႇဝရႃႉ​ၽြႃး​ၼၼ်ႉ​ဢေႃႈ။</verse>
				<verse number="23">မၼ်း​ၸဝ်ႈ​ႁႂ်ႈ​ႁႅင်း​ၵဝ်​သုတ်ႈ​ၵႂႃႇ​ယွမ်း​ၵႂႃႇ​ၼႂ်း​သဵၼ်ႈ​တၢင်း​ၵဝ်​လႄႈ ႁႂ်ႈ​မိုဝ်ႉ​ဝၼ်း​ၵဝ်​ၵေႇ​ၵႂႃႇ​ပွတ်း​ၵႂႃႇ​ဢေႃႈ။-</verse>
				<verse number="24">ၵဝ်​လဝ်ႊ​လၢတ်ႈ​ဝႆႉ​လႄႈ​ဝႃႈ​ၸမ်ႉ၊ ၽြႃး​ၵဝ်​ၶႃႈ​တီႈ​ၶႃႈ၊ ယႃႇ​ပေ​ၼုၵ်ႈ​ဢဝ်​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​ၶိုင်ႈ​ၵၢင်​မိုဝ်ႉ​ဝၼ်း​ၸူဝ်ႈ​တႃ ဢသၢၵ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶူပ်ႇ​ၼီႈ​ပီႊ​မိူင်း​ၸဝ်ႈ​ႁဝ်း​ၸိူဝ်း​ၼၼ်ႉ တႄႇ​ယူႇ​ၵူႈ​ၸူဝ်ႈ​ၵူႈ​ပၢၼ် သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ဢေႃႈ။-</verse>
				<verse number="25">မိူဝ်ႈ​ၵွၼ်ႇ​မိူဝ်ႈ​မိုၼ်ႉ​ၼၼ်ႉ၊ ၸဝ်ႈ​ႁဝ်း​တႄႇ​လိၼ်​မိူင်း​ဝႆႉ​တီႈ​ၶႃႈ​ယဝ်ႉ။ ၽႃႉ​ၵၢင်​ႁၢဝ်​ၵေႃႈ ပဵၼ်​လွင်ႈ​တၢင်း​ဢၼ် ၸဝ်ႈ​ႁဝ်း​ဢဝ်​တင်း​မိုဝ်း​ၸဝ်ႈ​ႁဝ်း​ၽၢၼ်ႇ​သၢင်း​ႁဵတ်း​ပဵၼ်​တီႈ​ၶႃႈ​ဢေႃႈ။-</verse>
				<verse number="26">ပိၵ်ႉ​သမ်ႉ​လွင်ႈ​တၢင်း​ၸိူဝ်း​ၼၼ်ႉ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​သေ​ၵေႃႈ ၸဝ်ႈ​ႁဝ်း​တႄႇ​ယူႇ​သေႇ​သေႇ​တီႈ​ၶႃႈ​ဢေႃႈ။ ပိၵ်ႉ​သမ်ႉ​လွင်ႈ​တၢင်း​ၵႃႈ​မီး​ၸိူဝ်း​ၼၼ်ႉ ႁွတ်ႈ​ထိုင်​တၢင်း​ဢၼ်​ၵဝ်ႇ​ၵႂႃႇ​မွင်​ၵႂႃႇ​ၸိူဝ်ႉ​ၼင်ႇ​ၶူဝ်း​ၼင်ႇ​လဵင်း​ၼၼ်ႉ​လႄႈ၊ ၸဝ်ႈ​ႁဝ်း​လႅၵ်ႈ​လၢႆႈ​ၶဝ် ၸိူဝ်ႉ​ၼင်ႇ​ဢၼ်​လႅၵ်ႈ​လၢႆႈ​ၶူဝ်း​ၼုင်ႈ​ၼၼ်ႉ​လႄႈ၊ ၶဝ်​မီး​တၢင်း​ဢၼ်​ၶၢႆႉ​ပုတ်ႈ​ၵႂႃႇ​သေ​ၵေႃႈ၊-</verse>
				<verse number="27">ၸဝ်ႈ​ႁဝ်း​ဢမ်ႇ​ၶၢႆႉ​ဢမ်ႇ​ပုတ်ႈ​တီႈ​ၶႃႈ။ ၶူပ်ႇ​ၼီႈ​ပီႊ​မိူင်း​ၸဝ်ႈ​ႁဝ်း​ၼၼ်ႉ​ၵေႃႈ ဢမ်ႇ​သုတ်း​ဢမ်ႇ​သဵင်ႈ​လႆႈ​တီႈ​ၶႃႈ။-</verse>
				<verse number="28">လုၵ်ႈ​လၢၼ်​ၶႃႈ​ၸဝ်ႈ​ႁဝ်း​ၸိူဝ်း​ၼၼ်ႉ တၵ်း​တႄႇ​ယူႇ​လႄႈ၊ ၸိူဝ်ႉ​ၶိူဝ်း​ၶဝ်​ၵေႃႈ တၵ်း​မၼ်ႈ​ၶိူင်ႇ​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
			</chapter>
			<chapter number="103">
				<verse number="1">ဝီႉၺိၺ်ႇ​ၵဝ်​ဢိူၺ်း၊ ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။ ၵႃႈ​ဢၼ်​မီး​ယူႇ​ၵႃႈ​ၼႂ်း​ၵဝ်​ၼႆႉ​ဢိူၺ်း၊ ပၼ်​တၢင်း​လီ​တီႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ ဢၼ်​မူတ်း​ၸၢင်ႇ​ၼၼ်ႉ​တႃႉ။-</verse>
				<verse number="2">ဝီႉၺိၺ်ႇ​ၵဝ်​ဢိူၺ်း၊ ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။ ယႃႇ​ပေ​လူင်​လိုမ်း​ၵျေး​ၸူး​မၼ်း​ၸဝ်ႈ​ၵႃႈ​မီး​ၸိူဝ်း​ၼၼ်ႉ။-</verse>
				<verse number="3">မၼ်း​ၸဝ်ႈ​ပွႆႇ​လွတ်ႈ​ဢပႅတ်ႈ​မႂ်း​ၵူႈ​ၸိူဝ်ႉ​ၵူႈ​ပိူင်​လႄႈ ႁႂ်ႈ​တၢင်း​ၶႆႈ​တၢင်း​ပဵၼ်​မႂ်း​ၵႃႈ​မီး​တင်း​သဵင်ႈ​တင်း​လူင်​ႁၢႆ​ဢေႃႈ။-</verse>
				<verse number="4">မၼ်း​ၸဝ်ႈ​ထုတ်ႇ​ၼုၵ်ႈ​ဢဝ်​ဢသၢၵ်ႈ​မႂ်း ဢွၵ်ႇ​သေ​ၵႃႈ​ၼႂ်း​ၶုမ်​ၼႂ်း​ႁူး​လႄႈ ဢဝ်​ၵျေး​ၸူး​ဢိၵ်ႇ​တင်း​ၵရူႉၼႃႇ​မၼ်း​ၸဝ်ႈ ၶဵၼ်း​ႁွပ်ႈ​ႁူဝ်​မႂ်း​ဝႆႉ​ဢေႃႈ။-</verse>
				<verse number="5">မၼ်း​ၸဝ်ႈ​ဢဝ်​လွင်ႈ​တၢင်း​ဢၼ်​လီ​ဢၼ်​ငၢမ်း​တင်း​လၢႆ ႁႂ်ႈ​ဢသၢၵ်ႈ​မႂ်း​လႆႈ​ဢိမ်ႇ​ၸႂ်​ၼိမ်​ၸႂ်​ယူႇ တေႃႇ​ထိုင်​ႁွတ်ႈ​ဢရွႆႇ​မႂ်း​ထၼ်ႈ​ပေႃး​မီး​တၢင်း​ဢၼ်​မႄး​ၵုမ်း​မႄး​ႁဵတ်း မိူၼ်​ၸိူဝ်ႉ​ၼင်ႇ​ဢရွႆႇ​လၢင်း​တႃႉ​ၶမ်း​ၼၼ်ႉ​ဢေႃႈ။</verse>
				<verse number="6">ထႃႇဝရႃႉ​ၽြႃး​ႁဵတ်း​တၢင်း​ဢၼ်​သိုဝ်ႈ​ဢၼ်​တေႃႇ​လႄႈ ၸီႇ​ယၢင်ႇ​တႅပ်း​တတ်း​ပုၼ်ႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="7">မၼ်း​ၸဝ်ႈ​ၼႄ​ပျႃး​သဵၼ်ႈ​တၢင်း​ဢၼ် မၼ်း​ၸဝ်ႈ​ၵႂႃႇ​ၸိူဝ်း​ၼၼ်ႉ တီႈ​ မူဝ်းသေႇ ဢိၵ်ႇ​တင်း​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ႁဵတ်း​ဝႆႉ​ၸိူဝ်း​ၼၼ်ႉ တီႈ​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="8">ထႃႇဝရႃႉ​ၽြႃး ပျေႉ​ၸုမ်ႇ​ဝႆႉ​တင်း​တၢင်း​ဢၼ်​ဢဵတ်း​လူ​ႁၵ်ႉ​ပႅင်း၊ တၢင်း​ဢၼ်​ႁဵတ်း​ၵျေး​ၸူး၊ တၢင်း​ဢၼ်​ယိူၼ်ႉ​ၶၢမ်ႇ ဢိၵ်ႇ​တင်း​တၢင်း​ဢၼ်​ၵရူႉၼႃႇ​လိူင်ႇ​ၼမ်​ၼႃႇ​ၼၼ်ႉ​ဢေႃႈ။-</verse>
				<verse number="9">မၼ်း​ၸဝ်ႈ​တၢင်ႇ​ဢပႅတ်ႈ​ယူႇ​သေႇ​သေႇ​ဢမ်ႇ​ၸႂ်ႈ။ မၼ်း​ၸဝ်ႈ​ဝႆႉ​တၢင်း​ၽိတ်း​ၼႂ်း​ၸႂ်​ယူႇ မၼ်ႈ​မၼ်ႈ​ၶိူင်ႇ​ၶိူင်ႇ​ဢမ်ႇ​ၸႂ်ႈ။-</verse>
				<verse number="10">မၼ်း​ၸဝ်ႈ​ဢမ်ႇ​ႁဵတ်း​တီႈ​ႁဝ်း ၸွမ်း​ၵႃႈ​ၼင်ႇ​တၢင်း​ဢၼ်​ႁဝ်း​ၽိတ်း​ပိူင်ႈ​ၼၼ်ႉ။ မၼ်း​ၸဝ်ႈ​ဢမ်ႇ​ပၼ်​ဢပႅတ်ႈ​တီႈ​ႁဝ်း ၸွမ်း​ၵႃႈ​ၼင်ႇ​တူႉ​ၸရိူၵ်ႈ​ဢပႅတ်ႈ​ႁဝ်း​ၼၼ်ႉ။-</verse>
				<verse number="11">မိူၼ်​ၸိူဝ်ႉ​ၼင်ႇ​ဢၼ်​ၵၢင်​ႁၢဝ် မီး​တၢင်း​ဢၼ်​သုင်​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ၊ ၵရူႉၼႃႇ​မၼ်း​ၸဝ်ႈ ႁႅင်း​ယႂ်ႇ​ၼႃႇ​တီႈ​ၶဝ်​ၸိူဝ်း​ဢၼ်​ၵူဝ်​ဢၼ်​ႁႄ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="12">မိူၼ်​ၸိူဝ်ႉ​ၼင်ႇ​ဢၼ်​တီႈ​ၼႃႈ​ဝၼ်း​ဢွၵ်ႇ ၵႆ​ၵၼ်​တင်း​တီႈ​ၼႃႈ​ဝၼ်း​တူၵ်း​ၼၼ်ႉ၊ မၼ်း​ၸဝ်ႈ​ႁႂ်ႈ​ဢပႅတ်ႈ​ႁဝ်း ၵႆ​ၵၼ်​တင်း​ႁဝ်း​ဢေႃႈ။-</verse>
				<verse number="13">မိူၼ်​ၸိူဝ်ႉ​ၼင်ႇ​ဢၼ်​ပေႃႈ​ဢဵတ်း​လူ​ႁၵ်ႉ​ပႅင်း​လုၵ်ႈ​မၼ်း​လၢင်း​မၼ်း​ၼၼ်ႉ ထႃႇဝရႃႉ​ၽြႃး​ဢဵတ်း​လူ​ႁၵ်ႉ​ပႅင်း ၶဝ်​ၸိူဝ်း​ဢၼ်​ၵူဝ်​ဢၼ်​ႁႄ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ မၼ်း​ၸဝ်ႈ​ႁူႉ​တူဝ်​ၶၼ်ႇ​ထႃႇ​ႁဝ်း​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ႁဝ်း​ပဵၼ်​မုၼ်ႈ​လိၼ်​ၼၼ်ႉ​ဢေႃႈ။-</verse>
				<verse number="15">မိုဝ်ႉ​ဝၼ်း​ၵူၼ်း​ပဵၼ်​ၸိူဝ်ႉ​ၼင်ႇ​တူၼ်ႈ​ယိူဝ်ႈ​တူၼ်ႈ​ယႃႈ​လႄႈ မၼ်း​ၸၢင်ႈ​ၵီႈ​ၸိူဝ်ႉ​ၼင်ႇ​လူင်ႇ​မွၵ်ႇ ဢၼ်​မီး​ၵႃႈ​တီႈ​ၼွၵ်ႈ​တီႈ​ပၢင်ႇ​ၼၼ်ႉ​ဢေႃႈ။-</verse>
				<verse number="16">လူမ်း​ထူဝ်း​လူမ်း​ထွင်း​ပူၼ်ႉ​မၼ်း​ၵႂႃႇ​သေ​ယဝ်ႉ၊ မၼ်း​ႁၢႆ​ၵႂႃႇ​လႄႈ ၵမ်း​လိုၼ်း​တီႈ​ယူႇ​မၼ်း​ၼၼ်ႉ ဢမ်ႇ​ႁူႉ​ၸၵ်း​မၼ်း။-</verse>
				<verse number="17">ၵရူႉၼႃႇ​ထႃႇဝရႃႉ​ၽြႃး​ၸမ်ႉ၊ ၸဵမ်​မိူဝ်ႈ​ၵမ်ႇ​ၽႃႇ​ဢွၼ်​ၼႆႉ သိုပ်ႇ​သိုပ်ႇ​တၢမ်း​တၢမ်း တေႃႇ​ထိုင်​ႁွတ်ႈ​ၵမ်ႇ​ၽႃႇ​ၵမ်း​လိုၼ်း သိုပ်ႇ​သိုပ်ႇ​တၢမ်း​တၢမ်း​လႄႈ ၸၢင်ႈ​တူၵ်း​ႁွတ်ႈ​ၵႃႈ​ၼိူဝ်​ၶဝ်​ၸိူဝ်း​ဢၼ်​ၵူဝ်​ဢၼ်​ႁႄ​မၼ်း​ၸဝ်ႈ​ၼၼ်ႉ​ယူႇ​ဢေႃႈ။ တၢင်း​ဢၼ်​သိုဝ်ႈ​တေႃႇ​မၼ်း​ၸဝ်ႈ ၸၢင်ႈ​တူၵ်း​ႁွတ်ႈ​ၵႃႈ​ၼိူဝ်​လုၵ်ႈ​လၢၼ် သိုပ်ႇ​သိုပ်ႇ​တၢမ်း​တၢမ်း၊-</verse>
				<verse number="18">ဢၼ်​ပႂ်ႉ​ပတီႉၺိၺ်ႇ​မၼ်း​ၸဝ်ႈ​လႄႈ မီး​သတီႉ​ႁႂ်ႈ​လႆႈ​ၵမ်​ၵျၢင်ႉ​ပိင်း​ၺၢပ်ႈ​မၼ်း​ၸဝ်ႈ​ၸိူဝ်း​ၼၼ်ႉ​ဢေႃႈ။</verse>
				<verse number="19">ထႃႇဝရႃႉ​ၽြႃး​တႄႇ​ပလၢင်ႇ​မၼ်း​ၸဝ်ႈ ယူႇ​ၵႃႈ​တီႈ​ၽုင်ႇ​ၵၢင်​ႁၢဝ်​လႄႈ၊ ဢႃႇၼႃႇ​မၼ်း​ၸဝ်ႈ​ဢုပ်ႉ​ပိူင်ႇ​ၸွတ်ႇ​တူဝ်ႈ ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="20">တမၢၼ်ႇ​ၵၢင်​ႁၢဝ်​ဢၼ်​တၼ်း​ၶူဝ်း​ယႂ်ႇ​ၼႃႇ​လႄႈ ထွမ်ႇ​ဢဝ်​သဵင်​ၼုၵ်ႈၵပၢတ်ႈ​မၼ်း​ၸဝ်ႈ​ယူႇ​သေ​လႄႈ ႁဵတ်း​ၸွမ်း​ဢမိင်ႉ​မၼ်း​ၸဝ်ႈ​ယူႇ​ၶဝ်​ဢိူၺ်း၊ ဢွၼ်​ၵၼ်​ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။-</verse>
				<verse number="21">ပူဝ်ႇ​ပႃႇ​ၵၢင်​ႁၢဝ်​တင်း​သဵင်ႈ​တင်း​လူင်​ဢၼ်​ဝႃႈ သူ​ၸိူဝ်း​ဢၼ်​ႁဵတ်း​ၸွမ်း​ဢလူဝ်ႇ​မၼ်း​ၸဝ်ႈ​ၶဝ်​ဢိူၺ်း၊ ဢွၼ်​ၵၼ်​ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။-</verse>
				<verse number="22">ၵႃႈ​ဢၼ်​မၼ်း​ၸဝ်ႈ​ႁဵတ်း​ပဵၼ်​ဝႆႉ ၵႃႈ​ၼႂ်း​မိူင်း​မၼ်း​ၸဝ်ႈ​ၵူႈ​တီႈ​ၵူႈ​လႅၼ်​ၶဝ်​ဢိူၺ်း၊ ဢွၼ်​ၵၼ်​ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။ ဝီႉၺိၺ်ႇ​ၵဝ်​ဢိူၺ်း၊ ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။</verse>
			</chapter>
			<chapter number="104">
				<verse number="1">ဝီႉၺိၺ်ႇ​ၵဝ်​ဢိူၺ်း၊ ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၸဝ်ႈ​ႁဝ်း​ပဵၼ်​ဢၼ်​ယႂ်ႇ​မျၢတ်ႈ​ၼႃႇ​လူင်​လၢင်​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢဝ်​တင်း​တၼ်း​ၶူဝ်း​ဢႃႇၼူႉၽေႃႇ ႁၢင်ႈ​ၶိူင်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="2">ၸဝ်ႈ​ႁဝ်း​ဢၼ်​ဢဝ်​ဢၼ်​လႅင်း ႁူမ်ႇ​သုမ်ႇ​တူဝ်​ၸဝ်ႈ​ၵဝ်ႇ​ယူႇ မိူၼ်​ၸိူဝ်ႉ​ၼင်ႇ​ဢၼ်​ဢဝ်​ၶူဝ်း​လဵင်း​ႁူမ်ႇ​သုမ်ႇ၊ ဢၼ်​ဢဝ်​ၽႃႉ​ၵၢင်​ႁၢဝ်​ၶဵင်ႈ​မုင်း မိူၼ်​ၸိူဝ်ႉ​ၼင်ႇ​ၽႃႈ​ၵင်ႈ၊-</verse>
				<verse number="3">ဢၼ်​ဢဝ်​ငဝ်ႈ​ႁၢၵ်ႈ​လုၵ်း​ႁၢၼ်ႉ​ၼိူဝ် တီႈ​ဢၼ်​ၸဝ်ႈ​ႁဝ်း​ယူႇ​ၼၼ်ႉ တႄႇ​ဝႆႉ​ၵႃႈ​ၼႂ်း​ၼမ်ႉ ဢၼ်​ၶီႇ​ရထႃး​ၽႃႈ​ၽူၼ်​သေ​လႄႈ ၵႂႃႇ​ၵႂႃႇ​မႃး​မႃး​ယူႇ​ၵႃႈ​ၼိူဝ်​ပိၵ်ႇ​လူမ်း​တင်း​လၢႆ၊-</verse>
				<verse number="4">ဢၼ်​ႁႂ်ႈ​တမၢၼ်ႇ​တူဝ်​ၸဝ်ႈ​ၵဝ်ႇ​တင်း​လၢႆ ပဵၼ်​ၸိူဝ်ႉ​ၼင်ႇ​လူမ်း​လႄႈ ႁႂ်ႈ​ၵူၼ်း​ၸႂ်ႉ​ၵူၼ်း​သွႆ​တူဝ်​ၸဝ်ႈ​ၵဝ်ႇ​တင်း​လၢႆ ပဵၼ်​ၸိူဝ်ႉ​ၼင်ႇ​ပဵဝ်​ၽႆး​ၼၼ်ႉ​တီႈ​ၶႃႈ၊-</verse>
				<verse number="5">ၸဝ်ႈ​ႁဝ်း​ဢဝ်​လိၼ်​မိူင်း​ၶျႃး​ဝႆႉ ၵႃႈ​ၼိူဝ်​ငဝ်ႈ​ႁၢၵ်ႈ​မၼ်း ႁႂ်ႈ​မၼ်း​ဢမ်ႇ​ၶၢႆႉ​တီႈ​ၼိုင်​ၶွၼ်း​လႄႈ ယူႇ​သေႇ​သေႇ​တီႈ​ၶႃႈ​ဢေႃႈ။</verse>
				<verse number="6">ၸဝ်ႈ​ႁဝ်း​ဢဝ်​ၼမ်ႉ​ဢၼ်​လိုၵ်ႉ​ဢၼ်​လမ်ႇ​ႁူမ်ႇ​မၼ်း​ဝႆႉ မိူၼ်​ၸိူဝ်ႉ​ၼင်ႇ​ဢၼ် ဢဝ်​ၶူဝ်း​ၼုင်ႈ​ၶူဝ်း​မႆ​ႁူမ်ႇ​ဝႆႉ​ၼၼ်ႉ​လႄႈ ၼမ်ႉ​ၸိူဝ်း​ၼၼ်ႉ ဢွၼ်​ၵၼ်​ၸုၵ်း​ယိုင်ႈ​ယူႇ​ၵႃႈ​ၼိူဝ်​လွႆ​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="7">ၸဝ်ႈ​ႁဝ်း​သင်ႇ​သွၼ်​သုင်း​မႃႉ​လႄႈ၊ ၶဝ်​ၼၼ်ႉ​ဢွၼ်​ၵၼ်​ဢွၵ်ႇ​ပၢႆႈ​တီႈ​ၶႃႈ​ဢေႃႈ။ ၶဝ်​ငိၼ်း​သဵင်​တၢင်း​ဢၼ်​ၸဝ်ႈ​ႁဝ်း​ၽႃႉ​လင်​ၼၼ်ႉ​လႄႈ ဢွၼ်​ၵၼ်​ႁိပ်ႈ​ၼႅတ်ႈ ၶၼ်​ၶၼ်​ၽႂ်း​ၽႂ်း​တီႈ​ၶႃႈ​ဢေႃႈ။-</verse>
				<verse number="8">ၶဝ်​ၶိုၼ်ႈ​ၵႃႈ​ၼိူဝ်​လွႆ​တင်း​လၢႆ​ယူႇ၊ လူင်း​ၵႃႈ​ၼႂ်း​ႁူၺ်ႈ​တင်း​လၢႆ​ယူႇ​သေ​လႄႈ ႁွတ်ႈ​ထိုင်​တီႈ​ဢၼ်​ၸဝ်ႈ​ႁဝ်း​တႄႇ​ႁဵတ်း​ဝႆႉ ပုၼ်ႈ​ၶဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="9">ၸဝ်ႈ​ႁဝ်း​မၵ်း​ၶၢၼ်း​လႅၼ်​လိၼ် ဢၼ်​ၶဝ်​ဢမ်ႇ​ၶၢမ်ႈ​ၵႂႃႇ​လႆႈ​ၼၼ်ႉ​ဝႆႉ ႁႂ်ႈ​ၶဝ်​ဢမ်ႇ​ၶိုၼ်း​မႃး​လႄႈ ထူမ်ႈ​ႁူမ်ႇ​လိၼ်​မိူင်း​လႆႈ​တီႈ​ၶႃႈ​ဢေႃႈ။</verse>
				<verse number="10">မၼ်း​ၸဝ်ႈ​ပွႆႇ​ၼမ်ႉ​ဢွၵ်ႇ​ႁူး​တင်း​လၢႆ ၵႃႈ​ၼႂ်း​ႁူၺ်ႈ​ၼႂ်း​ႁွင်ႈ​ဢေႃႈ။ ၼမ်ႉ​ၼၼ်ႉ​လႆ​ယူႇ​ၵႃႈ​ၼႂ်း​ၵၢင်​လွႆ​တင်း​လၢႆ​လႄႈ၊-</verse>
				<verse number="11">ပၼ်​ဢၶႂၢင်ႉ​ဢၼ်​လႆႈ​ၵိၼ်​ၼၼ်ႉ တီႈ​တရိၵ်ႈသၢၼ်ႇ​ၼိူဝ်​လိၼ် တင်း​သဵင်ႈ​တင်း​လူင်​ဢေႃႈ။ လီႈ​ဢၼ်​ရိူင်း​ၵျၢမ်း​ၼႃႇ​ၸိူဝ်း​ၼၼ်ႉ​ၵေႃႈ ႁႂ်ႈ​တၢင်း​ဢၼ်​ၶဝ်​ဢိုပ်း​ယၢၵ်ႈ​ၼၼ်ႉ လႆႈ​ထၢတ်ႇ​လႆႈ​ယဵၼ်​ဢေႃႈ။-</verse>
				<verse number="12">ၼူၵ်ႉ​ၵၢင်​ႁၢဝ်​တင်း​လၢႆ တူၵ်း​တီႈ​ယူႇ​ၵႃႈ​တီႈ​ႁိမ်း​ၼမ်ႉ​ၼၼ်ႉ​လႄႈ ဢွၼ်​ၵၼ်​ႁွင်ႉ​ယူႇ ၵႃႈ​ၼႂ်း​ၵိင်ႇ​မႆႉ​ၶူဝ်ႈ​မႆႉ​ဢေႃႈ။-</verse>
				<verse number="13">မၼ်း​ၸဝ်ႈ​ယူႇ​ၵႃႈ​ၼႂ်း​လုၵ်း​ႁၢၼ်ႉ​ၼိူဝ်​မၼ်း​ၸဝ်ႈ​ၸိူဝ်း​ၼၼ်ႉ​သေ​လႄႈ ပၼ်​ၼမ်ႉ​တီႈ​လွႆ​တင်း​လၢႆ​လႄႈ လိၼ်​မိူင်း​မီး​တၢင်း​ဢၼ်​ဢိမ်ႇ​ၸႂ်​ၼိမ်​ၸႂ်​ယူႇ ၵွပ်ႈ​ပိူဝ်ႈ​ဢၵျူဝ်း​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ႁဵတ်း​ဝႆႉ​ၼၼ်ႉ​ဢေႃႈ။-</verse>
				<verse number="14">မၼ်း​ၸဝ်ႈ​ႁဵတ်း​ႁႂ်ႈ​တူၼ်ႈ​ယိူဝ်ႈ​တူၼ်ႈ​ယႃႈ​ဢွၵ်ႇ​မႃး ပုၼ်ႈ​တရိၵ်ႈသၢၼ်ႇ၊ တူၼ်ႈ​ၶဝ်ႈ​ဢွၵ်ႇ​မႃး ပုၼ်ႈ​ဢၼ်​ၵူၼ်း​တၵ်း​သုင်း​တၵ်း​သွင်ႇ ႁႂ်ႈ​လႆႈ​ဢဝ်​ၶဝ်ႈ​မုၼ်း ဢွၵ်ႇ​ပဵၼ်​မႃး​ၵႃႈ​ၼႂ်း​လိၼ်​မိူင်း၊-</verse>
				<verse number="15">ဢိၵ်ႇ​တင်း ၼမ်ႉ​ၸပိတ်ႈ​ဢၼ်​ႁႂ်ႈ​ႁူဝ်​ၸႂ်​ၵူၼ်း​ၸူမ်း​သိူဝ်း၊ ၼမ်ႉ​မၼ်း​ဢၼ်​ႁႂ်ႈ​ၼႃႈ​ၵဵင်ႈ​လီ​ၶျေႃး​လီ၊ ၶဝ်ႈ​မုၼ်း​ဢၼ်​ၵမ်ႉ​ဢၼ်​ထွၵ်ႈ ႁူဝ်​ၸႂ်​ၵူၼ်း​ဢေႃႈ။-</verse>
				<verse number="16">တူၼ်ႈ​မႆႉ​ထႃႇဝရႃႉ​ၽြႃး၊ တူၼ်ႈ​ ဢႃႇရိတ်ႉ ​ၵႃႈ​တီႈ လေႇပၼုၼ်ႇ ဢၼ်​မၼ်း​ၸဝ်ႈ​ၽုၵ်ႇ​ဝႆႉ​ၸိူဝ်း​ၼၼ်ႉ​ၵေႃႈ၊ မီး​တၢင်း​ဢၼ်​ဢိမ်ႇ​ၸႂ်​ၼိမ်​ၸႂ်​ယူႇ​ဢေႃႈ။-</verse>
				<verse number="17">ၼူၵ်ႉ​တင်း​လၢႆ ၸၢင်ႈ​ဢွၼ်​ၵၼ်​ႁဵတ်း​ႁင်း​ယူႇ​ၵႃႈ​တီႈ​ၼၼ်ႈ​လႄႈ၊ ၼူၵ်ႉ​ယၢင်း​တင်း​လၢႆ ၸၢင်ႈ​ဢွၼ်​ၵၼ်​တူၵ်း​တီႈ​ယူႇ​တီႈ​သဝ်း ၵႃႈ​ၼိူဝ်​တူၼ်ႈ​ပႅၵ်ႇ​ဢေႃႈ။-</verse>
				<verse number="18">လွႆ​ဢၼ်​သုင်​ၸိူဝ်း​ၼၼ်ႉ​ပဵၼ်​ပုၼ်ႈ​တီႈ​ဢၼ်​ယိူင်း​တင်း​လၢႆ​တၵ်း​ယူႇ​လႄႈ၊ ပၢၼ်း​တၢပ်ႈ​လွႆ​ၸိူဝ်း​ၼၼ်ႉ ပဵၼ်​တီႈ​ဢၼ်​ပၢင်တၢႆး​သႃႇၽၢၼ်ႇ​တင်း​လၢႆ သွၼ်ႈ​ပိုင်ႈ​ဢေႃႈ။-</verse>
				<verse number="19">မၼ်း​ၸဝ်ႈ​ႁဵတ်း​ပဵၼ်​လိူၼ် ပုၼ်ႈ​ၶိင်ႇ​ဢၼ်​မၵ်း​ၶၢၼ်း​ဝႆႉ​ၸိူဝ်း​ၼၼ်ႉ​လႄႈ ၵၢင်​ဝၼ်း​ၵေႃႈ​ႁူႉ​ၶိင်ႇ​ဢၼ်​မၼ်း​တၵ်း​လႆႈ​ထုၵ်ႇ​ၼၼ်ႉ​ယူႇ​ဢေႃႈ။</verse>
				<verse number="20">ၸဝ်ႈ​ႁဝ်း​ၸီႇ​ယၢင်ႇ​ႁဵတ်း​လပ်း​သိင်ႇ​လႄႈ ပဵၼ်​ၶိင်ႇ​ၵၢင်​ၶိုၼ်း​ဢၼ်​တရိၵ်ႈသၢၼ်ႇ​ထိူၼ်ႇ တင်း​သဵင်ႈ​တင်း​လူင်​ၸၢင်ႈ ဢွၼ်​ၵၼ်​ဢွၵ်ႇ​လႄႇ​ဢွၵ်ႇ​ၵႂႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="21">သၢင်ႇ​သီႈ​ၼုမ်ႇ​တင်း​လၢႆ​ဢွၼ်​ၵၼ်​ႁွင်ႉ​ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​ႁိမ်​လႆႈ​ႁူင်ႇ​လႄႈ ႁႃ​တၢင်း​ၵိၼ်​တီႈ​ၽြႃး​ပဵၼ်​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="22">ၵၢင်​ဝၼ်း​သမ်ႉ​ၶိုၼ်း​ဢွၵ်ႇ​မႃး​လႄႈ၊ ၶဝ်​ၼၼ်ႉ​ဢွၼ်​ၵၼ်​သုတ်ႉ​ၶိုၼ်း​သေ​လႄႈ ၼွၼ်း​ယူႇ​ၵႃႈ​ၼႂ်း​ၶုမ်​ၼႂ်း​ႁူး​ဢၼ်​ၶဝ်​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="23">ၵူၼ်း​ၵေႃႈ ဢွၼ်​ၵၼ်​ဢွၵ်ႇ​ႁႂ်ႈ​လႆႈ​ႁဵတ်း​ၵၢၼ်​ႁဵတ်း​ငၢၼ်း တေႃႇ​ထိုင်​ႁွတ်ႈ​ၶိင်ႇ​ႁူဝ်​ၶမ်ႈ​တီႈ​ၶႃႈ​ဢေႃႈ။-</verse>
				<verse number="24">ထႃႇဝရႃႉ​ၽြႃး​တီႈ​ၶႃႈ၊ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ႁဵတ်း​ဝႆႉ​ၸိူဝ်း​ၼၼ်ႉ ၼမ်​ၼႃႇ​လူင်​လၢင်​တီႈ​ၶႃႈ​ဢေႃႈ။ ၸဝ်ႈ​ႁဝ်း​ၸီႇ​ယၢင်ႇ​ႁဵတ်း​ဝႆႉ​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၸွမ်း​လူၺ်ႈ​ပိင်ႇ​ၺႃႇ​တီႈ​ၶႃႈ​ဢေႃႈ။ လိၼ်​မိူင်း​ပျေႉ​ၸုမ်ႇ​တဵမ်​ဝႆႉ တင်း​ၽၼ်ႇတႃႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="25">ၵႃႈ​တီႈ​ပုၼ်ႉ​ၼၼ်ႉ ယင်း​မီး​ၼမ်ႉ​သမ်ႇ​မုၵ်ႉ​တြႃႇ​ဢၼ်​ယႂ်ႇ​ၼႃႇ​ၵႂၢင်ႈ​ၼႃႇ ဢၼ်​ပဵၼ်​တီႈ​ယူႇ​ၸႃႉ​ၸဵမ်​တရိၵ်ႈသၢၼ်ႇ ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း ထၼ်ႈ​ပေႃး​ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ ဢိၵ်ႇ​တင်း​တရိၵ်ႈသၢၼ်ႇ​လဵၵ်ႉ​လဵၵ်ႉ​ယႂ်ႇ​ယႂ်ႇ​ၸိူဝ်း​ၼၼ်ႉ​လူး​ၵွၼ်ႇ​တီႈ​ၶႃႈ​ဢေႃႈ။-</verse>
				<verse number="26">ၵႃႈ​တီႈ​ၼၼ်ႈ၊ ႁိူဝ်း​သၢင်း​ၽေႃး​တင်း​လၢႆ ၵႂႃႇ​ၵႂႃႇ​မႃး​မႃး​ယူႇ​လႄႈ၊ ၵႃႈ​တီႈ​ၼၼ်ႈ ပႃ​လူင်​ လဝီႉသၢၼ်ႇ ဢၼ်​ၸဝ်ႈ​ႁဝ်း​ႁဵတ်း​ပဵၼ် ပုၼ်ႈ​ဢၼ်​တၵ်း​ၶုၼ်ႇ​ၵရၢင်ႇ ၽၢင်ႈ​ၽိင်ႈ​ယူႇ​ၼၼ်ႉ​ၵေႃႈ မီး​တီႈ​ၶႃႈ​ဢေႃႈ။-</verse>
				<verse number="27">တူဝ်​ၸိူဝ်ႉ​ၼင်ႇ​ၼၼ်​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​မုင်ႈ​မွင်း​တီႈ​ၸဝ်ႈ​ႁဝ်း​ယူႇ ႁႂ်ႈ​ၸဝ်ႈ​ႁဝ်း​ဢွႆႇ​ပၼ်​တၢင်း​ၵိၼ် တၢင်း​ၶူပ်း မိူဝ်ႈ​ဢၼ်​ၶိင်ႇ​မၼ်း​ထုၵ်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="28">ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​ပၼ်​ၼၼ်ႉ​သေ​လႄႈ ၶဝ်​သိမ်း​ဢဝ်​တီႈ​ၶႃႈ​ဢေႃႈ။ ၸဝ်ႈ​ႁဝ်း​ၵီႈ​မိုဝ်း​ၸဝ်ႈ​ႁဝ်း​လႄႈ၊ ၶဝ်​ဢိမ်ႇ​ၸႂ်​ၼိမ်​ၸႂ် ၼႂ်း​လွင်ႈ​တၢင်း​ဢၼ်​လီ​ဢၼ်​ငၢမ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="29">ၸဝ်ႈ​ႁဝ်း​ဝၢႆႇ​ၼႃႈ​ပႅတ်ႈ​ၶဝ်​လႄႈ ၶဝ်​ယၢပ်ႇ​ၸႂ်​ယုင်ႈ​ၸႂ်​တီႈ​ၶႃႈ​ဢေႃႈ။ ၸဝ်ႈ​ႁဝ်း​သိမ်း​ဢဝ်​ဢသၢၵ်ႈ​ၶဝ်​လႄႈ ၶဝ်​တၢႆ​သေ​လႄႈ ၶိုၼ်း​ၸူး​ၵႃႈ​တီႈ​မုၼ်ႈ​လိၼ်​တီႈ​ၶႃႈ​ဢေႃႈ။-</verse>
				<verse number="30">ၸဝ်ႈ​ႁဝ်း​သမ်ႉ​ပွႆႇ​ဝီႉၺိၺ်ႇ​ၸဝ်ႈ​ႁဝ်း​သေ​လႄႈ ၽၢၼ်ႇ​သၢင်း​ႁဵတ်း​ပဵၼ်​ၶဝ်​လႄႈ၊ ၸဝ်ႈ​ႁဝ်း​သမ်ႉ​ၶိုၼ်း​မႄး​ၵုမ်း​မႄး​ႁဵတ်း​ၼႃႈ​လိၼ်​ဢၼ်​မႂ်ႇ​တီႈ​ၶႃႈ​ဢေႃႈ။</verse>
				<verse number="31">ႁႂ်ႈ​မုၼ်​ၽုင်း​ထႃႇဝရႃႉ​ၽြႃး တႄႇ​ယူႇ​ၼိၵ်ႈၸႃႉ​ထႃႇဝရႃႉ​တႃႇ​သေႇ မၼ်ႈ​ၶိူင်ႇ​ယူႇ​သေ​ၵမ်း​လူၺ်ႈ။ ႁႂ်ႈ​ထႃႇဝရႃႉ​ၽြႃး ၸူမ်း​သိူဝ်း​ၼႂ်း​လွင်ႈ​တၢင်း​ဢၼ် မၼ်း​ၸဝ်ႈ​ၸီႇ​ယၢင်ႇ​ႁဵတ်း​ဝႆႉ​ၸိူဝ်း​ၼၼ်ႉ​သေ​ၵမ်း​လူၺ်ႈ။-</verse>
				<verse number="32">မၼ်း​ၸဝ်ႈ​တူၺ်း​လိၼ်​မိူင်း​လႄႈ မၼ်း​သၼ်ႇ​မၼ်း​ဝႆ​ဢေႃႈ။ မၼ်း​ၸဝ်ႈ​တိူဝ်ႉ​သႂ်ႇ​လွႆ​တင်း​လၢႆ​လႄႈ ၶဝ်​ဢွၵ်ႇ​ဢၢႆ​ဢွၵ်ႇ​ၵႂၼ်း​ဢေႃႈ။-</verse>
				<verse number="33">ၵဝ်​တၵ်း​ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး ၼႂ်း​မိူဝ်ႈ​ဢၼ်​ဢသၢၵ်ႈ​ၵဝ်​ယင်း​လိပ်း​ယူႇ​ဢေႃႈ။ ၵဝ်​တၵ်း​ႁဵတ်း​ၵႂၢမ်း​ထေႃးပၼႃႇ​တီႈ​ၽြႃး​ပဵၼ်​ၸဝ်ႈ​ၵဝ် ၸူဝ်ႈ​ဢၼ်​ၵဝ်​ယင်း​ပဵၼ်​ယူႇ​ၼႆႉ​ဢေႃႈ။-</verse>
				<verse number="34">ႁႂ်ႈ​လွင်ႈ​တၢင်း​ဢၼ်​ၵဝ်​ၶႆႈ​ၸႂ်​ဝူၼ်ႉ​ၸႂ်​ၼၼ်ႉ ထုၵ်ႇ​ၸႂ်​ၵျိူၵ်ႈ​ၸႂ်​မၼ်း​ၸဝ်ႈ​သေ​ၵမ်း​လူၺ်ႈ။ ၵဝ်​ၵေႃႈ​တၵ်း​ၸူမ်း​သိူဝ်း ယူႇ​ၵႃႈ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="35">ႁႂ်ႈ​ၶဝ်​ၸိူဝ်း​ဢၼ်​ၽိတ်း​ပိူင်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ပႄႇ​ၽဵဝ်ႈ​ပႅတ်ႈ သေ​ၵႃႈ​တီႈ​လိၼ်​မိူင်း​လႄႈ ႁႂ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ဢမ်ႇ​လႆႈ​ပဵၼ်​မိူဝ်ႈ​ၵမ်း​လိုၼ်း​ၼၼ်ႉ သေ​ၵမ်း​လူၺ်ႈ။ ဝီႉၺိၺ်ႇ​ၵဝ်​ဢိူၺ်း၊ ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။ ႁႃႇလေႇလူႉယႃႇ။</verse>
			</chapter>
			<chapter number="105">
				<verse number="1">ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး​တႃႉ။ ႁဵတ်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႃႉ။ ၼႄ​ပျႃး​လွင်ႈ​တၢင်း​ဢၼ် မၼ်း​ၸဝ်ႈ​ၸီႇ​ယၢင်ႇ​ႁဵတ်း​ဝႆႉ​ၸိူဝ်း​ၼၼ်ႉ​တီႈ​ၵူၼ်း​တင်း​လၢႆ​တႃႉ။-</verse>
				<verse number="2">ႁဵတ်း​ၵႂၢမ်း​တီႈ​မၼ်း​ၸဝ်ႈ​တႃႉ။ ႁဵတ်း​ၵႂၢမ်း​ထေႃးပၼႃႇ​တီႈ​မၼ်း​ၸဝ်ႈ​တႃႉ။ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​တၢင်း​ဢၼ်​လီ​ဢၢမ်း​မၼ်း​ၸဝ်ႈ ၵႃႈ​မီး​ၸိူဝ်း​ၼၼ်ႉ​တႃႉ။-</verse>
				<verse number="3">ဢုပ်ႇ​ဝၢဝ်း​ၼႂ်း​ၼႃႇ​မႃႉ​ၸိုဝ်ႈ​သဵင် ဢၼ်​မူတ်း​ၸၢင်ႇ​မၼ်း​ၸဝ်ႈ​ၼၼ်ႉ​တႃႉ။ ႁႂ်ႈ​ႁူဝ်​ၸႂ်​ၶဝ်​ၸိူဝ်း​ဢၼ်​ႁႃ​ဢဝ်​ထႃႇဝရႃႉ​ၽြႃး​ၼၼ်ႉ သႂၢင်ႇ​သိူဝ်း​တႃႉ။-</verse>
				<verse number="4">ထၢမ်​ႁႃ​ထႃႇဝရႃႉ​ၽြႃး​တင်း​တၼ်း​ၶူဝ်း​မၼ်း​ၸဝ်ႈ​တႃႉ။ ႁႃ​ၼႃႈ​မၼ်း​ၸဝ်ႈ​တႃႇ​သေႇ​ဢမ်ႇ​ထၢတ်ႇ​တႃႉ။-</verse>
				<verse number="5">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​တၢင်း​ဢၼ်​လီ​ဢၢမ်း ဢၼ်​မၼ်း​ၸဝ်ႈ​ၸီႇ​ယၢင်ႇ​ႁဵတ်း​ဝႆႉ ဢိၵ်ႇ​တင်း​လွင်ႈ​တၢင်း​ဢၼ်​လၢၵ်ႇ​လၢႆး​မၼ်း​ၸဝ်ႈ တင်း​ပိင်း​ၺၢပ်ႈ​ဢၼ်​ဢွၵ်ႇ​ၵႃႈ​ၼႂ်း​သူပ်း​မၼ်း​ၸဝ်ႈ​ၸိူဝ်း​ၼၼ်ႉ​တႃႉ။-</verse>
				<verse number="6">ၸိူဝ်ႉ​ၶိူဝ်း​ၶႃႈ​မၼ်း​ၸဝ်ႈ ဢႃႇပြႃႇႁၢမ်ႇ လုၵ်ႈ​လၢၼ်​ ယႃႇၵုပ်ႈ ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ​ၶဝ်​ဢိူၺ်း၊-</verse>
				<verse number="7">မၼ်း​ၸဝ်ႈ​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​လႄႈ လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​တြႃး​ဝႆႉ​ၸိူဝ်း​ၼၼ်ႉ ၸွတ်ႇ​တူဝ်ႈ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​ဢေႃႈ။-</verse>
				<verse number="8">မၼ်း​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ပတီႉၺိၺ်ႇ​တြႃး​မၼ်း​ၸဝ်ႈ၊ ၼုၵ်ႈၵပၢတ်ႈ​ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ တေႃႇ​ထိုင်​ႁွတ်ႈ​သိုပ်ႇ​မဵဝ်း​ၵူၼ်း ႁဵင်​သိုပ်ႇ၊-</verse>
				<verse number="9">ပတီႉၺိၺ်ႇ​တြႃး​ဢၼ်​ဝႆႉ​ၵတီႉ တီႈ​ ဢႃႇပြႃႇႁၢမ်ႇ တၢင်း​ဢၼ်​တိူင်ႇ​ဝႃႈ ဢၼ်​မၼ်း​ၸဝ်ႈ​တိူင်ႇ​ဝႃႈ တီႈ​ ဢီႉၸၢၵ်ႈ ၊-</verse>
				<verse number="10">ပတီႉၺိၺ်ႇ​တြႃး ဢၼ်​မၼ်း​ၸဝ်ႈ​တႄႇ​ဝႆႉ​ပုၼ်ႈ​ဢၼ် တၵ်း​ပဵၼ်​ထုင်း​ၽိင်ႈ​တြႃး ဢၼ်​မၼ်ႈ​မၼ်ႈ​ၶိူင်ႇ​ၶိူင်ႇ​တီႈ​ ယႃႇၵုပ်ႈ တင်း​ပတီႉၺိၺ်ႇ​တြႃး ဢၼ်​ပဵၼ်​ၼိၵ်ႈၸႃႉ​ထႃႇဝရႃႉ တီႈ​ ဢီႉသရေႇလႃႉ ​ၼၼ်ႉ​ယူႇ​တႃႇ​သေႇ​ဢမ်ႇ​ထၢတ်ႈ​လႄႈ၊-</verse>
				<verse number="11">လၢတ်ႈ​လႄႈ​ဝႃႈ ၵဝ်​တၵ်း​ဢဝ်​မိူင်း​ ၶႃႇၼၢၼ်ႇ လိၼ်​ဢၼ်​သူ​တၵ်း​လႆႈ​ၶၢမ်ႇ​ဢမူၺ်ႇ​ၼၼ်ႉ ပၼ်​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဝႆႉ၊-</verse>
				<verse number="12">ၼႂ်း​မိူဝ်ႈ​ဢၼ်​မဵဝ်း​ႁဝ်း​ၼႆႉ ၼပ်ႉ​ဢၢၼ်ႇ​ဢမ်ႇ​ၼမ်၊ ၵေႇ​ၼႃႇ​လူင်​လၢင်​လႄႈ၊ ပဵၼ်​ၶႅၵ်ႇ​ယူႇ​ၼႂ်း​မိူင်း​ၼၼ်ႉ​ၼၼ်ႉ ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="13">ၶဝ်​ၼၼ်ႉ လႆႈ​လႄႇ​ၵႂႃႇ​လႄႇ​မႃး ဢဝ်​ၵႃႈ​တီႈ​မဵဝ်း​ၵူၼ်း​မဵဝ်း​ၼိုင်ႈ တေႃႇ​ထိုင်​ႁွတ်ႈ​မဵဝ်း​ၵူၼ်း​မဵဝ်း​ၼိုင်ႈ၊ ဢဝ်​ၵႃႈ​တီႈ​မိူင်း မိူင်း​ၼိုင်ႈ​တေႃႇ​ထိုင်​ႁွတ်ႈ​မိူင်း မိူင်း​ၼိုင်ႈ​ယူႇ​ဢေႃႈ။-</verse>
				<verse number="14">မၼ်း​ၸဝ်ႈ​ဢမ်ႇ​ပၼ်​ဢၶႂၢင်ႉ တီႈ​ၽူႈ​လႂ်​ႁႂ်ႈ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ၶဝ်။ ၵွပ်ႈ​ပိူဝ်ႈ​ၶဝ်​ၵေႃႈ​မၼ်း​ၸဝ်ႈ​သင်ႇ​သွၼ်​သုင်း​မႃႉ တီႈ​ၶုၼ်​ႁေႃ​ၶမ်း​တင်း​လၢႆ​လႄႈ​ဝႃႈ၊-</verse>
				<verse number="15">ယႃႇ​ပေ​တိူဝ်ႉ​ပေ​ထုၵ်ႇ​ၶဝ်​ၸိူဝ်း​ဢၼ်​လႆႈ​ၶၢမ်ႇ​ၽိၵ်ႈ​သိၵ်ႈ​တီႈ​ၵဝ်။ ယႃႇ​ပေ​ႁဵတ်း​ဢပႅတ်ႈ​တီႈ​ပရေႃးၽႅတ်ႈ​ၵဝ်​ၸိူဝ်း​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">မၼ်း​ၸဝ်ႈ​ႁွင်ႉ​ဢဝ် ၽေး​ဢိုပ်း​ၽေး​ယၢၵ်ႈ​မႃး​ၵႃႈ​တီႈ​မိူင်း​ၼၼ်ႉ​လႄႈ၊ ႁၵ်း​ယႃႉ​ဢၼ်​ၵမ်ႉ​ဢၼ်​ထွၵ်ႈ​ၵႃႈ​မီး ဢၼ်​ဝႃႈ​တၢင်း​ၵိၼ်​တၢင်း​ၶူပ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="17">မၼ်း​ၸဝ်ႈ​ပွႆႇ​ၵူၼ်း​ၵေႃႉ​ၼိုင်ႈ ၵႂႃႇ​ဢွၼ်​တၢင်း​ၶဝ်​လႄႈ ယူဝ်းသႅပ်ႈ ​လႆႈ​ၶၢမ်ႇ​တၢင်း​ဢၼ်​ၶၢႆ​ပႅတ်ႈ ပုၼ်ႈ​ဢၼ်​တၵ်း​ပဵၼ်​ၶႃႈ​ၼၼ်ႉ​ဢေႃႈ။-</verse>
				<verse number="18">ၶဝ်​ဢဝ်​ဝႅၼ်​လဵၵ်း ၼိၵ်ႈ​ၸၢၵ်ႈ​ငႅၼ်း​သႄး​တိၼ်​မၼ်း​လႄႈ ၸႂ်​မၼ်း​ယၢပ်ႇ​ၽိုတ်ႇ​ၵွပ်ႈ​ပိူဝ်ႈ​လဵၵ်း​ဢေႃႈ။-</verse>
				<verse number="19">ၸူဝ်ႈ​ဢၼ်​ၵႂၢမ်း​မၼ်း ဢမ်ႇ​ပႆႇ​ပျေႉ​ၸုမ်ႇ​ၼၼ်ႉ​ၸိုင်၊ ဢမိင်ႉ​ထႃႇဝရႃႉ​ၽြႃး ၸၢမ်း​တူၺ်း​မၼ်း​ဢေႃႈ။-</verse>
				<verse number="20">ၶုၼ်​ႁေႃ​ၶမ်း​ဢၼ်​ဝႃႈ ၸဝ်ႈ​ဢၼ်​ဢုပ်ႉ​ပိူင်ႇ​ၵူၼ်း​တင်း​လၢႆ​ၼၼ်ႉ ပွႆႇ​ၸႂ်ႉ​လႄႈ​ၼုၵ်ႈ​ဢဝ်​မၼ်း​သေ​လႄႈ ပၼ်​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="21">မၼ်း​ၸဝ်ႈ ဢဝ်​မၼ်း​ၶၢၼ်း​ဝႆႉ​ၼႂ်း​ဢရႃႇ​ၸဝ်ႈ​ဢၼ် ဢုပ်ႉ​ပိူင်ႇ​ႁေႃ​ၶမ်း​မၼ်း​ၸဝ်ႈ၊ ၸဝ်ႈ​ဢၼ်​ဢုပ်ႉ​ပိူင်ႇ​ဢုၵ်ႉ​ၸႃႇ​ၸေး​ၸိမ်ႇ​မၼ်း​ၸဝ်ႈ တင်း​သဵင်ႈ​တင်း​လူင်၊-</verse>
				<verse number="22">ႁႂ်ႈ​လႆႈ​မီး​ဢၶႂၢင်ႉ​ဢၼ် ပိူင်ႇ​မတ်ႉ​ၽုၵ်ႇ​ၶုၼ်​ဢရႃႇသီႉ​မၼ်း​ၸဝ်ႈ​တင်း​လၢႆ ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​မၼ်း​မီး​ၼၼ်ႉ​လႄႈ သင်ႇ​သွၼ်​သုင်း​မႃႉ​ပၼ်​ပိင်ႇ​ၺႃႇ​တီႈ​မူး​မၢတ်ႈ​ၽွင်း​မိူင်း​မၼ်း​ၸဝ်ႈ​တင်း​လၢႆ​ၼၼ်ႉ​ဢေႃႈ။</verse>
				<verse number="23">ဢီႉသရေႇလႃႉ ႁွတ်ႈ​ထိုင်​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ယႃႇၵုပ်ႈ ​ပဵၼ်​ၶႅၵ်ႇ​ယူႇ​ၵႃႈ​ၼႂ်း​တီႈ​ဢၼ်​မဵဝ်း​ ႁႃႇမႃႉ ​ယူႇ​ၼၼ်ႉ​ဢေႃႈ။-</verse>
				<verse number="24">မၼ်း​ၸဝ်ႈ​ႁႂ်ႈ​ၵူၼ်း​မၼ်း​ၸဝ်ႈ ယႂ်ႇ​ၽႄႈ​ၼမ်​ၵိုၼ်း​မႃး​လႄႈ ႁႂ်ႈ​ၶဝ်​ႁႅင်း​ယႂ်ႇ​ၼႃႇ​သေ​ရၢၼ်ႇ​သူႇ​ၶဝ်​ဢေႃႈ။-</verse>
				<verse number="25">မၼ်း​ၸဝ်ႈ​ႁႂ်ႈ​ႁူဝ်​ၸႂ်​ၶဝ်​ၼၼ်ႉ​ၶၢႆႉ​ပုတ်ႈ​ၵႂႃႇ ႁႂ်ႈ​ၶဝ်​လႆႈ​ၸင်း​ၵူၼ်း​မၼ်း​ၸဝ်ႈ​တင်း​လၢႆ​လႄႈ ႁဵတ်း​ပရီႉယႄႇ​တီႈ​ၶႃႈ​မၼ်း​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="26">လႆႈ​သမ်ႉ မၼ်း​ၸဝ်ႈ​ပွႆႇ​ၸႂ်ႉ​ၶႃႈ​မၼ်း​ၸဝ်ႈ မူဝ်းသေႇ ဢိၵ်ႇ​တင်း​ ဢႃႇရုၼ်ႇ ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ​ဢေႃႈ။-</verse>
				<verse number="27">သွင်​ၶႃ​ၼႄ​ပျႃး​လၢၵ်ႈၶၼႃႇ​သၢၵ်ႈ​သေႇ​မၼ်း​ၸဝ်ႈ​တင်း​လၢႆ ၵႃႈ​ၼႂ်း​ၶဝ်​ၼၼ်ႉ​လႄႈ ႁဵတ်း​လွင်ႈ​ဢၼ်​လီ​ဢၢမ်း​မၼ်း​ၸဝ်ႈ​တင်း​လၢႆ ၵႃႈ​ၼႂ်း​တီႈ​ဢၼ်​မဵဝ်း​ ႁႃႇမႃႉ ​ယူႇ​ၼၼ်ႉ​ဢေႃႈ။-</verse>
				<verse number="28">မၼ်း​ၸဝ်ႈ​ပွႆႇ​ၸႂ်ႉ​ဢၼ်​လပ်း​သိင်ႇ​လႄႈ ႁႂ်ႈ​လပ်း​သိင်ႇ​ဢေႃႈ။ ၶဝ်​ဢမ်ႇ​ႁဵတ်း​ၶတ်း​ၵၼ်​တင်း ၼုၵ်ႈၵပၢတ်ႈ​မၼ်း​ၸဝ်ႈ။-</verse>
				<verse number="29">မၼ်း​ၸဝ်ႈ​ႁႂ်ႈ​ၼမ်ႉ​ၶဝ် ပဵၼ်​လိူတ်ႈ​ၵႂႃႇ​လႄႈ ႁႂ်ႈ​ပႃ​ၶဝ်​တင်း​လၢႆ​တၢႆ​ဢေႃႈ။-</verse>
				<verse number="30">ၼႃႈ​လိၼ်​ၶဝ် မီး​တၢင်း​ဢၼ်​သတ်ႉ​တဵမ်​ဝႆႉ​တင်း​ၶဵတ်ႇ​ၼမ်​ၼႃႇ​လႄႈ တေႃႈ​ၵႃႈ ၵႃႈ​ၼႂ်း​လုၵ်း​တီႈ​ဢၼ်​ၶုၼ်​ၶဝ်​ၼွၼ်း​ၸိူဝ်း​ၼၼ်ႉ ယင်း​မီး​ဢေႃႈ။-</verse>
				<verse number="31">ဢမိင်ႉ​မၼ်း​ၸဝ်ႈ​မီး​လႄႈ လိူၵ်ႇ​လႂ် ဢိၵ်ႇ​တင်း​ႁိၼ်ႉ​လႂ် ၸွတ်ႇ​တူဝ်ႈ​ၵႂႃႇ​ၵႃႈ​ၼႂ်း​ၼမ်ႉ​ၶဝ်​လိၼ်​ၶဝ်​ဢေႃႈ။-</verse>
				<verse number="32">မၼ်း​ၸဝ်ႈ​ပၼ်​မၢၵ်ႇ​ႁဵပ်း ပုၼ်ႈ​ၼမ်ႉ​ၽူၼ် ဢိၵ်ႇ​တင်း​ပဵဝ်​ၽႆး ၵႃႈ​ၼိူဝ်​ၼႃႈ​လိၼ်​ၶဝ်​ဢေႃႈ။-</verse>
				<verse number="33">မၼ်း​ၸဝ်ႈ​တိူဝ်ႉ​ထုၵ်ႇ​သႂ်ႇ​တူၼ်ႈ​ၶိူဝ်း​မၢၵ်ႇ​ၸပိတ်ႈ​ၶဝ်​လႂ် ဢိၵ်ႇ​တင်း​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ၶဝ်​လႂ်​လႄႈ ႁၵ်း​တူၼ်ႈ​မႆႉ​ၶဝ် ဢၼ်​မီး​ၵႃႈ​ၼႂ်း​ၼမ်ႉ​ၶဝ်​လိၼ်​ၶဝ်​ၼၼ်ႉ​ပႅတ်ႈ​ဢေႃႈ။-</verse>
				<verse number="34">ဢမိင်ႉ​မၼ်း​ၸဝ်ႈ​မီး​လႄႈ၊ မႅင်း​ၵႅင်း ဢရႃႇၽႃႉ ဢိၵ်ႇ​တင်း​မႅင်း​ၵႅင်း ယႃႇလိၵ်ႉ တင်း​လၢႆ ဢွၼ်​ၵၼ်​မႃး​ထၼ်ႈ​ပေႃး ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​လႄႈ၊-</verse>
				<verse number="35">ၶူပ်း​ၵိၼ်​ၽၵ်း​ယိူဝ်ႈ​ၽၵ်း​ၶဵဝ်​ၵႃႈ​ဢၼ်​မီး​ၼႂ်း​မိူင်း​ၶဝ် ဢိၵ်ႇ​တင်း​မၢၵ်ႇ​ႁူင်း​ၶွၼ်ႇ​ၼမ်ႉ​မၼ်း​လိၼ်​ၶဝ်​ဢေႃႈ။-</verse>
				<verse number="36">မၼ်း​ၸဝ်ႈ​ပၼ်​တၢမ်ႇ​တီႈ​လုၵ်ႈ​ၸၢႆး​တူၼ်ႈ တင်း​သဵင်ႈ​တင်း​လူင် ၵႃႈ​ၼႂ်း​မိူင်း​ၶဝ် ဢၼ်​ဝႃႈ​ၵေႃႇၸႃႉ​ႁူဝ်​ပိုင်း​ဢဵၼ်​ႁႅင်း​ၶဝ်​ၼၼ်ႉ​ဢေႃႈ။</verse>
				<verse number="37">မၼ်း​ၸဝ်ႈ​ဢဝ်​ၶဝ်​ၼၼ်ႉ ပႃး​ဢဝ်​ငိုၼ်း​ဢဝ်​ၶမ်း​သေ​လႄႈ ဢွၵ်ႇ​ၵႂႃႇ​လႄႈ ၵႃႈ​ၼႂ်း​မဵဝ်း​ၶဝ်​ၵူႈ​မဵဝ်း​ၼၼ်ႉ ဢမ်ႇ​မီး​ၵေႃႉ​ဢၼ်​ၶီႈ​လိုတ်း​လႄႈ​လူမ်ႉ သေ​ၵေႃႉ​သေ​ၵူၼ်း။-</verse>
				<verse number="38">မိူင်း​ ဢေႇၵိပ်ႉတူႉ မီး​တၢင်း​ဢၼ်​ၸူမ်း​သိူဝ်း ၼႂ်း​မိူဝ်ႈ​ဢၼ်​ၶဝ်​ဢွၵ်ႇ​ၵႂႃႇ​ၼၼ်ႉ​ဢေႃႈ။-</verse>
				<verse number="39">လွင်ႈ​မၼ်း​ၸမ်ႉ တၢင်း​ဢၼ်​ၵူဝ်​ဢၼ်​ႁႄ​ၶဝ်​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​ၶဝ်​ဢေႃႈ။ မၼ်း​ၸဝ်ႈ​ၵီႈ​ၽႃႈ​ၽူၼ်​မုင်း​သႂ်ႇ​ၵႃႈ​ၼိူဝ်​ၶဝ်​လႄႈ ပၼ်​ၽႆး​ပုၼ်ႈ​ဢၼ်​တၵ်း​လႅင်း ၶိင်ႇ​ၵၢင်​ၶိုၼ်း​ၼၼ်ႉ​တီႈ​ၶဝ်​ဢေႃႈ။-</verse>
				<verse number="40">မိူဝ်ႈ​ဢၼ်​ၶဝ်​ယွၼ်း​ဢဝ်​ၼၼ်ႉ​ၸိုင် မၼ်း​ၸဝ်ႈ​ဢဝ်​ၼူၵ်ႉ​ၶုမ်ႈ​တင်း​လၢႆ​မႃး​လႄႈ ဢဝ်​တင်း​ၶဝ်ႈ​မုၼ်း​ၵၢင်​ႁၢဝ်​ပၼ် ႁႂ်ႈ​ၶဝ်​ဢိမ်ႇ​ၸႂ်​တဵမ်​ၸႂ်​ဢေႃႈ။-</verse>
				<verse number="41">မၼ်း​ၸဝ်ႈ​ၽုၺ်ႇ​မၢၵ်ႇ​ႁိၼ်​လႄႈ ၼမ်ႉ​ၽုတ်း​ဢွၵ်ႇ​မႃး​သေ​လႄႈ လႆ​ၵႂႃႇ​ၵႃႈ​ၼႂ်း​တီႈ​ဢၼ်​ႁႅင်ႈ​ဢၼ်​ႁွင်​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ၼမ်ႉ​ႁွင်ႈ​ၼမ်ႉ​ၵႄး​ဢေႃႈ။-</verse>
				<verse number="42">လွင်ႈ​မၼ်း​ၸမ်ႉ မၼ်း​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵတီႉ​မၼ်း​ၸဝ်ႈ​ဢၼ်​မူတ်း​ၸၢင်ႇ ဢိၵ်ႇ​တင်း ၶႃႈ​မၼ်း​ၸဝ်ႈ​ ဢႃႇပြႃႇႁၢမ်ႇ ​ဢေႃႈ။-</verse>
				<verse number="43">မၼ်း​ၸဝ်ႈ​ဢဝ်​တၢင်း​ဢၼ်​သိူဝ်း​ပျေႃႇ၊ ဢဝ်​ၵူၼ်း​မၼ်း​ၸဝ်ႈ​တင်း​လၢႆ​ဢွၵ်ႇ​မႃး​လႄႈ ဢဝ်​တၢင်း​ဢၼ်​ႁွင်ႉ​သႅၼ်ႇ​ဢၼ်​သႂၢင်ႇ​ဢၼ်​သိူဝ်း၊ ဢဝ်​ၶဝ်​ၸိူဝ်း​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ ဢွၵ်ႇ​မႃး​ဢေႃႈ။-</verse>
				<verse number="44">မၼ်း​ၸဝ်ႈ​ဢဝ်​ၼမ်ႉ​ဢဝ်​လိၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ပၼ်​တီႈ​ၶဝ်​လႄႈ ၶဝ်​လႆႈ​ၶဝ်ႈ​ၵိၼ်​တၢင်း​ႁဵတ်း​တၢင်း​သၢင်ႈ​မဵဝ်း​ၵူၼ်း​တင်း​လၢႆ၊-</verse>
				<verse number="45">ႁႂ်ႈ​ၶဝ်​လႆႈ​ပႂ်ႉ​ၵမ်​ပႂ်ႉ​ၸွမ်း​ထုင်း​ၽိင်ႈ​တြႃး​မၼ်း​ၸဝ်ႈ​တင်း​လၢႆ​လႄႈ ၵမ်​ၵျၢင်ႉ​ပိင်း​ၺၢပ်ႈ​တြႃး​မၼ်း​ၸဝ်ႈ​ဢေႃႈ။ ႁႃႇလေႇလူႉယႃႇ။</verse>
			</chapter>
			<chapter number="106">
				<verse number="1">ႁႃႇလေႇလူႉယႃႇ။ ဢွၼ်​ၵၼ်​ယွင်ႈ​ယေႃး​မုၼ်​ၵျေး​ၸူး​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ပဵၼ်​ဢၼ်​လီ​မျၢတ်ႈ​လႄႈ ၵရူႉၼႃႇ​မၼ်း​ၸဝ်ႈ​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​တႃႉ။-</verse>
				<verse number="2">ၽူႈ​လႂ်​တၵ်း​ဢဝ်​လွင်ႈ​တၢင်း​ဢၼ် ထႃႇဝရႃႉ​ၽြႃး ဢဝ်​တၼ်း​ၶူဝ်း​ဢၼ်​ယႂ်ႇ​ၼႃႇ​ႁဵတ်း​ဝႆႉ​ၸိူဝ်း​ၼၼ်ႉ​မွၵ်ႇ​လၢတ်ႈ​လႆႈ။-</verse>
				<verse number="3">ၽူႈ​လႂ်​တၵ်း​ဢဝ်​ၵုင်ႇ​ၵျေး​ၸူး​မၼ်း​ၸဝ်ႈ​တင်း​သဵင်ႈ​တင်း​မူတ်း ၽုၺ်ႇ​ဢွၵ်ႇ​ၼႄ​ပျႃး​လႆႈ။ ၶဝ်​ၸိူဝ်း​ဢၼ်​ပႂ်ႉ​ၸွမ်း​တၢင်း​ဢၼ် ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ ႁဵတ်း​ၸွမ်း​တၢင်း​ဢၼ်​သိုဝ်ႈ​တေႃႇ​ယူႇ​ၵူႈ​ပွၵ်ႈ​ၼၼ်ႉ မီး​မင်ႇၵလႃႇ​ဢေႃႈ။</verse>
				<verse number="4">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဝ်​ၸေႇတၼႃႇ ဢၼ်​ၵူၼ်း​ၸဝ်ႈ​ႁဝ်း​လႂ်​လႆႈ​ၶၢမ်ႇ​ၼၼ်ႉ​သေ​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ​လႄႈ ၶႅၼ်း​တေႃႈ​ဢဝ်​တၢင်း​ဢၼ်​ၸဝ်ႈ​ႁဝ်း ၵႄႇ​သႄႇ​ၶျွတ်ႈ​ဢဝ်​ၼၼ်ႉ​သေ​လႄႈ မႃး​လူ​မႃး​တူၺ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="5">ႁႂ်ႈ​ၶႃႈ​ၸဝ်ႈ​လႆႈ​ႁၼ်​တၢင်း​လီ​ၶဝ်​ၸိူဝ်း​ဢၼ်​ၸဝ်ႈ​ႁဝ်း​လိူၵ်ႈ​ၵဵပ်း​ဢဝ်​ၼၼ်ႉ ဢိၵ်ႇ​တင်း​ႁႂ်ႈ​ၶႃႈ​ၸဝ်ႈ​လႆႈ​ၸူမ်း​သိူဝ်း​ယူႇ​ၵႃႈ​ၼႂ်း​တၢင်း​ဢၼ်​ၵူၼ်း​ၸဝ်ႈ​ႁဝ်း​တင်း​လၢႆ ၸူမ်း​သိူဝ်း​ၼၼ်ႉ ဢိၵ်ႇ​တင်း​ႁႂ်ႈ​ၶႃႈ​ၸဝ်ႈ​လႆႈ​ဢုပ်ႇ​ဝၢဝ်း​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် ပဵၼ်​ဢမူၺ်ႇ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="6">ၶႃႈ​ၸဝ်ႈ​ႁဝ်း​ၶဝ်​ၽိတ်း​ပိူင်ႈ မိူၼ်​ၸိူဝ်ႉ​ၼင်ႇ​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ႁဝ်း​ၶဝ်​ႁဵတ်း​တူႉ​ၸရိူၵ်ႈ​လႄႈ ႁဵတ်း​လွင်ႈ​တၢင်း​ဢၼ်​ဢမ်ႇ​တြႃး​တီႈ​ၶႃႈ​ယဝ်ႉ။-</verse>
				<verse number="7">ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ ဢမ်ႇ​ႁူႉ​ဢမ်ႇ​ၸႅင်ႈ​လွင်ႈ​တၢင်း​ဢၼ်​လီ​ဢၢမ်း ဢၼ်​ၸဝ်ႈ​ႁဝ်း​ႁဵတ်း​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၸိူဝ်း​ၼၼ်ႉ။ ၶဝ်​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵရူႉၼႃႇ​ၸဝ်ႈ​ႁဝ်း ဢၼ်​ၼမ်​ၼႃႇ​ၼၼ်ႉ​လႄႈ ဢွၼ်​ၵၼ်​ပုင်ႇ​ၵၢၼ်ႇ​ၵႃႈ​တီႈ​ႁိမ်း​ပၢင်ႇ​လၢႆႇ၊ ႁိမ်း​ပၢင်ႇ​လၢႆႇ​ ဢေႇတုမ်ႇ ​ၼၼ်ႉ​ၵမ်း​လဵဝ်​တီႈ​ၶႃႈ​ဢေႃႈ။-</verse>
				<verse number="8">ၵူၺ်း​ၵႃႈ မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၶဝ် ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ ႁႂ်ႈ​မႁႃႇ​တၼ်း​ၶူဝ်း​မၼ်း​ၸဝ်ႈ​လႆႈ​ထၢင်ႇ​သႃး​ဢေႃႈ။-</verse>
				<verse number="9">မၼ်း​ၸဝ်ႈ​သင်ႇ​သွၼ်​သုင်း​မႃႉ​ပၢင်ႇ​လၢႆႇ​ ဢေႇတုမ်ႇ ​ၼၼ်ႉ​လႄႈ၊ မၼ်း​ၼၼ်ႉ​ယူတ်း​ႁႅင်ႈ​ၵႂႃႇ​ဢေႃႈ။ မၼ်း​ၸဝ်ႈ​ဢဝ်​ၶဝ်​သူင်ႇ ၵႃႈ​ၼႂ်း​တီႈ​ဢၼ်​လိုၵ်ႉ​ဢၼ်​လမ်ႇ​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​ဢဝ်​သူင်ႇ ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၼၼ်ႉ​ဢေႃႈ။-</verse>
				<verse number="10">မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၶဝ် သေ​ၵႃႈ​ၼႂ်း​မိုဝ်း​ၵေႃႉ​ဢၼ်​ၸင်း​ၶဝ်​ၼၼ်ႉ​လႄႈ ထုတ်ႇ​ၼုၵ်ႈ​ဢဝ်​ၶဝ်​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ဢေႃႈ။-</verse>
				<verse number="11">ၼမ်ႉ​ၼၼ်ႉ​ထူမ်ႈ​ႁူမ်ႇ​ရၢၼ်ႇ​သူႇ​ၶဝ်​တင်း​လၢႆ​ပႅတ်ႈ​လႄႈ ဢမ်ႇ​ၵိုတ်း​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း။-</verse>
				<verse number="12">မိူဝ်ႈ​ၼၼ်ႉ ၶဝ်​ယုမ်ႇ​မၢတ်ႈ​ၵႂၢမ်း​မၼ်း​ၸဝ်ႈ​လႄႈ ဢွၼ်​ၵၼ်​ႁဵတ်း​ၵႂၢမ်း​ယွင်ႈ​ယေႃး​ၵျေး​ၸူး​မၼ်း​ၸဝ်ႈ​ဢေႃႈ။</verse>
				<verse number="13">ၼႂ်း​ဝႃႈ​ၼၼ်​သေ​ၵေႃႈ ၶဝ်​လူင်​လိုမ်း​လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​ဝႆႉ​ၸိူဝ်း​ၼၼ်ႉ​ပႅတ်ႈ ၶၼ်​ၶၼ်​ၸဵဝ်း​ၸဵဝ်း​လႄႈ၊ ဢမ်ႇ​ၵိုတ်း​ထႃႈ​ပႂ်ႉ​ထႃႈ တၢင်း​ၵျၢမ်ႇ​တၢင်း​ပွင်​မၼ်း​ၸဝ်ႈ။-</verse>
				<verse number="14">ၶဝ်​မီး​တၢင်း​ဢၼ်​ၸႂ်​ၸပ်း​ၸႂ်​ၸွႆး​ၼႃႇ​လူင်​လၢင်​ၵႃႈ​ၼႂ်း​ထိူၼ်ႇ​ၼၼ်ႉ​လႄႈ ၸၢမ်း​တူၺ်း​ၽြႃး​ပဵၼ်​ၸဝ်ႈ ၵႃႈ​ၼႂ်း​တီႈ​ဢၼ်​သဵတ်ႇ​ၵူၼ်း​ငႅဝ်​ၵူၼ်း​ၼၼ်ႉ​ဢေႃႈ။-</verse>
				<verse number="15">မၼ်း​ၸဝ်ႈ​ပၼ်​သူႉ​ၵျေး​ၸူး​ဢၼ်​ၶဝ်​ယွၼ်း​ဢဝ်​ၼၼ်ႉ​ဢေႃႈ။ ၵူၺ်း​ၵႃႈ မၼ်း​ၸဝ်ႈ​ဢဝ်​တၢင်း​ဢၼ်​ယွမ်​ဢၼ်​ႁဵဝ်ႇ​သႂၢင်း​သႂ်ႇ​ပၼ်​ၵႃႈ​ၼႂ်း​ႁူဝ်​ၸႂ်​ၶဝ်​ဢေႃႈ။</verse>
				<verse number="16">ၶဝ်​ဢွၼ်​ၵၼ်​သီႈ​ၵေႉ​ႁေႈ​တႃ​ မူဝ်းသေႇ ၵႃႈ​ၼႂ်း​တပ်ႉ ဢိၵ်ႇ​တင်း​ ဢႃႇရုၼ်ႇ ဢၼ်​ပဵၼ်​ၵေႃႉ​ဢၼ်​မူတ်း​ၸၢင်ႇ​ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="17">လိၼ်​မိူင်း​တႅၵ်ႇ​ဢႃႈ​သေ​လႄႈ ဢိုၼ်​ တႃႇသၼ်ႇ ​ပႅတ်ႈ​လႄႈ ႁူမ်ႇ​သုမ်ႇ​ၶဝ်​ၸိူဝ်း​ဢၼ်​ၶဝ်ႈ​ပႃး​ၼႂ်း​မုၵ်ႉ​ၼႂ်း​ၸိူဝ်း ဢၽီႉရမ်ႇ ​ၼၼ်ႉ​ဢေႃႈ။-</verse>
				<verse number="18">ၽႆး​တူၵ်း​ၵႃႈ​ၼႂ်း​မုၵ်ႉ​ၼႂ်း​ၸိူဝ်း​ၶဝ်​လႄႈ ပဵဝ်​ၽႆး​ႁုပ်ႇ​မႆႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ဢေႃႈ။</verse>
				<verse number="19">ၶဝ်​ႁဵတ်း​ဝူဝ်း​ဢွၼ်ႇ​ၵႃႈ​တီႈ​လွႆ​ ႁေႃးရပ်ႉ ​လႄႈ​ၵူဝ်း​ၵႂၢႆႇ​ရုၵ်ႈ​ထူႉ​ဢၼ်​လေႃႇ​ႁဵတ်း​ၼၼ်ႉ​ဢေႃႈ။-</verse>
				<verse number="20">ၶဝ်​ဢဝ်​မုၼ်​ၽုင်း​ၶဝ်​လႅၵ်ႈ​လၢႆႈ​ဢဝ်​ပုင်ႇ​ႁၢင်ႈ​ဝူဝ်း​ဢၼ်​ၵိၼ်​ယိူဝ်ႈ​ၵိၼ်​ယႃႈ​ၼၼ်ႉ​ဢေႃႈ။-</verse>
				<verse number="21">ၶဝ်​လူင်​လိုမ်း​ပႅတ်ႈ​ၽြႃး​ပဵၼ်​ၸဝ်ႈ ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၶဝ်​လႄႈ ႁဵတ်း​လွင်ႈ​တၢင်း​ဢၼ်​ယႂ်ႇ​ၼႃႇ​တင်း​လၢႆ ၵႃႈ​ၼႂ်း​မိူင်း​ ဢေႇၵိပ်ႉတူႉ ၊-</verse>
				<verse number="22">လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ၵႃႈ​ၼႂ်း​တီႈ​ဢၼ်​မဵဝ်း​ ႁႃႇမႃႉ ယူႇ တင်း​လွင်ႈ​တၢင်း​ဢၼ်​လီ​ၵူဝ်​လီ​ႁႄ​တင်း​လၢႆ ၵႃႈ​တီႈ​ႁိမ်း​ပၢင်ႇ​လၢႆႇ​ ဢေႇတုမ်ႇ ​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="23">မိူဝ်ႈ​ၼၼ်ႉ သင်​ မူဝ်းသေႇ ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ ဢမ်ႇ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ ၵႃႈ​ၼႂ်း​ဢၼ်​ယႃႉ​ပႅတ်ႈ​ၼၼ်ႉ ႁႂ်ႈ​မၼ်း​ၸဝ်ႈ​လႆႈ​ဝၢႆႇ​ၼႃႈ​ပႅတ်ႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​သေ​လႄႈ ဢမ်ႇ​ယႃႉ​ၶဝ်​ပႅတ်ႈ​ၼၼ်ႉ​ၸိုင်၊ မၼ်း​ၸဝ်ႈ​မီး​တၢင်း​ၵျၢမ်ႇ​တၢင်း​ပွင် တၵ်း​ယႃႉ​ၶဝ်​ပႅတ်ႈ​ဢေႃႈ။</verse>
				<verse number="24">ၶဝ်​ဢွၼ်​ၵၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​မိူင်း​ဢၼ်​သႃႇ​ယႃႇ​လီ​ငၢမ်း​ၼၼ်ႉ​လႄႈ ဢမ်ႇ​ယုမ်ႇ​မၢတ်ႈ​ၵႂၢမ်း​မၼ်း​ၸဝ်ႈ။-</verse>
				<verse number="25">ၶဝ်​ဢွၼ်​ၵၼ်​ပွင်ႉ​ၶၢင်း​ပွင်ႉ​မိူၼ်ႇ​ယူႇ ၵႃႈ​ၼႂ်း​မူဝ်းၵႃႇ​ၶဝ်​တင်း​လၢႆ​လႄႈ ယင်း​ဢမ်ႇ​ထွမ်ႇ​ဢဝ်​ၼုၵ်ႈၵပၢတ်ႈ​ထႃႇဝရႃႉ​ၽြႃး​လႄႈ​ယူႇ​ဢေႃႈ။</verse>
				<verse number="26">မိူဝ်ႈ​ၼၼ်ႉ​မၼ်း​ၸဝ်ႈ​ယုၵ်ႉ​မိုဝ်း​မၼ်း​ၸဝ်ႈ ယူႇ​ၽၢႆႇ​ၼိုင်ႈ​တင်း​ၶဝ် ႁႂ်ႈ​လႆႈ​ဢဝ်​ၶဝ်​လူမ်ႉ​ပႅတ်ႈ​ၵႃႈ​ၼႂ်း​ထိူၼ်ႇ၊-</verse>
				<verse number="27">ဢိၵ်ႇ​တင်း​ႁႂ်ႈ​လႆႈ​ဢဝ်​မဵဝ်း​ၸိူဝ်ႉ​ၶိူဝ်း​ၶဝ် လူမ်ႉ​ပႅတ်ႈ​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ ဢဝ်​ၶဝ်​ၸၢတ်ႇ​ပိုၼ်​ပႅတ်ႈ ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း​ဢေႃႈ။</verse>
				<verse number="28">ၶဝ်​ဢွၼ်​ၵၼ်​ၸပ်း​ၸွမ်း​ၽြႃး ပႃႇလႃႉပေႇဢူႉရႃႉ ​လႄႈ ၵိၼ်​တူဝ်​ယိတ်ႈ ဢၼ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ လွင်ႈ​တၢင်း​ဢၼ်​လႆႈ​တၢႆ​ၼၼ်ႉ​ဢေႃႈ။-</verse>
				<verse number="29">ၼင်ႇ​ၼၼ်​လႄႈ ၶဝ်​ဢဝ်​လွင်ႈ​တၢင်း​ဢၼ်​ၶဝ်​ႁဵတ်း​ၸိူဝ်း​ၼၼ်ႉ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​လႄႈ၊ ၵႃႇလႃႉ​ႁႃႈ​လႅင်​မိူင်း​ႁိမ်​ႁူင်ႇ​ဢဝ်​ၶဝ်​ဢေႃႈ။</verse>
				<verse number="30">မိူဝ်ႈ​ၼၼ်ႉ ၽီႉၼႁတ်ႉ လုၵ်ႉ​သေ​လႄႈ ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ၊ ၵႃႇလႃႉ​ႁႃႈ​လႅင်​မိူင်း​ၼၼ်ႉ​ထၢတ်ႇ​ၵႂႃႇ​ယဵၼ်​ၵႂႃႇ​ဢေႃႈ။-</verse>
				<verse number="31">လွင်ႈ​တၢင်း​ၼၼ်ႉ​ၸိုင်၊ လႆႈ​မၢတ်ႈ​ပဵၼ်​ၸိူဝ်ႉ​ၼင်ႇ​တၢင်း​ဢၼ်​သိုဝ်ႈ​တေႃႇ​တီႈ​မၼ်း​ၼၼ်ႉ ယူႇ​ၵူႈ​ၸူဝ်ႈ​ၵူႈ​ပၢၼ်​သိုပ်ႇ​သိုပ်ႇ​တၢမ်း​တၢမ်း တႃႇ​သေႇ​ဢမ်ႇ​ထၢတ်ႇ​ဢေႃႈ။</verse>
				<verse number="32">ၶဝ်​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ၵႃႈ​တီႈ​ႁိမ်း​ၼမ်ႉ​ မေႇရီႇၽႃႉ ​ၼၼ်ႉ ထၼ်ႈ​ပေႃး​ႁႂ်ႈ​ဢႃႉ​မင်ႇၵလႃႇ​ပဵၼ်​မႃး​တီႈ​ မူဝ်းသေႇ ၵွပ်ႈ​ပိူဝ်ႈ​ၶဝ်​ၼၼ်ႉ​ဢေႃႈ။-</verse>
				<verse number="33">ပိူဝ်ႈ​ဢၼ်​ၶဝ်​ယႃႉ​ယူၵ်ႉ​ဝီႉၺိၺ်ႇ​မၼ်း​ၸဝ်ႈ​လႄႈ၊ မၼ်း​ဢမ်ႇ​ပေႃး​ပႃး​ၸႂ်​လူင်​လၢင် လႆႈ​ဝႃႈ​ဢွၵ်ႇ​သူပ်း​ၵႂႃႇ​ဢေႃႈ။</verse>
				<verse number="34">ၶဝ်​ယင်း​ဢမ်ႇ​ယႃႉ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ​ပႅတ်ႈ ၸွမ်း​ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​မီး​ဢမိင်ႉ​ၼၼ်ႉ​လႄႈ​ယူႇ​ဢေႃႈ။-</verse>
				<verse number="35">ၶဝ်​လေႃး​လႄး​လူၺ်ႈ​ၵၼ်​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ယူႇ​သေ​လႄႈ ဢွၼ်​ၵၼ်​သွၼ်​ဢဝ်​ၽႃႇသႃႇ​ထုင်း​ၽိင်ႈ​ၶဝ်​ၼၼ်ႉ​ဢေႃႈ။-</verse>
				<verse number="36">ၶဝ်​ဢွၼ်​ၵၼ်​ႁဵတ်း​ဝၢတ်ႈ​တီႈ​ရုၵ်ႈ​ထူႉ​ၶဝ်​ၸိူဝ်း​ၼၼ်ႉ​လႄႈ ၸိူဝ်း​ၼၼ်ႉ​ပဵၼ် တူင်ႇ​ႁႅဝ်ႉ​တူင်ႇ​ၶိုမ်း​တီႈ​ၶဝ်​ဢေႃႈ။-</verse>
				<verse number="37">ၶဝ်​ဢွၼ်​ၵၼ်​ဢဝ်​လုၵ်ႈ​ၸၢႆး​ၶဝ်​လုၵ်ႈ​ယိင်း​ၶဝ်​ပုၵ်ႈ​ၸေႃႇ​ယိတ်ႈ တီႈ​ၽီ​ႁၢႆႉ​တင်း​လၢႆ​ဢေႃႈ။-</verse>
				<verse number="38">ၶဝ်​ထွၵ်ႇ​ပႅတ်ႈ​လိူတ်ႈ​ၶဝ်​ၸိူဝ်း​ဢၼ်​ဢမ်ႇ​မီး​ဢပႅတ်ႈ ဢၼ်​ဝႃႈ​လိူတ်ႈ​လုၵ်ႈ​ၸၢႆး​ၶဝ်​လုၵ်ႈ​ယိင်း​ၶဝ် ဢၼ်​ၶဝ်​ဢဝ်​ပုၵ်ႈ​ၸေႃႇ​ယိတ်ႈ တီႈ​ရုၵ်ႈ​ထူႉ​မိူင်း​ ၶႃႇၼၢၼ်ႇ ​ၼၼ်ႉ​လႄႈ၊ မိူင်း​ၼၼ်ႉ​ၵူဝ်ႈ​ၵိူၵ်ႇ​ဝႆႉ​တင်း​လိူတ်ႈ​ဢေႃႈ။-</verse>
				<verse number="39">ၼင်ႇ​ၼၼ်​လႄႈ ၶဝ်​ႁႂ်ႈ​တူဝ်​ၸဝ်ႈ​ၵဝ်ႇ​ၵူဝ်ႈ​ၵိူၵ်ႇ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ၶဝ်​ၼၼ်ႉ​လႄႈ ၽိတ်း​ပိူင်ႈ​ၼႂ်း​လွင်ႈ​တၢင်း​ဢၼ် ၶဝ်​ႁဵတ်း​ၸိူဝ်း​ၼၼ်ႉ​ဢေႃႈ။</verse>
				<verse number="40">ပိူဝ်ႈ​ၼႆ​လႄႈ တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ဢွၵ်ႇ​ၸူး​တီႈ​ၵူၼ်း​မၼ်း​ၸဝ်ႈ​တင်း​လၢႆ​လႄႈ မၼ်း​ၸဝ်ႈ​လီ​ႁင်ႈ​ဢဵတ်ႇ​သဵတ်ႇ​ဢမူၺ်ႇ​မၼ်း​ၸဝ်ႈ​ဢေႃႈ။-</verse>
				<verse number="41">မၼ်း​ၸဝ်ႈ​ဢဝ်​ၶဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ၊ ၶဝ်​ၸိူဝ်း​ဢၼ်​ၸင်း​ၶဝ်​ၼၼ်ႉ လႆႈ​ဢုပ်ႉ​ပိူင်ႇ​ၶဝ်​ဢေႃႈ။-</verse>
				<verse number="42">ရၢၼ်ႇ​သူႇ​ၶဝ်​ၸိူဝ်း​ၼၼ်ႉ ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​လႄႈ၊ ၶဝ်​လႆႈ​ၶၢမ်ႇ​တၢင်း​ဢၼ်​ၵူမ်ႈ​ၵွမ်း​ယူႇ​ၵႃႈ​တႂ်ႈ​မိုဝ်း​ၶဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="43">ပိၵ်ႉ​သမ်ႉ​မၼ်း​ၸဝ်ႈ​ၵႄႇ​သႄႇ​ၼုၵ်ႈ​ဢဝ်​ၶဝ် ပွၵ်ႈ​ၼမ်​ၼႃႇ​လူင်​လၢင်​သေ​ၵေႃႈ၊ ၶဝ်​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင် ဢၼ်​ပုင်ႇ​ၵၢၼ်ႇ​ၵူၺ်း​လႄႈ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ ၵွပ်ႈ​ပိူဝ်ႈ​ဢပႅတ်ႈ​တူႉ​ၸရိူၵ်ႈ​ၶဝ်​ဢေႃႈ။-</verse>
				<verse number="44">ၵူၺ်း​ၵႃႈ မၼ်း​ၸဝ်ႈ​လူ​တူၺ်း​တုၵ်ႉ​ၶႃႉ​တၢင်း​ၽၢၼ်​ၶဝ်​ယူႇ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ငိၼ်း​သဵင်​တၢင်း​ဢၼ်​ၶဝ်​ႁွင်ႉ​သႅၼ်ႇ​ၼၼ်ႉ​ဢေႃႈ။-</verse>
				<verse number="45">မၼ်း​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ပတီႉၺိၺ်ႇ​မၼ်း​ၸဝ်ႈ​ပုၼ်ႈ​ၶဝ်​လႄႈ မီး​တၢင်း​ဢၼ်​ဢဵတ်း​လူ​ၶဝ် ၸွမ်း​ၵႃႈ​ၼင်ႇ​ဢၼ်​ၵရူႉၼႃႇ​မၼ်း​ၸဝ်ႈ ၼမ်​ၼႃႇ​ၼၼ်ႉ​ဢေႃႈ။-</verse>
				<verse number="46">မၼ်း​ၸဝ်ႈ​ႁဵတ်း​ႁႂ်ႈ​ၶဝ်​ၸိူဝ်း​ဢၼ် သိမ်း​ဢဝ်​ၶဝ်​ၵႂႃႇ​တင်း​သဵင်ႈ​တင်း​လူင်​ၼၼ်ႉ လႆႈ​ဢဵတ်း​လူ​ၶဝ်​ဢေႃႈ။-</verse>
				<verse number="47">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ​ဢိူၺ်း၊ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ်​လႄႈ ၸူႉ​သိမ်း​ၼုၵ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ် ဢွၵ်ႇ​သေ​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ ႁႂ်ႈ​လႆႈ​ႁပ်ႉ​တုင်း​ဢဝ်​လႄႈ​ဝႃႈ၊ ၵျေး​ၸူး​ၼႃႇ​မႃႉ​ၸိုဝ်ႈ​သဵင်​ဢၼ်​မူတ်း​ၸၢင်ႇ​ၸဝ်ႈ​ႁဝ်း​ၼၼ်ႉ ယႂ်ႇ​ၼႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ ဢုပ်ႇ​ဝၢဝ်း​ၸူမ်း​သိူဝ်း​ၵႃႈ​ၼႂ်း​တၢင်း​ဢၼ်​ယွင်ႈ​ယေႃး​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="48">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​မင်ႇၵလႃႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​သေ​ၵမ်း​လူၺ်ႈ။ ႁႂ်ႈ​ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ၊ ဢႃႇမိၼ်ႇ၊ ဝႃႈ​ၼင်ႇ​ၼႆ​သေ​ၵမ်း​လူၺ်ႈ။ ႁႃႇလေႇလူႉယႃႇ။</verse>
			</chapter>
			<chapter number="107">
				<verse number="1">ဢွၼ်​ၵၼ်​ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ပဵၼ်​ဢၼ်​မျၢတ်ႈ​လီ​လႄႈ ၵရူႉၼႃႇ​မၼ်း​ၸဝ်ႈ​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​တႃႉ။-</verse>
				<verse number="2">ႁႂ်ႈ​ၶဝ်​ၸိူဝ်း​ဢၼ် ထႃႇဝရႃႉ​ၽြႃး​ထုတ်ႇ​ၼုၵ်ႈ​ဢဝ်​ဢၼ်​ဝႃႈ ၶဝ်​ၸိူဝ်း​ဢၼ်​မၼ်း​ၸဝ်ႈ​ထုတ်ႇ​ၼုၵ်ႈ​ဢဝ် ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​လႄႈ၊-</verse>
				<verse number="3">ဢဝ်​ၵႃႈ​ၼႂ်း​မိူင်း​တင်း​လၢႆ တၢင်း​ဢွၵ်ႇ တၢင်း​တူၵ်း တၢင်း​ႁွင်ႇ တၢင်း​ၸၢၼ်း​ၸိူဝ်း​ၼၼ်ႉ ၸူႉ​သိမ်း​ဝႆႉ​ၼၼ်ႉ ဢွၼ်​ၵၼ်​ႁပ်ႉ​တုင်း​ဢဝ်​ၸိူဝ်ႉ​ၼင်ႇ​ၼၼ်​သေ​ၵမ်း​လူၺ်ႈ။</verse>
				<verse number="4">ၶဝ်​လႄႇ​ၵႂႃႇ​လႄႇ​မႃး​ၵႃႈ​ၼႂ်း​ထိူၼ်ႇ တီႈ​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ၼၼ်ႉ​လႄႈ၊ ဢမ်ႇ​ထူပ်း​ဢမ်ႇ​ႁၼ်​ဝဵင်း​တီႈ​ဢၼ် ၵူၼ်း​ယူႇ​ၵူၼ်း​သဝ်း။-</verse>
				<verse number="5">ၶဝ်​တွင်ႉ​မႆႈ​သႆႈ​လိူတ်ႇ ယၢၵ်ႇ​ၼမ်ႉ​ယၢၵ်ႇ​ၼၢႆး​လႄႈ ၸႂ်​လူႉ​ဢေႃႈ။-</verse>
				<verse number="6">ၶဝ်​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး ၼႂ်း​မိူဝ်ႈ​ဢၼ်​ၶဝ်​လႆႈ​ၶၢမ်ႇ​တၢင်း​ယၢၵ်ႈ​တၢင်း​ၽၢၼ်​ၼၼ်ႉ​လႄႈ မၼ်း​ၸဝ်ႈ​ၵႄႇ​သႄႇ​ၼုၵ်ႈ​ဢဝ် ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​ၶဝ်​ဢေႃႈ။-</verse>
				<verse number="7">မၼ်း​ၸဝ်ႈ​ဢဝ်​ၶဝ်​သူင်ႇ သဵၼ်ႈ​တၢင်း​ဢၼ်​သိုဝ်ႈ​ဢၼ်​လီ ႁႂ်ႈ​ၶဝ်​လႆႈ​ႁွတ်ႈ​ထိုင်​ၵႃႈ​တီႈ​ဝဵင်း တီႈ​ဢၼ်​ၵူၼ်း​ယူႇ​ၵူၼ်း​သဝ်း​ၼၼ်ႉ​ဢေႃႈ။-</verse>
				<verse number="8">ႁႂ်ႈ​ၵူၼ်း​တင်း​လၢႆ ဢွၼ်​ၵၼ်​ထွၵ်ႈ​လူၺ်ႈ​ၵရူႉၼႃႇ​မၼ်း​ၸဝ်ႈ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း ဢၼ်​မၼ်း​ၸဝ်ႈ​ႁဵတ်း​တီႈ​လုၵ်ႈ​ၵူၼ်း​တင်း​လၢႆ​ၼၼ်ႉ ၸိူဝ်း​ၼၼ်ႉ​သေ​လႄႈ ယွင်ႈ​ယေႃး​ထႃႇဝရႃႉ​ၽြႃး​သေ​ၵမ်း​လူၺ်ႈ။-</verse>
				<verse number="9">လွင်ႈ​မၼ်း​ၸမ်ႉ မၼ်း​ၸဝ်ႈ​ႁႂ်ႈ​ၸႂ်​ဝီႉၺိၺ်ႇ ဢၼ်​မီး​ဢလူဝ်ႇ​ၶႂ်ႈ​လႆႈ​ၼၼ်ႉ ဢိမ်ႇ​ၸႂ်​ၼိမ်​ၸႂ်​လႄႈ ႁႂ်ႈ​ၸႂ်​ဝီႉၺိၺ်ႇ ဢၼ်​ဢိုပ်း​ဢၼ်​ယၢၵ်ႈ​ၼၼ်ႉ ပျေႉ​ၸုမ်ႇ​တဵမ်​ဝႆႉ​တင်း​လွင်ႈ​တၢင်း​ဢၼ်​လီ​ဢၼ်​ငၢမ်း​ဢေႃႈ။</verse>
				<verse number="10">ၶဝ်​လႆႈ​ၼင်ႈ​ယူႇ​ၵႃႈ​ၼႂ်း​လပ်း​သိင်ႇ ဢိၵ်ႇ​တင်း​ငဝ်း​ႁူမ်ႈ​တၢင်း​တၢႆ​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ​ဝႆႉ ၵႃႈ​ၼႂ်း​တုၵ်ႉ​ၶႃႉ​ဢိၵ်ႇ​တင်း ၵႃႈ​ၼႂ်း​ၸိူၵ်ႈ​လဵၵ်း၊-</verse>
				<verse number="11">ၵွပ်ႈ​ပိူဝ်ႈ​ဢၼ်​ၶဝ်​တွပ်ႇ​ထဵင်​ပႅတ်ႈ ဢမိင်ႉ​ၽြႃး​ပဵၼ်​ၸဝ်ႈ​သေ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​တၢင်း​ၵျၢမ်ႇ​တၢင်း​ပွင်​ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ မၼ်း​ၸဝ်ႈ​ဢဝ်​ၵၢၼ်​တၢင်း​ႁဵတ်း​တၢင်း​သၢင်ႈ​ၶျႃး​သႂ်ႇ​ၶဝ် တူၵ်း​တီႈ​တႅမ်ႇ​လႄႈ ၶဝ်​လူမ်ႉ​လႄႈ ဢမ်ႇ​မီး​ၵေႃႉ​ဢၼ်​ထွၵ်ႈ​ဢၼ်​ၵမ်ႉ​လႃး​လႃး။-</verse>
				<verse number="13">ၶဝ်​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး ၼႂ်း​မိူဝ်ႈ​ဢၼ်​ၶဝ်​လႆႈ​ၶၢမ်ႇ​တၢင်း​ယၢၵ်ႈ​တၢင်း​ၽၢၼ်​ၼၼ်ႉ​လႄႈ မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၶဝ် သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​ၶဝ်​ဢေႃႈ။-</verse>
				<verse number="14">မၼ်း​ၸဝ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​လပ်း​သိင်ႇ ဢိၵ်ႇ​တင်း​ငဝ်း​ႁူမ်ႈ​တၢင်း​တၢႆ​လႄႈ ၵႄႈ​လိတ်ႈ​တၢင်း​ဢၼ်​မတ်ႉ​ဢၼ်​ၽုၵ်ႇ​ၶဝ်​ၼၼ်ႉ​ပႅတ်ႈ​ဢေႃႈ။-</verse>
				<verse number="15">ႁႂ်ႈ​ၵူၼ်း​တင်း​လၢႆ​ဢွၼ်​ၵၼ်​ထွၵ်ႈ​လူၺ်ႈ​ၵရူႉၼႃႇ​မၼ်း​ၸဝ်ႈ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း ဢၼ်​မၼ်း​ၸဝ်ႈ​ႁဵတ်း​တီႈ​လုၵ်ႈ​ၵူၼ်း​တင်း​လၢႆ​ၼၼ်ႉ ၸိူဝ်း​ၼၼ်ႉ​သေ​လႄႈ ယွင်ႈ​ယေႃး​ထႃႇဝရႃႉ​ၽြႃး​သေ​ၵမ်း​လူၺ်ႈ။-</verse>
				<verse number="16">လွင်ႈ​မၼ်း​ၸမ်ႉ မၼ်း​ၸဝ်ႈ​ယႃႉ​ႁၵ်း​ၽၵ်း​တူ​တွင်း​လိူင်​တင်း​လၢႆ​ပႅတ်ႈ​လႄႈ၊ တႅပ်း​သႄႈ​လဵၵ်း​တင်း​လၢႆ​ပႅတ်ႈ​ဢေႃႈ။</verse>
				<verse number="17">ၶဝ်​ၸိူဝ်း​ဢၼ်​မီး​ၸႂ်​ဢၼ်​မိူၵ်ႈ​ၼၼ်ႉ လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၵွပ်ႈ​ပိူဝ်ႈ​ဢၼ်​ၶဝ်​ၽိတ်း​တၢင်း​ပိူင်ႈ​တၢင်း​လႄႈ ႁဵတ်း​တူႉ​ၸရိူၵ်ႈ​ၼၼ်ႉ​ဢေႃႈ။-</verse>
				<verse number="18">ၶဝ်​လီ​ႁင်ႈ​ဢဵတ်ႇ​သဵတ်ႇ​တၢင်း​ၵိၼ်​တၢင်း​ၶူပ်း ၵူႈ​ၸိူဝ်ႉ​ၵူႈ​မဵဝ်း​လႄႈ ႁွတ်ႈ​ထိုင်​ၵႃႈ​တီႈ​ဢၼ်​ၸမ်​ႁိမ်း​ၽၵ်း​တူ​တၢင်း​တၢႆ​ဢေႃႈ။-</verse>
				<verse number="19">ၶဝ်​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး ၼႂ်း​မိူဝ်ႈ​ဢၼ်​ၶဝ်​လႆႈ​ၶၢမ်ႇ​တၢင်း​ယၢၵ်ႈ​တၢင်း​ၽၢၼ်​ၼၼ်ႉ​လႄႈ မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၶဝ်​သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​ၶဝ်​ဢေႃႈ။-</verse>
				<verse number="20">မၼ်း​ၸဝ်ႈ​ပွႆႇ​ၸႂ်ႉ ၼုၵ်ႈၵပၢတ်ႈ​မၼ်း​ၸဝ်ႈ ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ထၢတ်ႇ​ယဵၼ်​လႄႈ ၵႄႇ​သႄႇ​ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​ၶုမ်​ၼႂ်း​ႁူး​ဢေႃႈ။-</verse>
				<verse number="21">ႁႂ်ႈ​ၵူၼ်း​တင်း​လၢႆ​ဢွၼ်​ၵၼ်​ထွၵ်ႈ​လူၺ်ႈ​ၵရူႉၼႃႇ​မၼ်း​ၸဝ်ႈ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း ဢၼ်​မၼ်း​ၸဝ်ႈ​ႁဵတ်း​တီႈ​လုၵ်ႈ​ၵူၼ်း​တင်း​လၢႆ​ၼၼ်ႉ ၸိူဝ်း​ၼၼ်ႉ​သေ​လႄႈ ယွင်ႈ​ယေႃး​ထႃႇဝရႃႉ​ၽြႃး​သေ​ၵမ်း​လူၺ်ႈ။-</verse>
				<verse number="22">ႁႂ်ႈ​ၶဝ်​ပုၵ်ႈ​ၸေႃႇ​ယိတ်ႈ ဢၼ်​ႁပ်ႉ​တုင်း​ဢဝ်​ၵျေး​ၸူး​ၸဝ်ႈ​ၼၼ်ႉ​လႄႈ ဢဝ်​တင်း​တၢင်း​ဢၼ်​ႁဵတ်း​ၵႂၢမ်း​ဢၼ်​သႂၢင်ႇ​ဢၼ်​သိူဝ်း ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​ၸိူဝ်း​ၼၼ်ႉ​သေ​ၵမ်း​လူၺ်ႈ။</verse>
				<verse number="23">ၶဝ်​ၸိူဝ်း​ဢၼ် ၶီႇ​ႁိူဝ်း​သၢင်း​ၽေႃး​ၶၢမ်ႈ​ပၢင်ႇ​လၢႆႇ​လႄႈ ႁဵတ်း​ၵၢၼ်​ႁဵတ်း​ငၢၼ်း​ၵႃႈ​ၼိူဝ်​ၼမ်ႉ​ၼၼ်ႉ၊-</verse>
				<verse number="24">လႆႈ​ႁၼ်​လွင်ႈ​တၢင်း​ဢၼ်​ထႃႇဝရႃႉ​ၽြႃး​ႁဵတ်း ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​မၼ်း​ၸဝ်ႈ​တင်း​လၢႆ ၵႃႈ​ၼႂ်း​တီႈ​ဢၼ်​လိုၵ်ႉ​ဢၼ်​လမ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="25">မၼ်း​ၸဝ်ႈ​မီး​ဢမိင်ႉ​လႄႈ​ႁႂ်ႈ​လူမ်း​လူင် ဢၼ်​ႁႂ်ႈ​လႅင်း​ၼမ်ႉ​ပိူပ်ႈ​ၼမ်ႉ​လုၵ်ႉ​ၶိုၼ်ႈ​ၼၼ်ႉ ပတ်ႉ​ၶိုၼ်ႈ​ဢေႃႈ။-</verse>
				<verse number="26">ၶဝ်​ၼၼ်ႉ ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​ယူႇ သမ်ႉ​လူင်း​ၵႃႈ​တႂ်ႈ​တီႈ​ဢၼ်​လိုၵ်ႉ​ဢၼ်​လမ်ႇ​ယူႇ​သေ​လႄႈ၊ ၸႂ်​ၶဝ်​လူႉ​ၵႂႃႇ​ၵွပ်ႈ​ပိူဝ်ႈ​ၽေး​ဢေႃႈ။-</verse>
				<verse number="27">ၶဝ်​ဢိူင်ႇ​ဢၢင်​ၵႂႃႇ​ဢိူင်ႇ​ဢၢင်​ၶိုၼ်း​ယူႇ ဝၢင်ႇ​ဝီႈ​ဝၢင်ႇ​ဝိူဝ်ႈ မိူၼ်​ၸိူဝ်ႉ​ၼင်ႇ​ၵူၼ်း​ဢၼ်​မဝ်း​လဝ်ႈ​ၼၼ်ႉ​ယူႇ​သေ​လႄႈ မီး​တၢင်း​ဢၼ်​ၺၢၼ်ႇ​တိုၼ်ႈ ၸူမ်​ႁၢႆ​ၵႂႃႇ​ဢေႃႈ။-</verse>
				<verse number="28">ၶဝ်​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး ၼႂ်း​မိူဝ်ႈ​ဢၼ်​ၶဝ်​လႆႈ​ၶၢမ်ႇ​တၢင်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​လႄႈ၊ မၼ်း​ၸဝ်ႈ​ႁႂ်ႈ​ၶဝ်​ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​ၶဝ်​ဢေႃႈ။-</verse>
				<verse number="29">မၼ်း​ၸဝ်ႈ​ႁႂ်ႈ​ၽူၼ်​လူင်​လူမ်း​လူင် ပၢင်ႇ​ၸိုၼ်ႈ​ႁၢႆ​ၵႂႃႇ​ထၼ်ႈ​ပေႃး​လႅင်း​ၼမ်ႉ​ပိူပ်ႈ​ၼမ်ႉ​တင်း​လၢႆ ထၢတ်ႇ​ယဵၼ်​ၵႂႃႇ​ဢေႃႈ။-</verse>
				<verse number="30">မိူဝ်ႈ​ၼၼ်ႉ ၶဝ်​ၸူမ်း​သိူဝ်း​ၵွပ်ႈ​ပိူဝ်ႈ​ဢၼ်​ထၢတ်ႇ​ယဵၼ်​ၵႂႃႇ ၸိူဝ်ႉ​ၼင်ႇ​ၼၼ်​ဢေႃႈ။ ၼင်ႇ​ၼၼ်​လႄႈ မၼ်း​ၸဝ်ႈ​ဢဝ်​ၶဝ်​သူင်ႇ​ႁွတ်ႈ​ၵႃႈ​တီႈ​တႃႈ​ႁိူဝ်း​သၢင်း​ၽေႃး တီႈ​ဢၼ်​ၶဝ်​မီး​ဢလူဝ်ႇ​ၼၼ်ႉ​ဢေႃႈ။-</verse>
				<verse number="31">ႁႂ်ႈ​ၵူၼ်း​တင်း​လၢႆ​ဢွၼ်​ၵၼ်​ထွၵ်ႈ​လူၺ်ႈ​ၵရူႉၼႃႇ​မၼ်း​ၸဝ်ႈ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း ဢၼ်​မၼ်း​ၸဝ်ႈ​ႁဵတ်း​တီႈ​လုၵ်ႈ​ၵူၼ်း​တင်း​လၢႆ​ၼၼ်ႉ ၸိူဝ်း​ၼၼ်ႉ​သေ​လႄႈ ယွင်ႈ​ယေႃး​ထႃႇဝရႃႉ​ၽြႃး​သေ​ၵမ်း​လူၺ်ႈ။-</verse>
				<verse number="32">ႁႂ်ႈ​ၶဝ်​ဢွၼ်​ၵၼ်​ယုၵ်ႉ​ယွင်ႈ​မၼ်း​ၸဝ်ႈ ၵႃႈ​ၼႂ်း​ၵၢင်​ပရဵၵ်ႈသၢတ်ႈ​ၵူၼ်း​တင်း​လၢႆ​လႄႈ ယွင်ႈ​ယေႃး​မၼ်း​ၸဝ်ႈ ၵႃႈ​ၼႂ်း​တီႈ​ဢၼ်​ၶဝ်​ၸိူဝ်း​ဢၼ်​ဢသၢၵ်ႈ​ၵႄႇ​ထဝ်ႈ​ၼၼ်ႉ ၸူႉ​ၵၼ်​တုမ်​ၵၼ်​ၼၼ်ႉ​သေ​ၵမ်း​လူၺ်ႈ။</verse>
				<verse number="33">မၼ်း​ၸဝ်ႈ​ႁဵတ်း​ႁႂ်ႈ​ၼမ်ႉ​ႁွင်ႈ​ၼမ်ႉ​ၵႄး ပဵၼ်​ထိူၼ်ႇ​ပဵၼ်​ၶိူဝ်း​ၵႂႃႇ ႁႂ်ႈ​တီႈ​ဢၼ်​ၼမ်ႉ​ဢွၵ်ႇ​ႁူး​တင်း​လၢႆ ပဵၼ်​တီႈ​ဢၼ်​ႁႅင်ႈ​ဢၼ်​ႁွင်</verse>
				<verse number="34">ႁႂ်ႈ​မိူင်း​ဢၼ်​ၶွၼ်ႇ​ၼမ်ႉ​မၼ်း​လိၼ်​လီ​ၼၼ်ႉ ပဵၼ်​လိၼ်​ၵိူဝ်​ၵႂႃႇ ၵွပ်ႈ​ပိူဝ်ႈ​ဢပႅတ်ႈ​ၵူၼ်း​ဝၢၼ်ႈ​ၵူၼ်း​မိူင်း​ၼၼ်ႉ​ဢေႃႈ။-</verse>
				<verse number="35">လႆႈ​သမ်ႉ မၼ်း​ၸဝ်ႈ​ႁဵတ်း​ႁႂ်ႈ​တီႈ​ဢၼ်​ပဵၼ်​ထိူၼ်ႇ​ပဵၼ်​ၶိူဝ်း​ၼၼ်ႉ မီး​တဵမ်​ဝႆႉ​တင်း​ၼမ်ႉ​လႄႈ ႁႂ်ႈ​တီႈ​ဢၼ်​ႁႅင်ႈ​ဢၼ်​ႁွင်​ၼၼ်ႉ ပဵၼ်​တီႈ​ဢၼ်​မီး​ၼမ်ႉ​ဢွၵ်ႇ​ႁူး​ဢေႃႈ။-</verse>
				<verse number="36">မၼ်း​ၸဝ်ႈ​ဢဝ်​ၶဝ်​ၸိူဝ်း​ဢၼ်​ဢိုပ်း​ဢၼ်​ယၢၵ်ႈ​ၼၼ်ႉ ၶျႃး​တီႈ​ယူႇ​ပၼ် ၵႃႈ​တီႈ​ၼၼ်ႈ​လႄႈ၊ ၶဝ်​ၼၼ်ႉ​ဢွၼ်​ၵၼ်​တႄႇ​ႁဵတ်း​ဝဵင်း​ပုၼ်ႈ​ဢၼ်​ၶဝ်​တၵ်း​ယူႇ​ဢေႃႈ။-</verse>
				<verse number="37">ၶဝ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​တီႈ​ႁႆႊ​တီႈ​ၼႃး​ယူႇ၊ ၽုၵ်ႇ​သွမ်ႈ​သူၼ်​ဢူးယဵၼ်ႇ​ၸပိတ်ႈ​ယူႇ​သေ​လႄႈ လႆႈ​သိမ်း​ဢဝ်​မၢၵ်ႇ​လိၼ်​ႁူင်း​လိၼ်​ယူႇ​ဢေႃႈ။-</verse>
				<verse number="38">မၼ်း​ၸဝ်ႈ​ပၼ်​တၢင်း​လီ ႁႂ်ႈ​ၶဝ်​ယႂ်ႇ​ၽႄႈ​တူဝ်း​တွၼ်း​မႃး​ၼႃႇ​လူင်​လၢင်​လႄႈ ဢမ်ႇ​ႁႂ်ႈ​သူဝ်း​ၶဝ်​ဝူဝ်း​ၶဝ် လႆႈ​သုတ်ႈ​လႆႈ​ယွမ်း။-</verse>
				<verse number="39">လႆႈ​သမ်ႉ​ၶဝ်​ၼၼ်ႉ လႆႈ​သုတ်ႈ​ယွမ်း​ၵႂႃႇ​လႄႈ မီး​တၢင်း​ဢၼ်​ၶျႃး​တူၵ်း​တီႈ​တႅမ်ႇ ၵွပ်ႈ​ပိူဝ်ႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး၊ တၢင်း​ဢၼ်​ဢမ်ႇ​တြႃး ဢိၵ်ႇ​တင်း​တၢင်း​ဢၼ်​ၶၢၼ်​ၸႂ်​ၶၢၼ်​ၶေႃး​ၼၼ်ႉ​ဢေႃႈ။-</verse>
				<verse number="40">မၼ်း​ၸဝ်ႈ​ဢဝ်​တၢင်း​ဢၼ်​လီ​ဢူၵ်း​လီ​ဢၢႆ ထွၵ်ႇ​သႂ်ႇ​ၵႃႈ​ၼိူဝ်​လုၵ်ႈ​ၶုၼ်​လုၵ်ႈ​ၵႂၢၼ်​တင်း​လၢႆ​လႄႈ ႁႂ်ႈ​ၶဝ်​လႄႇ​ၵႂႃႇ​လႄႇ​မႃး​ယူႇ​ၵႃႈ​ၼႂ်း​တီႈ​ဢၼ်​ပဝ်ႇ​ဢၼ်​လၢပ်ႈ၊ တီႈ​ဢၼ်​သဵၼ်ႈ​တၢင်း​ဢမ်ႇ​မီး​ၼၼ်ႉ​ဢေႃႈ။-</verse>
				<verse number="41">မၼ်း​ၸဝ်ႈ​ဢဝ်​ၵေႃႉ​ဢၼ်​ၸုတ်ႈ​ဢၼ်​လုတ်ႈ ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​သေ​လႄႈ ယုၵ်ႉ​ဝႆႉ​ၵႃႈ​တီႈ​ဢၼ်​သုင်​လႄႈ ႁႂ်ႈ​ပဵၼ်​ႁိူၼ်း​ပဵၼ်​ယေး​ယႂ်ႇ​ၽႄႈ​တူဝ်း​တွၼ်း​မႃး မိူၼ်​ၸိူဝ်ႉ​ၼင်ႇ​ၽုင်​သူဝ်း​ၼၼ်ႉ​ဢေႃႈ။-</verse>
				<verse number="42">ၶဝ်​ၸိူဝ်း​ဢၼ်​သိုဝ်ႈ​ဢၼ်​ယူဝ်း​ၼၼ်ႉ ႁၼ်​လႄႈ​ၸူမ်း​သိူဝ်း​ဢေႃႈ။ တူႉ​ၸရိူၵ်ႈ​ၵႃႈ​မီး​ၵေႃႈ လႆႈ​ဢိုတ်း​သူပ်း​တူဝ်​ၸဝ်ႈ​ၵဝ်ႇ​ယူႇ​ဢေႃႈ။-</verse>
				<verse number="43">ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ တၵ်း​ပႂ်ႉ​ၸွမ်း​လွင်ႈ​တၢင်း​ၸိူဝ်း​ၼႆႉ​လႄႈ ႁူႉ​ၵျေး​ၸူး​ၵရူႉၼႃႇ​ထႃႇဝရႃႉ​ၽြႃး​ဢေႃႈ။</verse>
			</chapter>
			<chapter number="108">
				<verse number="1">ၽြႃး​ပဵၼ်​ၸဝ်ႈ​တီႈ​ၶႃႈ၊ ႁူဝ်​ၸႂ်​ၶႃႈ​ၸဝ်ႈ​တႄႇ​ယူႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​လႄႈ ပႃး​ဢဝ်​တင်း​မုၼ်​ၽုင်း​ၶႃႈ​ၸဝ်ႈ​သေ​လႄႈ ဢဝ်​တူႇရီႉယႃႇ​ႁဵတ်း​ၵႂၢမ်း​ထေႃးပၼႃႇ​တီႈ​ၶႃႈ​ဢေႃႈ။-</verse>
				<verse number="2">တရေႃး​ဢိၵ်ႇ​တင်း​တိင်ႇ​ၶဝ်​ဢိူၺ်း၊ တိုၼ်ႇ​မႃး​တႃႉ။ ၵဝ်​ၵေႃႈ​တၵ်း​တိုၼ်ႇ​မႃး​ၸဝ်ႉ​ၸဝ်ႉ​ၸဵဝ်း​ၸဵဝ်း​ဢေႃႈ။-</verse>
				<verse number="3">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​တၵ်း​ယွင်ႈ​ယေႃး​ၸဝ်ႈ​ႁဝ်း ၵႃႈ​ၼႂ်း​ၵၢင်​ပရဵၵ်ႈသၢတ်ႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​ထေႃးပၼႃႇ​တီႈ​ၸဝ်ႈ​ႁဝ်း ၵႃႈ​ၼႂ်း​မဵဝ်း​ၵူၼ်း​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ ၵရူႉၼႃႇ​ၸဝ်ႈ​ႁဝ်း​ၶိုတ်း​ထိုင်​ၵၢင်​ႁၢဝ်​လႄႈ သဵတ်ႈ​ၸႃႇ​ၸဝ်ႈ​ႁဝ်း​ၶိုတ်း​ထိုင်​ၽႃႈ​ၽူၼ်​တီႈ​ၶႃႈ​ဢေႃႈ။-</verse>
				<verse number="5">ၽြႃး​ပဵၼ်​ၸဝ်ႈ​တီႈ​ၶႃႈ၊ ႁႂ်ႈ​ၸဝ်ႈ​ႁဝ်း​မီး​တၢင်း​ဢၼ် သုင်​ၼႃႇ​သေ​ၵၢင်​ႁၢဝ်​သုင်​ၼၼ်ႉ​သေ​ၵမ်း​လူၺ်ႈ​တီႈ​ၶႃႈ။ ႁႂ်ႈ​မုၼ်​ၽုင်း​ၸဝ်ႈ​ႁဝ်း မီး​ယူႇ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​သေ​ၵမ်း​လူၺ်ႈ​တီႈ​ၶႃႈ။</verse>
				<verse number="6">လွင်ႈ​ၼင်ႇ​ႁိုဝ်​ၶဝ်​ၸိူဝ်း​ဢၼ် ၸဝ်ႈ​ႁဝ်း​ႁၵ်ႉ​ပႅင်း​ၼၼ်ႉ တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ၸိုင် ၶႅၼ်း​တေႃႈ​ဢဝ်​တင်း​မိုဝ်း​ၶွၼ်​ၶႂႃ​ၸဝ်ႈ​ႁဝ်း ၵႄႇ​သႄႇ​ၶျွတ်ႈ​ဢဝ်​လႄႈ ဢိူဝ်​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။-</verse>
				<verse number="7">ၵွပ်ႈ​ပိူဝ်ႈ​ဢၼ် ၽြႃး​ပဵၼ်​ၸဝ်ႈ​ဢိင်​ပိုင်ႈ​ပႃႇရမီႇ​တၢင်း​ဢၼ်​မူတ်း​ၸၢင်ႇ​မၼ်း​ၸဝ်ႈ​သေ​လႄႈ ဝႆႉ​ပျႃႇ​တိၵ်ႈ​ၼၼ်ႉ​လႄႈ၊ ၵဝ်​တၵ်း​သႂၢင်ႇ​သိူဝ်း​ဢေႃႈ။ ၵဝ်​တၵ်း​ၸၵ်း​ၽႄ​ဝဵင်း​ သေႇၶိမ်ႇ ​ဢေႃႈ။ ၵဝ်​တၵ်း​တႅၵ်ႈ​ၶိုပ်ႈ​တူၺ်း​ပၢင်ႇ​ႁူၺ်ႈ​ သူႉၵုတ်ႉ ​ဢေႃႈ။-</verse>
				<verse number="8">ၵဝ်​လႆႈ​ပိူင်ႇ​မိူင်း​ ၵီႉလတ်ႉ ​ဢေႃႈ။ မိူင်း​ မၼႃႇ​သေႇ ​ၵေႃႈ ၵဝ်​လႆႈ​ပိူင်ႇ​ဢေႃႈ။ မိူင်း​ ဢေႇၽရိမ်ႇ ​ၸမ်ႉ၊ လႆႈ​ပဵၼ်​ႁႅင်း​တၼ်း​ၶူဝ်း​ႁူဝ်​ၵဝ်​ဢေႃႈ။ မိူင်း​ ယူႉတႃႉ ​ၸမ်ႉ၊ လႆႈ​ပဵၼ်​ၵၼ်း​ႁွၵ်ႇ​ရႃႇ​ၸႃႉ​ၵဝ်​ဢေႃႈ။-</verse>
				<verse number="9">မိူင်း​ မေႃႇၽႃႉ ​ၸမ်ႉ၊ လႆႈ​ပဵၼ်​မေႃႈ​ဢၢပ်ႇ​ၼမ်ႉ​ၵဝ်​ဢေႃႈ။ ၵဝ်​တၵ်း​ဢဝ်​ၶႅပ်း​တိၼ်​ၵဝ် ထိမ်ႈ​ပၼ်​ဝႆႉ​တီႈ​မိူင်း​ ဢေႇတုမ်ႇ ​ဢေႃႈ။ ၵဝ်​တၵ်း​ႁွင်ႉ​သႅၼ်ႇ​သဵင်​ပႄႉ​သဵင်​ၼႅင်ႇ ၵႃႈ​ၼိူဝ်​မိူင်း​ ၽီႉလိတ်ႉတီႉ ​ဢေႃႈ။</verse>
				<verse number="10">ၽူႈ​လႂ်​တၵ်း​ဢဝ်​ၵဝ်​သူင်ႇ​ႁွတ်ႈ​ၵႃႈ​ၼႂ်း​ဝဵင်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ။ ၽူႈ​လႂ်​တၵ်း​ၸွမ်း​ၼႄ​ပၼ်​သဵၼ်ႈ​တၢင်း​ဢၼ် ၵႂႃႇ​ၵႃႈ​တီႈ​မိူင်း​ ဢေႇတုမ်ႇ ​ၼၼ်ႉ​တီႈ​ၵဝ်။-</verse>
				<verse number="11">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​လႆႈ​ၸုၼ်ႉ​ပႅတ်ႈ​ၶႃႈ​ၸဝ်ႈ​ႁဝ်း​ၶဝ်​ယဝ်ႉ ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ဢမ်ႇ​ၸွမ်း​ဢမ်ႇ​ၵႂႃႇ လူၺ်ႈ​ၵၼ်​တင်း​ပူဝ်ႇ​ပႃႇ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ယဝ်ႉ။-</verse>
				<verse number="12">ၶႅၼ်း​တေႃႈ​ၸွႆႈ​ထႅမ်​ၶႃႈ​ၸဝ်ႈ​ႁဝ်း​ၶဝ်​လႄႈ ယူႇ​ၽၢႆႇ​ၼိုင်ႈ​တင်း​ရၢၼ်ႇ​သူႇ​သေ​ၵမ်း​တီႈ​ၶႃႈ။ တၢင်း​ဢၼ်​ၵူၼ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​တီႈ​ၶႃႈ​ဢေႃႈ။-</verse>
				<verse number="13">ၵွပ်ႈ​ပိူဝ်ႈ​ၽြႃး​ပဵၼ်​ၸဝ်ႈ​လႄႈ၊ ႁဝ်း​တၵ်း​ႁဵတ်း ႁတ်း​ႁတ်း​ႁၢၼ်​ႁၢၼ်​ဢေႃႈ။ ပဵၼ်​မၼ်း​ၸဝ်ႈ ဢၼ်​တၵ်း​ယဵပ်ႇ​ၶၢမ်ႈ​ရၢၼ်ႇ​သူႇ​ႁဝ်း​တင်း​လၢႆ​ၼၼ်ႉ​ဢေႃႈ။</verse>
			</chapter>
			<chapter number="109">
				<verse number="1">ၽြႃး​ပဵၼ်​ၸဝ်ႈ ဢၼ်​ၶႃႈ​ၸဝ်ႈ​ယွင်ႈ​ယေႃး​တီႈ​ၶႃႈ​ဢိူၺ်း၊ ယႃႇ​ပေ​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​သေ​ၵမ်း​တီႈ​ၶႃႈ။-</verse>
				<verse number="2">ၶဝ်​ၽုၺ်ႇ​သူပ်း​ဢၼ်​ဢမ်ႇ​တြႃး ဢိၵ်ႇ​တင်း​သူပ်း​ဢၼ်​သဵတ်ႈ​ၸႃႇ​လူႉ​ၼၼ်ႉ ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​လႄႈ ဢဝ်​တင်း​လိၼ်ႉ​ဢၼ်​မီး​မူႉ​သႃႇ လၢတ်ႈ​တီႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="3">ၶဝ်​ဢွၼ်​ၵၼ်​ပႃး​ဢဝ်​တင်း​ၵႂၢမ်း​တၢင်း​ဢၼ်​ဢမ်ႇ​ၼႃႇ​လူဝ်ႇ​ၼၼ်ႉ လွမ်ႉ​ႁွပ်ႈ​ၶႃႈ​ၸဝ်ႈ​ဝႆႉ​သေ​လႄႈ လွင်ႈ​မၼ်း​ယင်း​ဢမ်ႇ​မီး​လႄႈ​တိုၵ်း​တေႃး​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="4">ၵွပ်ႈ​ပိူဝ်ႈ​မႅတ်ႈ​တႃႇ​ၶႃႈ​ၸဝ်ႈ​လႄႈ၊ ၶဝ်​ဢွၼ်​ၵၼ်​ႁဵတ်း​ၶတ်း​ၵၼ်​တင်း​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ၸမ်ႉ၊ ႁဵတ်း​ပထၼႃႇ​ယူႇ​တီႈ​ၶႃႈ​ဢေႃႈ။-</verse>
				<verse number="5">ၶဝ်​ဢွၼ်​ၵၼ်​တွပ်ႇ​တႅၼ်း​ပၼ်​ဢပႅတ်ႈ ဢၼ်​ဢမ်ႇ​လီ​ဢမ်ႇ​ငၢမ်း ပုၼ်ႈ​ၵျေး​ၸူး​တၢင်း​ဢၼ်​ၶႃႈ​ၸဝ်ႈ​ႁဵတ်း​ၼၼ်ႉ ဢိၵ်ႇ​တင်း​တၢင်း​ဢၼ်​ၸင်း ပုၼ်ႈ​တၢင်း​ႁၵ်ႉ​မႅတ်ႈ​တႃႇ​ၶႃႈ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="6">ၶႅၼ်း​တေႃႈ​ဢဝ်​ၵေႃႉ​ဢၼ်​ဢမ်ႇ​တြႃး​ၶၢၼ်း​ဝႆႉ ၵႃႈ​ၼိူဝ်​ၵူၼ်း​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ ႁႂ်ႈ​ရၢၼ်ႇ​သူႇ​ယူႇ​ၵႃႈ​တီႈ​ႁိမ်း မိုဝ်း​ၶွၼ်​ၶႂႃ​မၼ်း​ၼၼ်ႉ​သေ​ၵမ်း​လူၺ်ႈ။-</verse>
				<verse number="7">ၼႂ်း​မိူဝ်ႈ​ဢၼ်​မၼ်း​ၶၢမ်ႇ​တၢင်း​ဢၼ်​ၸီႇ​ယၢင်ႇ​တြႃး​ၼၼ်ႉ၊ ႁႂ်ႈ​မၼ်း​လႆႈ​ၶၢမ်ႇ​တၢင်း​သုမ်း​သေ​ၵမ်း​လူၺ်ႈ။ ႁႂ်ႈ​ပထၼႃႇ​ဢၼ်​မၼ်း​ႁဵတ်း​ၼၼ်ႉ ပဵၼ်​တၢင်း​ဢၼ်​ၽိတ်း​ပိူင်ႈ​သေ​ၵမ်း​လူၺ်ႈ။-</verse>
				<verse number="8">ႁႂ်ႈ​မိုဝ်ႉ​ဝၼ်း​မၼ်း​ပွတ်း​သေ​ၵမ်း​လူၺ်ႈ။ ဢရႃႇ​မၼ်း​ၵေႃႈ၊ ႁႂ်ႈ​ပိူၼ်ႈ​တၢင်ႇ​ၵေႃႉ​လႆႈ​သေ​ၵမ်း​လူၺ်ႈ။-</verse>
				<verse number="9">ႁႂ်ႈ​လုၵ်ႈ​မၼ်း​လၢင်း​မၼ်း ပဵၼ်​လုၵ်ႈ​တိၼ်ႇ​ၽႃႉ ​လႄႈ ႁႂ်ႈ​မေး​မၼ်း​ပဵၼ်​မႄႈ​မူၵ်း​မႄႈ​မၢႆႈ​သေ​ၵမ်း​လူၺ်ႈ။-</verse>
				<verse number="10">ႁႂ်ႈ​လုၵ်ႈ​မၼ်း​လၢင်း​မၼ်း​လႆႈ​လႄႇ​ၵႂႃႇ​ၵူႈ​တီႈ​ၵူႈ​လႅၼ်​လႄႈ ပဵၼ်​ၵူၼ်း​ဢၼ်​ယွၼ်း​ၵိၼ်​သေ​ၵမ်း​လူၺ်ႈ။ ႁႂ်ႈ​ၶဝ်​ဢွၵ်ႇ​သေ​ၵႃႈ​တီႈ တီႈ​ယူႇ​တီႈ​သဝ်း​ၶဝ်​ဢၼ်​လူႉ​လႅဝ်​ၸိူဝ်း​ၼၼ်ႉ​လႄႈ ႁႃ​တၢင်း​ၵိၼ်​သေ​ၵမ်း​လူၺ်ႈ။-</verse>
				<verse number="11">ႁႂ်ႈ​ၸဝ်ႈ​ၼီႈ​ၸဝ်ႈ​ၶွတ်ႇ​သိမ်း​ဢဝ် ၵႃႈ​ဢၼ်​မၼ်း​မီး​ၼၼ်ႉ​လႄႈ ႁႂ်ႈ​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း ႁိမ်​ႁူင်ႇ​ဢဝ်​ဢုၵ်ႉ​ၸႃႇ​ဢၼ်​မၼ်း​ႁဵတ်း​လႄႈ​လႆႈ​ၼၼ်ႉ​သေ​ၵမ်း​လူၺ်ႈ။-</verse>
				<verse number="12">ယႃႇ​ပေ​ႁႂ်ႈ​မီး​ၵေႃႉ​ဢၼ်​ႁဵတ်း​ၵျေး​ၸူး​တီႈ​မၼ်း၊ ၵေႃႉ​ဢၼ်​ဢဵတ်း​လူ​ၸွႆႈ​ထႅမ်​လုၵ်ႈ​တိၼ်ႇ​ၽႃႉ​မၼ်း​ၸိူဝ်း​ၼၼ်ႉ သေ​ၵေႃႉ​သေ​ၵူၼ်း​သေ​ၵမ်း​လူၺ်ႈ။-</verse>
				<verse number="13">ႁႂ်ႈ​ၸိူဝ်ႉ​ၶိူဝ်း​မၼ်း​ၶၢတ်ႇ​ၵႂႃႇ​လႄႈ ႁႂ်ႈ​ၸိုဝ်ႈ​သဵင်​မၼ်း​မီး​တၢင်း​ဢၼ်​မွတ်ႇ​ႁၢႆ​ၵႂႃႇ ၼႂ်း​သိုပ်ႇ​လိုၼ်း​မၼ်း​ၵမ်း​လဵဝ်​သေ​ၵမ်း​လူၺ်ႈ။-</verse>
				<verse number="14">ႁႂ်ႈ​ထႃႇဝရႃႉ​ၽြႃး ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​တူႉ​ၸရိူၵ်ႈ​ပူႇ​မၼ်း​မွၼ်ႇ​မၼ်း​ၼၼ်ႉ​လႄႈ ယႃႇ​ပေ​ႁႂ်ႈ​ဢပႅတ်ႈ​မေး​မၼ်း မီး​တၢင်း​ဢၼ်​မွတ်ႇ​ႁၢႆ​သေ​ၵမ်း။-</verse>
				<verse number="15">ႁႂ်ႈ​ၸိူဝ်း​ၼၼ်ႉ ထၢင်ႇ​သႃး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​သေႇ​သေႇ​လႄႈ ႁႂ်ႈ​မၼ်း​ၸဝ်ႈ​ပႄႇ​ၽဵဝ်ႈ​တီႈ​ဢၼ် တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶဝ်​ၼၼ်ႉ ပႅတ်ႈ​သေ​ၵႃႈ​ၼိူဝ်​လိၼ်​မိူင်း​ၼႆႉ မူတ်း​မူတ်း​သဵင်ႈ​သဵင်ႈ​သေ​ၵမ်း​လူၺ်ႈ။-</verse>
				<verse number="16">လွင်ႈ​မၼ်း​ၸမ်ႉ မၼ်း​ဢမ်ႇ​မီး​သတီႉ​ႁႂ်ႈ​လႆႈ​ဢဵတ်း​လူ​ၸွႆႈ​ထႅမ်​လႄႈ မၼ်း​ၼိၵ်ႈ​ၸၢၵ်ႈ​ငႅၼ်း​သႄး​ၵေႃႉ​ဢၼ်​ယၢၵ်ႈ​ဢၼ်​ၽၢၼ်၊ ၵေႃႉ​ဢၼ်​ၸုတ်ႈ​ဢၼ်​လုတ်ႈ၊ ၵေႃႉ​ဢၼ်​ႁူဝ်​ၸႂ်​တႅၵ်ႇ​လႅဝ်​ၼၼ်ႉ တေႃႇ​ထိုင်​ႁွတ်ႈ​ထၼ်ႈ​ပေႃး​ဢဝ်​တၢႆ​ယဝ်ႉ။-</verse>
				<verse number="17">မၼ်း​ထုၵ်ႇ​ၸႂ်​ၵျိူၵ်ႈ​ၸႂ်​တၢင်း​ဢၼ်​ၵိၼ်ႇ​ဢၼ်​ဝႃႈ​ၼၼ်ႉ​လႄႈ ဢၼ်​ၼၼ်ႉ​ႁွတ်ႈ​ထိုင်​ၵႃႈ​ၼိူဝ်​မၼ်း​ဢေႃႈ။ မၼ်း​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​တၢင်း​လီ​မင်ႇၵလႃႇ​လႄႈ ဢၼ်​ၼၼ်ႉ​ၵႆ​ၵၼ်​တင်း​မၼ်း​ဢေႃႈ။-</verse>
				<verse number="18">မၼ်း​ဢဝ်​တၢင်း​ဢၼ်​ၵိၼ်ႇ​ဢၼ်​ဝႃႈ​ၼုင်ႈ​မႆ မိူၼ်​ၸိူဝ်ႉ​ၼင်ႇ​ၶူဝ်း​ၼုင်ႈ​ၼၼ်ႉ​လႄႈ ဢၼ်​ၼၼ်ႉ ၶဝ်ႈ​ၵႂႃႇ​ၵႃႈ​ၼႂ်း​တွင်ႉ​မၼ်း မိူၼ်​ၸိူဝ်ႉ​ၼင်ႇ​ၼမ်ႉ​ၼၼ်ႉ ဢိၵ်ႇ​တင်း ၵႃႈ​ၼႂ်း​လုပ်ႇ​မၼ်း မိူၼ်​ၸိူဝ်ႉ​ၼင်ႇ​ၼမ်ႉ​မၼ်း​ၼၼ်ႉ​ဢေႃႈ။-</verse>
				<verse number="19">ႁႂ်ႈ​ဢၼ်​ၼၼ်ႉ ပဵၼ်​ၸိူဝ်ႉ​ၼင်ႇ​ၽႃႈ​ဢၼ်​မၼ်း​ဢဝ်​မႆ​ယူႇ​ၵႃႈ​တီႈ​တူဝ်​မၼ်း​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​သၢႆ​ႁတ်ႉ​ဢႅဝ်​ဢၼ်​မၼ်း​ဢဝ်​ႁတ်ႉ​ဢႅဝ်​မၼ်း​ယူႇ​သေႇ​သေႇ​ၼၼ်ႉ​သေ​ၵမ်း​လူၺ်ႈ။-</verse>
				<verse number="20">ႁႂ်ႈ​ဢၼ်​ၼၼ်ႉ ပဵၼ်​ဢၵျူဝ်း​ဢၼ်​ရၢၼ်ႇ​သူႇ​ၵဝ် ဢိၵ်ႇ​တင်း​ၶဝ်​ၸိူဝ်း​ဢၼ်​လၢတ်ႈ​ၵႂၢမ်း​ဢၼ်​ဢမ်ႇ​လီ​ဢမ်ႇ​ငၢမ်း​ယူႇ​ၽၢႆႇ​ၼိုင်ႈ တင်း​ဝီႉၺိၺ်ႇ​ၵဝ်​ၸိူဝ်း​ၼၼ်ႉ လႆႈ​ၶၢမ်ႇ​ဢဝ်​တီႈ​ထႃႇဝရႃႉ​ၽြႃး​သေ​ၵမ်း​လူၺ်ႈ။</verse>
				<verse number="21">ၸဝ်ႈ​ၽြႃး ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ပႂ်ႉ​ဢမူႉ​ၶႃႈ​ၸဝ်ႈ​ယူႇ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၵရူႉၼႃႇ​ၸဝ်ႈ​လီ​ၼႃႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="22">ၶႃႈ​ၸဝ်ႈ​ယၢၵ်ႈ​ၽၢၼ်​လႄႈ ၸုတ်ႈ​လုတ်ႈ​တီႈ​ၶႃႈ​ဢေႃႈ။ ႁူဝ်​ၸႂ်​ၶႃႈ​ၸဝ်ႈ ၸဵပ်း​ယူႇ​ၵႃႈ​ၼႂ်း​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="23">ၶႃႈ​ၸဝ်ႈ​သုတ်ႉ​ၶၢႆႉ​ၵႂႃႇ​ယူႇ မိူၼ်​ၸိူဝ်ႉ​ၼင်ႇ​ႁူမ်ႈ​ၵွင်ႉ​ငဝ်း​ဢၼ်​ယၢဝ်း​မႃး​ယူႇ​ၼၼ်ႉ​တီႈ​ၶႃႈ​ဢေႃႈ။ ၶႃႈ​ၸဝ်ႈ​မီး​တၢင်း​ဢၼ်​ႁေႃႈ​ၶိုၼ်ႈ​ႁေႃႈ​လူင်း​ယူႇ မိူၼ်​ၸိူဝ်ႉ​ၼင်ႇ​မႅင်း​ၵႅင်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="24">ႁူဝ်​ၶဝ်ႇ​ၶႃႈ​ၸဝ်ႈ​ဢူၼ်ႈ​ဢွၼ်ႇ​ထွပ်ႉ​ထီႈ​ထွပ်ႉ​ထႅပ်ႉ ၵွပ်ႈ​ပိူဝ်ႈ​ဢၼ်​ယင်း​ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​လႄႈ ယူႇ​ၼၼ်ႉ​လႄႈ ၼိူဝ်ႉ​ၶႃႈ​ၸဝ်ႈ​ယင်း​ဢမ်ႇ​မီး​တၢင်း​ဢၼ်​ပီး​လႄႈ ယွမ်​ၵႂႃႇ​ယူႇ​တီႈ​ၶႃႈ​ဢေႃႈ။-</verse>
				<verse number="25">ၶႃႈ​ၸဝ်ႈ​လႆႈ​ပဵၼ်​တီႈ​ဢၼ်​ပိူၼ်ႈ​တၢင်ႇ​ၵေႃႉ​သႄႉ​သွမ်း​လႄႈ၊ မိူဝ်ႈ​ဢၼ်​ၶဝ်​ႁၼ်​ၶႃႈ​ၸဝ်ႈ​ၼၼ်ႉ​ၸိုင် ၶဝ်​ဢွၼ်​ၵၼ်​ႁဵတ်း​တၢင်း​ဢၼ်​ငွၵ်း​ႁူဝ်​ၸူး​တီႈ​ၶႃႈ​ဢေႃႈ။-</verse>
				<verse number="26">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၶႅၼ်း​တေႃႈ​ၸွႆႈ​ထႅမ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ ၸွမ်း​ၵႃႈ​ၼင်ႇ​ဢၼ်​ၵရူႉၼႃႇ​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="27">ႁႂ်ႈ​ၶဝ်​ႁူႉ​လွင်ႈ​ဢၼ်​ၸဝ်ႈ​ႁဝ်း ဢဝ်​မိုဝ်း​ႁဵတ်း​ဢမူႉ​ၼႆႉ ဢိၵ်ႇ​တင်း​လွင်ႈ​ဢၼ်​ၸဝ်ႈ​ႁဝ်း​ဢၼ်​ဝႃႈ ထႃႇဝရႃႉ​ၽြႃး​ၸီႇ​ယၢင်ႇ​ဝႆႉ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="28">ပိၵ်ႉ​သမ်ႉ​ၶဝ်​ၵိၼ်ႇ​လႃႇ​ၵိၼ်ႇ​ဝႃႈ​သေ​ၵေႃႈ၊ ၸဝ်ႈ​ႁဝ်း​ၶႅၼ်း​တေႃႈ​ပၼ်​တၢင်း​လီ​သေ​ၵမ်း​တီႈ​ၶႃႈ။ မိူဝ်ႈ​ဢၼ်​ၶဝ်​လုၵ်ႉ​ၼၼ်ႉ ၶဝ်​တၵ်း​လႆႈ​ၶၢမ်ႇ​တၢင်း​ဢၼ်​ဢူၵ်း​ဢၼ်​ဢၢႆ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၸမ်ႉ၊ တၵ်း​ၸူမ်း​သိူဝ်း​တီႈ​ၶႃႈ​ဢေႃႈ။-</verse>
				<verse number="29">ရၢၼ်ႇ​သူႇ​ၶႃႈ​ၸဝ်ႈ​ၸိူဝ်း​ၼၼ်ႉ တၵ်း​ဢွၼ်​ၵၼ်​ဢဝ်​တၢင်း​ဢၼ်​သုၵ်ႉ​ၸႂ်​ၵႂင်​ၸႂ်​ၼုင်ႈ​မႆ​လႄႈ ဢဝ်​တၢင်း​ဢၼ်​ဢူၵ်း​ဢၼ်​ဢၢႆ​ႁူမ်ႇ​သုမ်ႇ​တူဝ်​ၸဝ်ႈ​ၵဝ်ႇ မိူၼ်​ၸိူဝ်ႉ​ၼင်ႇ​ၽႃႈ​ၸွင်ႇ​ၽႃႈ​မႆ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="30">ၶႃႈ​ၸဝ်ႈ​တၵ်း​ဢဝ်​သူပ်း​ၶႃႈ​ၸဝ်ႈ ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး​ၼႃႇ​ၼႃႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​ယွင်ႈ​ယေႃး​မၼ်း​ၸဝ်ႈ ၵႃႈ​ၼႂ်း​ၵၢင်​ၵူၼ်း​ၼမ်​ၼႃႇ​တီႈ​ၶႃႈ​ဢေႃႈ။-</verse>
				<verse number="31">လွင်ႈ​မၼ်း​ၸမ်ႉ မၼ်း​ၸဝ်ႈ​ၸၢင်ႈ​ၸုၵ်း​ယူႇ​ၵႃႈ​တီႈ​ႁိမ်း​မိုဝ်း​ၽၢႆႇ​ၶႂႃ ၵေႃႉ​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ ႁႂ်ႈ​လႆႈ​ၵႄႇ​သႄႇ​ၶျွတ်ႈ​ဢဝ်​မၼ်း ဢွၵ်ႇ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် ၸီႇ​ယၢင်ႇ​ဢပႅတ်ႈ​တီႈ​ဝီႉၺိၺ်ႇ​မၼ်း​ၼၼ်ႉ​ဢေႃႈ။</verse>
			</chapter>
			<chapter number="110">
				<verse number="1">ထႃႇဝရႃႉ​ၽြႃး​လၢတ်ႈ​တီႈ​ၸဝ်ႈ​ၵဝ်​ၶႃႈ​လႄႈ​ဝႃႈ၊ ၸူဝ်ႈ​ဢၼ်​ၵဝ်​ဢမ်ႇ​ပႆႇ​ဢဝ်​ရၢၼ်ႇ​သူႇ​မႂ်း​တင်း​လၢႆ ၶျႃး​ဝႆႉ​ႁႂ်ႈ​ပဵၼ်​တီႈ​တၢင်ႇ​တိၼ်​မႂ်း​ၼၼ်ႉ​ၸိုင်၊ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ထႃႇဝရႃႉ​ၽြႃး​တၵ်း​ဢဝ်​ၵၼ်း​ႁွၵ်ႇ​ဢႃႇၼႃႇ​ၸဝ်ႈ​ႁဝ်း ပွႆႇ​ၸႂ်ႉ​ဢွၵ်ႇ​သေ​ၵႃႈ​ၼႂ်း​ဝဵင်း​ ၸီႉဢုၼ်ႇ ​လႄႈ​လၢတ်ႈ​ဝႃႈ၊ ဢုပ်ႉ​ပိူင်ႇ​ယူႇ​ၵႃႈ​ၼႂ်း​ၵၢင်​ရၢၼ်ႇ​သူႇ​မႂ်း​တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵူၼ်း​ၸဝ်ႈ​ႁဝ်း​တင်း​လၢႆ တၵ်း​ဢွၼ်​ၵၼ်​မီး​ၸႂ်​ၸေႇတၼႃႇ​သေ​လႄႈ ပုၵ်ႈ​ၸေႃႇ​တူဝ်​ၸဝ်ႈ​ၵဝ်ႇ ၼႂ်း​မိုဝ်ႉ​ဝၼ်း​ဢၼ်​ၸဝ်ႈ​ႁဝ်း​ၼႄ​ပျႃး​တၼ်း​ၶူဝ်း​ၼၼ်ႉ​လႄႈ ဢဝ်​ၶိူင်ႈ​ပိူင်​ဢၼ်​မူတ်း​ၸၢင်ႇ ဢၼ်​ဢွၵ်ႇ​ၵႃႈ​ၼႂ်း​တွင်ႉ​ၵၢင်​ၼႂ်​ၼၼ်ႉ ႁၢင်ႈ​ၶိူင်ႈ​ႁၢင်ႈ​ၽၢင်​ယူႇ​တီႈ​ၶႃႈ​ဢေႃႈ။-</verse>
				<verse number="4">ထႃႇဝရႃႉ​ၽြႃး​တိူင်ႇ​ဝႃႈ​လႄႈ​ဝႃႈ၊ မႂ်း​ပဵၼ်​ယိတ်ႈပရေႃးႁဵၵ်ႈ​ထႃႇဝရႃႉ ၸွမ်း​ၼင်ႇ​ဢရႃႇ​ မေႇလၶီႉၸေႇတႅၵ်ႈ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၵမ်း​လိုၼ်း​ဢမ်ႇ​မီး​တၢင်း​ဢၼ်​ၸႂ်​ၶၢႆႉ​ၸႂ်​ပုတ်ႈ။-</verse>
				<verse number="5">ၸဝ်ႈ​ၽြႃး ဢၼ်​မီး​ယူႇ​ၵႃႈ​တီႈ​မိုဝ်း​ၶွၼ်​ၶႂႃ​ၸဝ်ႈ​ႁဝ်း​ၼၼ်ႉ တၵ်း​ပေႃႉ​ယႅၼ်ႉ​သႂ်ႇ​ၶုၼ်​ႁေႃ​ၶမ်း​တင်း​လၢႆ ၼႂ်း​မိုဝ်ႉ​ဝၼ်း​ဢၼ်​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢွၵ်ႇ​ၼၼ်ႉ​ဢေႃႈ။-</verse>
				<verse number="6">မၼ်း​ၸဝ်ႈ​တၵ်း​ၸီႇ​ယၢင်ႇ​တြႃး ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ဢေႃႈ။ မၼ်း​ၸဝ်ႈ​ႁႂ်ႈ​ပဵၼ်​တူဝ်​တၢႆ ၸွတ်ႇ​တူဝ်ႈ​ၵူႈ​တီႈ​ၵူႈ​လႅၼ်​လႄႈ ပေႃႉ​ယႅၼ်ႉ​သႂ်ႇ​ႁူဝ်​ၶဝ်​ၵႃႈ​ၼႂ်း​ၼမ်ႉ​လိၼ်​ဝၢၼ်ႈ​မိူင်း ဢၼ်​ၵႂၢင်ႈ​ၼႃႇ​ၼၼ်ႉ​ဢေႃႈ။-</verse>
				<verse number="7">မၼ်း​ၸဝ်ႈ​တၵ်း​ၵိၼ်​ၼမ်ႉ​တီႈ​ၼမ်ႉ​ႁွင်ႈ​ဢၼ်​လႆ​ယူႇ​ၵႃႈ​ႁိမ်း​တၢင်း​လႄႈ ယုၵ်ႉ​ယွင်ႈ​ႁူဝ်​မၼ်း​ၸဝ်ႈ​ဢေႃႈ။</verse>
			</chapter>
			<chapter number="111">
				<verse number="1">ႁႃႇလေႇလူႉယႃႇ။ ၵဝ်​တၵ်း​ပႃး​ဢဝ်​တင်း​ႁူဝ်​ၸႂ်​သဵင်ႈ​သဵင်ႈ ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး ၵႃႈ​ၼႂ်း​တီႈ​ဢၼ်​ၶဝ်​ၸိူဝ်း​ဢၼ်​သိုဝ်ႈ​ဢၼ်​ယူဝ်း​ၼၼ်ႉ ၸူႉ​ၵၼ်​တုမ်​ၵၼ်​ၼၼ်ႉ ဢိၵ်ႇ​တင်း​ၵႃႈ​ၼႂ်း​ပရဵၵ်ႈသၢတ်ႈ​တင်း​လၢႆ​ဢေႃႈ။-</verse>
				<verse number="2">လွင်ႈ​တၢင်း​ဢၼ် ထႃႇဝရႃႉ​ၽြႃး​ၸီႇ​ယၢင်ႇ​ႁဵတ်း​ဝႆႉ​ၼၼ်ႉ ယႂ်ႇ​မျၢတ်ႈ​ၼႃႇ​လႄႈ ၶဝ်​ၸိူဝ်း​ဢၼ်​မီး​ၸေႇတၼႃႇ​ထုၵ်ႇ​ၸႂ်​ၵျိူၵ်ႈ​ၸႂ်​ၵႃႈ​မီး​ၼၼ်ႉ ၸၢင်ႈ​ဢွၼ်​ၵၼ်​ၸႅတ်ႈ​ထၢမ်​ႁႃ​ဢဝ်​လွင်ႈ​တၢင်း​ၸိူဝ်း​ၼၼ်ႉ​ဢေႃႈ။-</verse>
				<verse number="3">လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ႁဵတ်း​ၼၼ်ႉ ပျေႉ​ၸုမ်ႇ​တင်း​မုၼ်​သရေႇ​ဢႃႇၼူႉၽေႃႇ​လႄႈ၊ တြႃး​တၢင်း​သိုဝ်ႈ​တေႃႇ​မၼ်း​ၸဝ်ႈ တႄႇ​ယူႇ​သေႇ​သေႇ​ဢေႃႈ။-</verse>
				<verse number="4">မၼ်း​ၸဝ်ႈ​ႁႂ်ႈ​လွင်ႈ​တၢင်း​ဢၼ်​လီ​ဢၢမ်း​မၼ်း​ၸဝ်ႈ​ၸိူဝ်း​ၼၼ်ႉ ပဵၼ်​ပုၼ်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လႄႈ ထႃႇဝရႃႉ​ၽြႃး​ပျေႉ​ၸုမ်ႇ​ဝႆႉ​တင်း​ၸႂ်​ဢၼ်​ၸၢင်ႈ​ႁဵတ်း​ၵျေး​ၸူး ဢိၵ်ႇ​တင်း​ၸႂ်​ဢၼ်​ၸၢင်ႈ​ဢဵတ်း​လူ​ႁၵ်ႉ​ပႅင်း​ဢေႃႈ။-</verse>
				<verse number="5">မၼ်း​ၸဝ်ႈ​လဵင်ႉ​လူ​ၶဝ်​ၸိူဝ်း​ဢၼ်​ရူဝ်ႇ​သေႇ​ၵူဝ်​ယမ်​မၼ်း​ၸဝ်ႈ​ၼၼ်ႉ​လႄႈ မၼ်း​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ပတီႉၺိၺ်ႇ​တြႃး​မၼ်း​ၸဝ်ႈ​ယူႇ​တႃႇ​သေႇ​ဢေႃႈ။-</verse>
				<verse number="6">မၼ်း​ၸဝ်ႈ​ၼႄ​ပျႃး​တၼ်း​ၶူဝ်း ဢၼ်​မီး​ၼႂ်း​လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​ၸိူဝ်း​ၼၼ်ႉ တီႈ​ၵူၼ်း​မၼ်း​ၸဝ်ႈ​တင်း​လၢႆ ႁႂ်ႈ​လႆႈ​ဢဝ်​ဢမူၺ်ႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ပၼ်​တီႈ​ၶဝ်​ဢေႃႈ။-</verse>
				<verse number="7">လွင်ႈ​တၢင်း​ဢၼ်​မၼ်း​ၸဝ်ႈ​ဢဝ်​မိုဝ်း​ႁဵတ်း​ၸိူဝ်း​ၼၼ်ႉ ၸၢပ်ႈ​သႅင်ႇ​ၵၼ်​တင်း​သဵတ်ႈ​ၸႃႇ ဢိၵ်ႇ​တင်း​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ ပိင်း​ၺၢပ်ႈ​မၼ်း​ၸဝ်ႈ​တင်း​သဵင်ႈ​တင်း​လူင် ပဵၼ်​ဢၼ်​မၼ်ႈ​ဢၼ်​ၶိူင်ႇ​ဢေႃႈ။-</verse>
				<verse number="8">တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ ဢိင်​တၢင်း​ဢၼ်​ပႂ်ႉ​သဵတ်ႈ​ၸႃႇ ဢိၵ်ႇ​တင်း​တၢင်း​ဢၼ်​သိုဝ်ႈ​ယူဝ်း​ၼၼ်ႉ​သေ​လႄႈ​ႁဵတ်း​ဢေႃႈ။-</verse>
				<verse number="9">မၼ်း​ၸဝ်ႈ​ပွႆႇ​ၸႂ်ႉ​တၢင်း​ဢၼ်​ၵႄႇ​သႄႇ​ၼုၵ်ႈ​ဢဝ်​ၼၼ်ႉ တီႈ​ၵူၼ်း​မၼ်း​ၸဝ်ႈ​တင်း​လၢႆ​လႄႈ မၼ်း​ၸဝ်ႈ​ဝႆႉ​ပတီႉၺိၺ်ႇ​တြႃး​မၼ်း​ၸဝ်ႈ​ယူႇ​သေႇ​သေႇ​ဢေႃႈ။ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​မူတ်း​ၸၢင်ႇ​လႄႈ ပဵၼ်​တီႈ​ဢၼ်​လီ​ၵူဝ်​လီ​ႁႄ​ဢေႃႈ။-</verse>
				<verse number="10">တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ ပဵၼ်​ၵေႃႇၸႃႉ​ႁူဝ်​ပိုင်း​ပိင်ႇ​ၺႃႇ​လႄႈ ၵႃႈ​ပဵၼ်​ၵေႃႉ​ဢၼ်​ပႂ်ႉ​ၸွမ်း​ပိင်း​ၺၢပ်ႈ​ၸဝ်ႈ​ၸိူဝ်း​ၼၼ်ႉ မီး​ၺၢၼ်ႇ​ဢၼ်​လီ​ဢေႃႈ။ မုၼ်​ၽုင်း​သရေႇ​မၼ်း​ၸဝ်ႈ​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။</verse>
			</chapter>
			<chapter number="112">
				<verse number="1">ႁႃႇလေႇလူႉယႃႇ။ ၵေႃႉ​ဢၼ်​ၵူဝ်​ႁႄ​ထႃႇဝရႃႉ​ၽြႃး​လႄႈ မူၼ်ႈ​ပျေႃႇ​ယူႇ​ၵႃႈ​ၼႂ်း​ပိင်း​ၺၢပ်ႈ​မၼ်း​ၸဝ်ႈ​ၸိူဝ်း​ၼၼ်ႉ ၼႃႇ​လူင်​လၢင်​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="2">ၸိူဝ်ႉ​ၶိူဝ်း​မၼ်း တၵ်း​ႁႅင်း​ယႂ်ႇ​ၼႃႇ​ၵႃႈ​ၼိူဝ်​လိၼ်​မိူင်း​ၼႆႉ​လႄႈ မဵဝ်း​ၶဝ်​ၸိူဝ်း​ဢၼ်​သိုဝ်ႈ​လီ​ယူဝ်း​လီ​ၼၼ်ႉ ၸၢင်ႈ​မီး​မင်ႇၵလႃႇ​ဢေႃႈ။-</verse>
				<verse number="3">ၸေး​ၸိမ်ႇ​ဢုၵ်ႉ​ၸႃႇ​လိူင်ႇ​ၼမ်​ၼႃႇ ၵႃႈ​ၼႂ်း​ႁိူၼ်း​မၼ်း​လႄႈ တၢင်း​သိုဝ်ႈ​တေႃႇ​မၼ်း​ၸၢင်ႈ​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="4">ဢၼ်​လႅင်း​ၸၢင်ႈ​ပေႃႇ​ဢွၵ်ႇ​တႆႈ​ႁိူဝ်ႈ​ၵႃႈ​ၼႂ်း​ဢၼ်​လပ်း​သိင်ႇ ပုၼ်ႈ​ၶဝ်​ၸိူဝ်း​ဢၼ်​သိုဝ်ႈ​လီ​ယူဝ်း​လီ​ၼၼ်ႉ​လႄႈ ၵူၼ်း​ၸိူဝ်ႉ​ၼင်ႇ​ၼၼ်​ၼၼ်ႉ ၸၢင်ႈ​မီး​ၸႂ်​ဢၼ်​ႁဵတ်း​ၵျေး​ၸူး ဢိၵ်ႇ​တင်း​ၸႂ်​ဢၼ်​ဢဵတ်း​လူ​ႁၵ်ႉ​ပႅင်း​လႄႈ ႁဵတ်း​ၸွမ်း​ၼင်ႇ​တြႃး​ဢေႃႈ။-</verse>
				<verse number="5">ၵေႃႉ​ဢၼ်​မီး​ၸႂ်​ၵရူႉၼႃႇ​လႄႈ ၸၢင်ႈ​ပၼ်​ၵူႈ​ပၼ်​ယိမ်​ၼၼ်ႉ ၸၢင်ႈ​လႆႈ​လီ​လႆႈ​ပဵၼ်​လႄႈ တၵ်း​မီး​တၢင်း​ဢၼ်​ပႄႉ​ၼႅင်ႇ ၼႂ်း​မိုဝ်ႉ​ဝၼ်း​ဢၼ်​တႅပ်း​တတ်း​တြႃး​ၼၼ်ႉ​ဢေႃႈ။-</verse>
				<verse number="6">မၼ်း​တၵ်း​ၵၢင်း​လွတ်ႈ​တင်း တၢင်း​ဢၼ်​ၶွၼ်း​ဢၼ်​ဝႆ​ၼၼ်ႉ​ယူႇ​တႃႇ​သေႇ​လႄႈ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ တၵ်း​ပဵၼ်​ပုၼ်ႈ​ဢၼ် တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="7">မၼ်း​တၵ်း​ဢမ်ႇ​လႆႈ​ၵူဝ်​လႆႈ​ႁႄ​သတၢင်း​သဵင်​ၶၢဝ်ႇ ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​လႄႈ ႁူဝ်​ၸႂ်​မၼ်း​ၸၢင်ႈ​တႄႇ​ၼိမ်​ယူႇ​ၵႃႈ​ၼႂ်း​ထႃႇဝရႃႉ​ၽြႃး​ဢေႃႈ။-</verse>
				<verse number="8">ႁူဝ်​ၸႂ်​မၼ်း​ပဵၼ်​ဢၼ်​မၼ်ႈ​ၶိူင်ႇ​ယူႇ​လႄႈ၊ မၼ်း​တၵ်း​ၵၢင်း​လွတ်ႈ​တင်း​တၢင်း​ဢၼ်​ၵူဝ်​ဢၼ်​ႁႄ​ယူႇ တေႃႇ​ထိုင်​ႁွတ်ႈ​မၼ်း​ထၼ်ႈ​ပေႃး​လႆႈ​ႁၼ်​ဢလူဝ်ႇ​မၼ်း ၵႃႈ​ၼိူဝ်​ရၢၼ်ႇ​သူႇ​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="9">မၼ်း​ၽႄ​မၼ်း​ၸွၼ်း​ယဝ်ႉ။ မၼ်း​ယိုၼ်ႈ​မၼ်း​မႅင်ႇ​တီႈ​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​ယဝ်ႉ။ တၢင်း​သိုဝ်ႈ​တေႃႇ​မၼ်း​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ ၶဝ်​လႅမ်​မၼ်း​မီး​တၢင်း​ဢၼ်​ဢဝ်​တင်း​မုၼ်​သရေႇ​ယုၵ်ႉ​ယွင်ႈ​ဝႆႉ​ယူႇ​ဢေႃႈ။-</verse>
				<verse number="10">ၵေႃႉ​ဢၼ်​ဢမ်ႇ​တြႃး​ၼၼ်ႉ တၵ်း​ႁၼ်​လႄႈ​မီး​တၢင်း​ဢၼ်​ၸဵပ်း​ၸႂ်​ဢေႃႈ။ တၵ်း​ၵတ်း​ၶဵဝ်ႈ​ၵတ်း​ၽၼ်း​သေ​လႄႈ ၸိူမ်ႈ​ႁၢႆ​ၵႂႃႇ​လႄႈ ဢလူဝ်ႇ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၵ်း​လႆႈ​လူႉ​လႆႈ​လႅဝ်​ဢေႃႈ။</verse>
			</chapter>
			<chapter number="113">
				<verse number="1">ႁႃႇလေႇလူႉယႃႇ။ ဢွၼ်​ၵၼ်​ယွင်ႈ​ယေႃး​တႃႉ။ ၶႃႈ​ထႃႇဝရႃႉ​ၽြႃး​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃးၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​တႃႉ။-</verse>
				<verse number="2">ႁႂ်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​မီး​မင်ႇၵလႃႇ ၸႃႉ​ၸဵမ်​တေႃႈ​လဵဝ်​ၼႆႉ​ၵႂႃႇ သိုပ်ႇ​သိုပ်ႇ​တၢမ်း​တၢမ်း​သေ​ၵမ်း​လူၺ်ႈ။-</verse>
				<verse number="3">ဢဝ်​ၵႃႈ​တီႈ​ၵၢင်​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ၵႃႈ​တီႈ​ၵၢင်​ဝၼ်း​တူၵ်း​ၼၼ်ႉ​လႄႈ ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ၼၼ်ႉ ပဵၼ်​တီႈ​ဢၼ်​လီ​ယွင်ႈ​လီ​ယေႃး​ဢေႃႈ။</verse>
				<verse number="4">ထႃႇဝရႃႉ​ၽြႃး မီး​တၢင်း​ဢၼ်​ယုၵ်ႉ​ယွင်ႈ ၵႃႈ​ၼိူဝ်​မဵဝ်း​ၵူၼ်း​တင်း​သဵင်ႈ​တင်း​လူင်​လႄႈ မုၼ်​ၽုင်း​မၼ်း​ၸဝ်ႈ​မီး​တၢင်း​ဢၼ်​ယုၵ်ႉ​ယွင်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​ဢေႃႈ။-</verse>
				<verse number="5">ၽူႈ​လႂ်​တၵ်း​မိူၼ်​ၸိူဝ်ႉ​ၼင်ႇ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ဢၼ်​ၵိင်း​ဝၢပ်ႈ​ယူႇ​ၵႃႈ​တီႈ​ဢၼ်​သုင်​ၼႃႇ​လႄႈ၊-</verse>
				<verse number="6">ၶျႃး​တူဝ်​ၸဝ်ႈ​ၵဝ်ႇ​တီႈ​တႅမ်ႇ ႁႂ်ႈ​လႆႈ​လူ​တူၺ်း​ၶိူင်ႈ​ပိူင်​ၵၢင်​ႁၢဝ် ဢိၵ်ႇ​တင်း​ၶိူင်ႈ​ပိူင်​လိၼ်​မိူင်း​တင်း​လၢႆ​ၼၼ်ႉ။-</verse>
				<verse number="7">မၼ်း​ၸဝ်ႈ​ယုၵ်ႉ​ယွင်ႈ​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​သေ​ၵႃႈ​ၼႂ်း​မုၼ်ႈ​လိၼ်​လႄႈ ယွင်ႈ​ဢဝ်​ၵေႃႉ​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ သေ​ၵႃႈ​ၼႂ်း​ၵွင်​ၶီႈ​ဝူဝ်း​ပႅတ်ႈ</verse>
				<verse number="8">ႁႂ်ႈ​လႆႈ​ဢဝ်​မၼ်း​ၶျႃး​တီႈ​ယူႇ​ပၼ်​ၵႃႈ​ၼႂ်း​လုၵ်ႈ​ၶုၼ်​လုၵ်ႈ​ၵႂၢၼ် ဢၼ်​ဝႃႈ​လုၵ်ႈ​ၶုၼ်​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​မၼ်း​ၸဝ်ႈ​တင်း​လၢႆ​ဢေႃႈ။-</verse>
				<verse number="9">မၼ်း​ၸဝ်ႈ​ႁႂ်ႈ​မႄႈ​ယိင်း​ဢၼ်​မၼ် ဢမ်ႇ​မီး​လုၵ်ႈ​ၼၼ်ႉ​လႆႈ​ယူႇ​ၵႃႈ​တီႈ​ႁိူၼ်း​လႄႈ ပႃး​တင်း​ၸႂ်​ဢၼ်​ၸူမ်း​ဢၼ်​သိူဝ်း​သေ​လႄႈ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ဢေႃႈ။ ႁႃႇလေႇလူႉယႃႇ။</verse>
			</chapter>
			<chapter number="114">
				<verse number="1">မိူဝ်ႈ​ဢၼ်​မဵဝ်း​ ဢီႉသရေႇလႃႉ ဢွၵ်ႇ​ၵႂႃႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ၸိူဝ်ႉ​ၶိူဝ်း​ ယႃႇၵုပ်ႈ ​ဢွၵ်ႇ​သေ​ၵႃႈ​ၼႂ်း​မဵဝ်း​ၵူၼ်း​ဢၼ်​ၸၢင်ႈ​လၢတ်ႈ​ၵႂၢမ်း​ဢၼ်​ရိူင်း​ၼၼ်ႉ​ၸိုင်၊-</verse>
				<verse number="2">မဵဝ်း​ ယူႉတႃႉ ပဵၼ်​ထႃႇၼႃႉ​တီႈ​မူတ်း​ၸၢင်ႇ​မၼ်း​ၸဝ်ႈ​လႄႈ မဵဝ်း​ ဢီႉသရေႇလႃႉ ပဵၼ်​တီႈ​ဢၼ်​မၼ်း​ၸဝ်ႈ​ဢုပ်ႉ​ပိူင်ႇ​ဢေႃႈ။-</verse>
				<verse number="3">ပၢင်ႇ​လၢႆႇ​ႁၼ်​လႄႈ​ဢွၵ်ႇ​ပၢႆႈ​ဢေႃႈ။ ၼမ်ႉ​ႁွင်ႈ​ ယေႃးတၢၼ်ႇ ​ၵေႃႈ၊ လႆႈ​ၶၢမ်ႇ​တၢင်း​ဢၼ်​သုတ်ႉ​ၶိုၼ်း​ႁူၼ်​ၶိုၼ်း​တၢင်း​လင်​ဢေႃႈ။-</verse>
				<verse number="4">လွႆ​လူင်​တင်း​လၢႆ ဢွၼ်​ၵၼ်​ၵျွၵ်း​ဝႅၼ် မိူၼ်​ၸိူဝ်ႉ​ၼင်ႇ​သူဝ်း​ပေႃႈ​လႄႈ လွႆ​ဢွၼ်ႇ​တင်း​လၢႆ​ဢွၼ်​ၵၼ်​ၵျွၵ်း​ဝႅၼ် မိူၼ်​ၸိူဝ်ႉ​ၼင်ႇ​သူဝ်း​ဢွၼ်ႇ​ၼၼ်ႉ​ဢေႃႈ။</verse>
				<verse number="5">ပၢင်ႇ​လၢႆႇ​ဢိူၺ်း၊ လွင်ႈ​ဢၼ်​မႂ်း​ဢွၵ်ႇ​ပၢႆႈ​ၼၼ်ႉ၊ ၼမ်ႉ​ႁွင်ႈ​ ယေႃးတၢၼ်ႇ ​ဢိူၺ်း၊ လွင်ႈ​ဢၼ်​မႂ်း​သုတ်ႉ​ၶိုၼ်း​ႁူၼ်​ၶိုၼ်း​တၢင်း​လင်​ၼၼ်ႉ၊-</verse>
				<verse number="6">လွႆ​လူင်​ၶဝ်​ဢိူၺ်း၊ လွင်ႈ​ဢၼ်​သူ​ၵျွၵ်း​ဝႅၼ်​မိူၼ်​ၸိူဝ်ႉ​ၼင်ႇ​သူဝ်း​ပေႃႈ​ၼၼ်ႉ၊ လွႆ​ဢွၼ်ႇ​ၶဝ်​ဢိူၺ်း လွင်ႈ​ဢၼ်​သူ​ၵျွၵ်း​ဝႅၼ်​မိူၼ်​ၸိူဝ်ႉ​ၼင်ႇ​သူဝ်း​ဢွၼ်ႇ​ၼၼ်ႉ​ၸမ်ႉ၊ ပဵၼ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်။</verse>
				<verse number="7">လိၼ်​မိူင်း​ဢိူၺ်း၊ သၼ်ႇ​ဝႆ​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ၽြႃး ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ မဵဝ်း​ ယႃႇၵုပ်ႈ ​ၼၼ်ႉ​တႃႉ။-</verse>
				<verse number="8">မၼ်း​ၸဝ်ႈ​ႁႂ်ႈ​မၢၵ်ႇ​ႁိၼ်​ပဵၼ်​ၼမ်ႉ​ၼွင်​လႄႈ ႁႂ်ႈ​မၢၵ်ႇ​ႁိၼ်​ပၢႆႇ​ၽႆး​ပဵၼ်​ၼမ်ႉ​ဢွၵ်ႇ​ႁူး​ယဝ်ႉ​ဢေႃႈ။</verse>
			</chapter>
			<chapter number="115">
				<verse number="1">တီႈ​ၶႃႈ​ၸဝ်ႈ​ႁဝ်း​ၶဝ်​ဢမ်ႇ​ၸႂ်ႈ၊ ထႃႇဝရႃႉ​ၽြႃး​တီႈ​ၶႃႈ၊ တီႈ​ၶႃႈ​ၸဝ်ႈ​ႁဝ်း​ၶဝ်​ဢမ်ႇ​ၸႂ်ႈ၊ တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ ႁႂ်ႈ​မီး​မုၼ်​မီး​ၽုင်း​ၵွပ်ႈ​ပိူဝ်ႈ​ၵရူႉၼႃႇ​ၸဝ်ႈ​ႁဝ်း ဢိၵ်ႇ​တင်း​သဵတ်ႈ​ၸႃႇ​ၸဝ်ႈ​ႁဝ်း​သေ​ၵမ်း​လူၺ်ႈ။-</verse>
				<verse number="2">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ လႆႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ၶဝ်​ၼၼ်ႉ​မီး​ၵႃႈ​လႂ်၊ ဝႃႈ​ၼင်ႇ​ၼႆ​ၼင်ႇ​ႁိုဝ်​တီႈ​ၶႃႈ။</verse>
				<verse number="3">ၽြႃး​ပဵၼ်​ၸဝ်ႈ​ႁဝ်း​မီး​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​ဢေႃႈ။ မၼ်း​ၸဝ်ႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ဢလူဝ်ႇ​မၼ်း​ၸဝ်ႈ​မီး​ၼၼ်ႉ​ဢေႃႈ။-</verse>
				<verse number="4">ရုၵ်ႈ​ထူႉ​ၶဝ်​ၸိူဝ်း​ၼၼ်ႉ​ၸမ်ႉ၊ ပဵၼ်​ငိုၼ်း​ပဵၼ်​ၶမ်း​ဢေႃႈ။ ပဵၼ်​ၶိူင်ႈ​ပိူင်​ဢၼ်​ၵူၼ်း​ဢဝ်​မိုဝ်း​ႁဵတ်း​ဢေႃႈ။-</verse>
				<verse number="5">ၶဝ်​မီး​သူပ်း​သေ​ၵေႃႈ ဢမ်ႇ​ၸၢင်ႈ​လၢတ်ႈ​ထွႆႈ​လၢတ်ႈ​ၵႂၢမ်း။ ၶဝ်​မီး​မၢၵ်ႇ​တႃ​သေ​ၵေႃႈ ဢမ်ႇ​ၸၢင်ႈ​ၸႅင်ႈ​ၸၢင်ႈ​ႁၼ်။-</verse>
				<verse number="6">ၶဝ်​မီး​ႁူ​သေ​ၵေႃႈ ဢမ်ႇ​ၸၢင်ႈ​ထွမ်ႇ​ၸၢင်ႈ​ငိၼ်း။ ၶဝ်​မီး​ၶူႈ​လင်​သေ​ၵေႃႈ ဢမ်ႇ​ၸၢင်ႈ​သုတ်ႇ​ၸၢင်ႈ​ၼူမ်။-</verse>
				<verse number="7">ၶဝ်​မီး​မိုဝ်း​သေ​ၵေႃႈ ဢမ်ႇ​ၸၢင်ႈ​ယိပ်း​ၸၢင်ႈ​ၵႅမ်း။ ၶဝ်​မီး​တိၼ်​သေ​ၵေႃႈ ဢမ်ႇ​ၸၢင်ႈ​ၵႂႃႇ​ၸၢင်ႈ​ပႆ။ ၶဝ်​ဢမ်ႇ​ၸၢင်ႈ​ႁဵတ်း​သဵင် ၵႃႈ​တီႈ​ၵူင်​ၶေႃး​ၶဝ်​လူင်​ပႄႇ။-</verse>
				<verse number="8">ၶဝ်​ၸိူဝ်း​ဢၼ်​ႁဵတ်း​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ၸိူဝ်း​ၼၼ်ႉ​လႄႈ ၶဝ်​ၸိူဝ်း​ဢၼ်​ဢိင်​ပိုင်ႈ​ၸိူဝ်း​ၼၼ်ႉ​ၵေႃႈ မိူၼ်​ၸိူဝ်ႉ​ၼင်ႇ​ၸိူဝ်း​ၼၼ်ႉ​လူင်​ပႄႇ။</verse>
				<verse number="9">မဵဝ်း​ ဢီႉသရေႇလႃႉ ​ဢိူၺ်း၊ ဢိင်​ပိုင်ႈ​ထႃႇဝရႃႉ​ၽြႃး​ယူႇ​တႃႉ။ မၼ်း​ၸဝ်ႈ​ပဵၼ်​လွင်ႈ​တၢင်း​ဢၼ်​ၸွႆႈ​ဢၼ်​ထႅမ်​ၶဝ် ဢိၵ်ႇ​တင်း​ၶိူင်ႈ​ဢၼ်​ႁႄႉ​လၢၵ်ႈ​ၼၢၵ်ႈ​ၶဝ်​ဢေႃႈ။-</verse>
				<verse number="10">ၸိူဝ်ႉ​ၶိူဝ်း​ ဢႃႇရုၼ်ႇ ​ဢိူၺ်း၊ ဢိင်​ပိုင်ႈ​ထႃႇဝရႃႉ​ၽြႃး​ယူႇ​တႃႉ။ မၼ်း​ၸဝ်ႈ​ပဵၼ်​လွင်ႈ​တၢင်း​ဢၼ်​ၸွႆႈ​ဢၼ်​ထႅမ်​ၶဝ် ဢိၵ်ႇ​တင်း​ၶိူင်ႈ​ႁႄႉ​လၢၵ်ႈ​ၼၢၵ်ႈ​ၶဝ်​ဢေႃႈ။-</verse>
				<verse number="11">ၵူၼ်း​ဢၼ်​ၵူဝ်​ဢၼ်​ႁႄ ထႃႇဝရႃႉ​ၽြႃး​ၶဝ်​ဢိူၺ်း၊ ဢွၼ်​ၵၼ်​ဢိင်​ပိုင်ႈ​ထႃႇဝရႃႉ​ၽြႃး​ယူႇ​တႃႉ။ မၼ်း​ၸဝ်ႈ​ပဵၼ်​လွင်ႈ​တၢင်း​ဢၼ်​ၸွႆႈ​ဢၼ်​ထႅမ်​ၶဝ် ဢိၵ်ႇ​တင်း​ၶိူင်ႈ​ႁႄႉ​လၢၵ်ႈ​ၼၢၵ်ႈ​ၶဝ်​ဢေႃႈ။</verse>
				<verse number="12">ထႃႇဝရႃႉ​ၽြႃး ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ႁဝ်း​လႄႈ တၵ်း​ပၼ်​တၢင်း​လီ​တီႈ​ႁဝ်း​ဢေႃႈ။ မၼ်း​ၸဝ်ႈ​တၵ်း​ပၼ်​တၢင်း​လီ​တီႈ​မဵဝ်း ဢီႉသရေႇလႃႉ ​လႄႈ တၵ်း​ပၼ်​တၢင်း​လီ​တီႈ​ၸိူဝ်ႉ​ၶိူဝ်း​ ဢႃႇရုၼ်ႇ ​ဢေႃႈ။-</verse>
				<verse number="13">မၼ်း​ၸဝ်ႈ​တၵ်း​ပၼ်​တၢင်း​လီ​တီႈ​ၶဝ်​ၸိူဝ်း​ဢၼ်​ၵူဝ်​ဢၼ်​ႁႄ​ထႃႇဝရႃႉ​ၽြႃး ၸဵမ်​လဵၵ်ႉ​ၸဵမ်​ယႂ်ႇ​ၼၼ်ႉ​ဢေႃႈ။-</verse>
				<verse number="14">ႁႂ်ႈ​ထႃႇဝရႃႉ​ၽြႃး ႁႂ်ႈ​သူ​ဢိၵ်ႇ​တင်း​လုၵ်ႈ​သူ​လၢင်း​သူ ယႂ်ႇ​ၽႄႈ​တူဝ်း​တွၼ်း​မႃး​သေ​ၵမ်း​လူၺ်ႈ။-</verse>
				<verse number="15">သူ​ၼႆႉ​ပဵၼ်​ၵေႃႉ​ဢၼ် ထႃႇဝရႃႉ​ၽြႃး​ဢၼ်​ႁဵတ်း​ပဵၼ်​ၵၢင်​ႁၢဝ်​တင်း​လိၼ်​မိူင်း​ၼၼ်ႉ ပၼ်​တၢင်း​လီ​ဢေႃႈ။-</verse>
				<verse number="16">ၵၢင်​ႁၢဝ်​ၸမ်ႉ၊ ပဵၼ်​ၵၢင်​ႁၢဝ်​ထႃႇဝရႃႉ​ၽြႃး​ဢေႃႈ။ လိၼ်​မိူင်း​ၸမ်ႉ၊ မၼ်း​ၸဝ်ႈ​ပၼ်​တီႈ​လုၵ်ႈ​ၵူၼ်း​တင်း​လၢႆ​ယဝ်ႉ။-</verse>
				<verse number="17">ၵေႃႉ​ဢၼ်​တၢႆ​ၵႂႃႇ​ယဝ်ႉ၊ ၵေႃႉ​ဢၼ်​လူင်း​ၵႂႃႇ​ၵႃႈ​ၼႂ်း​တီႈ​ဢၼ်​တဵတ်ႇ​ဢၼ်​ယဵၼ်​ယဝ်ႉ​ၵႃႈ​မီး​ၼၼ်ႉ ဢမ်ႇ​ယွင်ႈ​ဢမ်ႇ​ယေႃး​ထႃႇဝရႃႉ​ၽြႃး။-</verse>
				<verse number="18">ႁဝ်း​ၸမ်ႉ၊ တၵ်း​ဢွၼ်​ၵၼ်​ပၼ်​တၢင်း​လီ​တီႈ​ထႃႇဝရႃႉ​ၽြႃး ၸႃႉ​ၸဵမ်​မိူဝ်ႈ​လဵဝ်​ၼႆႉ​ၵႂႃႇ သိုပ်ႇ​သိုပ်ႇ​တၢမ်း​တၢမ်း​ဢေႃႈ။ ႁႃႇလေႇလူႉယႃႇ။</verse>
			</chapter>
			<chapter number="116">
				<verse number="1">ၵဝ်​ႁၵ်ႉ​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ထွမ်ႇ​ဢဝ်​သဵင်​ၵဝ် ဢိၵ်ႇ​တင်း​တၢင်း​ဢၼ်​ၵဝ်​လဝ်ႊ​ယွၼ်း​ၼၼ်ႉ​ဢေႃႈ။-</verse>
				<verse number="2">ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ႁေႈ​ႁူ​မၼ်း​ၸဝ်ႈ​ၸူး​တီႈ​ၵဝ်​လႄႈ ၵဝ်​တၵ်း​ႁဵတ်း​ပထၼႃႇ​တီႈ​မၼ်း​ၸဝ်ႈ​ယူႇ ၸူဝ်ႈ​ၵႃႈ​ဢၼ်​ဢသၢၵ်ႈ​ၵဝ်​ယင်း​ယၢဝ်း​ယိုၼ်း​ယူႇ​ၼႆႉ​ဢေႃႈ။-</verse>
				<verse number="3">သဵၼ်ႈ​ၸိူၵ်ႈ​တၢင်း​တၢႆ​တင်း​လၢႆ လွမ်ႉ​ႁွပ်ႈ​ၵဝ်​ဝႆႉ​သေ​လႄႈ မိူင်း​မရၼႃႉ​တီႉ​လႆႈ​ၵဝ်​ဢေႃႈ။ ၵဝ်​လႆႈ​ႁူပ်ႉ​ထူပ်း​တုၵ်ႉ​ၶႃႉ ဝူၺ်ႇတၼႃႇ​တၢင်း​ၽၢၼ်​ဢေႃႈ။-</verse>
				<verse number="4">မိူဝ်ႈ​ၼၼ်ႉ ၵဝ်​ႁဵတ်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၵႄႇ​သႄႇ​ဢဝ်​ဢသၢၵ်ႈ​ၶႃႈ​ၸဝ်ႈ လွတ်ႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ထႃႇဝရႃႉ​ၽြႃး မီး​ၸႂ်​ဢၼ်​ၸၢင်ႈ​ႁဵတ်း​ၵျေး​ၸူး ဢိၵ်ႇ​တင်း​ၸႂ်​ဢၼ်​သိုဝ်ႈ​တေႃႇ​လႄႈ ၽြႃး​ပဵၼ်​ၸဝ်ႈ​ႁဝ်း​ၼၼ်ႉ မီး​ၸႂ်​ၵရူႉၼႃႇ​ဢေႃႈ။-</verse>
				<verse number="6">ထႃႇဝရႃႉ​ၽြႃး ပႂ်ႉ​ၸွႆႈ​ပႂ်ႉ​ထႅမ်​ၶဝ်​ၸိူဝ်း​ဢၼ်​ဢမ်ႇ​လၵ်း​လႅမ်​ၼၼ်ႉ​ယူႇ​ဢေႃႈ။ ၵဝ်​မီး​တၢင်း​ဢၼ်​ၶျႃး​တူၵ်း​တီႈ​တႅမ်ႇ​လႄႈ မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၵဝ်​ဢေႃႈ။-</verse>
				<verse number="7">ဝီႉၺိၺ်ႇ​ၵဝ်​ဢိူၺ်း၊ ၶိုၼ်း​မိူဝ်း​ၵႃႈ​တီႈ​ဢၼ်​မႂ်း​ယူႇ ၼိမ်​ၼိမ်​လီ​လီ​ၼၼ်ႉ​တႃႉ။ ထႃႇဝရႃႉ​ၽြႃး ႁဵတ်း​ၵျေး​ၸူး​တီႈ​မႂ်း​ယဝ်ႉ။-</verse>
				<verse number="8">ၸဝ်ႈ​ႁဝ်း​ၵႄႇ​သႄႇ​တိုတ်ႉ​ၸၼ်​ဢဝ်​ဢသၢၵ်ႈ​ၶႃႈ​ၸဝ်ႈ သေ​ၵႃႈ​ၼႂ်း​တၢင်း​တၢႆ ဢိၵ်ႇ​တင်း​မၢၵ်ႇ​တႃ​ၶႃႈ​ၸဝ်ႈ သေ​ၵႃႈ​ၼႂ်း​တၢင်း​ဢၼ်​ၼမ်ႉ​တႃ​တူၵ်း တင်း​တိၼ်​ၶႃႈ​ၸဝ်ႈ သေ​ၵႃႈ​ၼႂ်း​တၢင်း​ဢၼ်​ၶီႈ​လိုတ်း​လႄႈ​လူမ်ႉ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="9">ပိူဝ်ႈ​ၼႆ​လႄႈ ၶႃႈ​ၸဝ်ႈ​တၵ်း​ၵႂႃႇ​မႃး ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႃႈ​ၼႂ်း​တီႈ​ယူႇ​ၶဝ်​ၸိူဝ်း​ဢၼ် ဢသၢၵ်ႈ​လိပ်း​ယူႇ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="10">ၵွပ်ႈ​ပိူဝ်ႈ​ဢၼ်​ၵဝ်​ယုမ်ႇ​မၢတ်ႈ​လႄႈ ၵဝ်​မွၵ်ႇ​လၢတ်ႈ​ဢေႃႈ။ ၵဝ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ဢၼ်​ယၢၵ်ႈ​ဢၼ်​ၽၢၼ်​ၼႃႇ​လူင်​လၢင်​ဢေႃႈ။-</verse>
				<verse number="11">ၵဝ်​ယင်း​ဢမ်ႇ​ဝႆႉ​သတီႉ​လႄႈ လၢတ်ႈ​မႅၼ်ႈ​လႄႈ​ဝႃႈ၊ ၵူၼ်း​တင်း​သဵင်ႈ​တင်း​လူင် ၸၢင်ႈ​သုင်း​မူႉ​သႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ၵဝ်​တၵ်း​တွပ်ႇ​တႅၼ်း​ၶိုၼ်း​ၵျေး​ၸူး ဢၼ်​ထႃႇဝရႃႉ​ၽြႃး​ႁဵတ်း​တီႈ​ၵဝ်​ၵူႈ​ၸိူဝ်ႉ​ၵူႈ​ပိူင်​ၼၼ်ႉ လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="13">ၵဝ်​တၵ်း​ယိပ်း​ဢဝ်​ၵွၵ်း တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​သေ​လႄႈ ႁဵတ်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ဢေႃႈ။-</verse>
				<verse number="14">ၵဝ်​တၵ်း​ၽေႇ​ဝၢတ်ႈ​ၵတီႉ​သဵတ်ႈ​ၸႃႇ ဢၼ်​ၵဝ်​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵူၼ်း​မၼ်း​ၸဝ်ႈ တင်း​သဵင်ႈ​တင်း​လူင်​ဢေႃႈ။</verse>
				<verse number="15">တၢင်း​ဢၼ် ၶဝ်​ၸိူဝ်း​ဢၼ်​မၼ်း​ၸဝ်ႈ​ႁၵ်ႉ​ပႅင်း​ၼၼ်ႉ​တၢႆ​ၼၼ်ႉ ထိူၵ်ႈ​ၵႃႈ​ထိူၵ်ႈ​ၶၼ်​ၼႃႇ​လူင်​လၢင် ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး​ဢေႃႈ။-</verse>
				<verse number="16">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ပဵၼ်​ၶႃႈ​ၸဝ်ႈ​ႁဝ်း ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။ ၶႃႈ​ၸဝ်ႈ​ပဵၼ်​ၶႃႈ​ၸဝ်ႈ​ႁဝ်း ဢၼ်​ဝႃႈ​လုၵ်ႈ​ၸၢႆး​မႄႈ​ယိင်း​ၶႃႈ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ၵႄႈ​လိတ်ႈ​တၢင်း​ဢၼ်​မတ်ႉ​ဢၼ်​ၽုၵ်ႇ​တီႈ​ၶႃႈ​ၸဝ်ႈ​ၼၼ်ႉ​ပႅတ်ႈ​တီႈ​ၶႃႈ​ယဝ်ႉ။-</verse>
				<verse number="17">ၶႃႈ​ၸဝ်ႈ​တၵ်း​ပုၵ်ႈ​ၸေႃႇ​ယိတ်ႈ တၢင်း​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း​တီႈ​ၸဝ်ႈ​ႁဝ်း​လႄႈ ႁဵတ်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​တီႈ​ၶႃႈ​ဢေႃႈ။-</verse>
				<verse number="18">ၵဝ်​တၵ်း​ၽေႇ​ဝၢတ်ႈ​ၵတီႉ​သဵတ်ႈ​ၸႃႇ ဢၼ်​ၵဝ်​ႁဵတ်း​တီႈ​ထႃႇဝရႃႉ​ၽြႃး​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵူၼ်း​မၼ်း​ၸဝ်ႈ​တင်း​သဵင်ႈ​တင်း​လူင်၊-</verse>
				<verse number="19">ၵႃႈ​ၼႂ်း​တမ်ႇ​တိူင်း​ႁိူၼ်း ထႃႇဝရႃႉ​ၽြႃး ၵႃႈ​တီႈ​ၼႂ်း​ၵၢင်​မႂ်း​ၼၼ်ႉ​ဢေႃႈ။ ဝဵင်း​ ယေႇရူႉသလႅမ်ႇ ​ဢိူၺ်း၊ ႁႃႇလေႇလူႉယႃႇ။</verse>
			</chapter>
			<chapter number="117">
				<verse number="1">ၵူၼ်း​မဵဝ်း​ၵႃႈ​မီး​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး​တႃႉ။ ၸိူဝ်ႉ​ၶိူဝ်း​ၵူၼ်း​ၵႃႈ​မီး​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ဢိုၼ်း​ယွင်ႈ​မၼ်း​ၸဝ်ႈ​ၼႃႇ​ၼႃႇ​တႃႉ။-</verse>
				<verse number="2">လွင်ႈ​မၼ်း​ၸမ်ႉ ၵရူႉၼႃႇ​မၼ်း​ၸဝ်ႈ​ယႂ်ႇ​ၼႃႇ​တီႈ​ႁဝ်း​လႄႈ သဵတ်ႈ​ၸႃႇ​ထႃႇဝရႃႉ​ၽြႃး​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။ ႁႃႇလေႇလူႉယႃႇ။</verse>
			</chapter>
			<chapter number="118">
				<verse number="1">ဢွၼ်​ၵၼ်​ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ပဵၼ်​ဢၼ်​မျၢတ်ႈ​လီ​လႄႈ ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​တႃႉ။-</verse>
				<verse number="2">ႁႂ်ႈ​မဵဝ်း​ ဢီႉသရေႇလႃႉ ႁပ်ႉ​တုင်း​ဢဝ်​လႄႈ​ဝႃႈ၊ ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ၵမ်း​လူၺ်ႈ။-</verse>
				<verse number="3">ႁႂ်ႈ​ၸိူဝ်ႉ​ၶိူဝ်း​ ဢႃႇရုၼ်ႇ ႁပ်ႉ​တုင်း​ဢဝ်​လႄႈ​ဝႃႈ၊ ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ၵမ်း​လူၺ်ႈ။-</verse>
				<verse number="4">ႁႂ်ႈ​ၶဝ်​ၸိူဝ်း​ဢၼ်​ၵူဝ်​ဢၼ်​ႁႄ ထႃႇဝရႃႉ​ၽြႃး​ၼၼ်ႉ ႁပ်ႉ​တုင်း​ဢဝ်​လႄႈ​ဝႃႈ၊ ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ၵမ်း​လူၺ်ႈ။</verse>
				<verse number="5">ၵဝ်​ယူႇ​ၵႃႈ​ၼႂ်း​တီႈ​ဢၼ်​ၵိတ်ႇ​ဢၼ်​ၵႅပ်ႈ ႁွင်ႉ​ႁႃ​ထႃႇဝရႃႉ​ၽြႃး​လႄႈ ထႃႇဝရႃႉ​ၽြႃး​ဢိူဝ်​ၵဝ်​လႄႈ ဢဝ်​ၵဝ်​သႂၢင်း​သႂ်ႇ​ပၼ် ၵႃႈ​ၼႂ်း​တီႈ​ဢၼ်​ၵႂၢင်ႈ​လီ​လႃး​လီ​ဢေႃႈ။-</verse>
				<verse number="6">ထႃႇဝရႃႉ​ၽြႃး​မီး​ယူႇ​ၽၢႆႇ​ၵဝ်​လႄႈ၊ ၵဝ်​ဢမ်ႇ​မီး​တီႈ​ဢၼ်​တၵ်း​ၵူဝ်​တၵ်း​ႁႄ၊ ၵူၼ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၵဝ်​လႆႈ။-</verse>
				<verse number="7">ပိူဝ်ႈ​ဢၼ်​ထႃႇဝရႃႉ​ၽြႃး ၶဝ်ႈ​ပႃး​ၼႂ်း​ၶဝ်​ၸိူဝ်း​ဢၼ်​ၸွႆႈ​ထႅမ်​မႃႉ​ၸႃႉ​ၵဝ်​ၼၼ်ႉ​လႄႈ ယူႇ​ၽၢႆႇ​ၵဝ်​ယူႇ​ၼၼ်ႉ ၵဝ်​တၵ်း​လႆႈ​ႁၼ်​ဢလူဝ်ႇ​ၵဝ်​ပျေႉ​ၸုမ်ႇ ၵႃႈ​တီႈ​ၶဝ်​ၸိူဝ်း​ဢၼ်​ၸင်း​ၵဝ်​ၼၼ်ႉ​ဢေႃႈ။-</verse>
				<verse number="8">တၢင်း​ဢၼ်​သွၼ်ႈ​ပိုင်ႈ​တီႈ​ထႃႇဝရႃႉ​ၽြႃး​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​တၢင်း​ဢၼ်​ဢိင်​ပိုင်ႈ​ၵူၼ်း​ဢေႃႈ။-</verse>
				<verse number="9">တၢင်း​ဢၼ်​သွၼ်ႈ​ပိုင်ႈ​တီႈ ထႃႇဝရႃႉ​ၽြႃး​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​တၢင်း​ဢၼ်​ဢိင်​ပိုင်ႈ​ၶုၼ်​ပိုင်ႈ​ၵႂၢၼ်​ဢေႃႈ။</verse>
				<verse number="10">မဵဝ်း​ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​လွမ်ႉ​ႁွပ်ႈ​ၵဝ်​ဝႆႉ​လႄႈ ၵဝ်​တၵ်း​ဢိင်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ပႄႇ​တႅပ်း​ၶဝ်​ပႅတ်ႈ​ဢေႃႈ။-</verse>
				<verse number="11">ၶဝ်​ဢွၼ်​ၵၼ်​လွမ်ႉ​ႁွပ်ႈ​ၵဝ်​ဝႆႉ​ယူႇ​ဢေႃႈ။ ၶဝ်​ဢွၼ်​ၵၼ်​လွမ်ႉ​ႁွပ်ႈ​ၵဝ်​ဝႆႉ​ယူႇ​လႄႈ၊ ၵဝ်​တၵ်း​ဢိင်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ပႄႇ​တႅပ်း​ၶဝ်​ပႅတ်ႈ​ဢေႃႈ။-</verse>
				<verse number="12">ၶဝ်​ဢွၼ်​ၵၼ်​လွမ်ႉ​ႁွပ်ႈ​ၵဝ်​ဝႆႉ​ယူႇ မိူၼ်​ၸိူဝ်ႉ​ၼင်ႇ​ၽုင်​ၽိုင်ႈ​ၼၼ်ႉ​လႄႈ မွတ်ႇ​ယဵၼ်​ၵႂႃႇ​မိူၼ်​ၸိူဝ်ႉ​ၼင်ႇ​ၽႆး​ဢၼ်​မႆႈ​ယုမ်း​ၼၢမ်​ၼၼ်ႉ​ဢေႃႈ။ ၵဝ်​တၵ်း​ဢိင်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ပႄႇ​တႅပ်း​ၶဝ်​ပႅတ်ႈ​ဢေႃႈ။-</verse>
				<verse number="13">ပိၵ်ႉ​သမ်ႉ​မႂ်း​တွၵ်ႈ​ဢီး​ၵဝ်​ၼႃႇ​လူင်​လၢင် ႁႂ်ႈ​ၵဝ်​လႆႈ​လူမ်ႉ​သေ​ၵေႃႈ၊ ထႃႇဝရႃႉ​ၽြႃး​ၸွႆႈ​ထႅမ်​ၵဝ်​ယူႇ​ဢေႃႈ။-</verse>
				<verse number="14">ထႃႇဝရႃႉ​ၽြႃး ပဵၼ်​ႁႅင်း​တၼ်း​ၶူဝ်း​ၵဝ်၊ လွင်ႈ​တၢင်း​ဢၼ်​ၵဝ်​ႁဵတ်း​ၵႂၢမ်း​လႄႈ ပဵၼ်​လွင်ႈ​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ဢေႃႈ။-</verse>
				<verse number="15">သဵင်​တၢင်း​ဢၼ်​ႁွင်ႉ​သဵင်​ဢၼ်​သႂၢင်ႇ​ဢၼ်​သိူဝ်း ဢိၵ်ႇ​တင်း​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၼၼ်ႉ မီး​ၵႃႈ​ၼႂ်း​မူဝ်းၵႃႇ​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ဢေႃႈ။ မိုဝ်း​ၶွၼ်​ၶႂႃ​ထႃႇဝရႃႉ​ၽြႃး ႁဵတ်း​လွင်ႈ​တၢင်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="16">မိုဝ်း​ၶွၼ်​ၶႂႃ​ထႃႇဝရႃႉ​ၽြႃး မီး​တၢင်း​ဢၼ်​ယုၵ်ႉ​ယွင်ႈ​ယူႇ​ဢေႃႈ။ မိုဝ်း​ၶွၼ်​ၶႂႃ​ထႃႇဝရႃႉ​ၽြႃး ႁဵတ်း​လွင်ႈ​တၢင်း​ဢၼ် ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="17">ၵဝ်​တၵ်း​ဢမ်ႇ​တၢႆ၊ ၵဝ်​တၵ်း​ဢသၢၵ်ႈ​လိပ်း​ယူႇ​လႄႈ ဢဝ်​လွင်ႈ​တၢင်း​ဢၼ်​ထႃႇဝရႃႉ​ၽြႃး​ႁဵတ်း​ၸိူဝ်း​ၼၼ်ႉ မွၵ်ႇ​လၢတ်ႈ​ထႅင်ႈ​လူး​ၵွၼ်ႇ​ဢေႃႈ။-</verse>
				<verse number="18">ပိၵ်ႉ​သမ်ႉ​ထႃႇဝရႃႉ​ၽြႃး​သင်ႇ​သွၼ်​သုင်း​မႃႉ​ၵဝ် ၵိတ်ႇ​ၵႅၼ်း​ၼႃႇ​လူင်​လၢင်​သေ​ၵေႃႈ၊ မၼ်း​ၸဝ်ႈ​ဢမ်ႇ​ဢဝ်​ၵဝ်​ဢၢပ်ႈ​ပၼ်​ၵႃႈ​တီႈ​တၢင်း​တၢႆ။</verse>
				<verse number="19">ဢွၼ်​ၵၼ်​ၽုၺ်ႇ​ၽၵ်း​တူ​တၢင်း​ဢၼ်​သိုဝ်ႈ​တေႃႇ​ၸိူဝ်း​ၼၼ်ႉ ပၼ်​တီႈ​ၵဝ်​တႃႉ။ ၵဝ်​တၵ်း​ၶဝ်ႈ​လႄႈ​ယွင်ႈ​ယေႃး​ၵျေး​ၸူး ထႃႇဝရႃႉ​ၽြႃး​ဢေႃႈ။-</verse>
				<verse number="20">ဢၼ်​ၼႆႉ​ပဵၼ်​ၽၵ်း​တူ​ထႃႇဝရႃႉ​ၽြႃး​လႄႈ၊ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​တၵ်း​လႆႈ​ၶဝ်ႈ​ဢေႃႈ။-</verse>
				<verse number="21">ၶႃႈ​ၸဝ်ႈ​တၵ်း​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ဢိူဝ်​ၶႃႈ​ၸဝ်ႈ​လႄႈ ပဵၼ်​လွင်ႈ​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="22">မၢၵ်ႇ​ႁိၼ်​ဢၼ်​ၶဝ်​ၸိူဝ်း​ဢၼ်​ႁဵတ်း​တိူၵ်ႈ​ပႅတ်ႈ​ဝႆႉ​ၼၼ်ႉ ၵမ်း​လိုၼ်း ပဵၼ်​ႁူဝ်​ၸဵင်ႇ​တိူၵ်ႈ​ဢေႃႈ။-</verse>
				<verse number="23">လွင်ႈ​တီႈ​ႁဵင်း​ၼႆႉ ပဵၼ်​တီႈ​ဢၼ်​ထႃႇဝရႃႉ​ၽြႃး​ႁဵတ်း​ဝႆႉ​ဢေႃႈ။ ၵႃႈ​တႂ်ႈ​တႃ​ႁဝ်း​ၼႆႉ​ၵေႃႈ၊ ပဵၼ်​ဢၼ်​လီ​ဢၢမ်း​ဢေႃႈ။-</verse>
				<verse number="24">မိူဝ်ႈ​ၼႆႉ​ဝၼ်း​ၼႆႉ​ၸမ်ႉ၊ ပဵၼ်​မိုဝ်ႉ​ဝၼ်း​ဢၼ် ထႃႇဝရႃႉ​ၽြႃး​ၸီႇ​ယၢင်ႇ​လႄႈ ဢွၼ်​ၵၼ်​သိူဝ်း​သႂၢင်ႇ​လႄႈ မူၼ်ႈ​ပျေႃႇ​ၼႂ်း​မၼ်း​တႃႉ​ႁဝ်း။-</verse>
				<verse number="25">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၶဝ်​တွင်း​ပၢၼ်ႇ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ပၼ်​တၢင်း​လီ​မင်ႇၵလႃႇ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​ၶဝ်​တွင်း​ပၢၼ်ႇ​တီႈ​ၶႃႈ​ဢေႃႈ။-</verse>
				<verse number="26">ႁႂ်ႈ​ၵေႃႉ​ဢၼ်​ပႃး​တင်း​ဢၶႂၢင်ႉ​ထႃႇဝရႃႉ​ၽြႃး​မႃး​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။ ၶႃႈ​ၸဝ်ႈ​ႁဝ်း​ၶဝ်​ယူႇ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​လႄႈ ပၼ်​တၢင်း​လီ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="27">ထႃႇဝရႃႉ​ၽြႃး ပဵၼ်​ၽြႃး​ပဵၼ်​ၸဝ်ႈ​လႄႈ မၼ်း​ၸဝ်ႈ​ပွႆႇ​သၢႆ​ဢရွင်ႇ​မႃး​တီႈ​ႁဝ်း​ဢေႃႈ။ ဢဝ်​ၸိူၵ်ႈ​တင်း​လၢႆ မတ်ႉ​ၽုၵ်ႇ​တူဝ်​ဢၼ်​တၵ်း​ဢဝ်​ပုၵ်ႈ​ၸေႃႇ​ယိတ်ႈ​ၼၼ်ႉ ဝႆႉ​ၵႃႈ​တီႈ​ၶဝ်​လႅမ်​ယိတ်ႈပလၢင်ႇ​တႃႉ။-</verse>
				<verse number="28">ၸဝ်ႈ​ႁဝ်း​ပဵၼ်​ၽြႃး​ၶႃႈ​ၸဝ်ႈ​လႄႈ ၶႃႈ​ၸဝ်ႈ​တၵ်း​ယွင်ႈ​ယေႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။ ပဵၼ်​ၽြႃး​ၶႃႈ​ၸဝ်ႈ​လႄႈ ၶႃႈ​ၸဝ်ႈ​တၵ်း​ယုၵ်ႉ​ယွင်ႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="29">ဢွၼ်​ၵၼ်​ယွင်ႈ​ယေႃး​ၵျေး​ၸူး ထႃႇဝရႃႉ​ၽြႃး​တႃႉ။ လွင်ႈ​မၼ်း​ၸမ်ႉ မၼ်း​ၸဝ်ႈ​ပဵၼ်​ဢၼ်​မျၢတ်ႈ​လီ​လႄႈ ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။</verse>
			</chapter>
			<chapter number="119">
				<verse number="1">ၶဝ်​ၸိူဝ်း​ဢၼ်​ၸေး​ၸုမ်ႇ​ၼႂ်း​သဵၼ်ႈ​တၢင်း​ၸဝ်ႈ​လႄႈ ၵႂႃႇ​မႃး​ၸွမ်း​တြႃး​ထႃႇဝရႃႉ​ၽြႃး​ယူႇ​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="2">ၶဝ်​ၸိူဝ်း​ဢၼ်​ပႂ်ႉ​လွင်ႈ​တၢင်း​ဢၼ် မၼ်း​ၸဝ်ႈ​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​လႄႈ ပႃး​တင်း​ႁူဝ်​ၸႂ်​သဵင်ႈ​သဵင်ႈ​ႁႃ​ဢဝ်​မၼ်း​ၸဝ်ႈ​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="3">ၶဝ်​ၼၼ်ႉ ဢမ်ႇ​ၸၢင်ႈ​ႁဵတ်း​တူႉ​ၸရိူၵ်ႈ၊ ၶဝ်​ၸၢင်ႈ​ဢွၼ်​ၵၼ်​ၵႂႃႇ​မႃး​ၼႂ်း​သဵၼ်ႈ​တၢင်း​မၼ်း​ၸဝ်ႈ​ဢေႃႈ။-</verse>
				<verse number="4">ၸဝ်ႈ​ႁဝ်း​ပိင်း​ၺၢပ်ႈ​ပၼ်​ဢေႃးဝႃႇတႃႉ​တင်း​လၢႆ​ဝႆႉ ပုၼ်ႈ​ဢၼ်​ၶႃႈ​ၸဝ်ႈ​ႁဝ်း​ၶဝ်​တၵ်း​လႆႈ​ၵျူဝ်း​ၸႃး​ၵမ်​ၵျၢင်ႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">ႁႂ်ႈ​သဵၼ်ႈ​တၢင်း​ဢၼ်​ၶႃႈ​ၸဝ်ႈ​ၵႂႃႇ​ၼၼ်ႉ​မၼ်ႈ​ၶိူင်ႇ ႁႂ်ႈ​ၶႃႈ​ၸဝ်ႈ​လႆႈ​ပႂ်ႉ​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ​သေ​ၵမ်း​လူၺ်ႈ။-</verse>
				<verse number="6">မိူဝ်ႈ​ၼၼ်ႉ ၶႃႈ​ၸဝ်ႈ​တၵ်း​လႆႈ​ၵၢင်း​လွတ်ႈ​တင်း တၢင်း​ဢၼ်​ဢူၵ်း​ဢၼ်​ဢၢႆ ၼႂ်း​မိူဝ်ႈ​ဢၼ်​ၶႃႈ​ၸဝ်ႈ ထွၵ်ႈ​လူၺ်ႈ​ပိင်း​ၺၢပ်ႈ​ၸဝ်ႈ​ႁဝ်း ၵူႈ​ၸိူဝ်ႉ​ၵူႈ​ပိူင်​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="7">ၶႃႈ​ၸဝ်ႈ​တၵ်း​ပႃး​ဢဝ်​တင်း​ၸႂ်​ဢၼ်​သိုဝ်ႈ​လီ​ယူဝ်း​လီ​သေ​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း ၼႂ်း​မိူဝ်ႈ​ဢၼ်​ၶႃႈ​ၸဝ်ႈ​သွၼ်​ဢဝ် လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ သိုဝ်ႈ​သိုဝ်ႈ​တေႃႇ​တေႃႇ​ၸိူဝ်း​ၼၼ်ႉ​ယဝ်ႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">ၶႃႈ​ၸဝ်ႈ​တၵ်း​ပႂ်ႉ​ၸွမ်း​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ ၶႅၼ်း​တေႃႈ​ယႃႇ​ပေ​ၸုၼ်ႉ​ပႅတ်ႈ​ၶႃႈ​ၸဝ်ႈ​လႃး​လႃး​သေ​ၵမ်း​တီႈ​ၶႃႈ။</verse>
				<verse number="9">ၵူၼ်း​ဢၼ်​ယင်း​ၼုမ်ႇ​ယင်း​ၵမ်​ၼၼ်ႉ တၵ်း​ႁႂ်ႈ​သဵၼ်ႈ​တၢင်း​ဢၼ်​မၼ်း​ၵႂႃႇ​ၼၼ်ႉ မူတ်း​ၸၢင်ႇ​လႆႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼႆ​ၸမ်ႉ၊ တၵ်း​လႆႈ​ႁဵတ်း​သတီႉ ၸွမ်း​ၵႃႈ​ၼင်ႇ​ဢၼ်​ၼုၵ်ႈၵပၢတ်ႈ​ၸဝ်ႈ​ႁဝ်း​မီး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="10">ၶႃႈ​ၸဝ်ႈ​ပႃး​တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ႁႃ​ဢဝ်​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႅၼ်း​တေႃႈ​ယႃႇ​ပေ​ႁႂ်ႈ​ၶႃႈ​ၸဝ်ႈ​ပိူင်ႈ​သေ​သဵၼ်ႈ​တၢင်း​ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ ၵႂႃႇ​သေ​ၵမ်း​တီႈ​ၶႃႈ၊-</verse>
				<verse number="11">ၶႃႈ​ၸဝ်ႈ​ဢဝ်​ပျႃႇ​တိၵ်ႈ​ၸဝ်ႈ​ႁဝ်း​သိမ်း​ဝႆႉ​ၼႂ်း​ႁူဝ်​ၸႂ် ႁႂ်ႈ​ဢမ်ႇ​လႆႈ​ၽိတ်း​ပိူင်ႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ။-</verse>
				<verse number="12">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​မီး​မင်ႇၵလႃႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ဢဝ်​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ သွၼ်​ပၼ်​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="13">ၶႃႈ​ၸဝ်ႈ​ဢဝ်​သူပ်း​ၶႃႈ​ၸဝ်ႈ​ႁေႃး​လၢတ်ႈ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဢွၵ်ႇ​ပၢၵ်ႇ​ၸဝ်ႈ​ႁဝ်း​ဝႆႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="14">ၶႃႈ​ၸဝ်ႈ​မူၼ်ႈ​ပျေႃႇ​ယူႇ​ၵႃႈ​ၼႂ်း​သဵၼ်ႈ​တၢင်း တီႈ​ဢၼ်​ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ၼႂ်း​ၸေး​ၸိမ်ႇ​ဢုၵ်ႉ​ၸႃႇ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="15">ၶႃႈ​ၸဝ်ႈ​တၵ်း​ၶႆႈ​ၸႂ်​ဝူၼ်ႉ​ၸႂ် လူၺ်ႈ​လွင်ႈ​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​လႄႈ လူ​တူၺ်း​သဵၼ်ႈ​တၢင်း​ဢၼ်​ၸဝ်ႈ​ႁဝ်း​ၵႂႃႇ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="16">ၶႃႈ​ၸဝ်ႈ​တၵ်း​မူၼ်ႈ​ပျေႃႇ​ၼႂ်း​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ​လႄႈ ယင်း​ဢမ်ႇ​မၢတ်ႈ​ဢမ်ႇ​တွင်း ၼုၵ်ႈၵပၢတ်ႈ​ၸဝ်ႈ​ႁဝ်း​လႄႈ တၵ်း​ဢမ်ႇ​ယူႇ​တီႈ​ၶႃႈ။</verse>
				<verse number="17">ၶႅၼ်း​တေႃႈ​ႁဵတ်း​ၵျေး​ၸူး​တီႈ​ၶႃႈ​ၸဝ်ႈ​ႁဝ်း ႁႂ်ႈ​ၶႃႈ​ၸဝ်ႈ​ႁဝ်း​ဢသၢၵ်ႈ​လိပ်း​ယူႇ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ႁဝ်း​တၵ်း​ပႂ်ႉ​ၼုၵ်ႈၵပၢတ်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="18">ၶႅၼ်း​တေႃႈ​ၽုၺ်ႇ​မၢၵ်ႇ​တႃ​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​ႁၼ်​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ၵႃႈ​ၼႂ်း​တြႃး​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="19">ၶႃႈ​ၸဝ်ႈ​ပဵၼ်​ၶႅၵ်ႇ​ၵႃႈ​ၼိူဝ်​လိၼ်​မိူင်း​ၼႆႉ​ယူႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ယႃႇ​ပေ​သိူင်ႇ​မႅပ်ႉ​ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ​ဝႆႉ သေ​ၵႃႈ​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="20">ႁူဝ်​ၸႂ်​ၶႃႈ​ၸဝ်ႈ​မီး တၢင်း​ဢၼ်​တႅၵ်ႇ​လႅဝ်​ၵႂႃႇ ၵွပ်ႈ​ပိူဝ်ႈ​ဢၼ်​မၼ်း​တူၵ်း​ဢၢင်ႈ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​ယူႇ ၵူႈ​ၶိင်ႇ​ၵူႈ​ၶႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="21">ၸဝ်ႈ​ႁဝ်း​သင်ႇ​သွၼ်​သုင်း​မႃႉ​ၶဝ်​ၸိူဝ်း​ဢၼ်​မႃႇၼႃႉ​ယႂ်ႇ၊ ဢၼ်​လႆႈ​ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​လႄႈ ပိူင်ႈ​သဵၼ်ႈ​တၢင်း​ပိင်း​ၺၢပ်ႈ​ၸဝ်ႈ​ႁဝ်း​တင်း​လၢႆ ၵႂႃႇ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="22">ၶႅၼ်း​တေႃႈ​ႁႂ်ႈ​တၢင်း​ဢၼ်​သႄႉ​ဢၼ်​သွမ်း ဢိၵ်ႇ​တင်း​တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ၼၼ်ႉ ၵႆ​ယၢၼ်​ၵၼ်​တင်း​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ပႂ်ႉ​လွင်ႈ​တၢင်း​ဢၼ်​ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​ယူႇ​ၼၼ်ႉ သေ​ၵမ်း​တီႈ​ၶႃႈ။-</verse>
				<verse number="23">ၶုၼ်​တင်း​လၢႆ​ဢွၼ်​ၵၼ်​ၼင်ႈ​လႄႈ​လၢတ်ႈ​ဝႃႈ​ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၸမ်ႉ၊ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ ထုင်း​ၽိင်ႈ​တြႃး​ၸဝ်ႈ​ႁဝ်း​တင်း​လၢႆ​ယူႇ​တီႈ​ၶႃႈ​ဢေႃႈ။-</verse>
				<verse number="24">လွင်ႈ​တၢင်း​ဢၼ်​ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ ပဵၼ်​တီႈ​ဢၼ်​ၶႃႈ​ၸဝ်ႈ​မူၼ်ႈ​ပျေႃႇ၊ တီႈ​ဢၼ်​ၶႃႈ​ၸဝ်ႈ​တိူင်ႇ​ပၢင်ႇ​တွင်ႈ​ထၢမ်​တီႈ​ၶႃႈ​ဢေႃႈ။</verse>
				<verse number="25">ဝီႉၺိၺ်ႇ​ၶႃႈ​ၸဝ်ႈ ၸပ်း​ယူႇ​ၵႃႈ​တီႈ​မုၼ်ႈ​လိၼ်​လႄႈ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ ၸွမ်း​ၵႃႈ​ၼင်ႇ​ဢၼ် ၼုၵ်ႈၵပၢတ်ႈ​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="26">ၶႃႈ​ၸဝ်ႈ​ၽုၺ်ႇ​ဢွၵ်ႇ​ၼႄ​ပျႃး သဵၼ်ႈ​တၢင်း​ဢၼ်​ၶႃႈ​ၸဝ်ႈ​ၵႂႃႇ​ၸိူဝ်း​ၼၼ်ႉ​လႄႈ၊ ၸဝ်ႈ​ႁဝ်း​ထွမ်ႇ​ဢဝ်​တီႈ​ၶႃႈ​ယဝ်ႉ။ ၶႅၼ်း​တေႃႈ​ဢဝ်​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ သွၼ်​ပၼ်​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="27">ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁူႉ​သဵၼ်ႈ​တၢင်း​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​တၵ်း​ၶုၵ်း​ၸႂ်​လႆႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​တၢင်း​ဢၼ်​လီ​ဢၢမ်း​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="28">ႁူဝ်​ၸႂ်​ၶႃႈ​ၸဝ်ႈ​မီး​တၢင်း​ဢၼ်​ႁူဝ်ႈ​ၵႂႃႇ​ၸိူမ်ႈ​ၵႂႃႇ ၵွပ်ႈ​ပိူဝ်ႈ​တၢင်း​ဢၼ်​ၸႂ်​လဵၵ်ႉ​ၸႂ်​ဢူၼ်ႈ​ၼၼ်ႉ​လႄႈ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ တႄႇ​ယူႇ​ၸွမ်း​ၵႃႈ​ၼင်ႇ​ဢၼ်​ၼုၵ်ႈၵပၢတ်ႈ​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="29">ၶႅၼ်း​တေႃႈ​ႁႂ်ႈ​သဵၼ်ႈ​တၢင်း​မူႉ​သႃႇ ၽၢတ်ႇ​ယၢၼ်​ၵၼ်​တင်း​ၶႃႈ​ၸဝ်ႈ​လႄႈ ဢဵတ်း​လူ​ပၼ်​တြႃး​ၸဝ်ႈ​ႁဝ်း တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊-</verse>
				<verse number="30">ၶႃႈ​ၸဝ်ႈ​လိူၵ်ႈ​ၵဵပ်း​ဢဝ်​သဵၼ်ႈ​တၢင်း​သဵတ်ႈ​ၸႃႇ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ဢဝ်​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ ဝႆႉ​ၵႃႈ​တီႈ​ၽၢႆႇ​ၼႃႈ​ၶႃႈ​ၸဝ်ႈ​တီႈ​ၶႃႈ​ယဝ်ႉ။-</verse>
				<verse number="31">ၶႃႈ​ၸဝ်ႈ​ၸပ်း​ၸွမ်း​လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​ယူႇ​တီႈ​ၶႃႈ​ယဝ်ႉ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ယႃႇ​ပေ​ပၼ် ႁႂ်ႈ​ၶႃႈ​ၸဝ်ႈ​ႁွတ်ႈ​ထိုင်​တၢင်း​ဢၼ်​ဢူၵ်း​ဢၼ်​ဢၢႆ​သေ​ၵမ်း​တီႈ​ၶႃႈ၊-</verse>
				<verse number="32">ၶႃႈ​ၸဝ်ႈ​တၵ်း​ၶုၼ်ႇ​လႅၼ်ႈ​ၸွမ်း​ၼႂ်း​သဵၼ်ႈ​တၢင်း​ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ ၼႂ်း​မိူဝ်ႈ​ဢၼ်​ၸဝ်ႈ​ႁဝ်း​ႁႂ်ႈ​ၺၢၼ်ႇ​ႁူဝ်​ၸႂ်​ၶႃႈ​ၸဝ်ႈ​ယႂ်ႇ​ၵႂၢင်ႈ​မႃး​ယူႇ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="33">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​သွၼ်​ပၼ်​သဵၼ်ႈ​တၢင်း​ထုင်း​ၽိင်ႈ​တြႃး​ၸဝ်ႈ​ႁဝ်း​ၼၼ်ႉ တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​ၸွမ်း​ၵႂႃႇ​တေႃႇ​ထိုင်​ႁွတ်ႈ တီႈ​သုတ်း​တီႈ​ၵွႆ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="34">ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁူႉ​ၸႅင်ႈ​ၺၢၼ်ႇ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​ပႂ်ႉ​ၸွမ်း​တြႃး​ၸဝ်ႈ​ႁဝ်း​လႄႈ ပႃး​တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ၵမ်​ၵျၢင်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="35">ၶႅၼ်း​တေႃႈ​ဢဝ်​ၶႃႈ​ၸဝ်ႈ သူင်ႇ​ၵႃႈ​ၼႂ်း​သဵၼ်ႈ​တၢင်း​ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​သဵၼ်ႈ​တၢင်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="36">ၶႅၼ်း​တေႃႈ​ႁႂ်ႈ​ႁူဝ်​ၸႂ်​ၶႃႈ​ၸဝ်ႈ ဢူၼ်ႈ​ၼူပ်ႈ​ၵွမ်း​ၸူး​ၽၢႆႇ​လေႃး​ၽႃႉ​ဢမ်ႇ​ၸႂ်ႈ၊ ၸူး​ၵႃႈ​တီႈ​ၽၢႆႇ​လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="37">ၶႅၼ်း​တေႃႈ​ႁႂ်ႈ​မၢၵ်ႇ​တႃ​ၶႃႈ​ၸဝ်ႈ ဝႄႈ​ပိူင်ႈ​သေ​တၢင်း​ဢၼ်​ထူပ်း​ဢၼ်​ႁၼ်​ဢၼတ်ႉတႃႉ​ၼၼ်ႉ​လႄႈ ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ ၵႃႈ​ၼႂ်း​သဵၼ်ႈ​တၢင်း​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="38">ၶႅၼ်း​တေႃႈ​ႁႂ်ႈ​ပျႃႇ​တိၵ်ႈ​ၸဝ်ႈ​ႁဝ်း တႄႇ​ယူႇ​တီႈ​ၶႃႈ​ၸဝ်ႈ​ႁဝ်း​ဢၼ်​ၵူဝ်​ႁႄ​ၸဝ်ႈ​ႁဝ်း​ယူႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="39">ၶႅၼ်း​တေႃႈ​ႁႂ်ႈ​တၢင်း​ဢၼ်​သႄႉ​ဢၼ်​သွမ်း​ဢၼ်​ၶႃႈ​ၸဝ်ႈ​ၵူဝ်​ႁႄ​ၼၼ်ႉ ႁၢႆ​ၵႂႃႇ သေ​ၵမ်း​တီႈ​ၶႃႈ။ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ ပဵၼ်​ဢၼ်​လီ​ဢၼ်​ငၢမ်း​တီႈ​ၶႃႈ​ဢေႃႈ။-</verse>
				<verse number="40">တူၺ်း​တီႈ​ၶႃႈ​လူး။ ၶႃႈ​ၸဝ်ႈ​တူၵ်း​ဢၢင်ႈ ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​ယူႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ဢဝ်​တင်း​တြႃး​တၢင်း​ဢၼ်​သိုဝ်ႈ​တေႃႇ​ၸဝ်ႈ​ႁဝ်း​ၼၼ်ႉ ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ​သေ​ၵမ်း​တီႈ​ၶႃႈ။</verse>
				<verse number="41">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၵရူႉၼႃႇ​ၸဝ်ႈ​ႁဝ်း​ဢၼ်​ဝႃႈ​ၵျေး​ၸူး​တၢင်း​ဢၼ်​ၸဝ်ႈ​ႁဝ်း ၵႄႇ​သႄႇ​ၶျွတ်ႈ​ဢဝ်​ၼၼ်ႉ ႁွတ်ႈ​ထိုင်​ၵႃႈ​တီႈ​ၶႃႈ​ၸဝ်ႈ ၸွမ်း​ၵႃႈ​ၼင်ႇ​ဢၼ်​ပျႃႇ​တိၵ်ႈ​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="42">ၼင်ႇ​ၼၼ်​လႄႈ ၶႃႈ​ၸဝ်ႈ​တၵ်း​လႆႈ​မီး​လွင်ႈ​ဢၼ် တၵ်း​လႆႈ​ၶိုၼ်း​ၵႄႈ​လိတ်ႈ​ၵႂၢမ်း​ၵေႃႉ​ဢၼ်​သႄႉ​သွမ်း​ၼၼ်ႉ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ဢိင်​ပိုင်ႈ​ၼုၵ်ႈၵပၢတ်ႈ​ၸဝ်ႈ​ႁဝ်း​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="43">ၶႅၼ်း​တေႃႈ​ယႃႇ​ပေ​ၼုၵ်ႈ​သိမ်း​ဢဝ် ၵႂၢမ်း​သဵတ်ႈ​ၸႃႇ​ၵႃႈ​ၼႂ်း​သူပ်း​ၶႃႈ​ၸဝ်ႈ​လႃး​လႃး ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​ယူႇ​ၼၼ်ႉ သေ​ၵမ်း​တီႈ​ၶႃႈ။-</verse>
				<verse number="44">ၶႃႈ​ၸဝ်ႈ​ယင်း​ဢမ်ႇ​ၵိုတ်း​ဢမ်ႇ​သဝ်း​လႄႈ တၵ်း​ပႂ်ႉ​ၸွမ်း​တြႃး​ၸဝ်ႈ​ႁဝ်း​ယူႇ​တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="45">ၶႃႈ​ၸဝ်ႈ​တၵ်း​ၵႂႃႇ​မႃး​ၵႃႈ​ၼႂ်း​တီႈ​ဢၼ်​ၵႂၢင်ႈ​လီ​လႃး​လီ​ၼၼ်ႉ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​တွင်ႈ​ထၢမ်​ႁႃ​ဢဝ် ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="46">ၶႃႈ​ၸဝ်ႈ​တၵ်း​ဢဝ်​လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ မွၵ်ႇ​လၢတ်ႈ​တီႈ​ၶုၼ်​ႁေႃ​ၶမ်း​တင်း​လၢႆ​လႄႈ ဢမ်ႇ​မီး​တၢင်း​ဢၼ်​ဢူၵ်း​ဢၼ်​ဢၢႆ​တီႈ​ၶႃႈ။-</verse>
				<verse number="47">ၶႃႈ​ၸဝ်ႈ​တၵ်း​မူၼ်ႈ​ပျေႃႇ​ယူႇ ၵႃႈ​ၼႂ်း​ပိင်း​ၺၢပ်ႈ​ၸဝ်ႈ​ႁဝ်း ဢၼ်​ၶႃႈ​ၸဝ်ႈ​ႁၵ်ႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="48">ၶႃႈ​ၸဝ်ႈ​တၵ်း​ယုၵ်ႉ​ယွင်ႈ​မိုဝ်း​ၸူး​တီႈ​ပိင်း​ၺၢပ်ႈ​ၸဝ်ႈ​ႁဝ်း ဢၼ်​ၶႃႈ​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ဝူၼ်ႉ​ၸႂ် လူၺ်ႈ​လွင်ႈ​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။</verse>
				<verse number="49">ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၼုၵ်ႈၵပၢတ်ႈ​ဢၼ်​ၸဝ်ႈ​ႁဝ်း​ဝႆႉ​တီႈ​ၶႃႈ​ၸဝ်ႈ​ႁဝ်း ဢၼ်​ဝႃႈ​လွင်ႈ​တၢင်း​ဢၼ်​ၸဝ်ႈ​ႁဝ်း ႁႂ်ႈ​ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ​ယူႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="50">ပိူဝ်ႈ​ဢၼ်​ပျႃႇ​တိၵ်ႈ​ၸဝ်ႈ​ႁဝ်း ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ​လႄႈ ဢၼ်​ၼၼ်ႉ​ပဵၼ်​လွင်ႈ​ဢၼ်​ၶႃႈ​ၸဝ်ႈ​သၢၵ်ႈ​သႃႇ​မႃး ၼႂ်း​မိူဝ်ႈ​ဢၼ်​ၶႃႈ​ၸဝ်ႈ​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="51">ပိၵ်ႉ​သမ်ႉ​ၶဝ်​ၸိူဝ်း​ဢၼ်​မႃႇၼႃႉ​ယႂ်ႇ​ၼၼ်ႉ သႄႉ​သွမ်း​ၶႃႈ​ၸဝ်ႈ​ၼႃႇ​လူင်​လၢင်​သေ​ၵေႃႈ၊ ၶႃႈ​ၸဝ်ႈ​ဢမ်ႇ​ဝႄႈ​ပႅတ်ႈ​တြႃး​ၸဝ်ႈ​ႁဝ်း​တီႈ​ၶႃႈ။-</verse>
				<verse number="52">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ၶုၵ်း​ၸႂ်​လႆႈ ၶႆႈ​ၸႂ်​ထူပ်း လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ မိူဝ်ႈ​ဢွၼ်​ၼႆႉ​ၼၼ်ႉ​ၸိူဝ်း​ၼၼ်ႉ​လႄႈ၊ တူဝ်​ၸဝ်ႈ​ၵဝ်ႇ​ႁႂ်ႈ​တူဝ်​ၸဝ်ႈ​ၵဝ်ႇ ၼိမ်​ၸႂ်​ၼိမ်​ၶေႃး​ယူႇ​တီႈ​ၶႃႈ​ဢေႃႈ။-</verse>
				<verse number="53">ၸႂ်​ဢၼ်​မႆႈ​ဢၼ်​ႁွၼ်ႉ​ၸပ်း​ၸွႆး​ၶႃႈ​ၸဝ်ႈ​ယူႇ ၵွပ်ႈ​ပိူဝ်ႈ​ၵူၼ်း​ဢႃႉထမ်ႇမႃႉ ဢၼ်​ၸုၼ်ႉ​ပႅတ်ႈ​တြႃး​ၸဝ်ႈ​ႁဝ်း​ၼၼ်ႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="54">ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ ပဵၼ်​လွင်ႈ​တၢင်း​ဢၼ်​ၶႃႈ​ၸဝ်ႈ​ႁဵတ်း​ၵႂၢမ်း​ယူႇ ၵႃႈ​ၼႂ်း​ႁိူၼ်း​တီႈ​ဢၼ်​ၶႃႈ​ၸဝ်ႈ ပဵၼ်​ၶႅၵ်ႇ​ယူႇ​ၼႆႉ​တီႈ​ၶႃႈ​ဢေႃႈ။-</verse>
				<verse number="55">ထႃႇဝရႃႉ​ၽြႃး​တီႈ​ၶႃႈ၊ ၶိင်ႇ​ၵၢင်​ၶိုၼ်း​ၶႃႈ​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​လႄႈ ပႂ်ႉ​ၸွမ်း​တြႃး​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="56">ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ထွမ်ႇ​ဢဝ်​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​လႄႈ ပဵၼ်​မႃး​တီႈ​ၶႃႈ​ၸဝ်ႈ​ၸိူဝ်ႉ​ၼင်ႇ​ၼၼ်​တီႈ​ၶႃႈ​ဢေႃႈ။</verse>
				<verse number="57">ထႃႇဝရႃႉ​ၽြႃး ပဵၼ်​ပုၼ်ႈ​ပဵၼ်​တႃႇ​ၶႃႈ​ၸဝ်ႈ​လႄႈ ၶႃႈ​ၸဝ်ႈ​လၢတ်ႈ​ဝႆႉ​လႄႈ​ဝႃႈ၊ ၶႃႈ​ၸဝ်ႈ​တၵ်း​ထွမ်ႇ​ဢဝ်​ၼုၵ်ႈၵပၢတ်ႈ​ၵႂၢမ်း​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ။-</verse>
				<verse number="58">ၶႃႈ​ၸဝ်ႈ​ပႃး​တင်း​ႁူဝ်​ၸႂ်​သဵင်ႈ​သဵင်ႈ​တွင်း​ပၢၼ်ႇ​တီႈ​ၸဝ်ႈ​ႁဝ်း ႁႂ်ႈ​လႆႈ​ၶၢမ်ႇ​ၵျေး​ၸူး​ၸဝ်ႈ​ႁဝ်း​လႄႈ ၶႅၼ်း​တေႃႈ​ဢဵတ်း​လူ​ၶႃႈ​ၸဝ်ႈ ၸွမ်း​ၵႃႈ​ၼင်ႇ​ဢၼ်​ပျႃႇ​တိၵ်ႈ​ၸဝ်ႈ​ႁဝ်း မီး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="59">ၶႃႈ​ၸဝ်ႈ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​သဵၼ်ႈ​တၢင်း​ဢၼ်​ၶႃႈ​ၸဝ်ႈ​ၵႂႃႇ​ၸိူဝ်း​ၼၼ်ႉ​လႄႈ ဢဝ်​တိၼ်​ၶႃႈ​ၸဝ်ႈ ဝၢႆႇ​ၸူး​ငႅၵ်း​ၸူး လွင်ႈ​တၢင်း​ဢၼ်​ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="60">ၶႃႈ​ၸဝ်ႈ​ယင်း​ဢမ်ႇ​ၵွႆႈ​ဢမ်ႇ​ထိူင်း​လႄႈ​ႁိပ်ႈ​ၼႅတ်ႈ​ႁႂ်ႈ​လႆႈ​ပႂ်ႉ​ၸွမ်း​ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="61">ပိၵ်ႉ​သမ်ႉ​သဵၼ်ႈ​ၸိူၵ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ထူင်ႇ​ႁွပ်ႈ​ၶႃႈ​ၸဝ်ႈ​ဝႆႉ​သေ​ၵေႃႈ၊ ၶႃႈ​ၸဝ်ႈ​ဢမ်ႇ​လူင်​ဢမ်ႇ​လိုမ်း​တြႃး​ၸဝ်ႈ​ႁဝ်း​တီႈ​ၶႃႈ၊-</verse>
				<verse number="62">ၶႃႈ​ၸဝ်ႈ​ထွၵ်ႈ​လူၺ်ႈ​လွင်ႈ​တၢင်း​ဢၼ် ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸွမ်း​ၼင်ႇ​တြႃး​ၸိူဝ်း​ၼၼ်ႉ​လႄႈ ၸၢင်ႈ​လုၵ်ႉ​ၶိင်ႇ​ဢၼ်​တဵင်ႈ​ၶိုၼ်း​ၼၼ်ႉ ႁႂ်ႈ​လႆႈ​ယွင်ႈ​ယေႃး​မုၼ်​ၵျေး​ၸူး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="63">ၶႃႈ​ၸဝ်ႈ​ၸၢင်ႈ​ပဵၼ်​ၵေႃႉ​ပဵၼ်​သေႈ လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ၵူဝ်​ႁႄ​ၸဝ်ႈ​ႁဝ်း ဢိၵ်ႇ​တင်း ၶဝ်​ၸိူဝ်း​ဢၼ်​ထွမ်ႇ​ဢဝ်​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="64">ထႃႇဝရႃႉ​ၽြႃး​တီႈ​ၶႃႈ၊ လိၼ်​မိူင်း​ၼႆႉ တဵမ်​ဝႆႉ​တင်း​ၵရူႉၼႃႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႅၼ်း​တေႃႈ​ဢဝ်​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ သွၼ်​ပၼ်​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။</verse>
				<verse number="65">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ႁဵတ်း​ၵျေး​ၸူး​တီႈ​ၶႃႈ​ၸဝ်ႈ​ႁဝ်း ၸွမ်း​ၵႃႈ​ၼင်ႇ​ဢၼ်​ၼုၵ်ႈၵပၢတ်ႈ​ၸဝ်ႈ​ႁဝ်း​မီး​ၼၼ်ႉ တီႈ​ၶႃႈ​ဢေႃႈ။-</verse>
				<verse number="66">ၶႅၼ်း​တေႃႈ​သွၼ်​ပၼ်​ၺၢၼ်ႇ​ဢၼ်​လီ​ဢၼ်​ငၢမ်း ဢိၵ်ႇ​တင်း​ဢတၢတ်ႈ​ပိင်ႇ​ၺႃႇ​တီႈ​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ယုမ်ႇ​မၢတ်ႈ​ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="67">ၸူဝ်ႈ​ဢၼ်​ၶႃႈ​ၸဝ်ႈ ဢမ်ႇ​ပႆႇ​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ၸိုင်၊ ၶႃႈ​ၸဝ်ႈ​ပိူင်ႈ​တၢင်း​ၵႂႃႇ​တီႈ​ၶႃႈ​ဢေႃႈ။ တေႃႈ​လဵဝ်​ၼႆႉ​ၸမ်ႉ ၶႃႈ​ၸဝ်ႈ​ပႂ်ႉ​ၸွမ်း​ပျႃႇ​တိၵ်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="68">ၸဝ်ႈ​ႁဝ်း​မီး​ၸႂ်​ဢၼ်​လီ​ဢၼ်​ငၢမ်း ဢိၵ်ႇ​တင်း​ၸႂ်​ဢၼ်​ၸၢင်ႈ​ႁဵတ်း​ၵျေး​ၸူး​တီႈ​ၶႃႈ​ဢေႃႈ။ ၶႅၼ်း​တေႃႈ​ဢဝ်​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ သွၼ်​ပၼ်​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="69">ပိၵ်ႉ​သမ်ႉ​ၶဝ်​ၸိူဝ်း​ဢၼ်​မႃႇၼႃႉ​ယႂ်ႇ​ၼၼ်ႉ ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​သေ​လႄႈ ၵျၢမ်ႇ​ပွင်​မူႉ​သႃႇ​ယူႇ​သေ​ၵေႃႈ၊ ၶႃႈ​ၸဝ်ႈ​တၵ်း​ပႃး​တင်း​ႁူဝ်​ၸႂ်​သဵင်ႈ​သဵင်ႈ​ၵမ်​ၵျၢင်ႉ​ဢေႃးဝႃႇတႃႉ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="70">ႁူဝ်​ၸႂ်​ၶဝ်​ၼၼ်ႉ ယင်း​မီး​တၢင်း​ဢၼ်​ပဵၼ်​ၶႆ​ပဵၼ်​မၼ်း​ယူႇ မိူၼ်​ၸိူဝ်ႉ​ၼင်ႇ​ၵွၼ်ႈ​ၶႆ​ၵွၼ်ႈ​မၼ်း​ၼၼ်ႉ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ၸမ်ႉ၊ မူၼ်ႈ​ပျေႃႇ​ယူႇ​ၼႂ်း​တြႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="71">လွင်ႈ​ၼင်ႇ​ႁိုဝ်​ၶႃႈ​ၸဝ်ႈ​တၵ်း​လႆႈ​သွၼ်​ဢဝ်​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ​ၸိုင်၊ ၵျေး​ၸူး​တၢင်း​ဢၼ်​ၶႃႈ​ၸဝ်ႈ​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ ယႂ်ႇ​ၼႃႇ​တီႈ​ၶႃႈ​ဢေႃႈ။-</verse>
				<verse number="72">တြႃး​ဢၼ်​ဢွၵ်ႇ​သူပ်း​ၸဝ်ႈ​ႁဝ်း​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​ငိုၼ်း​ၶမ်း ပဵၼ်​မိုၼ်ႇ​ပဵၼ်​ႁဵင် တီႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။</verse>
				<verse number="73">မိုဝ်း​ၸဝ်ႈ​ႁဝ်း​ၸိူဝ်း​ၼၼ်ႉ ႁဵတ်း​ပဵၼ်​ၶႃႈ​ၸဝ်ႈ​လႄႈ ႁႂ်ႈ​ၶႃႈ​ၸဝ်ႈ​ပဵၼ်​ပုင်ႇ​ပဵၼ်​ႁၢင်ႈ​တီႈ​ၶႃႈ​ယဝ်ႉ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ပျေႉ​ၸုမ်ႇ​ဝႆႉ​တင်း​ၺၢၼ်ႇ ႁႂ်ႈ​ၶႃႈ​ၸဝ်ႈ​သွၼ်​ဢဝ်​ပိင်း​ၺၢပ်ႈ​ၸဝ်ႈ​ႁဝ်း​လႆႈ​သေ​ၵမ်း​တီႈ​ၶႃႈ။-</verse>
				<verse number="74">ၶဝ်​ၸိူဝ်း​ဢၼ်​ၵူဝ်​ႁႄ​ၸဝ်ႈ​ႁဝ်း​ၼၼ်ႉ တၵ်း​ႁၼ်​ၶႃႈ​ၸဝ်ႈ​လႄႈ​ဢွၼ်​ၵၼ်​ၸူမ်း​သိူဝ်း ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ​ၼုၵ်ႈၵပၢတ်ႈ​ၸဝ်ႈ​ႁဝ်း​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="75">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ႁူႉ​လွင်ႈ​ဢၼ် လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ ပဵၼ်​ဢၼ်​ၸိုဝ်ႈ​ဢၼ်​ၸႂ်ႈ ဢိၵ်ႇ​တင်း​လွင်ႈ​ဢၼ်​ၸဝ်ႈ​ႁဝ်း ႁႂ်ႈ​ၶႃႈ​ၸဝ်ႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ် မႅၼ်ႈ​ၸွမ်း​သဵတ်ႈ​ၸႃႇ​ၸဝ်ႈ​ႁဝ်း​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="76">ၶႅၼ်း​တေႃႈ​ႁႂ်ႈ​ၵရူႉၼႃႇ​ၸဝ်ႈ​ႁဝ်း ပၼ်​ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ၸဝ်ႈ ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​မီး​ဢမိင်ႉ​ဝႆႉ တီႈ​ၶႃႈ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​သူး​တွင်း​တီႈ​ၶႃႈ​ဢေႃႈ။-</verse>
				<verse number="77">ၶႅၼ်း​တေႃႈ​ႁႂ်ႈ​တၢင်း​ဢၼ်​ၸဝ်ႈ​ႁဝ်း​ဢဵတ်း​လူ​ႁၵ်ႉ​ပႅင်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​ဢသၢၵ်ႈ​လိပ်း​ယူႇ​သေ​ၵမ်း​တီႈ​ၶႃႈ။ လွင်ႈ​မၼ်း​ၸမ်ႉ တြႃး​ၸဝ်ႈ​ႁဝ်း​ပဵၼ်​တီႈ​ဢၼ်​ၶႃႈ​ၸဝ်ႈ​မူၼ်ႈ​ပျေႃႇ​တီႈ​ၶႃႈ​ဢေႃႈ။-</verse>
				<verse number="78">ႁႂ်ႈ​ၶဝ်​ၸိူဝ်း​ဢၼ်​မႃႇၼႃႉ​ယႂ်ႇ​ၼၼ်ႉ ဢူၵ်း​ဢၢႆ​သေ​ၵမ်း​လူၺ်ႈ။ လွင်ႈ​မၼ်း​ယင်း​ဢမ်ႇ​မီး​လႄႈ ၶဝ်​ႁဵတ်း​ဢၼ်​ဢမ်ႇ​တြႃး ၵႃႈ​တီႈ​ၶႃႈ​ၸဝ်ႈ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ၸမ်ႉ၊ တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="79">ၶဝ်​ၸိူဝ်း​ဢၼ်​ၵူဝ်​ႁႄ​ၸဝ်ႈ​ႁဝ်း ဢၼ်​ဝႃႈ​ၶဝ်​ၸိူဝ်း​ဢၼ်​ႁူႉ​လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ တၵ်း​ဢွၼ်​ၵၼ်​ဝၢႆႇ​ၶိုၼ်း​ၸူး​တီႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="80">ၶႅၼ်း​တေႃႈ​ႁႂ်ႈ​ႁူဝ်​ၸႂ်​ၶႃႈ​ၸဝ်ႈ ၸေး​ၸုမ်ႇ​ၼႂ်း​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ ႁႂ်ႈ​ၶႃႈ​ၸဝ်ႈ​ၵၢင်း​လွတ်ႈ​တင်း တၢင်း​ဢၼ်​ဢူၵ်း​ဢၼ်​ဢၢႆ​သေ​ၵမ်း​တီႈ​ၶႃႈ။</verse>
				<verse number="81">ဝီႉၺိၺ်ႇ​ၶႃႈ​ၸဝ်ႈ တူၵ်း​ဢၢင်ႈ​ၵျေး​ၸူး​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​ယူႇ​သေ​လႄႈ ႁႅင်း​ဢူၼ်ႈ​ၵႂႃႇ​တီႈ​ၶႃႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၶႃႈ​ၸဝ်ႈ​ယင်း​မုင်ႈ​ထႃႈ​မွင်း​ထႃႈ​ၼုၵ်ႈၵပၢတ်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="82">မၢၵ်ႇ​တႃ​ၶႃႈ​ၸဝ်ႈ​တူၵ်း​ဢၢင်ႈ​ပျႃႇ​တိၵ်ႈ​ၸဝ်ႈ​ယူႇ​သေ​လႄႈ ႁႅင်း​ဢူၼ်ႈ​ၵႂႃႇ​လႄႈ​ဝႃႈ၊ ၸဝ်ႈ​ႁဝ်း​တၵ်း​ပၼ်​ၵတ်း​ယဵၼ်​ၶျၢမ်း​သႃႇ တီႈ​ၶႃႈ​ၸဝ်ႈ​မိူဝ်ႈ​လႂ်​တီႈ​ၶႃႈ၊ ဝႃႈ​ၼင်ႇ​ၼႆ​ယူႇ​တီႈ​ၶႃႈ​ဢေႃႈ။-</verse>
				<verse number="83">ၶႃႈ​ၸဝ်ႈ​ပဵၼ်​ၸိူဝ်ႉ​ၼင်ႇ​ၼမ်ႉ​တဝ်ႈ ဢၼ်​မီး​ယူႇ​ၵႃႈ​ၼႂ်း​ၵႂၼ်း​ၽႆး​ၼၼ်ႉ​တီႈ​ၶႃႈ​ဢေႃႈ။ ၵူၺ်း​ၵႃႈ ၶႃႈ​ၸဝ်ႈ​ဢမ်ႇ​လူင်​ဢမ်ႇ​လိုမ်း ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ။-</verse>
				<verse number="84">မိုဝ်ႉ​ဝၼ်း​ဢၼ်​ၶႃႈ​ၸဝ်ႈ​ႁဝ်း​လႆႈ​ယူႇ​ၼၼ်ႉ ၼမ်​ၵႃႈ​ႁိုဝ်​တီႈ​ၶႃႈ။ ၸဝ်ႈ​ႁဝ်း​တၵ်း​ၸီႇ​ယၢင်ႇ​တႅပ်း​တတ်း​တြႃး တီႈ​ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ၼၼ်ႉ မိူဝ်ႈ​လႂ်​တီႈ​ၶႃႈ။-</verse>
				<verse number="85">ၶဝ်​ၸိူဝ်း​ဢၼ်​မႃႇၼႃႉ​ယႂ်ႇ​လႄႈ ပူၼ်ႉ​လိူဝ်​တြႃး​ၸဝ်ႈ​ႁဝ်း​ၼၼ်ႉ ဢွၼ်​ၵၼ်​ၶုတ်း​ၶုမ်​ၶုတ်း​လုၵ်း ပုၼ်ႈ​ၶႃႈ​ၸဝ်ႈ​တီႈ​ၶႃႈ​ယဝ်ႉ။-</verse>
				<verse number="86">ပိင်း​ၺၢပ်ႈ​ၸဝ်ႈ​ႁဝ်း​ၵႃႈ​မီး​တင်း​သဵင်ႈ​တင်း​လူင် ပျေႉ​ၸုမ်ႇ​ဝႆႉ​တင်း​သဵတ်ႈ​ၸႃႇ​တီႈ​ၶႃႈ​ဢေႃႈ။ လွင်ႈ​မၼ်း​ယင်း​ဢမ်ႇ​မီး​လႄႈ ၶဝ်​ဢွၼ်​ၵၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၶႅၼ်း​တေႃႈ​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="87">ၶဝ်​ၸမ်ႉ၊ တၵ်း​ပႄႇ​ၽဵဝ်ႈ​ၶႃႈ​ၸဝ်ႈ​ပႅတ်ႈ သေ​ၵႃႈ​ၼိူဝ်​လိၼ်​မိူင်း​ၼႆႉ​တီႈ​ၶႃႈ​ယဝ်ႉ။ ၵူၺ်း​ၵႃႈ ၶႃႈ​ၸဝ်ႈ​ဢမ်ႇ​ၸုၼ်ႉ​ပႅတ်ႈ​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ။-</verse>
				<verse number="88">ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ ၸွမ်း​ၵႃႈ​ၼင်ႇ​ဢၼ်​ၵရူႉၼႃႇ​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​တီႈ​ၶႃႈ။ ၼင်ႇ​ၼၼ်​လႄႈ ၶႃႈ​ၸဝ်ႈ​တၵ်း​ပႂ်ႉ​ၸွမ်း​လွင်ႈ​တၢင်း​ဢၼ် ၸဝ်ႈ​ႁဝ်း​ဝႃႈ​ဢွၵ်ႇ​သူပ်း ၶၢမ်ႇ​သၢၵ်ႈ​သေႇ​ဝႆႉ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="89">ထႃႇဝရႃႉ​ၽြႃး​တီႈ​ၶႃႈ၊ ၼုၵ်ႈၵပၢတ်ႈ​ၸဝ်ႈ​ႁဝ်း​တႄႇ​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="90">သဵတ်ႈ​ၸႃႇ​ၸဝ်ႈ​ႁဝ်း​မၼ်ႈ​ၶိူင်ႇ​ယူႇ တီႈ​မဵဝ်း​ၵူၼ်း​သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ဢေႃႈ။ ၸဝ်ႈ​ႁဝ်း​ႁႂ်ႈ​လိၼ်​မိူင်း​တႄႇ​ယူႇ​လႄႈ မၼ်း​လႆႈ​မီး​ယူႇ​သေႇ​သေႇ​တီႈ​ၶႃႈ​ဢေႃႈ။-</verse>
				<verse number="91">ပိူဝ်ႈ​ဢၼ်​ၵႃႈ​မီး​တင်း​သဵင်ႈ​တင်း​လူင် ပဵၼ်​ၶႃႈ​ၸဝ်ႈ​ႁဝ်း​လႄႈ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ တႄႇ​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​တီႈ​ၶႃႈ​ဢေႃႈ။-</verse>
				<verse number="92">သင်​ၶႃႈ​ၸဝ်ႈ ဢမ်ႇ​မီး​တၢင်း​ဢၼ်​မူၼ်ႈ​ပျေႃႇ​ယူႇ​ၵႃႈ​ၼႂ်း​တြႃး​ၸဝ်ႈ​ႁဝ်း​ၸိုင်၊ ၶႃႈ​ၸဝ်ႈ​တၵ်း​လူႉ​လႅဝ် ၼႂ်း​မိူဝ်ႈ​ဢၼ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​မိူဝ်ႈ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="93">ၶႃႈ​ၸဝ်ႈ​တၵ်း​ဢမ်ႇ​လူင်​ဢမ်ႇ​လိုမ်း ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​ယူႇ​တႃႇ​သေႇ​တီႈ​ၶႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ဢဝ်​ၸိူဝ်း​ၼၼ်ႉ ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ​တီႈ​ၶႃႈ​ဢေႃႈ။-</verse>
				<verse number="94">ၶႃႈ​ၸဝ်ႈ​ပဵၼ်​တီႈ​ဢၼ်​ၸဝ်ႈ​ႁဝ်း​ပိူင်ႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ႁႃ​ဢဝ်​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="95">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ဢွၼ်​ၵၼ်​ပႂ်ႉ​ထႃႈ​ၶႃႈ​ၸဝ်ႈ​ယူႇ ႁႂ်ႈ​လႆႈ​ယႃႉ​ၶႃႈ​ၸဝ်ႈ​ပႅတ်ႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ၸမ်ႉ၊ ၶုၵ်း​ၸႂ်​လႆႈ​ၶႆႈ​ၸႂ်​လူၺ်ႈ​လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="96">ၶႃႈ​ၸဝ်ႈ​ႁၼ်​တီႈ​သုတ်း​တီႈ​ၵွႆ​တၢင်း​ဢၼ်​ၸေး​ၸုမ်ႇ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​တီႈ​ၶႃႈ​ယဝ်ႉ။ ပိင်း​ၺၢပ်ႈ​တြႃး​ၸဝ်ႈ​ႁဝ်း​ၸမ်ႉ၊ ပဵၼ်​ဢၼ်​ၵႂၢင်ႈ​ၼႃႇ​လူင်​လၢင်​တီႈ​ၶႃႈ​ဢေႃႈ။</verse>
				<verse number="97">ၶႃႈ​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​တြႃး​ၸဝ်ႈ​ႁဝ်း​ၼႃႇ​လူင်​လၢင်​လႄႈ ၸိူဝ်း​ၼၼ်ႉ ပဵၼ်​တီႈ​ဢၼ်​ၶႃႈ​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ယူႇ တင်း​ဝၼ်း​တင်း​ဝၼ်း​တီႈ​ၶႃႈ​ဢေႃႈ။-</verse>
				<verse number="98">ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ ႁႂ်ႈ​ၶႃႈ​ၸဝ်ႈ​ယဵင်ႈ​ၶႅၼ်း​မီး​ပိင်ႇ​ၺႃႇ​ၼႃႇ​သေ​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ​လႄႈ ၸိူဝ်း​ၼၼ်ႉ​တႄႇ​ယူႇ​တီႈ​ၶႃႈ​ၸဝ်ႈ တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="99">ပိူဝ်ႈ​ဢၼ်​လွင်ႈ​တၢင်း​ဢၼ်​ၸဝ်ႈ​ႁဝ်း ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ ပဵၼ်​တီႈ​ဢၼ်​ၶႃႈ​ၸဝ်ႈ​ၶုၵ်း​ၸႂ်​လႆႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ၼၼ်ႉ​လႄႈ၊ ၶႃႈ​ၸဝ်ႈ​ယဵင်ႈ​ၶႅၼ်း​မီး​တၢင်း​ဢၼ်​ႁူႉ ၼႃႇ​သေ​သြႃႇ​ၶႃႈ​ၸဝ်ႈ​တင်း​သဵင်ႈ​တင်း​လူင်​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="100">ၺၢၼ်ႇ​ၶႃႈ​ၸဝ်ႈ​ယဵင်ႈ​ၶႅၼ်း​လီ​ၼႃႇ​သေ​ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​ၼၼ်ႉ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ပႂ်ႉ​ၸွမ်း​ဢေႃးဝႃႇတႃႉ ၸဝ်ႈ​ႁဝ်း​ၸိူဝ်း​ၼၼ်ႉ​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="101">ၶႃႈ​ၸဝ်ႈ​ဝႄႈ​ပႅတ်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၵႃႈ​မီး​ၼၼ်ႉ ႁႂ်ႈ​လႆႈ​ပႂ်ႉ​ၸွမ်း​ၼုၵ်ႈၵပၢတ်ႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="102">ၶႃႈ​ၸဝ်ႈ​ဢမ်ႇ​ဝႄႈ​ဢမ်ႇ​ပိူင်ႈ​လွင်ႈ​တၢင်း​ဢၼ် ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​သွၼ်​ပၼ်​ၶႃႈ​ၸဝ်ႈ​ၼၼ်ႉ​တီႈ​ၶႃႈ။-</verse>
				<verse number="103">ဢမိင်ႉ​ၸဝ်ႈ​ႁဝ်း​ၸိူဝ်း​ၼၼ်ႉ ဝၢၼ်​ၸဵမ်း​ၼႃႇ​လူင်​လၢင်​ယူႇ​ၵႃႈ​ၼႂ်း​ၵူင်​ၶေႃး​ၶႃႈ​ၸဝ်ႈ​လႄႈ ယဵင်ႈ​ၶႅၼ်း​ဝၢၼ်​ၸဵမ်း​ၼႃႇ​သေ​ၼမ်ႉ​ၽိုင်ႈ​ၼၼ်ႉ ၵႃႈ​ၼႂ်း​သူပ်း​ၶႃႈ​ၸဝ်ႈ​ၼႆႉ​တီႈ​ၶႃႈ​ဢေႃႈ။-</verse>
				<verse number="104">ၶႃႈ​ၸဝ်ႈ​ၺၢၼ်ႇ​ယႂ်ႇ​ၵႂၢင်ႈ​မႃး ၵွပ်ႈ​ပိူဝ်ႈ​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​လႄႈ၊ ၶႃႈ​ၸဝ်ႈ​ငိၼ်း​ၸင်း​သဵၼ်ႈ​တၢင်း​မိၵ်ႉသႃႇ​ၵႃႈ​မီး​တီႈ​ၶႃႈ​ဢေႃႈ။</verse>
				<verse number="105">ၼုၵ်ႈၵပၢတ်ႈ​ၸဝ်ႈ​ႁဝ်း ပဵၼ်​ဝၢၼ်ႇ​ၽႆး​တဵၼ်း​တီႈ​တိၼ်​ၶႃႈ​ၸဝ်ႈ​လႄႈ ပဵၼ်​ဢၼ်​ႁိူဝ်ႈ​လႅင်း တီႈ​သဵၼ်ႈ​တၢင်း​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="106">ၶႃႈ​ၸဝ်ႈ​လႆႈ​တိူင်ႇ​ဝႃႈ​ဝႆႉ​လႄႈ​ဝႃႈ၊ ၶႃႈ​ၸဝ်ႈ​တၵ်း​ပႂ်ႉ​ၸွမ်း​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ သိုဝ်ႈ​သိုဝ်ႈ​တေႃႇ​တေႃႇ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ႁဵတ်း​တႄႉ​တႄႉ​ဝႃႈ​ဝႃႈ​တီႈ​ၶႃႈ​ယဝ်ႉ။-</verse>
				<verse number="107">ၶႃႈ​ၸဝ်ႈ​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼႃႇ​လူင်​လၢင်​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ ၸွမ်း​ၵႃႈ​ၼင်ႇ​ဢၼ် ၼုၵ်ႈၵပၢတ်ႈ​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="108">ၶႅၼ်း​တေႃႈ​ထုၵ်ႇ​ၸႂ်​ၵျိူၵ်ႈ​ၸႂ်​ၶိူင်ႈ​တၢင်း​ပုၵ်ႈ​ၸေႃႇ ဢၼ်​ၶႃႈ​ၸဝ်ႈ​မီး​ၸႂ်​ၸေႇတၼႃႇ​သေ​လႄႈ ဢဝ်​တင်း​သူပ်း​တူဝ်​ၸဝ်ႈ​ၵဝ်ႇ ႁဵတ်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ ဢဝ်​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ သွၼ်​ပၼ်​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တွင်း​ပၢၼ်ႇ​တီႈ​ၶႃႈ​ဢေႃႈ။-</verse>
				<verse number="109">ဢသၢၵ်ႈ​ၶႃႈ​ၸဝ်ႈ မီး​ယူႇ​ၵႃႈ​ၼႂ်း​မိုဝ်း​ၶႃႈ​ၸဝ်ႈ​တႃႇ​သေႇ​တီႈ​ၶႃႈ​ဢေႃႈ။ ၵူၺ်း​ၵႃႈ ၶႃႈ​ၸဝ်ႈ​ဢမ်ႇ​လူင်​ဢမ်ႇ​လိုမ်း​တြႃး​ၸဝ်ႈ​ႁဝ်း​တီႈ​ၶႃႈ။-</verse>
				<verse number="110">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ၵၢင်​တူင်ႇ​ႁႅဝ်ႉ​တူင်ႇ​ၶိုမ်း​ဝႆႉ​ပုၼ်ႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၵူၺ်း​ၵႃႈ ၶႃႈ​ၸဝ်ႈ​ဢမ်ႇ​ဝႄႈ​ပိူင်ႈ​သေ​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ။-</verse>
				<verse number="111">ၶႃႈ​ၸဝ်ႈ​ၶၢမ်ႇ​ဢဝ်​လွင်ႈ​တၢင်း​ဢၼ်​ၸဝ်ႈ​ႁဝ်း ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ ပုၼ်ႈ​ဢမူၺ်ႇ​ဢုၵ်ႉ​ၸႃႇ​တူဝ်​ၸဝ်ႈ​ၵဝ်ႇ ၵွပ်ႈ​ပိူဝ်ႈ​ဢၼ်​ၸိူဝ်း​ၼၼ်ႉ ပဵၼ်​တီႈ​ဢၼ်​ႁူဝ်​ၸႂ်​ၶႃႈ​ၸဝ်ႈ​သိူဝ်း​သႂၢင်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="112">ၶႃႈ​ၸဝ်ႈ​တိုၵ်း​ယူင်း​ႁူဝ်​ၸႂ်​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​ႁဵတ်း​ၸွမ်း​ထုင်း​ၽိင်ႈ​ၸဝ်ႈ​ႁဝ်း​ၸိူဝ်း​ၼၼ်ႉ​ယူႇ​တႃႇ​သေႇ တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​တီႈ​ၶႃႈ​ဢေႃႈ။</verse>
				<verse number="113">ၶႃႈ​ၸဝ်ႈ​ငိၼ်း​ၸင်း​ၶဝ်​ၸိူဝ်း​ဢၼ် မီး​ၸႂ်​သွင်​ငၢမ်ႈ​ၼၼ်ႉ​လႄႈ ထုၵ်ႇ​ၸႂ်​ၵျိူၵ်ႈ​ၸႂ်​တြႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="114">ၸဝ်ႈ​ႁဝ်း​ပဵၼ်​တီႈ​ဢၼ်​ၶႃႈ​ၸဝ်ႈ​တဵတ်ႇ​မႅပ်ႉ​ယူႇ၊ ၶိူင်ႈ​ႁႄႉ​လၢၵ်ႈ​ၼၢၵ်ႈ​ၶႃႈ​ၸဝ်ႈ​လႄႈ ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ ၼုၵ်ႈၵပၢတ်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="115">ၵူၼ်း​ဢၼ်​ႁဵတ်း​တူႉ​ၸရိူၵ်ႈ​ၶဝ်​ဢိူၺ်း၊ ဢွၼ်​ၵၼ်​ဢွၵ်ႇ​သေ​ၵႃႈ​တီႈ​ၵဝ်​တႃႉ။ ၵဝ်​တၵ်း​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="116">ၶႅၼ်း​တေႃႈ​ၵမ်ႉ​ထွၵ်ႈ​ၶႃႈ​ၸဝ်ႈ ၸွမ်း​ၵႃႈ​ၼင်ႇ​ဢၼ်​ပျႃႇ​တိၵ်ႈ​ၸဝ်ႈ​ႁဝ်း​မီး​ၼၼ်ႉ ႁႂ်ႈ​ၶႃႈ​ၸဝ်ႈ​ဢသၢၵ်ႈ​လႆႈ​လိပ်း​ယူႇ​သေ​ၵမ်း​တီႈ​ၶႃႈ၊ ၶႅၼ်း​တေႃႈ​ယႃႇ​ပေ​ႁႂ်ႈ​ၶႃႈ​ၸဝ်ႈ​လႆႈ​ဢူၵ်း​ဢၢႆ ၼႂ်း​လွင်ႈ​တၢင်း​ဢၼ်​ၶႃႈ​ၸဝ်ႈ မုင်ႈ​ထႃႈ​မွင်း​ထႃႈ​ယူႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="117">ၶႅၼ်း​တေႃႈ​ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​လႄႈ တၵ်း​ထွၵ်ႈ​တူၺ်း​ထုင်း​ၽိင်ႈ​တြႃး​ၸဝ်ႈ​ႁဝ်း​ယူႇ​တႃႇ​သေႇ​တီႈ​ၶႃႈ​ဢေႃႈ။-</verse>
				<verse number="118">ၸဝ်ႈ​ႁဝ်း​ပႄႇ​ၶဝ်​ၸိူဝ်း​ဢၼ်​ပိူင်ႈ​ထုင်း​ၽိင်ႈ​တြႃး​ၸဝ်ႈ​ႁဝ်း​ၵႂႃႇ​ၵႃႈ​မီး​ၼၼ်ႉ ပႅတ်ႈ​တီႈ​ၶႃႈ​ဢေႃႈ။ ပရီႉယႄႇ​ၶဝ်​ၼၼ်ႉ ပဵၼ်​မူႉ​သႃႇ​တီႈ​ၶႃႈ​ဢေႃႈ။-</verse>
				<verse number="119">ၸဝ်ႈ​ႁဝ်း​မၢတ်ႈ​ၵူၼ်း​လိၼ်​မိူင်း ဢၼ်​ဢမ်ႇ​တြႃး​တင်း​သဵင်ႈ​တင်း​လူင် ပဵၼ်​ၸိူဝ်ႉ​ၼင်ႇ​ၶီႈ​ငိုၼ်း​ဝၢၵ်ႇ​ငိုၼ်း​တီႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ ၶႃႈ​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="120">တုမ်ႇ​ၶူၼ်​ၼိူဝ်ႉ​ၶႃႈ​ၸဝ်ႈ​တူၵ်း ၵွပ်ႈ​ပိူဝ်ႈ​တၢင်း​ဢၼ်​တူၵ်း​ၸႂ်​လႂ်​တိုၼ်ႇ​ၸဝ်ႈ​ႁဝ်း​ၼၼ်ႉ​လႄႈ ၵူဝ်​ႁႄ​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="121">ၶႃႈ​ၸဝ်ႈ​ႁဵတ်း​တၢင်း​ဢၼ်​တႅပ်း​တတ်း​တြႃး ဢိၵ်ႇ​တင်း တၢင်း​ဢၼ်​ၸီႇ​ယၢင်ႇ​သိုဝ်ႈ​သိုဝ်ႈ​တေႃႇ​တေႃႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ယႃႇ​ပေ​ၸုၼ်ႉ​ပႅတ်ႈ​ၶႃႈ​ၸဝ်ႈ​ဝႆႉ ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="122">ၶႅၼ်း​တေႃႈ​ဢႃႇ​မႃႉ​ၶၢမ်ႇ​ဢဝ်​ၶႃႈ​ၸဝ်ႈ​ႁဝ်း ပုၼ်ႈ​ဢၼ်​လီ​ဢၼ်​ငၢမ်း​သေ​ၵမ်း​တီႈ​ၶႃႈ။ ယႃႇ​ပေ​ပၼ်​ႁႂ်ႈ​ၶဝ်​ၸိူဝ်း​ဢၼ် မႃႇၼႃႉ​ယႂ်ႇ​ၼၼ်ႉ လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="123">မၢၵ်ႇ​တႃ​ၶႃႈ​ၸဝ်ႈ တူၵ်း​ဢၢင်ႈ​ၵျေး​ၸူး​တၢင်း​ဢၼ် ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ် ဢိၵ်ႇ​တင်း​ပျႃႇ​တိၵ်ႈ​ၸဝ်ႈ​ႁဝ်း​ဢၼ်​သိုဝ်ႈ​လီ​တေႃႇ​လီ​ၼၼ်ႉ​ယူႇ​လႄႈ ႁႅင်း​ဢူၼ်ႈ​ၵႂႃႇ​တီႈ​ၶႃႈ​ယဝ်ႉ။-</verse>
				<verse number="124">ၶႅၼ်း​တေႃႈ​ႁဵတ်း​တီႈ​ၶႃႈ​ၸဝ်ႈ​ႁဝ်း ၸွမ်း​ၵႃႈ​ၼင်ႇ​ဢၼ်​ၵရူႉၼႃႇ​ၸဝ်ႈ​ႁဝ်း​မီး​ၼၼ်ႉ​လႄႈ ဢဝ်​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ သွၼ်​ပၼ်​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊-</verse>
				<verse number="125">ၶႃႈ​ၸဝ်ႈ ပဵၼ်​ၶႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႅၼ်း​တေႃႈ​ဢဵတ်း​လူ​ပၼ်​ၺၢၼ်ႇ​တီႈ​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​ႁူႉ​လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="126">ၶိင်ႇ​ဢၼ်​ထႃႇဝရႃႉ​ၽြႃး ထုၵ်ႇ​လီ​ၸီႇ​ယၢင်ႇ​ၼၼ်ႉ ႁွတ်ႈ​ထိုင်​တီႈ​ၶႃႈ​ယဝ်ႉ။ ၶဝ်​ပႄႇ​ပႅတ်ႈ​တြႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="127">ၶႃႈ​ၸဝ်ႈ​ၸမ်ႉ၊ ယဵင်ႈ​ၶႅၼ်း​ထုၵ်ႇ​ၸႂ်​ၵျိူၵ်ႈ​ၸႂ်​ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ ၼႃႇ​သေ​ၶမ်း​ဢမ်ႇ​ၵႃး၊ ယဵင်ႈ​ၶႅၼ်း​ထုၵ်ႇ​ၸႂ်​ၵျိူၵ်ႈ​ၸႂ် လိူဝ်​တွၼ်း​ၼႃႇ​သေ​ၶမ်း​လွတ်ႈ​ငၢၼ်ႇ​တီႈ​ၶႃႈ​ဢေႃႈ။-</verse>
				<verse number="128">ပိူဝ်ႈ​ၼႆ​လႄႈ ၶႃႈ​ၸဝ်ႈ​မၢတ်ႈ​ဢေႃးဝႃႇတႃႉ​ၸဝ်ႈ​ႁဝ်း​တင်း​သဵင်ႈ​တင်း​လူင် ပဵၼ်​ဢၼ်​သိုဝ်ႈ​လီ​ယူဝ်း​လီ​လႄႈ ငိၼ်း​ၸင်း​သဵၼ်ႈ​တၢင်း​မိၵ်ႉသႃႇ​ၵႃႈ​မီး​ၼၼ်ႉ​တီႈ​ၶႃႈ​ဢေႃႈ။</verse>
				<verse number="129">လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ ပဵၼ်​ဢၼ်​လီ​ဢၢမ်း​လႄႈ၊ ဝီႉၺိၺ်ႇ​ၶႃႈ​ၸဝ်ႈ ၸၢင်ႈ​ပႂ်ႉ​ၵမ်​ပႂ်ႉ​ၸွမ်း​ယူႇ​တီႈ​ၶႃႈ​ဢေႃႈ။-</verse>
				<verse number="130">တၢင်း​ဢၼ်​ၽုၺ်ႇ​ဢွၵ်ႇ​ၼႄ​ပျႃး​ၼုၵ်ႈၵပၢတ်ႈ​ၸဝ်ႈ​ႁဝ်း​ၼၼ်ႉ ပၼ်​ဢၼ်​လႅင်း​လႄႈ ၸၢင်ႈ​ႁႂ်ႈ​ၶဝ်​ၸိူဝ်း​ဢၼ်​ဢမ်ႇ​လၵ်း​ဢမ်ႇ​လႅမ်​ၼၼ်ႉ လၵ်း​လႅမ်​မႃး​တီႈ​ၶႃႈ​ဢေႃႈ။-</verse>
				<verse number="131">ၶႃႈ​ၸဝ်ႈ​ဢႃႈ​ပၢၵ်ႇ​သေ​လႄႈ​ထူၺ်ႈ​ၸႂ်​သဝ်ႇ​ၸႂ်​လူင်​ယူႇ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​တူၵ်း​ဢၢင်ႈ​ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="132">ၶႅၼ်း​တေႃႈ​ဝၢႆႇ​ၸူး​ၶႃႈ​ၸဝ်ႈ​လႄႈ ႁဵတ်း​ၵျေး​ၸူး​တီႈ​ၶႃႈ​ၸဝ်ႈ ၸွမ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​ၸၢင်ႈ​ႁဵတ်း​တီႈ​ၶဝ်​ၸိူဝ်း​ဢၼ် ႁၵ်ႉ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="133">ၶႅၼ်း​တေႃႈ​ၸွမ်း​လူၺ်ႈ​ဢမိင်ႉ​ၸဝ်ႈ​ႁဝ်း​ၼၼ်ႉ​သေ​လႄႈ ႁႂ်ႈ​တၢင်း​ဢၼ်​ၶႃႈ​ၸဝ်ႈ​ယၢင်ႈ​တိၼ်​ၵႂႃႇ​ၸိူဝ်း​ၼၼ်ႉ မၼ်ႈ​ၶိူင်ႇ​သေ​ၵမ်း​တီႈ​ၶႃႈ။ ယႃႇ​ပေ​ႁႂ်ႈ​တူႉ​ၸရိူၵ်ႈ​ဢၼ်​လႂ် လႆႈ​ဢုပ်ႉ​ပိူင်ႇ​ၶႃႈ​ၸဝ်ႈ​လႃး​လႃး​သေ​ၵမ်း​တီႈ​ၶႃႈ။-</verse>
				<verse number="134">ၶႅၼ်း​တေႃႈ​ၼုၵ်ႈ​ဢဝ်​ၶႃႈ​ၸဝ်ႈ သေ​ၵႃႈ​ၼႂ်း​တၢင်း​ဢၼ်​ၵူၼ်း​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​ပႂ်ႉ​ၵမ်​ပႂ်ႉ​ၸွမ်း​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="135">ၶႅၼ်း​တေႃႈ​ႁႂ်ႈ​ၼႃႈ​ၸဝ်ႈ​ႁဝ်း လႅင်း​ထွင်ႇ​ၵႃႈ​ၼိူဝ်​ၶႃႈ​ၸဝ်ႈ​ႁဝ်း​လႄႈ ဢဝ်​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ သွၼ်​ပၼ်​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="136">မၢၵ်ႇ​တႃ​ၶႃႈ​ၸဝ်ႈ ပဵၼ်​ၼမ်ႉ​ႁွင်ႈ​ၼမ်ႉ​ၵႄး​လႆ​ဢွၵ်ႇ​ယူႇ ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ပႂ်ႉ​ၵမ်​ပႂ်ႉ​ၸွမ်း​တြႃး​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။</verse>
				<verse number="137">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​သိုဝ်ႈ​တေႃႇ​တီႈ​ၶႃႈ​ဢေႃႈ။ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ သိုဝ်ႈ​လီ​ယူဝ်း​လီ​တီႈ​ၶႃႈ​ဢေႃႈ။-</verse>
				<verse number="138">ၸဝ်ႈ​ႁဝ်း​မီး​တြႃး​တၢင်း​သိုဝ်ႈ​တေႃႇ ဢိၵ်ႇ​တင်း​သဵတ်ႈ​ၸႃႇ​ဢၼ်​ၼမ်​ၼႃႇ​လူင်​လၢင်​ၼၼ်ႉ​သေ​လႄႈ ၸီႇ​ယၢင်ႇ​လွင်ႈ​တၢင်း​ဢၼ်​ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="139">ၸႂ်​ဢၼ်​ၸပ်း​ဢၼ်​ၸွႆး​ၶႃႈ​ၸဝ်ႈ​ၼၼ်ႉ ႁႂ်ႈ​ၶႃႈ​ၸဝ်ႈ​သုတ်း​ၵႂႃႇ​သဵင်ႈ​ၵႂႃႇ ၵွပ်ႈ​ပိူဝ်ႈ​ဢၼ်​ရၢၼ်ႇ​သူႇ​ၶႃႈ​ၸဝ်ႈ​ၸိူဝ်း​ၼၼ်ႉ လူင်​လိုမ်း​ပႅတ်ႈ​ၵႂၢမ်း​ၶႃႈ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="140">ပိူဝ်ႈ​ဢၼ်​ပျႃႇ​တိၵ်ႈ​ၸဝ်ႈ​ႁဝ်း​ၼၼ်ႉ မူတ်း​ၸၢင်ႇ​ၼႃႇ​လူင်​လၢင်​လႄႈ ၶႃႈ​ၸဝ်ႈ​ႁဝ်း​ထုၵ်ႇ​ၸႂ်​ၵျိူၵ်ႈ​ၸႂ် တီႈ​ၶႃႈ​ဢေႃႈ။-</verse>
				<verse number="141">ၶႃႈ​ၸဝ်ႈ​ပဵၼ်​ၵေႃႉ​ဢၼ်​လဵၵ်ႉ​ဢၼ်​ဢွၼ်ႇ ဢၼ်​လႆႈ​ၶၢမ်ႇ​တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ၼၼ်ႉ​တီႈ​ၶႃႈ​ဢေႃႈ။ ၵူၺ်း​ၵႃႈ ၶႃႈ​ၸဝ်ႈ​ဢမ်ႇ​လူင်​ဢမ်ႇ​လိုမ်း​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ၊-</verse>
				<verse number="142">တၢင်း​ဢၼ်​ၸဝ်ႈ​ႁဝ်း​သိုဝ်ႈ​တေႃႇ​ၼၼ်ႉ ပဵၼ်​တၢင်း​ဢၼ်​သိုဝ်ႈ​တေႃႇ​ၼိၵ်ႈၸႃႉ​ထႃႇဝရႃႉ​လႄႈ၊ တြႃး​ၸဝ်ႈ​ႁဝ်း​ၼၼ်ႉ ပဵၼ်​သဵတ်ႈ​ၸႃႇ​တြႃး​တီႈ​ၶႃႈ​ဢေႃႈ။-</verse>
				<verse number="143">ပိၵ်ႉ​သမ်ႉ​တၢင်း​ဢၼ်​ယၢပ်ႇ​ၸႂ်​ၽိုတ်ႇ​ၸႂ် ယၢၵ်ႈ​ၸႂ်​ၶၢၼ်​ၸႂ် ႁွတ်ႈ​ထိုင်​ၵႃႈ​ၼိူဝ်​ၶႃႈ​ၸဝ်ႈ​သေ​ၵေႃႈ၊ ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ ပဵၼ်​တီႈ​ဢၼ်​ၶႃႈ​ၸဝ်ႈ​မူၼ်ႈ​ပျေႃႇ​တီႈ​ၶႃႈ​ဢေႃႈ။-</verse>
				<verse number="144">လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ သိုဝ်ႈ​တေႃႇ​ယူႇ​တႃႇ​သေႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ပၼ်​ၺၢၼ်ႇ​တီႈ​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​ဢသၢၵ်ႈ​လိပ်း​ယူႇ​သေ​ၵမ်း​တီႈ​ၶႃႈ။</verse>
				<verse number="145">ၶႃႈ​ၸဝ်ႈ​ပႃး​တင်း​ႁူဝ်​ၸႂ်​သဵင်ႈ​သဵင်ႈ​သေ​လႄႈ ႁွင်ႉ​သႅၼ်ႇ​လဝ်ႊ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၶိုၼ်း​ဢိူဝ် သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​ပႂ်ႉ​ၵမ်​ပႂ်ႉ​ၸွမ်း​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="146">ၶႃႈ​ၸဝ်ႈ​ႁွင်ႉ​သႅၼ်ႇ​တီႈ​ၸဝ်ႈ​ႁဝ်း​လႄႈ​လဝ်ႊ​လၢတ်ႈ​လႄႈ​ဝႃႈ၊ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​တၵ်း​ပႂ်ႉ​ၵမ်​ပႂ်ႉ​ၸွမ်း​လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="147">ၸူဝ်ႈ​ဢၼ်​မိူင်း​ဢမ်ႇ​ပႆႇ​လႅင်း​ၼၼ်ႉ၊ ၶႃႈ​ၸဝ်ႈ​ၸၢင်ႈ​ႁွင်ႉ​သႅၼ်ႇ​လႄႈ မုင်ႈ​ထႃႈ​မွင်း​ထႃႈ​ၼုၵ်ႈၵပၢတ်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="148">ၸူဝ်ႈ​ဢၼ်​ဢမ်ႇ​ပႆႇ​တၼ်း​ပူၼ်ႉ​ၶိင်ႇ​ၵၢင်​ၶိုၼ်း​ၼၼ်ႉ ၶႃႈ​ၸဝ်ႈ​ၸၢင်ႈ​တိုၼ်ႇ​မႃး ႁႂ်ႈ​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ဝူၼ်ႉ​ၸႂ် လူၺ်ႈ​ပျႃႇ​တိၵ်ႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="149">ၶႅၼ်း​တေႃႈ​ထွမ်ႇ​သဵင်​ၶႃႈ​ၸဝ်ႈ ၸွမ်း​ၵႃႈ​ၼင်ႇ​ဢၼ်​ၵရူႉၼႃႇ​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ​ၸွမ်း​လူၺ်ႈ​လွင်ႈ​တၢင်း​ဢၼ် ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="150">ၶဝ်​ၸိူဝ်း​ဢၼ်​ၵႂႃႇ​မႃး ၼႂ်း​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ ဢွၼ်​ၵၼ်​သုတ်ႉ​ၸမ်​မႃး​တီႈ​ၶႃႈ​ဢေႃႈ။ ၶဝ်​ၼၼ်ႉ ၵႆ​ၵၼ်​တင်း​တြႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="151">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​မီး​ၸမ်​ယူႇ​တီႈ​ၶႃႈ​ဢေႃႈ။ ပိင်း​ၺၢပ်ႈ​ၸဝ်ႈ​ႁဝ်း​ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ ပဵၼ်​သဵတ်ႈ​ၸႃႇ​တီႈ​ၶႃႈ​ဢေႃႈ။-</verse>
				<verse number="152">ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႄႈ ၶႃႈ​ၸဝ်ႈ​ႁူႉ​လွင်ႈ​ဢၼ်​ၸဝ်ႈ​ႁဝ်း​ႁႂ်ႈ​ၸိူဝ်း​ၼၼ်ႉ​တႄႇ​ယူႇ​သေႇ​သေႇ​ၼၼ်ႉ ၼႂ်း​လွင်ႈ​တၢင်း​ဢၼ်​ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။</verse>
				<verse number="153">ၶႅၼ်း​တေႃႈ​လူ​တူၺ်း​တုၵ်ႉ​ၶႃႉ​တၢင်း​ၽၢၼ်​ၶႃႈ​ၸဝ်ႈ​လႄႈ ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ဢမ်ႇ​လူင်​ဢမ်ႇ​လိုမ်း​တြႃး​ၸဝ်ႈ​ႁဝ်း​တီႈ​ၶႃႈ။-</verse>
				<verse number="154">ၶႅၼ်း​တေႃႈ​ပႂ်ႉ​ဢမူႉ​ၶႃႈ​ၸဝ်ႈ​လႄႈ ထုတ်ႇ​ၼုၵ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ​ၸွမ်း​ၵႃႈ​ၼင်ႇ​ဢၼ် ပျႃႇ​တိၵ်ႈ​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="155">တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၼၼ်ႉ ၵႆ​ၵၼ်​တင်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ႁႃ​ဢဝ်​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="156">ထႃႇဝရႃႉ​ၽြႃး​တီႈ​ၶႃႈ၊ ၸႂ်​တၢင်း​ဢၼ်​ၸဝ်ႈ​ႁဝ်း​ဢဵတ်း​လူ​ႁၵ်ႉ​ပႅင်း​ၼၼ်ႉ လိူင်ႇ​ၼမ်​တီႈ​ၶႃႈ​ဢေႃႈ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ​ၸွမ်း​ၵႃႈ​ၼင်ႇ​ဢၼ် လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​မီး​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="157">ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ႁဵတ်း​ၶတ်း​ၵၼ်​တင်း​ၶႃႈ​ၸဝ်ႈ​ၼၼ်ႉ မီး​ၼမ်​ၼႃႇ​တီႈ​ၶႃႈ​ဢေႃႈ။ ၵူၺ်း​ၵႃႈ ၶႃႈ​ၸဝ်ႈ​ဢမ်ႇ​ဝႄႈ​ပိူင်ႈ​သေ​လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​လႄႈ​ၵႂႃႇ​တီႈ​ၶႃႈ။-</verse>
				<verse number="158">ၶႃႈ​ၸဝ်ႈ​လႆႈ​ႁၼ်​ၶဝ်​ၸိူဝ်း​ဢၼ်​ဢမ်ႇ​မီး​သဵတ်ႈ​ၸႃႇ​ၼၼ်ႉ​လႄႈ ၸဵပ်း​ၸႂ်​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ပျႃႇ​တိၵ်ႈ​ၸဝ်ႈ​ႁဝ်း​လႄႈ ယူႇ​တီႈ​ၶႃႈ​ယဝ်ႉ။-</verse>
				<verse number="159">ၶႅၼ်း​တေႃႈ​လူ​တူၺ်း​လွင်ႈ​ဢၼ် ၶႃႈ​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ​ၸွမ်း​ၵႃႈ​ၼင်ႇ​ဢၼ် ၵရူႉၼႃႇ​ၸဝ်ႈ​ႁဝ်း​မီး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="160">ၼုၵ်ႈၵပၢတ်ႈ​ၸဝ်ႈ​ၵူႈ​ၸိူဝ်ႉ​ၵူႈ​ပိူင် ပဵၼ်​ဢၼ်​ၸိုဝ်ႈ​ဢၼ်​ၸႂ်ႈ​တီႈ​ၶႃႈ​ဢေႃႈ။ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ၸွမ်း​ၼင်ႇ​တြႃး​ဝႆႉ တင်း​သဵင်ႈ​တင်း​လူင်​ၼၼ်ႉ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​တီႈ​ၶႃႈ​ဢေႃႈ။</verse>
				<verse number="161">ပိၵ်ႉ​သမ်ႉ​ၶုၼ်​တင်း​လၢႆ ယင်း​ဢမ်ႇ​မီး​လွင်ႈ​မၼ်း​တၢင်း​မၼ်း​လႄႈ ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​သေ​ၵေႃႈ၊ ႁူဝ်​ၸႂ်​ၶႃႈ​ၸဝ်ႈ ၵူဝ်​ယမ်​ၵႂၢမ်း​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="162">ၶႃႈ​ၸဝ်ႈ​သိူဝ်း​ပျေႃႇ ၵွပ်ႈ​ပိူဝ်ႈ​ပျႃႇ​တိၵ်ႈ​ၸဝ်ႈ​ႁဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ထူပ်း​ဢုၵ်ႉ​ၸႃႇ​ဢၼ်​ႁိမ်​ႁူင်ႇ​ဢဝ်​လႄႈ လႆႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="163">ၶႃႈ​ၸဝ်ႈ​ၶၢၼ်ႉ​ငိၼ်း​လႄႈ လီ​ႁင်ႈ​ဢဵတ်ႇ​သဵတ်ႇ​ၵႂၢမ်း​မူႉ​သႃႇ​တီႈ​ၶႃႈ​ဢေႃႈ။ တြႃး​ၸဝ်ႈ​ႁဝ်း​ၸမ်ႉ၊ ၶႃႈ​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​တီႈ​ၶႃႈ​ဢေႃႈ။-</verse>
				<verse number="164">ၶႃႈ​ၸဝ်ႈ​ၸၢင်ႈ​ယွင်ႈ​ယေႃး​ၸဝ်ႈ​ႁဝ်း​ယေႈ​ဝၼ်း​ၸဵတ်း​ပွၵ်ႈ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ သိုဝ်ႈ​သိုဝ်ႈ​တေႃႇ​တေႃႇ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="165">ၶဝ်​ၸိူဝ်း​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​တြႃး​ၸဝ်ႈ​ႁဝ်း​ၼၼ်ႉ မီး​တၢင်း​ဢၼ်​ၼိမ်​သိမ်ႇ​ဢၼ်​ယႂ်ႇ​ၼႃႇ​လႄႈ လွင်ႈ​ဢၼ်​ၶဝ်​တၵ်း​လႆႈ​ၸႂ်​လူႉ​ၼၼ်ႉ ဢမ်ႇ​မီး​တီႈ​ၶႃႈ။-</verse>
				<verse number="166">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​မုင်ႈ​ထႃႈ​မွင်း​ထႃႈ ၵျေး​ၸူး​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​လႄႈ ၵမ်​ၵျၢင်ႉ​ပိင်း​ၺၢပ်ႈ​ၸဝ်ႈ​ႁဝ်း​တင်း​လၢႆ​ယူႇ​တီႈ​ၶႃႈ​ဢေႃႈ။-</verse>
				<verse number="167">ဝီႉၺိၺ်ႇ​ၶႃႈ​ၸဝ်ႈ​ပႂ်ႉ​ၵမ်​ပႂ်ႉ​ၸွမ်း​လွင်ႈ​တၢင်း​ဢၼ် ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​ယူႇ​လႄႈ ၶႃႈ​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ၸိူဝ်း​ၼၼ်ႉ ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="168">ၶႃႈ​ၸဝ်ႈ​ပႂ်ႉ​ၵမ်​ပႂ်ႉ​ၸွမ်း​ဢေႃးဝႃႇတႃႉ​ၸဝ်ႈ​ႁဝ်း ဢိၵ်ႇ​တင်း​လွင်ႈ​တၢင်း​ဢၼ်​ၸဝ်ႈ​ႁဝ်း​ၶၢမ်ႇ​သၢၵ်ႈ​သေႇ​ဝႆႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ သဵၼ်ႈ​တၢင်း​ၶႃႈ​ၸဝ်ႈ​ၵႃႈ​မီး​ၼၼ်ႉ မီး​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
				<verse number="169">ထႃႇဝရႃႉ​ၽြႃး​တီႈ​ၶႃႈ၊ ႁႂ်ႈ​သဵင်​ဢၼ်​ၶႃႈ​ၸဝ်ႈ​ႁွင်ႉ​သႅၼ်ႇ​ၼၼ်ႉ​ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​ပၼ်​ၺၢၼ်ႇ​တီႈ​ၶႃႈ​ၸဝ်ႈ ၸွမ်း​ၵႃႈ​ၼင်ႇ​ဢၼ်​ၼုၵ်ႈၵပၢတ်ႈ​ၸဝ်ႈ​မီး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="170">ၶႅၼ်း​တေႃႈ​ႁႂ်ႈ​ၵႂၢမ်း​ဢၼ်​ၶႃႈ​ၸဝ်ႈ​လဝ်ႊ​ယွၼ်း​ၼႆႉ ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ ၸွမ်း​ၵႃႈ​ၼင်ႇ​ဢၼ် ပျႃႇ​တိၵ်ႈ​ၸဝ်ႈ​မီး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="171">သူပ်း​ၶႃႈ​ၸဝ်ႈ​တၵ်း​ဝႃႈ​ဢွၵ်ႇ​ၵႂၢမ်း​တၢင်း​ဢၼ်​ယွင်ႈ​ယေႃး​ၸဝ်ႈ​ႁဝ်း ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​ဢဝ်​ထုင်း​ၽိင်ႈ​တြႃး​ၸဝ်ႈ​ႁဝ်း​ၸိူဝ်း​ၼၼ်ႉ သွၼ်​ပၼ်​တီႈ​ၶႃႈ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="172">လိၼ်ႉ​ၶႃႈ​ၸဝ်ႈ တၵ်း​ႁဵတ်း​ၵႂၢမ်း​လွင်ႈ​ပျႃႇ​တိၵ်ႈ​ၸဝ်ႈ​ႁဝ်း​ၼၼ်ႉ ၵွပ်ႈ​ပိူဝ်ႈ​ဢၼ်​ပိင်း​ၺၢပ်ႈ​ၸဝ်ႈ​ႁဝ်း ၵူႈ​ၸိူဝ်ႉ​ၵူႈ​ပိူင်​သိုဝ်ႈ​တေႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="173">ႁႂ်ႈ​မိုဝ်း​ၸဝ်ႈ​ႁဝ်း​ၸွႆႈ​ထႅမ်​ၶႃႈ​ၸဝ်ႈ​ယူႇ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​လိူၵ်ႈ​ၵဵပ်း​ဢဝ်​ဢေႃးဝႃႇတႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="174">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​တူၵ်း​ဢၢင်ႈ​ၵျေး​ၸူး​တၢင်း​ဢၼ်​ၸဝ်ႈ​ႁဝ်း​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​တီႈ​ၶႃႈ​ဢေႃႈ။ တြႃး​ၸဝ်ႈ​ႁဝ်း​ၵေႃႈ ပဵၼ်​တီႈ​ဢၼ်​ၶႃႈ​ၸဝ်ႈ​မူၼ်ႈ​ပျေႃႇ​တီႈ​ၶႃႈ​ဢေႃႈ။-</verse>
				<verse number="175">ႁႂ်ႈ​ဝီႉၺိၺ်ႇ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ​လႄႈ ယွင်ႈ​ယေႃး​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ႁႂ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ ၸွႆႈ​ထႅမ်​မႃႉ​ၸႃႉ​ၶႃႈ​ၸဝ်ႈ​ယူႇ​သေ​ၵမ်း​တီႈ​ၶႃႈ။-</verse>
				<verse number="176">ၶႃႈ​ၸဝ်ႈ​ၽိတ်း​တၢင်း​ပိူင်ႈ​တၢင်း​ၵႂႃႇ မိူၼ်​ၸိူဝ်ႉ​ၼင်ႇ​သူဝ်း​ဢၼ်​ႁၢႆ​ၵႂႃႇ​ၼၼ်ႉ​တီႈ​ၶႃႈ​ယဝ်ႉ။ ၶႅၼ်း​တေႃႈ​ႁႃ​ဢဝ်​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ဢမ်ႇ​လူင်​ဢမ်ႇ​လိုမ်း​ပိင်း​ၺၢပ်ႈ​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ။</verse>
			</chapter>
			<chapter number="120">
				<verse number="1">ၵဝ်​ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး ၼႂ်း​မိူဝ်ႈ​ဢၼ်​ၵဝ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​လႄႈ မၼ်း​ၸဝ်ႈ​ၶိုၼ်း​ဢိူဝ်​ၵဝ်​ဢေႃႈ။-</verse>
				<verse number="2">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၵႄႇ​သႄႇ​ၼုၵ်ႈ​ဢဝ်​ဢသၢၵ်ႈ​ၶႃႈ​ၸဝ်ႈ သေ​ၵႃႈ​တီႈ​သူပ်း​ဢၼ်​ဢမ်ႇ​မီး​သဵတ်ႈ​ၸႃႇ​ၼၼ်ႉ ဢိၵ်ႇ​တင်း ၵႃႈ​တီႈ​လိၼ်ႉ​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="3">လိၼ်ႉ​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ဢိူၺ်း၊ မၼ်း​ၸဝ်ႈ​တၵ်း​ပၼ်​ၵႃႈ​သင်​တီႈ​မႂ်း။ မၼ်း​ၸဝ်ႈ​တၵ်း​ထၢပ်ႈ​ထႅင်ႈ​လႄႈ ႁႂ်ႈ​မႂ်း​လႆႈ​ၶၢမ်ႇ​ၵႃႈ​သင်။-</verse>
				<verse number="4">မၼ်း​ၸဝ်ႈ​တၵ်း​ဢဝ်​ပိုၼ်​ၶဝ်​ၸိူဝ်း​ဢၼ်​ႁႅင်း​ယႂ်ႇ​ဢၼ်​ၽၢႆ​ၼၼ်ႉ ဢိၵ်ႇ​တင်း​ထၢၼ်ႇ​ၽႆး မႆႉ​ ရႃႇသမ်ႇ ​ပၼ်​ဢေႃႈ။</verse>
				<verse number="5">ၵဝ်​မီး​ဢႃႉ​မင်ႇၵလႃႇ ၼႂ်း​လွင်ႈ​ဢၼ်​ၵဝ်​သွၼ်ႈ​ပိုင်ႈ​ၵႃႈ​ၼႂ်း​မိူင်း​ မႄႇသႅၵ်ႉ ​လႄႈ ယူႇ​ၵႃႈ​ၼႂ်း​မူဝ်းၵႃႇ ၵေႇတႃႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="6">ဝီႉၺိၺ်ႇ​ၵဝ်​လႆႈ​ယူႇ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ၸင်း​တၢင်း​ဢၼ်​ၼိမ်​ၼၼ်ႉ ႁိုင်​ၼႃႇ​လူင်​ပႄႇ။-</verse>
				<verse number="7">ၵဝ်​ယူႇ​ၽၢႆႇ​တၢင်း​ဢၼ်​ၼိမ်​ဢေႃႈ။ ပေႃး​ၵဝ်​လၢတ်ႈ​ဢွၵ်ႇ​ၸိုင်၊ ၶဝ်​ၼၼ်ႉ​မီး​ဢလူဝ်ႇ​ၶႂ်ႈ​တိုၵ်း​တေႃး​ဢေႃႈ။</verse>
			</chapter>
			<chapter number="121">
				<verse number="1">ၵဝ်​မုင်ႈ​တူၺ်း​ၵႃႈ​တီႈ​သၼ်​လွႆ​ဢေႃႈ။ တၢင်း​ဢၼ်​ၸွႆႈ​ထႅမ်​မႃႉ​ၸႃႉ​ၵဝ်​ၼၼ်ႉ တၵ်း​ပေႃႇ​ဢွၵ်ႇ​ၵႃႈ​တီႈ​လႂ်​မႃး။-</verse>
				<verse number="2">တၢင်း​ဢၼ်​ၸွႆႈ​ထႅမ်​မႃႉ​ၸႃႉ​ၵဝ်​ၼၼ်ႉ လႆႈ​ပေႃႇ​ဢွၵ်ႇ​ၵႃႈ​တီႈ​ထႃႇဝရႃႉ​ၽြႃး ဢၼ်​ႁဵတ်း​ပဵၼ်​ၵၢင်​ႁၢဝ်​တင်း​လိၼ်​မိူင်း​ၼၼ်ႉ​မႃး​ဢေႃႈ။</verse>
				<verse number="3">မၼ်း​ၸဝ်ႈ​ဢမ်ႇ​ပၼ်​ဢၶႂၢင်ႉ ဢၼ်​တိၼ်​မႂ်း​လႆႈ​ပရၢတ်ႈ​ၵႂႃႇ​ၼၼ်ႉ။ မၼ်း​ၸဝ်ႈ​ဢၼ်​ပႂ်ႉ​မႂ်း​ယူႇ​ၼၼ်ႉ​ဢမ်ႇ​ငဝ်​ၼွၼ်း။-</verse>
				<verse number="4">မၼ်း​ၸဝ်ႈ​ဢၼ်​ပႂ်ႉ​မဵဝ်း​ ဢီႉသရေႇလႃႉ ​ယူႇ​ၼၼ်ႉ ဢမ်ႇ​မီး​တၢင်း​ဢၼ်​ငဝ်​သူၼ်း​လႄႈ​ၼွၼ်း​လပ်း။-</verse>
				<verse number="5">ထႃႇဝရႃႉ​ၽြႃး​ၼၼ်ႉ ပဵၼ်​ၸဝ်ႈ​ဢၼ်​ပႂ်ႉ​မႂ်း​ယူႇ​ဢေႃႈ။ ထႃႇဝရႃႉ​ၽြႃး​ပဵၼ်​ႁူမ်ႈ​ငဝ်း​တီႈ​ဢၼ်​မႂ်း​သွၼ်ႈ​ပိုင်ႈ ဢၼ်​မီး​ယူႇ​ၵႃႈ​တီႈ​ၽၢႆႇ​ၶႂႃ​မႂ်း​ဢေႃႈ။-</verse>
				<verse number="6">ၵၢင်​ဝၼ်း​ဢမ်ႇ​လႆႈ​တိူဝ်ႉ​လႆႈ​ထုၵ်ႇ​မႂ်း​ၶိင်ႇ​ၵၢင်​ဝၼ်း​လႄႈ လိူၼ်​ဢမ်ႇ​လႆႈ​တိူဝ်ႉ​လႆႈ​ထုၵ်ႇ​မႂ်း​ၶိင်ႇ​ၵၢင်​ၶိုၼ်း။-</verse>
				<verse number="7">ထႃႇဝရႃႉ​ၽြႃး​တၵ်း​ႁႄႉ​ၵင်ႈ လွင်ႈ​တၢင်း​ဢၼ်​ဢမ်ႇ​လီ​ၵူႈ​ၸိူဝ်ႉ​ၵူႈ​ပိူင်​လႄႈ ပႂ်ႉ​ဢသၢၵ်ႈ​မႂ်း​ယူႇ​ဢေႃႈ။-</verse>
				<verse number="8">ထႃႇဝရႃႉ​ၽြႃး​တၵ်း​ပႂ်ႉ​တၢင်း​ဢၼ်​မႂ်း​ဢွၵ်ႇ ဢိၵ်ႇ​တင်း​တၢင်း​ဢၼ်​မႂ်း​ၶဝ်ႈ​ၸိူဝ်း​ၼၼ်ႉ​ယူႇ ဢဝ်​ၸႃႉ​ၸဵမ်​မိူဝ်ႈ​လဵဝ်​ၼႆႉ​ၵႂႃႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။</verse>
			</chapter>
			<chapter number="122">
				<verse number="1">မိူဝ်ႈ​ဢၼ်​ၶဝ်​လၢတ်ႈ​လႄႈ​ဝႃႈ၊ ႁဝ်း​ဢွၼ်​ၵၼ်​ၶဝ်ႈ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​တႃႉ​ႁဝ်း၊ ဝႃႈ​ၼင်ႇ​ၼႆ​ၼၼ်ႉ​ၸိုင် ၵဝ်​မီး​တၢင်း​ဢၼ်​ၸူမ်း​သိူဝ်း​ဢေႃႈ။-</verse>
				<verse number="2">ဝဵင်း​ ယေႇရူႉသလႅမ်ႇ ​ဢိူၺ်း၊ တိၼ်​ႁဝ်း​ၸုၵ်း​ယူႇ​ၵႃႈ​ၼႂ်း​ၽၵ်း​တူ​မႂ်း​တင်း​လၢႆ​ဢေႃႈ။-</verse>
				<verse number="3">ဝဵင်း​ ယေႇရူႉသလႅမ်ႇ တႄႇ​ယူႇ မိူၼ်​ၸိူဝ်ႉ​ၼင်ႇ​ဝဵင်း​ဢၼ်​သတ်ႉ​လီ​တဵမ်​လီ​ၼၼ်ႉ​လႄႈ၊-</verse>
				<verse number="4">ပဵၼ်​တီႈ​ဢၼ်​မဵဝ်း​တင်း​လၢႆ ဢၼ်​ဝႃႈ​မဵဝ်း​ထႃႇဝရႃႉ​ၽြႃး​ၸိူဝ်း​ၼၼ်ႉ ဢွၼ်​ၵၼ်​ၶိုၼ်ႈ​ၸူး ပုၼ်ႈ​လွင်ႈ​ၼင်ႇ​ႁိုဝ်​တၵ်း​ပဵၼ်​သၢၵ်ႈ​သေႇ​တီႈ​မဵဝ်း​ ဢီႉသရေႇလႃႉ ဢိၵ်ႇ​တင်း​ႁႂ်ႈ​လႆႈ​ယွင်ႈ​ယေႃးၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ဢေႃႈ။-</verse>
				<verse number="5">ရႃႇၸႃႉ​ပလၢင်ႇ တီႈ​ဢၼ်​ၸီႇ​ယၢင်ႇ​တြႃး၊ ရႃႇၸႃႉ​ပလၢင်ႇ​မဵဝ်း​ၶုၼ်​ တႃႇဝိတ်ႈ ​ၸိူဝ်း​ၼၼ်ႉ တႄႇ​ဝႆႉ​မီး​ယူႇ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="6">ဢွၼ်​ၵၼ်​သူး​တွင်း​ႁႂ်ႈ​ဝဵင်း​ ယေႇရူႉသလႅမ်ႇ တဵတ်ႇ​လီ​ၼိမ်​လီ​တႃႉ။ ၶဝ်​ၸိူဝ်း​ဢၼ်​ႁၵ်ႉ​ပႅင်း​ဝဵင်း​ၼၼ်ႉ​ၼၼ်ႉ တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="7">ႁႂ်ႈ​တၢင်း​ဢၼ်​တဵတ်ႇ​လီ​ၼိမ်​လီ​မီး​ၵႃႈ​ၼႂ်း​လမ်း​ဝဵင်း​မႂ်း ဢိၵ်ႇ​တင်း​တၢင်း​ဢၼ်​ၵတ်း​ယဵၼ်​ၶျၢမ်း​သႃႇ မီး​ၵႃႈ​ၼႂ်း​ႁေႃ​မႂ်း​သေ​ၵမ်း​လူၺ်ႈ။-</verse>
				<verse number="8">ၵဝ်​တၵ်း​ထွၵ်ႈ​လူၺ်ႈ​ပုၼ်ႈ​ပီႈ​ပုၼ်ႈ​ၼွင်ႉ ဢိၵ်ႇ​တင်း​ပုၼ်ႈ​ၵေႃႉ​ပုၼ်ႈ​သေႈ​ၵဝ်​တင်း​လၢႆ​လႄႈ၊ ၵဝ်​လၢတ်ႈ​လႄႈ​ဝႃႈ ႁႂ်ႈ​တၢင်း​ဢၼ်​တဵတ်ႇ​လီ​ၼိမ်​လီ မီး​ၵႃႈ​ၼႂ်း​မႂ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၵဝ်​တၵ်း​ထွၵ်ႈ​လူၺ်ႈ​ႁိူၼ်း​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​သေ​လႄႈ ႁႃ​ဢၵျူဝ်း​မႂ်း​ဢေႃႈ။</verse>
			</chapter>
			<chapter number="123">
				<verse number="1">ၸဝ်ႈ​ဢၼ်​ၵိင်း​ဝၢပ်ႈ​ယူႇ ၵႃႈ​ၼိူဝ်​ၽုင်ႇ​ၵၢင်​ႁၢဝ်​တီႈ​ၶႃႈ၊ ၶႃႈ​ၸဝ်ႈ​ႁႅၼ်​တူၺ်း​ၵႃႈ​တီႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။-</verse>
				<verse number="2">မိူၼ်​ၸိူဝ်ႉ​ၼင်ႇ​ဢၼ်​ၶႃႈ​တင်း​လၢႆ ႁႅၼ်​တူၺ်း​တီႈ​မိုဝ်း​ၸဝ်ႈ​ၶဝ်​ယူႇ​ၼၼ်ႉ ဢိၵ်ႇ​တင်း​မိူၼ်​ၸိူဝ်ႉ​ၼင်ႇ​ဢၼ်​ၶႃႈ​မႄႈ​ယိင်း​တင်း​လၢႆ ႁႅၼ်​တူၺ်း​ၸဝ်ႈ​ၼၢင်း​ၶဝ်​ယူႇ​ၼၼ်ႉ​လႄႈ ၶႃႈ​ၸဝ်ႈ​ႁဝ်း​ၶဝ် ႁႅၼ်​တူၺ်း​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ယူႇ တေႃႇ​ထိုင်​ႁွတ်ႈ​မၼ်း​ၸဝ်ႈ​ႁဵတ်း​ၵျေး​ၸူး​တၢင်း​ဢၼ်​ဢဵတ်း​လူ တီႈ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="3">ၶႅၼ်း​တေႃႈ​ႁဵတ်း​ၵျေး​ၸူး တၢင်း​ဢၼ်​ဢဵတ်း​လူ​တီႈ​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁဵတ်း​ၵျေး​ၸူး တၢင်း​ဢၼ်​ဢဵတ်း​လူ​တီႈ​ၶႃႈ​ၸဝ်ႈ​ႁဝ်း​ၶဝ် ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ႁဝ်း​ၶဝ် လႆႈ​ၶၢမ်ႇ​တၢင်း​ဢၼ်​ဢူၵ်း​ဢၼ်​ဢၢႆ ၼႃႇ​လူင်​လၢင် ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="4">ဝီႉၺိၺ်ႇ​ၶႃႈ​ၸဝ်ႈ​ႁဝ်း​ၶဝ် လႆႈ​ၶၢမ်ႇ​တၢင်း​ဢၼ်​ၶဝ်​ၸိူဝ်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၼၼ်ႉ သႄႉ​သွမ်း​ဢိၵ်ႇ​တင်း တၢင်း​ဢၼ်​ၶဝ်​ၸိူဝ်း​ဢၼ်​မႃႇၼႃႉ​ယႂ်ႇ​ၼၼ်ႉ ႁဵတ်း​ႁႂ်ႈ​ဢူၵ်း​ႁႂ်ႈ​ဢၢႆ​ၼၼ်ႉ​ၼႃႇ​လူင်​လၢင်​တီႈ​ၶႃႈ​ဢေႃႈ။</verse>
			</chapter>
			<chapter number="124">
				<verse number="1">သင်​ထႃႇဝရႃႉ​ၽြႃး ဢမ်ႇ​မီး​ယူႇ​ၽၢႆႇ​ႁဝ်း​ၸိုင်၊ ဝႃႈ​ၼင်ႇ​ၼႆ​လႄႈ၊ ၵႂၢမ်း​ဢၼ်​မဵဝ်း​ ဢီႉသရေႇလႃႉ ​ဝႃႈ​ၸမ်ႉ၊-</verse>
				<verse number="2">သင်​ထႃႇဝရႃႉ​ၽြႃး ဢမ်ႇ​မီး​ယူႇ​ၽၢႆႇ​ႁဝ်း​ၸိုင်၊ မိူဝ်ႈ​ဢၼ်​ၵူၼ်း​တင်း​လၢႆ ဢွၼ်​ၵၼ်​ႁဵတ်း​ရၢၼ်ႇ​သူႇ​ယူႇ​ၽၢႆႇ​ၼိုင်ႈ​တင်း​ႁဝ်း​ၼၼ်ႉ၊-</verse>
				<verse number="3">တၢင်း​ၸႂ်​မႆႈ​ၶႆႈ​ၸႃႉ​ၶဝ်​ဢွၵ်ႇ​သေ​လႄႈ ၶဝ်​ဢိုၼ်​ၵိၼ်​ႁဝ်း​ပႃး​လူၺ်ႈ​ၵၼ်​တင်း​ဢသၢၵ်ႈ​ႁဝ်း​ယဝ်ႉ​လူင်​ပႄႇ။-</verse>
				<verse number="4">မိူဝ်ႈ​ၼၼ်ႉ ၼမ်ႉ​တင်း​လၢႆ​ထူမ်ႈ​ႁူမ်ႇ​ႁဝ်း​လႄႈ ၼမ်ႉ​ႁွင်ႈ​ၼမ်ႉ​ၵႄး​ဢွၼ်​ၵၼ်​လႆ​ၶၢမ်ႈ​ၵႂႃႇ ၵႃႈ​ၼိူဝ်​ဢသၢၵ်ႈ​ဝီႉၺိၺ်ႇ​ႁဝ်း​ယဝ်ႉ​လူင်​ပႄႇ။-</verse>
				<verse number="5">ၼမ်ႉ​ဢၼ်​ၸွၵ်ႇ​ၵႃး​ၸိူဝ်း​ၼၼ်ႉ ဢွၼ်​ၵၼ်​လႆ​ၶၢမ်ႈ​ၵႂႃႇ​ၵႃႈ​ၼိူဝ်​ဢသၢၵ်ႈ​ဝီႉၺိၺ်ႇ​ႁဝ်း​ယဝ်ႉ​လူင်​ပႄႇ။-</verse>
				<verse number="6">ႁႂ်ႈ​ထႃႇဝရႃႉ​ၽြႃး ဢၼ်​ဢမ်ႇ​ဢဝ်​ႁဝ်း​ဢၢပ်ႈ​ပၼ် မိူၼ်​ၸိူဝ်ႉ​ၼင်ႇ​တူဝ်​ဢၼ်​လႆႈ​ၶၢမ်ႇ​တၢင်း​ဢၼ်​တီႉ​လႆႈ​ၼၼ်ႉ တီႈ​ၶဵဝ်ႈ​ၼၼ်ႉ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="7">ဢသၢၵ်ႈ​ႁဝ်း​လႆႈ​လွတ်ႈ​မိူၼ်​ၸိူဝ်ႉ​ၼင်ႇ​ဢၼ် ၼူၵ်ႉ​လွတ်ႈ​သေ​ၵႃႈ​ၼႂ်း​တူင်ႇ​ႁႅဝ်ႉ​မူး​သိူဝ်း​ၼၼ်ႉ​ဢေႃႈ။ တူင်ႇ​ႁႅဝ်ႉ​ၶၢတ်ႇ​လႄႈ ႁဝ်း​လႆႈ​လွတ်ႈ​ယဝ်ႉ။-</verse>
				<verse number="8">တၢင်း​ဢၼ်​ၸွႆႈ​ထႅမ်​မႃႉ​ၸႃႉ​ႁဝ်း​ၼၼ်ႉ မီး​ယူႇ​ၵႃႈ​တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ဢၼ်​ႁဵတ်း​ပဵၼ်​ၵၢင်​ႁၢဝ်​တင်း​လိၼ်​မိူင်း​ၼၼ်ႉ​ဢေႃႈ။</verse>
			</chapter>
			<chapter number="125">
				<verse number="1">ၶဝ်​ၸိူဝ်း​ဢၼ်​ဢိင်​ပိုင်ႈ​ထႃႇဝရႃႉ​ၽြႃး​ယူႇ​ၼၼ်ႉ ပဵၼ်​ၸိူဝ်ႉ​ၼင်ႇ​လွႆ​ ၸီႉဢုၼ်ႇ ဢၼ် ယင်း​ဢမ်ႇ​သၼ်ႇ​ဢမ်ႇ​ၶွၼ်း​လႆႈ​လႄႈ တႄႇ​ယူႇ​သေႇ​သေႇ​ၼၼ်ႉ​ဢေႃႈ။-</verse>
				<verse number="2">ၸိူဝ်ႉ​ၼင်ႇ​ဢၼ်​သၼ်​လွႆ​တႄး​လွႆ​လွမ်ႉ​ႁွပ်ႈ​ဝဵင်း​ ယေႇရူႉသလႅမ်ႇ ​ယူႇ​ၼၼ်ႉ ထႃႇဝရႃႉ​ၽြႃး​လွမ်ႉ​ႁွပ်ႈ​ၵူၼ်း​မၼ်း​ၸဝ်ႈ​တင်း​လၢႆ​ယူႇ ၸႃႉ​ၸဵမ်​တေႃႈ​လဵဝ်​ၼႆႉ​ၵႂႃႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="3">လွင်ႈ​ၼင်ႇ​ႁိုဝ်​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ဢမ်ႇ​လႆႈ​ယိုၼ်ႈ​မိုဝ်း​ၸူး ၵႃႈ​တီႈ​တူႉ​ၸရိူၵ်ႈ​ၸိုင်၊ ၵၼ်း​ႁွၵ်ႇ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၵ်း​ဢမ်ႇ​လႆႈ​တႄႇ​လႆႈ​ယူႇ ၵႃႈ​ၼိူဝ်​ပုၼ်ႈ​ၼိူဝ်​တႃႇ​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ။</verse>
				<verse number="4">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁဵတ်း​ၵျေး​ၸူး​တီႈ​ၶဝ်​ၸိူဝ်း​ဢၼ်​လီ​ဢၼ်​ငၢမ်း ဢိၵ်ႇ​တင်း​ၶဝ်​ၸိူဝ်း​ဢၼ်​ႁူဝ်​ၸႂ်​သိုဝ်ႈ​လီ​ယူဝ်း​လီ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="5">ၶဝ်​ၸိူဝ်း​ဢၼ်​ဝႄႈ​ပိူင်ႈ ဢွၵ်ႇ​ၵႂႃႇ​ၸွမ်း​သဵၼ်ႈ​တၢင်း​ဢၼ်​ၵူတ်ႉ​ဢၼ်​ငွၵ်း​ၼၼ်ႉ​ၸမ်ႉ၊ ထႃႇဝရႃႉ​ၽြႃး​တၵ်း​ဢဝ် ႁႂ်ႈ​ၵႂႃႇ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ႁဵတ်း​ဢမ်ႇ​တြႃး​ၼၼ်ႉ​ဢေႃႈ။ ႁႂ်ႈ​တၢင်း​ဢၼ်​တဵတ်ႇ​လီ​ၼိမ်​လီ မီး​တီႈ​မဵဝ်း​ ဢီႉသရေႇလႃႉ သေ​ၵမ်း​လူၺ်ႈ။</verse>
			</chapter>
			<chapter number="126">
				<verse number="1">မိူဝ်ႈ​ဢၼ်​ထႃႇဝရႃႉ​ၽြႃး ႁႂ်ႈ​ၵူၼ်း​ ၸီႉဢုၼ်ႇ ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၸိူဝ်း​ၼၼ်ႉ ၶိုၼ်း​မႃး​ၼၼ်ႉ​ၸိုင် ႁဝ်း​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ၼွၼ်း​ၽၼ်​ၼၼ်ႉ​ဢေႃႈ။-</verse>
				<verse number="2">မိူဝ်ႈ​ၼၼ်ႉ သူပ်း​ႁဝ်း​ပျေႉ​ၸုမ်ႇ​တဵမ်​ဝႆႉ​တင်း တၢင်း​ဢၼ်​ယုမ်ႉ​ဢၼ်​ၶူဝ်​လႄႈ လိၼ်ႉ​ႁဝ်း​ပျေႉ​ၸုမ်ႇ​တဵမ်​ဝႆႉ​တင်း တၢင်း​ဢၼ်​ႁဵတ်း​ၵႂၢမ်း​ဢၼ်​သႂၢင်ႇ​ဢၼ်​သိူဝ်း​ဢေႃႈ။ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၵေႃႈ ဢွၼ်​ၵၼ်​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ႁဵတ်း​လွင်ႈ​တၢင်း​ဢၼ်​ယႂ်ႇ​ၼႃႇ​တင်း​လၢႆ ပုၼ်ႈ​ၶဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ထႃႇဝရႃႉ​ၽြႃး ႁဵတ်း​လွင်ႈ​တၢင်း​ဢၼ်​ယႂ်ႇ​ၼႃႇ​တင်း​လၢႆ ပုၼ်ႈ​ၶဝ်​ယဝ်ႉ။ ႁဝ်း​ၵေႃႈ​မီး​တၢင်း​ဢၼ်​ၸူမ်း​ဢၼ်​သိူဝ်း​ဢေႃႈ။</verse>
				<verse number="4">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႂ်ႈ​တၢင်း​ဢၼ်​ၶႃႈ​ၸဝ်ႈ​ႁဝ်း​ၶဝ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼႆႉ သမ်ႉ​ၶိုၼ်း​မႃး​မိူၼ်​ၸိူဝ်ႉ​ၼင်ႇ​ၼမ်ႉ​ႁွင်ႈ​ဢၼ်​မီး​ပွတ်း​တၢင်း​ၸၢၼ်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="5">ၶဝ်​ၸိူဝ်း​ဢၼ်​ၼမ်ႉ​တႃ​တူၵ်း​ယူႇ​သေ​လႄႈ ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼၼ်ႉ တၵ်း​ႁဵတ်း​ၵႂၢမ်း​ဢၼ်​သႂၢင်ႇ​ဢၼ်​သိူဝ်း​သေ​လႄႈ ပၢတ်ႇ​ၶဝ်ႈ​ဢေႃႈ။-</verse>
				<verse number="6">ၵေႃႉ​ဢၼ်​ၼမ်ႉ​တႃ​တူၵ်း​ယူႇ​သေ​လႄႈ ဢဝ်​ၸိူဝ်ႉ​ၽၼ်း​ဢၼ်​ဝၢၼ်ႇ​ဢၼ်​သွမ်ႈ​ဢွၵ်ႇ​ၵႂႃႇ​ၼၼ်ႉ တၵ်း​မီး​တၢင်း​ဢၼ်​ႁဵတ်း​ၵႂၢမ်း​ဢၼ်​သႂၢင်ႇ​ဢၼ်​သိူဝ်း​သေ​လႄႈ ပႃး​ဢဝ်​လိုၼ်ႈ​ၶဝ်ႈ​မၼ်း​ၶိုၼ်း​မႃး​ဢမၢၼ်ႇ​ၶၼ်​ပဵၼ်​ဢေႃႈ။</verse>
			</chapter>
			<chapter number="127">
				<verse number="1">ပေႃး​ထႃႇဝရႃႉ​ၽြႃး ဢမ်ႇ​တႄႇ​ႁဵတ်း​ႁိူၼ်း​ၸဝ်ႈ​ၸိုင်၊ ၶဝ်​ၸိူဝ်း​ဢၼ်​တႄႇ​ႁဵတ်း​ၼၼ်ႉ ပွင်​ႁဵတ်း​ယူႇ​လၢႆ​လၢႆ​လွၵ်ႇ​လွၵ်ႇ ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။ ပေႃး​ထႃႇဝရႃႉ​ၽြႃး​ဢမ်ႇ​ပႂ်ႉ​ဝဵင်း​ၸိုင်၊ ၶဝ်​ၸိူဝ်း​ဢၼ်​ပႂ်ႉ​တႃႈ​ပႂ်ႉ​ၵၢင်​ၼၼ်ႉ ပႂ်ႉ​ယူႇ​လၢႆ​လၢႆ​လွၵ်ႇ​လွၵ်ႇ ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။-</verse>
				<verse number="2">ပိၵ်ႉ​သမ်ႉ​သူ​လုၵ်ႉ​ၸဝ်ႉ​ၸဝ်ႉ​ၸဵဝ်း​ၸဵဝ်း​သေ​လႄႈ ယင်း​ဢမ်ႇ​ၼွၼ်း​လႄႈ ယူႇ​တေႃႇ​ထိုင်​ႁွတ်ႈ​ထၼ်ႈ​ပေႃး​လိုၵ်း​လႄႈ ၵိၼ်​တၢင်း​ၵိၼ်​တၢင်း​ၶူပ်း​တုၵ်ႉ​ၶႃႉ​ၶၢၼ်​ၸႂ်​သေ​ၵေႃႈ ဢမ်ႇ​မီး​ဢၵျူဝ်း။ မၼ်း​ၸဝ်ႈ​ပၼ်​ဢၶႂၢင်ႉ​ဢၼ်​လႆႈ​ၼွၼ်း​လပ်း​ၼွၼ်း​လီ တီႈ​ၶဝ်​ၸိူဝ်း​ဢၼ်​မၼ်း​ၸဝ်ႈ​ႁၵ်ႉ​ၼၼ်ႉ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="3">လုၵ်ႈ​လၢင်း​ဢၼ်​လႆႈ​ၵိူတ်ႇ​လဵင်ႉ​ၼၼ်ႉ ပဵၼ်​ဢမူၺ်ႇ​ဢုၵ်ႉ​ၸႃႇ ဢၼ်​ထႃႇဝရႃႉ​ၽြႃး​ပၼ်​ဢေႃႈ။ မၢၵ်ႇ​တွင်ႉ​တူဝ်​ၶၼ်ႇ​ထႃႇ​ၸိူဝ်း​ၼၼ်ႉ ပဵၼ်​သူး​ဢၼ်​မၼ်း​ၸဝ်ႈ​ပၼ်​ဢေႃႈ။-</verse>
				<verse number="4">လုၵ်ႈ​လၢင်း​ဢၼ်​လႆႈ​ၵိူတ်ႇ​လဵင်ႉ ၼႂ်း​မိူဝ်ႈ​ဢၼ်​ယင်း​ၼုမ်ႇ​ယင်း​ၵမ်​ယူႇ​ၼၼ်ႉ​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​ပိုၼ်​ၵၢင်ႇ ဢၼ်​မီး​ၵႃႈ​ၼႂ်း​မိုဝ်း​ၵူၼ်း​ႁတ်း​ၵူၼ်း​ႁၢၼ်​ၼၼ်ႉ​ဢေႃႈ။-</verse>
				<verse number="5">ၵေႃႉ​ဢၼ်​မူၵ်ႇ​ပိုၼ်​မၼ်း​တဵမ်​ဝႆႉ​တင်း​ၶဝ်​ၼၼ်ႉ မီး​မင်ႇၵလႃႇ​ဢေႃႈ။ ၶဝ်​တၵ်း​ဢမ်ႇ​မီး​တၢင်း​ဢၼ်​ဢူၵ်း​ဢၼ်​ဢၢႆ ၼႂ်း​မိူဝ်ႈ​ဢၼ်​ၶဝ်​လၢတ်ႈ​ဢမူႉ တေႃႇ​ၵၼ်​တင်း​ရၢၼ်ႇ​သူႇ​ၶဝ်​တင်း​လၢႆ ၵႃႈ​တီႈ​ၼႂ်း​ၽၵ်း​တူ​ဝဵင်း​ၼၼ်ႉ။</verse>
			</chapter>
			<chapter number="128">
				<verse number="1">ၶဝ်​ၸိူဝ်း​ဢၼ်​ၵူဝ်​ႁႄ​ၽြႃး​ပဵၼ်​ၸဝ်ႈ​လႄႈ ၸွမ်း​ၵႂႃႇ​ၸွမ်း​ပႆ​ၵႃႈ​ၼႂ်း​သဵၼ်ႈ​တၢင်း​မၼ်း​ၸဝ်ႈ​ၸိူဝ်း​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="2">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မႂ်း​တၵ်း​လႆႈ​ၵိၼ်​တၢင်း​ၵိၼ် ဢၼ်​မိုဝ်း​မႂ်း​ႁဵတ်း​လႄႈ​လႆႈ​ၼၼ်ႉ​ဢေႃႈ။ မႂ်း​တၵ်း​လႆႈ​မီး​မင်ႇၵလႃႇ​လႄႈ လႆႈ​လီ​လႆႈ​ပဵၼ်​ဢေႃႈ။-</verse>
				<verse number="3">မေး​မႂ်း​တၵ်း​ပဵၼ်​ၸိူဝ်ႉ​ၼင်ႇ​တူၼ်ႈ​ၶိူဝ်း​မၢၵ်ႇ​ၸပိတ်ႈ ဢၼ်​မၢၵ်ႇ​မၢၵ်ႇ​ၼမ်​ၼႃႇ ၵႃႈ​တီႈ​ၼႂ်း​ႁိူၼ်း​မႂ်း​လႄႈ၊ လုၵ်ႈ​မႂ်း​လၢင်း​မႂ်း​တၵ်း​ပဵၼ်​ၸိူဝ်ႉ​ၼင်ႇ​တူၼ်ႈ​ သၢၼ်ႇလုၼ်ႇ ဢၼ်​ၽုၵ်ႇ​သွမ်ႈ​လွမ်ႉ​လဵပ်ႈ​ႁွပ်ႈ တီႈ​ၵိၼ်​မႂ်း​ၼၼ်ႉ​ဢေႃႈ။-</verse>
				<verse number="4">တူၺ်း​လူး၊ ၵေႃႉ​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ တၵ်း​လႆႈ​မီး​မင်ႇၵလႃႇ​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="5">ထႃႇဝရႃႉ​ၽြႃး​တၵ်း​ယူႇ​ၵႃႈ​ၼိူဝ်​လွႆ​ ၸီႉဢုၼ်ႇ ပၼ်​တၢင်း​လီ​တီႈ​မႂ်း​လႄႈ၊ မႂ်း​တၵ်း​လႆႈ​ႁၼ်​တၢင်း​လီ ဢၼ်​ဝဵင်း​ ယေႇရူႉသလႅမ်ႇ လႆႈ​ၶၢမ်ႇ​ၼၼ်ႉ ၸူဝ်ႈ​ဢသၢၵ်ႈ​မႂ်း​ဢေႃႈ။-</verse>
				<verse number="6">လုၵ်ႈ​လၢင်း​ဢၼ်​ၵိူတ်ႇ​လဵင်ႉ​မႃး​ၵႃႈ​တီႈ​လုၵ်ႈ​လၢင်း​မႂ်း​ၸိူဝ်း​ၼၼ်ႉ​ၵေႃႈ မႂ်း​တၵ်း​လႆႈ​ႁၼ်​ဢေႃႈ။ ႁႂ်ႈ​တၢင်း​ၼိမ်​မီး​တီႈ​မဵဝ်း​ ဢီႉသရေႇလႃႉ သေ​ၵမ်း​လူၺ်ႈ။</verse>
			</chapter>
			<chapter number="129">
				<verse number="1">ၶဝ်​ၼိၵ်ႈ​ၸၢၵ်ႈ​ငႅၼ်း​သႄး​ၵဝ် ၸႃႉ​ၸဵမ်​မိူဝ်ႈ​ဢၼ်​ၵဝ်​ယင်း​လဵၵ်ႉ​ယင်း​ဢွၼ်ႇ​ၼၼ်ႉ ဢမ်ႇ​ႁူႉ​လၢႆ​ၽဝ်ႇ​လၢႆ​ပွၵ်ႈ​ယဝ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ၵႂၢမ်း​ဢၼ်​မဵဝ်း​ ဢီႉသရေႇလႃႉ ​ဝႃႈ​ၸမ်ႉ၊-</verse>
				<verse number="2">ၶဝ်​ၼိၵ်ႈ​ၸၢၵ်ႈ​ငႅၼ်း​သႄး​ၵဝ် ၸႃႉ​ၸဵမ်​မိူဝ်ႈ​ဢၼ်​ၵဝ်​ယင်း​လဵၵ်ႉ​ယင်း​ဢွၼ်ႇ​ၼၼ်ႉ ဢမ်ႇ​ႁူႉ​လၢႆ​ၽဝ်ႇ​လၢႆ​ပွၵ်ႈ​ယဝ်ႉ​ယဝ်ႉ။ ၵူၺ်း​ၵႃႈ ၶဝ်​ဢမ်ႇ​ပႄႉ​ဢမ်ႇ​ၼႅင်ႇ​ၵဝ်​လႆႈ။-</verse>
				<verse number="3">ၶဝ်​ၸိူဝ်း​ဢၼ်​ထႆ​ၼၼ်ႉ​ထႆ​သႂ်ႇ​ၵႃႈ​ၼိူဝ်​လင်​ၵဝ်​လႄႈ ႁႂ်ႈ​ပဵၼ်​ႁွႆး​ထႆ​ဢၼ်​ယၢဝ်း​ၼႃႇ​ဢေႃႈ။-</verse>
				<verse number="4">ထႃႇဝရႃႉ​ၽြႃး​ပဵၼ်​ဢၼ်​သိုဝ်ႈ​တေႃႇ​လႄႈ၊ မၼ်း​ၸဝ်ႈ​တႅပ်း​ၸိူၵ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ပႅတ်ႈ​ဢေႃႈ။</verse>
				<verse number="5">ႁႂ်ႈ​ၶဝ်​ၸိူဝ်း​ဢၼ် ၸင်း​ဝဵင်း​ ၸီႉဢုၼ်ႇ ​တင်း​သဵင်ႈ​တင်း​လူင်​ၼၼ်ႉ လႆႈ​ၶၢမ်ႇ​တၢင်း​ဢူၵ်း​တၢင်း​ဢၢႆ​လႄႈ ပိၼ်ႈ​တၢၵ်ႇ​ၶိုၼ်း​ၵႂႃႇ​တၢင်း​လင်​သေ​ၵမ်း​လူၺ်ႈ။-</verse>
				<verse number="6">ႁႂ်ႈ​ၶဝ်​ပဵၼ်​ၸိူဝ်ႉ​ၼင်ႇ​တူၼ်ႈ​ယိူဝ်ႈ ဢၼ်​ဢွၵ်ႇ​ၵႃႈ​ၼိူဝ်​မုင်း​ႁိူၼ်း​လႄႈ​ႁဵဝ်ႇ​ၸွပ်ႈ​ၵႂႃႇ​ၸဵမ်​မိူဝ်ႈ​ၸူဝ်ႈ​ဢၼ်​ၽူႈ​လႂ် ဢမ်ႇ​ပႆႇ​ထူၺ်ႈ​မၼ်း​ပႅတ်ႈ​ၼၼ်ႉ​လႄႈ၊-</verse>
				<verse number="7">ၵေႃႉ​ဢၼ်​ပၢတ်ႇ​ဢဝ်​မၼ်း​ၼၼ်ႉ ဢမ်ႇ​လႆႈ​သေ​ၵမ်​မိုဝ်း​ၼိုင်ႈ၊ ၵေႃႉ​ဢၼ်​မတ်ႉ​ဢဝ်​မၼ်း​ၵေႃႈ ဢမ်ႇ​လႆႈ​သေ​ႁွပ်ႇ​မိုဝ်း​ၼိုင်ႈ​ၼၼ်ႉ​သေ​ၵမ်း​လူၺ်ႈ။-</verse>
				<verse number="8">ၶဝ်​ၸိူဝ်း​ဢၼ်​တႆႇ​တၢင်း​ပႆ​တၢင်း​ၵႂႃႇ ၵႃႈ​တီႈ​ႁိမ်း​ၼၼ်ႉ​ၼၼ်ႉ ဢမ်ႇ​ဢွၼ်​ၵၼ်​လၢတ်ႈ​လႄႈ​ဝႃႈ၊ ႁႂ်ႈ​မင်ႇၵလႃႇ​ထႃႇဝရႃႉ​ၽြႃး ႁွတ်ႈ​ထိုင်​ၵႃႈ​ၼိူဝ်​သူ​သေ​ၵမ်း​လူၺ်ႈ။ ႁဝ်း​ဢိင်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​သေ​လႄႈ ပၼ်​တၢင်း​လီ​တီႈ​သူ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။</verse>
			</chapter>
			<chapter number="130">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ယူႇ​ၵႃႈ​ၼႂ်း​တီႈ​ဢၼ်​လိုၵ်ႉ​ဢၼ်​လမ်ႇ​တင်း​လၢႆ ႁွင်ႉ​သႅၼ်ႇ​ၸူး​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="2">ၸဝ်ႈ​ၽြႃး​တီႈ​ၶႃႈ၊ ၶႅၼ်း​တေႃႈ​ငိၼ်း​သဵင်​ၵႂၢမ်း​ၶႃႈ​ၸဝ်ႈ​လႄႈ ဢဝ်​ႁူ​ၸဝ်ႈ​ႁဝ်း​ထွမ်ႇ​ဢဝ်​သဵင်​တၢင်း​ဢၼ် ၶႃႈ​ၸဝ်ႈ​ႁဵတ်း​သူး​တွင်း​ပထၼႃႇ​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="3">ထႃႇဝရႃႉ​ၽြႃး​တီႈ​ၶႃႈ၊ ပေႃး​ၸဝ်ႈ​ႁဝ်း​မၢတ်ႈ​တွင်း​တူႉ​ၸရိူၵ်ႈ​ဢပႅတ်ႈ​ဝႆႉ​ၸိုင်၊ ၸဝ်ႈ​ၽြႃး​တီႈ​ၶႃႈ၊ ၽူႈ​လႂ်​တၵ်း​ၸုၵ်း​ၶၢမ်ႇ​ယူႇ​လႆႈ​တီႈ​ၶႃႈ။-</verse>
				<verse number="4">ဢၶႂၢင်ႉ​တၢင်း​ဢၼ်​ပွႆႇ​လွတ်ႈ​ဢပႅတ်ႈ မီး​ယူႇ​တီႈ​ၸဝ်ႈ​ႁဝ်း ႁႂ်ႈ​လႆႈ​မီး​လွင်ႈ​ဢၼ်​လီ​ၵူဝ်​လီ​ႁႄ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="5">ၵဝ်​ပႂ်ႉ​ထႃႈ​ထႃႇဝရႃႉ​ၽြႃး​ယူႇ​လႄႈ၊ ဝီႉၺိၺ်ႇ​ၵဝ်​ၵေႃႈ ပႂ်ႉ​ထႃႈ​ယူႇ​ဢေႃႈ။-</verse>
				<verse number="6">ၵဝ်​မုင်ႈ​ထႃႈ​မွင်း​ထႃႈ​ၼုၵ်ႈၵပၢတ်ႈ​မၼ်း​ၸဝ်ႈ​ယူႇ​ဢေႃႈ။ ဝီႉၺိၺ်ႇ​ၵဝ်​မုင်ႈ​မွင်း​ထႃႇဝရႃႉ​ၽြႃး ၼႃႇ​သေ​ၶဝ်​ၸိူဝ်း​ဢၼ်​မုင်ႈ​မွင်း​ၶိင်ႇ​ၵၢင်​ၼႂ်​ၼၼ်ႉ​ဢေႃႈ။ ၸႂ်ႈ​တႄႉ​တႄႉ​ယဝ်ႉ။ မုင်ႈ​မွင်း​ၼႃႇ​သေ​ၶဝ်​ၸိူဝ်း​ဢၼ် မုင်ႈ​မွင်း​ၶိင်ႇ​ၵၢင်​ၼႂ်​ၼၼ်ႉ​ဢေႃႈ။</verse>
				<verse number="7">မဵဝ်း​ ဢီႉသရေႇလႃႉ ​ဢိူၺ်း၊ မုင်ႈ​ထႃႈ​မွင်း​ထႃႈ​ထႃႇဝရႃႉ​ၽြႃး​သေ​ၵမ်း။ လွင်ႈ​မၼ်း​ၸမ်ႉ ၵရူႉၼႃႇ​မီး​တီႈ​ထႃႇဝရႃႉ​ၽြႃး​လႄႈ ၵျေး​ၸူး​တၢင်း​ဢၼ်​ၵႄႇ​သႄႇ​လိတ်ႈ​ဢဝ် မီး​တီႈ​မၼ်း​ၸဝ်ႈ​ၼမ်​ၼႃႇ​ဢေႃႈ။-</verse>
				<verse number="8">မၼ်း​ၸဝ်ႈ​တၵ်း​ၵႄႇ​သႄႇ​လိတ်ႈ​ဢဝ် မဵဝ်း​ ဢီႉသရေႇလႃႉ သေ​ၵႃႈ​ၼႂ်း​တူႉ​ၸရိူၵ်ႈ​ဢပႅတ်ႈ​မၼ်း တင်း​သဵင်ႈ​တင်း​လူင်​ဢေႃႈ။</verse>
			</chapter>
			<chapter number="131">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ႁူဝ်​ၸႂ်​ၶႃႈ​ၸဝ်ႈ​ဢမ်ႇ​သုင်​လႄႈ မၢၵ်ႇ​တႃ​ၶႃႈ​ၸဝ်ႈ​ၵေႃႈ ဢမ်ႇ​ႁႅၼ်​တီႈ​ၶႃႈ။ ၶႃႈ​ၸဝ်ႈ​ဢမ်ႇ​ၵႂႃႇ​ဢမ်ႇ​မႃး ၵႃႈ​ၼႂ်း​လွင်ႈ​တၢင်း​ဢၼ်​ယႂ်ႇ​သုင် ဢိၵ်ႇ​တင်း​လွင်ႈ​တၢင်း​ဢၼ်​ဢမ်ႇ​တၢၼ်ႇ​ၵၼ်​တင်း တူဝ်​ၸဝ်ႈ​ၵဝ်ႇ​ၼၼ်ႉ​တီႈ​ၶႃႈ၊-</verse>
				<verse number="2">ၶႃႈ​ၸဝ်ႈ​ၽေႇ​ၸႂ်​တူဝ်​ၸဝ်ႈ​ၵဝ်ႇ​ႁႂ်ႈ​မၼ်း​ၼိမ်​ယူႇ မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ဢၼ်​ၽၢတ်ႇ​ယၢၼ်​ၼူမ်း​မႄႈ​မၼ်း​ၼၼ်ႉ​တီႈ​ၶႃႈ​ယဝ်ႉ။ ႁူဝ်​ၸႂ်​ၶႃႈ​ၸဝ်ႈ ပဵၼ်​မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ဢၼ်​ၽၢတ်ႇ​ယၢၼ်​ၼူမ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="3">မဵဝ်း​ ဢီႉသရေႇလႃႉ ​ဢိူၺ်း၊ မုင်ႈ​ထႃႈ​မွင်း​ထႃႈ​ထႃႇဝရႃႉ​ၽြႃး​ယူႇ ဢဝ်​ၸႃႉ​ၸဵမ်​မိူဝ်ႈ​လဵဝ်​ၼႆႉ​ၵႂႃႇ တႃႇ​သေႇ​ဢမ်ႇ​ထၢတ်ႇ​တႃႉ။</verse>
			</chapter>
			<chapter number="132">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ပုၼ်ႈ​ တႃႇဝိတ်ႈ ​ၼၼ်ႉ​ၸိုင်၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တုၵ်ႉ​ၶႃႉ​တၢင်း​ၽၢၼ် ၵႃႈ​ဢၼ်​မၼ်း​လႆႈ​ၶၢမ်ႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="2">မၼ်း​ၼၼ်ႉ​တိူင်ႇ​ဝႃႈ​တီႈ​ထႃႇဝရႃႉ​ၽြႃး​လႄႈ တိၵ်ႈ​ထၢၼ်ႇ​တီႈ​ၸဝ်ႈ​တၼ်း​ၶူဝ်း ဢၼ်​မဵဝ်း​ ယႃႇၵုပ်ႈ ​ၵူဝ်း​ၵႂၢႆႇ​ၼၼ်ႉ​လႄႈ​ဝႃႈ၊-</verse>
				<verse number="3">ၶႃႈ​ၸဝ်ႈ​တၵ်း​ဢမ်ႇ​ၶဝ်ႈ​ၵႃႈ​ၼႂ်း​ႁိူၼ်း​ဢၼ်​ၶႃႈ​ၸဝ်ႈ​ယူႇ၊ တၵ်း​ဢမ်ႇ​ၶိုၼ်ႈ​ၵႃႈ​ၼိူဝ်​ၶူင်ႇ​တီႈ​ၼွၼ်း​ၶႃႈ​ၸဝ်ႈ။-</verse>
				<verse number="4">ဢမ်ႇ​ပၼ်​ဢၶႂၢင်ႉ​ဢၼ်​မၢၵ်ႇ​တႃ​ၶႃႈ​ၸဝ်ႈ​လႆႈ​ၼွၼ်း၊ ဢိၵ်ႇ​တင်း​ဢၶႂၢင်ႉ​ဢၼ် ႁိမ်း​တႃ​လႆႈ​လပ်း​ၵႂႃႇ​ၼၼ်ႉ။-</verse>
				<verse number="5">ၸူဝ်ႈ​ဢၼ်​ၶႃႈ​ၸဝ်ႈ​ဢမ်ႇ​ပႆႇ​ထူပ်း​ပႆႇ​ႁၼ်​တီႈ​ဢၼ်​ထႃႇဝရႃႉ​ၽြႃး​တၵ်း​ယူႇ ဢၼ်​ဝႃႈ​သုမ်ႉ​ထဵင်​ဢၼ်​ၸဝ်ႈ​တၼ်း​ၶူဝ်း​ဢၼ်​မဵဝ်း​ ယႃႇၵုပ်ႈ ၵူဝ်း​ၵႂၢႆႇ​ၼၼ်ႉ တၵ်း​ၵိင်း​ဝၢပ်ႈ​ယူႇ​ၼၼ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ႁဝ်း​လႆႈ​ငိၼ်း​လွင်ႈ​ဢၼ်​သုမ်ႉ​ထဵင်​ၸဝ်ႈ​ၼၼ်ႉ မီး​ၵႃႈ​ၼႂ်း​တီႈ​ ဢေႇၽရတ်ႉ ​ၼၼ်ႉ​ယဝ်ႉ။ ႁဝ်း​လႆႈ​ထူပ်း​ႁၼ်​မၼ်း ၵႃႈ​ၼႂ်း​ထိူၼ်ႇ​ပႃႇ​မႆႉ​ပႃႇ​ၸိင်​ၼၼ်ႉ​ယဝ်ႉ။-</verse>
				<verse number="7">ဢွၼ်​ၵၼ်​ၶဝ်ႈ​ၸူး​ၵႃႈ​ၼႂ်း​တီႈ​ဢၼ်​မၼ်း​ၸဝ်ႈ​ၵိင်း​ဝၢပ်ႈ​ယူႇ​ၼၼ်ႉ​သေ​လႄႈ ၶုပ်ႉ​မူပ်ႇ​ၵူဝ်း​ၵႂၢႆႇ​ၵႃႈ​တီႈ​တႂ်ႈ​ၶူင်ႇ​တီႈ​တၢင်ႇ​တိၼ်​မၼ်း​ၸဝ်ႈ​ၼၼ်ႉ​တႃႉ​ႁဝ်း။-</verse>
				<verse number="8">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၸဝ်ႈ​ႁဝ်း ဢိၵ်ႇ​တင်း​တိူၵ်ႈ​ထမ်ႇမႃႉ ဢၼ်​ၸၢပ်ႈ​သႅင်ႇ​ၵၼ်​တင်း​မုၼ်​တၼ်း​ၶူဝ်း​ၸဝ်ႈ​ႁဝ်း​ၼၼ်ႉ ၶိုၼ်ႈ​ၸူး​ၵႃႈ​တီႈ​ဢၼ်​ၸဝ်ႈ​ႁဝ်း​ၵိင်း​ဝၢပ်ႈ​ယူႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="9">ႁႂ်ႈ​ယိတ်ႈပရေႃးႁဵၵ်ႈ​ၸဝ်ႈ​ႁဝ်း​တင်း​လၢႆ ၼုင်ႈ​မႆ​တၢင်း​ဢၼ်​သိုဝ်ႈ​တေႃႇ​ၼၼ်ႉ​လႄႈ ႁႂ်ႈ​ၶဝ်​ၸိူဝ်း​ဢၼ်​ၸဝ်ႈ​ႁဝ်း​ႁၵ်ႉ​ပႅင်း​ၼၼ်ႉ ႁဵတ်း​ၵႂၢမ်း​သိူဝ်း​သိူဝ်း​သႂၢင်ႇ​သႂၢင်ႇ​သေ​ၵမ်း​လူၺ်ႈ။-</verse>
				<verse number="10">ၵွပ်ႈ​ပိူဝ်ႈ​ဢၼ်​ထွၵ်ႈ​လူၺ်ႈ​ၼႃႈ​ၶႃႈ​ၸဝ်ႈ​ႁဝ်း​ တႃႇဝိတ်ႈ ​ၼၼ်ႉ​လႄႈ၊ ယႃႇ​ပေ​ႁႂ်ႈ​ၼႃႈ​ၵေႃႉ​ဢၼ်​ၸဝ်ႈ​ႁဝ်း​ပၼ်​ၽိၵ်ႈ​သိၵ်ႈ​ၼၼ်ႉ ဝၢႆႇ​ပႅတ်ႈ​သေ​ၵမ်း​တီႈ​ၶႃႈ။</verse>
				<verse number="11">ၵႂၢမ်း​ဢၼ်​ထႃႇဝရႃႉ​ၽြႃး ႁဵတ်း​တိၵ်ႈ​ထၢၼ်ႇ​တၢင်း​ဢၼ်​တိူင်ႇ​ဝႃႈ​တီႈ​ တႃႇဝိတ်ႈ ​လႄႈ ဢမ်ႇ​ယႃႉ​သဵတ်ႈ​ၸႃႇ​ၼၼ်ႉ​ၸမ်ႉ၊ ၵဝ်​တၵ်း​ဢဝ်​မၢၵ်ႇ​ဢၼ်​မၢၵ်ႇ​မႃး​ၵႃႈ​ၼႂ်း​တွင်ႉ​မႂ်း​ၼၼ်ႉ တၢင်ႇ​ၵႃႈ​ၼိူဝ်​ပလၢင်ႇ​မႂ်း​ဢေႃႈ။-</verse>
				<verse number="12">ပေႃး​လုၵ်ႈ​မႂ်း​လၢင်း​မႂ်း ပႂ်ႉ​ၵမ်​ပႂ်ႉ​ၸွမ်း​ပတီႉၺိၺ်ႇ​တြႃး​ၵဝ် ဢိၵ်ႇ​တင်း​လွင်ႈ​တၢင်း​ဢၼ်​ၵဝ်​ၶၢမ်ႇ​သၢၵ်ႈ​သေႇ ဢၼ်​ၵဝ်​သွၼ်​ပၼ်​တီႈ​မႂ်း​ၼၼ်ႉ​ယူႇ​ၸိုင်၊ လုၵ်ႈ​ၶဝ်​လၢင်း​ၶဝ်​ၼၼ်ႉ​ၵေႃႈ တၵ်း​လႆႈ​ၼင်ႈ​ၵႃႈ​ၼိူဝ်​ပလၢင်ႇ​မႂ်း​ယူႇ တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ်​ဝဵင်း​ ၸီႉဢုၼ်ႇ ​လႄႈ မီး​ဢလူဝ်ႇ​ပုၼ်ႈ​ဢၼ်​မၼ်း​ၸဝ်ႈ​တၵ်း​လႆႈ​ပဵၼ်​တီႈ​ယူႇ​မၼ်း​ၸဝ်ႈ​သေႇ​သေႇ​ၼၼ်ႉ​လႄႈ​ဝႃႈ၊-</verse>
				<verse number="14">ဝဵင်း​ၼႆႉ​ၸမ်ႉ၊ ပဵၼ်​တီႈ​ဢၼ်​ၵဝ်​တၵ်း​ၵိင်း​ဝၢပ်ႈ​ယူႇ​သေႇ​သေႇ​ဢေႃႈ။ ၵွပ်ႈ​ပိူဝ်ႈ​ဢၼ်​ၵဝ်​မီး​ဢလူဝ်ႇ​လႄႈ ၵဝ်​တၵ်း​ယူႇ​ၵႃႈ​တီႈ​ၼႆႈ​ဢေႃႈ။-</verse>
				<verse number="15">ၵဝ်​တၵ်း​ယဵင်ႈ​ၶႅၼ်း​လိူဝ်​တွၼ်း​သေ​လႄႈ ပၼ်​တၢင်း​လီ​တီႈ​ဢႁႃႇရႃႉ​တၢင်း​ၵိၼ်​မၼ်း​ဢေႃႈ။ ၵဝ်​တၵ်း​လဵင်ႉ​လူ​ၶဝ်​ၸိူဝ်း​ဢၼ်​ဢိုပ်း​ဢၼ်​ယၢၵ်ႈ ဢၼ်​မီး​တီႈ​မၼ်း​ၼၼ်ႉ ဢိမ်ႇ​ဢိမ်ႇ​တဵမ်​တဵမ်​ဢေႃႈ။-</verse>
				<verse number="16">ၵဝ်​တၵ်း​ႁႂ်ႈ​ယိတ်ႈပရေႃးႁဵၵ်ႈ​မၼ်း​ၸိူဝ်း​ၼၼ်ႉ ၼုင်ႈ​မႆ​ႁၢင်ႈ​ၶိူင်ႈ​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​လႄႈ ၵူၼ်း​မူတ်း​ၸၢင်ႇ​မၼ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​ႁဵတ်း​သဵင်​ဢၼ်​ယႂ်ႇ​ၼႃႇ​သေ​လႄႈ ႁဵတ်း​ၵႂၢမ်း​သိူဝ်း​သိူဝ်း​သႂၢင်ႇ​သႂၢင်ႇ​ဢေႃႈ။-</verse>
				<verse number="17">ၵဝ်​တၵ်း​ႁႂ်ႈ​ၶဝ်​လႅမ်​ တႃႇဝိတ်ႈ ဢွၵ်ႇ​ၵႃႈ​တီႈ​ၼၼ်ႈ​ဢေႃႈ။ ၵဝ်​မႄး​ႁႅၼ်း​ဝၢၼ်ႇ​ၽႆး​တဵၼ်း​ဝႆႉ ပုၼ်ႈ​ၵေႃႉ​ဢၼ်​ၶၢမ်ႇ​ၽိၵ်ႈ​သိၵ်ႈ​တီႈ​ၵဝ် ၼၼ်ႉ​ယဝ်ႉ။-</verse>
				<verse number="18">ၵဝ်​တၵ်း​ဢဝ်​တၢင်း​ဢၼ်​ဢူၵ်း​ဢၼ်​ဢၢႆ ၼုင်ႈ​ပၼ်​တီႈ​ရၢၼ်ႇ​သူႇ​မၼ်း​ၸိူဝ်း​ၼၼ်ႉ​လႄႈ သရၽူႇ​မၼ်း​တၵ်း​ႁိူဝ်ႈ​ႁိူင်း​ယူႇ​ၵႃႈ​ၼိူဝ်​ႁူဝ်​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="133">
				<verse number="1">တၢင်း​ဢၼ်​ပီႈ​ၼွင်ႉ​ၵၼ် ၸႂ်​သၽေႃး​မိူၼ်​ၵၼ်​လႄႈ ႁဵတ်း​ၵေႃႉ​ႁဵတ်း​သေႈ​ယူႇ​လူၺ်ႈ​ၵၼ်​ၼၼ်ႉ လီ​ၼႃႇ​လူင်​လၢင်​ဢေႃႈ။ ႁၢင်ႈ​လီ​ႁၢင်ႈ​ငၢမ်း​ၼႃႇ​လူင်​လၢင်​ဢေႃႈ။-</verse>
				<verse number="2">ပဵၼ်​ၸိူဝ်ႉ​ၼင်ႇ​ၼမ်ႉ​မၼ်း​ၼၢမ်ႇ​သႃႇ ဢၼ်​ထွၵ်ႇ​သႂ်ႇ​ၵႃႈ​ၼိူဝ်​ႁူဝ်​ ဢႃႇရုၼ်ႇ ​သေ​ယဝ်ႉ၊ လႆ​ၵႂႃႇ​ၵႃႈ​တီႈ​ၼူတ်ႇ​ၵၢင်း​မၼ်း​လႄႈ တူၵ်း​ႁွတ်ႈ​ၵႃႈ​တီႈ​တၢႆႈၶေႃးသိူဝ်ႈ​မၼ်း​ၼၼ်ႉ​ဢေႃႈ။-</verse>
				<verse number="3">ပဵၼ်​ၸိူဝ်ႉ​ၼင်ႇ​ၼမ်ႉ​ၼၢႆး လွႆ​ ႁေႇရမုၼ်ႇ ဢၼ်​တူၵ်း​ႁွတ်ႈ​ၵႃႈ​ၼိူဝ်​သၼ်​လွႆ​ ၸီႉဢုၼ်ႇ ​ၼၼ်ႉ​ဢေႃႈ။ ၵႃႈ​တီႈ​ၼၼ်ႈ​ၸိုင် မၼ်း​ၸဝ်ႈ​ၸီႇ​ယၢင်ႇ​ဝႆႉ မင်ႇၵလႃႇ​တၢင်း​လီ ဢၼ်​ဝႃႈ​ဢၶႂၢင်ႉ​တၢင်း​ဢၼ်​ဢသၢၵ်ႈ​လိပ်း​ယူႇ​သေႇ​သေႇ​ၼၼ်ႉ​ဢေႃႈ။</verse>
			</chapter>
			<chapter number="134">
				<verse number="1">ၶႃႈ​ထႃႇဝရႃႉ​ၽြႃး ဢၼ်​ပႂ်ႉ​ယူႇ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ၶိင်ႇ​ၵၢင်​ၶိုၼ်း​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။-</verse>
				<verse number="2">ဢွၼ်​ၵၼ်​ယုၵ်ႉ​မိုဝ်း​ၸူး​တီႈ​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​လႄႈ ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။-</verse>
				<verse number="3">ႁႂ်ႈ​ထႃႇဝရႃႉ​ၽြႃး ဢၼ်​ႁဵတ်း​ပဵၼ်​ၵၢင်​ႁၢဝ်​တင်း​လိၼ်​မိူင်း​ၼၼ်ႉ ယူႇ​ၵႃႈ​ၼိူဝ်​လွႆ​ ၸီႉဢုၼ်ႇ ​သေ​လႄႈ ပၼ်​တၢင်း​လီ​တီႈ​မႂ်း​သေ​ၵမ်း​လူၺ်ႈ။</verse>
			</chapter>
			<chapter number="135">
				<verse number="1">ႁႃႇလေႇလူႉယႃႇ။ ဢွၼ်​ၵၼ်​ယွင်ႈ​ယေႃးၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​တႃႉ။ ၶႃႈ​ထႃႇဝရႃႉ​ၽြႃး​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​တႃႉ။-</verse>
				<verse number="2">သူ​ၸိူဝ်း​ဢၼ်​ၸုၵ်း​ယူႇ​ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး ၵႃႈ​ၼႂ်း​တမ်ႇ​တိူင်း​ႁိူၼ်း​ၽြႃး​ပဵၼ်​ၸဝ်ႈ​ႁဝ်း​ၶဝ်​ဢိူၺ်း၊-</verse>
				<verse number="3">ပိူဝ်ႈ​ဢၼ်​ထႃႇဝရႃႉ​ၽြႃး​ပဵၼ်​ဢၼ်​မျၢတ်ႈ​လီ​လႄႈ ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး​တႃႉ။ ဢွၼ်​ၵၼ်​ႁဵတ်း​ၵႂၢမ်း​ထေႃးပၼႃႇ တီႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႃႉ။ တၢင်း​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ ႁၢင်ႈ​လီ​ႁၢင်ႈ​ငၢမ်း​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​လိူၵ်ႈ​ၵဵပ်း​ဢဝ်​မဵဝ်း​ ယႃႇၵုပ်ႈ ​ပုၼ်ႈ​မၼ်း​ၸဝ်ႈ ဢိၵ်ႇ​တင်း​မဵဝ်း​ ဢီႉသရေႇလႃႉ ပုၼ်ႈ​ဢၼ်​တၵ်း​ပဵၼ်​ၽၼ်ႇတႃႇ​မၼ်း​ၸဝ်ႈ​ယဝ်ႉ။</verse>
				<verse number="5">ၵဝ်​ႁူႉ​လွင်ႈ​ဢၼ် ထႃႇဝရႃႉ​ၽြႃး​ယႂ်ႇ​ၼႃႇ​ၼၼ်ႉ ဢိၵ်ႇ​တင်း​လွင်ႈ​ဢၼ်​ၸဝ်ႈ​ၽြႃး​ႁဝ်း မျၢတ်ႈ​ၼႃႇ​သေ​ၽြႃး​တင်း​သဵင်ႈ​တင်း​လူင်​ၼၼ်ႉ​ယူႇ​ဢေႃႈ။-</verse>
				<verse number="6">ထႃႇဝရႃႉ​ၽြႃး​ၼၼ်ႉ ၵႃႈ​ဢၼ်​မၼ်း​ၸဝ်ႈ​မီး​ဢလူဝ်ႇ​ၼၼ်ႉ​ၸိုင်၊ မၼ်း​ၸဝ်ႈ​ႁဵတ်း​ၵႃႈ​တီႈ​ၵၢင်​ႁၢဝ်၊ လိၼ်​မိူင်း၊ ၼမ်ႉ​သမ်ႇ​မုၵ်ႉ​တြႃႇ၊ တီႈ​ဢၼ်​ဢၼ်​လိုၵ်ႉ​ဢၼ်​လမ်ႇ​ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="7">မၼ်း​ၸဝ်ႈ​ႁႂ်ႈ​ဢၢႆ​ၼမ်ႉ​တင်း​လၢႆ လုၵ်ႉ​သေ​ၵႃႈ​တီႈ​လႅၼ်​သုတ်း​လိၼ်​မိူင်း​ၶိုၼ်ႈ​ဢေႃႈ။ မၼ်း​ၸဝ်ႈ​ႁဵတ်း​ပဵၼ်​ၽႃႉ​မႅပ်ႈ ဢၼ်​ပႃး​လူၺ်ႈ​ၵၼ်​တင်း​ၽူၼ်​လႄႈ မၼ်း​ၸဝ်ႈ​ဢဝ်​လူမ်း​ဢွၵ်ႇ​သေ​ၵႃႈ​ၼႂ်း​တိူၵ်ႈ​ၽၼ်ႇတႃႇ​မၼ်း​ၸဝ်ႈ​ဢေႃႈ။-</verse>
				<verse number="8">မၼ်း​ၸဝ်ႈ​ပၼ်​တၢမ်ႇ​တီႈ​လုၵ်ႈ​ၸၢႆး​တူၼ်ႈ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ ၸႃႉ​ၸဵမ်​ၵူၼ်း​တေႃႇ​ထိုင်​ႁွတ်ႈ​တရိၵ်ႈသၢၼ်ႇ​ဢေႃႈ။-</verse>
				<verse number="9">မိူင်း​ ဢေႇၵိပ်ႉတူႉ ​ဢိူၺ်း၊ မၼ်း​ၸဝ်ႈ​ပွႆႇ​ၸႂ်ႉ​လၢၵ်ႈၶၼႃႇ​သၢၵ်ႈ​သေႇ​တင်း​လၢႆ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ၵႂႃႇ​ၵႃႈ​ၼႂ်း​မႂ်း​လႄႈ ႁွတ်ႈ​ထိုင်​ၵႃႈ​ၼိူဝ်​ၶုၼ်​ ၽႃႇရေႃး ဢိၵ်ႇ​တင်း​ၶႃႈ​မၼ်း​ၵူၼ်း​မၼ်း တင်း​သဵင်ႈ​တင်း​လူင်​ဢေႃႈ။-</verse>
				<verse number="10">မၼ်း​ၸဝ်ႈ​တိုၵ်း​တေႃး​ယႃႉ​ပႅတ်ႈ​မဵဝ်း​ၵူၼ်း​ၼမ်​ၼႃႇ​လႄႈ ဢဝ်​ၶုၼ်​ႁေႃ​ၶမ်း​ဢၼ်​မုၼ်​ယႂ်ႇ​ၼႃႇ​ဢၼ်​ဝႃႈ၊-</verse>
				<verse number="11">ၶုၼ်​ သီႉႁုၼ်ႇ ၶုၼ်​ႁေႃ​ၶမ်း​ ဢႃႇမေႃးရီႉ ဢိၵ်ႇ​တင်း ဢေႃႇၶႃႉ ​ၶုၼ်​ႁေႃ​ၶမ်း မိူင်း​ ပႃႇသၢၼ်ႇ ​ၸိူဝ်း​ၼၼ်ႉ​တၢႆ​လႄႈ တိုၵ်း​တေႃး​ယႃႉ​ပႅတ်ႈ​မိူင်း​ ၶႃႇၼၢၼ်ႇ တင်း​သဵင်ႈ​တင်း​လူင်​သေ​ယဝ်ႉ၊-</verse>
				<verse number="12">ဢဝ်​လိၼ်​တီႈ​ယူႇ​ၶဝ်​ပၼ်​ပုၼ်ႈ​ဢမူၺ်ႇ ဢၼ်​ဝႃႈ​ဢမူၺ်ႇ​တီႈ​ၵူၼ်း​မၼ်း​ၸဝ်ႈ မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="13">ထႃႇဝရႃႉ​ၽြႃး​တီႈ​ၶႃႈ၊ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ၊ တီႈ​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၸဝ်ႈ​ႁဝ်း​ၼၼ်ႉ တႄႇ​ယူႇ​ၵူႈ​ၸူဝ်ႈ​ၵူႈ​ပၢၼ် သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ဢေႃႈ။-</verse>
				<verse number="14">ထႃႇဝရႃႉ​ၽြႃး​ၸီႇ​ယၢင်ႇ​တြႃး​ယူႇ​ၽၢႆႇ​ၵူၼ်း​မၼ်း​ၸဝ်ႈ​တင်း​လၢႆ​လႄႈ မီး​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ ပုၼ်ႈ​လွင်ႈ​ၶႃႈ​မၼ်း​ၸဝ်ႈ​ၸိူဝ်း​ၼၼ်ႉ​ဢေႃႈ။</verse>
				<verse number="15">ရုၵ်ႈ​ထူႉ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ၵူဝ်း​ၵႂၢႆႇ​ၸိူဝ်း​ၼၼ်ႉ​ၸမ်ႉ၊ ပဵၼ်​ငိုၼ်း​ပဵၼ်​ၶမ်း​ဢေႃႈ။ ပဵၼ်​ၶိူင်ႈ​ပိူင်​ဢၼ်​ၵူၼ်း​ဢဝ်​မိုဝ်း​ႁဵတ်း​ဢေႃႈ။-</verse>
				<verse number="16">ၶဝ်​မီး​သူပ်း​သေ​ၵေႃႈ ဢမ်ႇ​ၸၢင်ႈ​လၢတ်ႈ​ထွႆႈ​လၢတ်ႈ​ၵႂၢမ်း၊ ၶဝ်​မီး​မၢၵ်ႇ​တႃ​သေ​ၵေႃႈ ဢမ်ႇ​ၸၢင်ႈ​ၸႅင်ႈ​ၸၢင်ႈ​ႁၼ်။-</verse>
				<verse number="17">ၶဝ်​မီး​ႁူ​သေ​ၵေႃႈ ဢမ်ႇ​ၸၢင်ႈ​ထွမ်ႇ​ၸၢင်ႈ​ငိၼ်း။ ၵႃႈ​ၼႂ်း​သူပ်း​ၶဝ်​ၼၼ်ႉ ဢမ်ႇ​မီး​ဢသၢၵ်ႈ​ဢၼ်​ထူၺ်ႈ​ၸႂ်​ဢွၵ်ႇ​ထူၺ်ႈ​ၸႂ်​ၶဝ်ႈ​လူင်​ပႄႇ။-</verse>
				<verse number="18">ၶဝ်​ၸိူဝ်း​ဢၼ်​ႁဵတ်း​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ၸိူဝ်း​ၼၼ်ႉ​လႄႈ ၶဝ်​ၸိူဝ်း​ဢၼ်​ဢိင်​ပိုင်ႈ​ၸိူဝ်း​ၼၼ်ႉ​ၵေႃႈ မိူၼ်​ၸိူဝ်ႉ​ၼင်ႇ​ၸိူဝ်း​ၼၼ်ႉ​လူင်​ပႄႇ။</verse>
				<verse number="19">မဵဝ်း​ ဢီႉသရေႇလႃႉ ​ဢိူၺ်း၊ ယွင်ႈ​ယေႃး​ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။ ၸိူဝ်ႉ​ၶိူဝ်း​ ဢႃႇရုၼ်ႇ ​ဢိူၺ်း၊ ယွင်ႈ​ယေႃး​ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။-</verse>
				<verse number="20">ၸိူဝ်ႉ​ၶိူဝ်း​ လေႇဝီႉ ​ဢိူၺ်း၊ ယွင်ႈ​ယေႃး​ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။ သူ​ၸိူဝ်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​ပၼ်​တၢင်း​လီ​တီႈ​ထႃႇဝရႃႉ​ၽြႃး​တႃႉ။-</verse>
				<verse number="21">ႁႂ်ႈ​ထႃႇဝရႃႉ​ၽြႃး ဢၼ်​ၵိင်း​ဝၢပ်ႈ​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ မီး​မင်ႇၵလႃႇ​ၵႃႈ​ၼိူဝ်​လွႆ​ ၸီႉဢုၼ်ႇ သေ​ၵမ်း​လူၺ်ႈ။ ႁႃႇလေႇလူႉယႃႇ။</verse>
			</chapter>
			<chapter number="136">
				<verse number="1">ဢွၼ်​ၵၼ်​ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ ပဵၼ်​ဢၼ်​မျၢတ်ႈ​လီ​လႄႈ ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​တႃႉ။-</verse>
				<verse number="2">ဢွၼ်​ၵၼ်​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ဢၼ်​ပဵၼ်​ၸဝ်ႈ​ၵႃႈ​ၼိူဝ်​ၽြႃး​တင်း​သဵင်ႈ​တင်း​လူင်​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​တႃႉ။-</verse>
				<verse number="3">ဢွၼ်​ၵၼ်​ယွင်ႈ​ယေႃး​ၵျေး​ၸူး​ၸဝ်ႈ​ၽြႃး ဢၼ်​ပဵၼ်​ၸဝ်ႈ​ၵႃႈ​ၼိူဝ်​ၸဝ်ႈ​ၽြႃး​တင်း​သဵင်ႈ​တင်း​လူင်​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​တႃႉ။-</verse>
				<verse number="4">ဢွၼ်​ၵၼ်​ယွင်ႈ​ယေႃး​ၸဝ်ႈ​ဢၼ်​ႁဵတ်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ သူႇ​လဵဝ်​ပႃး​လဵဝ်​ၵူၺ်း​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="5">ဢၼ်​ဢဝ်​တင်း​ပိင်ႇ​ၺႃႇ​တြႃး​ႁဵတ်း​ပဵၼ်​ၵၢင်​ႁၢဝ်​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="6">ဢၼ်​ၵီႈ​ၽႄႇ​လိၼ်​မိူင်း ၵႃႈ​ၼိူဝ်​ၼမ်ႉ​တင်း​လၢႆ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="7">ဢၼ်​ႁဵတ်း​ပဵၼ်​ႁိူၼ်း​လႅင်း​လူင်​ၸိူဝ်း​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="8">ဢၼ်​ႁဵတ်း​ပဵၼ်​ၵၢင်​ဝၼ်း ဢၼ်​ဢုပ်ႉ​ပိူင်ႇ​ၵႃ​ဝၼ်း​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="9">ဢၼ်​ႁဵတ်း​ပဵၼ်​လိူၼ် ဢိၵ်ႇ​တင်း​လၢဝ်​တင်း​လၢႆ ဢၼ်​ဢုပ်ႉ​ပိူင်ႇ​ၵႃ​ၶိုၼ်း​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="10">ဢၼ်​ပၼ်​တၢမ်ႇ​တီႈ​လုၵ်ႈ​ၸၢႆး​တူၼ်ႈ​တင်း​လၢႆ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ ၵွပ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="11">ဢၼ်​ၼုၵ်ႈ​ဢဝ်​မဵဝ်း​ ဢီႉသရေႇလႃႉ ဢွၵ်ႇ​သေ​ၵႃႈ​ၼႂ်း​ၶဝ်​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="12">ဢၼ်​ဢဝ်​တင်း​မိုဝ်း​ဢၼ် ႁႅင်း​တၼ်း​ၶူဝ်း​ယႂ်ႇ​ၼႃႇ​ဢိၵ်ႇ​တင်း ၶႅၼ်​ဢၼ်​ယဵတ်ႇ​ယိုၼ်ႈ​သေ​လႄႈ ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="13">ဢၼ်​ၽႃႇ​ၼမ်ႉ​ပၢင်ႇ​လၢႆႇ​ ဢေႇတုမ်ႇ ၶၢတ်ႇ​ပဵၼ်​သွင်​ၽၢၵ်ႇ​သွင်​ပွတ်း​ၵႂႃႇ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="14">ဢၼ်​ႁႂ်ႈ​မဵဝ်း​ ဢီႉသရေႇလႃႉ ​ပႆ​လတ်း​ၵႃႈ​ၼႂ်း​ပၢင်ႇ​လၢႆႇ​ၵႂႃႇ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="15">ဢၼ်​ဢဝ်​ၶုၼ်​ ၽႃႇရေႃး ဢိၵ်ႇ​တင်း​ပူဝ်ႇ​ပႃႇ​မၼ်း​တင်း​လၢႆ လူမ်ႉ​တူၵ်း​ပႅတ်ႈ​ၵႃႈ​ၼႂ်း​ပၢင်ႇ​လၢႆႇ​ ဢေႇတုမ်ႇ ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="16">ဢၼ်​ဢဝ်​ၵူၼ်း​မၼ်း​ၸဝ်ႈ​တင်း​လၢႆ သူင်ႇ​ၵႃႈ​ၼႂ်း​ထိူၼ်ႇ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="17">ဢၼ်​တိုၵ်း​တေႃး​ယႃႉ​ပႅတ်ႈ ၶုၼ်​ႁေႃ​ၶမ်း​ဢၼ်​ယႂ်ႇ​တင်း​လၢႆ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="18">ဢၼ်​ဢဝ်​ၶုၼ်​ႁေႃ​ၶမ်း​ဢၼ်​မုၼ်​ယႂ်ႇ​ၼႃႇ​တင်း​လၢႆ​တၢႆ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="19">ဢၼ်​ဢဝ်​ သီႉႁုၼ်ႇ ၶုၼ်​ႁေႃ​ၶမ်း​ ဢႃႇမေႃးရီႉ ​တၢႆ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="20">ဢၼ်​ဢဝ်​ ဢေႃႇၶႃႉ ၶုၼ်​ႁေႃ​ၶမ်း​မိူင်း​ ပႃႇသၢၼ်ႇ ​တၢႆ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="21">ဢၼ်​ဢဝ်​လိၼ်​တီႈ​ယူႇ​ၶဝ်​ပၼ်​ပုၼ်ႈ​ဢမူၺ်ႇ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="22">ဢဝ်​ဢမူၺ်ႇ​ၼၼ်ႉ ပၼ်​တီႈ​ၶႃႈ​မၼ်း​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="23">ဢၼ်​ၶုၵ်း​ၸႂ်​လႆႈ ၶႆႈ​ၸႂ်​ထူပ်း​ႁဝ်း ဢၼ်​ယူႇ​တီႈ​ဢၼ်​ၶျႃး​တႅမ်ႇ​ယူႇ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="24">ဢၼ်​ၼုၵ်ႈ​ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​ႁဝ်း​တင်း​လၢႆ​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="25">ဢၼ်​လဵင်ႉ​ပၼ်​ဢွႆႇ​ပၼ်​တၢင်း​ၵိၼ်​တၢင်း​ၶူပ်း တီႈ​သတ်ႉတဝႃႇ​တင်း​သဵင်ႈ​တင်း​လူင်​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​တႃႉ။-</verse>
				<verse number="26">ယွင်ႈ​ယေႃး​ၽြႃး​ပဵၼ်​ၸဝ်ႈ ၸဝ်ႈ​ၵၢင်​ႁၢဝ်​ၼၼ်ႉ ၵွပ်ႈ​ပိူဝ်ႈ​ဢၼ်​ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​တႃႉ။</verse>
			</chapter>
			<chapter number="137">
				<verse number="1">ႁဝ်း​ၼင်ႈ​ၵႃႈ​တီႈ​ႁိမ်း​ၼမ်ႉ​ႁွင်ႈ​ၼမ်ႉ​ၵႄး​ ပႃႇပူႉလုၼ်ႇ ​ၸိူဝ်း​ၼၼ်ႉ​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ဝဵင်း​ ၸီႉဢုၼ်ႇ ​ယူႇ​တႃႇ​သေႇ​လႄႈ​ႁႆႈ​ႁွင်ႉ​ဢေႃႈ။-</verse>
				<verse number="2">တိင်ႇ​ႁဝ်း​တင်း​လၢႆ​ၵေႃႈ ႁဝ်း​ဢွၼ်​ၵၼ်​ဢဝ်​ႁွႆႈ​ဝႆႉ​ၵႃႈ​တီႈ​တူၼ်ႈ​မူဝ်းမၶႃႉ ၵႃႈ​ၼႂ်း​တီႈ​ၼၼ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="3">လွင်ႈ​မၼ်း​ၸမ်ႉ ၵႃႈ​တီႈ​ၼၼ်ႈ၊ ၶဝ်​ၸိူဝ်း​ဢၼ်​သိမ်း​ဢဝ်​ႁဝ်း​ၵႂႃႇ​ၼၼ်ႉ ယွၼ်း​ဢဝ်​သဵင်​တၢင်း​ဢၼ်​ႁဵတ်း​ၵႂၢမ်း​လႄႈ ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ႁဝ်း​ၼၼ်ႉ ယွၼ်း​ဢဝ်​သဵင်​တၢင်း​ဢၼ်​သႂၢင်ႇ​သိူဝ်း​တီႈ​ႁဝ်း​လႄႈ​ဝႃႈ၊ ႁဵတ်း​ၵႂၢမ်း​တၢင်း​ဢၼ်​ႁဵတ်း​ၵႂၢမ်း​ ၸီႉဢုၼ်ႇ ​သေ​ပုၵ်ႈ​ပုၵ်ႈ​တီႈ​ႁဝ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ႁဝ်း​တၵ်း​ႁဵတ်း​ၵႂၢမ်း​ထႃႇဝရႃႉ​ၽြႃး တီႈ​တၢင်ႇ​ဝၢၼ်ႈ​တၢင်ႇ​မိူင်း​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="5">ဝဵင်း​ ယေႇရူႉသလႅမ်ႇ ​ဢိူၺ်း၊ ပေႃး​ၵဝ်​လူင်​လိုမ်း​မႂ်း​ၸိုင်၊ ႁႂ်ႈ​မိုဝ်း​ၶွၼ်​ၶႂႃ​ၵဝ်​လူင်​လိုမ်း​တၢင်း​ဢၼ် မၼ်း​မေႃ​မၼ်း​ၸၢင်ႈ​ၼၼ်ႉ​သေ​ၵမ်း​လူၺ်ႈ။-</verse>
				<verse number="6">ပေႃး​ၵဝ်​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မႂ်း၊ ပေႃး​ၵဝ်​ဢမ်ႇ​ဢဝ်​ဝဵင်း​ ယေႇရူႉသလႅမ်ႇ ​ဝႆႉ​တီႈ​ဢၼ်​မျၢတ်ႈ လိူဝ်​တွၼ်း​ၼႃႇ​သေ လွင်ႈ​တၢင်း​ဢၼ်​ၵဝ်​ၸူမ်း​သိူဝ်း​ဢၼ်​မျၢတ်ႈ​ၼႃႇ​သေ​ပိူၼ်ႈ​ၼၼ်ႉ​ၸိုင်၊ ႁႂ်ႈ​လိၼ်ႉ​ၵဝ်​ၼႆႉ ၸပ်း​ယူႇ​ၵႃႈ​တီႈ​ၵူင်​ၶေႃး​ၵဝ်​သေ​ၵမ်း​လူၺ်ႈ။</verse>
				<verse number="7">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မိုဝ်ႉ​ဝၼ်း​ဝဵင်း​ ယေႇရူႉသလႅမ်ႇ ​ၼၼ်ႉ ယူႇ​ၽၢႆႇ​ၼိုင်ႈ တင်း​ၵူၼ်း​မဵဝ်း ဢေႇတုမ်ႇ ဢၼ်​လႆႈ​လၢတ်ႈ​လႄႈ​ဝႃႈ၊ ၽဵဝ်ႈ​မၼ်း​ပႅတ်ႈ​သေ၊ ၽဵဝ်ႈ​မၼ်း​ပႅတ်ႈ​ႁႂ်ႈ​ထၼ်ႈ​ပေႃး​ထိုင်​ႁွတ်ႈ​ငဝ်ႈ​ႁၢၵ်ႈ​မၼ်း​သေ၊ ဝႃႈ​ၼင်ႇ​ၼႆ​ၼၼ်ႉ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="8">လုၵ်ႈ​ယိင်း​ ပႃႇပူႉလုၼ်ႇ ​ဢၼ်​လႆႈ​လူႉ​လႅဝ်​ဢိူၺ်း၊ ၵေႃႉ​ဢၼ်​တွပ်ႇ​တႅၼ်း​ပၼ်​ဢပႅတ်ႈ​တီႈ​မႂ်း ၸွမ်း​ၵႃႈ​ၼင်ႇ​ဢၼ်​မႂ်း​ႁဵတ်း​တီႈ​ႁဝ်း​ၼၼ်ႉ​ၼၼ်ႉ​မီး​မင်ႇၵလႃႇ​ဢေႃႈ။-</verse>
				<verse number="9">ၵေႃႉ​ဢၼ်​ယိပ်း​ၵမ်​ဢဝ်​လုၵ်ႈ​ဢွၼ်ႇ​လၢင်း​ဢွၼ်ႇ​မႂ်း​သေ​လႄႈ သႂၢင်း​သႂ်ႇ​ၵႃႈ​ၼိူဝ်​မၢၵ်ႇ​ႁိၼ်​ၼၼ်ႉ မီး​မင်ႇၵလႃႇ​ဢေႃႈ။</verse>
			</chapter>
			<chapter number="138">
				<verse number="1">ၶႃႈ​ၸဝ်ႈ​တၵ်း​ပႃး​တင်း​ႁူဝ်​ၸႂ်​သဵင်ႈ​သဵင်ႈ ယွင်ႈ​ယေႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​ထေႃးပၼႃႇ တီႈ​ၸဝ်ႈ​ႁဝ်း ၵႃႈ​တီႈ​ၽၢႆႇ​ၼႃႈ​ၽြႃး​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="2">ၶႃႈ​ၸဝ်ႈ​တၵ်း​ၶုပ်ႉ​မူပ်ႇ​ၵူဝ်း​ၵႂၢႆႇ ၸူး​ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ​ႁဝ်း ဢၼ်​မူတ်း​ၸၢင်ႇ​ၼၼ်ႉ​လႄႈ ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ၵွပ်ႈ​ပိူဝ်ႈ​ၵရူႉၼႃႇ ဢိၵ်ႇ​တင်း​သဵတ်ႈ​ၸႃႇ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ယဵင်ႈ​ၶႅၼ်း​ယုၵ်ႉ​ယွင်ႈ​ၵတီႉ​ၸဝ်ႈ​ႁဝ်း လိူဝ်​တွၼ်း​ၼႃႇ​သေ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း တီႈ​ၶႃႈ​ယဝ်ႉ။-</verse>
				<verse number="3">ၼႂ်း​မိုဝ်ႉ​ဝၼ်း​ဢၼ်​ၶႃႈ​ၸဝ်ႈ​ႁွင်ႉ​သႅၼ်ႇ​ႁွင်ႉ​ႁႃ​ၼၼ်ႉ ၸဝ်ႈ​ႁဝ်း​ၶိုၼ်း​ဢိူဝ်​ၶႃႈ​ၸဝ်ႈ​လႄႈ ဢဝ်​တင်း​ႁႅင်း​တၼ်း​ၶူဝ်း​ၸဝ်ႈ​ႁဝ်း ႁႂ်ႈ​ၶႃႈ​ၸဝ်ႈ​မီး​တၢင်း​ဢၼ်​ႁတ်း​ႁၢၼ်​ယူႇ ၵႃႈ​ၼႂ်း​ၸႂ်​ဝီႉၺိၺ်ႇ​ၶႃႈ​ၸဝ်ႈ​တီႈ​ၶႃႈ​ဢေႃႈ။</verse>
				<verse number="4">ထႃႇဝရႃႉ​ၽြႃး​တီႈ​ၶႃႈ၊ ၶုၼ်​ႁေႃ​ၶမ်း​လေႃးၵီႇ​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ယွင်ႈ​ယေႃး​မုၼ်​ၸဝ်ႈ​ႁဝ်း ၵွပ်ႈ​ပိူဝ်ႈ​ဢၼ်​ၶဝ်​လႆႈ​ငိၼ်း​ၵႂၢမ်း​ဢၼ်​ဢွၵ်ႇ​သူပ်း​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">ၶဝ်​တၵ်း​ဢွၼ်​ၵၼ်​ၸွမ်း​ၵႃႈ​ၼႂ်း​သဵၼ်ႈ​တၢင်း​ထႃႇဝရႃႉ​ၽြႃး​ၸိူဝ်း​ၼၼ်ႉ​လႄႈ ႁဵတ်း​ၵႂၢမ်း​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ မုၼ်​ၽုင်း​ထႃႇဝရႃႉ​ၽြႃး ယႂ်ႇ​ၼႃႇ​တီႈ​ၶႃႈ​ဢေႃႈ။-</verse>
				<verse number="6">ထႃႇဝရႃႉ​ၽြႃး​ၼၼ်ႉ၊ ပိၵ်ႉ​သမ်ႉ​ပဵၼ်​ဢၼ်​သုင်​မျၢတ်ႈ​ၼႃႇ​သေ​ၵေႃႈ၊ လူ​တူၺ်း​ၶဝ်​ၸိူဝ်း​ဢၼ်​ႁူဝ်​ၸႂ်​ၶျႃး​တႅမ်ႇ​ၼၼ်ႉ​ယူႇ​ဢေႃႈ။ ၶဝ်​ၸိူဝ်း​ဢၼ်​ၸႂ်​သုင်​ၼၼ်ႉ​ၸမ်ႉ၊ မၼ်း​ၸဝ်ႈ​ယူႇ​တီႈ​ဢၼ်​ၵႆ ႁူႉ​ယူႇ​ဢေႃႈ။-</verse>
				<verse number="7">ပိၵ်ႉ​သမ်ႉ​ၶႃႈ​ၸဝ်ႈ​ၵႂႃႇ​မႃး​ယူႇ​ၵႃႈ​ၼႂ်း​ၵၢင်​တုၵ်ႉ​ၶႃႉ​တၢင်း​ၽၢၼ်​ၼမ်​ၼႃႇ​သေ​ၵေႃႈ ၸဝ်ႈ​ႁဝ်း​တၵ်း​ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ​ၶႃႈ​ဢေႃႈ။ ၸဝ်ႈ​ႁဝ်း​ယဵတ်ႇ​ယိုၼ်ႈ​မိုဝ်း​ၸဝ်ႈ​ႁဝ်း ယူႇ​ၽၢႆႇ​ၼိုင်ႈ တင်း​တေႃး​သႃႉ​တၢင်း​ၸႂ်​မႆႈ​ရၢၼ်ႇ​သူႇ​ၶႃႈ​ၸဝ်ႈ​ၸိူဝ်း​ၼၼ်ႉ​လႄႈ ဢဝ်​တင်း​မိုဝ်း​ၶွၼ်​ၶႂႃ​ၸဝ်ႈ​ႁဝ်း ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ တီႈ​ၶႃႈ​ဢေႃႈ။-</verse>
				<verse number="8">ထႃႇဝရႃႉ​ၽြႃး​တၵ်း​ႁႂ်ႈ​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ၵဝ်​ယဝ်ႉ​တူဝ်ႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၵရူႉၼႃႇ​ၸဝ်ႈ​ႁဝ်း တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ ၶႅၼ်း​တေႃႈ​ယႃႇ​ပေ​ၸုၼ်ႉ​ပႅတ်ႈ လွင်ႈ​တၢင်း​ဢၼ်​ၸဝ်ႈ​ႁဝ်း​ဢဝ်​မိုဝ်း​ၸဝ်ႈ​ႁဝ်း​ပွင်​ႁဵတ်း​ၼၼ်ႉ​သေ​ၵမ်း​တီႈ​ၶႃႈ။</verse>
			</chapter>
			<chapter number="139">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ၸႅတ်ႈ​တူၺ်း​ၶႃႈ​ၸဝ်ႈ​လႄႈ​ႁူႉ​တီႈ​ၶႃႈ​ဢေႃႈ။-</verse>
				<verse number="2">ၸဝ်ႈ​ႁဝ်း​ႁူႉ​တၢင်း​ဢၼ်​ၶႃႈ​ၸဝ်ႈ​ၼင်ႈ​ယူႇ ဢိၵ်ႇ​တင်း​တၢင်း​ဢၼ်​ၶႃႈ​ၸဝ်ႈ​ၸုၵ်း​ယူႇ​ၼၼ်ႉ​ယူႇ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ယူႇ​တီႈ​ဢၼ်​ၵႆ​လႄႈ ႁူႉ​တၢင်း​ဢၼ်​ၶႃႈ​ၸဝ်ႈ​ၵျၢမ်ႇ​ပွင်​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="3">ၸဝ်ႈ​ႁဝ်း​ၸႅတ်ႈ​တူၺ်း​သဵၼ်ႈ​တၢင်း​ဢၼ်​ၶႃႈ​ၸဝ်ႈ​ၵႂႃႇ​ၼၼ်ႉ ဢိၵ်ႇ​တင်း​တီႈ​ဢၼ်​ၶႃႈ​ၸဝ်ႈ​ၼွၼ်း​ၼၼ်ႉ​လႄႈ ႁူႉ​ၸႅင်ႈ​တၢင်း​ၵႂႃႇ​တၢင်း​ပႆ​ၶႃႈ​ၸဝ်ႈ တင်း​သဵင်ႈ​တင်း​လူင်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="4">ပိၵ်ႉ​သမ်ႉ​ၵႃႈ​တီႈ​လိၼ်ႉ​ၶႃႈ​ၸဝ်ႈ​ၼႆႉ ဢမ်ႇ​မီး​ၵႂၢမ်း​သေ​ၶေႃႈ​သေ​ၵမ်း​သေ​ၵေႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ႁူႉ​လွင်ႈ​မၼ်း​ယူႇ​တင်း​သဵင်ႈ​တင်း​မူတ်း​တီႈ​ၶႃႈ​ဢေႃႈ။-</verse>
				<verse number="5">ၸဝ်ႈ​ႁဝ်း​လွမ်ႉ​ၼႃႈ​လွမ်ႉ​လင်​ၶႃႈ​ၸဝ်ႈ​ဝႆႉ​သေ​လႄႈ ဢဝ်​မိုဝ်း​ၸဝ်ႈ​ႁဝ်း​တၢင်ႇ​သႂ်ႇ​ၵႃႈ​ၼိူဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="6">ၺၢၼ်ႇ​ၸိူဝ်ႉ​ၼင်ႇ​ၼၼ် ပဵၼ်​ဢၼ်​လီ​ဢၢမ်း​ၼႃႇ​လႄႈ ၶႃႈ​ၸဝ်ႈ​ဢမ်ႇ​တၢတ်ႈ​ၼိူင်ႇ​လႆႈ​တီႈ​ၶႃႈ။ ပဵၼ်​ဢၼ်​သုင်​မျၢတ်ႈ​ၼႃႇ​လႄႈ ၶႃႈ​ၸဝ်ႈ​ဢမ်ႇ​ၶိုတ်း​ထိုင်​လႆႈ​တီႈ​ၶႃႈ။</verse>
				<verse number="7">တၵ်း​ၵႂႃႇ​ၵႃႈ​တီႈ​လႂ် ႁႂ်ႈ​ၵၢင်း​လွတ်ႈ​တင်း​ဝီႉၺိၺ်ႇ​ၸဝ်ႈ​ႁဝ်း​လႆႈ​တီႈ​ၶႃႈ။ တၵ်း​ဢွၵ်ႇ​ပၢႆႈ​ၸူး​ၵႃႈ​တီႈ​လႂ် ႁႂ်ႈ​ၵၢင်း​လွတ်ႈ​တင်း​ၼႃႈ​ၸဝ်ႈ​ႁဝ်း​လႆႈ​တီႈ​ၶႃႈ။-</verse>
				<verse number="8">ပေႃး​ၶႃႈ​ၸဝ်ႈ​ၶိုၼ်ႈ​ၵႂႃႇ​ၵႃႈ​ၼိူဝ်​ၽႃႉ​ၵၢင်​ႁၢဝ်​ၸိုင် ၸဝ်ႈ​ႁဝ်း​မီး​ယူႇ​ၵႃႈ​တီႈ​ၼၼ်ႈ​တီႈ​ၶႃႈ​ဢေႃႈ။ ပေႃး​ၶႃႈ​ၸဝ်ႈ​သိူဝ်ႇ​ၽႃႈ​တီႈ​ၼွၼ်း​ၵႃႈ​ၼႂ်း​မိူင်း​မရၼႃႉ​ၸိုင်၊ ၸဝ်ႈ​ႁဝ်း​မီး​ယူႇ​ၵႃႈ​တီႈ​ၼၼ်ႈ​တီႈ​ၶႃႈ​ဢေႃႈ။-</verse>
				<verse number="9">ပေႃး​ၶႃႈ​ၸဝ်ႈ​ဢဝ်​ပိၵ်ႇ​ၶိင်ႇ​မိူဝ်ႈ​ၵၢင်​ၼႂ်​ၼၼ်ႉ​သေ​လႄႈ ၵႂႃႇ​ယူႇ​ၵႃႈ​တီႈ​ႁိမ်း​လႅၼ်​သုတ်း​ၼမ်ႉ​သမ်ႇ​မုၵ်ႉ​တြႃႇ​ပုၼ်ႉ​ၸိုင်၊-</verse>
				<verse number="10">ၵႃႈ​တီႈ​ၼၼ်ႈ​ၵေႃႈ မိုဝ်း​ၸဝ်ႈ​ႁဝ်း​တၵ်း​ဢဝ်​ၶႃႈ​ၸဝ်ႈ​သူင်ႇ​လႄႈ မိုဝ်း​ၶွၼ်​ၶႂႃ​ၸဝ်ႈ​ႁဝ်း​တၵ်း​ယိပ်း​ၵမ်​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="11">ပေႃး​ၶႃႈ​ၸဝ်ႈ​သမ်ႉ​လၢတ်ႈ​လႄႈ​ဝႃႈ၊ လပ်း​သိင်ႇ​တၵ်း​ႁူမ်ႇ​သုမ်ႇ​ၵဝ်​ဝႆႉ​လႄႈ၊ ဢၼ်​လႅင်း​ၵႃႈ​တီႈ​ႁိမ်း​ၵဝ်​ၼႆႉ​ၵေႃႈ တၵ်း​ပဵၼ်​ၵၢင်​ၶိုၼ်း​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ၸိုင်၊-</verse>
				<verse number="12">လပ်း​သိင်ႇ​ဢမ်ႇ​ႁူမ်ႇ​သုမ်ႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ၼၼ်ႉ​လႆႈ​လႃး​လႃး ဢမၢၼ်ႇ​ၶၼ်​ပဵၼ်​တီႈ​ၶႃႈ။ ၵႃ​ၶိုၼ်း​လႅင်း​ယူႇ​မိူၼ်​ၸိူဝ်ႉ​ၼင်ႇ​ၵႃ​ဝၼ်း​တီႈ​ၶႃႈ​ဢေႃႈ။ ဢၼ်​လပ်း​သိင်ႇ ဢိၵ်ႇ​တင်း​ဢၼ်​လႅင်း​မိူၼ်​မိူၼ်​ၵၼ်​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
				<verse number="13">ၸဝ်ႈ​ႁဝ်း​ႁဵတ်း​ပဵၼ်​မၢၵ်ႇ​လၼ်း​ၶႃႈ​ၸဝ်ႈ​လႄႈ ႁူမ်ႇ​ငမ်း​ၶႃႈ​ၸဝ်ႈ​ဝႆႉ​ၵႃႈ​ၼႂ်း​တွင်ႉ​မႄႈ​ၶႃႈ​ၸဝ်ႈ​တီႈ​ၶႃႈ​ယဝ်ႉ။-</verse>
				<verse number="14">ၶႃႈ​ၸဝ်ႈ​တၵ်း​ယွင်ႈ​ယေႃး​ၸဝ်ႈ​ႁဝ်း ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​ပျေႉ​ၸုမ်ႇ​ဝႆႉ​တင်း​လၢၵ်ႈၶၼႃႇ​ဢၼ်​လီ​ဢၢမ်း ဢိၵ်ႇ​တင်း​လၢၵ်ႈၶၼႃႇ ဢၼ်​လၢၵ်ႇ​လၢႆး​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ လွင်ႈ​တၢင်း​ဢၼ်​ၸဝ်ႈ​ႁဝ်း​ပွင်​ႁဵတ်း​ၸိူဝ်း​ၼၼ်ႉ ပဵၼ်​ဢၼ်​လီ​ဢၢမ်း​ၼႃႇ​လႄႈ ၸႂ်​ဝီႉၺိၺ်ႇ​ၶႃႈ​ၸဝ်ႈ ႁူႉ​လွင်ႈ​မၼ်း​ယူႇ​ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။-</verse>
				<verse number="15">တူဝ်​ၶၼ်ႇ​ထႃႇ​ၶႃႈ​ၸဝ်ႈ ဢမ်ႇ​သိူင်ႇ​ဝႆႉ​မႅပ်ႉ​ဝႆႉ​သေ​ၵႃႈ​တီႈ​ၸဝ်ႈ​ႁဝ်း ၼႂ်း​မိူဝ်ႈ​ဢၼ်​ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ်​ႁဵတ်း​ပဵၼ် ၼႂ်း​တီႈ​ဢၼ်​တဵတ်ႇ​ဢၼ်​မႅပ်ႉ​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​ပွင်​ႁဵတ်း​ႁႂ်ႈ​ၸပ်း​ၵၼ်​ငီႇ​ၵၼ်​ယူႇ ၵႃႈ​တီႈ​တႂ်ႈ​လိၼ်​မိူင်း​ၼၼ်ႉ​တီႈ​ၶႃႈ။-</verse>
				<verse number="16">ၸဝ်ႈ​ႁဝ်း​ႁၼ်​ဢၼ်​ပဵၼ်​ၵွၼ်ႈ​ပဵၼ်​ၽူတ်း ဢၼ်​ဢမ်ႇ​ပႆႇ​ၸေး​ပႆႇ​ၸုမ်ႇ​ၸိူဝ်း​ၼၼ်ႉ​တီႈ​ၶႃႈ​ယဝ်ႉ။ မိုဝ်ႉ​ဝၼ်း​တင်း​လၢႆ​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ဝႆႉ​လႄႈ ဢမ်ႇ​ပႆႇ​ပဵၼ်​မႃး​မီး​မႃး​သေ​မိုဝ်ႉ​သေ​ဝၼ်း​ၸိူဝ်း​ၼၼ်ႉ​ၵေႃႈ မီး​တၢင်း​ဢၼ်​မၢတ်ႈ​မၢႆ​တႅမ်ႈ​သႂ်ႇ​ၵႃႈ​ၼႂ်း​ၸရၢင်း​ၸဝ်ႈ​ႁဝ်း​ဝႆႉ တင်း​သဵင်ႈ​တင်း​မူတ်း​တီႈ​ၶႃႈ​ဢေႃႈ။-</verse>
				<verse number="17">ၽြႃး​ပဵၼ်​ၸဝ်ႈ​တီႈ​ၶႃႈ၊ တၢင်း​ၵျၢမ်ႇ​တၢင်း​ပွင်​ၸဝ်ႈ​ႁဝ်း​ၸိူဝ်း​ၼၼ်ႉ ထိူၵ်ႈ​ၵႃႈ​ထိူၵ်ႈ​ၶၼ်​ၼႃႇ​လူင်​လၢင် တီႈ​ၶႃႈ​ၸဝ်ႈ တီႈ​ၶႃႈ​ဢေႃႈ။ တၢင်း​ဢၼ်​ၼပ်ႉ​ပွင်း​ၵၼ်​ယႂ်ႇ​ၼမ်​ၼႃႇ​လူင်​လၢင်​တီႈ​ၶႃႈ​ဢေႃႈ။-</verse>
				<verse number="18">ပေႃး​ၶႃႈ​ၸဝ်ႈ​ၼပ်ႉ​ဢၢၼ်ႇ​မၼ်း​ၸိုင် ယဵင်ႈ​ၶႅၼ်း​ၼမ်​ၼႃႇ​သေ​မဵတ်ႉ​ႁိၼ်​မဵတ်ႉ​သၢႆး​တီႈ​ၶႃႈ​ဢေႃႈ။ မိူဝ်ႈ​ဢၼ်​ၶႃႈ​ၸဝ်ႈ​တိုၼ်ႇ​မႃး​ၼၼ်ႉ​ၸိုင်၊ ၶႃႈ​ၸဝ်ႈ​ယင်း​မီး​ယူႇ​ၵႃႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
				<verse number="19">ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ၶႅၼ်း​တေႃႈ​ဢဝ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၢႆ​ပႅတ်ႈ​သေ​ၵမ်း​တီႈ​ၶႃႈ။ သူ​ၸိူဝ်း​ဢၼ်​ဢဝ်​လိူတ်ႈ​ၵူၼ်း​ထွၵ်ႇ​ပႅတ်ႈ​ၶဝ်​ဢိူၺ်း၊ ဢွၼ်​ၵၼ်​ဢွၵ်ႇ​သေ​ၵႃႈ​တီႈ​ၵဝ်​ၼႆႉ​တႃႉ။-</verse>
				<verse number="20">ၶဝ်​ၼၼ်ႉ​ဢွၼ်​ၵၼ်​ပုင်ႇ​ၵၢၼ်ႇ ႁဵတ်း​ၶတ်း​ၵၼ်​တင်း​ၸဝ်ႈ​ႁဝ်း​လႄႈ၊ ရၢၼ်ႇ​သူႇ​ၸဝ်ႈ​ႁဝ်း​ၸိူဝ်း​ၼၼ်ႉ ဢုပ်ႇ​ဢၢတ်ႇ​ယူႇ​လၢႆ​လၢႆ​လွၵ်ႇ​လွၵ်ႇ ဢမ်ႇ​ပွင်ႇ​လွင်ႈ​ၵႃႈ​သင်​တီႈ​ၶႃႈ​ဢေႃႈ။-</verse>
				<verse number="21">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ၸင်း​ၶဝ်​ၸိူဝ်း​ဢၼ်​ၸင်း​ၸဝ်ႈ​ႁဝ်း​ၼၼ်ႉ ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ၶႃႈ​ၸဝ်ႈ​လီ​ႁင်ႈ​ဢဵတ်ႇ​သဵတ်ႇ​ၶဝ်​ၸိူဝ်း​ဢၼ်​ၸုၵ်း​ယူႇ​ၽၢႆႇ​ၼိုင်ႈ​တင်း​ၸဝ်ႈ​ႁဝ်း​ၼၼ်ႉ ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="22">ၶႃႈ​ၸဝ်ႈ​ပႃး​တင်း​ႁူဝ်​ၸႂ်​သဵင်ႈ​သဵင်ႈ​ၸင်း​ၶဝ်​ၼၼ်ႉ​လႄႈ မၢတ်ႈ​ၶဝ်​ပဵၼ်​ၸိူဝ်ႉ​ၼင်ႇ​ရၢၼ်ႇ​သူႇ​ၶႃႈ​ၸဝ်ႈ​တီႈ​ၶႃႈ​ဢေႃႈ။</verse>
				<verse number="23">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႅၼ်း​တေႃႈ​ၸႅတ်ႈ​ထၢမ်​ၸႅတ်ႈ​တူၺ်း​ၶႃႈ​ၸဝ်ႈ​လႄႈ ႁူႉ​ၸႅင်ႈ​ႁူဝ်​ၸႂ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၸၢမ်း​တူၺ်း​ၶႃႈ​ၸဝ်ႈ​လႄႈ ႁူႉ​ၸႅင်ႈ​တၢင်း​ဢၼ်​ၸႂ်​ၶႃႈ​ၸဝ်ႈ​ထၢင်ႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="24">ၶႅၼ်း​တေႃႈ လူ​တူၺ်း​လွင်ႈ​ဢၼ်​ၶႃႈ​ၸဝ်ႈ ၸွမ်း​သဵၼ်ႈ​တၢင်း​ဢၼ်​ႁၢႆႉ​ႁိုဝ် ဢမ်ႇ​ၸွမ်း​ႁိုဝ်​ၼၼ်ႉ​လႄႈ ဢဝ်​ၶႃႈ​ၸဝ်ႈ​သူင်ႇ​ၵႃႈ​ၼႂ်း သဵၼ်ႈ​တၢင်း​ထႃႇဝရႃႉ​ၼၼ်ႉ​သေ​ၵမ်း​တီႈ​ၶႃႈ။</verse>
			</chapter>
			<chapter number="140">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ သေ​ၵႃႈ​ၼႂ်း​မိုဝ်း​ၵေႃႉ​ဢၼ်​ႁၢႆႉ​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႄႉ​ၵင်ႈ​ပႂ်ႉ​ၸွႆႈ​ပႂ်ႉ​ထႅမ်​ၶႃႈ​ၸဝ်ႈ​ယူႇ သေ​ၵႃႈ​ၼႂ်း​မိုဝ်း​ၵေႃႉ​ဢၼ်​ႁၢဝ်ႈ​ၵျၢမ်း​ၼႃႇ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="2">ၶဝ်​ၼၼ်ႉ​မီး​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​ဢမ်ႇ​ငၢမ်း ၵႃႈ​ၼႂ်း​ႁူဝ်​ၸႂ်​ၶဝ်​လႄႈ ဢွၼ်​ၵၼ်​တိုၵ်း​ယူင်း​ဢမူႉ​သိုၵ်း​ယူႇ​ၵူႈ​ဝၼ်း​ဢမ်ႇ​ထၢတ်ႇ​တီႈ​ၶႃႈ​ဢေႃႈ။-</verse>
				<verse number="3">ၶဝ်​ၼၼ်ႉ ၸၢင်ႈ​လပ်ႉ​ၸၢင်ႈ​သူၺ်း​လိၼ်ႉ​ၶဝ်​ယူႇ မိူၼ်​ၸိူဝ်ႉ​ၼင်ႇ​ငူး​ၼၼ်ႉ​တီႈ​ၶႃႈ​ဢေႃႈ။ ၵႃႈ​ၼႂ်း​သီႇ​သူပ်း​ၶဝ်​ၼၼ်ႉ မီး​ၵွင်ႉ​မီး​ယၢင်​ငူး​ႁၢႆႉ​တီႈ​ၶႃႈ​ဢေႃႈ။ ၸေႇလႃႇ။</verse>
				<verse number="4">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႄႉ​ၵင်ႈ​ႁႄႉ​လပ်ႉ​ၶႃႈ​ၸဝ်ႈ​ယူႇ သေ​ၵႃႈ​ၼႂ်း​မိုဝ်း​ၵေႃႉ​ဢၼ်​ဢမ်ႇ​တြႃး​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ႁႄႉ​ပႂ်ႉ​ၸွႆႈ​ပႂ်ႉ​ထႅမ်​ၶႃႈ​ၸဝ်ႈ​ယူႇ သေ​ၵႃႈ​ၼႂ်း​မိုဝ်း​ၵေႃႉ​ဢၼ်​ႁၢဝ်ႈ​ၵျၢမ်း​ၼႃႇ​ၼၼ်ႉ​သေ​ၵမ်း​တီႈ​ၶႃႈ။ ၶဝ်​ၼၼ်ႉ​ၵျၢမ်ႇ​ပွင်​ႁႂ်ႈ​တၢင်း​ဢၼ်​ၶႃႈ​ၸဝ်ႈ​ယၢင်ႈ​တိၼ်​ၵႂႃႇ​ၸိူဝ်း​ၼၼ်ႉ​လူမ်ႉ​တီႈ​ၶႃႈ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​မႃႇၼႃႉ​ယႂ်ႇ​ၼၼ်ႉ ဢွၼ်​ၵၼ်​ဢဝ်​တူင်ႇ​ႁႅဝ်ႉ ဢိၵ်ႇ​တင်း​ၸိူၵ်ႈ​ဢွၼ်ႇ​တင်း​လၢႆ သိူင်ႇ​မႅပ်ႉ​ဝႆႉ​ပုၼ်ႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၶဝ်​ဢဝ်​ၶႄ​ၵီႈ​ၽႄႇ​ဝႆႉ ၵႃႈ​တီႈ​သဵၼ်ႈ​တၢင်း​ပုၼ်ႈ​ၶႃႈ​ၸဝ်ႈ​လႄႈ ဢဝ်​ၶိုမ်း​ၵၢင်​ဝႆႉ ပုၼ်ႈ​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၸေႇလႃႇ။</verse>
				<verse number="6">ၶႃႈ​ၸဝ်ႈ​လဝ်ႊ​လၢတ်ႈ​ဝႆႉ​တီႈ​ထႃႇဝရႃႉ​ၽြႃး​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဝၢႆႇ​ႁူ​ႁေႈ​ႁူ​ၸူး ၵႂၢမ်း​ဢၼ်​ၶႃႈ​ၸဝ်ႈ​လဝ်ႊ​ယွၼ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="7">ၸဝ်ႈ​ၽြႃး​ထႃႇဝရႃႉ၊ ႁႅင်း​တၼ်း​ၶူဝ်း​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​တီႈ​ၶႃႈ။ ၸဝ်ႈ​ႁဝ်း​ႁူမ်ႇ​ငမ်း​ႁူဝ်​ၶႃႈ​ၸဝ်ႈ​ဝႆႉ ၵႃႈ​ၼႂ်း​မိုဝ်ႉ​ဝၼ်း​ဢၼ်​တိုၵ်း​သိုၵ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ယႃႇ​ပေ​ပၼ်​ဢၶႂၢင်ႉ ႁႂ်ႈ​ဢလူဝ်ႇ​ၵေႃႉ​ဢၼ်​ဢမ်ႇ​တြႃး​ၼၼ်ႉ လႆႈ​ပျေႉ​ၸုမ်ႇ​သေ​ၵမ်း​တီႈ​ၶႃႈ။ လွင်ႈ​ၼင်ႇ​ႁိုဝ်​ၶဝ်​တၵ်း​ဢမ်ႇ​လႆႈ​ယုၵ်ႉ​ယွင်ႈ​တူဝ်​ၶဝ်​ၶိုၼ်ႈ​ၵႃႈ​တီႈ​ဢၼ်​သုင်​ၸိုင်၊ ၶႅၼ်း​တေႃႈ​ယႃႇ​ပေ​ပၼ်​ႁႂ်ႈ​တၢင်း​ၵျၢမ်ႇ​တၢင်း​ပွင်​ၶဝ် လႆႈ​ပျေႉ​ၸုမ်ႇ​သေ​ၵမ်း​တီႈ​ၶႃႈ။-</verse>
				<verse number="9">မိူဝ်ႈ​ဢၼ်​ၶဝ်​ၸိူဝ်း​ဢၼ် လွမ်ႉ​ႁွပ်ႈ​ၶႃႈ​ၸဝ်ႈ​ယူႇ​ၼၼ်ႉ ယုၵ်ႉ​ယွင်ႈ​ႁူဝ်​ၶဝ်​ၼၼ်ႉ​ၸိုင်၊ ႁႂ်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ဢၼ်​ဢွၵ်ႇ​သူပ်း​ၶဝ်​ၼၼ်ႉ ႁူမ်ႇ​သုမ်ႇ​ၶဝ်​ဝႆႉ​သေ​ၵမ်း​လူၺ်ႈ။-</verse>
				<verse number="10">ႁႂ်ႈ​ထၢၼ်ႇ​ၽႆး​တင်း​လၢႆ တူၵ်း​သႂ်ႇ​ၵႃႈ​ၼိူဝ်​ၶဝ်​ၼၼ်ႉ​သေ​ၵမ်း​လူၺ်ႈ။ ႁႂ်ႈ​ၶဝ်​တူၵ်း​ၵႃႈ​ၼႂ်း​ၽႆး ဢိၵ်ႇ​တင်း​ၵႃႈ​ၼႂ်း​ၶုမ်​ႁူး​ဢၼ်​လိုၵ်ႉ​ၼၼ်ႉ ႁႂ်ႈ​ၶဝ်​ထၼ်ႈ​ပေႃး​ဢမ်ႇ​လႆႈ​သမ်ႉ​ၶိုၼ်း​လုၵ်ႉ​သေ​ၵမ်း​လူၺ်ႈ။-</verse>
				<verse number="11">ၵေႃႉ​ဢၼ်​သူပ်း​ႁုၵ်း​သူပ်း​ႁၢႆႉ​ၼၼ်ႉ ဢမ်ႇ​လႆႈ​တူၵ်း​တီႈ​တူၵ်း​လႅၼ်​ယူႇ​ၵႃႈ​ၼိူဝ်​လိၼ်​မိူင်း​မၼ်ႈ​မၼ်ႈ​ၶိူင်ႇ​ၶိူင်ႇ။ ၽေး​ဢူႉ​ပၢတ်ႈ​တၵ်း​လိုပ်ႈ​ၸွမ်း​လမ်း​ၸွမ်း ၵေႃႉ​ဢၼ်​ႁၢဝ်ႈ​ၵျၢမ်း​ၼႃႇ​ၼၼ်ႉ တေႃႇ​ထိုင်​ႁွတ်ႈ​ထၼ်ႈ​ပေႃး​ယႃႉ​မၼ်း​ပႅတ်ႈ​ဢေႃႈ။</verse>
				<verse number="12">ၵဝ်​ႁူႉ​လွင်ႈ​ဢၼ် ထႃႇဝရႃႉ​ၽြႃး​တၵ်း​ပႂ်ႉ​ဢမူႉ​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​လႄႈ ၸီႇ​ယၢင်ႇ​တြႃး​ၽၢႆႇ​ၵေႃႉ​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​ယူႇ​ဢေႃႈ။-</verse>
				<verse number="13">ၶဝ်​ၸိူဝ်း​ဢၼ်​တြႃး​ၼၼ်ႉ တၵ်း​ဢွၼ်​ၵၼ်​ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​လႄႈ ၶဝ်​ၸိူဝ်း​ဢၼ်​ၸႂ်​သိုဝ်ႈ​ၸႂ်​ယူဝ်း​ၼၼ်ႉ တၵ်း​လႆႈ​ဢွၼ်​ၵၼ်​ယူႇ​ၵႃႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
			</chapter>
			<chapter number="141">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ႁွင်ႉ​သႅၼ်ႇ​ႁွင်ႉ​ႁႃ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႅၼ်း​တေႃႈ​ၸဵဝ်း​မႃး​တီႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ထွမ်ႇ​ငိၼ်း​သဵင်​ၶႃႈ​ၸဝ်ႈ မိူဝ်ႈ​ဢၼ်​ၶႃႈ​ၸဝ်ႈ​ႁွင်ႉ​သႅၼ်ႇ​ႁွင်ႉ​ႁႃ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="2">ၶႅၼ်း​တေႃႈ​ႁႂ်ႈ​ပထၼႃႇ​ၶႃႈ​ၸဝ်ႈ မီး​တၢင်း​ဢၼ်​မႄး​ႁႅၼ်း​ဝႆႉ မိူၼ်​ၸိူဝ်ႉ​ၼင်ႇ​ၼၢမ်ႇ​သႃႇ​ဢၼ်​တုတ်ႇ​ၽႆး​ၼၼ်ႉ ဢိၵ်ႇ​တင်း​တၢင်း​ဢၼ်​ယုၵ်ႉ​မိုဝ်း​ၶႃႈ​ၸဝ်ႈ မီး​တၢင်း​ဢၼ်​ႁႅၼ်း​ဝႆႉ မိူၼ်​ၸိူဝ်ႉ​ၼင်ႇ​ၶိူင်ႈ​ပုၵ်ႈ​ၸေႃႇ​ၶိင်ႇ​ႁူဝ်​ၶမ်ႈ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="3">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဝႆႉ​ၵၢင် ၵႃႈ​တီႈ​ၽၢႆႇ​ၼႃႈ​သူပ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ပႂ်ႉ​ၽၵ်း​တူ​သီႇ​သူပ်း​ၶႃႈ​ၸဝ်ႈ​ယူႇ​သေ​ၵမ်း​တီႈ​ၶႃႈ။-</verse>
				<verse number="4">ၶႅၼ်း​တေႃႈ​ယႃႇ​ပေ​ႁႂ်ႈ​ႁူဝ်​ၸႂ်​ၶႃႈ​ၸဝ်ႈ ဢူၼ်ႈ​ၼူပ်ႈ​ၵွမ်း​ၸူး​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ ႁႂ်ႈ​ၶႃႈ​ၸဝ်ႈ​ပႃး​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ႁဵတ်း​တူႉ​ၸရိူၵ်ႈ​ၼၼ်ႉ​လႄႈ ၵႂႃႇ​မႃး​ယူႇ​ၼႂ်း​ဢမူႉ​လွင်ႈ​တၢင်း​ဢၼ်​ဢမ်ႇ​တြႃး​တင်း​လၢႆ​ၼၼ်ႉ​သေ​ၵမ်း​တီႈ​ၶႃႈ။ ယႃႇ​ပေ​ပၼ်​ႁႂ်ႈ​ၶႃႈ​ၸဝ်ႈ​လႆႈ​ၵိၼ်​တၢင်း​ၵိၼ်​ဢၼ်​ဝၢၼ်​ဢၼ်​မၼ်း​ၶဝ်​ၼၼ်ႉ​သေ​ၵမ်း​တီႈ​ၶႃႈ။</verse>
				<verse number="5">ႁႂ်ႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ပေႃႉ​ယႅၼ်ႉ​ၶႃႈ​ၸဝ်ႈ​သေ​ၵမ်း​လူၺ်ႈ။ တၵ်း​မီး​ၵျေး​ၸူး​တီႈ​ၶႃႈ​ဢေႃႈ။ ႁႂ်ႈ​မၼ်း​သင်ႇ​သွၼ်​သုင်း​မႃႉ​ၶႃႈ​ၸဝ်ႈ​သေ​ၵမ်း​လူၺ်ႈ။ တၵ်း​ပဵၼ်​ၼမ်ႉ​မၼ်း​ဢၼ်​တႃး​ႁူဝ်​ၶႃႈ​ၸဝ်ႈ​တီႈ​ၶႃႈ​ဢေႃႈ။ ယႃႇ​ႁႂ်ႈ​ႁူဝ်​ၶႃႈ​ၸဝ်ႈ တွပ်ႇ​ထဵင်​ပႅတ်ႈ​မၼ်း​သေ​ၵမ်း​လူၺ်ႈ။ တေႃႈ​လဵဝ်​ၼႆႉ​ၸမ်ႉ၊ ၶႃႈ​ၸဝ်ႈ​လႆႈ​ယူႇ​ၽၢႆႇ​ၼိုင်ႈ​တင်း​လွင်ႈ​တၢင်း​ဢၼ်​ၶဝ်​ႁဵတ်း ဢႃႉထမ်ႇမႃႉ​ၼၼ်ႉ​သေ​လႄႈ သူး​တွင်း​ယူႇ​တီႈ​ၶႃႈ​ဢေႃႈ။-</verse>
				<verse number="6">ၵူၼ်း​လူင်​ဢၼ်​ၸီႇ​ယၢင်ႇ​တြႃး​ၶဝ်​ၼၼ်ႉ လႆႈ​ၶၢမ်ႇ​တၢင်း​ဢၼ်​ပွႆႇ​တူၵ်း​သႂ်ႇ​ၵႃႈ​တီႈ​မၢၵ်ႇ​ႁိၼ်​မၢၵ်ႇ​ၽႃ​လႄႈ ၶဝ်​လႆႈ​ငိၼ်း​ၵႂၢမ်း​ၶႃႈ​ၸဝ်ႈ​တီႈ​ၶႃႈ​ဢေႃႈ။ ၵႂၢမ်း​ၼၼ်ႉ​ၵေႃႈ ပဵၼ်​ဢၼ်​ဝၢၼ်​တီႈ​ၶႃႈ​ဢေႃႈ။-</verse>
				<verse number="7">ၸိူဝ်ႉ​ၼင်ႇ​ဢၼ်​ထႆ​လႄႈ ပိုတ်ႇ​ၵီႈ​လိၼ်​ဝႆႉ​ၼၼ်ႉ၊ လုပ်ႇ​ၶႃႈ​ၸဝ်ႈ​ႁဝ်း​ၶဝ် မီး​တၢင်း​ဢၼ်​မၢၵ်ႇ​မိူဝ်​ဝႆႉ​ယူႇ ၵႃႈ​တီႈ​ႁူး​ၽၵ်း​တူ​မိူင်း​မရၼႃႉ​တီႈ​ၶႃႈ​ဢေႃႈ။-</verse>
				<verse number="8">ၸဝ်ႈ​ၽြႃး ထႃႇဝရႃႉ​ၽြႃး​တီႈ​ၶႃႈ၊ မၢၵ်ႇ​တႃ​ၶႃႈ​ၸဝ်ႈ​ႁႅၼ်​တူၺ်း​တီႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​သွၼ်ႈ​ပိုင်ႈ​တီႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ယႃႇ​ပေ​ထွၵ်ႇ​ဢသၢၵ်ႈ​ၶႃႈ​ၸဝ်ႈ ပႅတ်ႈ​သေ​ၵမ်း​တီႈ​ၶႃႈ။-</verse>
				<verse number="9">ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ၵၢင်း​လွတ်ႈ​သေ​ၵႃႈ​တီႈ​တူင်ႇ​ႁႅဝ်ႉ ဢၼ်​ၶဝ်​ၵၢင်​ဝႆႉ​ပုၼ်ႈ​ၶႃႈ​ၸဝ်ႈ ဢိၵ်ႇ​တင်း​ၵႃႈ​တီႈ​တူင်ႇ​ၶိုမ်း​ၶဝ်​ၸိူဝ်း​ဢၼ်​ႁဵတ်း​တူႉ​ၸရိူၵ်ႈ​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="10">မိူဝ်ႈ​ဢၼ်​ၶႃႈ​ၸဝ်ႈ​ပူၼ်ႉ​ၵႂႃႇ​သေ​ၸိူဝ်ႉ​ၼင်ႇ​ၼၼ်​ယဝ်ႉ​ၼၼ်ႉ​ၸိုင်၊ ႁႂ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တူၵ်း​သႂ်ႇ​ၵႃႈ​ၼႂ်း​တူင်ႇ​ႁႅဝ်ႉ​ၶဝ်​ၼၼ်ႉ​သေ​ၵမ်း​လူၺ်ႈ။</verse>
			</chapter>
			<chapter number="142">
				<verse number="1">ၵဝ်​ႁဵတ်း​သဵင်​ပွႆႇ​သဵင်​ၵဝ်​သေ​လႄႈ ႁွင်ႉ​သႅၼ်ႇ​တီႈ​ထႃႇဝရႃႉ​ၽြႃး​ဢေႃႈ။ ၵဝ်​ႁဵတ်း​သဵင်​ပွႆႇ​သဵင်​ၵဝ်​သေ​လႄႈ ႁဵတ်း​သူး​တွင်း​ပထၼႃႇ​တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="2">ၵဝ်​ဢဝ်​ၵႂၢမ်း​ဢၼ်​ၶၢင်း​ၶီ​ၶၢင်း​ၽၢၼ် ထွၵ်ႇ​ႁိုဝ်ႈ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ လဝ်ႊ​လၢတ်ႈ​လွင်ႈ​တုၵ်ႉ​ၶႃႉ​တၢင်း​ၽၢၼ်​ၵဝ် သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ​ဢေႃႈ။-</verse>
				<verse number="3">မိူဝ်ႈ​ဢၼ်​ၶႃႈ​ၸဝ်ႈ​ၸႂ်​လူႉ​ၼၼ်ႉ​ၸိုင်၊ ၸဝ်ႈ​ႁဝ်း​ႁူႉ​သဵၼ်ႈ​တၢင်း​ဢၼ် ၶႃႈ​ၸဝ်ႈ​ၵႂႃႇ​ၼၼ်ႉ​ယူႇ​တီႈ​ၶႃႈ​ဢေႃႈ။ ၶဝ်​ဢဝ်​တူင်ႇ​ႁႅဝ်ႉ​သိူင်ႇ​မႅပ်ႉ​ဝႆႉ ၵႃႈ​ၼႂ်း​သဵၼ်ႈ​တၢင်း​ဢၼ်​ၶႃႈ​ၸဝ်ႈ ၵႂႃႇ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="4">ၶႅၼ်း​တေႃႈ​လူ​တူၺ်း ၽၢႆႇ​ၶႂႃ​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ဢမ်ႇ​မီး​ၵေႃႉ​ဢၼ်​ႁူႉ​ၸၵ်း​ၶႃႈ​ၸဝ်ႈ​တီႈ​ၶႃႈ။ ဢမ်ႇ​မီး​တၢင်း​ဢၼ်​တၵ်း​ပၢႆႈ​လွတ်ႈ​တီႈ​ၶႃႈ။ ဢမ်ႇ​မီး​ၵေႃႉ​ဢၼ်​သေ​လၢႆ​ဢသၢၵ်ႈ​ၶႃႈ​ၸဝ်ႈ​တီႈ​ၶႃႈ။</verse>
				<verse number="5">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ႁွင်ႉ​သႅၼ်ႇ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႃႈ​ၸဝ်ႈ​လႆႈ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ပဵၼ်​တီႈ​ဢၼ်​ၶႃႈ​ၸဝ်ႈ​သွၼ်ႈ​ပိုင်ႈ၊ ပုၼ်ႈ​တႃႇ​ဢၼ်​ၶႃႈ​ၸဝ်ႈ​တၵ်း​လႆႈ​ၸၢမ်ႇ​ၸႃး ၵႃႈ​ၼႂ်း​မိူင်း​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="6">ၶႅၼ်း​တေႃႈ​ထွမ်ႇ​ဢဝ်​သဵင်​ဢၼ်​ၶႃႈ​ၸဝ်ႈ​ႁွင်ႉ​သႅၼ်ႇ​ၼၼ်ႉ ၵွပ်ႈ​ပိူဝ်ႈ​ဢၼ်​ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ၼၼ်ႉ​သေ​ၵမ်း​တီႈ​ၶႃႈ။ ၶဝ်​ၼၼ်ႉ​ႁႅင်း​ယႂ်ႇ​ၼႃႇ​သေ​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="7">ၶႅၼ်း​တေႃႈ ၵႄႇ​သႄႇ​ၼုၵ်ႈ​ဢဝ်​ဝီႉၺိၺ်ႇ​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​ထွင်ႇ ႁႂ်ႈ​ၶႃႈ​ၸဝ်ႈ​လႆႈ​ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ မိူဝ်ႈ​ဢၼ်​ၶႃႈ​ၸဝ်ႈ​ႁဝ်း ႁဵတ်း​ၵျေး​ၸူး​တီႈ​ၶႃႈ​ၸဝ်ႈ​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ တၵ်း​လႆႈ​ဢွၼ်​ၵၼ်​လွမ်ႉ​လဵပ်ႈ​ႁွပ်ႈ​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။</verse>
			</chapter>
			<chapter number="143">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ထွမ်ႇ​ဢဝ်​ပထၼႃႇ​ၶႃႈ​ၸဝ်ႈ​လႄႈ ဝၢႆႇ​ႁူ​ႁေႈ​ႁူ​ၸူး​ၵႂၢမ်း​ဢၼ်​ၶႃႈ​ၸဝ်ႈ​လဝ်ႊ​ယွၼ်း​ၼၼ်ႉ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၸွမ်း​ၵႃႈ​ၼင်ႇ​ဢၼ်​သဵတ်ႈ​ၸႃႇ ဢိၵ်ႇ​တင်း​တၢင်း​ဢၼ်​သိုဝ်ႈ​တေႃႇ​ၸဝ်ႈ​ႁဝ်း​မီး​ၼၼ်ႉ​သေ​လႄႈ ၶိုၼ်း​ဢိူဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။-</verse>
				<verse number="2">ၶႅၼ်း​တေႃႈ​ယႃႇ​ပေ​ထူပ်း​တြႃး​ၵၼ်​တင်း​ၶႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​ၸမ်ႉ၊ ဢမ်ႇ​လႆႈ​ႁွတ်ႈ​ထိုင်​တၢင်း​ဢၼ်​မူတ်း​ၸၢင်ႇ ၵၢင်း​လွတ်ႈ​တင်း​ဢပႅတ်ႈ​ၼၼ်ႉ​တီႈ​ၶႃႈ၊-</verse>
				<verse number="3">ရၢၼ်ႇ​သူႇ​ၼိၵ်ႈ​ၸၢၵ်ႈ​ငႅၼ်း​သႄး​ဝီႉၺိၺ်ႇ​ၶႃႈ​ၸဝ်ႈ​လႄႈ တဵၵ်း​ယဵပ်ႇ​ဢသၢၵ်ႈ​ၶႃႈ​ၸဝ်ႈ​တေႃႇ​ထိုင်​ႁွတ်ႈ​လိၼ်​သေ​လႄႈ ႁႂ်ႈ​ၶႃႈ​ၸဝ်ႈ​ယူႇ​ၵႃႈ​ၼႂ်း​လပ်း​သိင်ႇ မိူၼ်​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ်​တၢႆ​ယဝ်ႉ ႁိုင်​ၼႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="4">ၶႃႈ​ၸဝ်ႈ​ၸႂ်​လူႉ​လႄႈ ႁူဝ်​ၸႂ်​ၵႃႈ​ၼႂ်း​ၶႃႈ​ၸဝ်ႈ​တႅၵ်ႇ​လႅဝ်​ၵႂႃႇ​တီႈ​ၶႃႈ​ဢေႃႈ။-</verse>
				<verse number="5">ၶႃႈ​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မိုဝ်ႉ​ဝၼ်း​ဢၼ်​ပူၼ်ႉ​မႃး​ယဝ်ႉ မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႄႈ ၶႆႈ​ၸႂ်​လူၺ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ႁဵတ်း​ဝႆႉ ၵူႈ​ၸိူဝ်ႉ​ၵူႈ​ပိူင်​လႄႈ ဝူၼ်ႉ​ၸႂ်​လူၺ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း ဢဝ်​မိုဝ်း​ၸဝ်ႈ​ႁဝ်း​ႁဵတ်း​ဝႆႉ​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ၶႃႈ​ၸဝ်ႈ​ယဵတ်ႇ​မိုဝ်း​ၶႃႈ​ၸဝ်ႈ​ၸူး​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ဝီႉၺိၺ်ႇ​ၶႃႈ​ၸဝ်ႈ​တွင်ႉ​မႆႈ​ၸဝ်ႈ​ႁဝ်း ၸိူဝ်ႉ​ၼင်ႇ​လိၼ်​ဢၼ်​ႁႅင်ႈ​ႁွင်​ၼၼ်ႉ​တီႈ​ၶႃႈ​ဢေႃႈ။ ၸေႇလႃႇ။-</verse>
				<verse number="7">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၸဵဝ်း​ၶိုၼ်း​ဢိူဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ၸႂ်​လူႉ​တီႈ​ၶႃႈ​ယဝ်ႉ။ ၶႅၼ်း​တေႃႈ​ယႃႇ​ပေ​ဝၢႆႇ​ၼႃႈ​ပႅတ်ႈ​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​ပဵၼ်​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ်​လူင်း​ၵႂႃႇ​ၵႃႈ​ၼႂ်း​ၶုမ်​ၼႂ်း​ႁူး​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="8">ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​လႆႈ​ငိၼ်း​ၵႂၢမ်း​ၵရူႉၼႃႇ​ၸဝ်ႈ​ႁဝ်း ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ဢိင်​ပိုင်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ႁူႉ​သဵၼ်ႈ​တၢင်း​ဢၼ်​ၶႃႈ​ၸဝ်ႈ တၵ်း​လႆႈ​ၵႂႃႇ​ၼၼ်ႉ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ယုၵ်ႉ​ယွင်ႈ​ႁူဝ်​ၸႂ်​ၶႃႈ​ၸဝ်ႈ​ၸူး​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="9">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၵႄႇ​သႄႇ​ၼုၵ်ႈ​ဢဝ်​ၶႃႈ​ၸဝ်ႈ သေ​ၵႃႈ​ၼႂ်း​မိုဝ်း​ရၢၼ်ႇ​သူႇ​တင်း​လၢႆ​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ဢဝ်​တူဝ်​ၶႃႈ​ၸဝ်ႈ​သိူင်ႇ​မႅပ်ႉ​ဝႆႉ​ယူႇ ၵႃႈ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="10">ၶႅၼ်း​တေႃႈ​သွၼ်​ပၼ်​ၶႃႈ​ၸဝ်ႈ ႁႂ်ႈ​ၶႃႈ​ၸဝ်ႈ​လႆႈ​ၸွမ်း​ဢလူဝ်ႇ​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ​ဢေႃႈ။ ႁႂ်ႈ​ဝီႉၺိၺ်ႇ​ၸဝ်ႈ​ႁဝ်း​ဢၼ်​မျၢတ်ႈ​လီ​ၼၼ်ႉ ဢဝ်​ၶႃႈ​ၸဝ်ႈ​သူင်ႇ​ၵႃႈ​တီႈ​ဢၼ်​ပၢင်ႇ​လီ​ပဵင်း​လီ​ၼၼ်ႉ​သေ​ၵမ်း​လူၺ်ႈ။-</verse>
				<verse number="11">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁႂ်ႈ​ၶႃႈ​ၸဝ်ႈ​ဢသၢၵ်ႈ​လိပ်း​ယူႇ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​ၵမ်း​တီႈ​ၶႃႈ။ ၶႅၼ်း​တေႃႈ​ၸွမ်း​ၵႃႈ​ၼင်ႇ​ဢၼ် တၢင်း​သိုဝ်ႈ​တေႃႇ​ၸဝ်ႈ​ႁဝ်း​မီး​ၼၼ်ႉ​သေ​လႄႈ ၼုၵ်ႈ​ဢဝ်​ဝီႉၺိၺ်ႇ​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​သေ​ၵမ်း​တီႈ​ၶႃႈ။-</verse>
				<verse number="12">ၶႅၼ်း​တေႃႈ​ၸွမ်း​ၵႃႈ​ၼင်ႇ​ဢၼ် ၵရူႉၼႃႇ​ၸဝ်ႈ​ႁဝ်း​မီး​ၼၼ်ႉ​သေ​လႄႈ ပႄႇ​ၽဵဝ်ႈ​ရၢၼ်ႇ​သူႇ​ၶႃႈ​ၸဝ်ႈ​တင်း​လၢႆ​ပႅတ်ႈ မူတ်း​မူတ်း​သဵင်ႈ​သဵင်ႈ​လႄႈ ယႃႉ​ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ၼၼ်ႉ​ပႅတ်ႈ တင်း​သဵင်ႈ​တင်း​လူင်​သေ​ၵမ်း​တီႈ​ၶႃႈ။ ၶႃႈ​ၸဝ်ႈ​ပဵၼ်​ၶႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
			</chapter>
			<chapter number="144">
				<verse number="1">ႁႂ်ႈ​မၢၵ်ႇ​ႁိၼ်​မၢၵ်ႇ​ၽႃ​ဢၼ်​ထႃႇဝရႃႉ​ၽြႃး ဢၼ်​သွၼ်​ပၼ်​ႁႂ်ႈ​မိုဝ်း​ၵဝ်​မေႃ​တိုၵ်း​သိုၵ်း​လႄႈ ၼိဝ်ႉ​မိုဝ်း​ၵဝ်​ၵျူဝ်း​ၸႃး​လူၺ်ႈ​ဢမူႉ​သိုၵ်း​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="2">မၼ်း​ၸဝ်ႈ ပဵၼ်​ၸဝ်ႈ​ဢၼ်​ဢဵတ်း​လူ​ၵဝ်၊ လမ်း​ဝဵင်း​ၵဝ်၊ တိူၵ်ႈ​တီႈ​တိုၵ်း​သိုၵ်း​ၵဝ်၊ ၸဝ်ႈ​ဢၼ်​ၵႄႇ​သႄႇ​ဢဝ်​ၵဝ်​လွတ်ႈ၊ ၶိူင်ႈ​ႁႄႉ​လၢၵ်ႈ​ၼၢၵ်ႈ​ၵဝ်၊ ၸဝ်ႈ​ဢၼ်​ၵဝ်​ၸႂ်​ပိုင်ႈ၊ ၸဝ်ႈ​ဢၼ်​ဢဝ်​ၵူၼ်း​မဵဝ်း​ၵဝ်​တင်း​လၢႆ ၶျႃး​ဝႆႉ​ၵႃႈ​တႂ်ႈ​ၵဝ်​ဢေႃႈ။</verse>
				<verse number="3">ထႃႇဝရႃႉ​ၽြႃး​တီႈ​ၶႃႈ၊ ၵူၼ်း​ၸိုင် ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​မၢတ်ႈ​တွင်း​မၼ်း​ဝႆႉ​တီႈ​ၶႃႈ။ လုၵ်ႈ​ၵူၼ်း​ၸိုင် ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၶုၵ်း​ၸႂ်​လႆႈ​ၶႆႈ​ၸႂ်​လူၺ်ႈ​လွင်ႈ​မၼ်း​တီႈ​ၶႃႈ။-</verse>
				<verse number="4">ၵူၼ်း​ၸိုင် မိူၼ်​ၸိူဝ်ႉ​ၼင်ႇ​ဢၢႆ​ၼင်ႇ​ၵႂၼ်း​ၼၼ်ႉ​တီႈ​ၶႃႈ​ဢေႃႈ။ မိုဝ်ႉ​ဝၼ်း​မၼ်း​တင်း​လၢႆ ပဵၼ်​ၸိူဝ်ႉ​ၼင်ႇ​ႁူမ်ႈ​ၵွင်ႉ​ငဝ်း ဢၼ်​ၸၢင်ႈ​ပူၼ်ႉ​ၵႂႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၼူပ်ႈ​ၽႃႉ​ၵၢင်​ႁၢဝ်​ၸဝ်ႈ​ႁဝ်း​သေ​လႄႈ လူင်း​မႃး​သေ​ၵမ်း​တီႈ​ၶႃႈ။ ၶႅၼ်း​တေႃႈ​တိူဝ်ႉ​သႂ်ႇ​လွႆ​တင်း​လၢႆ​သေ​ၵမ်း​တီႈ​ၶႃႈ။ ၶဝ်​တၵ်း​ဢွၼ်​ၵၼ်​ဢွၵ်ႇ​ၵႂၼ်း​ၽႆး​တီႈ​ၶႃႈ​ဢေႃႈ။-</verse>
				<verse number="6">ၶႅၼ်း​တေႃႈ​ႁႂ်ႈ​ၽႃႉ​မႅပ်ႈ​ၸဝ်ႈ​ႁဝ်း​မႅပ်ႈ​လႄႈ ႁႂ်ႈ​ၶဝ်​ၽူင်ႉ​ၽၢင်ႉ​မိူဝ်​မႃ​ၵႂႃႇ​သေ​ၵမ်း​တီႈ​ၶႃႈ။ ၶႅၼ်း​တေႃႈ​ပိုတ်း​ယိုဝ်း​ပိုၼ်​ၵၢင်ႇ​ၸဝ်ႈ​ႁဝ်း​ၸိူဝ်း​ၼၼ်ႉ​လႄႈ ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​သေ​ၵမ်း​တီႈ​ၶႃႈ။-</verse>
				<verse number="7">ၶႅၼ်း​တေႃႈ​ယူႇ​ၵႃႈ​ၼိူဝ် ယဵတ်ႇ​ယိုၼ်ႈ​မိုဝ်း​ၸဝ်ႈ​ႁဝ်း​သေ​လႄႈ ၵႄႇ​သႄႇ​ဢဝ်​ၶႃႈ​ၸဝ်ႈ​လွတ်ႈ​လႄႈ ၼုၵ်ႈ​ဢဝ်​ၶႃႈ​ၸဝ်ႈ​ဢွၵ်ႇ​သေ​ၵႃႈ​ၼႂ်း​ၼမ်ႉ​ဢၼ်​ယႂ်ႇ​ၼႃႇ​ၼမ်​ၼႃႇ ဢိၵ်ႇ​တင်း​ၵႃႈ​ၼႂ်း​မိုဝ်း​ၵူၼ်း​တၢင်ႇ​ဝၢၼ်ႈ​တင်း​မိူင်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။-</verse>
				<verse number="8">သူပ်း​ၶဝ်​ၼၼ်ႉ ၸၢင်ႈ​လၢတ်ႈ​ၵႂၢမ်း​မူႉ​သႃႇ​လႄႈ မိုဝ်း​ၶွၼ်​ၶႂႃ​ၶဝ်​ၼၼ်ႉ ပဵၼ်​မိုဝ်း​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​တီႈ​ၶႃႈ​ဢေႃႈ။</verse>
				<verse number="9">ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႃႈ​ၸဝ်ႈ​တၵ်း​ႁဵတ်း​ၵႂၢမ်း​ဢၼ်​မႂ်ႇ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​ဢဝ်​တူႇရီႉယႃႇ​ဢၼ်​မီး​သၢႆ​သိပ်း​သဵၼ်ႈ​ၼၼ်ႉ ႁဵတ်း​ၵႂၢမ်း​ထေႃးပၼႃႇ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="10">မၼ်း​ၸဝ်ႈ​ပၼ်​ဢၶႂၢင်ႉ ဢၼ်​လႆႈ​ႁဵတ်း​ပႄႉ​ႁဵတ်း​ၼႅင်ႇ​ၼၼ်ႉ တီႈ​ၶုၼ်​ႁေႃ​ၶမ်း​တင်း​လၢႆ​လႄႈ ႁႂ်ႈ​ၶႃႈ​မၼ်း​ၸဝ်ႈ​ တႃႇဝိတ်ႈ ၵၢင်း​လွတ်ႈ​တင်း​ၽေး​လၢပ်ႇ​ၽေး​လႅဝ်း​ဢၼ်​ႁၢႆႉ​ဢေႃႈ။-</verse>
				<verse number="11">ၶႅၼ်း​တေႃႈ​ၵႄႇ​သႄႇ​ဢဝ်​ၶႃႈ​ၸဝ်ႈ​လွတ်ႈ​လႄႈ ၼုၵ်ႈ​ဢဝ်​ၶႃႈ​ၸဝ်ႈ​ဢွၵ်ႇ​သေ​ၵႃႈ​ၼႂ်း​မိုဝ်း​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ သူပ်း​ၶဝ်​ၼၼ်ႉ ၸၢင်ႈ​လၢတ်ႈ​ၵႂၢမ်း​မူႉ​သႃႇ​လႄႈ မိုဝ်း​ၶႂႃ​ၶဝ်​ၼၼ်ႉ ပဵၼ်​မိုဝ်း​ဢၼ် ၸၢင်ႈ​ပႅတ်ႉ​ၸၢင်ႈ​လႅၼ်​တီႈ​ၶႃႈ​ဢေႃႈ။</verse>
				<verse number="12">မိူဝ်ႈ​ဢၼ်​လုၵ်ႈ​ၸၢႆး​ၶႃႈ​ၸဝ်ႈ​ႁဝ်း​ၶဝ်​တင်း​လၢႆ ပဵၼ်​ၸိူဝ်ႉ​ၼင်ႇ​တူၼ်ႈ​ၵႃႈ​ဢၼ်​ယႂ်ႇ​မႃး​ယူႇ ၼႂ်း​မိူဝ်ႈ​ဢၼ်​ဢသၢၵ်ႈ​ယင်း​ၼုမ်ႇ​ယင်း​ၵမ်၊ လုၵ်ႈ​ယိင်း​ၶႃႈ​ၸဝ်ႈ​ႁဝ်း​ၶဝ်​တင်း​လၢႆ ပဵၼ်​ၸိူဝ်ႉ​ၼင်ႇ​သဝ်​ႁိၼ်​ၸဵင်ႇ​တိူၵ်ႈ​ဢၼ်​တွင်ႈ​ႁဵတ်း​ၶၵ်း​ႁဵတ်း​ဝႆႉ ပုၼ်ႈ​ဢၼ်​တၵ်း​ႁဵတ်း​ပိၵ်ႈ​မၢၼ်ႇ​ၸဝ်ႈ၊-</verse>
				<verse number="13">ႁိူၼ်း​ယေး​ၶႃႈ​ၸဝ်ႈ​ႁဝ်း​ၶဝ် ပျေႉ​ၸုမ်ႇ​ဝႆႉ​တင်း​တၢင်း​ဢၼ်​သုင်း​ဢၼ်​သွင်ႇ တၢင်း​ၵိၼ်​တၢင်း​ၶူပ်း​ၵူႈ​ၸိူဝ်ႉ​ၵူႈ​ပိူင် ၸူဝ်ႈ​ၶႃႈ​ၸဝ်ႈ​ႁဝ်း​ၶဝ်​တင်း​လၢႆ ၵိူတ်ႇ​လဵင်ႉ​မႃး​ၵႃႈ​တီႈ​ၼွၵ်ႈ​တီႈ​ပၢင်ႇ​ပဵၼ်​ႁဵင်​ပဵၼ်​မိုၼ်ႇ၊-</verse>
				<verse number="14">ဝူဝ်း​ၶႃႈ​ၸဝ်ႈ​ႁဝ်း​တင်း​လၢႆ လႆႈ​ၶၢမ်ႇ​တၢင်း​ဢၼ်​တၢင်ႇ​သႂ်ႇ​ၶူဝ်း​ၼမ်​ၼႃႇ၊ ဢမ်ႇ​မီး​တၢင်း​ဢၼ်​ႁဵတ်း​ပႄႉ​ႁဵတ်း​ၼႅင်ႇ​ၶဝ်ႈ​ၶဝ်ႈ​ဢွၵ်ႇ​ဢွၵ်ႇ၊ ဢမ်ႇ​မီး​တၢင်း​ဢၼ်​ႁွင်ႉ​သႅၼ်ႇ​ပွင်ႉ​ၶၢင်း ၵႃႈ​တီႈ​ၵၢင်​တႃႈ​ၵၢင်​တၢင်း​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​ၸိုင်၊-</verse>
				<verse number="15">မဵဝ်း​ၵူၼ်း​ဢၼ်​လႆႈ​ယူႇ​ၸိူဝ်ႉ​ၼင်ႇ​ၼၼ်​ၼၼ်ႉ မီး​မင်ႇၵလႃႇ​တီႈ​ၶႃႈ​ဢေႃႈ။ မဵဝ်း​ၵူၼ်း​ဢၼ်​ထႃႇဝရႃႉ​ၽြႃး ပဵၼ်​ၽြႃး​ပဵၼ်​ၸဝ်ႈ​ၶဝ်​ၼၼ်ႉ မီး​မင်ႇၵလႃႇ​တီႈ​ၶႃႈ​ဢေႃႈ။</verse>
			</chapter>
			<chapter number="145">
				<verse number="1">ၽြႃး​ပဵၼ်​ၸဝ်ႈ​ၵဝ်​ၶႃႈ၊ ၶုၼ်​ႁေႃ​ၶမ်း​ၵဝ်​ၶႃႈ​တီႈ​ၶႃႈ၊ ၶႃႈ​ၸဝ်ႈ​တၵ်း​ယုၵ်ႉ​ယွင်ႈ​ၸဝ်ႈ​ႁဝ်း​လႄႈ တၵ်း​ပၼ်​တၢင်း​လီ​တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ယူႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ဢေႃႈ။-</verse>
				<verse number="2">ၶႃႈ​ၸဝ်ႈ​တၵ်း​ယွင်ႈ​ယေႃး​ပၼ်​တၢင်း​လီ​တီႈ​ၸဝ်ႈ​ႁဝ်း​ၵူႈ​ဝၼ်း​ဢမ်ႇ​ထၢတ်ႇ​လႄႈ တၵ်း​ယွင်ႈ​ယေႃးၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ယူႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ဢေႃႈ။-</verse>
				<verse number="3">ထႃႇဝရႃႉ​ၽြႃး​ယႂ်ႇ​မျၢတ်ႈ​ၼႃႇ​လႄႈ ပဵၼ်​ဢၼ်​လီ​ယွင်ႈ​ယေႃး​ၼႃႇ​လူင်​လၢင်​တီႈ​ၶႃႈ​ဢေႃႈ။ ၸႅတ်ႈ​ထၢမ်​ၸႅတ်ႈ​တူၺ်း​တၢင်း​ဢၼ်​မၼ်း​ၸဝ်ႈ​ယႂ်ႇ​မျၢတ်ႈ​ၼႃႇ​ၼၼ်ႉ​လႄႈ ဢမ်ႇ​သဵင်ႈ​လႆႈ။-</verse>
				<verse number="4">ၵူၼ်း​မဵဝ်း​သိုပ်ႇ​ၼိုင်ႈ တၵ်း​ယွင်ႈ​ယေႃး​လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ႁဵတ်း​ၸိူဝ်း​ၼၼ်ႉ တီႈ​ၵူၼ်း​မဵဝ်း​သိုပ်ႇ​ၼိုင်ႈ​လႄႈ ၽုၺ်ႇ​ဢွၵ်ႇ​ၼႄ​ပျႃး​တၼ်း​ၶူဝ်း​ၸဝ်ႈ​ႁဝ်း​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="5">ၶႃႈ​ၸဝ်ႈ​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​လူၺ်ႈ​လွင်ႈ​မုၼ်​တၼ်း​ၶူဝ်း​ဢႃႇၼူႉၽေႃႇ​ၸဝ်ႈ​ႁဝ်း ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​ၸဝ်ႈ​ႁဝ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ၶဝ်​တၵ်း​ဢွၵ်ႇ​သူပ်း​ၶဝ်​ဝႃႈ လူၺ်ႈ​လွင်ႈ​တၼ်း​ၶူဝ်း​ဢၼ်​ပႃး​တီႈ​လွင်ႈ​တၢင်း​ဢၼ်​လီ​ၵူဝ်​လီ​ႁႄ​ၸဝ်ႈ​ႁဝ်း​ၸိူဝ်း​ၼၼ်ႉ​လႄႈ၊ ၶႃႈ​ၸဝ်ႈ​ၵေႃႈ တၵ်း​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း​ဢၼ်​ၸဝ်ႈ​ႁဝ်း​ယႂ်ႇ​မျၢတ်ႈ​ၼႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="7">ၶဝ်​တၵ်း​ဢဝ်​တီႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​တၢင်း​ဢၼ်​ၸဝ်ႈ​ႁဝ်း​မျၢတ်ႈ​လီ​ၼႃႇ​လူင်​လၢင်​ၼၼ်ႉ မွၵ်ႇ​လၢတ်ႈ​လႄႈ​ႁဵတ်း​ၵႂၢမ်း​ဢၼ်​သႂၢင်ႇ​ဢၼ်​သိူဝ်း လူၺ်ႈ​လွင်ႈ​တၢင်း​ဢၼ်​ၸဝ်ႈ​ႁဝ်း​သိုဝ်ႈ​တေႃႇ​ၼၼ်ႉ​တီႈ​ၶႃႈ​ဢေႃႈ။</verse>
				<verse number="8">ထႃႇဝရႃႉ​ၽြႃး ပျေႉ​ၸုမ်ႇ​ဝႆႉ​တင်း​တၢင်း​ဢၼ်​ႁဵတ်း​ၵျေး​ၸူး၊ တၢင်း​ဢၼ်​ဢဵတ်း​လူ​ႁၵ်ႉ​ပႅင်း၊ တၢင်း​ဢၼ်​ယိူၼ်ႉ​ၶၢမ်ႇ ဢိၵ်ႇ​တင်း​တၢင်း​ဢၼ်​ၵရူႉၼႃႇ​လိူင်​ၼမ်​ၼႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="9">ထႃႇဝရႃႉ​ၽြႃး မီး​ၸႂ်​ဢၼ်​ၶႂ်ႈ​ႁဵတ်း​ၵျေး​ၸူး တီႈ​ၵူၼ်း​တင်း​သဵင်ႈ​တင်း​လူင်​လႄႈ ဢဵတ်း​လူ​ႁၵ်ႉ​ပႅင်း​ၵႃႈ​ဢၼ်​မၼ်း​ၸဝ်ႈ​ႁဵတ်း​ပဵၼ်​ဝႆႉ​ၸိူဝ်း​ၼၼ်ႉ​ဢေႃႈ။-</verse>
				<verse number="10">ထႃႇဝရႃႉ​ၽြႃး​တီႈ​ၶႃႈ၊ ၵႃႈ​ဢၼ်​ၸဝ်ႈ​ႁဝ်း​ႁဵတ်း​ပဵၼ်​ဝႆႉ​ၸိူဝ်း​ၼၼ်ႉ ဢွၼ်​ၵၼ်​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း​လႄႈ၊ ၶဝ်​ၸိူဝ်း​ဢၼ်​ၸဝ်ႈ​ႁဝ်း​ႁၵ်ႉ​ပႅင်း​ၼၼ်ႉ ဢွၼ်​ၵၼ်​ပၼ်​တၢင်း​လီ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="11">ၶဝ်​ဢွၼ်​ၵၼ်​ဢွၵ်ႇ​သူပ်း​ၶဝ်​ဝႃႈ​လွင်ႈ​မုၼ်​ၽုင်း​မိူင်း​ၸဝ်ႈ​ႁဝ်း​လႄႈ မွၵ်ႇ​လၢတ်ႈ​လွင်ႈ​တၼ်း​ၶူဝ်း​ၸဝ်ႈ​ႁဝ်း၊-</verse>
				<verse number="12">ႁႂ်ႈ​လႆႈ​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​ၸဝ်ႈ​ႁဝ်း​ပႃး​တၼ်း​ၶူဝ်း​သေ​လႄႈ ႁဵတ်း​ၸိူဝ်း​ၼၼ်ႉ ဢိၵ်ႇ​တင်း​မုၼ်​သရေႇ​မိူင်း​ၸဝ်ႈ​ႁဝ်း​ၼၼ်ႉ တီႈ​လုၵ်ႈ​ၵူၼ်း​တင်း​လၢႆ​တီႈ​ၶႃႈ​ဢေႃႈ။-</verse>
				<verse number="13">မိူင်း​ၸဝ်ႈ​ႁဝ်း ပဵၼ်​မိူင်း​ၼိၵ်ႈၸႃႉ​ထႃႇဝရႃႉ​လႄႈ၊ ဢႃႇၼႃႇ​ၸဝ်ႈ​ႁဝ်း​လႆႈ​တႄႇ​ယူႇ ၵူႈ​ၸူဝ်ႈ​ၵူႈ​ပၢၼ်​သိုပ်ႇ​သိုပ်ႇ​တၢမ်း​တၢမ်း​တီႈ​ၶႃႈ​ဢေႃႈ။</verse>
				<verse number="14">ထႃႇဝရႃႉ​ၽြႃး​ၵမ်ႉ​ထွၵ်ႈ​ၶဝ်​ၸိူဝ်း​ဢၼ်​လူမ်ႉ​ၵႃႈ​မီး​ၼၼ်ႉ​လႄႈ ယုၵ်ႉ​ဢဝ်​ယွင်ႈ​ဢဝ်​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၵူမ်ႈ​ယူႇ​ၵွမ်း​ယူႇ တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="15">မၢၵ်ႇ​တႃ​ၵူၼ်း​တင်း​သဵင်ႈ​တင်း​လူင် ႁႅၼ်​တူၺ်း​ၸဝ်ႈ​ႁဝ်း​ယူႇ​လႄႈ၊ ၸဝ်ႈ​ႁဝ်း​လဵင်ႉ​ပၼ်​ဢွႆႇ​ပၼ်​တၢင်း​ၵိၼ်​တၢင်း​ၶူပ်း​တီႈ​ၶဝ် မိူဝ်ႈ​ဢၼ်​ၶိင်ႇ​မၼ်း​ထုၵ်ႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="16">ၸဝ်ႈ​ႁဝ်း​ၵီႈ​မိုဝ်း​ၸဝ်ႈ​ႁဝ်း​လႄႈ ႁႂ်ႈ​သတ်ႉတဝႃႇ​ဢၼ်​ဢသၢၵ်ႈ​လိပ်း​ယူႇ​တင်း​သဵင်ႈ​တင်း​လူင် ဢိမ်ႇ​ၸႂ်​တဵမ်​ၸႂ်​တီႈ​ၶႃႈ​ဢေႃႈ။-</verse>
				<verse number="17">ထႃႇဝရႃႉ​ၽြႃး​ပဵၼ်​ဢၼ်​သိုဝ်ႈ​တေႃႇ ၼႂ်း​သဵၼ်ႈ​တၢင်း​မၼ်း​ၸဝ်ႈ​ၵႃႈ​မီး​ၼၼ်ႉ​လႄႈ မီး​ၸႂ်​ဢၼ်​ႁၵ်ႉ​ပႅင်း​ၼႂ်း​လွင်ႈ​တၢင်း​ဢၼ် မၼ်း​ၸဝ်ႈ​ႁဵတ်း​ဝႆႉ​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="18">ထႃႇဝရႃႉ​ၽြႃး​မီး​ၸမ်​ၶဝ်​ၸိူဝ်း​ဢၼ် ႁဵတ်း​ပထၼႃႇ​တီႈ​မၼ်း​ၸဝ်ႈ​တင်း​သဵင်ႈ​တင်း​လူင် ဢၼ်​ဝႃႈ​ၶဝ်​ၸိူဝ်း​ဢၼ်​ပႃး​ဢဝ်​တင်း​သဵတ်ႈ​ၸႃႇ ႁဵတ်း​ပထၼႃႇ​တီႈ​မၼ်း​ၸဝ်ႈ​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="19">မၼ်း​ၸဝ်ႈ​ႁႂ်ႈ​ဢလူဝ်ႇ​ၶဝ်​ၸိူဝ်း​ဢၼ်​ၵူဝ်​ႁႄ​မၼ်း​ၸဝ်ႈ​ၼၼ်ႉ ပျေႉ​ၸုမ်ႇ​ဢေႃႈ။ မၼ်း​ၸဝ်ႈ​ထွမ်ႇ​ဢဝ်​သဵင်​တၢင်း​ဢၼ်​ၶဝ်​ႁွင်ႉ​သႅၼ်ႇ​ၼၼ်ႉ​လႄႈ ၵႄႇ​သႄႇ​ၶျွတ်ႈ​ဢဝ်​ၶဝ်​ဢေႃႈ။-</verse>
				<verse number="20">ထႃႇဝရႃႉ​ၽြႃး ပႂ်ႉ​ၸွႆႈ​ပႂ်ႉ​ထႅမ်​ၶဝ်​ၸိူဝ်း​ဢၼ်​ႁၵ်ႉ​မၼ်း​ၸဝ်ႈ​ၵႃႈ​မီး​ၼၼ်ႉ​ယူႇ​ဢေႃႈ။ ၶဝ်​ၸိူဝ်း​ဢၼ်​ဢမ်ႇ​တြႃး​ၵႃႈ​မီး​ၼၼ်ႉ​ၸမ်ႉ၊ မၼ်း​ၸဝ်ႈ​တၵ်း​ယႃႉ​ပႅတ်ႈ​ဢေႃႈ။-</verse>
				<verse number="21">သူပ်း​ၵဝ်​တၵ်း​ႁဵတ်း တၢင်း​ဢၼ်​ယွင်ႈ​ယေႃး​ထႃႇဝရႃႉ​ၽြႃး​သေ​လႄႈ မွၵ်ႇ​လၢတ်ႈ​ဢေႃႈ။ ႁႂ်ႈ​ၵူၼ်း​တင်း​သဵင်ႈ​တင်း​လူင် ပၼ်​တၢင်း​လီ​တီႈ​ၼႃႇ​မႃႉ​ၸိုဝ်ႈ​သဵင်​မၼ်း​ဢၼ်​မူတ်း​ၸၢင်ႇ​ၼၼ်ႉ​ယူႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​သေ​ၵမ်း​လူၺ်ႈ။</verse>
			</chapter>
			<chapter number="146">
				<verse number="1">ႁႃႇလေႇလူႉယႃႇ။ ဝီႉၺိၺ်ႇ​ၵဝ်​ဢိူၺ်း၊ ယွင်ႈ​ယေႃး​ထႃႇဝရႃႉ​ၽြႃး​တႃႉ။-</verse>
				<verse number="2">ၸူဝ်ႈ​ဢၼ်​ၵဝ်​ယင်း​တိုၵ်ႉ​ဢသၢၵ်ႈ​လိပ်း​ယူႇ​ၼႆႉ​ၸိုင်၊ ၵဝ်​တၵ်း​ယွင်ႈ​ယေႃး​ထႃႇဝရႃႉ​ၽြႃး​ဢေႃႈ။ ၵဝ်​တၵ်း​ဢဝ်​တင်း​တူႇရီႉယႃႇ ႁဵတ်း​သဵင်​ယွင်ႈ​ယေႃး​တီႈ ၽြႃး​ပဵၼ်​ၸဝ်ႈ​ၵဝ် ၸူဝ်ႈ​ဢၼ်​ၵဝ်​ယင်း​တိုၵ်ႉ​ပဵၼ်​ယူႇ​ၼႆႉ​ဢေႃႈ။-</verse>
				<verse number="3">ယႃႇ​ပေ​ဢိင်​ပိုင်ႈ​ၶုၼ်​တင်း​လၢႆ ဢိၵ်ႇ​တင်း​လုၵ်ႈ​ၵူၼ်း​ဢၼ်​ဢမ်ႇ​ၵႄႇ​သႄႇ ၶျွတ်ႈ​ဢဝ်​လႆႈ​ၼၼ်ႉ။-</verse>
				<verse number="4">မၼ်း​ၼၼ်ႉ​ဢသၢၵ်ႈ​ၸၢင်ႈ​ဢွၵ်ႇ​သေ​လႄႈ ၶိုၼ်း​ၸူး​ၵႃႈ​တီႈ​လိၼ်​ဢေႃႈ။ ၼႂ်း​ဝၼ်း​ၼၼ်ႉ​ၵမ်း​လဵဝ် တၢင်း​ၵျၢမ်ႇ​တၢင်း​ပွင်​မၼ်း​ၸိူဝ်း​ၼၼ်ႉ​လူႉ​လႅဝ်​ၵႂႃႇ​ဢေႃႈ။-</verse>
				<verse number="5">ၵေႃႉ​ဢၼ်​ၽြႃး​ပဵၼ်​ၸဝ်ႈ​မဵဝ်း​ ယႃႇၵုပ်ႈ ​ၸွႆႈ​ထႅမ်​ယူႇ၊ ၵေႃႉ​ဢၼ်​မုင်ႈ​ထႃႈ​မွင်း​ထႃႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မၼ်း​ယူႇ​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="6">မၼ်း​ၸဝ်ႈ​ၼၼ်ႉ ႁဵတ်း​ပဵၼ်​ၵၢင်​ႁၢဝ်​လိၼ်​မိူင်း၊ ၼမ်ႉ​သမ်ႇ​မုၵ်ႉ​တြႃႇ ဢိၵ်ႇ​တင်း​ၵႃႈ​ဢၼ်​မီး​ၵႃႈ​ၼႂ်း​ၸိူဝ်း​ၼၼ်ႉ​လႄႈ ပႂ်ႉ​သဵတ်ႈ​ၸႃႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="7">မၼ်း​ၸဝ်ႈ​ႁဵတ်း​ၸွမ်း​တြႃး​ယူႇ​ၽၢႆႇ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ဢေႃႈ။ မၼ်း​ၸဝ်ႈ​လဵင်ႉ​လူ​တၢင်း​ၵိၼ်​တၢင်း​ၶူပ်း တီႈ​ၶဝ်​ၸိူဝ်း​ဢၼ်​ဢိုပ်း​ဢၼ်​ယၢၵ်ႈ​ၼၼ်ႉ​လႄႈ၊ ထႃႇဝရႃႉ​ၽြႃး​ပွႆႇ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ၼၼ်ႉ​လွတ်ႈ​ဢေႃႈ။-</verse>
				<verse number="8">ထႃႇဝရႃႉ​ၽြႃး​ၽုၺ်ႇ​ပိုတ်ႇ​တႃ​ၶဝ်​ၸိူဝ်း​ဢၼ်​တႃ​မွတ်ႇ​ၼၼ်ႉ​ဢေႃႈ။ ထႃႇဝရႃႉ​ၽြႃး​ယုၵ်ႉ​ဢဝ်​ယွင်ႈ​ဢဝ် ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၵူမ်ႈ​ယူႇ​ၵွမ်း​ယူႇ​ၼၼ်ႉ​ဢေႃႈ။ ထႃႇဝရႃႉ​ၽြႃး​ႁၵ်ႉ​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ဢေႃႈ။-</verse>
				<verse number="9">ထႃႇဝရႃႉ​ၽြႃး​ပႂ်ႉ​ၸွႆႈ​ပႂ်ႉ​ထႅမ်​ၶႅၵ်ႇ​တင်း​လၢႆ​လႄႈ ၵမ်ႉ​ထွၵ်ႈ​မႄႈ​မူၵ်း​မႄႈ​မၢႆႈ ဢိၵ်ႇ​တင်း​ၶဝ်​ၸိူဝ်း​ဢၼ်​ၽၢၼ်​ပေႃး​ၽၢၼ်​မႄႈ​ၸိူဝ်း​ၼၼ်ႉ​ဢေႃႈ။ သဵၼ်ႈ​တၢင်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ မၼ်း​ၸဝ်ႈ​ႁႂ်ႈ​ၵူတ်ႉ​ႁႂ်ႈ​ငွၵ်း​ဢေႃႈ။-</verse>
				<verse number="10">ဝဵင်း​ ၸီႉဢုၼ်ႇ ​ဢိူၺ်း၊ ၽြႃး​ပဵၼ်​ၸဝ်ႈ​မႂ်း ဢၼ်​ဝႃႈ​ထႃႇဝရႃႉ​ၽြႃး​ၼၼ်ႉ တၵ်း​ၼင်ႈ​ႁၢင်ႈ​ၼင်ႈ​ႁေႃ​ယူႇ​တႃႇ​သေႇ​ဢမ်ႇ​ထၢတ်ႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​ဢေႃႈ။ ႁႃႇလေႇလူႉယႃႇ။</verse>
			</chapter>
			<chapter number="147">
				<verse number="1">ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး​တႃႉ။ လွင်ႈ​မၼ်း​ၸမ်ႉ တၢင်း​ဢၼ်​ႁဵတ်း​ထေႃးပၼႃႇ​တီႈ​ၽြႃး​ပဵၼ်​ၸဝ်ႈ​ႁဝ်း​ၼၼ်ႉ ပဵၼ်​ဢၼ်​ထုၵ်ႇ​ဢၼ်​လီ​ၼႃႇ၊ ပဵၼ်​ဢၼ်​သႃႇ​ယႃႇ​ႁၢင်ႈ​လီ​ႁၢင်ႈ​ငၢမ်း​ၼႃႇ​လႄႈ တၢင်း​ဢၼ်​ယွင်ႈ​ယေႃး​ၼၼ်ႉ ပဵၼ်​ဢၼ်​ထိူၵ်ႈ​တၢၼ်ႇ​ၵၼ်​ၼႃႇ​ဢေႃႈ။-</verse>
				<verse number="2">ထႃႇဝရႃႉ​ၽြႃး​တႄႇ​ႁဵတ်း​ဝဵင်း​ ယေႇရူႉသလႅမ်ႇ သေ​လႄႈ ႁႂ်ႈ​မဵဝ်း​ ဢီႉသရေႇလႃႉ ဢၼ်​လႆႈ​ၶၢမ်ႇ​တၢင်း​ဢၼ်​ႁေႃႈ​ပႅတ်ႈ ၵႃႈ​တီႈ​ဢၼ်​ၵႆ​ၸိူဝ်း​ၼၼ်ႉ မႃး​ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="3">မၼ်း​ၸဝ်ႈ​ႁႂ်ႈ​ၶဝ်​ၸိူဝ်း​ဢၼ်​ႁူဝ်​ၸႂ်​တႅၵ်ႇ​လႅဝ်​ၼၼ်ႉ သၢၵ်ႈ​သႃႇ​ၶႅၼ်း​မႃး​လႄႈ ယႃ​ပၼ်​တၢင်း​ၸဵပ်း​ၶဝ်​ၼၼ်ႉ​ဢေႃႈ။-</verse>
				<verse number="4">မၼ်း​ၸဝ်ႈ ၼပ်ႉ​ဢၢၼ်ႇ​လၢဝ်​တင်း​လၢႆ​လႄႈ ႁွင်ႉ​ႁဵၵ်ႈ​ၸိုဝ်ႈ​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="5">ၸဝ်ႈ​ၽြႃး​ႁဝ်း​ယႂ်ႇ​မျၢတ်ႈ​ၼႃႇ​ဢေႃႈ။ တၼ်း​ၶူဝ်း​မၼ်း​ၸဝ်ႈ​ယႂ်ႇ​ၼႃႇ​လႄႈ ၺၢၼ်ႇ​မၼ်း​ၸဝ်ႈ​ၼၼ်ႉ ပဵၼ်​ဢၼၼ်ႇတႃႉ​ဢေႃႈ။-</verse>
				<verse number="6">ထႃႇဝရႃႉ​ၽြႃး​ယုၵ်ႉ​ဢဝ်​ယွင်ႈ​ဢဝ် ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​လႄႈ၊ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ မၼ်း​ၸဝ်ႈ​ဢဝ်​လူမ်ႉ​ပႅတ်ႈ​ၵႃႈ​ၼိူဝ်​လိၼ်​ဢေႃႈ။</verse>
				<verse number="7">ဢွၼ်​ၵၼ်​ယွင်ႈ​ယေႃး​ၵျေး​ၸူး​ၸဝ်ႈ​သေ​လႄႈ ႁဵတ်း​ၵႂၢမ်း​တီႈ​ထႃႇဝရႃႉ​ၽြႃး​တႃႉ။ ဢွၼ်​ၵၼ်​ဢဝ်​တိင်ႇ​လဵတ်း​ႁဵတ်း​သဵင် တီႈ​ၽြႃး​ပဵၼ်​ၸဝ်ႈ​ႁဝ်း​တႃႉ။-</verse>
				<verse number="8">မၼ်း​ၸဝ်ႈ​ဢဝ်​ၽႃႈ​ၽူၼ် ၵီႈ​ႁူမ်ႇ​ၵႃႈ​ၼိူဝ်​ၵၢင်​ႁၢဝ်​ယူႇ၊ ပွင်​ႁဵတ်း​ပွင်​မႄး​ၼမ်ႉ​ၽူၼ်​ဝႆႉ​ပုၼ်ႈ​လိၼ်​မိူင်း​ယူႇ​သေ​လႄႈ ႁႂ်ႈ​တူၼ်ႈ​ယိူဝ်ႈ​တူၼ်ႈ​ယႃႈ ဢွၵ်ႇ​မႃး​ၵႃႈ​တီႈ​ၼိူဝ်​လွႆ​ၼိူဝ်​ၵုင်း​ဢေႃႈ။-</verse>
				<verse number="9">မၼ်း​ၸဝ်ႈ​လဵင်ႉ​ဢွႆႇ​ပၼ် တၢင်း​ၵိၼ်​တၢင်း​ၶူပ်း​တီႈ​တူဝ်​သတ်း ဢိၵ်ႇ​တင်း​ၵႃ​ဢွၼ်ႇ​ဢၼ်​ၸၢင်ႈ​ႁွင်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="10">မၼ်း​ၸဝ်ႈ​ဢမ်ႇ​မီး​တၢင်း​ဢၼ်​ထုၵ်ႇ​ၸႂ်​ဢဵၼ်​ႁႅင်း​မႃႉ​လႄႈ ဢမ်ႇ​မီး​တၢင်း​ဢၼ်​ၵျိူၵ်ႈ​ၸႂ်​ၶႅၼ်​ၵူၼ်း​တိၼ်​ၵူၼ်း။-</verse>
				<verse number="11">ထႃႇဝရႃႉ​ၽြႃး​ထုၵ်ႇ​ၸႂ်​ၵျိူၵ်ႈ​ၸႂ်​ၶဝ်​ၸိူဝ်း​ဢၼ်​ၵူဝ်​ဢၼ်​ႁႄ​မၼ်း​ၸဝ်ႈ ဢိၵ်ႇ​တင်း​ၶဝ်​ၸိူဝ်း​ဢၼ် မုင်ႈ​ထႃႈ​မွင်း​ထႃႈ​ၵရူႉၼႃႇ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="12">ဝဵင်း​ ယေႇရူႉသလႅမ်ႇ ​ဢိူၺ်း၊ ယွင်ႈ​ယေႃး​ထႃႇဝရႃႉ​ၽြႃး​တႃႉ။ ဝဵင်း​ ၸီႉဢုၼ်ႇ ​ဢိူၺ်း၊ ယွင်ႈ​ယေႃး​ၽြႃး​ပဵၼ်​ၸဝ်ႈ​မႂ်း​တႃႉ။-</verse>
				<verse number="13">လွင်ႈ​မၼ်း​ၸမ်ႉ မၼ်း​ၸဝ်ႈ​ႁႂ်ႈ​ၵိူၼ်ႇ​ၽၵ်း​တူ​မႂ်း​တင်း​လၢႆ ၵႅၼ်ႇ​ၶႅင်​လႄႈ ပၼ်​တၢင်း​လီ​တီႈ​လုၵ်ႈ​မႂ်း​လၢင်း​မႂ်း ၵႃႈ​ၼႂ်း​မႂ်း​ဢေႃႈ။-</verse>
				<verse number="14">မၼ်း​ၸဝ်ႈ​ႁႂ်ႈ​ဢမူႉ​ၵႃႈ​တီႈ​ၶွပ်ႇ​ၼမ်ႉ​လႅၼ်​လိၼ်​မိူင်း​မႂ်း ထၢတ်ႇ​ယဵၼ်​လႄႈ ဢဝ်​ဢၼ်​ပဵၼ်​ၶႆ​ပဵၼ်​မၼ်း​ၶဝ်ႈ​ၵျုင်ႇ​ၼၼ်ႉ လဵင်ႉ​ပၼ်​တီႈ​မႂ်း ဢိမ်ႇ​ဢိမ်ႇ​တဵမ်​တဵမ်​ဢေႃႈ။-</verse>
				<verse number="15">မၼ်း​ၸဝ်ႈ​ပွႆႇ​ပျႃႇ​တိၵ်ႈ​မၼ်း​ၸဝ်ႈ​ဝႆႉ ၵႃႈ​ၼိူဝ်​လိၼ်​မိူင်း​လႄႈ ၼုၵ်ႈၵပၢတ်ႈ​မၼ်း​ၸဝ်ႈ ၸၢင်ႈ​ၶုၼ်ႇ​လႅၼ်ႈ​ၶၼ်​ၶၼ်​ၽႂ်း​ၽႂ်း​ဢေႃႈ။-</verse>
				<verse number="16">မၼ်း​ၸဝ်ႈ​ၶျႃး​ပၼ်​မူၺ်​ႁႃႇ မိူၼ်​ၸိူဝ်ႉ​ၼင်ႇ​ၶူၼ်​သူဝ်း​ၼၼ်ႉ​လႄႈ မၼ်း​ၸဝ်ႈ​ဢဝ်​ၵွၼ်ႈ​ၼမ်ႉ​ၼၢႆး​ၸၢတ်ႇ​ပိုၼ်​ဝႆႉ မိူၼ်​ၸိူဝ်ႉ​ၼင်ႇ​တဝ်ႈ​ၼၼ်ႉ​ဢေႃႈ။-</verse>
				<verse number="17">မၼ်း​ၸဝ်ႈ​ဢဝ်​မၢၵ်ႇ​ႁိၼ်​မၼ်း​ၸဝ်ႈ​ပွႆႇ​တူၵ်း မိူၼ်​ၸိူဝ်ႉ​ၼင်ႇ​တၢင်း​ၵိၼ်​ဢၼ်​ယွႆႈ​ဢၼ်​ယႅမ်း​ၼၼ်ႉ​လႄႈ ၽူႈ​လႂ်​တၵ်း​ၸုၵ်း​ၶၢမ်ႇ​တၢင်း​ဢၼ်​မၼ်း​ၸဝ်ႈ​ႁႂ်ႈ​ၵတ်း​ၼၼ်ႉ​လႆႈ။-</verse>
				<verse number="18">မၼ်း​ၸဝ်ႈ​သမ်ႉ​ပွႆႇ​ၼုၵ်ႈၵပၢတ်ႈ​မၼ်း​ၸဝ်ႈ​လႄႈ ႁႂ်ႈ​ၶဝ်​ၸိူမ်ႈ​ပဵၼ်​ၼမ်ႉ​ၵႂႃႇ​ဢေႃႈ။ မၼ်း​ၸဝ်ႈ​ႁႂ်ႈ​လူမ်း​မၼ်း​ၸဝ်ႈ​မႃး​လႄႈ ၼမ်ႉ​ၸိူဝ်း​ၼၼ်ႉ​လႆ​ၵႂႃႇ​ဢေႃႈ။-</verse>
				<verse number="19">မၼ်း​ၸဝ်ႈ​ဢဝ်​ဢွၵ်ႇ​ၼႄ​ပျႃး​ၼုၵ်ႈၵပၢတ်ႈ​မၼ်း​ၸဝ်ႈ တီႈ​မဵဝ်း​ ယႃႇၵုပ်ႈ ဢိၵ်ႇ​တင်း​ထုင်း​ၽိင်ႈ​တြႃး​မၼ်း​ၸဝ်ႈ​တင်း​လၢႆ တင်း​လွင်ႈ​တၢင်း​ဢၼ် မၼ်း​ၸဝ်ႈ​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ တီႈ​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="20">မၼ်း​ၸဝ်ႈ​ဢမ်ႇ​ႁဵတ်း​ၸိူဝ်ႉ​ၼင်ႇ​ၼၼ် တီႈ​မဵဝ်း​ၵူၼ်း​သေ​ၸိူဝ်ႉ​သေ​မဵဝ်း။ ၶဝ်​ဢမ်ႇ​ႁူႉ​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ။ ႁႃႇလေႇလူႉယႃႇ။</verse>
			</chapter>
			<chapter number="148">
				<verse number="1">ႁႃႇလေႇလူႉယႃႇ။ ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး ၵႃႈ​ၼိူဝ်​ၽုင်ႇ​ၵၢင်​ႁၢဝ်​တႃႉ။ ဢွၼ်​ၵၼ်​ယွင်ႈ​ယေႃး ၵႃႈ​ၼိူဝ်​တီႈ ဢၼ်​ပဵၼ်​ၸိၵ်း​ပဵၼ်​ၸွမ်​ၼၼ်ႉ​တႃႉ။-</verse>
				<verse number="2">တမၢၼ်ႇ​ၵၢင်​ႁၢဝ်​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​မၼ်း​ၸဝ်ႈ​တႃႉ။ ပူဝ်ႇ​ပႃႇ​ၵၢင်​ႁၢဝ်​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​မၼ်း​ၸဝ်ႈ​တႃႉ။-</verse>
				<verse number="3">ၵၢင်​ဝၼ်း​ဢိၵ်ႇ​တင်း​လိူၼ်​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​မၼ်း​ၸဝ်ႈ​တႃႉ။ လၢဝ်​ဢၼ်​ႁိူဝ်ႈ​လႅင်း​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​မၼ်း​ၸဝ်ႈ​တႃႉ။-</verse>
				<verse number="4">ၵၢင်​ႁၢဝ်​ဢၼ်​ပဵၼ်​ၸၼ်ႉ​ပဵၼ်​ထၢပ်ႈ ဢိၵ်ႇ​တင်း​ၼမ်ႉ​ၵႃႈ​တီႈ​ၼိူဝ်​ၵၢင်​ႁၢဝ်​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​မၼ်း​ၸဝ်ႈ​တႃႉ။-</verse>
				<verse number="5">ႁႂ်ႈ​ၶဝ်​ၼၼ်ႉ ဢွၼ်​ၵၼ်​ယွင်ႈ​ယေႃးၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​မီး​ဢမိင်ႉ​လႄႈ ၶဝ်​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ​သေ​ၵမ်း​လူၺ်ႈ။-</verse>
				<verse number="6">မၼ်း​ၸဝ်ႈ​ႁႂ်ႈ​ၶဝ်​တႄႇ​ယူႇ​ၶိင်ႇ​ၵႃႇလႃႉ သိုပ်ႇ​သိုပ်ႇ​တၢမ်း​တၢမ်း​လႄႈ ၸီႇ​ယၢင်ႇ​ထမ်ႇမတႃႇ​ဢၼ်​ဢမ်ႇ​လႆႈ​ပူၼ်ႉ​လိူဝ်​ၼၼ်ႉ​ဝႆႉ​ဢေႃႈ။</verse>
				<verse number="7">ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး ၵႃႈ​တီႈ​လိၼ်​မိူင်း​ၼႆႉ​တႃႉ။ ပႃ​လူင်​တင်း​လၢႆ၊ တီႈ​ဢၼ်​လိုၵ်ႉ​ဢၼ်​လမ်ႇ​ၵႃႈ​မီး၊-</verse>
				<verse number="8">ၽႆး ဢိၵ်ႇ​တင်း​မၢၵ်ႇ​ႁဵပ်း၊ မူၺ်​ႁႃႇ ဢိၵ်ႇ​တင်း​ဢၢႆ​ၵႂၼ်း၊ လူမ်း​ၽိဝ်ႇ​ႁုင်​ဢၼ်​ထွမ်ႇ​ဢဝ်​ဢမိင်ႉ​မၼ်း​ၸဝ်ႈ၊-</verse>
				<verse number="9">လွႆ​လူင်​လွႆ​ဢွၼ်ႇ​ၵႃႈ​မီး၊ တူၼ်ႈ​ဢၼ်​မၢၵ်ႇ​မၢၵ်ႇ ဢိၵ်ႇ​တင်း​တူၼ်ႈ​ ဢႃႇရိတ်ႉ ​ၵႃႈ​မီး၊-</verse>
				<verse number="10">တူဝ်​ႁၢႆႉ​တူဝ်​ရိူင်း ဢိၵ်ႇ​တင်း​တူဝ်​ငႄႈ​တူဝ်​လီ​ၵႃႈ​မီး၊ တရိၵ်ႈသၢၼ်ႇ​ဢၼ်​ၸၢင်ႈ​ၵၢၼ်း၊ ဢိၵ်ႇ​တင်း​ၼူၵ်ႉ​ဢၼ်​ၸၢင်ႈ​မိၼ်၊-</verse>
				<verse number="11">ၶုၼ်​ႁေႃ​ၶမ်း​လေႃးၵီႇ ဢိၵ်ႇ​တင်း ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင်၊ ၶုၼ်​ဢိၵ်ႇ​တင်း​ၵူၼ်း​လူင်​ဢၼ်​ၸီႇ​ယၢင်ႇ​တြႃး​လေႃးၵီႇ​ၵႃႈ​မီး၊-</verse>
				<verse number="12">ၽူႈ​မၢဝ်ႇ​ဢိၵ်ႇ​တင်း​ၽူႈ​သၢဝ်​တင်း​လၢႆ၊ ၵူၼ်း​ထဝ်ႈ ဢိၵ်ႇ​တင်း​လုၵ်ႈ​ဢွၼ်ႇ​တင်း​လၢႆ​ၶဝ်​ဢိူၺ်း၊-</verse>
				<verse number="13">ႁႂ်ႈ​ၶဝ်​ယွင်ႈ​ယေႃးၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ပႃး​လဵဝ်​ၵူၺ်း မျၢတ်ႈ​ၼႃႇ​လႄႈ မုၼ်​ၽုင်း​မၼ်း​ၸဝ်ႈ​မီး​ယူႇ ၵႃႈ​တီႈ​ၼိူဝ်​လိၼ်​မိူင်း​တင်း​ၵၢင်​ႁၢဝ်​ၼၼ်ႉ​သေ​ၵမ်း​လူၺ်ႈ။-</verse>
				<verse number="14">မၼ်း​ၸဝ်ႈ​ယုၵ်ႉ​ယွင်ႈ​ၶဝ်​လႅမ် ၵူၼ်း​မၼ်း​ၸဝ်ႈ​တင်း​လၢႆ​လႄႈ ပဵၼ်​တီႈ​ဢၼ်​ၶဝ်​ၸိူဝ်း​ဢၼ် မၼ်း​ၸဝ်ႈ​ႁၵ်ႉ​ပႅင်း​တင်း​သဵင်ႈ​တင်း​လူင် ဢၼ်​ဝႃႈ​ၵူၼ်း​မဵဝ်း​ ဢီႉသရေႇလႃႉ မုၵ်ႉ​ၵူၼ်း​ၸိူဝ်း​ၵူၼ်း​ဢၼ်​မီး​ယူႇ​ၵႃႈ​တီႈ​ႁိမ်း​မၼ်း​ၸဝ်ႈ​ၸိူဝ်း​ၼၼ်ႉ ယွင်ႈ​ယေႃး​ဢေႃႈ။ ႁႃႇလေႇလူႉယႃႇ။</verse>
			</chapter>
			<chapter number="149">
				<verse number="1">ႁႃႇလေႇလူႉယႃႇ။ ဢွၼ်​ၵၼ်​ႁဵတ်း​ၵႂၢမ်း​ဢၼ်​မႂ်ႇ​တီႈ​ထႃႇဝရႃႉ​ၽြႃး​လႄႈ ယွင်ႈ​ယေႃး​မုၼ်​မၼ်း​ၸဝ်ႈ​ၵႃႈ​ၼႂ်း​ပရဵၵ်ႈသၢတ်ႈ ၶဝ်​ၸိူဝ်း​ဢၼ်​မၼ်း​ၸဝ်ႈ​ႁၵ်ႉ​ပႅင်း​ၼၼ်ႉ​တႃႉ။-</verse>
				<verse number="2">ႁႂ်ႈ​မဵဝ်း​ ဢီႉသရေႇလႃႉ ဢွၼ်​ၵၼ်​ၸူမ်း​သိူဝ်း​ယူႇ​ၼႂ်း​ၸဝ်ႈ​ဢၼ် ႁႂ်ႈ​ၶဝ်​ပဵၼ်​မႃး​ၼၼ်ႉ​သေ​ၵမ်း​လူၺ်ႈ။ ႁႂ်ႈ​ၵူၼ်း​ ၸီႉဢုၼ်ႇ ​တင်း​လၢႆ​ဢွၼ်​ၵၼ်​သႂၢင်ႇ​သိူဝ်း​ယူႇ ၼႂ်း​ၶုၼ်​ႁေႃ​ၶမ်း​ၶဝ်​သေ​ၵမ်း​လူၺ်ႈ။-</verse>
				<verse number="3">ႁႂ်ႈ​ၶဝ်​ဢွၼ်​ၵၼ်​ၵႃႈ​ဝႅၼ်​သေ​လႄႈ ယွင်ႈ​ယေႃးၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​သေ​ၵမ်း​လူၺ်ႈ။ ႁႂ်ႈ​ၶဝ်​ဢွၼ်​ၵၼ်​ႁႆႇ​ၵွင်​ၶဵတ်ႇ လဵတ်း​တိင်ႇ​သေ​လႄႈ ႁဵတ်း​ၵႂၢမ်း​ထေႃးပၼႃႇ​တီႈ​မၼ်း​ၸဝ်ႈ​သေ​ၵမ်း​လူၺ်ႈ။-</verse>
				<verse number="4">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ထုၵ်ႇ​ၸႂ်​ၵျိူၵ်ႈ​ၸႂ်​ၵူၼ်း​မၼ်း​ၸဝ်ႈ​တင်း​လၢႆ​လႄႈ မၼ်း​ၸဝ်ႈ​ႁႂ်ႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ မီး​သရေႇ​ဢၼ်​ႁၢင်ႈ​လီ​ႁၢင်ႈ​ငၢမ်း​လူၺ်ႈ​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​ဢေႃႈ။</verse>
				<verse number="5">ႁႂ်ႈ​ၶဝ်​ၸိူဝ်း​ဢၼ်​မၼ်း​ၸဝ်ႈ​ႁၵ်ႉ​ပႅင်း​ၼၼ်ႉ မုၼ်​ယႂ်ႇ​ၽုင်း​ယႂ်ႇ​လႄႈ သႂၢင်ႇ​ၸႂ်​သိူဝ်း​ၸႂ်​သေ​ၵမ်း​လူၺ်ႈ။ ႁႂ်ႈ​သႂၢင်ႇ​သိူဝ်း​သေ​လႄႈ ႁဵတ်း​ၵႂၢမ်း​ယူႇ​ၵႃႈ​ၼိူဝ် တီႈ​ဢိင်​တီႈ​ၼွၼ်း​ၶဝ်​ၼၼ်ႉ​သေ​ၵမ်း​လူၺ်ႈ။-</verse>
				<verse number="6">ႁႂ်ႈ​တၢင်း​ဢၼ်​ယွင်ႈ​ယေႃး​မုၼ် ၽြႃး​ပဵၼ်​ၸဝ်ႈ​ၼၼ်ႉ ၸပ်း​သူပ်း​ၸပ်း​ပၢၵ်ႇ​ၶဝ်​ယူႇ​သေ​ၵမ်း​လူၺ်ႈ။ ႁႂ်ႈ​လၢပ်ႇ​သၢၼ်ႇ​လျၢၵ်ႉ ဢၼ်​မီး​ၶူမ်း​သွင်​ၽၢႆႇ​ၼၼ်ႉ မီး​ယူႇ​ၵႃႈ​ၼႂ်း​မိုဝ်း​ၶဝ်၊-</verse>
				<verse number="7">ႁႂ်ႈ​လႆႈ​ပၼ်​ဢပႅတ်ႈ​ၸွမ်း​ၼင်ႇ​တြႃး တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ ပၼ်​တၢမ်ႇ​တီႈ​မဵဝ်း​ၵူၼ်း​တင်း​လၢႆ၊-</verse>
				<verse number="8">ႁႂ်ႈ​လႆႈ​ဢဝ်​ၸိူၵ်ႈ​လဵၵ်း​မတ်ႉ​ၽုၵ်ႇ​ၶုၼ်​ႁေႃ​ၶမ်း​ၶဝ်​တင်း​လၢႆ​လႄႈ ဢဝ်​ဝႅၼ်​လဵၵ်း​သႂ်ႇ​တီႈ​မူး​မၢတ်ႈ​ၽွင်း​မိူင်း​ၶဝ်၊-</verse>
				<verse number="9">ဢိၵ်ႇ​တင်း​ႁႂ်ႈ​လႆႈ​ႁဵတ်း​တၢင်း​ဢၼ် ၸီႇ​ယၢင်ႇ​ဢပႅတ်ႈ​ဢၼ်​တႅမ်ႈ​မၢႆ​ဝႆႉ​ၼၼ်ႉ​သေ​ၵမ်း​လူၺ်ႈ။ ၶဝ်​ၸိူဝ်း​ဢၼ်​မၼ်း​ၸဝ်ႈ​ႁၵ်ႉ​ပႅင်း​တင်း​သဵင်ႈ​တင်း​လူင်​ၼၼ်ႉ ၸၢပ်ႈ​သႅင်ႇ​ၵၼ်​တင်း​မုၼ်​ၽုင်း​ၸိူဝ်ႉ​ၼင်ႇ​ၼၼ်​ဢေႃႈ။ ႁႃႇလေႇလူႉယႃႇ။</verse>
			</chapter>
			<chapter number="150">
				<verse number="1">ႁႃႇလေႇလူႉယႃႇ။ ဢွၼ်​ၵၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ ၵႃႈ​ၼႂ်း​ထႃႇၼႃႉ​တီႈ​ဢၼ်​မူတ်း​ၸၢင်ႇ​မၼ်း​ၸဝ်ႈ​ၼၼ်ႉ​တႃႉ။ ဢွၼ်​ၵၼ်​ယွင်ႈ​ယေႃး​မၼ်း​ၸဝ်ႈ ၵႃႈ​ၼိူဝ်​ၼႃႈ​ၽႃႉ​ၵၢင်​ႁၢဝ်​တီႈ​ဢၼ်​တၼ်း​ၶူဝ်း​မၼ်း​ၸဝ်ႈ ထၢင်ႇ​သႃး​ယူႇ​ၼၼ်ႉ​တႃႉ။-</verse>
				<verse number="2">ဢွၼ်​ၵၼ်​ယွင်ႈ​ယေႃး​မၼ်း​ၸဝ်ႈ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​မၼ်း​ၸဝ်ႈ ဢဝ်​တၼ်း​ၶူဝ်း​မၼ်း​ၸဝ်ႈ​ႁဵတ်း​ဝႆႉ​ၸိူဝ်း​ၼၼ်ႉ​တႃႉ။ ဢွၼ်​ၵၼ်​ယွင်ႈ​ယေႃး​မၼ်း​ၸဝ်ႈ ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​တၢင်း​ဢၼ်​ယႂ်ႇ​မျၢတ်ႈ​ၼႃႇ​လူင်​လၢင်​ၼၼ်ႉ​တႃႉ။-</verse>
				<verse number="3">ဢွၼ်​ၵၼ်​ပဝ်ႇ​တိုင်ႈ​ၼႄးၶရႃႇ​သေ​လႄႈ ယွင်ႈ​ယေႃး​မၼ်း​ၸဝ်ႈ​တႃႉ။ ဢွၼ်​ၵၼ်​လဵတ်း​တိင်ႇ​သႄႇ​တရေႃး​သေ​လႄႈ ယွင်ႈ​ယေႃး​မၼ်း​ၸဝ်ႈ​တႃႉ။-</verse>
				<verse number="4">ဢွၼ်​ၵၼ်​ႁႆႇ​ၵွင်​ၶဵတ်ႇ​ယူႇ၊ ၵႃႈ​ဝႅၼ်​ယူႇ​သေ​လႄႈ ယွင်ႈ​ယေႃး​မၼ်း​ၸဝ်ႈ​တႃႉ။ ဢွၼ်​ၵၼ်​လဵတ်း​တူႇရီႉယႃႇ ဢၼ်​ပျေႉ​ၸုမ်ႇ​ဝႆႉ​တင်း​သၢႆ​ၼၼ်ႉ​ယူႇ၊ ပဝ်ႇ​ပီႇ​ပဝ်ႇ​ၼႄး​ယူႇ​သေ​လႄႈ ယွင်ႈ​ယေႃး​မၼ်း​ၸဝ်ႈ​တႃႉ။-</verse>
				<verse number="5">ဢွၼ်​ၵၼ်​ႁႆႇ​သႅင်ႇ​ဢၼ်​မီး​သဵင်​ႁႅင်း​ယႂ်ႇ​ၼႃႇ​ၼၼ်ႉ​သေ​လႄႈ ယွင်ႈ​ယေႃး​မၼ်း​ၸဝ်ႈ​တႃႉ။ ဢွၼ်​ၵၼ်​ႁႆႇ​သႅင်ႇ​ဢၼ်​မီး​သဵင်​မူၼ်ႈ​သဵင်​ပျေႃႇ​ၼၼ်ႉ သေ​လႄႈ ယွင်ႈ​ယေႃး​မၼ်း​ၸဝ်ႈ​တႃႉ။-</verse>
				<verse number="6">ႁႂ်ႈ​ၶဝ်​ၸိူဝ်း​ဢၼ်​ထူၺ်ႈ​ၸႂ်​ဢွၵ်ႇ​ထူၺ်ႈ​ၸႂ်​ၶဝ်ႈ​တင်း​သဵင်ႈ​တင်း​လူင် ဢွၼ်​ၵၼ်​ယွင်ႈ​ယေႃး​ထႃႇဝရႃႉ​ၽြႃး​သေ​ၵမ်း​လူၺ်ႈ။ ႁႃႇလေႇလူႉယႃႇ။ ၵျၢမ်း​သႃႇလၢမ်ႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="20">
			<chapter number="1">
				<verse number="1">ၵႂၢမ်း​သုၵ်ႉ​တၢမ်ႇ ဢၼ်​ သေႃးလမုၼ်ႇ လုၵ်ႈ​ၸၢႆး​ တႃႇဝိတ်ႈ ၶုၼ်​ႁေႃ​ၶမ်း​ဝဵင်း​ ယေႇရူႉသလႅမ်ႇ ၸီႇ​ယၢင်ႇ​ဝႆႉ၊-</verse>
				<verse number="2">ႁႂ်ႈ​ႁူႉ​ပိင်ႇ​ၺႃႇ​တြႃး ဢိၵ်ႇ​တင်း​ၼႄး​ဢူႉပတေႇ​တြႃး​လႄႈ ႁူႉ​ၸႅင်ႈ​ၵႂၢမ်း​ၺၢၼ်ႇ၊-</verse>
				<verse number="3">ႁႂ်ႈ​ၶၢမ်ႇ​ဢဝ်​တၢင်း​ဢၼ် သင်ႇ​သွၼ်​ဢဝ်​ပိင်ႇ​ၺႃႇ၊ တၢင်း​ဢၼ်​ၵမ်​ၵျၢင်ႉ​သိုဝ်ႈ​သိုဝ်ႈ​တေႃႇ​တေႃႇ၊ တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး ဢိၵ်ႇ​တင်း​တၢင်း​ဢၼ်​သိုဝ်ႈ​လီ​ယူဝ်း​လီ​ၼၼ်ႉ၊-</verse>
				<verse number="4">ႁႂ်ႈ​ပၼ်​တၢင်း​ဢၼ်​လၵ်း​ဢၼ်​လႅမ် တီႈ​ၶဝ်​ၸိူဝ်း​ဢၼ်​ငိူဝ်ႈ​ဢၼ်​ငႃႉ ဢိၵ်ႇ​တင်း​တၢင်း​ဢၼ်​ႁူႉ​ဢၼ်​ၸႅင်ႈ တင်း​သတီႉ တီႈ​ၶဝ်​ၸိူဝ်း​ဢၼ်​ၼုမ်ႇ​ဢၼ်​ၵမ်၊-</verse>
				<verse number="5">လွင်ႈ​ၼင်ႇ​ႁိုဝ်​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ တၵ်း​ထွမ်ႇ​ငိၼ်း​လႄႈ ဢတၢတ်ႈ​ပိင်ႇ​ၺႃႇ​မၼ်း တၵ်း​ယႂ်ႇ​မႃး​ၽႄႈ​မႃး​လႄႈ ၵေႃႉ​ဢၼ်​ၺၢၼ်ႇ​လီ​ၼၼ်ႉ တၵ်း​မေႃ​ၸၢင်ႈ​တၢင်း​ဢၼ်​ၸီႇ​ယၢင်ႇ​ႁၢင်ႈ​ပွင်၊-</verse>
				<verse number="6">ဢိၵ်ႇ​တင်း ႁႂ်ႈ​လႆႈ​ႁွတ်ႈ​ထိုင်​တၢင်း​ဢၼ်​ႁူႉ​ၸႅင်ႈ ဢၼၢၵ်ႈ​ဢထိၵ်ႈပႄႇ ၵႂၢမ်း​သုၵ်ႉ​တၢမ်ႇ တင်း​ၵႂၢမ်း​ဢၼ်​ငမ်း​ငဝ်း​ဝႆႉ ဢိၵ်ႇ​တင်း​ၵႂၢမ်း​ၵူၼ်း​ပိင်ႇ​ၺႃႇ​သီႉ တင်း တၢင်း​ဢၼ်​လိုၵ်ႉ​ဢၼ်​လမ်ႇ​ၶဝ်​ၼၼ်ႉ​ၸိူဝ်း​ၼၼ်ႉ​ၸမ်ႉ၊</verse>
				<verse number="7">သၽေႃး​တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ ပဵၼ်​ၵေႃႇၸႃႉ​ႁူဝ်​ပိုင်း​ပိင်ႇ​ၺႃႇ​ဢေႃႈ။ ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ပိင်ႇ​ၺႃႇ ဢိၵ်ႇ​တင်း​တၢင်း​ဢၼ်​သင်ႇ​သွၼ်​ပၼ်​ၼၼ်ႉ​ဢေႃႈ။-</verse>
				<verse number="8">လုၵ်ႈ​ၸၢႆး​ၵဝ်​ဢိူၺ်း၊ ထွမ်ႇ​ဢဝ်​တၢင်း​ဢၼ်​ပေႃႈ​မႂ်း​သင်ႇ​သွၼ်​ပၼ်​လႄႈ ယႃႇ​ပေ​ၸုၼ်ႉ​ပႅတ်ႈ​တြႃး​မႄႈ​မႂ်း။-</verse>
				<verse number="9">ၸိူဝ်း​ၼၼ်ႉ တၵ်း​ပဵၼ်​ပၢၼ်း​ၵုမ်း ဢၼ်​ႁၢင်ႈ​လီ​ၵႃႈ​တီႈ​ႁူဝ်​မႂ်း ဢိၵ်ႇ​တင်း​ႁွႆႈ​ၶေႃး​ပႃး​ၶေႃး ၵႃႈ​တီႈ​ၶေႃး​မႂ်း​ဢေႃႈ။</verse>
				<verse number="10">လုၵ်ႈ​ၸၢႆး​ၵဝ်​ဢိူၺ်း၊ ပေႃး​ၶဝ်​ၸိူဝ်း​ဢၼ်​ႁုၵ်း​ဢၼ်​ႁၢႆႉ​ၼၼ်ႉ ၸူဝ်း​ဢဝ်​မႂ်း​ၸိုင် ယႃႇ​ပေ​ႁပ်ႉ​တုင်း​ဢဝ်။-</verse>
				<verse number="11">ပေႃး​ၶဝ်​လၢတ်ႈ​လႄႈ​ဝႃႈ၊ ၸွမ်း​လူၺ်ႈ​ၵၼ်​တင်း​ႁဝ်း​တႃႉ။ ဢွၼ်​ၵၼ်​ပႂ်ႉ​ထႃႈ​ယူႇ ႁႂ်ႈ​လႆႈ​ထွၵ်ႇ​လိူတ်ႈ​ပိူၼ်ႈ​ပႅတ်ႈ​တႃႉ​ႁဝ်း။ ဢွၼ်​ၵၼ်​ပႂ်ႉ​လွမ်​ပႂ်ႉ​တူၺ်း​ၶဝ်​ၸိူဝ်း​ဢၼ်​ၵၢင်း​လွတ်ႈ​တင်း ဢပႅတ်ႈ လၢႆ​လၢႆ​လွၵ်ႇ​လွၵ်ႇ ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​ယူႇ​တႃႉ​ႁဝ်း။-</verse>
				<verse number="12">ဢွၼ်​ၵၼ်​ဢိုၼ်​ၵိၼ်​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ​ၼၼ်ႉ မိူၼ်​ၸိူဝ်ႉ​ၼင်ႇ​မိူင်း​မရၼႃႉ​ဢၼ်​ဝႃႈ ၶဝ်​ၸိူဝ်း​ဢၼ်​ယူႇ​လီ​ႁႅင်း​လီ​ယူႇ​ၼၼ်ႉ မိူၼ်​ၸိူဝ်ႉ​ၼင်ႇ​ၶဝ် ၸိူဝ်း​ဢၼ် လူင်း​ၵႂႃႇ​ၵႃႈ​ၼႂ်း​ၶုမ်​ပႃႇ​ႁဵဝ်ႈ​ၼၼ်ႉ​ပႅတ်ႈ​တႃႉ​ႁဝ်း။-</verse>
				<verse number="13">ႁဝ်း​တၵ်း​ထူပ်း​ႁၼ်​ၽၼ်ႇတႃႇ ဢၼ်​ထိူၵ်ႈ​ၵႃႈ​ထိူၵ်ႈ​ၶၼ် ၵူႈ​ၸိူဝ်ႉ​ၵူႈ​ပိူင်​လႄႈ တၵ်း​ႁႂ်ႈ​ႁိူၼ်း​ႁဝ်း​ပျေႉ​ၸုမ်ႇ​တဵမ်​ဝႆႉ​တင်း ဢုၵ်ႉ​ၸႃႇ​ဢၼ်​ႁိမ်​ႁူင်ႇ​ဢဝ်​လႆႈ​ၼၼ်ႉ​ဢေႃႈ။-</verse>
				<verse number="14">ႁဵတ်း​ၵေႃႉ​ႁဵတ်း​သေႈ ႁူမ်ႈ​လူၺ်ႈ​ၵၼ်​တင်း​ႁဝ်း​တႃႉ။ ႁဝ်း​တင်း​သဵင်ႈ​တင်း​လူင် တၵ်း​လႆႈ​ႁူမ်ႈ​ၵၼ် မီး​ထူင်​ငိုၼ်း​လုၵ်ႈ​လဵဝ်​ၵၼ်​ဢေႃႈ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="15">လုၵ်ႈ​ၸၢႆး​ၵဝ်​ဢိူၺ်း၊ ယႃႇ​ပေ​ၸွမ်း​သဵၼ်ႈ​တၢင်း​လူၺ်ႈ​ၵၼ်​တင်း​ၶဝ်​ၼၼ်ႉ။ ယႃႇ​ပေ​ပၼ်​ဢၶႂၢင်ႉ​ႁႂ်ႈ​တိၼ်​မႂ်း​လႆႈ​ၸွမ်း​သဵၼ်ႈ​တၢင်း​ဢၼ်​ၶဝ်​ၵႂႃႇ​ၼၼ်ႉ၊-</verse>
				<verse number="16">လွင်ႈ​မၼ်း​ၸမ်ႉ တိၼ်​ၶဝ်​ၼၼ်ႉ ၶုၼ်ႇ​လႅၼ်ႈ​ၸူး​တူႉ​ၸရိူၵ်ႈ​လႄႈ ၶၼ်​ၽႂ်း​ႁႂ်ႈ​လႆႈ​ထွၵ်ႇ​လိူတ်ႈ​ပိူၼ်ႈ​ပႅတ်ႈ​ဢေႃႈ။-</verse>
				<verse number="17">တၢင်း​ဢၼ်​ၵီႈ​ၽႄႇ​ၶႄ​ဝႆႉ ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၼူၵ်ႉ​ၼၼ်ႉ ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင် ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="18">ၶဝ်​ၼၼ်ႉ ဢွၼ်​ၵၼ်​ပႂ်ႉ​ထႃႈ​ယူႇ​ႁႂ်ႈ​လႆႈ​ထွၵ်ႇ​လိူတ်ႈ​တူဝ်​ၸဝ်ႈ​ၵဝ်ႇ​ပႅတ်ႈ​လႄႈ ၸၢင်ႈ​ပႂ်ႉ​လွမ်​ပႂ်ႉ​တူၺ်း​ယူႇ ႁႂ်ႈ​လႆႈ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​တၢႆ​ဢေႃႈ။-</verse>
				<verse number="19">ဢၵျူဝ်း​ၶဝ်​ၸိူဝ်း​ဢၼ် ႁႃ​ဢဝ်​ၸီး​ပႂႃး​ဢၼ်​ဢမ်ႇ​တြႃး တင်း​သဵင်ႈ​တင်း​လူင်​ၼၼ်ႉ ပဵၼ်​ၸိူဝ်ႉ​ၼင်ႇ​ၼၼ်​လႄႈ ၸီး​ပႂႃး​ၼၼ်ႉ ၸၢင်ႈ​သိမ်း​ဢဝ်​ဢသၢၵ်ႈ​ၸဝ်ႈ​မၼ်း​ဢေႃႈ။</verse>
				<verse number="20">ပိင်ႇ​ၺႃႇ​ၸၢင်ႈ​ႁွင်ႉ​သႅၼ်ႇ​ယူႇ ၵႃႈ​တီႈ​ၼွၵ်ႈ​တီႈ​ပၢင်ႇ​လႄႈ ႁွင်ႉ​ၵိဝ်​သဵင်​ၵႂၢမ်း​မၼ်း​ယူႇ​ၵႃႈ​ၼႂ်း​သဵၼ်ႈ​တၢင်း​တင်း​လၢႆ​ဢေႃႈ။-</verse>
				<verse number="21">ၵႂၢမ်း​ဢၼ်​မၼ်း​ႁွင်ႉ​သႅၼ်ႇ​ယူႇ ၵႃႈ​ၼႂ်း​တီႈ​ဢၼ်​ပဵၼ်​ငဝ်ႈ​ပဵၼ်​ႁူဝ် တီႈ​ဢၼ်​ၵူၼ်း​ၸူႉ​ၵၼ်​တုမ်​ၵၼ်​လႂ်၊ ၵႃႈ​တီႈ​ႁူး​ၽၵ်း​တူ​ဝဵင်း​လႂ်၊ မွၵ်ႇ​လၢတ်ႈ​ယူႇ​ၵႃႈ​တီႈ​ၼႂ်း​ၶူး​ၼႂ်း​ဝဵင်း​လႄႈ​ဝႃႈ​ၸမ်ႉ၊-</verse>
				<verse number="22">သူ​ၸိူဝ်း​ဢၼ်​ငိူဝ်ႈ​ဢၼ်​ငႃႉ​ၶဝ်​ဢိူၺ်း၊ သူ​တၵ်း​ထုၵ်ႇ​ၸႂ်​ၵျိူၵ်ႈ​ၸႂ်​တၢင်း​ဢၼ်​မိူၵ်ႈ​ယူႇ၊ ၶဝ်​ၸိူဝ်း​ဢၼ်​ၸၢင်ႈ​သႄႉ​ၸၢင်ႈ​သွမ်း​ၼၼ်ႉ တၵ်း​မူၼ်ႈ​ပျေႃႇ​ယူႇ​ၵႃႈ​ၼႂ်း​တၢင်း​ဢၼ်​သႄႉ​ဢၼ်​သွမ်း​ယူႇ၊ ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ​တၵ်း​ငိၼ်း​ၸင်း​ဢတၢတ်ႈ​ပိင်ႇ​ၺႃႇ​ယူႇ​ႁိုင်​ၵႃႈ​ႁိုဝ်။-</verse>
				<verse number="23">ထွမ်ႇ​ဢဝ်​ၵႂၢမ်း​ဢၼ်​ၵဝ်​သင်ႇ​သွၼ်​သုင်း​မႃႉ​ၼႆႉ​သေ​လႄႈ ဢွၼ်​ၵၼ်​ၶၢႆႉ​ပုတ်ႈ​တႃႉ။ တူၺ်း​လူး၊ ၵဝ်​တၵ်း​ဢဝ်​ဝီႉၺိၺ်ႇ​ၵဝ် သွၼ်း​လေႃႇ​ၵႃႈ​ၼိူဝ်​သူ​လႄႈ ႁႂ်ႈ​သူ​ႁူႉ​ဢၼၢၵ်ႈ​ဢထိၵ်ႈပႄႇ​ၵႂၢမ်း​ၵဝ်​ဢေႃႈ။</verse>
				<verse number="24">ၵွပ်ႈ​ပိူဝ်ႈ​ဢၼ်​ၵဝ်​ႁွင်ႉ​ဢဝ်​လႄႈ သူ​ထဵင်​ပႅတ်ႈ ၵွပ်ႈ​ပိူဝ်ႈ​ဢၼ်​ၵဝ်​ယဵတ်ႇ​ယိုၼ်ႈ​မိုဝ်း​ၵဝ်​လႄႈ ၽူႈ​လႂ်​ဢမ်ႇ​ဝႆႉ​ဢမူႉ။-</verse>
				<verse number="25">ၵွပ်ႈ​ပိူဝ်ႈ​ဢၼ်​သူ​ပႄႇ​ၵႃႈ​ဢၼ်​ၵဝ်​ပၼ်​သတီႉ​ဝႆႉ​ၼၼ်ႉ​ပႅတ်ႈ၊ ၵွပ်ႈ​ပိူဝ်ႈ​ဢၼ်​ယင်း​ဢမ်ႇ​ၶႂ်ႈ​ထွမ်ႇ​ၶႂ်ႈ​ဢဝ် ၵႂၢမ်း​ဢၼ်​ၵဝ်​သင်ႇ​သွၼ်​သုင်း​မႃႉ​ပၼ်​ၼၼ်ႉ သေ​ၶေႃႈ​သေ​ၵမ်း​ၼၼ်ႉ​လႄႈ၊-</verse>
				<verse number="26">မိူဝ်ႈ​ဢၼ်​သူ​ထူပ်း​ႁၼ်​ၽေး​ဢူႉ​ပၢတ်ႈ​ၼၼ်ႉ​ၸိုင်၊ ၵဝ်​တၵ်း​ၶူဝ်​ဢေႃႈ။ မိူဝ်ႈ​ဢၼ်​သူ​ႁွတ်ႈ​တၢင်း​ဢၼ်​လီ​ၵူဝ်​လီ​ႁႄ​ၼၼ်ႉ​ၸိုင်၊ ၵဝ်​တၵ်း​ႁဵတ်း​ပျၢၵ်ႈ​ဢေႃႈ။-</verse>
				<verse number="27">မိူဝ်ႈ​ဢၼ်​တၢင်း​ဢၼ်​သူ​ၵူဝ်​ႁႄ​ၼၼ်ႉ ႁွတ်ႈ​မႃး​မိူၼ်​ၸိူဝ်ႉ​ၼင်ႇ​လူမ်း​ၽိဝ်ႇ​ႁုင်​လႄႈ၊ တၢင်း​ဢၼ်​သူ​လူႉ​လႅဝ်​ၼၼ်ႉ သုတ်ႉ​မႃး​မိူၼ်​ၸိူဝ်ႉ​ၼင်ႇ​လူမ်း​လင်​သဵင်၊ မိူဝ်ႈ​ဢၼ်​တုၵ်ႉ​ၶႃႉ​တၢင်း​ၽၢၼ် ဢိၵ်ႇ​တင်း​တၢင်း​ဢၼ်​ယၢပ်ႇ​ၸႂ်​ၶၢၼ်​ၸႂ် ႁွတ်ႈ​ထိုင်​ၵႃႈ​ၼိူဝ်​သူ​ၼၼ်ႉ​ၸိုင်၊-</verse>
				<verse number="28">ပိၵ်ႉ​သမ်ႉ​ၶဝ်​ႁွင်ႉ​ႁႃ​ၵဝ်​သေ​ၵေႃႈ၊ ၵဝ်​တၵ်း​ဢမ်ႇ​ဢိူဝ်။ ပိၵ်ႉ​သမ်ႉ​ၶဝ်​ၵျူဝ်း​ၸႃး​ႁႃ​ၵဝ်​သေ​ၵေႃႈ၊ ၶဝ်​တၵ်း​ဢမ်ႇ​လႆႈ​ထူပ်း​လႆႈ​ႁၼ်​ၵဝ်။-</verse>
				<verse number="29">လွင်ႈ​မၼ်း​ၸမ်ႉ ၶဝ်​ငိၼ်း​ၸင်း​ဢတၢတ်ႈ​ပိင်ႇ​ၺႃႇ​လႄႈ ဢမ်ႇ​မီး​ဢလူဝ်ႇ​ၶႂ်ႈ​ၵူဝ်​ႁႄ​ထႃႇဝရႃႉ​ၽြႃး။-</verse>
				<verse number="30">ၶဝ်​ဢမ်ႇ​ႁပ်ႉ​တုင်း​ဢဝ် တၢင်း​ဢၼ်​ၵဝ်​ပၼ်​သတီႉ​ၼၼ်ႉ​လႃး​လႃး​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​တၢင်း​ဢၼ်​ၵဝ်​သင်ႇ​သွၼ်​သုင်း​မႃႉ​ၵႃႈ​မီး​ၼၼ်ႉ။-</verse>
				<verse number="31">ပိူဝ်ႈ​ၼႆ​လႄႈ ၶဝ်​တၵ်း​လႆႈ​ၵိၼ်​မၢၵ်ႇ​တၢင်း​ဢၼ်​ၶဝ်​ၵမ်​ၵျၢင်ႉ​ၼၼ်ႉ​လႄႈ ဢိမ်ႇ​တဵမ်​ဝႆႉ​တင်း တၢင်း​ဢၼ်​ၶဝ်​ၵျၢမ်ႇ​ပွင်​ၸိူဝ်း​ၼၼ်ႉ​ဢေႃႈ။-</verse>
				<verse number="32">တၢင်း​ဢၼ်​ၶဝ်​ၸိူဝ်း​ဢၼ်​ငိူဝ်ႈ​ငႃႉ ပိူင်ႈ​သဵၼ်ႈ​တၢင်း​ၵႂႃႇ​ၼၼ်ႉ ၸၢင်ႈ​ႁႂ်ႈ​ၶဝ်​သုမ်း​ဢသၢၵ်ႈ​လႄႈ တၢင်း​ဢၼ်​ၶဝ်​ၸိူဝ်း​ဢၼ်​မိူၵ်ႈ ဢမ်ႇ​မီး​သတီႉ​လႄႈ​ယူႇ​ၼၼ်ႉ ၸၢင်ႈ​ႁႂ်ႈ​ၶဝ်​ႁွတ်ႈ​တၢင်း​လူႉ​တၢင်း​လႅဝ်​ဢေႃႈ။-</verse>
				<verse number="33">ၵေႃႉ​ဢၼ်​ထွမ်ႇ​ဢဝ်​ၵႂၢမ်း​ၵဝ်​ၼၼ်ႉ​ၸမ်ႉ၊ တၵ်း​လႆႈ​ယူႇ​လူင်ႉ​လူင်ႉ​လွတ်ႈ​လွတ်ႈ​လႄႈ ယင်း​ဢမ်ႇ​မီး​တၢင်း​ဢၼ်​လႆႈ​ၵူဝ်​ၽေး​ႁႄ​ၽေး​ၼၼ်ႉ​လႄႈ တၵ်း​လႆႈ​တဵတ်ႇ​လီ​ၼိမ်​လီ​ယူႇ​ဢေႃႈ။</verse>
			</chapter>
			<chapter number="2">
				<verse number="1">လုၵ်ႈ​ၸၢႆး​ၵဝ်​ဢိူၺ်း၊ ပေႃး​မႂ်း​ႁပ်ႉ​တုင်း​ဢဝ်​ၵႂၢမ်း​ၵဝ်​လႄႈ ဢဝ်​ပိင်း​ၺၢပ်ႈ​ၵဝ်​တင်း​လၢႆ သႂၢင်း​သႂ်ႇ​ဝႆႉ​ၵႃႈ​ၼႂ်း​မႂ်း၊-</verse>
				<verse number="2">တေႃႇ​ထိုင်​ႁွတ်ႈ​ထၼ်ႈ​ပေႃး​ဝၢႆႇ​ႁူ​ႁေႈ​ႁူ​ၸူး​ပိင်ႇ​ၺႃႇ​လႄႈ ပႃး​တင်း​ၸႂ်​ၸေႇတၼႃႇ​ႁႃ​ဢဝ်​ၺၢၼ်ႇ၊-</verse>
				<verse number="3">ပေႃး​မႂ်း​ႁွင်ႉ​ႁႃ​တၢင်း​ဢၼ် ၸၵ်း​ၽႄ​ၼႄ​ပၼ်​ၼၼ်ႉ​လႄႈ ၵိဝ်​သဵင်​မႂ်း​ၸွမ်း​လင်​ၺၢၼ်ႇ၊-</verse>
				<verse number="4">ပေႃး​မႂ်း​ႁႃ​ဢဝ်​မၼ်း​မိူၼ်​ၸိူဝ်ႉ​ၼင်ႇ​ငိုၼ်း​ၼၼ်ႉ​လႄႈ သၢပ်ႇ​ႁႃ​ထၢမ်​ႁႃ​မၼ်း​မိူၼ်​ၸိူဝ်ႉ​ၼင်ႇ ၽၼ်ႇတႃႇ ဢၼ်​သိူင်ႇ​ဝႆႉ​သိမ်း​ဝႆႉ​ၼၼ်ႉ​ၸိုင်၊-</verse>
				<verse number="5">မႂ်း​တၵ်း​ႁူႉ​ၸႅင်ႈ​သၽေႃး​ဢၼ်​ၵူဝ်​ႁႄ​ထႃႇဝရႃႉ​ၽြႃး​လႄႈ ပျေႉ​ၸုမ်ႇ​ဝႆႉ​တင်း​ၺၢၼ်ႇ​ဢၼ်​ႁူႉ​ၸၵ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="6">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ၸၢင်ႈ​ပၼ်​ပိင်ႇ​ၺႃႇ​လႄႈ​ၺၢၼ်ႇ ဢိၵ်ႇ​တင်း​တၢင်း​ဢၼ်​ႁူႉ​လႆႈ​ၸႅင်ႈ​လႆႈ​ၼၼ်ႉ ဢွၵ်ႇ​ပဵၼ်​မႃး ၵႃႈ​ၼႂ်း​သူပ်း​မၼ်း​ၸဝ်ႈ​ဢေႃႈ။-</verse>
				<verse number="7">မၼ်း​ၸဝ်ႈ​သိမ်း​ဝႆႉ တၢင်း​ဢၼ်​ၸွႆႈ​ထႅမ်​ၵမ်ႉ​ထွၵ်ႈ​ဝႆႉ ပုၼ်ႈ​ၶဝ်​ၸိူဝ်း​ဢၼ်​သိုဝ်ႈ​ဢၼ်​ယူဝ်း​ၼၼ်ႉ​လႄႈ မၼ်း​ၸဝ်ႈ​ပဵၼ်​ၶိူင်ႈ​ဢၼ်​ႁႄႉ​လၢၵ်ႈ​ၼၢၵ်ႈ တီႈ​ၶဝ်​ၸိူဝ်း​ဢၼ်​ၸွမ်း​လူၺ်ႈ​တြႃး​သေ​လႄႈ ၵႂႃႇ​မႃး​ယူႇ​ၼၼ်ႉ​ဢေႃႈ။-</verse>
				<verse number="8">မၼ်း​ၸဝ်ႈ​တၵ်း​ပႂ်ႉ​လူ​ပႂ်ႉ​တူၺ်း သဵၼ်ႈ​တၢင်း​တြႃး​ယူႇ​လႄႈ ႁႄႉ​ပၼ်​ၵင်ႈ​ပၼ် သဵၼ်ႈ​တၢင်း​ၶဝ်​ၸိူဝ်း​ဢၼ်​မၼ်း​ၸဝ်ႈ​ႁၵ်ႉ​ပႅင်း​ၼၼ်ႉ​ဢေႃႈ။-</verse>
				<verse number="9">ၵမ်း​ၼၼ်ႉ မႂ်း​တၵ်း​ႁူႉ​ၸႅင်ႈ​တၢင်း​ဢၼ်​ၵမ်​ၵျၢင်ႉ​ဢၼ်​သိုဝ်ႈ​ဢၼ်​တေႃႇ၊ တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး၊ တၢင်း​ဢၼ်​တႅပ်း​တတ်း သိုဝ်ႈ​သိုဝ်ႈ​တေႃႇ​တေႃႇ ဢိၵ်ႇ​တင်း သဵၼ်ႈ​တၢင်း​ဢၼ်​လီ​ဢၼ်​ငၢမ်း​ၵႃႈ​မီး​ၼၼ်ႉ​ဢေႃႈ။</verse>
				<verse number="10">ၺၢၼ်ႇ​တၵ်း​ၶဝ်ႈ​ၵႃႈ​ၼႂ်း​ႁူဝ်​ၸႂ်​မႂ်း​လႄႈ၊ တၢင်း​ဢၼ်​ႁူႉ​ဢၼ်​ၸႅင်ႈ တၵ်း​ပဵၼ်​တၢင်း​ဢၼ်​မူၼ်ႈ​ဢၼ်​ပျေႃႇ တီႈ​ႁူဝ်​ၸႂ်​မႂ်း​ဢေႃႈ။-</verse>
				<verse number="11">သမ်ႇမႃႇသတီႉ​တၵ်း​ပႂ်ႉ​ထိင်း​မႂ်း​ယူႇ​လႄႈ ၺၢၼ်ႇ​ၵေႃႈ​တၵ်း​ပႂ်ႉ​တူၺ်း​မႂ်း​ယူႇ၊-</verse>
				<verse number="12">ႁႂ်ႈ​လႆႈ​ၵႄႇ​သႄႇ​ၼုၵ်ႈ​ဢဝ်​မႂ်း လွတ်ႈ​သေ​ၵႃႈ​ၼႂ်း​သဵၼ်ႈ​တၢင်း​ဢၼ်​ႁၢႆႉ ဢိၵ်ႇ​တင်း ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် ၸၢင်ႈ​လၢတ်ႈ​ၵႂၢမ်း​ဢၼ်​ၵူတ်ႉ​ဢၼ်​ငွၵ်း၊-</verse>
				<verse number="13">ၶဝ်​ၸိူဝ်း​ဢၼ်​ဝႄႈ​ပိူင်ႈ​သေ​သဵၼ်ႈ​တၢင်း​ဢၼ်​သိုဝ်ႈ​ယူဝ်း​လႄႈ ၸွမ်း​သဵၼ်ႈ​တၢင်း​ဢၼ်​လပ်း​သိင်ႇ၊-</verse>
				<verse number="14">ၶဝ်​ၸိူဝ်း​ဢၼ်​ၸူမ်း​ပျေႃႇ​ယူႇ​ၼႂ်း​တူႉ​ၸရိူၵ်ႈ​လႄႈ သႂၢင်ႇ​သိူဝ်း​ယူႇ​ၼႂ်း​တၢင်း​ဢၼ်​ၵူတ်ႉ​ဢၼ်​ငေႃး ဢၼ်​ႁုၵ်း​ဢၼ်​ႁၢႆႉ၊-</verse>
				<verse number="15">ၶဝ်​ၸိူဝ်း​ဢၼ်​ၸွမ်း​သဵၼ်ႈ​တၢင်း​ဢၼ်​ဢမ်ႇ​သိုဝ်ႈ​လႄႈ ၸွမ်း​သဵၼ်ႈ​တၢင်း​ဢၼ်​ၵူတ်ႉ​ဢၼ်​ငွၵ်း၊-</verse>
				<verse number="16">ဢိၵ်ႇ​တင်း ႁႂ်ႈ​လႆႈ​ၵႄႇ​သႄႇ​ၼုၵ်ႈ​ဢဝ်​မႂ်း လွတ်ႈ​သေ ၵႃႈ​ၼႂ်း​မိုဝ်း​မႄႈ​ယိင်း​လေႃ​မႄႈ​မွၵ်ႇ​ယႃႈ ဢၼ်​ၸၢင်ႈ​ဢဝ်​သူပ်း​ၶျေႃး​ဝွၼ်း၊-</verse>
				<verse number="17">မႄႈ​ယိင်း​ဢၼ်​ၸုၼ်ႉ​ပႅတ်ႈ​ၸဝ်ႈ​ၵျေး​ၸူး​မၼ်း ဢၼ်​သင်ႇ​ပၼ်​သွၼ်​ပၼ်​မၼ်း ၸဵမ်​မိူဝ်ႈ​မၼ်း​ယင်း​လဵၵ်ႉ​ယင်း​ၼုမ်ႇ​ၼၼ်ႉ​သေ​လႄႈ လူင်​လိုမ်း​ပတီႉၺိၺ်ႇ​တြႃး ၽြႃး​ပဵၼ်​ၸဝ်ႈ​မၼ်း​ပႅတ်ႈ​ၼၼ်ႉ​ဢေႃႈ။-</verse>
				<verse number="18">ႁိူၼ်း​မၼ်း​ၼၼ်ႉ ၸၢပ်ႈ​သႅင်ႇ​ၵၼ်​တင်း​တၢင်း​တၢႆ​လႄႈ သဵၼ်ႈ​တၢင်း​ဢၼ်​မၼ်း​ၸွမ်း​ၸိူဝ်း​ၼၼ်ႉ ၸၢပ်ႈ​သႅင်ႇ​ၵၼ်​တင်း​ၵူၼ်း​ပႃႇ​ႁဵဝ်ႈ​တင်း​လၢႆ​ဢေႃႈ။-</verse>
				<verse number="19">ၵႃႈ​ဢၼ်​ၶဝ်ႈ​ႁွတ်ႈ​ၶဝ်ႈ​ထိုင်​တီႈ​မၼ်း​ၼၼ်ႉ ဢမ်ႇ​လႆႈ​ၶိုၼ်း​ဢွၵ်ႇ​ၶိုၼ်း​မႃး​သေ​ၵေႃႉ​သေ​ၵူၼ်း။ ဢမ်ႇ​လႆႈ​ၶိုတ်း​လႆႈ​ထိုင်​သဵၼ်ႈ​တၢင်း​ဢသၢၵ်ႈ။-</verse>
				<verse number="20">ပိူဝ်ႈ​ၼႆ​လႄႈ မႂ်း​တၵ်း​လႆႈ​ၵႂႃႇ​မႃး​ယူႇ​ၼႂ်း​သဵၼ်ႈ​တၢင်း ၶဝ်​ၸိူဝ်း​ဢၼ်​လီ​ဢၼ်​ငၢမ်း​လႄႈ ပႂ်ႉ​ၸွမ်း​သဵၼ်ႈ​တၢင်း​ၶဝ် ဢၼ်​သိုဝ်ႈ​ဢၼ်​တေႃႇ​ၼၼ်ႉ ယူႇ​တိၵ်း​တိၵ်း​ဢေႃႈ။-</verse>
				<verse number="21">ၶဝ်​ၸိူဝ်း​ဢၼ်​သိုဝ်ႈ​လီ​ယူဝ်း​လီ​ၼၼ်ႉ တၵ်း​ယူႇ​ၵႃႈ​ၼႂ်း​မိူင်း​ၸဝ်ႈ​လႄႈ ၶဝ်​ၸိူဝ်း​ဢၼ်​ၸေး​ၸုမ်ႇ​ၼၼ်ႉ တၵ်း​တူၵ်း​တီႈ​ယူႇ​တီႈ​သဝ်း ၵႃႈ​ၼႂ်း​ၼၼ်ႉ​ဢေႃႈ။-</verse>
				<verse number="22">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း​မိူင်း​ၸဝ်ႈ​လႄႈ ၶဝ်​ၸိူဝ်း​ဢၼ်​ႁဵတ်း​တင်း​ဢၼ်​ပႅတ်ႉ​ဢၼ်​လႅၼ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ထွတ်ႇ​ထူၺ်ႈ​ဢွၵ်ႇ​ပႅတ်ႈ​ဢေႃႈ။</verse>
			</chapter>
			<chapter number="3">
				<verse number="1">လုၵ်ႈ​ၸၢႆး​ၵဝ်​ဢိူၺ်း၊ ယႃႇ​ပေ​လူင်​ပေ​လိုမ်း တြႃး​ဢၼ်​ၵဝ်​ပၼ်​ၼၼ်ႉ။ ႁႂ်ႈ​ႁူဝ်​ၸႂ်​မႂ်း​ပႂ်ႉ​ၸွမ်း​ပိင်း​ၺၢပ်ႈ​ၵဝ်​ၸိူဝ်း​ၼၼ်ႉ​ယူႇ​သေ​ၵမ်း။-</verse>
				<verse number="2">လွင်ႈ​မၼ်း​ၸမ်ႉ ၸိူဝ်း​ၼၼ်ႉ​တၵ်း​ထၢပ်ႈ​ထႅင်ႈ​လႄႈ ပၼ်​မိုဝ်ႉ​ဝၼ်း​ဢၼ်​ယၢဝ်း​ဢၼ်​ယိုၼ်း၊ ၶူပ်ႇ​ပီႊ​ဢသၢၵ်ႈ​ဢိၵ်ႇ​တင်း​တၢင်း​ဢၼ်​ၼိမ်​ဢၼ်​လီ​ၼၼ်ႉ​တီႈ​မႂ်း​ဢေႃႈ။-</verse>
				<verse number="3">ယႃႇ​ပေ​ႁႂ်ႈ​ၵရူႉၼႃႇ​တင်း​သဵတ်ႈ​ၸႃႇ ၽၢတ်ႇ​ယၢၼ်​ၵၼ်​တင်း​မႂ်း။ ဢဝ်​ၸိူဝ်း​ၼၼ်ႉ ႁွႆႈ​ဝႆႉ​ပႃး​ဝႆႉ​ၵႃႈ​တီႈ​ၶေႃး​မႂ်း​တႃႉ။ ဢဝ်​တႅမ်ႈ​သႂ်ႇ​ဝႆႉ ၵႃႈ​ၼႂ်း​ၸရၢင်း​ဢၢင်း​ႁူဝ်​ၸႂ်​မႂ်း​တႃႉ။-</verse>
				<verse number="4">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မႂ်း​တၵ်း​လႆႈ​ၼႃႈ​လႆႈ​တႃ​လႄႈ ၶၢမ်ႇ​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၽြႃး​ပဵၼ်​ၸဝ်ႈ တင်း​ၵူၼ်း​တင်း​လၢႆ​ဢေႃႈ။</verse>
				<verse number="5">ပႃး​တင်း​ႁူဝ်​ၸႂ်​သဵင်ႈ​သဵင်ႈ ဢိင်​ပိုင်ႈ​ထႃႇဝရႃႉ​ၽြႃး​တႃႉ။ ယႃႇ​ပေ​ၸႂ်​လီ​လူၺ်ႈ​ၺၢၼ်ႇ​တူဝ်​ၸဝ်ႈ​ၵဝ်ႇ။-</verse>
				<verse number="6">ၼႂ်း​သဵၼ်ႈ​တၢင်း​ၵႃႈ​ဢၼ်​မႂ်း​ၵႂႃႇ​မႃး​ၼၼ်ႉ ႁဵတ်း​သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မၼ်း​ၸဝ်ႈ​တၵ်း​ႁႂ်ႈ​သဵၼ်ႈ​တၢင်း​မႂ်း​ၸိူဝ်း​ၼၼ်ႉ​သိုဝ်ႈ​လီ​ဢေႃႈ။-</verse>
				<verse number="7">ယႃႇ​ပေ​ပဵၼ်​ၵေႃႉ​ဢၼ်​မီး​ပိင်ႇ​ၺႃႇ သိုဝ်ႈ​ၼႃႈ​တႂ်ႈ​တႃ​တူဝ်​ၸဝ်ႈ​ၵဝ်ႇ။ ၵူဝ်​ႁႄ​ထႃႇဝရႃႉ​ၽြႃး​လႄႈ ဝႄႈ​ပႅတ်ႈ​တူႉ​ၸရိူၵ်ႈ​တႃႉ။-</verse>
				<verse number="8">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၵ်း​ပဵၼ်​တၢင်း​ဢၼ်​ယူႇ​လီ​ပီး​မၼ်း တီႈ​သၢႆ​လီ​မႂ်း​လႄႈ ပဵၼ်​ဢွၵ်း​လုပ်ႇ​မၼ်း​လုပ်ႇ တီႈ​လုပ်ႇ​မႂ်း​ဢေႃႈ။-</verse>
				<verse number="9">ဢဝ်​ဢုၵ်ႉ​ၸႃႇ​မႂ်း ဢိၵ်ႇ​တင်း​မၢၵ်ႇ​ႁူင်း​ဢၼ်​မၢၵ်ႇ​ဢွၼ်​တၢင်း ၼႂ်း​ၵႃႈ​ဢၼ်​မၢၵ်ႇ​မႃး​တီႈ​မႂ်း​ၼၼ်ႉ ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး​တႃႉ။-</verse>
				<verse number="10">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ယေး​ၶဝ်ႈ​ယွင်​ၶဝ်ႈ​မႂ်း​ၸိူဝ်း​ၼၼ်ႉ တၵ်း​သတ်ႉ​တဵမ်​ဝႆႉ​တင်း​မၢၵ်ႇ​တင်း​ႁူင်း​လႄႈ၊ ၶိူင်ႈ​တီႈ​ဢၼ်​မႂ်း​ၼူတ်ႈ​မၢၵ်ႇ​ၸပိတ်ႈ​ၸိူဝ်း​ၼၼ်ႉ တၵ်း​လူၼ်ႉ​တဵမ်​ဝႆႉ တင်း​ၼမ်ႉ​ၸပိတ်ႈ​ဢၼ်​မႂ်ႇ​ဢေႃႈ။</verse>
				<verse number="11">လုၵ်ႈ​ၸၢႆး​ၵဝ်​ဢိူၺ်း၊ ယင်း​ဢမ်ႇ​မၢတ်ႈ​ဢမ်ႇ​တွင်း တၢင်း​ဢၼ်​ထႃႇဝရႃႉ​ၽြႃး​သင်ႇ​သွၼ်​သုင်း​မႃႉ​ပၼ်​ၼၼ်ႉ​လႄႈ ယႃႇ​ပေ​ယူႇ။ မိူဝ်ႈ​ဢၼ်​မၼ်း​ၸဝ်ႈ​ၸႅတ်ႈ​ထၢမ်​ဢပႅတ်ႈ​မႂ်း​ၼၼ်ႉ​ၸိုင် ယႃႇ​ပေ​ၸႂ်​လူႉ။-</verse>
				<verse number="12">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ၸၢင်ႈ​သင်ႇ​သွၼ်​သုင်း​မႃႉ ၵေႃႉ​ဢၼ်​မၼ်း​ၸဝ်ႈ​ႁၵ်ႉ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ပေႃႈ​ပၼ်​တၢမ်ႇ​တီႈ​လုၵ်ႈ​လၢင်း ဢၼ်​မၼ်း​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ​ဢေႃႈ။</verse>
				<verse number="13">ၵေႃႉ​ဢၼ်​ထူပ်း​ပိင်ႇ​ၺႃႇ၊ ၵေႃႉ​ဢၼ်​လႆႈ​ၺၢၼ်ႇ​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ တၢင်း​ဢၼ်​ၵႃႉ​ဢၼ်​ၶၢႆ​ၵုၼ်ႇ​သိၼ်​ပိင်ႇ​ၺႃႇ​ၼၼ်ႉ ယဵင်ႈ​ၶႅၼ်း​လီ​တွၼ်း​ၼႃႇ​သေ တၢင်း​ဢၼ်​ၵႃႉ​ဢၼ်​ၶၢႆ​ၵုၼ်ႇ​သိၼ်​ငိုၼ်း​ဢေႃႈ။ ဢမျၢတ်ႈ​မၼ်း​ဢၼ်​လႆႈ​ၼၼ်ႉ​ၵေႃႈ၊ ယဵင်ႈ​ၶႅၼ်း​လီ​တွၼ်း​ၼႃႇ​သေ​ၶမ်း​လွတ်ႈ​ငၢၼ်ႇ​ဢေႃႈ။-</verse>
				<verse number="15">မၼ်း​ယဵင်ႈ​ၶႅၼ်း မီး​တၢင်း​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ် ၼႃႇ​သေ​သႅင်​လႅင်​ဢေႃႈ။ ၶိူင်ႈ​ပိူင်​ဢၼ်​မႂ်း​လီ​ထုၵ်ႇ​ၸႂ်​ၵျိူၵ်ႈ​ၸႂ်​ၵႃႈ​မီး​ၼၼ်ႉ ဢမ်ႇ​ဢဝ်​တႅၵ်ႈ​ၵၼ်​တၢၼ်ႇ​ၵၼ်​တင်း​မၼ်း​လႆႈ။-</verse>
				<verse number="16">ၵႃႈ​ၼႂ်း​မိုဝ်း​ၶွၼ်​ၶႂႃ​မၼ်း​ၼၼ်ႉ မီး​မိုဝ်ႉ​ဝၼ်း​ဢၼ်​ယၢဝ်း​ဢၼ်​ယိုၼ်း​လႄႈ ၵႃႈ​ၼႂ်း​မိုဝ်း​ၶွၼ်​သၢႆႉ​မၼ်း​ၼၼ်ႉ မီး​ၸေး​ၸိမ်ႇ ဢိၵ်ႇ​တင်း​မုၼ်​သရေႇ​ဢေႃႈ။-</verse>
				<verse number="17">သဵၼ်ႈ​တၢင်း​မၼ်း​ၸိူဝ်း​ၼၼ်ႉ ပဵၼ်​သဵၼ်ႈ​တၢင်း​ဢၼ်​သႃႇ​ယႃႇ​လီ​ငၢမ်း​လႄႈ ႁွႆး​တၢင်း​မၼ်း​ၵႃႈ​မီး​ၼၼ်ႉ မီး​တၢင်း​ဢၼ်​ၼိမ်​ဢၼ်​လီ​ဢေႃႈ။-</verse>
				<verse number="18">မၼ်း​ပဵၼ်​တူၼ်ႈ​ဢသၢၵ်ႈ တီႈ​ၶဝ်​ၸိူဝ်း​ဢၼ်​ယိပ်း​ၵမ်​မၼ်း​ယူႇ​ၼၼ်ႉ​လႄႈ ၵေႃႉ​ဢၼ်​ဢမ်ႇ​ပွႆႇ​ပႅတ်ႈ​ၽႃႈ​ပႅတ်ႈ​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="19">ထႃႇဝရႃႉ​ၽြႃး ဢဝ်​ပိင်ႇ​ၺႃႇ​တႄႇ​ဝႆႉ​လိၼ်​မိူင်း​လႄႈ ဢဝ်​ၺၢၼ်ႇ​ပွင်​ႁဵတ်း​ၽႃႉ​ၵၢင်​ႁၢဝ်​ယဝ်ႉ။-</verse>
				<verse number="20">ၵွပ်ႈ​ပိူဝ်ႈ​တၢင်း​ဢၼ်​မၼ်း​ၸဝ်ႈ ၸၢင်ႈ​ႁူႉ​ၸၢင်ႈ​ၸႅင်ႈ​ၼၼ်ႉ​လႄႈ တီႈ​ဢၼ်​လိုၵ်ႉ​ဢၼ်​လမ်ႇ​တင်း​လၢႆ​တႅၵ်ႇ​ဢႃႈ​လႄႈ ၽႃႈ​ၽူၼ်​ယွတ်ႇ​ဢွၵ်ႇ ၼမ်ႉ​ၼၢႆး​တူၵ်း​လူင်း​ဢေႃႈ။</verse>
				<verse number="21">လုၵ်ႈ​ၸၢႆး​ၵဝ်​ဢိူၺ်း၊ ယင်း​ဢမ်ႇ​ႁႂ်ႈ​တၢင်း​ႁူႉ​တၢင်း​ၸၢင်ႈ ဢိၵ်ႇ​တင်း​သမ်ႇမႃႇ​သတီႉ လႆႈ​ၽၢတ်ႇ​ယၢၼ်​သေ သိုဝ်ႈ​ၼႃႈ​တႂ်ႈ​တႃ​မႂ်း​လႄႈ ပႂ်ႉ​ၵမ်​ပႂ်ႉ​ၸွမ်း​ယူႇ​တႃႇ​သေႇ​တႃႉ။-</verse>
				<verse number="22">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶဝ်​တၵ်း​ပဵၼ်​ဢသၢၵ်ႈ​တီႈ​ဝီႉၺိၺ်ႇ​မႂ်း ဢိၵ်ႇ​တင်း​မုၼ်​သရေႇ​တီႈ​ၶေႃး​မႂ်း​ဢေႃႈ။-</verse>
				<verse number="23">ၵမ်း​ၼၼ်ႉ မႂ်း​တၵ်း​ၵၢင်း​လွတ်ႈ​ၽေး​လွတ်ႈ​ရၢၼ်ႇ​သေ​လႄႈ ၵႂႃႇ​မႃး​ၵႃႈ​ၼႂ်း​သဵၼ်ႈ​တၢင်း​မႂ်း၊ တိၼ်​မႂ်း​ယင်း​ဢမ်ႇ​ၶီႈ​လိုတ်း​ၶီႈ​လႅင်ႉ​လႄႈ တၵ်း​ၵႂႃႇ​ဢေႃႈ။-</verse>
				<verse number="24">မိူဝ်ႈ​ဢၼ်​မႂ်း​ၼွၼ်း​ၼၼ်ႉ​ၸိုင် မႂ်း​တၵ်း​ဢမ်ႇ​မီး​တီႈ​ဢၼ်​လီ​ၵူဝ်​လီ​ႁႄ။ ၸႂ်ႈ​တႄႉ​တႄႉ​ယဝ်ႉ။ မိူဝ်ႈ​ဢၼ်​မႂ်း​ၼွၼ်း​ၼၼ်ႉ၊ မႂ်း​တၵ်း​လႆႈ​ၼွၼ်း​လပ်း​လီ​လီ​ငၢမ်း​ငၢမ်း​ဢေႃႈ။-</verse>
				<verse number="25">ယႃႇ​ပေ​ၵူဝ်​ပေ​ႁႄ​ၽေး​ဢၼ်​ၶၼ်​ဢၼ်​ၽႂ်း ဢိၵ်ႇ​တင်း​ၽေး​တၢင်း​ဢၼ် ၶဝ်​ၸိူဝ်း​ဢၼ်​ႁၢႆႉ​ဢၼ်​ႁုၵ်း​လူႉ​လႅဝ်​ၼၼ်ႉ ၼႂ်း​မိူဝ်ႈ​ဢၼ်​မၼ်း​ႁွတ်ႈ​မႃး​ၼၼ်ႉ။-</verse>
				<verse number="26">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​တၵ်း​ပဵၼ်​တၢင်း​ဢၼ်​မႂ်း ယုမ်ႇ​မၢတ်ႈ​ဢိင်​ပိုင်ႈ​လႄႈ မၼ်း​ၸဝ်ႈ​တၵ်း​ႁၢမ်ႈ​တၢပ်ႈ​ႁႄႉ​ၶႅၼ်​တိၼ်​မႂ်း ႁႂ်ႈ​ဢမ်ႇ​လႆႈ​ထုၵ်ႇ​ၶဵၼ်း​မႅၼ်ႈ​ဢေႃႈ။</verse>
				<verse number="27">ပေႃး​မီး​ဢၶႂၢင်ႉ ဢၼ်​လႆႈ​ႁဵတ်း​ၵျေး​ၸူး​တီႈ​ၶဝ် ၸိူဝ်း​ဢၼ်​ထုၵ်ႇ​ၶၢမ်ႇ​ဢဝ်​ၵျေး​ၸူး​ၼၼ်ႉ​ၸိုင်၊ ယင်း​ဢမ်ႇ​ႁဵတ်း​လႄႈ ယႃႇ​ပေ​ယူႇ။-</verse>
				<verse number="28">မိူဝ်ႈ​ဢၼ်​မႂ်း​မီး​ဢၼ်​တၵ်း​ပၼ်​ယူႇ​ၼၼ်ႉ​ၸိုင်၊ ယႃႇ​ပေ​လၢတ်ႈ​တီႈ​ၵူၼ်း​ႁိူၼ်း​ၸမ်​ၵၼ်​လႄႈ​ဝႃႈ၊ ၵႂႃႇ​လႄႈ​သမ်ႉ​ၶိုၼ်း​မႃး​ထႅင်ႈ​လူး​ၵွၼ်ႇ​တႃႉ။ မိူဝ်ႈ​ၽုၵ်ႈ​ၵဝ်​ၸင်ႇ​ပၼ်​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊-</verse>
				<verse number="29">မိူဝ်ႈ​ဢၼ်​မၼ်း​ယင်း​ဢမ်ႇ​မီး​တၢင်း​ဢၼ် မႆႈ​ၸႂ်​ၶီ​ၸႂ်​လႄႈ ယူႇ​ၵႃႈ​တီႈ​ႁိမ်း​မႂ်း​ယူႇ​ၼၼ်ႉ​ၸိုင်၊ ယႃႇ​ပေ​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​သႂ်ႇ​တီႈ​ၵူၼ်း​ႁိူၼ်း​ၸမ်​ၵၼ်​ၼၼ်ႉ။-</verse>
				<verse number="30">ပေႃး​ၵူၼ်း​ၵေႃႉ​ၼိုင်ႈ ဢမ်ႇ​ႁဵတ်း​ဢပႅတ်ႈ​သႂ်ႇ​တီႈ​မႂ်း​ၸိုင်၊ လွင်ႈ​မၼ်း​ယင်း​ဢမ်ႇ​မီး​လႄႈ ယႃႇ​ပေ​ၽိတ်း​ၵၼ်​တင်း​မၼ်း။</verse>
				<verse number="31">ယႃႇ​ပေ​ၶွႆ​ၵေႃႉ​ဢၼ်​ၸၢင်ႈ​ႁဵတ်း​ဢႃႉထမ်ႇမႃႉ​ၼၼ်ႉ။ ယႃႇ​ပေ​လိူၵ်ႈ​ၵဵပ်း​ဢဝ်​သဵၼ်ႈ​တၢင်း ဢၼ်​မၼ်း​ၵႂႃႇ​ၼၼ်ႉ သေ​သဵၼ်ႈ​သေ​တၢင်း။-</verse>
				<verse number="32">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ၸႂ်​ၵူတ်ႉ​ၸႂ်​ငေႃး​ၼၼ်ႉ ပဵၼ်​တီႈ​ဢၼ်​ထႃႇဝရႃႉ​ၽြႃး လီ​ႁင်ႈ​ဢဵတ်ႇ​သဵတ်ႇ​လႄႈ ဢၶႂၢင်ႉ​ဢၼ်​လႆႈ​ႁဵတ်း​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​တင်း​မၼ်း​ၸဝ်ႈ​ၼၼ်ႉ မီး​တီႈ​ၶဝ်​ၸိူဝ်း​ဢၼ် သိုဝ်ႈ​လီ​ယူဝ်း​လီ​ၼၼ်ႉ​ဢေႃႈ။-</verse>
				<verse number="33">တၢင်း​ဢၼ်​ထႃႇဝရႃႉ​ၽြႃး​ၵိၼ်ႇ​ဝႃႈ​ၼၼ်ႉ မီး​တီႈ​ႁိူၼ်း​ၵေႃႉ​ဢၼ်​ဢမ်ႇ​တြႃး​ၼၼ်ႉ​လႄႈ တီႈ​တီႈ​ယူႇ​ၵေႃႉ​ဢၼ်​တြႃး​ၼၼ်ႉ​ၸမ်ႉ၊ မၼ်း​ၸဝ်ႈ​ၸၢင်ႈ​ပၼ်​တၢင်း​လီ​ဢေႃႈ။-</verse>
				<verse number="34">မိူဝ်ႈ​ဢၼ်​မၼ်း​ၸဝ်ႈ​သႄႉ​သွမ်း ၶဝ်​ၸိူဝ်း​ဢၼ် ၸၢင်ႈ​သႄႉ​ၸၢင်ႈ​သွမ်း​ၼၼ်ႉ​လႄႈ ႁဵတ်း​ၵျေး​ၸူး​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ၸိုင်၊-</verse>
				<verse number="35">ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ လႆႈ​ၶၢမ်ႇ​ဢဝ်​ဢမူၺ်ႇ​မုၼ်​သရေႇ​လႄႈ၊ ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ​ၸမ်ႉ၊ တၵ်း​လႆႈ​ႁပ်ႉ​ဢဝ် တၢင်း​ဢၼ်​ဢူၵ်း​ဢၼ်​ဢၢႆ​ၵႂႃႇ​ဢေႃႈ။</verse>
			</chapter>
			<chapter number="4">
				<verse number="1">လုၵ်ႈ​ၸၢႆး​ၵဝ်​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ဢဝ်​တၢင်း​ဢၼ်​ပေႃႈ​သင်ႇ​သွၼ်​ပၼ်​ၼၼ်ႉ​လႄႈ ဝၢႆႇ​ႁူ​ၸူး​ႁႂ်ႈ​လႆႈ​ႁူႉ​လႆႈ​ၸႅင်ႈ​ၺၢၼ်ႇ​တႃႉ။-</verse>
				<verse number="2">ၵဝ်​ပၼ်​ဢေႃးဝႃႇတႃႉ ဢၼ်​လီ​ဢၼ်​ငၢမ်း​ယဝ်ႉ​ယဝ်ႉ။ ယႃႇ​ပေ​ၸုၼ်ႉ​ပႅတ်ႈ ပိင်း​ၺၢပ်ႈ​တြႃး​ၵဝ်​ၼၼ်ႉ။-</verse>
				<verse number="3">ၵဝ်​ၸမ်ႉ၊ ပဵၼ်​လုၵ်ႈ​ဢူၵ်း​လုၵ်ႈ​ၸႂ်​ပေႃႈ၊ ပဵၼ်​လုၵ်ႈ​ဢၼ်​ဢူၼ်ႈ​လီ​ဢွၼ်ႇ​လီ၊ လုၵ်ႈ​ၸၢႆး​လဵဝ်​ဢၼ်​ႁၵ်ႉ​ၼႃႇ​လူင်​လၢင် သိုဝ်ႈ​ၼႃႇ​တႂ်ႈ​တႃ​မႄႈ​ဢေႃႈ။-</verse>
				<verse number="4">မၼ်း​သွၼ်​ပၼ်​တီႈ​ၵဝ်​လႄႈ ဢွၵ်ႇ​သူပ်း​လၢတ်ႈ​တီႈ​ၵဝ်​လႄႈ​ဝႃႈ​ၸမ်ႉ၊ ဢဝ်​ၵႂၢမ်း​ၵဝ်​သႂၢင်း​သႂ်ႇ​ဝႆႉ​ၵႃႈ​ၼႂ်း​ႁူဝ်​ၸႂ်​မႂ်း​တႃႉ။-</verse>
				<verse number="5">ၵမ်​ၵျၢင်ႉ​ပိင်း​ၺၢပ်ႈ​ၵဝ်​တင်း​လၢႆ​သေ​လႄႈ ဢသၢၵ်ႈ​လိပ်း​ယူႇ​တႃႉ။ ၸူႉ​သိမ်း​ပိင်ႇ​ၺႃႇ​ဝႆႉ​တႃႉ။ ၸူႉ​သိမ်း​ၺၢၼ်ႇ​ဝႆႉ​တႃႉ။ ယႃႇ​ပေ​လူင်​ပေ​လိုမ်း။ ယႃႇ​ပေ​ဝႄႈ​သေ​ပိူင်ႈ​သေ​ၵႂၢမ်း​ဢၼ်​ဢွၵ်ႇ​သူပ်း​ၵဝ်​ၼႆႉ။-</verse>
				<verse number="6">ယႃႇ​ပေ​ၸုၼ်ႉ​ပေ​ပႅတ်ႈ​မၼ်း။ မၼ်း​တၵ်း​ပႂ်ႉ​ထိင်း​မႂ်း​ယူႇ​ဢေႃႈ။ ႁၵ်ႉ​ပႅင်း​မၼ်း​တႃႉ။ မၼ်း​တၵ်း​ပႂ်ႉ​ၸွႆႈ​ပႂ်ႉ​ထႅမ်​မႂ်း​ယူႇ​ဢေႃႈ။-</verse>
				<verse number="7">ပိင်ႇ​ၺႃႇ​ပဵၼ်​လွင်ႈ​တၢင်း​ဢၼ်​မျၢတ်ႈ​ၼႃႇ​သေ​ပိူၼ်ႈ​ဢေႃႈ။ ၸူႉ​သိမ်း​ပိင်ႇ​ၺႃႇ​ဝႆႉ​တႃႉ။ ၼႂ်း​ဢုၵ်ႉ​ၸႃႇ​ၵႃႈ​ဢၼ်​ၸူႉ​သိမ်း​ဝႆႉ​ၼၼ်ႉ၊ ၸူႉ​သိမ်း​ၺၢၼ်ႇ​ဝႆႉ​တႃႉ။-</verse>
				<verse number="8">ဢဝ်​မၼ်း​ဝႆႉ​ပဵၼ်​ဢၼ်​မျၢတ်ႈ​တႃႉ။ မၼ်း​တၵ်း​ယုၵ်ႉ​ယွင်ႈ​မႂ်း​ဢေႃႈ။ ပေႃး​မႂ်း​ၵွတ်ႇ​မၼ်း​ဢုမ်ႈ​မၼ်း​ၸိုင်၊ မၼ်း​တၵ်း​ပၼ်​မုၼ်​သရေႇ​တီႈ​မႂ်း​ဢေႃႈ။-</verse>
				<verse number="9">မၼ်း​တၵ်း​ဢဝ်​ပၢၼ်း​ၵုမ်း​ဢၼ်​ႁၢင်ႈ​လီ ၶဵၼ်း​သႂ်ႇ​ပၼ်​တီႈ​ႁူဝ်​မႂ်း​လႄႈ ဢဝ်​သရၽူႇ​ဢၼ်​မုၼ်​ယႂ်ႇ​ၼၼ်ႉ ဢၢပ်ႈ​ပၼ်​တီႈ​မႂ်း​ဢေႃႈ။</verse>
				<verse number="10">လုၵ်ႈ​ၸၢႆး​ၵဝ်​ဢိူၺ်း၊ ထွမ်ႇ​ငိၼ်း​လႄႈ ႁပ်ႉ​တုင်း​ဢဝ်​ၵႂၢမ်း​ၵဝ်​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶူပ်ႇ​ပီႊ​ဢသၢၵ်ႈ​မႂ်း​တၵ်း​ၼမ်​ဢေႃႈ။-</verse>
				<verse number="11">ၵဝ်​ၼႄ​ပျႃး​သဵၼ်ႈ​တၢင်း​ပိင်ႇ​ၺႃႇ​တီႈ​မႂ်း​လႄႈ ဢဝ်​မႂ်း​သူင်ႇ​ၵႃႈ​ၼႂ်း​ႁွႆး​တၢင်း ဢၼ်​မၢၼ်ႇ​ဢၼ်​မႅၼ်ႈ​ဢေႃႈ။-</verse>
				<verse number="12">ပေႃး​မႂ်း​တႆႇ​ၸွမ်း​ပႆ​ၸွမ်း​ၸိုင်၊ ယၢင်ႈ​တိၼ်​မႂ်း​တၵ်း​ဢမ်ႇ​လႆႈ​ႁွတ်ႈ​ထိုင် တီႈ​ဢၼ်​ၵိတ်ႇ​ဢၼ်​ၵိၼ်း​လႄႈ မိူဝ်ႈ​ဢၼ်​မႂ်း​ၶုၼ်ႇ​လႅၼ်ႈ​ၼၼ်ႉ မႂ်း​တၵ်း​ဢမ်ႇ​ၶီႈ​လိုတ်း​လႄႈ​လူမ်ႉ။-</verse>
				<verse number="13">ယိပ်း​ၵမ်​တၢင်း​ဢၼ်​သင်ႇ​သွၼ်​ပၼ်​ၼၼ်ႉ​တႃႉ။ ယႃႇ​ပေ​ပွႆႇ​ပေ​ၽႃႈ။ ပႂ်ႉ​ဝႆႉ​တႃႉ။ မၼ်း​ပဵၼ်​ဢသၢၵ်ႈ​မႂ်း​ဢေႃႈ။-</verse>
				<verse number="14">ယႃႇ​ပေ​ၶဝ်ႈ​ၵႃႈ​ၼႂ်း​သဵၼ်ႈ​တၢင်း​ၶဝ် ၸိူဝ်း​ဢၼ်​ဢမ်ႇ​တြႃး​ၼၼ်ႉ။ ယႃႇ​ပေ​ၸွမ်း​ၵႂႃႇ​ၸွမ်း​ပႆ ၵႃႈ​ၼႂ်း​သဵၼ်ႈ​တၢင်း​ၶဝ် ၸိူဝ်း​ဢၼ်​ႁၢႆႉ​ဢၼ်​ႁုၵ်း​ၼၼ်ႉ။-</verse>
				<verse number="15">ဝႄႈ​ပႅတ်ႈ​မၼ်း​တႃႉ။ ယႃႇ​ပေ​ၸွမ်း​ပေ​ၵႂႃႇ​ၵႃႈ​ၼႂ်း​မၼ်း။ ဝႄႈ​ပိူင်ႈ​မၼ်း​သေ​လႄႈ​ၵႂႃႇ​တႃႉ။-</verse>
				<verse number="16">ၶဝ်​ၼၼ်ႉ ပေႃး​ဢမ်ႇ​လႆႈ​ႁဵတ်း​ဢပႅတ်ႈ တီႈ​ပိူၼ်ႈ​ၸိုင် ဢမ်ႇ​ၸၢင်ႈ​ၼွၼ်း။ ပေႃး​ၶဝ်​ဢမ်ႇ​လႆႈ​ႁႂ်ႈ​သေ​ၵေႃႉ​သေ​ၵူၼ်း​လူမ်ႉ​ၸိုင်၊ ၶဝ်​ၼွၼ်း​လႄႈ​ဢမ်ႇ​လပ်း​လႆႈ။-</verse>
				<verse number="17">လွင်ႈ​မၼ်း​ၸမ်ႉ ၶဝ်​ၼၼ်ႉ ၸၢင်ႈ​ၵိၼ်​ၶဝ်ႈ​မုၼ်း​တူႉ​ၸရိူၵ်ႈ​လႄႈ သူတ်ႉ​ၼမ်ႉ​ၸပိတ်ႈ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ဢေႃႈ။-</verse>
				<verse number="18">သဵၼ်ႈ​တၢင်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ ပဵၼ်​ၸိူဝ်ႉ​ၼင်ႇ​ဢႃႇရူင်ႇ​ဢၼ်​ၶိုၼ်ႈ​မႃး​လႄႈ ၸၢင်ႈ​ႁိူဝ်ႈ​လႅင်း​ယႂ်ႇ​မႃး​ယူႇ​တိၵ်း​တိၵ်း တေႃႇ​ထိုင်​ႁွတ်ႈ​ၵၢင်​ဝၼ်း ထၼ်ႈ​ပေႃး​ဢွၵ်ႇ​ၼၼ်ႉ​ဢေႃႈ။-</verse>
				<verse number="19">သဵၼ်ႈ​တၢင်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​လပ်း​သိင်ႇ​ၽိတ်း​ၽိတ်း​ၼၼ်ႉ​လႄႈ၊ မိူဝ်ႈ​ဢၼ်​ၶဝ်​လူမ်ႉ​ၸိုင်၊ ၶဝ်​ဢမ်ႇ​ႁူႉ လွင်ႈ​ဢၼ်​ၶဝ်​ၶီႈ​လိုတ်း​မႅၼ်ႈ​ၵႃႈ​သင်​ၼၼ်ႉ။</verse>
				<verse number="20">လုၵ်ႈ​ၸၢႆး​ၵဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ၵဝ်​လႄႈ ဝၢႆႇ​ႁူ​ၸူး လွင်ႈ​တၢင်း​ဢၼ်​ၵဝ်​ႁေႃး​လၢတ်ႈ​ၸိူဝ်း​ၼၼ်ႉ​တႃႉ။-</verse>
				<verse number="21">ယႃႇ​ပေ​ႁႂ်ႈ​ၶဝ် လႆႈ​ၽၢတ်ႇ​ယၢၼ်​သေ သိုဝ်ႈ​ၼႃႈ​တႂ်ႈ​တႃ​မႂ်း။ ပႂ်ႉ​ၶဝ်​ဝႆႉ​ယူႇ​ၵႃႈ​ၼႂ်း​ႁူဝ်​ၸႂ်​မႂ်း​တႃႉ။-</verse>
				<verse number="22">လွင်ႈ​မၼ်း​ၸမ်ႉ ၶဝ်​ပဵၼ်​တၢင်း​ဢၼ် ဢသၢၵ်ႈ​လိပ်း တီႈ​ၶဝ်​ၸိူဝ်း​ဢၼ် လႆႈ​ထူပ်း​လႆႈ​ႁၼ်​ၼၼ်ႉ​လႄႈ ပဵၼ်​တၢင်း​ဢၼ် ယူႇ​လီ​ၵိၼ်​ဝၢၼ် တင်း​တူဝ်​တင်း​ၶိင်း​ဢေႃႈ။-</verse>
				<verse number="23">လိူဝ်​တွၼ်း​ၼႃႇ​သေ​တၢင်း​ဢၼ်​ပႂ်ႉ ၵူႈ​ၸိူဝ်ႉ​ၵူႈ​ပိူင်​ၼၼ်ႉ ယဵင်ႈ​ၶႅၼ်း​ပႂ်ႉ ႁူဝ်​ၸႂ်​မႂ်း​ၼၼ်ႉ​ယူႇ​ၼႃႇ​ၼႃႇ ၵွပ်ႈ​ပိူဝ်ႈ​ဢၼ်​မၼ်း​ပဵၼ်​ငဝ်ႈ​ပဵၼ်​ႁၢၵ်ႈ ဢသၢၵ်ႈ​ၼၼ်ႉ​တႃႉ။-</verse>
				<verse number="24">ဝႄႈ​ပႅတ်ႈ​သူပ်း​ဢၼ်​ၸၢင်ႈ​ၵူတ်ႉ​ၸၢင်ႈ​ငွၵ်း​ၼၼ်ႉ​လႄႈ ပႄႇ​ပႅတ်ႈ​သီႇ​သူပ်း​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​ၵႆ​ၵႆ​တႃႉ။-</verse>
				<verse number="25">ႁႂ်ႈ​မၢၵ်ႇ​တႃ​မႂ်း တူၺ်း​သိုဝ်ႈ​ၼႃႈ​မႂ်း​လႄႈ၊ ႁႂ်ႈ​ႁိမ်း​တႃ​မႂ်း​ၸိူဝ်း​ၼၼ်ႉ ယႅၵ်ႉ​ယဵင်း​ယူႇ​သိုဝ်ႈ​သိုဝ်ႈ​တႃႉ။-</verse>
				<verse number="26">ၶႆႈ​ၸႂ်​လူၺ်ႈ​သဵၼ်ႈ​တၢင်း​ဢၼ်​တိၼ်​မႂ်း​ၵႂႃႇ​ၼၼ်ႉ လီ​လီ​ငၢမ်း​ငၢမ်း​လႄႈ ႁႂ်ႈ​သဵၼ်ႈ​တၢင်း ၵႃႈ​ဢၼ်​မႂ်း​ၵႂႃႇ​ၼၼ်ႉ မီး​တၢင်း​ဢၼ်​တႄႇ​ၼိမ်​ယူႇ​တႃႉ။-</verse>
				<verse number="27">ယႃႇ​ပေ​ဝႄႈ​ပိူင်ႈ​ၵႂႃႇ​ၸူး တီႈ​ၽၢႆႇ​သၢႆႉ​ၽၢႆႇ​ၶႂႃ။ ႁႂ်ႈ​တိၼ်​မႂ်း​ဝႄႈ​ပႅတ်ႈ​တၢင်း​ဢၼ် ႁဵတ်း​တူႉ​ၸရိူၵ်ႈ​ၼၼ်ႉ​တႃႉ။</verse>
			</chapter>
			<chapter number="5">
				<verse number="1">လုၵ်ႈ​ၸၢႆး​ၵဝ်​ဢိူၺ်း၊ ထွမ်ႇ​ဢဝ်​ပိင်ႇ​ၺႃႇ​ၵဝ်​လႄႈ ဝၢႆႇ​ႁူ​ၸူး​ၺၢၼ်ႇ​ၵဝ်၊-</verse>
				<verse number="2">ႁႂ်ႈ​မႂ်း​လႆႈ​မီး​သမ်ႇမႃႇ​သတီႉ​လႄႈ ႁႂ်ႈ​သီႇ​သူပ်း​မႂ်း​လႆႈ​ပႂ်ႉ တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ​ယူႇ​တႃႉ။-</verse>
				<verse number="3">လွင်ႈ​မၼ်း​ၸမ်ႉ သီႇ​သူပ်း​မႄႈ​ယိင်း​လေႃ​ၼၼ်ႉ ၸၢင်ႈ​ႁူဝ်ႈ​ယွတ်ႇ​ဢွၵ်ႇ ၼမ်ႉ​ႁူင်း​ၽိုင်ႈ​လႄႈ သူပ်း​မၼ်း​ၼၼ်ႉ မိုၼ်ႈ​ၼႃႇ​သေ​ၼမ်ႉ​မၼ်း​ဢေႃႈ။-</verse>
				<verse number="4">ၵူၺ်း​ၵႃႈ တီႈ​သုတ်း​မၼ်း ၶူမ်​မိူၼ်​ၸိူဝ်ႉ​ၼင်ႇ​မႂ်​ယႃႈ​ၶူမ်​လႄႈ ၽၢႆ​ပဵင်း​ထၢၼ်ႇ​လၢပ်ႇ​သၢၼ်ႇ​လျၢၵ်ႉ ဢၼ်​မီး​ၶူမ်း​သွင်​ၽၢႆႇ​ၼၼ်ႉ​ဢေႃႈ။-</verse>
				<verse number="5">တိၼ်​မၼ်း​လူင်း​ၸူး​ၵႃႈ​တီႈ​တၢင်း​တၢႆ​ယူႇ​လႄႈ၊ ယၢင်ႈ​တိၼ်​မၼ်း​ႁွတ်ႈ​ထိုင် ၵႃႈ​တီႈ​မိူင်း​မရၼႃႉ​ပုၼ်ႉ​ဢေႃႈ။-</verse>
				<verse number="6">ၼင်ႇ​ႁိုဝ်​မၼ်း​တၵ်း​ဢမ်ႇ​ၶႆႈ​ၸႂ်​လူၺ်ႈ​သဵၼ်ႈ​တၢင်း​ဢသၢၵ်ႈ​ၼၼ်ႉ လီ​လီ​ငၢမ်း​ငၢမ်း​ၸိုင်၊ ထုင်း​ၸၢမ်ႇ​ထုင်း​ၽိင်ႈ​မၼ်း​ၼၼ်ႉ ၶၢႆႉ​ပုတ်ႈ​ၵႂႃႇ​ယူႇ​တိၵ်း​တိၵ်း​လႄႈ၊ မၼ်း​ဢမ်ႇ​ႁူႉ​ဢမ်ႇ​ႁၼ်။</verse>
				<verse number="7">ပိူဝ်ႈ​ၼႆ​လႄႈ လုၵ်ႈ​ၸၢႆး​ၵဝ်​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ဢဝ်​ၵႂၢမ်း​ၵဝ်​တႃႉ။ ယႃႇ​ပေ​ဝႄႈ​ပိူင်ႈ​သေ​ၵႂၢမ်း​ဢၼ်​ဢွၵ်ႇ​သူပ်း​ၵဝ်​ၸိူဝ်း​ၼၼ်ႉ။-</verse>
				<verse number="8">ၶၢႆႉ​သဵၼ်ႈ​တၢင်း​မႂ်း​ဝႆႉ တီႈ​ဢၼ်​ၵႆ​မႄႈ​ယိင်း​ၸိူဝ်ႉ​ၼင်ႇ​ၼၼ်​ၼၼ်ႉ​တႃႉ။ ယႃႇ​ပေ​ၵႂႃႇ​ၵႂ်ႈ​ၵႂႃႇ​ၵၢႆ ၵႃႈ​တီႈ​ၽၵ်း​တူ​ႁိူၼ်း​မၼ်း​ၼၼ်ႉ။-</verse>
				<verse number="9">ပေႃး​ဢမ်ႇ​ၼၼ် မႂ်း​တၵ်း​လႆႈ​ဢဝ်​မုၼ်​သရေႇ​မႂ်း ဢၢပ်ႈ​ပၼ်​တီႈ​ပိူၼ်ႈ​လႄႈ ဢဝ်​ဢသၢၵ်ႈ​မႂ်း​ဢၢပ်ႈ​ပၼ်​တီႈ​ၶဝ်​ၸိူဝ်း​ဢၼ် ႁၢဝ်ႈ​ၵျၢမ်း​ၼႃႇ​ၼၼ်ႉ​ဢေႃႈ။-</verse>
				<verse number="10">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တၵ်း​လႆႈ​ပျေႉ​ၸုမ်ႇ​တဵမ်​ဝႆႉ တင်း​ၸေး​ၸိမ်ႇ​မႂ်း​လႄႈ ဢုၵ်ႉ​ၸႃႇ​ဢၼ်​မႂ်း​ႁဵတ်း​လႄႈ​လႆႈ​ၼၼ်ႉ တၵ်း​ႁွတ်ႈ​ထိုင် ၵႃႈ​ၼႂ်း​ႁိူၼ်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ဢေႃႈ။-</verse>
				<verse number="11">ၵႃႈ​တီႈ​ၵမ်း​လိုၼ်း​သုတ်း​မႂ်း​ၼၼ်ႉ၊ မိူဝ်ႈ​ဢၼ်​ၼိူဝ်ႉ​ၼင်​မႂ်း ဢိၵ်ႇ​တင်း​တူဝ်​ၵႃႇ​ယႃႉ​မႂ်း ၽင်ႉ​ဢူႉ​လူႉ​လႅဝ်​ၵႂႃႇ​ယဝ်ႉ​ၼၼ်ႉ​ၸိုင်၊ မႂ်း​တၵ်း​လႆႈ​ပွင်ႉ​ၶၢင်း​ပွင်ႉ​မိူၼ်ႇ​ဢေႃႈ။-</verse>
				<verse number="12">ၵမ်း​ၼၼ်ႉ မႂ်း​တၵ်း​လၢတ်ႈ​လႄႈ​ဝႃႈ၊ ၵဝ်​ငိၼ်း​ၸင်း တၢင်း​ဢၼ်​သင်ႇ​သွၼ်​ပၼ်​ၼၼ်ႉ​လႄႈ ႁူဝ်​ၸႂ်​ၵဝ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​တၢင်း​ဢၼ်​သုင်း​မႃႉ​ၼၼ်ႉ​ယဝ်ႉ​လူင်​ပႄႇ။-</verse>
				<verse number="13">ၵဝ်​ယင်း​ဢမ်ႇ​ထွမ်ႇ​ဢဝ်​သဵင်​သြႃႇ​ၵဝ်​တင်း​လၢႆ၊ ယင်း​ဢမ်ႇ​ဝၢႆႇ​ႁူ​ၸူး ၵႂၢမ်း​ၶဝ်​ၸိူဝ်း​ဢၼ်​သင်ႇ​သွၼ်​ပၼ် တီႈ​ၵဝ်​ၼၼ်ႉ​လႄႈ ယူႇ​မႃး​ယဝ်ႉ​လူင်​ပႄႇ။-</verse>
				<verse number="14">ၵဝ်​ႁဵတ်း​ထၼ်ႈ​ပေႃး ငႃ​တၵ်း​ႁွတ်ႈ​ထိုင်​ၵႃႈ​ၼႂ်း​တူႉ​ၸရိူၵ်ႈ တင်း​သဵင်ႈ​တင်း​မူတ်း ၵႃႈ​ၼႂ်း​ၵၢင်​ပရဵၵ်ႈသၢတ်ႈ ဢိၵ်ႇ​တင်း​မုၵ်ႉ​ၸိူဝ်း​ဢၼ်​ၸူႉ​တုမ်​ၼၼ်ႉ​မႃး​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ဢဝ်​ၼမ်ႉ​ၵႃႈ​တီႈ​ၼမ်ႉ​ၼွင်​မႂ်း​ၼၼ်ႉ သုင်း​သွင်ႇ​လႄႈ ၵိၼ်​ၼမ်ႉ ဢၼ်​လႆ​ဢွၵ်ႇ​မႃး​ၵႃႈ​ၼႂ်း​ၼမ်ႉ​မေႃႇ​မႂ်း​ၼၼ်ႉ​တႃႉ။-</verse>
				<verse number="16">ၼမ်ႉ​ဢွၵ်ႇ​ႁူး​မႂ်း​ၸိူဝ်း​ၼၼ်ႉ တၵ်း​လႆႈ​ၽႄ​ၵၼ်​ၵႂႃႇ​တၢင်ႇ​တီႈ​တၢင်ႇ​လႅၼ်​သေ​လႄႈ ပဵၼ်​ၼမ်ႉ​ႁွင်ႈ​ၼမ်ႉ​ၵႄး ဢၼ်​လႆ​ယူႇ​ၵႃႈ​ၼႂ်း​သဵၼ်ႈ​တၢင်း​ႁိုဝ်။-</verse>
				<verse number="17">ႁႂ်ႈ​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၵေႃႉ​လဵဝ်​ၵူၺ်း​တႃႉ။ ယႃႇ​ပေ​ႁႂ်ႈ​လႆႈ​ၸၢပ်ႈ​သႅင်ႇ ၵၼ်​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း လူၺ်ႈ​ၵၼ်​တင်း​မႂ်း။-</verse>
				<verse number="18">ႁႂ်ႈ​ၼမ်ႉ​ဢွၵ်ႇ​ႁူး​မႂ်း မီး​မင်ႇၵလႃႇ​လႄႈ မူၼ်ႈ​ပျေႃႇ​လူၺ်ႈ​ၵၼ်​တင်း​မေး​မႂ်း ဢၼ်​ႁူမ်ႈ​ပွင်း​ၵၼ်​တင်း​မႂ်း​ၸဵမ်​မိူဝ်ႈ​ဢၼ် ဢသၢၵ်ႈ​မႂ်း​ယင်း​လဵၵ်ႉ​ယင်း​ၼုမ်ႇ​ၼၼ်ႉ​ၵူၺ်း​တႃႉ။-</verse>
				<verse number="19">ႁႂ်ႈ​မၼ်း​ၼၼ်ႉ ပဵၼ်​ၸိူဝ်ႉ​ၼင်ႇ​ၵႂၢင်​တူဝ်​မႄႈ ဢၼ်​ၸၢင်ႈ​ႁၵ်ႉ​ႁူမ် ဢိၵ်ႇ​တင်း​ၸၢတ်ႇ​ၶၢႆး​တူဝ်​မႄႈ ဢၼ်​လီ​ၸူမ်း​တွၼ်ႈ​ၼၼ်ႉ​တႃႉ။ ႁႂ်ႈ​ၼူမ်း​မၼ်း​ၸိူဝ်း​ၼၼ်ႉ ပေႇ​ၸႂ်​ဢလူဝ်ႇ​သၢၼ်ႇ​တႃႉ​မႂ်း​ယူႇ ၵူႈ​ၶိင်ႇ​ၵူႈ​မိူဝ်ႈ​လႄႈ မဝ်း​မိင်း​လိုမ်း​တူဝ်​ယူႇ လူၺ်ႈ​ၵၼ်​တင်း​ၸႂ်​ဢၼ်​ႁၵ်ႉ​ဢၼ်​ပႅင်း​မၼ်း​ယူႇ​ၼၼ်ႉ​တႃႉ။-</verse>
				<verse number="20">လုၵ်ႈ​ၸၢႆး​ၵဝ်​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​မဝ်း​မိင်း​လိုမ်း​တူဝ်​ယူႇ လူၺ်ႈ​ၵၼ်​တင်း​မႄႈ​ယိင်း​လေႃ​လႄႈ ၵွတ်ႇ​ဢုမ်ႈ​ႁူဝ်​ဢူၵ်း​မႄႈ​မွၵ်ႇ​ယႃႈ​ယူႇ​ၼင်ႇ​ႁိုဝ်။-</verse>
				<verse number="21">သဵၼ်ႈ​တၢင်း​ဢၼ်​ၵူၼ်း​ၵႂႃႇ​မႃး​ၵႃႈ​မီး​ၼၼ်ႉ မီး​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​လႄႈ၊ မၼ်း​ၸဝ်ႈ​ၶႆႈ​ၸႂ်​လူၺ်ႈ​လွင်ႈ ႁွႆး​တၢင်း​ဢၼ်​မၼ်း​ၵႂႃႇ​မႃး ၵႃႈ​မီး​ၼၼ်ႉ​ယူႇ​ဢေႃႈ။-</verse>
				<verse number="22">ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တူႉ​ၸရိူၵ်ႈ​ဢပႅတ်ႈ​ဢၼ်​မၼ်း​ႁဵတ်း​ၸိူဝ်း​ၼၼ်ႉ တၵ်း​တီႉ​လႆႈ​မၼ်း​လႄႈ၊ မၼ်း​တၵ်း​လႆႈ​ၶၢမ်ႇ​တၢင်း​ဢၼ် သဵၼ်ႈ​ၸိူၵ်ႈ​ဢပႅတ်ႈ​မၼ်း​တင်း​လၢႆ မတ်ႉ​ၽုၵ်ႇ​မၼ်း​ဢေႃႈ။-</verse>
				<verse number="23">မၼ်း​ၼၼ်ႉ ယင်း​ဢမ်ႇ​လႆႈ​ၶၢမ်ႇ​တၢင်း​ဢၼ်​သင်ႇ​ပၼ်​သွၼ်​ပၼ်​လႄႈ တၵ်း​လႆႈ​တၢႆ​ၵႂႃႇ​လႄႈ တၵ်း​လႆႈ​မဝ်း​မိင်း​လိုမ်း​တူဝ်​ယူႇ ၵွပ်ႈ​ပိူဝ်ႈ​တၢင်း​ဢၼ်​မိူၵ်ႈ​မၼ်း​ၼၼ်ႉ ယႂ်ႇ​ၼႃႇ​လူင်​လၢင်​ၼၼ်ႉ​ဢေႃႈ။</verse>
			</chapter>
			<chapter number="6">
				<verse number="1">လုၵ်ႈ​ၸၢႆး​ၵဝ်​ဢိူၺ်း၊ ပေႃး​မႂ်း​လႆႈ​ၶၢမ်ႇ​ဢဝ်​တုင်း​ဢဝ် ပုၼ်ႈ​ၵေႃႉ​သေႈ​မႂ်း​မႅၼ်ႈ၊ ပေႃး​မႂ်း​လႆႈ​တူပ်း​မိုဝ်း​ၵၼ် ပုၼ်ႈ​ပိူၼ်ႈ​တၢင်ႇ​ၵေႃႉ​မႅၼ်ႈ​ၸိုင်၊-</verse>
				<verse number="2">မႂ်း​ထုၵ်ႇ​ၶဵၼ်ႈ​မႅၼ်ႈ ၵွပ်ႈ​ပိူဝ်ႈ​ၵႂၢမ်း​ဢၼ်​ဢွၵ်ႇ​သူပ်း​မႂ်း​ၼၼ်ႉ​ယဝ်ႉ။ မႂ်း​ႁွတ်ႈ​ထိုင်​ဢမူႉ ၵွပ်ႈ​ပိူဝ်ႈ​ၵႂၢမ်း​ဢၼ်​မႂ်း​လၢတ်ႈ​ၼၼ်ႉ​ယဝ်ႉ။-</verse>
				<verse number="3">လုၵ်ႈ​ၸၢႆး​ၵဝ်​ဢိူၺ်း၊ ၵွပ်ႈ​ပိူဝ်ႈ​ဢၼ်​မႂ်း​တူၵ်း​ႁွတ်ႈ ၵႃႈ​ၼႂ်း​မိုဝ်း​ၵေႃႉ​သေႈ​မႂ်း​ၼၼ်ႉ​ယဝ်ႉ​လႄႈ၊ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ် ႁႂ်ႈ​လႆႈ​ၵႄႇ​သႄႇ ၼုၵ်ႈ​ဢဝ်​တူဝ်​မႂ်း​ဝႃႈ​ၼႆ​ၸမ်ႉ၊ ၵႂႃႇ​လႄႈ​ၶျႃး​တႅမ်ႇ​တူဝ်​ၸဝ်ႈ​ၵဝ်ႇ​သေ​လႄႈ တွင်း​ပၢၼ်ႇ​ၸူဝ်း​ဢဝ်​ၵေႃႉ​သေႈ​မႂ်း​ၼၼ်ႉ​တႃႉ။-</verse>
				<verse number="4">ယႃႇ​ပေ​ပၼ်​ႁႂ်ႈ​မၢၵ်ႇ​တႃ​မႂ်း​ၼွၼ်း​လပ်း။ ယႃႇ​ပေ​ပၼ်​ႁႂ်ႈ​ႁိမ်း​တႃ​မႂ်း​ၶွႆႈ​ၵၼ်​လႄႈ​ငဝ်​ယူႇ။-</verse>
				<verse number="5">ၵႄႇ​သႄႇ​ၼုၵ်ႈ​ဢဝ်​တူဝ်​မႂ်း ၸိူဝ်ႉ​ၼင်ႇ​ဢၼ်​ၼုၵ်ႈ​ဢဝ်​ၵႂၢင် ဢိၵ်ႇ​တင်း​ၼူၵ်ႉ​ၵႃႈ​ၼႂ်း​မိုဝ်း​မူး​သိူဝ်း​ၼၼ်ႉ​တႃႉ။</verse>
				<verse number="6">ၵူၼ်း​ၶၢၼ်ႉ​ၵူၼ်း​ဢိူၼ်​ဢိူၺ်း၊ ၵႂႃႇ​ၸူး​ၵႃႈ​တီႈ​မူတ်ႉ​သေ​လႄႈ ၶႆႈ​ၸႂ်​တူၺ်း တၢင်း​ႁဵတ်း​တၢင်း​သၢင်ႈ​မၼ်း​ၼၼ်ႉ​လႄႈ မီး​ပိင်ႇ​ၺႃႇ​တႃႉ။-</verse>
				<verse number="7">မၼ်း​ဢမ်ႇ​မီး​သြႃႇ၊ ဢမ်ႇ​မီး​ၵေႃႉ​ဢၼ်​ပဵၼ်​ၵႄႇ​ပဵၼ်​ႁူဝ်၊ ဢမ်ႇ​မီး​ၶုၼ်။-</verse>
				<verse number="8">မၼ်း​ၸၢင်ႈ​ဢဝ်​တၢင်း​ၵိၼ်​တၢင်း​ၶူပ်း​မၼ်း​ဝႆႉ မိူဝ်ႈ​ၶိင်ႇ​မႆႈ​ၼၼ်ႉ​လႄႈ မၼ်း​ၸၢင်ႈ​ႁႃ​ဢဝ်​သိမ်း​ဢဝ် တၢင်း​ၵိၼ်​တၢင်း​ယႅမ်ႉ​မၼ်း​ဝႆႉ ၼႂ်း​ၶိင်ႇ​ဢၼ်​ပၢတ်ႇ​ၶဝ်ႈ​ၼၼ်ႉ​ဢေႃႈ။-</verse>
				<verse number="9">ၵူၼ်း​ၶၢၼ်ႉ​ၵူၼ်း​ဢိူၼ်​ဢိူၺ်း၊ မႂ်း​တၵ်း​ၼွၼ်း​ယူႇ​ႁိုင်​ၵႃႈ​ႁိုဝ်။ မႂ်း​တၵ်း​တိုၼ်ႇ​မႃး​မိူဝ်ႈ​လႂ်။-</verse>
				<verse number="10">ပေႃး​မႂ်း​ဝႃႈ၊ ၼွၼ်း​ၵမ်း​ဢွၼ်ႇ​ၼိုင်ႈ​လူး​ၵွၼ်ႇ၊ လပ်း​ၵမ်း​ဢွၼ်ႇ​ၼိုင်ႈ​လူး​ၵွၼ်ႇ၊ ဢဝ်​မိုဝ်း​ၼင်ႇ​ၵၼ်​ၵၼ် ၵွတ်ႇ​ၵၼ်​ၵမ်း​ဢွၼ်ႇ​ၼိုင်ႈ ႁႂ်ႈ​လႆႈ​ၼွၼ်း​လပ်း​လူး​ၵွၼ်ႇ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="11">တၢင်း​ယၢၵ်ႈ​တၢင်း​ၽၢၼ်​မႂ်း​ၼၼ်ႉ တၵ်း​ႁွတ်ႈ​မႃး​မိူၼ်​ၸိူဝ်ႉ​ၼင်ႇ ၵေႃႉ​ဢၼ်​ၵႂႃႇ​တၢင်း​ပႆ​တၢင်း​ၼၼ်ႉ ဢိၵ်ႇ​တင်း​တၢင်း​ဢၼ်​ဢုၵ်ႉ​ၸႃႇ​မႂ်း သုမ်း​ၸွမ်း​ၼၼ်ႉ တၵ်း​ႁွတ်ႈ​မႃး​မိူၼ်​ၸိူဝ်ႉ​ၼင်ႇ​ၵူၼ်း​သိုၵ်း​ၼၼ်ႉ​ဢေႃႈ။</verse>
				<verse number="12">ၵေႃႉ​ဢၼ်​ႁၢႆႉ​ယုတ်ႈ၊ ၵေႃႉ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​ၵႂႃႇ​မႃး​ယူႇ ၵႃႈ​ၼႂ်း​သူပ်း​ၵႂၢမ်း​ဢၼ်​ၵူတ်ႉ​ဢၼ်​ငွၵ်း​ၼၼ်ႉ​ဢေႃႈ။-</verse>
				<verse number="13">မၼ်း​ၸၢင်ႈ​ၽႅပ်ႉ​တႃ​မၼ်း​ၼႄ​ယူႇ၊ ၸၢင်ႈ​ဢဝ်​တင်း​တိၼ်​မၼ်း​ၼႄ​ယူႇ၊ ၸၢင်ႈ​ဢဝ်​ၼိဝ်ႉ​မိုဝ်း​မၼ်း သင်ႇ​သွၼ်​ပၼ်​ယူႇ​ဢေႃႈ။-</verse>
				<verse number="14">သၽေႃး​တၢင်း​ဢၼ်​ၵူတ်ႉ​ဢၼ်​ငေႃး​ၼၼ်ႉ မီး​ယူႇ​ၵႃႈ​ၼႂ်း​ႁူဝ်​ၸႂ်​မၼ်း​လႄႈ မၼ်း​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ဢမ်ႇ​ငၢမ်း​ယူႇ​သေႇ​သေႇ​ဢေႃႈ။ မၼ်း​ၸၢင်ႈ​ႁဵတ်း​ႁႂ်ႈ​ပိူၼ်ႈ​ၽိတ်း​ၵၼ်​ဢေႃႈ။-</verse>
				<verse number="15">ပိူဝ်ႈ​ၼႆ​လႄႈ ဢမူႉ​တၵ်း​ၵိုင်ႉၵၢင်ႉ​ႁွတ်ႈ​ထိုင်​မၼ်း​လႄႈ ယင်း​ဢမ်ႇ​မီး​တီႈ​ပိုင်ႈ​တီႈ​ဢိင်​လႄႈ၊ တၵ်း​လႆႈ​ၶၢမ်ႇ​တၢင်း​ဢၼ် ႁၵ်း​ႁဵၵ်း​လူႉ​လႅဝ်​ၵႂႃႇ​ၵမ်း​လဵဝ်​ဢေႃႈ။</verse>
				<verse number="16">လွင်ႈ​တၢင်း​ဢၼ် ထႃႇဝရႃႉ​ၽြႃး​ၸင်း​ႁူၵ်း​ပႃး​ဢမ်ႇ​ၵႃး၊ လွင်ႈ​တၢင်း​ဢၼ်​မၼ်း​ၸဝ်ႈ​လီ​ႁင်ႈ​ဢဵတ်ႇ​သဵတ်ႇ​ၸဵတ်း​ပႃး​ၸမ်ႉ၊-</verse>
				<verse number="17">ပဵၼ်​မၢၵ်ႇ​တႃ​ဢၼ်​ပူၵ်း​ပႅၼ်​ၽႅၼ်​သုင်​ၼၼ်ႉ​ပႃး​ၼိုင်ႈ၊ လိၼ်ႉ​ဢၼ်​ၸၢင်ႈ​သုင်း​မူႉ​သႃႇ​ၼၼ်ႉ​ပႃး​ၼိုင်ႈ၊ မိုဝ်း​ဢၼ်​ၸၢင်ႈ​ထွၵ်ႇ​ပႅတ်ႈ​လိူတ်ႈ ၵေႃႉ​ဢၼ်​ဢမ်ႇ​မီး​ဢပႅတ်ႈ​ၼၼ်ႉ​ပႃး​ၼိုင်ႈ၊-</verse>
				<verse number="18">ႁူဝ်​ၸႂ်​ဢၼ်​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​ပႃး​ၼိုင်ႈ၊ တိၼ်​ဢၼ်​ၸၢင်ႈ​ၶုၼ်ႇ​လႅၼ်ႈ​ၶၼ်​ၶၼ်​ၽႂ်း​ၽႂ်း ၸူး​ၵႃႈ​တီႈ​ဢၼ်​ႁဵတ်း​ဢပႅတ်ႈ​ၼၼ်ႉ​ပႃး​ၼိုင်ႈ၊-</verse>
				<verse number="19">ၵေႃႉ​ဢၼ်​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​မၢၼ်ႇ​ဢမ်ႇ​မႅၼ်ႈ​လႄႈ လၢတ်ႈ​ၵႂၢမ်း​မူႉ​သႃႇ​ၼၼ်ႉ​ပႃး​ၼိုင်ႈ၊ ၵေႃႉ​ဢၼ်​ၸၢင်ႈ​ႁဵတ်း​ႁႂ်ႈ​ပီႈ​ၼွင်ႉ ၽိတ်း​ၵၼ်​ၼၼ်ႉ​ပႃး​ၼိုင်ႈ ဢေႃႈ။</verse>
				<verse number="20">လုၵ်ႈ​ၸၢႆး​ၵဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ပိင်း​ၺၢပ်ႈ​ပေႃႈ​မႂ်း​တႃႉ။ ယႃႇ​ပေ​ၸုၼ်ႉ​ပႅတ်ႈ တြႃး​ဢၼ်​မႄႈ​မႂ်း​ပၼ်​ၼၼ်ႉ။-</verse>
				<verse number="21">ဢဝ်​မတ်ႉ​ၽုၵ်ႇ​ဝႆႉ ၵႃႈ​ၼိူဝ်​ႁူဝ်​ၸႂ်​မႂ်း​တႃႇ​သေႇ​လႄႈ ဢဝ်​ႁွႆႈ​ဝႆႉ​ၵႃႈ​တီႈ​ၶေႃး​မႂ်း​တႃႉ။-</verse>
				<verse number="22">မိူဝ်ႈ​ဢၼ်​မႂ်း​ၵႂႃႇ​မႂ်း​ပႆ​ၼၼ်ႉ​ၸိုင်၊ ၸိူဝ်း​ၼၼ်ႉ​တၵ်း​ဢဝ်​မႂ်း​သူင်ႇ​ဢေႃႈ။ မိူဝ်ႈ​ဢၼ်​မႂ်း​ၼွၼ်း​ၸိုင်၊ တၵ်း​ပႂ်ႉ​မႂ်း​ယူႇ​ဢေႃႈ။ မိူဝ်ႈ​ဢၼ်​မႂ်း​တိုၼ်ႇ​မႃး​ၼၼ်ႉ​ၸိုင်၊ တၵ်း​လၢတ်ႈ​တေႃႇ​ၵၼ်​တင်း​မႂ်း​ဢေႃႈ။-</verse>
				<verse number="23">လွင်ႈ​မၼ်း​ၸမ်ႉ ပိင်း​ၺၢပ်ႈ​ၸဝ်ႈ​ပဵၼ်​ဝၢၼ်ႇ​ၽႆး​တဵၼ်း​လႄႈ တြႃး​ၸဝ်ႈ​ပဵၼ်​ဢၼ်​လႅင်း​ဢေႃႈ။ ၵႂၢမ်း​ဢေႃးဝႃႇတႃႉ ဢၼ်​ၸၢင်ႈ​ၼႄ​ပျႃး​ဢပႅတ်ႈ​ၼၼ်ႉ ပဵၼ်​သဵၼ်ႈ​တၢင်း​ဢသၢၵ်ႈ​ဢေႃႈ။-</verse>
				<verse number="24">ပဵၼ်​ပုၼ်ႈ​ဢၼ်​တၵ်း​ပႂ်ႉ​မႂ်း​ယူႇ ႁႂ်ႈ​မႂ်း​လႆႈ​ၵၢင်း​လွတ်ႈ​တင်း​မႄႈ​ယိင်း​ဢၼ်​ႁၢႆႉ ဢိၵ်ႇ​တင်း သူပ်း​ဢၼ်​မႄႈ​ယိင်း​လေႃ ၸၢင်ႈ​ၶျေႃး​ဝွၼ်း​ၼၼ်ႉ​ဢေႃႈ။-</verse>
				<verse number="25">ပိၵ်ႉ​သမ်ႉ​မၼ်း​ႁၢင်ႈ​လီ​သေ​ၵေႃႈ၊ ယႃႇ​ပေ​မီး​ၸႂ်​ဢၼ်​ၸပ်း​ဢၼ်​ၸွႆး​မၼ်း။ ယႃႇ​ပေ​ႁႂ်ႈ​မၼ်း​လႆႈ​ဢဝ်​တင်း လၢႆႇ​တႃ​ႁိမ်း​တႃ​မၼ်း​ၵၢင်​လႆႈ​မႂ်း။-</verse>
				<verse number="26">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​မႄႈ​မွၵ်ႇ​ယႃႈ​လႄႈ ၵူၼ်း​ၸၢႆး​ယၢၵ်ႈ​ၵႂႃႇ​ၽၢၼ်​ၵႂႃႇ​တေႃႇ​ထိုင်​ႁွတ်ႈ ထၼ်ႈ​ပေႃး​မီး​ၶဝ်ႈ​မုၼ်း​ၽၢၵ်ႇ​လဵဝ်​ၵူၺ်း​ဢေႃႈ။ မႄႈ​ယိင်း​ဢၼ်​မီး​ၽူဝ်​ယူႇ​လႄႈ ၸၢင်ႈ​လဵၼ်ႈ​ၸူႉ​ၼၼ်ႉ​ၵေႃႈ ၸၢင်ႈ​ႁႃ​ဢဝ်​တီႉ​ဢဝ် ဢသၢၵ်ႈ​ဢၼ်​မျၢတ်ႈ​ဢေႃႈ။-</verse>
				<verse number="27">ၵူၼ်း​ၸိုင် ယင်း​ဢမ်ႇ​ႁႂ်ႈ​ၶူဝ်း​ၼုင်ႈ​မၼ်း​မႆႈ​လႄႈ ႁွပ်ႇ​ဢုမ်ႈ​ဢဝ်​ၽႆး ဝႆႉ​ၵႃႈ​ၼႂ်း​ႁူဝ်​ဢူၵ်း​လႆႈ​ႁိုဝ်။-</verse>
				<verse number="28">ယင်း​ဢမ်ႇ​ႁႂ်ႈ​တိၼ်​မၼ်း​မႆႈ​လႄႈ ယဵပ်ႇ​ပႆ​ၵႂႃႇ​ၵႃႈ​ၼိူဝ်​ထၢၼ်ႇ​ၽႆး​လႆႈ​ႁိုဝ်။-</verse>
				<verse number="29">ၵေႃႉ​ဢၼ်​ၶဝ်ႈ​ၸူး​တီႈ​မေး​ပိူၼ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။ ၵေႃႉ​ဢၼ်​ၽိတ်း​ပိူင်ႈ​မၼ်း​ၼၼ်ႉ​ၸမ်ႉ၊ ဢမ်ႇ​ၵၢင်း​လွတ်ႈ​တင်း​ဢပႅတ်ႈ​လႆႈ။-</verse>
				<verse number="30">ၵူၼ်း​ဢမ်ႇ​ပေႃး​ဝႆႉ​ၸႂ်​တီႈ​ၽူႈ​လၵ်ႉ​ဢၼ်​တွင်ႉ​မႆႈ​လႄႈ လၵ်ႉ​ဢဝ် ႁႂ်ႈ​လႆႈ​ပေႇ​တၢင်း​ဢၼ်​မၼ်း​တွင်ႉ​မႆႈ​ၼၼ်ႉ။-</verse>
				<verse number="31">ၵူၺ်း​ၵႃႈ မိူဝ်ႈ​ဢၼ်​ထူပ်း​မႅၼ်ႈ​မၼ်း​ၼၼ်ႉ​ၸိုင်၊ မၼ်း​တၵ်း​လႆႈ​ၶိုၼ်း​တႅၼ်း​ပၼ် ၸဵတ်း​ပုၼ်ႈ​ဢေႃႈ။ မၼ်း​တၵ်း​လႆႈ​ဢဝ်​ဢုၵ်ႉ​ၸႃႇ ၵႃႈ​ဢၼ်​မီး ၵႃႈ​တီႈ​ႁိူၼ်း​မၼ်း​ၼၼ်ႉ​ယေႃႇ​သေ​ဢေႃႈ။-</verse>
				<verse number="32">ၵေႃႉ​ဢၼ်​ၽိတ်း​ပိူင်ႈ​မေး​ပိူၼ်ႈ​ၼၼ်ႉ​ၸမ်ႉ၊ ဢမ်ႇ​မီး​ၺၢၼ်ႇ။ ၵေႃႉ​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ ၸၢင်ႈ​ယႃႉ​ၽဵဝ်ႈ​ဢသၢၵ်ႈ​တူဝ်​ၸဝ်ႈ​ၵဝ်ႇ​ပႅတ်ႈ​ဢေႃႈ။-</verse>
				<verse number="33">မၼ်း​တၵ်း​လႆႈ​ၶၢမ်ႇ​ဢဝ် တၢင်း​ဢၼ်​တိူဝ်ႉ​ဢၼ်​မၢတ်ႇ ဢၼ်​ၸဵပ်း​သႅပ်ႇ​ၼႃႇ ဢိၵ်ႇ​တင်း​တၢင်း​ဢၼ်​သရေႇလူႉ​ဢေႃႈ။ တၢင်း​ဢၼ်​လီ​ဢူၵ်း​လီ​ဢၢႆ​မၼ်း​ၼၼ်ႉ ဢမ်ႇ​မွတ်ႇ​ဢမ်ႇ​ႁၢႆ​လႆႈ။-</verse>
				<verse number="34">လွင်ႈ​မၼ်း​ၸမ်ႉ တၢင်း​ဢၼ်​ၵူၼ်း​ၸၢႆး​မီး​ၸႂ်​ဢၼ် ဢမ်ႇ​ယုမ်ႇ​မေး​မၼ်း​ၼၼ်ႉ ပဵၼ်​တၢင်း​ၸႂ်​မႆႈ​ၶႆႈ​ၸႃႉ​ဢၼ်​ယႂ်ႇ​ၼႃႇ​လႄႈ မၼ်း​ဢမ်ႇ​ၸၢင်ႈ​မီး​တၢင်း​ဢၼ်​ဢဵတ်း​လူ ၼႂ်း​မိုဝ်ႉ​ဝၼ်း​ဢၼ်​ပၼ်​ဢပႅတ်ႈ​ၼၼ်ႉ။-</verse>
				<verse number="35">မၼ်း​ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ငိုၼ်း ဢၼ်​ယေႃႇ​ဢၼ်​သေ​ဢပႅတ်ႈ​ၼၼ်ႉ ၵႃႈ​ႁိုဝ်​ၼၼ်ႉ​လႄႈ၊ ပိၵ်ႉ​သမ်ႉ​မႂ်း​ပၼ်​လၢၵ်ႈ​သွင်ႇ​ၼမ်​ၼႃႇ​သေ​ၵေႃႈ၊ မၼ်း​ဢမ်ႇ​ၸၢင်ႈ​ပေႇ​ၸႂ်။</verse>
			</chapter>
			<chapter number="7">
				<verse number="1">လုၵ်ႈ​ၸၢႆး​ၵဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ၵဝ်​လႄႈ ဢဝ်​ပိင်း​ၺၢပ်ႈ​ၵဝ်​တင်း​လၢႆ သိမ်း​ဝႆႉ​တီႈ​မႂ်း​တႃႉ။-</verse>
				<verse number="2">ပႂ်ႉ​ၸွမ်း​ပိင်း​ၺၢပ်ႈ​ၵဝ်​တင်း​လၢႆ​လႄႈ ဢသၢၵ်ႈ​လိပ်း​ယူႇ​တႃႉ။ ပႂ်ႉ​တြႃး​ၵဝ်​ၼၼ်ႉ​ဝႆႉ မိူၼ်​ၸိူဝ်ႉ​ၼင်ႇ​လုၵ်ႈ​ဝၢၵ်ႇ​မၢၵ်ႇ​တႃ​မႂ်း​ၼၼ်ႉ​တႃႉ။-</verse>
				<verse number="3">ဢဝ်​မတ်ႉ​ၸပ်း​ဝႆႉ ၵႃႈ​တီႈ​ၼိဝ်ႉ​မိုဝ်း​မႂ်း​တင်း​လၢႆ​သေ​လႄႈ တႅမ်ႈ​မၢႆ​သႂ်ႇ​ဝႆႉ ၵႃႈ​တီႈ​ဢၢင်း​ၸရၢင်း​ႁူဝ်​ၸႂ်​မႂ်း​တႃႉ။-</verse>
				<verse number="4">လၢတ်ႈ​တီႈ​ပိင်ႇ​ၺႃႇ​လႄႈ​ဝႃႈ၊ မႂ်း​ပဵၼ်​ၼွင်ႉ​ယိင်း​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ႁွင်ႉ​ႁဵၵ်ႈ​ၺၢၼ်ႇ​ၵေႃႉ​သေႈ​မႂ်း​တႃႉ။-</verse>
				<verse number="5">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶဝ်​တၵ်း​ၵႄႇ​သႄႇ​ဢဝ်​မႂ်း လွတ်ႈ​သေ​ၵႃႈ​ၼႂ်း​မိုဝ်း​မႄႈ​ယိင်း​လေႃ မႄႈ​မွၵ်ႇ​ယႃႈ ဢၼ်​ၸၢင်ႈ​ဢဝ်​သူပ်း​ဢဝ်​ၵႂၢမ်း ၶျေႃး​ဝွၼ်း​ၼၼ်ႉ​ဢေႃႈ။</verse>
				<verse number="6">လွင်ႈ​တၢင်း​ဢၼ်​ၵဝ်​ယူႇ​ၼႂ်း​ႁိူၼ်း လူ​တူၺ်း​ဢွၵ်ႇ​ၵႃႈ​တီႈ ၵႄႈ​မႂ်​ႁူး​လၢင်း​တဵၼ်​ႁိူၼ်း​ၵဝ်​ၼၼ်ႉ​လႄႈ ႁၼ်​ၸမ်ႉ၊-</verse>
				<verse number="7">ၵဝ်​ႁၼ်​ၼႂ်း​ၶဝ်​ၸိူဝ်း​ဢၼ်​ငိူဝ်ႈ​ဢၼ်​ငဝ်​လႄႈ ထူပ်း​ၼႂ်း​ၵူၼ်း​ၼုမ်ႇ​ၵူၼ်း​ၵမ်​ၸိူဝ်း​ၼၼ်ႉ ၽူႈ​မၢဝ်ႇ​ဢၼ်​ဢမ်ႇ​မီး​ၺၢၼ်ႇ​ၵေႃႉ​ၼိုင်ႈ၊-</verse>
				<verse number="8">တႆႇ​တၢင်း​ပႆ​တၢင်း​ၵႂႃႇ ၵႃႈ​တီႈ​ႁိမ်း​ၸဵင်ႇ​တၢင်း​ႁူဝ်​တၢင်း​မၼ်း​လႄႈ ၸွမ်း​တၢင်း​ၵႂႃႇ​ၸူး ၵႃႈ​တီႈ​ႁိူၼ်း​မၼ်း​ၼၼ်ႉ၊-</verse>
				<verse number="9">ၶိင်ႇ​ႁူဝ်​ၶမ်ႈ၊ ၶိင်ႇ​ၵၢင်​ၶမ်ႈ၊ ၶိင်ႇ​ၵၢင်​ၶိုၼ်း​ဢၼ်​လိုၵ်း​လႄႈ လပ်း​သိင်ႇ​ၼႃႇ​လူင်​လၢင်​ၼၼ်ႉ​ဢေႃႈ။-</verse>
				<verse number="10">မႄႈ​ယိင်း​ဢၼ်​ၼုင်ႈ​ၶူဝ်း​မႄႈ​မွၵ်ႇ​ယႃႈ​လႄႈ လၵ်း​လႅမ်​ၼၼ်ႉ ႁူပ်ႉ​ထူပ်း​မၼ်း​ဢေႃႈ။-</verse>
				<verse number="11">မၼ်း​ၼၼ်ႉ မီး​သဵင်​ဢၼ်​ယႂ်ႇ​ဢၼ်​လူင် ဢိၵ်ႇ​တင်း​ၸႂ်​သၽေႃး​ဢၼ်​ၵႅၼ်ႇ​ၶႅင်​ဢေႃႈ။ တိၼ်​မၼ်း​ၵေႃႈ ဢမ်ႇ​ၸၢင်ႈ​ယူႇ​ၵႃႈ​ၼႂ်း​ႁိူၼ်း​မၼ်း ၼိမ်​ၼိမ်​လီ​လီ။-</verse>
				<verse number="12">မၼ်း​ၸၢင်ႈ​မီး​ၵႃႈ​ၼွၵ်ႈ​ႁိူၼ်း​ၵမ်း​ဢွၼ်ႇ​ၼိုင်ႈ ၵႃႈ​ၼႂ်း​သဵၼ်ႈ​တၢင်း​ဢၼ်​ယႂ်ႇ​ဢၼ်​ၵႂၢင်ႈ ၵမ်း​ဢွၼ်ႇ​ၼိုင်ႈ​လႄႈ လွမ်​တူၺ်း​ၵႃႈ​တီႈ​ၸဵင်ႇ​တၢင်း​ႁူဝ်​တၢင်း ၵူႈ​သဵၼ်ႈ​ၵူႈ​ဢၼ်​ဢေႃႈ။-</verse>
				<verse number="13">မၼ်း​ၼၼ်ႉ တီႉ​ၵွတ်ႇ​ဢဝ်​မၼ်း​လႄႈ ၸုပ်ႇ​ၼူမ်​မၼ်း​သေ​လႄႈ မီး​တင်း​ၼႃႈ​ဢၼ်​ႁတ်း​ႁၢၼ်​သေ​လႄႈ လၢတ်ႈ​တီႈ​မၼ်း​လႄႈ​ဝႃႈ၊-</verse>
				<verse number="14">ယိတ်ႈ​မိၵ်ႉသႃႇႁႃယႃႉ မီး​တီႈ​ၵဝ်​ၶႃႈ​ဢေႃႈ။ ဝၼ်း​မိူဝ်ႈ​ၼႆႉ ၵဝ်​ၶႃႈ​ၽေႇ​ဝၢတ်ႈ​ၵတီႉ​သဵတ်ႈ​ၸႃႇ​ယဝ်ႉ​ၶႃႈ​ယဝ်ႉ။-</verse>
				<verse number="15">ပိူဝ်ႈ​ၼႆ​လႄႈ ၵဝ်​ၶႃႈ​ဢွၵ်ႇ​မႃး​ႁႂ်ႈ​လႆႈ​ႁူပ်ႉ​ထူပ်း​ၸဝ်ႈ​ၶႃႈ​ယဝ်ႉ။ ၵဝ်​ၶႃႈ​ၵျူဝ်း​ၸႃး​ႁႃ​ၼႃႈ​ၸဝ်ႈ​လႄႈ ထူပ်း​ၶႃႈ​ယဝ်ႉ။-</verse>
				<verse number="16">ၵဝ်​ၶႃႈ​ဢဝ်​ၽႃႈ​သိူဝ်ႇ ဢၼ်​တမ်ႇ​ၵၢမ်း​ၵၼ်​တေႃး​ႁဵတ်း ဢိၵ်ႇ​တင်း​ပိၵ်ႈ​ၶျေႃး​မိူင်း​ ဢေႇၵိပ်ႉတူႉ ​ၸိူဝ်း​ၼၼ်ႉ မႄး​သိူဝ်ႇ​ၵူႇ​တီႈ​ၼွၼ်း​ၵဝ်​ၶႃႈ​ဝႆႉ​ယဝ်ႉ​ၶႃႈ​ယဝ်ႉ။-</verse>
				<verse number="17">ၵဝ်​ၶႃႈ​ဢဝ်​တင်း​ မူႉရၢၼ်ႇ ၊ ဢၵျေႃႇ၊ တင်း​ၵႅင်း​ႁွမ်​မိုတ်း​ၽႃႈ​ၵွပ်း​ၵဝ်​ၶႃႈ​ဝႆႉ ယဝ်ႉ​ၶႃႈ​ယဝ်ႉ။-</verse>
				<verse number="18">မႃး​သေ​ၵမ်း၊ ၽႄႇ​ၸႂ်​ၵႃႇ​မႃႉ​ရႃႇ​ၵႃႉ ႁႂ်ႈ​တေႃႇ​ထိုင်​ႁွတ်ႈ​မိူင်း​လႅင်း​ၼၼ်ႉ​တႃႉ​ႁဝ်း။ ႁဵတ်း​မေႇ​ထုင်ႇ​လူၺ်ႈ​ၵၼ်​လႄႈ မူၼ်ႈ​ပျေႃႇ​တႃႉ​ႁဝ်း။-</verse>
				<verse number="19">ၸဝ်ႈ​ၵဝ်​ၶႃႈ​ၼၼ်ႉ ဢမ်ႇ​မီး​ႁိူၼ်း။ မၼ်း​ပႃး​ဢဝ်​ထူင်​ငိုၼ်း​သေ​လႄႈ ၵႂႃႇ​ၵႃႈ​တီႈ​ဢၼ်​ၵႆ​ပုၼ်ႉ​ၶႃႈ​ယဝ်ႉ။-</verse>
				<verse number="20">လိူၼ်​မူၼ်း မၼ်း​ၸင်ႇ​တၵ်း​ၶိုၼ်း​မႃး​ၵႃႈ​တီႈ​ႁိူၼ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="21">ဢဝ်​တင်း​ၵႂၢမ်း​ၼမ်​ၼႃႇ ၸူဝ်း​ဢဝ်​မၼ်း​လႄႈ ဢဝ်​တင်း​သူပ်း​ဢၼ်​ၸၢင်ႈ​ၶျေႃး​ၸၢင်ႈ​ဝွၼ်း​ၼၼ်ႉ ပႄႉ​ၼႅင်ႇ​မၼ်း​ဢေႃႈ။-</verse>
				<verse number="22">ၼင်ႇ​ၼၼ်​လႄႈ မၼ်း​ၸၢင်ႈ​ၸွမ်း​လင်​မၼ်း​ၼၼ်ႉ​ၵႂႃႇ​ၵမ်း​လဵဝ် မိူၼ်​ၸိူဝ်ႉ​ၼင်ႇ​ဢၼ်​ဝူဝ်း​ၸွမ်း​ၵႂႃႇ​ၵႃႈ​တီႈ ဢၼ်​ၶၢမ်ႇ​တၢႆ​ၼၼ်ႉ၊ ၸိူဝ်ႉ​ၼင်ႇ​ဢၼ်​ဝႅၼ်​လဵၵ်း​ပဵၼ်​ပုၼ်ႈ​ဢၼ် တၵ်း​သင်ႇ​သွၼ်​သုင်း​မႃႉ​ပၼ် ၵေႃႉ​ဢၼ်​မိူၵ်ႈ​ၼၼ်ႉ တေႃႇ​ထိုင်​ႁွတ်ႈ​ပိုၼ်​ၵၢင်ႇ​ၸူၵ်ႉ​သဵပ်ႇ​သႂ်ႇ​တပ်း​မၼ်း​ၼၼ်ႉ၊-</verse>
				<verse number="23">ၸိူဝ်ႉ​ၼင်ႇ​ဢၼ် ၼူၵ်ႉ​ၸဵဝ်း​ၶဝ်ႈ​ၵႃႈ​ၼႂ်း​တူင်ႇ​ႁႅဝ်ႉ ၶၼ်​ၶၼ်​ၽႂ်း​ၽႂ်း​လႄႈ ဢမ်ႇ​ႁူႉ​လွင်ႈ​ဢၼ်​ၵၢင်​ဝႆႉ ႁႂ်ႈ​ဢသၢၵ်ႈ​မၼ်း​လႆႈ​သုမ်း​ၼၼ်ႉ။</verse>
				<verse number="24">ပိူဝ်ႈ​ၼႆ​လႄႈ လုၵ်ႈ​ၸၢႆး​ၵဝ်​တင်း​လၢႆ​ၶဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ၵဝ်​လႄႈ မၢတ်ႈ​တွင်း​ဢဝ်​ၵႂၢမ်း​ဢၼ် ဢွၵ်ႇ​သူပ်း​ၵဝ်​ၼၼ်ႉ​တႃႉ။-</verse>
				<verse number="25">ယႃႇ​ပေ​ၼူပ်ႈ​ၸူး​ၵိူင်း​ၸူး​သဵၼ်ႈ​တၢင်း​မၼ်း​ၸိူဝ်း​ၼၼ်ႉ။ ယႃႇ​ပေ​ဝႄႉ​ၶဝ်ႈ​ၸူး​ၵႃႈ​ၼႂ်း​သဵၼ်ႈ​တၢင်း ဢၼ်​မၼ်း​ၵႂႃႇ​မႃး​ယူႇ​ၸိူဝ်း​ၼၼ်ႉ​လႄႈ​ၸွမ်း​ၵႂႃႇ။-</verse>
				<verse number="26">လွင်ႈ​မၼ်း​ၸမ်ႉ မၼ်း​ဢဝ်​ၵူၼ်း​ၼမ်​ၼႃႇ​လူမ်ႉ​တၢႆ​ယဝ်ႉ။ ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼႃႇ​ၵေႃႈ မၼ်း​ဢဝ်​တၢႆ​ယဝ်ႉ။-</verse>
				<verse number="27">ႁိူၼ်း​မၼ်း​ၼၼ်ႉ ပဵၼ်​သဵၼ်ႈ​တၢင်း​ဢၼ်​ႁွတ်ႈ​ထိုင် ၵႃႈ​တီႈ​မိူင်း​မရၼႃႉ​လႄႈ လူင်း​ၵႂႃႇ​ၸူး ၵႃႈ​တီႈ​ၽုင်ႇ​ပိၵ်ႈ​မၢၼ်ႇ​ၶုၼ်​တၢႆ​ယူႇ​ဢေႃႈ။</verse>
			</chapter>
			<chapter number="8">
				<verse number="1">ပိင်ႇ​ၺႃႇ​ႁွင်ႉ​သႅၼ်ႇ​ယူႇ​ဢမ်ႇ​ၸႂ်ႈ​ႁိုဝ်။ ၺၢၼ်ႇ​ၵိဝ်​သဵင်​မၼ်း​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="2">မၼ်း​ၸုၵ်း​ယူႇ​ၵႃႈ​ၼိူဝ်​ၸိၵ်း​ၸွမ် တီႈ​ဢၼ်​သုင်​ႁိမ်း​တႃႈ​ႁိမ်း​တၢင်း ဢိၵ်ႇ​တင်း​ၵႃႈ​ၼႂ်း​သဵၼ်ႈ​တၢင်း​သၢႆ​တႃႈ​ဢေႃႈ။-</verse>
				<verse number="3">မၼ်း​ႁွင်ႉ​သေႃႇ​ႁွင်ႉ​လၢတ်ႈ ၵႃႈ​တီႈ​ႁိမ်း​ၽၵ်း​တူ၊ ၵႃႈ​ၼႂ်း​ႁူး​ၽၵ်း​တူ​ဝဵင်း၊ ၵႃႈ​ၼႂ်း​ၽၵ်း​တူ​ႁိူၼ်း​တင်း​လၢႆ​လႄႈ​ဝႃႈ၊-</verse>
				<verse number="4">ၵူၼ်း​တင်း​လၢႆ​ၶဝ်​ဢိူၺ်း၊ ၵဝ်​ႁွင်ႉ​တီႈ​သူ​လႄႈ ၵိဝ်​သဵင်​ၵဝ်​ၸူး တီႈ​လုၵ်ႈ​ၵူၼ်း​တင်း​လၢႆ​ဢေႃႈ။-</verse>
				<verse number="5">သူ​ၸိူဝ်း​ဢၼ် ငိူဝ်ႈ​ဢၼ်​ငႃႉ​ၶဝ်​ဢိူၺ်း၊ ဢွၼ်​ၵၼ်​ႁူႉ​ၸႅင်ႈ​ပိင်ႇ​ၺႃႇ ဢၼ်​ၽၢႆ​ဢၼ်​ၽႂ်း​ၼၼ်ႉ​တႃႉ။ သူ​ၸိူဝ်း​ဢၼ်​မိူၵ်ႈ​ၶဝ်​ဢိူၺ်း၊ ဢွၼ်​ၵၼ်​မီး​ၺၢၼ်ႇ ဢၼ်​ၸၢင်ႈ​ၶႆႈ​ၸႂ်​လႄႈ ႁူႉ​လႆႈ​ၼၼ်ႉ​တႃႉ။-</verse>
				<verse number="6">ဢွၼ်​ၵၼ်​ထွမ်ႇ​ဢဝ်​တႃႉ။ ၵဝ်​တၵ်း​လၢတ်ႈ​ၵႂၢမ်း ဢၼ်​မျၢတ်ႈ​ၼႃႇ​လႄႈ တၢင်း​ဢၼ်​ဝႃႈ​ဢွၵ်ႇ​သူပ်း​ၵဝ်​ၼၼ်ႉ တၵ်း​ပဵၼ်​ၵႂၢမ်း​ဢၼ်​သိုဝ်ႈ​လီ​ယူဝ်း​လီ​ဢေႃႈ။-</verse>
				<verse number="7">သူပ်း​ၵဝ်​တၵ်း​မွၵ်ႇ​လၢတ်ႈ​သမ်ႇ​မႃႇ​တြႃး​လႄႈ၊ သီႇ​သူပ်း​ၵဝ်​လီ​ႁင်ႈ​ဢဵတ်ႇ​သဵတ်ႇ​တူႉ​ၸရိူၵ်ႈ​ဢေႃႈ။-</verse>
				<verse number="8">ၵႂၢမ်း​ၵႃႈ​ဢၼ်​ၵဝ်​ဢွၵ်ႇ​သူပ်း​ဝႃႈ​ၼၼ်ႉ သိုဝ်ႈ​တေႃႇ​လႄႈ၊ ဢမ်ႇ​မီး​သၽေႃး​ဢၼ်​ၵူတ်ႉ ဢိၵ်ႇ​တင်း သၽေႃး​ဢၼ်​ၽွၵ်ႈ​ပျၢၼ်ႇ​ၶိုၼ်း​ၼၼ်ႉ​လႃး​လႃး။-</verse>
				<verse number="9">ၵူႈ​ၸိူဝ်ႉ​ၵူႈ​ပိူင်​ၼၼ်ႉ ပဵၼ်​ဢၼ်​ပၢင်ႇ​လီ​လႅင်း​လီ တီႈ​ၵေႃႉ​ဢၼ်​ႁူႉ​ဢၼ်​ၸႅင်ႈ​လႄႈ ပဵၼ်​ဢၼ်​ၸိုဝ်ႈ​ဢၼ်​ၸႂ်ႈ တီႈ​ၶဝ်​ၸိူဝ်း​ဢၼ် လႆႈ​ပိင်ႇ​ၺႃႇ​ၼၼ်ႉ​ဢေႃႈ။-</verse>
				<verse number="10">ဢွၼ်​ၵၼ်​ၶၢမ်ႇ​ဢဝ်​တၢင်း​ဢၼ်​ၵဝ်​သင်ႇ​သွၼ်​ပၼ် ဢွၼ်​တၢင်း​ငိုၼ်း ဢိၵ်ႇ​တင်း​ပိင်ႇ​ၺႃႇ​တၢင်း​ဢၼ်​ႁူႉ​ဢၼ်​ၸႅင်ႈ ဢွၼ်​တၢင်း​ၶမ်း​တႃႉ။-</verse>
				<verse number="11">လွင်ႈ​မၼ်း​ၸမ်ႉ ပိင်ႇ​ၺႃႇ​ပဵၼ်​ဢၼ်​မျၢတ်ႈ​ၼႃႇ​သေ​သႅင်​လႅင်​လႄႈ ၶိူင်ႈ​ပိူင်​ၵႃႈ​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ ဢမ်ႇ​မီး​တၢင်း​ဢၼ် ဢဝ်​တႅၵ်ႈ​ၵၼ်​တိူင်း​ၵၼ်​တင်း​မၼ်း​လႆႈ။</verse>
				<verse number="12">ၵဝ် ပိင်ႇ​ၺႃႇ​ၼႆႉ ယူႇ​လူၺ်ႈ​ၵၼ်​တင်း​သမ်ႇ​မႃႇ​သတီႉ​လႄႈ ၸၢင်ႈ​ထူပ်း​ႁၼ်​တၢင်း​ဢၼ်​ႁူႉ​ဢၼ်​ၸႅင်ႈ ဢိၵ်ႇ​တင်း​တၢင်း​ဢၼ်​ၵျၢမ်ႇ​ပွင် လၵ်း​လၵ်း​လႅမ်​လႅမ်​ၼၼ်ႉ​ဢေႃႈ။-</verse>
				<verse number="13">တၢင်း​ဢၼ်​ၵူဝ်​ဢၼ်​ႁႄ​ထႃႇဝရႃႉ​ၽြႃး​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​ငိၼ်း​ၸင်း​တူႉ​ၸရိူၵ်ႈ ဢိၵ်ႇ​တင်း တၢင်း​ဢၼ်​မႃႇၼႃႉ​ၸႂ်​သုင်၊ တၢင်း​ဢၼ်​ၸွၵ်ႇ​ၵႃး ဢမ်ႇ​ၼပ်ႉ​ၵိၼ်​ပိူၼ်ႈ၊ တၢင်း​ဢၼ်​ၸွမ်း​သဵၼ်ႈ​တၢင်း​ဢၼ် ဢမ်ႇ​လီ​ၼၼ်ႉ​ၸိူဝ်း​ၼၼ်ႉ​ဢေႃႈ။ သူပ်း​ဢၼ်​လၢတ်ႈ​ၵႂၢမ်း​ဢၼ်​ၵူတ်ႉ​ဢၼ်​ငွၵ်း​ၼၼ်ႉ​ၵေႃႈ ၵဝ်​ၸင်း​ဢေႃႈ။-</verse>
				<verse number="14">ဢၶႂၢင်ႉ​ဢၼ်​ပၼ်​တၢင်း​ၵျၢမ်ႇ​တၢင်း​ပွင် ဢိၵ်ႇ​တင်း​တၢင်း​ႁူႉ​တၢင်း​ၸၢင်ႈ​ၼၼ်ႉ မီး​တီႈ​ၵဝ်​ဢေႃႈ။ ၵဝ်​ပဵၼ်​ၺၢၼ်ႇ​လႄႈ ပျေႉ​ၸုမ်ႇ​ဝႆႉ​တင်း​ႁႅင်း​တၼ်း​ၶူဝ်း​ဢေႃႈ။-</verse>
				<verse number="15">ဢိင်​ၵဝ်​သေ​လႄႈ ၶုၼ်​ႁေႃ​ၶမ်း​တင်း​လၢႆ ဢုပ်ႉ​ပိူင်ႇ​ၸၢမ်ႇ​ၸႃး​လႄႈ ၶုၼ်​ဢရႃႇသီႉ​တင်း​လၢႆ ၸီႇ​ယၢင်ႇ​ၸွမ်း​ၼင်ႇ​တြႃး​ဢေႃႈ။-</verse>
				<verse number="16">ဢိင်​ၵဝ်​သေ​လႄႈ လုၵ်ႈ​ၶုၼ်​ဢိၵ်ႇ​တင်း​မူး​မၢတ်ႈ​ၽွင်း​မိူင်း တင်း​ၵူၼ်း​လူင်​ဢၼ်​ၸီႇ​ယၢင်ႇ​တြႃး ၵႃႈ​မီး​တင်း​သဵင်ႈ​တင်း​လူင် ဢုပ်ႉ​ပိူင်ႇ​တႅပ်း​တတ်း​ဢေႃႈ။-</verse>
				<verse number="17">ၵဝ်​ႁၵ်ႉ​ၶဝ်​ၸိူဝ်း​ဢၼ်​ႁၵ်ႉ​ၵဝ်​ၼၼ်ႉ​လႄႈ ၶဝ်​ၸိူဝ်း​ဢၼ်​ၵႆႉ​ၵျူဝ်း​ၸႃး​ႁႃ​ဢဝ်​ၵဝ်​ၼၼ်ႉ ၸၢင်ႈ​ထူပ်း​ၵဝ်​ဢေႃႈ။-</verse>
				<verse number="18">ၸေး​ၸိမ်ႇ​ဢိၵ်ႇ​တင်း​မုၼ်​သရေႇ​မီး​တီႈ​ၵဝ်​ဢေႃႈ။ ၸေး​ၸိမ်ႇ​ဢၼ်​မၼ်ႈ​ၶိူင်ႇ​တင်း​ပႃႇရမီႇ တၢင်း​ဢၼ်​သိုဝ်ႈ​တေႃႇ​ၼၼ်ႉ​ၵေႃႈ​မီး​ဢေႃႈ။-</verse>
				<verse number="19">ဢၵျူဝ်း​ဢၼ်​ၵဝ်​ပၼ်​ၼၼ်ႉ လိူဝ်​တွၼ်း​ၼႃႇ​သေ​ၶမ်း​ဢမ်ႇ​ၵႃး၊ ယဵင်ႈ​ၶႅၼ်း​လိူဝ်​တွၼ်း​ၼႃႇ​သေ​ၶမ်း​လွတ်ႈ​ငၢၼ်ႇ​ဢေႃႈ။ ၶွၼ်ႇ​ၽၼ်ႇ​တႃႇ​ဢၼ်​လႆႈ​ၵွပ်ႈ​ပိူဝ်ႈ​ၵဝ်​ၼၼ်ႉ၊ ယဵင်ႈ​ၶႅၼ်း​မျၢတ်ႈ​သေ​ငိုၼ်း​မေႃႇ​ဢေႃႈ။-</verse>
				<verse number="20">ၵဝ်​ၸွမ်း​ၵႂႃႇ​ၵႃႈ​ၼႂ်း​သဵၼ်ႈ​တၢင်း​ဢၼ်​သိုဝ်ႈ​တေႃႇ၊ ၵႃႈ​ၼႂ်း​ၵၢင်​သဵၼ်ႈ​တၢင်း​ဢၼ် ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ၊-</verse>
				<verse number="21">ႁႂ်ႈ​ၵဝ်​လႆႈ​ႁႂ်ႈ​ၶဝ်​ၸိူဝ်း​ဢၼ်​ႁၵ်ႉ​ၵဝ်​ၼၼ်ႉ လႆႈ​မီး​ဢၶႂၢင်ႉ ဢၼ်​လႆႈ​ၶၢမ်ႇ​ဢမူၺ်ႇ​လႄႈ ႁႂ်ႈ​ၵဝ်​လႆႈ ႁႂ်ႈ​တိူၵ်ႈ​ၽၼ်ႇ​တႃႇ​ၶဝ် ပျေႉ​ၸုမ်ႇ​တဵမ်​ဝႆႉ​ဢေႃႈ။</verse>
				<verse number="22">ထႃႇဝရႃႉ​ၽြႃး​ၽၢၼ်ႇ​သၢင်း​ႁဵတ်း​ပဵၼ်​ၵဝ် ၸဵမ်​မိူဝ်ႈ​ဢၼ်​မၼ်း​ၸဝ်ႈ​ၸႃႉ​ဢွၵ်ႇ​ၵႂႃႇ ၸူဝ်ႈ​ဢၼ်​မၼ်း​ၸဝ်ႈ ဢမ်ႇ​ပႆႇ​ႁဵတ်း​လွင်ႈ​တၢင်း​မၼ်း​ၸဝ်ႈ မိူဝ်ႈ​ဢွၼ်​တၢင်း​ၸိူဝ်း​ၼၼ်ႉ​ဢေႃႈ။-</verse>
				<verse number="23">ၵဝ်​ၶၢမ်ႇ​ၽိၵ်ႈ​သိၵ်ႈ ၸဵမ်​မိူဝ်ႈ​ၶိင်ႇ​ၵႃႇလႃႉ​ဢၼၼ်ႇတႃႉ၊ မိူဝ်ႈ​ၵေႃႇ​ၸႃႉ​ႁူဝ်​ပိုင်း၊ ၸူဝ်ႈ​ဢၼ်​လိၼ်​မိူင်း​ဢမ်ႇ​ပႆႇ​ပဵၼ်​ၼၼ်ႉ​ယဝ်ႉ။-</verse>
				<verse number="24">ၵဝ်​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး ၸူဝ်ႈ​ဢၼ်​ၼမ်ႉ ဢၼ်​လိုၵ်ႉ​ဢၼ်​လမ်ႇ​တင်း​လၢႆ ဢမ်ႇ​ပႆႇ​ပဵၼ်၊ ၸူဝ်ႈ​ဢၼ်​ၼမ်ႉ​ဢွၵ်ႇ​ႁူး ဢၼ်​သတ်ႉ​တဵမ်​ဝႆႉ တင်း​ၼမ်ႉ ဢမ်ႇ​ပႆႇ​မီး​ၼၼ်ႉ​ဢေႃႈ။-</verse>
				<verse number="25">ၵဝ်​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး ၸူဝ်ႈ​ဢၼ်​လွႆ​လူင်​တင်း​လၢႆ ဢမ်ႇ​ပႆႇ​တႄႇ၊ ၸူဝ်ႈ​ဢၼ်​လွႆ​ဢွၼ်ႇ​တင်း​လၢႆ​ဢမ်ႇ​ပႆႇ​ပဵၼ်၊-</verse>
				<verse number="26">ၸူဝ်ႈ​ဢၼ်​မၼ်း​ၸဝ်ႈ ဢမ်ႇ​ပႆႇ​ႁဵတ်း​လိၼ်​မိူင်း ဢိၵ်ႇ​တင်း​တီႈ​ပၢင်ႇ​တီႈ​ပဵင်း​တင်း​လၢႆ တင်း​မုၼ်ႈ​လိၼ် ဢၼ်​ဢွၼ်​တၢင်း​သုတ်း​ၼၼ်ႉ​ဢေႃႈ။-</verse>
				<verse number="27">မိူဝ်ႈ​ဢၼ်​မၼ်း​ၸဝ်ႈ​မႄး​ႁဵတ်း​မႄး​ပွင် ၽႃႉ​ၵၢင်​ႁၢဝ်​ၼၼ်ႉ​ၸိုင် ၵဝ်​မီး​ယူႇ​ဢေႃႈ။ မိူဝ်ႈ​ဢၼ်​မၼ်း​ၸဝ်ႈ​ဢဝ်​ၼႃႈ​ၽႃႉ​သုမ်ႇ​လူင်း ၶႅၼ်ႈ​ၶၼ်ႈ ပဵၼ်​ဢၼ်​မူၼ်း​ဢၼ်​တူင်ႇ​ဝႆႉ ၵႃႈ​ၼိူဝ်​ၼႃႈ​ၼမ်ႉ​သမ်ႇ​မုၵ်ႉ​တြႃႇ၊-</verse>
				<verse number="28">မိူဝ်ႈ​ဢၼ်​မၼ်း​ၸဝ်ႈ ႁႂ်ႈ​ၽႃႈ​ၽူၼ်​တႄႇ​ပဵၼ်​ၵႃႈ​ၼိူဝ်၊ မိူဝ်ႈ​ဢၼ်​မၼ်း​ၸဝ်ႈ ႁႂ်ႈ​ၼမ်ႉ​ဢွၵ်ႇ​ႁူး တီႈ​ဢၼ်​လိုၵ်ႉ​ဢၼ်​လမ်ႇ​ၸိူဝ်း​ၼၼ်ႉ မၼ်ႈ​ၶိူင်ႇ၊-</verse>
				<verse number="29">မိူဝ်ႈ​ဢၼ်​မၼ်း​ၸဝ်ႈ​ၸီႇ​ယၢင်ႇ တီႈ​ဢၼ်​ၶၼ်ႈ​ဢၼ်​ၶႅၼ်ႈ​ဝႆႉ တီႈ​ၼမ်ႉ​သမ်ႇ​မုၵ်ႉ​တြႃႇ ႁႂ်ႈ​ၼမ်ႉ​ဢမ်ႇ​လႆႈ​ထူမ်ႈ​ၽင်ႇ​မၼ်း​ႁိမ်း​မၼ်း၊ မိူဝ်ႈ​ဢၼ်​မၼ်း​ၸဝ်ႈ​မၢတ်ႈ​မၢႆ​ဝႆႉ တီႈ​ပုၼ်ႉ​ငဝ်ႈ​ႁၢၵ်ႈ​တိူၵ်ႈ​လိၼ်​မိူင်း​ၼၼ်ႉ​ၸိုင်၊-</verse>
				<verse number="30">ၵဝ်​မီး​ယူႇ​ၵႃႈ​တီႈ​ႁိမ်း​မၼ်း​ၸဝ်ႈ မိူၼ်​ၸိူဝ်ႉ​ၼင်ႇ လုၵ်ႈ​လၢင်း​ဢၼ်​မၼ်း​ၸဝ်ႈ​လဵင်ႉ​လူ​ၼၼ်ႉ​လႄႈ ပဵၼ်​တီႈ​ဢၼ်​မၼ်း​ၸဝ်ႈ​မူၼ်ႈ​ပျေႃႇ​ယူႇ တႃႇ​သေႇ​ဢမ်ႇ​ထၢတ်ႇ​ဢေႃႈ။ ၵဝ်​သႂၢင်ႇ​သိူဝ်း​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ တႃႇ​သေႇ​ဢမ်ႇ​ထၢတ်ႇ​ယူႇ၊-</verse>
				<verse number="31">သႂၢင်ႇ​သိူဝ်း​ၵႃႈ​ၼႂ်း​လိၼ်​မိူင်း​မၼ်း​ၸဝ်ႈ တီႈ​ဢၼ်​ၵူၼ်း​တင်း​လၢႆ​ယူႇ​ၼၼ်ႉ​ယူႇ​သေ​လႄႈ ႁဵတ်း​ၵေႃႉ​ႁဵတ်း​သေႈ မူၼ်ႈ​ပျေႃႇ​လူၺ်ႈ​ၵၼ် တင်း​လုၵ်ႈ​ၵူၼ်း​တင်း​လၢႆ​ယူႇ​ဢေႃႈ။</verse>
				<verse number="32">ပိူဝ်ႈ​ၼႆ​လႄႈ လုၵ်ႈ​ၸၢႆး​ၵဝ်​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ဢဝ်​ၵႂၢမ်း​ၵဝ်​တႃႉ။ ၶဝ်​ၸိူဝ်း​ဢၼ်​ပႂ်ႉ​ၸွမ်း​သဵၼ်ႈ​တၢင်း​ၵဝ်​ၸိူဝ်း​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="33">ဢွၼ်​ၵၼ်​ထွမ်ႇ​ဢဝ်​တၢင်း​ဢၼ်​သင်ႇ​သွၼ်​ပၼ်​ၼၼ်ႉ​လႄႈ မီး​ပိင်ႇ​ၺႃႇ​တႃႉ။ ယႃႇ​ပေ​ၸုၼ်ႉ​ပေ​ပႅတ်ႈ​မၼ်း။-</verse>
				<verse number="34">ၵေႃႉ​ဢၼ်​ပႂ်ႉ​ယူႇ​ၵႃႈ​တီႈ​ႁိမ်း​ၽၵ်း​တူ​ၵဝ် ၵူႈ​ဝၼ်း​လႄႈ မုင်ႈ​မွင်း​ယူႇ​ႁိမ်း​သဝ်​ၽၵ်း​တူ​ၵဝ်​ၸိူဝ်း​ၼၼ်ႉ​ယူႇ သေ​လႄႈ ထွမ်ႇ​ဢဝ်​ၵႂၢမ်း​ၵဝ်​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="35">ၵေႃႉ​ဢၼ်​ထူပ်း​ၵဝ်​ၼၼ်ႉ ထူပ်း​ဢသၢၵ်ႈ​လႄႈ တၵ်း​လႆႈ​ၶၢမ်ႇ​ၵျေး​ၸူး တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="36">ၵေႃႉ​ဢၼ်​ၽိတ်း​ပိူင်ႈ​ၵဝ်​ၸမ်ႉ၊ ယႃႉ​ယူၵ်ႉ​ဢသၢၵ်ႈ​ဝီႉၺိၺ်ႇ​တူဝ်​ၸဝ်ႈ​ၵဝ်ႇ​လႄႈ ၶဝ်​ၸိူဝ်း​ဢၼ်​ၸင်း​ၵဝ်​တင်း​သဵင်ႈ​တင်း​လူင်​ၼၼ်ႉ ႁၵ်ႉ​ပႅင်း​တၢင်း​တၢႆ​ဢေႃႈ။</verse>
			</chapter>
			<chapter number="9">
				<verse number="1">ပိင်ႇ​ၺႃႇ​တႄႇ​ႁဵတ်း​ႁိူၼ်း​မၼ်း​လႄႈ တၵ်း​ႁဵတ်း​သဝ်​ႁိူၼ်း​မၼ်း ၸဵတ်း​လႅမ်ႈ​ဝႆႉ​ယဝ်ႉ​ယဝ်ႉ။-</verse>
				<verse number="2">မၼ်း​ဢဝ်​တူဝ်​သတ်း​မၼ်း​တင်း​လၢႆ​တၢႆ​လႄႈ မႄး​ၽေႃႇ​ၼမ်ႉ​ၸပိတ်ႈ​မၼ်း​သေ​ယဝ်ႉ၊ မႄး​ႁႅၼ်း​ၶူင်ႇ​တီႈ​ၵိၼ်​မၼ်း​ဝႆႉ​ယဝ်ႉ​ယဝ်ႉ။-</verse>
				<verse number="3">မၼ်း​ပွႆႇ​ၸႂ်ႉ ၶႃႈ​မႄႈ​ယိင်း​မၼ်း​တင်း​လၢႆ​သေ​လႄႈ ႁွင်ႉ​သႅၼ်ႇ​သေႃႇ​ပၢဝ်ႇ ၵႃႈ​တီႈ​ဢၼ်​သုင်​ၼႃႇ​သေ​ပိူၼ်ႈ​တင်း​လၢႆ ၵႃႈ​ၼႂ်း​ၶူး​ၼႂ်း​ဝဵင်း​လႄႈ​ဝႃႈ​ၸမ်ႉ၊-</verse>
				<verse number="4">ႁႂ်ႈ​ၵေႃႉ​ဢၼ်​ငိူဝ်ႈ​ဢၼ်​ငႃႉ​ၼၼ်ႉ ၶဝ်ႈ​မႃး​ၵႃႈ​တီႈ​ၼႆႈ​သေ​ၵမ်း​လူၺ်ႈ။ ၵေႃႉ​ဢၼ်​ဢမ်ႇ​မီး​ပိင်ႇ​ၺႃႇ​ဢိူၺ်း၊-</verse>
				<verse number="5">မႃး​သေ​ၵမ်း၊ ၵိၼ်​ၶဝ်ႈ​မုၼ်း​ၵဝ်​လႄႈ သူတ်ႉ​ၵိၼ်​ၼမ်ႉ​ၸပိတ်ႈ ဢၼ်​ၵဝ်​မႄး​ၽေႃႇ​ဝႆႉ​ၼၼ်ႉ​သေ​ၵမ်း။-</verse>
				<verse number="6">ဝႄႈ​ပႅတ်ႈ​တၢင်း​ဢၼ်​မိူၵ်ႈ​သေ​လႄႈ ဢသၢၵ်ႈ​ၵတ်း​ယဵၼ်​ၶျၢမ်း​သႃႇ​ယူႇ​သေ​ၵမ်း။ ၵႂႃႇ​မႃး​ယူႇ​ၵႃႈ​ၼႂ်း​သဵၼ်ႈ​တၢင်း​ပိင်ႇ​ၺႃႇ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၵေႃႉ​ဢၼ်​သင်ႇ​သွၼ်​သုင်း​မႃႉ​ပၼ် တီႈ​ၵူၼ်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢူၵ်း​ဢၼ်​ဢၢႆ​လႄႈ ၵေႃႉ​ဢၼ်​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ တီႈ​ၵူၼ်း​ဢၼ်​ႁုၵ်း​ဢၼ်​ႁၢႆႉ​ၼၼ်ႉ လႆႈ​ၶၢမ်ႇ​တၢင်း​ဢၼ်​သႄႉ​ဢၼ်​သွမ်း​ဢေႃႈ။-</verse>
				<verse number="8">ယႃႇ​ပေ​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ တီႈ​ၵူၼ်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၼၼ်ႉ။ မၼ်း​တၵ်း​ၸင်း​မႂ်း​ဢေႃႈ။ ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ တီႈ​ၵူၼ်း​ဢၼ်​မီး​ပိင်ႇ​ၺႃႇ​ၼၼ်ႉ​တႃႉ။ မၼ်း​တၵ်း​ႁၵ်ႉ​မႂ်း​ဢေႃႈ။-</verse>
				<verse number="9">ပေႃး​သုင်း​မႃႉ​ပၼ်​တီႈ​ၵူၼ်း​ဢၼ်​မီး​ပိင်ႇ​ၺႃႇ​ၼၼ်ႉ​ၸိုင် မၼ်း​ယဵင်ႈ​ၶႅၼ်း​တၵ်း​မီး​ပိင်ႇ​ၺႃႇ​လႄႈ၊ ပေႃး​သင်ႇ​သွၼ်​ပၼ်​တီႈ​ၵူၼ်း​ဢၼ်​သိုဝ်ႈ​တေႃႇ​ၼၼ်ႉ​ၸိုင်၊ မၼ်း​ယဵင်ႈ​ၶႅၼ်း​တၵ်း​ယႂ်ႇ​ၽႄႈ​တူဝ်း​တွၼ်း​မႃး ၼႂ်း​တၢင်း​ဢၼ်​ႁူႉ​ဢၼ်​ၸႅင်ႈ​ဢေႃႈ။-</verse>
				<verse number="10">တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ ပဵၼ်​ၵေႃႇ​ၸႃႉ​ႁူဝ်​ပိုင်း​ပိင်ႇ​ၺႃႇ​လႄႈ တၢင်း​ဢၼ်​ႁူႉ​ၸၵ်း​ၽြႃး​ဢၼ်​မူတ်း​ၸၢင်ႇ​ၼၼ်ႉ ပဵၼ်​ၺၢၼ်ႇ​ဢေႃႈ။-</verse>
				<verse number="11">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ၵဝ်​လႄႈ၊ မိုဝ်ႉ​ဝၼ်း​မႂ်း​တၵ်း​ၼမ်​မႃး​လႄႈ၊ ၶူပ်ႇ​ပီႊ​ဢသၢၵ်ႈ​မႂ်း​တၵ်း​ယႂ်ႇ​ၽႄႈ​တူဝ်း​တွၼ်း​မႃး​ဢေႃႈ။-</verse>
				<verse number="12">ပေႃး​မႂ်း​မီး​ပိင်ႇ​ၺႃႇ​ၸိုင်၊ တူဝ်​မႂ်း​တၵ်း​လႆႈ​ၶၢမ်ႇ​ဢဝ်​ဢၵျူဝ်း​လႄႈ၊ ပေႃး​မႂ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၸိုင်၊ တူဝ်​မႂ်း​ၵူၺ်း တၵ်း​လႆႈ​ၶၢမ်ႇ​ဢပႅတ်ႈ​ဢေႃႈ။</verse>
				<verse number="13">မႄႈ​ယိင်း​ဢၼ်​မိူၵ်ႈ​ၼၼ်ႉ လၢတ်ႈ​ၵႂၢမ်း​သဵင်​ႁႅင်း​ယႂ်ႇ​ၼႃႇ​လႄႈ ငိူဝ်ႈ​ငႃႉ​ဢမ်ႇ​ႁူႉ​ၵႃႈ​သင်​လႃး​လႃး။-</verse>
				<verse number="14">မၼ်း​ၼင်ႈ​ယူႇ​ၵႃႈ​တီႈ​ၽၵ်း​တူ​ႁိူၼ်း​မၼ်း ၵႃႈ​ၼိူဝ်​တီႈ​ယူႇ​တီႈ​ၼင်ႈ ၼႂ်း​တီႈ​ဢၼ်​သုင်​တင်း​လၢႆ ၵႃႈ​ၼႂ်း​ၶူႈ​ၼႂ်း​ဝဵင်း​သေ​လႄႈ၊-</verse>
				<verse number="15">ႁွင်ႉ​ဢဝ်​ၶဝ်​ၸိူဝ်း​ဢၼ်​တႆႇ​တၢင်း​ပႆ​တၢင်း​ဢၼ်​ဝႃႈ ၶဝ်​ၸိူဝ်း​ဢၼ် ၸွမ်း​တၢင်း​ၵႂႃႇ​သိုဝ်ႈ​သိုဝ်ႈ​လီ​လီ​ၼၼ်ႉ​လႄႈ​လၢတ်ႈ​လႄႈ​ဝႃႈ၊-</verse>
				<verse number="16">ႁႂ်ႈ​ၵေႃႉ​ဢၼ်​ငိူဝ်ႈ​ဢၼ်​ငႃႉ​ၼၼ်ႉ ၶဝ်ႈ​မႃး​ၵႃႈ​တီႈ​ၼႆႈ​သေ​ၵမ်း​လူၺ်ႈ။ ၵေႃႉ​ဢၼ်​ဢမ်ႇ​မီး​ပိင်ႇ​ၺႃႇ​ဢိူၺ်း၊-</verse>
				<verse number="17">ၼမ်ႉ​ဢၼ်​လၵ်ႉ​ဢဝ်​လွမ်​ဢဝ်​ၼၼ်ႉ​ဝၢၼ်​ဢေႃႈ။ ၶဝ်ႈ​မုၼ်း​ဢၼ်​တဵတ်ႇ​တဵတ်ႇ​လွမ်​ၵိၼ်​ၼၼ်ႉ​ၵေႃႈ ဝၢၼ်​လီ​မၼ်း​လီ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၵေႃႉ​ၼၼ်ႉ ဢမ်ႇ​ႁူႉ​လွင်ႈ​ဢၼ်​ၵူၼ်း​ပႃႇ​ႁဵဝ်ႈ​တင်း​လၢႆ မီး​ယူႇ​ၵႃႈ​တီႈ​ၼၼ်ႈ ဢိၵ်ႇ​တင်း​လွင်ႈ​ဢၼ်​ၶႅၵ်ႇ​မႄႈ​ယိင်း​ၸိူဝ်း​ၼၼ်ႉ မီး​ယူႇ​ၵႃႈ​ၼႂ်း တီႈ​ဢၼ်​လိုၵ်ႉ​ဢၼ်​လမ်ႇ​မိူင်း​မရၼႃႉ​ၼၼ်ႉ။</verse>
			</chapter>
			<chapter number="10">
				<verse number="1">ၵႂၢမ်း​သုၵ်ႉ​တၢမ်ႇ ဢၼ်​ သေႃးလမုၼ်ႇ ​ဝႃႈ​ၸမ်ႉ၊ လုၵ်ႈ​ၸၢႆး​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​ပဵၼ်​တီႈ​ဢၼ် ႁႂ်ႈ​ပေႃႈ​မၼ်း​ၸူမ်း​သိူဝ်း​လႄႈ လုၵ်ႈ​ၸၢႆး​ဢၼ်​မိူၵ်ႈ​ၸမ်ႉ၊ ၸၢင်ႈ​ပဵၼ်​တီႈ​ဢၼ် ႁႂ်ႈ​မႄႈ​မၼ်း​မႆႈ​ၸႂ်​ၶီ​ၸႂ်​ဢေႃႈ။-</verse>
				<verse number="2">ၽၼ်ႇတႃႇ​ဢုၵ်ႉ​ၸႃႇ​ဢၼ်​ဢမ်ႇ​တြႃး​ၼၼ်ႉ ဢမ်ႇ​မီး​ဢၵျူဝ်း ပႃႇရမီႇ​တၢင်း​ဢၼ်​မူတ်း​ၸၢင်ႇ​ၸမ်ႉ၊ ၸၢင်ႈ​ၵႄႇ​သႄႇ​ၼုၵ်ႈ​ဢဝ် လွတ်ႈ​သေ​ၵႃႈ​ၼႂ်း​တၢင်း​တၢႆ​ဢေႃႈ။-</verse>
				<verse number="3">ထႃႇဝရႃႉ​ၽြႃး​ဢမ်ႇ​ပၼ်​ဢၶႂၢင်ႉ ႁႂ်ႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ လႆႈ​ဢိုပ်း​လႆႈ​ယၢၵ်ႈ။ တၢင်း​ဢၼ်​ၵေႃႉ​ဢၼ်​ဢမ်ႇ​တြႃး မီး​ဢလူဝ်ႇ ၶႂ်ႈ​လႆႈ​ၼႃႇ​လူင်​လၢင်​ၼၼ်ႉ​ၸမ်ႉ၊ မၼ်း​ၸဝ်ႈ​တၵ်း​ယႃႉ​ၽဵဝ်ႈ​ပႅတ်ႈ​ဢေႃႈ။-</verse>
				<verse number="4">ၵေႃႉ​ဢၼ်​ဢဝ်​တင်း​မိုဝ်း​ဢၼ်​ၶၢၼ်ႉ​ဢၼ်​ဢိူၼ်​ႁဵတ်း​ၼၼ်ႉ ၸၢင်ႈ​ႁွတ်ႈ​ထိုင်​တၢင်း​ဢၼ်​ယၢၵ်ႈ​ဢၼ်​ၽၢၼ်​ဢေႃႈ။ မိုဝ်း​ၵေႃႉ​ဢၼ်​ဝီႉရီႉယႃႉ​ၵႆႉ​ၶၵ်း​ၼၼ်ႉ​ၸမ်ႉ၊ ၸၢင်ႈ​ႁႂ်ႈ​ႁွတ်ႈ​ထိုင်​တၢင်း​ဢၼ်​မၢၵ်ႈ​ဢၼ်​မီး​ဢေႃႈ။-</verse>
				<verse number="5">ၵေႃႉ​ဢၼ် ၵဵပ်း​ဢဝ်​သိမ်း​ဢဝ် ၼႂ်း​ၶိင်ႇ​မိူဝ်ႈ​ဢၼ် မၢၵ်ႇ​မၢၵ်ႇ​ၼၼ်ႉ​ဝႆႉ​ၼၼ်ႉ ပဵၼ်​လုၵ်ႈ​ၸၢႆး​ဢၼ်​မီး​ပိင်ႇ​ၺႃႇ​လႄႈ ၵေႃႉ​ဢၼ်​ၸၢင်ႈ​ၼွၼ်း ၼႂ်း​ၶိင်ႇ​မိူဝ်ႈ​ဢၼ်​ပၢတ်ႇ​ၶဝ်ႈ​ၼၼ်ႉ​ၸမ်ႉ၊ ပဵၼ်​လုၵ်ႈ​ၸၢႆး​ဢၼ်​ၸၢင်ႈ​ႁႂ်ႈ​ဢူၵ်း​ႁႂ်ႈ​ဢၢႆ​ဢေႃႈ။-</verse>
				<verse number="6">မင်ႇၵလႃႇ​ၸၢင်ႈ​တူၵ်း​ႁွတ်ႈ​ၵႃႈ​ၼိူဝ်​ႁူဝ် ၵေႃႉ​ဢၼ်​တြႃး​ၼၼ်ႉ​လႄႈ သူပ်း​ၵေႃႉ​ဢၼ်​ဢမ်ႇ​တြႃး​ၸမ်ႉ၊ ဢပႅတ်ႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ႁူမ်ႇ​သုမ်ႇ​ဝႆႉ​ဢေႃႈ။-</verse>
				<verse number="7">တၢင်း​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵေႃႉ​ဢၼ်​တြႃး​ၼၼ်ႉ ၸၢင်ႈ​ပၼ်​တၢင်း​လီ​လႄႈ ၼႃႇ​မႃႉ​ၸိုဝ်ႈ​သဵင် ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ၸၢင်ႈ​တူႇ​ၼဝ်ႈ​လူႉ​လႅဝ်​ၵႂႃႇ​ဢေႃႈ။-</verse>
				<verse number="8">ၵေႃႉ​ဢၼ်​ႁူဝ်​ၸႂ်​လၵ်း​လႅမ်​ၼၼ်ႉ ၸၢင်ႈ​ၶၢမ်ႇ​ဢဝ်​ပိင်း​ၺၢပ်ႈ​တြႃး​လႄႈ ၵေႃႉ​ဢၼ်​မိူၵ်ႈ​လႄႈ သူပ်း​ၼမ်​ၵႂၢမ်း​ၼမ်​ၼၼ်ႉ​ၸမ်ႉ၊ ၸၢင်ႈ​ႁွတ်ႈ​ထိုင်​တၢင်း​ဢၼ်​သုမ်း​ဢၼ်​ၸွမ်း​ဢေႃႈ။-</verse>
				<verse number="9">ၵေႃႉ​ဢၼ်​ၵႂႃႇ​မႃး​ၼႂ်း​သဵၼ်ႈ​တၢင်း​ဢၼ်​ၸေး​ၸုမ်ႇ​ၼၼ်ႉ ၵႂႃႇ​မႃး​လူင်ႉ​လီ​လွတ်ႈ​လီ​လႄႈ ၵေႃႉ​ဢၼ်​ၸွမ်း​ၼႂ်း​သဵၼ်ႈ​တၢင်း​ဢၼ်​ၵူတ်ႉ​ၼၼ်ႉ​ၸမ်ႉ၊ သၽေႃး​မၼ်း​တၵ်း​ထၢင်ႇ​သႃး​ဢေႃႈ။-</verse>
				<verse number="10">ၵေႃႉ​ဢၼ်​ၽႅပ်ႉ​တႃ​ယုပ်း​တႃ​ၼႄ​ၼၼ်ႉ ၸၢင်ႈ​ႁႂ်ႈ​ၸဵပ်း​ၸႂ်​လႄႈ ၵေႃႉ​ဢၼ်​မိူၵ်ႈ​လႄႈ သူပ်း​ၼမ်​ၵႂၢမ်း​ၼမ်​ၼၼ်ႉ​ၸမ်ႉ၊ ၸၢင်ႈ​ႁွတ်ႈ​ထိုင်​တၢင်း​ဢၼ်​သုမ်း​ဢၼ်​ၸွမ်း​ဢေႃႈ။-</verse>
				<verse number="11">သူပ်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ပဵၼ်​ၼမ်ႉ​ဢွၵ်ႇ​ႁူး​ဢသၢၵ်ႈ​လႄႈ သူပ်း​ၵေႃႉ​ဢၼ်​ဢမ်ႇ​တြႃး​ၸမ်ႉ၊ ဢပႅတ်ႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ႁူမ်ႇ​သုမ်ႇ​ဝႆႉ​ဢေႃႈ။-</verse>
				<verse number="12">ၸႂ်​ဢၼ်​ငိၼ်း​ၸင်း​ၼၼ်ႉ ၸၢင်ႈ​တိုၵ်း​ယူင်း​တၢင်း​ဢၼ်​ၽိတ်း​ၵၼ်​လႄႈ ၸႂ်​ဢၼ်​ငိၼ်း​ႁၵ်ႉ​ၸမ်ႉ၊ ၸၢင်ႈ​ႁူမ်ႇ​သုမ်ႇ​ဢပႅတ်ႈ တင်း​သဵင်ႈ​တင်း​လူင်​ဝႆႉ​ဢေႃႈ။-</verse>
				<verse number="13">ၵႃႈ​ၼႂ်း​သူပ်း​ၵေႃႉ​ဢၼ်​ၺၢၼ်ႇ​လီ​ၼၼ်ႉ၊ လႆႈ​ထူပ်း​ပိင်ႇ​ၺႃႇ​လႄႈ ပုၼ်ႈ​ပႄ​လင်​ၵေႃႉ​ဢၼ်​ဢမ်ႇ​မီး​ၺၢၼ်ႇ​ၼၼ်ႉ​ၸမ်ႉ၊ မီး​ၶွၼ်ႉ​ဝၢႆ​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​ဢဝ်​လွင်ႈ​တၢင်း​ဢၼ်​လႆႈ​ႁူႉ​လႆႈ​ငိၼ်း သိမ်း​ပႅင်း​ဝႆႉ​လႄႈ သူပ်း​ၶဝ်​ၸိူဝ်း​ဢၼ်​မိူၵ်ႈ​ၸမ်ႉ၊ ၸမ်​ၵၼ်​တင်း​တၢင်း​ဢၼ်​သုမ်း​ဢၼ်​ၸွမ်း​ဢေႃႈ။-</verse>
				<verse number="15">ၸေး​ၸိမ်ႇ​ၵေႃႉ​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ ပဵၼ်​ဝဵင်း​ဢၼ်​မၼ်ႈ​ၶိူင်ႇ​တီႈ​မၼ်း​လႄႈ၊ တၢင်း​ယၢၵ်ႈ​တၢင်း​ၽၢၼ် ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ပဵၼ်​တၢင်း​ဢၼ်​သုမ်း​ဢၼ်​ၸွမ်း​တီႈ​ၶဝ်​ဢေႃႈ။-</verse>
				<verse number="16">တၢင်း​ႁဵတ်း​တၢင်း​သၢင်ႈ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸၢပ်ႈ​သႅင်ႇ​ၵၼ်​တင်း​ဢသၢၵ်ႈ​လႄႈ ဢၵျူဝ်း​ၸီး​ပႂႃး ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ၸၢပ်ႈ​သႅင်ႇ​ၵၼ်​တင်း​ဢပႅတ်ႈ​ဢေႃႈ။</verse>
				<verse number="17">ၵေႃႉ​ဢၼ်​ပႂ်ႉ​ၸွမ်း တၢင်း​ဢၼ်​သင်ႇ​ပၼ်​သွၼ်​ပၼ်​ၼၼ်ႉ ၸၢင်ႈ​ၸွမ်း​သဵၼ်ႈ​တၢင်း​ဢသၢၵ်ႈ​လႄႈ ၵေႃႉ​ဢၼ်​ထဵင်​ပႅတ်ႈ တၢင်း​ဢၼ်​သင်ႇ​သွၼ်​သုင်း​မႃႉ​ၼၼ်ႉ ၸၢင်ႈ​ပိူင်ႈ​တၢင်း​ၵႂႃႇ​ဢေႃႈ။-</verse>
				<verse number="18">ၵေႃႉ​ဢၼ်​ႁူမ်ႇ​သၽေႃး ဢၼ်​ဝႆႉ​တၢင်း​ၽိတ်း​ၼၼ်ႉ​ဝႆႉ​ၼၼ်ႉ မီး​သီႇ​သူပ်း​မူႉ​သႃႇ​လႄႈ ၵေႃႉ​ဢၼ်​ၸၢင်ႈ​လၢတ်ႈ​ႁႂ်ႈ​သရေႇ​ပိူၼ်ႈ​လူႉ​ၼၼ်ႉ မီး​သၽေႃး​ဢၼ်​မိူၵ်ႈ​ဢေႃႈ။-</verse>
				<verse number="19">ၼႂ်း​တၢင်း​ဢၼ်​သူပ်း​ၼမ်​ၵႂၢမ်း​ၼမ်​ၼၼ်ႉ ဢမ်ႇ​ၵၢင်း​လွတ်ႈ​တင်း​ဢပႅတ်ႈ​လႄႈ ၵေႃႉ​ဢၼ်​ၶျုၵ်ႈ​ဝႆႉ​သူပ်း​တူဝ်​ၸဝ်ႈ​ၵဝ်ႇ​ၼၼ်ႉ​ၸမ်ႉ၊ မီး​ပိင်ႇ​ၺႃႇ​ဢေႃႈ။-</verse>
				<verse number="20">လိၼ်ႉ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ မိူၼ်​ၸိူဝ်ႉ​ၼင်ႇ​ငိုၼ်း​ၸႅတ်ႈ​ငိုၼ်း​လီ​လႄႈ ႁူဝ်​ၸႂ်​ၵေႃႉ​ဢၼ်​ႁၢႆႉ​ယုတ်ႈ​ၼၼ်ႉ​ၸမ်ႉ၊ ဢမ်ႇ​ထိူၵ်ႈ​ၵႃႈ​ထိူၵ်ႈ​ႁူဝ်။-</verse>
				<verse number="21">သီႇ​သူပ်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​လဵင်ႉ​လူ​ၵူၼ်း​ၼမ်​ၼႃႇ​လႄႈ၊ ၶဝ်​ၸိူဝ်း​ဢၼ်​မိူၵ်ႈ​ၸမ်ႉ၊ ၸၢင်ႈ​လႆႈ​တၢႆ​ၵွပ်ႈ​ပိူဝ်ႈ​ဢၼ်​ဢမ်ႇ​မီး​ၺၢၼ်ႇ​ၼၼ်ႉ​ဢေႃႈ။-</verse>
				<verse number="22">တၢင်း​လီ​မင်ႇၵလႃႇ​ထႃႇဝရႃႉ​ၽြႃး​ၼၼ်ႉ ၸၢင်ႈ​ႁႂ်ႈ​မီး​ၸေး​ၸိမ်ႇ​လႄႈ မၼ်း​ၸဝ်ႈ​ဢမ်ႇ​ဢဝ် တၢင်း​ဢၼ်​မႆႈ​ၸႂ်​ၶီ​ၸႂ် လေႃး​လႄး​လူၺ်ႈ​ၵၼ်​တင်း​မၼ်း။-</verse>
				<verse number="23">ၵေႃႉ​ဢၼ်​မိူၵ်ႈ​ၼၼ်ႉ ၸၢင်ႈ​မူၼ်ႈ​ပျေႃႇ​ယူႇ ၵႃႈ​ၼႂ်း​တၢင်း​ဢၼ်​ႁဵတ်း​ဢပႅတ်ႈ​ၼၼ်ႉ​လႄႈ၊ ပိင်ႇ​ၺႃႇ​ၸၢပ်ႈ​သႅင်ႇ​ၵၼ်​တင်း​ၵေႃႉ​ဢၼ်​ၺၢၼ်ႇ​လီ​ဢေႃႈ။-</verse>
				<verse number="24">တၢင်း​ဢၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ ၵူဝ်​ႁႄ​ၼၼ်ႉ တၵ်း​ႁွတ်ႈ​ထိုင်​ၵႃႈ​ၼိူဝ်​မၼ်း​လႄႈ တၢင်း​ဢၼ်​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ တူၵ်း​ဢၢင်ႈ​ၶႂ်ႈ​လႆႈ​ၼၼ်ႉ​ၸမ်ႉ၊ မၼ်း​ၸဝ်ႈ​တၵ်း​ပၼ်​ဢေႃႈ။-</verse>
				<verse number="25">ၼႂ်း​မိူဝ်ႈ​ဢၼ်​လူမ်း​ၽိဝ်ႇ​ႁုင် ယင်း​တိုၵ်ႉ​ပတ်ႉ​ထူဝ်း​ယူႇ​ၼၼ်ႉ​ၸိုင်၊ ၵေႃႉ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​ႁၢႆ​ၵႂႃႇ​လႄႈ ၵေႃႉ​ဢၼ်​သိုဝ်ႈ​တေႃႇ​ၸမ်ႉ၊ ပဵၼ်​ငဝ်ႈ​ႁၢၵ်ႈ​တိူၵ်ႈ ဢၼ်​မၼ်ႈ​ၵႅၼ်ႇ​ၼႅၼ်ႈ​ၼႃ​ဢေႃႈ။-</verse>
				<verse number="26">ၸိူဝ်ႉ​ၼင်ႇ​ဢၼ် ၼမ်ႉ​မူၵ်ႈ​သူမ်ႈ​ပဵၼ်​တီႈ​ၶဵဝ်ႈ ဢိၵ်ႇ​တင်း​ၸိူဝ်ႉ​ၼင်ႇ​ဢၼ် ၵႂၼ်း​ၽႆး​ပဵၼ်​တီႈ​မၢၵ်ႇ​တႃ​ၼၼ်ႉ၊ ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ပဵၼ်​တီႈ​ၶဝ်​ၸိူဝ်း​ဢၼ်​ၸႂ်ႉ​သွႆ​မၼ်း​ၼၼ်ႉ​ဢေႃႈ။</verse>
				<verse number="27">တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ ၸၢင်ႈ​ႁႂ်ႈ​ၸူဝ်ႈ​ဢသၢၵ်ႈ​ယၢဝ်း​ယိုၼ်း​လႄႈ ၶူပ်ႇ​ပီႊ​ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ၸၢင်ႈ​ပွတ်း​ဢေႃႈ။-</verse>
				<verse number="28">တၢင်း​ဢၼ်​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ မုင်ႈ​ထႃႈ​မွင်း​ထႃႈ​ၼၼ်ႉ ပဵၼ်​လွင်ႈ​တၢင်း​ဢၼ်​လီ​ၸူမ်း​လီ​သိူဝ်း​လႄႈ၊ တၢင်း​ဢၼ်​ၵေႃႉ​ဢၼ်​ႁၢႆႉ​ဢၼ်​ယုတ်ႈ​ၼၼ်ႉ မုင်ႈ​ထႃႈ​မွင်း​ထႃႈ​ၼၼ်ႉ​ၸမ်ႉ၊ တၵ်း​လူႉ​တၵ်း​လႅဝ်​ဢေႃႈ။-</verse>
				<verse number="29">သဵၼ်ႈ​တၢင်း​ထႃႇဝရႃႉ​ၽြႃး ပဵၼ်​တီႈ​ဢၼ်​မၼ်ႈ​ဢၼ်​ၶိူင်ႇ တီႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​လႄႈ ၶဝ်​ၸိူဝ်း​ဢၼ်​ၵမ်​ၵျၢင်ႉ ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တၵ်း​လႆႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ။-</verse>
				<verse number="30">ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ဢမ်ႇ​လႆႈ​ၶၢႆႉ​သေ တီႈ​ယူႇ​တီႈ​သဝ်း​ၶဝ်​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ဢမ်ႇ​လႆႈ​တူၵ်း​တီႈ​တူၵ်း​လႅၼ် ၵႃႈ​ၼႂ်း​မိူင်း​ၸဝ်ႈ။</verse>
				<verse number="31">သူပ်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​ဢွၵ်ႇ​မႃး​ၵႂၢမ်း​ပိင်ႇ​ၺႃႇ​လႄႈ လိၼ်ႉ​ဢၼ်​ၵူတ်ႉ​ဢၼ်​ငေႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​တႅပ်း​ပႅတ်ႈ​ဢေႃႈ။-</verse>
				<verse number="32">သီႇ​သူပ်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​ႁူႉ​ၸၢင်ႈ​မိုတ်ႈ တင်း​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ​လႄႈ သူပ်း​ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ၸၢင်ႈ​လၢတ်ႈ​ၵႂၢမ်း​ဢၼ်​ၵူတ်ႉ​ဢၼ်​ငေႃး​ဢေႃႈ။</verse>
			</chapter>
			<chapter number="11">
				<verse number="1">ယွႆး​ဢၼ်​ဢမ်ႇ​မၢၼ်ႇ​ဢမ်ႇ​မႅၼ်ႈ​ၼၼ်ႉ ပဵၼ်​တီႈ​ဢၼ် ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​လႄႈ လုၵ်ႈ​ၶၼ်​ဢၼ်​ၸေး​ၸုမ်ႇ​ၼၼ်ႉ​ၸမ်ႉ၊ ပဵၼ်​တီႈ​ဢၼ်​မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ဢေႃႈ။-</verse>
				<verse number="2">မိူဝ်ႈ​ဢၼ်​မႃႇၼႃႉ​ပူၵ်း​ပႅၼ်​ၼၼ်ႉ​ၸိုင်၊ ၸၢင်ႈ​ပဵၼ်​တၢင်း​ဢၼ်​လီ​ဢူၵ်း​လီ​ဢၢႆ​လႄႈ တီႈ​ၶဝ်​ၸိူဝ်း​ဢၼ် ၸႂ်​ၶျႃး​တႅမ်ႇ​ၼၼ်ႉ​ၸမ်ႉ၊ ပိင်ႇ​ၺႃႇ​မီး​ဢေႃႈ။-</verse>
				<verse number="3">သၽေႃး​တၢင်း​ဢၼ်​ၸေး​ၸုမ်ႇ ဢၼ်​မီး​တီႈ​ၶဝ် ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​ဢဝ်​ၶဝ်​သူင်ႇ​လႄႈ သၽေႃး​တၢင်း​ဢၼ်​ၵူတ်ႉ​ဢၼ်​ငေႃး၊ ဢၼ်​မီး​တီႈ​ၶဝ်​ၸိူဝ်း​ဢၼ်​ပႅတ်ႉ​လႅၼ်​ၼၼ်ႉ​ၸမ်ႉ၊ ၸၢင်ႈ​ယႃႉ​ၶဝ်​ပႅတ်ႈ​ဢေႃႈ။-</verse>
				<verse number="4">ၸေး​ၸိမ်ႇ​ဢုၵ်ႉ​ၸႃႇ​ဢမ်ႇ​ပၼ်​ဢၵျူဝ်း ၼႂ်း​မိုဝ်ႉ​ဝၼ်း​ဢၼ်​တေႃး​သႃႉ​တၢင်း​ၸႂ်​မႆႈ​ဢွၵ်ႇ​ၼၼ်ႉ​လႆႈ​လႄႈ ပႃႇရမီႇ​တၢင်း​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ၸၢင်ႈ​ၵႄႇ​သႄႇ​ၼုၵ်ႈ​ဢဝ် သေ​ၵႃႈ​ၼႂ်း​တၢင်း​တၢႆ​ဢေႃႈ။-</verse>
				<verse number="5">ပႃႇရမီႇ​တၢင်း​ဢၼ်​သိုဝ်ႈ​တေႃႇ​ဢၼ်​မီး​တီႈ​ၶဝ် ၸိူဝ်း​ဢၼ်​ၸေး​ၸုမ်ႇ​ၼၼ်ႉ ၸၢင်ႈ​ႁႂ်ႈ​သဵၼ်ႈ​တၢင်း​ၶဝ်​သိုဝ်ႈ​လီ​လႄႈ၊ ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​သုမ်း​ဢၼ်​ၸွမ်း ၵွပ်ႈ​ပိူဝ်ႈ​လွင်ႈ​တၢင်း​ဢၼ် ဢမ်ႇ​တြႃး​တူဝ်​ၸဝ်ႈ​ၵဝ်ႇ​ၼၼ်ႉ​ဢေႃႈ။-</verse>
				<verse number="6">ပႃႇရမီႇ​တၢင်း​ဢၼ်​သိုဝ်ႈ​တေႃႇ ဢၼ်​မီး​တီႈ​ၶဝ် ၸိူဝ်း​ဢၼ်​သိုဝ်ႈ​လီ​ယူဝ်း​လီ​ၼၼ်ႉ ၸၢင်ႈ​ၵႄႇ​သႄႇ ၼုၵ်ႈ​ဢဝ်​ၶဝ်​လႄႈ၊ ၶဝ်​ၸိူဝ်း​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​ၸမ်ႉ၊ ၸၢင်ႈ​ထုၵ်ႇ​ၶဵၼ်း​မႅၼ်ႈ ၵွပ်ႈ​ပိူဝ်ႈ​တၢင်း​ဢၼ်​ၶဝ်​တူၵ်း​ဢၢင်ႈ​ၶႂ်ႈ​လႆႈ​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ဢၼ်​ၵေႃႉ​ဢၼ်​ႁၢႆႉ​ဢၼ်​ယုတ်ႈ​ၼၼ်ႉ တၢႆ​ၼၼ်ႉ​ၸိုင်၊ တၢင်း​ဢၼ်​မၼ်း​မုင်ႈ​ထႃႈ​မွင်း​ထႃႈ​ၼၼ်ႉ တၵ်း​လူႉ​တၵ်း​လႅဝ်​လႄႈ တၢင်း​ဢၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ တူၵ်း​ဢၢင်ႈ​ၶႂ်ႈ​လႆႈ​ၼၼ်ႉ​ၵေႃႈ ၸၢင်ႈ​လူႉ​ၸၢင်ႈ​လႅဝ်​ဢေႃႈ။-</verse>
				<verse number="8">ၵေႃႉ​ဢၼ်​သိုဝ်ႈ​တေႃႇ​ၼၼ်ႉ တၵ်း​လွတ်ႈ​ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​လႄႈ၊ ၵေႃႉ​ဢၼ်​ဢမ်ႇ​တြႃး​ၼၼ်ႉ တၵ်း​လႆႈ​ၶၢမ်ႇ​ပဵၼ်​တၢင်​တူဝ်​မၼ်း​ဢေႃႈ။-</verse>
				<verse number="9">ၵူၼ်း​ဢႃႉထမ်ႇမႃႉ​ၼၼ်ႉ ၸၢင်ႈ​ယႃႉ​ၽဵဝ်ႈ ၵူၼ်း​ႁိူၼ်း​ၸမ်​ၵၼ်​တင်း​မၼ်း​ပႅတ်ႈ ၵွပ်ႈ​ပိူဝ်ႈ​သူပ်း​မၼ်း​လႄႈ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​လွတ်ႈ​ဢွၵ်ႇ ၵွပ်ႈ​ပိူဝ်ႈ​တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ​ဢေႃႈ။-</verse>
				<verse number="10">မိူဝ်ႈ​ဢၼ်​ၵေႃႉ​ဢၼ်​တြႃး​ၼၼ်ႉ လႆႈ​လီ​လႆႈ​ပဵၼ်​ၼၼ်ႉ​ၸိုင်၊ ၸၢင်ႈ​ဢွၼ်​ၵၼ်​ၸူမ်း​သိူဝ်း​တင်း​ဝဵင်း​လႄႈ မိူဝ်ႈ​ဢၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ သုမ်း​ၸွမ်း​ၼၼ်ႉ​ၸမ်ႉ၊ မီး​တၢင်း​ဢၼ်​ႁုၼ်ႉ​ဢၼ်​ႁိူဝ်ႇ​ဢေႃႈ။-</verse>
				<verse number="11">ၵွပ်ႈ​ပိူဝ်ႈ​ဢၼ်​ၵေႃႉ​ဢၼ်​တြႃး​ၼၼ်ႉ ပၼ်​တၢင်း​လီ​ၼၼ်ႉ​လႄႈ ဝဵင်း​တီႈ​ယူႇ​မၼ်း ၸၢင်ႈ​ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ​ဢေႃႈ။ ၵွပ်ႈ​ပိူဝ်ႈ​သူပ်း​ၵေႃႉ​ဢၼ်​ဢမ်ႇ​တြႃး​ၼၼ်ႉ​လႄႈ ၸၢင်ႈ​ႁွတ်ႈ​ထိုင်​တၢင်း​ဢၼ်​ၵိူၼ်ႇ​ယႃႉ​ပႅတ်ႈ​ဢေႃႈ။-</verse>
				<verse number="12">ၵေႃႉ​ဢၼ်​ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​ၼၼ်ႉ ဢမ်ႇ​မီး​ပိင်ႇ​ၺႃႇ​လႄႈ ၵေႃႉ​ဢၼ်​ၺၢၼ်ႇ​လီ​ၼၼ်ႉ​ၸမ်ႉ၊ ၸၢင်ႈ​ယူႇ​တဵတ်ႇ​တဵတ်ႇ​ဢေႃႈ။-</verse>
				<verse number="13">ၵေႃႉ​ဢၼ်​ၸၢင်ႈ​လႄႇ​လႄႈ လၢတ်ႈ​ၵႂၢမ်း​ၼမ်​ၼႃႇ​ၼၼ်ႉ ၸၢင်ႈ​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ် လီ​သိူင်ႇ​လီ​မႅပ်ႉ​ဝႆႉ​တင်း​လၢႆ လႄႈ ၵေႃႉ​ဢၼ်​ပႂ်ႉ​သဵတ်ႈ​ၸႃႇ​ၼၼ်ႉ​ၸမ်ႉ၊ ၸၢင်ႈ​ထိမ်ႇ​ဝႆႉ​ဢမ်​ဝႆႉ​ဢေႃႈ။-</verse>
				<verse number="14">ပေႃး​ၺၢၼ်ႇ​ဢၼ်​ၸၢင်ႈ​ပၼ်​တၢင်း​ၵျၢမ်ႇ​တၢင်း​ပွင်​လႆႈ​ၼၼ်ႉ​ဢမ်ႇ​မီး​ၸိုင်၊ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၸၢင်ႈ​သုမ်း​ၸၢင်ႈ​ၸွမ်း​လႄႈ ပေႃး​မီး​ၶဝ်​ၸိူဝ်း​ဢၼ် ပၼ်​တၢင်း​ၵျၢမ်ႇ​တၢင်း​ပွင်​ၼၼ်ႉ​ၸိုင် ၸၢင်ႈ​ၵၢင်း​လွတ်ႈ​တင်း​ၽေး​ဢေႃႈ။</verse>
				<verse number="15">မိူဝ်ႈ​ဢၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ ဢႃႇ​မႃႉ​ၶၢမ်ႇ​ဢဝ်​ဢမူႉ ၵေႃႉ​ဢၼ်​ဢမ်ႇ​မိုတ်ႈ​ၵၼ်​ၵိုဝ်း​ၵၼ်​တင်း​မၼ်း​ၼၼ်ႉ​ၸိုင်၊ မၼ်း​ၼႄ​ပျႃး​လွင်ႈ​ဢၼ် မၼ်း​ပဵၼ်​ဢၼ်​ဢမ်ႇ​တြႃး​ၼၼ်ႉ​လႄႈ ၵေႃႉ​ဢၼ်​ၸင်း​တၢင်း​ဢၼ်​တူပ်း​မိုဝ်း​ၵၼ်​ၼၼ်ႉ​ၸမ်ႉ၊ ဢမ်ႇ​မီး​တီႈ​လီ​မႆႈ​ၸႂ်​ၶီ​ၸႂ်။-</verse>
				<verse number="16">မႄႈ​ယိင်း​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ ၸၢင်ႈ​လႆႈ​မုၼ်​သရေႇ​လႄႈ ၵူၼ်း​ၸၢႆး​ဢၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ ၸၢင်ႈ​လႆႈ​ၸေး​ၸိမ်ႇ​ဢေႃႈ။-</verse>
				<verse number="17">ၵေႃႉ​ဢၼ်​ၸၢင်ႈ​ဢဵတ်း​လူ​ႁၵ်ႉ​ပႅင်း​ၼၼ်ႉ ၸၢင်ႈ​ႁဵတ်း​ၵျေး​ၸူး​တီႈ​တူဝ်​ၸဝ်ႈ​ၵဝ်ႇ​လႄႈ ၵေႃႉ​ဢၼ်​ႁၢဝ်ႈ​ၵျၢမ်း​ၼႃႇ​ၼၼ်ႉ​ၸမ်ႉ၊ ၸၢင်ႈ​ယႃႉ​ယူၵ်ႉ​တူဝ်​မၼ်း​ဢေႃႈ။-</verse>
				<verse number="18">ၵေႃႉ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​လႆႈ​ဢၵျူဝ်း​ဢၼ်​ပႅတ်ႉ​ဢၼ်​လႅၼ်​လႄႈ ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​ဢၵျူဝ်း​ဢၼ်​မၼ်ႈ​ဢၼ်​ၶိူင်ႇ​ဢေႃႈ။-</verse>
				<verse number="19">ၸိူဝ်ႉ​ၼင်ႇ​ဢၼ် တြႃး​တၢင်း​ဢၼ်​သိုဝ်ႈ​တေႃႇ ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ဢသၢၵ်ႈ​လိပ်း​ၼၼ်ႉ၊ ၵေႃႉ​ဢၼ်​ၸွမ်း​ႁႃ​တူႉ​ၸရိူၵ်ႈ​ၼၼ်ႉ​ၵေႃႈ ၸၢင်ႈ​ၸွမ်း​ႁႃ​တေႃႇ​ထိုင်​ႁွတ်ႈ​မၼ်း​ထၼ်ႈ​ပေႃး​တၢႆ​ဢေႃႈ။-</verse>
				<verse number="20">ၶဝ်​ၸိူဝ်း​ဢၼ်​သၽေႃး​ၵူတ်ႉ​ငေႃး​ၼၼ်ႉ ပဵၼ်​တီႈ​ဢၼ် ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​လႄႈ ၶဝ်​ၸိူဝ်း​ဢၼ်​သိုဝ်ႈ​လီ​ယူဝ်း​လီ ၵႃႈ​ၼႂ်း​သဵၼ်ႈ​တၢင်း​ဢၼ်​ၶဝ်​ၵႂႃႇ​ၼၼ်ႉ​ၸမ်ႉ၊ ပဵၼ်​တီႈ​ဢၼ် မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ဢေႃႈ။-</verse>
				<verse number="21">ပိၵ်ႉ​သမ်ႉ​တူပ်း​မိုဝ်း​ၵၼ်​ယဝ်ႉ​သေ​ၵေႃႈ၊ ၵေႃႉ​ဢၼ်​ႁၢႆႉ​ဢၼ်​ယုတ်ႈ​ၼၼ်ႉ ဢမ်ႇ​လႆႈ​ၵၢင်း​လွတ်ႈ​တင်း​ဢပႅတ်ႈ​လႄႈ ၸိူဝ်ႉ​ၶိူဝ်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ တၵ်း​လႆႈ​လွတ်ႈ​ဢေႃႈ။-</verse>
				<verse number="22">မႄႈ​ယိင်း​ဢၼ်​ႁၢင်ႈ​လီ​ၽၢင်​လီ​လႄႈ ၽၢတ်ႇ​ယၢၼ်​ၵၼ်​တင်း သမ်ႇ​မႃႇ​သတီႉ​လႄႈ​ယူႇ​ၼၼ်ႉ မိူၼ်​ၸိူဝ်ႉ​ၼင်ႇ​ၶိူင်ႈ​ၶမ်း​ဢၼ်​ႁွႆႈ​သႂ်ႇ​ဝႆႉ ၵႃႈ​တီႈ​ၽၢႆႇ​ၸုၼ်ႇ​ၶူႈ​လင်​မူ​ၼၼ်ႉ​ဢေႃႈ။-</verse>
				<verse number="23">တၢင်း​ဢၼ်​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​တူၵ်း​ဢၢင်ႈ​ၶႂ်ႈ​လႆႈ​ၼၼ်ႉ ပဵၼ်​ဢၼ်​မျၢတ်ႈ​လီ​ၵူၺ်း​လႄႈ၊ တၢင်း​ဢၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ မုင်ႈ​ထႃႈ​မွင်း​ထႃႈ​ၼၼ်ႉ​ၸမ်ႉ၊ ၸၢပ်ႈ​သႅင်ႇ​ၵၼ်​တင်း​တေႃး​သႃႉ​တၢင်း​ၸႂ်​မႆႈ​ဢေႃႈ။-</verse>
				<verse number="24">တၢင်း​ဢၼ်​ၽႄ​ၸွၼ်း​ယိုၼ်ႈ​မႅင်ႇ​ယူႇ​သေ​ၵေႃႈ၊ ဢုၵ်ႉ​ၸႃႇ​ၸၢင်ႈ​ယႂ်ႇ​ၽႄႈ​ၼမ်​မႃး​ယူႇ​ၼၼ်ႉ​မီး​လႄႈ တၢင်း​ဢၼ်​ၸူႉ​သိမ်း​ဝႆႉ ဢမ်ႇ​ထုၵ်ႇ​ဢမ်ႇ​တၢၼ်ႇ​လႄႈ ၸၢင်ႈ​ႁွတ်ႈ​ထိုင်​တၢင်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ၵေႃႈ မီး​ဢေႃႈ။-</verse>
				<verse number="25">ၵေႃႉ​ဢၼ်​ၸၢင်ႈ​ပၼ်​တၢင်း​လီ​ၼၼ်ႉ တၵ်း​လိူင်ႇ​ၸႂ်​လႄႈ ၵေႃႉ​ဢၼ်​ဢဝ်​ၼမ်ႉ​ႁူတ်း​တီႈ​ပိူၼ်ႈ​ၼၼ်ႉ၊ တူဝ်​ၸဝ်ႈ​ၵဝ်ႇ တၵ်း​လႆႈ​ၶၢမ်ႇ​ဢၵျူဝ်း​တၢင်း​ဢၼ်​ဢဝ်​ၼမ်ႉ​ႁူတ်း​ဢေႃႈ။-</verse>
				<verse number="26">ၵေႃႉ​ဢၼ်​သိမ်း​ၶဝ်ႈ​ပိူၵ်ႇ​ဝႆႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ၵူၼ်း​တင်း​လၢႆ​သႄႉ​သွမ်း​လႄႈ ၵႃႈ​ၼိူဝ်​ႁူဝ်​ၵေႃႉ​ဢၼ် ဢဝ်​ဢွၵ်ႇ​ၶၢႆ​ပၼ်​ၼၼ်ႉ​ၸမ်ႉ၊ တၢင်း​လီ​မင်ႇၵလႃႇ​တၵ်း​မီး​ဢေႃႈ။-</verse>
				<verse number="27">ၵေႃႉ​ဢၼ်​ၵျူဝ်း​ၸႃး​ႁႃ လွင်ႈ​တၢင်း​ဢၼ်​လီ​ဢၼ်​ငၢမ်း​ၼၼ်ႉ တၵ်း​လႆႈ​ၶၢမ်ႇ​ၵျေး​ၸူး​လႄႈ ၵေႃႉ​ဢၼ်​ၵျၢမ်ႇ​ႁႃ​ႁႂ်ႈ​လႆႈ​ယႃႉ​ဢၵျူဝ်း​ပိူၼ်ႈ​ၼၼ်ႉ​ၸမ်ႉ၊ တၵ်း​ႁွတ်ႈ​ထိုင်​တၢင်း​ဢၼ် ဢၵျူဝ်း​တူဝ်​ၸဝ်ႈ​ၵဝ်ႇ​လူႉ​ဢေႃႈ။-</verse>
				<verse number="28">ၵေႃႉ​ဢၼ်​ဢိင်​ပိုင်ႈ​ၸေး​ၸိမ်ႇ​တူဝ်​ၸဝ်ႈ​ၵဝ်ႇ​ၼၼ်ႉ တၵ်း​သုမ်း​ၸွမ်း​လႄႈ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ တၵ်း​ၶဵဝ်​လီ​တင်ႈ​လီ မိူၼ်​ၸိူဝ်ႉ​ၼင်ႇ​မႂ်​မႆႉ​ဢေႃႈ။-</verse>
				<verse number="29">ၵေႃႉ​ဢၼ်​ယႃႉ​ယူၵ်ႉ​ႁိူၼ်း​တူဝ်​ၸဝ်ႈ​ၵဝ်ႇ​ၼၼ်ႉ တၵ်း​လႆႈ​ၶၢမ်ႇ​ဢမူၺ်ႇ​လူမ်း​ထူဝ်း​လႄႈ ၵေႃႉ​ဢၼ်​မိူၵ်ႈ​ၼၼ်ႉ​ၵေႃႈ တၵ်း​လႆႈ​ၶၢမ်ႇ​ႁဵတ်း​ၶႃႈ တီႈ​ၵေႃႉ​ဢၼ်​ႁူဝ်​ၸႂ်​လၵ်း​လႅမ်​ၼၼ်ႉ​ဢေႃႈ။-</verse>
				<verse number="30">မၢၵ်ႇ​ဢၼ်​ၵေႃႉ​ဢၼ်​သိုဝ်ႈ​တေႃႇ​မၢၵ်ႇ​ၼၼ်ႉ ပဵၼ်​မၢၵ်ႇ​တူၼ်ႈ​ဢသၢၵ်ႈ​လႄႈ ၵေႃႉ​ဢၼ်​လႆႈ​ၸႂ်​ဝီႉၺိၺ်ႇ​ပိူၼ်ႈ​ၼၼ်ႉ ပဵၼ်​ၵေႃႉ​ဢၼ်​မီး​ပိင်ႇ​ၺႃႇ​ဢေႃႈ။-</verse>
				<verse number="31">တူၺ်း​လူး၊ တေႃႈ​ၵႃႈ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ယင်း​လႆႈ​ၶၢမ်ႇ​တၢမ်ႇ​ဢပႅတ်ႈ ၵႃႈ​ၼိူဝ်​လိၼ်​မိူင်း​ၼႆႉ​လႄႈ ၵေႃႉ​ဢၼ်​ဢမ်ႇ​တြႃး ဢိၵ်ႇ​တင်း​ၵေႃႉ​ဢၼ်​ဢပႅတ်ႈ​ထၢင်ႇ​သႃး​ၼၼ်ႉ​ၸမ်ႉ၊ တၵ်း​မီး​တီႈ​လၢတ်ႈ​ၸိူဝ်ႉ​ၼင်ႇ​ႁိုဝ်။</verse>
			</chapter>
			<chapter number="12">
				<verse number="1">ၵေႃႉ​ဢၼ်​ႁၵ်ႉ​တၢင်း​ဢၼ်​သင်ႇ​သွၼ်​ပၼ်​ၼၼ်ႉ ႁၵ်ႉ​တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ​လႄႈ၊ ၵေႃႉ​ဢၼ်​ၸင်း​တၢင်း​ဢၼ်​သုင်း​မႃႉ​ပၼ်​ၼၼ်ႉ မီး​သၽေႃး​တရိၵ်ႈသၢၼ်ႇ​ဢေႃႈ။-</verse>
				<verse number="2">ၵေႃႉ​ဢၼ်​လီ​ဢၼ်​ငၢမ်း​ၼၼ်ႉ ၸၢင်ႈ​လႆႈ​ၼႃႈ​လႆႈ​တႃ တီႈ​ထႃႇဝရႃႉ​ၽြႃး​လႄႈ၊ ၵေႃႉ​ဢၼ်​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင်​ဢမ်ႇ​လီ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ ၸီႇ​ယၢင်ႇ​ဢပႅတ်ႈ​ပၼ်​ဢေႃႈ။-</verse>
				<verse number="3">ၵူၼ်း​တၵ်း​ဢမ်ႇ​ႁွတ်ႈ​ထိုင်​တၢင်း​ဢၼ်​မၼ်ႈ​ၶိူင်ႇ ၵွပ်ႈ​ပိူဝ်ႈ​တူႉ​ၸရိူၵ်ႈ​လႄႈ ႁၢၵ်ႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ယင်း​ဢမ်ႇ​ၶၢႆႉ​တီႈ​လႄႈ တၵ်း​လႆႈ​ယူႇ​သေႇ​သေႇ​ဢေႃႈ။-</verse>
				<verse number="4">မႄႈ​ယိင်း​ဢၼ်​မီး​သီႇ​လႃႉ​ၼၼ်ႉ ပဵၼ်​ပၢၼ်း​ၵုမ်း​သရၽူႇ​တီႈ​ၽူဝ်​မၼ်း​လႄႈ မႄႈ​ယိင်း​ဢၼ်​ၸၢင်ႈ​ႁႂ်ႈ​ဢူၵ်း​ႁႂ်ႈ​ဢၢႆ​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​တၢင်း​ဢၼ်​ၽင်ႉ​ဢူႉ တီႈ​လုပ်ႇ​ၽူဝ်​မၼ်း​ဢေႃႈ။-</verse>
				<verse number="5">တၢင်း​ၵျၢမ်ႇ​တၢင်း​ပွင် ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ သိုဝ်ႈ​လီ​ယူဝ်း​လီ​လႄႈ တၢင်း​ၵျၢမ်ႇ​တၢင်း​ပွင် ဢၼ်​ၶဝ်​ၸိူဝ်း​ဢၼ် ဢမ်ႇ​တြႃး​ၼၼ်ႉ​ပၼ်​ၼၼ်ႉ​ၸမ်ႉ၊ ပဵၼ်​မူႉ​သႃႇ​ဢေႃႈ။-</verse>
				<verse number="6">ၵႂၢမ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ပႂ်ႉ​လွမ်​ပႂ်ႉ​တူၺ်း​ယူႇ ႁႂ်ႈ​လႆႈ​ထွၵ်ႇ​လိူတ်ႈ​ပိူၼ်ႈ​ပႅတ်ႈ​လႄႈ သူပ်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ၸၢင်ႈ​ၵႄႇ​သႄႇ​ၼုၵ်ႈ​ဢဝ်​ပိူၼ်ႈ​ဢေႃႈ။-</verse>
				<verse number="7">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​လူမ်ႉ​ပင်း​ၵႂႃႇ​လႄႈ ဢမ်ႇ​မီး​ယဝ်ႉ။ ႁိူၼ်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ၸၢင်ႈ​မီး​တၢင်း​ဢၼ်​တႄႇ​ယူႇ​ဢေႃႈ။-</verse>
				<verse number="8">ၵူၼ်း​တၵ်း​လႆႈ​ၶၢမ်ႇ​တၢင်း​ဢၼ်​ယွင်ႈ​ယေႃး ၸွမ်း​ၵႃႈ​ၼင်ႇ​ဢၼ်​မၼ်း​မီး​ပိင်ႇ​ၺႃႇ​ၺၢၼ်ႇ​ၼၼ်ႉ​လႄႈ၊ ၵေႃႉ​ဢၼ်​သၽေႃး​ၵူတ်ႉ​ငေႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ဢေႃႈ။-</verse>
				<verse number="9">ၵေႃႉ​ဢၼ်​ယင်း​ဢမ်ႇ​မီး​သရေႇ​လႄႈ မီး​ၵူၼ်း​ၸႂ်ႉ​ၵူၼ်း​သွႆ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​ၵေႃႉ​ဢၼ်​ယင်း​ဢမ်ႇ​မီး​တၢင်း​ၵိၼ်​တၢင်း​ၶူပ်း​လႄႈ ဢုပ်ႇ​ဢၢတ်ႇ​ယူႇ​ၼၼ်ႉ​ဢေႃႈ။-</verse>
				<verse number="10">ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​သေ​လၢႆ​ဢသၢၵ်ႈ​တရိၵ်ႈသၢၼ်ႇ တူဝ်​ၸဝ်ႈ​ၵဝ်ႇ​လႄႈ တၢင်း​ဢၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ မီး​ၵရူႉၼႃႇ​ၼၼ်ႉ​ၸမ်ႉ၊ ပဵၼ်​ဢၼ်​ႁၢဝ်ႈ​ၵျၢမ်း​ၼႃႇ​လူင်​လၢင်​ဢေႃႈ။-</verse>
				<verse number="11">ၵေႃႉ​ဢၼ်​ႁဵတ်း​ႁႆႊ​ႁဵတ်း​ၼႃး​ၼၼ်ႉ တၵ်း​မီး​တၢင်း​ၵိၼ်​တၢင်း​ၶူပ်း​လိူင်ႇ​ၼႃႇ​လႄႈ ၵေႃႉ​ဢၼ်​ၸွမ်း​လင်​ၶဝ်​ၸိူဝ်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​ၸမ်ႉ၊ ဢမ်ႇ​မီး​ၺၢၼ်ႇ​လႃး​လႃး။-</verse>
				<verse number="12">ၵေႃႉ​ဢၼ်​ဢမ်ႇ​တြႃး​ၼၼ်ႉ မီး​ဢလူဝ်ႇ​ၶႂ်ႈ​လႆႈ​တူင်ႇ​ႁႅဝ်ႉ​တူင်ႇ​ၶိုမ်း ဢၼ်​ၵူၼ်း​ႁၢႆႉ​ၵူၼ်း​မိူၵ်ႈ​ၶဝ် သုင်း​သွင်ႇ​ၼၼ်ႉ​လႄႈ ႁၢၵ်ႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ၸၢင်ႈ​မၢၵ်ႇ​မၢၵ်ႇ​ယူႇ​ဢေႃႈ။-</verse>
				<verse number="13">ၼႂ်း​တၢင်း​ဢၼ်​သူပ်း​ပူၼ်ႉ​လိူဝ်​ၼၼ်ႉ မီး​တူင်ႇ​ႁႅဝ်ႉ​တူင်ႇ​ၶိုမ်း ပုၼ်ႈ​ၵေႃႉ​ဢၼ်​ႁၢႆႉ​မိူၵ်ႈ​ၼၼ်ႉ​လႄႈ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ၸၢင်ႈ​လွတ်ႈ​ဢွၵ်ႇ​သေ ၵႃႈ​ၼႂ်း​ဢမူႉ​တၢင်း​ဢၼ်​ယၢပ်ႇ​ဢၼ်​ၽိုတ်ႇ​ဢေႃႈ။-</verse>
				<verse number="14">ၵူၼ်း​တၵ်း​ဢိမ်ႇ​တဵမ်​ဝႆႉ​တင်း တၢင်း​ဢၼ်​လီ​ဢၼ်​ငၢမ်း ၵွပ်ႈ​ပိူဝ်ႈ​မၢၵ်ႇ​ဢၼ်​သီႇ​သူပ်း​မၼ်း မၢၵ်ႇ​ၼၼ်ႉ​လႄႈ ဢၵျူဝ်း​တၢင်း​ဢၼ် မိုဝ်း​ၵူၼ်း​ႁဵတ်း​ၼၼ်ႉ​ၵေႃႈ လႆႈ​ၶိုၼ်း​မႃး​ၸူး​ၵႃႈ​တီႈ​မၼ်း​ဢေႃႈ။</verse>
				<verse number="15">သဵၼ်ႈ​တၢင်း​ဢၼ်​ၵေႃႉ​ဢၼ်​မိူၵ်ႈ​ၼၼ်ႉ​ၸွမ်း​ၼၼ်ႉ ပဵၼ်​ဢၼ်​မၢၼ်ႇ​မႅၼ်ႈ​ၸိုဝ်ႈ​ၸႂ်ႈ သိုဝ်ႈ​ၼႃႈ​တႂ်ႈ​တႃ​မၼ်း​လႄႈ ၵေႃႉ​ဢၼ်​ထွမ်ႇ​ဢဝ်​ၵႂၢမ်း​ဢၼ် ပၼ်​တၢင်း​ၵျၢမ်ႇ​တၢင်း​ပွင်​ၼၼ်ႉ​ၸမ်ႉ၊ မီး​ပိင်ႇ​ၺႃႇ​ဢေႃႈ။-</verse>
				<verse number="16">တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၵေႃႉ​ဢၼ်​မိူၵ်ႈ​ၼၼ်ႉ ၸၢင်ႈ​ႁႂ်ႈ​ပိူၼ်ႈ​ႁူႉ​ၵမ်း​လဵဝ်​လႄႈ ၵေႃႉ​ဢၼ်​မီး​ပိင်ႇ​ၺႃႇ​သတီႉ​ၼၼ်ႉ​ၸမ်ႉ၊ ၸၢင်ႈ​ႁူမ်ႇ​ငမ်း​လွင်ႈ​တၢင်း​ဢၼ်​လီ​ဢူၵ်း​လီ​ဢၢႆ​ဝႆႉ​ဢေႃႈ။-</verse>
				<verse number="17">ၵေႃႉ​ဢၼ်​လၢတ်ႈ​ၵႂၢမ်း​ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ ၼႄ​ပျႃး​တြႃး​တၢင်း​ဢၼ်​သိုဝ်ႈ​တေႃႇ​လႄႈ ၵေႃႉ​ဢၼ်​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ​ၸမ်ႉ၊ ၸၢင်ႈ​ၼႄ​ပျႃး​တြႃး​မူႉ​သႃႇ​ဢေႃႈ။-</verse>
				<verse number="18">ၵူၼ်း​ဢၼ်​ၸၢင်ႈ​လၢတ်ႈ​ၵႂၢမ်း မိူၼ်​ၸိူဝ်ႉ​ၼင်ႇ ဢၼ်​ဢဝ်​လၢပ်ႇ​ဢဝ်​လႅဝ်း​တႅင်း​သႂ်ႇ​ၼၼ်ႉ မီး​ၵမ်ႈ​ၽွင်ႈ​လႄႈ လိၼ်ႉ​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​ၸမ်ႉ၊ ၸၢင်ႈ​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​ဢေႃႈ။-</verse>
				<verse number="19">သီႇ​သူပ်း​သဵတ်ႈ​ၸႃႇ​ၸိုင်၊ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ လိၼ်ႉ​မူႉ​သႃႇ​ၸမ်ႉ၊ တႄႇ​ယူႇ​ၸူဝ်ႈ​ၽႅပ်ႉ​တႃ​ၼိုင်ႈ​ၵူၺ်း​ဢေႃႈ။-</verse>
				<verse number="20">သၽေႃး​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ မီး​ယူႇ​ၵႃႈ​ၼႂ်း​ၸႂ်​ၶဝ်​ၸိူဝ်း​ဢၼ်​ၵျၢမ်ႇ​ပွင် တၢင်း​ၵမ်​တၢင်း​ၵျၢင်ႉ ဢၼ်​ဢမ်ႇ​လီ​ၼၼ်ႉ​လႄႈ တီႈ​ၶဝ်​ၸိူဝ်း​ဢၼ်​ပၼ်​တၢင်း​ၵျၢမ်ႇ​တၢင်း​ပွင် ႁႂ်ႈ​တၢင်း​ဢၼ်​ၽိတ်း​ၵၼ် ထၢတ်ႇ​ယဵၼ်​ၼၼ်ႉ​ၸမ်ႉ၊ မီး​လွင်ႈ​ဢၼ်​လီ​ၸူမ်း​လီ​သိူဝ်း​ဢေႃႈ။-</verse>
				<verse number="21">တီႈ​ၵေႃႉ​ဢၼ်​တြႃး​ၼၼ်ႉ၊ ဢႃႉ​မင်ႇၵလႃႇ​ဢမ်ႇ​လႆႈ​ႁွတ်ႈ​လႆႈ​ထိုင်​လႄႈ၊ ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တၵ်း​လႆႈ​ပျေႉ​ၸုမ်ႇ​တဵမ်​ဝႆႉ​တင်း​ဢႃႉ​မင်ႇၵလႃႇ​ဢေႃႈ။-</verse>
				<verse number="22">သီႇ​သူပ်း​ဢၼ်​သုင်း​သွင်ႇ​မူႉ​သႃႇ​ၼၼ်ႉ ပဵၼ်​တီႈ​ဢၼ် ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​လႄႈ ၶဝ်​ၸိူဝ်း​ဢၼ်​ပႂ်ႉ​ၸွမ်း​သဵတ်ႈ​ၸႃႇ​တြႃး​ၼၼ်ႉ​ၸမ်ႉ၊ ပဵၼ်​တီႈ​ဢၼ် မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ဢေႃႈ။-</verse>
				<verse number="23">ၵေႃႉ​ဢၼ်​မီး​ပိင်ႇ​ၺႃႇ​သတီႉ​ၼၼ်ႉ ၸၢင်ႈ​သိူင်ႇ​မႅပ်ႉ​လွင်ႈ​တၢင်း​ဢၼ်​တူဝ်​ၸဝ်ႈ​ၵဝ်ႇ​ႁူႉ​ၼၼ်ႉ​ဝႆႉ​လႄႈ ႁူဝ်​ၸႂ်​ၵေႃႉ​ဢၼ်​မိူၵ်ႈ​ၼၼ်ႉ​ၸမ်ႉ၊ ၸၢင်ႈ​ၽုၺ်ႇ​ဢွၵ်ႇ​ၼႄ​ပျႃး သၽေႃး​ဢၼ်​မၼ်း​မိူၵ်ႈ​ၼၼ်ႉ​ဢေႃႈ။-</verse>
				<verse number="24">မိုဝ်း​ၵေႃႉ​ဢၼ်​မီး​ဝီႉရီႉယႃႉ​ၵႆႉ​ၶၵ်း​ၼၼ်ႉ ၸၢင်ႈ​လႆႈ​ဢုပ်ႉ​ပိူင်ႇ​လႄႈ ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ​ၸမ်ႉ၊ လႆႈ​ပၼ်​ၶွၼ်ႇ​ပၼ်​ၸဵင်​ဢေႃႈ။-</verse>
				<verse number="25">တၢင်း​ဢၼ်​ၵူၼ်း​ၸႂ်​လဵၵ်ႉ​ၸႂ်​ဢူၼ်ႈ​ၼၼ်ႉ ၸၢင်ႈ​ႁႂ်ႈ​ႁဵဝ်ႇ​ၸွပ်ႈ​လႄႈ ၵႂၢမ်း​ဢၼ်​လီ​ဢၼ်​ငၢမ်း​ၸမ်ႉ၊ ၸၢင်ႈ​ႁႂ်ႈ​ၸူမ်း​ႁႂ်ႈ​သိူဝ်း​ဢေႃႈ။-</verse>
				<verse number="26">ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​ၼႄ​ပျႃး​သဵၼ်ႈ​တၢင်း​တီႈ​ၵေႃႉ​တီႈ​သေႈ​မၼ်း​လႄႈ သဵၼ်ႈ​တၢင်း​ဢၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸွမ်း​ၼၼ်ႉ​ၸမ်ႉ၊ ၸၢင်ႈ​ပႅတ်ႉ​ၸၢင်ႈ​လႅၼ်​ပိူၼ်ႈ​ဢေႃႈ။-</verse>
				<verse number="27">ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ဢမ်ႇ​လႆႈ​ဢဝ်​တူဝ် ဢၼ်​မၼ်း​ႁဵတ်း​မူး​သိူဝ်း​လႄႈ​တီႉ​လႆႈ​ၼၼ်ႉ ပိင်ႈ​ၵိၼ်​ႁၢင်း​ၵိၼ်​လႄႈ ဢုၵ်ႉ​ၸႃႇ​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​တီႈ​ၵူၼ်း​ၸမ်ႉ၊ ပဵၼ်​ၵေႃႉ​ဢၼ်​မီး​ဝီႉရီႉယႃႉ​ၵႆႉ​ၶၵ်း​ၼၼ်ႉ​ဢေႃႈ။-</verse>
				<verse number="28">ၵႃႈ​ၼႂ်း​သဵၼ်ႈ​တၢင်း တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ ဢသၢၵ်ႈ​ၵတ်း​ယဵၼ်​ၶျၢမ်း​သႃႇ​လႄႈ ၵႃႈ​ၼႂ်း​ႁွႆး​တၢင်း​မၼ်း​ၼၼ်ႉ ဢမ်ႇ​မီး​ၽေး​တၢင်း​တၢႆ။</verse>
			</chapter>
			<chapter number="13">
				<verse number="1">လုၵ်ႈ​ၸၢႆး​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​ထွမ်ႇ​တၢင်း​ဢၼ်​ပေႃႈ​မၼ်း သင်ႇ​သွၼ်​ပၼ်​ၼၼ်ႉ​လႄႈ လုၵ်ႈ​ၸၢႆး​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၼၼ်ႉ​ၸမ်ႉ၊ ဢမ်ႇ​ၸၢင်ႈ​ထွမ်ႇ​ၸၢင်ႈ​ဢဝ်​တၢင်း​ဢၼ်​တၢင်ႇ​ဢပႅတ်ႈ​ၼၼ်ႉ။-</verse>
				<verse number="2">ၵူၼ်း​တၵ်း​လႆႈ​ၵိၼ်​မၢၵ်ႇ​သူပ်း​မၼ်း​ဢၼ်​ဝႃႈ လွင်ႈ​တၢင်း​ဢၼ်​လီ​ဢၼ်​ငၢမ်း​ၼၼ်ႉ​လႄႈ ႁူဝ်​ၸႂ်​ၵေႃႉ​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​ၸမ်ႉ၊ တၵ်း​လႆႈ​ၵိၼ်​မၢၵ်ႇ​ဢပႅတ်ႈ တၢင်း​ဢၼ်​သႄႉ​ဢၼ်​သွမ်း​ဢေႃႈ။-</verse>
				<verse number="3">ၵေႃႉ​ဢၼ်​ပႂ်ႉ​သူပ်း​မၼ်း​ယူႇ​ၼၼ်ႉ ပႂ်ႉ​ဢသၢၵ်ႈ​မၼ်း​ယူႇ​လႄႈ ၵေႃႉ​ဢၼ်​ပိုတ်ႇ​သူပ်း​မၼ်း​ၵႂၢင်ႈ​ၵႂၢင်ႈ​ၼၼ်ႉ​ၸမ်ႉ၊ ၸၢင်ႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ။-</verse>
				<verse number="4">ႁူဝ်​ၸႂ်​ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ တူၵ်း​ဢၢင်ႈ​ၶႂ်ႈ​လႆႈ​လႄႈ ဢမ်ႇ​ၸၢင်ႈ​လႆႈ။ ႁူဝ်​ၸႂ်​ၵေႃႉ​ဢၼ်​ဝီႉရီႉယႃႉ​ၵႆႉ​ၶၵ်း​ၼၼ်ႉ​ၸမ်ႉ၊ ဢလူဝ်ႇ​သၼ်ႇ​တႃႉ​မၼ်း တၵ်း​ပျေႉ​ၸုမ်ႇ​ဢေႃႈ။-</verse>
				<verse number="5">ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​ငိၼ်း​ၸင်း​ၵႂၢမ်း​မူႉ​သႃႇ​လႄႈ ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ၸၢင်ႈ​ပဵၼ်​တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ​လႄႈ ႁႂ်ႈ​ပိူၼ်ႈ​ဢူၵ်း​ဢၢႆ​ဢေႃႈ။-</verse>
				<verse number="6">တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​ပႂ်ႉ​ၵေႃႉ​ဢၼ်​ၸွမ်း​သဵၼ်ႈ​တၢင်း သိုဝ်ႈ​သိုဝ်ႈ​ယူဝ်း​ယူဝ်း​ၼၼ်ႉ​လႄႈ တြႃး​တူႉ​ၸရိူၵ်ႈ​ၸမ်ႉ၊ ၸၢင်ႈ​ဢဝ်​ၵေႃႉ​ဢၼ်​မီး​ဢပႅတ်ႈ​ၼၼ်ႉ​လူမ်ႉ​ဢေႃႈ။-</verse>
				<verse number="7">ၵေႃႉ​ဢၼ်​ႁဵတ်း​ၼင်ႇ​ႁၢင်ႈ​ၸၢင်ႈ​လႆႈ​လႄႈ ယၢၵ်ႈ​ၽၢၼ်​ၼႃႇ​လူင်​လၢင်​ၼၼ်ႉ​မီး​ဢေႃႈ။ ၵေႃႉ​ဢၼ်​ႁဵတ်း​ၼင်ႇ​ႁၢင်ႈ​ယၢၵ်ႈ​ၽၢၼ်​လႄႈ ၸၢင်ႈ​လႆႈ​ၼႃႇ​လူင်​လၢင်​ၼၼ်ႉ​ၵေႃႈ​မီး​ဢေႃႈ။-</verse>
				<verse number="8">ၸေး​ၸိမ်ႇ​ပဵၼ်​ပုၼ်ႈ​ဢၼ် တၵ်း​ထုတ်ႇ​ဢဝ်​ဢသၢၵ်ႈ ၵေႃႉ​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ​လႄႈ ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၸမ်ႉ၊ ယင်း​ဢမ်ႇ​လႆႈ​ငိၼ်း​ၵႂၢမ်း​ဢၼ်​တၢင်ႇ​ဢပႅတ်ႈ​လႄႈ​ယူႇ​ဢေႃႈ။-</verse>
				<verse number="9">ဢၼ်​လႅင်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸူမ်း​သိူဝ်း​လႄႈ ဝၢၼ်ႇ​ၽႆး​တဵၼ်း​ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​မွတ်ႇ​ပႅတ်ႈ​ဢေႃႈ။-</verse>
				<verse number="10">ၸၢင်ႈ​ပဵၼ်​တၢင်း​ဢၼ်​ၽိတ်း​ၵၼ် ၵွပ်ႈ​ပိူဝ်ႈ​မႃႇၼႃႉ​ၵူၺ်း​လႄႈ ၵေႃႉ​ဢၼ်​ထွမ်ႇ​တုင်း​ဢဝ်​ၵႂၢမ်း​ဢၼ်​ပၼ်​သတီႉ​ၼၼ်ႉ​ၸမ်ႉ၊ မီး​ပိင်ႇ​ၺႃႇ​ဢေႃႈ။-</verse>
				<verse number="11">ဢုၵ်ႉ​ၸႃႇ​ဢၼ်​ႁဵတ်း​ၸေႃႉ​ၸႄႉ​မဝ်​မၢင်​လႄႈ​လႆႈ​ၼၼ်ႉ ၸၢင်ႈ​သုတ်ႈ​ၸၢင်ႈ​ယွမ်း​ၵႂႃႇ​လႄႈ ၵေႃႉ​ဢၼ်​ၵျူဝ်း​ၸႃး ၵဵပ်း​ႁွမ်​တွမ်​ဝႆႉ​ၼၼ်ႉ​ၸမ်ႉ၊ ၸၢင်ႈ​ႁႂ်ႈ​ယႂ်ႇ​ၽႄႈ​တူဝ်း​တွၼ်း​မႃး​ဢေႃႈ။-</verse>
				<verse number="12">တၢင်း​ဢၼ်​မုင်ႈ​ထႃႈ​မွင်း​ထႃႈ​လႄႈ ပဵၼ်​ဢၼ်​ထိူင်း​ဢၼ်​ၼၢၼ်း​ၼၼ်ႉ ၸၢင်ႈ​ႁႂ်ႈ​ႁူဝ်​ၸႂ်​မႆႈ​ႁွၼ်ႉ​လႄႈ ဢလူဝ်ႇ​ဢၼ်​ပျေႉ​ၸုမ်ႇ​ၼၼ်ႉ​ၸမ်ႉ၊ ပဵၼ်​တူၼ်ႈ​ဢသၢၵ်ႈ​ဢေႃႈ။</verse>
				<verse number="13">ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၼုၵ်ႈၵပၢတ်ႈ​ၸဝ်ႈ​ယူႇ​ၼၼ်ႉ တၵ်း​ႁႂ်ႈ​တၢင်း​လူႉ​တၢင်း​လႅဝ်​ႁွတ်ႈ​ထိုင်​ၵႃႈ​ၼိူဝ်​မၼ်း​လႄႈ ၵေႃႉ​ဢၼ်​ၵူဝ်​ယမ်​ပိင်း​ၺၢပ်ႈ​တြႃး​ၸဝ်ႈ​ယူႇ​ၼၼ်ႉ​ၸမ်ႉ၊ တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="14">တြႃး​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ပဵၼ်​ၼမ်ႉ​ဢွၵ်ႇ​ႁူး​ဢသၢၵ်ႈ ဢၼ်​ဝႄႈ​ပိူင်ႈ သေ​တူင်ႇ​ႁႅဝ်ႉ​တူင်ႇ​ၶိုမ်း​တၢင်း​တၢႆ​ဢေႃႈ။-</verse>
				<verse number="15">ၺၢၼ်ႇ​ဢၼ်​လီ​ၼၼ်ႉ ၸၢင်ႈ​ႁႂ်ႈ​လႆႈ​ၼႃႈ​လႆႈ​တႃ​လႄႈ သဵၼ်ႈ​တၢင်း​ၵေႃႉ​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​ၸမ်ႉ၊ ပဵၼ်​ဢၼ်​ယၢပ်ႇ​ဢၼ်​ၽိုတ်ႇ​ဢေႃႈ။-</verse>
				<verse number="16">ၶဝ်​ၸိူဝ်း​ဢၼ်​မီး​သမ်ႇ​မႃႇ​သတီႉ တင်း​သဵင်ႈ​တင်း​လူင်​ၼၼ်ႉ ၸၢင်ႈ​ဢဝ်​တၢင်း​ဢၼ်​ႁူႉ​ဢၼ်​ၸႅင်ႈ​ႁဵတ်း​လႄႈ၊ ၵေႃႉ​ဢၼ်​မိူၵ်ႈ​ၸမ်ႉ၊ ၸၢင်ႈ​ႁႂ်ႈ​တၢင်း​ဢၼ်​တူဝ်​ၵဝ်ႇ​မိူၵ်ႈ​ၼၼ်ႉ ထၢင်ႇ​သႃး​ဢေႃႈ။-</verse>
				<verse number="17">ၵူၼ်း​ၸႂ်ႉ​ၵူၼ်း​သွႆ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​လူမ်ႉ​တူၵ်း​ႁွတ်ႈ ၵႃႈ​ၼႂ်း​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​လႄႈ၊ သၢၼ်ႇ​တမၢၼ်ႇ​ဢၼ်​မီး​သဵတ်ႈ​ၸႃႇ​ၼၼ်ႉ​ၸမ်ႉ၊ ပဵၼ်​လွင်ႈ​တၢင်း​ဢၼ်​ယူႇ​လီ​ၵိၼ်​ဝၢၼ်​ဢေႃႈ။-</verse>
				<verse number="18">ၵေႃႉ​ဢၼ်​ထဵင်​ပႅတ်ႈ​တၢင်း​ဢၼ်​သင်ႇ​သွၼ်​ပၼ်​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ်​ယၢၵ်ႈ​ဢၼ်​ၽၢၼ် ဢိၵ်ႇ​တင်း​တၢင်း​ဢၼ်​လီ​ဢူၵ်း​လီ​ဢၢႆ​လႄႈ ၵေႃႉ​ဢၼ်​ထွမ်ႇ​ဢဝ်​ၵႂၢမ်း​ဢၼ်​သုင်း​မႃႉ​ပၼ်​ၼၼ်ႉ​ၸမ်ႉ၊ တၵ်း​လႆႈ​မုၼ်​သရေႇ​ဢေႃႈ။-</verse>
				<verse number="19">တၢင်း​ဢၼ်​ဢလူဝ်ႇ​သၼ်ႇ​တႃႉ​ပျေႉ​ၸုမ်ႇ​ၼၼ်ႉ ပဵၼ်​ဢၼ်​ဝၢၼ်​ဢၼ်​မၼ်း တီႈ​ႁူဝ်​ၸႂ်​လႄႈ၊ တၢင်း​ဢၼ်​ဝႄႈ​ပႅတ်ႈ​တူႉ​ၸရိူၵ်ႈ​ၼၼ်ႉ​ၸမ်ႉ၊ ပဵၼ်​လွင်ႈ​ဢၼ်​ၵူၼ်း​မိူၵ်ႈ​တင်း​လၢႆ လီ​ႁင်ႈ​ဢဵတ်ႇ​သဵတ်ႇ​ဢေႃႈ။-</verse>
				<verse number="20">ၵေႃႉ​ဢၼ်​ၵႂႃႇ​မႃး လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​မီး​ပိင်ႇ​ၺႃႇ​လႄႈ ၵေႃႉ​ဢၼ်​ႁဵတ်း​ၵေႃႉ​ႁဵတ်း​သေႈ လူၺ်ႈ​ၵၼ် တင်း​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ​ၸမ်ႉ၊ ၼႄ​ပျႃး​လွင်ႈ​ဢၼ်​မၼ်း ပဵၼ်​ဢၼ်​ဢမ်ႇ​လီ​ၼၼ်ႉ​ဢေႃႈ။-</verse>
				<verse number="21">ၽေး​ၸၢင်ႈ​လိုပ်ႈ​ၸွမ်း​လမ်း​ၸွမ်း​ၶဝ်​ၸိူဝ်း​ဢၼ်​မီး​ဢပႅတ်ႈ​ၼၼ်ႉ​လႄႈ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​ဢၵျူဝ်း​ဢၼ်​လီ​ဢေႃႈ။-</verse>
				<verse number="22">ၵေႃႉ​ဢၼ်​လီ​ဢၼ်​ငၢမ်း​ၼၼ်ႉ ၸၢင်ႈ​ဝႆႉ​ၵိုတ်း​ဢမူၺ်ႇ​ဢုၵ်ႉ​ၸႃႇ ပုၼ်ႈ​လုၵ်ႈ​မၼ်း​လၢၼ်​မၼ်း​လႄႈ ၸေး​ၸိမ်ႇ​ၵေႃႉ​ဢၼ်​မီး​ဢပႅတ်ႈ​ၼၼ်ႉ​ၸမ်ႉ၊ သိမ်း​ဝႆႉ​မီး​ယူႇ ပုၼ်ႈ​ၶဝ်​ၸိူဝ်း​ဢၼ်​သိုဝ်ႈ​တေႃႇ​ဢေႃႈ။-</verse>
				<verse number="23">တၢင်း​ၵိၼ်​တၢင်း​ၶူပ်း​လိူင်ႇ​ၼမ် ၵွပ်ႈ​ပိူဝ်ႈ တၢင်း​ဢၼ်​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ႁဵတ်း​ႁႆႊ​ႁဵတ်း​ၼႃး​ၼၼ်ႉ​လႄႈ ၵူၺ်း​ၵႃႈ မီး​ၶဝ်​ၸိူဝ်း​ဢၼ်​ၸၢင်ႈ​ႁွတ်ႈ​တၢင်း​လူႉ​တၢင်း​လႅဝ် ၵွပ်ႈ​ပိူဝ်ႈ​တၢင်း​ဢၼ်​ဢမ်ႇ​တြႃး​ဢေႃႈ။-</verse>
				<verse number="24">ၵေႃႉ​ဢၼ်​ဢမ်ႇ​သုင်း​ဢမ်ႇ​သွင်ႇ​ၶွၼ်ႉ​ဝၢႆ​ၼၼ်ႉ ၸင်း​လုၵ်ႈ​မၼ်း​လႄႈ ၵေႃႉ​ဢၼ်​ႁၵ်ႉ​လုၵ်ႈ​မၼ်း​ၸမ်ႉ၊ ၸၢင်ႈ​ၵျူဝ်း​ၸႃး​သင်ႇ​သွၼ်​သုင်း​မႃႉ​ပၼ်​ဢေႃႈ။-</verse>
				<verse number="25">ၵေႃႉ​ဢၼ်​သိုဝ်ႈ​တေႃႇ​ၼၼ်ႉ မီး​ဢၶႂၢင်ႉ​ဢၼ်​လႆႈ​ၵိၼ်​ဢိမ်ႇ​ၵိၼ်​တဵမ်​လႄႈ တွင်ႉ​ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ဢိုပ်း​ဢၼ်​ယၢၵ်ႈ​ဢေႃႈ။</verse>
			</chapter>
			<chapter number="14">
				<verse number="1">မႄႈ​ယိင်း​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​တႄႇ​ၸၢင်ႈ​ႁဵတ်း​ႁိူၼ်း​မၼ်း​လႄႈ မႄႈ​ယိင်း​ဢၼ်​မိူၵ်ႈ​ၸမ်ႉ ၸၢင်ႈ​ဢဝ်​တင်း​မိုဝ်း​မၼ်း​ၵိူၼ်ႇ​ယႃႉ​ပႅတ်ႈ​ဢေႃႈ။-</verse>
				<verse number="2">ၵေႃႉ​ဢၼ်​ၸွမ်း​သဵၼ်ႈ​တၢင်း​ဢၼ်​သိုဝ်ႈ​လီ​ယူဝ်း​လီ​ၼၼ်ႉ ၸၢင်ႈ​ၵူဝ်​ႁႄ​ထႃႇဝရႃႉ​ၽြႃး​လႄႈ ၵေႃႉ​ဢၼ်​ၸွမ်း​သဵၼ်ႈ​တၢင်း​ဢၼ်​ၵူတ်ႉ​ဢၼ်​ငေႃး​ၼၼ်ႉ​ၸမ်ႉ၊ ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​မၼ်း​ၸဝ်ႈ​ဢေႃႈ။-</verse>
				<verse number="3">ၵႃႈ​ၼႂ်း​သူပ်း​ၵေႃႉ​ဢၼ်​မိူၵ်ႈ​ၼၼ်ႉ မႃႇၼႃႉ​ၸႂ်​သုင်​ပဵၼ်​ၶွၼ်ႉ​ဝၢႆ​တီႈ​မၼ်း​လႄႈ သီႇ​သူပ်း​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​ၸမ်ႉ၊ ၸၢင်ႈ​ပႂ်ႉ​ၵႄႇ​သႄႇ​ၼုၵ်ႈ​ဢဝ်​ၶဝ်​ယူႇ​ဢေႃႈ။-</verse>
				<verse number="4">သိုင်ႇ​ဢၼ်​ဢမ်ႇ​မီး​ဝူဝ်း​ပေႃႈ​ၼၼ်ႉ ပဵၼ်​ဢၼ်​မူတ်း​ၵဵင်ႈ​လႄႈ တၢင်း​ဢၼ်​သုင်း​သွင်ႇ​ႁႅင်း​ဝူဝ်း​ၸမ်ႉ၊ ၸၢင်ႈ​ပဵၼ်​ၸီး​ပႂႃး​ၼမ်​ၼႃႇ​ဢေႃႈ။-</verse>
				<verse number="5">ၵေႃႉ​ဢၼ်​ၶၢမ်ႇ​သၢၵ်ႈ​သေႇ​ဢၼ်​မီး​သဵတ်ႈ​ၸႃႇ​ၼၼ်ႉ ဢမ်ႇ​ၸၢင်ႈ​လၢတ်ႈ​မူႉ​သႃႇ​လႄႈ ၵေႃႉ​ဢၼ်​ၶၢမ်ႇ​သၢၵ်ႈ​သေႇ ဢၼ်​ယႃႉ​သဵတ်ႈ​ၸႃႇ​ၼၼ်ႉ​ၸမ်ႉ၊ ၸၢင်ႈ​လၢတ်ႈ​မူႉ​သႃႇ​ဢေႃႈ။-</verse>
				<verse number="6">ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၼၼ်ႉ ႁႃ​ပိင်ႇ​ၺႃႇ​လႄႈ​ဢမ်ႇ​ၸၢင်ႈ​ထူပ်း​ၸၢင်ႈ​လႆႈ။ ၵေႃႉ​ဢၼ်​မီး​ၺၢၼ်ႇ​ၸမ်ႉ၊ လႆႈ​တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ​ငၢႆႈ​ဢေႃႈ။-</verse>
				<verse number="7">ဝႄႈ​ပႅတ်ႈ​သေ​ၵေႃႉ​ဢၼ်​မိူၵ်ႈ​ၼၼ်ႉ ၵွပ်ႈ​ပိူဝ်ႈ​ဢၼ်​မႂ်း​တၵ်း​ဢမ်ႇ​ထူပ်း​ဢမ်ႇ​ႁၼ် တၢင်း​ဢၼ်​ႁူႉ​ဢၼ်​ၸႅင်ႈ တီႈ​သူပ်း​မၼ်း​ၼၼ်ႉ​လႄႈ ၵႂႃႇ​သေ​တႃႉ။-</verse>
				<verse number="8">ပိင်ႇ​ၺႃႇ​ၵေႃႉ​ဢၼ်​မီး​ပိင်ႇ​ၺႃႇ​သတီႉ​ၼၼ်ႉ ပဵၼ်​တၢင်း​ဢၼ်​ႁူႉ​သဵၼ်ႈ​တၢင်း ဢၼ်​မၼ်း​လႆႈ​ၵႂႃႇ​ယူႇ​ၼၼ်ႉ​လႄႈ တၢင်း​ဢၼ်​မိူၵ်ႈ​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ​ၸမ်ႉ၊ ပဵၼ်​ပရီႉယႄႇ​ဢေႃႈ။-</verse>
				<verse number="9">ယိတ်ႈ​ၽေႇ​တူႉ​ၸရိူၵ်ႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ​လႄႈ တီႈ​ၶဝ်​ၸိူဝ်း​ဢၼ်​သိုဝ်ႈ​လီ​ယူဝ်း​လီ​ၼၼ်ႉ​ၸမ်ႉ၊ မီး​တၢင်း​ဢၼ်​မၼ်း​ၸဝ်ႈ​ႁပ်ႉ​တုင်း​ဢဝ်​ဢေႃႈ။-</verse>
				<verse number="10">ႁူဝ်​ၸႂ်​ႁူႉ​ၸႅင်ႈ​တုၵ်ႉ​ၶႃႉ​တူဝ်​ၸဝ်ႈ​ၵဝ်ႇ​ယူႇ​လႄႈ ပိူၼ်ႈ​တၢင်ႇ​ၵေႃႉ​ဢမ်ႇ​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​မၼ်း​ၸူမ်း​သိူဝ်း​ၼၼ်ႉ။-</verse>
				<verse number="11">ႁိူၼ်း​ၵေႃႉ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​လူမ်ႉ​ပင်း​ၵႂႃႇ​လႄႈ၊ မူဝ်းၵႃႇ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ၸၢင်ႈ​ၵီႈ​လီ​တင်ႈ​လီ​ယူႇ​ဢေႃႈ။</verse>
				<verse number="12">မီး​သဵၼ်ႈ​တၢင်း​ဢၼ်​ၵူၼ်း​ထၢင်ႇ​ပဵၼ် ဢၼ်​မၢၼ်ႇ​မႅၼ်ႈ​ၸိုဝ်ႈ​ၸႂ်ႈ​ၼၼ်ႉ​လႄႈ တီႈ​သုတ်း​မၼ်း​ပဵၼ်​သဵၼ်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​တၢင်း​တၢႆ​ၸိူဝ်း​ၼၼ်ႉ​ဢေႃႈ။-</verse>
				<verse number="13">တေႃႈ​ၵႃႈ​မိူဝ်ႈ​ဢၼ်​ၵူၼ်း​ယင်း​တိုၵ်ႉ​ၶူဝ်​ယူႇ​ၼၼ်ႉ၊ မီး​ႁူဝ်​ၸႂ်​ဢၼ်​ၸဵပ်း​ယူႇ​လႄႈ တီႈ​သုတ်း​တၢင်း​ဢၼ်​ၶူဝ်​ႁိုဝ်ႉ​သႂၢင်ႇ​သိူဝ်း​ၼၼ်ႉ ၸၢင်ႈ​ပဵၼ်​တၢင်း​ဢၼ်​မႆႈ​ၸႂ်​ၶီ​ၸႂ်​ဢေႃႈ။</verse>
				<verse number="14">ၵေႃႉ​ဢၼ်​ႁူဝ်​ၸႂ်​ၽွၵ်ႈ​ပျၢၼ်ႇ​ၶိုၼ်း​ၼၼ်ႉ တၵ်း​ဢိမ်ႇ​တဵမ်​ဝႆႉ တင်း​သဵၼ်ႈ​တၢင်း​မၼ်း​တင်း​လၢႆ​လႄႈ ၵေႃႉ​ဢၼ်​လီ​ဢၼ်​ငၢမ်း​ၼၼ်ႉ တၵ်း​ယူႇ​ၵႃႈ​တီႈ​ဢၼ်​ၵႆ​ၵၼ်​တင်း​မၼ်း​ၼၼ်ႉ​ဢေႃႈ။-</verse>
				<verse number="15">ၵေႃႉ​ဢၼ်​ငိူဝ်ႈ​ဢၼ်​ငႃႉ​ၼၼ်ႉ ၸၢင်ႈ​ယုမ်ႇ​ၵႂၢမ်း​ၵႃႈ​ဢၼ်​ပိူၼ်ႈ​လၢတ်ႈ​ၼၼ်ႉ​လႄႈ ၵေႃႉ​ဢၼ်​မီး​ပိင်ႇ​ၺႃႇ​သတီႉ​ၼၼ်ႉ​ၸမ်ႉ၊ ၸၢင်ႈ​လူ​တူၺ်း​သဵၼ်ႈ​တၢင်း​ဢၼ်​မၼ်း​ၵႂႃႇ​ၼၼ်ႉ ၸေး​ၸေး​ၸွတ်ႇ​ၸွတ်ႇ​ဢေႃႈ။-</verse>
				<verse number="16">ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​ၵူဝ်​ႁႄ​လႄႈ ဝႄႈ​ပႅတ်ႈ​တူႉ​ၸရိူၵ်ႈ​ဢေႃႈ။ ၵေႃႉ​ဢၼ်​မိူၵ်ႈ​ၼၼ်ႉ​ၸမ်ႉ၊ မႃႇၼႃႉ​ယႂ်ႇ​လႄႈ​ႁတ်း​ႁၢၼ်​ဢေႃႈ။</verse>
				<verse number="17">ၵေႃႉ​ဢၼ်​ၸႂ်​ပွတ်း​ၸႂ်​လွတ်း​ၼၼ်ႉ ၸၢင်ႈ​ႁဵတ်း​တၢင်း​ဢၼ်​မိူၵ်ႈ​ၼႃႇ​လႄႈ ၵေႃႉ​ဢၼ်​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ပိူၼ်ႈ​ၸင်း​ဢေႃႈ။-</verse>
				<verse number="18">ၵေႃႉ​ဢၼ်​ငိူဝ်ႈ​ဢၼ်​ငႃႉ​ၼၼ်ႉ ၸၢင်ႈ​လႆႈ​ၶၢမ်ႇ​ဢမူၺ်ႇ​တၢင်း​ဢၼ်​မိူၵ်ႈ​လႄႈ ၵေႃႉ​ဢၼ်​မီး​ပိင်ႇ​ၺႃႇ​သတီႉ​ၼၼ်ႉ​ၸမ်ႉ၊ ၸၢင်ႈ​လႆႈ​တိုဝ်း​သရၽူႇ​တၢင်း​ဢၼ်​ႁူႉ​ၸႅင်ႈ​ဢေႃႈ။-</verse>
				<verse number="19">ၶဝ်​ၸိူဝ်း​ဢၼ်​ႁၢႆႉ​မိူၵ်ႈ​ၼၼ်ႉ ၸၢင်ႈ​ၶုပ်ႉ​မူပ်ႇ​ၵူမ်ႈ​ႁူဝ် ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ်​လီ​ဢၼ်​ငၢမ်း​လႄႈ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸၢင်ႈ​ၶုပ်ႉ​မူပ်ႇ​ၵူမ်ႈ​ႁူဝ် ၵႃႈ​တီႈ​ႁူး​ၽၵ်း​တူ​ႁိူၼ်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ဢေႃႈ။-</verse>
				<verse number="20">ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ၸၢင်ႈ​လႆႈ​ၶၢမ်ႇ တၢင်း​ဢၼ်​ၵူၼ်း​ႁိူၼ်း​ၸမ်​ၵၼ်​တင်း​မၼ်း​ၸင်း​လႄႈ ၶဝ်​ၸိူဝ်း​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ​ၸမ်ႉ၊ မီး​ၵေႃႉ​ဢၼ်​ႁၵ်ႉ​ပႅင်း​ၶဝ်​ၼမ်​ၼႃႇ​ဢေႃႈ။-</verse>
				<verse number="21">ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​ၼၼ်ႉ မီး​ဢပႅတ်ႈ​လႄႈ ၵေႃႉ​ဢၼ်​ဢဵတ်း​လူ​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ၸမ်ႉ၊ မီး​မင်ႇၵလႃႇ​ဢေႃႈ။-</verse>
				<verse number="22">ၶဝ်​ၸိူဝ်း​ဢၼ်​ၸၢင်ႈ​ၵျၢမ်ႇ​ၸၢင်ႈ​ပွင် လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ ၸၢင်ႈ​ၽိတ်း​ၸၢင်ႈ​ပိူင်ႈ ဢမ်ႇ​ၸႂ်ႈ​ႁိုဝ်။ ၵူၺ်း​ၵႃႈ ၵရူႉၼႃႇ​ဢိၵ်ႇ​တင်း​သဵတ်ႈ​ၸႃႇ တၵ်း​မီး​တီႈ​ၶဝ်​ၸိူဝ်း​ဢၼ် ၸၢင်ႈ​ၵျၢမ်ႇ​ၸၢင်ႈ​ပွင် တၵ်း​ႁဵတ်း​ၵျေး​ၸူး​ၼၼ်ႉ​ဢေႃႈ။-</verse>
				<verse number="23">ၼႂ်း​တၢင်း​ဢၼ်​ၵျူဝ်း​ၸႃး​လႄႈ သၢင်ႈ​ႁဵတ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ မီး​ဢၵျူဝ်း​လႄႈ တၢင်း​ဢၼ်​သူပ်း​ၼမ်​ၵႂၢမ်း​ၼမ်​ၼၼ်ႉ​ၸမ်ႉ၊ ပဵၼ်​တၢင်း​ယၢၵ်ႈ​တၢင်း​ၽၢၼ်​ၵူၺ်း​ဢေႃႈ။-</verse>
				<verse number="24">ၸေး​ၸိမ်ႇ​ဢုၵ်ႉ​ၸႃႇ​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ ပဵၼ်​သရၽူႇ​ၶဝ်​လႄႈ တၢင်း​ဢၼ်​မိူၵ်ႈ​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ ပဵၼ်​ဢၼ်​မိူၵ်ႈ​လွၼ်ႉ​လွၼ်ႉ​ၵူၺ်း​ဢေႃႈ။-</verse>
				<verse number="25">ၵေႃႉ​ဢၼ်​ၶၢမ်ႇ​သၢၵ်ႈ​သေႇ ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ ၸၢင်ႈ​ၵႄႇ​သႄႇ​ဢဝ်​ဢသၢၵ်ႈ​ပိူၼ်ႈ​လွတ်ႈ​လႄႈ ၵေႃႉ​ဢၼ်​ထူၺ်ႈ​ၸႂ်​ဢွၵ်ႇ​မူႉ​သႃႇ​ၼၼ်ႉ​ၸမ်ႉ၊ ၸၢင်ႈ​ႁႂ်ႈ​တၢင်း​ဢၼ်​ပႅတ်ႉ​ဢၼ်​လႅၼ်​ပဵၼ်​မႃး​ဢေႃႈ။-</verse>
				<verse number="26">ၵႃႈ​ၼႂ်း​တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ၊ ၸၢင်ႈ​မီး​ဢၶႂၢင်ႉ​တၢင်း​ဢၼ် ဢိင်​ပိုင်ႈ​ဢၼ်​ႁႅင်း​ယႂ်ႇ​ၼႃႇ​လႄႈ လုၵ်ႈ​ၸၢႆး​မၼ်း​ၸဝ်ႈ​တင်း​လၢႆ တၵ်း​လႆႈ​တီႈ​ဢၼ်​သွၼ်ႈ​ပိုင်ႈ​ဢေႃႈ။-</verse>
				<verse number="27">တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ ပဵၼ်​ၼမ်ႉ​ဢွၵ်ႇ​ႁူး​ဢသၢၵ်ႈ ဢၼ်​ဝႄႈ​ပိူင်ႈ​သေ​တူင်ႇ​ႁႅဝ်ႉ​တူင်ႇ​ၶိုမ်း​တၢင်း​တၢႆ​ဢေႃႈ။-</verse>
				<verse number="28">ၼႂ်း​တၢင်း​ဢၼ်​ၵူၼ်း​ဝၢၼ်ႈ​ၵူၼ်း​မိူင်း​ၼမ်​ၼႃႇ​ၼၼ်ႉ ၶုၼ်​ႁေႃ​ၶမ်း​မီး​မုၼ်​မီး​ၽုင်း​လႄႈ ၼႂ်း​တၢင်း​ဢၼ်​ၵူၼ်း​ဝၢၼ်ႈ​ၵူၼ်း​မိူင်း​ၵေႇ​မၢင်​ၼၼ်ႉ​ၸမ်ႉ၊ ၶုၼ်​မီး​တၢင်း​ဢၼ်​ဢၵျူဝ်း​ၵေႇ​မၢင်​ဢေႃႈ။-</verse>
				<verse number="29">ၵေႃႉ​ဢၼ်​ၸႂ်​ယႂ်ႇ​ၸႂ်​ယၢဝ်း​ၼၼ်ႉ ပိင်ႇ​ၺႃႇ​ယႂ်ႇ​လႄႈ ၵေႃႉ​ဢၼ်​ၸႂ်​ပွတ်း​ၸႂ်​လွတ်း​ၼၼ်ႉ​ၸမ်ႉ၊ ယုၵ်ႉ​ယွင်ႈ​တၢင်း​ဢၼ်​မိူၵ်ႈ​ဝႆႉ တီႈ​သုင်​ဢေႃႈ။-</verse>
				<verse number="30">ႁူဝ်​ၸႂ်​ဢၼ်​ယူႇ​လီ ဢမ်ႇ​မီး​တၢင်း​ၶႆႈ​တၢင်း​ပဵၼ်​ၼၼ်ႉ ပဵၼ်​လွင်ႈ​ဢၼ်​ႁႂ်ႈ​တူဝ်​ၵႃႇ​ယႃႉ ဢသၢၵ်ႈ​လိပ်း​ယူႇ​လႄႈ သၽေႃး​ဢၼ်​သီႈ​ၵေႉ​ႁေႈ​တႃ​ၼၼ်ႉ​ၸမ်ႉ၊ ပဵၼ်​လွင်ႈ​ဢၼ်​လုပ်ႇ​ၽင်ႉ​ဢူႉ​ဢေႃႈ။-</verse>
				<verse number="31">ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​ယၢၵ်ႈ​ၵူၼ်း​ၽၢၼ်​ၼၼ်ႉ သႄႉ​သွမ်း​ၽြႃး​ဢၼ်​ၽၢၼ်ႇ​သၢင်း​ႁဵတ်း​ပဵၼ်​မၼ်း​ၼၼ်ႉ​လႄႈ ၵေႃႉ​ဢၼ်​မၼ်း​ၸဝ်ႈ ၸၢင်ႈ​ဢဵတ်း​လူ​ၵူၼ်း ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​ၸမ်ႉ၊ ရူဝ်ႇ​သေႇ​ၵူဝ်​ယမ်​ဢေႃႈ။-</verse>
				<verse number="32">ၵေႃႉ​ဢၼ်​ဢမ်ႇ​တြႃး​ၼၼ်ႉ လႆႈ​ၶၢမ်ႇ​တၢင်း​ဢၼ်​ဢဝ်​လူမ်ႉ​ပႅတ်ႈ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ ႁဵတ်း​ဢၼ်​ဢမ်ႇ​တြႃး​ယူႇ​ၼၼ်ႉ​လႄႈ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ မီး​တီႈ​ဢၼ်​မုင်ႈ​ထႃႈ​မွင်း​ထႃႈ ၼႂ်း​မိူဝ်ႈ​ဢၼ်​မၼ်း​တၢႆ​ယူႇ​ၼၼ်ႉ​ဢေႃႈ။-</verse>
				<verse number="33">ပိင်ႇ​ၺႃႇ​ၸၢင်ႈ​ၵိင်း​ဝၢပ်ႈ​ယူႇ ၵႃႈ​ၼႂ်း​ႁူဝ်​ၸႂ်​ၵေႃႉ​ဢၼ်​မီး​ၺၢၼ်ႇ​ၼၼ်ႉ​လႄႈ လွင်ႈ​တၢင်း​ဢၼ်​မီး​ယူႇ ၵႃႈ​ၼႂ်း​ၶဝ် ၸိူဝ်း​ဢၼ်​မိူၵ်ႈ​ၼၼ်ႉ​ၸမ်ႉ၊ ၸၢင်ႈ​ပေႃႇ​ၸၢင်ႈ​ဢွၵ်ႇ​ဢေႃႈ။-</verse>
				<verse number="34">တၢင်း​ဢၼ်​သိုဝ်ႈ​တေႃႇ ၸၢင်ႈ​ယုၵ်ႉ​ယွင်ႈ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​လႄႈ ဢပႅတ်ႈ​တူႉ​ၸရိူၵ်ႈ​ၸမ်ႉ၊ ၸၢင်ႈ​ဢဝ်​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၶျႃး​တူၵ်း​တီႈ​တႅမ်ႇ​ဢေႃႈ။-</verse>
				<verse number="35">ၵျေး​ၸူး​ၶုၼ်​ႁေႃ​ၶမ်း ၸၢင်ႈ​မီး​ၵႃႈ​ၼိူဝ်​ၶႃႈ​ဢၼ်​မီး​ပိင်ႇ​ၺႃႇ​ၼၼ်ႉ​လႄႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၸမ်ႉ၊ ၸၢင်ႈ​မီး​ၵႃႈ​ၼိူဝ်​ၶႃႈ​ဢၼ်​ၸၢင်ႈ​ႁႂ်ႈ​ဢူၵ်း​ႁႂ်ႈ​ဢၢႆ​ၼၼ်ႉ​ဢေႃႈ။</verse>
			</chapter>
			<chapter number="15">
				<verse number="1">ၵႂၢမ်း​ဢၼ်​လီ​ဢၼ်​ဝၢၼ်​ၼၼ်ႉ ၸၢင်ႈ​ၽေႇ​တေႃး​သႃႉ​လႄႈ ၵႂၢမ်း​ဢၼ်​ၶူမ်​ဢၼ်​ၶၼ်း​ၼၼ်ႉ​ၸမ်ႉ၊ ၸၢင်ႈ​တိုၵ်း​ယူင်း​တၢင်း​ဢၼ်​ၸႂ်​လမ်​သႆႈ​ၵမ်ႇ​ဢေႃႈ။-</verse>
				<verse number="2">လိၼ်ႉ​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​ႁႂ်ႈ​တၢင်း​ဢၼ်​ႁူႉ​ၸႅင်ႈ​ၼၼ်ႉ သေႇ​ၶျႃႇ​လီ​ငၢမ်း​လႄႈ သူပ်း​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ​ၸမ်ႉ၊ ၸၢင်ႈ​ဢဝ်​တၢင်း​ဢၼ်​မိူၵ်ႈ​ၼၼ်ႉ​သွၼ်း​လေႃႇ​ဢေႃႈ။-</verse>
				<verse number="3">မၢၵ်ႇ​တႃ​ထႃႇဝရႃႉ​ၽြႃး မီး​ယူႇ​ၵူႈ​တီႈ​ၵူႈ​လႅၼ်​လႄႈ လူ​တူၺ်း​ဢၼ်​လီ​ဢၼ်​ၸႃႉ​ယူႇ​ဢေႃႈ။</verse>
				<verse number="4">လိၼ်ႉ​ဢၼ်​လီ​ဢၼ်​ဝၢၼ်​ၼၼ်ႉ ပဵၼ်​တူၼ်ႈ​ဢသၢၵ်ႈ​လႄႈ လိၼ်ႉ​ဢၼ်​ႁၢဝ်ႈ​ဢၼ်​ၵျၢမ်း​ၼၼ်ႉ​ၸမ်ႉ၊ ၸၢင်ႈ​ႁႂ်ႈ​ၸဵပ်း​ၸႂ်​ဢေႃႈ။-</verse>
				<verse number="5">ၵေႃႉ​ဢၼ်​မိူၵ်ႈ​ၼၼ်ႉ ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​တၢင်း​ဢၼ်​ပေႃႈ​မၼ်း​သင်ႇ​သွၼ်​ပၼ်​ၼၼ်ႉ​လႄႈ ၵေႃႉ​ဢၼ်​ထွမ်ႇ​ဢဝ်​ၵႂၢမ်း တၢင်း​ဢၼ်​သုင်း​မႃႉ​ပၼ်​ၼၼ်ႉ​ၸမ်ႉ၊ ၸၢင်ႈ​ပျေႉ​ၸုမ်ႇ​ဝႆႉ​တင်း​သတီႉ​ဢေႃႈ။-</verse>
				<verse number="6">ၵႃႈ​ၼႂ်း​ႁိူၼ်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ မီး​ၸေး​ၸိမ်ႇ​ၼမ်​ၼႃႇ​လႄႈ ၵႃႈ​ၼႂ်း​တၢင်း​ဢၼ်​ပဵၼ်​တိုၼ်း​ပဵၼ်​ႁွၼ်း ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ မီး​တၢင်း​ဢၼ်​ယႃႉ​ယူၵ်ႉ​ၼမ်​ၼႃႇ​ဢေႃႈ။-</verse>
				<verse number="7">သီႇ​သူပ်း​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​ၽႄ​တၢင်း​ဢၼ်​ႁူႉ​ဢၼ်​ၸႅင်ႈ မႅင်ႇ​ပၼ်​လႄႈ ႁူဝ်​ၸႂ်​ၵေႃႉ​ဢၼ်​မိူၵ်ႈ​ၸမ်ႉ၊ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။-</verse>
				<verse number="8">ယိတ်ႈ​ၵေႃႉ​ဢၼ်​ဢမ်ႇ​တြႃး​ၼၼ်ႉ ပုၵ်ႈ​ၸေႃႇ​ၼၼ်ႉ ပဵၼ်​တီႈ​ဢၼ် ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​လႄႈ ပထၼႃႇ​ဢၼ် ၵေႃႉ​ဢၼ်​ႁူဝ်​ၸႂ်​သိုဝ်ႈ​လီ​ယူဝ်း​လီ​ၼၼ်ႉ သူး​တွင်း​ၼၼ်ႉ​ၸမ်ႉ၊ ပဵၼ်​တီႈ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​မၼ်း​ၸဝ်ႈ​ဢေႃႈ။-</verse>
				<verse number="9">သဵၼ်ႈ​တၢင်း​ၵေႃႉ​ဢၼ်​ဢမ်ႇ​တြႃး​ၼၼ်ႉ ပဵၼ်​တီႈ​ဢၼ် ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​လႄႈ ၵေႃႉ​ဢၼ်​ၸွမ်း​သဵၼ်ႈ​တၢင်း တြႃး​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ မၼ်း​ၸဝ်ႈ​ႁၵ်ႉ​ပႅင်း​ဢေႃႈ။-</verse>
				<verse number="10">တၢင်း​ဢၼ်​သင်ႇ​သွၼ်​ပၼ် ဢၼ်​ယၢပ်ႇ​ၽိုတ်ႇ​ၼႃႇ​ၼၼ်ႉ မီး​ဝႆႉ​ပုၼ်ႈ​ၵေႃႉ​ဢၼ် ပိူင်ႈ​တၢင်း​ၽိတ်း​တၢင်း​ၵႂႃႇ​ၼၼ်ႉ​လႄႈ ၵေႃႉ​ဢၼ်​ငိၼ်း​ၸင်း တၢင်း​ဢၼ်​တၢင်ႇ​ဢပႅတ်ႈ​ၼၼ်ႉ​ၸမ်ႉ၊ တၵ်း​လႆႈ​တၢႆ​ဢေႃႈ။-</verse>
				<verse number="11">မိူင်း​မရၼႃႉ​ဢိၵ်ႇ​တင်း​မိူင်း​တၢင်း​လူႉ​တၢင်း​လႅဝ်​ၼၼ်ႉ ထၢင်ႇ​သႃး​ယူႇ​ၵႃႈ​တီႈ ၽၢႆႇ​ၼႃႈ​ထႃႇဝရႃႉ​ၽြႃး​လႄႈ ႁူဝ်​ၸႂ်​လုၵ်ႈ​ၵူၼ်း​တင်း​လၢႆ​ယဵင်ႈ​ၶႅၼ်း​ထၢင်ႇ​သႃး​ယူႇ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="12">ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၼၼ်ႉ ဢမ်ႇ​ၸၢင်ႈ​ႁၵ်ႉ​ၵႃႈ​ဢၼ်​ၼႄ​ပျႃး​ဢပႅတ်ႈ​ၼၼ်ႉ​လႄႈ ဢမ်ႇ​ၸၢင်ႈ​သုတ်ႉ​ၸပ်း​သုတ်ႉ​ၸူး တီႈ​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ။-</verse>
				<verse number="13">ႁူဝ်​ၸႂ်​ဢၼ်​ၸူမ်း​သိူဝ်း​ၼၼ်ႉ ၸၢင်ႈ​ႁႂ်ႈ​ပဵၼ်​ၼႃႈ​ၵီႈ​တႃ​ဝၢၼ်​လႄႈ ၵွပ်ႈ​ပိူဝ်ႈ​တၢင်း​ဢၼ်​ႁူဝ်​ၸႂ်​မႆႈ​ႁွၼ်ႉ​ၶီ​ၼႅင်​ၼၼ်ႉ​ၸမ်ႉ၊ ၸႂ်​ၸၢင်ႈ​လူႉ​ဢေႃႈ။-</verse>
				<verse number="14">ႁူဝ်​ၸႂ်​ၵေႃႉ​ဢၼ်​ၺၢၼ်ႇ​လီ​ၼၼ်ႉ ၸၢင်ႈ​ႁႃ​ဢဝ်​တၢင်း​ဢၼ်​ႁူႉ​ဢၼ်​ၸႅင်ႈ​လႄႈ၊ သူပ်း​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ​ၸမ်ႉ၊ ၸၢင်ႈ​မၵ်ႉ​ၸၢင်ႈ​ၵျိူၵ်ႈ​တၢင်း​ဢၼ်​မိူၵ်ႈ​ဢေႃႈ။-</verse>
				<verse number="15">မိုဝ်ႉ​ဝၼ်း​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၵႃႈ​မီး​ၼၼ်ႉ ပဵၼ်​ဢၼ်​ႁၢႆႉ​ဢၼ်​ယုတ်ႈ​လႄႈ ႁူဝ်​ၸႂ်​ဢၼ်​ၸူမ်း​ဢၼ်​သိူဝ်း​ၼၼ်ႉ​ၸမ်ႉ၊ ပဵၼ်​ပွႆး​ဢၼ်​လႆႈ​ၶၢမ်ႇ​ယူႇ​တႃႇ​သေႇ​ဢေႃႈ။-</verse>
				<verse number="16">ဢုၵ်ႉ​ၸႃႇ​ဢၼ်​ၵေႇ​ၼႃႇ​လႄႈ ပႃး​တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ ၸေး​ၸိမ်ႇ​ဢၼ်​ယႂ်ႇ​ၼႃႇ​လႄႈ ပႃး​တၢင်း​ဢၼ်​ယႃႉ​ယူၵ်ႉ​ၼၼ်ႉ​ဢေႃႈ။-</verse>
				<verse number="17">ၽၵ်း​ၶဵဝ်​ဢၼ်​ပႃး​တၢင်း​ႁၵ်ႉ​မႅတ်ႈ​တႃႇ တႃႇ​ၼိုင်ႈ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ ဝူဝ်း​ဢၼ်​ပီး​လီ​မၼ်း​လီ​တူဝ်​ၼိုင်ႈ ဢၼ်​ပႃး​တင်း တၢင်း​ဢၼ်​ဝႆႉ​တၢင်း​ၽိတ်း​တီႈ​ၵၼ်​ၼၼ်ႉ​ဢေႃႈ။-</verse>
				<verse number="18">ၵေႃႉ​ဢၼ်​ၸႂ်​မႆႈ​ၶႆႈ​ၸႃႉ​ၼၼ်ႉ ၸၢင်ႈ​တိုၵ်း​ယူင်း​တၢင်း​ၽိတ်း​လႄႈ၊ ၵေႃႉ​ဢၼ်​ယိူၼ်ႉ​ၶၢမ်ႇ​လႆႈ​ၼၼ်ႉ​ၸမ်ႉ၊ ၸၢင်ႈ​ႁႂ်ႈ​တၢင်း​ဢၼ် တွပ်ႇ​ၵၼ်​ထဵင်​ၵၼ်​ယဵၼ်​ဢေႃႈ။</verse>
				<verse number="19">သဵၼ်ႈ​တၢင်း​ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ပဵၼ်​ၸိူဝ်ႉ​ၼင်ႇ​ႁူဝ်ႉ​ယုမ်း​ၼၢမ်​လႄႈ ႁွႆး​တၢင်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​သဵၼ်ႈ​တၢင်း​လူင်​ဢေႃႈ။-</verse>
				<verse number="20">လုၵ်ႈ​ၸၢႆး​ဢၼ်​မီး​ပိင်ႇ​ၺႃႇ​ၼၼ်ႉ ပဵၼ်​တီႈ​ဢၼ်​ပေႃႈ​မၼ်း​ၸူမ်း​သိူဝ်း​လႄႈ လုၵ်ႈ​ၸၢႆး​ဢၼ်​မိူၵ်ႈ​ၼၼ်ႉ​ၸမ်ႉ၊ ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​မႄႈ​မၼ်း​ဢေႃႈ။-</verse>
				<verse number="21">တၢင်း​ဢၼ်​မိူၵ်ႈ​ၼၼ်ႉ ၸၢင်ႈ​ပဵၼ်​တီႈ​ဢၼ်​မူၼ်ႈ​ပျေႃႇ တီႈ​ၵေႃႉ​ဢၼ်​ဢမ်ႇ​မီး​ၺၢၼ်ႇ​လႄႈ ၵေႃႉ​ဢၼ်​မီး​ၺၢၼ်ႇ​ၼၼ်ႉ​ၸမ်ႉ၊ တၵ်း​ႁႂ်ႈ​သဵၼ်ႈ​တၢင်း​ဢၼ်​မၼ်း​ၵႂႃႇ​ၼၼ်ႉ သိုဝ်ႈ​လီ​ဢေႃႈ။-</verse>
				<verse number="22">ပေႃး​ဢမ်ႇ​မီး​တၢင်း​ဢၼ်​တိူင်ႇ​ပၢင်ႇ​ၵၼ်​ၸိုင်၊ တၢင်း​ၵျၢမ်ႇ​တၢင်း​ပွင်​ၸၢင်ႈ​လူႉ​လႄႈ ပေႃး​ၵေႃႉ​ဢၼ်​တိူင်ႇ​ပၢင်ႇ​ၵၼ်​ၸိူဝ်း​ၼၼ်ႉ မီး​ၼမ်​ၸမ်ႉ၊ တၢင်း​ၵျၢမ်ႇ​တၢင်း​ပွင်​ၸၢင်ႈ​တႄႇ​ယူႇ​ဢေႃႈ။-</verse>
				<verse number="23">ၵူၼ်း​မီး​တီႈ​ဢၼ်​လီ​ၸူမ်း​လီ​သိူဝ်း​ၼႂ်း​တၢင်း​ဢၼ် သူပ်း​မၼ်း​ၶိုၼ်း​လၢတ်ႈ​ၼၼ်ႉ​လႄႈ ၵႂၢမ်း​ဢၼ်​ၶိင်ႇ​မၼ်း​ထုၵ်ႇ​လႄႈ လၢတ်ႈ​ၼၼ်ႉ​ၵေႃႈ၊ သေႇ​ၶျႃႇ​လီ​ငၢမ်း​ဢေႃႈ။-</verse>
				<verse number="24">သဵၼ်ႈ​တၢင်း​ဢသၢၵ်ႈ ဢၼ်​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ​ၸွမ်း​ၼၼ်ႉ ၸၢင်ႈ​ဢဝ်​သူင်ႇ​ၵႃႈ​တီႈ​ၽၢႆႇ​တၢင်း​ၼိူဝ်​လႄႈ ႁႂ်ႈ​မၼ်း​လႆႈ​ဝႄႈ​ပိူင်ႈ​သေ​မိူင်း​မရၼႃႉ ၽၢႆႇ​တၢင်း​တႂ်ႈ​ဢေႃႈ။-</verse>
				<verse number="25">ထႃႇဝရႃႉ​ၽြႃး​တၵ်း​ထွတ်ႇ​ထူၺ်ႈ​ႁိူၼ်း ၵေႃႉ​ဢၼ်​မႃႇၼႃႉ​ၸႂ်​သုင်​ၼၼ်ႉ​ပႅတ်ႈ​လႄႈ ႁူဝ်ႉ​ဝၢင်း​တီႈ​ယူႇ​မႄႈ​မူၵ်း​မႄႈ​မၢႆႈ​ၼၼ်ႉ​ၸမ်ႉ၊ မၼ်း​ၸဝ်ႈ​တၵ်း​ႁႂ်ႈ​တႄႇ​ယူႇ​ဢေႃႈ။-</verse>
				<verse number="26">တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​တြႃး​ၼၼ်ႉ ပဵၼ်​တီႈ​ဢၼ် ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​လႄႈ ၵႂၢမ်း​ဢၼ်​မူတ်း​သႂ်​ၼၼ်ႉ​ၸမ်ႉ၊ ပဵၼ်​တီႈ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​မၼ်း​ၸဝ်ႈ​ဢေႃႈ။-</verse>
				<verse number="27">ၵေႃႉ​ဢၼ်​ႁႃ​ၸီး​ပႂႃး ဢၼ်​ဢမ်ႇ​တြႃး​ၼၼ်ႉ ၸၢင်ႈ​ယႃႉ​ယူၵ်ႉ​ၵူၼ်း​ႁိူၼ်း​ၵူၼ်း​ယေး​မၼ်း​ပႅတ်ႈ​လႄႈ ၵေႃႉ​ဢၼ်​ငိၼ်း​ၸင်း​လၢၵ်ႈ​သွင်ႇ​ၼၼ်ႉ​ၸမ်ႉ၊ ဢသၢၵ်ႈ​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="28">ႁူဝ်​ၸႂ်​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​ၶႆႈ​ၸႂ်​ဝူၼ်ႉ​ၸႂ် လွင်ႈ​ဢၼ်​တၵ်း​လႆႈ​ၶိုၼ်း​လၢတ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​လႄႈ သူပ်း​ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ၸၢင်ႈ​သွၼ်း​လေႃႇ လွင်ႈ​တၢင်း​ဢၼ်​ဢမ်ႇ​လီ​ဢေႃႈ။-</verse>
				<verse number="29">ထႃႇဝရႃႉ​ၽြႃး ၵႆ​ၵၼ်​တင်း​ၵေႃႉ​ဢၼ်​ဢမ်ႇ​တြႃး​ၼၼ်ႉ​လႄႈ ၵႂၢမ်း​ပထၼႃႇ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ မၼ်း​ၸဝ်ႈ​ထွမ်ႇ​ဢဝ်​ဢေႃႈ။-</verse>
				<verse number="30">ဢၼ်​လႅင်း​မၢၵ်ႇ​တႃ​ၼၼ်ႉ ၸၢင်ႈ​ႁႂ်ႈ​မၢၵ်ႇ​တႃ​ၸူမ်း​သိူဝ်း​လႄႈ ၵႂၢမ်း​သတၢင်း​သဵင်​ၶၢဝ်ႇ​ဢၼ်​လီ​ၵေႃႈ ၸၢင်ႈ​ႁႂ်ႈ​လုပ်ႇ​တင်း​လၢႆ ပျေႉ​ၸုမ်ႇ​တဵမ်​ဝႆႉ​တင်း​ဢွၵ်း​လုပ်ႇ​ဢေႃႈ။-</verse>
				<verse number="31">ၵေႃႉ​ဢၼ်​ထွမ်ႇ​ဢဝ်​ၵႂၢမ်း​တၢင်း​ဢၼ်​သုင်း​မႃႉ​ပၼ် ဢၼ်​ၸၢပ်ႈ​သႅင်ႇ​ၵၼ်​တင်း​ဢသၢၵ်ႈ​ၼၼ်ႉ မီး​ဢၶႂၢင်ႉ​ဢၼ်​လႆႈ​ယူႇ ၵႃႈ​ၼႂ်း​ၵၢင်​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ဢေႃႈ။-</verse>
				<verse number="32">ၵေႃႉ​ဢၼ်​တွပ်ႇ​ထဵင်​ၵႂၢမ်း​တၢင်း​ဢၼ်​သုင်း​မႃႉ​ပၼ်​ၼၼ်ႉ​ပႅတ်ႈ​ၼၼ်ႉ ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ဝီႉၺိၺ်ႇ​မၼ်း​လႄႈ ၵေႃႉ​ဢၼ်​ထွမ်ႇ​ဢဝ်​ၵႂၢမ်း​တၢင်း​ဢၼ်​သုင်း​မႃႉ​ပၼ်​ၼၼ်ႉ​ၸမ်ႉ၊ ၸၢင်ႈ​လႆႈ​ၺၢၼ်ႇ​ဢေႃႈ။-</verse>
				<verse number="33">တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ ပဵၼ်​တၢင်း​ဢၼ်​သင်ႇ​သွၼ်​ပၼ်​ပိင်ႇ​ၺႃႇ​လႄႈ တၢင်း​ဢၼ်​ၶျႃး​တႅမ်ႇ​ၼၼ်ႉ မီး​ဝႆႉ​ဢွၼ်​တၢင်း​မုၼ်​သရေႇ​ဢေႃႈ။</verse>
			</chapter>
			<chapter number="16">
				<verse number="1">တၢင်း​ဢၼ်​ႁူဝ်​ၸႂ်​ၵျၢမ်ႇ​ပွင်​တင်း​လၢႆ​ၼၼ်ႉ ၸၢပ်ႈ​သႅင်ႇ​ၵၼ်​တင်း​ၵူၼ်း​လႄႈ တၢင်း​ဢၼ်​လိၼ်ႉ​ၶိုၼ်း​လၢတ်ႈ​ၼၼ်ႉ​ၸမ်ႉ၊ ဢွၵ်ႇ​တီႈ​ထႃႇဝရႃႉ​ၽြႃး​မႃး​ဢေႃႈ။-</verse>
				<verse number="2">သဵၼ်ႈ​တၢင်း​ၵႃႈ​ဢၼ်​ၵူၼ်း​ၸွမ်း​ၵႂႃႇ​ၸိူဝ်း​ၼၼ်ႉ ၸၢင်ႈ​ပဵၼ်​ဢၼ်​မူတ်း​လီ​ၵဵင်ႈ​လီ သိုဝ်ႈ​ၼႃႈ​တႂ်ႈ​တႃ​မၼ်း​လႄႈ ထႃႇဝရႃႉ​ၽြႃး​ၸမ်ႉ၊ ၸင်ႈ​ႁိဝ်ႈ​ၸင်ႈ​တူၺ်း​ၸႂ်​သၽေႃး​ဢေႃႈ။-</verse>
				<verse number="3">ဢဝ်​လွင်ႈ​တၢင်း​ဢၼ်​မႂ်း​ႁဵတ်း​ၼၼ်ႉ ဢၢပ်ႈ​ပၼ်​တီႈ​ထႃႇဝရႃႉ​ၽြႃး​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၢင်း​ၵျၢမ်ႇ​တၢင်း​ပွင်​မႂ်း​ၸိူဝ်း​ၼၼ်ႉ တၵ်း​တႄႇ​ယူႇ​ဢေႃႈ။-</verse>
				<verse number="4">ထႃႇဝရႃႉ​ၽြႃး​ႁဵတ်း​ပဵၼ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ဝႆႉ ပုၼ်ႈ​ဢၼ်​ၵျၢမ်ႇ​ငႃ​တၵ်း​ႁႂ်ႈ​ပဵၼ်​ၼၼ်ႉ​လႄႈ၊ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၵေႃႈ ႁဵတ်း​ပဵၼ်​ဝႆႉ ပုၼ်ႈ​ဝၼ်း​ဢၼ်​တၵ်း​လႆႈ​ၶၢမ်ႇ​ၽေး​တၢမ်ႇ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​မႃႇၼႃႉ​ၸႂ်​သုင် တင်း​သဵင်ႈ​တင်း​လူင်​ၼၼ်ႉ ပဵၼ်​တီႈ​ဢၼ် ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​လႄႈ ပိၵ်ႉ​သမ်ႉ​တူပ်း​မိုဝ်း​ၵၼ်​ယဝ်ႉ​သေ​ၵေႃႈ၊ မၼ်း​ဢမ်ႇ​လႆႈ​လွတ်ႈ​တင်း​တၢမ်ႇ​ဢပႅတ်ႈ။-</verse>
				<verse number="6">ၵွပ်ႈ​ပိူဝ်ႈ​ၵရူႉၼႃႇ​တြႃး ဢိၵ်ႇ​တင်း​သဵတ်ႈ​ၸႃႇ​တြႃး​လႄႈ ဢပႅတ်ႈ​ၸၢင်ႈ​ပေႇ​လႄႈ ၵွပ်ႈ​ပိူဝ်ႈ​သၽေႃး​ဢၼ်​ၵူဝ်​ဢၼ်​ႁႄ​ထႃႇဝရႃႉ​ၽြႃး​လႄႈ၊ ၵူၼ်း​ၸၢင်ႈ​ဝႄႈ​ပႅတ်ႈ​တူႉ​ၸရိူၵ်ႈ​ဢေႃႈ။-</verse>
				<verse number="7">မိူဝ်ႈ​ဢၼ်​သဵၼ်ႈ​တၢင်း​ဢၼ်​ၵူၼ်း​ၸွမ်း​ၼၼ်ႉ​ၸိူဝ်း​ၼၼ်ႉ ထုၵ်ႇ​ၸႂ်​ၵျိူၵ်ႈ​ၸႂ်​ထႃႇဝရႃႉ​ၽြႃး​ယဝ်ႉ​ၸိုင်၊ မၼ်း​ၸဝ်ႈ​ႁႂ်ႈ​ရၢၼ်ႇ​သူႇ​မၼ်း ထုၵ်ႇ​မေႃ​ၵၼ်​တင်း​မၼ်း​ဢေႃႈ။-</verse>
				<verse number="8">ဢုၵ်ႉ​ၸႃႇ​ဢဵတ်း​ဢွၼ်ႇ​ၼိုင်ႈ ဢၼ်​ၸၢပ်ႈ​သႅင်ႇ​ၵၼ်​တင်း​ပႃႇရမီႇ တၢင်း​ဢၼ်​သိုဝ်ႈ​တေႃႇ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ ဢုၵ်ႉ​ၸႃႇ​ၼမ်​ၼႃႇ​ဢၼ်​လႆႈ လူၺ်ႈ​လွင်ႈ​ဢၼ်​ဢမ်ႇ​တြႃး​ၼၼ်ႉ​ဢေႃႈ။-</verse>
				<verse number="9">ႁူဝ်​ၸႂ်​ၵူၼ်း​ၵျၢမ်ႇ​ပွင်​လူၺ်ႈ​သဵၼ်ႈ​တၢင်း​ဢၼ် မၼ်း​တၵ်း​ၵႂႃႇ​ၼၼ်ႉ​လႄႈ၊ ၵူၺ်း​ၵႃႈ ထႃႇဝရႃႉ​ၽြႃး​ၸီႇ​ယၢင်ႇ​ႁွႆး​တိၼ်​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="10">ပျႃႇ​တိၵ်ႈ​ၸဝ်ႈ မီး​ယူႇ​ၵႃႈ​ၼႂ်း​သူပ်း​ၶုၼ်​ႁေႃ​ၶမ်း​လႄႈ၊ သူပ်း​မၼ်း​ဢမ်ႇ​လီ​ၽိတ်း​ပိူင်ႈ ၼႂ်း​လွင်ႈ​တၢင်း​ဢၼ်​တႅပ်း​တတ်း​တြႃး​ၼၼ်ႉ။-</verse>
				<verse number="11">ယႃႇ​ၸူႇ ဢိၵ်ႇ​တင်း​ယွႆး ပဵၼ်​ဢုၵ်ႉ​ၸႃႇ​ထႃႇဝရႃႉ​ၽြႃး​လႄႈ လုၵ်ႈ​ၶၼ်​ၵႃႈ​ဢၼ်​ပႃး​ၼႂ်း​ထူင်​လုၵ်ႈ​ၶၼ်​ၸိူဝ်း​ၼၼ်ႉ ပဵၼ်​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​ဢေႃႈ။-</verse>
				<verse number="12">တၢင်း​ဢၼ်​ႁဵတ်း​တူႉ​ၸရိူၵ်ႈ​ၼၼ်ႉ ပဵၼ်​တီႈ​ဢၼ်​ၶုၼ်​ႁေႃ​ၶမ်း လီ​ႁင်ႈ​ဢဵတ်ႇ​သဵတ်ႇ​ဢေႃႈ။ လွင်ႈ​မၼ်း​ၸမ်ႉ ရႃႇၸႃႉ​ပလၢင်ႇ ၸၢင်ႈ​တႄႇ​ယူႇ​လူၺ်ႈ​တၢင်း​ဢၼ်​သိုဝ်ႈ​တေႃႇ​ၵူၺ်း​ဢေႃႈ။-</verse>
				<verse number="13">သီႇ​သူပ်း​ဢၼ်​သိုဝ်ႈ​ဢၼ်​တေႃႇ​ၼၼ်ႉ ပဵၼ်​တီႈ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၶုၼ်​ႁေႃ​ၶမ်း​လႄႈ ၶဝ်​ၸၢင်ႈ​ႁၵ်ႉ​ၵေႃႉ​ဢၼ် လၢတ်ႈ​သိုဝ်ႈ​လၢတ်ႈ​ယူဝ်း​ၼၼ်ႉ​ဢေႃႈ။-</verse>
				<verse number="14">တၢင်း​ၸႂ်​မႆႈ​ၶႆႈ​ၸႃႉ​ၶုၼ်​ႁေႃ​ၶမ်း ပဵၼ်​ၸိူဝ်ႉ​ၼင်ႇ​တမၢၼ်ႇ​တၢင်း​တၢႆ​လႄႈ၊ ၵူၺ်း​ၵႃႈ ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​ၽေႇ​ၸၢင်ႈ​ၵႄႈ​မၼ်း​ဢေႃႈ။-</verse>
				<verse number="15">ၵွပ်ႈ​ပိူဝ်ႈ​တၢင်း​ဢၼ်​ၼႃႈ​ၶုၼ်​ႁေႃ​ၶမ်း​သႂၢင်ႇ​ၵီႈ​ၼၼ်ႉ​လႄႈ ဢသၢၵ်ႈ​လႆႈ​ၵတ်း​ယဵၼ်​ၶျၢမ်း​သႃႇ​လႄႈ ၵျေး​ၸူး​မၼ်း​ပဵၼ်​ၸိူဝ်ႉ​ၼင်ႇ​ၽႃႈ​ၽူၼ် ႁၢင်​ပီႊ​ၼၼ်ႉ​ဢေႃႈ။</verse>
				<verse number="16">တၢင်း​ဢၼ်​ၸၢင်ႈ​လႆႈ​ပိင်ႇ​ၺႃႇ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ၸၢင်ႈ​လႆႈ​ၶမ်း​ၸႅတ်ႈ​ၼၼ်ႉ လူင်​လူင်​လၢင်​လၢင်​လႄႈ တၢင်း​ဢၼ်​လႆႈ​ၺၢၼ်ႇ​ၼၼ်ႉ ယဵင်ႈ​ၶႅၼ်း​ပဵၼ်​တီႈ​ဢၼ် လိူၵ်ႈ​ၵဵပ်း​ဢဝ်​ၼႃႇ​သေ​ငိုၼ်း​ၼၼ်ႉ လူင်​လူင်​လၢင်​လၢင်​ဢေႃႈ။-</verse>
				<verse number="17">သဵၼ်ႈ​တၢင်း​ဢၼ်​ၵေႃႉ​ဢၼ်​သိုဝ်ႈ​လီ​ယူဝ်း​လီ​ၸွမ်း​ၼၼ်ႉ ပဵၼ်​တၢင်း​ဢၼ် ဝႄႈ​ပႅတ်ႈ​တူႉ​ၸရိူၵ်ႈ​လႄႈ ၵေႃႉ​ဢၼ်​ယင်း​ဢမ်ႇ​ဝႄႈ​ပိူင်ႈ​သေ​သဵၼ်ႈ​တၢင်း​ၼၼ်ႉ​လႄႈ ၸွမ်း​ယူႇ​ၼၼ်ႉ ၸၢင်ႈ​ပႂ်ႉ​ဢသၢၵ်ႈ​ဝီႉၺိၺ်ႇ တူဝ်​ၸဝ်ႈ​ၵဝ်ႇ​ယူႇ​ဢေႃႈ။-</verse>
				<verse number="18">မႃႇၼႃႉ​ၸႂ်​သုင် ၸၢင်ႈ​တူၵ်း​တီႈ​တူၵ်း​လႅၼ် ဢွၼ်​တၢင်း တၢင်း​လူႉ​တၢင်း​လႅဝ်​လႄႈ သၽေႃး​ဢၼ်​ပူၵ်း​ပႅၼ်​ၽႅၼ်​သုင်​ၼၼ်ႉ ၸၢင်ႈ​တူၵ်း​တီႈ​တူၵ်း​လႅၼ်​ဢွၼ်​တၢင်း တၢင်း​ဢၼ်​တူၵ်း​တီႈ​တႅမ်ႇ​ဢေႃႈ။-</verse>
				<verse number="19">တၢင်း​ဢၼ်​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ် တင်း​ၶဝ်​ၸိူဝ်း​ဢၼ်​ၸႂ်​ၶျႃး​တႅမ်ႇ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ၽႄ​ဢုၵ်ႉ​ၸႃႇ​ဢၼ်​ႁိမ်​ဢဝ်​လႆႈ​ၼၼ်ႉ မႅင်ႇ​ပၼ်​ၵၼ်​လူၺ်ႈ​ၵၼ် တင်း​ၶဝ်​ၸိူဝ်း​ဢၼ်​မႃႇၼႃႉ​ယႂ်ႇ​ၼၼ်ႉ​ဢေႃႈ။-</verse>
				<verse number="20">ၵေႃႉ​ဢၼ်​ပႃး​တင်း​ပိင်ႇ​ၺႃႇ​သေ​လႄႈ ပႂ်ႉ​ဢမူႉ​ယူႇ​ၼၼ်ႉ တၵ်း​လႆႈ​ဢၵျူဝ်း​လႄႈ ၵေႃႉ​ဢၼ်​ဢိင်​ပိုင်ႈ​ထႃႇဝရႃႉ​ၽြႃး​ယူႇ​ၼၼ်ႉ မီး​မင်ႇၵလႃႇ​ဢေႃႈ။</verse>
				<verse number="21">ၵေႃႉ​ဢၼ်​ၸႂ်​သၽေႃး​လၵ်း​လႅမ်​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ဝႃႈ၊ ၵေႃႉ​ဢၼ်​မီး​ပိင်ႇ​ၺႃႇ​သတီႉ၊ ဝႃႈ​ၼင်ႇ​ၼႆ​လႄႈ သီႇ​သူပ်း​ဢၼ်​ၸၢင်ႈ​လၢတ်ႈ​ၵႂၢမ်း​ဢၼ်​လီ​ဢၼ်​ဝၢၼ်​ၼၼ်ႉ​ၵေႃႈ၊ ၸၢင်ႈ​ႁႂ်ႈ​ပိင်ႇ​ၺႃႇ​တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ ယႂ်ႇ​ၽႄႈ​တူဝ်း​တွၼ်း​မႃး​ဢေႃႈ။-</verse>
				<verse number="22">ၺၢၼ်ႇ​ပဵၼ်​ၼမ်ႉ​ဢွၵ်ႇ​ႁူး​ဢသၢၵ်ႈ တီႈ​ၵေႃႉ​ဢၼ်​လႆႈ​မၼ်း​ၼၼ်ႉ​လႄႈ တၢင်း​ဢၼ်​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ သင်ႇ​သွၼ်​ပၼ်​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​မိူၵ်ႈ​ဢေႃႈ။-</verse>
				<verse number="23">ႁူဝ်​ၸႂ်​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ သင်ႇ​သွၼ်​ပၼ်​သူပ်း​မၼ်း​လႄႈ ၸၢင်ႈ​ႁႂ်ႈ​ပိင်ႇ​ၺႃႇ​တၢင်း​ဢၼ်​ႁူႉ​ဢၼ်​ၸႅင်ႈ​ယႂ်ႇ​ၽႄႈ​တူဝ်း​တွၼ်း​မႃး တီႈ​သီႇ​သူပ်း​မၼ်း​ထႅင်ႈ​တိၵ်း​တိၵ်း​ဢေႃႈ။-</verse>
				<verse number="24">ၵႂၢမ်း​ဢၼ်​သႃႇ​ယႃႇ​လီ​ငၢမ်း​ၼၼ်ႉ ပဵၼ်​ၸိူဝ်ႉ​ၼင်ႇ​ႁူဝ်​ၼမ်ႉ​ႁူင်း​ၽိုင်ႈ​လႄႈ ဝၢၼ်​ၸဵမ်း​ယူႇ​တီႈ​ၸႂ်​ဝီႉၺိၺ်ႇ​ယူႇ​သေ​လႄႈ ပဵၼ်​တၢင်း​ဢၼ်​ယူႇ​လီ​ၵိၼ်​ဝၢၼ် တီႈ​လုပ်ႇ​တီႈ​လၢဝ်ႈ​တင်း​လၢႆ​ဢေႃႈ။-</verse>
				<verse number="25">မီး​သဵၼ်ႈ​တၢင်း​ဢၼ်​ၵူၼ်း​ထၢင်ႇ​ပဵၼ် ဢၼ်​မၢၼ်ႇ​မႅၼ်ႈ​ၸိုဝ်ႈ​ၸႂ်ႈ​လႄႈ တီႈ​သုတ်း​မၼ်း​ပဵၼ်​သဵၼ်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​တၢင်း​တၢႆ​ၸိူဝ်း​ၼၼ်ႉ​ဢေႃႈ။-</verse>
				<verse number="26">တၢင်း​ဢၼ်​ၵေႃႉ​ဢၼ်​ႁဵတ်း​တၢင်း​ႁဵတ်း​ၼၼ်ႉ ၶႂ်ႈ​ၵိၼ်​ၶႂ်ႈ​ၶူပ်း​ၼၼ်ႉ ပဵၼ်​ဢၼ်​ယၢပ်ႇ​ၽိုတ်ႇ​ၼႃႇ​လူင်​လၢင်​တီႈ​မၼ်း ၵွပ်ႈ​ပိူဝ်ႈ​ဢၼ်​သူပ်း​မၼ်း​ယွၼ်း​ၼၼ်ႉ​ဢေႃႈ။-</verse>
				<verse number="27">ၵေႃႉ​ဢၼ်​မဝ်​မၢင်​ၼၼ်ႉ ၸၢင်ႈ​ၶုတ်း​ဢဝ် လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ဢွၵ်ႇ​လႄႈ ၵႃႈ​ၼႂ်း​သီႇ​သူပ်း​မၼ်း​ၼၼ်ႉ မီး​ဢၼ်​ပဵၼ်​ၸိူဝ်ႉ​ၼင်ႇ​ၽႆး ဢၼ်​မႆႈ​ယူႇ​ၼၼ်ႉ​ဢေႃႈ။-</verse>
				<verse number="28">ၵေႃႉ​ဢၼ်​ၸႂ်​ၵူတ်ႉ​ၸႂ်​ငေႃး​ၼၼ်ႉ ၸၢင်ႈ​တိုၵ်း​ယူင်း​တၢင်း​ဢၼ်​ၽိတ်း​ၵၼ်​လႄႈ ၵေႃႉ​ဢၼ်​သႄႇ​ယူင်း​ပူင်​ၸႃႉ​ၼၼ်ႉ​ၵေႃႈ ၸၢင်ႈ​ႁႂ်ႈ​ၵေႃႉ​ၵၼ်​သေႈ​ၵၼ်​ၼၼ်ႉ ၽၢတ်ႇ​ၽႄ​ၵၼ်​ဢေႃႈ။-</verse>
				<verse number="29">ၵေႃႉ​ဢၼ်​ႁၢဝ်ႈ​ၵျၢမ်း​ၼႃႇ​ၼၼ်ႉ ၸၢင်ႈ​ၶျေႃး​ဢဝ်​ၵူၼ်း​ႁိူၼ်း​ၸမ်​ၵၼ်​တင်း​မၼ်း​လႄႈ ၸူဝ်း​ဢဝ်​ၵႂႃႇ ၵႃႈ​ၼႂ်း​သဵၼ်ႈ​တၢင်း​ဢၼ်​ဢမ်ႇ​လီ​ဢေႃႈ။-</verse>
				<verse number="30">ၵေႃႉ​ဢၼ်​လပ်း​ႁူ​လပ်း​တႃ​မၼ်း ႁႂ်ႈ​လႆႈ​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင် ဢၼ်​ၵူတ်ႉ​ဢၼ်​ငေႃး​ၼၼ်ႉ​လႄႈ တူပ်း​သီႇ​သူပ်း​မၼ်း​ယူႇ​ၼၼ်ႉ ၸၢင်ႈ​ႁႂ်ႈ​ဢမူႉ​ဢၼ်​ႁၢႆႉ​ယုတ်ႈ​ပဵၼ်​ဢေႃႈ။-</verse>
				<verse number="31">ၶူၼ်​ႁူဝ်​ဢၼ်​ႁွၵ်ႇ​ဢၼ်​ၶၢဝ်​ၼၼ်ႉ၊ ပေႃး​တႄႇ​ယူႇ ၼႂ်း​သဵၼ်ႈ​တၢင်း​တြႃး​ဢၼ်​သိုဝ်ႈ​တေႃႇ​ၸိုင်၊ ပဵၼ်​သရၽူႇ​ဢၼ်​မုၼ်​ယႂ်ႇ​ဢေႃႈ။-</verse>
				<verse number="32">ၵေႃႉ​ဢၼ်​ၸႂ်​ယႂ်ႇ​ၸႂ်​ယၢဝ်း​ၼၼ်ႉ ယဵင်ႈ​ၶႅၼ်း​လီ​တွၼ်း​ၼႃႇ​သေ​ၵေႃႉ​ဢၼ်​ႁႅင်း​ယႂ်ႇ​ၼၼ်ႉ​လႄႈ၊ ၵေႃႉ​ဢၼ်​ယိူၼ်ႉ​ၶျုၵ်ႈ​ၸႂ်​မၼ်း​ယူႇ​ၼၼ်ႉ ယဵင်ႈ​ၶႅၼ်း​လီ​တွၼ်း​ၼႃႇ​သေ​ၵေႃႉ​ဢၼ်​တိုၵ်း​ဢဝ်​ဝဵင်း​ၼၼ်ႉ​ဢေႃႈ။-</verse>
				<verse number="33">ဢဝ်​လိၵ်ႈ​ဢၼ်​တူၵ်း​ၸႃႇ​ၵွၵ်ႈ​ၼၼ်ႉ ထွၵ်ႇ​သႂ်ႇ​ဝႆႉ​ၵႃႈ​ၼႂ်း​ထူင်​လႄႈ တၢင်း​ဢၼ်​ၸီႇ​ယၢင်ႇ​ၽႄ​မႅင်ႇ​ပၼ်​ၸိုင် မီး​တီႈ​ထႃႇဝရႃႉ​ၽြႃး​ဢေႃႈ။</verse>
			</chapter>
			<chapter number="17">
				<verse number="1">တႃႇ​ဢူမ်​ၼိုင်ႈ​ၵမ်း​ၼိုင်ႈ ဢၼ်​ပဵၼ်​ဢၼ်​ႁဵဝ်ႇ​ဢၼ်​ႁႅင်ႈ ဢၼ်​ပႃး​တၢင်း​ၼိမ်​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ ႁိူၼ်း​ဢၼ်​တဵမ်​ဝႆႉ​တင်း​ယိတ်ႈ​ဢၼ်​ပုၵ်ႈ​ၸေႃႇ ဢၼ်​ပႃး​တၢင်း​ဢၼ်​ၽိတ်း​ၵၼ်​ၼၼ်ႉ​ဢေႃႈ။-</verse>
				<verse number="2">ၶႃႈ​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​လႆႈ​ဢုပ်ႉ​ၵႃႈ​ၼိူဝ်​လုၵ်ႈ​ၸၢႆး ဢၼ်​ႁဵတ်း​တၢင်း​ဢၼ်​လီ​ဢူၵ်း​လီ​ဢၢႆ​ၼၼ်ႉ​လႄႈ ၶၢမ်ႇ​ဢဝ်​ဢမူၺ်ႇ လူၺ်ႈ​ၵၼ်​တင်း​ပီႈ​ၸၢႆး​ၼွင်ႉ​ၸၢႆး​တင်း​လၢႆ​ဢေႃႈ။-</verse>
				<verse number="3">မိူင်ႈ​ပဵၼ်​ပုၼ်ႈ​ဢၼ်​တၵ်း​ၸႅတ်ႈ​ငိုၼ်း​ၶႃႇ​ငိုၼ်း​လႄႈ မုၵ်ႉ​ၽႆး​ပဵၼ်​ပုၼ်ႈ​ဢၼ်​တၵ်း​ၸႅတ်ႈ​ၶမ်း​ၶႃႇ​ၶမ်း​လႄႈ ႁူဝ်​ၸႂ်​ၸမ်ႉ၊ ထႃႇဝရႃႉ​ၽြႃး​ၸႅတ်ႈ​ၶႃႇ​ဢေႃႈ။-</verse>
				<verse number="4">ၵေႃႉ​ဢၼ်​ႁဵတ်း​ဢၼ်​ဢမ်ႇ​တြႃး​ၼၼ်ႉ ၸၢင်ႈ​ဝၢႆႇ​ႁူ​ၸူး​သီႇ​သူပ်း ဢၼ်​လၢတ်ႈ​လူၺ်ႈ လွင်ႈ​တၢင်း​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ​လႄႈ ၵေႃႉ​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​ၵေႃႈ ၸၢင်ႈ​ထွမ်ႇ​ဢဝ်​လိၼ်ႉ​ဢၼ်​လၢတ်ႈ​လူၺ်ႈ လွင်ႈ​တၢင်း​ဢၼ်​ယႃႉ​ဢၼ်​ယူၵ်ႉ​ၼၼ်ႉ​ဢေႃႈ။-</verse>
				<verse number="5">ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် ၵႃႈ​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ သႄႉ​သွမ်း​ၽြႃး​ဢၼ်​ၽၢၼ်ႇ​သၢင်း​ႁဵတ်း​ပဵၼ်​မၼ်း​လႄႈ ၵေႃႉ​ဢၼ်​ၸူမ်း​သိူဝ်း​ၵွပ်ႈ​ပိူဝ်ႈ​ဢၼ်​ၽေး​ႁွတ်ႈ​ထိုင်​တီႈ​ပိူၼ်ႈ​ၼၼ်ႉ​ၵေႃႈ၊ ဢမ်ႇ​လႆႈ​ၵၢင်း​လႆႈ​လွတ်ႈ​တင်း​တၢမ်ႇ​ဢပႅတ်ႈ။-</verse>
				<verse number="6">လၢၼ်​လိၼ်​ပဵၼ်​သရၽူႇ​ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​ၼၼ်ႉ​လႄႈ မုၼ်​ၽုင်း​လုၵ်ႈ​လၢင်း​ၸမ်ႉ၊ ပဵၼ်​ပေႃႈ​ၶဝ်​ဢေႃႈ။-</verse>
				<verse number="7">ၵႂၢမ်း​ဢၼ်​မျၢတ်ႈ​ၼၼ်ႉ ဢမ်ႇ​ထုၵ်ႇ​ဢမ်ႇ​ၵိုင်ႇ​ၵၼ် တင်း​ၵေႃႉ​ဢၼ်​မိူၵ်ႈ​ၼၼ်ႉ​လႄႈ လိူဝ်​သေ​ၼၼ်ႉ​ဢမ်ႇ​ၵႃး၊ ၵႂၢမ်း​မူႉ​သႃႇ​ဢမ်ႇ​ထုၵ်ႇ​ဢမ်ႇ​ၵိုင်ႇ​ၵၼ်​တင်း​ၸဝ်ႈ​တင်း​ၶုၼ်။-</verse>
				<verse number="8">လၢၵ်ႈ​သွင်ႇ​ပဵၼ်​ၸိူဝ်ႉ​ၼင်ႇ​သႅင်​လီ​သႅင်​မျၢတ်ႈ သိုဝ်ႈ​ၼႃႈ​တႂ်ႈ​တႃ​ၵေႃႉ​ဢၼ်​ၶၢမ်ႇ​ဢဝ်​မၼ်း​ၼၼ်ႉ​လႄႈ ၸၢင်ႈ​ပႄႉ​ၸၢင်ႈ​ၼႅင်ႇ ၵႃႈ​တီႈ​ၵႃႈ​ဢၼ်​ဝၢႆႇ​ၼႃႈ​ၵႂႃႇ​ၸူး​ၼၼ်ႉ​ဢေႃႈ။-</verse>
				<verse number="9">ၵေႃႉ​ဢၼ်​ႁူမ်ႇ​ငမ်း​တၢင်း​ဢၼ်​ပိူၼ်ႈ​ၽိတ်း​ပိူင်ႈ​ၼၼ်ႉ​ဝႆႉ​ၼၼ်ႉ ပွင်​ႁဵတ်း​မႅတ်ႈ​တႃႇ​လႄႈ ၵေႃႉ​ဢၼ်​ဢဝ်​လွင်ႈ​တၢင်း​သေ​ၸိူဝ်ႉ​သေ​ပိူင် ၶိုၼ်း​မွၵ်ႇ​လၢတ်ႈ​ၼၼ်ႉ​ၸမ်ႉ၊ ႁႂ်ႈ​ၵေႃႉ​သေႈ​ၵၼ်​ၽၢတ်ႇ​ၽႄ​ၵၼ်​ဢေႃႈ။-</verse>
				<verse number="10">တၢင်း​ဢၼ်​သင်ႇ​သွၼ်​သုင်း​မႃႉ​ပၼ်​ၼၼ်ႉ ၸၢင်ႈ​ပဵၼ်​တီႈ​ဢၼ်​သႂ်ႇ​ၸႂ်​သႂၢင်း​ၸႂ် တီႈ​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ၼႃႇ​သေ တၢင်း​ဢၼ်​ပၼ်​ႁွႆး​တၢမ်ႇ​ပၢၵ်ႇ​ၼိုင်ႈ​ၼၼ်ႉ တီႈ​ၵေႃႉ​ဢၼ်​မိူၵ်ႈ​ၼၼ်ႉ​ဢေႃႈ။-</verse>
				<verse number="11">ၵေႃႉ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​ႁႃ​ဢဝ် လွင်ႈ​တၢင်း​ဢၼ်​ပုင်ႇ​ၵၢၼ်ႇ​ၵူၺ်း​ဢေႃႈ။ ပိူဝ်ႈ​ၼႆ​လႄႈ ၸင်ႇ​လႆႈ​ပွႆႇ​ၸႂ်ႉ​တမၢၼ်ႇ ဢၼ်​ႁၢဝ်ႈ​ၵျၢမ်း​ၼႃႇ​ၼၼ်ႉ ၸူး​တီႈ​မၼ်း​ဢေႃႈ။-</verse>
				<verse number="12">တၢင်း​ဢၼ်​ထူပ်း​ၵၼ်​တင်း​မီ​မႄႈ ဢၼ်​ပိူၼ်ႈ​ႁိမ်​ဢဝ်​လုၵ်ႈ​ဢွၼ်ႇ​မၼ်း​ယဝ်ႉ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ထူပ်း​ၵၼ်​တင်း​ၵူၼ်း​မိူၵ်ႈ ဢၼ်​မီး​တၢင်း​ဢၼ်​ယင်း​တိုၵ်ႉ​ၸႂ်​မိူၵ်ႈ​ၸႂ်​လမ်​ယူႇ​ၼၼ်ႉ​ဢေႃႈ။-</verse>
				<verse number="13">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ယင်း​ဢမ်ႇ​ႁူႉ​ၵျေး​ၸူး​လႄႈ တွပ်ႇ​တႅၼ်း​ပၼ်​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ၊ ႁိူၼ်း​ၵေႃႉ​ၼၼ်ႉ ဢမ်ႇ​ၵၢင်း​ဢမ်ႇ​လွတ်ႈ​တင်း တၢင်း​ဢၼ်​ဢမ်ႇ​လီ​ဢမ်ႇ​ငၢမ်း။-</verse>
				<verse number="14">တၢင်း​ဢၼ်​ၸႃႉ​ၽိတ်း​ၵၼ်​ပဵၼ်​ၸိူဝ်ႉ​ၼင်ႇ​ဢၼ် တႅၼ်ႈ​ၼမ်ႉ​ၼွင်​ၸႃႉ​လူင်ႉ​ၸႃႉ​ပွင်ႇ​ၼၼ်ႉ​လႄႈ၊ ၸူဝ်ႈ​ဢၼ်​ဢမ်ႇ​ပႆႇ​တၼ်း​ၽိတ်း​ၵၼ်​ၼၼ်ႉ​ၸိုင်၊ ဝႄႈ​ပႅတ်ႈ​တၢင်း​ဢၼ်​ၽိတ်း​ၵၼ်​ၼၼ်ႉ​တႃႉ။-</verse>
				<verse number="15">ၵေႃႉ​ဢၼ်​ပွႆႇ​ၶဝ်​ၸိူဝ်း​ဢၼ်​ဢမ်ႇ​တြႃး လွတ်ႈ​သေ​ၵႃႈ​ၼႂ်း​ဢပႅတ်ႈ ဢိၵ်ႇ​တင်း​ၵေႃႉ​ဢၼ်​ၸီႇ​ယၢင်ႇ​ဢပႅတ်ႈ တီႈ​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ၊ တင်း​သွင်​ၵေႃႉ​ၼႆႉ ပဵၼ်​ဢၼ်​ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​ဢေႃႈ။</verse>
				<verse number="16">ၵွပ်ႈ​ပိူဝ်ႈ​ဢၼ်​ၵေႃႉ​မိူၵ်ႈ ဢမ်ႇ​မီး​ၺၢၼ်ႇ​လႄႈ​ႁဵတ်း​ႁူဝ်​လႄႈ ဢဝ်​ၵႃႈ​ၶၼ်​ပိင်ႇ​ၺႃႇ​လႆႈ​မီး​ယူႇ ၵႃႈ​ၼႂ်း​မိုဝ်း​မၼ်း​ၼၼ်ႉ ႁႂ်ႈ​မၼ်း​လႆႈ​ပိင်ႇ​ၺႃႇ​ၼင်ႇ​ႁိုဝ်။-</verse>
				<verse number="17">ၵေႃႉ​သေႈ​ၸၢင်ႈ​ႁၵ်ႉ​ယူႇ​ၵူႈ​ၶိင်ႇ​ၵူႈ​မိူဝ်ႈ​လႄႈ ပီႈ​ၼွင်ႉ​ၸမ်ႉ၊ မီး​တၢင်း​ဢၼ်​ၵိူတ်ႇ​လဵင်ႉ​ဝႆႉ ပုၼ်ႈ​ၶိင်ႇ​မိူဝ်ႈ​ဢၼ်​တုၵ်ႉ​ၶႃႉ ႁွတ်ႈ​ထိုင်​ၼၼ်ႉ​ဢေႃႈ။-</verse>
				<verse number="18">ၵေႃႉ​ဢၼ်​ဢမ်ႇ​မီး​ၺၢၼ်ႇ​ၼၼ်ႉ ၸၢင်ႈ​တူပ်း​မိုဝ်း​ၵၼ်​သေ​လႄႈ ႁပ်ႉ​တုင်း​ဢဝ်​ၵႃႈ​တီႈ​ၽၢႆႇ​ၼႃႈ​ၵေႃႉ​သေႈ​မၼ်း​ဢေႃႈ။-</verse>
				<verse number="19">ၵေႃႉ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​တၢင်း​ဢၼ်​ၽိတ်း​ၵၼ်​ၼၼ်ႉ ၸၢင်ႈ​ထုၵ်ႇ​ၸႂ်​ၵျိူၵ်ႈ​ၸႂ်​တၢင်း​ဢၼ်​ပူၼ်ႉ​လိူဝ်​လႄႈ ၵေႃႉ​ဢၼ်​ႁဵတ်း​ၽၵ်း​တူ​မၼ်း​သုင်​ၼၼ်ႉ ၸၢင်ႈ​ႁႃ​ဢဝ်​တၢင်း​လူႉ​တၢင်း​လႅဝ်​ဢေႃႈ။-</verse>
				<verse number="20">ၵေႃႉ​ဢၼ်​ၸႂ်​ၵူတ်ႉ​ၸႂ်​ငေႃး​ၼၼ်ႉ ဢမ်ႇ​ၸၢင်ႈ​လႆႈ​ထူပ်း​ဢၵျူဝ်း​ဢၼ်​လီ​လႄႈ ၵေႃႉ​ဢၼ်​မီး​လိၼ်ႉ ဢၼ်​ၸၢင်ႈ​လၢတ်ႈ​တႂ်ႈ​လၢတ်ႈ​ၼိူဝ်​ယူႇ​ၼၼ်ႉ ၸၢင်ႈ​ထူပ်း​ၽေး​ဢူႉ​ပၢတ်ႈ​ဢေႃႈ။-</verse>
				<verse number="21">ၵူၼ်း​ဢၼ်​ႁႂ်ႈ​ၵေႃႉ​ဢၼ်​မိူၵ်ႈ​ၵိူတ်ႇ​လဵင်ႉ​မႃး​ၼၼ်ႉ ၸၢင်ႈ​ႁႂ်ႈ​တူဝ်​ၸဝ်ႈ​ၵဝ်ႇ​ယၢပ်ႇ​ၸႂ်​ယုင်ႈ​ၸႂ်​လႄႈ ပေႃႈ​ၵေႃႉ​ဢၼ်​မိူၵ်ႈ​ၼၼ်ႉ ဢမ်ႇ​မီး​လွင်ႈ​ဢၼ်​လီ​ၸူမ်း​လီ​သိူဝ်း။-</verse>
				<verse number="22">ၸႂ်​ဢၼ်​ၸူမ်း​သိူဝ်း​ၼၼ်ႉ ၸၢင်ႈ​ႁႂ်ႈ​ယူႇ​လီ​ၵိၼ်​ဝၢၼ်​လႄႈ၊ ၸႂ်​ဢၼ်​တႅၵ်ႇ​လႅဝ်​ၼၼ်ႉ​ၸမ်ႉ၊ ၸၢင်ႈ​ႁႂ်ႈ​လုပ်ႇ​တင်း​လၢႆ ႁႅင်ႈ​ႁွင်​ၵႂႃႇ​ဢေႃႈ။-</verse>
				<verse number="23">ၵေႃႉ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​ၸူၵ်း​ဢဝ်​လၢၵ်ႈ​သွင်ႇ​တၼ်း​သူဝ်း ၵႃႈ​ၼႂ်း​ထွင်း​သိူဝ်ႈ ၵႃႈ​တီႈ​ႁူဝ်​ဢူၵ်း​ပိူၼ်ႈ ႁႂ်ႈ​လႆႈ​ယႃႉ​သဵၼ်ႈ​တၢင်း​တြႃး​ပႅတ်ႈ​ဢေႃႈ။-</verse>
				<verse number="24">ပိင်ႇ​ၺႃႇ​မီး​ယူႇ​သိုဝ်ႈ​ၼႃႈ​တႂ်ႈ​တႃ​ၵေႃႉ​ဢၼ်​မီး​ၺၢၼ်ႇ​ၼၼ်ႉ​လႄႈ မၢၵ်ႇ​တႃ​ၵေႃႉ​ဢၼ်​မိူၵ်ႈ​ၼၼ်ႉ​ၸမ်ႉ၊ ၸၢင်ႈ​လႄႇ​လဵပ်ႈ​လူ​တူၺ်း တေႃႇ​ထိုင်​ႁွတ်ႈ​တီႈ​သုတ်း​လိၼ်​မိူင်း​ဢေႃႈ။-</verse>
				<verse number="25">လုၵ်ႈ​ၸၢႆး​ဢၼ်​မိူၵ်ႈ​ၸမ်ႉ၊ ပဵၼ်​လွင်ႈ​ဢၼ်​ပေႃႈ​မၼ်း​မႆႈ​ၸႂ်​ယၢပ်ႇ​ၸႂ်၊ လွင်ႈ​ဢၼ်​မႄႈ​မၼ်း​ဢၼ်​ၵိူတ်ႇ​လဵင်ႉ​မၼ်း​ၼၼ်ႉ ၶီ​ၸႂ်​ၶူမ်​ၸႂ်​ဢေႃႈ။-</verse>
				<verse number="26">ဢမ်ႇ​လီ​ပၼ်​တၢမ်ႇ​ဢပႅတ်ႈ တီႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​လႄႈ ၶုၼ်​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​ၵေႃႈ ဢမ်ႇ​လီ​တိူဝ်ႉ​လီ​ထုၵ်ႇ။-</verse>
				<verse number="27">ၵေႃႉ​ဢၼ်​ၸၢင်ႈ​ၵမ်​ၸၢင်ႈ​ၶျုၵ်ႈ ၵႂၢမ်း​မၼ်း​ယူႇ​ၼၼ်ႉ ပျေႉ​ၸုမ်ႇ​ဝႆႉ​တင်း​တၢင်း​ဢၼ်​ႁူႉ​ဢၼ်​ၸႅင်ႈ​လႄႈ ၵေႃႉ​ဢၼ်​ၸၢင်ႈ​မီး​ၸႂ်​ဢၼ်​မၼ်ႈ​ၶိူင်ႇ ၵတ်း​လီ​ယဵၼ်​လီ​ၼၼ်ႉ ပဵၼ်​ၵေႃႉ​ဢၼ်​ၺၢၼ်ႇ​လီ​ဢေႃႈ။-</verse>
				<verse number="28">ၵေႃႉ​ဢၼ်​မိူၵ်ႈ​ၼၼ်ႉ၊ ပေႃး​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​ၸိုင်၊ ပိူၼ်ႈ​မၢတ်ႈ​ပဵၼ်​ၵေႃႉ​ဢၼ်​မီး​ပိင်ႇ​ၺႃႇ​လႄႈ ၵေႃႉ​ဢၼ်​ဢမ်ႇ​ဢႃႈ​ပၢၵ်ႇ​မၼ်း​လႄႈ ယူႇ​ၼၼ်ႉ​ၵေႃႈ ပိူၼ်ႈ​ထၢင်ႇ​မၼ်း​ပဵၼ် ၵေႃႉ​ဢၼ်​ၺၢၼ်ႇ​လီ​ဢေႃႈ။</verse>
			</chapter>
			<chapter number="18">
				<verse number="1">ၵေႃႉ​ဢၼ်​ၽၢတ်ႇ​ယၢၼ်​ၵၼ်​တင်း​ပိူၼ်ႈ​သေ​လႄႈ ယူႇ​ၶေႃ​ၶေႃ​ၵူၺ်း​မၼ်း​ၼၼ်ႉ ႁႃ​ဢဝ်​ၵႃႈ​ၼင်ႇ​ဢၼ်​ဢလူဝ်ႇ​ၸေႇတၼႃႇ​မၼ်း​မီး​ၼၼ်ႉ​လႄႈ ၸၢင်ႈ​ၽၢင်ႈ​တိူဝ်ႉ​ပိင်ႇ​ၺႃႇ​ရတ်ႈတၼႃႇ ၵူႈ​ၸိူဝ်ႉ​ၵူႈ​ပိူင်​ဢေႃႈ။-</verse>
				<verse number="2">ၵေႃႉ​ဢၼ်​မိူၵ်ႈ​ၸမ်ႉ၊ ၼွၵ်ႈ​သေ​ဢၶႂၢင်ႉ ဢၼ်​လႆႈ​ၼႄ​ပျႃး ၸႂ်​သၽေႃး​မၼ်း​ၼၼ်ႉ ဢမ်ႇ​ၸၢင်ႈ​မူၼ်ႈ​ပျေႃႇ​ၵႃႈ​ၼႂ်း​ၺၢၼ်ႇ​လႃး​လႃး။-</verse>
				<verse number="3">မိူဝ်ႈ​ဢၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ​မႃး​ၼၼ်ႉ၊ တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ၵေႃႈ​မႃး​လႄႈ မိူဝ်ႈ​ဢၼ်​မုၼ်​သရေႇ​လူႉ​ၼၼ်ႉ​ၸမ်ႉ၊ တၢင်း​ဢၼ်​သႄႉ​သွမ်း​ၵေႃႈ​မႃး​ဢေႃႈ။-</verse>
				<verse number="4">ၵႂၢမ်း​ဢၼ်​ဢွၵ်ႇ​သူပ်း​ၵူၼ်း​မႃး​ၼၼ်ႉ ပဵၼ်​ၸိူဝ်ႉ​ၼင်ႇ​ၼမ်ႉ​ဢၼ်​လိုၵ်ႉ​ၼႃႇ​လႄႈ၊ ၼမ်ႉ​ဢွၵ်ႇ​ႁူး​ပိင်ႇ​ၺႃႇ​ၼၼ်ႉ ပဵၼ်​ၸိူဝ်ႉ​ၼင်ႇ​ၼမ်ႉ​ႁွင်ႈ​ၼမ်ႉ​ၵႄး ဢၼ်​လႆ​ၸႅဝ်ႈ​ၼၼ်ႉ​ဢေႃႈ။-</verse>
				<verse number="5">တၢင်း​ဢၼ်​ထွၵ်ႈ​လူၺ်ႈ​ၼႃႈ​ၵေႃႉ​ဢၼ်​ဢမ်ႇ​တြႃး​ၼၼ်ႉ ပဵၼ်​ဢၼ်​ဢမ်ႇ​လီ​လႄႈ တၢင်း​ဢၼ်​ႁႂ်ႈ​ၵေႃႉ​ဢၼ်​ၸွမ်း​တြႃး​ၼၼ်ႉ သုမ်း​ၸွမ်း​ၼႂ်း​ဢမူႉ​ဢၼ်​ထူပ်း​တြႃး​ၼၼ်ႉ​ၵေႃႈ ပဵၼ်​ဢၼ်​ဢမ်ႇ​လီ။-</verse>
				<verse number="6">သီႇ​သူပ်း​ၵေႃႉ​ဢၼ်​မိူၵ်ႈ​ၼၼ်ႉ ၸၢင်ႈ​ႁဵတ်း​တၢင်း​ဢၼ်​ၽိတ်း​ၵၼ်​လႄႈ သူပ်း​မၼ်း​ၵေႃႈ ၸၢင်ႈ​ယွၼ်း​ဢဝ်​တၢမ်ႇ​ဢပႅတ်ႈ​ယူႇ​ဢေႃႈ။-</verse>
				<verse number="7">သူပ်း​ၵေႃႉ​ဢၼ်​မိူၵ်ႈ​ၼၼ်ႉ ပဵၼ်​လွင်ႈ​တၢင်း​ဢၼ်​လူႉ​ဢၼ်​လႅဝ်​တီႈ​မၼ်း​လႄႈ သီႇ​သူပ်း​မၼ်း​ၵေႃႈ၊ ပဵၼ်​တူင်ႇ​ႁႅဝ်ႉ​တူင်ႇ​ၶိုမ်း​တီႈ​ဢသၢၵ်ႈ​မၼ်း​ဢေႃႈ။-</verse>
				<verse number="8">ၵႂၢမ်း​ၵေႃႉ​ဢၼ်​သႄႇ​ယူင်း​ပူင်​ၸႃႉ​ၼၼ်ႉ ပဵၼ်​ၸိူဝ်ႉ​ၼင်ႇ တၢင်း​ၵိၼ်​ယွႆႈ​ဢၼ်​ဝၢၼ်​ဢၼ်​မၼ်း​လႄႈ ၸၢင်ႈ​ၶဝ်ႈ​ၵႂႃႇ​ၵႃႈ​ၼႂ်း​တွင်ႉ​ၼႂ်း​ပုမ်​ဢေႃႈ။-</verse>
				<verse number="9">ၵေႃႉ​ဢၼ်​ၶၢၼ်ႉ​ဢၼ်​ဢိူၼ် ၼႂ်း​မိူဝ်ႈ​ဢၼ်​ႁဵတ်း​တၢင်း​ႁဵတ်း​ၼၼ်ႉ ထုၵ်ႇ​ပဵၼ်​ပီႈ​ပဵၼ်​ၼွင်ႉ​ၵၼ်​တင်း​ၵေႃႉ​ဢၼ် ႁႂ်ႈ​ဢုၵ်ႉ​ၸႃႇ​မၼ်း သုမ်း​ပႅတ်ႈ​လၢႆ​လၢႆ​လွၵ်ႇ​လွၵ်ႇ ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​ဢေႃႈ။-</verse>
				<verse number="10">ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ပဵၼ်​တိူၵ်ႈ​တီႈ​တိုၵ်း​သိုၵ်း​ဢၼ်​မၼ်ႈ​ဢၼ်​ၶိူင်ႇ​လႄႈ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ ဢွၼ်​ၵၼ်​ၶုၼ်ႇ​လႅၼ်ႈ​ၶဝ်ႈ​သေ​လႄႈ ၵၢင်း​လွတ်ႈ​တင်း​ၽေး​လႄႈ​ယူႇ​ဢေႃႈ။-</verse>
				<verse number="11">ၸေး​ၸိမ်ႇ​ၵေႃႉ​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ ပဵၼ်​ဝဵင်း​ဢၼ်​မၼ်ႈ​ၶိူင်ႇ​တီႈ​မၼ်း​လႄႈ ပဵၼ်​မိူၼ်​ၸိူဝ်ႉ​ၼင်ႇ လမ်း​ဝဵင်း​ဢၼ်​သုင်​ၼႃႇ​တီႈ​မၼ်း ၼႂ်း​တၢင်း​ဢၼ်​မၼ်း​ထၢင်ႇ​ၼၼ်ႉ​ဢေႃႈ။-</verse>
				<verse number="12">တၢင်း​ဢၼ်​ၵူၼ်း​ၸႂ်​သုင်​ၼၼ်ႉ ၸၢင်ႈ​တူၵ်း​တီႈ​တူၵ်း​လႅၼ် ဢွၼ်​တၢင်း​တၢင်း​လူႉ​တၢင်း​လႅဝ်​လႄႈ တၢင်း​ဢၼ်​ၶျႃး​တႅမ်ႇ​ၼၼ်ႉ တူၵ်း​တီႈ​တူၵ်း​လႅၼ် ဢွၼ်​တၢင်း​မုၼ်​သရေႇ​ဢေႃႈ။-</verse>
				<verse number="13">ၵေႃႉ​ဢၼ်​ၸီႇ​ယၢင်ႇ​ဢမူႉ ၸူဝ်ႈ​ဢၼ်​ဢမ်ႇ​ပႆႇ​ၸႅတ်ႈ​ပႆႇ​ထၢမ် လွင်ႈ​မၼ်း​တၢင်း​မၼ်း​ၼၼ်ႉ မီး​ဢပႅတ်ႈ​ဢၼ်​မိူၵ်ႈ ဢိၵ်ႇ​တင်း ဢပႅတ်ႈ​ဢၼ်​လီ​ဢူၵ်း​လီ​ဢၢႆ​ဢေႃႈ။</verse>
				<verse number="14">ဝီႉၺိၺ်ႇ​ၵူၼ်း​ၶၢမ်ႇ​ဝူၺ်ႇတၼႃႇ​မၼ်း​လႆႈ​ယူႇ​လႄႈ ၸႂ်​ဢၼ်​တႅၵ်ႇ​လႅဝ်​ၼၼ်ႉ​ၸမ်ႉ၊ ၽူႈ​လႂ်​တၵ်း​ၶၢမ်ႇ​လႆႈ။-</verse>
				<verse number="15">ႁူဝ်​ၸႂ်​ၵေႃႉ​ဢၼ်​မီး​သမ်ႇမႃႇ​သတီႉ​ၼၼ်ႉ ၸၢင်ႈ​သိမ်း​တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ​ဝႆႉ​လႄႈ ႁူ​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ​ၵေႃႈ ၸၢင်ႈ​ႁႃ​ဢဝ်​တၢင်း​ဢၼ်​ႁူႉ​ဢၼ်​ၸႅင်ႈ​ဢေႃႈ။-</verse>
				<verse number="16">လၢၵ်ႈ​သွင်ႇ​ဢၼ်​ပႃး​တီႈ​ၵူၼ်း​ၼၼ်ႉ ၸၢင်ႈ​ႁႂ်ႈ​သဵၼ်ႈ​တၢင်း​မၼ်း​ၵဵင်ႈ​လီ​ၶျေႃး​လီ​လႄႈ ပၼ်​ဢၶႂၢင်ႉ​ဢၼ်​လႆႈ​ၶဝ်ႈ​ၸူး ၵႃႈ​တီႈ​ၵူၼ်း​ယႂ်ႇ​ၵူၼ်း​လူင်​တင်း​လၢႆ​ဢေႃႈ။-</verse>
				<verse number="17">ၵေႃႉ​ဢၼ်​ပႂ်ႉ​လၢတ်ႈ​ဢမူႉ​မၼ်း​ဢွၼ်​တၢင်း​ၼၼ်ႉ၊ ပိၵ်ႉ​သမ်ႉ​ႁွတ်ႈ​ထိုင်​တီႈ​ဢၼ်​သိုဝ်ႈ​တေႃႇ​သေ​ၵေႃႈ၊ ၵူၼ်း​ႁိူၼ်း​ၸမ်​ၵၼ်​ၸၢင်ႈ​မႃး​လႄႈ ၸႅတ်ႈ​ထၢမ်​ၸႅတ်ႈ​တူၺ်း​မၼ်း​ဢေႃႈ။-</verse>
				<verse number="18">တၢင်း​ဢၼ်​ႁဵတ်း​လိၵ်ႈ​တူၵ်း​ၸႃႇ​ၵွၵ်ႈ​ၼၼ်ႉ ၸၢင်ႈ​ႁႂ်ႈ​တၢင်း​ဢၼ်​တွပ်ႇ​ၵၼ်​ထဵင်​ၵၼ်​ထၢတ်ႇ​ယဵၼ်​လႄႈ တႅပ်း​တတ်း​ဢမူႉ​ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼၼ်ႉ​ဢေႃႈ။-</verse>
				<verse number="19">ပီႈ​ၼွင်ႉ​ဢၼ်​ဝႆႉ​တၢင်း​ၽိတ်း​ၼၼ်ႉ ယဵင်ႈ​ၶႅၼ်း​ယၢပ်ႇ​သေ ဝဵင်း​ဢၼ်​မၼ်ႈ​ယူႇ​ၶိူင်ႇ​ယူႇ​ၼၼ်ႉ​လႄႈ ဢမူႉ​တၢင်း​ဢၼ်​တွပ်ႇ​ၵၼ်​ထဵင်​ၵၼ်​ၼၼ်ႉ ပဵၼ်​ၸိူဝ်ႉ​ၼင်ႇ​ၵိူၼ်ႇ​ၽၵ်း​တူ တိူၵ်ႈ​တီႈ​တိုၵ်း​သိုၵ်း​ဢေႃႈ။-</verse>
				<verse number="20">တွင်ႉ​ၵူၼ်း​ပုမ်​ၵူၼ်း လႆႈ​တဵမ်​ဝႆႉ​တင်း​မၢၵ်ႇ​သူပ်း​မၼ်း​လႄႈ လႆႈ​ဢိမ်ႇ​ဝႆႉ​တင်း​ၸီး​ပႂႃး သီႇ​သူပ်း​မၼ်း​ဢေႃႈ။-</verse>
				<verse number="21">လိၼ်ႉ​လႆႈ​ဢုပ်ႉ​ပိူင်ႇ​တၢင်း​ဢၼ်​ဢသၢၵ်ႈ​တၢႆ ဢိၵ်ႇ​တင်း​တၢင်း​ဢၼ်​ဢသၢၵ်ႈ​လိပ်း​လႄႈ ၶဝ်​ၸိူဝ်း​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​လိၼ်ႉ​ၼၼ်ႉ​ၵေႃႈ လႆႈ​ၵိၼ်​မၢၵ်ႇ​မၼ်း​ဢေႃႈ။-</verse>
				<verse number="22">ၵေႃႉ​ဢၼ်​လႆႈ​မေး​ၼၼ်ႉ​လႆႈ​လွင်ႈ​တၢင်း​ဢၼ်​လီ​လႄႈ လႆႈ​ၶၢမ်ႇ​ဢဝ်​ၵျေး​ၸူး​ထႃႇဝရႃႉ​ၽြႃး​ဢေႃႈ။-</verse>
				<verse number="23">ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ၸၢင်ႈ​တွင်း​ပၢၼ်ႇ​လႄႈ၊ ၵေႃႉ​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ​ၸမ်ႉ၊ ၸၢင်ႈ​ၶိုၼ်း​လၢတ်ႈ​ႁၢဝ်ႈ​ၵျၢမ်း​ၼႃႇ​လူင်​လၢင်​ဢေႃႈ။-</verse>
				<verse number="24">ၵေႃႉ​ဢၼ်​ၵေႃႉ​သေႈ​ၼမ်​ၼႃႇ​ၼၼ်ႉ ၸၢင်ႈ​မီး​တၢင်း​ဢၼ်​ဢၵျူဝ်း​မၼ်း​လူႉ​လႅဝ်​လႄႈ ၵေႃႉ​ဢၼ်​မိုတ်ႈ​ၵိုဝ်း​ႁူႉ​ၸၵ်း​ဢၼ်​ယဵင်ႈ​ၶႅၼ်း ၸၢင်ႈ​ၸွႆး​ၸပ်း​ၼႃႇ​သေ​ပီႈ​ၼွင်ႉ​ၵၼ်​ၼၼ်ႉ​ၵေႃႈ​မီး​ဢေႃႈ။</verse>
			</chapter>
			<chapter number="19">
				<verse number="1">ၵေႃႉ​ဢၼ်​ယၢၵ်ႈ​ဢၼ်​ၽၢၼ် ဢၼ်​ၸွမ်း​သဵၼ်ႈ​တၢင်း​ဢၼ်​ၸေး​ၸုမ်ႇ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​ၵေႃႉ​ဢၼ်​မိူၵ်ႈ ဢၼ်​ၸၢင်ႈ​သုင်း​သွင်ႇ​ၵႂၢမ်း​ဢၼ်​ၵူတ်ႉ​ဢၼ်​ငေႃး​ၼၼ်ႉ​ဢေႃႈ။-</verse>
				<verse number="2">ၸႂ်​ဝီႉၺိၺ်ႇ​ယင်း​ဢမ်ႇ​မီး​ပိင်ႇ​ၺႃႇ တၢင်း​ဢၼ်​ႁူႉ​ဢၼ်​ၸႅင်ႈ​လႄႈ ဢမ်ႇ​ထုၵ်ႇ​ဢမ်ႇ​လီ။ ၵေႃႉ​ဢၼ်​ယၢင်ႈ​တိၼ်​ၵႂႃႇ ၶၼ်​ၶၼ်​ၽႂ်း​ၽႂ်း​ၼၼ်ႉ​ၵေႃႈ ၸၢင်ႈ​ၽိတ်း​ပိူင်ႈ​ဢေႃႈ။-</verse>
				<verse number="3">သၽေႃး​တၢင်း​ဢၼ်​မိူၵ်ႈ​ၵူၼ်း​ၼၼ်ႉ ၸၢင်ႈ​ႁႂ်ႈ​သဵၼ်ႈ​တၢင်း​မၼ်း​ပိူင်ႈ​ၵႂႃႇ​လႄႈ ႁူဝ်​ၸႂ်​မၼ်း​ၸၢင်ႈ​သႄႉ​သွမ်း​တၢင်ႇ​ဢပႅတ်ႈ တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="4">ၸေး​ၸိမ်ႇ​ၸၢင်ႈ​ႁႂ်ႈ​မီး​ၵေႃႉ​မီး​သေႈ​ၼမ်​ၼႃႇ​လႄႈ ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၸမ်ႉ၊ ဢမ်ႇ​လႆႈ​ႁူမ်ႈ​လူၺ်ႈ​ၵၼ်​တင်း​ၵူၼ်း​ႁိူၼ်း ၸမ်​ၵၼ်​တင်း​မၼ်း။-</verse>
				<verse number="5">ၵေႃႉ​ဢၼ်​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​မၢၼ်ႇ​ဢမ်ႇ​မႅၼ်ႈ​ၼၼ်ႉ ယင်း​ဢမ်ႇ​လႆႈ​ၶၢမ်ႇ​ဢပႅတ်ႈ​လႄႈ ဢမ်ႇ​လႆႈ​ယူႇ​လႄႈ ၵေႃႉ​ဢၼ်​လၢတ်ႈ​မူႉ​သႃႇ​ၼၼ်ႉ​ၵေႃႈ ဢမ်ႇ​လႆႈ​ၵၢင်း​လွတ်ႈ​တင်း​တၢမ်ႇ။-</verse>
				<verse number="6">ၵူၼ်း​ဢၼ်​ၸၢင်ႈ​ၶျေႃး​ဝွၼ်း ၸူဝ်း​ဢဝ်​ၶုၼ်​မီး​ၼမ်​ၼႃႇ​လႄႈ ၵူႈ​ၵေႃႉ​ၵူႈ​ၵူၼ်း ၸၢင်ႈ​ႁဵတ်း​ၵေႃႉ​ႁဵတ်း​သေႈ လူၺ်ႈ​ၵၼ် တင်း​ၵေႃႉ​ဢၼ်​ပၼ်​လၢၵ်ႈ​သွင်ႇ​ၼၼ်ႉ​ဢေႃႈ။-</verse>
				<verse number="7">ၵႃႈ​ပဵၼ်​ပီႈ​ၼွင်ႉ ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ၸၢင်ႈ​ဢွၼ်​ၵၼ်​ၸင်း​မၼ်း​လႄႈ ၵေႃႉ​မၼ်း​သေႈ​မၼ်း ယဵင်ႈ​ၶႅၼ်း​ဢွၼ်​ၵၼ်​ဝႄႈ​ပႅတ်ႈ​မၼ်း​ၵႆ​ၼႃႇ​ဢေႃႈ။ ပိၵ်ႉ​သမ်ႉ​မၼ်း​ၸွမ်း​လႄႈ​ႁွင်ႉ​သေ​ၵေႃႈ၊ ၶဝ်​လပ်ႉ​ပႅတ်ႈ​တဵတ်ႇ​ပႅတ်ႈ​သေ​ဢေႃႈ။-</verse>
				<verse number="8">ၵေႃႉ​ဢၼ်​လႆႈ​ပိင်ႇ​ၺႃႇ​ၼၼ်ႉ ႁၵ်ႉ​ပႅင်း​ဢသၢၵ်ႈ​ဝီႉၺိၺ်ႇ​မၼ်း​လႄႈ ၵေႃႉ​ဢၼ်​ၸပ်း​ၸွႆး​လူၺ်ႈ​ၺၢၼ်ႇ​ၼၼ်ႉ​ၵေႃႈ တၵ်း​လႆႈ​ၶၢမ်ႇ​ဢဝ်​တၢင်း​လီ​ဢေႃႈ။-</verse>
				<verse number="9">ၵေႃႉ​ဢၼ်​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​မၢၼ်ႇ​ဢမ်ႇ​မႅၼ်ႈ​ၼၼ်ႉ ယင်း​ဢမ်ႇ​လႆႈ​ၶၢမ်ႇ​ဢပႅတ်ႈ​လႄႈ​ဢမ်ႇ​လႆႈ​ယူႇ​လႄႈ ၵေႃႉ​ဢၼ်​လၢတ်ႈ​မူႉ​သႃႇ​ၼၼ်ႉ​ၵေႃႈ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ။-</verse>
				<verse number="10">တၢင်း​ဢၼ်​မူၼ်ႈ​ပျေႃႇ​ၼႂ်း​ၸေး​ၸိမ်ႇ​လေႃး​ၵီႇ​ၼၼ်ႉ ဢမ်ႇ​ထုၵ်ႇ​ၵၼ်​တင်း​ၵေႃႉ​ဢၼ်​မိူၵ်ႈ​ၼၼ်ႉ​လႄႈ၊ လိူဝ်​သေ​ၼၼ်ႉ​ဢမ်ႇ​ၵႃး ၶႃႈ​ဢမ်ႇ​ထုၵ်ႇ​လီ​ဢုပ်ႉ​ပိူင်ႇ​ၵႃႈ​ၼိူဝ်​ၸဝ်ႈ​ၼိူဝ်​ၶုၼ်။-</verse>
				<verse number="11">သမ်ႇမႃႇ​သတီႉ​ၵူၼ်း ၸၢင်ႈ​ၶျုၵ်ႈ​ဝႆႉ​တေႃး​သႃႉ​တၢင်း​ၸႂ်​မႆႈ​မၼ်း​လႄႈ တၢင်း​ဢၼ်​ယိူၼ်ႉ​ၶၢမ်ႇ တၢင်း​ဢၼ်​ပိူၼ်ႈ​ၽိတ်း​ပိူင်ႈ​မၼ်း​ၼၼ်ႉ​ၵေႃႈ မီး​မုၼ်​သရေႇ​တီႈ​မၼ်း​ဢေႃႈ။-</verse>
				<verse number="12">တၢင်း​ၸႂ်​မႆႈ​ၶႆႈ​ၸႃႉ​ၶုၼ်​ႁေႃ​ၶမ်း ပဵၼ်​ၸိူဝ်ႉ​ၼင်ႇ တၢင်း​ဢၼ်​သၢင်ႇ​သီႈ​ႁွင်ႉ​ၼၼ်ႉ​လႄႈ ၵျေး​ၸူး​မၼ်း​ၸဝ်ႈ​ၸမ်ႉ၊ ပဵၼ်​ၸိူဝ်ႉ​ၼင်ႇ​ၼမ်ႉ​ၼၢႆး ၵႃႈ​ၼိူဝ်​တူၼ်ႈ​ယိူဝ်ႈ​တူၼ်ႈ​ယႃႈ​ၼၼ်ႉ​ဢေႃႈ။-</verse>
				<verse number="13">လုၵ်ႈ​ၸၢႆး​ဢၼ်​မိူၵ်ႈ​ၼၼ်ႉ ပဵၼ်​လွင်ႈ​ဢၼ်​ပေႃႈ​မၼ်း ယၢပ်ႇ​ၸႂ်​ၽၢၼ်​ၸႂ်​လႄႈ တၢင်း​ဢၼ်​မေး ၸၢင်ႈ​ႁဵတ်း​တၢင်း​ဢၼ်​ၽိတ်း​ၵၼ်​ၼၼ်ႉ​ၵေႃႈ မိူၼ်​ၸိူဝ်ႉ​ၼင်ႇ ဢၼ်​မဵတ်ႉ​ၽူၼ်​ယွတ်ႇ​ႁူဝ်ႈ​တူၵ်း​ယူႇ ၸိၵ်း​ၸိၵ်း​ၼၼ်ႉ​ဢေႃႈ။-</verse>
				<verse number="14">ႁိူၼ်း​ဢိၵ်ႇ​တင်း​ၸေး​ၸိမ်ႇ ပဵၼ်​ဢမူၺ်ႇ​ဢုၵ်ႉ​ၸႃႇ ဢၼ်​လႆႈ​ၶၢမ်ႇ​ဢဝ်​တီႈ​ပေႃႈ​မႄႈ​လႄႈ မေး​ဢၼ်​မီး​သမ်ႇမႃႇ​သတီႉ​ၸမ်ႉ၊ ပဵၼ်​ဢၼ်​ထႃႇဝရႃႉ​ၽြႃး ဢဵတ်း​လူ​ပၼ်​ဢေႃႈ။</verse>
				<verse number="15">သၽေႃး​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ႁႂ်ႈ​ၼွၼ်း​ပူၼ်ႉ​ၼွၼ်း​လိူဝ်​လႄႈ၊ ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢိုပ်း​ဢၼ်​ယၢၵ်ႈ​ဢေႃႈ။-</verse>
				<verse number="16">ၵေႃႉ​ဢၼ်​ပႂ်ႉ​ပိင်း​ၺၢပ်ႈ​တြႃး​ၼၼ်ႉ ပႂ်ႉ​ဢသၢၵ်ႈ​ဝီႉၺိၺ်ႇ​မၼ်း​ယူႇ​လႄႈ ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​လႄႈ ဢမ်ႇ​ၶႆႈ​ၸႂ်​လူၺ်ႈ​သဵၼ်ႈ​တၢင်း​မၼ်း​ၵႂႃႇ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢႆ​ဢေႃႈ။-</verse>
				<verse number="17">ၵေႃႉ​ဢၼ်​ဢဵတ်း​လူ​ၵူၼ်း​ယၢၵ်ႈ​ၵူၼ်း​ၽၢၼ်​ၼၼ်ႉ ပဵၼ်​ၵေႃႉ​ဢၼ်​ပၼ်​ၵူႈ​ပၼ်​ယိမ်​ဝႆႉ တီႈ​ထႃႇဝရႃႉ​ၽြႃး​လႄႈ၊ မၼ်း​ၸဝ်ႈ​တၵ်း​တွပ်ႇ​တႅၼ်း​ပၼ် ဢၵျူဝ်း​တၢင်း​ဢၼ်​မၼ်း​ႁဵတ်း​ၼၼ်ႉ​ဢေႃႈ။-</verse>
				<verse number="18">ပိူဝ်ႈ​ဢၼ်​ယင်း​မီး​တီႈ​ဢၼ် မုင်ႈ​ထႃႈ​မွင်း​ထႃႈ​ယူႇ​လႄႈ သင်ႇ​သွၼ်​သုင်း​မႃႉ​လုၵ်ႈ​ၸၢႆး​မႂ်း​တႃႉ။ ယႃႇ​ပေ​ႁႂ်ႈ​မီး​ၸႂ်​ဢၼ်​ဢဵတ်း​လူ​ယူႇ တေႃႇ​ထိုင်​ႁွတ်ႈ​ႁႂ်ႈ​ဢၵျူဝ်း​မၼ်း​ထၼ်ႈ​ပေႃး​လူႉ။-</verse>
				<verse number="19">ၵေႃႉ​ဢၼ်​တေႃး​သႃႉ​တၢင်း​ၸႂ်​မႆႈ​ယႂ်ႇ​ၼႃႇ​ၼၼ်ႉ တၵ်း​လႆႈ​ၶၢမ်ႇ​တၢမ်ႇ​ဢပႅတ်ႈ​လႄႈ ပေႃး​မႂ်း​ၵႄႇ​သႄႇ​ၼုၵ်ႈ​ဢဝ်​မၼ်း​ၸိုင်၊ တၵ်း​လႆႈ​ၵႄႇ​သႄႇ​ၼုၵ်ႈ​ဢဝ်​ယူႇ ၶိူဝ်း​ၶိူဝ်း​ယႂ်း​ယႂ်း​ဢေႃႈ။-</verse>
				<verse number="20">ထွမ်ႇ​ဢဝ်​ၵႂၢမ်း​ဢၼ်​သင်ႇ​သွၼ်​ပၼ်​လႄႈ ၶၢမ်ႇ​ဢဝ်​တၢင်း​ဢၼ်​သုင်း​မႃႉ​ပၼ် ႁႂ်ႈ​မႂ်း​လႆႈ​ပဵၼ်​ၵေႃႉ​ဢၼ်​မီး​ပိင်ႇ​ၺႃႇ ၼႂ်း​မိူဝ်ႈ​ၵမ်း​လိုၼ်း​သုတ်း​ဢသၢၵ်ႈ​မႂ်း​ၼၼ်ႉ​တႃႉ။-</verse>
				<verse number="21">တၢင်း​ဢၼ်​ၵူၼ်း​ၸၢင်ႈ​ၵျၢမ်ႇ​ၸၢင်ႈ​ပွင်​ယူႇ​ၵႃႈ​ၼႂ်း​ႁူဝ်​ၸႂ်​ၼၼ်ႉ မီး​ၼမ်​ၼႃႇ​လႄႈ ၵူၺ်း​ၵႃႈ တၢင်း​ဢၼ်​ထႃႇဝရႃႉ​ၽြႃး​ၵျၢမ်ႇ​ပွင်​ၼၼ်ႉ တၵ်း​တႄႇ​ယူႇ​ဢေႃႈ။-</verse>
				<verse number="22">တၢင်း​ဢၼ်​ၵူၼ်း​မီး​ၸႂ်​ၸေႇတၼႃႇ​ၼၼ်ႉ ပဵၼ်​တၢင်း​ဢၼ်​မၼ်း​ႁဵတ်း​ၵျေး​ၸူး​ၵႃႈ​ႁိုဝ်​ၼၼ်ႉ​လႄႈ ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​ၵေႃႉ​ဢၼ်​လၢတ်ႈ​မူႉ​သႃႇ​ဢေႃႈ။-</verse>
				<verse number="23">တၢင်း​ဢၼ်​ၵူဝ်​ဢၼ်​ႁႄ​ထႃႇဝရႃႉ​ၽြႃး​ၼၼ်ႉ ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ဢသၢၵ်ႈ​လိပ်း​လႄႈ ၵေႃႉ​ဢၼ်​မီး​သၽေႃး​ၼၼ်ႉ​ၸမ်ႉ၊ ဢလူဝ်ႇ​သၼ်ႇ​တႃႉ​တၵ်း​ပျေႉ​ၸုမ်ႇ​လႄႈ မၼ်း​တၵ်း​ဢမ်ႇ​လႆႈ​ထူပ်း​လႆႈ​ႁၼ်​ၽေး​ဢူႉ​ပၢတ်ႈ။-</verse>
				<verse number="24">ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ဢဝ်​မိုဝ်း​မၼ်း​ၸူၵ်း​ၶဝ်ႈ​ၵႃႈ​ၼႂ်း​မေႃႈ​သေ​လႄႈ ဢမ်ႇ​ၶႂ်ႈ​သမ်ႉ​ၶိုၼ်း​ဢဝ်​ဢွၵ်ႇ​လႄႈ ပွၼ်ႈ​သႂ်ႇ​ၵႃႈ​ၼႂ်း​သူပ်း​မၼ်း။-</verse>
				<verse number="25">ပေႃး​ပေႃႉ​ယႅၼ်ႉ ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ၼၼ်ႉ​ၸိုင်၊ ၵေႃႉ​ဢၼ်​ငိူဝ်ႈ​ငႃႉ​ၼၼ်ႉ တၵ်း​လႆႈ​သတီႉ​လႄႈ၊ ပေႃး​သင်ႇ​သွၼ်​သုင်း​မႃႉ ၵေႃႉ​ဢၼ်​ၺၢၼ်ႇ​လီ​ၼၼ်ႉ​ၸိုင်၊ မၼ်း​တၵ်း​ႁူႉ​ပိင်ႇ​ၺႃႇ တၢင်း​ဢၼ်​ႁူႉ​ဢၼ်​ၸႅင်ႈ​ဢေႃႈ။-</verse>
				<verse number="26">ၵေႃႉ​ဢၼ် ႁဵတ်း​ဢၼ်​ယၢပ်ႇ​ဢၼ်​ၽိုတ်ႇ သႂ်ႇ​တီႈ​ပေႃႈ​မၼ်း​လႄႈ၊ ႁေႃႈ​မႄႈ​မၼ်း​ဢွၵ်ႇ​ပႅတ်ႈ​ၼၼ်ႉ ပဵၼ်​လုၵ်ႈ​ၸၢႆး ဢၼ်​ႁဵတ်း​ႁႂ်ႈ​လီ​ဢူၵ်း​လီ​ဢၢႆ​လႄႈ ႁႂ်ႈ​ၶၢမ်ႇ​တၢင်း​ဢၼ်​ၼႃႈ​မႆႈ​ဢေႃႈ။-</verse>
				<verse number="27">လုၵ်ႈ​ၸၢႆး​ၵဝ်​ဢိူၺ်း၊ ယႃႇ​ပေ​ထွမ်ႇ​ပေ​ဢဝ် ၵႂၢမ်း​သင်ႇ​သွၼ်​သုင်း​မႃႉ​သေ​လႄႈ ၵႂႃႇ​ႁႂ်ႈ​လႆႈ​ဝႄႈ​ပႅတ်ႈ​သေ​ၵႂၢမ်း​ပိင်ႇ​ၺႃႇ တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ​ၵူၺ်း​တႃႉ။-</verse>
				<verse number="28">ၵူၼ်း​မဝ်​မၢင်​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​တြႃး​တၢင်း​ဢၼ်​ၸီႇ​ယၢင်ႇ​လႄႈ သူပ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၵေႃႈ၊ ၸၢင်ႈ​ဢိုၼ်​ၵိၼ်​တူႉ​ၸရိူၵ်ႈ​ဢေႃႈ။-</verse>
				<verse number="29">တၢင်း​ဢၼ်​ၸီႇ​ယၢင်ႇ​ဢပႅတ်ႈ မႄး​ႁႅၼ်း​ဝႆႉ ပုၼ်ႈ​ၶဝ်​ၸိူဝ်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၼၼ်ႉ​လႄႈ တၢင်း​ဢၼ်​ပၼ်​ၶၢမ်ႇ​တၢမ်ႇ မႄး​ႁႅၼ်း​ဝႆႉ ပုၼ်ႈ​ပႄ​လင်​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ​ယူႇ​ဢေႃႈ။</verse>
			</chapter>
			<chapter number="20">
				<verse number="1">ၼမ်ႉ​ၸပိတ်ႈ​ပဵၼ်​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​လႄႈ ၼမ်ႉ​လဝ်ႈ​ပဵၼ်​ဢၼ်​ၸၢင်ႈ​ႁႂ်ႈ​ဢူၼ်​ဢဵၼ်​မေႃး​မႄး​ဢေႃႈ။ ၵေႃႉ​ဢၼ်​ဝၢင်ႇ​ဝီႈ​ဝၢင်ႇ​ဝိူဝ်ႈ ၵွပ်ႈ​ပိူဝ်ႈ​မၼ်း​ၼၼ်ႉ ဢမ်ႇ​မီး​ပိင်ႇ​ၺႃႇ။-</verse>
				<verse number="2">တၢင်း​ဢၼ်​ၶုၼ်​ႁေႃ​ၶမ်း ႁႂ်ႈ​ၵူဝ်​ႁႂ်ႈ​ႁႄ​ၼၼ်ႉ မိူၼ်​ၸိူဝ်ႉ​ၼင်ႇ​တၢင်း​ဢၼ် သၢင်ႇ​သီႈ​ႁွင်ႉ​ၼၼ်ႉ​လႄႈ ၵေႃႉ​ဢၼ်​တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၼၼ်ႉ ၽိတ်း​ပိူင်ႈ​ဢသၢၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="3">ၵေႃႉ​ဢၼ်​ယူႇ​ၵႆ​ၵၼ်​တင်း တၢင်း​ဢၼ်​ၽိတ်း​ၵၼ်​ၼၼ်ႉ မီး​မုၼ်​သရေႇ​လႄႈ ၵေႃႉ​ဢၼ်​မိူၵ်ႈ​ၸမ်ႉ၊ ၸၢင်ႈ​လေႃး​လႄး​လူၺ်ႈ​ၵၼ်​တင်း​ဢမူႉ​ၼၼ်ႉ​ဢေႃႈ။-</verse>
				<verse number="4">ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ဢမ်ႇ​ၶႂ်ႈ​ထႆ​ၼႃး ၵွပ်ႈ​ပိူဝ်ႈ​ဢၼ်​ပဵၼ်​ၶိင်ႇ​ၵတ်း​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ၼႂ်း​ၶိင်ႇ​မိူဝ်ႈ​ဢၼ်​ပၢတ်ႇ​ၶဝ်ႈ​ၼၼ်ႉ ပိၵ်ႉ​သမ်ႉ​မၼ်း​ယွၼ်း​တီႈ​ပိူၼ်ႈ​သေ​ၵေႃႈ ဢမ်ႇ​လႆႈ။-</verse>
				<verse number="5">တၢင်း​ၵျၢမ်ႇ​တၢင်း​ပွင် ၵႃႈ​ၼႂ်း​ႁူဝ်​ၸႂ်​ၵူၼ်း​ၼၼ်ႉ မိူၼ်​ၸိူဝ်ႉ​ၼင်ႇ​ၼမ်ႉ​ဢၼ်​လိုၵ်ႉ​ၼႃႇ​လႄႈ ၵေႃႉ​ဢၼ်​ၺၢၼ်ႇ​လီ​ၼၼ်ႉ​ၸမ်ႉ၊ တၵ်း​တဵၵ်း​ဢဝ်​ဢေႃႈ။-</verse>
				<verse number="6">ၵေႃႉ​ဢၼ်​ၸၢင်ႈ​မွၵ်ႇ​လၢတ်ႈ​ၵျေး​ၸူး ဢၼ်​တူဝ်​ၸဝ်ႈ​ၵဝ်ႇ​ႁဵတ်း​ၼၼ်ႉ မီး​ၼမ်​ၼႃႇ​လႄႈ ၵေႃႉ​ဢၼ်​မီး​သဵတ်ႈ​ၸႃႇ​ၸမ်ႉ၊ ၽူႈ​လႂ်​ႁႃ​လႄႈ​တၵ်း​ထူပ်း​လႆႈ။-</verse>
				<verse number="7">ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸွမ်း​သဵၼ်ႈ​တၢင်း​ဢၼ်​မၼ်း​သိုဝ်ႈ​တေႃႇ​ၼၼ်ႉ​ယူႇ​လႄႈ၊ လုၵ်ႈ​လၢၼ်​မၼ်း​လိုၼ်း​မၼ်း​ၸိူဝ်း​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="8">ၶုၼ်​ႁေႃ​ၶမ်း​ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​တြႃး​ၼၼ်ႉ ၸၢင်ႈ​ဢဝ်​တင်း​မၢၵ်ႇ​တႃ​မၼ်း​ၸဝ်ႈ ဢဝ်​လွင်ႈ​တၢင်း​ဢၼ်​ဢမ်ႇ​လီ​ၵႃႈ​မီး ၸၢတ်ႇ​ပိုၼ်​ပႅတ်ႈ​ဢေႃႈ။-</verse>
				<verse number="9">ၽူႈ​လႂ်​တၵ်း​လၢတ်ႈ​လႄႈ​ဝႃႈ၊ ၵဝ်​ႁႂ်ႈ​ႁူဝ်​ၸႂ်​ၵဝ်​မူတ်း​သႂ်​ယဝ်ႉ။ ၵဝ်​ၵၢင်း​လွတ်ႈ​တင်း​ဢပႅတ်ႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​လႆႈ။-</verse>
				<verse number="10">လုၵ်ႈ​ၶၼ်​ဢၼ်​ဢမ်ႇ​တၢၼ်ႇ​ပဵင်း​ၵၼ် ဢိၵ်ႇ​တင်း ၵွၵ်း​တၢင်​ၵွၵ်း​ၶႂၢႆး​ဢၼ်​ၶဝ်​ဢမ်ႇ​တၢၼ်ႇ​ပဵင်း​ၵၼ် သွင်​မဵဝ်း​ၼၼ်ႉ ပဵၼ်​တီႈ​ဢၼ်​ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​ဢေႃႈ။-</verse>
				<verse number="11">လုၵ်ႈ​ဢွၼ်ႇ​ႁႂ်ႈ​သၽေႃး​တူဝ်​ၸဝ်ႈ​ၵဝ်ႇ​ထၢင်ႇ​သႃး ၼႂ်း​ဢမူႉ​ဢၼ်​တူဝ်​ၸဝ်ႈ​ၵဝ်ႇ​ႁဵတ်း​ၼၼ်ႉ​လႄႈ ၼႄ​ပျႃး​လွင်ႈ​ဢၼ် လွင်ႈ​တၢင်း​ဢၼ်​မၼ်း​ႁဵတ်း​ၼၼ်ႉ မူတ်း​သႂ်​ႁိုဝ် ဢမ်ႇ​မူတ်း​သႂ်​ႁိုဝ်။ မၢၼ်ႇ​ႁိုဝ် ဢမ်ႇ​မၢၼ်ႇ​ႁိုဝ်​ၼၼ်ႉ​ဢေႃႈ။-</verse>
				<verse number="12">ႁူ​ဢၼ်​ၸၢင်ႈ​ငိၼ်း၊ မၢၵ်ႇ​တႃ​ဢၼ်​ၸၢင်ႈ​ႁၼ်​ၼၼ်ႉ ထႃႇဝရႃႉ​ၽြႃး​ၽၢၼ်ႇ​သၢင်း​ႁဵတ်း​ပဵၼ် တင်း​သွင်​မဵဝ်း​ယဝ်ႉ။-</verse>
				<verse number="13">ပိူဝ်ႈ​ဢၼ်​ၵူဝ်​မႂ်း တၵ်း​ႁွတ်ႈ​ထိုင်​တၢင်း​ဢၼ်​ယၢၵ်ႈ​ဢၼ်​ၽၢၼ်​လႄႈ၊ ယႃႇ​ပေ​ၸႂ်​ၸပ်း​ၸႂ်​ၸွႆး လူၺ်ႈ​တၢင်း​ဢၼ်​ၼွၼ်း​ဢၼ်​လပ်း​ၼၼ်ႉ။ ၽုၺ်ႇ​တႃ​မိုၼ်း​တႃ​မႂ်း​တႃႉ။ မႂ်း​တၵ်း​လႆႈ​ၵိၼ်​ဢိမ်ႇ​ၵိၼ်​တဵမ်​ဢေႃႈ။-</verse>
				<verse number="14">ၵေႃႉ​ဢၼ်​သိုဝ်ႉ​ဢဝ်​ၼၼ်ႉ ၸၢင်ႈ​လၢတ်ႈ​လႄႈ​ဝႃႈ၊ ဢမ်ႇ​လီ​ၵူၺ်ႉ၊ ဢမ်ႇ​လီ​ၵူၺ်ႉ၊ ဝႃႈ​ၼင်ႇ​ၼႆ​လႄႈ​သိုဝ်ႉ​ဢဝ်​ၵႂႃႇ​သေ​ယဝ်ႉ၊ ၸၢင်ႈ​ဢုပ်ႇ​ဢၢတ်ႇ​ဢေႃႈ။-</verse>
				<verse number="15">မီး​ၶမ်း​ဢေႃႈ။ မီး​သႅင်​လႅင်​ၼမ်​ၼႃႇ​ဢေႃႈ။ ၵူၺ်း​ၵႃႈ သူပ်း​ဢၼ်​ပျေႉ​ၸုမ်ႇ​ဝႆႉ​တင်း​ပိင်ႇ​ၺႃႇ​တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ ပဵၼ်​ရတ်ႈတၼႃႇ ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ၼႃႇ​လူင်​လၢင်​ဢေႃႈ။-</verse>
				<verse number="16">သိမ်း​ဢဝ်​ၽႃႈ​မႆ​ၵေႃႉ​ဢၼ်​ၸၢင်ႈ​ႁပ်ႉ​တုင်း​ဢဝ် ပုၼ်ႈ​ၵေႃႉ​ဢၼ်​မၼ်း​ဢမ်ႇ​ႁူႉ​ၸၵ်း​ၼၼ်ႉ​တႃႉ။ ႁဵတ်း​ပႄႉ​ႁဵတ်း​ၼႅင်ႇ ဢဝ်​ဢုၵ်ႉ​ၸႃႇ ၵေႃႉ​ဢၼ်​ႁပ်ႉ​တုင်း​ဢဝ် ပုၼ်ႈ​မႄႈ​ယိင်း​လေႃ​ၼၼ်ႉ​တႃႉ။</verse>
				<verse number="17">တၢင်း​ၵိၼ်​တၢင်း​ၶူပ်း​ဢၼ်​ပႅတ်ႉ​လႅၼ်​ဢဝ်​လႄႈ​လႆႈ​ၼၼ်ႉ ပဵၼ်​ဢၼ်​ဝၢၼ်​ဢၼ်​မၼ်း​တီႈ​ၵူၼ်း​ဢေႃႈ။ ၵူၺ်း​ၵႃႈ ၵမ်း​လိုၼ်း သူပ်း​ၵေႃႉ​ဢၼ်​ၵိၼ်​ၼၼ်ႉ တၵ်း​တဵမ်​ဝႆႉ​တင်း​မၢၵ်ႇ​ႁိၼ်​ႁႄႈ​ဢေႃႈ။-</verse>
				<verse number="18">တၢင်း​ၵျၢမ်ႇ​တၢင်း​ပွင်​ၵူႈ​ၸိူဝ်ႉ​ၵူႈ​ဢၼ် ၸၢင်ႈ​တႄႇ​ပဵၼ် ၵွပ်ႈ​ပိူဝ်ႈ​တၢင်း​ဢၼ်​တိူင်ႇ​ပၢင်ႇ​ၵၼ်​ဢေႃႈ။ မီး​တၢင်း​ဢၼ်​တိူင်ႇ​ပၢင်ႇ​ၵၼ် ဢၼ်​လီ​ၵူၺ်း​လႄႈ ပွင်​ႁဵတ်း​ဢမူႉ​သိုၵ်း​တႃႉ။-</verse>
				<verse number="19">ၵေႃႉ​ဢၼ်​လႄႇ​ၵႂႃႇ သူပ်း​ၼမ်​ၵႂၢမ်း​ၼမ်​ယူႇ​ၼၼ်ႉ ၸၢင်ႈ​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​လီ​သိူင်ႇ​လီ​မႅပ်ႉ​ဝႆႉ​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ယႃႇ​ပေ​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ် တင်း​ၵေႃႉ​ဢၼ် ၸၢင်ႈ​ၽုၺ်ႇ​သူပ်း​ဢႃႈ​သူပ်း​ၼၼ်ႉ။-</verse>
				<verse number="20">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​သႄႉ​သွမ်း​ပေႃႈ​မႄႈ​မၼ်း​ၼၼ်ႉ၊ ဝၢၼ်ႇ​ၽႆး​တဵၼ်း​မၼ်း​တၵ်း​မွတ်ႇ ၵႃႈ​ၼႂ်း​ၵၢင်​လပ်း​သိင်ႇ​ၽိတ်း​ၽိတ်း​ၼၼ်ႉ​ဢေႃႈ။-</verse>
				<verse number="21">ပိၵ်ႉ​သမ်ႉ​လႆႈ​ဢမူၺ်ႇ​ဢုၵ်ႉ​ၸႃႇ​ၶၼ်​ၶၼ်​ၽႂ်း​ၽႂ်း မိူဝ်ႈ​ၵေႃႇ​ၸႃႉ​ႁူဝ်​ပိုင်း​မၼ်း​သေ​ၵေႃႈ၊ တီႈ​သုတ်း​မၼ်း​ပဵၼ်​ဢႃႉ​မင်ႇၵလႃႇ​ဢေႃႈ။-</verse>
				<verse number="22">ယႃႇ​ပေ​လၢတ်ႈ​လႄႈ​ဝႃႈ၊ ၵဝ်​တၵ်း​ၶိုၼ်း​တွပ်ႇ​ၶိုၼ်း​တႅၼ်း ရၢၼ်ႇ​တၢင်း​ၽိတ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။ ပႂ်ႉ​ထႃႈ ထႃႇဝရႃႉ​ၽြႃး​ယူႇ​တႃႉ။ မၼ်း​ၸၢင်ႈ​တၵ်း​ၵႄႇ​သႄႇ​ၶျွတ်ႈ​ဢဝ်​မႂ်း​ဢေႃႈ။-</verse>
				<verse number="23">လုၵ်ႈ​ၶၼ်​ဢၼ်​ဢမ်ႇ​တၢၼ်ႇ​ပဵင်း​ၵၼ်​ၼၼ်ႉ ပဵၼ်​တီႈ​ဢၼ် ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​လႄႈ ယွႆး​ယႃႇ​ၸူႇ​ဢၼ်​ပႅတ်ႉ​လႅၼ်​ၼၼ်ႉ​ၵေႃႈ မီး​ဢပႅတ်ႈ​ဢေႃႈ။-</verse>
				<verse number="24">ထႃႇဝရႃႉ​ၽြႃး​ၸီႇ​ယၢင်ႇ​သဵၼ်ႈ​တၢင်း ဢၼ်​ၵူၼ်း​ၵႂႃႇ​ၼၼ်ႉ​ဝႆႉ​ဢေႃႈ။ ပိူဝ်ႈ​ၼႆ​လႄႈ ၵူၼ်း​တၵ်း​ႁူႉ​သဵၼ်ႈ​တၢင်း​ဢၼ်​မၼ်း​ၵႂႃႇ​ၼၼ်ႉ လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="25">တၢင်း​ဢၼ်​လၢတ်ႈ​မႅၼ်ႈ​လႄႈ​ဝႃႈ၊ ပဵၼ်​ဢၼ်​မူတ်း​ၸၢင်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ ဝႆႉ​ၵတီႉ​သဵတ်ႈ​ၸႃႇ​သေ​ယဝ်ႉ သမ်ႉ​ၶိုၼ်း​ၶႆႈ​ၸႂ်​ထၢမ်​တူၺ်း​ၼၼ်ႉ ပဵၼ်​တူင်ႇ​ႁႅဝ်ႉ​တူင်ႇ​ၶိုမ်း​တီႈ​ၵူၼ်း​ဢေႃႈ။-</verse>
				<verse number="26">ၶုၼ်​ႁေႃ​ၶမ်း​ဢၼ်​မီး​ပိင်ႇ​ၺႃႇ​ၼၼ်ႉ ၸၢင်ႈ​သုၵ်ႈ​လၢင်ႉ ၶဝ်​ၸိူဝ်း​ဢၼ်​ႁၢႆႉ​ဢၼ်​ႁုၵ်း​ၼၼ်ႉ​ပႅတ်ႈ​လႄႈ ဢဝ်​တင်း​မၢၵ်ႇ​လေႃႉ​ၵိင်ႈ​တဵင်​သႂ်ႇ​ဢေႃႈ။-</verse>
				<verse number="27">ၸႂ်​ဝီႉၺိၺ်ႇ​ၵူၼ်း ပဵၼ်​ဝၢၼ်ႇ​ၽႆး​တဵၼ်း ထႃႇဝရႃႉ​ၽြႃး ဢၼ်​ၸႅတ်ႈ​တူၺ်း​ၵႃႈ​ဢၼ်​မီး ၵႃႈ​တီႈ​ၼႂ်း​တပ်း​ပွတ်ႇ​ႁူဝ်​ၸႂ်​ဢေႃႈ။-</verse>
				<verse number="28">ၵရူႉၼႃႇ​တြႃး ဢိၵ်ႇ​တင်း​သဵတ်ႈ​ၸႃႇ​တြႃး ၸၢင်ႈ​ပႂ်ႉ​ၸွႆႈ​ထႅမ်​ၶုၼ်​ႁေႃ​ၶမ်း​ယူႇ​လႄႈ ရႃႇၸႃႉ​ပလၢင်ႇ​မၼ်း​ၸဝ်ႈ​ၼၼ်ႉ ၸၢင်ႈ​မၼ်ႈ​ၶိူင်ႇ​ယူႇ ၵွပ်ႈ​ပိူဝ်ႈ​ၵရူႉၼႃႇ​တြႃး​ဢေႃႈ။-</verse>
				<verse number="29">မုၼ်​ၽုင်း​ၵူၼ်း​ၼုမ်ႇ​ၵူၼ်း​ၵမ်​ၸမ်ႉ၊ ပဵၼ်​ႁႅင်း​တၼ်း​ၶူဝ်း​ၶဝ်​လႄႈ ၵုင်ႇ​သရေႇ​ၵူၼ်း​ထဝ်ႈ​ၵူၼ်း​ၵႄႇ​ၸမ်ႉ၊ ပဵၼ်​ႁူဝ်​ႁွၵ်ႇ​ႁူဝ်​ၶၢဝ်​ဢေႃႈ။-</verse>
				<verse number="30">ႁွႆး​ပေႃႉ​ႁွႆး​ယႅၼ်ႉ ၸၢင်ႈ​ႁႂ်ႈ​ၵေႃႉ​ဢၼ်​ႁုၵ်း​ဢၼ်​ႁၢႆႉ​ၼၼ်ႉ မူတ်း​သႂ်​မႃး​လႄႈ ႁွႆး​ၶွၼ်ႉ​ႁွႆး​တၢမ်ႇ​ၵေႃႈ၊ ၸၢင်ႈ​ႁဵတ်း​ၵျေး​ၸူး​ၸိူဝ်ႉ​ၼင်ႇ​ၼၼ် ၵႃႈ​ၼႂ်း​ႁၢင်ႈ​ၼႂ်း​တူဝ်​ဢေႃႈ။</verse>
			</chapter>
			<chapter number="21">
				<verse number="1">ႁူဝ်​ၸႂ်​ၶုၼ်​ႁေႃ​ၶမ်း မီး​ယူႇ​ၵႃႈ​ၼႂ်း​မိုဝ်း​ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​ၼမ်ႉ​ႁွင်ႈ​ၼမ်ႉ​ၵႄး​ၼၼ်ႉ​လႄႈ၊ မၼ်း​ၸဝ်ႈ​ႁႂ်ႈ​ဝၢႆႇ​ၵႂႃႇ​ငႅၵ်း​ၵႂႃႇ ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​မၼ်း​ၸဝ်ႈ​မီး​ၼၼ်ႉ​ဢေႃႈ။-</verse>
				<verse number="2">သဵၼ်ႈ​တၢင်း​ဢၼ်​ၵူၼ်း​ၵႂႃႇ​ၵႃႈ​မီး​ၼၼ်ႉ ပဵၼ်​ဢၼ်​သိုဝ်ႈ​လီ​ယူဝ်း​လီ သိုဝ်ႈ​ၼႃႈ​တႂ်ႈ​တႃ​မၼ်း​လႄႈ ထႃႇဝရႃႉ​ၽြႃး​ၸမ်ႉ၊ ၸင်ႈ​တူၺ်း​ႁိဝ်ႈ​တူၺ်း​ႁူဝ်​ၸႂ်​တင်း​လၢႆ​ဢေႃႈ။-</verse>
				<verse number="3">တၢင်း​ဢၼ်​ႁဵတ်း​သိုဝ်ႈ​သိုဝ်ႈ​တေႃႇ​တေႃႇ ဢိၵ်ႇ​တင်း​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ ပဵၼ်​တီႈ​ဢၼ် ထုၵ်ႇ​ၸႂ်​ၵျိူၵ်ႈ​ၸႂ်​ထႃႇဝရႃႉ​ၽြႃး ယဵင်ႈ​ၶႅၼ်း​လိူဝ်​တွၼ်း​ၼႃႇ​သေ တၢင်း​ဢၼ်​ပုၵ်ႈ​ၸေႃႇ​ယိတ်ႈ​ဢေႃႈ။-</verse>
				<verse number="4">ၼႃႈ​ဢၼ်​ပူၵ်း​ပႅၼ် ဢိၵ်ႇ​တင်း​ႁူဝ်​ၸႂ်​ဢၼ်​မႃႇၼႃႉ​ယႂ်ႇ ဢၼ်​ဝႃႈ​ဢၼ်​လႅင်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ပဵၼ်​ဢပႅတ်ႈ​ဢေႃႈ။-</verse>
				<verse number="5">တၢင်း​ၵျၢမ်ႇ​တၢင်း​ပွင် ၵေႃႉ​ဢၼ်​ႁဵတ်း​ၵႆႉ​ႁဵတ်း​ၶၵ်း​ၼၼ်ႉ ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​မၢၵ်ႈ​မီး​လိူင်ႇ​တဵမ်​ၼမ်​ၼႃႇ​လႄႈ ၵေႃႉ​ဢၼ်​ဢမ်ႇ​မီး​သမ်ႇမႃႇ​သတီႉ​ၼၼ်ႉ ၸၢပ်ႈ​သႅင်ႇ​ၵၼ်​တင်း တၢင်း​ယၢၵ်ႈ​တၢင်း​ၽၢၼ်​ဢေႃႈ။-</verse>
				<verse number="6">တၢင်း​ဢၼ်​ဢဝ်​လိၼ်ႉ​ဢၼ်​သုင်း​မူႉ​သႃႇ​သေ​လႄႈ ၸူႉ​သိမ်း​ဝႆႉ​ၽၼ်ႇတႃႇ​ၼၼ်ႉ​မီး​ဢေႃႈ။ ၶဝ်​ၸိူဝ်း​ဢၼ်​ႁႃ​ဢဝ်​တၢင်း​တၢႆ​ၼၼ်ႉ ပဵၼ်​ဢၼတ်ႉတႃႉ ဢၼ်​ပဝ်ႇ​လပ်ႉ​ႁၢႆ​ၵႂႃႇ​ဢေႃႈ။-</verse>
				<verse number="7">ဢပႅတ်ႈ​ဢႃႉထမ်ႇမႃႉ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၼၼ်ႉ တၵ်း​ယႃႉ​ၽဵဝ်ႈ​ၶဝ်​ပႅတ်ႈ ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​မီး​ဢလူဝ်ႇ ၶႂ်ႈ​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​ဢေႃႈ။-</verse>
				<verse number="8">ၵေႃႉ​ဢၼ်​ပိူင်ႈ​တၢင်း​ၵႂႃႇ​ၼၼ်ႉ ပဵၼ်​ၵေႃႉ​ဢၼ်​မီး​ဢပႅတ်ႈ​လႄႈ ဢမူႉ​တၢင်း​ဢၼ်​ၵေႃႉ​ဢၼ်​မူတ်း​သႂ်​ႁဵတ်း​ၼၼ်ႉ​ၸမ်ႉ၊ သိုဝ်ႈ​လီ​ယူဝ်း​လီ​ဢေႃႈ။-</verse>
				<verse number="9">တၢင်း​ဢၼ်​ယူႇ​ၵႃႈ​ၼိူဝ်​မုင်း​ႁိူၼ်း ၼႂ်း​ၸွၵ်ႉ​ၼႂ်း​ၸဵင်ႇ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ယူႇ​လူၺ်ႈ​ၵၼ်​တင်း​မႄႈ​ယိင်း ဢၼ်​ၸၢင်ႈ​ႁဵတ်း​တၢင်း​ဢၼ်​ၽိတ်း​ၵၼ်​ၵႃႈ​ၼႂ်း​ႁိူၼ်း ဢၼ်​ၵူၼ်း​ႁိူၼ်း​ၵူၼ်း​ယေး ၼမ်​ၼႃႇ​ၼၼ်ႉ​ဢေႃႈ။-</verse>
				<verse number="10">ႁူဝ်​ၸႂ်​ၵေႃႉ​ဢၼ်​ဢမ်ႇ​တြႃး​ၼၼ်ႉ ၸွႆး​ၸပ်း​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​လႄႈ ၵူၼ်း​ႁိူၼ်း​ၸမ်​ၵၼ်​တင်း​မၼ်း ဢမ်ႇ​လႆႈ​ၶၢမ်ႇ​ဢဝ်​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​မၼ်း။-</verse>
				<verse number="11">မိူဝ်ႈ​ဢၼ်​ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ၼၼ်ႉ လႆႈ​ၶၢမ်ႇ​တၢမ်ႇ​ဢပႅတ်ႈ​ၸိုင်၊ ၵေႃႉ​ဢၼ်​ငိူဝ်ႈ​ဢၼ်​ငႃႉ​ၼၼ်ႉ ၸၢင်ႈ​လႆႈ​သတီႉ​လႄႈ မိူဝ်ႈ​ဢၼ်​ၵေႃႉ​ဢၼ်​မီး​သတီႉ​ၼၼ်ႉ လႆႈ​ၶၢမ်ႇ​တၢင်း​ဢၼ်​သင်ႇ​သွၼ်​ပၼ်​ၼၼ်ႉ​ၸိုင်၊ ပိင်ႇ​ၺႃႇ​မၼ်း​ၸၢင်ႈ​ယႂ်ႇ​ၽႄႈ​ၼမ်​ၵိုၼ်း​မႃး​ဢေႃႈ။-</verse>
				<verse number="12">ၵေႃႉ​ဢၼ်​တြႃး​ၼၼ်ႉ ၸၢင်ႈ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ႁိူၼ်း​ၵေႃႉ​ဢၼ်​ဢမ်ႇ​တြႃး​ၼၼ်ႉ​လႄႈ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ မၼ်း​ၸဝ်ႈ​တၵ်း​ဢဝ်​လူမ်ႉ​ပၵ်း​ၶိတ်း​တူၵ်း​သႂ်ႇ ၵႃႈ​ၼႂ်း​တူႉ​ၸရိူၵ်ႈ ဢၼ်​ဢမ်ႇ​တြႃး​ၼၼ်ႉ​ဢေႃႈ။-</verse>
				<verse number="13">ၵေႃႉ​ဢၼ်​ဢိုတ်း​ႁူ​သေ​လႄႈ ဢမ်ႇ​ၶႂ်ႈ​ငိၼ်း​သဵင် တၢင်း​ဢၼ် ၵူၼ်း​ယၢၵ်ႈ​ၵူၼ်း​ၽၢၼ်​ႁွင်ႉ​သႅၼ်ႇ​ၼၼ်ႉ၊ တူဝ်​မၼ်း​တၵ်း​လႆႈ​ႁွင်ႉ​သႅၼ်ႇ​လႄႈ ၽူႈ​လႂ်​သေ​ၵေႃႉ​သေ​ၵူၼ်း​တၵ်း​ဢမ်ႇ​ငိၼ်း။-</verse>
				<verse number="14">လၢၵ်ႈ​သွင်ႇ​ဢၼ်​တဵတ်ႇ​တဵတ်ႇ​ပၼ်​ၼၼ်ႉ ၸၢင်ႈ​ၽေႇ​ၸႂ်​ပိူၼ်ႈ​လႄႈ လၢၵ်ႈ​သွင်ႇ​ပၼ်ႇ​ၼႃႇ​ဢၼ်​ၶျႃး​သႂ်ႇ​ပၼ် ၵႃႈ​ၼႂ်း​ဝၢင်ႈ​ႁူဝ်​ဢူၵ်း​ၼၼ်ႉ ၸၢင်ႈ​ၽေႇ​တၢင်း​ၸႂ်​မႆႈ​ၶႆႈ​ၸႃႉ ဢၼ်​ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="15">တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ ပဵၼ်​တီႈ​ဢၼ်​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸူမ်း​သိူဝ်း​လႄႈ တီႈ​ၶဝ်​ၸိူဝ်း​ဢၼ် ႁဵတ်း​ဢမူႉ​ဢႃႉထမ်ႇမႃႉ​ၼၼ်ႉ​ၸမ်ႉ၊ ပဵၼ်​တၢင်း​လူႉ​တၢင်း​လႅဝ်​ဢေႃႈ။-</verse>
				<verse number="16">ၵေႃႉ​ဢၼ်​ဝႄႈ​ပိူင်ႈ​သေ​သဵၼ်ႈ​တၢင်း​ၺၢၼ်ႇ​ၼၼ်ႉ တၵ်း​တူၵ်း​တီႈ​တူၵ်း​လႅၼ်​ယူႇ​ၵႃႈ​ၼႂ်း တီႈ​ဢၼ်​ၵူၼ်း​ပႃႇ​ႁဵဝ်ႈ​တင်း​လၢႆ ၸူႉ​တုမ်​ၼၼ်ႉ​ဢေႃႈ။</verse>
				<verse number="17">ၵေႃႉ​ဢၼ်​မူၼ်ႈ​ပျေႃႇ​ၼႂ်း​ၵႃႇမၵုင်ႇ​ၼၼ်ႉ တၵ်း​လႆႈ​ပဵၼ်​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​လႄႈ ၵေႃႉ​ဢၼ်​ၵျိူၵ်ႈ​ၼမ်ႉ​ၸပိတ်ႈ ဢိၵ်ႇ​တင်း​ၼမ်ႉ​မၼ်း​ၼၼ်ႉ ဢမ်ႇ​လႆႈ​မၢၵ်ႈ​လႆႈ​မီး။-</verse>
				<verse number="18">ၵေႃႉ​ဢၼ်​တြႃး​ၼၼ်ႉ ပဵၼ်​ပုၼ်ႈ​ဢၼ်​တၵ်း​ထုတ်ႇ​ဢဝ် ၵေႃႉ​ဢၼ်​တြႃး​ၼၼ်ႉ​လႄႈ ၵေႃႉ​ဢၼ်​ပႅတ်ႉ​လႅၼ်​ၼၼ်ႉ ပဵၼ်​ပုၼ်ႈ​တၢင်​တူဝ်​ၵေႃႉ​ဢၼ်​သိုဝ်ႈ​လီ​ယူဝ်း​လီ​ဢေႃႈ။-</verse>
				<verse number="19">တၢင်း​ဢၼ်​ယူႇ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ယူႇ​လူၺ်ႈ​ၵၼ်​တင်း​မႄႈ​ယိင်း ဢၼ်​ၸၢင်ႈ​ၸႂ်​ပွတ်း​ၸႂ်​လွတ်း​လႄႈ ႁႃႈ​တၢင်း​ၽိတ်း​သႂ်ႇ​ယူႇ​ၼၼ်ႉ​ဢေႃႈ။-</verse>
				<verse number="20">ၽၼ်ႇတႃႇ​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ် ဢိၵ်ႇ​တင်း​ၼမ်ႉ​မဵၼ်​ၼမ်ႉ​မၼ်း ၸၢင်ႈ​မီး​ၵႃႈ​ၼႂ်း​ႁိူၼ်း​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ​လႄႈ တီႈ​ၵေႃႉ​ဢၼ်​မိူၵ်ႈ​ၼၼ်ႉ​ၸမ်ႉ ၸၢင်ႈ​ႁႂ်ႈ​သဵင်ႈ​ႁႂ်ႈ​မူတ်း​ဢေႃႈ။-</verse>
				<verse number="21">ၵေႃႉ​ဢၼ်​ႁႃ​ဢဝ်​တြႃး​တၢင်း​သိုဝ်ႈ​တေႃႇ ဢိၵ်ႇ​တင်း​ၵရူႉၼႃႇ​တြႃး​ၼၼ်ႉ ၸၢင်ႈ​ထူပ်း​တၢင်း​ဢၼ်​ဢသၢၵ်ႈ​လိပ်း​ယူႇ၊ တၢင်း​ဢၼ်​သိုဝ်ႈ​တေႃႇ၊ တၢင်း​ဢၼ်​မုၼ်​သရေႇ​ထၢင်ႇ​သႃး​ၼၼ်ႉ​ဢေႃႈ။-</verse>
				<verse number="22">ၵေႃႉ​ဢၼ်​မီး​ပိင်ႇ​ၺႃႇ​ၺၢၼ်ႇ​ၼၼ်ႉ ၸၢင်ႈ​ၶိုၼ်ႈ​လမ်း​ဝဵင်း​ၶဝ် ၸိူဝ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ​သေ​လႄႈ ဢဝ်​ႁႅင်း​တၼ်း​ၶူဝ်း ဢၼ်​ၵူၼ်း​ဝဵင်း​ၸိူဝ်း​ၼၼ်ႉ​ဢိင်​ပိုင်ႈ​ၼၼ်ႉ ၶျႃး​တူၵ်း​တီႈ​တႅမ်ႇ​ဢေႃႈ။-</verse>
				<verse number="23">ၵေႃႉ​ဢၼ်​ပႂ်ႉ​သူပ်း​တင်း​လိၼ်ႉ​မၼ်း​ယူႇ​ၼၼ်ႉ ၸၢင်ႈ​ပႂ်ႉ​ႁႂ်ႈ​ၸႂ်​ဝီႉၺိၺ်ႇ​မၼ်း ၵၢင်း​လွတ်ႈ​တၢင်း​တုၵ်ႉ​ၶႃႉ​ဢေႃႈ။-</verse>
				<verse number="24">ၵေႃႉ​ဢၼ်​မႃႇၼႃႉ​ယႂ်ႇ​လႄႈ ပူၵ်း​ပႅၼ်​ၽႅၼ်​သုင်​ယူႇ​ၼၼ်ႉ ထုၵ်ႇ​လီ​ႁွင်ႉ​ႁဵၵ်ႈ​ၸိုဝ်ႈ ၵေႃႉ​ဢၼ်​ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​လႄႈ မၼ်း​ပႃး​တင်း တၢင်း​ဢၼ်​ၸွၵ်ႇ​ၵႃး​လူ​လၢႆ​သေ​လႄႈ ၵႂႃႇ​မႃး​ဢေႃႈ။-</verse>
				<verse number="25">တၢင်း​ဢၼ်​ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ၸႂ်​ၸပ်း​ၸႂ်​ၸွႆး​ယူႇ​ၼၼ်ႉ​ၸၢင်ႈ​ဢဝ်​မၼ်း​တၢႆ ၵွပ်ႈ​ပိူဝ်ႈ​ဢၼ်​မၼ်း ဢမ်ႇ​ၶႂ်ႈ​ဢဝ်​မိုဝ်း​မၼ်း ႁဵတ်း​တၢင်း​ႁဵတ်း​ၼၼ်ႉ​ဢေႃႈ။-</verse>
				<verse number="26">မၼ်း​ၸၢင်ႈ ၸႂ်​ၸပ်း​ၸႂ်​ၸွႆး​ၼႃႇ​လူင်​လၢင်​ယူႇ တင်း​ဝၼ်း​တင်း​ဝၼ်း​လႄႈ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ယင်း​ဢမ်ႇ​သေ​လၢႆ​လႄႈ ၸၢင်ႈ​ယိုၼ်ႈ​မႅင်ႇ​ဢေႃႈ။-</verse>
				<verse number="27">ယိတ်ႈ​ဢၼ်​ၵေႃႉ​ဢၼ်​ဢမ်ႇ​တြႃး​ၼၼ်ႉ​ပုၵ်ႈ​ၸေႃႇ​ၼၼ်ႉ ပဵၼ်​တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ​ဢေႃႈ။ လိူဝ်​သေ​ၼၼ်ႉ​ဢမ်ႇ​ၵႃး၊ ပေႃး​မီး​တင်း​ၸႂ်​ဢမ်ႇ​တြႃး​သေ​လႄႈ​ပုၵ်ႈ​ၸေႃႇ​ၸိုင် ယဵင်ႈ​ၶႅၼ်း​ၼႃႇ​ဢေႃႈ။-</verse>
				<verse number="28">ၵေႃႉ​ဢၼ်​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ ၸၢင်ႈ​လူႉ​ၸၢင်ႈ​လႅဝ်​လႄႈ ၵေႃႉ​ဢၼ်​လႆႈ​ငိၼ်း​ဢဝ်​ၼၼ်ႉ​ၸမ်ႉ၊ ၸၢင်ႈ​လၢတ်ႈ​တႄႉ​တႄႉ​ဝႃႈ​ဝႃႈ​ဢေႃႈ။-</verse>
				<verse number="29">ၵေႃႉ​ဢၼ်​ဢမ်ႇ​တြႃး​ၼၼ်ႉ ၸၢင်ႈ​ႁႂ်ႈ​ၼႃႈ​တူဝ်​ၸဝ်ႈ​ၵဝ်ႇ​မၼ်ႈ​ၶိူင်ႇ​ယူႇ​လႄႈ ၵေႃႉ​ဢၼ်​သိုဝ်ႈ​လီ​ယူဝ်း​လီ​ၼၼ်ႉ​ၸမ်ႉ၊ ၸၢင်ႈ​ပွင်​မႄး​သဵၼ်ႈ​တၢင်း​ဢၼ် မၼ်း​ၵႂႃႇ​ၼၼ်ႉ​ယူႇ​ဢေႃႈ။-</verse>
				<verse number="30">ၺၢၼ်ႇ​ဢိၵ်ႇ​တင်း​ပိင်ႇ​ၺႃႇ တင်း​တၢင်း​ၵျၢမ်ႇ​တၢင်း​ပွင် ဢမ်ႇ​တႄႇ​ယူႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႆႈ သေ​ၸိူဝ်ႉ​သေ​ပိူင်။-</verse>
				<verse number="31">ပိၵ်ႉ​သမ်ႉ​ပွင်​ႁႅၼ်း​မႃႉ​ဝႆႉ ပုၼ်ႈ​မိုဝ်ႉ​ဝၼ်း​ဢၼ်​တိုၵ်း​သိုၵ်း​ၼၼ်ႉ​ယဝ်ႉ​သေ​ၵေႃႈ၊ တၢင်း​ဢၼ်​ပၼ်​ၵတ်း​ယဵၼ်​ၶျၢမ်း​သႃႇ ၸၢပ်ႈ​သႅင်ႇ​ၵၼ်​တင်း​ထႃႇဝရႃႉ​ၽြႃး​ဢေႃႈ။</verse>
			</chapter>
			<chapter number="22">
				<verse number="1">သရေႇ​ဢၼ်​လီ​ဢၼ်​ငၢမ်း​ၼၼ်ႉ ယဵင်ႈ​ၶႅၼ်း​လီ​မျၢတ်ႈ​ၼႃႇ​သေ ဢုၵ်ႉ​ၸႃႇ​ဢၼ်​ၼမ်​ၼႃႇ​ၼၼ်ႉ​လႄႈ ၵျေး​ၸူး​တၢင်း​ဢၼ်​ႁၵ်ႉ​ပႅင်း​ပိူၼ်ႈ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​ငိုၼ်း​ၶမ်း​ဢေႃႈ။-</verse>
				<verse number="2">ၵေႃႉ​ဢၼ်​ၸၢင်ႈ​မၢၵ်ႈ​ၸၢင်ႈ​မီး ဢိၵ်ႇ​တင်း ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ႁူပ်ႉ​ၵၼ်​ထူပ်း​ၵၼ်​လႄႈ ထႃႇဝရႃႉ​ၽြႃး ပဵၼ်​ၸဝ်ႈ​ဢၼ်​ႁဵတ်း​ပဵၼ်​ၶဝ် တင်း​သဵင်ႈ​တင်း​လူင်​ဢေႃႈ။-</verse>
				<verse number="3">ၵေႃႉ​ဢၼ်​မီး​သမ်ႇမႃႇ​သတီႉ​ၼၼ်ႉ ၸၢင်ႈ​ႁူႉ​ႁၼ်​ဢမူႉ​လႄႈ တဵတ်ႇ​မႅပ်ႉ​ယူႇ​ဢေႃႈ။ ၵေႃႉ​ဢၼ်​ငိူဝ်ႈ​ငႃႉ​ၼၼ်ႉ​ၸမ်ႉ၊ ၸၢင်ႈ​ၵႂႃႇ​ၵႃႈ​ၼင်ႇ​ဢၼ်​ၵႂႃႇ​ၼၼ်ႉ​ယူႇ​လႄႈ ထူပ်း​တင်း​ဢမူႉ​ဢေႃႈ။-</verse>
				<verse number="4">ဢၵျူဝ်း​တၢင်း​ဢၼ်​ႁူဝ်​ၸႂ်​ၶျႃး​တႅမ်ႇ​ဢိၵ်ႇ​တင်း တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ ပဵၼ်​ၸေး​ၸိမ်ႇ​မုၼ်​သရေႇ တင်း​ဢသၢၵ်ႈ​ဢေႃႈ။-</verse>
				<verse number="5">တူၼ်ႈ​ၼၢမ်​ယုမ်း​ၼၢမ် ဢိၵ်ႇ​တင်း​တူင်ႇ​ႁႅဝ်ႉ​တူင်ႇ​ၶိုမ်း ၸၢင်ႈ​မီး​ယူႇ​ၵႃႈ​ၼႂ်း​သဵၼ်ႈ​တၢင်း ၵေႃႉ​ဢၼ်​ၸႂ်​ၵူတ်ႉ​ၸႂ်​ငေႃး​ၼၼ်ႉ​လႄႈ ၵေႃႉ​ဢၼ်​ပႂ်ႉ​ၸႂ်​ဝီႉၺိၺ်ႇ​မၼ်း​ယူႇ​ၼၼ်ႉ​ၸမ်ႉ၊ ၸၢင်ႈ​ဝႄႈ​ပႅတ်ႈ​သေ​တီႈ​ၶဝ်​ၼၼ်ႉ​ၵႂႃႇ​ၵႆ​ၵႆ​ဢေႃႈ။-</verse>
				<verse number="6">သင်ႇ​သွၼ်​သုင်း​မႃႉ​ပၼ်​တီႈ​လုၵ်ႈ​ဢွၼ်ႇ ၸွမ်း​လူၺ်ႈ​သဵၼ်ႈ​တၢင်း​ဢၼ် မၼ်း​ထုၵ်ႇ​လီ​ၵႂႃႇ​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မိူဝ်ႈ​ဢၼ်​မၼ်း​ၵႄႇ​မၼ်း​ထဝ်ႈ​ၼၼ်ႉ၊ မၼ်း​ယင်း​ဢမ်ႇ​ဝႄႈ​ဢမ်ႇ​ပိူင်ႈ​သေ​သဵၼ်ႈ​တၢင်း​ၼၼ်ႉ​လႄႈ တၵ်း​ၸွမ်း​ၵႂႃႇ​ဢေႃႈ။-</verse>
				<verse number="7">ၵေႃႉ​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ လႆႈ​ဢုပ်ႉ​ပိူင်ႇ​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​လႄႈ ၵေႃႉ​ဢၼ်​ၵူႈ​ယိမ်​ဢဝ်​ၼၼ်ႉ ပဵၼ်​ၶႃႈ​တီႈ​ၵေႃႉ​ဢၼ် ပၼ်​ၵူႈ​ပၼ်​ယိမ်​ၼၼ်ႉ​ဢေႃႈ။-</verse>
				<verse number="8">ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​တူႉ​ၸရိူၵ်ႈ​ၼၼ်ႉ တၵ်း​လႆႈ​ပၢတ်ႇ​ၶဝ်ႈ​တုၵ်ႉ​ၶႃႉ​လႄႈ ၶွၼ်ႉ​ဝၢႆ​တေႃး​သႃႉ​ၸႂ်​မႆႈ​မၼ်း​ၼၼ်ႉ​ၵေႃႈ၊ တၵ်း​ႁၢႆ​ဢေႃႈ။-</verse>
				<verse number="9">ၵေႃႉ​ဢၼ်​မီး​မၢၵ်ႇ​တႃ​ၵရူႉၼႃႇ​ၼၼ်ႉ မီး​မင်ႇၵလႃႇ ၵွပ်ႈ​ပိူဝ်ႈ​ဢၼ် မၼ်း​ဢဝ်​ၶဝ်ႈ​မုၼ်း​မၼ်း​လဵင်ႉ​လူ ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ဢေႃႈ။-</verse>
				<verse number="10">ႁေႃႈ​ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၼၼ်ႉ ဢွၵ်ႇ​ပႅတ်ႈ​သေ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၢင်း​ဢၼ်​ႁဵတ်း​ရၢၼ်ႇ​သူႇ​တၵ်း​ဢွၵ်ႇ​ၵႂႃႇ​လႄႈ တၢင်း​ဢၼ်​ၽိတ်း​ၵၼ် ဢိၵ်ႇ​တင်း တၢင်း​ဢၼ်​သႄႉ​သွမ်း​ၼၼ်ႉ တၵ်း​ထၢတ်ႇ​ယဵၼ်​ၵႂႃႇ​ဢေႃႈ။-</verse>
				<verse number="11">ၵေႃႉ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​တၢင်း​ဢၼ်​ႁူဝ်​ၸႂ်​ၶၢဝ်​ၸၢင်ႇ​ၼၼ်ႉ ၸၢင်ႈ​လၢတ်ႈ​ၵႂၢမ်း​ဢၼ်​ၼိမ်​သိမ်ႇ​ဢူၼ်ႈ​ဢွၼ်ႇ​လႄႈ ၸၢင်ႈ​လႆႈ​ပဵၼ်​ၵေႃႉ​ပဵၼ်​သေႈ ၶုၼ်​ႁေႃ​ၶမ်း​ဢေႃႈ။-</verse>
				<verse number="12">မၢၵ်ႇ​တႃ​ထႃႇဝရႃႉ​ၽြႃး ပႂ်ႉ​ပိင်ႇ​ၺႃႇ​တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ​ယူႇ​လႄႈ ၵႂၢမ်း​ၵေႃႉ​ဢၼ် ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​ၸမ်ႉ၊ မၼ်း​ၸဝ်ႈ​တၵ်း​ဢဝ်​လူမ်ႉ​ပၵ်း​ၶိတ်း​တူၵ်း​ပႅတ်ႈ​ဢေႃႈ။-</verse>
				<verse number="13">ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ၸၢင်ႈ​လၢတ်ႈ​လႄႈ​ဝႃႈ၊ သၢင်ႇ​သီႈ​မီး​ယူႇ​ၵႃႈ​ၼွၵ်ႈ​ပုၼ်ႉ​ဢေႃႈ။ ၵဝ်​တၵ်း​လႆႈ​ၶၢမ်ႇ​တၢင်း​ဢၼ်​တၢႆ ၵႃႈ​ၼႂ်း​တႃႈ​ၼႂ်း​တၢင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">သူပ်း​မႄႈ​ယိင်း​လေႃ​ၼၼ်ႉ ပဵၼ်​ၶုမ်​ပဵၼ်​လုၵ်း​ဢၼ်​လိုၵ်ႉ​ၼႃႇ​လႄႈ၊ ၵေႃႉ​ဢၼ်​ထႃႇဝရႃႉ​ၽြႃး​လီ​ႁင်ႈ​ဢဵတ်ႇ​သဵတ်ႇ​ၼၼ်ႉ တၵ်း​တူၵ်း​သႂ်ႇ​ၵႃႈ​ၼႂ်း​ၶုမ်​ၼႂ်း​လုၵ်း​ၼၼ်ႉ​ဢေႃႈ။-</verse>
				<verse number="15">သၽေႃး​ဢၼ်​မိူၵ်ႈ​ၼၼ်ႉ ပူၵ်ႉ​ႁေႃႇ​မီး​ဝႆႉ​ယူႇ ၵႃႈ​ၼႂ်း​ႁူဝ်​ၸႂ်​လုၵ်ႈ​ဢွၼ်ႇ​လႄႈ ၵူၺ်း​ၵႃႈ ၶွၼ်ႉ​ဝၢႆ​ဢၼ်​သင်ႇ​သွၼ်​သုင်း​မႃႉ​ပၼ်​ၼၼ်ႉ ၸၢင်ႈ​ႁေႃႈ​သၽေႃး​ၼၼ်ႉ ဢွၵ်ႇ​ပႅတ်ႈ​သေ​ၵႆ​ၵႆ​ဢေႃႈ။-</verse>
				<verse number="16">ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​ယၢၵ်ႈ​ၵူၼ်း​ၽၢၼ် ႁႂ်ႈ​ပဵၼ်​ပုၼ်ႈ​ၸီး​ပႂႃး​မၼ်း ဢိၵ်ႇ​တင်း ၵေႃႉ​ဢၼ်​ပၼ်​တီႈ​ၵူၼ်း​မၢၵ်ႈ​ၵူၼ်း​မီး​ၼၼ်ႉ တၵ်း​လႆႈ​ႁွတ်ႈ​ထိုင်​တၢင်း​ယၢၵ်ႈ​တၢင်း​ၽၢၼ် ဢမၢၼ်ႇ​ၶၼ်​ပဵၼ်​ဢေႃႈ။</verse>
				<verse number="17">ႁေႈ​ႁူ​မႂ်း​သေ​လႄႈ ထွမ်ႇ​ဢဝ်​ၵႂၢမ်း​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​တႃႉ။ တီႈ​ပိင်ႇ​ၺႃႇ​တၢင်း​ဢၼ်​ၵဝ်​လႆႈ​ႁူႉ​လႆႈ​ၸႅင်ႈ​ၼၼ်ႉ​ၵေႃႈ ဢဝ်​ႁူဝ်​ၸႂ်​မႂ်း​ၸပ်း​ၸွႆး​ယူႇ​တႃႉ။-</verse>
				<verse number="18">ပေႃး​ဢဝ်​သႂၢင်း​သႂ်ႇ​ဝႆႉ ၵႃႈ​ၼႂ်း​ႁူဝ်​ၸႂ်​မႂ်း​ၸိုင်၊ တၵ်း​ပဵၼ်​တၢင်း​ဢၼ်​သႃႇ​ယႃႇ​လီ​ငၢမ်း​လႄႈ ၵႃႈ​ၼႂ်း​သူပ်း​မႂ်း​ၵေႃႈ တၵ်း​မီး​တၢင်း​ဢၼ်​ထုၵ်ႇ​ဢၼ်​လီ​ယူႇ​တႃႇ​သေႇ​ဢေႃႈ။-</verse>
				<verse number="19">လွင်ႈ​ၼင်ႇ​ႁိုဝ် မႂ်း​တၵ်း​ဢိင်​ပိုင်ႈ​ထႃႇဝရႃႉ​ၽြႃး​ယူႇ​ၸိုင် ၵဝ်​ဢဝ်​သင်ႇ​သွၼ်​ပၼ်​တီႈ​တူဝ်​မႂ်း​ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="20">ၵဝ်​တႅမ်ႈ​လွင်ႈ​တၢင်း​ဢၼ်​ပၼ်​သတီႉ ဢိၵ်ႇ​တင်း​လွင်ႈ​ပိင်ႇ​ၺႃႇ တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ​ယူႇ​မိူဝ်ႈ​ဢွၼ်​တၢင်း​ၼၼ်ႉ တီႈ​မႂ်း၊-</verse>
				<verse number="21">ႁႂ်ႈ​မႂ်း​လႆႈ​ႁူႉ​ၵႂၢမ်း​သဵတ်ႈ​ၸႃႇ​တြႃး​ၸႅတ်ႈ​ၸႅတ်ႈ ဢိၵ်ႇ​တင်း ႁႂ်ႈ​မႂ်း​လႆႈ​ၶိုၼ်း​လၢတ်ႈ​ပၼ်​ၵႂၢမ်း​သမ်ႇမႃႇ တီႈ​ၶဝ်​ၸိူဝ်း​ဢၼ်​ပွႆႇ​ၸႂ်ႉ​မႂ်း​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="22">ထွၵ်ႈ​လူၺ်ႈ​တၢင်း​ယၢၵ်ႈ​တၢင်း​ၽၢၼ် ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​သေ​လႄႈ ယႃႇ​ပေ​ႁိမ်​ပေ​ႁူင်ႇ​ဢဝ်​ဢုၵ်ႉ​ၸႃႇ​မၼ်း။ ယႃႇ​ပေ​ၼိၵ်ႈ​ၸၢၵ်ႈ​ငႅၼ်း​သႄး ၵေႃႉ​ဢၼ်​မီး​တုၵ်ႉ​ၶႃႉ​ၼၼ်ႉ ၵႃႈ​တီႈ​ၼႂ်း​ႁူး​ၽၵ်း​တူ​ဝဵင်း။-</verse>
				<verse number="23">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​တၵ်း​ပႂ်ႉ​ဢမူႉ​ၶဝ်​ယူႇ​လႄႈ ႁိမ်​ဢဝ်​ႁူင်ႇ​ဢဝ်​ဢသၢၵ်ႈ​ၶဝ်​ၸိူဝ်း​ဢၼ် ႁိမ်​ဢဝ်​ႁူင်ႇ​ဢဝ်​ဢုၵ်ႉ​ၸႃႇ​ၶဝ်​ၼၼ်ႉ​ဢေႃႈ။-</verse>
				<verse number="24">ယႃႇ​ပေ​ႁဵတ်း​ၵေႃႉ​ႁဵတ်း​သေႈ လူၺ်ႈ​ၵၼ်​တင်း​ၵေႃႉ​ဢၼ်​ၸႂ်​ပွတ်း​ၸႂ်​လွတ်း​ၼၼ်ႉ။ ယႃႇ​ပေ​ၸွမ်း​လူၺ်ႈ​ၵၼ်​တင်း​ၵေႃႉ​ဢၼ်​ၸႂ်​လမ်​သႆႈ​ၵမ်ႇ​ၼႃႇ​ၼၼ်ႉ။-</verse>
				<verse number="25">ၵူဝ်​မႂ်း​တၵ်း​သွၼ်​ဢဝ် ထုင်း​ၸၢမ်ႇ​ထုင်း​ၽိင်ႈ​မၼ်း​ၸိူဝ်း​ၼၼ်ႉ​လႄႈ တၵ်း​ပဵၼ်​တူင်ႇ​ႁႅဝ်ႉ​တူင်ႇ​ၶိုမ်း တီႈ​ၸႂ်​ဝီႉၺိၺ်ႇ​မႂ်း​ဢေႃႈ။-</verse>
				<verse number="26">ယႃႇ​ပေ​ၶဝ်ႈ​ပႃး ၼႂ်း​မုၵ်ႉ​ၼႂ်း​ၸိူဝ်း​ၶဝ်​ၸိူဝ်း​ဢၼ်​တူပ်း​မိုဝ်း​ၵၼ် ဢိၵ်ႇ​တင်း​မုၵ်ႉ​ၸိူဝ်း​ၶဝ်​ၸိူဝ်း​ဢၼ် ႁပ်ႉ​တုင်း​ဢဝ်​ၼီႈ​ပိူၼ်ႈ​ၼၼ်ႉ။-</verse>
				<verse number="27">ပေႃး​မႂ်း​ဢမ်ႇ​မီး​ဢၼ်​တၵ်း​ပၼ်​ၸိုင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မၼ်း​တၵ်း​လႆႈ​ဢဝ်​တီႈ​ၼွၼ်း​မႂ်း ဢၼ်​မီး​ယူႇ​ၵႃႈ​တႂ်ႈ​မႂ်း​ၼၼ်ႉ​ၵႂႃႇ​ၼင်ႇ​ႁိုဝ်။-</verse>
				<verse number="28">ယႃႇ​ပေ​ၶၢႆႉ​သဝ်​လၵ်း​ဢၼ်​မၢတ်ႈ​တွင်း​ၵႂၢၵ်ႈ​လိၼ် ဢၼ်​ပူႇ​မႂ်း​မွၼ်ႇ​မႂ်း​ပၵ်း​ဝႆႉ​ၼၼ်ႉ​သေ​ၵမ်း။-</verse>
				<verse number="29">မႂ်း​ႁၼ်​ၵေႃႉ​ဢၼ်​ၵႆႉ​ၵျူဝ်း​ၸႃး လူၺ်ႈ​တၢင်း​ႁဵတ်း​တၢင်း​သၢင်ႈ​မၼ်း​ၼၼ်ႉ​ႁိုဝ်။ ၵေႃႉ​ၼၼ်ႉ တၵ်း​လႆႈ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​လႄႈ ဢမ်ႇ​လႆႈ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၵူၼ်း​ပၢၼ်​ၵၢင်​တင်း​လၢႆ။</verse>
			</chapter>
			<chapter number="23">
				<verse number="1">မိူဝ်ႈ​ဢၼ်​မႂ်း​ၼင်ႈ​လႄႈ ၵိၼ်​လူၺ်ႈ​ၵၼ်​တင်း​ၶုၼ်​ယူႇ​ၼၼ်ႉ​ၸိုင်၊ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ဢၼ်​မီး​ယူႇ​ၵႃႈ​တီႈ​ၽၢႆႇ​ၼႃႈ​မႂ်း​ၼၼ်ႉ လီ​လီ​ငၢမ်း​ငၢမ်း​တႃႉ။-</verse>
				<verse number="2">လွင်ႈ​မၼ်း​ၸမ်ႉ ပေႃး​မႂ်း​ပဵၼ်​ၵေႃႉ​ဢၼ်​ၸၢင်ႈ​ၵိၼ်​ပူၼ်ႉ​ၵိၼ်​လိူဝ်​ၸိုင်၊ မႂ်း​ဢဝ်​မိတ်ႈ​ငႃ​ၵူင်​ၶေႃး​မႂ်း​ယူႇ​ဢေႃႈ။-</verse>
				<verse number="3">ယႃႇ​ပေ​မီး​ဢလူဝ်ႇ​ၶႂ်ႈ​လႆႈ တၢင်း​ၵိၼ်​ယွႆႈ​ဢၼ်​ဝၢၼ်​ဢၼ်​မၼ်း​ၶုၼ်​ၼၼ်ႉ။ ပဵၼ်​တၢင်း​ၵိၼ်​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ဢေႃႈ။-</verse>
				<verse number="4">ယႃႇ​ပေ​ႁႂ်ႈ​တူဝ်​ၸဝ်ႈ​ၵဝ်ႇ လႆႈ​ႁိူဝ်ႉ​လႆႈ​ၼူၼ်း ႁႂ်ႈ​လႆႈ​မၢၵ်ႈ​လႆႈ​မီး။ ယႃႇ​ပေ​ဢိင်​ပိုင်ႈ​ၺၢၼ်ႇ​တူဝ်​ၸဝ်ႈ​ၵဝ်ႇ။-</verse>
				<verse number="5">ထုၵ်ႇ​လီ​ဢဝ်​တၢင်း​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ ဝႆႉ​သိုဝ်ႈ​ၼႃႈ​တႂ်ႈ​တႃ​မႂ်း​ယူႇ​ႁိုဝ်။ ဢၼ်​ၸိူဝ်း​ၼၼ်ႉ ၸၢင်ႈ​ႁူင်ႈ​ၸၢင်ႈ​ႁၢႆ​ၵႂႃႇ​ဢေႃႈ။ ဢၼ်​ၸိူဝ်း​ၼၼ်ႉ ၸၢင်ႈ​ၵီႈ​ပိၵ်ႇ​ၶဝ်​သေ​လႄႈ မိၼ်​ၵႂႃႇ​မိူၼ်​ၸိူဝ်ႉ​ၼင်ႇ​ဢၼ် ၼူၵ်ႉ​လၢင်း​တႃႉ​ၶမ်း​ၸၢင်ႈ​မိၼ်​ၵႂႃႇ ၵႃႈ​ၼိူဝ်​ၵၢင်​ႁၢဝ်​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="6">ယႃႇ​ပေ​ၵိၼ်​တၢင်း​ၵိၼ်​တၢင်း​ၶူပ်း ၵေႃႉ​ဢၼ်​မီး​တႃ​ႁၢႆႉ​တႃ​မိူၵ်ႈ​ၼၼ်ႉ။ ယႃႇ​ပေ​မီး​ဢလူဝ်ႇ​ၶႂ်ႈ​လႆႈ တၢင်း​ၵိၼ်​ယွႆႈ​ဢၼ်​ဝၢၼ်​ဢၼ်​မၼ်း​မၼ်း။-</verse>
				<verse number="7">မၼ်း​ၼၼ်ႉ ပဵၼ်​ၵႃႈ​ၼင်ႇ​ဢၼ်​ၸႂ်​မၼ်း​ထၢင်ႇ​ဢေႃႈ။ ပိၵ်ႉ​သမ်ႉ​မၼ်း​လၢတ်ႈ​တီႈ​မႂ်း​လႄႈ​ဝႃႈ၊ ၵိၼ်​တႃႉ၊ သူတ်ႉ​တႃႉ၊ ဝႃႈ​ၼင်ႇ​ၼႆ​သေ​ၵေႃႈ ၸႂ်​ၸေႇတၼႃႇ​မၼ်း​ဢမ်ႇ​မီး​တီႈ​မႂ်း။-</verse>
				<verse number="8">တၢင်း​ၵိၼ်​ဢၼ်​မႂ်း​ၵိၼ်​ၼၼ်ႉ​ၸိုင် မႂ်း​သမ်ႉ​တၵ်း​လႆႈ​ၶိုၼ်း​ႁၢၵ်ႈ​ဢွၵ်ႇ​လႄႈ ၵႂၢမ်း​လီ​ၵႂၢမ်း​ဝၢၼ်​မႂ်း​ၼၼ်ႉ​ၵေႃႈ တၵ်း​မၢၵ်ႇ​မိူဝ်​ၵႂႃႇ​ဢေႃႈ။-</verse>
				<verse number="9">ယႃႇ​ပေ​လၢတ်ႈ​ၵႂၢမ်း​ႁႂ်ႈ​ၵေႃႉ​ဢၼ်​မိူၵ်ႈ​ၼၼ်ႉ လႆႈ​ငိၼ်း။ မၼ်း​တၵ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ပိင်ႇ​ၺႃႇ​ဢၼ်​ပႃး​ၼႂ်း​ၵႂၢမ်း​မႂ်း​ၼၼ်ႉ​ဢေႃႈ။-</verse>
				<verse number="10">ယႃႇ​ပေ​ၶၢႆႉ​သဝ်​လၵ်း​ဢၼ်​မၢတ်ႈ​တွင်း​ၵႂၢၵ်ႈ​လိၼ် ဢၼ်​ပၵ်း​ဝႆႉ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ။ ယႃႇ​ပေ​သိမ်း​ဢဝ်​တူင်ႈ​ႁႆႊ​တူင်ႈ​ၼႃး​ၶဝ်​ၸိူဝ်း​ဢၼ်​ၽၢၼ်​ပေႃႈ​ၽၢၼ်​မႄႈ​ၼၼ်ႉ။-</verse>
				<verse number="11">လွင်ႈ​မၼ်း​ၸမ်ႉ ၸဝ်ႈ​ဢၼ်​ထုတ်ႇ​ဢဝ်​ၶဝ်​ၼၼ်ႉ တၼ်း​ၶူဝ်း​ယႂ်ႇ​လႄႈ၊ တၵ်း​ပႂ်ႉ​ဢမူႉ​ၶဝ်​ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။-</verse>
				<verse number="12">ဢဝ်​ႁူဝ်​ၸႂ်​မႂ်း​ၸပ်း​ၸွႆး တၢင်း​ဢၼ်​သင်ႇ​သွၼ်​သုင်း​မႃႉ​ပၼ်​လႄႈ ဝၢႆႇ​ႁူ​မႂ်း​ၸူး​ၵႂၢမ်း​ပိင်ႇ​ၺႃႇ​တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ​တႃႉ။-</verse>
				<verse number="13">ယင်း​ဢမ်ႇ​သင်ႇ​သွၼ်​သုင်း​မႃႉ​ပၼ်​တီႈ​လုၵ်ႈ​ဢွၼ်ႇ​လႄႈ​ယႃႇ​ပေ​ယူႇ။ ပိၵ်ႉ​သမ်ႉ​ဢဝ်​ၶွၼ်ႉ​ဝၢႆ ပေႃႉ​ယႅၼ်ႉ​မၼ်း​သေ​ၵေႃႈ​မၼ်း​ဢမ်ႇ​တၢႆ။-</verse>
				<verse number="14">မႂ်း​တၵ်း​လႆႈ​ဢဝ်​ၶွၼ်ႉ​ဝၢႆ ပေႃႉ​ယႅၼ်ႉ​မၼ်း​လႄႈ၊ ၵႄႇ​သႄႇ​ၼုၵ်ႈ​ဢဝ်​ဢသၢၵ်ႈ​ဝီႉၺိၺ်ႇ​မၼ်း လွတ်ႈ​သေ​ၵႃႈ​ၼႂ်း​မိူင်း​မရၼႃႉ​ဢေႃႈ။</verse>
				<verse number="15">လုၵ်ႈ​ၸၢႆး​ၵဝ်​ဢိူၺ်း၊ ပေႃး​ႁူဝ်​ၸႂ်​မႂ်း​မီး​ပိင်ႇ​ၺႃႇ​ၸိုင်၊ ႁူဝ်​ၸႂ်​ၵဝ်​ဢၼ်​ဝႃႈ တူဝ်​ၵဝ်​ၼႆႉ​တၵ်း​ၸူမ်း​သိူဝ်း​ဢေႃႈ။-</verse>
				<verse number="16">မၢၵ်ႇ​လၼ်း​ၵဝ်​တၵ်း​သႂၢင်ႇ​သိူဝ်း ၼႂ်း​မိူဝ်ႈ​ဢၼ်​သူပ်း​မႂ်း​လၢတ်ႈ​ၵႂၢမ်း ဢၼ်​သိုဝ်ႈ​လီ​ယူဝ်း​လီ​ၼၼ်ႉ​ဢေႃႈ။-</verse>
				<verse number="17">ယႃႇ​ပေ​မီး​ၸႂ်​ဢၼ်​သီႈ​ၵေႉ​ႁေႈ​တႃ​ၶဝ်​ၸိူဝ်း​ဢၼ်​မီး​ဢပႅတ်ႈ​ၼၼ်ႉ။ ႁႂ်ႈ​မီး​သၽေႃး​ဢၼ်​ၵူဝ်​ႁႄ​ထႃႇဝရႃႉ​ၽြႃး​ယူႇ တင်း​ဝၼ်း​တင်း​ဝၼ်း​တႃႉ။-</verse>
				<verse number="18">ၶိင်ႇ​မိူဝ်ႈ​ဢၼ်​တႅပ်း​တတ်း​ဢမူႉ​ၼၼ်ႉ တၵ်း​ႁွတ်ႈ​ထိုင်​ဢမၢၼ်ႇ​ၶၼ်​ပဵၼ်​လႄႈ လွင်ႈ​တၢင်း​ဢၼ်​မႂ်း​မုင်ႈ​ထႃႈ​မွင်း​ထႃႈ​ၼၼ်ႉ ဢမ်ႇ​လႆႈ​လူႉ။-</verse>
				<verse number="19">လုၵ်ႈ​ၸၢႆး​ၵဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ၵဝ်​လႄႈ မီး​ပိင်ႇ​ၺႃႇ​သေ​လႄႈ ႁႂ်ႈ​ႁူဝ်​ၸႂ်​မႂ်း ၸွမ်း​ၵႃႈ​ၼႂ်း​သဵၼ်ႈ​တၢင်း​ၼၼ်ႉ​တႃႉ။-</verse>
				<verse number="20">ယႃႇ​ပေ​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် ၵိၼ်​ၼမ်ႉ​ၸပိတ်ႈ​ပူၼ်ႉ​လိူဝ် ဢိၵ်ႇ​တင်း​ၶဝ်​ၸိူဝ်း​ဢၼ် ၵိၼ်​ၼိူဝ်ႉ​ပူၼ်ႉ​လိူဝ်​ၼၼ်ႉ။-</verse>
				<verse number="21">ၵေႃႉ​ဢၼ် ၵိၼ်​ၼမ်ႉ​ၸပိတ်ႈ​ပူၼ်ႉ​လိူဝ် ဢိၵ်ႇ​တင်း​ၵေႃႉ​ဢၼ်​ၵိၼ်​တၢင်း​ၵိၼ်​ပူၼ်ႉ​လိူဝ်​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ်​ယၢၵ်ႈ​ဢၼ်​ၽၢၼ်​လႄႈ သၽေႃး​ဢၼ်​ၼွၼ်း​ပူၼ်ႉ​ၼွၼ်း​လိူဝ်​ၼၼ်ႉ ၸၢင်ႈ​လႆႈ​ဢဝ်​ၽႃႈ​ယွၵ်း​ၽႃႈ​ယႅၵ်း​ႁူမ်ႇ​ဢေႃႈ။-</verse>
				<verse number="22">ထွမ်ႇ​ဢဝ်​ၵႂၢမ်း​ပေႃႈ​မႂ်း ဢၼ်​ၵိူတ်ႇ​လဵင်ႉ​မႂ်း​မႃး​ၼၼ်ႉ​တႃႉ။ ယႃႇ​ပေ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​မႄႈ​မႂ်း​ဢၼ်​ဢသၢၵ်ႈ​ယႂ်ႇ​ၼၼ်ႉ။-</verse>
				<verse number="23">သိုဝ်ႉ​ဢဝ်​သမ်ႇမႃႇ​တြႃး​တႃႉ။ ယႃႇ​ပေ​ၶၢႆ။ သိုဝ်ႉ​ဢဝ်​ပိင်ႇ​ၺႃႇ​ဢိၵ်ႇ​တင်း တၢင်း​ဢၼ်​သင်ႇ​သွၼ်​သုင်း​မႃႉ​ဢေႃးဝႃႇတႃႉ​ပၼ် တင်း​ၺၢၼ်ႇ​တႃႉ။-</verse>
				<verse number="24">ၵေႃႉ​ဢၼ်​ပဵၼ်​ပေႃႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ တၵ်း​သိူဝ်း​ပျေႃႇ​ၼႃႇ​လူင်​လၢင်​လႄႈ ၵေႃႉ​ဢၼ်​ၵိူတ်ႇ​လဵင်ႉ​လုၵ်ႈ​ဢၼ်​မီး​ပိင်ႇ​ၺႃႇ​မႃး​ၼၼ်ႉ တၵ်း​ၸူမ်း​သိူဝ်း​ၵွပ်ႈ​ပိူဝ်ႈ​လုၵ်ႈ​ၼၼ်ႉ​ဢေႃႈ။-</verse>
				<verse number="25">ပေႃႈ​မႄႈ​မႂ်း တၵ်း​ၸူမ်း​သိူဝ်း​လႄႈ ၵေႃႉ​ဢၼ်​ၵိူတ်ႇ​လဵင်ႉ​မႂ်း​မႃး​ၼၼ်ႉ တၵ်း​သႂၢင်ႇ​သိူဝ်း​ဢေႃႈ။-</verse>
				<verse number="26">လုၵ်ႈ​ၸၢႆး​ၵဝ်​ဢိူၺ်း၊ ဢဝ်​ႁူဝ်​ၸႂ်​မႂ်း​ဢၢပ်ႈ​ပၼ်​တီႈ​ၵဝ်​တႃႉ။ ႁႂ်ႈ​မၢၵ်ႇ​တႃ​မႂ်း​တူၺ်း​မၢတ်ႈ သဵၼ်ႈ​တၢင်း​ဢၼ်​ၵဝ်​ၵႂႃႇ​ၼၼ်ႉ​သေ​ၵမ်း​လူၺ်ႈ။-</verse>
				<verse number="27">မႄႈ​မွၵ်ႇ​ယႃႈ ပဵၼ်​ၸိူဝ်ႉ​ၼင်ႇ​ႁွင်ႈ​ၼင်ႇ​ၶူး​ဢၼ်​လိုၵ်ႉ​ၼႃႇ​ၼၼ်ႉ​လႄႈ မႄႈ​ယိင်း​လေႃ​ပဵၼ်​ၸိူဝ်ႉ​ၼင်ႇ​ၶုမ်​ၼင်ႇ​လုၵ်း​ဢၼ်​ၵိတ်ႇ​ဢၼ်​ၵႅပ်ႈ​ၼၼ်ႉ​ဢေႃႈ။-</verse>
				<verse number="28">မၼ်း​ၸၢင်ႈ​လွမ်​တူၺ်း​ယူႇ မိူၼ်​ၸိူဝ်ႉ​ၼင်ႇ​ၸူၼ်​ၼၼ်ႉ​လႄႈ ၸၢင်ႈ​ႁဵတ်း​ႁႂ်ႈ​ၵူၼ်း​ၸၢႆး ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ ယႂ်ႇ​ၽႄႈ​ၼမ်​ၵိုၼ်း​မႃး​ဢေႃႈ။</verse>
				<verse number="29">ၽူႈ​လႂ်​မီး​တၢင်း​ဢၼ်​မႆႈ​ၸႂ်​ယၢပ်ႇ​ၸႂ်။ ၽူႈ​လႂ်​မီး​တုၵ်ႉ​ၶႃႉ​တၢင်း​ၽၢၼ်။ ၽူႈ​လႂ်​မီး​တၢင်း​ဢၼ်​ၽိတ်း​ၵၼ်။ ၽူႈ​လႂ်​မီး​တၢင်း​ဢၼ်​ၶႆႈ​ၸႂ်​ဝူၼ်ႉ​ၸႂ်။ ၽူႈ​လႂ်​ယင်း​ဢမ်ႇ​မီး​လွင်ႈ​မၼ်း​လႄႈ မီး​တၢင်း​ဢၼ်​တိူဝ်ႉ​ဢၼ်​မၢတ်ႇ။ ၽူႈ​လႂ်​မီး​တၢင်း​ဢၼ်​မၢၵ်ႇ​တႃ​လႅင် ဝႃႈ​ၼႆ​ၸမ်ႉ၊-</verse>
				<verse number="30">ပဵၼ်​ၶဝ်​ၸိူဝ်း​ဢၼ်​ၵိၼ်​ၼမ်ႉ​ၸပိတ်ႈ​ယူႇ​ႁိုင်​ၼႃႇ တင်း​ၶဝ်​ၸိူဝ်း​ဢၼ်​ၸၢင်ႈ​ႁႃ​ဢဝ်​ၼမ်ႉ​ၸပိတ်ႈ ဢၼ်​လေႃး​ၵၼ်​တင်း​ယႃႈ​ယႃ​ၼၼ်ႉ​ဢေႃႈ။-</verse>
				<verse number="31">ယႃႇ​ပေ​လူ​ပေ​တူၺ်း ၼမ်ႉ​ၸပိတ်ႈ​ဢၼ်​လႅင်​ဝႆႉ​ဢၼ်​ငဝ်း​ဢရွင်ႇ​လုၵ်ႉ​ႁိူဝ်ႈ​ဝႆႉ​ယူႇ ၵႃႈ​ၼႂ်း​ၵွၵ်း​ဢၼ်​ဢိုၼ်​ၶဝ်ႈ​ၵႂႃႇ ဝၢၼ်​လီ​ၸဵမ်း​လီ​ၼၼ်ႉ။-</verse>
				<verse number="32">ၵမ်း​လိုၼ်း​သုတ်း​ၼၼ်ႉ၊ ၸၢင်ႈ​ၶူပ်း​မိူၼ်​ၸိူဝ်ႉ​ၼင်ႇ​ငူး​လႄႈ ၸၢင်ႈ​တွတ်ႇ​မိူၼ်​ၸိူဝ်ႉ​ၼင်ႇ​ငူး​ႁၢႆႉ​ဢေႃႈ။-</verse>
				<verse number="33">မၢၵ်ႇ​တႃ​မႂ်း​တၵ်း​လူ​တူၺ်း​မႄႈ​ယိင်း​လေႃ​လႄႈ ႁူဝ်​ၸႂ်​မႂ်း​ၵေႃႈ​တၵ်း​မွၵ်ႇ​လၢတ်ႈ​ၵႂၢမ်း​ဢၼ်​ၵူတ်ႉ​ဢၼ်​ငေႃး​ဢေႃႈ။-</verse>
				<verse number="34">မႂ်း​တၵ်း​ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​ၼွၼ်း​ၵႃႈ​ၼႂ်း​ၵၢင်​ပၢင်ႇ​လၢႆႇ ဢိၵ်ႇ​တင်း​ၵေႃႉ​ဢၼ်​ၼွၼ်း​ၵႃႈ​ၼိူဝ်​ႁူဝ်​သဝ်​လၢင်း​ယၢၼ်း​ႁိူဝ်း​သၢင်း​ၽေႃး​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="35">မႂ်း​တၵ်း​လၢတ်ႈ​လႄႈ​ဝႃႈ၊ ၶဝ်​ပေႃႉ​ယႅၼ်ႉ​ၵဝ်​ယဝ်ႉ။ ၵူၺ်း​ၵႃႈ ၵဝ်​ဢမ်ႇ​ၸဵပ်း။ ၶဝ်​တမ်​သႂ်ႇ​တႅင်း​သႂ်ႇ​ၵဝ်​ယဝ်ႉ။ ၵူၺ်း​ၵႃႈ ၵဝ်​ဢမ်ႇ​ႁူႉ။ ၵဝ်​တၵ်း​တိုၼ်ႇ​မႃး​မိူဝ်ႈ​လႂ် ၵဝ်​သမ်ႉ​တၵ်း​ႁႃ​ထႅင်ႈ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="24">
				<verse number="1">ယႃႇ​ပေ​သီႈ​ၵေႉ​ႁေႈ​တႃ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ။ ယႃႇ​ပေ​မီး​ဢလူဝ်ႇ​ၶႂ်ႈ​မီး​ယူႇ​လူၺ်ႈ​ၵၼ်​တင်း​ၶဝ်​ၼၼ်ႉ။-</verse>
				<verse number="2">ႁူဝ်​ၸႂ်​ၶဝ်​ၵျၢမ်ႇ​ပွင်​ႁႂ်ႈ​လႆႈ​ယႃႉ​ပိူၼ်ႈ​ပႅတ်ႈ​ယူႇ​လႄႈ ၶဝ်​ၸၢင်ႈ​ဢဝ်​သူပ်း လၢတ်ႈ​ၵႂၢမ်း ဢၼ်​တၵ်း​ႁဵတ်း​ၽေး​သႂ်ႇ​ပိူၼ်ႈ​ၼၼ်ႉ​ယူႇ​ဢေႃႈ။-</verse>
				<verse number="3">လႆႈ​ပႃး​ပိင်ႇ​ၺႃႇ​သေ​လႄႈ တႄႇ​ႁဵတ်း​ႁိူၼ်း​လႄႈ လႆႈ​ပႃး​ၺၢၼ်ႇ​သေ​လႄႈ ႁႂ်ႈ​မၼ်း​လႆႈ​မၼ်ႈ​လႆႈ​ၶိူင်ႇ​ယူႇ​ဢေႃႈ။-</verse>
				<verse number="4">လႆႈ​ပႃး​ပိင်ႇ​ၺႃႇ တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ​သေ​လႄႈ ႁႂ်ႈ​လုၵ်း​ႁိူၼ်း​တင်း​လၢႆ လႆႈ​တဵမ်​ဝႆႉ​တင်း​ဢုၵ်ႉ​ၸႃႇ ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​လႄႈ လီ​ထုၵ်ႇ​ၸႂ်​ၵျိူၵ်ႈ​ၸႂ်​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="5">ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ မီး​တၼ်း​ၶူဝ်း​လႄႈ ၵေႃႉ​ဢၼ်​ပျေႉ​ၸုမ်ႇ​ဝႆႉ​တင်း​ပိင်ႇ​ၺႃႇ တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ ၸၢင်ႈ​ႁႂ်ႈ​ႁႅင်း​တၼ်း​ၶူဝ်း​မၼ်း မၼ်ႈ​ၶိူင်ႇ​ယူႇ​ဢေႃႈ။-</verse>
				<verse number="6">မႂ်း​တၵ်း​လႆႈ​မီး​တၢင်း​ဢၼ်​တိူင်ႇ​ပၢင်ႇ​ၵၼ် ဢၼ်​ပႃး​ပိင်ႇ​ၺႃႇ​ၼၼ်ႉ​သေ​လႄႈ ႁဵတ်း​ဢမူႉ​သိုၵ်း​ပုၼ်ႈ​မႂ်း​လႄႈ ပေႃး​မီး​ၵူၼ်း​ဢၼ် ပၼ်​တၢင်း​ၵျၢမ်ႇ​တၢင်း​ပွင်​လႆႈ​ၼၼ်ႉ ၼမ်​ၼႃႇ​ၸိုင်၊ ၸၢင်ႈ​လႆႈ​ၵၢင်း​လွတ်ႈ​တင်း​ၽေး​ဢေႃႈ။-</verse>
				<verse number="7">ပိင်ႇ​ၺႃႇ ပဵၼ်​ဢၼ်​သုင်​ၼႃႇ​လူင်​လၢင်​ထၼ်ႈ​ပေႃး ၵေႃႉ​ဢၼ်​မိူၵ်ႈ​ၼၼ်ႉ ဢမ်ႇ​ၶိုတ်း​ထိုင်​လႆႈ​လႄႈ မၼ်း​ဢမ်ႇ​ၽုၺ်ႇ​သူပ်း​ဢႃႈ​သူပ်း​မၼ်း ၵႃႈ​တီႈ​ၼႂ်း​ႁူး​ၽၵ်း​တူ​ဝဵင်း။-</verse>
				<verse number="8">ၵေႃႉ​ဢၼ်​ၵျၢမ်ႇ​ပွင် ႁႂ်ႈ​ႁဵတ်း​လွင်ႈ​တၢင်း​ဢၼ်​ဢမ်ႇ​လီ​ၼၼ်ႉ​ၸိုင်၊ ပိူၼ်ႈ​ႁွင်ႉ​ႁဵၵ်ႈ​ဝႃႈ ၵေႃႉ​ဢၼ်​ၸၢင်ႈ​ႁဵတ်း​ၽေး​ဢေႃႈ။-</verse>
				<verse number="9">တၢင်း​ၵျၢမ်ႇ​တၢင်း​ပွင်​ၵေႃႉ​ဢၼ်​မိူၵ်ႈ​ၼၼ်ႉ ပႃး​ဢပႅတ်ႈ​လႄႈ ၵေႃႉ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် ယူႇ​ၼၼ်ႉ​ၵေႃႈ ပဵၼ်​တီႈ​ဢၼ်​ၵူၼ်း​လီ​ႁင်ႈ​ဢဵတ်ႇ​သဵတ်ႇ​ဢေႃႈ။-</verse>
				<verse number="10">ပေႃး​မႂ်း​ၸႂ်​လူႉ​ၼႂ်း​ၶိင်ႇ​မိူဝ်ႈ​ဢၼ်​ဢမူႉ​ႁွတ်ႈ​ထိုင်​ၼၼ်ႉ​ၸိုင်၊ ႁႅင်း​မႂ်း​ၵေႇ​ဢေႃႈ။-</verse>
				<verse number="11">ၵႄႇ​သႄႇ​ၼုၵ်ႈ​ဢဝ် ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​ဢွၵ်ႇ​ၵႂႃႇ ၵႃႈ​တီႈ​ပႃႇ​ႁဵဝ်ႈ​လႄႈ ၸမ်​တၵ်း​လႆႈ​ၶၢမ်ႇ​တၢင်း​တၢႆ​ၼၼ်ႉ​တႃႉ။ ၶဝ်​ၸိူဝ်း​ဢၼ်​ပႆ ဝၢင်ႇ​ဝီႈ​ဝၢင်ႇ​ဝိူဝ်ႈ ၵႂႃႇ​ၸူး​ၵႃႈ​တီႈ​ဢၼ်​လႆႈ​ၶၢမ်ႇ​တၢႆ​ၼၼ်ႉ​ၵေႃႈ၊ ႁၢမ်ႈ​တၢပ်ႈ​ႁႄႉ​ၶႅၼ်​တႃႉ။-</verse>
				<verse number="12">ပိၵ်ႉ​သမ်ႉ​မႂ်း​လၢတ်ႈ​လႄႈ​ဝႃႈ၊ ႁဝ်း​ဢမ်ႇ​ႁူႉ၊ ဝႃႈ​ၼင်ႇ​ၼႆ​သေ​ၵေႃႈ၊ ၸဝ်ႈ​ဢၼ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​သၽေႃး​ၵၢင်​ၸႂ်​ယူႇ​ၼၼ်ႉ တၵ်း​ဢမ်ႇ​ႁူႉ​ႁိုဝ်။ ၸဝ်ႈ​ဢၼ်​ပႂ်ႉ​ၸႂ်​ဝီႉၺိၺ်ႇ​မႂ်း​ယူႇ​ၼၼ်ႉ ဢမ်ႇ​ႁူႉ​ႁိုဝ်။ မၼ်း​ၸဝ်ႈ​တၵ်း​တွပ်ႇ​တႅၼ်း​ပၼ်​ဢၵျူဝ်း​ဢပႅတ်ႈ တီႈ​ၵူၼ်း​ႁင်း​ၽႂ်​ႁင်း​မၼ်း ၸွမ်း​ၵႃႈ​ၼင်ႇ​ဢၼ် တၢင်း​ၵမ်​တၢင်း​ၵျၢင်ႉ​မၼ်း​မီး​ၼၼ်ႉ​ဢမ်ႇ​ၸႂ်ႈ​ႁိုဝ်။</verse>
				<verse number="13">လုၵ်ႈ​ၸၢႆး​ၵဝ်​ဢိူၺ်း၊ ၵိၼ်​ၼမ်ႉ​ၽိုင်ႈ​ၵွပ်ႈ​ပိူဝ်ႈ​ဢၼ်​မၼ်း​ပဵၼ်​ဢၼ်​လီ​ၼၼ်ႉ​တႃႉ။ ၵိၼ်​ႁူဝ်​ၼမ်ႉ​ႁူင်း​ၽိုင်ႈ​ဢၼ်​ဝၢၼ်​လီ​ၸဵမ်း​လီ တီႈ​သူပ်း​တီႈ​လိၼ်ႉ​မႂ်း​ၼၼ်ႉ​တႃႉ။-</verse>
				<verse number="14">မိူၼ်​ၸိူဝ်ႉ​ၼင်ႇ​ၼၼ်၊ မႂ်း​တၵ်း​လႆႈ​ႁူႉ​လႆႈ​ၸႅင်ႈ​ပိင်ႇ​ၺႃႇ​ဝႆႉ ၵႃႈ​ၼႂ်း​ႁူဝ်​ၸႂ်​မႂ်း​လႄႈ ပေႃး​မႂ်း​ထူပ်း​ႁၼ်​ယဝ်ႉ​ၸိုင် ဢၵျူဝ်း​တၵ်း​ႁွတ်ႈ​ထိုင်​တီႈ​မႂ်း​လႄႈ လွင်ႈ​တၢင်း​ဢၼ်​မႂ်း​မုင်ႈ​ထႃႈ​မွင်း​ထႃႈ​ၼၼ်ႉ တၵ်း​ဢမ်ႇ​လႆႈ​လူႉ။-</verse>
				<verse number="15">ၵေႃႉ​ဢၼ်​ဢမ်ႇ​တြႃး​ဢိူၺ်း၊ ယႃႇ​ပေ​လွမ်​တူၺ်း​ႁိူၼ်း ၵေႃႉ​ဢၼ်​သိုဝ်ႈ​တေႃႇ​ၼၼ်ႉ။ ယႃႇ​ပေ​ယႃႉ​ၽဵဝ်ႈ​တီႈ​ဢၼ်​မၼ်း​ၵိင်း​ဝၢပ်ႈ​ယူႇ​ၼၼ်ႉ​ပႅတ်ႈ။-</verse>
				<verse number="16">ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ပိၵ်ႉ​သမ်ႉ​လူမ်ႉ​တေႃႇ​ထိုင်​ႁွတ်ႈ​ၸဵတ်း​ပွၵ်ႈ​သေ​ၵေႃႈ သမ်ႉ​ၶိုၼ်း​လုၵ်ႉ​လႄႈ ၵေႃႉ​ဢၼ်​ဢမ်ႇ​တြႃး​ၸမ်ႉ၊ တၵ်း​လႆႈ​ၶၢမ်ႇ တၢင်း​ဢၼ်​လူမ်ႉ​တူၵ်း​သႂ်ႇ ၵႃႈ​ၼႂ်း​လွင်ႈ​တၢင်း​ဢၼ်​ဢမ်ႇ​လီ​ဢေႃႈ။-</verse>
				<verse number="17">မိူဝ်ႈ​ဢၼ်​ရၢၼ်ႇ​သူႇ​မႂ်း​လူမ်ႉ​တူၵ်း​ၼၼ်ႉ​ၸိုင် ယႃႇ​ပေ​ၸူမ်း​သိူဝ်း။ မိူဝ်ႈ​ဢၼ်​မၼ်း​ၶီႈ​လိုတ်း​မႅၼ်ႈ​ၼၼ်ႉ​ၵေႃႈ၊ ယႃႇ​ပေ​မီး​ၸႂ်​ဢၼ်​သႂၢင်ႇ​သိူဝ်း။-</verse>
				<verse number="18">ၵူဝ်​ထႃႇဝရႃႉ​ၽြႃး​ႁူႉ​ႁၼ်​သေ​လႄႈ ယင်း​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​လႄႈ ၶၢႆႉ​တၢင်း​ၸႂ်​မႆႈ​မၼ်း​ၸဝ်ႈ​ပိူင်ႈ​သေ​မၼ်း​ၼၼ်ႉ​ဢေႃႈ။-</verse>
				<verse number="19">ယႃႇ​ပေ​မႆႈ​ၸႂ် ၵွပ်ႈ​ပိူဝ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ။ ယႃႇ​ပေ​သီႈ​ၵေႉ​ႁေႈ​တႃ ၶဝ်​ၸိူဝ်း​ဢၼ်​ႁၢႆႉ​ဢၼ်​ႁုၵ်း​ၼၼ်ႉ။-</verse>
				<verse number="20">လွင်ႈ​မၼ်း​ၸမ်ႉ ၵေႃႉ​ဢၼ်​ဢမ်ႇ​တြႃး​ၼၼ်ႉ ဢမ်ႇ​မီး​ဢၵျူဝ်း။ မိူဝ်ႈ​ၵမ်း​လိုၼ်း ဝၢၼ်ႇ​ၽႆး​တဵၼ်း​ၵေႃႉ​ဢၼ်​ႁုၵ်း​ဢၼ်​ႁၢႆႉ​ၼၼ်ႉ တၵ်း​မွတ်ႇ​ဢေႃႈ။-</verse>
				<verse number="21">လုၵ်ႈ​ၸၢႆး​ၵဝ်​ဢိူၺ်း၊ ၵူဝ်​ႁႄ​ထႃႇဝရႃႉ​ၽြႃး ဢိၵ်ႇ​တင်း​ၶုၼ်​ႁေႃ​ၶမ်း​တႃႉ။ ယႃႇ​ပေ​လေႃး​လႄး​ႁဵတ်း​ၵေႃႉ​ႁဵတ်း​သေႈ လူၺ်ႈ​ၵၼ် တင်း​ၶဝ်​ၸိူဝ်း​ဢၼ်​ၸၢင်ႈ​ၶၢႆႉ​ပုတ်ႈ​လႄႈ ပုင်ႇ​ၵၢၼ်ႇ​ၼၼ်ႉ။-</verse>
				<verse number="22">ၽေး​ၶဝ်​ၼၼ်ႉ ၸၢင်ႈ​ၶီႉ​ၶႃႉ​ႁွတ်ႈ​ထိုင်​လႄႈ၊ ၽူႈ​လႂ်​တၵ်း​ႁူႉ​တၢင်း​ဢၼ်​သွင်​ပႃး​ၼၼ်ႉ ႁႂ်ႈ​လူႉ​ႁႂ်ႈ​လႅဝ်​ၼၼ်ႉ​လႆႈ။</verse>
				<verse number="23">ၼွၵ်ႈ​သေ​ၼၼ်ႉ လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ၶဝ် ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​ၸမ်ႉ၊ တၢင်း​ဢၼ်​ထွၵ်ႈ​လူၺ်ႈ​ၼႃႈ​ၵူၼ်း ၼႂ်း​တီႈ​ဢၼ်​ၸီႇ​ယၢင်ႇ​ဢမူႉ​ၼၼ်ႉ ဢမ်ႇ​ထုၵ်ႇ​ဢမ်ႇ​လီ။-</verse>
				<verse number="24">ၵေႃႉ​ဢၼ်​လၢတ်ႈ​တီႈ​ၵေႃႉ​ဢၼ်​ဢမ်ႇ​တြႃး​ၼၼ်ႉ​လႄႈ​ဝႃႈ၊ မႂ်း​သိုဝ်ႈ​တေႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ မဵဝ်း​ၵူၼ်း​တင်း​လၢႆ​တၵ်း​သႄႉ​သွမ်း​လႄႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​လီ​ႁင်ႈ​ဢဵတ်ႇ​သဵတ်ႇ​ဢေႃႈ။-</verse>
				<verse number="25">ၶဝ်​ၸိူဝ်း​ဢၼ်​သုင်း​မႃႉ​တၢင်ႇ​ဢပႅတ်ႈ​တီႈ​မၼ်း​ၼၼ်ႉ​ၸမ်ႉ၊ တၵ်း​မီး​တၢင်း​ဢၼ်​ၸႂ်​သႃႇ​ယႃႇ​ယူႇ​လႄႈ မင်ႇၵလႃႇ​တၢင်း​လီ တၵ်း​တူၵ်း​ႁွတ်ႈ​ၵႃႈ​ၼိူဝ်​ၶဝ်​ဢေႃႈ။-</verse>
				<verse number="26">ၵူႈ​ၵေႃႉ​ၵူႈ​ၵူၼ်း​တၵ်း​ဢွၼ်​ၵၼ်​ၼူမ်​သူပ်း​ၼူမ်​ပၢၵ်ႇ ၵေႃႉ​ဢၼ်​ၸၢင်ႈ​ၶိုၼ်း​လၢတ်ႈ​ၵႂၢမ်း​ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ​ဢေႃႈ။-</verse>
				<verse number="27">မႄး​ႁႅၼ်း​ၵၢၼ်​ငၢၼ်း​မႂ်း​ဝႆႉ ၵႃႈ​တီႈ​ၼွၵ်ႈ​တီႈ​ပၢင်ႇ​လႄႈ ပွင်​ႁႅၼ်း​ပုၼ်ႈ​မႂ်း​ဝႆႉ ၵႃႈ​တီႈ​ၼႂ်း​ႁႆႊ​ၼႂ်း​ၼႃး​တႃႉ။ လိုၼ်း​ၼၼ်ႉ​ၸင်ႇ ႁဵတ်း​ႁိူၼ်း​တီႈ​ယူႇ​မႂ်း​တႃႉ။-</verse>
				<verse number="28">လွင်ႈ​မၼ်း​ယင်း​ဢမ်ႇ​မီး​လႄႈ ယႃႇ​ပေ​ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ တင်း​ၵူၼ်း​ႁိူၼ်း​ၸမ်​ၵၼ်​တင်း​မႂ်း။ မႂ်း​တၵ်း​ဢဝ်​သူပ်း​မႂ်း​ပႅတ်ႉ​လႅၼ်​ပိူၼ်ႈ​ႁိုဝ်။-</verse>
				<verse number="29">ယႃႇ​ပေ​လၢတ်ႈ​လႄႈ​ဝႃႈ၊ ၵဝ်​တၵ်း​ႁဵတ်း​တီႈ​မၼ်း ၸွမ်း​ၵႃႈ​ၼင်ႇ​ဢၼ် မၼ်း​ႁဵတ်း​တီႈ​ၵဝ်​ၼၼ်ႉ​ဢေႃႈ။ ၵဝ်​တၵ်း​တွပ်ႇ​တႅၼ်း​ပၼ် ဢၵျူဝ်း​ဢပႅတ်ႈ​တီႈ​မၼ်း ၸွမ်း​ၵႃႈ​ၼင်ႇ​ဢၼ် မၼ်း​ၵမ်​ၵျၢင်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။</verse>
				<verse number="30">ၽဝ်ႇ​ၼိုင်ႈ ၵဝ်​ၵၢႆ​ၵႂႃႇ​ၵႃႈ​ႁိမ်း​တူင်ႈ​ၼႃး ၵေႃႉ​ဢၼ်​ၶၢၼ်ႉ​ဢၼ်​ဢိူၼ် ဢိၵ်ႇ​တင်း​ၵႃႈ​ႁိမ်း​သူၼ်​ဢူး​ယဵၼ်ႇ​ၸပိတ်ႈ ၵေႃႉ​ဢၼ်​ဢမ်ႇ​မီး​ၺၢၼ်ႇ​ၼၼ်ႉ​လႄႈ၊-</verse>
				<verse number="31">မီး​တၢင်း​ဢၼ်​တူၼ်ႈ​ၼၢမ်​ႁူမ်ႇ​ငမ်း​ယူႇ၊ ၼႃႈ​လိၼ်​ႁူမ်ႇ​သုမ်ႇ​ဝႆႉ တၢင်း​ဢၼ်​တူၼ်ႈ​ၼၢမ်​လိၼ်​ယူႇ၊ ႁူဝ်ႉ​တႅၼ်ႈ​မၢၵ်ႇ​ႁိၼ်​မၼ်း ၵိူၼ်ႇ​ပင်း​ဝႆႉ​ယူႇ​ဢေႃႈ။-</verse>
				<verse number="32">ၵဝ်​ႁၼ်​လႄႈ ၶႆႈ​ၸႂ်​ဝူၼ်ႉ​ၸႂ်​ဢေႃႈ။ ၵဝ်​လူ​တူၺ်း​လႄႈ လႆႈ​ၶၢမ်ႇ​ဢဝ်​တၢင်း​ဢၼ်​သင်ႇ​သွၼ်​ပၼ်​ဢေႃႈ။-</verse>
				<verse number="33">ပေႃး​မႂ်း​ဝႃႈ၊ ၼွၼ်း​ၵမ်း​ဢွၼ်ႇ​ၼိုင်ႈ​လူး​ၵွၼ်ႇ။ လပ်း​ၵမ်း​ဢွၼ်ႇ​ၼိုင်ႈ​လူး​ၵွၼ်ႇ။ ဢဝ်​မိုဝ်း​ၼင်ႇ​ၵၼ်​ၵၼ်​ၵွတ်ႇ​ၵၼ် ၵမ်း​ဢွၼ်ႇ​ၼိုင်ႈ ႁႂ်ႈ​လႆႈ​ၼွၼ်း​လပ်း​လူး​ၵွၼ်ႇ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="34">တၢင်း​ယၢၵ်ႈ​တၢင်း​ၽၢၼ်​မႂ်း​ၼၼ်ႉ တၵ်း​ႁွတ်ႈ​မႃး​မိူၼ်​ၸိူဝ်ႉ​ၼင်ႇ ၵေႃႉ​ဢၼ်​ၵႂႃႇ​တၢင်း​ပႆ​တၢင်း​ၼၼ်ႉ ဢိၵ်ႇ​တင်း​တၢင်း​ဢၼ်​ဢုၵ်ႉ​ၸႃႇ​မႂ်း သုမ်း​ၸွမ်း​ၼၼ်ႉ တၵ်း​ႁွတ်ႈ​မႃး​မိူၼ်​ၸိူဝ်ႉ​ၼင်ႇ​ၵူၼ်း​သိုၵ်း​ၼၼ်ႉ​ဢေႃႈ။</verse>
			</chapter>
			<chapter number="25">
				<verse number="1">ၵႂၢမ်း​သုၵ်ႉ​တၢမ်ႇ​ၶုၼ်​ သေႃးလမုၼ်ႇ ဢၼ်​ၶဝ်​ၸိူဝ်း​ဢၼ်​ပဵၼ်​ၵူၼ်း​ ႁေႇၸၵီႉ ၶုၼ်​ႁေႃ​ၶမ်း​မိူင်း​ ယူႉတႃႉ ​ၼၼ်ႉ ၵူး​တႅမ်ႈ​ဝႆႉ​ၼၼ်ႉ​ၸမ်ႉ၊-</verse>
				<verse number="2">တၢင်း​ဢၼ်​သိူင်ႇ​မႅပ်ႉ​ဢမူႉ​ဝႆႉ​ၼၼ်ႉ ထုၵ်ႇ​ၵၼ်​တင်း​မုၼ်​ၽုင်း​ၽြႃး​ပဵၼ်​ၸဝ်ႈ​လႄႈ တၢင်း​ဢၼ်​ၸႅတ်ႈ​ထၢမ်​ၸႅတ်ႈ​တူၺ်း​ဢမူႉ​ၼၼ်ႉ ထုၵ်ႇ​ၵၼ်​တင်း​မုၼ်​ၽုင်း​ၶုၼ်​ႁေႃ​ၶမ်း​ဢေႃႈ။-</verse>
				<verse number="3">တၢင်း​ဢၼ်​သုင်​ၽႃႉ​ၵၢင်​ႁၢဝ် ဢိၵ်ႇ​တင်း​တၢင်း​ဢၼ်​လိုၵ်ႉ​လိၼ်​မိူင်း တင်း​ႁူဝ်​ၸႂ်​ၶုၼ်​ႁေႃ​ၶမ်း​ၼၼ်ႉ ၸႅတ်ႈ​ထၢမ်​ၸႅတ်ႈ​တူၺ်း​လႄႈ ဢမ်ႇ​ႁူႉ​လႆႈ။-</verse>
				<verse number="4">ပေႃး​ၶႃႇ​ၶီႈ​ၶျေႃႇ​ဢွၵ်ႇ​ပႅတ်ႈ​လႄႈ ၵႃႈ​ၼႂ်း​ငိုၼ်း​ၸိုင်၊ တၵ်း​လႆႈ​ၵွၵ်း​လႆႈ​ဝၢၼ်ႇ ဢၼ်​ထုၵ်ႇ​ၵိုင်ႇ​ၵၼ်​တင်း​ၸၢင်ႈ​ၶမ်း​ဢေႃႈ။-</verse>
				<verse number="5">ပေႃး​ပႄႇ​ၽဵဝ်ႈ​ၶဝ်​ၸိူဝ်း​ဢၼ် ဢမ်ႇ​တြႃး​ၼၼ်ႉ​ပႅတ်ႈ​သေ ၵႃႈ​တီႈ​ၶုၼ်​ႁေႃ​ၶမ်း​ၸိုင်၊ ရႃႇၸႃႉ​ပလၢင်ႇ​မၼ်း​ၸဝ်ႈ တၵ်း​တႄႇ​ယူႇ​ၼႂ်း​တြႃး​ဢေႃႈ။-</verse>
				<verse number="6">ယႃႇ​ပေ​ယွင်ႈ​ယေႃး​တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း။ ယႃႇ​ပေ​ၸုၵ်း​ယူႇ​ၵႃႈ​ၼႂ်း​တီႈ​ၵူၼ်း​ယႂ်ႇ​ၵူၼ်း​လူင်။-</verse>
				<verse number="7">လွင်ႈ​မၼ်း​ၸမ်ႉ တၢင်း​ဢၼ်​ပိူၼ်ႈ​လၢတ်ႈ​တီႈ​မႂ်း​လႄႈ​ဝႃႈ၊ ၶိုၼ်ႈ​မႃး​ၵႃႈ​တီႈ​ၼႆႈ​သေ​ၵမ်း၊ ဝႃႈ​ၼင်ႇ​ၼႆ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​လႆႈ​ၶၢမ်ႇ​တၢင်း​ဢၼ်​ပိူၼ်ႈ​ႁႂ်ႈ​မႂ်း​လူင်း​တီႈ​တႅမ်ႇ ၵႃႈ​တီႈ​ၽၢႆႇ​ၼႃႈ​ၶုၼ် ဢၼ်​မႂ်း​လႆႈ​ႁၼ်​ၼႃႈ​ႁၼ်​တႃ​ၼၼ်ႉ​ဢေႃႈ။-</verse>
				<verse number="8">ယႃႇ​ပေ​ႁိပ်ႈ​ၼႅတ်ႈ ႁႂ်ႈ​လႆႈ​ၽိတ်း​ၵၼ်။ မႂ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ် မိူဝ်ႈ​ဢၼ်​ၵူၼ်း​ႁိူၼ်း​ၸမ်​ၵၼ်​တင်း​မႂ်း​ၼၼ်ႉ ႁႂ်ႈ​မႂ်း​ဢူၵ်း​ဢၢႆ​ယဝ်ႉ​ၼၼ်ႉ။-</verse>
				<verse number="9">မႂ်း​တိူင်ႇ​ပၢင်ႇ​တွင်ႈ​ထၢမ်​လွင်ႈ​ဢမူႉ​မႂ်း လူၺ်ႈ​ၵၼ် တင်း​ၵူၼ်း​ႁိူၼ်း​ၸမ်​ၵၼ်​တင်း​မႂ်း​တႃႉ။ ယႃႇ​ပေ​ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ်​ပိူၼ်ႈ​သိူင်ႇ​မႅပ်ႉ​ဝႆႉ​ၼၼ်ႉ။-</verse>
				<verse number="10">ၵူၼ်း​ၵေႃႉ​ဢၼ်​ငိၼ်း​ၼၼ်ႉ တၵ်း​တၢင်ႇ​ဢပႅတ်ႈ​တီႈ​မႂ်း​လႄႈ မုၼ်​သရေႇ​မႂ်း​တၵ်း​သုမ်း​ပႅတ်ႈ​တႃႇ​သေႇ​ဢေႃႈ။-</verse>
				<verse number="11">ၵႂၢမ်း​ဢၼ်​လၢတ်ႈ​မိူဝ်ႈ​ဢၼ်​ၶိင်ႇ​မၼ်း​ထုၵ်ႇ​ၼၼ်ႉ မိူၼ်​ၸိူဝ်ႉ​ၼင်ႇ​မၢၵ်ႇ​ၶီႈ​ၼူ​ၶမ်း ဢၼ်​ၶပ်ႉ​ၸီႇ ႁၢင်ႈ​ၶိူင်ႈ​သႂ်ႇ​ဝႆႉ ၵႃႈ​ၼိူဝ်​လၢႆး​ငိုၼ်း​ၼၼ်ႉ​ဢေႃႈ။-</verse>
				<verse number="12">ၵေႃႉ​ဢၼ်​ၸၢင်ႈ​သင်ႇ​သွၼ်​သုင်း​မႃႉ​ပၼ် သေႇ​ၶျႃႇ​လီ​ငၢမ်း တီႈ​ႁူ​ဢၼ်​ၸၢင်ႈ​ထွမ်ႇ​ဢဝ်​ၼၼ်ႉ ပဵၼ်​ၸိူဝ်ႉ​ၼင်ႇ​ပေႇ​ႁူ​ၶမ်း ဢိၵ်ႇ​တင်း​ၸိူဝ်ႉ​ၼင်ႇ​ၶိူင်ႈ​ၶမ်း​ၸႅတ်ႈ​ၸႅတ်ႈ​ၼၼ်ႉ​ဢေႃႈ။-</verse>
				<verse number="13">တမၢၼ်ႇ​ဢၼ်​ပႂ်ႉ​သဵတ်ႈ​ၸႃႇ​ၼၼ်ႉ ပဵၼ်​ၸိူဝ်ႉ​ၼင်ႇ​တၢင်း​ဢၼ်​ၵတ်း​လီ​မူၺ်​ႁႃႇ ၼႂ်း​ၶိင်ႇ​မိူဝ်ႈ​ဢၼ်​ပၢတ်ႇ​ၶဝ်ႈ​ၼၼ်ႉ တီႈ​ၶဝ်​ၸိူဝ်း​ဢၼ်​ပွႆႇ​ၸႂ်ႉ​မၼ်း​ၼၼ်ႉ​လႄႈ၊ ၸၢင်ႈ​ႁႂ်ႈ​ၸႂ်​ၸဝ်ႈ​မၼ်း​ၵတ်း​လီ​ယဵၼ်​လီ​ဢေႃႈ။-</verse>
				<verse number="14">ၵေႃႉ​ဢၼ်​ဢုပ်ႇ​ဢၢတ်ႇ​လႄႈ​ဝႃႈ တၵ်း​ပၼ်​ဢေႃႈ၊ ဝႃႈ​ၼင်ႇ​ၼႆ​လႄႈ ယင်း​ဢမ်ႇ​ပၼ်​လႄႈ​ယူႇ​ၼၼ်ႉ ပဵၼ်​ၸိူဝ်ႉ​ၼင်ႇ​လူမ်း​တင်း​ၽႃႈ​ၽူၼ် ဢၼ်​ဢမ်ႇ​ပႃး​ၼမ်ႉ​ၽူၼ်​ၼၼ်ႉ​ဢေႃႈ။-</verse>
				<verse number="15">ပေႃး​ယိူၼ်ႉ​ၶၢမ်ႇ​ယူႇ​ႁိုင်​ႁိုင်​ၸိုင်၊ တိုၵ်း​ယူင်း​ၸူဝ်း​ဢဝ်​ၶုၼ်​လႆႈ​လႄႈ လိၼ်ႉ​ဢၼ်​ဝၢၼ်​ဢၼ်​လီ​ၼၼ်ႉ​ၵေႃႈ၊ တၢတ်ႈ​ၼိူင်ႇ ႁႂ်ႈ​လုပ်ႇ​ထၼ်ႈ​ပေႃး​ႁၵ်း​ဢေႃႈ။</verse>
				<verse number="16">ထူပ်း​ၼမ်ႉ​ၽိုင်ႈ​ႁိုဝ်။ ၵိၼ်​ႁႂ်ႈ​ၵွမ်ႉ​ပေႃး​ဢိမ်ႇ​ပေႃး​တဵမ်​ၵူၺ်း​တႃႉ။ ပေႃး​ၵိၼ်​ပူၼ်ႉ​ၵိၼ်​လိူဝ်​ၸိုင်၊ တၵ်း​မိူဝ်ႇ​ၸၢၼ်ႈ​လႄႈ​ႁၢၵ်ႈ​ဢေႃႈ။-</verse>
				<verse number="17">ယႃႇ​ပေ​ႁႂ်ႈ​တိၼ်​မႂ်း လႆႈ​ယဵပ်ႇ​ၵႃႈ​တီႈ​ႁိူၼ်း ၵူၼ်း​ႁိူၼ်း​ၸမ်​ၵၼ်​တင်း​မႂ်း​ၼၼ်ႉ ယူႇ​ၶိူဝ်း​ၶိူဝ်း​ယႂ်း​ယႂ်း။ ၵူဝ်​မၼ်း​တၵ်း​မိူဝ်ႇ​ၸၢၼ်ႈ​မႂ်း​လႄႈ ၸင်း​ဢေႃႈ။-</verse>
				<verse number="18">ၵေႃႉ​ဢၼ်​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ ယူႇ​ၽၢႆႇ​ၼိုင်ႈ​တင်း​ၵူၼ်း​ႁိူၼ်း​ၸမ်​ၵၼ်​တင်း​မၼ်း​ၼၼ်ႉ မိူၼ်​ၸိူဝ်ႉ​ၼင်ႇ ၶွၼ်ႉ​လဵၵ်း၊ လၢပ်ႇ​လႅဝ်း ဢိၵ်ႇ​တင်း​ပိုၼ် ဢၼ်​ပၢႆ​လႅမ်​ၼၼ်ႉ​ဢေႃႈ။-</verse>
				<verse number="19">တၢင်း​ဢၼ်​ယုမ်ႇ ၵေႃႉ​ဢၼ်​သဵတ်ႈ​ၸႃႇ​ၸၢင်ႈ​လူႉ​ၼၼ်ႉ ၼႂ်း​ၶိင်ႇ​မိူဝ်ႈ​ဢၼ်​ဢမူႉ​ႁွတ်ႈ​ထိုင်​ၼၼ်ႉ ပဵၼ်​ၸိူဝ်ႉ​ၼင်ႇ​ၶဵဝ်ႈ​မၢင်ႈ ဢိၵ်ႇ​တင်း​ပွင်ႈ​တိၼ်​ၸုတ်ႈ​ၵႂႃႇ​လုတ်ႈ​ၵႂႃႇ​ၼၼ်ႉ​ဢေႃႈ။-</verse>
				<verse number="20">ၵေႃႉ​ဢၼ်​ႁဵတ်း​ၵႂၢမ်း တီႈ​ၵူၼ်း​ဢၼ်​မႆႈ​ၸႂ်​ၶီ​ၸႂ်​ၼၼ်ႉ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ထွတ်ႇ​ၶူဝ်း​ၼုင်ႈ​မၼ်း ၼႂ်း​ၶိင်ႇ​ၵတ်း ဢိၵ်ႇ​တင်း ၵေႃႉ​ဢၼ်​ဢဝ်​ၼမ်ႉ​မူၵ်ႈ​သူမ်ႈ ႁူတ်း​သႂ်ႇ​ၵႃႈ​ၼိူဝ်​ယၢမ်း​လိပ်း​ၼၼ်ႉ​ဢေႃႈ။-</verse>
				<verse number="21">ပေႃး​ရၢၼ်ႇ​သူႇ​မႂ်း တွင်ႉ​မႆႈ​တၢင်း​ၵိၼ်​တၢင်း​ၶူပ်း​ၸိုင်၊ ႁဵတ်း​လဵင်ႉ​ႁဵတ်း​လူ​တႃႉ။ ပေႃး​မၼ်း​တွင်ႉ​မႆႈ​ၼမ်ႉ​ၸိုင် ပၼ်​ပုၼ်ႈ​ဢၼ်​မၼ်း​တၵ်း​ၵိၼ်​တႃႉ။-</verse>
				<verse number="22">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မႂ်း​တၵ်း​ဢဝ်​ထၢၼ်ႇ​ၽႆး​ၵွင်​သႂ်ႇ​ဝႆႉ ၵႃႈ​ၼိူဝ်​ႁူဝ်​မၼ်း​လႄႈ၊ ထႃႇဝရႃႉ​ၽြႃး​ၵေႃႈ တၵ်း​ၶျႃး​သူး​တီႈ​မႂ်း​ဢေႃႈ။-</verse>
				<verse number="23">ၸိူဝ်ႉ​ၼင်ႇ​ဢၼ်​လူမ်း​တၢင်း​ႁွင်ႇ ၸၢင်ႈ​ပႃး​ဢဝ်​ၼမ်ႉ​ၽူၼ်​မႃး​ၼၼ်ႉ၊ လိၼ်ႉ​ဢၼ်​သႄႇ​ယူင်း​ပူင်​ၸႃႉ​ၼၼ်ႉ ၸၢင်ႈ​ပႃး​ဢဝ်​ၼႃႈ​ၶႆႈ​ၸႃႉ​ၶႆႈ​ၸဵတ်ႈ​မႃး​ဢေႃႈ။</verse>
				<verse number="24">တၢင်း​ဢၼ်​ယူႇ​ၵႃႈ​ၼိူဝ်​မုင်း​ႁိူၼ်း ၼႂ်း​ၸွၵ်ႉ​ၼႂ်း​ၸဵင်ႇ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ယူႇ​လူၺ်ႈ​ၵၼ်​တင်း​မႄႈ​ယိင်း ဢၼ်​ၸၢင်ႈ​ႁဵတ်း​တၢင်း​ဢၼ်​ၽိတ်း​ၵၼ်​ၵႃႈ​ၼႂ်း​ႁိူၼ်း ဢၼ် ၵူၼ်း​ႁိူၼ်း​ၵူၼ်း​ယေး​ၼမ်​ၼႃႇ​ၼၼ်ႉ​ဢေႃႈ။-</verse>
				<verse number="25">ၵႂၢမ်း​သတၢင်း​သဵင်​ၶၢဝ်ႇ​ဢၼ်​လီ​ဢၼ်​ငၢမ်း ဢၼ်​လုၵ်ႉ​သေ​ၵႃႈ​တီႈ​မိူင်း​ဢၼ်​ၵႆ​ႁွတ်ႈ​မႃး​ၼၼ်ႉ ပဵၼ်​ၸိူဝ်ႉ​ၼင်ႇ ၼမ်ႉ​ဢၼ်​ၵတ်း​လီ​ၼၼ်ႉ တီႈ​ၵေႃႉ​ဢၼ်​ယၢၵ်ႇ​ၼမ်ႉ​ၼၼ်ႉ​ဢေႃႈ။-</verse>
				<verse number="26">ၵေႃႉ​ဢၼ်​သိုဝ်ႈ​တေႃႇ ဢၼ်​လူမ်ႉ​တူၵ်း​ၵႃႈ​တီႈ​ၽၢႆႇ​ၼႃႈ ၵေႃႉ​ဢၼ်​ဢမ်ႇ​တြႃး​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ​ၼမ်ႉ​ဢွၵ်ႇ​ႁူး ဢၼ်​ၶုၼ်ႇ​ဢူၼ် ဢိၵ်ႇ​တင်း​ၼမ်ႉ​မေႃႇ​ဢၼ်​တူႇ​ၼဝ်ႈ​ၼၼ်ႉ​ဢေႃႈ။-</verse>
				<verse number="27">တၢင်း​ဢၼ်​ၵိၼ်​ၼမ်ႉ​ၽိုင်ႈ​ပူၼ်ႉ​လိူဝ်​ၼၼ်ႉ ဢမ်ႇ​ထုၵ်ႇ​ဢမ်ႇ​လီ။ မိူၼ်​ၸိူဝ်ႉ​ၼင်ႇ​ၼၼ်၊ တၢင်း​ဢၼ်​ၵူၼ်း ႁႃ​မုၼ်​သရေႇ​တူဝ်​ၸဝ်ႈ​ၵဝ်ႇ​ၼၼ်ႉ ဢမ်ႇ​မီး​မုၼ်​သရေႇ။-</verse>
				<verse number="28">ၵေႃႉ​ဢၼ်​ဢမ်ႇ​ၶျုၵ်ႈ​ၸႂ်​တူဝ်​ၸဝ်ႈ​ၵဝ်ႇ​ဝႆႉ​လႆႈ​ၼၼ်ႉ မိူၼ်​ၸိူဝ်ႉ​ၼင်ႇ​ဝဵင်း​ဢၼ် လမ်း​ဝဵင်း​မၼ်း​ပင်း​လူႉ​လႄႈ ပဵၼ်​ပလႁူဝ်ႇ​ပလႁႃႇ​ယူႇ​ၼၼ်ႉ​ဢေႃႈ။</verse>
			</chapter>
			<chapter number="26">
				<verse number="1">ၸိူဝ်ႉ​ၼင်ႇ​မူၺ်​ႁႃႇ ၼႂ်း​ၶိင်ႇ​မႆႈ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ၼမ်ႉ​ၽူၼ်​ၼႂ်း​ၶိင်ႇ​ဢၼ်​ပၢတ်ႇ​ၶဝ်ႈ​ၼၼ်ႉ​လႄႈ ၵေႃႉ​ဢၼ်​မိူၵ်ႈ​ၼၼ်ႉ ဢမ်ႇ​ထုၵ်ႇ​ၶၢမ်ႇ​ဢဝ်​မုၼ်​သရေႇ။-</verse>
				<verse number="2">ၸိူဝ်ႉ​ၼင်ႇ​ဢၼ်​ၼူၵ်ႉ​ၸွၵ်ႇ လႄႇ​ၵႂႃႇ​ၵူႈ​တီႈ​ၵူႈ​လႅၼ်​ယူႇ၊ ၼူၵ်ႉ​ၵဵဝ်ႇ​ၵေႃႈ​မိၼ်​ၵႂႃႇ​ယူႇ​ၼၼ်ႉ၊ တၢင်း​ဢၼ်​ယင်း​ဢမ်ႇ​မီး​လွင်ႈ​မၼ်း​လႄႈ ၵိၼ်ႇ​ဝႃႈ​ၼၼ်ႉ ဢမ်ႇ​ၸၢင်ႈ​ႁွတ်ႈ​ၸၢင်ႈ​ထိုင်။-</verse>
				<verse number="3">ၶွၼ်ႉ​ႁေႃႈ​ထုၵ်ႇ​လီ​ပုၼ်ႈ​မႃႉ၊ သၢႆ​ၵၵ်ႉ​ထုၵ်ႇ​လီ​ပုၼ်ႈ​လီႈ၊ ၶွၼ်ႉ​ဝၢႆ​ထုၵ်ႇ​လီ​ပုၼ်ႈ​ပႄ​လင်​ၵေႃႉ​ဢၼ်​မိူၵ်ႈ​ၼၼ်ႉ​ဢေႃႈ။-</verse>
				<verse number="4">ယႃႇ​ပေ​ၸွမ်း​သၽေႃး ၵေႃႉ​ဢၼ်​မိူၵ်ႈ​ၼၼ်ႉ​သေ​လႄႈ ၶိုၼ်း​ၵႄႈ​ၶိုၼ်း​လိတ်ႈ​ၵႂၢမ်း​မၼ်း။ ၵူဝ်​မႂ်း​တၵ်း​မိူၼ်​ၵၼ်​တင်း​မၼ်း​ဢေႃႈ။-</verse>
				<verse number="5">ၸွမ်း​သၽေႃး​ၵေႃႉ​ဢၼ်​မိူၵ်ႈ​ၼၼ်ႉ​သေ​လႄႈ ၵႄႈ​လိတ်ႈ​ၵႂၢမ်း​မၼ်း​တႃႉ။ ၵူဝ်​မၼ်း​တၵ်း​ထၢင်ႇ​မၼ်း မီး​ပိင်ႇ​ၺႃႇ​သိုဝ်ႈ​ၼႃႈ​တႂ်ႈ​တႃ​မၼ်း​ဢေႃႈ။-</verse>
				<verse number="6">ၵေႃႉ​ဢၼ်​ဢဝ်​ၵႂၢမ်း​ဢၼ်​သင်ႇ ဢၼ်​ဢၢပ်ႈ​ပၼ်​ၵႂႃႇ ၵႃႈ​ၼႂ်း​မိုဝ်း​ၵေႃႉ​ဢၼ်​မိူၵ်ႈ​ၼၼ်ႉ တႅပ်း​တိၼ်​မၼ်း​ပႅတ်ႈ​လႄႈ ၸုပ်ႇ​ၵိၼ်​တၢင်း​ဢၼ်​ဢၵျူဝ်း​လူႉ​ဢေႃႈ။-</verse>
				<verse number="7">တၢင်း​ဢၼ်​ၵူၼ်း​မိူၵ်ႈ​လၢတ်ႈ​ၵႂၢမ်း​သုၵ်ႉ​တၢမ်ႇ​ၼၼ်ႉ ပဵၼ်​ၸိူဝ်ႉ​ၼင်ႇ တၢင်း​ဢၼ်​ယုၵ်ႉ​တိၼ်​ၵေႃႉ​ဢၼ်​တိၼ်​ၵႅင်ႉ​တိၼ်​ၵုၵ်ႈ​ၼၼ်ႉ ပႅတ်ႈ​ၼၼ်ႉ​ဢေႃႈ။-</verse>
				<verse number="8">တၢင်း​ဢၼ်​ပၼ်​မုၼ်​သရေႇ တီႈ​ၵေႃႉ​ဢၼ်​မိူၵ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ မၢၵ်ႇ​ႁိၼ်​ဢၼ်​မတ်ႉ​ၽုၵ်ႇ​သႂ်ႇ​ဝႆႉ ၵႃႈ​ၼႂ်း​ယူင်ႉ​ဢၼ်​ထိမ်ႈ​ၼၼ်ႉ​ဢေႃႈ။-</verse>
				<verse number="9">သုၵ်ႉ​တၢမ်ႇ​ဢၼ်​မီး​ၵႃႈ​ၼႂ်း​သူပ်း​ၵေႃႉ​ဢၼ်​မိူၵ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​ၼၢမ် ဢၼ်​ၸူၵ်ႉ​မိုဝ်း​ၵူၼ်း​မဝ်း​လဝ်ႈ​ၼၼ်ႉ​ဢေႃႈ။-</verse>
				<verse number="10">ၵေႃႉ​ဢၼ်​ၸၢင်ႈ​ဢဝ်​ငႃ​ဢဝ်​ၵူၼ်း​မိူၵ်ႈ ဢိၵ်ႇ​တင်း​ၵူၼ်း​လႄႇ​ၵူၼ်း​လၢဝ်း​တင်း​လၢႆ​ၼၼ်ႉ​ၼၼ်ႉ ပဵၼ်​ၸိူဝ်ႉ​ၼင်ႇ​ၸဝ်ႈ​ၵၢင်ႇ​ၸဝ်ႈ​ၵူင် ဢၼ်​ပိုတ်း​ယိုဝ်း​တိူဝ်ႉ​မၢတ်ႇ​သႂ်ႇ ၵူၼ်း​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="11">ၸိူဝ်ႉ​ၼင်ႇ​ဢၼ်​မႃ ၸၢင်ႈ​ၶိုၼ်း​ၵိၼ်​ႁၢၵ်ႈ​မၼ်း​ၼၼ်ႉ၊ ၵေႃႉ​ဢၼ်​မိူၵ်ႈ​ၼၼ်ႉ ၸၢင်ႈ​ၶိုၼ်း​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​မိူၵ်ႈ​ဢေႃႈ။-</verse>
				<verse number="12">ပေႃး​မီး​သေ​ၵေႃႉ​သေ​ၵူၼ်း​ထၢင်ႇ​မၼ်း​မီး​ပိင်ႇ​ၺႃႇ​ၸိုင်၊ ဢၶႂၢင်ႉ​ဢၼ်​လီ​မုင်ႈ​ထႃႈ​မွင်း​ထႃႈ လူၺ်ႈ​ၵေႃႉ​ဢၼ်​မိူၵ်ႈ​ၼၼ်ႉ ယဵင်ႈ​ၶႅၼ်း​မီး​ၼႃႇ​သေ ဢၶႂၢင်ႉ​ဢၼ်​လီ​မုင်ႈ​ထႃႈ​မွင်း​ထႃႈ​လူၺ်ႈ​ၵေႃႉ​ၼၼ်ႉ​ဢေႃႈ။-</verse>
				<verse number="13">ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ၸၢင်ႈ​လၢတ်ႈ​လႄႈ​ဝႃႈ၊ သၢင်ႇ​သီႈ​မီး​ၵႃႈ​ၼွၵ်ႈ​ပုၼ်ႉ​ဢေႃႈ။ သၢင်ႇ​သီႈ​မီး​ၵႃႈ​ၼႂ်း​တႃႈ​ၼႂ်း​တၢင်း​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၸိူဝ်ႉ​ၼင်ႇ​ဢၼ်​မႂ်​ၽၵ်း​တူ ပၼ်ႇ​ယူႇ​ၵႃႈ​ၼႂ်း​တီႈ​ဢၼ် တူင်ႇ​သႂ်ႇ​တိၼ်​မၼ်း​ၼၼ်ႉ ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ၸၢင်ႈ​ပၼ်ႇ​ယူႇ​ၵႃႈ​ၼိူဝ်​တီႈ​ၼွၼ်း​မၼ်း​ဢေႃႈ။</verse>
				<verse number="15">ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ဢဝ်​မိုဝ်း​မၼ်း​ၸူၵ်း​ၶဝ်ႈ​ၵႃႈ​ၼႂ်း​မေႃႈ​လႄႈ ပေႃး​သမ်ႉ​လႆႈ​ၶိုၼ်း​ဢဝ်​ဢွၵ်ႇ​လႄႈ ပွၼ်ႈ​သႂ်ႇ​ၵႃႈ​ၼႂ်း​သူပ်း​မၼ်း​ၸိုင်၊ မၼ်း​ငိၼ်း​ပဵၼ်​ဢၼ်​ယၢပ်ႇ​ၸႂ်​ၽိုတ်ႇ​ၸႂ်​ဢေႃႈ။-</verse>
				<verse number="16">ၵေႃႉ​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ ၸၢင်ႈ​ထၢင်ႇ​မၼ်း​မီး​ပိင်ႇ​ၺႃႇ လိူဝ်​တွၼ်း​ၼႃႇ​သေ​ၵူၼ်း​ၸဵတ်း​ၵေႃႉ ဢၼ်​ၸၢင်ႈ​ၽုၺ်ႇ​ဢွၵ်ႇ​ၼႄ​ပျႃး လွင်ႈ​မၼ်း​တၢင်း​မၼ်း​လႆႈ​ၼၼ်ႉ​ဢေႃႈ။-</verse>
				<verse number="17">ၵေႃႉ​ဢၼ်​ပႆ​ၸွမ်း​တၢင်း​ၵႂႃႇ​လႄႈ လေႃး​လႄး​လူၺ်ႈ​ၵၼ်​တင်း​ဢမူႉ ဢၼ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​မၼ်း​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ ၵေႃႉ​ဢၼ်​ၵမ်​တိုတ်ႉ​မႂ်​ႁူ​မႃ​ၼၼ်ႉ​ဢေႃႈ။-</verse>
				<verse number="18">ၵေႃႉ​ဢၼ်​ပႅတ်ႉ​လႅၼ်​ၵူၼ်း​ႁိူၼ်း​ၸမ်​ၵၼ်​တင်း​မၼ်း​လႄႈ​ဝႃႈ၊ ၵဝ်​ယဝ်ႉ​ယွၵ်ႇ​လဵၼ်ႈ​ၵူၺ်း​ဢမ်ႇ​ၸႂ်ႈ​ႁိုဝ် ဝႃႈ​ၼင်ႇ​ၼႆ​ၼၼ်ႉ၊-</verse>
				<verse number="19">ပဵၼ်​မိူၼ်​ၸိူဝ်ႉ​ၼင်ႇ​ၵူၼ်း​ယွင်ႇ ဢၼ်​ၸၢင်ႈ​ယိုဝ်း​လိမ်ႈ​ၽႆး​လႂ်၊ ပိုၼ်​ၵၢင်ႇ​လႂ်၊ ၽေး​ဢၼ်​ၸၢင်ႈ​တၢႆ​လႂ်​ၼၼ်ႉ​ဢေႃႈ။-</verse>
				<verse number="20">ၸိူဝ်ႉ​ၼင်ႇ​ဢၼ်​ပေႃး​ဢမ်ႇ​မီး​ၽိုၼ်း​ၸိုင်၊ ၽႆး​ၸၢင်ႈ​တၢႆ​ၼၼ်ႉ၊ ပေႃး​ဢမ်ႇ​မီး​ၵေႃႉ​ဢၼ် သႄႇ​ယူင်း​ပူင်​ၸႃႉ​ၸိုင်၊ တၢင်း​ဢၼ်​ၽိတ်း​ၵၼ် ၸၢင်ႈ​ထၢတ်ႇ​ယဵၼ်​ဢေႃႈ။-</verse>
				<verse number="21">ၸိူဝ်ႉ​ၼင်ႇ​ဢၼ် ထၢၼ်ႇ​မီႈ​ပွင်​ႁဵတ်း​ထၢၼ်ႇ​ၽႆး ဢိၵ်ႇ​တင်း​ၸိူဝ်ႉ​ၼင်ႇ​ဢၼ် ၽိုၼ်း​ပွင်​ႁဵတ်း​ၽႆး​ၼၼ်ႉ၊ ၵေႃႉ​ဢၼ်​ၸၢင်ႈ​ႁဵတ်း​တၢင်း​ဢၼ်​ၽိတ်း​ၵၼ်​ၼၼ်ႉ ၸၢင်ႈ​ပွင်​ၸၢင်ႈ​ႁဵတ်း​တၢင်း​ဢၼ်​ၽိတ်း​ၵၼ်​ဢေႃႈ။-</verse>
				<verse number="22">ၵႂၢမ်း​ၵေႃႉ​ဢၼ်​သႄႇ​ယူင်း​ပူင်​ၸႃႉ​ၼၼ်ႉ ပဵၼ်​ၸိူဝ်ႉ​ၼင်ႇ​တၢင်း​ၵိၼ်​ယွႆႈ ဢၼ်​ဝၢၼ်​ဢၼ်​မၼ်း​လႄႈ ၸၢင်ႈ​ၶဝ်ႈ​ၵႂႃႇ​ၵႃႈ​ၼႂ်း​တွင်ႉ​ၼႂ်း​ပုမ်​ဢေႃႈ။-</verse>
				<verse number="23">သူပ်း​ဢၼ်​ႁၵ်ႉ​ၼႃႇ​လူင်​လၢင် ဢၼ်​ပႃး​တင်း​ႁူဝ်​ၸႂ်​ဢၼ်​ႁၢႆႉ​မိူၵ်ႈ​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ​ၽၢၵ်ႇ​မေႃႈ ဢၼ်​ဢဝ်​ၶျေႃႇ​ငိုၼ်း​ဢုမ်ႇ​ဝႆႉ​ဢေႃႈ။-</verse>
				<verse number="24">ၵေႃႉ​ဢၼ်​ဝႆႉ​တၢင်း​ၽိတ်း​ၼၼ်ႉ ၸၢင်ႈ​ဢဝ်​သူပ်း​မၼ်း​ထိမ်ႇ​ဝႆႉ​ဢမ်​ဝႆႉ​လႄႈ ၸၢင်ႈ​ဢဝ်​သၽေႃး​ဢၼ်​ပႅတ်ႉ​ဢၼ်​လႅၼ် သိူင်ႇ​မႅပ်ႉ​ဝႆႉ​ၵႃႈ​ၼႂ်း​မၼ်း​ဢေႃႈ။-</verse>
				<verse number="25">ၵႂၢမ်း​ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ ပိၵ်ႉ​သမ်ႉ​ဝၢၼ်​သေ​ၵေႃႈ၊ ယႃႇ​ပေ​ယုမ်ႇ။ ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ မီး​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ၸဵတ်း​ပႃး​ဢေႃႈ။-</verse>
				<verse number="26">တၢင်း​ဢၼ်​ၸင်း​ပိူၼ်ႈ​ၼၼ်ႉ ၸၢင်ႈ​ဢဝ်​တၢင်း​ဢၼ်​ပႅတ်ႉ​ဢၼ်​လႅၼ်​သိူင်ႇ​မႅပ်ႉ​ဝႆႉ​လႄႈ၊ ဢပႅတ်ႈ​တူႉ​ၸရိူၵ်ႈ​မၼ်း​ၼၼ်ႉ တၵ်း​လႆႈ​ၶၢမ်ႇ တၢင်း​ဢၼ်​ၽုၺ်ႇ​ဢွၵ်ႇ​ၼႄ​ပျႃး ၵႃႈ​တီႈ​ၽၢႆႇ​ၼႃႈ​ပရဵၵ်ႈသၢတ်ႈ​ဢေႃႈ။-</verse>
				<verse number="27">ၵေႃႉ​ဢၼ်​ၶုတ်း​ၶုမ်​ၶုတ်း​လုၵ်း​ၼၼ်ႉ တၵ်း​တူၵ်း​သႂ်ႇ​ၵႃႈ​ၼႂ်း​မၼ်း​လႄႈ၊ ၵႃႈ​ၼိူဝ်​ၵေႃႉ​ဢၼ်​ၵိင်ႈ​မၢၵ်ႇ​ႁိၼ်​ၼၼ်ႉ​ၵေႃႈ၊ မၢၵ်ႇ​ႁိၼ်​တၵ်း​ၶိုၼ်း​ၵိင်ႈ​သႂ်ႇ​ဢေႃႈ။-</verse>
				<verse number="28">လိၼ်ႉ​ဢၼ်​ၸၢင်ႈ​လၢတ်ႈ​မူႉ​သႃႇ​ၼၼ်ႉ ၸၢင်ႈ​ငိၼ်း​ၸင်း​ၶဝ်​ၸိူဝ်း​ဢၼ် မၼ်း​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​လႄႈ၊ သူပ်း​ဢၼ်​ၸၢင်ႈ​ၶျေႃး​ဝွၼ်း​ၼၼ်ႉ​ၵေႃႈ ၸၢင်ႈ​ယႃႉ​ၽဵဝ်ႈ​ပႅတ်ႈ​ဢေႃႈ။</verse>
			</chapter>
			<chapter number="27">
				<verse number="1">ယႃႇ​ပေ​ဢိင်​ပိုင်ႈ​ဝၼ်း​မိူဝ်ႈ​ၽုၵ်ႈ​သေ​လႄႈ​ဢုပ်ႇ​ဢၢတ်ႇ။ မႂ်း​ဢမ်ႇ​ႁူႉ​လွင်ႈ​ဢၼ်​ၼႂ်း​ဝၼ်း​ၼိုင်ႈ​ၵူၺ်း တၵ်း​ပဵၼ်​မႃး​ၸိူဝ်ႉ​ၼင်ႇ​ႁိုဝ်​ၼၼ်ႉ​လႆႈ။-</verse>
				<verse number="2">ႁႂ်ႈ​ပိူၼ်ႈ​ယွင်ႈ​ယေႃး​မႂ်း​သေ​ၵမ်း​လူၺ်ႈ။ သူပ်း​မႂ်း​ယႃႇ​ပေ​ယွင်ႈ​ယေႃး​တူဝ်​မႂ်း။ သီႇ​သူပ်း​မႂ်း​ယင်း​ဢမ်ႇ​ယွင်ႈ​ယေႃး​မႂ်း​လႄႈ ႁႂ်ႈ​ပိူၼ်ႈ ဢၼ်​ဢမ်ႇ​ၸၢပ်ႈ​ဢမ်ႇ​သႅင်ႇ​ၵၼ်​တင်း​မႂ်း​ၼၼ်ႉ ယွင်ႈ​ယေႃး​မႂ်း​သေ​ၵမ်း​လူၺ်ႈ။-</verse>
				<verse number="3">မၢၵ်ႇ​ႁိၼ်​ပဵၼ်​ဢၼ်​ၼၵ်း​လႄႈ သၢႆး​ပဵၼ်​ဢၼ်​ၸင်ႈ​ႁိဝ်ႈ​ၼၵ်း​ၼႃႇ​ဢေႃႈ။ တေႃး​သႃႉ​ၵေႃႉ​ဢၼ်​မိူၵ်ႈ​ၼၼ်ႉ​ၸမ်ႉ၊ ယဵင်ႈ​ၶႅၼ်း​ၼၵ်း​ၼႃႇ​သေ​သွင်​ၸိူဝ်ႉ​သွင်​ပိူင်​ၼၼ်ႉ​ဢေႃႈ။-</verse>
				<verse number="4">မႃႇၼႃႉ​မီး​သၽေႃး​ဢၼ်​ၵျၢမ်း​လိူင်း​ၼႃႇ​လႄႈ တေႃး​သႃႉ​ၸၢင်ႈ​ႁၢဝ်ႈ​ၵျၢမ်း​ၼႃႇ​ဢေႃႈ။ ၸႂ်​ဢၼ်​သီႈ​ၵေႉ​ႁေႈ​တႃ​ၸမ်ႉ၊ ၽူႈ​လႂ်​တၵ်း​ၸုၵ်း​ၶၢမ်ႇ​လႆႈ။-</verse>
				<verse number="5">တၢင်း​ဢၼ်​သုင်း​မႃႉ​တၢင်ႇ​ဢပႅတ်ႈ​ထၢင်ႇ​ထၢင်ႇ​သႃး​သႃး​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​တဵတ်ႇ​တဵတ်ႇ​ႁၵ်ႉ​ပႅင်း​ၼၼ်ႉ​ဢေႃႈ။-</verse>
				<verse number="6">ႁွႆး​ၸဵပ်း​ႁွႆး​တၢမ်ႇ​ဢၼ်​ၵေႃႉ​သေႈ​ပၼ်​ၼၼ်ႉ ၸၢင်ႈ​ပႂ်ႉ​သဵတ်ႈ​ၸႃႇ​ယူႇ​လႄႈ တၢင်း​ၸုပ်ႇ​တၢင်း​ၼူမ်​ဢၼ်​ရၢၼ်ႇ​သူႇ​ပဵၼ်​ၼၼ်ႉ ၸၢင်ႈ​ပဵၼ်​ယူႇ​ၶိူဝ်း​ၶိူဝ်း​ယႂ်း​ယႂ်း​ဢေႃႈ။-</verse>
				<verse number="7">ႁူဝ်​ၸႂ်​ဢၼ်​ၵိၼ်​လႄႈ​ဢိမ်ႇ​ယဝ်ႉ​ၼၼ်ႉ ၸၢင်ႈ​မိူဝ်ႇ​ၸၢၼ်ႈ​ႁူဝ်​ၼမ်ႉ​ႁူင်း​ၽိုင်ႈ​လႄႈ ၵေႃႉ​ဢၼ်​တွင်ႉ​မႆႈ​သႆႈ​လိူတ်ႇ​ၸမ်ႉ၊ ၸၢင်ႈ​ထၢင်ႇ​ၶိူင်ႈ​ပိူင်​ဢၼ်​ၶူမ်​ၵႃႈ​မီး​ၼၼ်ႉ ဝၢၼ်​ဢေႃႈ။-</verse>
				<verse number="8">ၵေႃႉ​ဢၼ်​ၸုၼ်ႉ​ပႅတ်ႈ​တီႈ​ယူႇ​မၼ်း​သေ​လႄႈ လႄႇ​ၵႂႃႇ​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ​ၼူၵ်ႉ​ဢၼ်​ၸုၼ်ႉ​ပႅတ်ႈ​ႁင်း​မၼ်း​သေ​လႄႈ လႄႇ​ၵႂႃႇ​ၼၼ်ႉ​ဢေႃႈ။-</verse>
				<verse number="9">ၸိူဝ်ႉ​ၼင်ႇ​ဢၼ်​ၼမ်ႉ​မၼ်း​ႁွမ် ဢိၵ်ႇ​တင်း​ၼၢမ်ႇ​သႃႇ ႁႂ်ႈ​ႁူဝ်​ၸႂ်​ၸူမ်း​သိူဝ်း​ၼၼ်ႉ တၢင်း​ဢၼ်​ၵေႃႉ​သေႈ​ႁၵ်ႉ​ႁူမ်​ၸူမ်း​တွၼ်ႈ​လႄႈ ပၼ်​တၢင်း​ၵျၢမ်ႇ​တၢင်း​ပွင်​ၼၼ်ႉ ၸၢင်ႈ​ႁႂ်ႈ​ၸူမ်း​သိူဝ်း​ဢေႃႈ။-</verse>
				<verse number="10">ယႃႇ​ပေ​ၸုၼ်ႉ​ပေ​ပႅတ်ႈ​ၵေႃႉ​သေႈ​မႂ်း ဢိၵ်ႇ​တင်း​ၵေႃႉ​သေႈ​ပေႃႈ​မႂ်း။ ၼႂ်း​ၶိင်ႇ​မိူဝ်ႈ​ဢၼ်​ဢမူႉ​ႁွတ်ႈ​ထိုင်​တီႈ​မႂ်း​ၼၼ်ႉ၊ မႂ်း​ယႃႇ​ပေ​ၶဝ်ႈ​ၵႃႈ​ၼႂ်း​ႁိူၼ်း​ပီႈ​ႁိူၼ်း​ၼွင်ႉ​မႂ်း။ ၵူၼ်း​ႁိူၼ်း​ၸမ်​ၵၼ်​ဢၼ်​မီး​ၸမ်​မႂ်း​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ ပီႈ​ၼွင်ႉ​ဢၼ်​မီး​ၵႆ​ၵၼ်​တင်း​မႂ်း​ၼၼ်ႉ​ဢေႃႈ။-</verse>
				<verse number="11">လုၵ်ႈ​ၸၢႆး​ၵဝ်​ဢိူၺ်း၊ မီး​ပိင်ႇ​ၺႃႇ​တႃႉ။ ႁႂ်ႈ​ၸႂ်​ၵဝ်​မီး​တၢင်း​ဢၼ်​ၸူမ်း​ဢၼ်​သိူဝ်း ထၼ်ႈ​ပေႃး​ႁႂ်ႈ​ၵဝ်​ၵႄႈ​လိတ်ႈ​ၵႂၢမ်း ၵေႃႉ​ဢၼ်​သႄႉ​သွမ်း​ၵဝ်​ၼၼ်ႉ​လႆႈ​တႃႉ။-</verse>
				<verse number="12">ၵေႃႉ​ဢၼ်​မီး​သမ်ႇမႃႇ​သတီႉ​ၼၼ်ႉ ႁူႉ​ႁၼ်​ဢမူႉ​လႄႈ ၸၢင်ႈ​တဵတ်ႇ​မႅပ်ႉ​ယူႇ​ဢေႃႈ။ ၵေႃႉ​ဢၼ်​ငိူဝ်ႈ​ဢၼ်​ငႃႉ​ၼၼ်ႉ​ၸမ်ႉ၊ ၸၢင်ႈ​ၵႂႃႇ ၵႃႈ​ၼင်ႇ​ဢၼ်​ၵႂႃႇ​ၼၼ်ႉ​ယူႇ​လႄႈ ထူပ်း​ဢမူႉ​ဢေႃႈ။-</verse>
				<verse number="13">သိမ်း​ဢဝ်​ၽႃႈ​မႆ ၵေႃႉ​ဢၼ်​ၸၢင်ႈ​ႁပ်ႉ​တုင်း​ဢဝ် ပုၼ်ႈ​ၵေႃႉ​ဢၼ်​မၼ်း​ဢမ်ႇ​ႁူႉ​ၸၵ်း​ၼၼ်ႉ​တႃႉ။ ႁဵတ်း​ပႄႉ​ႁဵတ်း​ၼႅင်ႇ​ဢဝ်​ဢုၵ်ႉ​ၸႃႇ ၵေႃႉ​ဢၼ်​ႁပ်ႉ​တုင်း​ဢဝ် ပုၼ်ႈ​မႄႈ​ယိင်း​လေႃ​ၼၼ်ႉ​တႃႉ။-</verse>
				<verse number="14">ၵေႃႉ​ဢၼ်​လုၵ်ႉ​ၵၢင်​ၼႂ်​ၸဝ်ႉ​ၸဝ်ႉ​သေ​လႄႈ ဢဝ်​တင်း​သဵင်​ဢၼ်​ယႂ်ႇ​ၼႃႇ ပၼ်​တၢင်း​လီ​တီႈ​ၵေႃႉ​သေႈ​မၼ်း​ၼၼ်ႉ ႁွတ်ႈ​ထိုင်​တီႈ​ဢၼ်​မၢတ်ႈ​မၼ်း ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ​ဢေႃႈ။-</verse>
				<verse number="15">တၢင်း​ဢၼ်​မဵတ်ႉ​ၽူၼ်​ယွတ်ႇ​ႁူဝ်ႈ​တူၵ်း​ယူႇ​ၸိၵ်း​ၸိၵ်း ၼႂ်း​ဝၼ်း​ဢၼ်​ၽူၼ်​သိင်း​ၼႃႇ​ၼၼ်ႉ မိူၼ်​ၵၼ်​တင်း​မႄႈ​ယိင်း ဢၼ်​ၸၢင်ႈ​ႁဵတ်း​တၢင်း​ဢၼ်​ၽိတ်း​ၵၼ်​ၼၼ်ႉ​ဢေႃႈ။-</verse>
				<verse number="16">ၵေႃႉ​ဢၼ်​ႁၢမ်ႈ​တၢပ်ႈ​ႁႄႉ​ၶႅၼ်​မၼ်း​ၼၼ်ႉ ႁၢမ်ႈ​တၢပ်ႈ​ႁႄႉ​ၶႅၼ်​လူမ်း​လႄႈ မိုဝ်း​ၶွၼ်​ၶႂႃ​မၼ်း​ၼၼ်ႉ ယိပ်း​ၼမ်ႉ​မၼ်း​ဝႆႉ​ဢေႃႈ။-</verse>
				<verse number="17">ၸိူဝ်ႉ​ၼင်ႇ​ဢၼ်​လဵၵ်း​ႁႂ်ႈ​လဵၵ်း​ၽၢႆ​လီ​လႅမ်​လီ​ၼၼ်ႉ၊ ၵူၼ်း​ၸၢင်ႈ​ႁႂ်ႈ​ၼႃႈ​ၵေႃႉ​မၼ်း​သေႈ​မၼ်း ၽၢႆ​လီ​လႅမ်​လီ​ဢေႃႈ။-</verse>
				<verse number="18">ၵေႃႉ​ဢၼ်​ပႂ်ႉ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ယူႇ​ၼၼ်ႉ လႆႈ​ၵိၼ်​မၢၵ်ႇ​တူၼ်ႈ​ၼၼ်ႉ​လႄႈ ၵေႃႉ​ဢၼ်​ႁဵတ်း​ပွင်​ဢမူႉ​ၸဝ်ႈ​မၼ်း​ယူႇ​ၼၼ်ႉ ၸၢင်ႈ​လႆႈ​မုၼ်​သရေႇ​ဢေႃႈ။-</verse>
				<verse number="19">ၸိူဝ်ႉ​ၼင်ႇ​ဢၼ်​ၼႃႈ​ၵူၼ်း မိူၼ်​ၵၼ်​ဝႆႉ​ၵႃႈ​ၼႂ်း​ၼမ်ႉ​ၼၼ်ႉ၊ ၵူၼ်း​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၸႂ်​သၽေႃး​မိူၼ်​ၵၼ်​ဢေႃႈ။-</verse>
				<verse number="20">ၸိူဝ်ႉ​ၼင်ႇ​ဢၼ်​မိူင်း​မရၼႃႉ ဢိၵ်ႇ​တင်း​မိူင်း​တၢင်း​လူႉ​တၢင်း​လႅဝ် ဢမ်ႇ​ဢိမ်ႇ​ၸႂ်​ၼၼ်ႉ မၢၵ်ႇ​တႃ​ၵူၼ်း​ဢမ်ႇ​ၸၢင်ႈ​ဢိမ်ႇ​ၸႂ်။-</verse>
				<verse number="21">မိူင်ႈ ပဵၼ်​ပုၼ်ႈ​ဢၼ်​တၵ်း​ၸႅတ်ႈ​ငိုၼ်း​ၶႃႇ​ငိုၼ်း​လႄႈ မုၵ်ႉ​ၽႆး ပဵၼ်​ပုၼ်ႈ​ဢၼ်​တၵ်း​ၸႅတ်ႈ​ၶမ်း​ၶႃႇ​ၶမ်း​ဢေႃႈ။ ၵူၼ်း​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​ၸႅတ်ႈ​တူၺ်း လူၺ်ႈ​တၢင်း​ဢၼ်​ပိူၼ်ႈ​ယွင်ႈ​ယေႃး​ၼၼ်ႉ​ဢေႃႈ။-</verse>
				<verse number="22">ပိၵ်ႉ​သမ်ႉ​ဢဝ်​ၵေႃႉ​ဢၼ်​မိူၵ်ႈ​ၼၼ်ႉ သႂ်ႇ​ၵႃႈ​ၼႂ်း​ၶူၵ်ႉ ဢဝ်​သၢၵ်ႇ​တမ်​လူၺ်ႈ​ၵၼ်​တင်း​ၶဝ်ႈ​ပိူၵ်ႇ​သေ​ၵေႃႈ၊ သၽေႃး​တၢင်း​ဢၼ်​မိူၵ်ႈ​မၼ်း​ၼၼ်ႉ ဢမ်ႇ​ၸၢင်ႈ​ဢွၵ်ႇ​သေ​ၵႃႈ​တီႈ​မၼ်း။</verse>
				<verse number="23">ၵႆႉ​ၵျူဝ်း​ၸႃး​ႁႂ်ႈ​လႆႈ​ႁူႉ​လွင်ႈ​ၽုင်​သူဝ်း​မႂ်း​တႃႉ။ ၽုင်​ဝူဝ်း​မႂ်း​ၸိူဝ်း​ၼၼ်ႉ​ၵေႃႈ လူ​တူၺ်း​ၸေး​ၸေး​ၸွတ်ႇ​ၸွတ်ႇ​တႃႉ။-</verse>
				<verse number="24">ၸေး​ၸိမ်ႇ​ဢမ်ႇ​ၸၢင်ႈ​တႄႇ​ယူႇ​တႃႇ​သေႇ။ ပၢၼ်း​ၵုမ်း​သရၽူႇ​ၵေႃႈ ဢမ်ႇ​ၸၢင်ႈ​တႄႇ​ယူႇ တီႈ​ၵူႈ​ၸူဝ်ႈ​ၵူႈ​ပၢၼ်​သိုပ်ႇ​သိုပ်ႇ​တၢမ်း​တၢမ်း။-</verse>
				<verse number="25">ယိူဝ်ႈ​ၵႄႇ​ယႃႈ​ၵႄႇ ၸၢင်ႈ​ႁၢႆ​လၢႆ​ၵႂႃႇ​လႄႈ ယိူဝ်ႈ​ၼုမ်ႇ​ၵိင်ႇ​ၼုမ်ႇ​ၸၢင်ႈ​ပေႃႇ​ပဵၼ်​မႃး​ဢေႃႈ။ တူၼ်ႈ​လဵၵ်ႉ​တူၼ်ႈ​ဢွၼ်ႇ ၵႃႈ​ၼိူဝ်​လွႆ​ၼိူဝ်​ၵုင်း​ၵေႃႈ လႆႈ​သိမ်း​ဝႆႉ​ဢေႃႈ။-</verse>
				<verse number="26">သူဝ်း​ဢွၼ်ႇ​တင်း​လၢႆ ပဵၼ်​ပုၼ်ႈ​တၢင်း​ၼုင်ႈ​တၢင်း​မႆ​မႂ်း​လႄႈ၊ ပႄႉ​တင်း​လၢႆ​ၵေႃႈ ပဵၼ်​ပုၼ်ႈ​ဢၼ်​တၵ်း​ၽေႇ​ၵႃႈ​ၶၼ်​ၵႂၢၵ်ႈ​လိၼ်​ဢေႃႈ။-</verse>
				<verse number="27">ၼမ်ႉ​ၼူမ်း​ပႄႉ​တၵ်း​ပေႃး​တၵ်း​ၵုမ်ႇ ပုၼ်ႈ​ဢၼ်​မႂ်း​တၵ်း​ၵိၼ် ပုၼ်ႈ​ဢၼ်​ၵူၼ်း​ႁိူၼ်း​ၵူၼ်း​ယေး​မႂ်း​တၵ်း​ၵိၼ်၊ ပုၼ်ႈ​ဢၼ်​တၵ်း​လဵင်ႉ​လူ ၶႃႈ​မႄႈ​ယိင်း​မႂ်း​ၸိူဝ်း​ၼၼ်ႉ​ယူႇ​ဢေႃႈ။</verse>
			</chapter>
			<chapter number="28">
				<verse number="1">ၵေႃႉ​ဢၼ်​ဢမ်ႇ​တြႃး​ၼၼ်ႉ ပိၵ်ႉ​သမ်ႉ​ၵေႃႉ​ဢၼ်​လိုပ်ႈ​ၸွမ်း​လမ်း​ၸွမ်း ဢမ်ႇ​မီး​သေ​ၵေႃႈ၊ တၵ်း​ပၢႆႈ​လႄႈ ၵေႃႉ​ဢၼ်​သိုဝ်ႈ​တေႃႇ​ၸမ်ႉ၊ ၸၢင်ႈ​ႁတ်း​ႁၢၼ်​ၸိူဝ်ႉ​ၼင်ႇ​သၢင်ႇ​သီႈ​ဢေႃႈ။-</verse>
				<verse number="2">ၵွပ်ႈ​ပိူဝ်ႈ​ဢပႅတ်ႈ​ၵူၼ်း​ဝၢၼ်ႈ​ၵူၼ်း​မိူင်း​လႄႈ ၶုၼ်​ၸၢင်ႈ​မီး​ၼမ်​ၼႃႇ​ဢေႃႈ။ ၵွပ်ႈ​ပိူဝ်ႈ​ၵေႃႉ​ဢၼ်​ပျေႉ​ၸုမ်ႇ​တင်း​ၺၢၼ်ႇ ဢိၵ်ႇ​တင်း​ပိင်ႇ​ၺႃႇ တၢင်း​ဢၼ်​ႁူႉ​ဢၼ်​ၸႅင်ႈ​ၼၼ်ႉ​လႄႈ ဢသၢၵ်ႈ​မိူင်း​ၸၢင်ႈ​ယၢဝ်း​ယိုၼ်း​ဢေႃႈ။-</verse>
				<verse number="3">ၵေႃႉ​ဢၼ်​ၸုတ်ႈ​ဢၼ်​လုတ်ႈ ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ​ၼမ်ႉ​ၽူၼ်​ၶူမ် ဢၼ်​ယင်း​ဢမ်ႇ​ႁႂ်ႈ​တၢင်း​ၵိၼ်​ၵိုတ်း​ၵျၢၼ်ႇ​ဝႆႉ​လႃး​လႃး​လႄႈ ၽဵဝ်ႈ​ပႅတ်ႈ​မူတ်း​မူတ်း​သဵင်ႈ​သဵင်ႈ​ၼၼ်ႉ​ဢေႃႈ။-</verse>
				<verse number="4">ၶဝ်​ၸိူဝ်း​ဢၼ်​ၸုၼ်ႉ​ပႅတ်ႈ​တြႃး​ၼၼ်ႉ ၸၢင်ႈ​ယွင်ႈ​ယေႃး​ၶဝ်​ၸိူဝ်း​ဢၼ်​ဢမ်ႇ​တြႃး​လႄႈ ၶဝ်​ၸိူဝ်း​ဢၼ်​ပႂ်ႉ​ၸွမ်း​တြႃး​ယူႇ​ၼၼ်ႉ​ၸမ်ႉ၊ ၸၢင်ႈ​ႁဵတ်း​ၶတ်း​ၵၼ်​တင်း​ၶဝ်​ၼၼ်ႉ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ဢမ်ႇ​ၸၢင်ႈ​ႁူႉ​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး။ ၶဝ်​ၸိူဝ်း​ဢၼ်​ႁႃ​ဢဝ်​ထႃႇဝရႃႉ​ၽြႃး​ၼၼ်ႉ​ၸမ်ႉ၊ ၸၢင်ႈ​ႁူႉ​တၢင်း​ဢၼ်​ၸီႇ​ယၢင်ႇ​ၵူႈ​ၸိူဝ်ႉ​ၵူႈ​ပိူင်​ဢေႃႈ။-</verse>
				<verse number="6">ၵေႃႉ​ဢၼ်​ယၢၵ်ႈ​ဢၼ်​ၽၢၼ် ဢၼ်​ၸွမ်း​သဵၼ်ႈ​တၢင်း တၢင်း​ဢၼ်​ၸေး​ၸုမ်ႇ​မၼ်း​ယူႇ​ၼၼ်ႉ ယဵင်ႈ​ၶႅၼ်း​မျၢတ်ႈ​ၼႃႇ​သေ ၵေႃႉ​ဢၼ်​ၸၢင်ႈ​မၢၵ်ႈ​ၸၢင်ႈ​မီး​သေ​ၵေႃႈ ၸွမ်း​သဵၼ်ႈ​တၢင်း​ဢၼ်​ၵူတ်ႉ​ဢၼ်​ငေႃး​ယူႇ​ၼၼ်ႉ​ဢေႃႈ။-</verse>
				<verse number="7">ၵေႃႉ​ဢၼ်​ပႂ်ႉ​တြႃး​ယူႇ​ၼၼ်ႉ ပဵၼ်​လုၵ်ႈ​ၸၢႆး​ဢၼ်​မီး​ပိင်ႇ​ၺႃႇ​လႄႈ ၵေႃႉ​ဢၼ်​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​ၶဝ် ၸိူဝ်း​ဢၼ် ၵိၼ်​ပူၼ်ႉ​ၵိၼ်​လိူဝ်​ၼၼ်ႉ​ၸမ်ႉ၊ ၸၢင်ႈ​ႁႂ်ႈ​ပေႃႈ​မၼ်း​ဢူၵ်း​ဢၢႆ​ဢေႃႈ။-</verse>
				<verse number="8">ၵေႃႉ​ဢၼ်​ဢဝ်​ဢတူဝ်း​ဢမျၢတ်ႈ ၶီႈ​ငိုၼ်း​ဢၼ်​ဢမ်ႇ​တြႃး ႁႂ်ႈ​ဢုၵ်ႉ​ၸႃႇ​ယႂ်ႇ​ၽႄႈ​တူဝ်း​တွၼ်း​မႃး​ၼၼ်ႉ ၸၢင်ႈ​ၸူႉ​ႁွမ်​ဝႆႉ ပုၼ်ႈ​ၵေႃႉ​ဢၼ်​ဢဵတ်း​လူ ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ဢေႃႈ။-</verse>
				<verse number="9">ၵေႃႉ​ဢၼ်​ဝၢႆႇ​ႁူ​မၼ်း​ပႅတ်ႈ​သေ​တြႃး​ၼၼ်ႉ ပိၵ်ႉ​သမ်ႉ​မၼ်း​သူး​တွင်း​သေ​ၵေႃႈ၊ ၵႂၢမ်း​ပထၼႃႇ​မၼ်း​ၼၼ်ႉ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​ဢေႃႈ။-</verse>
				<verse number="10">ၵေႃႉ​ဢၼ်​ႁႂ်ႈ​ၶဝ်​ၸိူဝ်း​ဢၼ်​သိုဝ်ႈ​လီ​ယူဝ်း​လီ​ၼၼ်ႉ ဝႄႈ​ပိူင်ႈ​ၵႂႃႇ​ၸွမ်း​သဵၼ်ႈ​တၢင်း ဢၼ်​ဢမ်ႇ​လီ​ၼၼ်ႉ တၵ်း​တူၵ်း​သႂ်ႇ​ၵႃႈ​ၼႂ်း​ၶုမ်​ၼႂ်း​လုၵ်း ဢၼ်​မၼ်း​ၶုတ်း​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​သၽေႃး​ၸေး​ၸုမ်ႇ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​ဢမူၺ်ႇ​လွင်ႈ​တၢင်း​ဢၼ်​လီ​ဢေႃႈ။-</verse>
				<verse number="11">ၵေႃႉ​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ ၸၢင်ႈ​ထၢင်ႇ​မၼ်း​မီး​ပိင်ႇ​ၺႃႇ သိုဝ်ႈ​ၼႃႈ​တႂ်ႈ​တႃ​မၼ်း​လႄႈ ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ဢၼ်​ၺၢၼ်ႇ​လီ​ၼၼ်ႉ​ၸမ်ႉ၊ ၸၢင်ႈ​ၸႅတ်ႈ​ထၢမ်​ၸႅတ်ႈ​တူၺ်း​မၼ်း​ၼၼ်ႉ​ဢေႃႈ။-</verse>
				<verse number="12">မိူဝ်ႈ​ဢၼ်​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ လႆႈ​သႂၢင်ႇ​ၸႂ်​သိူဝ်း​ၸႂ်​ၼၼ်ႉ​ၸိုင်၊ ၸၢင်ႈ​မီး​မုၼ်​မီး​ၽုင်း​ၼမ်​ၼႃႇ​လႄႈ မိူဝ်ႈ​ဢၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ​ၼၼ်ႉ​ၸမ်ႉ၊ ၵူၼ်း​တင်း​လၢႆ ၸၢင်ႈ​လႆႈ​တဵတ်ႇ​ယူႇ​မႅပ်ႉ​ယူႇ​ဢေႃႈ။-</verse>
				<verse number="13">ၵေႃႉ​ဢၼ်​သိူင်ႇ​မႅပ်ႉ​ဢပႅတ်ႈ​မၼ်း​ဝႆႉ​ၼၼ်ႉ ဢမ်ႇ​လႆႈ​လီ​လႆႈ​ပဵၼ်​လႄႈ ၵေႃႉ​ဢၼ်​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ​မၼ်း​လႄႈ ၸုၼ်ႉ​ပႅတ်ႈ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​ၵရူႉၼႃႇ​ၸဝ်ႈ​ဢေႃႈ။-</verse>
				<verse number="14">ၵေႃႉ​ဢၼ်​ၵူဝ်​ႁႄ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ မီး​မင်ႇၵလႃႇ​လႄႈ၊ ၵေႃႉ​ဢၼ်​ႁႂ်ႈ​ႁူဝ်​ၸႂ်​မၼ်း​ၵႅၼ်ႇ​ၶႅင်​ၼၼ်ႉ​ၸမ်ႉ၊ တၵ်း​ထူပ်း​ၽေး​ဢူႉ​ပၢတ်ႈ​ဢေႃႈ။-</verse>
				<verse number="15">ၶုၼ်​ဢႃႉထမ်ႇမႃႉ​ဢၼ်​ဢုပ်ႉ​ပိူင်ႇ​ၵူၼ်း​မိူင်း ဢၼ်​ယၢၵ်ႈ​ဢၼ်​ၽၢၼ်​ၸိူဝ်း​ၼၼ်ႉ​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ​သၢင်ႇ​သီႈ ဢၼ်​ႁွင်ႉ​ၶၢင်း ဢိၵ်ႇ​တင်း​မီ​ဢၼ်​လႄႇ​ၵႂႃႇ​ယူႇ​ၼၼ်ႉ​ဢေႃႈ။-</verse>
				<verse number="16">ၶုၼ်​ဢၼ်​ဢမ်ႇ​မီး​ၺၢၼ်ႇ​ၼၼ်ႉ ပဵၼ်​ၵေႃႉ​ဢၼ် ၸၢင်ႈ​ၼိၵ်ႈ​ၸၢၵ်ႈ​ငႅၼ်း​သႄး​ၼႃႇ​လူင်​လၢင်​လႄႈ ၶုၼ်​ဢၼ်​ၸင်း​လေႃး​ၽႃႉ​ၼၼ်ႉ​ၸမ်ႉ၊ ၸူဝ်ႈ​ဢသၢၵ်ႈ​မၼ်း​တၵ်း​ယၢဝ်း​ယိုၼ်း​ဢေႃႈ။-</verse>
				<verse number="17">ၵေႃႉ​ဢၼ်​ႁၢပ်ႇ​ဢပႅတ်ႈ​လိူတ်ႈ​ပိူၼ်ႈ​ၼၼ်ႉ တၵ်း​လႆႈ​ၶုၼ်ႇ​လႅၼ်ႈ​ၸူး ၶုမ်​ပႃႇ​ႁဵဝ်ႈ​ဢေႃႈ။ ၽူႈ​လႂ်​ယႃႇ​ပေ​ႁႄႉ​ပေ​ၶႅၼ်​မၼ်း။</verse>
				<verse number="18">ၵေႃႉ​ဢၼ်​ၸွမ်း​သဵၼ်ႈ​တၢင်း ဢၼ်​သိုဝ်ႈ​လီ​ယူဝ်း​လီ​ၼၼ်ႉ တၵ်း​လွတ်ႈ​ၽေး​လႄႈ ၵေႃႉ​ဢၼ်​ၸႂ်​ၵူတ်ႉ​ၸႂ်​ငေႃး​လႄႈ ၸွမ်း​သဵၼ်ႈ​တၢင်း တင်း​သွင်​သဵၼ်ႈ​ၼၼ်ႉ​ၸမ်ႉ၊ တၵ်း​လႆႈ​လူမ်ႉ​တူၵ်း​သႂ်ႇ ၵႃႈ​ၼႂ်း​သဵၼ်ႈ​တၢင်း​ၼၼ်ႉ​သေ​သဵၼ်ႈ​သဵၼ်ႈ​ဢေႃႈ။-</verse>
				<verse number="19">ၵေႃႉ​ဢၼ်​ႁဵတ်း​ႁႆႊ​ႁဵတ်း​ၼႃး​ၼၼ်ႉ တၵ်း​မီး​တၢင်း​ၵိၼ်​တၢင်း​ၶူပ်း​လိူင်ႇ​ၼႃႇ​လႄႈ ၵေႃႉ​ဢၼ်​ၸွမ်း​လင်​ၶဝ်​ၸိူဝ်း​ဢၼ် လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​ၸမ်ႉ၊ တၵ်း​ဢိမ်ႇ​တဵမ်​ဝႆႉ​တင်း တၢင်း​ဢၼ်​ယၢၵ်ႈ​ဢၼ်​ၽၢၼ်​ဢေႃႈ။-</verse>
				<verse number="20">ၵေႃႉ​ဢၼ်​ပႂ်ႉ​သဵတ်ႈ​ၸႃႇ​ယူႇ​ၼႃႇ​လူင်​လၢင်​ၼၼ်ႉ တၵ်း​မၢၵ်ႈ​မီး​လိူင်ႇ​တဵမ်​ဝႆႉ​တင်း တၢင်း​လီ​မင်ႇၵလႃႇ​လႄႈ ၵေႃႉ​ဢၼ်​ႁိပ်ႈ​ၼႅတ်ႈ​ႁဵတ်း​ႁႂ်ႈ​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ​ၸမ်ႉ၊ ဢမ်ႇ​လႆႈ​ၵၢင်း​လွတ်ႈ​တင်း​တၢမ်ႇ​ဢပႅတ်ႈ။-</verse>
				<verse number="21">တၢင်း​ဢၼ်​ထွၵ်ႈ​လူၺ်ႈ​ၼႃႈ​ၵူၼ်း ဢမ်ႇ​ထုၵ်ႇ​ဢမ်ႇ​လီ။ လွင်ႈ​မၼ်း​ၸမ်ႉ ၵူၼ်း​ၸၢင်ႈ​ႁဵတ်း​တူႉ​ၸရိူၵ်ႈ ႁႂ်ႈ​လႆႈ​ၶဝ်ႈ​မုၼ်း​ဢွၼ်ႇ သေ​ၽၢၵ်ႇ​သေ​ပွတ်း​ဢေႃႈ။-</verse>
				<verse number="22">ၵေႃႉ​ဢၼ်​ႁိပ်ႈ​ၼႅတ်ႈ ႁဵတ်း​ႁႂ်ႈ​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ ၸၢင်ႈ​မီး​တႃ​ဢၼ်​ႁၢႆႉ​ဢၼ်​မိူၵ်ႈ​လႄႈ ဢမ်ႇ​ၸၢင်ႈ​ႁူႉ​လွင်ႈ​ဢၼ်​ၵမ်း​လိုၼ်း တၵ်း​ႁွတ်ႈ​ထိုင်​တၢင်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ဢေႃႈ။-</verse>
				<verse number="23">ၵေႃႉ​ဢၼ်​သုင်း​မႃႉ​တၢင်ႇ​ဢပႅတ်ႈ​ၼၼ်ႉ၊ ၵမ်း​လိုၼ်း​ယဵင်ႈ​ၶႅၼ်း​တၵ်း​လႆႈ​ၶၢမ်ႇ ၵျေး​ၸူး ၼႃႇ​သေ​ၵေႃႉ​ဢၼ်​ဢဝ်​လိၼ်ႉ​မၼ်း​ၶျေႃး​ဝွၼ်း​ဢဝ်​ၼၼ်ႉ​ဢေႃႈ။-</verse>
				<verse number="24">ၵေႃႉ​ဢၼ်​ႁိမ်​ဢဝ်​ႁူင်ႇ​ဢဝ် ဢုၵ်ႉ​ၸႃႇ​ပေႃႈ​မႄႈ​မၼ်း​လႄႈ​ဝႃႈ၊ ဢမ်ႇ​မီး​ဢပႅတ်ႈ​ၵူၺ်ႉ၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ၵေႃႉ​ပဵၼ်​သေႈ​ၵၼ်​တင်း​ၵေႃႉ​ဢၼ်​ယႃႉ​ၽဵဝ်ႈ​ပႅတ်ႈ​ၼၼ်ႉ​ဢေႃႈ။</verse>
				<verse number="25">ၵေႃႉ​ဢၼ်​ၸႂ်​သုင်​ၼၼ်ႉ ၸၢင်ႈ​တိုၵ်း​ယူင်း​တၢင်း​ဢၼ်​ၽိတ်း​ၵၼ်​လႄႈ ၵေႃႉ​ဢၼ်​ဢိင်​ပိုင်ႈ​ထႃႇဝရႃႉ​ၽြႃး​ယူႇ​ၸမ်ႉ၊ ၸၢင်ႈ​ပျေႉ​ၸုမ်ႇ​လိူင်ႇ​ၸႂ်​ဢေႃႈ။-</verse>
				<verse number="26">ၵေႃႉ​ဢၼ်​ဢိင်​ပိုင်ႈ​ႁူဝ်​ၸႂ်​တူဝ်​ၸဝ်ႈ​ၵဝ်ႇ​ယူႇ​ၼၼ်ႉ ပဵၼ်​ၵေႃႉ​ဢၼ်​မိူၵ်ႈ​လႄႈ ၵေႃႉ​ဢၼ်​ပႃး​တင်း​ပိင်ႇ​ၺႃႇ​သတီႉ ၵမ်​ၵျၢင်ႉ​ၼၼ်ႉ​ၸမ်ႉ၊ ၸၢင်ႈ​လွတ်ႈ​ၽေး​ဢေႃႈ။-</verse>
				<verse number="27">ၵေႃႉ​ဢၼ်​ၽႄ​ၸွၼ်း​ယိုၼ်ႈ​မႅင်ႇ တီႈ​ၵူၼ်း​ယၢၵ်ႈ​ၵူၼ်း​ၽၢၼ်​ၼၼ်ႉ တၵ်း​ဢမ်ႇ​လူဝ်ႇ​ထႅင်ႈ​သေ​ၸိူဝ်ႉ​သေ​ပိူင်။ ၵေႃႉ​ဢၼ်​ဝၢႆႇ​ၼႃႈ​ဝႄႈ​ပိူင်ႈ​သေ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ၼမ်​ၼႃႇ​ဢေႃႈ။-</verse>
				<verse number="28">မိူဝ်ႈ​ဢၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ႁွတ်ႈ​ထိုင် တၢင်း​ဢၼ်​ယုၵ်ႉ​ယွင်ႈ​ၼၼ်ႉ​ၸိုင်၊ ၵူၼ်း​တင်း​လၢႆ ၸၢင်ႈ​လႆႈ​တဵတ်ႇ​ယူႇ​မႅပ်ႉ​ယူႇ​လႄႈ မိူဝ်ႈ​ဢၼ်​ၶဝ်​ႁွတ်ႈ​ထိုင်​တၢင်း​ဢၼ်​လူႉ​လႅဝ်​ၼၼ်ႉ​ၸမ်ႉ၊ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​ယႂ်ႇ​ၽႄႈ​ၼမ်​ၵိုၼ်း​မႃး​ဢေႃႈ။</verse>
			</chapter>
			<chapter number="29">
				<verse number="1">ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် သင်ႇ​သွၼ်​သုင်း​မႃႉ​ယူႇ​ၶိူဝ်း​ၶိူဝ်း​ယႂ်း​ယႂ်း​လႄႈ ႁႂ်ႈ​ၶေႃး​မၼ်း​ၵႅၼ်ႇ​ၶႅင်​ယူႇ​ၼၼ်ႉ ယင်း​ဢမ်ႇ​မီး​တီႈ​ဢိင်​တီႈ​ပိုင်ႈ​လႄႈ တၵ်း​ၶၢမ်ႇ​တၢင်း​ဢၼ်​ႁၵ်း​ႁဵၵ်း​လူႉ​လႅဝ်​ၵမ်း​လဵဝ်​ဢေႃႈ။-</verse>
				<verse number="2">မိူဝ်ႈ​ဢၼ်​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ လႆႈ​ဢၶႂၢင်ႉ​ၸိုင် ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၸၢင်ႈ​ၸူမ်း​သိူဝ်း​လႄႈ မိူဝ်ႈ​ဢၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ဢုပ်ႉ​ပိူင်ႇ​ၼၼ်ႉ​ၸမ်ႉ၊ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၸၢင်ႈ​မႆႈ​ၸႂ်​ယၢပ်ႇ​ၸႂ်​ဢေႃႈ။-</verse>
				<verse number="3">ၵေႃႉ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ပိင်ႇ​ၺႃႇ​တြႃး​ၼၼ်ႉ ၸၢင်ႈ​ႁႂ်ႈ​ပေႃႈ​မၼ်း​ၸူမ်း​သိူဝ်း​လႄႈ ၵေႃႉ​ဢၼ်​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ် တင်း​မႄႈ​မွၵ်ႇ​ယႃႈ​ၼၼ်ႉ​ၸမ်ႉ၊ ၸၢင်ႈ​ႁႂ်ႈ​ဢုၵ်ႉ​ၸႃႇ​သဵင်ႈ​မူတ်း​ဢေႃႈ။-</verse>
				<verse number="4">ၶုၼ်​ႁေႃ​ၶမ်း ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ ၸၢင်ႈ​ႁႂ်ႈ​ဝၢၼ်ႈ​မိူင်း​တႄႇ​ယူႇ​လႄႈ ၶုၼ်​ႁေႃ​ၶမ်း​ဢၼ်​ၵိၼ်​လၢၵ်ႈ​သွင်ႇ​ၼၼ်ႉ​ၸမ်ႉ၊ ၸၢင်ႈ​ပိၼ်ႈ​ၶႂမ်ႈ​ဝၢၼ်ႈ​မိူင်း​ပႅတ်ႈ​ဢေႃႈ။-</verse>
				<verse number="5">ၵေႃႉ​ဢၼ်​ၶျေႃး​လႅၼ် ၵူၼ်း​ႁိူၼ်း​ၸမ်​ၵၼ်​တင်း​မၼ်း​ၼၼ်ႉ ဢဝ်​ၶႄ​ၵီႈ​ၽႄႇ​ဝႆႉ​ပုၼ်ႈ​တိၼ်​မၼ်း​ဢေႃႈ။-</verse>
				<verse number="6">ၼႂ်း​တၢင်း​ဢၼ် ၵူၼ်း​ႁုၵ်း​ၵူၼ်း​ႁၢႆႉ​ၽိတ်း​ပိူင်ႈ​ၼၼ်ႉ၊ မီး​တၢင်း​ဢၼ်​ၵၢင်​တူင်ႇ​ႁႅဝ်ႉ​ဝႆႉ​ယူႇ​လႄႈ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ၸၢင်ႈ​ႁဵတ်း​ၵႂၢမ်း​ဢၼ် သႂၢင်ႇ​သိူဝ်း​ၼႃႇ​လူင်​လၢင်​ၼၼ်ႉ​ဢေႃႈ။-</verse>
				<verse number="7">ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸၢင်ႈ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ ဢမူႉ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​လႄႈ ၵေႃႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ဢမ်ႇ​ၸၢင်ႈ​ႁႃ​ဢဝ်​တၢင်း​ဢၼ်​ႁူႉ​ဢၼ်​ၸႅင်ႈ လွင်ႈ​မၼ်း​တၢင်း​မၼ်း။-</verse>
				<verse number="8">ၶဝ်​ၸိူဝ်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၼၼ်ႉ ၸၢင်ႈ​ဢဝ်​ၽႆး​တုတ်ႇ​ဝဵင်း​လႄႈ ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​ၸမ်ႉ၊ ၸၢင်ႈ​သၢႆႇ​တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ပႅတ်ႈ​ဢေႃႈ။-</verse>
				<verse number="9">ပေႃး​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ပဵၼ်​ဢမူႉ​ၵၼ် တင်း​ၵေႃႉ​ဢၼ်​မိူၵ်ႈ​ၸိုင်၊ မၼ်း​ၸႂ်​မႆႈ​ၶႆႈ​ၸႃႉ​သေ​ဢမ်ႇ​ဝႃႈ၊ မၼ်း​ယုမ်ႉ​ၶူဝ်​သေ​ဢမ်ႇ​ဝႃႈ၊ ဢမ်ႇ​မီး​တီႈ​ဢၼ်​တၵ်း​ထၢတ်ႇ​တၵ်း​ယဵၼ်။-</verse>
				<verse number="10">ၶဝ်​ၸိူဝ်း​ဢၼ်​ၸၢင်ႈ​ထွၵ်ႇ​လိူတ်ႈ​ၵူၼ်း​ပႅတ်ႈ​ၼၼ်ႉ ၸၢင်ႈ​ငိၼ်း​ၸင်း​ၵေႃႉ​ဢၼ်​ၸေး​ၸုမ်ႇ​လႄႈ ၶဝ်​ၸိူဝ်း​ဢၼ် သိုဝ်ႈ​လီ​ယူဝ်း​လီ​ၼၼ်ႉ​ၸမ်ႉ၊ ၸၢင်ႈ​ႁႃ​ၸွႆႈ​ႁႃ​ထႅမ်​ဢသၢၵ်ႈ​ပိူၼ်ႈ​ဢေႃႈ။-</verse>
				<verse number="11">ၵေႃႉ​ဢၼ်​မိူၵ်ႈ​ၼၼ်ႉ ၸၢင်ႈ​ဢဝ်​တေႃး​သႃႉ​တၢင်း​ၸႂ်​မႆႈ​မၼ်း​ၵႃႈ​မီး​ၼၼ်ႉ ၽုၺ်ႇ​ဢွၵ်ႇ​ၼႄ​ပျႃး​လႄႈ ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ​ၸမ်ႉ၊ ၸၢင်ႈ​ဢဝ်​သိူင်ႇ​ဝႆႉ​သိမ်း​ဝႆႉ​လႄႈ ႁႂ်ႈ​မၼ်း​ထၢတ်ႇ​မၼ်း​ယဵၼ်​ဢေႃႈ။-</verse>
				<verse number="12">ပေႃး​ၶုၼ်​ထွမ်ႇ​ဢဝ်​ၵႂၢမ်း​မူႉ​သႃႇ​ၸိုင်၊ ၶႃႈ​မၼ်း​ၵူၼ်း​မၼ်း​တင်း​သဵင်ႈ​တင်း​လူင် ပဵၼ်​ၵူၼ်း​ႁၢႆႉ​ၵူၼ်း​မိူၵ်ႈ​ဢေႃႈ။-</verse>
				<verse number="13">ၵေႃႉ​ဢၼ်​ယၢၵ်ႈ​ဢၼ်​ၽၢၼ် ဢိၵ်ႇ​တင်း​ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ ႁူပ်ႉ​ထူပ်း​ၵၼ်​လႄႈ ထႃႇဝရႃႉ​ၽြႃး​ဢဵတ်း​လူ​ပၼ် ဢၼ်​လႅင်း​တီႈ​မၢၵ်ႇ​တႃ​သွင်​ၶႃ​ၼၼ်ႉ​ဢေႃႈ။-</verse>
				<verse number="14">ရႃႇၸႃႉ​ပလၢင်ႇ​ၶုၼ်​ႁေႃ​ၶမ်း ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ၸၢင်ႈ​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။</verse>
				<verse number="15">ၶွၼ်ႉ​ဝၢႆ ဢိၵ်ႇ​တင်း​တၢင်း​ဢၼ်​ဢဝ်​သူပ်း​သင်ႇ​သွၼ်​သုင်း​မႃႉ​ပၼ်​ၼၼ်ႉ ၸၢင်ႈ​ႁႂ်ႈ​ပိင်ႇ​ၺႃႇ​ယႂ်ႇ​ၽႄႈ​ၼမ်​ၵိုၼ်း​မႃး​လႄႈ လုၵ်ႈ​ဢွၼ်ႇ​ဢၼ်​ယူႇ​ၵမ်ႈ​ၸႂ်​မၼ်း​ၼၼ်ႉ ၸၢင်ႈ​ႁႂ်ႈ​မႄႈ​မၼ်း​လႆႈ​ဢူၵ်း​လႆႈ​ဢၢႆ​ဢေႃႈ။-</verse>
				<verse number="16">မိူဝ်ႈ​ဢၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ယႂ်ႇ​ၽႄႈ​ၼမ်​ၵိုၼ်း​မႃး​ၼၼ်ႉ​ၸိုင်၊ ဢပႅတ်ႈ​တၢင်း​ဢၼ်​ပူၼ်ႉ​လိူဝ် ၸၢင်ႈ​ယႂ်ႇ​ၽႄႈ​ၼမ်​ၵိုၼ်း​မႃး​လႄႈ ၵူၺ်း​ၵႃႈ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ တၵ်း​လႆႈ​ႁၼ်​တၢင်း​ဢၼ် ၶဝ်​လူမ်ႉ​တူၵ်း​ၼၼ်ႉ​ဢေႃႈ။-</verse>
				<verse number="17">သင်ႇ​သွၼ်​သုင်း​မႃႉ​လုၵ်ႈ​ၸၢႆး​မႂ်း​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် မၼ်း​တၵ်း​ပၼ်​ၵတ်း​ယဵၼ်​ၶျၢမ်း​သႃႇ​တီႈ​မႂ်း​ဢေႃႈ။ လိူဝ်​သေ​ၼၼ်ႉ​ဢမ်ႇ​ၵႃး မၼ်း​တၵ်း​ပၼ်​ဢၶႂၢင်ႉ ဢၼ်​ၸႂ်​လီ​သႂၢင်ႇ​လီ​သိူဝ်း​ၼၼ်ႉ​ဢေႃႈ။-</verse>
				<verse number="18">ပေႃး​ပျႃႇ​တိၵ်ႈ​ၸဝ်ႈ​ဢမ်ႇ​မီး​ၸိုင်၊ ၵူၼ်း​တင်း​လၢႆ​ႁဵတ်း​ၵမ်ႈ​ၸႂ်​ၶဝ်​ယူႇ​လႄႈ ၵေႃႉ​ဢၼ်​ပႂ်ႉ​ၸွမ်း​တြႃး​ၸဝ်ႈ​ယူႇ​ၼၼ်ႉ​ၸမ်ႉ၊ မီး​မင်ႇၵလႃႇ​ဢေႃႈ။-</verse>
				<verse number="19">ဢဝ်​တင်း​ၵႂၢမ်း​ၵူၺ်း​သင်ႇ​သွၼ်​သုင်း​မႃႉ​ၶႃႈ​လႄႈ ဢမ်ႇ​ပႄႉ​ၼႅင်ႇ​လႆႈ။ မၼ်း​ၼၼ်ႉ​ပိၵ်ႉ​သမ်ႉ​ႁူႉ​ၸႅင်ႈ​သေ​ၵေႃႈ ယင်း​ဢမ်ႇ​ထွမ်ႇ​ဢဝ်​လႄႈ တၵ်း​ယူႇ​ဢေႃႈ။-</verse>
				<verse number="20">ပေႃး​မီး​ၵေႃႉ​ဢၼ်​ယင်း​ဢမ်ႇ​မီး​သတီႉ​လႄႈ သူပ်း​ၽႂ်း​ၵႂၢမ်း​ၽႂ်း​ၼၼ်ႉ​ၸိုင်၊ ဢၶႂၢင်ႉ​တၢင်း​ဢၼ်​မုင်ႈ​ထႃႈ​မွင်း​ထႃႈ လူၺ်ႈ​ၵူၼ်း​ဢၼ်​မိူၵ်ႈ​ၼၼ်ႉ ယဵင်ႈ​ၶႅၼ်း​မီး​ၼႃႇ​သေ ဢၶႂၢင်ႉ​တၢင်း​ဢၼ်​မုင်ႈ​ထႃႈ​မွင်း​ထႃႈ လူၺ်ႈ​ၵေႃႉ​ၼၼ်ႉ​ဢေႃႈ။-</verse>
				<verse number="21">ၶႃႈ​ဢၼ်​လႆႈ​ၶၢမ်ႇ​တၢင်း​လဵင်ႉ​တၢင်း​လူ ထၼ်ႈ​ပေႃး​ႁႂ်ႈ​ဢူၼ်ႈ​လီ​ဢွၼ်ႇ​လီ ၸႃႉ​ၸဵမ်​မိူဝ်ႈ​ဢၼ်​ယင်း​လဵၵ်ႉ​ၼၼ်ႉ ၵမ်း​လိုၼ်း တၵ်း​လႆႈ​ဢရႃႇ​လုၵ်ႈ​ၸၢႆး​ဢေႃႈ။-</verse>
				<verse number="22">ၵေႃႉ​ဢၼ်​ၸၢင်ႈ​ၸႂ်​မႆႈ​ၶႆႈ​ၸႃႉ​ၼၼ်ႉ ၸၢင်ႈ​တိုၵ်း​ယူင်း တၢင်း​ဢၼ်​ၽိတ်း​ၵၼ်​လႄႈ ၵေႃႉ​ဢၼ်​တေႃး​သႃႉ​ဢွၵ်ႇ​ၼၼ်ႉ​ၵေႃႈ ပျေႉ​ၸုမ်ႇ​တဵမ်​ဝႆႉ​တင်း​တၢင်း​ဢၼ်​ပူၼ်ႉ​ဢၼ်​လိူဝ်​ၼမ်​ၼႃႇ​ဢေႃႈ။-</verse>
				<verse number="23">မႃႇၼႃႉ​တူဝ်​ၸဝ်ႈ​ၵဝ်ႇ တၵ်း​ၶျႃး​တူဝ်​ၸဝ်ႈ​ၵဝ်ႇ​တူၵ်း​တီႈ​တႅမ်ႇ​လႄႈ၊ ၵေႃႉ​ဢၼ်​ႁူဝ်​ၸႂ်​ၶျႃး​တႅမ်ႇ​ၼၼ်ႉ​ၸမ်ႉ၊ တၵ်း​လႆႈ​မုၼ်​သရေႇ​ဢေႃႈ။-</verse>
				<verse number="24">ၵေႃႉ​ဢၼ်​ၽႄ​မႅင်ႇ​ဢုၵ်ႉ​ၸႃႇ လူၺ်ႈ​ၵၼ်​တင်း​ၽူႈ​လၵ်ႉ​ၼၼ်ႉ ၸၢင်ႈ​ၸင်း​ဢသၢၵ်ႈ​တူဝ်​ၸဝ်ႈ​ၵဝ်ႇ​လႄႈ ပိၵ်ႉ​သမ်ႉ​မၼ်း​ငိၼ်း​ၵႂၢမ်း တၢင်း​ဢၼ်​တိူင်ႇ​ဝႃႈ ၵိၼ်ႇ​ဝႃႈ​ၼၼ်ႉ​သေ​ၵေႃႈ၊ မၼ်း​ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး။-</verse>
				<verse number="25">တၢင်း​ဢၼ်​ၵူဝ်​ႁႄ​ၵူၼ်း​ၼၼ်ႉ ၸၢင်ႈ​ၵၢင်​တူင်ႇ​ႁႅဝ်ႉ​ဝႆႉ​လႄႈ ၵေႃႉ​ဢၼ်​ဢိင်​ပိုင်ႈ​ထႃႇဝရႃႉ​ၽြႃး​ယူႇ​ၼၼ်ႉ​ၸမ်ႉ၊ တၵ်း​ၵၢင်း​လွတ်ႈ​တင်း​ၽေး​ဢေႃႈ။-</verse>
				<verse number="26">ၵူၼ်း​ၼမ်​ၼႃႇ ၸၢင်ႈ​ၵျူဝ်း​ၸႃး​ႁႃ​ဢဝ်​ၵျေး​ၸူး​တၢင်း​ဢၼ် ၶုၼ်​ႁဵတ်း​လႄႈ ၵူၺ်း​ၵႃႈ ထႃႇဝရႃႉ​ၽြႃး​ၸီႇ​ယၢင်ႇ​ဢမူႉ ၵူၼ်း​တင်း​လၢႆ​ဢေႃႈ။-</verse>
				<verse number="27">ၵေႃႉ​ဢၼ်​ဢမ်ႇ​ၸွမ်း​တြႃး​ၼၼ်ႉ ပဵၼ်​တီႈ​ဢၼ်​ၵေႃႉ​ဢၼ်​ၸွမ်း​တြႃး ၸၢင်ႈ​လီ​ႁင်ႈ​ဢဵတ်ႇ​သဵတ်ႇ​လႄႈ ၵေႃႉ​ဢၼ်​ၸွမ်း​သဵၼ်ႈ​တၢင်း​သိုဝ်ႈ​သိုဝ်ႈ​ယူဝ်း​ယူဝ်း​ၼၼ်ႉ​ၵေႃႈ၊ ပဵၼ်​တီႈ​ဢၼ်​ၵေႃႉ​ဢၼ်​ဢမ်ႇ​ၸွမ်း​တြႃး​ၼၼ်ႉ ၸၢင်ႈ​လီ​ႁင်ႈ​ဢဵတ်ႇ​သဵတ်ႇ​ဢေႃႈ။</verse>
			</chapter>
			<chapter number="30">
				<verse number="1">ၵႂၢမ်း​ ဢႃႇၵူႉရႃႉ လုၵ်ႈ​ၸၢႆး​ ယႃႇၵေႇ ဢၼ်​ဝႃႈ​ပျႃႇ​တိၵ်ႈ ဢၼ်​မၼ်း​ၼၼ်ႉ လၢတ်ႈ​တီႈ ဢီႉသေးလႃႉ တင်း​ ဢူႉၵလႃႉ ​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="2">ၵဝ်​ပဵၼ်​ၸိူဝ်ႉ​ၼင်ႇ​တရိၵ်ႈသၢၼ်ႇ ၼႃႇ​သေ​ၵူၼ်း​သေ​ၵေႃႉ​ၵေႃႉ​ၼၼ်ႉ​ဢေႃႈ။ ၵဝ်​ဢမ်ႇ​ပျေႉ​ၸုမ်ႇ​တင်း​ၺၢၼ်ႇ​ၵူၼ်း။-</verse>
				<verse number="3">ၵဝ်​ဢမ်ႇ​သွၼ်​ဢဝ်​ပိင်ႇ​ၺႃႇ​တြႃး ၵဝ်​ဢမ်ႇ​ႁူႉ​ၸႅင်ႈ လွင်ႈ​တၢင်း​ဢၼ်​မူတ်း​ၸၢင်ႇ​တင်း​လၢႆ။-</verse>
				<verse number="4">ၽူႈ​လႂ်​ၶိုၼ်ႈ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​သေ​လႄႈ သမ်ႉ​ၶိုၼ်း​လူင်း​မႃး။ ၽူႈ​လႂ်​ဢဝ်​မိုဝ်း​တူဝ်​ၸဝ်ႈ​ၵဝ်ႇ ယိပ်း​ၵမ်​ဢဝ်​လူမ်း။ ၽူႈ​လႂ်​ဢဝ်​ၼမ်ႉ​တင်း​လၢႆ​ပူၵ်ႉ​ႁေႃႇ​သႂ်ႇ​ဝႆႉ ၵႃႈ​ၼႂ်း​ၶူဝ်း​ၼုင်ႈ​တၢင်း​မႆ​မၼ်း။ ၽူႈ​လႂ်​ႁႂ်ႈ​ႁိမ်း​လႅၼ်​သုတ်း​လိၼ်​မိူင်း​ၵႃႈ​မီး​ၼၼ်ႉ​တႄႇ​ယူႇ။ ပေႃး​မႂ်း​ႁူႉ​ၸၵ်း​မၼ်း​ၸိုင်၊ ၸိုဝ်ႈ​သဵင်​မၼ်း​ၼၼ်ႉ ဢိၵ်ႇ​တင်း​ၸိုဝ်ႈ​သဵင်​လုၵ်ႈ​ၸၢႆး​မၼ်း​ၼၼ်ႉ​ၸမ်ႉ၊ ပဵၼ်​ၸိုဝ်ႈ​ၵႃႈ​သင်။</verse>
				<verse number="5">ၵႂၢမ်း​ၽြႃး​ပဵၼ်​ၸဝ်ႈ​ၵႃႈ​မီး​တင်း​သဵင်ႈ​တင်း​လူင် ပဵၼ်​ဢၼ်​မူတ်း​သႂ်​လႄႈ မၼ်း​ၸဝ်ႈ​ပဵၼ်​ၶိူင်ႈ​ဢၼ်​ႁႄႉ​လၢၵ်ႈ​ၼၢၵ်ႈ တီႈ​ၶဝ်​ၸိူဝ်း​ဢၼ် ဢိင်​ပိုင်ႈ​မၼ်း​ၸဝ်ႈ​ယူႇ​ၼၼ်ႉ​ဢေႃႈ။-</verse>
				<verse number="6">ယႃႇ​ပေ​ထၢပ်ႈ​သႂ်ႇ​ထႅင်ႈ​တီႈ​ၵႂၢမ်း​မၼ်း​ၸဝ်ႈ။ ၵူဝ်​မၼ်း​ၸဝ်ႈ​တၵ်း​တၢင်ႇ​ဢပႅတ်ႈ​တီႈ​မႂ်း​လႄႈ မႂ်း​တၵ်း​ပဵၼ်​ၵေႃႉ​ဢၼ်​လၢတ်ႈ​မူႉ​သႃႇ​ဢေႃႈ။</verse>
				<verse number="7">ၶႃႈ​ၸဝ်ႈ​ယွၼ်း​ဢဝ်​သူး​သွင်​ပႃး တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၸူဝ်ႈ​ဢၼ်​ၶႃႈ​ၸဝ်ႈ​ဢမ်ႇ​ပႆႇ​တၢႆ​ၸိုင် ၶႅၼ်း​တေႃႈ​ယႃႇ​ပေ​ထဵင်​ပႅတ်ႈ​သေ​ၵမ်း​တီႈ​ၶႃႈ၊-</verse>
				<verse number="8">ဢဝ်​ဢၼတ်ႉတႃႉ​တင်း​မူႉ​သႃႇ ဝႆႉ​ၵႆ​ၵၼ်​တင်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ။ ယႃႇ​ပေ​ပၼ်​တၢင်း​ဢၼ်​ယၢၵ်ႈ​ဢၼ်​ၽၢၼ် ဢိၵ်ႇ​တင်း တၢင်း​ဢၼ်​ၸၢင်ႈ​မၢၵ်ႈ​ၸၢင်ႈ​မီး​လႄႈ ၶႅၼ်း​တေႃႈ​ပၼ်​တၢင်း​ၵိၼ် ဢၼ်​ထၼ်ႈ​ပေႃး​ၵုမ်ႇ​လဵင်ႉ​ဢသၢၵ်ႈ​ၵူၺ်း​သေ​ၵမ်း​တီႈ​ၶႃႈ။-</verse>
				<verse number="9">ပေႃး​ဢမ်ႇ​ၼၼ် ၵူဝ်​ၶႃႈ​ၸဝ်ႈ​တၵ်း​ပျေႉ​ၸုမ်ႇ​လိူင်ႇ​ၸႂ်​လႄႈ ထဵင်​ပႅတ်ႈ​ၸဝ်ႈ​ႁဝ်း​လႄႈ​ဝႃႈ၊ ထႃႇဝရႃႉ​ၽြႃး​ၸမ်ႉ၊ ပဵၼ်​ၽူႈလႂ်၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။ ဢမ်ႇ​ၼၼ်​ၵေႃႈ၊ ၵူဝ်​ၶႃႈ​ၸဝ်ႈ​တၵ်း​ယၢၵ်ႈ​ၽၢၼ်​လႄႈ လၵ်ႉ​ဢဝ်​ဢုၵ်ႉ​ၸႃႇ​ပိူၼ်ႈ​သေ​လႄႈ ဢဝ်​ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ ဢွၵ်ႇ​သူပ်း​ဝႃႈ​ၵႂၢမ်း​မူႉ​သႃႇ​တီႈ​ၶႃႈ​ဢေႃႈ။</verse>
				<verse number="10">ယႃႇ​ပေ​ၶႃႉ​ၸိုဝ်ႈ​ၶၢႆ​သဵင် ၵေႃႉ​ဢၼ်​ပဵၼ်​ၶႃႈ​ၼၼ်ႉ​တီႈ​ၸဝ်ႈ​မၼ်း။ ၵူဝ်​မၼ်း​တၵ်း​ၵိၼ်ႇ​လႃႇ​ၵိၼ်ႇ​ဝႃႈ​မႂ်း​လႄႈ ဢပႅတ်ႈ​တၵ်း​ႁွတ်ႈ​ထိုင်​တီႈ​မႂ်း​ဢေႃႈ။-</verse>
				<verse number="11">မီး​ၵူၼ်း​မဵဝ်း​ဢၼ်​ၸၢင်ႈ​ၵိၼ်ႇ​လႃႇ​ပေႃႈ​လႄႈ ဢမ်ႇ​ပၼ်​တၢင်း​လီ​တီႈ​မႄႈ၊-</verse>
				<verse number="12">ၵူၼ်း​မဵဝ်း​ဢၼ်​ထၢင်ႇ​တူဝ်​ၸဝ်ႈ​ၵဝ်ႇ​မူတ်း​သႂ် သိုဝ်ႈ​ၼႃႈ​တႂ်ႈ​တႃ​တူဝ်​ၸဝ်ႈ​ၵဝ်ႇ​လႄႈ ဢမ်ႇ​ပႆႇ​လၢင်ႉ​သုၵ်ႈ​ပႅတ်ႈ​သေ တၢင်း​ဢၼ်​ၵူဝ်ႈ​ဢၼ်​ၵိူၵ်ႇ​တူဝ်​ၸဝ်ႈ​ၵဝ်ႇ​လႄႈ​ယူႇ၊-</verse>
				<verse number="13">ၵူၼ်း​မဵဝ်း​ဢၼ်​မိုၼ်း​တႃ​ၶဝ်​သုင်​ၼႃႇ​လူင်​လၢင်​လႄႈ ယုၵ်ႉ​ယွင်ႈ​ႁိမ်း​တႃ​ၶဝ်​ဝႆႉ၊-</verse>
				<verse number="14">ၵူၼ်း​မဵဝ်း​ဢၼ်​ပျေႉ​ၸုမ်ႇ​ဝႆႉ​တင်း​ၶဵဝ်ႈ ဢၼ်​မိူၼ်​ၸိူဝ်ႉ​ၼင်ႇ​မိတ်ႈ၊ တင်း​ၶဵဝ်ႈ​လူင်​ဢၼ်​မိူၼ်​ၸိူဝ်ႉ​ၼင်ႇ​လၢပ်ႇ​လႅဝ်း ပုၼ်ႈ​ဢၼ်​တၵ်း​ၶူပ်း​ၵိၼ်​ၶဝ် ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ပႅတ်ႈ သေ​ၵႃႈ​ၼိူဝ်​လိၼ်​မိူင်း တင်း​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ပႅတ်ႈ​သေ ၵႃႈ​ၼႂ်း​ၵူၼ်း​တင်း​လၢႆ​ၼၼ်ႉ​မဵဝ်း​ၼိုင်ႈ​ဢေႃႈ။</verse>
				<verse number="15">တူဝ်​ပိင်​ၼၼ်ႉ​မီး​လုၵ်ႈ​ယိင်း​သွင်​တူဝ်​ဢၼ်​ဝႃႈ၊ ပၼ်​သေ​ၵမ်း၊ ပၼ်​သေ​ၵမ်း၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။ လွင်ႈ​တၢင်း​ဢၼ်​ဢလူဝ်ႇ​သၼ်ႇတႃႉ ဢမ်ႇ​ပေႇ​လႆႈ​သၢမ်​ပႃး​ဢမ်ႇ​ၵႃး၊ လွင်ႈ​တၢင်း​ဢၼ်​ဢမ်ႇ​ၸၢင်ႈ​ဝႃႈ၊ ပေႃး​တႃႉ၊ ဝႃႈ​ၼႆ​ၼၼ်ႉ​သီႇ​ပႃး​ၸမ်ႉ၊-</verse>
				<verse number="16">ပႃႇ​ႁဵဝ်ႈ​ပႃး​ၼိုင်ႈ၊ တွင်ႉ​မႄႈ​ယိင်း​ဢၼ်​မၼ် ဢမ်ႇ​မီး​လုၵ်ႈ​ၼၼ်ႉ​ပႃး​ၼိုင်ႈ၊ လိၼ်​ဢၼ်​ဢမ်ႇ​ဢိမ်ႇ​ၼမ်ႉ​လႆႈ​ၼၼ်ႉ​ပႃး​ၼိုင်ႈ၊ ၽႆး​ဢၼ်​ဢမ်ႇ​ၸၢင်ႈ​ဝႃႈ၊ ပေႃး​တႃႉ၊ ဝႃႈ​ၼင်ႇ​ၼႆ​ၼၼ်ႉ​ပႃး​ၼိုင်ႈ​ဢေႃႈ။</verse>
				<verse number="17">မၢၵ်ႇ​တႃ​ၵေႃႉ​ဢၼ်​ယဝ်ႉ​ဢၼ်​ယွၵ်ႇ​ပေႃႈ​မၼ်း​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​တၢင်း​ဢၼ်​ထွမ်ႇ​ဢဝ်​ၵႂၢမ်း​မႄႈ​မၼ်း​ၼၼ်ႉ၊ ၵႃ​လမ်​လူင် ဢၼ်​ၵႂႃႇ​မႃး​ယူႇ​ၵႃႈ​တီႈ​ၼႂ်း​ၶူင်ႈ​ၼႂ်း​ႁူၺ်ႈ​ၼၼ်ႉ တၵ်း​ၸၵ်ႉ​ဢဝ်​ဢွၵ်ႇ​လႄႈ လၢင်း​တႃႉ​ၶမ်း​တင်း​လၢႆ တၵ်း​ဢွၼ်​ၵၼ်​ၵိၼ်​ဢေႃႈ။-</verse>
				<verse number="18">လွင်ႈ​တၢင်း​ဢၼ်​ၺၢၼ်ႇ​ၵဝ် ဢမ်ႇ​ၶိုတ်း​ထိုင်​လႆႈ​သၢမ်​ပႃး​ဢမ်ႇ​ၵႃး၊ လွင်ႈ​တၢင်း​ဢၼ်​ၵဝ်​ဢမ်ႇ​ႁူႉ​ဢမ်ႇ​ၸႅင်ႈ​လႆႈ​သီႇ​ပႃး​ၸမ်ႉ၊-</verse>
				<verse number="19">ႁွႆး​တၢင်း​ဢၼ်​လၢင်း​တႃႉ​ၶမ်း​ၵႂႃႇ​ၵႃႈ​ၼႂ်း​လူမ်း​ၼၼ်ႉ ပႃး​ၼိုင်ႈ၊ ႁွႆး​တၢင်း​ဢၼ်​ငူး​ၵႂႃႇ​ၵႃႈ​ၼိူဝ်​မၢၵ်ႇ​ႁိၼ်​ၼၼ်ႉ ပႃး​ၼိုင်ႈ၊ ႁွႆး​တၢင်း​ဢၼ်​ႁိူဝ်း​သၢင်း​ၽေႃး​ၵႂႃႇ​ၵႃႈ​ၼႂ်း​ၵၢင်​ပၢင်ႇ​လၢႆႇ​ၼၼ်ႉ​ပႃး​ၼိုင်ႈ၊ တင်း​ႁွႆး​တၢင်း​ဢၼ်​ၽူႈ​ၸၢႆး​ၵႂႃႇ​လူၺ်ႈ​ၵၼ်​တင်း​ၽူႈ​သၢဝ်​ၼၼ်ႉ ပႃး​ၼိုင်ႈ​ဢေႃႈ။-</verse>
				<verse number="20">ႁွႆး​တၢင်း​မႄႈ​ယိင်း​ဢၼ်​မီး​ၽူဝ်​ယူႇ​လႄႈ လဵၼ်ႈ​ၸူႉ​ၼၼ်ႉ​ၵေႃႈ မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။ မၼ်း​ၵိၼ်​တၢင်း​ၵိၼ်​တၢင်း​ၶူပ်း​သေ​ယဝ်ႉ ၸၢင်ႈ​ၸဵတ်ႉ​သူပ်း​ၸဵတ်ႉ​ပၢၵ်ႇ​မၼ်း​သေ​လႄႈ​ဝႃႈ၊ ၵဝ်​ဢမ်ႇ​ႁဵတ်း​တူႉ​ၸရိူၵ်ႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">လွင်ႈ​တၢင်း​ဢၼ်​သၼ်ႇ​ဝႆ​ၶွၼ်း​ၶဝ်ႇ​လိၼ်​မိူင်း​သၢမ်​ပႃး​ဢမ်ႇ​ၵႃး၊ လွင်ႈ​တၢင်း​ဢၼ်​လိၼ်​မိူင်း​ဢမ်ႇ​ၶၢမ်ႇ​လႆႈ သီႇ​ပႃး​ၸမ်ႉ၊-</verse>
				<verse number="22">ၶႃႈ​ဢၼ်​ႁဵတ်း​ၶုၼ်​ၼၼ်ႉ ပႃး​ၼိုင်ႈ၊ ၵူၼ်း​မိူၵ်ႈ​ဢၼ်​လႆႈ​ၵိၼ်​ဢိမ်ႇ​ၵိၼ်​တဵမ်​ၼၼ်ႉ ပႃး​ၼိုင်ႈ။-</verse>
				<verse number="23">မႄႈ​ယိင်း​ႁၢႆႉ​ဢၼ်​ဢဝ်​ၽူဝ်​ၼၼ်ႉ ပႃး​ၼိုင်ႈ၊ ၶႃႈ​မႄႈ​ယိင်း​ဢၼ်​လႆႈ​ၶၢမ်ႇ​ဢဝ်​ဢမူၺ်ႇ​ၸဝ်ႈ​ၼၢင်း​မၼ်း​ၼၼ်ႉ ပႃး​ၼိုင်ႈ​ဢေႃႈ။</verse>
				<verse number="24">လွင်ႈ​တၢင်း​ဢၼ်​ပဵၼ်​ဢၼ်​လဵၵ်ႉ​ဢၼ်​ဢွၼ်ႇ ၵႃႈ​ၼိူဝ်​လိၼ်​မိူင်း​ၼႆႉ​သေ​ၵေႃႈ မီး​ပိင်ႇ​ၺႃႇ​ၼႃႇ​လူင်​လၢင်​ၼၼ်ႉ သီႇ​ပႃး​ၸမ်ႉ၊-</verse>
				<verse number="25">မူတ်ႉ​ဢၼ်​ပဵၼ်​မဵဝ်း​ဢၼ် ဢမ်ႇ​မီး​ဢဵၼ်​မီး​ႁႅင်း​သေ​ၵေႃႈ၊ ၸၢင်ႈ​ပွင်​ႁႅၼ်း​ပွင်​မႄး​တၢင်း​ၵိၼ်​ၶဝ်​ဝႆႉ ၼႂ်း​မိူဝ်ႈ​ဢၼ်​ပဵၼ်​ၶိင်ႇ​ႁႅင်ႈ​ၼၼ်ႉ ပႃး​ၼိုင်ႈ၊-</verse>
				<verse number="26">ပၢင်တၢႆး​သႃႇၽၢၼ်ႇ ဢၼ်​ပဵၼ်​မဵဝ်း​ဢၼ် ဢမ်ႇ​ၵႅၼ်ႇ​ဢမ်ႇ​ၶႅင်​သေ​ၵေႃႈ၊ ၸၢင်ႈ​ၶျႃး​တီႈ​ယူႇ​ၶဝ်​ယူႇ ၵႃႈ​တီႈ​မၢၵ်ႇ​ႁိၼ်​မၢၵ်ႇ​ၽႃ​ၼၼ်ႉ ပႃး​ၼိုင်ႈ၊-</verse>
				<verse number="27">မႅင်း​ၵႅင်း​ဢၼ်​ဢမ်ႇ​မီး​ၸဝ်ႈ​မီး​ၶုၼ်​သေ​ၵေႃႈ၊ ၸၢင်ႈ​ႁဵတ်း​တပ်ႉ​ႁဵတ်း​တႃႈ​သေ​လႄႈ ၵႂႃႇ​ၵပ်း​ၵပ်း​တၢမ်း​တၢမ်း​ၵၼ်​ၼၼ်ႉ ပႃး​ၼိုင်ႈ၊-</verse>
				<verse number="28">ၸိူင်ႉ​ႁိူၼ်း ဢၼ်​ဢဝ်​မိုဝ်း​ၵွပ်ႈ​ယိပ်း​လႄႈ ၸၢင်ႈ​ယူႇ​ၵႃႈ​ၼႂ်း​ႁေႃ​ၶုၼ်​ႁေႃ​ၶမ်း​တင်း​လၢႆ​ၼၼ်ႉ ပႃး​ၼိုင်ႈ​ဢေႃႈ။</verse>
				<verse number="29">လွင်ႈ​တၢင်း​ဢၼ်​ၵႂႃႇ​လီ​လီ​ငၢမ်း​ငၢမ်း သၢမ်​ပႃး​ဢမ်ႇ​ၵႃး၊ လွင်ႈ​တၢင်း​ဢၼ်​ၵႂႃႇ ႁၢင်ႈ​လီ​ႁၢင်ႈ​ငၢမ်း သီႇ​ပႃး​ၸမ်ႉ၊-</verse>
				<verse number="30">သၢင်ႇ​သီႈ ဢၼ်​ဢဵၼ်​ႁႅင်း​ယႂ်ႇ​ၼႃႇ​သေ တရိၵ်ႈသၢၼ်ႇ တင်း​သဵင်ႈ​တင်း​လူင်​လႄႈ ဢမ်ႇ​ၸၢင်ႈ​ဝႄႈ​ပိူင်ႈ​ၼႃႈ​ၽူႈ​လႂ်​ၼၼ်ႉ ပႃး​ၼိုင်ႈ၊-</verse>
				<verse number="31">မႃႉ​သိုၵ်း​ပႃး​ၼိုင်ႈ၊ ပႄႉ​ပေႃႈ​ပႃး​ၼိုင်ႈ၊ ၶုၼ်​ႁေႃ​ၶမ်း​ဢၼ်​ၽူႈ​လႂ်​ဢမ်ႇ​ႁၢမ်ႈ​တၢပ်ႈ​ႁႄႉ​ၶႅၼ်​လႆႈ​ၼၼ်ႉ​ပႃး​ၼိုင်ႈ​ဢေႃႈ။</verse>
				<verse number="32">ပေႃး​မႂ်း​ယုၵ်ႉ​ယွင်ႈ​တူဝ်​မႂ်း​သေ​လႄႈ ႁဵတ်း​မႅၼ်ႈ​လွင်ႈ​တၢင်း​ဢၼ်​မိူၵ်ႈ၊ ပေႃး​မႂ်း​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ဢမ်ႇ​ငၢမ်း​ၸိုင် ဢဝ်​မိုဝ်း​မႂ်း​တူမ်း​သူပ်း​မႂ်း​ယူႇ​တႃႉ။-</verse>
				<verse number="33">တၢင်း​ဢၼ်​တဝ်​ၼမ်ႉ​ၼူမ်း​ၼၼ်ႉ ၸၢင်ႈ​ႁႂ်ႈ​ထေႃးပၢတ်ႈ​ဢွၵ်ႇ​လႄႈ တၢင်း​ဢၼ်​လိမ်ႇ​တိုတ်ႉ​ၶူႈ​လင်​ၼၼ်ႉ ၸၢင်ႈ​ႁႂ်ႈ​လိူတ်ႈ​ဢွၵ်ႇ​ဢေႃႈ။ မိူၼ်​ၼင်ႇ​ၼၼ် တၢင်း​ဢၼ်​တိုၵ်း​ယူင်း​တေႃး​သႃႉ​ၼၼ်ႉ ၸၢင်ႈ​ႁႂ်ႈ​တၢင်း​ဢၼ်​ၽိတ်း​ၵၼ်​ဢွၵ်ႇ​ဢေႃႈ။</verse>
			</chapter>
			<chapter number="31">
				<verse number="1">ၵႂၢမ်း​ၶုၼ်​လူင် လေႇမူၺ်ႇလႃႉ ဢၼ်​ဝႃႈ​ပျႃႇ​တိၵ်ႈ ဢၼ်​မႄႈ​မၼ်း​ၸဝ်ႈ သင်ႇ​သွၼ်​ပၼ်​တီႈ​မၼ်း​ၸဝ်ႈ​ၼၼ်ႉ​ၸမ်ႉ၊-</verse>
				<verse number="2">လုၵ်ႈ​ၸၢႆး​ၵဝ်​ဢိူၺ်း၊ ပဵၼ်​ၸိူဝ်ႉ​ၼင်ႇ​ႁိုဝ်။ လုၵ်ႈ​ၸၢႆး​ဢၼ်​ၵဝ်​ၵိူတ်ႇ​လဵင်ႉ​မႃး​ဢိူၺ်း၊ ပဵၼ်​ၸိူဝ်ႉ​ၼင်ႇ​ႁိုဝ်။ လုၵ်ႈ​ၸၢႆး​ၵဝ်​ဢၼ်​ၸၢပ်ႈ​သႅင်ႇ​ၵၼ်​တင်း​ၵတီႉ​သဵတ်ႈ​ၸႃႇ​ၵဝ်​ဢိူၺ်း၊ ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊-</verse>
				<verse number="3">ယႃႇ​ပေ​ဢဝ်​ဢဵၼ်​ႁႅင်း​မႂ်း ပၼ်​တီႈ​မႄႈ​ယိင်း​တင်း​လၢႆ။ ယႃႇ​ပေ​ဢဝ်​လွင်ႈ​တၢင်း​ဢၼ် မႂ်း​ၵျၢမ်ႇ​ပွင်​သၢင်ႈ​ႁဵတ်း​ၼၼ်ႉ ဢၢပ်ႈ​ပၼ်​တီႈ​လွင်ႈ​တၢင်း​ဢၼ် ယႃႉ​ၶုၼ်​ႁေႃ​ၶမ်း​တင်း​လၢႆ​ပႅတ်ႈ​ၼၼ်ႉ။-</verse>
				<verse number="4">တီႈ​ၶုၼ်​ႁေႃ​ၶမ်း​တင်း​လၢႆ၊ လေႇမူၺ်ႇလႃႉ ​ဢိူၺ်း၊ တီႈ​ၶုၼ်​ႁေႃ​ၶမ်း​တင်း​လၢႆ​ၸိုင်၊ တင်း​ဢၼ်​ၵိၼ်​ၼမ်ႉ​ၸပိတ်ႈ၊ တီႈ​လုၵ်ႈ​ၸၢႆး​ၶုၼ်​တင်း​လၢႆ​ၸိုင် တၢင်း​ဢၼ်​သူတ်ႉ​ၼမ်ႉ​လဝ်ႈ​ၼၼ်ႉ ဢမ်ႇ​ထုၵ်ႇ​ဢမ်ႇ​လီ။-</verse>
				<verse number="5">ၵူဝ်​ၶဝ်​တၵ်း​ၵိၼ်​လႄႈ လူင်​လိုမ်း​တြႃး​ၸဝ်ႈ​သေ​လႄႈ တႅပ်း​တတ်း​ဢမူႉ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ ဢမ်ႇ​မႅၼ်ႈ​ၸွမ်း​ၼင်ႇ​တြႃး​ဢေႃႈ။-</verse>
				<verse number="6">ဢဝ်​ၼမ်ႉ​လဝ်ႈ​ပၼ်​တီႈ​ၵေႃႉ​ဢၼ် ၸမ်​တၵ်း​သုမ်း​တၵ်း​ၸွမ်း​ၼၼ်ႉ​လႄႈ ဢဝ်​ၼမ်ႉ​ၸပိတ်ႈ​ပၼ်​တီႈ​ၵေႃႉ​ဢၼ်​ၶီ​ၸႂ်​ၶူမ်​ၸႂ်​ၼၼ်ႉ​တႃႉ။-</verse>
				<verse number="7">ႁႂ်ႈ​မၼ်း​ၼၼ်ႉ​ၵိၼ်​လႄႈ ယင်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​တုၵ်ႉ​ၶႃႉ​မၼ်း​လႄႈ လူင်​လိုမ်း​တၢင်း​ယၢၵ်ႈ​တၢင်း​ၽၢၼ်​မၼ်း​ယူႇ​တႃႉ။-</verse>
				<verse number="8">ယူႇ​ၽၢႆႇ​ၵေႃႉ​ဢၼ်​ဢႃႉ​ၼၼ်ႉ ပိုတ်ႇ​ပၢၵ်ႇ​မႂ်း​လႄႈ ပႂ်ႉ​ဢမူႉ​ၶဝ်​ၸိူဝ်း​ဢၼ်​ၽၢၼ်​ပေႃႈ​ၽၢၼ်​မႄႈ ၵႃႈ​မီး​ၼၼ်ႉ​ယူႇ​တႃႉ။-</verse>
				<verse number="9">ပိုတ်ႇ​ပၢၵ်ႇ​သေ​လႄႈ ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ ပႂ်ႉ​ဢမူႉ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ဢိၵ်ႇ​တင်း ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​ယူႇ​တႃႉ။</verse>
				<verse number="10">ၽူႈလႂ်​လႆႈ​ထူပ်း​လႆႈ​ႁၼ်​မႄႈ​ယိင်း ဢၼ်​ပျေႉ​ၸုမ်ႇ​ဝႆႉ​တင်း​သီႇ​လႃႉ​ၼၼ်ႉ။ မႄႈ​ယိင်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် ယဵင်ႈ​ၶႅၼ်း​ထိူၵ်ႈ​ၵႃႈ​ထိူၵ်ႈ​ၶၼ်​ၼႃႇ​သေ သႅင်​လႅင်​ပတ်ႈတမျႃး​ၼၼ်ႉ​ၼႃႇ​လူင်​လၢင်​ဢေႃႈ။-</verse>
				<verse number="11">ႁူဝ်​ၸႂ်​ၽူဝ်​မၼ်း​တၵ်း​ယုမ်ႇ​မၢတ်ႈ​မၼ်း​လႄႈ တၵ်း​ပဵၼ်​တိုၼ်း​ပဵၼ်​ႁွၼ်း​ဢေႃႈ။-</verse>
				<verse number="12">မၼ်း​ယင်း​ဢမ်ႇ​ယႃႉ​ဢၵျူဝ်း​ၽူဝ်​မၼ်း​လႄႈ ၸၢင်ႈ​ပွင်​ႁဵတ်း​ယူႇ​ၸူဝ်ႈ​ဢသၢၵ်ႈ​မၼ်း​ဢေႃႈ။-</verse>
				<verse number="13">မၼ်း​ၸၢင်ႈ​ႁႃ​ဢဝ်​ၶူၼ်​သူဝ်း​ဢိၵ်ႇ​တင်း​ၵုၺ်​လႄႈ ပႃး​ၸႂ်​ပႃး​ၶေႃး​ဢဝ်​မိုဝ်း​မၼ်း​ႁဵတ်း​ဢေႃႈ။-</verse>
				<verse number="14">မၼ်း​ပဵၼ်​ၸိူဝ်ႉ​ၼင်ႇ​ႁိူဝ်း​သၢင်း​ၽေႃး ၸဝ်ႈ​ၵုၼ်ႇ​ၸဝ်ႈ​သိၼ်​ၼၼ်ႉ​လႄႈ ၸၢင်ႈ​ဢဝ်​တၢင်း​ၵိၼ်​တၢင်း​ၶူပ်း ၵႃႈ​တီႈ​ဢၼ်​ၵႆ​မႃး​ဢေႃႈ။-</verse>
				<verse number="15">မၼ်း​ၸၢင်ႈ​လုၵ်ႉ​ၸဵမ်​မိူဝ်ႈ​ဢၼ် မိူင်း​ဢမ်ႇ​ပႆႇ​လႅင်း​ၼၼ်ႉ​သေ​လႄႈ ဢဝ်​တၢင်း​ၵိၼ်​တၢင်း​ၶူပ်း ၽႄ​မႅင်ႇ​ပၼ် တီႈ​ၵူၼ်း​ႁိူၼ်း​ၵူၼ်း​ယေး​မၼ်း​တင်း​လၢႆ၊ ဢဝ်​ပုၼ်ႈ​ဢဝ်​တႃႇ ၶႃႈ​မႄႈ​ယိင်း​မၼ်း​တင်း​လၢႆ ၽႄ​မႅင်ႇ​ပၼ်​တီႈ​ၶဝ်​ဢေႃႈ။-</verse>
				<verse number="16">မၼ်း​ၸၢင်ႈ​ၶႆႈ​ၸႂ်​လီ​လီ​ငၢမ်း​ငၢမ်း​သေ​လႄႈ သိုဝ်ႉ​ဢဝ်​တူင်ႈ​ႁႆႊ​တူင်ႈ​ၼႃး​လႄႈ ဢဝ်​ငိုၼ်း​ဢၼ်​မၼ်း​ႁဵတ်း​လႄႈ​လႆႈ​ၼၼ်ႉ ပွင်​ႁဵတ်း​သူၼ်​ဢူးယဵၼ်ႇ​ၸပိတ်ႈ​ဢေႃႈ။-</verse>
				<verse number="17">မၼ်း​ၸၢင်ႈ​ဢဝ်​ဢဵၼ်​ဢဝ်​ႁႅင်း ႁတ်ႉ​ဢႅဝ်​မၼ်း​ဝႆႉ​လႄႈ ႁႂ်ႈ​ၶႅၼ်​မၼ်း​ၵႅၼ်ႇ​ၶႅင်​ၶၼ်​ၽႂ်း​ဢေႃႈ။-</verse>
				<verse number="18">မၼ်း​ၸၢင်ႈ​ႁူႉ​ႁၼ်​လွင်ႈ​ဢၼ် ဢုၵ်ႉ​ၸႃႇ​ဢၼ်​မၼ်း​ႁဵတ်း​ၼၼ်ႉ ပဵၼ်​ဢၼ်​လီ​ၼၼ်ႉ​လႄႈ ၶိင်ႇ​ၵၢင်​ၶိုၼ်း ဝၢၼ်ႇ​ၽႆး​တဵၼ်း​မၼ်း ဢမ်ႇ​ၸၢင်ႈ​မွတ်ႇ​ၸၢင်ႈ​တၢႆ။-</verse>
				<verse number="19">မၼ်း​ၸၢင်ႈ​ဢဝ်​မိုဝ်း​မၼ်း​ယိပ်း​ၵမ် ႁၢင်​ၵုၺ်​သေ​လႄႈ ဢဝ်​တင်း​ၼိဝ်ႉ​မိုဝ်း​မၼ်း​ပၼ်ႇ​ယုမ်း​ၵူင်း​ဢေႃႈ။-</verse>
				<verse number="20">မၼ်း​ၸၢင်ႈ​ၽုၺ်ႇ​ၵီႈ​မိုဝ်း​မၼ်း တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​လႄႈ ယဵတ်ႇ​ၶႅၼ်​ယဵတ်ႇ​မိုဝ်း​မၼ်း တီႈ​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​ဢေႃႈ။-</verse>
				<verse number="21">ပိၵ်ႉ​သမ်ႉ​မူၺ်​ႁႃႇ​တူၵ်း​သေ​ၵေႃႈ၊ မၼ်း​ဢမ်ႇ​မႆႈ​ၸႂ် ပုၼ်ႈ​ၵူၼ်း​ႁိူၼ်း​ၵူၼ်း​ယေး​မၼ်း။ ၵူၼ်း​ႁိူၼ်း​ၵူၼ်း​ယေး​မၼ်း ၵႃႈ​မီး​တင်း​သဵင်ႈ​တင်း​လူင် လႆႈ​ၼုင်ႈ​မႆ​ၶူဝ်း​ဢၼ်​လႅင်​ၸွင်း​ႁွင်း​ၼၼ်ႉ​ဢေႃႈ။-</verse>
				<verse number="22">မၼ်း​ၸၢင်ႈ​တေႃး​ၽႃႈ​ၸွင်ႇ​ၽႃႈ​မႆ​ပုၼ်ႈ​မၼ်း​လႄႈ ၼုင်ႈ​မႆ​ပိၵ်ႈ​ၶျေႃး ဢိၵ်ႇ​တင်း​ၶူဝ်း​ဢၼ်​လႅင်​ၵမ်ႇ​ၼၼ်ႉ​ဢေႃႈ။-</verse>
				<verse number="23">ၽူဝ်​မၼ်း​ပဵၼ်​ၵေႃႉ​ဢၼ်​ၸွတ်ႇ​သႃႈ​ႁူင်​ႁၢင်း ၵႃႈ​ၼႂ်း​ၽၵ်း​တူ​ဝဵင်း ၵွပ်ႈ​ပိူဝ်ႈ​ဢၼ်​မၼ်း​လႆႈ​ၼင်ႈ​ယူႇ​လူၺ်ႈ​ၵၼ် တင်း​ၵူၼ်း​မိူင်း​ဢၼ်​ဢသၢၵ်ႈ​ယႂ်ႇ ၸိူဝ်း​ၼၼ်ႉ​ဢေႃႈ။-</verse>
				<verse number="24">မၼ်း​ၸၢင်ႈ​တေႃး​ၶူဝ်း​ၼုင်ႈ​တၢင်း​မႆ​ပိၵ်ႈ​ၶျေႃး​သေ​လႄႈ ၶၢႆ​ဢေႃႈ။ သၢႆ​ႁတ်ႉ​ဢႅဝ်​ၵေႃႈ၊ မၼ်း​ၸၢင်ႈ​ဢဝ်​ၶျႃး​ပၼ် တီႈ​ၸဝ်ႈ​ၵုၼ်ႇ​ၸဝ်ႈ​သိၼ်​ၶဝ်​ဢေႃႈ။-</verse>
				<verse number="25">ၶူဝ်း​ၼုင်ႈ​တၢင်း​မႆ​ဢၼ်​မၼ်း​ႁဵတ်း​ၼၼ်ႉ မၼ်ႈ​လီ​ၶိူင်ႇ​လီ ပျေႉ​ၸုမ်ႇ​ဝႆႉ​တင်း​ႁၢင်ႈ​ၽၢင် ဢၼ်​ႁၢင်ႈ​လီ​ႁၢင်ႈ​ငၢမ်း​လႄႈ မၼ်း​ယုမ်ႉ​ထႃႈ​ၶူဝ်​ထႃႈ ၶိင်ႇ​ၵႃႇလႃႉ​ဢၼ်​တၵ်း​ပဵၼ်​မႃး​ၵမ်း​လိုၼ်း​ၼၼ်ႉ​ဢေႃႈ။-</verse>
				<verse number="26">မၼ်း​ၸၢင်ႈ​ဢဝ်​ၵႂၢမ်း​ပိင်ႇ​ၺႃႇ ၽုၺ်ႇ​ပိုတ်ႇ​သူပ်း​မၼ်း​လႄႈ ၸၢင်ႈ​ဢဝ်​တြႃး​မႅတ်ႈ​တႃႇ​ဝႃႈ​ဢွၵ်ႇ​သူပ်း​မၼ်း​ဢေႃႈ။-</verse>
				<verse number="27">မၼ်း​ၸၢင်ႈ​လူ​ၸၢင်ႈ​တူၺ်း ၵႃႈ​ဢၼ်​ၵူၼ်း​ႁိူၼ်း​ၵူၼ်း​ယေး​မၼ်း ႁဵတ်း​ပွင်​ၼၼ်ႉ​လႄႈ မၼ်း​ဢမ်ႇ​ၸၢင်ႈ​ၵိၼ်​တၢင်း​ၵိၼ်​တၢင်း​ၶူပ်း ဢၼ်​ၸၢပ်ႈ​သႅင်ႇ​လူၺ်ႈ​တၢင်း​ဢၼ်​ၶၢၼ်ႉ​ဢၼ်​ဢိူၼ်​ၼၼ်ႉ။-</verse>
				<verse number="28">လုၵ်ႈ​မၼ်း​လၢင်း​မၼ်း ၸၢင်ႈ​ဢွၼ်​ၵၼ်​လုၵ်ႉ​ပၼ်​တၢင်း​လီ​တီႈ​မၼ်း​လႄႈ ၽူဝ်​မၼ်း​ၵေႃႈ ၸၢင်ႈ​ယွင်ႈ​ယေႃး​မၼ်း​လႄႈ​ဝႃႈ၊-</verse>
				<verse number="29">လုၵ်ႈ​ယိင်း​ပိူၼ်ႈ​ၼမ်​ၼႃႇ ႁဵတ်း​လီ​လီ​ငၢမ်း​ငၢမ်း​ယူႇ​ယဝ်ႉ။ ၵူၺ်း​ၵႃႈ မႂ်း​ၼႆႉ လိူဝ်​တွၼ်း​သေ​ၶဝ်​တင်း​သဵင်ႈ​တင်း​လူင်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">တၢင်း​ဢၼ်​ႁၢင်ႈ​ယဵၼ်ႇ​သေႇ​ၶျႃႇ​ၼၼ်ႉ ပဵၼ်​တၢင်း​ဢၼ်​ပႅတ်ႉ​ဢၼ်​လႅၼ်​လႄႈ တၢင်း​ဢၼ်​ႁၢင်ႈ​လီ​ႁၢင်ႈ​ငၢမ်း​ၼၼ်ႉ​ၵေႃႈ၊ ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။ မႄႈ​ယိင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ယွင်ႈ​ယေႃး​ဢေႃႈ။-</verse>
				<verse number="31">ပၼ်​ဢၵျူဝ်း​ၸွမ်း​ၵႃႈ​ၼင်ႇ​ဢၼ် မၼ်း​ၵမ်​ၵျၢင်ႉ​ၼၼ်ႉ​တီႈ​မၼ်း​တႃႉ။ ႁႂ်ႈ​လွင်ႈ​တၢင်း​ဢၼ်​မၼ်း​သၢင်ႈ​ႁဵတ်း​ၼၼ်ႉ ယွင်ႈ​ယေႃးမုၼ်​သရေႇ​မၼ်း ၵႃႈ​တီႈ​ၼႂ်း​ၽၵ်း​တူ​ဝဵင်း​တင်း​လၢႆ​သေ​ၵမ်း​လူၺ်ႈ။ ၵျၢမ်း​သုၵ်ႉ​တၢမ်ႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="21">
			<chapter number="1">
				<verse number="1">ၵႂၢမ်း​သြႃႇ​ထမ်ႇမႃႉ​တေႇသၼႃႇ ဢၼ်​ပဵၼ်​ၶုၼ်​လူင်​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ ပဵၼ်​လုၵ်ႈ​ၸၢႆး​ တႃႇဝိတ်ႈ ​ၼၼ်ႉ​ၸမ်ႉ၊-</verse>
				<verse number="2">သြႃႇ​ထမ်ႇမႃႉ​တေႇသၼႃႇ​ဝႃႈ၊ ဢၼတ်ႉတႃႉ​လွၼ်ႉ​လွၼ်ႉ။ ဢၼတ်ႉတႃႉ​လွၼ်ႉ​လွၼ်ႉ။ လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ပဵၼ်​ဢၼတ်ႉတႃႉ ဢေႃႈ။-</verse>
				<verse number="3">ၵႃႈ​တီႈ​တၢင်း​ႁဵတ်း​တၢင်း​သၢင်ႈ ၵႃႈ​ဢၼ်​ၵူၼ်း​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​သၢင်ႈ ၵႃႈ​တႂ်ႈ​ၵၢင်​ဝၼ်း​ၸိူဝ်း​ၼၼ်ႉ​မီး​ဢၵျူဝ်း​ၵႃႈ​သင်။-</verse>
				<verse number="4">ၵူၼ်း​သိုပ်ႇ​ၼိုင်ႈ ပူၼ်ႉ​ၵႂႃႇ​ဢေႃႈ။ သိုပ်ႇ​ၼိုင်ႈ ပေႃႇ​ပဵၼ်​မႃး​ဢေႃႈ။ လိၼ်​မိူင်း​ၸမ်ႉ၊ တႄႇ​ယူႇ​တႃႇ​သေႇ​ဢေႃႈ။-</verse>
				<verse number="5">ၵၢင်​ဝၼ်း​ၵေႃႈ​ဢွၵ်ႇ​ယူႇ​တူၵ်း​ယူႇ၊ သမ်ႉ​ၶိုၼ်း​ၶုၼ်ႇ​လႅၼ်ႈ​ၸူး​ၵႃႈ​တီႈ​ဢၼ် မၼ်း​ယၢမ်ႈ​ဢွၵ်ႇ​ယူႇ​ၼၼ်ႉ​ဢေႃႈ။-</verse>
				<verse number="6">လူမ်း​ၵေႃႈ ၸၢင်ႈ​ၸွမ်း​သဵၼ်ႈ​တၢင်း​ၸၢၼ်း​ၵႂႃႇ​လႄႈ သမ်ႉ​လႄႇ​လဵပ်ႈ​ၵႂႃႇ ၵႃႈ​တီႈ​သဵၼ်ႈ​တၢင်း​ႁွင်ႇ​ယူႇ​သေ​လႄႈ ၸၢင်ႈ​လႄႇ​လဵပ်ႈ​သေႇ​သေႇ​ယူႇ၊ ၶိုၼ်း​မႃး​ၵႃႈ​တီႈ​ဢၼ်​မၼ်း​လႄႇ​လဵပ်ႈ​ၼၼ်ႉ​ယူႇ​လႄႈ သမ်ႉ​ၶိုၼ်း​လႄႇ​ၶိုၼ်း​လဵပ်ႈ​ထႅင်ႈ​ဢေႃႈ။-</verse>
				<verse number="7">ၼမ်ႉ​ႁွင်ႈ​ၼမ်ႉ​ၵႄး​တင်း​သဵင်ႈ​တင်း​လူင် ဢွၼ်​ၵၼ်​လူင်း​ႁွတ်ႈ​လူင်း​ထိုင် ၵႃႈ​ၼႂ်း​ပၢင်ႇ​လၢႆႇ​ဢေႃႈ။ ၵူၺ်း​ၵႃႈ​ပၢင်ႇ​လၢႆႇ​ဢမ်ႇ​ၸၢင်ႈ​တဵမ်။ ၼမ်ႉ​ႁွင်ႈ​ၼမ်ႉ​ၵႄး​ၸိူဝ်း​ၼၼ်ႉ ဢွၼ်​ၵၼ်​လူင်း​ႁွတ်ႈ​လူင်း​ထိုင်​ၵႃႈ​တီႈ ဢၼ်​ၶဝ်​လူင်း​ႁွတ်ႈ​လူင်း​ထိုင်​ၼၼ်ႉ​ယူႇ​တိၵ်း​တိၵ်း​ဢေႃႈ။-</verse>
				<verse number="8">လွင်ႈ​တၢင်း​ၵႃႈ​မီး​ၼၼ်ႉ သိၼ်ႇ​ၽႃ​ႁွမ်း​လူၺ်ႈ​ၵၼ်​တင်း တၢင်း​ဢၼ်​ယၢပ်ႇ​ၸႂ်​ၶၢၼ်​ၸႂ်​ထၼ်ႈ​ပေႃး​ၵူၼ်း​ဢမ်ႇ​လၢတ်ႈ​လႆႈ​ဢေႃႈ။ မၢၵ်ႇ​တႃ​ႁၼ်​လႄႈ ဢမ်ႇ​ၸၢင်ႈ​ဢိမ်ႇ​ၸၢင်ႈ​တိူၵ်ႈ။ ႁူ​ၵေႃႈ​ငိၼ်း​လႄႈ ဢမ်ႇ​ၸၢင်ႈ​တဵမ်။-</verse>
				<verse number="9">လွင်ႈ​တၢင်း​ဢၼ်​ယၢမ်ႈ​ပဵၼ်​ၵႂႃႇ​ယဝ်ႉ​ၼၼ်ႉ မိူၼ်​ၵၼ်​တင်း​လွင်ႈ​တၢင်း​ဢၼ် တၵ်း​ပဵၼ်​မႃး​ဢေႃႈ။ လွင်ႈ​တၢင်း​ဢၼ်​ယၢမ်ႈ​ႁဵတ်း​ယဝ်ႉ​ၼၼ်ႉ မိူၼ်​ၵၼ်​တင်း​လွင်ႈ​ဢၼ်​တၵ်း​ႁဵတ်း​ဢေႃႈ။ ဢမ်ႇ​မီး​လွင်ႈ​တၢင်း​ဢၼ်​မႂ်ႇ ၵႃႈ​တီႈ​တႂ်ႈ​ၵၢင်​ဝၼ်း​လႃး​လႃး။-</verse>
				<verse number="10">လွင်ႈ​တၢင်း​ဢၼ်​သေ​ၵေႃႉ​သေ​ၵူၼ်း လႆႈ​လၢတ်ႈ​လႄႈ​ဝႃႈ၊ တူၺ်း​သေ​ၵမ်း။ ပဵၼ်​ဢၼ်​မႂ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ မီး​သေ​ၸိူဝ်ႉ​သေ​ပိူင်​ႁိုဝ်။ လွင်ႈ​တၢင်း​ၼၼ်ႉ ယၢမ်ႈ​ပဵၼ်​ၵႂႃႇ​မိူဝ်ႈ​ဢွၼ်​တၢင်း​ႁဝ်း မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ယဝ်ႉ။-</verse>
				<verse number="11">ဢမ်ႇ​မီး​တၢင်း​ဢၼ်​ဢွၼ်​ၵၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​တၢင်း​ဢၼ်​ပဵၼ်​ၵႂႃႇ​ယဝ်ႉ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႃး​လႃး။ လွင်ႈ​တၢင်း​ဢၼ်​ပဵၼ်​မႃး​ၵမ်း​လိုၼ်း​ၸိူဝ်း​ၼၼ်ႉ​ၵေႃႈ ၶဝ်​ၸိူဝ်း​ဢၼ်​ပဵၼ်​မႃး​လိုၼ်း​လွင်ႈ​တၢင်း​ၸိူဝ်း​ၼၼ်ႉ​ၼၼ်ႉ တၵ်း​ဢမ်ႇ​မီး​တၢင်း​ဢၼ် ဢွၼ်​ၵၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လႃး​လႃး။</verse>
				<verse number="12">ၼႂ်း​မိူဝ်ႈ​ဢၼ် ၵဝ်​သြႃႇ​ထမ်ႇမႃႉ​တေႇသၼႃႇ​ၼႆႉ ယင်း​တိုၵ်ႉ​ပဵၼ်​ၶုၼ်​ႁေႃ​ၶမ်း ဢီႉသရေႇလႃႉ ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင်၊ ၵဝ်​ဝႆႉ​ၸႂ်​ၵဝ်​ႁႂ်ႈ​လႆႈ​ဢဝ်​တင်း​ၺၢၼ်ႇ​ပိင်ႇ​ၺႃႇ ၸႅတ်ႈ​ထၢမ်​ႁႃ​ဢဝ် ၵႃႈ​ဢၼ်​ႁဵတ်း​ၵႃႈ​တီႈ​တႂ်ႈ​ၽႃႉ​ၵၢင်​ႁၢဝ်​ဢေႃႈ။-</verse>
				<verse number="13">ပဵၼ်​လွင်ႈ​တၢင်း​ဢၼ် ယၢပ်ႇ​ၸႂ်​ၽိုတ်ႇ​ၸႂ် ဢၼ်​ၽြႃး​ပဵၼ်​ၸဝ်ႈ​ပၼ်​ပုၼ်ႈ​ဢၼ်​လုၵ်ႈ​ၵူၼ်း​တင်း​လၢႆ တၵ်း​လႆႈ​ၵျူဝ်း​ၸႃး​ႁဵတ်း​ၼၼ်ႉ​ဢေႃႈ။-</verse>
				<verse number="14">ၵဝ်​ႁၼ်​လွင်ႈ​တၢင်း​ၵႃႈ​ဢၼ်​ႁဵတ်း ၵႃႈ​တီႈ​တႂ်ႈ​ၵၢင်​ဝၼ်း​ၼၼ်ႉ​ယဝ်ႉ။ ၵူႈ​ၸိူဝ်ႉ​ၵူႈ​ပိူင်​ၼၼ်ႉ ဢွၼ်​ၵၼ်​ပဵၼ်​လွင်ႈ​တၢင်း​ဢၼတ်ႉတႃႉ၊ ပဵၼ်​လွင်ႈ​တၢင်း​ဢၼ် ၵိၼ်​လူမ်း​ၵိၼ်​လႅင်ႉ​ၵူၺ်း​ဢေႃႈ။-</verse>
				<verse number="15">လွင်ႈ​တၢင်း​ဢၼ်​ၵူတ်ႉ​ၼၼ်ႉ​ၸိုင် ဢမ်ႇ​ႁႂ်ႈ​သိုဝ်ႈ​လႆႈ။ လွင်ႈ​တၢင်း​ဢၼ်လုတ်ႈ​ႁၢမ်း​ၸိုင် ဢမ်ႇ​ၼပ်ႉ​ဢၢၼ်ႇ​လႆႈ။-</verse>
				<verse number="16">ၵဝ်​လၢတ်ႈ​ၼႂ်း​ႁူဝ်​ၸႂ်​ၵဝ်​လႄႈ​ဝႃႈ​ၸမ်ႉ၊ ၵဝ်​ၼႆႉ​ယဵင်ႈ​ၶႅၼ်း​လႆႈ​ပိင်ႇ​ၺႃႇ လိူဝ်​တွၼ်း​ၼႃႇ​သေ ၶဝ်​ၸိူဝ်း​ဢၼ်​ယၢမ်ႈ​ပဵၼ်​ယဝ်ႉ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ မိူဝ်ႈ​ဢွၼ်​တၢင်း​ၵဝ်​ၸိူဝ်း​ၼၼ်ႉ​ဢေႃႈ။ ႁူဝ်​ၸႂ်​ၵဝ် လႆႈ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ပိင်ႇ​ၺႃႇ တင်း​ဢတၢတ်ႈ​တၢင်း​ႁူႉ​တၢင်း​ၸၢင်ႈ​ၼႃႇ​လူင်​လၢင်​ဢေႃႈ။-</verse>
				<verse number="17">ၵဝ်​ဝႆႉ​ၸႂ်​ၵဝ်​ႁႂ်ႈ​လႆႈ​ၸၵ်း​ၽႄ​လႄႈ ႁူႉ​ပိင်ႇ​ၺႃႇ​တြႃး​ဢိၵ်ႇ​တင်း တၢင်း​ဢၼ်​မဝ်​မၢင် တင်း​တၢင်း​ဢၼ်​မိူၵ်ႈ​ၸိူဝ်း​ၼၼ်ႉ​ဢေႃႈ။ ၵဝ်​ႁူႉ​ႁၼ်​လွင်ႈ​ဢၼ် လွင်ႈ​တၢင်း​ၼၼ်ႉ ပဵၼ်​လွင်ႈ​တၢင်း​ဢၼ် ၵိၼ်​လူမ်း​ၵိၼ်​လႅင်ႉ​ၵူၺ်း​ၼၼ်ႉ​ဢေႃႈ။-</verse>
				<verse number="18">လွင်ႈ​မၼ်း​ၸမ်ႉ ပေႃး​ပိင်ႇ​ၺႃႇ​ၼမ်​ၸိုင်၊ မီး​လွင်ႈ​ဢၼ်​လီ​ယၢပ်ႇ​ၸႂ်​ၽိုတ်ႇ​ၸႂ်​ၼမ်​ဢေႃႈ။ ၵေႃႉ​ဢၼ်​ဢတၢတ်ႈ တၢင်း​ႁူႉ​တၢင်း​ၸႅင်ႈ ယႂ်ႇ​ၽႄႈ​တူဝ်း​တွၼ်း​မႃး​ၼၼ်ႉ ႁႂ်ႈ​တၢင်း​ဢၼ်​မႆႈ​ၸႂ်​ၶီ​ၸႂ်​မၼ်း ယႂ်ႇ​ၽႄႈ​တူဝ်း​တွၼ်း​မႃး​ဢေႃႈ။</verse>
			</chapter>
			<chapter number="2">
				<verse number="1">လႆႈ​သမ်ႉ ၵဝ်​လၢတ်ႈ​ၵႃႈ​ၼႂ်း​ႁူဝ်​ၸႂ်​ၵဝ်​လႄႈ​ဝႃႈ​ၸမ်ႉ၊ မႃး​တႃႉ။ ၵဝ်​တၵ်း​ဢဝ်​တၢင်း​ဢၼ်​သႂၢင်ႇ​ဢၼ်​သိူဝ်း​ၸၢမ်း​တူၺ်း​မႂ်း​ဢေႃႈ။ ပိူဝ်ႈ​ၼႆ​လႄႈ မူၼ်ႈ​ပျေႃႇ​ယူႇ​ၼႂ်း​ၵႃႇမၵုင်ႇ​တႃႉ၊ ဝႃႈ​ၼင်ႇ​ၼႆ​လႄႈ၊ လွင်ႈ​တၢင်း​ၼၼ်ႉ​ၵေႃႈ ပဵၼ်​ဢၼတ်ႉတႃႉ​ဢေႃႈ။-</verse>
				<verse number="2">ၵဝ်​လႆႈ​လၢတ်ႈ​တီႈ တၢင်း​ဢၼ်​ၶူဝ်​ဢၼ်​ႁိုဝ်ႉ​ၼၼ်ႉ​လႄႈ​ဝႃႈ၊ မႂ်း​ယွင်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ လၢတ်ႈ​တီႈ​တၢင်း​ဢၼ်​သႂၢင်ႇ​ဢၼ်​သိူဝ်း​ၼၼ်ႉ​လႄႈ​ဝႃႈ၊ မႂ်း​ႁဵတ်း​ပွင်ႇ​လွင်ႈ​ၵႃႈ​သင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ႁူဝ်​ၸႂ်​ၵဝ်​မီး​တၢင်း​ဢၼ်​ၵျူဝ်း​ၸႃး​ႁဵတ်း​လူၺ်ႈ​ပိင်ႇ​ၺႃႇ​တြႃး​ယူႇ​သေ​လႄႈ ၵဝ်​လႆႈ​ၵျၢမ်ႇ​ပွင်​ၼႂ်း​ႁူဝ်​ၸႂ်​ၵဝ် ႁႂ်ႈ​လႆႈ​ဢဝ်​တင်း ၼမ်ႉ​ၸပိတ်ႈ​ၸူဝ်း​ဢဝ်​ၸႂ်​ၵဝ်​လႄႈ ယိပ်း​ၵမ်​ဢဝ်​တၢင်း​ဢၼ်​မိူၵ်ႈ​ၼၼ်ႉ​ထၼ်ႈ​ပေႃး ၵဝ်​လႆႈ​ႁူႉ​လွင်ႈ​တၢင်း​ဢၼ်​လီ​ဢၼ်​လုၵ်ႈ​ၵူၼ်း​တင်း​လၢႆ ထုၵ်ႇ​လီ​ႁဵတ်း​ယူႇ​ၸူဝ်ႈ​ဢသၢၵ်ႈ ၵႃႈ​တီႈ​တႂ်ႈ​ၽႃႉ​ၵၢင်​ႁၢဝ်​ၼၼ်ႉ​ဢေႃႈ။-</verse>
				<verse number="4">ၵဝ်​ၸီႇ​ယၢင်ႇ​ပွင်​ႁဵတ်း​လွင်ႈ​တၢင်း​ဢၼ်​ယႂ်ႇ​ၼႃႇ​တင်း​လၢႆ​လႄႈ ႁဵတ်း​ႁိူၼ်း​လႂ် ၽုၵ်ႇ​သွမ်ႈ​သူၼ်​ဢူးယဵၼ်ႇ​ၸပိတ်ႈ​လႂ်၊-</verse>
				<verse number="5">လုမ်း​လႃး​သူၼ်​ဢူးယဵၼ်ႇ​ၵူႈ​ၸိူဝ်ႉ​ၵူႈ​မဵဝ်း​လႂ် ၽုၵ်ႇ​သွမ်ႈ​တူၼ်ႈ​ဢၼ်​မၢၵ်ႇ​မၢၵ်ႇ​ၵူႈ​ၸိူဝ်ႉ​ၵူႈ​ပိူင်​လႂ်၊-</verse>
				<verse number="6">ႁဵတ်း​ၼမ်ႉ​ၼွင်​တင်း​လၢႆ ပုၼ်ႈ​ဢၼ်​တၵ်း​ႁူတ်း​ပႃႇ​မႆႉ ဢၼ်​ပျေႉ​ၸုမ်ႇ​ဝႆႉ​တင်း​မဵဝ်း​တူၼ်ႈ​မႆႉ​ၼၼ်ႉ​လႂ်၊-</verse>
				<verse number="7">သိုဝ်ႉ​ဢဝ်​ၶႃႈ​ၵူၼ်း​ၸၢႆး၊ ၶႃႈ​ၵူၼ်း​ယိင်း​လႄႈ လႆႈ​လုၵ်ႈ​ၶႃႈ​ဢၼ်​ၵိူတ်ႇ​လဵင်ႉ​မႃး​ၵႃႈ​ၼႂ်း​ႁိူၼ်း​ၵဝ်​လႂ်၊ လႆႈ​မၢၵ်ႈ​မီး​ၽုင်​သူဝ်း​ၽုင်​ဝူဝ်း လိူဝ်​တွၼ်း​ၼႃႇ​သေ​ၶဝ်​ၸိူဝ်း​ဢၼ်​ယၢမ်ႈ​ပဵၼ်​ၵႂႃႇ​ယဝ်ႉ ၵႃႈ​ၼႂ်း​ဝဵင်း​ ယေႇရူႉသလႅမ်ႇ မိူဝ်ႈ​ဢွၼ်​တၢင်း​ၵဝ်​ၼၼ်ႉ ၼႃႇ​လူင်​လၢင်​လႂ်၊-</verse>
				<verse number="8">ၵဵပ်း​ႁွမ်​သိမ်း​ဢဝ်​ငိုၼ်း​ၶမ်း​ၽၼ်ႇတႃႇ ဢၼ်​ၸၢပ်ႈ​သႅင်ႇ​ၵၼ်​တင်း​ၶုၼ်​ႁေႃ​ၶမ်း၊ ၶွၼ်ႇ​ဢၼ်​ၽႃႇ​ၵဵပ်း​ဢဝ် ၵႃႈ​တီႈ​ၵူႈ​ဢိူင်ႇ​ၵူႈ​ၵျၢၵ်ႈ​လႂ်၊ သိမ်း​ဢဝ်​ၵူၼ်း​ယိင်း​ၵူၼ်း​ၸၢႆး​ၸဝ်ႈ​ဢငဵင်ႉ​တင်း​လၢႆ ဢိၵ်ႇ​တင်း​မႄႈ​ယိင်း​ၸိူင်ႉ​ၼၢင်း​ဢၼ်​ၵူၼ်း​ႁဝ်း​မူၼ်ႈ​ပျေႃႇ​လႂ် ၸိူဝ်း​ၼၼ်ႉ​ဝႆႉ​ဢေႃႈ။-</verse>
				<verse number="9">ၼင်ႇ​ၼၼ်​လႄႈ​ၵဝ်​ႁွတ်ႈ​ထိုင် တၢင်း​ဢၼ်​ယႂ်ႇ​သုင်​လႄႈ ၽႄႈ​ၵႂၢင်ႈ​တူဝ်း​တွၼ်း​မႃး​လႄႈ လိူဝ်​တွၼ်း​ၼႃႇ​သေ​ၶဝ်​ၸိူဝ်း​ဢၼ် ယၢမ်ႈ​ပဵၼ်​ၵႂႃႇ​ယဝ်ႉ ၵႃႈ​ၼႂ်း​ဝဵင်း​ ယေႇရူႉသလႅမ်ႇ မိူဝ်ႈ​ဢွၼ်​တၢင်း​ၵဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="10">ၵဝ်​ဢမ်ႇ​တွပ်ႇ​ပႅတ်ႈ​ထဵင်​ပႅတ်ႈ လွင်ႈ​တၢင်း​ဢၼ်​မၢၵ်ႇ​တႃ​ၵဝ်​ၸပ်း​ၸွႆး​ၶႂ်ႈ​လႆႈ​ၼၼ်ႉ သေ​ၸိူဝ်ႉ​သေ​ပိူင်။ ၵဝ်​ဢမ်ႇ​ပႄႇ​ပႅတ်ႈ တီႈ​ဢၼ်​ႁူဝ်​ၸႂ်​ၵဝ် ၸူမ်း​သိူဝ်း​ၼၼ်ႉ​သေ​ၸိူဝ်ႉ​သေ​ပိူင်။ ႁူဝ်​ၸႂ်​ၵဝ်​ၸူမ်း​သိူဝ်း​ယူႇ​ၵႃႈ​ၼႂ်း​တၢင်း​ဢၼ် ၵဝ်​ၵျူဝ်း​ၸႃး​ၼၼ်ႉ​ယူႇ​သေ​လႄႈ ၵဝ်​လႆႈ​ၶၢမ်ႇ​ဢဝ်​ဢၵျူဝ်း လွင်ႈ​တၢင်း​ၵႃႈ​ဢၼ်​ၵဝ်​ၵျူဝ်း​ၸႃး​ၼၼ်ႉ​ဢေႃႈ။-</verse>
				<verse number="11">မိူဝ်ႈ​ၼၼ်ႉ​ၵဝ်​လူ​တူၺ်း ၵႃႈ​ဢၼ်​ၵဝ်​ၸီႇ​ယၢင်ႇ​ဢဝ်​မိုဝ်း​ပွင်​ႁဵတ်း၊ ၵႃႈ​ဢၼ်​ၵဝ်​လႆႈ​ၵျူဝ်း​ၸႃး ဢဝ်​ႁႅင်း​ဢွၵ်ႇ​ႁဵတ်း​ၸိူဝ်း​ၼၼ်ႉ​လႄႈ တူၺ်း​လူး၊ ၵူႈ​ၸိူဝ်ႉ​ၵူႈ​ပိူင်​ၼၼ်ႉ ဢွၼ်​ၵၼ်​ပဵၼ်​လွင်ႈ​တၢင်း​ဢၼတ်ႉတႃႉ၊ လွင်ႈ​တၢင်း​ဢၼ်​ၵိၼ်​လူမ်း​ၵိၼ်​လႅင်ႉ​ၵူၺ်း​ဢေႃႈ။ ဢမ်ႇ​မီး​ဢၵျူဝ်း​ဢၼ်​လီ ၵႃႈ​တီႈ​တႂ်ႈ​ၵၢင်​ဝၼ်း​လႃး​လႃး။</verse>
				<verse number="12">လႆႈ​သမ်ႉ ၵဝ်​ဝၢႆႇ​ၶိုၼ်း​လႄႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ ပိင်ႇ​ၺႃႇ​တြႃး ဢိၵ်ႇ​တင်း​တၢင်း​ဢၼ်​မဝ်​မၢင် တင်း​တၢင်း​ဢၼ်​မိူၵ်ႈ​ၸိူဝ်း​ၼၼ်ႉ​ဢေႃႈ။ ၵေႃႉ​ဢၼ်​ပဵၼ်​လိုၼ်း​ၶုၼ်​ႁေႃ​ၶမ်း​ၼၼ်ႉ တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​လႆႈ။ တၵ်း​ႁဵတ်း​လႆႈ​ၵႃႈ​ၼင်ႇ​ဢၼ်​ယၢမ်ႈ​ႁဵတ်း​ယဝ်ႉ​ၼၼ်ႉ​ၵူၺ်း​ဢေႃႈ။-</verse>
				<verse number="13">မိူဝ်ႈ​ၼၼ်ႉ ၵဝ်​ႁူႉ​ႁၼ်​လွင်ႈ​ဢၼ် ပိင်ႇ​ၺႃႇ​မျၢတ်ႈ​လီ​လိူဝ်​တွၼ်း​ၼႃႇ​သေ​တၢင်း​ဢၼ်​မိူၵ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ဢၼ်​လႅင်း​မျၢတ်ႈ​လီ​လိူဝ်​တွၼ်း​ၼႃႇ​သေ​ဢၼ်​လပ်း​သိင်ႇ​ၼၼ်ႉ​ဢေႃႈ။-</verse>
				<verse number="14">မၢၵ်ႇ​တႃ​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ မီး​ၵႃႈ​တီႈ​ၵွၵ်း​ႁူဝ်​မၼ်း​လႄႈ ၵေႃႉ​ဢၼ်​မိူၵ်ႈ​ၸမ်ႉ၊ ၸၢင်ႈ​ၵႂႃႇ​မႃး​ယူႇ​ၵႃႈ​ၼႂ်း​ဢၼ်​လပ်း​သိင်ႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​ႁူႉ​ႁၼ်​လွင်ႈ​ဢၼ် ဢမူႉ​ၸိူဝ်ႉ​လဵဝ်​ပိူင်​လဵဝ်​ၵူၺ်း ႁွတ်ႈ​ထိုင်​ၵႃႈ​ၼိူဝ်​ၶဝ်​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="15">ၵဝ်​လႆႈ​လၢတ်ႈ​ၼႂ်း​ႁူဝ်​ၸႂ်​ၵဝ်​လႄႈ​ဝႃႈ၊ ၸိူဝ်ႉ​ၼင်ႇ​ဢၼ်​ႁွတ်ႈ​ထိုင်​တီႈ​ၵေႃႉ​ဢၼ်​မိူၵ်ႈ​ၼၼ်ႉ တၵ်း​ႁွတ်ႈ​ထိုင်​တီႈ​ၵဝ်​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​ယဵင်ႈ​ၶႅၼ်း​မီး​ပိင်ႇ​ၺႃႇ​ၼႃႇ​သေ​မၼ်း​ၼင်ႇ​ႁိုဝ်။ လွင်ႈ​တၢင်း​ၼႆႉ​ၵေႃႈ​ပဵၼ်​ဢၼတ်ႉတႃႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၵွပ်ႈ​ပိူဝ်ႈ​ဢၼ် တၵ်း​လူင်​လိုမ်း​လွင်ႈ​တၢင်း​ၵႃႈ​ဢၼ်​ပဵၼ်​မိူဝ်ႈ​လဵဝ်​ၸိူဝ်း​ၼႆႉ​ပႅတ်ႈ မိူဝ်ႈ​ၶိင်ႇ​ၵႃႇလႃႉ​ၵမ်း​လိုၼ်း​ၼၼ်ႉ​လႄႈ တၵ်း​ဢမ်ႇ​မီး​တၢင်း​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵေႃႉ​ဢၼ်​မီး​ပိင်ႇ​ၺႃႇ မိူၼ်​ၸိူဝ်ႉ​ၼင်ႇ​ဢၼ်​ဢမ်ႇ​မီး​တၢင်း​ဢၼ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵေႃႉ​ဢၼ်​မိူၵ်ႈ​ၼၼ်ႉ​လႄႈ ၵေႃႉ​ဢၼ်​မီး​ပိင်ႇ​ၺႃႇ​ၸၢင်ႈ​တၢႆ​မိူၼ်​ၸိူဝ်ႉ​ၼင်ႇ ၵေႃႉ​ဢၼ်​မိူၵ်ႈ​တၢႆ​ၼၼ်ႉ​လူင်​ပႄႇ။-</verse>
				<verse number="17">ပိူဝ်ႈ​ၼႆ​လႄႈ ၵဝ်​မိူဝ်ႇ​ၸၢၼ်ႈ​တၢင်း​ဢၼ်​ဢသၢၵ်ႈ​လိပ်း​ဢေႃႈ။ လွင်ႈ​တၢင်း​ဢၼ်​လႆႈ​ႁဵတ်း​ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ ပဵၼ်​ဢၼ်​ယၢပ်ႇ​ၽိုတ်ႇ​ၼႃႇ​လူင်​လၢင်​တီႈ​ၵဝ်​လႄႈ၊ ၵူႈ​ၸိူဝ်ႉ​ၵူႈ​ပိူင်​ၼၼ်ႉ ပဵၼ်​လွင်ႈ​တၢင်း​ဢၼတ်ႉတႃႉ၊ လွင်ႈ​တၢင်း​ဢၼ်​ၵိၼ်​လူမ်း​ၵိၼ်​လႅင်ႉ​ၵူၺ်း​ဢေႃႈ။-</verse>
				<verse number="18">ၼွၵ်ႈ​သေ​ၼႆႉ လွင်ႈ​ဢၼ်​ၵဝ်​လႆႈ​မိူဝ်ႇ​ၸၢၼ်ႈ လွင်ႈ​တၢင်း​ဢၼ်​ၵဝ်​ၵျူဝ်း​ၸႃး ဢဝ်​ႁႅင်း​ဢွၵ်ႇ​ႁဵတ်း​ၵႃႈ​တီႈ​တႂ်ႈ​ၵၢင်​ဝၼ်း ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၸမ်ႉ၊ ၵဝ်​တၵ်း​လႆႈ​ဢဝ်​လွင်ႈ​တၢင်း​ၼၼ်ႉ ဝႆႉ​ၵိုတ်း​ဝႆႉ​ၵျၢၼ်ႇ​ပုၼ်ႈ​ၵေႃႉ​ဢၼ်​တၵ်း​ပဵၼ်​မႃး​လိုၼ်း​ၵဝ်​ၼၼ်ႉ​ဢေႃႈ။-</verse>
				<verse number="19">လွင်ႈ​ဢၼ်​ၵေႃႉ​ၼၼ်ႉ​တၵ်း​မီး​ပိင်ႇ​ၺႃႇ​ႁိုဝ်။ တၵ်း​မိူၵ်ႈ​ႁိုဝ်​ၼၼ်ႉ​ၸိုင် ၽူႈ​လႂ်​တၵ်း​ႁူႉ​လႆႈ။ ၵေႃႉ​ၼၼ်ႉ​တၵ်း​လႆႈ​ဢုပ်ႉ​ပိူင်ႇ​ၵႃႈ​ဢၼ်​ၵဝ်​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​ၼၼ်ႉ​လႂ်၊ ၵႃႈ​ဢၼ်​ၵဝ်​ၽုၺ်ႇ​ဢွၵ်ႇ​ၼႄ​ပျႃး​ပိင်ႇ​ၺႃႇ​ၵဝ် ၵႃႈ​တီႈ​တႂ်ႈ​ၵၢင်​ဝၼ်း​လႂ် ၸိူဝ်း​ၼၼ်ႉ​ဢေႃႈ။ လွင်ႈ​တၢင်း​ၼၼ်ႉ​ၵေႃႈ ပဵၼ်​ဢၼတ်ႉတႃႉ​ဢေႃႈ။-</verse>
				<verse number="20">ပိူဝ်ႈ​ၼႆ​လႄႈ​ၵဝ်​ဝၢႆႇ​ၶိုၼ်း ႁႂ်ႈ​လႆႈ​ၵျၢမ်ႇ​ပွင် ႁႂ်ႈ​ႁူဝ်​ၸႂ်​ၵဝ်​ယင်း​ဢမ်ႇ​မီး​တၢင်း​ဢၼ်​မုင်ႈ​ထႃႈ​မွင်း​ထႃႈ​လႄႈ​ၸႂ်​လူႉ​လူၺ်ႈ​လွင်ႈ ၵႃႈ​ဢၼ်​ၵဝ်​ၵျူဝ်း​ၸႃး ဢဝ်​ႁႅင်း​ဢွၵ်ႇ​ႁဵတ်း​ၼၼ်ႉ​ဢေႃႈ။-</verse>
				<verse number="21">လွင်ႈ​မၼ်း​ၸမ်ႉ ပိၵ်ႉ​သမ်ႉ​ပဵၼ်​ၵေႃႉ​ဢၼ်​မီး​ပိင်ႇ​ၺႃႇ​ယူႇ၊ ပျေႉ​ၸုမ်ႇ​ဝႆႉ​တင်း​ဢတၢတ်ႈ​တၢင်း​ႁူႉ​တၢင်း​ၸၢင်ႈ​ယူႇ၊ ပွင်​ႁဵတ်း​ပွင်​သၢင်ႈ လီ​လီ​ငၢမ်း​ငၢမ်း​ယူႇ​သေ​လႄႈ ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​သေ​ၵေႃႈ၊ တၵ်း​လႆႈ​ဢဝ်​လွင်ႈ​တၢင်း​ၸိူဝ်း​ၼၼ်ႉ ဝႆႉ​ၵိုတ်း​ဝႆႉ​ၵျၢၼ်ႇ​ပုၼ်ႈ​ဢၼ် ၵေႃႉ​ဢၼ်​ဢမ်ႇ​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​ၼၼ်ႉ တၵ်း​ၶဝ်ႈ​ၸၢမ်ႇ​ၸႃး​ဢေႃႈ။ လွင်ႈ​တၢင်း​ၼၼ်ႉ​ၵေႃႈ ပဵၼ်​လွင်ႈ​တၢင်း​ဢၼတ်ႉတႃႉ၊ လွင်ႈ​တၢင်း​ဢၼ်​ႁၢႆႉ​ယုတ်ႈ​ၼႃႇ​လူင်​လၢင်​ဢေႃႈ။-</verse>
				<verse number="22">ၼႂ်း​လွင်ႈ​တၢင်း​ဢၼ်​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း ၼႂ်း​လွင်ႈ​တၢင်း​ဢၼ်​ၸႂ်​ၸပ်း​ၸႂ်​ၸွႆး​ၼႃႇ​လူင်​လၢင် ၵႃႈ​တီႈ​တႂ်ႈ​ၵၢင်​ဝၼ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ၊ ၵူၼ်း​ႁဝ်း​ၼႆႉ​မီး​ဢၵျူဝ်း​ၵႃႈ​သင်။-</verse>
				<verse number="23">မိုဝ်ႉ​ဝၼ်း​မၼ်း​တင်း​သဵင်ႈ​တင်း​လူင် ပဵၼ်​တၢင်း​ဢၼ်​မႆႈ​ၸႂ်​ၶီ​ၸႂ်၊ တၢင်း​ႁဵတ်း​တၢင်း​သၢင်ႈ​မၼ်း​ၵေႃႈ ပဵၼ်​တၢင်း​ဢၼ်​ယၢပ်ႇ​ၸႂ်​ၽိုတ်ႇ​ၸႂ်​ဢေႃႈ။ လိူဝ်​သေ​ၼၼ်ႉ၊ ၶိင်ႇ​ၵၢင်​ၶိုၼ်း​ၵေႃႈ​ႁူဝ်​ၸႂ်​မၼ်း ဢမ်ႇ​လႆႈ​တႄႇ​လႆႈ​ၼိမ်။ လွင်ႈ​တၢင်း​ၼၼ်ႉ​ၵေႃႈ ပဵၼ်​ဢၼတ်ႉတႃႉ​ဢေႃႈ။-</verse>
				<verse number="24">ဢၶႂၢင်ႉ​ဢၼ်​လီ​ပုၼ်ႈ​ၵူၼ်း​ႁဝ်း​လႄႈ လိူဝ်​တွၼ်း​ၼႃႇ​သေ​တၢင်း​ဢၼ်​ၵိၼ်​ဢၼ်​ၶူပ်း၊ တၢင်း​ဢၼ်​ႁူဝ်​ၸႂ်​မူၼ်ႈ​ပျေႃႇ​ယူႇ ၵႃႈ​ၼႂ်း​တၢင်း​ဢၼ်​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။ ဢၶႂၢင်ႉ​ၼၼ်ႉ​ၵေႃႈ ၵဝ်​ႁူႉ​ႁၼ်​လွင်ႈ​ဢၼ်​ပဵၼ်​မႃး​တီႈ​မိုဝ်း ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="25">ပေႃး​ဢၶႂၢင်ႉ​မၼ်း​ၸဝ်ႈ​ဢမ်ႇ​မီး​ၸိုင် ၽူႈ​လႂ်​တၵ်း​ၵိၼ်​လႆႈ။ ၽူႈ​လႂ်​တၵ်း​ၸၢမ်ႇ​ၸႃး​လႆႈ။-</verse>
				<verse number="26">တီႈ​ၵေႃႉ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​မၼ်း​ၸဝ်ႈ​ၼၼ်ႉ၊ မၼ်း​ၸဝ်ႈ​ပၼ်​ပိင်ႇ​ၺႃႇ၊ ဢတၢတ်ႈ​တၢင်း​ႁူႉ​တၢင်း​ၸႅင်ႈ ဢိၵ်ႇ​တင်း​ဢၶႂၢင်ႉ​တၢင်း​ဢၼ်​ၸူမ်း​သိူဝ်း​ဢေႃႈ။ တီႈ​ၵေႃႉ​ဢၼ်​မီး​ဢပႅတ်ႈ​ၼၼ်ႉ​ၸမ်ႉ၊ မၼ်း​ၸဝ်ႈ​ပၼ်​ဢၶႂၢင်ႉ​ဢၼ်​လႆႈ​ႁဵတ်း တၢင်း​ႁဵတ်း​ဢၼ်​ယၢပ်ႇ​ၸႂ်​ၽိုတ်ႇ​ၸႂ်​ၼႃႇ​လူင်​လၢင် ႁႂ်ႈ​လႆႈ​ၵဵပ်း​ႁွမ်​ၸူႉ​သိမ်း​ဝႆႉ ပုၼ်ႈ​ဢၼ်​တၵ်း​ပဵၼ်​တီႈ​ၵေႃႉ​ဢၼ် ထုၵ်ႇ​ၸႂ်​ၵျိူၵ်ႈ​ၸႂ် ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။ လွင်ႈ​တၢင်း​ၼၼ်ႉ​ၵေႃႈ ပဵၼ်​လွင်ႈ​တၢင်း​ဢၼတ်ႉတႃႉ၊ လွင်ႈ​တၢင်း​ဢၼ်​ၵိၼ်​လူမ်း​ၵိၼ်​လႅင်ႉ​ၵူၺ်း​ဢေႃႈ။</verse>
			</chapter>
			<chapter number="3">
				<verse number="1">လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ မီး​ၶိင်ႇ​မၼ်း​မိုဝ်ႉ​မၼ်း​ယူႇ​လႄႈ ၵႃႈ​ဢၼ်​ၵျၢမ်ႇ​ပွင်​ၵႃႈ​တီႈ​တႂ်ႈ​ၽႃႉ​ၵၢင်​ႁၢဝ်​ၵေႃႈ မီး​ၶိင်ႇ​ဢၼ်​လႆႈ​ႁဵတ်း​လႆႈ​သၢင်ႈ ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="2">မီး​ၶိင်ႇ​ဢၼ်​ၵိူတ်ႇ​လဵင်ႉ ဢိၵ်ႇ​တင်း​ၶိင်ႇ​ဢၼ်​တၢႆ၊ ၶိင်ႇ​ဢၼ်​ၽုၵ်ႇ​သွမ်ႈ ဢိၵ်ႇ​တင်း​ၶိင်ႇ​ဢၼ်​ထူၺ်ႈ​ဢဝ်​ဢၼ်​ၽုၵ်ႇ​သွမ်ႈ​ၼၼ်ႉ​ဢွၵ်ႇ၊-</verse>
				<verse number="3">ၶိင်ႇ​ဢၼ်​ဢဝ်​တၢႆ ဢိၵ်ႇ​တင်း​ၶိင်ႇ​ဢၼ်​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ၊ ၶိင်ႇ​ဢၼ်​ၵိူၼ်ႇ​ယႃႉ​ပႅတ်ႈ ဢိၵ်ႇ​တင်း​ၶိင်ႇ​ဢၼ်​တႄႇ​ႁဵတ်း၊-</verse>
				<verse number="4">ၶိင်ႇ​ဢၼ်​ႁႆႈ​ႁွင်ႉ ဢိၵ်ႇ​တင်း​ၶိင်ႇ​ဢၼ်​ယုမ်ႉ​ၶူဝ်၊ ၶိင်ႇ​ဢၼ်​ၶၢင်း​ၶီ​ၶၢင်း​ၽၢၼ် ဢိၵ်ႇ​တင်း​ၶိင်ႇ​ဢၼ်​ၵႃႈ​ဢၼ်​ဝႅၼ်၊-</verse>
				<verse number="5">ၶိင်ႇ​ဢၼ်​ဢဝ်​မၢၵ်ႇ​ႁိၼ်​တင်း​လၢႆ​ၽၢဝ်ႇ​ပိုၼ် ဢိၵ်ႇ​တင်း​ၶိင်ႇ​ဢၼ်​ဢဝ်​မၢၵ်ႇ​ႁိၼ်​ၸူႉ​ဝႆႉ​သိမ်း​ဝႆႉ၊ ၶိင်ႇ​ဢၼ်​ၵွတ်ႇ​ၵဵဝ်ႈ ဢိၵ်ႇ​တင်း​ၶိင်ႇ​ဢၼ်​ယင်း​ဢမ်ႇ​ၵွတ်ႇ​ၵဵဝ်ႈ​လႄႈ ၽၢတ်ႇ​ၵၼ်​ယၢၼ်​ၵၼ်၊-</verse>
				<verse number="6">ၶိင်ႇ​ဢၼ်​ႁႃ​ဢဝ် ဢိၵ်ႇ​တင်း​ၶိင်ႇ​ဢၼ်​ဢုၵ်ႉ​ၸႃႇ​ႁူင်ႈ​ႁၢႆ၊ ၶိင်ႇ​ဢၼ်​သိမ်း​ပႅင်း​ဝႆႉ ဢိၵ်ႇ​တင်း​ၶိင်ႇ​ဢၼ်​ဢဝ်​ထိမ်ႈ​ပႅတ်ႈ၊-</verse>
				<verse number="7">ၶိင်ႇ​ဢၼ်​ၸၵ်ႉ​သိၵ်ႇ​ၶူဝ်း​ၼုင်ႈ ဢိၵ်ႇ​တင်း​ၶိင်ႇ​ဢၼ်​ယဵပ်ႉ​ဢၼ်​ၽုင်၊ ၶိင်ႇ​ဢၼ်​ယူႇ​တဵတ်ႇ​တဵတ်ႇ​ယဵၼ်​ယဵၼ် ဢိၵ်ႇ​တင်း​ၶိင်ႇ​ဢၼ်​လၢတ်ႈ​ထွႆႈ​လၢတ်ႈ​ၵႂၢမ်း၊-</verse>
				<verse number="8">ၶိင်ႇ​ဢၼ်​ႁၵ်ႉ​ပႅင်း ဢိၵ်ႇ​တင်း​ၶိင်ႇ​ဢၼ်​ငိၼ်း​ၸင်း၊ ၶိင်ႇ​ဢၼ်​တိုၵ်း​သိုၵ်း​တိုၵ်း​သိူဝ် ဢိၵ်ႇ​တင်း​ၶိင်ႇ​ဢၼ်​သိုၵ်း​ထၢတ်ႇ​သိုၵ်း​ယဵၼ်​ဢေႃႈ။-</verse>
				<verse number="9">ၵေႃႉ​ဢၼ်​သၢင်ႈ​ႁဵတ်း​ၼၼ်ႉ မီး​ဢၵျူဝ်း​ၵႃႈ​သင်​ၼႂ်း​တၢင်း​ဢၼ်​မၼ်း​ၸၢင်ႈ​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​ၼၼ်ႉ။-</verse>
				<verse number="10">ၵဝ်​တူၺ်း​ႁၼ် လွင်ႈ​တၢင်း​ဢၼ်​ယၢပ်ႇ​ၸႂ်​ၶၢၼ်​ၸႂ် ဢၼ်​ၽြႃး​ပဵၼ်​ၸဝ်ႈ​ပၼ်​ပုၼ်ႈ​ဢၼ်​ၵူၼ်း​ႁဝ်း​တၵ်း​ၵႂႃႇ​မႃး​ၼႂ်း​မၼ်း​ၼၼ်ႉ​ယဝ်ႉ။-</verse>
				<verse number="11">မၼ်း​ၸဝ်ႈ​ႁဵတ်း​ပဵၼ်​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ​ႁၢင်ႈ​လီ​ႁၢင်ႈ​ငၢမ်း ၼႂ်း​မိူဝ်ႈ​ဢၼ်​ၶိင်ႇ​မၼ်း​ထုၵ်ႇ​ၼၼ်ႉ​ယဝ်ႉ။ မၼ်း​ၸဝ်ႈ ဢဝ်​တၢင်း​ဢၼ်​ၸပ်း​ၸွႆး​လေႃးၵီႇ သႂ်ႇ​ဝႆႉ​ၵႃႈ​ၼႂ်း​ႁူဝ်​ၸႂ်​ၵူၼ်း​ႁဝ်း​ထၼ်ႈ​ပေႃး ၵူၼ်း​ႁဝ်း​ဢမ်ႇ​ႁူႉ​ဢမ်ႇ​ႁၼ်​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ​ႁဵတ်း​ၼၼ်ႉ ဢဝ်​ၸဵမ်​ငဝ်ႈ​တေႃႇ​ပၢႆ​လႆႈ​ဢေႃႈ။-</verse>
				<verse number="12">ၵဝ်​ႁူႉ​လွင်ႈ​ဢၼ် ၼွၵ်ႈ​သေ​လွင်ႈ​တၢင်း​ဢၼ်​ၸူမ်း​သိူဝ်း ဢိၵ်ႇ​တင်း​လွင်ႈ​တၢင်း​ဢၼ်​လႆႈ​ၵတ်း​ယဵၼ်​ၶျၢမ်း​သႃႇ ၼႂ်း​မိူဝ်ႈ​ဢၼ် ဢသၢၵ်ႈ​ယင်း​တိုၵ်ႉ​လိပ်း​ယူႇ​ၼၼ်ႉ ဢမ်ႇ​မီး​ဢၵျူဝ်း​ဢၼ်​ယဵင်ႈ​ၶႅၼ်း​လီ​ၼႃႇ​ပုၼ်ႈ​ၶဝ်​ဢေႃႈ။-</verse>
				<verse number="13">တၢင်း​ဢၼ်​ၵူၼ်း​ၵူႈ​ၵေႃႉ​လႆႈ​ၵိၼ်​လႆႈ​ၶူပ်း ဢိၵ်ႇ​တင်း​တၢင်း​ဢၼ်​မူၼ်ႈ​ပျေႃႇ​ၼႂ်း​လွင်ႈ​တၢင်း​ဢၼ် တူဝ်​ၸဝ်ႈ​ၵဝ်ႇ​ၵျူဝ်း​ၸႃး ဢဝ်​ႁႅင်း​ဢွၵ်ႇ​ႁဵတ်း​ၼၼ်ႉ ပဵၼ်​ၵျေး​ၸူး​တၢင်း​ဢၼ် ၽြႃး​ပဵၼ်​ၸဝ်ႈ​ပၼ်​ၵူၺ်း​ဢေႃႈ။-</verse>
				<verse number="14">ၵဝ်​ႁူႉ​လွင်ႈ​ဢၼ် လွင်ႈ​တၢင်း​ၵႃႈ​ဢၼ် ၽြႃး​ပဵၼ်​ၸဝ်ႈ​ႁဵတ်း​ၼၼ်ႉ ပဵၼ်​ၼိၵ်ႈၸႃႉ​ထႃႇဝရႃႉ​ၼၼ်ႉ​ဢေႃႈ။ ဢမ်ႇ​ထၢပ်ႈ​ထႅင်ႈ​လႄႈ​ႁဵတ်း​လႆႈ။ ဢမ်ႇ​ၼုၵ်ႈ​လႄႈ​ဢဝ်​ဢွၵ်ႇ​ပႅတ်ႈ​လႆႈ။ ၽြႃး​ပဵၼ်​ၸဝ်ႈ​ႁဵတ်း​ၸိူဝ်း​ၼၼ်ႉ​ဝႆႉ ႁႂ်ႈ​ၵူၼ်း​ႁဝ်း​လႆႈ​ၵူဝ်​လႆႈ​ႁႄ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ဢေႃႈ။-</verse>
				<verse number="15">လွင်ႈ​တၢင်း​ဢၼ် ပဵၼ်​ယူႇ​မိူဝ်ႈ​လဵဝ်​ၼႆႉ မိူၼ်​ၵၼ်​တင်း​လွင်ႈ​တၢင်း​ဢၼ် ယၢမ်ႈ​ပဵၼ်​ၵႂႃႇ​ယဝ်ႉ​ၼၼ်ႉ​ဢေႃႈ။ လွင်ႈ​တၢင်း​ဢၼ်​တၵ်း​ပဵၼ်​မႃး​ၸိူဝ်း​ၼၼ်ႉ​ၵေႃႈ မိူၼ်​ၵၼ်​တင်း​လွင်ႈ​တၢင်း​ဢၼ်​ပဵၼ်​ၵႂႃႇ​ယဝ်ႉ​ၼၼ်ႉ​ဢေႃႈ။ လွင်ႈ​တၢင်း​ဢၼ်​ပူၼ်ႉ​ၵႂႃႇ​ယဝ်ႉ​ၸိူဝ်း​ၼၼ်ႉ​ၵေႃႈ မၼ်း​ၸဝ်ႈ​သမ်ႉ​ၸွမ်း​ႁႃ​ဢဝ်​ဢေႃႈ။</verse>
				<verse number="16">ၼွၵ်ႈ​သေ​ၼၼ်ႉ ၵဝ်​ႁၼ်​လွင်ႈ​ဢၼ်​ဢမူႉ​ဢႃႉထမ်ႇမႃႉ မီး​ၵႃႈ​ၼႂ်း​တီႈ​ဢၼ်​ၸီႇ​ယၢင်ႇ​တြႃး ဢိၵ်ႇ​တင်း​လွင်ႈ​ဢၼ်​တူႉ​ၸရိူၵ်ႈ​မီး​ၵႃႈ​ၼႂ်း​တီႈ​ဢၼ်​သိုဝ်ႈ​တေႃႇ​ၼၼ်ႉ ၵႃႈ​တီႈ​တႂ်ႈ​ၵၢင်​ဝၼ်း​ယဝ်ႉ။-</verse>
				<verse number="17">ၵဝ်​လၢတ်ႈ​ၼႂ်း​ၸႂ်​လႄႈ​ဝႃႈ၊ ၽြႃး​ပဵၼ်​ၸဝ်ႈ တၵ်း​ၸႅတ်ႈ​ထၢမ်​ၸီႇ​ယၢင်ႇ ဢမူႉ​ၶဝ်​ၸိူဝ်း​ဢၼ်​သိုဝ်ႈ​တေႃႇ ဢိၵ်ႇ​တင်း​ဢမူႉ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ မီး​ၶိင်ႇ​ဢၼ်​လႆႈ​ၸႅတ်ႈ​ထၢမ်​ၸီႇ​ယၢင်ႇ​တၢင်း​ၵျၢမ်ႇ​တၢင်း​ပွင်​ၵူႈ​ၸိူဝ်ႉ​ၵူႈ​ပိူင် ဢိၵ်ႇ​တင်း​ဢမူႉ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ယူႇ​ဢေႃႈ။-</verse>
				<verse number="18">ၵဝ်​လၢတ်ႈ​ၵႃႈ​ၼႂ်း​ၸႂ်​ၵဝ် လူၺ်ႈ​လွင်ႈ​ၵူၼ်း​ႁဝ်း​လႄႈ​ဝႃႈ​ၸမ်ႉ၊ ၶဝ်​တူၵ်း​တီႈ​တူၵ်း​လႅၼ်​ဝႆႉ​ထႃႈ လွင်ႈ​ၼင်ႇ​ႁိုဝ်​ၽြႃး​ပဵၼ်​ၸဝ်ႈ​တၵ်း​ၸၢမ်း​တူၺ်း​ၶဝ် ဢိၵ်ႇ​တင်း​လွင်ႈ​ၼင်ႇ​ႁိုဝ် ၶဝ်​တၵ်း​ႁူႉ​ႁၼ်​လွင်ႈ​ဢၼ်​ၶဝ်​ပဵၼ်​ၸိူဝ်ႉ​ၼင်ႇ​တရိၵ်ႈသၢၼ်ႇ​ၼၼ်ႉ​ဢေႃႈ။-</verse>
				<verse number="19">လွင်ႈ​တၢင်း​ဢၼ်​ႁွတ်ႈ​ထိုင်​တီႈ​ၵူၼ်း​ႁဝ်း​ၼၼ်ႉ တီႈ​တရိၵ်ႈသၢၼ်ႇ​ၵေႃႈ​ႁွတ်ႈ​ထိုင်​ဢေႃႈ။ လွင်ႈ​တၢင်း​ပိူင်​လဵဝ်​ၵူၺ်း ႁွတ်ႈ​ထိုင်​ၵႃႈ​ၼိူဝ်​သွင်​ၸိူဝ်ႉ​သွင်​မဵဝ်း​လႄႈ ၸိူဝ်ႉ​ၼင်ႇ​ဢၼ်​မဵဝ်း​ၼိုင်ႈ​တၢႆ​ၼၼ်ႉ မဵဝ်း​ၼိုင်ႈ​ၵေႃႈ​ၸၢင်ႈ​တၢႆ​ဢေႃႈ။ ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ မီး​ဢသၢၵ်ႈ​ၸိူဝ်ႉ​လဵဝ်​မဵဝ်း​လဵဝ်​ၵူၺ်း​ဢေႃႈ။ ပိူဝ်ႈ​ၼႆ​လႄႈ ၵူၼ်း​ဢမ်ႇ​မီး​လွင်ႈ​ဢၼ်​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​တရိၵ်ႈသၢၼ်ႇ။ ၵႃႈ​မီး​တင်း​သဵင်ႈ​တင်း​လူင် ပဵၼ်​ဢၼတ်ႉတႃႉ​ဢေႃႈ။-</verse>
				<verse number="20">ၵႃႈ​မီး​တင်း​သဵင်ႈ​တင်း​လူင် ၸၢင်ႈ​ႁွတ်ႈ​ထိုင်​ၵႃႈ​တီႈ​တီႈ​လဵဝ်​ၵူၺ်း​ဢေႃႈ။ ၵႃႈ​မီး​တင်း​သဵင်ႈ​တင်း​လူင်​ပဵၼ်​မႃး​ၵႃႈ​ၼႂ်း​မုၼ်ႈ​လိၼ်​လႄႈ ၸၢင်ႈ​ၶိုၼ်း​ၵႂႃႇ​ၵႃႈ​ၼႂ်း​မုၼ်ႈ​လိၼ်​ဢေႃႈ။-</verse>
				<verse number="21">ၵူၺ်း​ၵႃႈ ၽူႈ​လႂ်​ႁူႉ​လွင်ႈ​ဢၼ်​ဝီႉၺိၺ်ႇ​လုၵ်ႈ​ၵူၼ်း​တင်း​လၢႆ ၸၢင်ႈ​ၶိုၼ်ႈ​ၵႃႈ​တီႈ​ၼိူဝ် ဢိၵ်ႇ​တင်း​လွင်ႈ​ဢၼ်​ဝီႉၺိၺ်ႇ​တရိၵ်ႈသၢၼ်ႇ ၸၢင်ႈ​လူင်း​ၵႃႈ​တႂ်ႈ​ၸူး​ၵႃႈ​တီႈ​လိၼ်​ၼၼ်ႉ​လႆႈ။-</verse>
				<verse number="22">ပိူဝ်ႈ​ၼႆ​လႄႈ ၵဝ်​ႁူႉ​ႁၼ်​လွင်ႈ​ဢၼ် ၵူၼ်း​ႁဝ်း​ၼႆႉ​ဢမ်ႇ​မီး​လွင်ႈ​တၢင်း​ဢၼ်​လီ လိူဝ်​တွၼ်း​ၼႃႇ​သေ လွင်ႈ​တၢင်း​ဢၼ်​မူၼ်ႈ​ပျေႃႇ​ယူႇ​ၵႃႈ​ၼႂ်း လွင်ႈ​တၢင်း​ဢၼ်​တူဝ်​ၸဝ်ႈ​ၵဝ်ႇ​သၢင်ႈ​ႁဵတ်း​ၼၼ်ႉ​ဢေႃႈ။ လွင်ႈ​တၢင်း​ၼၼ်ႉ ပဵၼ်​ပုၼ်ႈ​မၼ်း​တႃႇ​မၼ်း​ဢေႃႈ။ ၽူႈ​လႂ်​တၵ်း​ဢဝ်​မၼ်း​ၶိုၼ်း​မႃး ႁႂ်ႈ​မၼ်း​လႆႈ​ႁူႉ​ႁၼ် လွင်ႈ​ဢၼ်​တၵ်း​ပဵၼ်​မႃး​မိူဝ်ႈ​ၵမ်း​လိုၼ်း​မၼ်း​ၼၼ်ႉ။</verse>
			</chapter>
			<chapter number="4">
				<verse number="1">လႆႈ​သမ်ႉ ၵဝ်​ဝၢႆႇ​ၶိုၼ်း​လႄႈ​ႁၼ် တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ၵႃႈ​ဢၼ်​ႁဵတ်း​ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ ႁႆႈ​ႁွင်ႉ​လႄႈ​ဢမ်ႇ​မီး​ၵေႃႉ​ဢၼ်​ပၼ်​ၵတ်း​ယဵၼ်​ၶျၢမ်း​သႃႇ​လႆႈ​တီႈ​ၶဝ်။ ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ ငႅၼ်း​သႄး​ၸိူဝ်း​ၼၼ်ႉ မီး​တၼ်း​ၶူဝ်း​လႄႈ ဢမ်ႇ​မီး​ၵေႃႉ​ဢၼ်​ပၼ်​ၵတ်း​ယဵၼ်​ၶျၢမ်း​သႃႇ​တီႈ​ၶဝ်​ၼၼ်ႉ​လႆႈ။-</verse>
				<verse number="2">ပိူဝ်ႈ​ၼႆ​လႄႈ ၵဝ်​လၢတ်ႈ​လႄႈ​ဝႃႈ​ဝႆႉ၊ ၵူၼ်း​တၢႆ​ဢၼ်​တၢႆ​ပူၼ်ႉ​ၵႂႃႇ​ယဝ်ႉ​ၸိူဝ်း​ၼၼ်ႉ ယဵင်ႈ​ၶႅၼ်း​မီး​မင်ႇၵလႃႇ ၼႃႇ​သေ​ၵူၼ်း​လိပ်း​ဢၼ်​ဢသၢၵ်ႈ​လိပ်း​ယူႇ​ၸိူဝ်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵူၺ်း​ၵႃႈ ၵေႃႉ​ဢၼ်​ဢမ်ႇ​ပႆႇ​တွၼ်ႉ​ပဵၼ်​သေ​ပွၵ်ႈ၊ ၵေႃႉ​ဢၼ်​ဢမ်ႇ​ပႆႇ​တွၼ်ႉ​ႁၼ်​တူႉ​ၸရိူၵ်ႈ ဢၼ်​ႁဵတ်း​ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ​ၼၼ်ႉ ယဵင်ႈ​ၶႅၼ်း​မီး​မင်ႇၵလႃႇ​ၼႃႇ​သေ သွင်​ၸိူဝ်ႉ​သွင်​ပိူင်​ၼၼ်ႉ​ဢေႃႈ။</verse>
				<verse number="4">လႆႈ​သမ်ႉ ၵဝ်​ႁၼ်​လွင်ႈ​တၢင်း​ဢၼ်​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​ၵႃႈ​မီး ဢိၵ်ႇ​တင်း​တၢင်း​ဢၼ်​ယဝ်ႉ​တူဝ်ႈ​လီ​ငၢမ်း​ဝႆႉ ၵူႈ​ၸိူဝ်ႉ​ၵူႈ​ပိူင်​ၼၼ်ႉ ဢိၵ်ႇ​တင်း​လွင်ႈ​ဢၼ်​ပိူၼ်ႈ​တၢင်ႇ​ၵေႃႉ​သီႈ​ၵေႉ​ႁေႈ​တႃ ၵွပ်ႈ​ပိူဝ်ႈ​လွင်ႈ​တၢင်ႇ​ၸိူဝ်ႉ​တၢင်ႇ​ပိူင်​ၼၼ်ႉ​ၼၼ်ႉ​ဢေႃႈ။ လွင်ႈ​တၢင်း​ၼၼ်ႉ ပဵၼ်​လွင်ႈ​တၢင်း​ဢၼတ်ႉတႃႉ၊ လွင်ႈ​တၢင်း​ဢၼ်​ၵိၼ်​လူမ်း​ၵိၼ်​လႅင်ႉ​ၵူၺ်း​ဢေႃႈ။-</verse>
				<verse number="5">ၵေႃႉ​ဢၼ်​မိူၵ်ႈ​ၼၼ်ႉ ၸၢင်ႈ​ဢဝ်​မိုဝ်း​တူဝ်​ၸဝ်ႈ​ၵဝ်ႇ​ၼင်ႇ​ၵၼ်​ၵၼ်​ၵွတ်ႇ​ၵၼ်​ဝႆႉ​သေ​လႄႈ ၵိၼ်​ၼိူဝ်ႉ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="6">ဢုၵ်ႉ​ၸႃႇ​ဢၼ်​သိၼ်ႇ​ၽႃ​ႁွမ်း​လူၺ်ႈ​ၵၼ်​တင်း​တၢင်း​ဢၼ်​ၼိမ်​ၼၼ်ႉ ၵမ်​မိုဝ်း​ၼိုင်ႈ​ၵူၺ်း​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ ဢုၵ်ႉ​ၸႃႇ​ဢၼ်​သိၼ်ႇ​ၽႃ​ႁွမ်း​လူၺ်ႈ​ၵၼ်​တင်း​တၢင်း​ဢၼ်​ႁဵတ်း​ယၢပ်ႇ​ႁဵတ်း​ၽိုတ်ႇ ဢိၵ်ႇ​တင်း​တၢင်း​ဢၼ်​ၵိၼ်​လူမ်း​ၵိၼ်​လႅင်ႉ​ၵူၺ်း သွင်​ၵမ်​မိုဝ်း​ၼၼ်ႉ​ဢေႃႈ။</verse>
				<verse number="7">လႆႈ​သမ်ႉ ၵဝ်​ဝၢႆႇ​ၶိုၼ်း​လႄႈ​ႁၼ် လွင်ႈ​တၢင်း​ဢၼတ်ႉတႃႉ ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ​ၸမ်ႉ၊-</verse>
				<verse number="8">မီး​ၵေႃႉ​ၼိုင်ႈ ဢၼ်​မီး​ၵေႃႉ​လဵဝ်​ၵူၺ်း​မၼ်း၊ ဢၼ်​ဢမ်ႇ​မီး​ၵေႃႉ​ဢၼ်​ၵိုၵ်း​ဢၼ်​ႁွမ်း​မၼ်း ဢၼ်​ဢမ်ႇ​မီး​ပီႈ​ၸၢႆး​ၼွင်ႉ​ၸၢႆး​မၼ်း​ၼၼ်ႉ​ဢေႃႈ။ တၢင်း​ဢၼ်​မၼ်း​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​ၼၼ်ႉ ဢမ်ႇ​သဵင်ႈ​ဢမ်ႇ​မူတ်း​လႆႈ။ မၢၵ်ႇ​တႃ​မၼ်း​ႁၼ်​ၸေး​ၸိမ်ႇ​မၼ်း​လႄႈ ဢမ်ႇ​ပေႇ​ၸႂ်​လႆႈ။ မၼ်း​ၸၢင်ႈ​ထၢမ်​လႄႈ​ဝႃႈ၊ ၵဝ်​ၼႆႉ​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​လႄႈ ၼိၵ်ႈ​ၸၢၵ်ႈ​ငႅၼ်း​သႄး​တူဝ်​ၸဝ်ႈ​ၵဝ်ႇ​ပုၼ်ႈ​ၽူႈ​လႂ်၊ ဝႃႈ​ၼင်ႇ​ၼႆ​ဢေႃႈ။ လွင်ႈ​တၢင်း​ၼႆႉ​ၵေႃႈ ပဵၼ်​လွင်ႈ​တၢင်း​ဢၼတ်ႉတႃႉ၊ လွင်ႈ​တၢင်း​ဢၼ်​ႁႂ်ႈ​ယၢပ်ႇ​ၸႂ်​ၶၢၼ်​ၸႂ်​ၼႃႇ​လူင်​လၢင်​ဢေႃႈ။</verse>
				<verse number="9">ၵူၼ်း​သွင်​ၵေႃႉ ယဵင်ႈ​ၶႅၼ်း​လီ​ၼႃႇ​သေ ၵေႃႉ​လဵဝ်​ဢေႃႈ။ လွင်ႈ​မၼ်း​ၸမ်ႉ ဢၵျူဝ်း​ဢၼ်​လီ ၸၢင်ႈ​မီး​ၼႂ်း​တၢင်း​ဢၼ်​သွင်​ၶႃ​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​ၼၼ်ႉ​ဢေႃႈ။-</verse>
				<verse number="10">ပေႃး​ၵေႃႉ​ၼိုင်ႈ​လူမ်ႉ​ၸိုင်၊ ၵေႃႉ​ၼိုင်ႈ​တၵ်း​ပူၵ်း​ဢေႃႈ။ ပေႃး​ၵေႃႉ​လဵဝ်​ၵူၺ်း​လူမ်ႉ​ၸမ်ႉ၊ မီး​ဢႃႉ​မင်ႇၵလႃႇ​ဢေႃႈ။ ဢမ်ႇ​မီး​ၵေႃႉ​ဢၼ်​တၵ်း​ပူၵ်း။-</verse>
				<verse number="11">ပေႃး​ၵူၼ်း​သွင်​ၵေႃႉ​ၼွၼ်း​ႁူမ်ႈ​ၵၼ်​ၸိုင်၊ ၸၢင်ႈ​ဢုၼ်ႇ​ဢေႃႈ။ ၵူၼ်း​ၵေႃႉ​လဵဝ်​ၵူၺ်း​ၸမ်ႉ၊ တၵ်း​ဢုၼ်ႇ​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="12">ပေႃး​ၵူၼ်း​ၵေႃႉ​ၼိုင်ႈ​ပႄႉ​ၼႅင်ႇ​ၵူၼ်း​ၵေႃႉ​ၼိုင်ႈ​ၸိုင် ၵူၼ်း​သွင်​ၵေႃႉ​ႁၢမ်ႈ​တၢပ်ႈ​ႁႄႉ​ၶႅၼ်​ၵေႃႉ​ၼၼ်ႉ​လႆႈ​ယူႇ​ဢေႃႈ။ ၸိူၵ်ႈ​ဢၼ်​ႁွမ်း​ၵၼ်​သၢမ်​ၵဵဝ်​ၵေႃႈ ဢမ်ႇ​ၸၢင်ႈ​ၶၢတ်ႇ​ငၢႆႈ​ငၢႆႈ။</verse>
				<verse number="13">လုၵ်ႈ​ဢွၼ်ႇ​ဢၼ်​ယၢၵ်ႈ​ဢၼ်​ၽၢၼ် ဢၼ်​မီး​ပိင်ႇ​ၺႃႇ​ၼၼ်ႉ ယဵင်ႈ​ၶႅၼ်း​မျၢတ်ႈ​ၼႃႇ​သေ ၶုၼ်​ႁေႃ​ၶမ်း​ဢၼ်​ဢသၢၵ်ႈ​ယႂ်ႇ​လႄႈ​မိူၵ်ႈ၊ ဢၼ်​ဢမ်ႇ​ႁူႉ​လွင်ႈ​ဢၼ်​တၵ်း​လႆႈ​ၶၢမ်ႇ​တၢင်း​ဢၼ်​သင်ႇ​သွၼ်​သုင်း​မႃႉ​ပၼ်​ထႅင်ႈ​ၼၼ်ႉ​ဢေႃႈ။-</verse>
				<verse number="14">လုၵ်ႈ​ဢွၼ်ႇ​ၸိူဝ်ႉ​ၼင်ႇ​ၼၼ်​ၼၼ်ႉ ၸၢင်ႈ​ဢွၵ်ႇ​သေ​ၵႃႈ​ၼႂ်း​ႁိူၼ်း တီႈ​ဢၼ်​မၼ်း​ပၢႆႈ​တဵတ်ႇ​ပၢႆႈ​မႅပ်ႉ​ယူႇ​ၼၼ်ႉ​လႄႈ ႁွတ်ႈ​ထိုင်​ၵႃႈ​ၼိူဝ်​ႁေႃ​ၶမ်း​ဢေႃႈ။ ၶုၼ်​ႁေႃ​ၶမ်း ၸိူဝ်ႉ​ၼင်ႇ​ၼၼ်​ၼၼ်ႉ၊ မိူဝ်ႈ​ဢၼ်​မၼ်း​ၵိူတ်ႇ​လဵင်ႉ​မႃး​ၼၼ်ႉ​ၸိုင် မၼ်း​ပဵၼ်​ၵူၼ်း​ယၢၵ်ႈ​ၵူၼ်း​ၽၢၼ် ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း​ဢေႃႈ။-</verse>
				<verse number="15">ၵဝ်​ႁၼ်​လွင်ႈ​ဢၼ်​ၵူၼ်း​သတ်ႉတဝႃႇ ဢၼ်​ၵႂႃႇ​မႃး​ယူႇ​ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ တင်း​သဵင်ႈ​တင်း​လူင် ၸၢင်ႈ​ဢွၼ်​ၵၼ်​ယူႇ​ၽၢႆႇ​ၵေႃႉ​တူႉတီႉယႃႉ ဢၼ်​ၶၢမ်ႇ​ဢဝ်​ဢရႃႇ​တၢင်​တူဝ်​ၶုၼ်​ၼၼ်ႉ​ဢေႃႈ။-</verse>
				<verse number="16">ၼပ်ႉ​ဢၢၼ်ႇ​ၶဝ်​ၸိူဝ်း​ဢၼ် ၶုၼ်​ၼၼ်ႉ​ဢုပ်ႉ​ပိူင်ႇ​ၼၼ်ႉ​လႄႈ ဢမ်ႇ​သဵင်ႈ​လႆႈ။ ၵူၺ်း​ၵႃႈ ၶဝ်​ၸိူဝ်း​ဢၼ်​ပဵၼ်​မႃး​လိုၼ်း​မၼ်း​ၼၼ်ႉ ယင်း​ဢမ်ႇ​ၸူမ်း​သိူဝ်း​ယူႇ​တီႈ​ၼႂ်း​မၼ်း​လႄႈ တၵ်း​ယူႇ​ဢေႃႈ။ လွင်ႈ​တၢင်း​ၼၼ်ႉ​ၵေႃႈ ပဵၼ်​လွင်ႈ​တၢင်း​ဢၼတ်ႉတႃႉ၊ လွင်ႈ​တၢင်း​ဢၼ်​ၵိၼ်​လူမ်း​ၵိၼ်​လႅင်ႉ​ၵူၺ်း ဢမၢၼ်ႇ​ၶၼ်​ပဵၼ်​ဢေႃႈ။</verse>
			</chapter>
			<chapter number="5">
				<verse number="1">ယၢမ်း​မိူဝ်ႈ​ဢၼ်​မႂ်း​ၵႂႃႇ​ၵႃႈ​တီႈ​ႁိူၼ်း ၽြႃး​ပဵၼ်​ၸဝ်ႈ​ၼၼ်ႉ​ၸိုင်၊ ပႂ်ႉ​တိၼ်​မႂ်း​ယူႇ​တႃႉ။ တၢင်း​ဢၼ် သုတ်ႉ​ၸပ်း​သုတ်ႉ​ၸူး​ႁႂ်ႈ​လႆႈ​ထွမ်ႇ​တြႃး​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ပုၵ်ႈ​ၸေႃႇ​ဢၼ်​ၵူၼ်း​မိူၵ်ႈ​ႁဵတ်း​ၼၼ်ႉ​ဢေႃႈ။ ၶဝ်​ၼၼ်ႉ ဢမ်ႇ​ႁူႉ​လွင်ႈ​ဢၼ်​ၶဝ်​ႁဵတ်း​ဢပႅတ်ႈ​ၼၼ်ႉ။-</verse>
				<verse number="2">ယႃႇ​ပေ​ႁႂ်ႈ​သူပ်း​မႂ်း​လိုမ်း​ႁဵတ်း​သတီႉ။ ယႃႇ​ပေ​ႁႂ်ႈ​ႁူဝ်​ၸႂ်​မႂ်း​ၶၼ်​ၽႂ်း ႁႂ်ႈ​လႆႈ​လၢတ်ႈ​ၵႂၢမ်း​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ။ ၽြႃး​ပဵၼ်​ၸဝ်ႈ မီး​ၵႃႈ​တီႈ​ၽုင်ႇ​ၵၢင်​ႁၢဝ်​ဢေႃႈ။ မႂ်း​ၸိုင် မီး​ၵႃႈ​ၼိူဝ်​လိၼ်​မိူင်း​ဢေႃႈ။ ပိူဝ်ႈ​ၼႆ​လႄႈ ယႃႇ​ပေ​ႁႂ်ႈ​ၵႂၢမ်း​မႂ်း​ၼမ်။-</verse>
				<verse number="3">တၢင်း​ဢၼ်​ၼွၼ်း​ၽၼ်​ႁၼ်​ၼၼ်ႉ ၸၢင်ႈ​ပဵၼ်​မႃး​ၵွပ်ႈ​ပိူဝ်ႈ​ဢၼ်​ၵၢၼ်​တၢင်း​ႁဵတ်း​ၼမ်​ၼၼ်ႉ​လႄႈ လႆႈ​ငိၼ်း​သဵင်​ၵေႃႉ​ဢၼ်​မိူၵ်ႈ​ၼၼ်ႉ ၵွပ်ႈ​ပိူဝ်ႈ​ဢၼ်​သူပ်း​ၼမ်​ၵႂၢမ်း​ၼမ်​ဢေႃႈ။-</verse>
				<verse number="4">ပေႃး​ႁဵတ်း​ၵတီႉ​သဵတ်ႈ​ၸႃႇ​တီႈ​ၽြႃး​ပဵၼ်​ၸဝ်ႈ​မႅၼ်ႈ​ၸိုင် ယင်း​ဢမ်ႇ​ၽေႇ​ဝၢတ်ႈ​သဵတ်ႈ​ၸႃႇ​လႄႈ ယႃႇ​ပေ​ယူႇ။ မၼ်း​ၸဝ်ႈ​ဢမ်ႇ​ၵျိူၵ်ႈ​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ။ ၽေႇ​ဝၢတ်ႈ​ၸွမ်း​ၵႃႈ​ၼင်ႇ​ဢၼ် ႁဵတ်း​ၵတီႉ​သဵတ်ႈ​ၸႃႇ​ဝႆႉ​ၼၼ်ႉ​တႃႉ။-</verse>
				<verse number="5">တၢင်း​ဢၼ်​ယင်း​ဢမ်ႇ​ႁဵတ်း ၵတီႉ​သဵတ်ႈ​ၸႃႇ​လႃး​လႃး​လႄႈ​ယူႇ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ႁဵတ်း​ၵတီႉ​သဵတ်ႈ​ၸႃႇ​ယဝ်ႉ​လႄႈ ယင်း​ဢမ်ႇ​ၽေႇ​လႄႈ​ယူႇ​ၼၼ်ႉ​ဢေႃႈ။-</verse>
				<verse number="6">ယႃႇ​ပေ​ပၼ်​သူပ်း​မႂ်း ႁႂ်ႈ​တၢမ်ႇ​ဢပႅတ်ႈ​ႁွတ်ႈ​ထိုင်​တီႈ​တူဝ်​ၶၼ်ႇ​ထႃႇ​မႂ်း။ ယႃႇ​ပေ​ႁႂ်ႈ​မီး​လွင်ႈ​ဢၼ်​တၵ်း​လႆႈ​လၢတ်ႈ​ၵႃႈ​တီႈ​ၽၢႆႇ​ၼႃႈ​တမၢၼ်ႇ​ၸဝ်ႈ​လႄႈ​ဝႃႈ၊ ၵဝ်​ၶႃႈ​ၽိတ်း​ပိူင်ႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၽြႃး​ပဵၼ်​ၸဝ်ႈ တၵ်း​လႆႈ​ၸႂ်​မႆႈ​ၶႆႈ​ၸႃႉ​တီႈ​သဵင်​ၵႂၢမ်း​မႂ်း​လႄႈ ယႃႉ​ၽဵဝ်ႈ​လွင်ႈ​တၢင်း​ဢၼ်​မႂ်း​ဢဝ်​မိုဝ်း​ႁဵတ်း​သၢင်ႈ​ၼၼ်ႉ​ပႅတ်ႈ​ၼင်ႇ​ႁိုဝ်။-</verse>
				<verse number="7">ၵႃႈ​ၼႂ်း​တၢင်း​ဢၼ်​ၼွၼ်း​ၽၼ်​ႁၼ်​ၼမ်​ၼႃႇ ဢိၵ်ႇ​တင်း​ၵႃႈ​ၼႂ်း​ၵႂၢမ်း​ဢၼ်​ၼမ်​ၼႃႇ​ၼၼ်ႉ ၸၢင်ႈ​ပႃး​လွင်ႈ​တၢင်း​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။ မႂ်း​ၸမ်ႉ၊ ၵူဝ်​ႁႄ​ၽြႃး​ပဵၼ်​ၸဝ်ႈ​ယူႇ​တႃႉ။</verse>
				<verse number="8">ပေႃး​မႂ်း​ႁၼ်​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ၵူၼ်း​ယၢၵ်ႈ​ၵူၼ်း​ၽၢၼ်၊ တၢင်း​ဢၼ်​ဝႄႈ​ပိူင်ႈ​သဵၼ်ႈ​တၢင်း​တြႃး​လႄႈ ဢမ်ႇ​ၸွမ်း​ၼင်ႇ​တြႃး ႁဵတ်း​ပႄႉ​ႁဵတ်း​ၼႅင်ႇ ၸီႇ​ယၢင်ႇ​တႅပ်း​တတ်း​ၵႃႈ​ၼႂ်း​ဢိူင်ႇ​ဝၢၼ်ႈ​ၼွၵ်ႈ​ၼႃး​ပၢင်ႇ​ၼၼ်ႉ​ၸိုင်၊ ယႃႇ​ပေ​မီး​တၢင်း​ဢၼ်​ဢၢမ်း လွင်ႈ​တၢင်း​ၸိူဝ်ႉ​ၼင်ႇ​ၼၼ်​ၼၼ်ႉ။ ၵေႃႉ​ဢၼ်​ယႂ်ႇ​သုင်​ၼႃႇ​သေ​ၵေႃႉ​ဢၼ်​ယႂ်ႇ​သုင်​ၼၼ်ႉ လူ​တူၺ်း​မၢတ်ႈ​တွင်း​လွင်ႈ​မၼ်း​ဝႆႉ​ယူႇ​ဢမ်ႇ​ၵႃး၊ ၵေႃႉ​ဢၼ်​ယႂ်ႇ​သုင်​ၼႃႇ​သေ​ပိူၼ်ႈ​ၼၼ်ႉ မီး​ယူႇ​ၵႃႈ​ၼိူဝ်​ၶဝ်​ၼၼ်ႉ​ဢေႃႈ။-</verse>
				<verse number="9">တၢင်း​ဢၼ်​ပဵၼ်​တိုၼ်း​ပဵၼ်​ႁွၼ်း ဢၼ်​ပဵၼ်​မႃး​ၵႃႈ​တီႈ​လိၼ်​မိူင်း​ၼႆႉ​ၼၼ်ႉ ပဵၼ်​ပုၼ်ႈ​ၵူၼ်း​တင်း​သဵင်ႈ​တင်း​လူင်​လႄႈ၊ ၶုၼ်​ႁေႃ​ၶမ်း​သေ​ၵေႃႈ လႆႈ​ၶၢမ်ႇ​ဢဝ်​ၵျေး​ၸူး​ႁႆႊ ၵျေး​ၸူး​ၼႃး​ဢေႃႈ။</verse>
				<verse number="10">ၵေႃႉ​ဢၼ် ၸႂ်​ၸပ်း​ၸႂ်​ၸွႆး​ငိုၼ်း​ၼၼ်ႉ ဢလူဝ်ႇ​သၼ်ႇတႃႉ ဢမ်ႇ​ပေႇ​တီႈ​ငိုၼ်း​လႆႈ။ ၵေႃႉ​ဢၼ် ၸႂ်​ၸပ်း​ၸႂ်​ၸွႆး​ၸေး​ၸိမ်ႇ​ၼၼ်ႉ ပိၵ်ႉ​သမ်ႉ​ၸေး​ၸိမ်ႇ​ယႂ်ႇ​ၽႄႈ​တူဝ်း​တွၼ်း​မႃး​သေ​ၵေႃႈ ဢမ်ႇ​ပေႇ​ၸႂ်​လႆႈ။ လွင်ႈ​တၢင်း​ၼၼ်ႉ ၵေႃႈ​ပဵၼ်​ဢၼတ်ႉတႃႉ​ဢေႃႈ။-</verse>
				<verse number="11">ယၢမ်း​မိူဝ်ႈ​ဢၼ်​ဢုၵ်ႉ​ၸႃႇ​ယႂ်ႇ​ၽႄႈ​တူဝ်း​တွၼ်း​မႃး​ၼၼ်ႉ​ၸိုင် ၶဝ်​ၸိူဝ်း​ဢၼ်​လႆႈ​ၵိၼ်​ၵေႃႈ ယႂ်ႇ​ၽႄႈ​ၼမ်​ၵိုၼ်း​မႃး​လႄႈ ၼွၵ်ႈ​သေ​ၵျေး​ၸူး​တၢင်း​ဢၼ် ၸဝ်ႈ​ဢုၵ်ႉ​ၸႃႇ​ဢဝ်​မၢၵ်ႇ​တႃ​မၼ်း​လူ​တူၺ်း​ၼၼ်ႉ​ၵူၺ်း မီး​ၵျေး​ၸူး​ၵႃႈ​သင်​လူး​ၵွၼ်ႇ။-</verse>
				<verse number="12">ၵေႃႉ​ဢၼ်​ႁဵတ်း​ၵၢၼ်​တၢင်း​ႁဵတ်း​ၼၼ်ႉ ၵိၼ်​ၼမ်​ၼမ်​သေ​ဢမ်ႇ​ဝႃႈ၊ ၵိၼ်​ၵေႇ​ၵေႇ​သေ​ဢမ်ႇ​ဝႃႈ၊ ၸၢင်ႈ​ၼွၼ်း​လပ်း​လီ​ဝၢၼ်​လီ​ဢေႃႈ။ ၸေး​ၸိမ်ႇ​ၵေႃႉ​ဢၼ်​မၢၵ်ႈ​မီး​ၼၼ်ႉ​ၸမ်ႉ၊ ၸၢင်ႈ​ႁႂ်ႈ​တၢင်း​ၼွၼ်း​ၸဝ်ႈ​မၼ်း​လူႉ​ဢေႃႈ။</verse>
				<verse number="13">ၵဝ်​လႆႈ​ႁၼ်​တၢင်း​ဢၼ်​ႁၢႆႉ​ယုတ်ႈ​ၼႃႇ​လူင်​လၢင် ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ​ဢၼ်​ဝႃႈ တၢင်း​ဢၼ်​ၸဝ်ႈ​ၸေး​ၸိမ်ႇ​သိမ်း​ပႅင်း​ၸေး​ၸိမ်ႇ​ဝႆႉ တေႃႇ​ထိုင်​ႁွတ်ႈ​ထၼ်ႈ​ပေႃး​ဢၵျူဝ်း​မၼ်း​လူႉ​ၼၼ်ႉ​ယဝ်ႉ။-</verse>
				<verse number="14">ၸေး​ၸိမ်ႇ​ၼၼ်ႉ​ၸၢင်ႈ​ႁူင်ႈ​ႁၢႆ​ၵႂႃႇ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​လႄႈ ပေႃး​မၼ်း​လႆႈ​လုၵ်ႈ​ၸၢႆး​ၸိုင် လုၵ်ႈ​ၸၢႆး​မၼ်း​ၼၼ်ႉ လႆႈ​ယူႇ​တိၼ်​လၢႆ​မိုဝ်း​ပဝ်ႇ​ဢေႃႈ။-</verse>
				<verse number="15">ၸိူဝ်ႉ​ၼင်ႇ​ဢၼ်​မၼ်း ယင်း​ဢမ်ႇ​ပႃး​ၵႃႈ​သင်​လႃး​လႃး​လႄႈ ဢွၵ်ႇ​သေ​ၵႃႈ​ၼႂ်း​တွင်ႉ​မႄႈ​မၼ်း​မႃး​ၼၼ်ႉ၊ မၼ်း​တၵ်း​လႆႈ​ၶိုၼ်း​ၵႂႃႇ​မိူၼ်​ၸိူဝ်ႉ​ၼင်ႇ​ဢၼ်​မၼ်း​မႃး​ၼၼ်ႉ​ဢေႃႈ။ မၼ်း​ဢမ်ႇ​လႆႈ​ဢဝ်​မိုဝ်း​မၼ်း​ယိပ်း​ၵမ်​ဢဝ်​ဢုၵ်ႉ​ၸႃႇ ဢၼ်​မၼ်း​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​လႄႈ​လႆႈ​ၼၼ်ႉ​ၵႂႃႇ သေ​ၸိူဝ်ႉ​သေ​ပိူင်။-</verse>
				<verse number="16">တၢင်း​ဢၼ်​မၼ်း​ယင်း​ဢမ်ႇ​ပႅၵ်ႇ​ဢမ်ႇ​ပိူင်ႈ​လႃး​လႃး​လႄႈ လႆႈ​ၶိုၼ်း​ၵႂႃႇ​ၼၼ်ႉ ပဵၼ်​တၢင်း​ဢၼ်​ႁၢႆႉ​ယုတ်ႈ​ၼႃႇ​လူင်​လၢင်​ဢေႃႈ။ ၵေႃႉ​ဢၼ်​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း ႁႂ်ႈ​လႆႈ​လူမ်း​လႆႈ​လႅင်ႉ​ၵူၺ်း​ၼၼ်ႉ မီး​ၵျေး​ၸူး​ၵႃႈ​သင်။-</verse>
				<verse number="17">မၼ်း​ၸၢင်ႈ​ႁႂ်ႈ​မိုဝ်ႉ​ဝၼ်း​မၼ်း တင်း​သဵင်ႈ​တင်း​လူင်​ပူၼ်ႉ​ၵႂႃႇ​ယူႇ​ၵႃႈ​ၼႂ်း​ဢၼ်​လပ်း​သိင်ႇ​လႄႈ မၼ်း​လႆႈ​ၶၢမ်ႇ​တၢင်း​ဢၼ်​ယႃႉ​ယူၵ်ႉ၊ တၢင်း​ဢၼ်​ယၢပ်ႇ​ၸႂ်​ယုင်ႈ​ၸႂ်၊ တၢင်း​ဢၼ်​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​ဢေႃႈ။</verse>
				<verse number="18">တူၺ်း​လူး၊ လွင်ႈ​တၢင်း​ဢၼ်​ၵဝ်​ႁၼ် ဢၼ်​ပဵၼ်​ဢၼ်​သေႇ​ၶျႃႇ​လီ​ငၢမ်း​လႄႈ ထုၵ်ႇ​ၶိုင်​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​ၵိၼ်​ဢၼ်​ၶူပ်း၊ တၢင်း​ဢၼ်​မူၼ်ႈ​ပျေႃႇ​ယူႇ​ၵႃႈ​ၼႂ်း​ဢၵျူဝ်း​ၵႃႈ​ဢၼ်​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ ၸူဝ်ႈ​ဢသၢၵ်ႈ​ၵႃႈ​ဢၼ်​ၽြႃး​ပဵၼ်​ၸဝ်ႈ​ပၼ်​တီႈ​မၼ်း​ၼၼ်ႉ​တဵမ်​တဵမ်​လႄႈ​လႆႈ​ၼၼ်ႉ​ဢေႃႈ။ လွင်ႈ​တၢင်း​ၼၼ်ႉ​ပဵၼ်​ပုၼ်ႈ​မၼ်း​တႃႇ​မၼ်း​ဢေႃႈ။-</verse>
				<verse number="19">ၵႃႈ​ပဵၼ်​ၵေႃႉ​ဢၼ်​လႆႈ​ၸေး​ၸိမ်ႇ​ဢုၵ်ႉ​ၸႃႇ ဢၼ်​ၽြႃး​ပဵၼ်​ၸဝ်ႈ​ဢဵတ်း​လူ​ပၼ်​ၼၼ်ႉ​ၵူႈ​ၵေႃႉ မီး​ဢၶႂၢင်ႉ​ဢၼ်​လႆႈ​ၵိၼ်​လႄႈ ၶၢမ်ႇ​ဢဝ်​ပုၼ်ႈ​မၼ်း​တႃႇ​မၼ်း ဢိၵ်ႇ​တင်း​ဢၶႂၢင်ႉ​ဢၼ်​လႆႈ​မူၼ်ႈ​ပျေႃႇ​ယူႇ​ၼႂ်း​တၢင်း​ဢၼ်​မၼ်း​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​ၼၼ်ႉ ၵွပ်ႈ​ပိူဝ်ႈ​ၵျေး​ၸူး​ၽြႃး​ပဵၼ်​ၸဝ်ႈ​ၵူၺ်း​ဢေႃႈ။-</verse>
				<verse number="20">မၼ်း​တၵ်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မိုဝ်ႉ​ဝၼ်း​ဢသၢၵ်ႈ​မၼ်း ဢၼ်​ပူၼ်ႉ​မႃး​ယဝ်ႉ​ၼၼ်ႉ​ၼႃႇ​လူင်​လၢင်။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ဢဵတ်း​လူ​ပၼ်​ဢၶႂၢင်ႉ ဢၼ်​ႁူဝ်​ၸႂ်​မၼ်း​လႆႈ​ၸူမ်း​လႆႈ​သိူဝ်း ၼၼ်ႉ​ဢေႃႈ။</verse>
			</chapter>
			<chapter number="6">
				<verse number="1">လွင်ႈ​တၢင်း​ဢၼ်​ႁၢႆႉ​ဢၼ်​ယုတ်ႈ ဢၼ်​ၵဝ်​လႆႈ​ႁၼ်​ၵႃႈ​တီႈ​တႂ်ႈ​ၵၢင်​ဝၼ်း​လႄႈ ပဵၼ်​ဢၼ်​ၼၵ်း​ၼႃႇ​ၵႃႈ​ၼိူဝ်​ၵူၼ်း တင်း​လၢႆ​ၸမ်ႉ၊-</verse>
				<verse number="2">ပဵၼ်​ၵေႃႉ​ဢၼ် ၽြႃး​ပဵၼ်​ၸဝ်ႈ ပၼ်​ဢုၵ်ႉ​ၸႃႇ​ၸေး​ၸိမ်ႇ​ၵုင်ႇ​သရေႇ​တီႈ​မၼ်း ထၼ်ႈ​ပေႃး​မၼ်း​ဢမ်ႇ​လူဝ်ႇ​ထႅင်ႈ​ၵႃႈ​ၼႂ်း​ၵႃႈ​ဢၼ်​မၼ်း​မီး​ဢလူဝ်ႇ​သၼ်ႇတႃႉ​ၼၼ်ႉ သေ​ၸိူဝ်ႉ​သေ​ပိူင်​သေ​ၵေႃႈ၊ ၽြႃး​ပဵၼ်​ၸဝ်ႈ ဢမ်ႇ​ပၼ်​ဢၶႂၢင်ႉ ဢၼ်​တူဝ်​မၼ်း​လႆႈ​ၸၢမ်ႇ​ၸႃး​လႄႈ၊ ပိူၼ်ႈ​တၢင်ႇ​ၵေႃႉ​ဢၼ်​ဢမ်ႇ​ၸၢပ်ႈ​ဢမ်ႇ​သႅင်ႇ​ၵၼ်​တင်း​မၼ်း​ၼၼ်ႉ​ၶဝ်ႈ​လႄႈ​ၸၢမ်ႇ​ၸႃး​ၼၼ်ႉ​ဢေႃႈ။ လွင်ႈ​တၢင်း​ၼၼ်ႉ ပဵၼ်​ဢၼတ်ႉတႃႉ၊ ပဵၼ်​တၢင်း​ၶႆႈ​တၢင်း​ပဵၼ်​ဢၼ်​ႁၢႆႉ​ယုတ်ႈ​ၼႃႇ​ဢေႃႈ။-</verse>
				<verse number="3">ပေႃး​သေ​ၵေႃႉ​သေ​ၵူၼ်း လႆႈ​လုၵ်ႈ​လႆႈ​လၢင်း​ပဵၼ်​ပၢၵ်ႇ​လႄႈ ဢသၢၵ်ႈ​မၼ်း​ယၢဝ်း​ယိုၼ်း​ၼႃႇ​ထၼ်ႈ​ပေႃး ၶူပ်ႇ​ပီႊ​မိုဝ်ႉ​ဝၼ်း​မၼ်း​ၼမ်​ၼႃႇ​သေ​ၵေႃႈ၊ ဢလူဝ်ႇ​သၼ်ႇ​တႃႉ​မၼ်း ယင်း​ဢမ်ႇ​ပျေႉ​ၸုမ်ႇ​ဝႆႉ​တင်း​တၢင်း​ဢၼ်​လီ​ဢၼ်​ငၢမ်း​လႄႈ၊ မၼ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ၸိုင်၊ လုၵ်ႈ​ဢွၼ်ႇ​ဢၼ်​လူႉ​ယွတ်ႇ​ၼၼ်ႉ ယဵင်ႈ​ၶႅၼ်း​မျၢတ်ႈ​ၼႃႇ​သေ​ၵေႃႉ​ၼၼ်ႉ​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ လုၵ်ႈ​ဢွၼ်ႇ​ၼၼ်ႉ​ပေႃႇ​မႃး​လၢႆ​လၢႆ​လွၵ်ႇ​လွၵ်ႇ​လႄႈ ဢွၵ်ႇ​ၵႂႃႇ​ၵႃႈ​ၼႂ်း​ဢၼ်​လပ်း​သိင်ႇ​ဢေႃႈ။ ၸိုဝ်ႈ​သဵင်​မၼ်း​ၵေႃႈ မီး​တၢင်း​ဢၼ်​လပ်း​သိင်ႇ​ႁူမ်ႇ​သုမ်ႇ​ဝႆႉ​ယူႇ​ဢေႃႈ။-</verse>
				<verse number="5">ၵၢင်​ဝၼ်း​ၵေႃႈ​မၼ်း​ဢမ်ႇ​လႆႈ​ႁၼ် ဢမ်ႇ​လႆႈ​ႁူႉ​လွင်ႈ​တၢင်း​သေ​ၸိူဝ်ႉ​သေ​ပိူင်​လႃး​လႃး။ ၼႂ်း​ဝႃႈ​ၼၼ်​သေ​ၵေႃႈ မၼ်း​ယဵင်ႈ​ၶႅၼ်း လႆႈ​ၵတ်း​ယဵၼ်​ၶျၢမ်း​သႃႇ​လိူဝ်​တွၼ်း​ၼႃႇ​သေ​ၵေႃႉ​ၼၼ်ႉ​ဢေႃႈ။-</verse>
				<verse number="6">ပိၵ်ႉ​သမ်ႉ​ၵေႃႉ​ၼၼ်ႉ ဢသၢၵ်ႈ​လိပ်း​ယူႇ​သေ​သွင်​ႁဵင်​ပီႊ​ၼိုင်ႈ​လႄႈ ဢမ်ႇ​မီး​ဢၵျူဝ်း​ၵႃႈ​သင်​သေ​ၵေႃႈ၊ ၵူၼ်း​တင်း​သဵင်ႈ​တင်း​လူင်​လႆႈ​ၵႂႃႇ​ၸူး​ၵႃႈ​တီႈ တီႈ​လဵဝ်​ၵူၺ်း​ဢမ်ႇ​ၸႂ်ႈ​ႁိုဝ်။</verse>
				<verse number="7">ပိၵ်ႉ​သမ်ႉ​ၵႃႈ​ဢၼ်​ၵူၼ်း​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​ၼၼ်ႉ ပဵၼ်​ပုၼ်ႈ​သူပ်း​မၼ်း​ၵူၺ်း​သေ​ၵေႃႈ တၢင်း​ဢၼ်​ၸႂ်​မၼ်း​ၶႂ်ႈ​ၵိၼ်​ၼၼ်ႉ​ဢမ်ႇ​ပေႇ​လႆႈ။-</verse>
				<verse number="8">ပိူဝ်ႈ​ၼႆ​လႄႈ ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ မီး​ဢၵျူဝ်း​ဢၼ်​ယဵင်ႈ​ၶႅၼ်း​လိူဝ်​တွၼ်း​ၼႃႇ​သေ​ၵေႃႉ​ဢၼ်​မိူၵ်ႈ​ၼၼ်ႉ​ၵႃႈ​သင်​လူး​ၵွၼ်ႇ။ ဢၵျူဝ်း​ၵေႃႉ​ဢၼ်​ယၢၵ်ႈ​ဢၼ်​ၽၢၼ် ဢၼ်​ၸၢင်ႈ​ၵႂႃႇ​မႃး​ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​ၸမ်ႉ၊ ပဵၼ်​ၵႃႈ​သင်။-</verse>
				<verse number="9">တၢင်း​ဢၼ် မၢၵ်ႇ​တႃ​တူဝ်​ၸဝ်ႈ​ၵဝ်ႇ​တူၺ်း​ႁၼ်​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​တၢင်း​ဢၼ် လေႃး​ၽႃႉ​ထူင်ႇ​ထဵဝ်ႈ​ယူႇ​ၼၼ်ႉ​ဢေႃႈ။ လွင်ႈ​တၢင်း​ၼၼ်ႉ ပဵၼ်​လွင်ႈ​တၢင်း​ဢၼတ်ႉတႃႉ၊ လွင်ႈ​တၢင်း​ဢၼ်​ၵိၼ်​လူမ်း​ၵိၼ်​လႅင်ႉ​ၵူၺ်း​ဢေႃႈ။-</verse>
				<verse number="10">ၵႃႈ​ဢၼ်​မီး​ၼၼ်ႉ​ၸိုင် လႆႈ​ႁွင်ႉ​ႁဵၵ်ႈ​ၸိုဝ်ႈ​ဝႆႉ​ႁိုင်​ၼႃႇ​လူင်​လၢင်​ယဝ်ႉ။ လႆႈ​ႁူႉ​လွင်ႈ​ဢၼ်​လွင်ႈ​ၼၼ်ႉ ပဵၼ်​ၵူၼ်း​ဢေႃႈ။ ၵူၼ်း​ၸိုင် ဢမ်ႇ​ၶေႉ​ၶဵင်ႇ​ၵၼ်​တင်း ၵေႃႉ​ဢၼ်​တၼ်း​ၶူဝ်း​ယႂ်ႇ​ၼႃႇ​သေ​မၼ်း​ၼၼ်ႉ​လႆႈ။-</verse>
				<verse number="11">ၵွပ်ႈ​ပိူဝ်ႈ​ဢၼ်​လွင်ႈ​တၢင်း​ဢၼ် ႁႂ်ႈ​ဢၼတ်ႉတႃႉ​ယႂ်ႇ​ၽႄႈ​တူဝ်း​တွၼ်း​မႃး​ၼၼ်ႉ မီး​ၼမ်​ၼႃႇ​လႄႈ ၵူၼ်း​ႁဝ်း​ၼႆႉ​မီး​ၵျေး​ၸူး​ၵႃႈ​သင်။-</verse>
				<verse number="12">ၽူႈ​လႂ်​ႁူႉ​လွင်ႈ​တၢင်း​ဢၼ်​ပဵၼ်​ဢၼ်​လီ​ဢၼ်​ငၢမ်း တီႈ​ၵူၼ်း​ၼႂ်း​ၸူဝ်ႈ​ဢသၢၵ်ႈ​မၼ်း ဢၼ်​ဝႃႈ မိုဝ်ႉ​ဝၼ်း​ဢသၢၵ်ႈ​ဢၼတ်ႉတႃႉ​မၼ်း ဢၼ်​ၸၢင်ႈ​ပူၼ်ႉ​ၵႂႃႇ​ယူႇ​ၸိူဝ်ႉ​ၼင်ႇ​ႁူမ်ႈ​ၵွင်ႉ​ငဝ်း​ၼၼ်ႉ​တဵမ်​တဵမ်​ၼၼ်ႉ​လႆႈ။ ၽူႈ​လႂ်​လၢတ်ႈ​လူၺ်ႈ​လွင်ႈ​တၢင်း​ဢၼ် တၵ်း​ပဵၼ်​မႃး​လိုၼ်း​မၼ်း ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ ၸိူဝ်း​ၼၼ်ႉ​တီႈ​ၵူၼ်း​လႆႈ။</verse>
			</chapter>
			<chapter number="7">
				<verse number="1">သရေႇ​ဢၼ်​လီ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ ၼမ်ႉ​မၼ်း​ၼၢမ်ႇ​သႃႇ​ဢေႃႈ။ မိုဝ်ႉ​ဝၼ်း​ဢၼ်​လႆႈ​တၢႆ​ၵေႃႈ ယဵင်ႈ​ၶႅၼ်း​လီ​ၼႃႇ​သေ ဝၼ်း​ဢၼ်​ၵိူတ်ႇ​လဵင်ႉ​မႃး​ၼၼ်ႉ​ဢေႃႈ။-</verse>
				<verse number="2">တၢင်း​ဢၼ်​ၵႂႃႇ ၵႃႈ​တီႈ​ႁိူၼ်း​မႃႇ​သႃႇ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​တၢင်း​ဢၼ်​ၵႂႃႇ​ၵႃႈ​တီႈ​ႁိူၼ်း​ဢၼ်​ၶၢမ်ႇ​ပွႆး​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ဢၼ်​ၼၼ်ႉ​ပဵၼ်​တီႈ​သုတ်း​တီႈ​ၵွႆ ၵူၼ်း​တင်း​သဵင်ႈ​တင်း​လူင်​လႄႈ ၶဝ်​ၸိူဝ်း​ဢၼ်​ဢသၢၵ်ႈ​ယင်း​လိပ်း​ယူႇ​ၼၼ်ႉ တၵ်း​ဢွၼ်​ၵၼ်​ဢဝ်​သႂၢင်း​မႅၼ်ႈ​ၵႃႈ​ၼႂ်း​ႁူဝ်​ၸႂ်​ဢေႃႈ။-</verse>
				<verse number="3">တၢင်း​ဢၼ်​မႆႈ​ၸႂ်​ၶီ​ၸႂ်​ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ယုမ်ႉ​ၶူဝ်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ၼႃႈ​ႁဵဝ်ႇ​ၸွပ်ႈ​ၼၼ်ႉ​လႄႈ ႁူဝ်​ၸႂ်​ၸၢင်ႈ​ယဵင်ႈ​ၶႅၼ်း​တၵ်း​လီ​မႃး​ဢေႃႈ။-</verse>
				<verse number="4">ႁူဝ်​ၸႂ်​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ မီး​ၵႃႈ​တီႈ​ႁိူၼ်း​မႃႇ​သႃႇ​လႄႈ ႁူဝ်​ၸႂ်​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ​ၸမ်ႉ၊ မီး​ၵႃႈ​တီႈ​ႁိူၼ်း​တီႈ​ဢၼ်​ႁဵတ်း တၢင်း​ဢၼ်​မူၼ်ႈ​ဢၼ်​ပျေႃႇ​ၼၼ်ႉ​ဢေႃႈ။-</verse>
				<verse number="5">တၢင်း​ဢၼ် ထွမ်ႇ​ငိၼ်း​ၵႂၢမ်း​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ သင်ႇ​သွၼ်​သုင်း​မႃႉ​ပၼ်​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ထွမ်ႇ​ငိၼ်း​ၵႂၢမ်း​ဢၼ်​ၵူၼ်း​မိူၵ်ႈ​ႁဵတ်း​ၵႂၢမ်း​ၼၼ်ႉ​ဢေႃႈ။-</verse>
				<verse number="6">လွင်ႈ​မၼ်း​ၸမ်ႉ တၢင်း​ဢၼ်​ယုမ်ႉ​ၶူဝ်​ၵေႃႉ​ဢၼ်​မိူၵ်ႈ​ၼၼ်ႉ မိူၼ်​ၸိူဝ်ႉ​ၼင်ႇ သဵင်​ဢၼ်​ၽႆး​မႆႈ​တူၼ်ႈ​ၼၢမ်​ယူႇ​ၵႃႈ​တီႈ​တႂ်ႈ​မေႃႈ​ၼၼ်ႉ​ဢေႃႈ။ လွင်ႈ​တၢင်း​ၼၼ်ႉ​ၵေႃႈ ပဵၼ်​ဢၼတ်ႉတႃႉ​ဢေႃႈ။</verse>
				<verse number="7">တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ ၸၢင်ႈ​ႁႂ်ႈ​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ယွင်ႇ​မႃႈ​လႄႈ လၢၵ်ႈ​သွင်ႇ​တၼ်း​သူဝ်း​ၵေႃႈ ၸၢင်ႈ​ႁႂ်ႈ​ႁူဝ်​ၸႂ် လုတ်ႈ​ႁၢမ်း​ဢေႃႈ။-</verse>
				<verse number="8">တီႈ​သုတ်း​တီႈ​ၵွႆ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ မိူဝ်ႈ​ၸင်ႇ​ၸႃႉ​ႁဵတ်း​ဢေႃႈ။ သၽေႃး​တၢင်း​ဢၼ်​ၸၢင်ႈ​ယိူၼ်ႉ​ၶၢမ်ႇ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ သၽေႃး​ဢၼ်​မႃႇၼႃႉ​ယႂ်ႇ​ဢေႃႈ။-</verse>
				<verse number="9">ယႃႇ​ပေ​ၸႂ်​ပွတ်း​တေႃႇ​ထိုင်​ႁွတ်ႈ​ထၼ်ႈ​ပေႃး တၢင်း​ၸႂ်​မႆႈ​ၶႆႈ​ၸႃႉ​ဢွၵ်ႇ။ တၢင်း​ၸႂ်​မႆႈ​ၶႆႈ​ၸႃႉ​ၼၼ်ႉ ၸၢင်ႈ​တူၵ်း​တီႈ​တူၵ်း​လႅၼ်​ယူႇ​ၵႃႈ​တီႈ ႁူဝ်​ၸႂ်​ၵေႃႉ​ဢၼ်​မိူၵ်ႈ​ဢေႃႈ။-</verse>
				<verse number="10">ယႃႇ​ပေ​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶိင်ႇ​ၵႃႇလႃႉ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ယဵင်ႈ​ၶႅၼ်း​လီ​လိူဝ်​တွၼ်း​ၼႃႇ​သေ ၶိင်ႇ​ၵႃႇလႃႉ​မိူဝ်ႈ​လဵဝ်​ၼႆႉ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ၼၼ်ႉ။ လွင်ႈ​မၼ်း​ၸမ်ႉ တၢင်း​ဢၼ်​ထၢမ်​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​တၢင်း​ဢၼ်​ထၢမ်​ၸွမ်း​ၼင်ႇ​ပိင်ႇ​ၺႃႇ​ဢမ်ႇ​ၸႂ်ႈ။</verse>
				<verse number="11">ပိင်ႇ​ၺႃႇ​ၸိုင် ၸၢင်ႈ​လီ​မိူၼ်​ၸိူဝ်ႉ​ၼင်ႇ​ဢမူၺ်ႇ​ဢုၵ်ႉ​ၸႃႇ​လႄႈ ႁဵတ်း​ၵျေး​ၸူး​တီႈ​ၶဝ်​ၸိူဝ်း​ဢၼ်​ႁၼ်​ၵၢင်​ဝၼ်း​ၼၼ်ႉ​ဢေႃႈ။-</verse>
				<verse number="12">လွင်ႈ​မၼ်း​ၸမ်ႉ ပိင်ႇ​ၺႃႇ​ၸၢင်ႈ​ႁႄႉ​ၸၢင်ႈ​ၵင်ႈ မိူၼ်​ၸိူဝ်ႉ​ၼင်ႇ​ငိုၼ်း ၸၢင်ႈ​ႁႄႉ​ၸၢင်ႈ​ၵင်ႈ​ၼၼ်ႉ​ဢေႃႈ။ ဢတၢတ်ႈ​တၢင်း​ႁူႉ​တၢင်း​ၸၢင်ႈ ပဵၼ်​ဢၼ်​မျၢတ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ပိင်ႇ​ၺႃႇ​ၸၢင်ႈ​ပႂ်ႉ​ဢသၢၵ်ႈ​ၵေႃႉ​ဢၼ်​လႆႈ​မၼ်း​ၼၼ်ႉ​ယူႇ​ဢေႃႈ။-</verse>
				<verse number="13">ၶႆႈ​ၸႂ်​ဝူၼ်ႉ​ၸႂ်​လူၺ်ႈ လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ​ႁဵတ်း​ၼၼ်ႉ​တႃႉ။ လွင်ႈ​တၢင်း​ဢၼ် မၼ်း​ၸဝ်ႈ​ႁႂ်ႈ​ၵူတ်ႉ​ၼၼ်ႉ​ၸိုင် ၽူႈ​လႂ်​ႁႂ်ႈ​သိုဝ်ႈ​လႆႈ။-</verse>
				<verse number="14">မီး​တၢင်း​ဢၼ်​ၸူမ်း​သိူဝ်း​ၼႂ်း​မိုဝ်ႉ​ဝၼ်း​ဢၼ်​လႆႈ​လီ​လႆႈ​ပဵၼ်​ၼၼ်ႉ​တႃႉ။ ၶႆႈ​ၸႂ်​ဝူၼ်ႉ​ၸႂ်​ၼႂ်း​မိုဝ်ႉ​ဝၼ်း​ဢၼ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​တႃႉ။ လွင်ႈ​ၼင်ႇ​ႁိုဝ်​ၵူၼ်း​တၵ်း​ဢမ်ႇ​လႆႈ​ႁူႉ လွင်ႈ​တၢင်း​ဢၼ်​တၵ်း​ပဵၼ်​မႃး​မိူဝ်ႈ​ၵမ်း​လိုၼ်း​မၼ်း​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ ပၼ်​သွင်​ၸိူဝ်ႉ​သွင်​ပိူင် ပဵၼ်​လႄႉ​ပဵၼ်​ၵမ်း​ဢေႃႈ။</verse>
				<verse number="15">လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် ဢၼ်​ၵဝ်​လႆႈ​ထူပ်း​ႁၼ် ၼႂ်း​မိူဝ်ႈ​ဢၼ်​ၵဝ်​ယူႇ​လၢႆ​လၢႆ​လွၵ်ႇ​လွၵ်ႇ​ၼၼ်ႉ​ၸမ်ႉ၊ မီး​ၵေႃႉ​ဢၼ်​သိုဝ်ႈ​တေႃႇ ဢၼ်​သုမ်း​ၸွမ်း​ၼႂ်း​တၢင်း​ဢၼ်​မၼ်း​သိုဝ်ႈ​တေႃႇ​ၼၼ်ႉ​ဢေႃႈ။ ၵေႃႉ​ဢၼ်​ႁၢႆႉ​ဢၼ်​ယုတ်ႈ​ဢၼ်​ဢသၢၵ်ႈ​ယၢဝ်း​ယိုၼ်း​ယူႇ​ၼႂ်း​တၢင်း​ဢၼ်​မၼ်း​ႁၢႆႉ​မိူၵ်ႈ​ၼၼ်ႉ​ၵေႃႈ​မီး​ဢေႃႈ။-</verse>
				<verse number="16">ယႃႇ​ပေ​သိုဝ်ႈ​တေႃႇ ပူၼ်ႉ​လိူဝ်​ၼႃႇ​လူင်​လၢင်။ ယႃႇ​ပေ​မီး​ပိင်ႇ​ၺႃႇ​ပူၼ်ႉ​လိူဝ်​ၼႃႇ​လူင်​လၢင်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၶႂ်ႈ​ယႃႉ​ဢၵျူဝ်း​မႂ်း​ၼင်ႇ​ႁိုဝ်။-</verse>
				<verse number="17">ယႃႇ​ပေ​ႁၢႆႉ​ယုတ်ႈ ပူၼ်ႉ​လိူဝ်​ၼႃႇ​လူင်​လၢင်။ ယႃႇ​ပေ​မိူၵ်ႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၶႂ်ႈ​တၢႆ​ၸူဝ်ႈ​ဢၼ်​ၶိင်ႇ​မၼ်း​ဢမ်ႇ​ပႆႇ​ထိုင်​ၼၼ်ႉ​ၼင်ႇ​ႁိုဝ်။-</verse>
				<verse number="18">လီ​ၸပ်း​ၸွႆး​ဢၼ်​ၼႆႉ​ယူႇ​ဢေႃႈ။ ဢၼ်​ၼၼ်ႉ​ၵေႃႈ​ယႃႇ​ပေ​ပွႆႇ​မိုဝ်း​ၽႃႈ​မိုဝ်း။ ၵေႃႉ​ဢၼ်​ၵူဝ်​ႁႄ​ၽြႃး​ပဵၼ်​ၸဝ်ႈ​ၼၼ်ႉ တၵ်း​လွတ်ႈ​ဢွၵ်ႇ​သေ ၵႃႈ​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ဢေႃႈ။</verse>
				<verse number="19">ပိင်ႇ​ၺႃႇ​ႁႂ်ႈ​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ယဵင်ႈ​ၶႅၼ်း​မီး​တၼ်း​ၶူဝ်း​လိူဝ်​တွၼ်း​ၼႃႇ​သေ ပူဝ်ႇ​သိုၵ်း​သိပ်း​ၵေႃႉ​ဢၼ်​ယူႇ​ၵႃႈ​ၼႂ်း​ဝဵင်း​ၼၼ်ႉ​ဢေႃႈ။-</verse>
				<verse number="20">ၵေႃႉ​ဢၼ် သိုဝ်ႈ​တေႃႇ​ဢၼ်​ယင်း​ဢမ်ႇ​ပႃး​ဢပႅတ်ႈ​လႄႈ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​ယူႇ​ၼၼ်ႉ ဢမ်ႇ​မီး​ၵႃႈ​ၼိူဝ်​လိၼ်​မိူင်း​သေ​ၵေႃႉ​သေ​ၵူၼ်း။-</verse>
				<verse number="21">ယႃႇ​ပေ​ဝႆႉ​ဢမူႉ​တီႈ​ၵႂၢမ်း​ၵႃႈ​ဢၼ်​ပိူၼ်ႈ​တၢင်ႇ​ၵေႃႉ​လၢတ်ႈ​ၼၼ်ႉ။ ပေႃး​ဢမ်ႇ​ၼၼ်​မႂ်း​တၵ်း​ငိၼ်း​ၵႂၢမ်း​ဢၼ်​ၶႃႈ​မႂ်း​ၵိၼ်ႇ​လႃႇ​မႂ်း​ၼၼ်ႉ​ဢေႃႈ။-</verse>
				<verse number="22">ႁူဝ်​ၸႂ်​မႂ်း​ႁူႉ​လွင်ႈ​ဢၼ်​တူဝ်​မႂ်း​ယၢမ်ႈ​ၵိၼ်ႇ​လႃႇ​ပိူၼ်ႈ​ယူႇ ၶိူဝ်း​ၶိူဝ်း​ယႂ်း​ယႂ်း​ၼၼ်ႉ​ယူႇ​ဢေႃႈ။</verse>
				<verse number="23">လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼႆႉ​ၸိုင်၊ ၵဝ်​ဢဝ်​တင်း​ပိင်ႇ​ၺႃႇ​ၸၢမ်း​တူၺ်း​ယဝ်ႉ။ ပိၵ်ႉ​သမ်ႉ​ၵဝ်​လၢတ်ႈ​လႄႈ​ဝႃႈ၊ ၵဝ်​တၵ်း​ပျေႉ​ၸုမ်ႇ​ဝႆႉ​တင်း​ပိင်ႇ​ၺႃႇ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ ပိင်ႇ​ၺႃႇ​ၼၼ်ႉ​ၵႆ​ၵၼ်​တင်း​ၵဝ်​ဢေႃႈ။ လွင်ႈ​တၢင်း​ဢၼ်​ၵႆ၊ လွင်ႈ​တၢင်း​ဢၼ်​လိုၵ်ႉ​လမ်ႇ​ၼႃႇ​လူင်​လၢင်​ၼၼ်ႉ​ၸိုင်၊ ၽူႈ​လႂ်​ႁႃ​လႄႈ​ထူပ်း​လႆႈ။-</verse>
				<verse number="24">ၵဝ်​ဝၢႆႇ​ၶိုၼ်း​လႄႈ​ၵျၢမ်ႇ​ပွင်​ၼႂ်း​ႁူဝ်​ၸႂ်​ၵဝ် ႁႂ်ႈ​လႆႈ​ႁူႉ​ၸႅင်ႈ​လႄႈ တွင်ႈ​ထၢမ်​ႁႃ​ဢဝ်​ပိင်ႇ​ၺႃႇ​တြႃး တင်း​လွင်ႈ​မၼ်း​တၢင်း​မၼ်း ဢိၵ်ႇ​တင်း​ႁႂ်ႈ​လႆႈ​ႁူႉ​ၸႅင်ႈ လွင်ႈ​ဢၼ်​ဢပႅတ်ႈ​တၢင်း​ဢၼ်​ၵမ်​ၵျၢင်ႉ​ဢၼ်​ႁၢႆႉ​ဢၼ်​ယုတ်ႈ​ၼၼ်ႉ ပဵၼ်​တၢင်း​ဢၼ်​မိူၵ်ႈ​ၼႃႇ​လူင်​လၢင်​တင်း၊-</verse>
				<verse number="25">လွင်ႈ​ဢၼ်​ဢပႅတ်ႈ​တၢင်း​ဢၼ်​ၵမ်​ၵျၢင်ႉ​ဢၼ်​မိူၵ်ႈ​ၼႃႇ​ၼၼ်ႉ ပဵၼ်​တၢင်း​ဢၼ်​ယွင်ႇ​ဢၼ်​မႃႈ​ၼၼ်ႉ​ယဝ်ႉ။-</verse>
				<verse number="26">ၵဝ်​ထူပ်း​ႁၼ် လွင်ႈ​တၢင်း​ဢၼ်​ၶူမ်​ၼႃႇ​သေ​တၢင်း​တၢႆ ဢၼ်​ဝႃႈ​မႄႈ​ယိင်း​ဢၼ်​ႁူဝ်​ၸႂ်​မၼ်း​ၸၢင်ႈ​ၵျၢမ်ႇ​ပွင်​မႄး​ႁဵတ်း​တူင်ႇ​ႁႅဝ်ႉ တင်း​ၶႄ​လႄႈ မိုဝ်း​မၼ်း​ၸၢင်ႈ​ပဵၼ်​ၸိူၵ်ႈ​ဢၼ်​မတ်ႉ​ၽုၵ်ႇ​ၼၼ်ႉ​ယဝ်ႉ။ ၵေႃႉ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ် ၽြႃး​ပဵၼ်​ၸဝ်ႈ​ၼၼ်ႉ​ၵူၺ်း တၵ်း​ၵၢင်း​လွတ်ႈ​မၼ်း​ၼၼ်ႉ​ဢေႃႈ။ ၵေႃႉ​ဢၼ်​ၸၢင်ႈ​ႁဵတ်း​ဢပႅတ်ႈ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​မၼ်း​တီႉ​လႆႈ​ဢေႃႈ။-</verse>
				<verse number="27">ၵဝ်​သြႃႇ​ထမ်ႇမႃႉ​တေႇသၼႃႇ​ဝႃႈ​ၸမ်ႉ၊ တူၺ်း​လူး၊ ၵဝ်​ထူပ်း​ႁၼ်​လွင်ႈ​တၢင်း​ၼႆႉ ၼႂ်း​မိူဝ်ႈ​ဢၼ်​ၵဝ်​ထၢပ်ႈ​ထႅင်ႈ​ဢၼ်​ၼိုင်ႈ​ယဝ်ႉ​ဢၼ်​ၼိုင်ႈ ႁႂ်ႈ​လႆႈ​ၸၢမ်း​တူၺ်း​ႁႃ​ဢဝ် တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၼၼ်ႉ ႁူဝ်​ၸႂ်​ၵဝ်​ယင်း​ႁႃ​ဢဝ်​ယူႇ​လႄႈ ဢမ်ႇ​ပႆႇ​ထူပ်း​ၼၼ်ႉ​ၸမ်ႉ၊-</verse>
				<verse number="28">ၼႂ်း​ၵူၼ်း​ၸၢႆး​ႁဵင်​ၼိုင်ႈ​ၼၼ်ႉ၊ ၵဝ်​ထူပ်း​ၵေႃႉ​ၼိုင်ႈ​ယဝ်ႉ။ ၼႂ်း​ၵူၼ်း​ယိင်း​တင်း​ႁဵင်​ၼၼ်ႉ ၵဝ်​ဢမ်ႇ​ထူပ်း​သေ​ၵေႃႉ​သေ​ၵူၼ်း။-</verse>
				<verse number="29">တူၺ်း​လူး၊ လွင်ႈ​တၢင်း​ဢၼ်​ၵဝ်​ထူပ်း​ဢၼ်​ၼိုင်ႈ​ၵူၺ်း​ၸမ်ႉ၊ ပိၵ်ႉ​သမ်ႉ​ၽြႃး​ပဵၼ်​ၸဝ်ႈ ႁဵတ်း​ပဵၼ်​ၵူၼ်း​ႁႂ်ႈ​သိုဝ်ႈ​တေႃႇ​သေ​ၵေႃႈ၊ ၶဝ်​ဢွၼ်​ၵၼ်​ၵျၢမ်ႇ​ပွင်​ႁႃ​ဢဝ် တၢင်း​ၵျၢမ်ႇ​တၢင်း​ပွင်​ဢၼ်​ၼမ်​ၼႃႇ​ၼၼ်ႉ​ယဝ်ႉ။</verse>
			</chapter>
			<chapter number="8">
				<verse number="1">ၽူႈ​လႂ်​ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ။ ၽူႈ​လႂ်​ႁူႉ​ၸႅင်ႈ​ဢၼၢၵ်ႈ​ဢၼ်​လိုၵ်ႉ​ဢၼ်​လမ်ႇ​ၼၼ်ႉ။ ၵူၼ်း​ၸမ်ႉ၊ ပိင်ႇ​ၺႃႇ​မၼ်း ၸၢင်ႈ​ႁႂ်ႈ​ၼႃႈ​မၼ်း​ႁိူဝ်ႈ​ႁိူင်း​လႄႈ တၢင်း​ဢၼ်​မႃႇၼႃႉ​ၸႂ်​သုင်​မၼ်း​ၼၼ်ႉ ယႃႉ​ႁၢင်ႈ​ယႃႉ​ၽၢင်​ၼႃႈ​မၼ်း​ပႅတ်ႈ​ဢေႃႈ။</verse>
				<verse number="2">ၵဝ်​ပၼ်​တၢင်း​ၵျၢမ်ႇ​တၢင်း​ပွင်​လႄႈ​ဝႃႈ၊ ထွၵ်ႈ​လူၺ်ႈ​သဵတ်ႈ​ၸႃႇ ဢၼ်​ႁဵတ်း​တီႈ​ၽြႃး​ပဵၼ်​ၸဝ်ႈ​ၼၼ်ႉ​သေ​လႄႈ ပႂ်ႉ​ၸွမ်း​ဢမိင်ႉ​ၶုၼ်​ႁေႃ​ၶမ်း​ယူႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ယႃႇ​ပေ​လိုမ်း​ႁဵတ်း​သတီႉ​လႄႈ​ဢွၵ်ႇ​သေ​ၵႃႈ​တီႈ​မၼ်း​ၸဝ်ႈ။ ယႃႇ​ပေ​ယိပ်း​ပေ​ၵမ် လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း။ မၼ်း​ၸဝ်ႈ​တၵ်း​ၸီႇ​ယၢင်ႇ​ၸွမ်း​ၵႃႈ​ၼင်ႇ​ဢၼ် ဢလူဝ်ႇ​မၼ်း​ၸဝ်ႈ​မီး​ၼၼ်ႉ​ဢေႃႈ။-</verse>
				<verse number="4">ဢမိင်ႉ​ၶုၼ်​ႁေႃ​ၶမ်း​ၼၼ်ႉ ပႃး​တၼ်း​ၶူဝ်း​ဢေႃႈ။ ၽူႈ​လႂ်​တၵ်း​လဝ်ႊ​ထၢမ်​တီႈ​မၼ်း​ၸဝ်ႈ​လႄႈ​ဝႃႈ၊ ၸဝ်ႈ​ႁဝ်း​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ၼၼ်ႉ​လႆႈ။-</verse>
				<verse number="5">ၵေႃႉ​ဢၼ်​ပႂ်ႉ​ၸွမ်း​ဢမိင်ႉ​ၸဝ်ႈ​ယူႇ​ၼၼ်ႉ တၵ်း​ၵၢင်း​လွတ်ႈ​တင်း​ရႃႇၸဝူတ်ႈ​လႄႈ ႁူဝ်​ၸႂ်​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ​ၵေႃႈ ၸၢင်ႈ​ႁူႉ​ၸၢင်ႈ​ႁၼ် ၶိင်ႇ​မၼ်း​ၶႃႇ​မၼ်း ဢိၵ်ႇ​တင်း​ဢၶႂၢင်ႉ​ဢၼ်​လႆႈ​ၸီႇ​ယၢင်ႇ​ၼၼ်ႉ​ယူႇ​ဢေႃႈ။-</verse>
				<verse number="6">ပုၼ်ႈ​ၵႃႈ​ဢၼ်​ၵူၼ်း​ၵျၢမ်ႇ​ပွင်​ၼၼ်ႉ​ၸိုင်၊ မီး​ၶိင်ႇ​မၼ်း​ၶႃႇ​မၼ်း​ဢိၵ်ႇ​တင်း​ဢၶႂၢင်ႉ​ဢၼ်​လႆႈ​ၸီႇ​ယၢင်ႇ​ဢေႃႈ။ လွင်ႈ​မၼ်း​ၸမ်ႉ တၢင်း​ဢၼ်​ၵူၼ်း​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ယႂ်ႇ​ၼႃႇ​လူင်​လၢင်​တီႈ​ၵူၼ်း​ဢေႃႈ။-</verse>
				<verse number="7">ၽူႈ​လႂ်​ဢမ်ႇ​ႁူႉ​လွင်ႈ​တၢင်း​ဢၼ် တၵ်း​ပဵၼ်​မႃး​မိူဝ်ႈ​ၵမ်း​လိုၼ်း​ၼၼ်ႉ။ ၽူႈ​လႂ်​တၵ်း​လၢတ်ႈ​လွင်ႈ​ဢၼ် တၵ်း​ပဵၼ်​မႃး​ၸိူဝ်ႉ​ၼင်ႇ​ႁိုဝ်​ၼၼ်ႉ​လႆႈ။-</verse>
				<verse number="8">ၵေႃႉ​ဢၼ်​ဢုပ်ႉ​ပိူင်ႇ​ၸႂ်​ဝီႉၺိၺ်ႇ​လႄႈ ၶျုၵ်ႈ​ဝႆႉ​လႆႈ​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။ မၼ်း​ဢမ်ႇ​မီး​တၼ်း​ၶူဝ်း​ဢၼ်​ဢုပ်ႉ​ဝၼ်း​ဢၼ်​မၼ်း​တၢႆ​ၼၼ်ႉ။ ဢမ်ႇ​မီး​ဢၶႂၢင်ႉ​ဢၼ်​လႆႈ​ဢွၵ်ႇ​သေ​ၵႃႈ​ၼႂ်း​ဢမူႉ​သိုၵ်း​ၼၼ်ႉ။ တူႉ​ၸရိူၵ်ႈ​ၵေႃႈ​ဢမ်ႇ​ၵႄႇ​သႄႇ​ၼုၵ်ႈ​ဢဝ်​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မၼ်း​ၼၼ်ႉ​လႆႈ။</verse>
				<verse number="9">ၵဝ်​ထူပ်း​ႁၼ်​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼႆႉ​လႄႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​ၵႃႈ​ဢၼ်​ႁဵတ်း​ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ​ၸိူဝ်း​ၼၼ်ႉ​ယဝ်ႉ။​မီး​ၶိင်ႇ​ဢၼ်​ၵေႃႉ​ၼိုင်ႈ ဢုပ်ႉ​ပိူင်ႇ​ၵႃႈ​ၼိူဝ်​ၵေႃႉ​ၼိုင်ႈ ႁႂ်ႈ​ဢၵျူဝ်း​တူဝ်​ၸဝ်ႈ​ၵဝ်ႇ​လူႉ​ၼၼ်ႉ​ယူႇ​ဢေႃႈ။-</verse>
				<verse number="10">ၼွၵ်ႈ​သေ​ၼၼ်ႉ ၵဝ်​ႁၼ်​လွင်ႈ​ဢၼ် ၶဝ်​ၸိူဝ်း​ဢၼ်​ႁၢႆႉ​ဢၼ်​ယုတ်ႈ​ဢၼ်​ဢွၼ်​ၵၼ်​မႃး​လႄႈ လုၵ်ႉ​သေ​ၵႃႈ​ၼႂ်း​ထႃႇၼႃႉ တီႈ​ဢၼ်​မူတ်း​ၸၢင်ႇ​ဢွၵ်ႇ​ၵႂႃႇ​ၼၼ်ႉ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ ဢိၵ်ႇ​တင်း​လွင်ႈ​ဢၼ်​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၶုၵ်း​ၸႂ်​လႆႈ ၶႆႈ​ၸႂ်​ထူပ်း​ၶဝ်​ၼၼ်ႉ ၵႃႈ​ၼႂ်း​ဝဵင်း​ဢၼ်​ၶဝ်​ႁဵတ်း​တၢင်း​ဢၼ်​ႁၢႆႉ​ဢၼ်​ယုတ်ႈ​ၼၼ်ႉ​ယဝ်ႉ။ လွင်ႈ​တၢင်း​ၼၼ်ႉ​ၵေႃႈ ပဵၼ်​ဢၼတ်ႉတႃႉ​ဢေႃႈ။-</verse>
				<verse number="11">ၵွပ်ႈ​ပိူဝ်ႈ​ဢၼ်​ယင်း​ဢမ်ႇ​ၸႅတ်ႈ​ထၢမ်​ၸႅတ်ႈ​တူၺ်း ဢမူႉ​တၢင်း​ဢၼ်​ႁၢႆႉ​ဢၼ်​မိူၵ်ႈ ၶၼ်​ၶၼ်​ၽႂ်း​ၽႂ်း​သေ​လႄႈ ပၼ်​တၢမ်ႇ​ဢပႅတ်ႈ​ၼၼ်ႉ​လႄႈ၊ လုၵ်ႈ​ၵူၼ်း​တင်း​လၢႆ​ဢွၼ်​ၵၼ်​ဝႆႉ​သၽေႃး​ၵႅၼ်ႇ​ၶႅင်​ၼႃႇ​လူင်​လၢင် ႁႂ်ႈ​လႆႈ​ႁဵတ်း​ဢမူႉ​တၢင်း​ဢၼ်​ႁၢႆႉ​ဢၼ်​မိူၵ်ႈ​ဢေႃႈ။-</verse>
				<verse number="12">ပိၵ်ႉ​သမ်ႉ​ၵေႃႉ​ဢၼ်​ပူၼ်ႉ​လိူဝ်​ၼၼ်ႉ ႁဵတ်း​ဢမူႉ​တၢင်း​ဢၼ်​ႁၢႆႉ​ဢၼ်​မိူၵ်ႈ​တေႃႇ​ထိုင်​ႁွတ်ႈ​ပၢၵ်ႇ​ပွၵ်ႈ​လႄႈ ၸူဝ်ႈ​ဢသၢၵ်ႈ​မၼ်း​ယၢဝ်း​ယိုၼ်း​သေ​ၵေႃႈ၊ ၵဝ်​ႁူႉ​လွင်ႈ​ဢၼ်​ၶဝ်​ၸိူဝ်း​ဢၼ်​ၵူဝ်​ႁႄ ၽြႃး​ပဵၼ်​ၸဝ်ႈ​ၼၼ်ႉ တၵ်း​လႆႈ​ၶၢမ်ႇ​ဢၵျူဝ်း​ဢၼ်​လီ ၵွပ်ႈ​ပိူဝ်ႈ​ဢၼ်​ၵူဝ်​ႁႄ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ​ယူႇ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="13">ၵေႃႉ​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ ဢမ်ႇ​လႆႈ​ၶၢမ်ႇ​ဢၵျူဝ်း​ဢၼ်​လီ။ ဢသၢၵ်ႈ​မၼ်း​ၵေႃႈ​ဢမ်ႇ​လႆႈ​ယိုၼ်း​လႆႈ​ယၢဝ်း​လႄႈ တၵ်း​မိူၼ်​ၸိူဝ်ႉ​ၼင်ႇ ႁူမ်ႈ​ၵွင်ႉ​ငဝ်း​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​ၵူဝ်​ဢမ်ႇ​ႁႄ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။</verse>
				<verse number="14">လွင်ႈ​တၢင်း​ဢၼတ်ႉတႃႉ ဢၼ်​ၸၢင်ႈ​ပဵၼ်​ၵႃႈ​ၼိူဝ်​လိၼ်​မိူင်း​ၼႆႉ​ပႃး​ၼိုင်ႈ​ၸမ်ႉ၊ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၵမ်ႈ​ၽွင်ႈ​လႆႈ​ဢွၼ်​ၵၼ်​ၶၢမ်ႇ မိူၼ်​ၸိူဝ်ႉ​ၼင်ႇ​ဢၼ် ၵေႃႉ​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ ထိူၵ်ႈ​ၶၢမ်ႇ ၵွပ်ႈ​ပိူဝ်ႈ​ဢမူႉ​ဢၼ်​မၼ်း​ႁဵတ်း​ၼၼ်ႉ​ဢေႃႈ။ မိူၼ်​ၸိူဝ်ႉ​ၼင်ႇ​ၼၼ်၊ ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ​ၵမ်ႈ​ၽွင်ႈ လႆႈ​ဢွၼ်​ၵၼ်​ၶၢမ်ႇ​ဢဝ် မိူၼ်​ၸိူဝ်ႉ​ၼင်ႇ​ဢၼ် ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ထိူၵ်ႈ​ၶၢမ်ႇ​ၵွပ်ႈ​ပိူဝ်ႈ​ဢမူႉ​ဢၼ်​မၼ်း​ႁဵတ်း​ၼၼ်ႉ​ဢေႃႈ။ ၵဝ်​လႆႈ​ဝႃႈ၊ လွင်ႈ​တၢင်း​ၼၼ်ႉ​ၵေႃႈ ပဵၼ်​ဢၼတ်ႉတႃႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မိူဝ်ႈ​ၼၼ်ႉ ၵဝ်​ယွင်ႈ​ယေႃး​တၢင်း​ဢၼ်​မူၼ်ႈ​ဢၼ်​ပျေႃႇ​ဢေႃႈ။ လွင်ႈ​မၼ်း​ၸမ်ႉ တၢင်း​ဢၼ်​ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ၵိၼ်​ဢၼ်​ၶူပ်း၊ တၢင်း​ဢၼ်​မူၼ်ႈ​ဢၼ်​ပျေႃႇ​ၼၼ်ႉ ဢမ်ႇ​မီး​တီႈ​ၵူၼ်း​ႁဝ်း​ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ။ ၼႂ်း​ဢၵျူဝ်း​ဢၼ်​မၼ်း​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​လႄႈ​လႆႈ ၼႂ်း​ၸူဝ်ႈ​ဢသၢၵ်ႈ​မၼ်း ဢၼ်​ၽြႃး​ပဵၼ်​ၸဝ်ႈ​ဢဵတ်း​လူ​ပၼ် ၵႃႈ​တီႈ​တႂ်ႈ​ၵၢင်​ဝၼ်း​ၸိူဝ်း​ၼၼ်ႉ၊ မၼ်း​လႆႈ​ၶၢမ်ႇ​ဢဝ်​ဢၵျူဝ်း​ၼၼ်ႉ​ၵူၺ်း​ဢေႃႈ။-</verse>
				<verse number="16">မိူဝ်ႈ​ဢၼ်​ၵဝ်​တိုၵ်း​ယူင်း​ႁူဝ်​ၸႂ်​ၵဝ် ႁႂ်ႈ​လႆႈ​ႁူႉ​ပိင်ႇ​ၺႃႇ​တြႃး ဢိၵ်ႇ​တင်း​ႁႂ်ႈ​လႆႈ​ႁၼ် လွင်ႈ​တၢင်း​ဢၼ်​ႁဵတ်း​ၵႃႈ​ၼိူဝ်​လိၼ်​မိူင်း​ၼႆႉ၊ မိူဝ်ႈ​ဢၼ်​ၵဝ်​ႁၼ်​လွင်ႈ​ဢၼ်​ၵူၼ်း​ၵမ်ႈ​ၽွင်ႈ​ယင်း​ဢမ်ႇ​ၼွၼ်း​တင်း​ဝၼ်း​တင်း​ၶိုၼ်း​လႄႈ​ယူႇ​ၼၼ်ႉ​ၸိုင်၊-</verse>
				<verse number="17">ၵဝ်​လူ​တူၺ်း လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ​ႁဵတ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​လႄႈ ႁၼ်​လွင်ႈ​ဢၼ်​ၵူၼ်း​ႁဝ်း​ၸႅတ်ႈ​တူၺ်း လွင်ႈ​တၢင်း​ဢၼ်​ႁဵတ်း​ဝႆႉ ၵႃႈ​တီႈ​တႂ်ႈ​ၵၢင်​ဝၼ်း​လႄႈ ဢမ်ႇ​သဵင်ႈ​လႆႈ​ၼၼ်ႉ​ဢေႃႈ။ ပိၵ်ႉ​သမ်ႉ​မၼ်း​ၵျူဝ်း​ၸႃး​လႄႈ​ၸႅတ်ႈ​တူၺ်း​သေ​ၵေႃႈ မၼ်း​ဢမ်ႇ​ႁူႉ​တင်း​သဵင်ႈ​တင်း​မူတ်း​လႆႈ။ လိူဝ်​သေ​ၼၼ်ႉ​ဢမ်ႇ​ၵႃး၊ ပိၵ်ႉ​သမ်ႉ​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ထၢင်ႇ​တၵ်း​ႁူႉ​လႆႈ​သေ​ၵေႃႈ တၢင်း​ၵျၢမ်ႇ​တၢင်း​ပွင်​မၼ်း​ဢမ်ႇ​ပဵၼ်​လႆႈ။</verse>
			</chapter>
			<chapter number="9">
				<verse number="1">ၵဝ်​ၶႆႈ​ၸႂ်​ဝူၼ်ႉ​ၸႂ် ႁႂ်ႈ​လႆႈ​ၸၢမ်း​တူၺ်း​လွင်ႈ​တၢင်း​ဢၼ်​ဝႃႈ​မႃး​ၸိူဝ်း​ၼၼ်ႉ​ၸမ်ႉ၊ ၶဝ်​ၸိူဝ်း​ဢၼ်​သိုဝ်ႈ​တေႃႇ၊ ၶဝ်​ၸိူဝ်း​ဢၼ်​မီး​ပိင်ႇ​ၺႃႇ ဢိၵ်ႇ​တင်း​လွင်ႈ​တၢင်း​ဢၼ်​ၶဝ်​ႁဵတ်း​ၸိူဝ်း​ၼၼ်ႉ မီး​ယူႇ​ၵႃႈ​ၼႂ်း​မိုဝ်း​ၽြႃး​ပဵၼ်​ၸဝ်ႈ​ဢေႃႈ။ ၽူႈ​လႂ်​ဢမ်ႇ​ႁူႉ လွင်ႈ​ဢၼ်​ပိူၼ်ႈ​တၵ်း​ႁၵ်ႉ​ပႅင်း​ႁိုဝ်။ လွင်ႈ​ဢၼ်​ပိူၼ်ႈ​တၵ်း​ၸင်း​ႁိုဝ်​ၼၼ်ႉ​လႆႈ။ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် မီး​ၵႃႈ​တီႈ​ဝၼ်း​တႃ​မိူဝ်း​ၼႃႈ​ၶဝ်​ဢေႃႈ။-</verse>
				<verse number="2">လွင်ႈ​တၢင်း​ၵႃႈ​မီး​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၵူၼ်း​တင်း​သဵင်ႈ​တင်း​လူင်​မိူၼ်​မိူၼ်​ၵၼ်​လႄႈ လွင်ႈ​တၢင်း​ၸိူဝ်ႉ​လဵဝ်​ပိူင်​လဵဝ်​ၵူၺ်း ပဵၼ်​တီႈ​ၵေႃႉ​ဢၼ်​တြႃး ဢိၵ်ႇ​တင်း​ၵေႃႉ​ဢၼ်​ဢမ်ႇ​တြႃး၊ ၵေႃႉ​ဢၼ်​လီ​လႄႈ​မူတ်း​သႂ် ဢိၵ်ႇ​တင်း​ၵေႃႉ​ဢၼ်​ဢမ်ႇ​မူတ်း​သႂ်၊ ၵေႃႉ​ဢၼ်​ပုၵ်ႈ​ၸေႃႇ​ယိတ်ႈ ဢိၵ်ႇ​တင်း​ၵေႃႉ​ဢၼ်​ဢမ်ႇ​ပုၵ်ႈ​ၸေႃႇ​ယိတ်ႈ၊ ၵေႃႉ​ဢၼ်​ဢမ်ႇ​မီး​ဢပႅတ်ႈ ဢိၵ်ႇ​တင်း​ၵေႃႉ​ဢၼ်​မီး​ဢပႅတ်ႈ၊ ၵေႃႉ​ဢၼ်​ၵိၼ်ႇ​ဝႃႈ ဢိၵ်ႇ​တင်း​ၵေႃႉ​ဢၼ်​ၵူဝ်​ႁႄ​တၢင်း​ဢၼ်​ၵိၼ်ႇ​ဝႃႈ​ၸိူဝ်း​ၼၼ်ႉ​ဢေႃႈ။-</verse>
				<verse number="3">လွင်ႈ​ဢၼ်​လီ​ငိၼ်း​ၽၢၼ်​ထိုင်​ၸႂ် ဢၼ်​ပႃး​ၵႃႈ​ၼႂ်း​လွင်ႈ​တၢင်း​ၵႃႈ​ဢၼ်​ႁဵတ်း ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ​ၼၼ်ႉ​ၸမ်ႉ၊ လွင်ႈ​တၢင်း​ၸိူဝ်ႉ​လဵဝ်​ပိူင်​လဵဝ်​ၵူၺ်း ႁွတ်ႈ​ထိုင်​ၵႃႈ​ၼိူဝ်​ၵူၼ်း​တင်း​သဵင်ႈ​တင်း​လူင်​ဢေႃႈ။ ႁူဝ်​ၸႂ်​ၵူၼ်း​ႁဝ်း​ၼႆႉ မီး​တဵမ်​ဝႆႉ​တင်း​သၽေႃး​တူႉ​ၸရိူၵ်ႈ ဢမၢၼ်ႇ​ၶၼ်​ပဵၼ်​လႄႈ ၸႂ်​ဢၼ်​ယွင်ႇ​ဢၼ်​မႃႈ​ၼၼ်ႉ မီး​ယူႇ​ၵႃႈ​ၼႂ်း​ႁူဝ်​ၸႂ်​ၶဝ် ၼႂ်း​မိူဝ်ႈ​ဢၼ်​ဢသၢၵ်ႈ​ၶဝ်​ယင်း​လိပ်း​ယူႇ​ၼၼ်ႉ​သေ​လႄႈ လိုၼ်း​ၼၼ်ႉ​ၸၢင်ႈ ဢွၼ်​ၵၼ်​တၢႆ​ၵႂႃႇ​ဢေႃႈ။-</verse>
				<verse number="4">ၵေႃႉ​ဢၼ်​ၶဝ်ႈ​ပႃး​ၼႂ်း​ၶဝ်​ၸိူဝ်း​ဢၼ်​ဢသၢၵ်ႈ​ယင်း​လိပ်း​ယူႇ​ၼၼ်ႉ မီး​တီႈ​ဢၼ်​မုင်ႈ​ထႃႈ​မွင်း​ထႃႈ​လႄႈ မႃ​ဢၼ်​ဢသၢၵ်ႈ​ယင်း​လိပ်း​ယူႇ​ၼၼ်ႉ ယဵင်ႈ​ၶႅၼ်း​လီ​မျၢတ်ႈ​ၼႃႇ​သေ သၢင်ႇ​သီႈ​ဢၼ်​တၢႆ​ယဝ်ႉ​ၼၼ်ႉ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​ဢသၢၵ်ႈ​ယင်း​လိပ်း​ယူႇ​ၼၼ်ႉ ႁူႉ​လွင်ႈ​ဢၼ်​ၶဝ်​တၵ်း​လႆႈ​တၢႆ​ၼၼ်ႉ​ယူႇ​ဢေႃႈ။ ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​ၸမ်ႉ၊ ဢမ်ႇ​ႁူႉ​လွင်ႈ​တၢင်း​သေ​ၸိူဝ်ႉ​သေ​ပိူင်​လႃး​လႃး။ ၶဝ်​ဢမ်ႇ​ၶၢမ်ႇ​ဢဝ်​ဢၵျူဝ်း​ဢပႅတ်ႈ​လႆႈ။ ပိူၼ်ႈ​ၸၢင်ႈ​ဢွၼ်​ၵၼ်​လူင်​လိုမ်း​ၶဝ်​ပႅတ်ႈ​ဢေႃႈ။-</verse>
				<verse number="6">တၢင်း​ဢၼ်​ႁၵ်ႉ​ၶဝ်၊ တၢင်း​ဢၼ်​ၸင်း​ၶဝ်၊ တၢင်း​ဢၼ်​သီႈ​ၵေႉ​ႁေႈ​တႃ​ၶဝ်​ၵေႃႈ လူႉ​ၵႂႃႇ​ႁၢႆ​ၵႂႃႇ​လႄႈ ၶဝ်​ယင်း​ဢမ်ႇ​မီး​ပုၼ်ႈ​မီး​တႃႇ လူၺ်ႈ​ၵၼ်​တင်း​ပိူၼ်ႈ​တၢင်ႇ​ၵေႃႉ ၵႃႈ​ၼႂ်း​လွင်ႈ​တၢင်း​ၵႃႈ​ဢၼ်​ႁဵတ်း ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ​ၸိူဝ်း​ၼၼ်ႉ​လႄႈ​ယူႇ​တႃႇ​သေႇ​ဢေႃႈ။-</verse>
				<verse number="7">ၵႂႃႇ​တႃႉ။ မီး​တင်း​ၸႂ်​ဢၼ်​ၸူမ်း​သိူဝ်း​သေ​လႄႈ ၵိၼ်​တၢင်း​ၵိၼ်​တၢင်း​ၶူပ်း​မႂ်း​တႃႉ။ မီး​တင်း​ၸႂ်​ဢၼ်​သိူဝ်း​သႂၢင်ႇ​သေ​လႄႈ သူတ်ႉ​ၵိၼ်​ၼမ်ႉ​ၸပိတ်ႈ​မႂ်း​တႃႉ။ ၽြႃး​ပဵၼ်​ၸဝ်ႈ ႁပ်ႉ​တုင်း​ဢဝ်​လွင်ႈ​တၢင်း​ဢၼ်​မႂ်း​ႁဵတ်း​ၸိူဝ်း​ၼၼ်ႉ​ယဝ်ႉ။-</verse>
				<verse number="8">ႁႂ်ႈ​ၶူဝ်း​ၼုင်ႈ​တၢင်း​မႆ​မႂ်း ၽိူၵ်ႇ​ၶၢဝ်​ယူႇ​သေႇ​သေႇ​သေ​ၵမ်း။ ၵွၵ်း​ႁူဝ်​မႂ်း​ၵေႃႈ ယႃႇ​ပေ​ႁႂ်ႈ​ၼမ်ႉ​မၼ်း​လႆႈ​ယူတ်း​လႆႈ​ႁႅင်ႈ​သေ​ၵမ်း။-</verse>
				<verse number="9">ၸူမ်း​သိူဝ်း​သႂၢင်ႇ​ၸႂ်​လူၺ်ႈ​ၵၼ်​တင်း​မေး​မႂ်း ဢၼ်​မႂ်း​ႁၵ်ႉ​ၼၼ်ႉ​ၼႃႇ​ၼႃႇ ၸူဝ်ႈ​ဢသၢၵ်ႈ​ဢၼတ်ႉတႃႉ။ ဢၼ်​မၼ်း​ၸဝ်ႈ​ဢဵတ်း​လူ​ပၼ်​တီႈ​မႂ်း ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ​ၼၼ်ႉ​တဵမ်​တဵမ်​လႄႈ ႁႂ်ႈ​ၸူဝ်ႈ​ဢသၢၵ်ႈ​ဢၼတ်ႉတႃႉ​မႂ်း​ပူၼ်ႉ​ၵႂႃႇ​တႃႉ။ ဢၼ်​ၼႆႉ​ၸမ်ႉ၊ ပဵၼ်​ပုၼ်ႈ​ပဵၼ်​တႃႇ​ဢၼ်​မႂ်း​လႆႈ​ၶၢမ်ႇ​ဢဝ် ၵႃႈ​ၼႂ်း​ၸူဝ်ႈ​ဢၼ်​ဢသၢၵ်ႈ​မႂ်း​ယင်း​လိပ်း​ယူႇ​လႄႈ မႂ်း​ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ​ၼၼ်ႉ​ဢေႃႈ။-</verse>
				<verse number="10">လွင်ႈ​တၢင်း​ဢၼ်​လီ​ပွင်​လီ​ႁဵတ်း​ၵႃႈ​မီး​ၼၼ်ႉ​ၸိုင် ၵျူဝ်း​ၸႃး​ဢဝ်​ႁႅင်း​ဢွၵ်ႇ​လႄႈ​ပွင်​ႁဵတ်း​တႃႉ။ လွင်ႈ​မၼ်း​ၸမ်ႉ ၵႃႈ​တီႈ​မိူင်း​မရၼႃႉ​ဢၼ်​ဝႃႈ တီႈ​ဢၼ်​မႂ်း​ယင်း​တိုၵ်ႉ​ၵႂႃႇ​ၸူး​ယူႇ​ၼၼ်ႉ ဢမ်ႇ​မီး​တၢင်း​ဢၼ်​ပွင်​ဢၼ်​ႁဵတ်း၊ တၢင်း​ဢၼ်​ၵျၢမ်ႇ​ဢၼ်​ပွင်၊ ဢတၢတ်ႈ​တၢင်း​ဢၼ်​ႁူႉ​ဢၼ်​ၸၢင်ႈ ဢိၵ်ႇ​တင်း​ပိင်ႇ​ၺႃႇ​လူင်​ပႄႇ။</verse>
				<verse number="11">လႆႈ​သမ်ႉ​ၵဝ်​ဝၢႆႇ​ၶိုၼ်း​လႄႈ လူ​တူၺ်း​ၵႃႈ​တီႈ​တႂ်ႈ​ၵၢင်​ဝၼ်း​ၼႆႉ​လႄႈ ႁၼ်​လွင်ႈ​ဢၼ်​တၢင်း​ဢၼ်​ၶေႉ​ၶဵင်ႇ​ၵၼ် ၶုၼ်ႇ​လႅၼ်ႈ​လႄႈ​ပႄႉ​ၼႅင်ႇ​ၼၼ်ႉ ဢမ်ႇ​ၸၢင်ႈ​မီး​တီႈ​ၵေႃႉ​ဢၼ်​ၶၼ်​ၽႂ်း၊ တၢင်း​ဢၼ်​တိုၵ်း​သိုၵ်း​လႄႈ ဢမ်ႇ​ပႄႉ​ၼႅင်ႇ​ၼၼ်ႉ ဢမ်ႇ​ၸၢင်ႈ​မီး​တီႈ​ၵေႃႉ​ဢၼ်​ႁႅင်း​ယႂ်ႇ​ၼႃႇ​ၼၼ်ႉ၊ တၢင်း​ဢၼ်​ၵိၼ်​ဢိမ်ႇ​ၵိၼ်​တဵမ် ဢမ်ႇ​ၸၢင်ႈ​မီး​တီႈ​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ၊ ၸေး​ၸိမ်ႇ​ဢမ်ႇ​ၸၢင်ႈ​မီး​တီႈ​ၵေႃႉ​ဢၼ်​ၺၢၼ်ႇ​လီ​ၼၼ်ႉ၊ တၢင်း​ဢၼ်​လႆႈ​ၼႃႈ​လႆႈ​တႃ​တီႈ​ပိူၼ်ႈ​ၼၼ်ႉ ဢမ်ႇ​ၸၢင်ႈ​မီး​တီႈ​ၵေႃႉ​ဢၼ်​လၵ်း​လႅမ်​လႄႈ၊ ၶိင်ႇ​မၼ်း​ၶႃႇ​မၼ်း​ဢိၵ်ႇ​တင်း​တၢင်း​ဢၼ်​သၢင်ႇ​ထုၵ်ႇ​ၼၼ်ႉ ၸၢင်ႈ​ပဵၼ်​တီႈ​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="12">ၵူၼ်း​ၸိုင်​ဢမ်ႇ​ၸၢင်ႈ​ႁူႉ​ၶိင်ႇ​ႁူႉ​မိူဝ်ႈ​တူဝ်​ၸဝ်ႈ​ၵဝ်ႇ။ ၸိူဝ်ႉ​ၼင်ႇ​ပႃ ဢၼ်​ၼႅင်ႈ​ၶႄ​ဢၼ်​ႁဵတ်း​ၽေး​ၼၼ်ႉ ႁူမ်ႇ​သုမ်ႇ​မႅၼ်ႈ​ၼၼ်ႉ ဢိၵ်ႇ​တင်း ၸိူဝ်ႉ​ၼင်ႇ​ၼူၵ်ႉ​ဢၼ်​ထုၵ်ႇ​ၶဵၼ်း​မႅၼ်ႈ​ၵႃႈ​တီႈ​တူင်ႇ​ႁႅဝ်ႉ​ၼၼ်ႉ၊ ၵူၼ်း​ႁဝ်း​ၼႆႉ ၸၢင်ႈ​ႁွတ်ႈ​ထိုင်​ၵႃႈ​ၼႂ်း​တူင်ႇ​ႁႅဝ်ႉ​ၼႂ်း​မိူဝ်ႈ​ဢၼ်​ၽေး​ႁွတ်ႈ​ထိုင်​ၼၼ်ႉ​လႄႈ ၶီႉ​ၶႃႉ​ထုၵ်ႇ​ၶဵၼ်း​မႅၼ်ႈ​ၵမ်း​လဵဝ်​ဢေႃႈ။</verse>
				<verse number="13">ပိင်ႇ​ၺႃႇ​ဢၼ်​ၵဝ်​ထူပ်း​ႁၼ်​ၵႃႈ​တီႈ​တႂ်ႈ​ၵၢင်​ဝၼ်း​လႄႈ လီ​ယွင်ႈ​ယေႃး​ၸမ်ႉ၊-</verse>
				<verse number="14">မီး​ဝဵင်း​ဢွၼ်ႇ ဢၼ်​ၵူၼ်း​ဝဵင်း​ၵေႇ​ၼၼ်ႉ​ဝဵင်း​ၼိုင်ႈ​ဢေႃႈ။ ၶုၼ်​ႁေႃ​ၶမ်း​လူင်​ပႃး​ၼိုင်ႈ​မႃး​လႄႈ လွမ်ႉ​ဝႆႉ​သေ​ယဝ်ႉ၊ တႄႇ​ႁဵတ်း​တပ်ႉ ဢၼ်​ယႂ်ႇ​ၼႃႇ​တင်း​လၢႆ ၵႃႈ​ၼွၵ်ႈ​ဝဵင်း​ဢေႃႈ။-</verse>
				<verse number="15">ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ဢၼ်​မီး​ပိင်ႇ​ၺႃႇ​ၼၼ်ႉ မီး​ယူႇ​ၵႃႈ​ၼႂ်း​ဝဵင်း​ၼၼ်ႉ​ၵေႃႉ​ၼိုင်ႈ​လႄႈ မၼ်း​ၼၼ်ႉ​ဢဝ်​တင်း​ပိင်ႇ​ၺႃႇ​မၼ်း​သေ​လႄႈ ၵႄႇ​သႄႇ​ဢဝ်​ဝဵင်း​ၼၼ်ႉ​လွတ်ႈ​ဢေႃႈ။ ၵူၺ်း​ၵႃႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ။-</verse>
				<verse number="16">မိူဝ်ႈ​ၼၼ်ႉ​ၵဝ်​ဝႃႈ​ၸမ်ႉ၊ ပိင်ႇ​ၺႃႇ​ယဵင်ႈ​ၶႅၼ်း​လီ​မျၢတ်ႈ​လိူဝ်​တွၼ်း​ၼႃႇ​သေ​ႁႅင်း​တၼ်း​ၶူဝ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၸၢင်ႈ​ဢွၼ်​ၵၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ပိင်ႇ​ၺႃႇ​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​လႄႈ ဢမ်ႇ​ၸၢင်ႈ​ဢွၼ်​ၵၼ်​ထွမ်ႇ​ဢဝ်​ၵႂၢမ်း​မၼ်း။-</verse>
				<verse number="17">ၸၢင်ႈ​ဢွၼ်​ၵၼ်​ထွမ်ႇ​ဢဝ်​ၵႂၢမ်း​ဢၼ် ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ လၢတ်ႈ​ၼႂ်း​တီႈ​ဢၼ်​တဵတ်ႇ​ဢၼ်​ၼိမ်​ၼၼ်ႉ လိူဝ်​တွၼ်း​ၼႃႇ​သေ​ဢွၼ်​ၵၼ်​ထွမ်ႇ​ဢဝ်​သဵင်​ၵေႃႉ​ဢၼ်​ဢုပ်ႉ​ပိူင်ႇ​ၼၼ်ႉ ႁွင်ႉ​ပၢဝ်ႇ​ႁွင်ႉ​သေႃႇ ၵႃႈ​ၼႂ်း​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ​ဢေႃႈ။-</verse>
				<verse number="18">ပိင်ႇ​ၺႃႇ ယဵင်ႈ​ၶႅၼ်း​လီ​ၼႃႇ​သေ​လၢၵ်ႈ​ၼၢၵ်ႈ​တိုၵ်း​သိုၵ်း​ဢေႃႈ။ ၵႃႈ​ဢၼ်​ႁဵတ်း​တူႉ​ၸရိူၵ်ႈ​ၼၼ်ႉ​ၵေႃႈ ၸၢင်ႈ​ယႃႉ​ၽဵဝ်ႈ​လွင်ႈ​တၢင်း​ဢၼ်​လီ​ဢၼ်​ငၢမ်း​ပႅတ်ႈ​ၼမ်​ၼႃႇ​ဢေႃႈ။</verse>
			</chapter>
			<chapter number="10">
				<verse number="1">မႅင်း​မူၼ်း​ဢၼ်​တၢႆ​ၼၼ်ႉ ႁႂ်ႈ​ၼမ်ႉ​မၼ်း​ၼၢမ်ႇ​သႃႇ ဢၼ်​ၵေႃႉ​ဢၼ်​မေႃ​ႁဵတ်း​ဢၼ်​ႁွမ်​ဢၼ်​ႁူၺ်း​ၼၼ်ႉ တူႇ​ၵႂႃႇ​မဵၼ်​ၵႂႃႇ​ဢေႃႈ။ တၢင်း​ဢၼ်​မိူၵ်ႈ​ဢိတ်း​ဢွၼ်ႇ​ၼိုင်ႈ​ၼၼ်ႉ ၸၢင်ႈ​ယဵင်ႈ​ၶႅၼ်း မီး​မုၼ်သရေႇ​ၼႃႇ​သေ​ပိင်ႇ​ၺႃႇ ဢိၵ်ႇ​တင်း​လွင်ႈ​တၢင်း​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ၼၼ်ႉ​ဢေႃႈ။-</verse>
				<verse number="2">ႁူဝ်​ၸႂ် ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ မီး​ၵႃႈ​တီႈ​မိုဝ်း​ၶွၼ်​ၶႂႃ​မၼ်း​ဢေႃႈ။ ႁူဝ်​ၸႂ်​ၵေႃႉ​ဢၼ်​မိူၵ်ႈ​ၼၼ်ႉ​ၸမ်ႉ၊ မီး​ၵႃႈ​တီႈ​မိုဝ်း​ၶွၼ်​သၢႆႉ​မၼ်း​ဢေႃႈ။-</verse>
				<verse number="3">ၵေႃႉ​ဢၼ်​မိူၵ်ႈ​ၼၼ်ႉ၊ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၵႂႃႇ​တၢင်း​ပႆ​တၢင်း​ယူႇ​ၼၼ်ႉ​ၸိုင်၊ မၼ်း​ၸၢင်ႈ​လိုမ်း​သတီႉ​လႄႈ ၸၢင်ႈ​လၢတ်ႈ​လူၺ်ႈ​လွင်ႈ​ၵူႈ​ၵေႃႉ​ၵူႈ​ၵူၼ်း​လႄႈ​ဝႃႈ၊ မၼ်း​ၼၼ်ႉ​ပဵၼ်​ၵေႃႉ​ဢၼ်​မိူၵ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ပေႃး​ၶုၼ်​ၸႂ်​မႆႈ​ၶႆႈ​ၸႃႉ​တီႈ​မႂ်း​ၸိုင်၊ ယႃႇ​ပေ​ၶၢႆႉ​သေ​ၵႃႈ​တီႈ​ဢၼ်​တူဝ်​မႂ်း​ထုၵ်ႇ​ယူႇ​ၼၼ်ႉ။ တၢင်း​ဢၼ်​ယိူၼ်ႉ​ၶၢမ်ႇ​ၼၼ်ႉ ၸၢင်ႈ​ၽေႇ​ဢပႅတ်ႈ​ဢၼ်​ယႂ်ႇ​ၼႃႇ​ဢေႃႈ။</verse>
				<verse number="5">လွင်ႈ​တၢင်း​ဢၼ်​ႁၢႆႉ​ဢၼ်​ယုတ်ႈ ဢၼ်​ၵဝ်​လႆႈ​ႁၼ်​ၵႃႈ​တီႈ​တႂ်ႈ​ၵၢင်​ဝၼ်း​ဢၼ်​ဝႃႈ လွင်ႈ​တၢင်း​ဢၼ်​ၽိတ်း​ပိူင်ႈ​ဢၼ်​ပဵၼ်​မႃး​ၵႃႈ​တီႈ​ၶုၼ်​ၼၼ်ႉ​ၸမ်ႉ၊-</verse>
				<verse number="6">တၢင်း​ဢၼ်​မိူၵ်ႈ လႆႈ​ယူႇ​လႆႈ​သဝ်း​ၵႃႈ​တီႈ တီႈ​ဢၼ်​သုင်​တင်း​လၢႆ​လႄႈ ၶဝ်​ၸိူဝ်း​ဢၼ်​မၢၵ်ႈ​ဢၼ်​မီး လႆႈ​ၼင်ႈ​ယူႇ​ၵႃႈ​တီႈ တီႈ​ဢၼ်​တႅမ်ႇ​ဢေႃႈ။-</verse>
				<verse number="7">ၵဝ်​လႆႈ​ႁၼ်​ၶႃႈ​လႆႈ​ၶီႇ​မႃႉ​လႄႈ၊ မူး​မၢတ်ႈ​ၽွင်း​မိူင်း​လႆႈ​ပႆ​တိၼ်​ၵႂႃႇ ၵႃႈ​ၼိူဝ်​လိၼ်​မိူၼ်​ၸိူဝ်ႉ​ၼင်ႇ​ၶႃႈ​ၼၼ်ႉ​ယဝ်ႉ။-</verse>
				<verse number="8">ၵေႃႉ​ဢၼ်​ၶုတ်း​ၶုမ်​ၶုတ်း​လုၵ်း​ၼၼ်ႉ တၵ်း​တူၵ်း​သႂ်ႇ​ၵႃႈ​ၼႂ်း​ၶုမ်​ၼႂ်း​လုၵ်း​ၼၼ်ႉ​လႄႈ ၵေႃႉ​ဢၼ်​ယႃႉ​ႁူဝ်ႉ​ဝၢင်း​ပွင်ႇ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ငူး​ၶူပ်း​ဢေႃႈ။-</verse>
				<verse number="9">ၵေႃႉ​ဢၼ်​ၶၢႆႉ​တီႈ​မၢၵ်ႇ​ႁိၼ်​မၢၵ်ႇ​ၽႃ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၸဵပ်း​ဢၼ်​သႅပ်ႇ​လႄႈ၊ ၵေႃႉ​ဢၼ်​ၽႃႇ​ၽိုၼ်း​ၵေႃႈ တၵ်း​လႆႈ​ၶၢမ်ႇ​တၢင်း​ဢၼ်​တိူဝ်ႉ​ဢၼ်​မၢတ်ႇ​ဢေႃႈ။-</verse>
				<verse number="10">ယၢမ်း​မိူဝ်ႈ​ဢၼ်​တႃ​မၢတ်ႇ​ပုၵ်း​ၼၼ်ႉ၊ ပေႃး​ယင်း​ဢမ်ႇ​လပ်ႉ​လႄႈ​ယူႇ​ၸိုင်၊ တၵ်း​လႆႈ​ယဵင်ႈ​ၶႅၼ်း​ဢဝ်​ႁႅင်း​ဢွၵ်ႇ​ယုၵ်ႉ​သႂ်ႇ​ဢေႃႈ။ ပိင်ႇ​ၺႃႇ​ၸမ်ႉ၊ ၸၢင်ႈ​ပၼ်​ဢၶႂၢင်ႉ​ဢၼ်​လႆႈ​ပႄႉ​ၼႅင်ႇ​ဢမူႉ​လႄႈ ၵျေး​ၸူး​ယႂ်ႇ​ဢေႃႈ။</verse>
				<verse number="11">ပေႃး​ငူး​ဢမ်ႇ​ပႆႇ​လႆႈ​ၶၢမ်ႇ​တၢင်း​ဢၼ်​ၸေႃႉ​ဢၼ်​ႁဵတ်း​လႄႈ ၶူပ်း​မႅၼ်ႈ​ၸိုင်၊ ဢမ်ႇ​မီး​ဢၵျူဝ်း​တီႈ​ၵေႃႉ​ဢၼ်​မေႃ​ငူး​ၼၼ်ႉ။-</verse>
				<verse number="12">ၵႂၢမ်း​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ သေႇ​ၶျႃႇ​လီ​ငၢမ်း​လႄႈ သူပ်း​ၵေႃႉ​ဢၼ်​မိူၵ်ႈ​ၼၼ်ႉ​ၸမ်ႉ၊ ၸၢင်ႈ​ဢိုၼ်​ၵိၼ်​တူဝ်​မၼ်း​ဢေႃႈ။-</verse>
				<verse number="13">ငဝ်ႈ​ၵႂၢမ်း​သူပ်း​မၼ်း​ၼၼ်ႉ ပဵၼ်​တၢင်း​ဢၼ်​မိူၵ်ႈ​လႄႈ တီႈ​သုတ်း​ၵႂၢမ်း​သူပ်း​မၼ်း​ၼၼ်ႉ ပဵၼ်​တၢင်း​ဢၼ်​ယွင်ႇ​ဢၼ်​မႃႈ ဢၼ်​ၸၢင်ႈ​ႁဵတ်း​ဢပႅတ်ႈ​ဢေႃႈ။-</verse>
				<verse number="14">ၵေႃႉ​ဢၼ်​မိူၵ်ႈ​ၼၼ်ႉ ၸၢင်ႈ​သူပ်း​ၼမ်​ၵႂၢမ်း​ၼမ်​ဢေႃႈ။ ၵူၺ်း​ၵႃႈ ၵူၼ်း​ဢမ်ႇ​လၢတ်ႈ​လွင်ႈ​တၢင်း​ဢၼ် တၵ်း​ပဵၼ်​မႃး​ၼၼ်ႉ​လႆႈ။ လွင်ႈ​ဢၼ်​တၵ်း​ပဵၼ်​မိူဝ်ႈ​ၵမ်း​လိုၼ်း​ၼၼ်ႉ​ၼၼ်ႉ​ၸိုင် ၽူႈ​လႂ်​လၢတ်ႈ​လႆႈ။-</verse>
				<verse number="15">တၢင်း​ဢၼ်​ၵေႃႉ​ဢၼ်​မိူၵ်ႈ​ၼၼ်ႉ ၵျူဝ်း​ၸႃး​ဢဝ်​ႁႅင်း​ဢွၵ်ႇ​ႁဵတ်း​ၼၼ်ႉ ၸၢင်ႈ​ႁႂ်ႈ​မၼ်း​ယၢပ်ႇ​ၸႂ်​ၶၢၼ်​ၸႂ် ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​ႁူႉ​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ဝဵင်း​ၼၼ်ႉ​ဢေႃႈ။</verse>
				<verse number="16">မိူင်း​ဢိူၺ်း၊ ပေႃး​ၶုၼ်​ႁေႃ​ၶမ်း​မႂ်း​ပဵၼ်​လုၵ်ႈ​ဢွၼ်ႇ​လႄႈ မူး​မၢတ်ႈ​ၽွင်း​မိူင်း​မႂ်း​တင်း​လၢႆ ၸၢင်ႈ​ၵိၼ်​ၸၢင်ႈ​ၶူပ်း​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ၸိုင် မႂ်း​မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="17">မိူင်း​ဢိူၺ်း၊ ပေႃး​ၶုၼ်​ႁေႃ​ၶမ်း​မႂ်း​ပဵၼ်​လုၵ်ႈ​ၶုၼ်​လႄႈ မူး​မၢတ်ႈ​ၽွင်း​မိူင်း​မႂ်း​တင်း​လၢႆ ၸၢင်ႈ​ၵိၼ်​ၸၢင်ႈ​ၶူပ်း​ၼႂ်း​မိူဝ်ႈ​ဢၼ်​ၶိင်ႇ​မၼ်း​ထုၵ်ႇ​ၼၼ်ႉ ႁႂ်ႈ​လႆႈ​ထႅင်ႈ​ဢဵၼ်​ထႅင်ႈ​ႁႅင်း​လႄႈ ဢမ်ႇ​ၵိၼ်​ပူၼ်ႉ​ၵိၼ်​လိူဝ်​ၸိုင် မႂ်း​မီး​မင်ႇၵလႃႇ​ဢေႃႈ။-</verse>
				<verse number="18">ၵွပ်ႈ​ပိူဝ်ႈ​တၢင်း​ဢၼ်​ၶၢၼ်ႉ​ဢၼ်​ဢိူၼ်​ၼႃႇ​လူင်​လၢင်​လႄႈ ႁိူၼ်း​ၸၢင်ႈ​ၽင်ႉ​ဢူႉ​လူႉ​လႅဝ်​ဢေႃႈ။ ၵွပ်ႈ​ပိူဝ်ႈ​ဢၼ်​ယင်း​ဢမ်ႇ​ဢဝ်​မိုဝ်း​ပွင်​ႁဵတ်း​ပွင်​မႄး​လႄႈ​ယူႇ​ၼၼ်ႉ​လႄႈ၊ ႁိူၼ်း​ၸၢင်ႈ​ၽူၼ်​ႁူဝ်ႈ​ဢေႃႈ။-</verse>
				<verse number="19">ၸၢင်ႈ​ႁဵတ်း​ပွႆး​ႁဵတ်း​လၢမ်း ႁႂ်ႈ​လႆႈ​မူၼ်ႈ​ပျေႃႇ​လႄႈ ၼမ်ႉ​ၸပိတ်ႈ​ၵေႃႈ​ၸၢင်ႈ​ႁႂ်ႈ​သႂၢင်ႇ​သိူဝ်း​ဢေႃႈ။ ငိုၼ်း​ၸမ်ႉ၊ ၸၢင်ႈ​ပႄႉ​ၼႅင်ႇ​ၵူႈ​ၸိူဝ်ႉ​ၵူႈ​ပိူင်​ဢေႃႈ။-</verse>
				<verse number="20">ယႃႇ​ပေ​ၵိၼ်ႇ​ပေ​လႃႇ ၶုၼ်​ႁေႃ​ၶမ်း​ယူႇ​ၵႃႈ​ၼႂ်း​ၸႂ်​မႂ်း​လႃး​လႃး​လႄႈ ယႃႇ​ပေ​ၵိၼ်ႇ​ပေ​လႃႇ ၵူၼ်း​မၢၵ်ႈ​ၵူၼ်း​မီး ယူႇ​ၵႃႈ​ၼႂ်း​လုၵ်း​တီႈ​ၼွၼ်း​မႂ်း​လႃး​လႃး။ ၼူၵ်ႉ​ဢၼ်​ၵႂႃႇ​မႃး​ၵႃႈ​ၼိူဝ်​ၽႃႉ​ၵၢင်​ႁၢဝ်​ၼၼ်ႉ တၵ်း​ပႃး​ဢဝ်​သဵင်​ၼၼ်ႉ​ၵႂႃႇ​လႄႈ တူဝ်​ဢၼ်​မီး​ပိၵ်ႇ​ၼၼ်ႉ တၵ်း​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​မၼ်း​တၢင်း​မၼ်း​ဢေႃႈ။</verse>
			</chapter>
			<chapter number="11">
				<verse number="1">ဢဝ်​တၢင်း​ၵိၼ်​တၢင်း​ၶူပ်း​မႂ်း ထိမ်ႈ​တူၵ်း​သႂ်ႇ​ၵႃႈ​ၼိူဝ်​ၼႃႈ​ၼမ်ႉ​တႃႉ။ ၶိင်ႇ​ၵႃႇလႃႉ​ႁိုင်​ၼႃႇ​ယဝ်ႉ​ၸင်ႇ မႂ်း​သမ်ႉ​တၵ်း​လႆႈ​ၶိုၼ်း​ထူပ်း​လူး​ၵွၼ်ႇ​ဢေႃႈ။-</verse>
				<verse number="2">ၽႄ​မႅင်ႇ​ပၼ်​တီႈ​ၵူၼ်း​ၸဵတ်း​ၵေႃႉ​ၵူၺ်း​ဢမ်ႇ​ၵႃး၊ တီႈ​ၵူၼ်း​ပႅတ်ႇ​ၵေႃႉ​တႃႉ။ မႂ်း​ဢမ်ႇ​ႁူႉ​လွင်ႈ​ဢၼ်​ဢမူႉ​ဢၼ်​လႂ် တၵ်း​ႁွတ်ႈ​ထိုင်​ၵႃႈ​ၼိူဝ်​လိၼ်​မိူင်း​ၼၼ်ႉ။-</verse>
				<verse number="3">ပေႃး​ၽႃႈ​ၽူၼ်​တင်း​လၢႆ တဵမ်​ဝႆႉ​တင်း​ၼမ်ႉ​ၽူၼ်​ယဝ်ႉ​ၸိုင်၊ ၸၢင်ႈ​တူၵ်း​သႂ်ႇ ၵႃႈ​ၼိူဝ်​လိၼ်​မိူင်း​လႄႈ ပေႃး​တူၼ်ႈ​မႆႉ​လူမ်ႉ​ၵႂႃႇ​ၵႃႈ​တီႈ​ၽၢႆႇ​တၢင်း​ၸၢၼ်း၊ ဢမ်ႇ​ၼၼ် လူမ်ႉ​ၵႂႃႇ​ၵႃႈ​တီႈ​ၽၢႆႇ​တၢင်း​ႁွင်ႇ​ၸိုင် မၼ်း​ၸၢင်ႈ​တူၵ်း​တီႈ​တူၵ်း​လႅၼ် ၵႃႈ​တီႈ​ဢၼ်​မၼ်း​လူမ်ႉ​ၼၼ်ႉ​ဢေႃႈ။-</verse>
				<verse number="4">ၵေႃႉ​ဢၼ်​ပႂ်ႉ​လူ​ပႂ်ႉ​တူၺ်း​လူမ်း​ယူႇ​ၼၼ်ႉ ဢမ်ႇ​လႆႈ​ဝၢၼ်ႇ​လႆႈ​ပိုၼ်​ၸိူဝ်ႉ​ၽၼ်း​လႄႈ ၵေႃႉ​ဢၼ်​ထွၵ်ႈ​လူၺ်ႈ​ၽႃႈ​ၽူၼ်​ယူႇ​ၼၼ်ႉ ဢမ်ႇ​လႆႈ​ပၢတ်ႇ​ၶဝ်ႈ​ထိူဝ်​ၶဝ်ႈ။-</verse>
				<verse number="5">ၸိူဝ်ႉ​ၼင်ႇ​ဢၼ်​မႂ်း ဢမ်ႇ​ႁူႉ​သဵၼ်ႈ​တၢင်း​ဢၼ်​လူမ်း​ၵႂႃႇ ဢိၵ်ႇ​တင်း​လွင်ႈ​ဢၼ်​လုပ်ႇ​ၵႃႈ​ၼႂ်း​တွင်ႉ​မႄႈ​ယိင်း​ဢၼ်​ပႃး​တွင်ႉ​ၼၼ်ႉ ယႂ်ႇ​ၽႄႈ​တူဝ်း​တွၼ်း​မႃး​ၸိူဝ်ႉ​ၼင်ႇ​ႁိုဝ်​ၼၼ်ႉ​လႆႈ​ၼၼ်ႉ။ မႂ်း​ဢမ်ႇ​ႁူႉ​ဢမူႉ​ၽြႃး​ပဵၼ်​ၸဝ်ႈ ဢၼ်​ႁဵတ်း​ပဵၼ်​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​လႆႈ။-</verse>
				<verse number="6">ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၶိင်ႇ​ၵၢင်​ၼႂ်​တႃႉ။ ၶိင်ႇ​ႁူဝ်​ၶမ်ႈ​ၵေႃႈ​ယႃႇ​ပေ​သုတ်ႉ​ဢဝ်​ယိုတ်း​ဢဝ်​မိုဝ်း​မႂ်း။ လွင်ႈ​မၼ်း​ၸမ်ႉ မႂ်း​ဢမ်ႇ​ႁူႉ​လွင်ႈ​ဢၼ် လွင်ႈ​တၢင်း​ဢၼ်​လႂ်​တၵ်း​မီး​ဢၵျူဝ်း ဢိၵ်ႇ​တင်း​လွင်ႈ​ဢၼ်​တင်း​သွင်​ၸိူဝ်ႉ​သွင်​ပိူင်​ၼၼ်ႉ တၵ်း​မီး​ဢၵျူဝ်း​တၢၼ်ႇ​ပဵင်း​ၵၼ်​ၼၼ်ႉ​လႆႈ။</verse>
				<verse number="7">ဢၼ်​လႅင်း​ပဵၼ်​ဢၼ်​ဝၢၼ်​လႄႈ တၢင်း​ဢၼ်​ႁၼ်​သၢႆ​ဢရွင်ႇ​ၵၢင်​ဝၼ်း​ၼၼ်ႉ ပဵၼ်​တၢင်း​ဢၼ်​လီ​ပျေႃႇ​ၸႂ်​မူၼ်ႈ​ၸႂ်​ဢေႃႈ။-</verse>
				<verse number="8">ပေႃး​ၵူၼ်း​ဢသၢၵ်ႈ​ယူႇ ၶူပ်ႇ​ၼီႈ​ပီႊ​မိူင်း​ၼမ်​ၼႃႇ​ၸိုင်၊ ႁႂ်ႈ​မၼ်း​သႂၢင်ႇ​သိူဝ်း​ယူႇ​ၵႃႈ​ၼႂ်း​တင်း​သဵင်ႈ​တင်း​လူင်​ၼၼ်ႉ​သေ​ၵမ်း​လူၺ်ႈ။ ၵူၺ်း​ၵႃႈ ႁႂ်ႈ​မၼ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မိုဝ်ႉ​ဝၼ်း​ဢၼ်​လပ်း​သိင်ႇ​ၼၼ်ႉ ၵွပ်ႈ​ပိူဝ်ႈ​ဢၼ်​တၵ်း​ပဵၼ်​ဢၼ်​ၼမ်​ၼႃႇ​ၼၼ်ႉ​သေ​ၵမ်း​လူၺ်ႈ။ ၵႃႈ​ဢၼ်​တၵ်း​ပဵၼ်​မႃး​ၼၼ်ႉ ပဵၼ်​ဢၼတ်ႉတႃႉ​လွၼ်ႉ​လွၼ်ႉ​ဢေႃႈ။</verse>
				<verse number="9">ၵေႃႉ​ဢၼ်​ယင်း​ၼုမ်ႇ​ယင်း​ၵမ်​ဢိူၺ်း၊ မူၼ်ႈ​ပျေႃႇ​ယူႇ ၼႂ်း​မိူဝ်ႈ​ဢၼ်​ဢသၢၵ်ႈ​ယင်း​လဵၵ်ႉ​ယင်း​ဢွၼ်ႇ​ၼၼ်ႉ​တႃႉ။ မီး​တၢင်း​ဢၼ်​ၸူမ်း​သိူဝ်း​သႂၢင်ႇ​ၸႂ် ၼႂ်း​မိုဝ်ႉ​ဝၼ်း​ဢၼ်​ဢသၢၵ်ႈ​မႂ်း ယင်း​လဵၵ်ႉ​ယင်း​ဢွၼ်ႇ​ၼၼ်ႉ​တႃႉ။ ၵႂႃႇ​မႃး​ယူႇ​ၵႃႈ​ၼႂ်း​သဵၼ်ႈ​တၢင်း​ဢၼ်​ႁူဝ်​ၸႂ်​မႂ်း​မီး​ဢလူဝ်ႇ ဢိၵ်ႇ​တင်း​သဵၼ်ႈ​တၢင်း​ဢၼ်​လီ​ဢၼ်​ငၢမ်း တီႈ​မၢၵ်ႇ​တႃ​မႂ်း​ၼၼ်ႉ​တႃႉ။ ၵူၺ်း​ၵႃႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၽြႃး​ပဵၼ်​ၸဝ်ႈ​တၵ်း​ၸႅတ်ႈ​ထၢမ်​ၸႅတ်ႈ​တူၺ်း လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​လႄႈ ပၼ်​တၢမ်ႇ​တီႈ​မႂ်း​ၼၼ်ႉ​တႃႉ။-</verse>
				<verse number="10">ပိူဝ်ႈ​ၼႆ​လႄႈ ပႄႇ​လွင်ႈ​တၢင်း​ဢၼ်​ၸႂ်​ႁဵဝ်ႇ​ၸွပ်ႈ ဢိၵ်ႇ​တင်း​တုၵ်ႉ​ၶႃႉ​တၢင်း​ၽၢၼ်​တူဝ်​ၵႃႇ​ယႃႉ​မႂ်း​ပႅတ်ႈ​သေ​တႃႉ။ လွင်ႈ​တၢင်း​ဢၼ် ဢသၢၵ်ႈ​ယင်း​လဵၵ်ႉ​ယင်း​ဢွၼ်ႇ ဢိၵ်ႇ​တင်း​လွင်ႈ​တၢင်း​ဢၼ်​ဢသၢၵ်ႈ​ယႂ်ႇ​ယဝ်ႉ​ထူၼ်ႈ​ယဝ်ႉ​ၼၼ်ႉ ပဵၼ်​ဢၼတ်ႉတႃႉ​ဢေႃႈ။</verse>
			</chapter>
			<chapter number="12">
				<verse number="1">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​မႂ်း​ၼၼ်ႉ ၼႂ်း​မိူဝ်ႈ​ဢၼ်​ဢသၢၵ်ႈ​မႂ်း​ယင်း​လဵၵ်ႉ​ယင်း​ဢွၼ်ႇ ၸူဝ်ႈ​ဢၼ်​မိုဝ်ႉ​ဝၼ်း​ဢၼ်​ႁၢႆႉ​ယုတ်ႈ​ၼၼ်ႉ ဢမ်ႇ​ပႆႇ​ႁွတ်ႈ​ထိုင်​လႄႈ ၶူပ်ႇ​ပီႊ​ဢၼ်​မႂ်း​တၵ်း​လၢတ်ႈ​လႄႈ​ဝႃႈ၊ ၵဝ်​ၼႆႉ​ယူႇ​လႄႈ​ဢမ်ႇ​ပျေႃႇ​ၵူၺ်ႉ၊ ဝႃႈ​ၼင်ႇ​ၼႆ​ၼၼ်ႉ ဢမ်ႇ​ပႆႇ​ၸမ်​ၼၼ်ႉ၊-</verse>
				<verse number="2">ၸူဝ်ႈ​ဢၼ်​ၵၢင်​ဝၼ်း​တင်း​ဢၼ်​လႅင်း၊ လိူၼ်​တင်း​လၢဝ်​တင်း​လၢႆ​ဢမ်ႇ​ပႆႇ​လပ်ႉ​ႁၢႆ​ၵႂႃႇ​လႄႈ ၶိင်ႇ​ဢၼ်​ၽူၼ်​တူၵ်း​သေ​ယဝ်ႉ ၽႃႈ​ၽူၼ်​သမ်ႉ​ၶိုၼ်း​ဢုမ်ႇ​ၼႃႈ​ၽႃႉ​ၼၼ်ႉ ဢမ်ႇ​ပႆႇ​ႁွတ်ႈ​ထိုင်​ၼၼ်ႉ​တႃႉ။-</verse>
				<verse number="3">ၼႂ်း​ၶိင်ႇ​မိုဝ်ႉ​ဝၼ်း​ၸိူဝ်း​ၼၼ်ႉ ၶဝ်​ၸိူဝ်း​ဢၼ်​ပႂ်ႉ​ႁိူၼ်း​ပႂ်ႉ​ယေး​ယူႇ​ၼၼ်ႉ တၵ်း​ဢွၼ်​ၵၼ်​သၼ်ႇ​သၼ်ႇ​ဝႆ​ဝႆ၊ ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼၼ်ႉ တၵ်း​ဢွၼ်​ၵၼ်​ႁႅင်း​ဢူၼ်ႈ​ႁႅင်း​ယွမ်း​ၵႂႃႇ၊ ၶဝ်​ၸိူဝ်း​ဢၼ်​ၶိုတ်ႈ​ၶဝ်ႈ​လူၺ်​ၶဝ်ႈ​ၼၼ်ႉ တၵ်း​ဢွၼ်​ၵၼ်​ထၢတ်ႇ​ယူႇ​ၵိုတ်း​ယူႇ ၵွပ်ႈ​ပိူဝ်ႈ​ဢၼ်​မီး​ၵေႇ​ၼႃႇ​ၼၼ်ႉ​လႄႈ၊ တီႈ​ၶဝ်​ၸိူဝ်း​ဢၼ်​တူၺ်း​ၵႃႈ​တီႈ​ႁူး​လၢင်း​တဵၼ်​ၼၼ်ႉ ဢၼ်​လႅင်း​တၵ်း​လပ်ႉ​ႁၢႆ​ၵႂႃႇ၊-</verse>
				<verse number="4">မႂ်​ၽၵ်း​တူ​ၵႃႈ​တီႈ​ႁိမ်း​တၢင်း​လၢႆ တၵ်း​မီး​တၢင်း​ဢၼ်​ႁပ်း​ဢိုတ်း​ဝႆႉ ၼႂ်း​မိူဝ်ႈ​ဢၼ်​သဵင်​ၶိုတ်ႈ​သဵင်​လူၺ်​ယွမ်း​ၵႂႃႇ​လႄႈ သေ​ၵေႃႉ​သေ​ၵူၼ်း​တၵ်း​လုၵ်ႉ မိူဝ်ႈ​ဢၼ်​မၼ်း​ငိၼ်း​သဵင်​ၼူၵ်ႉ​ၼၼ်ႉ​သေ​လႄႈ မႄႈ​ယိင်း​ဢၼ်​မေႃ​ႁဵတ်း​ၵႂၢမ်း​တင်း​လၢႆ တၵ်း​ဢွၼ်​ၵၼ်​ႁဵတ်း သဵင်​လဵၵ်ႉ​သဵင်​သေး​ၵႂႃႇ​ၼၼ်ႉ​ဢေႃႈ။-</verse>
				<verse number="5">ၼႂ်း​ၶိင်ႇ​မိူဝ်ႈ​ၼၼ်ႉ ၶဝ်​တၵ်း​ဢွၼ်​ၵၼ်​ၵူဝ်​ႁႄ လွင်ႈ​တၢင်း​ဢၼ်​သုင်​တင်း​လၢႆ​လႄႈ ထၢင်ႇ​ၶဝ်​တၵ်း​ထူပ်း​ၽေး ၵႃႈ​ၼႂ်း​သဵၼ်ႈ​တၢင်း​ဢေႃႈ။ တူၼ်ႈ​ ပႃႇတမ်ႇ တၵ်း​မွၵ်ႇ​လႄႈ မႅင်း​ၵႅင်း​ၼၼ်ႉ တၵ်း​ပဵၼ်​ဢၼ်​ၼၵ်း​ဢၼ်​ၼႃ​ယူႇ​တီႈ​တူဝ်​ၸဝ်ႈ​ၵဝ်ႇ​ဢေႃႈ။ ဢလူဝ်ႇ​သၼ်ႇတႃႉ​တၢင်း​ဢၼ်​ၶႂ်ႈ​လႆႈ တၵ်း​သုတ်ႈ​တၵ်း​ယွမ်း​ဢေႃႈ။ လွင်ႈ​မၼ်း​ၸမ်ႉ ၵူၼ်း​ယင်း​တိုၵ်ႉ​မီး​တၢင်း​ဢၼ်​ၵႂႃႇ​ၸူး​ၵႃႈ​တီႈ တီႈ​ယူႇ​ထႃႇဝရႃႉ​မၼ်း​ယူႇ​လႄႈ ၶဝ်​ၸိူဝ်း​ဢၼ်​ႁႆႈ​ဢၼ်​ႁွင်ႉ​ၼၼ်ႉ ဢွၼ်​ၵၼ်​လႄႇ​လဵပ်ႈ​ၸွမ်း​ၵႃႈ​ၼႂ်း​သဵၼ်ႈ​တၢင်း​ယူႇ​ဢေႃႈ။-</verse>
				<verse number="6">ၸူဝ်ႈ​ဢၼ်​မႆ​ငိုၼ်း​ဢမ်ႇ​ပႆႇ​ၶၢတ်ႇ၊ ၵွၵ်း​ၶမ်း​ဢမ်ႇ​ပႆႇ​တႅၵ်ႇ၊ ပုင်း​ၼမ်ႉ​ဢမ်ႇ​ပႆႇ​လူင်ႉ​ပႆႇ​ပွင်ႇ ၵႃႈ​တီႈ​ၼမ်ႉ​ဢွၵ်ႇ​ႁူး၊ ၸၢၵ်ႈ​ဢမ်ႇ​ပႆႇ​ႁၵ်း ၵႃႈ​တီႈ​ႁိမ်း​ဢိူင်ႇ​ၼမ်ႉ​ၼၼ်ႉ​လႄႈ၊-</verse>
				<verse number="7">မုၼ်ႈ​လိၼ်​ဢမ်ႇ​ပႆႇ​ၶိုၼ်း​ၸူး ၵႃႈ​တီႈ​လိၼ်​တီႈ​ဢၼ်​မၼ်း​ယူႇ​ၵဝ်ႇ​ၵဝ်ႇ၊ ဝီႉၺိၺ်ႇ​ဢမ်ႇ​ပႆႇ​ၶိုၼ်း​ၸူး​ၵႃႈ​တီႈ​ၽြႃး​ပဵၼ်​ၸဝ်ႈ​ဢၼ်​ပၼ်​ၼၼ်ႉ​ၸိုင် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း​ၸဝ်ႈ​တႃႉ။-</verse>
				<verse number="8">သြႃႇ​ထမ်ႇမႃႉ​တေႇသၼႃႇ​ၼႆႉ ႁေႃး​လၢတ်ႈ​လႄႈ​ဝႃႈ၊ ဢၼတ်ႉတႃႉ​လွၼ်ႉ​လွၼ်ႉ၊ လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် ပဵၼ်​ဢၼတ်ႉတႃႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">သြႃႇ​ထမ်ႇမႃႉ​တေႇသၼႃႇ​ၼႆႉ ပဵၼ်​ၵေႃႉ​ဢၼ်​မီး​ပိင်ႇ​ၺႃႇ​လႄႈ မၼ်း​မီး​ဢလႄႉ ဢၼ်​သင်ႇ​သွၼ်​ပၼ်​တၢင်း​ႁူႉ​တၢင်း​ၸၢင်ႈ တီႈ​ပရဵၵ်ႈသၢတ်ႈ​တင်း​လၢႆ​ဢေႃႈ။ မၼ်း​ၶႆႈ​ၸႂ်​ဝူၼ်ႉ​ၸႂ်​ၼႃႇ​လူင်​လၢင်​သေ​လႄႈ ႁႃ​ဢဝ်​ၵႂၢမ်း​သုၵ်ႉ​တၢမ်ႇ​ၼမ်​ၼႃႇ​လႄႈ ၸီႇ​ယၢင်ႇ​ဝႆႉ​ဢေႃႈ။-</verse>
				<verse number="10">သြႃႇ​ထမ်ႇမႃႉ​တေႇသၼႃႇ​ၼႆႉ ႁႃ​ဢဝ်​ၵႂၢမ်း​ဢၼ်​လီ​ထွမ်ႇ​လီ​ၽင်း​လႄႈ တႅမ်ႈ​ၵႂၢမ်း​သမ်ႇမႃႇ​ဝႆႉ​သိုဝ်ႈ​သိုဝ်ႈ​တေႃႇ​တေႃႇ​ဢေႃႈ။-</verse>
				<verse number="11">ၵႂၢမ်း​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ မိူၼ်​ၵၼ်​တင်း​ၶွၼ်ႉ​လႅမ်​ၼၼ်ႉ​လႄႈ ၵႂၢမ်း​ၶဝ်​ၸိူဝ်း​ဢၼ်​ၵဵပ်း​ဢဝ်​ႁွမ်​ဢဝ်​သိမ်း​ဝႆႉ ၵႂၢမ်း​ၸိူဝ်ႉ​ၼင်ႇ​ၼၼ် ဢၼ်​ၸဝ်ႈ​ဢၼ်​လဵင်ႉ​ထိင်း​သူဝ်း​လူင် ဢဝ်​ဢၢပ်ႈ​ပၼ်​ၸိူဝ်း​ၼၼ်ႉ​သိမ်း​ဝႆႉ​ၼၼ်ႉ မိူၼ်​ၵၼ်​တင်း​လဵၵ်း​လႅမ် ဢၼ်​တွၵ်ႇ​ယႅၼ်ႉ​သႂ်ႇ​ဝႆႉ​ၼၼ်ႉ​ဢေႃႈ။-</verse>
				<verse number="12">လႆႈ​သမ်ႉ လုၵ်ႈ​ၸၢႆး​ၵဝ်​ဢိူၺ်း၊ ၶၢမ်ႇ​တၢင်း​ဢၼ်​ၵႂၢမ်း​ၸိူဝ်ႉ​ၼင်ႇ​ၼၼ် သင်ႇ​သွၼ်​သုင်း​မႃႉ​ပၼ်​ၼၼ်ႉ​တႃႉ။ ဢွၼ်​ၵၼ်​ၸီႇ​ယၢင်ႇ​ႁဵတ်း​လိၵ်ႈ​ႁဵတ်း​လၢႆး​ၼမ်​ၼႃႇ​လႄႈ ဢမ်ႇ​သဵင်ႈ​ဢမ်ႇ​မူတ်း​လႆႈ။ တၢင်း​ဢၼ်​ၵျူဝ်း​ၸႃး​လူ​တူၺ်း​သွၼ်​ဢဝ်​လိၵ်ႈ​လၢႆး​ၼၼ်ႉ ပဵၼ်​လွင်ႈ​တၢင်း​ဢၼ် ယႃႉ​ယူၵ်ႉ​တူဝ်​ၵႃႇ​ယႃႉ​ဢေႃႈ။</verse>
				<verse number="13">ၵႂၢမ်း​ဢၼ်​ပဵၼ်​ႁူဝ်​ႁုပ်ႈ​မၼ်း​ၸမ်ႉ၊ ၵူဝ်​ႁႄ​ၽြႃး​ပဵၼ်​ၸဝ်ႈ​လႄႈ ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​မၼ်း​ၸဝ်ႈ​တင်း​လၢႆ​ယူႇ​တႃႉ။ ဢၼ်​ၼႆႉ​ၸမ်ႉ၊ ပဵၼ်​ႁူဝ်​ႁုပ်ႈ​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ၵူၼ်း​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ တၵ်း​ၸႅတ်ႈ​ထၢမ်​လႄႈ​ၸီႇ​ယၢင်ႇ​ၸႃႉ​ၸဵမ်​တၢင်း​ဢၼ်​သိူင်ႇ​မႅပ်ႉ​ဝႆႉ​ၵႃႈ​မီး​လႄႈ လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် ဢၼ်​လီ​ဢၼ်​ဢမ်ႇ​လီ​ၼၼ်ႉ​ဢေႃႈ။ ၵျၢမ်း​တေႇသၼႃႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="22">
			<chapter number="1">
				<verse number="1">တၢင်း​ဢၼ်​ႁဵတ်း​ၵႂၢမ်း​ သေႃးလမုၼ်ႇ ဢၼ်​ပဵၼ်​ၸိၵ်း​ပဵၼ်​ၸွမ်​ၼႂ်း​တၢင်း​ဢၼ်​ႁဵတ်း​ၵႂၢမ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ။</verse>
				<verse number="2">ႁႂ်ႈ​မၼ်း​ၸဝ်ႈ​ႁဵတ်း​တၢင်း​ၸုပ်ႇ​တၢင်း​ၼူမ် ဢၼ်​ပဵၼ်​ၵႃႈ​တီႈ​သူပ်း​မၼ်း​ၸဝ်ႈ​ၼၼ်ႉ ၸုပ်ႇ​ၼူမ်​ၶႃႈ​ၼၢင်း​သေ​ၵမ်း​လူၺ်ႈ။ မႅတ်ႈ​တႃႇ​ၸဝ်ႈ​ႁဝ်း​ၼၼ်ႉ ယဵင်ႈ​ၶႅၼ်း​လီ​လိူဝ်​တွၼ်း​ၼႃႇ​သေ​ၼမ်ႉ​ၸပိတ်ႈ​တီႈ​ၶႃႈ​ဢေႃႈ။-</verse>
				<verse number="3">ၼမ်ႉ​မၼ်း​ၼၢမ်ႇ​သႃႇ​တီႈ​ၸဝ်ႈ​ႁဝ်း​ၼၼ်ႉ မီး​တၢင်း​ဢၼ်​ႁွမ်​ဢၼ်​ႁူၺ်း​ဢၼ်​လီ​ၼႃႇ​လူင်​လၢင်​လႄႈ၊ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၼၼ်ႉ ပဵၼ်​ၼမ်ႉ​မၼ်း​ၼၢမ်ႇ​သႃႇ​ဢၼ်​သွၼ်း​လေႃႇ​တီႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ ၵၼ်ႇ​ၺႃႇ​လုၵ်ႈ​ယိင်း​သၢဝ်​တင်း​လၢႆ ဢွၼ်​ၵၼ်​ႁၵ်ႉ​ပႅင်း​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="4">ၸူဝ်း​ဢဝ်​ၶႃႈ​ၼၢင်း​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ၶႃႈ​ၼၢင်း​ၸဝ်ႈ​ႁဝ်း တၵ်း​ဢွၼ်​ၵၼ်​လႅၼ်ႈ​ၸွမ်း​လင်​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၸဝ်ႈ​ၶုၼ်​လူင်​ၼၼ်ႉ ဢဝ်​ၶႃႈ​ၼၢင်း​ၸဝ်ႈ ၶဝ်ႈ​ၵႃႈ​ၼႂ်း​လုၵ်း​ၼႂ်း​ႁိူၼ်း​မၼ်း​ၸဝ်ႈ​ယဝ်ႉ။ ၶႃႈ​ၼၢင်း​ၸဝ်ႈ​ႁဝ်း​ၶဝ် တၵ်း​ဢွၼ်​ၵၼ်​ၸူမ်း​သိူဝ်း​သႂၢင်ႇ​ၸႂ်​ယူႇ ၼႂ်း​ၸဝ်ႈ​ႁဝ်း​လႄႈ တၵ်း​ဢွၼ်​ၵၼ်​ယွင်ႈ​ယေႃး​မႅတ်ႈ​တႃႇ​ၸဝ်ႈ​ႁဝ်း​လိူဝ်​တွၼ်း​ၼႃႇ​သေ ၼမ်ႉ​ၸပိတ်ႈ​တီႈ​ၶႃႈ​ဢေႃႈ။ ၶဝ်​ဢွၼ်​ၵၼ်​ႁၵ်ႉ​ပႅင်း​ၸဝ်ႈ​ႁဝ်း​ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။-</verse>
				<verse number="5">လုၵ်ႈ​ယိင်း​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ ၵဝ်​ၼႆႉ​ပိၵ်ႉ​သမ်ႉ​မီး​ႁၢင်ႈ​မီး​ၽၢင် ဢၼ်​လမ်​မိူၼ်​ၸိူဝ်ႉ​ၼင်ႇ​သုမ်ႉ​ထဵင်​ ၵေႇတႃႇ ​ၸိူဝ်း​ၼၼ်ႉ​သေ​ၵေႃႈ ယင်း​ပဵၼ်​ဢၼ်​ထုၵ်ႇ​ဢၼ်​လီ မိူၼ်​ၸိူဝ်ႉ​ၼင်ႇ​ၽႃႈ​ၵင်ႈ​ၶုၼ်​ သေႃးလမုၼ်ႇ ​ၼၼ်ႉ​ယူႇ​ဢေႃႈ။-</verse>
				<verse number="6">ယႃႇ​ပေ​ဢွၼ်​ၵၼ်​လူ​တူၺ်း​ၵဝ် ၵွပ်ႈ​ပိူဝ်ႈ​ဢၼ်​ၵဝ်​လႆႈ​ၶၢမ်ႇ​တၢင်း​ဢၼ်​တၢၵ်ႇ​လႅတ်ႇ​လႄႈ မီး​ႁၢင်ႈ​မီး​ၽၢင်​ဢၼ်​လမ်​ၼၼ်ႉ​သေ​ၵမ်း။ လုၵ်ႈ​ၸၢႆး​မႄႈ​ၵဝ်​ၸိူဝ်း​ၼၼ်ႉ ဢွၼ်​ၵၼ်​ၸႂ်​မႆႈ​ၶႆႈ​ၸႃႉ​တီႈ​ၵဝ်​လႄႈ ႁႂ်ႈ​ၵဝ်​ပႂ်ႉ​ထိင်း​သူၼ်​ဢူးယဵၼ်ႇ​ၸပိတ်ႈ​တင်း​လၢႆ​ယူႇ​ဢေႃႈ။ သူၼ်​ဢူးယဵၼ်ႇ​ၸပိတ်ႈ​တူဝ်​ၸဝ်ႈ​ၵဝ်ႇ​ၸိုင် ၵဝ်​ဢမ်ႇ​လႆႈ​ပႂ်ႉ​လႆႈ​ထိင်း။-</verse>
				<verse number="7">ၸဝ်ႈ​ဢၼ်​ၶႃႈ​ၼၢင်း​ၸဝ်ႈ ထုၵ်ႇ​ၸႂ်​ၵျိူၵ်ႈ​ၸႂ်​တီႈ​ၶႃႈ​ဢိူၺ်း၊ မွၵ်ႇ​လၢတ်ႈ​လွင်ႈ​ဢၼ်​ၸဝ်ႈ​ႁဝ်း လဵင်ႉ​ထိင်း​ၽုင်​သူဝ်း​ၸဝ်ႈ​ယူႇ​ၵႃႈ​တီႈ​လႂ် ဢိၵ်ႇ​တင်း​လွင်ႈ​ဢၼ်​ၸဝ်ႈ​ႁဝ်း​ႁႂ်ႈ​ၶဝ်ႈ​သွၼ်ႈ​ပိုင်ႈ​ယူႇ​ၵႃႈ​တီႈ​ႁူမ်ႈ​ဢၼ်​လႂ် ၼႂ်း​ၶိင်ႇ​မိူဝ်ႈ​ဢၼ်​ၵၢင်​ဝၼ်း​တဵင်ႈ​ၼၼ်ႉ တီႈ​ၶႃႈ​ၼၢင်း​ၸဝ်ႈ​သေ​ၵမ်း​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ၶႃႈ​ၼၢင်း​ၸဝ်ႈ​ႁဝ်း​ၼႆႉ တၵ်း​လႆႈ​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ႁူမ်ႇ​သုမ်ႇ​ၼႃႈ​ၼၼ်ႉ​ယူႇ​ၵႃႈ​တီႈ​ႁိမ်း​ၽုင်​သူဝ်း​ၵေႃႉ​သေႈ​ၸဝ်ႈ​ႁဝ်း​တင်း​လၢႆ​ၼၼ်ႉ ယူႇ​ၼင်ႇ​ႁိုဝ်​တီႈ​ၶႃႈ၊</verse>
				<verse number="8">ၼၢင်း​ဢၼ်​ႁၢင်ႈ​လီ​ၽၢင်​လီ​လိူဝ်​တွၼ်း​ၼႃႇ​သေ​မႄႈ​ယိင်း​တင်း​လၢႆ​ၼႆႉ​ဢိူၺ်း၊ ပေႃး​မႂ်း​ၼၢင်း​ဢမ်ႇ​ႁူႉ​ၸိုင်၊ ၸွမ်း​ႁွႆး​တိၼ်​ၽုင်​သူဝ်း​ၵႂႃႇ​လႄႈ လဵင်ႉ​လူ​သူဝ်း​ဢွၼ်ႇ​မႂ်း​ၼၢင်း​တင်း​လၢႆ​ယူႇ ၵႃႈ​တီႈ​ႁိမ်း​သုမ်ႉ​ထဵင်​ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း​ၸိူဝ်း​ၼၼ်ႉ​တႃႉ။-</verse>
				<verse number="9">ၼၢင်း​ဢၼ်​ၵဝ်​ၸဝ်ႈ​ႁၵ်ႉ​ၼႃႇ​ၼႆႉ​ဢိူၺ်း၊ ၵဝ်​ၸဝ်ႈ​တၵ်း​ဢဝ်​တင်း​မႃႉ ဢၼ်​ႁၢင်ႈ​သႂ်ႇ​ဝႆႉ​ၵႃႈ​တီႈ​လေႃႉ​ရထႃး​ၶုၼ်​ ၽႃႇရေႃး ​ၼၼ်ႉ ႁဵတ်း​ဢပုမ်ႇ​တႅၵ်ႈ​မႂ်း​ၼၢင်း​ဢေႃႈ။-</verse>
				<verse number="10">ၵႅမ်ႈ​မႂ်း​ၼၢင်း​ၼၼ်ႉ ထုၵ်ႇ​ၵၼ်​ၵိုင်ႇ​ၵၼ်​တင်း​မၢၵ်ႇ​ပူး​တီး ဢၼ်​ပဵၼ်​လၢႆး​မုၵ်ႉ​ဝႆႉ​ၼၼ်ႉ ဢိၵ်ႇ​တင်း​ၶေႃး​မႂ်း​ၼၢင်း​ၼၼ်ႉ ထုၵ်ႇ​ၵၼ်​ၵိုင်ႇ​ၵၼ်​တင်း​မၢၵ်ႇ​ပူး​လႄး ဢၼ်​ႁွႆႈ​ဝႆႉ​လႄႈ ပဵၼ်​ၶိူဝ်း​ပဵၼ်​ၶိူဝ်း​ဝႆႉ​ၼၼ်ႉ​ဢေႃႈ။-</verse>
				<verse number="11">ႁဝ်း​တၵ်း​ႁဵတ်း​ပႃး​ၶေႃ​ၶမ်း ဢၼ်​ဢဝ်​တင်း​ငိုၼ်း​ႁဵတ်း​လႆႈ​ႁၢင်ႈ​ၶိူင်ႈ​သႂ်ႇ ၸိူဝ်း​ၼၼ်ႉ​ပၼ်​ဢေႃႈ။</verse>
				<verse number="12">ၼႂ်း​မိူဝ်ႈ​ဢၼ်​ၸဝ်ႈ​ၶုၼ်​လူင် ယင်း​တိုၵ်ႉ​ၼင်ႈ​ယူႇ​ၵႃႈ​တီႈ​ႁိမ်း​ၶူင်ႇ​တီႈ​ၵိၼ်​ၸဝ်ႈ​ၼၼ်ႉ​ၸိုင်၊ ဢၢႆ​ၼမ်ႉ​မၼ်း​ႁွမ်​ ၼႃႇတူႉ ​ၵဝ်​ၼႆႉ မိုတ်း​ၵႂႃႇ​မိူဝ်​ၵႂႃႇ​ဢေႃႈ။-</verse>
				<verse number="13">ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ ပဵၼ်​ၵွင်​ ၼၢမ်ႇ​သႃႇ၊ မူႉရၼ်ႇ တီႈ​ၵဝ်​လႄႈ မၼ်း​ၸဝ်ႈ​တၵ်း​လႆႈ​ၼွၼ်း​ၵႃႈ​ၼႂ်း​ဝၢင်ႈ​ႁူဝ်​ဢူၵ်း​ၵဝ်​ဢေႃႈ။-</verse>
				<verse number="14">ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ ပဵၼ်​ၸိူဝ်ႉ​ၼင်ႇ မတ်ႉ​မႂ်​ ႁိၼ်ႇၼႃႇ ​မတ်ႉ​ၵိင်ႇ​ ႁိၼ်ႇၼႃႇ ဢၼ်​ပဵၼ်​မႃး ၵႃႈ​တီႈ​သူၼ်​ဢူးယဵၼ်ႇ ဢႅၼ်ႇၵေးတီႉ ​ၼၼ်ႉ​ဢေႃႈ။</verse>
				<verse number="15">ၼၢင်း​ဢၼ်​ၵဝ်​ၸဝ်ႈ​ႁၵ်ႉ​ၼႃႇ​ၼႆႉ​ဢိူၺ်း၊ မႂ်း​ၼၢင်း​ၼႆႉ ႁၢင်ႈ​လီ​ၽၢင်​လီ​ဢေႃႈ။ မႂ်း​ၼၢင်း​ၼႆႉ ႁၢင်ႈ​လီ​ၽၢင်​လီ​ဢေႃႈ။ မႂ်း​ၼၢင်း​ၼႆႉ ပျေႉ​ၸုမ်ႇ​ဝႆႉ​တင်း မၢၵ်ႇ​တႃ​ၼူၵ်ႉ​တူႈ​ဢေႃႈ။-</verse>
				<verse number="16">ၸဝ်ႈ​ဢၼ်​ၶႃႈ​ၼၢင်း​ႁၵ်ႉ​ပႅင်း​ၼႃႇ​ၼႆႉ​ဢိူၺ်း၊ ၸဝ်ႈ​ႁဝ်း​ႁၢင်ႈ​လီ​ၽၢင်​လီ​လႄႈ မီး​တၢင်း​ဢၼ်​လီ​ႁၵ်ႉ​လီ​ပႅင်း​တီႈ​ၶႃႈ​ဢေႃႈ။ တီႈ​ၼွၼ်း​ႁဝ်း​ၼၼ်ႉ ပျေႉ​ၸုမ်ႇ​ဝႆႉ​တင်း​ႁၢင်ႈ​ၽၢင်​ဢၼ်​ၶဵဝ်​ဢေႃႈ။-</verse>
				<verse number="17">ၶိုဝ်ႇ​ပိၵ်ႈ​မၢၼ်ႇ​ႁဝ်း​ၸိူဝ်း​ၼၼ်ႉ ယဝ်ႉ​တူဝ်ႈ​တင်း​တူၼ်ႈ ဢႃႇရိတ်ႉ ​လႄႈ ၵွၼ်​မၼ်း​ၸိူဝ်း​ၼၼ်ႉ​ယဝ်ႉ​တူဝ်ႈ​တင်း​မႆႉ​ ပႅၵ်ႇ ​ဢေႃႈ။</verse>
			</chapter>
			<chapter number="2">
				<verse number="1">ၶႃႈ​ၼၢင်း​ၸဝ်ႈ​ႁဝ်း​ၼႆႉ ပဵၼ်​မွၵ်ႇ​ၼိင်း​သီႇ​ၵႃႈ​တီႈ​ သႃႇရုၼ်ႇ ၊ မွၵ်ႇ​ႁဵဝ်း​ငိုၼ်း​ဢၼ်​ဢွၵ်ႇ​တီႈ​ၶူင်ႈ​တီႈ​ႁူၺ်ႈ တီႈ​ၶႃႈ​ဢေႃႈ။</verse>
				<verse number="2">မိူၼ်​ၸိူဝ်ႉ​ၼင်ႇ​ဢၼ် မွၵ်ႇ​ႁဵဝ်း​ငိုၼ်း​ပဵၼ်​ၵႃႈ​ၼႂ်း​ပႃႇ​တူၼ်ႈ​ၼၢမ်​ၼၼ်ႉ ၼၢင်း​ဢၼ်​ၵဝ်​ၸဝ်ႈ​ႁၵ်ႉ​ၼႃႇ​ၼၼ်ႉ ပဵၼ်​ၵႃႈ​ၼႂ်း​မုၵ်ႉ​ၼႂ်း​ၸိူဝ်း​လုၵ်ႈ​ယိင်း​ၵူၼ်း​တင်း​လၢႆ​ဢေႃႈ။</verse>
				<verse number="3">မိူၼ်​ၸိူဝ်ႉ​ၼင်ႇ​တူၼ်ႈ​မၢၵ်ႇ​ဢိုၼ်ႈ​ဝၢၼ် ၵႃႈ​ၼႂ်း​ပႃႇ​မႆႉ​ပႃႇ​ၸိင်​ၼၼ်ႉ၊ ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ ပဵၼ်​ၵႃႈ​ၼႂ်း​မုၵ်ႉ​ၼႂ်း​ၸိူဝ်း လုၵ်ႈ​ၸၢႆး​ၵူၼ်း​တင်း​လၢႆ​ဢေႃႈ။ ၵဝ်​မူၼ်ႈ​ပျေႃႇ​ယူႇ​သေ​လႄႈ ၼင်ႈ​ယူႇ​ၵႃႈ​တႂ်ႈ​ႁူမ်ႈ​မၼ်း​လႄႈ မၢၵ်ႇ​မၼ်း​ပဵၼ်​ဢၼ်​ဝၢၼ်​ဢၼ်​ၸဵမ်း​ၼႃႇ​လူင်​လၢင်​တီႈ​ၵဝ်​ဢေႃႈ။-</verse>
				<verse number="4">မၼ်း​ၸဝ်ႈ​ပႃး​ဢဝ်​ၵဝ်​ၶဝ်ႈ​ၵႃႈ​တီႈ​ႁိူၼ်း​တီႈ​ဢၼ်​ၶၢမ်ႇ​ပွႆး​ၼၼ်ႉ​လႄႈ ဢဝ်​လၢမ်ႇ​မႅတ်ႈ​တႃႇ​ၸဝ်ႈ​မုင်း​ႁူမ်ႇ​ၵႃႈ​ၼိူဝ်​ၵဝ်​ဝႆႉ​ယဝ်ႉ။-</verse>
				<verse number="5">ၵွပ်ႈ​ပိူဝ်ႈ​ဢၼ်​ၵဝ်​မီး​တၢင်း​ဢၼ်​ၸႂ်​ၸဵပ်း​ၸႂ်​ၶိုၼ်ႈ လူၺ်ႈ​တၢင်း​ႁၵ်ႉ​မႅတ်ႈ​တႃႇ​ၼၼ်ႉ​လႄႈ ဢွၼ်​ၵၼ်​ဢဝ်​တင်း​ၶႅပ်း​မၢၵ်ႇ​ၸပိတ်ႈ ၸွႆႈ​ႁႅင်း​ထႅမ်​ႁႅင်း​တီႈ​ၵဝ်​သေ​ၵမ်း။ ဢွၼ်​ၵၼ်​ဢဝ်​မၢၵ်ႇ​ဢိုၼ်ႈ​ဝၢၼ်​လဵင်ႉ​လူ ႁႂ်ႈ​ၶဝ်​ၸိုၼ်ႈ​မႃး​ၶႅၼ်း​မႃး​သေ​ၵမ်း။-</verse>
				<verse number="6">မိုဝ်း​ၶွၼ်​သၢႆႉ​မၼ်း​ၸဝ်ႈ​ၼၼ်ႉ ႁွင်း​ဢဝ်​ၵွၵ်း​ႁူဝ်​ၵဝ်​ယူႇ​လႄႈ မိုဝ်း​ၶွၼ်​ၶႂႃ​မၼ်း​ၸဝ်ႈ​ၼၼ်ႉ ၵွတ်ႇ​ၵဝ်​ယူႇ​ဢေႃႈ။-</verse>
				<verse number="7">လုၵ်ႈ​ယိင်း​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ ၵဝ်​ဢဝ်​တိုင်​ဢဝ်​ယီး​တင်း​လၢႆ ဢၼ်​ယူႇ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၸိူဝ်း​ၼၼ်ႉ တိူင်ႇ​ဝႃႈ​ၵိၼ်ႇ​ဝႃႈ​တီႈ​သူ ႁႂ်ႈ​သူ​ဢမ်ႇ​ယႃႉ​ဢမ်ႇ​ပူၵ်း​ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ တေႃႇ​ထိုင်​ႁွတ်ႈ​မၼ်း​ၸဝ်ႈ​ထၼ်ႈ​ပေႃး​တိုၼ်ႇ​ဢဝ်​ၵူၺ်း​မၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="8">ပဵၼ်​သဵင်​ၵႂၢမ်း​ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ​လူင်​ပႄႇ၊ တူၺ်း​လူး၊ မၼ်း​ၸၢင်ႈ​ဝႅၼ်​ၶၢမ်ႈ လွႆ​လူင်​တင်း​လၢႆ၊ ၵျွၵ်း​ၶၢမ်ႈ​လွႆ​ဢွၼ်ႇ​တင်း​လၢႆ​သေ​လႄႈ​မႃး​ဢေႃႈ။-</verse>
				<verse number="9">ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ မိူၼ်​ၵၼ်​တင်း​တိုင်​တင်း​ယီး​ဢေႃႈ။ တူၺ်း​လူး၊ မၼ်း​ၸဝ်ႈ​ၸုၵ်း​ယူႇ​ၵႃႈ​ၼွၵ်ႈ လမ်း​ဢုတ်ႇ​ႁဝ်း​ဢေႃႈ။ မၼ်း​ၸဝ်ႈ​တူၺ်း​ၶဝ်ႈ​ၵႃႈ​ၼႂ်း​ႁူး​လၢင်း​တဵၼ်​ယူႇ​လႄႈ ၼႄ​ပျႃး​တူဝ်​မၼ်း​ၸဝ်ႈ ၸူး​သိုဝ်ႈ​ၵႄႈ​မႂ်​ႁူး​လၢင်း​တဵၼ်​ဢေႃႈ။-</verse>
				<verse number="10">ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ ႁွင်ႉ​လႄႈ​လၢတ်ႈ​တီႈ​ၵဝ်​လႄႈ​ဝႃႈ​ၸမ်ႉ၊ ၼၢင်း​ဢၼ်​ၵဝ်​ၸဝ်ႈ​ႁၵ်ႉ​ဢိူၺ်း၊ ၼၢင်း​ဢၼ်​ႁၢင်ႈ​လီ​ၵဝ်​ၸဝ်ႈ​ၼႆႉ​ဢိူၺ်း၊ လုၵ်ႉ​သေ​လႄႈ​မႃး​သေ​ၵမ်း။</verse>
				<verse number="11">ပူၼ်ႉ​ၶိင်ႇ​ၵတ်း​ယဝ်ႉ။ ၽႃႈ​ၽူၼ်​ၵေႃႈ​သဵင်ႈ​မူတ်း​လႄႈ ပၢင်ႇ​ၸိုၼ်ႈ​ယဝ်ႉ။-</verse>
				<verse number="12">မွၵ်ႇ​တင်း​လၢႆ​ဢွၼ်​ၵၼ်​ၵီႈ​ၵႃႈ​ၼိူဝ်​လိၼ်​မိူင်း​ယဝ်ႉ။ ႁွတ်ႈ​ထိုင်​ၶိင်ႇ​ဢၼ် တၵ်း​လႆႈ​လၢၼ်း​ၵိင်ႇ​လၢၼ်း​ၽိူဝ်​ယဝ်ႉ။ လႆႈ​ငိၼ်း​သဵင်​ၼူၵ်ႉ​တူႈ​ႁွင်ႉ​ယူႇ​ၵႃႈ​ၼႂ်း ၼမ်ႉ​ႁဝ်း​လိၼ်​ႁဝ်း​ဢေႃႈ။-</verse>
				<verse number="13">တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ႁႂ်ႈ​မၢၵ်ႇ​မၼ်း​ဢၼ်​လိပ်း​ဢၼ်​ၶဵဝ်​သုၵ်း​ဢေႃႈ။ တူၼ်ႈ​ၶိူဝ်း​မၢၵ်ႇ​ၸပိတ်ႈ​မွၵ်ႇ​မွၵ်ႇ​လႄႈ ဢၢႆ​ႁွမ်​မၼ်း​မိုတ်း​ၵႂႃႇ​မိူဝ်​ၵႂႃႇ​ဢေႃႈ။ ၼၢင်း​ဢၼ်​ၵဝ်​ၸဝ်ႈ​ႁၵ်ႉ​ၼႃႇ​ၼႆႉ​ဢိူၺ်း၊ ၼၢင်း​ဢၼ်​ႁၢင်ႈ​လီ​ၵဝ်​ၸဝ်ႈ​ၼႆႉ​ဢိူၺ်း၊ လုၵ်ႉ​သေ​လႄႈ​မႃး​သေ​ၵမ်း။-</verse>
				<verse number="14">ၼူၵ်ႉ​တူႈ​ၶႃႈ​ၼၢင်း ဢၼ်​မီး​ၵႃႈ​ၼႂ်း​ငိူပ်ႇ​မၢၵ်ႇ​ႁိၼ်​မၢၵ်ႇ​ၽႃ တီႈ​ဢၼ်​သွၼ်ႈ​ပိုင်ႈ​ယူႇ​ၵႃႈ​ၼိူဝ် တီႈ​ဢၼ်​သုင်​ဢၼ်​ၸၼ်း​လွႆ​ၼၼ်ႉ​တီႈ​ၶႃႈ​ဢိူၺ်း၊ ႁႂ်ႈ​ၶႃႈ​ၼၢင်း​လႆႈ​ႁၼ်​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ႁႂ်ႈ​ၶႃႈ​ၼၢင်း​လႆႈ​ငိၼ်း​သဵင်​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ သဵင်​ၵႂၢမ်း​ၸဝ်ႈ​ႁဝ်း​ၼၼ်ႉ ဝၢၼ်​လႄႈ ၼႃႈ​ၸဝ်ႈ​ႁဝ်း​ၵေႃႈ ႁၢင်ႈ​လီ​တီႈ​ၶႃႈ​ဢေႃႈ။-</verse>
				<verse number="15">ဢွၼ်​ၵၼ်​တီႉ​ၵမ်​ဢဝ်​မႃ​လိၼ်​တင်း​လၢႆ ဢိၵ်ႇ​တင်း​မႃ​လိၼ်​ဢွၼ်ႇ ဢၼ်​တၵ်း​ယႃႉ​တူၼ်ႈ​ၶိူဝ်း​မၢၵ်ႇ​ၸပိတ်ႈ​ၸိူဝ်း​ၼၼ်ႉ ပုၼ်ႈ​ႁဝ်း​တႃႉ။ တူၼ်ႈ​ၶိူဝ်း​မၢၵ်ႇ​ၸပိတ်ႈ​ႁဝ်း​ၸိူဝ်း​ၼၼ်ႉ မီး​တၢင်း​ဢၼ်​မွၵ်ႇ​မွၵ်ႇ​ယူႇ​ဢေႃႈ။-</verse>
				<verse number="16">ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ ပဵၼ်​တီႈ​ဢၼ်​ၵဝ်​ပိူင်ႇ​ဢေႃႈ။ ၵဝ်​ၵေႃႈ​ပဵၼ်​တီႈ​ဢၼ်​မၼ်း​ၸဝ်ႈ​ပိူင်ႇ​ဢေႃႈ။ မၼ်း​ၸဝ်ႈ​ၵိၼ်​ယူႇ​ၵႃႈ​ၼႂ်း​ပႃႇ​မွၵ်ႇ​ႁဵဝ်း​ငိုၼ်း​ၼၼ်ႉ​ဢေႃႈ။-</verse>
				<verse number="17">ၸူဝ်ႈ​ဢၼ်​မိူင်း​ဢမ်ႇ​ပႆႇ​လႅင်း၊ ငဝ်း​လပ်း​သိင်ႇ​ဢမ်ႇ​ပႆႇ​ပၢႆႈ​ၵႂႃႇ​ၼၼ်ႉ​ၸိုင်၊ ၸဝ်ႈ​ဢၼ်​ၶႃႈ​ၼၢင်း​ႁၵ်ႉ​ပႅင်း​ၼႃႇ​တီႈ​ၶႃႈ​ဢိူၺ်း၊ သမ်ႉ​ၶိုၼ်း​လႄႈ ႁဵတ်း​ၸိူဝ်ႉ​ၼင်ႇ​တိုင်​ၼင်ႇ​ယီး​ၵႃႈ​ၼိူဝ်​လွႆ​ ပေႇသႃႇ ​ၼၼ်ႉ​ထႅင်ႈ​သေ​ၵမ်း​တီႈ​ၶႃႈ၊</verse>
			</chapter>
			<chapter number="3">
				<verse number="1">ၵဝ်​ႁႃ​ၵေႃႉ​ဢၼ်​ဝီႉၺိၺ်ႇ​ၵဝ်​ႁၵ်ႉ​ပႅင်း​ၼၼ်ႉ ၵႃႈ​ၼိူဝ်​တီႈ​ၼွၼ်း​ၵဝ် ၶိင်ႇ​ၵၢင်​ၶိုၼ်း​ဢေႃႈ။ ႁႃ​သေ​ၵေႃႈ​ဢမ်ႇ​ထူပ်း။-</verse>
				<verse number="2">ၵဝ်​ဝႃႈ၊ ၵဝ်​တၵ်း​လုၵ်ႉ​လႄႈ​ၵႂႃႇ​ၵႃႈ​ၼႂ်း​ဝဵင်း ၵႃႈ​ၼႂ်း​သဵၼ်ႈ​တၢင်း​သၢႆ​တႃႈ​တင်း​လၢႆ​ဢေႃႈ။ ၵဝ်​တၵ်း​ႁႃ ၵေႃႉ​ဢၼ်​ဝီႉၺိၺ်ႇ​ၵဝ်​ႁၵ်ႉ​ပႅင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယူႇ​သေ​လႄႈ ႁႃ​သေ​ၵေႃႈ​ဢမ်ႇ​ထူပ်း။-</verse>
				<verse number="3">ၵူၼ်း​ဢၼ်​ပႂ်ႉ​ၵၢင် ဢၼ်​လႄႇ​ၵႃႈ​ၼႂ်း​ဝဵင်း​ၸိူဝ်း​ၼၼ်ႉ​ထူပ်း​ႁၼ်​ၵဝ်​လႄႈ ၵဝ်​ထၢမ်​တီႈ​ၶဝ်​လႄႈ​ဝႃႈ၊ သူ​ႁၼ်​ၵေႃႉ​ဢၼ် ဝီႉၺိၺ်ႇ​ၵဝ်​ႁၵ်ႉ​ၼၼ်ႉ​ႁိုဝ် ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">သမ်ႉ​ပူၼ်ႉ​သေ​ၵႃႈ​တီႈ​ၶဝ်​ၼၼ်ႉ​ၵႂႃႇ​ဢိတ်း​ဢွၼ်ႇ​ၼိုင်ႈ​သေ​ယဝ်ႉ၊ ၵဝ်​ထူပ်း​ၵေႃႉ​ဢၼ်​ဝီႉၺိၺ်ႇ​ၵဝ်​ႁၵ်ႉ​ၼၼ်ႉ​ဢေႃႈ။ ၵဝ်​ယိပ်း​ၵမ်​ဢဝ်​မၼ်း​ၸဝ်ႈ​မၼ်ႈ​မၼ်ႈ​ၶိူင်ႇ​ၶိူင်ႇ​သေ​လႄႈ ဢမ်ႇ​ပွႆႇ​ဢမ်ႇ​ၽႃႈ​မၼ်း​ၸဝ်ႈ​ယူႇ တေႃႇ​ထိုင်​ႁွတ်ႈ​ထၼ်ႈ​ပေႃး​ဢဝ်​မၼ်း​ၸဝ်ႈ​မႃး ႁွတ်ႈ​ထိုင်​ၵႃႈ​ၼႂ်း​ႁိူၼ်း​မႄႈ​ၵဝ် ၵႃႈ​ၼႂ်း​လုၵ်း​တီႈ​ၼွၼ်း ၵေႃႉ​ဢၼ်​ၵိူတ်ႇ​လဵင်ႉ​ၵဝ်​မႃး​ၼၼ်ႉ​ဢေႃႈ။-</verse>
				<verse number="5">လုၵ်ႈ​ယိင်း​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ ၵဝ်​ဢဝ်​တိုင်​ဢဝ်​ယီး​တင်း​လၢႆ ဢၼ်​ယူႇ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၸိူဝ်း​ၼၼ်ႉ တိူင်ႇ​ဝႃႈ​ၵိၼ်ႇ​ဝႃႈ​တီႈ​သူ ႁႂ်ႈ​သူ​ဢမ်ႇ​ယႃႉ​ဢမ်ႇ​ပူၵ်း ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ တေႃႇ​ထိုင်​ႁွတ်ႈ​မၼ်း​ၸဝ်ႈ​ထၼ်ႈ​ပေႃး​တိုၼ်ႇ​ဢဝ်​ၵူၺ်း​မၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="6">ၵေႃႉ​ဢၼ်​လုၵ်ႉ​သေ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​မႃး​လႄႈ မီး​ႁၢင်ႈ​မီး​ၽၢင်​သဝ်​ၵႂၼ်း​ၽႆး​ဝႆႉ​လႄႈ ႁွမ်​ႁူၺ်း​လူၺ်ႈ​ မူႉရၼ်ႇ ၊ လေႃႇပၢၼ်ႇ ​တင်း​မဵဝ်း​မုၼ်ႈ​ၼၢမ်ႇ​သႃႇ ဢၼ်​ၸဝ်ႈ​ၵုၼ်ႇ​ၸဝ်ႈ​သိၼ်​ၶဝ် ၸၢင်ႈ​ၶၢႆ​ၼၼ်ႉ​ၸမ်ႉ၊ ပဵၼ်​ၽူႈ​လႂ်။-</verse>
				<verse number="7">ဢွၼ်​ၵၼ်​တူၺ်း​ပွင်​တူၺ်း​ဝေႃး ၶုၼ်​ သေႃးလမုၼ်ႇ ​ၼၼ်ႉ​တႃႉ။ ၵူၼ်း​သိုၵ်း​ႁူၵ်း​သိပ်း၊ ၵူၼ်း​မဵဝ်း​ ဢီႉသရေႇလႃႉ ဢၼ်​ႁႅင်း​ယႂ်ႇ​ၼႃႇ​ၼၼ်ႉ ဢွၼ်​ၵၼ်​လွမ်ႉ​လဵပ်ႈ​ႁွပ်ႈ​မၼ်း​ယူႇ​ဢေႃႈ။-</verse>
				<verse number="8">ၶဝ်​တင်း​သဵင်ႈ​တင်း​လူင်​ၼၼ်ႉ၊ ဢွၼ်​ၵၼ်​ယိပ်း​ၵမ်​လၢပ်ႇ​ၵမ်​လႅဝ်း​သေ​လႄႈ ၸၢင်ႈ​မေႃ​လူၺ်ႈ​ဢမူႉ​တၢင်း​ဢၼ်​တိုၵ်း​သိုၵ်း​ဢေႃႈ။ ၶဝ်​ဢွၼ်​ၵၼ်​ဢဝ်​လၢပ်ႇ​ဢဝ်​လႅဝ်း​ၶဝ် မတ်ႉ​ၵွပ်ႈ​ဝႆႉ​ၵႃႈ​တီႈ​ၶႃ​ၶဝ်​ၵူႈ​ၵေႃႉ​ၵူႈ​ၵူၼ်း ၵွပ်ႈ​ပိူဝ်ႈ​ဢၼ်​မီး​တီႈ​ဢၼ်​လီ​ၵူဝ်​လီ​ႁႄ ၶိင်ႇ​ၵၢင်​ၶိုၼ်း​ၼၼ်ႉ​ဢေႃႈ။-</verse>
				<verse number="9">ၶုၼ်​လူင်​ သေႃးလမုၼ်ႇ ဢဝ်​မႆႉ​ၸိင်​ လေႇပၼုၼ်ႇ ​ႁဵတ်း​ပွင်​ႁဵတ်း​ဝေႃး​ၸဝ်ႈ​ဢေႃႈ။-</verse>
				<verse number="10">မၼ်း​ၸဝ်ႈ​ႁႂ်ႈ​သဝ်​ၵွၼ်း​ၸၢင်ႇ​တင်း​လၢႆ ယဝ်ႉ​တူဝ်ႈ​လူၺ်ႈ​ငိုၼ်း၊ ပွတ်း​တႂ်ႈ​မၼ်း ယဝ်ႉ​တူဝ်ႈ​လူၺ်ႈ​ၶမ်း၊ ၵွပ်း​ၼင်ႈ​ၸဝ်ႈ​ၼၼ်ႉ ယဝ်ႉ​တူဝ်ႈ​လူၺ်ႈ ၵမ်ႉပလႃႇ ၽႃႈ​ဢၼ်​လႅင်​ၵမ်ႇ​ၼၼ်ႉ​ဢေႃႈ။ ၵႃႈ​ၼႂ်း​မၼ်း​ၸမ်ႉ၊ ဢဝ်​တင်း​မႅတ်ႈ​တႃႇ​တၢင်း​ဢၼ် လုၵ်ႈ​ယိင်း ဝဵင်း​ ယေႇရူႉသလႅမ်ႇ ​တင်း​လၢႆ​ႁၵ်ႉ​ပႅင်း​ၼၼ်ႉ ၸီႇ​တၢမ်း​ၵၼ်​ႁၢင်ႈ​ၶိူင်ႈ​ဝႆႉ​ဢေႃႈ။-</verse>
				<verse number="11">လုၵ်ႈ​ယိင်း​ ၸီႉဢုၼ်ႇ ​ၶဝ်​ဢိူၺ်း၊ ဢွၼ်​ၵၼ်​ဢွၵ်ႇ​လႄႈ​တူၺ်း ၶုၼ်​လူင်​ သေႃးလမုၼ်ႇ ဢၼ်​တိုဝ်း​မွၵ်ႇ​ႁူဝ်​သရၽူႇ ဢၼ်​မႄႈ​မၼ်း​ၸဝ်ႈ ဢဝ်​တၢင်ႇ​သႂ်ႇ​ပၼ် ၼႂ်း​မိုဝ်ႉ​ဝၼ်း​ဢၼ်​သွင်ႇ​မင်ႇၵလႃႇ၊ ဝၼ်း​ဢၼ်​ႁူဝ်​ၸႂ်​မၼ်း​ၸဝ်ႈ သႂၢင်ႇ​သိူဝ်း​ၼၼ်ႉ​တႃႉ။</verse>
			</chapter>
			<chapter number="4">
				<verse number="1">မႂ်း​ၼၢင်း​ၼႆႉ ႁၢင်ႈ​လီ​ဢေႃႈ။ ၼၢင်း​ဢၼ်​ၵဝ်​ၸဝ်ႈ​ႁၵ်ႉ​ၼႃႇ​ၼႆႉ​ဢိူၺ်း၊ မႂ်း​ၼၢင်း​ႁၢင်ႈ​လီ​ၼႃႇ​လူင်​လၢင်​ဢေႃႈ။ မႂ်း​ၼၢင်း​ပျေႉ​ၸုမ်ႇ​ဝႆႉ​တင်း​မၢၵ်ႇ​တႃ​ၼူၵ်ႉ​တူႈ​ယူႇ ၵႃႈ​တီႈ​ၽၢႆႇ​ပုၼ်ႉ​ၽႃႈ​ႁူမ်ႇ​ၼႃႈ​ၼၼ်ႉ​လႄႈ ၶူၼ်​ႁူဝ်​မႂ်း​ၼၢင်း​ၵေႃႈ မိူၼ်​ၸိူဝ်ႉ​ၼင်ႇ​ၽုင်​ပႄႉ ဢၼ်​ၼွၼ်း​ယူႇ​ၵႃႈ​ၼိူဝ်​ပဵမ်ႉ​လွႆ​ ၵီႉလတ်ႉ ​ၼၼ်ႉ​ဢေႃႈ။-</verse>
				<verse number="2">ၶဵဝ်ႈ​မႂ်း​ၼၢင်း​ၸိူဝ်း​ၼၼ်ႉ​ၵေႃႈ ပဵၼ်​ၸိူဝ်ႉ​ၼင်ႇ​ၽုင်​သူဝ်း​ဢၼ်​ၵႅတ်း​ႁႆး​ၶူၼ်​ယဝ်ႉ​လႄႈ လုၵ်ႉ​သေ​ၵႃႈ​တီႈ​ဢၼ်​ဢၢပ်ႇ​ၼမ်ႉ​ၼၼ်ႉ ၶိုၼ်ႈ​မႃး​ၼၼ်ႉ​လႄႈ ယင်း​ဢမ်ႇ​လုတ်ႈ​ဢမ်ႇ​ယွမ်း​သေ​တူဝ်​လႄႈ ၸၢင်ႈ​ၵိူတ်ႇ​လဵင်ႉ​လုၵ်ႈ ဢၼ်​ၽႃ​ၽႄ​ၵူၺ်း​ၵူၺ်း​မႃး​ၼၼ်ႉ​ဢေႃႈ။-</verse>
				<verse number="3">သီႇ​သူပ်း​မႂ်း​ၼၢင်း​ၵေႃႈ မိူၼ်​ၸိူဝ်ႉ​ၼင်ႇ ၸိူၵ်ႈ​သၢႆ​ဢၼ်​လႅင်​ၸွင်း​ႁွင်း​ဝႆႉ​ၼၼ်ႉ​လႄႈ သဵင်​ၵႂၢမ်း​မႂ်း​ၼၢင်း​ပဵၼ်​ဢၼ်​သႃႇ​ယႃႇ​ဝၢၼ်​ႁူ​ဢေႃႈ။ ၵႅမ်ႈ​မႂ်း​ၼၢင်း​ဢၼ်​မီး​ယူႇ​ၵႃႈ​တီႈ​ၽၢႆႇ​ပုၼ်ႉ​ၽႃႈ​ႁူမ်ႇ​ၼႃႈ​ၼၼ်ႉ​ၵေႃႈ မိူၼ်​ၸိူဝ်ႉ​ၼင်ႇ​ၶႅပ်း​မၢၵ်ႇ​ၸင်ႈ​ဝႆႉ​ဢေႃႈ။-</verse>
				<verse number="4">ၶေႃး​မႂ်း​ၼၢင်း​ၵေႃႈ မိူၼ်​ၸိူဝ်ႉ​ၼင်ႇ​တိူၵ်ႈ​တီႈ​တိုၵ်း​သိုၵ်း ၶုၼ်​ တႃႇဝိတ်ႈ ဢၼ်​ဝႃႈ​တိူၵ်ႈ​ၽၼ်ႇတႃႇ​လၢၵ်ႈ​ၼၢၵ်ႈ​ၸုမ်ႇ၊ တီႈ​ဢၼ်​ဢဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​ႁဵင်​ၼိုင်ႈ ဢၼ်​ပဵၼ်​ၶိူင်ႈ​ဢၼ်​ႁႄႉ​ဢၼ်​ၵင်ႈ​ၵူၺ်း​ၵူၺ်း ဢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​သုင်း​သွင်ႇ​ၼၼ်ႉ ႁွႆႈ​ဝႆႉ​ၼၼ်ႉ​ဢေႃႈ။-</verse>
				<verse number="5">တဝ်ႈ​ၼူမ်း​မႂ်း​ၼၢင်း​သွင်​လုၵ်ႈ​ၼၼ်ႉ မိူၼ်​ၸိူဝ်ႉ​ၼင်ႇ တိုင်​ဢွၼ်ႇ​ၽႃ​ၽႄ​ဢၼ်​ၵိၼ်​ယူႇ ၵႃႈ​ၼႂ်း​ပႃႇ​မွၵ်ႇ​ႁဵဝ်း​ငိုၼ်း​ၼၼ်ႉ​ဢေႃႈ။-</verse>
				<verse number="6">ၸူဝ်ႈ​ဢၼ်​မိူင်း​ဢမ်ႇ​ပႆႇ​လႅင်း၊ ငဝ်း​လပ်း​သိင်ႇ​ဢမ်ႇ​ပႆႇ​ပၢႆႈ​ၵႂႃႇ​ၼၼ်ႉ​ၸိုင် ၵဝ်​တၵ်း​ၵႂႃႇ​ၵႃႈ​တီႈ​လွႆ​ မူႉရၼ်ႇ ဢိၵ်ႇ​တင်း​ၵုင်း​ လေႃႇပၢၼ်ႇ ​ဢေႃႈ။-</verse>
				<verse number="7">ၼၢင်း​ဢၼ်​ၵဝ်​ၸဝ်ႈ​ႁၵ်ႉ​ၼႃႇ​ၼႆႉ​ဢိူၺ်း၊ မႂ်း​ၼၢင်း​ၼႆႉ​ႁၢင်ႈ​လီ​ၽၢင်​လီ​တင်း​တူဝ်​တင်း​ၶိင်း​ဢေႃႈ။ ဢမ်ႇ​မီး​ဢပႅတ်ႈ​သေ​ၸိူဝ်ႉ​သေ​ပိူင်။-</verse>
				<verse number="8">လုၵ်ႉ​သေ​ၵႃႈ​တီႈ​လွႆ​ လေႇပၼုၼ်ႇ မႃး​လူၺ်ႈ​ၵၼ်​တင်း​ၵဝ်​ၸဝ်ႈ​သေ​ၵမ်း။ မေး​ဢၼ်​ၵဝ်​ၸဝ်ႈ​မၢႆ​ဝႆႉ​ၼႆႉ​ဢိူၺ်း၊ လုၵ်ႉ​သေ​ၵႃႈ​တီႈ​လွႆ​ လေႇပၼုၼ်ႇ ၊ မႃး​လူၺ်ႈ​ၵၼ်​တင်း​ၵဝ်​ၸဝ်ႈ​သေ​ၵမ်း၊ ယူႇ​ၵႃႈ​ၼိူဝ်​ပၢႆ​ၸိၵ်း​လွႆ​ ဢႃႇမၼႃႉ ၊ ပၢႆ​ၸိၵ်း​လွႆ​ သၼီႉရႃႉ ၊ လွႆ​ ႁေႇရမုၼ်ႇ ၊ ႁူး​ထမ်ႈ​တီႈ​ဢၼ်​သၢင်ႇ​သီႈ​ယူႇ၊ လွႆ​တီႈ​ဢၼ်​တူဝ်​သိူဝ်​ၸုမ်ႈ​ယူႇ ၸိူဝ်း​ၼၼ်ႉ​သေ​လႄႈ လူ​တူၺ်း​သေ​ၵမ်း။-</verse>
				<verse number="9">ၼွင်ႉ​ယိင်း​ၵဝ်​ၸဝ်ႈ​ဢိူၺ်း၊ မေး​ဢၼ်​ၵဝ်​ၸဝ်ႈ​မၢႆ​ဝႆႉ​ဢိူၺ်း၊ မႂ်း​ၼၢင်း​ၼႆႉ​ႁိမ်​ႁူင်ႇ​ဢဝ်​ႁူဝ်​ၸႂ်​ၵဝ်​ၸဝ်ႈ​ၵႂႃႇ​ယဝ်ႉ။ မႂ်း​ၼၢင်း​ဢဝ်​တင်း မၢၵ်ႇ​တႃ​တူၺ်း​ပွၵ်ႈ​ၼိုင်ႈ၊ ႁွႆႈ​ၶေႃး​ႁွပ်ႈ​ၼိုင်ႈ​ၼၼ်ႉ ႁိမ်​ႁူင်ႇ​ဢဝ်​ႁူဝ်​ၸႂ်​ၵဝ်​ၸဝ်ႈ​ၵႂႃႇ​ယဝ်ႉ။-</verse>
				<verse number="10">ၼွင်ႉ​ယိင်း​ၵဝ်​ၸဝ်ႈ​ဢိူၺ်း၊ မေး​ဢၼ်​ၵဝ်​ၸဝ်ႈ​မၢႆ​ဝႆႉ​ဢိူၺ်း၊ မႅတ်ႈ​တႃႇ​မႂ်း​ၼၢင်း​ၼၼ်ႉ ဝၢၼ်​ၼႃႇ​လူင်​လၢင်​ဢေႃႈ။ မႅတ်ႈ​တႃႇ​မႂ်း​ၼၢင်း​ၼၼ်ႉ ယဵင်ႈ​ၶႅၼ်း​လီ​တွၼ်း​ၼႃႇ​သေ​ၼမ်ႉ​ၸပိတ်ႈ​ဢေႃႈ။ တၢင်း​ဢၼ်​ႁွမ်​ဢၼ်​ႁူၺ်း​ၼမ်ႉ​မၼ်း​ၼၢမ်ႇ​သႃႇ​တီႈ​မႂ်း​ၼၢင်း​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ မဵဝ်း​ၼၢမ်ႇ​သႃႇ​တင်း​သဵင်ႈ​တင်း​လူင်​ဢေႃႈ။-</verse>
				<verse number="11">မေး​ဢၼ်​ၵဝ်​ၸဝ်ႈ​မၢႆ​ဝႆႉ​ဢိူၺ်း၊ သီႇ​သူပ်း​မႂ်း​ၼၢင်း​ၼၼ်ႉ ၸၢင်ႈ​ယွတ်ႇ​ႁူဝ်ႈ​ယူႇ​ၸိူဝ်ႉ​ၼင်ႇ ႁူဝ်​ၼမ်ႉ​ႁူင်း​ၽိုင်ႈ​လႄႈ ၵႃႈ​တီႈ​တႂ်ႈ​လိၼ်ႉ​မႂ်း​ၼၢင်း​ၼၼ်ႉ မီး​ၼမ်ႉ​ၼူမ်း ဢိၵ်ႇ​တင်း​ၼမ်ႉ​ၽိုင်ႈ​ဢေႃႈ။ တၢင်း​ဢၼ်​ႁွမ်​ဢၼ်​ႁူၺ်း ၶူဝ်း​ၼုင်ႈ​တၢင်း​မႆ​မႂ်း​ၼၢင်း​ၵေႃႈ မိူၼ်​ၸိူဝ်ႉ​ၼင်ႇ တၢင်း​ဢၼ်​ႁွမ်​ဢၼ်​ႁူၺ်း လေႇပၼုၼ်ႇ ​ၼၼ်ႉ​ဢေႃႈ။-</verse>
				<verse number="12">ၼွင်ႉ​ယိင်း​ၵဝ်​ၸဝ်ႈ မေး​ဢၼ်​ၵဝ်​ၸဝ်ႈ​မၢႆ​ဝႆႉ​ၼၼ်ႉ ပဵၼ်​သူၼ်​ဢူးယဵၼ်ႇ ဢၼ်​လွမ်ႉ​ႁူဝ်ႉ​ဝႆႉ၊ ၼမ်ႉ​ၼွင်​ဢၼ်​ဢုတ်း​ဝႆႉ​ႁပ်း​ဝႆႉ၊ ၼမ်ႉ​ဢွၵ်ႇ​ႁူး​ဢၼ်​တွၵ်ႇ​တၼ်း​သိၵ်ႈ​ဝႆႉ​ဢေႃႈ။-</verse>
				<verse number="13">တူၼ်ႈ​ၵႃႈ​ဢွၼ်ႇ​မႂ်း​ၼၢင်း​ၸိူဝ်း​ၼၼ်ႉ ပႃး​ပႃႇ​မၢၵ်ႇ​ၸင်ႈ ဢၼ်​ၸၢင်ႈ​မၢၵ်ႇ​မၢၵ်ႇ​ဢၼ်​ဝၢၼ်၊ ပႃႇ​ ႁိၼ်ႇ​ၼႃႇ ​ဢၼ်​လေႃး​ၵၼ်​တင်း တူၼ်ႈ​ ၼႃႇတူႉ ၊-</verse>
				<verse number="14">မဵဝ်း​တူၼ်ႈ​ ၼႃႇတူႉ ၊ တူၼ်ႈ​ ၵူႉရႃႉၵူႉမႃႉ ၊ တူၼ်ႈ​ဢွႆႈ၊ တူၼ်ႈ​ၵႅင်း​ႁွမ်၊ မဵဝ်း​တူၼ်ႈ​ လေႃႇပၢၼ်ႇ ၊ တူၼ်ႈ​ မူႉရၼ်ႇ ၊ တူၼ်ႈ​ ဢၵျေုႇ ဢိၵ်ႇ​တင်း မဵဝ်း​တူၼ်ႈ​ၼၢမ်ႇ​သႃႇ ဢၼ်​မျၢတ်ႈ​ၼႃႇ​သေ​ပိူၼ်ႈ​ၵႃႈ​မီး​ဢေႃႈ။-</verse>
				<verse number="15">မႂ်း​ၼၢင်း​ပဵၼ်​ၼမ်ႉ​ၼွင် ၵႃႈ​ၼႂ်း​သူၼ်​ဢူးယဵၼ်ႇ၊ ၼမ်ႉ​ဢွၵ်ႇ​ႁူး​ဢၼ်​လႆ​ယူႇ၊ ၼမ်ႉ​ႁွင်ႈ​ၼမ်ႉ​ၵႄး​ဢၼ်​လႆ​ဢွၵ်ႇ​သေ ၵႃႈ​ၼႂ်း​လွႆ လေႇပၼုၼ်ႇ ​မႃး​ၼၼ်ႉ​ဢေႃႈ။-</verse>
				<verse number="16">လူမ်း​တၢင်း​ႁွင်ႇ​ဢိူၺ်း၊ တိုၼ်ႇ​သေ​ၵမ်း။ လူမ်း​တၢင်း​ၸၢၼ်း​ဢိူၺ်း၊ မႃး​သေ​ၵမ်း။ ဢွၼ်​ၵၼ်​ထူဝ်း​မႃး​ၵႃႈ​ၼိူဝ်​သူၼ်​ဢူးယဵၼ်ႇ​ၵဝ်​ၸဝ်ႈ ႁႂ်ႈ​ဢၢႆ​ဢၼ်​ႁွမ်​ဢၼ်​ႁူၺ်း​မၼ်း မိုတ်း​မိူဝ်​ၵႂႃႇ​သေ​ၵမ်း။ ႁႂ်ႈ​ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼၼ်ႉ ၶဝ်ႈ​ၵႃႈ​ၼႂ်း​သူၼ်​ဢူးယဵၼ်ႇ​မၼ်း​ၸဝ်ႈ​လႄႈ​ၵိၼ်​မၢၵ်ႇ​မၼ်း ဢၼ်​ဝၢၼ်​ဢၼ်​ၸဵမ်း​ၼၼ်ႉ​သေ​ၵမ်း​လူၺ်ႈ။</verse>
			</chapter>
			<chapter number="5">
				<verse number="1">ၼွင်ႉ​ယိင်း​ၵဝ်​ၸဝ်ႈ​ဢိူၺ်း၊ မေး​ဢၼ်​ၵဝ်​ၸဝ်ႈ​မၢႆ​ဝႆႉ​ဢိူၺ်း၊ ၵဝ်​ၸဝ်ႈ​ၶဝ်ႈ​ၵႃႈ​ၼႂ်း​သူၼ်​ဢူးယဵၼ်ႇ​ၵဝ်​ၸဝ်ႈ​ယဝ်ႉ။ ၵဝ်​ၸဝ်ႈ​သိမ်း​ဢဝ်​မဵဝ်း​ မူႉရၼ်ႇ ​ၵဝ်​ၸဝ်ႈ ဢိၵ်ႇ​တင်း​မဵဝ်း​ၼၢမ်ႇ​သႃႇ​ၵဝ်​ၸဝ်ႈ​ယဝ်ႉ။ ၵဝ်​ၸဝ်ႈ​လႆႈ​ၵိၼ် ႁူဝ်​ၼမ်ႉ​ႁူင်း​ၽိုင်ႈ​ၵဝ်​ၸဝ်ႈ လူၺ်ႈ​ၵၼ်​တင်း​ၼမ်ႉ​ၽိုင်ႈ​ၵဝ်​ၸဝ်ႈ​ယဝ်ႉ။ ၵဝ်​ၸဝ်ႈ​လႆႈ​သူတ်ႉ​လႆႈ​ၵိၼ် ၼမ်ႉ​ၸပိတ်ႈ​ၵဝ်​ၸဝ်ႈ​လူၺ်ႈ​ၵၼ်​တင်း ၼမ်ႉ​ၼူမ်း​ၵဝ်​ၸဝ်ႈ​ယဝ်ႉ။ ၵေႃႉ​သေႈ​ၵဝ်​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ၵိၼ်​တႃႉ။ ၵေႃႉ​ဢၼ်​ႁူမ်ႈ​ပွင်း​ၵၼ်​တင်း​ၵဝ်​ၶဝ်​ဢိူၺ်း၊ ဢွၼ်​ၵၼ်​သူတ်ႉ​ၵိၼ်​တႃႉ။ ဢွၼ်​ၵၼ်​သူတ်ႉ​ၵိၼ်​ဢိမ်ႇ​ဢိမ်ႇ​တဵမ်​တဵမ်​တႃႉ။</verse>
				<verse number="2">ပိၵ်ႉ​သမ်ႉ​ၵဝ်​ၼွၼ်း​လပ်း​ယူႇ​သေ​ၵေႃႈ၊ ႁူဝ်​ၸႂ်​ၵဝ်​တိုၼ်ႇ​ယူႇ​ဢေႃႈ။ ပဵၼ်​သဵင်​ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ တွႆႇ​ယူႇ​သေ​လႄႈ​ဝႃႈ၊ ၼွင်ႉ​ယိင်း​ၵဝ်​ၸဝ်ႈ​ဢိူၺ်း၊ ၼၢင်း​ဢၼ်​ၵဝ်​ၸဝ်ႈ​ႁၵ်ႉ​ၼႃႇ​ဢိူၺ်း၊ ၼူၵ်ႉ​တူႈ​ၵဝ်​ၸဝ်ႈ​ဢိူၺ်း၊ ၵေႃႉ​ဢၼ်​ၸေး​ၸုမ်ႇ​ၵဝ်​ၸဝ်ႈ​ဢိူၺ်း၊ ၽုၺ်ႇ​ပၼ်​တီႈ​ၵဝ်​ၸဝ်ႈ​သေ​ၵမ်း။ ၵွၵ်း​ႁူဝ်​ၵဝ်​ၸဝ်ႈ​ၼႆႉ ယမ်း​ၼမ်ႉ​ၼၢႆး​လႄႈ​ၶူၼ်​ႁူဝ်​ၵဝ်​ၸဝ်ႈ​ၼႆႉ ယမ်း​မဵတ်ႉ​ၼမ်ႉ​ၼၢႆး ဢၼ်​ၸၢင်ႈ​ယွတ်ႇ​တူၵ်း​ၶိင်ႇ ၵၢင်​ၶိုၼ်း​ၼၼ်ႉ​ဢေႃႈ။</verse>
				<verse number="3">ၶႃႈ​ၼၢင်း​ၸဝ်ႈ​ႁဝ်း ထွတ်ႇ​သိူဝ်ႈ​တေႃႇ​သိူဝ်ႈ​ပုတ်း​ယဝ်ႉ​တီႈ​ၶႃႈ​ယဝ်ႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တၵ်း​လႆႈ​ၶိုၼ်း​ၼုင်ႈ​ၼင်ႇ​ႁိုဝ်​တီႈ​ၶႃႈ၊ တိၼ်​ၶႃႈ​ၼၢင်း​ၸဝ်ႈ​ႁဝ်း​ၵေႃႈ သုၵ်ႈ​ယဝ်ႉ​တီႈ​ၶႃႈ​ယဝ်ႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တၵ်း​လႆႈ​ႁႂ်ႈ​သမ်ႉ​ၶိုၼ်း​ၵူဝ်ႈ​ၵိူၵ်ႇ​ၼင်ႇ​ႁိုဝ်​တီႈ​ၶႃႈ၊-</verse>
				<verse number="4">ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ ဢဝ်​မိုဝ်း​မၼ်း​ၸဝ်ႈ ၸူၵ်း​ၶဝ်ႈ​ၵႃႈ​ၼႂ်း​ႁူး​ၽၵ်း​တူ​လႄႈ ၵဝ်​မီး​ၸႂ်​ဢၼ်​ႁၵ်ႉ​ပႅင်း​မၼ်း​ၸဝ်ႈ​ၼႃႇ​လူင်​လၢင်​သေ​လႄႈ၊-</verse>
				<verse number="5">ၵဝ်​လုၵ်ႉ​ႁႂ်ႈ​လႆႈ​ၽုၺ်ႇ​ၽၵ်း​တူ​ပၼ်​တီႈ​ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ​လႄႈ ၼမ်ႉ​မၼ်း​ မူႉရၼ်ႇ ​တူၵ်း​သေ​ၵႃႈ​တီႈ​မိုဝ်း​ၵဝ်၊ ၼမ်ႉ​မၼ်း​ မူႉရၼ်ႇ ​ၸႅတ်ႈ​ၸႅတ်ႈ တူၵ်း​သေ​ၵႃႈ​တီႈ​ၼိဝ်ႉ​မိုဝ်း​ၵဝ်​တင်း​လၢႆ​သႂ်ႇ​ၵႃႈ​ၼိူဝ်​သဝ်​ၵိူၼ်ႇ​ၽၵ်း​တူ​ယူႇ ၸိၵ်း​ၸိၵ်း​ဢေႃႈ။-</verse>
				<verse number="6">မိူဝ်ႈ​ဢၼ်​ၵဝ်​ၽုၺ်ႇ​ပၼ် တီႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ​ၸိုင်၊ ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ သမ်ႉ​ဝၢႆႇ​ၶိုၼ်း​လႄႈ​ဢွၵ်ႇ​ၵႂႃႇ​ယဝ်ႉ​ယဝ်ႉ။ ႁူဝ်​ၸႂ်​ၵဝ်​ဢူၼ်ႈ​ၵႂႃႇ ၵွပ်ႈ​ပိူဝ်ႈ​ၵႂၢမ်း​မၼ်း​ၸဝ်ႈ​လႄႈ ၵဝ်​ႁႃ​မၼ်း​ၸဝ်ႈ​သေ​ၵေႃႈ​ဢမ်ႇ​ထူပ်း။ ၵဝ်​ႁွင်ႉ​သေ​ၵေႃႈ မၼ်း​ၸဝ်ႈ​ဢမ်ႇ​ဢိူဝ်။-</verse>
				<verse number="7">ၶဝ်​ၸိူဝ်း​ဢၼ်​ပႂ်ႉ​ၵၢင် ဢၼ်​လႄႇ​ၵႃႈ​ၼႂ်း​ဝဵင်း​ၼၼ်ႉ​ထူပ်း​ၵဝ်​သေ​ယဝ်ႉ၊ ဢွၼ်​ၵၼ်​ပေႃႉ​ယႅၼ်ႉ​ၵဝ် ႁႂ်ႈ​ၵဝ်​ၸဵပ်း​သႅပ်ႇ​ၼႃႇ​လူင်​လၢင်​လႄႈ ၶဝ်​ၸိူဝ်း​ဢၼ်​ပႂ်ႉ​လမ်း​ဝဵင်း​ၼၼ်ႉ ဢွၼ်​ၵၼ်​ႁိမ်​ဢဝ်​ၽႃႈ​ႁူမ်ႇ​ၼႃႈ​ၵဝ်​ဢေႃႈ။-</verse>
				<verse number="8">လုၵ်ႈ​ယိင်း​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ ၵဝ်​တိူင်ႇ​ဝႃႈ​ၵိၼ်ႇ​ဝႃႈ​တီႈ​သူ၊ ပေႃး​သူ​ထူပ်း​ႁၼ် ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ​ၸိုင်၊ သူ​တၵ်း​လႆႈ​ဢွၼ်​ၵၼ်​မွၵ်ႇ​လၢတ်ႈ လွင်ႈ​ဢၼ်​ၵဝ်​မီး​တၢင်း​ဢၼ်​ၸႂ်​ၸဵပ်း​ၸႂ်​ၶိုၼ်ႈ​လူၺ်ႈ​တၢင်း​ႁၵ်ႉ​မႅတ်ႈ​တႃႇ​ၼၼ်ႉ တီႈ​မၼ်း​ၸဝ်ႈ​ဢေႃႈ။</verse>
				<verse number="9">မႄႈ​ယိင်း​ဢၼ်​ႁၢင်ႈ​လီ​လိူဝ်​တွၼ်း​ၼႃႇ​သေ​မႄႈ​ယိင်း​တင်း​လၢႆ​ၼႆႉ​ဢိူၺ်း၊ ၸဝ်ႈ​ဢၼ်​မႂ်း​ႁၵ်ႉ​ပႅင်း​ၼႃႇ​ၼၼ်ႉ ယဵင်ႈ​ၶႅၼ်း​လိူဝ်​တွၼ်း​ၼႃႇ​သေ​ၸဝ်ႈ​ဢၼ်​ပိူၼ်ႈ​တၢင်ႇ​ၵေႃႉ​ႁၵ်ႉ​ပႅင်း​ၼႃႇ​ၼၼ်ႉ ၸိူဝ်ႉ​ၼင်ႇ​ႁိုဝ်။ လွင်ႈ​ၼင်ႇ​ႁိုဝ်​မႂ်း​တၵ်း​လႆႈ​တိူင်ႇ​ဝႃႈ​ၵိၼ်ႇ​ဝႃႈ​တီႈ​ႁဝ်း​ၸိူဝ်ႉ​ၼင်ႇ​ၼၼ်​ၸိုင်၊ ၸဝ်ႈ​ဢၼ်​မႂ်း​ႁၵ်ႉ​ပႅင်း​ၼႃႇ​ၼၼ်ႉ ယဵင်ႈ​ၶႅၼ်း​လိူဝ်​တွၼ်း​ၼႃႇ​သေ​ၸဝ်ႈ​ဢၼ်​ပိူၼ်ႈ​တၢင်ႇ​ၵေႃႉ​ႁၵ်ႉ​ပႅင်း​ၼႃႇ​ၼၼ်ႉ ၸိူဝ်ႉ​ၼင်ႇ​ႁိုဝ်။</verse>
				<verse number="10">ၸဝ်ႈ​ဢၼ်​ႁၵ်ႉ​ပႅင်း​ၼႃႇ​ၼၼ်ႉ ပျေႉ​ၸုမ်ႇ​ဝႆႉ​တင်း​ႁၢင်ႈ​ၽၢင်​ဢၼ်​ၶၢဝ်၊ ႁၢင်ႈ​ၽၢင်​ဢၼ်​လႅင်​လႄႈ ပဵၼ်​ဢၼ်​ထွတ်ႈ​ဢၼ်​မျၢတ်ႈ ပဵၼ်​ၸိၵ်း​ပဵၼ်​ၸွမ် ၵႃႈ​ၼႂ်း​ၵူၼ်း​မိုၼ်ႇ​ၼိုင်ႈ​ဢေႃႈ။-</verse>
				<verse number="11">ၵွၵ်း​ႁူဝ်​မၼ်း​ၸဝ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​ၶမ်း​လွတ်ႈ​ငၢၼ်ႇ​ဢေႃႈ။ ၶူၼ်​ႁူဝ်​မၼ်း​ၸဝ်ႈ​ၼၼ်ႉ ၼႃ​တၼ်​လႄႈ လမ်​မိူၼ်​ၸိူဝ်ႉ​ၼင်ႇ​ႁၢင်ႈ​ၽၢင် ၵႃ​လူင်​ၼၼ်ႉ​ဢေႃႈ။-</verse>
				<verse number="12">မၢၵ်ႇ​တႃ​မၼ်း​ၸဝ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​ၼူၵ်ႉ​တူႈ ၵႃႈ​တီႈ​ႁိမ်း​ၼမ်ႉ​ႁွင်ႈ​ၼမ်ႉ​ၵႄး ဢၼ်​ဢၢပ်ႇ​ၼမ်ႉ​ၼူမ်း​သေ​လႄႈ မူပ်ႇ​ယူႇ​သူတ်ႇ​သူတ်ႇ ၵွင်​ၵွင် ၵႃႈ​တီႈ​ႁိမ်း​ၼမ်ႉ​ႁွင်ႈ​ၼမ်ႉ​ၵႄး ဢၼ်​တဵမ်​ဝႆႉ​ၼၼ်ႉ​ဢေႃႈ။-</verse>
				<verse number="13">ၵႅမ်ႈ​မၼ်း​ၸဝ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ ပႃႇ​ၼၢမ်ႇ​သႃႇ၊ ပႃႇ​မွၵ်ႇ​ဢၼ်​ႁွမ်​ဢၼ်​ႁူၺ်း​ၼၼ်ႉ​လႄႈ သီႇ​သူပ်း​မၼ်း​ၸဝ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ မွၵ်ႇ​ႁဵဝ်း​ငိုၼ်း ဢၼ်​ယွတ်ႇ​ႁူဝ်ႈ​ၼမ်ႉ​မၼ်း​ မူႉရၼ်ႇ ​ၸႅတ်ႈ​ၸႅတ်ႈ​ယူႇ​ၼၼ်ႉ​ဢေႃႈ။-</verse>
				<verse number="14">မိုဝ်း​မၼ်း​ၸဝ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ လၢၵ်ႈ​ၸွပ်ႈ​ၶမ်း​ဢၼ်​ၵႂၢင်း​သႂ်ႇ​သႅင်​ ၶရူႉသူႉလိတ်ႉ ​ၼၼ်ႉ​လႄႈ တွင်ႉ​မၼ်း​ၸဝ်ႈ ပဵၼ်​ၸိူဝ်ႉ​ၼင်ႇ​ငႃး​ၸၢင်ႉ​ဢၼ်​ၶၢဝ်​ဢၼ်​ၸီႇ ႁၢင်ႈ​ၶိူင်ႈ​သႂ်ႇ​သႅင်​ၼီႇလႃႇ​ၼၼ်ႉ​ဢေႃႈ။-</verse>
				<verse number="15">တိၼ်​မၼ်း​ၸဝ်ႈ​ၼၼ်ႉ မိူၼ်​ၸိူဝ်ႉ​ၼင်ႇ သဝ်​ႁိၼ်​ၽိူၵ်ႇ​ႁိၼ်​ၶၢဝ် ဢၼ်​တၢင်ႇ​သႂ်ႇ​ဝႆႉ​ၵႃႈ​ၼိူဝ်​တီႈ​ၶၢမ်ႇ​တိၼ်​သဝ်​ၶမ်း​လွတ်ႈ​ငၢၼ်ႇ​ၼၼ်ႉ​လႄႈ၊ ၼႃႈ​မၼ်း​ၸဝ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ လွႆ​ လေႇပၼုၼ်ႇ ​လႄႈ မျၢတ်ႈ​လီ​ၸိူဝ်ႉ​ၼင်ႇ တူၼ်ႈ​ ဢႃႇရိတ်ႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="16">သူပ်း​မၼ်း​ၸဝ်ႈ​ၼၼ်ႉ ဝၢၼ်​ၼႃႇ​လူင်​လၢင်​လႄႈ၊ မၼ်း​ၸဝ်ႈ​ပျေႉ​ၸုမ်ႇ​ဝႆႉ​တင်း​မုၼ်​ၵုင်ႇ ၵႃႈ​ဢၼ်​လီ​ႁၵ်ႉ​လီ​ပႅင်း​ၼႃႇ​လူင်​လၢင်​ၼၼ်ႉ​ဢေႃႈ။ လုၵ်ႈ​ယိင်း​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ ၵေႃႉ​ဢၼ်​ဝႃႈ​ၼႆ​ၸမ်ႉ၊ ပဵၼ်​ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ၊ ပဵၼ်​ၵေႃႉ​ပဵၼ်​သေႈ​ၵဝ်​ဢေႃႈ။</verse>
			</chapter>
			<chapter number="6">
				<verse number="1">မႄႈ​ယိင်း​ဢၼ်​ႁၢင်ႈ​လီ​လိူဝ်​တွၼ်း​ၼႃႇ​သေ​မႄႈ​ယိင်း​တင်း​လၢႆ​ၼႆႉ​ဢိူၺ်း၊ ၸဝ်ႈ​ဢၼ်​မႂ်း​ႁၵ်ႉ​ပႅင်း​ၼႃႇ​ၼၼ်ႉ ၵႂႃႇ​ၵႃႈ​တီႈ​လႂ်။ လွင်ႈ​ၼင်ႇ​ႁိုဝ် ႁဝ်း​တၵ်း​လႆႈ​ႁႃ​ဢဝ်​မၼ်း ႁူမ်ႈ​လူၺ်ႈ​ၵၼ်​တင်း​မႂ်း​ၸိုင်၊ ၸဝ်ႈ​ဢၼ်​မႂ်း​ႁၵ်ႉ​ပႅင်း​ၼႃႇ​ၼၼ်ႉ ငိူင်ႉ​ဝႄႈ​ၵႂႃႇ​ၸူး​ၵႃႈ​တီႈ​လႂ်။</verse>
				<verse number="2">ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ လူင်း​ၵႂႃႇ​ၸူး​ၵႃႈ​တီႈ​ပႃႇ​ၼၢမ်ႇ​သႃႇ ၵႃႈ​ၼႂ်း​သူၼ်​ဢူးယဵၼ်ႇ​မၼ်း​ၸဝ်ႈ​ၼၼ်ႉ ႁႂ်ႈ​လႆႈ​ၵိၼ်​လႆႈ​ၶူပ်း​ၵႃႈ​ၼႂ်း​သူၼ်​ဢူးယဵၼ်ႇ​မၼ်း​ၸဝ်ႈ​လႄႈ ဝိတ်း​ဢဝ်​မွၵ်ႇ​ႁဵဝ်း​ငိုၼ်း​တင်း​လၢႆ​ဢေႃႈ။-</verse>
				<verse number="3">ၵဝ်​ပဵၼ်​တီႈ​ဢၼ် ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ​ပိူင်ႇ​ဢေႃႈ။ ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ​ၵေႃႈ ပဵၼ်​တီႈ​ဢၼ်​ၵဝ်​ပိူင်ႇ​ဢေႃႈ။ မၼ်း​ၸဝ်ႈ​ၵိၼ်​ယူႇ​ၵႃႈ​ၼႂ်း​ပႃႇ​မွၵ်ႇ​ႁဵဝ်း​ငိုၼ်း​ၼၼ်ႉ​ဢေႃႈ။</verse>
				<verse number="4">ၼၢင်း​ဢၼ်​ၵဝ်​ၸဝ်ႈ​ႁၵ်ႉ​ၼႆႉ​ဢိူၺ်း၊ မႂ်း​ၼၢင်း​ၼႆႉ​ႁၢင်ႈ​လီ​ၽၢင်​လီ​မိူၼ်​ၸိူဝ်ႉ​ၼင်ႇ ဝဵင်း​ တီႉရၸႃႉ ​လႄႈ သေႇ​ၶျႃႇ​လီ​ငၢမ်း မိူၼ်​ၸိူဝ်ႉ​ၼင်ႇ​ဝဵင်း​ ယေႇရူႉသလႅမ်ႇ ​ဢေႃႈ။ ပဵၼ်​တီႈ​ဢၼ်​လီ​ၵူဝ်​လီ​ႁႄ မိူၼ်​ၸိူဝ်ႉ​ၼင်ႇ​တပ်ႉ​သိုၵ်း​ဢၼ်​ပူၵ်း​လၢမ်ႇ​ဝႆႉ​ၼၼ်ႉ​ဢေႃႈ။-</verse>
				<verse number="5">ဢဝ်​မၢၵ်ႇ​တႃ​မႂ်း​ၼၢင်း ငိူင်ႉ​ဝႄႈ​ၵဝ်​ၸဝ်ႈ​သေ​ၵမ်း။ ၶဝ်​ပႄႉ​ၼႅင်ႇ​ၵဝ်​ၸဝ်ႈ​ယဝ်ႉ။ ၶူၼ်​ႁူဝ်​မႂ်း​ၼၢင်း​ၵေႃႈ မိူၼ်​ၸိူဝ်ႉ​ၼင်ႇ​ၽုင်​ပႄႉ​ဢၼ်​ၼွၼ်း​ယူႇ​ၵႃႈ​ၼိူဝ်​ပဵမ်ႉ​လွႆ​ ၵီႉလတ်ႉ ​ၼၼ်ႉ​ဢေႃႈ။-</verse>
				<verse number="6">ၶဵဝ်ႈ​မႂ်း​ၼၢင်း​ၸိူဝ်း​ၼၼ်ႉ​ၵေႃႈ ပဵၼ်​ၸိူဝ်ႉ​ၼင်ႇ​ၽုင်​သူဝ်း​ဢၼ်​ၵႅတ်း​ႁႆး​ၶူၼ်​ယဝ်ႉ​လႄႈ လုၵ်ႉ​သေ​ၵႃႈ​တီႈ​ဢၼ်​ဢၢပ်ႇ​ၼမ်ႉ​ၼၼ်ႉ ၶိုၼ်ႈ​မႃး​ၼၼ်ႉ​လႄႈ ယင်း​ဢမ်ႇ​လုတ်ႈ​ဢမ်ႇ​ယွမ်း​သေ​တူဝ်​လႄႈ ၸၢင်ႈ​ၵိူတ်ႇ​လဵင်ႉ​လုၵ်ႈ​ဢၼ်​ၽႃ​ၽႄ​ၵူၺ်း​ၵူၺ်း​မႃး​ၼၼ်ႉ​ဢေႃႈ။-</verse>
				<verse number="7">ၵႅမ်ႈ​မႂ်း​ၼၢင်း ဢၼ်​မီး​ယူႇ​ၵႃႈ​တီႈ​ၽၢႆႇ​ပုၼ်ႉ ၽႃႈ​ႁူမ်ႇ​ၼႃႈ​ၼၼ်ႉ​ၵေႃႈ မိူၼ်​ၸိူဝ်ႉ​ၼင်ႇ​ၶႅပ်း​မၢၵ်ႇ​ၸင်ႈ​ဝႆႉ​ဢေႃႈ။-</verse>
				<verse number="8">မီး​ၼၢင်း​ႁေႃ​ၶမ်း​ႁူၵ်း​သိပ်း၊ ၼၢင်း​ဢွၼ်ႇ​ပႅတ်ႇ​သိပ်း၊ ၵၼ်ႇ​ၺႃႇ​လုၵ်ႈ​ယိင်း​သၢဝ်​ၸိူင်ႉ​ၼၢင်း ဢမ်ႇ​ႁူႉ​ၼမ်​လႂ်​ဢေႃႈ။-</verse>
				<verse number="9">ၼူၵ်ႉ​တူႈ​ၵဝ်​ၸဝ်ႈ၊ ၵေႃႉ​ဢၼ်​ၸေး​ၸုမ်ႇ​ၵဝ်​ၸဝ်ႈ​ၼၼ်ႉ မီး​ယူႇ​ၵႃႈ​တီႈ​ၵဝ်​ၸဝ်ႈ​ၼၢင်း​လဵဝ်​ၵူၺ်း​ဢေႃႈ။ ပဵၼ်​လုၵ်ႈ​ယိင်း​လဵဝ်​ၵူၺ်း တီႈ​မႄႈ​မၼ်း​ဢေႃႈ။ ပဵၼ်​လုၵ်ႈ​ယိင်း​ဢၼ်​ႁၵ်ႉ​ၼႃႇ​သေ​ပိူၼ်ႈ တီႈ​ၵေႃႉ​ဢၼ်​ၵိူတ်ႇ​လဵင်ႉ​မၼ်း​မႃး​ၼၼ်ႉ​ဢေႃႈ။ လုၵ်ႈ​ယိင်း​ၵူၼ်း​တင်း​လၢႆ ႁၼ်​မၼ်း​လႄႈ ဢွၼ်​ၵၼ်​ပၼ်​တၢင်း​လီ​တီႈ​မၼ်း​ဢေႃႈ။ ၼၢင်း​ႁေႃ​ၶမ်း​တင်း​လၢႆ ဢိၵ်ႇ​တင်း​ၼၢင်း​ဢွၼ်ႇ​ၸိူဝ်း​ၼၼ်ႉ ဢွၼ်​ၵၼ် ယွင်ႈ​ယေႃး​မၼ်း​ဢေႃႈ။-</verse>
				<verse number="10">မႄႈ​ယိင်း​ဢၼ်​ႁၢင်ႈ​လီ​ၽၢင်​လီ မိူၼ်​ၸိူဝ်ႉ​ၼင်ႇ​လိူၼ်၊ ႁိူဝ်ႈ​လႅင်း​မိူၼ်​ၸိူဝ်ႉ​ၼင်ႇ​ၵၢင်​ဝၼ်း၊ ပဵၼ်​တီႈ​ဢၼ်​လီ​ၵူဝ်​လီ​ႁႄ မိူၼ်​ၸိူဝ်ႉ​ၼင်ႇ​တပ်ႉ​သိုၵ်း ဢၼ်​ပူၵ်း​လၢမ်ႇ​ဝႆႉ​လႄႈ ငွၵ်ႈ​တူၺ်း​မုင်ႈ​တူၺ်း မိူၼ်​ၸိူဝ်ႉ​ၼင်ႇ​ၵၢင်​ၼႂ်​ၼၼ်ႉ​ၸမ်ႉ၊ ပဵၼ်​ၽူႈ​လႂ်။-</verse>
				<verse number="11">ၵဝ်​လူင်း​ၵႂႃႇ​ၸူး​ၵႃႈ​တီႈ​သူၼ်​ဢူးယဵၼ်ႇ​မၢၵ်ႇ​မႆႉ​မၢၵ်ႇ​တွၵ်ႇ ႁႂ်ႈ​လႆႈ​လူ​တူၺ်း တူၼ်ႈ​ဢၼ်​လိပ်း​ဢၼ်​ၶဵဝ်​ၵႃႈ​ၼႂ်း​ၶူင်ႈ​ၼႂ်း​ႁူၺ်ႈ​လႄႈ ႁူႉ​လွင်ႈ​ဢၼ်​တူၼ်ႈ​ၶိူဝ်း​မၢၵ်ႇ​ၸပိတ်ႈ ၽူၵ်ႈ​လီ​ႁႅင်း​လီ​ႁိုဝ်။ ဢမ်ႇ​ၽူၵ်ႈ​လီ​ႁႅင်း​လီ​ႁိုဝ် ဢိၵ်ႇ​တင်း​လွင်ႈ​ဢၼ်​တူၼ်ႈ​မၢၵ်ႇ​ၸင်ႈ​မွၵ်ႇ​မွၵ်ႇ​ယဝ်ႉ​ႁိုဝ်။ ဢမ်ႇ​ပႆႇ​မွၵ်ႇ​ႁိုဝ်​ၼၼ်ႉ​ဢေႃႈ။-</verse>
				<verse number="12">ၸူဝ်ႈ​ဢၼ်​ၵဝ်​ဢမ်ႇ​ပႆႇ​လႆႈ​သတီႉ​ၼၼ်ႉ​ၸိုင်၊ ဝီႉၺိၺ်ႇ​ၵဝ်​ႁႂ်ႈ​ၵဝ်​ပဵၼ်​ၸိူဝ်ႉ​ၼင်ႇ​ဢၼ်​ၶီႇ​လေႃႉ​ရထႃး ဢမီႉၼတပ်ႉ ​ဢေႃႈ။</verse>
				<verse number="13">သူႉလမိတ်ႉ ​ဢိူၺ်း၊ ၶိုၼ်း​မႃး​သေ​ၵမ်း။ ၶိုၼ်း​မႃး​သေ​ၵမ်း။ ၼင်ႇ​ႁိုဝ်​ႁဝ်း​တၵ်း​လႆႈ​ႁၼ်​မႂ်း​ၸိုင်၊ ၶိုၼ်း​မႃး​သေ​ၵမ်း။ ၶိုၼ်း​မႃး​သေ​ၵမ်း။ တၵ်း​လႆႈ​ထူပ်း​ႁၼ်​လွင်ႈ​တၢင်း​ဢၼ်​လႂ်​တီႈ​ သူႉလမိတ်ႉ ​ၼၼ်ႉ။ တၵ်း​လႆႈ​ထူပ်း​ႁၼ်​မိူၼ်​ၸိူဝ်ႉ​ၼင်ႇ တပ်ႉ​သိုၵ်း​သွင်​တပ်ႉ​ၼၼ်ႉ​ဢေႃႈ။</verse>
			</chapter>
			<chapter number="7">
				<verse number="1">လုၵ်ႈ​ယိင်း​ၶုၼ်​ဢိူၺ်း၊ တိၼ်​မႂ်း​ၼၢင်း​ၼၼ်ႉ တိုဝ်း​ၶႅပ်း​တိၼ်​ယူႇ​သေ​လႄႈ ပဵၼ်​ဢၼ်​ႁၢင်ႈ​လီ​ႁၢင်ႈ​ငၢမ်း​ၼႃႇ​လူင်​လၢင်​ဢေႃႈ။ ပွတ်း​ဢႅဝ်​မႂ်း​ၼၢင်း​ၼၼ်ႉ ပဵၼ်​ၸိူဝ်ႉ​ၼင်ႇ ရတ်ႈတၼႃႇ​သႅင်​လီ ဢၼ်​ၵေႃႉ​ဢၼ်​လၵ်း​လႅမ်​ၸၢင်ႈ​မေႃ​မႄး​ႁဵတ်း​ဝႆႉ​ၼၼ်ႉ​ၶႃႈ​ဢေႃႈ။-</verse>
				<verse number="2">တွင်ႉ​ၼွႆႉ​မႂ်း​ၼၢင်း​ၼၼ်ႉ ပဵၼ်​ၵွၵ်း​ဢၼ်​တဵမ်​ဝႆႉ​တင်း​ၼမ်ႉ​ၸပိတ်ႈ ဢၼ်​လေႃး​လူၺ်ႈ​ၵၼ်​တင်း​ယႃ​ဢၼ်​ႁွမ်​ဢၼ်​ႁူၺ်း​ၼၼ်ႉ​လႄႈ တွင်ႉ​မႂ်း​ၼၢင်း​ၼၼ်ႉ ပဵၼ်​ၵွင်​ၶဝ်ႈ​ပိူၵ်ႇ ဢၼ်​ဢဝ်​မွၵ်ႇ​ႁဵဝ်း​ငိုၼ်း ၸီႇ​ႁၢင်ႈ​ၶိူင်ႈ​ဝႆႉ​ၼၼ်ႉ​ဢေႃႈ။-</verse>
				<verse number="3">တဝ်ႈ​ၼူမ်း​မႂ်း​ၼၢင်း​သွင်​လုၵ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​တိုင်​ဢွၼ်ႇ ဢၼ်​ၽႃ​ၽႄ​ၼၼ်ႉ​ဢေႃႈ။-</verse>
				<verse number="4">ၶေႃး​မႂ်း​ၼၢင်း​ၼၼ်ႉ ပဵၼ်​ၸိူဝ်ႉ​ၼင်ႇ​ထဵင်​လၢင်း​ငႃး​ၸၢင်ႉ​ၼၼ်ႉ​ဢေႃႈ။ မၢၵ်ႇ​တႃ​မႂ်း​ၼၢင်း​ၼၼ်ႉ ပဵၼ်​ၸိူဝ်ႉ​ၼင်ႇ​ၼမ်ႉ​ၼွင် ၵႃႈ​တီႈ​ဝဵင်း​ ႁေႇသၽုၼ်ႇ ၵႃႈ​ႁိမ်း​ၽၵ်း​တူ ပႃႇသရပ်ႉပိမ်း ​ၼၼ်ႉ ၸိူဝ်း​ၼၼ်ႉ​လႄႈ၊ ၶူႈ​လင်​မႂ်း​ၼၢင်း​ၼၼ်ႉ​ပဵၼ်​ၸိူဝ်ႉ​ၼင်ႇ​ထဵင်​လၢင်း လေႇပၼုၼ်ႇ ဢၼ်​ဝၢႆႇ​ၼႃႈ​တေႃႇ​ဝဵင်း ထမ်ႇမသႅတ်ႉ ​ၼၼ်ႉ​ဢေႃႈ။-</verse>
				<verse number="5">ၵွၵ်း​ႁူဝ်​မႂ်း​ၼၢင်း​ၼၼ်ႉ မိူၼ်​ၵၼ်​တင်း​လွႆ​ ၵရမေႇလႃႉ ​လႄႈ ၶူၼ်​ႁူဝ်​မႂ်း​ၼၢင်း​ၼၼ်ႉ ႁၢင်ႈ​ၶိူင်ႈ​ဢၼ်​လႅင်​ၵမ်ႇ​ဝႆႉ​ၼၼ်ႉ​ဢေႃႈ။ ၶုၼ်​လူင်​မီး​တၢင်း​ဢၼ် လႆႈ​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ​ဝႆႉ​လူၺ်ႈ ၶူၼ်​ႁူဝ်​ဢၼ်​ၽၼ်ႈ​ဢၼ်​ၽိူဝ်​ၼၼ်ႉ​ယဝ်ႉ။-</verse>
				<verse number="6">ၼၢင်း​ဢၼ်​ၵဝ်​ၸဝ်ႈ​ႁၵ်ႉ​ၼႆႉ​ဢိူၺ်း၊ မႂ်း​ၼၢင်း​ပဵၼ်​ဢၼ်​ႁၢင်ႈ​လီ​ၼႃႇ​လူင်​လၢင် ပုၼ်ႈ​ဢၼ်​ၵဝ်​ၸဝ်ႈ​တၵ်း​လႆႈ​မူၼ်ႈ​ပျေႃႇ​လႄႈ ပျေႉ​ၸုမ်ႇ​ဝႆႉ​တင်း​လၢၵ်ႈၶၼႃႇ​ဢၼ်​လီ​ႁၵ်ႉ​လီ​ပႅင်း​ဢေႃႈ။-</verse>
				<verse number="7">တၢင်း​ဢၼ်​သုင်​မႂ်း​ၼၢင်း​ၼၼ်ႉ မိူၼ်​ၸိူဝ်ႉ​ၼင်ႇ​တူၼ်ႈ​ထၢၼ်​လႄႈ တဝ်ႈ​ၼူမ်း​မႂ်း​ၼၢင်း​ၼၼ်ႉ​မိူၼ်​ၸိူဝ်ႉ​ၼင်ႇ​ပုၵ်ႉ​မၢၵ်ႇ​ၸပိတ်ႈ​ဢေႃႈ။-</verse>
				<verse number="8">ၵဝ်​ၸဝ်ႈ​လႆႈ​လၢတ်ႈ​လႄႈ​ဝႃႈ၊ ၵဝ်​တၵ်း​ၶိုၼ်ႈ​တူၼ်ႈ​ထၢၼ်​ၼၼ်ႉ​လႄႈ ယိပ်း​ၵမ်​ၵၢၼ်ႈ​တွင်​ထၢၼ်​ဢေႃႈ၊ ဝႃႈ​ၼင်ႇ​ၼႆ​လႄႈ​လႆႈ​သမ်ႉ တဝ်ႈ​ၼူမ်း​မႂ်း​ၼၢင်း​ၼၼ်ႉ ပဵၼ်​ၸိူဝ်ႉ​ၼင်ႇ​ပုၵ်ႉ​မၢၵ်ႇ​ၸပိတ်ႈ​ဝႆႉ​လႄႈ ဢၢႆ​ဢၼ်​မႂ်း​ၼၢင်း​ထူၺ်ႈ​ၸႂ်​ၼၼ်ႉ ပဵၼ်​ၸိူဝ်ႉ​ၼင်ႇ​ဢၢႆ​မၢၵ်ႇ​ဢိုၼ်ႈ​ဝၢၼ်​ၼၼ်ႉ​ဢေႃႈ။-</verse>
				<verse number="9">သူပ်း​မႂ်း​ၼၢင်း​ၵေႃႈ ပဵၼ်​ၸိူဝ်ႉ​ၼင်ႇ​ၼမ်ႉ​ၸပိတ်ႈ​ဢၼ်​လီ​ၼႃႇ​သေ​ပိူၼ်ႈ ဢၼ်​ၸၢင်ႈ​လႆ​ၶဝ်ႈ​ၵႂႃႇ​ယူႇ​သိုဝ်ႈ​သိုဝ်ႈ​ပုၼ်ႈ​ၼၢင်း​ဢၼ်​ၵဝ်​ၸဝ်ႈ​ႁၵ်ႉ​ၼႃႇ​ၼၼ်ႉ​လႄႈ ၸၢင်ႈ​လႆ​ၶဝ်ႈ​ၵႂႃႇ​ၵႃႈ​ၼႂ်း​သူပ်း​ၶဝ်​ၸိူဝ်း​ဢၼ်​ၼွၼ်း​လပ်း​ၼၼ်ႉ ၼိမ်​ၼိမ်​လီ​လီ​ဢေႃႈ။</verse>
				<verse number="10">ၵဝ်​ပဵၼ်​တီႈ​ဢၼ်​ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ​ပိူင်ႇ​လႄႈ မၼ်း​ၸဝ်ႈ​ၸၢင်ႈ​ၸွမ်း​ဢလူဝ်ႇ​ၵဝ်​ဢေႃႈ။-</verse>
				<verse number="11">မႃး​သေ​ၵမ်း​တီႈ​ၶႃႈ၊ ၸဝ်ႈ​ဢၼ်​ၶႃႈ​ၼၢင်း​ႁၵ်ႉ​ပႅင်း​ၼႃႇ​တီႈ​ၶႃႈ​ဢိူၺ်း၊ ဢွၼ်​ၵၼ်​ဢွၵ်ႇ​ၵႂႃႇ​ၵႃႈ​တီႈ​ထိူၼ်ႇ​လႄႈ ႁႂ်ႈ​ပူၼ်ႉ​ၶိုၼ်း​ၵႃႈ​ၼႂ်း​ဝၢၼ်ႈ​ၸိူဝ်း​ၼၼ်ႉ​တီႈ​ၶႃႈ​ႁဝ်း။-</verse>
				<verse number="12">ဢွၼ်​ၵၼ်​လုၵ်ႉ​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​လႄႈ ၵႂႃႇ​ၵႃႈ​တီႈ​သူၼ်​ဢူးယဵၼ်ႇ​ၸပိတ်ႈ​တီႈ​ၶႃႈ​ႁဝ်း။ ဢွၼ်​ၵၼ်​လူ​တူၺ်း​လွင်ႈ​ဢၼ်​တူၼ်ႈ​ၶိူဝ်း​မၢၵ်ႇ​ၸပိတ်ႈ​ၽူၵ်ႈ​လီ​ႁႅင်း​လီ​ႁိုဝ်။ ဢမ်ႇ​ၽူၵ်ႈ​လီ​ႁႅင်း​လီ​ႁိုဝ်။ လွင်ႈ​ဢၼ်​မွၵ်ႇ​မၼ်း​ၵီႈ​ယဝ်ႉ​ႁိုဝ် ဢမ်ႇ​ပႆႇ​ၵီႈ​ႁိုဝ်။ လွင်ႈ​ဢၼ်​တူၼ်ႈ​မၢၵ်ႇ​ၸၢင်ႈ​မွၵ်ႇ​ယဝ်ႉ​ႁိုဝ်။ ဢမ်ႇ​ပႆႇ​မွၵ်ႇ​ႁိုဝ်​ၼၼ်ႉ​တီႈ​ၶႃႈ​ႁဝ်း။ ၵႃႈ​တီႈ​ၼၼ်ႈ​ၶႃႈ​ၼၢင်း​ၸဝ်ႈ တၵ်း​ဢဝ်​မႅတ်ႈ​တႃႇ​ၶႃႈ​ၼၢင်း​ၸဝ်ႈ​ဢၢပ်ႈ​ပၼ် တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="13">တူၼ်ႈ​ယႃ​ဢၶျူဝ်ႇ​တင်း​လၢႆ ႁွမ်​ႁူၺ်း​လႄႈ ၵႃႈ​တီႈ​ႁိမ်း​ၽၵ်း​တူ​ႁဝ်း​ၶႃႈ​ၼၼ်ႉ မီး​မဵဝ်း​မၢၵ်ႇ​ဢၼ်​ဝၢၼ် ဢၼ်​ၵဝ်ႇ​ဢၼ်​မႂ်ႇ ၵူႈ​ၸိူဝ်ႉ​ၵူႈ​မဵဝ်း ဢၼ်​ၶႃႈ​ၼၢင်း​ၸဝ်ႈ​လႆႈ​သိမ်း​ဝႆႉ ပုၼ်ႈ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ယဝ်ႉ။ ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ဢိူၺ်း၊</verse>
			</chapter>
			<chapter number="8">
				<verse number="1">ၶႂ်ႈ​ႁႂ်ႈ​ၸဝ်ႈ​ႁဝ်း​ပဵၼ်​ၸိူဝ်ႉ​ၼင်ႇ​ပီႈ​ၸၢႆး​ဢွၵ်ႇ​ၶႃႈ​ၼၢင်း​ၸဝ်ႈ ဢၼ်​ၵိၼ်​ၼူမ်း​မႄႈ​ၶႃႈ​ၼၢင်း​ၸဝ်ႈ​ၼၼ်ႉ​တီႈ​ၶႃႈ​ဢေႃႈ။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ မိူဝ်ႈ​ဢၼ်​ၶႃႈ​ၼၢင်း​ၸဝ်ႈ ထူပ်း​ႁၼ်​ၸဝ်ႈ​ႁဝ်း ၵႃႈ​တီႈ​ၼွၵ်ႈ​ၼၼ်ႉ တၵ်း​ၸုပ်ႇ​တၵ်း​ၼူမ်​လႄႈ ဢမ်ႇ​မီး​တၢင်း​ဢၼ် ပိူၼ်ႈ​တၵ်း​သႄႉ​သွမ်း​တီႈ​ၶႃႈ၊-</verse>
				<verse number="2">ၶႃႈ​ၼၢင်း​ၸဝ်ႈ တၵ်း​ၸုင်​ဢဝ်​မိုဝ်း​ၸဝ်ႈ​ႁဝ်း​လႄႈ ဢဝ်​ၵႂႃႇ​ၵႃႈ​ၼႂ်း​လုၵ်း​တီႈ​ၼွၼ်း​မႄႈ​ၶႃႈ​ၼၢင်း​ၸဝ်ႈ ဢၼ်​တၵ်း​သင်ႇ​သွၼ် ပၼ်​ၶႃႈ​ၼၢင်း​ၸဝ်ႈ​ၼၼ်ႉ​လႄႈ၊ ၶႃႈ​ၼၢင်း​ၸဝ်ႈ​တၵ်း​ဢဝ်​ၼမ်ႉ​ၸပိတ်ႈ ဢၼ်​လေႃး​လူၺ်ႈ​ၵၼ်​တင်း ယႃ​ဢၼ်​ႁွမ်​ဢၼ်​ႁူၺ်း​ဢိၵ်ႇ​တင်း ၼမ်ႉ​မၢၵ်ႇ​ၸင်ႈ​ၶႃႈ​ၼၢင်း​ၸဝ်ႈ​ၼၼ်ႉ ႁႂ်ႈ​ၸဝ်ႈ​ႁဝ်း​သူတ်ႉ​ၵိၼ် တီႈ​ၶႃႈ​ဢေႃႈ။-</verse>
				<verse number="3">မိုဝ်း​ၶွၼ်​သၢႆႉ​မၼ်း​ၸဝ်ႈ​ၼၼ်ႉ ႁွင်း​ဢဝ်​ၵွၵ်း​ႁူဝ်​ၵဝ်​ယူႇ​လႄႈ၊ မိုဝ်း​ၶွၼ်​ၶႂႃ​မၼ်း​ၸဝ်ႈ​ၼၼ်ႉ ၵွတ်ႇ​ၵဝ်​ယူႇ​ဢေႃႈ။-</verse>
				<verse number="4">လုၵ်ႈ​ယိင်း​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ ၵဝ်​တိူင်ႇ​ဝႃႈ​ၵိၼ်ႇ​ဝႃႈ​တီႈ​သူ ႁႂ်ႈ​သူ​ဢမ်ႇ​ယႃႉ​ဢမ်ႇ​ပူၵ်း​ၸဝ်ႈ​ဢၼ်​ၵဝ်​ႁၵ်ႉ​ပႅင်း​ၼႃႇ​ၼၼ်ႉ တေႃႇ​ထိုင်​ႁွတ်ႈ​မၼ်း​ၸဝ်ႈ​ထၼ်ႈ​ပေႃး​တိုၼ်ႇ​ဢဝ်​ၵူၺ်း​မၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="5">ၵေႃႉ​ဢၼ်​ဢိင်​ဢွႆႇ​ၽႃ​ႁွမ်း​ၸဝ်ႈ​ဢၼ်​မၼ်း​ႁၵ်ႉ​ၼၼ်ႉ​ယူႇ​လႄႈ လုၵ်ႉ​သေ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​မႃး​ၼၼ်ႉ​ၸမ်ႉ ပဵၼ်​ၽူႈ​လႂ်။ ၵဝ်​ၸဝ်ႈ​လႆႈ​ယႃႉ​လႆႈ​ပူၵ်း​မႂ်း ၵႃႈ​တီႈ​တႂ်ႈ​တူၼ်ႈ​မၢၵ်ႇ​ဢိုၼ်ႈ​ဝၢၼ်​ၼၼ်ႉ​မႃး​ယဝ်ႉ။ မႄႈ​မႂ်း​ၼၢင်း​ၼၼ်ႉ ၵိူတ်ႇ​လဵင်ႉ​မႂ်း​ၼၢင်း​မႃး​ၵႃႈ​တီႈ​ၼၼ်ႈ​ယဝ်ႉ။ ၵေႃႉ​ဢၼ်​ၵိူတ်ႇ​လဵင်ႉ​မႂ်း​ၼၢင်း​ၼၼ်ႉ လႆႈ​ႁၼ်​ၼႃႈ​မႂ်း​ၼၢင်း​ၵႃႈ​တီႈ​ၼၼ်ႈ​ယဝ်ႉ။-</verse>
				<verse number="6">ဢဝ်​ၶႃႈ​ၼၢင်း​ၸဝ်ႈ​ၼႆႉ တွၵ်ႇ​တၼ်း​သိၵ်ႈ​ဝႆႉ​ၵႃႈ​ၼိူဝ်​ႁူဝ်​ၸႂ်​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ဢဝ်​တွၵ်ႇ​တၼ်း​သိၵ်ႈ​ဝႆႉ​ၵႃႈ​ၼိူဝ်​ၶႅၼ်​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ လွင်ႈ​မၼ်း​ၸမ်ႉ မႅတ်ႈ​တႃႇ​မီး​တၼ်း​ၶူဝ်း​ယႂ်ႇ​ၼႃႇ​လူင်​လၢင် ပဵင်း​တၢၼ်ႇ​တၢင်း​တၢႆ​တီႈ​ၶႃႈ​ဢေႃႈ။ သၽေႃး​ဢၼ်​ဢမ်ႇ​ယုမ်ႇ​ၽူဝ်​ယုမ်ႇ​မေး​ၼၼ်ႉ​ႁၢဝ်ႈ​ၵျၢမ်း​ၼႃႇ​လူင်​လၢင် ပဵင်း​တၢၼ်ႇ​မိူင်း​မရၼႃႉ​တီႈ​ၶႃႈ​ဢေႃႈ။ ဢၢႆ​ႁႅင်း​မၼ်း​ၼၼ်ႉ ပဵၼ်​ဢၢႆ​ႁႅင်း​ၽႆး၊ ဢၢႆ​ႁႅင်း​ၽႃႉ​မႅပ်ႈ​တီႈ​ၶႃႈ​ဢေႃႈ။-</verse>
				<verse number="7">ၼမ်ႉ​ဢၼ်​ၼမ်​ၼႃႇ​ၼၼ်ႉ ဢမ်ႇ​ဢဝ်​မႅတ်ႈ​တႃႇ​တၢႆ​လႆႈ။ ၼမ်ႉ​ႁွင်ႈ​ၼမ်ႉ​ၵႄး​တင်း​လၢႆ​ၼၼ်ႉ ဢမ်ႇ​ထူမ်ႈ​ႁူမ်ႇ​မၼ်း​လႆႈ။ ပေႃး​သေ​ၵေႃႉ​သေ​ၵူၼ်း​ၶႂ်ႈ​ဢဝ်​ဢုၵ်ႉ​ၸႃႇ​ၶူဝ်း​လဵင်း ၵႃႈ​ဢၼ်​မီး​ၵႃႈ​ၼႂ်း​ႁိူၼ်း​မၼ်း​ၼၼ်ႉ ပၼ်​ပုၼ်ႈ​ဢၼ် တၵ်း​လႆႈ​မႅတ်ႈ​တႃႇ​ၸိုင်၊ မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ၼႃႇ​လူင်​လၢင်​ဢေႃႈ။</verse>
				<verse number="8">ႁဝ်း​မီး​ၼွင်ႉ​ယိင်း​ဢွၼ်ႇ​ၵေႃႉ​ၼိုင်ႈ​ဢေႃႈ။ မၼ်း​ၼၼ်ႉ​ဢမ်ႇ​ပႆႇ​မီး​တဝ်ႈ​ၼူမ်း​ၸွၼ်​ၼူမ်း။ ၼႂ်း​မိုဝ်ႉ​ဝၼ်း​ဢၼ်​ပိူၼ်ႈ​ယွၼ်း​ဢဝ် ၼွင်ႉ​ယိင်း​ႁဝ်း​ၼၼ်ႉ၊ ႁဝ်း​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ပုၼ်ႈ​မၼ်း။-</verse>
				<verse number="9">ပေႃး​မၼ်း​ပဵၼ်​လမ်း​ဝဵင်း​ၸိုင်၊ ႁဝ်း​တၵ်း​ႁဵတ်း​ႁေႃ​ငိုၼ်း​သႂ်ႇ​ၵႃႈ​ၼိူဝ်​မၼ်း​လႄႈ ပေႃး​မၼ်း​ပဵၼ်​ၽၵ်း​တူ​ၸိုင် ႁဝ်း​တၵ်း​ဢဝ်​ပႅၼ်ႈ​မႆႉ​ ဢႃႇရိတ်ႉ ႁၢင်ႈ​ၶိူင်ႈ​သႂ်ႇ​ဢေႃႈ။</verse>
				<verse number="10">ၵဝ်​ပဵၼ်​လမ်း​ဝဵင်း​လႄႈ တဝ်ႈ​ၼူမ်း​ၵဝ်​ပဵၼ်​ၸိူဝ်ႉ​ၼင်ႇ​ထဵင်​လၢင်း ၵႃႈ​ၼိူဝ်​မၼ်း​ဢေႃႈ။ ပိူဝ်ႈ​ၼႆ​လႄႈ ၵဝ်​လႆႈ​မီး​ယူႇ​သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​လႆႈ​ထူပ်း​တၢင်း​ၼိမ်​ယဝ်ႉ​ၼၼ်ႉ​ဢေႃႈ။</verse>
				<verse number="11">ၶုၼ်​ သေႃးလမုၼ်ႇ မီး​သူၼ်​ဢူးယဵၼ်ႇ​ၸပိတ်ႈ ၵႃႈ​တီႈ​မိူင်း​ ပႃႇလႁႃႇမုၼ်ႇ ​ၼၼ်ႉ သူႇ​ၼိုင်ႈ​ဢေႃႈ။ မၼ်း​ၸဝ်ႈ​ဢဝ်​ၸၢင်ႈ​ငႃ ပၼ်​ဝႆႉ​တီႈ​ၵူၼ်း​ပႂ်ႉ​သူၼ်​ဢူးယဵၼ်ႇ တင်း​လၢႆ​လႄႈ ၶဝ်​ၼၼ်ႉ​လႆႈ​ဢွၼ်​ၵၼ်​သၢၵ်ႈ​ငိုၼ်း ယေႈ​ၵေႃႉ​ယေႈ​ႁဵင်၊ ပုၼ်ႈ​ဢၼ်​ၶဝ်​လႆႈ​ၵိၼ်​မၢၵ်ႇ​မၼ်း​ၼၼ်ႉ​ဢေႃႈ။-</verse>
				<verse number="12">သူၼ်​ဢူးယဵၼ်ႇ​ၸပိတ်ႈ​ဢၼ်​ၵဝ်​ပိူင်ႇ​ၸမ်ႉ၊ မီး​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ၸဝ်ႈ​ၶုၼ်​ သေႃးလမုၼ်ႇ ​တီႈ​ၶႃႈ​ဢိူၺ်း၊ ၸဝ်ႈ​ႁဝ်း​တၵ်း​လႆႈ​ငိုၼ်း​ႁဵင်​ၼိုင်ႈ​လႄႈ ၶဝ်​ၸိူဝ်း​ဢၼ်​ပႂ်ႉ​မၢၵ်ႇ​မၼ်း​ၸိူဝ်း​ၼၼ်ႉ လႆႈ​သွင်​ပၢၵ်ႇ​တီႈ​ၶႃႈ​ဢေႃႈ။-</verse>
				<verse number="13">ၸဝ်ႈ​ဢၼ်​ယူႇ​ၵႃႈ​ၼႂ်း​သူၼ်​ဢူးယဵၼ်ႇ​တီႈ​ၶႃႈ​ဢိူၺ်း၊ သဵင်​ၵႂၢမ်း​မႂ်း​ၸိုင် ၶဝ်​ၸိူဝ်း​ဢၼ်​ႁူမ်ႈ​ဢၼ်​ပွင်း​ၵၼ်​တင်း​ၸဝ်ႈ​ႁဝ်း​ၼၼ်ႉ​ၸၢင်ႈ​ဢွၼ်​ၵၼ် ထွမ်ႇ​ငိၼ်း​သဵင်​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႃႈ​ၼၢင်း​ၸဝ်ႈ​ၵေႃႈ ႁႂ်ႈ​ငိၼ်း​သေ​ၵမ်း​လူၺ်ႈ။</verse>
				<verse number="14">မႃး​ၶၼ်​ၶၼ်​ၽႂ်း​ၽႂ်း​သေ​ၵမ်း​တီႈ​ၶႃႈ၊ ၸဝ်ႈ​ဢၼ်​ၶႃႈ​ၼၢင်း​ႁၵ်ႉ​ပႅင်း​ၼႃႇ​တီႈ​ၶႃႈ​ဢိူၺ်း၊ ၶႅၼ်း​တေႃႈ​ပဵၼ်​ၸိူဝ်ႉ​ၼင်ႇ တိုင်​ဢွၼ်ႇ​ယီး​ဢွၼ်ႇ ၵႃႈ​ၼိူဝ်​လွႆ​ၼၢမ်ႇ​သႃႇ​ၼၼ်ႉ သေ​ၵမ်း​တီႈ​ၶႃႈ၊ လိၵ်ႈ​ႁဵတ်း​ၵႂၢမ်း​သေႃးလမုၼ်ႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="23">
			<chapter number="1">
				<verse number="1">ပျႃႇ​တိၵ်ႈ​ၸဝ်ႈ​ဢၼ်​ ဢီႉသႃႇယႃႉ လုၵ်ႈ​ၸၢႆး​ ဢႃႇမုတ်ႉ ​လႆႈ​ၶၢမ်ႇ​ဢဝ်​လူၺ်ႈ​လွင်ႈ ဝဵင်း​ ယေႇရူႉသလႅမ်ႇ တင်း​မိူင်း​ ယူႉတႃႉ ၼႂ်း​ၸူဝ်ႈ​ပၢၼ်​ၶုၼ်​ ဢူဝ်းၸီႉယႃႉ ၊ ၶုၼ်​ ယူဝ်းထမ်ႇ ၊ ၶုၼ်​ ဢႃႇၶတ်ႉ ၊ ၶုၼ်​ ႁေႇၸၵီႉ ၶုၼ်​ႁေႃ​ၶမ်း​ ယူႉတႃႉ ​ၸိူဝ်း​ၼၼ်ႉ​ၼၼ်ႉ​ၸမ်ႉ၊</verse>
				<verse number="2">ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး မီး​ဢမိင်ႉ​လႄႈ ၵၢင်​ႁၢဝ်​ဢိူၺ်း၊ ထွမ်ႇ​ငိၼ်း​တႃႉ။ လိၼ်​မိူင်း​ဢိူၺ်း၊ ႁေႈ​ႁူ​ၸူး​တႃႉ။ ဢၼ်​မၼ်း​ၸဝ်ႈ မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​လဵင်ႉ​လူ​လုမ်း​လႃး​လုၵ်ႈ​လၢင်း​လႄႈ လုၵ်ႈ​လၢင်း​ၸိူဝ်း​ၼၼ်ႉ ပုင်ႇ​ၵၢၼ်ႇ​ၵဝ်​ယဝ်ႉ။-</verse>
				<verse number="3">ဝူဝ်း​သေ​ၵေႃႈ​ႁူႉ​ၸၵ်း​ၸဝ်ႈ​မၼ်း​ယူႇ​ဢေႃႈ။ လီႈ​သေ​ၵေႃႈ​ႁူႉ​ၸၵ်း​ၶွၵ်ႈ​လီႈ​ၸဝ်ႈ​မၼ်း​ယူႇ​ဢေႃႈ။ မဵဝ်း​ ဢီႉသရေႇလႃႉ ​ၸမ်ႉ၊ ဢမ်ႇ​ႁူႉ​ၸၵ်း​ၵဝ်။ မဵဝ်း​ၵူၼ်း​ၸမ်ႉ၊ ဢမ်ႇ​ၸၢင်ႈ​ၶႆႈ​ၸႂ်​ဝူၼ်ႉ​ၸႂ်​လူင်​ပႄႇ။-</verse>
				<verse number="4">ပဵၼ်​မဵဝ်း​ဢၼ်​ႁၢႆႉ​ဢၼ်​ယုတ်ႈ၊ မုၵ်ႉ​ၵူၼ်း​ၸိူဝ်း​ၵူၼ်း​ဢၼ်​ဢဝ်​ၶူဝ်း​ႁၢပ်ႇ​တူႉ​ၸရိူၵ်ႈ တဵင်ႇ​ႁၢပ်ႇ​ၸိူဝ်ႉ​ၶိူဝ်း​ဢၼ်​ႁဵတ်း​ဢၼ်​ဢမ်ႇ​တြႃး၊ လုၵ်ႈ​လၢင်း​ဢၼ်​ၽွၵ်ႈ​ပျၢၼ်ႇ​ၶိုၼ်း​လူင်​ပႄႇ။ ၶဝ်​ၸုၼ်ႉ​ပႅတ်ႈ ထႃႇဝရႃႉ​ၽြႃး​ယဝ်ႉ။ ၶဝ်​ႁဵတ်း​ဢမ်ႇ​ရူဝ်ႇ​သေႇ​ၵူဝ်​ယမ်​ၽြႃး​ဢၼ်​မူတ်း​ၸၢင်ႇ​မဵဝ်း​ ဢီႉသရေႇလႃႉ ပႄႇ​ပႅတ်ႈ​ယဝ်ႉ။ ၶဝ်​ဢွၼ်​ၵၼ်​ဝၢႆႇ​လင်​ၵွင်​လင်​ပၼ်​လႄႈ ၽၢတ်ႇ​ၵႂႃႇ​ယဝ်ႉ။-</verse>
				<verse number="5">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ထၢပ်ႈ​ပုင်ႇ​ၵၢၼ်ႇ​ထႅင်ႈ​သေ​လႄႈ ယင်း​ၶၢမ်ႇ​တၢင်း​ဢၼ်​ပၼ်​တၢမ်ႇ​ထႅင်ႈ​ယူႇ​လူး​ၵွၼ်ႇ​ၸိူဝ်ႉ​ၼင်ႇ​ႁိုဝ်။ ၵွၵ်း​ႁူဝ်​မီး​တၢင်း​ဢၼ်​ၸဵပ်း​ဢၼ်​သႅပ်ႇ​ၵူၺ်း​ၵူၺ်း​လႄႈ ႁူဝ်​ၸႂ်​ၵေႃႈ​ဢူၼ်ႈ​ၵႂႃႇ​ၸွပ်ႈ​ၵႂႃႇ​ဢေႃႈ။-</verse>
				<verse number="6">ဢဝ်​ၵႃႈ​တီႈ​ၽႃႇ​တိၼ်​တေႃႇ​ထိုင်​ႁွတ်ႈ​ၵွၵ်း​ႁူဝ်​ဢမ်ႇ​မီး​တၢင်း​ဢၼ်​ယူႇ​လီ​လႄႈ မီး​တၢင်း​ၸဵပ်း​ဢၼ်​သႅပ်ႇ​မၢတ်ႇ၊ တၢင်း​ၸဵပ်း ဢၼ်​တိူဝ်ႉ​ထုၵ်ႇ​လႄႈ​ၵႂ်ႈ၊ တၢင်း​ၸဵပ်း​ဢၼ်​ပဵၼ်​ၵႃႉ​ပဵၼ်​ၵီႉ​ဝႆႉ​ၼၼ်ႉ​ၵူၺ်း​ၵူၺ်း​ဢေႃႈ။ တၢင်း​ၸဵပ်း​ၸိူဝ်း​ၼၼ်ႉ ဢမ်ႇ​ပႆႇ​လႆႈ​ၶၢမ်ႇ​တၢင်း​ဢၼ်​မိပ်ႇ၊ ဢမ်ႇ​ပႆႇ​လႆႈ​ၶၢမ်ႇ​တၢင်း​ဢၼ် ဢဝ်​ၶူဝ်း​လဵင်း​မတ်ႉ​ၵွပ်ႈ​မတ်ႉ​ၶဵၼ်း၊ ဢမ်ႇ​ပႆႇ​လႆႈ​ၶၢမ်ႇ​တၢင်း​ဢၼ် ဢဝ်​ၼမ်ႉ​မၼ်း​ႁႂ်ႈ​ဢူၼ်ႈ​မႃး ၶႅၼ်း​မႃး။-</verse>
				<verse number="7">မိူင်း​သူ​မီး​တၢင်း​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ယူႇ​လႄႈ ဝဵင်း​သူ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၽႆး​မႆႈ​ပႅတ်ႈ​ယဝ်ႉ။ ၼမ်ႉ​သူ​လိၼ်​သူ​ၼၼ်ႉ ၵေႃႈ ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း ဢွၼ်​ၵၼ်​ၵိၼ်​သိုဝ်ႈ​ၼႃႈ​တႂ်ႈ​တႃ​သူ​လႄႈ​မီး​တၢင်း​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ယူႇ မိူၼ်​ၸိူဝ်ႉ​ၼင်ႇ​ဢၼ်​ရၢၼ်ႇ​သူႇ ယႃႉ​ၽဵဝ်ႈ​ပႅတ်ႈ​ၼၼ်ႉ​ယူႇ​ဢေႃႈ။-</verse>
				<verse number="8">လုၵ်ႈ​ယိင်း​ ၸီႉဢုၼ်ႇ ​ၼၼ်ႉ ၵိုတ်း​ၵျၢၼ်ႇ​ဝႆႉ​ၸိူဝ်ႉ​ၼင်ႇ​သုမ်ႉ​ၵႃႈ​ၼႂ်း​သူၼ်​ဢူးယဵၼ်ႇ​ၸပိတ်ႈ၊ ၸိူဝ်ႉ​ၼင်ႇ​ထဵင်​လၢင်း​ၵႃႈ​ၼႂ်း​ႁႆႊ​တႅင်၊ ၸိူဝ်ႉ​ၼင်ႇ​ဝဵင်း​ဢၼ်​ရၢၼ်ႇ​သူႇ​လွမ်ႉ​ႁွပ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="9">သင်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ဢမ်ႇ​ႁႂ်ႈ​ၶဝ်​ၸိူဝ်း​ဢၼ်​ၵိုတ်း​ၵျၢၼ်ႇ​ဝႆႉ ဢၼ်​လဵၵ်ႉ​ဢၼ်​ၵေႇ​ၼႃႇ​ၼႆႉ ၵိုတ်း​ၵျၢၼ်ႇ​ဝႆႉ​တီႈ​ႁဝ်း​ၸိုင်၊ ႁဝ်း​လႆႈ​ပဵၼ်​ၸိူဝ်ႉ​ၼင်ႇ ဝဵင်း​ သေႃးတုမ်ႇ ​လႄႈ မိူၼ်​ၸိူဝ်ႉ​ၼင်ႇ ဝဵင်း​ ၵေႃးမေႃးရႃႉ ​ၼၼ်ႉ​ယဝ်ႉ။-</verse>
				<verse number="10">ၶုၼ်​ဢၼ်​ဢုပ်ႉ​ပိူင်ႇ​ဝဵင်း​ သေႃးတုမ်ႇ ​ၶဝ်​ဢိူၺ်း၊ ထွမ်ႇ​ငိၼ်း​ၼုၵ်ႈၵပၢတ်ႈ​တြႃး ထႃႇဝရႃႉ​ၽြႃး​တႃႉ။ ၵူၼ်း​ဝဵင်း​ ၵေႃးမေႃးရႃႉ ​ၶဝ်​ဢိူၺ်း၊ ႁေႈ​ႁူ​ၸူး​တီႈ​တြႃး​ၽြႃး​ပဵၼ်​ၸဝ်ႈ​ႁဝ်း​တႃႉ။-</verse>
				<verse number="11">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၵဝ်​ၸၢပ်ႈ​သႅင်ႇ​ၵၼ်​တင်း ယိတ်ႈ​ဢၼ်​ပုၵ်ႈ​ၸေႃႇ​ၸိူဝ်း​ၼၼ်ႉ ၸိူဝ်ႉ​ၼင်ႇ​ႁိုဝ်။ ၵဝ်​ဢိမ်ႇ​တဵမ်​ဝႆႉ တင်း​တူဝ်​သူဝ်း​ဢၼ်​တုတ်ႇ​ၽႆး​လႄႈ​ပုၵ်ႈ​ၸေႃႇ ဢိၵ်ႇ​တင်း ၵွၼ်ႈ​ၶႆ​ၵွၼ်ႈ​မၼ်း​တရိၵ်ႈသၢၼ်ႇ ဢၼ်​လဵင်ႉ​ႁႂ်ႈ​ပီး​ႁႂ်ႈ​မၼ်း​ၸိူဝ်း​ၼၼ်ႉ​ယဝ်ႉ။ ၵဝ်​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​လိူတ်ႈ​သူဝ်း​ဢွၼ်ႇ လိူတ်ႈ​ပႄႉ​ပေႃႈ​ၸိူဝ်း​ၼၼ်ႉ။-</verse>
				<verse number="12">မိူဝ်ႈ​ဢၼ်​သူ​မႃး​ႁႂ်ႈ​လႆႈ​ၼႄ​ပျႃး​ၼႃႈ ၵႃႈ​တီႈ​ၽၢႆႇ​ၼႃႈ​ၵဝ်​ၼၼ်ႉ​ၸိုင်၊ ၽူႈ​လႂ်​ယွၼ်း​ဢဝ်​ဝၢတ်ႈ ၸိူဝ်ႉ​ၼင်ႇ​ၼၼ်​ၼၼ်ႉ​တီႈ​သူ ႁႂ်ႈ​လႆႈ​ယဵပ်ႇ​ၶၢမ်ႈ တမ်ႇ​တိူင်း​ၵဝ်။-</verse>
				<verse number="13">ၵမ်း​လိုၼ်း​ယႃႇ​ပေ​ထၢပ်ႈ​ထႅင်ႈ​လႄႈ ဢဝ်​ၶိူင်ႈ​ပုၵ်ႈ​ၸေႃႇ​ဢၼ်​ဢမ်ႇ​ပွင်​လွင်ႈ​ၵႃႈ​သင်​ၼၼ်ႉ​မႃး။ ၼၢမ်ႇ​သႃႇ​ဢၼ်​သူ​တုတ်ႇ​ၽႆး​ၼၼ်ႉ ပဵၼ်​တီႈ​ဢၼ်​ၵဝ်​လီ​ႁင်ႈ​ဢဵတ်ႇ​သဵတ်ႇ​ဢေႃႈ။ ဝၼ်း​လိူၼ်​မႂ်ႇ၊ ဝၼ်း​ၵမ်​သိၼ်၊ ဝၼ်း​ဢၼ်​ပရဵၵ်ႈသၢတ်ႈ​ၸူႉ​ၵၼ်​တုမ်​ၵၼ်​ၼၼ်ႉ​ၵေႃႈ ၵဝ်​လီ​ႁင်ႈ​ဢေႃႈ။ ၵဝ်​ဢမ်ႇ​ယိူၼ်ႉ​ၶၢမ်ႇ​တၢင်း​ဢၼ်​ၸူႉ​ဢၼ်​တုမ်​ထမ်ႇမႃႉ ဢၼ်​လေႃး​လႄး​ၵၼ်​တင်း ဢမူႉ​ဢႃႉထမ်ႇမႃႉ​ၼၼ်ႉ​လႆႈ။-</verse>
				<verse number="14">ဝီႉၺိၺ်ႇ​ၵဝ်​ၸင်း​ဝၼ်း​လိူၼ်​မႂ်ႇ​သူ ဢိၵ်ႇ​တင်း​ပွႆး​သူ​ၸိူဝ်း​ၼၼ်ႉ​လႄႈ ပဵၼ်​လွင်ႈ​ဢၼ်​ယႃႉ​ယူၵ်ႉ​ၵဝ်​ဢေႃႈ။ ၵဝ်​ယၢပ်ႇ​ၸႂ်​ၽိုတ်ႇ​ၸႂ် လူၺ်ႈ​တၢင်း​ဢၼ်​ယိူၼ်ႉ​ၶၢမ်ႇ​လွင်ႈ​တၢင်း​ၸိူဝ်း​ၼၼ်ႉ​ဢေႃႈ။-</verse>
				<verse number="15">ယၢမ်း​မိူဝ်ႈ​ဢၼ်​သူ​ယုၵ်ႉ​မိုဝ်း​ဢႃႈ​မိုဝ်း​ၼၼ်ႉ​ၸိုင် ၵဝ်​တၵ်း​ဢဝ်​မၢၵ်ႇ​တႃ​ၵဝ်​ဝႄႈ​ပိူင်ႈ​ပႅတ်ႈ​သူ​သေ​လႄႈ ယၢမ်း​မိူဝ်ႈ​ဢၼ်​သူ ႁဵတ်း​ပထၼႃႇ ၼမ်​ၼႃႇ​လူင်​လၢင်​ၼၼ်ႉ​ၸိုင်၊ ၵဝ်​တၵ်း​ဢမ်ႇ​ထွမ်ႇ​ဢမ်ႇ​ဢဝ်။ မိုဝ်း​သူ​ၼၼ်ႉ​မီး​တဵမ်​ဝႆႉ​တင်း​လိူတ်ႈ​ဢေႃႈ။-</verse>
				<verse number="16">တူဝ်​ၸဝ်ႈ​ၵဝ်ႇ ဢွၼ်​ၵၼ်​သုၵ်ႈ​ပွတ်ႇ​တူဝ်​ၸဝ်ႈ​ၵဝ်ႇ​တႃႉ။ တူဝ်​ၸဝ်ႈ​ၵဝ်ႇ​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​တႃႉ။ ပႄႇ​တူႉ​ၸရိူၵ်ႈ​ဢၼ်​သူ​ႁဵတ်း​ၸိူဝ်း​ၼၼ်ႉ​ပႅတ်ႈ​သေ​ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၵဝ်​တႃႉ။ တႅပ်း​တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​ပႅတ်ႈ​သေ​တႃႉ။-</verse>
				<verse number="17">သွၼ်​ဢဝ်​ႁႂ်ႈ​လႆႈ​ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​တႃႉ။ ၵျၢမ်ႇ​ႁႃ​ႁႂ်ႈ​လႆႈ​ႁဵတ်း​တၢင်း​ဢၼ်​ၸွမ်း​ၼင်ႇ​တြႃး​တႃႉ။ ႁႂ်ႈ​လွင်ႈ​တၢင်း​ဢၼ်​ၵူတ်ႉ​ၼၼ်ႉ​သိုဝ်ႈ​တႃႉ။ ၸီႇ​ယၢင်ႇ​ၸွမ်း​လူၺ်ႈ​တြႃး ပုၼ်ႈ​ၶဝ်​ၸိူဝ်း​ဢၼ်​ဢမ်ႇ​မီး​ပေႃႈ​မီး​မႄႈ ၼၼ်ႉ​တႃႉ။ ပႂ်ႉ​ဢမူႉ​မႄႈ​မူၵ်း မႄႈ​မၢႆႈ​တင်း​လၢႆ​တႃႉ။-</verse>
				<verse number="18">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ မႃး​တႃႉ။ တိူင်ႇ​ပၢင်ႇ​လၢတ်ႈ​ၸႃ​ၵၼ်​တႃႉ​ႁဝ်း။ ပိၵ်ႉ​သမ်ႉ​ဢပႅတ်ႈ​သူ​ပဵၼ်​ဢၼ်​လႅင်​ၵမ်ႇ​ဝႆႉ သေ​ၵေႃႈ၊ သူ​တၵ်း​ၶၢဝ်​ၽိူၵ်ႇ​ၸိူဝ်ႉ​ၼင်ႇ​မူၺ်​ႁႃႇ​ဢေႃႈ။ ပိၵ်ႉ​သမ်ႉ​ပဵၼ်​ဢၼ်​လႅင်​ၸၢင်း​ႁၢင်း​ဝႆႉ​ပဵင်း​တၢၼ်ႇ​ၶတ်ႇ​တီႇ​ပႃႇ​သေ​ၵေႃႈ သူ​တၵ်း ပဵၼ်​ၸိူဝ်ႉ​ၼင်ႇ​ၶူၼ်​သူဝ်း​ဢေႃႈ။-</verse>
				<verse number="19">ပေႃး​သူ​မီး​ၸေႇတၼႃႇ​လႄႈ ထွမ်ႇ​ဢဝ်​ၸိုင်၊ သူ​တၵ်း​လႆႈ​ၵိၼ်​မၢၵ်ႇ​လိၼ်​ႁူင်း​လိၼ်​ဢေႃႈ။-</verse>
				<verse number="20">ဢမ်ႇ​ၼၼ် ပေႃး​သူ​တွပ်ႇ​ထဵင်​လႄႈ​ပုင်ႇ​ၵၢၼ်ႇ​ၸိုင် သူ​တၵ်း​လႆႈ​သုမ်း​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ဢွၵ်ႇ​သူပ်း​မီး​ၸိူဝ်ႉ​ၼင်ႇ​ၼႆ​ဢေႃႈ။</verse>
				<verse number="21">ဝဵင်း​ဢၼ်​မီး​သဵတ်ႈ​ၸႃႇ​ၼၼ်ႉ လဵၼ်ႈ​ၽူဝ်​ဢွၼ်ႇ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢွၼ်​ၼႆႉ​ၼၼ်ႉ မၼ်း​တဵမ်​ဝႆႉ​တင်း တၢင်း​ဢၼ်​ၸီႇ​ယၢင်ႇ​သိုဝ်ႈ​သိုဝ်ႈ​တေႃႇ​တေႃႇ​လႄႈ တြႃး​တူၵ်း​တီႈ​တူၵ်း​လႅၼ်​ယူႇ​ၵႃႈ​ၼႂ်း​မၼ်း​ဢေႃႈ။ မိူဝ်ႈ​လဵဝ်​ၼႆႉ​ၸမ်ႉ၊ ၶဝ်​ၸိူဝ်း​ဢၼ်​ဢဝ်​ဢသၢၵ်ႈ​ၵူၼ်း​တၢႆ​ၼၼ်ႉ​တူၵ်း​တီႈ​တူၵ်း​လႅၼ်​ယူႇ​ယဝ်ႉ။-</verse>
				<verse number="22">ငိုၼ်း​မႂ်း​ၵေႃႈ​ပဵၼ်​ၶီႈ​ဝၢၵ်ႇ​ၵႂႃႇ​ယဝ်ႉ။ ၼမ်ႉ​ၸပိတ်ႈ​မႂ်း​ၼၼ်ႉ လေႃး​ၵၼ်​တင်း​ၼမ်ႉ​သေ​လႄႈ မီး​ယူႇ​ဢေႃႈ။-</verse>
				<verse number="23">ၶုၼ်​မႂ်း​ၸိူဝ်း​ၼၼ်ႉ ဢွၼ်​ၵၼ်​ပုင်ႇ​ၵၢၼ်ႇ​လႄႈ ပဵၼ်​ၵေႃႉ​ဢၼ်​ႁပ်ႉ​တုင်း​ဢဝ်​ၽူႈ​လၵ်ႉ​ၽူႈ​လိူတ်ႈ​ယဝ်ႉ။ ၶဝ်​တင်း​သဵင်ႈ​တင်း​လူင်​ၼၼ်ႉ မီး​ဢလူဝ်ႇ​ၶႂ်ႈ​လႆႈ​လၢၵ်ႈ​သွင်ႇ​လႄႈ ၸွမ်း​ၵိၼ်​တၼ်း​သူဝ်း ဢၼ်​ပိူၼ်ႈ​ပၼ်​ၼၼ်ႉ​ဢေႃႈ။ ၶဝ်​ဢမ်ႇ​ဢွၼ်​ၵၼ်​ၸီႇ​ယၢင်ႇ တြႃး​ပုၼ်ႈ​ၶဝ်​ၸိူဝ်း​ဢၼ်​ဢမ်ႇ​မီး​ပေႃႈ​မီး​မႄႈ ၼၼ်ႉ။ ဢမူႉ​မႄႈ​မူၵ်း​မႄႈ​မၢႆႈ​တင်း​လၢႆ ဢမ်ႇ​ႁွတ်ႈ​ထိုင်​တီႈ​ၶဝ်​လႆႈ။-</verse>
				<verse number="24">ပိူဝ်ႈ​ၼႆ​လႄႈ ထႃႇဝရႃႉ​ၽြႃး ၸဝ်ႈ​ပူဝ်ႇ​ပႃႇ​ၵၢင်​ႁၢဝ်၊ ၽြႃး​ဢၼ်​တၼ်း​ၶူဝ်း​ယႂ်ႇ​ၼႃႇ​တီႈ​မဵဝ်း​ ဢီႉသရေႇလႃႉ ​ၼၼ်ႉ မီး​ဢမိင်ႉ​ဝႆႉ​ၸမ်ႉ၊ ဢိူဝ်ႈ။ ၵဝ်​တၵ်း​ပႄႇ​ၶဝ်​ၸိူဝ်း​ဢၼ်​ယူႇ​ၽၢႆႇ​ၼိုင်ႈ တင်း​ၵဝ်​ၼၼ်ႉ​ပႅတ်ႈ​လႄႈ ပေႇ​ၸႂ်​ၵဝ်​ဢေႃႈ။ ၵဝ်​တၵ်း​ပႂ်ႉ​ဢမူႉ​ၵဝ်​လႄႈ ၸီႇ​ယၢင်ႇ​ရၢၼ်ႇ​သူႇ​ၵဝ်​တင်း​လၢႆ ၸွမ်း​ၼင်ႇ​ဢပႅတ်ႈ​ဢေႃႈ။-</verse>
				<verse number="25">ၵဝ်​တၵ်း​ဢဝ်​မိုဝ်း​ၵဝ်​ယိပ်း​ၵမ်​ဢဝ်​မႂ်း သေ​လႄႈ ႁႂ်ႈ​မႂ်း​ၵၢင်း​လွတ်ႈ​တင်း ၶီႈ​ဝၢၵ်ႇ​မူတ်း​မူတ်း​သဵင်ႈ​သဵင်ႈ​လႄႈ ဢဝ်​ငၢၼ်း​မႂ်း​ၵႃႈ​မီး ဢွၵ်ႇ​ပႅတ်ႈ​သေ​ၵႃႈ​ၼႂ်း​မႂ်း​ဢေႃႈ။-</verse>
				<verse number="26">ၵဝ်​တၵ်း​ၶၢၼ်း​ၵူၼ်း​လူင် ဢၼ်​ၸီႇ​ယၢင်ႇ​တြႃး​မႂ်း​ၸိူဝ်း​ၼၼ်ႉ​ဝႆႉ မိူၼ်​ၸိူဝ်ႉ​ၼင်ႇ​မိူဝ်ႈ​ႁူဝ်​ပိုင်း​ၼၼ်ႉ​လႄႈ ၶၢၼ်း​မူး​မၢတ်ႈ​ဢၼ် တိူင်ႇ​ပၢင်ႇ​လၢတ်ႈ​ၸႃ​ၵၼ်​ၸိူဝ်း​ၼၼ်ႉ​ဝႆႉ မိူၼ်​ၸိူဝ်ႉ​ၼင်ႇ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ထႅင်ႈ​လူး​ၵွၼ်ႇ​ဢေႃႈ။ လိုၼ်း​ၼၼ်ႉ ၼႃႇ​မႃႉ​ၸိုဝ်ႈ​သဵင်​မႂ်း တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ဝဵင်း​ဢၼ်​တြႃး၊ ဝဵင်း​ဢၼ်​ပႂ်ႉ​သဵတ်ႈ​ၸႃႇ​ဢေႃႈ။-</verse>
				<verse number="27">ဝဵင်း​ ၸီႉဢုၼ်ႇ ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ထုတ်ႇ​ၼုၵ်ႈ​ဢဝ် ၵွပ်ႈ​ပိူဝ်ႈ​တြႃး​လႄႈ၊ ၵူၼ်း​မၼ်း​ဢၼ်​ၶၢႆႉ​ပုတ်ႈ​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ထုတ်ႇ​ၼုၵ်ႈ​ဢဝ်​ၵွပ်ႈ​ပိူဝ်ႈ​တၢင်း​ဢၼ်​သိုဝ်ႈ​တေႃႇ​ဢေႃႈ။-</verse>
				<verse number="28">ၶဝ်​ၸိူဝ်း​ဢၼ်​ပူၼ်ႉ​လိူဝ် ဢိၵ်ႇ​တင်း​ၶဝ်​ၸိူဝ်း​ဢၼ်​ၽိတ်း​ပိူင်ႈ​ၼၼ်ႉ တၵ်း​ဢွၼ်​ၵၼ်​ႁွတ်ႈ​ထိုင်​တၢင်း​ဢၼ်​လူႉ​ဢၼ်​လႅဝ် လူၺ်ႈ​ၵၼ်​လႄႈ ၶဝ်​ၸိူဝ်း​ဢၼ်​ၸုၼ်ႉ​ပႅတ်ႈ​ထႃႇဝရႃႉ​ၽြႃး​ၼၼ်ႉ တၵ်း​သုမ်း​ၸွမ်း​ဢေႃႈ။-</verse>
				<verse number="29">ၶဝ်​တၵ်း​ဢူၵ်း​ဢၢႆ ၵွပ်ႈ​ပိူဝ်ႈ​တူၼ်ႈ​မႆႉ​ၼိမ် ဢၼ်​သူ​ယၢမ်ႈ ၸႂ်​ၸပ်း​ၸႂ်​ၸွႆး​ယူႇ​ၸိူဝ်း​ၼၼ်ႉ​လႄႈ ၼႃႈ​သူ​တၵ်း​လူႉ​ၵွပ်ႈ​ပိူဝ်ႈ သူၼ်​ဢူးယဵၼ်ႇ​ဢၼ်​သူ​ယၢမ်ႈ​ၵဵပ်း​သိမ်း​ဢဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="30">လွင်ႈ​မၼ်း​ၸမ်ႉ သူ​တၵ်း​လႆႈ​ပဵၼ်​ၸိူဝ်ႉ​ၼင်ႇ​တူၼ်ႈ​မႆႉ​ၼိမ်​ဢၼ်​မႂ်​ႁဵဝ်ႇ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​သူၼ်​ဢူးယဵၼ်ႇ ဢၼ်​ဢမ်ႇ​မီး​ၼမ်ႉ​ၼၼ်ႉ​ဢေႃႈ။-</verse>
				<verse number="31">ၵေႃႉ​ဢၼ်​ႁႅင်း​ယႂ်ႇ​ၼၼ်ႉ ပဵၼ်​ပၢၼ်ႇ​ပဵၼ်​ပေႃ​ယူႇ၊ တၢင်း​ႁဵတ်း​တၢင်း​သၢင်ႈ​မၼ်း​ပဵၼ်​ၶႆႇ​ၽႆး​ယူႇ​သေ​လႄႈ သွင်​ၸိူဝ်ႉ​သွင်​ပိူင် ၼၼ်ႉ တၵ်း​မႆႈ​တၵ်း​သုတ်း​လူၺ်ႈ​ၵၼ်​ဢေႃႈ။ ၽႆး​ၼၼ်ႉ​ၸိုင်​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လႆႈ​ဢဝ်​မွတ်ႇ​ဢဝ်​တၢႆ။</verse>
			</chapter>
			<chapter number="2">
				<verse number="1">ၵႂၢမ်း​ပျႃႇ​တိၵ်ႈ ၸဝ်ႈ​ ဢီႉသႃႇယႃႉ လုၵ်ႈ​ၸၢႆး​ ဢႃႇမုတ်ႉ လႆႈ​ၶၢမ်ႇ​လူၺ်ႈ​လွင်ႈ​မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ ​လႄႈ​ဝႃႈ​ၼၼ်ႉ​ၸမ်ႉ၊-</verse>
				<verse number="2">ၶိင်ႇ​ၵႃႇလႃႉ​မိုဝ်ႉ​ဝၼ်း​လိုၼ်း​လင်​သုတ်း​ၼၼ်ႉ လွႆ​ႁိူၼ်း ထႃႇဝရႃႉ​ၽြႃး တၵ်း​တႄႇ​ယူႇ​ၵႃႈ​ၼိူဝ် ပၢႆ​ၸိၵ်း​လွႆ​ယႂ်ႇ​လွႆ​လူင်​တင်း​လၢႆ​လႄႈ လႆႈ​ၶၢမ်ႇ​တၢင်း​ဢၼ်​ယုၵ်ႉ​ယွင်ႈ​သုင်​ၼႃႇ​သေ​ၵႃႈ​ၼိူဝ်​လွႆ​လဵၵ်ႉ​လွႆ​ၼွႆႉ​တင်း​လၢႆ​ဢေႃႈ။ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​တၵ်း​ၸူႉ​ၵၼ်​တုမ်​ၵၼ်​ၵႃႈ​တီႈ​လွႆ​ၼၼ်ႉ​ဢေႃႈ။-</verse>
				<verse number="3">ၵူၼ်း​ၼမ်​ၼႃႇ​ၵေႃႈ တၵ်း​ပေႃႇ​ဢွၵ်ႇ​မႃး​လႄႈ​လၢတ်ႈ​လႄႈ​ဝႃႈ၊ မႃး​မႃး​ဢိူၺ်း၊ ၶိုၼ်ႈ​ၵႃႈ​ၼိူဝ်​လွႆ ထႃႇဝရႃႉ​ၽြႃး ၸူး​ၵႃႈ​တီႈ​ႁိူၼ်း ၽြႃး​ပဵၼ်​ၸဝ်ႈ မဵဝ်း​ ယႃႇၵုပ်ႈ ​ၼၼ်ႉ​တႃႉ​ႁဝ်း။ မၼ်း​ၸဝ်ႈ​တၵ်း​သင်ႇ​သွၼ်​ၼႄ​ပျႃး သဵၼ်ႈ​တၢင်း​မၼ်း​ၸဝ်ႈ​တင်း​လၢႆ​လႄႈ ႁဝ်း​တၵ်း​ၵႂႃႇ​မႃး ၵႃႈ​ၼႂ်း​ႁွႆး​တၢင်း​မၼ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ တြႃး​ၸဝ်ႈ​တၵ်း​ပေႃႇ​ဢွၵ်ႇ​မႃး​ၵႃႈ​ၼႂ်း​လွႆ​ ၸီႉဢုၼ်ႇ ​လႄႈ ၼုၵ်ႈၵပၢတ်ႈ​ထႃႇဝရႃႉ​ၽြႃး တၵ်း​ပေႃႇ​ဢွၵ်ႇ​မႃး ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="4">မၼ်း​ၸဝ်ႈ တၵ်း​ၸီႇ​ယၢင်ႇ​တြႃး​ၼႂ်း​ၵူၼ်း​မဵဝ်း​တင်း​လၢႆ​လႄႈ သင်ႇ​သွၼ်​သုင်း​မႃႉ​ၵူၼ်း​မဵဝ်း​ၼမ်​ၼႃႇ​ဢေႃႈ။ ၶဝ်​တၵ်း​ဢဝ်​လၢပ်ႇ​ၶဝ်​လႅဝ်း​ၶဝ် ထုပ်ႉ​ႁဵတ်း​သိၵ်ႈ​ထိူၼ်ႇ​သိၵ်ႈ​ၽိူဝ်​လႄႈ ဢဝ်​ႁွၵ်ႇ​ၶဝ်​ထုပ်ႉ​ႁဵတ်း​ၶဵဝ်း​ဢေႃႈ။ မိူင်း​ၼိုင်ႈ တၵ်း​ဢမ်ႇ​တိုၵ်း​ဢမ်ႇ​တေႃး​တီႈ​မိူင်း​ၼိုင်ႈ။​တၢင်း​ဢၼ်​တိုၵ်း​သိုၵ်း​ၵေႃႈ ၵမ်း​လိုၼ်း​ၶဝ်​တၵ်း​ဢမ်ႇ​လႆႈ​သွၼ်​ဢဝ်။-</verse>
				<verse number="5">ၵူၼ်း​မဵဝ်း​ ယႃႇၵုပ်ႈ ​ၶဝ်​ဢိူၺ်း၊ မႃး​တႃႉ။ ၵႂႃႇ​ၵႂႃႇ​မႃး​မႃး​ယူႇ​ၵႃႈ​ၼႂ်း​ဢၼ်​လႅင်း​ထႃႇဝရႃႉ​ၽြႃး​တႃႉ​ႁဝ်း။</verse>
				<verse number="6">ၸဝ်ႈ​ႁဝ်း​ၸုၼ်ႉ​ပႅတ်ႈ​ၵူၼ်း​ၸဝ်ႈ​ႁဝ်း​ဢၼ်​ဝႃႈ ၵူၼ်း​မဵဝ်း​ ယႃႇၵုပ်ႈ ​ၸိူဝ်း​ၼၼ်ႉ​ဢမၢၼ်ႇ​ၶၼ်​ပဵၼ်​တီႈ​ၶႃႈ​ယဝ်ႉ။ လွင်ႈ​မၼ်း​ၸမ်ႉ ၶဝ်​ၼၼ်ႉ​ပျေႉ​ၸုမ်ႇ​ဝႆႉ​တင်း တၢင်း​မေႃ​တၢင်း​ၸၢင်ႈ​မိူင်း​ဝၼ်း​ဢွၵ်ႇ​လႄႈ ပဵၼ်​သြႃႇ​ဢၼႃႇၵၢတ်ႈတီႉ​မိူၼ်​ၸိူဝ်ႉ​ၼင်ႇ​ၵူၼ်း​ ၽီႉလိတ်ႉတီႉ ​ၸိူဝ်း​ၼၼ်ႉ​ဢေႃႈ။ ၶဝ်​တူပ်း​မိုဝ်း​ၵၼ်​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ​ဢေႃႈ။-</verse>
				<verse number="7">မိူင်း​ၶဝ်​ပျေႉ​ၸုမ်ႇ​တဵမ်​ဝႆႉ တင်း​ငိုၼ်း​ၶမ်း​လႄႈ ဢုၵ်ႉ​ၸႃႇ​ပဵတ်ႈ​ၸေး​ၼမ်​ၼႃႇ​ဢမ်ႇ​ႁူႉ​ၼမ်​လႂ်​ဢေႃႈ။ မိူင်း​ၶဝ်​ပျေႉ​ၸုမ်ႇ​တဵမ်​ဝႆႉ​တင်း​မႃႉ​တင်း​လၢႆ​လႄႈ​လေႃႉ​ရထႃး​မႃႉ ၼမ်​ၼႃႇ​ဢမ်ႇ​ႁူႉ​ၼမ်​လႂ်​ဢေႃႈ။-</verse>
				<verse number="8">မိူင်း​ၶဝ်​ပျေႉ​ၸုမ်ႇ​တဵမ်​ဝႆႉ တင်း​ရုၵ်ႈ​ထူႉ​သၢင်း​ထူႉ​လႄႈ ၶဝ်​ဢွၼ်​ၵၼ်​ၵူဝ်း​ၵႂၢႆႇ​လွင်ႈ​တၢင်း​ဢၼ် ၶဝ်​ဢဝ်​မိုဝ်း​ၶဝ်​ႁဵတ်း၊ လွင်ႈ​တၢင်း​ဢၼ် ၶဝ်​ဢဝ်​ၼိဝ်ႉ​မိုဝ်း​ၶဝ်​ႁဵတ်း​ပဵၼ်​ၸိူဝ်း​ၼၼ်ႉ​လူင်​ပႄႇ။-</verse>
				<verse number="9">ၵေႃႉ​ဢၼ်​ယုတ်ႈ​ယွမ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ၵူမ်ႈ​ၵွမ်း​ႁူဝ်​လႄႈ ၵေႃႉ​ဢၼ်​မျၢတ်ႈ​လီ​ၵေႃႈ တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း တီႈ​တႅမ်ႇ​ဢေႃႈ။ ပိူဝ်ႈ​ၼႆ​လႄႈ ၸဝ်ႈ​ႁဝ်း​ယႃႇ​ပေ​ပွႆႇ​လွတ်ႈ​ဢပႅတ်ႈ​ၶဝ်​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="10">သူ​ဢွၼ်​ၵၼ် ၶဝ်ႈ​ၵႃႈ​ၼႂ်း​မၢၵ်ႇ​ႁိၼ်​မၢၵ်ႇ​ၽႃ​လႄႈ တဵတ်ႇ​မႅပ်ႉ​ယူႇ​ၵႃႈ​ၼႂ်း​မုၼ်ႈ​လိၼ်​သေ​ၵႃႈ​တီႈ​ဢၢႆ​ႁႅင်း တၢင်း​ဢၼ်​ၵူဝ်​ႁႄ ထႃႇဝရႃႉ​ၽြႃး ဢိၵ်ႇ​တင်း​ဢၢႆ​ႁႅင်း​မုၼ်​တၼ်း​ၶူဝ်း​ဢႃႇၼူႉၽေႃႇ​မၼ်း​ၸဝ်ႈ​ၼၼ်ႉ​တႃႉ။-</verse>
				<verse number="11">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ၼႃႈ​ၵူၼ်း​ဢၼ်​ႁႅၼ်​ဢႃႇၵႃႇ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၵူမ်ႈ​တူၵ်း​တီႈ​တႅမ်ႇ ဢိၵ်ႇ​တင်း​မႃႇၼႃႉ ၸႂ်​သုင်​ၵူၼ်း​တင်း​လၢႆ​ၵေႃႈ တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​လႄႈ ထႃႇဝရႃႉ​ၽြႃး​သူႇ​လဵဝ်​ပႃး​လဵဝ်​ၵူၺ်း တၵ်း​ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ​ဢေႃႈ။-</verse>
				<verse number="12">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ တၵ်း​လႆႈ​မီး​တၢင်း​ဢၼ်​ႁႄႉ​ဢၼ်​ၶႅၼ် ၵႃႈ​ဢၼ်​ယႂ်ႇ​ၼႃႇ​သုင်​ၼႃႇ ဢိၵ်ႇ​တင်း​ၵႃႈ​ဢၼ်​သူတ်ႇ​ဢၼ်​ၸွၼ်​ၸိူဝ်း​ၼၼ်ႉ​လႄႈ လွင်ႈ​တၢင်း​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ဢေႃႈ။-</verse>
				<verse number="13">တၵ်း​လႆႈ​မီး​တၢင်း​ဢၼ်​ႁႄႉ​ဢၼ်​ၶႅၼ်​တူၼ်ႈ​ ဢႃႇရိတ်ႉ ​ လေႇပၼုၼ်ႇ ဢၼ်​ယႂ်ႇ​ၼႃႇ​သုင်​ၼႃႇ​ၵႃႈ​မီး၊ တူၼ်ႈ​မႆႉ​ၼိမ်​ ပႃႇသၢၼ်ႇ ၵႃႈ​မီး၊-</verse>
				<verse number="14">လွႆ​လူင်​ဢၼ်​သုင်​ၼႃႇ​ၵႃႈ​မီး၊ လွႆ​ဢွၼ်ႇ​ဢၼ်​သူတ်ႇ​ၸွၼ်​ၵႃႈ​မီး၊-</verse>
				<verse number="15">တိူၵ်ႈ​တီႈ​တိုၵ်း​သိုၵ်း​ဢၼ်​သုင်​ၼႃႇ​ၵႃႈ​မီး၊ လမ်း​ဝဵင်း​ဢၼ်​မၼ်ႈ​ၶိူင်ႇ​ၵႃႈ​မီး၊-</verse>
				<verse number="16">ႁိူဝ်း​သၢင်း​ၽေႃး​ တႃႇသူႉ ​ၵႃႈ​မီး ဢိၵ်ႇ​တင်း ပုင်ႇ​ႁၢင်ႈ​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ် ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ​ဢေႃႈ။-</verse>
				<verse number="17">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ တၢင်း​ဢၼ်​ၼႃႈ​ၵူၼ်း​ႁႅၼ်​ဢႃႇၵႃႇ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ ဢိၵ်ႇ​တင်း မႃႇၼႃႉ​ၸႂ်​သုင်​ၵူၼ်း​တင်း​လၢႆ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၵူမ်ႈ​တူၵ်း​တီႈ​တႅမ်ႇ​လႄႈ ထႃႇဝရႃႉ​ၽြႃး​သူႇ​လဵဝ်​ပႃး​လဵဝ်​ၵူၺ်း တၵ်း​ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ​ဢေႃႈ။-</verse>
				<verse number="18">ရုၵ်ႈ​ထူႉ​သၢင်း​ထူႉ တင်း​လၢႆ တၵ်း​လႆႈ​လပ်ႉ​ႁၢႆ​ၵႂႃႇ​မူတ်း​မူတ်း​သဵင်ႈ​သဵင်ႈ​ဢေႃႈ။-</verse>
				<verse number="19">ၵူၼ်း​တင်း​လၢႆ တၵ်း​ဢွၼ်​ၵၼ်​ၶဝ်ႈ​ၵႃႈ​ၼႂ်း​ၵူင်​ၼႂ်း​ႁူး​မၢၵ်ႇ​ႁိၼ်​မၢၵ်ႇ​ၽႃ​ၵႃႈ​ၼႂ်း​ၶုမ်​လိၼ်​လုၵ်း​လိၼ်​သေ ၵႃႈ​တီႈ​ဢၢႆ​ႁႅင်း တၢင်း​ဢၼ်​ၵူဝ်​ႁႄ ထႃႇဝရႃႉ​ၽြႃး ဢိၵ်ႇ​တင်း​မုၼ်​တၼ်း​ၶူဝ်း​ဢႃႇၼူႉၽေႃႇ​မၼ်း​ၸဝ်ႈ​ၼၼ်ႉ ၼႂ်း​မိူဝ်ႈ​ဢၼ်​မၼ်း​ၸဝ်ႈ​လုၵ်ႉ​ႁႂ်ႈ​လႆႈ လွၵ်ႇ​ငိုတ်ႈ​လိၼ်​မိူင်း​ၼၼ်ႉ​ဢေႃႈ။-</verse>
				<verse number="20">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ၵူၼ်း​ၵူႈ​ၵေႃႉ​ၵူႈ​ၵူၼ်း တၵ်း​ဢဝ်​ရုၵ်ႈ​ထူႉ​ငိုၼ်း​ရုၵ်ႈ​ထူႉ​ၶမ်း ဢၼ်​ၶဝ်​ႁဵတ်း​ပုၼ်ႈ​ဢၼ်​ၶဝ်​တၵ်း​ၵူဝ်း​ၵႂၢႆႇ​ၸိူဝ်း​ၼၼ်ႉ ပႅတ်ႈ​ဝႆႉ​တီႈ​တွၼ်ႇ​လႂ် ဢိၵ်ႇ​တင်း​တီႈ​မိင်ႇ​လႂ်၊-</verse>
				<verse number="21">ႁႂ်ႈ​ၶဝ်​လႆႈ​ၵႂႃႇ​ၶဝ်ႈ​ၵႃႈ​ၼႂ်း​ၵူင်​ၼႂ်း​ႁူး​မၢၵ်ႇ​ႁိၼ်​မၢၵ်ႇ​ၽႃ ဢိၵ်ႇ​တင်း​ၵႃႈ​ၼႂ်း​ငိူပ်ႇ​လွႆ​ၵႄႈ​လွႆ​သေ ၵႃႈ​တီႈ​ဢၢႆ​ႁႅင်း တၢင်း​ဢၼ် ၵူဝ်​ႁႄ​ထႃႇဝရႃႉ​ၽြႃး ဢိၵ်ႇ​တင်း​မုၼ်​တၼ်း​ၶူဝ်း​ဢႃႇၼူႉၽေႃႇ​မၼ်း​ၸဝ်ႈ​ၼၼ်ႉ ၼႂ်း​မိူဝ်ႈ​ဢၼ်​မၼ်း​ၸဝ်ႈ​လုၵ်ႉ​ႁႂ်ႈ​လႆႈ လွၵ်ႇ​ငိုတ်ႈ လိၼ်​မိူင်း​ၼၼ်ႉ​ဢေႃႈ။-</verse>
				<verse number="22">ယႃႇ​ပေ​ဢိင်​ပိုင်ႈ​ၵူၼ်း​သတ်ႉတဝႃႇ ဢၼ်​ၸၢင်ႈ​ဢဝ်​တင်း​ၶူႈ​လင်​ထူၺ်ႈ​ၸႂ်​ၼၼ်ႉ​သေ​ၵမ်း။ မီး​တီႈ​လီ​ႁဵတ်း​ပမႃႇၼႃႉ တီႈ​ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ ၸိူဝ်ႉ​ၼင်ႇ​ႁိုဝ်။</verse>
			</chapter>
			<chapter number="3">
				<verse number="1">လွင်ႈ​မၼ်း​ၸမ်ႉ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ပႄႇ​ၽဵဝ်ႈ​ဢၼ်​ၵမ်ႉ​ဢၼ်​ထွၵ်ႈ​ၵူႈ​ၸိူဝ်ႉ​ၵူႈ​ပိူင်​ဢၼ်​ဝႃႈ ၶဝ်ႈ​မုၼ်း​ဢၼ်​ၵမ်ႉ​ဢၼ်​ထွၵ်ႈ​ၵႃႈ​မီး ဢိၵ်ႇ​တင်း​ၼမ်ႉ​ဢၼ်​ၵမ်ႉ​ဢၼ်​ထွၵ်ႈ​ၵႃႈ​မီး၊-</verse>
				<verse number="2">ၵေႃႉ​ဢၼ်​တၼ်း​ၶူဝ်း​ယႂ်ႇ၊ ၵေႃႉ​ဢၼ်​ၸၢင်ႈ​တိုၵ်း​သိုၵ်း၊ ၵူၼ်း​လူင်​ဢၼ်​ၸီႇ​ယၢင်ႇ​တြႃး၊ ပရေႃးၽႅတ်ႈ မေႃ​ပေႇ​တၢင်ႇ ၵူၼ်း​ထဝ်ႈ​ၵူၼ်း​ၵႄႇ၊-</verse>
				<verse number="3">ပူဝ်ႇ​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ႁႃႈ​သိပ်း၊ ၶုၼ်​ဢရႃႇသီႉ၊ မူး​မၢတ်ႈ​ၽွင်း​မိူင်း​ဢၼ်​တိူင်ႇ​ပၢင်ႇ၊ ၵေႃႉ​ဢၼ်​မီး​တၢင်း​ၵတ်ႉ​တၢင်း​ၶၼ်​မိုဝ်း၊ တင်း​ၵေႃႉ​ဢၼ်​မီး​တၢင်း​ၵတ်ႉ​တၢင်း​ၶၼ်​သူပ်း​ၸိူဝ်း​ၼၼ်ႉ ပႅတ်ႈ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ တင်း​မိူင်း​ ယူႉတႃႉ ယဝ်ႉ။-</verse>
				<verse number="4">ၵဝ်​တၵ်း​ဢဝ်​လုၵ်ႈ​ဢွၼ်ႇ​ၶၢၼ်း​ဝႆႉ ၼႂ်း​ဢရႃႇ​ၶုၼ်​ၶဝ်​လႄႈ လုၵ်ႈ​ဢွၼ်ႇ​ဢၼ်​ၵိၼ်​ၼူမ်း​တင်း​လၢႆ တၵ်း​လႆႈ​ဢုပ်ႉ​ပိူင်ႇ​ၶဝ်​ဢေႃႈ။-</verse>
				<verse number="5">ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ၊ ၵူၼ်း​ႁိူၼ်း​ၸမ်​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ၼိၵ်ႈ​ၸၢၵ်ႈ​ငႅၼ်း​သႄး​ၵၼ်​လႄႈ၊ လုၵ်ႈ​ဢွၼ်ႇ​တၵ်း​ၸွၵ်ႇ​ၵႃး​ၵူၼ်း​ထဝ်ႈ​ၵူၼ်း​ၵႄႇ​လႄႈ ၵူၼ်း​ ယူႉတႃႉ တၵ်း​ၸွၵ်ႇ​ၵႃး​ၵူၼ်း​မျၢတ်ႈ​ဢေႃႈ။-</verse>
				<verse number="6">မိူဝ်ႈ​ဢၼ်​ၵူၼ်း​တိုတ်ႉ​ၸၼ်​ဢဝ် ပီႈ​ၼွင်ႉ​မၼ်း​ၵႃႈ​ၼႂ်း​ႁိူၼ်း​ပေႃႈ​မၼ်း​လႄႈ လၢတ်ႈ​လႄႈ​ဝႃႈ မႂ်း​ယင်း​မီး​ၶူဝ်း​ၼုင်ႈ​ၶူဝ်း​မႆ​ယူႇ​ဢေႃႈ။ ႁဵတ်း​ၶုၼ်​ၵႃႈ​ၼိူဝ်​ႁဝ်း​ၶႃႈ​သေ​ၵမ်း။ ႁႂ်ႈ​တၢင်း​ဢၼ်​ႁဝ်း​ၶႃႈ​ပင်း​လူႉ​ၼႆႉ မီး​တႂ်ႈ​မိုဝ်း​မႂ်း​သေ​ၵမ်း၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="7">ၼႂ်း​ဝၼ်း​ၼၼ်ႉ မၼ်း​ၼၼ်ႉ တၵ်း​လၢတ်ႈ​လႅင်း​လႅင်း​လႄႈ​ဝႃႈ၊ ၵဝ်​ၼႆႉ​ပဵၼ်​ၵေႃႉ​ဢၼ်​မႄး​ၵုမ်း​မႄး​ႁဵတ်း​လႆႈ​ဢမ်ႇ​ၸႂ်ႈ။ ၵႃႈ​တီႈ​ႁိူၼ်း​ၵဝ်​ၼၼ်ႉ ဢမ်ႇ​မီး​ၶဝ်ႈ​မုၼ်း​ဢမ်ႇ​မီး​ၶူဝ်း​ၼုင်ႈ​ၶူဝ်း​မႆ။ သူ​ဢမ်ႇ​လႆႈ​ႁႂ်ႈ​ၵဝ်​ႁဵတ်း​ၶုၼ် ၵႃႈ​ၼိူဝ်​ၵူၼ်း​ဝၢၼ်ႈ​ၵူၼ်း​မိူင်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ဝဵင်း​ ယေႇရူႉသလႅမ်ႇ လူမ်ႉ​ပင်း​ယူႇ၊ မိူင်း​ ယူႉတႃႉ ​သုမ်း​ၸွမ်း​ယူႇ​ဢေႃႈ။ လွင်ႈ​မၼ်း​ၸမ်ႉ သူပ်း​ၶဝ်​လိၼ်ႉ​ၶဝ်​ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ ၶဝ်​ၼၼ်ႉ ဢမ်ႇ​မႅၼ်ႈ​ၵၼ်​တင်း​ဢလူဝ်ႇ ထႃႇဝရႃႉ​ၽြႃး​ထၼ်ႈ​ပေႃး ႁႂ်ႈ​ၶတ်း​ၵၼ်​တင်း​မၢၵ်ႇ​တႃ​မၼ်း​ၸဝ်ႈ ဢၼ်​မုၼ်​ၽုင်း​ယႂ်ႇ​ၼၼ်ႉ​ဢေႃႈ။-</verse>
				<verse number="9">တၢင်း​ဢၼ်​ၶဝ်​ဝၢႆႇ​ၼႃႈ​ဝၢႆႇ​တႃ​ၼၼ်ႉ ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​ၶဝ်​လႄႈ၊ ၶဝ်​ယင်း​ဢမ်ႇ​သိူင်ႇ​ဢမ်ႇ​မႅပ်ႉ​တူႉ​ၸရိူၵ်ႈ​ၶဝ်​ဝႆႉ​လႄႈ ပိုတ်ႇ​ဢွၵ်ႇ​ၽုၺ်ႇ​ဢွၵ်ႇ​ယူႇ မိူၼ်​ၸိူဝ်ႉ​ၼင်ႇ​ဝဵင်း​ သေႃးတုမ်ႇ ​ၼၼ်ႉ​ဢေႃႈ။ ဝီႉၺိၺ်ႇ​ၶဝ်​ၼၼ်ႉ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ဢဝ်​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း တွပ်ႇ​တႅၼ်း​ပၼ်​တီႈ​တူဝ်​ၶဝ်​ယဝ်ႉ။-</verse>
				<verse number="10">လၢတ်ႈ​လူၺ်ႈ​လွင်ႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​လႄႈ​ဝႃႈ၊ မၼ်း​မီး​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​တႃႉ။ လွင်ႈ​မၼ်း​ၸမ်ႉ မၼ်း​တၵ်း​လႆႈ​ၸၢမ်ႇ​ၸႃး ဢၵျူဝ်း​တၢင်း​ၵမ်​တၢင်း​ၵျၢင်ႉ​မၼ်း​ဢေႃႈ။-</verse>
				<verse number="11">ၵေႃႉ​ဢၼ်​ဢမ်ႇ​တြႃး​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ မၼ်း​တၵ်း​ႁူပ်ႉ​ထူပ်း​ဢမူႉ​ဢၼ်​ဢမ်ႇ​လီ​ဢမ်ႇ​ငၢမ်း​ဢေႃႈ။ လွင်ႈ​မၼ်း​ၸမ်ႉ ဢပႅတ်ႈ​တၢင်း​ဢၼ်​မိုဝ်း​မၼ်း​ႁဵတ်း​ၼၼ်ႉ တၵ်း​လႆႈ​တွပ်ႇ​တႅၼ်း​ၶိုၼ်း​တီႈ​မၼ်း​ဢေႃႈ။-</verse>
				<verse number="12">ၵူၼ်း​ၵဝ်​တင်း​လၢႆ​ၸမ်ႉ၊ လုၵ်ႈ​ဢွၼ်ႇ​ဢွၼ်​ၵၼ်​ၼိၵ်ႈ​ၸၢၵ်ႈ​ငႅၼ်း​သႄး​လႄႈ မႄႈ​ယိင်း​ဢွၼ်​ၵၼ်​ဢုပ်ႉ​ပိူင်ႇ​ဢေႃႈ။​ၵူၼ်း​ၵဝ်​တင်း​လၢႆ​ၶဝ်​ဢိူၺ်း၊ ၶဝ်​ၸိူဝ်း​ဢၼ်​ၼႄ​ပျႃး​သဵၼ်ႈ​တၢင်း​တီႈ​သူ​ၼၼ်ႉ ႁႂ်ႈ​သူ​ၽိတ်း​တၢင်း​ပိူင်ႈ​တၢင်း​လႄႈ ယႃႉ​သဵၼ်ႈ​တၢင်း​ဢၼ်​သူ​ၸွမ်း​ၼၼ်ႉ​ပႅတ်ႈ​ဢေႃႈ။</verse>
				<verse number="13">ထႃႇဝရႃႉ​ၽြႃး လုၵ်ႉ​ႁႂ်ႈ​လႆႈ​ပႂ်ႉ​ဢမူႉ​မၼ်း​ၸဝ်ႈ​လႄႈ ၸုၵ်း​ယူႇ​ႁႂ်ႈ​လႆႈ​ၸီႇ​ယၢင်ႇ​တြႃး​တီႈ​ၵူၼ်း​မၼ်း​ၸဝ်ႈ​တင်း​လၢႆ​ဢေႃႈ။-</verse>
				<verse number="14">ထႃႇဝရႃႉ​ၽြႃး တၵ်း​ႁဵတ်း​ဢမူႉ​တြႃး​သႂ်ႇ တီႈ​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​ၵူၼ်း​မၼ်း​ၸဝ်ႈ​တင်း​လၢႆ ဢိၵ်ႇ​တင်း ၶုၼ်​ၶဝ်​တင်း​လၢႆ​လႄႈ​ဝႃႈ​ၸမ်ႉ၊ သူ​ၵိၼ်​သူၼ်​ဢူးယဵၼ်ႇ​ၵဝ်​ယဝ်ႉ။ ဢုၵ်ႉ​ၸႃႇ​ဢၼ်​သူ​ႁိမ်​ႁူင်ႇ​ဢဝ်​တီႈ​ၶဝ်​ၸိူဝ်း​ဢၼ်​ယၢၵ်ႈ ဢၼ်​ၽၢၼ်​ၼၼ်ႉ လႆႈ​သိမ်း​ဝႆႉ​မီး​ယူႇ ၵႃႈ​ၼႂ်း​ႁိူၼ်း​သူ​ယဝ်ႉ။-</verse>
				<verse number="15">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​ၵဝ်​တင်း​လၢႆ​လႄႈ ၶိုတ်ႈ​လႅဝ်​ၼႃႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸိူဝ်ႉ​ၼင်ႇ​ၼႆ​ဢေႃႈ။</verse>
				<verse number="16">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​လုၵ်ႈ​ယိင်း​ ၸီႉဢုၼ်ႇ ​တင်း​လၢႆ​ၸႂ်​သုင်​လႄႈ ယိုၼ်း​ၶေႃး​ယဵတ်ႇ​ၶေႃး​ၶဝ်​ယူႇ၊ လၢႆႇ​တႃ​ၵႂႃႇ​ၵႂႃႇ​ၶိုၼ်း​ၶိုၼ်း​ယူႇ၊ ၶွၼ်း​ၶဝ်ႇ​မေႃး​မႄး​ၶိူင်ႈ​ၶူၺ်ႇ​တိၼ်​ဝႅၼ်​တိၼ်​ယူႇ​သေ​လႄႈ ၸၢင်ႈ​ယၢင်ႈ​တိၼ်​ၵႂႃႇ​တၢင်း​ထီႇ​ထီႇ ၼၼ်ႉ​လႄႈ၊-</verse>
				<verse number="17">ၸဝ်ႈ​ၽြႃး​တၵ်း​ႁႂ်ႈ​လုၵ်ႈ​ယိင်း​ ၸီႉဢုၼ်ႇ ​ၸိူဝ်း​ၼၼ်ႉ ပဵၼ်​ႁူဝ်​ပုတ်း​ႁူဝ်​လိူမ်ႈ​ပႅတ်ႈ​ဢေႃႈ။ ထႃႇဝရႃႉ​ၽြႃး တၵ်း​ပႄႇ​ၶူဝ်း​ၼုင်ႈ​ၶဝ် ပႅတ်ႈ​သေ​လႄႈ ယႃႉ​သရေႇ​ၶဝ်​ဢေႃႈ။-</verse>
				<verse number="18">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ၸဝ်ႈ​ၽြႃး​တၵ်း​ပႄႇ​ၽဵဝ်ႈ တၢင်း​ဢၼ်​ၶဝ်​ႁၢင်ႈ​ၶိူင်ႈ​ႁၢင်ႈ​ၽၢင်​ဢၼ်​ဝႃႈ၊-</verse>
				<verse number="19">ဝႅၼ်​တိၼ်၊ မွၵ်ႇ​ႁူဝ်​ၸႃႇ၊ လၢဝ်​ၶမ်း၊ မၢၵ်ႇ​တွင်ႇ​ႁူ၊ ဝႅၼ်​မိုဝ်း၊ ၽႃႈ​ႁူမ်ႇ​ၼႃႈ၊-</verse>
				<verse number="20">မွၵ်ႇ​ႁူဝ်​သရၽူႇ၊ ၸိူၵ်ႈ​မႆ​ၶမ်း၊ သၢႆ​ဢႅဝ်၊ မူၵ်ႇ​ယႃ​သုတ်ႇ၊-</verse>
				<verse number="21">လၢၵ်ႈ​ၽွႆး၊ မွင်း​ၵူၺ်း၊ ႁွႆႈ​ၶူႈ​လင်၊-</verse>
				<verse number="22">သိူဝ်ႈ​ၸႃႇ​ၶမ်း၊ ၽႃႈ​လူဝ်၊ သိူဝ်ႈ​ယၢဝ်း၊ ထူင်​ပႃး၊-</verse>
				<verse number="23">ၸမ်ႈ၊ သိူဝ်ႈ​တၢင်း​ၼႂ်း၊ ၶဵၼ်း​ႁူဝ်၊ ၽႃႈ​ဝႆ​ၸိူဝ်း​ၼၼ်ႉ ပႅတ်ႈ​သေ​ၵႃႈ​တီႈ​ၶဝ်​ဢေႃႈ။-</verse>
				<verse number="24">ပုၼ်ႈ​တၢင်​တူဝ်​တၢင်း​ဢၼ်​ႁွမ်​ဢၼ်​ႁူၺ်း​ၼၼ်ႉ တၵ်း​လႆႈ​ပဵၼ်​တၢင်း​ဢၼ်​တူႇ​ဢၼ်​ၼဝ်ႈ၊ ပုၼ်ႈ​တၢင်​တူဝ်​သၢႆ​ဢႅဝ်​ၼၼ်ႉ တၵ်း​လႆႈ​ပဵၼ်​ၸိူၵ်ႈ​ဢႅဝ်၊ ပုၼ်ႈ​ၶူၼ်​ႁူဝ်​ဢၼ်​ၽၼ်ႈ​ဢၼ်​ၽိူဝ်​ၼၼ်ႉ တၵ်း​လႆႈ​ပဵၼ်​တၢင်း​ဢၼ်​ႁူဝ်​ပုတ်း​ႁူဝ်​လိူမ်ႈ၊ ပုၼ်ႈ​တၢင်​တူဝ်​သၢႆ​ႁတ်ႉ​ဢူၵ်း​ၼၼ်ႉ တၵ်း​လႆႈ​ပဵၼ်​ၸိူၵ်ႈ​ပေႃ၊ ပုၼ်ႈ​တၢင်​တူဝ်​တၢင်း​ဢၼ်​ႁၢင်ႈ​လီ​ၽၢင်​လီ​ၼၼ်ႉ တၵ်း​လႆႈ​ပဵၼ် ႁွႆး​လဵၵ်း​မႆႈ​ဢေႃႈ။-</verse>
				<verse number="25">ၵူၼ်း​မႂ်း​တင်း​လၢႆ တၵ်း​လႆႈ​တူၵ်း​သုမ်း​လူၺ်ႈ​လၢပ်ႇ​လူၺ်ႈ​လႅဝ်း​လႄႈ ၵူၼ်း​သိုၵ်း​မႂ်း​ဢၼ်​ႁႅင်း​ယႂ်ႇ​ၼႃႇ​တင်း​လၢႆ တၵ်း​တူၵ်း​သုမ်း လူၺ်ႈ​တၢင်း​ဢၼ်​တိုၵ်း​သိုၵ်း​တိုၵ်း​သိူဝ်​ဢေႃႈ။-</verse>
				<verse number="26">ၽၵ်း​တူ​မၼ်း​တင်း​လၢႆ တၵ်း​လႆႈ​ႁႆႈ​ႁွင်ႉ​ၶၢင်း​ၶီ​ၶၢင်း​ၽၢၼ်​လႄႈ မၼ်း​တၵ်း​လႆႈ​သဵတ်ႇ​ၵူၼ်း​ယဵၼ်​ၵူၼ်း​လႄႈ ၼင်ႈ​ယူႇ ၵႃႈ​ၼိူဝ်​လိၼ်​ဢေႃႈ။</verse>
			</chapter>
			<chapter number="4">
				<verse number="1">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ မႄႈ​ယိင်း​ၸဵတ်း​ၵေႃႉ တၵ်း​ဢွၼ်​ၵၼ်​တိုတ်ႉ​ၸၼ်​ဢဝ်​ၵူၼ်း​ၸၢႆး​ၵေႃႉ​ၼိုင်ႈ သေ​လႄႈ​လၢတ်ႈ​လႄႈ​ဝႃႈ၊ ႁဝ်း​ၶႃႈ​တၵ်း​ၵိၼ်​ၶဝ်ႈ​မုၼ်း​ႁဝ်း​ၶႃႈ​လႄႈ ၼုင်ႈ​မႆ​ၶူဝ်း​ၼုင်ႈ​တၢင်း​မႆ​ႁဝ်း​ၶႃႈ​ၶႃႈ​ဢေႃႈ။ ၵူၺ်း​ၵွမ်ႉ​ႁဝ်း​ၶႃႈ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၵူပ်း လူၺ်ႈ​ၼႃႇ​မႃႉ​ၸိုဝ်ႈ​သဵင်​ပီႈ​ႁဝ်း​ၵူၺ်း​လႄႈ ၶႅၼ်း​တေႃႈ​ပႄႇ​တၢင်း​ဢၼ်​ႁဝ်း​ၶႃႈ​ဢူၵ်း​ဢၢႆ​ၼႆႉ​ပႅတ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="2">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ ယွတ်ႈ​ထႃႇဝရႃႉ​ၽြႃး ၼၼ်ႉ​မုၼ်​သရေႇ​တၵ်း​ၵီႈ​တၵ်း​တင်ႈ​လႄႈ မၢၵ်ႇ​လိၼ်​ႁူင်း​လိၼ် တၵ်း​လီ​မျၢတ်ႈ​လႄႈ သၢင်ႇ​ထုၵ်ႇ​ပုၼ်ႈ ၵူၼ်း​မဵဝ်း​ ဢီႉသရေႇလႃႉ ဢၼ်​လွတ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="3">ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ ၵႃႈ​ၼိူဝ်​လွႆ​ ၸီႉဢုၼ်ႇ ​ဢိၵ်ႇ​တင်း ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ဝႆႉ​ထႃႈ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ဢၼ်​ဝႃႈ​ၶဝ်​ၸိူဝ်း​ဢၼ်​ၶဝ်ႈ​ပႃး​ၼႂ်း​ၸရၢင်း​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၵႃႈ​မီး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ ဢၼ်​မူတ်း​ၸၢင်ႇ၊-</verse>
				<verse number="4">ၼႂ်း​မိူဝ်ႈ​ဢၼ် ထႃႇဝရႃႉ​ၽြႃး ဢဝ်​တင်း​ဝီႉၺိၺ်ႇ​ၸဝ်ႈ​ဢၼ်​ၸီႇ​ယၢင်ႇ​တြႃး ဢိၵ်ႇ​တင်း ဝီႉၺိၺ်ႇ​ၸဝ်ႈ ဢၼ်​ၽႆး​မႆႈ​ၼၼ်ႉ​သေ​လႄႈ သုၵ်ႈ​လၢင်ႉ ဢၼ်​ၵူဝ်ႈ​ဢၼ်​ၵိူၵ်ႇ လုၵ်ႈ​ယိင်း ၸီႉဢုၼ်ႇ ​လႄႈ ပႄႇ​ၽဵဝ်ႈ​ဝဵင်း​ ယေႇရူႉသလႅမ်ႇ ​ပႅတ်ႈ​သေ​ၵႃႈ​ၼႂ်း​ဝဵင်း​ၼၼ်ႉ​ဢေႃႈ။-</verse>
				<verse number="5">ထႃႇဝရႃႉ​ၽြႃး တၵ်း​ၽၢၼ်ႇ​သၢင်း​ႁဵတ်း​ပဵၼ်​ၽႃႈ​ၽူၼ် တင်း​ၵႂၼ်း​ၽႆး​ၶိင်ႇ​ၵႃ​ဝၼ်း ဢိၵ်ႇ​တင်း​ပဵဝ်​ၽႆး​ဢၼ်​လႅင်း​ၶိင်ႇ​ၵႃ​ၶိုၼ်း ၵႃႈ​ၼိူဝ်​ႁိူၼ်း​ၵႃႈ​ဢၼ်​မီး ၵႃႈ​ၼိူဝ်​လွႆ​ ၸီႉဢုၼ်ႇ ဢိၵ်ႇ​တင်း​ၵႃႈ​ၼိူဝ်​ပရဵၵ်ႈသၢတ်ႈ​မၼ်း ဢၼ်​ၸူႉ​ၵၼ်​တုမ်​ၵၼ်​ၸိူဝ်း​ၼၼ်ႉ​လႄႈ ၵႃႈ​ၼိူဝ်​မုၼ်​ၽုင်း​တင်း​သဵင်ႈ​တင်း​မူတ်း​ၼၼ်ႉ တၵ်း​လႆႈ​မီး​ဢၼ်​ႁူမ်ႇ​ဢၼ်​မုင်း​ဝႆႉ​ဢေႃႈ။-</verse>
				<verse number="6">တၵ်း​လႆႈ​မီး​သုမ်ႉ​ထဵင်​ပုၼ်ႈ​ဢၼ်​ႁူမ်ႇ​လႅတ်ႇ​မႆႈ ၶိင်ႇ​ၵႃ​ဝၼ်း ဢိၵ်ႇ​တင်း​ပုၼ်ႈ​တီႈ​ဢၼ်​သွၼ်ႈ​ပိုင်ႈ တီႈ​ဢၼ်​လွတ်ႈ​ၽူၼ်​လူင်​လူမ်း​လူင်​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">ႁႂ်ႈ​ၵဝ်​လႆႈ​ဢဝ်​တၢင်း​ဢၼ်​ၵေႃႉ​သေႈ​ၵဝ် ဢၼ်​ၵဝ်​ႁၵ်ႉ​ၼႃႇ​ၼၼ်ႉ ႁဵတ်း​ၵႂၢမ်း​လွင်ႈ​သူၼ်​ဢူးယဵၼ်ႇ​ၸပိတ်ႈ​မၼ်း​ၼၼ်ႉ​သေ​လႄႈ ႁဵတ်း​ၵႂၢမ်း​လွင်ႈ​ၵေႃႉ​သေႈ​ၵဝ် ဢၼ်​ၵဝ်​ႁၵ်ႉ​ၼႃႇ​ၼၼ်ႉ သေ​ၵမ်း​လူၺ်ႈ။ ၵေႃႉ​သေႈ​ၵဝ် ဢၼ်​ၵဝ်​ႁၵ်ႉ​ၼႃႇ​ၼၼ်ႉ​မီး​သူၼ်​ဢူးယဵၼ်ႇ​ၸပိတ်ႈ သူၼ်​ၼိုင်ႈ ၵႃႈ​တီႈ​ၼိူဝ်​လွႆ ဢၼ်​ၶွၼ်ႇ​ၼမ်ႉ​မၼ်း​လိၼ်​မျၢတ်ႈ​လီ​ၼၼ်ႉ​ဢေႃႈ။-</verse>
				<verse number="2">မၼ်း​ၼၼ်ႉ ၶုတ်း​ယူင်း​လိၼ်​မၼ်း​လႄႈ ၵဵပ်း​ဢဝ်​မၢၵ်ႇ​ႁိၼ်​ႁႄႈ​မၼ်း​တင်း​လၢႆ​ပႅတ်ႈ​သေ​ယဝ်ႉ၊ ဢဝ်​တူၼ်ႈ​ၶိူဝ်း​မၢၵ်ႇ​ၸပိတ်ႈ​ဢၼ်​လီ​ၼႃႇ​သေ​ပိူၼ်ႈ​ၽုၵ်ႇ​သွမ်ႈ​သႂ်ႇ​ဢေႃႈ။ မၼ်း​ၼၼ်ႉ​ပူၵ်း​ႁဵတ်း​ထဵင်​လၢင်း ၵႃႈ​တီႈ​ၼႂ်း​မၼ်း​လႄႈ တၵ်း​ၶုတ်း​မႄး​ႁဵတ်း​တီႈ​ဢၼ်​တၵ်း​ၼူတ်ႈ​မၢၵ်ႇ​ၸပိတ်ႈ​ဝႆႉ​ဢေႃႈ။ ၵူၺ်း​ၵႃႈ မိူဝ်ႈ​ဢၼ်​မၼ်း​ၼၼ်ႉ​မုင်ႈ​ထႃႈ​မွင်း​ထႃႈ​လွင်ႈ​ဢၼ် တၵ်း​မၢၵ်ႇ​မၢၵ်ႇ​ၸပိတ်ႈ​မႃး​ၼၼ်ႉ​ၸိုင် မၼ်း​မၢၵ်ႇ​မၢၵ်ႇ​ၸပိတ်ႈ​ထိူၼ်ႇ​မႃး​လူင်​ပႄႇ။-</verse>
				<verse number="3">တေႃႈ​လဵဝ်​ၼႆႉ ၵူၼ်း​မိူင်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ ဢွၼ်​ၵၼ်​ၸီႇ​ယၢင်ႇ​ဢမူႉ ဝူင်ႈ​ၵၢင်​သူၼ်​ဢူးယဵၼ်ႇ​ၸပိတ်ႈ​ၵဝ် ဢိၵ်ႇ​တင်း​ၵဝ်​သေ​ၵမ်း။-</verse>
				<verse number="4">လွင်ႈ​တၢင်း​ဢၼ် ၵဝ်​ႁဵတ်း​ၵျေး​ၸူး တီႈ​သူၼ်​ဢူးယဵၼ်ႇ​ၸပိတ်ႈ​ၵဝ်​လႆႈ​ယူႇ​လႄႈ ၵဝ်​ယင်း​ဢမ်ႇ​ပႆႇ​ႁဵတ်း​ၼၼ်ႉ၊ ယင်း​မီး​သေ​ၸိူဝ်ႉ​သေ​ပိူင်​လူး​ၵွၼ်ႇ​ႁိုဝ်။ မိူဝ်ႈ​ဢၼ်​ၵဝ်​မုင်ႈ​ထႃႈ​မွင်း​ထႃႈ​လွင်ႈ​ဢၼ်​တၵ်း​မၢၵ်ႇ​မၢၵ်ႇ​ၸပိတ်ႈ​မႃး​ၼၼ်ႉ​ၸိုင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​မၼ်း​မၢၵ်ႇ​မၢၵ်ႇ​ၸပိတ်ႈ​ထိူၼ်ႇ​မႃး​ၼင်ႇ​ႁိုဝ်။-</verse>
				<verse number="5">တေႃႈ​လဵဝ်​ၼႆႉ​ထွမ်ႇ​ငိၼ်း​တႃႉ။ ၵဝ်​တၵ်း​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​ဢၼ်​ၵဝ်​တၵ်း​ႁဵတ်း​တီႈ​သူၼ်​ဢူးယဵၼ်ႇ​ၵဝ်​ၼၼ်ႉ​ဢေႃႈ။ ၵဝ်​တၵ်း​ၽဵဝ်ႈ​ႁူဝ်ႉ​ဝၢင်း​မၼ်း​ပႅတ်ႈ​လႄႈ ပိူၼ်ႈ​တၵ်း​ဢွၼ်​ၵၼ်​ၵိၼ်​ဢေႃႈ။ ၵဝ်​တၵ်း​ၵိူၼ်ႇ​ယႃႉ​လမ်း​ဢုတ်ႇ​မၼ်း​ပႅတ်ႈ​လႄႈ ပိူၼ်ႈ​တၵ်း​ဢွၼ်​ၵၼ်​ယဵပ်ႇ​ၶၢမ်ႈ​ဢေႃႈ။-</verse>
				<verse number="6">ၵဝ်​တၵ်း​ယႃႉ​မၼ်း​ပႅတ်ႈ​မူတ်း​မူတ်း​သဵင်ႈ​သဵင်ႈ​ဢေႃႈ။ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​လႆႈ​ၶုတ်း​လႆႈ​ယူင်း။ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​လႆႈ​မႄး​ၵုမ်း​မႄး​ႁဵတ်း။ တူၼ်ႈ​ၼၢမ်​တၵ်း​ဢွၵ်ႇ​ၵူႈ​ၸိူဝ်ႉ​ၵူႈ​မဵဝ်း​ဢေႃႈ။ ၵဝ်​တၵ်း​ပိင်း​ၺၢပ်ႈ​ဝႆႉ တီႈ​ၽႃႈ​ၽူၼ်​ႁႂ်ႈ​ၽူၼ်​ဢမ်ႇ​လႆႈ​တူၵ်း​သႂ်ႇ​ၵႃႈ​ၼိူဝ်​မၼ်း​ဢေႃႈ။-</verse>
				<verse number="7">သူၼ်​ဢူးယဵၼ်ႇ​ၸပိတ်ႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ​ၸမ်ႉ၊ ပဵၼ်​မဵဝ်း​ ဢီႉသရေႇလႃႉ ​ဢေႃႈ။ တူၼ်ႈ​ၵႃႈ​ဢၼ် မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ​ၸမ်ႉ၊ ပဵၼ်​ၵူၼ်း​ ယူႉတႃႉ ​တင်း​လၢႆ​ဢေႃႈ။ မိူဝ်ႈ​ဢၼ် မၼ်း​ၸဝ်ႈ​မုင်ႈ​မွင်း​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​ၸိုင် မၼ်း​ၸဝ်ႈ​လႆႈ​ထူပ်း​လႆႈ​ႁၼ်​တၢင်း​ဢၼ် ထွၵ်ႇ​လိူတ်ႈ​ပႅတ်ႈ​လႄႈ မိူဝ်ႈ​ဢၼ်​မၼ်း​ၸဝ်ႈ​မုင်ႈ​မွင်း​လွင်ႈ​တၢင်း​ဢၼ်​သိုဝ်ႈ​တေႃႇ​ၼၼ်ႉ​ၸိုင် မၼ်း​ၸဝ်ႈ​လႆႈ​ထူပ်း​လႆႈ​ႁၼ်​တၢင်း​ဢၼ်​ႁွင်ႉ​ႁႆႈ​ဢေႃႈ။</verse>
				<verse number="8">ၶဝ်​ၸိူဝ်း​ဢၼ် ဢဝ်​ႁိူၼ်း​လင်​ၼိုင်ႈ တင်း​လင်​ၼိုင်ႈ ၼႃး​လွၵ်း​ၼိုင်ႈ​တင်း​လွၵ်း​ၼိုင်ႈ သိုပ်ႇ​ၸပ်း​ၵၼ်​ယူႇ​ထၼ်ႈ​ပေႃး ဢမ်ႇ​မီး​တီႈ​ဢၼ်​ပဝ်ႇ​ဢၼ်​လၢပ်ႈ​ဢၼ်​ဝႃႈ သူ​ၸိူဝ်း​ဢၼ် တူၵ်း​တီႈ​တူၵ်း​လႅၼ်​ယူႇ​ၵႃႈ​ၼႂ်း​ၵၢင်​လိၼ် မုၵ်ႉ​လဵဝ်​ၸိူဝ်း​လဵဝ်​ၵူၺ်း​ၼႆႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="9">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဝႃႈ​ဝႆႉ​တီႈ​ႁိမ်း​ႁူ​ၵဝ်​ၸမ်ႉ၊ ႁိူၼ်း​ဢၼ်​ယႂ်ႇ​ၵႂၢင်ႈ​လႄႈ ႁၢင်ႈ​လီ​ႁၢင်ႈ​ငၢမ်း​ၼမ်​ၼႃႇ​ၸိူဝ်း​ၼၼ်ႉ​တၵ်း​ဢမ်ႇ​မီး​ၵေႃႉ​ဢၼ်​ယူႇ​ဢၼ်​သဝ်း​လႄႈ တၵ်း​ပဵၼ်​တီႈ​ဢၼ်​သဵတ်ႇ​ၵူၼ်း​ငႅဝ်​ၵူၼ်း​ၵႂႃႇ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ သူၼ်​ဢူးယဵၼ်ႇ​ၸပိတ်ႈ​ပုၼ်ႈ​တႃႇ​ဝူဝ်း​သိပ်း​ၵူႈ​ထႆ​ၼၼ်ႉ တၵ်း​ႁႂ်ႈ​ပဵၼ်​ၼမ်ႉ​ၸပိတ်ႈ​တၢၼ်ႇ​သေ ပၢတ်ႈ ​ၼိုင်ႈ ၵူၺ်း​လႄႈ ၸိူဝ်ႉ​ၽၼ်း​ၵေႃႈ​ဝၢၼ်ႇ​ပိုၼ် ဢေႃးမေႇ ​ၼိုင်ႈ​လႄႈ တၵ်း​လႆႈ​တၢၼ်ႇ​သေ ဢေးၽႃႇ ​ၼိုင်ႈ ၵူၺ်း​ဢေႃႈ။-</verse>
				<verse number="11">ၶဝ်​ၸိူဝ်း​ဢၼ်​ၸၢင်ႈ​လုၵ်ႉ​ၸဝ်ႉ​ၸဝ်ႉ ႁႂ်ႈ​လႆႈ​ၵိၼ်​လဝ်ႈ​လႄႈ ယူႇ​ၶိင်ႇ​ၵၢင်​ၶိုၼ်း​လိုၵ်း​ၼႃႇ​တေႃႇ​ထိုင်​ႁွတ်ႈ​ထၼ်ႈ​ပေႃး ႁႂ်ႈ​မဝ်း​ၼမ်ႉ​ၸပိတ်ႈ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="12">တိင်ႇ၊ တရေႃး၊ ၵွင်​ၶဵတ်ႇ၊ ပီႇ၊ ၼမ်ႉ​ၸပိတ်ႈ ၸၢင်ႈ​ပႃး​ၵႃႈ​ၼႂ်း​ပွႆး​ၶဝ်​ၼၼ်ႉ​ဢေႃႈ။ ဢမူႉ​ထႃႇဝရႃႉ​ၽြႃး​ၸမ်ႉ၊ ၶဝ်​ဢမ်ႇ​ဢဝ်​သႂ်ႇ​ၸႂ်​သႂၢင်း​ၸႂ်။ ၶဝ်​ဢမ်ႇ​တူၺ်း​ဢမ်ႇ​ႁၼ်​လွင်ႈ​တၢင်း​ဢၼ်​မၼ်း​ၸဝ်ႈ ဢဝ်​မိုဝ်း​ၸဝ်ႈ​ပွင်​ႁဵတ်း​ၼၼ်ႉ။-</verse>
				<verse number="13">ပိူဝ်ႈ​ၼႆ​လႄႈ​ၵူၼ်း​ၵဝ်​တင်း​လၢႆ ဢမ်ႇ​မီး​ပိင်ႇ​ၺႃႇ​လႄႈ လႆႈ​ၶၢမ်ႇ​တၢင်း​ဢၼ်​တီႉ​လႆႈ​သိမ်း​ဢဝ်​ၵႂႃႇ​ဢေႃႈ။ မူး​မၢတ်ႈ​ၽွင်း​မိူင်း​ၶဝ် မီး​တၢင်း​ဢၼ်​ဢိုပ်း​ယၢၵ်ႈ​လႄႈ မုၵ်ႉ​ၵူၼ်း​ၸိူဝ်း​ၵူၼ်း​ၶဝ်​မီး​တၢင်း​ဢၼ် ယၢၵ်ႇ​ၼမ်ႉ​ၶေႃး​ႁွင်​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ​မိူင်း​မရၼႃႉ ႁႂ်ႈ​လေႃး​ၽႃႉ​မၼ်း ယႂ်ႇ​ၵႂၢင်ႈ​လႄႈ​ၽုၺ်ႇ​ဢႃႈ​သူပ်း​မၼ်း​ထၼ်ႈ​ပေႃး​ဢမ်ႇ​မီး တီႈ​ၵၢပ်ႈ​တီႈ​တႅၵ်ႈ​သေ​ယဝ်ႉ၊​ၵုင်ႇ​သရေႇ​ၶဝ်၊ မုၵ်ႉ​ၵူၼ်း​ၸိူဝ်း​ၵူၼ်း​ၶဝ်၊ တၢင်း​ဢၼ်​ႁဵတ်း​သူပ်း​ႁဵတ်း​သဵင်​ၶဝ် ဢိၵ်ႇ​တင်း​ၵေႃႉ​ဢၼ်​သႂၢင်ႇ​သိူဝ်း​ၼႂ်း​ၶဝ်​ၼၼ်ႉ လႆႈ​ဢွၼ်​ၵၼ်​လူင်း​ၶဝ်ႈ​ၵႂႃႇ ၵႃႈ​ၼႂ်း​မၼ်း​ဢေႃႈ။-</verse>
				<verse number="15">ၵေႃႉ​ဢၼ်​ယုတ်ႈ​ၵေႃႈ​လႆႈ​ၶၢမ်ႇ​တၢင်း​ဢၼ် ၵူမ်ႈ​ႁူဝ်​ၵွမ်း​ႁူဝ်၊ ၵေႃႉ​ဢၼ်​ယႂ်ႇ​မျၢတ်ႈ​ၵေႃႈ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​လႄႈ၊တႃ​ၶဝ်​ၸိူဝ်း​ဢၼ်​မႃႇၼႃႉ​ယႂ်ႇ​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ဢေႃႈ။-</verse>
				<verse number="16">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တၵ်း​ႁွတ်ႈ​ထိုင်​တၢင်း​ဢၼ်​ယုၵ်ႉ​ယွင်ႈ ၵွပ်ႈ​ပိူဝ်ႈ​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​လႄႈ၊ ၽြႃး​ပဵၼ်​ၸဝ်ႈ ၸဝ်ႈ​ဢၼ်​မူတ်း​ၸၢင်ႇ​ၼၼ်ႉ တၵ်း​မီး​တၢင်း​ဢၼ်​မူတ်း​ၸၢင်ႇ ၵွပ်ႈ​ပိူဝ်ႈ​တၢင်း​ဢၼ်​သိုဝ်ႈ​တေႃႇ​ဢေႃႈ။-</verse>
				<verse number="17">မိူဝ်ႈ​ၼၼ်ႉ​သူဝ်း​ဢွၼ်ႇ​တင်း​လၢႆ တၵ်း​လႆႈ​လႄႇ​ႁႃ​လႄႇ​ၵိၼ် ၸွမ်း​ၵႃႈ​ၼင်ႇ​ဢလူဝ်ႇ​ၶဝ်​မီး​ၼၼ်ႉ​လႄႈ၊ ၶႅၵ်ႇ​တင်း​လၢႆ တၵ်း​လႆႈ​ၵိၼ် ၵႃႈ​တီႈ ဢၼ်​ၽိတ်ႇ​ဢၼ်​ငႅဝ် ဢၼ်​သထေး​ၶဝ်​ယၢမ်ႈ​ပိူင်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="18">ၶဝ်​ၸိူဝ်း​ဢၼ်​ဢဝ်​သၢႆ​ဢၼတ်ႉတႃႉ တိုတ်ႉ​ၸၼ်​ဢဝ်​တူႉ​ၸရိူၵ်ႈ​လႄႈ ဢဝ်​ၸိူဝ်ႉ​ၼင်ႇ​ဢၼ်​ပဵၼ်​ၸိူၵ်ႈ​လေႃႉ​ၼၼ်ႉ တိုတ်ႉ​ၸၼ်​ဢဝ်​ဢပႅတ်ႈ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="19">ၶဝ်​ၼၼ်ႉ​ၸၢင်ႈ​လၢတ်ႈ​လႄႈ​ဝႃႈ။ ႁႂ်ႈ​မၼ်း​ၸဝ်ႈ​ၵျူဝ်း​ၸႃး ၶၼ်​ၶၼ်​ၽႂ်း​ၽႂ်း​လႄႈ ႁိပ်ႈ​ၼႅတ်ႈ​ႁဵတ်း​ဢမူႉ​မၼ်း​ၸဝ်ႈ ႁႂ်ႈ​ႁဝ်း​လႆႈ​ႁၼ်​သေ​ၵမ်း​လူၺ်ႈ။ ႁႂ်ႈ​တၢင်း​ၵျၢမ်ႇ​တၢင်း​ပွင်​ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၼၼ်ႉ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၸမ်​လႄႈ ပျေႉ​ၸုမ်ႇ ႁႂ်ႈ​ႁဝ်း​လႆႈ​ႁူႉ​လႆႈ​ၸႅင်ႈ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၶဝ်​ၸိူဝ်း​ဢၼ်​ၸၢင်ႈ​ႁွင်ႉ​ဝႃႈ ဢၼ်​ဢမ်ႇ​လီ ပဵၼ်​ဢၼ်​လီ၊ ဢၼ်​လီ​ပဵၼ်​ဢၼ်​ဢမ်ႇ​လီ၊ ဝႃႈ​ၼင်ႇ​ၼႆ၊ ၶဝ်​ၸိူဝ်း​ဢၼ် ဢဝ်​ဢၼ်​လပ်း​သိင်ႇ​ဝႆႉ​ပုၼ်ႈ တၢင်​တူဝ်​ဢၼ်​လႅင်း​လႄႈ ဢဝ်​ဢၼ်​လႅင်း​ဝႆႉ​ပုၼ်ႈ​တၢင်​တူဝ်​ဢၼ်​လပ်း​သိင်ႇ၊ ၶဝ်​ၸိူဝ်း​ဢၼ် ဢဝ်​ဢၼ်​ၶူမ်​ဝႆႉ​ပုၼ်ႈ​တၢင်​တူဝ်​ဢၼ်​ဝၢၼ်​လႄႈ ဢဝ်​ဢၼ်​ဝၢၼ်​ဝႆႉ​ပုၼ်ႈ​တၢင်​တူဝ်​ဢၼ်​ၶူမ်​ၼၼ်ႉ ၸိူဝ်း​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="21">ၶဝ်​ၸိူဝ်း​ဢၼ်​ထၢင်ႇ​တူဝ်​ၶဝ်​မီး​ပိင်ႇ​ၺႃႇ​လႄႈ မၢတ်ႈ​တူဝ်​ၶဝ်​ပျေႉ​ၸုမ်ႇ​ဝႆႉ​တင်း သမ်ႇမႃႇသတီႉ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="22">ၶဝ်​ၸိူဝ်း​ဢၼ်​ၵိၼ်​ၼမ်ႉ​ၸပိတ်ႈ​ၼမ်​ၼႃႇ​လူင်​လၢင်၊ ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼႃႇ​ၼႂ်း​တၢင်း​ဢၼ် သူတ်ႉ​ၵိၼ်​ၼမ်ႉ​လဝ်ႈ​ဢၼ်​လေႃး​ၵၼ် တင်း​ယႃႈ​ယႃ​ၼၼ်ႉ၊-</verse>
				<verse number="23">ၶဝ်​ၸိူဝ်း​ဢၼ် ယင်း​ဢမ်ႇ​ပၼ်​ဢပႅတ်ႈ​တီႈ​ၵေႃႉ​ဢၼ်​ဢမ်ႇ​တြႃး​ၼၼ်ႉ ပွႆႇ​လွတ်ႈ​ႁႂ်ႈ​လႆႈ​ၵိၼ်​လၢၵ်ႈ​သွင်ႇ​လႄႈ ပႄႇ​တၢင်း​ဢၼ် သိုဝ်ႈ​တေႃႇ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ပႅတ်ႈ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="24">ပိူဝ်ႈ​ၼႆ​လႄႈ မိူၼ်​ၸိူဝ်ႉ​ၼင်ႇ​ဢၼ်​လိၼ်ႉ​ၽႆး​ႁုပ်ႇ​လေး​ၽိူင်း မိူၼ်​ၸိူဝ်ႉ​ၼင်ႇ​ဢၼ်​ယိူဝ်ႈ​ႁႅင်ႈ​ဝွပ်ႈ​ဝႅပ်ႈ​ၵႂႃႇ​ၵႃႈ​ၼႂ်း​ပဵဝ်​ၽႆး​ၼၼ်ႉ၊ ႁၢၵ်ႈ​ၶဝ်​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ တၢင်း​ဢၼ်​ၽင်ႉ​ဢၼ်​ဢူႉ​ၼၼ်ႉ​လႄႈ မွၵ်ႇ​ၶဝ်​ၵေႃႈ တၵ်း​ပိဝ်​ၶိုၼ်ႈ​ၸိူဝ်ႉ​ၼင်ႇ​ၽုၼ်ႇ​မုၵ်ႉ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၶဝ်​ၸုၼ်ႉ​ပႅတ်ႈ​တြႃး​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ​ယဝ်ႉ။ ၶဝ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ပျႃႇ​တိၵ်ႈ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="25">ပိူဝ်ႈ​ၼႆ​လႄႈ ထႃႇဝရႃႉ​ၽြႃး ၸႂ်​မႆႈ​ၶႆႈ​ၸႃႉ တီႈ​ၵူၼ်း​မၼ်း​ၸဝ်ႈ​တင်း​လၢႆ​လႄႈ ယဵတ်ႇ​မိုဝ်း​မၼ်း​ၸဝ်ႈ​ၽၢႆႇ​ၼိုင်ႈ တင်း​ၶဝ်​သေ​လႄႈ ပၼ်​တၢမ်ႇ​သေ​ယဝ်ႉ၊ လွႆ​တင်း​လၢႆ​သၼ်ႇ​ဝႆ​လႄႈ တူဝ်​တၢႆ​ၶဝ်​ၼၼ်ႉ ပဵၼ်​ၸိူဝ်ႉ​ၼင်ႇ​ၶီႈ​ၼင်ႇ​ဢႃႇ ၵႃႈ​တႃႈ​ၵႃႈ​တၢင်း ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၼၼ်ႉ ဢမ်ႇ​ထၢတ်ႇ​ဢမ်ႇ​ယဵၼ်၊ မိုဝ်း​မၼ်း​ၸဝ်ႈ​ၼၼ်ႉ ယင်း​မီး​တၢင်း​ဢၼ်​ယဵတ်ႇ ယူႇ​ဢေႃႈ။-</verse>
				<verse number="26">မၼ်း​ၸဝ်ႈ​တၵ်း​ပူၵ်း​လၢမ်ႇ​ပုၼ်ႈ​မဵဝ်း​ၵူၼ်း​ဢၼ်​ယူႇ​တီႈ​ၵႆ​တင်း​လၢႆ​လႄႈ ႁဵတ်း​သဵင်​သီႉ​သီႉ​သေႃႉ​သေႃႉ ႁွင်ႉ​ၸူဝ်း​ဢဝ်​ၶဝ် ၵႃႈ​တီႈ​ႁိမ်း​လႅၼ်​သုတ်း​လိၼ်​မိူင်း​လႄႈ ၶဝ်​ၼၼ်ႉ​တၵ်း​ဢွၼ်​ၵၼ် မႃး​ၶၼ်​ၶၼ်​ၽႂ်း​ၽႂ်း​ဢေႃႈ။-</verse>
				<verse number="27">ၼႂ်း​ၶဝ်​ၼၼ်ႉ ၵေႃႉ​ဢၼ်​ႁိူဝ်ႉ​ဢၼ်​ၼူၼ်း၊ ၵေႃႉ​ဢၼ်​တိူဝ်ႉ​မႅၼ်ႈ​လႄႈ​လူမ်ႉ​တၵ်း​ဢမ်ႇ​မီး။ ၵေႃႉ​ဢၼ်​ငဝ်​ၼွၼ်း၊ ၵေႃႉ​ဢၼ် ၼွၼ်း​လပ်း​ၵေႃႈ​တၵ်း​ဢမ်ႇ​မီး သၢႆ​ဢႅဝ်​ၶဝ်​တၵ်း​ဢမ်ႇ​လိတ်ႈ။ သၢႆ​ၶႅပ်း​တိၼ်​ၶဝ်​တၵ်း​ဢမ်ႇ​ထွတ်ႇ။-</verse>
				<verse number="28">ပိုၼ်​ၶဝ်​ၸိူဝ်း​ၼၼ်ႉ​ၽၢႆ​ဢေႃႈ။ ၵၢင်ႇ​ၶဝ်​ၵေႃႈ​မီး​တၢင်း​ဢၼ်​ဝူတ်ႈ​ဝႆႉ​ယဝ်ႉ​ဢေႃႈ။ ၵိပ်ႇ​မႃႉ​ၶဝ်​ၼၼ်ႉ​ပဵၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​ၽႆး လႄႈ၊ မၢၵ်ႇ​လေႃႉ​ရထႃး​ၶဝ်​ၵေႃႈ​ပဵၼ်​ၸိူဝ်ႉ​ၼင်ႇ​လူမ်း​ၽိဝ်ႇ​ႁုင်​ဢေႃႈ။-</verse>
				<verse number="29">သဵင်​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ​သဵင်​သၢင်ႇ​သီႈ​ႁွင်ႉ​လႄႈ ၶဝ်​တၵ်း​ႁွင်ႉ​မိူၼ်​ၸိူဝ်ႉ​ၼင်ႇ​သၢင်ႇ​သီႈ​တူဝ်​ၼုမ်ႇ​ဢေႃႈ။ ၶဝ်​တၵ်း​ႁွင်ႉ​သႅၼ်ႇ​ယူႇ၊ တီႉ​ဢဝ်​တူဝ်​ယူႇ​သေ​လႄႈ ဢဝ်​ၵႂႃႇ​ဢေႃႈ။ တၵ်း​ဢမ်ႇ​မီး​ၵေႃႉ​ဢၼ် ၵႄႇ​သႄႇ​ၼုၵ်ႈ​ဢဝ်​သေ​ၵေႃႉ​သေ​ၵူၼ်း။-</verse>
				<verse number="30">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ ၶဝ်​ၼၼ်ႉ​တၵ်း​ဢွၼ်​ၵၼ်​မေႃး ႁိုင်း​ႁိုင်း​ႁၢင်း​ႁၢင်း ယူႇ​ၽၢႆႇ​ၼိုင်ႈ​တင်း​ၶဝ် မိူၼ်​ၸိူဝ်ႉ​ၼင်ႇ​သဵင်​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​ဢေႃႈ။ ပေႃး​လူ​တူၺ်း​မိူင်း​ၼၼ်ႉ​ၸိုင်၊ မီး​လပ်း​သိင်ႇ​ၽိတ်း​ၽိတ်း ဢိၵ်ႇ​တင်း​တုၵ်ႉ​ၶႃႉ​တၢင်း​ၽၢၼ်​ၵူၺ်း​ၵူၺ်း​လႄႈ ဢၼ်​လႅင်း​ၽႃႉ​ၵၢင်​ႁၢဝ် လပ်ႉ​ႁၢႆ​ၵႂႃႇ​ဢေႃႈ။</verse>
			</chapter>
			<chapter number="6">
				<verse number="1">ၼႂ်း​ပီႊ​ဢၼ်​ၶုၼ်​ႁေႃ​ၶမ်း​ ဢူဝ်းၸီႉယႃႉ ႁွတ်ႈ​ဢၼိၵ်ႈၸႃႉ​ၼၼ်ႉ ၵဝ်​ႁၼ် ထႃႇဝရႃႉ​ၽြႃး ၼင်ႈ​ယူႇ​ၵႃႈ​ၼိူဝ်​ပလၢင်ႇ​ဢၼ်​သုင်​မျၢတ်ႈ​ၼႃႇ​လူင်​လၢင်​ၼၼ်ႉ​လႄႈ၊ ၶိူင်ႈ​ၶူဝ်း​တၢင်း​ၼုင်ႈ​တၢင်း​မႆ​မၼ်း​ၸဝ်ႈ​ၼၼ်ႉ​တဵမ်​ဝႆႉ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ ၼၼ်ႉ​ဢေႃႈ။-</verse>
				<verse number="2">တမၢၼ်ႇ​ၵၢင်​ႁၢဝ် သရပ်ႉ ဢွၼ်​ၵၼ်​ၸုၵ်း​ယူႇ​ၵႃႈ​တီႈ​ႁိမ်း​ႁွမ်း​မၼ်း​ၸဝ်ႈ​ဢေႃႈ။ ၶဝ်​ၼၼ်ႉ​ယေႈ​ပႃႈ​မီး​ပိၵ်ႇ​ႁူၵ်း​ဢၼ်​လႄႈ ဢဝ်​တင်း​ပိၵ်ႇ​သွင်​ဢၼ်​ႁူမ်ႇ​ၼႃႈ​ယူႇ၊ ဢဝ်​တင်း​ပိၵ်ႇ​သွင်​ဢၼ်​ႁူမ်ႇ​တိၼ်​ယူႇ၊ ဢဝ်​တင်း​ပိၵ်ႇ​သွင်​ဢၼ်​မိၼ်​ယူႇ​ဢေႃႈ။-</verse>
				<verse number="3">ၶဝ်​ၼၼ်ႉ​ပႃး​ၼိုင်ႈ ႁွင်ႉ​သႅၼ်ႇ​တီႈ​ပႃး​ၼိုင်ႈ လႄႈ မွၵ်ႇ​လၢတ်ႈ​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​မူတ်း​ၸၢင်ႇ​ဢေႃႈ။ မူတ်း​ၸၢင်ႇ​ဢေႃႈ။ မူတ်း​ၸၢင်ႇ​ဢေႃႈ။ ႁူၺ်ႇ​လိၼ်​မိူင်း​တဵမ်​ဝႆႉ​တင်း​မုၼ်​ၽုင်း​မၼ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">သဝ်​ၽၵ်း​တူ​တင်း​လၢႆ​သၼ်ႇ​ၶွၼ်း ၵွပ်ႈ​ပိူဝ်ႈ​သဵင်​ၵေႃႉ​ဢၼ်​ႁွင်ႉ​သႅၼ်ႇ​ၼၼ်ႉ​လႄႈ ႁိူၼ်း​ၸဝ်ႈ​တင်း​ႁိူၼ်း​တဵမ်​ဝႆႉ​တင်း​ၵႂၼ်း​ၽႆး ဢေႃႈ။-</verse>
				<verse number="5">မိူဝ်ႈ​ၼၼ်ႉ ၵဝ်​လၢတ်ႈ​လႄႈ​ဝႃႈ၊ ၵဝ်​ၼႆႉ​မီး​ဢႃႉ​မင်ႇၵလႃႇ​ဢေႃႈ။ ၵဝ်​မီး​တၢင်း​ဢၼ်​သုမ်း​ယဝ်ႉ။ လွင်ႈ​မၼ်း​ၸမ်ႉ ၵဝ်​ပဵၼ် ၵေႃႉ​ဢၼ်​မီး​သူပ်း​ဢၼ်​ၵူဝ်ႈ​ၵိူၵ်ႇ​လႄႈ ယူႇ​သဝ်း​ၵႃႈ​ၼႂ်း​ၵူၼ်း​မဵဝ်း ဢၼ်​မီး​သူပ်း​ဢၼ်​ၵူဝ်ႈ​ၵိူၵ်ႇ​ၼၼ်ႉ​ယူႇ​သေ​လႄႈ ဢဝ်​တင်း​မၢၵ်ႇ​တႃ​ၵဝ် လႆႈ​ႁၼ်​ၶုၼ်​ႁေႃ​ၶမ်း​ဢၼ်​ဝႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၼၼ်ႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ၼၼ်ႉ​တမၢၼ်ႇ​ၵၢင်​ႁၢဝ်​ သရပ်ႉ ​ပႃး​ၼိုင်ႈ ဢဝ်​မိုဝ်း​မၼ်း​ယိပ်း​ၵမ်​ဢဝ်​ထၢၼ်ႇ​ၽႆး​ထၢၼ်ႇ​ၼိုင်ႈ ဢၼ်​ဢဝ်​တင်း​ၵိမ်း​ၵိပ်ႈ​ဢဝ်​ၵႃႈ​ၼိူဝ် ယိတ်ႈပလၢင်ႇ​ယူႇ​သေ​လႄႈ မိၼ်​မႃး​ၸူး​ၵႃႈ​တီႈ​ဢၼ်​ၵဝ်​မီး​လႄႈ၊-</verse>
				<verse number="7">ဢဝ်​တမ်​သႂ်ႇ​သူပ်း​ၵဝ်​သေ​ယဝ်ႉ၊ လၢတ်ႈ​လႄႈ​ဝႃႈ၊ တူၺ်း​လူး၊ ဢၼ်​ၼႆႉ​တိူဝ်ႉ​ထုၵ်ႇ​သီႇ​သူပ်း​မႂ်း​ယဝ်ႉ။ တူႉ​ၸရိူၵ်ႈ​မႂ်း​လႆႈ​ၶၢမ်ႇ​တၢင်း​ဢၼ်​ၽဵဝ်ႈ​ပႅတ်ႈ​လႄႈ ဢပႅတ်ႈ​မႂ်း​ၵေႃႈ​လႆႈ​ၶၢမ်ႇ​တၢင်း​ဢၼ်​ပႄႇ​မူတ်း​ပႅတ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵဝ်​ငိၼ်း​သဵင်​ဢၼ် ထႃႇဝရႃႉ​ၽြႃး ထၢမ်​လႄႈ​ဝႃႈ၊ ၵဝ်​တၵ်း​လႆႈ​ပွႆႇ​ၸႂ်ႉ​ၽူႈ​လႂ်။ ၽူႈ​လႂ်​တၵ်း​ၵႂႃႇ​ပုၼ်ႈ​ႁဝ်း၊ ဝႃႈ​ၼင်ႇ​ၼႆ​သေ​ယဝ်ႉ၊ ၵဝ်​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​မီး​ယူႇ​တီႈ​ၶႃႈ​ဢေႃႈ။ ပွႆႇ​ၸႂ်ႉ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မၼ်း​ၸဝ်ႈ​ၵေႃႈ မီး​ဢမိင်ႉ​လႄႈ​ဝႃႈ၊ ၵႂႃႇ​လႄႈ​လၢတ်ႈ​တီႈ​ၵူၼ်း​မဵဝ်း​ၼၼ်ႉ​လႄႈ​ဝႃႈ၊ သူ​ငိၼ်း​ယူႇ​သေ​ၵေႃႈ တၵ်း​ငိၼ်း​တၢင်း​ဢမ်ႇ​ႁူႉ​ဢမ်ႇ​ၸႅင်ႈ​ဢေႃႈ။ ႁၼ်​ယူႇ​သေ​ၵေႃႈ၊ တၵ်း​ႁၼ်​တၢင်း​ဢမ်ႇ​မၢတ်ႈ​ဢမ်ႇ​တွင်း​ဝႆႉ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="10">ၵွပ်ႈ​ပိူဝ်ႈ​ဢၼ် ၵူဝ်​မၢၵ်ႇ​တႃ​ၶဝ်​တၵ်း​ႁၼ်၊ ႁူ​ၶဝ်​တၵ်း​ငိၼ်း၊ ႁူဝ်​ၸႂ်​ၶဝ်​တၵ်း​ႁူႉ​ၸႅင်ႈ၊ တၢင်း​ၵမ်​တၢင်း​ၵျၢင်ႉ​ၶဝ်​တၵ်း​ၶၢႆႉ​ပုတ်ႈ၊ ၵဝ်​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ႁၢႆ​ၼၼ်ႉ​လႄႈ ႁႂ်ႈ​ႁူဝ်​ၸႂ်​ၶဝ်​ၼၵ်း​ၼႃ​တႃႉ။ ႁူ​ၶဝ်​ၵေႃႈ​ႁႂ်ႈ​ၼၵ်း​တႃႉ။ မၢၵ်ႇ​တႃ​ၶဝ်​ၵေႃႈ​ႁႂ်ႈ​ဢိုတ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၵဝ်​ၶိုၼ်း​လဝ်ႊ​ထၢမ်​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ တၵ်း​ႁိုင်​ၵႃႈ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ တေႃႇ​ထိုင်​ႁွတ်ႈ​ထၼ်ႈ​ပေႃး ဝဵင်း​တင်း​လၢႆ​ဢမ်ႇ​မီး​ၵေႃႉ​ဢၼ်​ယူႇ​ဢၼ်​သဝ်း၊ ႁိူၼ်း​တင်း​လၢႆ​ဢမ်ႇ​မီး​ၽူႈ​မီး​ၵူၼ်း​လႄႈ ႁွတ်ႈ​ထိုင်​တၢင်း​လူႉ​တၢင်း​လႅဝ်​သေ​လႄႈ မိူင်း​တင်း​မိူင်း​ပဵၼ်​ဢၼ်​သဵတ်ႇ​ယဵၼ်​ဝႆႉ​ၵူၺ်း​ၵူၺ်း​ၼၼ်ႉ၊-</verse>
				<verse number="12">ဢိၵ်ႇ​တင်း​တေႃႇ​ထိုင်​ႁွတ်ႈ ထႃႇဝရႃႉ​ၽြႃး ဢဝ်​ၵူၼ်း​တင်း​လၢႆ​ၵႂႃႇ​ၵႃႈ​တီႈ​ဢၼ်​ၵႆ​ၼၼ်ႉ​လႄႈ တီႈ​ဢၼ်​ၸုၼ်ႉ​ပႅတ်ႈ​မီး​ၼမ်​ၼႃႇ ၵႃႈ​ၼႂ်း​မိူင်း​ၸဝ်ႈ​ၼၼ်ႉ​ဢေႃႈ။-</verse>
				<verse number="13">ပိၵ်ႉ​သမ်ႉ​သိပ်း​ပုၼ်ႈ​ယင်း​ၵိုတ်း​ယင်း​ၵျၢၼ်ႇ​ဝႆႉ​ပုၼ်ႈ​ၼိုင်ႈ သေ​ၵေႃႈ ဢၼ်​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ် ယႃႉ​ၽဵဝ်ႈ​ပႅတ်ႈ​ၶိူဝ်း​ၶိူဝ်း​ယႂ်း​ယႂ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၸိူဝ်ႉ​ၼင်ႇ​ဢၼ်​ၽၼ်း​တူၼ်ႈ​မႆႉ​ပႅၵ်ႇ​တင်း​တူၼ်ႈ​မႆႉ​ၼိမ်​လူမ်ႉ​ပႅတ်ႈ​သေ​လႄႈ တေႃ​မၼ်း ၵိုတ်း​ၵျၢၼ်ႇ​ဝႆႉ​ယူႇ​ၼၼ်ႉ၊ ၸိူဝ်ႉ​ၶိူဝ်း​ဢၼ်​မူတ်း​ၸၢင်ႇ​ၼၼ်ႉ တၵ်း​ပဵၼ်​တေႃ​ဢၼ်​ၵိုတ်း​ၵျၢၼ်ႇ​ဝႆႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="7">
				<verse number="1">ၼႂ်း​ၸူဝ်ႈ​ပၢၼ်​ၶုၼ်​ ဢႃႇၶတ်ႉ လုၵ်ႈ​ၸၢႆး​ ယူဝ်းထမ်ႇ ဢၼ်​ပဵၼ်​လုၵ်ႈ​ၸၢႆး ဢူဝ်းၸီႉယႃႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ၊ ရေႇၸိၼ်း ၶုၼ်​ႁေႃ​ၶမ်း​ သူႉရီႉ ၊ ၶုၼ်​ ပေႇၵႃႇ လုၵ်ႈ​ၸၢႆး​ၶုၼ်​ ရေႇမလီႉ ၶုၼ်​ႁေႃ​ၶမ်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ၶီႇ​သိုၵ်း​မႃး ႁႂ်ႈ​လႆႈ​တိုၵ်း​တေႃး ဝဵင်း​ ယေႇရူႉသလႅမ်ႇ ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တၢင်း​ၵျၢမ်ႇ​တၢင်း​ပွင်​ၶဝ်​ဢမ်ႇ​ပဵၼ်​လႆႈ။-</verse>
				<verse number="2">ပိူၼ်ႈ​လၢတ်ႈ​တီႈ​မဵဝ်း​ၸိူဝ်ႉ​ၶိူဝ်း​ တႃႇဝိတ်ႈ ​လႄႈ​ဝႃႈ၊ မိူင်း​ သူႉရီႉ ​ဢိင်​ပိုင်ႈ​မိူင်း​ ဢေႇၽရိမ်ႇ ​ယူႇ​ဢေႃႈ၊ ဝႃႈ​ၼင်ႇ​ၼႆ​လႄႈ ႁူဝ်​ၸႂ်​ၶုၼ်​လူင် ဢိၵ်ႇ​တင်း​ႁူဝ်​ၸႂ်​ၵူၼ်း​ဝၢၼ်ႈ​ၵူၼ်း​မိူင်း​မၼ်း​တင်း​လၢႆ မီး​တၢင်း​ဢၼ်​သၼ်ႇ​ဝႆ​ယူႇ မိူၼ်​ၸိူဝ်ႉ​ၼင်ႇ​ဢၼ် တူၼ်ႈ​မႆႉ ၵႃႈ​ၼႂ်း​ထိူၼ်ႇ​တင်း​လၢႆ​သၼ်ႇ​ဝႆ​ယူႇ ၵွပ်ႈ​ပိူဝ်ႈ​လူမ်း​ၼၼ်ႉ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ထႃႇဝရႃႉ​ၽြႃး မီး​ဢမိင်ႉ​ဝႆႉ​တီႈ​ ဢီႉသႃႇယႃႉ ​ၸမ်ႉ၊ မႂ်း​ဢိၵ်ႇ​လူၺ်ႈ​ၵၼ်​တင်း​လုၵ်ႈ​ၸၢႆး​မႂ်း သႃႇၽႃႇသုပ်ႉ ​ၼၼ်ႉ ဢွၼ်​ၵၼ်​ၵႂႃႇ​လႄႈ ႁပ်ႉ​ႁူဝ်​တၢင်း​ၶုၼ်​ ဢႃႇၶတ်ႉ ၵႃႈ​တီႈ​ပၢၵ်ႇ​တေႃႈ​ၼမ်ႉ​ၼွင် လုၵ်ႉ​ၵႃႈ​ၼိူဝ်​ၵႃႈ​တီႈ​သဵၼ်ႈ​တၢင်း​ၵႂၢၵ်ႈ​လိၼ်​ၵူၼ်း​သၵ်ႉ​ၶူဝ်း ၼၼ်ႉ​လႄႈ တၵ်း​လႆႈ​သင်ႇ​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="4">ႁဵတ်း​သတီႉ​လႄႈ ယူႇ​ၼိမ်​ၼိမ်​လီ​လီ​တႃႉ။ ယႃႇ​ပေ​မႆႈ​ၸႂ်။ ယႃႇ​ပေ​ၸႂ်​လူႉ​ၵွပ်ႈ​ပိူဝ်ႈ​ပွတ်း​လိုၼ်ႈ​ၽိုၼ်း​သွင်​လိုၼ်ႈ ဢၼ်​ၵႂၼ်း​ၽႆး​ဢွၵ်ႇ​ယူႇ​ဢၼ်​ဝႃႈ တၢင်း​ဢၼ်​ ရေႇၸိၼ်း ၶုၼ်​ သူႉရီႉ ​ဢိၵ်ႇ​တင်း​လုၵ်ႈ​ၸၢႆး​ ရေႇမလီႉ ​ၸိူဝ်း​ၼၼ်ႉ ၸႂ်​မႆႈ​ၶႆႈ​ၸႃႉ ႁႅင်း​ယႂ်ႇ​ၼႃႇ​လူင်​လၢင်​ၼၼ်ႉ။-</verse>
				<verse number="5">ပိၵ်ႉ​သမ်ႉ​မိူင်း​ သူႉရီႉ ၊ မိူင်း​ ဢေႇၽရိမ်ႇ ​ဢိၵ်ႇ​တင်း လုၵ်ႈ​ၸၢႆး​ ရေႇမလီႉ ​ၼၼ်ႉ ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ဢမ်ႇ​ငၢမ်း​ယူႇ​ၽၢႆႇ​ၼိုင်ႈ တင်း​မႂ်း​လႄႈ လၢတ်ႈ​လႄႈ​ဝႃႈ၊-</verse>
				<verse number="6">ဢွၼ်​ၵၼ်​ၶီႇ​ၵႂႃႇ​ၸူး ၵႃႈ​တီႈ​မိူင်း​ ယူႉတႃႉ ​လႄႈ ယႃႉ​ယူၵ်ႉ​မၼ်း​တႃႉ​ႁဝ်း။ ဢွၼ်​ၵၼ်​ၶုတ်း​မူင်ႇ​လမ်း​ဝဵင်း​ၶဝ်ႈ​ၵႂႃႇ​လႄႈ ဢဝ်​လုၵ်ႈ​ၸၢႆး တပႄႇလႃႉ ​ၶၢၼ်း​ဝႆႉ​ၼႂ်း​ဢရႃႇ​ၶုၼ်​ႁေႃ​ၶမ်း ၵႃႈ​ၼႂ်း​မၼ်း​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="7">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ တၢင်း​ၵျၢမ်ႇ​တၢင်း​ပွင်​ၼၼ်ႉ​ဢမ်ႇ​လႆႈ​တႄႇ၊ ဢမ်ႇ​လႆႈ​ပဵၼ်​ၸိူဝ်ႉ​ၼင်ႇ​ၼၼ်။-</verse>
				<verse number="8">ႁူဝ်​မိူင်း​ သူႉရီႉ ​ၸမ်ႉ၊ လႆႈ​ပဵၼ်​ဝဵင်း​ ထမ်ႇမသႅတ်ႉ ၊ ႁူဝ်​ဝဵင်း​ ထမ်ႇမသႅတ်ႉ ​ၸမ်ႉ၊ လႆႈ​ပဵၼ်​ၶုၼ်​ ရေႇၸိၼ်း ​ဢေႃႈ။ ၵူၺ်း​ၵႃႈ ၼႂ်း​ၸူဝ်ႈ ႁူၵ်း​သိပ်း​ပၢႆ​ႁႃႈ​ပီႊ​ၼၼ်ႉ၊ မိူင်း​ ဢေႇၽရိမ်ႇ ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ႁၵ်း​ႁဵၵ်း​လူႉ​လႅဝ်​လႄႈ ဢမ်ႇ​ပဵၼ်​ဝၢၼ်ႈ​ပဵၼ်​မိူင်း။-</verse>
				<verse number="9">ႁူဝ်​ ဢေႇၽရိမ်ႇ ​ၸမ်ႉ၊ လႆႈ​ပဵၼ်​ဝဵင်း​ သမႃႇရီႉ ၊ ႁူဝ်​ဝဵင်း​ သမႃႇရီႉ ​ၸမ်ႉ၊ လႆႈ​ပဵၼ်​လုၵ်ႈ​ၸၢႆး​ ရေႇမလီႉ ​ဢေႃႈ။ ပေႃး​သူ​ဢမ်ႇ​ယုမ်ႇ​ၸိုင် သူ​ဢမ်ႇ​လႆႈ​တႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ထႃႇဝရႃႉ​ၽြႃး သမ်ႉ​ၶိုၼ်း​မီး​ဢမိင်ႉ​တီႈ​ၶုၼ်​ ဢႃႇၶတ်ႉ ​လႄႈ​ဝႃႈ၊-</verse>
				<verse number="11">တွင်း​ပၢၼ်ႇ​ယွၼ်း​ဢဝ်​ၼီႉမိၵ်ႈ​လၢၵ်ႈၶၼႃႇ​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တႃႉ။ ပဵၼ်​ၵႃႈ​တီႈ​ဢၼ်​လိုၵ်ႉ​ဢၼ်​လမ်ႇ​သေ​ဢမ်ႇ​ဝႃႈ၊ ပဵၼ်​ၵႃႈ​တီႈ​ဢၼ်​ၵႃႈ​ၼိူဝ်​ဢၼ်​သုင်​သေ​ဢမ်ႇ​ဝႃႈ၊ တွင်း​ပၢၼ်ႇ​ယွၼ်း​ဢဝ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">ၶုၼ်​ ဢႃႇၶတ်ႉ ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ဢမ်ႇ​တွင်း​ပၢၼ်ႇ​ယွၼ်း​ဢဝ်​တီႈ​ၶႃႈ၊ ၶႃႈ​ၸဝ်ႈ​ဢမ်ႇ​ၸၢမ်း​တူၺ်း​ထႃႇဝရႃႉ​ၽြႃး တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မိူဝ်ႈ​ၼၼ်ႉ​ ဢီႉသႃႇယႃႉ ​ႁေႃး​လၢတ်ႈ​လႄႈ​ဝႃႈ၊ ၵူၼ်း​မဵဝ်း​ၸိူဝ်ႉ​ၶိူဝ်း​ တႃႇဝိတ်ႈ ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ သူ​ၼႆႉ​ႁႂ်ႈ​ၵူၼ်း​ၸၢၼ်ႈ ၵူၺ်း​ဢမ်ႇ​ၵႃး၊ တၵ်း​ႁႂ်ႈ​ၽြႃး​ပဵၼ်​ၸဝ်ႈ​ၵဝ်​ၼၼ်ႉ​ၸၢၼ်ႈ​ႁိုဝ်။-</verse>
				<verse number="14">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​ၼၼ်ႉ​တူဝ်​မၼ်း​ၸဝ်ႈ တၵ်း​ပၼ်​ၼီႉမိၵ်ႈ​လၢၵ်ႈၶၼႃႇ​တီႈ​သူ​ဢေႃႈ။ တူၺ်း​လူး၊ ၵၼ်ႇ​ၺႃႇ​လုၵ်ႈ​ယိင်း​သၢဝ် တၵ်း​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။ လုၵ်ႈ​ၸၢႆး​ၼၼ်ႉ​ၸိုင် တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ ဢေႇမႃႇၼူၺ်ႇလႃႉ ​ဢေႃႈ။-</verse>
				<verse number="15">မၼ်း​ၼၼ်ႉ​တၵ်း​လႆႈ​ၵိၼ်​ၼမ်ႉ​ၼူမ်း​ၵၢမ်ႈ တင်း​ၼမ်ႉ​ၽိုင်ႈ​တေႃႇ​ထိုင်​ႁွတ်ႈ​မၼ်း​ႁူႉ​လွင်ႈ​ဢၼ် ထုၵ်ႇ​လီ​ပႄႇ​ပႅတ်ႈ လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​လႄႈ ထုၵ်ႇ​လီ​လိူၵ်ႈ​ၵဵပ်း​ဢဝ် လွင်ႈ​တၢင်း​ဢၼ်​လီ​ဢၼ်​ငၢမ်း​ၼၼ်ႉ​ဢေႃႈ။-</verse>
				<verse number="16">ၸူဝ်ႈ​ဢၼ်​လုၵ်ႈ​ဢွၼ်ႇ​ၼၼ်ႉ ဢမ်ႇ​ပႆႇ​ႁူႉ​လွင်ႈ​ဢၼ် ထုၵ်ႇ​လီ​ပႄႇ​ပႅတ်ႈ လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​လႄႈ ထုၵ်ႇ​လီ​လိူၵ်ႈ​ၵဵပ်း​ဢဝ် လွင်ႈ​တၢင်း​ဢၼ်​လီ​ဢၼ်​ငၢမ်း​ၼၼ်ႉ​ၸိုင်၊ မိူင်း​ဢၼ်​ၶုၼ်​ႁေႃ​ၶမ်း​ဢၼ်​မႂ်း​ၵူဝ်​ႁႄ သွင်​ပႃး​ၼၼ်ႉ ဢုပ်ႉ​ပိူင်ႇ​ၼၼ်ႉ တၵ်း​ပဵၼ် တီႈ​ဢၼ်​ၸုၼ်ႉ​ပႅတ်ႈ​ဢေႃႈ။-</verse>
				<verse number="17">ထႃႇဝရႃႉ​ၽြႃး တၵ်း​ႁႂ်ႈ​မိုဝ်ႉ​ဝၼ်း​ၶိင်ႇ​ၵႃႇလႃႉ ဢၼ်​ဢမ်ႇ​တွၼ်ႉ​ပဵၼ်​ၸႃႉ​ၸဵမ်​မိုဝ်ႉ​ဝၼ်း ဢၼ်​မဵဝ်း​ ဢေႇၽရိမ်ႇ ၽၢတ်ႇ​ယၢၼ်​ၵၼ် တင်း​မဵဝ်း​ ယူႉတႃႉ ​ၵႂႃႇ​ၼၼ်ႉ ဢၼ်​ဝႃႈ ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မႂ်း၊ ၵူၼ်း​မဵဝ်း​မႂ်း​တင်း​လၢႆ ဢိၵ်ႇ​တင်း ၸိူဝ်ႉ​ၶိူဝ်း​ပေႃႈ​မႂ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="18">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ထႃႇဝရႃႉ​ၽြႃး တၵ်း​ႁဵတ်း​သီႉ​သီႉ​သေႃႉ​သေႃႉ ႁွင်ႉ​ဢဝ်​မႅင်း​မူၼ်း​ဢၼ်​မီး​ၵႃႈ​တီႈ ၸႃႉ​ၸဵမ်​ႁူဝ်​သုတ်း​ၼမ်ႉ​ႁွင်ႈ ဢေႇၵိပ်ႉတူႉ ​ၼၼ်ႉ ဢိၵ်ႇ​တင်း​ၵႃႈ​တီႈ​မႄႈ​ၽိုင်ႈ၊ ဢၼ်​မီး​ၵႃႈ​တီႈ​မိူင်း​ ဢႃႇသူႉရီႉ ​ၼၼ်ႉ​လႄႈ၊-</verse>
				<verse number="19">ၶဝ်​ၼၼ်ႉ​တၵ်း​ဢွၼ်​ၵၼ်​မႃး​လႄႈ တင်း​သဵင်ႈ​တင်း​လူင်​တၵ်း​ဢွၼ်​ၵၼ်​ၸပ်း​ယူႇ ၵႃႈ​ၼႂ်း​ၶူင်ႈ​ႁူၺ်ႈ ဢၼ်​သဵတ်ႇ​ၵူၼ်း​ယဵၼ်​ၵူၼ်း ၵႃႈ​ၼႂ်း​ၶူင်ႈ​ၼႂ်း​ႁူး​မၢၵ်ႇ​ႁိၼ်​မၢၵ်ႇ​ၽႃ၊ ၵႃႈ​ၼိူဝ်​တူၼ်ႈ​ၼၢမ်​ယုမ်း​ၼၢမ် ၵႃႈ​တီႈ​ဢၼ်​ယၢမ်ႈ​ၵိၼ်​ယူႇ​ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။-</verse>
				<verse number="20">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ထႃႇဝရႃႉ​ၽြႃး တၵ်း​ဢဝ် မိတ်ႈ​ႁူၼ် ဢၼ်​ယိမ်​ဢဝ်​ဢၼ်​ဝႃႈ ၵေႃႉ​ဢၼ်​ယူႇ​ၽၢႆႇ​ပုၼ်ႉ ၼမ်ႉ​ႁွင်ႈ​လူင် ဢၼ်​ဝႃႈ​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ ထႃ​ၶူၼ်​ႁူဝ် ဢိၵ်ႇ​တင်း​ၶူၼ်​တိၼ်​ဢေႃႈ။ ၼူတ်ႇ​ၵၢင်း​ၵေႃႈ မၼ်း​တၵ်း​ပႄႇ​ၽဵဝ်ႈ​ပႅတ်ႈ​ဢေႃႈ။-</verse>
				<verse number="21">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ၵူၼ်း​ၵေႃႉ​ၼိုင်ႈ တၵ်း​လဵင်ႉ​ဝူဝ်း​မႄႈ​ဢွၼ်ႇ​တူဝ်​ၼိုင်ႈ သူဝ်း​သွင်​တူဝ်​လႄႈ၊-</verse>
				<verse number="22">လႆႈ​ၼမ်ႉ​ၼူမ်း​ၼမ်​ၼႃႇ တီႈ​ၶဝ်​သေ​ယဝ်ႉ၊ တၵ်း​ၵိၼ်​ၼမ်ႉ​ၼူမ်း​ၵၢမ်ႈ​ဢေႃႈ။ ၵူၼ်း​ၵႃႈ​ဢၼ်​ၵိုတ်း​ဢၼ်​ၵျၢၼ်ႇ​ၵႃႈ​ၼႂ်း​မိူင်း​ၼၼ်ႉ တၵ်း​ၵိၼ်​ၼမ်ႉ​မၼ်း​ၵၢမ်ႈ ဢိၵ်ႇ​တင်း​ၼမ်ႉ​ၽိုင်ႈ​ဢေႃႈ။-</verse>
				<verse number="23">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ သူၼ်​ဢူးယဵၼ်ႇ​ဢၼ်​မီး​တူၼ်ႈ​ၶိူဝ်း​မၢၵ်ႇ​ၸပိတ်ႈ​ႁဵင်​ၼိုင်ႈ လႄႈ ထိူၵ်ႈ​ၵႃႈ​ထိူၵ်ႈ​ၶၼ်​ငိုၼ်း ႁဵင်​ၼိုင်ႈ​ၼၼ်ႉ တၵ်း​လႆႈ​ပဵၼ်​မဵဝ်း​တူၼ်ႈ​ၼၢမ်​ၵူၺ်း​ၵူၺ်း​ၵႂႃႇ ၵူႈ​သူၼ်​ဢေႃႈ။-</verse>
				<verse number="24">ၵူၼ်း​တၵ်း​လႆႈ ပႃး​ဢဝ်​ၵၢင်ႇ​တင်း​ပိုၼ်​သေ​လႄႈ ၵႂႃႇ​ၵႃႈ​တီႈ​ၼၼ်ႈ​ၵွပ်ႈ​ပိူဝ်ႈ​ဢၼ်​ၼႃႈ​လိၼ်​တင်း​သဵင်ႈ​တင်း​မူတ်း လႆႈ​ပဵၼ် မဵဝ်း​တူၼ်ႈ​ၼၢမ်​ၵူၺ်း​ၵူၺ်း​ၵႂႃႇ​ၼၼ်ႉ​ဢေႃႈ။-</verse>
				<verse number="25">ၵုင်း​ဢၼ်​ပဵၼ်​တီႈ​ဢၼ်​သဵမ်​ဝဵၵ်ႉ​ၵႃႈ​မီး​ၼၼ်ႉ​ၸမ်ႉ၊ ၽူႈ​လႂ်​ဢမ်ႇ​ႁတ်း​ၵႂႃႇ​ၵႂ်ႈ​ၵႂႃႇ​ၵၢႆ ၵွပ်ႈ​ပိူဝ်ႈ​မဵဝ်း​တူၼ်ႈ​ၼၢမ်​လႄႈ၊ တၵ်း​လႆႈ​ပဵၼ်​တီႈ​ဢၼ် ပွႆႇ​ဝူဝ်း​ၵိၼ်၊ တီႈ​ဢၼ်​သူဝ်း ပႄႉ​တင်း​လၢႆ ယဵပ်ႇ​ၶၢမ်ႈ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="8">
				<verse number="1">ထႃႇဝရႃႉ​ၽြႃး သမ်ႉ​မီး​ဢမိင်ႉ​တီႈ​ၵဝ်​လႄႈ​ဝႃႈ၊ မႂ်း​ဢဝ်​သၢင်ႇ​ပုၼ်း​မၢၵ်ႇ​ႁိၼ် ဢၼ်​ယႂ်ႇ​ၼႃႇ​လႄႈ ဢဝ်​တင်း​တူဝ်​လိၵ်ႈ​ၽႃႇသႃႇ ၵူၼ်း​တႅမ်ႈ ဢၼ်​ဝႃႈ မႁေႇရႃႉ သႃႇလလႃႉ ႁႃႇသပတ်ႉ ​ၼၼ်ႉ​ဝႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">မိူဝ်ႈ​ၼၼ်ႉ ၵဝ်​ႁွင်ႉ​ဢဝ်​သၢၵ်ႈ​သေႇ ဢၼ်​ပေႃး​လီ​ယုမ်ႇ ဢၼ်​ဝႃႈ​ယိတ်ႈပရေႃးႁဵၵ်ႈ ဢူႉရီႉယႃႉ တင်း​ ၸႃႇၶရီႉ လုၵ်ႈ​ၸၢႆး​ ယေႇပရၶီႉ ​ၸိူဝ်း​ၼၼ်ႉ ႁႂ်ႈ​ပဵၼ်​သၢၵ်ႈ​သေႇ​ဝႆႉ​ဢေႃႈ။-</verse>
				<verse number="3">လိုၼ်း​ၼၼ်ႉ ၵဝ်​သုတ်ႉ​ၸပ်း​သုတ်ႉ​ၸူး တီႈ​ၼၢင်း ဢၼ်​ပဵၼ် ပရေႃးၽႅတ်ႈ​လႄႈ မၼ်း​ၼၼ်ႉ​ပႃး​ပတိၵ်ႉသၼ်ႇထေႇ​သေ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။ ထႃႇဝရႃႉ​ၽြႃး ၵေႃႈ​မီး​ဢမိင်ႉ​တီႈ​ၵဝ်​လႄႈ​ဝႃႈ၊ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ မႁေႇရႃႉ သႃႇလလႃႉ ႁႃႇသပတ်ႉ တႃႉ။-</verse>
				<verse number="4">လွင်ႈ​မၼ်း​ၸမ်ႉ ၸူဝ်ႈ​ဢၼ်​လုၵ်ႈ​ဢွၼ်ႇ​ၼၼ်ႉ ဢမ်ႇ​ပႆႇ​ၸၢင်ႈ​ႁွင်ႉ​ပေႃႈ​ၵဝ်​ဢိူၺ်း၊ မႄႈ​ၵဝ်​ဢိူၺ်း၊ ဝႃႈ​ၼင်ႇ​ၼႆ​ၼၼ်ႉ​ၸိုင် ၶုၼ်​ႁေႃ​ၶမ်း ဢႃႇသူႉရီႉ တၵ်း​သိမ်း​ဢဝ် ၸေး​ၸိမ်ႇ​ဝဵင်း​ ထမ်ႇမသႅတ်ႉ ဢိၵ်ႇ​တင်း ဢုၵ်ႉ​ၸႃႇ​ဢၼ်​ႁိမ်​ႁူင်ႇ​လႆႈ ၵႃႈ​တီႈ​ဝဵင်း​ သမႃႇရီႉ ​ၼၼ်ႉ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ထႃႇဝရႃႉ​ၽြႃး သမ်ႉ​မီး​ဢမိင်ႉ​တီႈ​ၵဝ်​လႄႈ​ဝႃႈ။-</verse>
				<verse number="6">ၵွပ်ႈ​ပိူဝ်ႈ​ဢၼ်​ၵူၼ်း​တင်း​လၢႆ​ၸိူဝ်း​ၼႆႉ တွပ်ႇ​ထဵင်​ပႄႇ​ပႅတ်ႈ ၼမ်ႉ​ႁွင်ႈ​ သီႉလွင်ႇ ဢၼ်​လႆ​ၵႂႃႇ​ထိုင်​လွႆ ၼိမ်​လီ​ၼၼ်ႉ​သေ​လႄႈ ၸူမ်း​သိူဝ်း​လူၺ်ႈ ရေႇၸိၼ်း ဢိၵ်ႇ​တင်း​လုၵ်ႈ​ၸၢႆး ရေႇမလီႉ ​ၼၼ်ႉ​လႄႈ၊-</verse>
				<verse number="7">ထႃႇဝရႃႉ​ၽြႃး တၵ်း​ဢဝ်​ၼမ်ႉ​ႁွင်ႈ​လူင် ဢၼ်​ႁႅင်း​ယႂ်ႇ​လႄႈ​ၼမ်​ၼႃႇ ဢၼ်​ဝႃႈ ၶုၼ်​ႁေႃ​ၶမ်း​ ဢႃႇသူႉရီႉ ဢၼ်​ပႃး​ဢဝ်​မုၼ်​ၽုင်း မၼ်း​တင်း​သဵင်ႈ​တင်း​လူင်​မႃး​ၼၼ်ႉ ထူမ်ႈ​ႁူမ်ႇ​ၶဝ်​လႄႈ၊ မၼ်း​ၼၼ်ႉ တၵ်း​ထူမ်ႈ​ႁူမ်ႇ​ႁွင်ႈ​မၼ်း​ယူႇ၊ လူၼ်ႉ​ၽင်ႇ​လူၼ်ႉ​ႁိမ်း​မၼ်း​ယူႇ​သေ​လႄႈ၊-</verse>
				<verse number="8">ၼွင်း​ၽႅဝ်​ႁွတ်ႈ​မိူင်း​ ယူႉတႃႉ ​လႄႈ ႁူမ်ႇ​ထူမ်ႈ​ၸွတ်ႇ​တူဝ်ႈ​ၵႂႃႇ​သေ​လႄႈ ၶိုတ်း​ထိုင်​ၵႃႈ​တီႈ​ၶေႃး​ဢေႃႈ။ တၢင်း​ဢၼ်​မၼ်း​ၵီႈ​ပိၵ်ႇ မၼ်း​ၼၼ်ႉ တၵ်း​မုင်း​ႁူမ်ႇ​ၼႃႈ​လိၼ်​ၸဝ်ႈ​ႁဝ်း တင်း​သဵင်ႈ​တင်း​မူတ်း​တီႈ​ၶႃႈ​ဢေႃႈ။ ဢေႇမႃႇၼူၺ်ႇလႃႉ ​တီႈ​ၶႃႈ​ဢိူၺ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၵူၼ်း​မဵဝ်း​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ႁဵတ်း​သဵင်​ယႂ်ႇ​သဵင်​လူင်​သေ​လႄႈ ၶၢမ်ႇ​တၢင်း​ဢၼ်​ႁၵ်း​ႁဵၵ်း​လူႉ​လႅဝ်​တႃႉ။ သူ​ၸိူဝ်း​ဢၼ်​ယူႇ ၵႃႈ​တီႈ​မိူင်း​ဢၼ်​ၵႆ​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ဝၢႆႇ​ႁူ​ႁေႈ​ႁူ​ၸူး​တႃႉ။ ဢွၼ်​ၵၼ်​ႁတ်ႉ​ဢႅဝ်​သူ​သေ​လႄႈ ၶၢမ်ႇ​တၢင်း​ဢၼ်​ႁၵ်း​ႁဵၵ်း​လူႉ​လႅဝ်​တႃႉ။ ဢွၼ်​ၵၼ်​ႁတ်ႉ​ဢႅဝ်​သူ​သေ​လႄႈ ၶၢမ်ႇ​တၢင်း​ဢၼ်​ႁၵ်း​ႁဵၵ်း​လူႉ​လႅဝ်​တႃႉ။-</verse>
				<verse number="10">တိူင်ႇ​ပၢင်ႇ​လၢတ်ႈ​ၸႃ​ၵၼ်​တႃႉ။ တၢင်း​ၵျၢမ်ႇ​တၢင်း​ပွင်​သူ​တၵ်း​လူႉ​ဢေႃႈ။ ဢွၼ်​ၵၼ်​လၢတ်ႈ​ထွႆႈ​လၢတ်ႈ​ၵႂၢမ်း​တႃႉ။ တၵ်း​ဢမ်ႇ​လႆႈ​တႄႇ လႆႈ​ပဵၼ်။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ မီး​ယူႇ​လူၺ်ႈ​ၵၼ်​တင်း​ႁဝ်း​ဢေႃႈ။</verse>
				<verse number="11">ထႃႇဝရႃႉ​ၽြႃး ဢဝ်​တင်း​မိုဝ်း​ဢၼ်​ႁႅင်း​ယႂ်ႇ​ၼႃႇ သင်ႇ​သွၼ်​ပၼ်​ၵဝ်​လႄႈ မီး​ဢမိင်ႉ​တီႈ​ၵဝ် ႁႂ်ႈ​ၵဝ်​ဢမ်ႇ​လႆႈ​ၸွမ်း​ၽႃႇသႃႇ သဵၼ်ႈ​တၢင်း ၵူၼ်း​မဵဝ်း​ၼႆႉ​လႄႈ​ဝႃႈ​ၸမ်ႉ၊-</verse>
				<verse number="12">သူ​ယႃႇ​ပေ​ႁွင်ႉ​ဝႃႈ တၢင်း​ဢၼ်​ႁဵတ်း​မုၵ်ႉ​ႁဵတ်း​ၸိူဝ်း ၸွမ်း​ၵႃႈ​ၼင်ႇ​ဢၼ်​ၵူၼ်း​မဵဝ်း​ၼႆႉ​ႁွင်ႉ​ဝႃႈ၊ တၢင်း​ဢၼ်​ႁဵတ်း​မုၵ်ႉ​ႁဵတ်း​ၸိူဝ်း၊ ဝႃႈ​ၼင်ႇ​ၼႆ​ၼၼ်ႉ။ ယႃႇ​ပေ​ၵူဝ်​ပေ​ႁႄ​လွင်ႈ​တၢင်း​ဢၼ်​ၶဝ် ၸၢင်ႈ​ၵူဝ်​ၸၢင်ႈ​ႁႄ​ၼၼ်ႉ။ ယႃႇ​ပေ​တူၵ်း​ၸႂ်​လႂ်​တိုၼ်ႇ။-</verse>
				<verse number="13">ဢွၼ်​ၵၼ်​မီး​တၢင်း​ဢၼ်​ရူဝ်ႇ​သေႇ​ၵူဝ်​ယမ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​တႃႉ။ ႁႂ်ႈ​မၼ်း​ၸဝ်ႈ​ပဵၼ်​တီႈ​ဢၼ်​သူ​ၵူဝ်​သူ​ႁႄ၊ တီႈ​ဢၼ်​သူ​တူၵ်း​ၸႂ်​လႂ်​တိုၼ်ႇ​တႃႉ။-</verse>
				<verse number="14">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မၼ်း​ၸဝ်ႈ​တၵ်း​ပဵၼ်​ထႃႇၼႃႉ​တီႈ​ဢၼ်​သွၼ်ႈ​ပိုင်ႈ​ဢေႃႈ။ ၵူၺ်း​ၵႃႈ​မၼ်း​ၸဝ်ႈ တၵ်း​ပဵၼ်​မၢၵ်ႇ​ႁိၼ် ဢၼ်​တၵ်း​တိူဝ်ႉ​မႅၼ်ႈ​လႄႈ​လူမ်ႉ တင်း​မၢၵ်ႇ​ႁိၼ်​ဢၼ်​တၵ်း​ၽိတ်း​ပိူင်ႈ​ၼၼ်ႉ တီႈ​ၵူၼ်း​ ဢီႉသရေႇလႃႉ ​သွင်​မဵဝ်း ဢိၵ်ႇ​တင်း​တူင်ႇ​ႁႅဝ်ႉ​တင်း​ႁၢဝ်း​ၵၢင်ႇ​တီႈ​ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​ဢေႃႈ။-</verse>
				<verse number="15">ၵူၼ်း​ၼမ်​ၼႃႇ​တၵ်း​ႁွတ်ႈ​ထိုင် တၢင်း​ဢၼ်​တိူဝ်ႉ​မႅၼ်ႈ​လႄႈ​လူမ်ႉ​ႁၵ်း​ႁဵၵ်း​လူႉ​လႅဝ်၊ တၢင်း​ဢၼ်​ထုၵ်ႇ​ၶဵၼ်း​မႅၼ်ႈ​လႄႈ​တီႉ​ၵမ်​လႆႈ​ဢေႃႈ။</verse>
				<verse number="16">ပူၵ်ႉ​ႁေႃႇ​လွင်ႈ​တၢင်း​ဢၼ်​ၶၢမ်ႇ​သၢၵ်ႈ​သေႇ​ၼႆႉ​ဝႆႉ​လႄႈ ဢဝ်​ပိင်း​ၺၢပ်ႈ​တြႃး​တွၵ်ႇ​တၼ်း​သိၵ်ႈ​ဝႆႉ ၵႃႈ​ၼႂ်း​တပႄး​တပၢၼ်း​ၵဝ် တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၵဝ်​တၵ်း​ပႂ်ႉ​ထႃႈ ထႃႇဝရႃႉ​ၽြႃး ဢၼ်​သိူင်ႇ​လပ်ႉ​ၼႃႈ​မၼ်း​ၸဝ်ႈ​ပႅတ်ႈ​သေ ၵႃႈ​ၼႂ်း​မဵဝ်း​ ယႃႇၵုပ်ႈ ​လႄႈ မုင်ႈ​မွင်း​မၼ်း​ၸဝ်ႈ ယူႇ​ဢေႃႈ။-</verse>
				<verse number="18">တူၺ်း​လူး၊ ၵဝ်​ဢိၵ်ႇ​တင်း​လုၵ်ႈ​ဢွၼ်ႇ ဢၼ်​ထႃႇဝရႃႉ​ၽြႃး ပၼ်​တီႈ​ၵဝ်​တင်း​လၢႆ​ၼၼ်ႉ ပဵၼ်​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း လွင်ႈ​တၢင်း​ဢၼ်​လီ​ဢၢမ်း တီႈ​မဵဝ်း​ ဢီႉသရေႇလႃႉ ဢၼ်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ဢၼ်​ၵိင်း​ဝၢပ်ႈ​ယူႇ​ၵႃႈ​ၼိူဝ်​လွႆ​ ၸီႉဢုၼ်ႇ ​ၼၼ်ႉ ပၼ်​ၼၼ်ႉ​ဢေႃႈ။-</verse>
				<verse number="19">ပေႃး​ၶဝ်​လၢတ်ႈ​တီႈ​သူ​လႄႈ​ဝႃႈ၊ ဢွၼ်​ၵၼ်​ႁႃ​ဢိင်​ႁႃ​ပိုင်ႈ ၵူၼ်း​ဢၼ်​ၽီ​ၶဝ်ႈ ဢိၵ်ႇ​တင်း​ၽိူဝ်ႉ​ဢၼ်​ၸၢင်ႈ​သွပ်ႉ​သႅပ်ႉ​လၢတ်ႈ​လႄႈ ရွတ်ႈ​မၢၼ်ႇ​တၢၼ်ႇ​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ၸိုင်၊ ၵူၼ်း​ႁဝ်း​ၼႆႉ​ဢမ်ႇ​ထုၵ်ႇ​လီ​ႁႃ​ဢိင်​ႁႃ​ပိုင်ႈ ၽြႃး​ပဵၼ်​ၸဝ်ႈ​တူဝ်​ၸဝ်ႈ​ၵဝ်ႇ​ႁိုဝ်။ ၼႂ်း​ဢမူႉ​လွင်ႈ​တၢင်း​ၵေႃႉ​ဢၼ် ဢသၢၵ်ႈ​လိပ်း​ၼၼ်ႉ​ထုၵ်ႇ​လီ​ႁႃ​ဢိင်​ႁႃ​ပိုင်ႈ​တီႈ​ၵေႃႉ​ဢၼ်​ဢသၢၵ်ႈ​တၢႆ​ၼၼ်ႉ​ႁိုဝ်။ ထွမ်ႇ​ဢဝ်​တြႃး​ၸဝ်ႈ ဢိၵ်ႇ​တင်း​လွင်ႈ​တၢင်း​ဢၼ်​ၶၢမ်ႇ​သၢၵ်ႈ​သေႇ​ၸဝ်ႈ​တႃႉ။-</verse>
				<verse number="20">ပေႃး​ၶဝ်​လၢတ်ႈ​ၵႂၢမ်း​ဢမ်ႇ​မႅၼ်ႈ​ၵၼ်​တင်း ၼုၵ်ႈၵပၢတ်ႈ​ၸဝ်ႈ ၼႆႉ​ၸိုင်၊ ဢႃႇရူင်ႇ​သၢႆ​ဢရွင်ႇ​ၵၢင်​ဝၼ်း ဢမ်ႇ​ပႆႇ​ၶိုၼ်ႈ​တီႈ​ၶဝ်​ၼၼ်ႉ။</verse>
				<verse number="21">ၶဝ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ယၢပ်ႇ​ၸႂ်​ၶၢၼ်​ၸႂ် ဢိၵ်ႇ​တင်း​တၢင်း​ဢၼ်​ဢိုပ်း​ဢၼ်​ယၢၵ်ႈ​ယူႇ​သေ​လႄႈ ပူၼ်ႉ​ၵႂႃႇ​ဢေႃႈ။​မိူဝ်ႈ​ဢၼ်​ၶဝ်​ဢိုပ်း​ယၢၵ်ႈ တွင်ႉ​မႆႈ​သႆႈ​လိူတ်ႇ​ၼၼ်ႉ​ၵေႃႈ တူဝ်​ၶဝ်​တၵ်း​ယႃႉ​ယူၵ်ႉ​တူဝ်​ၶဝ်​သေ​လႄႈ ၵိၼ်ႇ​လႃႇ​ၵိၼ်ႇ​ဝႃႈ ၶုၼ်​ႁေႃ​ၶမ်း​ၶဝ်​ဢိၵ်ႇ​တင်း​ၽြႃး​ပဵၼ်​ၸဝ်ႈ​ၶဝ်​လႄႈ၊-</verse>
				<verse number="22">ႁႅၼ်​ၶိုၼ်ႈ​ၵႃႈ​ၼိူဝ်​သေ​ဢမ်ႇ​ဝႃႈ၊ တူၺ်း​လိၼ်​မိူင်း​သေ​ဢမ်ႇ​ဝႃႈ၊ တၵ်း​မီး​တုၵ်ႉ​ၶႃႉ​တၢင်း​ၽၢၼ်၊ လပ်း​သိင်ႇ​ၽိတ်း​ၽိတ်း၊ လပ်း​သိင်ႇ​တုၵ်ႉ​ၶႃႉ​ဝူၺ်ႇတၼႃႇ တၢင်း​ဢၼ်​ၸဵပ်း​ဢၼ်​ၶိုၼ်ႈ​လႄႈ ၶဝ်​တၵ်း​လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ၸူး​ၵႃႈ​တီႈ​လပ်း​သိင်ႇ​ဢၼ်​ၼႃ​တၼ်​ၼႃႇ ၼၼ်ႉ​ဢေႃႈ။</verse>
			</chapter>
			<chapter number="9">
				<verse number="1">ၼႂ်း​ဝႃႈ​ၼၼ်​သေ​ၵေႃႈ မိူင်း​ဢၼ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ၊ ၵမ်း​လိုၼ်း​တၵ်း​ၵၢင်း​လွတ်ႈ တင်း​လပ်း​သိင်ႇ​ဢေႃႈ။ မိူဝ်ႈ​ဢွၼ် ၼႆႉ​ၼၼ်ႉ မၼ်း​ၸဝ်ႈ​ၶျႃး​ဢိူင်ႇ​ ၸေႇပူႉလုၼ်ႇ တင်း​ဢိူင်ႇ​ ၼပ်ႉထလီႉ တူၵ်း​တီႈ​တႅမ်ႇ​ဢေႃႈ။ ၵူၺ်း​ၵႃႈ​မိူဝ်ႈ​ၵမ်း​လိုၼ်း​မၼ်း​ၸဝ်ႈ တၵ်း​ႁႂ်ႈ​သဵၼ်ႈ​တၢင်း​ဢၼ်​တႆႇ​ၸွမ်း​ႁိမ်း​ၼွင်​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ၊ မိူင်း​ ၵႃႇလီႉလႄး တီႈ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ယူႇ​ၼၼ်ႉ ပျေႉ​ၸုမ်ႇ​ဝႆႉ​တင်း မုၼ်​သရေႇ​ဢေႃႈ။-</verse>
				<verse number="2">ၵူၼ်း​ဢၼ်​ၵႂႃႇ​မႃး​ၼႂ်း​လပ်း​သိင်ႇ​တင်း​လၢႆ လႆႈ​ႁၼ်​ဢၼ်​လႅင်း​ဢၼ်​ယႂ်ႇ​ၼႃႇ​လူင်​လၢင်​လႄႈ၊ ဢၼ်​လႅင်း​ပေႃႇ​မႃး ႁိူဝ်ႈ​လႅင်း ၵႃႈ​တီႈ​ၵူၼ်း​ဢၼ်​မီး​ယူႇ​ၼႂ်း ႁူမ်ႈ​တၢင်း​တၢႆ​ၼၼ်ႉ​ယဝ်ႉ။-</verse>
				<verse number="3">ၸဝ်ႈ​ႁဝ်း​ႁႂ်ႈ​ၵူၼ်း​ဝၢၼ်ႈ​ၵူၼ်း​မိူင်း​ၼမ်​ၵိုၼ်း​ၼႃႇ​လႄႈ ႁႂ်ႈ​တၢင်း​ဢၼ်​ၸူမ်း​သိူဝ်း​ၶဝ်​ယႂ်ႇ​ၵႂၢင်ႈ​မႃး​ဢေႃႈ။ ၶဝ်​ၼၼ်ႉ​လႆႈ​ၸူမ်း​သိူဝ်း​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း မိူၼ်​ၸိူဝ်ႉ​ၼင်ႇ​ဢၼ် ၸူမ်း​သိူဝ်း​ၼႂ်း​ၶိင်ႇ​ဢၼ်​ၸူႉ​သိမ်း​ဢဝ်​ၶဝ်ႈ​ပိူၵ်ႇ​ၼၼ်ႉ​ဢိၵ်ႇ​တင်း ၸိူဝ်ႉ​ၼင်ႇ​ဢၼ်​ၶဝ်​ၸိူဝ်း​ဢၼ်​ၸူမ်း​သိူဝ်း​ၼႂ်း​မိူဝ်ႈ​ဢၼ် ၽႄ​ဢုၵ်ႉ​ၸႃႇ ဢၼ်​ႁိမ်​ႁူင်ႇ​ဢဝ်​လႆႈ​ၼၼ်ႉ​မႅင်ႇ​ပၼ်​ၵၼ်​ၼၼ်ႉ​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ ၸဝ်ႈ​ႁဝ်း​ႁၵ်း​ႁဵၵ်း​ၵၢၼ်း ဢၼ်​ၶဝ်​လႆႈ​ႁၢပ်ႇ၊ ၶွၼ်ႉ​ဢၼ်​ၶဝ်​လႆႈ​ၶၢမ်ႇ​ၵႃႈ​တီႈ​မႃႇ​တီႈ​လင်၊ ၵၼ်း​ႁွၵ်ႇ​ၵေႃႉ​ဢၼ်​ၼိၵ်ႈ​ၸၢၵ်ႈ ငႅၼ်း​သႄး​ၶဝ်​ၼၼ်ႉ​ပႅတ်ႈ မိူၼ်​ၸိူဝ်ႉ​ၼင်ႇ​ဢၼ်​ၸဝ်ႈ​ႁဝ်း ႁဵတ်း​ၼႂ်း​ၸူဝ်ႈ​ပၢၼ်​ မီႉတျၼ်ႇ ​ၼၼ်ႉ​ယဝ်ႉ။-</verse>
				<verse number="5">သွၵ်း​တိၼ်​ၵူၼ်း​သိုၵ်း ဢၼ်​တိုၵ်း​သိုၵ်း​ဢိၵ်ႇ​တင်း​ၶူဝ်း​ၼုင်ႈ​တၢင်း​မႆ ဢၼ်​ၵူဝ်ႈ​လိူတ်ႈ​ၵႃႈ​မီး​ၼၼ်ႉ တၵ်း​လႆႈ​ပဵၼ်​ပုၼ်ႈ​ဢၼ် တၵ်း​တုတ်ႇ​ၽႆး တီႈ​ဢၼ်​ၽႆး​တၵ်း​ၵိၼ်​ဢေႃႈ။-</verse>
				<verse number="6">လွင်ႈ​မၼ်း​ၸမ်ႉ လုၵ်ႈ​ဢွၼ်ႇ​လႆႈ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး​ပုၼ်ႈ​ႁဝ်း​လႄႈ လုၵ်ႈ​ၸၢႆး​လႆႈ​ၶၢမ်ႇ​တၢင်း​ဢၼ်​ဢဵတ်း​လူ​ပၼ်​တီႈ​ႁဝ်း​ဢေႃႈ။ ဢႃႇၼႃႇၸၢၵ်ႈ​တၢင်း​ဢၼ်​ဢုပ်ႉ​ပိူင်ႇ တၵ်း​မီး​ၵႃႈ​ၼိူဝ်​ႁူဝ်​မႃႇ​မၼ်း​ၼၼ်ႉ​လႄႈ ၼႃႇ​မႃႉ​ၸိုဝ်ႈ​သဵင်​မၼ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ လီ​ဢၢမ်း၊ ၵေႃႉ​ဢၼ်​ႁူမ်ႈ​တိူင်ႇ​ပၢင်ႇ၊ ၽြႃး​ပဵၼ်​ၸဝ်ႈ​ဢၼ်​တၼ်း​ၶူဝ်း​ယႂ်ႇ၊ ပေႃႈ​ထႃႇဝရႃႉ၊ ၸဝ်ႈ​တၢင်း​ၼိမ်​ဢေႃႈ။-</verse>
				<verse number="7">တၢင်း​ဢၼ်​ဢႃႇၼႃႇ​ၸဝ်ႈ ယႂ်ႇ​ၽႄႈ​တူဝ်း​တွၼ်း​မႃး ဢိၵ်ႇ​တင်း​တၢင်း​ဢၼ်​မၼ်း​ၸဝ်ႈ တႄႇ​ၼိမ်​ၼၼ်ႉ တၵ်း​လႆႈ​မီး​ယူႇ ၼိၵ်ႈၸႃႉ​ထႃႇဝရႃႉ ၵႃႈ​ၼိူဝ်​ရႃႇၸႃႉ​ပလၢင်ႇ​ၶုၼ်​ တႃႇဝိတ်ႈ ဢိၵ်ႇ​တင်း​ၵႃႈ​ၼိူဝ်​သိုင်ႇ​ၸိုင်ႈ​ဝၢၼ်ႈ​မိူင်း​မၼ်း ႁႂ်ႈ​လႆႈ​တႄႇ​ယူႇ ဢိၵ်ႇ​တင်း ႁႂ်ႈ​လႆႈ​မၼ်ႈ​ၶိူင်ႇ​ယူႇ​လူၺ်ႈ​ၵၼ် တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး ဢိၵ်ႇ​တင်း​တၢင်း​ဢၼ်​သိုဝ်ႈ​တေႃႇ​ၼၼ်ႉ၊ ဢဝ်​ၸႃႉ​ၸဵမ်​မိူဝ်ႈ​ၼႆႉ ၵႂႃႇ​မိူဝ်း​ၼႃႈ​ၵူႈ​ၸူဝ်ႈ​ၵူႈ​ပၢၼ် သိုပ်ႇ​သိုပ်ႇ​တၢမ်း​တၢမ်း​ဢမ်ႇ​ထၢတ်ႇ​ဢေႃႈ။ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ ဢလူဝ်ႇ​ၸဝ်ႈ​ႁႅင်း​ယႂ်ႇ​ၼႃႇ​လႄႈ တၵ်း​ႁႂ်ႈ လွင်ႈ​တၢင်း​ၼၼ်ႉ​ယဝ်ႉ​တူဝ်ႈ​ဢေႃႈ။</verse>
				<verse number="8">ၸဝ်ႈ​ၽြႃး​ပွႆႇ​ပျႃႇ​တိၵ်ႈ​ၸဝ်ႈ ၸူး​တီႈ​မဵဝ်း​ ယႃႇၵုပ်ႈ ​လႄႈ ႁႂ်ႈ​တူၵ်း​ႁွတ်ႈ​ၵႃႈ​ၼိူဝ် မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="9">ၵူၼ်း​တင်း​သဵင်ႈ​တင်း​လူင်​ဢၼ်​ဝႃႈ ၵူၼ်း​ ဢေႇၽရိမ်ႇ ဢိၵ်ႇ​တင်း​ၵူၼ်း​ သမႃႇရီႉ ​လႂ် ဢၼ်​မီး​မႃႇၼႃႉ​ယႂ်ႇ​ၼႃႇ ႁူဝ်​ၸႂ်​ပူၵ်း​ပႅၼ်​ၼႃႇ လႄႈ​ဝႃႈ၊ ပိၵ်ႉ​သမ်ႉ​လမ်း​ဢုတ်ႇ​လူမ်ႉ​ပင်း​သေ​ၵေႃႈ၊ ႁဝ်း​တၵ်း​ဢဝ်​တင်း​မၢၵ်ႇ​ႁိၼ် ဢၼ်​ထၢၵ်ႇ​ႁဵတ်း​သပ်း​ႁဵတ်း​ၼၼ်ႉ ၶိုၼ်း​တႄႇ​ဢေႃႈ။-</verse>
				<verse number="10">ပိၵ်ႉ​သမ်ႉ​တူၼ်ႈ​မၢၵ်ႇ​လိူဝ်ႇ တင်း​လၢႆ လႆႈ​ၶၢမ်ႇ​တၢင်း​ဢၼ်​ပမ်ႈ​လူမ်ႉ​ပႅတ်ႈ​သေ​ၵေႃႈ ႁဝ်း​တၵ်း​ဢဝ်​တူၼ်ႈ​ ဢႃႇရိတ်ႉ ​တင်း​လၢႆ ၽုၵ်ႇ​သႂ်ႇ​ဝႆႉ ၵႃႈ​တီႈ​ႁွႆး​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ တၵ်း​လႆႈ​ႁူႉ​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ ထႃႇဝရႃႉ​ၽြႃး တၵ်း​ယုၵ်ႉ​ယွင်ႈ ဢၼ်​ပဵၼ်​ရၢၼ်ႇ​သူႇ​ၶုၼ်​ ရေႇၸိၼ်း ​ၼၼ်ႉ ယူႇ​ၽၢႆႇ​ၼိုင်ႈ တင်း​ၶဝ်​ၼၼ်ႉ​လႄႈ၊ ႁႂ်ႈ​ရၢၼ်ႇ​သူႇ​ၶဝ်​လုၵ်ႉ​လႄႈ၊-</verse>
				<verse number="12">ၵႃႈ​တီႈ​ၽၢႆႇ​ၼႃႈ​ၸမ်ႉ၊ ၵူၼ်း​ သူႉရီႉ ​တင်း​လၢႆ၊ ၵႃႈ​တီႈ​ၽၢႆႇ​လင်​ၸမ်ႉ၊ ၵူၼ်း​ ၽီႉလိတ်ႉတီႉ ​တင်း​လၢႆ တၵ်း​ဢွၼ်​ၵၼ်​ဢႃႈ​ပၢၵ်ႇ​သေ​လႄႈ​ၶူပ်း​ၵိၼ်​မဵဝ်း​ ဢီႉသရေႇလႃႉ ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢမ်ႇ​ထၢတ်ႇ​ဢမ်ႇ​ယဵၼ်။ မိုဝ်း​မၼ်း​ၸဝ်ႈ​ၼၼ်ႉ​ယင်း​ယဵတ်ႇ​ယူႇ​ဢေႃႈ။-</verse>
				<verse number="13">ၵူၺ်း​ၵႃႈ ၵူၼ်း​တင်း​လၢႆ​ၼႆႉ ဢမ်ႇ​ဝၢႆႇ​ဢမ်ႇ​ၶိုၼ်း​မႃး​ၸူး​ၵႃႈ​တီႈ​မၼ်း​ၸဝ်ႈ ဢၼ်​ပၼ်​တၢမ်ႇ​တီႈ​ၶဝ်။ ဢမ်ႇ​ၸၢင်ႈ​သွၵ်ႈ​ၸၢင်ႈ​ႁႃ ၸဝ်ႈ​ပူဝ်ႇ​ပႃႇ ၵၢင်​ႁၢဝ်​ထႃႇဝရႃႉ​ၽြႃး။-</verse>
				<verse number="14">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​ၼၼ်ႉ တၵ်း​တႅပ်း​ၵွၵ်း​ႁူဝ်​တင်း​ႁၢင်၊ မႂ်​ထၢၼ်​တင်း​တူၼ်ႈ​ၶႅမ်​ၶၢတ်ႇ​ပႅတ်ႈ​သေ ၵႃႈ​တီႈ မဵဝ်း​ ဢီႉသရေႇလႃႉ ၼႂ်း​ဝၼ်း​လဵဝ်​ၵူၺ်း​ဢေႃႈ။-</verse>
				<verse number="15">ၵွၵ်း​ႁူဝ်​ၸမ်ႉ၊ ပဵၼ်​ၵေႃႉ​ဢၼ်​ဢသၢၵ်ႈ​ယႂ်ႇ ဢိၵ်ႇ​တင်း​ၵေႃႉ​ဢၼ်​မီး​သရေႇ​လႄႈ ႁၢင်​ၸမ်ႉ၊ ပဵၼ်​ပရေႃးၽႅတ်ႈ​ဢၼ်​ႁေႃး​လၢတ်ႈ​မူႉ​သႃႇ​ဢေႃႈ။-</verse>
				<verse number="16">ၶဝ်​ၸိူဝ်း​ဢၼ်​ၼႄ​ပျႃး သဵၼ်ႈ​တၢင်း​တီႈ​ၵူၼ်း​တင်း​လၢႆ​ၼႆႉ​ၼၼ်ႉ ဢွၼ်​ၵၼ်​ၼႄ​ပျႃး ႁႂ်ႈ​ၶဝ်​ၽိတ်း​တၢင်း​ပိူင်ႈ​တၢင်း​လႄႈ​ၶဝ်​ၸိူဝ်း​ဢၼ်​ၸွမ်း​ၶဝ်​ၼၼ်ႉ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ ၸဝ်ႈ​ၽြႃး​ဢမ်ႇ​ၶိုတ်း​ၸႂ်​ပဵင်း​ၸႂ် တီႈ​ၵူၼ်း​ၼုမ်ႇ​ၵူၼ်း​ၵမ်​ၶဝ်​ၼၼ်ႉ။ ဢမ်ႇ​ဢဵတ်း​လူ​လုၵ်ႈ​ဢွၼ်ႇ ဢၼ်​ၽၢၼ်​ပေႃႈ ၽၢၼ်​မႄႈ​ၶဝ် ဢိၵ်ႇ​တင်း​မႄႈ​မူၵ်း​မႄႈ​မၢႆႈ​ၶဝ်​ၼၼ်ႉ။ ၶဝ်​တင်း​သဵင်ႈ​တင်း​လူင် ပဵၼ်​ၵေႃႉ​ဢၼ်​ႁၢႆႉ​မိူၵ်ႈ၊ ၵေႃႉ​ဢၼ်​ႁဵတ်း​ဢႃႉထမ်ႇမႃႉ​လႄႈ သူပ်း​ၶဝ်​ၵူႈ​ၵေႃႉ​ၵူႈ​ၵူၼ်း ၸၢင်ႈ​လၢတ်ႈ​ၵႂၢမ်း​ဢၼ်​ဢမ်ႇ​တြႃး​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢမ်ႇ​ထၢတ်ႇ​ဢမ်ႇ​ယဵၼ်။ မိုဝ်း​မၼ်း​ၸဝ်ႈ​ၵေႃႈ​ယင်း​ယဵတ်ႇ​ယူႇ​ဢေႃႈ။-</verse>
				<verse number="18">တၢင်း​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ ၸၢင်ႈ​မႆႈ​ၸိူဝ်ႉ​ၼင်ႇ​ၽႆး​လႄႈ ႁႂ်ႈ​တူၼ်ႈ​ၼၢမ်​ၵူႈ​ၸိူဝ်ႉ​ၵူႈ​မဵဝ်း​မႆႈ​သုတ်း​ပႅတ်ႈ​ဢေႃႈ။ ၽႆး​ၸပ်း ယုမ်း​ထိူၼ်ႇ​တင်း​လၢႆ​လႄႈ ၸိူဝ်း​ၼၼ်ႉ​ပိဝ်​ၶိုၼ်ႈ​လူၺ်ႈ​ၵႂၼ်း​ၽႆး​ဢၼ်​ၼႃ​တၼ်​ၼႃႇ​ၼၼ်ႉ​ဢေႃႈ။-</verse>
				<verse number="19">ၵွပ်ႈ​ပိူဝ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ​လႄႈ လိၼ်​ၼႆႉ​မႆႈ​သုတ်း​ပႅတ်ႈ​လႄႈ ၵူၼ်း​တင်း​လၢႆ​ပဵၼ်​ၽိုၼ်း ပုၼ်ႈ​ဢၼ်​တၵ်း​ၸိုၵ်း​ၽႆး​သုမ်​ၽႆး​ဢေႃႈ။ ပီႈ​ၵၼ်​ၼွင်ႉ​ၵၼ် ၵေႃႉ​ၼိုင်ႈ​တၵ်း​ဢမ်ႇ​လႆႈ​သေ​လၢႆ​ၵေႃႉ​ၼိုင်ႈ။-</verse>
				<verse number="20">ပိၵ်ႉ​သမ်ႉ​တႅပ်း​ၽၼ်း​ဢဝ် ၵႃႈ​တီႈ​ၽၢႆႇ​ၶႂႃ​သေ​ၵေႃႈ တၵ်း​ဢိုပ်း​ယၢၵ်ႈ​ယူႇ​လႄႈ ၶူပ်း​ငၢၼ်ႈ​ၵႃႈ​တီႈ​ၽၢႆႇ​သၢႆႉ​သေ​ၵေႃႈ တၵ်း​ဢမ်ႇ​လႆႈ​ဢိမ်ႇ လႆႈ​တဵမ်။ ၵူၼ်း​ၵူႈ​ၵေႃႉ​တၵ်း​လႆႈ​ၶူပ်း​ၵိၼ်​ၼိူဝ်ႉ​ၵူၼ်း​ႁိူၼ်း​ၸမ်​ၵၼ်​ဢေႃႈ။-</verse>
				<verse number="21">မဵဝ်း​ မၼႃႇ​သေႇ တင်း​မဵဝ်း​ ဢေႇၽရိမ်ႇ ၊ မဵဝ်း​ ဢေႇၽရိမ်ႇ တင်း​မဵဝ်း​ မၼႃႇ​သေႇ တၵ်း​ၶူပ်း​ၵိၼ်​ၵၼ်​ဢေႃႈ။ တင်း​သွင်​မဵဝ်း ၼၼ်ႉ တၵ်း​ၽွမ်ႉ​ၵၼ်​ယူႇ​ၽၢႆႇ​ၼိုင်ႈ တင်း​မဵဝ်း​ ယူႉတႃႉ ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢမ်ႇ​ထၢတ်ႇ​ဢမ်ႇ​ယဵၼ်။ မိုဝ်း​မၼ်း​ၸဝ်ႈ​ၵေႃႈ​ယင်း​ယဵတ်ႇ​ယူႇ​ဢေႃႈ။</verse>
			</chapter>
			<chapter number="10">
				<verse number="1">ၶဝ်​ၸိူဝ်း​ဢၼ် ၸီႇ​ယၢင်ႇ​ဢၼ်​ဢမ်ႇ​တြႃး ဢိၵ်ႇ​တင်း​ၸရေး ဢၼ်​မၢတ်ႈ​မၢႆ​တႅမ်ႈ​ဝႆႉ လွင်ႈ​တၢင်း​ဢၼ်​ၵိတ်ႇ​ၼႃႇ​ၵႅပ်ႈ​ၼႃႇ ဢၼ်​ၶဝ် မၢတ်ႈ​မၢႆ​တႅမ်ႈ​ဝႆႉ၊-</verse>
				<verse number="2">ႁႂ်ႈ​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ သုမ်း​တြႃး​ႁႂ်ႈ​လႆႈ​ၵူႈ​သိမ်း​ဢဝ်​ဢၶႂၢင်ႉ​ဢရႃႇ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼႂ်း မဵဝ်း​ၵူၼ်း​ၵဝ်​တင်း​လၢႆ ႁႂ်ႈ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး မႄႈ​မူၵ်း​မႄႈ​မၢႆႈ​တင်း​လၢႆ​လႄႈ ႁိမ်​ဢဝ်​ႁူင်ႇ​ဢဝ် ဢုၵ်ႉ​ၸႃႇ​ၶဝ်​ၸိူဝ်း​ဢၼ်​ဢမ်ႇ​မီး​ပေႃႈ​မီး​မႄႈ​ၸိူဝ်း​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="3">သူ​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​ၼႂ်း​မိုဝ်ႉ​ဝၼ်း​ဢၼ်​ၵဝ်​လူ​တူၺ်း​ၸီႇ​ယၢင်ႇ၊ မိူဝ်ႈ​ဢၼ်​ပဵၼ်​တၢင်း​ဢၼ်​ယႃႉ​ပႅတ်ႈ ဢၼ်​တၵ်း​လုၵ်ႉ​သေ​ၵႃႈ​တီႈ​ၵႆ​ႁွတ်ႈ​မႃး​ၼၼ်ႉ။ လွင်ႈ​ၼင်ႇ​ႁိုဝ်​သူ​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ၸိုင် သူ​တၵ်း​ပၢႆႈ​ၵႂႃႇ​ၸူး ၵႃႈ​တီႈ​ၽူႈ​လႂ်။ တၵ်း​ဢဝ်​မုၼ်​ၽုင်း သူ​သိမ်း​ဝႆႉ​ၵႃႈ​တီႈ​လႂ်။-</verse>
				<verse number="4">ၶဝ်​ၸိူဝ်း​ဢၼ်​ဢမ်ႇ​လႆႈ​ၶၢမ်ႇ​ဢဝ် ၵျေး​ၸူး​ၵဝ်​ၼၼ်ႉ တၵ်း​လႆႈ​ၵူမ်ႈ​ႁူဝ်​ၵွမ်း​ႁူဝ် ၵႃႈ​တီႈ​တႂ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် ၶျုၵ်ႈ​ဝႆႉ ၼၼ်ႉ​လႄႈ တၵ်း​လႆႈ​လူမ်ႉ​လႆႈ​တူၵ်း​ၵႃႈ​တီႈ​တႂ်ႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ဢမ်ႇ​ထၢတ်ႇ​ဢမ်ႇ​ယဵၼ်။ မိုဝ်း​မၼ်း​ၸဝ်ႈ​ၵေႃႈ​ယင်း​ယဵတ်ႇ​ယူႇ​ဢေႃႈ။</verse>
				<verse number="5">ၵူၼ်း​ ဢႃႇသူႉရီႉ ​ၼၼ်ႉ​မီး​ဢႃႉ​မင်ႇၵလႃႇ​ဢေႃႈ။ ပဵၼ်​ၵၼ်း​ႁွၵ်ႇ​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ဢေႃႈ။ ၶွၼ်ႉ​တဝ်ႉ​ဢၼ်​မၼ်း​ယိပ်း​ၵမ်​ၼၼ်ႉ​ပဵၼ်​ပုၼ်ႈ​ဢၼ်​ၵဝ်​လီ​ဢဝ်​ပၼ်​တၢမ်ႇ​ဢေႃႈ။-</verse>
				<verse number="6">ၵဝ်​တၵ်း​ပွႆႇ​ၸႂ်ႉ​မၼ်း​ၵႂႃႇ​ႁဵတ်း​ၶတ်း​ၵၼ်​တင်း မဵဝ်း​ဢႃႉထမ်ႇမႃႉ​ၼၼ်ႉ​လႄႈ ဢိၵ်ႇ​တင်း ၵဝ်​တၵ်း​သင်ႇ​လၢတ်ႈ​တီႈ​မၼ်း​ၵႂႃႇ​ႁဵတ်း​ၶတ်း ၵၼ်​တင်း​မဵဝ်း​ၵူၼ်း​ဢၼ်​ၶၢမ်ႇ​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ၼၼ်ႉ ႁႂ်ႈ​မၼ်း​လႆႈ​ႁိမ်​ဢဝ်​ႁူင်ႇ​ဢဝ်​ၶဝ်​ယႃႉ​ပႅတ်ႈ​ၶဝ် ယဵပ်ႇ​ၶၢမ်ႈ​ၶဝ်​မိူၼ်​ၸိူဝ်ႉ​ၼင်ႇ ၵူမ်ႇ​ၵႃႈ​တီႈ​ၵၢင်​တၢင်း​ၼၼ်ႉ​ဢေႃႈ။-</verse>
				<verse number="7">ၼႂ်း​ဝႃႈ​ၼၼ်​သေ​ၵေႃႈ မၼ်း​ဢမ်ႇ​မီး​တၢင်း​ၵျၢမ်ႇ​တၢင်း​ပွင်​ၸိူဝ်ႉ​ၼင်ႇ​ၼၼ်၊ ဢလူဝ်ႇ​ၸိူဝ်ႉ​ၼင်ႇ​ၼၼ်။ မၼ်း​မီး​ဢလူဝ်ႇ ဢၼ်​ၶႂ်ႈ​ယႃႉ​ပႅတ်ႈ​လႄႈ ပႄႇ​ၽဵဝ်ႈ​ၵူၼ်း​မဵဝ်း​ၼမ်​ၼႃႇ​ပႅတ်ႈ​ဢေႃႈ။-</verse>
				<verse number="8">မၼ်း​ၸၢင်ႈ​လၢတ်ႈ​ၸိူဝ်ႉ​ၼင်ႇ​ႁိုဝ်​ၸမ်ႉ၊ မူး​မၢတ်ႈ​ၽွင်း​မိူင်း​ၵဝ်​ၸိူဝ်း​ၼႆႉ ပဵၼ်​ၶုၼ်​လူင်​ဢမ်ႇ​ၸႂ်ႈ​ႁိုဝ်။-</verse>
				<verse number="9">ဝဵင်း​ ၵႃႇလၼေႃး ပဵၼ်​ၸိူဝ်ႉ​ၼင်ႇ​ဝဵင်း​ ၶႃႇၶေႇမိတ်ႉ ၊ ဝဵင်း​ ႁႃႇမတ်ႉ ပဵၼ်​ၸိူဝ်ႉ​ၼင်ႇ​ဝဵင်း​ ဢႃႇပတ်ႉ ၊ ဝဵင်း​ သမႃႇရီႉ ပဵၼ်​ၸိူဝ်ႉ​ၼင်ႇ ဝဵင်း​ ထမ်ႇမသႅတ်ႉ ၊ ဢမ်ႇ​ၸႂ်ႈ​ႁိုဝ်။-</verse>
				<verse number="10">ၸိူဝ်ႉ​ၼင်ႇ​ဢၼ်​မိုဝ်း​ၵဝ်​ၼႆႉ ႁိမ်​ဢဝ်​မၢၼ်ႈ​မိူင်း​ဢၼ်​ၵူဝ်း​ၵႂၢႆႇ ရုၵ်ႈ​ထူႉ​သၢင်း​ထူႉ ဢၼ်​ယဵင်ႈ​ၶႅၼ်း​မျၢတ်ႈ​ၼႃႇ​သေ ရုၵ်ႈ​ထူႉ​သၢင်း​ထူႉ ယေႇရူႉသလႅမ်ႇ တင်း​ရုၵ်ႈ​ထူႉ​သၢင်း​ထူႉ​ သမႃႇရီႉ ​ၸိူဝ်း​ၼၼ်ႉ၊-</verse>
				<verse number="11">ဢိၵ်ႇ​တင်း​ၸိူဝ်ႉ​ၼင်ႇ​ဢၼ် ၵဝ်​ႁဵတ်း​တီႈ​ဝဵင်း​ သမႃႇရီႉ တင်း​ရုၵ်ႈ​ထူႉ​မၼ်း​ၸိူဝ်း​ၼၼ်ႉ၊ ၵဝ်​တၵ်း​ႁဵတ်း​တီႈ​ဝဵင်း​ ယေႇရူႉသလႅမ်ႇ တင်း​ရုၵ်ႈ​ထူႉ​မၼ်း​ၸိူဝ်း​ၼၼ်ႉ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး ႁႂ်ႈ​ဢမူႉ​မၼ်း​ၸဝ်ႈ​တင်း​သဵင်ႈ​တင်း​မူတ်း ယဝ်ႉ​တူဝ်ႈ​ၵႃႈ​တီႈ​လွႆ​ ၸီႉဢုၼ်ႇ ဢိၵ်ႇ​တင်း ဝဵင်း​ ယေႇရူႉသလႅမ်ႇ ​သေ​ယဝ်ႉ၊ ၵဝ်​တၵ်း​လူ​တူၺ်း​လႄႈ ၸီႇ​ယၢင်ႇ​တၢင်း​ဢၼ်​မႃႇၼႃႉ​ပူၵ်း​ပႅၼ် ၶုၼ်​ႁေႃ​ၶမ်း​ ဢႃႇသူႉရီႉ ဢိၵ်ႇ​တင်း တၢင်း​ဢၼ်​မၼ်း​ႁဵတ်း​ၼႃႈ​မၼ်း ႁႅၼ်​သုင်​ၼႃႇ​လႄႈ ၸွၵ်ႇ​ၵႃး​ၼၼ်ႉ​ဢေႃႈ။-</verse>
				<verse number="13">မၼ်း​ၼၼ်ႉ​လၢတ်ႈ​လႄႈ​ဝႃႈ၊ ၵဝ်​ၼႆႉ​ၵွပ်ႈ​ပိူဝ်ႈ​တၢင်း​ၵတ်ႉ​တၢင်း​ၶၼ်​မိုဝ်း​ၵဝ်​ဢိၵ်ႇ​တင်း ၺၢၼ်ႇ​ၵဝ်​လႄႈ​တၢတ်ႈ​ၼိူင်ႇ​လႆႈ​ဢေႃႈ။ ၵဝ်​ပျေႉ​ၸုမ်ႇ​တင်း​ပိင်ႇ​ၺႃႇ​သတီႉ​လႄႈ ၵဝ်​ၶၢႆႉ​တီႈ​ဢၼ်​ၶၼ်ႈ​ဢၼ်​ၶႅၼ်ႈ​တီႈ​ယူႇ​မဵဝ်း​ၵူၼ်း​တင်း​လၢႆ​ယဝ်ႉ။ ၵဝ်​ႁိမ်​ဢဝ်​ၽၼ်ႇတႃႇ ဢုၵ်ႉ​ၸႃႇ​ၶဝ်​လႄႈ ၶျႃး​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​တူၵ်း မိူၼ်​ၸိူဝ်ႉ​ၼင်ႇ ၵူၼ်း​သိုၵ်း​ၼၼ်ႉ​ယဝ်ႉ။-</verse>
				<verse number="14">မိုဝ်း​ၵဝ်​ၼႆႉ ထူပ်း​ႁၼ်​ဢုၵ်ႉ​ၸႃႇ​ၸေး​ၸိမ်ႇ မဵဝ်း​ၵူၼ်း​တင်း​လၢႆ မိူၼ်​ၸိူဝ်ႉ​ၼင်ႇ​ဢၼ်​ထူပ်း​ႁၼ်​ႁင်း​ၼူၵ်ႉ​ၼၼ်ႉ​လႄႈ သိမ်း​ဢဝ် ၶိူင်ႈ​ပိူင်​လိၼ်​မိူင်း​ၵႃႈ​မီး မိူၼ်​ၸိူဝ်ႉ​ၼင်ႇ​ဢၼ်​သိမ်း​ဢဝ်​ၶႆႇ​ၼူၵ်ႉ ဢၼ်​ၸုၼ်ႉ​ပႅတ်ႈ​ၼၼ်ႉ​ယဝ်ႉ။ ၽူႈ​လႂ်​ဢမ်ႇ​တူင်ႉ​ပိၵ်ႇ​သၼ်ႇ​ပိၵ်ႇ၊ ဢမ်ႇ​ၽုၺ်ႇ​သူပ်း​ဢႃႈ​သူပ်း၊ ဢမ်ႇ​ႁွင်ႉ​ဢမ်ႇ​ၶၢင်း​လႃး​လႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">တႃ​မၢတ်ႇ​တၵ်း​လႆႈ​ဢုပ်ႇ​ဢၢတ်ႇ​တေႃႇ​ၵေႃႉ​ဢၼ် ဢဝ်​မၼ်း​ပမ်ႈ​မၼ်း​ၽၼ်း​ၼၼ်ႉ​ႁိုဝ်။ လဵၵ်း​လိူဝ်ႈ​တၵ်း​လႆႈ​ႁဵတ်း​တူဝ်​ယူႇ​ၽၢႆႇ​ၼိုင်ႈ တင်း​ၵေႃႉ​ဢၼ်​ဢဝ်​မၼ်း​လိူဝ်ႈ​ၼၼ်ႉ​ႁိုဝ်။ ပဵၼ်​ၸိူဝ်ႉ​ၼင်ႇ​ဢၼ်​ၶွၼ်ႉ​ဝၢႆ​တူင်ႉ​ၼိုင်​သၼ်ႇ​ၶွၼ်း​ၵေႃႉ​ဢၼ် ယိပ်း​ၵမ်​မၼ်း​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ဢၼ် ၶွၼ်ႉ​တဝ်ႉ​ယုၵ်ႉ​ယွင်ႈ​ၸဝ်ႈ​မၼ်း​ၼၼ်ႉ​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်၊ ထႃႇဝရႃႉ​ၽြႃး တၵ်း​ဢဝ်​တၢင်း​ဢၼ်​ယွမ်​ႁဵဝ်ႇ​သႂၢင်း​သႂ်ႇ​ပၼ် ၵႃႈ​ၼႂ်း​ၶဝ်​ၸိူဝ်း​ဢၼ်​ပီး​လီ​မၼ်း​လီ ၼၼ်ႉ​ဢေႃႈ။ ၵႃႈ​တီႈ​တႂ်ႈ​မုၼ်​ၽုင်း​မၼ်း​ၵေႃႈ မၼ်း​ၸဝ်ႈ​တၵ်း​တုတ်ႇ​တၵ်း​ၽဝ်​ၽႆး ဢၼ်​တၵ်း​မႆႈ​မိူၼ်​ၸိူဝ်ႉ​ၼင်ႇ​ဢၼ် ၽႆး​မႆႈ​ၼၼ်ႉ​ဢေႃႈ။-</verse>
				<verse number="17">ဢၼ်​လႅင်း​မဵဝ်း​ ဢီႉသရေႇလႃႉ ​ၼၼ်ႉ တၵ်း​ပဵၼ်​ၽႆး​လႄႈ ၽြႃး​ဢၼ်​မူတ်း​ၸၢင်ႇ​မၼ်း​ၼၼ်ႉ တၵ်း​ပဵၼ်​ပဵဝ်​ၽႆး​ဢေႃႈ။ ဢၼ်​ၼၼ်ႉ တၵ်း​မႆႈ​တူၼ်ႈ​ၼၢမ်​မၼ်း​ၵူႈ​ၸိူဝ်ႉ​ၵူႈ​မဵဝ်း သုတ်း​ပႅတ်ႈ​ၼႂ်း​ဝၼ်း​လဵဝ်​ၵူၺ်း​ဢေႃႈ။-</verse>
				<verse number="18">မၼ်း​ၸဝ်ႈ​တၵ်း​ႁႂ်ႈ​မုၼ်​ၽုင်း​ပႃႇ​မႆႉ​ပႃႇ​ၸိင်​မၼ်း ဢိၵ်ႇ​တင်း​မုၼ်​ၽုင်း​ႁႆႊ​ၼႃး ဢၼ်​ဢွၵ်ႇ​မၢၵ်ႇ​ဢွၵ်ႇ​ႁူင်း ၸႃႉ​ၸဵမ်​တူဝ်​ၶၼ်ႇ​ထႃႇ​လႄႈ ၼၢမ်ႇ​ဝီႉၺိၺ်ႇ​မၼ်း သဵင်ႈ​မူတ်း​ပႅတ်ႈ​လႄႈ တၵ်း​ပဵၼ်​ၸိူဝ်ႉ​ၼင်ႇ​ဢၼ် ႁႅင်း​ၵူၼ်း​ၶႆႈ​ၵူၼ်း​ပဵၼ်​သုတ်ႈ​ယွမ်း​ၵႂႃႇ​ၼၼ်ႉ​ဢေႃႈ။-</verse>
				<verse number="19">တူၼ်ႈ​မႆႉ​ဢၼ်​ၵိုတ်း​ၵျၢၼ်ႇ​ဝႆႉ ၵႃႈ​ၼႂ်း​ပႃႇ​မႆႉ​ပႃႇ​ၸိင် မၼ်း​ၸိူဝ်း​ၼၼ်ႉ တၵ်း​မီး​ဢိတ်း​ဢွၼ်ႇ​ၼိုင်ႈ​ၵူၺ်း ထၼ်ႈ​ပေႃး လုၵ်ႈ​ဢွၼ်ႇ​ၼပ်ႉ​ဢၢၼ်ႇ​ဢဝ်​ၸရၢင်း​လႆႈ​ယူႇ​ဢေႃႈ။</verse>
				<verse number="20">ၸႃႉ​ၸဵမ်​မိုဝ်ႉ​ဝၼ်း​ၼၼ်ႉ​လႄႈ မဵဝ်း​ ဢီႉသရေႇလႃႉ ဢၼ်​ၵိုတ်း​ဢၼ်​ၵျၢၼ်ႇ ဢိၵ်ႇ​တင်း​မဵဝ်း​ ယႃႇၵုပ်ႈ ဢၼ်​ၵၢင်း​လွတ်ႈ​တင်း​ၽေး​ယူႇ ၸိူဝ်း​ၼၼ်ႉ ၵမ်း​လိုၼ်း​ယင်း​ဢမ်ႇ​ဢိင်​ဢမ်ႇ​ပိုင်ႈ ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၼၼ်ႉ​လႄႈ တၵ်း​ဢိင်​ပိုင်ႈ ထႃႇဝရႃႉ​ၽြႃး ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="21">ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ဢၼ်​ဝႃႈ ဢၼ်​ၵျၢၼ်ႇ​ဝႆႉ​ၵႃႈ​တီႈ မဵဝ်း​ ယႃႇၵုပ်ႈ ​ၼၼ်ႉ တၵ်း​ဢွၼ်​ၵၼ်​ၶိုၼ်း​မႃး​ၸူး​ၵႃႈ​တီႈ ၽြႃး​ပဵၼ်​ၸဝ်ႈ ဢၼ်​တၼ်း​ၶူဝ်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="22">မဵဝ်း​ ဢီႉသရေႇလႃႉ ​ဢိူၺ်း၊ ပိၵ်ႉ​သမ်ႉ​ၵူၼ်း​မဵဝ်း​မႂ်း​တင်း​လၢႆ ၼမ်​ထၢၼ်ႇ​မဵတ်ႉ​သၢႆး ၼမ်ႉ​သမ်ႇ​မုၵ်ႉ​တြႃႇ​သေ​ၵေႃႈ၊ ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ၵူၺ်း တၵ်း​ၶိုၼ်း​မႃး​ဢေႃႈ။ တၢင်း​ဢၼ်​ၽဵဝ်ႈ​မူတ်း​ပႅတ်ႈ​ဢၼ်​လူၼ်ႉ​တဵမ်​ဝႆႉ​လူၺ်ႈ​တၢင်း​ဢၼ် ၸွမ်း​ၼင်ႇ​တြႃး​ၼၼ်ႉ လႆႈ​မီး​တၢင်း​ဢၼ်​ၸီႇ​ယၢင်ႇ​ၶၢၼ်း​ဝႆႉ​ယဝ်ႉ။-</verse>
				<verse number="23">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ တၵ်း​ႁဵတ်း​တၢင်း​ဢၼ်​ၽဵဝ်ႈ​မူတ်း​ပႅတ်ႈ ဢၼ်​ၸီႇ​ယၢင်ႇ​ၶၢၼ်း​ဝႆႉ​ၼၼ်ႉ ၵႃႈ​ၼႂ်း​ၵၢင်​ၼႃႈ​လိၼ် တင်း​သဵင်ႈ​တင်း​မူတ်း​ဢေႃႈ။</verse>
				<verse number="24">ပိူဝ်ႈ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း​မဵဝ်း​ၵဝ်​ဢၼ်​ယူႇ​ၵႃႈ​တီႈ​ဝဵင်း​ ၸီႉဢုၼ်ႇ ​ၶဝ်​ဢိူၺ်း၊ ယႃႇ​ပေ​ၵူဝ်​ပေ​ႁႄ လူၺ်ႈ​လွင်ႈ​ၶုၼ်​ ဢႃႇသူႉရီႉ ​ၼၼ်ႉ။ မၼ်း​တၵ်း​ဢဝ် တင်း​ၶွၼ်ႉ​ဝၢႆ​မၼ်း ပေႃႉ​ယႅၼ်ႉ​မႂ်း​လႄႈ ယုၵ်ႉ​ယွင်ႈ ၵၼ်း​ႁွၵ်ႇ​မၼ်း ၵႃႈ​ၼိူဝ်​မႂ်း မိူၼ်​ၸိူဝ်ႉ​ၼင်ႇ​ဢၼ်​ၶုၼ်​ ဢေႇၵိပ်ႉတူႉ ​ႁဵတ်း​ၼၼ်ႉ​ဢေႃႈ။-</verse>
				<verse number="25">ၼႂ်း​ဝႃႈ​ၼၼ်​သေ​ၵေႃႈ ႁိုင်​ၵမ်း​ဢွၼ်ႇ​ၼိုင်ႈ ၵူၺ်း​လႄႈ၊ တၢင်း​ၶႆႈ​ၸႃႉ​ၶႆႈ​ၸဵတ်ႈ​ၵဝ် ဢိၵ်ႇ​တင်း​တၢင်း​ဢၼ်​ၸႂ်​မႆႈ​ၸႂ်​လိူတ်ႇ​ၵဝ် တၵ်း​ပျေႉ​ၸုမ်ႇ ၼႂ်း​တၢင်း​ဢၼ်​ၶဝ်​ႁွတ်ႈ​ထိုင်​တၢင်း​လူႉ​တၢင်း​လႅဝ်​ၼၼ်ႉ​ဢေႃႈ။-</verse>
				<verse number="26">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တၵ်း​မႄး​ႁႅၼ်း​ၽေး​ဢူႉ​ပၢတ်ႈ ပုၼ်ႈ​မၼ်း​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​ပၼ်​တၢမ်ႇ​တီႈ​မဵဝ်း မီႉတျၼ်ႇ ​ၵႃႈ​ႁိမ်း​မၢၵ်ႇ​ႁိၼ်​မၢၵ်ႇ​ၽႃ​ ဢေႃးရၽႃႉ ​ၼၼ်ႉ​လႄႈ သမ်ႉ​ၶိုၼ်း​ယုၵ်ႉ​ယွင်ႈ​ၵၼ်း​ႁွၵ်ႇ​မၼ်း​ၸဝ်ႈ ၵႃႈ​ၼိူဝ်​ပၢင်ႇ​လၢႆႇ​လႄႈ​ယုၵ်ႉ​ယွင်ႈ​ၵၼ်း​ႁွၵ်ႇ​မၼ်း​ၸဝ်ႈ ၸွမ်း​ၵႃႈ​ၼင်ႇ​ဢၼ် ႁဵတ်း​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။-</verse>
				<verse number="27">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ ၶူဝ်း​ႁၢပ်ႇ​မၼ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​ပႅတ်ႈ​သေ​ၵႃႈ​ၼိူဝ်​ႁူဝ်​မႃႇ​မႂ်း​လႄႈ ၵၢၼ်း​မၼ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​ပႅတ်ႈ​သေ​ၵႃႈ​ၼိူဝ်​ၶေႃး​မႂ်း​လႄႈ ၵၢၼ်း​ၼၼ်ႉ​တၵ်း​လႆႈ​လူႉ​လႅဝ်​ၵႂႃႇ ၵွပ်ႈ​ပိူဝ်ႈ​ၵျေး​ၸူး တၢင်း​ဢၼ် မီး​တၢင်း​ဢၼ်​ၶၢမ်ႇ​ၽိၵ်ႈ​သိၵ်ႈ​ၼၼ်ႉ​ဢေႃႈ။</verse>
				<verse number="28">မၼ်း​ႁွတ်ႈ​ထိုင်​ၵႃႈ​တီႈ​ဝဵင်း​ ဢႃႇယပ်ႉ ​ယဝ်ႉ။ မၼ်း​ပူၼ်ႉ​မႃး​တေႃႇ​ထိုင်​ႁွတ်ႈ ဝဵင်း​ မီႉၵရုၼ်ႇ ​ယဝ်ႉ။ ၵႃႈ​တီႈ​ဝဵင်း​ မိၵ်ႉမတ်ႉ ​ၼၼ်ႉ မၼ်း​ၶျႃး​ၶူဝ်း​လဵင်း​မၼ်း​ဝႆႉ​ယဝ်ႉ။-</verse>
				<verse number="29">ၶဝ်​ဢွၼ်​ၵၼ်​ပူၼ်ႉ​ၵႄႈ​လွႆ​မႃး​ယဝ်ႉ။ ၶဝ်​ဢွၼ်​ၵၼ်​ၶျႃး​ပၢင်​ၶဝ် ၵႃႈ​တီႈ​ဝဵင်း​ ၵေႇပႃႉ ​ယဝ်ႉ။ ဝဵင်း​ ရႃႇမႃႉ ​ၼၼ်ႉ မီး​တၢင်း​ဢၼ်​သၼ်ႇ​ဝႆ ၵူဝ်​ႁႄ​ယူႇ​ဢေႃႈ။ ဝဵင်း​ ၵီႉပႃႉ တီႈ​ယူႇ​ သေႃးလူႉ ​ၼၼ်ႉ ဢွၵ်ႇ​ပၢႆႈ​ဢွၵ်ႇ​ၼီ​ယဝ်ႉ။-</verse>
				<verse number="30">လုၵ်ႈ​ယိင်း​ဝဵင်း​ ၵႃႇရိမ်း ​ဢိူၺ်း၊ ႁွင်ႉ​သႅၼ်ႇ​သဵင်​မႂ်း​တႃႉ။ ဝဵင်း​ လေႇသႃႉ ​ဢိူၺ်း၊ ထွမ်ႇ​ငိၼ်း​တႃႉ။ ဝဵင်း​ ဢႃႇၼသုတ်ႉ ဢၼ်​မီး​ဢႃႉ​မင်ႇၵလႃႇ​ဢိူၺ်း၊-</verse>
				<verse number="31">ဝဵင်း​ မႃႇတမေႇၼႃႉ ​ၼၼ်ႉ ၶၢႆႉ​တီႈ​ၵႂႃႇ​ယဝ်ႉ။ ၵူၼ်း​ဝဵင်း​ ၵေႇပိမ်း ​ၸိူဝ်း​ၼၼ်ႉ ဢွၼ်​ၵၼ်​ပၢႆႈ​ႁႂ်ႈ​လွတ်ႈ​ဢေႃႈ။-</verse>
				<verse number="32">ဝၼ်း​မိူဝ်ႈ​ၼႆႉ​ၵမ်း​လဵဝ်​မၼ်း တၵ်း​ၵိုတ်း​သဝ်း​ယူႇ ၵႃႈ​တီႈ​ဝဵင်း​ ၼေႃႇၽႃႉ ​သေ​လႄႈ ဢဝ်​မိုဝ်း​မၼ်း​ငႃ​ၸူး၊ ယဵင်း​ၸူး​လွႆ​လုၵ်ႈ​ယိင်း​ ၸီႉဢုၼ်ႇ ဢၼ်​ဝႃႈ လွႆ​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="33">တူၺ်း​လူး၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တၵ်း​ဢဝ်​တၢင်း​ဢၼ်​လီ​ၵူဝ်​လီ​ႁႄ တီႇ​ၽဵဝ်ႈ​ပၢႆ​ၸိၵ်း​ၸွမ်​တူၼ်ႈ​မႆႉ​ပႅတ်ႈ လႄႈ မၼ်း​ၸဝ်ႈ​တၵ်း​တႅပ်း​ၽၼ်း​ၵိင်ႇ​ဢၼ်​သုင်​တင်း​လၢႆ လူမ်ႉ​ပႅတ်ႈ​သေ​လႄႈ ၶျႃး​ၵိင်ႇ​ဢၼ်​ယႂ်ႇ ၶိူဝ်း​ၼႃ​တင်း​လၢႆ​တူၵ်း​တီႈ​တႅမ်ႇ ဢေႃႈ။-</verse>
				<verse number="34">မၼ်း​ၸဝ်ႈ​တၵ်း​ဢဝ်​တႃ​မၢတ်ႇ​တီႇ​ပမ်ႈ​ယုမ်း​မႆႉ​ယုမ်း​ထိူၼ်ႇ​ပႅတ်ႈ​လႄႈ ထိူၼ်ႇ​ လေႇပၼုၼ်ႇ ​ၼၼ်ႉ တၵ်း​လူမ်ႉ​တူၵ်း​ယူႇ​လူၺ်ႈ မိုဝ်း​ၵေႃႉ​ဢၼ်​တၼ်း​ၶူဝ်း​ယႂ်ႇ​ၼၼ်ႉ​ဢေႃႈ။</verse>
			</chapter>
			<chapter number="11">
				<verse number="1">ၵႃႈ​တီႈ​တေႃ​မဵဝ်း​ ယေႇသႄး ​ၼၼ်ႉ တၵ်း​တႅၵ်ႇ​ၵိင်ႇ​တႅၵ်ႇ​ယွတ်ႈ​လႄႈ ႁုၼ်ႈ​ၵႃႈ​တီႈ​ႁၢၵ်ႈ​မၼ်း​ၸိူဝ်း​ၼၼ်ႉ တၵ်း​မၢၵ်ႇ​မၢၵ်ႇ​ဢေႃႈ။-</verse>
				<verse number="2">ဝီႉၺိၺ်ႇ​ၽြႃး​ဢၼ်​ဝႃႈ ဝီႉၺိၺ်ႇ​ဢၼ်​ပၼ်​ၺၢၼ်ႇ​ပိင်ႇ​ၺႃႇ၊ ဝီႉၺိၺ်ႇ​ဢၼ်​ပၼ်​တၢင်း​ၵတ်ႉ​တၢင်း​ၶၼ် ဢၼ်​ၵျၢမ်ႇ​ပွင်​ပဵၼ်​လႆႈ၊ ဝီႉၺိၺ်ႇ​ဢၼ်​ပၼ် သၽေႃး​ဢၼ်​ႁူႉ​ၸၵ်း​လႄႈ ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ တၵ်း​ၵိင်း​ဝၢပ်ႈ​ယူႇ ၵႃႈ​ၼိူဝ်​မၼ်း​ၼၼ်ႉ​ဢေႃႈ။-</verse>
				<verse number="3">မၼ်း​ၼၼ်ႉ​တၵ်း​မူၼ်ႈ​ပျေႃႇ​ယူႇ​ၼႂ်း​တၢင်း​ဢၼ်​ၵူဝ်​ႁႄ ထႃႇဝရႃႉ​ၽြႃး​လႄႈ ယင်း​ဢမ်ႇ​ၸီႇ​ယၢင်ႇ​တြႃး​ၸွမ်း​ၵႃႈ​ၼင်ႇ​ဢၼ်​မၢၵ်ႇ​တႃ​မၼ်း​ႁၼ်၊ ယင်း​ဢမ်ႇ​တႅပ်း​တတ်း​ၸွမ်း​ၵႃႈ​ၼင်ႇ​ဢၼ်​ႁူ​မၼ်း​ငိၼ်း​လႄႈ၊-</verse>
				<verse number="4">တၵ်း​ၸီႇ​ယၢင်ႇ​ဢမူႉ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ၸွမ်း​ၼင်ႇ​တြႃး​ၸဝ်ႈ​လႄႈ​ယူႇ​ၽၢႆႇ​ၵူၼ်း​လိၼ်​မိူင်း ဢၼ်​ၸႂ်​ၶျႃး​တႅမ်ႇ တင်း​လၢႆ​ၼၼ်ႉ​သေ​လႄႈ တႅပ်း​တတ်း သိုဝ်ႈ​သိုဝ်ႈ​တေႃႇ​တေႃႇ​ဢေႃႈ။ မၼ်း​တၵ်း​ဢဝ်​ၵၼ်း​ႁွၵ်ႇ​သူပ်း​မၼ်း ပေႃႉ​ယႅၼ်ႉ​လိၼ်​မိူင်း​လႄႈ ဢဝ်​လူမ်း​ဢၼ်​ဢွၵ်ႇ​သီႇ​သူပ်း​မၼ်း ဢဝ်​ၵေႃႉ​ဢၼ်​ႁၢႆႉ​ဢၼ်​မိူၵ်ႈ တၢႆ​ဢေႃႈ။-</verse>
				<verse number="5">တြႃး​တၢင်း​သိုဝ်ႈ​တေႃႇ​တၵ်း​ပဵၼ် ဢၼ်​ႁတ်ႉ​ဢၼ်​ၶဵၼ်း​ဢႅဝ်​မၼ်း​လႄႈ သဵတ်ႈ​ၸႃႇ​ၵေႃႈ​တၵ်း​ပဵၼ်​ဢၼ်​ႁတ်ႉ​ဢၼ်​ၶဵၼ်း ႁူဝ်​ဢူၵ်း​မၼ်း​ဢေႃႈ။-</verse>
				<verse number="6">မႃ​ထိူၼ်ႇ​တၵ်း​ယူႇ​လူၺ်ႈ​ၵၼ် တင်း​သူဝ်း​ဢွၼ်ႇ​လႄႈ သိူဝ်​ၸုမ်ႈ​တၵ်း​ၼွၼ်း​လူၺ်ႈ​ၵၼ်​တင်း​ပႄႉ​ဢွၼ်ႇ​ဢေႃႈ။ ဝူဝ်း​ဢွၼ်ႇ၊ သၢင်ႇ​သီႈ​ဢွၼ်ႇ၊ တူဝ်​ဢွၼ်ႇ ဢၼ်​လႅင်​ႁႂ်ႈ​ပီး​ႁႂ်ႈ​မၼ်း​ၸိူဝ်း​ၼၼ်ႉ တၵ်း​ၵႂႃႇ​မႃး​လူၺ်ႈ​ၵၼ်​လႄႈ လုၵ်ႈ​ဢွၼ်ႇ​တၵ်း​ဢဝ်​ၶဝ်​သူင်ႇ ဢေႃႈ။-</verse>
				<verse number="7">ဝူဝ်း​မႄႈ​ဢိၵ်ႇ​တင်း​မီ​မႄႈ တၵ်း​ၵိၼ်​တီႈ​လဵဝ် တၼ်း​လဵဝ်​ၵၼ်​လႄႈ လုၵ်ႈ​ဢွၼ်ႇ​ၶဝ်​တၵ်း​ၼွၼ်း​ႁူမ်ႈ​လူၺ်ႈ​ၵၼ်​ဢေႃႈ။ သၢင်ႇ​သီႈ​ၵေႃႈ တၵ်း​ၵိၼ်​ယိူဝ်ႈ​ယႃႈ​ၸိူဝ်ႉ​ၼင်ႇ​ဝူဝ်း​ဢေႃႈ။-</verse>
				<verse number="8">လုၵ်ႈ​ဢွၼ်ႇ​ဢၼ်​ၵိၼ်​ၼူမ်း​တၵ်း​လဵၼ်ႈ​လေႃႈ​ယူႇ​ၵႃႈ​ၼိူဝ် ႁူး​ငူး​ႁၢႆႉ​လႄႈ လုၵ်ႈ​ဢွၼ်ႇ​ဢၼ်​ၽၢတ်ႇ​ၼူမ်း​ၵေႃႈ တၵ်း​ဢဝ်​မိုဝ်း​မၼ်း​သေႇ​ၸူၵ်း​ၵႃႈ​ၼႂ်း​ႁူး​ငူး​ႁဝ်ႇ​ဢေႃႈ။-</verse>
				<verse number="9">ၶဝ်​ဢမ်ႇ​လႆႈ​ႁဵတ်း တၢင်း​ဢၼ်​ၼင်ႇ​ၵၼ်​ၵၼ်​ၼိၵ်ႈ​ၸၢၵ်ႈ​ငႅၼ်း​သႄး​ၵၼ်၊ တၢင်း​ဢၼ်​ယႃႉ​ၽဵဝ်ႈ​ပႅတ်ႈ​ၵၼ် ၵႃႈ​ၼိူဝ်​လွႆ ဢၼ်​မူတ်း​ၸၢင်ႇ​ၵဝ်​တင်း​သဵင်ႈ​တင်း​မူတ်း​ၼၼ်ႉ။ လွင်ႈ​မၼ်း​ၸမ်ႉ လိၼ်​မိူင်း​ၼႆႉ တၵ်း​ပျေႉ​ၸုမ်ႇ​ဝႆႉ​တင်း တၢင်း​ဢၼ်​ႁူႉ​ၸၵ်း ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​ဢၼ် ၼမ်ႉ​ပၢင်ႇ​လၢႆႇ​လႆႈ​ထူမ်ႈ​ႁူမ်ႇ​တီႈ​ယူႇ​မၼ်း​ယူႇ​ၼၼ်ႉ​ဢေႃႈ။</verse>
				<verse number="10">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ ႁၢၵ်ႈ​ ယေႇသႄး ​တၵ်း​ဢွၵ်ႇ​လႄႈ ပဵၼ်​လၢမ်ႇ​ဢၼ်​ပူၵ်း​ဝႆႉ​ပုၼ်ႈ​မဵဝ်း​ၵူၼ်း​တင်း​လၢႆ​လႄႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​တီႈ​မၼ်း​ဢေႃႈ။ တီႈ​ဢၼ်​မၼ်း​ၵိင်း​ဝၢပ်ႈ​ယူႇ​ၼၼ်ႉ​ၵေႃႈ မုၼ်​ၽုင်း​တၵ်း ယႂ်ႇ​ၼႃႇ​ဢေႃႈ။-</verse>
				<verse number="11">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ထႃႇဝရႃႉ​ၽြႃး တၵ်း​ယဵတ်ႇ​မိုဝ်း​မၼ်း​ၸဝ်ႈ​လႄႈ ႁဵတ်း​ႁႂ်ႈ​လႆႈ​ၼုၵ်ႈ​ဢဝ် ၵူၼ်း​မၼ်း​ၸဝ်ႈ ဢၼ်​ၵိုတ်း​ဢၼ်​ၵျၢၼ်ႇ တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢႃႇသူႉရီႉ ၊ မိူင်း​ ဢေႇၵိပ်ႉတူႉ ၊ မိူင်း​ ပႃႇသရူႉ ၊ မိူင်း​ ၵူႉသႃႉ ၊ မိူင်း​ ဢေႇလမ်ႇ ၊ မိူင်း​ သီႉၼႃႉ ၊ မိူင်း​ ႁႃႇမတ်ႉ ၊ ၵုၼ်​ၵႃႈ​ၼႂ်း​ပၢင်ႇ​လၢႆႇ​ၸိူဝ်း​ၼၼ်ႉ​မႃး​ထႅင်ႈ​ဢေႃႈ။-</verse>
				<verse number="12">မၼ်း​ၸဝ်ႈ​တၵ်း​ပူၵ်း​လၢမ်ႇ​ဝႆႉ​ပုၼ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ ႁွင်ႉ​ဢဝ်​ၵူၼ်း​မဵဝ်း​ ဢီႉသရေႇလႃႉ ဢၼ်​လႆႈ​ၶၢမ်ႇ​တၢင်း​ဢၼ် ႁေႃႈ​ဢွၵ်ႇ​ပႅတ်ႈ ဢိၵ်ႇ​တင်း ၵူၼ်း​မဵဝ်း​ ယူႉတႃႉ ဢၼ်​ၽၢတ်ႇ​ၽႄ​ၵၼ်​ယူႇ​ၵူႈ​တီႈ​ၵူႈ​လႅၼ်​ၸိူဝ်း​ၼၼ်ႉ လုၵ်ႉ​သေ​ၵႃႈ​တီႈ​သီႇ​ၼႃႈ သီႇ​ၽၢႆႇ​လိၼ်​မိူင်း​မႃး သေ​လႄႈ ႁႂ်ႈ​ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="13">တၢင်း​ဢၼ်​မဵဝ်း​ ဢေႇၽရိမ်ႇ သီႈ​ၵေႉ​ၼၼ်ႉ တၵ်း​ထၢတ်ႇ​ယဵၼ်​လႄႈ ၶဝ်​ၸိူဝ်း​ဢၼ်​ႁဵတ်း​တၢင်း​ၽိတ်း​သႂ်ႇ တီႈ​မဵဝ်း​ ယူႉတႃႉ ​ၼၼ်ႉ တၵ်း​ၶၢမ်ႇ​တၢင်း​ဢၼ်​ပႄႇ​ၽဵဝ်ႈ​ပႅတ်ႈ​ဢေႃႈ။ မဵဝ်း​ ဢေႇၽရိမ်ႇ ဢမ်ႇ​လႆႈ​သီႈ​ၵေႉ မဵဝ်း​ ယူႉတႃႉ ။ မဵဝ်း​ ယူႉတႃႉ ​ၵေႃႈ ဢမ်ႇ​လႆႈ​ႁဵတ်း တၢင်း​ၽိတ်း​သႂ်ႇ တီႈ​မဵဝ်း​ ဢေႇၽရိမ်ႇ ။-</verse>
				<verse number="14">ၶဝ်​ၼၼ်ႉ တၵ်း​ဢွၼ်​ၵၼ်​မိၼ်​ၵႂႃႇ​သႂ်ႇ​ၵႃႈ​တီႈ ႁူဝ်​မႃႇ​ၵူၼ်း​ ၽီႉလိတ်ႉတီႉ ​တင်း​လၢႆ ၵႃႈ​တီႈ​ၽၢႆႇ​တၢင်း​ဝၼ်း​တူၵ်း​ပုၼ်ႉ​လႄႈ တၵ်း​ၽွမ်ႉ​ၵၼ်​ႁိမ်​ဢဝ်​ႁူင်ႇ​ဢဝ် ဢုၵ်ႉ​ၸႃႇ​ၵူၼ်း​မိူင်း​ဝၼ်း​ဢွၵ်ႇ​ၸိူဝ်း​ၼၼ်ႉ​ဢေႃႈ။ ၶဝ်​တၵ်း​ဢွၼ်​ၵၼ်​ယဵတ်ႇ​မိုဝ်း​ၶဝ်​သႂ်ႇ တီႈ​မဵဝ်း​ ဢေႇတုမ်ႇ တင်း​မဵဝ်း​ မေႃႇၽႃႉ ​လႄႈ ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ တၵ်း​လႆႈ​ၶၢမ်ႇ​တၢင်း​ဢၼ်​ၵဝ် ဢုပ်ႉ​ပိူင်ႇ​ဢေႃႈ။-</verse>
				<verse number="15">ထႃႇဝရႃႉ​ၽြႃး တၵ်း​ယႃႉ​ၸဵင်ႇ​လႅမ် ဢၼ်​ပဵၼ်​လိၼ်​ပၢင်ႇ​လၢႆႇ​ ဢေႇၵိပ်ႉတူႉ ​ၼၼ်ႉ ႁၢႆ​ပႅတ်ႈ​လႄႈ ဢဝ်​လူမ်း​ၸဝ်ႈ ဢၼ်​ႁႅင်း​ယႂ်ႇ​ၼႃႇ​ၼၼ်ႉ သၼ်ႇ​ၶွၼ်း​မိုဝ်း​မၼ်း​ၸဝ်ႈ ၵႃႈ​ၼိူဝ်​ၼမ်ႉ​ႁွင်ႈ​လူင်​လႄႈ ၽတ်း​ယဵၼ်း ႁႂ်ႈ​ပဵၼ်​ႁွင်ႈ​ၸဵတ်း​ႁွင်ႈ​သေ​ယဝ်ႉ၊ ၵူၼ်း​တင်း​လၢႆ တၵ်း​လႆႈ တိုဝ်း​သွၵ်း​တိၼ်​သေ​လႄႈ ၶၢမ်ႈ​ၵႂႃႇ​ဢေႃႈ။-</verse>
				<verse number="16">တၵ်း​မီး​သဵၼ်ႈ​တၢင်း​လူင်​ပုၼ်ႈ​ၵူၼ်း​မၼ်း​ၸဝ်ႈ ဢၼ်​ၵိုတ်း​ဢၼ်​ၵျၢၼ်ႇ​ယူႇ ၵႃႈ​တီႈ​မိူင်း​ ဢႃႇသူႉရီႉ ​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​မီး​ပုၼ်ႈ​မဵဝ်း​ ဢီႉသရေႇလႃႉ ၼႂ်း​မိုဝ်ႉ​ဝၼ်း​ဢၼ်​ၶဝ်​ဢွၵ်ႇ​သေ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။</verse>
			</chapter>
			<chapter number="12">
				<verse number="1">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ မႂ်း​တၵ်း​လႆႈ​ဢွၵ်ႇ​သူပ်း​ဝႃႈ​ၸမ်ႉ၊ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​တၵ်း​ယွင်ႈ​ယေႃး​မုၼ်​ၵျေး​ၸူး​ၸဝ်ႈ​ႁဝ်း တီႈ​ၶႃႈ​ဢေႃႈ။ ပိၵ်ႉ​သမ်ႉ​ၸဝ်ႈ​ႁဝ်း ၸႂ်​မႆႈ​ၶႆႈ​ၸႃႉ​တေႃႇ​ၶႃႈ​ၸဝ်ႈ​သေ​ၵေႃႈ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​ၼၼ်ႉ ထၢတ်ႇ​ယဵၼ်​လႄႈ ၸဝ်ႈ​ႁဝ်း ႁႂ်ႈ​ၶႃႈ​ၸဝ်ႈ​ပေႇ​ၸႂ်​ၼိမ်​ၸႂ်​တီႈ​ၶႃႈ​ဢေႃႈ။-</verse>
				<verse number="2">ၽြႃး​ပဵၼ်​ၸဝ်ႈ ပဵၼ်​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ဢေႃႈ။ ၵဝ်​ယင်း​ဢမ်ႇ​မီး​ၸႂ်​ဢၼ်​ၵူဝ်​ဢၼ်​ႁႄ​လႄႈ တၵ်း​ႁတ်း​ႁၢၼ် ဢေႃႈ။ ၸဝ်ႈ​ထႃႇဝရႃႉ​ၽြႃး​ပဵၼ်​ႁႅင်း​တၼ်း​ၶူဝ်း​ၵဝ် တီႈ​ဢၼ်​ၵဝ်​ႁဵတ်း​ၵႂၢမ်း၊ ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ဢေႃႈ။-</verse>
				<verse number="3">သူ​တၵ်း​မီး​ၸႂ်​ဢၼ်​ၸူမ်း​ဢၼ်​သိူဝ်း​သေ​လႄႈ တဵၵ်း​ဢဝ်​ၼမ်ႉ​ၵႃႈ​တီႈ​ၼမ်ႉ​မေႃႇ​ဢွၵ်ႇ​ႁူး​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၼႂ်း​မိုဝ်ႉ​ဝၼ်း​ၼၼ်ႉ မႂ်း​တၵ်း​လႆႈ​ဢွၵ်ႇ​သူပ်း​ဝႃႈ​ၸမ်ႉ၊ ဢွၼ်​ၵၼ်​ယွင်ႈ​ယေႃး ထႃႇဝရႃႉ​ၽြႃး​တႃႉ။ ဢွၼ်​ၵၼ်​ႁဵတ်း​ပထၼႃႇ​တီႈ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တႃႉ။ ဢွၼ်​ၵၼ်​ၽုၺ်ႇ​ဢွၵ်ႇ​ၼႄ​ပျႃး​ဢမူႉ​မၼ်း​ၸဝ်ႈ​တင်း​လၢႆ ၵႃႈ​ၼႂ်း​ၵူၼ်း​တင်း​လၢႆ​တႃႉ။ ဢွၼ်​ၵၼ်​ႁႂ်ႈ​ၶဝ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ ယႂ်ႇ​မျၢတ်ႈ​ၼႃႇ​ၼၼ်ႉ​တႃႉ။-</verse>
				<verse number="5">ဢွၼ်​ၵၼ်​ႁဵတ်း​ၵႂၢမ်း​ထေႃးပၼႃႇ​တီႈ ထႃႇဝရႃႉ​ၽြႃး​တႃႉ။ မၼ်း​ၸဝ်ႈ​ႁဵတ်း​လွင်ႈ​တၢင်း​ဢၼ်​လၢၵ်ႇ​လၢႆး​ယဝ်ႉ။ ဢွၼ်​ၵၼ်​ႁႂ်ႈ​လွင်ႈ​တၢင်း ၸိူဝ်း​ၼႆႉ ႁူင်​ႁၢင်း​သႃႈ​ၸွတ်ႇ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​တႃႉ။-</verse>
				<verse number="6">လုၵ်ႈ​ယိင်း​ ၸီႉဢုၼ်ႇ ​ဢိူၺ်း၊ ႁွင်ႉ​ပၢဝ်ႇ​ႁွင်ႉ​လၢတ်ႈ​တႃႉ။ ၸူမ်း​သိူဝ်း​သေ​လႄႈ ႁွင်ႉ​သႅၼ်ႇ​တႃႉ။ လွင်ႈ​မၼ်း​ၸမ်ႉ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၼၼ်ႉ မုၼ်​ၽုင်း​ယႂ်ႇ​ၼႃႇ ၵႃႈ​ၼႂ်း​ၵၢင်​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="13">
				<verse number="1">ပျႃႇ​တိၵ်ႈ​ဢၼ်​ဝႃႈ လူၺ်ႈ​လွင်ႈ​ဝဵင်း​ ပႃႇပူႉလုၼ်ႇ ဢၼ်​ ဢီႉသႃႇယႃႉ လုၵ်ႈ​ၸၢႆး​ ဢႃႇမုတ်ႉ လႆႈ​ၶၢမ်ႇ​ၼၼ်ႉ​ၸမ်ႉ၊-</verse>
				<verse number="2">ဢွၼ်​ၵၼ်​ပူၵ်း​လၢမ်ႇ ၵႃႈ​ၼိူဝ်​လွႆ​ဢၼ်​ပၢင်ႇ​လီ လိူမ်ႈ​လီ​ၼၼ်ႉ​တႃႉ။ ဢွၼ်​ၵၼ်​ႁဵတ်း​သဵင်​ဢၼ်​ယႂ်ႇ​ၵႂၢင်ႈ​လႄႈ ႁွင်ႉ​သႅၼ်ႇ​တီႈ​ၶဝ်​တႃႉ။ ဢွၼ်​ၵၼ်​သၼ်ႇ​ၶွၼ်း​မိုဝ်း ၼႄ​ႁႂ်ႈ​ၶဝ်​ၼၼ်ႉ​ၶဝ်ႈ​ၵႃႈ​ၼႂ်း​ၽၵ်း​တူ တီႈ​ယူႇ​ၶုၼ်​တင်း​လၢႆ​တႃႉ။-</verse>
				<verse number="3">ၵဝ်​သင်ႇ​လၢတ်ႈ​တီႈ​ၶဝ်​ၸိူဝ်း​ဢၼ် ၵဝ်​ႁႂ်ႈ​မူတ်း​ၸၢင်ႇ​ၼၼ်ႉ​ဝႆႉ​ယဝ်ႉ။ ၵဝ်​ႁွင်ႉ​ဢဝ်​ၵူၼ်း​ႁတ်း​ၵူၼ်း​ႁၢၼ်​ၵဝ် ဢၼ်​ဝႃႈ​ၶဝ်​ၸိူဝ်း​ဢၼ်​သႂၢင်ႇ​သိူဝ်း​လူၺ်ႈ မုၼ်​ၽုင်း​ဢႃႇၼူႉၽေႃႇ​ၵဝ်​ၼၼ်ႉ​ဝႆႉ ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၵဝ် လႆႈ​ပေႇ​ယဝ်ႉ။-</verse>
				<verse number="4">မီး​သဵင်​ၵူၼ်း​ၼမ်​ၼႃႇ ၵႃႈ​ၼိူဝ်​လွႆ​တင်း​လၢႆ ၸိူဝ်ႉ​ၼင်ႇ​သဵင်​ၵူၼ်း​ဢၼ်​ပဵၼ်​မုၵ်ႉ​ပဵၼ်​ၸိူဝ်း​ယႂ်ႇ​ၼႃႇ၊ သဵင်​ဢၼ်​ႁူၼ်ႈ​ႁၢၼ်ႈ​ဢူၼ်​ဢဵၼ်​မေႃး​မႄး ၵူၼ်း​ဝၢၼ်ႈ​ၵူၼ်း​မိူင်း​ၼမ်​ၼႃႇ ၸူႉ​ၵၼ်​တုမ်​ၵၼ်​ၼၼ်ႉ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ ၸီႇ​ယၢင်ႇ​ႁၢင်ႈ​ပွင် ႁဵတ်း​မုၵ်ႉ​ႁဵတ်း​ၸိူဝ်း ႁႂ်ႈ​လႆႈ​တိုၵ်း​သိုၵ်း​ဢေႃႈ။-</verse>
				<verse number="5">ထႃႇဝရႃႉ​ၽြႃး ဢိၵ်ႇ​လူၺ်ႈ​ၵၼ်​တင်း​လၢၵ်ႈ​ၼၢၵ်ႈ​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၸိူဝ်း​ၼၼ်ႉ လုၵ်ႉ​သေ​ၵႃႈ​တီႈ​မိူင်း​ဢၼ်​ၵႆ တီႈ​ႁိမ်း​ၸဵင်ႇ​ႁိမ်း​လႅၼ်​ၵၢင်​ႁၢဝ်​ၼၼ်ႉ​မႃး ႁႂ်ႈ​လႆႈ​ယႃႉ​ပႅတ်ႈ​တင်း​မိူင်း​ဢေႃႈ။-</verse>
				<verse number="6">ၵွပ်ႈ​ပိူဝ်ႈ​ဢၼ် မိုဝ်ႉ​ဝၼ်း​ထႃႇဝရႃႉ​ၽြႃး​ၸမ်​လႄႈ ဢွၼ်​ၵၼ်​ႁွင်ႉ​ႁႆႈ​ပွင်ႉ​ၶၢင်း​တႃႉ။ တၵ်း​ႁွတ်ႈ​မႃး​မိူၼ်​ၸိူဝ်ႉ​ၼင်ႇ ၽေး​ဢၼ်ႇတရႄႇ ဢၼ်​ၸဝ်ႈ​ဢၼၼ်ႇတႃႉ​တၼ်း​ၶူဝ်း ၸီႇ​ယၢင်ႇ​ၼၼ်ႉ​ဢေႃႈ။-</verse>
				<verse number="7">ပိူဝ်ႈ​ၼႆ​လႄႈ မိုဝ်း​ၵႃႈ​မီး​ၼၼ်ႉ တၵ်း​ဢူၼ်ႈ​တၢၵ်ႇ လႄႈ​ႁူဝ်​ၸႂ်​ၵူၼ်း​တင်း​လၢႆ တၵ်း​လူႉ​လႄႈ ၶဝ်​တၵ်း​ဢွၼ်​ၵၼ်​ႁွတ်ႈ​ထိုင် တၢင်း​ဢၼ်​ၵူဝ်​ဢၼ်​ႁႄ​ဢေႃႈ။-</verse>
				<verse number="8">ဝူၺ်ႇတၼႃႇ တၢင်း​ဢၼ်​ၸဵပ်း​ဢၼ်​ၶိုၼ်ႈ ၵူႈ​ၸိူဝ်ႉ​ၵူႈ​ပိူင် တၵ်း​တီႉ​ၵမ်​ဢဝ်​ၶဝ်​လႄႈ ၶဝ်​တၵ်း​လႆႈ​ၶၢမ်ႇ​ဝူၺ်ႇတၼႃႇ မိူၼ်​ၸိူဝ်ႉ​ၼင်ႇ​မႄႈ​ယိင်း ဢၼ်​ၵိူတ်ႇ​လဵင်ႉ​လုၵ်ႈ​ယူႇ​ၼၼ်ႉ​ဢေႃႈ။ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​လူ​တူၺ်း​ၵၼ်​လႄႈ ငိူဝ်ႈ​ငဝ်​ယူႇ​သေ​လႄႈ ၼႃႈ​ၶဝ်​တၵ်း​မီး​ႁၢင်ႈ​ၽၢင်​ပဵဝ်​ၽႆး​ဢေႃႈ။-</verse>
				<verse number="9">တူၺ်း​လူး၊ မိုဝ်ႉ​ဝၼ်း ထႃႇဝရႃႉ​ၽြႃး ဢၼ်​ၵျၢမ်း​ထၢမ်း​ၼႃႇ​လႄႈ ပျေႉ​ၸုမ်ႇ​ဝႆႉ​တင်း​တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၼၼ်ႉ တၵ်း​ႁွတ်ႈ​မႃး ႁႂ်ႈ​လႆႈ​ယႃႉ​မိူင်း​ၸဝ်ႈ​ပႅတ်ႈ​လႄႈ ပႄႇ​ၽဵဝ်ႈ​ၵူၼ်း​ဝၢၼ်ႈ​ၵူၼ်း​မိူင်း ဢၼ်​ဢပႅတ်ႈ​ယႂ်ႇ​ၼႃႇ​ၸိူဝ်း​ၼၼ်ႉ ပႅတ်ႈ​သေ​ၵႃႈ​ၼႂ်း​မၼ်း​ဢေႃႈ။-</verse>
				<verse number="10">လၢဝ်​ၼၢၵ်ႈ​ၶၢတ်ႈ​ၵႃႈ​ၼိူဝ်​ၵၢင်​ႁၢဝ်​ၸိူဝ်း​ၼၼ်ႉ တၵ်း​ဢမ်ႇ​ပၼ်​ဢၼ်​လႅင်း၊ ၵၢင်​ဝၼ်း​တၵ်း​လမ်​ၵႂႃႇ​တင်း​သဵင်ႈ​တင်း​မူတ်း၊ ၼႂ်း​မိူဝ်ႈ​ဢၼ်​မၼ်း ဢွၵ်ႇ​မႃး​ၼၼ်ႉ​လႄႈ လိူၼ်​ၵေႃႈ​ယင်း​ဢမ်ႇ​ႁိူဝ်ႈ​ဢမ်ႇ​လႅင်း​လႄႈ တၵ်း​ယူႇ​ဢေႃႈ။-</verse>
				<verse number="11">ၵဝ်​တၵ်း​ၸႅတ်ႈ​တူၺ်း​ဢပႅတ်ႈ​လိၼ်​မိူင်း ဢိၵ်ႇ​တင်း​တူႉ​ၸရိူၵ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး ၼၼ်ႉ​လႄႈ ႁႂ်ႈ​တၢင်း​ဢၼ်​ပူၵ်း​ပႅၼ် ၵေႃႉ​ဢၼ်​မႃႇၼႃႉ​ယႂ်ႇ​ၼၼ်ႉ ထၢတ်ႇ​သုတ်း​လႄႈ ၶျႃး​တၢင်း​ဢၼ်​ၸွၵ်ႇ​ၵႃး ၵေႃႉ​ဢၼ်​ႁၢဝ်ႈ​ၵျၢမ်း​ၼၼ်ႉ​တူၵ်း​တီႈ​တႅမ်ႇ​ဢေႃႈ။-</verse>
				<verse number="12">ၵဝ်​တၵ်း​ႁဵတ်း​ႁႂ်ႈ​ၵူၼ်း​ထိူၵ်ႈ​ၵႃႈ​ထိူၵ်ႈ​ၶၼ် ၼႃႇ​သေ​ၶမ်း​လွတ်ႈ​ငၢၼ်ႇ​လႄႈ ႁႂ်ႈ​ၵူၼ်း​သတ်ႉတဝႃႇ​ထိူၵ်ႈ​ၵႃႈ​ထိူၵ်ႈ​ၶၼ် ၼႃႇ​သေ​သႅင်​ၶမ်း​ ဢေႃႇၽီႉရႃႉ ​ဢေႃႈ။-</verse>
				<verse number="13">ပိူဝ်ႈ​ၼႆ​လႄႈ ၵဝ်​တၵ်း​သၼ်ႇ​ၶွၼ်း​ၽႃႉ​ၵၢင်​ႁၢဝ်​လႄႈ ႁႂ်ႈ​လိၼ်​မိူင်း​ၶၢႆႉ​သေ​တီႈ​ယူႇ​မၼ်း ၼႂ်း​လွင်ႈ​ဢၼ်​တေႃး​သႃႉ​တၢင်း​ၸႂ်​မႆႈ​ၸႂ်​လိူတ်ႇ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ဢွၵ်ႇ ဢိၵ်ႇ​တင်း ၼႂ်း​မိုဝ်ႉ​ဝၼ်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢၼ်​ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="14">ၶဝ်​တၵ်း​လႆႈ​ပဵၼ်​ၸိူဝ်ႉ​ၼင်ႇ​ၵႂၢင်​မႄႈ ဢိၵ်ႇ​တင်း ၸိူဝ်ႉ​ၼင်ႇ​သူဝ်း​တင်း​လၢႆ ဢၼ်​ဢမ်ႇ​မီး​ၵေႃႉ​ဢၼ်​ပႂ်ႉ​ဢၼ်​ထိင်း​ၼၼ်ႉ​လႄႈ တၵ်း​ဢွၼ်​ၵၼ်​ဝၢႆႇ​ၼႃႈ​တေႃႇ ၵူၼ်း​မဵဝ်း​တူဝ်​ၸဝ်ႈ​ၵဝ်ႇ ႁင်း​ၽႂ်​ႁင်း​မၼ်း​သေ​လႄႈ ပၢႆႈ​ၵႂႃႇ​ၸူး​ၵႃႈ​တီႈ​မိူင်း​တူဝ်​ၸဝ်ႈ​ၵဝ်ႇ​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="15">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် ထူပ်း​မႅၼ်ႈ​ၵႃႈ​မီး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​ႁွၵ်ႇ​တႅင်း​လႄႈ ၶဝ်​ၸိူဝ်း​ဢၼ် ဝၢင်း​ၵွမ်း​ၼွမ်း​ၸူး​ၼၼ်ႉ​ၵေႃႈ တၵ်း​လႆႈ​သုမ်း​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။-</verse>
				<verse number="16">လုၵ်ႈ​ဢွၼ်ႇ​လၢင်း​ဢွၼ်ႇ​ၶဝ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​ၽတ်ႉ ဢဝ်​သွင်ႉ​ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၶဝ်​လႄႈ ႁိူၼ်း​ၶဝ်​ယေး​ၶဝ်​တၵ်း​လႆႈ​ၶၢမ်ႇ​တၢင်း​ဢၼ် ႁိမ်​ႁူင်ႇ​ဢဝ်​လႄႈ မေး​ၶဝ်​တင်း​လၢႆ​တၵ်း​လႆႈ​ၶၢမ်ႇ​တၢင်း​ဢၼ် ႁဵတ်း​ဢႃႉထမ်ႇမႃႉ​ဢေႃႈ။-</verse>
				<verse number="17">တူၺ်း​လူး၊ ၵဝ်​တၵ်း​တိုၵ်း​ယူင်း​ၵူၼ်း​ မေႇတီႉ ဢၼ်​ဢမ်ႇ​မၢတ်ႈ​ငိုၼ်း​ပဵၼ်​ၵႃႈ​သင် ဢၼ်​ဢမ်ႇ​မီး​ဢလူဝ်ႇ​ၶႂ်ႈ​လႆႈ​ၶမ်း ၸိူဝ်း​ၼၼ်ႉ လုၵ်ႉ​ယူႇ​ၽၢႆႇ​ၼိုင်ႈ တင်း​ၶဝ်​ဢေႃႈ။-</verse>
				<verse number="18">ၵၢင်ႇ​ၶဝ်​ၼၼ်ႉ တၵ်း​ပေႃႉ​ၽတ်ႉ​ၵူၼ်း​ၼုမ်ႇ​ၵူၼ်း​ၵမ်​တင်း​လၢႆ​ၶၢတ်ႇ​ပဵၼ်​ပွတ်း​ပဵၼ်​တွၼ်ႈ​ၵႂႃႇ​လႄႈ ၶဝ်​ဢမ်ႇ​ဢဵတ်း​လူ မၢၵ်ႇ​တွင်ႉ​တူဝ် ၶၼ်ႇ​ထႃႇ​တင်း​လၢႆ​လႄႈ မၢၵ်ႇ​တႃ​ၶဝ် ဢမ်ႇ​သေ​လၢႆ​လုၵ်ႈ​ဢွၼ်ႇ​လၢင်း​ဢွၼ်ႇ​တင်း​လၢႆ။-</verse>
				<verse number="19">ဝဵင်း​ ပႃႇပူႉလုၼ်ႇ ဢၼ်​ပဵၼ်​ၸိၵ်း​ပဵၼ်​ၸွမ်​သိုင်ႇ​ၸိုင်ႈ​ဝၢၼ်ႈ​မိူင်း၊ ဢၼ်​ပဵၼ်​မုၼ်​ၽုင်း​သရေႇ ၵူၼ်း​မဵဝ်း​ ၶႃႇလတေး ​ၸိူဝ်း​ၼၼ်ႉ တၵ်း​လႆႈ​ပဵၼ်​ၸိူဝ်ႉ​ၼင်ႇ ဝဵင်း​ သေႃးတုမ်ႇ ​တင်း​ဝဵင်း​ ၵေႃးမေႃးရႃႉ ဢၼ်​ၽြႃး​ပဵၼ်​ၸဝ်ႈ​ယႃႉ​ပႅတ်ႈ​ၼၼ်ႉ​ဢေႃႈ။-</verse>
				<verse number="20">ၵႃႈ​တီႈ​ၼၼ်ႈ​ၽူႈ​လႂ်​တၵ်း​ဢမ်ႇ​လႆႈ​ယူႇ​လႃး​လႃး​လႄႈ ၽူႈ​လႂ်​တၵ်း​ဢမ်ႇ​လႆႈ​တူၵ်း​တီႈ​တူၵ်း​လႅၼ်​လႄႈ​ယူႇ ၵူႈ​ၸူဝ်ႈ​ၵူႈ​ပၢၼ် သိုပ်ႇ​သိုပ်ႇ​တၢမ်း​တၢမ်း။ ၵႃႈ​တီႈ​ၼၼ်ႈ​ၵူၼ်း​ ဢရေႇပျႃႉ တၵ်း​ဢမ်ႇ​လႆႈ​ၵင်ႈ​မူဝ်းၵႃႇ။ ၵူၼ်း​လဵင်ႉ​သူဝ်း​ထိင်း​သူဝ်း​တင်း​လၢႆ တၵ်း​ဢမ်ႇ​လႆႈ​ႁဵတ်း​ၶွၵ်ႈ​သူဝ်း​လႃး​လႃး။-</verse>
				<verse number="21">တူဝ်​ထိူၼ်ႇ​ႁၢႆႉ​တင်း​လၢႆ တၵ်း​ဢွၼ်​ၵၼ်​ၼွၼ်း​ၵႃႈ​တီႈ​ၼၼ်ႈ​လႄႈ ႁိူၼ်း​ၶဝ်​ၼၼ်ႉ​တၵ်း​တဵမ်​ဝႆႉ​တင်း​တရိၵ်ႈသၢၼ်ႇ ဢၼ်​ႁွင်ႉ​ဢၼ်​ၶၢင်း​ဢေႃႈ။ ၼူၵ်ႉ​ၵလႃးဢုၵ်ႉ​တင်း​လၢႆ တၵ်း​တူၵ်း​တီႈ​တူၵ်း​လႅၼ်​ယူႇ​လႄႈ ပႄႉ​ထိူၼ်ႇ​တင်း​လၢႆ​တၵ်း​ဢွၼ်​ၵၼ်​ၵႃႈ​ဝႅၼ်​ဢေႃႈ။-</verse>
				<verse number="22">မႃ​ထိူၼ်ႇ​တင်း​လၢႆ တၵ်း​ဢွၼ်​ၵၼ်​ႁဝ်ႇ​ႁွၼ်​ၵႃႈ​ၼႂ်း​ႁေႃ​ၶမ်း​ၶဝ်​လႄႈ မႃ​လိၼ်​တင်း​လၢႆ တၵ်း​ဢွၼ်​ၵၼ်​ႁဝ်ႇ​ႁွၼ်​ၵႃႈ​ၼႂ်း ၽုင်ႇ​ပိၵ်ႈ​မၢၼ်ႇ ၸိူဝ်း​ၼၼ်ႉ​ဢေႃႈ။ ၶိင်ႇ​ၵႃႇလႃႉ​မၼ်း​ၸမ်​ၼႃႇ​ယဝ်ႉ။ ၸူဝ်ႈ​တႃႇ​ဢသၢၵ်ႈ​မၼ်း ဢမ်ႇ​လႆႈ​ယိုၼ်း​လႆႈ​ယၢဝ်း။</verse>
			</chapter>
			<chapter number="14">
				<verse number="1">လွင်ႈ​မၼ်း​ၸမ်ႉ ထႃႇဝရႃႉ​ၽြႃး တၵ်း​ဢဵတ်း​လူ​မဵဝ်း​ ယႃႇၵုပ်ႈ ​လႄႈ သမ်ႉ​ၶိုၼ်း​လိူၵ်ႈ​ၵဵပ်း​ဢဝ်​မဵဝ်း​ ဢီႉသရေႇလႃႉ ​သေ​ယဝ်ႉ၊ တၵ်း​ၶျႃး​တီႈ​ယူႇ​ၶဝ် ပၼ်​ၵႃႈ​ၼႂ်း​မိူင်း​ဢၼ်​ၶဝ်​ယူႇ​ၵဝ်ႇ​ၵဝ်ႇ​ၼၼ်ႉ​ဢေႃႈ။ ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း တၵ်း​ဢွၼ်​ၵၼ်​ႁဵတ်း​ၵေႃႉ​ႁဵတ်း​သေႈ လူၺ်ႈ​ၵၼ်​တင်း​ၶဝ်​လႄႈ သုတ်ႉ​ၶဝ်ႈ​ၸပ်း​ၶဝ်ႈ​ၸူး​ၵႃႈ​တီႈ​မဵဝ်း​ ယႃႇၵုပ်ႈ ​ဢေႃႈ။-</verse>
				<verse number="2">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ တၵ်း​ဢွၼ်​ၵၼ်​ဢဝ်​ၶဝ်​သူင်ႇ​ႁွတ်ႈ​ၵႃႈ​တီႈ​ဢၼ်​ၶဝ်​ယူႇ​ၵဝ်ႇ​ၵဝ်ႇ​ၼၼ်ႉ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​ဢဝ်​ၶဝ်​ၼၼ်ႉ​ဝႆႉ ၵႃႈ​ၼႂ်း​ဢရႃႇ ၶႃႈ​ၵူၼ်း​ယိင်း​ၶႃႈ​ၵူၼ်း​ၸၢႆး ၵႃႈ​ၼႂ်း​မိူင်း ထႃႇဝရႃႉ​ၽြႃး​ၼၼ်ႉ​သေ​လႄႈ ၸႂ်ႉ​ၵိၼ်​သွႆ​ၵိၼ်​ဢေႃႈ။ ၶဝ်​တၵ်း​လႆႈ​သမ်ႉ​သိမ်း​ဢဝ်​ၶဝ်​ၸိူဝ်း​ဢၼ် ယၢမ်ႈ​လႆႈ​သိမ်း​ဢဝ်​ၶဝ်​ၵႂႃႇ​ၸိူဝ်း​ၼၼ်ႉ​မႃး​လႄႈ ဢုပ်ႉ​ပိူင်ႇ​ၶဝ်​ၸိူဝ်း​ဢၼ် ယၢမ်ႈ​ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၼၼ်ႉ​ဢေႃႈ။</verse>
				<verse number="3">ၼႂ်း​မိုဝ်ႉ​ဝၼ်း​ၼၼ်ႉ ထႃႇဝရႃႉ​ၽြႃး တၵ်း​ၼုၵ်ႈ​ဢဝ်​မႂ်း​ဢွၵ်ႇ​သေ​ၵႃႈ​ၼႂ်း​တၢင်း​ဢၼ်​မႆႈ​ၸႂ်​ယၢပ်ႇ​ၸႂ်၊ တၢင်း​ဢၼ်​ၵူဝ်​ဢၼ်​ႁႄ၊ တၢင်း​ဢၼ်​လႆႈ​ၶၢမ်ႇ​ႁဵတ်း​ၶႃႈ​လႄႈ ပိူၼ်ႈ​ၸႂ်ႉ​ၵိၼ်​သွႆ​ၵိၼ်​ၼၼ်ႉ​သေ​လႄႈ ပၼ်​ၵတ်း​ယဵၼ်​ၶျၢမ်း​သႃႇ​လႄႈ၊-</verse>
				<verse number="4">မႂ်း​တၵ်း​လႆႈ​ဢဝ်​ၵႂၢမ်း​ဢပုမ်ႇ​ဢၼ်​ၸိူဝ်ႉ​ၼင်ႇ​ၼႆ တႅၵ်ႈ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​သေ​လႄႈ ဢွၵ်ႇ​သူပ်း​ဝႃႈ​ၸမ်ႉ၊ ၵေႃႉ​ဢၼ်​ႁဵတ်း တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ သုမ်း​ၸွမ်း​ယဝ်ႉ​လူင်​ပႄႇ။ ဝဵင်း​ၶမ်း​ၸဝ်ႈ​ၼၼ်ႉ သုမ်း​ၸွမ်း​ယဝ်ႉ​လူင်​ပႄႇ။-</verse>
				<verse number="5">ထႃႇဝရႃႉ​ၽြႃး ႁၵ်း​ႁဵၵ်း​ၶွၼ်ႉ​တဝ်ႉ​ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ၊ ၵၼ်း​ႁွၵ်ႇ​ရႃႇ​ၸႃႉ​ၶဝ်​ၸိူဝ်း​ဢၼ်​ဢုပ်ႉ​ပိူင်ႇ​တင်း​လၢႆ၊-</verse>
				<verse number="6">ဢၼ်​ႁဵတ်း​တၢင်း​ဢၼ်​တၢင်း​ၸႂ်​မႆႈ​ၶႆႈ​ၸႃႉ​ဢွၵ်ႇ​သေ​လႄႈ ပေႃႉ​ယႅၼ်ႉ​ၵူၼ်း​သတ်ႉတဝႃႇ​တင်း​လၢႆ ယူႇ​တႃႇ​သေႇ​ဢမ်ႇ​ထၢတ်ႇ ဢိၵ်ႇ​တင်း တၢင်း​ဢၼ်​ၸႂ်​မႆႈ​ၸႂ်​လိူတ်ႇ​လႄႈ ပႃး​ဢဝ်​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​ၽူႈ​လႂ်​ဢမ်ႇ​ႁႄႉ​ၶႅၼ်​လႆႈ​ၼၼ်ႉ သေႇ​သေႇ ဢုပ်ႉ​ပိူင်ႇ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ​ပႅတ်ႈ​ယဝ်ႉ။-</verse>
				<verse number="7">လိၼ်​မိူင်း​တင်း​သဵင်ႈ​တင်း​မူတ်း မီး​တၢင်း​ဢၼ်​တႄႇ​လီ​ၼိမ်​လီ​လႄႈ ၵတ်း​ယဵၼ်​ၶျၢမ်း​သႃႇ​ဢေႃႈ။ ၶဝ်​ဢွၼ်​ၵၼ်​ဢဝ် သဵင်​ဢၼ်​ႁဵတ်း​ၵႂၢမ်း သႂၢင်ႇ​သႂၢင်ႇ​သိူဝ်း​သိူဝ်း​ၼၼ်ႉ​သေ​လႄႈ ႁွင်ႉ​သႅၼ်ႇ​ဢေႃႈ။-</verse>
				<verse number="8">တူၼ်ႈ​ပႅၵ်ႇ​ဢိၵ်ႇ​တင်း​တူၼ်ႈ​ ဢႃႇရိတ်ႉ လေႇပၼုၼ်ႇ ​တင်း​လၢႆ ဢွၼ်​ၵၼ်​ၸူမ်း​သိူဝ်း​လႄႈ လၢတ်ႈ​လႄႈ​ဝႃႈ၊ လိုၼ်း​သေ​ဢၼ်​မႂ်း လူမ်ႉ​ယဝ်ႉ​ၼၼ်ႉ၊ ၵေႃႉ​ဢၼ်​တၵ်း​တီႇ​ပမ်ႈ​တႅပ်း ၽၼ်း​ႁဝ်း​လူမ်ႉ​ၼၼ်ႉ ဢမ်ႇ​လႆႈ​ၶိုၼ်း​မႃး​ယႃႉ​ႁဝ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မိူင်း​မရၼႃႉ​ၵႃႈ​တီႈ​ၽၢႆႇ​တၢင်း​တႂ်ႈ​ၼၼ်ႉ တူင်ႉ​တိုၼ်ႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မႂ်း ၼႂ်း​မိူဝ်ႈ​ဢၼ်​မႂ်း​ႁွတ်ႈ​ထိုင်​ၼၼ်ႉ​လႄႈ တိုၵ်း​ယူင်း ၵူၼ်း​ပႃႇ​ႁဵဝ်ႈ​သၢင်း​ၶႅင်း တင်း​လၢႆ ဢၼ်​ဝႃႈ​ၶုၼ်​လေႃးၵီႇ တင်း​သဵင်ႈ​တင်း​လူင် ပုၼ်ႈ​မႂ်း​သေ​လႄႈ ႁႂ်ႈ​ၶုၼ်​ႁေႃ​ၶမ်း​ၵူႈ​သိုင်ႇ​ၵူႈ​မိူင်း​ၵႃႈ​မီး လုၵ်ႉ​သေ​ၵႃႈ​တီႈ ရႃႇၸႃႉ​ပလၢင်ႇ​ၶဝ်​ဢေႃႈ။-</verse>
				<verse number="10">ၶဝ်​တင်း​သဵင်ႈ​တင်း​လူင်​ၼၼ်ႉ တၵ်း​ဢွၼ်​ၵၼ်​တၵ်ႉ​လၢတ်ႈ​တီႈ​မႂ်း​လႄႈ​ဝႃႈ၊ မႂ်း​ၼႆႉ​ၵေႃႈ ႁႅင်း​လဵၵ်ႉ​ႁႅင်း​ၵေႇ မိူၼ်​ၸိူဝ်ႉ​ၼင်ႇ​ႁဝ်း​ယဝ်ႉ​လူင်​ပႄႇ။ မႂ်း​ပဵၼ်​မိူၼ်​ၵၼ်​တင်း​ႁဝ်း​ယဝ်ႉ​လူင်​ပႄႇ။-</verse>
				<verse number="11">မုၼ်​သရေႇ​မႂ်း ဢိၵ်ႇ​တင်း​သဵင်​မဵဝ်း​တူႇရီႉယႃႇ​မႂ်း​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​သႂ်ႇ ၵႃႈ​ၼႂ်း​မိူင်း​မရၼႃႉ​ယဝ်ႉ​လူင်​ပႄႇ။ ၵႃႈ​တီႈ​တႂ်ႈ​မႂ်း​မီး​တၢင်း​ဢၼ်​တူဝ်​မူင်ႈ​တင်း​လၢႆ​သိူဝ်ႇ​ဝႆႉ​ယူႇ၊ ၵႃႈ​တီႈ​ၼိူဝ်​မႂ်း မီး​တၢင်း​ဢၼ် တိူၵ်ႇ​လိူၼ်​တင်း​လၢႆ ႁူမ်ႇ​သုမ်ႇ​ဝႆႉ​ယူႇ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵူၼ်း​ၵၢင်​ၼႂ်၊ လၢဝ်​မိူင်း​လႅင်း​ဢိူၺ်း၊ မႂ်း​ၼႆႉ​တူၵ်း​သေ​ၵႃႈ​ၼိူဝ်​ၵၢင်​ႁၢဝ်​ယဝ်ႉ​လူင်​ပႄႇ။ မႂ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ၵူႈ​သိုင်ႇ​ၵူႈ​မိူင်း​ၼႆႉ လႆႈ​ၶၢမ်ႇ​တၢင်း​ဢၼ်​ပမ်ႈ​လူမ်ႉ တေႃႇ​ထိုင်​ႁွတ်ႈ​လိၼ်​ယဝ်ႉ​လူင်​ပႄႇ။-</verse>
				<verse number="13">မႂ်း​မီး​ၸႂ်​ဢၼ်​ၵျၢမ်ႇ​ပွင်​လႄႈ​ဝႃႈ၊ ၵဝ်​တၵ်း​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​ဢေႃႈ။ ၵဝ်​တၵ်း​ယုၵ်ႉ​ယွင်ႈ​ပလၢင်ႇ​ၵဝ်​ဝႆႉ ၵႃႈ​ၼိူဝ်​လၢဝ် ၽြႃး​ပဵၼ်​ၸဝ်ႈ ၸိူဝ်း​ၼၼ်ႉ​ဢေႃႈ။ ၵဝ်​တၵ်း​ၼင်ႈ​ယူႇ​ၵႃႈ​ၼိူဝ်​လွႆ​ပရဵၵ်ႈသၢတ်ႈ​ၸဝ်ႈ ၵႃႈ​တီႈ​ၽၢႆႇ​တၢင်း​ႁွင်ႇ​ၼၼ်ႉ​ဢေႃႈ။-</verse>
				<verse number="14">ၵဝ်​တၵ်း​ၶိုၼ်ႈ​ၵႃႈ​ၼိူဝ်​ၸိၵ်း​ၸွမ်​ၽႃႈ​ၽူၼ်​လႄႈ တၵ်း​ယူႇ​မိူၼ်​ၸိူဝ်ႉ​ၼင်ႇ ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၵူၺ်း​ၵႃႈ မႂ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း ၵႃႈ​ၼႂ်း​မိူင်း​မရၼႃႉ ၵႃႈ​တီႈ​ၼႂ်း​ၶုမ်​ပႃႇ​ႁဵဝ်ႈ​သၢင်း​ၶႅင်း​ယဝ်ႉ။-</verse>
				<verse number="16">ၶဝ်​ၸိူဝ်း​ဢၼ်​ႁၼ်​မႂ်း​ၼၼ်ႉ တၵ်း​ယႅၵ်ႉ​တူၺ်း​မႂ်း​ၸေး​ၸေး​ၸွတ်ႇ​ၸွတ်ႇ​လႄႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​မႂ်း​သေ​လႄႈ လၢတ်ႈ​လႄႈ​ဝႃႈ၊ ၵေႃႉ​ဢၼ်​ႁႂ်ႈ​လိၼ်​မိူင်း​သၼ်ႇ​ဝႆ​လႄႈ ၶွၼ်း​ၶဝ်ႇ​သိုင်ႇ​ၸိုင်ႈ​ဝၢၼ်ႈ​မိူင်း​တင်း​လၢႆ၊-</verse>
				<verse number="17">ၵေႃႉ​ဢၼ်​ႁႂ်ႈ​လိၼ်​မိူင်း​ပဵၼ်​ၸိူဝ်ႉ​ၼင်ႇ​ထိူၼ်ႇ​ၼင်ႇ​ၶိူဝ်း​လႄႈ ယႃႉ​ၽဵဝ်ႈ​ဝဵင်း​မၼ်း​တင်း​လၢႆ​ပႅတ်ႈ၊ ၵေႃႉ​ဢၼ်​ဢမ်ႇ​ပွႆႇ ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ၼၼ်ႉ ၶိုၼ်း​မိူဝ်း​ၸူး​ၵႃႈ​တီႈ​တီႈ​ယူႇ​ၶဝ်​ၼၼ်ႉ​ၸမ်ႉ၊ ပဵၼ်​ၵေႃႉ​ၼႆႉ​ႁိုဝ်။-</verse>
				<verse number="18">ၶုၼ်​ႁေႃ​ၶမ်း​ၵူႈ​သိုင်ႇ​ၵူႈ​မိူင်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ပႃး​ဢဝ်​မုၼ်​သရေႇ​သေ​လႄႈ ၼွၼ်း​ၵႃႈ​ၼႂ်း​လိူင်ႇ​ၸႃႇ ​တီႈ​ၶဝ်​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="19">မႂ်း​ၸမ်ႉ၊ လႆႈ​ၶၢမ်ႇ​တၢင်း​ဢၼ်​ဢဝ်​ဢွၵ်ႇ​ပႅတ်ႈ​သေ​ၵႃႈ​ၼႂ်း​ပႃႇ​ႁဵဝ်ႈ​သၢင်း​ၶႅင်း​မႂ်း မိူၼ်​ၸိူဝ်ႉ​ၼင်ႇ​ၵိင်ႇ​မႆႉ​ၶႃႊ​မႆႉ ဢၼ်​လီ​ႁင်ႈ​ဢဵတ်ႇ​သဵတ်ႇ ၼၼ်ႉ​လႄႈ ပဵၼ်​ၸိူဝ်ႉ​ၼင်ႇ​ၶူဝ်း​ၼုင်ႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၶႃႈ​ၽၼ်း​ဢဝ်​တၢႆ​ပႅတ်ႈ​လႄႈ မိတ်ႈ​တႅင်း​သႂ်ႇ​သေ​ယဝ်ႉ၊ ဢဝ်​ၶျႃး​တူၵ်း​သႂ်ႇ​ၵႃႈ​ၼႂ်း​ပႃႇ​ၵွၼ်ႈ​ႁိၼ် ၵႃႈ​တီႈ​ပႃႇ​ႁဵဝ်ႈ​သၢင်း​ၶႅင်း​ၼၼ်ႉ​လႄႈ ပဵၼ်​ၸိူဝ်ႉ​ၼင်ႇ​တူဝ်​တၢႆ ဢၼ်​တိၼ်​ယဵပ်ႇ​ၶၢမ်ႈ​ၼၼ်ႉ​ဢေႃႈ။-</verse>
				<verse number="20">မႂ်း​ဢမ်ႇ​လႆႈ​ၶၢမ်ႇ​တၢင်း​ဢၼ် သၢင်း​ၵျူဝ်ႇ​လူၺ်ႈ​ၵၼ်​တင်း​ၶဝ်​ၼၼ်ႉ။ လွင်ႈ​မၼ်း​ၸမ်ႉ မႂ်း​ယႃႉ​မိူင်း​မႂ်း​ပႅတ်ႈ​ယဝ်ႉ၊ မႂ်း​ဢဝ်​ၵူၼ်း​ဝၢၼ်ႈ ၵူၼ်း​မိူင်း​မႂ်း​တၢႆ​ယဝ်ႉ။ ၸိူဝ်ႉ​ၶိူဝ်း​ၶဝ်​ၸိူဝ်း​ဢၼ်​ႁဵတ်း​ဢႃႉထမ်ႇမႃႉ​ၼၼ်ႉ ဢမ်ႇ​လႆႈ​ႁူင်​ႁၢင်း​သႃႈ​ၸွတ်ႇ​လႃး​လႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မႄး​ပွင်​မႄး​ႁဵတ်း တၢင်း​ဢၼ်​ဢဝ်​တၢႆ​ဝႆႉ​ပုၼ်ႈ​လုၵ်ႈ​ပုၼ်ႈ​လၢင်း​မၼ်း ၵွပ်ႈ​ပိူဝ်ႈ​ဢပႅတ်ႈ​ပူႇ​မွၼ်ႇ​ၶဝ်​ၼၼ်ႉ​တႃႉ။ ယႃႇ​ပေ​ႁႂ်ႈ​ၶဝ် လုၵ်ႉ​သေ​လႄႈ ပိူင်ႇ​လိၼ်​မိူင်း​လႄႈ ႁႂ်ႈ​ၼႃႈ​လိၼ်​မိူင်း​ပျေႉ​ၸုမ်ႇ​တဵမ်​ဝႆႉ​တင်း​ဝဵင်း​တင်း​လၢႆ သေ​ၵမ်း​လူၺ်ႈ။</verse>
				<verse number="22">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​လုၵ်ႉ​ယူႇ​ၽၢႆႇ​ၼိုင်ႈ တင်း​ၶဝ်​လႄႈ ပႄႇ​ၽဵဝ်ႈ​ၼႃႇ​မႃႉ​ၸိုဝ်ႈ​သဵင် တင်း​ဢၼ်​ၵိုတ်း​ဢၼ်​ၵျၢၼ်ႇ၊ လုၵ်ႈ​လၢင်း​တင်း​လၢႆ​ပႅတ်ႈ​သေ​ၵႃႈ​တီႈ ပႃႇပူႉလုၼ်ႇ ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="23">လႆႈ​သမ်ႉ ၵဝ်​တၵ်း​ႁႂ်ႈ​ဝဵင်း​ၼၼ်ႉ ပဵၼ်​တီႈ​ယူႇ​မဵၼ်ႈ၊ တီႈ​ဢၼ်​ၼမ်ႉ​ထူမ်ႈ​ဢေႃႈ။ ၵဝ်​တၵ်း​ဢဝ်​ယူး တၢင်း​ဢၼ်​ယႃႉ​ပႅတ်ႈ​ၼၼ်ႉ ပတ်း​မၼ်း​ဢေႃႈ ဝႃႈ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="24">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တိူင်ႇ​ဝႃႈ​လႄႈ​မီး​ဢမိင်ႉ​ၸမ်ႉ၊ ၸွမ်း​ၵႃႈ​ၼင်ႇ​ဢၼ်​ၵဝ်​ၵျၢမ်ႇ​ပွင် ၼၼ်ႉ​လႄႈ တၵ်း​လႆႈ​ပဵၼ်​ဢေႃႈ။ ၸွမ်း​ၵႃႈ​ၼင်ႇ​ဢၼ်​ၵဝ်​ၸီႇ​ယၢင်ႇ​ဝႆႉ​ၼၼ်ႉ​လႄႈ တၵ်း​လႆႈ​တႄႇ​ဢေႃႈ။-</verse>
				<verse number="25">ဢၼ်​ၵဝ်​ၵျၢမ်ႇ​ပွင်​ၸမ်ႉ၊ ၵဝ်​တၵ်း​ႁၵ်း​ႁဵၵ်း​ၶုၼ်​ ဢႃႇသူႉရီႉ ​ပႅတ်ႈ ၵႃႈ​ၼႂ်း​မိူင်း​ၵဝ်​လႄႈ ဢဝ်​တိၼ်​ၵဝ်​ယဵပ်ႇ​ၶၢမ်ႈ​မၼ်း ၵႃႈ​ၼိူဝ်​လွႆ​ၵဝ်​တင်း​လၢႆ​ဢေႃႈ။ မိူဝ်ႈ​ၼၼ်ႉ​ၵၢၼ်း​ႁၢပ်ႇ​မၼ်း​ၼၼ်ႉ တၵ်း​ၶၢႆႉ​သေ​ၵႃႈ​တီႈ​ၶဝ်​လႄႈ ၶူဝ်း​ႁၢပ်ႇ​မၼ်း​ၼၼ်ႉ တၵ်း​လႆႈ​ၶျႃး​လူင်း​သေ​ၵႃႈ​ၼိူဝ်​ႁူဝ်​မႃႇ​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">တၢင်း​ၵျၢမ်ႇ​တၢင်း​ပွင်​ၸိူဝ်ႉ​ၼင်ႇ​ၼႆ​ၼၼ်ႉ ပဵၼ်​တၢင်း​ဢၼ်​မၼ်း​ၸဝ်ႈ​ၵျၢမ်ႇ​ပွင်​ၵႃႈ​ၼိူဝ်​လိၼ်​မိူင်း တင်း​သဵင်ႈ​တင်း​မူတ်း​ဢေႃႈ။ မိုဝ်း​မၼ်း​ၸဝ်ႈ ဢၼ်​ၸိူဝ်ႉ​ၼင်ႇ​ၼႆ​ၼၼ်ႉ ပဵၼ်​မိုဝ်း​ဢၼ်​ယဵတ်ႇ​ယူႇ ၵႃႈ​ၼိူဝ်​ၵူၼ်း​ၵူႈ​သိုင်ႇ​ၵူႈ​မိူင်း တင်း​သဵင်ႈ​တင်း​လူင်​ဢေႃႈ။-</verse>
				<verse number="27">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​တၢင်း​ၵျၢမ်ႇ​တၢင်း​ပွင်​ယဝ်ႉ​လႄႈ ၽူႈ​လႂ်​တၵ်း​ယႃႉ။ မၼ်း​ၸဝ်ႈ​ယဵတ်ႇ​မိုဝ်း​ယိုၼ်း​မိုဝ်း​မၼ်း​ၸဝ်ႈ ယဝ်ႉ​လႄႈ ၽူႈ​လႂ်​တၵ်း​ပၢၵ်ႈ​ပႅတ်ႈ​ဢီး​ပႅတ်ႈ။</verse>
				<verse number="28">ပျႃႇ​တိၵ်ႈ​ၸဝ်ႈ​ဢၼ်​လႆႈ​ၶၢမ်ႇ​ၼႂ်း ပီႊ​ဢၼ်​ၶုၼ်​ ဢႃႇၶတ်ႉ ႁွတ်ႈ​ဢၼိၵ်ႈၸႃႉ​ၼၼ်ႉ​ၸမ်ႉ၊-</verse>
				<verse number="29">မိူင်း​ ၽီႉလိတ်ႉတီႉ ​တင်း​မိူင်း​ဢိူၺ်း၊ ယႃႇ​ပေ​ထွၵ်ႈ​လူၺ်ႈ​လွင်ႈ​ဢၼ် ၶွၼ်ႉ​ဝၢႆ​ဢၼ်​ပေႃႉ​ယႅၼ်ႉ​မႂ်း​ၼၼ်ႉ ႁၵ်း​ၵႂႃႇ​ၼၼ်ႉ​သေ​လႄႈ ၸူမ်း​သိူဝ်း။ ၵႃႈ​ၼႂ်း​မဵဝ်း​ငူး​ၼၼ်ႉ ငူး​ႁၢႆႉ​တၵ်း​ပေႃႇ​ဢွၵ်ႇ​မႃး​လႄႈ ၶိူဝ်း​မၼ်း​ၼၼ်ႉ​ၵေႃႈ တၵ်း​ပဵၼ်​ငူး​ႁၢႆႉ ဢၼ်​ၸၢင်ႈ​မိၼ်​ဢေႃႈ။-</verse>
				<verse number="30">လုၵ်ႈ​တူၼ်ႈ​ၶဝ် ၸိူဝ်း​ဢၼ်​ၽၢၼ်​ဢၼ်​ၵိၼ်း​ၼၼ်ႉ တၵ်း​လႆႈ​ၵိၼ်​လႆႈ​ၶူပ်း​လႄႈ ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​တၵ်း​လႆႈ​ၼွၼ်း လူင်ႉ​လီ​လွတ်ႈ​လီ​ဢေႃႈ။ ၵဝ်​တၵ်း​ဢဝ် တၢင်း​ဢၼ်​ဢိုပ်း​ဢၼ်​ယၢၵ်ႈ ဢဝ်​ႁၢၵ်ႈ​မႂ်း​တၢႆ​လႄႈ မၼ်း​တၵ်း​ၶႃႈ​ၽၼ်း တၢင်း​ဢၼ်​ၵိုတ်း​ဢၼ်​ၵျၢၼ်ႇ​တီႈ​မႂ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="31">ၽၵ်း​တူ​ဢိူၺ်း၊ ၶၢင်း​ၶီ​ၶၢင်း​ၽၢၼ်​တႃႉ။ ဝဵင်း​ဢိူၺ်း၊ ႁႆႈ​ႁွင်ႉ​ပွင်ႉ​ၶၢင်း​တႃႉ။ မိူင်း​ ၽီႉလိတ်ႉတီႉ တင်း​မိူင်း​ဢိူၺ်း၊ မႂ်း​မီး​တၢင်း​ဢၼ်​ၸိူမ်ႈ​ယၢႆႈ ၵႂႃႇ​ယဝ်ႉ။ ၵႂၼ်း​ၽႆး​ဢွၵ်ႇ​သေ​ၵႃႈ​တီႈ ၽၢႆႇ​တၢင်း​ႁွင်ႇ​မႃး​လႄႈ ၵႃႈ​ၼႂ်း​မုၵ်ႉ​ၸိူဝ်း​ၼၼ်ႉ ဢမ်ႇ​မီး​ၵေႃႉ​ဢၼ်​လႆႈ​ယူႇ​ယေႈ​ၵေႃႉ​ယေႈ​တီႈ။-</verse>
				<verse number="32">တၵ်း​လႆႈ​ၶိုၼ်း​လၢတ်ႈ တီႈ​သၢၼ်ႇတမၢၼ်ႇ ဢၼ်​လုၵ်ႉ​သေ​ၵႃႈ​တီႈ တၢင်ႇ​သိုင်ႇ​တၢင်ႇ​မိူင်း မႃး​ၸိူဝ်း​ၼၼ်ႉ ၸိူဝ်ႉ​ၼင်ႇ​ႁိုဝ်​ၸမ်ႉ၊ ထႃႇဝရႃႉ​ၽြႃး လႆႈ​တႄႇ​ႁဵတ်း​ဝဵင်း​ ၸီႉဢုၼ်ႇ ​လႄႈ ၵူၼ်း​ယၢၵ်ႈ​ၵူၼ်း​ၽၢၼ် မၼ်း​ၸဝ်ႈ​တင်း​လၢႆ ၸႂ်​ဢိင်​ၸႂ်​ပိုင်ႈ ဝဵင်း​ၼၼ်ႉ​ဢေႃႈ။</verse>
			</chapter>
			<chapter number="15">
				<verse number="1">ပျႃႇ​တိၵ်ႈ​ၸဝ်ႈ​လူၺ်ႈ​လွင်ႈ မိူင်း​ မေႃႇၽႃႉ ​ၸမ်ႉ၊ ၼႂ်း​ၶိုၼ်း​ၼိုင်ႈ​ၵူၺ်း ဝဵင်း​ ဢႃႇရႃႉ မိူင်း​ မေႃႇၽႃႉ ​လူႉ​လႅဝ်​လႄႈ ယဵၼ်​ႁၢႆ​ၵႂႃႇ​ဢေႃႈ။ ၼႂ်း​ၶိုၼ်း​ၼိုင်ႈ​ၵူၺ်း ဝဵင်း​ ၵီႉရႃႉ မိူင်း​ မေႃႇၽႃႉ လူႉ​လႅဝ်​လႄႈ ယဵၼ်​ႁၢႆ​ၵႂႃႇ​ဢေႃႈ။-</verse>
				<verse number="2">မၼ်း​ၶိုၼ်း​ၵႂႃႇ ၵႃႈ​တီႈ​ဝဵင်း​ ပႃႇ​ယဵတ်ႇ တင်း​ဝဵင်း​ တီႉၽုၼ်ႇ ၸူး​ၵႃႈ​တီႈ​ထႃႇၼႃႉ​တီႈ​သုင်​တင်း​လၢႆ ႁႂ်ႈ​လႆႈ​ႁႆႈ​ႁွင်ႉ​ဢေႃႈ။ မိူင်း​ မေႃႇၽႃႉ တၵ်း​ၶၢင်း​ၶီ​ၶၢင်း​ၽၢၼ် ၵႃႈ​ၼိူဝ်​ဝဵင်း​ ၼေႇပေႃႇ တင်း​ဝဵင်း​ မေႇတပႃႉ ​ၼၼ်ႉ​လႄႈ ၵႃႈ​တီႈ​ႁူဝ်​ၶဝ် ဢမ်ႇ​မီး​ၶူၼ်​ႁူဝ်။ ၼူတ်ႇ​ၵၢင်း​ၶဝ်​ၵေႃႈ လႆႈ​ၶၢမ်ႇ​တၢင်း​ဢၼ်​ထႃ​ပႅတ်ႈ​ယဝ်ႉ။-</verse>
				<verse number="3">ၶဝ်​ဢွၼ်​ၵၼ်​ၼုင်ႈ​ၼင်​ပေႃ​ယူႇ ၵႃႈ​ၼႂ်း​သဵၼ်ႈ​တၢင်း​တင်း​လၢႆ​လႄႈ ၶဝ်​ၵႃႈ​မီး​တင်း​သဵင်ႈ​တင်း​လူင် ဢွၼ်​ၵၼ်​ၼမ်ႉ​တႃ​တူၵ်း ၼမ်​ၼႃႇ​လူင်​လၢင်​ယူႇ​သေ​လႄႈ ႁွင်ႉ​ႁႆႈ​ပွင်ႉ​ၶၢင်း​ယူႇ ၵႃႈ​ၼိူဝ်​မုင်း​ႁိူၼ်း​တင်း​လၢႆ ဢိၵ်ႇ​တင်း​ၵႃႈ​ၼႂ်း​သဵၼ်ႈ​တၢင်း​လူင်​တင်း​လၢႆ​ဢေႃႈ။-</verse>
				<verse number="4">ဝဵင်း​ ႁေႇသၽုၼ်ႇ ဢိၵ်ႇ​တင်း​ဝဵင်း​ ဢေးလႃႇလေး ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ႁွင်ႉ​ႁႆႈ​လႄႈ သဵင်​ႁႆႈ​ၼၼ်ႉ လႆႈ​ငိၼ်း​ၵႂႃႇ​တေႃႇ​ထိုင်​ႁွတ်ႈ​ဝဵင်း​ ယႃႇႁတ်ႉ ​ဢေႃႈ။ ပိူဝ်ႈ​ၼႆ​လႄႈ ၵူၼ်း​သိုၵ်း​ မေႃႇၽႃႉ ​တင်း​လၢႆ ဢွၼ်​ၵၼ်​ႁွင်ႉ​ႁႆႈ​လႄႈ​မီး​ႁူဝ်​ၸႂ်​ဢၼ်​သၼ်ႇ​သၼ်ႇ​ဝႆ​ဝႆ​ဢေႃႈ။-</verse>
				<verse number="5">ႁူဝ်​ၸႂ်​ၵဝ်​ႁွင်ႉ​ႁႆႈ​ပုၼ်ႈ​ မေႃႇၽႃႉ ​ဢေႃႈ။ ၶဝ်​ၸိူဝ်း​ဢၼ်​ဢွၵ်ႇ​ပၢႆႈ​ၼၼ်ႉ ဢွၼ်​ၵၼ်​ၵႂႃႇ​တေႃႇ​ထိုင်​ႁွတ်ႈ​ဝဵင်း​ ၸေႃးရႃႉ မိူၼ်​ၸိူဝ်ႉ​ၼင်ႇ ဝူဝ်း​မႄႈ ဢၼ်​ဢသၢၵ်ႈ​လႆႈ​သၢမ်​ပီႊ​ၼၼ်ႉ​ဢေႃႈ။ ၶဝ်​ဢွၼ်​ၵၼ်​မီး​တၢင်း​ဢၼ်​ၼမ်ႉ​တႃ​တူၵ်း​ယူႇ​သေ​လႄႈ ၶိုၼ်ႈ​ၵႃႈ​ၼိူဝ်​လွႆ​ လူႉႁိတ်ႉ ​လႄႈ ဢွၼ်​ၵၼ်​ပွႆႇ​သဵင်​တၢင်း​ဢၼ်​သုမ်း ဢၼ်​ၸွမ်း ၵႃႈ​ၼႂ်း​သဵၼ်ႈ​တၢင်း​ဢၼ် ၵႂႃႇ​ၵႃႈ​တီႈ​ဝဵင်း​ ႁေႃးရၼိမ်ႇ ​ၼၼ်ႉ​ဢေႃႈ။-</verse>
				<verse number="6">လွင်ႈ​မၼ်း​ၸမ်ႉ ၼမ်ႉ​ၼွင်​ ၼိမ်းရိမ်း ​ၸိူဝ်း​ၼၼ်ႉ မီး​တၢင်း​ဢၼ်​သဵတ်ႇ​ယဵၼ်​လႄႈ တူၼ်ႈ​ယိူဝ်ႈ​တူၼ်ႈ​ယႃႈ​ႁဵဝ်ႇ​ၵႂႃႇ​ႁႅင်ႈ​ၵႂႃႇ​ယဝ်ႉ။ တူၼ်ႈ​ၵႃႈ​တူၼ်ႈ​ၵိင်ႇ​ၵေႃႈ လွၵ်ႈ​ၵႂႃႇ​တၢႆ​ၵႂႃႇ​ယဝ်ႉ။ တူၼ်ႈ​ဢၼ်​ၼုမ်ႇ​လီ​ၶဵဝ်​လီ​ဢမ်ႇ​မီး​သေ​တူၼ်ႈ​သေ​ဢၼ်။-</verse>
				<verse number="7">ပိူဝ်ႈ​ၼႆ​လႄႈ ၶဝ်​တၵ်း​ဢွၼ်​ၵၼ် ဢဝ်​ဢုၵ်ႉ​ၸႃႇ​ဢၼ်​ၶဝ်​ၵဵပ်း​ႁွမ်​တွမ်​ဝႆႉ​ဢိၵ်ႇ​တင်း​ၽၼ်ႇတႃႇ​ဢၼ် ၶဝ်​မႅတ်ႇ​ဝႆႉ​သိမ်း​ဝႆႉ​ၼၼ်ႉ ၵႂႃႇ​ၸူး​ၵႃႈ​တီႈ​ၶူင်ႈ​ႁူၺ်ႈ တူၼ်ႈ​မူဝ်းမၶႃႉ​ၼၼ်ႉ​ဢေႃႈ။-</verse>
				<verse number="8">သဵင်​ဢၼ်​ႁွင်ႉ​ႁႆႈ​ၼၼ်ႉ ၸွတ်ႇ​တူဝ်ႈ​မိူင်း​ မေႃႇၽႃႉ ​လႄႈ သဵင်​ဢၼ်​ၶၢင်း​ၶီ​ၶၢင်း​ၽၢၼ်​ၼၼ်ႉ ၽႅဝ်​ၵႂႃႇ​တေႃႇ​ထိုင်​ႁွတ်ႈ ဝဵင်း​ ဢေႇၵလိမ်း ဢိၵ်ႇ​တင်း​တေႃႇ​ထိုင်​ႁွတ်ႈ ဝဵင်း​ ပေႇရႃႉဢေႇလိမ်း ​ဢေႃႈ။-</verse>
				<verse number="9">လွင်ႈ​မၼ်း​ၸမ်ႉ ၼမ်ႉ​ဝဵင်း​ တီႉမုၼ်ႇ ​ၸိူဝ်း​ၼၼ်ႉ တဵမ်​ဝႆႉ​တင်း​လိူတ်ႈ​ဢေႃႈ။ ၵဝ်​တၵ်း​ႁႂ်ႈ​ၽေး​ႁွတ်ႈ​ထိုင် ၵႃႈ​ၼိူဝ်​ဝဵင်း​ တီႉမုၼ်ႇ ​ၼၼ်ႉ​လႄႈ၊ တၵ်း​ႁႂ်ႈ​သၢင်ႇ​သီႈ​ႁွတ်ႈ​ထိုင် ၵႃႈ​ၼိူဝ်​ၵူၼ်း​မိူင်း​ မေႃႇၽႃႉ ဢၼ်​ဢွၵ်ႇ​ပၢႆႈ​လႄႈ လွတ်ႈ​ၽေး​လွတ်ႈ​ရၢၼ်ႇ ဢိၵ်ႇ​တင်း​ၵႃႈ​ၼိူဝ်​ၵူၼ်း​ဝၢၼ်ႈ ၵူၼ်း​မိူင်း ဢၼ်​ၵိုတ်း​ဢၼ်​ၵျၢၼ်ႇ​ဝႆႉ​ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="16">
				<verse number="1">ဢွၼ်​ၵၼ်​ဢဝ်​သူဝ်း​ဢွၼ်ႇ ပၼ်​ၵႂႃႇ​ပုၼ်ႈ​ၸဝ်ႈ​ဢၼ်​ဢုပ်ႉ​မိူင်း​ပိူင်ႇ​မိူင်း ဢဝ်​ၵႃႈ​တီႈ​ဝဵင်း​ သေးလႃႉ ၵႂႃႇ​တေႃႇ​ထိုင်​ႁွတ်ႈ​ထိူၼ်ႇ​ၼၼ်ႉ ၸူး​ၵႃႈ​တီႈ​လွႆ လုၵ်ႈ​ယိင်း​ ၸီႉဢုၼ်ႇ ​ၼၼ်ႉ​သေ​တႃႉ။-</verse>
				<verse number="2">ၸိူဝ်ႉ​ၼင်ႇ​ၼူၵ်ႉ​ဢၼ်​လႄႇ​ၵႂႃႇ​ယူႇ ဢိၵ်ႇ​တင်း​ၸိူဝ်ႉ​ၼင်ႇ ႁင်း​မၼ်း​ဢၼ်​ၸုၼ်ႉ​ပႅတ်ႈ​ၼၼ်ႉ​လႄႈ၊ လုၵ်ႈ​ယိင်း​ မေႃႇၽႃႉ ​တင်း​လၢႆ ဢွၼ်​ၵၼ်​မီး​ယူႇ​ၵႃႈ​တီႈ​ႁိမ်း တိုဝ်ႉ​တႃႈ ဢၼ်​ၶၢမ်ႈ​ၼမ်ႉ​ ဢႃႇၼုၼ်ႇ ​ၼၼ်ႉ​ဢေႃႈ။-</verse>
				<verse number="3">ပၼ်​တၢင်း​ၵျၢမ်ႇ​တၢင်း​ပွင်​လႄႈ ၸီႇ​ယၢင်ႇ​ၸွမ်း​ၼင်ႇ​တြႃး​တႃႉ။ ႁႂ်ႈ​ႁူမ်ႈ​ၵွင်ႉ​ငဝ်း​မႂ်း​ပဵၼ်​ၸိူဝ်ႉ​ၼင်ႇ ၵၢင်​ၶိုၼ်း ၵႃႈ​ၼႂ်း​ဢၼ်​လႅင်း​ၵၢင်​ဝၼ်း တဵင်ႈ​ၼၼ်ႉ​တႃႉ။ ဢဝ်​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႅတ်ႈ​ၼၼ်ႉ သိူင်ႇ​မႅပ်ႉ​ဝႆႉ​တႃႉ။ ယႃႇ​ပေ​ၼႄ​ပျႃး​ၶဝ်​ၸိူဝ်း​ဢၼ် ဢွၵ်ႇ​ပၢႆႈ​ဢွၵ်ႇ​ၼီ​ၼၼ်ႉ။-</verse>
				<verse number="4">မေႃႇၽႃႉ ​ဢိူၺ်း၊ ႁႂ်ႈ​ၵူၼ်း​ၵဝ် ဢၼ်​လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႅတ်ႈ​ၸိူဝ်း​ၼၼ်ႉ ယူႇ​လူၺ်ႈ​ၵၼ်​တင်း​မႂ်း​တႃႉ။ ပဵၼ်​တီႈ​ဢၼ်​ႁူမ်ႇ​မုင်း​ၶဝ်​ယူႇ ႁႂ်ႈ​ၶဝ်​လႆႈ​လွတ်ႈ​သေ ၼႃႈ​ၶဝ်​ၸိူဝ်း​ဢၼ်​ယႃႉ​ပႅတ်ႈ​ၼၼ်ႉ​တႃႉ။ ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ ဢမ်ႇ​မီး​ယဝ်ႉ။ ၵေႃႉ​ဢၼ် ယႃႉ​ပႅတ်ႈ​ၼၼ်ႉ ထၢတ်ႇ​ယဵၼ်​ယဝ်ႉ။ ၶဝ်​ၸိူဝ်း​ဢၼ်​တဵၵ်း​မိပ်ႇ​ၼၼ်ႉ လႆႈ​ၶၢမ်ႇ​တၢင်း​ဢၼ် ပႄႇ​ၽဵဝ်ႈ​ပႅတ်ႈ​သေ​ၵႃႈ​ၼႂ်း မိူင်း​ယဝ်ႉ။-</verse>
				<verse number="5">ရႃႇၸႃႉ​ပလၢင်ႇ​တၵ်း​တႄႇ​ယူႇ​ၵႃႈ​ၼႂ်း ၵရူႉၼႃႇ​လႄႈ၊ ၸဝ်ႈ​ဢၼ်​ပျေႉ​ၸုမ်ႇ​ဝႆႉ​တင်း​သဵတ်ႈ​ၸႃႇ​ၼၼ်ႉ တၵ်း​ၼင်ႈ​ယူႇ​ၵႃႈ​ၼိူဝ်​မၼ်း ၵႃႈ​ၼႂ်း မူဝ်းၵႃႇ​ၶုၼ်​ တႃႇဝိတ်ႈ ​လႄႈ ၸႅတ်ႈ​ထၢမ်​သိုဝ်ႈ​သိုဝ်ႈ​တေႃႇ​တေႃႇ​ယူႇ၊ တႅပ်း​တတ်း​တြႃး ၶၼ်​ၶၼ်​ၽႂ်း​ၽႂ်း​ယူႇ​သေ​လႄႈ ၸီႇ​ယၢင်ႇ​တြႃး ဢေႃႈ။-</verse>
				<verse number="6">ႁဝ်း​လႆႈ​ငိၼ်း​လွင်ႈ​မႃႇၼႃႉ မေႃႇၽႃႉ ဢၼ်​ၸႂ်​သုင်​ၼႃႇ​လူင်​လၢင်၊ တၢင်း​ဢၼ်​ပူၵ်း​ပႅၼ်​မၼ်း၊ တၢင်း​ဢၼ်​ၸွၵ်ႇ​ၵႃး​မၼ်း၊ တၢင်း​ဢၼ်​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​မၼ်း​ဢွၵ်ႇ၊ တၢင်း​ဢၼ်​မၼ်း​လၢတ်ႈ​ၵႂၢမ်း​ဢၼ်​ဢုပ်ႇ​ဢၢတ်ႇ ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင် ၼၼ်ႉ​ယဝ်ႉ။-</verse>
				<verse number="7">ပိူဝ်ႈ​ၼႆ​လႄႈ မေႃႇၽႃႉ ​ၼၼ်ႉ တၵ်း​လႆႈ​ႁွင်ႉ​ႁႆႈ​ပွင်ႉ​ၶၢင်း ပုၼ်ႈ​ မေႃႇၽႃႉ ​လႄႈ၊ ၵူၼ်း​ဝၢၼ်ႈ​ၵူၼ်း​မိူင်း​ၵႃႈ​မီး​တင်း​သဵင်ႈ​တင်း​လူင် တၵ်း​လႆႈ​ဢွၼ်​ၵၼ်​ႁွင်ႉ​ႁႆႈ​ပွင်ႉ​ၶၢင်း​ဢေႃႈ။ သူ​တၵ်း​ၶၢင်း​ၶီ​ၶၢင်း​ၽၢၼ် ပုၼ်ႈ​ယူဝ်ႇ​မၢၵ်ႇ​ၸပိတ်ႈ ၵီႉရႃႉႁရိတ်ႉ ​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​ပၼ်​တၢမ်ႇ ၼႃႇ​လူင်​လၢင်​ဢေႃႈ။-</verse>
				<verse number="8">ပၢင်ႇ​တူင်ႈ​ၼႃး​ ႁေႇသၽုၼ်ႇ ​ၸိူဝ်း​ၼၼ်ႉ ဢိၵ်ႇ​တင်း​ယွတ်ႈ​ၶိူဝ်း​တူၼ်ႈ​မၢၵ်ႇ​ၸပိတ်ႈ ၸီႉပမႃႇ ႁႅင်ႈ​ၵႂႃႇ​ယူတ်း​ၵႂႃႇ​လႄႈ ၶုၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢွၼ်​ၵၼ်​ႁၵ်း​တူၼ်ႈ​ဢၼ်​လီ​မျၢတ်ႈ​ၵႃႈ​ၼႂ်း​မၼ်း​ပႅတ်ႈ​ယဝ်ႉ။ ယွတ်ႈ​ၸိူဝ်း​ၼၼ်ႉ​ၽႅဝ်​ၵႂႃႇ တေႃႇ​ထိုင်​ႁွတ်ႈ​ဝဵင်း​ ယႃႇၸႃႇ ​လႄႈ ၸၢင်ႈ​လႄႇ​ယူႇ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ဢေႃႈ။ ၵိင်ႇ​တူၼ်ႈ​မၼ်း​ၸိူဝ်း​ၼၼ်ႉ ယိုၼ်း​ယၢဝ်း​လႄႈ ပူၼ်ႉ​ပၢင်ႇ​လၢႆႇ​ၵႂႃႇ​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ ၸိူဝ်ႉ​ၼင်ႇ​ဢၼ်​ၼမ်ႉ​တႃ​ၵဝ် တူၵ်း​ပုၼ်ႈ​ဝဵင်း​ ယႃႇၸႃႇ ​ၼၼ်ႉ၊ ၼမ်ႉ​တႃ​ၵဝ်​တၵ်း​တူၵ်း​ပုၼ်ႈ​တူၼ်ႈ​ၶိူဝ်း​မၢၵ်ႇ​ၸပိတ်ႈ ၸီႉပမႃႇ ​ဢေႃႈ။ ဝဵင်း​ ႁေႇသၽုၼ်ႇ တင်း​ဝဵင်း​ ဢေးလႃႇလေး ​ဢိူၺ်း၊ ၵဝ်​တၵ်း​မီး​တၢင်း​ဢၼ်​ၼမ်ႉ​တႃ​တူၵ်း​ယူႇ​သေ​လႄႈ ႁူတ်း​ၼမ်ႉ​တီႈ​မႂ်း​ဢေႃႈ။ လွင်ႈ​မၼ်း​ၸမ်ႉ သဵင်​တိုၵ်း​သိုၵ်း ႁွတ်ႈ​ထိုင်​ၵႃႈ​ၼိူဝ်​မၢၵ်ႇ​မႆႉ ဢိၵ်ႇ​တင်း​ၵႃႈ​ၼိူဝ် ႁူင်း​ၶဝ်ႈ​မႂ်း ၸိူဝ်း​ၼၼ်ႉ​ယဝ်ႉ။-</verse>
				<verse number="10">တၢင်း​ဢၼ်​ၸူမ်း​သိူဝ်း တၢင်း​ဢၼ်​သႂၢင်ႇ​ၸႂ် ထၢတ်ႇ​ၵႂႃႇ​ၵႃႈ​ၼႂ်း​ပၢင်ႇ​တူင်ႈ​ၼႃး ဢၼ်​ပျေႉ​ၸုမ်ႇ​ဝႆႉ​တင်း​မၢၵ်ႇ​တင်း​ႁူင်း​ၼၼ်ႉ​ယဝ်ႉ။ ၵႃႈ​ၼႂ်း​သူၼ်​ဢူးယဵၼ်ႇ​ၸပိတ်ႈ​ၼၼ်ႉ ဢမ်ႇ​လႆႈ​မီး​တၢင်း​ဢၼ်​ႁဵတ်း​ၵႂၢမ်း။ ဢမ်ႇ​လႆႈ​မီး​တၢင်း​ဢၼ်​ႁွင်ႉ​ပၢဝ်ႇ​ႁွင်ႉ​သေႃႇ။ ၵေႃႉ​ဢၼ်​ယဵပ်ႇ​မၢၵ်ႇ​ၸပိတ်ႈ​ၼၼ်ႉ ဢမ်ႇ​လႆႈ​ယဵပ်ႇ​ၵႃႈ​ၼႂ်း​တီႈ​ဢၼ်​ၼူတ်ႈ​မၢၵ်ႇ​ၸပိတ်ႈ​ၼၼ်ႉ။ ၵဝ်​ႁႂ်ႈ​သဵင်​ဢၼ်​ႁွင်ႉ​ပၢဝ်ႇ​ႁွင်ႉ​သေႃႇ ၼၼ်ႉ​ထၢတ်ႇ​ယဝ်ႉ။-</verse>
				<verse number="11">ပိူဝ်ႈ​ၼႆ​လႄႈ ပုမ်​ၵဝ်​ၼႆႉ​တၵ်း​လႆႈ​လင် ၸိူဝ်ႉ​ၼင်ႇ​တိင်ႇ​ၼၼ်ႉ ပုၼ်ႈ​မိူင်း​ မေႃႇၽႃႉ ​လႄႈ သႆႈ​ၵဝ်​ၼႆႉ​တၵ်း​လႆႈ​လင် ၸိူဝ်ႉ​ၼင်ႇ​တိင်ႇ ၼၼ်ႉ​ပုၼ်ႈ​ဝဵင်း​ ၵီႉရႃႉႁရိတ်ႉ ​ဢေႃႈ။-</verse>
				<verse number="12">မိူဝ်ႈ​ၼၼ်ႉ မိူဝ်ႈ​ဢၼ်​ မေႃႇၽႃႉ သုတ်ႉ​ၸပ်း​သုတ်ႉ​ၸူး​သေ​လႄႈ ႁိူဝ်ႉ​ၸႂ်​ယၢပ်ႇ​ၸႂ်​ယူႇ​ၵႃႈ​ၼိူဝ်​ထႃႇၼႃႉ​တီႈ​သုင်​ၼၼ်ႉ​လႄႈ ၶဝ်ႈ​ၵႃႈ​ၼႂ်း​ထႃႇၼႃႉ တီႈ​မူတ်း​ၸၢင်ႇ​မၼ်း ႁႂ်ႈ​လႆႈ​ႁဵတ်း​ပထၼႃႇ​ၼၼ်ႉ​ၸိုင် တၢင်း​ၵျၢမ်ႇ​တၢင်း​ပွင်​မၼ်း​ဢမ်ႇ​ပဵၼ်​လႆႈ။-</verse>
				<verse number="13">ဢၼ်​ၼႆႉ​ၸမ်ႉ၊ ပဵၼ်​ၵႂၢမ်း​ဢၼ် ထႃႇဝရႃႉ​ၽြႃး မီး​ဢမိင်ႉ​ဝႆႉ လူၺ်ႈ​လွင်ႈ​မိူင်း​ မေႃႇၽႃႉ မိူဝ်ႈ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="14">လႆႈ​သမ်ႉ မိူဝ်ႈ​လဵဝ်​ၼႆႉ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၸွမ်း​ၵႃႈ​ၼင်ႇ​ဢၼ်​ၵေႃႉ​ဢၼ်​ၵိၼ်​ၵႃႈ​ၸၢင်ႈ​ၶၼ်​ငႃ​ၼၼ်ႉ ၼပ်ႉ​ဢၢၼ်ႇ ပီႊ​ၼၼ်ႉ​လႄႈ ပူၼ်ႉ​သၢမ်​ပီႊ​သေ​ယဝ်ႉ။ မုၼ်​ၽုင်း​သရေႇ မိူင်း​ မေႃႇၽႃႉ ​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ်​ၶျႃး​တူၵ်း​တီႈ​တႅမ်ႇ ပႃး​လူၺ်ႈ​ၵၼ်​တင်း မူႇ​ၽုင်​မုၵ်ႉ​ၸိူဝ်း​မၼ်း ဢၼ်​ယႂ်ႇ​ၼႃႇ ၵႃႈ​မီး​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ တၵ်း​ပဵၼ်​ဢၼ်​ၵေႇ​ၼႃႇ​လူင်​လၢင်​လႄႈ ၸေႃႉ​ၸႄႉ​မဝ်​မၢင်​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="17">
				<verse number="1">ပျႃႇ​တိၵ်ႈ​ၸဝ်ႈ လူၺ်ႈ​လွင်ႈ​ဝဵင်း​ ထမ်ႇမသႅတ်ႉ ​ၸမ်ႉ၊ တူၺ်း​လူး၊ ဝဵင်း​ ထမ်ႇမသႅတ်ႉ ​ဢမ်ႇ​မီး​ဢၶႂၢင်ႉ​ဢၼ်​လႆႈ​ပဵၼ်​ဝဵင်း​လႄႈ လႆႈ​ပဵၼ်​ၵွင်​ပဵၼ်​ပုမ်ႇ ဢၼ်​လူႉ​လႅဝ်​ယဝ်ႉ​ၼၼ်ႉ​ဝႆႉ​ဢေႃႈ။-</verse>
				<verse number="2">ဝဵင်း​ ဢႃႇရေႃး ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၸုၼ်ႉ​ပႅတ်ႈ​ယဝ်ႉ။ လႆႈ​ပဵၼ်​တီႈ​ပုၼ်ႈ​ၽုင်​သူဝ်း​တင်း​လၢႆ ဢၼ်​တၵ်း​ၼွၼ်း​ယူႇ​လႄႈ ဢမ်ႇ​မီး​ၵေႃႉ​ဢၼ်​လွၵ်ႇ​ဢၼ်​ငိုတ်ႈ​ၼၼ်ႉ​ဢေႃႈ။-</verse>
				<verse number="3">ဝဵင်း​ဢၼ်​မၼ်ႈ​ၶိူင်ႇ​တၵ်း​ထၢတ်ႇ​သေ ၵႃႈ​ၼႂ်း​မိူင်း​ ဢေႇၽရိမ်ႇ ​လႄႈ ဢႃႇၼႃႇ​ၶုၼ်​တၵ်း​ထၢတ်ႇ​သေ​ၵႃႈ​ၼႂ်း​ဝဵင်း​ ထမ်ႇမသႅတ်ႉ ဢိၵ်ႇ​တင်း​ဢၼ်​ၵိုတ်း​ဝႆႉ​ၵျၢၼ်ႇ​ဝႆႉ​တီႈ​မိူင်း​ သူႉရီႉ ​ၼၼ်ႉ​ဢေႃႈ။ ၶဝ်​ၼၼ်ႉ​တၵ်း​လႆႈ​ပဵၼ်​ၸိူဝ်ႉ​ၼင်ႇ​မုၼ်​ၽုင်း​သရေႇ​ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="4">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ မုၼ်​ၽုင်း​မဵဝ်း​ ယႃႇၵုပ်ႈ ​တၵ်း​လႆႈ​သုတ်ႈ​ယွမ်း​ၵႂႃႇ​လႄႈ တၢင်း​ဢၼ်​ၼိူဝ်ႉ​မၼ်း​ပီး​လီ​မၼ်း​လီ​ၼၼ်ႉ​ၵေႃႈ တၵ်း​လႆႈ​ပဵၼ်​တၢင်း​ဢၼ်​ယွမ်​ႁဵဝ်ႇ​ၵႂႃႇ​ဢေႃႈ။-</verse>
				<verse number="5">လွင်ႈ​တၢင်း​ၼၼ်ႉ တၵ်း​လႆႈ​ပဵၼ်​ၸိူဝ်ႉ​ၼင်ႇ​ဢၼ် ၵူၼ်း​သိမ်း​ၶဝ်ႈ​ပိူၵ်ႇ​လႄႈ ဢဝ်​တင်း​ၶႅၼ်​မိုဝ်း​ပၢတ်ႇ​ဢဝ်​မၢၵ်ႇ​မၼ်း​ႁူင်း​မၼ်း​ၼၼ်ႉ​ဢေႃႈ။ တၵ်း​လႆႈ​ပဵၼ်​ၸိူဝ်ႉ​ၼင်ႇ​ဢၼ်​ပၢတ်ႇ​သိမ်း​ဢဝ်​မၢၵ်ႇ​မၼ်း​ႁူင်း​မၼ်း​ၵႃႈ​ၼႂ်း​ပၢင်ႇ​ႁူၺ်ႈ​ ရေႇၽဵမ်ႇ ​ၼၼ်ႉ​ဢေႃႈ။-</verse>
				<verse number="6">ၵူၺ်း​ၵႃႈ​တၵ်း​မီး​ဢၼ်​ၵိုတ်း​ဝႆႉ​ၵျၢၼ်ႇ​ဝႆႉ တီႈ​ဢၼ်​သိမ်း​ဢဝ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​သၼ်ႇ​ၶွၼ်း​တူၼ်ႈ​ သၢၼ်ႇလုၼ်ႇ ​သေ​ယဝ်ႉ၊ ၵႃႈ​တီႈ​ပၢႆ​တူၼ်ႈ​မၼ်း​ၸၢင်ႈ​မီး​မၢၵ်ႇ​သွင်​လုၵ်ႈ​သၢမ်​လုၵ်ႈ၊ ၵႃႈ​တီႈ​ၵိင်ႇ​ၶူဝ်ႈ​ဢၼ်​မၢၵ်ႇ​လီ​မၢၵ်ႇ​ငၢမ်း ၸၢင်ႈ​မီး​မၢၵ်ႇ​မၼ်း​သီႇ​လုၵ်ႈ​ႁႃႈ​လုၵ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​မီး​ဢမိင်ႉ​ဢေႃႈ။-</verse>
				<verse number="7">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ၵူၼ်း​တၵ်း​လႆႈ​ဝႆႉ​ၸႂ်​တီႈ​ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​မၼ်း​ၼၼ်ႉ​လႄႈ ယႅၵ်ႉ​တူၺ်း​မုင်ႈ​တူၺ်း ၽြႃး​ဢၼ်​မူတ်း​ၸၢင်ႇ တီႈ​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="8">မၼ်း​တၵ်း​ဢမ်ႇ​လႆႈ​ဝႆႉ​ၸႂ် တီႈ​ယိတ်ႈပလၢင်ႇ​ဢၼ် မိုဝ်း​မၼ်း​ႁဵတ်း​ၼၼ်ႉ။ မၼ်း​တၵ်း​ဢမ်ႇ​လႆႈ​ယႅၵ်ႉ​တူၺ်း​မုင်ႈ​တူၺ်း ၶိူင်ႈ​ပိူင်​ဢၼ်​ၼိဝ်ႉ​မိုဝ်း​မၼ်း​ႁဵတ်း​တူၼ်ႈ​ ဢႃႇသရႃႉ ဢိၵ်ႇ​တင်း​ရုၵ်ႈ​ထူႉ​ၸိူဝ်း​ၼၼ်ႉ​ဢေႃႈ။-</verse>
				<verse number="9">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ဝဵင်း​ဢၼ်​မၼ်ႈ​ၶိူင်ႇ​မၼ်း​ၸိူဝ်း​ၼၼ်ႉ တၵ်း​လႆႈ​ပဵၼ်​ၸိူဝ်ႉ​ၼင်ႇ ၵိင်ႇ​မႆႉ​ဢၼ်​ၸုၼ်ႉ​ပႅတ်ႈ ဢိၵ်ႇ​တင်း​ပၢႆ​ၸိၵ်း​ၸွမ်​မႆႉ ဢၼ်​ၶဝ်​ႁႂ်ႈ​ၵိုတ်း​ၵျၢၼ်ႇ​ၵႃႈ​တီႈ​ၽၢႆႇ​ၼႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​လႄႈ မိူင်း​ၼၼ်ႉ​တၵ်း​လႆႈ​မီး တၢင်း​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ဝႆႉ​ဢေႃႈ။-</verse>
				<verse number="10">ၵွပ်ႈ​ပိူဝ်ႈ​ဢၼ်​မႂ်း​လူင်​လိုမ်း ၽြႃး​ပဵၼ်​ၸဝ်ႈ ဢၼ်​ၵႄႇ​သႄႇ​ၶျွတ်ႈ​ဢဝ်​မႂ်း​လႄႈ မႂ်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မၢၵ်ႇ​ႁိၼ်​တီႈ ဢၼ်​မႂ်း​ဢိင်​ပိုင်ႈ​ၼၼ်ႉ​လႄႈ မႂ်း​တၵ်း​ဢဝ်​တူၼ်ႈ​ဢွၼ်ႇ ဢၼ်​လီ​ဢၼ်​မျၢတ်ႈ​တင်း​လၢႆ​သွမ်ႈ​လႄႈ ဢဝ်​ယွတ်ႈ​တၢင်ႇ​သိုင်ႇ​တၢင်ႇ​မိူင်း တင်း​လၢႆ​ၽုၵ်ႇ​သေ​လႄႈ၊-</verse>
				<verse number="11">လွမ်ႉ​ႁူဝ်ႉ​လွမ်ႉ​ႁိူၵ်ႈ ၼႂ်း​မိုဝ်ႉ​ဝၼ်း​ဢၼ်​မႂ်း ၽုၵ်ႇ​သွမ်ႈ​ၼၼ်ႉ​လႄႈ ႁႂ်ႈ​ၸိူဝ်ႉ​ၽၼ်း​မႂ်း​ၼၼ်ႉ​မွၵ်ႇ​မွၵ်ႇ ၶိင်ႇ​ၵၢင်​ၼႂ်​ၵမ်း​လဵဝ်​ဢေႃႈ။ ၵူၺ်း​ၵႃႈ​မၢၵ်ႇ​မၼ်း​ႁူင်း​မၼ်း​တၵ်း​လႆႈ​လူႉ​လႅဝ်​ႁၢႆ​လၢႆ​ၵႂႃႇ​ၼႂ်း မိုဝ်ႉ​ဝၼ်း​တၢင်း​ဢၼ် မႆႈ​ၸႂ်​ၶီ​ၸႂ် ယၢပ်ႇ​ၸႂ်​ၽိုတ်ႇ​ၸႂ်​ၼႃႇ​လူင်​လၢင်​ၼၼ်ႉ​ဢေႃႈ။</verse>
				<verse number="12">ၼႄႈ။ ၼႄႈ။ ပဵၼ်​သဵင်​ဢၼ်​ႁူၼ်ႈ​ႁၢၼ်ႈ​ဢူၼ်​ဢဵၼ်​မေႃး​မႄး​မဵဝ်း​ၵူၼ်း​ၼမ်​ၼႃႇ ဢၼ်​ၸၢင်ႈ​မေႃး​လင်​ယူႇ မိူၼ်​ၸိူဝ်ႉ​ၼင်ႇ​သဵင်​ၼမ်ႉ​သမ်ႇ​မုၵ်ႉ​တြႃႇ မေႃး​လင်​ၼၼ်ႉ​လူင်​ပႄႇ။ ပဵၼ်​တၢင်း​ဢၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၽွမ်ႉ​ၵၼ်​ႁိပ်ႈ​ၼႅတ်ႈ​ၽၢင်ႈ​ၽိင်ႈ​မိူၼ်​ၸိူဝ်ႉ​ၼင်ႇ​ဢၼ် ၼမ်ႉ​ဢၼ်​ႁႅင်း​ယႂ်ႇ​ၼႃႇ​ၼၼ်ႉ ၽွမ်ႉ​ၵၼ်​ႁိပ်ႈ​ၼႅတ်ႈ​ၽၢင်ႈ​ၽိင်ႈ​ၼၼ်ႉ​လူင်​ပႄႇ။-</verse>
				<verse number="13">ပိၵ်ႉ​သမ်ႉ​ၵူၼ်း​တင်း​လၢႆ ၽွမ်ႉ​ၵၼ်​ႁိပ်ႈ​ၼႅတ်ႈ​ၽၢင်ႈ​ၽိင်ႈ မိူၼ်​ၸိူဝ်ႉ​ၼင်ႇ​ဢၼ် ၼမ်ႉ​ဢၼ်​ၼမ်​ၼႃႇ​ၽွမ်ႉ​ၵၼ်​ႁိပ်ႈ​ၼႅတ်ႈ​ၽၢင်ႈ​ၽိင်ႈ​ၼၼ်ႉ​သေ​ၵေႃႈ မၼ်း​ၸဝ်ႈ​တၵ်း​သင်ႇ​သွၼ်​သုင်း​မႃႉ​ၶဝ်​လႄႈ ၶဝ်​တၵ်း​လႆႈ​ဢွၼ်​ၵၼ်​ဢွၵ်ႇ​ပၢႆႈ​ၵႂႃႇ တီႈ​ဢၼ်​ၵႆ​ၼၼ်ႉ​ဢေႃႈ။ ၶဝ်​တၵ်း​လႆႈ​ၶၢမ်ႇ​တၢင်း​ဢၼ်​လိုပ်ႈ​ၸွမ်း​လမ်း​ၸွမ်း​ၸိူဝ်ႉ​ၼင်ႇ ၵႅပ်ႇ​ၵႃႈ​ၼိူဝ်​လွႆ ဢၼ်​လူမ်း​ထူဝ်း​လႄႈ​ပိဝ်​သဵၼ်​ၵႂႃႇ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ မုၼ်ႈ​ယိူဝ်ႈ​ဢၼ်​ပႃး​ၵႂႃႇ​ၵႃႈ​ၼႂ်း​လူမ်း​ၽိဝ်ႇ​ႁုင်​ၼၼ်ႉ​ဢေႃႈ။-</verse>
				<verse number="14">ၽေး​ႁွတ်ႈ​ၽႅဝ်​ၶိင်ႇ​ႁူဝ်​ၶမ်ႈ​လႄႈ ၶဝ်​တၵ်း​ႁၢႆ​ၵႂႃႇ​ၸူဝ်ႈ​ဢၼ်​ဢမ်ႇ​ပႆႇ​တေႃႇ​ထိုင်​ႁွတ်ႈ​ၶိင်ႇ​ႁူဝ်​ၼႂ်​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ပုၼ်ႈ​ပဵၼ်​တႃႇ​ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ႁဝ်း ဢိၵ်ႇ​တင်း​ဢၵျူဝ်း​ပုၼ်ႈ​ၶဝ်​ၸိူဝ်း​ဢၼ်​ႁိမ်​ႁူင်ႇ​ယႃႉ​ႁဝ်း​ပႅတ်ႈ​ၼၼ်ႉ​ဢေႃႈ။</verse>
			</chapter>
			<chapter number="18">
				<verse number="1">ၼႄႈ။ ၼႄႈ။ မိူင်း​ဢၼ်​မီး​ပိၵ်ႇ​ဢၼ်​ၸၢင်ႈ​သဵင်​လင်​သဵင်​မေႃး ဢၼ်​မီး​ၵႃႈ​တီႈ ၽၢႆႇ​ပုၼ်ႉ​ၼမ်ႉ​ႁွင်ႈ​ၼမ်ႉ​မႄႈ ဢီႉသႃႇယေႃးပီႉ ၊-</verse>
				<verse number="2">ဢၼ်​ၸၢင်ႈ​ပွႆႇ​ၸႂ်ႉ သၢၼ်ႇတမၢၼ်ႇ​တင်း​လၢႆ ၵႂႃႇ​ၸွမ်း​သဵၼ်ႈ​တၢင်း​ပၢင်ႇ​လၢႆႇ​ဢၼ်​ဝႃႈ ၵႃႈ​ၼႂ်း​ႁိူဝ်း​ၵမႃႇ​ၼိူဝ်​ၼမ်ႉ​ၼၼ်ႉ​ဢိူၺ်း၊ သၢၼ်ႇတမၢၼ်ႇ​ဢၼ်​ၶၼ်​ဢၼ်​ၽႂ်း​ၶဝ်​ဢိူၺ်း၊ ဢွၼ်​ၵၼ်​ၵႂႃႇ​ၸူး​ၵႃႈ​တီႈ​မဵဝ်း​ၵူၼ်း​ဢၼ်​ၵႅၼ်ႇ​ၶႅင်​ႁၢဝ်ႈ​ၵျၢမ်း​ၼႃႇ​လႄႈ ပဵၼ်​လွင်ႈ​ဢၼ်​လီ​ၵူဝ်​လီ​ႁႄ ၸႃႉ​ၸဵမ်​မိူဝ်ႈ​ဢွၼ်​တၢင်း​ႁူဝ်​ပိုင်း​ၼၼ်ႉ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ ဢၼ်​ႁႅင်း​ယႂ်ႇ​ၼႃႇ​လႄႈ ၸၢင်ႈ​တဵၵ်း​ယဵပ်ႇ၊ ဢၼ်​ယူႇ​ၵႃႈ​တီႈ​လိၼ် တီႈ​ယူႇ​ဢၼ်​ၼမ်ႉ​ႁွင်ႈ​ၼမ်ႉ​ၵႄး ၸၵ်း​ၽႄ​ၼၼ်ႉ​တႃႉ။-</verse>
				<verse number="3">ၵူၼ်း​ဢၼ်​ယူႇ​သဝ်း​ၵႃႈ​ၼႂ်း​လေႃးၵႃႉ​ၼႆႉ​ၶဝ်​ဢိူၺ်း၊ ၵူၼ်း​ဢၼ်​တူၵ်း​တီႈ​ယူႇ​တီႈ​သဝ်း ၵႃႈ​ၼိူဝ်​လိၼ်​မိူင်း​ၼႆႉ​ၶဝ်​ဢိူၺ်း၊ ဢွၼ်​ၵၼ်​လူ​တူၺ်း မိူဝ်ႈ​ဢၼ်​ပူၵ်း​လၢမ်ႇ​ၵႃႈ​ၼိူဝ်​လွႆ​ၼၼ်ႉ​တႃႉ။ ဢွၼ်​ၵၼ်​ထွမ်ႇ​ငိၼ်း မိူဝ်ႈ​ဢၼ်​ပဝ်ႇ​တိုင်ႈ​ၼႄးၶရႃႇ​ၼၼ်ႉ​တႃႉ။-</verse>
				<verse number="4">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​ၸမ်ႉ၊ ၵဝ်​တၵ်း​ၵိင်း​ဝၢပ်ႈ​လႄႈ ယူႇ​ၵႃႈ​ၼႂ်း​တီႈ​ယူႇ​ၵဝ်​သေ​လႄႈ လူ​တူၺ်း​ယူႇ မိူၼ်​ၸိူဝ်ႉ​ၼင်ႇ​တၢင်း​ဢၼ်​မႆႈ​ႁွၼ်ႉ ဢၼ်​ပၢင်ႇ​ၸိုၼ်ႈ​ၵႃႈ​ၼိူဝ်​တူၼ်ႈ​ၵႃႈ​တင်း​လၢႆ ဢိၵ်ႇ​တင်း​ၸိူဝ်ႉ​ၼင်ႇ​ၽႃႈ​ၽူၼ် ဢၼ်​ပျေႉ​ၸုမ်ႇ​တဵမ်​ဝႆႉ​တင်း​ၼမ်ႉ​ၼၢႆး ၼႂ်း​ၶိင်ႇ​မိူဝ်ႈ​ဢၼ်​မႆႈ​ႁွၼ်ႉ မိူဝ်ႈ​ဢၼ်​သိမ်း​ဢဝ်​မၢၵ်ႇ​ႁူင်း​ၼၼ်ႉ​ဢေႃႈ။-</verse>
				<verse number="5">ၸူဝ်ႈ​ဢၼ်​ဢမ်ႇ​ပႆႇ​ထိုင် ၶိင်ႇ​မိူဝ်ႈ​ဢၼ်​သိမ်း​ဢဝ်​မၢၵ်ႇ​ၸပိတ်ႈ​ၼၼ်ႉ၊ ၼႂ်း​မိူဝ်ႈ​ဢၼ်​တုမ်ႇ​မၼ်း​ၸေး​ၸုမ်ႇ​လႄႈ မွၵ်ႇ​မၼ်း​ၸႃႉ​ႁႃ​ပဵၼ်​မၢၵ်ႇ ဢၼ်​မူၼ်း​ယူႇ​ၼၼ်ႉ​ၸိုင်၊ မၼ်း​ၸဝ်ႈ​တၵ်း​ဢဝ်​ၶဵဝ်း​ပၢတ်ႇ​ယွတ်ႈ​မၼ်း​ၼမ်​ၼႃႇ​လႄႈ ပႄႇ​ၽဵဝ်ႈ​ၵိင်ႇ​မၼ်း​ၶႃႊ​မၼ်း​ပႅတ်ႈ​လႄႈ တႅပ်း​ၽၼ်း​ပႅတ်ႈ​ဢေႃႈ။-</verse>
				<verse number="6">ၶဝ်​ၼၼ်ႉ​တၵ်း​လႆႈ​ၵိုတ်း​ၵျၢၼ်ႇ​ဝႆႉ ပုၼ်ႈ​ၼူၵ်ႉ​ႁၢႆႉ ဢၼ်​ၸၢင်ႈ​ယူႇ​ၵႃႈ​ၼိူဝ်​လွႆ​တင်း​လၢႆ ဢိၵ်ႇ​တင်း​တူဝ်​ထိူၼ်ႇ​ႁၢႆႉ​တင်း​လၢႆ​လႄႈ​ၼူၵ်ႉ​ႁၢႆႉ​ၸိူဝ်း​ၼၼ်ႉ တၵ်း​ဢွၼ်​ၵၼ်​ယူႇ​ၵႃႈ​ၼိူဝ်​ၶဝ်​ၼၼ်ႉ ၼႂ်း​ၵိင်ႇ​မႆႉ​ၶႃႊ​မႆႉ၊ တူဝ်​ထိူၼ်ႇ​ႁၢႆႉ​တင်း​သဵင်ႈ​တင်း​လူင် တၵ်း​ဢွၼ်​ၵၼ် ယူႇ​ၵႃႈ​ၼိူဝ်​ၶဝ်​ၼၼ်ႉ ၼႂ်း​မိူဝ်ႈ​ၶိင်ႇ​ၵတ်း​ဢေႃႈ။-</verse>
				<verse number="7">မိူဝ်ႈ​ၼၼ်ႉ တၵ်း​လႆႈ​ဢဝ်​လၢၵ်ႈ​သွင်ႇ​ဢၼ်​ဝႃႈ မဵဝ်း​ၵူၼ်း​ဢၼ်​ၵႅၼ်ႇ​ၶႅင်​ႁၢဝ်ႈ​ၵျၢမ်း​ၼႃႇ​လႄႈ​ပဵၼ်​လွင်ႈ​ဢၼ်​လီ​ၵူဝ်​လီ​ႁႄ ၸႃႉ​ၸဵမ်​မိူဝ်ႈ​ဢွၼ်​တၢင်း​ႁူဝ်​ပိုင်း​ၼၼ်ႉ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ၊ ဢၼ်​ႁႅင်း​ယႂ်ႇ​ၼႃႇ​လႄႈ ၸၢင်ႈ​တဵၵ်း​ယဵပ်ႇ၊ ဢၼ်​ယူႇ​ၵႃႈ​တီႈ​လိၼ် တီႈ​ယူႇ ဢၼ်​ၼမ်ႉ​ႁွင်ႈ​ၼမ်ႉ​ၵႄး​ၸၵ်း​ၽႄ​ၼၼ်ႉ​ၸိူဝ်း​ၼၼ်ႉ မႃး​ၸူး​တီႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ၵႃႈ​တီႈ​လွႆ​ ၸီႉဢုၼ်ႇ တီႈ​ဢၼ်​ၼႃႇ​မႃႉ​ၸိုဝ်ႈ​သဵင် ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​တႄႇ​ယူႇ​ၼၼ်ႉ​ဢေႃႈ။</verse>
			</chapter>
			<chapter number="19">
				<verse number="1">ပျႃႇ​တိၵ်ႈ​ၸဝ်ႈ​လူၺ်ႈ​လွင်ႈ မိူင်း​ ဢေႇၵိပ်ႉတူႉ ​ၸမ်ႉ၊ တူၺ်း​လူး၊ ထႃႇဝရႃႉ​ၽြႃး ၶီႇ​ၽႃႈ​ၽူၼ် ဢၼ်​ၶၼ်​ဢၼ်​ၽႂ်း​ၼၼ်ႉ​သေ​လႄႈ​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။ ရုၵ်ႈ​ထူႉ​သၢင်း​ထူႉ​မိူင်း​ ဢေႇၵိပ်ႉတူႉ ​တင်း​လၢႆ တၵ်း​လႆႈ​မီး​တၢင်း​ဢၼ်​သၼ်ႇ​ၶွၼ်း​ဝႆ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ ႁူဝ်​ၸႂ်​မိူင်း​ ဢေႇၵိပ်ႉတူႉ ​ၼၼ်ႉ တၵ်း​လႆႈ​မီး​တၢင်း​ဢၼ်​ၸိူမ်ႈ​ယၢႆႈ​ၵႂႃႇ​ယူႇ​ၵႃႈ​ၼႂ်း​မၼ်း​ဢေႃႈ။-</verse>
				<verse number="2">ၵဝ်​တၵ်း​တိုၵ်း​ယူင်း​ၵူၼ်း​ ဢေႇၵိပ်ႉတူႉ တေႃႇ​ၵူၼ်း​ ဢေႇၵိပ်ႉတူႉ ႁႂ်ႈ​ၶဝ်​ၵေႃႉ​ၼိုင်ႈ လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​ၽိတ်း​ၵၼ်​လႄႈ ၶဝ်​ၼၼ်ႉ ပီႈ​ၼွင်ႉ​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ၊ ၵူၼ်း​ႁိူၼ်း​ၸမ်​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ၊ ဝဵင်း​ၼိုင်ႈ​လႄႈ​ဝဵင်း​ၼိုင်ႈ မိူင်း​ၼိုင်ႈ​လႄႈ​မိူင်း​ၼိုင်ႈ တၵ်း​တိုၵ်း​ၵၼ် တေႃး​ၵၼ်​ဢေႃႈ။-</verse>
				<verse number="3">ၸႂ်​မိူင်း​ ဢေႇၵိပ်ႉတူႉ ​ၼၼ်ႉ တၵ်း​လူႉ​ၵႃႈ​ၼႂ်း​မၼ်း​ဢေႃႈ။ ၵဝ်​တၵ်း​ယႃႉ​တၢင်း​ၵျၢမ်ႇ​တၢင်း​ပွင်​မၼ်း​ပႅတ်ႈ​လႄႈ ၶဝ်​ၼၼ်ႉ တၵ်း​ဢွၼ်​ၵၼ် သုတ်ႉ​ၸပ်း​သုတ်ႉ​ၸူး တီႈ​ရုၵ်ႈ​ထူႉ​လႂ်၊ တီႈ​ၵူၼ်း​ဢၼ်​ၸၢင်ႈ​ၸေႃႉ ၸၢင်ႈ​ႁဵတ်း​လႂ်၊ တီႈ​ၵူၼ်း​ဢၼ်​ၽီ​ၶဝ်ႈ​လႂ်၊ တီႈ​ၽိူဝ်ႉ​ၶဝ်ႈ​လႂ် ၼၼ်ႉ​ဢေႃႈ။-</verse>
				<verse number="4">ၶဝ်​တၵ်း​ဢဝ်​ၵူၼ်း​ ဢေႇၵိပ်ႉတူႉ ​တင်း​လၢႆ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၸဝ်ႈ​ဢၼ်​ၵျၢမ်း​ထၢမ်း​ၼႃႇ​ၼၼ်ႉ​လႄႈ ၶုၼ်​ႁေႃ​ၶမ်း​ဢၼ်​ႁၢဝ်ႈ​ၵျၢမ်း​ၼႃႇ​ပႃး​ၼိုင်ႈ တၵ်း​ဢုပ်ႉ​ပိူင်ႇ​ၶဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="5">မိူဝ်ႈ​ၼၼ်ႉ ၼမ်ႉ​ပၢင်ႇ​လၢႆႇ​တၵ်း​ၶၢတ်ႇ​ၵႂႃႇ​လႄႈ ၼမ်ႉ​ႁွင်ႈ​ၼမ်ႉ​ၵႄး​ၵေႃႈ တၵ်း​ယွမ်း​လႄႈ ယူတ်း​ႁႅင်ႈ​ၵႂႃႇ​ဢေႃႈ။-</verse>
				<verse number="6">ၼမ်ႉ​ႁွင်ႈ​တင်း​လၢႆ တၵ်း​တူႇ​ၼဝ်ႈ​ၵႂႃႇ​လႄႈ ၼမ်ႉ​ၵႄး​ဢၼ်​တႅၵ်ႇ​ၵႂႃႇ​ၽႄႈ​ၵႂႃႇ ၼႂ်း​မိူင်း​ ဢေႇၵိပ်ႉတူႉ ​ၸိူဝ်း​ၼၼ်ႉ တၵ်း​ၶၢတ်ႇ​ၵႂႃႇ​လႄႈ ယူတ်း​ႁႅင်ႈ​ၵႂႃႇ​သေ​ယဝ်ႉ၊ တူၼ်ႈ​မႆႉ​ဢေႃႈ တင်း​တူၼ်ႈ​ၶႅမ်​တင်း​လၢႆ တၵ်း​ႁဵဝ်ႇ​ႁႅင်ႈ​ၵႂႃႇ​ဢေႃႈ။-</verse>
				<verse number="7">ၸႃႉ​ၸဵမ်​ပၢင်ႇ​တူင်ႈ​ၼႃး ၵႃႈ​ႁိမ်း​ၼမ်ႉ​ႁွင်ႈ​လႄႈ ၵႃႈ​ႁိမ်း​သူပ်း​ၼမ်ႉ​ႁွင်ႈ​ဢိၵ်ႇ​တင်း ၵေႃႉ​ဢၼ်​ၽုၵ်ႇ​သွမ်ႈ​ၵႃႈ​ႁိမ်း​ၼမ်ႉ​ႁွင်ႈ​ၸိူဝ်း​ၼၼ်ႉ တၵ်း​ႁဵဝ်ႇ​ႁႅင်ႈ​လူႉ​လႅဝ်​ႁၢႆ​လၢႆ​ၵႂႃႇ​ဢေႃႈ။-</verse>
				<verse number="8">တမ်ႇ​ငႃႈ​တင်း​လၢႆ​တၵ်း​ဢွၼ်​ၵၼ်​ၶၢင်း​ၶီ​ၶၢင်း​ၽၢၼ်​လႄႈ ၶဝ်​ၸိူဝ်း​ဢၼ် ဢဝ်​ဝဵတ်း​တွတ်ႈ​တူၵ်း​ၵႃႈ​ၼႂ်း​ၼမ်ႉ​ႁွင်ႈ​ၵႃႈ​မီး​ၼၼ်ႉ​တၵ်း​ဢွၼ်​ၵၼ်​ပွင်ႉ​ၶၢင်း​လႄႈ ၶဝ်​ၸိူဝ်း​ဢၼ်​ၸၢင်ႈ​ဢဝ်​ၼႅင်ႈ​ဢဝ်​ၶႄ​ၽႄႇ​ၵီႈ​ၵႃႈ​ၼိူဝ်​ၼမ်ႉ​ၸိူဝ်း​ၼၼ်ႉ တၵ်း​ၸႂ်​လူႉ​ဢေႃႈ။-</verse>
				<verse number="9">ၶဝ်​ၸိူဝ်း​ဢၼ်​ႁဵတ်း​ပၢၼ်ႇ ဢိၵ်ႇ​တင်း​ၶဝ်​ၸိူဝ်း​ဢၼ်​တေႃး​ပိၵ်ႈ​ၶျေႃး​ၼၼ်ႉ​ၵေႃႈ တၵ်း​ဢွၼ်​ၵၼ်​ယုင်ႈ​ၸႂ်​ၵႂင်​ၸႂ်​ဢေႃႈ။-</verse>
				<verse number="10">သဝ်​တီႈ​ဢိင်​တီႈ​ပိုင်ႈ​မၼ်း​တင်း​လၢႆ တၵ်း​လူႉ​လႄႈ ၶဝ်​ၸိူဝ်း​ဢၼ်​ၵိၼ်​ၵႃႈ​ၸၢင်ႈ​ၶၼ်​ငႃ​တင်း​သဵင်ႈ​တင်း​လူင်​ၼၼ်ႉ တၵ်း​ဢွၼ်​ၵၼ်​မီး​ၸႂ်​ဢၼ်​ႁဵဝ်ႇ​ဢၼ်​ၸွပ်ႈ​ဢေႃႈ။-</verse>
				<verse number="11">ၶုၼ်​ ၸေႃးၼႃႉ ​တင်း​လၢႆ ပဵၼ်​ၵူၼ်း​ယွင်ႇ​ၵူၼ်း​မႃႈ​ၵႂႃႇ​လႄႈ တၢင်း​ၵျၢမ်ႇ​တၢင်း​ပွင်​ဢၼ်​မူး​မၢတ်ႈ​ၽွင်း​မိူင်း ဢၼ်​တိူင်ႇ​ပၢင်ႇ ၶုၼ်​ ၽႃႇရေႃး ​ၸိူဝ်း​ၼၼ်ႉ​ပၼ်​ၼၼ်ႉ ပဵၼ်​ဢၼ်​မိူၵ်ႈ​လပ်း​သိင်ႇ​ဢေႃႈ။ သူ​လဝ်ႊ​လၢတ်ႈ​တီႈ​ၶုၼ်​ ၽႃႇရေႃး ​လႄႈ​ဝႃႈ၊ ၶႃႈ​ၸဝ်ႈ​ပဵၼ် မဵဝ်း​ပိင်ႇ​ၺႃႇ​သီႉ ၸိူဝ်ႉ​ၶိူဝ်း​ၶုၼ်​ႁေႃ​ၶမ်း​မိူဝ်ႈ​ဢွၼ်​ၼႆႉ​ၼၼ်ႉ​တီႈ​ၶႃႈ​ဢေႃႈ ဝႃႈ​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။-</verse>
				<verse number="12">ၶဝ်​ၼၼ်ႉ​မီး​ၵႃႈ​လႂ်။ ပိင်ႇ​ၺႃႇ​သီႉ​မႂ်း​ၸိူဝ်း​ၼၼ်ႉ​မီး​ၵႃႈ​လႂ်။ ဢွၼ်​ၵၼ်​လၢတ်ႈ​မိူဝ်ႈ​လဵဝ်​ၼႆႉ​လႄႈ ၽုၺ်ႇ​ဢွၵ်ႇ​ၼႄ​ပျႃး​လွင်ႈ​ဢၼ်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ၵျၢမ်ႇ​ပွင်​လူၺ်ႈ​လွင်ႈ​မိူင်း​ ဢေႇၵိပ်ႉတူႉ ၸိူဝ်ႉ​ၼင်ႇ​ႁိုဝ်​ၼၼ်ႉ​သေ​ၵမ်း၊-</verse>
				<verse number="13">ၶုၼ်​ ၸေႃးၼႃႉ ​ၸိူဝ်း​ၼၼ်ႉ ပဵၼ်​ၵူၼ်း​ယွင်ႇ​ၵူၼ်း​မႃႈ​ၵႂႃႇ​ယဝ်ႉ။ ၶုၼ်​ ၼေႃႇၽႃႉ ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ပႅတ်ႉ​လႅၼ်​ယဝ်ႉ။ ၶဝ်​ဢၼ်​ပဵၼ်​ႁူဝ်​ၸဵင်ႇ​တိူၵ်ႈ မဵဝ်း​ၸိူဝ်ႉ​ၶိူဝ်း​မိူင်း​ ဢေႇၵိပ်ႉတူႉ ​ၼၼ်ႉ​ၵေႃႈ ႁႂ်ႈ​မၼ်း​ၽိတ်း​မၼ်း​ပိူင်ႈ​ဢေႃႈ။-</verse>
				<verse number="14">ထႃႇဝရႃႉ​ၽြႃး ဢဝ်​ၸႂ်​သၽေႃး ဢၼ်​ၵႂင်​ၸႂ်​ယုင်ႈ​ၸႂ် လေႃး​လႄး​သႂ်ႇ​ၵႃႈ​ၼႂ်း​မၼ်း​လႄႈ ၶဝ်​ႁႂ်ႈ​မိူင်း​ ဢေႇၵိပ်ႉတူႉ ၽိတ်း​ၵႂႃႇ ပိူင်ႈ​ၵႂႃႇ​ၵႃႈ​ၼႂ်း ၵႃႈ​ဢၼ်​ၶဝ်​သၢင်ႈ ၶဝ်​ႁဵတ်း​ၼၼ်ႉ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​မဝ်း​လဝ်ႈ​ၼၼ်ႉ လူမ်ႉ​သႂ်ႇ​ၵႃႈ​ၼိူဝ်​ႁၢၵ်ႈ​မၼ်း​ၼၼ်ႉ​ဢေႃႈ။-</verse>
				<verse number="15">လွင်ႈ​တၢင်း​ဢၼ် ၵွၵ်း​ႁူဝ်၊ ဢမ်ႇ​ၼၼ်​ႁၢင်၊ ႁွင်ႈ​ၼမ်ႉ​ထၢၼ်၊ ဢမ်ႇ​ၼၼ် တူၼ်ႈ​ၶႅမ်​ႁဵတ်း​လႆႈ​ၼၼ်ႉ တၵ်း​ဢမ်ႇ​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ လႃး​လႃး။</verse>
				<verse number="16">ၼႂ်း​မိုဝ်ႉ​ဝၼ်း​ၼၼ်ႉ မိူင်း​ ဢေႇၵိပ်ႉတူႉ တၵ်း​ပဵၼ်​ၸိူဝ်ႉ​ၼင်ႇ​မႄႈ​ယိင်း​လႄႈ ၵူဝ်​ႁႄ​သၼ်ႇ​ဝႆ​ၵွပ်ႈ​ပိူဝ်ႈ တၢင်း​ဢၼ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး သၼ်ႇ​ၶွၼ်း​မိုဝ်း​မၼ်း​ၸဝ်ႈ ဢၼ်​မၼ်း​ၸဝ်ႈ​သၼ်ႇ​ၶွၼ်း​ၵႃႈ​ၼိူဝ်​ၶဝ်​ၼၼ်ႉ​ဢေႃႈ။-</verse>
				<verse number="17">မိူင်း​ ယူႉတႃႉ တၵ်း​ပဵၼ်​လွင်ႈ​ဢၼ်​လီ​ၵူဝ်​လီ​ႁႄ တီႈ​မိူင်း​ ဢေႇၵိပ်ႉတူႉ ​လႄႈ ၶဝ်​ၵႃႈ​ဢၼ်​လႆႈ​ငိၼ်း​ပိူၼ်ႈ​လၢတ်ႈ လွင်ႈ​မၼ်း​ၼၼ်ႉ ၵူႈ​ၵေႃႉ​ၵူႈ​ၵူၼ်း တၵ်း​ဢွၼ်​ၵၼ်​ၵူဝ်​ႁႄ​ၵွပ်ႈ​ပိူဝ်ႈ တၢင်း​ၵျၢမ်ႇ​တၢင်း​ပွင်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ဢၼ်​မၼ်း​ၸဝ်ႈ​ၵျၢမ်ႇ​ပွင်​လွင်ႈ​မၼ်း ၼၼ်ႉ​ဢေႃႈ။-</verse>
				<verse number="18">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ တၵ်း​လႆႈ​မီး​ဝဵင်း​ႁႃႈ​ဝဵင်း ဢၼ်​လၢတ်ႈ​ၵႂၢမ်း​ၽႃႇသႃႇ​ ၶႃႇၼၢၼ်ႇ ​လႄႈ ၶၢမ်ႇ​ဢဝ်​သဵတ်ႈ​ၸႃႇ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ၊ ဝဵင်း​ဝဵင်း​ၼိုင်ႈ တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ ၸိုဝ်ႈ​ဝဵင်း တၢင်း​လူႉ​တၢင်း​လႅဝ် ဢေႃႈ။-</verse>
				<verse number="19">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ တၵ်း​လႆႈ​မီး​ယိတ်ႈပလၢင်ႇ ပုၼ်ႈ​ထႃႇဝရႃႉ​ၽြႃး ၵႃႈ​ၼႂ်း​ၵၢင်​မိူင်း​ ဢေႇၵိပ်ႉတူႉ ဢိၵ်ႇ​တင်း သဝ် တီႈ​မၢတ်ႈ​တီႈ​တွင်း ပုၼ်ႈ​ထႃႇဝရႃႉ​ၽြႃး ၵႃႈ​တီႈ​ၶွပ်ႇ​ၼမ်ႉ​လႅၼ်​လိၼ်​မၼ်း​ဢေႃႈ။-</verse>
				<verse number="20">ဢၼ်​ၼၼ်ႉ​တၵ်း​ပဵၼ်​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​သၢၵ်ႈ​သေႇ ပုၼ်ႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ၵႃႈ​ၼႂ်း မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၼႂ်း​ၶဝ်​ၼၼ်ႉ​တၵ်း​ဢွၼ်​ၵၼ်​ႁွင်ႉ​သႅၼ်ႇ​ႁွင်ႉ​ႁႃ ထႃႇဝရႃႉ​ၽြႃး​ၵွပ်ႈ​ပိူဝ်ႈ ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​လႄႈ မၼ်း​ၸဝ်ႈ​တၵ်း​ပွႆႇ​ၸႂ်ႉ​ၵေႃႉ​ဢၼ်​ၵႄႇ​သႄႇ​ၶျွတ်ႈ​ဢဝ် ၵေႃႉ​ဢၼ်​ယႂ်ႇ​လူင်​ယႂ်ႇ​လၢင်​ၼၼ်ႉ ၸူး​တီႈ​ၶဝ် လႄႈ မၼ်း​ၵႄႇ​သႄႇ​ၼုၵ်ႈ​ဢဝ်​ၶဝ်​ဢေႃႈ။-</verse>
				<verse number="21">တၵ်း​ဢွၼ်​ၵၼ် ႁူႉ​ထႃႇဝရႃႉ​ၽြႃး ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ၵူၼ်း​ ဢေႇၵိပ်ႉတူႉ ​တင်း​လၢႆ တၵ်း​ႁူႉ​ထႃႇဝရႃႉ​ၽြႃး ၼႂ်း​မိုဝ်ႉ​ဝၼ်း ၼၼ်ႉ​လႄႈ ဢွၼ်​ၵၼ်​ဢဝ်​ၶိူင်ႈ​ပုၵ်ႈ​ၸေႃႇ ဢိၵ်ႇ​တင်း​တႃႇ​ၼႃႉ​တၢင်း​လူႇ သၢၵ်ႈ​ၵၢပ်ႈ​ႁဵတ်း​ဝၢတ်ႈ​ဢေႃႈ။ တၵ်း​ဢွၼ်​ၵၼ်​ဝႆႉ​ၵတီႉ​သဵတ်ႈ​ၸႃႇ​တီႈ​ထႃႇဝရႃႉ​ၽြႃး​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ်​ဝႆႉ​ၼၼ်ႉ​ဢေႃႈ။-</verse>
				<verse number="22">ထႃႇဝရႃႉ​ၽြႃး တၵ်း​ပၼ်​တၢမ်ႇ​ယူႇ၊ ႁႂ်ႈ​ႁွႆး​တၢမ်ႇ​ၶႅၼ်း​မႃး​ယူႇ​သေ​လႄႈ ပၼ်​တၢမ်ႇ​တီႈ​မိူင်း​ ဢေႇၵိပ်ႉတူႉ ​ဢေႃႈ။ မိူဝ်ႈ​ၼၼ်ႉ​ၶဝ်​တၵ်း​ၶၢႆႉ​ပုတ်ႈ​မႃး​ၸူး​တီႈ ထႃႇဝရႃႉ​ၽြႃး​လႄႈ မၼ်း​ၸဝ်ႈ​တၵ်း​ထွမ်ႇ​ဢဝ်​တၢင်း​ဢၼ် ၶဝ်​တွင်း​ပၢၼ်ႇ​ၼၼ်ႉ​လႄႈ ႁႂ်ႈ​ႁွႆး​တၢမ်ႇ​ၶဝ်​ၶႅၼ်း​မႃး​ဢေႃႈ။-</verse>
				<verse number="23">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ တၵ်း​မီး​သဵၼ်ႈ​တၢင်း​လူင် ဢဝ်​ၵႃႈ​တီႈ​မိူင်း​ ဢေႇၵိပ်ႉတူႉ တေႃႇ​ထိုင်​ႁွတ်ႈ​မိူင်း​ ဢႃႇသူႉရီႉ ​ၼၼ်ႉ​ဢေႃႈ။ ၵူၼ်း​ ဢႃႇသူႉရီႉ တၵ်း​ၶဝ်ႈ​ၸူး​တီႈ​မိူင်း​ ဢေႇၵိပ်ႉတူႉ ၊ ၵူၼ်း​ ဢေႇၵိပ်ႉတူႉ တၵ်း​ၶဝ်ႈ​ၸူး​တီႈ​မိူင်း​ ဢႃႇသူႉရီႉ ​လႄႈ ၵူၼ်း​ ဢေႇၵိပ်ႉတူႉ ​တင်း​လၢႆ တၵ်း​ဢွၼ်​ၵၼ်​ႁဵတ်း​ဝၢတ်ႈ​ႁူမ်ႈ​လူၺ်ႈ​ၵၼ်​တင်း​ၵူၼ်း​ ဢႃႇသူႉရီႉ ​တင်း​လၢႆ​ဢေႃႈ။-</verse>
				<verse number="24">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ မဵဝ်း​ ဢီႉသရေႇလႃႉ ​တၵ်း​ႁူမ်ႈ​ပွင်း​လူၺ်ႈ​ၵၼ် တင်း​မဵဝ်း​ ဢေႇၵိပ်ႉတူႉ တင်း​မဵဝ်း​ ဢႃႇသူႉရီႉ ​လႄႈ ပဵၼ်​မဵဝ်း​တႃႉတီႉယႃႉ ဢၼ်​ဝႃႈ​မဵဝ်း​ဢၼ်​ႁဵတ်း​မင်ႇၵလႃႇ​ၵႃႈ​ၼႂ်း​ၵၢင်​လိၼ်​မိူင်း​ဢေႃႈ။-</verse>
				<verse number="25">ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး တၵ်း​ပၼ်​တၢင်း​လီ​တီႈ​ၶဝ်​လႄႈ​ဝႃႈ၊ ႁႂ်ႈ​မဵဝ်း​ ဢေႇၵိပ်ႉတူႉ ဢၼ်​ပဵၼ်​ၵူၼ်း​ၵဝ်၊ မဵဝ်း​ ဢႃႇသူႉရီႉ ဢၼ်​ၵဝ်​ဢဝ်​မိုဝ်း​ၵဝ်​ပွင်​ႁဵတ်း​ပွင်​မႄး၊ မဵဝ်း​ ဢီႉသရေႇလႃႉ ဢၼ်​ပဵၼ်​ဢမူၺ်ႇ​ၵဝ်​ၼၼ်ႉ ၸိူဝ်း​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="20">
				<verse number="1">ၼႂ်း​ပီႊ​ဢၼ်​ၶုၼ်​ပူဝ်ႇ​ တႃႇတၼ်ႇ ႁွတ်ႈ​ထိုင်​ၵႃႈ​တီႈ​ဝဵင်း​ ဢႃႇၸုတ်ႉ ၼႂ်း​မိူဝ်ႈ​ဢၼ် သႃႇၵုၼ်ႇ ​ၶုၼ်​ႁေႃ​ၶမ်း​ ဢႃႇသူႉရီႉ ​ပွႆႇ​ၸႂ်ႉ​မၼ်း​လႄႈ မၼ်း​တိုၵ်း​တေႃး​ဢဝ်​ဝဵင်း ဢႃႇၸုတ်ႉ ​ၼၼ်ႉ၊-</verse>
				<verse number="2">ထႃႇဝရႃႉ​ၽြႃး မီး​ဢမိင်ႉ​တီႈ ဢီႉသႃႇယႃႉ လုၵ်ႈ​ၸၢႆး​ ဢႃႇမုတ်ႉ ​လႄႈ​ဝႃႈ၊ မႂ်း​ၵႂႃႇ​လႄႈ ပႄႇ​ပႅတ်ႈ​ၶူဝ်း​ၼုင်ႈ​ၼင်​ပေႃ​သေ​ၵႃႈ​တီႈ​ဢႅဝ်​မႂ်း ထွတ်ႇ​သွၵ်း​တိၼ်​သေ ၵႃႈ​တီႈ​တိၼ်​မႂ်း​တႃႉ၊ ဝႃႈ​ၼင်ႇ​ၼႆ​လႄႈ၊ မၼ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​ဝႃႈ​ၼၼ်ႉ​လႄႈ ယင်း​ဢမ်ႇ​ၼုင်ႈ​ၶူဝ်း​ၼုင်ႈ၊ ယင်း​ဢမ်ႇ​တိုဝ်း​သွၵ်း​တိၼ်​လႄႈ ၵႂႃႇ​မႃး​ယူႇ​ဢေႃႈ။-</verse>
				<verse number="3">ထႃႇဝရႃႉ​ၽြႃး ၵေႃႈ​မီး​ဢမိင်ႉ​လႄႈ​ဝႃႈ၊ ၸိူဝ်ႉ​ၼင်ႇ​ဢၼ်​ၶႃႈ​ၵဝ် ဢီႉသႃႇယႃႉ ယင်း​ဢမ်ႇ​ၼုင်ႈ​ၶူဝ်း​ၼုင်ႈ၊ ယင်း​ဢမ်ႇ​တိုဝ်း​သွၵ်း​တိၼ်​လႄႈ ၵႂႃႇ​မႃး​ယူႇ​သၢမ်​ပီႊ​တဵမ်​တဵမ် ႁႂ်ႈ​လႆႈ​ၼႄ​ပျႃး​ပုၵ်ႉ​ပႃႉ​ၼီႉမိၵ်ႈ၊ လွင်ႈ​တၢင်း​ဢၼ်​လီ​ဢၢမ်း တီႈ​မိူင်း​ ဢေႇၵိပ်ႉတူႉ တင်း​မိူင်း​ ၵူႉသႃႉ ​ၼၼ်ႉ၊-</verse>
				<verse number="4">မိူၼ်​ၸိူဝ်ႉ​ၼင်ႇ​ၼၼ်၊ ၶုၼ်​ႁေႃ​ၶမ်း​ ဢႃႇသူႉရီႉ တၵ်း​သိမ်း​ဢဝ်​ၵူၼ်း​ ဢေႇၵိပ်ႉတူႉ တင်း​ၵူၼ်း​ ၵူႉသႃႉ ​ဢၼ်​လႆႈ​ၶၢမ်ႇ​တၢင်း​ဢၼ်​တီႉ​ဢဝ် ၶျုၵ်ႈ​ဝႆႉ​ၸဵမ်​လဵၵ်ႉ​ၸဵမ်​ယႂ်ႇ​ၵႂႃႇ​တူဝ်​ပူၺ် ယင်း​ဢမ်ႇ​ႁႂ်ႈ​ပႃး​သွၵ်း​တိၼ်၊ ယင်း​ဢမ်ႇ​ႁႂ်ႈ​မီး​တီႈ​ဢၼ်​ႁူမ်ႇ​ၵုမ်ႇ​ၵူၼ်ႈ​ၶဝ် ႁႂ်ႈ​လႆႈ​ယႃႉ​သရေႇ မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="5">ၶဝ်​တၵ်း​ဢွၼ်​ၵၼ်​ၵူဝ်​ႁႄ​လႄႈ ဢူၵ်း​ဢၢႆ​ၵွပ်ႈ​ပိူဝ်ႈ​မိူင်း​ ၵူႉသႃႉ ဢၼ်​ၶဝ် ၸႂ်​ဢိင်​ၸႂ်​ပိုင်ႈ ဢိၵ်ႇ​တင်း​မိူင်း​ ဢေႇၵိပ်ႉတူႉ ဢၼ်​ၶဝ် ဢုပ်ႇ​ဢၢတ်ႇ​ၼၼ်ႉ​ဢေႃႈ။-</verse>
				<verse number="6">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ ၵေႃႉ​ဢၼ်​ယူႇ​ၵႃႈ​တီႈ​ႁိမ်း​ၽင်ႇ​ၽၢႆႇ​ၼႆႉ​ၼၼ်ႉ တၵ်း​လၢတ်ႈ​လႄႈ​ဝႃႈ၊ တူၺ်း​လူး၊ တီႈ​ဢၼ်​ႁဝ်း​မုင်ႈ​မွင်း​ယူႇ၊ တီႈ​ဢၼ်​ႁဝ်း​ပႆ​ၸူး​လႄႈ သွၼ်ႈ​ပိုင်ႈ​ယူႇ​ႁႂ်ႈ​လႆႈ​လွတ်ႈ​သေ​ၵႃႈ​ၼႂ်း မိုဝ်း​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ ပဵၼ်​ၸိူဝ်ႉ​ၼင်ႇ​ၼႆ​ဝႆႉ​ယဝ်ႉ​လူင်​ပႄႇ။ ႁဝ်း​ၼႆႉ​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​လွတ်ႈ​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="21">
				<verse number="1">ပျႃႇ​တိၵ်ႈ​ၸဝ်ႈ​လူၺ်ႈ​လွင်ႈ ထိူၼ်ႇ​ပၢင်ႇ​လၢႆႇ​ၸမ်ႉ၊ ၸိူဝ်ႉ​ၼင်ႇ​ဢၼ်​လူမ်း​ၽိဝ်ႇ​ႁုင်​ၽၢႆႇ​တၢင်း​ၸၢၼ်း​ထူဝ်း​မႃး​ၼၼ်ႉ၊ လုၵ်ႉ​သေ​ၵႃႈ​တီႈ ထိူၼ်ႇ​လူင်​မိူင်း​ဢၼ်​လီ​ၵူဝ်​လီ​ႁႄ​ၼႃႇ​ၼၼ်ႉ မႃး​ဢေႃႈ။-</verse>
				<verse number="2">ရူႇပႃႇရူင်ႇ ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ​ပေႃႇ​မႃး​တီႈ​ၵဝ်​ဢေႃႈ။ ၵေႃႉ​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ ပႅတ်ႉ​လႅၼ်​ယူႇ​ဢေႃႈ။ ၵေႃႉ​ဢၼ်​ၸၢင်ႈ​ႁိမ်​ဢဝ်​ႁူင်ႇ​ဢဝ်​ၼၼ်ႉ ႁိမ်​ဢဝ်​ႁူင်ႇ​ဢဝ်​ယူႇ​ဢေႃႈ။ မိူင်း​ ဢေႇလမ်ႇ​ ​ဢိူၺ်း၊ ၶိုၼ်ႈ​ၸူး​တႃႉ။ မိူင်း​ မေႇတီႉ ​ဢိူၺ်း၊ လွမ်ႉ​ႁွပ်ႈ​ဝဵင်း​ဝႆႉ​တႃႉ။ ၵဝ်​လႆႈ​ႁႂ်ႈ​ၵႃႈ​ဢၼ်​မၼ်း​ၶၢင်း​ၶီ​ၶၢင်း​ၽၢၼ်​ၼၼ်ႉ ထၢတ်ႇ​ယဵၼ်​ယဝ်ႉ။-</verse>
				<verse number="3">ပိူဝ်ႈ​ၼႆ​လႄႈ ဢႅဝ်​ၵဝ်​ၼႆႉ​ၸဵပ်း​ၼႃႇ​လႄႈ ဝူၺ်ႇတၼႃႇ​ႁွတ်ႈ​ထိုင်​တီႈ​ၵဝ်​မိူၼ်​ၸိူဝ်ႉ​ၼင်ႇ ဝူၺ်ႇတၼႃႇ​ဢၼ်​မႄႈ​ယိင်း ဢၼ်​ၵိူတ်ႇ​လဵင်ႉ​လုၵ်ႈ လႆႈ​ၶၢမ်ႇ​ၼၼ်ႉ​ဢေႃႈ။ ၵဝ်​လႆႈ​ၶၢမ်ႇ​ႁႅင်း​ယႂ်ႇ​ၼႃႇ​လူင်​လၢင်​ထၼ်ႈ​ပေႃး ၵဝ်​ဢမ်ႇ​ငိၼ်း​လႆႈ​ဢေႃႈ။ ၵဝ်​မီး​တၢင်း​ဢၼ် ၵႂင်​ၸႂ်​ယုင်ႈ​ၸႂ် ထၼ်ႈ​ပေႃး​ၵဝ် ဢမ်ႇ​ႁၼ်​လႆႈ​ဢေႃႈ။-</verse>
				<verse number="4">ႁူဝ်​ၸႂ်​ၵဝ်​ၼႆႉ ဝၢင်ႇ​ဝီႈ​ဝၢင်ႇ​ဝိူဝ်ႈ​ယူႇ​သေ​လႄႈ လွင်ႈ​တၢင်း​ဢၼ်​လီ​ၵူဝ်​လီ​ႁႄ​ၼၼ်ႉ ႁႂ်ႈ​ၵဝ်​တူၵ်း​ၸႂ်​ယူႇ​ဢေႃႈ။ ၵၢင်​ၶိုၼ်း​ဢၼ်​ၵဝ် မူၼ်ႈ​ပျေႃႇ​ၼၼ်ႉ ၶၢႆႉ​ပုတ်ႈ​ယဵၼ်း​ပဵၼ်​တၢင်း​ဢၼ် ၵူဝ်​ႁႄ​သၼ်ႇ​ဝႆ​ၵႂႃႇ​ယဝ်ႉ။-</verse>
				<verse number="5">ၶဝ်​မႄး​ႁႅၼ်း​ၶူင်ႇ​တီႈ​ၵိၼ်​ဝႆႉ​ယဝ်ႉ။ ၶဝ်​ဝႆႉ​ၵၢင် ႁႂ်ႈ​ပႂ်ႉ​ယူႇ​ယဝ်ႉ။ ၶဝ်​ဢွၼ်​ၵၼ်​ၵိၼ်​ယူႇ​ၶူပ်း​ယူႇ​ဢေႃႈ။ သူ​ၵႃႈ​ဢၼ်​ပဵၼ်​ၶုၼ်​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​လုၵ်ႉ​လႄႈ ဢဝ်​ၼမ်ႉ​မၼ်း​ထွၵ်ႇ​သႂ်ႇ​ၶိူင်ႈ​ႁႄႉ​လၢၵ်ႈ​ၼၢၵ်ႈ​တႃႉ။-</verse>
				<verse number="6">လွင်ႈ​မၼ်း​ၸမ်ႉ ၸဝ်ႈ​ၽြႃး​မီး​ဢမိင်ႉ​တီႈ​ၵဝ်​လႄႈ​ဝႃႈ၊ မႂ်း​ၵႂႃႇ​လႄႈ​ဝႆႉ​ၵၢင် ႁႂ်ႈ​ပႂ်ႉ​ယူႇ​တႃႉ။ ႁႂ်ႈ​မၼ်း​မွၵ်ႇ​လၢတ်ႈ​ၵႃႈ​ဢၼ်​မၼ်း​ႁၼ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မိူဝ်ႈ​ဢၼ်​မၼ်း​ၼၼ်ႉ​ႁၼ် တပ်ႉ​မႃႉ ဢၼ်​ၶီႇ​ယေႈ​သွင်​တူဝ် ယေႈ​သွင်​တူဝ်​တပ်ႉ​ၼိုင်ႈ၊ တပ်ႉ​လီႈ​တပ်ႉ​ၼိုင်ႈ၊ တပ်ႉ​ၵလႃးဢုၵ်ႉ​တပ်ႉ​ၼိုင်ႈ​မႃး​ၼၼ်ႉ​ၸိုင် မၼ်း​ႁဵတ်း​သတီႉ​လူ​တူၺ်း ထွမ်ႇ​ငိၼ်း​ၸေး​ၸေး​ၸွတ်ႇ​ၸွတ်ႇ​သေ​လႄႈ၊-</verse>
				<verse number="8">ႁွင်ႉ​သႅၼ်ႇ​မိူၼ်​ၸိူဝ်ႉ​ၼင်ႇ သၢင်ႇ​သီႈ​ၼၼ်ႉ​လႄႈ​ဝႃႈ၊ ၸဝ်ႈ​ႁဝ်း​တီႈ​ၶႃႈ​ဢိူၺ်း၊ ၶႃႈ​ၸဝ်ႈ​ၼႆႉ​ၶိင်ႇ​ၵၢင်​ဝၼ်း၊ ၸုၵ်း​ယူႇ​ၵႃႈ​ၼိူဝ် ၶဵင်ႇ​မုင်း​ၵၢင် ယူႇ​သေႇ​သေႇ​လႄႈ ၶိင်ႇ​ၵၢင်​ၶိုၼ်း​တင်း​ၶိုၼ်း​ၵေႃႈ ပႂ်ႉ​ၵၢင် ယူႇ​တီႈ​ၶႃႈ​ဢေႃႈ။-</verse>
				<verse number="9">တူၺ်း​တီႈ​ၶႃႈ​လူး။ တပ်ႉ​ၵူၼ်း​သိုၵ်း​ၶီႇ​မႃႉ ဢၼ်​ၶီႇ​ယေႈ​သွင်​တူဝ်​ယေႈ​သွင်​တူဝ်​ၼၼ်ႉ​မႃး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။​မၼ်း​သမ်ႉ​ထၢပ်ႈ​ထႅင်ႈ​လႄႈ​လၢတ်ႈ​ဝႃႈ၊ ဝဵင်း​ ပႃႇပူႉလုၼ်ႇ ​လူမ်ႉ​ပင်း​ယဝ်ႉ။ လူမ်ႉ​ပင်း​ယဝ်ႉ။ ရုၵ်ႈ​ထူႉ​သၢင်း​ထူႉ ၽြႃး​မၼ်း​ၵႃႈ​မီး​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁၵ်း​ႁဵၵ်း​တူၵ်း​ပႅတ်ႈ​ၵႃႈ​ၼိူဝ်​လိၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၶဝ်ႈ​ပိူၵ်ႇ​ဢၼ်​ၵဝ်​ယဵပ်ႇ​ၼူတ်ႈ​လႄႈ ဢွၵ်ႇ​ၵႃႈ​ၼႂ်း​တလၢင်း​ယဵပ်ႇ​ၶဝ်ႈ​ၵဝ်​ဢိူၺ်း၊ ၵဝ်​ဢဝ်​ၵႃႈ​ဢၼ်​ၵဝ်​လႆႈ​ငိၼ်း​လွင်ႈ​ဢၼ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​ဢမိင်ႉ​ၼၼ်ႉ သင်ႇ​လၢတ်ႈ​ဝႆႉ​တီႈ​သူ​ဢေႃႈ။</verse>
				<verse number="11">ပျႃႇ​တိၵ်ႈ​ၸဝ်ႈ​လူၺ်ႈ​လွင်ႈ​မိူင်း​ တူႉမႃႇ ​ၸမ်ႉ၊ ၵေႃႉ​ၼိုင်ႈ ယူႇ​ၵႃႈ​ၼိူဝ်​လွႆ​ ၸီႉရႃႉ ​သေ​လႄႈ ႁွင်ႉ​သႅၼ်ႇ​ၸူး​တီႈ​ၵဝ်​လႄႈ​ဝႃႈ၊​ၵေႃႉ​ဢၼ်​ပႂ်ႉ​ၵၢင်​ဢိူၺ်း၊ လွင်ႈ​ၶိင်ႇ​ၵၢင်​ၶိုၼ်း​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ ၵေႃႉ​ဢၼ်​ပႂ်ႉ​ၵၢင်​ဢိူၺ်း၊ လွင်ႈ​ၶိင်ႇ​ၵၢင်​ၶိုၼ်း​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵေႃႉ​ဢၼ်​ပႂ်ႉ​ၵၢင်​ၵေႃႈ လၢတ်ႈ​လႄႈ​ဝႃႈ၊ ၶိင်ႇ​ၵၢင်​ၼႂ်​မႃး​ယူႇ​ဢေႃႈ။ ၶိင်ႇ​ၵၢင်​ၶိုၼ်း​ၵေႃႈ​မႃး​ယူႇ​ဢေႃႈ။ ပေႃး​သူ​ၶႂ်ႈ​တွင်ႈ​ထၢမ်​ၸိုင် တွင်ႈ​ထၢမ်​တႃႉ။ ၶိုၼ်း​မိူဝ်း​တႃႉ။ မႃး​တႃႉ။ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ပျႃႇ​တိၵ်ႈ​ၸဝ်ႈ လူၺ်ႈ​လွင်ႈ​မိူင်း​ ဢရေႇပျႃႉ ​ၸမ်ႉ၊ မုၵ်ႉ​ၵူၼ်း​ၸိူဝ်း​ၵူၼ်း​ တေႇတၼ်ႇ ဢၼ်​ၵႂႃႇ​တၢင်း​ပႆ​တၢင်း​ၶဝ်​ဢိူၺ်း၊ သူ​တၵ်း​လႆႈ​ႁႂ်ႈ​ပူၼ်ႉ​ၶိုၼ်း ၵႃႈ​ၼႂ်း​ထိူၼ်ႇ​ ဢရေႇပျႃႉ ​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ်​ယူႇ ၵႃႈ​တီႈ​မိူင်း​ တေႇမႃႉ ​ၼၼ်ႉ ဢွၼ်​ၵၼ်​ဢဝ်​ၼမ်ႉ​မႃး​ပုၼ်ႈ​ၶဝ်​ၸိူဝ်း​ဢၼ်​ယၢၵ်ႇ​ၼမ်ႉ​ၼၼ်ႉ​လႄႈ ဢဝ်​ၶဝ်ႈ​မုၼ်း ႁႄႉ​ႁပ်ႉ​ႁူဝ်​တၢင်း​ၶဝ်​ၸိူဝ်း​ဢၼ်​ပၢႆႈ ၼၼ်ႉ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ ၶဝ်​ၼၼ်ႉ​ဢွၼ်​ၵၼ်​ဢွၵ်ႇ​ပၢႆႈ​သေ​ၵႃႈ​တီႈ​ၽေး​လၢပ်ႇ၊ ၵႃႈ​တီႈ​လၢပ်ႇ​ဢၼ်​ထွတ်ႇ​ဝႆႉ၊ ၵၢင်ႇ​ဢၼ်​ဝူတ်ႈ​ဝႆႉ၊ ဢမူႉ​သိုၵ်း ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ တၢင်း​လင် ၼၼ်ႉ​ဢေႃႈ။-</verse>
				<verse number="16">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​ၸမ်ႉ၊ ၸွမ်း​ၵႃႈ​ၼင်ႇ​ဢၼ်​ၵေႃႉ​ဢၼ်​ၵိၼ်​ၵႃႈ​ၸၢင်ႈ​ၶၼ်​ငႃ​ၼၼ်ႉ ၼပ်ႉ​ဢၢၼ်ႇ​ပီႊ​ၼၼ်ႉ​လႄႈ ၼႂ်း​ပီႊ​ၼိုင်ႈ​ၵူၺ်း​သေ​ယဝ်ႉ မုၼ်​ၽုင်း​သရေႇ မိူင်း​ ၵေႇတႃႇ ၵႃႈ​မီး တၵ်း​လပ်ႉ​ႁၢႆ​ၵႂႃႇ​လႄႈ၊-</verse>
				<verse number="17">ၶဝ်​ၸိူဝ်း​ဢၼ်​ၵိုတ်း​ဝႆႉ​ၵျၢၼ်ႇ​ဝႆႉ တီႈ​ၵူၼ်း​သိုၵ်း ဢၼ်​ပႃး​ၵၢင်ႇ​လႄႈ ႁႅင်း​ယႂ်ႇ​ၼႃႇ ၼႂ်း​ၵူၼ်း​မဵဝ်း​ ၵေႇတႃႇ ​ၸိူဝ်း​ၼၼ်ႉ​ၼၼ်ႉ တၵ်း​ပဵၼ် ဢၼ်​ၵေႇ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ ၸိူဝ်ႉ​ၼင်ႇ​ၼၼ်​ဢေႃႈ။</verse>
			</chapter>
			<chapter number="22">
				<verse number="1">ပျႃႇ​တိၵ်ႈ​ၸဝ်ႈ လူၺ်ႈ​လွင်ႈ​ပၢင်ႇ​ႁူၺ်ႈ​ပျႃႇ​တိၵ်ႈ​ရူႇပႃႇရူင်ႇ​ၼၼ်ႉ​ၸမ်ႉ၊ လွင်ႈ​ဢၼ်​မႂ်း​တင်း​ဝဵင်း လႆႈ​ဢွၼ်​ၵၼ်​ၶိုၼ်ႈ​ၵႃႈ​ၼိူဝ် မုင်း​ႁိူၼ်း​ၼၼ်ႉ​ၸိုင် မႂ်း​ပဵၼ်​ၸိူဝ်ႉ​ၼင်ႇ​ႁိုဝ်​ယဝ်ႉ။-</verse>
				<verse number="2">ဝဵင်း​ဢၼ်​သူပ်း​ၼမ်​သဵင်​ၼမ်၊ ဝဵင်း​ဢၼ်​ၸၢင်ႈ​ႁဵတ်း​ဢူၼ်​ဢဵၼ်​မေႃး​မႄး၊ ဝဵင်း​ဢၼ်​သႂၢင်ႇ​သိူဝ်း​ဢိူၺ်း၊ ၵူၼ်း​တၢႆ​မႂ်း​ၸိူဝ်း​ၼၼ်ႉ သုမ်း​လူၺ်ႈ​လၢပ်ႇ​လူၺ်ႈ​လႅဝ်း​ဢမ်ႇ​ၸႂ်ႈ၊ တၢႆ​ၵႃႈ​တီႈ​ဢၼ်​တိုၵ်း​သိုၵ်း​ဢမ်ႇ​ၸႂ်ႈ။-</verse>
				<verse number="3">ၶုၼ်​မႂ်း တင်း​သဵင်ႈ​တင်း​လူင်​ၼၼ်ႉ ဢွၵ်ႇ​ပၢႆႈ​လူၺ်ႈ​ၵၼ်​လႄႈ လႆႈ​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ​ယူႇ ၵႃႈ​ၼႂ်း​မိုဝ်း​မေႃ​ၵၢင်ႇ​ဢေႃႈ။ ၵူၼ်း​မႂ်း ၵႃႈ​ဢၼ်​ပိူၼ်ႈ​ထူပ်း​ႁၼ်​ၼၼ်ႉ လႆႈ​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ​ဝႆႉ လူၺ်ႈ​ၵၼ်​လႄႈ ပဵၼ်​ၵေႃႉ​ဢၼ်​ဢွၵ်ႇ​ပၢႆႈ​ၵႂႃႇ ၵႃႈ​တီႈ​ဢၼ်​ၵႆ​ဢေႃႈ။-</verse>
				<verse number="4">ပိူဝ်ႈ​ၼႆ​လႄႈ ၵဝ်​ဝႃႈ​ၸမ်ႉ၊ ဝၢႆႇ​ၼႃႈ​ပႅတ်ႈ​သေ​ၵဝ်​တႃႉ။ ၵဝ်​တၵ်း​လႆႈ​ႁႆႈ​ႁွင်ႉ​ႁႅင်း​ယႂ်ႇ​ၼႃႇ​ဢေႃႈ။ ယႃႇ​ပေ​ၵႆႉ​ၵျူဝ်း​ၸႃး ႁႂ်ႈ​ၵဝ်​လႆႈ​ပေႇ ၵွပ်ႈ​ပိူဝ်ႈ​ဢၼ်​လုၵ်ႈ​ယိင်း​မဵဝ်း​ၵဝ်​လူႉ​လႅဝ်​ၼၼ်ႉ​သေ​ၵမ်း။-</verse>
				<verse number="5">မိုဝ်ႉ​ဝၼ်း​တီႈ​ဢၼ်​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်၊ တီႈ​ဢၼ်​ယဵပ်ႇ​ၶၢမ်ႈ၊ တီႈ​ဢၼ်​ၵႂင်​ၸႂ်​ယုင်ႈ​ၸႂ်၊ တီႈ​ဢၼ်​ၵိူၼ်ႇ​ယႃႉ​လမ်း​ဝဵင်း​လႄႈ သႅၼ်ႇ​ႁွင်ႉ​ၸူး​ၵႃႈ​တီႈ​လွႆ​တင်း​လၢႆ​ၼၼ်ႉ​ၼႆႉ ပဵၼ်​မႃး​တီႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ၸဝ်ႈ​ထႃႇဝရႃႉ​ၽြႃး ၵႃႈ​ၼႂ်း​ပၢင်ႇ​ႁူၺ်ႈ​ပျႃႇ​တိၵ်ႈ​ရူႇပႃႇရူင်ႇ ၼၼ်ႉ​ဢေႃႈ။-</verse>
				<verse number="6">မဵဝ်း​ ဢေႇလမ်ႇ​ ​ၼၼ်ႉ ပႃး​ဢဝ်​ပိုၼ်​သေ​လႄႈ​မႃး ဢိၵ်ႇ​လူၺ်ႈ​ၵၼ်​တင်း​ၵူၼ်း​သိုၵ်း​ၶီႇ​ရထႃး​လႂ် တင်း​ၵူၼ်း​သိုၵ်း​ၶီႇ​မႃႉ​လႂ်​ဢေႃႈ။ မဵဝ်း​ ၵီႉရႃႉ ​ၼၼ်ႉ ဢဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢွၵ်ႇ​ဢေႃႈ။-</verse>
				<verse number="7">ပၢင်ႇ​ႁူၺ်ႈ​မႂ်း​ဢၼ်​မျၢတ်ႈ​လီ​သေ​ပိူၼ်ႈ​ၸိူဝ်း​ၼၼ်ႉ မီး​တဵမ်​ဝႆႉ​တင်း​လေႃႉ​ရထႃး​လႄႈ ၵူၼ်း​သိုၵ်း​ၶီႇ​မႃႉ​ၸိူဝ်း​ၼၼ်ႉ ဢွၼ်​ၵၼ် ၶျႃး​တပ်ႉ​ယူႇ​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ဝဵင်း​ဢေႃႈ။-</verse>
				<verse number="8">မၼ်း​ၽုၺ်ႇ​ပိုတ်ႇ​ၽႃႈ​ႁူမ်ႇ​ၼႃႈ​မိူင်း​ ယူႉတႃႉ ​ပႅတ်ႈ​လႄႈ မႂ်း​လႆႈ​လူ​တူၺ်း​ၸူး​တီႈ ႁေႃ​ၶမ်း​ထိူၼ်ႇ​တီႈ​ဢၼ်​သိမ်း​ဝႆႉ​လၢၵ်ႈ​ၼၢၵ်ႈ​ၸုမ်ႇ​ၼၼ်ႉ ၼႂ်း​မိုဝ်ႉ​ဝၼ်း​ၼၼ်ႉ​ဢေႃႈ။-</verse>
				<verse number="9">သူ​ႁၼ်​တီႈ​ဢၼ်​ၵိူၼ်ႇ​ဢၼ်​လူႉ ဝဵင်း​ တႃႇဝိတ်ႈ ​ၼၼ်ႉ မီး​ၼမ်​ၼႃႇ​ၼၼ်ႉ​လႄႈ သူ​ႁႂ်ႈ​ၼမ်ႉ​ဢၼ်​ဢွၵ်ႇ​သေ​ၵႃႈ​တီႈ​ၼမ်ႉ​ၼွင် ဢၼ်​ၵႃႈ​တႂ်ႈ​ၼၼ်ႉ ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="10">သူ​ဢွၼ်​ၵၼ်​ၼပ်ႉ​ဢၢၼ်ႇ​တူၺ်း​ႁိူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​လႄႈ သူ​ၵိူၼ်ႇ​ယႃႉ​ႁိူၼ်း​ၸိူဝ်း​ၼၼ်ႉ ပႅတ်ႈ​ႁႂ်ႈ​လႆႈ​မႄး​ႁဵတ်း​လမ်း​ဝဵင်း​ဢေႃႈ။-</verse>
				<verse number="11">သူ​ဢွၼ်​ၵၼ်​ႁဵတ်း​တီႈ​ဢၼ် ၼမ်ႉ​တၵ်း​ၸူႉ​တၵ်း​တုမ်​ၵႃႈ​ၼႂ်း​ၵႄႈ​လမ်း​ဝဵင်း​သွင်​ထၢပ်ႈ​ၼၼ်ႉ ပုၼ်ႈ​ၼမ်ႉ​ဢၼ်​ဢွၵ်ႇ​သေ​ၵႃႈ​ၼႂ်း​ၼမ်ႉ​ၼွင် ၵဝ်ႇ​ၵဝ်ႇ​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ သူ​ဢမ်ႇ​ၸၢင်ႈ​တူၺ်း​ၸၢင်ႈ​မၢတ်ႈ​ၵေႃႉ​ဢၼ် ၸီႇ​ယၢင်ႇ​ႁဵတ်း​လွင်ႈ​တၢင်း​ၼၼ်ႉ​ဝႆႉ​ၼၼ်ႉ။ သူ​ဢမ်ႇ​ၸၢင်ႈ​ႁူႉ​ၸၢင်ႈ​ႁၼ် ၵေႃႉ​ဢၼ်​ႁဵတ်း​ပဵၼ်​မိူဝ်ႈ​ဢွၼ်​တၢင်း​ၼႆႉ​ၼၼ်ႉ။-</verse>
				<verse number="12">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ ပိၵ်ႉ​သမ်ႉ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ၸဝ်ႈ​ထႃႇဝရႃႉ​ၽြႃး ႁွင်ႉ​ဢဝ်​ပုၼ်ႈ​တၢင်း​ဢၼ်​ႁႆႈ​ႁွင်ႉ၊ တၢင်း​ဢၼ်​ၶၢင်း​ၶီ​ၶၢင်း​ၽၢၼ်၊ တၢင်း​ဢၼ်​ထႃ​ၶူၼ်​ႁူဝ်၊ တၢင်း​ဢၼ်​ၼုင်ႈ​မႆ​ၶူဝ်း​ၼုင်ႈ​ၼင်​ပေႃ​ၼၼ်ႉ​ဝႆႉ​သေ​ၵေႃႈ၊-</verse>
				<verse number="13">တူၺ်း​လူး၊ ၶဝ်​ဢွၼ်​ၵၼ်​ႁဵတ်း​တၢင်း​ဢၼ်​ၸူမ်း​သိူဝ်း​သႂၢင်ႇ​ၸႂ်၊ တၢင်း​ဢၼ်​ၶႃႈ​ဝူဝ်း​ပႅတ်ႈ၊ တၢင်း​ဢၼ်​ဢဝ်​သူဝ်း​တၢႆ၊ တၢင်း​ဢၼ်​ၵိၼ်​ၼိူဝ်ႉ၊ တၢင်း​ဢၼ်​ၵိၼ်​ၼမ်ႉ​ၸပိတ်ႈ​ယူႇ​သေ​လႄႈ လၢတ်ႈ​လႄႈ​ဝႃႈ၊ ၵိၼ်​ၶူပ်း​တႃႉ​ႁဝ်း။ သူတ်ႉ​ဢိုၵ်ႉ​တႃႉ​ႁဝ်း။ ဝၼ်း​မိူဝ်ႈ​ၽုၵ်ႈ​တၵ်း​လႆႈ​တၢႆ​ယဝ်ႉ၊ ဝႃႈ​ၼင်ႇ​ၼႆ​လူင်​ပႄႇ။-</verse>
				<verse number="14">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ပၼ်​ပျႃႇ​တိၵ်ႈ ၵႃႈ​ၼႂ်း​ႁူး​ႁူ​ၵဝ်​ၸမ်ႉ၊ ဢပႅတ်ႈ​သူ​ၼၼ်ႉ ဢမ်ႇ​လႆႈ​ၽႄႇ​လႆႈ​လွတ်ႈ တေႃႇ​ထိုင်​ႁွတ်ႈ​ၸူဝ်ႈ​ဢၼ်​သူ​ထၼ်ႈ​ပေႃး​တၢႆ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​မီး​ဢမိင်ႉ​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="15">ၸဝ်ႈ​ပူဝ်ႇ​ပႃႇ​ၵၢင်​ႁၢဝ်၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႂႃႇ​လႄႈ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၽၼ်ႇတႃႇၸူဝ်း​ဢၼ်​ဝႃႈ​ သေႇပၼႃႉ ၊ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၶမ်း​ၼၼ်ႉ​လႄႈ လၢတ်ႈ​လႄႈ​ဝႃႈ၊-</verse>
				<verse number="16">မႂ်း​ႁဵတ်း​ၵႃႈ​သင်​ၵႃႈ​တီႈ​ၼႆႈ။ မႂ်း​မီး​ၽူႈ​လႂ်​ၵႃႈ​တီႈ​ၼႆႈ ႁႂ်ႈ​မႂ်း​လႆႈ​ၶုတ်း​ၶုမ်​သၢင်း​ၶႅင်း ပုၼ်ႈ​မႂ်း​ၵႃႈ​တီႈ​ၼႆႈ။ မႂ်း​ပဵၼ်​ၵေႃႉ​ဢၼ်​ၶုတ်း​ၶုမ်​သၢင်း​ၶႅင်း ၵႃႈ​တီႈ​ဢၼ်​သုင်​ၼႃႇ​လႄႈ တွင်ႈ​ႁဵတ်း​တီႈ​ယူႇ​ပုၼ်ႈ​တူဝ်​ၸဝ်ႈ​ၵဝ်ႇ​ၵႃႈ​ၼႂ်း​မၢၵ်ႇ​ႁိၼ် မၢၵ်ႇ​ၽႃ​လူင်​ပႄႇ။-</verse>
				<verse number="17">တူၺ်း​လူး၊ ထႃႇဝရႃႉ​ၽြႃး တၵ်း​ဢဝ်​တၢင်း​ဢၼ်​ႁေႃႈ​ဢွၵ်ႇ ဢၼ်​ႁၢဝ်ႈ​ၵျၢမ်း​ၼႃႇ​လူင်​လၢင်​ၼၼ်ႉ ႁေႃႈ​မႂ်း​ဢွၵ်ႇ​လႄႈ ႁူမ်ႇ​သုမ်ႇ​မႂ်း​ဝႆႉ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="18">မၼ်း​ၸဝ်ႈ တၵ်း​ဢဝ်​မႂ်း​ၵိင်ႈ​ၵၢင်​ယူႇ မိူၼ်​ၸိူဝ်ႉ​ၼင်ႇ​မၢၵ်ႇ​ၵူင်​ၵွၼ်​လႄႈ ဢဝ်​ပိုတ်း​ၵႂႃႇ​ၵႃႈ​ၼႂ်း​မိူင်း​ဢၼ်​ယႂ်ႇ​ဢၼ်​ၵႂၢင်ႈ​သေ​ဢေႃႈ။ မႂ်း​တၵ်း​လႆႈ​တၢႆ​ၵႃႈ​တီႈ​မိူင်း​ၼၼ်ႉ​လႄႈ လေႃႉ​ရထႃး​မႂ်း ဢၼ်​မီး​မုၼ်​သရေႇ​ၸိူဝ်း​ၼၼ်ႉ တၵ်း​လႆႈ​ပဵၼ်​တီႈ​ဢၼ်​လီ​ဢူၵ်း​လီ​ဢၢႆ တီႈ​မဵဝ်း​ၸဝ်ႈ​မႂ်း ၵႃႈ​ၼႂ်း​မိူင်း​ၼၼ်ႉ​ဢေႃႈ။-</verse>
				<verse number="19">ၵဝ်​တၵ်း​ၼုၵ်ႈ​ဢဝ်​ဢရႃႇ​မႂ်း​လႄႈ ၶျႃး​မႂ်း​တူၵ်း​ပႅတ်ႈ​သေ​ၵႃႈ​တီႈ​တီႈ​ယူႇ​မႂ်း​ဢေႃႈ။-</verse>
				<verse number="20">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ၵဝ်​တၵ်း​ႁွင်ႉ​ဢဝ်​ၶႃႈ​ၵဝ် ဢေးလျႃႇၵိမ်ႇ လုၵ်ႈ​ၸၢႆး​ ႁီႉလၶီႉ မႃး​လႄႈ၊-</verse>
				<verse number="21">ႁႂ်ႈ​မၼ်း​ၼၼ်ႉ ၼုင်ႈ​မႆႈ​သိူဝ်ႈ​ယၢဝ်း​မႂ်း​ယူႇ၊ ဢဝ်​သၢႆ​ဢႅဝ်​မႂ်း​ပၼ်​ဢဵၼ်​ပၼ်​ႁႅင်း​တီႈ​မၼ်း​ယူႇ​သေ​လႄႈ ဢဝ်​ဢၶႂၢင်ႉ​မႂ်း​ဢၼ်​လႆႈ​ဢုပ်ႉ​ပိူင်ႇ​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း​လႄႈ မၼ်း​ၼၼ်ႉ​တၵ်း​ပဵၼ်​ပေႃႈ​ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ​တင်း​လၢႆ​ဢေႃႈ။-</verse>
				<verse number="22">ၵဝ်​တၵ်း​ဢဝ်​သေႃး​ၽၵ်း​တူ မဵဝ်း​ တႃႇဝိတ်ႈ ​ၼၼ်ႉ တၢင်ႇ​သႂ်ႇ​ပၼ်​ၵႃႈ​ၼိူဝ်​ႁူဝ်​မႃႇ​မၼ်း​လႄႈ မၼ်း​ၼၼ်ႉ တၵ်း​ၽုၺ်ႇ​ဝႆႉ​လႄႈ ၽူႈ​လႂ်​ဢမ်ႇ​လႆႈ​ဢိုတ်း။ မၼ်း​ၼၼ်ႉ တၵ်း​ဢိုတ်း​ဝႆႉ​လႄႈ ၽူႈ​လႂ်​ဢမ်ႇ​လႆႈ​ၽုၺ်ႇ​ဢေႃႈ။-</verse>
				<verse number="23">ၵဝ်​တၵ်း​ႁႂ်ႈ​မၼ်း​ၸပ်း​ယူႇ မိူၼ်​ၸိူဝ်ႉ​ၼင်ႇ​ဢၼ်​မႆႇ​ၼႃး သဵပ်ႇ​ၸပ်း​ယူႇ​ၵႃႈ​တီႈ ဢၼ်​မၼ်ႈ​ဢၼ်​ၶိူင်ႇ​ၼၼ်ႉ​လႄႈ မၼ်း​ၼၼ်ႉ တၵ်း​ပဵၼ်​ပုၼ်ႈ​ပလၢင်ႇ ဢၼ်​မုၼ်​ၽုင်း​ယႂ်ႇ​ၼႃႇ​ၼၼ်ႉ တီႈ​ႁိူၼ်း​ပေႃႈ​မၼ်း​ဢေႃႈ။-</verse>
				<verse number="24">ၶဝ်​တၵ်း​ဢဝ်​မုၼ်​သရေႇ​ၵႃႈ​ဢၼ်​မီး ၵႃႈ​တီႈ​ႁိူၼ်း​ပေႃႈ​မၼ်း၊ မဵဝ်း​ၸိူဝ်ႉ​ၶိူဝ်း​ဢၼ်​ယုတ်ႈ​ဢၼ်​မျၢတ်ႈ၊ ၵွၵ်း​ၵႃႈ​မီး ၸႃႉ​ၸဵမ် ဝၢၼ်ႇ​လႄႈ​မေႃႈ ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ ႁွႆႈ​သႂ်ႇ​ဝႆႉ​တီႈ​မၼ်း​ဢေႃႈ။-</verse>
				<verse number="25">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ မႆႇ​ၼႃး​ဢၼ်​သဵပ်ႇ​ၸပ်း​ယူႇ ၵႃႈ​တီႈ​ဢၼ်​မၼ်ႈ ဢၼ်​ၶိူင်ႇ​ဝႆႉ​ၼၼ်ႉ တၵ်း​လႆႈ​ၶၢႆႉ​တီႈ​လႄႈ လႆႈ​ၶၢမ်ႇ​တၢင်း​ဢၼ်​ၽၼ်း​လူမ်ႉ​ပႅတ်ႈ​လႄႈ ဢုၵ်ႉ​ၸႃႇ​ဢၼ်​ႁွႆႈ​သႂ်ႇ​ဝႆႉ​ၵႃႈ​တီႈ​မၼ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​တႅပ်း​ၽၼ်း​ပႄႇ​ၽဵဝ်ႈ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ ၸိူဝ်ႉ​ၼင်ႇ​ၼၼ်​ဢေႃႈ။</verse>
			</chapter>
			<chapter number="23">
				<verse number="1">ပျႃႇ​တိၵ်ႈ​ၸဝ်ႈ လူၺ်ႈ​လွင်ႈ​ဝဵင်း​ တူႉရူႉ ​ၸမ်ႉ၊ ႁိူဝ်း​သၢင်း​ၽေႃး​ တႃႇသူႉ ​ၶဝ်​ဢိူၺ်း၊ ဢွၼ်​ၵၼ်​ႁွင်ႉ​ႁႆႈ​ပွင်ႉ​ၶၢင်း​တႃႉ။ လူႉ​လႅဝ်​ၵႂႃႇ မူတ်း​မူတ်း​သဵင်ႈ​သဵင်ႈ တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​မီး​ႁိူၼ်း​ဢမ်ႇ​မီး​တီႈ​ဢၼ်​သွၼ်ႈ​ပိုင်ႈ​ယဝ်ႉ။ လႆႈ​ငိၼ်း​သတၢင်း​သဵင်​ၶၢဝ်ႇ​သေ​ၵႃႈ​တီႈ​မိူင်း ၶိတ်ႉတိမ်ႇ ​ၼၼ်ႉ​ဢေႃႈ။-</verse>
				<verse number="2">သူ​ၸိူဝ်း​ဢၼ်​ယူႇ​ၵႃႈ​တီႈ​ႁိမ်း​ၽင်ႇ​ၽၢႆႇ​ၼႆႉ ဢၼ်​ၵူၼ်း​ၵႃႉ​ၵူၼ်း​ၶၢႆ​ ၸီႉတုမ်ႇ ဢၼ်​ၸၢင်ႈ​ၶၢမ်ႈ​ပၢင်ႇ​လၢႆႇ​ၸိူဝ်း​ၼၼ်ႉ ႁႂ်ႈ​ပျေႉ​ၸုမ်ႇ​လိူင်ႇ​ၸႂ်​ၶဝ်​ဢိူၺ်း၊ ဢွၼ်​ၵၼ်​ယူႇ​တဵတ်ႇ​တဵတ်ႇ​ယဵၼ်​ယဵၼ်​တႃႉ။-</verse>
				<verse number="3">ၵႃႈ​ၼိူဝ်​ၼမ်ႉ​ဢၼ်​ယႂ်ႇ​ၵႂၢင်ႈ​ၼမ်​ၼႃႇ​ၼၼ်ႉ၊ ၸိူဝ်ႉ​ၽၼ်း​ သီႉႁေႃးရႃႉ မၢၵ်ႇ​ႁူင်း​ၼမ်ႉ​ႁွင်ႈ​ ၼီႉလႃႉ ပဵၼ်​ၶွၼ်ႇ​မၼ်း​လႄႈ မၼ်း​ၼၼ်ႉ​ပဵၼ်​ၵၢတ်ႇ​ၵူႈ​သိုင်ႇ​ၵူႈ​မိူင်း​ယဝ်ႉ။-</verse>
				<verse number="4">ဝဵင်း​ ၸီႉတုၼ်ႇ ​ဢိူၺ်း၊ မီး​တၢင်း​ဢၼ်​ဢူၵ်း​ဢၼ်​ဢၢႆ​တႃႉ။ လွင်ႈ​မၼ်း​ၸမ်ႉ ပၢင်ႇ​လၢႆႇ​ဢၼ်​ဝႃႈ ဝဵင်း​ပၢင်ႇ​လၢႆႇ​ဢၼ်​ႁႅင်း​ယႂ်ႇ​ၼႃႇ​ၼၼ်ႉ လၢတ်ႈ​လႄႈ​ဝႃႈ၊ ၵဝ်​ၼႆႉ​ဢမ်ႇ​လႆႈ ပႃး​တွင်ႉ​ဢမ်ႇ​လႆႈ​လဵင်ႉ​လုၵ်ႈ​လဵင်ႉ​လၢင်း၊ ဢမ်ႇ​လႆႈ​လဵင်ႉ​လႆႈ​လူ ၽူႈ​မၢဝ်ႇ​ၽူႈ​သၢဝ်​တင်း​လၢႆ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ဢၼ်​သတၢင်း​သဵင်​ၶၢဝ်ႇ ႁွတ်ႈ​ထိုင်​ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ​ၸိုင် ၶဝ်​တၵ်း​ဢွၼ်​ၵၼ်​မီး​တၢင်း​ဢၼ် မႆႈ​ၸႂ်​ႁွၼ်ႉ​ၸႂ် လူၺ်ႈ​လွင်ႈ​သတၢင်း​သဵင်​ၶၢဝ်ႇ ဝဵင်း​ တူႉရူႉ ​ၼၼ်ႉ​ဢေႃႈ။-</verse>
				<verse number="6">ဢွၼ်​ၵၼ်​ၶၢမ်ႈ​ၵႂႃႇ​ၸူး ၵႃႈ​တီႈ​မိူင်း​ တႃႇသူႉ ​တႃႉ။ သူ​ၸိူဝ်း​ဢၼ်​ယူႇ​ၵႃႈ​တီႈ​ႁိမ်း​ၽင်ႇ​ၽၢႆႇ​ၼႆႉ​ၶဝ်​ဢိူၺ်း၊ ဢွၼ်​ၵၼ်​ႁွင်ႉ​ႁႆႈ​ပွင်ႉ​ၶၢင်း​တႃႉ။-</verse>
				<verse number="7">ဝဵင်း​ၼႆႉ​ပဵၼ်​ဝဵင်း​သူ ဢၼ်​တႄႇ​ပဵၼ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႄႈ ၸူမ်း​သိူဝ်း​သႂၢင်ႇ​ၸႂ်၊ ဢၼ်​တိၼ်​မၼ်း​ဢဝ်​မၼ်း​ၵႂႃႇ​ၸူး ၵႃႈ​တီႈ​ဢၼ်​ၵႆ ႁႂ်ႈ​လႆႈ​သွၼ်ႈ​ပိုင်ႈ​ၼၼ်ႉ​ႁိုဝ်။-</verse>
				<verse number="8">ၽူႈ​လႂ်​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင်​ဢၼ်​ၼႆႉ ယူႇ​ၽၢႆႇ​ၼိုင်ႈ​တင်း​ဝဵင်း​ တူႉရူႉ ဢၼ်​ၸၢင်ႈ​ပၼ်​သရၽူႇ​ရႃႇ​ၸႃႉ၊ ဢၼ်​ၸဝ်ႈ​ၵုၼ်ႇ​ၸဝ်ႈ​ၶူဝ်း​မၼ်း​တင်း​လၢႆ​ပဵၼ်​ၶုၼ်၊ ဢၼ်​ၵူၼ်း​ဢၼ်​သိုဝ်ႉ​ဢၼ်​ၶၢႆ​မၼ်း​တင်း​လၢႆ ပဵၼ်​မူး​မၢတ်ႈ​ၽွင်း​မိူင်း​ၼၼ်ႉ။-</verse>
				<verse number="9">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ ၵျၢမ်ႇ​ပွင်​ၸိူဝ်ႉ​ၼင်ႇ​ၼၼ် ႁႂ်ႈ​လႆႈ​ယႃႉ​သရေႇ​မႃႇၼႃႉ​မုၼ်​ၽုင်း​ၵႃႈ​မီး​လႄႈ ဢိၵ်ႇ​တင်း​ႁႂ်ႈ​လႆႈ​ၶျႃး​မူး​မၢတ်ႈ လိၼ်​မိူင်း​တင်း​သဵင်ႈ​တင်း​လူင် တူၵ်း​တီႈ​တႅမ်ႇ​ဢေႃႈ။-</verse>
				<verse number="10">လုၵ်ႈ​ယိင်း​ဝဵင်း​ တႃႇသူႉ ​ဢိူၺ်း၊ လႆ​ၵႂႃႇ​ၵႃႈ​ၼႂ်း​မိူင်း​မႂ်း​မိူၼ်​ၸိူဝ်ႉ​ၼင်ႇ ၼမ်ႉ​ႁွင်ႈ​ ၼီႉလႃႉ ​ၼၼ်ႉ​တႃႉ။ သၢႆ​ဢႅဝ်​ဢၼ်​ႁတ်ႉ​မႂ်း​ဝႆႉ​ၼၼ်ႉ ဢမ်ႇ​မီး​ယဝ်ႉ။-</verse>
				<verse number="11">မၼ်း​ၸဝ်ႈ​ယဵတ်ႇ​မိုဝ်း​မၼ်း​ၸဝ်ႈ ၵႃႈ​ၼိူဝ်​ပၢင်ႇ​လၢႆႇ​လႄႈ သၼ်ႇ​ၶွၼ်း​သိုင်ႇ​ၸိုင်ႈ​ဝၢၼ်ႈ​မိူင်း တင်း​လၢႆ​ဢေႃႈ။ ထႃႇဝရႃႉ​ၽြႃး မီး​ဢမိင်ႉ​လူၺ်ႈ​လွင်ႈ မိူင်း​ ၶႃႇၼၢၼ်ႇ ႁႂ်ႈ​လႆႈ​ယႃႉ​ၽဵဝ်ႈ တီႈ​ဢၼ်​မၼ်ႈ​ဢၼ်​ၶိူင်ႇ​မၼ်း​ပႅတ်ႈ​ဢေႃႈ။-</verse>
				<verse number="12">မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ လုၵ်ႈ​ယိင်း​ ၸီႉတုၼ်ႇ ၊ ၵၼ်ႇ​ၺႃႇ​ဢၼ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ဢိူၺ်း၊ မႂ်း​ၼႆႉ​ၵမ်း​လိုၼ်း ဢမ်ႇ​လႆႈ​မီး​တၢင်း​ဢၼ်​သႂၢင်ႇ​ဢၼ်​သိူဝ်း​ထႅင်ႈ။ လုၵ်ႉ​လႄႈ​ၶၢမ်ႈ​ၵႂႃႇ​ၸူး ၵႃႈ​တီႈ​မိူင်း​ ၶိတ်ႉတိမ်ႇ ​တႃႉ။ ၵႃႈ​တီႈ​ၼၼ်ႈ​ၵေႃႈ ဢမ်ႇ​လႆႈ​မီး​တၢင်း​ဢၼ်​ၼိမ်​ဢၼ်​လီ​တီႈ​မႂ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">လူ​တူၺ်း​မိူင်း တီႈ​ယူႇ​ၵူၼ်း​မဵဝ်း​ ၶႃႇလတေး ​ၼၼ်ႉ​တႃႉ။ ၵူၼ်း​မဵဝ်း​ၼၼ်ႉ​ဢမ်ႇ​မီး​လႃး​လႃး။ ၶုၼ်​ ဢႃႇသူႉရီႉ တႄႇ​ႁဵတ်း​မၼ်း​ဝႆႉ ပုၼ်ႈ​ဢၼ်​ၵူၼ်း​ၼႂ်း​ထိူၼ်ႇ​ၼႂ်း​ၶိူဝ်း​တင်း​လၢႆ တၵ်း​လႆႈ​ယူႇ​လႆႈ​သဝ်း​ဢေႃႈ။ ၶဝ်​ပူၵ်း​ႁဵတ်း​ထဵင်​လၢင်း​မၼ်း​တင်း​လၢႆ​လႄႈ ၵိူၼ်ႇ​လူမ်ႉ​ႁေႃ​ၶမ်း​တင်း​လၢႆ​ပႅတ်ႈ​သေ​ယဝ်ႉ ႁႂ်ႈ​မၼ်း​ပဵၼ် တီႈ​ဢၼ်​လူႉ​ဢၼ်​ပင်း​ပႅတ်ႈ မူတ်း​မူတ်း​သဵင်ႈ​သဵင်ႈ​ဢေႃႈ။-</verse>
				<verse number="14">ႁိူဝ်း​သၢင်း​ၽေႃး​ တႃႇသူႉ ​ၶဝ်​ဢိူၺ်း၊ ဢွၼ်​ၵၼ်​ႁွင်ႉ​ႁႆႈ​ပွင်ႉ​ၶၢင်း​တႃႉ။ တီႈ​ဢၼ်​မၼ်ႈ​ဢၼ်​ၶိူင်ႇ​သူ​ၼၼ်ႉ လူႉ​လႅဝ်​ယဝ်ႉ။-</verse>
				<verse number="15">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ ၸွမ်း​လူၺ်ႈ ၸူဝ်ႈ​သိုပ်ႇ​ၶုၼ်​သိုပ်ႇ​ၼိုင်ႈ သေ​လႄႈ ဝဵင်း​ တူႉရူႉ တၵ်း​လႆႈ​ၶၢမ်ႇ​တၢင်း​ဢၼ် ပိူၼ်ႈ​လူင်​လိုမ်း​ပႅတ်ႈ ၸဵတ်း​သိပ်း​ပီႊ​တဵမ်​တဵမ်​လႄႈ ပူၼ်ႉ​ၸဵတ်း​သိပ်း​ပီႊ​သေ​ယဝ်ႉ၊ တၵ်း​ပဵၼ်​ၵႃႈ​ၼင်ႇ​ဢၼ် တၢင်း​ဢၼ်​မႄႈ​မွၵ်ႇ​ယႃႈ​ႁဵတ်း​ၵႂၢမ်း​ဝႃႈ​ၼၼ်ႉ တီႈ​ဝဵင်း​ တူႉရူႉ ​ဢေႃႈ။-</verse>
				<verse number="16">မႄႈ​မွၵ်ႇ​ယႃႈ​ဢၼ်​ပိူၼ်ႈ​လူင်​လိုမ်း​ပႅတ်ႈ​ဢိူၺ်း၊ ယိပ်း​ၵမ်​ဢဝ်​တိင်ႇ​သေ​လႄႈ၊ လႄႇ​ၵႂႃႇ​လႄႇ​မႃး​ယူႇ​ၵႃႈ​ၼႂ်း​ဝဵင်း​တႃႉ။ ဢဝ်​တင်း​သဵင်​ဢၼ်​သႃႇ​ယႃႇ​လဵတ်း​လႄႈ ႁဵတ်း​ၵႂၢမ်း​ၼမ်​ၼႃႇ​လူင်​လၢင် ႁႂ်ႈ​ပိူၼ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မႂ်း​တႃႉ။-</verse>
				<verse number="17">မိူဝ်ႈ​ဢၼ်​ပူၼ်ႉ​ၸဵတ်း​သိပ်း​ပီႊ​ၼၼ်ႉ ယဝ်ႉ​ၼၼ်ႈ ထႃႇဝရႃႉ​ၽြႃး တၵ်း​မႃး​လူ​မႃး​တူၺ်း မိူင်း​ တူႉရူႉ ​လႄႈ မၼ်း​တၵ်း​သမ်ႉ​ၶိုၼ်း​ၸွမ်း​တၢင်း​ဢၼ်​မၼ်း​လႆႈ​ဢမျၢတ်ႈ​ၼၼ်ႉ​သေ​လႄႈ ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး​လူၺ်ႈ​ၵၼ်​တင်း​မိူင်း​လေႃးၵီႇ ၵႃႈ​ဢၼ် မီး​ၵႃႈ​ၼိူဝ်​ၼႃႈ​လိၼ်​မိူင်း​ၼႆႉ ၸိူဝ်း​ၼၼ်ႉ​ဢေႃႈ။-</verse>
				<verse number="18">ၼႂ်း​ဝႃႈ​ၼၼ်​သေ​ၵေႃႈ လွင်ႈ​တၢင်း​ဢၼ်​ၵႃႉ​ၶၢႆ​မၼ်း၊ လွင်ႈ​တၢင်း​ဢၼ်​လႆႈ​ဢမျၢတ်ႈ​မၼ်း​ၸိူဝ်း​ၼၼ်ႉ တၵ်း​လႆႈ​ပဵၼ် ဢၼ်​မူတ်း​ၸၢင်ႇ​ပုၼ်ႈ ထႃႇဝရႃႉ​ၽြႃး​လႄႈ ဢမ်ႇ​လႆႈ​ၶၢမ်ႇ​တၢင်း​ဢၼ်​ၵဵပ်း​ႁွမ်​သိမ်း​ပႅင်း​ဝႆႉ​ဢုၵ်ႉ​ၸႃႇ​မၼ်း ဢၼ်​ၵႃႉ​ၶၢႆ​လႄႈ လႆႈ​ၼၼ်ႉ။ တၵ်း​လႆႈ ပဵၼ်​ပုၼ်ႈ​ၶဝ်​ၸိူဝ်း​ဢၼ် ယူႇ​ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး​ၼၼ်ႉ ႁႂ်ႈ​ၶဝ်​လႆႈ​ၵိၼ်​ဢိမ်ႇ​ၵိၼ်​တဵမ်​လႄႈ ၼုင်ႈ​ၶူဝ်း​ၼုင်ႈ ဢၼ်​မၼ်ႈ ဢၼ်​ၶိူင်ႇ​ဢေႃႈ။</verse>
			</chapter>
			<chapter number="24">
				<verse number="1">တူၺ်း​လူး၊ ထႃႇဝရႃႉ​ၽြႃး ႁႂ်ႈ​မိူင်း​ၸဝ်ႈ ပဝ်ႇ​လၢပ်ႈ​ႁၢမ်း​ဝႆႉ​လႄႈ ဢဝ်​ၶႂမ်ႈ​ပိၼ်ႈ​ပႅတ်ႈ​သေ​ယဝ်ႉ၊ ဢဝ်​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ၸၢတ်ႇ​ပိုၼ်​ပႅတ်ႈ​ဢေႃႈ။-</verse>
				<verse number="2">မိူဝ်ႈ​ၼၼ်ႉ ယိတ်ႈပရေႃးႁဵၵ်ႈ တၵ်း​လႆႈ​ပဵၼ်​ၸိူဝ်ႉ​ၼင်ႇ​ၵူၼ်း​တင်း​လၢႆ၊ ၸဝ်ႈ​ပဵၼ်​ၸိူဝ်ႉ​ၼင်ႇ​ၶႃႈ၊ ၸဝ်ႈ​ၼၢင်း​ပဵၼ်​ၸိူဝ်ႉ​ၼင်ႇ​ၶႃႈ​ၵူၼ်း​ယိင်း၊ ၵေႃႉ​ဢၼ်​ဢဝ်​ဢွၵ်ႇ​ၶၢႆ​ပၼ် ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​သိုဝ်ႉ​ဢၼ်​လႅၵ်ႈ၊ ၸဝ်ႈ​ၼီႈ​ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​ထုၵ်ႇ​ၼီႈ၊ ၵေႃႉ​ဢၼ်​ၵိၼ်​ၶီႈ​ငိုၼ်း ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ပၼ်​ၶီႈ​ငိုၼ်း​ၼၼ်ႉ​ဢေႃႈ။-</verse>
				<verse number="3">မိူင်း​တင်း​မိူင်း​တၵ်း​လႆႈ​ပဝ်ႇ​လၢပ်ႈ​လႄႈ လူႉ​လႅဝ်​ၵႂႃႇ​မူတ်း​မူတ်း​သဵင်ႈ​သဵင်ႈ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ။-</verse>
				<verse number="4">မိူင်း​ၸဝ်ႈ​မီး​တၢင်း​ဢၼ်​ယၢပ်ႇ​ၸႂ် ၶၢၼ်​ၸႂ်​ႁဵဝ်ႇ​ၸွပ်ႈ​ၵႂႃႇ​လႄႈ လေႃးၵႃႉ​မီး​တၢင်း​ဢၼ်​ႁႅင်း​ဢူၼ်ႈ​ႁႅင်း​ယွမ်း ႁဵဝ်ႇ​ၸွပ်ႈ​ၵႂႃႇ​ဢေႃႈ။ ၵူၼ်း​ဝၢၼ်ႈ​ၵူၼ်း​မိူင်း ဢၼ်​မုၼ်​ၽုင်း​ယႂ်ႇ​ၼႃႇ​ၸိူဝ်း​ၼၼ်ႉ ႁႅင်း​ဢူၼ်ႈ​ႁႅင်း​ယွမ်း​ၵႂႃႇ​ဢေႃႈ။-</verse>
				<verse number="5">မိူင်း​ၸဝ်ႈ​မီး​တၢင်း​ဢၼ် ၵူဝ်ႈ​ၵိူၵ်ႇ​ယူႇ​ၵႃႈ​တႂ်ႈ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၵွပ်ႈ​ပိူဝ်ႈ​ဢၼ် ၶဝ်​ႁဵတ်း​တၢင်း​ဢၼ်​ပူၼ်ႉ​လိူဝ်​တြႃး​ၸဝ်ႈ၊​တၢင်း​ဢၼ်​ၶၢႆႉ​ပုတ်ႈ​ဢမိင်ႉ​ၸဝ်ႈ၊ တၢင်း​ဢၼ်​ယႃႉ​ပတီႉၺိၺ်ႇ ထႃႇဝရႃႉ​ၸဝ်ႈ​ပႅတ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ တၢင်း​ဢၼ်​မၼ်း​ၸဝ်ႈ​ၵိၼ်ႇ​ဝႃႈ​ၼၼ်ႉ ဢိုၼ်​ၵိၼ်​မိူင်း​ၸဝ်ႈ​ပႅတ်ႈ​ယဝ်ႉ။ ဢပႅတ်ႈ​ႁွတ်ႈ​ထိုင်​ၵႃႈ​ၼိူဝ် ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ယဝ်ႉ။ ပိူဝ်ႈ​ၼႆ​လႄႈ ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ မႆႈ​ၽႆး​လႄႈ ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ ပဵၼ်​ၵေႇ​ၼႃႇ​ဢေႃႈ။-</verse>
				<verse number="7">ၼမ်ႉ​ၸပိတ်ႈ​ဢၼ်​မႂ်ႇ​ၼၼ်ႉ ယၢပ်ႇ​ၸႂ်​ၶၢၼ်​ၸႂ်​လႄႈ တူၼ်ႈ​ၶိူဝ်း​မၢၵ်ႇ​ၸပိတ်ႈ​ၵေႃႈ ႁႅင်း​ဢူၼ်ႈ​ႁႅင်း​ယွမ်း​ၵႂႃႇ​ဢေႃႈ။ ၶဝ်​ၵႃႈ​ဢၼ်​ၸူမ်း​ဢၼ်​သိူဝ်း​ၼၼ်ႉ လႆႈ​ၶၢင်း​ၶီ​ၶၢင်း​ၽၢၼ်​ယူႇ​ဢေႃႈ။-</verse>
				<verse number="8">သဵင်​ၵွင်​ၶဵတ်ႇ ဢၼ်​သႃႇ​ယႃႇ​ၼၼ်ႉ ထၢတ်ႇ​ယဵၼ်​ၵႂႃႇ​ယဝ်ႉ။ သဵင်​ၶဝ်​ၸိူဝ်း​ဢၼ်​ၸူမ်း​သိူဝ်း​ၼၼ်ႉ​ႁၢႆ​ၵႂႃႇ​ယဝ်ႉ။ သဵင်​တိင်ႇ ဢၼ်​သႃႇ​ယႃႇ​ၼၼ်ႉ​ၵေႃႈ ထၢတ်ႇ​ယဵၼ်​ၵႂႃႇ​ယဝ်ႉ။-</verse>
				<verse number="9">ၶဝ်​ဢမ်ႇ​လႆႈ​ႁဵတ်း​ၵႂၢမ်း​ယူႇ​သေ​လႄႈ ၵိၼ်​ၼမ်ႉ​ၸပိတ်ႈ။ ၼမ်ႉ​လဝ်ႈ ၼမ်ႉ​ၵၢမ်ႈ​တၵ်း​ၶူမ် တီႈ​ၶဝ်​ၸိူဝ်း​ဢၼ် ၵိၼ်​မၼ်း​ၼၼ်ႉ​ဢေႃႈ။-</verse>
				<verse number="10">ဝဵင်း​ဢၼ်​ပဝ်ႇ​လၢပ်ႈ​ၼၼ်ႉ​လူႉ​ပင်း​ၵႂႃႇ​ယဝ်ႉ။ ႁိူၼ်း​ၵူႈ​လင်​မီး​တၢင်း​ဢၼ်​ဢိုတ်း​ႁပ်း​ထၼ်ႈ​ပေႃး ၽူႈ​လႂ်​ဢမ်ႇ​ၶဝ်ႈ​ၵႃႈ​ၼႂ်း​မၼ်း​လႆႈ​ဢေႃႈ။-</verse>
				<verse number="11">မီး​တၢင်း​ဢၼ်​ၶၢင်း​ၶီ​ၶၢင်း​ၽၢၼ်​ယူႇ ၵႃႈ​တီႈ​သဵၼ်ႈ​တၢင်း တင်း​လၢႆ ၵွပ်ႈ​ပိူဝ်ႈ​ၼမ်ႉ​ၸပိတ်ႈ​ဢေႃႈ။ တၢင်း​ဢၼ်​ၸူမ်း​ဢၼ်​သိူဝ်း​ႁၢႆ​ၵႂႃႇ မူတ်း​မူတ်း​သဵင်ႈ​သဵင်ႈ၊ သဵင်​ဢၼ်​သႃႇ​ယႃႇ​လီ​ငၢမ်း​ၼၼ်ႉ ယဵၼ်​ၵႂႃႇ​တင်း​မိူင်း​ယဝ်ႉ။-</verse>
				<verse number="12">တၢင်း​ဢၼ်​သဵတ်ႇ​ဢၼ်​ယဵၼ်​ၼၼ်ႉ ၵိုတ်း​ၵျၢၼ်ႇ​ဝႆႉ​ၵႃႈ​ၼႂ်း​ဝဵင်း​လႄႈ ၽၵ်း​တူ​ဝဵင်း​လႆႈ​ၶၢမ်ႇ​တၢင်း​ဢၼ်​ပေႃႉ​ယႅၼ်ႉ​လႄႈ လူႉ​ပင်း ၵႂႃႇ​ယဝ်ႉ။-</verse>
				<verse number="13">ၼင်ႇ​ၼၼ်ႉ​လႄႈ တၵ်း​ပဵၼ်​ၵႃႈ​ၼႂ်း​မိူင်း​ၸဝ်ႈ၊ ၵႃႈ​ၼႂ်း​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၸိူဝ်ႉ​ၼင်ႇ​ဢၼ်​သၼ်ႇ​ၶွၼ်း တူၼ်ႈ​ သၢၼ်ႇလုၼ်ႇ ​လႄႈ လႆႈ​မၢၵ်ႇ​မၼ်း​ဢိၵ်ႇ​တင်း ၸိူဝ်ႉ​ၼင်ႇ​ဢၼ်​ၵဵပ်း​ဢဝ် ဢၼ်​ၵိုတ်း​ဢၼ်​ၵျၢၼ်ႇ လိုၼ်း​သေ​ဢၼ်​သိမ်း​ဢဝ် မၢၵ်ႇ​ၸပိတ်ႈ​ၼၼ်ႉ​ဢေႃႈ။-</verse>
				<verse number="14">ၶဝ်​ၼၼ်ႉ တၵ်း​ဢွၼ်​ၵၼ်​ပၢဝ်ႇ​သေႃႇ​လႄႈ ႁဵတ်း​ၵႂၢမ်း​သႂၢင်ႇ​သိူဝ်း​ဢေႃႈ။ ၶဝ်​ဢွၼ်​ၵၼ်​ႁဵတ်း​သဵင်​ဢၼ်​ယွင်ႈ​ယေႃး ထႃႇဝရႃႉ​ၽြႃး​လႄႈ ယူႇ​ၵႃႈ​တီႈ​ပၢင်ႇ​လၢႆႇ​ႁွင်ႉ​သႅၼ်ႇ​ဢေႃႈ။-</verse>
				<verse number="15">ပိူဝ်ႈ​ၼႆ​လႄႈ​ဢွၼ်​ၵၼ်​ယွင်ႈ​ယေႃး ထႃႇဝရႃႉ​ၽြႃး ၵႃႈ​တီႈ​ၼႃႈ​ဝၼ်း​ဢွၵ်ႇ​လႄႈ ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင် ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ထႃႇဝရႃႉ​ၽြႃး ၵႃႈ​တီႈ​ၽင်ႇ​ၼမ်ႉ​ၽၢႆႇ​ၼႆႉ ၼၼ်ႉ​တႃႉ။-</verse>
				<verse number="16">ႁဝ်း​လႆႈ​ငိၼ်း​သဵင်​ႁဵတ်း​ၵႂၢမ်း ၵႃႈ​တီႈ​ႁိမ်း​ၸဵင်ႇ​လိၼ်​မိူင်း​လႄႈ​ဝႃႈ၊ ႁႂ်ႈ​ၵေႃႉ​ဢၼ်​မူတ်း​ၸၢင်ႇ​ၼၼ်ႉ မုၼ်​ၽုင်း​ယႂ်ႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။ ၵဝ်​ၸမ်ႉ၊ ယၢၵ်ႈ​ၽၢၼ်​ၼႃႇ​လူင်​လၢင်​ဢေႃႈ။ ယၢၵ်ႈ​ၽၢၼ်​ၼႃႇ​လူင်​လၢင်​ဢေႃႈ။ မီး​ဢႃႉ​မင်ႇၵလႃႇ​ဢေႃႈ။ ၶဝ်​ၸိူဝ်း​ဢၼ်​ႁိမ်​ႁူင်ႇ​လႆႈ​ၼၼ်ႉ ႁိမ်​ႁူင်ႇ​ယူႇ​ဢေႃႈ။ ၶဝ်​ၸိူဝ်း​ဢၼ်​ႁိမ်​ႁူင်ႇ​ၼၼ်ႉ ပႃး​တင်း တၢင်း​ဢၼ်​ႁိမ်​ႁူင်ႇ​သေ​လႄႈ ႁိမ်​ႁူင်ႇ​ယူႇ​ဢေႃႈ။-</verse>
				<verse number="17">ၵူၼ်း​ဢၼ်​ယူႇ​မိူင်း​ၼႆႉ​ဢိူၺ်း၊ တၢင်း​ဢၼ်​လီ​ၵူဝ်​လီ​ႁႄ၊ ၶုမ်​လိၼ်​ႁူး​လိၼ်၊ တူင်ႇ​ႁႅဝ်ႉ​တူင်ႇ​ၶိုမ်း ႁွတ်ႈ​ထိုင်​ၵႃႈ​တီႈ​မႂ်း​ယဝ်ႉ။-</verse>
				<verse number="18">ၵေႃႉ​ဢၼ်​ဢွၵ်ႇ​ပၢႆႈ​သေ​ၵႃႈ​တီႈ​သဵင် တၢင်း​ဢၼ်​လီ​ၵူဝ်​လီ​ႁႄ​ၼၼ်ႉ တၵ်း​တူၵ်း​သႂ်ႇ​ၵႃႈ​ၼႂ်း​ၶုမ်​လိၼ် ႁူး​လိၼ်​ဢေႃႈ။ ၵေႃႉ​ဢၼ်​ဢွၵ်ႇ​သေ ၵႃႈ​ၼႂ်း​ၶုမ်​လိၼ်​ႁူး​လိၼ်​ၶိုၼ်ႈ​မႃး​ၼၼ်ႉ တၵ်း​ထုၵ်ႇ​ၶဵၼ်း​မႅၼ်ႈ​ၵႃႈ​ၼႂ်း​တူင်ႇ​ႁႅဝ်ႉ​တူင်ႇ​ၶိုမ်း​ဢေႃႈ။ ႁူး​တေႃႈ ၵၢင်​ႁၢဝ် မီး​တၢင်း​ဢၼ်​ၽုၺ်ႇ​ဝႆႉ​ယူႇ​လႄႈ ငဝ်ႈ​ႁၢၵ်ႈ​လိၼ်​မိူင်း​ၵေႃႈ သၼ်ႇ​ဝႆ​ၶွၼ်း​ၶဝ်ႇ​ယူႇ​ဢေႃႈ။-</verse>
				<verse number="19">မိူင်း​ၸဝ်ႈ​ၼၼ်ႉ​ၶၢတ်ႇ​ၶိတ်း​လူႉ​လႅဝ်​ၵႂႃႇ​တင်း​မိူင်း​ယဝ်ႉ။ မိူင်း​ၸဝ်ႈ​ၼၼ်ႉ ပုတ်း​ပင်း​ၵႂႃႇ​တင်း​သဵင်ႈ​တင်း​မူတ်း​ယဝ်ႉ။ မိူင်း​ၸဝ်ႈ​ၼၼ်ႉ မီး​တၢင်း​ဢၼ် သၼ်ႇ​ဝႆ​ၶွၼ်း​ၶဝ်ႇ​ယူႇ​ဢေႃႈ။-</verse>
				<verse number="20">မိူင်း​ၸဝ်ႈ​ၼၼ်ႉ ၵိင်ႈ​ၵိင်ႈ​ၵိူၵ်ႇ​ၵိူၵ်ႇ​ယူႇ မိူၼ်​ၸိူဝ်ႉ​ၼင်ႇ​ၵူၼ်း​မဝ်း​လဝ်ႈ​မဝ်း​ၵမ်​ၼၼ်ႉ​လႄႈ ဝႆ​ၼိုင်​ၶွၼ်း​ၶဝ်ႇ​ယူႇ ၸိူဝ်ႉ​ၼင်ႇ​ဢူႇ​ၼၼ်ႉ​ဢေႃႈ။ ဢပႅတ်ႈ​မၼ်း​ၼၵ်း​ၼႃႇ​ၵႃႈ​ၼိူဝ်​မၼ်း​လႄႈ မၼ်း​တၵ်း​လူမ်ႉ​ဢေႃႈ။ ၵမ်း​လိုၼ်း​ဢမ်ႇ​လႆႈ​လုၵ်ႉ။-</verse>
				<verse number="21">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ထႃႇဝရႃႉ​ၽြႃး တၵ်း​လူ​တူၺ်း ၸႅတ်ႈ​ထၢမ်​မူႇ​ၽုင်​ၶဝ်​ၸိူဝ်း​ဢၼ်​သုင်​တင်း​လၢႆ ၵႃႈ​တီႈ​ဢၼ်​သုင်​ၼၼ်ႉ ဢိၵ်ႇ​တင်း​ၶုၼ်​ႁေႃ​ၶမ်း​လိၼ်​မိူင်း​တင်း​လၢႆ ၵႃႈ​တီႈ​ၼိူဝ်​လိၼ်​ဢေႃႈ။-</verse>
				<verse number="22">ၶဝ်​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ် ၸူႉ​တုမ်​ယူႇ​မုၵ်ႉ​လဵဝ်​ၸိူဝ်း​လဵဝ်​ၵူၺ်း မိူၼ်​ၸိူဝ်ႉ​ၼင်ႇ​ဢၼ် ၵူၼ်း​တူၵ်း​ၵိၼ်း​တင်း​လၢႆ ၸူႉ​တုမ်​ယူႇ ၵႃႈ​ၼႂ်း​ၶုမ်​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ ၵႃႈ​ၼႂ်း​ထွင်ႇ​ၼၼ်ႉ​ဢေႃႈ။ မိုဝ်ႉ​ဝၼ်း​ၼမ်​ၼႃႇ​ပူၼ်ႉ​ၵႂႃႇ​သေ​ယဝ်ႉ၊ ၶဝ်​တၵ်း​လႆႈ​ၶၢမ်ႇ​တၢင်း​ဢၼ် လူ​တူၺ်း​ၸႅတ်ႈ​ထၢမ်​ဢေႃႈ။-</verse>
				<verse number="23">မိူဝ်ႈ​ၼၼ်ႉ လိူၼ်​တၵ်း​မီး တၢင်း​ဢၼ်​ၼႃႈ​လူႉ​လႄႈ ၵၢင်​ဝၼ်း​တၵ်း​မီး​တၢင်း​ဢၼ် ဢူၵ်း​ဢၢႆ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တၵ်း​ၼင်ႈ​ႁၢင်ႈ​ၼင်ႈ​ႁေႃ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵႃႈ​ၼိူဝ်​လွႆ​ ၸီႉဢုၼ်ႇ ​လႄႈ မုၼ်​ၽုင်း​မၼ်း​ၸဝ်ႈ တၵ်း​ယႂ်ႇ​ၼႃႇ ၵႃႈ​တီႈ​ၽၢႆႇ​ၼႃႈ ၵူၼ်း​ထဝ်ႈ​ၵူၼ်း​ၵႄႇ​မၼ်း​တင်း​လၢႆ​ဢေႃႈ။</verse>
			</chapter>
			<chapter number="25">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ ၵဝ်​ၶႃႈ​တီႈ​ၶႃႈ​ဢေႃႈ။ ၶႃႈ​ၸဝ်ႈ​တၵ်း​ယုၵ်ႉ​ၸဝ်ႈ​ႁဝ်း​ဝႆႉ​လႄႈ ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၸဝ်ႈ​ႁဝ်း​ႁဵတ်း​လွင်ႈ​တၢင်း​ဢၼ်​လီ​ဢၢမ်း ဢၼ်​ဝႃႈ​တၢင်း​ၵျၢမ်ႇ​တၢင်း​ပွင်​ၸဝ်ႈ​ႁဝ်း ဢၼ်​မီး​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႄႈ ဢမ်ႇ​ၶၢႆႉ​ဢမ်ႇ​ပုတ်ႈ၊ မၼ်ႈ​ၶိူင်ႇ​ယူႇ​လူၺ်ႈ​သဵတ်ႈ​ၸႃႇ​တီႈ​ၶႃႈ​ဢေႃႈ။-</verse>
				<verse number="2">ၸဝ်ႈ​ႁဝ်း​ၸီႇ​ယၢင်ႇ ႁႂ်ႈ​ဝဵင်း​ပဵၼ်​ၵွင်​ၽုၼ်ႇ​ၵွင်​လိၼ် ႁႂ်ႈ​ဝဵင်း​ဢၼ်​မၼ်ႈ​ၶိူင်ႇ​ၼၼ်ႉ ပဵၼ်​တီႈ​ဢၼ်​ၵိူၼ်ႇ​ပင်း​လူႉ​လႅဝ် ႁႂ်ႈ​ႁေႃ​ၶမ်း တီႈ​ယူႇ​ၵူၼ်း​တင်း​ဝၢၼ်ႈ​တင်း​မိူင်း​ၸိူဝ်း​ၼၼ်ႉ ဢမ်ႇ​ပဵၼ်​ၶူး​ပဵၼ်​ဝဵင်း​လႄႈ ၵမ်း​လိုၼ်း ဢမ်ႇ​လႆႈ​မီး​တၢင်း​ဢၼ်​တႄႇ​ဢၼ်​ႁဵတ်း​တီႈ​ၶႃႈ​ယဝ်ႉ။-</verse>
				<verse number="3">ပိူဝ်ႈ​ၼႆ​လႄႈ မဵဝ်း​ၵူၼ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ တၵ်း​ယွင်ႈ​ယေႃး​ၸဝ်ႈ​ႁဝ်း​လႄႈ ဝဵင်း​တီႈ​ယူႇ​မဵဝ်း​ၵူၼ်း​ဢၼ်​လီ​ၵူဝ်​လီ​ႁႄ​ၼႃႇ ၸိူဝ်း​ၼၼ်ႉ တၵ်း​ၵူဝ်​ႁႄ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="4">ၸဝ်ႈ​ႁဝ်း​ပဵၼ်​တီႈ​ဢၼ်​သွၼ်ႈ​ပိုင်ႈ ပုၼ်ႈ​ၶဝ်​ၸိူဝ်း​ဢၼ်​ၽၢၼ်​ဢၼ်​ၵိၼ်း၊ တီႈ​ဢၼ်​သွၼ်ႈ​ပိုင်ႈ​ပုၼ်ႈ​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ ၼႂ်း​ၶိင်ႇ​မိူဝ်ႈ​ဢၼ်​ၽေး​ႁွတ်ႈ​ထိုင်​ၼၼ်ႉ၊ တီႈ​ဢၼ်​ႁႄႉ​ၵင်ႈ​ၽူၼ်​လူင်​လူမ်း​လူင်၊ ႁူမ်ႈ​ၵွင်ႉ​ငဝ်း​ဢၼ်​လပ်ႉ​လွတ်ႈ​ဢၼ်​မႆႈ​ဢၼ်​ႁွၼ်ႉ သၢႆ​ဢရွင်ႇ​ငဝ်း​ဝၼ်း ၼႂ်း​မိူဝ်ႈ​ဢၼ်​တေႃး​သႃႉ​တၢင်း​ၸႂ်​မႆႈ​ၶဝ်​ၸိူဝ်း​ဢၼ် လီ​ၵူဝ်​လီ​ႁႄ​ၼၼ်ႉ ဢွၵ်ႇ​မႃး​မိူၼ်​ၸိူဝ်ႉ​ၼင်ႇ ၽူၼ်​လူင်​လူမ်း​လူင်​ဢၼ်​ပတ်ႉ​ထူဝ်း​သႂ်ႇ တီႈ​ၽႃ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="5">ၸဝ်ႈ​ႁဝ်း​တၵ်း​ႁႂ်ႈ​သဵင်​ၵူၼ်း တင်း​ဝၢၼ်ႈ​တင်း​မိူင်း​တင်း​လၢႆ တဵတ်ႇ​ၵႂႃႇ​ယဵၼ်​ၵႂႃႇ မိူၼ်​ၸိူဝ်ႉ​ၼင်ႇ​ဢၢႆ​လႅတ်ႇ ၵႃႈ​တီႈ​ဢၼ်​ႁႅင်ႈ ဢၼ်​ႁွင်​ၼၼ်ႉ​လႄႈ သဵင်​ႁဵတ်း​ၵႂၢမ်း​ၶဝ်​ၸိူဝ်း​ဢၼ် လီ​ၵူဝ်​လီ​ႁႄ​ၼၼ်ႉ တၵ်း​ႁၢႆ​လၢႆ​ၵႂႃႇ ၸိူဝ်ႉ​ၼင်ႇ​ဢၢႆ​လႅတ်ႇ​ႁၢႆ​ၵႂႃႇ ၵွပ်ႈ​ပိူဝ်ႈ​ၽႃႈ​ၽူၼ် ဢၼ်​ၼႃ​တၼ်​ၼႃႇ ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တၵ်း​ၸီႇ​ယၢင်ႇ​ႁဵတ်း​ပွႆး တၢင်း​ၵိၼ်​တၢင်း​ၶူပ်း ဢၼ်​မၼ်း​လီ​ၼႃႇ၊ ပွႆး​ၼမ်ႉ​ၸပိတ်ႈ​ဢၼ် ၼွၼ်း​ႁူၼ်း​ယဝ်ႉ ဢၼ်​ဝႃႈ ပွႆး​ဢၼ်​မီး​တၢင်း​ၵိၼ်​တၢင်း​ၶူပ်း​ဢၼ်​မၼ်း​လီ​ၼႃႇ သတ်ႉ​တဵမ်​ဝႆႉ​တင်း​ဢွၵ်း​လုပ်ႇ​မၼ်း​လုပ်ႇ​ၼၼ်ႉ ဢိၵ်ႇ​တင်း ၼမ်ႉ​ၸပိတ်ႈ​ဢၼ်​ၸႅတ်ႈ​သေ​လီ​လီ​ငၢမ်း​ငၢမ်း​ယဝ်ႉ​ၼၼ်ႉ ပုၼ်ႈ​မဵဝ်း​ၵူၼ်း​တင်း​သဵင်ႈ​တင်း​လူင် ၵႃႈ​ၼိူဝ်​လွႆ​ၼႆႉ​ဢေႃႈ။-</verse>
				<verse number="7">မၼ်း​ၸဝ်ႈ​တၵ်း​ပႄႇ​ၽဵဝ်ႈ​ၽႃႈ​ႁူမ်ႇ​ၼႃႈ ဢၼ်​ႁူမ်ႇ​မဵဝ်း​ၵူၼ်း​တင်း​သဵင်ႈ​တင်း​လူင် ဢိၵ်ႇ​တင်း​ၽႃႈ​ဝႆ​ဢၼ်​ႁူမ်ႇ​သုမ်ႇ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ ပႅတ်ႈ​ၵႃႈ​ၼိူဝ်​လွႆ​ၼႆႉ​ဢေႃႈ။-</verse>
				<verse number="8">မၼ်း​ၸဝ်ႈ​တၵ်း​ႁႂ်ႈ​တၢင်း​တၢႆ သုမ်း​ၸွမ်း​ပႅတ်ႈ​သေႇ​သေႇ​လႄႈ ၸဝ်ႈ​ထႃႇဝရႃႉ​ၽြႃး တၵ်း​ၸဵတ်ႉ​ၼမ်ႉ​တႃ​ပႅတ်ႈ​သေ​ၵႃႈ​တီႈ​ၼႃႈ တင်း​သဵင်ႈ​တင်း​လူင်​ဢေႃႈ။ တၢင်း​ဢၼ်​ၵူၼ်း​မၼ်း​ၸဝ်ႈ​တင်း​လၢႆ လႆႈ​ၶၢမ်ႇ​တၢင်း​ဢၼ်​သႄႉ​သွမ်း​ၼၼ်ႉ​ၵေႃႈ မၼ်း​ၸဝ်ႈ​တၵ်း​ပႄႇ​မူတ်း​ပႅတ်ႈ​သေ​ၵႃႈ​ၼိူဝ်​လိၼ်​မိူင်း​ၵူႈ​တီႈ​ၵူႈ​လႅၼ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="9">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ၶဝ်​တၵ်း​ဢွၼ်​ၵၼ်​လၢတ်ႈ​လႄႈ​ဝႃႈ၊ တူၺ်း​လူး၊ ၸဝ်ႈ​ၼႆႉ​ၸမ်ႉ၊ ပဵၼ်​ၽြႃး​ပဵၼ်​ၸဝ်ႈ​ႁဝ်း ဢၼ်​ႁဝ်း​မုင်ႈ​မွင်း​ယူႇ​ၼၼ်ႉ​ယဝ်ႉ။ မၼ်း​ၸဝ်ႈ​တၵ်း​ၵႄႇ​သႄႇ​ၶျွတ်ႈ​ဢဝ်​ႁဝ်း​ဢေႃႈ။ ၸဝ်ႈ​ၼႆႉ​ၸမ်ႉ၊ ပဵၼ်​ထႃႇဝရႃႉ​ၽြႃး ဢၼ်​ႁဝ်း​မုင်ႈ​မွင်း​ယူႇ​ၼၼ်ႉ​ယဝ်ႉ။ ႁဝ်း​တၵ်း​ဢွၼ်​ၵၼ်​ၸူမ်း​သိူဝ်း​လႄႈ သႂၢင်ႇ​ၸႂ်​ၼႂ်း​ၵျေး​ၸူး​တၢင်း​ဢၼ် မၼ်း​ၸဝ်ႈ​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ မိုဝ်း​ထႃႇဝရႃႉ​ၽြႃး တၵ်း​တႄႇ​ယူႇ​ၼိမ်​ယူႇ ၵႃႈ​ၼိူဝ်​လွႆ​ၼႆႉ​လႄႈ မိူင်း​ မေႃႇၽႃႉ တၵ်း​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ တဵၵ်း​ယဵပ်ႇ​သႂ်ႇ ၵႃႈ​ၼႂ်း​တီႈ​ယူႇ​မၼ်း မိူၼ်​ၸိူဝ်ႉ​ၼင်ႇ​ဢၼ်​ၽိူင်း လႆႈ​ၶၢမ်ႇ​တၢင်း​ဢၼ်​တဵၵ်း​ယဵပ်ႇ​သႂ်ႇ ၵႃႈ​ၼႂ်း​ၼမ်ႉ​ၼႂ်း​ၵူမ်ႇ​ၶီႈ​ဝူဝ်း​ၼၼ်ႉ​ဢေႃႈ။-</verse>
				<verse number="11">မၼ်း​တၵ်း​ယဵတ်ႇ​မိုဝ်း​ဢႃႈ​မိုဝ်း ၵႃႈ​ၼႂ်း​ၵၢင်​ၼမ်ႉ​ၵၢင်​ၵူမ်ႇ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၵေႃႉ​ဢၼ်​လုၺ်း​ၼမ်ႉ​ယဵတ်ႇ​မိုဝ်း​ဢႃႈ​မိုဝ်း​ႁႂ်ႈ​လႆႈ​လုၺ်း​ၼမ်ႉ​ၼၼ်ႉ​လႄႈ ၶျႃး​မႃႇၼႃႉ​ဢိၵ်ႇ​တင်း တၢင်း​ၵတ်ႉ​တၢင်း​ၶၼ်​မၼ်း တူၵ်း​ပႅတ်ႈ​ဢေႃႈ။-</verse>
				<verse number="12">မၼ်း​ၸဝ်ႈ​တၵ်း​ၵိူၼ်ႇ​ယႃႉ​ထဵင်​လၢင်း​ပၢႆ​လမ်း​ဝဵင်း​ပႅတ်ႈ​လႄႈ ၶျႃး​တူၵ်း​သေ​လႄႈ ႁဵတ်း​ႁႂ်ႈ​တႅမ်ႇ တေႃႇ​ထိုင်​ႁွတ်ႈ​လိၼ် ဢၼ်​ဝႃႈ​မုၼ်ႈ​လိၼ်​ဢေႃႈ။</verse>
			</chapter>
			<chapter number="26">
				<verse number="1">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ၵႂၢမ်း​ဢၼ်​တၵ်း​လႆႈ​ႁဵတ်း​ၵႂၢမ်း​ၵႃႈ​ၼႂ်း​မိူင်း​ ယူႉတႃႉ ​ၸမ်ႉ၊ ႁဝ်း​မီး​ဝဵင်း​ဢၼ်​မၼ်ႈ​ၶိူင်ႇ​ဢေႃႈ။ မၼ်း​ၸဝ်ႈ​တၵ်း ၸီႇ​ယၢင်ႇ​ၶၢၼ်း ၵျေး​ၸူး​တၢင်း​ဢၼ်​မၼ်း​ၸဝ်ႈ ၵႄႇ​သႄႇ​ၶျွတ်ႈ​ဢဝ်​ၼၼ်ႉ ဝႆႉ​ပဵၼ်​ပုၼ်ႈ​လမ်း​ဝဵင်း ဢိၵ်ႇ​တင်း ထဵင်​လၢင်း​တင်း​လၢႆ​ဢေႃႈ။-</verse>
				<verse number="2">ဢွၼ်​ၵၼ်​ၽုၺ်ႇ​ပိုတ်ႇ​ၽၵ်း​တူ ႁႂ်ႈ​မဵဝ်း​ၵူၼ်း​ဢၼ်​ပႂ်ႉ​သဵတ်ႈ​ၸႃႇ​လႄႈ သိုဝ်ႈ​တေႃႇ​ၼၼ်ႉ လႆႈ​ၶဝ်ႈ​တႃႉ။-</verse>
				<verse number="3">ၸဝ်ႈ​ႁဝ်း​တၵ်း​ပႂ်ႉ​လူ​ပႂ်ႉ​တူၺ်း​ယူႇ ႁႂ်ႈ​ၵေႃႉ​ဢၼ်​ႁူဝ်​ၸႂ်​တႄႇ​လီ​ၼိမ်​လီ​ၼၼ်ႉ လႆႈ​မီး​တၢင်း​ဢၼ် တႄႇ​ၼိမ်​ၵူၺ်း​ၵူၺ်း ၵွပ်ႈ​ပိူဝ်ႈ​ဢၼ်​မၼ်း ဢိင်​ပိုင်ႈ​ၸဝ်ႈ​ႁဝ်း​ယူႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="4">ဢွၼ်​ၵၼ်​ဢိင်​ပိုင်ႈ ထႃႇဝရႃႉ​ၽြႃး ယူႇ​တႃႇ​သေႇ​ဢမ်ႇ​ထၢတ်ႇ​တႃႉ။ ၸဝ်ႈ​ထႃႇဝရႃႉ​ၽြႃး ပဵၼ်​တီႈ​ဢၼ်​သွၼ်ႈ​ပိုင်ႈ ၼိၵ်ႈၸႃႉ​ထႃႇဝရႃႉ​ဢေႃႈ။-</verse>
				<verse number="5">မၼ်း​ၸဝ်ႈ​ဢဝ်​ၶဝ်​ၸိူဝ်း​ဢၼ် ယူႇ​ၵႃႈ​တီႈ​ဢၼ်​သုင်​ၼၼ်ႉ ၶျႃး​တူၵ်း​သေ​လႄႈ ၵိူၼ်ႇ​ယႃႉ​ဝဵင်း​ဢၼ်​သုင်​မျၢတ်ႈ​ၼၼ်ႉ​လႄႈ ၶျႃး​တူၵ်း​ၸူး​တီႈ​လိၼ် သေ​လႄႈ ႁဵတ်း​ႁႂ်ႈ​တႅမ်ႇ​တေႃႇ​ထိုင်​ႁွတ်ႈ​မုၼ်ႈ​လိၼ်​ဢေႃႈ။-</verse>
				<verse number="6">တိၼ်​ဢၼ်​ဝႃႈ တိၼ်​ၶဝ်​ၸိူဝ်း​ဢၼ်​ၽၢၼ်​ဢၼ်​ၵိၼ်း ဢိၵ်ႇ​တင်း ယၢင်ႈ​တိၼ်​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​တၵ်း​ဢွၼ်​ၵၼ်​ယဵပ်ႇ​ၶၢမ်ႈ​မၼ်း​ဢေႃႈ။-</verse>
				<verse number="7">သဵၼ်ႈ​တၢင်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ပဵၼ်​ဢၼ်​သိုဝ်ႈ​လီ​ဢေႃႈ။ ၸဝ်ႈ​ႁဝ်း​ဢၼ်​သိုဝ်ႈ​တေႃႇ​ၼႆႉ တၵ်း​ပွင်​ႁဵတ်း​ပွင်​မႄး​သဵၼ်ႈ​တၢင်း​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ်​ၸွမ်း​သဵၼ်ႈ​တၢင်း​တၢင်း​ဢၼ် ၸဝ်ႈ​ႁဝ်း​ၸႅတ်ႈ​ထၢမ်​ၸီႇ​ယၢင်ႇ​ၸိူဝ်း​ၼၼ်ႉ​ယူႇ​သေ​လႄႈ​မုင်ႈ​မွင်း ၸဝ်ႈ​ႁဝ်း​ယူႇ​လႄႈ ႁူဝ်​ၸႂ်​ၶႃႈ​ၸဝ်ႈ​ႁဝ်း​ၶဝ် တိူင်ႇ​ႁႃ​ၵၢဝ်ႇ​ႁႃ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ဢိၵ်ႇ​တင်း​တၢင်း​ဢၼ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၸဝ်ႈ​ႁဝ်း​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="9">ၶိင်ႇ​ၵၢင်​ၶိုၼ်း ၶႃႈ​ၸဝ်ႈ​ဢဝ်​တင်း​ႁူဝ်​ၸႂ်​တိူင်ႇ​ႁႃ​ၵၢဝ်ႇ​ႁႃ​ၸဝ်ႈ​ႁဝ်း​ယူႇ​လႄႈ ၶိင်ႇ​ၵၢင်​ၼႂ်၊ ၶႃႈ​ၸဝ်ႈ​ဢဝ်​တင်း​ဝီႉၺိၺ်ႇ​ဢၼ်​ၵႃႈ​ၼႂ်း ႁႃ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။ ယၢမ်း​မိူဝ်ႈ​ဢၼ်​တၢင်း​ဢၼ် ၸဝ်ႈ​ႁဝ်း​ၸႅတ်ႈ​ထၢမ်​ၸီႇ​ယၢင်ႇ​ၸိူဝ်း​ၼၼ်ႉ မီး​ၵႃႈ​ၼိူဝ်​လိၼ်​မိူင်း​ၼၼ်ႉ​ၸိုင်၊ ၵူၼ်း​လေႃးၵီႇ​တင်း​လၢႆ ဢွၼ်​ၵၼ် သွၼ်​ဢဝ်​တြႃး​တၢင်း​ဢၼ်​သိုဝ်ႈ​တေႃႇ​ဢေႃႈ။-</verse>
				<verse number="10">ၵေႃႉ​ဢၼ်​ဢမ်ႇ​တြႃး​ၼၼ်ႉ ပိၵ်ႉ​သမ်ႉ​လႆႈ​ၶၢမ်ႇ ၵျေး​ၸူး​သေ​ၵေႃႈ၊ ဢမ်ႇ​ၸၢင်ႈ​သွၼ်​ဢဝ်​တြႃး​တၢင်း​ဢၼ်​သိုဝ်ႈ​ဢၼ်​တေႃႇ​တီႈ​ၶႃႈ၊ မၼ်း​ႁဵတ်း​မိူၵ်ႈ​ႁဵတ်း​ရိူင်း ယူႇ​ၵႃႈ​ၼႂ်း​မိူင်း​ဢၼ်​ၵမ်​ၵျၢင်ႉ​တြႃး​ယူႇ​ၼၼ်ႉ​လႄႈ ဢမ်ႇ​ၸၢင်ႈ​ႁူႉ​ၸၢင်ႈ​ႁၼ် မုၼ်​ၽုင်း​ထႃႇဝရႃႉ​ၽြႃး​တီႈ​ၶႃႈ၊-</verse>
				<verse number="11">ထႃႇဝရႃႉ​ၽြႃး​တီႈ​ၶႃႈ၊ ပိၵ်ႉ​သမ်ႉ​ၸဝ်ႈ​ႁဝ်း​ယုၵ်ႉ​မိုဝ်း​ၸဝ်ႈ​ႁဝ်း​ဝႆႉ​သေ​ၵေႃႈ ၶဝ်​ၼၼ်ႉ​ဢမ်ႇ​ႁူႉ​ဢမ်ႇ​ႁၼ်​တီႈ​ၶႃႈ၊ ၼႂ်း​ဝႃႈ​ၼၼ် သေ​ၵေႃႈ၊ ၶဝ်​ၼၼ်ႉ​တၵ်း​လႆႈ​ႁူႉ​လႆႈ​ႁၼ်​လွင်ႈ​ဢၼ်​ၸဝ်ႈ​ႁဝ်း ၸႂ်​ႁႅင်း​ယႂ်ႇ​ၼႃႇ ပုၼ်ႈ​ၵူၼ်း​ၸဝ်ႈ​ႁဝ်း​တင်း​လၢႆ​ၼၼ်ႉ​လႄႈ ဢူၵ်း​ဢၢႆ တီႈ​ၶႃႈ​ဢေႃႈ။ ၽႆး​တၵ်း​လႆႈ​မႆႈ​ရၢၼ်ႇ​သူႇ​ၸဝ်ႈ​ႁဝ်း​တင်း​လၢႆ​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="12">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​တၵ်း​ပၼ်​တၢင်း​ဢၼ်​ၼိမ်​ဢၼ်​လီ တီႈ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ႁဵတ်း​ဢမူႉ​ၶႃႈ​ၸဝ်ႈ​ႁဝ်း​ၶဝ်​ၵႃႈ​မီး​ၼၼ်ႉ ပုၼ်ႈ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။-</verse>
				<verse number="13">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ။ ၼွၵ်ႈ​သေ​ၸဝ်ႈ​ႁဝ်း​ၼႆႉ ၸဝ်ႈ​တၢင်ႇ​ၵေႃႉ​တၢင်ႇ​ၵူၼ်း လႆႈ​ဢွၼ်​ၵၼ်​ဢုပ်ႉ​ပိူင်ႇ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ယဝ်ႉ။ မိူဝ်ႈ​လဵဝ်​ၼႆႉ​ၸမ်ႉ၊ တၵ်း​ဢွၼ်​ၵၼ်​ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၵူၺ်း တီႈ​ၶႃႈ​ဢေႃႈ။-</verse>
				<verse number="14">ၸဝ်ႈ​ၸိူဝ်း​ၼၼ်ႉ တၢႆ​ယဝ်ႉ​တီႈ​ၶႃႈ​ယဝ်ႉ။ ၵမ်း​လိုၼ်း​ဢသၢၵ်ႈ​ဢမ်ႇ​လႆႈ​ၶိုၼ်း​လိပ်း​တီႈ​ၶႃႈ၊ ပဵၼ်​ၵူၼ်း​ပႃႇ​ႁဵဝ်ႈ​သၢင်း​ၶႅင်း​လႄႈ ဢမ်ႇ​လႆႈ​မီး​တၢင်း​ဢၼ်​လုၵ်ႉ​ၶိုၼ်း​တီႈ​ၶႃႈ၊ ပိူဝ်ႈ​ၼႆ​လႄႈ​ၸဝ်ႈ​ႁဝ်း မႃး​လူ​မႃး​တူၺ်း​ၶဝ်​လႄႈ ယႃႉ​ၶဝ်​ပႅတ်ႈ​သေ​လႄႈ ႁဵတ်း​ႁႂ်ႈ​တီႈ​မၢတ်ႈ​တီႈ​တွင်း​ၶဝ် လူႉ​လႅဝ်​ႁၢႆ​လၢႆ​ၵႂႃႇ​မူတ်း​မူတ်း​သဵင်ႈ​သဵင်ႈ​တီႈ​ၶႃႈ​ယဝ်ႉ။-</verse>
				<verse number="15">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ႁႂ်ႈ​ၵူၼ်း​မဵဝ်း​ၶႃႈ​ၸဝ်ႈ​ႁဝ်း​ၶဝ် ယႂ်ႇ​ၽႄႈ​ၼမ်​ၵိုၼ်း​မႃး​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ႁႂ်ႈ​မဵဝ်း​ၶႃႈ​ၸဝ်ႈ​ႁဝ်း​ၶဝ် ယႂ်ႇ​ၽႄႈ​ၼမ်​ၵိုၼ်း​မႃး​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ႁႂ်ႈ​မုၼ်​ၽုင်း​ၸဝ်ႈ​ႁဝ်း​ယႂ်ႇ​ၼႃႇ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ႁႂ်ႈ​ၶွပ်ႇ​ၼမ်ႉ​လႅၼ်​လိၼ်​မိူင်း​ၸဝ်ႈ ၵႂၢင်ႈ​တီႈ​ၶႃႈ​ယဝ်ႉ။-</verse>
				<verse number="16">ထႃႇဝရႃႉ​ၽြႃး​တီႈ​ၶႃႈ၊ ၶဝ်​ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​တီႈ​ၸဝ်ႈ​ႁဝ်း​ၼႂ်း​မိူဝ်ႈ​ဢၼ် ၶဝ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​လႄႈ ဢဝ်​ၵႂၢမ်း​သူး​တွင်း​ပထၼႃႇ သွၼ်း​လေႃႇ​ၼႂ်း​မိူဝ်ႈ​ဢၼ် တၢင်း​ဢၼ်​ၸဝ်ႈ​ႁဝ်း​သင်ႇ​သွၼ်​သုင်း​မႃႉ​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​ၶဝ်​ၼၼ်ႉ တီႈ​ၶႃႈ​ယဝ်ႉ။-</verse>
				<verse number="17">ၸိူဝ်ႉ​ၼင်ႇ​ဢၼ်​မႄႈ​ယိင်း​ဢၼ်​ပႃး​တွင်ႉ​လႄႈ​ၸဵပ်း​ၶိုၼ်ႈ ၼႂ်း​မိူဝ်ႈ​ဢၼ်​ၸမ်​ၶိင်ႇ​ဢၼ်​တၵ်း​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ၼၼ်ႉ သႅၼ်ႇ​ႁွင်ႉ​ၵွပ်ႈ​ပိူဝ်ႈ​ဢၼ်​ၸဵပ်း​ၶိုၼ်ႈ​ၼၼ်ႉ၊ မိူၼ်​ၸိူဝ်ႉ​ၼင်ႇ​ၼၼ်၊ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ်​ပဵၼ်​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း တီႈ​ၶႃႈ​ယဝ်ႉ။-</verse>
				<verse number="18">ပိၵ်ႉ​သမ်ႉ​ၶႃႈ​ၸဝ်ႈ​ႁဝ်း​ၶဝ် ပႃး​တွင်ႉ​လႄႈ လႆႈ​ၶၢမ်ႇ​ဝူၺ်ႇတၼႃႇ​တၢင်း​ဢၼ်​ၸဵပ်း​ၶိုၼ်ႈ​သေ​ၵေႃႈ ပဵၼ်​ၸိူဝ်ႉ​ၼင်ႇ​ဢၼ်​ၵိူတ်ႇ​လဵင်ႉ​လူမ်း​မႃး​ၼၼ်ႉ​ယဝ်ႉ​တီႈ​ၶႃႈ​လူင်​ပႄႇ။ ၶႃႈ​ၸဝ်ႈ​ႁဝ်း​ၶဝ် ဢမ်ႇ​ႁႂ်ႈ​ၵူၼ်း​မိူင်း​ၸဝ်ႈ​တင်း​လၢႆ ႁွတ်ႈ​ထိုင်​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​လႆႈ လႃး​လႃး​တီႈ​ၶႃႈ၊ ၵူၼ်း​လေႃးၵီႇ​တင်း​လၢႆ ယင်း​ဢမ်ႇ​လူမ်ႉ​လႄႈ​ယူႇ​တီႈ​ၶႃႈ​ယဝ်ႉ။-</verse>
				<verse number="19">ၵူၼ်း​တၢႆ​ၸဝ်ႈ​ႁဝ်း​တင်း​လၢႆ ဢသၢၵ်ႈ​တၵ်း​လိပ်း​တီႈ​ၶႃႈ​ဢေႃႈ။ တူဝ်​တၢႆ​ၶဝ်​တင်း​လၢႆ​ၵေႃႈ တၵ်း​လုၵ်ႉ​ၶိုၼ်း​တီႈ​ၶႃႈ​ဢေႃႈ။ သူ​ၸိူဝ်း​ဢၼ်​ယူႇ​ၵႃႈ​ၼႂ်း​မုၼ်ႈ​လိၼ်​ၶဝ်​ဢိူၺ်း၊ တိုၼ်ႇ​မႃး​လႄႈ ဢွၼ်​ၵၼ်​ႁဵတ်း​ၵႂၢမ်း​တႃႉ။ လွင်ႈ​မၼ်း​ၸမ်ႉ ၼမ်ႉ​ၼၢႆး​ၸဝ်ႈ​ႁဝ်း ပဵၼ်​ၸိူဝ်ႉ​ၼင်ႇ ၼမ်ႉ​ၼၢႆး ဢၼ်​ႁႂ်ႈ​တူၼ်ႈ​ယိူဝ်ႈ​ဢွၵ်ႇ​ၼၼ်ႉ​လႄႈ လိၼ်​ၼႆ​ၵေႃႈ တၵ်း​ဢဝ်​ၵူၼ်း​ပႃႇ​ႁဵဝ်ႈ​သၢင်း​ၶႅင်း​မၼ်း​တင်း​လၢႆ ဢွၵ်ႇ​ဢေႃႈ။</verse>
				<verse number="20">ၵူၼ်း​မဵဝ်း​ၵဝ်​ဢိူၺ်း၊ မႃး​တႃႉ။ ၶဝ်ႈ​ၵႃႈ​ၼႂ်း​လုၵ်း​တၢင်း​ၼႂ်း​မႂ်း​သေ​လႄႈ ဢုတ်း​ႁပ်း​ၽၵ်း​တူ​ဢၼ်​ႁႄႉ​ၵင်ႈ​မႂ်း​ၸိူဝ်း​ၼၼ်ႉ​ဝႆႉ​တႃႉ။ တဵတ်ႇ​မႅပ်ႉ​ယူႇ​ၵမ်း​ဢွၼ်ႇ​ၼိုင်ႈ တေႃႇ​ထိုင်​ႁွတ်ႈ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ ပူၼ်ႉ​ၵႂႃႇ​ၼၼ်ႉ​တႃႉ။-</verse>
				<verse number="21">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ဢွၵ်ႇ​သေ​ၵႃႈ​ၼႂ်း​တီႈ​ထႃႇၼႃႉ​မၼ်း​ၸဝ်ႈ​မႃး ႁႂ်ႈ​လႆႈ​ပၼ်​ဢပႅတ်ႈ​တီႈ​ၵူၼ်း​လိၼ်​မိူင်း တင်း​လၢႆ ၵွပ်ႈ​ပိူဝ်ႈ​တူႉ​ၸရိူၵ်ႈ​ၶဝ်​ဢေႃႈ။ မိူဝ်ႈ​ၼၼ်ႉ​လိၼ်​မိူင်း​တၵ်း​ၽုၺ်ႇ​ဢွၵ်ႇ​ၼႄ​ပျႃး​လိူတ်ႈ ဢၼ်​မီး​ၵႃႈ​တီႈ​မၼ်း​လႄႈ ၵမ်း​လိုၼ်း​ဢမ်ႇ​လႆႈ​ႁူမ်ႇ​ဝႆႉ​လပ်ႉ​ဝႆႉ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢႆ​တီႈ​မၼ်း​ၸိူဝ်း​ၼၼ်ႉ။</verse>
			</chapter>
			<chapter number="27">
				<verse number="1">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ထႃႇဝရႃႉ​ၽြႃး တၵ်း​ဢဝ်​လၢပ်ႇ​ၸဝ်ႈ​လႅဝ်း​ၸဝ်ႈ ဢၼ်​မၼ်ႈ​ၶိူင်ႇ​ယႂ်ႇ​ၶိူဝ်း​ႁႅင်း​ၼႃႇ​ၼၼ်ႉ ပၼ်​တၢမ်ႇ​တီႈ​ငူး​ လဝီႉသၢၼ်ႇ ဢၼ်​ၶၼ်​ၼႃႇ​ၽႂ်း​ၼႃႇ ဢိၵ်ႇ​တင်း​တီႈ​ငူး​ လဝီႉသၢၼ်ႇ ဢၼ်​ၶူတ်း​လိမ်ႇ​ၼၼ်ႉ​လႄႈ ဢဝ်​ၼၵႃး ဢၼ်​မီး​ၵႃႈ​ၼႂ်း​ပၢင်ႇ​လၢႆႇ​ၼၼ်ႉ​တၢႆ​ဢေႃႈ။-</verse>
				<verse number="2">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ ဢွၼ်​ၵၼ်​ဢဝ်​လွင်ႈ သူၼ်​ဢူးယဵၼ်ႇ​ၸပိတ်ႈ သေ​လႄႈ ႁဵတ်း​ၵႂၢမ်း​တႃႉ။-</verse>
				<verse number="3">ၵဝ်​ထႃႇဝရႃႉ​ၽြႃး ပဵၼ်​ၵေႃႉ​ဢၼ်​ပႂ်ႉ​မၼ်း​ဢေႃႈ။ ယင်း​ဢမ်ႇ​ယူႇ​သေ​ၸူဝ်ႈ​သေ​ယၢမ်း​လႄႈ ၵဝ်​တၵ်း​ႁူတ်း​ၼမ်ႉ​တီႈ​မၼ်း​ဢေႃႈ။ လွင်ႈ​ၼင်ႇ​ႁိုဝ်​ၽူႈ​လႂ်​သေ​ၵေႃႉ​သေ​ၵူၼ်း တၵ်း​ဢမ်ႇ​လႆႈ​ယႃႉ​ၸိုင် တၵ်း​ပႂ်ႉ​ယူႇ​ဝၼ်း​ဝၼ်း​ၶိုၼ်း​ၶိုၼ်း ဢမ်ႇ​ထၢတ်ႇ​ဢေႃႈ။-</verse>
				<verse number="4">တၢင်း​ၸႂ်​မႆႈ​ၶႆႈ​ၸႃႉ ဢမ်ႇ​မီး​ၵႃႈ​ၼႂ်း​ၵဝ်​ယဝ်ႉ။ မဵဝ်း​တူၼ်ႈ​ၼၢမ်​ၸိူဝ်း​ၼၼ်ႉ​ၸမ်ႉ၊ ႁႂ်ႈ​ၵဝ်​လႆႈ​ႁူပ်ႉ​ထူပ်း​ၵႃႈ​တီႈ​ပွႆး​တိုၵ်း​သိုၵ်း​သေ​ၵမ်း​လူၺ်ႈ။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင် ၵဝ်​တၵ်း​တိုၵ်း​တေႃး ၵမ်း​လဵဝ်​လႄႈ ဢဝ်​တုတ်ႇ​ၽႆး​ပႅတ်ႈ မိူဝ်ႈ​လဵဝ်​ၵမ်း​လဵဝ်​ၵၼ်​ဢေႃႈ။-</verse>
				<verse number="5">ဢမ်ႇ​ၼၼ်​ၵေႃႈ ႁႂ်ႈ​မၼ်း​ဢိင်​ပိုင်ႈ​တၢင်း​ၵတ်ႉ​တၢင်း​ၶၼ်​ၵဝ်​သေ​လႄႈ ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ် တင်း​ၵဝ်​သေ​ၵမ်း​လူၺ်ႈ။ ၸႂ်ႈ​ယဝ်ႉ။ ႁႂ်ႈ​မၼ်း​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ် တင်း​ၵဝ်​သေ​ၵမ်း​လူၺ်ႈ။-</verse>
				<verse number="6">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၵမ်း​လိုၼ်း​ၼၼ်ႉ မဵဝ်း​ ယႃႇၵုပ်ႈ ​တၵ်း​ယင်ႇ​ႁၢၵ်ႈ​ဢေႃႈ။ မဵဝ်း​ ဢီႉသရေႇလႃႉ တၵ်း​ၶဵဝ်​လီ​တင်ႈ​လီ​လႄႈ​ဢွၵ်ႇ​ယွတ်ႈ​ဢွၵ်ႇ​တုမ်ႇ​သေ​ယဝ်ႉ၊ တၵ်း​ႁႂ်ႈ​မၢၵ်ႇ​မၼ်း​တဵမ်​ဝႆႉ ၵႃႈ​ၼိူဝ်​ၼႃႈ​လိၼ်​မိူင်း​ဢေႃႈ။-</verse>
				<verse number="7">မၼ်း​ၸဝ်ႈ​ယၢမ်ႈ​တွၼ်ႉ​ၼိၵ်ႈ​ၸၢၵ်ႈ​ငႅၼ်း​သႄး​မၼ်း မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ ၼိၵ်ႈ​ၸၢၵ်ႈ​ငႅၼ်း​သႄး​မၼ်း​ၼၼ်ႉ​ႁိုဝ်။ မၼ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ မိူၼ်​ၸိူဝ်း​ဢၼ်​ၶဝ်​ၸိူဝ်း​ဢၼ်​မၼ်း​ဢဝ်​တၢႆ​ၼၼ်ႉ လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ၼၼ်ႉ​ႁိုဝ်။-</verse>
				<verse number="8">မၼ်း​ၸဝ်ႈ​ၸုၼ်ႉ​ပႅတ်ႈ​မၼ်း​သေ​လႄႈ သင်ႇ​သွၼ်​သုင်း​မႃႉ​တၢၼ်ႇ​တၢၼ်ႇ​ၵူၺ်း​ဢေႃႈ။ မၼ်း​ၸဝ်ႈ​ဢဝ်​လူမ်း​ဢၼ်​ႁႅင်း​ယႂ်ႇ​ၼႃႇ ထူဝ်း​မၼ်း​ၵႂႃႇ ၼႂ်း​မိုဝ်ႉ​ဝၼ်း​ဢၼ်​လူမ်း​တၢင်း​ဢွၵ်ႇ​မႃး​ၼၼ်ႉ​ဢေႃႈ။-</verse>
				<verse number="9">ၼင်ႇ​ၼၼ်​လႄႈ မဵဝ်း​ ယႃႇၵုပ်ႈ ​ၼၼ်ႉ ဢပႅတ်ႈ​မၼ်း​တၵ်း​ပေႇ​လႄႈ မၼ်း​တၵ်း​လႆႈ​ၶၢမ်ႇ​ဢၵျူဝ်း ၵျေး​ၸူး တၢင်း​ဢၼ်​ၽႄႇ​ဢပႅတ်ႈ ၵႃႈ​မီး​ၼႂ်း​မိူဝ်ႈ​ဢၼ်​မၼ်း​ႁဵတ်း ႁႂ်ႈ​မၢၵ်ႇ​ႁိၼ်​ယိတ်ႈပလၢင်ႇ ပဵၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​ထုၼ်​ဢၼ်​ႁၵ်း​ႁဵၵ်း​ပႅတ်ႈ​ၼၼ်ႉ ႁႂ်ႈ​တူၼ်ႈ​ ဢႃႇသရႃႉ ​တင်း​ရုၵ်ႈ​ထူႉ​ၵၢင်​ဝၼ်း​တင်း​လၢႆ ထၼ်ႈ​ပေႃး​ဢမ်ႇ​လႆႈ​လုၵ်ႉ​ထႅင်ႈ​ပဵၼ်​ထႅင်ႈ​ၼၼ်ႉ​ဢေႃႈ။-</verse>
				<verse number="10">ၵူၺ်း​ၵႃႈ ဝဵင်း​ဢၼ်​မၼ်ႈ​ၶိူင်ႇ တၵ်း​ပဵၼ်​တီႈ​ဢၼ်​သဵတ်ႇ​ဢၼ်​ယဵၼ်၊ တီႈ​ယူႇ​ဢၼ်​ၸုၼ်ႉ​လႄႈ​ပႄႇ​ပႅတ်ႈ​ၸိူဝ်ႉ​ၼင်ႇ​ထိူၼ်ႇ​ၼင်ႇ​ၶိူဝ်း ၼၼ်ႉ​ဢေႃႈ။ ၵႃႈ​တီႈ​ၼၼ်ႈ ဝူဝ်း​ဢွၼ်ႇ​တၵ်း​ၵိၼ်​ယူႇ၊ ၼွၼ်း​ယူႇ​သေ​လႄႈ ၶူပ်း​ၵိၼ်​ယွတ်ႈ​မၼ်း​တင်း​လၢႆ​ယူႇ​ဢေႃႈ။-</verse>
				<verse number="11">ယၢမ်း​မိူဝ်ႈ​ဢၼ်​ၵိင်ႇ​မၼ်း​ၶႃႊ​မၼ်း ႁဵဝ်ႇ​ႁႅင်ႈ​ၵႂႃႇ​ယဝ်ႉ​ၼၼ်ႉ​ၸိုင်၊ တၵ်း​ဢွၼ်​ၵၼ်​ႁွတ်ႈ​ထိုင်​တၢင်း​ဢၼ်​ႁၵ်း​ႁဵၵ်း​ပႅတ်ႈ​လႄႈ မႄႈ​ယိင်း​တင်း​လၢႆ တၵ်း​ဢွၼ်​ၵၼ်​မႃး​လႄႈ ဢဝ်​ၽႆး​တုတ်ႇ​ဢေႃႈ။ လွင်ႈ​မၼ်း​ၸမ်ႉ ပဵၼ်​မဵဝ်း​ၵူၼ်း​ဢၼ်​ဢမ်ႇ​မီး​ၺၢၼ်ႇ​ဢေႃႈ၊ ပိူဝ်ႈ​ၼႆ​လႄႈ ၸဝ်ႈ​ဢၼ်​ႁႂ်ႈ​ၶဝ်​ပဵၼ်​မႃး​ၼၼ်ႉ တၵ်း​ဢမ်ႇ​ဢဵတ်း​လူ​ၶဝ်​လႄႈ ၸဝ်ႈ​ဢၼ်​ႁဵတ်း​ပဵၼ်​ၶဝ်​ၼၼ်ႉ တၵ်း​ဢမ်ႇ​ၼႄ​ပျႃး​ၵျေး​ၸူး​တီႈ​ၶဝ်​လႄႈ​ယူႇ​ဢေႃႈ။-</verse>
				<verse number="12">ၵူၼ်း​မဵဝ်း​ ဢီႉသရေႇလႃႉ ​ၶဝ်​ဢိူၺ်း၊ ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ ထႃႇဝရႃႉ​ၽြႃး တၵ်း​သိမ်း​ဢဝ်​မၢၵ်ႇ​မႆႉ​မၢၵ်ႇ​တွၵ်ႇ​မၼ်း​ၸဝ်ႈ​တင်း​လၢႆ ဢဝ်​ၸႃႉ​ၸဵမ်​ၼမ်ႉ​ႁွင်ႈ​လူင် တေႃႇ​ထိုင်​ႁွတ်ႈ​ၼမ်ႉ​ႁွင်ႈ​ ဢေႇၵိပ်ႉတူႉ ​ၼၼ်ႉ​လႄႈ သူ​ၵေႃႉ​ၼိုင်ႈ ယဝ်ႉ​ၵေႃႉ​ၼိုင်ႈ တၵ်း​လႆႈ​ၶၢမ်ႇ​ၵျေး​ၸူး တၢင်း​ဢၼ်​သိမ်း​ဢဝ်​ၼၼ်ႉ​ယႂ်ႇ​ဢေႃႈ။-</verse>
				<verse number="13">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ တၵ်း​လႆႈ​ပဝ်ႇ​ၼႄးၶရႃႇ​ဢၼ်​ယႂ်ႇ​ၼႃႇ​ဢေႃႈ။ ၶဝ်​ၸိူဝ်း​ဢၼ်​ႁၢႆ​ၵႂႃႇ​ၵႃႈ​ၼႂ်း​မိူင်း​ ဢႃႇသူႉရီႉ ဢိၵ်ႇ​တင်း ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၸုၼ်ႉ​ပႅတ်ႈ​လႄႈ​ယူႇ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ၸိူဝ်း​ၼၼ်ႉ တၵ်း​ဢွၼ်​ၵၼ်​မႃး​လႄႈ ၶုပ်ႉ​မူပ်ႇ ၵူဝ်း​ၵႂၢႆႇ​ထႃႇဝရႃႉ​ၽြႃး ၵႃႈ​ၼိူဝ်​လွႆ​ဢၼ်​မူတ်း​ၸၢင်ႇ ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။</verse>
			</chapter>
			<chapter number="28">
				<verse number="1">သရၽူႇ​မႃႇၼႃႉ ၵူၼ်း​မဵဝ်း​ ဢေႇၽရိမ်ႇ ​တင်း​လၢႆ ဢၼ်​ၵိၼ်​လဝ်ႈ​ပူၼ်ႉ​လိူဝ်၊ လူင်ႇ​မွၵ်ႇ​ဢၼ်​ၸၢင်ႈ​ႁဵဝ်ႇ​ၸၢင်ႈ​ၸွပ်ႈ၊ မုၼ်​ၽုင်း သရေႇ​ဢၼ်​ႁၢင်ႈ​လီ​ႁၢင်ႈ​ငၢမ်း ဢၼ်​မီး​ၵႃႈ​တီႈ​ႁူဝ်​ပၢင်ႇ​ႁူၺ်ႈ​ဢၼ်​ပျေႉ​ၸုမ်ႇ​ဝႆႉ​တင်း ၶွၼ်ႇ​ၼမ်ႉ​မၼ်း​လိၼ် ဢၼ်​ပဵၼ်​တီႈ​ယူႇ​ၶဝ်​ၸိူဝ်း​ဢၼ် မဝ်း​လဝ်ႈ​လူၺ်ႈ​ၼမ်ႉ​ၸပိတ်ႈ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="2">တူၺ်း​လူး၊ ထႃႇဝရႃႉ​ၽြႃး မီး​ၵေႃႉ​ဢၼ်​ႁႅင်း​ယႂ်ႇ​တၼ်း​ၶူဝ်း​ယႂ်ႇ​ၼၼ်ႉ​လႄႈ မၼ်း​တၵ်း​ဢဝ်​တင်း​မိုဝ်း​ၶျႃး​တူၵ်း​ပႅတ်ႈ​တေႃႇ​ထိုင်​ႁွတ်ႈ​လိၼ်​မိူင်း ၸိူဝ်ႉ​ၼင်ႇ​ၽူၼ်​လူင်​လူမ်း​လူင်​ဢၼ်​ပႃး​မၢၵ်ႇ​ႁဵပ်း​လႄႈ ယႃႉ​ပႅတ်ႈ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ၼမ်ႉ​ဢၼ်​လုၵ်ႉ​ႁႅင်း​ယႂ်ႇ​ၼႃႇ​လူင်​လၢင်​လႄႈ ထူမ်ႈ​ႁူမ်ႇ​ၼၼ်ႉ​ဢေႃႈ။-</verse>
				<verse number="3">သရၽူႇ​မႃႇၼႃႉ ၵူၼ်း​မဵဝ်း​ ဢေႇၽရိမ်ႇ ​တင်း​လၢႆ ဢၼ်​ၵိၼ်​လဝ်ႈ​ပူၼ်ႉ​လိူဝ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် တိၼ်​ယဵပ်ႇ​တိၼ်​ၶၢမ်ႈ​ဢေႃႈ။-</verse>
				<verse number="4">လူင်ႇ​မွၵ်ႇ​မုၼ်​ၽုင်း​သရေႇ​မၼ်း ဢၼ်​ၸၢင်ႈ​ႁဵဝ်ႇ​ၸၢင်ႈ​ၸွပ်ႈ ဢၼ်​မီး​ၵႃႈ​တီႈ​ႁူဝ်​ပၢင်ႇ​ႁူၺ်ႈ ဢၼ်​ပျေႉ​ၸုမ်ႇ​ဝႆႉ​တင်း ၶွၼ်ႇ​ၼမ်ႉ​မၼ်း​လိၼ်​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​မၢၵ်ႇ ဢၼ်​မၢၵ်ႇ​ဢွၼ်​တၢင်း ၼႂ်း​မိူဝ်ႈ​ဢၼ်​ၶိင်ႇ​ႁႅင်ႈ ဢမ်ႇ​ပႆႇ​တဵမ်​ပႆႇ​ၸေး ၼၼ်ႉ​ဢေႃႈ။ ၵေႃႉ​ဢၼ်​ႁၼ် မၢၵ်ႇ​ၼၼ်ႉ ၸၢင်ႈ​ဢဝ်​ၵိၼ်​ပႅတ်ႈ​ၼႂ်း​မိူဝ်ႈ​ဢၼ်​မၼ်း​ႁၼ်​လႄႈ ယိပ်း​ၵမ်​ယူႇ​ၼၼ်ႉ​ဢေႃႈ။-</verse>
				<verse number="5">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တၵ်း​ပဵၼ်​သရၽူႇ ဢၼ်​မီး​မုၼ်​မီး​ၽုင်း၊ ၶဵၼ်း​ႁူဝ် ဢၼ်​မီး​သရေႇ တီႈ​ၵူၼ်း​မၼ်း​ၸဝ်ႈ ဢၼ်​ၵိုတ်း​ဢၼ်​ၵျၢၼ်ႇ​ဝႆႉ​ၸိူဝ်း​ၼၼ်ႉ။-</verse>
				<verse number="6">ၸႂ်​ၺၢၼ်ႇ​ဢၼ်​ၸၢင်ႈ​ၸီႇ​ယၢင်ႇ​တြႃး တီႈ​ၵေႃႉ​ဢၼ်​ၸီႇ​ယၢင်ႇ​တြႃး​ၼၼ်ႉ ဢိၵ်ႇ​တင်း​ႁႅင်း​ပလႃႉ တီႈ​ၶဝ်​ၸိူဝ်း​ဢၼ်​လေႃႇ​သိုၵ်း​ၽၢင်ႈ​သိုၵ်း​ပိၼ်ႈ​ၶိုၼ်း​ၵႂႃႇ တေႃႇ​ထိုင်​ႁွတ်ႈ​ၽၵ်း​တူ​ရၢၼ်ႇ​သူႇ​ၸိူဝ်း​ၼၼ်ႉ​ဢေႃႈ။</verse>
				<verse number="7">ၼႂ်း​ဝႃႈ​ၼၼ်​သေ​ၵေႃႈ ၶဝ်​ၼၼ်ႉ​ၽိတ်း​ပိူင်ႈ​ၵွပ်ႈ​ပိူဝ်ႈ​ၼမ်ႉ​ၸပိတ်ႈ​လႄႈ ပိူင်ႈ​တၢင်း​ၵႂႃႇ​ၵွပ်ႈ​ပိူဝ်ႈ​ၼမ်ႉ​လဝ်ႈ​ၼမ်ႉ​ၵမ်​ယဝ်ႉ။ ယိတ်ႈပရေႃးႁဵၵ်ႈ ဢိၵ်ႇ​တင်း​ပရေႃးၽႅတ်ႈ ၸိူဝ်း​ၼၼ်ႉ ၽိတ်း​ပိူင်ႈ​ၵွပ်ႈ​ပိူဝ်ႈ​ၼမ်ႉ​လဝ်ႈ​ၼမ်ႉ​ၵမ်​ယဝ်ႉ။ ၸူမ်​ၵႅၼ်ႉ​လူၺ်ႈ​ၼမ်ႉ​ၸပိတ်ႈ​ယဝ်ႉ။ ပိူင်ႈ​တၢင်း​ၵႂႃႇ ၵွပ်ႈ​ပိူဝ်ႈ​ၼမ်ႉ​လဝ်ႈ​ၼမ်ႉ​ၵမ်​ယဝ်ႉ။ မီး​တၢင်း​ဢၼ်​ၽိတ်း​ပိူင်ႈ ၼႂ်း​လွင်ႈ​တၢင်း​ဢၼ်​ၶၢမ်ႇ​ပျႃႇ​တိၵ်ႈ​ၼၼ်ႉ​ယူႇ​သေ​လႄႈ မီး​တၢင်း​ဢၼ်​တိူဝ်ႉ​မႅၼ်ႈ​လႄႈ လူမ်ႉ​ၼႂ်း​တၢင်း​ဢၼ်​ၸီႇ​ယၢင်ႇ​တြႃး​ၼၼ်ႉ​ဢေႃႈ။-</verse>
				<verse number="8">ၶူင်ႇ​တီႈ​ၵိၼ်​ၶဝ်​ၵႃႈ​မီး​ၼၼ်ႉ တဵမ်​ဝႆႉ​တင်း တၢင်း​ဢၼ်​ႁၢၵ်ႈ​ဢွၵ်ႇ ဢိၵ်ႇ​တင်း တၢင်း​ဢၼ် ၵူဝ်ႈ​ဢၼ်​ၵိူၵ်ႇ တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​မီး​တီႈ​ဢၼ်​ပဝ်ႇ​ဢၼ်​လၢပ်ႈ​ဢေႃႈ။-</verse>
				<verse number="9">မၼ်း​တၵ်း​သင်ႇ​သွၼ်​ပၼ်​ပိင်ႇ​ၺႃႇ​တီႈ​ၽူႈ​လႂ်။ မၼ်း​တၵ်း​ႁႂ်ႈ​ၽူႈ​လႂ်​ႁူႉ​ၸႅင်ႈ​ၵႂၢမ်း​ဢၼ်​မၼ်း​မွၵ်ႇ​လၢတ်ႈ​ၼၼ်ႉ။ ပဵၼ်​ၶဝ်​ၸိူဝ်း​ဢၼ် ၸႃႉ​ၽၢတ်ႇ​ၼူမ်း၊ ၶဝ်​ၸိူဝ်း​ဢၼ်​ၶႅၼ်ႇ​သေ​လႄႈ ၽၢတ်ႇ​ၼူမ်း​မႄႈ​ၼၼ်ႉ​ႁိုဝ်။-</verse>
				<verse number="10">မီး​ပိင်း​ၺၢပ်ႈ​ဢၼ်​ၼိုင်ႈ​ထၢပ်ႈ​ထႅင်ႈ​ၵႃႈ​ၼိူဝ်​ဢၼ်​ၼိုင်ႈ။ ပိင်း​ၺၢပ်ႈ​ဢၼ်​ၼိုင်ႈ​ထၢပ်ႈ​ထႅင်ႈ​ၵႃႈ​ၼိူဝ်​ဢၼ်​ၼိုင်ႈ၊ ၼႄး​ဢၼ်​ၼိုင်ႈ ထၢပ်ႈ​ထႅင်ႈ ၵႃႈ​ၼိူဝ်​ဢၼ်​ၼိုင်ႈ၊ ၼႄး​ဢၼ်​ၼိုင်ႈ ထၢပ်ႈ​ထႅင်ႈ ၵႃႈ​ၼိူဝ်​ဢၼ်​ၼိုင်ႈ၊ ၵႃႈ​တီႈ​ၼႆႈ ဢိတ်း​ၼိုင်ႈ၊ ၵႃႈ​တီႈ​ၼၼ်ႈ​ဢိတ်း​ၼိုင်ႈ​လူင်​ပႄႇ။-</verse>
				<verse number="11">မၼ်း​ၸဝ်ႈ​တၵ်း​ဢဝ်​တင်း​သူပ်း​ဢၼ်​လၢတ်ႈ​ၵႂၢမ်း ဢမ်ႇ​ပီႇ​ဢိၵ်ႇ​တင်း​လိၼ်ႉ​ဢၼ်​ရိူင်း​ၼၼ်ႉ မီး​ဢမိင်ႉ​တီႈ​ၵူၼ်း​မဵဝ်း​ၼႆႉ​ဢေႃႈ။-</verse>
				<verse number="12">ပိၵ်ႉ​သမ်ႉ​မၼ်း​ၸဝ်ႈ​မီး​ဢမိင်ႉ​တီႈ​ၶဝ်​လႄႈ​ဝႃႈ၊ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ်​ၼိမ်​ဢၼ်​လီ​ဢေႃႈ။ ႁႂ်ႈ​ၵေႃႉ​ဢၼ်​ႁိူဝ်ႉ​ၸႂ် ဢူၼ်ႈ​ၸႂ်​ၼၼ်ႉ​ၼိမ်​လီ​ယူႇ​သေ​ၵမ်း​လူၺ်ႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ်​သၢၵ်ႈ​သႃႇ​ယဝ်ႉ၊ ဝႃႈ​ၼင်ႇ​ၼႆ​သေ​ၵေႃႈ ၶဝ်​ၼၼ်ႉ ဢမ်ႇ​ထွမ်ႇ​ဢမ်ႇ​ဢဝ်။-</verse>
				<verse number="13">ပိူဝ်ႈ​ၼႆ​လႄႈ​ၼုၵ်ႈၵပၢတ်ႈ ထႃႇဝရႃႉ​ၽြႃး တၵ်း​လႆႈ​ပဵၼ်​ပိင်း​ၺၢပ်ႈ​ဢၼ်​ၼိုင်ႈ ထၢပ်ႈ​ထႅင်ႈ​ၵႃႈ​ၼိူဝ်​ဢၼ်​ၼိုင်ႈ၊ ပိင်း​ၺၢပ်ႈ​ဢၼ်​ၼိုင်ႈ ထၢပ်ႈ​ထႅင်ႈ​ၵႃႈ​ၼိူဝ်​ဢၼ်​ၼိုင်ႈ၊ ၼႄး​ဢၼ်​ၼိုင်ႈ ထၢပ်ႈ​ထႅင်ႈ​ၵႃႈ​ၼိူဝ်​ဢၼ်​ၼိုင်ႈ၊ ၼႄး​ဢၼ်​ၼိုင်ႈ ထၢပ်ႈ​ထႅင်ႈ​ၵႃႈ​ၼိူဝ်​ဢၼ်​ၼိုင်ႈ၊ ၵႃႈ​တီႈ​ၼႆႈ ဢိတ်း​ၼိုင်ႈ၊ ၵႃႈ​တီႈ​ၼၼ်ႈ​ဢိတ်း​ၼိုင်ႈ တီႈ​ၶဝ် ႁႂ်ႈ​ၶဝ်​လႆႈ​ၵႂႃႇ​လႄႈ ႁွတ်ႈ​ထိုင်​တၢင်း​ဢၼ် သုတ်ႉ​ၶိုၼ်း​ယိုတ်း​ၶိုၼ်း၊ တၢင်း​ဢၼ်​ႁၵ်း​ႁဵၵ်း​လူႉ​လႅဝ်၊ တၢင်း​ဢၼ်​ထုၵ်ႇ​ၶဵၼ်း​မႅၼ်ႈ၊ တၢင်း​ဢၼ်​တီႉ​လႆႈ​ၼၼ်ႉ​ဢေႃႈ။</verse>
				<verse number="14">ပိူဝ်ႈ​ၼႆ​လႄႈ ၵူၼ်း​ဢၼ်​ၸၢင်ႈ​လႃႇ ၸၢင်ႈ​လင်​လႄႈ ပဵၼ်​ၵႄႇ​ပဵၼ်​ႁူဝ်​ၵႃႈ​ၼႂ်း​ၵူၼ်း​ဝဵင်း​ ယေႇရူႉသလႅမ်ႇ ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ဢဝ်​ၼုၵ်ႈၵပၢတ်ႈ ထႃႇဝရႃႉ​ၽြႃး​တႃႉ။-</verse>
				<verse number="15">ၵွပ်ႈ​ပိူဝ်ႈ​ဢၼ်​သူ​ၸၢင်ႈ​လၢတ်ႈ​လႄႈ​ဝႃႈ၊ ႁဝ်း​ႁဵတ်း​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​တင်း​ၶုၼ်​တၢႆ​ယဝ်ႉ။ ႁဵတ်း​မိုတ်ႈ​ႁဵတ်း​ၵိုဝ်း​ၵၼ် တင်း​မိူင်း​မရၼႃႉ​ယဝ်ႉ။ မိူဝ်ႈ​ဢၼ်​ၽေး​ဢၼ်​ထူမ်ႈ​ႁူမ်ႇ​ၼၼ်ႉ သုတ်ႉ​ၸမ်​မႃး​ၼၼ်ႉ​ၸိုင်၊ တၵ်း​ဢမ်ႇ​လႆႈ​ႁွတ်ႈ​ထိုင် ၵႃႈ​တီႈ​ဢၼ် ႁဝ်း​မီး။ ႁဝ်း​သွၼ်ႈ​ပိုင်ႈ​တီႈ​မူႉ​သႃႇ​ယူႇ​လႄႈ တဵတ်ႇ​မႅပ်ႉ​ယူႇ​ၵႃႈ​တႂ်ႈ​တၢင်း​ဢၼ်​ပႅတ်ႉ​လႅၼ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="16">ၸဝ်ႈ​ထႃႇဝရႃႉ​ၽြႃး လၢတ်ႈ​လႄႈ​ဝႃႈ၊ ၵဝ်​ဢဝ်​မၢၵ်ႇ​ႁိၼ်​ငဝ်ႈ​ႁၢၵ်ႈ​ဢၼ်​ၸၢမ်း​တူၺ်း​ဢၼ်​ဝႃႈ မၢၵ်ႇ​ႁိၼ်​ငဝ်ႈ​ႁၢၵ်ႈ​ၸဵင်ႇ တိူၵ်ႈ​မျၢတ်ႈ​ဢၼ် မၼ်ႈ​ၶိူင်ႇ​ထၼ်ႈ​ပေႃး ဢမ်ႇ​ၶွၼ်း​ၼိုင်​လႆႈ​ၼၼ်ႉ ၶျႃး​ဝႆႉ​ၵႃႈ​ၼိူဝ်​လွႆ​ ၸီႉဢုၼ်ႇ ​ဢေႃႈ။ ၵေႃႉ​ဢၼ်​ဢိင်​ပိုင်ႈ ဢၼ်​ၼၼ်ႉ​ယူႇ​ၼၼ်ႉ​ၸမ်ႉ၊ တၵ်း​ဢမ်ႇ​မီး လွင်ႈ​ဢၼ်​ၶုၼ်ႇ​ပၢႆႈ​လႅၼ်ႈ​ပၢႆႈ၊-</verse>
				<verse number="17">ၵဝ်​တၵ်း​ဢဝ်​တၢင်း​ဢၼ် တႅပ်း​တတ်း​တြႃး​ႁဵတ်း​မႆ​မီႈ တၵ်း​ဢဝ်​တၢင်း​ဢၼ်​ၸီႇ​ယၢင်ႇ သိုဝ်ႈ​သိုဝ်ႈ​တေႃႇ​တေႃႇ ႁဵတ်း​ၵၢင်း​မႅဝ်း ဢေႃႈ။ မၢၵ်ႇ​ႁဵပ်း​တၵ်း​တူၵ်း​လႄႈ ယႃႉ​ၽဵဝ်ႈ​တီႈ​ဢၼ်​သွၼ်ႈ​ပိုင်ႈ​မူႉ​သႃႇ​ၼၼ်ႉ​ပႅတ်ႈ​လႄႈ၊ ၼမ်ႉ​တၵ်း​ထူမ်ႈ​ႁူမ်ႇ​တီႈ​ဢၼ်​တဵတ်ႇ​မႅပ်ႉ ယူႇ​ၼၼ်ႉ​ပႅတ်ႈ​ဢေႃႈ။-</verse>
				<verse number="18">မိၵ်ႉသႃႇႁႃယႃႉ​ဢၼ်​သူ​ႁဵတ်း​လူၺ်ႈ​ၵၼ်​တင်း ၶုၼ်​တၢႆ​ၼၼ်ႉ တၵ်း​လူႉ​လႄႈ၊ တၢင်း​ဢၼ်​သူ​ႁဵတ်း​မိုတ်ႈ​ႁဵတ်း​ၵိုဝ်း​ၵၼ်​တင်း​မိူင်း​မရၼႃႉ​ၼၼ်ႉ ဢမ်ႇ​လႆႈ​တူၵ်း​တီႈ​တူၵ်း​လႅၼ်။ ယၢမ်း​မိူဝ်ႈ​ဢၼ်​ၽေး ဢၼ်​သုမ်ႇ​ႁူမ်ႇ​ၼၼ်ႉ​သုတ်ႉ​ၸမ်​မႃး​ၼၼ်ႉ​ၸိုင် သူ​တၵ်း​လႆႈ​ၶၢမ်ႇ​တၢင်း​ဢၼ်​မၼ်း ယဵပ်ႇ​ၶၢမ်ႈ​ၵႂႃႇ​ဢေႃႈ။-</verse>
				<verse number="19">ၶိင်ႇ​မိူဝ်ႈ​ၵႃႈ​ဢၼ်​မၼ်း​သုတ်ႉ​ၸမ်​မႃး​ၼၼ်ႉ မၼ်း​တၵ်း​ပႃး​ဢဝ်​သူ​ၵႂႃႇ​ဢေႃႈ။ ၵွပ်ႈ​ပိူဝ်ႈ​ဢၼ်​သုတ်ႉ​ၸမ်​မႃး​ယူႇ​ၵူႈ​ၼႂ် ၸႅၼ်ႇ​တၢမ်း​ၵၼ် ၵူႈ​ဝၼ်း​ၵူႈ​ၶိုၼ်း​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​လႄႈ တၢင်း​ဢၼ်​ႁူႉ​ဢၼ်​ၸႅင်ႈ​သတၢင်း​သဵင်​ၶၢဝ်ႇ​ၼၼ်ႉ တၵ်း​မီး​လွင်ႈ​ဢၼ်​လီ​တူၵ်း​ၸႂ်​ၵူၺ်း​ဢေႃႈ။-</verse>
				<verse number="20">ၵူႇ​တီႈ​ၼွၼ်း​ပွတ်း ထၼ်ႈ​ပေႃး​ဢမ်ႇ​ပေႃး​ယဵတ်ႇ​တူဝ်​ယဵတ်ႇ​ၶိင်း​လႄႈ ၽႃႈ​ဝႆ​ၵႅပ်ႈ​ထၼ်ႈ​ပေႃး ဢမ်ႇ​ပေႃး​ႁူမ်ႇ​ပေႃး​မႆ​ဢေႃႈ။-</verse>
				<verse number="21">ထႃႇဝရႃႉ​ၽြႃး တၵ်း​လုၵ်ႉ​ၸိူဝ်ႉ​ၼင်ႇ​ဢၼ်​ႁဵတ်း ၵႃႈ​ၼိူဝ်​လွႆ​ ပေႇရၸိမ်း ​ၼၼ်ႉ​လႄႈ တၵ်း​ၸႂ်​မႆႈ​ၶႆႈ​ၸႃႉ​ၸိူဝ်ႉ​ၼင်ႇ​ဢၼ်​ပဵၼ် ၵႃႈ​တီႈ​ၼႂ်း ပၢင်ႇ​ႁူၺ်ႈ​ ၵီႉပွင်ႇ ​ၼၼ်ႉ ႁႂ်ႈ​လႆႈ​ႁဵတ်း​ဢမူႉ​ၸဝ်ႈ ဢၼ်​ဝႃႈ​ဢမူႉ​ၸဝ်ႈ​ဢၼ် လၢၵ်ႇ​လၢႆး​ၼၼ်ႉ ဢိၵ်ႇ​တင်း​ႁႂ်ႈ​လႆႈ​ၵွႆ​တၢင်း​ႁဵတ်း​ၸဝ်ႈ ဢၼ်​ဝႃႈ တၢင်း​ႁဵတ်း​ၸဝ်ႈ​ဢၼ်​ယၢမ်ႈ​ႁဵတ်း​ယူႇ​သေႇ​သေႇ ဢမ်ႇ​ၸႂ်ႈ​ၼၼ်ႉ​ဢေႃႈ။-</verse>
				<verse number="22">မိူဝ်ႈ​လဵဝ်​ၼႆႉ လွင်ႈ​ၼင်ႇ​ႁိုဝ်​တၢင်း​ဢၼ်​မတ်ႉ​ဢၼ်​ၽုၵ်ႇ​သူ​ၸိူဝ်း​ၼၼ်ႉ တၵ်း​ဢမ်ႇ​လႆႈ​ပဵၼ်​ဢၼ် ယဵင်ႈ​ၶႅၼ်း​ယႂ်ႇ​ၼႃႇ​ၶိုၵ်ႉ​ၼႃႇ​ၸိုင်၊ ယႃႇ​ပေ​ဢွၼ်​ၵၼ်​ႁဵတ်း​တၢင်း​ဢၼ်​လႃႇ​ဢၼ်​လင်။ ၵဝ်​လႆႈ​ငိၼ်း​လွင်ႈ​ဢၼ်​တၢင်း​ဢၼ်​ပႄႇ​ၽဵဝ်ႈ​ပႅတ်ႈ ဢၼ်​ၸီႇ​ယၢင်ႇ​ဝႆႉ ၸွတ်ႇ​တူဝ်ႈ​ၵႃႈ​ၼိူဝ်​မိူင်း​ၸဝ်ႈ တင်း​မိူင်း​ၼၼ်ႉ​တီႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ​ယဝ်ႉ။</verse>
				<verse number="23">သူ​ဢွၼ်​ၵၼ်​ဝၢႆႇ​ႁူ​တေႃႇ​လႄႈ​ထွမ်ႇ​ငိၼ်း​သဵင်​ၵဝ်​တႃႉ။ ဢွၼ်​ၵၼ်​ႁေႈ​ႁူ​သူ​ၸူး​လႄႈ ထွမ်ႇ​ငိၼ်း​ၵႂၢမ်း​ၵဝ်​တႃႉ။-</verse>
				<verse number="24">ၵေႃႉ​ဢၼ်​ႁဵတ်း​ၼႃး​ၼၼ်ႉ ၸၢင်ႈ​ထႆ​ၼႃး​ယူႇ​ၵူႈ​ဝၼ်း​ဢမ်ႇ​ထၢတ်ႇ ႁႂ်ႈ​လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ႁိုဝ်။ မၼ်း​ၸၢင်ႈ​ယူင်း​လိၼ်​လႄႈ​တွႆႇ​ၵွၼ်ႈ​လိၼ်​လႅဝ်​ယူႇ​သေႇ​သေႇ​ႁိုဝ်။-</verse>
				<verse number="25">မၼ်း​ႁႂ်ႈ​ၼႃႈ​ၼႃး​ၽဵင်ႇ​ၵၼ်​ပဵင်း​ၵၼ်​သေ​ယဝ်ႉ၊ ဢဝ်​ၸိူဝ်ႉ​ၽၼ်း​ၸမုတ်ႈ​ဝၢၼ်ႇ​လႄႈ ဢဝ်​ၸိူဝ်ႉ​ၽၼ်း ၸီႇယႃႇ ၸၢတ်ႇ​ပိုၼ် ဢမ်ႇ​ၸႂ်ႈ​ႁိုဝ်။ မၼ်း​ၽုၵ်ႇ​ၸိူဝ်ႉ​ၽၼ်း​ၶဝ်ႈ​ၵျုင်ႇ​သႂ်ႇ​ပဵၼ်​ထႅဝ်​ပဵၼ်​ထႅဝ် ဢိၵ်ႇ​တင်း​ၸိူဝ်ႉ​ၽၼ်း​ၶဝ်ႈ မူႉ​ယေႃး​ၼႂ်း​တီႈ​ဢၼ်​မၼ်း​ၶၢၼ်း​ဝႆႉ​ၼၼ်ႉ တင်း​ၶဝ်ႈ​ပိူၵ်ႇ​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မၼ်း​ဢမ်ႇ​ၸႂ်ႈ​ႁိုဝ်။-</verse>
				<verse number="26">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​မၼ်း လၢတ်ႈ​ပၼ်​ၼႄ​ပၼ်​ဢၼ်​မၢၼ်ႇ​ဢၼ်​မႅၼ်ႈ​တီႈ​မၼ်း​လႄႈ သင်ႇ​သွၼ်​ပၼ်​မၼ်း​ဢေႃႈ။-</verse>
				<verse number="27">လွင်ႈ​မၼ်း​ၸမ်ႉ ဢမ်ႇ​ၸၢင်ႈ​ဢဝ်​ၽႅၼ်ႇ​ပႅၼ်ႈ​ၼူတ်ႈ မဵတ်ႉ​ၸမုတ်ႈ​လႄႈ ဢမ်ႇ​ၸၢင်ႈ​ဢဝ်​မၢၵ်ႇ​လေႃႉ​ၵိင်ႈ​ၵႃႈ​ၼိူဝ်​မဵတ်ႉ​ၸီႇယႃႇ။​ၸၢင်ႈ​ဢဝ်​ၶွၼ်ႉ​ၵွမ်း ပေႃႉ​ၽတ်ႉ​မဵတ်ႉ​ၸမုတ်ႈ​လႄႈ ၸၢင်ႈ​ဢဝ်​ၶွၼ်ႉ​ႁဵဝ်း​ပေႃႉ​ၽတ်ႉ​မဵတ်ႉ​ၸီႇယႃႇ​ဢေႃႈ။-</verse>
				<verse number="28">မဵတ်ႉ​ၶဝ်ႈ​ၵျုင်ႇ​ၸမ်ႉ၊ ၸၢင်ႈ​ၼူတ်ႈ​ဢဝ်​ဢေႃႈ။ ၵူၺ်း​ၵႃႈ​မၼ်း​ၸၢင်ႈ​ပေႃႉ​ၽတ်ႉ​ယူႇ​တႃႇ​သေႇ​ဢမ်ႇ​ၸႂ်ႈ။ ပိၵ်ႉ​သမ်ႉ​မၢၵ်ႇ​လေႃႉ​မၼ်း ဢိၵ်ႇ​တင်း​မႃႉ​မၼ်း ႁဵတ်း​ႁႂ်ႈ​မၢၵ်ႇ​မိူဝ်​ၵႂႃႇ​သေ​ၵေႃႈ ဢမ်ႇ​ပဵၼ်​ဢၼ်​ၼူတ်ႈ​ဢၼ်​ပေႃႉ။-</verse>
				<verse number="29">ဢၼ်​ၼႆႉ​ၸမ်ႉ၊ ပဵၼ်​မႃး​တီႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ဢၼ်​ပၼ်​တၢင်း​ၵျၢမ်ႇ​တၢင်း​ပွင်​ဢၼ်​လီ​ဢၢမ်း​ၼႃႇ ဢၼ်​မီး​ၺၢၼ်ႇ ဢၼ်​ယႂ်ႇ​မျၢတ်ႈ​ၼႃႇ​ၼၼ်ႉ​ဢေႃႈ။</verse>
			</chapter>
			<chapter number="29">
				<verse number="1">ၼႄႈ။ ၼႄႈ။ ဝဵင်း​ ဢရေႇလႃႉ ​ဢိူၺ်း၊ ဝဵင်း​ ဢရေႇလႃႉ ​ဢၼ်​ၶုၼ်​ တႃႇဝိတ်ႈ ​ၶျႃး​တီႈ​ယူႇ​ၼႆႉ​ဢိူၺ်း၊ ပီႊ​ၼိုင်ႈ ထၢပ်ႈ​ထႅင်ႈ​ၵႃႈ​ၼိူဝ်​ပီႊ​ၼိုင်ႈ​ယူႇ​တႃႉ။ ၶၢမ်ႇ​ပွႆး​ပဵၼ်​လႄႉ ပဵၼ်​ၵမ်း​ယူႇ​တႃႉ။-</verse>
				<verse number="2">ၵူၺ်း​ၵႃႈ​ၵဝ်​တၵ်း​ႁႂ်ႈ​ဝဵင်း​ ဢရေႇလႃႉ ​ၶၢၼ်​ၸႂ် ၵိၼ်း​ၸႂ်​လႄႈ၊ ပိၵ်ႉ​သမ်ႉ​မီး​တၢင်း​ဢၼ်​ငိၼ်း​ၽၢၼ် ဢိၵ်ႇ​တင်း​တၢင်း​ဢၼ်​မႆႈ​ၸႂ်​ၶီ​ၸႂ်​သေ​ၵေႃႈ တၵ်း​လႆႈ​ပဵၼ်​ၵႃႈ​တီႈ​ၽၢႆႇ​ၼႃႈ​ၵဝ် ၸိူဝ်ႉ​ၼင်ႇ​ဝဵင်း​ ဢရေႇလႃႉ ​ၼၼ်ႉ​ဢေႃႈ။-</verse>
				<verse number="3">ၵဝ်​တၵ်း​ၶျႃး​တပ်ႉ​ယူႇ​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မႂ်း​ဢေႃႈ။ တၵ်း​ဢဝ်​တႅၼ်ႈ​လိၼ်​လွမ်ႉ​ႁွပ်ႈ​မႂ်း​ဝႆႉ​လႄႈ ၶုတ်း​ႁဵတ်း​လမ်း​တပ်ႉ ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။-</verse>
				<verse number="4">မႂ်း​တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​သေ​လႄႈ ယူႇ​ၵႃႈ​ၼႂ်း​လိၼ်​လၢတ်ႈ​ဢေႃႈ။ တၵ်း​လႆႈ​ယူႇ​ၵႃႈ​ၼႂ်း​မုၼ်ႈ​လိၼ် ႁဵတ်း​သဵင်​လဵၵ်ႉ သဵင်​ဢွၼ်ႇ​သေ​လႄႈ လၢတ်ႈ​ဢွၵ်ႇ​သူပ်း​ဢေႃႈ။ သဵင်​ဢၼ်​မႂ်း​လၢတ်ႈ​ၼၼ်ႉ တၵ်း​လႆႈ​ဢွၵ်ႇ​မႃး​ၵႃႈ​ၼႂ်း​လိၼ် မိူၼ်​ၸိူဝ်ႉ​ၼင်ႇ သဵင်​ၵေႃႉ​ဢၼ် ၽီ​ၶဝ်ႈ​လၢတ်ႈ​ၼၼ်ႉ​လႄႈ မႂ်း​တၵ်း​လႆႈ​ယူႇ​ၵႃႈ​ၼႂ်း​မုၼ်ႈ​လိၼ် ႁဵတ်း​သဵင်​သေး​ဢွၼ်ႇ​သွပ်ႉ​သႅပ်ႉ​လၢတ်ႈ​ဢွၵ်ႇ​သူပ်း​ဢေႃႈ။-</verse>
				<verse number="5">ၵူၺ်း​ၵႃႈ​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​မႂ်း​ၸိူဝ်း​ၼၼ်ႉ တၵ်း​လႆႈ​ၼမ်​ၼႃႇ​ပဵၼ်​ၸိူဝ်ႉ​ၼင်ႇ​မုၼ်ႈ​လိၼ်​ဢၼ်​သေး​ဢွၼ်ႇ​ၼၼ်ႉ​လႄႈ ၶဝ်​ၸိူဝ်း​ဢၼ်​လီ​ၵူဝ်​လီ​ႁႄ​မႂ်း​ၼၼ်ႉ တၵ်း​လႆႈ​ၼမ်​ၼႃႇ​ပဵၼ်​ၸိူဝ်ႉ​ၼင်ႇ​ၵႅပ်ႇ ဢၼ်​ပိဝ်​သဵၼ်​ၵႂႃႇ​ၼၼ်ႉ​လႄႈ ဢမူႉ​တၵ်း​ၶီႉ​ၶႃႉ​ႁွတ်ႈ​ထိုင်​ၵမ်း​လဵဝ် ဢေႃႈ။-</verse>
				<verse number="6">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တၵ်း​ပႃး​ဢဝ်​တင်း တၢင်း​ဢၼ်​ၽႃႉ​လင်၊ တၢင်း​ဢၼ်​ဢိင်ႇ​သၼ်ႇ၊ တၢင်း​ဢၼ်​သဵင်​လင်​သဵင်​မေႃး၊ လူမ်း​ၽိဝ်ႇ​ႁုင်၊ ၽူၼ်​လူင်​လူမ်း​လူင်၊ ပဵဝ်​ၽႆး​ဢၼ်​မႆႈ​ၵိၼ်​ပႅတ်ႈ​ၼၼ်ႉ ၸိူဝ်း​ၼၼ်ႉ​သေ​လႄႈ ပၼ်​ဢပႅတ်ႈ​ဢေႃႈ။-</verse>
				<verse number="7">ၵူၼ်း​ဢၼ်​လုၵ်ႉ​သေ​ၵႃႈ​တီႈ ၵူႈ​သိုင်ႇ​ၵူႈ​မိူင်း​မႃး​ၼမ်​ၼႃႇ​လႄႈ တိုၵ်း​တေႃး​ဝဵင်း​ ဢရေႇလႃႉ ​ဢၼ်​ဝႃႈ ၶဝ်​ၸိူဝ်း​ဢၼ်​တိုၵ်း​တေႃး​ဝဵင်း ဢရေႇလႃႉ ဢိၵ်ႇ​တင်း​တိူၵ်ႈ​တီႈ​တိုၵ်း​သိုၵ်း​မၼ်း​လႄႈ ၼိၵ်ႈ​ၸၢၵ်ႈ​ငႅၼ်း​သႄး​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ပဵၼ်​ၸိူဝ်ႉ​ၼင်ႇ တၢင်း​ဢၼ် ၼွၼ်း​ၽၼ်​ႁၼ်​ဢၼ်​ဝႃႈ ရူႇပႃႇရူင်ႇ​ၶိင်ႇ​ၵၢင်​ၶိုၼ်း​ၼၼ်ႉ​ဢေႃႈ။-</verse>
				<verse number="8">ၵူၼ်း​ဢၼ်​လုၵ်ႉ​သေ​ၵႃႈ​တီႈ ၵူႈ​သိုင်ႇ​ၵူႈ​မိူင်း မႃး​ၼမ်​ၼႃႇ​လႄႈ တိုၵ်း​တေႃး​လွႆ​ ၸီႉဢုၼ်ႇ ​ၼၼ်ႉ ၸိူဝ်း​ၼၼ်ႉ တၵ်း​လႆႈ​ပဵၼ် ၸိူဝ်ႉ​ၼင်ႇ​ဢၼ်​ၵေႃႉ​ဢၼ်​တွင်ႉ​မႆႈ​ၼၼ်ႉ ၼွၼ်း​ၽၼ်​လႄႈ​ထၢင်ႇ​ဝႃႈ​လႆႈ​ၵိၼ်​ယဝ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊ ယၢမ်း​မိူဝ်ႈ​ဢၼ်​တိုၼ်ႇ​မႃး ၼၼ်ႉ​ၸိုင် တၢင်း​ဢၼ် တွင်ႉ​မႆႈ​မၼ်း​ဢမ်ႇ​ပေႇ​ဢမ်ႇ​ႁၢႆ​ၼၼ်ႉ ဢိၵ်ႇ​တင်း​ၸိူဝ်း​ဢၼ် ၵေႃႉ​ဢၼ်​ယၢၵ်ႇ​ၼမ်ႉ​ၼၼ်ႉ ၼွၼ်း​ၽၼ်​လႄႈ​ထၢင်ႇ​ဝႃႈ​လႆႈ​ၵိၼ်​ယဝ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊ ယၢမ်း​မိူဝ်ႈ​ဢၼ် တိုၼ်ႇ​မႃး​ၼၼ်ႉ​ၸိုင်၊ မီး​တၢင်း​ဢၼ်​ဢူၼ်ႈ​ဢွၼ်ႇ​ယူႇ၊ ဢွၵ်ႇ​ၸႂ်​ယူႇ​ၼၼ်ႉ​ဢေႃႈ။</verse>
				<verse number="9">ဢွၼ်​ၵၼ်​ၶၢႆႉ​မိုဝ်ႉ​ၶၢႆႉ​ဝၼ်း​လႄႈ ဢၢမ်း​ၼႃႇ​တႃႉ။ မူၼ်ႈ​ပျေႃႇ​လႄႈ​တႃ​မွတ်ႇ​ယူႇ​တႃႉ။ ၶဝ်​ယင်း​ဢမ်ႇ​သူတ်ႉ​ၼမ်ႉ​ၸပိတ်ႈ​လႄႈ မီး​တၢင်း​ဢၼ်​မဝ်း​ယူႇ​ဢေႃႈ။ ၶဝ်​ယင်း​ဢမ်ႇ​ၵိၼ်​လဝ်ႈ​မဝ်း​ၵမ်​လႄႈ မီး​တၢင်း​ဢၼ်​ဝၢင်ႇ​ဝီႈ​ဝၢင်ႇ​ဝိူဝ်ႈ​ယူႇ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ ထႃႇဝရႃႉ​ၽြႃး၊ ဢဝ်​သၽေႃး​ဢၼ်​ၶႆႈ​ၼွၼ်း​သႂၢင်း​သႂ်ႇ​ပၼ်​တီႈ​သူ​လႄႈ ဢိုတ်း​မၢၵ်ႇ​တႃ​သူ​ဢၼ်​ဝႃႈ ပရေႃးၽႅတ်ႈ​တင်း​လၢႆ​ၼၼ်ႉ​ဝႆႉ​ယဝ်ႉ။ ႁူမ်ႇ​သုမ်ႇ​ၵူၼ်း​ဢၼ်​ပဵၼ်​ႁူဝ်​သူ​ဢၼ်​ဝႃႈ ၵူၼ်း​ဢၼ်​ႁူ​ပွင်ႇ​တႃ​လႅင်း​တင်း​လၢႆ​ၼၼ်ႉ​ဝႆႉ​ယဝ်ႉ။-</verse>
				<verse number="11">ပျႃႇ​တိၵ်ႈ​ၸဝ်ႈ​ၵႃႈ​မီး​ၼၼ်ႉ ပဵၼ်​တီႈ​သူ​မိူၼ်​ၸိူဝ်ႉ​ၼင်ႇ ၽိုၼ်​လိၵ်ႈ​ဢၼ်​တွၵ်ႇ​တၼ်း​သိၵ်ႈ ဢၼ်​ဢဝ်​ပၼ်​တီႈ​ၵေႃႉ​ဢၼ် မေႃ​လိၵ်ႈ​လႄႈ လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ၽတ်း​လိၵ်ႈ​ၼႆႉ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၸင်ႇ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဢမ်ႇ​ၽတ်း​လႆႈ။ မီး​တၢင်း​ဢၼ်​တွၵ်ႇ​တၼ်း​သိၵ်ႈ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="12">သမ်ႉ​ဢဝ်​ၽိုၼ်​လိၵ်ႈ​ၼၼ်ႉ ပၼ်​တီႈ​ၵေႃႉ​ဢၼ်​ဢမ်ႇ​မေႃ​လိၵ်ႈ​လႄႈ လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ၽတ်း​လိၵ်ႈ​ၼႆႉ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ​ၸၢင်ႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဢမ်ႇ​မေႃ​လိၵ်ႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="13">ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ၵူၼ်း​မဵဝ်း​ၼႆႉ​ဢဝ်​တင်း​သူပ်း​သုတ်ႉ​ၸပ်း​သုတ်ႉ​ၸူး​တီႈ​ၵဝ်​လႄႈ ဢဝ်​တင်း​သီႇ​သူပ်း ရူဝ်ႇ​သေႇ​ၵူဝ်​ယမ်​ၵဝ်​ဢေႃႈ။ ၵူၺ်း​ၵႃႈ ႁူဝ်​ၸႂ်​ၶဝ်​ၵႆ​ၵၼ်​တင်း​ၵဝ်​ဢေႃႈ။ တၢင်း​ဢၼ်​ၶဝ်​ၵူဝ်​ႁႄ​ၵဝ်​ၼၼ်ႉ ပဵၼ်​ပိင်း​ၺၢပ်ႈ​ၵူၼ်း​ဢၼ် ၸီႇ​ယၢင်ႇ သွၼ်​ပၼ်​တီႈ​ၶဝ်​ၼၼ်ႉ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ ၵဝ်​တၵ်း​သမ်ႉ​ႁဵတ်း​ဢမူႉ​ဢၼ်​လီ​ဢၢမ်း​ၼႃႇ ဢၼ်​ဝႃႈ​ဢမူႉ​ဢၼ်​လီ​ဢၢမ်း​ၼႃႇ​လႄႈ လီ​ၵူဝ်​လီ​ႁႄ​ၼၼ်ႉ တီႈ​ၵူၼ်း​မဵဝ်း​ၼႆႉ​ထႅင်ႈ လူး​ၵွၼ်ႇ​ဢေႃႈ။ ပိင်ႇ​ၺႃႇ​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ ၵႃႈ​ၼႂ်း​ၶဝ်​ၼၼ်ႉ တၵ်း​လူႉ​လႅဝ်​လႄႈ ၺၢၼ်ႇ​ၶဝ်​ၸိူဝ်း​ဢၼ် ၺၢၼ်ႇ​လီ​ၼၼ်ႉ​ၵေႃႈ တၵ်း​လပ်ႉ​ႁၢႆ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ၶဝ်​ၸိူဝ်း​ဢၼ် ၵျၢမ်ႇ​ပွင်​လိုၵ်ႉ​လိုၵ်ႉ​လမ်ႇ​လမ်ႇ ႁႂ်ႈ​လႆႈ​သိူင်ႇ​မႅပ်ႉ​တၢင်း​ၵျၢမ်ႇ​တၢင်း​ပွင်​ၶဝ်​သေ​ၵႃႈ​တီႈ ထႃႇဝရႃႉ​ၽြႃး​လႄႈ ႁဵတ်း​သၢင်ႈ​ယူႇ ၵႃႈ​ၼႂ်း​ဢၼ်​လပ်း​သိင်ႇ​သေ​လႄႈ လၢတ်ႈ​လႄႈ​ဝႃႈ၊ ၽူႈ​လႂ်​တၵ်း​ႁၼ်​ႁဝ်း။ ၽူႈ​လႂ်​တၵ်း​ႁူႉ​ႁဝ်း၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="16">သူ​ဢွၼ်​ၵၼ်​ဢဝ်​ၵူႈ​ၸိူဝ်ႉ​ၵူႈ​ပိူင် ပိၼ်ႈ​ၽူၼ်​ၵႂႃႇ​ယဝ်ႉ​လူင်​ပႄႇ။ တၵ်း​လႆႈ​မၢတ်ႈ​ၵေႃႉ​ဢၼ်​ႁဵတ်း​မေႃႈ​ၼၼ်ႉ ပဵၼ်​ၸိူဝ်ႉ​ၼင်ႇ လိၼ်​မေႃႈ​ႁိုဝ်။ ၶိူင်ႈ​ပိူင်​ဢၼ်​ႁဵတ်း​ဝႆႉ​ၼၼ်ႉ တၵ်း​လၢတ်ႈ​လူၺ်ႈ​လွင်ႈ​ၵေႃႉ​ဢၼ်​ၸၢင်ႈ​ႁဵတ်း​မၼ်း​ၼၼ်ႉ​လႄႈ​ဝႃႈ၊ ၵေႃႉ​ၼႆႉ​ဢမ်ႇ​ႁဵတ်း​ၵဝ်​ၵူၺ်ႉ၊ ဝႃႈ​ၼင်ႇ​ၼႆ​ႁိုဝ်။ ၶိူင်ႈ​ပိူင်​ဢၼ်​ႁဵတ်း​ပဵၼ်​ၼၼ်ႉ တၵ်း​လၢတ်ႈ​လူၺ်ႈ​လွင်ႈ ၵေႃႉ​ဢၼ်​ၸၢင်ႈ​ႁဵတ်း​မၼ်း​ၼၼ်ႉ​လႄႈ​ဝႃႈ၊ ၵေႃႉ​ၼႆႉ​ဢမ်ႇ​မီး​ပိင်ႇ​ၺႃႇ​တၢင်း​ဢၼ်​ၸၢင်ႈ​ဢၼ်​မေႃ​ၵူၺ်ႉ၊ ဝႃႈ​ၼင်ႇ​ၼႆ​ႁိုဝ်။-</verse>
				<verse number="17">ၶိင်ႇ​မိူဝ်ႈ​ဢၼ် လွႆ​ လေႇပၼုၼ်ႇ တၵ်း​လႆႈ​ပဵၼ်​ၸိူဝ်ႉ​ၼင်ႇ ပၢင်ႇ​တူင်ႈ​ႁႆႊ​တူင်ႈ​ၼႃး ဢၼ်​မၢၵ်ႇ​ၼမ်ႉ​ႁူင်း​ၼမ်ႉ​ၼၼ်ႉ​လႄႈ ပၢင်ႇ​တူင်ႈ​ႁႆႊ​ၼႃး​ဢၼ်​မၢၵ်ႇ​ၼမ်ႉ​ႁူင်း​ၼမ်ႉ​ၼၼ်ႉ တၵ်း​လႆႈ​ပဵၼ်​ၸိူဝ်ႉ​ၼင်ႇ ပႃႇ​မႆႉ​ပႃႇ​ၸိင်​ၼၼ်ႉ ၸမ်​မႃး​ယဝ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="18">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ၶဝ်​ၸိူဝ်း​ဢၼ်​ႁူ​ၼူၵ်ႇ​ၼၼ်ႉ တၵ်း​လႆႈ​ငိၼ်း​ၵႂၢမ်း​ၵျၢမ်း​လိၵ်ႈ​လႄႈ ၶဝ်​ၸိူဝ်း​ဢၼ်​တႃ​မွတ်ႇ​ၼၼ်ႉ​တၵ်း​ယူႇ​ၵႃႈ​ၼႂ်း​တၢင်း​ဢၼ်​ၽိူမ်​ဢၼ်​မူဝ်း​ဢိၵ်ႇ​တင်း တၢင်း​ဢၼ်​လပ်း​သိင်ႇ​သေ​လႄႈ​ႁၼ်​ဢေႃႈ။-</verse>
				<verse number="19">ၶဝ်​ၸိူဝ်း​ဢၼ်​ႁူဝ်​ၸႂ်​ၶျႃး​တႅမ်ႇ​ၼၼ်ႉ တၵ်း​ႁႂ်ႈ​တၢင်း​ဢၼ်​ၶဝ်​ၸူမ်း​သိူဝ်း​ယူႇ​ၼႂ်း ထႃႇဝရႃႉ​ၽြႃး​ၼၼ်ႉ ယႂ်ႇ​ၽႄႈ​တူဝ်း​တွၼ်း​မႃး လႄႈ ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼႂ်း​ၵူၼ်း​တင်း​လၢႆ​ၼၼ်ႉ တၵ်း​ဢွၼ်​ၵၼ်​သႂၢင်ႇ​သိူဝ်း​ယူႇ​ၼႂ်း​ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="20">လွင်ႈ​မၼ်း​ၸမ်ႉ ၵေႃႉ​ဢၼ်​လီ​ၵူဝ်​လီ​ႁႄ​ၼၼ်ႉ လႆႈ​သုမ်း​လႆႈ​ၸွမ်း​ၵႂႃႇ​လႄႈ ၵေႃႉ​ဢၼ်​လႃႇ​လင်​ၼၼ်ႉ လႆႈ​ႁၢႆ​ၵႂႃႇ ဢေႃႈ။ ၶဝ်​ၵႃႈ​ဢၼ်​လွမ်​ႁႃ​လွမ်​တူၺ်း​ဢပႅတ်ႈ​ပိူၼ်ႈ၊-</verse>
				<verse number="21">ဢၼ်​ႁႂ်ႈ​ၵေႃႉ​ဢၼ်​ထူပ်း​တြႃး​ၼၼ်ႉ​ႁွတ်ႈ​ထိုင်​ဢပႅတ်ႈ၊ ဢၼ်​ႁဵတ်း​ႁႂ်ႈ​ၸဝ်ႈ​ဢမူႉ​ၵႃႈ​ၼႂ်း​ႁူး​ၽၵ်း​တူ​ဝဵင်း​ၼၼ်ႉ ထုၵ်ႇ​ၶဵၼ်း​မႅၼ်ႈ၊ ဢၼ်​ဢဝ်​တင်း​တၢင်း​ဢၼ်​ဢမ်ႇ​တြႃး ႁႂ်ႈ​ၶဝ်​ၸိူဝ်း​ဢၼ်​ဢမ်ႇ​မီး​ဢပႅတ်ႈ​ၼၼ်ႉ သုမ်း​ၼၼ်ႉ ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ် ပႄႇ​ၽဵဝ်ႈ​ပႅတ်ႈ​ဢေႃႈ။-</verse>
				<verse number="22">ပိူဝ်ႈ​ၼႆ​လႄႈ ထႃႇဝရႃႉ​ၽြႃး ဢၼ်​ထုၵ်ႇ​ၼုၵ်ႈ​ဢဝ် မဵဝ်း​ ဢႃႇပြႃႇႁၢမ်ႇ ​ၼၼ်ႉ မီး​ဢမိင်ႉ​လူၺ်ႈ​လွင်ႈ​မဵဝ်း​ ယႃႇၵုပ်ႈ ​ၸမ်ႉ၊မဵဝ်း​ ယႃႇၵုပ်ႈ ​ၼၼ်ႉ ၵမ်း​လိုၼ်း​ဢမ်ႇ​လႆႈ​မီး​တၢင်း​ဢၼ်​ဢူၵ်း​ဢၼ်​ဢၢႆ။ တၢင်း​ဢၼ်​ၼႃႈ​လူႉ​ၼႃႈ​ႁဵတ်း။-</verse>
				<verse number="23">ၼႂ်း​မိူဝ်ႈ​ဢၼ်​မၼ်း​ႁၼ် လုၵ်ႈ​မၼ်း​လၢင်း​မၼ်း​ဢၼ်​မိုဝ်း​ၵဝ်​ႁဵတ်း ဝႆႉ​ၸိူဝ်း​ၼၼ်ႉ​ၵႃႈ​ၼႂ်း​ၵႄႈ​ၵၢင်​မၼ်း​ၼၼ်ႉ​ၸိုင်၊ ၶဝ်​တၵ်း​ဢွၼ်​ၵၼ် ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၶဝ်​မူတ်း​ၸၢင်ႇ​ဢေႃႈ။ ၶဝ်​တၵ်း​ဢွၼ်​ၵၼ်​ႁႂ်ႈ ၽြႃး​ဢၼ်​မူတ်း​ၸၢင်ႇ​မဵဝ်း​ ယႃႇၵုပ်ႈ ​ၼၼ်ႉ မူတ်း​ၸၢင်ႇ​လႄႈ ၵူဝ်​ႁႄ​ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="24">ၶဝ်​ၸိူဝ်း​ဢၼ်​ၸႂ်​သၽေႃး​ပိူင်ႈ​ၵႂႃႇ​ၼၼ်ႉ တၵ်း​ဢွၼ်​ၵၼ်​လႆႈ​ပိင်ႇ​ၺႃႇ​သတီႉ​လႄႈ ၶဝ်​ၸိူဝ်း​ဢၼ်​ၶတ်း​ၶႅင်ႇ​ႁႅင်း​တႃႉ​ၼၼ်ႉ ၵေႃႈ တၵ်း​ဢွၼ်​ၵၼ်​ထွမ်ႇ​ဢဝ်​ၵႂၢမ်း​သုင်း​မႃႉ​ဢေႃးဝႃႇတႃႉ​ဢေႃႈ။</verse>
			</chapter>
			<chapter number="30">
				<verse number="1">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း​မဵဝ်း​ဢၼ်​ပုင်ႇ​ၵၢၼ်ႇ​ၸိူဝ်း​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ ၶဝ်​ၼၼ်ႉ ယင်း​ဢမ်ႇ​ဢိင်​ၵဝ် သေ​လႄႈ တိူင်ႇ​ပၢင်ႇ​လၢတ်ႈ​ၸႃ​ၵၼ်​ယူႇ​ဢေႃႈ။ ၶဝ်​ယင်း​ဢမ်ႇ​မီး​ဢၶႂၢင်ႉ​ဝီႉၺိၺ်ႇ​ၵဝ်​လႄႈ တေႃး​ႁုၵ်ႇ​တမ်ႇ​ၵၢမ်း​ပဵၼ်​ဢၼ်​လဵဝ်​ၵၼ် ႁႂ်ႈ​လႆႈ​ဢဝ်​ဢပႅတ်ႈ​ထၢပ်ႈ​သႂ်ႇ​ထႅင်ႈ​ယူႇ​တိၵ်း​တိၵ်း​ဢေႃႈ။-</verse>
				<verse number="2">ၶဝ်​ယင်း​ဢမ်ႇ​လဝ်ႊ​ယွၼ်း​ဢဝ်​ဢၶႂၢင်ႉ ဢၼ်​ဢွၵ်ႇ​သူပ်း​ၵဝ်​လႄႈ ဢွၼ်​ၵၼ်​လူင်း​ၸူး​ၵႃႈ​တီႈ​မိူင်း​ ဢေႇၵိပ်ႉတူႉ ႁႂ်ႈ​လႆႈ​ဢိင်​ပိုင်ႈ မုၼ်​ၽုင်း​ၶုၼ်​ ၽႃႇရေႃး ​လႄႈ သွၼ်ႈ​ပိုင်ႈ​ယူႇ​ၼႂ်း​ႁူမ်ႈ ဢေႇၵိပ်ႉတူႉ ​ၼၼ်ႉ​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ တၢင်း​ဢၼ်​သူ​ဢိင်​ပိုင်ႈ​မုၼ်​ၽုင်း​ၶုၼ်​ ၽႃႇရေႃး ​ၼၼ်ႉ တၵ်း​ပဵၼ်​တၢင်း​ဢၼ်​ဢူၵ်း​ဢၼ်​ဢၢႆ တီႈ​သူ​လႄႈ တၢင်း​ဢၼ်​သူ​သွၼ်ႈ​ပိုင်ႈ​ယူႇ​ၼႂ်း​ႁူမ်ႈ ဢေႇၵိပ်ႉတူႉ ​ၼၼ်ႉ တၵ်း​ပဵၼ်​တၢင်း​ဢၼ်​ၼႃႈ​လူႉ​တီႈ​သူ​ဢေႃႈ။-</verse>
				<verse number="4">ၶုၼ်​မၼ်း​ၸိူဝ်း​ၼၼ်ႉ ဢွၼ်​ၵၼ်​မီး​ယူႇ​ၵႃႈ​တီႈ​ဝဵင်း​ ၸေႃးၼႃႉ ​ယဝ်ႉ။ သၢၼ်ႇတမၢၼ်ႇ​မၼ်း​ၸိူဝ်း​ၼၼ်ႉ ဢွၼ်​ၵၼ်​ႁွတ်ႈ​ထိုင်​ၵႃႈ​တီႈ​ဝဵင်း​ ႁႃၼိတ်ႉ ​ယဝ်ႉ။-</verse>
				<verse number="5">ၶဝ်​ၵႃႈ​မီး​ၼၼ်ႉ တၵ်း​ဢွၼ်​ၵၼ်​ဢူၵ်း​ဢၢႆ​လူၺ်ႈ​လွင်ႈ​ၵူၼ်း​မဵဝ်း​ဢၼ် ယင်း​ဢမ်ႇ​ၶဝ်ႈ​ဢသုင်း​ဢသွင်ႇ၊ ဢမ်ႇ​ပၼ်​ဢၼ်​ၸွႆႈ​ဢၼ်​ထႅမ်၊ ဢမ်ႇ​ႁဵတ်း​ၵျေး​ၸူး​လႆႈ​လႄႈ ပဵၼ်​လွင်ႈ​ဢၼ်​လီ​ဢူၵ်း​လီ​ဢၢႆ ဢိၵ်ႇ​တင်း​လွင်ႈ​ဢၼ် သရေႇလူႉ​ၵူၺ်း​ၼၼ်ႉ​ဢေႃႈ။-</verse>
				<verse number="6">ပျႃႇ​တိၵ်ႈ​ၸဝ်ႈ​လူၺ်ႈ​လွင်ႈ​တရိၵ်ႈသၢၼ်ႇ ၵႃႈ​ၼႂ်း​မိူင်း​ပွတ်း​တၢင်း​ၸၢၼ်း​ၼၼ်ႉ​ၸမ်ႉ၊ ၵႃႈ​ၼႂ်း​မိူင်း​ဢၼ်​ယၢပ်ႇ​ၽိုတ်ႇ​လႄႈ​ယၢၵ်ႈ​ၽၢၼ်​တီႈ​ဢၼ်​သၢင်ႇ​သီႈ​လူင်​သၢင်ႇ​သီႈ​ၼုမ်ႇ၊ ငူး​ႁၢႆႉ၊ ငူး​ၽႆး ဢၼ်​ၸၢင်ႈ​မိၼ်​တင်း​လၢႆ​မီး​ၼၼ်ႉ ၶဝ်​ဢွၼ်​ၵၼ်​ဢဝ်​ဢုၵ်ႉ​ၸႃႇ​ၸေး​ၸိမ်ႇ​ၶဝ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​မႃႇ လီႈ​ၼုမ်ႇ​လီႈ​ၵမ်​တင်း​လၢႆ​လႄႈ ဢဝ်​ၽၼ်ႇတႃႇ​ၶဝ်​ၼမ်​ၼႃႇ​တၢင်ႇ​သႂ်ႇ ၵႃႈ​ၼိူဝ်​ၼွၵ်ႇ​ၵလႃးဢုၵ်ႉ တင်း​လၢႆ​သေ​လႄႈ ၵႂႃႇ​ၸူး​ၵႃႈ​တီႈ​ၵူၼ်း​မဵဝ်း ဢၼ်​ဢမ်ႇ​ႁဵတ်း​ၵျေး​ၸူး​တီႈ​ၶဝ်​လႆႈ​ၼၼ်ႉ​လူင်​ပႄႇ။-</verse>
				<verse number="7">မိူင်း​ ဢေႇၵိပ်ႉတူႉ ​ၼၼ်ႉ ယင်း​ဢမ်ႇ​ပၼ်​ဢၵျူဝ်း​လႆႈ​လႄႈ ၸွႆႈ​ထႅမ်​မႃႉ​ၸႃႉ​လၢႆ​လၢႆ​လွၵ်ႇ​လွၵ်ႇ​ၵူၺ်ႉ။ ပိူဝ်ႈ​ၼႆ​လႄႈ ၵဝ်​တၵ်း​ႁွင်ႉ​ႁဵၵ်ႈ​ၸိုဝ်ႈ​မၼ်း ရႃႇၶပ်ႉ ဢၼ်​ယင်း​ဢမ်ႇ​တူင်ႉ​ဢမ်ႇ​ၼိုင်​လႄႈ ယူႇ​ၼၼ်ႉ​ဢေႃႈ။</verse>
				<verse number="8">တေႃႈ​လဵဝ်​ၼႆႉ​လွင်ႈ​ဢၼ်​တၵ်း​လႆႈ​ၵႂႃႇ​လႄႈ တႅမ်ႈ​သႂ်ႇ​ဝႆႉ​ၵႃႈ​ၼႂ်း​သၢင်ႇ​ပုၼ်း​ၵႃႈ​တီႈ​ၽၢႆႇ​ၼႃႈ​ၶဝ်၊ လွင်ႈ​ဢၼ်​တၵ်း​လႆႈ​ၸႅၼ်ႇ​လိၵ်ႈ သေ​လႄႈ မၢတ်ႈ​မၢႆ​ဝႆႉ ႁႂ်ႈ​လႆႈ​တႄႇ​ယူႇ​ၶိင်ႇ​ၵႃႇလႃႉ​ၵမ်း​လိုၼ်း သိုပ်ႇ​သိုပ်ႇ​တၢမ်း​တၢမ်း တႃႇ​သေႇ​ဢမ်ႇ​ထၢတ်ႇ​ၼၼ်ႉ​ၸမ်ႉ၊-</verse>
				<verse number="9">ၵူၼ်း​မဵဝ်း​ၼႆႉ​ပဵၼ်​မဵဝ်း​ဢၼ်​ၸၢင်ႈ​ပုင်ႇ​ၵၢၼ်ႇ၊ မဵဝ်း​ဢၼ်​ၸၢင်ႈ​သုင်း​မူႉ​သႃႇ၊ မဵဝ်း​ဢၼ်​ဢမ်ႇ​မီး​ဢလူဝ်ႇ​ၶႂ်ႈ​ထွမ်ႇ​ဢဝ်​တြႃး ထႃႇဝရႃႉ​ၽြႃး​လႄႈ၊-</verse>
				<verse number="10">ၸၢင်ႈ​လၢတ်ႈ​တီႈ​ၵူၼ်း​ဢၼ် ႁူ​ပွင်ႇ​တႃ​လႅင်း​တင်း​လၢႆ​လႄႈ​ဝႃႈ၊ ယႃႇ​ပေ​ႁၼ်​သေ​ၵမ်း၊ ဝႃႈ​ၼင်ႇ​ၼႆ​လႄႈ ၸၢင်ႈ​လၢတ်ႈ​တီႈ ပရေႃးၽႅတ်ႈ​တင်း​လၢႆ​လႄႈ​ဝႃႈ၊ ယႃႇ​ပေ​ဢဝ်​ၵႂၢမ်း​ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ ႁေႃး​ပၼ်​တီႈ​ႁဝ်း​သေ​ၵမ်း၊ လၢတ်ႈ​ၵႂၢမ်း​ဢၼ်​ၶျေႃး​ဝွၼ်း ၼၼ်ႉ​ၵူၺ်း​သေ​ၵမ်း။ ဢဝ်​ၵႂၢမ်း​ဢၼ်​ပႅတ်ႉ​လႅၼ်​ၼၼ်ႉ​ႁေႃး​ပၼ်​သေ​ၵမ်း။-</verse>
				<verse number="11">ဝႄႈ​ပိူင်ႈ​သဵၼ်ႈ​တၢင်း​သေ​ၵမ်း။ ငႅၵ်း​ဢွၵ်ႇ​သေ​ၵႃႈ​ၼႂ်း​ႁွႆး​တၢင်း​ၼၼ်ႉ​သေ​ၵမ်း။ ႁႄႉ​ၵင်ႈ​ႁႄႉ​လပ်ႉ​ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၼၼ်ႉ သေ​ၵႃႈ​တီႈ​ၽၢႆႇ​ၼႃႈ​ႁဝ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​သူ​ပႄႇ​ပႅတ်ႈ​ၼုၵ်ႈၵပၢတ်ႈ​ၸဝ်ႈ သေ​လႄႈ သွၼ်ႈ​ပိုင်ႈ​ၸပ်း​ၸွမ်း​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး တၢင်း​ဢၼ်​ၸႂ်​ၵူတ်ႉ​ၸႂ်​ငေႃး ၼၼ်ႉ​လႄႈ၊-</verse>
				<verse number="13">ဢပႅတ်ႈ​သူ​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ႁွႆး​တႅၵ်ႇ​ႁွႆး​လူႉ​လမ်း​ဢုတ်ႇ​ဢၼ်​ၸမ်​တၵ်း​ၵိူၼ်ႇ​တူၵ်း​ပင်း​တူၵ်း၊ ဢၼ်​ငၢၵ်ႈ​ဢွၵ်ႇ ၵွင်ႇ​ဢွၵ်ႇ ဢမ်ႇ​ပဵင်း​ဢမ်ႇ​ၽဵၼ်ႈ ၵႃႈ​တီႈ​ၽႃ​ဢုတ်ႇ​ဢၼ်​သုင်​ၼၼ်ႉ​လႄႈ တၢင်း​ဢၼ်​မၼ်း​ပင်း​လူႉ​ၼၼ်ႉ တၵ်း​ၶီႉ​ၶႃႉ​ပဵၼ်​ၵမ်း​လဵဝ်​ၼၼ်ႉ​ဢေႃႈ။-</verse>
				<verse number="14">တၵ်း​လႆႈ​တႅၵ်ႇ ၸိူဝ်ႉ​ၼင်ႇ​ဢၼ်​မေႃႈ​လိၼ်​တႅၵ်ႇ​ၼၼ်ႉ​လႄႈ ယင်း​ဢမ်ႇ​မီး​တၢင်း​ဢၼ်​သေ​လၢႆ​လႄႈ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တႅၵ်ႇ​ပႅတ်ႈ​ထၼ်ႈ​ပေႃး ဢမ်ႇ​လႆႈ​ထူပ်း​လႆႈ​ႁၼ်​ၽၢၵ်ႇ​မေႃႈ​ပုၼ်ႈ​ဢၼ် တၵ်း​ၸေႃႉ​ဢဝ်​ထၢၼ်ႇ​ၽႆး ၵႃႈ​ၼႂ်း​ၽီး​ၽႆး ဢိၵ်ႇ​တင်း​ပုၼ်ႈ​ဢၼ် တၵ်း​တဵၵ်း​ၼမ်ႉ​ၵႃႈ​ၼႂ်း ၼမ်ႉ​ၼွင်​ၼၼ်ႉ​သေ​ၽၢၵ်ႇ​သေ​ဢၼ်​ၼၼ်ႉ​ဢေႃႈ။-</verse>
				<verse number="15">ၸဝ်ႈ​ထႃႇဝရႃႉ​ၽြႃး၊ ၽြႃး​ဢၼ်​မူတ်း​ၸၢင်ႇ​မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ သူ​တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် ၼႂ်း​တၢင်း​ဢၼ်​ၶၢႆႉ​ပုတ်ႈ ဢိၵ်ႇ​တင်း ၼႂ်း​တၢင်း​ဢၼ်​ယူႇ​ၼိမ်​ၼိမ်​လီ​လီ​ၼၼ်ႉ​လႄႈ တၵ်း​လႆႈ​တၢင်း​ၵတ်ႉ​တၢင်း​ၶၼ် ဢဵၼ်​ႁႅင်း​ၼႂ်း​တၢင်း​ဢၼ် ယူႇ​ၼိမ်​ၼိမ်​လီ​လီ ဢိၵ်ႇ​တင်း တၢင်း​ဢၼ်​ယုမ်ႇ​မၢတ်ႈ​ၼၼ်ႉ​ဢေႃႈ။ ၵူၺ်း​ၵႃႈ​သူ​ဢမ်ႇ​မီး​ဢလူဝ်ႇ​ၶႂ်ႈ​လႆႈ ၸိူဝ်ႉ​ၼင်ႇ​ၼၼ်။-</verse>
				<verse number="16">သူ​ဢွၼ်​ၵၼ်​လၢတ်ႈ​လႄႈ​ဝႃႈ၊ ႁဝ်း​ဢမ်ႇ​ယူႇ​ၸိူဝ်ႉ​ၼင်ႇ​ၼၼ်။ တၵ်း​ၶီႇ​မႃႉ​သေ​လႄႈ ဢွၵ်ႇ​ပၢႆႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ သူ​တၵ်း​လႆႈ​ဢွၼ်​ၵၼ်​ဢွၵ်ႇ​ပၢႆႈ​ဢေႃႈ။ သူ​ဢွၼ်​ၵၼ်​လၢတ်ႈ​လႄႈ​ဝႃႈ၊ ႁဝ်း​တၵ်း​ၶီႇ​တူဝ်​ဢၼ်​ၶၼ်​ဢၼ်​ၽႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ ၶဝ်​ၸိူဝ်း​ဢၼ်​လိုပ်ႈ​ၸွမ်း​လမ်း​ၸွမ်း​သူ​ၼၼ်ႉ တၵ်း​ၶၼ်​ၽႂ်း​ဢေႃႈ။-</verse>
				<verse number="17">သူ​ႁဵင်​ၼိုင်ႈ တၵ်း​လႆႈ​ဢွၵ်ႇ​ပၢႆႈ ၵွပ်ႈ​ပိူဝ်ႈ​တၢင်း​ဢၼ်​ၵူၼ်း​ၵေႃႉ​ၼိုင်ႈ လွၵ်ႇ​ငိုတ်ႈ​ၼၼ်ႉ​လႄႈ သူ​ၼမ်​ၼႃႇ​တၵ်း​ဢွၵ်ႇ​ပၢႆႈ​ၵွပ်ႈ​ပိူဝ်ႈ ဢၼ် ၵူၼ်း​ႁႃႈ​ၵေႃႉ လွၵ်ႇ​ငိုတ်ႈ​ၼၼ်ႉ​တေႃႇ​ထိုင်​ႁွတ်ႈ​ထၼ်ႈ​ပေႃး ႁႂ်ႈ​သူ​လႆႈ​ပဵၼ်​ၸိူဝ်ႉ​ၼင်ႇ သဝ်​မၢတ်ႈ သဝ်​တွင်း​ဢၼ်​ပူၵ်း​ဝႆႉ ၵႃႈ​ၼိူဝ်​ပၢႆ​လွႆ​ၸိၵ်း​လွႆ ဢိၵ်ႇ​တင်း​ၸိူဝ်ႉ​ၼင်ႇ​လၢမ်ႇ ဢၼ်​ပူၵ်း​ဝႆႉ​ၵႃႈ​ၼိူဝ်​လွႆ​ၼိူဝ်​ၵုင်း​ၼၼ်ႉ​ဢေႃႈ။-</verse>
				<verse number="18">ၵူၺ်း​ၵႃႈ ထႃႇဝရႃႉ​ၽြႃး တၵ်း​မုင်ႈ​မွင်း​ယူႇ ႁႂ်ႈ​လႆႈ​ႁဵတ်း​ၵျေး​ၸူး တီႈ​သူ​လႄႈ ၶၢမ်ႇ​တၢင်း​ဢၼ်​ယုၵ်ႉ​ယွင်ႈ​ႁႂ်ႈ​လႆႈ​ႁဵတ်း​ၵရူႉၼႃႇ တီႈ​သူ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ပဵၼ်​ၽြႃး​ပဵၼ်​ၸဝ်ႈ ဢၼ်​ၸွမ်း​တြႃး​ဢေႃႈ။ ၶဝ်​ၸိူဝ်း​ဢၼ်​မုင်ႈ​မွင်း​မၼ်း​ၸဝ်ႈ​ယူႇ​ၵႃႈ​မီး တင်း​သဵင်ႈ​တင်း​လူင်​ၼၼ်ႉ မီး​မင်ႇၵလႃႇ​ဢေႃႈ။</verse>
				<verse number="19">ၵူၼ်း​တင်း​လၢႆ တၵ်း​လႆႈ​ယူႇ​ၵႃႈ​ၼႂ်း​ ၸီႉဢုၼ်ႇ ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။ ၵမ်း​လိုၼ်း​မႂ်း​တၵ်း​ဢမ်ႇ​လႆႈ​ႁႆႈ​လႆႈ​ႁွင်ႉ။ မၼ်း​ၸဝ်ႈ တၵ်း​ထွမ်ႇ​ဢဝ်​သဵင်​ဢၼ်​မႂ်း သႅၼ်ႇ​ႁွင်ႉ​ၼၼ်ႉ​လႄႈ ဢဵတ်း​လူ​ၵႄႇ​သႄႇ​ဢဝ်​မႂ်း​ဢေႃႈ။ မိူဝ်ႈ​ဢၼ်​မၼ်း​ၸဝ်ႈ​ငိၼ်း​သဵင်​ၼၼ်ႉ​ၸိုင် မၼ်း​ၸဝ်ႈ​တၵ်း​ဢိူဝ်​ဢေႃႈ။-</verse>
				<verse number="20">ပိၵ်ႉ​သမ်ႉ​ထႃႇဝရႃႉ​ၽြႃး ဢဝ်​ၶဝ်ႈ​မုၼ်း​တုၵ်ႉ​ၶႃႉ​တၢင်း​ၽၢၼ် ဢိၵ်ႇ​တင်း​ၼမ်ႉ​ဝူၺ်ႇတၼႃႇ​လဵင်ႉ​လူ​မႂ်း​သေ​ၵေႃႈ၊ သြႃႇ​မႂ်း​ၸိူဝ်း​ၼၼ်ႉ ၵမ်း​လိုၼ်း​တၵ်း​ဢမ်ႇ​လႆႈ​တဵတ်ႇ​မႅပ်ႉ​လႄႈ​ယူႇ။ မႂ်း​တၵ်း​လႆႈ​ဢဝ်​မၢၵ်ႇ​တႃ​မႂ်း​ႁၼ်​သြႃႇ​မႂ်း​ၸိူဝ်း​ၼၼ်ႉ​ဢေႃႈ။-</verse>
				<verse number="21">ပေႃး​မႂ်း​ၽိတ်း​ပိူင်ႈ​သဵၼ်ႈ​တၢင်း​ၵႂႃႇ ၵႃႈ​တီႈ​ၽၢႆႇ​ၶႂႃ ၵႃႈ​တီႈ​ၽၢႆႇ​သၢႆႉ​ၸိုင်၊ ႁူး​ႁူ​မႂ်း​တၵ်း​လႆႈ​ငိၼ်း​သဵင်​ၵႂၢမ်း​ဢၼ်​လၢတ်ႈ​ၵႃႈ​တီႈ ၽၢႆႇ​လင်​မႂ်း​လႄႈ​ဝႃႈ၊ သဵၼ်ႈ​တၢင်း​ဢၼ်​ၼႆႉ ၸိုဝ်ႈ​ၸႂ်ႈ​ဢေႃႈ။ ၸွမ်း​သဵၼ်ႈ​တၢင်း​ၼႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">သူ​တၵ်း​လႆႈ​ႁဵတ်း​ႁႂ်ႈ​ငိုၼ်း ဢၼ်​ဢုမ်ႇ​ႁေႃႇ​ရုၵ်ႈ​ထူႉ​ဢၼ်​တွင်ႈ​ႁဵတ်း​ၶၵ်း​ႁဵတ်း တင်း​တီႈ​ၶမ်း​ဢၼ် ဢုမ်ႇ​ႁေႃႇ​ရုၵ်ႈ​ထူႉ ဢၼ်​သွၼ်း​ႁဵတ်း လေႃႇ​ႁဵတ်း​ၼၼ်ႉ​ၵူဝ်ႈ​ၵိူၵ်ႇ​လႄႈ ပႄႇ​ပႅတ်ႈ​ၸိူဝ်ႉ​ၼင်ႇ​ၶူဝ်း​လဵင်း​ဢၼ် ၵူဝ်ႈ​ၵိူၵ်ႇ​ၼၼ်ႉ ယူႇ​သေ​လႄႈ​ဝႃႈ၊ ၵႂႃႇ​တႃႉ​မႂ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​ၸဝ်ႈ​တၵ်း​ႁႂ်ႈ ၽူၼ်​တူၵ်း​ပုၼ်ႈ​ၸိူဝ်ႉ​ၽၼ်း​ဢၼ်​မႂ်း​ဝၢၼ်ႇ​ပိုၼ်​ဝႆႉ ၵႃႈ​တီႈ​ၼႃႈ​လိၼ်​ၼၼ်ႉ​လႄႈ ပၼ်​ၶဝ်ႈ​မုၼ်း​ဢၼ်​ပဵၼ်​မႃး​ၵႃႈ​တီႈ​မၢၵ်ႇ​လိၼ်​ႁူင်း​လိၼ်​ၼၼ်ႉ​လႄႈ တၵ်း​ပျေႉ​ၸုမ်ႇ​လိူင်ႇ​ၸႂ်​ၼမ်​ၼႃႇ​လူင်​လၢင်​ဢေႃႈ။ ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ၊ သူဝ်း​ဝူဝ်း​မႂ်း တင်း​လၢႆ တၵ်း​လႆႈ​ၵိၼ်​ယူႇ​ၵႃႈ​ၼႂ်း​တီႈ​ဢၼ်​ၵႂၢင်ႈ​လီ​လႃး​လီ​ဢေႃႈ။-</verse>
				<verse number="24">ဝူဝ်း​ဢိၵ်ႇ​တင်း​လီႈ ဢၼ်​ႁဵတ်း​ၵႃႈ​တီႈ​လိၼ်​ၸိူဝ်း​ၼၼ်ႉ​ၵေႃႈ တၵ်း​လႆႈ​ၵိၼ်​ၶဝ်ႈ​ပိူၵ်ႇ​ဢၼ်​လေႃး​လူၺ်ႈ​ၵိူဝ်၊ ဢၼ်​ဢဝ်​တင်း​လူင်ႈ​ဢိၵ်ႇ​တင်း​ၶိုင် ၽတ်း​ဢဝ်​ၶိုင်​ဢဝ်​ၼၼ်ႉ​ၵူၺ်း​ဢေႃႈ။-</verse>
				<verse number="25">ၼမ်ႉ​မႄႈ​တီႈ​ဢၼ်​ၼမ်ႉ​လႆ​ယူႇ ဢိၵ်ႇ​တင်း​ၼမ်ႉ​ႁွင်ႈ​ၼမ်ႉ​ၵႄး​တင်း​လၢႆ တၵ်း​မီး​ၵႃႈ​ၼိူဝ်​လွႆ​ဢၼ်​သုင်​ၵႃႈ​မီး​ဢိၵ်ႇ​တင်း ၵႃႈ​ၼိူဝ်​ၵုင်း ဢၼ်​ထၢင်ႇ​သႃး​ၵႃႈ​မီး​ၼၼ်ႉ ၼႂ်း​မိုဝ်ႉ​ဝၼ်း​ဢၼ်​ဢဝ်​ၵူၼ်း​ၼမ်​ၼႃႇ​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​လႄႈ တိူၵ်ႈ​တီႈ​တိုၵ်း​သိုၵ်း​တင်း​လၢႆ လႆႈ​လူမ်ႉ​ပင်း​ၼၼ်ႉ​ဢေႃႈ။-</verse>
				<verse number="26">ဢၼ်​လႅင်း​လိူၼ်​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ဢၼ်​လႅင်း​ၵၢင်​ဝၼ်း​လႄႈ ဢၼ်​လႅင်း​ၵၢင်​ဝၼ်း​ၼၼ်ႉ တၵ်း​ယဵင်ႈ​ၶႅၼ်း လႅင်း​မႃး ၸဵတ်း​ပုၼ်ႈ ပဵင်း​တၢၼ်ႇ​ဢၼ်​လႅင်း​ၸဵတ်း​ဝၼ်း ၼႂ်း​မိုဝ်ႉ​ဝၼ်း​ဢၼ် ထႃႇဝရႃႉ​ၽြႃး ပွင်​မႄး​ႁွႆး​လူႉ​ႁွႆး​ႁၵ်း ၵူၼ်း​မၼ်း​ၸဝ်ႈ​တင်း​လၢႆ​လႄႈ ႁႂ်ႈ​ႁွႆး​တၢမ်ႇ​ၶဝ်​ႁၢႆ​ၼၼ်ႉ​ဢေႃႈ။-</verse>
				<verse number="27">တူၺ်း​လူး၊ ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး လုၵ်ႉ​သေ​ၵႃႈ​တီႈ​ဢၼ်​ၵႆ​မႃး​လႄႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ႁုပ်ႇ​မႆႈ​လႄႈ ပဵၼ်​ၵႂၼ်း​ဢွၵ်ႇ​ၶိုၼ်ႈ​ယူႇ​ဢေႃႈ။ သူပ်း​မၼ်း​ၸဝ်ႈ​ၼၼ်ႉ​တဵမ်​ဝႆႉ​တင်း တၢင်း​ၸႂ်​မႆႈ​ၶႆႈ​ၸႃႉ​လႄႈ လိၼ်ႉ​မၼ်း​ၸဝ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​ၽႆး ဢၼ်​တုတ်ႇ​ယူႇ​ဢေႃႈ။-</verse>
				<verse number="28">တၢင်း​ဢၼ်​ထူၺ်ႈ​ၸႂ်​ဢွၵ်ႇ​မၼ်း​ၸဝ်ႈ​ၼၼ်ႉ​ၵေႃႈ ပဵၼ်​ၸိူဝ်ႉ​ၼင်ႇ​ၼမ်ႉ​ဢၼ်​ထူမ်ႈ​ႁူမ်ႇ​ၶိုတ်း​ထိုင် ၵႃႈ​တီႈ​ၶေႃး ႁႂ်ႈ​လႆႈ​ဢဝ်​ၶိုင်​မူႉ​သႃႇ ၶိုင်​ႁွၼ်ႈ​မဵဝ်း​ၵူၼ်း​တင်း​လၢႆ​ပႅတ်ႈ​လႄႈ ၵၵ်ႉ​ဢၼ်​ႁႂ်ႈ​ပိူင်ႈ​တၢင်း​ၵႂႃႇ​ၼၼ်ႉ တၵ်း​လႆႈ​မီး​ၵႃႈ​ၼႂ်း​သူပ်း​ၶဝ်​ဢေႃႈ။-</verse>
				<verse number="29">သူ​တၵ်း​လႆႈ​မီး​တၢင်း​ဢၼ်​ႁဵတ်း​ၵႂၢမ်း မိူၼ်​ၸိူဝ်ႉ​ၼင်ႇ​ဢၼ်​မီး​ၼႂ်း​ၶမ်ႈ​ဝၼ်း​ဢၼ်​ၶၢမ်ႇ​ပွႆး ဢၼ်​မူတ်း​ၸၢင်ႇ​ၼၼ်ႉ​လႄႈ တၵ်း​လႆႈ ၸူမ်း​သိူဝ်း​မိူၼ်​ၸိူဝ်ႉ​ၼင်ႇ​ဢၼ် ၵေႃႉ​ဢၼ် ပဝ်ႇ​ပီႇ​သေ​လႄႈ ၵႂႃႇ​ၸူး​ၵႃႈ​တီႈ ထႃႇဝရႃႉ​ၽြႃး မၢၵ်ႇ​ႁိၼ်​မၢၵ်ႇ​ၽႃ မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="30">ထႃႇဝရႃႉ​ၽြႃး တၵ်း​ပွႆႇ​သဵင်​မၼ်း​ၸဝ်ႈ ဢၼ်​မုၼ်​ယႂ်ႇ​ၼၼ်ႉ​လႄႈ ၼႄ​ပျႃး​တၢင်း​ဢၼ်​ၶႅၼ်​မိုဝ်း​မၼ်း​ၸဝ်ႈ​တူၵ်း​ႁွတ်ႈ ဢိၵ်ႇ​လူၺ်ႈ​ၵၼ်​တင်း​တၢင်း​ဢၼ် တေႃး​သႃႉ​တၢင်း​ၶႆႈ​ၸႃႉ​မၼ်း​ၸဝ်ႈ ဢွၵ်ႇ​ႁႅင်း​ၼႃႇ၊ တၢင်း​ဢၼ်​ပဵဝ်​ၽႆး​မႆႈ ဢိၵ်ႇ​တင်း​ၽူၼ်​လူင် လူမ်း​လူင်​ဢၼ်​ပႃး​မၢၵ်ႇ​ႁဵပ်း​ၸိူဝ်း​ၼၼ်ႉ​ဢေႃႈ။-</verse>
				<verse number="31">ပိူဝ်ႈ​ၼႆ​လႄႈ​ၵူၼ်း​ ဢႃႇသူႉရီႉ ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​သဵင် ထႃႇဝရႃႉ​ၽြႃး ဢဝ်​ၶျႃး​တူၵ်း​ပႅတ်ႈ ဢိၵ်ႇ​တင်း​တၢင်း​ဢၼ် ၵၼ်း​ႁွၵ်ႇ​မၼ်း​ၸဝ်ႈ ပၼ်​တၢမ်ႇ​ၼၼ်ႉ​ဢေႃႈ။-</verse>
				<verse number="32">ၵမ်​တၢမ်း​ၵႃႈ​ဢၼ်​ၵၼ်း​ႁွၵ်ႇ ဢၼ်​ထႃႇဝရႃႉ​ၽြႃး ၸီႇ​ယၢင်ႇ​လႄႈ ၶျႃး​သႂ်ႇ​ဝႆႉ ၵႃႈ​ၼိူဝ်​မၼ်း​ၼၼ်ႉ ႁွတ်ႈ​ထိုင်​ၵူႈ​ပွၵ်ႈ​ၵူႈ​ၵမ်း​ၼၼ်ႉ တၵ်း​ပဵၼ် ပႃး​လူၺ်ႈ​ၵၼ်​တင်း တၢင်း​ဢၼ်​လဵတ်း​တိင်ႇ ႁႆႇ​ၵွင်​ၶဵတ်ႇ​ဢေႃႈ။ မၼ်း​ၸဝ်ႈ​တၵ်း​တိုၵ်း​တေႃး​မၼ်း ၼႂ်း​ပွႆး​တိုၵ်း​သိုၵ်း ဢၼ်​ႁႅင်း​ယႂ်ႇ​ၼႃႇ​တင်း​လၢႆ​ဢေႃႈ။-</verse>
				<verse number="33">လွင်ႈ​မၼ်း​ၸမ်ႉ တီႈ​ တေႃး​ၽႅတ်ႉ ​ၼၼ်ႉ လႆႈ​မီး​တၢင်း​ဢၼ်​ၸီႇ​ယၢင်ႇ​ပွင်​ႁဵတ်း​ဝႆႉ​ယဝ်ႉ​မိူဝ်ႈ​ၵွၼ်ႇ ဢွၼ်​ၼႆႉ​ၼၼ်ႉ​လႄႈ မီး​တၢင်း​ဢၼ်​မႄး​ႁႅၼ်း​ဝႆႉ​ပုၼ်ႈ ၶုၼ်​ႁေႃ​ၶမ်း ဢမၢၼ်ႇ​ၶၼ်​ပဵၼ်​ဢေႃႈ။ မၼ်း​ၸဝ်ႈ​ႁဵတ်း​ႁႂ်ႈ​ပဵၼ်​ဢၼ်​လိုၵ်ႉ​လမ်ႇ​ယႂ်ႇ​ၵႂၢင်ႈ​ၼႃႇ​လႄႈ တီႈ​ဢၼ်​ၵွင် ဢၼ်​သုင်​မၼ်း​ၵေႃႈ ပဵၼ်​ၽႆး ဢိၵ်ႇ​တင်း ၽိုၼ်း​ၼမ်​ၼႃႇ​ဢေႃႈ။ တၢင်း​ဢၼ်​ထူၺ်ႈ​ၸႂ်​ဢွၵ်ႇ ထႃႇဝရႃႉ​ၽြႃး​ၼၼ်ႉ တၵ်း​လႆႈ​ဢဝ် ၽႆး​တုတ်ႇ​မၼ်း​ၼၼ်ႉ မိူၼ်​ၸိူဝ်ႉ​ၼင်ႇ​ၵၢၼ်ႉ​ဢၼ်​ၶိုဝ်ႇ​ပဵၼ်​ၼၢမ်​ၼၼ်ႉ​ဢေႃႈ။</verse>
			</chapter>
			<chapter number="31">
				<verse number="1">ၶဝ်​ၸိူဝ်း​ဢၼ်​လူင်း​ၵႂႃႇ​ၵႃႈ​တီႈ မိူင်း​ ဢေႇၵိပ်ႉတူႉ ႁႂ်ႈ​လႆႈ​ယွၼ်း​ဢဝ်​သိုၵ်း​ၸွႆႈ​သိုၵ်း​ထႅမ်​လႄႈ ၸႂ်​လီ​လူၺ်ႈ​မႃႉ​တင်း​လၢႆ​ယူႇ၊ ၸႂ်​ပိုင်ႈ​လူၺ်ႈ​လေႃႉ​ရထႃး​တင်း​လၢႆ ၵွပ်ႈ​ပိူဝ်ႈ​ဢၼ်​ၼမ်​ၼႃႇ​ဢိၵ်ႇ​တင်း ၵူၼ်း​သိုၵ်း​ၶီႇ​မႃႉ ဢၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ​ယူႇ၊ ယင်း​ဢမ်ႇ​မုင်ႈ​မွင်း​ၽြႃး ဢၼ်​မူတ်း​ၸၢင်ႇ​မဵဝ်း​ ဢီႉသရေႇလႃႉ ​ယူႇ​လႄႈ ဢမ်ႇ​ႁႃ​ထႃႇဝရႃႉ​ၽြႃး​ယူႇ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="2">မၼ်း​ၸဝ်ႈ ၺၢၼ်ႇ​ၵႂၢင်ႈ​လႄႈ တၵ်း​ႁႂ်ႈ​ၽေး​တုၵ်ႉ​ၶႃႉ​ႁွတ်ႈ​ထိုင် ၵႃႈ​ၼိူဝ်​ၶဝ်​ဢေႃႈ။ မၼ်း​ၸဝ်ႈ​ယင်း​ဢမ်ႇ​ၼုၵ်ႈ​ဢမ်ႇ​ထွၼ် ၵႂၢမ်း​မၼ်း​ၸဝ်ႈ​လႄႈ မၼ်း​ၸဝ်ႈ​တၵ်း​လုၵ်ႉ​ယူႇ​ၽၢႆႇ​ၼိုင်ႈ တင်း​မဵဝ်း​ၵူၼ်း ဢၼ်​ႁၢႆႉ​ဢၼ်​မိူၵ်ႈ​တင်း​လၢႆ ဢိၵ်ႇ​တင်း​တၢင်း​ဢၼ်​ၶဝ်​ၸိူဝ်း​ဢၼ်​ႁဵတ်း ဢမ်ႇ​တြႃး​ၼၼ်ႉ ၸွႆႈ​ထႅမ်​ၼၼ်ႉ​ဢေႃႈ။-</verse>
				<verse number="3">ၵူၼ်း​မိူင်း​ ဢေႇၵိပ်ႉတူႉ ​ၸိူဝ်း​ၼၼ်ႉ ဢမ်ႇ​ပဵၼ်​ၽြႃး၊ ပဵၼ်​ၵူၼ်း​လၢႆ​လၢႆ​ၵူၺ်း​ဢေႃႈ။ မႃႉ​ၶဝ်​ၸိူဝ်း​ၼၼ်ႉ​ၵေႃႈ၊ ဢမ်ႇ​ပဵၼ်​ဝီႉၺိၺ်ႇ၊ ပဵၼ်​ၼိူဝ်ႉ​လၢႆ​လၢႆ​ၵူၺ်း​ဢေႃႈ။ ယၢမ်း​မိူဝ်ႈ​ဢၼ်​ထႃႇဝရႃႉ​ၽြႃး၊ ယဵတ်ႇ​မိုဝ်း​မၼ်း​ၸဝ်ႈ​ၼၼ်ႉ​ၸိုင် ၵေႃႉ​ဢၼ်​ၸၢင်ႈ​ၸွႆႈ​ထႅမ်​မႃႉ​ၸႃႉ​ၼၼ်ႉ တၵ်း​လူမ်ႉ​လႄႈ ၵေႃႉ​ဢၼ်​ၶၢမ်ႇ​တၢင်း​ဢၼ်​ၸွႆႈ​ထႅမ်​မႃႉ​ၸႃႉ​ၼၼ်ႉ​ၵေႃႈ တၵ်း​သုမ်း​ဢေႃႈ။ ၶဝ်​ၵႃႈ​မီး​ၼၼ်ႉ တၵ်း​လႆႈ​ႁွတ်ႈ​ထိုင် တၢင်း​ဢၼ်​လူႉ​လႅဝ်​လူၺ်ႈ​ၵၼ်​ဢေႃႈ။-</verse>
				<verse number="4">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​ၸမ်ႉ၊ ၸိူဝ်ႉ​ၼင်ႇ​ဢၼ်​သၢင်ႇ​သီႈ ဢိၵ်ႇ​တင်း​သၢင်ႇ​သီႈ​တူဝ်​ၼုမ်ႇ ႁွင်ႉ​ၶၢင်း​ၵႃႈ​ၼိူဝ်​တူဝ်​တၢႆ ဢၼ်​မၼ်း ႁိမ်​ဢဝ်​လႆႈ​ၼၼ်ႉ​လႄႈ ဢမ်ႇ​ၵူဝ်​သဵင်​တၢင်း​ဢၼ်​မူႇ​ၽုင်​မုၵ်ႉ​ၸိူဝ်း ၵူၼ်း​ဢၼ်​လဵင်ႉ​သူဝ်း​ထိင်း​သူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ဢဝ် ဢွၵ်ႇ​မႃး ႁႂ်ႈ​လႆႈ​ႁႄႉ​ၶႅၼ်​မၼ်း​ၸိူဝ်း​ၼၼ်ႉ ဢွၼ်​ၵၼ်​ႁွင်ႉ​သႅၼ်ႇ​ၼၼ်ႉ ဢိၵ်ႇ​တင်း​ဢမ်ႇ​ၶၢမ်ႇ​သုမ်း​ၵွပ်ႈ​ပိူဝ်ႈ သဵင်​ႁိုတ်း​သဵင်​လွၵ်ႇ​ၶဝ်​ၼၼ်ႉ ၼၼ်ႉ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တၵ်း​လူင်း​မႃး​ႁႂ်ႈ​လႆႈ​တိုၵ်း​သိုၵ်း​ၽၢႆႇ​လွႆ​မၼ်း​ၸဝ်ႈ ဢၼ်​ဝႃႈ လွႆ​ ၸီႉဢုၼ်ႇ ​ၼၼ်ႉ​ဢေႃႈ။-</verse>
				<verse number="5">ၸိူဝ်ႉ​ၼင်ႇ​ဢၼ်​ၼူၵ်ႉ သိတ်ႈ​ၵႂႃႇ​သိတ်ႈ​မႃး​ယူႇ ၵႃႈ​ၼိူဝ်​ႁင်း​မၼ်း​ၼၼ်ႉ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တၵ်း​ႁူမ်ႇ​ငမ်း​ဝဵင်း​ ယေႇရူႉသလႅမ်ႇ ​ဝႆႉ​လႄႈ တၵ်း​ႁူမ်ႇ​ငမ်း​ၵႄႇ​သႄႇ​ၼုၵ်ႈ​ဢဝ်​လႄႈ ငမ်း​ၵႂႃႇ​ငမ်း​မႃး ၵႄႇ​သႄႇ​ၶျွတ်ႈ​ဢဝ်​ဢေႃႈ။-</verse>
				<verse number="6">ဢွၼ်​ၵၼ်​ၶိုၼ်း​မႃး​ၸူး​ၵႃႈ​တီႈ​မၼ်း​ၸဝ်ႈ ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ပုင်ႇ​ၵၢၼ်ႇ​ပႄႇ​ပႅတ်ႈ ၼႃႇ​လူင်​လၢင်​ၼၼ်ႉ​တႃႉ။-</verse>
				<verse number="7">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ၵူၼ်း​ၵႃႈ​မီး​တၵ်း​ဢွၼ်​ၵၼ်​ဢဝ်​ရုၵ်ႈ​ထူႉ​ငိုၼ်း​ရုၵ်ႈ​ထူႉ​ၶမ်း ဢၼ်​သူ​ဢဝ်​တင်း​မိုဝ်း​သူ​ႁဵတ်း​ႁင်း​ၽႂ် ႁင်း​မၼ်း​ပုၼ်ႈ​ဢၼ် တၵ်း​ႁႂ်ႈ​ၽိတ်း​ပိူင်ႈ​ၼၼ်ႉ​ၸိူဝ်း​ၼၼ်ႉ​ထိမ်ႈ​ပႅတ်ႈ​ဢေႃႈ။-</verse>
				<verse number="8">ၵူၼ်း​ ဢႃႇသူႉရီႉ ​ၵေႃႈ တၵ်း​လႆႈ​သုမ်း​လူၺ်ႈ​လၢပ်ႇ​လူၺ်ႈ​လႅဝ်း ဢၼ်​ဢမ်ႇ​ၸႂ်ႈ​လၢပ်ႇ​ၸႂ်ႈ​လႅဝ်း​ၵူၼ်း​ဢၼ်​မျၢတ်ႈ​ၼၼ်ႉ​လႄႈ လၢပ်ႇ​လႅဝ်း​ဢၼ်​ဢမ်ႇ​ၸႂ်ႈ​လၢပ်ႇ​ၸႂ်ႈ​လႅဝ်း​ၵူၼ်း ဢၼ်​ယုတ်ႈ​ၼၼ်ႉ တၵ်း​ၵိၼ်​မၼ်း​ပႅတ်ႈ​ဢေႃႈ။ မၼ်း​တၵ်း​လႆႈ​ဢွၵ်ႇ​ပၢႆႈ​သေ​ၵႃႈ​တီႈ ၽေး​လၢပ်ႇ​လႄႈ ၵူၼ်း​ၼုမ်ႇ​ၵူၼ်း​ၵမ်​မၼ်း​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ်​ၶၢမ်ႇ​တၢင်း​ဢၼ်​သၢၵ်ႈ​ၶွၼ်ႇ​ပၼ်​ၶွၼ်ႇ​ဢေႃႈ။-</verse>
				<verse number="9">မၢၵ်ႇ​ႁိၼ်​မၢၵ်ႇ​ၽႃ​မၼ်း​ၼၼ်ႉ တၵ်း​ပူၼ်ႉ​ၵႂႃႇ​ႁၢႆ​ၵႂႃႇ ၵွပ်ႈ​ပိူဝ်ႈ​တၢင်း​ဢၼ်​ၵူဝ်​ဢၼ်​ႁႄ​လႄႈ မူး​မၢတ်ႈ​ၽွင်း​မိူင်း​မၼ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​ၸႂ်​လူႉ​ၵွပ်ႈ​ပိူဝ်ႈ​လၢမ်ႇ ဢၼ်​ပူၵ်း​ဝႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ဢၼ်​မီး​ပဵဝ်​ၽႆး ၵႃႈ​ၼိူဝ်​ ၸီႉဢုၼ်ႇ ဢိၵ်ႇ​တင်း​မုၵ်ႉ​ၽႆး ၵႃႈ​ၼိူဝ်​ဝဵင်း​ ယေႇရူႉသလႅမ်ႇ ​ၼၼ်ႉ မီး​ဢမိင်ႉ​ၸိူဝ်ႉ​ၼင်ႇ​ၼၼ်​ဢေႃႈ။</verse>
			</chapter>
			<chapter number="32">
				<verse number="1">တူၺ်း​လူး၊ ၶုၼ်​ႁေႃ​ၶမ်း​ပႃး​ၼိုင်ႈ တၵ်း​ဢုပ်ႉ​ပိူင်ႇ​မႅၼ်ႈ​ၸွမ်း​တၢင်း​ဢၼ်​သိုဝ်ႈ​တေႃႇ​လႄႈ မူး​မၢတ်ႈ​ၽွင်း​မိူင်း​တင်း​လၢႆ တၵ်း​ဢွၼ်​ၵၼ် ၸီႇ​ယၢင်ႇ​ၸွမ်း​ၼင်ႇ​တြႃး​ဢေႃႈ။-</verse>
				<verse number="2">ၶုၼ်​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ တီႈ​ဢၼ်​ႁႄႉ​လူမ်း​ၵင်ႈ​လူမ်း၊ တီႈ​ဢၼ်​လပ်ႉ​ၽူၼ်​လူင် လူမ်း​လူင်​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ ၼမ်ႉ​ႁွင်ႈ​ၼမ်ႉ​ၵႄး​ဢၼ်​လႆ​ယူႇ​ၵႃႈ​တီႈ​လိၼ် ဢၼ်​ႁႅင်ႈ​ဢၼ်​ႁွင်​ၼၼ်ႉ တင်း​ၸိူဝ်ႉ​ၼင်ႇ ငဝ်း​ႁူမ်ႈ​မၢၵ်ႇ​ႁိၼ်​လူင် ၵႃႈ​ၼႂ်း​မိူင်း တီႈ​ဢၼ် ၵူၼ်း​ႁိူဝ်ႉ​ၵူၼ်း​ဢူၼ်ႈ​ၼၼ်ႉ​ဢေႃႈ။-</verse>
				<verse number="3">မၢၵ်ႇ​တႃ​ၶဝ်​ၸိူဝ်း​ဢၼ်​ႁၼ်​ၼၼ်ႉ တၵ်း​ဢမ်ႇ​လႆႈ​ၽိူမ်​လႆႈ​မူဝ်း​လႄႈ ႁူ​ၶဝ်​ၸိူဝ်း​ဢၼ်​ငိၼ်း​ၼၼ်ႉ တၵ်း​ထွမ်ႇ​ဢဝ်​ဢေႃႈ။-</verse>
				<verse number="4">ႁူဝ်​ၸႂ်​ၶဝ်​ၸိူဝ်း​ဢၼ်​ဢမ်ႇ​မီး​သတီႉ​ၼၼ်ႉ တၵ်း​ႁူႉ​ၸႅင်ႈ​ပိင်ႇ​ၺႃႇ​လႄႈ လိၼ်ႉ​ၶဝ်​ၸိူဝ်း​ဢၼ် ဢႃႉ​ဢၼ်​ၵၵ်း​ၼၼ်ႉ​ၵေႃႈ တၵ်း​ၸၢင်ႈ​လၢတ်ႈ​ၵႂၢမ်း ႁႂ်ႈ​ပေႃး​ပီႇ​လီ​မႅၼ်ႈ​လီ​ဢေႃႈ။-</verse>
				<verse number="5">ၵမ်း​လိုၼ်း​ၵေႃႉ​ဢၼ်​ယုတ်ႈ​ၼၼ်ႉ ဢမ်ႇ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ဝႃႈ ၵေႃႉ​ဢၼ်​မျၢတ်ႈ။ ၵေႃႉ​ဢၼ်​ထီႇ​ၼဵဝ်​ၵေႃႈ ဢမ်ႇ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ဝႃႈ ၵေႃႉ​ဢၼ်​ယိုၼ်ႈ​မႅင်ႇ။-</verse>
				<verse number="6">လွင်ႈ​မၼ်း​ၸမ်ႉ ၵေႃႉ​ဢၼ်​ယုတ်ႈ​ၼၼ်ႉ​တၵ်း​လၢတ်ႈ​ၵႂၢမ်း ဢၼ်​ယုတ်ႈ​လႄႈ ႁူဝ်​ၸႂ်​မၼ်း​တၵ်း​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ဢမ်ႇ​ငၢမ်း ႁႂ်ႈ​လႆႈ​ႁဵတ်း​ဢႃႉထမ်ႇမႃႉ​သေ​လႄႈ ဢဝ်​တင်း​သူပ်း​ၽိတ်း​ပိူင်ႈ ထႃႇဝရႃႉ​ၽြႃး​ယူႇ၊ ႁႂ်ႈ​လႆႈ​ႁႂ်ႈ​ၶဝ်​ၸိူဝ်း​ဢၼ် ဢိုပ်း​ဢၼ်​ယၢၵ်ႈ​ၼၼ်ႉ ယဵင်ႈ​ၶႅၼ်း​တွင်ႉ​မႆႈ​သႆႈ​လိူတ်ႇ​ယူႇ၊ ႁႂ်ႈ​ၶဝ်​ၸိူဝ်း​ဢၼ်​ယၢၵ်ႇ​ၼမ်ႉ​ၶေႃး​ႁွင်​ၼၼ်ႉ ဢမ်ႇ​လႆႈ​ၵိၼ်​ၼမ်ႉ​ယူႇ​ဢေႃႈ။-</verse>
				<verse number="7">ၶိူင်ႈ​ပိူင်​ဢၼ်​ၵေႃႉ​ဢၼ်​ထီႇ​ၼဵဝ်​သုင်း​သွင်ႇ​ၼၼ်ႉ ပဵၼ်​ဢၼ်​ႁၢႆႉ​ၼႃႇ​လႄႈ ပိၵ်ႉ​သမ်ႉ​ၵေႃႉ​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ လၢတ်ႈ​မၢၼ်ႇ​မၢၼ်ႇ​မႅၼ်ႈ​မႅၼ်ႈ​သေ​ၵေႃႈ၊ မၼ်း​ၸၢင်ႈ​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ဢမ်ႇ​ငၢမ်း​ႁႂ်ႈ​လႆႈ​ဢဝ်​တင်း​ၵႂၢမ်း​မူႉ​သႃႇ ယႃႉ​ၽဵဝ်ႈ​ၵေႃႉ​ဢၼ်​ၽၢၼ်​ဢၼ်​ၵိၼ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="8">ၵေႃႉ​ဢၼ်​မီး​ၸေႇတၼႃႇ​ၸမ်ႉ၊ ၸၢင်ႈ​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင်​ဢၼ်​ၸၢပ်ႈ​သႅင်ႇ​ၵၼ်​တင်း ၸေႇတၼႃႇ​ၼၼ်ႉ​လႄႈ တၵ်း​လႆႈ​တႄႇ​ယူႇ​ၼႂ်း လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ၸေႇတၼႃႇ​ဢေႃႈ။</verse>
				<verse number="9">မႄႈ​ယိင်း​ဢၼ်​ယူႇ တႄႇ​တႄႇ​ၼိမ်​ၼိမ်​ၶဝ်​ဢိူၺ်း၊ ဢွၼ်​ၵၼ်​လုၵ်ႉ​လႄႈ ထွမ်ႇ​ငိၼ်း​သဵင်​ၵႂၢမ်း​ဢၼ် ၵဝ်​လၢတ်ႈ​ၼႆႉ​တႃႉ။ လုၵ်ႈ​ယိင်း ဢၼ်​ဢမ်ႇ​မီး​သတီႉ​ၶဝ်​ဢိူၺ်း၊ ဢွၼ်​ၵၼ်​ဝၢႆႇ​ႁူ​တေႃႇ​ၵႂၢမ်း​ၶဝ်​တႃႉ။-</verse>
				<verse number="10">မႄႈ​ယိင်း​ဢၼ်​ဢမ်ႇ​မီး​သတီႉ​ၶဝ်​ဢိူၺ်း၊ တေႃႇ​ထိုင်​ႁွတ်ႈ​ပီႊ​ၼိုင်ႈ လိူဝ်​လိူဝ်​လႄႈ သူ​တၵ်း​ယၢပ်ႇ​ၸႂ်​ယုင်ႈ​ၸႂ်​ဢေႃႈ။ လွင်ႈ​မၼ်း​ၸမ်ႉ တၢင်း​ဢၼ်​သိမ်း​ဢဝ်​မၢၵ်ႇ​ၸပိတ်ႈ​ၼၼ်ႉ တၵ်း​ထၢတ်ႇ​ၵႂႃႇ​လႄႈ ၶိင်ႇ​ဢၼ်​သိမ်း​ဢဝ်​မၢၵ်ႇ​ၶဝ်ႈ​ႁူင်း​ၶဝ်ႈ​ၼၼ်ႉ တၵ်း​ဢမ်ႇ​လႆႈ​ႁွတ်ႈ​လႆႈ​ထိုင်။-</verse>
				<verse number="11">မႄႈ​ယိင်း​ဢၼ်​ယူႇ တႄႇ​တႄႇ​ၼိမ်​ၼိမ်​ၶဝ်​ဢိူၺ်း၊ ဢွၼ်​ၵၼ်​သၼ်ႇ​ဝႆ​တႃႉ။ သူ​ၸိူဝ်း​ဢၼ်​ဢမ်ႇ​မီး​သတီႉ​ၶဝ်​ဢိူၺ်း၊ ဢွၼ်​ၵၼ် မီး​တၢင်း​ဢၼ်​ယၢပ်ႇ​ၸႂ်​ယုင်ႈ​ၸႂ်​တႃႉ။ ထွတ်ႇ​ၶူဝ်း​ၼုင်ႈ​တၢင်း​မႆ​သူ ပႅတ်ႈ​သေ​လႄႈ၊ ဢဝ်​ၶူဝ်း​ၼုင်ႈ​ၼင်​ပေႃ​ႁတ်ႉ​ဢႅဝ်​သူ​တႃႉ။-</verse>
				<verse number="12">ၶဝ်​တၵ်း​မီး​တၢင်း​ဢၼ်​တူပ်း​ဢူၵ်း​ယႅၼ်ႉ​ဢူၵ်း​ပုၼ်ႈ​ႁႆႊ​ၼႃး ဢၼ်​သႃႇ​ယႃႇ ဢိၵ်ႇ​တင်း​တူၼ်ႈ​ၶိူဝ်း​မၢၵ်ႇ​ၸပိတ်ႈ ဢၼ်​မၢၵ်ႇ​ၼမ် ၼၼ်ႉ​ဢေႃႈ။-</verse>
				<verse number="13">တူၼ်ႈ​ၼၢမ်​ၵူႈ​ၸိူဝ်ႉ​ၵူႈ​ပိူင် တၵ်း​ဢွၵ်ႇ​ၵႃႈ​ၼိူဝ်​လိၼ်​ၵူၼ်း​ၵဝ်​တင်း​လၢႆ ဢိၵ်ႇ​တင်း​ၵႃႈ​ၼိူဝ်​ႁိူၼ်း ဢၼ်​ၸူမ်း​ပျေႃႇ ၵႃႈ​မီး​ၵႃႈ​ၼႂ်း​ဝဵင်း ဢၼ်​သႂၢင်ႇ​သိူဝ်း​ၼၼ်ႉ​လႄႈ မုင်း​ႁူမ်ႇ​ဝႆႉ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ ႁေႃ​ၶမ်း​တၵ်း​လႆႈ​ၶၢမ်ႇ​တၢင်း​ဢၼ် ၸုၼ်ႉ​ပႅတ်ႈ​လႄႈ ဝဵင်း​ဢၼ်​ၵူၼ်း​ၼမ်​ၵူၼ်း​ၵိုၼ်း​ၼၼ်ႉ တၵ်း​သဵတ်ႇ​ယဵၼ်​ၵႂႃႇ ဢေႃႈ။ ၵုင်း​ဢိၵ်ႇ​တင်း တိူၵ်ႈ​တီႈ​တိုၵ်း​သိုၵ်း​တင်း​လၢႆ တၵ်း​ပဵၼ်​ၶုမ်​ပဵၼ်​ႁူး​တီႈ​ဢၼ် လီႈ​ဢၼ်​ႁႄ​ရိူင်း​တင်း​လၢႆ​မူၼ်ႈ​ပျေႃႇ၊ တီႈ​ဢၼ် ၽုင်​သူဝ်း​လႄႇ​ၵိၼ်​ၼၼ်ႉ​ၵႂႃႇ၊-</verse>
				<verse number="15">တေႃႇ​ထိုင်​ႁွတ်ႈ​ၶိင်ႇ​မိူဝ်ႈ​ဢၼ် ဝီႉၺိၺ်ႇ​ၸဝ်ႈ​လႆႈ​ၶၢမ်ႇ​တၢင်း​ဢၼ်​သွၼ်း​လေႃႇ​သေ​ၵႃႈ​ၼိူဝ်​ၵၢင်​ႁၢဝ်​လူင်း​မႃး​သႂ်ႇ ၵႃႈ​ၼိူဝ်​ႁဝ်း​လႄႈ ထိူၼ်ႇ​ပဵၼ်​ပၢင်ႇ​တူင်ႈ​ႁႆႊ​တူင်ႈ​ၼႃး​ဢၼ်​မၢၵ်ႇ​ၼမ်​ႁူင်း​ၼမ်​လႄႈ ပၢင်ႇ​တူင်ႈ​ႁႆႊ​တူင်ႈ​ၼႃး​ဢၼ်​မၢၵ်ႇ​ၼမ်​ႁူင်း​ၼမ်​ၼၼ်ႉ လႆႈ​ၶၢမ်ႇ​တၢင်း​ဢၼ် မၢတ်ႈ​ပဵၼ်​ၸိူဝ်ႉ​ၼင်ႇ ပႃႇ​မႆႉ​ပႃႇ​ၸိင်​ၼၼ်ႉ​ဢေႃႈ။-</verse>
				<verse number="16">မိူဝ်ႈ​ၼၼ်ႉ တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး တၵ်း​လႆႈ​တႄႇ​ယူႇ​ၵႃႈ​တီႈ​ထိူၼ်ႇ​လႄႈ၊ ပႃႇရမီႇ​တၢင်း​ဢၼ်​သိုဝ်ႈ​တေႃႇ​ၼၼ်ႉ တၵ်း​တူၵ်း​တီႈ​တူၵ်း​လႅၼ်​ယူႇ ၵႃႈ​ၼႂ်း​တူင်ႈ​ၼႃး​ဢၼ်​မၢၵ်ႇ​ၼမ်​ႁူင်း​ၼမ်​ၼၼ်ႉ​ဢေႃႈ။-</verse>
				<verse number="17">တၢင်း​ဢၼ်​တြႃး​တၢင်း​ဢၼ်​သိုဝ်ႈ​တေႃႇ ပွင်​ႁဵတ်း​ၼၼ်ႉ တၵ်း​ပဵၼ်​တၢင်း​ဢၼ်​ၼိမ်​ဢၼ်​လီ​လႄႈ ဢၵျူဝ်း​တၢင်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ပဵၼ်​တၢင်း​ဢၼ်​တႄႇ​ဢၼ်​ၼိမ် ဢိၵ်ႇ​တင်း တၢင်း​ဢၼ်​လွတ်ႈ​ၽေး​လွတ်ႈ​ရၢၼ်ႇ​ယူႇ​သေႇ​သေႇ​ဢေႃႈ။-</verse>
				<verse number="18">ၵူၼ်း​ၵဝ်​တင်း​လၢႆ တၵ်း​လႆႈ​ယူႇ​ၵႃႈ​ၼႂ်း​တီႈ​ယူႇ​ဢၼ်​တႄႇ​လီ​ၼိမ်​လီ၊ ၵႃႈ​ၼႂ်း​ႁိူၼ်း​တီႈ​ဢၼ်​လွတ်ႈ​ၽေး​လွတ်ႈ​ရၢၼ်ႇ၊ ၵႃႈ​ၼႂ်း​တီႈ​ဢၼ် ၵတ်း​ယဵၼ်​ၶျၢမ်း​သႃႇ​ၼိမ်​လီ​ၼိမ်​ငၢမ်း ၸိူဝ်း​ၼၼ်ႉ​ဢေႃႈ။-</verse>
				<verse number="19">ၵူၺ်း​ၵႃႈ မၢၵ်ႇ​ႁဵပ်း​တၵ်း​တူၵ်း ၼႂ်း​မိူဝ်ႈ​ဢၼ်​ပႃႇ​မႆႉ​ပႃႇ​ၸိင်​လူမ်ႉ​ၼၼ်ႉ​လႄႈ ဝဵင်း​ၵေႃႈ​တၵ်း​လႆႈ​ၶၢမ်ႇ​တၢင်း​ဢၼ်​ၵိူၼ်ႇ​ယႃႉ​တူၵ်း ၽဵၼ်ႈ​ပဵင်း ၵၼ်​တင်း​လိၼ်​ဢေႃႈ။-</verse>
				<verse number="20">သူ​ၸိူဝ်း​ဢၼ်​ၸၢင်ႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​တီႈ​ႁိမ်း​ၼမ်ႉ​ၵူႈ​တီႈ​ၵူႈ​လႅၼ်​လႄႈ ပွႆႇ​တိၼ်​ဝူဝ်း ဢိၵ်ႇ​တင်း​တိၼ်​လီႈ ၸိူဝ်း​ၼၼ်ႉ မီး​မင်ႇၵလႃႇ​ဢေႃႈ။</verse>
			</chapter>
			<chapter number="33">
				<verse number="1">မႂ်း ဢၼ်​ယင်း​ဢမ်ႇ​ၶၢမ်ႇ​တၢင်း​ဢၼ်​ပိူၼ်ႈ​ႁိမ်​ဢဝ်​ႁူင်ႇ​ဢဝ်​လႄႈ ၸၢင်ႈ​ႁိမ်​ဢဝ်​ႁူင်ႇ​ဢဝ်​တီႈ​ပိူၼ်ႈ၊ ဢၼ်​ယင်း​ဢမ်ႇ​ၶၢမ်ႇ​တၢင်း​ဢၼ်​ပိူၼ်ႈ ပႅတ်ႉ​လႅၼ်​လႄႈ ၸၢင်ႈ​ပႅတ်ႉ​လႅၼ်​ၼႆႉ မီး​ဢႃႉ​မင်ႇၵလႃႇ​ဢေႃႈ။ မိူဝ်ႈ​ဢၼ်​မႂ်း​ထၢတ်ႇ​သေ​တၢင်း​ဢၼ်​မႂ်း​ႁိမ်​ဢဝ်​ႁူင်ႇ​ဢဝ်​ၼၼ်ႉ၊ မႂ်း​တၵ်း​လႆႈ​ၶၢမ်ႇ​တၢင်း​ဢၼ်​ႁိမ်​ဢဝ်​ႁူင်ႇ​ဢဝ်​လႄႈ မိူဝ်ႈ​ဢၼ် မႂ်း​ပေႃး​သေ​တၢင်း​ဢၼ်​မႂ်း​ပႅတ်ႉ​မႂ်း​လႅၼ်​ၼၼ်ႉ၊ ၶဝ်​တၵ်း​လႆႈ​ဢွၼ်​ၵၼ် ပႅတ်ႉ​လႅၼ်​မႂ်း​ဢေႃႈ။-</verse>
				<verse number="2">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ်​မွင်း​မုင်ႈ​ၸဝ်ႈ​ႁဝ်း​ယူႇ​တီႈ​ၶႃႈ​ဢေႃႈ။ ၶႅၼ်း​တေႃႈ​ပဵၼ်​ၶႅၼ်​ပဵၼ်​မိုဝ်း​ၶဝ်​ယူႇ ၵူႈ​ၼႂ်​သေ​ၵမ်း​တီႈ​ၶႃႈ၊ ၶႅၼ်း​တေႃႈ​ပဵၼ်​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် ၶႃႈ​ၸဝ်ႈ​ႁဝ်း​ၶဝ် ၼႂ်း​မိူဝ်ႈ​ဢၼ်​ၽေး​ႁွတ်ႈ​ထိုင်​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="3">မဵဝ်း​ၵူၼ်း​တင်း​လၢႆ​ဢွၼ်​ၵၼ်​ပၢႆႈ​ၵွပ်ႈ​ပိူဝ်ႈ သဵင်​ဢၼ်​ဢူၼ်​ဢဵၼ်​မေႃး​မႄး​လႄႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း လႆႈ​ၶၢမ်ႇ​တၢင်း​ဢၼ် ၽူင်ႉ​ပၢႆႈ​ယၢႆႈ​ၼီ​ၵႂႃႇ ၼႂ်း​မိူဝ်ႈ​ဢၼ်​ၸဝ်ႈ​ႁဝ်း​လုၵ်ႉ​ၼၼ်ႉ​ဢေႃႈ။-</verse>
				<verse number="4">ဢုၵ်ႉ​ၸႃႇ​သူ ဢၼ်​ႁိမ်​ဢဝ်​ႁူင်ႇ​ဢဝ်​လႄႈ​လႆႈ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​မိူၼ်​ၸိူဝ်ႉ​ၼင်ႇ​ဢၼ် မႅင်း​ၵႅင်း​သိမ်း​ဢဝ် ၼၼ်ႉ​ဢေႃႈ။ ၶဝ်​တၵ်း​လႅၼ်ႈ​ဢႅၼ်ႇ​ၵႂႃႇ​ဢႅၼ်ႇ​မႃး​ယူႇ ၵႃႈ​ၼိူဝ်​ဢုၵ်ႉ​ၸႃႇ​သူ မိူၼ်​ၸိူဝ်ႉ​ၼင်ႇ​ဢၼ် မႅင်း​ၵႅင်း​တင်း​လၢႆ လႅၼ်ႈ​ဢႅၼ်ႇ​ၵႂႃႇ​ဢႅၼ်ႇ​မႃး​ၼၼ်ႉ​ဢေႃႈ။-</verse>
				<verse number="5">ထႃႇဝရႃႉ​ၽြႃး မီး​တၢင်း​ဢၼ်​ယုၵ်ႉ​ယွင်ႈ​ယူႇ​ဢေႃႈ။ လွင်ႈ​မၼ်း​ၸမ်ႉ မၼ်း​ၸဝ်ႈ​ယူႇ​ၵႃႈ​တီႈ​ဢၼ်​သုင်​ၼၼ်ႉ​ဢေႃႈ။ မၼ်း​ၸဝ်ႈ ႁႂ်ႈ​ဝဵင်း​ ၸီႉဢုၼ်ႇ ​တဵမ်​ဝႆႉ​တင်း တၢင်း​ဢၼ်​တႅပ်း​တတ်း​ၸွမ်း​ၼင်ႇ​တြႃး ဢိၵ်ႇ​တင်း​တၢင်း​ဢၼ်​ၸီႇ​ယၢင်ႇ သိုဝ်ႈ​သိုဝ်ႈ​တေႃႇ​တေႃႇ​ဢေႃႈ။-</verse>
				<verse number="6">တၵ်း​လႆႈ​မီး​တၢင်း​ဢၼ်​တႄႇ​ၼိမ်​မၼ်ႈ​ၶိူင်ႇ​ၼႂ်း​ၸူဝ်ႈ​ပၢၼ်​မႂ်း၊ တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် ဢၼ်​လိူင်ႇ​ၼမ်​ၼႃႇ ဢိၵ်ႇ​တင်း​ၺၢၼ်ႇ​တင်း တၢင်း​ဢၼ်​ႁူႉ​ဢၼ်​ၸၢင်ႈ​လႄႈ တၢင်း​ဢၼ်​ၵူဝ်​ႁႄ ထႃႇဝရႃႉ​ၽြႃး​ၼၼ်ႉ တၵ်း​ပဵၼ်​ၽၼ်ႇတႃႇ​မႂ်း​ဢေႃႈ။-</verse>
				<verse number="7">တူၺ်း​လူး၊ ၵူၼ်း​ႁတ်း​ၵူၼ်း​ႁၢၼ်​မႂ်း​ၸိူဝ်း​ၼၼ်ႉ ဢွၼ်​ၵၼ်​သႅၼ်ႇ​ႁွင်ႉ​ယူႇ ၵႃႈ​တီႈ​ၽၢႆႇ​ၼွၵ်ႈ​လႄႈ သၢၼ်ႇတမၢၼ်ႇ​ၸဝ်ႈ​ဢၼ် လၢတ်ႈ​ၵႂၢမ်း​မိၵ်ႉသႃႇႁႃယႃႉ​ၸိူဝ်း​ၼၼ်ႉ ဢွၼ်​ၵၼ်​ႁႆႈ​ႁွင်ႉ​ယူႇ​ႁႅင်း​ယႂ်ႇ​ၼႃႇ​လူင်​လၢင်​ဢေႃႈ။-</verse>
				<verse number="8">သဵၼ်ႈ​တၢင်း​လူင် တင်း​လၢႆ ပဵၼ်​ဢၼ်​သဵတ်ႇ​ဢၼ်​ယဵၼ်​ဝႆႉ​လႄႈ ဢမ်ႇ​မီး​ၵေႃႉ​ဢၼ်​ၵႂႃႇ​ဢၼ်​မႃး။ ၶုၼ်​ၼၼ်ႉ သဵတ်ႈ​ၸႃႇ​လူႉ ယဝ်ႉ။ မၼ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ဝဵင်း​တင်း​လၢႆ​ယဝ်ႉ။ မၼ်း​ဢမ်ႇ​ၸၢင်ႈ​တူၺ်း​ၼႃႈ​ၽူႈ​လႂ်။-</verse>
				<verse number="9">မိူင်း​ၸဝ်ႈ​တမ်ႇ​ၼွႆႉ​မွင်​ၸႂ်​လႄႈ ႁႅင်း​ဢူၼ်ႈ​ယူႇ​ဢေႃႈ။ ထိူၼ်ႇ​ လေႇပၼုၼ်ႇ ​ဢူၵ်း​ဢၢႆ​လႄႈ ႁဵဝ်ႇ​ၵႂႃႇ​ၸွပ်ႈ​ၵႂႃႇ​ယူႇ​ဢေႃႈ။ တီႈ​ သႃႇရုၼ်ႇ ​ၼၼ်ႉ ပဵၼ်​ၸိူဝ်ႉ​ၼင်ႇ​ထိူၼ်ႇ​ၼင်ႇ​ၶိူဝ်း​လႄႈ လွႆ​ ပႃႇသၢၼ်ႇ ​ဢိၵ်ႇ​တင်း​လွႆ​ ၵရမေႇလႃႉ ၽႅတ်း​သၼ်ႇ​မႂ်​ၶဝ်​ၼၼ်ႉ​ပႅတ်ႈ​ယူႇ​ဢေႃႈ။</verse>
				<verse number="10">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​လုၵ်ႉ​မိူဝ်ႈ​လဵဝ်​ၼႆႉ​ဢေႃႈ။ ၵဝ်​တၵ်း​ယုၵ်ႉ​ယွင်ႈ​တူဝ်​ၸဝ်ႈ​ၵဝ်ႇ​လႄႈ ၶၢမ်ႇ​တၢင်း​ဢၼ် ယုၵ်ႉ​ယွင်ႈ​တေႃႈ​လဵဝ်​ၼႆႉ​ဢေႃႈ။-</verse>
				<verse number="11">သူ​တၵ်း​လႆႈ​ပႃး​ပတိၵ်ႉသၼ်ႇထေႇ​ၵႅပ်ႇ​လႄႈ ၵိူတ်ႇ​လဵင်ႉ​မုၼ်ႈ​ဢၢင်ႉ​ဢၢၵ်ႇ​ဢေႃႈ။ တၢင်း​ဢၼ်​ထူၺ်ႈ​ၸႂ်​သူ တၵ်း​ပဵၼ်​ၽႆး ဢၼ်​တၵ်း​မႆႈ​သူ​ပႅတ်ႈ​ဢေႃႈ။-</verse>
				<verse number="12">မဵဝ်း​ၵူၼ်း တင်း​လၢႆ တၵ်း​ပဵၼ်​ၸိူဝ်ႉ​ၼင်ႇ​ဢၼ် ၽဝ်​မၢၵ်ႇ​ႁိၼ်​ထုၼ်​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ဢၼ် တီႇ​ၽၼ်း​တူၼ်ႈ​ၼၢမ် သေ​လႄႈ​တုတ်ႇ​ၽႆး​ၼၼ်ႉ​ဢေႃႈ။-</verse>
				<verse number="13">သူ​ၸိူဝ်း​ဢၼ်​မီး​တီႈ​ၵႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​လွင်ႈ​တၢင်း​ဢၼ် ၵဝ်​ႁဵတ်း​ယဝ်ႉ​ၼၼ်ႉ​တႃႉ။ သူ​ၸိူဝ်း​ဢၼ်​မီး​တီႈ​ၸမ် ၶဝ်​ဢိူၺ်း၊ ဢွၼ်​ၵၼ်​ႁပ်ႉ​တုင်း​ဢဝ်​တၼ်း​ၶူဝ်း​ၵဝ်​တႃႉ။-</verse>
				<verse number="14">ၵူၼ်း​ဝဵင်း​ ၸီႉဢုၼ်ႇ ဢၼ်​မီး​ဢပႅတ်ႈ​ၸိူဝ်း​ၼၼ်ႉ ဢွၼ်​ၵၼ်​မီး​တၢင်း​ဢၼ်​ၵူဝ်​ႁႄ​လႄႈ တၢင်း​ဢၼ်​တူၵ်း​ၸႂ်​သၼ်ႇ​ဝႆ ႁွတ်ႈ​ထိုင်​ၵႃႈ​ၼိူဝ်​ၶဝ်​ၸိူဝ်း​ဢၼ် ႁဵတ်း​ဢမ်ႇ​တြႃး​ၼၼ်ႉ​ဢေႃႈ။ ၼႂ်း​ႁဝ်း​ၼႆႉ ၽူႈ​လႂ်​တၵ်း​လႆႈ​ယူႇ​ၵႃႈ​ၼႂ်း​ၽႆး​ဢၼ်​မႆႈ​ၼၼ်ႉ။ ၼႂ်း​ႁဝ်း​ၼႆႉ ၽူႈ​လႂ်​တၵ်း​လႆႈ​ယူႇ​ၵႃႈ​ၼႂ်း​ၽႆး​ထႃႇဝရႃႉ။-</verse>
				<verse number="15">ၵေႃႉ​ဢၼ်​ၵမ်​ၵျၢင်ႉ​ၸွမ်း​ၼင်ႇ​တြႃး​ၼၼ်ႉ​လႄႈ လၢတ်ႈ​သိုဝ်ႈ​သိုဝ်ႈ​ယူဝ်း​ယူဝ်း၊ ၵေႃႉ​ဢၼ်​လီ​ႁင်ႈ​ဢဵတ်ႇ​သဵတ်ႇ​ငိုၼ်း ဢၼ်​လႆႈ ၵွပ်ႈ​ပိူဝ်ႈ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​လႄႈ ၽႅတ်း​ပႅတ်ႈ​သၼ်ႇ​ပႅတ်ႈ လၢၵ်ႈ​သွင်ႇ​သေ​ၵႃႈ​တီႈ​မိုဝ်း​မၼ်း၊ ၵေႃႉ​ဢၼ်​ဢိုတ်း​ႁူ ပႅတ်ႈ​သေ တၢင်း​ဢၼ်​လႆႈ​ငိၼ်း​လွင်ႈ​ဢၼ်​ထွၵ်ႇ​လိူတ်ႈ​ပိူၼ်ႈ​ပႅတ်ႈ​လႄႈ လပ်း​တႃ​ပႅတ်ႈ​သေ​တၢင်း​ဢၼ်​ႁၼ် လွင်ႈ​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ တၵ်း​လႆႈ​ယူႇ​ၵႃႈ​တီႈ​ဢၼ်​သုင်​ဢေႃႈ။-</verse>
				<verse number="16">တီႈ​ဢၼ်​မၼ်း​သွၼ်ႈ​ပိုင်ႈ​ၼၼ်ႉ တၵ်း​လႆႈ​ပဵၼ်​မၢၵ်ႇ​ႁိၼ်​မၢၵ်ႇ​ၽႃ တီႈ​ဢၼ်​မၼ်ႈ​ၶိူင်ႇ​ၼၼ်ႉ​ဢေႃႈ။ မၼ်း​တၵ်း​လႆႈ​ၶၢမ်ႇ​ဢဝ် တၢင်း​ဢၼ်​ပၼ်​တၢင်း​ၵိၼ်​တၢင်း​ၶူပ်း တီႈ​မၼ်း​ယူႇ​လႄႈ ၼမ်ႉ​ၵိၼ်​မၼ်း​ၵေႃႈ​တၵ်း​လႆႈ​မီး​ယူႇ​သေႇ​သေႇ​ဢေႃႈ။</verse>
				<verse number="17">မၢၵ်ႇ​တႃ​မႂ်း​တၵ်း​လႆႈ​ႁၼ်​သရေႇ​တၢင်း​ဢၼ် ႁၢင်ႈ​လီ​ႁၢင်ႈ​ငၢမ်း​ၶုၼ်​ႁေႃ​ၶမ်း​လႄႈ တူၺ်း​ႁၼ်​မိူင်း​ဢၼ်​ၵႆ​ၼႃႇ​ၼၼ်ႉ​ဢေႃႈ။-</verse>
				<verse number="18">ႁူဝ်​ၸႂ်​မႂ်း​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​တၢင်း​ဢၼ်​လီ​ၵူဝ်​လီ​ႁႄ​ၼၼ်ႉ​ဢေႃႈ။ ၵေႃႉ​ဢၼ်​ၼပ်ႉ​ဢၢၼ်ႇ ဢဝ်​ၸရၢင်း​ၼၼ်ႉ မီး​ယူႇ​ၵႃႈ​လႂ်။ ၵေႃႉ​ဢၼ်​ၸင်ႈ​ႁိဝ်ႈ​ဢဝ်​ၶွၼ်ႇ ဢဝ်​ၸဵင်​ၼၼ်ႉ မီး​ယူႇ​ၵႃႈ​လႂ်။ ၵေႃႉ​ဢၼ်​ၼပ်ႉ​ဢၢၼ်ႇ​ထဵင်​လၢင်း တင်း​လၢႆ​ၼၼ်ႉ မီး​ယူႇ​ၵႃႈ​လႂ်။-</verse>
				<verse number="19">မႂ်း​တၵ်း​ဢမ်ႇ​လႆႈ​တူၺ်း​လႆႈ​ႁၼ် ၵူၼ်း​မဵဝ်း​ဢၼ်​ႁၢဝ်ႈ​ၵျၢမ်း​ၼႃႇ၊ ၵူၼ်း​မဵဝ်း​ဢၼ်​လၢတ်ႈ​ၵႂၢမ်း​ဢၼ်​လိုၵ်ႉ​ဢၼ်​လမ်ႇ​ထၼ်ႈ​ပေႃး ဢမ်ႇ​ၶဝ်ႈ​ႁူ​မႂ်း​လႆႈ၊ ၵႂၢမ်း​ဢၼ်​ယၢပ်ႇ​ၽိုတ်ႇ​ၼႃႇ​ထၼ်ႈ​ပေႃး မႂ်း​ဢမ်ႇ​ႁူႉ​လႆႈ​ၼၼ်ႉ။-</verse>
				<verse number="20">လူ​တူၺ်း​ဝဵင်း​ ၸီႉဢုၼ်ႇ ဝဵင်း​တီႈ​ဢၼ်​ႁဝ်း​ၶၢမ်ႇ​ပွႆး​ၼၼ်ႉ​တႃႉ။ မၢၵ်ႇ​တႃ​မႂ်း​တၵ်း​လႆႈ​ႁၼ်​ဝဵင်း​ ယေႇရူႉသလႅမ်ႇ ၊ တီႈ​ယူႇ​ဢၼ် တဵတ်ႇ​လီ​ၼိမ်​လီ ဢၼ်​ဝႃႈ သုမ်ႉ​ထဵင်​ဢၼ်​ဢမ်ႇ​လႆႈ​ၶၢမ်ႇ​တၢင်း​ဢၼ်​ပူတ်း​ဢၼ်​ၶျႃး​လႃး​လႃး ဢၼ်​သဝ်​မၼ်း ဢမ်ႇ​လႆႈ​ၶၢႆႉ​သေ​လႅမ်ႈ ဢၼ်​ၸိူၵ်ႈ​မၼ်း ဢမ်ႇ​လႆႈ​ၶၢတ်ႇ​သေ​သဵၼ်ႈ​ၼၼ်ႉ​ဢေႃႈ။-</verse>
				<verse number="21">ၵႃႈ​ၼႂ်း​ဝဵင်း​ၼၼ်ႉ ထႃႇဝရႃႉ​ၽြႃး တၵ်း​ႁႅင်း​ယႂ်ႇ​ၼႃႇ​ပုၼ်ႈ​ႁဝ်း​လႄႈ ပဵၼ်​တီႈ​ၼမ်ႉ​ႁွင်ႈ​ၼမ်ႉ​ၵႄး ဢၼ်​ၵႂၢင်ႈ​လီ​တင်း​လၢႆ မီး​ယူႇ​ၵႃႈ​တီႈ သွင်​ၽၢႆႇ​ႁဝ်း​ဢေႃႈ။ ၵႃႈ​တီႈ​ၼၼ်ႈ​ၼၼ်ႉ ႁိူဝ်း​ဢၼ်​တိုၵ်း​သိုၵ်း ဢၼ်​ဢဝ်​လၢမ်ႈ​ၽၢႆး ၽၢႆး​ဢဝ်၊ ႁိူဝ်း​သၢင်း​ၽေႃး​ဢၼ်​ႁႅင်း​ယႂ်ႇ​ၼႃႇ ဢမ်ႇ​လႆႈ​လတ်း​လႆႈ​ၵႂႃႇ သေ​လင်​သေ​လမ်း။-</verse>
				<verse number="22">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ပဵၼ်​ၵူၼ်း​လူင် ဢၼ်​ၸီႇ​ယၢင်ႇ​တြႃး​ႁဝ်း​လႄႈ ထႃႇဝရႃႉ​ၽြႃး​ပဵၼ်​ၸဝ်ႈ​ပိင်း​ၺၢပ်ႈ​တြႃး​ႁဝ်း​ဢေႃႈ။ ထႃႇဝရႃႉ​ၽြႃး ပဵၼ်​ၶုၼ်​ႁေႃ​ၶမ်း​ႁဝ်း​လႄႈ မၼ်း​ၸဝ်ႈ​တၵ်း​ၵႄႇ​သႄႇ​ၶျွတ်ႈ​ဢဝ်​ႁဝ်း​ဢေႃႈ။-</verse>
				<verse number="23">ၸိူၵ်ႈ​သဝ်​လၢင်း​ယၢၼ်း​မႂ်း​လုတ်ႈ​ၵႂႃႇ​ဢေႃႈ။ ၶဝ်​ဢမ်ႇ​မတ်ႉ​ဝႆႉ​ၼွင်ႇ​ဝႆႉ​သဝ်​လၢင်း​ယၢၼ်း မၼ်ႈ​မၼ်ႈ​ၶိူင်ႇ​ၶိူင်ႇ​လႆႈ။ မႂ်​လၢင်း​ယၢၼ်း​ၵေႃႈ ၶဝ်​ဢမ်ႇ​ၵီႈ​ဢမ်ႇ​ပိုတ်ႇ​လႆႈ။ မိူဝ်ႈ​ၼၼ်ႉ​လႆႈ​ႁိမ်​ႁူင်ႇ​ဢဝ် ဢုၵ်ႉ​ၸႃႇ​ၼမ်​ၼႃႇ မႅင်ႇ​ပၼ်​ၵၼ်​လႄႈ ၵေႃႉ​ဢၼ်​တိၼ်​ၵႅင်ႉ​ၼၼ်ႉ လႆႈ​ႁိမ်​ဢဝ်​ဢုၵ်ႉ​ၸႃႇ တၢင်း​ဢၼ်​ႁိမ်​ဢဝ်​ၼၼ်ႉ​ဢေႃႈ။-</verse>
				<verse number="24">ၵူၼ်း​ဝဵင်း​ၼၼ်ႉ​ၵေႃႈ တၵ်း​ဢမ်ႇ​လႆႈ​လၢတ်ႈ​လႄႈ​ဝႃႈ၊ ၵဝ်​မီး​တၢင်း​ၶႆႈ​တၢင်း​ပဵၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။ ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​ဝဵင်း​ၼၼ်ႉ ၸိူဝ်း​ၼၼ်ႉ လႆႈ​ႁွတ်ႈ​ထိုင် တၢင်း​ဢၼ်​ၵၢင်း​လွတ်ႈ​တင်း​ဢပႅတ်ႈ​ဢေႃႈ။</verse>
			</chapter>
			<chapter number="34">
				<verse number="1">ၵူၼ်း​ၵူႈ​ၸိူဝ်ႉ​ၵူႈ​မဵဝ်း​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​ႁႂ်ႈ​သူ​လႆႈ​ငိၼ်း​တႃႉ။ မဵဝ်း​ၵူၼ်း​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ႁႂ်ႈ​လိၼ်​မိူင်း​ဢိၵ်ႇ​တင်း လွင်ႈ​တၢင်း​ၵႃႈ​ဢၼ်​ပႃး​တီႈ​မၼ်း လေႃးၵထၢတ်ႈ ဢိၵ်ႇ​တင်း​ၶိူင်ႈ​ပိူင် ၵႃႈ​ဢၼ်​ပဵၼ်​မႃး​တီႈ​မၼ်း တင်း​သဵင်ႈ​တင်း​လူင် ငိၼ်း​သေ​ၵမ်း​လူၺ်ႈ။-</verse>
				<verse number="2">တၢင်း​ၸႂ်​မႆႈ ထႃႇဝရႃႉ​ၽြႃး​ႁွတ်ႈ​ထိုင် တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ တေႃး​သႃႉ​တၢင်း​ၶႆႈ​ၸႃႉ​မၼ်း​ၸဝ်ႈ ဢၼ်​ႁႅင်း​ယႂ်ႇ​ၼႃႇ​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​မူႇ​ၽုင် မုၵ်ႉ​ၸိူဝ်း​ၵူၼ်း​ၶဝ် တင်း​သဵင်ႈ​တင်း​လူင်​ဢေႃႈ။ မၼ်း​ၸဝ်ႈ​ယႃႉ​ၽဵဝ်ႈ​ၶဝ်​ပႅတ်ႈ မူတ်း​မူတ်း​သဵင်ႈ​သဵင်ႈ​လႄႈ ဢဝ်​ၶဝ်​ဢၢပ်ႈ​ပၼ် ၵႃႈ​တီႈ​တၢင်း​ဢၼ်​ဢဝ်​တၢႆ​ဢေႃႈ။-</verse>
				<verse number="3">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​တၢႆ​ၼႂ်း​ၶဝ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​ဢွၵ်ႇ​ပႅတ်ႈ ၵႃႈ​ၼွၵ်ႈ​လႄႈ တူဝ်​တၢႆ​ၶဝ်​ၸိူဝ်း​ၼၼ်ႉ တၵ်း​မဵၼ်​တူႇ​လႄႈ လွႆ​တင်း​လၢႆ တၵ်း​ပဵၼ်​ၼမ်ႉ​ၵႂႃႇ​ၵွပ်ႈ​ပိူဝ်ႈ​လိူတ်ႈ​ၶဝ်​ၼၼ်ႉ​ဢေႃႈ။-</verse>
				<verse number="4">ၶိူင်ႈ​ပိူင်​ၵၢင်​ႁၢဝ် ၵူႈ​ၸိူဝ်ႉ​ၵူႈ​ပိူင်​ၼၼ်ႉ တၵ်း​ယွမ်း​ႁၢႆ​ၵႂႃႇ​လႄႈ ၽႃႉ​ၵၢင်​ႁၢဝ်​ၼၼ်ႉ တၵ်း​မီး​တၢင်း​ဢၼ်​ႁမ်း​ယူႇ​ၸိူဝ်ႉ​ၼင်ႇ ၽိုၼ်​လိၵ်ႈ​ႁမ်း​လိၵ်ႈ​ဢေႃႈ။ ၶိူင်ႈ​ပိူင်​ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ တၵ်း​ႁူင်ႈ​တူၵ်း​မိူၼ်​ၸိူဝ်ႉ​ၼင်ႇ​မႂ်​ဢၼ်​လူၼ်ႇ​ႁူင်ႈ​တူၵ်း​သေ​ၵႃႈ​တီႈ​တူၼ်ႈ​ၶိူဝ်း မၢၵ်ႇ​ၸပိတ်ႈ​ၼၼ်ႉ ဢိၵ်ႇ​တင်း ၸိူဝ်ႉ​ၼင်ႇ​မၢၵ်ႇ​ဢၼ်​ႁူင်ႈ​တူၵ်း​သေ​ၵႃႈ​တီႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ၼၼ်ႉ​ဢေႃႈ။-</verse>
				<verse number="5">လွင်ႈ​မၼ်း​ၸမ်ႉ လၢပ်ႇ​ၵဝ်​လႅဝ်း​ၵဝ်​ၼႆႉ ၵိၼ်​ဢိမ်ႇ​ၵိၼ်​တဵမ် ၵႃႈ​ၼိူဝ်​ၵၢင်​ႁၢဝ်​ယဝ်ႉ​လႄႈ သမ်ႉ​တၵ်း​တူၵ်း​ႁွတ်ႈ​ၵႃႈ​ၼိူဝ်​မိူင်း​ ဢေႇတုမ်ႇ ဢိၵ်ႇ​တင်း​ၵူၼ်း​ဢၼ်​ၵဝ်​ၵိၼ်ႇ​ဝႃႈ​ၸိူဝ်း​ၼၼ်ႉ​ထႅင်ႈ ႁႂ်ႈ​လႆႈ​ပၼ်​တၢမ်ႇ​ဢေႃႈ။-</verse>
				<verse number="6">လၢပ်ႇ​ထႃႇဝရႃႉ​ၽြႃး​ၼၼ်ႉ ဢိမ်ႇ​တဵမ်​ဝႆႉ​တင်း​လိူတ်ႈ​ယဝ်ႉ။ ပီး​မၼ်း​ဝႆႉ​တင်း​ၵွၼ်ႈ​ၶႆ​ၵွၼ်ႈ​မၼ်း​ယဝ်ႉ။ ပီး​မၼ်း​ဝႆႉ​တင်း​လိူတ်ႈ​သူဝ်း​ဢွၼ်ႇ ဢိၵ်ႇ​တင်း​ပႄႉ​တင်း​လၢႆ တင်း​ၵွၼ်ႈ​ၶႆ​ၵွၼ်ႈ​မၼ်း မၢၵ်ႇ​လၼ်း​သူဝ်း​ပေႃႈ​တင်း​လၢႆ​ယဝ်ႉ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၶၢမ်ႇ​ပွႆး​ယိတ်ႈ ၵႃႈ​တီႈ ဝဵင်း​ ပေႃႇၸရႃႉ ဢိၵ်ႇ​တင်း​ပွႆး​တၢင်း​ဢၼ်​ဢဝ်​တၢႆ ဢၼ်​ယႂ်ႇ​ၼႃႇ​ၵႃႈ​တီႈ​မိူင်း​ ဢေႇတုမ်ႇ ​ဢေႃႈ။-</verse>
				<verse number="7">ၸူင်​ဢိၵ်ႇ​တင်း​ဝူဝ်း​ ဢုၵ်ႉသၽႃႉ တင်း​ဝူဝ်း​ငၢၼ်​တင်း​လၢႆ တၵ်း​လူမ်ႉ​တူၵ်း​လူၺ်ႈ​ၵၼ်​တင်း​ၶဝ်​ၼၼ်ႉ​လႄႈ လိၼ်​တီႈ​ဢၼ်​ၶဝ်​ယူႇ​ၼၼ်ႉ တၵ်း​မဝ်း​လဝ်ႈ​လူၺ်ႈ​လိူတ်ႈ​ၶဝ်​လႄႈ မုၼ်ႈ​လိၼ်​တီႈ​ဢၼ်​ၶဝ်​ယူႇ​ၼၼ်ႉ​ၵေႃႈ တၵ်း​ပီး​မၼ်း​လူၺ်ႈ​ၵွၼ်ႈ​ၶႆ​ၵွၼ်ႈ​မၼ်း​ဢေႃႈ။-</verse>
				<verse number="8">ဝၼ်း​ဢၼ် ထႃႇဝရႃႉ​ၽြႃး​ပၼ်​တၢမ်ႇ၊ ပီႊ​မိူင်း​ဢၼ်​မၼ်း​ၸဝ်ႈ​ပႂ်ႉ​ဢမူႉ​ဝဵင်း​ ၸီႉဢုၼ်ႇ ​လႄႈ ပၼ်​ဢပႅတ်ႈ​ၼၼ်ႉ ႁွတ်ႈ​ထိုင်​ယဝ်ႉ။-</verse>
				<verse number="9">ၼမ်ႉ​ႁွင်ႈ​ၼမ်ႉ​ၵႄး​မၼ်း​ၼၼ်ႉ တၵ်း​ပဵၼ်​ယၢင်​ပႅၵ်ႇ​ၵႂႃႇ၊ မုၼ်ႈ​လိၼ်​မၼ်း​ၵေႃႈ တၵ်း​ပဵၼ်​ၵၢၼ်ႉ​ၵႂႃႇ၊ မိူင်း​တင်း​မိူင်း​တၵ်း​ပဵၼ်​ယၢင် ဢၼ်​ၽႆး​မႆႈ​ၼၼ်ႉ​ၵႂႃႇ​ဢေႃႈ။-</verse>
				<verse number="10">ၶိုၼ်း​ၶိုၼ်း​ဝၼ်း​ဝၼ်း ၽႆး​ၼၼ်ႉ​ဢမ်ႇ​လႆႈ​ထၢတ်ႇ​လႆႈ​ယဵၼ်​လႄႈ ၵႂၼ်း​ၽႆး​တၵ်း​ၶိုၼ်ႈ​ယူႇ​သေႇ​သေႇ​ဢေႃႈ။ မိူင်း​ၼၼ်ႉ တၵ်း​သဵတ်ႇ​ယဵၼ်​ၵႂႃႇ​ၵူႈ​ၸူဝ်ႈ​ၵူႈ​ပၢၼ် သိုပ်ႇ​သိုပ်ႇ​တၢမ်း​တၢမ်း​လႄႈ​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လႆႈ​လတ်း​ၵႂႃႇ​တႆႇ​ၵႂႃႇ ၵႃႈ​ၼႂ်း​မၼ်း​ယူႇ ၵူႈ​ၶိင်ႇ​ၵူႈ​မိူဝ်ႈ တႃႇ​သေႇ​ဢမ်ႇ​ထၢတ်ႇ။-</verse>
				<verse number="11">ၼူၵ်ႉ​ဝမ်ႇ​ပူဝ်ႇ ဢိၵ်ႇ​တင်း​မဵၼ်ႈ​တင်း​လၢႆ တၵ်း​ၶၢမ်ႇ​ဢဝ်​ဢမူၺ်ႇ မိူင်း​ၼၼ်ႉ​လႄႈ တီး​တုတ်ႈ​ဢိၵ်ႇ​တင်း​ၵႃ​လူင် တင်း​လၢႆ​တၵ်း​ယူႇ​ၵႃႈ​ၼႂ်း​မၼ်း​ဢေႃႈ။ မၼ်း​ၸဝ်ႈ​တၵ်း​ဢဝ်​ၸိူၵ်ႈ​မႆ​မီႈ တၢင်း​ဢၼ် ယႃႉ​ပႅတ်ႈ​ဢိၵ်ႇ​တင်း​ၶိူင်ႈ​ဢၼ်​ႁွႆး​မႆ​မီႈ တၢင်း​ဢၼ်​သုမ်း​ၸွမ်း​ၼၼ်ႉ ၶဵင်ႈ​သႂ်ႇ​ၵႃႈ​ၼိူဝ်​မၼ်း​ဢေႃႈ။-</verse>
				<verse number="12">ဢမ်ႇ​လႆႈ​မီး​မူး​မၢတ်ႈ​ၽွင်း​မိူင်း ဢၼ်​လႆႈ​ယုၵ်ႉ​ယွင်ႈ​ဝႆႉ ၵႃႈ​ၼႂ်း​ဢရႃႇ​ၶုၼ်​ၼၼ်ႉ ၵႃႈ​တီႈ​ၼၼ်ႈ။ ၶိူဝ်း​ၶုၼ်​တၵ်း​လႆႈ​ၶၢတ်ႇ​ၵႂႃႇ​ဢေႃႈ။-</verse>
				<verse number="13">တူၼ်ႈ​ၼၢမ်​တင်း​လၢႆ တၵ်း​ဢွၵ်ႇ​ၵႃႈ​တီႈ​ႁေႃ​ၶမ်း​မၼ်း​ၸိူဝ်း​ၼၼ်ႉ​လႄႈ တူၼ်ႈ​ၼၢမ်​ဢိၵ်ႇ​တင်း​တူၼ်ႈ​ၼၢမ်​လိၼ်​တင်း​လၢႆ တၵ်း​ဢွၵ်ႇ​ၵႃႈ​တီႈ​တိူၵ်ႈ​တီႈ​တိုၵ်း​သိုၵ်း​မၼ်း​ၸိူဝ်း​ၼၼ်ႉ​ဢေႃႈ။ တၵ်း​လႆႈ​ပဵၼ်​တီႈ​ဢၼ်​မႃ​လိၼ်​သွၼ်ႈ​ပိုင်ႈ၊ တီႈ​ဢၼ်​ၼူၵ်ႉ ၵလႃးဢုၵ်ႉ​ယူႇ​ဢေႃႈ။-</verse>
				<verse number="14">တူဝ်​ထိူၼ်ႇ​ႁၢႆႉ​တင်း​လၢႆ တၵ်း​ႁူပ်ႉ​ထူပ်း​ၵၼ်​တင်း​မႃ​ထိူၼ်ႇ​တင်း​လၢႆ ၵႃႈ​တီႈ​ၼၼ်ႈ​လႄႈ၊ တူဝ်​ဢၼ်​ၶူၼ်​ၽူင်း​ၶူၼ်​ယၢဝ်း​ၸိူဝ်း​ၼၼ်ႉ တူဝ်​ၼိုင်ႈ​တၵ်း​ႁွင်ႉ​ၸူး​တီႈ​တူဝ်​ၼိုင်ႈ ဢေႃႈ။ ၼူၵ်ႉ​ၵၢင်​ၶိုၼ်း​တၵ်း​လိုဝ်ႈ​ၵႃႈ​တီႈ​ၼၼ်ႈ​လႄႈ ထူပ်း​တီႈ​ဢၼ်​မၼ်း​တၵ်း​သွၼ်ႈ​ပိုင်ႈ​ဢေႃႈ။-</verse>
				<verse number="15">ငူး​ဢၼ်​ၸၢင်ႈ​ဝႅၼ်​ၼၼ်ႉ တၵ်း​ႁဵတ်း​ႁင်း​ၵႃႈ​တီႈ​ၼၼ်ႈ​လႄႈ ၶႆႇ​သေ​ယဝ်ႉ၊ ၶႆႇ​မၼ်း​ၼၼ်ႉ​တၵ်း​တႅၵ်ႇ​ဢွၵ်ႇ​လႄႈ မၼ်း​တၵ်း​ၸူႉ​သိမ်း​ဢဝ် ငူး​ဢွၼ်ႇ​တင်း​လၢႆ​ဝႆႉ​ၵႃႈ​တီႈ​တႂ်ႈ​ငဝ်း​ႁူမ်ႈ တူဝ်​မၼ်း​ယူႇ​ဢေႃႈ။ ယဵဝ်ႈ​ၸွၵ်ႇ​တင်း​လၢႆ တူဝ်​ၽူႈ​တူဝ်​မႄႈ ပဵၼ်​ၵူပ်ႉ​ပဵၼ်​ၵူႈ​ၵၼ်​ယူႇ သေ​လႄႈ တၵ်း​ၸူႉ​ၵၼ်​တုမ်​ၵၼ် ၵႃႈ​တီႈ​ၼၼ်ႈ​ဢေႃႈ။-</verse>
				<verse number="16">သူ​ဢွၼ်​ၵၼ်​လူ​တူၺ်း ၵႃႈ​ၼႂ်း​ၵျၢမ်း​လိၵ်ႈ ထႃႇဝရႃႉ​ၽြႃး လႄႈ​ၽတ်း​တႃႉ။ တူဝ်​ၸိူဝ်း​ၼၼ်ႉ​ဢမ်ႇ​လႆႈ​သုတ်ႈ​ၵႂႃႇ​ယွမ်း​ၵႂႃႇ​သေ​တူဝ် လႄႈ တူဝ်​မႄႈ​ဢမ်ႇ​လႆႈ​လူဝ်ႇ​ထႅင်ႈ ၵေႃႉ​သေႈ​မၼ်း​သေ​တူဝ်။ ဢမိင်ႉ​ဢၼ်​ဢွၵ်ႇ​သူပ်း​ၵဝ်​မီး​ယဝ်ႉ​လႄႈ ဝီႉၺိၺ်ႇ​မၼ်း​ၸဝ်ႈ ႁႂ်ႈ​ၶဝ်​ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="17">မၼ်း​ၸဝ်ႈ ႁဵတ်း​တၢင်း​ဢၼ်​တူၵ်း​ၸႃႇ​ၵွၵ်ႈ​ပုၼ်ႈ​ၶဝ်​ယူႇ၊ ဢဝ်​တင်း​မိုဝ်း​မၼ်း​ၸဝ်ႈ ၶဵင်ႈ​ၸိူၵ်ႈ​မႆ​မီႈ​ယူႇ​သေ​လႄႈ ၽႄ​တီႈ​ယူႇ​မႅင်ႇ​ပၼ်​တီႈ​ၶဝ်​ဢေႃႈ။ ၶဝ်​ၼၼ်ႉ တၵ်း​လႆႈ ၶၢမ်ႇ​ဢဝ်​ဢမူၺ်ႇ​မိူင်း​ၼၼ်ႉ​ယူႇ​တႃႇ​သေႇ​ဢမ်ႇ​ထၢတ်ႇ​လႄႈ ယူႇ​ၵႃႈ​ၼႂ်း​မၼ်း​ယူႇ​ၵူႈ​ၸူဝ်ႈ​ၵူႈ​ပၢၼ် သိုပ်ႇ​သိုပ်ႇ​တၢမ်း​တၢမ်း​ဢေႃႈ။</verse>
			</chapter>
			<chapter number="35">
				<verse number="1">ထိူၼ်ႇ​ဢိၵ်ႇ​တင်း​ပၢင်ႇ​ပဵင်း​ၼၼ်ႉ တၵ်း​ၸူမ်း​သိူဝ်း​လႄႈ တီႈ​ဢၼ်​သဵတ်ႇ​ဢၼ်​ယဵၼ်​ၼၼ်ႉ တၵ်း​သႂၢင်ႇ​သိူဝ်း​သေ​လႄႈ မွၵ်ႇ​မွၵ်ႇ မိူၼ်​ၸိူဝ်ႉ​ၼင်ႇ မွၵ်ႇ​ၼိင်း​သီႇ​ဢေႃႈ။-</verse>
				<verse number="2">တၵ်း​မွၵ်ႇ​မွၵ်ႇ​ၼမ်​ၼႃႇ​လူင်​လၢင်​လႄႈ တၵ်း​မီး​တၢင်း​ဢၼ်​မူၼ်ႈ​ပျေႃႇ တၢင်း​ဢၼ်​ႁဵတ်း​ၵႂၢမ်း​သေ​လႄႈ သႂၢင်ႇ​သိူဝ်း​ဢေႃႈ။ တၵ်း​ပျေႉ​ၸုမ်ႇ​ဝႆႉ​တင်း​မုၼ်​ၽုင်း​လွႆ​ လေႇပၼုၼ်ႇ ဢိၵ်ႇ​တင်း သရေႇ​တၢင်း​ဢၼ်​ႁၢင်ႈ​လီ​ႁၢင်ႈ​ငၢမ်း လွႆ​ ၵရမေႇလႃႉ တင်း​ သႃႇရုၼ်ႇ ​ၼၼ်ႉ​လႄႈ ၶဝ်​တၵ်း​လႆႈ​ႁၼ် မုၼ်​ၽုင်း​ထႃႇဝရႃႉ​ၽြႃး ဢိၵ်ႇ​တင်း သရေႇ​တၢင်း​ဢၼ်​ႁၢင်ႈ​လီ​ႁၢင်ႈ​ငၢမ်း ၽြႃး​ပဵၼ်​ၸဝ်ႈ​ႁဝ်း​ဢေႃႈ။-</verse>
				<verse number="3">သူ​ဢွၼ်​ၵၼ်​ႁႂ်ႈ​မိုဝ်း​ဢၼ်​ဢမ်ႇ​မီး​ႁႅင်း​ၸိူဝ်း​ၼၼ်ႉ မၼ်ႈ​ၶိူင်ႇ​လႄႈ ႁႂ်ႈ​ႁူဝ်​ၶဝ်ႇ​ဢၼ်​ၸၢင်ႈ​တူင်ႉ​ၸၢင်ႈ​ၶွၼ်း​ၸိူဝ်း​ၼၼ်ႉ ၵႅၼ်ႇ​ၶႅင်​တႃႉ။-</verse>
				<verse number="4">ဢွၼ်​ၵၼ်​လၢတ်ႈ​တီႈ​ၶဝ်​ၸိူဝ်း​ဢၼ် ႁူဝ်​ၸႂ်​ၸၢင်ႈ​ၵူဝ်​ၸၢင်ႈ​ႁႄ​ၼၼ်ႉ​လႄႈ​ဝႃႈ၊ ဢဝ်​ႁႅင်း​တႃႉ။ ယႃႇ​ပေ​မႆႈ​ၸႂ်၊ ဝႃႈ​ၼင်ႇ​ၼႆ​တႃႉ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​သူ​ၼၼ်ႉ တၵ်း​ပႃး​ဢဝ်​တၢင်း​ဢၼ်​ပၼ်​ဢပႅတ်ႈ၊ တၢင်း​ဢၼ်​ၽြႃး​ပဵၼ်​ၸဝ်ႈ ၸီႇ​ယၢင်ႇ​တၢမ်ႇ​ၼၼ်ႉ သေ​လႄႈ​မႃး​ဢေႃႈ။ မၼ်း​ၸဝ်ႈ​တၵ်း​မႃး​လႄႈ ၵႄႇ​သႄႇ​ၶျွတ်ႈ​ဢဝ်​သူ​ဢေႃႈ။-</verse>
				<verse number="5">မိူဝ်ႈ​ၼၼ်ႉ တႃ​ၶဝ်​ၸိူဝ်း​ဢၼ်​တႃ​မွတ်ႇ​ၼၼ်ႉ တၵ်း​မီး​တၢင်း​ဢၼ်​ပိုတ်ႇ​လႅင်း​လႄႈ ႁူ​ၶဝ်​ၸိူဝ်း​ဢၼ်​ႁူ​ၼူၵ်ႇ​ၼၼ်ႉ တၵ်း​မီး​တၢင်း​ဢၼ်​ၽုၺ်ႇ​ပိုတ်ႇ​ငိၼ်း​လီ​ဢေႃႈ။-</verse>
				<verse number="6">ၶဝ်​ၸိူဝ်း​ဢၼ်​တိၼ်​ၵႅင်ႉ​ၼၼ်ႉ တၵ်း​ၵျွၵ်း​ဝႅၼ်​မိူၼ်​ၸိူဝ်ႉ​ၼင်ႇ တိုင်​လႄႈ​လိၼ်ႉ​ၶဝ်​ၸိူဝ်း​ဢၼ် ဢႃႉ​ၼၼ်ႉ​တၵ်း​ႁဵတ်း​ၵႂၢမ်း ဢေႃႈ။ လွင်ႈ​မၼ်း​ၸမ်ႉ ၼမ်ႉ​ဢွၵ်ႇ​ႁူး​တၵ်း​ဢွၵ်ႇ​ၵႃႈ​တီႈ​ထိူၼ်ႇ​လႄႈ ၼမ်ႉ​ႁွင်ႈ​ၼမ်ႉ​ၵႄး တၵ်း​လႆ​ၵႃႈ​ၼႂ်း​ပၢင်ႇ​ပဵင်း​ဢေႃႈ။-</verse>
				<verse number="7">တီႈ​ဢၼ်​သၢႆ​ဢရွင်ႇ​ၵၢင်​ဝၼ်း​ထွင်ႇ​မိူၼ်​ၼင်ႇ​ႁၢင်ႈ​ပဵၼ်​ၼမ်ႉ​ၼၼ်ႉ​တၵ်း​ပဵၼ်​ၼမ်ႉ​ၼွင်​လႄႈ လိၼ်​ဢၼ်​ႁႅင်ႈ​ႁွင်​ၼၼ်ႉ တၵ်း​ပဵၼ် တီႈ​ဢၼ်​မီး ၼမ်ႉ​ဢွၵ်ႇ​ႁူး​တင်း​လၢႆ​ဢေႃႈ။ ၵႃႈ​ၼႂ်း​တီႈ​ယူႇ​တီႈ​ၼွၼ်း​မႃ​လိၼ်​ၼၼ်ႉ​တၵ်း​လႆႈ​ပဵၼ် တီႈ​ဢၼ်​တူၼ်ႈ​မႆႉ​ဢေႃႈ ဢိၵ်ႇ​တင်း တူၼ်ႈ​ၵမႃႇ ဢွၵ်ႇ​မႃး​ဢေႃႈ။-</verse>
				<verse number="8">ၵႃႈ​တီႈ​ၼၼ်ႈ​တၵ်း​မီး​သဵၼ်ႈ​တၢင်း​လူင် ဢိၵ်ႇ​တင်း​သဵၼ်ႈ​တၢင်း​လႄႈ သဵၼ်ႈ​တၢင်း​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ သဵၼ်ႈ​တၢင်း​ဢၼ်​မူတ်း​ၸၢင်ႇ​ဢေႃႈ။ ၵေႃႉ​ဢၼ်​ဢမ်ႇ​မူတ်း​သႂ်​ၼၼ်ႉ ဢမ်ႇ​လႆႈ​တႆႇ​လႆႈ​ၵႂႃႇ​ၵႃႈ​ၼႂ်း​မၼ်း​ၼၼ်ႉ။ တၵ်း​လႆႈ​ပဵၼ်​ပုၼ်ႈ ၶဝ်​ၸိူဝ်း​ဢၼ် ၵႂႃႇ​ၼၼ်ႉ​ၵူၺ်း​ဢေႃႈ။ ၶဝ်​ၸိူဝ်း​ဢၼ်​ၸွမ်း​သဵၼ်ႈ​တၢင်း​ၼၼ်ႉ ၵႂႃႇ​ၼၼ်ႉ၊ ပိၵ်ႉ​သမ်ႉ​ပဵၼ်​ၵေႃႉ​ဢၼ်​မိူၵ်ႈ သေ​ၵေႃႈ ဢမ်ႇ​လႆႈ​ပိူင်ႈ​တၢင်း​ၽိတ်း​တၢင်း​ၵႂႃႇ။-</verse>
				<verse number="9">ၵႃႈ​တီႈ​ၼၼ်ႈ​ဢမ်ႇ​လႆႈ​မီး​သၢင်ႇ​သီႈ တူဝ်​ႁၢႆႉ​တူဝ်​ၵျၢမ်း။ ဢမ်ႇ​လႆႈ​ၶိုၼ်ႈ​လႆႈ​ၸူး​သေ​တူဝ်။ ႁႃ​လႄႈ​ဢမ်ႇ​လႆႈ​ထူပ်း။ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် ထုတ်ႇ​ၼုၵ်ႈ​ဢဝ်​ၼၼ်ႉ​ၵူၺ်း တၵ်း​လႆႈ​ၸွမ်း​သဵၼ်ႈ​တၢင်း​ၼၼ်ႉ​ဢေႃႈ။-</verse>
				<verse number="10">ၶဝ်​ၸိူဝ်း​ဢၼ် ထႃႇဝရႃႉ​ၽြႃး ၵႄႇ​သႄႇ​ဢဝ်​လွတ်ႈ​ၼၼ်ႉ တၵ်း​ဢွၼ်​ၵၼ်​ၶိုၼ်း​မႃး​လႄႈ ပႃး​တင်း တၢင်း​ဢၼ်​ႁဵတ်း​ၵႂၢမ်း​ယူႇ သေ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ၸီႉဢုၼ်ႇ ​လႄႈ တၢင်း​ဢၼ်​ၸူမ်း​သိူဝ်း ထႃႇဝရႃႉ​ၼၼ်ႉ တၵ်း​တိူဝ်ႉ​သႂ်ႇ​ဝႆႉ​ယူႇ ၵႃႈ​တီႈ​ႁူဝ်​ၶဝ်​ဢေႃႈ။​တၢင်း​ဢၼ်​မူၼ်ႈ​ပျေႃႇ​ဢိၵ်ႇ​တင်း တၢင်း​ဢၼ်​သႂၢင်ႇ​သိူဝ်း​ၼၼ်ႉ တၵ်း​ၶိုတ်း​ၶဝ်​လႄႈ တၢင်း​ဢၼ်​မႆႈ​ၸႂ်​ၶီ​ၸႂ် ဢိၵ်ႇ​တင်း​တၢင်း​ဢၼ် ၶၢင်း​ၶီ​ၶၢင်း​ၽၢၼ်​ၼၼ်ႉ တၵ်း​လႆႈ​ဢွၵ်ႇ​ပၢႆႈ​ၵႂႃႇ​ဢေႃႈ။</verse>
			</chapter>
			<chapter number="36">
				<verse number="1">ၼႂ်း​ပီႊ​ဢၼ်​ၶုၼ်​လူင်​ ႁေႇၸၵီႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​သီႇ​ပီႊ​ၼၼ်ႉ၊ သၼႃႇၶရိပ်ႉ ၶုၼ်​ႁေႃ​ၶမ်း​ ဢႃႇသူႉရီႉ ၶီႇ​သိုၵ်း​ၶိုၼ်ႈ​ၸူး​တီႈ​ဝဵင်း​ဢၼ်​မၼ်ႈ​ၶိူင်ႇ ၵႃႈ​ဢၼ်​မီး​ၵႃႈ​ၼႂ်း​မိူင်း​ ယူႉတႃႉ ​လႄႈ တိုၵ်း​ဢဝ်​လႆႈ​ဢေႃႈ။-</verse>
				<verse number="2">လိုၼ်း​ၼၼ်ႉ ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ ပွႆႇ​ၸႂ်ႉ​ ရႃႇပသႃႇၶႃႉ ဢိၵ်ႇ​လူၺ်ႈ​ၵၼ်​တင်း​ပူဝ်ႇ​ပႃႇ ၵူၼ်း​သိုၵ်း ဢၼ်​ၼမ်​ၼႃႇ​လူင်​လၢင်​သေ​ၵႃႈ​တီႈ ဝဵင်း​ လႃႇၶီႉသႃႉ မႃး​ၸူး​တီႈ​ၶုၼ်​လူင်​ ႁေႇၸၵီႉ ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ၊ ၶုၼ်​ပူဝ်ႇ​ၶျုၵ်ႈ​ၼၼ်ႉ ႁွတ်ႈ​ထိုင်​လႄႈ ၸုၵ်း​ယူႇ​ၵႃႈ​တီႈ ပၢၵ်ႇ​တေႃႈ​ၼမ်ႉ​ၼွင် လုၵ်ႉ​ၵႃႈ​ၼိူဝ်​ဢၼ်​မီး​ၵႃႈ​တီႈ​သဵၼ်ႈ​တၢင်း​ၵႂၢၵ်ႈ​လိၼ် ၵူၼ်း​သၵ်ႉ​ၶူဝ်း​ၼၼ်ႉ​ဢေႃႈ။-</verse>
				<verse number="3">မိူဝ်ႈ​ၼၼ်ႉ​ ဢေးလျႃႇၵိမ်ႇ လုၵ်ႈ​ၸၢႆး​ ႁီႉလၶီႉ ၊ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၶမ်း ဢိၵ်ႇ​တင်း​ၸရေး​လူင်​ သေႇပၼႃႉ ၊ ဢတႂၢင်းဝုၼ်ႇ​ ယေႃႇဢႃႇ လုၵ်ႈ​ၸၢႆး​ ဢႃႇသပ်ႉ ​ၸိူဝ်း​ၼၼ်ႉ ဢွၵ်ႇ​ၵႂႃႇ​ၸူး​ၵႃႈ​တီႈ​မၼ်း သေ​ယဝ်ႉ၊-</verse>
				<verse number="4">ရႃႇပသႃႇၶႃႉ လၢတ်ႈ​တီႈ​ၶဝ်​လႄႈ​ဝႃႈ၊ သူ​ၶိုၼ်း​လဝ်ႊ​လၢတ်ႈ​တီႈ​ ႁေႇၸၵီႉ ​လႄႈ​ဝႃႈ၊ ၸဝ်ႈ​မႁႃႇ​ၶုၼ်​လူင်​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ မီး​ဢမိင်ႉ​ၸဝ်ႈ​လႄႈ​ဝႃႈ​ၸမ်ႉ၊ တီႈ​ဢိင်​ပိုင်ႈ​ဢၼ်​မႂ်း​ဢိင်​ပိုင်ႈ​ၼၼ်ႉ ယူႇ​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။-</verse>
				<verse number="5">မႂ်း​လၢတ်ႈ​ၵႂၢမ်း ဢၼ်​လၢႆ​လၢႆ​ဢမ်ႇ​ပွင်​လွင်ႈ​ၵႃႈ​သင်​လႄႈ​ဝႃႈ၊ ၵဝ်​ၼႆႉ​ပျေႉ​ၸုမ်ႇ​ဝႆႉ​တင်း​ၺၢၼ်ႇ တၢင်း​ၵတ်ႉ​တၢင်း​ၶၼ်၊ တၼ်း​ၶူဝ်း တၢင်း​ၵတ်ႉ​တၢင်း​ၶၼ် ႁႂ်ႈ​လႆႈ​တိုၵ်း​သိုၵ်း​ဢေႃႈ၊ ဝႃႈ​ၼင်ႇ​ၼႆ​လူင်​ပႄႇ။ မိူဝ်ႈ​လဵဝ်​ၼႆႉ မႂ်း​ဢိင်​ပိုင်ႈ​ၽူႈ​လႂ်​သေ​လႄႈ​ပုင်ႇ​ၵၢၼ်ႇ​ၵဝ်။-</verse>
				<verse number="6">တူၺ်း​လူး၊ မႂ်း​ဢိင်​ပိုင်ႈ​ၶွၼ်ႉ​တဝ်ႉ​လႅမ်ႈ​မႆႉ​ဢေႃႈ ဢၼ်​ႁၵ်း​ဢၼ်​ဝႃႈ​မိူင်း​ ဢေႇၵိပ်ႉတူႉ ​ၼၼ်ႉ​လူင်​ပႄႇ။ မႆႉ​ဢေႃႈ​ၼၼ်ႉ​တၵ်း​တမ်​တႅင်း မိုဝ်း​ၵေႃႉ​ဢၼ်​ဢိင်​ပိုင်ႈ​ၼၼ်ႉ​သေ​လႄႈ​ပွင်ႇ​ပဵဝ်​ၵႂႃႇ​ဢေႃႈ။ ၶုၼ်​လူင်​ ဢေႇၵိပ်ႉတူႉ ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ တၵ်း​ႁဵတ်း​တီႈ​ၶဝ် ၵႃႈ​ဢၼ်​ဢိင်​ပိုင်ႈ​မၼ်း​ၼၼ်ႉ ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="7">ပေႃး​မႂ်း​ၶိုၼ်း​လၢတ်ႈ​တီႈ​ၵဝ်​လႄႈ​ဝႃႈ၊ ႁဝ်း​ဢိင်​ပိုင်ႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​ၼၼ်ႉ ပဵၼ်​ၽြႃး​ဢၼ်​ ႁေႇၸၵီႉ ပႄႇ​ၽဵဝ်ႈ​ထႃႇၼႃႉ​တီႈ​သုင်​မၼ်း​ၸဝ်ႈ ဢိၵ်ႇ​တင်း​ယိတ်ႈပလၢင်ႇ​မၼ်း​ၸဝ်ႈ​တင်း​လၢႆ ပႅတ်ႈ​သေ​လႄႈ သင်ႇ​လၢတ်ႈ​တီႈ​ၵူၼ်း​မိူင်း​ ယူႉတႃႉ တင်း​ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​လႄႈ​ဝႃႈ၊ သူ​တၵ်း​လႆႈ​ၵူဝ်း​ၵႂၢႆႇ​ၵႃႈ​တီႈ​ၽၢႆႇ​ၼႃႈ​ယိတ်ႈပလၢင်ႇ​ဢၼ်​ၼႆႉ ၵူၺ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="8">ပိူဝ်ႈ​ၼႆ​လႄႈ မိူဝ်ႈ​လဵဝ်​ၼႆႉ ပၼ်​ၶဝ်​ၸိူဝ်း​ဢၼ် တၵ်း​ႁပ်ႉ​တုင်း​ဢဝ် တီႈ​ၸဝ်ႈ​ၵဝ်​ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ​တႃႉ။ ပေႃး​ၵူၼ်း​သိုၵ်း​ၶီႇ​မႃႉ မီး​တီႈ​မႂ်း​ထၼ်ႈ​ပေႃး​ၵုမ်ႇ​လုမ်ႇ​ၸိုင် ၵဝ်​တၵ်း​ပၼ်​မႃႉ​သွင်​ႁဵင်​ဢေႃႈ။-</verse>
				<verse number="9">မႂ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ် သေ​လႄႈ ႁႂ်ႈ​ၼႃႈ​ပူဝ်ႇ​ဢၼ်​လဵၵ်ႉ​သေ​ပိူၼ်ႈ​ၵႃႈ​ၼႂ်း ၶႃႈ​ၵူၼ်း​ၸဝ်ႈ​ၵဝ်ႇ​ၸိူဝ်း​ၼၼ်ႉ​ဝၢႆႇ​ၶိုၼ်း​လႄႈ တၵ်း​သွၼ်ႈ​ပိုင်ႈ​မိူင်း​ ဢေႇၵိပ်ႉတူႉ ပုၼ်ႈ​လေႃႉ​ရထႃး​လႂ် ဢိၵ်ႇ​တင်း​ၵူၼ်း​သိုၵ်း​ၶီႇ​မႃႉ​လႂ်​ၸိူဝ်း​ၼၼ်ႉ ၸိူဝ်ႉ​ၼင်ႇ​ႁိုဝ်။-</verse>
				<verse number="10">ဢၶႂၢင်ႉ ထႃႇဝရႃႉ​ၽြႃး ယင်း​ဢမ်ႇ​မီး​လႄႈ ၵဝ်​မႃး​ႁႂ်ႈ​လႆႈ​ယႃႉ​မိူင်း​ၼႆႉ​ပႅတ်ႈ​ႁိုဝ်။ ထႃႇဝရႃႉ​ၽြႃး​မီး​ဢမိင်ႉ​တီႈ​ၵဝ်​လႄႈ​ဝႃႈ၊ ၶီႇ​သိုၵ်း​ၶိုၼ်ႈ​ၸူး ၵႃႈ​တီႈ​မိူင်း​ၼၼ်ႉ​သေ​လႄႈ​ယႃႉ​ပႅတ်ႈ​တႃႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ဢေးလျႃႇၵိမ်ႇ၊ သေႇပၼႃႉ၊ ယေႃႇဢႃႇ ​ၸိူဝ်း​ၼၼ်ႉ လၢတ်ႈ​တီႈ ရႃႇပသႃႇၶႃႉ ​လႄႈ​ဝႃႈ၊ ဢဝ်​ၽႃႇသႃႇ​ၵႂၢမ်း​ ဢႃႇရမီႉ မီး​ဢမိင်ႉ​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ​သေ​ၵမ်း။ ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ႁူႉ​ၵႂၢမ်း​ၼၼ်ႉ​ယူႇ​ၶႃႈ​ဢေႃႈ။ ယႃႇ​ပေ​ဢဝ် ၽႃႇသႃႇ​ၵႂၢမ်း​ ယူႉတႃႉ မီး​ဢမိင်ႉ​တီႈ​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ ႁႂ်ႈ​ႁွတ်ႈ​ထိုင်​ႁူ​ၶဝ်​ၸိူဝ်း​ဢၼ် မီး​ယူႇ​ၵႃႈ​ၼိူဝ်​လမ်း​ဝဵင်း​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">ရႃႇပသႃႇၶႃႉ လၢတ်ႈ​လႄႈ​ဝႃႈ၊ ၸဝ်ႈ​ၵဝ်​ၼၼ်ႉ ပွႆႇ​ၸႂ်ႉ​ၵဝ်​မႃး ႁႂ်ႈ​ၵဝ်​လႆႈ​ဢဝ်​ၵႂၢမ်း​ၼႆႉ​လၢတ်ႈ​တေႃႇ​ၵၼ်​တင်း​ၸဝ်ႈ​မႂ်း​တင်း​မႂ်း ၵူၺ်း​ႁိုဝ်။ မၼ်း​ၸဝ်ႈ​ပွႆႇ​ၸႂ်ႉ​ၵဝ်​မႃး ၵႃႈ​တီႈ​ၶဝ်​ၸိူဝ်း​ဢၼ်​ၼင်ႈ​ၵႃႈ​ၼိူဝ်​လမ်း​ဝဵင်း ႁႂ်ႈ​ၶဝ်​လႆႈ​ၵိၼ် ၽၢႆႈ​လူင်​ၶဝ်​လႄႈ သူတ်ႉ​ၽၢႆႈ​ၼွႆႉ​ၶဝ်​ယူႇ လူၺ်ႈ​ၵၼ်​တင်း​သူ​ၸိူဝ်း​ၼၼ်ႉ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">ရႃႇပသႃႇၶႃႉ ​ၼၼ်ႉ ၸုၵ်း​ယူႇ​သေ​လႄႈ ဢဝ်​ၽႃႇသႃႇ​ၵႂၢမ်း​ ယူႉတႃႉ ႁဵတ်း​သဵင်​ဢၼ်​ယႂ်ႇ​ႁွင်ႉ​ပၢဝ်ႇ​လႄႈ​ဝႃႈ၊ ဢွၼ်​ၵၼ်​ထွမ်ႇ​ငိၼ်း ဢမိင်ႉ​ၸဝ်ႈ​မႁႃႇ​ၶုၼ်​လူင် ၶုၼ်​ႁေႃ​ၶမ်း​ ဢႃႇသူႉရီႉ ​တႃႉ။-</verse>
				<verse number="14">ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ​ၸမ်ႉ၊ ယႃႇ​ပေ​ႁႂ်ႈ​ ႁေႇၸၵီႉ လႆႈ​ပႅတ်ႉ​လႅၼ်​သူ။ မၼ်း​ဢမ်ႇ​တၢတ်ႈ​ၼိူင်ႇ​ႁႂ်ႈ​လႆႈ​ၵႄႇ​သႄႇ​ၼုၵ်ႈ​ဢဝ်​သူ။ ယႃႇ​ပေ​ႁႂ်ႈ ႁေႇၸၵီႉ ႁႂ်ႈ​သူ​ဢိင်​ပိုင်ႈ ထႃႇဝရႃႉ​ၽြႃး​သေ​လႄႈ လၢတ်ႈ​လႄႈ​ဝႃႈ၊-</verse>
				<verse number="15">ထႃႇဝရႃႉ​ၽြႃး တၵ်း​ၵႄႇ​သႄႇ​ၼုၵ်ႈ​ဢဝ်​ႁဝ်း​ဢွၵ်ႇ ဢမၢၼ်ႇ​ၶၼ်​ပဵၼ်​လႄႈ ဝဵင်း​ၼႆႉ တၵ်း​ဢမ်ႇ​လႆႈ​ႁွတ်ႈ​ထိုင်​ၵႃႈ​ၼႂ်း​မိုဝ်း ၶုၼ်​ႁေႃ​ၶမ်း ဢႃႇသူႉရီႉ ​ၵူၺ်ႉ၊ ဝႃႈ​ၼင်ႇ​ၼႆ​သေ​ၵမ်း။-</verse>
				<verse number="16">ယႃႇ​ပေ​ထွမ်ႇ​ဢဝ်​ၵႂၢမ်း​ ႁေႇၸၵီႉ ​သေ​ၵမ်း။ ၶုၼ်​ႁေႃ​ၶမ်း​ ဢႃႇသူႉရီႉ ​မီး​ဢမိင်ႉ​လႄႈ​ဝႃႈ​ၸမ်ႉ၊ ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ် တင်း​ၵဝ်​သေ​လႄႈ ဢွၼ်​ၵၼ်​ဢွၵ်ႇ​မႃး​ၸူး​ၵႃႈ​တီႈ​ၵဝ်​လႄႈ ၵူႈ​ၵေႃႉ​ၵူႈ​ၵူၼ်း​ၵိၼ်​မၢၵ်ႇ ၵႃႈ​တီႈ​တူၼ်ႈ​မၢၵ်ႇ​ၸပိတ်ႈ​မၼ်း​ယူႇ၊ မၢၵ်ႇ​လိူဝ်ႇ​သၢင်း​ၽေႃး ၵႃႈ​တီႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​မၼ်း​ယူႇ​သေ​လႄႈ သူတ်ႉ​ၵိၼ်​ၼမ်ႉ​ၵႃႈ​တီႈ​ၼမ်ႉ​ၼွင်​မၼ်း ႁင်း​ၽႂ်​ႁင်း​မၼ်း၊-</verse>
				<verse number="17">တေႃႇ​ထိုင်​ႁွတ်ႈ​ၵဝ်​မႃး ဢဝ်​သူ​ၵႂႃႇ​သူင်ႇ​ၵႃႈ​တီႈ​မိူင်း​ဢၼ် မိူၼ်​ၸိူဝ်ႉ​ၼင်ႇ​မိူင်း​သူ​ဢၼ်​ဝႃႈ မိူင်း​ဢၼ်​ပျေႉ​ၸုမ်ႇ​ဝႆႉ တင်း​ၶဝ်ႈ​ပိူၵ်ႇ​ၶဝ်ႈ​သၢၼ် တင်း​ၼမ်ႉ​ၸပိတ်ႈ၊ မိူင်း​ဢၼ်​ပျေႉ​ၸုမ်ႇ​ဝႆႉ တင်း​ၶဝ်ႈ​မုၼ်း တင်း​သူၼ်​ဢူးယဵၼ်ႇ​ၸပိတ်ႈ ၼမ်​ၼႃႇ​ၼၼ်ႉ​တႃႉ။-</verse>
				<verse number="18">ယႃႇ​ပေ​ႁႂ်ႈ​ ႁေႇၸၵီႉ ​တိုၵ်း​ယူင်း​ၸူဝ်း​ဢဝ်​သူ လႄႈ​ဝႃႈ၊ ထႃႇဝရႃႉ​ၽြႃး တၵ်း​ၵႄႇ​သႄႇ​ၼုၵ်ႈ​ဢဝ်​ႁဝ်း​ဢွၵ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း။ ၽြႃး​ၵူႈ​သိုင်ႇ​ၵူႈ​မိူင်း​သေ​ၸဝ်ႈ​သေ​ပႃး ယၢမ်ႈ​ၵႄႇ​သႄႇ​ၼုၵ်ႈ​ဢဝ် မိူင်း​တူဝ်​ၸဝ်ႈ​ၵဝ်ႇ​ဢွၵ်ႇ​သေ ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ဢႃႇသူႉရီႉ ​ယဝ်ႉ​ႁိုဝ်။-</verse>
				<verse number="19">ၽြႃး​မိူင်း​ ႁႃႇမတ်ႉ ဢိၵ်ႇ​တင်း​မိူင်း​ ဢႃႇပတ်ႉ ​ၸိူဝ်း​ၼၼ်ႉ​မီး​ၵႃႈ​လႂ်၊ ၽြႃး​မိူင်း​ သေႇၽရႃႉဝိမ်း ​ၸိူဝ်း​ၼၼ်ႉ​မီး​ၵႃႈ​လႂ်။ ၶဝ်​ၼၼ်ႉ​ၵႄႇ​သႄႇ​ၼုၵ်ႈ​ဢဝ်​မိူင်း​ သမႃႇရီႉ ​လွတ်ႈ​သေ ၵႃႈ​ၼႂ်း​မိုဝ်း​ၵဝ်​ယဝ်ႉ​ႁိုဝ်။-</verse>
				<verse number="20">ၼႂ်း​ၽြႃး​ၵူႈ​သိုင်ႇ​ၵူႈ​မိူင်း​ၼၼ်ႉ ၽြႃး​သူႇ​လႂ်​ပႃး​လႂ်​ယၢမ်ႈ​တွၼ်ႉ​ၵႄႇ​သႄႇ​ၼုၵ်ႈ​ဢဝ် မိူင်း​တူဝ်​ၸဝ်ႈ​ၵဝ်ႇ​လွတ်ႈ​သေ​ၵႃႈ​ၼႂ်း​မိုဝ်း​ၵဝ်​လႄႈ ထႃႇဝရႃႉ​ၽြႃး​ၼၼ်ႉ တၵ်း​ၵႄႇ​သႄႇ​ၼုၵ်ႈ​ဢဝ်​ဝဵင်း​ ယေႇရူႉသလႅမ်ႇ လွတ်ႈ​သေ​ၵႃႈ​ၼႂ်း​မိုဝ်း​ၵဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၵူၺ်း​ၵႃႈ ၶဝ်​ၼၼ်ႉ​ဢမ်ႇ​တၵ်း​သဵင်​လႄႈ ဢမ်ႇ​ၶိုၼ်း​လၢတ်ႈ​ၵႂၢမ်း​သေ​ၶေႃႈ​သေ​ၵမ်း။ လွင်ႈ​မၼ်း​ၸမ်ႉ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ယႃႇ​ပေ​ၶိုၼ်း​လၢတ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">မိူဝ်ႈ​ၼၼ်ႉ​ ဢေးလျႃႇၵိမ်ႇ လုၵ်ႈ​ၸၢႆး​ ႁီႉလၵီႉ ၊ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၶမ်း ဢိၵ်ႇ​တင်း ၸရေး​လူင်​ သေႇပၼႃႉ ၊ ဢတႂၢင်းဝုၼ်ႇ​ ယေႃႇဢႃႇ လုၵ်ႈ​ၸၢႆး​ ဢႃႇသပ်ႉ ​ၸိူဝ်း​ၼၼ်ႉ ၸၵ်ႉ​သိၵ်ႇ​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ သေ​လႄႈ သုတ်ႉ​မႃး​ၵႃႈ​တီႈ​ ႁေႇၸၵီႉ ​လႄႈ​ဢဝ်​ၵႂၢမ်း​ ရႃႇပသႃႇၶႃႉ ​ၼၼ်ႉ လဝ်ႊ​လၢတ်ႈ​ဢေႃႈ။</verse>
			</chapter>
			<chapter number="37">
				<verse number="1">ၶုၼ်​လူင်​ ႁေႇၸၵီႉ ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ၸၵ်ႉ​သိၵ်ႇ​ၶူဝ်း​ၼုင်ႈ​မၼ်း​သေ​လႄႈ ဢဝ်​ၶူဝ်း​ၼုင်ႈ​ၼင်​ပေႃ​ၼုင်ႈ​မႆ​လႄႈ​ၶဝ်ႈ​ၵႂႃႇ​ၵႃႈ​ၼႂ်း ပိၵ်ႈ​မၢၼ်ႇ​ၸဝ်ႈ ထႃႇဝရႃႉ​ၽြႃး​ဢေႃႈ။-</verse>
				<verse number="2">မၼ်း​ပွႆႇ​ၸႂ်ႉ​ ဢေးလျႃႇၵိမ်ႇ ၊ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၶမ်း ဢိၵ်ႇ​တင်း ၸရေး​လူင်​ သေႇပၼႃႉ ၊ ယိတ်ႈပရေႃးႁဵၵ်ႈ ဢၼ်​ဢသၢၵ်ႈ​ယႂ်ႇ​တင်း​လၢႆ ဢၼ်​ၼုင်ႈ​မႆ​ၶူဝ်း​ၼုင်ႈ​ၼင်​ပေႃ ၸိူဝ်း​ၼၼ်ႉ ၵႂႃႇ​ၵႃႈ​တီႈ​ပရေႃးၽႅတ်ႈ​ ဢီႉသႃႇယႃႉ လုၵ်ႈ​ၸၢႆး​ ဢႃႇမုတ်ႉ ​ၼၼ်ႉ​ဢေႃႈ။-</verse>
				<verse number="3">ၶဝ်​ၼၼ်ႉ​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ၶုၼ်​လူင်​ ႁေႇၸၵီႉ သင်ႇ​လၢတ်ႈ​မႃး​လႄႈ​ဝႃႈ​ၸမ်ႉ၊ ဝၼ်း​မိူဝ်ႈ​ၼႆႉ​ပဵၼ်​ဝၼ်း​တုၵ်ႉ​ၶႃႉ၊ ဝၼ်း​ဢၼ်​လႆႈ​ၶၢမ်ႇ​တၢင်း​ဢၼ်​သင်ႇ​သွၼ်​သုင်း​မႃႉ၊ ဝၼ်း​ဢၼ်​လႆႈ​ၶၢမ်ႇ​တၢင်း​ဢၼ်​သႄႉ​ဢၼ်​သွမ်း​ဢေႃႈ။ ႁွတ်ႈ​ထိုင်​ၶိင်ႇ​ဢၼ်​ၵိူတ်ႇ​လဵင်ႉ​လုၵ်ႈ​လႄႈ ဢမ်ႇ​မီး​ႁႅင်း ဢၼ်​ႁႂ်ႈ​ပေႃး​ၵိူတ်ႇ​လဵင်ႉ​လုၵ်ႈ​လႆႈ။-</verse>
				<verse number="4">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ငိၼ်း​ၵႂၢမ်း​ ရႃႇပသႃႇၶႃႉ ဢၼ်​ၸဝ်ႈ​မၼ်း ၶုၼ်​ႁေႃ​ၶမ်း​ ဢႃႇသူႉရီႉ ပွႆႇ​ၸႂ်ႉ​မႃး​ႁႂ်ႈ​လႆႈ​သႄႉ​သွမ်း ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ၼၼ်ႉ​သေ​လႄႈ ၵႄႈ​လိတ်ႈ​ၵႂၢမ်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ငိၼ်း​ၼၼ်ႉ သေ​ၵမ်း​လူၺ်ႈ။ မႂ်း​ၵေႃႈ​သူး​တွင်း​ႁဵတ်း​ပထၼႃႇ ပုၼ်ႈ​ၶဝ်​ၸိူဝ်း​ဢၼ် ယင်း​ၵိုတ်း​ယင်း​ၵျၢၼ်ႇ​ဝႆႉ​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၼင်ႇ​ၼၼ်​လႄႈ ၶႃႈ​ၶုၼ်​လူင်​ ႁေႇၸၵီႉ ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ ဢီႉသႃႇယႃႉ သေ​ယဝ်ႉ၊-</verse>
				<verse number="6">ဢီႉသႃႇယႃႉ ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ဢွၼ်​ၵၼ်​ၶိုၼ်း​လဝ်ႊ​လၢတ်ႈ​တီႈ​ၸဝ်ႈ​သူ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ​ၸမ်ႉ၊ ယႃႇ​ပေ​ၵူဝ်​ပေ​ႁႄ ၵွပ်ႈ​ပိူဝ်ႈ​ၵႂၢမ်း​ဢၼ်​မႂ်း​လႆႈ​ငိၼ်း​လႄႈ ၶႃႈ​ၶုၼ်​ႁေႃ​ၶမ်း​ ဢႃႇသူႉရီႉ ​သႄႉ​သွမ်း​ၶဝ်​ၼၼ်ႉ။-</verse>
				<verse number="7">ၵဝ်​တၵ်း​ဢဝ်​ၸႂ်​သၽေႃး တၢင်ႇ​ၸိူဝ်ႉ​တၢင်ႇ​ဢၼ် သႂၢင်း​သႂ်ႇ​ပၼ် ၵႃႈ​ၼႂ်း​မၼ်း​ၼၼ်ႉ​လႄႈ မၼ်း​တၵ်း​ငိၼ်း​သတၢင်း​သဵင်​ၶၢဝ်ႇ သေ​လႄႈ ၶိုၼ်း​မိူဝ်း​ၵႂႃႇ ၵႃႈ​တီႈ​မိူင်း​တူဝ်​ၸဝ်ႈ​ၵဝ်ႇ​ဢေႃႈ။ ၵဝ်​တၵ်း​ႁႂ်ႈ​မၼ်း သုမ်း​လူၺ်ႈ​လၢပ်ႇ​လူၺ်ႈ​လႅဝ်း ၵႃႈ​ၼႂ်း​မိူင်း​တီႈ​ယူႇ​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">မိူဝ်ႈ​ၼၼ်ႉ ရႃႇပသႃႇၶႃႉ ​ၼၼ်ႉ​ငိၼ်း​လွင်ႈ​ဢၼ် ၶုၼ်​ႁေႃ​ၶမ်း​ ဢႃႇသူႉရီႉ ဢွၵ်ႇ​သေ​ၵႃႈ​တီႈ​ဝဵင်း​ လႃႇၶီႉသႃႉ ​ၵႂႃႇ​ၼၼ်ႉ​သေ​ယဝ်ႉ၊ ၶိုၼ်း​မိူဝ်း​ၵႂႃႇ​လႄႈ ႁူပ်ႉ​ထူပ်း​ၶုၼ်​ႁေႃ​ၶမ်း​ၼၼ်ႉ တိုၵ်း​တေႃး​ဝဵင်း​ လီႉပၼႃႉ ​ယူႇ​ဢေႃႈ။-</verse>
				<verse number="9">လိုၼ်း​ၼၼ်ႉ ၶုၼ်​ႁေႃ​ၶမ်း​ၼၼ်ႉ ငိၼ်း​ပိူၼ်ႈ​လဝ်ႊ​လၢတ်ႈ​လွင်ႈ တီႉရိၵ်ႉၵႃႉ ၶုၼ်​လူင်​ ၵူႉသႃႉ ​ၼၼ်ႉ​လႄႈ​ဝႃႈ၊ မၼ်း​ၼၼ်ႉ​ၶီႇ​သိုၵ်း​မႃး ႁႂ်ႈ​လႆႈ​တိုၵ်း​တေႃး ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊ မိူဝ်ႈ​ဢၼ်​မၼ်း​ငိၼ်း​လွင်ႈ​ၼၼ်ႉ​ယဝ်ႉ​ၼၼ်ႉ​ၸိုင်၊ မၼ်း​သမ်ႉ​ပွႆႇ​ၸႂ်ႉ တမၢၼ်ႇ​တင်း​လၢႆ မႃး​ၵႃႈ​တီႈ ၶုၼ်​ ႁေႇၸၵီႉ ​လႄႈ သင်ႇ​လၢတ်ႈ​ဝႃႈ၊-</verse>
				<verse number="10">ၵႂၢမ်း​ဢၼ်​သူ​တၵ်း​လႆႈ​လၢတ်ႈ​တီႈ​ ႁေႇၸၵီႉ ၶုၼ်​လူင်​ ယူႉတႃႉ ​ၼၼ်ႉ​ၸမ်ႉ၊ ယႃႇ​ပေ​ႁႂ်ႈ​ၽြႃး​ဢၼ်​မႂ်း​ဢိင်​ပိုင်ႈ​ၼၼ်ႉ ပႅတ်ႉ​လႅၼ်​မႂ်း​လႄႈ​ဝႃႈ၊ ဝဵင်း​ ယေႇရူႉသလႅမ်ႇ ​ဢမ်ႇ​လႆႈ​ႁွတ်ႈ​ထိုင်​ၵႃႈ​ၼႂ်း​မိုဝ်း ၶုၼ်​ႁေႃ​ၶမ်း​ ဢႃႇသူႉရီႉ ​ၵူၺ်ႉ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း။-</verse>
				<verse number="11">တူၺ်း​လူး၊ မႂ်း​လႆႈ​ငိၼ်း​လွင်ႈ​ဢၼ်​ၶုၼ်​ႁေႃ​ၶမ်း​ ဢႃႇသူႉရီႉ ​တင်း​လၢႆ​ႁဵတ်း​တီႈ​မိူင်း​တင်း​သဵင်ႈ​တင်း​လူင်​လႄႈ ယႃႉ​ပႅတ်ႈ​မူတ်း​မူတ်း​သဵင်ႈ​သဵင်ႈ​ယဝ်ႉ​ၼၼ်ႉ ယဝ်ႉ​ဢေႃႈ။ တူဝ်​မႂ်း​တၵ်း​လွတ်ႈ​ႁိုဝ်။-</verse>
				<verse number="12">ၽြႃး​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ယၢမ်ႈ​ၵႄႇ​သႄႇ​ၼုၵ်ႈ​ဢဝ် ၶဝ်​ၸိူဝ်း​ဢၼ် ပူႇ​မွၼ်ႇ​ၶဝ်​ယႃႉ​ပႅတ်ႈ​ဢၼ်​ဝႃႈ ၵူၼ်း​မဵဝ်း​ ၵေႃးၸၼ်ႇ ၊ ၵူၼ်း​မဵဝ်း​ ၶႃႇရၢၼ်ႇ ၊ ၵူၼ်း​မဵဝ်း​ ရေႇၸပ်ႉ ၊ ၵူၼ်း​မဵဝ်း​ ဢေႇတိၼ်ႇ ဢၼ်​မီး​ၵႃႈ​တီႈ​ဝဵင်း​ တေႇလၸႃႇ ​ၸိူဝ်း​ၼၼ်ႉ​ယဝ်ႉ​ႁိုဝ်။-</verse>
				<verse number="13">ၶုၼ်​လူင်​ဝဵင်း​ ႁႃႇမတ်ႉ ၊ ၶုၼ်​လူင်​ဝဵင်း​ ဢႃႇပတ်ႉ ၊ ၶုၼ်​လူင်​ဢၼ်​ဢုပ်ႉ​ပိူင်ႇ​ဝဵင်း​ သေႇၽရႃႉဝိမ်း ၊ ၶုၼ်​လူင်​ဝဵင်း​ ႁေႇၼႃႉ ၊ ၶုၼ်​လူင်​ဝဵင်း​ ဢီႉဝႃႇ ​ၸိူဝ်း​ၼၼ်ႉ မီး​ၵႃႈ​လႂ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">လိၵ်ႈ​ၼၼ်ႉ​ၸိုင် ႁေႇၸၵီႉ ​ႁပ်ႉ​ၶၢမ်ႇ​ဢဝ် ၵႃႈ​တီႈ​မိုဝ်း​တမၢၼ်ႇ​ၸိူဝ်း​ၼၼ်ႉ​လႄႈ ၽတ်း​သေ​ယဝ်ႉ။ ႁေႇၸၵီႉ ​ၶိုၼ်ႈ​ၸူး ၵႃႈ​တီႈ​ပိၵ်ႈ​မၢၼ်ႇ ထႃႇဝရႃႉ​ၽြႃး​လႄႈ ဢဝ်​ၽႄႇ​ၵီႈ​ဝႆႉ​ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး​ဢေႃႈ။-</verse>
				<verse number="15">မိူဝ်ႈ​ၼၼ်ႉ ၶုၼ်​လူင်​ ႁေႇၸၵီႉ သူး​တွင်း​ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး လႄႈ​ဝႃႈ​ၸမ်ႉ၊-</verse>
				<verse number="16">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ဢၼ်​ၼင်ႈ​ယူႇ​ၵႃႈ​ၼိူဝ်​ ၶေႇရူႉၽဵမ်ႇ ​ၼၼ်ႉ​တီႈ​ၶႃႈ၊ ၸဝ်ႈ​ႁဝ်း​ပဵၼ် ၽြႃး​ပဵၼ်​ၸဝ်ႈ တီႈ​ၶႃႈ​ဢေႃႈ။ ၸဝ်ႈ​ႁဝ်း​သူႇ​လဵဝ်​ပႃး​လဵဝ်​ၵူၺ်း ပဵၼ်​ၽြႃး​ပဵၼ်​ၸဝ်ႈ ၵူႈ​သိုင်ႇ​ၵူႈ​မိူင်း ၵႃႈ​ဢၼ်​မီး​ယူႇ​ၵႃႈ​ၼိူဝ် လိၼ်​မိူင်း​ၼႆႉ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ႁဵတ်း​ပဵၼ်​ၽႃႉ​ၵၢင်​ႁၢဝ် တင်း​လိၼ်​မိူင်း တီႈ​ၶႃႈ​ဢေႃႈ။-</verse>
				<verse number="17">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ႁေႈ​ႁူ​ၸဝ်ႈ​ႁဝ်း​လႄႈ ထွမ်ႇ​ငိၼ်း​သေ​ၵမ်း​တီႈ​ၶႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ ၽုၺ်ႇ​တႃ မိုၼ်း​တႃ​ၸဝ်ႈ​ႁဝ်း​လႄႈ လူ​တူၺ်း​သေ​ၵမ်း​တီႈ​ၶႃႈ၊ ထွမ်ႇ​ငိၼ်း​ၵႂၢမ်း​ဢၼ် သၼႃႇၶရိပ်ႉ ​ပွႆႇ​ၸႂ်ႉ​မႃး ႁႂ်ႈ​လႆႈ​သႄႉ​သွမ်း ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="18">ထႃႇဝရႃႉ​ၽြႃး​တီႈ​ၶႃႈ၊ ၶုၼ်​ႁေႃ​ၶမ်း​ ဢႃႇသူႉရီႉ ​ၸိူဝ်း​ၼၼ်ႉ ယႃႉ​ၵူႈ​သိုင်ႇ​ၵူႈ​မိူင်း ဢိၵ်ႇ​တင်း​ၼမ်ႉ​ၶဝ်​လိၼ်​ၶဝ်​ပႅတ်ႈ ဢမၢၼ်ႇ​ၶၼ်​ပဵၼ်​လႄႈ၊-</verse>
				<verse number="19">ဢဝ်​ၽြႃး​ၶဝ် တင်း​လၢႆ ထိမ်ႈ​တူၵ်း​သႂ်ႇ​ၵႃႈ​ၼႂ်း​ၽႆး တီႈ​ၶႃႈ​ယဝ်ႉ။ ၵွပ်ႈ​ပိူဝ်ႈ​ဢၼ်​ၸိူဝ်း​ၼၼ်ႉ ဢမ်ႇ​ပဵၼ်​ၽြႃး၊ ပဵၼ်​မႆႉ​တင်း​မၢၵ်ႇ​ႁိၼ်​ဢၼ်​ၵူၼ်း​ဢဝ်​မိုဝ်း​ႁဵတ်း​ၼၼ်ႉ​လႄႈ ၶဝ်​ၼၼ်ႉ​လႆႈ​ယႃႉ​ၶဝ်​ပႅတ်ႈ​တီႈ​ၶႃႈ​ယဝ်ႉ။-</verse>
				<verse number="20">တေႃႈ​လဵဝ်​ၼႆႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ လွင်ႈ​ၼင်ႇ​ႁိုဝ်​ၵူႈ​သိုင်ႇ​ၵူႈ​မိူင်း ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း​ၼႆႉ ၸိူဝ်း​ၼၼ်ႉ တၵ်း​ႁူႉ​လွင်ႈ​ဢၼ်​ၸဝ်ႈ​ႁဝ်း ထႃႇဝရႃႉ​ၽြႃး​ဢၼ်​ဝႃႈ ၸဝ်ႈ​ႁဝ်း​သူႇ​လဵဝ်​ပႃး​လဵဝ်​ၵူၺ်း ပဵၼ်​ၽြႃး​ပဵၼ်​ၸဝ်ႈ​ၸိုင်၊ ၶႅၼ်း​တေႃႈ ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ် ဢွၵ်ႇ​သေ​ၵႃႈ​ၼႂ်း​မိုဝ်း​ၶုၼ်​ၼၼ်ႉ သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​တွင်း​ပၢၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">မိူဝ်ႈ​ၼၼ်ႉ​ ဢီႉသႃႇယႃႉ လုၵ်ႈ​ၸၢႆး​ ဢႃႇမုတ်ႉ ​ၼၼ်ႉ ပွႆႇ​ၸႂ်ႉ​ၸူး​ၵႃႈ​တီႈ​ၶုၼ်​ ႁေႇၸၵီႉ ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​မႂ်း​ႁဵတ်း​ပထၼႃႇ တီႈ​ၵဝ်​လူၺ်ႈ​လွင်ႈ​ သၼႃႇၶရိပ်ႉ ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ​လႄႈ၊-</verse>
				<verse number="22">ၵႂၢမ်း​ဢၼ် ထႃႇဝရႃႉ​ၽြႃး မီး​ဢမိင်ႉ လူၺ်ႈ​လွင်ႈ​မၼ်း​ၼၼ်ႉ​ၸမ်ႉ၊ ၵၼ်ႇ​ၺႃႇ​လုၵ်ႈ​ယိင်း​သၢဝ်​ ၸီႉဢုၼ်ႇ ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​မႂ်း​လႄႈ ႁဵတ်း​ပျၢၵ်ႈ​ၶူဝ်​မႂ်း​ယူႇ​ဢေႃႈ။ လုၵ်ႈ​ယိင်း​ဝဵင်း​ ယေႇရူႉသလႅမ်ႇ ငွၵ်း​ႁူဝ်​ၶွၼ်း​ႁူဝ်​တေႃႇ​မႂ်း​ဢေႃႈ။-</verse>
				<verse number="23">မႂ်း​ၼႆႉ သႄႉ​သွမ်း​လႄႈ​လႃႇ​လင်​ၽူႈ​လႂ်။ မႂ်း​ဢဝ်​သဵင်​မႂ်း သႅၼ်ႇ​ႁွင်ႉ​ႁႃ​ၽူႈ​လႂ်​လႄႈ မိုၼ်း​တႃ​ပူၵ်း​ပႅၼ်​ၽႅၼ်​သုင်​ယူႇ။ တေႃႈ​ၵႃႈ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၼၼ်ႉ မႂ်း​ယင်း​ႁဵတ်း​တေႃႇ​ယူႇ​လူင်​ပႄႇ။-</verse>
				<verse number="24">မႂ်း​ဢဝ်​ၶႃႈ​ၵူၼ်း​မႂ်း​ၸိူဝ်း​ၼၼ်ႉ သႄႉ​သွမ်း ထႃႇဝရႃႉ​ၽြႃး​လႄႈ လၢတ်ႈ​လႄႈ​ဝႃႈ၊ ၵဝ်​ပႃး​ဢဝ်​လေႃႉ​ရထႃး​ၵဝ်​ၼမ်​ၼႃႇ​သေ​လႄႈ ၶိုၼ်ႈ​ၵႃႈ​ၼိူဝ်​ပၢႆ​ၸိၵ်း​လွႆ​တင်း​လၢႆ ၵႃႈ​ၼိူဝ်​ပဵမ်ႉ​လွႆ​ လေႇပၼုၼ်ႇ ​ၸိူဝ်း​ၼၼ်ႉ​ယဝ်ႉ။ ၵဝ်​ပမ်ႈ​တူၼ်ႈ​ ဢႃႇရိတ်ႉ ​မၼ်း​ဢၼ်​သုင်​ဢၼ်​ယၢဝ်း တင်း​လၢႆ ဢိၵ်ႇ​တင်း​တူၼ်ႈ​မႆႉ​ပႅၵ်ႇ​မၼ်း ဢၼ်​လီ​ၼႃႇ​ၸိူဝ်း​ၼၼ်ႉ​လူမ်ႉ​ယဝ်ႉ။ ၵဝ်​ၶဝ်ႈ​ႁွတ်ႈ​ၶဝ်ႈ​ထိုင် ၵႃႈ​ၼႂ်း​တီႈ​ဢၼ်​သုင်​ၼႃႇ​သေ​ပိူၼ်ႈ​ၵႃႈ​တီႈ​ထိူၼ်ႇ​မၼ်း ဢၼ်​မီး​မၢၵ်ႇ​မီး​ဝၢၵ်ႇ လိူင်ႇ​ၼမ်​ၼႃႇ​ၼၼ်ႉ​ယဝ်ႉ။-</verse>
				<verse number="25">ၵဝ်​လႆႈ​ၶုတ်း​ၶုမ် ၶုတ်း​လုၵ်း​လႄႈ ၵိၼ်​ၼမ်ႉ​ယဝ်ႉ။ ၵဝ်​တၵ်း​ဢဝ်​တင်း​ၽႃႇ​တိၼ်​ၵဝ် ႁႂ်ႈ​ၼမ်ႉ​ၵႃႈ​ဢၼ်​မီး​ၵႃႈ​ၼႂ်း​ၼမ်ႉ​ႁွင်ႈ​ၼမ်ႉ​ၵႄး မိူင်း​ ဢေႇၵိပ်ႉတူႉ ​ၸိူဝ်း​ၼၼ်ႉ ႁႅင်ႈ​ႁွင်​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​လူင်​ပႄႇ။-</verse>
				<verse number="26">မႂ်း​ဢမ်ႇ​လႆႈ​ငိၼ်း လွင်ႈ​ဢၼ်​ၵဝ်​ၸီႇ​ယၢင်ႇ​ဢမူႉ​ၼႆႉ​မိူဝ်ႈ​ဢွၼ်​တၢင်း​ၼၼ်ႉ ဢိၵ်ႇ​တင်း လွင်ႈ​ဢၼ်​ၵဝ်​ပွင်​မႄး​ဝႆႉ​မိူဝ်ႈ​ဢွၼ်​ၼႆႉ​ၼၼ်ႉ ႁိုဝ်။ မိူဝ်ႈ​လဵဝ်​ၼႆႉ​ၵေႃႈ ၵဝ်​ၸီႇ​ယၢင်ႇ​ဝႆႉ ႁႂ်ႈ​မႂ်း​ပဵၼ်​ၵေႃႉ​ဢၼ် ယႃႉ​ၽဵဝ်ႈ​ဝဵင်း​ဢၼ်​မၼ်ႈ​ၶိူင်ႇ​တင်း​လၢႆ​ပႅတ်ႈ​လႄႈ ႁႂ်ႈ​ပဵၼ်​ၵွင်​မၢၵ်ႇ​ႁိၼ်​ဝႆႉ ၼၼ်ႉ​ယဝ်ႉ။-</verse>
				<verse number="27">ပိူဝ်ႈ​ၼႆ​လႄႈ ၵူၼ်း​ဝဵင်း​ၸိူဝ်း​ၼၼ်ႉ ႁႅင်း​လဵၵ်ႉ​ႁႅင်း​ၵေႇ​လႄႈ မီး​တၢင်း​ဢၼ်​ၵႂင်​ၸႂ်​ယုင်ႈ​ၸႂ်​လႄႈ ၸႂ်​လူႉ​ယူႇ​ဢေႃႈ။ ၶဝ်​ပဵၼ်​ၸိူဝ်ႉ​ၼင်ႇ​တူၼ်ႈ​ယိူဝ်ႈ​ယႃႈ​ၵႃႈ​ၼႂ်း​ထိူၼ်ႇ တင်း​တူၼ်ႈ​ၶဝ်ႈ​ဢၼ်​ၶဵဝ်​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​တူၼ်ႈ​ယိူဝ်ႈ​ဢၼ်​ဢွၵ်ႇ ၵႃႈ​ၼိူဝ်​မုင်း​ႁိူၼ်း တင်း​တူၼ်ႈ​ၶဝ်ႈ​ဢၼ်​ဢမ်ႇ​ပႆႇ​တၼ်း​ယႂ်ႇ​တၼ်း​ထူၼ်ႈ​ၼၼ်ႉ​ဢေႃႈ။-</verse>
				<verse number="28">ၵဝ်​ႁူႉ​တၢင်း​ဢၼ်​မႂ်း​ၼင်ႈ၊ တၢင်း​ဢၼ်​မႂ်း​ၶဝ်ႈ​မႂ်း​ဢွၵ်ႇ၊ တၢင်း​ဢၼ်​မႂ်း​ၸႂ်​မႆႈ​ၶႆႈ​ၸႃႉ ႁွင်ႉ​ႁိုတ်း​တီႈ​ၵဝ်​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="29">ၵွပ်ႈ​ပိူဝ်ႈ​တၢင်း​ဢၼ်​မႂ်း​ၸႂ်​မႆႈ​ၶႆႈ​ၸႃႉ ႁွင်ႉ​ႁိုတ်း​တီႈ​ၵဝ်၊ တၢင်း​ဢၼ်​မႂ်း​ၸွၵ်ႇ​ၵႃး​ၸႂ်​သုင်​ၼၼ်ႉ ၶိုၼ်ႈ​ႁွတ်ႈ​ၶိုၼ်ႈ​ထိုင်​ၵႃႈ​ၼႂ်း​ႁူ​ၵဝ် ၼၼ်ႉ​လႄႈ ၵဝ်​တၵ်း​ဢဝ်​သၢႆ​လင်​သူၼ်​သႂ်ႇ တီႈ​ၶူႈ​လင်​မႂ်း​လႄႈ ဢဝ်​ၵၵ်ႉ​ဢုမ်ႇ​သႂ်ႇ​တီႈ​သူပ်း​မႂ်း​သေ​လႄႈ ႁႂ်ႈ​မႂ်း​ၶိုၼ်း​မိူဝ်း​ၵႂႃႇ​ၸွမ်း​သဵၼ်ႈ​တၢင်း​ဢၼ်​မႂ်း​မႃး​ၼၼ်ႉ​ဢေႃႈ။-</verse>
				<verse number="30">ၼီႉမိၵ်ႈ​လၢၵ်ႈၶၼႃႇ ဢၼ်​မႂ်း​တၵ်း​လႆႈ​မၢတ်ႈ​တွင်း​ဝႆႉ​ၸမ်ႉ၊ သူ​တၵ်း​လႆႈ​ၵိၼ်​မၢၵ်ႇ​ႁူင်း​ဢၼ်​ယႂ်ႇ​ၵႄႇ​မႃး​ၵူၺ်း​မၼ်း​ၼၼ်ႉ ပီႊ​ၼႆႉ ဢိၵ်ႇ​တင်း ဢၼ်​ဢွၵ်ႇ​ပဵၼ်​မႃး​မိူၼ်​ၸိူဝ်ႉ​ၼင်ႇ​ၼၼ်ႉ ၼႂ်း​ပီႊ​တူႉတီႉယႃႉ​ၼၼ်ႉ​ဢေႃႈ။ ၼႂ်း​ပီႊ​တႃႉတီႉယႃႉ​ၼၼ်ႉ ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​လႄႈ​ပၢတ်ႇ​ၶဝ်ႈ​တႃႉ။ သူၼ်​ဢူးယဵၼ်ႇ​ၸပိတ်ႈ​ၵေႃႈ ၽုၵ်ႇ​လႄႈ​ၵိၼ်​မၢၵ်ႇ​မၼ်း​တႃႉ။-</verse>
				<verse number="31">ၵူၼ်း​မဵဝ်း​ ယူႉတႃႉ ဢၼ်​လွတ်ႈ​ၽေး​လႄႈ​ၵိုတ်း​ၵျၢၼ်ႇ​ဝႆႉ ၸိူဝ်း​ၼၼ်ႉ တၵ်း​သမ်ႉ​ယင်ႇ​ႁၢၵ်ႈ​ၵႃႈ​တႂ်ႈ​လႄႈ မၢၵ်ႇ​မၢၵ်ႇ​ၵႃႈ​ၼိူဝ်​လူး​ၵွၼ်ႇ​ဢေႃႈ။-</verse>
				<verse number="32">ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ဝႆႉ ၸိူဝ်း​ၼၼ်ႉ တၵ်း​ပေႃႇ​မႃး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ ၶဝ်​ၸိူဝ်း​ဢၼ်​လွတ်ႈ​ၽေး​ၼၼ်ႉ တၵ်း​ပေႃႇ​မႃး​ၵႃႈ​တီႈ​လွႆ​ ၸီႉဢုၼ်ႇ ​ဢေႃႈ။ ဢလူဝ်ႇ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ ႁႅင်း​ယႂ်ႇ​ၼႃႇ​လူင်​လၢင်​လႄႈ ၸီႇ​ယၢင်ႇ ႁဵတ်း​ဢမူႉ​ၼၼ်ႉ​ဢေႃႈ။-</verse>
				<verse number="33">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​လူၺ်ႈ​လွင်ႈ ၶုၼ်​ႁေႃ​ၶမ်း​ ဢႃႇသူႉရီႉ ​လႄႈ​ဝႃႈ​ၸမ်ႉ၊ မၼ်း​ၼၼ်ႉ​ဢမ်ႇ​လႆႈ​ၶဝ်ႈ​ၵႃႈ​ၼႂ်း​ဝဵင်း​ၼႆႉ။ ဢမ်ႇ​လႆႈ​ယိုဝ်း​ပိုၼ်​ၶဝ်ႈ​ၵႃႈ​ၼႂ်း​ဝဵင်း။ ဢမ်ႇ​လႆႈ​ၼႄ​ပျႃး​ၶိူင်ႈ​ဢၼ်​ႁႄႉ​လၢၵ်ႈ​ၼၢၵ်ႈ ၵႃႈ​တီႈ​ၽၢႆႇ​ၼႃႈ​ဝဵင်း။ ဢမ်ႇ​လႆႈ​ၵေႃႇ​လႆႈ​ၵွင်​တႅၼ်ႈ​လိၼ် ၵႃႈ​တီႈ ၼွၵ်ႈ​ဝဵင်း။-</verse>
				<verse number="34">မၼ်း​တၵ်း​လႆႈ​ၶိုၼ်း​မိူဝ်း​ၵႂႃႇ ၸွမ်း​သဵၼ်ႈ​တၢင်း​ဢၼ်​မၼ်း​မႃး​ၼၼ်ႉ​ဢေႃႈ။ မၼ်း​ဢမ်ႇ​လႆႈ​ၶဝ်ႈ​ၵႃႈ​ၼႂ်း​ဝဵင်း​ၼႆႉ။ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="35">ၵဝ်​တၵ်း​ထွၵ်ႈ​လူၺ်ႈ​ၼႃႈ​ၵဝ် တင်း​ၼႃႈ​ၶႃႈ​ၵဝ်​ တႃႇဝိတ်ႈ ​ၼၼ်ႉ​သေ​လႄႈ မုင်း​ႁူမ်ႇ​ဝဵင်း​ၼႆႉ​ယူႇ ႁႂ်ႈ​လႆႈ​ၵႄႇ​သႄႇ​ၶျွတ်ႈ​ဢဝ်​ဝဵင်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">မိူဝ်ႈ​ၼၼ်ႉ တမၢၼ်ႇ​ၵၢင်​ႁၢဝ် ထႃႇဝရႃႉ​ၽြႃး ဢွၵ်ႇ​လႄႈ​ပၼ်​တၢမ်ႇ ဢဝ်​ၵူၼ်း​ၼႂ်း​တပ်ႉ​ ဢႃႇသူႉရီႉ ​တၢႆ သႅၼ်​ၼိုင်ႈ ပႅတ်ႇ​မိုၼ်ႇ​ပၢႆ​ႁႃႈ​ႁဵင်​လႄႈ မိူဝ်ႈ​ဢၼ် ထိုင်​ၶိင်ႇ​ဢၼ်​ၵူၼ်း​လုၵ်ႉ​ၵၢင်​ၼႂ်​ၸဝ်ႉ​ၸဝ်ႉ ၼၼ်ႉ​ၸိုင်၊ ၶဝ်​ၼၼ်ႉ​ပဵၼ်​တူဝ်​တၢႆ​ၵႂႃႇ တင်း​သဵင်ႈ​တင်း​လူင်​ဢေႃႈ။-</verse>
				<verse number="37">ၼင်ႇ​ၼၼ်​လႄႈ သၼႃႇၶရိပ်ႉ ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ လုၵ်ႉ​ဢွၵ်ႇ​သေ​ၵႃႈ​တီႈ​ၼၼ်ႈ​လႄႈ ၵႂႃႇ​သေ​ယဝ်ႉ၊ ၶိုၼ်း​မိူဝ်း​လႄႈ ယူႇ​ၵႃႈ​တီႈ​ဝဵင်း​ ၼီႉၼေႇဝူၺ်ႇ ​ဢေႃႈ။-</verse>
				<verse number="38">လိုၼ်း​ၼၼ်ႉ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ ၵူဝ်း​ၵႂၢႆႇ​ၵႃႈ​ၼႂ်း​ပိၵ်ႈ​မၢၼ်ႇ ၼီႉသရွၵ်ႉ ၽြႃး​မၼ်း​ၼၼ်ႉ ယူႇ​ၼၼ်ႉ​ၸိုင်၊ လုၵ်ႈ​ၸၢႆး​မၼ်း ဢႃႇတြမ်ႇမလႅၵ်ႉ တင်း​ သရေႇၸႃႇ ​ၸိူဝ်း​ၼၼ်ႉ ဢဝ်​မၼ်း​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​သေ​လႄႈ ဢွၵ်ႇ​ပၢႆႈ​ၵႂႃႇ ၵႃႈ​တီႈ​မိူင်း​ ဢႃႇရရတ်ႉ ​ဢေႃႈ။ လုၵ်ႈ​ၸၢႆး​မၼ်း ဢေႇသရႃႇႁတ်ႉတုၼ်ႇ ​ၼၼ်ႉ ၼင်ႈ​ႁၢင်ႈ​ၼင်ႈ​ႁေႃ​တၢင်ႇ​တူဝ်​ၸဝ်ႈ​ပေႃႈ​မၼ်း​ဢေႃႈ။</verse>
			</chapter>
			<chapter number="38">
				<verse number="1">ၼႂ်း​ၶိင်ႇ​မိုဝ်ႉ​ဝၼ်း ၸိူဝ်း​ၼၼ်ႉ ႁေႇၸၵီႉ ​ပဵၼ်​တၢင်း​ၶႆႈ​တၢင်း​ပဵၼ် ဢၼ်​မၼ်း​တၵ်း​တၢႆ​လူၺ်ႈ​ၼၼ်ႉ​ယူႇ​လႄႈ၊ ပရေႃးၽႅတ်ႈ​ ဢီႉသႃႇယႃႉ လုၵ်ႈ​ၸၢႆး​ ဢႃႇမုတ်ႉ ​ၼၼ်ႉ မႃး​ၸူး​တီႈ​မၼ်း​လႄႈ ၶိုၼ်း​လၢတ်ႈ​ဢမိင်ႉ​ၸဝ်ႈ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ​ၸမ်ႉ၊ ၸီႇ​ယၢင်ႇ​မႄး​ႁႅၼ်း​ဢမူႉ​ႁိူၼ်း​မႂ်း​ဝႆႉ​တႃႉ။ မႂ်း​တၵ်း​လႆႈ​တၢႆ​ဢေႃႈ။ ဢသၢၵ်ႈ​မႂ်း​ဢမ်ႇ​လႆႈ​လိပ်း၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ႁေႇၸၵီႉ ​ၵေႃႈ​ဝၢႆႇ​ၼႃႈ​ၸူး​ၽႃ​သေ​လႄႈ သူး​တွင်း​တီႈ ထႃႇဝရႃႉ​ၽြႃး လႄႈ​ဝႃႈ၊-</verse>
				<verse number="3">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၶႃႈ​ၸဝ်ႈ​ပႂ်ႉ​သဵတ်ႈ​ၸႃႇ ပႃး​တင်း​ႁူဝ်​ၸႂ်​ဢၼ်​ၸေး​ၸုမ်ႇ ယူႇ​သေ​လႄႈ ၵႂႃႇ​မႃး​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​လႄႈ ၵမ်​ၵျၢင်ႉ​ဢၼ်​လီ​ဢၼ်​ငၢမ်း​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​ၼၼ်ႉ သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​တွင်း​ပၢၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယူႇ​လႄႈ၊ ႁေႇၸၵီႉ ​ႁႆႈ​ႁွင်ႉ​ၼႃႇ​လူင်​လၢင်​ယူႇ​ဢေႃႈ။-</verse>
				<verse number="4">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​ထိုင်​တီႈ​ ဢီႉသႃႇယႃႉ ​လႄႈ မီး​ဢမိင်ႉ​လႄႈ​ဝႃႈ၊ မႂ်း​ၵႂႃႇ​လႄႈ​လၢတ်ႈ​တီႈ​ ႁေႇၸၵီႉ ​လႄႈ​ဝႃႈ၊-</verse>
				<verse number="5">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ပေႃႈ​မႂ်း​ တႃႇဝိတ်ႈ ​ၼၼ်ႉ မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​ငိၼ်း​ၵႂၢမ်း​သူး​တွင်း​ပထၼႃႇ​မႂ်း​ယဝ်ႉ။ ၼမ်ႉ​တႃ​မႂ်း​ၵေႃႈ​ႁဝ်း​ႁၼ်​ယဝ်ႉ။ ၵဝ်​တၵ်း​သိုပ်ႇ​ဢသၢၵ်ႈ​မႂ်း​ပၼ်​ထႅင်ႈ​သိပ်း​ႁႃႈ​ပီႊ​ဢေႃႈ။-</verse>
				<verse number="6">ၵဝ်​တၵ်း​ၵႄႇ​သႄႇ​ၼုၵ်ႈ​ဢဝ်​မႂ်း ဢိၵ်ႇ​တင်း​ဝဵင်း​ၼႆႉ လွတ်ႈ​သေ​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ဢႃႇသူႉရီႉ ​ဢေႃႈ။ ၵဝ်​တၵ်း ၵႅတ်ႇ​ၶႄ​ႁႄႉ​ၵင်ႈ​ဝဵင်း​ၼႆႉ​ဢေႃႈ။-</verse>
				<verse number="7">လၢၵ်ႈၶၼႃႇ​သၢၵ်ႈ​သေႇ ဢၼ်​ထႃႇဝရႃႉ​ၽြႃး တၵ်း​ပၼ်​တီႈ​မႂ်း လူၺ်ႈ​လွင်ႈ​ဢၼ် ထႃႇဝရႃႉ​ၽြႃး တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​မီး​ဢမိင်ႉ​ဝႆႉ ၼၼ်ႉ​ၸမ်ႉ၊-</verse>
				<verse number="8">တူၺ်း​လူး၊ ၵဝ်​တၵ်း​ႁႂ်ႈ​ၵွင်ႉ​ငဝ်း​ဢၼ်​ၶၢႆႉ​ၵႂႃႇ​ယူႇ ၵႃႈ​တီႈ​ၼိူဝ် ၼႃႇရီႇ​ၵၢင်​ဝၼ်း ဢႃႇၶတ်ႉ ဢၼ်​လူင်း​ၵႂႃႇ​ယဝ်ႉ​ၼၼ်ႉ သုတ်ႉ​ၶိုၼ်း သိပ်း​ၵမ်း​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵႃႈ​ၼင်ႇ​ဢၼ်​ဝႃႈ​ၼၼ်ႉ ၵွင်ႉ​ငဝ်း​ၼၼ်ႉ သုတ်ႉ​ၶိုၼ်ႈ​သိပ်း​ၵမ်း​ၵႃႈ​ၼိူဝ်​ၼႃႇရီႇ ဢၼ်​လႆႈ​လူင်း​ၵႂႃႇ​ယဝ်ႉ​ၼၼ်ႉ​ဢေႃႈ။-</verse>
				<verse number="9">လိၵ်ႈ​ဢၼ် ႁေႇၸၵီႉ ​ၶုၼ်​ႁေႃ​ၶမ်း​ ယူႉတႃႉ တႅမ်ႈ​ဝႆႉ​ၼႂ်း​မိူဝ်ႈ​ဢၼ်​မၼ်း​မီး​တၢင်း​ၶႆႈ​တၢင်း​ပဵၼ်​လႄႈ လုၵ်ႉ​ဢွၵ်ႇ​သေ​ၵႃႈ​ၼႂ်း​တၢင်း​ၶႆႈ တၢင်း​ပဵၼ်​ၼၼ်ႉ​ၸမ်ႉ၊-</verse>
				<verse number="10">ၵဝ်​လႆႈ​လၢတ်ႈ​လႄႈ​ဝႃႈ၊ ၼႂ်း​မိူဝ်ႈ​ဢၼ်​ၵဝ်​ယင်း​တိုၵ်ႉ​လႆႈ​ယူႇ ၼိမ်​ၼိမ်​လီ​လီ​ယူႇ​ၼႆႉ​ၸိုင် ၵဝ်​တၵ်း​လႆႈ​ၶဝ်ႈ​ၵႃႈ​ၼႂ်း​ႁူး​ၽၵ်း​တူ​မိူင်း​မရၼႃႉ​လူင်​ပႄႇ။ ၵဝ်​လႆႈ​သုမ်း​ၸွမ်း​ပီႊ​ဢၼ်​ၵိုတ်း​ၵျၢၼ်ႇ​ဝႆႉ တီႈ​ၵဝ်​ၸိူဝ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၵဝ်​လႆႈ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​လႆႈ​ႁၼ် ထႃႇဝရႃႉ​ၽြႃး၊ ထႃႇဝရႃႉ​ၽြႃး ၵႃႈ​ၼႂ်း​တီႈ​ဢၼ်​ၶဝ်​ၸိူဝ်း​ဢၼ် ဢသၢၵ်ႈ​ယင်း​လိပ်း​ယူႇ​ၸိူဝ်း​ၼၼ်ႉ​ယူႇ​ၼႆ။ ၵမ်း​လိုၼ်း​ၵဝ်​ဢမ်ႇ​လႆႈ​ယူႇ​လူၺ်ႈ​ၵၼ်​တင်း​ၵူၼ်း​လေႃးၵႃႉ​တင်း​လၢႆ​ၼႆႉ​သေ​လႄႈ ႁၼ်​ၵူၼ်း။-</verse>
				<verse number="12">ႁိူၼ်း​ဢၼ်​ၵဝ်​ယူႇ​ၼႆႉ လႆႈ​ၶၢမ်ႇ​တၢင်း​ဢၼ်​ထွတ်ႇ​ထူၺ်ႈ​လႄႈ ဢဝ်​ၵႂႃႇ​ပႅတ်ႈ​တၢင်ႇ​တီႈ​တၢင်ႇ​လႅၼ် မိူၼ်​ၸိူဝ်ႉ​ၼင်ႇ​သုမ်ႉ​ထဵင် ၵူၼ်း​ဢၼ်​လဵင်ႉ​သူဝ်း​ထိင်း​သူဝ်း​ၼၼ်ႉ​ယဝ်ႉ။ ၵဝ်​ၵဵၼ်​ႁမ်း​ဢသၢၵ်ႈ​ၵဝ်​ယူႇ မိူၼ်​ၸိူဝ်ႉ​ၼင်ႇ​ဢၼ် ၵူၼ်း​တေႃး​ႁုၵ်ႇ​ႁဵတ်း​ၼၼ်ႉ​လႄႈ မၼ်း​ၸဝ်ႈ​တၵ်း​တႅပ်း​ဢဝ်​ဢွၵ်ႇ​သေ​ၵႃႈ​တီႈ​ၵီႇ​ဢေႃႈ။ ၼႂ်း​ဝၼ်း​ၼိုင်ႈ​လႄႈ ၶိုၼ်း​ၼိုင်ႈ​ၵူၺ်း ၸဝ်ႈ​ႁဝ်း​တၵ်း​ႁႂ်ႈ​ၶႃႈ​ၸဝ်ႈ သုမ်း​ၸွမ်း​ပႅတ်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵဝ်​ႁဵတ်း​ႁႂ်ႈ​ၸႂ်​ၵဝ် တႄႇ​လီ​ၼိမ်​လီ​ယူႇ​တေႃႇ​ထိုင်​ႁွတ်ႈ ၶိင်ႇ​ၵၢင်​ၼႂ်​လႄႈ မၼ်း​ၸဝ်ႈ​ႁၵ်း​ႁဵၵ်း​လုပ်ႇ​ၵဝ် ၵႃႈ​မီး​ပႅတ်ႈ မိူၼ်​ၸိူဝ်ႉ​ၼင်ႇ သၢင်ႇ​သီႈ​ၼၼ်ႉ​ဢေႃႈ။ ၼႂ်း​ဝၼ်း​ၼိုင်ႈ​လႄႈ​ၶိုၼ်း​ၼိုင်ႈ​ၵူၺ်း ၸဝ်ႈ​ႁဝ်း တၵ်း​ႁႂ်ႈ​ၶႃႈ​ၸဝ်ႈ​သုမ်း​ၸွမ်း​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="14">ၵဝ်​လႆႈ​ပွင်ႉ​ၶၢင်း​ပွင်ႉ​မိူၼ်ႇ​ယူႇ မိူၼ်​ၸိူဝ်ႉ​ၼင်ႇ ၼူၵ်ႉ​ဢႅၼ်ႇ​ၽႃႉ တင်း​ၵွၼ်ႇ​ၼၼ်ႉ​လႄႈ လႆႈ​ဢိုတ်ႇ​ယူႇ​ႁွင်ႉ​ယူႇ မိူၼ်​ၸိူဝ်ႉ​ၼင်ႇ​ၼူၵ်ႉ​တူႈ​ဢေႃႈ။ မၢၵ်ႇ​တႃ​ၵဝ်​ႁႅၼ်​တူၺ်း​လႄႈ ႁႅင်း​ဢူၼ်ႈ​ႁႅင်း​ယွမ်း​ၵႂႃႇ​ယဝ်ႉ။ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ ငႅၼ်း​သႄး​တီႈ​ၶႃႈ​ယဝ်ႉ။ ၶႅၼ်း​တေႃႈ​ယူႇ​ၽၢႆႇ​ၶႃႈ​ၸဝ်ႈ သေ​ၵမ်း​တီႈ​ၶႃႈ၊-</verse>
				<verse number="15">ၵဝ်​တၵ်း​လႆႈ​လၢတ်ႈ​ၸိူဝ်ႉ​ၼင်ႇ​ႁိုဝ်။ မၼ်း​ၸဝ်ႈ​ပၼ်​ၵတီႉ​တီႈ​ၵဝ်​ယဝ်ႉ။ မၼ်း​ၸဝ်ႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၵတီႉ​ၸဝ်ႈ​မီး​ၼၼ်ႉ​ယဝ်ႉ။ ၵဝ်​တၵ်း​ၵွႆႈ​တႅင်ႇ​ၵႂႃႇ​ၵွႆႈ​တႅင်ႇ​ပႆ​ၼႂ်း ၸူဝ်ႈ​ၶူပ်ႇ​ပီႊ ဢၼ်​ၵိုတ်း​ၵျၢၼ်ႇ​ဝႆႉ​တီႈ​ၵဝ်​ၵႃႈ​မီး​ၼၼ်ႉ တဵမ်​တဵမ်​ၵွပ်ႈ​ပိူဝ်ႈ​တၢင်း​ဢၼ် ၵဝ်​ၶီ​ၸႂ်​ၶူမ်​ၸႂ် ၼၼ်ႉ​ဢေႃႈ။-</verse>
				<verse number="16">ၸဝ်ႈ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​လွင်ႈ​တၢင်း​ၸိူဝ်း​ၼၼ်ႉ​လႄႈ ဢသၢၵ်ႈ​ၵူၼ်း​လႆႈ​လိပ်း​ယူႇ​တီႈ​ၶႃႈ​ဢေႃႈ။ ၵႃႈ​ၼႂ်း​လွင်ႈ​တၢင်း ၵႃႈ​မီး​ၸိူဝ်း​ၼၼ်ႉ ဢသၢၵ်ႈ​ဝီႉၺိၺ်ႇ​ၶႃႈ​ၸဝ်ႈ လႆႈ​တႄႇ​ယူႇ​တီႈ​ၶႃႈ​ဢေႃႈ။ ၸဝ်ႈ​ႁဝ်း​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​ၶႃႈ​ၸဝ်ႈ​ယဵၼ်​လႄႈ ႁႂ်ႈ​ဢသၢၵ်ႈ​ၶႃႈ​ၸဝ်ႈ​လိပ်း​တီႈ​ၶႃႈ​ဢေႃႈ။-</verse>
				<verse number="17">ၶႃႈ​ၸဝ်ႈ​လႆႈ​မီး​ဝူၺ်ႇတၼႃႇ တၢင်း​ဢၼ်​ယၢပ်ႇ​ၸႂ်​ၶူမ်​ၸႂ်​ပုၼ်ႈ​တၢင်​တူဝ်​တၢင်း​ဢၼ် ၼိမ်​လီ​ယဵၼ်​လီ​မႃး​ယဝ်ႉ​လႄႈ ၸဝ်ႈ​ႁဝ်း ဢဵတ်း​လူ​ဝီႉၺိၺ်ႇ​ၶႃႈ​ၸဝ်ႈ​လႄႈ ၵႄႇ​သႄႇ​ၼုၵ်ႈ​ဢဝ်​ဢွၵ်ႇ​သေ ၵႃႈ​ၼႂ်း​ၶုမ်​ၼႂ်း​လုၵ်း​တီႈ​ဢၼ်​လူႉ​လႅဝ်​ၼၼ်ႉ တီႈ​ၶႃႈ​ယဝ်ႉ။ ၸဝ်ႈ​ႁဝ်း​ဢဝ်​ဢပႅတ်ႈ​ၶႃႈ​ၸဝ်ႈ​ၵႃႈ​မီး ထိမ်ႈ​ပႅတ်ႈ​ၵႃႈ​တီႈ​ၽၢႆႇ​တၢင်း​လင်​ၸဝ်ႈ​ႁဝ်း​တီႈ​ၶႃႈ​ယဝ်ႉ။-</verse>
				<verse number="18">မိူင်း​မရၼႃႉ တၵ်း​ဢမ်ႇ​ယွင်ႈ​ယေႃး​ၸဝ်ႈ​ႁဝ်း​လႆႈ​လႄႈ ၵေႃႉ​ဢၼ်​တၢႆ​ယဝ်ႉ​ၼၼ်ႉ တၵ်း​ဢမ်ႇ​ႁဵတ်း​ၵႂၢမ်း​ထေႃးပၼႃႇ​တီႈ​ၸဝ်ႈ​ႁဝ်း​လႆႈ တီႈ​ၶႃႈ၊ ၶဝ်​ၸိူဝ်း​ဢၼ်​လူင်း​ၵႂႃႇ​ၵႃႈ​ၼႂ်း​ၶုမ်​ၼႂ်း​လုၵ်း​ၼၼ်ႉ တၵ်း​ဢမ်ႇ​မုင်ႈ​မွင်း​သဵတ်ႈ​ၸႃႇ​ၸဝ်ႈ​ႁဝ်း​လႆႈ​တီႈ​ၶႃႈ၊-</verse>
				<verse number="19">ၵေႃႉ​ဢၼ်​ဢသၢၵ်ႈ​လိပ်း၊ ၵေႃႉ​ဢၼ်​ဢသၢၵ်ႈ​လိပ်း​ၼၼ်ႉ​ၵူၺ်း တၵ်း​လႆႈ​ယွင်ႈ​ယေႃး​ၸဝ်ႈ​ႁဝ်း​မိူၼ်​ၸိူဝ်ႉ​ၼင်ႇ​ဢၼ်​ၶႃႈ​ၸဝ်ႈ ႁဵတ်း​ဝၼ်း​မိူဝ်ႈ​ၼႆႉ​တီႈ​ၶႃႈ​ဢေႃႈ။ ၵေႃႉ​ဢၼ်​ပဵၼ်​ပေႃႈ​တၵ်း​လႆႈ​ၽုၺ်ႇ​ဢွၵ်ႇ​ၼႄ​ပျႃး သဵတ်ႈ​ၸႃႇ​ၸဝ်ႈ​ႁဝ်း​တီႈ​လုၵ်ႈ​တီႈ​လၢင်း​တီႈ​ၶႃႈ​ဢေႃႈ။-</verse>
				<verse number="20">ထႃႇဝရႃႉ​ၽြႃး​ၼၼ်ႉ ၵႄႇ​သႄႇ​ၶျွတ်ႈ​ဢဝ်​ၵဝ်​ယဝ်ႉ။ ပိူဝ်ႈ​ၼႆ​လႄႈ ႁဝ်း​တၵ်း​ဢွၼ်​ၵၼ်​လဵတ်း​တိင်ႇ​သေ​လႄႈ​ႁဵတ်း​ၵႂၢမ်း ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး​ယူႇ ၸူဝ်ႈ​ဢသၢၵ်ႈ​ႁဝ်း​ဢေႃႈ။-</verse>
				<verse number="21">ဢီႉသႃႇယႃႉ လၢတ်ႈ​လႄႈ​ဝႃႈ၊ ႁႂ်ႈ​ၶဝ်​ဢဝ်​မၢၵ်ႇ​လိူဝ်ႇ​သၢင်း​ၽေႃး ဢၼ်​ပဵၼ်​ၵွၼ်ႈ​ပဵၼ်​မမ်ႈ​ဝႆႉ​ၼၼ်ႉ​လႄႈ ၼူတ်ႈ​သေ​ယဝ်ႉ၊ ဢဝ်​ဢၼ်​ၼၼ်ႉ​ဢုမ်ႇ​သႂ်ႇ​တီႈ​တုမ်ႇ​ၸဵပ်း​ၼၼ်ႉ​တႃႉ။ မၼ်း​တၵ်း​သၢၵ်ႈ​သႃႇ​ၶႅၼ်း​မႃး​ဢေႃႈ။-</verse>
				<verse number="22">ႁေႇၸၵီႉ ​ၵေႃႈ​ထၢမ်​လႄႈ​ဝႃႈ၊ လၢၵ်ႈၶၼႃႇ​သၢၵ်ႈ​သေႇ​လွင်ႈ​ဢၼ် ၵဝ်​တၵ်း​လႆႈ​ၶိုၼ်ႈ​ႁိူၼ်း ထႃႇဝရႃႉ​ၽြႃး​ၼၼ်ႉ တၵ်း​မီး​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="39">
				<verse number="1">မိူဝ်ႈ​ၶိင်ႇ​ၼၼ်ႉ မေႇရေႃးတပ်ႉပႃႇလတၼ်ႇ ၊ လုၵ်ႈ​ၸၢႆး​ ပႃႇလတၼ်ႇ ၶုၼ်​လူင်​ ပႃႇပူႉလုၼ်ႇ ​ၼၼ်ႉ ပွႆႇ​ၸႂ်ႉ​လိၵ်ႈ​မႅတ်ႈ​တႃႇ ဢိၵ်ႇ​တင်း လၢၵ်ႈ​သွင်ႇ​မႃး​တီႈ​ ႁေႇၸၵီႉ ၵွပ်ႈ​ပိူဝ်ႈ​ဢၼ်​မၼ်း​ၼၼ်ႉ ငိၼ်း​လွင်ႈ​ဢၼ်​မၼ်း​ပဵၼ်​ၸဵပ်း​လႄႈ​ၸိုၼ်ႈ​မႃး​ၶႅၼ်း​မႃး​ၼၼ်ႉ​ဢေႃႈ။-</verse>
				<verse number="2">ႁေႇၸၵီႉ ​ၸူမ်း​သိူဝ်း​ၵွပ်ႈ​ပိူဝ်ႈ​ၶဝ်​ၼၼ်ႉ​လႄႈ ၼႄ​ပျႃး​ၸႃႉ​ၸဵမ်​တိူၵ်ႈ​ၽၼ်ႇတႃႇ တီႈ​ဢၼ်​ဝႆႉ​ၶိူင်ႈ​ပိူင် ဢၼ်​ထိူၵ်ႈ​ၵႃႈ​ထိူၵ်ႈ​ၶၼ် ၼၼ်ႉ​လႄႈ၊ ငိုၼ်း၊ ၶမ်း၊ မဵဝ်း​ၼၢမ်ႇ​သႃႇ၊ ၼမ်ႉ​မၼ်း​ၼၢမ်ႇ​သႃႇ ဢၼ်​လီ​ဢၼ်​ငၢမ်း၊ တိူၵ်ႈ​လၢၵ်ႈ​ၼၢၵ်ႈ​ဢိၵ်ႇ​တင်း ၵႃႈ​ဢၼ်​ပႃး​ၼႂ်း​ၽၼ်ႇတႃႇ​ၸဝ်ႈ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​တီႈ​ၶဝ်​ၼၼ်ႉ​ဢေႃႈ။ ၸႃႉ​ၸဵမ်​ၵႃႈ​ၼႂ်း​ႁေႃ​ၶမ်း​လႄႈ မိူင်း​ၸဝ်ႈ​ၵူႈ​တီႈ​ၵူႈ​လႅၼ်​ၼၼ်ႉ လွင်ႈ​တၢင်း​ဢၼ်​ၶုၼ်​ ႁေႇၸၵီႉ ဢမ်ႇ​ၼႄ​ပျႃး​တီႈ​ၶဝ်​ၼၼ်ႉ​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။-</verse>
				<verse number="3">မိူဝ်ႈ​ၼၼ်ႉ ပရေႃးၽႅတ်ႈ​ ဢီႉသႃႇယႃႉ မႃး​တီႈ​ၶုၼ်​ႁေႃ​ၶမ်း​ ႁေႇၸၵီႉ ​လႄႈ လဝ်ႊ​ထၢမ်​လႄႈ​ဝႃႈ၊ ၵူၼ်း​ၸိူဝ်း​ၼႆႉ​လၢတ်ႈ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ၶဝ်​လုၵ်ႉ​သေ​ၵႃႈ​တီႈ​မိူင်း​လႂ်​မႃး​တီႈ​ၸဝ်ႈ​ႁဝ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ႁေႇၸၵီႉ ​ၶိုၼ်း​လၢတ်ႈ​လႄႈ​ဝႃႈ၊ ၶဝ်​လုၵ်ႉ​သေ​ၵႃႈ​တီႈ​ဢၼ်​ၵႆ​ၼႃႇ ဢၼ်​ဝႃႈ​မိူင်း​ ပႃႇပူႉလုၼ်ႇ ​ပုၼ်ႉ​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မၼ်း​ၼၼ်ႉ သမ်ႉ​ထၢမ်​လႄႈ​ဝႃႈ၊ ၵႃႈ​ၼႂ်း​ႁေႃ​ၶမ်း​ၸဝ်ႈ​ႁဝ်း​ၼႆႉ ၶဝ်​ႁၼ်​ၵႃႈ​သင်​ယဝ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ႁေႇၸၵီႉ ၶိုၼ်း​လၢတ်ႈ​လႄႈ​ဝႃႈ၊ ၵႃႈ​ဢၼ်​မီး​ၵႃႈ​ၼႂ်း​ႁေႃ​ၶမ်း​ၼႆႉ ၶဝ်​လႆႈ​ႁၼ်​ယဝ်ႉ။ ၵႃႈ​ၼႂ်း​ၽၼ်ႇတႃႇ​ၸဝ်ႈ​ၼၼ်ႉ၊ လွင်ႈ​တၢင်း​ဢၼ်​ၵဝ်​ဢမ်ႇ​ၼႄ​ပျႃး​တီႈ​ၶဝ်​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ၼၼ်ႉ ဢီႉသႃႇယႃႉ ​လၢတ်ႈ​တီႈ ႁေႇၸၵီႉ ​လႄႈ​ဝႃႈ၊ ထွမ်ႇ​ငိၼ်း​ၼုၵ်ႈၵပၢတ်ႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​တႃႉ။-</verse>
				<verse number="6">ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ် ၵႃႈ​ဢၼ်​မီး​ၵႃႈ​တီႈ​ႁေႃ​ၶမ်း ဢိၵ်ႇ​တင်း​ၵႃႈ​ဢၼ်​ပူႇ​ၸဝ်ႈ​မွၼ်ႇ​ၸဝ်ႈ ၸူႉ​ဝႆႉ​သိမ်း​ဝႆႉ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ တင်း​သဵင်ႈ​တင်း​လူင် ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ပုၼ်ႉ​ၼၼ်ႉ တၵ်း​ႁွတ်ႈ​ထိုင်​ဢေႃႈ။ ဢမ်ႇ​လႆႈ​ၵိုတ်း​ၵျၢၼ်ႇ​ဝႆႉ သေ​ၸိူဝ်ႉ​သေ​ပိူင်၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="7">ၶဝ်​တၵ်း​ဢဝ် လုၵ်ႈ​ၸဝ်ႈ​လၢၼ်​ၸဝ်ႈ ဢၼ်​သိုပ်ႇ​ဢွၵ်ႇ​တိူၼ်း​ဢွၵ်ႇ​တီႈ​ၸဝ်ႈ​လႄႈ ၸဝ်ႈ​လႆႈ​ၸိူဝ်း​ၼၼ်ႉ​ၵႂႃႇ​လႄႈ ၶဝ်​ၼၼ်ႉ တၵ်း​လႆႈ​ပဵၼ်​ၵူၼ်း​ပႂ်ႉ​ၵူၼ်း​ထိင်း ၵႃႈ​ၼႂ်း​ႁေႃ​ၶမ်း ၶုၼ်​ႁေႃ​ၶမ်း​ ပႃႇပူႉလုၼ်ႇ ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ႁေႇၸၵီႉ ​ၵေႃႈ လၢတ်ႈ​တီႈ​ ဢီႉသႃႇယႃႉ ​လႄႈ​ဝႃႈ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​မႂ်း​လႆႈ​ပျၢၼ်ႇ​လႆႈ​လၢတ်ႈ​ၼႆႉ​လီ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ မၼ်း​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ၼႂ်း​ၸူဝ်ႈ​ပၢၼ်​ၵဝ်​ၼႆႉ တၵ်း​မီး​တၢင်း​ဢၼ်​ၼိမ်​ဢၼ်​လီ ဢိၵ်ႇ​တင်း တၢင်း​ဢၼ်​ပႂ်ႉ​သဵတ်ႈ​ၸႃႇ​ယူႇ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="40">
				<verse number="1">ၽြႃး​ပဵၼ်​ၸဝ်ႈ​သူ မီး​ဢမိင်ႉ​ဝႆႉ​ၸမ်ႉ၊ သူ​ဢွၼ်​ၵၼ်​ႁႂ်ႈ​ၵူၼ်း​ၵဝ်​တင်း​လၢႆ ပေႇ​ၸႂ်​ၼိမ်​ၸႂ်​တႃႉ။ ႁႂ်ႈ​ပေႇ​ၸႂ်​ၼိမ်​ၸႂ်​တႃႉ။-</verse>
				<verse number="2">ဢွၼ်​ၵၼ်​လၢတ်ႈ​ၵႂၢမ်း ဢၼ်​ႁႂ်ႈ​ပေႇ​ၸႂ်​ၼိမ်​ၸႂ်​ၼၼ်ႉ တီႈ​ဝဵင်း​ ယေႇရူႉသလႅမ်ႇ ​လႄႈ ႁွင်ႉ​သႅၼ်ႇ​တီႈ​မၼ်း လူၺ်ႈ​လွင်ႈ​ဢၼ် ၶိင်ႇ​ဢၼ် မၼ်း​လႆႈ​ႁၢပ်ႇ​ဢမူႉ​သိုၵ်း​သဵင်ႈ​ယဝ်ႉ​လႄႈ ဢပႅတ်ႈ​မၼ်း​ၵေႃႈ​ပေႇ​မူတ်း​ယဝ်ႉ​ၼၼ်ႉ​တႃႉ။ လွင်ႈ​မၼ်း​ၸမ်ႉ ပုၼ်ႈ​ဢပႅတ်ႈ​မၼ်း ၵႃႈ​မီး​ၼၼ်ႉ မၼ်း​လႆႈ​ၶၢမ်ႇ​ဢဝ်​သွင်​ပုၼ်ႈ တီႈ​မိုဝ်း​ထႃႇဝရႃႉ​ၽြႃး​ယဝ်ႉ။-</verse>
				<verse number="3">သဵင်​ၵေႃႉ​ဢၼ်​ႁွင်ႉ​သႅၼ်ႇ​ၵႃႈ​တီႈ​ၼႂ်း​ထိူၼ်ႇ​လႄႈ​ဝႃႈ၊ မႄး​သဵၼ်ႈ​တၢင်း ထႃႇဝရႃႉ​ၽြႃး​တႃႉ။ ႁႂ်ႈ​သဵၼ်ႈ​တၢင်း ၽြႃး​ပဵၼ်​ၸဝ်ႈ သိုဝ်ႈ​ၵႃႈ​တီႈ​ပၢင်ႇ​ပဵင်း​ၼၼ်ႉ​တႃႉ။-</verse>
				<verse number="4">တီႈ​ဢၼ်​ၶူင်ႈ​ဢၼ်​ယၢၼ်း​ၵႃႈ​မီး​ၸိုင် တၵ်း​လႆႈ​ထူမ်​ဢေႃႈ။ လွႆ​လူင်​လွႆ​ဢွၼ်ႇ ၵႃႈ​မီး​ၸိုင် တၵ်း​လႆႈ​ၵိူၼ်ႇ​ႁႂ်ႈ​တႅမ်ႇ​ဢေႃႈ။ သဵၼ်ႈ​တၢင်း​ဢၼ်​ၵူတ်ႉ​ဢၼ်​ငွၵ်း တင်း​လၢႆ​ၸိုင် တၵ်း​လႆႈ​ႁႂ်ႈ​သိုဝ်ႈ​ဢေႃႈ။ တၢင်း​ဢၼ်​ႁုၵ်း​ႁၵ်း​ၶုၵ်း​ၶီႈ​ၶုၵ်း​ၶၵ်း​တင်း​လၢႆ​ၵေႃႈ တၵ်း​လႆႈ​ၽဵဝ်ႈ ႁႂ်ႈ​လိူမ်ႈ​ဢေႃႈ။-</verse>
				<verse number="5">မုၼ်​ၽုင်း​ထႃႇဝရႃႉ​ၽြႃး တၵ်း​ထၢင်ႇ​သႃး​ပေႃႇ​မႃး​လႄႈ ၵူၼ်း​တင်း​သဵင်ႈ​တင်း​လူင် တၵ်း​လႆႈ​ႁၼ်​ၼင်ႇ​ၵၼ်​ဢေႃႈ၊ ဝႃႈ​ၼင်ႇ​ၼႆ​လႄႈ သူပ်း​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="6">လႆႈ​သမ်ႉ သဵင်​ၵေႃႉ​ၼိုင်ႈ လၢတ်ႈ​လႄႈ​ဝႃႈ၊ ႁွင်ႉ​ပၢဝ်ႇ​ႁွင်ႉ​သေႃႇ​တႃႉ၊ ဝႃႈ​ၼင်ႇ​ၼႆ​လႄႈ ၵေႃႉ​ၼိုင်ႈ​ထၢမ်​လႄႈ​ဝႃႈ၊ ၵဝ်​တၵ်း​လႆႈ​ဢဝ် လွင်ႈ​ၵႃႈ​သင်​ႁွင်ႉ​ပၢဝ်ႇ​ႁွင်ႉ​သေႃႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​လၢတ်ႈ​လႄႈ​ဝႃႈ၊ ၼိူဝ်ႉ​ၵူၼ်း​လိူတ်ႈ​ၵူၼ်း​ၵႃႈ​မီး​ပဵၼ်​တူၼ်ႈ​ယိူဝ်ႈ တူၼ်ႈ​ယႃႈ​လႄႈ မုၼ်​ၽုင်း​မၼ်း​ၵႃႈ​မီး ပဵၼ်​ၸိူဝ်ႉ​ၼင်ႇ​မွၵ်ႇ ၵႃႈ​ၼႂ်း​ထိူၼ်ႇ​ၼၼ်ႉ​ဢေႃႈ။-</verse>
				<verse number="7">တူၼ်ႈ​ယိူဝ်ႈ​တူၼ်ႈ​ယႃႈ​ၼၼ်ႉ ၸၢင်ႈ​ႁဵဝ်ႇ​ၸွပ်ႈ​ယူတ်း​ႁႅင်ႈ​ၵႂႃႇ​လႄႈ မွၵ်ႇ​မၼ်း​ၵေႃႈ​ၸၢင်ႈ​ႁူင်ႈ​ၵႂႃႇ ၼႂ်း​မိူဝ်ႈ​ဢၼ်​လူမ်း ထႃႇဝရႃႉ​ၽြႃး ထူဝ်း​ၼၼ်ႉ​ဢေႃႈ။ ၵူၼ်း​တင်း​လၢႆ ပဵၼ်​တူၼ်ႈ​ယိူဝ်ႈ​တူၼ်ႈ​ယႃႈ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="8">တူၼ်ႈ​ယိူဝ်ႈ​တူၼ်ႈ​ယႃႈ​ၼၼ်ႉ ၸၢင်ႈ​ႁဵဝ်ႇ​ၸွပ်ႈ​ယူတ်း​ႁႅင်ႈ​ၵႂႃႇ​လႄႈ မွၵ်ႇ​မၼ်း​ၵေႃႈ​ၸၢင်ႈ​ႁူင်ႈ​ၵႂႃႇ​ဢေႃႈ။ ၼုၵ်ႈၵပၢတ်ႈ​တြႃး ထႃႇဝရႃႉ​ၽြႃး​ၸမ်ႉ၊ တႄႇ​ယူႇ​ၵူႈ​ၶိင်ႇ​ၵူႈ​ၶႃႇ တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၵေႃႉ​ဢၼ် မွၵ်ႇ​လၢတ်ႈ​သတၢင်း​သိူဝ်း​ပျေႃႇ တီႈ​လွႆ​ ၸီႉဢုၼ်ႇ ​ဢိူၺ်း၊ ၶိုၼ်ႈ​ၵႃႈ​ၼိူဝ်​လွႆ​ဢၼ်​သုင်​တႃႉ။ ၵေႃႉ​ဢၼ်​မွၵ်ႇ​လၢတ်ႈ သတၢင်း​သိူဝ်း​ပျေႃႇ​တီႈ​ဝဵင်း​ ယေႇရူႉသလႅမ်ႇ ​ဢိူၺ်း၊ ဢဝ်​တင်း​ႁႅင်း​သေ​လႄႈ သႅၼ်ႇ​သဵင်​ၵိဝ်​သဵင်​တႃႉ။ ယင်း​ဢမ်ႇ​ၵူဝ်​ဢမ်ႇ​ႁႄ​လႄႈ​သႅၼ်ႇ​သဵင်​ၵိဝ်​သဵင်​တႃႉ။ လၢတ်ႈ​တီႈ​ဝၢၼ်ႈ​တီႈ​ဝဵင်း​ ယူႉတႃႉ ​တင်း​လၢႆ​လႄႈ​ဝႃႈ၊ ဢွၼ်​ၵၼ်​တူၺ်း​ၽြႃး​ပဵၼ်​ၸဝ်ႈ​သူ​တႃႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="10">တူၺ်း​လူး၊ ၸဝ်ႈ​ထႃႇဝရႃႉ​ၽြႃး​ၼၼ်ႉ တၵ်း​ပႃး​တင်း​တၼ်း​ၶူဝ်း​ဢၼ်​ယႂ်ႇ​ၼႃႇ​မႃး​လႄႈ ဢဝ်​ၶႅၼ်​မိုဝ်း​မၼ်း​ၸဝ်ႈ ဢုပ်ႉ​ပိူင်ႇ​ပုၼ်ႈ မၼ်း​ၸဝ်ႈ​ဢေႃႈ။ တူၺ်း​လူး၊ ၵႃႈ​ၶၼ်​ဢၼ်​မၼ်း​ၸဝ်ႈ​ထိူၵ်ႈ​ၶၢမ်ႇ​ဢဝ်​ၼၼ်ႉ ပႃး​တီႈ​မၼ်း​ၸဝ်ႈ​ယူႇ​လႄႈ သူး​လၢပ်ႈ​မၼ်း​ၸဝ်ႈ​ၸိူဝ်း​ၼၼ်ႉ မီး​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ဢေႃႈ။-</verse>
				<verse number="11">မၼ်း​ၸဝ်ႈ​တၵ်း​လဵင်ႉ​လူ ၽုင်​သူဝ်း​မၼ်း​ၸဝ်ႈ​ယူႇ မိူၼ်​ၸိူဝ်ႉ​ၼင်ႇ ၵူၼ်း​ဢၼ်​လဵင်ႉ​သူဝ်း​ထိင်း​သူဝ်း​ၼၼ်ႉ​လႄႈ ႁွပ်ႇ​ဢဝ်​သူဝ်း​ဢွၼ်ႇ​တင်း​လၢႆ​ဝႆႉ ၵႃႈ​ၼႂ်း​ၶႅၼ်​ၼႂ်း​မိုဝ်း​မၼ်း​ၸဝ်ႈ​သေ​လႄႈ ၵွတ်ႇ​ဢဝ်​ဢုမ်ႈ​ဢဝ်​ဝႆႉ ၵႃႈ​ၼႂ်း​ဝၢင်ႈ​ႁူဝ်​ဢူၵ်း​မၼ်း​ၸဝ်ႈ​ဢေႃႈ။ သူဝ်း​မႄႈ​ဢၼ်​မီး​လုၵ်ႈ​ဢွၼ်ႇ​ဢၼ်​ၵိၼ်​ၼူမ်း​ၸိူဝ်း​ၼၼ်ႉ​ၵေႃႈ မၼ်း​ၸဝ်ႈ​တၵ်း​ၵွႆႈ​တႅင်ႇ​ဢဝ်​သူင်ႇ​ၵႂႃႇ ထိူင်း​ထိူင်း​လွႆး​လွႆး​ဢေႃႈ။</verse>
				<verse number="12">ၵေႃႉ​ဢၼ်​ဢဝ်​ဢူင်ႈ​မိုဝ်း​တူင်​တူၺ်း​ၼမ်ႉ၊ ဢဝ်​မိုဝ်း​ၶိုပ်ႈ​တူၺ်း​တႅၵ်ႈ​တူၺ်း​ၽႃႉ​ၵၢင်​ႁၢဝ်၊ ဢဝ်​ၵွၵ်း​တၢင်​ၵွၵ်း​ၶႂၢႆး​ၼပ်ႉ​တူၺ်း​တူင်​တူၺ်း​မုၼ်ႈ​လိၼ်၊ ဢဝ်​ယႃႇ​ၸူႇ​ၸင်ႈ​တူၺ်း​ႁိဝ်ႈ​တူၺ်း​လွႆ​လူင်​တင်း​လၢႆ​လႄႈ ဢဝ်​ယွႆး​ၸင်ႈ​တူၺ်း​ႁိဝ်ႈ​တူၺ်း​လွႆ​ဢွၼ်ႇ​တင်း​လၢႆ​ၼၼ်ႉ​ၸမ်ႉ၊ ပဵၼ်​ၽူႈ​လႂ်။-</verse>
				<verse number="13">ၽူႈ​လႂ်​ၸႅတ်ႈ​တူၺ်း​ထၢမ်​တူၺ်း​ဝီႉၺိၺ်ႇ ထႃႇဝရႃႉ​ၽြႃး။ ၽူႈ​လႂ်​တိူင်ႇ​ပၢင်ႇ​ၵၼ်​တင်း​မၼ်း​ၸဝ်ႈ သေ​လႄႈ ပၼ်​တၢင်း​ၵျၢမ်ႇ​တၢင်း​ပွင်။-</verse>
				<verse number="14">မၼ်း​ၸဝ်ႈ​တိူင်ႇ​ပၢင်ႇ​ႁူမ်ႈ​လူၺ်ႈ​ၵၼ်​တင်း​ၽူႈ​လႂ်။ ၽူႈ​လႂ်​သင်ႇ​သွၼ်​ပၼ်​မၼ်း​ၸဝ်ႈ​လႄႈ ၼႄ​ပျႃး​သဵၼ်ႈ​တၢင်း​တြႃး​တီႈ​မၼ်း​ၸဝ်ႈ။ ၽူႈ​လႂ်​ၽုၺ်ႇ​ဢွၵ်ႇ​ၼႄ​ပၼ်​ပိင်ႇ​ၺႃႇ တီႈ​မၼ်း​ၸဝ်ႈ​လႄႈ ၸီႉ​ၼႄ​သဵၼ်ႈ​တၢင်း​ၺၢၼ်ႇ​တီႈ​မၼ်း​ၸဝ်ႈ။-</verse>
				<verse number="15">ၵူၼ်း​ၵူႈ​ၸိူဝ်ႉ​ၵူႈ​မဵဝ်း ပဵၼ်​ၸိူဝ်ႉ​ၼင်ႇ​ယွတ်ႇ​ၼမ်ႉ ဢၼ်​တူၵ်း​သေ​ၵႃႈ​တီႈ​ပုင်း​ၼမ်ႉ​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​မၢတ်ႈ​ပဵၼ် ၸိူဝ်ႉ​ၼင်ႇ​မုၼ်ႈ​ဢွၼ်ႇ ဢၼ်​ၸပ်း​တီႈ ယႃႇ​ၸူႇ​ၼၼ်ႉ​ဢေႃႈ။ တူၺ်း​လူး၊ မၼ်း​ၸဝ်ႈ​ယိပ်း​ၵမ်​ဢဝ်​ၵုၼ်​ၼႂ်း​ၼမ်ႉ​တင်း​လၢႆ ယုၵ်ႉ​ၶိုၼ်ႈ မိူၼ်​ၸိူဝ်ႉ​ၼင်ႇ မုၼ်ႈ​ဢွၼ်ႇ​ၽွင်​ဢွၼ်ႇ ဢၼ်​လဵၵ်ႉ​ၼႃႇ​သေ​ပိူၼ်ႈ​ၼၼ်ႉ​ဢေႃႈ။-</verse>
				<verse number="16">ထိူၼ်ႇ​ လေႇပၼုၼ်ႇ ​ၼၼ်ႉ ဢမ်ႇ​ပေႃး​ဢမ်ႇ​ၵုမ်ႇ​ပုၼ်ႈ​ဢၼ်​တၵ်း​သႂ်ႇ​ၽႆး​ၸပ်း​ၽႆး။ တရိၵ်ႈသၢၼ်ႇ​ဢၼ်​မီး​ၵႃႈ​ၼႂ်း​ထိူၼ်ႇ​ၼၼ်ႉ ၸိူဝ်း​ၼၼ်ႉ​ၵေႃႈ ဢမ်ႇ​ပေႃး​ဢမ်ႇ​ၵုမ်ႇ​ပုၼ်ႈ​ဢၼ်​တၵ်း​ႁဵတ်း​ယိတ်ႈ​ဢၼ်​တုတ်ႇ​ၽႆး။-</verse>
				<verse number="17">ၵူၼ်း​ၵူႈ​ၸိူဝ်ႉ​ၵူႈ​မဵဝ်း ပဵၼ်​ၸိူဝ်ႉ​ၼင်ႇ​ဢၼ်​ဢမ်ႇ​ၸႂ်ႈ​ၵႃႈ​သင်​လႃး​လႃး ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ မၼ်း​ၸဝ်ႈ​မၢတ်ႈ​ပဵၼ်​ၸိူဝ်ႉ​ၼင်ႇ​ဢၼ် ယဵင်ႈ​ၶႅၼ်း​လဵၵ်ႉ​ၼႃႇ​သေ လွင်ႈ​တၢင်း​ဢၼ်​ဢမ်ႇ​ၸႂ်ႈ​ၵႃႈ​သင်​လႃး​လႃး​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ဢၼတ်ႉတႃႉ ၼၼ်ႉ​ဢေႃႈ။-</verse>
				<verse number="18">ပိူဝ်ႈ​ၼႆ​လႄႈ သူ​တၵ်း​ဢွၼ်​ၵၼ်​ဢဝ် ၽြႃး​ပဵၼ်​ၸဝ်ႈ တႅၵ်ႈ​တူၺ်း​ပုင်ႇ​ႁၢင်ႈ​ၵႃႈ​သင်။ တၵ်း​လႆႈ​ဢဝ်​ပုင်ႇ​ႁၢင်ႈ​ၽၢင်​ၵႃႈ​သင် တႅၵ်ႈ​ၵၼ်​တိူင်း​ၵၼ် တင်း​ၽြႃး​ပဵၼ်​ၸဝ်ႈ။-</verse>
				<verse number="19">ၵူၼ်း​ဢၼ်​မေႃ​တွင်ႈ​မေႃ​ၶၵ်း​ၼၼ်ႉ လေႃႇ​ႁဵတ်း​သွၼ်း​ႁဵတ်း​ရုၵ်ႈ​ထူႉ​သေ​ယဝ်ႉ၊ ၸၢင်ႈ​ၶမ်း​ဢဝ်​ၶမ်း​ဢုမ်ႇ​ႁေႃႇ​လႄႈ ၸၢင်ႈ​ႁဵတ်း​မႆ​ငိုၼ်း​တင်း​လၢႆ​သႂ်ႇ​ဢေႃႈ။-</verse>
				<verse number="20">ၵေႃႉ​ဢၼ်​ဢမ်ႇ​လူႇ​ဢမ်ႇ​တၢၼ်း တၢင်း​လူႇ​တၢင်း​တၢၼ်း ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ၼၼ်ႉ​ၼၼ်ႉ ၸၢင်ႈ​လိူၵ်ႈ​ၵဵပ်း​ဢဝ်​တူၼ်ႈ​မႆႉ​ဢၼ်​ဢမ်ႇ​ၸၢင်ႈ​ၽင်ႉ​ၸၢင်ႈ​ဢူႉ​ၼၼ်ႉ​သေ​လႄႈ ၸၢင်ႈ​ႁႃ​ဢဝ်​လၢၵ်ႈသမႃး ဢၼ်​လၵ်း​လႅမ်​ၼၼ်ႉ ႁႂ်ႈ​လႆႈ​ႁဵတ်း​ရုၵ်ႈ​ထူႉ​ဢၼ်​တမ်း​ဝႆႉ မၼ်ႈ​မၼ်ႈ​ၶိူင်ႇ​ၶိူင်ႇ​ၼၼ်ႉ​ဢေႃႈ။-</verse>
				<verse number="21">သူ​ဢမ်ႇ​ႁူႉ​ႁိုဝ်။ သူ​ဢမ်ႇ​ငိၼ်း​ႁိုဝ်။ ၸႃႉ​ၸဵမ်​မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ​လႄႈ ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး​တီႈ​သူ​ႁိုဝ်။ ၸႃႉ​ၸဵမ်​မိူဝ်ႈ​ဢၼ်​တႄႇ​ႁဵတ်း​လိၼ်​မိူင်း​ဝႆႉ ၼၼ်ႉ​လႄႈ သူ​ဢမ်ႇ​ႁူႉ​ဢမ်ႇ​ၸႅင်ႈ​ႁိုဝ်။-</verse>
				<verse number="22">ပဵၼ်​ၸဝ်ႈ ဢၼ်​ၼင်ႈ​ယူႇ​ၵႃႈ​ၼိူဝ်​ၸၢၵ်ႈ​လိၼ်​မိူင်း​လႄႈ မၢတ်ႈ​ၵူၼ်း​လိၼ်​မိူင်း​တင်း​လၢႆ ပဵၼ်​ၸိူဝ်ႉ​ၼင်ႇ​ၸၵ်း​တႅၼ်​ၵူၺ်း၊ ၸဝ်ႈ​ဢၼ်​ၶဵင်ႈ မုင်း​ၽႃႉ​ၵၢင်​ႁၢဝ်​မိူၼ်​ၸိူဝ်ႉ​ၼင်ႇ ပိၵ်ႈ​တၢၼ်ႇ​ၼၼ်ႉ​လႄႈ ၽုၺ်ႇ​ၵီႈ မိူၼ်​ၸိူဝ်ႉ​ၼင်ႇ​မူဝ်းၵႃႇ ပုၼ်ႈ​ဢၼ်​တၵ်း​ယူႇ​ၼၼ်ႉ၊-</verse>
				<verse number="23">ၸဝ်ႈ​ဢၼ်​ႁႂ်ႈ​ၶုၼ်​တင်း​လၢႆ​ပဵၼ်​ဢၼ်​ဢမ်ႇ​ပွင်ႇ​လွင်ႈ​ၵႃႈ​သင်​လႄႈ ႁႂ်ႈ​ၵူၼ်း​လူင်​ဢၼ်​ၸီႇ​ယၢင်ႇ​တြႃး​လိၼ်​မိူင်း တင်း​လၢႆ ပဵၼ်​ၸိူဝ်ႉ​ၼင်ႇ ဢၼတ်ႉတႃႉ​ၼၼ်ႉ​ဢေႃႈ။-</verse>
				<verse number="24">ၸႂ်ႈ​ယဝ်ႉ။ ၶဝ်​ၼၼ်ႉ ဢမ်ႇ​လႆႈ​ၶၢမ်ႇ​တၢင်း​ဢၼ်​ၽုၵ်ႇ​ဢၼ်​သွမ်ႈ ဢမၢၼ်ႇ​ၶၼ်​ပဵၼ်။ ၸိူဝ်ႉ​ၽၼ်း​ၶဝ်​ဢမ်ႇ​လႆႈ​ၶၢမ်ႇ​တၢင်း​ဢၼ်​ဝၢၼ်ႇ​ဢၼ်​ပိုၼ်​ဢမၢၼ်ႇ​ၶၼ်​ပဵၼ်။ တူၼ်ႈ​ၶဝ်ႈ​လမ်း​ၶဝ်ႈ​ဢမ်ႇ​လႆႈ​ယင်ႇ​ႁၢၵ်ႈ​ၵႃႈ​တီႈ​လိၼ် ဢမၢၼ်ႇ​ၶၼ်​ပဵၼ်။ မၼ်း​ၸဝ်ႈ​ပိဝ်​သႂ်ႇ​ၵႃႈ​ၼိူဝ်​ၶဝ်​လႄႈ ၶဝ်​ၼၼ်ႉ ႁဵဝ်ႇ​ၸွပ်ႈ​ယူတ်း​ႁႅင်ႈ​ၵႂႃႇ​လႄႈ လူမ်း​ၽိဝ်ႇ​ႁုင်​ထူဝ်း​ဢဝ်​ၶဝ်​ၵႂႃႇ​ပႅတ်ႈ မိူၼ်​ၸိူဝ်ႉ​ၼင်ႇ ၵႅပ်ႇ​ၼၼ်ႉ​ဢေႃႈ။-</verse>
				<verse number="25">ပိူဝ်ႈ​ၼႆ​လႄႈ သူ​တၵ်း​ဢဝ်​ၵဝ်​တႅၵ်ႈ​တူၺ်း​ပုင်ႇ​ႁၢင်ႈ​ၵႃႈ​သင်၊ ၵဝ်​ၼႆႉ​တၵ်း​လႆႈ​မိူၼ်​ၸိူဝ်ႉ​ၼင်ႇ​ၽူႈ​လႂ်၊ ဝႃႈ​ၼင်ႇ​ၼႆ​လႄႈ ၽြႃး​ဢၼ်​မူတ်း​ၸၢင်ႇ​ထၢမ်​ဢေႃႈ။-</verse>
				<verse number="26">ဢွၼ်​ၵၼ် ဢဝ်​တႃ​သူ​ႁႅၼ်​တူၺ်း​ၵႃႈ​ၼိူဝ်​တႃႉ။ ၽူႈ​လႂ်​ၽၢၼ်ႇ​သၢင်း​ႁဵတ်း​ပဵၼ် လွင်ႈ​တၢင်း​ၸိူဝ်း​ၼၼ်ႉ။ ၽူႈ​လႂ်​ထုတ်ႇ ဢဝ်​ၶဝ်​ဢွၵ်ႇ​လႄႈ ၼပ်ႉ​ဢၢၼ်ႇ​ႁႂ်ႈ​ပဵၼ်​မူႇ​ပဵၼ်​ၽုင်။ မၼ်း​ၸဝ်ႈ​ဢဝ်​ၸိုဝ်ႈ​သဵင်​ႁွင်ႉ​ႁဵၵ်ႈ​ၶဝ် တင်း​သဵင်ႈ​တင်း​လူင်​ဢေႃႈ။ ၵွပ်ႈ​ပိူဝ်ႈ​ဢၼ် ႁႅင်း​မၼ်း​ၸဝ်ႈ​ယႂ်ႇ​လႄႈ မၼ်း​ၸဝ်ႈ​ပျေႉ​ၸုမ်ႇ​ဝႆႉ​တင်း​တၼ်း​ၶူဝ်း​ၼၼ်ႉ​လႄႈ၊ ယင်း​ဢမ်ႇ​ပေႃႇ​ဢမ်ႇ​ဢွၵ်ႇ​လႄႈ ဢမ်ႇ​လႆႈ​ယူႇ သေ​ၸိူဝ်ႉ​သေ​ပိူင်။-</verse>
				<verse number="27">မဵဝ်း​ ယႃႇၵုပ်ႈ ​ဢိူၺ်း၊ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ မႂ်း​လၢတ်ႈ၊ ဢီႉသရေႇလႃႉ ​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​မႂ်း​ဝႃႈ၊ သဵၼ်ႈ​တၢင်း​ၵဝ် မီး​တၢင်း​ဢၼ်​သိူင်ႇ​မႅပ်ႉ​ဝႆႉ​သေ ၵႃႈ​တီႈ ထႃႇဝရႃႉ​ၽြႃး​လႄႈ ဢမူႉ​သုမ်း​ၸွမ်း​ပႅတ်ႈ​သေ​ၵႃႈ​တီႈ ၽြႃး​ပဵၼ်​ၸဝ်ႈ​ၵဝ် ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ ၼင်ႇ​ႁိုဝ်။-</verse>
				<verse number="28">မႂ်း​ဢမ်ႇ​ယၢမ်ႈ​ႁူႉ​ႁိုဝ်။ မႂ်း​ဢမ်ႇ​ယၢမ်ႈ​ငိၼ်း​ႁိုဝ်။ ၽြႃး​ပဵၼ်​ၸဝ်ႈ ဢၼ်​တႄႇ​ယူႇ​တႃႇ​သေႇ ဢမ်ႇ​ထၢတ်ႇ၊ ထႃႇဝရႃႉ​ၽြႃး၊ ၸဝ်ႈ​ဢၼ် ၽၢၼ်ႇ​သၢင်း​ႁဵတ်း​ပဵၼ် တေႃႇ​ထိုင်​ႁွတ်ႈ တီႈ​သုတ်း​လိၼ်​မိူင်း​ၼၼ်ႉ ယင်း​ဢမ်ႇ​မီး​တၢင်း​ဢၼ်​ႁိူဝ်ႉ​ဢၼ်​ၼူၼ်း၊ တၢင်း​ဢၼ်​ယၢပ်ႇ​ၸႂ် ၶၢၼ်​ၸႂ်​လႄႈ​ယူႇ​ဢေႃႈ။ ဢမ်ႇ​ၸႅတ်ႈ​ထၢမ်​ၸႅတ်ႈ​တူၺ်း​ၺၢၼ်ႇ​မၼ်း​ၸဝ်ႈ​လႆႈ​လႃး​လႃး။-</verse>
				<verse number="29">မၼ်း​ၸဝ်ႈ​ပၼ်​ႁႅင်း​တီႈ ၵေႃႉ​ဢၼ်​ႁိူဝ်ႉ​ဢၼ်​ၼူၼ်း ၼၼ်ႉ​လႄႈ ပၼ်​ဢၶႂၢင်ႉ​ဢၼ်​ပျေႉ​ၸုမ်ႇ​ဝႆႉ​တင်း တၢင်း​ၵတ်ႉ​တၢင်း​ၶၼ် ၼၼ်ႉ တီႈ​ၵေႃႉ​ဢၼ်​ႁိူဝ်ႉ​ၸႂ်​ဢူၼ်ႈ​ၸႂ်​ၼၼ်ႉ​ဢေႃႈ။-</verse>
				<verse number="30">ၵူၼ်း​ၼုမ်ႇ​ၵူၼ်း​ၵမ် တင်း​လၢႆ တၵ်း​ႁွတ်ႈ​ထိုင် တၢင်း​ဢၼ်​ႁိူဝ်ႉ​ဢၼ်​ၼူၼ်း​လႄႈ ယၢပ်ႇ​ၸႂ်​ၶၢၼ်​ၸႂ်​ဢေႃႈ။ ၵူၼ်း​ဢွၼ်ႇ​ဢၼ် လိူၵ်ႈ​ၵဵပ်း​ဢဝ်​တင်း​လၢႆ​ၼၼ်ႉ​ၵေႃႈ တၵ်း​တိူဝ်ႉ​မႅၼ်ႈ​လႄႈ​လူမ်ႉ​ဢေႃႈ။-</verse>
				<verse number="31">ၶဝ်​ၸိူဝ်း​ဢၼ် မုင်ႈ​မွင်း​ထႃႇဝရႃႉ​ၽြႃး​ယူႇ​ၼၼ်ႉ​ၸမ်ႉ၊ တၵ်း​ၶိုၼ်း​မီး​ဢဵၼ်​မီး​ႁႅင်း​လႄႈ တၵ်း​ယုၵ်ႉ​ပိၵ်ႇ​ၵီႈ​ပိၵ်ႇ​ယူႇ မိူၼ်​ၸိူဝ်ႉ​ၼင်ႇ လၢင်း​တႃႉ​ၶမ်း​ဢေႃႈ။ ၶဝ်​တၵ်း​ၶုၼ်ႇ​လႅၼ်ႈ​ၵႂႃႇ​လႄႈ ဢမ်ႇ​လႆႈ​မီး​တၢင်း​ဢၼ်​ယၢၵ်ႈ​ၸႂ်​ၶၢၼ်​ၸႂ်။ ၶဝ်​တၵ်း​ၵႂႃႇ​တၢင်း​ပႆ​တၢင်း​လႄႈ ဢမ်ႇ​လႆႈ​မီး တၢင်း​ဢၼ်​ႁိူဝ်ႉ​ဢၼ်​ၼူၼ်း။</verse>
			</chapter>
			<chapter number="41">
				<verse number="1">ၵုၼ်​ၼႂ်း​ၼမ်ႉ​ၶဝ်​ဢိူၺ်း၊ ဢွၼ်​ၵၼ်​ယူႇ တဵတ်ႇ​တဵတ်ႇ​ၼိမ်​ၼိမ် ၵႃႈ​တီႈ​ၽၢႆႇ​ၼႃႈ​ၵဝ်​တႃႉ။ မဵဝ်း​ၵူၼ်း​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ႁွမ်​ႁႅင်း​ယူႇ တႃႉ။ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​သေ​လႄႈ​လၢတ်ႈ​တႃႉ။ ၼင်ႇ​ၵၼ်​ၵၼ် ထူပ်း​တြႃး​တီႈ​ၵၼ်​တႃႉ​ႁဝ်း။-</verse>
				<verse number="2">ၽူႈ​လႂ် ႁႂ်ႈ​မၼ်း​ပေႃႇ​ဢွၵ်ႇ​သေ​ၵႃႈ​တီႈ​မိူင်း​ဝၼ်း​ဢွၵ်ႇ​ပုၼ်ႉ မႃး။ တၢင်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ႁွင်ႉ​မၼ်း​ၸွမ်း​ဢေႃႈ။ မၼ်း​ၸဝ်ႈ တၵ်း​ဢဝ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၢပ်ႈ​တီႈ​မၼ်း​လႄႈ ႁႂ်ႈ​မၼ်း​ဢုပ်ႉ​ပိူင်ႇ​ၵႃႈ​ၼိူဝ်​ၶုၼ်​ႁေႃ​ၶမ်း တင်း​လၢႆ​ဢေႃႈ။ မၼ်း​တၵ်း​ႁႂ်ႈ​ၶဝ် ပဵၼ်​ၸိူဝ်ႉ​ၼင်ႇ​မုၼ်ႈ​လိၼ် ၵႃႈ​တီႈ​ၽၢႆႇ​ၼႃႈ​လၢပ်ႇ​မၼ်း​ဢိၵ်ႇ​တင်း ၸိူဝ်ႉ​ၼင်ႇ​ၵႅပ်ႇ​ဢၼ်​ပိဝ်​ၵႂႃႇ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵၢင်ႇ​မၼ်း​ဢေႃႈ။-</verse>
				<verse number="3">မၼ်း​တၵ်း လိုပ်ႈ​ၸွမ်း​လမ်း​ၸွမ်း​ၶဝ်​လႄႈ ၸွမ်း​သဵၼ်ႈ​တၢင်း​ဢၼ် တိၼ်​မၼ်း ဢမ်ႇ​ယၢမ်ႈ​ယဵပ်ႇ​ယၢမ်ႈ​ၶၢမ်ႈ​ၼၼ်ႉ ပူၼ်ႉ​ၵႂႃႇ​လွတ်ႈ​ၽေး​လွတ်ႈ​ရၢၼ်ႇ ဢေႃႈ။-</verse>
				<verse number="4">ၵေႃႉ​ဢၼ် ၸီႇ​ယၢင်ႇ​ႁဵတ်း​ပဵၼ်​ဢမူႉ​ၼၼ်ႉ သေ​လႄႈ ၵွႆ​ႁႂ်ႈ​ယဝ်ႉ​ႁႂ်ႈ​တူဝ်ႈ​လႄႈ ႁွင်ႉ​ဢဝ်​မဵဝ်း​ၵူၼ်း သိုပ်ႇ​သိုပ်ႇ​တၢမ်း​တၢမ်း ၸႃႉ​ၸဵမ်​မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ၊ ပဵၼ်​ၽူႈ​လႂ်​ဝႃႈ​ၼင်ႇ​ၼႆ​ၸမ်ႉ၊ ပဵၼ်​ၵဝ် ထႃႇဝရႃႉ​ၽြႃး ဢၼ်​ပဵၼ်​ၵေႃႉ​ဢွၼ်​တၢင်း​သုတ်း​လႄႈ မီး​ယူႇ​လူၺ်ႈ​ၵၼ်​တင်း​ၵေႃႉ​ဢၼ် လိုၼ်း​လင်​သုတ်း​ၼၼ်ႉ​ဢေႃႈ။-</verse>
				<verse number="5">ၵုၼ်​ၼႂ်း​ၼမ်ႉ​ၸိူဝ်း​ၼၼ်ႉ​ႁၼ်​လႄႈ ဢွၼ်​ၵၼ်​ၵူဝ်​ႁႄ​ဢေႃႈ။ တီႈ​သုတ်း​လႅၼ်​လိၼ်​မိူင်း တင်း​လၢႆ မီး​တၢင်း​ဢၼ်​သၼ်ႇ ဢၼ်​ဝႆ​သေ​လႄႈ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​လႄႈ ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="6">ၵူၼ်း​ႁိူၼ်း​ၸမ်​ၵၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ၸွႆႈ​ထႅမ်​မႃႉ​ၸႃႉ​ၵၼ်​လႄႈ ပီႈ​ၼွင်ႉ​ၵၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​လၢတ်ႈ​တီႈ​ၵၼ် လႄႈ​ဝႃႈ၊ မီး​ႁႅင်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၼင်ႇ​ၼၼ်​လႄႈ ၵူၼ်း​ဢၼ်​မေႃ​တွင်ႈ​မေႃ​ၶၵ်း​ၼၼ်ႉ ပၼ်​ႁႅင်း​တီႈ​ၸၢင်ႈ​ၶမ်း​လႄႈ ၵေႃႉ​ဢၼ်​ဢဝ်​ၶွၼ်ႉ​လဵၵ်း​ႁဵတ်း​ႁႂ်ႈ ၶျေႃး​ၼၼ်ႉ ပၼ်​တီႈ​ၵေႃႉ​ဢၼ် ပေႃႉ​ထုပ်ႉ​ၵႃႈ​ၼိူဝ်​တင်ႈ​ၼၼ်ႉ သေ​လႄႈ ၸၢင်ႈ​လၢတ်ႈ​လူၺ်ႈ​လွင်ႈ ယိူဝ်ႇ​ၸိူၵ်ႈ​လႄႈ​ဝႃႈ၊ ပဵၼ်​ဢၼ်​လီ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၸၢင်ႈ​ဢဝ်​တင်း​လဵၵ်း​လႅမ် တွၵ်ႇ​သႂ်ႇ​ဝႆႉ​ႁႂ်ႈ ရုၵ်ႈ​ထူႉ​ဢမ်ႇ​လႆႈ​ၼိုင်​လႆႈ​ၶွၼ်း​ဢေႃႈ။-</verse>
				<verse number="8">မႂ်း​ ဢီႉသရေႇလႃႉ ဢၼ်​ပဵၼ်​ၶႃႈ​ၵဝ်၊ ယႃႇၵုပ်ႈ ​ဢၼ်​ၵဝ်​လိူၵ်ႈ​ၵဵပ်း​ဢဝ်၊ ၸိူဝ်ႉ​ၶိူဝ်း​ၵေႃႉ​သေႈ ၵဝ်​ ဢႃႇပြႃႇႁၢမ်ႇ ၊-</verse>
				<verse number="9">ၵေႃႉ​ဢၼ် ၵဝ်​တိုတ်ႉ​ၸၼ်​ဢဝ်​သေ​ၵႃႈ​တီႈ တီႈ​သုတ်း​လႅၼ်​လိၼ်​မိူင်း​လႄႈ ႁွင်ႉ​ဢဝ်​သေ​ၵႃႈ​တီႈ​ႁိမ်း​ၸဵင်ႇ​ႁိမ်း​လႅၼ်​ၼၼ်ႉ သေ​လႄႈ​လၢတ်ႈ​လႄႈ​ဝႃႈ၊ မႂ်း​ပဵၼ်​ၶႃႈ​ၵဝ်​ဢေႃႈ။ ၵဝ်​လိူၵ်ႈ​ၵဵပ်း​ဢဝ်​မႂ်း​ယဝ်ႉ။ ၵဝ်​ဢမ်ႇ​ပႄႇ​ဢမ်ႇ​ပႅတ်ႈ​မႂ်း​ၵူၺ်ႉ၊ ဝႃႈ​ၼင်ႇ​ၼၼ်​ၼႆႉ​ဢိူၺ်း၊-</verse>
				<verse number="10">ယႃႇ​ပေ​ၵူဝ်​ပေ​ႁႄ။ ၵဝ်​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။ ယႃႇ​ပေ​တူၵ်း​ၸႂ်​လႂ်​တိုၼ်ႇ။ ၵဝ်​ပဵၼ် ၽြႃး​ပဵၼ်​ၸဝ်ႈ မႂ်း​လႄႈ တၵ်း​ႁႂ်ႈ​မႂ်း​မၼ်ႈ​ၶိူင်ႇ​ဢေႃႈ။ ၵဝ်​တၵ်း​ပႂ်ႉ​ၸွႆႈ​ပႂ်ႉ​ထႅမ်​မႂ်း​ယူႇ​လႄႈ ဢဝ်​တင်း​မိုဝ်း​ၶွၼ်​ၶႂႃ​သဵတ်ႈ​ၸႃႇ​ၵဝ် ၵမ်ႉ​ထွၵ်ႈ​မႂ်း​ယူႇ​ဢေႃႈ။-</verse>
				<verse number="11">တူၺ်း​လူး၊ ၶဝ်​ၸိူဝ်း​ဢၼ် တၢင်း​ၸႂ်​မႆႈ​ၶႆႈ​ၸႃႉ​ဢွၵ်ႇ​တီႈ​မႂ်း​ၼၼ်ႉ တၵ်း​မီး​တၢင်း​ဢၼ်​ဢူၵ်း​ဢၼ်​ဢၢႆ ဢိၵ်ႇ​တင်း​တၢင်း​ဢၼ်​ၼႃႈ​လူႉ​လႄႈ ၶဝ်​ၸိူဝ်း​ဢၼ်​ႁဵတ်း​တၢင်း​ၽိတ်း​တီႈ​မႂ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ဢမ်ႇ​ၸႂ်ႈ​ၵႃႈ​သင် ၼၼ်ႉ​သေ​လႄႈ ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ။-</verse>
				<verse number="12">မႂ်း​တၵ်း​ႁႃ​ဢဝ်​ၶဝ်​ၸိူဝ်း​ဢၼ် ႁဵတ်း​ၶတ်း​ၵၼ်​တင်း​မႂ်း​ၼၼ်ႉ​လႄႈ ဢမ်ႇ​လႆႈ​ထူပ်း​လႆႈ​ႁၼ်။ ၶဝ်​ၸိူဝ်း​ဢၼ်​တိုၵ်း​သိုၵ်း​ၵၼ် တင်း​မႂ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ဢၼ်​ဢမ်ႇ​ၸႂ်ႈ​ၵႃႈ​သင်​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ဢၼတ်ႉတႃႉ ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​ဢေႃႈ။-</verse>
				<verse number="13">လွင်ႈ​မၼ်း​ၸမ်ႉ ၵဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း တၵ်း​ယိပ်း​ၵမ်​ဢဝ်​မိုဝ်း​ၶွၼ်​ၶႂႃ​မႂ်း​သေ​လႄႈ သင်ႇ​လၢတ်ႈ​ဝႆႉ​တီႈ​မႂ်း​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ။ ၵဝ်​တၵ်း​ၸွႆႈ​ထႅမ်​မႃႉ​ၸႃႉ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ယႃႇၵုပ်ႈ ဢၼ်​ပဵၼ်​တိူၵ်ႇ​လိူၼ်​ဢိူၺ်း၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၶဝ်​ဢိူၺ်း၊ ယႃႇ​ပေ​ၵူဝ်​ပေ​ႁႄ။ ၵဝ်​ပဵၼ်​ၵေႃႉ​ဢၼ်​ၸွႆႈ​ထႅမ်​မႃႉ​ၸႃႉ​မႂ်း​လႄႈ ပဵၼ်​ၵေႃႉ​ဢၼ် ထုတ်ႇ​ဢဝ်​မႂ်း၊ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="15">ၵဝ်​တၵ်း​ႁႂ်ႈ​မႂ်း​ပဵၼ်​ၸၢၵ်ႈ​ဢၼ်​ၼူတ်ႈ​ၶဝ်ႈ​ပိူၵ်ႇ၊ ဢၼ်​ၽၢႆ​ၼႃႇ ဢၼ်​မႂ်ႇ​မႂ်ႇ ဢၼ်​မီး​သိၵ်ႈ​ၶဵဝ်ႈ​ၼၼ်ႉ​ဢေႃႈ။ မႂ်း​တၵ်း​ၼူတ်ႈ​လွႆ​လူင်​တင်း​လၢႆ ႁႂ်ႈ​လႅဝ်​ပဵၼ်​မုၼ်ႈ​ၵႂႃႇ​လႄႈ ႁႂ်ႈ​လွႆ​ဢွၼ်ႇ​တင်း​လၢႆ ပဵၼ်​ၸိူဝ်ႉ​ၼင်ႇ​ၵႅပ်ႇ​ၼၼ်ႉ​ၵႂႃႇ​ဢေႃႈ။-</verse>
				<verse number="16">မႂ်း​တၵ်း​ဢဝ် ၶဝ်​လၢင်​လႄႈ လူမ်း​တၵ်း​ထူဝ်း​ဢဝ်​ၶဝ်​ၵႂႃႇ​ပႅတ်ႈ​ဢေႃႈ။ လူမ်း​လူင်​တၵ်း​ဢဝ်​ၶဝ်​ပိဝ်​သဵၼ်​ၵႂႃႇ​ဢေႃႈ။ မႂ်း​ၸမ်ႉ တၵ်း​ၸူမ်း​သိူဝ်း​ယူႇ​ၼႂ်း ထႃႇဝရႃႉ​ၽြႃး​လႄႈ တၵ်း​ဢုပ်ႇ​ဝၢဝ်း​ယူႇ ၼႂ်း​ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="17">ယၢမ်း​မိူဝ်ႈ​ဢၼ် ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ဢိၵ်ႇ​တင်း ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ ႁႃ​ဢဝ်​ၼမ်ႉ​လႄႈ ဢမ်ႇ​မီး​လႃး​လႃး၊ ၶဝ်​ယၢၵ်ႇ​ၼမ်ႉ​လႄႈ လိၼ်ႉ​ၶဝ်​ႁႅင်ႈ​ႁွင်​ၵႂႃႇ​ၼၼ်ႉ၊ ၵဝ်​ထႃႇဝရႃႉ​ၽြႃး တၵ်း​ထွမ်ႇ​ဢဝ်​ၵႂၢမ်း​ၶဝ်​လႄႈ ၵဝ်​ဢၼ်​ပဵၼ် ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼႆႉ တၵ်း​ဢမ်ႇ​ၸုၼ်ႉ​ပႅတ်ႈ​ၶဝ်။-</verse>
				<verse number="18">ၵဝ်​တၵ်း​ႁႂ်ႈ​ၼမ်ႉ​ႁွင်ႈ​ၼမ်ႉ​ၵႄး​ဢွၼ်ႇ​ၵႃႈ​ၼိူဝ်​လွႆ ဢၼ်​ဢုၼ်ႈ​ဢၼ်​ၵဵင်ႈ​တင်း​လၢႆ ဢိၵ်ႇ​တင်း​ၼမ်ႉ​ဢွၵ်ႇ​ႁူး ၵႃႈ​ၼႂ်း​ၶူင်ႈ​ႁူၺ်ႈ​တင်း​လၢႆ​လႄႈ တၵ်း​ႁႂ်ႈ​တီႈ​ထိူၼ်ႇ​တီႈ​ၶိူဝ်း ပဵၼ်​ၼမ်ႉ​ၼွင်​တင်း​လၢႆ ဢိၵ်ႇ​တင်း​ႁႂ်ႈ တီႈ​ဢၼ်​ႁႅင်ႈ​ဢၼ်​ႁွင် ပဵၼ်​ၼမ်ႉ​ဢွၵ်ႇ​ႁူး​တင်း​လၢႆ​ဢေႃႈ။-</verse>
				<verse number="19">ၵဝ်​တၵ်း​ၽုၵ်ႇ​တူၼ်ႈ​ ဢႃႇရိတ်ႉ ၊ တူၼ်ႈ​ ဢၵႃႇသႃႉ ၊ တူၼ်ႈ​ မူႉရတူႉ ၊ တူၼ်ႈ​ သၢၼ်ႇလုၼ်ႇ ​တင်း​လၢႆ ၵႃႈ​တီႈ​ထိူၼ်ႇ​လႄႈ တၵ်း​ဝႆႉ တူၼ်ႈ​ပႅၵ်ႇ၊ တူၼ်ႈ​ တတေႇရႃႉ ၊ တူၼ်ႈ​ တႃႇသူႉရႃႉ ​တင်း​လၢႆ ၵႃႈ​တီႈ​ပၢင်ႇ​တီႈ​ပဵင်း​လူၺ်ႈ​ၵၼ်၊-</verse>
				<verse number="20">ႁႂ်ႈ​ၶဝ်​လႆႈ​ႁူႉ​ႁၼ်​လႄႈ ၶႆႈ​ၸႂ်​ဝူၼ်ႉ​ၸႂ် ႁူႉ​ၸႅင်ႈ​လွင်ႈ​ဢၼ်​မိုဝ်း ထႃႇဝရႃႉ​ၽြႃး ၸီႇ​ယၢင်ႇ​ႁဵတ်း​လွင်ႈ​တၢင်း​ၼႆႉ​ဝႆႉ​လႄႈ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၽၢၼ်ႇ​သၢင်း​ဝႆႉ ၼၼ်ႉ​ဢေႃႈ။-</verse>
				<verse number="21">ပႂ်ႉ​ဢမူႉ​သူ​ၼၼ်ႉ​ယူႇ​တႃႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ဢဝ်​သၢၵ်ႈ​သေႇ​သူ​ဢၼ်​မၼ်ႈ​ၶိူင်ႇ​ၼၼ်ႉ ဢွၵ်ႇ​ၼႄ​ပျႃး​တႃႉ၊ ဝႃႈ​ၼင်ႇ​ၼႆ​လႄႈ ၶုၼ်​ႁေႃ​ၶမ်း​မဵဝ်း​ ယႃႇၵုပ်ႈ မီး​ဢမိင်ႉ​ဢေႃႈ။-</verse>
				<verse number="22">ႁႂ်ႈ​ၶဝ်​ဢဝ်​လွင်ႈ​တၢင်း​ဢၼႃႇၵၢတ်ႈတီႉ​ၸိူဝ်း​ၼၼ်ႉ ဢွၵ်ႇ​လႄႈ​ၼႄ​ပျႃး​သေ​ၵမ်း​လူၺ်ႈ။ ႁႂ်ႈ​ၶဝ်​ဢဝ်​လွင်ႈ​ဢၼ် လွင်ႈ​တၢင်း​ဢၼ် ယၢမ်ႈ​ပဵၼ်​မႃး​ယဝ်ႉ​မိူဝ်ႈ​ဢွၼ်​တၢင်း​ၼၼ်ႉ​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ ၽုၺ်ႇ​ဢွၵ်ႇ​ၼႄ​ပျႃး ႁႂ်ႈ​ႁဝ်း​လႆႈ ၶႆႈ​ၸႂ်​ဝူၼ်ႉ​ၸႂ်​လႄႈ ႁူႉ​တီႈ​သုတ်း​လွင်ႈ​တၢင်း​ၸိူဝ်း​ၼၼ်ႉ​သေ​ၵမ်း​လူၺ်ႈ။ ဢမ်ႇ​ၼၼ်​ႁႂ်ႈ​ၶဝ်​ဢဝ် လွင်ႈ​တၢင်း​ဢၼ်​တၵ်း​ပဵၼ်​မႃး ၸိူဝ်း​ၼၼ်ႉ​မွၵ်ႇ​လၢတ်ႈ​တီႈ​ႁဝ်း​သေ​ၵမ်း​လူၺ်ႈ။-</verse>
				<verse number="23">ဢဝ်​လွင်ႈ​တၢင်း​ဢၼ် တၵ်း​လႆႈ​ပဵၼ်​မႃး​ၸိူဝ်း​ၼၼ်ႉ ၽုၺ်ႇ​ဢွၵ်ႇ​ၼႄ​ပျႃး​ႁႂ်ႈ​ႁဝ်း​လႆႈ​ႁူႉ​လွင်ႈ​ဢၼ်​သူ ပဵၼ်​ၽြႃး​ၼၼ်ႉ​တႃႉ။ဢွၼ်​ၵၼ်​ႁဵတ်း​ဢမူႉ​ဢၼ်​လီ ဢမူႉ​ဢၼ်​ၸႃႉ သေ​ၸိူဝ်ႉ​သေ​ပိူင် ႁႂ်ႈ​ႁဝ်း​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​လူ​တူၺ်း​ၵၼ်​လႄႈ ထူပ်း​ႁၼ်​တႃႉ။-</verse>
				<verse number="24">တူၺ်း​လူး၊ သူ​ယဵင်ႈ​ၶႅၼ်း​ယုတ်ႈ​မိူၵ်ႈ​လိူဝ်​တွၼ်း​ၼႃႇ​သေ လွင်ႈ​တၢင်း​ဢၼ်​ဢမ်ႇ​ၸႂ်ႈ​ၵႃႈ​သင်​လႃး​လႃး ၼၼ်ႉ​လႄႈ လွင်ႈ​တၢင်း​ဢၼ်​သူ​ႁဵတ်း​ၵေႃႈ ယဵင်ႈ​ၶႅၼ်း​ယုတ်ႈ​မိူၵ်ႈ​လိူဝ်​တွၼ်း​ၼႃႇ​သေ လွင်ႈ​တၢင်း​ဢၼ်​ဢမ်ႇ​ၸႂ်ႈ​ၵႃႈ​သင်​လႃး​လႃး​ၼၼ်ႉ​ဢေႃႈ။​ၵေႃႉ​ဢၼ်​လိူၵ်ႈ​ၵဵပ်း​ဢဝ်​သူ​ၼၼ်ႉ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ​ဢေႃႈ။-</verse>
				<verse number="25">ၵဝ်​ႁႂ်ႈ​ၵူၼ်း​ၵေႃႉ​ၼိုင်ႈ ပေႃႇ​ဢွၵ်ႇ​ၵႃႈ​တီႈ​ၼႃႈ​တၢင်း​ႁွင်ႇ​လႄႈ မၼ်း​ၼၼ်ႉ​မႃး​ဢေႃႈ။ မၼ်း​တၵ်း​လုၵ်ႉ​သေ​ၵႃႈ​တီႈ​ၼႃႈ​တၢင်း ဝၼ်း​ဢွၵ်ႇ​ပုၼ်ႉ မႃး​လႄႈ ႁဵတ်း​ပထၼႃႇ တီႈ​ၼႃႇ​မႃႉ​ၸိုဝ်ႈ​သဵင်​ၵဝ်​ဢေႃႈ။ မၼ်း​ၼၼ်ႉ တၵ်း​ယဵပ်ႇ​ၶၢမ်ႈ​ၶုၼ်​တင်း​လၢႆ မိူၼ်​ၸိူဝ်ႉ​ၼင်ႇ လိၼ်​မေႃႈ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ဢၼ် ၸဝ်ႈ​မေႃႈ ယဵပ်ႇ​ၶၢမ်ႈ​လိၼ်​မေႃႈ​ၼၼ်ႉ​ဢေႃႈ။-</verse>
				<verse number="26">ၽူႈ​လႂ်​မွၵ်ႇ​လၢတ်ႈ​ၸႃႉ​ၸဵမ်​မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ ႁႂ်ႈ​ႁဝ်း​လႆႈ​ႁူႉ​လႆႈ​ၸႅင်ႈ။ ၽူႈ​လႂ်​မွၵ်ႇ​လၢတ်ႈ မိူဝ်ႈ​ဢွၼ်​တၢင်း​ၼၼ်ႉ ႁႂ်ႈ​ႁဝ်း​လႆႈ​လၢတ်ႈ​လႄႈ​ဝႃႈ၊ ၸႂ်​တႄႉ​တႄႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။ ဢမ်ႇ​မီး​ၵေႃႉ​ဢၼ်​ၽုၺ်ႇ​ဢွၵ်ႇ​ၼႄ​ပျႃး​သေ​ၵေႃႉ​သေ​ၵူၼ်း။ ဢမ်ႇ​မီး​ၵေႃႉ​ဢၼ် မွၵ်ႇ​လၢတ်ႈ​သေ​ၵေႃႉ​သေ​ၵူၼ်း။ ဢမ်ႇ​မီး​ၵေႃႉ​ဢၼ်​လႆႈ​ငိၼ်း​ၵႂၢမ်း​သူ သေ​ၵေႃႉ​သေ​ၵူၼ်း။-</verse>
				<verse number="27">ၵဝ်​လၢတ်ႈ​တီႈ​ဝဵင်း​ ၸီႉဢုၼ်ႇ ​ဝႆႉ ဢွၼ်​တၢင်း​သုတ်း​ပိူၼ်ႈ​လႄႈ​ဝႃႈ၊ တူၺ်း​တႃႉ။ တူၺ်း​လွင်ႈ​တၢင်း​ဢၼ်​ၸိူဝ်ႉ​ၼင်ႇ​ၼႆ ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵဝ်​တၵ်း​ပွႆႇ​ၸႂ်ႉ​တမၢၼ်ႇ​ဢၼ် တၵ်း​ဢဝ်​သတၢင်း​သိူဝ်း​ပျေႃႇ မွၵ်ႇ​လၢတ်ႈ​ၼၼ်ႉ​ၸူး ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="28">မိူဝ်ႈ​ဢၼ် ၵဝ်​လူ​တူၺ်း​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။ ၼႂ်း​ၶဝ်​ၼၼ်ႉ ဢမ်ႇ​မီး​ၵေႃႉ​ဢၼ်​ပၼ်​သတီႉ သေ​ၵေႃႉ​သေ​ၵူၼ်း။​ၵဝ်​တွင်ႈ​ထၢမ်​ၶဝ်​လႄႈ ၶဝ်​ဢမ်ႇ​ၶိုၼ်း​လၢတ်ႈ​ၵႂၢမ်း​သေ​ၶေႃႈ​သေ​ၵမ်း​လႆႈ။-</verse>
				<verse number="29">တူၺ်း​လူး၊ ၶဝ်​တင်း​သဵင်ႈ​တင်း​မူတ်း ပဵၼ်​ဢၼတ်ႉတႃႉ​ဢေႃႈ။ လွင်ႈ​တၢင်း​ဢၼ်​ၶဝ်​ႁဵတ်း​ၸိူဝ်း​ၼၼ်ႉ ဢမ်ႇ​ၸႂ်ႈ​ၵႃႈ​သင် လႃး​လႃး။ ရုၵ်ႈ​ထူႉ​ဢၼ်​ၶဝ်​သွၼ်း​ႁဵတ်း လေႃႇ​ႁဵတ်း​ၸိူဝ်း​ၼၼ်ႉ​ၵေႃႈ ပဵၼ်​လူမ်း​လၢႆ​လၢႆ​ၵူၺ်း​လႄႈ ဢမ်ႇ​ပွင်ႇ​လွင်ႈ​ၵႃႈ​သင်​လႃး​လႃး။</verse>
			</chapter>
			<chapter number="42">
				<verse number="1">တူၺ်း​ၶႃႈ​ၵဝ် ဢၼ်​ၵဝ်​ၵမ်ႉ​ဝႆႉ​ထွၵ်ႈ​ဝႆႉ၊ ၵေႃႉ​ဢၼ်​ၵဝ်​လိူၵ်ႈ​ၵဵပ်း​ဢဝ် ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်​ၼၼ်ႉ​တႃႉ။ ၵဝ်​တၵ်း​ႁႂ်ႈ​ဝီႉၺိၺ်ႇ​ၵဝ် တႄႇ​ယူႇ​ၵႃႈ​တီႈ​ၼိူဝ်​မၼ်း​ဢေႃႈ။ မၼ်း​ၼၼ်ႉ​တၵ်း​ပၼ်​တြႃး တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​တင်း​လၢႆ​ဢေႃႈ။-</verse>
				<verse number="2">မၼ်း​တၵ်း​ဢမ်ႇ​တွပ်ႇ​ဢမ်ႇ​ထဵင်။ တၵ်း​ဢမ်ႇ​ႁွင်ႉ​ဢမ်ႇ​သႅၼ်ႇ။ ၽူႈ​လႂ်​တၵ်း​ဢမ်ႇ​လႆႈ​ငိၼ်း​သဵင်​မၼ်း ၵႃႈ​တီႈ​ၼႂ်း​သဵၼ်ႈ​တၢင်း တင်း​လၢႆ။-</verse>
				<verse number="3">မႆႉ​ဢေႃႈ​ဢၼ်​ယဵပ်ႇ​တူပ်ႉ ၼၼ်ႉ​ၸိုင်၊ မၼ်း​တၵ်း​ဢမ်ႇ​ႁၵ်း။ တဵၼ်း​ၵႃႈ​ဢၼ်​ၵႂၼ်း​ၽႆး​ၼမ်​ၼႃႇ​ၼၼ်ႉ​ၸိုင် မၼ်း​တၵ်း​ဢမ်ႇ​မွတ်ႇ။ မၼ်း​တၵ်း​ၸွမ်း​ၼင်ႇ​သမ်ႇမႃႇ​တြႃး​လႄႈ ၸီႇ​ယၢင်ႇ​ဢေႃႈ။-</verse>
				<verse number="4">ႁႅင်း​မၼ်း​တၵ်း​ဢမ်ႇ​ဢူၼ်ႈ ၸႂ်​မၼ်း​တၵ်း​ဢမ်ႇ​လူႉ​တေႃႇ​ထိုင်​ႁွတ်ႈ မၼ်း​ထၼ်ႈ​ပေႃး​ႁႂ်ႈ​တြႃး​ၸဝ်ႈ တႄႇ​ယူႇ​ၵႃႈ​ၼိူဝ်​လိၼ်​မိူင်း​ၼၼ်ႉ​ဢေႃႈ။ ၵုၼ်​ၼႂ်း​ၼမ်ႉ​တင်း​လၢႆ တၵ်း​ဢွၼ်​ၵၼ်​မုင်ႈ​မွင်း​တြႃး​မၼ်း​ယူႇ​ဢေႃႈ။-</verse>
				<verse number="5">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ဢၼ်​ၽၢၼ်ႇ​သၢင်း​ႁဵတ်း​ပဵၼ် ၽႃႉ​ၵၢင်​ႁၢဝ် သေ​လႄႈ​ဢဝ်​ၶဵင်ႈ​ဝႆႉ၊ ဢၼ်​သိူဝ်ႇ​လိူၼ်ႈ​လိၼ်​မိူင်း​ဢိၵ်ႇ​တင်း​ၵႃႈ​ဢၼ်​ဢွၵ်ႇ​ပဵၼ်​မႃး​ၵႃႈ​ၼႂ်း​မၼ်း၊ ဢၼ်​ပၼ်​ဢသၢၵ်ႈ​တီႈ ၶဝ်​ၸိူဝ်း​ဢၼ်​မီး​ၵႃႈ​ၼိူဝ်​မၼ်း ဢိၵ်ႇ​တင်း​ဝီႉၺိၺ်ႇ တီႈ​ၶဝ်​ၸိူဝ်း​ဢၼ် ယဵပ်ႇ​ယမ်ႈ​ၵႃႈ​ၼိူဝ်​မၼ်း​ၸိူဝ်း​ၼၼ်ႉ​ၼၼ်ႉ မီး​ဢမိင်ႉ​ဝႆႉ​ၸမ်ႉ၊-</verse>
				<verse number="6">ၵဝ်​ထႃႇဝရႃႉ​ၽြႃး ႁွင်ႉ​မႂ်း​ဝႆႉ ၸွမ်း​ၼင်ႇ​တြႃး​တၢင်း​ဢၼ်​သိုဝ်ႈ​တေႃႇ​လႄႈ တၵ်း​ၸုင်​ဢဝ်​မိုဝ်း​ယူႇ သေ​လႄႈ ၵမ်ႉ​ထွၵ်ႈ​ယူႇ​လႄႈ ဢဝ်​မႂ်း​ၶၢၼ်း​ဝႆႉ​ပုၼ်ႈ တၢင်း​ဢၼ်​တၵ်း​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း ၵူၼ်း​တင်း​လၢႆ၊ ပုၼ်ႈ​တၢင်း​ဢၼ်​ႁိူဝ်ႈ​လႅင်း​တီႈ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ၊-</verse>
				<verse number="7">ႁႂ်ႈ​မႂ်း​လႆႈ​ၽုၺ်ႇ မၢၵ်ႇ​တႃ​ဢၼ်​မွတ်ႇ​တင်း​လၢႆ ဢိၵ်ႇ​တင်း ႁႂ်ႈ​လႆႈ​ပွႆႇ​ၶဝ်​ၸိူဝ်း​ဢၼ်​ၶျုၵ်ႈ​ဝႆႉ​ၼၼ်ႉ လွတ်ႈ​ဢွၵ်ႇ​သေ​ၵႃႈ​ၼႂ်း​ထွင်ႇ တင်း​ႁႂ်ႈ​လႆႈ​ၼုၵ်ႈ​ဢဝ် ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​လပ်း​သိင်ႇ​ၼၼ်ႉ ဢွၵ်ႇ​သေ​ၵႃႈ​ၼႂ်း​ႁိူၼ်း​ထွင်ႇ​ဢေႃႈ။-</verse>
				<verse number="8">ၵဝ်​ပဵၼ် ထႃႇဝရႃႉ​ၽြႃး​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ၼႃႇ​မႃႉ​ၸိုဝ်ႈ​သဵင်​ၵဝ်​ယဝ်ႉ။ ၵဝ်​တၵ်း ဢမ်ႇ​ဢဝ်​မုၼ်​ၽုင်း​ၵဝ်​ပၼ်​တီႈ​ပိူၼ်ႈ​လႄႈ ဢဝ်​သရေႇ​ၵဝ်​ပၼ် တီႈ​ရုၵ်ႈ​ထူႉ​သၢင်း​ထူႉ တင်း​လၢႆ။-</verse>
				<verse number="9">တူၺ်း​လူး၊ လွင်ႈ​တၢင်း​ဢၼ်​မိူဝ်ႈ​ဢွၼ်​တၢင်း​ၸိူဝ်း​ၼၼ်ႉ​လႆႈ​ပဵၼ်​မႃး​ယဝ်ႉ။ လွင်ႈ​တၢင်း​ဢၼ်​မႂ်ႇ​တင်း​လၢႆ​ၵေႃႈ ၵဝ်​မွၵ်ႇ​လၢတ်ႈ​ဢေႃႈ။ ၸူဝ်ႈ​ဢၼ် ၶဝ်​ၼၼ်ႉ​ဢမ်ႇ​ပႆႇ​ပေႃႇ​မႃး​ၼၼ်ႉ​ၸိုင် ၵဝ်​ဢဝ်​လွင်ႈ​ၶဝ်​ၼၼ်ႉ ႁႂ်ႈ​သူ​လႆႈ​ငိၼ်း​ဢေႃႈ။</verse>
				<verse number="10">ၸႃႉ​ၸဵမ်​ၶဝ်​ၸိူဝ်း​ဢၼ်​ၶၢမ်ႈ​ပၢင်ႇ​လၢႆႇ ဢိၵ်ႇ​တင်း​ၵႃႈ​ဢၼ်​မီး​ၵႃႈ​ၼႂ်း​မၼ်း​ၼၼ်ႉ​လႄႈ၊ ၵုၼ်​ၼႂ်း​ၼမ်ႉ တင်း​လၢႆ ဢိၵ်ႇ​တင်း ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ၸိူဝ်း​ၼၼ်ႉ​ၶဝ်​ဢိူၺ်း၊ ဢွၼ်​ၵၼ်​ႁဵတ်း​ၵႂၢမ်း​ဢၼ်​မႂ်ႇ​တီႈ ထႃႇဝရႃႉ​ၽြႃး​တႃႉ။ ၸႃႉ​ၸဵမ်​ၵႃႈ​တီႈ​လႅၼ်​သုတ်း လိၼ်​မိူင်း​ပုၼ်ႉ​လႄႈ ဢွၼ်​ၵၼ်​ယွင်ႈ​ယေႃး​မၼ်း​ၸဝ်ႈ​တႃႉ။-</verse>
				<verse number="11">ထိူၼ်ႇ​ဢိၵ်ႇ​တင်း​ဝၢၼ်ႈ​ဝဵင်း ဢၼ်​မီး​ၵႃႈ​တီႈ​ၼၼ်ႈ တင်း​လၢႆ၊ တပ်ႉ​ၵူၼ်း​တီႈ​ဢၼ်​ ၵေႇတႃႇ ​ယူႇ​ၸိူဝ်း​ၼၼ်ႉ တၵ်း​ဢွၼ်​ၵၼ်​ပၢဝ်ႇ သေႃႇ​လႄႈ ၶဝ်​ၸိူဝ်း​ဢၼ်​ယူႇ​ၵႃႈ​တီႈ​မၢၵ်ႇ​ႁိၼ်​မၢၵ်ႇ​ၽႃ​ၼၼ်ႉ တၵ်း​ဢွၼ်​ၵၼ်​ၵိဝ်​သဵင်​ဢေႃႈ။ ၶဝ်​တၵ်း​ဢွၼ်​ၵၼ်​ႁွင်ႉ​သႅၼ်ႇ​ယူႇ ၵႃႈ​တီႈ​ၼိူဝ်​ပၢႆ​လွႆ ၸိၵ်း​လွႆ​တင်း​လၢႆ​ဢေႃႈ။-</verse>
				<verse number="12">ၶဝ်​တၵ်း​ဢွၼ်​ၵၼ်​ယုၵ်ႉ​ယွင်ႈ ထႃႇဝရႃႉ​ၽြႃး​လႄႈ ယွင်ႈ​ယေႃး​မုၼ်​ၽုင်း​မၼ်း​ၸဝ်ႈ ၵႃႈ​တီႈ​ၵုၼ်​ၼႂ်း​ၼမ်ႉ​တင်း​လၢႆ ထၢင်ႇ​ထၢင်ႇ​သႃး​သႃး​ဢေႃႈ။-</verse>
				<verse number="13">ထႃႇဝရႃႉ​ၽြႃး တၵ်း​ဢွၵ်ႇ မိူၼ်​ၸိူဝ်ႉ​ၼင်ႇ​ပူဝ်ႇ​ႁူဝ်​ႁၢၼ်​ၼၼ်ႉ​လႄႈ တိုၵ်း​ယူင်း​ၸႂ်​မၼ်း​ၸဝ်ႈ မိူၼ်​ၸိူဝ်ႉ​ၼင်ႇ​ပူဝ်ႇ​သိုၵ်း ၼၼ်ႉ​ဢေႃႈ။ မၼ်း​ၸဝ်ႈ​ႁွင်ႉ​သႅၼ်ႇ​သေ​လႄႈ ပၢဝ်ႇ​သေႃႇ​လႄႈ​ႁဵတ်း​တၢင်း​ဢၼ်​ၵႆႉ​ၵျူဝ်း​ၸႃး​ယူႇ​ၽၢႆႇ​ၼိုင်ႈ တင်း​ရၢၼ်ႇ​သူႇ​မၼ်း​ၸဝ်ႈ​တင်း​လၢႆ​ဢေႃႈ။</verse>
				<verse number="14">ၵဝ်​လႆႈ​ယူႇ တဵတ်ႇ​တဵတ်ႇ​ယဵၼ်​ယဵၼ် ယူႇ​ႁိုင်​ၼႃႇ​ယဝ်ႉ။ ၵဝ်​လႆႈ​ၵိုတ်း​ယူႇ ၼိမ်​ယူႇ​လႄႈ ယိူၼ်ႉ​ၸႂ်​ၵၼ်ႈ​ၸႂ် ယူႇ​ဢေႃႈ။ မိူဝ်ႈ​လဵဝ်​ၼႆႉ​ၵဝ် တၵ်း​သႅၼ်ႇ​ႁွင်ႉ မိူၼ်​ၸိူဝ်ႉ​ၼင်ႇ​မႄႈ​ယိင်း​ဢၼ်​လႆႈ​ၶၢမ်ႇ​ဝူၺ်ႇတၼႃႇ တၢင်း​ဢၼ်​ၵိူတ်ႇ​လဵင်ႉ​လုၵ်ႈ​ၼၼ်ႉ​ဢေႃႈ။-</verse>
				<verse number="15">ၵဝ်​တၵ်း​ႁႂ်ႈ​လွႆ​လူင်​လွႆ​ဢွၼ်ႇ တင်း​လၢႆ​ပဝ်ႇ​လၢပ်ႈ​ႁၢမ်း​ၵႂႃႇ​လႄႈ ႁႂ်ႈ​တူၼ်ႈ​လဵၵ်ႉ​တူၼ်ႈ​ဢွၼ်ႇ​ၶဝ်​ၵႃႈ​မီး​ၼၼ်ႉ ႁႅင်ႈ​ႁွင်​ဢေႃႈ။​ၵဝ်​တၵ်း​ႁႂ်ႈ​ၼမ်ႉ​ႁွင်ႈ​ၼမ်ႉ​ၵႄး​တင်း​လၢႆ ပဵၼ်​ၵုင်း​ၵႂႃႇ​လႄႈ ႁႂ်ႈ​ၼမ်ႉ​ၼွင်​တင်း​လၢႆ​ႁႅင်ႈ​ႁွင်​ၵႂႃႇ​ဢေႃႈ။-</verse>
				<verse number="16">ၵဝ်​တၵ်း​ဢဝ်​ၶဝ်​ၸိူဝ်း​ဢၼ် တႃ​မွတ်ႇ​ၼၼ်ႉ​ၵႂႃႇ​ၵႃႈ​ၼႂ်း​သဵၼ်ႈ​တၢင်း​ဢၼ်​ၶဝ်​ဢမ်ႇ​ႁူႉ​ၼၼ်ႉ​လႄႈ ႁႂ်ႈ​ၵႂႃႇ​ၵႃႈ​ၼႂ်း​ႁွႆး တၢင်း​ဢၼ်​ၶဝ်​ဢမ်ႇ​ႁူႉ​ၸၵ်း​ၼၼ်ႉ​ဢေႃႈ။ ၵဝ်​တၵ်း​ႁႂ်ႈ​လပ်း​သိင်ႇ​ပဵၼ်​ဢၼ်​လႅင်း ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​လႄႈ ႁႂ်ႈ​တၢင်း​ဢၼ်​ၵူတ်ႉ​ၸိူဝ်း​ၼၼ်ႉ သိုဝ်ႈ​ဢေႃႈ။ ၵဝ်​တၵ်း​ႁဵတ်း​လွင်ႈ​တၢင်း​ၸိူဝ်း​ၼၼ်ႉ​လႄႈ ဢမ်ႇ​ၸုၼ်ႉ​ဢမ်ႇ​ပႅတ်ႈ​ၶဝ်။-</verse>
				<verse number="17">ၶဝ်​ၸိူဝ်း​ဢၼ်​သွၼ်ႈ​ပိုင်ႈ​ရုၵ်ႈ​ထူႉ ဢၼ်​တွင်ႈ​ႁဵတ်း​ၶၵ်း​ႁဵတ်း​လႄႈ လၢတ်ႈ​တီႈ​ရုၵ်ႈ​ထူႉ​ဢၼ်​လေႃႇ​ႁဵတ်း​သွၼ်း​ႁဵတ်း​ၼၼ်ႉ လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၽြႃး ႁဝ်း​ၶႃႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ လႆႈ​ၶၢမ်ႇ​တၢင်း​ဢၼ်​ပိၼ်ႈ​ၶိုၼ်း​ၵႂႃႇ​တၢင်း​လင်​လႄႈ တၵ်း​ႁွတ်ႈ​ထိုင်​တၢင်း​ဢၼ်​ဢူၵ်း​ဢၢႆ​ၼႃႇ​လူင်​လၢင်​ဢေႃႈ။</verse>
				<verse number="18">ၵူၼ်း​ဢၼ်​ႁူ​ၼူၵ်ႇ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ၵူၼ်း​ဢၼ်​တႃ​မွတ်ႇ​ၶဝ်​ဢိူၺ်း၊ ဢွၼ်​ၵၼ်​လူ​တူၺ်း​ႁႂ်ႈ​သူ လႆႈ​ႁၼ်​တႃႉ။-</verse>
				<verse number="19">လိူဝ်​သေ​ၶႃႈ​ၵဝ်​ၼၼ်ႉ ၽူႈ​လႂ်​တႃ​မွတ်ႇ။ ၽူႈ​လႂ်​ႁူ​ၼူၵ်ႇ မိူၼ်​ၸိူဝ်ႉ​ၼင်ႇ တမၢၼ်ႇ​ဢၼ်​ၵဝ်​ပွႆႇ​ၸႂ်ႉ​ၼၼ်ႉ။ ၽူႈ​လႂ်​တႃ​မွတ်ႇ မိူၼ်​ၸိူဝ်ႉ​ၼင်ႇ ၵေႃႉ​သေႈ​ၵဝ်​ၼၼ်ႉ။ ၽူႈ​လႂ်​တႃ​မွတ်ႇ မိူၼ်​ၸိူဝ်ႉ​ၼင်ႇ​ၶႃႈ ထႃႇဝရႃႉ​ၽြႃး​ၼၼ်ႉ။-</verse>
				<verse number="20">မႂ်း​ၼႆႉ​ပိၵ်ႉ​သမ်ႉ​ႁၼ်​လွင်ႈ​တၢင်း​ၼမ်​ၼႃႇ သေ​ၵေႃႈ မႂ်း​ဢမ်ႇ​ၸၢင်ႈ​ဢဝ် သႂ်ႇ​ၸႂ်​သႂၢင်း​ၸႂ်။ ပိၵ်ႉ​သမ်ႉ​ႁူ​မၼ်း​ၽုၺ်ႇ​ဝႆႉ​သေ​ၵေႃႈ မၼ်း​ဢမ်ႇ​ၸၢင်ႈ​ငိၼ်း။-</verse>
				<verse number="21">ထႃႇဝရႃႉ​ၽြႃး ထုၵ်ႇ​ၸႂ်​ၵျိူၵ်ႈ​ၸႂ် တၢင်း​ဢၼ် ႁဵတ်း​တၢင်း​ဢၼ် ယုၵ်ႉ​ယွင်ႈ​တြႃး​လႄႈ ႁႂ်ႈ​ပျေႉ​ၸုမ်ႇ​ဝႆႉ တင်း​ၵုင်ႇ​သရေႇ ၵွပ်ႈ​ပိူဝ်ႈ တၢင်း​ဢၼ် သိုဝ်ႈ​တေႃႇ​မၼ်း​ၸဝ်ႈ ၼၼ်ႉ​ဢေႃႈ။-</verse>
				<verse number="22">ၵူၼ်း​မဵဝ်း​ၼႆႉ ပဵၼ်​မဵဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ႁိမ်​ဢဝ်​ႁူင်ႇ​ဢဝ်​သေ​လႄႈ ယႃႉ​ပႅတ်ႈ​ၼၼ်ႉ​လႄႈ၊ ၶဝ်​ၵႃႈ​မီး​ၼၼ်ႉ​လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ ၵႃႈ​ၼႂ်း​ၶုမ်​ၼႂ်း​လုၵ်း​လႄႈ လႆႈ​တဵတ်ႇ​ယူႇ​လပ်ႉ​ယူႇ​ၵႃႈ​ၼႂ်း​ထွင်ႇ​ဢေႃႈ။ ၶဝ်​ပဵၼ်​တီႈ​ဢၼ်​ႁိမ်​ဢဝ်​ႁူင်ႇ​ဢဝ်​လႄႈ​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၼုၵ်ႈ​ဢမ်ႇ​ဢဝ်၊ ၶဝ်​ပဵၼ်​တီႈ​ဢၼ်​ယႃႉ​ပႅတ်ႈ​လႄႈ၊ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လၢတ်ႈ​လႄႈ​ဝႃႈ၊ ၶိုၼ်း​ပၼ်​သေ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="23">ၼႂ်း​သူ​ၽူႈ​လႂ်​တၵ်း​ထွမ်ႇ​ဢဝ်​ၵႂၢမ်း​ၼႆႉ။ ၽူႈ​လႂ်​တၵ်း​ငိၼ်း​လႄႈ​မၢတ်ႈ​တွင်း​ဝႆႉ ပုၼ်ႈ​ၶိင်ႇ​ၵႃႇလႃႉ​ၵမ်း​လိုၼ်း။-</verse>
				<verse number="24">ၽူႈ​လႂ်​ဢဝ်​ ယႃႇၵုပ်ႈ ​ဢၢပ်ႈ​ပၼ် ႁႂ်ႈ​ပဵၼ်​တီႈ​ဢၼ်​ႁိမ်​ဢဝ်​ႁူင်ႇ​ဢဝ်​လႄႈ ႁႂ်ႈ​ ဢီႉသရေႇလႃႉ ႁွတ်ႈ​ထိုင်​ၵႃႈ​ၼႂ်း​မိုဝ်း​ၸူၼ်​ၼၼ်ႉ။ ထႃႇဝရႃႉ​ၽြႃး ဢၼ်​ႁဝ်း​ၽိတ်း​ပိူင်ႈ ဢၼ်​ၶဝ်​ဢမ်ႇ​မီး​ဢလူဝ်ႇ ၶႂ်ႈ​ၸွမ်း​သဵၼ်ႈ​တၢင်း​မၼ်း​ၸဝ်ႈ​လႄႈ ယင်း​ဢမ်ႇ​ထွမ်ႇ​ဢမ်ႇ​ဢဝ်​တြႃး​မၼ်း​ၸဝ်ႈ လႄႈ​ယူႇ​ၼၼ်ႉ ဢဝ်​ဢၢပ်ႈ​ပၼ်​ဢမ်ႇ​ၸႂ်ႈ​ႁိုဝ်။-</verse>
				<verse number="25">ပိူဝ်ႈ​ၼႆ​လႄႈ မၼ်း​ၸဝ်ႈ​ဢဝ်​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ဢၼ်​ႁႅင်း​ယႂ်ႇ​ၼႃႇ​လူင်​လၢင် ဢိၵ်ႇ​တင်း​တၢင်း​ဢၼ်​တိုၵ်း​သိုၵ်း ဢၼ်​ႁၢဝ်ႈ​ၵျၢမ်း​ၼႃႇ​လူင်​လၢင် သွၼ်း​လေႃႇ​ၵႃႈ​ၼိူဝ်​မၼ်း သေ​လႄႈ တုတ်ႇ​ၽႆး​လဵပ်ႈ​ႁွပ်ႈ​မၼ်း​ဢေႃႈ။ ၵူၺ်း​ၵႃႈ​မၼ်း​ဢမ်ႇ​ႁူႉ။ ပိၵ်ႉ​သမ်ႉ ၽႆး​မႆႈ​မၼ်း​သေ​ၵေႃႈ မၼ်း​ယင်း​ဢမ်ႇ​ဝႆႉ​သတီႉ​လႄႈ ယူႇ​ဢေႃႈ။</verse>
			</chapter>
			<chapter number="43">
				<verse number="1">မဵဝ်း​ ယႃႇၵုပ်ႈ ၊ မဵဝ်း​ထႃႇဝရႃႉ​ၽြႃး ဢၼ်​ၽၢၼ်ႇ​သၢင်း​မႂ်း ဢီႉသရေႇလႃႉ ​ဢိူၺ်း၊ ၸဝ်ႈ​ဢၼ်​ႁဵတ်း​ပဵၼ်​မႂ်း​ၼၼ်ႉ မီး​ဢမိင်ႉ​ဝႆႉ​ၸမ်ႉ၊ယႃႇ​ပေ​မႆႈ​ၸႂ်​ၶီ​ၸႂ်။ ၵဝ်​ထုတ်ႇ​ဢဝ်​မႂ်း​ယဝ်ႉ။ ၵဝ်​ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ် ႁွင်ႉ​ႁဵၵ်ႈ​တီႈ​မႂ်း​ယဝ်ႉ။ မႂ်း​ပဵၼ်​တီႈ​ဢၼ်​ၵဝ်​ပိူင်ႇ​ဢေႃႈ။-</verse>
				<verse number="2">မိူဝ်ႈ​ဢၼ် မႂ်း​ယၢင်ႈ​ၵႂႃႇ​ပႆ​ၵႂႃႇ​ၼႂ်း​ၼမ်ႉ​ၼၼ်ႉ ၵဝ်​တၵ်း​မီး​ယူႇ​လူၺ်ႈ​ၵၼ်​တင်း​မႂ်း​လႄႈ မိူဝ်ႈ​ဢၼ် ယၢင်ႈ​ၵႂႃႇ​ပႆ​ၵႂႃႇ​ၵႃႈ​ၼႂ်း​ၼမ်ႉ​ႁွင်ႈ​ၼမ်ႉ​ၵႄး တင်း​လၢႆ​ၼၼ်ႉ ၶဝ်​တၵ်း​ဢမ်ႇ​လႆႈ​ထူမ်ႈ​မႂ်း​ႁူမ်ႇ​မႂ်း။ မိူဝ်ႈ​ဢၼ် မႂ်း​ယဵပ်ႇ​ၵႂႃႇ​ယမ်ႈ​ၵႂႃႇ ၵႃႈ​ၼႂ်း​ၽႆး​ၼၼ်ႉ၊ မႂ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ၽႆး​မႆႈ။ ပဵဝ်​ၽႆး ဢမ်ႇ​လႆႈ​ႁုပ်ႇ​သႂ်ႇ​တိူဝ်ႉ​သႂ်ႇ​မႂ်း။-</verse>
				<verse number="3">လွင်ႈ​မၼ်း​ၸမ်ႉ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း၊ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ၊ ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​မႂ်း​ဢေႃႈ။ ၵဝ်​ဢဝ်​မိူင်း​ ဢေႇၵိပ်ႉတူႉ ပၼ်​ပုၼ်ႈ​ဢၼ်​တၵ်း​ထုတ်ႇ​ဢဝ်​မႂ်း​လႄႈ ဢဝ်​မိူင်း​ ၵူႉသႃႉ တင်း​မိူင်း​ သေးၽႃႉ ပၼ်​ပုၼ်ႈ တၢင်​တူဝ်​မႂ်း​ယဝ်ႉ။-</verse>
				<verse number="4">ၵွပ်ႈ​ပိူဝ်ႈ​ဢၼ်​မႂ်း​ပဵၼ် တီႈ​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ် သိုဝ်ႈ​ၼႃႈ​တႂ်ႈ​တႃ​ၵဝ်​လႄႈ မီး​သရေႇ​ယဝ်ႉ​ၼၼ်ႉ​လႄႈ၊ ၵဝ်​ႁၵ်ႉ​မႂ်း​ဢေႃႈ။ပိူဝ်ႈ​ၼႆ​လႄႈ ၵဝ်​တၵ်း​ဢဝ်​ၵူၼ်း​တင်း​လၢႆ ပၼ်​ပုၼ်ႈ​တၢင်​တူဝ်​မႂ်း​လႄႈ ဢဝ်​မဵဝ်း​ၵူၼ်း​တင်း​လၢႆ ပၼ်​ပုၼ်ႈ​တၢင်​တူဝ်​ဢသၢၵ်ႈ​မႂ်း ဢေႃႈ။-</verse>
				<verse number="5">ယႃႇ​ပေ​မႆႈ​ၸႂ်​ၶီ​ၸႂ်။ ၵဝ်​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။ ၵဝ်​တၵ်း​ဢဝ်​မဵဝ်း​ၸိူဝ်ႉ​ၶိူဝ်း​မႂ်း​သေ​ၵႃႈ​တီႈ​ၼႃႈ​ဝၼ်း​ဢွၵ်ႇ မႃး​လႄႈ​တၵ်း​ၸူႉ​သိမ်း​ဢဝ်​မႂ်း​သေ​ၵႃႈ​တီႈ ၼႃႈ​ဝၼ်း​တူၵ်း​မႃး​ဢေႃႈ။-</verse>
				<verse number="6">ၵဝ်​တၵ်း​လၢတ်ႈ​တီႈ​ၼႃႈ​တၢင်း​ႁွင်ႇ​လႄႈ​ဝႃႈ၊ ဢၢပ်ႈ​ပၼ်​တႃႉ၊ ဝႃႈ​ၼင်ႇ​ၼႆ​လႄႈ လၢတ်ႈ​တီႈ​ၼႃႈ​တၢင်း​ၸၢၼ်း​လႄႈ​ဝႃႈ၊ ယႃႇ​ပေ​ထိမ်ႇ​ပေ​ဢမ်။ ဢဝ်​လုၵ်ႈ​ၸၢႆး​ၵဝ်​ဢၼ်​ယူႇ​ၵႃႈ​တီႈ ဢၼ်​ၵႆ၊ လုၵ်ႈ​ယိင်း​ၵဝ်​ဢၼ်​ယူႇ​ၵႃႈ​တီႈ လႅၼ်​သုတ်း​လိၼ်​မိူင်း၊-</verse>
				<verse number="7">ဢၼ်​ဝႃႈ​ၶဝ် ၵႃႈ​ဢၼ်​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​ၵဝ် ဢၼ်​ၵဝ်​ၽၢၼ်ႇ​သၢင်း​ႁဵတ်း​ပဵၼ်​ဝႆႉ ပုၼ်ႈ​မုၼ်​သရေႇ​ၵဝ် ၸိူဝ်း​ၼၼ်ႉ​မႃး​တႃႉ။ ၵဝ်​ႁဵတ်း​ပဵၼ်​မၼ်း​ဝႆႉ​လႄႈ ပွင်​ႁႅၼ်း​မၼ်း​ဝႆႉ ဢမၢၼ်ႇ​ၶၼ်​ပဵၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ဢဝ်​ၶဝ်​ၸိူဝ်း​ဢၼ်​တႃ​မွတ်ႇ​လႄႈ မီး​မၢၵ်ႇ​တႃ​ယူႇ ဢိၵ်ႇ​တင်း ၶဝ်​ၸိူဝ်း​ဢၼ်​ႁူ​ၼူၵ်ႇ​လႄႈ​မီး​ႁူ​ယူႇ​ၼၼ်ႉ​မႃး​တႃႉ။-</verse>
				<verse number="9">ႁႂ်ႈ​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ၸူႉ​ၵၼ်​တုမ်​ၵၼ်​လႄႈ ႁႂ်ႈ​မဵဝ်း​ၵူၼ်း​တင်း​လၢႆ ႁဵတ်း​မုၵ်ႉ​လဵဝ်​ၸိူဝ်း​လဵဝ်​ၵၼ်​သေ​ၵမ်း​လူၺ်ႈ။ ၼႂ်း​ၶဝ်​ၼၼ်ႉ ၽူႈ​လႂ်​တၵ်း​ၽုၺ်ႇ​ဢွၵ်ႇ​ၼႄ​ပျႃး​ဢမူႉ​ၼႆႉ​လႆႈ။ ၽူႈ​လႂ်​တၵ်း​လႆႈ​မွၵ်ႇ​လၢတ်ႈ လွင်ႈ​တၢင်း​ဢၼ်​တၵ်း​ပဵၼ်​မႃး​ယဝ်ႉ​ၸိူဝ်း​ၼၼ်ႉ​လႆႈ။ လွင်ႈ​ၼင်ႇ​ႁိုဝ် ၶဝ်​တၵ်း​ၵၢင်း​လွတ်ႈ​တင်း ဢၶႂၢင်ႉ​တၢင်း​ဢၼ်​တၢင်ႇ​ဢပႅတ်ႈ​ၸိုင်၊ ႁႂ်ႈ​ၶဝ်​ၼႄ​ပျႃး​သၢၵ်ႈ​သေႇ​ၶဝ် သေ​ၵမ်း​လူၺ်ႈ။ ပေႃး​ဢမ်ႇ​ၼၼ် ႁႂ်ႈ​ၶဝ်​ထွမ်ႇ​ငိၼ်း​လႄႈ ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ၊ ဢၼ်​ၼႆႉ​ၸိုဝ်ႈ​ၸႂ်ႈ​ယဝ်ႉ၊ ဝႃႈ​ၼင်ႇ​ၼႆ​သေ​ၵမ်း​လူၺ်ႈ။-</verse>
				<verse number="10">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ သူ​ပဵၼ်​သၢၵ်ႈ​သေႇ​ၵဝ်၊ ၶႃႈ​ၵဝ်​ဢၼ်​ၵဝ်​လိူၵ်ႈ​ၵဵပ်း​ဢဝ် ႁႂ်ႈ​သူ​လႆႈ​ႁူႉ​ၸၵ်း​ယုမ်ႇ​မၢတ်ႈ​ၵဝ်​လႄႈ ႁူႉ​ၸႅင်ႈ​လွင်ႈ​ဢၼ်​ၵဝ်​ပဵၼ် မၼ်း​ၸဝ်ႈ​ၼၼ်ႉ​ဢေႃႈ။ ဢွၼ်​တၢင်း​ၵဝ်​ၼၼ်ႉ ဢမ်ႇ​မီး ၽြႃး​ပဵၼ်​ၸဝ်ႈ ဢၼ်​လႆႈ​ၶၢမ်ႇ​တၢင်း​ဢၼ် ႁဵတ်း​ပဵၼ်​ဝႆႉ​ၼၼ်ႉ။ ဢမ်ႇ​မီး​သေ​ၸဝ်ႈ​သေ​ပႃး။ လိုၼ်း​ၵဝ်​ၵေႃႈ တၵ်း​ဢမ်ႇ​မီး​သေ​ၸဝ်ႈ​သေ​ပႃး။-</verse>
				<verse number="11">ၵဝ်​ၼႆႉ​ယဝ်ႉ၊ ၵဝ်​ၼႆႉ​ယဝ်ႉ၊ ပဵၼ်​ထႃႇဝရႃႉ​ၽြႃး​လႄႈ လိူဝ်​သေ​ၵဝ်​ၼႆႉ ဢမ်ႇ​မီး​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်။-</verse>
				<verse number="12">ၵဝ်​ဝႆႉ​ပျႃႇ​တိၵ်ႈ​လႄႈ ၵႄႇ​သႄႇ​ၶျွတ်ႈ​ဢဝ်​ယဝ်ႉ​ယဝ်ႉ။ ၵဝ်​ၽုၺ်ႇ​ဢွၵ်ႇ​ၼႄ​ပျႃး ယဝ်ႉ​ယဝ်ႉ။ ၽြႃး​တၢင်ႇ​သူႇ​တၢင်ႇ​ပႃး​ဢမ်ႇ​မီး​ၵႃႈ​ၼႂ်း​သူ။ သူ​ပဵၼ်​သၢၵ်ႈ​သေႇ​ၵဝ်​ဢေႃႈ။​ၵဝ်​ပဵၼ်​ၽြႃး​ပဵၼ်​ၸဝ်ႈ​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="13">ၵဝ်​ပဵၼ်​ၽြႃး​ၸဵမ်​မိူဝ်ႈ ၸူဝ်ႈ​ဢၼ်​မိုဝ်ႉ​ဝၼ်း​ၶိင်ႇ​ၵႃႇလႃႉ​ဢမ်ႇ​ပႆႇ​ပဵၼ်​ပႆႇ​မီး​ၼၼ်ႉ​ဢေႃႈ။ ၽူႈ​လႂ်​ဢမ်ႇ​ၵႄႇ​သႄႇ​ၼုၵ်ႈ​ဢဝ် ၵႃႈ​ၼႂ်း​မိုဝ်း​ၵဝ်​လႆႈ။ ၵဝ်​ႁဵတ်း​လႄႈ ၽူႈ​လႂ်​တၵ်း​ႁႄႉ​ၶႅၼ်။</verse>
				<verse number="14">ထႃႇဝရႃႉ​ၽြႃး ၸဝ်ႈ​ဢၼ်​ထုတ်ႇ​ဢဝ်​သူ၊ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ မီး​ဢမိင်ႉ​ဝႆႉ​ၸမ်ႉ၊ ၵဝ်​လႆႈ​ပွႆႇ​ၸႂ်ႉ​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ၼၼ်ႉ ပုၼ်ႈ​သူ​လႄႈ ႁႂ်ႈ​ၶဝ်​ၵႃႈ​မီး​ဢၼ်​ဝႃႈ ၵူၼ်း​ ၶႃႇလတေး ​တင်း​လၢႆ လူင်း​ၸူး​ၵႃႈ​တီႈ​ႁိူဝ်း​သၢင်း​ၽေႃး​တီႈ​ဢၼ် ၶဝ်​မူၼ်ႈ​ပျေႃႇ​ၼၼ်ႉ မိူၼ်​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ် ဢွၵ်ႇ​ပၢႆႈ​ၼၼ်ႉ​ဢေႃႈ။-</verse>
				<verse number="15">ၵဝ်​ပဵၼ်​ထႃႇဝရႃႉ​ၽြႃး ၽြႃး​ဢၼ်​မူတ်း​ၸၢင်ႇ​သူ၊ ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ် မဵဝ်း​ ဢီႉသရေႇလႃႉ ၊ ၶုၼ်​ႁေႃ​ၶမ်း​သူ​ဢေႃႈ။-</verse>
				<verse number="16">ထႃႇဝရႃႉ​ၽြႃး ႁဵတ်း​ပဵၼ်​သဵၼ်ႈ​တၢင်း​ၵႃႈ​ၼႂ်း​ပၢင်ႇ​လၢႆႇ ဢိၵ်ႇ​တင်း ႁွႆး​တၢင်း​ၵႃႈ​ၼႂ်း​ၼမ်ႉ ဢၼ်​ၸႅဝ်ႈ​ၼႃႇ​ႁႅင်း​ၼႃႇ၊-</verse>
				<verse number="17">ဢၼ်​ဢဝ် လေႃႉ​ရထႃး​လႂ် မႃႉ​လႂ် ဢိၵ်ႇ​တင်း မူႇ​ၽုင်​ၵူၼ်း​သိုၵ်း​လႂ် ႁႅင်း​တၼ်း​ၶူဝ်း​လႂ်​မႃး၊ ဢၼ်​ႁႂ်ႈ​ၶဝ်​လူမ်ႉ​ၼွၼ်း​ပႅတ်ႈ ၽွမ်ႉ​ၵမ်း​လဵဝ်​ၵၼ် ထၼ်ႈ​ပေႃး​ဢမ်ႇ​လုၵ်ႉ​လႆႈ​လႄႈ ဢဝ်​မွတ်ႇ​ပႅတ်ႈ မိူၼ်​ၸိူဝ်ႉ​ၼင်ႇ​တဵၼ်း ၵႃႈ​တီႈ​တဵၼ်း​ၽႆး​ၼၼ်ႉ မီး​ဢမိင်ႉ​ဝႆႉ​ၸမ်ႉ၊-</verse>
				<verse number="18">ယႃႇ​ပေ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​တၢင်း​ဢၼ်​ယၢမ်ႈ​ပဵၼ်​မႃး​ယဝ်ႉ​ၸိူဝ်း​ၼၼ်ႉ။ ယႃႇ​ပေ​ႁဵတ်း​ပမႃႇၼႃႉ​တီႈ​လွင်ႈ​တၢင်း မိူဝ်ႈ​ၵွၼ်ႇ ဢွၼ်​ၼႆႉ​ၸိူဝ်း​ၼၼ်ႉ။-</verse>
				<verse number="19">တူၺ်း​လူး၊ ၵဝ်​တၵ်း​ႁဵတ်း​လွင်ႈ​တၢင်း​ဢၼ်​မႂ်ႇ​လႄႈ ဢၼ်​ၼၼ်ႉ​တၵ်း​ပေႃႇ​မႃး မိူဝ်ႈ​လဵဝ်​ၼႆႉ​ဢေႃႈ။ သူ​တၵ်း​လႆႈ​ႁူႉ​ႁၼ်​မၼ်း ဢမ်ႇ​ၸႂ်ႈ​ႁိုဝ်။ ၵဝ်​တၵ်း​ပွင်​ႁဵတ်း​သဵၼ်ႈ​တၢင်း​ၵႃႈ​ၼႂ်း​ထိူၼ်ႇ ဢိၵ်ႇ​တင်း​ၼမ်ႉ​ႁွင်ႈ​ၼမ်ႉ​ၵႄး ၵႃႈ​ၼႂ်း​တီႈ​ပၢင်ႇ​တီႈ​ပဵင်း ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="20">ၸႃႉ​ၸဵမ်​မႃ​လိၼ် ဢိၵ်ႇ​တင်း​ၼူၵ်ႉ​ၵလႃးဢုၵ်ႉ တင်း​လၢႆ​လႄႈ တူဝ်​ထိူၼ်ႇ​ႁၢႆႉ​တင်း​လၢႆ တၵ်း​ဢွၼ်​ၵၼ်​ယွင်ႈ​ယေႃး​ၵုင်ႇ​ၵျေး​ၸူး​ၵဝ်​ဢေႃႈ။ လွင်ႈ​မၼ်း​ၸမ်ႉ ၵဝ်​လႆႈ​ဢဝ်​ၼမ်ႉ​ၼမ်​ၼႃႇ ဝႆႉ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း ဢိၵ်ႇ​တင်း ၼမ်ႉ​ႁွင်ႈ​ၼမ်ႉ​ၵႄး​တင်း​လၢႆ ဝႆႉ​ၵႃႈ​ၼႂ်း​တီႈ​ပၢင်ႇ​တီႈ​ပဵင်း​ႁႂ်ႈ​ၵူၼ်း​ၵဝ်၊ ၶဝ်​ၸိူဝ်း​ဢၼ်​ၵဝ်​လိူၵ်ႈ​ၵဵပ်း​ဢဝ်​တင်း​လၢႆ လႆႈ​ၵိၼ်​ယဝ်ႉ။-</verse>
				<verse number="21">ၵူၼ်း​မဵဝ်း​ၼၼ်ႉ ပဵၼ်​ဢၼ်​ၵဝ်​ႁဵတ်း​ပဵၼ် ပုၼ်ႈ​ၵဝ်​ႁႂ်ႈ​ၶဝ်​လႆႈ​ၼႄ​ပျႃး ၵုင်ႇ​ၵျေး​ၸူး​ၵဝ်​ဢေႃႈ။</verse>
				<verse number="22">ၼႂ်း​ဝႃႈ​ၼၼ်​သေ​ၵေႃႈ မဵဝ်း​ ယႃႇၵုပ်ႈ ​ဢိူၺ်း၊ မႂ်း​ဢမ်ႇ​ႁွင်ႉ​ဢမ်ႇ​ႁႃ​ၵဝ်၊ မဵဝ်း​ ဢီႉသရေႇလႃႉ ​ဢိူၺ်း၊ မႂ်း​ၼႆႉ​မိူဝ်ႇ​ၸၢၼ်ႈ​ၵဝ်​ယဝ်ႉ လူင်​ပႄႇ။-</verse>
				<verse number="23">မႂ်း​ဢမ်ႇ​ဢဝ်​သူဝ်း​ဢွၼ်ႇ ဢၼ်​ပဵၼ်​ပုၼ်ႈ​ယိတ်ႈ ဢၼ်​တၵ်း​တုတ်ႇ​ၽႆး​ၼၼ်ႉ မႃး​တီႈ​ၵဝ်။ မႂ်း​ဢမ်ႇ​ဢဝ်​တၢင်း​ဢၼ်​ပုၵ်ႈ​ၸေႃႇ​ယိတ်ႈ ယုၵ်ႉ​ယွင်ႈ​ၵဝ်။ ၵဝ်​ဢမ်ႇ​ႁႂ်ႈ​မႂ်း​ဢဝ်​တႃႇ​ၼႃႉ​တၢင်း​လူႇ​ႁၢပ်ႇ​ဢမူႉ​ၵဝ်။ ၵဝ်​ဢမ်ႇ​ယွၼ်း​ဢဝ်​ လေႃႇပၢၼ်ႇ ​လႄႈ ႁႂ်ႈ​မႂ်း​ယၢပ်ႇ​ၸႂ်​ၶၢၼ်​ၸႂ်။-</verse>
				<verse number="24">မႂ်း​ဢမ်ႇ​ဢဝ်​ငိုၼ်း​သိုဝ်ႉ​ဢဝ် ဢွႆႈ​ဢၼ်​ႁွမ်​ၼၼ်ႉ​မႃး​ပုၼ်ႈ​ၵဝ်။ မႂ်း​ဢမ်ႇ​ဢဝ်​တင်း​ၵွၼ်ႈ​ၶႆ​ၵွၼ်ႈ​မၼ်း တူဝ်​ယိတ်ႈ​မႂ်း ႁႂ်ႈ​ၵဝ်​ဢိမ်ႇ​တဵမ်။​မႂ်း​ဢဝ်​တင်း​ဢပႅတ်ႈ​တူႉ​ၸရိူၵ်ႈ​မႂ်း ႁႂ်ႈ​ၵဝ်​ႁၢပ်ႇ​ဢမူႉ​ယဝ်ႉ​လူင်​ပႄႇ။ မႂ်း​ဢဝ်​တၢင်း​ဢၼ် မႂ်း​ႁဵတ်း​ႁၢႆႉ​ႁဵတ်း​မိူၵ်ႈ​ၸိူဝ်း​ၼၼ်ႉ ႁႂ်ႈ​ၵဝ်​ယၢပ်ႇ​ၸႂ်​ၶၢၼ်​ၸႂ်​ယဝ်ႉ​လူင်​ပႄႇ။-</verse>
				<verse number="25">ၵဝ်​ၼႆႉ​ယဝ်ႉ၊ ၵဝ်​ၼႆႉ​ယဝ်ႉ ပဵၼ်​ၵေႃႉ​ဢၼ်​ၶႄ​ဢပႅတ်ႈ​မႂ်း​မွတ်ႇ​ပႅတ်ႈ​ပုၼ်ႈ​ၵဝ်​လႄႈ ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ဢမူႉ​တူႉ​ၸရိူၵ်ႈ​မႂ်း​ၸိူဝ်း​ၼၼ်ႉ။-</verse>
				<verse number="26">ပၼ်​သတီႉ​တီႈ​ၵဝ်​တႃႉ။ ထူပ်း​တြႃး​တီႈ​ၵၼ်​တႃႉ​ႁဝ်း။ လၢတ်ႈ​ဢမူႉ​မႂ်း​ႁႂ်ႈ​မႂ်း​လႆႈ​ၵၢင်း​လွတ်ႈ​တင်း​ဢပႅတ်ႈ​တႃႉ။-</verse>
				<verse number="27">ပေႃႈ​မႂ်း ဢၼ်​ပဵၼ်​ပေႃႈ​ပထမႃႉ​ၼၼ်ႉ ႁဵတ်း​တူႉ​ၸရိူၵ်ႈ​ယဝ်ႉ။ သြႃႇ​မႂ်း​ၸိူဝ်း​ၼၼ်ႉ ဢွၼ်​ၵၼ်​ၽိတ်း​ပိူင်ႈ​ၵဝ်​ယဝ်ႉ။-</verse>
				<verse number="28">ပိူဝ်ႈ​ၼႆ​လႄႈ ၵဝ်​တၵ်း​ဢဝ်​ၶုၼ်​ထႃႇၼႃႉ​တီႈ​မူတ်း​ၸၢင်ႇ​တင်း​လၢႆ ၶျႃး​တူၵ်း​တီႈ​တႅမ်ႇ​လႄႈ ႁဵတ်း​ႁႂ်ႈ​မဵဝ်း​ ယႃႇၵုပ်ႈ ပဵၼ်​တီႈ​ဢၼ် ၵိၼ်ႇ​လႃႇ ဢိၵ်ႇ​တင်း​ႁႂ်ႈ​မဵဝ်း​ ဢီႉသရေႇလႃႉ ပဵၼ်​တီႈ​ဢၼ်​သႄႉ​သွမ်း​ဢေႃႈ။</verse>
			</chapter>
			<chapter number="44">
				<verse number="1">မိူဝ်ႈ​လဵဝ်​ၼႆႉ​ၸမ်ႉ၊ ယႃႇၵုပ်ႈ ​ဢၼ်​ပဵၼ်​ၶႃႈ​ၵဝ်၊ ဢီႉသရေႇလႃႉ ​ဢၼ်​ၵဝ်​လိူၵ်ႈ​ၵဵပ်း​ဢဝ်​ၼႆႉ​ဢိူၺ်း၊ ထွမ်ႇ​ငိၼ်း​တႃႉ။-</verse>
				<verse number="2">ထႃႇဝရႃႉ​ၽြႃး ဢၼ်​ႁဵတ်း​ပဵၼ်​မႂ်း၊ ၸဝ်ႈ​ဢၼ်​ပွင်​မႄး​မႂ်း​ၸဵမ်​မိူဝ်ႈ​ၼႂ်း​တွင်ႉ​မႄႈ​မႂ်း​လႄႈ ၵမ်း​လိုၼ်း​တၵ်း​ၸွႆႈ​ထႅမ်​မႃႉ​ၸႃႉ​မႂ်း​ယူႇ​ၼၼ်ႉ မီး​ဢမိင်ႉ​ဝႆႉ​ၸမ်ႉ၊ ယႃႇၵုပ်ႈ ​ဢၼ်​ပဵၼ်​ၶႃႈ​ၵဝ်၊ ယေႇသူႉရုၼ်ႇ ဢၼ်​ၵဝ်​လိူၵ်ႈ​ၵဵပ်း​ဢဝ်​ၼႆႉ​ဢိူၺ်း၊ ယႃႇ​ပေ​မႆႈ​ၸႂ်​ၶီ​ၸႂ်။-</verse>
				<verse number="3">လွင်ႈ​မၼ်း​ၸမ်ႉ ၵဝ်​တၵ်း​ဢဝ်​ၼမ်ႉ​သွၼ်း​လေႃႇ ၵႃႈ​ၼိူဝ်​ၵေႃႉ​ဢၼ်​ယၢၵ်ႇ​ၼမ်ႉ ၼၼ်ႉ​လႄႈ တၵ်း​ႁႂ်ႈ​ၼမ်ႉ​ထူမ်ႈ​ႁူမ်ႇ​လိၼ်​ဢၼ်​ႁႅင်ႈ​ဢၼ် ႁွင်​ၼၼ်ႉ​ဢေႃႈ။ ၵဝ်​တၵ်း​ဢဝ်​ဝီႉၺိၺ်ႇ​ၵဝ် သွၼ်း​လေႃႇ​ၵႃႈ​ၼိူဝ်​မဵဝ်း​မႂ်း ဢိၵ်ႇ​တင်း​ဢဝ် တၢင်း​လီ​မင်ႇၵလႃႇ သွၼ်း​လေႃႇ​ၵႃႈ​ၼိူဝ် ၸိူဝ်ႉ​ၶိူဝ်း​မႂ်း​ဢေႃႈ။-</verse>
				<verse number="4">ၶဝ်​ၵေႃႈ​တၵ်း​ဢွၵ်ႇ​ပဵၼ်​မႃး ၵႃႈ​ၼႂ်း​ၵႄႈ တူၼ်ႈ​ယိူဝ်ႈ​တူၼ်ႈ​ယႃႈ​မိူၼ်​ၸိူဝ်ႉ​ၼင်ႇ တူၼ်ႈ​မူဝ်းမၶႃႉ ၵႃႈ​တီႈ​ႁိမ်း​ႁွင်ႈ​ၼမ်ႉ​ၵႄး​ၼၼ်ႉ​ဢေႃႈ။-</verse>
				<verse number="5">ၵေႃႉ​ၼိုင်ႈ တၵ်ႉ​လၢတ်ႈ​လႄႈ​ဝႃႈ၊ ၵဝ်​ပဵၼ်​ၵူၼ်း ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​လႄႈ ၵေႃႉ​ၼိုင်ႈ တၵ်း​ဢဝ်​ၸိုဝ်ႈ​ဢဝ်​သဵင်​ ယႃႇၵုပ်ႈ ႁွင်ႉ​ႁဵၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။ ၵေႃႉ​ၼိုင်ႈ တၵ်း​ဢဝ်​တူဝ်​လိၵ်ႈ​ဢၼ်​ဝႃႈ ၵူၼ်း​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ သမ်း​သႂ်ႇ​ၵႃႈ​တီႈ​မိုဝ်း​မၼ်း​လႄႈ ဢဝ်​ၸိုဝ်ႈ​ဢဝ်​သဵင် ဢီႉသရေႇလႃႉ ​ႁွင်ႉ​ႁဵၵ်ႈ​တူဝ်​မၼ်း​ဢေႃႈ။-</verse>
				<verse number="6">ထႃႇဝရႃႉ​ၽြႃး၊ ၶုၼ်​ႁေႃ​ၶမ်း​မဵဝ်း ဢီႉသရေႇလႃႉ ၸဝ်ႈ​ဢၼ်​ထုတ်ႇ​ဢဝ်​မဵဝ်း​ ဢီႉသရေႇလႃႉ ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ မီး​ဢမိင်ႉ​ဝႆႉ​ၸမ်ႉ၊ ၵဝ်​ၼႆႉ​ပဵၼ်​ၵေႃႉ​ဢၼ်​ဢွၼ်​တၢင်း​သုတ်း၊ ၵေႃႉ​ဢၼ်​လိုၼ်း​လင်​သုတ်း​ဢေႃႈ။ ၼွၵ်ႈ​သေ​ၵဝ်​ၼႆႉ ဢမ်ႇ​မီး​ၽြႃး​တၢင်ႇ​သူႇ​တၢင်ႇ​ပႃး။-</verse>
				<verse number="7">ၸႃႉ​ၸဵမ်​မိူဝ်ႈ​ဢၼ် ၵဝ်​ၶၢၼ်း​ဝႆႉ မဵဝ်း​ၵူၼ်း​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႄႈ ၽူႈ​လႂ်​တၵ်း​ႁွင်ႉ​သေႃႇ​လႄႈ ဢဝ်​ဢွၵ်ႇ​ၼႄ​ပျႃး​သေ​လႄႈ ၸီႇ​ယၢင်ႇ​လွင်ႈ​တၢင်း​ၼႆႉ​တီႈ​ၵဝ် မိူၼ်​ၸိူဝ်ႉ​ၼင်ႇ​ၵဝ်​ၼႆႉ​လႆႈ။ ႁႂ်ႈ​ဢွၼ်​ၵၼ်​ဢဝ်​လွင်ႈ​တၢင်း​ဢၼ် ယင်း​တိုၵ်ႉ​ပဵၼ်​ယူႇ ဢိၵ်ႇ​တင်း လွင်ႈ​တၢင်း​ဢၼ် တၵ်း​ပဵၼ်​မႃး​ၸိူဝ်း​ၼၼ်ႉ ဢွၵ်ႇ​ၼႄ​ပျႃး တီႈ​ၶဝ်​သေ​ၵမ်း​လူၺ်ႈ။-</verse>
				<verse number="8">ယႃႇ​ပေ​မႆႈ​ၸႂ်​ၶီ​ၸႂ်။ ယႃႇ​ပေ​ၵူဝ်​ပေ​ႁႄ။ ၵဝ်​မွၵ်ႇ​လၢတ်ႈ​ၼႄ​ပျႃး​တီႈ​မႂ်း မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ဢမ်ႇ​ၸႂ်ႈ​ႁိုဝ်။ သူ​ပဵၼ်​သၢၵ်ႈ​သေႇ​ၵဝ်​ဢေႃႈ။ ၼွၵ်ႈ​သေ​ၵဝ်​ၼႆႉ ယင်း​မီး​ၽြႃး​တၢင်ႇ​သူႇ​တၢင်ႇ​ပႃး​လူး​ၵွၼ်ႇ​ႁိုဝ်။ ၼွၵ်ႈ​သေ​ၵဝ်​ၼႆႉ ဢမ်ႇ​မီး​မၢၵ်ႇ​ႁိၼ် မၢၵ်ႇ​ၽႃ​တၢင်း​ဢၼ်၊ ၵဝ်​ဢမ်ႇ​ႁူႉ​ဢမ်ႇ​ႁၼ်​သေ​ဢၼ်။</verse>
				<verse number="9">ၶဝ်​ၸိူဝ်း​ဢၼ်​ႁဵတ်း​ရုၵ်ႈ​ထူႉ​သၢင်း​ထူႉ​တင်း​သဵင်ႈ​တင်း​လူင် ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​လႄႈ၊ လွင်ႈ​တၢင်း​ဢၼ် ထုၵ်ႇ​ၸႂ်​ၵျိူၵ်ႈ​ၸႂ်​ၶဝ်​ၼၼ်ႉ ဢမ်ႇ​ပၼ်​ဢၵျူဝ်း​လႆႈ။ သၢၵ်ႈ​သေႇ​ၶဝ်​တင်း​လၢႆ​ၼၼ်ႉ လွင်ႈ​ၼင်ႇ​ႁိုဝ်​တၵ်း​လီ​ဢူၵ်း​လီ​ဢၢႆ​ၸိုင်၊ တၵ်း​ဢမ်ႇ​ၸၢင်ႈ​ႁူႉ​ၸၢင်ႈ​ႁၼ်။-</verse>
				<verse number="10">ၵေႃႉ​ဢၼ်​ႁဵတ်း​ပဵၼ်​ၽြႃး၊ ၵေႃႉ​ဢၼ်​လေႃႇ​ႁဵတ်း​သွၼ်း​ႁဵတ်း​ရုၵ်ႈ​ထူႉ​သၢင်း​ထူႉ ဢၼ်​ဢမ်ႇ​ပၼ်​ဢၵျူဝ်း​လႆႈ​ၼၼ်ႉ​ၸမ်ႉ၊ ပဵၼ်​ၽူႈ​လႂ်။-</verse>
				<verse number="11">တူၺ်း​လူး၊ ၶဝ်​ၸိူဝ်း​ဢၼ် ႁဵတ်း​ၵေႃႉ​သေႈ​လူၺ်ႈ​ၵၼ်​တၢင်ႇ​ၵေႃႉ​ၼၼ်ႉ ၵႃႈ​မီး​ၼၼ်ႉ တၵ်း​ဢွၼ်​ၵၼ်​ဢူၵ်း​ဢၢႆ​ဢေႃႈ။ ၶဝ်​ၸိူဝ်း​ဢၼ်​ႁဵတ်း​ပဵၼ်​ၼၼ်ႉ ပဵၼ်​ၵူၼ်း​ၵူၺ်း​ဢေႃႈ။ ၶဝ်​ၵႃႈ​မီး​ၼၼ်ႉ တၵ်း​လႆႈ​ၸူႉ​ၵၼ်​တုမ်​ၵၼ်​လႄႈ လုၵ်ႉ​ၸုၵ်း​ယူႇ​ဢေႃႈ။ တၵ်း​လႆႈ တူၵ်း​ၸႂ်​လႄႈ မီး​တၢင်း​ဢၼ်​ဢူၵ်း​ဢၢႆ ၽွမ်ႉ​ၵမ်း​လဵဝ်​ၵၼ်​ဢေႃႈ။-</verse>
				<verse number="12">ၸၢင်ႈ​လဵၵ်း​ႁဵတ်း​ပဵၼ် တႃ​မၢတ်ႇ​လႄႈ ၸၢင်ႈ​ဢဝ်​ၽင်​သႂ်ႇ​ၵႃႈ​ၼႂ်း​ထၢၼ်ႇ​ၽႆး​သေ​ယဝ်ႉ၊ ဢဝ်​ၶွၼ်ႉ​လဵၵ်း​ထုပ်ႉ​ပေႃႉ​လႄႈ ဢဝ်​ႁႅင်း​ၶႅၼ်​မိုဝ်း​ဢွၵ်ႇ​ႁဵတ်း​ဢေႃႈ။ မၼ်း​တွင်ႉ​မႆႈ​ၶႂ်ႈ​ၵိၼ်​လႄႈ ႁႅင်း​ဢူၼ်ႈ​ၵႂႃႇ​ဢေႃႈ။ မၼ်း​ဢမ်ႇ​လႆႈ​ၵိၼ်​ၼမ်ႉ​လႄႈ ႁိူဝ်ႉ​ၼူၼ်း​ဢေႃႈ။-</verse>
				<verse number="13">လၢၵ်ႈသမႃး ၸၢင်ႈ​ဢဝ်​မႆ​မီႈ​ၽႅတ်း​ယူႇ၊ ဢဝ်​လဵၵ်း​ၸီး​မၢတ်ႈ​မၢႆ​လႄႈ ဢဝ်​သိဝ်ႇ​တင်း​လၢႆ​တွင်ႈ​ႁဵတ်း​သေ​လႄႈ ဢဝ်​လဵၵ်း ဢၼ်​တႅၵ်ႈ​မၼ်း တႅမ်ႈ​မၢႆ​ဝႆႉ​သေ​လႄႈ တွင်ႈ​ႁဵတ်း​ႁႂ်ႈ​မႅၼ်ႈ​ၵၼ်​တင်း ႁၢင်ႈ​ၽၢင်​ၵူၼ်း​ထၼ်ႈ​ပေႃး​ႁႂ်ႈ​ပႃး​သရေႇ​ၵူၼ်း ႁႂ်ႈ​လႆႈ​မီး​ယူႇ ၵႃႈ​ၼႂ်း ႁိူၼ်း​ဢေႃႈ။-</verse>
				<verse number="14">မၼ်း​တႅပ်း​ၽၼ်း​တူၼ်ႈ​ ဢႃႇရိတ်ႉ ​တင်း​လၢႆ​လႄႈ လိူၵ်ႈ​ၵဵပ်း​ဢဝ်​တူၼ်ႈ​ ၵူႉပႃႉရႃႉ ၊ တင်း​တူၼ်ႈ​မႆႉ​ၼိမ် သေ​လႄႈ ၸၢင်ႈ​လုမ်း​လႃး​ႁႂ်ႈ ယႂ်ႇ​မႃး​လီ​လီ​ငၢမ်း​ငၢမ်း ၵႃႈ​ၼႂ်း​ပႃႇ​တူၼ်ႈ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၸိူဝ်း​ၼၼ်ႉ​ပုၼ်ႈ​မၼ်း​ဢေႃႈ။ မၼ်း​ၽုၵ်ႇ​တူၼ်ႈ​မႆႉ​ပႅၵ်ႇ​သေ​လႄႈ ၼမ်ႉ​ၽူၼ်​ၵေႃႈ​ၸၢင်ႈ​လဵင်ႉ​ဝႆႉ​ဢေႃႈ။-</verse>
				<verse number="15">ပဵၼ်​ၽိုၼ်း​ပုၼ်ႈ​ဢၼ် ၵူၼ်း​တၵ်း​ဢဝ်​သႂ်ႇ​ၽႆး​တၢမ်​ၽႆး​ဢေႃႈ။ မၼ်း​ၸၢင်ႈ​ဢဝ်​ၵမ်ႈ​ၽွင်ႈ​ႁဵတ်း​ၽႆး​ဢွမ်ႇ​ဢေႃႈ။ လႆႈ​သမ်ႉ ၸၢင်ႈ​ဢဝ် ၵမ်ႈ​ၽွင်ႈ​သႂ်ႇ​ၽႆး​သေ​လႄႈ ၼိုင်ႈ​ၶဝ်ႈ​မုၼ်း​ဢေႃႈ။ လႆႈ​သမ်ႉ ၸၢင်ႈ​ဢဝ်​ႁဵတ်း​ၽြႃး​သေ​လႄႈ ၵူဝ်း​ၵႂၢႆႇ​ဢေႃႈ။ ၸၢင်ႈ​ဢဝ်​တွင်ႈ​ႁဵတ်း​ရုၵ်ႈ​ထူႉ သေ​လႄႈ ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​မၼ်း​ဢေႃႈ။-</verse>
				<verse number="16">မၼ်း​ၸၢင်ႈ​ဢဝ်​မႆႉ​ၼၼ်ႉ ပွတ်း​ၼိုင်ႈ သႂ်ႇ​ၽႆး​လႄႈ ဢဝ်​ပွတ်း​ၼိုင်ႈ ႁုင်​ၼိူဝ်ႉ​ၵိၼ်​ဢေႃႈ။ မၼ်း​ၸၢင်ႈ​ဢဝ်​ပိင်ႈ​ဢဝ်​ၽဝ် သေ​လႄႈ ၵိၼ်​ႁႂ်ႈ​ဢိမ်ႇ​ႁႂ်ႈ​တဵမ်​ဢေႃႈ။ လႆႈ​သမ်ႉ မၼ်း​ၸၢင်ႈ​ဢွမ်ႇ​ၽႆး​ၼၼ်ႉ​လႄႈ လၢတ်ႈ​လႄႈ​ဝႃႈ၊ ဢိူဝ်ႈ၊ ၵဝ်​ဢုၼ်ႇ​ယဝ်ႉ။ လႆႈ​ထူပ်း​ၽႆး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ပွတ်း​ၼိုင်ႈ ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ၸိုင် မၼ်း​ၸၢင်ႈ​ဢဝ်​ႁဵတ်း​ၽြႃး ဢၼ်​ဝႃႈ​ရုၵ်ႈ​ထူႉ​ၼၼ်ႉ​ဢေႃႈ။ မၼ်း​ၸၢင်ႈ​ၶုပ်ႉ​မူပ်ႇ သေ​လႄႈ ၵူဝ်း​ၵႂၢႆႇ​ၵႃႈ​တီႈ​ၽၢႆႇ​ၼႃႈ​မၼ်း​ၼၼ်ႉ​လႄႈ ၸၢင်ႈ​သူး​တွင်း​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၽြႃး​ၵဝ်​ၶႃႈ​တီႈ​ၶႃႈ​ဢေႃႈ။ ၶႅၼ်း​တေႃႈ ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၶဝ်​ၸိူဝ်ႉ​ၼင်ႇ​ၼၼ်​ၼၼ်ႉ ဢမ်ႇ​မီး​ပိင်ႇ​ၺႃႇ။ ဢမ်ႇ​မီး​ၺၢၼ်ႇ။ မၼ်း​ၸဝ်ႈ​ဢိုတ်း​ဝႆႉ​ႁူမ်ႇ​ဝႆႉ​တႃ​ၶဝ် ႁႂ်ႈ​ၶဝ်​ထၼ်ႈ​ပေႃး​ဢမ်ႇ​ႁၼ်​လႆႈ​ဢိၵ်ႇ​တင်း​ႁူဝ်​ၸႂ်​ၶဝ် ႁႂ်ႈ​ၶဝ်​ထၼ်ႈ​ပေႃး​ဢမ်ႇ​ႁူႉ​လႆႈ​ၸႅင်ႈ​လႆႈ​ဢေႃႈ။-</verse>
				<verse number="19">ဢမ်ႇ​မီး​ၵေႃႉ​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႃႈ​ၼႂ်း​ႁူဝ်​ၸႂ်​မၼ်း​လႄႈ မီး​ၺၢၼ်ႇ​မီး​ပိင်ႇ​ၺႃႇ​လႄႈ​ဝႃႈ၊ ၵဝ်​လႆႈ​ဢဝ်​ပွတ်း​ၼိုင်ႈ သႂ်ႇ​ၽႆး ယဝ်ႉ။ ၵဝ်​လႆႈ​ဢဝ်​ၶဝ်ႈ​မုၼ်း ၽဝ်​ၵႃႈ​ၼိူဝ်​ထၢၼ်ႇ​ၽႆး​ၼၼ်ႉ​ယဝ်ႉ။ ၵဝ်​လႆႈ​ဢဝ် ၼိူဝ်ႉ​ပိင်ႈ​ႁၢင်း​သေ​လႄႈ ၵိၼ်​ယဝ်ႉ။ ပွတ်း​ဢၼ် ယင်း​ၵိုတ်း​ယင်း​ၵျၢၼ်ႇ​ဝႆႉ​ၼၼ်ႉ​ၸိုင် ၵဝ်​တၵ်း​လႆႈ ႁႂ်ႈ​ပဵၼ်​တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ​ႁိုဝ်။ ၵဝ်​တၵ်း​လႆႈ​ၶုပ်ႉ​မူပ်ႇ ၵႃႈ​တီႈ​ၽၢႆႇ​ၼႃႈ တုမ်​မႆႉ​ႁိုဝ်။ ဝႃႈ​ၼင်ႇ​ၼႆ​ၼၼ်ႉ သေ​ၵေႃႉ​သေ​ၵူၼ်း​လႃး​လႃး​လူင်​ပႄႇ။-</verse>
				<verse number="20">မၼ်း​ၼၼ်ႉ ၸၢင်ႈ​ဢဝ်​တဝ်ႈ​မုၵ်ႉ​ၽႆး​ၵိၼ်​ဢေႃႈ။ ႁူဝ်​ၸႂ်​မၼ်း​ဢၼ်​လႆႈ​ၶၢမ်ႇ​တၢင်း​ဢၼ်​ပႅတ်ႉ​ဢၼ်​လႅၼ်​ၼၼ်ႉ ႁႂ်ႈ​မၼ်း​ၽိတ်း​တၢင်း​ပိူင်ႈ​တၢင်း​ၵႂႃႇ ထၼ်ႈ​ပေႃး​မၼ်း​ဢမ်ႇ​ၵႄႇ​သႄႇ​ၶျွတ်ႈ​ဢဝ်​ဝီႉၺိၺ်ႇ​မၼ်း​လႆႈ​လႄႈ လၢတ်ႈ​လႄႈ​ဝႃႈ၊ ၵႃႈ​ၼႂ်း​မိုဝ်း​ၶွၼ်​ၶႂႃ​ၵဝ်​ၼႆႉ ပႃး​မိၵ်ႉသႃႇတိၵ်ႉထီႉ​ႁိုဝ်၊ ဝႃႈ​ၼင်ႇ​ၼႆ​ၼၼ်ႉ​လႆႈ​လူင်​ပႄႇ။</verse>
				<verse number="21">မဵဝ်း​ ယႃႇၵုပ်ႈ ​ဢိူၺ်း၊ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​တၢင်း​ၸိူဝ်း​ၼႆႉ​တႃႉ။ မဵဝ်း​ ဢီႉသရေႇလႃႉ ​ဢိူၺ်း၊ မႂ်း​ပဵၼ်​ၶႃႈ​ၵဝ်​ဢေႃႈ။ ၵဝ်​ႁဵတ်း ပဵၼ်​မႂ်း​လႄႈ မႂ်း​ပဵၼ်​ၶႃႈ​ၵဝ်​ဢေႃႈ။ မဵဝ်း​ ဢီႉသရေႇလႃႉ ​ဢိူၺ်း၊ ၵဝ်​ဢမ်ႇ​လူင်​ဢမ်ႇ​လိုမ်း​မႂ်း။-</verse>
				<verse number="22">ၵဝ်​ထူ​မွတ်ႇ​တူႉ​ၸရိူၵ်ႈ​မႂ်း ၸိူဝ်း​ၼၼ်ႉ​ပႅတ်ႈ မိူၼ်​ၸိူဝ်ႉ​ၼင်ႇ မုၵ်ႉ​ၽႃႈ​ၽူၼ် ဢိၵ်ႇ​တင်း ဢပႅတ်ႈ​မႂ်း​ၸိူဝ်း​ၼၼ်ႉ​ပႅတ်ႈ မိူၼ်​ၸိူဝ်ႉ​ၼင်ႇ ၶႅပ်း​ၽႃႈ​ၽူၼ်​ယဝ်ႉ။ ၶိုၼ်း​မႃး​ၸူး​တီႈ​ၵဝ်​တႃႉ။ ၵဝ်​ထုတ်ႇ​ဢဝ်​မႂ်း​ယဝ်ႉ။-</verse>
				<verse number="23">ၽႃႉ​ၵၢင်​ႁၢဝ်​ဢိူၺ်း၊ ႁဵတ်း​ၵႂၢမ်း​တႃႉ။ ထႃႇဝရႃႉ​ၽြႃး ႁဵတ်း​ဝႆႉ​ယဝ်ႉ​ယဝ်ႉ။ ၵႃႈ​တီႈ​တႂ်ႈ​လိၼ်​မိူင်း​ၶဝ်​ဢိူၺ်း၊ ဢွၼ်​ၵၼ်​ႁွင်ႉ​သႅၼ်ႇ​တႃႉ။ လွႆ​တင်း​လၢႆ ဢိၵ်ႇ​တင်း​ထိူၼ်ႇ တင်း​တူၼ်ႈ​မႆႉ ၵႃႈ​ဢၼ်​မီး​ၵႃႈ​ၼႂ်း​မၼ်း​ၶဝ်​ဢိူၺ်း၊ ဢွၼ်​ၵၼ်​ၵိဝ်​သဵင်​ဢၼ်​ဢိုၼ်း​ၵတ်း​ဢိုၼ်း​ယဵၼ် ၼၼ်ႉ​တႃႉ။ ထႃႇဝရႃႉ​ၽြႃး ထုတ်ႇ​ဢဝ်​မဵဝ်း​ ယႃႇၵုပ်ႈ ​ယဝ်ႉ။ မၼ်း​ၸဝ်ႈ​တၵ်း​ႁႂ်ႈ မုၼ်​ၽုင်း​မၼ်း​ၸဝ်ႈ ထၢင်ႇ​သႃး​ၵွပ်ႈ​ပိူဝ်ႈ မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="24">ထႃႇဝရႃႉ​ၽြႃး ဢၼ်​ထုတ်ႇ​ဢဝ်​မႂ်း​လႄႈ ပွင်​မႄး​မႂ်း​ၸဵမ်​မိူဝ်ႈ​ၼႂ်း​တွင်ႉ​မႄႈ​မႂ်း​ၼၼ်ႉ မီး​ဢမိင်ႉ​ဝႆႉ​ၸမ်ႉ၊ ၵဝ်​ပဵၼ်​ထႃႇဝရႃႉ​ၽြႃး ဢၼ်​ႁဵတ်း​ပဵၼ်​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ဝႆႉ၊ ဢၼ်​သူႇ​လဵဝ်​ပႃး​လဵဝ်​ၵူၺ်း ၶဵင်ႈ​မုင်း​ၽႃႉ​ၵၢင်​ႁၢဝ်​ဝႆႉ၊ ဢၼ်​ယင်း​မီး​ၵေႃႉ​မီး​သေႈ​လႄႈ ဢဝ်​လိၼ်​မိူင်း​သိူဝ်ႇ​လိူၼ်ႈ​ဝႆႉ၊-</verse>
				<verse number="25">ဢၼ်​ဢဝ်​ပုၵ်ႉ​ပႃႉ​ၼီႉမိၵ်ႈ မိၵ်ႉသႃႇ​သြႃႇ​တင်း​လၢႆ​ၼၼ်ႉ ႁၢႆ​ပႅတ်ႈ​လႄႈ ႁႂ်ႈ​ၸဝ်ႈ​ပေႇ​တၢင်ႇ​လႆႈ​ယွင်ႇ​မႃႈ ဢၼ်​ႁႂ်ႈ​ၵူၼ်း ဢၼ်​မီး​ပိင်ႇ​ၺႃႇ တင်း​လၢႆ​ဝၢႆႇ​ၶိုၼ်း​လႄႈ ႁႂ်ႈ​ပိင်ႇ​ၺႃႇ​ၶဝ်​မိူၵ်ႈ​ၵႂႃႇ၊-</verse>
				<verse number="26">ဢၼ်​ႁႂ်ႈ​ၵႂၢမ်း ၶႃႈ တူဝ်​ၸဝ်ႈ​ၵဝ်ႇ​တႄႇ​ယူႇ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ် တမၢၼ်ႇ​တူဝ်​ၸဝ်ႈ​ၵဝ်ႇ တင်း​လၢႆ ႁေႃး​လၢတ်ႈ၊ ဢၼ်​လၢတ်ႈ လူၺ်ႈ​လွင်ႈ ဝဵင်း​ ယေႇရူႉသလႅမ်ႇ ​လႄႈ​ဝႃႈ၊ မၼ်း​တၵ်း​ပဵၼ်​တီႈ​ယူႇ​ၵူၼ်း​ဢေႃႈ၊ ဝႃႈ​ၼင်ႇ​ၼႆ​လႄႈ လၢတ်ႈ​လူၺ်ႈ​လွင်ႈ​ဝဵင်း​ ယူႉတႃႉ ​တင်း​လၢႆ လႄႈ​ဝႃႈ၊ ၶဝ်​တၵ်း​လႆႈ​မီး​တၢင်း​ဢၼ် တႄႇ​ႁဵတ်း​ယူႇ​ဢေႃႈ။ ၵဝ်​တၵ်း​ၵုမ်း​တၵ်း​မႄး​တီႈ​ဢၼ်​ၵိူၼ်ႇ​ဢၼ်​လူႉ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ၊-</verse>
				<verse number="27">ဢၼ်​လၢတ်ႈ​တီႈ​ပၢင်ႇ​လၢႆႇ​လႄႈ​ဝႃႈ၊ ႁႂ်ႈ​ၼမ်ႉ​သဵင်ႈ​မူတ်း​သေ။ ၵဝ်​တၵ်း​ႁႂ်ႈ​ၼမ်ႉ​ႁွင်ႈ​ၼမ်ႉ​ၵႄး​မႂ်း​ၸိူဝ်း​ၼၼ်ႉ​ယူတ်း​ႁႅင်ႈ​ဢေႃႈ၊ ဝႃႈ​ၼင်ႇ​ၼႆ၊-</verse>
				<verse number="28">ဢၼ်​လၢတ်ႈ​လူၺ်ႈ​လွင်ႈ​ၶုၼ်​ ၵူႉရူႉ ​လႄႈ​ဝႃႈ၊ မၼ်း​ပဵၼ်​ၵူၼ်း လဵင်ႉ​သူဝ်း​ထိင်း​သူဝ်း​ၵဝ်​လႄႈ တၵ်း​ႁႂ်ႈ​ဢလူဝ်ႇ​ၵဝ်​ၵႃႈ​မီး ပျေႉ​ၸုမ်ႇ​ယူႇ သေ​လႄႈ ၸီႇ​ယၢင်ႇ​လူၺ်ႈ​လွင်ႈ​ဝဵင်း​ ယေႇရူႉသလႅမ်ႇ ​လႄႈ​ဝႃႈ၊ မၼ်း​တၵ်း​လႆႈ​မီး​တၢင်း​ဢၼ်​တႄႇ​ႁဵတ်း​ဢေႃႈ၊ ဝႃႈ​ၼင်ႇ​ၼႆ​လႄႈ လၢတ်ႈ​တီႈ ပိၵ်ႈ​မၢၼ်ႇ​ၸဝ်ႈ​လႄႈ​ဝႃႈ၊ ငဝ်ႈ​ႁၢၵ်ႈ​တိူၵ်ႈ​မႂ်း တၵ်း​လႆႈ​မီး​တၢင်း​ဢၼ်​ၶျႃး​ဝႆႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
			</chapter>
			<chapter number="45">
				<verse number="1">ထႃႇဝရႃႉ​ၽြႃး မီး​ဢမိင်ႉ​တီႈ​ၶုၼ်​ ၵူႉရူႉ ဢၼ်​ပဵၼ်​ၵူၼ်း​မၼ်း​ၸဝ်ႈ ဢၼ်​ၶၢမ်ႇ​ၽိၵ်ႈ​သိၵ်ႈ ဢၼ်​ၵဝ်​ၵမ်ႉ​ထွၵ်ႈ​မိုဝ်း​ၶွၼ်​ၶႂႃ​မၼ်း ႁႂ်ႈ​လႆႈ​ဢဝ်​တိၼ်​ယဵပ်ႇ​ၶၢမ်ႈ ၵူႈ​သိုင်ႇ​ၵူႈ​မိူင်း​ၵႃႈ​တီႈ​ၽၢႆႇ​ၼႃႈ​မၼ်း​ႁႂ်ႈ​လႆႈ​ၽုၺ်ႇ​ၽၵ်း​တူ ဢၼ်​မီး​သွင်​မႂ်​ပၼ်ႇ​လႄႈ​ဢမ်ႇ​လႆႈ၊ ဢၼ်​ၵဝ်​ႁဵတ်း​ႁႂ်ႈ ဢႅဝ်​ၶုၼ်​ႁေႃ​ၶမ်း​တင်း​လၢႆ​ဢူၼ်ႈ​ၵႂႃႇ ဢိၵ်ႇ​တင်း​ဢုတ်း​ၽၵ်း​တူ ၽၢႆႇ​တၢင်း​ၼႂ်း​ၼၼ်ႉ​ၸမ်ႉ၊-</verse>
				<verse number="2">ၵဝ်​တၵ်း​ၵႂႃႇ​ဢွၼ်​တၢင်း​မႂ်း​လႄႈ ႁႂ်ႈ​တီႈ​ဢၼ်​သုင်​တင်း​လၢႆ​ပဵင်း​ဢေႃႈ။ ၵဝ်​တၵ်း​ၵႄႈ​ႁၵ်း​ပႅတ်ႈ​ၽၵ်း​တူ​တွင်း​လိူင်​တင်း​လၢႆ​လႄႈ တႅပ်း​ၵိူၼ်ႇ​လဵၵ်း​ပႅတ်ႈ ပဵၼ်​ပွတ်း​ပဵၼ်​တွၼ်ႈ​ဢေႃႈ။-</verse>
				<verse number="3">ၵဝ်​တၵ်း​ဢဝ်​ၽၼ်ႇတႃႇ ဢၼ်​မီး​ၵႃႈ​တီႈ​လပ်း​သိင်ႇ၊ ဢုၵ်ႉ​ၸႃႇ​ဢၼ်​သိူင်ႇ​လပ်ႉ​ဝႆႉ လွတ်ႈ​လွတ်ႈ​လီ​လီ ၸိူဝ်း​ၼၼ်ႉ ပၼ်​တီႈ​မႂ်း​ႁႂ်ႈ​မႂ်း​လႆႈ​ႁူႉ​လွင်ႈ​ဢၼ် ၵဝ်​ထႃႇဝရႃႉ​ၽြႃး ဢၼ်​ႁွင်ႉ​ၸိုဝ်ႈ​ႁွင်ႉ​သဵင်​မႂ်း​ၼၼ်ႉ ပဵၼ်​ၽြႃး​ပဵၼ်​ၸဝ်ႈ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="4">ပုၼ်ႈ​ ယႃႇၵုပ်ႈ ဢၼ်​ပဵၼ်​ၶႃႈ​ၵဝ်၊ ဢီႉသရေႇလႃႉ ​ဢၼ်​ၵဝ်​လိူၵ်ႈ​ၵဵပ်း​ဢဝ်​ၼၼ်ႉ​ၸိုင်၊ ၵဝ်​ဢဝ်​ၸိုဝ်ႈ​မႂ်း​သဵင်​မႂ်း​ႁွင်ႉ​ႁဵၵ်ႈ​မႂ်း​ဢေႃႈ။ပိၵ်ႉ​သမ်ႉ​မႂ်း​ဢမ်ႇ​ႁူႉ​ၵဝ်​သေ​ၵေႃႈ ၵဝ်​ထၢပ်ႈ​ပၼ်​ၸိုဝ်ႈ​သဵင်​ဢၼ်​မႂ်ႇ တီႈ​မႂ်း​ဢေႃႈ။-</verse>
				<verse number="5">ၵဝ်​သူႇ​လဵဝ်​ပႃး​လဵဝ်​ၵူၺ်း ပဵၼ်​ထႃႇဝရႃႉ​ၽြႃး​ဢေႃႈ။ ၼွၵ်ႈ​သေ​ၵဝ်​ၼႆႉ​ၽြႃး​ပဵၼ်​ၸဝ်ႈ တၢင်ႇ​သူႇ​တၢင်ႇ​ပႃး​ဢမ်ႇ​မီး။ ပိၵ်ႉ​သမ်ႉ​မႂ်း​ဢမ်ႇ​ႁူႉ​ၸၵ်း​ၵဝ်​သေ​ၵေႃႈ ၵဝ်​တၵ်း​ႁတ်ႉ​ပၼ်​ဢႅဝ်​မႂ်း​ဢေႃႈ။-</verse>
				<verse number="6">ႁႂ်ႈ​ၶဝ်​ၸိူဝ်း​ဢၼ်​ယူႇ​ၸႃႉ​ၸဵမ်​တီႈ​ဢၼ်​ၵၢင်​ဝၼ်း​ဢွၵ်ႇ တေႃႇ​ထိုင်​ႁွတ်ႈ​တီႈ​ဢၼ်​ၵၢင်​ဝၼ်း​တူၵ်း​ၼၼ်ႉ လႆႈ​ႁူႉ​လွင်ႈ​ဢၼ် ၼွၵ်ႈ​သေ​ၵဝ်​ၼႆႉ​ဢမ်ႇ​မီး​ၽြႃး တၢင်ႇ​သူႇ​တၢင်ႇ​ပႃး​လႄႈ ၵဝ်​သူႇ​လဵဝ်​ပႃး​လဵဝ်​ၵူၺ်း ပဵၼ်​ထႃႇဝရႃႉ​ၽြႃး ၼၼ်ႉ​ဢေႃႈ။-</verse>
				<verse number="7">ၵဝ်​ႁဵတ်း​ပဵၼ်​ဢၼ်​လႅင်း​လႄႈ ဢၼ်​လပ်း​သိင်ႇ​ၵေႃႈ ၵဝ်​ၽၢၼ်ႇ​သၢင်း​ဢေႃႈ။ ၵဝ်​ႁႂ်ႈ​တၢင်း​ဢၼ်​ၼိမ်​ဢၼ်​လီ ပဵၼ်​မႃး​လႄႈ​ဢႃႉ​မင်ႇၵလႃႇ​ၵေႃႈ ၵဝ်​ၽၢၼ်ႇ​သၢင်း​ဢေႃႈ။ ၵဝ်​ပဵၼ် ထႃႇဝရႃႉ​ၽြႃး ဢၼ်​ႁဵတ်း​လွင်ႈ​တၢင်း​ၵႃႈ​မီး တင်း​သဵင်ႈ​တင်း​လူင်​ၸိူဝ်း​ၼႆႉ​ဢေႃႈ။-</verse>
				<verse number="8">ၽႃႉ​ၵၢင်​ႁၢဝ်​ၶဝ်​ဢိူၺ်း၊ ႁူဝ်ႈ​ယွတ်ႇ​သေ ၵႃႈ​တီႈ​ၼိူဝ်​တူၵ်း​တႃႉ။ ႁႂ်ႈ​ၽႃႈ​ၽူၼ်​ၸိူဝ်း​ၼၼ်ႉ တူၵ်း​ၽူၼ်​တြႃး​သေ။ ႁႂ်ႈ​လိၼ်​မိူင်း​ၼႆႉ ၽုၺ်ႇ​ပိုတ်ႇ​လႄႈ မၢၵ်ႇ​မၢၵ်ႇ​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၼၼ်ႉ​သေ။ ႁႂ်ႈ​တြႃး​ဢၼ်​သိုဝ်ႈ​တေႃႇ​ၼၼ်ႉ ဢွၵ်ႇ​မႃး ၽွမ်ႉ​ၵမ်း​လဵဝ်​ၵၼ် သေ။ ၵဝ်​ထႃႇဝရႃႉ​ၽြႃး ၽၢၼ်ႇ​သၢင်း​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="9">ၵေႃႉ​ဢၼ်​ႁဵတ်း​ၶတ်း​ၵၼ်​တင်း ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​မၼ်း​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ မၼ်း​ပဵၼ်​ၽၢၵ်ႇ​မေႃႈ​ၵႃႈ​ၼႂ်း​ၽၢၵ်ႇ​မေႃႈ​လိၼ်​တင်း​လၢႆ​လူင်​ပႄႇ။ လိၼ်​မေႃႈ တၵ်း​လႆႈ​ထၢမ်​တီႈ​ၵေႃႉ​ဢၼ် ဢဝ်​မၼ်း​ႁဵတ်း​ၼၼ်ႉ​လႄႈ​ဝႃႈ၊ မႂ်း​ဢဝ်​ႁဵတ်း​ၵႃႈ​သင်၊ ဝႃႈ​ၼင်ႇ​ၼႆ​ႁိုဝ်။ လွင်ႈ​တၢင်း​ဢၼ်​မႂ်း​ႁဵတ်း​ၼၼ်ႉ​တၵ်း​လႆႈ​လၢတ်ႈ​လႄႈ​ဝႃႈ၊ ၵေႃႉ​ဢၼ်​ႁဵတ်း​ၵဝ်​ၼၼ်ႉ ဢမ်ႇ​မီး​မိုဝ်း​ၵူၺ်ႉ၊ ဝႃႈ​ၼင်ႇ​ၼႆ​ႁိုဝ်။-</verse>
				<verse number="10">ၵေႃႉ​ဢၼ် လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ မႂ်း​တၵ်း​ႁႂ်ႈ​ပဵၼ်​ဢၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ၊ ဝႃႈ​ၼင်ႇ​ၼႆ​လႄႈ လၢတ်ႈ​တီႈ​မႄႈ​မၼ်း လႄႈ​ဝႃႈ၊ မႂ်း​တၵ်း​ၵိူတ်ႇ​လဵင်ႉ ဢၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ​မႃး၊ ဝႃႈ​ၼင်ႇ​ၼႆ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="11">ထႃႇဝရႃႉ​ၽြႃး ၸဝ်ႈ​ဢၼ် မူတ်း​ၸၢင်ႇ​မဵဝ်း​ ဢီႉသရေႇလႃႉ ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​မဵဝ်း​ၼၼ်ႉ မီး​ဢမိင်ႉ​ဝႆႉ​ၸမ်ႉ၊​သူ​ဢွၼ်​ၵၼ်​တွင်ႈ​ထၢမ် လူၺ်ႈ​လွင်ႈ​တၢင်း​ဢၼ်​တၵ်း​ပဵၼ်​မႃး​ၸိူဝ်း​ၼၼ်ႉ​တီႈ​ၵဝ်​တႃႉ။ ဢွၼ်​ၵၼ်​ၸီႇ​ယၢင်ႇ​ၵဝ်​လူၺ်ႈ​လွင်ႈ လုၵ်ႈ​လၢင်း​ၵဝ် ဢိၵ်ႇ​တင်း​လူၺ်ႈ​လွင်ႈ​တၢင်း​ဢၼ်​မိုဝ်း​ၵဝ်​ႁဵတ်း​ၼၼ်ႉ​တႃႉ။-</verse>
				<verse number="12">ၵဝ်​ႁဵတ်း​လိၼ်​မိူင်း​ဝႆႉ​ယဝ်ႉ။ ၵဝ်​ၽၢၼ်ႇ​သၢင်း​ႁဵတ်း​ပဵၼ်​ၵူၼ်း ၵႃႈ​ၼိူဝ်​မၼ်း​ဝႆႉ​ယဝ်ႉ။ ၵဝ်​ဢၼ်​ဝႃႈ မိုဝ်း​ၵဝ်​ၼႆႉ ၶဵင်ႈ​မုင်း ၽႃႉ​ၵၢင်​ႁၢဝ်​ဝႆႉ​လႄႈ ၸီႇ​ယၢင်ႇ​ၶၢၼ်း​ၶိူင်ႈ​ပိူင်​မၼ်း တင်း​သဵင်ႈ​တင်း​လူင်​ဝႆႉ​ယဝ်ႉ။-</verse>
				<verse number="13">ၵဝ်​ႁႂ်ႈ​မၼ်း​ၼၼ်ႉ ပေႃႇ​ဢွၵ်ႇ​မႃး ၸွမ်း​ၵႃႈ​ၼင်ႇ​ဢၼ်​တြႃး​တၢင်း​သိုဝ်ႈ​တေႃႇ​မီး​ၼၼ်ႉ​လႄႈ ၵဝ်​တၵ်း​ႁႂ်ႈ​သဵၼ်ႈ​တၢင်း​ၵႃႈ​ဢၼ်​မၼ်း​ၵႂႃႇ​မၼ်း​ပႆ​ၼၼ်ႉ​သိုဝ်ႈ​ဢေႃႈ။ မၼ်း​တၵ်း​တႄႇ​ႁဵတ်း​ဝဵင်း​ၵဝ်​လႄႈ မၼ်း​ယင်း​ဢမ်ႇ​ဢဝ်​ၵႃႈ​မၼ်း​ၶၼ်​မၼ်း၊ ယင်း​ဢမ်ႇ​ၶၢမ်ႇ​ဢဝ်​သူး ဢဝ်​လၢပ်ႈ​လႄႈ တၵ်း​ပွႆႇ​ၵူၼ်း​ၵဝ်​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၶျုၵ်ႈ​ဝႆႉ​ၸိူဝ်း​ၼၼ်ႉ​လွတ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="14">ထႃႇဝရႃႉ​ၽြႃး သမ်ႉ​မီး​ဢမိင်ႉ​ထႅင်ႈ​ၸမ်ႉ၊ တၢင်း​ဢၼ်​မိူင်း​ ဢေႇၵိပ်ႉတူႉ ဝီႉရီႉယႃႉ ႁဵတ်း​ၵႃႉ​ႁဵတ်း​ၶၢႆ တၢင်း​ဢၼ်​မိူင်း​ ၵူႉသႃႉ ပဵၼ်​တိုၼ်း​ပဵၼ်​ႁွၼ်း ဢိၵ်ႇ​တင်း ၵူၼ်း​မဵဝ်း​ သေးၽႃႉ ဢၼ်​တူဝ်​ယႂ်ႇ​တူဝ်​သုင်​ၸိူဝ်း​ၼၼ်ႉ တၵ်း​လႆႈ​ႁွတ်ႈ​မႃး​ၵႃႈ​တီႈ​ၽၢႆႇ​မႂ်း​လႄႈ ပဵၼ်​ဢုၵ်ႉ​ၸႃႇ​မႂ်း​ဢေႃႈ။ ၶဝ်​ၼၼ်ႉ တၵ်း​လႆႈ​ၸွမ်း​ပႃႈ​လင်​မႂ်း​လႄႈ ၶၢမ်ႇ​တၢင်း​ဢၼ် ၸိူၵ်ႈ​လဵၵ်း​မတ်ႉ​ၽုၵ်ႇ​ယူႇ သေ​လႄႈ ၸွမ်း​ဢေႃႈ။ ၶဝ်​တၵ်း​ဢွၼ်​ၵၼ်​ၶုပ်ႉ​မူပ်ႇ​ၵႃႈ​တီႈ ၽၢႆႇ​ၼႃႈ​မႂ်း​လႄႈ တွင်း​ပၢၼ်ႇ​တီႈ​မႂ်း​လႄႈ​ဝႃႈ၊ ၽြႃး​ပဵၼ်​ၸဝ်ႈ မီး​တီႈ​ၸဝ်ႈ​ႁဝ်း ဢမၢၼ်ႇ​ၶၼ်​ပဵၼ်​ၶႃႈ​ဢေႃႈ။ ၼွၵ်ႈ​သေ​ၽြႃး​ၼၼ်ႉ ဢမ်ႇ​မီး​ၽြႃး တၢင်ႇ​သူႇ​တၢင်ႇ​ပႃး​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ၊ ၸဝ်ႈ​ဢၼ် ၵႄႇ​သႄႇ​ၶျွတ်ႈ​ဢဝ်​တီႈ​ၶႃႈ၊ ၸဝ်ႈ​ႁဝ်း​ပဵၼ် ၽြႃး​ပဵၼ်​ၸဝ်ႈ ဢၼ်​သိူင်ႇ​လပ်ႉ​တူဝ်​ၸဝ်ႈ​ၵဝ်ႇ​ဝႆႉ​တီႈ​ၶႃႈ​ဢေႃႈ။-</verse>
				<verse number="16">ၶဝ်​ၵႃႈ​ဢၼ်​ႁဵတ်း​ရုၵ်ႈ​ထူႉ ၸိူဝ်း​ၼၼ်ႉ တၵ်း​ဢွၼ်​ၵၼ်​ဢူၵ်း​ဢၢႆ သေ​လႄႈ ၵႂင်​ၸႂ်​ယုင်ႈ​ၸႂ်​လႄႈ တၵ်း​လႆႈ​ႁွတ်ႈ​ထိုင်​ၵႂႃႇ ၵႃႈ​ၼႂ်း​တၢင်း​ဢၼ်​ၸႂ်​မၢၵ်ႇ​ၸႂ်​မိူဝ်​ၼၼ်ႉ ၽွမ်ႉ​မိူဝ်ႈ​လဵဝ်​ၵမ်း​လဵဝ်​ၵၼ်​ဢေႃႈ။-</verse>
				<verse number="17">မဵဝ်း​ ဢီႉသရေႇလႃႉ ​ၸမ်ႉ၊ တၵ်း​ႁွတ်ႈ​ထိုင်​တၢင်း​ဢၼ် ထႃႇဝရႃႉ​ၽြႃး ၵႄႇ​သႄႇ​ၶျွတ်ႈ​ဢဝ် ထႃႇဝရႃႉ​ၼၼ်ႉ​လႄႈ၊ ၵၢင်း​လွတ်ႈ​တင်း တၢင်း​ဢၼ်​ဢူၵ်း​ဢၼ်​ဢၢႆ တၢင်း​ဢၼ်​ၵႂင်​ၸႂ်​ယုင်ႈ​ၸႂ်​ယူႇ ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း​ဢေႃႈ။-</verse>
				<verse number="18">ထႃႇဝရႃႉ​ၽြႃး ဢၼ်​ၽၢၼ်ႇ​သၢင်း​ၽႃႉ​ၵၢင်​ႁၢဝ်၊ ၽြႃး​ပဵၼ်​ၸဝ်ႈ ဢၼ်​ပွင်​မႄး​ႁဵတ်း​ပဵၼ်​လိၼ်​မိူင်း​လႄႈ ႁႂ်ႈ​တႄႇ​ယူႇ​မၼ်ႈ​မၼ်ႈ​ၶိူင်ႇ​ၶိူင်ႇ၊ ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​မၼ်း ပဝ်ႇ​ဝႆႉ​လၢပ်ႈ​ဝႆႉ​ဢမ်ႇ​ၸႂ်ႈ၊ ဢၼ်​ပွင်​မႄး​မၼ်း​ဝႆႉ ႁႂ်ႈ​ပဵၼ်​ပုၼ်ႈ​ဢၼ်​သတ်ႉတဝႃႇ တၵ်း​လႆႈ​ယူႇ​လႆႈ​သဝ်း​ၼၼ်ႉ မီး​ဢမိင်ႉ​ဝႆႉ​ၸမ်ႉ၊ ၵဝ်​ပဵၼ် ထႃႇဝရႃႉ​ၽြႃး​ဢေႃႈ။ ၼွၵ်ႈ​သေ​ၵဝ်​ၼႆႉ​ဢမ်ႇ​မီး​ၽြႃး​တၢင်ႇ​သူႇ​တၢင်ႇ​ပႃး၊-</verse>
				<verse number="19">ၵဝ်​ဢမ်ႇ​ႁေႃး​လၢတ်ႈ​ၼႂ်း​တီႈ​ဢၼ်​တဵတ်ႇ​ဢၼ်​မႅပ်ႉ၊ တီႈ​ဢၼ်​လပ်း​သိင်ႇ ၵႃႈ​ၼႂ်း​လိၼ်​မိူင်း၊ ၵဝ်​ဢမ်ႇ​လၢတ်ႈ​တီႈ​မဵဝ်း​ ယႃႇၵုပ်ႈ ​လႄႈ​ဝႃႈ၊ သူ​ၼႆႉ​ယင်း​ဢမ်ႇ​မီး​ဢၵျူဝ်း​လႄႈ ႁႃ​ဢဝ်​ၵဝ်​တႃႉ၊ ဝႃႈ​ၼင်ႇ​ၼႆ​ၼၼ်ႉ။ ၵဝ်​ထႃႇဝရႃႉ​ၽြႃး ၸၢင်ႈ​မွၵ်ႇ​လၢတ်ႈ​တၢင်း​ဢၼ်​သိုဝ်ႈ ဢၼ်​တေႃႇ​လႄႈ ႁေႃး​လၢတ်ႈ​လွင်ႈ​တၢင်း​ဢၼ်​ၸိုဝ်ႈ​ဢၼ်​ၸႂ်ႈ​ဢေႃႈ။</verse>
				<verse number="20">သူ​ၵေႃႈ​ၸူႉ​ၵၼ်​တုမ်​ၵၼ်​သေ​လႄႈ​မႃး​တႃႉ။ သူ​ၸိူဝ်း​ဢၼ် လွတ်ႈ​သေ​ၽေး​ၵူႈ​သိုင်ႇ​ၵူႈ​မိူင်း​ၶဝ်​ဢိူၺ်း၊ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​တီႈ​ၵၼ်​တႃႉ။ ၶဝ်​ၸိူဝ်း​ဢၼ်​ဢဝ်​ၼိူဝ်ႉ​မႆႉ​ရုၵ်ႈ​ထူႉ ဢၼ်​ၶဝ်​တွင်ႈ​ႁဵတ်း​ၶၵ်း​ႁဵတ်း​ၼၼ်ႉ ၵႂႃႇ​လႄႈ သူး​တွင်း​ႁဵတ်း​ပထၼႃႇ တီႈ​ၽြႃး​ဢၼ်​ဢမ်ႇ​ၵႄႇ​သႄႇ​ၶျွတ်ႈ​ဢဝ်​လႆႈ​ၼၼ်ႉ​ၸိူဝ်း​ၼၼ်ႉ ဢမ်ႇ​မီး​ပိင်ႇ​ၺႃႇ။-</verse>
				<verse number="21">ဢွၼ်​ၵၼ်​မွၵ်ႇ​လၢတ်ႈ​လႄႈ ၽုၺ်ႇ​ဢွၵ်ႇ​ၼႄ​ပျႃး​တႃႉ။ ႁႂ်ႈ​ၶဝ်​တိူင်ႇ​ပၢင်ႇ​ၵၼ်​သေ။ ၽူႈ​လႂ်​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း​ၼႆႉ ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ။ ၽူႈ​လႂ်​မွၵ်ႇ​လၢတ်ႈ မိူဝ်ႈ​မိုၼ်ႉ​ၸိုၼ်ႉ​သိုၼ်း​ၼၼ်ႉ။ ၵဝ်​ထႃႇဝရႃႉ​ၽြႃး မွၵ်ႇ​လၢတ်ႈ​ဢမ်ႇ​ၸႂ်ႈ​ႁိုဝ်။ ၼွၵ်ႈ​သေ​ၵဝ်​ၼႆႉ ဢမ်ႇ​မီး​ၽြႃး​ပဵၼ်​ၸဝ်ႈ​တၢင်ႇ​သူႇ​တၢင်ႇ​ပႃး။ ၵဝ်​ပဵၼ်​ၽြႃး ဢၼ်​သိုဝ်ႈ​တေႃႇ၊ ၽြႃး​ဢၼ်​ၵႄႇ​သႄႇ​ၶျွတ်ႈ​ဢဝ်​ဢေႃႈ။ ၼွၵ်ႈ​သေ​ၵဝ်​ၼႆႉ ဢမ်ႇ​မီး​ၽြႃး​ပဵၼ်​ၸဝ်ႈ​တၢင်ႇ​သူႇ​တၢင်ႇ​ပႃး။-</verse>
				<verse number="22">သူ​ၸိူဝ်း​ဢၼ်​ယူႇ ၵႃႈ​တီႈ​သုတ်း​လိၼ်​မိူင်း တင်း​သဵင်ႈ​တင်း​လူင်​ၶဝ်​ဢိူၺ်း၊ ႁႅၼ်​တူၺ်း​ၵဝ်​လႄႈ ၶၢမ်ႇ​ဢဝ်​ၵျေး​ၸူး​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​တႃႉ။ ၵဝ်​ၼႆႉ​ပဵၼ် ၽြႃး​ပဵၼ်​ၸဝ်ႈ​ဢေႃႈ။ ၼွၵ်ႈ​သေ​ၵဝ်​ၼႆႉ ဢမ်ႇ​မီး​ၽြႃး​တၢင်ႇ​သူႇ​တၢင်ႇ​ပႃး။-</verse>
				<verse number="23">ၵဝ်​ဢဝ်​တူဝ်​ၸဝ်ႈ​ၵဝ်ႇ တိူင်ႇ​ဝႃႈ​လႄႈ ၵႂၢမ်း​လႆႈ​ဢွၵ်ႇ​သူပ်း​ၵဝ် ၸွမ်း​ၼင်ႇ​တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ လႄႈ​ဝႃႈ၊ ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ၶုပ်ႉ​ၶဝ်ႇ ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ဢဝ်​တင်း​သူပ်း​ၶဝ်​ၶၢမ်ႇ​သဵတ်ႈ​ၸႃႇ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​လႄႈ ယင်း​ဢမ်ႇ​ပျေႉ​ၸုမ်ႇ​ဢမ်ႇ​လႆႈ​ယူႇ။-</verse>
				<verse number="24">ၵူႈ​ၵေႃႉ​ၵူႈ​ၵူၼ်း တၵ်း​လႆႈ​ဢွၼ်​ၵၼ်​လဝ်ႊ​လၢတ်ႈ​တီႈ​ၵဝ်​လႄႈ​ဝႃႈ၊ ၵႃႈ​ၼႂ်း​ထႃႇဝရႃႉ​ၽြႃး ၵူၺ်း​မီး​တၢင်း​ဢၼ်​သိုဝ်ႈ​တေႃႇ ဢိၵ်ႇ​တင်း တၢင်း​ဢၼ်​ၵတ်ႉ​ဢၼ်​ၶၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵူၼ်း​တင်း​လၢႆ တၵ်း​ဢွၼ်​ၵၼ်​မႃး​တီႈ​မၼ်း​ၸဝ်ႈ​လႄႈ ၶဝ်​ၸိူဝ်း​ဢၼ်​ဢမ်ႇ​ၼႃႇ​လူဝ်ႇ​မၼ်း​ၸဝ်ႈ တင်း​သဵင်ႈ​တင်း​လူင်​ၼၼ်ႉ တၵ်း​ဢွၼ်​ၵၼ်​ႁွတ်ႈ​ထိုင် တၢင်း​ဢၼ်​ဢူၵ်း​ဢၼ်​ဢၢႆ​ဢေႃႈ။-</verse>
				<verse number="25">ၵူၼ်း​မဵဝ်း ဢီႉသရေႇလႃႉ တင်း​သဵင်ႈ​တင်း​လူင် တၵ်း​ဢွၼ်​ၵၼ်​ႁွတ်ႈ​ထိုင် တၢင်း​ဢၼ်​သိုဝ်ႈ​တေႃႇ ၵႃႈ​ၼႂ်း ထႃႇဝရႃႉ​ၽြႃး​လႄႈ ဢုပ်ႇ​ဝၢဝ်း​ဢေႃႈ။</verse>
			</chapter>
			<chapter number="46">
				<verse number="1">ပေႇလႃႉ ​ၵွမ်း​ၵႂႃႇ​ယဝ်ႉ။ ၼေႇပေႃႇ ​မူပ်ႇ​ၵႂႃႇ​ယဝ်ႉ။ ရုၵ်ႈ​ထူႉ​ၶဝ်​ၼၼ်ႉ ၸၢပ်ႈ​သႅင်ႇ​ၵၼ်​တင်း​သတ်း ဢိၵ်ႇ​တင်း​တရိၵ်ႈသၢၼ်ႇ တင်း​လၢႆ ဢေႃႈ။ ၶိူင်ႈ​ပိူင်​ဢၼ်​သူ​ယၢမ်ႈ​ႁၢပ်ႇ​ၸိူဝ်း​ၼၼ်ႉ လႆႈ​ပဵၼ်​ၶူဝ်း​ၼၵ်း​ၶူဝ်း​ၼႃ​ဢၼ်​ဝႃႈ ၶူဝ်း​ဢၼ်​တၢင်ႇ​သႂ်ႇ​ၵႃႈ​ၼိူဝ်​တရိၵ်ႈသၢၼ်ႇ ဢၼ်​ယၢပ်ႇ​ၸႂ်​ၽိုတ်ႇ​ၸႂ် ၸိူဝ်း​ၼၼ်ႉ​ၵႂႃႇ​ယဝ်ႉ။-</verse>
				<verse number="2">ၶဝ်​ၼၼ်ႉ​မူပ်ႇ​ယူႇ​ၵွမ်း​ယူႇ​လူၺ်ႈ​ၵၼ်​သေ​လႄႈ ယင်း​ဢမ်ႇ​ၵႄႇ​သႄႇ​ၼုၵ်ႈ​ဢဝ် ၶူဝ်း​ဢၼ်​ၶဝ်​ယၢမ်ႈ​ႁၢပ်ႇ​ၼၼ်ႉ​လႆႈ​လႄႈ လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ယဝ်ႉ လူင်​ပႄႇ။-</verse>
				<verse number="3">မဵဝ်း​ ယႃႇၵုပ်ႈ ​ဢိူၺ်း၊ ထွမ်ႇ​ဢဝ်​ၵႂၢမ်း​ၵဝ်​တႃႉ။ ၵူၼ်း​မဵဝ်း​ ဢီႉသရေႇလႃႉ ဢၼ်​ယင်း​ၵိုတ်း​ယင်း​ၵျၢၼ်ႇ​ဢၼ်​ၵဝ်​လႆႈ​ႁၢပ်ႇ​ယူႇ ၸဵမ်​မိူဝ်ႈ ၼႂ်း​တွင်ႉ​မႄႈ​မႂ်း၊ ဢၼ်​ၵဝ်​လႆႈ​ႁွပ်ႇ​ဢုမ်ႈ​ဢဝ် ၸႃႉ​ၸဵမ်​မိူဝ်ႈ​ၵိူတ်ႇ​လဵင်ႉ​မႃး​ၼၼ်ႉ တင်း​သဵင်ႈ​တင်း​လူင်​ၶဝ်​ဢိူၺ်း၊-</verse>
				<verse number="4">ၵဝ်​ပဵၼ် ၵေႃႉ​ၸိူဝ်ႉ​ၼင်ႇ​ၼၼ် တေႃႇ​ထိုင်​ႁွတ်ႈ​ဢသၢၵ်ႈ​သူ ယႂ်ႇ​ၵႄႇ​ယဝ်ႉ​လႄႈ တၵ်း​ႁွပ်ႇ​ဢုမ်ႈ​ဢဝ်​သူ​ယူႇ တေႃႇ​ထိုင်​ႁွတ်ႈ ၶူၼ်​ႁူဝ်​သူ​ထၼ်ႈ​ပေႃး​ႁွၵ်ႇ​ဢေႃႈ။ ၵဝ်​ႁဵတ်း​မႃး​ယဝ်ႉ​လႄႈ တၵ်း​ႁၢပ်ႇ​ယူႇ​ဢေႃႈ။ ၵဝ်​တၵ်း​ႁွပ်ႇ​ဢုမ်ႈ​ဢဝ်​သူ​လႄႈ ၵႄႇ​သႄႇ ၼုၵ်ႈ​ဢဝ်​သူ​ဢေႃႈ။-</verse>
				<verse number="5">သူ​တၵ်း​ဢဝ်​ၵဝ်​တႅၵ်ႈ​ၵၼ်​တင်း​ၽူႈ​လႂ်​လႄႈ ႁႂ်ႈ​မိူၼ်​ၵၼ်​တင်း​ၽူႈ​လႂ်။ တၵ်း​ဢဝ်​ၵဝ်​တႅၵ်ႈ​ၵၼ်​တိူင်း​ၵၼ်​တင်း​ၽူႈ​လႂ်​ႁႂ်ႈ​ထၼ်ႈ​ပေႃး​မိူၼ်။-</verse>
				<verse number="6">ၶဝ်​ၸိူဝ်း​ဢၼ်​ဢဝ်​ၶမ်း​ၼမ်​ၼႃႇ ဢွၵ်ႇ​သေ​ၵႃႈ​ၼႂ်း​ထူင်​လႄႈ ဢဝ်​ယွႆး​ၸင်ႈ​ႁိဝ်ႈ​ငိုၼ်း​ၼၼ်ႉ ၸၢင်ႈ​ငႃ​ၸၢင်ႈ​ၶမ်း​လႄႈ ႁႂ်ႈ​ႁဵတ်း​ၽြႃး သေ​ယဝ်ႉ၊ တၵ်း​ဢွၼ်​ၵၼ်​ၶုပ်ႉ​မူပ်ႇ​ၵူဝ်း​ၵႂၢႆႇ​လူင်​ပႄႇ။-</verse>
				<verse number="7">ၶဝ်​ဢဝ်​ဢၼ်​ၼၼ်ႉ ႁၢပ်ႇ​တၢင်ႇ​သႂ်ႇ​ၵႃႈ​ၼိူဝ်​ႁူဝ်​မႃႇ​လႄႈ ဢဝ်​ၵႂႃႇ​သေ​လႄႈ ဢဝ်​ဝႆႉ​ၵႃႈ​တီႈ​တီႈ​ယူႇ​မၼ်း​ဢေႃႈ။ မၼ်း​ၵေႃႈ​ၸၢင်ႈ​ၸုၵ်း​ယူႇ​ဢေႃႈ။ မၼ်း​ဢမ်ႇ​ၶၢႆႉ​သေ ၵႃႈ​တီႈ​ယူႇ​မၼ်း​ၼၼ်ႉ​လႆႈ။ ပိၵ်ႉ​သမ်ႉ​သေ​ၵေႃႉ​သေ​ၵူၼ်း သႅၼ်ႇ​ႁွင်ႉ​တီႈ​မၼ်း​သေ​ၵေႃႈ၊ မၼ်း​ဢမ်ႇ​ဢိူဝ်​လႆႈ။ မၼ်း​ဢမ်ႇ​ၵႄႇ​သႄႇ​ၼုၵ်ႈ​ဢဝ်​ၵေႃႉ​ၼၼ်ႉ ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​လႆႈ။-</verse>
				<verse number="8">ဢွၼ်​ၵၼ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​တၢင်း​ၼႆႉ​လႄႈ ၼႄ​ပျႃး​ၵုင်ႇ​ၵူၼ်း​ၸၢႆး​တႃႉ။ သူ​ၸိူဝ်း​ဢၼ်​ၽွၵ်ႈ​ပျၢၼ်ႇ​ၶိုၼ်း​ၶဝ်​ဢိူၺ်း၊ ဢွၼ်​ၵၼ်​ႁဵတ်း​တင်း​သတီႉ​လႄႈ ဝူၼ်ႉ​ၼႂ်း​ၸႂ်​တႃႉ။-</verse>
				<verse number="9">ဢွၼ်​ၵၼ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​တၢင်း​ဢၼ်​ယၢမ်ႈ​ပဵၼ်​မႃး မိူဝ်ႈ​ၵွၼ်ႇ​ဢွၼ်​ၼႆႉ​ၸိူဝ်း​ၼၼ်ႉ​တႃႉ။ ၵဝ်​ပဵၼ်​ၽြႃး​ပဵၼ်​ၸဝ်ႈ ဢေႃႈ။ ၼွၵ်ႈ​သေ​ၵဝ်​ၼႆႉ​ဢမ်ႇ​မီး​ၽြႃး​ပဵၼ်​ၸဝ်ႈ တၢင်ႇ​သူႇ​တၢင်ႇ​ပႃး။-</verse>
				<verse number="10">ၵဝ်​ပဵၼ် ၽြႃး​ပဵၼ်​ၸဝ်ႈ​ဢေႃႈ။ ဢမ်ႇ​မီး​ၸဝ်ႈ​ဢၼ်​မိူၼ်​ၵၼ်​တင်း​ၵဝ် ဢၼ်​ၽုၺ်ႇ​ဢွၵ်ႇ​ၼႄ​ပျႃး​ၸႃႉ​ၸဵမ်​မိူဝ်ႈ​ၵေႃႇၸႃႉ ႁူဝ်​ပိုင်း တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ ဢိၵ်ႇ​တင်း ၸႃႉ​ၸဵမ်​မိူဝ်ႈ​မိုၼ်ႉ​ၸိုၼ်ႉ​သိုၼ်း​ၼၼ်ႉ​လႄႈ လွင်ႈ​တၢင်း​ဢၼ်​ဢမ်ႇ​ပႆႇ​ပဵၼ်​မႃး​ၸိူဝ်း​ၼၼ်ႉ​လႄႈ လၢတ်ႈ​လႄႈ​ဝႃႈ၊ တၢင်း​ၵျၢမ်ႇ​တၢင်း​ပွင်​ၵဝ်​တၵ်း​တႄႇ​ယူႇ​ဢေႃႈ။ ၵဝ်​တၵ်း​ႁႂ်ႈ ၵႃႈ​ဢၼ်​ၵဝ်​မီး​ဢလူဝ်ႇ​ၼၼ်ႉ ပျေႉ​ၸုမ်ႇ​ဝႆႉ​ဢေႃႈ၊ ဝႃႈ​ၼင်ႇ​ၼႆ​ယူႇ​သေ​လႄႈ၊-</verse>
				<verse number="11">ႁွင်ႉ​ဢဝ်​ၼူၵ်ႉ​ႁၢႆႉ​ဢၼ်​ဝႃႈ ၵေႃႉ​ဢၼ်​ထွၵ်ႈ​ဢၼ်​ၵမ်ႉ​ၵဝ်​ၼၼ်ႉ ဢွၵ်ႇ​သေ​ၵႃႈ​တီႈ​ၼႃႈ​ဝၼ်း​ဢွၵ်ႇ​တီႈ​ဢၼ်​ၵႆ​ၼၼ်ႉ​မႃး​ဢေႃႈ။​ၵဝ်​လႆႈ​ဢွၵ်ႇ​သူပ်း​ဝႃႈ​လႄႈ တၵ်း​ႁဵတ်း​ၸွမ်း​ဢေႃႈ။ ၵဝ်​လႆႈ​ၵျၢမ်ႇ​ပွင်​ယဝ်ႉ​လႄႈ တၵ်း​ၸီႇ​ယၢင်ႇ​ၸွမ်း​ဢေႃႈ။-</verse>
				<verse number="12">သူ​ၸိူဝ်း​ဢၼ် ၸႂ်​ၵႅၼ်ႇ​ၶႅင်​လႄႈ ၵႆ​ၵၼ်​တင်း​တြႃး​တၢင်း​ဢၼ်​သိုဝ်ႈ​တေႃႇ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၵဝ်​တႃႉ။-</verse>
				<verse number="13">ၵဝ်​တၵ်း ဢဝ်​တြႃး​တၢင်း​ဢၼ် သိုဝ်ႈ​တေႃႇ​ၵဝ်​မႃး​ၸူး ၵႃႈ​တီႈ​ဢၼ်​ၸမ်​ဢေႃႈ။ ဢမ်ႇ​လႆႈ​ယူႇ​ၵႃႈ​တီႈ​ဢၼ်​ၵႆ။ ၵျေး​ၸူး​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ၼၼ်ႉ​ၵေႃႈ ဢမ်ႇ​လႆႈ​ၵွႆႈ​လႆႈ​ထိူင်း။ ၵဝ်​တၵ်း​ဢဝ်​ၵျေး​ၸူး​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ၼၼ်ႉ ဝႆႉ​ၵႃႈ​ၼိူဝ် လွႆ​ ၸီႉဢုၼ်ႇ ​ပုၼ်ႈ မဵဝ်း​ၵူၼ်း​ ဢီႉသရေႇလႃႉ ဢၼ်​ပဵၼ်​မုၼ်​ၽုင်း​ၵဝ်​ၼၼ်ႉ​ဢေႃႈ။</verse>
			</chapter>
			<chapter number="47">
				<verse number="1">ၵၼ်ႇ​ၺႃႇ​လုၵ်ႈ​ယိင်း​သၢဝ်​ ပႃႇပူႉလုၼ်ႇ ​ဢိူၺ်း၊ လူင်း​လႄႈ​ၼင်ႈ​ယူႇ​ၵႃႈ​ၼႂ်း​မုၼ်ႈ​လိၼ်​တႃႉ။ လုၵ်ႈ​ယိင်း​ ၶႃႇလတေး ​ဢိူၺ်း၊ ယင်း​ဢမ်ႇ​မီး ရႃႇၸႃႉ​ပလၢင်ႇ​လႄႈ ၼင်ႈ​ယူႇ​ၵႃႈ​ၼိူဝ်​လိၼ်​တႃႉ။ ၵမ်း​လိုၼ်း​မႂ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ဝႃႈ ၵေႃႉ​ဢၼ်​ၼုမ်ႇ​လီ​ၼုတ်း​လီ​လႄႈ ဢူၼ်ႈ​လီ​ဢွၼ်ႇ​လီ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="2">ဢဝ်​လူၺ်​ၶိုတ်ႈ​ၶဝ်ႈ​သေ​လႄႈ ၶိုတ်ႈ​ၶဝ်ႈ​တႃႉ။ ၽုၺ်ႇ​ပိုတ်ႇ​ၽႃႈ​ႁူမ်ႇ​ၼႃႈ​မႂ်း​ပႅတ်ႈ​လႄႈ ထွတ်ႇ​သိူဝ်ႈ​ဢၼ်​ယၢဝ်း​မႂ်း​ပႅတ်ႈ​တႃႉ။ဝူတ်ႈ​ၶူဝ်း​ၼုင်ႈ​ၶႃ​မႂ်း​သေ​လႄႈ ၶၢမ်ႈ​ၼမ်ႉ​ႁွင်ႈ​တႃႉ။-</verse>
				<verse number="3">မႂ်း​တၵ်း​လႆႈ​ယူႇ​တူဝ်​ပဝ်ႇ​တူဝ်​ပူၺ်​လႄႈ​ၶၢမ်ႇ​တၢင်း​ဢၼ်​ဢူၵ်း​ဢၼ်​ဢၢႆ​ဢေႃႈ။ ၵဝ်​တၵ်း​ပၼ်​တၢမ်ႇ​ဢပႅတ်ႈ​လႄႈ တၵ်း​ဢမ်ႇ​ႁဵတ်း မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​တင်း​ၽူႈ​လႂ်။-</verse>
				<verse number="4">ၸဝ်ႈ​ဢၼ်​ထုတ်ႇ​ဢဝ်​ႁဝ်း​ၼၼ်ႉ​ၸမ်ႉ၊ မီး​ၼႃႇ​မႃႉ​ၸိုဝ်ႈ​သဵင်​ဢၼ်​ဝႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး၊ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="5">လုၵ်ႈ​ယိင်း​ ၶႃႇလတေး ​ဢိူၺ်း၊ ၼင်ႈ​ယူႇ​တဵတ်ႇ​တဵတ်ႇ​ယဵၼ်​ယဵၼ်​တႃႉ။ ၵႂႃႇ​ၵႃႈ​တီႈ​ဢၼ်​လပ်း​သိင်ႇ​လပ်း​ငုမ်း​တႃႉ။ ၵမ်း​လိုၼ်း မႂ်း ဢမ်ႇ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ဝႃႈ ၼၢင်း​ၸဝ်ႈ​သိုင်ႇ​ၸဝ်ႈ​မိူင်း၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="6">ၵဝ်​ၸႂ်​မႆႈ​ၶႆႈ​ၸႃႉ တီႈ​ၵူၼ်း​ၵဝ်​တင်း​လၢႆ​လႄႈ ၵဝ်​ဢဝ်​ဢမူၺ်ႇ​ၵဝ်​ၶျႃး​တူၵ်း​တီႈ​တႅမ်ႇ​သေ​လႄႈ ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​မႂ်း လႄႈ မႂ်း​ဢမ်ႇ​မီး​ၸႂ်​ဢၼ်​ဢဵတ်း​လူ​ၶဝ်၊ မႂ်း​ဢဝ်​ၵၢၼ်း​ဢၼ်​ၼၵ်း​ၼႃႇ တၢင်ႇ​သႂ်ႇ​ပၼ်​ၵႃႈ​ၼိူဝ် ၶဝ်​ၸိူဝ်း​ဢၼ်​ဢသၢၵ်ႈ​ၵႄႇ​ထဝ်ႈ​ၼၼ်ႉ​ယဝ်ႉ။-</verse>
				<verse number="7">မႂ်း​လႆႈ​လၢတ်ႈ​လႄႈ​ဝႃႈ၊ ၵဝ်​တၵ်း​ႁဵတ်း ၸဝ်ႈ​ၼၢင်း​ယူႇ​တႃႇ​သေႇ​ဢေႃႈ၊ ဝႃႈ​ၼင်ႇ​ၼႆ​ယူႇ​တေႃႇ​ထိုင်​ႁွတ်ႈ​ထၼ်ႈ​ပေႃး မႂ်း​ဢမ်ႇ​ၶႆႈ​ၸႂ် ဝူၼ်ႉ​ၸႂ်​လူၺ်ႈ​လွင်ႈ​တၢင်း​ၸိူဝ်း​ၼႆႉ​လႄႈ မႂ်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​တၢင်း​ဢၼ်​တၵ်း​ပဵၼ်​မႃး လိုၼ်း​လင်​သုတ်း​ၸိူဝ်း​ၼၼ်ႉ။-</verse>
				<verse number="8">ပိူဝ်ႈ​ၼႆ​လႄႈ ၵေႃႉ​ဢၼ်​မူၼ်ႈ​ပျေႃႇ​ယူႇ​ၼႂ်း​ၵႃႇမၵုင်ႇ​လႄႈ ယင်း​ဢမ်ႇ​ၶႆႈ​ၸႂ်​လူၺ်ႈ​လွင်ႈ​ၽေး​လွင်ႈ​ရၢၼ်ႇ​လႄႈ​ယူႇ၊ ဢၼ်​ထၢင်ႇ​ၼႂ်း​ၸႂ်​လႄႈ​ဝႃႈ၊ ၵဝ်​မီး​ယူႇ​ဢေႃႈ။ ၼွၵ်ႈ​သေ​ၵဝ်​ၼႆႉ ဢမ်ႇ​မီး​ၽူႈ​လႂ်​သေ​ၵေႃႉ​သေ​ၵူၼ်း။ ၵဝ်​ဢမ်ႇ​လႆႈ​ၼင်ႈ​သေ​လႄႈ ယူႇ​ၸိူဝ်ႉ​ၼင်ႇ​မႄႈ​မူၵ်း​မႄႈ​မၢႆႈ။ ၵဝ်​ဢမ်ႇ​လႆႈ​ၶၢမ်ႇ​တၢင်း​ဢၼ်​လုၵ်ႈ​လၢင်း​တၢႆ၊ ဝႃႈ​ၼင်ႇ​ၼႆ​ၼၼ်ႉ​ဢိူၺ်း၊ ထွမ်ႇ​ငိၼ်း​တႃႉ။-</verse>
				<verse number="9">ၼႂ်း​ဝၼ်း​ၼိုင်ႈ ၵူၺ်း ၽေး​သွင်​ပႃး​ၼႆႉ​ဢၼ်​ဝႃႈ တၢင်း​ဢၼ်​လုၵ်ႈ​လၢင်း​တၢႆ ဢိၵ်ႇ​တင်း တၢင်း​ဢၼ်​ၽူဝ်​တၢႆ​ၼၼ်ႉ တၵ်း​ႁွတ်ႈ​ထိုင် ၵႃႈ​ၼိူဝ်​မႂ်း​ဢေႃႈ။ တၵ်း​ႁွတ်ႈ​ထိုင်​ၵႃႈ​ၼိူဝ်​မႂ်း​တင်း​သဵင်ႈ​တင်း​မူတ်း​ထူၼ်ႈ​ထူၼ်ႈ​တဵမ်​တဵမ် ၼႂ်း​တၢင်း​ဢၼ်​မႂ်း​လုမ်း​လႃး ဢတၢတ်ႈ​ဢၼ်​ႁဵတ်း​တီႈ​ပိူၼ်ႈ​တင်း​လၢႆ​ၼမ်​ၼႃႇ ဢိၵ်ႇ​တင်း​တၢင်း​ဢၼ်​မႂ်း​ႁဵတ်း​ဢတၢတ်ႈ ၽီ​ဝိၵ်ႉၸႃႇ ၼမ်​ၼႃႇ​လူင်​လၢင်​ၸိူဝ်း​ၼၼ်ႉ​ဢေႃႈ။-</verse>
				<verse number="10">မႂ်း​သွၼ်ႈ​ပိုင်ႈ​တင်း​ဢၼ်​ႁၢႆႉ​ဢၼ်​ႁုၵ်း ဢၼ်​မႂ်း​ႁဵတ်း​ၼၼ်ႉ​ယဝ်ႉ။ မႂ်း​လၢတ်ႈ​လႄႈ​ဝႃႈ၊ ၽူႈ​လႂ်​ဢမ်ႇ​ႁၼ်​ၵဝ် သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​ယဝ်ႉ​ယဝ်ႉ။ ၺၢၼ်ႇ​မႂ်း ဢိၵ်ႇ​တင်း​ဢတၢတ်ႈ​ပိင်ႇ​ၺႃႇ​မႂ်း​ၼၼ်ႉ ၶႂမ်ႈ​ပိၼ်ႈ​ၸႂ်​မႂ်း​ပႅတ်ႈ​လႄႈ မႂ်း​လၢတ်ႈ​ၼႂ်း​ၸႂ်​မႂ်း​လႄႈ​ဝႃႈ၊ ၵဝ်​မီး​ယူႇ​ဢေႃႈ။ ၼွၵ်ႈ​သေ​ၵဝ်​ၼႆႉ ဢမ်ႇ​မီး​ၽူႈ​လႂ်​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​ယဝ်ႉ​ယဝ်ႉ။-</verse>
				<verse number="11">ပိူဝ်ႈ​ၼႆ​လႄႈ ၽေး​ဢူႉ​ပၢတ်ႈ​ဢၼ်​မႂ်း​ဢမ်ႇ​ႁူႉ​ဢမ်ႇ​ႁၼ်​တီႈ​သုတ်း​တီႈ​ၵွႆ​လႆႈ​ၼၼ်ႉ တၵ်း​ႁွတ်ႈ​ထိုင်​ၵႃႈ​ၼိူဝ်​မႂ်း​လႄႈ တၢမ်ႇ​ဢပႅတ်ႈ ဢၼ်​မႂ်း ဢမ်ႇ​ၽႄႇ​လႆႈ​ၼၼ်ႉ တၵ်း​တူၵ်း​ႁွတ်ႈ​ၵႃႈ​ၼိူဝ်​မႂ်း​ဢေႃႈ။ တၢင်း​ဢၼ်​ယႃႉ​ၽဵဝ်ႈ​ပႅတ်ႈ​ဢၼ်​မႂ်း​ဢမ်ႇ​မုင်ႈ​မွင်း​လႆႈ​ၼၼ်ႉ တၵ်း​ၶီႉ​ၶႃႉ ႁွတ်ႈ​ထိုင်​ၵႃႈ​ၼိူဝ်​မႂ်း​ဢေႃႈ။-</verse>
				<verse number="12">ဢိင်​ဢတၢတ်ႈ​ၽီ​ဝိၵ်ႉၸႃႇ​မႂ်း ဢိၵ်ႇ​တင်း ဢတၢတ်ႈ​ဢၼ်​မႂ်း​ႁဵတ်း​တီႈ​ပိူၼ်ႈ​ၼမ်​ၼႃႇ ၵူႈ​ၸိူဝ်ႉ​ၵူႈ​ပိူင် ဢၼ်​မႂ်း​ၵႆႉ​ၵျူဝ်း​ၸႃး​ၸႃႉ​ၸဵမ်​မိူဝ်ႈ​ဢၼ် ဢသၢၵ်ႈ​ဢရွႆႇ​မႂ်း​ယင်း​လဵၵ်ႉ​ယင်း​ဢွၼ်ႇ​ၼၼ်ႉ​ၸိူဝ်း​ၼၼ်ႉ​သေ​လႄႈ တႄႇ​ယူႇ​တႃႉ။ ပေႃး​လီ​လႆႈ​ဢၵျူဝ်း​ၸိုင် ၸၢင်ႈ​ၶႄး​တၵ်း​လႆႈ​ဢေႃႈ။ ပေႃး​လီ​ပႄႉ​လီ​ၼႅင်ႇ​ၸိုင် ၸၢင်ႈ​ၶႄး​တၵ်း​ပႄႉ​ၼႅင်ႇ​ဢေႃႈ။-</verse>
				<verse number="13">မႂ်း​ယၢပ်ႇ​ၸႂ်​ၶၢၼ်​ၸႂ် ၼႃႇ​လူင်​လၢင်​ၵွပ်ႈ​ပိူဝ်ႈ တၢင်း​ဢၼ်​မႂ်း​တိူင်ႇ​ပၢင်ႇ​ၵၼ်​ၼမ်​ၼႃႇ​ၼၼ်ႉ​ယဝ်ႉ။ ႁႂ်ႈ​ၶဝ်​ၸိူဝ်း​ဢၼ်​လူ​တူၺ်း​ၽႃႉ​ၵၢင်​ႁၢဝ်​လႂ်၊ ၶဝ်​ၸိူဝ်း​ဢၼ်​မၢတ်ႈ​တွင်း လၢဝ်​ၼၢၵ်ႈ​ၶၢတ်ႈ​လႂ်၊ ၶဝ်​ၸိူဝ်း​ဢၼ်​ၸၢင်ႈ​တူၺ်း​ႁၢင်ႈ​ၽၢင်​လိူၼ် သေ​လႄႈ ႁေႃး​လၢတ်ႈ​လွင်ႈ​တၢင်း​ဢၼ် တၵ်း​ပဵၼ်​မႃး​လႂ်​ၸိူဝ်း​ၼၼ်ႉ လုၵ်ႉ​လႄႈ ၵႄႇ​သႄႇ​ၶျွတ်ႈ​ဢဝ်​မႂ်း မိူဝ်ႈ​လဵဝ်​ၼႆႉ​သေ​ၵမ်း​လူၺ်ႈ။-</verse>
				<verse number="14">တူၺ်း​လူး၊ ၶဝ်​ၼၼ်ႉ​တၵ်း​လႆႈ ပဵၼ်​ၸိူဝ်ႉ​ၼင်ႇ​မုၼ်ႈ ဢၢင်ႉ​ဢၢၵ်ႇ​လႄႈ ၽႆး​တၵ်း​မႆႈ​ၶဝ်​ပႅတ်ႈ​ဢေႃႈ။ ၶဝ်​ဢမ်ႇ​လႆႈ​ၵႄႇ​သႄႇ​ၼုၵ်ႈ​ဢဝ် တူဝ်​ၶဝ်​သေ​ၵႃႈ​ၼႂ်း​ပဵဝ်​ၽႆး​ၼၼ်ႉ။ တၵ်း​ဢမ်ႇ​ပဵၼ်​ထၢၼ်ႇ​ၽႆး ပုၼ်ႈ​ဢၼ်​တၵ်း​ဢုၼ်ႇ။ ၽႆး​ပုၼ်ႈ​ဢၼ်​တၵ်း​ဢွမ်ႇ​လႃး​လႃး။-</verse>
				<verse number="15">ၶဝ်​ၸိူဝ်း​ဢၼ် ၽွမ်ႉ​ႁူမ်ႈ​လူၺ်ႈ​ၵၼ်​တင်း​မႂ်း သေ​လႄႈ သၢင်ႈ​ႁဵတ်း​ၵၢၼ်​ငၢၼ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ၼၼ် ၵႃႈ​တီႈ​မႂ်း​လႄႈ​ၶဝ်​ၸိူဝ်း​ဢၼ်​ၵႃႉ​ၶၢႆ​လူၺ်ႈ​ၵၼ်​တင်း​မႂ်း ၸႃႉ​ၸဵမ်​မိူဝ်ႈ​ဢၼ်​မႂ်း​ယင်း​လဵၵ်ႉ​ယင်း​ဢွၼ်ႇ​ၼၼ်ႉ တၵ်း​ဢွၼ်​ၵၼ်​ဝႄႈ​ၵႂႃႇ​ၸူး ၵႃႈ​တီႈ​ဢၼ် ၶဝ်​ယူႇ​ၼၼ်ႉ ႁင်း​ၽႂ်​ႁင်း​မၼ်း​လႄႈ ဢမ်ႇ​လႆႈ​မီး​ၵေႃႉ​ဢၼ်​ၵႄႇ​သႄႇ​ၶျွတ်ႈ​ဢဝ်​မႂ်း သေ​ၵေႃႉ​သေ​ၵူၼ်း။</verse>
			</chapter>
			<chapter number="48">
				<verse number="1">သူ​ၸိူဝ်း​ဢၼ် ပဵၼ်​မဵဝ်း​ ယႃႇၵုပ်ႈ ဢၼ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ ဢီႉသရေႇလႃႉ ဢၼ်​လႆ​ဢွၵ်ႇ​မႃး​ၵႃႈ​ၼႂ်း​ၼမ်ႉ​ဢွၵ်ႇ​ႁူး ယူႉတႃႉ ၊ ဢၼ်​ဢဝ်​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး သေ​လႄႈ ၵိၼ်ႇ​ဝႃႈ၊ ဢၼ်​ယင်း​ဢမ်ႇ​မီး​သဵတ်ႈ​ၸႃႇ၊ ယင်း​ဢမ်ႇ​မႅၼ်ႈ​ၵၼ်​တင်း​တြႃး​တၢင်း​ဢၼ်​သိုဝ်ႈ​တေႃႇ​လႄႈ ယွင်ႈ​ယေႃး​ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ၊-</verse>
				<verse number="2">ဢၼ်​ႁွင်ႉ​ႁဵၵ်ႈ​တူဝ်​ၸဝ်ႈ​ၵဝ်ႇ ၸွမ်း​လူၺ်ႈ​ဝဵင်း​ၸဝ်ႈ​ဢၼ်​မူတ်း​ၸၢင်ႇ၊ ဢၼ်​သွၼ်ႈ​ပိုင်ႈ ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ဢၼ်​မီး​ၼႃႇ​မႃႉ​ၸိုဝ်ႈ​သဵင်​လႄႈ​ဝႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး၊ ဝႃႈ​ၼင်ႇ​ၼႆ​ၼၼ်ႉ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။-</verse>
				<verse number="3">ၵဝ်​ဢဝ်​လွင်ႈ​တၢင်း​ဢၼ် ယၢမ်ႈ​ပဵၼ်​မႃး​ယဝ်ႉ​ၸိူဝ်း​ၼၼ်ႉ မွၵ်ႇ​လၢတ်ႈ​တီႈ​သူ ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ယဝ်ႉ။ လွင်ႈ​တၢင်း ၸိူဝ်း​ၼၼ်ႉ ဢွၵ်ႇ​သေ​ၵႃႈ​တီႈ​သူပ်း​ၵဝ်​လႄႈ ၵဝ်​ႁႂ်ႈ​ငိၼ်း​ယဝ်ႉ။ ၵွပ်ႈ​ပိူဝ်ႈ​ဢၼ်​ၵဝ်​ၶီႉ​ၶႃႉ ႁဵတ်း​လွင်ႈ​တၢင်း​ၸိူဝ်း​ၼၼ်ႉ​လႄႈ လွင်ႈ​တၢင်း ၸိူဝ်း​ၼၼ်ႉ ပဵၼ်​မႃး​ဢေႃႈ။-</verse>
				<verse number="4">ၵွပ်ႈ​ပိူဝ်ႈ ဢၼ်​ၵဝ်​ႁူႉ​လွင်ႈ​ဢၼ် မႂ်း​မီး​ၸႂ်​သၽေႃး​ဢၼ်​ၵႅၼ်ႇ​ၶႅင်၊ ၶေႃး​တႅင်ႈ​လဵၵ်း၊ ၼႃႈ​ၽၢၵ်ႇ​တွင်း​လိူင်​လႄႈ၊-</verse>
				<verse number="5">ၵဝ်​မွၵ်ႇ​လၢတ်ႈ​ပၼ်​တီႈ​မႂ်း ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ယဝ်ႉ။ ၵဝ်​ၽုၺ်ႇ​ဢွၵ်ႇ​ၼႄ​ပျႃး​ၸႃႉ​ၸဵမ်​မိူဝ်ႈ ၸူဝ်ႈ​ဢၼ်​ဢမ်ႇ​ပႆႇ​ပဵၼ် ၼၼ်ႉ​ယဝ်ႉ။ ပိူဝ်ႈ​ၼႆ​လႄႈ မႂ်း​ဢမ်ႇ​မီး​ဢၶႂၢင်ႉ ဢၼ်​လႆႈ​လၢတ်ႈ​လႄႈ​ဝႃႈ၊ ရုၵ်ႈ​ထူႉ​ၵဝ်​ႁဵတ်း​လွင်ႈ​တၢင်း​ၸိူဝ်း​ၼၼ်ႉ​ယဝ်ႉ။ ရုၵ်ႈ​ထူႉ​ဢၼ်​ၵဝ် တွင်ႈ​ႁဵတ်း​ၶၵ်း​ႁဵတ်း၊ ရုၵ်ႈ​ထူႉ​ဢၼ်​ၵဝ်​သွၼ်း​ႁဵတ်း​လေႃႇ​ႁဵတ်း​ၼၼ်ႉ ၸီႇ​ယၢင်ႇ​လွင်ႈ​တၢင်း ၸိူဝ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="6">မႂ်း​လႆႈ​ငိၼ်း​ယဝ်ႉ။ လူ​တူၺ်း​လွင်ႈ​တၢင်း ၵူႈ​ၸိူဝ်ႉ​ၵူႈ​ပိူင်​ၼႆႉ​တႃႉ။ သူ​ယင်း​ဢမ်ႇ​မွၵ်ႇ​ထိုင်​လၢတ်ႈ​ထိုင် တီႈ​ပိူၼ်ႈ​လႄႈ တၵ်း​ဢွၼ်​ၵၼ် ယူႇ​ႁိုဝ်။ ၸႃႉ​ၸဵမ်​မိူဝ်ႈ​လဵဝ်​ၼႆႉ​လႄႈ ၵဝ်​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း​ဢၼ်​မႂ်ႇ၊ လွင်ႈ​တၢင်း​ဢၼ်​သိူင်ႇ​ဝႆႉ​လပ်ႉ​ဝႆႉ၊ လွင်ႈ​တၢင်း​ဢၼ်​မႂ်း ဢမ်ႇ​ပႆႇ​ႁူႉ​ၸိူဝ်း​ၼၼ်ႉ​ဢေႃႈ။-</verse>
				<verse number="7">လွင်ႈ​တၢင်း​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ် ၽၢၼ်ႇ​သၢင်း​ႁဵတ်း​ပဵၼ်​မိူဝ်ႈ​လဵဝ်​ၼႆႉ​ဢေႃႈ။ လႆႈ​ၶၢမ်ႇ​တၢင်း​ဢၼ်​ၽၢၼ်ႇ​သၢင်း​ႁဵတ်း​ပဵၼ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ဢမ်ႇ​ၸႂ်ႈ။ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​လႄႈ မႂ်း​ဢမ်ႇ​ပႆႇ​ယၢမ်ႈ​တွၼ်ႉ​ငိၼ်း။ ပိူဝ်ႈ​ၼႆ​လႄႈ မႂ်း​ဢမ်ႇ​မီး​ဢၶႂၢင်ႉ​ဢၼ်​လႆႈ​လၢတ်ႈ​လႄႈ​ဝႃႈ၊ ၵဝ်​ႁူႉ​ဝႆႉ​ထႃႈ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="8">မႂ်း​ဢမ်ႇ​တွၼ်ႉ​ငိၼ်း ဢမ်ႇ​တွၼ်ႉ​ႁူႉ။ ႁူ​မႂ်း​ဢမ်ႇ​တွၼ်ႉ​ၽုၺ်ႇ​တွၼ်ႉ​ပိုတ်ႇ ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ။ လွင်ႈ​မၼ်း​ၸမ်ႉ ၵဝ်​ႁူႉ​လွင်ႈ​ဢၼ်​မႂ်း သဵတ်ႈ​ၸႃႇ​တၵ်း​လူႉ​လႄႈ လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​လႄႈ​ဝႃႈ ၵေႃႉ​ဢၼ်​ပုင်ႇ​ၵၢၼ်ႇ၊ ဝႃႈ​ၼင်ႇ​ၼႆ​ၼၼ်ႉ ၸႃႉ​ၸဵမ်​မိူဝ်ႈ​ဢၼ် ၸႃႉ​ၵိူတ်ႇ​လဵင်ႉ​မႃး​ၼၼ်ႉ​ဢေႃႈ။-</verse>
				<verse number="9">ၵူၺ်း​ၵႃႈ ၵဝ်​တၵ်း​ၶျုၵ်ႈ​တၢင်း​ၸႂ်​မႆႈ​ၶႆႈ​ၸႃႉ​ၵဝ် ဝႆႉ​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်၊ ယိူၼ်ႉ​ၶၢမ်ႇ​ဢမူႉ​မႂ်း​ပုၼ်ႈ​ၵုင်ႇ​သရေႇ​ၵဝ် ႁႂ်ႈ​ၵဝ်​ဢမ်ႇ​လႆႈ​ပႄႇ​ၽဵဝ်ႈ မႂ်း​ပႅတ်ႈ​မူတ်း​မူတ်း​ဢေႃႈ။-</verse>
				<verse number="10">တူၺ်း​လူး၊ ၵဝ်​ၸႅတ်ႈ​ၶႃႇ​မႂ်း​မႃး​ယဝ်ႉ။ ၼႂ်း​ဝႃႈ​ၼၼ်​သေ​ၵေႃႈ ၸိူဝ်ႉ​ၼင်ႇ​ဢၼ် ၸႅတ်ႈ​ငိုၼ်း​ၶႃႇ​ငိုၼ်း​ၼၼ်ႉ​ဢမ်ႇ​ၸႂ်ႈ။ ၵဝ်​ၸၢမ်း​တူၺ်း​မႂ်း ၵႃႈ​ၼႂ်း​မိူင်း​တုၵ်ႉ​ၶႃႉ​မႃး​ယဝ်ႉ။-</verse>
				<verse number="11">ပုၼ်ႈ​တူဝ်​ၸဝ်ႈ​ၵဝ်ႇ​ၸိုင်၊ ၵဝ်​တၵ်း​ႁဵတ်း​လူး​ၵွၼ်ႇ​ဢေႃႈ။ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ၼႃႇ​မႃႉ​ၸိုဝ်ႈ​သဵင်​ၵဝ် တၵ်း​လႆႈ​ၶၢမ်ႇ​တၢင်း​ဢၼ် ၶျႃး​တူၵ်း​တီႈ​တႅမ်ႇ​ၼင်ႇ​ႁိုဝ်။ ၵဝ်​တၵ်း​ဢမ်ႇ​ဢဝ်​မုၼ်​ၵုင်ႇ​သရေႇ​ၵဝ်​ပၼ်​တီႈ​ပိူၼ်ႈ။</verse>
				<verse number="12">ယႃႇၵုပ်ႈ ​ဢိူၺ်း၊ ဢီႉသရေႇလႃႉ ​ဢၼ်​ၵဝ်​ႁွင်ႉ​ဢိူၺ်း၊ ထွမ်ႇ​ငိၼ်း​ၵႂၢမ်း​ၵဝ်​တႃႉ။ ၵဝ်​ပဵၼ်​မၼ်း​ၸဝ်ႈ​ဢေႃႈ။ ၵဝ်​ပဵၼ်​ၵေႃႉ​ဢၼ်​ဢွၼ်​တၢင်း​သုတ်း၊ ၵေႃႉ​ဢၼ်​လိုၼ်း​လင်​သုတ်း​ဢေႃႈ။-</verse>
				<verse number="13">မိုဝ်း​ၵဝ်​ၼႆႉ တႄႇ​ႁဵတ်း​ငဝ်ႈ​ႁၢၵ်ႈ​လိၼ်​မိူင်း​ယဝ်ႉ။ မိုဝ်း​ၶွၼ်​ၶႂႃ​ၵဝ်​ၼႆႉ ၶဵင်ႈ​မုင်း​ၽႃႉ​ၵၢင်​ႁၢဝ်​ယဝ်ႉ။ ၵဝ်​ႁွင်ႉ​ဢဝ်​ၶဝ်​လႄႈ ၶဝ်​ၼၼ်ႉ ပေႃႇ​ပဵၼ်​မႃး​ၽွမ်ႉ​မိူဝ်ႈ​လဵဝ်​ၵၼ်​ဢေႃႈ။-</verse>
				<verse number="14">သူ​ၵႃႈ​ဢၼ်​မီး​ၶဝ်​ဢိူၺ်း၊ ၸူႉ​ၵၼ်​တုမ်​ၵၼ်​လႄႈ​ထွမ်ႇ​ငိၼ်း​တႃႉ။ ၼႂ်း​ၶဝ်​ၼၼ်ႉ​ၽူႈ​လႂ်​မွၵ်ႇ​လၢတ်ႈ​လွင်ႈ​တၢင်း​ၸိူဝ်း​ၼႆႉ​ယဝ်ႉ။​ထႃႇဝရႃႉ​ၽြႃး ႁၵ်ႉ​ၵေႃႉ​ၼၼ်ႉ​လႄႈ မၼ်း​ၼၼ်ႉ​တၵ်း​ႁႂ်ႈ​ဢလူဝ်ႇ​မၼ်း​ၸဝ်ႈ ပျေႉ​ၸုမ်ႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ဢေႃႈ။ မိုဝ်း​မၼ်း​ၼၼ်ႉ​ၵေႃႈ တၵ်း​ႁွတ်ႈ​ထိုင်​ၵႃႈ​ၼိူဝ်​ၵူၼ်း​ ၶႃႇလတေး ​တင်း​လၢႆ​ဢေႃႈ။-</verse>
				<verse number="15">ၵဝ်​ၼႆႉ​ယဝ်ႉ၊ ၵဝ်​ၼႆႉ​ယဝ်ႉ မီး​ဢမိင်ႉ​ယဝ်ႉ​ယဝ်ႉ။ ၵဝ်​ႁွင်ႉ​ဢဝ်​မၼ်း​ၼၼ်ႉ ဢမၢၼ်ႇ​ၶၼ်​ပဵၼ်​ယဝ်ႉ။ ၵဝ်​ဢဝ်​မၼ်း​မႃး​ယဝ်ႉ။ မၼ်း​ႁႂ်ႈ​တၢင်း​ဢၼ်​မၼ်း​ၵႂႃႇ​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="16">သုတ်ႉ​ၸပ်း​သုတ်ႉ​ၸူး​တီႈ​ၵဝ်​လႄႈ ထွမ်ႇ​ငိၼ်း​ၵႂၢမ်း​ၼႆႉ​တႃႉ။ ၸႃႉ​ၸဵမ်​မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ​လႄႈ ၵဝ်​ဢမ်ႇ​တဵတ်ႇ​တဵတ်ႇ​မွၵ်ႇ​လၢတ်ႈ​ၸႃႉ​ၸဵမ်​မိူဝ်ႈ​ဢၼ် လွင်ႈ​တၢင်း​ၼၼ်ႉ​ၸႃႉ​ပဵၼ်​မႃး​ၼၼ်ႉ​လႄႈ ၵဝ်​မီး​ယူႇ​ဢေႃႈ။ မိူဝ်ႈ​လဵဝ်​ၼႆႉ ၸဝ်ႈ ထႃႇဝရႃႉ​ၽြႃး ဢိၵ်ႇ​တင်း​ဝီႉၺိၺ်ႇ မၼ်း​ၸဝ်ႈ​ၼၼ်ႉ ပွႆႇ​ၸႂ်ႉ​ၵဝ်​ဢေႃႈ။</verse>
				<verse number="17">ထႃႇဝရႃႉ​ၽြႃး ၸဝ်ႈ​ဢၼ်​ထုတ်ႇ​ဢဝ်​မႂ်း၊ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ မီး​ဢမိင်ႉ​ဝႆႉ​ၸမ်ႉ၊ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢၼ်​သင်ႇ​သွၼ်​ပၼ် လွင်ႈ​တၢင်း​ဢၼ်​ပွင်​ဢၵျူဝ်း​မႂ်း​လႄႈ ဢဝ်​မႂ်း​သူင်ႇ​ၵႃႈ​ၼႂ်း​သဵၼ်ႈ​တၢင်း​ဢၼ်​မႂ်း​ထုၵ်ႇ​ၵႂႃႇ ၼၼ်ႉ​ဢေႃႈ။-</verse>
				<verse number="18">သင်​မႂ်း​လႆႈ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၵဝ် တင်း​လၢႆ​ၸိုင်၊ ၵတ်း​ယဵၼ်​ၶျၢမ်း​သႃႇ​မႂ်း တၵ်း​ပဵၼ်​ၸိူဝ်ႉ​ၼင်ႇ​ၼမ်ႉ​ႁွင်ႈ​ၼမ်ႉ​ၵႄး​လႄႈ ပႃႇရမီႇ​တၢင်း​ဢၼ်​သိုဝ်ႈ​တေႃႇ​မႂ်း တၵ်း​ပဵၼ်​ၸိူဝ်ႉ​ၼင်ႇ လႅင်း​ၼမ်ႉ​ပိူပ်ႈ​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​ယဝ်ႉ။-</verse>
				<verse number="19">မဵဝ်း​ၸိူဝ်ႉ​ၶိူဝ်း​မႂ်း တၵ်း​ပဵၼ်​ၸိူဝ်ႉ​ၼင်ႇ မဵတ်ႉ​ႁိၼ်​မဵတ်ႉ​သၢႆး​လႄႈ လုၵ်ႈ​လၢင်း​ဢၼ်​ဢွၵ်ႇ​မႃး​ၵႃႈ​ၼႂ်း​တွင်ႉ​မႂ်း​ၸိူဝ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ မၢၵ်ႇ​ႁိၼ်​ႁႄႈ​ၼမ်ႉ သမ်ႇ​မုၵ်ႉ​တြႃႇ​ၼၼ်ႉ​ယဝ်ႉ။ ၼႃႇ​မႃႉ​ၸိုဝ်ႈ​သဵင်​မၼ်း​ၼၼ်ႉ ဢမ်ႇ​လႆႈ​ထၢတ်ႇ၊ ဢမ်ႇ​လႆႈ​လူႉ​လႆႈ​လႅဝ် သေ​ၵႃႈ​တီႈ​ၽၢႆႇ​ၼႃႈ​ၵဝ်​ယဝ်ႉ။-</verse>
				<verse number="20">သူ​ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ဝဵင်း​ ပႃႇပူႉလုၼ်ႇ ​တႃႉ။ ဢွၼ်​ၵၼ်​ဢွၵ်ႇ​ပၢႆႈ​သေ​ၵႃႈ​တီႈ​ၵူၼ်း​ ၶႃႇလတေး ​တင်း​လၢႆ​တႃႉ။ ဢွၼ်​ၵၼ်​ပႃး​တင်း​သဵင်​ႁဵတ်း​ၵႂၢမ်း​ဢၼ် ၸူမ်း​သိူဝ်း​ၼႃႇ​လူင်​လၢင်​လႄႈ ဢွၵ်ႇ​သူပ်း​ဝႃႈ​လွင်ႈ​ၼၼ်ႉ​ယူႇ၊ မွၵ်ႇ​လၢတ်ႈ​ယူႇ​သေ​လႄႈ ၵိဝ်​သဵင်​တေႃႇ​ထိုင်​ႁွတ်ႈ တီႈ​ႁိမ်း​လိၼ်​သုတ်း​ပုၼ်ႉ​တႃႉ။ ဢွၼ်​ၵၼ်​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး ထုတ်ႇ​ဢဝ်​ၶႃႈ​မၼ်း​ၸဝ်ႈ ယႃႇၵုပ်ႈ ​ၼၼ်ႉ ယဝ်ႉ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="21">ၶဝ်​ၼၼ်ႉ ဢမ်ႇ​လႆႈ​ဢိုပ်း​ၼမ်ႉ​ယၢၵ်ႇ​ၼမ်ႉ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ဢဝ်​ၶဝ်​သူင်ႇ​ၵႂႃႇ ၵႃႈ​ၼႂ်း​သဵၼ်ႈ​တၢင်း​ထိူၼ်ႇ​ၼၼ်ႉ​လႄႈ မၼ်း​ၸဝ်ႈ ႁႂ်ႈ​ၼမ်ႉ​ဢွၵ်ႇ​သေ ၵႃႈ​ၼႂ်း​မၢၵ်ႇ​ႁိၼ်​လႆ​မႃး​ပုၼ်ႈ​ၶဝ်​ဢေႃႈ။ မၼ်း​ၸဝ်ႈ​ၽႃႇ​မၢၵ်ႇ​ႁိၼ်​တႅၵ်ႇ​လႄႈ ၼမ်ႉ​ၽုတ်း​ဢွၵ်ႇ​မႃး​ဢေႃႈ။-</verse>
				<verse number="22">ၵတ်း​ယဵၼ်​ၶျၢမ်း​သႃႇ​ဢမ်ႇ​မီး​တီႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ လႃး​လႃး၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="49">
				<verse number="1">ၵုၼ်​ၼႂ်း​ၼမ်ႉ​ၶဝ်​ဢိူၺ်း၊ ဢွၼ်​ၵၼ်​ငိၼ်း​ၵႂၢမ်း​ၵဝ်​တႃႉ။ မဵဝ်း​ၵူၼ်း​ဢၼ်​ယူႇ​ၵႃႈ​တီႈ​ဢၼ်​ၵႆ​ၼႃႇ​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ထႃႇဝရႃႉ​ၽြႃး ႁွင်ႉ​ဢဝ်​ၵဝ်​ၸဵမ်​မိူဝ်ႈ​ဢၼ်​ၵဝ် ၸႃႉ​ၵိူတ်ႇ​လဵင်ႉ​မႃး ၼၼ်ႉ​လႄႈ မၼ်း​ၸဝ်ႈ​မၢတ်ႈ​မၢႆ​ၼႃႇ​မႃႉ​ၸိုဝ်ႈ​သဵင်​ၵဝ်​ဝႆႉ ၸႃႉ​ၸဵမ်​မိူဝ်ႈ​ၵႃႈ​ၼႂ်း​တွင်ႉ​မႄႈ​ၵဝ်​ၼၼ်ႉ​ဢေႃႈ။-</verse>
				<verse number="2">မၼ်း​ၸဝ်ႈ​ႁႂ်ႈ​သူပ်း​ၵဝ် ပဵၼ်​ၸိူဝ်ႉ​ၼင်ႇ​လၢပ်ႇ​ဢၼ်​ၽၢႆ​ၼၼ်ႉ​သေ​လႄႈ ဢဝ်​ၵဝ်​သိူင်ႇ​လပ်ႉ​ဝႆႉ ၵႃႈ​ၼႂ်း​ႁူမ်ႈ​ၵွင်ႉ​ငဝ်း​မိုဝ်း​မၼ်း​ၸဝ်ႈ ဢေႃႈ။ မၼ်း​ၸဝ်ႈ​ႁႂ်ႈ​ၵဝ်​ပဵၼ်​ပၢႆ​ပိုၼ်​ၵၢင်ႇ ဢၼ်​လပ်ႉ​သူၺ်း​မိုၼ်ႈ​လီ​ၼၼ်ႉ​လႄႈ ဢဝ်​ၵဝ်​သိူင်ႇ​မႅပ်ႉ​ဝႆႉ ၵႃႈ​ၼႂ်း​မူၵ်ႇ​ပိုၼ်​မၼ်း​ၸဝ်ႈ ဢေႃႈ။-</verse>
				<verse number="3">မၼ်း​ၸဝ်ႈ​မီး​ဢမိင်ႉ​တီႈ​ၵဝ်​လႄႈ​ဝႃႈ၊ ဢီႉသရေႇလႃႉ ​ဢိူၺ်း၊ မႂ်း​ပဵၼ်​ၶႃႈ​ၵဝ်​ဢေႃႈ။ မုၼ်​ၽုင်း​ၵဝ်​တၵ်း​ထၢင်ႇ​သႃး​ၵွပ်ႈ​ပိူဝ်ႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="4">ၵဝ်​ၵေႃႈ​လၢတ်ႈ​လႄႈ​ဝႃႈ၊ ယင်း​ဢမ်ႇ​မီး​ဢၵျူဝ်း​လႄႈ ၵဝ်​လႆႈ​သၢင်ႈ​ႁဵတ်း​ယဝ်ႉ။ ႁႅင်း​ၵဝ်​လႆႈ​သဵင်ႈ​လၢႆ​လၢႆ​လွၵ်ႇ​လွၵ်ႇ ဢမ်ႇ​ပွင်ႇ​လွင်ႈ​ၵႃႈ​သင်​ယဝ်ႉ။ ၵူၺ်း​ၵႃႈ ဢမူႉ​ၵဝ်​ၼႆႉ​မီး​ယူႇ​တီႈ ထႃႇဝရႃႉ​ၽြႃး​လႄႈ ၵႃႈ​ၶၼ်​ဢၼ်​ၵဝ်​လႆႈ​ၶၢမ်ႇ​ၵေႃႈ မီး​ယူႇ​ၵႃႈ​ၼႂ်း​မိုဝ်း ၽြႃး​ပဵၼ်​ၸဝ်ႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ထႃႇဝရႃႉ​ၽြႃး ဢၼ်​ႁဵတ်း​ၵဝ်​ပဵၼ်​မႃး ၸႃႉ​ၸဵမ်​မိူဝ်ႈ​ၵႃႈ​ၼႂ်း​တွင်ႉ​မႄႈ ႁႂ်ႈ​လႆႈ​ပဵၼ်​ၶႃႈ​မၼ်း​ၸဝ်ႈ ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​ဢဝ် မဵဝ်း​ ယႃႇၵုပ်ႈ သမ်ႉ​ၶိုၼ်း​မႃး​ၸူး​တီႈ​မၼ်း​ၸဝ်ႈ ႁႂ်ႈ​မဵဝ်း​ ဢီႉသရေႇလႃႉ မီး​တၢင်း​ဢၼ်​ၸူႉ​ၵၼ်​တုမ်​ၵၼ် တီႈ​မၼ်း​ၸဝ်ႈ ဢိၵ်ႇ​တင်း လွင်ႈ​ၼင်ႇ​ႁိုဝ် ၵဝ်​တၵ်း​မီး​သရေႇ​သိုဝ်ႈ​ၼႃႈ​တႂ်ႈ​တႃ ထႃႇဝရႃႉ​ၽြႃး​လႄႈ ၽြႃး​ပဵၼ်​ၸဝ်ႈ ၵဝ်​တၵ်း​ပဵၼ် ႁႅင်း​တၼ်း​ၶူဝ်း​ၵဝ်​ၼၼ်ႉ မီး​ဢမိင်ႉ​ဝႆႉ​ၸမ်ႉ၊-</verse>
				<verse number="6">လွင်ႈ​တၢင်း​ဢၼ် မႂ်း​ပဵၼ်​ၶႃႈ​ၵဝ် ႁႂ်ႈ​လႆႈ​ယုၵ်ႉ​ယွင်ႈ​မဵဝ်း​ ယႃႇၵုပ်ႈ ၵူႈ​မဵဝ်း​လႄႈ​ႁႂ်ႈ​မဵဝ်း​ ဢီႉသရေႇလႃႉ ဢၼ်​လွတ်ႈ​ၽေး​လွတ်ႈ​ရၢၼ်ႇ လႆႈ​ပဵၼ်​ၸိူဝ်ႉ​ၼင်ႇ ပၵ်း​ၵဝ်ႇ​ပိူင်​ၵဝ်ႇ​ၼၼ်ႉ​ၸိုင် ပဵၼ်​လွင်ႈ​တၢင်း​ဢၼ်​လဵၵ်ႉ​ဢၼ်​ဢွၼ်ႇ​ဢေႃႈ။ လိူဝ်​တွၼ်း​သေ​လွင်ႈ​တၢင်း​ၼၼ်ႉ ဢမ်ႇ​ၵႃး၊ ၵဝ်​ၶၢၼ်း​မႂ်း​ဝႆႉ​ပုၼ်ႈ​ဢၼ်​တၵ်း​ပဵၼ် ဢၼ်​လႅင်း​တီႈ​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ႁႂ်ႈ​မႂ်း​လႆႈ​ႁဵတ်း​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ် ၵဝ် တေႃႇ​ထိုင်​ႁွတ်ႈ​တီႈ​လႅၼ်​သုတ်း​လိၼ်​မိူင်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ထႃႇဝရႃႉ​ၽြႃး ၸဝ်ႈ​ဢၼ်​ထုတ်ႇ​ဢဝ် မဵဝ်း​ ဢီႉသရေႇလႃႉ ၊ ၸဝ်ႈ​ဢၼ် မူတ်း​ၸၢင်ႇ​မဵဝ်း​ၶဝ်​ၼၼ်ႉ မီး​ဢမိင်ႉ​ဝႆႉ တီႈ​ၵေႃႉ​ဢၼ် ၵူၼ်း​တင်း​လၢႆ​ႁဵတ်း​ဢမ်ႇ​ပေႃး​ၼင်ႇ​ႁိုဝ်။ ဢၼ်​ပဵၼ်​တီႈ​ဢၼ်​မိူင်း​တင်း​မိူင်း လီ​ႁင်ႈ​ဢဵတ်ႇ​သဵတ်ႇ၊ ဢၼ်​လႆႈ​ၶၢမ်ႇ​ႁဵတ်း​ၶႃႈ တီႈ​ၶုၼ် တင်း​လၢႆ​ၼၼ်ႉ​ၸမ်ႉ၊ ၵွပ်ႈ​ပိူဝ်ႈ ထႃႇဝရႃႉ​ၽြႃး ဢၼ်​မီး​သဵတ်ႈ​ၸႃႇ၊ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ဢၼ်​လိူၵ်ႈ​ၵဵပ်း​ဢဝ်​မႂ်း ၼၼ်ႉ​လႄႈ ၶုၼ်​ႁေႃ​ၶမ်း တင်း​လၢႆ​တၵ်း​ႁၼ်​လႄႈ ဢွၼ်​ၵၼ်​လုၵ်ႉ​ဢေႃႈ။ ၶုၼ်​တင်း​လၢႆ​ၵေႃႈ​တၵ်း​ႁၼ်​လႄႈ ဢွၼ်​ၵၼ် ၵူဝ်း​ၵႂၢႆႇ​ဢေႃႈ။-</verse>
				<verse number="8">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၵဝ်​ထွမ်ႇ​ဢဝ်​ၵႂၢမ်း​မႂ်း ၼႂ်း​ၶိင်ႇ​ၵႃႇလႃႉ​ဢၼ်​လီ ထုၵ်ႇ​ၸႂ်​ၵျိူၵ်ႈ​ၸႂ် ၼၼ်ႉ​လႄႈ ၵဝ်​ၸွႆႈ​ထႅမ်​မႂ်း​ယူႇ ၼႂ်း​မိုဝ်ႉ​ဝၼ်း​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ် ၼၼ်ႉ​ယဝ်ႉ။ ၵဝ်​တၵ်း​ပႂ်ႉ​လူ​ပႂ်ႉ​တူၺ်း​မႂ်း​လႄႈ ၶၢၼ်း​မႂ်း​ဝႆႉ​ပုၼ်ႈ​ဢၼ်​တၵ်း​ႁဵတ်း ပတီႉၺိၺ်ႇ​တြႃး တီႈ​ၵူၼ်း​တင်း​လၢႆ ႁႂ်ႈ​မႂ်း​လႆႈ​ပွင်​ႁဵတ်း​ပွင်​မႄး​မိူင်း​ၸဝ်ႈ​ယူႇ သေ​လႄႈ ႁႂ်ႈ​ၶဝ်​လႆႈ​ၶၢမ်ႇ​ဢဝ်​ဢမူၺ်ႇ တီႈ​ဢမူၺ်ႇ​ဢၼ်​သဵတ်ႇ​ဢၼ်​ယဵၼ် ၸိူဝ်း​ၼၼ်ႉ၊-</verse>
				<verse number="9">ဢိၵ်ႇ​တင်း ႁႂ်ႈ​လႆႈ​လၢတ်ႈ​တီႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ၼၼ်ႉ​လႄႈ​ဝႃႈ၊ ဢွၵ်ႇ​မႃး​တႃႉ၊ ဝႃႈ​ၼင်ႇ​ၼႆ​လႄႈ လၢတ်ႈ​တီႈ ၶဝ်​ၸိူဝ်း​ဢၼ် ယူႇ​ၼႂ်း​ဢၼ်​လပ်း​သိင်ႇ​ၼၼ်ႉ​လႄႈ​ဝႃႈ၊ ဢဝ်​ႁႂ်ႈ​တူဝ်​သူ​ပေႃႇ​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ ၶဝ်​ၼၼ်ႉ တၵ်း​လႆႈ​ၵိၼ်​ၸွမ်း​တႃႈ​ၸွမ်း​တၢင်း​လႄႈ ထူပ်း​တီႈ​ၵိၼ်​ၵႃႈ​ၼိူဝ် တီႈ​ဢၼ်​သုင်​ဢၼ်​ႁႅင်ႈ​ဢၼ်​ႁွင် တင်း​သဵင်ႈ​တင်း​လူင်​ဢေႃႈ။-</verse>
				<verse number="10">ၶဝ်​ၼၼ်ႉ​ဢမ်ႇ​လႆႈ​ဢိုပ်း တၢင်း​ၵိၼ်​တၢင်း​ၶူပ်း။ ဢမ်ႇ​လႆႈ​ယၢၵ်ႇ​ၼမ်ႉ​ယၢၵ်ႇ​ၼၢႆး။ ဢမ်ႇ​လႆႈ​ၶၢမ်ႇ​ဢၼ်​မႆႈ​ဢၼ်​ႁွၼ်ႉ။ ဢရွင်ႇ​သၢႆ​ၵၢင်​ဝၼ်း ဢမ်ႇ​လႆႈ​တိူဝ်ႉ​ဢမ်ႇ​လႆႈ​ထုၵ်ႇ။ လွင်ႈ​မၼ်း​ၸမ်ႉ ၸဝ်ႈ​ဢၼ်​ဢဵတ်း​လူ​ၶဝ်​ၼၼ်ႉ တၵ်း​ဢဝ်​ၶဝ်​သူင်ႇ​ၵႂႃႇ​လႄႈ ၼႄ​ပၼ်​သဵၼ်ႈ​တၢင်း ၵႃႈ​တီႈ ႁိမ်း​ၼမ်ႉ​ဢွၵ်ႇ​ႁူး​တင်း​လၢႆ​ဢေႃႈ။-</verse>
				<verse number="11">ၵဝ်​တၵ်း​ႁႂ်ႈ​လွႆ​ၵဝ် ၵႃႈ​မီး​ပဵၼ်​သဵၼ်ႈ​တၢင်း​ဢၼ်​တၵ်း​ၵႂႃႇ​လႄႈ တႅၼ်ႈ​လိၼ်​ၵဝ်​တင်း​လၢႆ​ၵေႃႈ တၵ်း​လႆႈ​သုင်​ဢေႃႈ။-</verse>
				<verse number="12">တူၺ်း​လူး၊ ၶဝ်​ၸိူဝ်း​ၼႆႉ တၵ်း​လုၵ်ႉ​သေ​ၵႃႈ​တီႈ​ဢၼ်​ၵႆ​ပုၼ်ႉ​မႃး​ဢေႃႈ။ တူၺ်း​လူး၊ ၶဝ်​ၸိူဝ်း​ၼၼ်ႉ တၵ်း​လုၵ်ႉ​သေ​ၵႃႈ​တီႈ​ၼႃႈ​တၢင်း​ႁွင်ႇ ဢိၵ်ႇ​တင်း​ၵႃႈ​တီႈ​ၼႃႈ​ဝၼ်း​တူၵ်း​မႃး​ဢေႃႈ။ ၶဝ်​ၸိူဝ်း​ၼၼ်ႉ​ၵေႃႈ တၵ်း​လုၵ်ႉ​သေ​ၵႃႈ​တီႈ​မိူင်း သီႉၼိမ်ႇ ​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၽႃႉ​ၵၢင်​ႁၢဝ်​ဢိူၺ်း၊ ႁဵတ်း​ၵႂၢမ်း​တႃႉ။ လိၼ်​မိူင်း​ဢိူၺ်း၊ မီး​တၢင်း​ဢၼ်​ၸူမ်း​သိူဝ်း​တႃႉ။ လွႆ​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ႁဵတ်း​ၵႂၢမ်း​ဢၼ်​သႂၢင်ႇ​သိူဝ်း​တႃႉ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ႁႂ်ႈ​ၵူၼ်း​မၼ်း​ၸဝ်ႈ​တင်း​လၢႆ သၢၵ်ႈ​သႃႇ​လႄႈ တၵ်း​ဢဵတ်း​လူ​ၵူၼ်း​မၼ်း​ၸဝ်ႈ ဢၼ်​လႆႈ​ၶၢမ်ႇ​တုၵ်ႉ​ၶႃႉ တၢင်း​ၽၢၼ်​ၸိူဝ်း​ၼၼ်ႉ​ဢေႃႈ။-</verse>
				<verse number="14">ၸီႉဢုၼ်ႇ ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး ၸုၼ်ႉ​ပႅတ်ႈ​ၵဝ်​ယဝ်ႉ။ ၸဝ်ႈ​ၽြႃး​လူင်​လိုမ်း​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မႄႈ​ယိင်း​တၵ်း​လူင်​လိုမ်း လုၵ်ႈ​ဢွၼ်ႇ​ၵိၼ်​ၼူမ်း​မၼ်း​ယူႇ တေႃႇ​ထိုင်​ႁွတ်ႈ​ထၼ်ႈ​ပေႃး​ဢမ်ႇ​ဢဵတ်း​လူ လုၵ်ႈ​လၢင်း​ဢၼ်​မၼ်း​ၵိူတ်ႇ​လဵင်ႉ​မႃး​ၼၼ်ႉ​လႆႈ​ႁိုဝ်။ ၸႂ်ႈ​ယဝ်ႉ။ မၼ်း​လူင်​လိုမ်း​လႆႈ​ယူႇ ဢမၢၼ်ႇ​ၶၼ်​ပဵၼ်​ဢေႃႈ။ ၵူၺ်း​ၵႃႈ​ၵဝ်​တၵ်း​ဢမ်ႇ​လူင်​လိုမ်း​မႂ်း။-</verse>
				<verse number="16">တူၺ်း​လူး၊ ၵဝ်​ဢဝ်​မႂ်း​သမ်ႉ​သႂ်ႇ​ဝႆႉ ၵႃႈ​ၼႂ်း​ၽႃႇ​မိုဝ်း​ၵဝ်​ယဝ်ႉ​ယဝ်ႉ။ လမ်း​ဝဵင်း​မႂ်း​ၼၼ်ႉ မီး​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​တႃႇ​သေႇ​ဢေႃႈ။-</verse>
				<verse number="17">လုၵ်ႈ​လၢင်း​မႂ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​ႁဵတ်း ၶၼ်​ၶၼ်​ၽႂ်း​ၽႂ်း​လႄႈ ၶဝ်​ၸိူဝ်း​ဢၼ်​ယႃႉ​ပႅတ်ႈ​မႂ်း၊ ၶဝ်​ၸိူဝ်း​ဢၼ်​ႁိမ်​ဢဝ် ႁူင်ႇ​ဢဝ်​မႂ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​ဢွၵ်ႇ​သေ ၵႃႈ​တီႈ​မႂ်း​ၵႂႃႇ​ဢေႃႈ။-</verse>
				<verse number="18">ႁႅၼ်​မၢၵ်ႇ​တႃ​မႂ်း​ၸူး​ၵူႈ​တီႈ​ၵူႈ​လႅၼ်​လႄႈ​တူၺ်း​တႃႉ။ ၶဝ်​တင်း​သဵင်ႈ​တင်း​လူင်​ၸိူဝ်း​ၼႆႉ ၸူႉ​ၵၼ်​တုမ်​ၵၼ်​လႄႈ မႃး​ၵႃႈ​တီႈ​မႂ်း ဢေႃႈ။ ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၵႃႈ​ၼင်ႇ​ဢၼ်​ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ မႂ်း​တၵ်း​ဢဝ်​ၶဝ်​ၼုင်ႈ​မႆ မိူၼ်​ၸိူဝ်ႉ​ၼင်ႇ​ဢၼ် ဢဝ်​ၶူဝ်း​ၼုင်ႈ​ဢၼ်​ႁၢင်ႈ​လီ​ၼၼ်ႉ​ၼုင်ႈ​မႆ​ၼၼ်ႉ​လႄႈ ဢဝ်​ၶဝ်​ႁၢင်ႈ​ၶိူင်ႈ​မိူၼ်​ၸိူဝ်ႉ​ၼင်ႇ​ဢၼ် လုၵ်ႈ​ယိင်း​ဢၼ်​သွင်ႇ​မင်ႇၵလႃႇ​ၼၼ်ႉ ႁဵတ်း​ၼၼ်ႉ​ဢေႃႈ။-</verse>
				<verse number="19">တီႈ​ဢၼ်​ႁၢမ်း​ၵႂႃႇ​မႂ်း၊ တီႈ​ဢၼ်​သဵတ်ႇ​ၵူၼ်း​ယဵၼ်​ၵူၼ်း​မႂ်း၊ မိူင်း​ဢၼ်​လူႉ​လႅဝ်​မႂ်း​ၸိူဝ်း​ၼၼ်ႉ​ၸမ်ႉ၊ မႂ်း​တၵ်း​မီး​တၢင်း​ဢၼ်​ၵိတ်ႇ​ဢၼ်​ၵႅပ်ႈ ၵွပ်ႈ​ပိူဝ်ႈ​ဢၼ်​ၵေႃႉ​ဢၼ်​ယူႇ မီး​ၼမ်​ၼႃႇ​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​ဢိုၼ်​ၵိၼ်​မႂ်း​ပႅတ်ႈ​ၼၼ်ႉ ၵေႃႈ​တၵ်း​မီး​တီႈ​ဢၼ်​ၵႆ ဢေႃႈ။-</verse>
				<verse number="20">လုၵ်ႈ​လၢင်း​မႂ်း ဢၼ်​ဢမ်ႇ​ပႆႇ​မီး​လုၵ်ႈ​မီး​လၢင်း​ၼၼ်ႉ ၸိူဝ်း​ၼၼ်ႉ တၵ်း​လၢတ်ႈ​ထိုင်​ႁူ​မႂ်း​လႄႈ​ဝႃႈ၊ တီႈ​ယူႇ​တီႈ​သဝ်း​ပဵၼ်​ဢၼ်​ၵိတ်ႇ​ဢၼ်​ၵႅပ်ႈ​ၶႃႈ​ဢေႃႈ။ ၶႅၼ်း​တေႃႈ​ပၼ်​တီႈ​ဢၼ်​တၵ်း​ယူႇ​တၵ်း​သဝ်း သေ​ၵမ်း​ၶႃႈ၊ ဝႃႈ​ၼင်ႇ​ၼႆ​လူး​ၵွၼ်ႇ​ဢေႃႈ။-</verse>
				<verse number="21">မိူဝ်ႈ​ၼၼ်ႉ မႂ်း​တၵ်း​ထၢင်ႇ​ၼႂ်း​ၸႂ်​မႂ်း​လႄႈ​ဝႃႈ၊ ၽူႈ​လႂ်​ႁႂ်ႈ​ၶဝ်​ၼႆႉ​ပဵၼ်​မႃး​တီႈ​ၵဝ်။ ၵဝ်​ပဵၼ်​ၵေႃႉ​ဢၼ်​ၽၢၼ်​လုၵ်ႈ​ၽၢၼ်​လၢင်း၊ ၵေႃႉ​ဢၼ်​လႆႈ​ယူႇ​တူဝ်​လဵဝ်​ၶိင်း​လဵဝ်​ၵူၺ်း၊ ၵေႃႉ​ဢၼ်​လႆႈ​ယူႇ​တၢင်ႇ​သိုင်ႇ​တၢင်ႇ​မိူင်း၊ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႅတ်ႈ​ယူႇ​လႄႈ ၽူႈ​လႂ်​ႁႂ်ႈ​ၶဝ်​ၼႆႉ​ပဵၼ်​မႃး။ တူၺ်း​လူး၊ ၵဝ်​ၼႆႉ​ယူႇ​ၵေႃႉ​လဵဝ်​ၵူၺ်း​လႄႈ ၶဝ်​ၼႆႉ​လုၵ်ႉ​ၵႃႈ​တီႈ​လႂ်​မႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ တူၺ်း​လူး၊ ၵဝ်​တၵ်း​ယုၵ်ႉ​မိုဝ်း​ၵဝ်​ၸူး တီႈ​ၵူၼ်း​ၵူႈ​သိုင်ႇ​ၵူႈ​မိူင်း​လႄႈ ပူၵ်း​လၢမ်ႇ​ၵဝ်​တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢေႃႈ။ ၶဝ်​ၼၼ်ႉ တၵ်း​ႁွပ်ႇ​ဢဝ်​ဢုမ်ႈ​ဢဝ် လုၵ်ႈ​ၸၢႆး​မႂ်း​တင်း​လၢႆ​ဝႆႉ ၵႃႈ​ၼႂ်း​ဝၢင်ႈ​ႁူဝ်​ဢူၵ်း​ၶဝ်​ယူႇ၊ ဢဝ်​လုၵ်ႈ​ယိင်း​မႂ်း တင်း​လၢႆ တၢင်ႇ​သႂ်ႇ​ၵႃႈ​ၼိူဝ်​ႁူဝ်​မႃႇ​ၶဝ်​ယူႇ​သေ​လႄႈ တၵ်း​ဢွၼ်​ၵၼ်​ဢဝ်​မႃး​ဢေႃႈ။-</verse>
				<verse number="23">ၶုၼ်​ႁေႃ​ၶမ်း​တင်း​လၢႆ တၵ်း​ပဵၼ်​ပေႃႈ​လဵင်ႉ​ပေႃႈ​ထိင်း​မႂ်း၊ ၼၢင်း​ႁေႃ​ၶမ်း​ၶဝ်​တင်း​လၢႆ တၵ်း​ပဵၼ်​မႄႈ​ဢၼ်​ၵဵပ်း​မႂ်း​လဵင်ႉ​ဝႆႉ​ဢေႃႈ။​ၶဝ်​ၼၼ်ႉ​တၵ်း​ဢွၼ်​ၵၼ်​ၵူမ်ႈ​ႁူဝ် ၶုပ်ႉ​မူပ်ႇ​ဢဝ်​ၼႃႈ​ၶဝ်​ငူပ်ႉ​လိၼ် ၵႃႈ​တီႈ​ၽၢႆႇ​ၼႃႈ​မႂ်း​လႄႈ လေး​ၵိၼ်​မုၼ်ႈ​လိၼ် ၵႃႈ​တီႈ​တိၼ်​မႂ်း​ဢေႃႈ။ မႂ်း​တၵ်း​လႆႈ​ႁူႉ​လွင်ႈ​ဢၼ်​ၵဝ် ပဵၼ်​ထႃႇဝရႃႉ​ၽြႃး ဢိၵ်ႇ​တင်း လွင်ႈ​ဢၼ် ၶဝ်​ၸိူဝ်း​ဢၼ်​မုင်ႈ​မွင်း​ၵဝ်​ယူႇ​ၼၼ်ႉ ဢမ်ႇ​လႆႈ​မီး​တၢင်း​ဢၼ် ဢူၵ်း​ဢၼ်​ဢၢႆ​ၼၼ်ႉ​ဢေႃႈ။-</verse>
				<verse number="24">တၵ်း​လႆႈ​ဢဝ် ဢုၵ်ႉ​ၸႃႇ​ဢၼ်​ႁိမ်​ဢဝ်​လႆႈ​ၼၼ်ႉ ဢွၵ်ႇ​သေ​ၵႃႈ​ၼႂ်း​မိုဝ်း​ၵေႃႉ​ဢၼ် ႁႅင်း​ယႂ်ႇ​ၼၼ်ႉ​ႁိုဝ်။ တၵ်း​လႆႈ​ၼုၵ်ႈ​ဢဝ်​ၶဝ်​ၸိူဝ်း​ဢၼ် ၵေႃႉ​ဢၼ်​တြႃး​ၼၼ်ႉ သိမ်း​ဢဝ်​ၵႂႃႇ​ၼၼ်ႉ​ႁိုဝ်။-</verse>
				<verse number="25">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၶဝ်​ၸိူဝ်း​ဢၼ် ၵေႃႉ​ဢၼ်​ႁႅင်း​ယႂ်ႇ​ၼၼ်ႉ သိမ်း​ဢဝ်​ၵႂႃႇ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ဢဝ်​လွတ်ႈ​ဢမၢၼ်ႇ​ၶၼ်​ပဵၼ်​လႄႈ ဢုၵ်ႉ​ၸႃႇ ဢၼ်​ၵေႃႉ​ဢၼ်​လီ​ၵူဝ်​လီ​ႁႄ​ၼႃႇ​ၼၼ်ႉ ႁိမ်​ဢဝ်​လႆႈ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၼုၵ်ႈ​ဢဝ်​ဢွၵ်ႇ ဢေႃႈ။ ၵဝ်​တၵ်း​ၽိတ်း​ၵၼ်​တင်း​ၵေႃႉ​ဢၼ် ၽိတ်း​ၵၼ်​တင်း​မႂ်း​ၼၼ်ႉ​လႄႈ ၵႄႇ​သႄႇ​ၶျွတ်ႈ​ဢဝ်​လုၵ်ႈ​မႂ်း​လၢင်း​မႂ်း​ဢေႃႈ။-</verse>
				<verse number="26">ၵဝ်​တၵ်း​ဢဝ်​ၼိူဝ်ႉ​ၶဝ်​ၸိူဝ်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​မႂ်း​ၼၼ်ႉ ၶိုၼ်း​လဵင်ႉ​ပၼ်​ၶဝ်​လႄႈ ၶဝ်​ၼၼ်ႉ​တၵ်း​လႆႈ​မဝ်း​လဝ်ႈ လူၺ်ႈ​လိူတ်ႈ​တူဝ်​ၸဝ်ႈ​ၵဝ်ႇ မိူၼ်​ၸိူဝ်ႉ​ၼင်ႇ​ဢၼ်​မဝ်း​လဝ်ႈ လူၺ်ႈ​ၼမ်ႉ​ၸပိတ်ႈ​ဢၼ်​ဝၢၼ်​ၼၼ်ႉ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ လႄႈ ၵူၼ်း​သတ်ႉတဝႃႇ တင်း​သဵင်ႈ​တင်း​လူင် တၵ်း​လႆႈ​ႁူႉ​လွင်ႈ​ဢၼ်​ၵဝ် ထႃႇဝရႃႉ​ၽြႃး​ၼႆႉ ပဵၼ်​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​မႂ်း၊ ၸဝ်ႈ​ဢၼ်​ထုတ်ႇ​ဢဝ်​မႂ်း၊ ၽြႃး​ဢၼ်​တၼ်း​ၶူဝ်း​ယႂ်ႇ တီႈ​မဵဝ်း​ ယႃႇၵုပ်ႈ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="50">
				<verse number="1">ထႃႇဝရႃႉ​ၽြႃး​မီး​ဢမိင်ႉ​ဝႆႉ​ၸမ်ႉ၊ လိၵ်ႈ​ဢၼ်​ပုတ်း​ဢၼ်​ၶၢတ်ႇ​မႄႈ​သူ ဢၼ်​ၵဝ်​ပွႆႇ​ပႅတ်ႈ​ၼၼ်ႉ​မီး​ၵႃႈ​လႂ်။ ၵဝ်​ဢဝ်​သူ​ၶၢႆ​တေႃႇ ၸဝ်ႈ​ၼီႈ​ၵဝ်​ၵေႃႉ​လႂ်။ တူၺ်း​လူး၊ သူ​လႆႈ​ၶၢမ်ႇ​ႁဵတ်း​ၶႃႈ ၵွပ်ႈ​ပိူဝ်ႈ​တူႉ​ၸရိူၵ်ႈ​ဢၼ်​သူ​ႁဵတ်း​ၸိူဝ်း​ၼၼ်ႉ​လႄႈ မႄႈ​သူ​လႆႈ​ၶၢမ်ႇ​တၢင်း​ဢၼ် ပွႆႇ​ပႅတ်ႈ​ၵွပ်ႈ​ပိူဝ်ႈ ဢပႅတ်ႈ​သူ​ၸိူဝ်း​ၼၼ်ႉ​ဢေႃႈ။-</verse>
				<verse number="2">မိူဝ်ႈ​ဢၼ်​ၵဝ်​မႃး​ၼၼ်ႉ၊ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ဢမ်ႇ​မီး​ၵူၼ်း။ မိူဝ်ႈ​ဢၼ်​ၵဝ်​ႁွင်ႉ​ၼၼ်ႉ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ဢမ်ႇ​မီး​ၵေႃႉ​ဢၼ်​ဢိူဝ်။ မိုဝ်း​ၵဝ်​ၼႆႉ​ပွတ်း​ထၼ်ႈ​ပေႃး​ဢမ်ႇ​ထုတ်ႇ​ဢဝ်​လႆႈ​ႁိုဝ်။ ၵဝ်​ဢမ်ႇ​မီး​တၼ်း​ၶူဝ်း​ဢၼ် ၵႄႇ​သႄႇ​ၶျွတ်ႈ​ဢဝ်​လႆႈ​ႁိုဝ်။ တူၺ်း​လူး​ၵဝ်​သုင်း​မႃႉ သေ​လႄႈ ႁႂ်ႈ​ၼမ်ႉ​ပၢင်ႇ​လၢႆႇ​ယူတ်း​ႁႅင်ႈ​ၵႂႃႇ​ဢေႃႈ။ ၵဝ်​ႁႂ်ႈ​ၼမ်ႉ​ႁွင်ႈ​ၼမ်ႉ​ၵႄး​တင်း​လၢႆ ပဵၼ်​လိၼ်​ပဝ်ႇ​လိၼ်​လၢပ်ႈ​လႄႈ ပႃ​တင်း​လၢႆ​မဵၼ်​တူႇ​ၵႂႃႇ ၵွပ်ႈ​ပိူဝ်ႈ​ဢၼ်​ၼမ်ႉ​ဢမ်ႇ​မီး​ၼၼ်ႉ​ဢေႃႈ။-</verse>
				<verse number="3">ၶဝ်​ဢိုပ်း​ၼမ်ႉ​လႄႈ​တၢႆ​ဢေႃႈ။ ၵဝ်​ဢဝ်​ဢၼ်​လမ်​ၼုင်ႈ​ပၼ် ၽႃႉ​ၵၢင်​ႁၢဝ်​လႄႈ ဢဝ်​ၼင်​ပေႃ​ႁဵတ်း​ၶူဝ်း​ဢၼ်​ႁူမ်ႇ​ပၼ်​ၶဝ်​ဢေႃႈ။</verse>
				<verse number="4">ၸဝ်ႈ​ထႃႇဝရႃႉ​ၽြႃး ဢဝ်​တၢင်း​ၵတ်ႉ​တၢင်း​ၶၼ် သူပ်း​ၵူၼ်း​မေႃ​ပၼ်​တီႈ​ၵဝ်​ႁႂ်ႈ​ၵဝ်​လႆႈ​ၸၢင်ႈ​မေႃ​လူၺ်ႈ​လွင်ႈ ဢၼ်​တၵ်း​လၢတ်ႈ​ၵႂၢမ်း​သေ​လႄႈ ၸွႆႈ​ထႅမ်​မႃႉ​ၸႃႉ​ၶဝ်​ၸိူဝ်း​ဢၼ်​ယၢပ်ႇ​ၸႂ်​ၶၢၼ်​ၸႂ်​ယဝ်ႉ။ မၼ်း​ၸဝ်ႈ​ပူၵ်း​ၵဝ်​တိုၼ်ႇ ၸွမ်း​ၵႃႈ​ၼင်ႇ​ဢၼ်​ၵၢင်​ၼႂ် ၸႅၼ်ႇ​တၢမ်း ၵၼ်​ၼၼ်ႉ​လႄႈ မၼ်း​ၸဝ်ႈ​တိုၵ်း​ယူင်း​ႁူ​ၵဝ် ႁႂ်ႈ​လႆႈ​ထွမ်ႇ​ဢဝ်​ၸိူဝ်ႉ​ၼင်ႇ ၵေႃႉ​ဢၼ် ၶၢမ်ႇ​တၢင်း​ဢၼ်​သွၼ်​ဢဝ်​လိၵ်ႈ​ၼၼ်ႉ​ဢေႃႈ။-</verse>
				<verse number="5">ၸဝ်ႈ​ထႃႇဝရႃႉ​ၽြႃး ၽုၺ်ႇ​ပိုတ်ႇ​ႁူ​ၵဝ်​လႄႈ ၵဝ်​ၵေႃႈ​ဢမ်ႇ​တွပ်ႇ​ဢမ်ႇ​ထဵင်။ ၵဝ်​ဢမ်ႇ​သုတ်ႉ​ၶိုၼ်း​တၢင်း​လင်။-</verse>
				<verse number="6">ၵဝ်​ဢဝ်​လင်​ၵဝ် ဢၢပ်ႈ​ပၼ်​တီႈ​ၶဝ်​ၸိူဝ်း​ဢၼ် ပေႃႉ​ယႅၼ်ႉ​ၼၼ်ႉ​လႄႈ ဢဝ်​ၵႅမ်ႈ​ၵဝ်​ဢၢပ်ႈ​ပၼ်​တီႈ​ၶဝ်​ၸိူဝ်း​ဢၼ် ၸၵ်ႉ​ထူၺ်ႈ ယႅမ်​သီႈ​မႅပ်ႉ​ၼၼ်ႉ​ဢေႃႈ။ ၵဝ်​ဢမ်ႇ​ဝၢႆႇ​ၼႃႈ​ၵဝ်​ပႅတ်ႈ​သေ ၵႃႈ​တီႈ​တၢင်း​ဢၼ်​ယႃႉ​သရေႇ​ဢိၵ်ႇ​တင်း တၢင်း​ဢၼ်​ထူမ်ႇ​ၼမ်ႉ​လၢႆး​သႂ်ႇ​ၼၼ်ႉ။-</verse>
				<verse number="7">ၸဝ်ႈ​ထႃႇဝရႃႉ​ၽြႃး တၵ်း​ပႂ်ႉ​ၸွႆႈ​ပႂ်ႉ​ထႅမ်​ၵဝ်​ယူႇ​ဢေႃႈ။ ပိူဝ်ႈ​ၼႆ​လႄႈ ၵဝ်​ဢမ်ႇ​လႆႈ​ၶၢမ်ႇ​တၢင်း​ဢၼ်​သုမ်း​လႄႈ ၵဝ်​ဝၢႆႇ​ၼႃႈ​ၵဝ်​ယူႇ မိူၼ်​ၸိူဝ်ႉ​ၼင်ႇ မၢၵ်ႇ​ႁိၼ်​ပၢႆႇ​ၽႆး​ၼၼ်ႉ​လႄႈ ၵဝ်​ႁူႉ​လွင်ႈ​ဢၼ်​ၵဝ်​ဢမ်ႇ​လႆႈ​ႁွတ်ႈ​ထိုင် တၢင်း​ဢၼ်​ဢူၵ်း​ဢၼ်​ဢၢႆ​ၼၼ်ႉ​ယူႇ​ဢေႃႈ။-</verse>
				<verse number="8">ၵေႃႉ​ဢၼ်​ပွႆႇ​ဢပႅတ်ႈ​ၵဝ်​လွတ်ႈ​ၼၼ်ႉ မီး​ယူႇ​ၵႃႈ​တီႈ​ဢၼ်​ၸမ်​ၵဝ်​လႄႈ ၽူႈ​လႂ်​တၵ်း​ထူပ်း​တြႃး​ၵၼ်​တင်း​ၵဝ်။ ၶေႉ​ၶဵင်ႇ​ၵၼ် လႄႈ​ယူႇ​တႃႉ​ႁဝ်း။ ၽူႈ​လႂ်​ပဵၼ်​ၵေႃႉ​ဢၼ်​ႁဵတ်း​ၶတ်း​ၵၼ်​တင်း​ၵဝ်။ ႁႂ်ႈ​ၵေႃႉ​ၼၼ်ႉ သုတ်ႉ​ၸပ်း​သုတ်ႉ​ၸူး​တီႈ​ၵဝ်​သေ။-</verse>
				<verse number="9">တူၺ်း​လူး၊ ၸဝ်ႈ​ထႃႇဝရႃႉ​ၽြႃး တၵ်း​ပႂ်ႉ​ၸွႆႈ​ပႂ်ႉ​ထႅမ်​ၵဝ်​ယူႇ​ဢေႃႈ။ ၽူႈ​လႂ်​တၵ်း​ႁႂ်ႈ​ၵဝ်​သုမ်း​တြႃး​ၼင်ႇ​ၼၼ်​လႄႈ ၶဝ်​တင်း​သဵင်ႈ​တင်း​လူင် တၵ်း​ႁွတ်ႈ​ထိုင်​တၢင်း​ဢၼ်​ၵဝ်ႇ​မွင်​ၵႂႃႇ မိူၼ်​ၸိူဝ်ႉ​ၼင်ႇ​ၶူဝ်း​ၼုင်ႈ​ၼၼ်ႉ​လႄႈ မူင်ႈ​တၵ်း​ၶူပ်း​ၵိၼ်​ၶဝ်​ပႅတ်ႈ​ဢေႃႈ။-</verse>
				<verse number="10">ၼႂ်း​သူ၊ ၽူႈ​လႂ်​ၵူဝ်​ႁႄ ထႃႇဝရႃႉ​ၽြႃး လႄႈ​ထွမ်ႇ​ဢဝ်​ၵႂၢမ်း​ၶႃႈ​မၼ်း​ၸဝ်ႈ​ယူႇ​သေ​လႄႈ ယင်း​ဢမ်ႇ​မီး​ဢၼ်​လႅင်း​လႄႈ ၵႂႃႇ​မႃး​ယူႇ​ၵႃႈ​ၼႂ်း​လပ်း​သိင်ႇ​ၼၼ်ႉ။ ႁႂ်ႈ​ၵေႃႉ​ၼၼ်ႉ​သွၼ်ႈ​ပိုင်ႈ​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး​လႄႈ ဢဝ်​ၽြႃး​ပဵၼ်​ၸဝ်ႈ​မၼ်း​ႁဵတ်း​တီႈ​ဢိင်​တီႈ​ပိုင်ႈ​ယူႇ​သေ​ၵမ်း​လူၺ်ႈ။-</verse>
				<verse number="11">တူၺ်း​လူး၊ သူ​ၸိူဝ်း​ဢၼ် ဢဝ်​ၽႆး​ၸပ်း​ၽႆး​တုတ်ႇ သေ​လႄႈ ဢဝ်​ထၢၼ်ႇ​ၽႆး​ႁတ်ႉ​ဢႅဝ်​တူဝ်​ၸဝ်ႈ​ၵဝ်ႇ​ယူႇ တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ၵႂႃႇ​မႃး​ယူႇ​ၵႃႈ​ၼႂ်း​ပဵဝ်​ၽႆး​သူ ဢိၵ်ႇ​တင်း​ၵႃႈ​ၼႂ်း​ထၢၼ်ႇ​ၽႆး​ဢၼ်​သူ​သႂ်ႇ​သူ​ၸပ်း​ၼၼ်ႉ​ယူႇ​တႃႉ။ ဢၵျူဝ်း ဢၼ်​လႆႈ​ၶၢမ်ႇ​ဢဝ်​တီႈ​မိုဝ်း​ၵဝ်​ၼၼ်ႉ​ၸမ်ႉ၊ သူ​တၵ်း​လႆႈ​မႆႈ​ၸႂ်​ယၢပ်ႇ​ၸႂ်​ယူႇ​သေ​လႄႈ ၼွၼ်း​ဢေႃႈ။</verse>
			</chapter>
			<chapter number="51">
				<verse number="1">သူ​ၸိူဝ်း​ဢၼ်​ၸွမ်း​တြႃး​တၢင်း​ဢၼ်​သိုဝ်ႈ​တေႃႇ​လႄႈ ႁႃ​ဢဝ်​ထႃႇဝရႃႉ​ၽြႃး ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၵဝ်​တႃႉ။ ဢွၼ်​ၵၼ် လူ​တူၺ်း​မၢၵ်ႇ​ႁိၼ် တီႈ​ဢၼ်​သိဝ်ႇ​ဢဝ်​သပ်း​ဢဝ်​သူ​ဢွၵ်ႇ​ၼၼ်ႉ ဢိၵ်ႇ​တင်း​ႁူး​ၶုမ် တီႈ​ဢၼ် ၶုတ်း​ဢဝ်​ဝဵၵ်ႉ​ဢဝ်​သူ​ဢွၵ်ႇ ၼၼ်ႉ​တႃႉ။-</verse>
				<verse number="2">ဢွၼ်​ၵၼ်​လူ​တူၺ်း​ပေႃႈ​သူ ဢႃႇပြႃႇႁၢမ်ႇ ဢိၵ်ႇ​တင်း ၵေႃႉ​ဢၼ်​ၵိူတ်ႇ​လဵင်ႉ​သူ​ ၸႃႇရႃႇ ​ၼၼ်ႉ​တႃႉ။ ၵဝ်​ႁွင်ႉ​ဢဝ်​ ဢႃႇပြႃႇႁၢမ်ႇ ​ၼၼ်ႉ မိူဝ်ႈ​ဢၼ်​မၼ်း​ယင်း​မီး​ၵေႃႉ​လဵဝ်​ၵူၺ်း​မၼ်း​ၼၼ်ႉ​လႄႈ ပၼ်​တၢင်း​လီ​သေ​လႄႈ ႁႂ်ႈ​မၼ်း​ၼမ်​ၵိုၼ်း​မႃး​ၼႃႇ​လူင်​လၢင်​ဢေႃႈ။-</verse>
				<verse number="3">မႅၼ်ႈ​ၵၼ်​တင်း​ဢၼ်​ၼၼ်ႉ​လႄႈ ထႃႇဝရႃႉ​ၽြႃး တၵ်း​ပၼ်​ၵတ်း​ယဵၼ်​ၶျၢမ်း​သႃႇ တီႈ​ဝဵင်း​ ၸီႉဢုၼ်ႇ ​ဢေႃႈ။ တၵ်း​ပၼ် ၵတ်း​ယဵၼ်​ၶျၢမ်း​သႃႇ​တီႈ ၵႃႈ​တီႈ​ဢၼ်​သဵတ်ႇ​ဢၼ်​ယဵၼ်​မၼ်း ၵူႈ​တီႈ​ၵူႈ​လႅၼ်​ၼၼ်ႉ​လႄႈ တၵ်း​ႁႂ်ႈ​ထိူၼ်ႇ​မၼ်း​ပဵၼ် ၸိူဝ်ႉ​ၼင်ႇ တီႈ​ ဢေႇတိၼ်ႇ ​ၼၼ်ႉ ဢိၵ်ႇ​တင်း တီႈ​ဢၼ်​ပဝ်ႇ​ဢၼ်​လၢပ်ႈ​မၼ်း ပဵၼ်​ၸိူဝ်ႉ​ၼင်ႇ​ဢူးယဵၼ်ႇ ထႃႇဝရႃႉ​ၽြႃး ၼၼ်ႉ​လႄႈ တၵ်း​လႆႈ​ထူပ်း​ႁၼ်​တၢင်း​ဢၼ်​ၸူမ်း​သိူဝ်း တၢင်း​ဢၼ်​သႂၢင်ႇ​ၸႂ်၊ တၢင်း​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ၊ တၢင်း​ဢၼ်​ႁဵတ်း​ၵႂၢမ်း​ၵႃႈ​ၼႂ်း​ဝဵင်း ၼၼ်ႉ​ဢေႃႈ။-</verse>
				<verse number="4">ၵူၼ်း​ၵဝ်​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၵဝ်​ယူႇ​တႃႉ။ မဵဝ်း​ၵူၼ်း​ၵဝ်​ဢိူၺ်း၊ ဢွၼ်​ၵၼ်​ဝၢႆႇ​ႁူ​တေႃႇ​ၵဝ်​တႃႉ။ တြႃး​တၵ်း ၵႄႈ​ဢွၵ်ႇ​သေ ၵႃႈ​တီႈ​ၵဝ်​လႄႈ​ၵဝ်​တၵ်း​ႁႂ်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ​ၼၼ်ႉ တႄႇ​ယူႇ​ပုၼ်ႈ​ဢၼ်​တၵ်း​ပဵၼ် ဢၼ်​လႅင်း​တီႈ​မဵဝ်း​ၵူၼ်း တင်း​လၢႆ​ဢေႃႈ။-</verse>
				<verse number="5">တြႃး​တၢင်း​ဢၼ်​သိုဝ်ႈ​တေႃႇ​ၵဝ်​ၼၼ်ႉ မီး​ယူႇ​ၵႃႈ​တီႈ​ဢၼ်​ၸမ်​လႄႈ တြႃး​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​ၵဝ်​ၼၼ်ႉ ဢွၵ်ႇ​ၵႂႃႇ​ၸူး​ယဝ်ႉ။ ၶႅၼ်​ၵဝ်​ၼႆႉ​တၵ်း​ၸီႇ​ယၢင်ႇ​ဢမူႉ​တြႃး ၵႃႈ​ၼႂ်း​မဵဝ်း​ၵူၼ်း​တင်း​လၢႆ​လႄႈ ၵုၼ်​ၼႂ်း​ၼမ်ႉ​တင်း​လၢႆ တၵ်း​ဢွၼ်​ၵၼ်​မုင်ႈ​မွင်း​ၵဝ်​ယူႇ​သေ​လႄႈ ၸႂ်​လီ​ၸႂ်​ပိုင်ႈ​လူၺ်ႈ​ၶႅၼ်​ၵဝ်​ဢေႃႈ။-</verse>
				<verse number="6">ဢွၼ်​ၵၼ်​ႁႅၼ်​တႃ​သူ​တူၺ်း ၽႃႉ​ၵၢင်​ႁၢဝ်​တႃႉ။ လိၼ်​မိူင်း​ၵေႃႈ ဢွၼ်​ၵၼ်​ၵူမ်ႈ​လႄႈ​တူၺ်း​တႃႉ။ ၽႃႉ​ၵၢင်​ႁၢဝ်​တၵ်း​လပ်ႉ​ႁၢႆ​ၵႂႃႇ မိူၼ်​ၸိူဝ်ႉ​ၼင်ႇ ၵႂၼ်း​ၽႆး​လႄႈ​လိၼ်​မိူင်း​ၼႆႉ တၵ်း​ၵဝ်ႇ​မွင်​ၵႂႃႇ မိူၼ်​ၸိူဝ်ႉ​ၼင်ႇ​ၶူဝ်း​ၼုင်ႈ​ၼၼ်ႉ​ဢေႃႈ။ ၵူၼ်း​လိၼ်​မိူင်း​တင်း​လၢႆ တၵ်း​လႆႈ​တၢႆ မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။ တြႃး​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ၸမ်ႉ၊ တၵ်း​တႄႇ​ယူႇ​သေႇ​သေႇ​လႄႈ တြႃး​တၢင်း​ဢၼ်​သိုဝ်ႈ​တေႃႇ​ၵဝ်​ၵေႃႈ ဢမ်ႇ​မီး​တၢင်း​ဢၼ်​ႁၢႆ​လၢႆ​ၵႂႃႇ​လႆႈ။-</verse>
				<verse number="7">သူ​ၸိူဝ်း​ဢၼ် ႁူႉ​တြႃး​တၢင်း​ဢၼ်​သိုဝ်ႈ​တေႃႇ ဢၼ်​ဝႃႈ မဵဝ်း​ၵူၼ်း ဢၼ်​ဢဝ်​တြႃး​ၵဝ်​သႂၢင်း​သႂ်ႇ​ဝႆႉ ၵႃႈ​ၼႂ်း​ႁူဝ်​ၸႂ်​မႅၼ်ႈ ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၵဝ်​တႃႉ။ ယႃႇ​ပေ​မႆႈ​ၸႂ်​လူၺ်ႈ​လွင်ႈ​ဢၼ် ၵူၼ်း​တင်း​လၢႆ တၵ်း​တၢင်ႇ​ဢပႅတ်ႈ​ၼၼ်ႉ။ ယႃႇ​ပေ​ၵူဝ်​ပေ​ႁႄ တၢင်း​ဢၼ်​ၶဝ်​သႄႉ​သွမ်း​ၼၼ်ႉ။-</verse>
				<verse number="8">လွင်ႈ​မၼ်း​ၸမ်ႉ မူင်ႈ​တၵ်း​ၶူပ်း​ၵိၼ်​ၶဝ် မိူၼ်​ၸိူဝ်ႉ​ၼင်ႇ​ၶူဝ်း​ၼုင်ႈ​ၼၼ်ႉ​လႄႈ မႅင်း​တၵ်း​ၶူပ်း​ၵိၼ်​ၶဝ်​မိူၼ်​ၸိူဝ်ႉ​ၼင်ႇ ၶူဝ်း​ၼုင်ႈ​ၶူၼ်​သူဝ်း​ၼၼ်ႉ​ဢေႃႈ။ တြႃး​တၢင်း​ဢၼ်​သိုဝ်ႈ​တေႃႇ​ၵဝ်​ၸမ်ႉ၊ပဵၼ်​ၼိၵ်ႈၸႃႉ ထႃႇဝရႃႉ​လႄႈ တြႃး​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​ၵဝ်​ၵေႃႈ တၵ်း​တႄႇ​ယူႇ ၵူႈ​ၸူဝ်ႈ​ၵူႈ​ပၢၼ် သိုပ်ႇ​သိုပ်ႇ​တၢမ်း​တၢမ်း​ဢေႃႈ။-</verse>
				<verse number="9">ၶႅၼ်​မိုဝ်း ထႃႇဝရႃႉ​ၽြႃး တီႈ​ၶႃႈ​ဢိူၺ်း၊ တိုၼ်ႇ​မႃး​သေ​ၵမ်း​တီႈ​ၶႃႈ၊ တိုၼ်ႇ​မႃး​လႄႈ​ဢဝ်​ႁႅင်း​သေ​ၵမ်း​တီႈ​ၶႃႈ၊ တိုၼ်ႇ​မႃး​မိူၼ်​ၸိူဝ်ႉ​ၼင်ႇ မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ဢိၵ်ႇ​တင်း မိူဝ်ႈ​မိုၼ်ႉ​ၸိုၼ်ႉ​သိုၼ်း ဢၼ်​ယၢမ်ႈ​ပူၼ်ႉ​မႃး​ယဝ်ႉ​ၼၼ်ႉ သေ​ၵမ်း​တီႈ​ၶႃႈ၊ ၸဝ်ႈ​ႁဝ်း​ပဵၼ်​ၸဝ်ႈ​ဢၼ်​တႅပ်း​ၽၼ်း ရႃႇၶပ်ႉ ​ပႅတ်ႈ​လႄႈ တႅင်း​သႂ်ႇ​ၼၵႃး​ပႅတ်ႈ​ၼၼ်ႉ ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="10">ၸဝ်ႈ​ႁဝ်း​ပဵၼ်​ၸဝ်ႈ​ဢၼ် ႁႂ်ႈ​ၼမ်ႉ​ပၢင်ႇ​လၢႆႇ၊ ၼမ်ႉ​တီႈ​ဢၼ်​လိုၵ်ႉ​ဢၼ်​လမ်ႇ​တင်း​လၢႆ​ယူတ်း​ႁႅင်ႈ​လႄႈ ႁႂ်ႈ​တီႈ​ဢၼ်​လိုၵ်ႉ​ဢၼ်​လမ်ႇ ပၢင်ႇ​လၢႆႇ​တင်း​လၢႆ ပဵၼ်​သဵၼ်ႈ​တၢင်း​တီႈ​ဢၼ် ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ထုတ်ႇ​ဢဝ် ၼမ်​ၼႃႇ​တၵ်း​ၸွမ်း​ၵႂႃႇ​ၼၼ်ႉ ဢမ်ႇ​ၸႂ်ႈ​တီႈ​ၶႃႈ​ႁိုဝ်။-</verse>
				<verse number="11">ပိူဝ်ႈ​ၼႆ​လႄႈ ၶဝ်​ၸိူဝ်း​ဢၼ် ထႃႇဝရႃႉ​ၽြႃး ထုတ်ႇ​ဢဝ်​ၼၼ်ႉ တၵ်း​ဢွၼ်​ၵၼ်​ၶိုၼ်း​မႃး​လႄႈ ႁဵတ်း​ၵႂၢမ်း​ယူႇ​သေ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ၸီႉဢုၼ်ႇ ​လႄႈ တိုဝ်း​သရၽူႇ တၢင်း​ဢၼ်​ၸူမ်း​သိူဝ်း​ထႃႇဝရႃႉ သေ​လႄႈ လႆႈ​ဢၶႂၢင်ႉ​တၢင်း​ဢၼ်​ၸူမ်း​သိူဝ်း။ တၢင်း​ဢၼ် သႂၢင်ႇ​ၸႂ်​လႄႈ တၢင်း​ဢၼ်​မႆႈ​ၸႂ်​ၶီ​ၸႂ် ဢိၵ်ႇ​တင်း​တၢင်း​ဢၼ် ၶၢင်း​ၶီ​ၶၢင်း​ၽၢၼ်​ၸိူဝ်း​ၼၼ်ႉ တၵ်း​ဢွၼ်​ၵၼ်​ဢွၵ်ႇ​ပၢႆႈ​ၵႂႃႇ​ဢေႃႈ။-</verse>
				<verse number="12">ၵဝ်​ၼႆႉ​ယဝ်ႉ၊ ၵဝ်​ၼႆႉ​ယဝ်ႉ​ပဵၼ်​ၵေႃႉ​ဢၼ် ႁႂ်ႈ​ၸႂ်​သူ​သၢၵ်ႈ​သႃႇ​ဢေႃႈ။ မႂ်း​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၵူဝ်​ႁႄ​ၵူၼ်း​ဢၼ်​ၸၢင်ႈ​တၢႆ၊ လုၵ်ႈ​ၵူၼ်း​ဢၼ်​ၸၢင်ႈ​ပဵၼ်​ၸိူဝ်ႉ​ၼင်ႇ တူၼ်ႈ​ယိူဝ်ႈ​တူၼ်ႈ​ယႃႈ၊-</verse>
				<verse number="13">ဢၼ်​လူင်​လိုမ်း ထႃႇဝရႃႉ​ၽြႃး ဢၼ်​ႁဵတ်း​ပဵၼ်​မႂ်း၊ ဢၼ်​ၶဵင်ႈ​မုင်း​ၽႃႉ​ၵၢင်​ႁၢဝ် ဢၼ်​တႄႇ​ႁဵတ်း​လိၼ်​မိူင်း​ၼၼ်ႉ​ပႅတ်ႈ သေ​လႄႈ တူၵ်း​ၸႂ်​လႂ်​တိုၼ်ႇ​ယူႇ တင်း​ဝၼ်း​တင်း​ဝၼ်း ၵွပ်ႈ​ပိူဝ်ႈ​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ ၵေႃႉ​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ မိူဝ်ႈ​ဢၼ် မႄး​ႁႅၼ်း​ႁႂ်ႈ​လႆႈ​ယႃႉ​ပႅတ်ႈ​ၼၼ်ႉ။ မိူဝ်ႈ​လဵဝ်​ၼႆႉ၊ တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ ၵေႃႉ​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ မီး​ၵႃႈ​လႂ်။-</verse>
				<verse number="14">ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် ၶျုၵ်ႈ​ဝႆႉ​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ် ၵႄႇ​သႄႇ​ၼုၵ်ႈ​ဢဝ်​ဢွၵ်ႇ​ၶၼ်​ၶၼ်​ၽႂ်း​ၽႂ်း​လႄႈ တၵ်း​ဢမ်ႇ​လႆႈ​တၢႆ ၵႃႈ​ၼႂ်း​ထွင်ႇ​ၼႂ်း​ၵႃး။ တၢင်း​ၵိၼ်​တၢင်း​ၶူပ်း​ၶဝ်​တၵ်း​ဢမ်ႇ​လႆႈ​ထၢတ်ႇ​လႆႈ​ပျၢတ်ႈ။-</verse>
				<verse number="15">ၵဝ်​ပဵၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢၼ်​ယႃႉ​တဝ် ၼမ်ႉ​သမ်ႇ​မုၵ်ႉ​တြႃႇ​လႄႈ ႁႂ်ႈ​လႅင်း​ၼမ်ႉ​ပိူပ်ႈ​ၼမ်ႉ​မၼ်း​ဢူၼ်​ဢဵၼ်​မေႃး​မႄး ဢေႃႈ။ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ ၼၼ်ႉ​ၸမ်ႉ၊ ပဵၼ်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ဢေႃႈ။-</verse>
				<verse number="16">ၵဝ်​ဢဝ်​ၵႂၢမ်း​ၵဝ်​သႂ်ႇ​ဝႆႉ​ၵႃႈ​ၼႂ်း​သူပ်း​မႂ်း​လႄႈ ဢဝ်​မႂ်း​ဝႆႉ​ၵႃႈ​တႂ်ႈ​ႁူမ်ႈ ၵွင်ႉ​ငဝ်း​မိုဝ်း​ၵဝ် ႁႂ်ႈ​ၵဝ်​လႆႈ​ႁဵတ်း​ပဵၼ်​ၽႃႉ​ၵၢင်​ႁၢဝ်​လႄႈ ၶျႃး​ငဝ်ႈ​ႁၢၵ်ႈ​တိူၵ်ႈ​လိၼ်​မိူင်း​ဝႆႉ ဢိၵ်ႇ​တင်း​ႁႂ်ႈ​လႆႈ​လၢတ်ႈ​တီႈ​ဝဵင်း​ ၸီႉဢုၼ်ႇ ​လႄႈ​ဝႃႈ၊ မႂ်း​ပဵၼ်​မဵဝ်း​ၵူၼ်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ။</verse>
				<verse number="17">ဝဵင်း​ ယေႇရူႉသလႅမ်ႇ ဢၼ်​သူတ်ႉ​ၵိၼ်​ၵွၵ်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​တီႈ​မိုဝ်း ထႃႇဝရႃႉ​ၽြႃး​ဢိူၺ်း၊ တိုၼ်ႇ​မႃး​တႃႉ။ တိုၼ်ႇ​မႃး​လႄႈ​လုၵ်ႉ​တႃႉ။ မႂ်း​သူတ်ႉ​ၵိၼ်​ၵွၵ်း​ဝၢၼ်ႇ​တၢင်း​ဢၼ်​ဝၢင်ႇ​ဢၼ်​ဝိူဝ်ႈ​ၼၼ်ႉ​မႃး​ယဝ်ႉ။ ယိူဝ်ႇ​မၼ်း​ယေႇ​မၼ်း​ၵေႃႈ​မိပ်ႇ​မႃး​ယဝ်ႉ။-</verse>
				<verse number="18">ၼႂ်း​လုၵ်ႈ​လၢင်း​ၵႃႈ​ဢၼ်​မၼ်း​ၵိူတ်ႇ​လဵင်ႉ​မႃး​ၸိူဝ်း​ၼၼ်ႉ၊ ဢမ်ႇ​မီး​ၵေႃႉ​ဢၼ်​ၼႄ​ပၼ်​တၢင်း တီႈ​မၼ်း​သေ​ၵေႃႉ​သေ​ၵူၼ်း။ ၼႂ်း​လုၵ်ႈ​လၢင်း​ၵႃႈ​ဢၼ် မၼ်း​လဵင်ႉ​လူ​ၸိူဝ်း​ၼၼ်ႉ ဢမ်ႇ​မီး​ၵေႃႉ​ဢၼ် တိုတ်ႉ​ၸုင်​ဢဝ်​မိုဝ်း​မၼ်း သေ​ၵေႃႉ​သေ​ၵူၼ်း။-</verse>
				<verse number="19">ၽေး​သွင်​ပႃး​ဢၼ်​ဝႃႈ တၢင်း​ဢၼ် သဵတ်ႇ​ၵူၼ်း​ယဵၼ်​ၵူၼ်း​လႄႈ​လူႉ​လႅဝ်၊ တၢင်း​ဢၼ်​ဢိုပ်း​ယၢၵ်ႈ​လႄႈ ယႃႉ​ပႅတ်ႈ​လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မႂ်း​လႄႈ ၽူႈ​လႂ်​တၵ်း​ႁွင်ႉ​ႁႆႈ​ပွင်ႉ​ၶၢင်း​ပုၼ်ႈ​မႂ်း၊ ၵဝ်​တၵ်း​ပၼ် ၵတ်း​ယဵၼ်​ၶျၢမ်း​သႃႇ​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="20">လုၵ်ႈ​လၢင်း​မႂ်း​ၸိူဝ်း​ၼၼ်ႉ​လိုမ်း​တူဝ်​လိုမ်း​ႁၢင်ႈ​ယူႇ​ဢေႃႈ။ ၶဝ်​ဢွၼ်​ၵၼ်​ၼွၼ်း​ယူႇ​ၵႃႈ​တီႈ​သူပ်း​တႃႈ​သူပ်း​တၢင်း​ၵႃႈ​မီး မိူၼ်​ၸိူဝ်ႉ​ၼင်ႇ တိုင်​ဢၼ်​ထုၵ်ႇ​ၶဵၼ်း​မႅၼ်ႈ တူင်ႇ​ႁႅဝ်ႉ​ၼၼ်ႉ​လႄႈ ဢိမ်ႇ​တဵမ်​ဝႆႉ​တင်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး​ဢၼ်​ဝႃႈ တၢင်း​ဢၼ်​ၽြႃး​ပဵၼ်​ၸဝ်ႈ​မႂ်း သင်ႇ​သွၼ်​သုင်း​မႃႉ​ၼၼ်ႉ​ဢေႃႈ။-</verse>
				<verse number="21">ပိူဝ်ႈ​ၼႆ​လႄႈ မႂ်း​ဢၼ်​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​မဝ်း​လဝ်ႈ ၼွၵ်ႈ​သေ​ၼမ်ႉ​ၸပိတ်ႈ​ၼၼ်ႉ​ၼႆႉ​ဢိူၺ်း၊ ထွမ်ႇ​ငိၼ်း​တႃႉ။-</verse>
				<verse number="22">ၸဝ်ႈ​မႂ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢၼ်​ပႂ်ႉ​ဢမူႉ​ၵူၼ်း​မၼ်း​ၸဝ်ႈ​တင်း​လၢႆ​ယူႇ​ၼၼ်ႉ မီး​ဢမိင်ႉ​ဝႆႉ​ၸမ်ႉ၊ တူၺ်း​လူး၊ ၵဝ်​ၼုၵ်ႈ​ဢဝ် ၵွၵ်း​တၢင်း​ဢၼ်​ဝၢင်ႇ​ဢၼ်​ဝိူဝ်ႈ ဢၼ်​ဝႃႈ၊ ၵွၵ်း​ဝၢၼ်ႇ​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​ၵဝ်​ၼၼ်ႉ ဢွၵ်ႇ​သေ​ၵႃႈ​ၼႂ်း​မိုဝ်း​မႂ်း​လႄႈ ၵမ်း​လိုၼ်း​မႂ်း ဢမ်ႇ​လႆႈ​ၵိၼ်​လႆႈ​သူတ်ႉ​မၼ်း။-</verse>
				<verse number="23">ၵဝ်​တၵ်း​ဢဝ်​ၵွၵ်း​ၼၼ်ႉ ဝႆႉ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​မႂ်း​လႄႈ လၢတ်ႈ​တီႈ​ဝီႉၺိၺ်ႇ​မႂ်း​လႄႈ​ဝႃႈ၊ ၵူမ်ႈ​မူပ်ႇ​ယူႇ ႁႂ်ႈ​ႁဝ်း​လႆႈ​ယဵပ်ႇ​ၶၢမ်ႈ​ၵႂႃႇ​ၵႃႈ​ၼိူဝ်​မႂ်း​တႃႉ၊ ဝႃႈ​ၼင်ႇ​ၼႆ​လႄႈ မႂ်း​လႆႈ​ၼွၼ်း​ၶႂမ်ႈ​ယဵတ်ႇ​တဵတ်ႇ​ယူႇ၊ ပဵၼ်​ၸိူဝ်ႉ​ၼင်ႇ ၽႅၼ်ႇ​လိၼ်​ဢိၵ်ႇ​တင်း ပဵၼ်​ၸိူဝ်ႉ​ၼင်ႇ သဵၼ်ႈ​တၢင်း​ၼၼ်ႉ တီႈ​ၶဝ်​ၸိူဝ်း​ဢၼ် ၵႂႃႇ​တၢင်း​ပႆ​တၢင်း​ၼၼ်ႉ​ဢေႃႈ။</verse>
			</chapter>
			<chapter number="52">
				<verse number="1">ဝဵင်း​ ၸီႉဢုၼ်ႇ ​ဢိူၺ်း၊ တိုၼ်ႇ​မႃး​တႃႉ။ တိုၼ်ႇ​မႃး​လႄႈ ဢဝ်​ႁႅင်း​တႃႉ။ ဝဵင်း​ ယေႇရူႉသလႅမ်ႇ ​ဢၼ်​ဝႃႈ ဝဵင်း​ဢၼ်​မူတ်း​ၸၢင်ႇ​ဢိူၺ်း၊ၼုင်ႈ​မႆ​ၶူဝ်း​ၼုင်ႈ​မႂ်း​ဢၼ်​ႁၢင်ႈ​လီ​ၼၼ်ႉ​တႃႉ။ လွင်ႈ​မၼ်း​ၸမ်ႉ ၵမ်း​လိုၼ်း ၵေႃႉ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း ဢိၵ်ႇ​တင်း ၵေႃႉ​ဢၼ်​ၵူဝ်ႈ​ၵိူၵ်ႇ​ၼၼ်ႉ ဢမ်ႇ​လႆႈ​ၶဝ်ႈ​ၵႃႈ​ၼႂ်း​မႂ်း။-</verse>
				<verse number="2">ဝဵင်း​ ယေႇရူႉသလႅမ်ႇ ​ဢိူၺ်း၊ သၼ်ႇ​မုၼ်ႈ​လိၼ်​ပႅတ်ႈ​သေ​ၵႃႈ​တီႈ​မႂ်း​လႄႈ လုၵ်ႉ​သေ​လႄႈ ၼင်ႈ​ယူႇ​တႃႉ။ လုၵ်ႈ​ယိင်း​ ၸီႉဢုၼ်ႇ ဢၼ်​လႆႈ​ၶၢမ်ႇ​တၢင်း​ဢၼ် ၶျုၵ်ႈ​ဝႆႉ​ၼႆႉ​ဢိူၺ်း၊ ပူတ်း​ထွတ်ႇ​ၸိူၵ်ႈ​ၶေႃး​မႂ်း​ၼၼ်ႉ​ပႅတ်ႈ​သေ​တႃႉ။-</verse>
				<verse number="3">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ သူ​ၼႆႉ​ယင်း​ဢမ်ႇ​လႆႈ​ၵႃႈ​တူဝ်​ၶၼ်​တူဝ်​လႄႈ လႆႈ​ၶၢမ်ႇ​တၢင်း​ဢၼ်​ၶၢႆ​ပႅတ်ႈ​လႄႈ ယင်း​ဢမ်ႇ​ပၼ်​ငိုၼ်း ပၼ်​တွင်း​လႄႈ တၵ်း​လႆႈ​ႁွတ်ႈ​ထိုင်​တၢင်း​ဢၼ်​ထုတ်ႇ​ဢဝ်​ဢေႃႈ။-</verse>
				<verse number="4">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ မိူဝ်ႈ​ဢွၼ်​တၢင်း​ၼၼ်ႉ ၵူၼ်း​ၵဝ်​တင်း​လၢႆ ဢွၼ်​ၵၼ်​လူင်း​ၵႂႃႇ ၵႃႈ​တီႈ​မိူင်း​ ဢေႇၵိပ်ႉတူႉ ႁႂ်ႈ​လႆႈ​သွၼ်ႈ​ပိုင်ႈ​ၵႃႈ​တီႈ​ၼၼ်ႈ​ဢေႃႈ။ လိုၼ်း​ၼၼ်ႉ ၵူၼ်း​ ဢႃႇသူႉရီႉ ​တင်း​လၢႆ ယင်း​ဢမ်ႇ​မီး​လွင်ႈ​မၼ်း​လႄႈ ၼိၵ်ႈ​ၸၢၵ်ႈ​ငႅၼ်း​သႄး​ၶဝ် ဢေႃႈ။-</verse>
				<verse number="5">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၵွပ်ႈ​ပိူဝ်ႈ ဢၼ်​ယင်း​ဢမ်ႇ​မီး​လွင်ႈ​မၼ်း​လႄႈ ၵူၼ်း​ၵဝ်​တင်း​လၢႆ လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​လႄႈ ၵဝ်​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ် ၵႃႈ​တီႈ​ၼႆႈ။ ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​ၶဝ်​ၼၼ်ႉ ဢူၼ်​ဢဵၼ်​မေႃး​မႄး​ၵၼ်​လႄႈ ၼႃႇ​မႃႉ​ၸိုဝ်ႈ​သဵင်​ၵဝ်​လႆႈ​ၶၢမ်ႇ​တၢင်း​ဢၼ် သႄႉ​သွမ်း ယူႇ​တင်း​ဝၼ်း​တင်း​ဝၼ်း​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ ၵူၼ်း​ၵဝ်​တင်း​လၢႆ တၵ်း​ႁူႉ​ၼႃႇ​မႃႉ​ၸိုဝ်ႈ​သဵင်​ၵဝ်​လႄႈ ႁူႉ​လွင်ႈ​ဢၼ်​ၵဝ်​ပဵၼ် ၵေႃႉ​ဢၼ်​ဝႆႉ​ၵတီႉ​ၼၼ်ႉ ၼႂ်း​မိုဝ်ႉ​ဝၼ်း​ၼၼ်ႉ​ဢေႃႈ။ တူၺ်း​လူး၊ ပဵၼ်​ၵဝ်​ဢေႃႈ။-</verse>
				<verse number="7">တိၼ်​ၵေႃႉ​ဢၼ်​လၢတ်ႈ​ထိုင်​သတၢင်း​သိူဝ်း​ပျေႃႇ​လႄႈ မွၵ်ႇ​လၢတ်ႈ​တၢင်း​ဢၼ်​ၼိမ်​ဢၼ်​လီ ဢၼ်​လၢတ်ႈ​ထိုင် သတၢင်း​သိူဝ်း​ပျေႃႇ​ၵတ်း​ယဵၼ်​ၶျၢမ်း​သႃႇ တင်း​ဢၼ်​လီ​ဢၼ်​ငၢမ်း​လႄႈ မွၵ်ႇ​လၢတ်ႈ​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ် ဢၼ်​လၢတ်ႈ​တီႈ ဝဵင်း​ ၸီႉဢုၼ်ႇ ​လႄႈ​ဝႃႈ၊ ၽြႃး​ပဵၼ်​ၸဝ်ႈ​မႂ်း​ဢုပ်ႉ​ပိူင်ႇ​ၸၢမ်ႇ​ၸႃး​ယူႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ႁၢင်ႈ​လီ​ၵႃႈ​ၼိူဝ်​လွႆ​တင်း​လၢႆ ၼႃႇ​လူင်​လၢင် ဢေႃႈ။-</verse>
				<verse number="8">ထွမ်ႇ​ငိၼ်း​သဵင်​ၶဝ်​ၸိူဝ်း​ဢၼ်​ပႂ်ႉ​ၵၢင်​မႂ်း​ၼၼ်ႉ​တႃႉ။ ၶဝ်​ၼၼ်ႉ ဢွၼ်​ၵၼ်​ၵိဝ်​သဵင်​သေ​လႄႈ ႁွင်ႉ​သႅၼ်ႇ​ၽွမ်ႉ​မိူဝ်ႈ​လဵဝ်​ၵၼ်​ဢေႃႈ။​လွင်ႈ​မၼ်း​ၸမ်ႉ ၶဝ်​ၼၼ်ႉ မၢၵ်ႇ​တႃ​တေႃႇ​မၢၵ်ႇ​တႃ တၵ်း​လႆႈ​ႁၼ်​ၼႂ်း​မိူဝ်ႈ​ဢၼ် ထႃႇဝရႃႉ​ၽြႃး ၶိုၼ်း​မႃး​ၵႃႈ​တီႈ​ဝဵင်း​ ၸီႉဢုၼ်ႇ ​ၼၼ်ႉ​ဢေႃႈ။-</verse>
				<verse number="9">တီႈ​ဢၼ်​ၵိူၼ်ႇ​ပင်း​လူႉ​လႅဝ်​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ ၽွမ်ႉ​ၵၼ်​ႁဵတ်း​ၵႂၢမ်း​သေ​လႄႈ​ပၢဝ်ႇ​သေႃႇ​တႃႉ။ ထႃႇဝရႃႉ​ၽြႃး ႁႂ်ႈ​ၸႂ်​ၵူၼ်း​မၼ်း​ၸဝ်ႈ​တင်း​လၢႆ သၢၵ်ႈ​သႃႇ​ၶႅၼ်း​မႃး​ယဝ်ႉ။ မၼ်း​ၸဝ်ႈ​ထုတ်ႇ​ဢဝ်​ဝဵင်း​ ယေႇရူႉသလႅမ်ႇ ​ယဝ်ႉ။-</verse>
				<verse number="10">ထႃႇဝရႃႉ​ၽြႃး ဝူတ်ႈ​ၶႅၼ်​ဝူတ်ႈ​မိုဝ်း​မၼ်း​ၸဝ်ႈ ဢၼ်​မူတ်း​ၸၢင်ႇ​ၼၼ်ႉ ဢွၵ်ႇ​ၼႄ​ပျႃး​သိုဝ်ႈ​ၼႃႈ​တႂ်ႈ​တႃ မဵဝ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ယဝ်ႉ​လႄႈ တီႈ​သုတ်း​လိၼ်​မိူင်း​ၵႃႈ​မီး တၵ်း​ႁူႉ​ႁၼ်​ၵျေး​ၸူး​တၢင်း​ဢၼ်​ၵႄႇ​ၶျွတ်ႈ​ဢဝ် ၽြႃး​ပဵၼ်​ၸဝ်ႈ​ႁဝ်း​ဢေႃႈ။-</verse>
				<verse number="11">ဢွၵ်ႇ​တႃႉ။ ဢွၵ်ႇ​တႃႉ။ ဢွၵ်ႇ​သေ​ၵႃႈ​ၼႂ်း​တီႈ​ၼၼ်ႈ​ၵႂႃႇ​တႃႉ။ ယႃႇ​ပေ​ဢဝ်​မိုဝ်း​တိူဝ်ႉ လွင်ႈ​တၢင်း​ဢၼ်​ဢမ်ႇ​မူတ်း​သႂ်​ၼၼ်ႉ။ ဢွၵ်ႇ​သေ​ၵႃႈ​ၼႂ်း​ၵၢင်​တီႈ​ၼၼ်ႈ​ၵႂႃႇ​တႃႉ။ သူ​ၸိူဝ်း​ဢၼ်​ယိပ်း​ၵမ်​ဢဝ်​ၶိူင်ႈ​ပိူင် ထႃႇဝရႃႉ​ၽြႃး တင်း​လၢႆ​ၵႂႃႇ​ၶဝ်​ဢိူၺ်း၊ ဢွၼ်​ၵၼ်​မီး​တၢင်း​ဢၼ်​မူတ်း​သႂ်​တႃႉ။-</verse>
				<verse number="12">သူ​ဢမ်ႇ​လႆႈ​ဢွၵ်ႇ​ၵႂႃႇ ၶၼ်​ၶၼ်​ၽႂ်း​ၽႂ်း။ သူ​ဢမ်ႇ​လႆႈ​ဢွၵ်ႇ​ပၢႆႈ​သေ​လႄႈ​ၵႂႃႇ။ ထႃႇဝရႃႉ​ၽြႃး တၵ်း​ဢွၼ်​ႁူဝ်​သူ​ၵႂႃႇ​လႄႈ ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ တၵ်း​ပဵၼ်​ဢၼ်​ႁႄႉ​ဢၼ်​ၵင်ႈ​ယူႇ ၵႃႈ​တီႈ​ၽၢႆႇ​လင်​သူ​ဢေႃႈ။</verse>
				<verse number="13">တူၺ်း​လူး၊ ၶႃႈ​ၵဝ်​ၼၼ်ႉ တၵ်း​ပွင်​ႁဵတ်း​ဢမူႉ​လႄႈ ပႄႉ​ၼႅင်ႇ​ဢေႃႈ။ မၼ်း​တၵ်း​ႁွတ်ႈ​ထိုင်​တၢင်း​ဢၼ်​ယုၵ်ႉ​ၶိုၼ်ႈ၊ တၢင်း​ဢၼ်​ယွင်ႈ​ယေႃး​လႄႈ ပဵၼ်​ဢၼ်​ထွတ်ႈ​ဢၼ်​မျၢတ်ႈ​ဢေႃႈ။-</verse>
				<verse number="14">ၸိူဝ်ႉ​ၼင်ႇ​ဢၼ် ၵူၼ်း​ၼမ်​ၼႃႇ​ဢၢမ်း​ၼႃႇ ယၢပ်ႇ​ၸႂ်​ယုင်ႈ​ၸႂ် လူၺ်ႈ​လွင်ႈ​ဢၼ် မၼ်း​မီး​တၢင်း​ဢၼ်​ၼႃႈ​မၼ်း​လူႉ ၸိူဝ်ႉ​ၼင်ႇ​ဢၼ်​မၼ်း​ဢမ်ႇ​ၸႂ်ႈ​ၵူၼ်း ဢိၵ်ႇ​တင်း တၢင်း​ဢၼ်​ႁၢင်ႈ​ၽၢင်​မၼ်း​လူႉ ၸိူဝ်ႉ​ၼင်ႇ​ဢၼ် မၼ်း​ဢမ်ႇ​ၸႂ်ႈ​လုၵ်ႈ​ၵူၼ်း​ၼၼ်ႉ​ၼၼ်ႉ၊-</verse>
				<verse number="15">မိူၼ်​ၼင်ႇ​ၼၼ် မၼ်း​ၽႅတ်း​သႂ်ႇ​တီႈ​မဵဝ်း​ၵူၼ်း​ၼမ်​ၼႃႇ​လႄႈ ၶုၼ်​ႁေႃ​ၶမ်း​တင်း​လၢႆ တၵ်း​လႆႈ​ဢုတ်း​သူပ်း​ၶဝ် ယူႇ​ၵႃႈ​တီႈ​ၽၢႆႇ​ၼႃႈ မၼ်း​ၼၼ်ႉ​ဢေႃႈ။ ၶဝ်​တၵ်း​လႆႈ​ႁၼ် လွင်ႈ​တၢင်း​ဢၼ် ပိူၼ်ႈ​ဢမ်ႇ​ပႆႇ​တွၼ်ႉ​ၼႄ​ပျႃး ၸိူဝ်း​ၼၼ်ႉ​လႄႈ ႁူႉ​ၸႅင်ႈ​လွင်ႈ​တၢင်း​ဢၼ် ၶဝ်​ဢမ်ႇ​ယၢမ်ႈ​လႆႈ​ငိၼ်း​ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="53">
				<verse number="1">ၵႂၢမ်း​သတၢင်း​သဵင်​ၶၢဝ်ႇ​ဢၼ်​ႁဝ်း​ႁေႃး​လၢတ်ႈ​ၼႆႉ​ၸိုင် ၽူႈ​လႂ်​ယုမ်ႇ။ ၶႅၼ်​မိုဝ်း ထႃႇဝရႃႉ​ၽြႃး​ၼၼ်ႉ​ၸိုင် ထၢင်ႇ​သႃး​တီႈ​ၽူႈ​လႂ်။-</verse>
				<verse number="2">ယႂ်ႇ​ၽႄႈ​တူဝ်း​တွၼ်း​မႃး​ယူႇ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ၊ မၼ်း​ၼၼ်ႉ ၸိူဝ်ႉ​ၼင်ႇ​ယွတ်ႈ​ၼင်ႇ​ၵူႇ​ဢိၵ်ႇ​တင်း ၸိူဝ်ႉ​ၼင်ႇ​ၵိင်ႇ​ၼင်ႇ​ၶႃႊ ဢၼ်​တႅၵ်ႇ​ဢွၵ်ႇ​မႃး ၵႃႈ​တီႈ​လိၼ်​ဢၼ်​ႁႅင်ႈ​ႁွင်​ၼၼ်ႉ​ဢေႃႈ။ မၼ်း​ဢမ်ႇ​မီး​ႁၢင်ႈ​ၽၢင်​ဢၼ်​ႁၢင်ႈ​လီ​ႁၢင်ႈ​ငၢမ်း ပုၼ်ႈ​ဢၼ်​ႁဝ်း လီ​ဢဝ်​ႁဵတ်း​ပမႃႇၼႃႉ​ၼၼ်ႉ။ ဢမ်ႇ​ပျေႉ​ၸုမ်ႇ​ဝႆႉ​တင်း​လၢၵ်ႈၶၼႃႇ ၼႃႈ​တႃ​ဢၼ်​ႁဝ်း​လီ​ႁၵ်ႉ​လီ​ပႅင်း။-</verse>
				<verse number="3">မၼ်း​လႆႈ​ၶၢမ်ႇ​တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​လႄႈ ပဵၼ်​ၵေႃႉ​ဢၼ်​ၵူၼ်း​တင်း​လၢႆ ၸုၼ်ႉ​ပႅတ်ႈ​ဢေႃႈ။ မၼ်း​ပဵၼ်​ၵေႃႉ​ဢၼ် ပျေႉ​ၸုမ်ႇ​ဝႆႉ​တင်း တၢင်း​ဢၼ်​မႆႈ​ၸႂ်​ၶီ​ၸႂ်၊ ၵေႃႉ​ဢၼ်​မိုတ်ႈ​ၵိုဝ်း​ၵၼ်​တင်း​ဝူၺ်ႇတၼႃႇ တၢင်း​ဢၼ်​ၸဵပ်း​ဢၼ်​သႅပ်ႇ​လႄႈ မၼ်း​ပဵၼ် ၸိူဝ်ႉ​ၼင်ႇ​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် ၵူၼ်း​တင်း​လၢႆ ဝၢႆႇ​ၼႃႈ​ပႅတ်ႈ​ၼၼ်ႉ​ဢေႃႈ။ မၼ်း​လႆႈ​ၶၢမ်ႇ​တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​လႄႈ​ႁဝ်း​ဢမ်ႇ​ရူဝ်ႇ​သေႇ​ၵူဝ်​ယမ်​မၼ်း။-</verse>
				<verse number="4">ၵူၺ်း​ၵႃႈ မၼ်း​ၼၼ်ႉ ႁၢပ်ႇ​ပႃး​ဢဝ်​တၢင်း​ၶႆႈ​တၢင်း​ပဵၼ်​ႁဝ်း​လႄႈ ပႃး​ဢဝ်​ဝူၺ်ႇတၼႃႇ​ႁဝ်း​ၵႂႃႇ​ဢေႃႈ။ ႁဝ်း​မၢတ်ႈ​မၼ်း​ပဵၼ်​ၵေႃႉ​ဢၼ် လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ပၼ်​တၢမ်ႇ၊ တၢင်း​ဢၼ် ၽြႃး​ပဵၼ်​ၸဝ်ႈ သင်ႇ​သွၼ်​သုင်း​မႃႉ၊ တၢင်း​ဢၼ်​မၼ်း​ၸဝ်ႈ​ၶျႃး​တူၵ်း​တီႈ​တႅမ်ႇ ၼၼ်ႉ​ယဝ်ႉ။-</verse>
				<verse number="5">မၼ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​တႅင်း​သႂ်ႇ ၸဵပ်း​သႅပ်ႇ​ၼႃႇ​လူင်​လၢင် ၵွပ်ႈ​ပိူဝ်ႈ​ဢပႅတ်ႈ​တၢင်း​ဢၼ်​ႁဝ်း​ပူၼ်ႉ​လိူဝ် ၸိူဝ်း​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​ၼဵၵ်း​ၶိုတ်ႈ​လႅဝ်​ၼႂ်း​ၵႂႃႇ ၵွပ်ႈ​ပိူဝ်ႈ ဢပႅတ်ႈ​တၢင်း​ဢၼ်​ႁဝ်း​ၽိတ်း​ပိူင်ႈ ၸိူဝ်း​ၼၼ်ႉ​ဢေႃႈ။ တၢင်း​ဢၼ်​ၸၢင်ႈ သင်ႇ​သွၼ်​သုင်း​မႃႉ​ဢၼ် ႁႂ်ႈ​ပဵၼ်​ၵတ်း​ယဵၼ်​ၶျၢမ်း​သႃႇ တၢင်း​ဢၼ်​ၼိမ်​ၸႂ်​တီႈ​ႁဝ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မၼ်း​လႄႈ ႁဝ်း​မီး​တၢင်း​ဢၼ် တၢင်း​ၸဵပ်း​တၢင်း​သႅပ်ႇ​ႁၢႆ​ၵႂႃႇ ၵွပ်ႈ​ပိူဝ်ႈ​ႁွႆး​တၢမ်ႇ​ဢၼ်​မၼ်း​လႆႈ​ၶၢမ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="6">ႁဝ်း​ၵႃႈ​မီး​တင်း​သဵင်ႈ​တင်း​လူင် ၽိတ်း​တၢင်း​ပိူင်ႈ​တၢင်း​ၵႂႃႇ မိူၼ်​ၸိူဝ်ႉ​ၼင်ႇ​သူဝ်း​ၼၼ်ႉ​ယူႇ၊ ဝႄႈ​ပိူင်ႈ​ငႅၵ်း​ၸွမ်း​သဵၼ်ႈ​တၢင်း တူဝ်​ၸဝ်ႈ​ၵဝ်ႇ​ၵႂႃႇ ႁင်း​ၽႂ်​ႁင်း​မၼ်း​ယူႇ​လႄႈ ထႃႇဝရႃႉ​ၽြႃး ဢဝ်​ဢပႅတ်ႈ​ႁဝ်း တင်း​သဵင်ႈ​တင်း​လူင် တၢင်ႇ​သႂ်ႇ​ၵႃႈ​ၼိူဝ်​မၼ်း​ၼၼ်ႉ​ဢေႃႈ။-</verse>
				<verse number="7">မၼ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢိၵ်ႇ​တင်း တၢင်း​ဢၼ်​ၶျႃး​တႅမ်ႇ​လႄႈ ယင်း​ဢမ်ႇ​ၽုၺ်ႇ​ပိုတ်ႇ​သူပ်း​မၼ်း​လႄႈ ယူႇ​ဢေႃႈ။ ၸိူဝ်ႉ​ၼင်ႇ သူဝ်း​ဢွၼ်ႇ​ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​ၵႂႃႇ ႁႂ်ႈ​လႆႈ​ဢဝ်​တၢႆ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​သူဝ်း​ဢၼ် ယင်း​ဢမ်ႇ​ႁွင်ႉ​ဢမ်ႇ​သႅၼ်ႇ ၵႃႈ​တီႈ​ၽၢႆႇ​ၼႃႈ​ၵေႃႉ​ဢၼ်​ၵႅတ်း​ႁႆး​ၶူၼ်​မၼ်း​ယူႇ​ၼၼ်ႉ​လႄႈ မၼ်း​ၼၼ်ႉ ယင်း​ဢမ်ႇ​ပိုတ်ႇ​ပၢၵ်ႇ​လႄႈ​ယူႇ​ဢေႃႈ။-</verse>
				<verse number="8">ၵွပ်ႈ​ပိူဝ်ႈ တုၵ်ႉ​ၶႃႉ​တၢင်း​ၽၢၼ်​ဢိၵ်ႇ​တင်း တၢင်း​ဢၼ်​ၸီႇ​ယၢင်ႇ​တႅပ်း​တတ်း​ၼၼ်ႉ​လႄႈ မၼ်း​လႆႈ​ၶၢမ်ႇ​တၢင်း​ဢၼ်​ဢဝ်​ဢွၵ်ႇ​ၵႂႃႇ​ဢေႃႈ။​ၼႂ်း​ၸူဝ်ႈ​ပၢၼ်​မၼ်း​ၼၼ်ႉ ၽူႈ​လႂ်​ၶုၵ်း​ၸႂ်​လႆႈ​ၶႆႈ​ၸႂ်​လူၺ်ႈ​လွင်ႈ ဢၼ်​မၼ်း​လႆႈ​ၶၢမ်ႇ​တၢင်း​ဢၼ်​ပႄႇ​ၽဵဝ်ႈ​ပႅတ်ႈ​သေ​ၵႃႈ​ၼႂ်း​ၶဝ်​ၸိူဝ်း​ဢၼ် ဢသၢၵ်ႈ​လိပ်း​ယူႇ​ၼၼ်ႉ။ မၼ်း​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ ပၼ်​တၢမ်ႇ ၵွပ်ႈ​ပိူဝ်ႈ​ဢပႅတ်ႈ​တၢင်း​ဢၼ် ၵူၼ်း​ၵဝ်​တင်း​လၢႆ​ပူၼ်ႉ​လိူဝ် ၸိူဝ်း​ၼၼ်ႉ​ဢေႃႈ။-</verse>
				<verse number="9">ပိၵ်ႉ​သမ်ႉ မၼ်း​ဢမ်ႇ​ႁဵတ်း​ဢႃႉထမ်ႇမႃႉ​လႄႈ၊ ဢမ်ႇ​မီး​မူႉ​သႃႇ​တီႈ​သူပ်း​မၼ်း​သေ​ၵေႃႈ၊ ၶဝ်​ၸီႇ​ယၢင်ႇ​ႁႂ်ႈ​မၼ်း​လႆႈ​ၶၢမ်ႇ​တၢင်း​ဢၼ်​ၽင်​လိၼ် လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ ဢိၵ်ႇ​တင်း​လူၺ်ႈ​ၵၼ်​တင်း သထေး​တင်း​လၢႆ ၼႂ်း​မိူဝ်ႈ​ဢၼ်​မၼ်း​တၢႆ ၼၼ်ႉ​ဢေႃႈ။-</verse>
				<verse number="10">ထႃႇဝရႃႉ​ၽြႃး မီး​ဢလူဝ်ႇ​ၶႂ်ႈ​ၼဵၵ်း​ၶိုတ်ႈ​မၼ်း​လႅဝ်​ၼႂ်း​ၵႂႃႇ​လႄႈ ႁႂ်ႈ​မၼ်း​ၸဵပ်း​သႅပ်ႇ​ဢေႃႈ။ မၼ်း​ၼၼ်ႉ ဢဝ်​ၸႂ်​ဝီႉၺိၺ်ႇ​မၼ်း​ႁဵတ်း​တၢင်း​ပုၵ်ႈ​ၸေႃႇ​ယိတ်ႈ ဢၼ်​ၽေႇ​ဢပႅတ်ႈ သေ​ယဝ်ႉ တၵ်း​လႆႈ​ႁၼ်​မဵဝ်း​ၸိူဝ်ႉ​ၶိူဝ်း​မၼ်း​လႄႈ ဢသၢၵ်ႈ​မၼ်း​ၵေႃႈ​တၵ်း​ယၢဝ်း ယိုၼ်း​ဢေႃႈ။ တၢင်း​ၵျၢမ်ႇ​တၢင်း​ပွင် ထႃႇဝရႃႉ​ၽြႃး​ၵေႃႈ တၵ်း​ႁွတ်ႈ​ထိုင်​တၢင်း​ဢၼ်​ပျေႉ​ၸုမ်ႇ​ၵႃႈ​တီႈ​မိုဝ်း​မၼ်း​ဢေႃႈ။-</verse>
				<verse number="11">မၼ်း​တၵ်း​ႁၼ်​ဢၵျူဝ်း ဝူၺ်ႇတၼႃႇ​ဢၼ်​ၸႂ်​ဝီႉၺိၺ်ႇ​မၼ်း​လႆႈ​ၶၢမ်ႇ​ၼၼ်ႉ​လႄႈ ၶိုတ်း​ၸႂ်​ပဵင်း​ၸႂ်​ဢေႃႈ။ ၵွပ်ႈ​ပိူဝ်ႈ​တၢင်း​ဢၼ် မိုတ်ႈ​ၵိုဝ်း​ၵၼ်​တင်း​ၶႃႈ​ၵဝ် ဢၼ်​သိုဝ်ႈ​တေႃႇ​ၼၼ်ႉ​လႄႈ မၼ်း​ၼၼ်ႉ တၵ်း​ႁႂ်ႈ​ၵူၼ်း​ၼမ်​ၼႃႇ တႄႇ​ယူႇ​ၼႂ်း​တၢင်း​ဢၼ်​သိုဝ်ႈ​တေႃႇ​ဢေႃႈ။​မၼ်း​လႆႈ​ႁၢပ်ႇ​ဢဝ်​ဢပႅတ်ႈ​ၶဝ်​ၵႂႃႇ​ဢေႃႈ။-</verse>
				<verse number="12">ၵွပ်ႈ​ပိူဝ်ႈ ဢၼ်​မၼ်း​ဢဝ်​ဢသၢၵ်ႈ​မၼ်း​သွၼ်း​လေႃႇ တေႃႇ​ထိုင်​ႁွတ်ႈ​ထၼ်ႈ​ပေႃး​တၢႆ​လႄႈ လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ပႃး​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​သေ​ယဝ်ႉ၊ ႁပ်ႉ​ဢဝ်​ဢပႅတ်ႈ​ၵူၼ်း​ၼမ်​ၼႃႇ​ၵႂႃႇ​လႄႈ တွင်း​ပၢၼ်ႇ​ပုၼ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​လႄႈ ၵဝ်​တၵ်း​ၽႄ​ဢဝ်​ပုၼ်ႈ​ဢဝ်​တႃႇ ဝႆႉ​ပုၼ်ႈ​မၼ်း​လူၺ်ႈ​ၵၼ်​တင်း ၵူၼ်း​ယႂ်ႇ​ၵူၼ်း​လူင်​တင်း​လၢႆ​ဢေႃႈ။ မၼ်း​တၵ်း​ၽႄ​ဢဝ်​ဢုၵ်ႉ​ၸႃႇ ဢၼ်​ႁိမ်​ဢဝ်​လႄႈ​လႆႈ​ၼၼ်ႉ လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။</verse>
			</chapter>
			<chapter number="54">
				<verse number="1">မႄႈ​မၼ် ဢၼ်​ဢမ်ႇ​ၵိူတ်ႇ​လဵင်ႉ​လုၵ်ႈ​ဢိူၺ်း၊ ႁဵတ်း​သဵင်​ဢၼ်​သႂၢင်ႇ​သိူဝ်း​သေ​လႄႈ ႁွင်ႉ​သႅၼ်ႇ​တႃႉ။ မႄႈ​ယိင်း​ဢၼ်​ဢမ်ႇ​ပႆႇ​ၶၢမ်ႇ ဝူၺ်ႇတၼႃႇ တၢင်း​ဢၼ်​ၵိူတ်ႇ​လဵင်ႉ​လုၵ်ႈ​ဢိူၺ်း၊ ၵိဝ်​သဵင်​သေ​လႄႈ ပၢဝ်ႇ​သေႃႇ​တႃႉ။ လွင်ႈ​မၼ်း​ၸမ်ႉ လုၵ်ႈ​လၢင်း​မႄႈ​ယိင်း​ဢၼ်​လႆႈ​ၶၢမ်ႇ​တၢင်း​ဢၼ် ၸုၼ်ႉ​ပႅတ်ႈ​ဝႆႉ​ၼၼ်ႉ ယဵင်ႈ​ၶႅၼ်း​ၼမ်​ၼႃႇ​သေ​လုၵ်ႈ​လၢင်း​မႄႈ​ယိင်း ဢၼ်​မီး​ၽူဝ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="2">ႁႂ်ႈ​ၵႃႈ​တီႈ​မူဝ်းၵႃႇ​မႂ်း​မီး​ၼၼ်ႉ​ၵႂၢင်ႈ​တႃႉ။ ၶဵင်ႈ​မုင်း​ၽႃႈ​ၵင်ႈ တီႈ​ယူႇ​မႂ်း​ၸိူဝ်း​ၼၼ်ႉ​ထႅင်ႈ​လူး​ၵွၼ်ႇ​တႃႉ။ ယႃႇ​ပေ​မီး​ၸႂ်​ဢၼ်​သေ​လၢႆ။ ႁဵတ်း​ႁႂ်ႈ​ၸိူၵ်ႈ​မႂ်း​တင်း​လၢႆ ယၢဝ်း​ထႅင်ႈ​လႄႈ ႁႂ်ႈ​သဝ်​မႂ်း​တင်း​လၢႆ​မၼ်ႈ​လီ​ၶိူင်ႇ​လီ​တႃႉ။-</verse>
				<verse number="3">လွင်ႈ​မၼ်း​ၸမ်ႉ မႂ်း​တၵ်း​ယႂ်ႇ​ၽႄႈ​ၼမ်​မႃး​ၵႃႈ​တီႈ​ၽၢႆႇ​တၢင်း​ၶႂႃ ၵႃႈ​တီႈ​ၽၢႆႇ​တၢင်း​သၢႆႉ​ဢေႃႈ။ မဵဝ်း​ၸိူဝ်ႉ​ၶိူဝ်း​မႂ်း တၵ်း​ၶၢမ်ႇ​ဢဝ်​ဢမူၺ်ႇ​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ ႁဵတ်း​ႁႂ်ႈ​ဝဵင်း​ဢၼ်​သဵတ်ႇ​ဢၼ်​ယဵၼ် ၸိူဝ်း​ၼၼ်ႉ လႆႈ​မီး​ၽူႈ​မီး​ၵူၼ်း​ဢေႃႈ။-</verse>
				<verse number="4">ယႃႇ​ပေ​မႆႈ​ၸႂ်။ မႂ်း​တၵ်း​ဢမ်ႇ​လႆႈ​ႁွတ်ႈ​ထိုင်​တၢင်း​ဢၼ်​ဢူၵ်း​ဢၼ်​ဢၢႆ။ ယႃႇ​ပေ​ၵႂင်​ၸႂ်​ယုင်ႈ​ၸႂ်။ မႂ်း​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ် ၵူဝ်​ဢၼ်​ဢၢႆ။ မႂ်း​တၵ်း​လူင်​လိုမ်း တၢင်း​ဢၼ်​ဢူၵ်း​ဢၼ်​ဢၢႆ ဢၼ်​မႂ်း​လႆႈ​ၶၢမ်ႇ​ၼႂ်း​မိူဝ်ႈ​ဢၼ်​ဢသၢၵ်ႈ​မႂ်း ယင်း​တိုၵ်ႉ​ၼုမ်ႇ​ယူႇ​ၼၼ်ႉ ပႅတ်ႈ​လႄႈ ၵမ်း​လိုၼ်း​မႂ်း​ဢမ်ႇ​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တၢင်း​ဢၼ်​မႂ်း​ပဵၼ်​မႄႈ​မူၵ်း​မႄႈ​မၢႆႈ​လႄႈ လႆႈ​ၶၢမ်ႇ​တၢင်း​ဢၼ်​သႄႉ​ဢၼ်​သွမ်း​ၼၼ်ႉ။-</verse>
				<verse number="5">လွင်ႈ​မၼ်း​ၸမ်ႉ ၵေႃႉ​ဢၼ်​ႁဵတ်း​ပဵၼ်​မႂ်း​ၼၼ်ႉ ပဵၼ်​ၽူဝ်​မႂ်း​လႄႈ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၸမ်ႉ၊ ပဵၼ်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ဢေႃႈ။ ၽြႃး​ဢၼ်​မူတ်း​ၸၢင်ႇ တီႈ​မဵဝ်း​ ဢီႉသရေႇလႃႉ ပဵၼ်​ၸဝ်ႈ​ဢၼ်​ထုတ်ႇ​ဢဝ်​မႂ်း​လႄႈ မၼ်း​ၸဝ်ႈ​လႆႈ​ၶၢမ်ႇ​တၢင်း​ဢၼ် ႁွင်ႉ​ႁဵၵ်ႈ ၽြႃး​ဢၼ်​လႆႈ​ဢုပ်ႉ​ပိူင်ႇ​လိၼ်​မိူင်း တင်း​သဵင်ႈ​တင်း​မူတ်း​ဢေႃႈ။-</verse>
				<verse number="6">ထႃႇဝရႃႉ​ၽြႃး ႁွင်ႉ​ဢဝ်​မႂ်း​ၸိူဝ်ႉ​ၼင်ႇ​မႄႈ​ယိင်း ဢၼ်​လႆႈ​ၶၢမ်ႇ​တၢင်း​ဢၼ်​ၸုၼ်ႉ​ပႅတ်ႈ​လႄႈ ၶၢၼ်​ၸႂ်၊ မႄႈ​ယိင်း​ဢၼ်​ပဵၼ်​မေး​ၼႂ်း မိူဝ်ႈ​ဢၼ်​ယင်း​လဵၵ်ႉ​ယင်း​ဢွၼ်ႇ​ၼၼ်ႉ​လႄႈ ၵမ်း​လိုၼ်း လႆႈ​ၶၢမ်ႇ​တၢင်း​ဢၼ်​တွပ်ႇ​ထဵင်​ပႄႇ​ပႅတ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၽြႃး​ပဵၼ်​ၸဝ်ႈ​မႂ်း​မီး​ဢမိင်ႉ​ဢေႃႈ။-</verse>
				<verse number="7">ၵဝ်​ၸုၼ်ႉ​ပႅတ်ႈ​မႂ်း​ၵမ်း​ဢွၼ်ႇ​ၼိုင်ႈ ၵူၺ်း​လႄႈ တၵ်း​သမ်ႉ​ဢဝ်​တင်း ၵရူႉၼႃႇ​ဢၼ်​ယႂ်ႇ​ၼမ်​ၼႃႇ ၶိုၼ်း​သိမ်း​ဢဝ်​မႂ်း​ဢေႃႈ။-</verse>
				<verse number="8">တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ ဢွၵ်ႇ​ႁႅင်း​ယႂ်ႇ​ၼႃႇ​လူင်​လၢင်​လႄႈ ၵဝ်​ဝၢႆႇ​ၼႃႈ​ပႅတ်ႈ​မႂ်း​ၵမ်း​ဢွၼ်ႇ​ၼိုင်ႈ ၵူၺ်း​လႄႈ တၵ်း​ဢဝ်​တင်း​မႅတ်ႈ​တႃႇ ထႃႇဝရႃႉ​ဢဵတ်း​လူ ၸွႆႈ​ထႅမ်​မႂ်း​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ၸဝ်ႈ​ဢၼ်​ထုတ်ႇ​ဢဝ်​မႂ်း​ၼၼ်ႉ မီး​ဢမိင်ႉ​ဢေႃႈ။-</verse>
				<verse number="9">ဢၼ်​ၼႆႉ​ပဵၼ်​ၸိူဝ်ႉ​ၼင်ႇ​ၼမ်ႉ​ဢၼ် ထူမ်ႈ​ႁူမ်ႇ​ၼႂ်း​ပၢၼ် ၼူဝ်းဢႃႇ ​ၼၼ်ႉ​တီႈ​ၵဝ်​ဢေႃႈ။ ၸိူဝ်ႉ​ၼင်ႇ​ဢၼ် ၵဝ်​ႁဵတ်း​တၢင်း​ဢၼ် တိူင်ႇ​လႄႈ​ဝႃႈ၊ ၵမ်း​လိုၼ်း​ၼမ်ႉ​ၼၼ်ႉ ဢမ်ႇ​လႆႈ​ထူမ်ႈ​ႁူမ်ႇ​လိၼ်​မိူင်း၊ ဝႃႈ​ၼင်ႇ​ၼႆ​ၼၼ်ႉ။ ၵဝ်​ႁဵတ်း​တၢင်း​ဢၼ်​တိူင်ႇ​လႄႈ​ဝႃႈ၊ ၵဝ်​တၵ်း​ဢမ်ႇ​ၸႂ်ႈ​မႆႈ ၶႆႈ​ၸႃႉ​တီႈ​မႂ်း​လႄႈ သင်ႇ​သွၼ်​သုင်း​မႃႉ​မႂ်း၊ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="10">ပိၵ်ႉ​သမ်ႉ​လွႆ​လူင်​တင်း​လၢႆ​သုတ်ႉ​ၶၢႆႉ​လႄႈ လွႆ​ဢွၼ်ႇ​တင်း​လၢႆ​သၼ်ႇ​ၶွၼ်း​သေ​ၵေႃႈ၊ ၵျေး​ၸူး​မႅတ်ႈ​တႃႇ​ၵဝ် ဢမ်ႇ​သုတ်ႉ​ၶၢႆႉ​သေ ၵႃႈ​တီႈ​မႂ်း။ ပတီႉၺိၺ်ႇ​တၢင်း​ဢၼ်​ၼိမ်​ၵဝ်​ၵေႃႈ ဢမ်ႇ​လႆႈ​သၼ်ႇ​လႆႈ​ၶွၼ်း၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ဢၼ်​မီး​ၸႂ်​ၵရူႉၼႃႇ တၢင်း​ဢၼ်​ဢဵတ်း​လူ​တီႈ​မႂ်း​ၼၼ်ႉ မီး​ဢမိင်ႉ​ဢေႃႈ။</verse>
				<verse number="11">မႂ်း​ဢၼ်​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး ဢိၵ်ႇ​တင်း တၢင်း​ဢၼ်​ၽူၼ်​လူင်​လူမ်း​လူင် ပတ်ႉ​ထူဝ်း​လႄႈ ဢမ်ႇ​ႁွတ်ႈ​ထိုင် တၢင်း​ဢၼ်​သၢၵ်ႈ​သႃႇ​လႆႈ​ၼႆႉ​ဢိူၺ်း၊ ၵဝ်​တၵ်း​ဢဝ် မၢၵ်ႇ​ႁိၼ်​တိူၵ်ႈ​မႂ်း​ၸိူဝ်း​ၼၼ်ႉ ၸပ်း​သႂ်ႇ​လူၺ်ႈ​ဢၢင်းၵတေႇ​ႁၢၼ်​လႄႈ ဢဝ်​ၼီႇလႃႇ​တႄႇ​ႁဵတ်း ငဝ်ႈ​ႁၢၵ်ႈ​တိူၵ်ႈ​မႂ်း ၸိူဝ်း​ၼၼ်ႉ​ဢေႃႈ။-</verse>
				<verse number="12">ၵဝ်​တၵ်း​ႁႂ်ႈ​လၢင်း​ၸီး​မႂ်း ၸိူဝ်း​ၼၼ်ႉ ယဝ်ႉ​တူဝ်ႈ​လူၺ်ႈ​သႅင်​လႅင် တင်း​လၢႆ၊ ၽၵ်း​တူ​မႂ်း​ၸိူဝ်း​ၼၼ်ႉ ယဝ်ႉ​တူဝ်ႈ​လူၺ်ႈ​ရတ်ႈတၼႃႇ​ဢၼ်​ႁိူဝ်ႈ​လႅင်း တင်း​လၢႆ၊ လမ်း​ဝဵင်း​ဢၼ်​လဵပ်ႈ​ႁွပ်ႈ​မႂ်း​ၼၼ်ႉ ယဝ်ႉ​တူဝ်ႈ​လူၺ်ႈ​သႅင်​မျၢတ်ႈ တင်း​လၢႆ​ဢေႃႈ။-</verse>
				<verse number="13">လုၵ်ႈ​လၢင်း​မႂ်း​တင်း​သဵင်ႈ​တင်း​လူင် တၵ်း​ပဵၼ်​ၵေႃႉ​ဢၼ် ထႃႇဝရႃႉ​ၽြႃး သင်ႇ​သွၼ်​ပၼ်​လႄႈ ပျေႉ​ၸုမ်ႇ​ဝႆႉ တၢင်း​ၵတ်း​ယဵၼ်​ၶျၢမ်း​သႃႇ တၢင်း​ဢၼ်​ၼိမ်​ဢၼ်​လီ​ၼမ်​ၼႃႇ​ဢေႃႈ။-</verse>
				<verse number="14">မႂ်း​တၵ်း​တႄႇ​ယူႇ ၼႂ်း​တြႃး​တၢင်း​ဢၼ်​သိုဝ်ႈ​တေႃႇ​လႄႈ မႂ်း​တၵ်း​ၵႆ​ယၢၼ်​ၵၼ်​တင်း တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​လႄႈ ဢမ်ႇ​လႆႈ​ၵူဝ်​လႆႈ​ႁႄ။ တၵ်း​ၵႆ​ယၢၼ်​ၵၼ်​တင်း တၢင်း​ဢၼ်​လူႉ​ဢၼ်​လႅဝ်​လႄႈ ဢၼ်​ၼၼ်ႉ ဢမ်ႇ​လႆႈ​ႁွတ်ႈ​ထိုင်​ၵႃႈ​တီႈ​ႁိမ်း​မႂ်း။-</verse>
				<verse number="15">ဢၶႂၢင်ႉ​ၵဝ် ယင်း​ဢမ်ႇ​မီး​လႄႈ ၶဝ်​တၵ်း ၸူႉ​ၵၼ်​တုမ်​ၵၼ်​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ် ၸူႉ​ၵၼ်​တုမ်​ၵၼ် ယူႇ​ၽၢႆႇ​ၼိုင်ႈ​တင်း​မႂ်း​ၼၼ်ႉ တၵ်း​ၶဝ်ႈ​ပဵၼ်​ၽၢႆႇ​မႂ်း​ဢေႃႈ။-</verse>
				<verse number="16">တူၺ်း​လူး၊ ၵဝ်​ၽၢၼ်ႇ​သၢင်း​ႁဵတ်း​ပဵၼ်​ၸၢင်ႈ​လဵၵ်း​ဢၼ် ထူဝ်း​ၽႆး​လႄႈ ႁဵတ်း​လၢၵ်ႈ​ၼၢၵ်ႈ​ပုၼ်ႈ​တၢင်း​ႁဵတ်း​မၼ်း ၼၼ်ႉ​လႄႈ ၵဝ်​ၽၢၼ်ႇ​သၢင်း​ႁဵတ်း​ပဵၼ် ၵေႃႉ​ဢၼ်​ယႃႉ​ပႅတ်ႈ ပုၼ်ႈ​လွင်ႈ​ၼင်ႇ​ႁိုဝ်​တၵ်း​ယႃႉ​ပႅတ်ႈ​ၼၼ်ႉ​ဢေႃႈ။-</verse>
				<verse number="17">လၢၵ်ႈ​ၼၢၵ်ႈ​ဢၼ်​ႁဵတ်း​ယူႇ​ၽၢႆႇ​ၼိုင်ႈ တင်း​မႂ်း​ၼၼ်ႉ တၵ်း​ဢမ်ႇ​လႆႈ​ႁွတ်ႈ​ထိုင် တၢင်း​ဢၼ်​ပျေႉ​ၸုမ်ႇ သေ​ၸိူဝ်ႉ​သေ​ပိူင်​လႄႈ မႂ်း​တၵ်း​လႆႈ ၸီႇ​ယၢင်ႇ​တႅပ်း​တတ်း သူပ်း​လိၼ်ႉ​ၶဝ် ၵႃႈ​ဢၼ် ထူပ်း​တြႃး​ၵၼ်​တင်း​မႂ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ဢမူၺ်ႇ​ၶႃႈ ထႃႇဝရႃႉ​ၽြႃး တင်း​လၢႆ ဢိၵ်ႇ​တင်း​တၢင်း​ဢၼ်​သိုဝ်ႈ​တေႃႇ​ၶဝ် ဢၼ်​ပဵၼ်​ၵွပ်ႈ​ပိူဝ်ႈ​ၵဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="55">
				<verse number="1">ၵႃႈ​ပဵၼ် ၵေႃႉ​ဢၼ်​ယၢၵ်ႇ​ၼမ်ႉ​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​မႃး​ၸူး​ၵႃႈ​တီႈ​ၼမ်ႉ​တႃႉ။ ၵေႃႉ​ဢၼ်​ဢမ်ႇ​မီး​ငိုၼ်း​ၶဝ်​ဢိူၺ်း၊ ဢွၼ်​ၵၼ်​မႃး​တႃႉ။ ဢွၼ်​ၵၼ်​သိုဝ်ႉ​ဢဝ်​လႄႈ​ၵိၼ်​တႃႉ။ ဢွၼ်​ၵၼ်​မႃး​လႄႈ ယင်း​ဢမ်ႇ​ပႃး​ငိုၼ်း၊ ယင်း​ဢမ်ႇ​ပၼ်​ၵႃႈ​မၼ်း​ၶၼ်​မၼ်း​လႄႈ သိုဝ်ႉ​ဢဝ်​ၼမ်ႉ​ၸပိတ်ႈ ဢိၵ်ႇ​တင်း​ၼမ်ႉ​ၼူမ်း​တႃႉ။-</verse>
				<verse number="2">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ႁႂ်ႈ​ငိုၼ်း​သူ​သဵင်ႈ​မူတ်း​ပုၼ်ႈ​လွင်ႈ​တၢင်း​ဢၼ်​ဢမ်ႇ​ၸႂ်ႈ​တၢင်း​ၵိၼ်​ၼၼ်ႉ​လႄႈ ႁႂ်ႈ​တၢင်း​ႁဵတ်း​ၵၢၼ်​ငၢၼ်း​မႂ်း သဵင်ႈ​မူတ်း​ပုၼ်ႈ​လွင်ႈ​တၢင်း​ဢၼ်​ဢမ်ႇ​ပေႇ တၢင်း​ဢၼ်​တွင်ႉ​မႆႈ​ၼၼ်ႉ​ၼင်ႇ​ႁိုဝ်။ ဢွၼ်​ၵၼ်​ထွမ်ႇ​ဢဝ်​ၵႂၢမ်း​ၵဝ်​ၼႆႉ လီ​လီ​ငၢမ်း​ငၢမ်း သေ​လႄႈ ၵိၼ်​တၢင်း​ၵိၼ်​ဢၼ်​လီ​ဢၼ်​ငၢမ်း​တႃႉ။ ႁႂ်ႈ​ဝီႉၺိၺ်ႇ​သူ​ၼၼ်ႉ ႁႂ်ႈ​သူ​မူၼ်ႈ​ပျေႃႇ​ယူႇ ၼႂ်း​လွင်ႈ​တၢင်း​ဢၼ်​ဝၢၼ်​ဢၼ်​ၸဵမ်း ၼၼ်ႉ​တႃႉ။-</verse>
				<verse number="3">ဢွၼ်​ၵၼ် ႁေႈ​ႁူ​သူ တေႃႇ​ၵဝ်​လႄႈ မႃး​တီႈ​ၵဝ်​တႃႉ။ ဢွၼ်​ၵၼ်​ထွမ်ႇ​ငိၼ်း​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ဝီႉၺိၺ်ႇ​သူ ၼၼ်ႉ ဢသၢၵ်ႈ​တၵ်း​လႆႈ​လိပ်း​ဢေႃႈ။ ၵဝ်​တၵ်း​ႁဵတ်း​ပတီႉၺိၺ်ႇ ထႃႇဝရႃႉ​ဢၼ်​ဝႃႈ ၵျေး​ၸူး​ၸဝ်ႈ​ဢၼ်​မၼ်ႈ​ၶိူင်ႇ​တီႈ​ တႃႇဝိတ်ႈ ​ၼၼ်ႉ​ၸိူဝ်း​ၼၼ်ႉ လူၺ်ႈ​ၵၼ်​တင်း​သူ​ဢေႃႈ။-</verse>
				<verse number="4">တူၺ်း​လူး၊ ၵဝ်​ဢဝ်​မၼ်း​ၼၼ်ႉ ပၼ်​ႁႂ်ႈ​ပဵၼ်​ၵေႃႉ​ဢၼ် ၶၢမ်ႇ​သၢၵ်ႈ​သေႇ တီႈ​မဵဝ်း​ၵူၼ်း​တင်း​လၢႆ ဢိၵ်ႇ​တင်း ႁႂ်ႈ​ပဵၼ်​ၵေႃႉ​ဢၼ် ပဵၼ်​ငဝ်ႈ​ပဵၼ်​ႁူဝ် တင်း​ၸဝ်ႈ​ဢၼ်​ဢုပ်ႉ​ပိူင်ႇ ၸီႇ​ယၢင်ႇ​ၵႃႈ​ၼိူဝ် မဵဝ်း​ၵူၼ်း​တင်း​လၢႆ​ဢေႃႈ။-</verse>
				<verse number="5">တူၺ်း​လူး၊ မႂ်း​တၵ်း​ႁွင်ႉ​ဢဝ်​ၵူၼ်း​မဵဝ်း​ဢၼ်​မႂ်း​ဢမ်ႇ​ယၢမ်ႈ​ႁူႉ​ၼၼ်ႉ​လႄႈ ၵူၼ်း​မဵဝ်း​ဢၼ်​မႂ်း​ဢမ်ႇ​ယၢမ်ႈ​ႁူႉ​ၼၼ်ႉ တၵ်း​ဢွၼ်​ၵၼ်​လႅၼ်ႈ​မႃး​ၸူး​တီႈ​မႂ်း ၵွပ်ႈ​ပိူဝ်ႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း၊ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။ မၼ်း​ၸဝ်ႈ​ႁႂ်ႈ မုၼ်​ၽုင်း​မႂ်း​ၵီႈ​မႃး​ဢေႃႈ။-</verse>
				<verse number="6">ဢွၼ်​ၵၼ်​ႁႃ​ဢဝ် ထႃႇဝရႃႉ​ၽြႃး ၼႂ်း​မိူဝ်ႈ​ဢၼ်​ထူပ်း​လႆႈ​ၼၼ်ႉ​တႃႉ။ ဢွၼ်​ၵၼ်​ႁဵတ်း သူး​တွင်း​ပထၼႃႇ တီႈ​မၼ်း​ၸဝ်ႈ ၼႂ်း​မိူဝ်ႈ​ဢၼ်​မၼ်း​ၸဝ်ႈ မီး​ၸမ်​ၼၼ်ႉ​တႃႉ။-</verse>
				<verse number="7">ႁႂ်ႈ​ၵေႃႉ​ဢၼ်​ႁၢႆႉ​မိူၵ်ႈ​ၼၼ်ႉ ၸုၼ်ႉ​ပႅတ်ႈ​သဵၼ်ႈ​တၢင်း​မၼ်း၊ ႁႂ်ႈ​ၵေႃႉ​ဢၼ်​ဢမ်ႇ​တြႃး​ၼၼ်ႉ ၸုၼ်ႉ​ပႅတ်ႈ​တၢင်း​ၵျၢမ်ႇ​တၢင်း​ပွင်​မၼ်း တင်း​လၢႆ သေ​လႄႈ​ၶၢႆႉ​ပုတ်ႈ​မႃး​ယူႇ​ၵႃႈ​တီႈ​ၽၢႆႇ ထႃႇဝရႃႉ​ၽြႃး​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် မၼ်း​ၸဝ်ႈ​တၵ်း​ဢဵတ်း​လူ မၼ်း​ဢေႃႈ။ ႁႂ်ႈ​ၶၢႆႉ​ပုတ်ႈ​မႃး​ယူႇ​ၵႃႈ​တီႈ​ၽၢႆႇ​ၽြႃး​ပဵၼ်​ၸဝ်ႈ​ႁဝ်း​တႃႉ၊ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မၼ်း​ၸဝ်ႈ​တၵ်း​ပွႆႇ​လွတ်ႈ​ဢပႅတ်ႈ ယႂ်ႇ​ယႂ်ႇ​ၼမ်​ၼမ်​ဢေႃႈ။-</verse>
				<verse number="8">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ တၢင်း​ၵျၢမ်ႇ​တၢင်း​ပွင်​ၵဝ်​တင်း​လၢႆ ဢမ်ႇ​မိူၼ်​ၵၼ်​တင်း တၢင်း​ၵျၢမ်ႇ​တၢင်း​ပွင်​သူ။ သဵၼ်ႈ​တၢင်း​ၵဝ်​တင်း​လၢႆ​ၵေႃႈ ဢမ်ႇ​မိူၼ်​ၵၼ်​တင်း သဵၼ်ႈ​တၢင်း​သူ​ၵႂႃႇ​ၸိူဝ်း​ၼၼ်ႉ။-</verse>
				<verse number="9">ၸိူဝ်ႉ​ၼင်ႇ​ဢၼ်​ၽႃႉ​ၵၢင်​ႁၢဝ် ယဵင်ႈ​ၶႅၼ်း​သုင်​ၼႃႇ​သေ​လိၼ်​မိူင်း​ၼၼ်ႉ၊ သဵၼ်ႈ​တၢင်း​ၵဝ်​ၸိူဝ်း​ၼၼ်ႉ ယဵင်ႈ​ၶႅၼ်း​သုင်​ၼႃႇ​သေ သဵၼ်ႈ​တၢင်း​သူ​ၸိူဝ်း​ၼၼ်ႉ၊ တၢင်း​ၵျၢမ်ႇ​တၢင်း​ပွင်​ၵဝ်​တင်း​လၢႆ ယဵင်ႈ​ၶႅၼ်း​သုင်​ၼႃႇ​သေ တၢင်း​ၵျၢမ်ႇ​တၢင်း​ပွင် သူ​ၸိူဝ်း​ၼၼ်ႉ​ဢေႃႈ။-</verse>
				<verse number="10">ၸိူဝ်ႉ​ၼင်ႇ​ဢၼ်​ၼမ်ႉ​ၽူၼ် ဢိၵ်ႇ​တင်း​မူၺ်​ႁႃႇ လုၵ်ႉ​သေ​ၵႃႈ​တီႈ​ၵၢင်​ႁၢဝ်​လူင်း​မႃး​လႄႈ ၵမ်း​လိုၼ်း​ဢမ်ႇ​ၶိုၼ်း​ဢမ်ႇ​မိူဝ်း​လႄႈ ႁႂ်ႈ​လိၼ်​ယမ်း​ယူႇ၊ ႁႂ်ႈ​ဢွၵ်ႇ​တူၼ်ႈ​ယူႇ၊ ႁႂ်ႈ​မၢၵ်ႇ​မၢၵ်ႇ​ယူႇ​သေ​လႄႈ ပၼ်​ၸိူဝ်ႉ​ၽၼ်း​တီႈ​ၵေႃႉ​ဢၼ် ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ဢိၵ်ႇ​တင်း တၢင်း​ၵိၼ်​တၢင်း​ၶူပ်း တီႈ​ၵေႃႉ​ဢၼ်​ၵိၼ်​ၼၼ်ႉ၊-</verse>
				<verse number="11">ၵႂၢမ်း​ၼုၵ်ႈၵပၢတ်ႈ​ၵဝ် တၵ်း​ပဵၼ်​ၸိူဝ်ႉ​ၼင်ႇ​ၼၼ်​ဢေႃႈ။ ယင်း​ဢမ်ႇ​မီး​ဢၵျူဝ်း​လႄႈ ဢမ်ႇ​လႆႈ​ၶိုၼ်း​လႆႈ​မႃး​တီႈ​ၵဝ်။ တၵ်း​ႁႂ်ႈ​ဢလူဝ်ႇ​ၵဝ် ပျေႉ​ၸုမ်ႇ​လႄႈ ပႄႉ​ၼႅင်ႇ​ၼႂ်း​လွင်ႈ​တၢင်း​ဢၼ် ၵဝ်​ပွႆႇ​ၸႂ်ႉ​မၼ်း​ၵႂႃႇ​ၼၼ်ႉ​ဢေႃႈ။-</verse>
				<verse number="12">သူ​တၵ်း​လႆႈ​ပႃး​တင်း​ၸႂ်​ဢၼ်​ၸူမ်း​သိူဝ်း ဢွၵ်ႇ​ၵႂႃႇ​လႄႈ ပႃး​တင်း တၢင်း​ဢၼ်​ၵတ်း​ယဵၼ်​ၶျၢမ်း​သႃႇ ၶၢမ်ႇ​တၢင်း​ဢၼ်​ဢဝ်​သူင်ႇ​ၵႂႃႇ​ဢေႃႈ။လွႆ​လူင်​လွႆ​ဢွၼ်ႇ​တင်း​လၢႆ တၵ်း​ဢွၼ်​ၵၼ်​ပႃး​ဢဝ်​တင်း​သဵင် ဢၼ်​ႁဵတ်း​ၵႂၢမ်း​ပၢဝ်ႇ​သေႃႇ ၵႃႈ​တီႈ​ၽၢႆႇ​ၼႃႈ​မႂ်း​လႄႈ တူၼ်ႈ​မႆႉ ၵႃႈ​ဢၼ်​မီး​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၼၼ်ႉ တၵ်း​ဢွၼ်​ၵၼ်​တူပ်း​မိုဝ်း​ဢေႃႈ။-</verse>
				<verse number="13">တူၼ်ႈ​မႆႉ​ပႅၵ်ႇ​တၵ်း​ဢွၵ်ႇ​မႃး တၢင်​တူဝ် တူၼ်ႈ​ၼၢမ်​လႄႈ တူၼ်ႈ​ မူႉရတူႉ ​တၵ်း​ဢွၵ်ႇ​မႃး တၢင်​တူဝ်​တူၼ်ႈ​ၼၢမ်​လိၼ်​ဢေႃႈ။​လွင်ႈ​တၢင်း​ၼၼ်ႉ တၵ်း​လႆႈ​ပဵၼ်​တီႈ​ဢၼ် တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး ဢၼ်​ဝႃႈ​သၢၵ်ႈ​သေႇ ထႃႇဝရႃႉ​ဢၼ်​ဢမ်ႇ​လႆႈ​ႁၢႆ​လႆႈ​လူႉ ၼၼ်ႉ​ဢေႃႈ။</verse>
			</chapter>
			<chapter number="56">
				<verse number="1">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ဢွၼ်​ၵၼ်​ပႂ်ႉ​တြႃး​ယူႇ​လႄႈ ၵမ်​ၵျၢင်ႉ​သိုဝ်ႈ​သိုဝ်ႈ​တေႃႇ​တေႃႇ​ယူႇ​တႃႉ။ ၵျေး​ၸူး​တၢင်း​ဢၼ်​ၵႄႇ​သႄႇ ၶျွတ်ႈ​ဢဝ်​ၵဝ်​ၼၼ်ႉ​ၸမ်​တၵ်း​ႁွတ်ႈ​ထိုင်​လႄႈ တြႃး​တၢင်း​ဢၼ်​သိုဝ်ႈ​တေႃႇ​ၵဝ်​ၼၼ်ႉ​ၸမ်​တၵ်း​ထၢင်ႇ​သႃး​ယဝ်ႉ။-</verse>
				<verse number="2">ၵူၼ်း​ဢၼ် ႁဵတ်း​ၸိူဝ်ႉ​ၼင်ႇ​ၼၼ်၊ လုၵ်ႈ​ၵူၼ်း​ဢၼ် ၸွႆး​ၸပ်း​လွင်ႈ​တၢင်း​ၼၼ်ႉ မၼ်ႈ​မၼ်ႈ​ၶိူင်ႇ​ၶိူင်ႇ​ဢၼ်​ယင်း​ဢမ်ႇ​ၶျႃး​ဝၼ်း​ၵမ်​သိၼ် တူၵ်း​တီႈ​တႅမ်ႇ​လႄႈ ပႂ်ႉ​ၵမ်​ပႂ်ႉ​ၸွမ်း​ယူႇ၊ ဢၼ်​ၶျုၵ်ႈ​မိုဝ်း​မၼ်း​ယူႇ ႁႂ်ႈ​ဢမ်ႇ​လႆႈ​ႁဵတ်း​တူႉ​ၸရိူၵ်ႈ​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="3">ယႃႇ​ပေ​ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ၶဝ်​ၸပ်း​ၶဝ်​ဢိင်​ယူႇ​တီႈ ထႃႇဝရႃႉ​ၽြႃး​ၼၼ်ႉ လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး တၵ်း​ၽႄ​ဢဝ်​ၵဝ် ဢွၵ်ႇ​သေ​ၵႃႈ​ၼႂ်း​ၵူၼ်း​မၼ်း​ၸဝ်ႈ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​လႄႈ ယႃႇ​ပေ​ႁႂ်ႈ​ၵူၼ်း​တွၼ် လၢတ်ႈ​လႄႈ​ဝႃႈ၊​ၵဝ်​ပဵၼ်​တူၼ်ႈ​ဢၼ်​ယူတ်း​လီ​ႁႅင်ႈ​လီ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="4">ထႃႇဝရႃႉ​ၽြႃး မီး​ဢမိင်ႉ​လူၺ်ႈ​လွင်ႈ ၵူၼ်း​တွၼ်​ဢၼ်​ဢွၼ်​ၵၼ်​ပႂ်ႉ​ဝၼ်း​ၵမ်​သိၼ်​ၵဝ်​ယူႇ၊ ဢၼ်​လိူၵ်ႈ​ၵဵပ်း​ဢဝ် လွင်ႈ​တၢင်း​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်​လႄႈ ၸပ်း​ဢိင်​ပတီႉၺိၺ်ႇ​ၵဝ်​ယူႇ ၸိူဝ်း​ၼၼ်ႉ​ၸမ်ႉ၊-</verse>
				<verse number="5">ၵဝ်​တၵ်း​ဢဝ်​တီႈ​ယူႇ​တီႈ​သဝ်း ဢိၵ်ႇ​တင်း​ၼႃႇ​မႃႉ​ၸိုဝ်ႈ​သဵင် ဢၼ်​မျၢတ်ႈ​ၼႃႇ​သေ လုၵ်ႈ​ၸၢႆး​လုၵ်ႈ​ယိင်း​တင်း​လၢႆ​ၼၼ်ႉ ပၼ်​တီႈ​ၶဝ်​ၼၼ်ႉ ၵႃႈ​ၼႂ်း​ႁိူၼ်း​ၵဝ် ဢိၵ်ႇ​တင်း တမ်ႇ​တိူင်း​ၵဝ်​ဢေႃႈ။ ၵဝ်​တၵ်း​ဢဝ် ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ ဢၼ်​ဢမ်ႇ​ႁၢႆ​လၢႆ​ၼၼ်ႉ​ပၼ်​တီႈ​ၶဝ်​ဢေႃႈ။-</verse>
				<verse number="6">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ၸပ်း​ဢိင်​ယူႇ​တီႈ ထႃႇဝရႃႉ​ၽြႃး ႁႂ်ႈ​လႆႈ​မီး​တၢင်း​ဢၼ်​ပွင်​ႁဵတ်း​ဢမူႉ​မၼ်း​ၸဝ်ႈ၊ တၢင်း​ဢၼ်​ႁၵ်ႉ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ၊ တၢင်း​ဢၼ်​ပဵၼ်​ၶႃႈ​မၼ်း​ၸဝ်ႈ​ၸိူဝ်း​ၼၼ်ႉ ဢိၵ်ႇ​တင်း ၶဝ်​ၸိူဝ်း​ဢၼ်​ယင်း​ဢမ်ႇ​ၶျႃး​ဝၼ်း​ၵမ်​သိၼ် တူၵ်း​တီႈ​တႅမ်ႇ​လႄႈ ပႂ်ႉ​ၵမ်​ပႂ်ႉ​ၸွမ်း​ယူႇ၊ ၸွႆး​ၸပ်း​ပတီႉၺိၺ်ႇ​ၵဝ်​ယူႇ​ၸိူဝ်း​ၼၼ်ႉ​ၸိုင်၊-</verse>
				<verse number="7">ၵဝ်​တၵ်း​ဢဝ်​မႃး​ၵႃႈ​တီႈ​လွႆ​ဢၼ်​မူတ်း​ၸၢင်ႇ​ၵဝ်​လႄႈ ႁႂ်ႈ​ၶဝ်​ၸူမ်း​သိူဝ်း​ယူႇ​ၵႃႈ​ၼႂ်း​ႁိူၼ်း​ပထၼႃႇ​ၵဝ်​ဢေႃႈ။ ၵဝ်​တၵ်း​ႁပ်ႉ​တုင်း​ဢဝ်​ယိတ်ႈ​ဢၼ် တုတ်ႇ​ၽႆး​ၶဝ် ဢိၵ်ႇ​တင်း ယိတ်ႈ​ၶဝ် ၵူႈ​ၸိူဝ်ႉ​ၵူႈ​ပိူင် ၵႃႈ​ၼိူဝ်​ယိတ်ႈပလၢင်ႇ​ၵဝ်​ဢေႃႈ။ ႁိူၼ်း​ၵဝ်​ၸိုင် တၵ်း​လႆႈ ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ႁိူၼ်း​တီႈ​ဢၼ်​ၵူၼ်း ၵူႈ​ၸိူဝ်ႉ​ၵူႈ​မဵဝ်း သူး​တွင်း​ဢေႃႈ။-</verse>
				<verse number="8">ၸဝ်ႈ​ထႃႇဝရႃႉ​ၽြႃး ဢၼ်​ႁႂ်ႈ​ၵူၼ်း​မဵဝ်း​ ဢီႉသရေႇလႃႉ ဢၼ်​ၽၢတ်ႇ​ၽႄ​ၵၼ်​ၵႂႃႇ​ၵူႈ​တီႈ​ၵူႈ​လႅၼ်​ၼၼ်ႉ လႆႈ​ၸူႉ​ၵၼ်​တုမ်​ၵၼ်​ၼၼ်ႉ မီး​ဢမိင်ႉ​ဝႆႉ​ၸမ်ႉ၊ ၼွၵ်ႈ​သေ​ၶဝ်​ၸိူဝ်း​ဢၼ်​ၸူႉ​ၵၼ်​တုမ်​ၵၼ်​ၼၼ်ႉ၊ ၵဝ်​တၵ်း​ႁႂ်ႈ​ပိူၼ်ႈ​ၸူႉ​ၵၼ်​တုမ်​ၵၼ် တီႈ​မၼ်း​ထႅင်ႈ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">တူဝ်​ဢၼ်​မီး​ၵႃႈ​ၼႂ်း ပၢင်ႇ​တူင်ႈ​ႁႆႊ​တူင်ႈ​ၼႃး​တင်း​သဵင်ႈ​တင်း​လူင်​ၶဝ်​ဢိူၺ်း၊ တူဝ်​ႁၢႆႉ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း တင်း​သဵင်ႈ​တင်း​လူင် ၶဝ်​ဢိူၺ်း၊ ဢွၼ်​ၵၼ်​မႃး​ႁႂ်ႈ​လႆႈ​ၶူပ်း​လႆႈ​ၵိၼ်​တႃႉ။-</verse>
				<verse number="10">ၶဝ်​ၸိူဝ်း​ဢၼ်​ပႂ်ႉ​ၵၢင်​မၼ်း​ၼၼ်ႉ တႃ​မွတ်ႇ​လႄႈ ၶဝ်​ၵႃႈ​မီး တင်း​သဵင်ႈ​တင်း​လူင်​ၼၼ်ႉ ဢမ်ႇ​မီး​တၢင်း​ဢၼ်​ႁူႉ​ဢၼ်​ၸႅင်ႈ​လႃး​လႃး။​ၶဝ်​ၵႃႈ​မီး​ၼၼ်ႉ ပဵၼ်​မႃ​ဢၼ်​ဢႃႉ​လႄႈ ဢမ်ႇ​ႁဝ်ႇ​လႆႈ၊ မႃ​ဢၼ်​ၵႂင်၊ မႃ​ဢၼ်​ၼွၼ်း​ယူႇ​လႄႈ တႃ​ၼွၼ်း​ယႂ်ႇ​ၼႃႇ​လူင်​လၢင် ၼၼ်ႉ​ဢေႃႈ။-</verse>
				<verse number="11">မႃ​ၸိူဝ်း​ၼၼ်ႉ ၶႂ်ႈ​ၵိၼ်​ၶႂ်ႈ​ၶူပ်း​ၼႃႇ​လူင်​လၢင်​လႄႈ တွင်ႉ​ၶဝ်​ဢမ်ႇ​ဢိမ်ႇ​ဢမ်ႇ​တဵမ်​လႆႈ။ ၶဝ်​ပဵၼ်​ၵူၼ်း​ဢၼ်​လဵင်ႉ​သူဝ်း​ထိင်း​သူဝ်း ဢၼ်​ဢမ်ႇ​ၸၢင်ႈ​ၸၵ်း​ၽႄ​လႄႈ​ႁူႉ​ၼၼ်ႉ​ဢေႃႈ။ ၶဝ်​ၵႃႈ​မီး​ၼၼ်ႉ ဢွၼ်​ၵၼ်​ဝႄႈ​ဢွၵ်ႇ​လႄႈ ၸွမ်း​သဵၼ်ႈ​တၢင်း​တူဝ်​ၸဝ်ႈ​ၵဝ်ႇ​ၵႂႃႇ​ဢေႃႈ။​ၶဝ်​ဢွၼ်​ၵၼ်​ယူႇ ၵႃႈ​တီႈ​ၽႂ်​ၵႃႈ​တီႈ​မၼ်း သေ​လႄႈ ႁႃ​ဢဝ်​ဢၵျူဝ်း​တၢင်း​ဢၼ် ပဵၼ်​တိုၼ်း​ပဵၼ်​ႁွၼ်း​ၶဝ်​ဢေႃႈ။-</verse>
				<verse number="12">ၶဝ်​လၢတ်ႈ​လႄႈ​ဝႃႈ၊ မႃး​မႃး​ဢိူၺ်း၊ ၵဝ်​တၵ်း​ဢဝ်​ၼမ်ႉ​ၸပိတ်ႈ​မႃး​လႄႈ ႁဝ်း​တၵ်း​ဢွၼ်​ၵၼ်​ၵိၼ်​လဝ်ႈ​မဝ်း​ၵမ် ဢိမ်ႇ​ဢိမ်ႇ​တဵမ်​တဵမ် ဢေႃႈ။ ဝၼ်း​မိူဝ်ႈ​ၽုၵ်ႈ​ၵေႃႈ တၵ်း​ပဵၼ်​ၸိူဝ်ႉ​ၼင်ႇ​ဝၼ်း​မိူဝ်ႈ​ၼႆႉ​လႄႈ လိူဝ်​သေ​ၼၼ်ႉ​ဢမ်ႇ​ၵႃး​တၵ်း​ယဵင်ႈ​ၶႅၼ်း ပျေႉ​ၸုမ်ႇ​လိူင်ႇ​ၸႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="57">
				<verse number="1">ၵေႃႉ​ဢၼ် သိုဝ်ႈ​တေႃႇ​ၼၼ်ႉ​သုမ်း​လႄႈ ၽူႈ​လႂ်​ဢမ်ႇ​ၶႆႈ​ၸႂ်​ဝူၼ်ႉ​ၸႂ်။ ၶဝ်​ၸိူဝ်း​ဢၼ်​ၸၢင်ႈ​ႁဵတ်း​ၵျေး​ၸူး​ၼၼ်ႉ ၶၢမ်ႇ​တၢင်း​ဢၼ် ပႄႇ​ၽဵဝ်ႈ​ပႅတ်ႈ​လႄႈ ၽူႈ​လႂ်​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လူၺ်ႈ​လွင်ႈ​ဢၼ်​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ လႆႈ​ၶၢမ်ႇ​တၢင်း​ဢၼ်​သိမ်း​ဢဝ် လွတ်ႈ​သေ ၵႃႈ​ၼႂ်း​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ။-</verse>
				<verse number="2">ၵူၼ်း​ၸိူဝ်ႉ​ၼင်ႇ​ၼၼ်​ၼၼ်ႉ တၵ်း​လႆႈ​ၶဝ်ႈ​ၵႃႈ​ၼႂ်း​ၵတ်း​ယဵၼ်​ၶျၢမ်း​သႃႇ​လႄႈ ၶဝ်​ၸိူဝ်း​ဢၼ်​ၵႂႃႇ​မႃး​ယူႇ​ၼႂ်း​တၢင်း​ဢၼ်​သိုဝ်ႈ​ဢၼ်​ယူဝ်း​ၶဝ်​ၼၼ်ႉ တၵ်း​လႆႈ​ၼိမ်​ယူႇ​ၵႃႈ​ၼိူဝ်​တီႈ​ၼွၼ်း​ၶဝ်​ဢေႃႈ။-</verse>
				<verse number="3">လုၵ်ႈ​လၢင်း​မႄႈ​ၽိူဝ်ႉ၊ ၸိူဝ်ႉ​ၶိူဝ်း မႄႈ​ယိင်း​ဢၼ်​လဵၼ်ႈ​ၽူဝ်​ၼွႆႉ တင်း​မႄႈ​မွၵ်ႇ​ယႃႈ​ၶဝ်​ဢိူၺ်း၊ ဢွၼ်​ၵၼ် သုတ်ႉ​ၸပ်း​သုတ်ႉ​ၸူး​တႃႉ။-</verse>
				<verse number="4">သူ​ဢွၼ်​ၵၼ်​ယဝ်ႉ​ယွၵ်ႇ​ၽူႈ​လႂ်။ သူ​ဢွၼ်​ၵၼ်​ဢႃႈ​ပၢၵ်ႇ​လႄႈ မႅပ်ႈ​လိၼ်ႉ​ဢွၵ်ႇ​ၸူး​တီႈ​ၽူႈ​လႂ်။ သူ​ပဵၼ်​ၵူၼ်း​မဵဝ်း​ဢၼ်​ၽွၵ်ႈ​ပျၢၼ်ႇ​ၶိုၼ်း၊ မဵဝ်း​ဢၼ်​သဵတ်ႈ​ၸႃႇ​လူႉ​ဢမ်ႇ​ၸႂ်ႈ​ႁိုဝ်။-</verse>
				<verse number="5">ပဵၼ်​ၵေႃႉ​ဢၼ်​ၸႂ်​ၸပ်း​ၸႂ်​ၸွႆး ရုၵ်ႈ​ထူႉ​သၢင်း​ထူႉ ၵႃႈ​တႂ်ႈ​တူၼ်ႈ​မႆႉ​ဢၼ်​ၶဵဝ်​ၵႃႈ​မီး၊ ၵေႃႉ​ဢၼ်​ဢဝ်​လုၵ်ႈ​ဢွၼ်ႇ​တၢႆ ၵႃႈ​ၼႂ်း​ၶူင်ႈ​ႁူၺ်ႈ တင်း​လၢႆ ၵႃႈ​တႂ်ႈ​တီႈ​ငၢပ်ႇ​မၢၵ်ႇ​ႁိၼ်​မၢၵ်ႇ​ၽႃ ၸိူဝ်း​ၼၼ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="6">ပုၼ်ႈ​မႂ်း​တႃႇ​မႂ်း မီး​ၵႃႈ​ၼႂ်း​မၢၵ်ႇ​ႁိၼ် ဢၼ်​မိုၼ်ႈ​ဢၼ်​ၶျေႃး​ၵႃႈ​တီႈ​ၶူင်ႈ​ႁူၺ်ႈ​ၼၼ်ႉ​လႄႈ လွင်ႈ​တၢင်း​ၸိူဝ်ႉ​ၼင်ႇ​ၼၼ် ၸိူဝ်း​ၼၼ်ႉ ပဵၼ်​ဢမူၺ်ႇ​မႂ်း​ဢေႃႈ။ တေႃႈ​ၵႃႈ ၵႃႈ​တီႈ​ၽၢႆႇ​ၼႃႈ​လွင်ႈ​တၢင်း​ၸိူဝ်ႉ​ၼင်ႇ​ၼၼ်​ၸိူဝ်း​ၼၼ်ႉ မႂ်း​ယင်း​သွၼ်း​လေႃႇ​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​လႄႈ ဢဝ်​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​ၸူး​လူင်​ပႄႇ။ ၵဝ်​တၵ်း​မီး​တၢင်း​ဢၼ်​ပေႇ​ၸႂ် ၵွပ်ႈ​ပိူဝ်ႈ လွင်ႈ​တၢင်း ၸိူဝ်ႉ​ၼင်ႇ​ၼၼ် ၸိူဝ်း​ၼၼ်ႉ​ႁိုဝ်။-</verse>
				<verse number="7">မႂ်း​ဢဝ်​ၵူႇ​ၼွၼ်း​မႂ်း​ဝႆႉ ၵႃႈ​ၼိူဝ်​လွႆ​ဢၼ်​သုင်​ၼႃႇ​ၼၼ်ႉ သေ​ယဝ်ႉ ၸၢင်ႈ​ၶိုၼ်ႈ​ၵႂႃႇ​ၵႃႈ​တီႈ​ၼၼ်ႈ ႁႂ်ႈ​လႆႈ​ပုၵ်ႈ​ၸေႃႇ​ယိတ်ႈ​ဢေႃႈ။-</verse>
				<verse number="8">မႂ်း​ဢဝ်​သၢၵ်ႈ​သေႇ​ပုၼ်ႈ​ဢၼ် မႂ်း​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼၼ်ႉ​ဝႆႉ ၵႃႈ​တီႈ​ၽၢႆႇ​လင်​ၽၵ်း​တူ ဢိၵ်ႇ​တင်း​သဝ်​တင်း​လၢႆ​ယဝ်ႉ။ ၼွၵ်ႈ​သေ​တီႈ​ၵဝ်​ၼႆႉ မႂ်း​ထွတ်ႇ​ၶူဝ်း​ၼုင်ႈ​မႂ်း​တီႈ​ပိူၼ်ႈ​သေ​လႄႈ ၶိုၼ်ႈ​ၵႃႈ​ၼိူဝ်​တီႈ​ၼွၼ်း​ယဝ်ႉ။ မႂ်း​ႁႂ်ႈ​ၵူႇ​ၼွၼ်း​မႂ်း​ၵႂၢင်ႈ​သေ​လႄႈ ႁပ်ႉ​တုင်း ဢဝ်​လူၺ်ႈ​ၵၼ်​တင်း​ၶဝ်​ယဝ်ႉ။ ၵူႇ​တီႈ​ၼွၼ်း​ၶဝ်​ၵေႃႈ မႂ်း​ၸႂ်​ၸပ်း​ၸႂ်​ၸွႆး​လႄႈ ႁႃ​ဢဝ်​တီႈ​ယူႇ​တီႈ​သဝ်း​မၼ်း​ယဝ်ႉ။-</verse>
				<verse number="9">မႂ်း​ပႃး​ဢဝ်​တင်း​ၼမ်ႉ​မၼ်း​ႁွမ်​သေ​လႄႈ ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​လႄႈ မႂ်း​သုင်း​သွင်ႇ​မဵဝ်း​ၼၢမ်ႇ​သႃႇ​တင်း​လၢႆ ၼမ်​ၼႃႇ​ယဝ်ႉ။ မႂ်း​ပွႆႇ​ၸႂ်ႉ တမၢၼ်ႇ​မႂ်း​တင်း​လၢႆ ၵႂႃႇ​ၵႃႈ​တီႈ​ဢၼ်​ၵႆ​လႄႈ တူဝ်​ၸဝ်ႈ​ၵဝ်ႇ​ၶျႃး​တူဝ်​ၸဝ်ႈ​ၵဝ်ႇ​တူၵ်း တေႃႇ​ထိုင်​ႁွတ်ႈ​မိူင်း​မရၼႃႉ​ယဝ်ႉ။-</verse>
				<verse number="10">ပိၵ်ႉ​သမ်ႉ​မႂ်း​ႁိူဝ်ႉ​ၸႂ်​ဢူၼ်ႈ​ၸႂ် လူၺ်ႈ​လွင်ႈ​ဢၼ် သဵၼ်ႈ​တၢင်း​မႂ်း​ပဵၼ်​ဢၼ်​ၵႆ​ၼႃႇ​ၼၼ်ႉ​သေ​ၵေႃႈ မႂ်း​ဢမ်ႇ​လၢတ်ႈ​လႄႈ​ဝႃႈ၊ ၸႂ်​လူႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ။ ၵွပ်ႈ​ပိူဝ်ႈ​ဢၼ်​မႂ်း​ထူပ်း​ဢသၢၵ်ႈ​မိုဝ်း​မႂ်း​လႄႈ​မႂ်း ဢမ်ႇ​မီး​တၢင်း​ဢၼ်​ႁႅင်း​ဢူၼ်ႈ​ႁႅင်း​ယွမ်း။-</verse>
				<verse number="11">မႂ်း​တူၵ်း​ၸႂ်​လႄႈ ၵူဝ်​ႁႄ​ၽူႈ​လႂ် တေႃႇ​ထိုင်​ႁွတ်ႈ ထၼ်ႈ​ပေႃး​သဵတ်ႈ​ၸႃႇ​လူႉ ဢိၵ်ႇ​တင်း​တေႃႇ​ထိုင်​ႁွတ်ႈ​ထၼ်ႈ​ပေႃး လူင်​လိုမ်း ၵဝ်​ပႅတ်ႈ​လႄႈ ဢမ်ႇ​ႁဵတ်း​သတီႉ​လႄႈ​ယူႇ​ၼၼ်ႉ ၵူဝ်​ႁႄ​ၽူႈ​လႂ်။ ၵဝ်​ယူႇ​တဵတ်ႇ​တဵတ်ႇ​ယဵၼ်​ယဵၼ် ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ယူႇ​လႄႈ မႂ်း​ယင်း​ဢမ်ႇ​ၵူဝ်​ႁႄ​ၵဝ်​လႄႈ​ယူႇ ဢမ်ႇ​ၸႂ်ႈ​ႁိုဝ်။-</verse>
				<verse number="12">ၵဝ်​တၵ်း​ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ်​သိုဝ်ႈ​တေႃႇ​မႂ်း​လႄႈ လွင်ႈ​တၢင်း​ဢၼ်​မႂ်း​ႁဵတ်း ၸိူဝ်း​ၼၼ်ႉ ဢမ်ႇ​ပၼ်​ဢၵျူဝ်း​တီႈ​မႂ်း​လႆႈ။-</verse>
				<verse number="13">မိူဝ်ႈ​ဢၼ် မႂ်း​ႁွင်ႉ​သႅၼ်ႇ​ၼၼ်ႉ၊ ႁႂ်ႈ​မုၵ်ႉ​ၸိူဝ်း​ဢၼ်​မႂ်း​ႁႂ်ႈ​ၸူႉ​ၵၼ်​တုမ်​ၵၼ်​ၼၼ်ႉ ၵႄႇ​သႄႇ​ၼုၵ်ႈ​ဢဝ်​မႂ်း​သေ​ၵမ်း။ လူမ်း​တၵ်း​ထူဝ်း ဢဝ်​ၶဝ်​ၵႂႃႇ​လႄႈ လူမ်း​ဢၼ်​ပဝ်ႇ​ပွၵ်ႈ​လဵဝ်​ၵမ်း​လဵဝ်​ၵူၺ်း​ၼၼ်ႉ တၵ်း​ဢဝ်​ၶဝ်​ပိဝ်​ၵႂႃႇ​ပႅတ်ႈ​ဢေႃႈ။ ၵေႃႉ​ဢၼ် ဢိင်​ပိုင်ႈ​ၵဝ်​ယူႇ​ၸမ်ႉ၊ တၵ်း​လႆႈ ပိူင်ႇ​ဢဝ်​မိူင်း​ၸဝ်ႈ​လႄႈ ၶၢမ်ႇ​ဢမူၺ်ႇ​လွႆ​ဢၼ်​မူတ်း​ၸၢင်ႇ​ၵဝ်​ၼၼ်ႉ​ဢေႃႈ။</verse>
				<verse number="14">မိူဝ်ႈ​ၼၼ်ႉ မၼ်း​တၵ်း​လၢတ်ႈ​လႄႈ​ဝႃႈ၊ ဢွၼ်​ၵၼ်​ဢဝ်​လိၼ်​ၵေႃႇ​လိၼ်​တဵင်​တႃႉ။ ဢွၼ်​ၵၼ်​ဢဝ်​လိၼ်​ၵေႃႇ​လိၼ်​တဵင်​တႃႉ။ ဢွၼ်​ၵၼ်​မႄး​ႁဵတ်း​သဵၼ်ႈ​တၢင်း​လႄႈ ၼုၵ်ႈ​ဢဝ်​တီႈ​ဢၼ်​ၶီႈ​လိုတ်း​လႄႈ​လူမ်ႉ​ၼၼ်ႉ ဢွၵ်ႇ​ပႅတ်ႈ​သေ​ၵႃႈ​ၼႂ်း​သဵၼ်ႈ​တၢင်း​ၵူၼ်း​ၵဝ် တင်း​လၢႆ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ ၽြႃး​ဢၼ်​ပဵၼ် ဢၼ်​ထွတ်ႈ​ဢၼ်​မျၢတ်ႈ၊ ဢၼ်​ယူႇ​ၵႃႈ​တီႈ​ၽုင်ႇ​ပိၵ်ႈ​မၢၼ်ႇ​ဢၼ်​ဝႃႈ ၶိင်ႇ​ၵႃႇလႃႉ ဢၼၼ်ႇတႃႉ၊ ဢၼ်​မီး​ၼႃႇ​မႃႉ​ၸိုဝ်ႈ​သဵင်​ဢၼ်​ဝႃႈ တၢင်း​ဢၼ်​မူတ်း​ၸၢင်ႇ​ၼၼ်ႉ မီး​ဢမိင်ႉ​ဝႆႉ​ၸမ်ႉ၊ ၵဝ်​ယူႇ​ၵႃႈ​ၼႂ်း​တီႈ​ဢၼ်​မျၢတ်ႈ​သုင် မူတ်း​ၸၢင်ႇ ဢိၵ်ႇ​တင်း​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ၸႂ်​သၽေႃး တႅၵ်ႇ​လႅဝ်​လႄႈ​ၶျႃး​တႅမ်ႇ​ၼၼ်ႉ ႁႂ်ႈ​ၸႂ်​ဝီႉၺိၺ်ႇ​ၶဝ်​ၸိူဝ်း​ဢၼ် ႁူဝ်​ၸႂ်​ၶျႃး​တႅမ်ႇ ဢိၵ်ႇ​တင်း​ၶဝ်​ၸိူဝ်း​ဢၼ် ႁူဝ်​ၸႂ်​တႅၵ်ႇ​လႅဝ်​ၼၼ်ႉ ဢသၢၵ်ႈ​လႆႈ​လိပ်း​ဢေႃႈ။-</verse>
				<verse number="16">ၵဝ်​တၵ်း ဢမ်ႇ​ထူပ်း​တြႃး​ယူႇ​သေႇ​သေႇ။ တေႃး​သႃႉ​တၢင်း​ၸႂ်​မႆႈ​ၵဝ် တၵ်း​ဢမ်ႇ​ဢွၵ်ႇ​ယူႇ​တႃႇ​သေႇ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ဢသၢၵ်ႈ​တၵ်း​ႁၢႆ​ၵႂႃႇ ၵႃႈ​တီႈ​ၽၢႆႇ​ၼႃႈ​ၵဝ်​လႄႈ ဝီႉၺိၺ်ႇ​ဢၼ်​ၵဝ်​ႁဵတ်း​ပဵၼ်​ၸိူဝ်း​ၼၼ်ႉ တၵ်း​ႁွတ်ႈ​တၢင်း​ဢၼ်​လူႉ​ဢၼ်​လႅဝ် ဢေႃႈ။-</verse>
				<verse number="17">ၵွပ်ႈ​ပိူဝ်ႈ ဢပႅတ်ႈ​တၢင်း​ဢၼ်​မၼ်း​ပူၼ်ႉ​လိူဝ် ၼၼ်ႉ​လႄႈ၊ တၢင်း​ၸႂ်​မႆႈ​ၶႆႈ​ၸႃႉ​ၵဝ် ဢွၵ်ႇ​သေ​လႄႈ ၵဝ်​ပၼ်​တၢမ်ႇ​ဢေႃႈ။ ၵဝ်​တၵ်း ဝၢႆႇ​ၼႃႈ​ပႅတ်ႈ​သေ​လႄႈ ၸႂ်​မႆႈ​ၶႆႈ​ၸႃႉ​ဢေႃႈ။ မၼ်း​ၵေႃႈ​ဝႄႈ​ပိူင်ႈ​သေ​လႄႈ ၵႂႃႇ​ၸွမ်း​သဵၼ်ႈ​တၢင်း​ဢၼ် မၼ်း​မီး​ဢလူဝ်ႇ​ၼၼ်ႉ​ဢေႃႈ။-</verse>
				<verse number="18">ၵဝ်​ႁၼ်​သဵၼ်ႈ​တၢင်း​ဢၼ် မၼ်း​ၵႂႃႇ​ၸိူဝ်း​ၼၼ်ႉ​ယဝ်ႉ​လႄႈ တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​မၼ်း​ႁၢႆ​ဢေႃႈ။ ၵဝ်​တၵ်း​ဢဝ်​မၼ်း သူင်ႇ​လႄႈ ပဵၼ်​ၵတ်း​ယဵၼ်​ၶျၢမ်း​သႃႇ​တီႈ​မၼ်း ဢိၵ်ႇ​တင်း ၶဝ်​ၸိူဝ်း​ဢၼ် ၸႂ်​ႁဵဝ်ႇ​ၸႂ်​ၸွပ်ႈ​လူၺ်ႈ​ၵၼ်​တင်း​မၼ်း ၸိူဝ်း​ၼၼ်ႉ​ဢေႃႈ။-</verse>
				<verse number="19">ၵဝ်​ၽၢၼ်ႇ​သၢင်း​ႁဵတ်း​ပဵၼ်​မၢၵ်ႇ​သူပ်း တင်း​လၢႆ​ဢေႃႈ။-</verse>
				<verse number="20">ႁႂ်ႈ​တၢင်း​ၼိမ်​မီး​တီႈ​ၵေႃႉ​ဢၼ်​ၵႆ ဢိၵ်ႇ​တင်း ၵေႃႉ​ဢၼ်​ၸမ်​ၼၼ်ႉ​သေ​ၵမ်း။ ႁႂ်ႈ​မီး​သေ​ၵမ်း။ ၵဝ်​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​မၼ်း​ႁၢႆ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="21">ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ​ၼမ်ႉ​ပၢင်ႇ​လၢႆႇ ဢၼ်​ယင်း ဢမ်ႇ​ယူႇ​ၼိမ်​ၼိမ်​လီ​လီ​လႆႈ​လႄႈ ဢဝ်​ၵူမ်ႇ​တင်း​မုၼ်ႈ​ၽၢဝ်ႇ​ပိုၼ်​ယူႇ​ၼၼ်ႉ​ဢေႃႈ။ တီႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ဢမ်ႇ​မီး​တၢင်း​ၼိမ်​လႃး​လႃး၊ ဝႃႈ​ၼင်ႇ​ၼႆ​လႄႈ ၽြႃး​ပဵၼ်​ၸဝ်ႈ​ၵဝ် မီး​ဢမိင်ႉ​ဢေႃႈ။</verse>
			</chapter>
			<chapter number="58">
				<verse number="1">သဵင်​ယင်း​ဢမ်ႇ​သုတ်ႈ​ဢမ်ႇ​ယွမ်း​လႄႈ ပၢဝ်ႇ​သေႃႇ​တႃႉ။ ၵိဝ်​သဵင်​မႂ်း မိူၼ်​ၸိူဝ်ႉ​ၼင်ႇ သဵင်​ၼႄးၶရႃႇ​ၼၼ်ႉ​သေ​လႄႈ ၽုၺ်ႇ​ဢွၵ်ႇ ၼႄ​ပျႃး​တူႉ​ၸရိူၵ်ႈ ၵူၼ်း​ၵဝ်​တင်း​လၢႆ တီႈ​တူဝ်​ၶဝ် ဢိၵ်ႇ​တင်း​ဢပႅတ်ႈ မဵဝ်း​ ယႃႇၵုပ်ႈ ​တင်း​လၢႆ​တီႈ​တူဝ်​ၶဝ်​တႃႉ။-</verse>
				<verse number="2">ၶဝ်​ဢွၼ်​ၵၼ် ႁႃ​ဢဝ်​ၵဝ်​ယူႇ ၵူႈ​မိုဝ်ႉ​ၵူႈ​ဝၼ်း​လႄႈ မူၼ်ႈ​ပျေႃႇ​ယူႇ​ၵႃႈ​ၼႂ်း သဵၼ်ႈ​တၢင်း​ၵဝ် တင်း​လၢႆ မိူၼ်​ၸိူဝ်ႉ​ၼင်ႇ​မဵဝ်း​ဢၼ် ၵမ်​ၵျၢင်ႉ​ၸွမ်း​ၼင်ႇ​တြႃး၊ မဵဝ်း​ဢၼ်​ဢမ်ႇ​ၸုၼ်ႉ​ပႅတ်ႈ ပိင်း​ၺၢပ်ႈ​ၽြႃး​ပဵၼ်​ၸဝ်ႈ တူဝ်​ၸဝ်ႈ​ၵဝ်ႇ​ၼၼ်ႉ လူင်​ပႄႇ။ ၶဝ်​ယွၼ်း​တွင်ႈ​ယွၼ်း​ထၢမ် လွင်ႈ​တၢင်း​ဢၼ်​ၸီႇ​ယၢင်ႇ​တြႃး ဢၼ်​သိုဝ်ႈ​ဢၼ်​တေႃႇ​တင်း​လၢႆ​ၼၼ်ႉ တီႈ​ၵဝ်​လႄႈ မူၼ်ႈ​ပျေႃႇ​ယူႇ​ၵႃႈ​ၼႂ်း​လွင်ႈ​တၢင်း​ဢၼ် သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၽြႃး​ပဵၼ်​ၸဝ်ႈ ၼၼ်ႉ​ယူႇ​လူင်​ပႄႇ။-</verse>
				<verse number="3">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ၶႃႈ​ၸဝ်ႈ​ႁဝ်း​ၶဝ် ႁဵတ်း​တၢင်း​ဢၼ်​ၵမ်​တၢင်း​ၵိၼ်​ယူႇ​လႄႈ ၸဝ်ႈ​ႁဝ်း​ဢမ်ႇ​ႁၼ်​တီႈ​ၶႃႈ၊ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ၶႃႈ​ၸဝ်ႈ​ႁဝ်း​ၶဝ် ၵမ်​ၵျၢင်ႉ​ၵႅၼ်ႇ​ၶႅင်​ၼႃႇ​လူင်​လၢင်​ယူႇ​လႄႈ ၸဝ်ႈ​ႁဝ်း​ဢမ်ႇ​ႁူႉ​ဢမ်ႇ​မၢတ်ႈ​တီႈ​ၶႃႈ၊ ၼႂ်း​လွင်ႈ ဢၼ်​ဝႃႈ ၸိူဝ်ႉ​ၼင်ႇ​ၼႆ​ၼၼ်ႉ၊ တူၺ်း​လူး၊ ၼႂ်း​ဝၼ်း​ဢၼ်​သူ​ၵမ်​တၢင်း​ၵိၼ်​ၼၼ်ႉ သူ​ႁဵတ်း​မူၼ်ႈ​ႁဵတ်း​ပျေႃႇ​လႄႈ ႁႂ်ႈ​ၶႃႈ​သူ​တင်း​လၢႆ ႁဵတ်း​ယၢပ်ႇ​ႁဵတ်း​ၽိုတ်ႇ ၼႃႇ​လူင်​လၢင်​ဢေႃႈ။-</verse>
				<verse number="4">တူၺ်း​လူး၊ သူ​ထဵင်​ၵၼ်​ၽိတ်း​ၵၼ်​ယူႇ၊ ဢဝ်​တင်း​တႃ​မိုဝ်း​ဢႃႉထမ်ႇမႃႉ ပေႃႉ​ယႅၼ်ႉ​ၵၼ်​ယူႇ​သေ​လႄႈ ၵမ်​တၢင်း​ၵိၼ်​ဢေႃႈ။ သူ​ၵမ်​တၢင်း​ၵိၼ် ၼႂ်း​ဝၼ်း​မိူဝ်ႈ​ၼႆႉ ႁႂ်ႈ​သဵင်​သူ​ငိၼ်း​ၵႂႃႇ​ႁွတ်ႈ​ထိုင် ၵႃႈ​တီႈ​ဢၼ်​သုင်​ၼၼ်ႉ​ဢမ်ႇ​ၸႂ်ႈ။-</verse>
				<verse number="5">တၢင်း​ဢၼ် ၵမ်​တၢင်း​ၵိၼ် ဢၼ်​ၵဝ်​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ ပဵၼ်​ၸိူဝ်ႉ​ၼင်ႇ​ၼၼ်​ႁိုဝ်။ ပဵၼ်​ဝၼ်း​ဢၼ်​ၵူၼ်း​ၵမ်​ၵျၢင်ႉ ၵႅၼ်ႇ​ၶႅင် ၼႃႇ​လူင်​လၢင်​ဝၼ်း​ၼိုင်ႈ ႁိုဝ်။ ပဵၼ်​တၢင်း​ဢၼ်​ဝၢင်း​ႁူဝ်​ၵူမ်ႈ​ႁူဝ် မိူၼ်​ၸိူဝ်ႉ​ၼင်ႇ​တူၼ်ႈ​ၶႅမ် တၢင်း​ဢၼ်​ဢဝ်​ၼင်​ပေႃ ဢိၵ်ႇ​တင်း​တဝ်ႈ​သိူဝ်ႇ​ဝႆႉ ပုၼ်ႈ​တီႈ​ၼွၼ်း​ၼၼ်ႉ​ႁိုဝ်။ မႂ်း​ထုၵ်ႇ​လီ​ႁွင်ႉ​ႁဵၵ်ႈ​ဢၼ် ၸိူဝ်ႉ​ၼင်ႇ​ၼႆ​ၼၼ်ႉ​လႄႈ​ဝႃႈ တၢင်း​ဢၼ်​ၵမ်​တၢင်း​ၵိၼ်၊ မိုဝ်ႉ​ဝၼ်း​ဢၼ် ထႃႇဝရႃႉ​ၽြႃး ထုၵ်ႇ​ၸႂ်​ၵျိူၵ်ႈ​ၸႂ်၊ ဝႃႈ​ၼင်ႇ​ၼႆ​ႁိုဝ်။-</verse>
				<verse number="6">တၢင်း​ဢၼ်​ၵမ်​တၢင်း​ၵိၼ် ဢၼ်​ၵဝ်​ထုၵ်ႇ​ၸႂ်​ၵျိူၵ်ႈ​ၸႂ်​ၸမ်ႉ၊ ပဵၼ်​တၢင်း​ဢၼ် ပုတ်ႈ​ထွတ်ႇ​ဢၼ်​မတ်ႉ​ဢၼ်​ၽုၵ်ႇ​ဢၼ်​ဢမ်ႇ​တြႃး၊ တၢင်း​ဢၼ်​ၶျႃး​ၶူဝ်း​ႁၢပ်ႇ ဢၼ်​ၼၵ်း​ၼႃႇ၊ တၢင်း​ဢၼ်​ပွႆႇ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​လွတ်ႈ၊ တၢင်း​ဢၼ်​ႁၵ်း​ႁဵၵ်း​ၵၢၼ်း​ႁၢပ်ႇ​ၵႃႈ​မီး​ပႅတ်ႈ​ၼၼ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="7">ပဵၼ်​တၢင်း​ဢၼ်​လဵင်ႉ​ပၼ် တၢင်း​ၵိၼ်​တၢင်း​ၶူပ်း​တီႈ ၵေႃႉ​ဢၼ်​တွင်ႉ​မႆႈ​သႆႈ​လိူတ်ႇ၊ တၢင်း​ဢၼ်​ဢဝ်​ၶဝ်​ၸိူဝ်း​ဢၼ်​ယၢၵ်ႈ​ၽၢၼ် ဢမ်ႇ​မီး​တီႈ​ယူႇ​တီႈ​သဝ်း​ၼၼ်ႉ​မႃး ၵႃႈ​တီႈ​ႁိူၼ်း​တူဝ်​ၸဝ်ႈ​ၵဝ်ႇ၊ တၢင်း​ဢၼ်​ဢဝ်​ၶူဝ်း​ၼုင်ႈ​ပၼ် ၼႂ်း​မိူဝ်ႈ​ဢၼ်​ႁၼ်​ၵေႃႉ​ဢၼ်​ဢမ်ႇ​မီး ၶူဝ်း​ၼုင်ႈ၊ တၢင်း​ဢၼ် ယင်း​ဢမ်ႇ​သိူင်ႇ​ဢမ်ႇ​မႅပ်ႉ​တူဝ်​ၸဝ်ႈ​ၵဝ်ႇ​ဝႆႉ​သေ တီႈ​ၶဝ်​ၸိူဝ်း​ဢၼ် ပဵၼ်​ၼိူဝ်ႉ​ပဵၼ်​လိူတ်ႈ တူဝ်​ၸဝ်ႈ​ၵဝ်ႇ​ၼၼ်ႉ​လႄႈ ယူႇ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="8">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ဢၼ်​လႅင်း​မႂ်း​တၵ်း​ပေႃႇ​ဢွၵ်ႇ​တႆႈ​ႁိူဝ်ႈ မိူၼ်​ၸိူဝ်ႉ​ၼင်ႇ​ဢၼ်​လႅင်း​ၵၢင်​ၼႂ်​ၼၼ်ႉ​လႄႈ တၢင်း​ဢၼ်​ယူႇ​လီ​မႂ်း​ၼၼ်ႉ တၵ်း​ပဵၼ်​မႃး​ၶၼ်​ၶၼ်​ၽႂ်း​ၽႂ်း​ဢေႃႈ။ ပႃႇရမီႇ​တၢင်း​ဢၼ်​သိုဝ်ႈ​တေႃႇ​မႂ်း​ၼၼ်ႉ တၵ်း​ဢွၼ်​ႁူဝ်​မႂ်း​ၵႂႃႇ​လႄႈ​မုၼ်​ၽုင်း ထႃႇဝရႃႉ​ၽြႃး တၵ်း​ပဵၼ်​ဢၼ်​ႁႄႉ​ဢၼ်​ၵင်ႈ​ယူႇ ၵႃႈ​တီႈ​ၽၢႆႇ​လင်​မႂ်း​ဢေႃႈ။-</verse>
				<verse number="9">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် မႂ်း​ႁွင်ႉ​ႁႃ​လႄႈ ထႃႇဝရႃႉ​ၽြႃး တၵ်း​ဢိူဝ်​ဢေႃႈ။ မႂ်း​တၵ်း​သႅၼ်ႇ​ႁွင်ႉ​လႄႈ မၼ်း​ၸဝ်ႈ တၵ်း​မီး​ဢမိင်ႉ​လႄႈ​ဝႃႈ၊ ၵဝ်​မီး​ယူႇ​ဝႃႈ​ၼင်ႇ​ၼႆ​ဢေႃႈ။ ပေႃး​မႂ်း​ပႄႉ​ၵၢၼ်း​ႁၢပ်ႇ၊ တၢင်း​ဢၼ် ဢဝ်​ၼိဝ်ႉ​မိုဝ်း​ၸီႉ​ၼႄ၊ တၢင်း​ဢၼ်​လၢတ်ႈ​ၵႂၢမ်း ဢၼ်​သႄႉ​ဢၼ်​သွမ်း ပႅတ်ႈ​သေ​ၵႃႈ​ၼႂ်း​မႂ်း​လႄႈ၊-</verse>
				<verse number="10">မီး​တၢင်း ၸႂ်​ဢၼ်​ဢဵတ်း​လူ​ၵေႃႉ​ဢၼ်​တွင်ႉ​မႆႈ​သႆႈ​လိူတ်ႇ ၼၼ်ႉ​လႄႈ ပၼ်​ၵတ်း​ယဵၼ်​ၶျၢမ်း​သႃႇ တီႈ​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် ယၢၵ်ႈ​ဢၼ်​ၽၢၼ်​ၼၼ်ႉ​ၸိုင်၊ ဢၼ်​လႅင်း​မႂ်း​တၵ်း​ပေႃႇ​ဢွၵ်ႇ​တႆႈ​ႁိူဝ်ႈ ၵႃႈ​ၼႂ်း​လွင်ႈ​တၢင်း​ဢၼ်​ဢမ်ႇ​ပၢင်ႇ​ဢမ်ႇ​ၸိုၼ်ႈ​ၼၼ်ႉ​လႄႈ ဢၼ်​လပ်း​သိင်ႇ​မႂ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ဢၼ်​လႅင်း​ၵၢင်​ဝၼ်း​တဵင်​ဢေႃႈ။-</verse>
				<verse number="11">ထႃႇဝရႃႉ​ၽြႃး တၵ်း​ၼႄ​ပျႃး သဵၼ်ႈ​တၢင်း​တီႈ​မႂ်း​ယူႇ​တႃႇ​သေႇ​ဢေႃႈ။ မၼ်း​ၸဝ်ႈ​တၵ်း​လဵင်ႉ​လူ​မႂ်း ဢိမ်ႇ​ဢိမ်ႇ​တဵမ်​တဵမ် ၵႃႈ​ၼႂ်း​တီႈ​ဢၼ်​ႁႅင်ႈ​ဢၼ်​ႁွင်​ၼၼ်ႉ​လႄႈ ႁႂ်ႈ​လုပ်ႇ​မႂ်း​တင်း​လၢႆ​မၼ်ႈ​ၶိူင်ႇ​ယူႇ​ဢေႃႈ။ မႂ်း​တၵ်း​ပဵၼ်​ၸိူဝ်ႉ​ၼင်ႇ​သူၼ်​ဢူးယဵၼ်ႇ ဢၼ်​ႁူတ်း​ၼမ်ႉ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ၼမ်ႉ​ဢွၵ်ႇ​ႁူး ဢၼ်​ၼမ်ႉ​ဢမ်ႇ​ထၢတ်ႇ​လႆႈ​ၼၼ်ႉ​ဢေႃႈ။-</verse>
				<verse number="12">မဵဝ်း​ၸိူဝ်ႉ​ၶိူဝ်း​မႂ်း​ၼၼ်ႉ တၵ်း​မႄး​ၵုမ်း​မႄး​ႁဵတ်း ႁွႆး​ဢၼ်​ၵိူၼ်ႇ​လူႉ​မိူဝ်ႈ​ဢွၼ်​ၼႆႉ​ၸိူဝ်း​ၼၼ်ႉ​ဢေႃႈ။ မႂ်း​တၵ်း​ထၢပ်ႈ​ထႅင်ႈ​သေ​လႄႈ တႄႇ​ႁဵတ်း​ၵႃႈ​ၼိူဝ်​ငဝ်ႈ​ႁၢၵ်ႈ​တိူၵ်ႈ ဢၼ်​ယၢမ်ႈ​တႄႇ​ႁဵတ်း​မိူဝ်ႈ​ၵွၼ်ႇ​မိူဝ်ႈ​မိုၼ်ႉ​ၼၼ်ႉ ၸိူဝ်း​ၼၼ်ႉ​ဢေႃႈ။ မႂ်း​တၵ်း​လႆႈ​ၶၢမ်ႇ​တၢင်း​ဢၼ် ႁွင်ႉ​ႁဵၵ်ႈ​ၸိုဝ်ႈ ၵေႃႉ​ဢၼ် မႄး​ၵုမ်း​မႄး​ႁဵတ်း​လမ်း​ဝဵင်း​ဢၼ်​ၵိူၼ်ႇ​လူႉ၊ ၵေႃႉ​ဢၼ်​ပွင်​မႄး​သဵၼ်ႈ​တၢင်း တီႈ​ယူႇ​တီႈ​သဝ်း​ၵူၼ်း​တင်း​လၢႆ​ဢေႃႈ။</verse>
				<verse number="13">ပေႃး​မႂ်း​တၵ်း​ဢမ်ႇ​ႁႂ်ႈ​တိၼ်​မႂ်း​ဝၢႆႇ​ၶိုၼ်း​ၵႂႃႇ​သေ​ၵႃႈ​တီႈ ဝၼ်း​ၵမ်​သိၼ် ဢမ်ႇ​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ ၼႂ်း​ဝၼ်း​ဢၼ်​မူတ်း​ၸၢင်ႇ​ၵဝ်​လႄႈ ႁွင်ႉ​ဝၼ်း​ၵမ်​သိၼ်​လႄႈ​ဝႃႈ၊ ဝၼ်း​တီႈ​ဢၼ်​မူၼ်ႈ​ပျေႃႇ၊ ဝၼ်း​ဢၼ်​မူတ်း​ၸၢင်ႇ​ပုၼ်ႈ ထႃႇဝရႃႉ​ၽြႃး ဝၼ်း​ဢၼ်​လီ​ရူဝ်ႇ​သေႇ​ၵူဝ်​ယမ်၊ ဝႃႈ​ၼင်ႇ​ၼႆ​လႄႈ၊ ယင်း​ဢမ်ႇ​ႁဵတ်း​ၸွမ်း​သဵၼ်ႈ​တၢင်း​တူဝ်​ၸဝ်ႈ​ၵဝ်ႇ၊ ဢမ်ႇ​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ၊ ဢမ်ႇ​လၢတ်ႈ​ၵႂၢမ်း​တူဝ်​ၸဝ်ႈ​ၵဝ်ႇ လႄႈ ရူဝ်ႇ​သေႇ​ၵူဝ်​ယမ်​ဝၼ်း​ၼၼ်ႉ​ယူႇ​ၸိုင်၊-</verse>
				<verse number="14">မႂ်း​တၵ်း​လႆႈ​မူၼ်ႈ​ပျေႃႇ​ယူႇ​ၵႃႈ​ၼႂ်း ထႃႇဝရႃႉ​ၽြႃး​ဢေႃႈ။ ၵဝ်​တၵ်း ႁႂ်ႈ​မႂ်း​ၶီႇ​ၵႃႈ​ၼိူဝ်​တီႈ​ဢၼ်​သုင် ၵႃႈ​တီႈ​လိၼ်​မိူင်း​တင်း​လၢႆ​လႄႈ ဢဝ်​ဢမူၺ်ႇ​ဢုၵ်ႉ​ၸႃႇ ပေႃႈ​မႂ်း​ ယႃႇၵုပ်ႈ ​ၼၼ်ႉ လဵင်ႉ​လူ​မႂ်း​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢွၵ်ႇ​သူပ်း​မၼ်း​ၸဝ်ႈ​ဢေႃႈ။</verse>
			</chapter>
			<chapter number="59">
				<verse number="1">တူၺ်း​လူး၊ မိုဝ်း​ထႃႇဝရႃႉ​ၽြႃး ပွတ်း​ထၼ်ႈ​ပေႃး ဢမ်ႇ​ၵႄႇ​သႄႇ​ၶျွတ်ႈ​ဢဝ်​လႆႈ​ဢမ်ႇ​ၸႂ်ႈ။ ႁူ​မၼ်း​ၸဝ်ႈ​ၼၵ်း​ထၼ်ႈ​ပေႃး​ဢမ်ႇ​ငိၼ်း​လႆႈ​ဢမ်ႇ​ၸႂ်ႈ။-</verse>
				<verse number="2">တူႉ​ၸရိူၵ်ႈ​သူ​တင်း​လၢႆ ႁႂ်ႈ​သူ​ၽၢတ်ႇ​ယၢၼ်​ၵၼ်​တင်း ၽြႃး​ပဵၼ်​ၸဝ်ႈ​သူ​ယဝ်ႉ။ ဢပႅတ်ႈ​သူ​ၸိူဝ်း​ၼၼ်ႉ ႁႂ်ႈ​ၼႃႈ​မၼ်း​ၸဝ်ႈ ဝၢႆႇ​ပႅတ်ႈ​သူ၊ ႁႂ်ႈ​မၼ်း​ၸဝ်ႈ​ဢမ်ႇ​လႆႈ​ငိၼ်း​သူ​ယဝ်ႉ။-</verse>
				<verse number="3">မိုဝ်း​သူ​ၸိူဝ်း​ၼၼ်ႉ ၵူဝ်ႈ​ၵိူၵ်ႇ​ဝႆႉ​တင်း​လိူတ်ႈ​လႄႈ ၼိဝ်ႉ​မိုဝ်း​သူ​ၸိူဝ်း​ၼၼ်ႉ ၵူဝ်ႈ​ၵိူၵ်ႇ​ဝႆႉ​တင်း​တူႉ​ၸရိူၵ်ႈ​ဢေႃႈ။ သီႇ​သူပ်း​သူ​ၼၼ်ႉ ၸၢင်ႈ​မွၵ်ႇ​ၸၢင်ႈ​လၢတ်ႈ ၵႂၢမ်း​မူႉ​သႃႇ​လႄႈ လိၼ်ႉ​သူ​ၼၼ်ႉ ၸၢင်ႈ​ၶႆႈ​ၸၢင်ႈ​လၢတ်ႈ​ၵႂၢမ်း​ဢႃႉထမ်ႇမႃႉ​ဢေႃႈ။-</verse>
				<verse number="4">ၽူႈ​လႂ်​ဢမ်ႇ​ႁဵတ်း​ဢမူႉ​ၸွမ်း​ၼင်ႇ​တြႃး သေ​ၵေႃႉ​သေ​ၵူၼ်း။ ၽူႈ​လႂ်​ဢမ်ႇ​ပႂ်ႉ​ၸွမ်း​ၼင်ႇ​သဵတ်ႈ​ၸႃႇ သေ​ၵေႃႉ​သေ​ၵူၼ်း။ ၶဝ်​ၸၢင်ႈ​ဢိင်​ပိုင်ႈ​ဢၼတ်ႉတႃႉ​လႄႈ လၢတ်ႈ​ၵႂၢမ်း​မူႉ​သႃႇ​ဢေႃႈ။ ၶဝ်​ပႃး​ပတိၵ်ႉသၼ်ႇထေႇ တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​ဢမ်ႇ​ငၢမ်း​လႄႈ ၵိူတ်ႇ​လဵင်ႉ​ဢမူႉ ဢႃႉထမ်ႇမႃႉ​မႃး​ဢေႃႈ။-</verse>
				<verse number="5">ၶဝ်​ငွမ်း​ၶႆႇ​ငူး​ႁၢႆႉ​လႄႈ ႁႂ်ႈ​တႅၵ်ႇ​ဢွၵ်ႇ​မႃး​ယဝ်ႉ။ ယႂ်း​ၵူင်ႇ​ၵၢဝ်​ၵေႃႈ ၶဝ်​တေႃး​ႁဵတ်း​ဢေႃႈ။ ၵေႃႉ​ဢၼ် ၵိၼ်​ၶႆႇ​ၶဝ်​ၼၼ်ႉ ၸၢင်ႈ​တၢႆ​လႄႈ​တၢင်း​ဢၼ် ၽႃႇ​ၶႆႇ​ၶဝ်​တႅၵ်ႇ​ၼၼ်ႉ ၸၢင်ႈ​ဢွၵ်ႇ​ပဵၼ်​ငူး​ႁၢႆႉ​မႃး​ဢေႃႈ။-</verse>
				<verse number="6">ယႂ်း​ဢၼ်​ၶဝ်​တေႃး​ႁဵတ်း​ၼၼ်ႉ တၵ်း​ဢမ်ႇ​လႆႈ​ပဵၼ်​ၶူဝ်း​ၼုင်ႈ​ၶူဝ်း​မႆ​လႄႈ ၶဝ်​ဢမ်ႇ​လႆႈ​ဢဝ်​တၢင်း​ၵမ်​တၢင်း​ၵျၢင်ႉ ၶဝ်​ၼၼ်ႉ​ႁူမ်ႇ​ဝႆႉ​တူဝ်​ၶဝ်။​လွင်ႈ​တၢင်း​ဢၼ် ၶဝ်​ႁဵတ်း​ၸိူဝ်း​ၼၼ်ႉ ပဵၼ်​လွင်ႈ​တၢင်း​ဢၼ်​ႁၢႆႉ​ဢၼ်​မိူၵ်ႈ​လႄႈ ၵႃႈ​ၼႂ်း​မိုဝ်း​ၶဝ်​ၼၼ်ႉ မီး​လွင်ႈ​တၢင်း​ဢၼ် ႁၢဝ်ႈ​ၵျၢမ်း​ၼႃႇ​ၼၼ်ႉ​ဢေႃႈ။-</verse>
				<verse number="7">တိၼ်​ၶဝ်​ၼၼ်ႉ ၸၢင်ႈ​ၶုၼ်ႇ​လႅၼ်ႈ ႁႂ်ႈ​လႆႈ​ႁဵတ်း​လွင်ႈ​တၢင်း​ဢၼ်​ဢမ်ႇ​တြႃး​လႄႈ ၶၼ်​ၽႂ်း​ႁႂ်ႈ​လႆႈ​ထွၵ်ႇ​လိူတ်ႈ ၵေႃႉ​ဢၼ်​ဢမ်ႇ​မီး​ဢပႅတ်ႈ​ၼၼ်ႉ​ဢေႃႈ။ တၢင်း​ၵျၢမ်ႇ​တၢင်း​ပွင်​ၶဝ်​ပဵၼ် တၢင်း​ၵျၢမ်ႇ​တၢင်း​ပွင် ဢၼ်​ႁၢႆႉ​ဢၼ်​မိူၵ်ႈ​လႄႈ ၼႂ်း​သဵၼ်ႈ​တၢင်း​ဢၼ်​ၶဝ်​ၵႂႃႇ တင်း​လၢႆ​ၼၼ်ႉ၊ မီး​တၢင်း​ဢၼ်​လူႉ​လႅဝ်​ဢိၵ်ႇ​တင်း တုၵ်ႉ​ၶႃႉ​တၢင်း​ၽၢၼ်​ဢေႃႈ။-</verse>
				<verse number="8">သဵၼ်ႈ​တၢင်း​ဢၼ်​ၵတ်း​ယဵၼ်​ၶျၢမ်း​သႃႇ​ၸိုင်၊ ၶဝ်​ဢမ်ႇ​ႁူႉ​ဢမ်ႇ​ၸႅင်ႈ၊ ၵႃႈ​ၼႂ်း​တၢင်း​ဢၼ်​ၶဝ်​ၵႂႃႇ ၸိူဝ်း​ၼၼ်ႉ ဢမ်ႇ​ပႃး​တြႃး။ ၶဝ်​ပွင်​မႄး သဵၼ်ႈ​တၢင်း​ဢၼ်​ၵူတ်ႉ​ဝႆႉ​ပုၼ်ႈ​ဢၼ်​ၶဝ်​တၵ်း​ၵႂႃႇ​တၵ်း​ၸွမ်း​ယဝ်ႉ။ ၵေႃႉ​ဢၼ် ၸွမ်း​ၵႂႃႇ​ၼၼ်ႉ​ၸမ်ႉ၊ ဢမ်ႇ​လႆႈ​ႁူႉ​ၵတ်း​ယဵၼ်​ၶျၢမ်း​သႃႇ​လႃး​လႃး။</verse>
				<verse number="9">ပိူဝ်ႈ​ၼႆ​လႄႈ တၢင်း​ဢၼ် ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ ၵႆ​ၵၼ်​တင်း​ႁဝ်း​လႄႈ တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ ဢမ်ႇ​ၶိုတ်း ဢမ်ႇ​ထိုင်​တီႈ​ႁဝ်း။ ပိၵ်ႉ​သမ်ႉ​ႁဝ်း​မုင်ႈ​မွင်း​ဢၼ်​လႅင်း​ယူႇ​သေ​ၵေႃႈ ပဵၼ်​ဢၼ်​လပ်း​သိင်ႇ​လႄႈ၊ ပိၵ်ႉ​သမ်ႉ​ႁဝ်း​မုင်ႈ​မွင်း​သၢႆ​ဢရွင်ႇ​ယူႇ​သေ​ၵေႃႈ လႆႈ​ၵႂႃႇ​မႃး​ယူႇ ၵႃႈ​ၼႂ်း​တၢင်း​ဢၼ်​ဢမ်ႇ​ပၢင်ႇ​ဢမ်ႇ​ၸိုၼ်ႈ​ဢေႃႈ။-</verse>
				<verse number="10">ႁဝ်း​လႆႈ​ၵုမ်း​ၵီႈ​ၵုမ်း​ၵမ်း ၸွမ်း​ႁူဝ်ႉ​ၸွမ်း​ၽႃ​ယူႇ​မိူၼ်​ၸိူဝ်ႉ​ၼင်ႇ ၵေႃႉ​ဢၼ်​ဢမ်ႇ​ႁၼ်​လႆႈ​ၼၼ်ႉ​လႄႈ လႆႈ​တဝ်ႉ​တီႈ​တဝ်ႉ​တႅဝ်ႇ​ယူႇ မိူၼ်​ၸိူဝ်ႉ​ၼင်ႇ ၵေႃႉ​ဢၼ်​ဢမ်ႇ​မီး​မၢၵ်ႇ​တႃ​ၼၼ်ႉ​ဢေႃႈ။ ႁဝ်း​တိူဝ်ႉ​မႅၼ်ႈ​လႄႈ​လူမ်ႉ​ၶိင်ႇ​ၵၢင်​ဝၼ်း​တဵင်ႈ​ၼၼ်ႉ မိူၼ်​ၸိူဝ်ႉ​ၼင်ႇ ၶိင်ႇ​ၵၢင်​ၶမ်ႈ​ၼၼ်ႉ​လႄႈ ႁဝ်း​ပဵၼ်​ၸိူဝ်ႉ​ၼင်ႇ ၶဝ်​ၸိူဝ်း​ဢၼ်​တၢႆ​ၵႂႃႇ​ယဝ်ႉ​ၼၼ်ႉ ၼႂ်း​တီႈ​ဢၼ်​ၶွၼ်ႇ​ၼမ်ႉ​မၼ်း​လိၼ်​လီ ၸိူဝ်း​ၼၼ်ႉ​ဢေႃႈ။-</verse>
				<verse number="11">ႁဝ်း​ၵႃႈ​မီး​လႆႈ​ဢွၼ်​ၵၼ်​ပွင်ႉ​ၶၢင်း​ယူႇ​ၸိူဝ်ႉ​ၼင်ႇ​မီ ၼၼ်ႉ​လႄႈ​လႆႈ​ဢိုတ်း​ႁွင်ႉ​ယူႇ မိူၼ်​ၸိူဝ်ႉ​ၼင်ႇ​ၼူၵ်ႉ​တူႈ​ၼၼ်ႉ​ဢေႃႈ။ ႁဝ်း​မုင်ႈ​မွင်း​တၢင်း​ဢၼ် ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ ဢမ်ႇ​လႆႈ။ ႁဝ်း​မုင်ႈ​မွင်း​ၵျေး​ၸူး​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​သေ​ၵေႃႈ ၵႆ​ၵၼ်​တင်း​ႁဝ်း​ၼႃႇ​လူင်​လၢင်​ဢေႃႈ။-</verse>
				<verse number="12">ဢပႅတ်ႈ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ ၼမ်​ၼႃႇ​လူင်​လၢင် ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ တူႉ​ၸရိူၵ်ႈ​ႁဝ်း​ၸိူဝ်း​ၼၼ်ႉ​ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ​တင်း​ႁဝ်း​ဢေႃႈ။ ဢပႅတ်ႈ​ႁဝ်း​ၸိူဝ်း​ၼၼ်ႉ ၸပ်း​ယူႇ​တီႈ​ႁဝ်း​လႄႈ ႁဝ်း​ႁူႉ​တူႉ​ၸရိူၵ်ႈ​ဢၼ်​ႁဝ်း​ႁဵတ်း​မႅၼ်ႈ၊-</verse>
				<verse number="13">ဢၼ်​ဝႃႈ တၢင်း​ဢၼ်​ၽိတ်း​ပိူင်ႈ၊ တၢင်း​ဢၼ်​ထဵင်​ပႅတ်ႈ​ထႃႇဝရႃႉ​ၽြႃး​လႄႈ ၸုၼ်ႉ​ပႅတ်ႈ​ၽြႃး​ပဵၼ်​ၸဝ်ႈ​ႁဝ်း၊ တၢင်း​ဢၼ် လၢတ်ႈ​ၵႂၢမ်း​ၼိၵ်ႈ​ၸၢၵ်ႈ​ငႅၼ်း​သႄး ဢိၵ်ႇ​တင်း ၵႂၢမ်း​တၢင်း​ဢၼ်​ပုင်ႇ​ၵၢၼ်ႇ၊ တၢင်း​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႂၢမ်း​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​လႄႈ ဝႃႈ​ဢွၵ်ႇ​ၵႃႈ​ၼႂ်း​ႁူဝ်​ၸႂ်​ၼၼ်ႉ ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="14">တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ သုတ်ႈ​ယိုတ်း​ၵႂႃႇ​လႄႈ တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ ၸုၵ်း​သဝ်း​ယူႇ​ၵႃႈ​တီႈ​ဢၼ်​ၵႆ​ဢေႃႈ။ သဵတ်ႈ​ၸႃႇ​လူမ်ႉ​ယူႇ ၵႃႈ​ၼႂ်း​သဵၼ်ႈ​တၢင်း​လႄႈ ၸႂ်​သၽေႃး​ဢၼ်​သိုဝ်ႈ​ယူဝ်း​ၼၼ်ႉ ဢမ်ႇ​ၶဝ်ႈ​မႃး​လႆႈ။-</verse>
				<verse number="15">သဵတ်ႈ​ၸႃႇ​ဢမ်ႇ​မီး​လႃး​လႃး​လႄႈ ၵေႃႉ​ဢၼ်​ဝႄႈ​ပႅတ်ႈ​တူႉ​ၸရိူၵ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁိမ်​ဢဝ်​ႁူင်ႇ​ဢဝ်​ဢေႃႈ။ ထႃႇဝရႃႉ​ၽြႃး ႁၼ်​လွင်ႈ​တၢင်း​ၼၼ်ႉ​လႄႈ ၶၢၼ်ႉ​ႁၼ်​ၵွပ်ႈ​ပိူဝ်ႈ​ဢၼ်​ဢမ်ႇ​မီး​တၢင်း​ဢၼ်​ၸီႇ​ယၢင်ႇ ၸွမ်း​ၼင်ႇ​တြႃး​ၼၼ်ႉ​ဢေႃႈ။</verse>
				<verse number="16">မၼ်း​ၸဝ်ႈ​ႁၼ်​လွင်ႈ​တၢင်း​ဢၼ်​ဢမ်ႇ​မီး​ၵူၼ်း​သေ​ၵေႃႉ​သေ​ၵူၼ်း​ၼၼ်ႉ​လႄႈ မၼ်း​ၸဝ်ႈ​ဢၢမ်း​လွင်ႈ​ဢၼ်​ဢမ်ႇ​မီး​ၵေႃႉ​ဢၼ်​တွင်း​ပၢၼ်ႇ သေ​ၵေႃႉ​သေ​ၵူၼ်း​ၼၼ်ႉ​ၼႃႇ​လူင်​လၢင်​ဢေႃႈ။ ပိူဝ်ႈ​ၼႆ​လႄႈ ၶႅၼ်​မိုဝ်း​မၼ်း​ၸဝ်ႈ ႁဵတ်း​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် ပုၼ်ႈ​မၼ်း​ၸဝ်ႈ​လႄႈ တြႃး​တၢင်း​ဢၼ်​သိုဝ်ႈ​တေႃႇ​မၼ်း​ၸဝ်ႈ​ၼၼ်ႉ ထွၵ်ႈ​ၵမ်ႉ​မၼ်း​ၸဝ်ႈ​ယူႇ​ဢေႃႈ။-</verse>
				<verse number="17">မၼ်း​ၸဝ်ႈ​ဢဝ်​ၶိူင်ႈ​ဢၼ် ႁႄႉ​ၵင်ႈ​ႁူဝ်​ဢူၵ်း​ဢၼ်​ဝႃႈ တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ ၼုင်ႈ​မႆ​လႄႈ တိုဝ်း​မွၵ်ႇ​ႁူဝ်​လဵၵ်း ဢၼ်​ဝႃႈ တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​ၼၼ်ႉ​ဢေႃႈ။ မၼ်း​ၸဝ်ႈ ဢဝ်​ၶူဝ်း​ၼုင်ႈ​တၢင်း​ဢၼ်​ပၼ်​ဢပႅတ်ႈ​ၼၼ်ႉ ၼုင်ႈ​မႆ​လႄႈ ဢဝ်​သိူဝ်ႈ​ယၢဝ်း​တၢင်း​ဢၼ်​ၸႂ်​ႁႅင်း​ယႂ်ႇ​ၼႃႇ​ၼၼ်ႉ ၼုင်ႈ​ႁၢင်ႈ​ၶိူင်ႈ​ဢေႃႈ။-</verse>
				<verse number="18">ၸွမ်း​ၵႃႈ​ၼင်ႇ​တၢင်း​ၵမ်​တၢင်း​ၵျၢင်ႉ​ၶဝ် ၼၼ်ႉ​လႄႈ မၼ်း​ၸဝ်ႈ တၵ်း​တွပ်ႇ​တႅၼ်း​ပၼ်​ဢၵျူဝ်း​ဢပႅတ်ႈ​ဢၼ်​ဝႃႈ တေႃး​သႃႉ​တၢင်း​ၸႂ်​မႆႈ​ၼၼ်ႉ တီႈ​ၶဝ်​ၸိူဝ်း​ဢၼ် ႁဵတ်း​ၶတ်း​ၵၼ်​တင်း​မၼ်း​ၸဝ်ႈ​ၼၼ်ႉ ဢိၵ်ႇ​တင်း​ဢပႅတ်ႈ​ဢၼ်​ၶဝ်​ထိူၵ်ႈ​ၶၢမ်ႇ​ၼၼ်ႉ တီႈ​ရၢၼ်ႇ​သူႇ​မၼ်း​ၸဝ်ႈ​တင်း​လၢႆ​ၼၼ်ႉ​လႄႈ တီႈ​ၵူၼ်း​ဢၼ်​ယူႇ​ၵႃႈ​တီႈ​ၵုၼ်​ၼႂ်း​ၼမ်ႉ​ၸိူဝ်း​ၼၼ်ႉ​ၵေႃႈ မၼ်း​ၸဝ်ႈ တၵ်း​တွပ်ႇ​တႅၼ်း​ပၼ်​ဢၵျူဝ်း​ဢပႅတ်ႈ​ဢေႃႈ။-</verse>
				<verse number="19">ၼင်ႇ​ၼၼ်​လႄႈ ၵူၼ်း​ၼႃႈ​တၢင်း​တူၵ်း​တင်း​လၢႆ တၵ်း​ရူဝ်ႇ​သေႇ​ၵူဝ်​ယမ်​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး​လႄႈ ၵူၼ်း​ၼႃႈ​တၢင်း​ဢၼ်​ၵၢင်​ဝၼ်း​ဢွၵ်ႇ တင်း​လၢႆ တၵ်း​ရူဝ်ႇ​သေႇ​ၵူဝ်​ယမ်​မုၼ်​ၽုင်း​မၼ်း​ၸဝ်ႈ​ဢေႃႈ။ မိူဝ်ႈ​ဢၼ် ရၢၼ်ႇ​သူႇ​ၶဝ်ႈ​မႃး မိူၼ်​ၸိူဝ်ႉ​ၼင်ႇ​ဢၼ်​ၼမ်ႉ​ထူမ်ႈ​ႁူမ်ႇ​ၼၼ်ႉ​ၸိုင် ဝီႉၺိၺ်ႇ ထႃႇဝရႃႉ​ၽြႃး တၵ်း​ပူၵ်း​လၢမ်ႇ​သေ​လႄႈ ႁႄႉ​ၶႅၼ်​ယူႇ​ဢေႃႈ။-</verse>
				<verse number="20">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၸဝ်ႈ​ဢၼ်​ထုတ်ႇ​ဢဝ်​ၼၼ်ႉ တၵ်း​မႃး​ၵႃႈ​တီႈ​လွႆ​ ၸီႉဢုၼ်ႇ ဢိၵ်ႇ​တင်း​ၵႃႈ​တီႈ​ဢၼ် ၵူၼ်း​မဵဝ်း​ ယႃႇၵုပ်ႈ ဢၼ်​ဝႄႈ​ပိူင်ႈ​သေ ၵႃႈ​တီႈ​လွင်ႈ​တၢင်း​ဢၼ်​ဢမ်ႇ​တြႃး​ၼၼ်ႉ​မီး​ၼၼ်ႉ​ဢေႃႈ။-</verse>
				<verse number="21">ပတီႉၺိၺ်ႇ​တြႃး ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​ၶဝ်​ၸမ်ႉ၊ ဝီႉၺိၺ်ႇ​ၵဝ် ဢၼ်​ၵိင်း​ဝၢပ်ႈ​ယူႇ​ၵႃႈ​ၼိူဝ်​မႂ်း ဢိၵ်ႇ​တင်း​ၵႂၢမ်း​ဢၼ်​ၵဝ်​သႂ်ႇ​ဝႆႉ ၵႃႈ​ၼႂ်း​သူပ်း​မႂ်း​ၼၼ်ႉ တၵ်း​ဢမ်ႇ​လႆႈ​ဢွၵ်ႇ​လႆႈ​ႁၢႆ​သေ​ၵႃႈ​ၼႂ်း​သူပ်း​မႂ်း။ ၵႃႈ​ၼႂ်း​သူပ်း​မဵဝ်း​ၸိူဝ်ႉ​ၶိူဝ်း​မႂ်း၊ ၵႃႈ​ၼႂ်း​သူပ်း​မဵဝ်း​ၸိူဝ်ႉ​ၶိူဝ်း ဢၼ်​ပဵၼ်​မႃး​တီႈ​မဵဝ်း​ၸိူဝ်ႉ​ၶိူဝ်း​မႂ်း​ၼၼ်ႉ ယူႇ​ၸႃႉ​ၸဵမ်​မိူဝ်ႈ​လဵဝ်​ၼႆႉ​လႄႈ ၵႂႃႇ​ၵူႈ​ၸူဝ်ႈ​ၵူႈ​ပၢၼ် သိုပ်ႇ​သိုပ်ႇ​တၢမ်း​တၢမ်း၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="60">
				<verse number="1">မႂ်း​လုၵ်ႉ​တႃႉ။ ႁိူဝ်ႈ​လႅင်း​တႃႉ။ ဢၼ်​လႅင်း​မႂ်း​ႁွတ်ႈ​မႃး​ယဝ်ႉ။ မုၼ်​ၽုင်း ထႃႇဝရႃႉ​ၽြႃး ဢွၵ်ႇ​တႆႈ​ႁိူဝ်ႈ​ယူႇ ၵႃႈ​ၼိူဝ်​မႂ်း​ဢေႃႈ။-</verse>
				<verse number="2">တူၺ်း​လူး၊ လပ်း​သိင်ႇ​တၵ်း​သုမ်ႇ​ႁူမ်ႇ​လိၼ်​မိူင်း​လႄႈ လပ်း​သိင်ႇ​ဢၼ်​ၼႃ​တၼ်​ၼႃႇ​ၼၼ်ႉ တၵ်း​သုမ်ႇ​ႁူမ်ႇ​မဵဝ်း​ၵူၼ်း​တင်း​လၢႆ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး တၵ်း​ပေႃႇ​ဢွၵ်ႇ ၵႃႈ​ၼိူဝ်​မႂ်း​လႄႈ မုၼ်​ၽုင်း​မၼ်း​ၸဝ်ႈ​တၵ်း​ထၢင်ႇ​သႃး ၵႃႈ​ၼိူဝ်​မႂ်း​ဢေႃႈ။-</verse>
				<verse number="3">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တၵ်း​ဢွၼ်​ၵၼ်​မႃး​ၸူး​ၵႃႈ​တီႈ ဢၼ်​လႅင်း​မႂ်း​လႄႈ ၶုၼ်​ႁေႃ​ၶမ်း​တင်း​လၢႆ တၵ်း​ဢွၼ်​ၵၼ်​မႃး​ၸူး​ၵႃႈ​တီႈ ဢရွင်ႇ​ဢၼ်​ပေႃႇ​ဢွၵ်ႇ​တႆႈ​ႁိူဝ်ႈ​တီႈ​မႂ်း​ၼၼ်ႉ​ဢေႃႈ။-</verse>
				<verse number="4">ဢဝ်​တႃ​မႂ်း​မုင်ႈ​ၸူး​ၵႃႈ​တီႈ​ႁိမ်း​ႁွမ်း​လႄႈ​တူၺ်း​တႃႉ။ ၵူၼ်း​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​လႄႈ မႃး​ၸူး​ၵႃႈ​တီႈ​မႂ်း​ဢေႃႈ။​လုၵ်ႈ​ၸၢႆး​မႂ်း​တင်း​လၢႆ တၵ်း​ဢွၼ်​ၵၼ်​လုၵ်ႉ​သေ​ၵႃႈ​တီႈ​ဢၼ်​ၵႆ​ၼၼ်ႉ​မႃး​လႄႈ၊ လုၵ်ႈ​ယိင်း​မႂ်း​တင်း​လၢႆ​ၵေႃႈ တၵ်း​လႆႈ​ၶၢမ်ႇ​တၢင်း​ဢၼ် ဢုမ်ႈ​ႁွပ်ႇ​မႃး​ၸူး​ၵႃႈ​တီႈ​ႁိမ်း​မႂ်း​ဢေႃႈ။-</verse>
				<verse number="5">မိူဝ်ႈ​ၼၼ်ႉ မႂ်း​တၵ်း​ထူပ်း​ႁၼ်​လႄႈ လႆႈ​ဢၼ်​လႅင်း​ဢေႃႈ။ ႁူဝ်​ၸႂ်​မႂ်း​တၵ်း​သၼ်ႇ​ဝႆ​လႄႈ ယႂ်ႇ​မႃး​ၵႂၢင်ႈ​မႃး​ဢေႃႈ။ လွင်ႈ​မၼ်း​ၸမ်ႉ တၢင်း​ဢၼ်​မၢၵ်ႈ​မီး​လိူင်ႇ​ၸႂ်​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ တၵ်း​ၶၢႆႉ​ပုတ်ႈ​မႃး​ယူႇ​ၽၢႆႇ​မႂ်း​လႄႈ ၸေး​ၸိမ်ႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ တၵ်း​ႁွတ်ႈ​ထိုင်​ၵႃႈ​ၼႂ်း​မိုဝ်း​မႂ်း​ဢေႃႈ။-</verse>
				<verse number="6">ၵလႃးဢုၵ်ႉ​ၼမ်​ၼႃႇ ဢိၵ်ႇ​တင်း​ၵလႃးဢုၵ်ႉ​ၼုမ်ႇ ဢၼ်​ပဵၼ်​ၵႃႈ​တီႈ​မိူင်း​ မီႉတျၼ်ႇ တင်း​မိူင်း​ ဢေးၽႃႉ ​ၸိူဝ်း​ၼၼ်ႉ တၵ်း​ၸွတ်ႇ​တူဝ်ႈ ၵႃႈ​တီႈ​မႂ်း​လႄႈ ၵူၼ်း​မိူင်း​ သေးၽႃႉ တင်း​သဵင်ႈ​တင်း​လူင် တၵ်း​ဢွၼ်​ၵၼ်​မႃး​ဢေႃႈ။ ၶဝ်​တၵ်း​ပႃး​ဢဝ်​ၶမ်း ဢိၵ်ႇ​တင်း​ လေႃႇပၢၼ်ႇ မႃး​လႄႈ ယွင်ႈ​ယေႃး​မုၼ်​ၵျေး​ၸူး ထႃႇဝရႃႉ​ၽြႃး ၸူမ်း​ၸူမ်း​သိူဝ်း​သိူဝ်း​ဢေႃႈ။-</verse>
				<verse number="7">ၽုင်​သူဝ်း​မိူင်း​ ၵေႇတႃႇ တင်း​သဵင်ႈ​တင်း​လူင် တၵ်း​ၸူႉ​ၵၼ်​တုမ်​ၵၼ် ၵႃႈ​တီႈ​မႂ်း​လႄႈ ပႄႉ​မိူင်း​ ၼပႃႇယုတ်ႉ ​ၸိူဝ်း​ၼၼ်ႉ တၵ်း​ပွင်​ႁဵတ်း​ဢမူႉ​မႂ်း​ယူႇ​သေ​လႄႈ မီး​တၢင်း​လၢၵ်ႈၶၼႃႇ ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ်​လႄႈ ၶိုၼ်ႈ​ၵႃႈ​ၼိူဝ်​ယိတ်ႈပလၢင်ႇ​ၵဝ်​ဢေႃႈ။ ၵဝ်​တၵ်း​ႁႂ်ႈ​မုၼ်​ၽုင်း​ႁိူၼ်း​တီႈ​ဢၼ် မုၼ်​ၽုင်း​ၵဝ်​ထၢင်ႇ​သႃး​ၼၼ်ႉ ယဵင်ႈ​ၶႅၼ်း​ၵီႈ​မႃး​ဢေႃႈ။-</verse>
				<verse number="8">ၶဝ်​ၸိူဝ်း​ဢၼ် မိၼ်​မႃး​ၸိူဝ်ႉ​ၼင်ႇ​ၽႃႈ​ၽူၼ် ဢိၵ်ႇ​တင်း​ၸိူဝ်ႉ​ၼင်ႇ​ၼူၵ်ႉ​တူႈ ဢၼ်​မိၼ်​ၸူး​ၵႃႈ​တီႈ​ႁူး​ၶဝ်​ႁင်း​ၶဝ်​ၼၼ်ႉ ၸိူဝ်း​ၼႆႉ​ၸမ်ႉ၊ ပဵၼ်​ၽူႈ​လႂ်။-</verse>
				<verse number="9">ၵူၼ်း​ၵႃႈ​တီႈ​ၵုၼ်​ၼႂ်း​ၼမ်ႉ ၸိူဝ်း​ၼၼ်ႉ တၵ်း​ဢွၼ်​ၵၼ်​ပႂ်ႉ​ထႃႈ​ၵဝ်​ယူႇ​လႄႈ ႁိူဝ်း​သၢင်း​ၽေႃး တႃႇသူႉ ​ၸိူဝ်း​ၼၼ်ႉ တၵ်း​ၸႃႉ​ႁဵတ်း ဢွၼ်​တၢင်း​သုတ်း​ပိူၼ်ႈ​ႁႂ်ႈ​လႆႈ​ဢဝ်​လုၵ်ႈ​လၢင်း​မႂ်း​ပႃး​လူၺ်ႈ​ၵၼ်​တင်း ငိုၼ်း​ၶမ်း​ၶဝ်​သေ​ၵႃႈ​တီႈ ဢၼ်​ၵႆ​ၼၼ်ႉ​မႃး​ပုၼ်ႈ​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢိၵ်ႇ​တင်း ပုၼ်ႈ​ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ ႁႂ်ႈ​မုၼ်​ၽုင်း​မႂ်း ၵီႈ​မႃး​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="10">ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ တၵ်း​ဢွၼ်​ၵၼ်​တႄႇ​ႁဵတ်း လမ်း​ဝဵင်း​မႂ်း​လႄႈ ၶုၼ်​ႁေႃ​ၶမ်း​တင်း​လၢႆ တၵ်း​ဢွၼ်​ၵၼ်​လုမ်း​လႃး​မႂ်း​ဢေႃႈ။ လွင်ႈ​မၼ်း​ၸမ်ႉ ပိၵ်ႉ​သမ်ႉ​ၵဝ် ၸႂ်​မႆႈ​ၶႆႈ​ၸႃႉ​လႄႈ ပၼ်​တၢမ်ႇ​တီႈ​မႂ်း​သေ​ၵေႃႈ ၵဝ်​တၵ်း​မီး​ၸႂ်​ၸေႇတၼႃႇ သေ​လႄႈ ဢဵတ်း​လူ​မႂ်း​ယူႇ​ဢေႃႈ။-</verse>
				<verse number="11">ၽၵ်း​တူ​မႂ်း​တင်း​လၢႆ ယင်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ဢိုတ်း​ဢၼ်​ႁပ်း​ယူႇ ဝၼ်း​ဝၼ်း​ၶိုၼ်း​ၶိုၼ်း​လႄႈ တၵ်း​လႆႈ​မီး​တၢင်း​ဢၼ်​ၽုၺ်ႇ​ဝႆႉ ယူႇ​သေႇ​သေႇ ႁႂ်ႈ​လႆႈ​ဢဝ်​ၸေး​ၸိမ်ႇ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ မႃး​ၵႃႈ​တီႈ​မႂ်း​လႄႈ ဢဝ်​ၶုၼ်​ႁေႃ​ၶမ်း​တင်း​လၢႆ သူင်ႇ​ပၼ်​တီႈ​မႂ်း ဢေႃႈ။-</verse>
				<verse number="12">ၵူၼ်း​မဵဝ်း​လႂ်​သေ​ဢမ်ႇ​ဝႃႈ၊ သိုင်ႇ​ၸိုင်ႈ​ဝၢၼ်ႈ​မိူင်း​လႂ်​သေ​ဢမ်ႇ​ဝႃႈ၊ ပေႃး​ဢမ်ႇ​ပွင်​ႁဵတ်း​ဢမူႉ​မႂ်း​ၸိုင်၊ ၶဝ်​တၵ်း​လႆႈ​လူႉ​လႅဝ်​ဢေႃႈ။ ၵူၼ်း​မဵဝ်း​ၸိူဝ်ႉ​ၼင်ႇ​ၼၼ် ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ၽဵဝ်ႈ​ပႅတ်ႈ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="13">မုၼ်​ၽုင်း​ လေႇပၼုၼ်ႇ ဢိၵ်ႇ​လူၺ်ႈ​ၵၼ်​တင်း တူၼ်ႈ​မႆႉ​ပႅၵ်ႇ၊ တူၼ်ႈ​ တတေႇရႃႉ ၊ တူၼ်ႈ​ တႃ​သူႉရႃႉ ​ၸိူဝ်း​ၼၼ်ႉ​တၵ်း​ၽွမ်ႉ​ၵၼ် ႁွတ်ႈ​မႃး​ၵႃႈ​တီႈ​မႂ်း ႁႂ်ႈ​ထႃႇၼႃႉ​တီႈ​မူတ်း​ၸၢင်ႇ​ၵဝ် လႆႈ​ႁၢင်ႈ​လီ​ႁၢင်ႈ​ငၢမ်း​လႄႈ ၵဝ်​တၵ်း​ႁႂ်ႈ​မုၼ်​ၽုင်း​တီႈ​ဢၼ်​ၵဝ် တၢင်ႇ​တိၼ်​ၼၼ်ႉ ထၢင်ႇ​သႃး​ဢေႃႈ။-</verse>
				<verse number="14">လုၵ်ႈ​ၸၢႆး​ၶဝ်​ၸိူဝ်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​မႂ်း​ၼၼ်ႉ တၵ်း​ဢွၼ်​ၵၼ်​မႃး​လႄႈ ၵူမ်ႈ​ႁူဝ်​ၵွမ်း​ႁူဝ်​တီႈ​မႂ်း​ဢေႃႈ။ ၶဝ်​ၸိူဝ်း​ဢၼ် ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​မႂ်း တင်း​သဵင်ႈ​တင်း​လူင်​ၼၼ်ႉ တၵ်း​ဢွၼ်​ၵၼ်​ၶုပ်ႉ​မူပ်ႇ​ယူႇ ၵႃႈ​တီႈ​ႁိမ်း​ၽႃႇ​တိၼ်​မႂ်း​လႄႈ ႁွင်ႉ​ႁဵၵ်ႈ​မႂ်း​လႄႈ​ဝႃႈ၊ ဝဵင်း​ထႃႇဝရႃႉ​ၽြႃး၊ ဝဵင်း​ ၸီႉဢုၼ်ႇ ​ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၵွပ်ႈ​ပိူဝ်ႈ​ဢၼ် ပိူၼ်ႈ​ဢွၼ်​ၵၼ်​ၸုၼ်ႉ​ပႅတ်ႈ လီ​ႁင်ႈ​ဢဵတ်ႇ​သဵတ်ႇ​မႂ်း​ထၼ်ႈ​ပေႃး ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​တႆႇ ၵႃႈ​ၼႂ်း​မႂ်း ၵႂႃႇ​ၼၼ်ႉ​လႄႈ၊ ၵဝ်​တၵ်း​ႁႂ်ႈ​မႂ်း​ပဵၼ်​ဢၼ်​ထွတ်ႈ​ဢၼ်​မျၢတ်ႈ ထႃႇဝရႃႉ ဢိၵ်ႇ​တင်း တီႈ​ဢၼ်​ၸူဝ်ႈ​ၵူၼ်း​သိုပ်ႇ​ၵူၼ်း​ၼမ်​ၼႃႇ လီ​ၸူမ်း​သိူဝ်း ဢေႃႈ။-</verse>
				<verse number="16">မႂ်း​တၵ်း​လႆႈ​ၸုပ်ႇ​ၵိၼ်​ၼူမ်း ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ ၸုပ်ႇ​ၵိၼ်​ၼူမ်း​ၶုၼ်​ႁေႃ​ၶမ်း​တင်း​လၢႆ​ဢေႃႈ။ မႂ်း​တၵ်း​လႆႈ​ႁူႉ လွင်ႈ​ဢၼ်​ၵဝ် ထႃႇဝရႃႉ​ၽြႃး​ၼႆႉ ပဵၼ်​ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​မႂ်း၊ ၸဝ်ႈ​ဢၼ်​ထုတ်ႇ​ၼုၵ်ႈ​ဢဝ်​မႂ်း၊ ၽြႃး​ဢၼ်​တၼ်း​ၶူဝ်း​ယႂ်ႇ တီႈ​မဵဝ်း​ ယႃႇၵုပ်ႈ ​ၼၼ်ႉ​ဢေႃႈ။-</verse>
				<verse number="17">ၵဝ်​တၵ်း​ဢဝ်​ၶမ်း​မႃး ပုၼ်ႈ​တၢင်​တူဝ်​တွင်း​လိူင်၊ ငိုၼ်း​ပုၼ်ႈ​တၢင်​တူဝ်​လဵၵ်း၊ တွင်း​လိူင်​ပုၼ်ႈ​တၢင်​တူဝ်​မႆႉ၊ လဵၵ်း​ပုၼ်ႈ​တၢင်​တူဝ် မၢၵ်ႇ​ႁိၼ်​ဢေႃႈ။ ၵဝ်​တၵ်း​ႁႂ်ႈ​ၶုၼ်​မႂ်း တင်း​လၢႆ ပျေႉ​ၸုမ်ႇ​ဝႆႉ​တင်း​သၽေႃး ဢၼ်​ၼိမ်​သိမ်ႇ​လႄႈ ႁႂ်ႈ​ၵူၼ်း​ၵဵပ်း​ၶွၼ်ႇ​မႂ်း​တင်း​လၢႆ ပျေႉ​ၸုမ်ႇ​ဝႆႉ​တင်း​သၽေႃး ဢၼ်​သိုဝ်ႈ​တေႃႇ​ဢေႃႈ။-</verse>
				<verse number="18">ၵမ်း​လိုၼ်း ဢမ်ႇ​လႆႈ​ငိၼ်း​သဵင်​တၢင်း​ဢၼ် ႁဵတ်း​ႁၢဝ်ႈ​ၵျၢမ်း​ၼႃႇ​ၼၼ်ႉ ၵႃႈ​ၼႂ်း​မိူင်း​မႂ်း​လႄႈ တၢင်း​ဢၼ်​ႁိမ်​ဢဝ်​ႁူင်ႇ​ဢဝ်။ တၢင်း​ဢၼ်​ယႃႉ​ၽဵဝ်ႈ​ပႅတ်ႈ ဢမ်ႇ​လႆႈ​မီး​ၵႃႈ​ၼႂ်း​ၼမ်ႉ​ၼႂ်း​လိၼ်​မႂ်း။ မႂ်း​တၵ်း​လႆႈ​ႁွင်ႉ​ႁဵၵ်ႈ​လမ်း​ဝဵင်း​မႂ်း တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​လႄႈ ၽၵ်း​တူ​ဝဵင်း​မႂ်း ၸိူဝ်း​ၼၼ်ႉ တၢင်း​ဢၼ်​ယွင်ႈ​ယေႃး​ဢေႃႈ။-</verse>
				<verse number="19">ၵမ်း​လိုၼ်း​ၵၢင်​ဝၼ်း​တၵ်း​ဢမ်ႇ​ပဵၼ်​ဢၼ်​လႅင်း​တီႈ​မႂ်း​ၶိင်ႇ​ၵႃ​ဝၼ်း​လႄႈ၊ လိူၼ်​ၵေႃႈ​တၵ်း​ဢမ်ႇ​ပဵၼ်​ဢၼ်​လႅင်း​တီႈ​မႂ်း ႁႂ်ႈ​လႆႈ​လႅင်း​ထွင်ႇ မႂ်း။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ၼၼ်ႉ တၵ်း​ပဵၼ်​ဢၼ်​လႅင်း​ထႃႇဝရႃႉ​တီႈ​မႂ်း​လႄႈ ၽြႃး​ပဵၼ်​ၸဝ်ႈ​မႂ်း တၵ်း​ပဵၼ်​မုၼ်​သရေႇ​မႂ်း​ယူႇ ဢေႃႈ။-</verse>
				<verse number="20">ၵမ်း​လိုၼ်း​ၵၢင်​ဝၼ်း​မႂ်း ဢမ်ႇ​လႆႈ​တူၵ်း။ လိူၼ်​မႂ်း​ၵေႃႈ​ဢမ်ႇ​လႆႈ​လွင်ႈ။ ထႃႇဝရႃႉ​ၽြႃး တၵ်း​ပဵၼ်​ဢၼ်​လႅင်း​ထႃႇဝရႃႉ​တီႈ​မႂ်း​လႄႈ မိုဝ်ႉ​ဝၼ်း​ဢၼ်​ၸႂ်​မႂ်း​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ်​ၸိူဝ်း​ၼၼ်ႉ တၵ်း​သဵင်ႈ​မူတ်း​ဢေႃႈ။-</verse>
				<verse number="21">ၵူၼ်း​မႂ်း​တင်း​သဵင်ႈ​တင်း​လူင် တၵ်း​လႆႈ​သိုဝ်ႈ​တေႃႇ​လႄႈ ၶၢမ်ႇ​ဢဝ် ဢမူၺ်ႇ​မိူင်း​ၸဝ်ႈ​ယူႇ​တႃႇ​သေႇ​မၼ်ႈ​ၶိူင်ႇ​လႄႈ ပဵၼ်​တူၼ်ႈ​ၵႃႈ​ဢၼ်​ၵဝ်​ၽုၵ်ႇ​သွမ်ႈ၊ တၢင်း​ဢၼ်​မိုဝ်း​ၵဝ်​လုမ်း​လႃး​ႁဵတ်း​ၼၼ်ႉ ႁႂ်ႈ​မုၼ်​ၽုင်း​ၵဝ်​ထၢင်ႇ​သႃး​ဢေႃႈ။-</verse>
				<verse number="22">လုၵ်ႈ​ဢွၼ်ႇ​ၵေႃႉ​ၼိုင်ႈ တၵ်း​လႆႈ ပဵၼ်​ၵူၼ်း​ႁဵင်​ၼိုင်ႈ​လႄႈ ၵေႃႉ​ဢၼ်​ႁႅင်း​လဵၵ်ႉ​ႁႅင်း​ၵေႇ​ၵေႃႉ​ၼိုင်ႈ တၵ်း​လႆႈ​ပဵၼ်​မဵဝ်း​ၵူၼ်း​ဢၼ်​ႁႅင်း​ယႂ်ႇ ႁႅင်း​လူင်​ဢေႃႈ။ ၵဝ်​ထႃႇဝရႃႉ​ၽြႃး တၵ်း​တိုၵ်း​ယူင်း​ဢမူႉ​ၼႂ်း​မိူဝ်ႈ​ဢၼ် ၶိင်ႇ​မၼ်း​ၶႃႇ​မၼ်း​ႁွတ်ႈ​ထိုင်​ၼၼ်ႉ​ဢေႃႈ။</verse>
			</chapter>
			<chapter number="61">
				<verse number="1">ဝီႉၺိၺ်ႇ ထႃႇဝရႃႉ​ၽြႃး တႄႇ​ယူႇ​ၵႃႈ​ၼိူဝ်​ၵဝ်​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ပၼ်​ၽိၵ်ႈ​သိၵ်ႈ​တီႈ​ၵဝ် ႁႂ်ႈ​ၵဝ်​လႆႈ​မွၵ်ႇ​လၢတ်ႈ​သတၢင်း​သိူဝ်း​ပျေႃႇ တီႈ​ၵူၼ်း​ယၢၵ်ႈ​ၵူၼ်း​ၽၢၼ် တင်း​လၢႆ​ယဝ်ႉ။ မၼ်း​ၸဝ်ႈ​ပွႆႇ​ၸႂ်ႉ​ၵဝ်​မႃး​ႁႂ်ႈ​လႆႈ ၶဵၼ်း​ႁေႃႇ​တၢင်း​ၸဵပ်း​ၶဝ်​ၸိူဝ်း​ဢၼ် ႁူဝ်​ၸႂ်​တႅၵ်ႇ​လႅဝ်​ၼၼ်ႉ၊ ႁႂ်ႈ​လႆႈ​မွၵ်ႇ​လၢတ်ႈ​တၢင်း​ဢၼ်​ပွႆႇ​လွတ်ႈ​ၼၼ်ႉ တီႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​တီႉ​ဢဝ်​ၶင်​ဝႆႉ​ၼၼ်ႉ ဢိၵ်ႇ​တင်း​တၢင်း​ဢၼ် ၽုၺ်ႇ​ၽၵ်း​တူ​ထွင်ႇ​ပၼ်​တီႈ​ၶဝ်​ၸိူဝ်း​ဢၼ်​တူၵ်း​ၵိၼ်း​ၼၼ်ႉ၊-</verse>
				<verse number="2">ႁႂ်ႈ​လႆႈ​မွၵ်ႇ​လၢတ်ႈ​ၶူပ်ႇ​ၼီႈ ပီႊ​မင်ႇၵလႃႇ ထႃႇဝရႃႉ​ၽြႃး ဢိၵ်ႇ​တင်း​မိုဝ်ႉ​ဝၼ်း​တၢင်း​ဢၼ် ၽြႃး​ပဵၼ်​ၸဝ်ႈ​ႁဝ်း ပၼ်​ဢပႅတ်ႈ​ၼၼ်ႉ၊ ႁႂ်ႈ​လႆႈ​ႁႂ်ႈ​ၶဝ်​ၸိူဝ်း​ဢၼ် ၸႂ်​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ်​ယူႇ​ၵႃႈ​မီး​ၼၼ်ႉ လႆႈ​သၢၵ်ႈ​သႃႇ၊-</verse>
				<verse number="3">ႁႂ်ႈ​လႆႈ​ၸီႇ​ယၢင်ႇ​ပုၼ်ႈ​ၵူၼ်း​ဝဵင်း​ ၸီႉဢုၼ်ႇ ဢၼ်​ၸႂ်​ဢမ်ႇ​သႃႇ​ၶၢင်း​ၶီ​ၶၢင်း​ၽၢၼ်​ၸိူဝ်း​ၼၼ်ႉ​လႄႈ ဢဝ်​မွၵ်ႇ​ႁူဝ်​သရၽူႇ ပုၼ်ႈ​တၢင်​တူဝ်​တဝ်ႈ​ၼမ်ႉ​မၼ်း တၢင်း​ဢၼ်​ၸူမ်း​သိူဝ်း​ပုၼ်ႈ​တၢင်​တူဝ် တၢင်း​ဢၼ်​ငိၼ်း​ၽၢၼ်၊ ၶူဝ်း​ၼုင်ႈ​တၢင်း​ဢၼ်​ယွင်ႈ​ယေႃး ပုၼ်ႈ​တၢင်​တူဝ်​ၸႂ်​သၽေႃး ဢၼ်​ယၢပ်ႇ​ၸႂ်​ၶၢၼ်​ၸႂ်​ၼၼ်ႉ ပၼ်​တီႈ​ၶဝ် ပုၼ်ႈ​လွင်ႈ​ၼင်ႇ​ႁိုဝ် ၶဝ်​တၵ်း​လႆႈ​ၶၢမ်ႇ​တၢင်း​ဢၼ် ႁွင်ႉ​ႁဵၵ်ႈ တူၼ်ႈ​မႆႉ​ၼိမ် တၢင်း​ဢၼ်​သိုဝ်ႈ​တေႃႇ၊ တူၼ်ႈ​ဢၼ်​ထႃႇဝရႃႉ​ၽြႃး၊ ၽုၵ်ႇ​သွမ်ႈ​ဝႆႉ​ပုၼ်ႈ မုၼ်​သရေႇ​မၼ်း​ၸဝ်ႈ ၼၼ်ႉ​ဢေႃႈ။-</verse>
				<verse number="4">ၶဝ်​တၵ်း​ဢွၼ်​ၵၼ် မႄး​ၵုမ်း​မႄး​ႁဵတ်း​တီႈ​ဢၼ်​ၵိူၼ်ႇ​ပင်း​လူႉ​လႅဝ် မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႄႈ တႄႇ​ႁဵတ်း​တီႈ​ဢၼ် ပႄႇ​ၽဵဝ်ႈ​ပႅတ်ႈ​မိူဝ်ႈ​မိုၼ်ႉ​ၸိုၼ်ႉ​သိုၼ်း​ၼၼ်ႉ​ဢေႃႈ။ ၶဝ်​တၵ်း​ဢွၼ်​ၵၼ်​လုမ်း​လႃး သၢင်ႈ​ႁဵတ်း​တီႈ​ဝဵင်း​ဢၼ်​သဵတ်ႇ​ဢၼ်​ယဵၼ်​တင်း​လၢႆ၊ တီႈ​ဢၼ်​ၸုၼ်ႉ​ပႅတ်ႈ​ၸႅၼ်ႇ​ၸႅၼ်ႇ​သၢၵ်ႈ​သၢၵ်ႈ ၸိူဝ်း​ၼၼ်ႉ​ဢေႃႈ။-</verse>
				<verse number="5">ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ တၵ်း​ဢွၼ်​ၵၼ်​ၸုၵ်း​ယူႇ​သေ​လႄႈ လဵင်ႉ​ထိင်း​ၽုင်​သူဝ်း​သူ​လႄႈ ၵူၼ်း​တင်း​သိုင်ႇ​တင်း​မိူင်း​တင်း​လၢႆ တၵ်း​ဢွၼ်​ၵၼ်​ပဵၼ် ၶဝ်​ၸိူဝ်း​ဢၼ်​ထႆ​ၼႃး​သူ​လႂ်၊ ၶဝ်​ၸိူဝ်း​ဢၼ်​လုမ်း​လႃး သူၼ်​ဢူးယဵၼ်ႇ​ၸပိတ်ႈ​သူ​လႂ် ဢေႃႈ။-</verse>
				<verse number="6">သူ​ၸမ်ႉ၊ တၵ်း​လႆႈ​ၸိုဝ်ႈ​လႆႈ​သဵင် ယိတ်ႈပရေႃးႁဵၵ်ႈ ထႃႇဝရႃႉ​ၽြႃး​လႄႈ ၵူၼ်း​တင်း​လၢႆ တၵ်း​လႆႈ​ႁွင်ႉ​ႁဵၵ်ႈ​သူ​လႄႈ​ဝႃႈ၊ ၵူၼ်း​ဢၼ် ႁၢပ်ႇ​ဢမူႉ​ၽြႃး​ပဵၼ်​ၸဝ်ႈ​ႁဝ်း၊ ဝႃႈ​ၼင်ႇ​ၼႆ​ဢေႃႈ။ သူ​တၵ်း​ၵိၼ်​ၸေး​ၸိမ်ႇ​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ ဢဝ်​တူဝ်​ၸဝ်ႈ​ၵဝ်ႇ ၶၢၼ်း​ဝႆႉ​ၼႂ်း​ဢရႃႇ မုၼ်​သရေႇ​ၶဝ်​ၼၼ်ႉ​ဢေႃႈ။-</verse>
				<verse number="7">ပုၼ်ႈ​တၢင်ႇ​တူဝ် လွင်ႈ​တၢင်း​ဢၼ်​သူ ဢူၵ်း​ဢၢႆ​ၼၼ်ႉ၊ သူ​တၵ်း​ၶၢမ်ႇ​ဢဝ် ဢၵျူဝ်း​သွင်​ပုၼ်ႈ​လႄႈ ပုၼ်ႈ​တၢင်​တူဝ်​သရေႇလူႉ​ၼၼ်ႉ​ၵေႃႈ ၶဝ်​တၵ်း​ၸၢမ်ႇ​ၸႃး​ၸူမ်း​သိူဝ်း​ယူႇ​ၼႂ်း ပုၼ်ႈ​ၶဝ်​တႃႇ​ၶဝ်​ၼၼ်ႉ​ဢေႃႈ။ ၶဝ်​တၵ်း​လႆႈ​ၶၢမ်ႇ​ဢဝ်​ဢမူၺ်ႇ ဢၼ်​ပဵၼ်​သွင်​ပုၼ်ႈ ၵႃႈ​ၼႂ်း​မိူင်း​ၶဝ်​လႄႈ ပျေႉ​ၸုမ်ႇ​ဝႆႉ​တင်း တၢင်း​ဢၼ်​ၸူမ်း​သိူဝ်း​ထႃႇဝရႃႉ​ဢေႃႈ။-</verse>
				<verse number="8">လွင်ႈ​မၼ်း​ၸမ်ႉ ၵဝ်​ထႃႇဝရႃႉ​ၽြႃး ထုၵ်ႇ​ၸႂ်​ၵျိူၵ်ႈ​ၸႂ် တၢင်း​ဢၼ်​ၸီႇ​ယၢင်ႇ ၸွမ်း​ၼင်ႇ​တြႃး​လႄႈ ၸင်း​လွင်ႈ​တၢင်း​ဢၼ်​ႁဵတ်း ဢႃႉထမ်ႇမႃႉ ႁိမ်​ဢဝ်​ၼၼ်ႉ​ဢေႃႈ။ ၵဝ်​တၵ်း​ပၼ်​ဢၵျူဝ်း​တီႈ​ၶဝ် ၸွမ်း​ၼင်ႇ​သဵတ်ႈ​ၸႃႇ​လႄႈ ႁဵတ်း​ပတီႉၺိၺ်ႇ​ထႃႇဝရႃႉ လူၺ်ႈ​ၵၼ်​တင်း​ၶဝ်​ဢေႃႈ။-</verse>
				<verse number="9">မဵဝ်း​ၸိူဝ်ႉ​ၶိူဝ်း​ၶဝ်​တၵ်း​ႁူင်​ႁၢင်း​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ၊ ၸူဝ်ႈ​လုၵ်ႈ​ပၢၼ်​လၢၼ်​ၶဝ်​တၵ်း​ႁူင်​ႁၢင်း​ၵႃႈ​ၼႂ်း​မဵဝ်း​ၵူၼ်း​တင်း​လၢႆ​လႄႈ ၶဝ်​ၵႃႈ​ဢၼ်​ႁၼ်​ၶဝ်​ၼၼ်ႉ တၵ်း​ဢွၼ်​ၵၼ်​ႁပ်ႉ​တုင်း​ဢဝ်​ၶဝ်​လႄႈ​ဝႃႈ၊ ၶဝ်​ၼႆႉ​ပဵၼ်​မဵဝ်း​ၸိူဝ်ႉ​ၶိူဝ်း​ဢၼ် ထႃႇဝရႃႉ​ၽြႃး​ပၼ်​တၢင်း​လီ​ၼၼ်ႉ​ဢေႃႈ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၵဝ်​တၵ်း​ၸူမ်း​ပျေႃႇ ယူႇ​ၵႃႈ​ၼႂ်း ထႃႇဝရႃႉ​ၽြႃး ၼႃႇ​လူင်​လၢင်​လႄႈ ဝီႉၺိၺ်ႇ​ၵဝ်​တၵ်း​သႂၢင်ႇ​သိူဝ်း​ယူႇ ၵႃႈ​ၼႂ်း​ၽြႃး​ပဵၼ်​ၸဝ်ႈ​ၵဝ်​ဢေႃႈ။ လွင်ႈ​မၼ်း​ၸမ်ႉ မၼ်း​ၸဝ်ႈ​ဢဝ်​ၶူဝ်း​ၼုင်ႈ​တၢင်း​မႆ တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​ၼၼ်ႉ ၼုင်ႈ​ႁၢင်ႈ​ၶိူင်ႈ​ပၼ်​ၵဝ်​လႄႈ ဢဝ်​သိူဝ်ႈ​ယၢဝ်း​တၢင်း​ဢၼ်​သိုဝ်ႈ​တေႃႇ​ၼၼ်ႉ ႁူမ်ႇ​မႆ​ပၼ်​ၵဝ် မိူၼ်​ၸိူဝ်ႉ​ၼင်ႇ​ဢၼ်​ၵေႃႉ​ဢၼ် သွင်ႇ​မင်ႇၵလႃႇ​တိုဝ်း​မွၵ်ႇ​ႁူဝ်​သရၽူႇ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ဢၼ် လုၵ်ႈ​ယိင်း​သၢဝ် ဢၼ်​သွင်ႇ​မင်ႇၵလႃႇ တိုဝ်း​ၶိူင်ႈ​ၶမ်း​ၶိူင်ႈ​သႅင်​ႁၢင်ႈ​ၶိူင်ႈ​ၼၼ်ႉ​ယဝ်ႉ။-</verse>
				<verse number="11">ၸိူဝ်ႉ​ၼင်ႇ​ဢၼ်​လိၼ်​မိူင်း ႁႂ်ႈ​တူၼ်ႈ​ဢွၵ်ႇ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ဢၼ်​ႁႆႊ​ၼႃး ႁႂ်ႈ​ၸိူဝ်ႉ​ၽၼ်း​ဢၼ်​ၽုၵ်ႇ​သႂ်ႇ ၵႃႈ​ၼႂ်း​မၼ်း​ၼၼ်ႉ ဢွၵ်ႇ​ငူင်း​ၼၼ်ႉ ထႃႇဝရႃႉ​ၽြႃး​တၵ်း​ႁႂ်ႈ တၢင်း​ဢၼ်​သိုဝ်ႈ​တေႃႇ ဢိၵ်ႇ​တင်း တၢင်း​ဢၼ်​ယွင်ႈ​ယေႃး​ပေႃႇ​ဢွၵ်ႇ ၵႃႈ​တီႈ​ၽၢႆႇ​ၼႃႈ​ၵူၼ်း ၵူႈ​ၸိူဝ်ႉ​ၵူႈ​မဵဝ်း မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။</verse>
			</chapter>
			<chapter number="62">
				<verse number="1">ၸူဝ်ႈ​ဢၼ်​တၢင်း​ဢၼ်​သိုဝ်ႈ​တေႃႇ​မၼ်း ဢမ်ႇ​ပႆႇ​ထၢင်ႇ​သႃး​မႃး​မိူၼ်​ၸိူဝ်ႉ​ၼင်ႇ​သၢႆ​ဢရွင်ႇ​ၼၼ်ႉ၊ ဢိၵ်ႇ​တင်း ၸူဝ်ႈ​ဢၼ် တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​မၼ်း​ဢမ်ႇ​ပႆႇ ထၢင်ႇ​သႃး​မႃး​မိူၼ်​ၸိူဝ်ႉ​ၼင်ႇ​ဝၢၼ်ႇ​ၽႆး​တဵၼ်း ဢၼ်​လုၵ်ႉ​ႁိူဝ်ႈ​ၼၼ်ႉ၊ ၵဝ်​တၵ်း​ဢမ်ႇ​ယူႇ​တဵတ်ႇ​ယဵၼ်​သဵတ်ႇ​ယဵၼ် ၵွပ်ႈ​ပိူဝ်ႈ​ဝဵင်း​ ၸီႉဢုၼ်ႇ ​လႄႈ ၵဝ်​တၵ်း​ဢမ်ႇ​ယူႇ​ၼိမ်​ၼိမ်​လီ​လီ ၵွပ်ႈ​ပိူဝ်ႈ​ဝဵင်း​ ယေႇရူႉသလႅမ်ႇ ​ၼၼ်ႉ။-</verse>
				<verse number="2">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ တၵ်း​လႆႈ​ဢွၼ်​ၵၼ်​ႁၼ် တၢင်း​ဢၼ်​သိုဝ်ႈ​တေႃႇ​မႂ်း​လႄႈ ၶုၼ်​ႁေႃ​ၶမ်း တင်း​သဵင်ႈ​တင်း​လူင် တၵ်း​လႆႈ​ဢွၼ်​ၵၼ်​ႁၼ် မုၼ်​ၽုင်း​သရေႇ​မႂ်း​ဢေႃႈ။ မႂ်း​တၵ်း​လႆႈ​ၶၢမ်ႇ​တၢင်း​ဢၼ်​ဢဝ် ၼႃႇ​မႃႉ​ၸိုဝ်ႈ​သဵင်​ဢၼ်​မႂ်ႇ ဢၼ်​ဢွၵ်ႇ​သူပ်း ထႃႇဝရႃႉ​ၽြႃး​ၼၼ်ႉ ႁွင်ႉ​ႁဵၵ်ႈ​ဢေႃႈ။-</verse>
				<verse number="3">မႂ်း​တၵ်း​ပဵၼ်​ပၢၼ်း​ၵုမ်း​ဢၼ်​ႁၢင်ႈ​လီ​ႁၢင်ႈ​ငၢမ်း​ၼၼ်ႉ ၵႃႈ​ၼႂ်း​မိုဝ်း ထႃႇဝရႃႉ​ၽြႃး ဢိၵ်ႇ​တင်း သရၽူႇ​ဢၼ်​ၶုၼ်​တိုဝ်း​ၼၼ်ႉ ၵႃႈ​ၼႂ်း မိုဝ်း​ၽြႃး​ပဵၼ်​ၸဝ်ႈ​မႂ်း​ဢေႃႈ။-</verse>
				<verse number="4">ၵမ်း​လိုၼ်း​မႂ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​လႄႈ​ဝႃႈ၊ ၵေႃႉ​ဢၼ်​ၸုၼ်ႉ​ပႅတ်ႈ၊ ဝႃႈ​ၼင်ႇ​ၼႆ​လႄႈ မိူင်း​မႂ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​လႄႈ​ဝႃႈ လိၼ်​ဢၼ်​သဵတ်ႇ​ၵူၼ်း ယဵၼ်​ၵူၼ်း၊ ဝႃႈ​ၼင်ႇ​ၼႆ​ၼၼ်ႉ။ ၵူၺ်း​ၵႃႈ မႂ်း​တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​လႄႈ​ဝႃႈ၊​ၵေႃႉ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်၊ ဝႃႈ​ၼင်ႇ​ၼႆ​လႄႈ မိူင်း​မႂ်း​တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​လႄႈ​ဝႃႈ၊ မိူင်း​ဢၼ်​သွင်ႇ​မင်ႇၵလႃႇ မီး​ၽူဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ထုၵ်ႇ​ၸႂ်​ၵျိူၵ်ႈ​ၸႂ်​မႂ်း​လႄႈ လိၼ်​မႂ်း​ၵေႃႈ တၵ်း​လႆႈ​သွင်ႇ​မင်ႇၵလႃႇ ဢဝ်​ၽူဝ်​ဢေႃႈ။-</verse>
				<verse number="5">ၸိူဝ်ႉ​ၼင်ႇ​ဢၼ် ၽူႈ​မၢဝ်ႇ​သွင်ႇ​မင်ႇၵလႃႇ​ဢဝ်​ၵၼ်​တင်း​ၽူႈ​သၢဝ်​ၵၼ်ႇ​ၺႃႇ​ၼၼ်ႉ၊ လုၵ်ႈ​ၸၢႆး​မႂ်း​တင်း​လၢႆ တၵ်း​သွင်ႇ​မင်ႇၵလႃႇ​ဢဝ်​ၵၼ်​တင်း​မႂ်း​လႄႈ၊ ၸိူဝ်ႉ​ၼင်ႇ​ဢၼ် ၵူၼ်း​ဢၼ်​သွင်ႇ​မင်ႇၵလႃႇ ၸူမ်း​သိူဝ်း​လူၺ်ႈ​လွင်ႈ လုၵ်ႈ​ယိင်း​သၢဝ်​ဢၼ်​သွင်ႇ​မင်ႇၵလႃႇ​ၼၼ်ႉ၊ ၽြႃး​ပဵၼ်​ၸဝ်ႈ​မႂ်း တၵ်း​ၸူမ်း​သိူဝ်း​လူၺ်ႈ​လွင်ႈ​မႂ်း​ဢေႃႈ။-</verse>
				<verse number="6">ဝဵင်း​ ယေႇရူႉသလႅမ်ႇ ​ဢိူၺ်း၊ ၵဝ်​ဝႆႉ​ၶဝ်​ၸိူဝ်း​ဢၼ်​ပႂ်ႉ​ၵႃႈ​ၼိူဝ်​လမ်း​ဝဵင်း​မႂ်း​ယဝ်ႉ။ ၶဝ်​ၼၼ်ႉ​တၵ်း​ဢမ်ႇ​လႆႈ​ယူႇ​တဵတ်ႇ​တဵတ်ႇ ယဵၼ်​ယဵၼ်​ယူႇ ဝၼ်း​ဝၼ်း​ၶိုၼ်း​ၶိုၼ်း​တႃႇ​သေႇ။ သူ​ၸိူဝ်း​ဢၼ် ႁႂ်ႈ​ထႃႇဝရႃႉ​ၽြႃး ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼႆႉ​ဢိူၺ်း၊ ယႃႇ​ပေ​ယူႇ တဵတ်ႇ​တဵတ်ႇ​ယဵၼ်​ယဵၼ်။-</verse>
				<verse number="7">ယႃႇ​ပေ​ႁႂ်ႈ​မၼ်း​ၸဝ်ႈ တဵတ်ႇ​ယဵၼ်​ယူႇ တေႃႇ​ထိုင်​ႁွတ်ႈ​မၼ်း​ၸဝ်ႈ​ထၼ်ႈ​ပေႃး ႁႂ်ႈ​ဝဵင်း​ ယေႇရူႉသလႅမ်ႇ တႄႇ​ယူႇ​မၼ်ႈ​မၼ်ႈ​ၶိူင်ႇ​ၶိူင်ႇ လႄႈ မၼ်း​ၸဝ်ႈ​ႁႂ်ႈ​ဝဵင်း​ၼၼ်ႉ ပဵၼ်​လွင်ႈ​ဢၼ်​လီ​ယွင်ႈ​ယေႃး​ၵႃႈ​ၼိူဝ်​လိၼ်​မိူင်း​ၼႆႉ။-</verse>
				<verse number="8">ထႃႇဝရႃႉ​ၽြႃး ဢဝ်​မိုဝ်း​ၶွၼ်​ၶႂႃ​မၼ်း​ၸဝ်ႈ ဢိၵ်ႇ​တင်း​ၶႅၼ်​မၼ်း​ၸဝ်ႈ ဢၼ်​တၼ်း​ၶူဝ်း​ယႂ်ႇ​ၼၼ်ႉ တိူင်ႇ​လႄႈ​ၵိၼ်ႇ​ဝႃႈ​ၸမ်ႉ၊ ၵမ်း​လိုၼ်း​ၵဝ်​တၵ်း ဢမ်ႇ​ဢဝ်​ၶဝ်ႈ​ပိူၵ်ႇ​မႂ်း​လဵင်ႉ​ပၼ် တီႈ​ရၢၼ်ႇ​သူႇ​မႂ်း​တင်း​လၢႆ။ ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ ဢမ်ႇ​လႆႈ​သူတ်ႉ​လႆႈ​ၵိၼ် ၼမ်ႉ​ၸပိတ်ႈ​ဢၼ်​မႂ်း​ၵျူဝ်း​ၸႃး​လႄႈ ႁဵတ်း​ၼၼ်ႉ။-</verse>
				<verse number="9">ၶဝ်​ၸိူဝ်း​ဢၼ်​ပၢတ်ႇ​ၶဝ်ႈ​ၼၼ်ႉ တၵ်း​လႆႈ​ဢွၼ်​ၵၼ်​ၵိၼ်​လႄႈ ယွင်ႈ​ယေႃး ထႃႇဝရႃႉ​ၽြႃး​ဢေႃႈ။ ၶဝ်​ၸိူဝ်း​ဢၼ်​ၵဵပ်း​ဢဝ် သိမ်း​ဢဝ် မၢၵ်ႇ​ၸပိတ်ႈ​ၼၼ်ႉ တၵ်း​လႆႈ​ဢွၼ်​ၵၼ်​သူတ်ႉ​ၵိၼ်​ၼမ်ႉ​ၸပိတ်ႈ ၵႃႈ​ၼႂ်း​တမ်ႇ​တိူင်း​ထႃႇၼႃႉ တီႈ​မူတ်း​ၸၢင်ႇ​ၵဝ်​ဢေႃႈ၊ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="10">ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​ၽၵ်း​တူ​ဝဵင်း​တႃႉ။ ဢွၼ်​ၵၼ်​ဢွၵ်ႇ​တႃႉ။ ဢွၼ်​ၵၼ်​မႄး​သဵၼ်ႈ​တၢင်း​ပုၼ်ႈ​ၵူၼ်း​တင်း​လၢႆ​တႃႉ။ ဢွၼ်​ၵၼ်​ထူမ်​သဵၼ်ႈ​တၢင်း​ဢၼ်​ၵႂႃႇ​ၼၼ်ႉ​တႃႉ။ ဢွၼ်​ၵၼ်​ထူမ်​တႃႉ။ ဢွၼ်​ၵၼ်​ၽဵဝ်ႈ​မၢၵ်ႇ​ႁိၼ်​တင်း​လၢႆ​ပႅတ်ႈ​လႄႈ ပူၵ်း​လၢမ်ႇ​ပုၼ်ႈ မဵဝ်း​ၵူၼ်း​တင်း​လၢႆ​တႃႉ။-</verse>
				<verse number="11">တူၺ်း​လူး၊ ထႃႇဝရႃႉ​ၽြႃး မီး​ဢမိင်ႉ​တေႃႇ​ထိုင်​ႁွတ်ႈ တီႈ​သုတ်း​တီႈ​ၵွႆ​လိၼ်​မိူင်း​ၸမ်ႉ၊ ဢွၼ်​ၵၼ်​လၢတ်ႈ​တီႈ လုၵ်ႈ​ယိင်း​ ၸီႉဢုၼ်ႇ ​လႄႈ​ဝႃႈ၊ တူၺ်း​လူး၊ ၸဝ်ႈ​ဢၼ် ၵႄႇ​သႄႇ​ၶျွတ်ႈ​ဢဝ်​မႂ်း​ၼၼ်ႉ မႃး​ယဝ်ႉ။ တူၺ်း​လူး၊ ၵႃႈ​ၶၼ် ဢၼ်​မၼ်း​ၸဝ်ႈ​ထိူၵ်ႈ​ၶၢမ်ႇ​ဢဝ်​ၼၼ်ႉ ပႃး​တီႈ​မၼ်း​ၸဝ်ႈ​ယူႇ​သေ​လႄႈ သူး​လၢပ်ႈ​မၼ်း​ၸဝ်ႈ​ၼၼ်ႉ​မီး​ယူႇ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ဢေႃႈ။-</verse>
				<verse number="12">ပိူၼ်ႈ​တၵ်း​လႆႈ​ႁွင်ႉ​ႁဵၵ်ႈ​ၶဝ်​ၼၼ်ႉ​လႄႈ​ဝႃႈ၊ ၵူၼ်း​ဢၼ်​မူတ်း​ၸၢင်ႇ တင်း​လၢႆ၊ ၶဝ်​ၸိူဝ်း​ဢၼ် ထႃႇဝရႃႉ​ၽြႃး​ထုတ်ႇ​ဢဝ်၊ ဝႃႈ​ၼင်ႇ​ၼႆ​လႄႈ၊ မႂ်း​တၵ်း​လႆႈ​ၶၢမ်ႇ​တၢင်း​ဢၼ် ႁွင်ႉ​ႁဵၵ်ႈ​လႄႈ​ဝႃႈ၊ ဝဵင်း​ဢၼ်​ပိူၼ်ႈ​ႁႃ​ဢဝ်၊ ဝဵင်း​ဢၼ်​ပိူၼ်ႈ​ဢမ်ႇ​ၸုၼ်ႉ​ဢမ်ႇ​ပႅတ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="63">
				<verse number="1">ၵေႃႉ​ဢၼ် ၼုင်ႈ​ၶူဝ်း​ၼုင်ႈ ဢၼ်​ယွမ်ႉ​လႅင်​ယူႇ၊ ႁၢင်ႈ​ၶိူင်ႈ​ၶူဝ်း​ၼုင်ႈ​တၢင်း​မႆ ဢၼ်​ႁၢင်ႈ​လီ​ႁၢင်ႈ​ငၢမ်း​ယူႇ၊ ငွၵ်ႈ​ႁူဝ်​ယိုၼ်း​ၶေႃး ၵွပ်ႈ​ပိူဝ်ႈ​တၼ်း​ၶူဝ်း​ဢၼ်​ယႂ်ႇ​ၼႃႇ​ယူႇ​သေ​လႄႈ လုၵ်ႉ​ၵႃႈ​တီႈ​ဝဵင်း​ ပေႃႇၸရႃႉ မိူင်း​ ဢေႇတုမ်ႇ ​မႃး​ၼႆႉ​ၸမ်ႉ၊ ပဵၼ်​ၽူႈ​လႂ်။ ပဵၼ်​ၵဝ်​ဢၼ်​ႁေႃး​လၢတ်ႈ တြႃး​တၢင်း​ဢၼ်​သိုဝ်ႈ​တေႃႇ​လႄႈ တၼ်း​ၶူဝ်း​ယႂ်ႇ​ၼႃႇ ပုၼ်ႈ​လွင်ႈ​ၼင်ႇ​ႁိုဝ် တၵ်း​လႆႈ ၵႄႇ​သႄႇ​ၶျွတ်ႈ​ဢဝ်​ၼႆႉ​ဢေႃႈ။-</verse>
				<verse number="2">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၼုင်ႈ​ၶူဝ်း​ၼုင်ႈ​ဢၼ်​လႅင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶူဝ်း​ၼုင်ႈ​ၸဝ်ႈ​ႁဝ်း​ၼၼ်ႉ မိူၼ်​ၵၼ်​တင်း​ၶူဝ်း​ၼုင်ႈ​ၵေႃႉ​ဢၼ်​ယဵပ်ႇ​ၼူတ်ႈ​ယူႇ ၵႃႈ​ၼႂ်း​တီႈ​ဢၼ်​ယဵပ်ႇ​ၼူတ်ႈ​မၢၵ်ႇ​ၸပိတ်ႈ​ၼၼ်ႉ ၼင်ႇ​ႁိုဝ်​တီႈ​ၶႃႈ၊-</verse>
				<verse number="3">ၵဝ်​ၵေႃႉ​လဵဝ်​ၵူၺ်း​လႆႈ​ယဵပ်ႇ​ၼူတ်ႈ ၵႃႈ​ၼႂ်း​တီႈ​ဢၼ်​ယဵပ်ႇ​ၼူတ်ႈ​မၢၵ်ႇ​ၸပိတ်ႈ​ၼၼ်ႉ​ယဝ်ႉ။ မဵဝ်း​ၵူၼ်း တင်း​လၢႆ​ၼၼ်ႉ ဢမ်ႇ​ပႃး​လူၺ်ႈ​ၵၼ်​တင်း​ၵဝ်​သေ​ၵေႃႉ​သေ​ၵူၼ်း။ တၢင်း​ၸႂ်​မႆႈ​ၶႆႈ​ၸႃႉ​ၵဝ် တၵ်း​ဢွၵ်ႇ​လႄႈ ၵဝ်​တၵ်း​ယဵပ်ႇ​ယမ်ႈ​ၶဝ်​ဢေႃႈ။ တေႃး​သႃႉ​ၵဝ် ဢၼ်​ႁႅင်း​ၼႃႇ​တၵ်း​ဢွၵ်ႇ​လႄႈ ၵဝ်​တၵ်း​ယဵပ်ႇ​ၶိုတ်ႈ​ၶဝ်​ဢေႃႈ။ လိူတ်ႈ​ၶဝ်​ၼၼ်ႉ တၵ်း​ၽူင်ႉ​သႂ်ႇ​ၵႃႈ​ၼိူဝ်​ၶူဝ်း​ၼုင်ႈ​ၵဝ်​လႄႈ ၵဝ်​တၵ်း ယွမ်ႉ​ၶူဝ်း​ၼုင်ႈ​တၢင်း​မႆ​ၵဝ်​ၵႃႈ​မီး​ဢေႃႈ။-</verse>
				<verse number="4">မိုဝ်ႉ​ဝၼ်း ဢၼ်​ပၼ်​တၢမ်ႇ​ဢပႅတ်ႈ​ၼၼ်ႉ မီး​တၢင်း​ဢၼ်​တွင်း​ဝႆႉ​ယူႇ ၵႃႈ​ၼႂ်း​ႁူဝ်​ၸႂ်​ၵဝ်​လႄႈ ၶူပ်ႇ​ပီႊ​ၶဝ်​ၸိူဝ်း​ဢၼ်​ၵဝ်​ထုတ်ႇ​ဢဝ် ၼၼ်ႉ ႁွတ်ႈ​မႃး​ယဝ်ႉ။-</verse>
				<verse number="5">ၵဝ်​လူ​တူၺ်း​လႄႈ ဢမ်ႇ​မီး​ၵေႃႉ​ဢၼ်​ၸွႆႈ​ထႅမ်​မႃႉ​ၸႃႉ။ ၵဝ်​မိုင်​ငဝ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ ဢၼ်​ဢမ်ႇ​မီး​ၵေႃႉ​ဢၼ်​ၵမ်ႉ​ဢၼ်​ထွၵ်ႈ​ၼၼ်ႉ။ ပိူဝ်ႈ​ၼႆ​လႄႈ ၶႅၼ်​မိုဝ်း​ၵဝ်​ၼႆႉ ႁဵတ်း​တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ပုၼ်ႈ​ၵဝ်​ယဝ်ႉ။ တေႃး​သႃႉ​တၢင်း​ၸႂ်​မႆႈ​ၵဝ်​ၼႆႉ ၵမ်ႉ​ထွၵ်ႈ​ၵဝ်​ယဝ်ႉ။-</verse>
				<verse number="6">တၢင်း​ၸႂ်​မႆႈ​ၶႆႈ​ၸႃႉ​ၵဝ် တၵ်း​ဢွၵ်ႇ​လႄႈ ၵဝ်​တၵ်း​ယဵပ်ႇ​ယမ်ႈ​မဵဝ်း​ၵူၼ်း တင်း​လၢႆ​ဢေႃႈ။ တေႃး​သႃႉ​ၵဝ် ဢၼ်​ႁႅင်း​ယႂ်ႇ​ၼႃႇ တၵ်း​ဢွၵ်ႇ​လႄႈ ၵဝ်​တၵ်း​ႁႂ်ႈ​ၶဝ်​မဝ်း​မိင်း​လိုမ်း​တူဝ်​ၵႂႃႇ​ဢေႃႈ။ ၵဝ်​တၵ်း​ဢဝ်​လိူတ်ႈ​ထွၵ်ႈ​သႂ်ႇ ၵႃႈ​ၼိူဝ်​လိၼ်​ဢေႃႈ။</verse>
				<verse number="7">ၵဝ်​တၵ်း​ႁႂ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မႁႃႇ​မႅတ်ႈ​တႃႇ ထႃႇဝရႃႉ​ၽြႃး ဢိၵ်ႇ​တင်း​ၵုင်ႇ​ၵျေး​ၸူး ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး ဢဵတ်း​လူ​ပၼ်​တီႈ​ႁဝ်း ဢိၵ်ႇ​တင်း မႁႃႇ​ၵျေး​ၸူး​ဢၼ်​မၼ်း​ၸဝ်ႈ​ႁဵတ်း​တီႈ​မဵဝ်း​ ဢီႉသရေႇလႃႉ ဢၼ်​မၼ်း​ၸဝ်ႈ​ပၼ် တီႈ​ၶဝ်​ၸွမ်း​ၵႃႈ​ၼင်ႇ​ၵျေး​ၸူး​ၵရူႉၼႃႇ မၼ်း​ၸဝ်ႈ​ၼၼ်ႉ ဢိၵ်ႇ​တင်း ၸွမ်း​ၵႃႈ​ၼင်ႇ​မႁႃႇ​မႅတ်ႈ​တႃႇ​မၼ်း​ၸဝ်ႈ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="8">မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ၶဝ်​ၼၼ်ႉ​ပဵၼ်​ၵူၼ်း​ၵဝ် ဢမၢၼ်ႇ​ၶၼ်​ပဵၼ်​လႄႈ ပဵၼ်​လုၵ်ႈ​လၢင်း ဢၼ်​သဵတ်ႈ​ၸႃႇ​ဢမ်ႇ​လူႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​ပဵၼ် ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ်​ၶဝ်​ဢေႃႈ။-</verse>
				<verse number="9">ၵႃႈ​ၼႂ်း​ၵႃႈ​ဢၼ် ၶဝ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ မၼ်း​ၸဝ်ႈ​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​လႄႈ တမၢၼ်ႇ​ၵၢင်​ႁၢဝ်​ဢၼ်​မီး​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ ၵႄႇ​သႄႇ​ၶျွတ်ႈ​ဢဝ်​ၶဝ်​လႄႈ ၸွမ်း​ၵႃႈ​ၼင်ႇ​ဢၼ် မႅတ်ႈ​တႃႇ​ၵရူႉၼႃႇ​မၼ်း​ၸဝ်ႈ​မီး​ၼၼ်ႉ မၼ်း​ၸဝ်ႈ​ထုတ်ႇ​ၼုၵ်ႈ​ဢဝ်​ၶဝ်​ဢေႃႈ။ မၼ်း​ၸဝ်ႈ​ႁွပ်ႇ​ဢုမ်ႈ​ၶဝ်​သေ​လႄႈ ဢဝ်​ၶဝ်​ၵႂႃႇ​ၼႂ်း​ၶိင်ႇ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ တဵမ်​တဵမ်​ဢေႃႈ။-</verse>
				<verse number="10">ၵူၺ်း​ၵႃႈ​ၶဝ်​ၼၼ်ႉ ဢွၼ်​ၵၼ်​ပုင်ႇ​ၵၢၼ်ႇ​မၼ်း​ၸဝ်ႈ​လႄႈ ႁႂ်ႈ​ဝီႉၺိၺ်ႇ​ဢၼ်​မူတ်း​ၸၢင်ႇ မၼ်း​ၸဝ်ႈ​ၸဵပ်း​ၸႂ်​ဢေႃႈ။ ပိူဝ်ႈ​ၼႆ​လႄႈ မၼ်း​ၸဝ်ႈ​ဝႆႉ​ႁဵတ်း​တၢင်း​ဢၼ် ၶတ်း​ၵၼ်​တင်း​ၶဝ်​လႄႈ တိုၵ်း​တေႃး​ၶဝ်​ဢေႃႈ။-</verse>
				<verse number="11">မိူဝ်ႈ​ၼၼ်ႉ မၼ်း​ၸဝ်ႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶိင်ႇ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ဢိၵ်ႇ​တင်း​ မူဝ်းသေႇ တင်း​ၵူၼ်း​မၼ်း​ၸဝ်ႈ​ၸိူဝ်း​ၼၼ်ႉ လႄႈ​ဝႃႈ၊ ၸဝ်ႈ​ဢၼ်​ဢဝ်​ၶဝ်​ၼၼ်ႉ​ဢွၵ်ႇ​သေ​ၵႃႈ​ၼႂ်း​ပၢင်ႇ​လၢႆႇ​မႃး​လူၺ်ႈ​ၵၼ်​တင်း​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း​မၼ်း​ၸဝ်ႈ​ၼၼ်ႉ​မီး​ၵႃႈ​လႂ်။ ၸဝ်ႈ​ဢၼ်​ဢဝ်​ဝီႉၺိၺ်ႇ​ဢၼ်​မူတ်း​ၸၢင်ႇ မၼ်း​ၸဝ်ႈ​သႂၢင်း​သႂ်ႇ​ပၼ်​ၵႃႈ​ၼႂ်း​ၵူၼ်း​မၼ်း​ၸဝ်ႈ​ယူႇ၊-</verse>
				<verse number="12">ဢၼ်​ႁႂ်ႈ​ၶႅၼ်​မိုဝ်း​မၼ်း​ၸဝ်ႈ ဢၼ်​မုၼ်​ၽုင်း​ယႂ်ႇ​ၼႃႇ​ၼၼ်ႉ မီး​ယူႇ​ၵႃႈ​တီႈ​မိုဝ်း​ၶွၼ်​ၶႂႃ​ မူဝ်းသေႇ ​သေ​လႄႈ ဢဝ်​ၶဝ်​သူင်ႇ​ယူႇ၊ ဢၼ်​ၽႃႇ​ၼမ်ႉ​ၵႃႈ​တီႈ​ၽၢႆႇ​ၼႃႈ​ၶဝ် ႁႂ်ႈ​မုၼ်​သရေႇ​ၼႃႇ​မႃႉ​ၸိုဝ်ႈ​သဵင် မၼ်း​ၸဝ်ႈ​လႆႈ​ထၢင်ႇ​သႃး​တႃႇ​သေႇ​ယူႇ၊-</verse>
				<verse number="13">ဢၼ်​ႁႂ်ႈ​ၶဝ်​ယင်း​ဢမ်ႇ​မီး​တၢင်း​ဢၼ်​ၶီႈ​လိုတ်း​လႄႈ​လူမ်ႉ​လႄႈ ပႆ​လတ်း​ၵႂႃႇ​ၵႃႈ​တီႈ​ဢၼ်​လိုၵ်ႉ​ဢၼ်​လမ်ႇ တင်း​လၢႆ မိူၼ်​ၸိူဝ်ႉ​ၼင်ႇ​ဢၼ် ႁေႃႈ​မႃႉ​ၵႂႃႇ​ၵႃႈ​ၼႂ်း​ပၢင်ႇ​ပဵင်း​ၼၼ်ႉ​ယူႇ​ၼၼ်ႉ မီး​ၵႃႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၸိူဝ်ႉ​ၼင်ႇ​ဢၼ်​ၽုင်​သူဝ်း​ၽုင်​ဝူဝ်း​လူင်း​ၸူး​ၵႃႈ​ၼႂ်း တီႈ​ၶူင်ႈ​တီႈ​ႁူၺ်ႈ​ၼၼ်ႉ၊ ဝီႉၺိၺ်ႇ​ထႃႇဝရႃႉ​ၽြႃး ပၼ်​ဢၶႂၢင်ႉ​ဢၼ် ၶဝ်​လႆႈ တႄႇ​ၼိမ်​ယူႇ​ဢေႃႈ။ ၼင်ႇ​ၼၼ်​လႄႈ ၸဝ်ႈ​ႁဝ်း​ဢဝ်​ၵူၼ်း​ၸဝ်ႈ​ႁဝ်း​တင်း​လၢႆ​သူင်ႇ​ၵႂႃႇ ႁႂ်ႈ​မုၼ်​ၽုင်း ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ထၢင်ႇ​သႃး​တီႈ​ၶႃႈ​ဢေႃႈ။</verse>
				<verse number="15">ၶႅၼ်း​တေႃႈ ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် ၵူမ်ႈ​တူၺ်း​သေ​ၵမ်း​တီႈ​ၶႃႈ၊ ၶႅၼ်း​တေႃႈ ယူႇ​ၵႃႈ​ၼိူဝ်​တီႈ​ယူႇ ဢၼ်​မူတ်း​ၸၢင်ႇ​ၸဝ်ႈ​ႁဝ်း​လႄႈ မုၼ်​ၽုင်း​ယႂ်ႇ​ၼႃႇ​ၼၼ်ႉ လူ​တူၺ်း​သေ​ၵမ်း​တီႈ​ၶႃႈ၊ တၢင်း​ဢၼ်​ၸႂ်​ၸဝ်ႈ​ႁဝ်း​ႁႅင်း​ယႂ်ႇ ဢိၵ်ႇ​တင်း​တၢင်း​ဢၼ်​ၸဝ်ႈ​ႁဝ်း​ၼႄ​ပျႃး တၼ်း​ၶူဝ်း​ၼၼ်ႉ မီး​ၵႃႈ​လႂ်​တီႈ​ၶႃႈ၊ တၢင်း​ဢၼ်​တွင်ႉ​ၸဝ်ႈ​ႁဝ်း​တူင်ႉ​ၼိုင်​ၶွၼ်း​ၶႅၼ်း ဢိၵ်ႇ​တင်း တၢင်း​ဢၼ်​ၸဝ်ႈ​ႁဝ်း​ဢဵတ်း​လူ​ႁဵတ်း​ၵျေး​ၸူး တီႈ​ၶႃႈ​ၸဝ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ယဝ်ႉ တီႈ​ၶႃႈ​ဢေႃႈ။-</verse>
				<verse number="16">ပိၵ်ႉ​သမ်ႉ​ ဢႃႇပြႃႇႁၢမ်ႇ ​ဢမ်ႇ​ႁူႉ ၶႃႈ​ၸဝ်ႈ​ႁဝ်း​ၶဝ်၊ ဢီႉသရေႇလႃႉ ဢမ်ႇ​ႁပ်ႉ​တုင်း​ဢဝ်​ၶႃႈ​ၸဝ်ႈ​ႁဝ်း​ၶဝ်​သေ​ၵေႃႈ၊ ၸဝ်ႈ​ႁဝ်း​ပဵၼ် ပေႃႈ​ၶႃႈ​ၸဝ်ႈ​ႁဝ်း​ၶဝ် ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပဵၼ် ပေႃႈ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။ ၸဝ်ႈ​ႁဝ်း​ပဵၼ်​ၸဝ်ႈ​ဢၼ် ထုတ်ႇ​ၼုၵ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ်​လႄႈ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ပဵၼ် ၸႃႉ​ၸဵမ်​မိူဝ်ႈ​ၵွၼ်ႇ မိူဝ်ႈ​မိုၼ်ႉ ထႃႇဝရႃႉ​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="17">ထႃႇဝရႃႉ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​ပိူင်ႈ​သေ​ၵႃႈ​တီႈ သဵၼ်ႈ​တၢင်း​ၸဝ်ႈ​ႁဝ်း​ၵႂႃႇ​လႄႈ ႁႂ်ႈ​ႁူဝ်​ၸႂ်​ၶႃႈ​ၸဝ်ႈ​ႁဝ်း​ၶဝ် ၵႅၼ်ႇ​ၶႅင်​ႁႂ်ႈ​ဢမ်ႇ​ၵူဝ်​ဢမ်ႇ​ႁႄ​ၸဝ်ႈ​ႁဝ်း​ၼင်ႇ​ႁိုဝ်​တီႈ​ၶႃႈ၊ ၶႅၼ်း​တေႃႈ ၶိုၼ်း​မႃး​ပုၼ်ႈ​ၶႃႈ​ၸဝ်ႈ​ႁဝ်း​ၶဝ် တင်း​လၢႆ၊ ပုၼ်ႈ​ၸိူဝ်ႉ​ၶိူဝ်း​ဢၼ်​ပဵၼ် ဢမူၺ်ႇ​ၸဝ်ႈ​ႁဝ်း​ၸိူဝ်း​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="18">ၵူၼ်း​ဢၼ် မူတ်း​ၸၢင်ႇ​ၸဝ်ႈ​ႁဝ်း တင်း​လၢႆ လႆႈ​ဢုပ်ႉ​ပိူင်ႇ​ၵမ်း​ဢွၼ်ႇ​ၼိုင်ႈ​ၵူၺ်း​လႄႈ ရၢၼ်ႇ​သူႇ​ၶႃႈ​ၸဝ်ႈ​ႁဝ်း​ၶဝ် ဢွၼ်​ၵၼ် ယဵပ်ႇ​ယမ်ႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="19">ၶႃႈ​ၸဝ်ႈ​ႁဝ်း​ၶဝ်​ပဵၼ်​ၸိူဝ်ႉ​ၼင်ႇ ၶဝ်​ၸိူဝ်း​ဢၼ်​ၸဝ်ႈ​ႁဝ်း ဢမ်ႇ​တွၼ်ႉ​ဢုပ်ႉ​ပိူင်ႇ ဢိၵ်ႇ​တင်း ၸိူဝ်ႉ​ၼင်ႇ​ၶဝ်​ၸိူဝ်း​ဢၼ်​ဢမ်ႇ​တွၼ်ႉ​ၶၢမ်ႇ​တၢင်း​ဢၼ် ဢဝ်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ႁွင်ႉ​ႁဵၵ်ႈ​ၼၼ်ႉ တီႈ​ၶႃႈ​ဢေႃႈ။</verse>
			</chapter>
			<chapter number="64">
				<verse number="1">ၶႅၼ်း​တေႃႈ ႁႂ်ႈ​ၸဝ်ႈ​ႁဝ်း​ၽုၺ်ႇ​ပိုတ်ႇ​ၽႃႉ​ၵၢင်​ႁၢဝ်​သေ​လႄႈ လူင်း​မႃး​သေ​ၵမ်း​လူၺ်ႈ​တီႈ​ၶႃႈ၊ ၶႅၼ်း​တေႃႈ ႁႂ်ႈ​လွႆ​တင်း​လၢႆ သၼ်ႇ​ဝႆ​ၶွၼ်း​ၶဝ်ႇ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​လူၺ်ႈ​တီႈ​ၶႃႈ၊-</verse>
				<verse number="2">ၶႅၼ်း​တေႃႈ ႁႂ်ႈ​ပဵၼ်​ၸိူဝ်ႉ​ၼင်ႇ​ဢၼ်​ၽႆး​မႆႈ​ယိူဝ်ႈ​ယႃႈ​ယိူဝ်ႈ​ယုၵ်း​ၼၼ်ႉ ဢိၵ်ႇ​တင်း ၸိူဝ်ႉ​ၼင်ႇ​ဢၼ်​ၽႆး​ႁႂ်ႈ​ၼမ်ႉ​လိူတ်ႇ​ၼၼ်ႉ​သေ​ၵမ်း​လူၺ်ႈ တီႈ​ၶႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ရၢၼ်ႇ​သူႇ​ၸဝ်ႈ​ႁဝ်း တင်း​လၢႆ တၵ်း​ဢွၼ်​ၵၼ် ႁူႉ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​လႄႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​ဢွၼ်​ၵၼ်​သၼ်ႇ​ၶွၼ်း​ဝႆ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="3">မိူဝ်ႈ​ဢၼ် ၸဝ်ႈ​ႁဝ်း​ႁဵတ်း​လွင်ႈ​တၢင်း​ဢၼ်​လီ​ဢၢမ်း ဢၼ်​လိူဝ်​တွၼ်း​ၼႃႇ​သေ ဢၼ်​ၶႃႈ​ၸဝ်ႈ​ႁဝ်း​ၶဝ်​မုင်ႈ​မွင်း​ယူႇ ၸိူဝ်း​ၼၼ်ႉ ၼၼ်ႉ​ၸိုင်၊ ၸဝ်ႈ​ႁဝ်း​လူင်း​မႃး​လႄႈ လွႆ​တင်း​လၢႆ​ၸိူမ်ႈ​လႆ​ၵႂႃႇ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="4">ၸႃႉ​ၸဵမ်​မိူဝ်ႈ​ၵေႃႇၸႃႉ​ႁူဝ်​ပိုင်း ၵမ်ႇ​ၽႃႇ​ၼၼ်ႉ​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​တွၼ်ႉ​လႆႈ​ႁူႉ။ ႁူ​ဢမ်ႇ​တွၼ်ႉ​လႆႈ​ငိၼ်း။ မၢၵ်ႇ​တႃ ဢမ်ႇ​တွၼ်ႉ​လႆႈ​ႁၼ် ၽြႃး​ပဵၼ်​ၸဝ်ႈ တၢင်ႇ​သူႇ​တၢင်ႇ​ပႃး ဢၼ်​ႁဵတ်း​ၵျေး​ၸူး​ပုၼ်ႈ​ၵေႃႉ​ဢၼ် မုင်ႈ​မွင်း​မၼ်း​ၸဝ်ႈ​ၼၼ်ႉ ၼွၵ်ႈ​သေ ၸဝ်ႈ​ႁဝ်း​ၼႆႉ။-</verse>
				<verse number="5">ၸဝ်ႈ​ႁဝ်း ထူပ်း​ႁၼ်​ၵေႃႉ​ဢၼ်​မီး​ၸႂ်​ဢၼ်​ၸူမ်း​သိူဝ်း​သေ​လႄႈ ၵမ်​ၵျၢင်ႉ​သိုဝ်ႈ​သိုဝ်ႈ​တေႃႇ​တေႃႇ​ၼၼ်ႉ ဢိၵ်ႇ​တင်း ၶဝ်​ၸိူဝ်း​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၸဝ်ႈ​ႁဝ်း ၼႂ်း​သဵၼ်ႈ​တၢင်း​ဢၼ်​ၸဝ်ႈ​ႁဝ်း​ၵႂႃႇ​ၸိူဝ်း​ၼၼ်ႉ တီႈ​ၶႃႈ​ဢေႃႈ။ တူၺ်း​တီႈ​ၶႃႈ​လူး။ တေႃး​သႃႉ​တၢင်း​ၸႂ်​မႆႈ​ၸဝ်ႈ​ႁဝ်း ဢွၵ်ႇ​လႄႈ ၶႃႈ​ၸဝ်ႈ​ႁဝ်း​ၶဝ်​ႁဵတ်း​တူႉ​ၸရိူၵ်ႈ​ဢပႅတ်ႈ​ယဝ်ႉ​တီႈ​ၶႃႈ​ယဝ်ႉ။ ၶႃႈ​ၸဝ်ႈ​ႁဝ်း​ၶဝ်​လႆႈ​မီး​ယူႇ ၼႂ်း​ၸိူဝ်း​ၼၼ်ႉ​ယူႇ သေ​လႄႈ ၶႃႈ​ၸဝ်ႈ​ႁဝ်း​ၶဝ်​တၵ်း​ႁွတ်ႈ​ထိုင် တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် တီႈ​ၶႃႈ​ႁိုဝ်။-</verse>
				<verse number="6">ၶႃႈ​ၸဝ်ႈ​ႁဝ်း​ၶဝ်​ၵႃႈ​မီး​ၼႆႉ ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​မူတ်း​သႂ်​ၼၼ်ႉ​လႄႈ တၢင်း​သိုဝ်ႈ​တေႃႇ ၵႃႈ​ဢၼ်​ၶႃႈ​ၸဝ်ႈ​ႁဝ်း​ၶဝ်​ယၢမ်ႈ​ႁဵတ်း​မႃး​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ၶူဝ်း​ၼုင်ႈ ဢၼ်​ၵူဝ်ႈ​ၵိူၵ်ႇ​ၼၼ်ႉ တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၶဝ်​ၵႃႈ​မီး​ၼႆႉ မီး​တၢင်း​ဢၼ်​ႁဵဝ်ႇ​ၸွပ်ႈ​ယူႇ မိူၼ်​ၸိူဝ်ႉ​ၼင်ႇ​မႂ်​မႆႉ ၼၼ်ႉ​လႄႈ ဢပႅတ်ႈ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ တၵ်း​ပတ်ႉ​ထူဝ်း​ဢဝ်​ၶႃႈ​ၸဝ်ႈ​ႁဝ်း​ၶဝ်​ၵႂႃႇ မိူၼ်​ၸိူဝ်ႉ​ၼင်ႇ​လူမ်း​ၼၼ်ႉ တီႈ​ၶႃႈ​ဢေႃႈ။-</verse>
				<verse number="7">ဢမ်ႇ​မီး​ၵေႃႉ​ဢၼ်​ႁဵတ်း​ပထၼႃႇ တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း၊ ၵေႃႉ​ဢၼ်​တိုၵ်း​ယူင်း​တူဝ်​ၸဝ်ႈ​ၵဝ်ႇ ႁႂ်ႈ​လႆႈ​ဢိင်​ပိုင်ႈ​ၸဝ်ႈ​ႁဝ်း​ၼၼ်ႉ သေ​ၵေႃႉ​သေ​ၵူၼ်း​တီႈ​ၶႃႈ၊ လွင်ႈ​မၼ်း​ၸမ်ႉ ၸဝ်ႈ​ႁဝ်း​ဝၢႆႇ​ၼႃႈ​ပႅတ်ႈ​ၶႃႈ​ၸဝ်ႈ​ႁဝ်း​ၶဝ်​လႄႈ ႁႂ်ႈ​ၶႃႈ​ၸဝ်ႈ​ႁဝ်း​ၶဝ် သုမ်း​ၸွမ်း​လူၺ်ႈ​တူႉ​ၸရိူၵ်ႈ ဢပႅတ်ႈ​ၶႃႈ​ၸဝ်ႈ​ႁဝ်း​ၶဝ် တီႈ​ၶႃႈ​ယဝ်ႉ။-</verse>
				<verse number="8">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပဵၼ်​ပေႃႈ​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၶဝ် ပဵၼ်​လိၼ်​မေႃႈ​လႄႈ ၸဝ်ႈ​ႁဝ်း​ပဵၼ် ၸဝ်ႈ​မေႃႈ​ၶႃႈ​ၸဝ်ႈ​ႁဝ်း​ၶဝ် တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၶဝ်​ၵႃႈ​မီး​ၼႆႉ ပဵၼ်​လွင်ႈ​တၢင်း​ဢၼ် ၸဝ်ႈ​ႁဝ်း​ဢဝ်​မိုဝ်း​ၸဝ်ႈ​ႁဝ်း​ႁဵတ်း​ပဵၼ် တီႈ​ၶႃႈ​ဢေႃႈ။-</verse>
				<verse number="9">ထႃႇဝရႃႉ​ၽြႃး​တီႈ​ၶႃႈ၊ ယႃႇ​ပေ​ၸႂ်​မႆႈ​ၶႆႈ​ၸႃႉ​ႁႅင်း​ယႂ်ႇ​ၼႃႇ​လူင်​လၢင် သေ​ၵမ်း​တီႈ​ၶႃႈ၊ ယႃႇ​ပေ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဢပႅတ်ႈ ဢၼ်​ၶႃႈ​ၸဝ်ႈ​ႁဝ်း​ၶဝ် ၽိတ်း​ပိူင်ႈ​မႅၼ်ႈ ၸိူဝ်း​ၼၼ်ႉ​ယူႇ​တႃႇ​သေႇ သေ​ၵမ်း​တီႈ​ၶႃႈ၊ ၶႅၼ်း​တေႃႈ လူ​တူၺ်း​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ်​ၵႃႈ​မီး​ၼႆႉ ပဵၼ်​ၵူၼ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="10">ဝဵင်း​ဢၼ် မူတ်း​ၸၢင်ႇ​ၸဝ်ႈ​ႁဝ်း​ၸိူဝ်း​ၼၼ်ႉ ပဵၼ်​ထိူၼ်ႇ​ပဵၼ်​ၶိူဝ်း​ၵႂႃႇ​တီႈ​ၶႃႈ​ယဝ်ႉ။ လွႆ​ ၸီႉဢုၼ်ႇ ​ၵေႃႈ ပဵၼ်​ထိူၼ်ႇ​ပဵၼ်​ၶိူဝ်း​ၵႂႃႇ​တီႈ​ၶႃႈ​ယဝ်ႉ။ ဝဵင်း​ ယေႇရူႉသလႅမ်ႇ ​ၵေႃႈ ပဵၼ်​တီႈ​ဢၼ်​လူႉ​ဢၼ်​ႁၢမ်း​ၵႂႃႇ တီႈ​ၶႃႈ​ယဝ်ႉ။-</verse>
				<verse number="11">ပိၵ်ႈ​မၢၼ်ႇ​ၸဝ်ႈ​ဢၼ်​မူတ်း​ၸၢင်ႇ ႁၢင်ႈ​လီ​ႁၢင်ႈ​ငၢမ်း​ၶႃႈ​ၸဝ်ႈ​ႁဝ်း​ၶဝ်၊ တီႈ​ဢၼ်​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ် ယွင်ႈ​ယေႃး​ၸဝ်ႈ​ႁဝ်း​ၼၼ်ႉ​မႆႈ​ၽႆး​ၵႂႃႇ​ယဝ်ႉ​တီႈ​ၶႃႈ​ယဝ်ႉ။ လွင်ႈ​တၢင်း​ဢၼ်​ၶႃႈ​ၸဝ်ႈ​ႁဝ်း​ၶဝ်​ထုၵ်ႇ​ၸႂ်​ၵျိူၵ်ႈ​ၸႂ် ၵႃႈ​မီး​ၼၼ်ႉ မီး​တၢင်း​ဢၼ်​ပႄႇ​ၽဵဝ်ႈ​ပႅတ်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="12">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​တၵ်း​ယိူၼ်ႉ​ၶၢမ်ႇ လွင်ႈ​တၢင်း​ၸိူဝ်း​ၼႆႉ​တီႈ​ၶႃႈ​ႁိုဝ်။ ၸဝ်ႈ​ႁဝ်း တၵ်း​ၶျုၵ်ႈ​ၸႂ်​ၵၼ်ႈ​ၸႂ်​ၸဝ်ႈ​ႁဝ်း​ယူႇ သေ​လႄႈ ၶႃႈ​ၸဝ်ႈ​ႁဝ်း​ၶဝ် မီး​တုၵ်ႉ​ၶႃႉ​တၢင်း​ၽၢၼ်​ၼႃႇ​လူင်​လၢင်​တီႈ​ၶႃႈ​ႁိုဝ်။</verse>
			</chapter>
			<chapter number="65">
				<verse number="1">ၵဝ်​လႆႈ​ၶၢမ်ႇ​တၢင်း​ဢၼ်​ၶဝ်​ၸိူဝ်း​ဢၼ်​ဢမ်ႇ​တွင်ႈ​ထၢမ်​တီႈ​ၵဝ်​ၼၼ်ႉ လႆႈ​လဝ်ႊ​လၢတ်ႈ​တီႈ​ၵဝ်​ယဝ်ႉ။ ၵဝ်​လႆႈ​ၶၢမ်ႇ​တၢင်း​ဢၼ် ၶဝ်​ၸိူဝ်း​ဢၼ်​ဢမ်ႇ​ႁႃ​ဢဝ်​ၵဝ်​ၼၼ်ႉ လႆႈ​ထူပ်း​ႁၼ်​ၵဝ်​ယဝ်ႉ။ ၵဝ်​လႆႈ​လၢတ်ႈ​တီႈ​မဵဝ်း​ၵူၼ်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ ၵူပ်း​လူၺ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ​လႄႈ​ဝႃႈ၊ တူၺ်း​ၵဝ်​တႃႉ။ တူၺ်း​ၵဝ်​တႃႉ။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ၵဝ်​လႆႈ​ၵီႈ​ၽႃႇ​မိုဝ်း​ၵဝ် တေႃႈ​ၵႃႈ​တီႈ​မဵဝ်း​ၵူၼ်း ဢၼ်​ၸၢင်ႈ​ထဵင်​ပႅတ်ႈ​လႄႈ ၸွမ်း​သဵၼ်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း မႅၼ်ႈ​ၼင်ႇ​ဢလူဝ်ႇ​ၶဝ်​ၼၼ်ႉ ယူႇ​တင်း​ဝၼ်း​တင်း​ဝၼ်း​ယဝ်ႉ။-</verse>
				<verse number="3">မဵဝ်း​ၵူၼ်း​ၼၼ်ႉ၊ ၸၢင်ႈ​ႁဵတ်း​ႁႂ်ႈ​လႆႈ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ် သိုဝ်ႈ​ၼႃႈ​တႂ်ႈ​တႃ​ၵဝ်​ယူႇ​တႃႇ​သေႇ​ဢေႃႈ။ ၸၢင်ႈ​ပုၵ်ႈ​ၸေႃႇ ၵႃႈ​ၼႂ်း သူၼ်​ဢူးယဵၼ်ႇ​တင်း​လၢႆ​သေ​လႄႈ ဢဝ်​ လေႃႇပၢၼ်ႇ ​တုတ်ႇ​ၽႆး​ၵႃႈ​ၼိူဝ်​မၢၵ်ႇ​ဢုတ်ႇ တင်း​လၢႆ​ဢေႃႈ။-</verse>
				<verse number="4">ၸၢင်ႈ​ယူႇ​ၵႃႈ​ၼႂ်း​ပႃႇ​ႁဵဝ်ႈ​တင်း​လၢႆ​လႄႈ ၼွၼ်း​ၵႃႈ​ၼႂ်း​ၶုမ်​သၢင်း​ၶႅင်း တင်း​လၢႆ​ဢေႃႈ။ ၸၢင်ႈ​ၵိၼ်​ၼိူဝ်ႉ​မူ​လႄႈ ၼမ်ႉ​တူမ်ႈ​ၼိူဝ်ႉ​ဢၼ်​လီ​ႁင်ႈ ဢဵတ်ႇ​သဵတ်ႇ​ၼၼ်ႉ မီး​ယူႇ​ၵႃႈ​ၼႂ်း​မေႃႈ​ၶဝ်ႈ​တင်း​လၢႆ​ဢေႃႈ။-</verse>
				<verse number="5">ၸၢင်ႈ​လၢတ်ႈ​လႄႈ​ဝႃႈ၊ မႂ်း​ယူႇ​ၶေႃ​ၶေႃ​တႃႉ။ ယႃႇ​ပေ​သုတ်ႉ​မႃး​ၵႃႈ​တီႈ​ၵဝ်။ ၵဝ်​ၼႆႉ​ယဵင်ႈ​ၶႅၼ်း​မူတ်း​ၸၢင်ႇ လိူဝ်​တွၼ်း​ၼႃႇ​သေ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​ၸိူဝ်ႉ​ၼင်ႇ​ၵႂၼ်း​ၽႆး​တီႈ​ၶူႈ​လင်​ၵဝ် ဢိၵ်ႇ​တင်း​ၸိူဝ်ႉ​ၼင်ႇ​ၽႆး​ဢၼ်​မႆႈ​ယူႇ တႃႇ​သေႇ​ၼၼ်ႉ​ဢေႃႈ။-</verse>
				<verse number="6">တူၺ်း​လူး၊ ပဵၼ်​ဢၼ်​မၢတ်ႈ​မၢႆ​ၸရၢင်း​ဝႆႉ​ၵႃႈ​တီႈ​ၽၢႆႇ​ၼႃႈ​ၵဝ် ယဝ်ႉ​လႄႈ ၵဝ်​ယင်း​ဢမ်ႇ​ယူႇ တဵတ်ႇ​တဵတ်ႇ​ယဵၼ်​ယဵၼ်​လႄႈ တၵ်း​တွပ်ႇ​တႅၼ်း​ပၼ်​ဢၵျူဝ်း​ဢပႅတ်ႈ​ဢေႃႈ။-</verse>
				<verse number="7">ၵဝ်​တၵ်း ဢဝ်​တူႉ​ၸရိူၵ်ႈ​ဢပႅတ်ႈ​သူ ဢိၵ်ႇ​တင်း တူႉ​ၸရိူၵ်ႈ​ဢပႅတ်ႈ​ပူႇ​မွၼ်ႇ​သူ ဢၼ်​ဢဝ် လေႃႇပၢၼ်ႇ ​တုတ်ႇ​ၽႆး​ၵႃႈ​ၼိူဝ်​လွႆ တင်း​လၢႆ​လႄႈ သႄႉ​သွမ်း​ၵဝ် ၵႃႈ​ၼိူဝ်​ၵုင်း​တင်း​လၢႆ​ၼၼ်ႉ တွပ်ႇ​တႅၼ်း​ပၼ်​ၵႃႈ​ၼႂ်း​ႁူဝ်​ဢူၵ်း​သူ​ဢေႃႈ။ ၵဝ်​တၵ်း​တုင်း​ဢဝ်​ၵႂၢၵ်ႈ​ဢဝ် ဢၵျူဝ်း​ဢပႅတ်ႈ​တၢင်း​ၵမ်​တၢင်း​ၵျၢင်ႉ ဢၼ်​ၵဝ်​ယၢမ်ႈ​ႁဵတ်း​ၸိူဝ်း​ၼၼ်ႉ သႂ်ႇ​ပၼ်​ၵႃႈ​ၼိူဝ်​ႁူဝ်​ဢူၵ်း​ၶဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="8">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၸိူဝ်ႉ​ၼင်ႇ​ဢၼ်​ထူပ်း​ႁၼ်​ၼမ်ႉ​ၸပိတ်ႈ ၵႃႈ​ၼႂ်း​ပုၵ်ႉ​မၢၵ်ႇ​ၸပိတ်ႈ​ၼၼ်ႉ​လႄႈ ၵေႃႉ​ၼိုင်ႈ​လၢတ်ႈ​လႄႈ​ဝႃႈ၊ ယႃႇ​ပေ​ယႃႉ​ပႅတ်ႈ​သေ​ၵမ်း။ ၵႃႈ​ၼႂ်း​မၼ်း မီး​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ ၵဝ်​တၵ်း​ႁဵတ်း​ပုၼ်ႈ ဢၵျူဝ်း​ၶႃႈ​ၵဝ်​တင်း​လၢႆ ႁႂ်ႈ​ဢမ်ႇ​ယႃႉ​ၶဝ်​ပႅတ်ႈ မူတ်း​မူတ်း​သဵင်ႈ​သဵင်ႈ မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="9">ၵဝ်​တၵ်း​ႁႂ်ႈ​ၸိူဝ်ႉ​ၽၼ်း ပေႃႇ​ဢွၵ်ႇ​ၵႃႈ​ၼႂ်း​မဵဝ်း​ ယႃႇၵုပ်ႈ ​လႄႈ ႁႂ်ႈ​ၵေႃႉ​ဢၼ်​ၶၢမ်ႇ​ဢမူၺ်ႇ​လွႆ​ၵဝ်​တင်း​လၢႆ ပေႃႇ​ဢွၵ်ႇ​ၵႃႈ​ၼႂ်း မဵဝ်း​ ယူႉတႃႉ ​ဢေႃႈ။ ၶဝ်​ၸိူဝ်း​ဢၼ်​ၵဝ်​လိူၵ်ႈ​ၵဵပ်း​ဢဝ်​ၼၼ်ႉ တၵ်း​လႆႈ​ၶၢမ်ႇ​ဢဝ်​ဢမူၺ်ႇ မိူင်း​ၸဝ်ႈ​လႄႈ ၶႃႈ​ၵဝ်​တင်း​လၢႆ တၵ်း​လႆႈ​ယူႇ ၵႃႈ​တီႈ​ၼၼ်ႈ​ဢေႃႈ။-</verse>
				<verse number="10">တီႈ​ သႃႇရုၼ်ႇ ​ၼၼ်ႉ တၵ်း​ပဵၼ်​ၶွၵ်ႈ​သူဝ်း၊ တီႈ​ၶူင်ႈ​ႁူၺ်ႈ​ ဢႃႇၶေႃႇ ​ၵေႃႈ တၵ်း​ပဵၼ်​တီႈ​ဢၼ် ဝူဝ်း​တင်း​လၢႆ​ၼွၼ်း ပုၼ်ႈ​ၵူၼ်း​ၵဝ် ဢၼ်​ႁႃ​ဢဝ်​ၵဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="11">သူ​ၸမ်ႉ၊ ပဵၼ်​ၵေႃႉ​ဢၼ်​ၸုၼ်ႉ​ပႅတ်ႈ ထႃႇဝရႃႉ​ၽြႃး ၵေႃႉ​ဢၼ်​လူင်​လိုမ်း​ပႅတ်ႈ လွႆ​ဢၼ်​မူတ်း​ၸၢင်ႇ​ၵဝ်၊ ၵေႃႉ​ဢၼ်​သိုဝ်ႉ တီႈ​ၵိၼ်​ဝႆႉ​ပုၼ်ႈ ၽြႃး​လမ်း​ဝၼ်း၊ ၵေႃႉ​ဢၼ်​မႄး​ႁႅၼ်း ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​ၼၼ်ႉ ပုၼ်ႈ​ၽြႃး​ၵၢမ်ႇ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ ၵဝ်​တၵ်း​ၼပ်ႉ​ဢၢၼ်ႇ​သူ​သေ​လႄႈ ဢၢပ်ႈ​ပၼ်​တီႈ​လၢပ်ႇ​တီႈ​လႅဝ်း​လႄႈ သူ​ၵႃႈ​မီး​တင်း​သဵင်ႈ​တင်း​လူင် တၵ်း​လႆႈ ဝၢင်း​ႁူဝ် ႁႂ်ႈ​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ။ လွင်ႈ​မၼ်း​ၸမ်ႉ ယၢမ်း​မိူဝ်ႈ​ဢၼ်​ၵဝ်​ႁွင်ႉ​သူ​ၼၼ်ႉ သူ​ဢမ်ႇ​ဢိူဝ်။ ယၢမ်း​မိူဝ်ႈ​ဢၼ်​ၵဝ်​လၢတ်ႈ​ၼၼ်ႉ သူ​ဢမ်ႇ​ထွမ်ႇ​ဢမ်ႇ​ငိၼ်း။ သူ​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ဢမ်ႇ​လီ သိုဝ်ႈ​ၼႃႈ​တႂ်ႈ​တႃ​ၵဝ်​လႄႈ လိူၵ်ႈ​ၵဵပ်း​ဢဝ်​လွင်ႈ​တၢင်း​ဢၼ် ၵဝ်​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ် ၼၼ်ႉ​ဢေႃႈ။-</verse>
				<verse number="13">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ တူၺ်း​လူး၊ ၶႃႈ​ၵဝ်​ၸၢင်ႈ​လႆႈ တၵ်း​လႆႈ​ၵိၼ်​လႆႈ​ၶူပ်း​လႄႈ သူ​ၸမ်ႉ၊ တၵ်း​လႆႈ​တွင်ႉ​မႆႈ​သႆႈ​လိူတ်ႇ​ယူႇ​ဢေႃႈ။ ၶႃႈ​ၵဝ်​တင်း​လၢႆ တၵ်း​လႆႈ​သူတ်ႉ​ၼမ်ႉ​ဢိုၵ်ႉ​ၼမ်ႉ​လႄႈ၊ သူ​ၸမ်ႉ၊ တၵ်း​လႆႈ​ယၢၵ်ႇ​ၼမ်ႉ​ၶေႃး​ႁွင်​ယူႇ​ဢေႃႈ။ ၶႃႈ​ၵဝ်​တင်း​လၢႆ တၵ်း​လႆႈ​ၸူမ်း​လႆႈ​သိူဝ်း​လႄႈ သူ​ၸမ်ႉ၊ တၵ်း​လႆႈ​ဢူၵ်း​လႆႈ​ဢၢႆ​ဢေႃႈ။-</verse>
				<verse number="14">ၶႃႈ​ၵဝ်​တင်း​လၢႆ တၵ်း​လႆႈ​ပႃး​တင်း​ၸႂ်​ဢၼ်​သႂၢင်ႇ​ဢၼ်​သိူဝ်း​သေ​လႄႈ ႁဵတ်း​ၵႂၢမ်း​လႄႈ သူ​ၸမ်ႉ၊ တၵ်း​လႆႈ​ပႃး​တင်း​ၸႂ်​ဢၼ် ငိၼ်း​ၽၢၼ်​ၸိုဝ်ႈ​ၸႂ်ႈ​သေ​လႄႈ ႁႆႈ​ႁွင်ႉ​ဢေႃႈ။ သူ​တၵ်း​လႆႈ​ပႃး​တင်း​ႁူဝ်​ၸႂ်​ဢၼ်​တႅၵ်ႇ​လႅဝ် သေ​လႄႈ ၶၢင်း​ၶီ​ၶၢင်း​ၽၢၼ်​ပွင်ႉ​မိူၼ်ႇ ယူႇ​ဢေႃႈ။-</verse>
				<verse number="15">သူ​တၵ်း​ႁႂ်ႈ​ၸိုဝ်ႈ​သဵင်​သူ ၵိုတ်း​ၵျၢၼ်ႇ​ဝႆႉ​ပုၼ်ႈ​တီႈ​ဢၼ်​ၵူၼ်း ဢၼ်​ၵဝ်​လိူၵ်ႈ​ၵဵပ်း​ဢဝ်​ၼၼ်ႉ တၵ်း​ၵိၼ်ႇ​လႃႇ​ဢေႃႈ။ ၸဝ်ႈ​ထႃႇဝရႃႉ​ၽြႃး​ၼၼ်ႉ တၵ်း​ၶႃႈ​ၽၼ်း​သူ​ပႅတ်ႈ​လႄႈ ႁွင်ႉ​ႁဵၵ်ႈ​ၸိုဝ်ႈ​ၶႃႈ​မၼ်း​ၸဝ်ႈ​တင်း​လၢႆ ၵူပ်ႉ​လူၺ်ႈ​ၼႃႇ​မႃႉ​ၸိုဝ်ႈ​သဵင် တၢင်ႇ​ၸိူဝ်ႉ တၢင်ႇ​ဢၼ်​ၼၼ်ႉ၊-</verse>
				<verse number="16">ထၼ်ႈ​ပေႃး​ၵေႃႉ​ဢၼ်​တူဝ်​ၸဝ်ႈ​ၵဝ်ႇ​လႆႈ​ပၼ်​တၢင်း​လီ တီႈ​တူဝ်​ၸဝ်ႈ​ၵဝ်ႇ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ တၵ်း​ဢိင်​ပိုင်ႈ ၽြႃး​ပဵၼ်​ၸဝ်ႈ ဢၼ်​ပႂ်ႉ​သဵတ်ႈ​ၸႃႇ​ၼၼ်ႉ​သေ​လႄႈ ပၼ်​တၢင်း​လီ ဢိၵ်ႇ​တင်း ၵေႃႉ​ဢၼ်​ၸႃႉ ၵိၼ်ႇ​ဝႃႈ ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ တၵ်း​ဢဝ်​ၽြႃး​ပဵၼ်​ၸဝ်ႈ ဢၼ်​ပႂ်ႉ​သဵတ်ႈ​ၸႃႇ​ၼၼ်ႉ ၵိၼ်ႇ​ဝႃႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ လွင်ႈ​တၢင်း​ဢၼ်​ဢွၼ်​တၢင်း​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​လူင်​လိုမ်း​ပႅတ်ႈ​လႄႈ မီး​တၢင်း​ဢၼ်​လပ်ႉ​ႁၢႆ​ၵႂႃႇ​သေ​ၵႃႈ​တီႈ​တႃ​ၵဝ်​ဢေႃႈ။</verse>
				<verse number="17">တူၺ်း​လူး၊ ၵဝ်​တၵ်း​ၽၢၼ်ႇ​သၢင်း​ႁဵတ်း​ပဵၼ် ၽႃႉ​ၵၢင်​ႁၢဝ်​ဢၼ်​မႂ်ႇ ဢိၵ်ႇ​တင်း လိၼ်​မိူင်း​ဢၼ်​မႂ်ႇ​လႄႈ လွင်ႈ​တၢင်း​ဢၼ်​မီး​ဢွၼ်​တၢင်း​ၸိူဝ်း​ၼၼ်ႉ တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း၊ ႁူဝ်​ၸႂ်​တၵ်း​ဢမ်ႇ​လႆႈ​မၢတ်ႈ​ဝႆႉ​တွင်း​ဝႆႉ။-</verse>
				<verse number="18">သူ​ဢွၼ်​ၵၼ်​ၸူမ်း​ပျေႃႇ​လႄႈ သႂၢင်ႇ​သိူဝ်း​ယူႇ​ၵႃႈ​ၼႂ်း​လွင်ႈ​တၢင်း​ဢၼ်​ၵဝ်​တၵ်း​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ ယူႇ​တႃႇ​သေႇ​တႃႉ။ ၵဝ်​ၽၢၼ်ႇ​သၢင်း​ႁဵတ်း​ပဵၼ် ဝဵင်း​ ယေႇရူႉသလႅမ်ႇ ႁႂ်ႈ​ပဵၼ်​တီႈ​ဢၼ်​လီ​သႂၢင်ႇ​သိူဝ်း ဢိၵ်ႇ​တင်း ၵူၼ်း​မၼ်း​တင်း​လၢႆ ႁႂ်ႈ​ပဵၼ်​တီႈ​ဢၼ်​လီ ၸူမ်း​ပျေႃႇ​ဢေႃႈ။-</verse>
				<verse number="19">ၵဝ်​တၵ်း​သႂၢင်ႇ​သိူဝ်း​ယူႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ ၸူမ်း​ပျေႃႇ​ယူႇ​ၵႃႈ​ၼႂ်း​ၵူၼ်း​ၵဝ် တင်း​လၢႆ​ဢေႃႈ။ ၵမ်း​လိုၼ်း ဢမ်ႇ​လႆႈ​ငိၼ်း သဵင်​ဢၼ်​ႁႆႈ​ႁွင်ႉ ဢိၵ်ႇ​တင်း သဵင်​ဢၼ်​ႁွင်ႉ​သႅၼ်ႇ​ၵႃႈ​ၼႂ်း​ဝဵင်း​ၼၼ်ႉ။-</verse>
				<verse number="20">ၵႃႈ​တီႈ​ဝဵင်း​ၼၼ်ႉ ဢမ်ႇ​လႆႈ​မီး​လုၵ်ႈ​ဢွၼ်ႇ ဢၼ်​မိုဝ်ႉ​ဝၼ်း​ဢသၢၵ်ႈ​မၼ်း​ၵႄႇ​ၼၼ်ႉ။ ၵူၼ်း​ထဝ်ႈ ဢၼ်​မိုဝ်ႉ​ဝၼ်း​ဢသၢၵ်ႈ​မၼ်း ဢမ်ႇ​ပျေႉ​ၸုမ်ႇ​ၼၼ်ႉ​ၵေႃႈ​ဢမ်ႇ​လႆႈ​မီး။ လုၵ်ႈ​ဢွၼ်ႇ​ၼၼ်ႉ​ဢသၢၵ်ႈ​မၼ်း ထူၼ်ႈ​ပဵၼ်​ပၢၵ်ႇ​ပီႊ​သေ​ယဝ်ႉ ၸင်ႇ​တၵ်း​လႆႈ​တၢႆ​ဢေႃႈ။ ၵေႃႉ​ဢၼ် မီး​ဢပႅတ်ႈ​လႄႈ ဢသၢၵ်ႈ​မၼ်း​ထူၼ်ႈ​ပဵၼ်​ပၢၵ်ႇ​ပီႊ​ၼၼ်ႉ တၵ်း​လႆႈ​ပဵၼ်​ၵေႃႉ​ဢၼ်​ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ဢေႃႈ။-</verse>
				<verse number="21">ၶဝ်​ၼၼ်ႉ​တၵ်း​ဢွၼ်​ၵၼ်​တႄႇ​ႁဵတ်း​ႁိူၼ်း သေ​လႄႈ ယူႇ​သဝ်း​ဢေႃႈ။ ၶဝ်​တၵ်း​ဢွၼ်​ၵၼ်​ၽုၵ်ႇ​သူၼ်​ဢူးယဵၼ်ႇ မၢၵ်ႇ​ၸပိတ်ႈ​သေ​လႄႈ ၵိၼ်​မၢၵ်ႇ​မၼ်း​ဢေႃႈ။-</verse>
				<verse number="22">ၶဝ်​တၵ်း​တႄႇ​ႁဵတ်း​ႁိူၼ်း​လႄႈ ပိူၼ်ႈ​တၢင်ႇ​ၵေႃႉ တၵ်း​လႆႈ​ယူႇ​ဢမ်ႇ​ၸႂ်ႈ။ ၶဝ်​တၵ်း ၽုၵ်ႇ​သူၼ်​ဢူးယဵၼ်ႇ​မၢၵ်ႇ​ၸပိတ်ႈ​လႄႈ ပိူၼ်ႈ​တၢင်ႇ​ၵေႃႉ​တၵ်း​လႆႈ​ၵိၼ်​ဢမ်ႇ​ၸႂ်ႈ။ ဢသၢၵ်ႈ​ၵူၼ်း​ၵဝ်​တင်း​လၢႆ ပဵၼ်​ၸိူဝ်ႉ​ၼင်ႇ​ဢသၢၵ်ႈ​တူၼ်ႈ​မႆႉ​လႄႈ ၶဝ်​ၸိူဝ်း​ဢၼ် ၵဝ်​လိူၵ်ႈ​ၵဵပ်း​ဢဝ်​ၼၼ်ႉ တၵ်း​လႆႈ​သုင်း​သွင်ႇ လွင်ႈ​တၢင်း​ဢၼ် မိုဝ်း​ၶဝ်​လုမ်း​လႃး​ႁဵတ်း​ၼၼ်ႉ ႁိုင်​ၼႃႇ​လူင်​လၢင်​ဢေႃႈ။-</verse>
				<verse number="23">ၶဝ်​ၼၼ်ႉ တၵ်း​ဢမ်ႇ​လႆႈ​ႁဵတ်း​လႆႈ​သၢင်ႈ​လၢႆ​လၢႆ​လွၵ်ႇ​လွၵ်ႇ ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ။ ၶဝ်​တၵ်း​ဢမ်ႇ​လႆႈ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း ပုၼ်ႈ​တၢင်း​ဢၼ် တၵ်း​မႆႈ​ၸႂ်​ယၢပ်ႇ​ၸႂ်​ၼၼ်ႉ။ ၶဝ်​ဢိၵ်ႇ​လူၺ်ႈ​ၵၼ်​တင်း ၸိူဝ်ႉ​ၶိူဝ်း​ၶဝ်​တၵ်း​ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​လီ​မင်ႇၵလႃႇ ဢၼ်​ထႃႇဝရႃႉ​ၽြႃး ပၼ်​ၼၼ်ႉ​ဢေႃႈ။-</verse>
				<verse number="24">ၵဝ်​ၼႆႉ​တၵ်း​ဢိူဝ် ၸဵမ်​မိူဝ်ႈ​ဢၼ်​ၶဝ်​ဢမ်ႇ​ပႆႇ​ႁွင်ႉ​ၼၼ်ႉ​ဢေႃႈ။ ၵဝ်​တၵ်း​ထွမ်ႇ​ဢဝ် ၼႂ်း​မိူဝ်ႈ​ဢၼ် ၶဝ်​ယင်း​တိုၵ်ႉ​လဝ်ႊ​လၢတ်ႈ​ယူႇ ၼၼ်ႉ​ဢေႃႈ။-</verse>
				<verse number="25">မႃ​ထိူၼ်ႇ ဢိၵ်ႇ​တင်း သူဝ်း​ဢွၼ်ႇ တၵ်း​ဢွၼ်​ၵၼ် လႄႇ​ၵိၼ်​ယူႇ​လူၺ်ႈ​ၵၼ်​လႄႈ သၢင်ႇ​သီႈ​တၵ်း​ၵိၼ်​ယိူဝ်ႈ​မိူၼ်​ၸိူဝ်ႉ​ၼင်ႇ​ဝူဝ်း​ဢေႃႈ။ မုၼ်ႈ​လိၼ်​တၵ်း​လႆႈ​ပဵၼ် တၢင်း​ၵိၼ်​ငူး​ဢေႃႈ။ ၶဝ်​တၵ်း​ဢမ်ႇ​ႁဵတ်း တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး၊ တၢင်း​ဢၼ်​ယႃႉ​ပႅတ်ႈ ၵႃႈ​ၼိူဝ်​လွႆ​ဢၼ်​မူတ်း​ၸၢင်ႇ​ၵဝ် တင်း​သဵင်ႈ​တင်း​မူတ်း​ၼၼ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="66">
				<verse number="1">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၽႃႉ​ၵၢင်​ႁၢဝ်​ပဵၼ်​ပလၢင်ႇ​ၵဝ်​လႄႈ လိၼ်​မိူင်း​ပဵၼ်​ၶူင်ႇ​တီႈ​တၢင်ႇ​တိၼ်​ၵဝ်​ဢေႃႈ။ သူ​တၵ်း တႄႇ​ႁဵတ်း​ႁိူၼ်း​ၸိူဝ်ႉ​ၼင်ႇ​ႁိုဝ်​ပုၼ်ႈ​ၵဝ်။ တီႈ​လႂ်​တၼ်း​လႂ်​ၼၼ်ႉ တၵ်း​ပဵၼ်​တီႈ​ဢၼ်​ၵဝ် ၵိင်း​ၼွၼ်း။-</verse>
				<verse number="2">မိုဝ်း​ၵဝ်​ႁဵတ်း​ပဵၼ်​လွင်ႈ​တၢင်း​ၵႃႈ​မီး ၸိူဝ်း​ၼၼ်ႉ​လႄႈ လွင်ႈ​တၢင်း​ၸိူဝ်း​ၼၼ်ႉ​ပဵၼ်​မႃး​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ၵဝ်​တၵ်း​လူ​တူၺ်း​ၵေႃႉ​ၼႆႉ ဢၼ်​ဝႃႈ​ၵေႃႉ​ဢၼ်​မီး​တၢင်း​ဢၼ် ၸႂ်​ၶျႃး​တႅမ်ႇ၊ တၢင်း​ဢၼ်​ႁူဝ်​ၸႂ်​တႅၵ်ႇ​လႅဝ်၊ တၢင်း​ဢၼ် သၼ်ႇ​ဝႆ​ၵွပ်ႈ​ပိူဝ်ႈ​ၵႂၢမ်း​ၵဝ်​ၼၼ်ႉ​ၼႆႉ​ၵူၺ်း​ဢေႃႈ။-</verse>
				<verse number="3">ၵေႃႉ​ဢၼ် ဢဝ်​ဝူဝ်း​တၢႆ​ၼၼ်ႉ မိူၼ်​ၸိူဝ်ႉ​ၼင်ႇ ၵေႃႉ​ဢၼ်​ဢဝ်​ၵူၼ်း​တၢႆ​ဢေႃႈ။ ၵေႃႉ​ဢၼ်​ဢဝ်​သူဝ်း​ဢွၼ်ႇ ပုၵ်ႈ​ၸေႃႇ​ယိတ်ႈ​ၼၼ်ႉ မိူၼ်​ၸိူဝ်ႉ​ၼင်ႇ ၵေႃႉ​ဢၼ်​တႅပ်း​ၶေႃး​မႃ​ဢေႃႈ။ ၵေႃႉ​ဢၼ်​လူႇ​တၢၼ်း​တႃႇ​ၼႃႉ​တၢင်း​လူႇ​ၼၼ်ႉ မိူၼ်​ၸိူဝ်ႉ​ၼင်ႇ ၵေႃႉ​ဢၼ်​လူႇ​တၢၼ်း လိူတ်ႈ​မူ​ဢေႃႈ။ ၵေႃႉ​ဢၼ် ဢဝ်​ လေႃႇပၢၼ်ႇ ​တုတ်ႇ​ၽႆး​ၼၼ်ႉ မိူၼ်​ၸိူဝ်ႉ​ၼင်ႇ​ၵေႃႉ​ဢၼ် ပၼ်​တၢင်း​လီ တီႈ​ရုၵ်ႈ​ထူႉ​ဢေႃႈ။ ၶဝ်​ၼၼ်ႉ လိူၵ်ႈ​ၵဵပ်း​ဢဝ်​သဵၼ်ႈ​တၢင်း​တူဝ်​ၸဝ်ႈ​ၵဝ်ႇ တင်း​လၢႆ​လႄႈ ႁူဝ်​ၸႂ်​ၶဝ်​ၼၼ်ႉ မူၼ်ႈ​ပျေႃႇ​ယူႇ​ၵႃႈ​ၼႂ်း လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ တူဝ်​ၸဝ်ႈ​ၵဝ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="4">ၵဝ်​ၵေႃႈ​တၵ်း​လိူၵ်ႈ​ၵဵပ်း​ဢဝ် တၢင်း​ၵျၢမ်ႇ​တၢင်း​ပွင်​ၶဝ်​လႄႈ တၵ်း​ႁႂ်ႈ​လွင်ႈ​တၢင်း​ဢၼ်​ၶဝ်​ၵူဝ်​ႁႄ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၶဝ်​ဢေႃႈ။ လွင်ႈ​မၼ်း​ၸမ်ႉ ယၢမ်း​မိူဝ်ႈ​ဢၼ်​ၵဝ်​ႁွင်ႉ​ၼၼ်ႉ ၽူႈ​လႂ်​ဢမ်ႇ​ဢိူဝ်​သေ​ၵေႃႉ​သေ​ၵူၼ်း။ ယၢမ်း​မိူဝ်ႈ​ဢၼ်​ၵဝ်​လၢတ်ႈ​ၼၼ်ႉ၊ ၶဝ်​ဢမ်ႇ​ထွမ်ႇ​ဢမ်ႇ​ဢဝ်။ ၶဝ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ဢမ်ႇ​လီ သိုဝ်ႈ​ၼႃႈ​တႂ်ႈ​တႃ​ၵဝ်​လႄႈ လိူၵ်ႈ​ၵဵပ်း​ဢဝ်​လွင်ႈ​တၢင်း​ဢၼ် ၵဝ်​ဢမ်ႇ​ထုၵ်ႇ​ၸႂ် ၵျိူၵ်ႈ​ၸႂ်​ၼၼ်ႉ​ဢေႃႈ။-</verse>
				<verse number="5">သူ​ၸိူဝ်း​ဢၼ်​သၼ်ႇ​ဝႆ ၵွပ်ႈ​ပိူဝ်ႈ ၵႂၢမ်း​ၼုၵ်ႈၵပၢတ်ႈ ထႃႇဝရႃႉ​ၽြႃး​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​မၼ်း​ၸဝ်ႈ​တႃႉ။ ပိၵ်ႉ​သမ်ႉ ပီႈ​ၼွင်ႉ​သူ​ဢၼ်​ၸင်း​သူ​လႄႈ ႁေႃႈ​သူ​ဢွၵ်ႇ​ပႅတ်ႈ​ၵွပ်ႈ​ပိူဝ်ႈ ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ ဢွၼ်​ၵၼ်​လၢတ်ႈ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး မုၼ်​ၽုင်း​ထၢင်ႇ​သႃး​ပေႃႇ​မႃး ႁႂ်ႈ​ႁဝ်း​လႆႈ​ႁၼ် တၢင်း​ဢၼ်​ၸူမ်း​ဢၼ်​သိူဝ်း​သူ​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​သေ​ၵေႃႈ၊ ၶဝ်​တၵ်း​လႆႈ​ဢူၵ်း​လႆႈ​ဢၢႆ​ဢေႃႈ။-</verse>
				<verse number="6">ပဵၼ်​သဵင်​ဢၼ်​ဢူၼ်​ဢဵၼ်​မေႃး​မႄး ၵႃႈ​တီႈ​ဝဵင်း၊ သဵင်​ဢၼ်​ဢွၵ်ႇ​သေ ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ၊ သဵင်​ထႃႇဝရႃႉ​ၽြႃး ဢၼ်​ပၼ် ဢၵျူဝ်း​ဢပႅတ်ႈ တီႈ​ရၢၼ်ႇ​သူႇ​မၼ်း​ၸဝ်ႈ​တင်း​လၢႆ​ၼၼ်ႉ​ဢေႃႈ။-</verse>
				<verse number="7">မၼ်း​ၵိူတ်ႇ​လဵင်ႉ​လုၵ်ႈ ၸူဝ်ႈ​ဢၼ်​မၼ်း​ဢမ်ႇ​ပႆႇ​လႆႈ​ၶၢမ်ႇ​ဝူၺ်ႇတၼႃႇ တၢင်း​ဢၼ်​ၵိူတ်ႇ​လဵင်ႉ​လုၵ်ႈ ၼၼ်ႉ​လႄႈ ႁၼ်​ၼႃႈ​လုၵ်ႈ​ၸၢႆး ၸူဝ်ႈ​ဢၼ်​ဢမ်ႇ​ပႆႇ​ႁွတ်ႈ​ထိုင်​ၶိင်ႇ ဢၼ်​မၼ်း​လႆႈ​ၶၢမ်ႇ​ဝူၺ်ႇတၼႃႇ ၼၼ်ႉ​ဢေႃႈ။-</verse>
				<verse number="8">ၽူႈ​လႂ်​ယၢမ်ႈ​ငိၼ်း လွင်ႈ​တၢင်း​ၸိူဝ်ႉ​ၼင်ႇ​ၼၼ်။ ၽူႈ​လႂ်​ယၢမ်ႈ​ႁၼ်​လွင်ႈ​တၢင်း​ၸိူဝ်ႉ​ၼင်ႇ​ၼၼ် ၸိူဝ်း​ၼၼ်ႉ။ ၸၢင်ႈ​ၵိူတ်ႇ​လဵင်ႉ သိုင်ႇ​ၸိုင်ႈ​ဝၢၼ်ႈ​မိူင်း​မႃး​ၼႂ်း​ဝၼ်း​ၼိုင်ႈ ၵူၺ်း​ႁိုဝ်။ ၸၢင်ႈ​ၵိူတ်ႇ​လဵင်ႉ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​မႃး ၽွမ်ႉ​မိူဝ်ႈ​လဵဝ်​ၵမ်း​လဵဝ်​ၵၼ်​ႁိုဝ်။ ၸီႉဢုၼ်ႇ ​လႆႈ​ၶၢမ်ႇ​ဝူၺ်ႇတၼႃႇ တၢင်း​ဢၼ်​ၵိူတ်ႇ​လဵင်ႉ​လႄႈ ၵိူတ်ႇ​လဵင်ႉ​လုၵ်ႈ​လၢင်း​တင်း​လၢႆ​မႃး​လူင်​ပႄႇ။-</verse>
				<verse number="9">ၵဝ်​ၸီႇ​ယၢင်ႇ​ႁႂ်ႈ​ၵိူတ်ႇ​လဵင်ႉ​မႃး​လႄႈ၊ ယင်း​ဢမ်ႇ​ႁႂ်ႈ​ၵိူတ်ႇ​လဵင်ႉ​မႃး​လႄႈ​တၵ်း​လႆႈ​ယူႇ​ႁိုဝ်။ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ၵဝ်​ပၼ် ပတိၵ်ႉသၼ်ႇထေႇ​ယဝ်ႉ​လႄႈ၊ တၵ်း​လႆႈ​ၶျုၵ်ႈ​ဝႆႉ​ထၼ်ႈ​ပေႃး ဢမ်ႇ​ၵိူတ်ႇ​လဵင်ႉ​မႃး​လႆႈ​ႁိုဝ်။ ဝႃႈ​ၼင်ႇ​ၼႆ​လႄႈ ၽြႃး​ပဵၼ်​ၸဝ်ႈ​မႂ်း မီး​ဢမိင်ႉ​ဢေႃႈ။-</verse>
				<verse number="10">သူ​ၸိူဝ်း​ဢၼ် ႁၵ်ႉ​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ် ၸူမ်း​သိူဝ်း​လူၺ်ႈ​ၵၼ်​တင်း​မၼ်း​လႄႈ သႂၢင်ႇ​ၸႂ်​ၵွပ်ႈ​ပိူဝ်ႈ​မၼ်း​တႃႉ။ သူ​ၸိူဝ်း​ဢၼ် ႁူဝ်​ၸႂ်​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ် ၵွပ်ႈ​ပိူဝ်ႈ​မၼ်း တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ၸူမ်း​သိူဝ်း​လူၺ်ႈ​ၵၼ်​တင်း​မၼ်း ၼႃႇ​လူင်​လၢင်​တႃႉ။-</verse>
				<verse number="11">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ သူ​တၵ်း​လႆႈ​ၸုပ်ႇ​ၵိၼ်​ၼူမ်း တၢင်း​ဢၼ် ၵတ်း​ယဵၼ်​ၶျၢမ်း​သႃႇ​မၼ်း သေ​လႄႈ ဢိမ်ႇ​တဵမ်​ဢေႃႈ။သူ​တၵ်း​မိပ်ႇ​ဢဝ်​ၼမ်ႉ​ၼူမ်း​မၼ်း​လႄႈ မူၼ်ႈ​ပျေႃႇ​ယူႇ​ၵႃႈ​ၼႂ်း​တၢင်း​ဢၼ် မုၼ်​ၽုင်း​ၸေး​ၸိမ်ႇ​မၼ်း လိူင်ႇ​ၼမ်​ၼၼ်ႉ​ဢေႃႈ။-</verse>
				<verse number="12">ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၵဝ်​တၵ်း ႁႂ်ႈ​ၵတ်း​ယဵၼ်​ၶျၢမ်း​သႃႇ ႁွတ်ႈ​ထိုင် တီႈ​မၼ်း​မိူၼ်​ၸိူဝ်ႉ​ၼင်ႇ ၼမ်ႉ​ႁွင်ႈ​လႄႈ ႁႂ်ႈ​ၸေး​ၸိမ်ႇ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ ႁွတ်ႈ​ထိုင်ႇ​တီႈ​မၼ်း​မိူၼ်​ၸိူဝ်ႉ​ၼင်ႇ ၼမ်ႉ​ၵႄး​ဢၼ်​လႆ​ယူႇ ၼၼ်ႉ​ဢေႃႈ။ သူ​တၵ်း​လႆႈ ၸုပ်ႇ​ၵိၼ်​ၼူမ်း​လႄႈ ၶၢမ်ႇ​တၢင်း​ဢၼ်​ဢုမ်ႈ​ႁွပ်ႇ​သႂ်ႇ ၵႃႈ​ၼိူဝ်​ဢႅင်ႈ​ၼိူဝ်​ဢႅဝ်၊ တၢင်း​ဢၼ် ဢဝ်​ယွပ်ႇ​ဢဝ်​ၵႃႈ ၵႃႈ​ၼိူဝ်​ၶဝ်ႇ​ၼိူဝ်​ၶႃ​ဢေႃႈ။-</verse>
				<verse number="13">ၵဝ်​တၵ်း​ႁႂ်ႈ​သူ ၸႂ်​သၢၵ်ႈ​သႃႇ​မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ ဢၼ်​မႄႈ​မၼ်း​ႁႂ်ႈ​ၸႂ်​သၢၵ်ႈ​သႃႇ​ၼၼ်ႉ​လႄႈ၊ သူ​တၵ်း​လႆႈ တၢင်း​ဢၼ် ၸႂ်​သၢၵ်ႈ​သႃႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="14">ၼင်ႇ​ၼၼ်​လႄႈ သူ​တၵ်း​ထူပ်း​ႁၼ်​လႄႈ ႁူဝ်​ၸႂ်​သူ​တၵ်း​သႂၢင်ႇ​သိူဝ်း​လႄႈ လုပ်ႇ​သူ​တင်း​လၢႆ တၵ်း​ပုၵ်း​လီ​ႁႅင်း​လီ မိူၼ်​ၸိူဝ်ႉ​ၼင်ႇ တူၼ်ႈ​ဢၼ်​ၶဵဝ်​လီ​တင်ႈ​လီ ၼၼ်ႉ​ဢေႃႈ။ မိုဝ်း​ထႃႇဝရႃႉ​ၽြႃး တၵ်း​ထၢင်ႇ​သႃး​ၵႃႈ​တီႈ​ၶႃႈ​မၼ်း​ၸဝ်ႈ​တင်း​လၢႆ​လႄႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ တၵ်း​ဢွၵ်ႇ​ၸူး​ၵႃႈ​တီႈ​ရၢၼ်ႇ​သူႇ​မၼ်း​ၸဝ်ႈ​တင်း​လၢႆ​ဢေႃႈ။-</verse>
				<verse number="15">တူၺ်း​လူး၊ ထႃႇဝရႃႉ​ၽြႃး တၵ်း​မႃး ၸိူဝ်ႉ​ၼင်ႇ​ၽႆး​လႄႈ ၶီႇ​လေႃႉ​ရထႃး​ၸဝ်ႈ​တင်း​လၢႆ မိူၼ်​ၸိူဝ်ႉ​ၼင်ႇ​လူမ်း​ၽိဝ်ႇ​ႁုင် ႁႂ်ႈ​လႆႈ​ဢဝ်​ဢၢႆ​ႁႅင်း ဢၼ်​ႁၢဝ်ႈ​ၵျၢမ်း​ၼႃႇ ၼႄ​ပျႃး​တေႃး​သႃႉ တၢင်း​ၸႂ်​မႆႈ​မၼ်း​ၸဝ်ႈ ဢိၵ်ႇ​တင်း​ႁႂ်ႈ​လႆႈ​ဢဝ်​ပဵဝ်​ၽႆး​ၼႄ​ပျႃး​တၢင်း​ဢၼ် သင်ႇ​သွၼ်​သုင်း​မႃႉ မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="16">ထႃႇဝရႃႉ​ၽြႃး တၵ်း​ဢဝ်​ၽႆး​တင်း​လၢပ်ႇ​ပၼ်​ဢပႅတ်ႈ​တီႈ​ၵူၼ်း​သတ်ႉတဝႃႇ တင်း​သဵင်ႈ​တင်း​လူင်​လႄႈ ၶဝ်​ၸိူဝ်း​ဢၼ် ထႃႇဝရႃႉ​ၽြႃး ၶႃႈ​ၽၼ်း​ပႅတ်ႈ​ၼၼ်ႉ တၵ်း​ၼမ်​ၼႃႇ​ဢေႃႈ။-</verse>
				<verse number="17">ၶဝ်​ၸိူဝ်း​ဢၼ် ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​ၵႃႈ​ၼႂ်း​သူၼ်​ဢူးယဵၼ်ႇ တင်း​လၢႆ​လႄႈ ၸွမ်း​လင်​ၵေႃႉ​ၼိုင်ႈ ၵႃႈ​ၼႂ်း​ၵၢင်​မၼ်း​ယူႇ​သေ​လႄႈ ၵိၼ်​ၼိူဝ်ႉ​မူ ဢိၵ်ႇ​တင်း​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ တင်း​ၼိူဝ်ႉ​ၼူ​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ်​လူႉ​လႅဝ် ၽွမ်ႉ​မိူဝ်ႈ​လဵဝ် ၵမ်း​လဵဝ်​ၵၼ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="18">လွင်ႈ​မၼ်း​ၸမ်ႉ ၵဝ်​ႁူႉ​တၢင်း​ၵမ်​တၢင်း​ၵျၢင်ႉ​ၶဝ် ဢိၵ်ႇ​တင်း တၢင်း​ၵျၢမ်ႇ​တၢင်း​ပွင်​ၶဝ်​ၸိူဝ်း​ၼၼ်ႉ ယူႇ​ဢေႃႈ။ ၶိင်ႇ​မိူဝ်ႈ​ဢၼ် ၵဝ်​တၵ်း​ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း တင်း​သဵင်ႈ​တင်း​လူင် ဢိၵ်ႇ​တင်း​ၽႃႇသႃႇ ဢၼ်​ပႅၵ်ႇ​ပိူင်ႈ​ၵၼ်​ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​ၼၼ်ႉ ႁွတ်ႈ​ထိုင်​လႄႈ ၶဝ်​ၼၼ်ႉ တၵ်း​ဢွၼ်​ၵၼ်​မႃး​လႄႈ ႁၼ်​မုၼ်​ၽုင်း​ၵဝ်​ဢေႃႈ။-</verse>
				<verse number="19">ၵဝ်​တၵ်း​ပူၵ်း​လၢမ်ႇ ၵႃႈ​ၼႂ်း​ၶဝ်​လႄႈ ၵဝ်​တၵ်း​ဢဝ်​ၶဝ်​ၸိူဝ်း​ဢၼ် ၵၢင်း​လွတ်ႈ​တင်း​ၽေး​ၼၼ်ႉ​ပွႆႇ​ၸႂ်ႉ​ၸူး​ၵႃႈ​တီႈ ၵူၼ်း​တၢင်ႇ​ၸိူဝ်ႉ တၢင်ႇ​မဵဝ်း​တင်း​လၢႆ​ဢၼ်​ဝႃႈ မိူင်း​ တႃႇသူႉ ၊ မိူင်း​ ၽူႉလႃႉ ၊ မိူင်း​ လူႉတႃႉ ဢၼ်​ၸၢင်ႈ​သုင်း​သွင်ႇ​လၢၵ်ႈ​ၼၢၵ်ႈ​ၵၢင်ႇ၊ မိူင်း​ တူႉပလႃႉ ၊ မိူင်း​ ယႃႇဝၼ်ႇ ၊ ၵုၼ်​ၼႂ်း​ၼမ်ႉ​ဢၼ်​ၵႆ​ၼႃႇ၊ ဢၼ်​ဢမ်ႇ​လႆႈ​ငိၼ်း သတၢင်း​သဵင်​ၶၢဝ်ႇ​ၵဝ်၊ ဢၼ်​ဢမ်ႇ​ႁၼ်​မုၼ်​ၽုင်း​ၵဝ် ၸိူဝ်း​ၼၼ်ႉ​လႄႈ ၶဝ်​ၼၼ်ႉ​တၵ်း ဢွၼ်​ၵၼ်​ႁေႃး​လၢတ်ႈ မုၼ်​ၽုင်း​ၵဝ် ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ​ဢေႃႈ။-</verse>
				<verse number="20">ၶဝ်​ၼၼ်ႉ တၵ်း​ဢွၼ်​ၵၼ်​ဢဝ်​ပီႈ​ၼွင်ႉ​သူ တင်း​သဵင်ႈ​တင်း​လူင် တၢင်ႇ​ၵႃႈ​ၼိူဝ်​မႃႉ​လႂ်၊ လေႃႉ​ရထႃး​လႂ်၊ ၶဵင်ႇ​ဢၼ်​ႁၢပ်ႇ​လႂ်၊ လေႃႉ​လႃး​လႂ်၊ ၵလႃးဢုၵ်ႉ​လႂ် ဢွၵ်ႇ​သေ​ၵႃႈ​ၼႂ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း​မႃး​ၸူး ၵႃႈ​တီႈ​လွႆ​ဢၼ်​မူတ်း​ၸၢင်ႇ​ၵဝ်၊ ဝဵင်း​ ယေႇရူႉသလႅမ်ႇ ​ၼၼ်ႉ ပုၼ်ႈ​ဢၼ်​တၵ်း​ပုၵ်ႈ​ၸေႃႇ ၵႃႈ​တီႈ​ထႃႇဝရႃႉ​ၽြႃး​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢဝ်​ၶိူင်ႈ​ပုၵ်ႈ​ၸေႃႇ သႂ်ႇ​ၵႃႈ​ၼႂ်း​ၵွၵ်း ဢၼ်​မူတ်း​သႂ်​မႃး​ၸူး ၵႃႈ​တီႈ​ႁိူၼ်း ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="21">ၵဝ်​တၵ်း​ဢဝ်​ၵႃႈ​ၼႂ်း​ၶဝ်​ၼၼ်ႉ​ၵမ်ႈ​ၽွင်ႈ ၶၢၼ်း​ဝႆႉ​ၵႃႈ​ၼႂ်း​ဢရႃႇ ယိတ်ႈပရေႃးႁဵၵ်ႈ တင်း​ဢရႃႇ​ၵူၼ်း​ လေႇဝီႉ ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="22">ၸိူဝ်ႉ​ၼင်ႇ​ဢၼ်​ၽႃႉ​ၵၢင်​ႁၢဝ်​ဢၼ်​မႂ်ႇ ဢိၵ်ႇ​တင်း​လိၼ်​မိူင်း​ဢၼ်​မႂ်ႇ ဢၼ်​ၵဝ်​ႁဵတ်း​ဝႆႉ​ၼၼ်ႉ တႄႇ​ဝႆႉ​မီး​ယူႇ​ၵႃႈ​တီႈ ၽၢႆႇ​ၼႃႈ​ၵဝ်​ၼႆႉ​ၼၼ်ႉ၊ မဵဝ်း​ၸိူဝ်ႉ​ၶိူဝ်း​သူ ဢိၵ်ႇ​တင်း​ၼႃႇ​မႃႉ​ၸိုဝ်ႈ​သဵင်​သူ တၵ်း​လႆႈ​တႄႇ​ယူႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="23">ၵူၼ်း​သတ်ႉတဝႃႇ တင်း​သဵင်ႈ​တင်း​လူင် တၵ်း​ဢွၼ်​ၵၼ်​မႃး ဝၼ်း​လိူၼ်​မႂ်ႇ​ၵူႈ​ဝၼ်း ဢိၵ်ႇ​တင်း ဝၼ်း​ၵမ်​သိၼ်​ၵူႈ​ဝၼ်း ႁႂ်ႈ​လႆႈ​ၵူဝ်း​ၵႂၢႆႇ ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="24">ၶဝ်​ၼၼ်ႉ တၵ်း​ဢွၼ်​ၵၼ်​ဢွၵ်ႇ​လႄႈ လူ​တူၺ်း တူဝ်​တၢႆ​ၶဝ်​ၸိူဝ်း​ဢၼ် ၽိတ်း​ပိူင်ႈ​ၵဝ်​ၼၼ်ႉ​ဢေႃႈ။ မူင်ႈ​ၶဝ်​ၼၼ်ႉ တၵ်း​ဢမ်ႇ​တၢႆ​လႆႈ။ ၽႆး​ၶဝ်​ၵေႃႈ၊ တၵ်း​ဢမ်ႇ​မွတ်ႇ​လႆႈ။ ၶဝ်​တၵ်း လႆႈ​ပဵၼ်​တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ တီႈ​ၵူၼ်း​သတ်ႉတဝႃႇ တင်း​သဵင်ႈ​တင်း​လူင်​ဢေႃႈ။ ၵျၢမ်း​ဢၼႃႇၵၢတ်ႈတီႉ​ဢီႉသႃႇယႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="24">
			<chapter number="1">
				<verse number="1">ၵႂၢမ်း​ပရေႃးၽႅတ်ႈ​ ယေႇရမီႉ လုၵ်ႈ​ၸၢႆး​ ႁီႉလၶီႉ ဢၼ်​ၶဝ်ႈ​ပႃး​ၵႃႈ​ၼႂ်း ယိတ်ႈပရေႃးႁဵၵ်ႈ တင်း​လၢႆ ဢၼ်​ယူႇ​ၵႃႈ​ၼႂ်း ဝဵင်း​ ဢႃႇၼသုတ်ႉ ၊ မိူင်း​ ပိၼ်ႇယႃႇမိၼ်ႇ ၊-</verse>
				<verse number="2">ဢၼ်​လႆႈ​ၶၢမ်ႇ​ပျႃႇ​တိၵ်ႈ ထႃႇဝရႃႉ​ၽြႃး ၼႂ်း​ပီႊ​ဢၼ်​ၶုၼ်​ ယူဝ်းသီႉယႃႉ လုၵ်ႈ​ၸၢႆး​ ဢႃႇမုၼ်ႇ ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ သိပ်း​သၢမ်​ပီႊ၊-</verse>
				<verse number="3">ဢိၵ်ႇ​တင်း ၼႂ်း​ၸူဝ်ႈ​ပၢၼ်​ ယေႃးယၵိမ်း လုၵ်ႈ​ၸၢႆး​ ယူဝ်းသီႉယႃႉ ​ၶုၼ်​ႁေႃ​ၶမ်း​ ယူႉတႃႉ တေႃႇ​ထိုင်​ႁွတ်ႈ​ပီႊ​ဢၼ် ၶုၼ်​ ၸေႇတၵီႉ လုၵ်ႈ​ၸၢႆး​ ယူဝ်းသီႉယႃႉ ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ သိပ်း​ပၢႆ​ဢဵတ်း​ပီႊ​လႄႈ ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ၶျုၵ်ႈ​ဝႆႉ​ၼႂ်း​လိူၼ် ပိၼ်ႇၸမႃႉ​ၼၼ်ႉ​ၸမ်ႉ၊</verse>
				<verse number="4">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ မီး​ဢမိင်ႉ​ဝႃႈ​ၸမ်ႉ၊-</verse>
				<verse number="5">ၵဝ်​ႁူႉ​မႂ်း​ၸဵမ်​မိူဝ်ႈ ၸူဝ်ႈ​ဢၼ်​ၵဝ် ဢမ်ႇ​ပႆႇ​ႁဵတ်း​ပဵၼ်​မႂ်း ၵႃႈ​ၼႂ်း​တွင်ႉ​မႄႈ​ၼၼ်ႉ​ယဝ်ႉ။ ႁႂ်ႈ​မႂ်း​မူတ်း​ၸၢင်ႇ​ၸဵမ်​မိူဝ်ႈ ၸူဝ်ႈ​ဢၼ်​မႂ်း ဢမ်ႇ​ပႆႇ​ၵိူတ်ႇ​လဵင်ႉ သေ​ၵႃႈ​ၼႂ်း​ပုမ်​ၼၼ်ႉ သေ​လႄႈ ၶၢၼ်း​မႂ်း​ဝႆႉ​ႁႂ်ႈ​ပဵၼ်​ပရေႃးၽႅတ်ႈ ပုၼ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၵဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး တီႈ​ၶႃႈ၊ ၶႃႈ​ၸဝ်ႈ​ဢမ်ႇ​မေႃ​ႁေႃး​မေႃ​လၢတ်ႈ​တီႈ​ၶႃႈ၊ ပဵၼ်​လုၵ်ႈ​ဢွၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ မႂ်း​ယႃႇ​ပေ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ပဵၼ်​လုၵ်ႈ​ဢွၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။ ၵဝ်​ပွႆႇ​ၸႂ်ႉ​မႂ်း​ၵႂႃႇ​ၸူး ၵႃႈ​တီႈ​ၽူႈ​လႂ်​သေ​ဢမ်ႇ​ဝႃႈ၊ မႂ်း​တၵ်း​လႆႈ​ၵႂႃႇ​ၸူး ၵႃႈ​တီႈ​ဢၼ်​ၵေႃႉ​ၼၼ်ႉ မီး​ၼၼ်ႉ​ဢေႃႈ။ ၵဝ်​သင်ႇ​လၢတ်ႈ​ဝႆႉ ၵႂၢမ်း​ဢၼ်​လႂ်​သေ​ဢမ်ႇ​ဝႃႈ၊ မႂ်း​တၵ်း​လႆႈ​ဢဝ်​ၵႂၢမ်း​ၼၼ်ႉ သင်ႇ​လၢတ်ႈ​ဢေႃႈ။-</verse>
				<verse number="8">ယႃႇ​ပေ​ၵူဝ်​ပေ​ႁႄ​ၼႃႈ​ၶဝ်။ ၵဝ်​မီး​ယူႇ​လူၺ်ႈ​ၵၼ်​တင်း​မႂ်း ႁႂ်ႈ​လႆႈ​ၵႄႇ​သႄႇ​ၼုၵ်ႈ​ဢဝ်​မႂ်း​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="9">မိူဝ်ႈ​ၼၼ်ႉ ထႃႇဝရႃႉ​ၽြႃး ယဵတ်ႇ​မိုဝ်း​မၼ်း​ၸဝ်ႈ​လႄႈ တိူဝ်ႉ​သႂ်ႇ​သူပ်း​ၵဝ်​ယူႇ​သေ​လႄႈ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ တူၺ်း​လူး၊ ၵဝ်​ဢဝ်​ၵႂၢမ်း​ၵဝ်​သႂၢင်း​သႂ်ႇ​ဝႆႉ ၵႃႈ​ၼႂ်း​သူပ်း​မႂ်း​ယဝ်ႉ။-</verse>
				<verse number="10">တူၺ်း​လူး၊ ၵဝ်​ၶၢၼ်း​မႂ်း​ဝႆႉ ၵႃႈ​ၼိူဝ်​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢိၵ်ႇ​တင်း ၵႃႈ​ၼိူဝ်​သိုင်ႇ​ၸိုင်ႈ​ဝၢၼ်ႈ​မိူင်း တင်း​လၢႆ ဝၼ်း​မိူဝ်ႈ​ၼႆႉ ႁႂ်ႈ​မႂ်း​လႆႈ​ထူၺ်ႈ​ထွၼ်၊ ၵိူၼ်ႇ​တူၵ်း၊ ယႃႉ​ပႅတ်ႈ၊ ပိၼ်ႈ​ၶႂမ်ႈ၊ ဢိၵ်ႇ​တင်း ႁႂ်ႈ​လႆႈ​တႄႇ​ႁဵတ်း ဝၢၼ်ႇ​ပိုၼ်​ၽုၵ်ႇ​သွမ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">လႆႈ​သမ်ႉ​ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ထၢမ်​ဝႃႈ၊ ယေႇရမီႉ ​ဢိူၺ်း၊ မႂ်း​ႁၼ်​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ ၵဝ်​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁၼ်​ၵိင်ႇ​မႆႉ​ ပႃႇတမ်ႇ ​တီႈ​ၶႃႈ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​လႄႈ​ဝႃႈ၊ မႂ်း​လႆႈ​ႁၼ်​တႄႉ​တႄႉ​ဝႃႈ​ဝႃႈ​ယဝ်ႉ။ လွင်ႈ​မၼ်း​ၸမ်ႉ ၵဝ်​ၶတ်း​ၸႂ်​ၶတ်း​ၶေႃး ပႂ်ႉ​ထႃႈ​ယူႇ ႁႂ်ႈ​ၵႂၢမ်း​ၵဝ် လႆႈ​ပျေႉ​ၸုမ်ႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">လႆႈ​သမ်ႉ​ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ် ၵမ်း​တူႉတီႉယႃႉ လႄႈ​ထၢမ်​ဝႃႈ၊ မႂ်း​ႁၼ်​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ ၵဝ်​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁၼ် မေႃႈ​မိၼ်ႇ​ဢၼ်​လိူတ်ႇ​ယူႇ တီႈ​ၶႃႈ​ဢေႃႈ။ မီး​တၢင်း​ဢၼ်​ဝၢႆႇ​ၼႃႈ​ၵႂႃႇ​ၸူး ၵႃႈ​တီႈ​ၽၢႆႇ​ၼႃႈ​တၢင်း​ႁွင်ႇ​ယူႇ​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​လႄႈ​ဝႃႈ၊ ၽေး​ဢူႉ​ပၢတ်ႈ​တၵ်း​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ တၢင်း​ႁွင်ႇ​ၼၼ်ႉ မႃး​ၸူး​ၵႃႈ​ၼိူဝ်​ၵူၼ်း​မိူင်း​ၼႆႉ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ ၵဝ်​တၵ်း​ႁွင်ႉ​ဢဝ်​ၵူၼ်း​ဝၢၼ်ႈ​ၵူၼ်း​မိူင်း ၽၢႆႇ​ၼႃႈ​တၢင်း​ႁွင်ႇ ၵူႈ​ၸိူဝ်ႉ​ၵူႈ​မဵဝ်း​ၸိူဝ်း​ၼၼ်ႉ​မႃး​လႄႈ ၶဝ်​ၼၼ်ႉ တၵ်း​မႃး​သေ​လႄႈ ဢွၼ်​ၵၼ် တႄႇ​ႁဵတ်း​ရႃႇၸႃႉ​ပလၢင်ႇ​ၶဝ် ၵႃႈ​တီႈ​သူပ်း​ၽၵ်း​တူ​ဝဵင်း​ ယေႇရူႉသလႅမ်ႇ ​တင်း​လၢႆ၊ ၵႃႈ​တီႈ​လဵပ်ႈ​ႁွပ်ႈ​ႁိမ်း လမ်း​ဝဵင်း​ၵူႈ​တီႈ​ၵူႈ​လႅၼ်၊ ၵႃႈ​တီႈ​ဝၢၼ်ႈ​ဝဵင်း​ ယူႉတႃႉ ၵူႈ​ဝၢၼ်ႈ​ၵူႈ​ဝဵင်း​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="16">ၵဝ်​တၵ်း​ၸႅတ်ႈ​ထၢမ်​ၶဝ်​လႄႈ ၸီႇ​ယၢင်ႇ​ၸွမ်း​ၼင်ႇ​တြႃး လူၺ်ႈ​လွင်ႈ​ဢပႅတ်ႈ​ၶဝ်​ၵႃႈ​မီး​ဢၼ်​ဝႃႈ ဢပႅတ်ႈ​ဢၼ်​ၶဝ်​ၸုၼ်ႉ​ပႅတ်ႈ​ၵဝ် ဢိၵ်ႇ​တင်း​ဢပႅတ်ႈ​ဢၼ်​ၶဝ်​ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ​ၽြႃး​တၢင်ႇ​သူ​တၢင်ႇ​ပႃး တင်း​ဢပႅတ်ႈ​ဢၼ်​ၶဝ်​ၵူဝ်း​ၵႂၢႆႇ လွင်ႈ​တၢင်း​ဢၼ်​မိုဝ်း​ၶဝ်​ႁဵတ်း​ပဵၼ်​ၸိူဝ်း​ၼၼ်ႉ​ဢေႃႈ။-</verse>
				<verse number="17">ပိူဝ်ႈ​ၼႆ​ၸင်ႇ​မႂ်း​ႁတ်ႉ​သၢႆ​ဢႅဝ်​မႂ်း​သေ​လႄႈ လုၵ်ႉ​တႃႉ။ ဢဝ်​ၵႃႈ​ၼင်ႇ​ဢၼ်​ၵဝ် သင်ႇ​လၢတ်ႈ​ဝႆႉ​ၼႆႉ​ႁေႃး​လၢတ်ႈ​ပၼ်​တီႈ​ၶဝ်​တႃႉ။ လွင်ႈ​ၼင်ႇ​ႁိုဝ် ၵဝ်​တၵ်း​ဢမ်ႇ​လႆႈ​ႁႂ်ႈ​မႂ်း ဢူၵ်း​ဢၢႆ​ၵႃႈ​တီႈ​ၽၢႆႇ​ၼႃႈ​ၶဝ်​ၸိုင် ယႃႇ​ပေ​ၵူဝ်​ပေ​ႁႄ​ၼႃႈ​ၶဝ်။-</verse>
				<verse number="18">တူၺ်း​လူး၊ ၵဝ်​ႁႂ်ႈ​မႂ်း​ပဵၼ်​ဝဵင်း​ဢၼ် မၼ်ႈ​ၶိူင်ႇ​သဝ်​လဵၵ်း၊ ၽႃ​တွင်း​လိူင် ယူႇ​ၽၢႆႇ​ၼိုင်ႈ တင်း​မိူင်း​တၢင်ႇ​မိူင်း​ဢၼ်​ဝႃႈ ၽၢႆႇ​ၼိုင်ႈ တင်း​ၶုၼ်​ႁေႃ​ၶမ်း​ ယူႉတႃႉ ​တင်း​လၢႆ၊ ၽၢႆႇ​ၼိုင်ႈ တင်း​လုၵ်ႈ​ၸၢႆး​ၶုၼ်​တင်း​လၢႆ၊ ၽၢႆႇ​ၼိုင်ႈ တင်း​ယိတ်ႈပရေႃးႁဵၵ်ႈ​တင်း​လၢႆ၊ ၽၢႆႇ​ၼိုင်ႈ တင်း​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="19">ၶဝ်​ၼၼ်ႉ တၵ်း​ဢွၼ်​ၵၼ်​တိုၵ်း​တေႃး​မႂ်း​လႄႈ ဢမ်ႇ​လႆႈ​ပႄႉ​လႆႈ​ၼႅင်ႇ​မႂ်း။ ၵဝ်​မီး​ယူႇ​လူၺ်ႈ​ၵၼ်​တင်း​မႂ်း ႁႂ်ႈ​လႆႈ​ၵႄႇ​သႄႇ​ၼုၵ်ႈ​ဢဝ်​မႂ်း​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="2">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ မီး​ဢမိင်ႉ​ဝႃႈ၊-</verse>
				<verse number="2">မႂ်း​ၵႂႃႇ​လႄႈ ႁွင်ႉ​ပၢဝ်ႇ​ႁွင်ႉ​သေႃႇ တီႈ​ႁူ​ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵျေး​ၸူး​ဢၼ်​မႂ်း​လႆႈ​ၶၢမ်ႇ​ဢဝ်​ၼႂ်း မိူဝ်ႈ​ဢၼ်​ဢသၢၵ်ႈ​ဢရွႆႇ​မႂ်း​လဵၵ်ႉ​ၼၼ်ႉ​ဢၼ်​ဝႃႈ တၢင်း​ႁၵ်ႉ​မႅတ်ႈ​တႃႇ​ဢၼ်​သိၼ်ႇ​ၽႃ​ႁွမ်း​လူၺ်ႈ​ၵၼ်​တင်း တၢင်း​ဢၼ်​မၢႆ​ၵၼ်​ဝႆႉ၊ ဢိၵ်ႇ​တင်း​တၢင်း​ဢၼ်​မႂ်း​ၸွမ်း​လင်​ၵဝ် ၵႃႈ​ၼႂ်း​ထိူၼ်ႇ တီႈ​ဢၼ်​ဢမ်ႇ​ဝၢၼ်ႇ​ၸိူဝ်ႉ​၊ဝၢၼ်ႇ​ၽၼ်း ၼၼ်ႉ​ဢေႃႈ။-</verse>
				<verse number="3">မိူဝ်ႈ​ၼၼ်ႉ မဵဝ်း​ ဢီႉသရေႇလႃႉ ပဵၼ်​ဢၼ်​မူတ်း​ၸၢင်ႇ​ပုၼ်ႈ ထႃႇဝရႃႉ​ၽြႃး​လႄႈ ပဵၼ်​မၢၵ်ႇ​ဢၼ်​မၢၵ်ႇ​ဢွၼ်​တၢင်း ပုၼ်ႈ​တၢင်း​ဢၼ်​ပဵၼ်​တိုၼ်း​ပဵၼ်​ႁွၼ်း​ၸဝ်ႈ​ဢေႃႈ။ ၶဝ်​ၸိူဝ်း​ဢၼ်​ႁိမ်​ဢဝ်​မၼ်း​ၼၼ်ႉ တၵ်း​မီး​ဢပႅတ်ႈ​လႄႈ ၽေး​ဢူႉ​ပၢတ်ႈ​တၵ်း​ႁွတ်ႈ​ထိုင် ၵႃႈ​ၼိူဝ်​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="4">မဵဝ်း​ ယႃႇၵုပ်ႈ ​ဢိူၺ်း၊ ၸိူဝ်ႉ​ၶိူဝ်း မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း ၼုၵ်ႈၵပၢတ်ႈ ထႃႇဝရႃႉ​ၽြႃး​တႃႉ။-</verse>
				<verse number="5">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပူႇ​မွၼ်ႇ​သူ​ၼၼ်ႉ ဢွၼ်​ၵၼ်​ထူပ်း​ႁၼ်​ဢပႅတ်ႈ ဢၼ်​ၸိူဝ်ႉ​ၼင်ႇ​ႁိုဝ်​တီႈ​ၵဝ် ႁႂ်ႈ​ၶဝ်​လႆႈ​ဢွၵ်ႇ​သေ​ၵႃႈ​တီႈ​ၵဝ်​ၵႂႃႇ​ၵႆ​ၵႆ​လႄႈ ၸွမ်း​သဵၼ်ႈ​တၢင်း​ဢၼတ်ႉတႃႉ​ယူႇ​သေ​လႄႈ ပဵၼ်​ဢၼတ်ႉတႃႉ​လွၼ်ႉ​လွၼ်ႉ ၸႅတ်ႈ​ၸႅတ်ႈ ၼၼ်ႉ။-</verse>
				<verse number="6">ၶဝ်​ၼၼ်ႉ ဢမ်ႇ​ထၢမ်​လႄႈ​ဝႃႈ၊ ထႃႇဝရႃႉ​ၽြႃး ဢၼ်​ၼုၵ်ႈ​ဢဝ်​ႁဝ်း​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ဢဝ်​ႁဝ်း​သူင်ႇ​ၵႃႈ​ၼႂ်း​ထိူၼ်ႇ ဢၼ်​ဝႃႈ မိူင်း​ဢၼ်​ပဵၼ် ဢၼ်​ပဝ်ႇ​ဢၼ်​လၢပ်ႈ​ဝႆႉ​လႄႈ ပဵၼ်​ၶုမ်​လိၼ်​လုၵ်း​လိၼ်​မိူင်း​ဢၼ်​ႁႅင်ႈ​ႁွင်​ဝႆႉ​လႄႈ ႁူမ်ႈ​တၢင်း​တၢႆ​ႁူမ်ႇ​သုမ်ႇ​ဝႆႉ၊ မိူင်း​ဢၼ် ဢမ်ႇ​မီး​ၵေႃႉ​ဢၼ်​ၵႂႃႇ​တၢင်း​ပႆ​တၢင်း ဢိၵ်ႇ​တင်း ၵေႃႉ​ဢၼ်​တူၵ်း​တီႈ၊​တူၵ်း​လႅၼ်​ၼၼ်ႉ ၼၼ်ႉ မီး​ၵႃႈ​လႂ်၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="7">ၵဝ်​ဢဝ်​သူ​သႂၢင်း​ၶဝ်ႈ ၵႃႈ​ၼႂ်း​မိူင်း​ဢၼ် ပျေႉ​ၸုမ်ႇ​ဝႆႉ​တင်း​ၵူႈ​ၸိူဝ်ႉ​ၵူႈ​ပိူင် ႁႂ်ႈ​သူ​ၵိၼ်​မၢၵ်ႇ​မၼ်း​ႁူင်း​မၼ်း ၵွၼ်ႈ​ၶႆ​ၵွၼ်ႈ​မၼ်း​လႄႈ ၵူၺ်း​ၵႃႈ​မိူဝ်ႈ​ဢၼ်​သူ​ၶဝ်ႈ​ၸၢမ်ႇ​ၸႃး ၼၼ်ႉ​ၸိုင်၊ သူ​ႁႂ်ႈ​မိူင်း​ၵဝ်​ၵူဝ်ႈ​ၵိူၵ်ႇ​လႄႈ ႁႂ်ႈ​ဢမူၺ်ႇ​ၵဝ်​ပဵၼ် တီႈ​ဢၼ်​လီ​ႁင်ႈ ဢဵတ်ႇ​သဵတ်ႇ​ယဝ်ႉ​လူင်​ပႄႇ။-</verse>
				<verse number="8">ယိတ်ႈပရေႃးႁဵၵ်ႈ တင်း​လၢႆ ဢမ်ႇ​ဢွၼ်​ၵၼ်​ထၢမ်​လႄႈ​ဝႃႈ၊ ထႃႇဝရႃႉ​ၽြႃး မီး​ၵႃႈ​လႂ်၊ ဝႃႈ​ၼင်ႇ​ၼႆ​ၼၼ်ႉ။ ၶဝ်​ၸိူဝ်း​ဢၼ် ၸၢင်ႈ​မေႃ​တြႃး​ၸဝ်ႈ​ၼၼ်ႉ ဢမ်ႇ​ႁူႉ​ၸၵ်း​ၵဝ်။ ၶဝ်​ၸိူဝ်း​ဢၼ်​လူ​ထိင်း လုမ်း​လႃး​ၼၼ်ႉ ဢွၼ်​ၵၼ်​ၽိတ်း​ပိူင်ႈ​ၵဝ်​ဢေႃႈ။ ပရေႃးၽႅတ်ႈ​တင်း​လၢႆ ဢွၼ်​ၵၼ် ဢိင်​ပိုင်ႈ​ၽြႃး ပႃႇလႃႉ ​ယူႇ​သေ​လႄႈ ႁေႃး​လၢတ်ႈ​လႄႈ​ႁဵတ်း​ၸွမ်း လွင်ႈ​တၢင်း​ဢၼ် ဢမ်ႇ​မီး​ၵျေး​ၸူး​ၸိူဝ်း​ၼၼ်ႉ​ဢေႃႈ။</verse>
				<verse number="9">ပိူဝ်ႈ​ၼႆ​လႄႈ ၵဝ်​တၵ်း​ထူပ်း​တြႃး​ၵၼ်​တင်း​သူ​လႄႈ လုၵ်ႈ​သူ​လၢင်း​သူ​ၵေႃႈ ၵဝ်​တၵ်း​ထူပ်း​တြႃး​ၵၼ်​တင်း​ၶဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="10">ဢွၼ်​ၵၼ်​ၶၢမ်ႈ​ၵႂႃႇ​ၸူး​ၵႃႈ​တီႈ​ၵုၼ်​ ၵိတ်ႉတဵမ်ႇ ​ၸိူဝ်း​ၼၼ်ႉ​လႄႈ လူ​တူၺ်း​တႃႉ။ ဢွၼ်​ၵၼ်​ပွႆႇ​ၸႂ်ႉ​ၸူး​ၵႃႈ​တီႈ​မိူင်း​ ၵေႇတႃႇ ​လႄႈ ၶႆႈ​ၸႂ်​ဝူၼ်ႉ​ၸႂ်​လီ​လီ​ငၢမ်း​ငၢမ်း​သေ​လႄႈ တူၺ်း​လွင်ႈ​ဢၼ် ယၢမ်ႈ​ပဵၼ်​ၸိူဝ်ႉ​ၼင်ႇ​ၼႆ​ႁိုဝ်​ၼၼ်ႉ​တႃႉ။-</verse>
				<verse number="11">ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၼၼ်ႉ သေ​မဵဝ်း​မဵဝ်း ယၢမ်ႈ​ၶၢႆႉ​ပုတ်ႈ​လႅၵ်ႈ​လၢႆႈ​ပႅတ်ႈ​သေ​ၽြႃး​ၶဝ်​ဢၼ်​ဢမ်ႇ​ၸႂ်ႈ​ၽြႃး​ၼၼ်ႉ​ယဝ်ႉ​ႁိုဝ်။ ၵူၼ်း​ၵဝ်​တင်း​လၢႆ​ၸမ်ႉ၊ ဢဝ်​မုၼ်​ၽုင်း​ၶဝ်​ၶၢႆႉ​ပုတ်ႈ လႅၵ်ႈ​လၢႆႈ​ဢဝ် ပုၼ်ႈ​လွင်ႈ​တၢင်း​ဢၼ်​ဢမ်ႇ​ႁဵတ်း​ၵျေး​ၸူး လႆႈ​ၼၼ်ႉ​ယဝ်ႉ​လူင်​ပႄႇ။-</verse>
				<verse number="12">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၽႃႉ​ၵၢင်​ႁၢဝ်​ၶဝ်​ဢိူၺ်း၊ ဢွၼ်​ၵၼ် မိင်း​မဝ်း​လူၺ်ႈ​လွင်ႈ​တၢင်း​ၼႆႉ​တႃႉ။ ဢွၼ်​ၵၼ်​တုမ်ႇ​ၶူၼ် ၼိူဝ်ႉ​ၶူၼ်​ၶိင်း​လုၵ်ႉ​တႃႉ။ ဢွၼ်​ၵၼ်​တူၵ်း​ၸႂ် ၵႂင်​ၸႂ် ယုင်ႈ​ၸႂ်​တႃႉ။-</verse>
				<verse number="13">ၵူၼ်း​ၵဝ်​တင်း​လၢႆ ဢွၼ်​ၵၼ် ႁဵတ်း​တူႉ​ၸရိူၵ်ႈ​သွင်​ပႃး ဢၼ်​ဝႃႈ တၢင်း​ဢၼ် ၶဝ်​ၸုၼ်ႉ​ပႅတ်ႈ​ၵဝ် ဢၼ်​ပဵၼ်​ၼမ်ႉ​ဢွၵ်ႇ​ႁူး​ဢသၢၵ်ႈ​ၼႆႉ ဢိၵ်ႇ​တင်း တၢင်း​ဢၼ်​ၶဝ်​ၶုတ်း​ဢိူင်ႈ​ၼမ်ႉ ဢၼ်​ဝႃႈ ဢိူင်ႈ​ၼမ်ႉ​ဢၼ်​လူႉ​ဢၼ်​ပင်း ဢၼ်​ၼမ်ႉ​ဢမ်ႇ​လူင်ႇ​လီ​တၼ်​လီ​ၼၼ်ႉ​ယဝ်ႉ။</verse>
				<verse number="14">ဢီႉသရေႇလႃႉ ​ၼၼ်ႉ​ပဵၼ်​ၶႃႈ​ႁိုဝ်။ ပဵၼ်​လုၵ်ႈ​ၸၢႆး​ဢၼ်​ၶႃႈ​ၵိူတ်ႇ​လဵင်ႉ​မႃး​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မၼ်း​လႆႈ​ၶၢမ်ႇ​တၢင်း​ဢၼ်​ႁိမ်​ဢဝ်​ႁူင်ႇ​ဢဝ်​ၼင်ႇ​ႁိုဝ်။-</verse>
				<verse number="15">သၢင်ႇ​သီႈ​ၼုမ်ႇ​တင်း​လၢႆ ဢွၼ်​ၵၼ်​ႁၢဝ်ႈ​ၸူး​မၼ်း​လႄႈ ႁွင်ႉ​ၸူး​ၶၢင်း​ၸူး​ယဝ်ႉ။ ၶဝ်​ဢွၼ်​ၵၼ် ႁႂ်ႈ​မိူင်း​မၼ်း​ပဵၼ်​ဢၼ်​သဵတ်ႇ​ဢၼ်​ယဵၼ်​ၵႂႃႇ​ယဝ်ႉ။ ဝဵင်း​မၼ်း​တင်း​လၢႆ လႆႈ​ၶၢမ်ႇ​တၢင်း​ဢၼ်​ၽႆး​မႆႈ​လႄႈ ၽူႈ​လႂ်​ဢမ်ႇ​ယူႇ​သေ​ၵေႃႉ​သေ​ၵူၼ်း။-</verse>
				<verse number="16">ၵူၼ်း​ဝဵင်း​ ၼေႃႇၽႃႉ ဢိၵ်ႇ​တင်း​ၵူၼ်း​ဝဵင်း​ တႃႇပၼိတ်ႉ ​ၸိူဝ်း​ၼၼ်ႉ ဢွၼ်​ၵၼ်​ၵိၼ်​ၸိၵ်း​ႁူဝ်​မႂ်း​ယဝ်ႉ။-</verse>
				<verse number="17">မႂ်း​လႆႈ​လွင်ႈ​တၢင်း​ၼႆႉ ပုၼ်ႈ​မႂ်း​ၵွပ်ႈ​ပိူဝ်ႈ​ဢၼ်​မႂ်း​ၸုၼ်ႉ​ပႅတ်ႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း ဢၼ်​ဢဝ်​မႂ်း​သူင်ႇ ၸွမ်း​တႃႈ​ၸွမ်း​တၢင်း​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="18">မိူဝ်ႈ​လဵဝ်​ၼႆႉ​ၸမ်ႉ၊ မႂ်း​ႁဵတ်း​ၵႃႈ​သင်​ယူႇ ၵႃႈ​ၼႂ်း​သဵၼ်ႈ​တၢင်း ဢေႇၵိပ်ႉတူႉ ႁႂ်ႈ​လႆႈ​ၵိၼ်​ၼမ်ႉ​ႁွင်ႈ သီႉႁေႃးရႃႉ ​ၼၼ်ႉ။ မႂ်း​ႁဵတ်း​ၵႃႈ​သင်​ယူႇ ၵႃႈ​ၼႂ်း​သဵၼ်ႈ​တၢင်း ဢႃႇသူႉရီႉ ႁႂ်ႈ​လႆႈ​ၵိၼ်​ၼမ်ႉ​ႁွင်ႈ​ ဢူႉၽရတ်ႉ ​ၼၼ်ႉ။-</verse>
				<verse number="19">တူႉ​ၸရိူၵ်ႈ​မႂ်း တၵ်း​သင်ႇ​သွၼ်​သုင်း​မႃႉ​မႂ်း​လႄႈ တၢင်း​ဢၼ်​မႂ်း​ၽွၵ်ႈ​ပျၢၼ်ႇ​ၶိုၼ်း​ၼၼ်ႉ တၵ်း​ပၼ်​ဢပႅတ်ႈ​တီႈ​မႂ်း​ဢေႃႈ။ ပိူဝ်ႈ​ၼႆ​လႄႈ ႁူႉ​ႁၼ်​လွင်ႈ​ဢၼ်​ဢမူႉ ဢၼ်​ၸုၼ်ႉ​ပႅတ်ႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း၊ ဢမူႉ​ဢၼ်​ယင်း​ဢမ်ႇ​ၵူဝ်​ဢမ်ႇ​ႁႄ​ၵဝ်​လႄႈ​ယူႇ​ၼၼ်ႉ ပဵၼ်​ဢမူႉ​ဢၼ်​ဢမ်ႇ​လီ၊ ဢမူႉ​ဢၼ်​ၶူမ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="20">မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ မႂ်း​ႁၵ်း​ၵၢၼ်း ဢၼ်​မႂ်း​လႆႈ​ႁၢပ်ႇ​ၼၼ်ႉ ပႅတ်ႈ​လႄႈ ထွတ်ႇ​တၢင်း ဢၼ်​မတ်ႉ​၊ဢၼ်​ၽုၵ်ႇ​မႂ်း​ဝႆႉ​ၼၼ်ႉ​ပႅတ်ႈ သေ​လႄႈ လၢတ်ႈ​လႄႈ​ဝႃႈ၊ ၵဝ်​ၶႃႈ​ယင်း​ဢမ်ႇ​ၽိတ်း​၊ဢမ်ႇ​ပိူင်ႈ​လႄႈ တၵ်း​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​သေ​ၵေႃႈ၊ ၶျႃး​ဝၢင်း​တူဝ်​ၸဝ်ႈ​ၵဝ်ႇ ၵႃႈ​ၼိူဝ်​လွႆ​ဢၼ်​သုင်​ၵႃႈ​မီး ဢိၵ်ႇ​တင်း​ၵႃႈ​တႂ်ႈ​တူၼ်ႈ​မႆႉ ဢၼ်​ၶဵဝ်​ၵႃႈ​မီး​သေ​လႄႈ ႁဵတ်း​မႄႈ​မွၵ်ႇ​ယႃႈ ဢေႃႈ။-</verse>
				<verse number="21">ပိၵ်ႉ​သမ်ႉ​ၵဝ်​ၽုၵ်ႇ​သွမ်ႈ​မႂ်း ဢၼ်​ပဵၼ်​မဵဝ်း တူၼ်ႈ​ၶိူဝ်း​မၢၵ်ႇ​ၸပိတ်ႈ​ဢၼ်​လီ​ၼႃႇ​သေ​ပိူၼ်ႈ​ၸႅတ်ႈ​ၸႅတ်ႈ​သေ​ၵေႃႈ​မႂ်း​ၽွၵ်ႈ​ပျၢၼ်ႇ​ၶိုၼ်း ၵႃႈ​ႁိုဝ်​လႄႈ​ပဵၼ် တူၼ်ႈ​ၶိူဝ်း​မၢၵ်ႇ​ၸပိတ်ႈ ဢၼ်​ယုတ်ႈ၊ဢၼ်​မဵဝ်း​ဢမ်ႇ​ၸႅတ်ႈ ၼၼ်ႉ​တီႈ​ၵဝ်​လူင်​ပႄႇ။-</verse>
				<verse number="22">ပိၵ်ႉ​သမ်ႉ​မႂ်း​ဢဝ်​ၼမ်ႉ လၢင်ႉ​သုၵ်ႈ​သီ​ဢၢပ်ႇ​ၼမ်ႉ​လႄႈ သုင်း​သွင်ႇ​သပ်ႉ​ပျႃႇ​ၼမ်​ၼႃႇ​သေ​ၵေႃႈ ဢပႅတ်ႈ​မႂ်း​ထၢင်ႇ​သႃး​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="23">မႂ်း​ၸိုင်​လၢတ်ႈ​လႄႈ​ဝႃႈ၊ ၵဝ်​ဢမ်ႇ​မီး​တၢင်း​ဢၼ်​ၵူဝ်ႈ​ၵိူၵ်ႇ၊ ဢမ်ႇ​ၸွမ်း​လင်​ၽြႃး ပႃႇလႃႉ ​တင်း​လၢႆ၊ ဝႃႈ​ၼင်ႇ​ၼႆ​လႆႈ ၸိူဝ်ႉ​ၼင်ႇ​ႁိုဝ်။ လူ​တူၺ်း​သဵၼ်ႈ​တၢင်း​ဢၼ် မႂ်း​ၸွမ်း​ၵႃႈ​ၼႂ်း ၶူင်ႈ​ႁူၺ်ႈ​ၼၼ်ႉ​လႄႈ ႁပ်ႉ​တုင်း​ဢဝ် လွင်ႈ​တၢင်း​ဢၼ်​မႂ်း​ႁဵတ်း​ၼၼ်ႉ​တႃႉ။ မႂ်း​ပဵၼ်​ၵလႃးဢုၵ်ႉ​မႄႈ ဢၼ်​ၸၢင်ႈ​ၶုၼ်ႇ လႅၼ်ႈ​ၶၼ်​ၶၼ်​ၽႂ်း​ၽႂ်း​လႄႈ လႄႇ​လၢဝ်း​ၵႂႃႇ​မႃး​ယူႇ​ၼၼ်ႉ​လူင်​ပႄႇ။-</verse>
				<verse number="24">ပဵၼ်​လီႈ​မႄႈ ဢၼ်​ႁႄ​ရိူင်း​ဢၼ်​ၸၢင်ႈ​ယူႇ ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​လႄႈ ပႃး​တင်း​ၸႂ်​ၵီႉလေႇသႃႇ​ရႃႇ​ၵႃႉ သုတ်ႇ​ၼူမ်​လူမ်း​ယူႇ​ၼၼ်ႉ​လူင်​ပႄႇ။ ယၢမ်း​မိူဝ်ႈ​ဢၼ်​မၼ်း​ႁွတ်ႈ​ထိုင်​ၶိင်ႇ​မၼ်း ၶႃႇ​မၼ်း​ၼၼ်ႉ ၽူႈ​လႂ်​ႁၢမ်ႈ​တၢပ်ႈ​ႁႄႉ​ၶႅၼ်​မၼ်း​လႆႈ။ ၶဝ်​ၵႃႈ​ဢၼ်​ႁႃ​မၼ်း​ၼၼ်ႉ တၵ်း​ဢမ်ႇ​ႁႂ်ႈ​တူဝ်​ၸဝ်ႈ​ၵဝ်ႇ​လႆႈ​ယၢပ်ႇ​ၸႂ်​ၽိုတ်ႇ​ၸႂ်။ မိူဝ်ႈ​ဢၼ် ႁွတ်ႈ​ထိုင်​လိူၼ်​မၼ်း​ယဝ်ႉ​ၼၼ်ႉ၊ ၶဝ်​တၵ်း​ထူပ်း​ႁၼ်​မၼ်း​ဢေႃႈ။-</verse>
				<verse number="25">ယႃႇ​ပေ​ႁႂ်ႈ​တိၼ်​မႂ်း ၵၢင်း​လွတ်ႈ​တင်း​သွၵ်း​တိၼ်။ ႁႂ်ႈ​ၵူင်​ၶေႃး​မႂ်း ၵၢင်း​လွတ်ႈ​တင်း တၢင်း​ဢၼ်​ယၢၵ်ႇ​ၼမ်ႉ​တႃႉ။ ၵူၺ်း​ၵႃႈ မႂ်း​လၢတ်ႈ​လႄႈ​ဝႃႈ၊ ဢမ်ႇ​မီး​တၢင်း​ဢၼ်​မုင်ႈ​ထႃႈ​မွင်း​ထႃႈ။ ဢမ်ႇ​မီး​လႃး​လႃး။ ၵဝ်​လႆႈ​ႁၵ်ႉ​ပိူၼ်ႈ​ယဝ်ႉ​လႄႈ တၵ်း​ၸွမ်း​လင်​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">ၸိူဝ်ႉ​ၼင်ႇ​ဢၼ်​ၽူႈ​လၵ်ႉ ဢၼ်​တီႉ​လႆႈ​ယဝ်ႉ​ၼၼ်ႉ ဢူၵ်း​ဢၢႆ​ၼၼ်ႉ၊ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​လူၺ်ႈ​ၵၼ်​တင်း ၶုၼ်​ႁေႃ​ၶမ်း​ၶဝ်၊ ၶုၼ်​ၶဝ်၊ ယိတ်ႈပရေႃးႁဵၵ်ႈ​ၶဝ်၊ ပရေႃးၽႅတ်ႈ​ၶဝ်​ၸိူဝ်း​ၼၼ်ႉ ဢွၼ်​ၵၼ် မီး​တၢင်း​ဢၼ်​ဢူၵ်း​ဢၢႆ​ဢေႃႈ။-</verse>
				<verse number="27">ၶဝ်​ဢွၼ်​ၵၼ်​လဝ်ႊ​လၢတ်ႈ​တီႈ​တုမ်​မႆႉ​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ပေႃႈ​ၵဝ်​ၶႃႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ လဝ်ႊ​လၢတ်ႈ​တီႈ​မၢၵ်ႇ​ႁိၼ်​ၵွၼ်ႈ​ႁိၼ်​လႄႈ​ဝႃႈ၊ ၸဝ်ႈ​ႁဝ်း​ၵိူတ်ႇ​လဵင်ႉ​ၶႃႈ​ၸဝ်ႈ​မႃး​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​လႄႈ ဢမ်ႇ​ဝၢႆႇ​ၼႃႈ ဝၢႆႇ​တႃ​ၸူး​တီႈ​ၵဝ်။ ဢွၼ်​ၵၼ် ၵွင်​လင်​တေႃႇ​ၵဝ် ဢမၢၼ်ႇ​ၶၼ်​ပဵၼ်​ဢေႃႈ။ ၵူၺ်း​ၵႃႈ မိူဝ်ႈ​ဢၼ် ဢမူႉ​ႁွတ်ႈ​ထိုင်​တီႈ​ၶဝ်​ၼၼ်ႉ ၶဝ်​ၸၢင်ႈ​ဢွၼ်​ၵၼ် လဝ်ႊ​လၢတ်ႈ​လႄႈ​ဝႃႈ၊ ၶႅၼ်း​တေႃႈ​လုၵ်ႉ​သေ​ၵမ်း​တီႈ​ၶႃႈ၊ ၶႅၼ်း​တေႃႈ​ၵႄႇ​သႄႇ​ၶျွတ်ႈ​ဢဝ် ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၽြႃး​ဢၼ်​မႂ်း​ႁဵတ်း​ပုၼ်ႈ​မႂ်း​ၸိူဝ်း​ၼၼ်ႉ​မီး​ၵႃႈ​လႂ်။ ပေႃး​ၶဝ်​ၼၼ်ႉ တၢတ်ႈ​ၼိူင်ႇ​ႁႂ်ႈ​လႆႈ​ၵႄႇ​သႄႇ​ၶျွတ်ႈ​ဢဝ်​မႂ်း​ၼႂ်း​မိူဝ်ႈ​ဢၼ် ဢမူႉ​မႂ်း​ႁွတ်ႈ​ထိုင်​ၼၼ်ႉ​ၸိုင် ႁႂ်ႈ​ၶဝ်​ဢွၼ်​ၵၼ်​လုၵ်ႉ​သေ​ၵမ်း။ မိူင်း​ ယူႉတႃႉ ​ဢိူၺ်း၊ ၸွမ်း​လူၺ်ႈ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ဝဵင်း​မႂ်း​ၸိူဝ်း​ၼၼ်ႉ သေ​လႄႈ မီး​ၽြႃး​မႂ်း​လူင်​ပႄႇ။-</verse>
				<verse number="29">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ သူ​မီး​ဢလူဝ်ႇ​ၶႂ်ႈ​လႆႈ​ဢၵျူဝ်း​ၵႃႈ​သင်​လႄႈ ဢွၼ်​ၵၼ်​ထူပ်း​တြႃး​ၵၼ်​တင်း​ၵဝ်။ သူ​ၵႃႈ​မီး​ဢွၼ်​ၵၼ် ၽိတ်း​ပိူင်ႈ​ၵဝ်​ယဝ်ႉ။-</verse>
				<verse number="30">ၵဝ်​ပၼ်​တၢမ်ႇ တီႈ​လုၵ်ႈ​သူ​လၢင်း​သူ​ၸိူဝ်း​ၼၼ်ႉ​လႄႈ ပဵၼ်​ဢၼ်​လၢႆ​လၢႆ​လွၵ်ႇ​လွၵ်ႇ​ယဝ်ႉ။ ၶဝ်​ၼၼ်ႉ​ဢမ်ႇ​ဢွၼ်​ၵၼ် ၶၢမ်ႇ​တၢင်း​ဢၼ်​သင်ႇ​သွၼ်​သုင်း​မႃႉ။ လၢပ်ႇ​သူ​လႅဝ်း​သူ​ၼၼ်ႉ ၸၢင်ႈ​ယႃႉ​ၽဵဝ်ႈ​ပရေႃးၽႅတ်ႈ​သူ တင်း​လၢႆ​ပႅတ်ႈ မိူၼ်​ၸိူဝ်ႉ​ၼင်ႇ​သၢင်ႇ​သီႈ ဢၼ်​ၸၢင်ႈ​ႁိမ်​ဢဝ် ယႃႉ​ပႅတ်ႈ​ယဝ်ႉ​ၼၼ်ႉ​ဢေႃႈ။-</verse>
				<verse number="31">သိုပ်ႇ​ၵူၼ်း ဢၼ်​မီး​ယူႇ​တေႃႈ​လဵဝ်​ၼႆႉ​ၶဝ်​ဢိူၺ်း၊ ဢွၼ်​ၵၼ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ ဢမိင်ႉ ထႃႇဝရႃႉ​ၽြႃး​တႃႉ။ ၵဝ်​ယၢမ်ႈ​တွၼ်ႉ​ပဵၼ်​ၸိူဝ်ႉ​ၼင်ႇ​ထိူၼ်ႇ​ၼင်ႇ​ၶိူဝ်း ဢိၵ်ႇ​တင်း​ၸိူဝ်ႉ​ၼင်ႇ မိူင်း​ဢၼ်​လပ်း​သိင်ႇ လပ်း​ငုမ်း​ၼၼ်ႉ တီႈ​မဵဝ်း​ ဢီႉသရေႇလႃႉ ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵူၼ်း​ၵဝ်​တင်း​လၢႆ ဢွၼ်​ၵၼ်​လၢတ်ႈ​လႄႈ​ဝႃႈ၊ ႁဝ်း​တၵ်း​လႄႇ​ၵႂႃႇ​ၵူႈ​တီႈ​ၵူႈ​လႅၼ်​ဢေႃႈ။ ၵမ်း​လိုၼ်း​ႁဝ်း​တၵ်း ဢမ်ႇ​သုတ်ႉ​ၸပ်း​သုတ်ႉ​ၸူး​တီႈ​ၸဝ်ႈ​ႁဝ်း​ၵူၺ်ႉ၊ ဝႃႈ​ၼင်ႇ​ၼႆ​ၼင်ႇ​ႁိုဝ်။-</verse>
				<verse number="32">ၽူႈ​သၢဝ်​လူင်​လိုမ်း​ၶိူင်ႈ​ဢၼ်​ႁၢင်ႈ​သႂ်ႇ​တီႈ​တူဝ်​မၼ်း​လႆႈ​လႄႈ လုၵ်ႈ​ယိင်း​ဢၼ်​သွင်ႇ​မင်ႇၵလႃႇ​ၼၼ်ႉ လူင်​လိုမ်း​သၢႆ​ဢႅဝ်​မၼ်း​လႆႈ​ႁိုဝ်။ ၼႂ်း​ဝႃႈ​ၼၼ်​သေ​ၵေႃႈ ၵူၼ်း​ၵဝ်​တင်း​လၢႆ​ဢွၼ်​ၵၼ် လူင်​လိုမ်း​ပႅတ်ႈ​ၵဝ်​မိုဝ်ႉ​ဝၼ်း​ႁိုင်​ၼႃႇ လူင်​လၢင်​ထၼ်ႈ​ပေႃး ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ယဝ်ႉ။-</verse>
				<verse number="33">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ မႂ်း​ပွင်​ႁဵတ်း​ပွင်​မႄး​ၽႃႇသႃႇ​သဵၼ်ႈ​တၢင်း​သူ ႁႂ်ႈ​လႆႈ​ႁႃ​ဢဝ်​ၸူႉ ၼင်ႇ​ႁိုဝ်။ ပိူဝ်ႈ​ၼႆ​လႄႈ မႂ်း​ဢဝ်​သဵၼ်ႈ​တၢင်း​မႂ်း​ၸိူဝ်း​ၼၼ်ႉ သင်ႇ​ပၼ်​သွၼ်​ပၼ် တီႈ​မႄႈ​ယိင်း​ဢၼ်​ႁၢႆႉ​ဢၼ်​ယုတ်ႈ ၸိူဝ်း​ၼၼ်ႉ​ယဝ်ႉ​လူင်​ပႄႇ။-</verse>
				<verse number="34">ၼွၵ်ႈ​သေ​ၼၼ်ႉ လိူတ်ႈ​ၶဝ်​ၸိူဝ်း​ဢၼ်​ယၢၵ်ႈ​၊ဢၼ်​ၽၢၼ် ဢၼ်​ဢမ်ႇ​မီး​ဢပႅတ်ႈ​ၼၼ်ႉ ဢၼ်​လႆႈ​ၶၢမ်ႇ​တၢင်း​ဢၼ် ထွၵ်ႇ​ပႅတ်ႈ​ၼၼ်ႉ ထၢင်ႇ​သႃး​ယူႇ​ၵႃႈ​တီႈ ၸဵင်ႇ​ၶူဝ်း​ၼုင်ႈ​မႂ်း​ဢေႃႈ။ ၵဝ်​ႁႃ​ယၢပ်ႇ​ၽိုတ်ႇ​ၼႃႇ​လူင်​လၢင်​လႄႈ ထူပ်း​ဢမ်ႇ​ၸႂ်ႈ။ မီး​ဝႆႉ​ယူႇ​ၵႃႈ​တီႈ​ၶူဝ်း​ၼုင်ႈ​မႂ်း​ဢေႃႈ။-</verse>
				<verse number="35">ၵူၺ်း​ၵႃႈ မႂ်း​လၢတ်ႈ​လႄႈ​ဝႃႈ၊ ၵဝ်​ဢမ်ႇ​မီး​ဢပႅတ်ႈ​လႄႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ တၵ်း​ဝႄႈ​ပိူင်ႈ​သေ​ၵႃႈ​တီႈ​ၵဝ်​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​လူင်​ပႄႇ။ ၵူၺ်း​ၵႃႈ ၵဝ်​တၵ်း​ၸႅတ်ႈ​ထၢမ်​ၸီႇ​ယၢင်ႇ​မႂ်း ၵွပ်ႈ​ပိူဝ်ႈ​ဢၼ်​မႂ်း​လၢတ်ႈ​လႄႈ​ဝႃႈ၊ ၵဝ်​ဢမ်ႇ​မီး​ဢပႅတ်ႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="36">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ မႂ်း​လႄႇ​သွတ်ႉ​သႅတ်ႉ​ၵႂႃႇ​မႃး​ထၢၼ်ႇ​ၼႆႉ ႁႂ်ႈ​လႆႈ​ၶၢႆႉ​တီႈ​ၵႂႃႇ​ၼင်ႇ​ႁိုဝ်။ မႂ်း​တၵ်း​ဢူၵ်း​ဢၢႆ လူၺ်ႈ​မိူင်း​ ဢေႇၵိပ်ႉတူႉ မိူၼ်​ၸိူဝ်ႉ​ၼင်ႇ​ဢၼ် မႂ်း​လႆႈ​ဢူၵ်း​ဢၢႆ​လူၺ်ႈ မိူင်း​ ဢႃႇသူႉရီႉ ​ယဝ်ႉ​ၼၼ်ႉ​ဢေႃႈ။-</verse>
				<verse number="37">မႂ်း​တၵ်း​လႆႈ​ဢဝ်​မိုဝ်း​မႂ်း တၢင်ႇ​သႂ်ႇ​ၵႃႈ​ၼိူဝ်​ႁူဝ်​မႂ်း​ယူႇ​သေ​လႄႈ ဢွၵ်ႇ​သေ​ၵႃႈ​တီႈ​မိူင်း​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ပႄႇ​လွင်ႈ​တၢင်း​ဢၼ် မႂ်း​သွၼ်ႈ​ပိုင်ႈ​ၸိူဝ်း​ၼၼ်ႉ ပႅတ်ႈ​လႄႈ မႂ်း​တၵ်း​ဢမ်ႇ​မီး​ဢၵျူဝ်း ၼႂ်း​လွင်ႈ​တၢင်း​ၸိူဝ်း​ၼၼ်ႉ။</verse>
			</chapter>
			<chapter number="3">
				<verse number="1">ၶဝ်​လၢတ်ႈ​လႄႈ​ဝႃႈ၊ ပေႃး​ၽူႈ​ၸၢႆး​ပႅတ်ႈ​မေး​မၼ်း​လႄႈ မေး​မၼ်း​ၼၼ်ႉ ဢွၵ်ႇ​ၵႂႃႇ​သေ​ၵႃႈ​တီႈ​မၼ်း​လႄႈ ပဵၼ်​မေး​ၵူၼ်း​တၢင်ႇ​ၵေႃႉ​ယဝ်ႉ​ၸိုင်၊ မၼ်း​ထုၵ်ႇ​လီ​ၶိုၼ်း​ဢဝ်​မၼ်း​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ မိူင်း​ၼၼ်ႉ​တၵ်း​ပဵၼ် ဢၼ်​ၵူဝ်ႈ​ၵိူၵ်ႇ​ဢမ်ႇ​ၸႂ်ႈ​ႁိုဝ်။ ၵူၺ်း​ၵႃႈ မႂ်း​ၼႆႉ​ၸပ်း​ၸွမ်း​ၸူႉ​ၼမ်​ၼႃႇ​လႄႈ ၽိတ်း​ပိူင်ႈ​ယဝ်ႉ​သေ​ၵေႃႈ၊ ၶိုၼ်း​မႃး​ၸူး​တီႈ​ၵဝ်​သေ​ၵမ်း၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="2">ဢဝ်​တႃ​မႂ်း​ႁႅၼ်​တူၺ်း​ၵႃႈ​တီႈ ဢၼ်​သုင်​တင်း​လၢႆ​လႄႈ ႁႃ​ဢဝ်​တီႈ​ဢၼ်​မႂ်း​ဢမ်ႇ​ယၢမ်ႈ​တွၼ်ႉ​ၼွၼ်း​လူၺ်ႈ​ၵၼ် တင်း​ၽူဝ်​ဢွၼ်ႇ​ၼၼ်ႉ​သေ​တီႈ​တီႈ​တႃႉ။ မႂ်း​ၼင်ႈ​ယူႇ​ၵႃႈ​တီႈ​သဵၼ်ႈ​တၢင်း​တင်း​လၢႆ မိူၼ်​ၸိူဝ်ႉ​ၼင်ႇ​ၵူၼ်း​ ဢရေႇပျႃႉ ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၼၼ်ႉ သေ​လႄႈ ဢဝ်​တင်း မေႇ​ထုင်ႇ​ဢၼ်​ဢမ်ႇ​တြႃး​မႂ်း ဢိၵ်ႇ​တင်း လွင်ႈ​တၢင်း​ဢၼ်​ႁၢႆႉ​ယုတ်ႈ​မႂ်း ႁႂ်ႈ​မိူင်း​ၵူဝ်ႈ​ၵိူၵ်ႇ​ယဝ်ႉ။-</verse>
				<verse number="3">ပိူဝ်ႈ​ၼႆ​လႄႈ ပိၵ်ႉ​သမ်ႉ​ၽႃႉ​လႅင်ႉ​လႄႈ ၽူၼ်​ဢမ်ႇ​တူၵ်း​တေႃႇ​ထိုင်​ႁွတ်ႈ ၽူၼ်​ႁၢင်​ပီႊ​သေ​ၵေႃႈ၊ မႂ်း​ယင်း​မီး​ၼႃႈ​ၽၢၵ်ႇ မႄႈ​မွၵ်ႇ​ယႃႈ​ယူႇ​လႄႈ ပႄႇ​သၽေႃး​ဢၼ်​ဢူၵ်း၊​ဢၼ်​ဢၢႆ​ၼၼ်ႉ​ပႅတ်ႈ​ယဝ်ႉ။-</verse>
				<verse number="4">ၸႃႉ​ၸဵမ်​မိူဝ်ႈ​လဵဝ်​ၼႆႉ​လႄႈ မႂ်း​တၵ်း​ႁွင်ႉ​သႅၼ်ႇ​တီႈ​ၵဝ်​လႄႈ​ဝႃႈ၊ ပေႃႈ​ၵဝ်​ၶႃႈ​ဢိူၺ်း၊ ၸဝ်ႈ​ႁဝ်း​ပဵၼ် ၸဝ်ႈ​ဢၼ်​ပႂ်ႉ​ၶႃႈ​ၸဝ်ႈ​ယူႇ​ၸဵမ်​မိူဝ်ႈ ဢသၢၵ်ႈ​ၶႃႈ​ၸဝ်ႈ​ယင်း​လဵၵ်ႉ ယင်း​ဢွၼ်ႇ​ၼၼ်ႉ တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ႁိုဝ်။-</verse>
				<verse number="5">မၼ်း​ၸဝ်ႈ​ၼၼ်ႉ တၵ်း​ၸႂ်​မႆႈ​ၶႆႈ​ၸႃႉ​ယူႇ​တႃႇ​သေႇ​ႁိုဝ်။ မၼ်း​ၸဝ်ႈ​တၵ်း​မၢတ်ႈ​တွင်း​မၼ်း​ဝႆႉ တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ႁိုဝ်။ တူၺ်း​လူး၊ မႂ်း​လၢတ်ႈ​သေ​လႄႈ ႁဵတ်း​လွင်ႈ​တၢင်း​ဢၼ်​ႁၢႆႉ​ဢၼ်​ယုတ်ႈ​တင်း​လၢႆ ၸွမ်း​ၵႃႈ​ၼင်ႇ​ဢၼ် မႂ်း​တၢတ်ႈ​ၼိူင်ႇ​လႆႈ​ၼၼ်ႉ​ယဝ်ႉ လူင်​ပႄႇ။</verse>
				<verse number="6">လႆႈ​သမ်ႉ ၼႂ်း​ၸူဝ်ႈ​ပၢၼ်​ၶုၼ်​လူင်​ ယူဝ်းသီႉယႃႉ ​ၼၼ်ႉ၊ ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​ၸမ်ႉ၊ မႂ်း​ႁၼ်​လွင်ႈ​တၢင်း​ဢၼ် မဵဝ်း​ ဢီႉသရေႇလႃႉ ဢၼ်​ၽွၵ်ႈ​ပျၢၼ်ႇ​ၶိုၼ်း​ၵႂႃႇ​ၼၼ်ႉ ႁဵတ်း​ၼၼ်ႉ​ယဝ်ႉ​ႁိုဝ်။ မၼ်း​ၶိုၼ်ႈ​ၵႃႈ​ၼိူဝ်​လွႆ​ဢၼ်​သုင်​ၵႃႈ​မီး​လႄႈ ၶဝ်ႈ​ၵႃႈ​တႂ်ႈ​တူၼ်ႈ​မႆႉ ဢၼ်​လိပ်း​၊ဢၼ်​ၶဵဝ်​ၵႃႈ​မီး​ၼၼ်ႉ သေ​လႄႈ ႁဵတ်း​မႄႈ​မွၵ်ႇ​ယႃႈ​ယဝ်ႉ။-</verse>
				<verse number="7">မၼ်း​ၼၼ်ႉ ႁဵတ်း​လွင်ႈ​တၢင်း ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ သေ​ယဝ်ႉ၊ ၵဝ်​လၢတ်ႈ​လႄႈ​ဝႃႈ၊ ၶိုၼ်း​မႃး​တီႈ​ၵဝ်​သေ​ၵမ်း၊ ဝႃႈ​ၼင်ႇ​ၼႆ​သေ​ၵေႃႈ မၼ်း​ဢမ်ႇ​ၶိုၼ်း​ဢမ်ႇ​မႃး။ လွင်ႈ​တၢင်း​ၼၼ်ႉ​ၸိုင်၊ ၼွင်ႉ​ယိင်း​မၼ်း​ ယူႉတႃႉ ဢၼ်​သဵတ်ႈ​ၸႃႇ​လူႉ​ၼၼ်ႉ ႁၼ်​ယူႇ​ဢေႃႈ။-</verse>
				<verse number="8">ၵဝ်​လႆႈ​ႁၼ်​လွင်ႈ​ဢၼ် ပိၵ်ႉ​သမ်ႉ​ၵွပ်ႈ​ပိူဝ်ႈ​လွင်ႈ​တၢင်း​ၼႆႉ​လႄႈ မဵဝ်း​ ဢီႉသရေႇလႃႉ ဢၼ်​ၽွၵ်ႈ​ပျၢၼ်ႇ​ၶိုၼ်း​ၼၼ်ႉ ၽိတ်း​ပိူင်ႈ​သေ​ယဝ်ႉ၊ ၵဝ်​ပႅတ်ႈ​ၵၼ်​တင်း​မၼ်း​လႄႈ ဢၢပ်ႈ​ပၼ်​လိၵ်ႈ​ဢၼ်​ပုတ်း ဢၼ်​ၶၢတ်ႇ​ယဝ်ႉ​သေ​ၵေႃႈ၊ ၼွင်ႉ​ယိင်း​မၼ်း​ ယူႉတႃႉ ဢၼ်​သဵတ်ႈ​ၸႃႇ​လူႉ​ၼၼ်ႉ ယင်း​ဢမ်ႇ​ၵူဝ်​ဢမ်ႇ​ႁႄ​လႄႈ ၵႂႃႇ​လႄႈ​ႁဵတ်း​မႄႈ​မွၵ်ႇ​ယႃႈ ယူႇ​ၼၼ်ႉ​ဢေႃႈ။-</verse>
				<verse number="9">ၵွပ်ႈ​ပိူဝ်ႈ​ဢၼ် တၢင်း​ဢၼ် မၼ်း​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး​ၼၼ်ႉ ၶုၼ်ႇ​သဝ်ႈ​လမ်​ဝဝ်း​လႄႈ မိူင်း​လႆႈ​မီး​တၢင်း​ဢၼ်​ၵူဝ်ႈ​ၵိူၵ်ႇ​လႄႈ မၼ်း​ၽိတ်း​ပိူင်ႈ​လူၺ်ႈ မၢၵ်ႇ​ႁိၼ်​ၵွၼ်ႈ​ႁိၼ်​တင်း​လၢႆ ဢိၵ်ႇ​တင်း တုမ်​မႆႉ​ပွတ်း​မႆႉ​တင်း​လၢႆ​ဢေႃႈ။-</verse>
				<verse number="10">ပိၵ်ႉ​သမ်ႉ မီး​ဢပႅတ်ႈ​ထၢၼ်ႇ​ၼၼ်ႉ သေ​ၵေႃႈ၊ ၼွင်ႉ​ယိင်း​မၼ်း​ ယူႉတႃႉ ဢၼ်​သဵတ်ႈ​ၸႃႇ​လူႉ​ၼၼ်ႉ ဢမ်ႇ​ပႃး​ဢဝ်​တင်း​ႁူဝ်​ၸႂ်​သဵင်ႈ​သဵင်ႈ ၶိုၼ်း​မႃး​ၸူး​ၵႃႈ​တီႈ​ၵဝ်။ ႁဵတ်း​ၼင်ႇ​ႁၢင်ႈ​ၶိုၼ်း​မႃး​ၵူၺ်း၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="11">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​ၸမ်ႉ၊ ဢီႉသရေႇလႃႉ ဢၼ်​ၽွၵ်ႈ​ပျၢၼ်ႇ​ၶိုၼ်း​ၼၼ်ႉ ႁႂ်ႈ​တူဝ်​ၸဝ်ႈ​ၵဝ်ႇ​ပဵၼ် ဢၼ်​သိုဝ်ႈ​တေႃႇ​ၼႃႇ​သေ ယူႉတႃႉ ​ဢၼ်​သဵတ်ႈ​ၸႃႇ​လူႉ​ၼၼ်ႉ​ဢေႃႈ။-</verse>
				<verse number="12">ၵႂၢမ်း​ဢၼ်​မႂ်း​တၵ်း​လႆႈ​ၵႂႃႇ​လႄႈ ႁွင်ႉ​ပၢဝ်ႇ​ႁွင်ႉ​သေႃႇ​ၵႃႈ​တီႈ​ၽၢႆႇ​ၼႃႈ​တၢင်း​ႁွင်ႇ​ၸမ်ႉ၊ ဢီႉသရေႇလႃႉ ဢၼ်​ၽွၵ်ႈ​ပျၢၼ်ႇ​ၶိုၼ်း​ဢိူၺ်း၊ ၶိုၼ်း​မႃး​သေ​ၵမ်း၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ၵဝ်​တၵ်း​ဢမ်ႇ​ႁဵတ်း​တၢင်း​ဢၼ် တိုတ်ႉ​ၼႃႈ​ၸႃႉ​ၼႃႈ​ၸဵတ်ႉ​တေႃႇ​မႂ်း။ ၵဝ်​မီး​ၸႂ် ၵရူႉၼႃႇ​လႄႈ ၸၢင်ႈ​ၶႆႈ​ၸႃႉ​ၶႆႈ​ၸဵတ်ႉ​ယူႇ​တႃႇ​သေႇ​ဢမ်ႇ​ၸႂ်ႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="13">ၵူၺ်း​ၵွမ်ႉ​ႁပ်ႉ​တုင်း​ဢဝ် တွင်း​ပၢၼ်ႇ​လွင်ႈ​တၢင်း​ဢၼ်​ႁၢႆႉ​ဢၼ်​ယုတ်ႈ​ဢၼ်​ဝႃႈ ဢပႅတ်ႈ​ဢၼ်​မႂ်း​ပုင်ႇ​ၵၢၼ်ႇ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​လႄႈ ၽိတ်း​ပိူင်ႈ​ႁူမ်ႈ​လူၺ်ႈ​ၵၼ်​တင်း​ၶႅၵ်ႇ တင်း​လၢႆ ဢၼ်​မႂ်း​ထူပ်း ၵႃႈ​တီႈ​တႂ်ႈ​တူၼ်ႈ​မႆႉ ဢၼ်​လိပ်း​ဢၼ်​ၶဵဝ် ၵႃႈ​မီး​လႄႈ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်​ၼၼ်ႉ​ၵူၺ်း​တႃႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="14">လုၵ်ႈ​လၢင်း​ဢၼ် ၽွၵ်ႈ​ပျၢၼ်ႇ​ၶိုၼ်း​ၶဝ်​ဢိူၺ်း၊ ဢွၼ်​ၵၼ်​ၶိုၼ်း​မႃး​တႃႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ၵဝ်​ပဵၼ်​ၸဝ်ႈ ပဵၼ်​ၽူဝ်​သူ​လႄႈ တၵ်း​လိူၵ်ႈ​ၵဵပ်း​ဢဝ်​ၵႃႈ​ၼႂ်း​သူ ယေႈ​ဝဵင်း​ယေႈ​ၵေႃႉ၊ ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း ယေႈ​မဵဝ်း​သွင်​ၵေႃႉ​သေ​လႄႈ ဢဝ်​သူင်ႇ​ၵႃႈ​တီႈ​ဝဵင်း​ ၸီႉဢုၼ်ႇ ​ဢေႃႈ။-</verse>
				<verse number="15">ၵဝ်​တၵ်း​ဢဝ်​ၶဝ်​ၸိူဝ်း​ဢၼ်​လူ​ဢၼ်​ထိင်း ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်​ၼၼ်ႉ ဝႆႉ​ၵႃႈ​ၼိူဝ်​သူ​လႄႈ​ၶဝ်​ၼၼ်ႉ တၵ်း​ပျေႉ​ၸုမ်ႇ​ဝႆႉ​တင်း​ၺၢၼ်ႇ​ပိင်ႇ​ၺႃႇ​ယူႇ သေ​လႄႈ ဢွၼ်​ၵၼ်​လဵင်ႉ​လူ​သူ​ဢေႃႈ။-</verse>
				<verse number="16">ၼႂ်း​ၶိင်ႇ​မိူဝ်ႈ​ၼၼ်ႉ မိူဝ်ႈ​ဢၼ်​သူ​ယႂ်ႇ​ၽႄႈ​ၼမ်​မႃး​လႄႈ တူဝ်း​တွၼ်း​မႃး ၵႃႈ​တီႈ​မိူင်း​ၸဝ်ႈ​ၼၼ်ႉ​ၸိုင်၊ ၵမ်း​လိုၼ်း​ၶဝ်​တၵ်း ဢမ်ႇ​လႆႈ​ႁွင်ႉ​လႆႈ​ဝႃႈ တိူၵ်ႈ​ပတီႉၺိၺ်ႇ ထႃႇဝရႃႉ​ၽြႃး၊ ဝႃႈ​ၼင်ႇ​ၼႆ​ၼၼ်ႉ။ ဢမ်ႇ​လႆႈ​ၸႂ်​ၸပ်း​ၸႂ်​ၸွႆး​မၼ်း။ ဢမ်ႇ​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း။ ဢမ်ႇ​လႆႈ​လူ​တူၺ်း​လုမ်း​လႃး​မၼ်း။ ၵမ်း​လိုၼ်း​ဢမ်ႇ​လႆႈ​ႁဵတ်း​လႃး​လႃး၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="17">မိူဝ်ႈ​ၼၼ်ႉ ၶဝ်​တၵ်း​ႁွင်ႉ​ႁဵၵ်ႈ ဝဵင်း​ ယေႇရူႉသလႅမ်ႇ ​လႄႈ​ဝႃႈ၊ ပလၢင်ႇ​ထႃႇဝရႃႉ​ၽြႃး၊ ဝႃႈ​ၼင်ႇ​ၼႆ​လႄႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​ၸူႉ​ၵၼ်​တုမ်​ၵၼ် ၵႃႈ​တီႈ​မၼ်း ၵႃႈ​တီႈ​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။ ၵမ်း​လိုၼ်း ၶဝ်​ဢမ်ႇ​လႆႈ​ဢွၼ်​ၵၼ်​ၸွမ်း​သၽေႃး တၢင်း​ဢၼ်​ႁူဝ်​ၸႂ်​ၶဝ် ဢၼ်​ႁၢႆႉ​ဢၼ်​ယုတ်ႈ​ၼၼ်ႉ ၵမ်​ၵျၢင်ႉ​ၵႅၼ်ႇ​ၵႅၼ်ႇ​ၶႅင်​ၶႅင်​ၼၼ်ႉ။-</verse>
				<verse number="18">ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ၼၼ်ႉ မဵဝ်း​ ယူႉတႃႉ တၵ်း​ႁူမ်ႈ​ပွင်း​လူၺ်ႈ​ၵၼ်​တင်း မဵဝ်း​ ဢီႉသရေႇလႃႉ ယူႇ​သေ​လႄႈ လုၵ်ႉ​သေ​ၵႃႈ​တီႈ​ၼႃႈ တၢင်း​ႁွင်ႇ​မႃး မုၵ်ႉ​လဵဝ်​ၸိူဝ်း​လဵဝ်​ၵူၺ်း​လႄႈ ႁွတ်ႈ​ထိုင်​ၵႃႈ​တီႈ​မိူင်း​ဢၼ်​ၵဝ်​လႆႈ​ပၼ်​ပုၼ်ႈ​ဢၼ် ပူႇ​သူ​မွၼ်ႇ​သူ ၶၢမ်ႇ​ဢမူၺ်ႇ​ၼၼ်ႉ​ဢေႃႈ။</verse>
				<verse number="19">ၵူၺ်း​ၵႃႈ​ၵဝ်​ထၢမ်​လႄႈ​ဝႃႈ၊ ၵဝ်​တၵ်း​လႆႈ​ဢဝ်​မႂ်း​ဝႆႉ ၵႃႈ​ၼႂ်း​လုၵ်ႈ​လၢင်း တင်း​လၢႆ​လႄႈ ဢဝ်​မိူင်း​ဢၼ်​သႃႇ​ယႃႇ၊ မိူင်း​တီႈ​ဢၼ်​ၶၢမ်ႇ​ဢမူၺ်ႇ ဢၼ်​မုၼ်ႈ​ယႂ်ႇ ပဵၼ်​ၸိၵ်း​ပဵၼ်​ၸွမ်​မိူင်း​တင်း​လၢႆ​ၼၼ်ႉ ပၼ်​တီႈ​မႂ်း​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​လႄႈ သမ်ႉ​လၢတ်ႈ​လႄႈ​ဝႃႈ၊ မႂ်း​တၵ်း​လႆႈ ႁွင်ႉ​ႁဵၵ်ႈ​ၵဝ် ပေႃႈ​လႄႈ ဢမ်ႇ​လႆႈ​ဝႄႈ​ပိူင်ႈ​ၵဝ်​သေ​လႄႈ​ၵႂႃႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မဵဝ်း​ ဢီႉသရေႇလႃႉ ​ဢိူၺ်း၊ ၸိူဝ်ႉ​ၼင်ႇ မေး​ဢၼ်​ယႃႉ​သဵတ်ႈ​ၸႃႇ​ၼၼ်ႉ၊ ယႃႉ​သဵတ်ႈ​ၸႃႇ​တီႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="21">လႆႈ​ငိၼ်း​သဵင်​ၵႃႈ​ၼိူဝ် တီႈ​ဢၼ်​သုင်​တင်း​လၢႆ ဢၼ်​ဝႃႈ တၢင်း​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႆႈ​ႁွင်ႉ ဢိၵ်ႇ​တင်း တၢင်း​ဢၼ်​ၶဝ်​တွင်း​ပၢၼ်ႇ​ၼၼ်ႉ​ယဝ်ႉ။ လွင်ႈ​မၼ်း​ၸမ်ႉ ၶဝ်​ဢွၼ်​ၵၼ် ၽိတ်း​တၢင်း​ပိူင်ႈ​တၢင်း​လႄႈ လူင်​လိုမ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၶဝ်​ပႅတ်ႈ​ယဝ်ႉ။-</verse>
				<verse number="22">လုၵ်ႈ​လၢင်း​ဢၼ်​ၽွၵ်ႈ​ပျၢၼ်ႇ​ၶိုၼ်း​ၶဝ်​ဢိူၺ်း၊ ဢွၼ်​ၵၼ်​ၶိုၼ်း​မႃး​သေ​ၵမ်း။ ၵဝ်​တၵ်း​ႁဵတ်း​ႁႂ်ႈ တၢင်း​ဢၼ်​ၽွၵ်ႈ​ပျၢၼ်ႇ​ၶိုၼ်း​ၼၼ်ႉ သၢၵ်ႈ​သႃႇ​ၶႅၼ်း​မႃး​ဢေႃႈ။ ၶဝ်​ၵေႃႈ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ်​မႃး​ၸူး​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ ၸဝ်ႈ​ႁဝ်း​ပဵၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ​ဢေႃႈ။-</verse>
				<verse number="23">ၵုင်း​တင်း​လၢႆ ဢိၵ်ႇ​တင်း သၼ်​လွႆ​ၼမ်​ၼႃႇ​ၸိူဝ်း​ၼၼ်ႉ ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင် ဢမၢၼ်ႇ​ၶၼ်​ပဵၼ်​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​ၼၼ်ႉ ပဵၼ်​လွင်ႈ​ဢၼ် ၵႄႇ​သႄႇ​ၶျွတ်ႈ​ဢဝ် မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="24">လွင်ႈ​တၢင်း​ဢၼ်​လီ​ဢူၵ်း​လီ​ဢၢႆ​ၼၼ်ႉ ၵိၼ်​ဢုၵ်ႉ​ၸႃႇ​ၸေး​ၸိမ်ႇ​မွၼ်ႇ​ႁဝ်း ဢၼ်​ဝႃႈ ၽုင်​သူဝ်း​ၽုင်​ဝူဝ်း၊ လုၵ်ႈ​ၸၢႆး​လုၵ်ႈ​ယိင်း တင်း​လၢႆ ၸႃႉ​ၸဵမ်​မိူဝ်ႈ​ဢသၢၵ်ႈ​ႁဝ်း ယင်း​လဵၵ်ႉ​ယင်း​ဢွၼ်ႇ​ၼၼ်ႉ​လႄႈ သဵင်ႈ​မူတ်း​ယဝ်ႉ။-</verse>
				<verse number="25">ႁႂ်ႈ​ႁဝ်း​လႆႈ​ဢွၼ်​ၵၼ် ဢူၵ်း​ဢၢႆ​ယူႇ​သေ​လႄႈ ၼွၼ်း​တႃႉ။ ႁႂ်ႈ​တၢင်း​ဢၼ်​သရေႇ​ႁဝ်း​လူႉ​ၼၼ်ႉ ႁူမ်ႇ​သုမ်ႇ​ႁဝ်း​ယူႇ​တႃႉ။ လွင်ႈ​မၼ်း​ၸမ်ႉ ႁဝ်း​ဢိၵ်ႇ​တင်း​ပူႇ​မွၼ်ႇ​ႁဝ်း ဢွၼ်​ၵၼ်​ၽိတ်း​ပိူင်ႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ၸႃႉ​ၸဵမ်​မိူဝ်ႈ​ဢၼ်​ဢသၢၵ်ႈ​ယင်း​လဵၵ်ႉ​ယင်း​ဢွၼ်ႇ​ၼၼ်ႉ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​လႄႈ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="4">
				<verse number="1">မဵဝ်း​ ဢီႉသရေႇလႃႉ ​ဢိူၺ်း၊ ပေႃး​မႂ်း​မီး​ဢလူဝ်ႇ ၶႂ်ႈ​ၶိုၼ်း​မႃး​တီႈ​ၵဝ်​ၸိုင်၊ ၶိုၼ်း​မႃး​သေ​ၵမ်း။ ပေႃး​မႂ်း​မီး​ဢလူဝ်ႇ​ၶႂ်ႈ​ပႄႇ​ပႅတ်ႈ လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​မႂ်း​ၸိူဝ်း​ၼၼ်ႉ သေ​ၵႃႈ​တီႈ သိုဝ်ႈ​ၼႃႈ​တႂ်ႈ​တႃ​ၵဝ်​ၸိုင် မႂ်း​ဢမ်ႇ​လႆႈ​ၶၢႆႉ​တီႈ​ၶၢႆႉ​လႅၼ်။-</verse>
				<verse number="2">မႂ်း​တၵ်း​လႆႈ​ဢဝ် တၢင်း​ဢၼ်​ပႂ်ႉ​သဵတ်ႈ​ၸႃႇ၊ တၢင်း​ဢၼ် ၸီႇ​ယၢင်ႇ​ၸွမ်း​ၼင်ႇ​တြႃး၊ တၢင်း​ဢၼ်​သိုဝ်ႈ​တေႃႇ​သေ​လႄႈ တိူင်ႇ​ဝႃႈ ၵိၼ်ႇ​ဝႃႈ​လႄႈ​ဝႃႈ၊ ထႃႇဝရႃႉ​ၽြႃး ဢသၢၵ်ႈ​လိပ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၵေႃႈ တၵ်း​ဢွၼ်​ၵၼ်​ဢဝ် မၼ်း​ၸဝ်ႈ ပၼ်​တၢင်း​လီ​တီႈ​တူဝ်​ၸဝ်ႈ​ၵဝ်ႇ​လႂ်​လႄႈ ဢိင်​ပိုင်ႈ မၼ်း​ၸဝ်ႈ​ယူႇ​သေ​လႄႈ ဢုပ်ႇ​ဝၢဝ်း​ၸူမ်း​သိူဝ်း​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="3">ထႃႇဝရႃႉ​ၽြႃး မီး​ဢမိင်ႉ တီႈ​ၵူၼ်း​မိူင်း​ ယူႉတႃႉ ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​ၸမ်ႉ၊ ဢွၼ်​ၵၼ်​ထႆ​ၼႃး​သူ​တႃႉ။ ယႃႇ​ပေ​ဢွၼ်​ၵၼ် ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​ၼႂ်း​တူၼ်ႈ​ၼၢမ် တင်း​လၢႆ။-</verse>
				<verse number="4">ၵူၼ်း​မိူင်း​ ယူႉတႃႉ ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ ဢွၼ်​ၵၼ်​ၶၢမ်ႇ​မင်ႇၵလႃႇ​တၢင်း​ဢၼ် ထိူဝ်​ႁိမ်း​ပုၼ်ႈ ထႃႇဝရႃႉ​ၽြႃး လႄႈ ထိူဝ်​ႁိမ်း​ပၢႆ​ၼင်​ႁူဝ်​ၸႂ်​သူ​ပႅတ်ႈ​တႃႉ။ ပေႃး​ဢမ်ႇ​ၼၼ် တၢင်း​ၸႂ်​မႆႈ​ၶႆႈ​ၸႃႉ​ၵဝ်​တၵ်း​ဢွၵ်ႇ​ၸိူဝ်ႉ​ၼင်ႇ​ၽႆး​လႄႈ မႆႈ​တေႃႇ​ထိုင်​ႁွတ်ႈ​ထၼ်ႈ​ပေႃး​ၽူႈ​လႂ် ဢမ်ႇ​မွတ်ႇ​လႆႈ ၵွပ်ႈ​ပိူဝ်ႈ​ဢၼ် တၢင်း​ၵမ်​တၢင်း​ၵျၢင်ႉ​သူ ပဵၼ်​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​ဢေႃႈ။</verse>
				<verse number="5">ဢွၼ်​ၵၼ် ႁွင်ႉ​ပၢဝ်ႇ​ႁွင်ႉ​သေႃႇ ၵႃႈ​ၼႂ်း​မိူင်း​ ယူႉတႃႉ ​လႄႈ ႁႂ်ႈ​ငိၼ်း​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​တႃႉ။ ဢွၼ်​ၵၼ်​မွၵ်ႇ​လၢတ်ႈ​လႄႈ​ဝႃႈ၊ ပဝ်ႇ​ၼႄးၶရႃႇ​ၵႃႈ​ၼႂ်း​ဝၢၼ်ႈ ၼႂ်း​မိူင်း​တႃႉ၊ ဝႃႈ​ၼင်ႇ​ၼႆ​တႃႉ။ ဢွၼ်​ၵၼ် ၵိဝ်​သဵင်​လႄႈ​လၢတ်ႈ​ဝႃႈ၊ ၸူႉ​ၵၼ်​တုမ်​ၵၼ်​လႄႈ ၶဝ်ႈ​ၵႃႈ​ၼႂ်း​ဝဵင်း​ဢၼ်​မၼ်ႈ​ၶိူင်ႇ​တင်း​လၢႆ​တႃႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="6">ဢွၼ်​ၵၼ်​ပူၵ်း​လၢမ်ႇ​ၸူး လွႆ​ ၸီႉဢုၼ်ႇ ​တႃႉ။ ဢွၼ်​ၵၼ်​ပၢႆႈ​ႁႂ်ႈ​လွတ်ႈ​တႃႉ။ ယႃႇ​ပေ​ဢွၼ်​ၵၼ်​ၵိုတ်း​ယူႇ​သဝ်း​ယူႇ။ လွင်ႈ​မၼ်း​ၸမ်ႉ ၵဝ်​တၵ်း​ဢဝ်​ၽေး​ဢူႉ​ပၢတ်ႈ ဢိၵ်ႇ​တင်း တၢင်း​ဢၼ်​လူႉ​ဢၼ်​လႅဝ် ဢၼ်​ယႂ်ႇ​ၼႃႇ​လူင်​လၢင် လုၵ်ႉ​သေ​ၵႃႈ​တီႈ​ၼႃႈ​တၢင်း​ႁွင်ႇ မႃး​ဢေႃႈ။-</verse>
				<verse number="7">သၢင်ႇ​သီႈ​ဢွၵ်ႇ​သေ ၵႃႈ​ၼႂ်း​ယုမ်း​တီႈ​ယူႇ​မၼ်း​မႃး​ယဝ်ႉ။ ၵေႃႉ​ဢၼ်​ယႃႉ​ၵူၼ်း ၵူႈ​ၸိူဝ်ႉ​ၵူႈ​ၶိူဝ်း​ပႅတ်ႈ​ၼၼ်ႉ ယင်း​တိုၵ်ႉ​ၸွမ်း​သဵၼ်ႈ​တၢင်း​မႃး​ယူႇ​ဢေႃႈ။ မၼ်း​ဢွၵ်ႇ​သေ​ၵႃႈ​ၼႂ်း တီႈ​ယူႇ​မၼ်း မႃး​ႁႂ်ႈ​လႆႈ​ႁႂ်ႈ​မိူင်း​မႂ်း ပဵၼ်​တီႈ​ဢၼ် သဵတ်ႇ​ၵူၼ်း​ယဵၼ်​ၵူၼ်း​လႄႈ ႁႂ်ႈ​ဝဵင်း​မႂ်း​တင်း​လၢႆ လူႉ​လႅဝ် တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​မီး​ၵူၼ်း​လႃး​လႃး​ဢေႃႈ။-</verse>
				<verse number="8">ၵွပ်ႈ​ပိူဝ်ႈ​လွင်ႈ​ၼႆႉ​လႄႈ ဢွၼ်​ၵၼ်​ဢဝ်​ၼင်​ပေႃ​ႁတ်ႉ​ဢႅဝ်​ယူႇ​သေ​လႄႈ တူပ်း​ႁူဝ်​ဢူၵ်း​လႄႈ ႁွင်ႉ​ႁႆႈ​ႁွင်ႉ​သႅၼ်ႇ​တႃႉ။​လွင်ႈ​မၼ်း​ၸမ်ႉ တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး ဢၼ်​ႁၢဝ်ႈ​ၵျၢမ်း​ၼႃႇ​ၼၼ်ႉ ဢမ်ႇ​ပႆႇ​ဝၢႆႇ​ၶိုၼ်း​သေ​ၵႃႈ​တီႈ​ႁဝ်း။-</verse>
				<verse number="9">မိုဝ်ႉ​ဝၼ်း​ၼၼ်ႉ ၶုၼ်​ႁေႃ​ၶမ်း ဢိၵ်ႇ​တင်း မူး​မၢတ်ႈ​ၽွင်း​မိူင်း​တင်း​လၢႆ တၵ်း​ဢွၼ်​ၵၼ်​ၸႂ်​လူႉ​လႄႈ ယိတ်ႈပရေႃးႁဵၵ်ႈ တင်း​လၢႆ တၵ်း​မီး​တၢင်း​ဢၼ် မဝ်း​မိင်း​ၵႂင်​ၸႂ်​ယုင်ႈ​ၸႂ်​ယူႇ​သေ​လႄႈ ပရေႃးၽႅတ်ႈ တင်း​လၢႆ တၵ်း​မီး​တၢင်း​ဢၼ် တူၵ်း​ၸႂ်​ဢၢမ်း​ၼႃႇ​ယူႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="10">မိူဝ်ႈ​ၼၼ်ႉ ၵဝ်​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း ပႅတ်ႉ​လႅၼ်​ၵူၼ်း​ၸိူဝ်း​ၼႆႉ ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​ၼႃႇ​လူင်​လၢင် ၼႂ်း​လွင်ႈ​ဢၼ်​ၸဝ်ႈ​ႁဝ်း​မီး​ဢမိင်ႉ​လႄႈ​ဝႃႈ၊ သူ​တၵ်း​ဢွၼ်​ၵၼ် မီး​တၢင်း​ဢၼ်​ၼိမ်​လီ​ယူႇ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ လၢပ်ႇ​သၢၼ်ႇ​လျၢၵ်ႉ ပၢတ်ႇ​ၵႂၢင်ႈ ႁႂ်ႈ​ထၼ်ႈ​ပေႃး​တိူဝ်ႉ​ဢသၢၵ်ႈ​ယူႇ​ၼၼ်ႉ တီႈ​ၶႃႈ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၶိင်ႇ​မိူဝ်ႈ​ၼၼ်ႉ တၵ်း​လႆႈ​လၢတ်ႈ တီႈ​ၵူၼ်း​ၸိူဝ်း​ၼႆႉ ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​လႄႈ​ဝႃႈ​ၸမ်ႉ၊ လူမ်း​ဢၼ်​မႆႈ ဢၼ်​ႁွၼ်ႉ​ၼၼ်ႉ တၵ်း​လုၵ်ႉ​သေ​ၵႃႈ​တီႈ ဢၼ်​သုင်​တင်း​လၢႆ ၵႃႈ​ၼႂ်း​ထိူၼ်ႇ​ၼၼ်ႉ​မႃး​ၸူး ၵႃႈ​တီႈ​လုၵ်ႈ​ယိင်း​ၵူၼ်း​မဵဝ်း​ၵဝ် ပုၼ်ႈ​ဢၼ်​တၵ်း​ထူဝ်း​၊တၵ်း​ထွင်း ဢမ်ႇ​ၸႂ်ႈ၊ ပုၼ်ႈ​ဢၼ်​တၵ်း ႁႂ်ႈ​မူတ်း​လီ​သႂ်​လီ​ဢမ်ႇ​ၸႂ်ႈ။-</verse>
				<verse number="12">လူမ်း​ဢၼ်​ႁႅင်း​ယႂ်ႇ​ၼႃႇ တၵ်း​လုၵ်ႉ​သေ​ၵႃႈ​တီႈ​ၸိူဝ်း​ၼၼ်ႉ မႃး​ႁႂ်ႈ​ဢလူဝ်ႇ​ၵဝ်​ထၼ်ႈ​ပေႃး လႆႈ​ပျေႉ​ၸုမ်ႇ​ဢေႃႈ။ တေႃႈ​လဵဝ်​ၼႆႉ ၵဝ်​ၵေႃႈ တၵ်း​ၸႅတ်ႈ​ထၢမ်​ၸီႇ​ယၢင်ႇ ၸွမ်း​ၼင်ႇ​တြႃး​တီႈ​ၶဝ်​ဢေႃႈ။</verse>
				<verse number="13">တူၺ်း​လူး၊ ၶုၼ်​ၼၼ်ႉ​တၵ်း​မႃး​မိူၼ်​ၸိူဝ်ႉ​ၼင်ႇ ၽႃႈ​ၽူၼ်၊ လေႃႉ​ရထႃး​မၼ်း​ၸိူဝ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​လူမ်း​ၽိဝ်ႇ​ႁုင်​ဢေႃႈ။ မႃႉ​မၼ်း​ၸိူဝ်း​ၼၼ်ႉ ၶၼ်​ၽႂ်း​လိူဝ်​တွၼ်း​ၼႃႇ​သေ လၢင်း​တႃႉ​ၶမ်း​ဢေႃႈ။ ႁဝ်း​မီး​ဢႃႉ​မင်ႇၵလႃႇ​ဢေႃႈ။ ႁဝ်း​ႁွတ်ႈ​ထိုင် တၢင်း​လူႉ​တၢင်း​လႅဝ်​ယဝ်ႉ။-</verse>
				<verse number="14">ဝဵင်း​ ယေႇရူႉသလႅမ်ႇ ​ဢိူၺ်း၊ လွင်ႈ​ၼင်ႇ​ႁိုဝ် တၵ်း​ႁွတ်ႈ​ထိုင် တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၸိုင် သုၵ်ႈ​ပွတ်ႇ​ႁူဝ်​ၸႂ်​မႂ်း ႁႂ်ႈ​ၵၢင်း​လွတ်ႈ​တင်း​တူႉ​ၸရိူၵ်ႈ​ဢပႅတ်ႈ​တႃႉ။ တၢင်း​ၵျၢမ်ႇ​တၢင်း​ပွင်​မႂ်း​ဢၼ် လၢႆ​လၢႆ​လွၵ်ႇ​လွၵ်ႇ ၸိူဝ်း​ၼၼ်ႉ တၵ်း​တႄႇ​ယူႇ​ၵႃႈ​ၼႂ်း​မႂ်း ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။-</verse>
				<verse number="15">သဵင်​လၢတ်ႈ​ထိုင်​မွၵ်ႇ​ထိုင်​ဢွၵ်ႇ​သေ ၵႃႈ​တီႈ​မိူင်း​ တၢၼ်ႇ မႃး​လႄႈ ႁွင်ႉ​ပၢဝ်ႇ​ႁွင်ႉ​လၢတ်ႈ သတၢင်း​သဵင်​ၶၢဝ်ႇ​တုၵ်ႉ​ၶႃႉ ဢွၵ်ႇ​သေ​ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​မႃး​ဢေႃႈ။-</verse>
				<verse number="16">ဢွၼ်​ၵၼ်​လၢတ်ႈ​ထိုင်​မွၵ်ႇ​ထိုင် သတၢင်း​သဵင်​ၶၢဝ်ႇ တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​တႃႉ။ တူၺ်း​လူး၊ ဢွၼ်​ၵၼ်​မွၵ်ႇ​လၢတ်ႈ သတၢင်း သဵင်​ၶၢဝ်ႇ​ယူႇ​ၽၢႆႇ​ၼိုင်ႈ တင်း​ဝဵင်း​ ယေႇရူႉသလႅမ်ႇ ​တႃႉ။ ၵူၼ်း​ပႂ်ႉ​ၵၢင်​တင်း​လၢႆ တၵ်း​ဢွၼ်​ၵၼ်​လုၵ်ႉ​သေ ၵႃႈ​တီႈ​မိူင်း​ဢၼ်​ၵႆ​မႃး​လႄႈ ႁွင်ႉ​ႁဵၵ်ႈ​သဵင်​ၶၢဝ်ႇ ယူႇ​ၽၢႆႇ​ၼိုင်ႈ တင်း​ဝဵင်း​ ယူႉတႃႉ ​တင်း​လၢႆ​ဢေႃႈ။-</verse>
				<verse number="17">ၶဝ်​ဢွၼ်​ၵၼ် လွမ်ႉ​လဵပ်ႈ​ႁွပ်ႈ​ဝႆႉ မိူၼ်​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ် ပႂ်ႉ​ႁႆႊ​ပႂ်ႉ​ၼႃး​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မိူင်း​ၼၼ်ႉ ပုင်ႇ​ၵၢၼ်ႇ​ၵဝ်​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="18">သဵၼ်ႈ​တၢင်း​ဢၼ်​မႂ်း​ၸွမ်း ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ ဢၼ်​မႂ်း​ၵမ်​ၵျၢင်ႉ​ၸိူဝ်း​ၼၼ်ႉ ႁႂ်ႈ​လွင်ႈ​တၢင်း​ၸိူဝ်း​ၼႆႉ တူၵ်း​ႁွတ်ႈ​ၵႃႈ​ၼိူဝ်​မႂ်း​ယဝ်ႉ။ ဢၼ်​ၸိူဝ်း​ၼႆႉ ပဵၼ်​တၢင်း​ဢၼ်​ႁၢႆႉ ဢၼ်​ယုတ်ႈ​မႂ်း​လႄႈ ပဵၼ်​ဢၼ်​ၶူမ်​ဢၼ်​ၽဵတ်း ႁႂ်ႈ​ၸႂ်​မႂ်း​လႆႈ​ၸဵပ်း​လႆႈ​မူၺ်ႈ​ဢေႃႈ။</verse>
				<verse number="19">တပ်း​ပွတ်ႇ​ႁူဝ်​ၸႂ်​ၵဝ်​ဢိူၺ်း၊ တပ်း​ပွတ်ႇ​ႁူဝ်​ၸႂ်​ၵဝ်​ဢိူၺ်း၊ ပဵမ်ႉ​ႁူဝ်​ၸႂ်​ၵဝ်​ၼႆႉ ၸဵပ်း​ၼႃႇ​လႄႈ ႁူဝ်​ၸႂ်​ၵဝ်​ၶၢင်း​ၶီ​ၶၢင်း​ၽၢၼ် ၵႃႈ​ၼႂ်း​ၵဝ်​ဢေႃႈ။ ၵဝ်​ဢမ်ႇ​တဵတ်ႇ​တဵတ်ႇ​ယူႇ​လႆႈ။ လွင်ႈ​မၼ်း​ၸမ်ႉ ဝီႉၺိၺ်ႇ​ၵဝ်​ဢိူၺ်း၊ မႂ်း​လႆႈ​ငိၼ်း​သဵင်​ပဝ်ႇ​ၼႄးၶရႃႇ ဢိၵ်ႇ​တင်း​သဵင်​တိုၵ်း​သိုၵ်း​ဢေႃႈ။-</verse>
				<verse number="20">လႆႈ​ႁွင်ႉ​ပၢဝ်ႇ​ႁွင်ႉ​သေႃႇ​လႄႈ​ဝႃႈ၊ လူႉ​လႅဝ်​ယဝ်ႉ၊ လူႉ​လႅဝ်​ယဝ်ႉ၊ ဝႃႈ​ၼင်ႇ​ၼႆ​ယူႇ ၶိူဝ်း​ၶိူဝ်း​ယႂ်း​ယႂ်း​ဢေႃႈ။ လူႉ​လႅဝ်​ၵႂႃႇ​တင်း​ဝၢၼ်ႈ တင်း​မိူင်း​ယဝ်ႉ။ သုမ်ႉ​ထဵင်​ၵဝ်​ၸိူဝ်း​ၼၼ်ႉ ၶီႉ​ၶႃႉ​လူႉ​လႅဝ်​ၵႂႃႇ​ယဝ်ႉ။ ၽႃႈ​ၵင်ႈ​ၵဝ်​ၸိူဝ်း​ၼၼ်ႉ လူႉ​လႅဝ်​ၵႂႃႇ ၼႂ်း​ၸူဝ်ႈ​ဢွၼ်ႇ​ၵမ်း​ဢွၼ်ႇ​ၼိုင်ႈ ၵူၺ်း​ဢေႃႈ။-</verse>
				<verse number="21">ၵဝ်​တၵ်း​လႆႈ​ႁၼ်​လၢမ်ႇ​ယူႇ​လႄႈ ငိၼ်း​သဵင်​ၼႄးၶရႃႇ ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။-</verse>
				<verse number="22">ၵူၼ်း​ၵဝ်​တင်း​လၢႆ ပဵၼ်​ဢၼ်​ငိူဝ်ႈ​ဢၼ်​ငဝ် ဢမၢၼ်ႇ​ၶၼ်​ပဵၼ်​လႄႈ ဢမ်ႇ​ႁူႉ​ၸၵ်း​ၵဝ်။ ၶဝ်​ပဵၼ်​လုၵ်ႈ​ဢွၼ်ႇ ဢၼ်​မိူၵ်ႈ​လႄႈ ဢမ်ႇ​မီး​ၺၢၼ်ႇ။ ၶဝ်​ဢွၼ်​ၵၼ်​လၵ်း​လႅမ် ၼႂ်း​လွင်ႈ​တၢင်း​ဢၼ် ႁဵတ်း​ဢမ်ႇ​လီ​ဢမ်ႇ​ငၢမ်း​ၵူၺ်း​ဢေႃႈ။ ၶဝ်​ဢမ်ႇ​ဢွၼ်​ၵၼ် ႁူႉ​လွင်ႈ​ဢၼ် ႁဵတ်း​လွင်ႈ​တၢင်း​ဢၼ်​လီ​ဢၼ်​ငၢမ်း။</verse>
				<verse number="23">ၵဝ်​လူ​တူၺ်း​လိၼ်​မိူင်း​လႄႈ မၼ်း​ဢမ်ႇ​မီး​ႁၢင်ႈ​ၽၢင်​လႄႈ ပဵၼ်​ဢၼ်​ပဝ်ႇ​လၢပ်ႈ​ဝႆႉ​ဢေႃႈ။ ၽႃႉ​ၵၢင်​ႁၢဝ်​ၵေႃႈ ၵဝ်​လူ​တူၺ်း​လႄႈ​မၼ်း​ဢမ်ႇ​မီး​ဢၼ်​လႅင်း။-</verse>
				<verse number="24">လွႆ​တင်း​လၢႆ​ၵေႃႈ ၵဝ်​လူ​တူၺ်း​လႄႈ ၶဝ်​သၼ်ႇ​ဝႆ​ယူႇ​ဢေႃႈ။ ၵုင်း​ၵႃႈ​မီး​ၵေႃႈ တူင်ႉ​ၼိုင်​ယူႇ​ဢေႃႈ။-</verse>
				<verse number="25">ၵဝ်​လူ​တူၺ်း​လႄႈ ဢမ်ႇ​မီး​ၵူၼ်း​လႃး​လႃး။ ၼူၵ်ႉ​ၼိူဝ်​ၽႃႉ​ၵၢင်​ႁၢဝ်​ၵႃႈ​မီး ဢွၼ်​ၵၼ်​ဢွၵ်ႇ​ပၢႆႈ​ယဝ်ႉ။-</verse>
				<verse number="26">ၵဝ်​လူ​တူၺ်း​လႄႈ ပၢင်ႇ​ပဵင်း​တီႈ​ဢၼ်​ပျေႉ​ၸုမ်ႇ​ဝႆႉ တင်း​မၢၵ်ႇ​တင်း​ႁူင်း​ၼၼ်ႉ ပဵၼ်​ထိူၼ်ႇ​ၵႂႃႇ​ယဝ်ႉ။ ဝဵင်း​မၼ်း​ၵႃႈ​မီး​ပဵၼ်​ဢၼ်​ၵိူၼ်ႇ​ပင်း​ယူႇ ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး ဢိၵ်ႇ​တင်း ၵႃႈ​တီႈ​ၽၢႆႇ​ၼႃႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ဢၼ်​ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="27">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူင်း​တင်း​မိူင်း​တၵ်း​ပဵၼ် တီႈ​ဢၼ်​လူႉ​လႅဝ်​ၵႂႃႇ​လႄႈ ၵူၺ်း​ၵႃႈ​ၵဝ်​တၵ်း​ဢမ်ႇ​ႁဵတ်း ႁႂ်ႈ​ပဵၼ်​တၢင်း​ဢၼ် လူႉ​လႅဝ်​ပႅတ်ႈ​မူတ်း​မူတ်း​သဵင်ႈ​သဵင်ႈ။-</verse>
				<verse number="28">ပိူဝ်ႈ​ၼႆ​လႄႈ လိၼ်​မိူင်း တၵ်း​ၶၢင်း​ၶီ​ၶၢင်း​ၽၢၼ်​လႄႈ ၽႃႉ​ၵၢင်​ႁၢဝ် တၵ်း​ပဵၼ်​ဢၼ်​လမ်​ၵႂႃႇ​ဢေႃႈ။ ၵဝ်​လၢတ်ႈ​ယဝ်ႉ​ယဝ်ႉ၊ ၵဝ်​ၵျၢမ်ႇ​ပွင်​ယဝ်ႉ​ယဝ်ႉ။ ၵဝ်​ဢမ်ႇ​မီး​တၢင်း​ဢၼ်​မႆႈ​ၸႂ်​ၵွပ်ႈ။ ၵဝ်​တၵ်း​ဢမ်ႇ​သုတ်ႉ​ၶိုၼ်း ယိုတ်း​ၶိုၼ်း။-</verse>
				<verse number="29">ၵူၼ်း​ဝဵင်း​တင်း​သဵင်ႈ​တင်း​လူင် တၵ်း​ဢွၼ်​ၵၼ်​ဢွၵ်ႇ​ပၢႆႈ ၵွပ်ႈ​ပိူဝ်ႈ​သဵင်​ဢၼ် ၵူၼ်း​သိုၵ်း​ၶီႇ​မႃႉ ဢိၵ်ႇ​တင်း ၵူၼ်း​သိုၵ်း​ဢၼ်​ယိပ်း​ၵၢင်ႇ​ၸိူဝ်း​ၼၼ်ႉ သႅၼ်ႇ​ႁွင်ႉ​ၼၼ်ႉ​လႄႈ ၵႂႃႇ​ၸူး​ၵႃႈ​တီႈ​လူင် တီႈ​ထိူၼ်ႇ​သေ​လႄႈ ၶိုၼ်ႈ​ၵႃႈ​ၼိူဝ် မၢၵ်ႇ​ႁိၼ်​မၢၵ်ႇ​ၽႃ​ဢေႃႈ။ ဝဵင်း​ၵႃႈ​မီး​လႆႈ​ၶၢမ်ႇ တၢင်း​ဢၼ်​ၸုၼ်ႉ​ပႅတ်ႈ​ယဝ်ႉ​လႄႈ ဢမ်ႇ​မီး​ၵေႃႉ​ဢၼ်​ယူႇ​ဢၼ်​သဝ်း ၵႃႈ​ၼႂ်း​မၼ်း​သေ​ၵေႃႉ​သေ​ၵူၼ်း။-</verse>
				<verse number="30">မႂ်း​ၼႆႉ မိူဝ်ႈ​ဢၼ် ႁွတ်ႈ​ထိုင် တၢင်း​ဢၼ်​လူႉ​လႅဝ်​ၼၼ်ႉ​ၸိုင် တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်။ ပိၵ်ႉ​သမ်ႉ​မႂ်း​ၼုင်ႈ​ၶူဝ်း​ၼုင်ႈ ဢၼ်​လႅင်​ၵမ်ႇ၊ပိၵ်ႉ​သမ်ႉ​မႂ်း​ႁၢင်ႈ​ၶိူင်ႈ ၶိူင်ႈ​ၶမ်း၊ ပိၵ်ႉ​သမ်ႉ​မႂ်း​တႃး​ယႃႈ​ယႃ တေႃႇ​ထိုင်​ႁွတ်ႈ ၼႃႈ​မႂ်း​ထၼ်ႈ​ပေႃး​ယွၵ်း ပေႃး​ၶၢတ်ႇ​သေ​ၵေႃႈ၊ မႂ်း​ၼႄ​ပျႃး​တၢင်း​ဢၼ် ႁၢင်ႈ​လီ​ၽၢင်​ငၢမ်း​မႂ်း လၢႆ​လၢႆ​လွၵ်ႇ​လွၵ်ႇ ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။ ၸူႉ​မႂ်း​ၸိူဝ်း​ၼၼ်ႉ ဢွၼ်​ၵၼ်​ၸုၼ်ႉ​ပႅတ်ႈ​မႂ်း​လႄႈ ၵျၢမ်ႇ​ႁႃ​ႁႂ်ႈ​လႆႈ​ဢဝ်​ဢသၢၵ်ႈ​မႂ်း​တၢႆ​ဢေႃႈ။-</verse>
				<verse number="31">ၵဝ်​လႆႈ​ငိၼ်း​သဵင်​ဢၼ် မိူၼ်​ၸိူဝ်ႉ​ၼင်ႇ သဵင်​မႄႈ​ယိင်း ဢၼ်​ၵိူတ်ႇ​လဵင်ႉ​လုၵ်ႈ​ၼၼ်ႉ၊ သဵင်​ဝူၺ်ႇတၼႃႇ ဢၼ်​မိူၼ်​ၸိူဝ်ႉ​ၼင်ႇ သဵင်​မႄႈ​ယိင်း ဢၼ်​ၵိူတ်ႇ​လဵင်ႉ​လုၵ်ႈ​ႁူဝ်​သၢဝ်​ၼၼ်ႉ ဢၼ်​ဝႃႈ သဵင်​လုၵ်ႈ​ယိင်း​ ၸီႉဢုၼ်ႇ ဢၼ်​ထူၺ်ႈ​ၸႂ်​သဝ်ႇ​ၸႂ်​လူင် သေ​လႄႈ ဢႃႈ​မိုဝ်း​မၼ်း​ယူႇ​လႄႈ လၢတ်ႈ​လႄႈ​ဝႃႈ၊ ၵဝ်​မီး​ဢႃႉ​မင်ႇၵလႃႇ​ဢေႃႈ။ ၸႂ်​ၵဝ်​လူႉ​ၵႂႃႇ​ၵွပ်ႈ​ပိူဝ်ႈ ၵူၼ်း​ဢၼ်​ဢဝ်​တၢႆ​ၸိူဝ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">ဢွၼ်​ၵၼ် ၶုၼ်ႇ​လႅၼ်ႈ​ၵႂႃႇ​လႅၼ်ႈ​မႃး ၵႃႈ​ၼႂ်း​သဵၼ်ႈ​တၢင်း​ဝဵင်း​ ယေႇရူႉသလႅမ်ႇ ​တင်း​လၢႆ​လႄႈ လူ​တူၺ်း​ႁူႉ​ၸႅင်ႈ​ႁႃ​ဢဝ်​ၵႃႈ​တီႈ​ဢၼ် ၵႂၢင်ႈ​လီ​လႃး​လီ​မၼ်း​ၸိူဝ်း​ၼၼ်ႉ ႁႂ်ႈ​လႆႈ​ထူပ်း​ႁၼ်​လွင်ႈ​ဢၼ် မီး​ၵူၼ်း​ဝဵင်း​ဢၼ် ၵမ်​ၵျၢင်ႉ​ၸွမ်း​ၼင်ႇ​တြႃး၊ ၵူၼ်း​ဝဵင်း​ဢၼ်​ပႂ်ႉ​သဵတ်ႈ​ၸႃႇ သေ​ၵေႃႉ​သေ​ၵူၼ်း​ႁိုဝ်​ၼၼ်ႉ​တႃႉ။ ပေႃး​မီး​ၸိုင် ၵဝ်​တၵ်း​ပွႆႇ​လွတ်ႈ​ဢပႅတ်ႈ ဝဵင်း​ၼၼ်ႉ​ဢေႃႈ။-</verse>
				<verse number="2">ပိၵ်ႉ​သမ်ႉ​ၶဝ်​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ် ထႃႇဝရႃႉ​ၽြႃး ဢၼ်​ဢသၢၵ်ႈ​လိပ်း​ယူႇ​ၼၼ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊ ၶဝ်​ဢွၼ်​ၵၼ် ၵိၼ်ႇ​ဝႃႈ ဢမ်ႇ​ၸိုဝ်ႈ​ဢမ်ႇ​ၸႂ်ႈ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="3">ထႃႇဝရႃႉ​ၽြႃး တီႈ​ၶႃႈ၊ မၢၵ်ႇ​တႃ​ၸဝ်ႈ​ႁဝ်း ထွၵ်ႈ​တူၺ်း​သဵတ်ႈ​ၸႃႇ​တြႃး​ယူႇ ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ပိၵ်ႉ​သမ်ႉ​ၸဝ်ႈ​ႁဝ်း​ပၼ်​တၢမ်ႇ တီႈ​ၶဝ်​သေ​ၵေႃႈ ၶဝ်​ဢမ်ႇ​မီး​ၸႂ်​ဢၼ်​ႁဵဝ်ႇ​ၸွပ်ႈ​တီႈ​ၶႃႈ၊ ပိၵ်ႉ​သမ်ႉ​ၸဝ်ႈ​ႁဝ်း ယႃႉ​ၶဝ်​ပႅတ်ႈ​သေ​ၵေႃႈ၊ ၶဝ်​ဢွၼ်​ၵၼ်​ထဵင်​ပႅတ်ႈ တၢင်း​ဢၼ်​သင်ႇ​သွၼ်​သုင်း​မႃႉ​တီႈ​ၶႃႈ​ယဝ်ႉ။ ၶဝ်​ဢွၼ်​ၵၼ် ႁႂ်ႈ​ၼႃႈ​ၶဝ်​ၵႅၼ်ႇ​ၶႅင်​ၼႃႇ​သေ​မၢၵ်ႇ​ႁိၼ်​တီႈ​ၶႃႈ​ယဝ်ႉ။ ၶဝ်​ဢွၼ်​ၵၼ်​တွပ်ႇ​ထဵင်​တၢင်း​ဢၼ် ၶဝ်​တၵ်း​လႆႈ ၶိုၼ်း​လႆႈ​မႃး​ၼၼ်ႉ တီႈ​ၶႃႈ​ယဝ်ႉ။-</verse>
				<verse number="4">ပိူဝ်ႈ​ၼႆ​လႄႈ ၵဝ်​လၢတ်ႈ​လႄႈ​ဝႃႈ၊ ၶဝ်​ၼႆႉ​ပဵၼ်​ၵူၼ်း​ယၢၵ်ႈ​ၵူၼ်း​ၽၢၼ် ဢမၢၼ်ႇ​ၶၼ်​ပဵၼ်​လႄႈ ပဵၼ်​ဢၼ်​မိူၵ်ႈ​ၵွပ်ႈ​ပိူဝ်ႈ ဢၼ်​ၶဝ်​ဢမ်ႇ​ႁူႉ​သဵၼ်ႈ​တၢင်း​ထႃႇဝရႃႉ​ၽြႃး ဢိၵ်ႇ​တင်း​တၢင်း​ဢၼ် ၽြႃး​ပဵၼ်​ၸဝ်ႈ​ၶဝ်​ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။-</verse>
				<verse number="5">ၵဝ်​တၵ်း​ၵႂႃႇ​ၸူး​ၵႃႈ​တီႈ ၵူၼ်း​ယႂ်ႇ​ၵူၼ်း​လူင် တင်း​လၢႆ​လႄႈ လၢတ်ႈ​တီႈ​ၶဝ်​ၵွပ်ႈ​ပိူဝ်ႈ​ဢၼ် ၶဝ်​ႁူႉ​သဵၼ်ႈ​တၢင်း ထႃႇဝရႃႉ​ၽြႃး ဢိၵ်ႇ​တင်း တၢင်း​ဢၼ် ၽြႃး​ပဵၼ်​ၸဝ်ႈ ၶဝ်​ၸီႇ​ယၢင်ႇ​ဝႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵူၺ်း​ၵႃႈ​ၶဝ်​ၼၼ်ႉ​ၽွမ်ႉ​ၵၼ် ႁၵ်း​ၵၢၼ်း​မၼ်း​ၸဝ်ႈ​ပႅတ်ႈ​လႄႈ တႅပ်း​တၢင်း​ဢၼ်​မၼ်း​ၸဝ်ႈ မတ်ႉ​ၽုၵ်ႇ​ဝႆႉ ၸိူဝ်း​ၼၼ်ႉ​ၶၢတ်ႇ​ပႅတ်ႈ​ယဝ်ႉ။-</verse>
				<verse number="6">ပိူဝ်ႈ​ၼႆ​လႄႈ သၢင်ႇ​သီႈ​ဢၼ်​လုၵ်ႉ​သေ ၵႃႈ​ၼႂ်း​ထိူၼ်ႇ​မႃး​ၼၼ်ႉ တၵ်း​ဢဝ်​ၶဝ်​တၢႆ​ဢေႃႈ။ မႃ​ထိူၼ်ႇ​ဢၼ်​ၸၢင်ႈ​လႄႇ​ၵႂႃႇ​လႄႇ​မႃး ၶိင်ႇ​ႁူဝ်​ၶမ်ႈ​ၼၼ်ႉ တၵ်း​ၶူပ်း​ၵိၼ်​ၶဝ်​ဢေႃႈ။ သိူဝ်​ၸုမ်ႈ​တၵ်း​ပႂ်ႉ​ဝဵင်း​ၶဝ် တင်း​လၢႆ​ယူႇ​လႄႈ ၶဝ်​ၵႃႈ​ဢၼ်​ဢွၵ်ႇ​ၵႃႈ​ၼႂ်း​ဝဵင်း​ၵႂႃႇ ၵႃႈ​ၼွၵ်ႈ​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ၶူပ်း​ၶၢတ်ႇ​ပဵၼ်​ပွတ်း​ပဵၼ်​တွၼ်ႈ​ၵႂႃႇ​ဢေႃႈ။ လွင်ႈ​မၼ်း​ၸမ်ႉ ဢပႅတ်ႈ​ဢၼ်​ၶဝ်​ၽိတ်း​ပိူင်ႈ​ၸိူဝ်း​ၼၼ်ႉ ၼမ်​ၼႃႇ​လႄႈ တၢင်း​ဢၼ်​ၶဝ်​ၽွၵ်ႈ​ပျၢၼ်ႇ​ၶိုၼ်း​ၸိူဝ်း​ၼၼ်ႉ ယႂ်ႇ​ၽႄႈ​တူဝ်း​တွၼ်း​မႃး​ယဝ်ႉ။-</verse>
				<verse number="7">ၵဝ်​တၵ်း​ပွႆႇ​မႂ်း​လွတ်ႈ​လႆႈ ၸိူဝ်ႉ​ၼင်ႇ​ႁိုဝ်။ လုၵ်ႈ​မႂ်း​လၢင်း​မႂ်း​ဢွၼ်​ၵၼ် ၸုၼ်ႉ​ပႅတ်ႈ​ၵဝ်​လႄႈ ဢဝ်​ၶဝ်​ၸိူဝ်း​ဢၼ်​ဢမ်ႇ​ၸႂ်ႈ​ၽြႃး​ၼၼ်ႉ တိူင်ႇ​ဝႃႈ​ၵိၼ်ႇ​ဝႃႈ​ယဝ်ႉ။ ပိၵ်ႉ​သမ်ႉ ၵဝ်​လဵင်ႉ​ၶဝ် ဢိမ်ႇ​ဢိမ်ႇ​တဵမ်​တဵမ် သေ​ၵေႃႈ ၶဝ်​ၽိတ်း​ပိူင်ႈ​လႄႈ ၸူႉ​ၵၼ်​တုမ်​ၵၼ် ပဵၼ်​မုၵ်ႉ​ပဵၼ်​ၸိူဝ်း​ယူႇ​ၵႃႈ​ၼႂ်း​ႁိူၼ်း​မႄႈ​မွၵ်ႇ​ယႃႈ​ယဝ်ႉ။-</verse>
				<verse number="8">ၶဝ်​ပဵၼ်​ၸိူဝ်ႉ​ၼင်ႇ​မႃႉ ဢၼ်​ၵိၼ်​ဢိမ်ႇ​ၵိၼ်​တဵမ်​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ ၼၼ်ႉ​လႄႈ ဢွၼ်​ၵၼ် ႁွင်ႉ​ႁႄႇ​ၸွမ်း​မေး​ၵူၼ်း​ႁိူၼ်း​ၸမ်​ၵၼ်​ႁင်း​ၽႂ်​ႁင်း​မၼ်း​ယူႇ​ၼၼ်ႉ​ယဝ်ႉ။-</verse>
				<verse number="9">ၵဝ်​ယင်း​ဢမ်ႇ​ၸႅတ်ႈ​ထၢမ်​လွင်ႈ​တၢင်း ၸိူဝ်း​ၼႆႉ​လႄႈ တၵ်း​ယူႇ​ႁိုဝ်။ ၵဝ်​ယင်း​ဢမ်ႇ​ပၼ်​တၢမ်ႇ​တီႈ​ၵူၼ်း​မဵဝ်း ၸိူဝ်ႉ​ၼင်ႇ​ၼၼ် ႁႂ်ႈ​ၸႂ်​ၵဝ်​ထၼ်ႈ​ပေႃး​ပေႇ​ပေႃး​ဢိမ်ႇ​လႄႈ တၵ်း​ယူႇ​ႁိုဝ်။ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="10">ဢွၼ်​ၵၼ်​ၶိုၼ်ႈ​ၵႃႈ​ၼိူဝ်​လမ်း​ဝဵင်း​လႄႈ ယႃႉ​ပႅတ်ႈ​တႃႉ။ ယႃႇ​ပေ​ဢွၼ်​ၵၼ်​ႁဵတ်း​ႁႂ်ႈ​ပဵၼ်​တၢင်း​ဢၼ်​လူႉ​လႅဝ် မူတ်း​မူတ်း​သဵင်ႈ​သဵင်ႈ။ဢွၼ်​ၵၼ် ပႄႇ​ၽဵဝ်ႈ​ၵိင်ႇ​မၼ်း​ၶႃႊ​မၼ်း​တင်း​လၢႆ​ပႅတ်ႈ​တႃႉ။ ဢမ်ႇ​ၸၢပ်ႈ​သႅင်ႇ​ၵၼ်​တင်း ထႃႇဝရႃႉ​ၽြႃး။-</verse>
				<verse number="11">မဵဝ်း​ ဢီႉသရေႇလႃႉ ဢိၵ်ႇ​တင်း​မဵဝ်း​ ယူႉတႃႉ ဢွၼ်​ၵၼ်​ယႃႉ​သဵတ်ႈ​ၸႃႇ ဢၼ်​ၶဝ်​ယၢမ်ႈ​ၶၢမ်ႇ​ဢဝ်​တီႈ​ၵဝ် ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="12">ၶဝ်​ဢွၼ်​ၵၼ်​တွပ်ႇ​ထဵင် ထႃႇဝရႃႉ​ၽြႃး ယူႇ​သေ​လႄႈ ၸၢင်ႈ​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​မၼ်း​ၸဝ်ႈ၊ ၽေး​ဢူႉ​ပၢတ်ႈ​ဢမ်ႇ​လႆႈ​ႁွတ်ႈ​ထိုင်​ၵႃႈ​ၼိူဝ်​ႁဝ်း။ ႁဝ်း​ဢမ်ႇ​လႆႈ​ဢွၼ်​ၵၼ် ႁူပ်ႉ​ထူပ်း​ၽေး​လၢပ်ႇ​ၽေး​လႅဝ်း ဢိၵ်ႇ​တင်း ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ။-</verse>
				<verse number="13">ပရေႃးၽႅတ်ႈ​ၸိူဝ်း​ၼၼ်ႉ ဢွၼ်​ၵၼ်​ပဵၼ်​လူမ်း​လွၼ်ႉ​လွၼ်ႉ​လႄႈ ၼုၵ်ႈၵပၢတ်ႈ​ၸဝ်ႈ ဢမ်ႇ​မီး​တီႈ​ၶဝ်။ တၵ်း​လႆႈ​မီး​တၢင်း​ဢၼ် ႁဵတ်း​တီႈ​ၶဝ်​ၸွမ်း​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ ၽြႃး​ပဵၼ်​ၸဝ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ် သူ​လၢတ်ႈ​ၵႂၢမ်း​ၸိူဝ်ႉ​ၼင်ႇ​ၼၼ်​လႄႈ ၵဝ်​တၵ်း​ႁႂ်ႈ​ၵႂၢမ်း​ၵဝ် ပဵၼ်​ၸိူဝ်ႉ​ၼင်ႇ​ၽႆး​ၼၼ်ႉ ၵႃႈ​ၼႂ်း​သူပ်း​မႂ်း​လႄႈ ႁႂ်ႈ​ၵူၼ်း​မဵဝ်း​ၼႆႉ ပဵၼ်​ၸိူဝ်ႉ​ၼင်ႇ​ၽိုၼ်း​ၼၼ်ႉ​လႄႈ ၽႆး​ၼၼ်ႉ​တၵ်း​လႆႈ​မႆႈ​ၶဝ်​ဢေႃႈ။-</verse>
				<verse number="15">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မဵဝ်း​ ဢီႉသရေႇလႃႉ ​ဢိူၺ်း၊ ၵဝ်​တၵ်း​ဢဝ်​ၵူၼ်း​မဵဝ်း​ၼိုင်ႈ သေ​ၵႃႈ​တီႈ​ဢၼ်​ၵႆ​မႃး​ပုၼ်ႈ​ဢၼ်​တၵ်း​တိုၵ်း​တေႃး​မႂ်း​ဢေႃႈ။ တၵ်း​ပဵၼ်​မဵဝ်း​ဢၼ်​ႁႅင်း​ယႂ်ႇ၊ မဵဝ်း​ဢၼ်​ယၢမ်ႈ​ပဵၼ်​မိူဝ်ႈ​ၵွၼ်ႇ​ဢွၼ်​ၼႆႉ၊ မဵဝ်း​ဢၼ်​မႂ်း​ဢမ်ႇ​ႁူႉ​ၵႂၢမ်း​ၶဝ်၊ ဢမ်ႇ​ႁူႉ​လွင်ႈ​ဢၼ်​ၶဝ်​လၢတ်ႈ​ၶဝ်​ဝႃႈ​ၼၼ်ႉ​ဢေႃႈ။-</verse>
				<verse number="16">မူၵ်ႇ​ပိုၼ်​ၶဝ်​ၼၼ်ႉ ပဵၼ်​ၶုမ်​သၢင်း​ၶႅင်း​ဢၼ်​ၽုၺ်ႇ​ဝႆႉ​လႄႈ ၶဝ်​ၵႃႈ​မီး​ၼၼ်ႉ ဢွၼ်​ၵၼ် ပဵၼ်​ၵေႃႉ​ဢၼ်​ႁႅင်း​ယႂ်ႇ​ၼႃႇ​ဢေႃႈ။-</verse>
				<verse number="17">ၶဝ်​ၼၼ်ႉ တၵ်း​ဢွၼ်​ၵၼ်​ၵိၼ်​မၢၵ်ႇ​ၵိၼ်​ႁူင်း​မႂ်း ဢိၵ်ႇ​တင်း ၶဝ်ႈ​မုၼ်း​မႂ်း​ဢၼ် လုၵ်ႈ​ၸၢႆး​လုၵ်ႈ​ယိင်း​မႂ်း တင်း​လၢႆ ထုၵ်ႇ​လီ​လႆႈ ၵိၼ်​ၼၼ်ႉ​ဢေႃႈ။ ၶဝ်​တၵ်း​ဢွၼ်​ၵၼ် ၵိၼ်​ၽုင်​သူဝ်း​ၽုင်​ဝူဝ်း​မႂ်း​လႄႈ ၵိၼ်​တူၼ်ႈ​ၶိူဝ်း​မၢၵ်ႇ​ၸပိတ်ႈ​မႂ်း ဢိၵ်ႇ​တင်း တူၼ်ႈ​မၢၵ်ႇ​လိူဝ်ႇ သၢင်း​ၽေႃး​မႂ်း​ၸိူဝ်း​ၼၼ်ႉ​ဢေႃႈ။ ၶဝ်​တၵ်း​ဢွၼ်​ၵၼ်​တိုၵ်း​တေႃး ယႃႉ​ၽဵဝ်ႈ​ဝဵင်း​ဢၼ်​မၼ်ႈ​ၶိူင်ႇ ဢၼ်​မႂ်း​သွၼ်ႈ​ပိုင်ႈ​ယူႇ​ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="18">ၵူၺ်း​ၵႃႈ ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ၼၼ်ႉ ၵဝ်​တၵ်း ဢမ်ႇ​ႁဵတ်း​ႁႂ်ႈ​သူ​လႆႈ​လူႉ​လႅဝ်​ပႅတ်ႈ မူတ်း​မူတ်း​သဵင်ႈ​သဵင်ႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="19">မိူဝ်ႈ​ဢၼ် ၶဝ်​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ၸီႇ​ယၢင်ႇ​ႁဵတ်း​လွင်ႈ​တၢင်း ၸိူဝ်း​ၼႆႉ​တီႈ​ႁဝ်း၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ မႂ်း​တၵ်း​လႆႈ​သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ မိူၼ်​ၸိူဝ်ႉ​ၼင်ႇ​ဢၼ် သူ​ၸုၼ်ႉ​ပႅတ်ႈ​ၵဝ်​လႄႈ ပွင်​ႁဵတ်း ဢမူႉ​ၽြႃး​တၢင်ႇ​သိုင်ႇ​တၢင်ႇ​မိူင်း တင်း​လၢႆ ၵႃႈ​ၼႂ်း​မိူင်း​သူ​ၼႆႉ​ၼၼ်ႉ၊ သူ​တၵ်း​လႆႈ​ဢွၼ်​ၵၼ်​ပွင်​ႁဵတ်း​ဢမူႉ​ၵူၼ်း တၢင်ႇ​သိုင်ႇ​တၢင်ႇ​မိူင်း တင်း​လၢႆ ၵႃႈ​ၼႂ်း​မိူင်း​ဢၼ်​ဢမ်ႇ​ၸႂ်ႈ​မိူင်း​သူ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">သူ​တၵ်း​လႆႈ​ႁေႃး​လၢတ်ႈ တီႈ​မဵဝ်း​ ယႃႇၵုပ်ႈ ​လႄႈ ႁွင်ႉ​ပၢဝ်ႇ​ႁွင်ႉ​သေႃႇ​တီႈ​မိူင်း​ ယူႉတႃႉ ​ၸမ်ႉ၊-</verse>
				<verse number="21">ၵူၼ်း​မိူၵ်ႈ​ဢၼ်​ဢမ်ႇ​မီး​ၺၢၼ်ႇ၊ မီး​မၢၵ်ႇ​တႃ​ယူႇ​လႄႈ ဢမ်ႇ​ႁၼ်၊ မီး​ႁူ​ယူႇ​လႄႈ ဢမ်ႇ​ငိၼ်း​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။-</verse>
				<verse number="22">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ သူ​ဢမ်ႇ​ဢွၼ်​ၵၼ်​ၵူဝ်​ႁႄ​ၵဝ်​ႁိုဝ်။ သူ​ဢမ်ႇ​ဢွၼ်​ၵၼ်​သၼ်ႇ​ဝႆ ၵႃႈ​တီႈ​ၽၢႆႇ​ၼႃႈ​ၵဝ် ဢၼ်​ဢဝ်​သၢႆ​ႁဵတ်း ဢၼ်​ၶၼ်ႈ​ဢၼ်​ၶႅၼ်ႈ​ဝႆႉ တီႈ​ၼမ်ႉ​ပၢင်ႇ​လၢႆႇ​ၸွမ်း​လူၺ်ႈ​ဢမိင်ႉ​ထႃႇဝရႃႉ ဢၼ်​မၼ်း​ဢမ်ႇ​ပူၼ်ႉ​ၵႂႃႇ​လႆႈ​ၼၼ်ႉ​ႁိုဝ်။ ပိၵ်ႉ​သမ်ႉ​လႅင်း​ၼမ်ႉ​ပိူပ်ႈ​ၼမ်ႉ​တင်း​လၢႆ ဢွၼ်​ၵၼ်​လုၵ်ႉ​သေ​ၵေႃႈ ဢမ်ႇ​ပႄႉ​ဢမ်ႇ​ၼႅင်ႇ​လႆႈ။ ဢွၼ်​ၵၼ်​ႁွင်ႉ​ၶၢင်း​သေ​ၵေႃႈ ဢမ်ႇ​ပူၼ်ႉ​ဢမ်ႇ​ပႅၼ်​လႆႈ။-</verse>
				<verse number="23">ၵူၼ်း​မဵဝ်း​ၼႆႉ ၸၢင်ႈ​မီး​သၽေႃး​ဢၼ် ၽိတ်း​ပိူင်ႈ​ပုင်ႇ​ၵၢၼ်ႇ​လႄႈ ပုင်ႇ​ၵၢၼ်ႇ​သေ​လႄႈ​ၵႂႃႇ​ယဝ်ႉ။-</verse>
				<verse number="24">ၶဝ်​ဢမ်ႇ​ၸၢင်ႈ​လၢတ်ႈ​ၵႃႈ​ၼႂ်း​ႁူဝ်​ၸႂ်​ၶဝ်​လႄႈ​ဝႃႈ၊ မိူဝ်ႈ​လဵဝ်​ၼႆႉ​ဢွၼ်​ၵၼ်​ၵူဝ်​ႁႄ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ဢၼ်​ႁႂ်ႈ​ၽူၼ်​ႁူဝ်​ပီႊ ဢိၵ်ႇ​တင်း​ၽူၼ်​ႁၢင်​ပီႊ တူၵ်း​ၼႂ်း​မိူဝ်ႈ​ဢၼ် ၶိင်ႇ​မၼ်း​ထုၵ်ႇ​ၼၼ်ႉ​လႄႈ ဢဝ်​ၶိင်ႇ​ဢၼ်​သိမ်း​ဢဝ် မၢၵ်ႇ​ဢဝ်​ႁူင်း​ဢၼ် မၼ်း​ၸဝ်ႈ​ၶၢၼ်း​ဝႆႉ​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="25">တူႉ​ၸရိူၵ်ႈ​သူ​ၼၼ်ႉ ဢဝ်​လွင်ႈ​တၢင်း​ၸိူဝ်း​ၼၼ်ႉ ဝႄႈ​ပိူင်ႈ​လႄႈ ဢပႅတ်ႈ​သူ​ၼၼ်ႉ ႁၢမ်ႈ​တၢပ်ႈ​ႁႄႉ​ၶႅၼ်​မင်ႇၵလႃႇ​ဝႆႉ​ယဝ်ႉ။-</verse>
				<verse number="26">ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ ဢၼ်​မူပ်ႇ​ယူႇ​သေ​လႄႈ လွမ်​တူၺ်း​ယူႇ မိူၼ်​ၸိူဝ်ႉ​ၼင်ႇ​မူး​သိူဝ်း​ၼၼ်ႉ မီး​ယူႇ​ၵႃႈ​ၼႂ်း​ၵူၼ်း​ၵဝ်​ဢေႃႈ။ ၶဝ်​ၼၼ်ႉ​ဢွၼ်​ၵၼ် ဝႆႉ​ႁႅဝ်ႉ​ဝႆႉ​ၶိုမ်း ႁႂ်ႈ​လႆႈ​ၵၢင်​ဢဝ်​ၵူၼ်း​ဢေႃႈ။-</verse>
				<verse number="27">ၸိူဝ်ႉ​ၼင်ႇ​ဢၼ်​ႁိူၼ်း​ၶင်​ၼူၵ်ႉ တဵမ်​ဝႆႉ​တင်း​ၼူၵ်ႉ​ၼၼ်ႉ ႁိူၼ်း​ၶဝ်​ၼၼ်ႉ တဵမ်​ဝႆႉ​တင်း​ပရီႉယႄႇ တၢင်း​ဢၼ်​ပႅတ်ႉ​လႅၼ်​ဢေႃႈ။ ၼင်ႇ​ၼၼ်​လႄႈ ၶဝ်​ဢွၼ်​ၵၼ် မီး​ႁႅင်း​ယႂ်ႇ​ၽႄႈ​ၼမ်​ၶိုၼ်ႈ​မႃး​လႄႈ ႁွတ်ႈ​ထိုင်​တၢင်း​ဢၼ်​မၢၵ်ႈ​မီး​ဢေႃႈ။-</verse>
				<verse number="28">ၶဝ်​ဢွၼ်​ၵၼ် မီး​တၢင်း​ဢၼ်​ပီး​လီ​မၼ်း​လီ​ယူႇ၊ တၢင်း​ဢၼ်​ၼႃႈ​လိူမ်ႈ​လီ ၶျေႃး​လီ​ယူႇ​လႄႈ ၶဝ်​ယဵင်ႈ​ၶႅၼ်း​ႁၢႆႉ​လိူဝ်​တွၼ်း ၼႃႇ​သေ​ၵူၼ်း​ႁၢႆႉ​ဢေႃႈ။ ၶဝ်​ဢမ်ႇ​ဢွၼ်​ၵၼ်​ၸီႇ​ယၢင်ႇ​ၸွမ်း​ၼင်ႇ​တြႃး။ ၶဝ်​ဢမ်ႇ​ဢွၼ်​ၵၼ်​ပႂ်ႉ​ဢမူႉ​လုၵ်ႈ​ဢွၼ်ႇ​ဢၼ်​ဢမ်ႇ​မီး​ပေႃႈ​မီး​မႄႈ ၼၼ်ႉ​လႄႈ ပၼ်​ႁႂ်ႈ​ပႄႉ​ႁႂ်ႈ​ၼႅင်ႇ။ ၶဝ်​ဢမ်ႇ​ၸီႇ​ယၢင်ႇ​ၸွမ်း​ၼင်ႇ​တြႃး ၽၢႆႇ​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ။-</verse>
				<verse number="29">ၵဝ်​ယင်း​ဢမ်ႇ​ၸႅတ်ႈ​ထၢမ် လွင်ႈ​တၢင်း​ၸိူဝ်း​ၼၼ်ႉ​လႄႈ တၵ်း​ယူႇ​ႁိုဝ်။ ၵဝ်​ယင်း​ဢမ်ႇ​ပၼ်​တၢမ်ႇ​တီႈ ၵူၼ်း​မဵဝ်း​ၸိူဝ်ႉ​ၼင်ႇ​ၼၼ် ႁႂ်ႈ​ၸႂ် ၵဝ် ထၼ်ႈ​ပေႃး​ပေႇ ပေႃး​ဢိမ်ႇ​လႄႈ တၵ်း​ယူႇ​ႁိုဝ်။ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="30">လွင်ႈ​တၢင်း​ဢၼ်​လီ​ဢၢမ်း​လႄႈ လီ​ႁင်ႈ​ဢဵတ်ႇ​သဵတ်ႇ​ၼၼ်ႉ ပဵၼ်​မႃး​ၵႃႈ​ၼႂ်း​မိူင်း​ၸဝ်ႈ​ယဝ်ႉ။-</verse>
				<verse number="31">ပရေႃးၽႅတ်ႈ တင်း​လၢႆ ဢွၼ်​ၵၼ်​ႁေႃး​လၢတ်ႈ ဢမ်ႇ​ၸိုဝ်ႈ​ဢမ်ႇ​ၸႂ်ႈ​လႄႈ ယိတ်ႈပရေႃးႁဵၵ်ႈ တင်း​လၢႆ ဢွၼ်​ၵၼ်​ႁပ်ႉ​တုင်း​ဢဝ်​ၶဝ်​လႄႈ လႆႈ​ဢုပ်ႉ​ပိူင်ႇ​ဢေႃႈ။ ၵူၼ်း​ၵဝ် တင်း​လၢႆ ဢွၼ်​ၵၼ်​ထုၵ်ႇ​ၸႂ်​ၵျိူၵ်ႈ​ၸႂ် လွင်ႈ​တၢင်း​ၸိူဝ်ႉ​ၼင်ႇ​ၼၼ် ၼၼ်ႉ​လႄႈ ယၢမ်း​မိူဝ်ႈ​ဢၼ် လွင်ႈ​တၢင်း​ၼၼ်ႉ သုတ်း​ၼၼ်ႉ​ၸိုင်၊ သူ​တၵ်း​ဢွၼ်​ၵၼ် ႁဵတ်း​ၸိူဝ်ႉ​ၼင်ႇ​ႁိုဝ်။</verse>
			</chapter>
			<chapter number="6">
				<verse number="1">ၵူၼ်း​မဵဝ်း​ ပိၼ်ႇယႃႇမိၼ်ႇ ​ၶဝ်​ဢိူၺ်း၊ ဢွၼ်​ၵၼ်​ဢွၵ်ႇ​ပၢႆႈ​သေ​ၵႃႈ​ၼႂ်း ဝဵင်း​ ယေႇရူႉသလႅမ်ႇ ​ႁႂ်ႈ​လွတ်ႈ​တႃႉ။ ဢွၼ်​ၵၼ် ပဝ်ႇ​ၼႄးၶရႃႇ​ၵႃႈ​ၼႂ်း​ဝၢၼ်ႈ​ တေႇၵေႃႇ ​လႄႈ ပူၵ်း​ၵၢၼ်ႈ​ၽႆး ပိူင်း​ပၼ်​ယူႇ​ၵႃႈ​ၼႂ်း ဝၢၼ်ႈ​ ပေႇသၵ်ႉၵရိမ်ႇ ​တႃႉ။ လွင်ႈ​မၼ်း​ၸမ်ႉ ၽေး​ဢူႉ​ပၢတ်ႈ​ဢၼ်​ဝႃႈ တၢင်း​ဢၼ်​လူႉ​လႅဝ် ဢၼ်​ယႂ်ႇ​ၼႃႇ​ၼၼ်ႉ ပေႃႇ​ဢွၵ်ႇ​သေ​ၵႃႈ​တီႈ ၼႃႈ​တၢင်း​ႁွင်ႇ​မႃး​ဢေႃႈ။-</verse>
				<verse number="2">ၵဝ်​တၵ်း​ယႃႉ​ၵေႃႉ​ဢၼ်​ႁၢင်ႈ​လီ​လႄႈ ဢူၼ်ႈ​လီ​ဢွၼ်ႇ​လီ​ဢၼ်​ဝႃႈ လုၵ်ႈ​ယိင်း​ ၸီႉဢုၼ်ႇ ​ၼၼ်ႉ​ပႅတ်ႈ​ဢေႃႈ။-</verse>
				<verse number="3">ၶဝ်​ၸိူဝ်း​ဢၼ် လဵင်ႉ​သူဝ်း​ထိင်း​သူဝ်း​ၼၼ်ႉ တၵ်း​ပႃး​ဢဝ်​ၽုင်​သူဝ်း​ၶဝ်​သေ​လႄႈ မႃး​ၸူး​တီႈ​မၼ်း​လႄႈ မုင်း​မူဝ်းၵႃႇ​ၶဝ် ၵႃႈ​တီႈ​လဵပ်ႈ​ႁွပ်ႈ​မၼ်း​ယူႇ​သေ​လႄႈ ဢွၼ်​ၵၼ်​ၵိၼ်​ယူႇ ၵႃႈ​ၼႂ်း​တီႈ​ယူႇ​ၶဝ် ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="4">ဢွၼ်​ၵၼ်​မႄး​ႁႅၼ်း​ႁႂ်ႈ​လႆႈ တိုၵ်း​တေႃး​မၼ်း​တႃႉ။ လုၵ်ႉ​လုၵ်ႉ​ဢိူၺ်း၊ ဢွၼ်​ၵၼ်​ၶီႇ​ၶိုၼ်ႈ​ၸူး ၶိင်ႇ​ၵၢင်​ဝၼ်း​တဵင်ႈ​တႃႉ​ႁဝ်း။ ပဵၼ်​ဢၼ်​ယၢပ်ႇ​ၼႃႇ​လူင်​လၢင်​တီႈ​ႁဝ်း​ဢေႃႈ။ ၵၢင်​ဝၼ်း​ၸၢႆႉ​ယဝ်ႉ။ ႁူမ်ႈ​ၵွင်ႉ​ငဝ်း​ၶိင်ႇ​ႁူဝ်​ၶမ်ႈ ပဵၼ်​ဢၼ်​ယၢဝ်း​ၼႃႇ​ယဝ်ႉ။-</verse>
				<verse number="5">လုၵ်ႉ​လုၵ်ႉ​ဢိူၺ်း၊ ဢွၼ်​ၵၼ်​ၶီႇ​ၶိုၼ်ႈ​ၸူး ၶိင်ႇ​ၵၢင်​ၶိုၼ်း​လႄႈ ယႃႉ​ႁေႃ​ၶမ်း​မၼ်း​တင်း​လၢႆ​ပႅတ်ႈ​တႃႉ​ႁဝ်း။-</verse>
				<verse number="6">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ်​ပမ်ႈ​တူၼ်ႈ​မႆႉ​လူမ်ႉ​လႄႈ တဵင်​တႅၼ်ႈ​လိၼ်​ယူႇ​ၽၢႆႇ​ၼိုင်ႈ​တင်း ဝဵင်း​ ယေႇရူႉသလႅမ်ႇ ​တႃႉ။ ဝဵင်း​ၼႆႉ​ပဵၼ်​ဝဵင်း​ဢၼ်​လီ သင်ႇ​သွၼ်​သုင်း​မႃႉ​လႄႈ ၵႃႈ​ၼႂ်း​မၼ်း​ၼၼ်ႉ​မီး​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး လွၼ်ႉ​လွၼ်ႉ​ဢေႃႈ။-</verse>
				<verse number="7">မိူၼ်​ၸိူဝ်ႉ​ၼင်ႇ ဢၼ်​ၼမ်ႉ​ဢွၵ်ႇ​ႁူး ႁႂ်ႈ​ၼမ်ႉ​မၼ်း​လႆ​ဢွၵ်ႇ​သေ ၵႃႈ​ၼႂ်း​မၼ်း​ၼၼ်ႉ ဝဵင်း​ၼၼ်ႉ​ၸၢင်ႈ​ႁႂ်ႈ​တူႉ​ၸရိူၵ်ႈ​မၼ်း လႆ​ဢွၵ်ႇ​ဢေႃႈ။ လႆႈ​ငိၼ်း​သဵင်​တၢင်း​ဢၼ် ႁိမ်​ဢဝ်​ႁူင်ႇ​ဢဝ်၊ ဢိၵ်ႇ​တင်း တၢင်း​ဢၼ်​ယႃႉ​ပႅတ်ႈ​ၽဵဝ်ႈ​ပႅတ်ႈ ၵႃႈ​ၼႂ်း​မၼ်း​လႄႈ တၢင်း​ၶႆႈ​တၢင်း​ပဵၼ်​ဢိၵ်ႇ​တင်း ႁွႆး​ၸဵပ်း​ႁွႆး​သႅပ်ႇ​မၼ်း မီး​ၵႃႈ​တီႈ​ၽၢႆႇ​ၼႃႈ​ၵဝ်​ယူႇ သေႇ​သေႇ​ဢေႃႈ။-</verse>
				<verse number="8">ဝဵင်း​ ယေႇရူႉသလႅမ်ႇ ​ဢိူၺ်း၊ ၶၢမ်ႇ​တၢင်း​ဢၼ် သင်ႇ​သွၼ်​သုင်း​မႃႉ​တႃႉ။ ပေႃး​ဢမ်ႇ​ၼၼ် ႁူဝ်​ၸႂ်​ၵဝ်​တၵ်း​ၶၢမ်ႇ​တၢင်း​ဢၼ် ၽၢတ်ႇ​ယၢၼ် ၵၼ်​တင်း​မႂ်း​ၶၢတ်ႇ​ၶၢတ်ႇ​လႄႈ၊ ၵဝ်​တၵ်း​ႁႂ်ႈ​မႂ်း​ပဵၼ်​တီႈ ဢၼ်​ပဝ်ႇ​ဢၼ်​လၢပ်ႈ မိူင်း​ဢၼ်​ဢမ်ႇ​မီး​ၵေႃႉ​ဢၼ်​ယူႇ​လႃး​လႃး​ဢေႃႈ။</verse>
				<verse number="9">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶဝ်​တၵ်း​ဢွၼ်​ၵၼ် ၸွမ်း​ၵဵပ်း​ဢဝ် ဢၼ်​ၵိုတ်း​ဢၼ်​ၵျၢၼ်ႇ တီႈ​ ဢီႉသရေႇလႃႉ သဵင်ႈ​သဵင်ႈ​မူတ်း​မူတ်း မိူၼ်​ၸိူဝ်ႉ​ၼင်ႇ တီႈ​တူၼ်ႈ​ၶိူဝ်း​မၢၵ်ႇ​ၸပိတ်ႈ​ၼၼ်ႉ​ဢေႃႈ။ သမ်ႉ​ၶိုၼ်း​ဢဝ်​မိုဝ်း​မႂ်း ၸူၵ်း​ၶဝ်ႈ​ၵႃႈ​ၼႂ်း ပဵတ်ႈ​ၼႂ်း​ၵူၺ် မိူၼ်​ၸိူဝ်ႉ​ၼင်ႇ​ၵေႃႉ​ဢၼ် ဝိတ်း​မၢၵ်ႇ​ၸပိတ်ႈ​ၼၼ်ႉ​ထႅင်ႈ​လူး​ၵွၼ်ႇ​တႃႉ။-</verse>
				<verse number="10">ၵဝ်​တၵ်း​လႆႈ​လၢတ်ႈ​လႄႈ​ပၼ်​သတီႉ တီႈ​ၽူႈ​လႂ် ႁႂ်ႈ​ၶဝ်​ထွမ်ႇ​ဢဝ်။ တူၺ်း​လူး၊ ႁူ​ၶဝ်​ၼၼ်ႉ ပဵၼ်​ႁူ​ဢၼ်​ဢမ်ႇ​ၶၢမ်ႇ​တၢင်း​ဢၼ် ထိူဝ်​ႁိမ်း​လႄႈ ၶဝ်​ဢမ်ႇ​ထွမ်ႇ​ဢဝ်​လႆႈ။ တူၺ်း​လူး၊ ၼုၵ်ႈၵပၢတ်ႈ ထႃႇဝရႃႉ​ၽြႃး ပဵၼ်​တီႈ​ဢၼ်​သႄႉ​ဢၼ်​သွမ်း တီႈ​ၶဝ်​လႄႈ ၶဝ်​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​ဢၼ်​ၼၼ်ႉ။-</verse>
				<verse number="11">ပိူဝ်ႈ​ၼႆ​လႄႈ ၵဝ်​ဢိမ်ႇ​တဵမ်​ဝႆႉ​တင်း တၢင်း​ဢၼ်​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး​လႄႈ ဢမ်ႇ​ယိူၼ်ႉ​ယူႇ​ၵၼ်ႈ​ယူႇ​လႆႈ။ ၵဝ်​တၵ်း​ဢဝ်​ဢၼ်​ၼၼ်ႉ သွၼ်း​လေႃႇ​သႂ်ႇ​ၵႃႈ​ၼိူဝ်​လုၵ်ႈ​ဢွၼ်ႇ​ဢၼ်​မီး ၵႃႈ​ၼႂ်း​သဵၼ်ႈ​တၢင်း​တင်း​လၢႆ ဢိၵ်ႇ​တင်း ၵူၼ်း​ၼုမ်ႇ​ၵူၼ်း​ၵမ် ဢၼ်​ၸူႉ​ၵၼ်​တုမ်​ၵၼ်​ယူႇ ၸိူဝ်း​ၼၼ်ႉ​လႄႈ ပိူၼ်ႈ​တၵ်း​သိမ်း​ဢဝ်​ၽူဝ်​မေး ဢၼ်​ပဵၼ်​ၵူပ်ႉ​ပဵၼ်​ၵူႈ ဢိၵ်ႇ​တင်း​ၵူၼ်း​ဢၼ် ဢသၢၵ်ႈ​ယႂ်ႇ တင်း​ၵူၼ်း​ဢၼ်​ထဝ်ႈ​ဢၼ်​ၵႄႇ​ၼႃႇ ၸိူဝ်း​ၼၼ်ႉ​ၵႂႃႇ​ဢေႃႈ။-</verse>
				<verse number="12">ႁိူၼ်း​ၶဝ် ဢိၵ်ႇ​လူၺ်ႈ​ၵၼ်​တင်း​ႁႆႊ​ၼႃး​ၶဝ် တင်း​မႄႈ​ယိင်း​ၶဝ်​ၸိူဝ်း​ၼၼ်ႉ တၵ်း​ႁွတ်ႈ​ထိုင် ၵႃႈ​ၼႂ်း​မိုဝ်း​ပိူၼ်ႈ​ဢေႃႈ။ လွင်ႈ​မၼ်း​ၸမ်ႉ ၵဝ်​တၵ်း​ယိုၼ်း​မိုဝ်း​ၵဝ် ၵႃႈ​ၼိူဝ်​ၵူၼ်း​ဝၢၼ်ႈ​ၵူၼ်း​မိူင်း တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="13">ၸႃႉ​ၸဵမ်​ၶဝ်​ၸိူဝ်း ဢၼ်​လဵၵ်ႉ​သေ​ပိူၼ်ႈ တေႃႇ​ထိုင်​ႁွတ်ႈ ၶဝ်​ၸိူဝ်း​ဢၼ်​ယႂ်ႇ​သေ​ပိူၼ်ႈ တင်း​သဵင်ႈ​တင်း​လူင် ဢွၼ်​ၵၼ်​ႁႃ​ဢဝ် တၢင်း​ဢၼ်​ပဵၼ်​တိုၼ်း​ပဵၼ်​ႁွၼ်း ဢၼ်​ဢမ်ႇ​တြႃး​လႄႈ ၸႃႉ​ၸဵမ်​ပရေႃးၽႅတ်ႈ​တင်း​လၢႆ တေႃႇ​ထိုင်​ႁွတ်ႈ ယိတ်ႈပရေႃးႁဵၵ်ႈ တင်း​သဵင်ႈ​တင်း​လူင် ဢွၼ်​ၵၼ်​သုင်း​သွင်ႇ​မူႉ​သႃႇ​ဢေႃႈ။-</verse>
				<verse number="14">ယၢမ်း​မိူဝ်ႈ​ဢၼ်​ဢမ်ႇ​မီး​ၵတ်း​ယဵၼ်​ၶျၢမ်း​သႃႇ​ၼၼ်ႉ၊ ၶဝ်​ဢွၼ်​ၵၼ်​ႁဵတ်း မဝ်​မဝ်​မၢင်​မၢင်​သေ​လႄႈ ယႃႉ​ၵူၼ်း​မဵဝ်း​ၵဝ်​တင်း​လၢႆ​လႄႈ လၢတ်ႈ​လႄႈ​ဝႃႈ၊ ၵတ်း​ယဵၼ်​ၶျၢမ်း​သႃႇ၊ ၵတ်း​ယဵၼ်​ၶျၢမ်း​သႃႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မိူဝ်ႈ​ဢၼ် ၶဝ်​ဢွၼ်​ၵၼ်​ႁဵတ်း လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​ၼၼ်ႉ​ၸိုင်၊ ၶဝ်​ဢူၵ်း​ဢၢႆ​ႁိုဝ်။ ၶဝ်​ဢမ်ႇ​ဢွၼ်​ၵၼ် ဢူၵ်း​ဢၢႆ​လႃး​လႃး၊ ၶဝ်​ဢမ်ႇ​ၸၢင်ႈ​ဢွၼ်​ၵၼ်​ၼႃႈ​လူႉ။ ပိူဝ်ႈ​ၼႆ​လႄႈ ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ တၵ်း​ဢွၼ်​ၵၼ်​လူမ်ႉ​လႄႈ ယၢမ်း​မိူဝ်ႈ​ဢၼ် ၵဝ်​ၸႅတ်ႈ​ထၢမ်​ၶဝ်​ၼၼ်ႉ​ၸိုင်၊ ၶဝ်​တၵ်း​ဢွၼ်​ၵၼ်​ႁွတ်ႈ​ထိုင် တၢင်း​ဢၼ်​ၶျႃး​တူၵ်း​တီႈ​တႅမ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="16">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ် ၸုၵ်း​ယူႇ​ၵႃႈ​ၼႂ်း​သဵၼ်ႈ​တၢင်း တင်း​လၢႆ သေ​လႄႈ လူ​တူၺ်း​တႃႉ။ ဢွၼ်​ၵၼ် လႄႇ​ႁႃ​သဵၼ်ႈ​တၢင်း​ဢၼ်​ၵဝ်ႇ​ဢၼ်​မွၼ်​မိူဝ်ႈ​ၵွၼ်ႇ ဢွၼ်​ၼႆႉ​ၸိူဝ်း​ၼၼ်ႉ​ယူႇ သေ​လႄႈ တွင်ႈ​ထၢမ်​လႄႈ​ဝႃႈ၊ သဵၼ်ႈ​တၢင်း​ဢၼ်​လီ​ၼၼ်ႉ မီး​ၵႃႈ​လႂ်၊ ဝႃႈ​ၼင်ႇ​ၼႆ​လႄႈ ၸွမ်း​ၼႂ်း​သဵၼ်ႈ​တၢင်း​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ႁူဝ်​ၸႂ်​သူ​တၵ်း​မီး​တၢင်း​ဢၼ်​သၢၵ်ႈ​သႃႇ​ဢေႃႈ။ ၵူၺ်း​ၵႃႈ ၶဝ်​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ဢမ်ႇ​ၸွမ်း​ဢမ်ႇ​ၵႂႃႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၵဝ်​ၶၢၼ်း​ၵူၼ်း​ဢၼ်​ပႂ်ႉ​ၵၢင် တင်း​လၢႆ​ဝႆႉ​ၵႃႈ​ၼိူဝ်​သူ​လႄႈ လၢတ်ႈ​လႄႈ​ဝႃႈ၊ ဢွၼ်​ၵၼ်​ထွမ်ႇ​ငိၼ်း​သဵင်​ၼႄးၶရႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵူၺ်း​ၵႃႈ ၶဝ်​ဢွၼ်​ၵၼ်​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ဢမ်ႇ​ထွမ်ႇ​ဢမ်ႇ​ဢဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ပိူဝ်ႈ​ဢၼ် ပဵၼ်​ၸိူဝ်ႉ​ၼင်ႇ​ၼႆ​လႄႈ ၵူၼ်း​ၵူႈ​ၸိူဝ်ႉ​ၵူႈ​ၶိူဝ်း​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ပရဵၵ်ႈသၢတ်ႈ ဢၼ်​ၸူႉ​ၵၼ်​တုမ်​ၵၼ်​ၶဝ်​ဢိူၺ်း၊ ႁူႉ​ၸႅင်ႈ​လွင်ႈ​တၢင်း​ဢၼ် မီး​ယူႇ​ၵႃႈ​ၼႂ်း​ၶဝ်​ၸိူဝ်း​ၼၼ်ႉ​တႃႉ။-</verse>
				<verse number="19">လိၼ်​မိူင်း​ဢိူၺ်း၊ ထွမ်ႇ​ငိၼ်း​တႃႉ။ ၵဝ်​တၵ်း ႁႂ်ႈ​ၽေး​ဢူႉ​ပၢတ်ႈ​ဢၼ်​ယႂ်ႇ​ၼႃႇ​ဢၼ်​ဝႃႈ ဢၵျူဝ်း​ဢပႅတ်ႈ တၢင်း​ဢၼ်​ၶဝ်​ၵျၢမ်ႇ​ပွင်​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​ၵူၼ်း​မဵဝ်း​ၼႆႉ ၵွပ်ႈ​ပိူဝ်ႈ​ဢၼ် ၶဝ်​ဢမ်ႇ​ထွမ်ႇ​ဢမ်ႇ​ဢဝ် ၵႂၢမ်း​ၵဝ်​တြႃး​ၵဝ် ထဵင်​ပႄႇ​ပႅတ်ႈ​ၼၼ်ႉ​ဢေႃႈ။-</verse>
				<verse number="20">ၵွပ်ႈ​ပိူဝ်ႈ လွင်ႈ​ၸိူဝ်ႉ​ၼင်ႇ​ႁိုဝ်​လႄႈ ဢဝ်​ လေႃႇပၢၼ်ႇ ​သေ​ၵႃႈ​တီႈ​မိူင်း​ သေးၽႃႉ ဢိၵ်ႇ​တင်း ဢွႆႈ​ဢၼ်​ႁွမ်​ဢၼ်​ႁူၺ်း သေ​ၵႃႈ​တီႈ​မိူင်း​ဢၼ်​ၵႆ​ၼႃႇ​ၼၼ်ႉ မႃး​တီႈ​ၵဝ်​ၼင်ႇ​ႁိုဝ်။ ယိတ်ႈ​ဢၼ်​တုတ်ႇ​ၽႆး​သူ ၸိူဝ်း​ၼၼ်ႉ ဢမ်ႇ​ၶိုတ်း​ၸႂ်​ပဵင်း​ၸႂ်​ၵဝ်​လႄႈ၊ ယိတ်ႈ​ၵူႈ​ၸိူဝ်ႉ​ၵူႈ​ပိူင် ဢၼ်​သူ​ပုၵ်ႈ​ၸေႃႇ​ၼၼ်ႉ ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်။-</verse>
				<verse number="21">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ဢဝ်​တီႈ​ဢၼ် တၵ်း​တိူဝ်ႉ​မႅၼ်ႈ​လႄႈ​လူမ်ႉ​တင်း​လၢႆ​ဝႆႉ ၵႃႈ​တီႈ​ၽၢႆႇ​ၼႃႈ ၵူၼ်း​မဵဝ်း​ၼႆႉ​ဢေႃႈ။ ပေႃႈ​ဢိၵ်ႇ​တင်း​လုၵ်ႈ​ၸၢႆး တင်း​လၢႆ တၵ်း​ဢွၼ်​ၵၼ်​တိူဝ်ႉ​မႅၼ်ႈ ဢၼ်​ၸိူဝ်း​ၼၼ်ႉ​လႄႈ လူမ်ႉ​လႄႈ ၵူၼ်း​ႁိူၼ်း​ၸမ်​ၵၼ် ဢိၵ်ႇ​တင်း​ၵေႃႉ​သေႈ​တင်း​လၢႆ တၵ်း​ဢွၼ်​ၵၼ် လူႉ​လႅဝ်​လူၺ်ႈ​ၵၼ်​ဢေႃႈ။</verse>
				<verse number="22">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ မဵဝ်း​ၵူၼ်း​မဵဝ်း​ၼိုင်ႈ တၵ်း​ပေႃႇ​ဢွၵ်ႇ​သေ​ၵႃႈ​တီႈ ၼႃႈ​တၢင်း​ႁွင်ႇ​မႃး​ဢေႃႈ။ မဵဝ်း​ၵူၼ်း​ဢၼ်​ယႂ်ႇ​ၼႃႇ တၵ်း​လႆႈ​ၶၢမ်ႇ​တၢင်း​ဢၼ်​တိုၵ်း​ယူင်း​ၸူဝ်း​ဢဝ် သေ​ၵႃႈ​တီႈ လႅၼ်​သုတ်း​လိၼ်​မိူင်း​ပုၼ်ႉ​မႃး​ဢေႃႈ။-</verse>
				<verse number="23">ၶဝ်​ၼၼ်ႉ ဢွၼ်​ၵၼ်​ယိပ်း​ၵမ်​ၵၢင်ႇ ဢိၵ်ႇ​တင်း​ႁွၵ်ႇ​ယူႇ​ဢေႃႈ။ ၶဝ်​ပဵၼ်​မဵဝ်း​ဢၼ်​ႁၢဝ်ႈ​ၵျၢမ်း​ၼႃႇ​လႄႈ ဢမ်ႇ​မီး​ၵရူႉၼႃႇ​တၢင်း​ဢၼ်​ဢဵတ်း​လူ။ သဵင်​ၵႂၢမ်း​ၶဝ်​ၸၢင်ႈ​လင်​မေႃး​ယူႇ ႁိုင်း​ႁိုင်း​မိူၼ်​ၸိူဝ်ႉ​ၼင်ႇ ၼမ်ႉ​သမ်ႇ​မုၵ်ႉ​တြႃႇ ၼၼ်ႉ​လႄႈ ၶီႇ​မႃႉ​ယူႇ​ဢေႃႈ။ လုၵ်ႈ​ယိင်း ၸီႉဢုၼ်ႇ ​ဢိူၺ်း၊ ၶဝ်​ဢွၼ်​ၵၼ်​ၶၢင်း​တပ်ႉ​ၶၢင်း​ငႃး မိူၼ်​ၸိူဝ်ႉ​ၼင်ႇ​ၵူၼ်း​သိုၵ်း ဢၼ်​တၵ်း​တိုၵ်း​သိုၵ်း​ၼၼ်ႉ ယူႇ​သေ​လႄႈ ၶီႇ​မႃး​ၸူး​ၵႃႈ​တီႈ​မႂ်း ဢေႃႈ။-</verse>
				<verse number="24">ႁဝ်း​ငိၼ်း​သတၢင်း​သဵင်​ၶၢဝ်ႇ​ၼၼ်ႉ​လႄႈ ႁႅင်း​မိုဝ်း​ႁဝ်း​ဢူၼ်ႈ​ၵႂႃႇ​ဢေႃႈ။ တုၵ်ႉ​ၶႃႉ တၢင်း​ဢၼ်​ၶၢၼ်​ၸႂ် ဢိၵ်ႇ​တင်း ဝူၺ်ႇတၼႃႇ​ဢၼ်​ႁႅင်း​ယႂ်ႇ​ၼႃႇ ၸိူဝ်ႉ​ၼင်ႇ​ဢၼ်​မႄႈ​ယိင်း ဢၼ်​ၵိူတ်ႇ​လဵင်ႉ​လုၵ်ႈ​လႆႈ​ၶၢမ်ႇ​ၼၼ်ႉ လႆႈ​တီႉ​ၵမ်​ဢဝ်​ႁဝ်း​ယဝ်ႉ။-</verse>
				<verse number="25">ယႃႇ​ပေ​ဢွၼ်​ၵၼ် ဢွၵ်ႇ​ၸူး​ၵႃႈ​တီႈ​ထိူၼ်ႇ​သေ​ၵမ်း။ ယႃႇ​ပေ​ဢွၼ်​ၵၼ် ၸွမ်း​ၵႃႈ​ၼႂ်း​သဵၼ်ႈ​တၢင်း​သေ​ၵမ်း။ မီး​လၢပ်ႇ​လႅဝ်း​ရၢၼ်ႇ​သူႇ ဢိၵ်ႇ​တင်း​ၽေး​ၵူႈ​ၽၢႆႇ​ၵူႈ​ပႃႈ​ဢေႃႈ။-</verse>
				<verse number="26">လုၵ်ႈ​ယိင်း​ၵူၼ်း​မဵဝ်း​ၵဝ်​ဢိူၺ်း၊ ဢဝ်​ၶူဝ်း​ၼုင်ႈ​ၼင်​ပေႃ ႁတ်ႉ​ဢႅဝ်​သေ​လႄႈ ၵိင်ႈ​ၵိူၵ်ႇ​ယူႇ​ၵႃႈ​ၼႂ်း​တဝ်ႈ​တႃႉ။ ႁႆႈ​ႁွင်ႉ​မိူၼ်​ၸိူဝ်ႉ​ၼင်ႇ​ဢၼ် ႁႆႈ​ႁွင်ႉ​လူၺ်ႈ​လွင်ႈ လုၵ်ႈ​ၸၢႆး​ၵေႃႉ​လဵဝ်​ၵူၺ်း​ၼၼ်ႉ​လႄႈ ႁဵတ်း​တၢင်း​ဢၼ် ၶၢင်း​ၶီ​ၶၢင်း​ၽၢၼ် ဢၼ်​ၶူမ်​ၼႃႇ​လူင်​လၢင် ၼၼ်ႉ​တႃႉ။ ၵေႃႉ​ဢၼ်​ႁိမ်​ဢဝ်​ယႃႉ​ပႅတ်ႈ​ၼၼ်ႉ တၵ်း​ၶီႉ​ၶႃႉ​ႁွတ်ႈ​ထိုင်​တီႈ​ႁဝ်း​ၵမ်း​လဵဝ်​ဢေႃႈ။-</verse>
				<verse number="27">ၵဝ်​ႁႂ်ႈ​မႂ်း​ပဵၼ်​ၵေႃႉ​ဢၼ်​ၸႅတ်ႈ​ထၢမ်၊ ၵေႃႉ​ဢၼ်​ႁႃ​ဢဝ်​ၼႂ်း​ၵူၼ်း​ၵဝ် တင်း​လၢႆ ႁႂ်ႈ​မႂ်း​လႆႈ​ႁူႉ​လႄႈ ၸႅတ်ႈ​ထၢမ်​သဵၼ်ႈ​တၢင်း ဢၼ်​ၶဝ်​ၸွမ်း​ၼၼ်ႉ​ဢေႃႈ။-</verse>
				<verse number="28">ၶဝ်​တင်း​သဵင်ႈ​တင်း​လူင် ပဵၼ်​ၵေႃႉ​ဢၼ် ၽွၵ်ႈ​ပျၢၼ်ႇ​ၶိုၼ်း ၼႃႇ​လူင်​လၢင်၊ ၵေႃႉ​ဢၼ်​ၸၢင်ႈ​လႄႇ​ၵႂႃႇ​သေ​လႄႈ ၶႃႉ​ၸိုဝ်ႈ​ၶၢႆ​သဵင်​ဢေႃႈ။ ၶဝ်​ပဵၼ်​တွင်း​လိူင် ဢိၵ်ႇ​တင်း လဵၵ်း​လွၼ်ႉ​လွၼ်ႉ​လႄႈ ၶဝ်​တင်း​သဵင်ႈ​တင်း​လူင် ပဵၼ်​ၵေႃႉ​ဢၼ်​ၸၢင်ႈ​ယႃႉ​လွၼ်ႉ​လွၼ်ႉ​ဢေႃႈ။-</verse>
				<verse number="29">သဝ်ႇ​လႆႈ​ၶၢမ်ႇ​တၢင်း​ဢၼ်​ၽႆး​မႆႈ​ပႅတ်ႈ​ယဝ်ႉ။ ၸိုၼ်း​ၵေႃႈ​လႆႈ​ၶၢမ်ႇ တၢင်း​ဢၼ်​မႆႈ​ပႅတ်ႈ မူတ်း​မူတ်း​သဵင်ႈ​သဵင်ႈ​ယဝ်ႉ။ ၵေႃႉ​ဢၼ်​ၸႅတ်ႈ​ဢၼ်​ၶႃႇ​ၼၼ်ႉ ပဝ်ႇ​လႄႈ​ဢမ်ႇ​မီး​ဢၵျူဝ်း။ ၶဝ်​ၸိူဝ်း​ဢၼ်​ႁုၵ်း​ဢၼ်​ႁၢႆႉ​ၼၼ်ႉ ဢမ်ႇ​မီး​တၢင်း​ဢၼ်​ထူၺ်ႈ​ဢဝ်​ဢွၵ်ႇ​ပႅတ်ႈ။-</verse>
				<verse number="30">ပိူၼ်ႈ​တၵ်း​ႁွင်ႉ​ႁဵၵ်ႈ​ၶဝ်​လႄႈ​ဝႃႈ၊ ငိုၼ်း​ဢၼ်​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ၊ ဝႃႈ​ၼင်ႇ​ၼႆ ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး ပႄႇ​ၶဝ်​ပႅတ်ႈ​ၼၼ်ႉ​ဢေႃႈ။</verse>
			</chapter>
			<chapter number="7">
				<verse number="1">ၼုၵ်ႈၵပၢတ်ႈ​ၸဝ်ႈ ဢွၵ်ႇ​သေ​ၵႃႈ​တီႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ​လႄႈ​ဝႃႈ၊-</verse>
				<verse number="2">ၵႂၢမ်း​ဢၼ်​မႂ်း​တၵ်း​လႆႈ ၸုၵ်း​ယူႇ​ၵႃႈ​တီႈ​ႁူး​ၽၵ်း​တူ​ႁိူၼ်း ထႃႇဝရႃႉ​ၽြႃး သေ​လႄႈ ႁွင်ႉ​ပၢဝ်ႇ​ႁွင်ႉ​သေႃႇ​ၸမ်ႉ၊ ၵူၼ်း​မဵဝ်း​ ယူႉတႃႉ ၵႃႈ​ဢၼ်​ၶဝ်ႈ ၵႃႈ​ၼႂ်း​ၽၵ်း​တူ​ၸိူဝ်း​ၼႆႉ ႁႂ်ႈ​လႆႈ​ၵူဝ်း​ၵႂၢႆႇ​ထႃႇဝရႃႉ​ၽြႃး​ၶဝ်​ဢိူၺ်း၊-</verse>
				<verse number="3">ဢွၼ်​ၵၼ်​ထွမ်ႇ​ငိၼ်း​ၼုၵ်ႈၵပၢတ်ႈ ထႃႇဝရႃႉ​ၽြႃး​တႃႉ။ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ဢွၼ်​ၵၼ်​မႄး​သဵၼ်ႈ​တၢင်း​ၽႃႇသႃႇ​သူ ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ​သူ ၸိူဝ်း​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​တၵ်း​ႁႂ်ႈ​သူ ယူႇ​ၵႃႈ​ၼႂ်း​တီႈ​ၼႆႉ​ဢေႃႈ။-</verse>
				<verse number="4">ယႃႇ​ပေ​ဢွၼ်​ၵၼ် ဢိင်​ပိုင်ႈ ၵႂၢမ်း​မူႉ​သႃႇ​ဢၼ်​ဝႃႈ၊ ဢၼ်​ၼႆႉ​ၸမ်ႉ၊ ပဵၼ်​ပိၵ်ႈ​မၢၼ်ႇ​ထႃႇဝရႃႉ​ၽြႃး၊ ပိၵ်ႈ​မၢၼ်ႇ​ထႃႇဝရႃႉ​ၽြႃး၊ ပိၵ်ႈ​မၢၼ်ႇ​ထႃႇဝရႃႉ​ၽြႃး​ယဝ်ႉ၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ။-</verse>
				<verse number="5">ပေႃး​သူ​မႄး​သဵၼ်ႈ​တၢင်း ၽႃႇသႃႇ​သူ ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ​သူ​ၸိူဝ်း​ၼၼ်ႉ ၸေး​ၸေး​ၸုမ်ႇ​ၸုမ်ႇ​ယဝ်ႉ၊ ပေႃး​သူ​ၸီႇ​ယၢင်ႇ ၸွမ်း​ၼင်ႇ​တြႃး တီႈ​ၸဝ်ႈ​ဢမူႉ​ၼင်ႇ​ၵၼ်​ၵၼ်​ၼၼ်ႉ သေႇ​သေႇ​ၶျႃႇ​ၶျႃႇ​ယဝ်ႉ။-</verse>
				<verse number="6">ပေႃး​သူ​ယင်း​ဢမ်ႇ​ၼိၵ်ႈ​ၸၢၵ်ႈ​ငႅၼ်း​သႄး ၶႅၵ်ႇ​ဢႃႇၵၼ်ႇတူႉ၊ လုၵ်ႈ​ဢွၼ်ႇ​ဢၼ်​ဢမ်ႇ​မီး​ပေႃႈ​မီး​မႄႈ၊ မႄႈ​မူၵ်း​မႄႈ​မၢႆႈ၊ ဢမ်ႇ​ဢဝ်​လိူတ်ႈ​ၵေႃႉ​ဢၼ် ဢမ်ႇ​မီး​ဢပႅတ်ႈ​ၼၼ်ႉ ထွၵ်ႇ​ပႅတ်ႈ​ၵႃႈ​ၼႂ်း​တီႈ​ၼႆႉ၊ ဢမ်ႇ​ၸပ်း​ၸွမ်း ၽြႃး​တၢင်ႇ​သူႇ​တၢင်ႇ​ပႃး​လႄႈ ယႃႉ​ဢၵျူဝ်း​တူဝ်​ၸဝ်ႈ​ၵဝ်ႇ​ယဝ်ႉ​ၸိုင်၊-</verse>
				<verse number="7">ၵဝ်​တၵ်း​ႁႂ်ႈ​သူ​ယူႇ ၵႃႈ​တီႈ​ၼႆႈ​ၵႃႈ​ၼႂ်း​မိူင်း​ဢၼ် ၵဝ်​ပၼ်​တီႈ​ပူႇ​သူ​မွၼ်ႇ​သူ ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ သေႇ​သေႇ​ၼႆႉ​ဢေႃႈ။-</verse>
				<verse number="8">တူၺ်း​လူး၊ သူ​ဢွၼ်​ၵၼ် ဢိင်​ပိုင်ႈ​ၵႂၢမ်း​မူႉ​သႃႇ​ဢၼ်​ဢမ်ႇ​မီး​ဢၵျူဝ်း​ၼၼ်ႉ​ဢေႃႈ။-</verse>
				<verse number="9">သူ​ၼႆႉ တၵ်း​လၵ်ႉ​ဢဝ်​လွမ်​ဢဝ်​ယူႇ၊ တၵ်း​ဢဝ်​ဢသၢၵ်ႈ​ၵူၼ်း​တၢႆ​ယူႇ၊ တၵ်း​ၽိတ်း​ပိူင်ႈ​မေး​ပိူၼ်ႈ​ယူႇ၊ တၵ်း​ၵိၼ်ႇ​ဝႃႈ​လူၺ်ႈ​လွင်ႈ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ​ယူႇ၊ တၵ်း​ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ​ၽြႃး ပႃႇလႃႉ ​ယူႇ၊ တၵ်း​ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး ဢၼ်​သူ​ဢမ်ႇ​ယၢမ်ႈ​ႁူႉ ၸိူဝ်း​ၼၼ်ႉ​ယူႇ၊-</verse>
				<verse number="10">တၵ်း​ၶဝ်ႈ​လႄႈ​ၸုၵ်း​ၵႃႈ​တီႈ​ၽၢႆႇ​ၼႃႈ​ၵဝ် ၵႃႈ​ၼႂ်း​ႁိူၼ်း​ဢၼ် ႁွင်ႉ​ႁဵၵ်ႈ​လူၺ်ႈ​ၼႃႇ​မႃႉ ၸိုဝ်ႈ​သဵင်​ၵဝ်​ၼၼ်ႉ​ၼႆ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ႁဝ်း​လႆႈ​ၶၢမ်ႇ​ၵျေး​ၸူး တၢင်း​ဢၼ်​ၵႄႇ​သႄႇ​ၼုၵ်ႈ​ဢဝ်​ယဝ်ႉ၊ ဝႃႈ​ၼင်ႇ​ၼႆ ႁႂ်ႈ​လႆႈ​ႁဵတ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ၵူႈ​ၸိူဝ်ႉ​ၵူႈ​ပိူင် ၸိူဝ်း​ၼႆႉ​ယူႇ​ႁိုဝ်။-</verse>
				<verse number="11">ႁိူၼ်း​ၸဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​လူၺ်ႈ ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ​ၼႆႉ ပဵၼ်​ၸိူဝ်ႉ​ၼင်ႇ​ထမ်ႈ​ၸူၼ်​ၼၼ်ႉ သိုဝ်ႈ​ၼႃႈ​တႂ်ႈ​တႃ​သူ​ႁိုဝ်။ ၵဝ်​ၼႆႉ​ယဝ်ႉ၊ ၵဝ်​ၼႆႉ​ယဝ်ႉ​လႆႈ​ႁၼ် လွင်ႈ​တၢင်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="12">ဢွၼ်​ၵၼ်​ၵႂႃႇ ၵႃႈ​တီႈ​ထႃႇၼႃႉ​တီႈ​ၵဝ် ဢၼ်​မီး​ၵႃႈ​တီႈ​ဝဵင်း​ သီႉလေႃႇ တီႈ​ဢၼ်​ၵဝ်​ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၵဝ် တႄႇ​ယူႇ​မိူဝ်ႈ​ဢွၼ်​တၢင်း​ၼၼ်ႉ​လႄႈ လူ​တူၺ်း​လွင်ႈ​ဢၼ် ၵဝ်​ႁဵတ်း​ၸိူဝ်ႉ​ၼင်ႇ​ႁိုဝ် ၵႃႈ​တီႈ​ၼၼ်ႈ​ၵွပ်ႈ​ပိူဝ်ႈ ဢပႅတ်ႈ​ၵူၼ်း​ၵဝ် ၵူၼ်း​ ဢီႉသရေႇလႃႉ ​ၸိူဝ်း​ၼၼ်ႉ​ယဝ်ႉ​ၼၼ်ႉ​တႃႉ။-</verse>
				<verse number="13">မိူဝ်ႈ​လဵဝ်​ၼႆႉ ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ် သူ​ႁဵတ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼႆႉ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​ၵဝ်​လုၵ်ႉ​ၸဝ်ႉ​ၸဝ်ႉ​သေ​လႄႈ လၢတ်ႈ​ပၼ်​ယူႇ​ၶိူဝ်း​ၶိူဝ်း​ယႂ်း​ယႂ်း​သေ​ၵေႃႈ သူ​ဢမ်ႇ​ထွမ်ႇ​ဢမ်ႇ​ဢဝ်၊ တင်း​ၵွပ်ႈ​ပိူဝ်ႈ​ဢၼ် ၵဝ်​ႁွင်ႉ​လႄႈ သူ​ဢမ်ႇ​ဢိူဝ်​ၼၼ်ႉ​လႄႈ၊-</verse>
				<verse number="14">ၵဝ်​တၵ်း​ႁဵတ်း​တီႈ​ႁိူၼ်း​ၸဝ်ႈ ဢၼ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ လူၺ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်၊ ဢၼ်​သူ​ဢိင်​ပိုင်ႈ၊ ဢၼ်​ဝႃႈ ထႃႇၼႃႉ​တီႈ​ဢၼ်​ၵဝ်​ပၼ်​တီႈ​ပူႇ​သူ​မွၼ်ႇ​သူ​ၼၼ်ႉ​ၼႆႉ မိူၼ်​ၸိူဝ်ႉ​ၼင်ႇ​ဢၼ် ၵဝ်​ႁဵတ်း​တီႈ​ဝဵင်း​ သီႉလေႃႇ ​ၼၼ်ႉ​ဢေႃႈ။-</verse>
				<verse number="15">ၵဝ်​တၵ်း​ႁေႃႈ​သူ​ဢွၵ်ႇ​ပႅတ်ႈ​သေ​ၵႃႈ​တီႈ သိုဝ်ႈ​ၼႃႈ​တႂ်ႈ​တႃ​ၵဝ်​ၼႆႉ မိူၼ်​ၸိူဝ်ႉ​ၼင်ႇ​ဢၼ်​ၵဝ်​ႁေႃႈ ပီႈ​ၼွင်ႉ​သူ​ၵူၼ်း​မဵဝ်း​ ဢေႇၽရိမ်ႇ တင်း​သဵင်ႈ​တင်း​လူင် ၼၼ်ႉ​ဢေႃႈ။</verse>
				<verse number="16">ပိူဝ်ႈ​ၼႆ​လႄႈ မႂ်း​ၵေႃႈ​ယႃႇ​ပေ​ႁဵတ်း​ပထၼႃႇ ပုၼ်ႈ​ၵူၼ်း​မဵဝ်း​ၼႆႉ။ ယႃႇ​ပေ​ႁဵတ်း​တၢင်း​ဢၼ်​သႅၼ်ႇ​ႁွင်ႉ၊ တၢင်း​ဢၼ်​သူး​တွင်း​ပုၼ်ႈ​ၶဝ်။ ယႃႇ​ပေ​တိုၵ်း​ယူင်း​ၸူဝ်း​ဢဝ်​ၵဝ်။ ၵဝ်​တၵ်း​ဢမ်ႇ​ထွမ်ႇ​ဢဝ်​ၵႂၢမ်း​မႂ်း။-</verse>
				<verse number="17">မႂ်း​ဢမ်ႇ​ႁၼ်​လွင်ႈ​တၢင်း​ဢၼ် ၶဝ်​ႁဵတ်း​ၵႃႈ​ၼႂ်း​ဝဵင်း​ ယူႉတႃႉ ​တင်း​လၢႆ ဢိၵ်ႇ​တင်း ၵႃႈ​ၼႂ်း​သဵၼ်ႈ​တၢင်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ႁိုဝ်။-</verse>
				<verse number="18">ၵေႃႉ​ဢၼ်​ပဵၼ်​လုၵ်ႈ​ပဵၼ်​လၢင်း ဢွၼ်​ၵၼ်​ဢဝ်​ၽိုၼ်း၊ ၵေႃႉ​ဢၼ်​ပဵၼ်​ပေႃႈ ဢွၼ်​ၵၼ်​သႂ်ႇ​ၽႆး၊ မႄႈ​ယိင်း​တင်း​လၢႆ ဢွၼ်​ၵၼ်​ၼူတ်ႈ​ၶဝ်ႈ​မုၼ်း ႁႂ်ႈ​လႆႈ​ႁဵတ်း​ၶဝ်ႈ​မုၼ်း​ၶႅပ်း ပုၼ်ႈ​ၼၢင်း​ႁေႃ​ၶမ်း​ၵၢင်​ႁၢဝ်​လႄႈ ဢဝ်​ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ​တင်း​လၢႆ သွၼ်း​လေႃႇ​တီႈ​ၽြႃး တၢင်ႇ​သူႇ​တၢင်ႇ​ပႃး ႁႂ်ႈ​လႆႈ​ယႃႉ​ယူၵ်ႉ​ၵဝ်​ဢေႃႈ။-</verse>
				<verse number="19">ၶဝ်​ဢွၼ်​ၵၼ်​ယႃႉ​ယူၵ်ႉ​ၵဝ်​ႁိုဝ်။ ၶဝ်​ဢွၼ်​ၵၼ် ယႃႉ​ယူၵ်ႉ​တူဝ်​ၶဝ်​ၵူၺ်း ႁႂ်ႈ​ၼႃႈ​ၶဝ်​လူႉ​ၵူၺ်း​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="20">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၽႆး​တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၵဝ် တၵ်း​မီး​တၢင်း​ဢၼ်​သွၼ်း​လေႃႇ ၵႃႈ​ၼိူဝ်​ထႃႇၼႃႉ​တီႈ​ၼႆႈ၊ ၵႃႈ​ၼိူဝ်​ၵူၼ်း၊ ၵႃႈ​ၼိူဝ်​တရိၵ်ႈသၢၼ်ႇ၊ ၵႃႈ​ၼိူဝ်​တူၼ်ႈ​မႆႉ​ဢၼ်​မီး ၵႃႈ​ၼွၵ်ႈ​ၵႃႈ​ပၢင်ႇ၊ ၵႃႈ​ၼိူဝ်​မၢၵ်ႇ​လိၼ်​ႁူင်း​လိၼ်​တင်း​လၢႆ​လႄႈ ၽႆး​ၼၼ်ႉ​တၵ်း​မႆႈ​ယူႇ​လႄႈ ဢမ်ႇ​မီး​တၢင်း​ဢၼ်​မွတ်ႇ​လႃး​လႃး​ဢေႃႈ။-</verse>
				<verse number="21">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​မီး​ဢမိင်ႉ​ၸမ်ႉ၊ ဢွၼ်​ၵၼ်​ဢဝ်​ယိတ်ႈ​ဢၼ်​တုတ်ႇ​ၽႆး​သူ​တင်း​လၢႆ​ဝႆႉ လူၺ်ႈ​ၵၼ်​တင်း​ယိတ်ႈ တၢင်ႇ​ၸိူဝ်ႉ​တၢင်ႇ​ဢၼ်​သူ​ၼၼ်ႉ သေ​လႄႈ ၵိၼ်​ၼိူဝ်ႉ​တႃႉ။-</verse>
				<verse number="22">လွင်ႈ​မၼ်း​ၸမ်ႉ ၼႂ်း​မိုဝ်ႉ​ဝၼ်း​ဢၼ်​ၵဝ်​ၼုၵ်ႈ​ဢဝ်​ပူႇ​သူ​မွၼ်ႇ​သူ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ၊ ၵဝ်​ဢမ်ႇ​သင်ႇ​လၢတ်ႈ ဢမ်ႇ​မီး​ဢမိင်ႉ​ဝႆႉ​လူၺ်ႈ​လွင်ႈ ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း ယိတ်ႈ​တၢင်ႇ​ၸိူဝ်ႉ​တၢင်ႇ​ပိူင်​ၸိူဝ်း​ၼၼ်ႉ တီႈ​ၶဝ်​ၼၼ်ႉ။-</verse>
				<verse number="23">လွင်ႈ​တၢင်း​ဢၼ် ၵဝ်​သင်ႇ​လၢတ်ႈ​ဝႆႉ​ၸမ်ႉ၊ ဢွၼ်​ၵၼ်​ထွမ်ႇ​ဢဝ်​ၵႂၢမ်း​ၵဝ်​တႃႉ။ ၵဝ်​တၵ်း​ပဵၼ် ၽြႃး​ပဵၼ်​ၸဝ်ႈ သူ​လႄႈ သူ​ၵေႃႈ​တၵ်း​ပဵၼ်​ၵူၼ်း​ၵဝ်​ဢေႃႈ။ ဢွၼ်​ၵၼ်​ၸွမ်း​သဵၼ်ႈ​တၢင်း ၵႃႈ​ဢၼ်​ၵဝ်​ၸီႇ​ယၢင်ႇ​ဝႆႉ​တီႈ​သူ ႁႂ်ႈ​ပဵၼ်​ဢၼ်​လီ ဢၼ်​ငၢမ်း​တီႈ​သူ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၵူၺ်း​ၵႃႈ ၶဝ်​ယင်း​ဢမ်ႇ​ထွမ်ႇ​ဢမ်ႇ​ငိၼ်း၊ ယင်း​ဢမ်ႇ​ဝၢႆႇ​ႁူ​ၸူး​လႄႈ ၵႂႃႇ​မႃး​ယူႇ​ၵႃႈ​ၼႂ်း​တၢင်း​ၵျၢမ်ႇ​တၢင်း​ပွင်​ၶဝ် ဢိၵ်ႇ​တင်း တၢင်း​ဢၼ် ႁူဝ်​ၸႂ်​ဢၼ်​ႁၢႆႉ​ယုတ်ႈ​ၶဝ်​ၼၼ်ႉ ၵႅၼ်ႇ​ၶႅင်​ၼၼ်ႉ​လႄႈ ယင်း​ဢမ်ႇ​ၵႂႃႇ​သိုဝ်ႈ​ၼႃႈ​တၢင်း​ၼႃႈ​လႄႈ ဢွၼ်​ၵၼ်​ဝၢႆႇ​ၶိုၼ်း​တၢင်း​လင်​ဢေႃႈ။-</verse>
				<verse number="25">ၸႃႉ​ၸဵမ်​မိုဝ်ႉ​ဝၼ်း​ဢၼ်​ပူႇ​သူ​မွၼ်ႇ​သူ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ ၵဝ်​လုၵ်ႉ ၸဝ်ႉ​ၸဝ်ႉ ၵူႈ​ဝၼ်း​သေ​လႄႈ ပွႆႇ​ၸႂ်ႉ​ၶႃႈ​ၵဝ်​ပရေႃးၽႅတ်ႈ​တင်း​သဵင်ႈ​တင်း​လူင် ၸူး​ၵႃႈ​တီႈ​သူ​ယူႇ ၶိူဝ်း​ၶိူဝ်း​ယႂ်း​ယႂ်း​ဢေႃႈ။-</verse>
				<verse number="26">ၵူၺ်း​ၵႃႈ ၶဝ်​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်၊ ယင်း​ဢမ်ႇ​ဝၢႆႇ​ႁူ​ႁေႈ​ႁူ​ၸူး​လႄႈ ႁႂ်ႈ​ၶေႃး​ၶဝ်​ၵႅၼ်ႇ​ၶႅင်​သေ​လႄႈ ဢွၼ်​ၵၼ်​ႁဵတ်း​ႁုၵ်း​ႁဵတ်း​ႁၢႆႉ လိူဝ်​တွၼ်း​ၼႃႇ​သေ ပူႇ​ၶဝ်​မွၼ်ႇ​ၶဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="27">ပိၵ်ႉ​သမ်ႉ​မႂ်း​ဢဝ်​ၵႂၢမ်း တင်း​သဵင်ႈ​တင်း​လူင် ၸိူဝ်း​ၼႆႉ​လၢတ်ႈ​တီႈ​ၶဝ်​သေ​ၵေႃႈ၊ ၶဝ်​ဢမ်ႇ​ထွမ်ႇ​ဢမ်ႇ​ငိၼ်း။ ပိၵ်ႉ​သမ်ႉ​မႂ်း​ႁွင်ႉ​သေ​ၵေႃႈ ၶဝ်​ဢမ်ႇ​ဢိူဝ်။-</verse>
				<verse number="28">ပိူဝ်ႈ​ၼႆ​ၸင်ႇ​မႂ်း​တၵ်း​လႆႈ​လၢတ်ႈ တီႈ​ၶဝ်​လႄႈ​ဝႃႈ၊ ၵူၼ်း​မဵဝ်း​ၼႆႉ​ပဵၼ်​မဵဝ်း ဢၼ်​ဢမ်ႇ​ထွမ်ႇ​ဢဝ်​ၵႂၢမ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်၊ မဵဝ်း​ဢၼ်​ဢမ်ႇ​ၶၢမ်ႇ​ဢဝ် တၢင်း​ဢၼ်​သင်ႇ​သွၼ်​သုင်း​မႃႉ၊ မဵဝ်း​ဢၼ်​သဵတ်ႈ​ၸႃႇ​လူႉ​လႅဝ်​ႁၢႆ​လၢႆ၊ မဵဝ်း​ဢၼ်​သဵတ်ႈ​ၸႃႇ လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​သေ ၵႃႈ​တီႈ​သူပ်း​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">ထႃ​ၶူၼ်​ႁူဝ်​မႂ်း​သေ​လႄႈ ထိမ်ႈ​ပႅတ်ႈ​တႃႉ။ ႁဵတ်း​တၢင်း​ဢၼ်​ၶၢင်း​ၶီ​ၶၢင်း​ၽၢၼ်​ယူႇ ၵႃႈ​ၼိူဝ်​တီႈ​ဢၼ်​သုင်​တင်း​လၢႆ​တႃႉ။​လွင်ႈ​မၼ်း​ၸမ်ႉ ထႃႇဝရႃႉ​ၽြႃး ထဵင်​ပႅတ်ႈ ၸုၼ်ႉ​ပႅတ်ႈ​ၵူၼ်း​မဵဝ်း​ဢၼ် တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ တူၵ်း​ႁွတ်ႈ​ၼၼ်ႉ​ယဝ်ႉ။-</verse>
				<verse number="30">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း​မဵဝ်း​ ယူႉတႃႉ ​တင်း​လၢႆ ဢွၼ်​ၵၼ်​ႁဵတ်း​လွင်ႈ​တၢင်း​ဢၼ်​ႁၢႆႉ​ယုတ်ႈ​သိုဝ်ႈ​ၼႃႈ​တႂ်ႈ​တႃ​ၵဝ်​ယဝ်ႉ။ ၶဝ်​ဢွၼ်​ၵၼ်​ဢဝ် လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​ၶဝ်​သႂၢင်း​သႂ်ႇ​ဝႆႉ ၵႃႈ​ၼႂ်း​ႁိူၼ်း​ၸဝ်ႈ ဢၼ်​လႆႈ​ၶၢမ်ႇ​တၢင်း​ဢၼ် ႁွင်ႉ​ႁဵၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ ႁႂ်ႈ​ၵူဝ်ႈ​ၵိူၵ်ႇ​ယဝ်ႉ။-</verse>
				<verse number="31">ၶဝ်​ဢွၼ်​ၵၼ် တႄႇ​ႁဵတ်း​ထႃႇၼႃႉ​တီႈ​သုင်​ တေႃးၽႅတ်ႉ ​တင်း​လၢႆ ဢၼ်​မီး​ၵႃႈ​ၼႂ်း​ၶူင်ႈ​ႁူၺ်ႈ လုၵ်ႈ​ၸၢႆး​ ႁိၼ်ႇၼုမ်ႇ ​ၼၼ်ႉ ႁႂ်ႈ​လႆႈ​ဢဝ်​လုၵ်ႈ​ၸၢႆး လုၵ်ႈ​ယိင်း​ၶဝ်​တုတ်ႇ​ၽႆး၊ ဢၼ်​ပဵၼ်​လွင်ႈ​တၢင်း​ဢၼ်​ၵဝ် ဢမ်ႇ​သင်ႇ​လၢတ်ႈ​ဝႆႉ၊ ဢၼ်​ႁူဝ်​ၸႂ်​ၵဝ်​ဢမ်ႇ​ၵျၢမ်ႇ​ပွင်​လႃး​လႃး​ၼၼ်ႉ​ယဝ်ႉ။-</verse>
				<verse number="32">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ်​ဢမ်ႇ​လႆႈ​ႁွင်ႉ​ႁဵၵ်ႈ​ၶူင်ႈ​ႁူၺ်ႈ​ၼၼ်ႉ​လႄႈ​ဝႃႈ၊ ၶူင်ႈ​ႁူၺ်ႈ​ တေႃးၽႅတ်ႉ ၊ ဢၼ်​ဢမ်ႇ​လႆႈ​ႁွင်ႉ​ႁဵၵ်ႈ​မၼ်း​လႄႈ​ဝႃႈ၊ ၶူင်ႈ​ႁူၺ်ႈ လုၵ်ႈ​ၸၢႆး​ ႁိၼ်ႇၼုမ်ႇ ၊ ဢၼ်​တၵ်း​လႆႈ​ႁွင်ႉ​ႁဵၵ်ႈ​မၼ်း​လႄႈ​ဝႃႈ၊ ၶူင်ႈ​ႁူၺ်ႈ​ဢၼ်​ဢဝ်​တၢႆ၊ ဝႃႈ​ၼင်ႇ​ၼႆ​ၼၼ်ႉ​ၼၼ်ႉ တၵ်း​ႁွတ်ႈ​ထိုင်​ဢေႃႈ။ ၶဝ်​တၵ်း​ဢွၼ်​ၵၼ်​ဢဝ်​သၢင်း​ၵျူဝ်ႇ​ၵႃႈ​ၼႂ်း တီႈ​ တေႃးၽႅတ်ႉ ​ၼၼ်ႉ တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​မီး​လိၼ်​တီႈ​ဢၼ်​လွတ်ႈ​ဢၼ်​ပဝ်ႇ​ဢေႃႈ။-</verse>
				<verse number="33">တူဝ်​တၢႆ​ၵူၼ်း​မဵဝ်း​ၼႆႉ​ၸိူဝ်း​ၼၼ်ႉ တၵ်း​ပဵၼ်​တၢင်း​ၵိၼ် တၢင်း​ၶူပ်း​ပုၼ်ႈ ၼူၵ်ႉ​ၵၢင်​ႁၢဝ်​တင်း​လၢႆ ဢိၵ်ႇ​တင်း တူဝ်​ထိူၼ်ႇ​ႁၢႆႉ​တင်း​လၢႆ​ဢေႃႈ။ ၽူႈ​လႂ် သေ​ၵေႃႉ​သေ​ၵူၼ်း ဢမ်ႇ​လႆႈ​ႁေႃႈ​ၶဝ်​ပႅတ်ႈ၊-</verse>
				<verse number="34">မိူဝ်ႈ​ၼၼ်ႉ ၵဝ်​တၵ်း​ႁႂ်ႈ​သဵင်​ဢၼ်​ၸူမ်း​သိူဝ်း၊ သဵင်​ဢၼ်​သႂၢင်ႇ​ၸႂ်၊ သဵင်​ဢၼ်​သွင်ႇ​မင်ႇၵလႃႇ​ၵူၼ်း​ၸၢႆး၊ သဵင်​ဢၼ်​သွင်ႇ​မင်ႇၵလႃႇ ၵူၼ်း​ယိင်း​ၶဝ်​ၸိူဝ်း​ၼၼ်ႉ ထၢတ်ႇ​ယဵၼ်​ၵႂႃႇ​သေ ၵႃႈ​တီႈ​ဝဵင်း​ ယူႉတႃႉ ​တင်း​လၢႆ​ဢိၵ်ႇ​တင်း သဵၼ်ႈ​တၢင်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​လႄႈ မိူင်း​ၸဝ်ႈ​တၵ်း​ပဵၼ် တီႈ​ဢၼ်​ပဝ်ႇ​ဢၼ်​လၢပ်ႈ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="8">
				<verse number="1">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူဝ်ႈ​ၼၼ်ႉ ၶဝ်​တၵ်း​ဢွၼ်​ၵၼ် ဢဝ်​လုပ်ႇ​ၶုၼ်​ႁေႃ​ၶမ်း​ ယူႉတႃႉ ၊ လုပ်ႇ​မူး​မၢတ်ႈ​ၽွင်း​မိူင်း၊ လုပ်ႇ​ယိတ်ႈပရေႃးႁဵၵ်ႈ၊ လုပ်ႇ​ပရေႃးၽႅတ်ႈ လုပ်ႇ​ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း ၶုမ်​သၢင်း​ၶႅင်း​ၶဝ်​လႄႈ၊-</verse>
				<verse number="2">ဢဝ်​ၽႄႇ​တၢၵ်ႇ​ဝႆႉ ၵႃႈ​တီႈ​ၽၢႆႇ​ၼႃႈ​ၵၢင်​ဝၼ်း၊ လိူၼ်၊ ၶိူင်ႈ​ပိူင်​ၵၢင်​ႁၢဝ်​တင်း​လၢႆ ဢၼ်​ပဵၼ်​တီႈ​ဢၼ်​ၶဝ်​ႁၵ်ႉ​ပႅင်း၊ တီႈ​ဢၼ်​ၶဝ်​ပွင်​ႁဵတ်း​ဢမူႉ၊ တီႈ​ဢၼ်​ၶဝ်​ၸွမ်း​ၵႂႃႇ၊ တီႈ​ဢၼ်​ၶဝ်​ႁႃ​ဢဝ်၊ တီႈ​ဢၼ်​ၶဝ်​ၵူဝ်း​ၵႂၢႆႇ​ၸိူဝ်း​ၼၼ်ႉ​ဢေႃႈ။ လုပ်ႇ​ၸိူဝ်း​ၼၼ်ႉ​ဢမ်ႇ​လႆႈ​ၶၢမ်ႇ​တၢင်း​ဢၼ် ဢဝ်​ၸူႉ​ဢဝ်​ၵွင်၊ ဢမ်ႇ​လႆႈ​ၶၢမ်ႇ​တၢင်း​ဢၼ်​ဢဝ်​သၢင်း​ၵျူဝ်ႇ။ တၵ်း​လႆႈ​ပဵၼ်​ၸိူဝ်ႉ​ၼင်ႇ​ၶီႈ​ၼင်ႇ​ဢႃႇ ၵႃႈ​ၼိူဝ်​ၼႃႈ​လိၼ်​ၼၼ်ႉ​ဢေႃႈ။-</verse>
				<verse number="3">တၢင်း​တၢႆ တၵ်း​လႆႈ​ပဵၼ်​တီႈ​ဢၼ် ၵူၼ်း​မဵဝ်း​ဢၼ်​ႁၢႆႉ​ဢၼ်​ယုတ်ႈ ဢၼ်​ၵိုတ်း​ဝႆႉ​ၵျၢၼ်ႇ​ဝႆႉ ဢၼ်​ယင်း​မီး​ဝႆႉ​ယူႇ​ၵႃႈ​ၼႂ်း တီႈ​ဢၼ်​ၵဝ်​ႁေႃႈ​ပႅတ်ႈ​ၵူႈ​တီႈ​ၵူႈ​လႅၼ်​ၸိူဝ်း​ၼၼ်ႉ​ၼႆႉ လိူၵ်ႈ​ၵဵပ်း​ဢဝ်​လိူဝ်​တွၼ်း​ၼႃႇ​သေ​တၢင်း​ဢၼ် ဢသၢၵ်ႈ​လိပ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="4">လႆႈ​သမ်ႉ မႂ်း​တၵ်း​လႆႈ​လၢတ်ႈ တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း​တၵ်း​လူမ်ႉ​လႄႈ ၵမ်း​လိုၼ်း​ဢမ်ႇ​လႆႈ​ၶိုၼ်း​လုၵ်ႉ​ႁိုဝ်။ ၵူၼ်း​တၵ်း​ပိူင်ႈ​တၢင်း​ၵႂႃႇ​လႄႈ ၵမ်း​လိုၼ်း​ဢမ်ႇ​လႆႈ​ၶိုၼ်း​လႆႈ​မႃး​ႁိုဝ်။-</verse>
				<verse number="5">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ၵူၼ်း​မဵဝ်း​ၼႆႉ​ဢၼ်​ဝႃႈ​ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ မီး​တၢင်း​ဢၼ် ၽွၵ်ႈ​ပျၢၼ်ႇ​ၶိုၼ်း ထႃႇဝရႃႉ​သေ​လႄႈ ၽွၵ်ႈ​ပျၢၼ်ႇ​ၶိုၼ်း ၼင်ႇ​ႁိုဝ်။ ၶဝ်​ဢွၼ်​ၵၼ် ၸပ်း​ၸွႆး​မူႉ​သႃႇ​လႄႈ တွပ်ႇ​ထဵင်​ပႅတ်ႈ​တၢင်း​ဢၼ် တၵ်း​လႆႈ​ၶိုၼ်း​လႆႈ​မႃး​ၼၼ်ႉ​ဢေႃႈ။-</verse>
				<verse number="6">ၵဝ်​ထွမ်ႇ​ၶဝ်​ငိၼ်း​ၶဝ်​ယူႇ​လႄႈ ၶဝ်​ဢမ်ႇ​ဢွၼ်​ၵၼ် လၢတ်ႈ​သိုဝ်ႈ​သိုဝ်ႈ​တေႃႇ​တေႃႇ။ ၽူႈ​လႂ်​ဢမ်ႇ​ၶုၵ်း​ၸႂ်​လႆႈ မႆႈ​ၸႂ်​လူၺ်ႈ​ဢပႅတ်ႈ တူဝ်​ၸဝ်ႈ​ၵဝ်ႇ​လႄႈ​ဝႃႈ၊ ၵဝ်​ႁဵတ်း​မႅၼ်ႈ​ၸိူဝ်ႉ​ၼင်ႇ​ႁိုဝ်​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ သေ​ၵေႃႉ​သေ​ၵူၼ်း။ ၶဝ်​ၸၢင်ႈ​ဢွၼ်​ၵၼ် ငႅၵ်း​ပိူင်ႈ​တၢင်း ၸူး​သဵၼ်ႈ​တၢင်း​ၶဝ် ၵူႈ​ၵေႃႉ​ၵူႈ​ၵူၼ်း​မိူၼ်​ၸိူဝ်ႉ​ၼင်ႇ​ဢၼ်​မႃႉ ၶုၼ်ႇ​လႅၼ်ႈ​ၽၢင်ႈ​ၽိင်ႈ​ၵႂႃႇ​ႁႂ်ႈ​လႆႈ​တိုၵ်း​သိုၵ်း​ၼၼ်ႉ​ဢေႃႈ။-</verse>
				<verse number="7">ၵွၼ်ႇ​ဢၼ်​ၸၢင်ႈ​လႄႇ​ၵႂႃႇ ၵႃႈ​ၼိူဝ်​ၽႃႉ​ၵၢင်​ႁၢဝ်​ၼၼ်ႉ ၸၢင်ႈ​ႁူႉ​ၶိင်ႇ​ႁူႉ​မိူဝ်ႈ​မၼ်း​လႄႈ ၼူၵ်ႉ​တူႈ၊ ၼူၵ်ႉ​ဢႅၼ်ႇ​ၽႃႉ၊ ၼူၵ်ႉ​ၵွၼ်ႇ​ၸၢင်ႉ ၸိူဝ်း​ၼၼ်ႉ ၸၢင်ႈ​တွင်း​ၶိင်ႇ​တွင်း​မိူဝ်ႈ​ဢၼ်​ၶဝ်​ၶိုၼ်း​မႃး​ၼၼ်ႉ​ဢေႃႈ။ ၵူၼ်း​ၵဝ်​တင်း​လၢႆ​ၸမ်ႉ၊ ဢမ်ႇ​ၸၢင်ႈ​ႁူႉ​ၸၢင်ႈ​ၸႅင်ႈ လွင်ႈ​တၢင်း​ဢၼ် ထႃႇဝရႃႉ​ၽြႃး ၸီႇ​ယၢင်ႇ​ၼၼ်ႉ။-</verse>
				<verse number="8">သူ​လၢတ်ႈ​လႄႈ​ဝႃႈ၊ ႁဝ်း​ပဵၼ်​ၵူၼ်း​ဢၼ်​မီး​ပိင်ႇ​ၺႃႇ​လႄႈ တြႃး​ထႃႇဝရႃႉ​ၽြႃး​မီး​တီႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​လႆႈ​ၸိူဝ်ႉ​ၼင်ႇ​ႁိုဝ်။ တူၺ်း​လူး၊ ၵွင်ႈ​ၵမ်​မူႉ​သႃႇ ၸရေး​ၸိူဝ်း​ၼၼ်ႉ ႁဵတ်း​တြႃး​မူႉ​သႃႇ​ဢမၢၼ်ႇ​ၶၼ်​ပဵၼ်​ယဝ်ႉ။-</verse>
				<verse number="9">ၵူၼ်း​ဢၼ်​မီး​ပိင်ႇ​ၺႃႇ​ၸိူဝ်း​ၼၼ်ႉ ဢွၼ်​ၵၼ်​ဢူၵ်း​ဢၢႆ​ဢေႃႈ။ ၶဝ်​ဢွၼ်​ၵၼ်​တူၵ်း​ၸႂ်​လႄႈ ၶဝ်ႈ​ၵႃႈ​ၼႂ်း​တူင်ႇ​ႁႅဝ်ႉ​ယဝ်ႉ။ တူၺ်း​လူး၊ ၶဝ်​ဢွၼ်​ၵၼ်​ပႄႇ​ပႅတ်ႈ​ထဵင်​ပႅတ်ႈ ၼုၵ်ႈၵပၢတ်ႈ ထႃႇဝရႃႉ​ၽြႃး​ယဝ်ႉ။ ၶဝ်​မီး​ပိင်ႇ​ၺႃႇ​မဵဝ်း​ၸိူဝ်ႉ​ၼင်ႇ​ႁိုဝ်​ၼၼ်ႉ။-</verse>
				<verse number="10">ၵွပ်ႈ​ပိူဝ်ႈ​လွင်ႈ​ၼၼ်ႉ​လႄႈ ၵဝ်​တၵ်း​ဢဝ်​မေး​ၶဝ်​ဢၢပ်ႈ​ပၼ် တီႈ​ပိူၼ်ႈ​လႄႈ တၵ်း​ဢဝ်​တူင်ႈ​ႁႆႊ​တူင်ႈ​ၼႃး​ၶဝ်​ပၼ် ႁႂ်ႈ​ပိူၼ်ႈ​လႆႈ​ပိူင်ႇ​ဢေႃႈ။ ၸႃႉ​ၸဵမ်​ၶဝ်​ၸိူဝ်း​ဢၼ်​လဵၵ်ႉ​သေ​ပိူၼ်ႈ တေႃႇ​ထိုင်​ႁွတ်ႈ ၶဝ်​ၸိူဝ်း​ဢၼ်​ယႂ်ႇ​သေ​ပိူၼ်ႈ​ၼၼ်ႉ ဢွၼ်​ၵၼ်​ႁႃ​ဢဝ် တၢင်း​ဢၼ်​ပဵၼ်​တိုၼ်း​ပဵၼ်​ႁွၼ်း​ဢၼ်​ဢမ်ႇ​တြႃး​ဢေႃႈ။ ၸႃႉ​ၸဵမ်​ပရေႃးၽႅတ်ႈ​လႄႈ ယိတ်ႈပရေႃးႁဵၵ်ႈ​ၵႃႈ​မီး​ၼၼ်ႉ​ဢွၼ်​ၵၼ် သုင်း​မူႉ​သႃႇ​ဢေႃႈ။-</verse>
				<verse number="11">ယၢမ်း​မိူဝ်ႈ​ဢၼ်​ဢမ်ႇ​မီး​ၵတ်း​ယဵၼ်​ၶျၢမ်း​သႃႇ ၼၼ်ႉ​ၸိုင်၊ ၶဝ်​ဢွၼ်​ၵၼ်​ႁဵတ်း​မဝ်​မဝ်​မၢင်​မၢင်​သေ​လႄႈ ယႃႉ​လုၵ်ႈ​ယိင်း ၵူၼ်း​မဵဝ်း​ၵဝ်​ၼၼ်ႉ​လႄႈ လၢတ်ႈ​လႄႈ​ဝႃႈ၊ ၵတ်း​ယဵၼ်​ၶျၢမ်း​သႃႇ၊ ၵတ်း​ယဵၼ်​ၶျၢမ်း​သႃႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၶဝ်​ၼၼ်ႉ ႁဵတ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ သေ​ယဝ်ႉ၊ ဢွၼ်​ၵၼ်​ဢူၵ်း​ဢၢႆ​ႁိုဝ်။ ၶဝ်​ဢမ်ႇ​ၸၢင်ႈ​ဢွၼ်​ၵၼ်​ဢူၵ်း​ဢၢႆ​လႃး​လႃး။ ၶဝ်​ဢမ်ႇ​ၸၢင်ႈ​ဢွၼ်​ၵၼ်​ၼႃႈ​လူႉ။ ပိူဝ်ႈ​ၼႆ​လႄႈ ၶဝ်​ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ တၵ်း​ဢွၼ်​ၵၼ်​လူမ်ႉ​ဢေႃႈ။ ယၢမ်း​မိူဝ်ႈ​ဢၼ် ၵဝ်​ၸႅတ်ႈ​ထၢမ်​ၶဝ်​ၼၼ်ႉ ၶဝ်​တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="13">ၵဝ်​တၵ်း​ယႃႉ​ၽဵဝ်ႈ​ၶဝ်​ပႅတ်ႈ မူတ်း​မူတ်း​သဵင်ႈ​သဵင်ႈ​ဢေႃႈ။ မၢၵ်ႇ​ၸပိတ်ႈ ဢမ်ႇ​လႆႈ​မီး​တီႈ​တူၼ်ႈ​ၶိူဝ်း မၢၵ်ႇ​ၸပိတ်ႈ။ မၢၵ်ႇ​လိူဝ်ႇ​သၢင်း​ၽေႃး ဢမ်ႇ​လႆႈ​မီး​တီႈ​တူၼ်ႈ မၢၵ်ႇ​လိူဝ်ႇ​သၢင်း​ၽေႃး။ မႂ်​မၼ်း​တၵ်း​ႁဵဝ်ႇ​ၸွပ်ႈ​ၵႂႃႇ​ဢေႃႈ။ ၵဝ်​တၵ်း​ပွႆႇ​ၸႂ်ႉ​ၶဝ်​ၸိူဝ်း​ဢၼ် တၵ်း​ႁူမ်ႇ​သုမ်ႇ​ၶဝ်​ၼၼ်ႉ​မႃး​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="14">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁဝ်း​ဢွၼ်​ၵၼ်​ၼင်ႈ​ယူႇ​ၼင်ႇ​ႁိုဝ်။ ၸူႉ​ၵၼ်​တုမ်​ၵၼ်​တႃႉ​ႁဝ်း။ ဢွၼ်​ၵၼ်​ၶဝ်ႈ​ၵႃႈ​ၼႂ်း​ဝဵင်း ဢၼ်​မၼ်ႈ​ၶိူင်ႇ​တင်း​လၢႆ​လႄႈ ယူႇ​တဵတ်ႇ​တဵတ်ႇ​ယဵၼ်​ယဵၼ် ၵႃႈ​တီႈ​ၼၼ်ႈ​တႃႉ​ႁဝ်း။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ႁႂ်ႈ​ႁဝ်း​ယူႇ တဵတ်ႇ​တဵတ်ႇ​ယဵၼ်​ယဵၼ်​လႄႈ ဢဝ်​ၼမ်ႉ​ဢၼ်​သႂ်ႇ​ယႃႈ​ၶူမ်​ၼၼ်ႉ တိုၵ်း​ပၼ်​တီႈ​ႁဝ်း ၵွပ်ႈ​ပိူဝ်ႈ​ဢၼ်​ႁဝ်း ၽိတ်း​ပိူင်ႈ ထႃႇဝရႃႉ​ၽြႃး ၼၼ်ႉ​ယဝ်ႉ။-</verse>
				<verse number="15">ပိၵ်ႉ​သမ်ႉ​ႁဝ်း​မုင်ႈ​မွင်း ၵတ်း​ယဵၼ်​ၶျၢမ်း​သႃႇ​ယူႇ​သေ​ၵေႃႈ၊ လွင်ႈ​တၢင်း​ဢၼ်​လီ​ဢၼ်​ငၢမ်း ဢမ်ႇ​ပေႃႇ​ဢမ်ႇ​မႃး။ ပိၵ်ႉ​သမ်ႉ​ႁဝ်း​မုင်ႈ​မွင်း ၶိင်ႇ​မိူဝ်ႈ​ဢၼ်​တၵ်း​သၢၵ်ႈ​သႃႇ ၶႅၼ်း​မႃး​ၼၼ်ႉ​ယူႇ​သေ​ၵေႃႈ၊ ပဵၼ်​ၽေး​လွၼ်ႉ​လွၼ်ႉ​ဢေႃႈ။-</verse>
				<verse number="16">လႆႈ​ငိၼ်း​သဵင်​ဢၼ်​သုတ်ႇ​ၶူႈ​လင်​မႃႉ မၼ်း​ၸိူဝ်း​ၼၼ်ႉ ၸဵမ်​ၵႃႈ​တီႈ​မိူင်း​ တၢၼ်ႇ ​ပုၼ်ႉ​လႄႈ ၵွပ်ႈ​ပိူဝ်ႈ​သဵင် ဢၼ်​မႃႉ​ႁၢႆႉ​မၼ်း​ၸိူဝ်း​ၼၼ်ႉ ႁႄႇ​ၼၼ်ႉ​လႄႈ မိူင်း​သၼ်ႇ​ၶွၼ်း​ဝႆ​ၵႂႃႇ တင်း​မိူင်း​ဢေႃႈ။ ၶဝ်​ၼၼ်ႉ​ႁွတ်ႈ​မႃး​လႄႈ ဢိုၼ်​ၵိၼ်​မိူင်း တင်း​ၵႃႈ​ဢၼ်​မီး​ၵႃႈ​ၼႂ်း​မၼ်း​ၸိူဝ်း​ၼၼ်ႉ ဢိၵ်ႇ​လူၺ်ႈ​ၵၼ်​တင်း​ဝဵင်း တင်း​ၵူၼ်း​ၶူး​ၵူၼ်း​ဝဵင်း​ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="17">တူၺ်း​လူး၊ ၵဝ်​တၵ်း​ပွႆႇ​ၸႂ်ႉ​ငူး​ႁၢႆႉ ငူး​ဢၼ်​ပဝ်ႇ​မုၼ်း​လႄႈ ဢမ်ႇ​ပႄႉ​ဢမ်ႇ​ၼႅင်ႇ​လႆႈ​ၸိူဝ်း​ၼၼ်ႉ မႃး​ၸူး​ၵႃႈ​တီႈ​သူ​လႄႈ ၶဝ်​တၵ်း​ဢွၼ်​ၵၼ်​ၶူပ်း​သူ တွတ်ႇ​သူ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="18">ႁႂ်ႈ​ၵဝ်​လႆႈ​ႁႂ်ႈ​တူဝ်​ၵဝ် လႆႈ​သၢၵ်ႈ​သႃႇ​ၶႅၼ်း​မႃး ယူႇ​ၽၢႆႇ​ၼိုင်ႈ​တင်း တၢင်း​ဢၼ်​မႆႈ​ၸႂ်​ၶီ​ၸႂ်​ၼၼ်ႉ သေ​ၵမ်း​လူၺ်ႈ။ ၵဝ်​ၼႆႉ​လႆႈ​ၸႂ်​လူႉ​သေ​လႄႈ ယူႇ​ဢေႃႈ။-</verse>
				<verse number="19">တူၺ်း​လူး၊ လႆႈ​ငိၼ်း​သဵင်​ဢၼ်​လုၵ်ႈ​ယိင်း ၵူၼ်း​မဵဝ်း​ၵဝ်​သႅၼ်ႇ​ႁွင်ႉ​ၼၼ်ႉ ၵႃႈ​တီႈ​မိူင်း ဢၼ်​ၵႆ​ၼႃႇ​လူင်​လၢင်​ပုၼ်ႉ​ဢေႃႈ။ ထႃႇဝရႃႉ​ၽြႃး ဢမ်ႇ​မီး​ယူႇ​ၵႃႈ​ၼႂ်း​ဝဵင်း​ ၸီႉဢုၼ်ႇ ​ႁိုဝ်။ ၶုၼ်​ႁေႃ​ၶမ်း​မၼ်း​ဢမ်ႇ​မီး​ယူႇ​ၵႃႈ​ၼႂ်း​မၼ်း​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶဝ်​လႆႈ​ဢဝ်​ရုၵ်ႈ​ထူႉ​သၢင်း​ထူႉ​ၶဝ် ဢိၵ်ႇ​တင်း လွင်ႈ​တၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​ၸိူဝ်း​ၼၼ်ႉ တိုၵ်း​သူၼ်း​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ယူႇ​ၼင်ႇ​ႁိုဝ်။-</verse>
				<verse number="20">ၶိင်ႇ​ဢၼ်​လႆႈ​သိမ်း​ဢဝ်​မၢၵ်ႇ​ဢဝ်​ႁူင်း​ၼၼ်ႉ ပူၼ်ႉ​ၵႂႃႇ​ယဝ်ႉ။ ၶိင်ႇ​မႆႈ​ၶိင်ႇ​ႁွၼ်ႉ​သဵင်ႈ​ယဝ်ႉ​လႄႈ ႁဝ်း​ဢမ်ႇ​ႁွတ်ႈ​ထိုင်​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်။-</verse>
				<verse number="21">ၵဝ်​မီး​တၢင်း​ဢၼ်​ၸဵပ်း​ဢၼ်​သႅပ်ႇ ၵွပ်ႈ​ပိူဝ်ႈ​တၢင်း​ဢၼ် လုၵ်ႈ​ယိင်း​ၵူၼ်း​မဵဝ်း​ၵဝ်​ၸဵပ်း​သႅပ်ႇ​ၼၼ်ႉ​ဢေႃႈ။ ၵဝ်​လႆႈ​ၼုင်ႈ​ၶူဝ်း​ၼုင်ႈ​ဢၼ်​ၵျၢမ်း​ၼႃႇ​ယူႇ၊ ၵႂင်​ၸႂ်​ယုင်ႈ​ၸႂ် လိုမ်း​တူဝ်​လိုမ်း​ႁၢင်ႈ​ယူႇ​ဢေႃႈ။-</verse>
				<verse number="22">ၵႃႈ​တီႈ​မိူင်း​ ၵီႉလတ်ႉ ​ၼၼ်ႉ ဢမ်ႇ​မီး​ယၢင်​တူၼ်ႈ​ ပႃႇလၸမ်ႇ ​ႁိုဝ်။ ၵႃႈ​တီႈ​မိူင်း​ၼၼ်ႉ​ဢမ်ႇ​မီး​မေႃ​ယႃ​ႁိုဝ်။ ပေႃး​မီး​ၸိုင်၊ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ တၢင်း​ၸဵပ်း​တၢင်း​သႅပ်ႇ လုၵ်ႈ​ယိင်း​ၵူၼ်း​မဵဝ်း​ၵဝ်​ၼၼ်ႉ ဢမ်ႇ​မီး​တၢင်း​ဢၼ်​သၢၵ်ႈ​သႃႇ ၶႅၼ်း​မႃး​ၼင်ႇ​ႁိုဝ်။</verse>
			</chapter>
			<chapter number="9">
				<verse number="1">လွင်ႈ​ၼင်ႇ​ႁိုဝ် ၵဝ်​တၵ်း​လႆႈ​ႁႆႈ​ႁွင်ႉ​ယူႇ တင်း​ဝၼ်း​တင်း​ၶိုၼ်း​ဢမ်ႇ​ထၢတ်ႇ ပုၼ်ႈ​တူဝ်​တၢႆ ဢၼ်​ၸၢပ်ႈ​သႅင်ႇ​ၵၼ်​တင်း​လုၵ်ႈ​ယိင်း ၵူၼ်း​မဵဝ်း​ၵဝ်​ၼၼ်ႉ ၸိူဝ်း​ၼၼ်ႉ​ၸိုင်၊ ႁႂ်ႈ​ႁူဝ်​ၵဝ်​ၼႆႉ ပဵၼ်​ၼမ်ႉ​လွၼ်ႉ​လွၼ်ႉ​လႄႈ ႁႂ်ႈ​မၢၵ်ႇ​တႃ​ၵဝ်​ၼႆႉ ပဵၼ်​ၼမ်ႉ​ဢွၵ်ႇ​ႁူး ဢၼ်​ၼမ်ႉ​တႃ​ဢွၵ်ႇ​ယူႇ​ၼၼ်ႉ သေ​ၵမ်း​လူၺ်ႈ။-</verse>
				<verse number="2">ႁႂ်ႈ​ၵဝ်​မီး သုမ်ႉ​တီႈ​ဢၼ်​ၶဝ်​ၸိူဝ်း​ဢၼ်​ၵႂႃႇ​တၢင်း​ပႆ​တၢင်း​ၼၼ်ႉ တၵ်း​လိုဝ်ႈ​ၼၼ်ႉ ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ထၼ်ႈ​ပေႃး ၵဝ်​ၸုၼ်ႉ​ပႅတ်ႈ ၵူၼ်း​မဵဝ်း​ၵဝ်​တင်း​လၢႆ သေ​လႄႈ ဢွၵ်ႇ​သေ​ၵႃႈ​တီႈ​ၶဝ်​ၵႂႃႇ​လႆႈ​ၼၼ်ႉ​သေ​ၵမ်း​လူၺ်ႈ။ ၶဝ်​တင်း​သဵင်ႈ​တင်း​လူင် ဢွၼ်​ၵၼ်​ပဵၼ်​ၵေႃႉ​ဢၼ် ၽိတ်း​ပိူင်ႈ​မေး​ပိူၼ်ႈ၊ ပဵၼ်​မုၵ်ႉ​ပဵၼ်​ၸိူဝ်း​ဢၼ်​သဵတ်ႈ​ၸႃႇ​လူႉ​ဢေႃႈ။-</verse>
				<verse number="3">ၶဝ်​ဢွၼ်​ၵၼ်​ဢဝ်​မူႉ​သႃႇ ဝူတ်ႈ​ၵၢင်ႇ​ၶဝ်​ဢၼ်​ဝႃႈ လိၼ်ႉ​ၶဝ်​ၼၼ်ႉ​ယဝ်ႉ။ ၶဝ်​ယင်း​ဢမ်ႇ​ဢိင် သဵတ်ႈ​ၸႃႇ​တြႃး​လႄႈ ဢွၼ်​ၵၼ်​ပဵၼ် ၵူၼ်း​ယႂ်ႇ​ၵူၼ်း​လူင် ၵႃႈ​ၼႂ်း​ဝၢၼ်ႈ​ၼႂ်း​မိူင်း​ဢေႃႈ။ ၶဝ်​ဢွၼ်​ၵၼ်​ႁဵတ်း​လွင်ႈ​တၢင်း​ဢၼ်​ႁၢႆႉ ထၢပ်ႈ​သႂ်ႇ​ထႅင်ႈ​ၵႃႈ​ၼိူဝ် လွင်ႈ​တၢင်း​ဢၼ်​ႁၢႆႉ​ဢေႃႈ။ ၶဝ်​ဢမ်ႇ​ႁူႉ​ဢမ်ႇ​မၢတ်ႈ​ၵဝ်​လႃး​လႃး၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="4">ၵူႈ​ၵေႃႉ​ၵူႈ​ၵူၼ်း ဢွၼ်​ၵၼ်​ႁဵတ်း​သတီႉ​လူၺ်ႈ​လွင်ႈ ၵေႃႉ​ဢၼ်​ႁူမ်ႈ​ပွင်း​လူၺ်ႈ​ၵၼ် တင်း​တူဝ်​ၸဝ်ႈ​ၵဝ်ႇ​ၼၼ်ႉ​တႃႉ။ ယႃႇ​ပေ​ယုမ်ႇ​ပီႈ​ၸၢႆး​ၼွင်ႉ​ၸၢႆး တူဝ်​ၸဝ်ႈ​ၵဝ်ႇ။ ပီႈ​ၸၢႆး​ၼွင်ႉ​ၸၢႆး​ၵူႈ​ၵေႃႉ​ၵူႈ​ၵူၼ်း တၵ်း​ႁိမ်​ဢဝ်​ဢရႃႇ​ပီႈ​ၸၢႆး ၼွင်ႉ​ၸၢႆး​တူဝ်​ၸဝ်ႈ​ၵဝ်ႇ​လႄႈ ၵေႃႉ​ဢၼ်​ႁူမ်ႈ​ဢၼ်​ပွင်း​ၵႃႈ​မီး​ၼၼ်ႉ တၵ်း​ဢွၼ်​ၵၼ်​ႁဵတ်း တၢင်း​ဢၼ်​ၶႃႉ​ၸိုဝ်ႈ​ၶၢႆ​သဵင်​ယူႇ​သေ​လႄႈ ၵႂႃႇ​မႃး​ဢေႃႈ။-</verse>
				<verse number="5">ၵေႃႉ​ဢၼ်​ႁူမ်ႈ​ဢၼ်​ပွင်း​ၵႃႈ​မီး​ၼၼ်ႉ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ပႅတ်ႉ​လႅၼ်​ၵၼ်​လႄႈ ယင်း​ဢမ်ႇ​လၢတ်ႈ​ၵႂၢမ်း​သဵတ်ႈ​ၸႃႇ​လႄႈ​ယူႇ ဢေႃႈ။ ၶဝ်​ဢွၼ်​ၵၼ်​သင်ႇ​သွၼ်​လိၼ်ႉ​ၶဝ် ႁႂ်ႈ​လႆႈ​လၢတ်ႈ​ၵႂၢမ်း​မူႉ​သႃႇ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​ယၢပ်ႇ​ၸႂ်​ၽိုတ်ႇ​ၸႂ် ႁႂ်ႈ​လႆႈ​ႁဵတ်း​လွင်ႈ​တၢင်း​ဢၼ်​ဢမ်ႇ​တြႃး​ဢေႃႈ။-</verse>
				<verse number="6">တီႈ​ယူႇ​တီႈ​သဝ်း​မႂ်း​ၼၼ်ႉ မီး​ယူႇ​ၵႃႈ​ၼႂ်း​တီႈ​မူႉ​သႃႇ​ဢေႃႈ။ ၵွပ်ႈ​ပိူဝ်ႈ​မူႉ​သႃႇ​ၼၼ်ႉ​လႄႈ ၶဝ်​ဢမ်ႇ​မီး​ဢလူဝ်ႇ​ၶႂ်ႈ​ႁူႉ​ၵဝ်၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="7">ပိူဝ်ႈ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ ၵဝ်​တၵ်း​ဢွင်ႇ​ၶဝ် ၸိူမ်ႈ​သေ​လႄႈ ၸၢမ်း​တူၺ်း​ၶဝ်​ဢေႃႈ။ ပေႃး​ဢမ်ႇ​ၼၼ် ၵဝ်​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ် ၵွပ်ႈ​ပိူဝ်ႈ​လုၵ်ႈ​ယိင်း ၵူၼ်း​မဵဝ်း​ၵဝ်​ၼၼ်ႉ။-</verse>
				<verse number="8">လိၼ်ႉ​ၶဝ်​ၼၼ်ႉ ပဵၼ်​ပိုၼ်​ၵၢင်ႇ ဢၼ်​ၸၢင်ႈ​ႁႂ်ႈ​တၢႆ​ၼၼ်ႉ​လႄႈ ၸၢင်ႈ​လၢတ်ႈ​ၵႂၢမ်း​ပရီႉယႄႇ​ဢေႃႈ။ ၵေႃႉ​ဢၼ်​ႁူမ်ႈ​ၵၼ်​ပွင်း​ၵၼ်​ၼၼ်ႉ ၸၢင်ႈ​ဢဝ်​သူပ်း​လၢတ်ႈ​ၵႂၢမ်း လေႃးၵႃႉ​ဝၢတ်ႈ​လႄႈ ဢဝ်​ႁူဝ်​ၸႂ်​လွမ်​တူၺ်း​ယူႇ​ဢေႃႈ။-</verse>
				<verse number="9">ၵဝ်​ယင်း​ဢမ်ႇ​ၸႅတ်ႈ​ထၢမ် လူၺ်ႈ​လွင်ႈ​ဢပႅတ်ႈ​ၸိူဝ်ႉ​ၼင်ႇ​ၼၼ် ၸိူဝ်း​ၼၼ်ႉ​လႄႈ တၵ်း​လႆႈ​ယူႇ​ႁိုဝ်။ ယင်း​ဢမ်ႇ​ပၼ်​တၢမ်ႇ​တီႈ မဵဝ်း​ၸိူဝ်ႉ​ၼင်ႇ​ၼၼ် ထၼ်ႈ​ပေႃး​ႁႂ်ႈ​ႁူဝ်​ၸႂ်​ၵဝ်​ပေႇ​လႄႈ ၵဝ်​တၵ်း​လႆႈ​ယူႇ​ႁိုဝ်​ဝႃႈ​ၼႆ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="10">ၵဝ်​တၵ်း​လႆႈ​ႁဵတ်း တၢင်း​ဢၼ်​ႁႆႈ​ႁွင်ႉ​ပွင်ႉ​ၶၢင်း ပုၼ်ႈ​လွႆ​တင်း​လၢႆ ဢိၵ်ႇ​တင်း တၢင်း​ဢၼ်​ၶၢင်း​ၶီ​ၶၢင်း​ၽၢၼ် ပုၼ်ႈ​ထိူၼ်ႇ​တီႈ​ဢၼ်​ပၢင်ႇ ဢၼ်​ပဵင်း ၵွပ်ႈ​ပိူဝ်ႈ​ဢၼ်​တီႈ​ၸိူဝ်း​ၼၼ်ႉ မႆႈ​ၽႆး​ပႅတ်ႈ​ထၼ်ႈ​ပေႃး ၵူၼ်း​ဢမ်ႇ​လႆႈ​တႆႇ​တၢင်း​ပႆ​တၢင်း​ၵႂႃႇ၊ ဢမ်ႇ​လႆႈ​ငိၼ်း​သဵင်​ဢၼ် သူဝ်း​ဝူဝ်း​ႁွင်ႉ ၼူၵ်ႉ​ၵၢင်​ႁၢဝ် ဢိၵ်ႇ​တင်း​တူဝ်​ႁၢႆႉ​တင်း​လၢႆ လႆႈ​ဢွၼ်​ၵၼ်​ဢွၵ်ႇ​ပၢႆႈ​လႄႈ ၵႂႃႇ​သဵင်ႈ​သဵင်ႈ​မူတ်း​မူတ်း​ယဝ်ႉ ၼၼ်ႉ​ဢေႃႈ။-</verse>
				<verse number="11">ၵဝ်​တၵ်း​ႁႂ်ႈ​ဝဵင်း​ ယေႇရူႉသလႅမ်ႇ ပဵၼ်​ပုမ်ႇ​ပဵၼ်​ၵွင်၊ ႁူး​တီႈ​ဢၼ်​မႃ​လိၼ်​ယူႇ​ဢေႃႈ။ ၵဝ်​တၵ်း​ႁႂ်ႈ​ဝဵင်း​ ယူႉတႃႉ ​တင်း​လၢႆ ပဵၼ်​တီႈ​ဢၼ်​ပဝ်ႇ​ဢၼ်​လၢပ်ႈ​လႄႈ ဢမ်ႇ​မီး​ၵေႃႉ​ဢၼ်​ယူႇ​ဢၼ်​သဝ်း​လႃး​လႃး​ဢေႃႈ။-</verse>
				<verse number="12">ၵေႃႉ​ဢၼ်​မီး​ပိင်ႇ​ၺႃႇ ဢၼ်​ႁူႉ​လွင်ႈ​တၢင်း​ၼႆႉ​လႆႈ​ၸမ်ႉ၊ ပဵၼ်​ၽူႈ​လႂ်။ ၵေႃႉ​ဢၼ်​ၶၢမ်ႇ​ဢဝ်​ၵႂၢမ်း​ဢၼ် ဢွၵ်ႇ​သူပ်း ထႃႇဝရႃႉ​ၽြႃး ႁႂ်ႈ​လႆႈ​မွၵ်ႇ​လၢတ်ႈ​လွင်ႈ​တၢင်း​ၼႆႉ​လႆႈ ၼၼ်ႉ​ၸမ်ႉ၊ ပဵၼ်​ၽူႈ​လႂ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မိူင်း​တင်း​မိူင်း​လူႉ​လႅဝ်​လႄႈ မႆႈ​ၽႆး​ပႅတ်ႈ မိူၼ်​ၸိူဝ်ႉ​ၼင်ႇ​ထိူၼ်ႇ​ၼင်ႇ​ၶိူဝ်း​ၼၼ်ႉ ၵႂႃႇ​ထၼ်ႈ​ပေႃး ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​တႆႇ​တၢင်း​ပႆ​တၢင်း​ၵႂႃႇ​ၼင်ႇ​ႁိုဝ်။-</verse>
				<verse number="13">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ် ၶဝ်​ဢွၼ်​ၵၼ်​ၸုၼ်ႉ​ပႅတ်ႈ​တြႃး​ၵဝ် ဢၼ်​ၵဝ်​ဝႆႉ​ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ သေ​လႄႈ ယင်း​ဢမ်ႇ​ထွမ်ႇ​ဢဝ်​ၵႂၢမ်း​ၵဝ်၊ ယင်း​ဢမ်ႇ​ပႂ်ႉ​ၵမ်​ပႂ်ႉ​ၵျၢင်ႉ​လႄႈ၊-</verse>
				<verse number="14">ၸွမ်း​တၢင်း​ဢၼ်​ႁူဝ်​ၸႂ်​ၶဝ်​ၵႅၼ်ႇ​ၶႅင် ဢိၵ်ႇ​တင်း​ၸွမ်း​လင်​ၽြႃး ပႃႇလႃႉ ​တင်း​လၢႆ ၵႃႈ​ၼင်ႇ​ဢၼ် ပူႇ​ၶဝ်​မွၼ်ႇ​ၶဝ်​သွၼ်​ပၼ် ၼၼ်ႉ​လႄႈ၊-</verse>
				<verse number="15">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ဢဝ်​မၢၵ်ႇ​ တေႃးၼႃႉ မႂ် တေႃးၼႃႉ ​လဵင်ႉ​ပၼ်​ၶဝ်​လႄႈ ဢဝ်​ၼမ်ႉ​ဢၼ်​သႂ်ႇ​ယႃႈ​ၶူမ်​ၼၼ်ႉ တိုၵ်း​ပၼ်​ၶဝ်​ဢေႃႈ။-</verse>
				<verse number="16">ၵဝ်​တၵ်း​ဢဝ်​ၶဝ် ၸၢတ်ႇ​ပိုၼ်​ပႅတ်ႈ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ၶဝ်​ဢမ်ႇ​ႁူႉ၊ ဢၼ်​ပူႇ​ၶဝ်​မွၼ်ႇ​ၶဝ်​ဢမ်ႇ​ႁူႉ​ၼၼ်ႉ​လႄႈ ၵဝ်​တၵ်း​ပွႆႇ​ၸႂ်ႉ ၽေး​လၢပ်ႇ​ၽေး​လႅဝ်း​ၸွမ်း​လင်​ၶဝ်​ယူႇ တေႃႇ​ထိုင်​ႁွတ်ႈ​ၵဝ် ယႃႉ​ၽဵဝ်ႈ​ၶဝ်​ပႅတ်ႈ​ယဝ်ႉ​ၼၼ်ႉ​ဢေႃႈ။</verse>
				<verse number="17">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ်​ၶႆႈ​ၸႂ်​ဝူၼ်ႉ​ၸႂ်​လႄႈ ႁွင်ႉ​ဢဝ်​မႄႈ​ယိင်း ဢၼ်​ၸၢင်ႈ​ႁဵတ်း​ၵႂၢမ်း ဢၼ်​ႁွင်ႉ​ဢၼ်​ႁႆႈ ၸိူဝ်း​ၼၼ်ႉ​မႃး​သေ။ ဢွၼ်​ၵၼ်​ပွႆႇ​ၸႂ်ႉ​ၸူး ၵႃႈ​တီႈ​မႄႈ​ယိင်း​ဢၼ်​လၵ်း​လႅမ် ၸိူဝ်း​ၼၼ်ႉ​လႄႈ ႁႂ်ႈ​မႃး​သေ။-</verse>
				<verse number="18">ႁႂ်ႈ​ၶဝ်​ဢွၼ်​ၵၼ် ႁဵတ်း​ႁိပ်ႈ​ႁဵတ်း​ၼႅတ်ႈ​လႄႈ ႁဵတ်း​တၢင်း​ဢၼ် ႁႆႈ​ႁွင်ႉ​ပုၼ်ႈ​ႁဝ်း ႁႂ်ႈ​ႁဝ်း​ၼမ်ႉ​တႃ​တူၵ်း​လႄႈ လွၵ်း​တႃ​ႁဝ်း​လႆ​ဢွၵ်ႇ​ယူႇ​ၼႃႇ​လူင်​လၢင်​သေ။-</verse>
				<verse number="19">လႆႈ​ငိၼ်း​သဵင်​ဢၼ်​ႁႆႈ​ႁွင်ႉ ၵႃႈ​ၼႂ်း​ဝဵင်း​ ၸီႉဢုၼ်ႇ ​ၼၼ်ႉ​ၸမ်ႉ၊ ႁဝ်း​လႆႈ​ၶၢမ်ႇ​တၢင်း​ဢၼ် ႁိမ်​ဢဝ်​ယႃႉ​ပႅတ်ႈ ၵႃႈ​ႁိုဝ်​ယဝ်ႉ​လူင်​ပႄႇ။​ႁဝ်း​ဢွၼ်​ၵၼ် မီး​တၢင်း​ဢၼ်​ဢူၵ်း​ဢၼ်​ဢၢႆ​ယူႇ ၵွပ်ႈ​ပိူဝ်ႈ​ဢၼ်​ႁဝ်း ၸုၼ်ႉ​ပႅတ်ႈ​မိူင်း​ၸဝ်ႈ ဢိၵ်ႇ​တင်း ၵွပ်ႈ​ပိူဝ်ႈ​ဢၼ်​ပိူၼ်ႈ ၵိူၼ်ႇ​ယႃႉ တီႈ​ယူႇ​တီႈ​သဝ်း​ႁဝ်း​ပႅတ်ႈ​ၼၼ်ႉ​လူင်​ပႄႇ။-</verse>
				<verse number="20">မႄႈ​ယိင်း​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၼုၵ်ႈၵပၢတ်ႈ ထႃႇဝရႃႉ​ၽြႃး​လႄႈ ဢဝ်​ႁူ​သူ​တုင်း​ဢဝ် ၵႂၢမ်း​ဢၼ်​ဢွၵ်ႇ​သူပ်း​မၼ်း​ၸဝ်ႈ​တႃႉ။ ဢွၼ်​ၵၼ်​သင်ႇ​သွၼ်​ပၼ် တၢင်း​ဢၼ်​ႁႆႈ​ႁွင်ႉ​ၼၼ်ႉ တီႈ​လုၵ်ႈ​ယိင်း​သူ​တင်း​လၢႆ ဢိၵ်ႇ​တင်း တၢင်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ တီႈ​ၵေႃႉ​ဢၼ်​ႁူမ်ႈ​ပွင်း​ၵၼ်​တင်း​သူ​ၸိူဝ်း​ၼၼ်ႉ​တႃႉ။-</verse>
				<verse number="21">ၶုၼ်​တၢႆ​ၶိုၼ်ႈ​ၸူး​ၵႃႈ​တီႈ ႁူး​လၢင်း​တဵၼ်​ႁဝ်း​လႄႈ ၶဝ်ႈ​ၵႃႈ​ၼႂ်း​ၽုင်ႇ​ပိၵ်ႈ​မၢၼ်ႇ​ႁဝ်း ႁႂ်ႈ​လႆႈ​ပႄႇ​ၽဵဝ်ႈ​လုၵ်ႈ​ဢွၼ်ႇ တင်း​လၢႆ​ပႅတ်ႈ​သေ​ၵႃႈ​တီႈ​ၼွၵ်ႈ​ႁိူၼ်း ၼွၵ်ႈ​ယေး ဢိၵ်ႇ​တင်း ၵူၼ်း​ၼုမ်ႇ​ၵူၼ်း​ၵမ်​တင်း​လၢႆ​သေ​ၵႃႈ​ၼႂ်း သဵၼ်ႈ​တၢင်း​သၢႆ​တႃႈ​ယဝ်ႉ။-</verse>
				<verse number="22">ဢွၼ်​ၵၼ်​မွၵ်ႇ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူဝ်​တၢႆ​ၵူၼ်း တင်း​လၢႆ တၵ်း​တူၵ်း​ဝႆႉ​မိူၼ်​ၸိူဝ်ႉ​ၼင်ႇ ၶီႈ​ဝူဝ်း​ၵႃႈ​ၼႂ်း​ပၢင်ႇ​တူင်ႈ​ၼႃး ဢိၵ်ႇ​တင်း​ၸိူဝ်ႉ​ၼင်ႇ​လိုၼ်ႈ​ၶဝ်ႈ ဢၼ်​ၵိုတ်း​ၵျၢၼ်ႇ​ဝႆႉ ၵႃႈ​တီႈ​ၽၢႆႇ​လင် ၵေႃႉ​ဢၼ်​ပၢတ်ႇ​ၶဝ်ႈ​ၼၼ်ႉ​လႄႈ ဢမ်ႇ​မီး​ၵေႃႉ​ဢၼ် ၵဵပ်း​ဢဝ်​သိမ်း​ဢဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="23">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ယႃႇ​ပေ​ႁႂ်ႈ​ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ ဢုပ်ႇ​ဝၢဝ်း​ယူႇ​ၼႂ်း​ပိင်ႇ​ၺႃႇ​မၼ်း​ၼၼ်ႉ။ ယႃႇ​ပေ​ႁႂ်ႈ​ၵေႃႉ​ဢၼ်​မီး​ႁႅင်း​ၼၼ်ႉ ဢုပ်ႇ​ဝၢဝ်း​ယူႇ​ၼႂ်း​ႁႅင်း​မၼ်း​ၼၼ်ႉ။ ယႃႇ​ပေ​ႁႂ်ႈ​ၵေႃႉ​ဢၼ်​မၢၵ်ႈ​မီး​ဢုၵ်ႉ​ၸႃႇ​ၼၼ်ႉ​ဢုပ်ႇ​ဝၢဝ်း​ယူႇ​ၼႂ်း​ဢုၵ်ႉ​ၸႃႇ​မၼ်း​ၼၼ်ႉ။-</verse>
				<verse number="24">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢုပ်ႇ​ဝၢဝ်း ၼၼ်ႉ​ၸမ်ႉ၊ ႁႂ်ႈ​ဢုပ်ႇ​ဝၢဝ်း​ယူႇ​ၼႂ်း​ဢၼ်​ၼႆႉ​ဢၼ်​ဝႃႈ တၢင်း​ဢၼ်​ႁူႉ​ဢၼ်​ၸႅင်ႈ သၽေႃး​ၵဝ် ဢၼ်​ဝႃႈ လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး ဢၼ်​ႁဵတ်း​တၢင်း​ဢၼ် ႁၵ်ႉ​ဢဵတ်း​လူ၊ တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ တြႃး​တၢင်း​ဢၼ်​သိုဝ်ႈ​တေႃႇ ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ​ၵူၺ်း သေ​ၵမ်း​လူၺ်ႈ။ ၵဝ်​ၼႆႉ​မူၼ်ႈ​ပျေႃႇ​ယူႇ​ၵႃႈ​ၼႂ်း လွင်ႈ​တၢင်း​ၸိူဝ်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="25">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိုဝ်ႉ​ဝၼ်း​ဢၼ် ၵဝ်​တၵ်း​လႆႈ​သင်ႇ​သွၼ်​သုင်း​မႃႉ​ၶဝ် ၵႃႈ​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း ဢၼ်​ပဵၼ် တၢင်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ဢၼ်​ဝႃႈ၊-</verse>
				<verse number="26">ၵူၼ်း​ ဢေႇၵိပ်ႉတူႉ ၊ ၵူၼ်း​ ယူႉတႃႉ ၊ ၵူၼ်း​ ဢေႇတုမ်ႇ ၊ ၵူၼ်း​မဵဝ်း​ ဢမ်ႇမုၼ်ႇ ၊ ၵူၼ်း​မဵဝ်း​ မေႃႇၽႃႉ ဢိၵ်ႇ​တင်း ၵူၼ်း​မဵဝ်း​ဢၼ်​ၸၢင်ႈ​ထႃ​ၶူၼ်​ၵႅမ်ႈ​ၶူၼ်​ၵၢင်း​လႄႈ ယူႇ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၸိူဝ်း​ၼၼ်ႉ တၵ်း​ႁွတ်ႈ​ထိုင်​ဢေႃႈ။ လွင်ႈ​မၼ်း​ၸမ်ႉ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ ပဵၼ်​ၵေႃႉ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​လႄႈ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၵေႃႈ ပဵၼ်​ၵေႃႉ​ဢၼ် ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း ၵႃႈ​ၼႂ်း​ႁူဝ်​ၸႂ်​ၶဝ်​ဢေႃႈ။</verse>
			</chapter>
			<chapter number="10">
				<verse number="1">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၶဝ်​ဢိူၺ်း၊ ဢွၼ်​ၵၼ် ထွမ်ႇ​ငိၼ်း​ၵႂၢမ်း​ဢၼ် ထႃႇဝရႃႉ​ၽြႃး မီး​ဢမိင်ႉ​ဝႆႉ​တီႈ​သူ​ၼႆႉ​တႃႉ။-</verse>
				<verse number="2">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ယႃႇ​ပေ​ၸွမ်း​ၽႃႇသႃႇ သဵၼ်ႈ​တၢင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ​ၼၼ်ႉ။ ယႃႇ​ပေ​တူၵ်း​ၸႂ်​ၵူဝ်​ႁႄ ၼီႉမိၵ်ႈ​လၢၵ်ႈၶၼႃႇ ၽႃႉ​ၵၢင်​ႁၢဝ် ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ ၸၢင်ႈ​တူၵ်း​ၸႂ်​ၵူဝ်​ႁႄ​ၼၼ်ႉ။-</verse>
				<verse number="3">ထုင်း​ၽိင်ႈ​မဵဝ်း​ၵူၼ်း​တင်း​လၢႆ​ၸိူဝ်း​ၼၼ်ႉ ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။ ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၶဝ်​ဢွၼ်​ၵၼ်​ပမ်ႈ​ဢဝ်​တူၼ်ႈ​မႆႉ ၵႃႈ​တီႈ​ၼႂ်း​ထိူၼ်ႇ​ၼႂ်း​ၶိူဝ်း ဢၼ်​ဝႃႈ ၶိူင်ႈ​ပိူင် တီႈ​ဢၼ်​လၢၵ်ႈသမႃး ၸၢင်ႈ​ဢဝ်​တင်း​တႃ​မၢတ်ႇ ႁဵတ်း​ၼၼ်ႉ​ဢေႃႈ။-</verse>
				<verse number="4">ၶဝ်​ဢဝ်​ငိုၼ်း​ဢဝ်​ၶမ်း​ႁၢင်ႈ​ၶိူင်ႈ​သႂ်ႇ ဢၼ်​ၼၼ်ႉ ႁၢင်ႈ​လီ​ႁၢင်ႈ​ငၢမ်း​ၼႃႇ​လူင်​လၢင်​လႄႈ ဢဝ်​တင်း​ၶွၼ်ႉ​လဵၵ်း​တွၵ်ႇ​လဵၵ်း​လႅမ် ၸပ်း​ဝႆႉ​ႁႂ်ႈ​ဢမ်ႇ​သၼ်ႇ​ၶွၼ်း တူင်ႉ​ၼိုင်​ဢေႃႈ။-</verse>
				<verse number="5">ဢၼ်​ၸိူဝ်း​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ တူၼ်ႈ​ထၢၼ် ဢၼ်​တွင်ႈ​ႁဵတ်း​ၶၵ်း​ႁဵတ်း​ၼၼ်ႉ​လႄႈ ဢမ်ႇ​ၸၢင်ႈ​လၢတ်ႈ​ထွႆ​လၢတ်ႈ​ၵႂၢမ်း။​ဢၼ်​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁၢပ်ႇ​ၵႂႃႇ​ႁၢမ်​ၵႂႃႇ ၵွပ်ႈ​ပိူဝ်ႈ​ဢၼ် ၶဝ်​ဢမ်ႇ​ၸၢင်ႈ​ၵႂႃႇ​ၵူၺ်း​ပႆ​ၵူၺ်း​ၶဝ်​ၼၼ်ႉ​ဢေႃႈ။ ယႃႇ​ပေ​ၵူဝ်​ပေ​ႁႄ ဢၼ်​ၸိူဝ်း​ၼၼ်ႉ။ ၶဝ်​ဢမ်ႇ​ႁဵတ်း​ဢၼ်ႇတရႄႇ​သႂ်ႇ​လႆႈ။ ၶဝ်​ဢမ်ႇ​ႁဵတ်း​ဢၼ်​လီ​ဢၼ်​ငၢမ်း​ပၼ်​လႆႈ။-</verse>
				<verse number="6">ထႃႇဝရႃႉ​ၽြႃး​တီႈ​ၶႃႈ၊ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​မိူၼ်​ၵၼ် တင်း​ၸဝ်ႈ​ႁဝ်း​လႃး​လႃး​တီႈ​ၶႃႈ၊ ၸဝ်ႈ​ႁဝ်း​ပဵၼ်​ဢၼ်​ယႂ်ႇ​မျၢတ်ႈ​လႄႈ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ၵေႃႈ ပဵၼ်​ဢၼ်​ယႂ်ႇ​မျၢတ်ႈ​ၵွပ်ႈ​ပိူဝ်ႈ တၼ်း​ၶူဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="7">ၶုၼ်​ႁေႃ​ၶမ်း ၵူၼ်း​ၵူႈ​ၸိူဝ်ႉ​ၵူႈ​မဵဝ်း​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ထုၵ်ႇ​လီ​ၵူဝ်​ႁႄ​ၸဝ်ႈ​ႁဝ်း​လႄႈ ၽူႈ​လႂ်​ယင်း​ဢမ်ႇ​ၵူဝ်​ႁႄ​ၸဝ်ႈ​ႁဝ်း​လႄႈ တၵ်း​လႆႈ​ယူႇ​တီႈ​ၶႃႈ၊ ၵႃႈ​ၼႂ်း​ၶဝ်​ၸိူဝ်း​ဢၼ် မီး​ပိင်ႇ​ၺႃႇ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း တင်း​သဵင်ႈ​တင်း​လူင် ဢိၵ်ႇ​တင်း ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း တင်း​သဵင်ႈ​တင်း​လူင်​ၼၼ်ႉ၊ ဢမ်ႇ​မီး​ၵေႃႉ​ဢၼ်​မိူၼ်​ၵၼ် တင်း​ၸဝ်ႈ​ႁဝ်း​သေ​ၵေႃႉ​သေ​ၵူၼ်း​တီႈ​ၶႃႈ၊-</verse>
				<verse number="8">ၶဝ်​ၼၼ်ႉ မီး​သၽေႃး​တရိၵ်ႈသၢၼ်ႇ ဢိၵ်ႇ​တင်း သၽေႃး​ဢၼ်​မိူၵ်ႈ​မိူၼ် မိူၼ်​ၵၼ်​ဢေႃႈ။ မႆႉ​ၸိင်​ၸိုင် ၸၢင်ႈ​သင်ႇ​သွၼ် သုင်း​မႃႉ​ပၼ် လွင်ႈ​တၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။-</verse>
				<verse number="9">မီး​တင်း​ၶမ်း ဢၼ်​ဢဝ်​သေ​ၵႃႈ​တီႈ​ဝဵင်း​ ဢူႉၽတ်ႉ ​မႃး ဢၼ်​ၵေႃႉ​ဢၼ်​မေႃ​တွင်ႈ​မေႃ​ၶၵ်း ဢိၵ်ႇ​တင်း ၵေႃႉ​ဢၼ်​မေႃ​သွၼ်း မေႃ​လေႃႇ​ႁဵတ်း​ၼၼ်ႉ၊ ၶႅပ်း​ငိုၼ်း​ဢၼ် ဢဝ်​သေ​ၵႃႈ​တီႈ​ဝဵင်း​ တႃႇသူႉ ​မႃး​ၼၼ်ႉ​ဢေႃႈ။ မီး​ၶူဝ်း​ဢၼ်​သွမ်ႇ ၶူဝ်း​ဢၼ်​ၵမ်ႇ ပုၼ်ႈ​ဢၼ် တၵ်း​ႁူမ်ႇ​မႆ​ၶဝ်​သေ​ဢေႃႈ။ ၶဝ်​ပဵၼ်​ၶိူင်ႈ​ပိူင်​ဢၼ် ၶဝ်​ၸိူဝ်း​ဢၼ်​လၵ်း​လႅမ်​ၼၼ်ႉ ႁဵတ်း​ၼၼ်ႉ​လွၼ်ႉ​လွၼ်ႉ​ဢေႃႈ။-</verse>
				<verse number="10">ထႃႇဝရႃႉ​ၽြႃး​ၸမ်ႉ၊ ပဵၼ်​ၽြႃး​ဢၼ်​ၸိုဝ်ႈ​ဢၼ်​ၸႂ်ႈ၊ ၽြႃး​ဢၼ်​ဢသၢၵ်ႈ​လိပ်း​ယူႇ၊ ၶုၼ်​ႁေႃ​ၶမ်း ၼိၵ်ႈၸႃႉ​ထႃႇဝရႃႉ​ဢေႃႈ။ပေႃး​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢွၵ်ႇ​ၸိုင် လိၼ်​မိူင်း​လႆႈ​သၼ်ႇ​ဝႆ​ၶွၼ်း​ၶဝ်ႇ​လႄႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢမ်ႇ​ဢွၼ်​ၵၼ်​ၶၢမ်ႇ​တၢင်း​ၸႂ်​မႆႈ ၶႆႈ​ၸႃႉ​မၼ်း​ၸဝ်ႈ​လႆႈ။-</verse>
				<verse number="11">ၵႂၢမ်း​ဢၼ် တၵ်း​လႆႈ​လၢတ်ႈ​တီႈ​ၶဝ်​ၸိူဝ်း​ၼၼ်ႉ​ၸမ်ႉ၊ ၽြႃး​ဢၼ်​ဢမ်ႇ​ႁဵတ်း​ပဵၼ် ၽႃႉ​ၵၢင်​ႁၢဝ် ဢိၵ်ႇ​တင်း လိၼ်​မိူင်း​ၼႆႉ​ၸိူဝ်း​ၼၼ်ႉ​တၵ်း​ဢွၼ်​ၵၼ် လပ်ႉ​ႁၢႆ​ၵႂႃႇ​သေ ၵႃႈ​တီႈ​လိၼ်​မိူင်း​ၼႆႉ ဢိၵ်ႇ​တင်း ၵႃႈ​တီႈ​တႂ်ႈ​ၽႃႉ​ၵၢင်​ႁၢဝ်​ၼႆႉ​ဢေႃႈ။</verse>
				<verse number="12">မၼ်း​ၸဝ်ႈ​ဢဝ်​တၼ်း​ၶူဝ်း​ၸဝ်ႈ ႁဵတ်း​ပဵၼ်​လိၼ်​မိူင်း​ယဝ်ႉ။ မၼ်း​ၸဝ်ႈ ဢဝ်​ပိင်ႇ​ၺႃႇ​ၸဝ်ႈ တႄႇ​ႁဵတ်း​လေႃးၵထၢတ်ႈ​ယဝ်ႉ။ မၼ်း​ၸဝ်ႈ​ဢဝ်​ၺၢၼ်ႇ​ၸဝ်ႈ ၶဵင်ႈ​မုင်း​ၽႃႉ​ၵၢင်​ႁၢဝ်​ယဝ်ႉ။-</verse>
				<verse number="13">ယၢမ်း​မိူဝ်ႈ​ဢၼ် မၼ်း​ၸဝ်ႈ​ပွႆႇ​သဵင်​ၸဝ်ႈ​ၼၼ်ႉ​ၸိုင် ၸၢင်ႈ​ပဵၼ်​ၼမ်ႉ​ၽူၼ် ၼမ်​ၵိုၼ်း​ၼႃႇ​လူင်​လၢင် ၵႃႈ​ၼိူဝ်​ၽႃႉ​ၵၢင်​ႁၢဝ်​လႄႈ​မၼ်း​ၸဝ်ႈ​ႁႂ်ႈ​ၽႃႈ​ၽူၼ်​လုၵ်ႉ​သေ ၵႃႈ​တီႈ​ႁိမ်း လႅၼ်​သုတ်း​လိၼ်​မိူင်း​ၶိုၼ်ႈ​ဢေႃႈ။ မၼ်း​ၸဝ်ႈ​ႁႂ်ႈ​ၽူၼ်​တူၵ်း​လႄႈ ၽႃႉ​မႅပ်ႈ​ဢေႃႈ။ လူမ်း​ၵေႃႈ မၼ်း​ၸဝ်ႈ​ဢဝ် ဢွၵ်ႇ​ၵႃႈ​ၼႂ်း​တိူၵ်ႈ​ၽၼ်ႇတႃႇ​မၼ်း​ၸဝ်ႈ မႃး​ဢေႃႈ။-</verse>
				<verse number="14">ၵူၼ်း​ၸမ်ႉ၊ ပဵၼ်​ၸိူဝ်ႉ​ၼင်ႇ​တရိၵ်ႈသၢၼ်ႇ​လႄႈ ဢမ်ႇ​မီး​ၺၢၼ်ႇ​လႃး​လႃး။ ၸၢင်ႈ​ၶမ်း​ၵူႈ​ၵေႃႉ​ၵူႈ​ၵူၼ်း မီး​တၢင်း​ဢၼ်​ဢူၵ်း​ဢၼ်​ဢၢႆ ၵွပ်ႈ​ပိူဝ်ႈ ရုၵ်ႈ​ထူႉ​ဢၼ်​တူဝ်​ၸဝ်ႈ​ၵဝ်ႇ​ႁဵတ်း​ၼၼ်ႉ ယူႇ​ဢေႃႈ။ လွင်ႈ​မၼ်း​ၸမ်ႉ ရုၵ်ႈ​ထူႉ​ဢၼ်​မၼ်း​သွၼ်း​လေႃႇ​ႁဵတ်း​ၼၼ်ႉ ပဵၼ်​မူႉ​သႃႇ ဢေႃႈ။ ဢမ်ႇ​မီး​တၢင်း​ဢၼ်​ထူၺ်ႈ​ၸႂ်​ၶဝ်ႈ ထူၺ်ႈ​ၸႂ်​ဢွၵ်ႇ​ၵႃႈ​ၼႂ်း​မၼ်း။-</verse>
				<verse number="15">ဢၼ်​ၸိူဝ်ႉ​ၼင်ႇ​ၼၼ် ၸိူဝ်း​ၼၼ်ႉ ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။ ပဵၼ်​ၶိူင်ႈ​ပိူင်​ဢၼ်​ၸၢင်ႈ​ပႅတ်ႉ ၸၢင်ႈ​လႅၼ်​ၵူၺ်း​ၵူၺ်း​ဢေႃႈ။ ၼႂ်း​ၶိင်ႇ​မိူဝ်ႈ​ဢၼ် လႆႈ​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​ၼၼ်ႉ၊ ၶဝ်​တၵ်း​မီး​တၢင်း​ဢၼ်​လပ်ႉ​ႁၢႆ​ၵႂႃႇ​ဢေႃႈ။-</verse>
				<verse number="16">ပုၼ်ႈ​တႃႇ​မဵဝ်း​ ယႃႇၵုပ်ႈ ​ၸမ်ႉ၊ ဢမ်ႇ​မိူၼ်​ၵၼ်​တၢင်း​ဢၼ်​ၸိူဝ်း​ၼၼ်ႉ။ လွင်ႈ​မၼ်း​ၸမ်ႉ မၼ်း​ၸဝ်ႈ​ပဵၼ် ၸဝ်ႈ​ဢၼ်​ႁဵတ်း​ပဵၼ်​လွင်ႈ​တၢင်း ၵူႈ​ၸိူဝ်ႉ​ၵူႈ​ပိူင်​ဢေႃႈ။ မဵဝ်း​ ဢီႉသရေႇလႃႉ ပဵၼ်​ၶွၼ်ႉ​ဢၼ်​တႅၵ်ႈ ဢၼ်​ၶိုပ်ႈ တီႈ​ဢၼ်​မၼ်း​ၸဝ်ႈ​ၼၼ်ႉ ၶၢမ်ႇ​ဢမူၺ်ႇ​ဢေႃႈ။ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ ပဵၼ်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ဢေႃႈ။</verse>
				<verse number="17">ၵေႃႉ​ဢၼ်​ယူႇ ၵႃႈ​ၼႂ်း​တိူၵ်ႈ​တီႈ​တိုၵ်း​သိုၵ်း​ဢိူၺ်း၊ ၸူႉ​သိမ်း​ဢဝ်​ဢုၵ်ႉ​ၸႃႇ ၶိူင်ႈ​ပိူင်​မႂ်း​ဢွၵ်ႇ​သေ ၵႃႈ​ၼိူဝ်​ၼႃႈ​လိၼ်​တႃႉ။-</verse>
				<verse number="18">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ မိူဝ်ႈ​လဵဝ်​ၼႆႉ၊ ၵဝ်​တၵ်း​ဢဝ် ၵူၼ်း​ဝၢၼ်ႈ​ၵူၼ်း​မိူင်း တင်း​လၢႆ ပိုတ်း​ဢွၵ်ႇ​သေ ၵႃႈ​ၼႂ်း​ၵူင်​ၵွၼ်​လႄႈ ၼိၵ်ႈ​ၸၢၵ်ႈ​ငႅၼ်း​သႄး​ၶဝ် ႁႂ်ႈ​ၶဝ်​ႁွတ်ႈ​ထိုင် ၵႃႈ​ၼႂ်း​မိုဝ်း​ရၢၼ်ႇ​သူႇ​ဢေႃႈ၊ ဝႃႈ​ၼင်ႇ​ၼႆ​လႄႈ မၼ်း​ၸဝ်ႈ​မီး​ဢမိင်ႉ ဢေႃႈ။-</verse>
				<verse number="19">ၵဝ်​ၼႆႉ မီး​ဢႃႉ​မင်ႇၵလႃႇ ၵွပ်ႈ​ပိူဝ်ႈ​ဢၼ်​လႆႈ​ၶၢမ်ႇ တၢင်း​ဢၼ်​တိူဝ်ႉ​ဢၼ်​မၢတ်ႇ​ၼၼ်ႉ​လႄႈ တၢင်း​ၸဵပ်း​ၵဝ်​ပဵၼ်​ဢၼ်​ႁႅင်း​ၼႃႇ​လူင်​လၢင်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​လၢတ်ႈ​လႄႈ​ဝႃႈ၊ ဢၼ်​ၼႆႉ ပဵၼ်​တုၵ်ႉ​ၶႃႉ​ဝူၺ်ႇတၼႃႇ​ၵဝ်​လႄႈ ၵဝ်​တၵ်း​လႆႈ​ၶၢမ်ႇ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မူဝ်းၵႃႇ​ၵဝ်​လူႉ​ယဝ်ႉ။ ၸိူၵ်ႈ​ၵဝ်​ၵႃႈ​မီး​ၵေႃႈ​ၶၢတ်ႇ​ယဝ်ႉ။ လုၵ်ႈ​ၵဝ်​လၢၼ်​ၵဝ် ဢွၼ်​ၵၼ်​ဢွၵ်ႇ​သေ ၵႃႈ​တီႈ​ၵဝ်​ၵႂႃႇ​လႄႈ​ဢမ်ႇ​မီး​ယဝ်ႉ။ ၵမ်း​လိုၼ်း​ဢမ်ႇ​မီး​ၵေႃႉ​ဢၼ် တၵ်း​တိုတ်ႉ​ၶဵင်ႈ​မူဝ်းၵႃႇ​ၵဝ်၊ ၵေႃႉ​ဢၼ်​တိုတ်ႉ​ၵင်ႈ ၽႃႈ​ၵင်ႈ​ၵဝ်။-</verse>
				<verse number="21">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း​ၼၼ်ႉ မီး​ၸႂ်​သၽေႃး​တရိၵ်ႈသၢၼ်ႇ​လႄႈ ဢမ်ႇ​ႁႃ​ဢဝ်​ယွၼ်း​ဢဝ်​တီႈ ထႃႇဝရႃႉ​ၽြႃး​ၼၼ်ႉ။ ပိူဝ်ႈ​ၼႆ​လႄႈ တၢင်း​ၵျၢမ်ႇ​တၢင်း​ပွင်​ၶဝ်​ဢမ်ႇ​ပဵၼ်​လႄႈ ၽုင်​သူဝ်း​ၶဝ်​ၵႃႈ​မီး​ၼၼ်ႉ လႆႈ​မီး​တၢင်း​ဢၼ် ၽၢတ်ႇ​ၽႄ​ၵၼ်​မၢၵ်ႇ​မိူဝ်​ၵႂႃႇ​ဢေႃႈ။-</verse>
				<verse number="22">တူၺ်း​လူး၊ သတၢင်း​သဵင်​ၶၢဝ်ႇ​ႁွတ်ႈ​မႃး​ယဝ်ႉ​လႄႈ သဵင်​ဢၼ်​မေႃး​မႄး​ယႂ်ႇ​ၼႃႇ​လူင်​လၢင်​ၼၼ်ႉ လုၵ်ႉ​သေ​ၵႃႈ​တီႈ​မိူင်း​ၼႃႈ​တၢင်း​ႁွင်ႇ​မႃး ႁႂ်ႈ​လႆႈ​ႁႂ်ႈ​ဝဵင်း​ ယူႉတႃႉ ​တင်း​လၢႆ ပဵၼ်​ဢၼ်​ပဝ်ႇ​ဢၼ်​လၢပ်ႈ​လႄႈ ပဵၼ်​တီႈ​ဢၼ်​မႃ​လိၼ်​တၵ်း​ယူႇ​ဢေႃႈ။-</verse>
				<verse number="23">ထႃႇဝရႃႉ​ၽြႃး တီႈ​ၶႃႈ၊ ၶႃႈ​ၸဝ်ႈ​ႁူႉ​လွင်ႈ​ဢၼ် ၵူၼ်း​ဢမ်ႇ​ဢုပ်ႉ​ပိူင်ႇ​သဵၼ်ႈ​တၢင်း​မၼ်း​လႄႈ ၵေႃႉ​ဢၼ်​ယင်း​တိုၵ်ႉ​ၵႂႃႇ​ယူႇ​ၼၼ်ႉ ဢမ်ႇ​ၸၢင်ႈ​ၸီႇ​ယၢင်ႇ​ႁွႆး​တိၼ်​မၼ်း​ၼၼ်ႉ​ယူႇ တီႈ​ၶႃႈ​ဢေႃႈ။-</verse>
				<verse number="24">ထႃႇဝရႃႉ​ၽြႃး တီႈ​ၶႃႈ၊ ယင်း​ဢမ်ႇ​ပႃး​တၢင်း​ဢၼ် ၸႂ်​မႆႈ​ၶႆႈ​ၸႃႉ​လႄႈ ပႃး​တၢင်း​ဢၼ် ၸီႇ​ယၢင်ႇ​ၸွမ်း​ၼင်ႇ​တြႃး ႁႂ်ႈ​ၶႃႈ​ၸဝ်ႈ​ဢမ်ႇ​လႆႈ သုမ်း​လႆႈ​ၸွမ်း​သေ​လႄႈ သင်ႇ​သွၼ်​သုင်း​မႃႉ​ၶႃႈ​ၸဝ်ႈ သေ​ၵမ်း​တီႈ​ၶႃႈ၊-</verse>
				<verse number="25">ဢဝ်​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း သွၼ်း​လေႃႇ​သႂ်ႇ​ၵႃႈ​ၼိူဝ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ဢမ်ႇ​ႁူႉ​ၸၵ်း​ၸဝ်ႈ​ႁဝ်း ၸိူဝ်း​ၼၼ်ႉ ဢိၵ်ႇ​တင်း ၵႃႈ​ၼိူဝ်​မဵဝ်း​ၸိူဝ်ႉ​ၶိူဝ်း ဢၼ်​ဢမ်ႇ​ႁဵတ်း​ပထၼႃႇ တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ၸိူဝ်း​ၼၼ်ႉ သေ​ၵမ်း​တီႈ​ၶႃႈ၊ လွင်ႈ​မၼ်း​ၸမ်ႉ ၶဝ်​ဢွၼ်​ၵၼ်​ၵိၼ်​ၶူပ်း မဵဝ်း​ ယႃႇၵုပ်ႈ ၊ ၵိၼ်​ၶူပ်း​မၼ်း​လႄႈ ၵိၼ်​မၼ်း​ပႅတ်ႈ မူတ်း​မူတ်း​သဵင်ႈ​သဵင်ႈ​သေ​လႄႈ ပႄႇ​ၽဵဝ်ႈ​တီႈ​ယူႇ​မၼ်း​ပႅတ်ႈ​ယဝ်ႉ။</verse>
			</chapter>
			<chapter number="11">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ႁွတ်ႈ​မႃး​တီႈ​ ယေႇရမီႉ ​ၸမ်ႉ၊-</verse>
				<verse number="2">ဢွၼ်​ၵၼ် ထွမ်ႇ​ငိၼ်း​ၵႂၢမ်း​ပတီႉၺိၺ်ႇ​ၼႆႉ​တႃႉ။ တၵ်း​လႆႈ​ႁေႃး​လၢတ်ႈ သင်ႇ​ဝႆႉ​တီႈ​ၵူၼ်း​မိူင်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​လႄႈ​ဝႃႈ၊-</verse>
				<verse number="3">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​မီး​ဢမိင်ႉ​ၸမ်ႉ၊ ႁႂ်ႈ​ၵေႃႉ​ဢၼ် ဢမ်ႇ​ထွမ်ႇ​ဢဝ် ၵႂၢမ်း​ပတီႉၺိၺ်ႇ​တြႃး​ၼႆႉ၊-</verse>
				<verse number="4">ဢၼ်​ၵဝ်​ဝႆႉ​တီႈ​ပူႇ​သူ​မွၼ်ႇ​သူ ၼႂ်း​မိုဝ်ႉ​ဝၼ်း​ဢၼ် ၵဝ်​ဢဝ်​ၶဝ်​ဢွၵ်ႇ​သေ ၵႃႈ​ၼႂ်း​မုၵ်ႉ​ၽႆး​ၽီး​ၽႆး​လဵၵ်း​ဢၼ်​ဝႃႈ မိူင်း​ ဢေႇၵိပ်ႉတူႉ ​ၼၼ်ႉ​လႄႈ​ဝႃႈ၊ ထွမ်ႇ​ဢဝ်​ၵႂၢမ်း​ၵဝ်​လႄႈ ၵမ်​ၵျၢင်ႉ​ၸွမ်း​ၼင်ႇ ၵႃႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​သူ ႁႂ်ႈ​သူ​ပဵၼ်​ၵူၼ်း​ၵဝ်​လႄႈ ၵဝ်​ၵေႃႈ​ပဵၼ်​ၽြႃး​သူ၊-</verse>
				<verse number="5">ဢိၵ်ႇ​တင်း ႁႂ်ႈ​လႆႈ​မီး​ဢၶႂၢင်ႉ ဢၼ်​လႆႈ​ပႂ်ႉ​ၵတီႉ​သဵတ်ႈ​ၸႃႇ ဢၼ်​ၵဝ်​တိူင်ႇ​ဝႆႉ​တီႈ​ပူႇ​သူ​မွၼ်ႇ​သူ လူၺ်ႈ​လွင်ႈ​ဢၼ် ၵဝ်​တၵ်း​ဢဝ်​မိူင်း​ဢၼ်​ၼမ်ႉ​ၼူမ်း တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ မႅၼ်ႈ​ၵႃႈ​ၼင်ႇ​ဢၼ် ပဵၼ်​ဝၼ်း​မိူဝ်ႈ​ၼႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​လႄႈ ၵဝ်​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ဢႃႇမိၼ်ႇ၊ ထႃႇဝရႃႉ​ၽြႃး​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ၵႂၢမ်း​ဢၼ်​မႂ်း​တၵ်း​လႆႈ ႁွင်ႉ​ပၢဝ်ႇ​ႁွင်ႉ​သေႃႇ ၵႃႈ​ၼႂ်း​ဝဵင်း​ ယူႉတႃႉ ​တင်း​လၢႆ ဢိၵ်ႇ​တင်း​ၵႃႈ​ၼႂ်း​သဵၼ်ႈ​တၢင်း​ ယေႇရူႉသလႅမ်ႇ ​ၸိူဝ်း​ၼၼ်ႉ လႄႈ​ဝႃႈ​ၸမ်ႉ၊ သူ​ဢွၼ်​ၵၼ် ထွမ်ႇ​ဢဝ်​ၵႂၢမ်း​ပတီႉၺိၺ်ႇ​ၼႆႉ​သေ​လႄႈ ၵမ်​ၵျၢင်ႉ​ၸွမ်း​တႃႉ။-</verse>
				<verse number="7">လွင်ႈ​မၼ်း​ၸမ်ႉ ပိၵ်ႉ​သမ်ႉ​ၵဝ်​သင်ႇ​သွၼ်​သုင်း​မႃႉ​ပၼ် တီႈ​ပူႇ​သူ​မွၼ်ႇ​သူ​ၸႃႉ​ၸဵမ်​မိုဝ်ႉ​ဝၼ်း ဢၼ်​ၵဝ်​ၼုၵ်ႈ​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ယူႇ ၶိူဝ်း​ၶိူဝ်း​ယႂ်း​ယႂ်း​လႄႈ လုၵ်ႉ​ၸဝ်ႉ​ၸဝ်ႉ​ယူႇ၊ သင်ႇ​သွၼ်​သုင်း​မႃႉ​ပၼ်​ယူႇ သေ​လႄႈ​ဝႃႈ၊ ဢွၼ်​ၵၼ်​ထွမ်ႇ​ဢဝ်​ၵႂၢမ်း​ၵဝ်​တႃႉ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="8">ၶဝ်​ဢမ်ႇ​ထွမ်ႇ​ဢမ်ႇ​ဢဝ်။ ဢမ်ႇ​ႁေႈ​ႁူ​ဝၢႆႇ​ႁူ​ၸူး။ ၶဝ်​ၵႃႈ​မီး​ဢွၼ်​ၵၼ် ၸွမ်း​ၵႂႃႇ​ၵႃႈ​ၼင်ႇ​ဢၼ် တၢင်း​ဢၼ်​ႁူဝ်​ၸႂ်​ၶဝ် ၵႅၼ်ႇ​ၶႅင်​လႄႈ ႁၢႆႉ​ယုတ်ႈ​ၼၼ်ႉ မီး​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ၵဝ်​တၵ်း ႁႂ်ႈ​ၵႂၢမ်း​ပတီႉၺိၺ်ႇ ၵူႈ​ၸိူဝ်ႉ​ၵူႈ​ပိူင်​ဢၼ်​ၵဝ် သင်ႇ​လၢတ်ႈ​ဝႆႉ​တီႈ​ၶဝ်​လႄႈ ၶဝ်​ဢမ်ႇ​ၵမ်​ဢမ်ႇ​ၵျၢင်ႉ​ၼႆႉ တူၵ်း​ႁွတ်ႈ​ၵႃႈ​ၼိူဝ်​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​ၸမ်ႉ၊ လႆႈ​ထူပ်း​လႆႈ​ႁၼ် တၢင်း​ဢၼ်​ၵျၢမ်ႇ​ပွင် ႁၢႆႉ​ယုတ်ႈ​ႁဵတ်း​မုၵ်ႉ ႁဵတ်း​ၸိူဝ်း​ၼၼ်ႉ ၵႃႈ​ၼႂ်း​ၵူၼ်း​မိူင်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="10">ၶဝ်​ဢွၼ်​ၵၼ်​ဝၢႆႇ​ၶိုၼ်း​ၵႂႃႇ ႁႂ်ႈ​လႆႈ​ႁဵတ်း​တူႉ​ၸရိူၵ်ႈ​ပူႇ​ၶဝ်​မွၼ်ႇ​ၶဝ် ဢၼ်​တွပ်ႇ​ထဵင်​ပႄႇ​ပႅတ်ႈ ၵႂၢမ်း​ၵဝ်​ၸိူဝ်း​ၼၼ်ႉ​လႄႈ ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး ႁႂ်ႈ​လႆႈ​ႁဵတ်း​ဝၢတ်ႈ​တီႈ​ၶဝ်​ၼၼ်ႉ​ယဝ်ႉ။ မဵဝ်း​ ဢီႉသရေႇလႃႉ ဢိၵ်ႇ​တင်း မဵဝ်း​ ယူႉတႃႉ ​ဢွၼ်​ၵၼ်​ယႃႉ​ပတီႉၺိၺ်ႇ​တြႃး ဢၼ်​ၵဝ်​ႁဵတ်း​ဝႆႉ​လူၺ်ႈ​ၵၼ် တင်း​ပူႇ​ၶဝ်​မွၼ်ႇ​ၶဝ်​ၸိူဝ်း​ၼၼ်ႉ​ပႅတ်ႈ​ယဝ်ႉ။-</verse>
				<verse number="11">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ႁႂ်ႈ​ၽေး​ဢၼ်ႇတရႄႇ ဢၼ်​ၶဝ်​ဢမ်ႇ​လွတ်ႈ​လႆႈ​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​ၶဝ်​ဢေႃႈ။ ပိၵ်ႉ​သမ်ႉ​ၶဝ် သႅၼ်ႇ​ႁွင်ႉ​ႁႃ​ၵဝ်​သေ​ၵေႃႈ ၵဝ်​ယင်း​ဢမ်ႇ​ထွမ်ႇ​ဢဝ်​လႄႈ တၵ်း​ယူႇ​ဢေႃႈ။-</verse>
				<verse number="12">မိူဝ်ႈ​ၼၼ်ႉ ပိၵ်ႉ​သမ်ႉ ၵူၼ်း​ဝၢၼ်ႈ​ၵူၼ်း​ဝဵင်း​ ယူႉတႃႉ ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ ဢွၼ်​ၵၼ်​ၵႂႃႇ​လႄႈ သႅၼ်ႇ​ႁွင်ႉ​တီႈ​ၽြႃး ဢၼ်​ၶဝ်​ယၢမ်ႈ​လႆႈ​ဢဝ် ၼၢမ်ႇ​သႃႇ​တုတ်ႇ​ၽႆး​လႄႈ ပုၵ်ႈ​ၸေႃႇ​ၸိူဝ်း​ၼၼ်ႉ​သေ​ၵေႃႈ၊ ၶဝ်​ၼၼ်ႉ​ယင်း​ဢမ်ႇ​ပၼ် ၵတ်း​ယဵၼ်​ၶျၢမ်း​သႃႇ​ၼႂ်း​မိူဝ်ႈ​ဢၼ် ၽေး​ႁွတ်ႈ​ထိုင်​ၼၼ်ႉ​လႃး​လႃး​လႄႈ တၵ်း​ယူႇ​ဢေႃႈ။-</verse>
				<verse number="13">မိူင်း​ ယူႉတႃႉ ​ဢိူၺ်း၊ ၽြႃး​မႂ်း​မီး​ၸွမ်း​ၵႃႈ​ၼင်ႇ ဢၼ်​ၼပ်ႉ​ဢၼ်​ဢၢၼ်ႇ ဝဵင်း​မႂ်း​မီး​ၼၼ်ႉ​ယဝ်ႉ​လူင်​ပႄႇ။ သူ​ဢွၼ်​ၵၼ်​တႄႇ​ႁဵတ်း ယိတ်ႈပလၢင်ႇ ပုၼ်ႈ​ၶိူင်ႈ​ပိူင်​ဢၼ်​လီ​ဢူၵ်း​လီ​ဢၢႆ​ဢၼ်​ဝႃႈ ယိတ်ႈပလၢင်ႇ​တီႈ​ဢၼ် တၵ်း​ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ​ၽြႃး ပႃႇလႃႉ ​ၼၼ်ႉ ၸွမ်း​ၵႃႈ​ၼင်ႇ ဢၼ်​ၼပ်ႉ​ဢၼ်​ဢၢၼ်ႇ သဵၼ်ႈ​တၢင်း​ဝဵင်း​ ယေႇရူႉသလႅမ်ႇ မီး​ၼၼ်ႉ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ မႂ်း​ယႃႇ​ပေ​ႁဵတ်း ပထၼႃႇ​ပုၼ်ႈ​ၵူၼ်း​မဵဝ်း​ၼႆႉ။ ယႃႇ​ပေ​ႁဵတ်း​တၢင်း​ဢၼ်​သႅၼ်ႇ​ႁွင်ႉ၊ တၢင်း​ဢၼ်​သူး​တွင်း​ပုၼ်ႈ​ၶဝ်။ ၵဝ်​ဢမ်ႇ​ထွမ်ႇ​ဢဝ်​ၵႂၢမ်း​ၶဝ် ၼႂ်း​မိူဝ်ႈ​ဢၼ်​ၶဝ်​သႅၼ်ႇ​ႁွင်ႉ၊ ၼႂ်း​မိူဝ်ႈ​ဢၼ်​ၽေး​ၶဝ်ႈ ႁွတ်ႈ​ထိုင်​ၼၼ်ႉ။-</verse>
				<verse number="15">မႄႈ​ယိင်း​ဢၼ်​ၵဝ်​ႁၵ်ႉ​ၼၼ်ႉ ၸၢပ်ႈ​သႅင်ႇ​ၵၼ်​တင်း​ႁိူၼ်း​ၵဝ် ၼႂ်း​မိူဝ်ႈ​ဢၼ် မၼ်း​ႁဵတ်း​တၢင်း​ဢၼ်​ဢမ်ႇ​တြႃး ၼမ်​ၵိုၼ်း​ၼႃႇ​ၼၼ်ႉ​ၸိူဝ်ႉ​ၼင်ႇ​ႁိုဝ်။ ၼိူဝ်ႉ​ဢၼ်​မူတ်း​ၸၢင်ႇ ၵၢင်း​လွတ်ႈ​ၵၼ်​တင်း​မႂ်း​လႄႈ တေႃႈ​ၵႃႈ​ၼႂ်း​မိူဝ်ႈ​ဢၼ်​မႂ်း ယင်း​တိုၵ်ႉ​ႁဵတ်း​တူႉ​ၸရိူၵ်ႈ​ယူႇ​ၼၼ်ႉ မႂ်း​ယင်း ၸူမ်း​သိူဝ်း​ယူႇ​လူင်​ပႄႇ။-</verse>
				<verse number="16">ထႃႇဝရႃႉ​ၽြႃး ႁွင်ႉ​ႁဵၵ်ႈ​ၸိုဝ်ႈ​မႂ်း​လႄႈ​ဝႃႈ တူၼ်ႈ​ သၢၼ်ႇလုၼ်ႇ ဢၼ်​ၶဵဝ်​လီ​တင်ႈ​လီ​လႄႈ မၢၵ်ႇ​မၢၵ်ႇ​ဢၼ်​လီ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၸဝ်ႈ ႁဵတ်း​သဵင်​ဢၼ်​ႁူၼ်ႈ​မေႃး​ယႂ်ႇ​ၼႃႇ သေ​လႄႈ ဢဝ်​တူၼ်ႈ​ၼၼ်ႉ တုတ်ႇ​ၽႆး​လႄႈ ၵိင်ႇ​မၼ်း​ၶႃႊ​မၼ်း​တင်း​လၢႆ ၶႅမ်ႈ​သုတ်း ႁၵ်း​ႁဵၵ်း​ၵႂႃႇ​ဢေႃႈ။-</verse>
				<verse number="17">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ဢၼ်​ၽုၵ်ႇ​သွမ်ႈ​မႂ်း​ၼၼ်ႉ မီး​ဢမိင်ႉ​ႁႂ်ႈ​လွင်ႈ​တၢင်း​ဢၼ် ဢမ်ႇ​လီ​ယူႇ​ၽၢႆႇ​ၼိုင်ႈ တင်း​မႂ်း ၵွပ်ႈ​ပိူဝ်ႈ လွင်ႈ​တၢင်း​ဢၼ်​ဢမ်ႇ​လီ ဢၼ်​မဵဝ်း​ ဢီႉသရေႇလႃႉ ဢိၵ်ႇ​တင်း​မဵဝ်း​ ယူႉတႃႉ ႁဵတ်း​ပုၼ်ႈ​ၶဝ်​ဢၼ်​ဝႃႈ တၢင်း​ဢၼ် ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ​ၽြႃး ပႃႇလႃႉ ​သေ​လႄႈ တိုၵ်း​ယူင်း​တၢင်း​မႆႈ​ၸႂ်​ၶႆႈ​ၸႃႉ​ၵဝ်​ၼၼ်ႉ​ယဝ်ႉ။</verse>
				<verse number="18">ထႃႇဝရႃႉ​ၽြႃး ဢဝ်​လွင်ႈ​မၼ်း ပၼ်​ပျႃႇ​တိၵ်ႈ​တီႈ​ၵဝ်​လႄႈ ၵဝ်​လႆႈ​ႁူႉ​ဢေႃႈ။ မိူဝ်ႈ​ၼၼ်ႉ ၸဝ်ႈ​ႁဝ်း​ၼႄ​ပျႃး​လွင်ႈ​တၢင်း​ဢၼ် ၶဝ်​ႁဵတ်း​ၸိူဝ်း​ၼၼ်ႉ တီႈ​ၶႃႈ​ၸဝ်ႈ တီႈ​ၶႃႈ​ယဝ်ႉ။-</verse>
				<verse number="19">ၵဝ်​ပဵၼ်​ၸိူဝ်ႉ​ၼင်ႇ သူဝ်း​ငႄႈ​ဢွၼ်ႇ ဢၼ်​ဢဝ်​ၵႂႃႇ​ႁႂ်ႈ​လႆႈ​ဢဝ်​တၢႆ​ၼၼ်ႉ​လႄႈ ၵဝ်​ဢမ်ႇ​ႁူႉ​လွင်ႈ​ဢၼ် ၶဝ်​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ ယူႇ​ၽၢႆႇ​ၼိုင်ႈ တင်း​ၵဝ်​လႄႈ​ဝႃႈ၊ ဢွၼ်​ၵၼ်​ယႃႉ​ၽဵဝ်ႈ​တူၼ်ႈ​မၼ်း ဢိၵ်ႇ​တင်း မၢၵ်ႇ​မၼ်း​တိၼ်ႇ​မၼ်း​ပႅတ်ႈ မူတ်း​မူတ်း​သဵင်ႈ​သဵင်ႈ​လႄႈ ပႄႇ​တႅပ်း​မၼ်း​ပႅတ်ႈ​သေ ၵႃႈ​ၼႂ်း​တီႈ​ယူႇ​ၶဝ်​ၸိူဝ်း​ဢၼ် ဢသၢၵ်ႈ​လိပ်း​ၼႆႉ ႁႂ်ႈ​ၼႃႇ​မႃႉ​ၸိုဝ်ႈ​သဵင်​မၼ်း ဢမ်ႇ​လႆႈ​ၶၢမ်ႇ တၢင်း​ဢၼ်​ၶုၵ်း​ၸႂ်​လႆႈ ၶႆႈ​ၸႂ်​ထူပ်း​တႃႉ​ႁဝ်း၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="20">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ဢၼ်​ၸႅတ်ႈ​ထၢမ်​ႁူဝ်​ၸႂ် မၢၵ်ႇ​လၼ်း​လႄႈ ၸီႇ​ယၢင်ႇ​ၸွမ်း​ၼင်ႇ​တြႃး​တီႈ​ၶႃႈ​ဢိူၺ်း၊ ႁႂ်ႈ​ၶႃႈ​ၸဝ်ႈ​လႆႈ​ႁၼ် တၢင်း​ဢၼ်​ၸဝ်ႈ​ႁဝ်း​ပၼ်​ဢပႅတ်ႈ တီႈ​ၶဝ်​ၼၼ်ႉ​သေ​ၵမ်း​တီႈ​ၶႃႈ၊ ဢမူႉ​ၶႃႈ​ၸဝ်ႈ​ၸိုင် ၶႃႈ​ၸဝ်ႈ​လဝ်ႊ​လၢတ်ႈ​တီႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ။-</verse>
				<verse number="21">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​လူၺ်ႈ​လွင်ႈ ၵူၼ်း​ဝဵင်း​ ဢႃႇၼသုတ်ႉ ​တင်း​လၢႆ ဢၼ်​ႁႃ​ဢဝ်​ဢသၢၵ်ႈ​မႂ်း​လႄႈ လၢတ်ႈ​လႄႈ​ဝႃႈ လွင်ႈ​ၼင်ႇ​ႁိုဝ် မႂ်း​တၵ်း​ဢမ်ႇ​တၢႆ​လူၺ်ႈ​မိုဝ်း​ႁဝ်း​ၸိုင်၊ မႂ်း​ယႃႇ​ပေ​ဢဝ် ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး ႁဵတ်း​ပရေႃးၽႅတ်ႈ၊ ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊-</verse>
				<verse number="22">ပိူဝ်ႈ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ၸႅတ်ႈ​ထၢမ်​ၶဝ်​လႄႈ ၵူၼ်း​ၼုမ်ႇ​ၵူၼ်း​ၵမ်​ၶဝ်​တၵ်း​ဢွၼ်​ၵၼ်​တၢႆ လူၺ်ႈ​လၢပ်ႇ​လူၺ်ႈ​လႅဝ်း​လႄႈ လုၵ်ႈ​ၸၢႆး​လုၵ်ႈ​ယိင်း​ၶဝ် တၵ်း​ဢွၼ်​ၵၼ်​တၢႆ​လူၺ်ႈ တၢင်း​ဢၼ်​ဢိုပ်း​ဢၼ်​ယၢၵ်ႈ​ဢေႃႈ။-</verse>
				<verse number="23">ဢမ်ႇ​လႆႈ​မီး​ဢၼ်​ၵိုတ်း​ဢၼ်​ၵျၢၼ်ႇ​ဝႆႉ တီႈ​ၶဝ်​ၼၼ်ႉ​သေ​ၵေႃႉ​သေ​ၵူၼ်း။ ၵဝ်​တၵ်း​ႁႂ်ႈ​ၽေး​ဢူႉ​ပၢတ်ႈ​ဢၼ်​ဝႃႈ ၶူပ်ႇ​ပီႊ​ဢၼ်​ၶဝ် လႆႈ​ၶၢမ်ႇ​တၢင်း​ဢၼ်​ၸႅတ်ႈ ဢၼ်​ထၢမ်​ၼၼ်ႉ တူၵ်း​ႁွတ်ႈ​ၵႃႈ​ၼိူဝ် ၵူၼ်း​ဝဵင်း​ ဢႃႇၼသုတ်ႉ ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="12">
				<verse number="1">ထႃႇဝရႃႉ​ၽြႃး တီႈ​ၶႃႈ၊ ယၢမ်း​မိူဝ်ႈ​ဢၼ်​ၶႃႈ​ၸဝ်ႈ တိူင်ႇ​ပၢင်ႇ​တွင်ႈ​ထၢမ် ၵႂၢမ်း​တြႃး​ၵၼ်​တင်း​ၸဝ်ႈ​ႁဝ်း​ၼၼ်ႉ​ၸိုင်၊ ၸဝ်ႈ​ႁဝ်း​ၸွမ်း​ၼင်ႇ​တြႃး တီႈ​ၶႃႈ​ဢေႃႈ။ ၵူၺ်း​ၵႃႈ ၶႃႈ​ၸဝ်ႈ​တၵ်း​လဝ်ႊ​ထၢမ် လွင်ႈ​တၢင်း​ဢၼ် ၸဝ်ႈ​ႁဝ်း​ၸႅတ်ႈ​ထၢမ်​ၸီႇ​ယၢင်ႇ​ၼၼ်ႉ တီႈ​ၶႃႈ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တၢင်း​ၵျၢမ်ႇ​တၢင်း​ပွင်​ၶဝ်​ၸိူဝ်း​ဢၼ်​ဢမ်ႇ​ႁူႉ​တြႃး​ၼၼ်ႉ ပဵၼ်​လႆႈ​ၼင်ႇ​ႁိုဝ်​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၶဝ်​ၵႃႈ​ဢၼ် သဵတ်ႈ​ၸႃႇ​လူႉ​ၼႃႇ​လူင်​လၢင်​ၼၼ်ႉ လႆႈ​ၵတ်း​ယဵၼ်​ၶျၢမ်း​သႃႇ​ၼင်ႇ​ႁိုဝ်​တီႈ​ၶႃႈ၊-</verse>
				<verse number="2">ၸဝ်ႈ​ႁဝ်း​ၽုၵ်ႇ​သွမ်ႈ​ၶဝ်​လႄႈ ၶဝ်​ၼၼ်ႉ​ယင်ႇ​ႁၢၵ်ႈ​သေ​လႄႈ ယႂ်ႇ​မႃး​ယူႇ၊ မၢၵ်ႇ​မၢၵ်ႇ​ယူႇ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ၸမ်​ၵၼ်​တင်း​သူပ်း​ၶဝ်​လႄႈ ၵႆ​ၵၼ်​တင်း​ႁူဝ်​ၸႂ်​မၢၵ်ႇ​လၼ်း​ၶဝ်​တီႈ​ၶႃႈ​ဢေႃႈ။-</verse>
				<verse number="3">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ႁူႉ​ၶႃႈ​ၸဝ်ႈ​ယူႇ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ႁၼ်​ၶႃႈ​ၸဝ်ႈ​လႄႈ ၸႅတ်ႈ​ထၢမ်​ၸႅတ်ႈ​တူၺ်း လွင်ႈ​ဢၼ်​ႁူဝ်​ၸႂ်​ၶႃႈ​ၸဝ်ႈ ပဵၼ်​ၸိူဝ်ႉ​ၼင်ႇ​ႁိုဝ်​ယူႇ​တီႈ​ၸဝ်ႈ​ႁဝ်း​ၼၼ်ႉ တီႈ​ၶႃႈ​ယဝ်ႉ။ တိုတ်ႉ​ၸၼ်​ဢဝ်​ၶဝ်​ဢွၵ်ႇ ၸိူဝ်ႉ​ၼင်ႇ​ဢၼ်​ဢဝ်​သူဝ်း ဢၼ်​ဝႆႉ​ပုၼ်ႈ​ဢၼ်​တၵ်း​ဢဝ်​တၢႆ​ၼၼ်ႉ ဢွၵ်ႇ​ၼၼ်ႉ​လႄႈ မႄး​ႁႅၼ်း​ၶဝ်​ဝႆႉ​ပုၼ်ႈ​မိုဝ်ႉ​ဝၼ်း ဢၼ်​တၵ်း​လႆႈ​ဢဝ်​တၢႆ​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="4">မိူင်း​ၸဝ်ႈ​တၵ်း​လႆႈ​ပွင်ႉ​ၶၢင်း​ပွင်ႉ​မိူၼ်ႇ​ယူႇ ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ၊ ယိူဝ်ႈ​ယႃႈ​ဢၼ်​မီး​ၵႃႈ​တီႈ​ၼႃႈ​လိၼ်​ၵူႈ​တီႈ​ၵူႈ​လႅၼ်​ၼၼ်ႉ တၵ်း​လႆႈ​ႁဵဝ်ႇ​ၸွပ်ႈ​ယူႇ ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ၊ ၵွပ်ႈ​ပိူဝ်ႈ​တူႉ​ၸရိူၵ်ႈ​ဢပႅတ်ႈ ၶဝ်​ၸိူဝ်း​ဢၼ် ယူႇ​ၵႃႈ​ၼႂ်း​မၼ်း​ၼၼ်ႉ​လႄႈ တရိၵ်ႈသၢၼ်ႇ​တင်း​လၢႆ ဢိၵ်ႇ​တင်း​ၼူၵ်ႉ​တင်း​လၢႆ ဢွၼ်​ၵၼ်​လူႉ​ႁၢႆ​ၵႂႃႇ​တီႈ​ၶႃႈ​ယဝ်ႉ။ လွင်ႈ​မၼ်း​ၸမ်ႉ ၶဝ်​လၢတ်ႈ​လႄႈ​ဝႃႈ၊ မၼ်း​ၸဝ်ႈ​ဢမ်ႇ​ႁူႉ​ဢမ်ႇ​ႁၼ် တီႈ​သုတ်း​တီႈ​ၵွႆ​ႁဝ်း​ၵူၺ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။</verse>
				<verse number="5">ပေႃး​မႂ်း​ၶုၼ်ႇ​လႅၼ်ႈ​ၶေႉ​ၶဵင်ႇ​ၵၼ် တင်း​ၶဝ်​ၸိူဝ်း​ဢၼ်​ပႆ​တိၼ်​ၼၼ်ႉ​လႄႈ ႁိူဝ်ႉ​ဢူၼ်ႈ​ၸိုင်၊ မႂ်း​တၵ်း​ၶေႉ​ၶဵင်ႇ​ၵၼ်​တင်း​မႃႉ​လႆႈ​ၸိူဝ်ႉ​ၼင်ႇ​ႁိုဝ်။ ပိၵ်ႉ​သမ်ႉ​မႂ်း​မီး​တၢင်း​ဢၼ် လူင်ႉ​လီ​လွတ်ႈ​လီ ယူႇ​ၵႃႈ​ၼႂ်း​မိူင်း​ဢၼ်​ၼိမ်​ဢၼ်​လီ​သေ​ၵေႃႈ၊ မႂ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ် ၵႃႈ​ၼႂ်း​တၢင်း​ဢၼ် ၼမ်ႉ​ႁွင်ႈ​ ယေႃးတၢၼ်ႇ ​ၼွင်း​မႃး​ၼၼ်ႉ။-</verse>
				<verse number="6">တေႃႈ​ၵႃႈ​ပီႈ​မႂ်း​ၼွင်ႉ​မႂ်း ၵူၼ်း​ႁိူၼ်း​ၵူၼ်း​ယေး​ပေႃႈ​မႂ်း​ၸိူဝ်း​ၼၼ်ႉ ယင်း​ဢွၼ်​ၵၼ်​ယႃႉ​သဵတ်ႈ​ၸႃႇ​မႂ်း​လႄႈ သႅၼ်ႇ​ႁွင်ႉ​ၸွမ်း​လင်​မႂ်း​ယူႇ​ဢေႃႈ။</verse>
				<verse number="7">ပိၵ်ႉ​သမ်ႉ ၶဝ်​လၢတ်ႈ​ၵႂၢမ်း​ဢၼ်​လီ​တီႈ​မႂ်း သေ​ၵေႃႈ ယႃႇ​ပေ​ယုမ်ႇ​ၶဝ်။ ၵဝ်​ၼႆႉ​ၸုၼ်ႉ​ပႅတ်ႈ​ႁိူၼ်း​ၵဝ်​လႄႈ ပႅတ်ႈ​ဢမူၺ်ႇ​ၵဝ် ဝႆႉ​ယဝ်ႉ။ ၵဝ်​ဢဝ် မႄႈ​ယိင်း​ဢၼ်​ႁူဝ်​ၸႂ်​ၵဝ် ႁၵ်ႉ​ၼႃႇ​ၼၼ်ႉ​ဢၢပ်ႈ​ဝႆႉ​ၵႃႈ​ၼႂ်း မိုဝ်း​ရၢၼ်ႇ​သူႇ​မၼ်း​ယဝ်ႉ။-</verse>
				<verse number="8">ၵွပ်ႈ​ပိူဝ်ႈ​ဢမူၺ်ႇ​ၵဝ်​ၼၼ်ႉ ပဵၼ်​ၸိူဝ်ႉ​ၼင်ႇ​သၢင်ႇ​သီႈ ဢၼ်​ထူပ်း​ၵႃႈ​ၼႂ်း​ထိူၼ်ႇ​ၼၼ်ႉ တီႈ​ၵဝ်​လႄႈ ႁွင်ႉ​ၶၢင်း​တေႃႇ​ၵဝ် ယူႇ​ၼၼ်ႉ​လႄႈ ၵဝ်​ၸင်း​မၼ်း​ဢေႃႈ။-</verse>
				<verse number="9">ဢမူၺ်ႇ​ၵဝ်​ၼၼ်ႉ ပဵၼ်​ၸိူဝ်ႉ​ၼင်ႇ​ၼူၵ်ႉ​ႁၢႆႉ ဢၼ်​ပဵၼ်​ၸုမ်ႈ​ပဵၼ်​လၢႆး​ၼၼ်ႉ တီႈ​ၵဝ်​ယဝ်ႉ​ႁိုဝ်။ ၼူၵ်ႉ​ႁၢႆႉ​မီး​ၵႃႈ​တီႈ​လဵပ်ႈ​ႁွပ်ႈ​မၼ်း​ယူႇ​လႄႈ ဢွၼ်​ၵၼ်​တိုၵ်း​တေႃး​မၼ်း​ႁိုဝ်။ ဢွၼ်​ၵၼ်​ၵႂႃႇ​လႄႈ ႁႂ်ႈ​တူဝ်​ထိူၼ်ႇ​ႁၢႆႉ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​လႄႈ မႃး​ႁႂ်ႈ​လႆႈ​ၶူပ်း​လႆႈ​ၵိၼ်​တႃႉ။-</verse>
				<verse number="10">ၶဝ်​ၸိူဝ်း​ဢၼ် လဵင်ႉ​သူဝ်း​ထိင်း​သူဝ်း​ၼမ်​ၼႃႇ​ၼၼ်ႉ ဢွၼ်​ၵၼ်​ယႃႉ သူၼ်​ဢူးယဵၼ်ႇ​ၸပိတ်ႈ​ၵဝ်​ပႅတ်ႈ​ယဝ်ႉ။ ၶဝ်​ဢွၼ်​ၵၼ်​ယဵပ်ႇ​ယမ်ႈ ပုၼ်ႈ​ၵဝ်​တႃႇ​ၵဝ်​ၼၼ်ႉ​ပႅတ်ႈ​ယဝ်ႉ။ ၶဝ်​ဢွၼ်​ၵၼ်​ႁႂ်ႈ တီႈ​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်​ၼၼ်ႉ ပဵၼ်​ထိူၼ်ႇ​ပဵၼ်​ၶိူဝ်း တီႈ​ဢၼ်​ၽိတ်ႇ​ၵူၼ်း​ငႅဝ်​ၵူၼ်း​ၵႂႃႇ​ယဝ်ႉ။-</verse>
				<verse number="11">ၶဝ်​ႁႂ်ႈ​မၼ်း​ပဵၼ်​တီႈ​ဢၼ်​ၽိတ်ႇ​ၵူၼ်း​ငႅဝ်​ၵူၼ်း​လႄႈ ၵွပ်ႈ​ပိူဝ်ႈ​ဢၼ် မီး​တၢင်း​ဢၼ်​ၽိတ်ႇ​ၵူၼ်း​ငႅဝ်​ၵူၼ်း​ယူႇ ၼၼ်ႉ​လႄႈ မၼ်း​ၶၢင်း​ၶီ​ၶၢင်း​ၽၢၼ်​တေႃႇ​ၵဝ်​ဢေႃႈ။ မိူင်း​လူႉ​လႅဝ်​ၵႂႃႇ​တင်း​မိူင်း ၵွပ်ႈ​ပိူဝ်ႈ ဢၼ်​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၸၢင်ႈ​ဢဝ်​ႁဵတ်း​ပမႃႇၼႃႉ ၼၼ်ႉ​ဢေႃႈ။-</verse>
				<verse number="12">ၶဝ်​ၸိူဝ်း​ဢၼ် ႁိမ်​ႁူင်ႇ​ဢဝ်​ၼၼ်ႉ​ဢွၼ်​ၵၼ် ႁွတ်ႈ​ထိုင်​ၵႃႈ​ၼိူဝ်​တီႈ​ဢၼ်​သုင် ၵႃႈ​ၼႂ်း​ထိူၼ်ႇ​ၵႃႈ​မီး​ၼၼ်ႉ​ယဝ်ႉ။လၢပ်ႇ​ထႃႇဝရႃႉ​ၽြႃး ယႃႉ​ၽဵဝ်ႈ​ပႅတ်ႈ ၸႃႉ​ၸဵမ်​ႁိမ်း​လႅၼ်​မိူင်း​ၽၢႆႇ​ၼိုင်ႈ တေႃႇ​ထိုင်​ႁွတ်ႈ​ၽၢႆႇ​ၼိုင်ႈ ပႅတ်ႈ​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လႆႈ​ၵတ်း​ယဵၼ်​ၶျၢမ်း​သႃႇ။-</verse>
				<verse number="13">ၶဝ်​ဢွၼ်​ၵၼ် ဝၢၼ်ႇ​ပိုၼ်​ၸိူဝ်ႉ​ၽၼ်း ၶဝ်ႈ​ၵျုင်ႇ​လႄႈ လႆႈ​ပၢတ်ႇ​ဢဝ် တူၼ်ႈ​ၼၢမ်​ၵူၺ်း​ဢေႃႈ။ ၶဝ်​ဢွၼ်​ၵၼ် ႁဵတ်း​ယၢပ်ႇ​ႁဵတ်း​ၽိုတ်ႇ​ၼႃႇ​လူင်​လၢင်​လႄႈ ဢမ်ႇ​မီး​ၵျေး​ၸူး။ ၶဝ်​တၵ်း​ဢွၼ်​ၵၼ် ထွၵ်ႈ​လူၺ်ႈ​ဢၵျူဝ်း​ၶဝ်​ၼၼ်ႉ​သေ​လႄႈ ဢူၵ်း​ဢၢႆ​ၵွပ်ႈ​ပိူဝ်ႈ ဢၢႆ​ႁႅင်း​တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး ၼၼ်ႉ​ဢေႃႈ။</verse>
				<verse number="14">ထႃႇဝရႃႉ​ၽြႃး မီး​ဢမိင်ႉ​လူၺ်ႈ​လွင်ႈ​ၵႃႈ​ဢၼ်​ပဵၼ် ၵူၼ်း​ႁိူၼ်း​ၸမ်​ၵၼ်​တင်း​ၵဝ် ဢၼ်​ႁၢႆႉ​မိူၵ်ႈ​ဢၼ်​တိူဝ်ႉ​ထုၵ်ႇ ဢမူၺ်ႇ ဢၼ်​ၵဝ်​ဢဵတ်း​လူ​ပၼ်​ႁႂ်ႈ​ၵူၼ်း​ၵဝ် မဵဝ်း​ ဢီႉသရေႇလႃႉ ​ထိူၵ်ႈ​ပိူင်ႇ​ၼၼ်ႉ ၸိူဝ်း​ၼၼ်ႉ​ၸမ်ႉ၊ တူၺ်း​လူး၊ ၵဝ်​တၵ်း​ထွတ်ႇ​ထူၺ်ႈ​ၼုၵ်ႈ​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​မိူင်း​ၶဝ်​ၼၼ်ႉ​လႄႈ ထွတ်ႇ​ထူၺ်ႈ​ၼုၵ်ႈ​ဢဝ် မဵဝ်း​ ယူႉတႃႉ ဢွၵ်ႇ​သေ​ၵႃႈ​ၼႂ်း​ၶဝ် ၼၼ်ႉ​ဢေႃႈ။-</verse>
				<verse number="15">ၵဝ်​ထွတ်ႇ​ထူၺ်ႈ​ၼုၵ်ႈ​ဢဝ်​ၶဝ်​သေ​ယဝ်ႉ၊ ၵဝ်​တၵ်း​သမ်ႉ​ၶိုၼ်း​မႃး​လႄႈ ဢဵတ်း​လူ​ၶဝ်​သေ​လႄႈ ဢဝ်​ၶဝ်​သမ်ႉ​ၶိုၼ်း​သူင်ႇ​ႁွတ်ႈ​ၵႃႈ​တီႈ ဢမူၺ်ႇ​ဢၼ်​ၶဝ်​ထိူၵ်ႈ​ပိူင်ႇ၊ တီႈ​ဢၼ်​ၶဝ်​ယူႇ​ၵဝ်ႇ​ၵဝ်ႇ​ၼၼ်ႉ ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="16">ပေႃး​ၶဝ်​ၵျူဝ်း​ၸႃး သွၼ်​ဢဝ်​ၽႃႇသႃႇ သဵၼ်ႈ​တၢင်း​ၵူၼ်း​မဵဝ်း​ၵဝ်​တင်း​လၢႆ ႁႂ်ႈ​လႆႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ် တိူင်ႇ​ဝႃႈ​ၵိၼ်ႇ​ဝႃႈ​လႄႈ​ဝႃႈ၊ ၵႃႈ​ၼင်ႇ​ဢၼ် ထႃႇဝရႃႉ​ၽြႃး ဢသၢၵ်ႈ​လိပ်း​ယူႇ​ၼၼ်ႉ၊ ဝႃႈ​ၼင်ႇ​ၼႆ မိူၼ်​ၸိူဝ်ႉ​ၼင်ႇ​ဢၼ် ၶဝ်​ယၢမ်ႈ​သွၼ်​ပၼ်​တီႈ​ၵူၼ်း​ၵဝ် တင်း​လၢႆ ႁႂ်ႈ​လႆႈ​ဢဝ်​ၽြႃး ပႃႇလႃႉ တိူင်ႇ​ဝႃႈ​ၵိၼ်ႇ​ဝႃႈ​ၼၼ်ႉ​ၸိုင်၊ ၵဝ်​တၵ်း​ႁႂ်ႈ​ၶဝ်​တႄႇ​ယူႇ ၵႃႈ​ၼႂ်း​ၵူၼ်း​မဵဝ်း​ၵဝ်​တင်း​လၢႆ​ဢေႃႈ။-</verse>
				<verse number="17">ပေႃး​ဢမ်ႇ​ၼၼ် ပေႃး​ၶဝ် ယင်း​ဢမ်ႇ​ထွမ်ႇ​ဢမ်ႇ​ဢဝ်​လႄႈ ယူႇ​ၸိုင်၊ ၵဝ်​တၵ်း​ထွတ်ႇ​ထူၺ်ႈ ၼုၵ်ႈ​ဢဝ်​ၵူၼ်း​မဵဝ်း​ၼၼ်ႉ သေ​လႄႈ ယႃႉ​ပႅတ်ႈ မူတ်း​မူတ်း​သဵင်ႈ​သဵင်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="13">
				<verse number="1">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​ၸမ်ႉ၊ မႂ်း​ၵႂႃႇ​လႄႈ​သိုဝ်ႉ​ဢဝ် သၢႆ​ဢႅဝ်​ၵုၺ်​သေ​လႄႈ ႁတ်ႉ​ဢႅဝ်​မႂ်း​တႃႉ။ ဢမ်ႇ​လႆႈ​ဢဝ်​ၸုပ်ႉ​ဢဝ်​သႂ်ႇ ၵႃႈ​ၼႂ်း​ၼမ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="2">ၵဝ်​သိုဝ်ႉ​ဢဝ်​သၢႆ​ဢႅဝ်​မႃး ၸွမ်း​ၵႃႈ​ၼင်ႇ​ဢၼ် ဢမိင်ႉ​ထႃႇဝရႃႉ​ၽြႃး မီး​ၼၼ်ႉ​လႄႈ ႁတ်ႉ​ဢႅဝ်​ၵဝ်​ဢေႃႈ။-</verse>
				<verse number="3">ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ် ၵမ်း​တူႉတီႉယႃႉ​ၸမ်ႉ၊-</verse>
				<verse number="4">မႂ်း​ဢဝ်​သၢႆ​ဢႅဝ် ဢၼ်​မႂ်း​သိုဝ်ႉ​ဢဝ်​လႄႈ ႁတ်ႉ​ဢႅဝ်​မႂ်း​ၼၼ်ႉ လုၵ်ႉ​လႄႈ​ၵႂႃႇ​ၸူး ၵႃႈ​တီႈ​ၼမ်ႉ​ႁွင်ႈ ဢူႉၽရတ်ႉ ​သေ​လႄႈ ဢဝ်​သိူင်ႇ​မႅပ်ႉ​ဝႆႉ ၵႃႈ​ၼႂ်း​ႁူး​မၢၵ်ႇ​ႁိၼ်​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="5">ၵဝ်​ၵႂႃႇ​လႄႈ သိူင်ႇ​မႅပ်ႉ​ဝႆႉ ၵႃႈ​တီႈ​ႁိမ်း​ၼမ်ႉ​ႁွင်ႈ​ ဢူႉၽရတ်ႉ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး မီး​ဢမိင်ႉ​ၼၼ်ႉ​ဢေႃႈ။-</verse>
				<verse number="6">လိုၼ်း​ၼၼ်ႉ ၶိင်ႇ​ၵႃႇလႃႉ​မိုဝ်ႉ​ဝၼ်း ႁိုင်​ၼႃႇ​သေ​ယဝ်ႉ၊ ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​လႄႈ​ဝႃႈ၊ မႂ်း​လုၵ်ႉ​လႄႈ​ၵႂႃႇ​ၸူး ၵႃႈ​တီႈ​ၼမ်ႉ​ႁွင်ႈ​ ဢူႉၽရတ်ႉ ​သေ​လႄႈ ဢဝ်​သၢႆ​ဢႅဝ်​ဢၼ်​ၵဝ်​မီး​ဢမိင်ႉ ႁႂ်ႈ​မႂ်း​သိူင်ႇ​မႅပ်ႉ​ဝႆႉ​ၼၼ်ႉ​ဢွၵ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၵဝ်​ၵေႃႈ ၵႂႃႇ​ၸူး​ၵႃႈ​တီႈ​ႁိမ်း​ၼမ်ႉ​ႁွင်ႈ​ ဢူႉၽရတ်ႉ ​သေ​လႄႈ ၶုတ်း​ဢဝ်​သၢႆ​ဢႅဝ် ဢွၵ်ႇ​သေ​ၵႃႈ​တီႈ​ဢၼ်​ၵဝ် ဢဝ်​သိူင်ႇ​မႅပ်ႉ​ဝႆႉ​ၼၼ်ႉ​ဢေႃႈ။ တူၺ်း​လူး၊ သၢႆ​ဢႅဝ်​ၼၼ်ႉ ၽင်ႉ​ဢူႉ​လႄႈ ပဵၼ်​ဢၼ်​ဢမ်ႇ​သုင်း​ဢမ်ႇ​သွင်ႇ​လႆႈ​ၵႂႃႇ​ယဝ်ႉ။-</verse>
				<verse number="8">ၵမ်း​ၼၼ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="9">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ​ၼၼ်၊ ၵဝ်​တၵ်း​ၶျႃး​မႃႇၼႃႉ တၢင်း​ဢၼ်​ပူၵ်း​ပႅၼ်​မိူင်း​ ယူႉတႃႉ ဢိၵ်ႇ​တင်း မႃႇၼႃႉ​တၢင်း​ဢၼ်​ပူၵ်း​ပႅၼ် ဝဵင်း​ ယေႇရူႉသလႅမ်ႇ ဢၼ်​ယႂ်ႇ​ၼႃႇ​လူင်​လၢင်​ၼၼ်ႉ တူၵ်း​တီႈ​တႅမ်ႇ​ဢေႃႈ။-</verse>
				<verse number="10">ၵူၼ်း​မဵဝ်း​ဢၼ်​ႁၢႆႉ​မိူၵ်ႈ​ဢၼ် ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်​လႄႈ ၵမ်​ၵျၢင်ႉ​ၸွမ်း​ၼင်ႇ​သၽေႃး တၢင်း​ဢၼ်​ႁူဝ်​ၸႂ်​ၶဝ်​ၵႅၼ်ႇ​ၶႅင်၊ ဢၼ်​ၸွမ်း​လင် ၽြႃး​တၢင်ႇ​သူႇ​တၢင်ႇ​ပႃး ႁႂ်ႈ​လႆႈ​ႁဵတ်း​ဝၢတ်ႈ​ၵူဝ်း​ၵႂၢႆႇ​ၼၼ်ႉ ၸိူဝ်း​ၼႆႉ၊ တၵ်း​လႆႈ​ပဵၼ်​ၸိူဝ်ႉ​ၼင်ႇ သၢႆ​ဢႅဝ် ဢၼ်​ပဵၼ်​ဢၼ်​ဢမ်ႇ​သုင်း​ဢမ်ႇ​သွင်ႇ​လႆႈ​ၼႆႉ​ဢေႃႈ။-</verse>
				<verse number="11">ၸိူဝ်ႉ​ၼင်ႇ​ဢၼ်​သၢႆ​ဢႅဝ်​ၼႆႉ ႁတ်ႉ​ၸပ်း​ဝႆႉ​ၵႃႈ​တီႈ​ဢႅဝ်​ၵူၼ်း​ၼၼ်ႉ၊ ၵဝ်​ႁႂ်ႈ​မဵဝ်း​ ဢီႉသရေႇလႃႉ ​ၵႃႈ​မီး ဢိၵ်ႇ​တင်း​မဵဝ်း​ ယူႉတႃႉ တင်း​သဵင်ႈ​တင်း​လူင် ႁတ်ႉ​ၸပ်း​ဝႆႉ​ၵႃႈ​တီႈ​ၵဝ် ႁႂ်ႈ​ၶဝ်​လႆႈ​ပဵၼ်​မဵဝ်း​ၵူၼ်း၊ ၼႃႇ​မႃႉ​ၸိုဝ်ႈ​သဵင် တၢင်း​ဢၼ်​ယွင်ႈ​ယေႃး၊ မုၼ်​သရေႇ​တီႈ​ၵဝ်​ဢေႃႈ။ ၵူၺ်း​ၵႃႈ ၶဝ်​ဢမ်ႇ​မီး​ဢလူဝ်ႇ​ၶႂ်ႈ​ထွမ်ႇ​ဢဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ပိူဝ်ႈ​ၼႆ​လႄႈ ၵႂၢမ်း​ဢၼ်​မႂ်း​တၵ်း​လႆႈ မွၵ်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ထူင်​ၼင်​ၵႃႈ​မီး တၵ်း​လႆႈ​မီး​တၢင်း​ဢၼ် တဵမ်​ဝႆႉ​တင်း​ၼမ်ႉ​ၸပိတ်ႈ​ဢေႃႈ။ ၶဝ်​ၵေႃႈ တၵ်း​ၶိုၼ်း​လၢတ်ႈ​တီႈ​မႂ်း​လႄႈ​ဝႃႈ၊ ႁဝ်း​ဢမ်ႇ​ႁူႉ​လွင်ႈ​ဢၼ် ထူင်​ၼင်​ၵႃႈ​မီး​တၵ်း​လႆႈ​မီး တၢင်း​ဢၼ်​တဵမ်​ဝႆႉ​တင်း​ၼမ်ႉ​ၸပိတ်ႈ​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">မႂ်း​တၵ်း​လႆႈ​လၢတ်ႈ တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ႁႂ်ႈ​ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင်​ဢၼ်​ဝႃႈ ၸႃႉ​ၸဵမ်​ၶုၼ်​ႁေႃ​ၶမ်း ဢၼ်​ၼင်ႈ​ယူႇ​ၵႃႈ​ၼိူဝ် ရႃႇၸႃႉ​ပလၢင်ႇ ၶုၼ်​လူင်​ တႃႇဝိတ်ႈ ​ၸိူဝ်း​ၼၼ်ႉ​လႄႈ၊ ယိတ်ႈပရေႃးႁဵၵ်ႈ​လႂ်၊ ပရေႃးၽႅတ်ႈ​လႂ်၊ ၵူၼ်း​ဝဵင်း​ ယေႇရူႉသလႅမ်ႇ ​ၵႃႈ​မီး​လႂ် ဢိမ်ႇ​တဵမ်​ဝႆႉ​တင်း တၢင်း​ဢၼ်​မဝ်း​လဝ်ႈ​မဝ်း​ၵမ်​ဢေႃႈ။-</verse>
				<verse number="14">ၵဝ်​တၵ်း ဢဝ်​ၶဝ်​ၼင်ႇ​ၵၼ်​ၵၼ်၊ ပေႃႈ​ၵၼ်​လုၵ်ႈ​ၵၼ် ပေႃႉ​ၽတ်ႉ​သႂ်ႇ​ၵၼ်​ဢေႃႈ။ ၵဝ်​တၵ်း​ဢမ်ႇ​မီး​ၵရူႉၼႃႇ၊ ဢမ်ႇ​သေ​လၢႆ၊ ဢမ်ႇ​ဢဵတ်း​လူ​ထၼ်ႈ​ပေႃး ၵဝ်​တၵ်း​ယႃႉ​ၶဝ်​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="15">သူ​ဢွၼ်​ၵၼ် ထွမ်ႇ​ငိၼ်း​လႄႈ ဝၢႆႇ​ႁူ​ႁေႈ​ႁူ​ၸူး​တႃႉ။ ယႃႇ​ပေ​ဢွၼ်​ၵၼ် မီး​ၸႂ်​ဢၼ်​ပူၵ်း​ပႅၼ်။ ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ။-</verse>
				<verse number="16">ဢွၼ်​ၵၼ် ယွင်ႈ​ယေႃး​မုၼ်​ၵုင်ႇ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ၸူဝ်ႈ​ဢၼ်​မၼ်း​ၸဝ်ႈ ဢမ်ႇ​ပႆႇ​ႁႂ်ႈ​ၵၢင်​ဝၼ်း​ၶမ်ႈ၊ ၸူဝ်ႈ​ဢၼ်​တိၼ်​သူ ဢမ်ႇ​ပႆႇ​ၶီႈ​လိုတ်း​လႄႈ လူမ်ႉ​ၵႃႈ​ၼိူဝ်​လွႆ ဢၼ်​လပ်း​သိင်ႇ၊ ၸူဝ်ႈ​ဢၼ်​မၼ်း​ၸဝ်ႈ ဢမ်ႇ​ပႆႇ​ႁႂ်ႈ​ပဵၼ်​ႁူမ်ႈ​ၵွင်ႉ​ငဝ်း​ၶုၼ်​တၢႆ၊ လပ်း​သိင်ႇ​ဢၼ်​ၼႃ​တၼ်​ၼႃႇ၊ ၼႂ်း​မိူဝ်ႈ​ဢၼ် သူ​မုင်ႈ​မွင်း​ဢၼ်​လႅင်း​ယူႇ​ၼၼ်ႉ​တႃႉ။-</verse>
				<verse number="17">ပေႃး​သူ​ယင်း​ဢမ်ႇ​ထွမ်ႇ​ဢမ်ႇ​ဢဝ်​လႄႈ​ယူႇ​ၸမ်ႉ၊ ၸႂ်​ဝီႉၺိၺ်ႇ​ၵဝ် တၵ်း​ႁႆႈ​ႁွင်ႉ​ၵႃႈ​ၼႂ်း​တီႈ ဢၼ်​သိူင်ႇ​ဢၼ်​မႅပ်ႉ​ၼၼ်ႉ ၵွပ်ႈ​ပိူဝ်ႈ​မႃႇၼႃႉ ၸႂ်​သုင်​သူ​လႄႈ မၢၵ်ႇ​တႃ​ၵဝ်​တၵ်း​ႁႆႈ​ၼႃႇ​လူင်​လၢင်​လႄႈ ပဵၼ်​ၼမ်ႉ​လႆ​တူၵ်း​ယူႇ ၵွပ်ႈ​ပိူဝ်ႈ​ဢၼ်​ၽုင်​သူဝ်း ထႃႇဝရႃႉ​ၽြႃး လႆႈ​ၶၢမ်ႇ​တၢင်း​ဢၼ်​သိမ်း​ဢဝ် ၵႂႃႇ​ၼၼ်ႉ​ဢေႃႈ။-</verse>
				<verse number="18">မွၵ်ႇ​လၢတ်ႈ​တီႈ​ၶုၼ်​ႁေႃ​ၶမ်း တင်း​ၼၢင်း​ႁေႃ​ၶမ်း​လႄႈ​ဝႃႈ၊ ဢွၼ်​ၵၼ် ၶျႃး​တူဝ်​သူ​တူၵ်း​တီႈ​တႅမ်ႇ​လႄႈ ၼင်ႈ​တႃႉ။ ၶဵၼ်း​ႁူဝ်​သူ​ဢၼ်​ဝႃႈ သရၽူႇ​ဢၼ် မုၼ်​ယႂ်ႇ​သူ​ၼၼ်ႉ လႆႈ​ၶၢမ်ႇ​တၢင်း​ဢၼ်​ပူတ်း​ၶျႃး​တူၵ်း​ယဝ်ႉ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="19">ဝဵင်း​ၵႃႈ​ၼႂ်း​ပွတ်း​တၢင်း​ၸၢၼ်း ၸိူဝ်း​ၼၼ်ႉ လႆႈ​မီး​တၢင်း​ဢၼ် ဢိုတ်း​ႁပ်း​ဝႆႉ​လႄႈ ၵေႃႉ​ဢၼ်​တၵ်း​ၽုၺ်ႇ ဢမ်ႇ​မီး​သေ​ၵေႃႉ​သေ​ၵူၼ်း။ ၵူၼ်း​ဝၢၼ်ႈ​ၵူၼ်း​မိူင်း ယူႉတႃႉ ​တင်း​သဵင်ႈ​တင်း​လူင် လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​ယဝ်ႉ​ယဝ်ႉ။ လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​တင်း​သဵင်ႈ​တင်း​မူတ်း​ယဝ်ႉ​ယဝ်ႉ။-</verse>
				<verse number="20">ဢဝ်​တႃ​သူ မုင်ႈ​လႄႈ​တူၺ်း​ၶဝ်​ၸိူဝ်း​ဢၼ် လုၵ်ႉ​သေ​ၵႃႈ​တီႈ​ၼႃႈ​တၢင်း​ႁွင်ႇ​မႃး ၸိူဝ်း​ၼၼ်ႉ​တႃႉ။ ၽုင်​သူဝ်း​ဢၼ်​ၵဝ်​ပၼ်​တီႈ​မႂ်း၊ ၽုင်​သူဝ်း ဢၼ်​ႁၢင်ႈ​လီ​ႁၢင်ႈ​ငၢမ်း​ၼၼ်ႉ မီး​ၵႃႈ​လႂ်။-</verse>
				<verse number="21">မိူဝ်ႈ​ဢၼ်​မၼ်း​ၸဝ်ႈ​ပၼ် တၢင်း​ဢၼ် သင်ႇ​သွၼ်​သုင်း​မႃႉ​တီႈ​မႂ်း​ၼၼ်ႉ​ၸိုင်၊ မႂ်း​တၵ်း​လၢတ်ႈ​ၸိူဝ်ႉ​ၼင်ႇ​ႁိုဝ်။ တူဝ်​မႂ်း​ပၼ် တၢင်း​ၵျၢမ်ႇ​တၢင်း​ပွင် ႁႂ်ႈ​ၶဝ်​လႆႈ​ဢုပ်ႉ​ပိူင်ႇ​ၵႃႈ​ၼိူဝ်​မႂ်း​ယဝ်ႉ။ မႂ်း​တၵ်း​လႆႈ​ၶၢမ်ႇ​ဝူၺ်ႇတၼႃႇ မိူၼ်​ၸိူဝ်ႉ​ၼင်ႇ​ဢၼ်​မႄႈ​ယိင်း ဢၼ်​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း လႆႈ​ၶၢမ်ႇ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="22">ပေႃး​မႂ်း​လၢတ်ႈ​ၼႂ်း​ၸႂ်​လႄႈ​ဝႃႈ၊ ၵွပ်ႈ​ပိူဝ်ႈ​လွင်ႈ​ၵႃႈ​သင်​လႄႈ ဢမူႉ​ၼႆႉ​ႁွတ်ႈ​ထိုင်​ၵႃႈ​ၼိူဝ်​ၵဝ်၊ ဝႃႈ​ၼင်ႇ​ၼႆ​ၸိုင်၊​မႂ်း​လႆႈ​ၶၢမ်ႇ​တၢင်း​ဢၼ် ထွတ်ႇ​ၶူဝ်း​ၼုင်ႈ​မႂ်း ၵွပ်ႈ​ပိူဝ်ႈ​ဢၼ် ဢပႅတ်ႈ​မႂ်း​ၼမ်​ၼၼ်ႉ​ဢေႃႈ။ သူၼ်ႈ​တိၼ်​မႂ်း​ၵေႃႈ လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ဢေႃႈ။-</verse>
				<verse number="23">ၵူၼ်း​ ဢေးသႃႇယေႃးပီႉ ​ၼၼ်ႉ ၶၢႆႉ​ပုတ်ႈ​ႁၢင်ႈ​ၽၢင်​ၼင်​တူဝ်​မၼ်း​လႆႈ​ႁိုဝ်။ သိူဝ်​ၸုမ်ႈ​ၼၼ်ႉ​ၶၢႆႉ​ပုတ်ႈ တၢင်း​ဢၼ်​လၢႆး​ဢၼ်​လဵၼ်း တူဝ်​မၼ်း​လႆႈ​ႁိုဝ်။ ပေႃး​ၶၢႆႉ​ပုတ်ႈ​လႆႈ​ၸိုင်၊ သူ​ၸိူဝ်း​ဢၼ်​ယၢမ်ႈ​ႁဵတ်း​တူႉ​ၸရိူၵ်ႈ​ၼၼ်ႉ ဢွၼ်​ၵၼ်​တၢတ်ႈ​ၼိူင်ႇ ႁႂ်ႈ​လႆႈ​ႁဵတ်း​သူႉ​ၸရိူၵ်ႈ ဢေႃႈ။-</verse>
				<verse number="24">ပိူဝ်ႈ​ၼႆ​လႄႈ ၵဝ်​တၵ်း​ဢဝ်​ၶဝ်​ၼၼ်ႉ ၸၢတ်ႇ​ပိုၼ်​ပႅတ်ႈ မိူၼ်​ၸိူဝ်ႉ​ၼင်ႇ မုၼ်ႈ​ယိူဝ်ႈ​မုၼ်ႈ​ယႃႈ ဢၼ်​လူမ်ႉ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း ပတ်ႉ​ထူဝ်း​ပိဝ်​သဵၼ်​ၵႂႃႇ​ၼၼ်ႉ​ဢေႃႈ။-</verse>
				<verse number="25">ဢၼ်​ၼႆႉ​ၸမ်ႉ၊ ပဵၼ်​ပုၼ်ႈ​ပဵၼ်​တႃႇ ဢၼ်​ၵဝ်​တႅၵ်ႈ​ၶိုပ်ႈ​ပၼ်​ပုၼ်ႈ​မႂ်း ၵွပ်ႈ​ပိူဝ်ႈ​ဢၼ်​မႂ်း​လူင်​လိုမ်း​ၵဝ်​လႄႈ ၸပ်း​ၸွမ်း​မူႉ​သႃႇ​ယူႇ​ၼၼ်ႉ​ဢေႃႈ။-</verse>
				<verse number="26">မႅၼ်ႈ​ၸွမ်း​ၸိူဝ်ႉ​ၼင်ႇ​ၼၼ်​လႄႈ ၵဝ်​တၵ်း​ၽုၺ်ႇ​ပိုတ်ႇ​ၶူဝ်း​ၼုင်ႈ​မႂ်း သိုဝ်ႈ​ၼႃႈ​တၼ်း​တႃ​မႂ်း​လႄႈ ႁႂ်ႈ​လွင်ႈ​ဢၼ်​မႂ်း လီ​ဢူၵ်း​လီ​ဢၢႆ​ၼၼ်ႉ ထၢင်ႇ​သႃး​ဢေႃႈ။-</verse>
				<verse number="27">ၵဝ်​လႆႈ​ႁၼ် တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​မႂ်း​ဢၼ်​ဝႃႈ တၢင်း​ဢၼ်​မႂ်း​လဵၼ်ႈ​ၸူႉ၊ တၢင်း​ဢၼ်​မႂ်း​ႁွင်ႉ​မႂ်း​ႁႄႇ၊ တၢင်း​ဢၼ်​မႂ်း​ၵူဝ်ႈ​ၵိူၵ်ႇ​လူၺ်ႈ မေႇ​ထုင်ႇ​ဢၼ်​ဢမ်ႇ​တြႃး ၸိူဝ်း​ၼၼ်ႉ ၵႃႈ​ၼိူဝ်​လွႆ​ၼိူဝ်​ၵုင်း ဢၼ်​မီး​ၵႃႈ​ၼႂ်း​တီႈ​ပၢင်ႇ​တီႈ​ပဵင်း ၸိူဝ်း​ၼၼ်ႉ​ယဝ်ႉ။ ဝဵင်း​ ယေႇရူႉသလႅမ်ႇ ​ဢိူၺ်း၊ မႂ်း​မီး​ဢႃႉ​မင်ႇၵလႃႇ​ဢေႃႈ။ ယင်း​ဢမ်ႇ​ႁွတ်ႈ​ထိုင်​တၢင်း​ဢၼ်​မူတ်း​သႂ်​လႄႈ တၵ်း​ယူႇ​ႁိုဝ်။ တၵ်း​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="14">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ဢဝ် လွင်ႈ​တၢင်း​ဢၼ်​ၽႃႉ​လႅင်ႉ ၽူၼ်​ဢမ်ႇ​တူၵ်း​ၼၼ်ႉ​လႄႈ ႁွတ်ႈ​မႃး​တီႈ​ ယေႇရမီႉ ​ၸမ်ႉ၊-</verse>
				<verse number="2">မိူင်း​ ယူႉတႃႉ ၶၢင်း​ၶီ​ၶၢင်း​ၽၢၼ်​လႄႈ၊ ၽၵ်း​တူ​ဝဵင်း​မၼ်း​ၸိူဝ်း​ၼၼ်ႉ မီး​သဵင်​ဢၼ်​ပွင်ႉ​ၶၢင်း​ပွင်ႉ​မိူၼ်ႇ​ယူႇ​ဢေႃႈ။ ၶဝ်​ၼုင်ႈ​ၶူဝ်း​ၼုင်ႈ ဢၼ်​လမ်​ၵမ်ႇ​သေ​လႄႈ ၼင်ႈ​ယူႇ​ၵႃႈ​ၼိူဝ်​လိၼ်​လႄႈ သဵင်​ဢၼ် ဝဵင်း​ ယေႇရူႉသလႅမ်ႇ ​ႁႆႈ​ႁွင်ႉ​ၼၼ်ႉ ၶိုၼ်ႈ​ယူႇ​ဢေႃႈ။-</verse>
				<verse number="3">မူး​မၢတ်ႈ​ၽွင်း​မိူင်း​တင်း​လၢႆ ဢွၼ်​ၵၼ်​ပွႆႇ​ၸႂ်ႉ​ၵူၼ်း​ဢွၼ်ႇ​ၶဝ်​ၵႂႃႇ​တဵၵ်း​ၼမ်ႉ​လႄႈ ၶဝ်​ၼၼ်ႉ​ႁွတ်ႈ​ထိုင်​ၵႃႈ​တီႈ ဢိူင်ႇ​ၼမ်ႉ​ၶုမ်​ၼမ်ႉ သေ​ယဝ်ႉ၊ ဢမ်ႇ​ထူပ်း​ၼမ်ႉ​ထူပ်း​ၼၢႆး။ ၶဝ်​ဢွၼ်​ၵၼ် ပႃး​ဢဝ်​မေႃႈ​ပဝ်ႇ​မေႃႈ​လၢပ်ႈ​ယူႇ သေ​လႄႈ ၶိုၼ်း​မႃး​ဢေႃႈ။ ၶဝ်​မီး​တၢင်း​ဢၼ် ဢူၵ်း​ဢၢႆ ငိူဝ်ႈ​ငဝ်​လႄႈ​ဢွၼ်​ၵၼ် ႁူမ်ႇ​သုမ်ႇ​ႁူဝ်​ၶဝ်​ယူႇ​ဢေႃႈ။-</verse>
				<verse number="4">ၵွပ်ႈ​ပိူဝ်ႈ​ဢၼ် ၽူၼ်​ဢမ်ႇ​တူၵ်း​ၵႃႈ​ၼႂ်း​မိူင်း​ၸဝ်ႈ​လႄႈ လိၼ်​မီး​တၢင်း​ဢၼ်​တႅၵ်ႇ​ဢႃႈ​ဝႆႉ​ၼၼ်ႉ​လႄႈ ၶဝ်​ၸိူဝ်း​ဢၼ်​ဢဝ်​ထႆ ထႆ​ၼၼ်ႉ​မီး​တၢင်း​ဢၼ် ဢူၵ်း​ဢၢႆ​လႄႈ ဢွၼ်​ၵၼ်​ႁူမ်ႇ​သုမ်ႇ​ႁူဝ်​ၶဝ်​ယူႇ​ဢေႃႈ။-</verse>
				<verse number="5">တိုင်​မႄႈ ၵိူတ်ႇ​လဵင်ႉ​လုၵ်ႈ​မႃး ၵႃႈ​ၼႂ်း​တီႈ​ပၢင်ႇ​တီႈ​ပဵင်း​လႄႈ ၸုၼ်ႉ​ပႅတ်ႈ​လုၵ်ႈ​ဢွၼ်ႇ​မၼ်း ၵွပ်ႈ​ပိူဝ်ႈ​ဢၼ်​ဢမ်ႇ​မီး​ယိူဝ်ႈ​ၼၼ်ႉ​ဢေႃႈ။-</verse>
				<verse number="6">လီႈ​ဢၼ်​ႁႄ​ရိူင်း တင်း​လၢႆ ဢွၼ်​ၵၼ်​ၸုၵ်း​ယူႇ​ၵႃႈ​ၼိူဝ်​တီႈ​ဢၼ်​သုင်​သေ​လႄႈ သုတ်ႇ​လူမ်း​မိူၼ်​ၸိူဝ်ႉ​ၼင်ႇ မႃ​လိၼ်​ၼၼ်ႉ​လႄႈ မၢၵ်ႇ​တႃ​ၶဝ်​လူႉ​ၵႂႃႇ ၵွပ်ႈ​ပိူဝ်ႈ​ဢၼ်​ဢမ်ႇ​မီး တူၼ်ႈ​ယိူဝ်ႈ​တူၼ်ႈ​ယႃႈ ၼၼ်ႉ​ဢေႃႈ။-</verse>
				<verse number="7">ထႃႇဝရႃႉ​ၽြႃး​တီႈ​ၶႃႈ၊ ပိၵ်ႉ​သမ်ႉ​ဢပႅတ်ႈ​ၶႃႈ​ၸဝ်ႈ​ႁဝ်း​ၶဝ် ၶၢမ်ႇ​သၢၵ်ႈ​သေႇ​ယူႇ​ၽၢႆႇ​ၼိုင်ႈ တင်း​ၶႃႈ​ၸဝ်ႈ​ႁဝ်း​ၶဝ်​သေ​ၵေႃႈ၊ ၶႅၼ်း​တေႃႈ​ထွၵ်ႈ​လူၺ်ႈ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း သေ​လႄႈ ၸီႇ​ယၢင်ႇ​သေ​ၵမ်း​တီႈ​ၶႃႈ၊ တၢင်း​ဢၼ်​ၶႃႈ​ၸဝ်ႈ​ႁဝ်း​ၶဝ် ၽွၵ်ႈ​ပျၢၼ်ႇ​ၶိုၼ်း​ၵႂႃႇ​ၼၼ်ႉ ပဵၼ်​ဢၼ်​ၼမ်​ၼႃႇ​လူင်​လၢင်​လႄႈ ၶႃႈ​ၸဝ်ႈ​ႁဝ်း​ၶဝ်​ဢွၼ်​ၵၼ် ၽိတ်း​ပိူင်ႈ​ၸဝ်ႈ​ႁဝ်း တီႈ​ၶႃႈ​ယဝ်ႉ။-</verse>
				<verse number="8">ၸဝ်ႈ​ဢၼ်​ပဵၼ် လွင်ႈ​ဢၼ် မဵဝ်း​ ဢီႉသရေႇလႃႉ လီ​မုင်ႈ​လီ​မွင်း၊ ၸဝ်ႈ​ဢၼ်​ၵႄႇ​သႄႇ​ၶျွတ်ႈ​ဢဝ် ၼႂ်း​ၶိင်ႇ​မိူဝ်ႈ​ဢၼ် ၽေး​ႁွတ်ႈ​ထိုင်​ၼၼ်ႉ​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ပဵၼ်​ၸိူဝ်ႉ​ၼင်ႇ​ၶႅၵ်ႇ ၵႃႈ​ၼႂ်း​မိူင်း​ၸဝ်ႈ ဢိၵ်ႇ​တင်း​ၸိူဝ်ႉ​ၼင်ႇ ၵေႃႉ​ဢၼ်​ၵႂႃႇ​တၢင်း​ပႆ​တၢင်း ဢၼ်​ၶဝ်​ႁႂ်ႈ​လႆႈ​ၵင်ႈ​မူဝ်းၵႃႇ ၶိုၼ်း​လဵဝ်​ၵူၺ်း​ၼၼ်ႉ ၼင်ႇ​ႁိုဝ်​တီႈ​ၶႃႈ၊-</verse>
				<verse number="9">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​ႁိူဝ်ႉ​ဢူၼ်ႈ​လိုမ်း​တူဝ် ဢိၵ်ႇ​တင်း​ၸိူဝ်ႉ​ၼင်ႇ ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​လႄႈ ဢမ်ႇ​တၢတ်ႈ​ၼိူင်ႇ ႁႂ်ႈ​လႆႈ​ၵႄႇ​သႄႇ​ဢဝ်​လွတ်ႈ​ၼၼ်ႉ ၼင်ႇ​ႁိုဝ်​တီႈ​ၶႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ၸိုင် မီး​ယူႇ ၵႃႈ​ၼႂ်း ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၶဝ်​ၼႆႉ ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် ႁွင်ႉ​ႁဵၵ်ႈ​လူၺ်ႈ ၼႃႇ​မႃႉ​ၸိုဝ်ႈ​သဵင် ၸဝ်ႈ​ႁဝ်း​တီႈ​ၶႃႈ​ဢေႃႈ။ ၶႅၼ်း​တေႃႈ ယႃႇ​ပေ​ၸုၼ်ႉ​ပႅတ်ႈ ၶႃႈ​ၸဝ်ႈ​ႁဝ်း​ၶဝ်​သေ​ၵမ်း​တီႈ​ၶႃႈ၊-</verse>
				<verse number="10">ထႃႇဝရႃႉ​ၽြႃး ဢဝ်​လွင်ႈ ၵူၼ်း​မဵဝ်း​ၼႆႉ​လႄႈ မီး​ဢမိင်ႉ​ၸမ်ႉ၊ ၶဝ်​ဢွၼ်​ၵၼ်​မီး​ဢလူဝ်ႇ ၶႂ်ႈ​လႄႇ​ၶႂ်ႈ​လၢဝ်း​ယူႇ ၼႃႇ​လူင်​လၢင်​ဢေႃႈ။ ၶဝ်​ဢမ်ႇ​ဢွၼ်​ၵၼ် ၶျုၵ်ႈ​ဝႆႉ​တိၼ်​ၶဝ်​လႆႈ။ ပိူဝ်ႈ​ၼႆ​လႄႈ ထႃႇဝရႃႉ​ၽြႃး ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်။ မၼ်း​ၸဝ်ႈ တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တူႉ​ၸရိူၵ်ႈ​ဢၼ်​ၶဝ်​ႁဵတ်း​ၼၼ်ႉ​လႄႈ ၸႅတ်ႈ​ထၢမ်​ၶဝ်​ၵွပ်ႈ​ပိူဝ်ႈ​ဢပႅတ်ႈ​ၶဝ်​ဢေႃႈ။-</verse>
				<verse number="11">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​ၸမ်ႉ၊ ယႃႇ​ပေ​သူး​တွင်း​ယွၼ်း​ဢဝ် ဢၼ်​လီ​ဢၼ်​ငၢမ်း​ပုၼ်ႈ ၵူၼ်း​မဵဝ်း​ၼႆႉ။-</verse>
				<verse number="12">ယၢမ်း​မိူဝ်ႈ​ဢၼ် ၶဝ်​ၵမ်​တၢင်း​ၵိၼ်​ၼၼ်ႉ ၵဝ်​တၵ်း​ဢမ်ႇ​ထွမ်ႇ​ဢမ်ႇ​ငိၼ်း​သဵင် ဢၼ်​ၶဝ်​ႁွင်ႉ​သႅၼ်ႇ​ၼၼ်ႉ။ ယၢမ်း​မိူဝ်ႈ​ဢၼ် ၶဝ်​သၢၵ်ႈ​ၵၢပ်ႈ​ယိတ်ႈ ဢၼ်​တုတ်ႇ​ၽႆး ဢိၵ်ႇ​တင်း ၶိူင်ႈ​ပုၵ်ႈ​ၸေႃႇ​ၼၼ်ႉ​ၵေႃႈ၊ ၵဝ်​တၵ်း​ဢမ်ႇ​ႁပ်ႉ​တုင်း​ဢဝ်။ ၵဝ်​တၵ်း​ႁႂ်ႈ​ၶဝ်​သုမ်း​ၸွမ်း​လူၺ်ႈ ၽေး​လၢပ်ႇ၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊</verse>
				<verse number="13">ၵဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး တီႈ​ၶႃ။၊ တူၺ်း​လူး၊ ပရေႃးၽႅတ်ႈ တင်း​လၢႆ ဢွၼ်​ၵၼ်​ႁေႃး​လၢတ်ႈ တီႈ​ၶဝ်​ၼႆႉ​လႄႈ​ဝႃႈ၊ သူ​ဢမ်ႇ​လႆႈ​ထူပ်း​ၽေး​လၢပ်ႇ​ၽေး​လႅဝ်း။ သူ​ဢမ်ႇ​လႆႈ​မီး​ၽေး တၢင်း​ဢၼ်​ဢိုပ်း​ဢၼ်​ယၢၵ်ႈ။ ၵဝ်​တၵ်း​ပၼ်​တၢင်း​ၼိမ် ဢၼ်​မၼ်ႈ​ဢၼ်​ၶိူင်ႇ ၵႃႈ​တီႈ​ၼႆႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="14">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​လႄႈ​ဝႃႈ၊ ပရေႃးၽႅတ်ႈ​ၸိူဝ်း​ၼၼ်ႉ ၸၢင်ႈ​ဢွၼ်​ၵၼ် ဢိင်​ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ ႁေႃး​လၢတ်ႈ​မူႉ​သႃႇ​ဢေႃႈ။ ၵဝ်​ဢမ်ႇ​ပွႆႇ​ၸႂ်ႉ​ၶဝ်။ ၵဝ်​ဢမ်ႇ​သင်ႇ​လၢတ်ႈ​ဝႆႉ​တီႈ​ၶဝ်။ ၵဝ်​ဢမ်ႇ​ပၼ်​ပျႃႇ​တိၵ်ႈ​တီႈ​ၶဝ်။ ၶဝ်​ဢဝ်​တၢင်း​ဢၼ်​ပႅတ်ႉ​တႃ​လႅၼ်​တႃ၊ တၢင်း​ဢၼ်​ၽီ​ၶဝ်ႈ၊ တၢင်း​ဢၼ် ၵျၢမ်ႇ​ပွင်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်၊ တၢင်း​ဢၼ်​ပႅတ်ႉ​လႅၼ်​ၸွမ်း​လူၺ်ႈ ၺၢၼ်ႇ​ၶဝ်​လွၼ်ႉ​လွၼ်ႉ ၼၼ်ႉ​သေ​လႄႈ ႁေႃး​လၢတ်ႈ​ဢေႃႈ။-</verse>
				<verse number="15">ပိူဝ်ႈ​ၼႆ​လႄႈ ထႃႇဝရႃႉ​ၽြႃး ဢဝ်​လွင်ႈ​ပရေႃးၽႅတ်ႈ ဢၼ်​ဢိင်​ၼႃႇ​မႃႉ​ၸိုဝ်ႈ​သဵင်​ၵဝ် သေ​လႄႈ ႁေႃး​လၢတ်ႈ​ဢၼ် ၵဝ်​ယင်း​ဢမ်ႇ​ပွႆႇ​ဢမ်ႇ​ၸႂ်ႉ​ၶဝ်​လႄႈ ၶဝ်​လၢတ်ႈ​လႄႈ​ဝႃႈ၊ ၵႃႈ​တီႈ​မိူင်း​ၼႆႉ​ဢမ်ႇ​လႆႈ​မီး​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ဝႃႈ​ၼင်ႇ​ၼႆ ၸိူဝ်း​ၼၼ်ႉ​လႄႈ မီး​ဢမိင်ႉ​ၸမ်ႉ၊ ပရေႃးၽႅတ်ႈ​ၸိူဝ်း​ၼၼ်ႉ တၵ်း​သုမ်း​ၸွမ်း​လူၺ်ႈ ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ​ဢေႃႈ။-</verse>
				<verse number="16">ၵူၼ်း​တင်း​လၢႆ ဢၼ်​လႆႈ​ထွမ်ႇ တၢင်း​ဢၼ်​ပရေႃးၽႅတ်ႈ ၸိူဝ်း​ၼၼ်ႉ ႁေႃး​လၢတ်ႈ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​ထိမ်ႈ​တူၵ်း​ၵႃႈ​ၼႂ်း​သဵၼ်ႈ​တၢင်း ဝဵင်း​ ယေႇရူႉသလႅမ်ႇ ၵွပ်ႈ​ပိူဝ်ႈ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​လၢပ်ႇ​ၽေး​လႅဝ်း​ၼၼ်ႉ သေ​လႄႈ ၽူႈ​လႂ်​သေ​ၵေႃႉ ဢမ်ႇ​လႆႈ​သၢင်း​ၵျူဝ်ႇ ၸႃႉ​ၸဵမ်​တူဝ်​ၶဝ်​ၼၼ်ႉ​လႄႈ မေး​ၶဝ်၊ လုၵ်ႈ​ၸၢႆး​လုၵ်ႈ​ယိင်း​ၶဝ်​ၸိူဝ်း​ၼၼ်ႉ။ ၵဝ်​တၵ်း​ဢဝ်​ဢပႅတ်ႈ​ၶဝ်​ထွၵ်ႇ​ႁိုဝ်ႈ​သႂ်ႇ ၵႃႈ​ၼိူဝ်​ၶဝ်​ဢေႃႈ။-</verse>
				<verse number="17">ၵႂၢမ်း​ဢၼ်​မႂ်း​တၵ်း​လႆႈ​လၢတ်ႈ​တီႈ​ၶဝ်​ၸမ်ႉ၊ ႁႂ်ႈ​မၢၵ်ႇ​တႃ​ၵဝ်​ၼႆႉ​ပဵၼ်​ၼမ်ႉ​လႆ​တူၵ်း​ယူႇ တင်း​ဝၼ်း​တင်း​ၶိုၼ်း​သေ​ၵမ်း​လူၺ်ႈ။ ယႃႇ​ႁႂ်ႈ​ထၢတ်ႇ​သေ​ၵမ်း။ လုၵ်ႈ​ယိင်း​သၢဝ်​ၵူၼ်း​မဵဝ်း​ၵဝ်​ၼႆႉ​ၼၼ်ႉ လႆႈ​ၶၢမ်ႇ​တၢင်း​ဢၼ်​လုပ်ႇ​မၼ်း ႁၵ်း​ၵႂႃႇ​လူၺ်ႈ​တၢင်း​ၸဵပ်း ဢၼ်​ႁႅင်း​ၼႃႇ​လူင်​လၢင်​ၼၼ်ႉ​ယဝ်ႉ။-</verse>
				<verse number="18">ယၢမ်း​မိူဝ်ႈ​ဢၼ်​ၵဝ်​ၵႂႃႇ​ၵႃႈ​တီႈ​ၼွၵ်ႈ တီႈ​ပၢင်ႇ​ၼၼ်ႉ​ၸိုင်၊ ၵဝ်​လႆႈ​ထူပ်း​ႁၼ်​တူဝ်​တၢႆ ဢၼ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ လႄႈ ယၢမ်း​မိူဝ်ႈ​ဢၼ်​ၵဝ် ၶဝ်ႈ​ၵႃႈ​ၼႂ်း​ဝဵင်း​ၼၼ်ႉ​ၸိုင်၊ ၵဝ်​လႆႈ​ထူပ်း​ႁၼ်​ၶဝ်​ၸိူဝ်း​ဢၼ် မီး​တၢင်း​ၶႆႈ​တၢင်း​ပဵၼ် လူၺ်ႈ​တၢင်း​ဢၼ်​ဢိုပ်း ဢၼ်​ယၢၵ်ႈ​ၼၼ်ႉ​ဢေႃႈ။ ပရေႃးၽႅတ်ႈ ဢိၵ်ႇ​တင်း​ယိတ်ႈပရေႃးႁဵၵ်ႈ​တင်း​လၢႆ ယင်း​ဢမ်ႇ​ႁူႉ​ၵႃႈ​သင်​လႃး​လႃး​လႄႈ ဢွၼ်​ၵၼ်​လႄႇ​လၢဝ်း​ၵႂႃႇ ၵူႈ​တီႈ​ၵူႈ​လႅၼ်​ဢေႃႈ။</verse>
				<verse number="19">ၸဝ်ႈ​ႁဝ်း​တွပ်ႇ​ပႅတ်ႈ​ထဵင်​ပႅတ်ႈ မိူင်း​ ယူႉတႃႉ တင်း​သဵင်ႈ​တင်း​မူတ်း​ယဝ်ႉ တီႈ​ၶႃႈ​ႁိုဝ်။ ႁူဝ်​ၸႂ်​ၸဝ်ႈ​ႁဝ်း​လီ​ႁင်ႈ ဢဵတ်ႇ​သဵတ်ႇ​ဝဵင်း​ ၸီႉဢုၼ်ႇ ​တီႈ​ၶႃႈ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ပၼ်​တၢမ်ႇ တီႈ​ၶႃႈ​ၸဝ်ႈ​ႁဝ်း​ၶဝ် ႁႂ်ႈ​ထၼ်ႈ​ပေႃး ဢမ်ႇ​လႆႈ​သၢၵ်ႈ​သႃႇ​ၶႅၼ်း​မႃး ၼင်ႇ​ႁိုဝ်​တီႈ​ၶႃႈ၊ ပိၵ်ႉ​သမ်ႉ​ၶႃႈ​ၸဝ်ႈ​ႁဝ်း​ၶဝ် မုင်ႈ​မွင်း တၢင်း​ဢၼ်​ၼိမ် ဢၼ်​လီ​သေ​ၵေႃႈ၊ ဢမ်ႇ​လႆႈ​တၢင်း​ဢၼ်​လီ ဢၼ်​ငၢမ်း​တီႈ​ၶႃႈ၊ ပိၵ်ႉ​သမ်ႉ​မုင်ႈ​မွင်း ၵတ်း​ယဵၼ်​ၶျၢမ်း​သႃႇ​သေ​ၵေႃႈ၊ လႆႈ​ဢွၼ်​ၵၼ်​ထူပ်း​ၽေး​ဢူႉ​ပၢတ်ႈ​ၵူၺ်း တီႈ​ၶႃႈ​ဢေႃႈ။-</verse>
				<verse number="20">ထႃႇဝရႃႉ​ၽြႃး တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ် ႁူႉ​တူႉ​ၸရိူၵ်ႈ​ၶႃႈ​ၸဝ်ႈ​ႁဝ်း​ၶဝ် ဢိၵ်ႇ​တင်း​ဢပႅတ်ႈ ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ​ယူႇ ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၶဝ် ၽိတ်း​ပိူင်ႈ​ၸဝ်ႈ​ႁဝ်း​ယဝ်ႉ​တီႈ​ၶႃႈ​ယဝ်ႉ။-</verse>
				<verse number="21">ၵွပ်ႈ​ပိူဝ်ႈ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​လႄႈ ယႃႇ​ပေ​လီ​ႁင်ႈ ဢဵတ်ႇ​သဵတ်ႇ​ၶႃႈ​ၸဝ်ႈ​ႁဝ်း​ၶဝ် သေ​ၵမ်း​တီႈ​ၶႃႈ၊ ယႃႇ​ပေ​ၶျႃး​သရေႇ​ပလၢင်ႇ မုၼ်​ၽုင်း​ၸဝ်ႈ​ႁဝ်း တူၵ်း​တီႈ​တႅမ်ႇ​သေ​ၵမ်း​တီႈ​ၶႃႈ၊ ၶႅၼ်း​တေႃႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​သေ​ၵမ်း​တီႈ​ၶႃႈ၊ ၶႅၼ်း​တေႃႈ​ယႃႇ​ပေ​ယႃႉ ပတီႉၺိၺ်ႇ​ၸဝ်ႈ​ႁဝ်း ဢၼ်​ႁဵတ်း​လူၺ်ႈ​ၵၼ် တင်း​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​ပႅတ်ႈ သေ​ၵမ်း​တီႈ​ၶႃႈ၊-</verse>
				<verse number="22">ၼႂ်း​ၶိူင်ႈ​ပိူင် ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင် ဢၼ်​ၵူၼ်း​သႃႇသၼႃႇပႃႉ​တင်း​လၢႆ ၵူဝ်း​ၵႂၢႆႇ​ၸိူဝ်း​ၼၼ်ႉ မီး​ဢၼ်​ႁႂ်ႈ​ၽူၼ်​တူၵ်း​လႆႈ​ႁိုဝ်။ ၽႃႉ​ၵၢင်​ႁၢဝ်​ယူႇ​ဢလူဝ်ႇလူဝ်ႇ​လႄႈ ယွတ်ႇ​ၼမ်ႉ​ၽူၼ်​တူၵ်း​လႆႈ​ႁိုဝ်။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ပဵၼ်​ၸဝ်ႈ​ႁဝ်း​ၵူၺ်း​ၵူၺ်း ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ပိူဝ်ႈ​ၼႆ​လႄႈ ၶႃႈ​ၸဝ်ႈ​ႁဝ်း​ၶဝ် တၵ်း​မုင်ႈ​မွင်း​ၸဝ်ႈ​ႁဝ်း​ယူႇ တီႈ​ၶႃႈ​ဢေႃႈ။ ၸဝ်ႈ​ႁဝ်း​ႁဵတ်း​ပဵၼ် လွင်ႈ​တၢင်း​ၸိူဝ်း​ၼႆႉ ၵူႈ​ၸိူဝ်ႉ​ၵူႈ​ပိူင်​တီႈ​ၶႃႈ​ဢေႃႈ။</verse>
			</chapter>
			<chapter number="15">
				<verse number="1">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​ၸမ်ႉ၊ ပိၵ်ႉ​သမ်ႉ​ မူဝ်းသေႇ ဢိၵ်ႇ​တင်း သမူၺ်ႇလႃႉ ၸုၵ်း​ၵူမ်ႈ​ယူႇ ၵႃႈ​တီႈ​ၽၢႆႇ​ၼႃႈ​ၵဝ်​သေ​ၵေႃႈ၊ ႁူဝ်​ၸႂ်​ၵဝ် တၵ်း​ဢမ်ႇ​ဝၢႆႇ​ၸူး​ဝၢႆႇ​တေႃႇ​ၵူၼ်း​မဵဝ်း​ၼႆႉ။ ႁေႃႈ​ၶဝ်​ဢွၵ်ႇ​သေ​ၵႃႈ​တီႈ​ၵဝ်​လႄႈ ႁႂ်ႈ​ၶဝ်​ဢွၵ်ႇ​ၵႂႃႇ​သေ​တႃႉ။-</verse>
				<verse number="2">ပေႃး​ၶဝ်​တွင်ႈ​ထၢမ်​တီႈ​မႂ်း​လႄႈ​ဝႃႈ၊ ႁဝ်း​ၶႃႈ​တၵ်း​လႆႈ​ဢွၵ်ႇ​ၵႂႃႇ​ၸူး​ၵႃႈ​တီႈ​လႂ်​ၶႃႈ၊ ဝႃႈ​ၼင်ႇ​ၼႆ​ၸိုင်၊ မႂ်း​တၵ်း​လႆႈ​သင်ႇ​လၢတ်ႈ​ဝႆႉ တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ဝႆႉ​ၸမ်ႉ၊ ၶဝ်​ၸိူဝ်း​ဢၼ်​ထုၵ်ႇ​တၢႆ​ၼၼ်ႉ ဢွၵ်ႇ​ၵႂႃႇ​ၸူး​ၵႃႈ​တီႈ​တၢင်း​တၢႆ၊ ၶဝ်​ၸိူဝ်း​ဢၼ်​ထုၵ်ႇ​ၶၢမ်ႇ​တၢင်း​ဢၼ် ၶႃႈ​ၽၼ်း​ပႅတ်ႈ​လူၺ်ႈ​လၢပ်ႇ လူၺ်ႈ​လႅဝ်း​ၼၼ်ႉ ဢွၵ်ႇ​ၵႂႃႇ​ၸူး ၵႃႈ​တီႈ​တၢင်း​ဢၼ် ၶၢမ်ႇ​တၢင်း​ဢၼ်​ၶႃႈ​ၽၼ်း​ပႅတ်ႈ​လူၺ်ႈ​လၢပ်ႇ​လူၺ်ႈ​လႅဝ်း၊ ၶဝ်​ၸိူဝ်း​ဢၼ် ထုၵ်ႇ​ဢိုပ်း​ထုၵ်ႇ​ယၢၵ်ႈ​ၼၼ်ႉ ဢွၵ်ႇ​ၵႂႃႇ​ၸူး​ၵႃႈ​တီႈ တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၶဝ်​ၸိူဝ်း​ဢၼ် ထုၵ်ႇ​ၶၢမ်ႇ​တၢင်း​ဢၼ် သိမ်း​ဢဝ်​ၶျုၵ်ႈ​ဝႆႉ​ၼၼ်ႉ ဢွၵ်ႇ​ၵႂႃႇ​ၸူး​ၵႃႈ​တီႈ တၢင်း​ဢၼ်​ၶၢမ်ႇ တၢင်း​ဢၼ်​သိမ်း​ဢဝ်​ၶျုၵ်ႈ​ဝႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵဝ်​တၵ်း​ၶၢၼ်း​ဝႆႉ ရၢၼ်ႇ​သူႇ​သီႇ​မဵဝ်း​ဢၼ်​ဝႃႈ လၢပ်ႇ​လႅဝ်း​ဢၼ်​လႆႈ​ဢဝ်​ၶဝ်​တၢႆ၊ မႃ​ဢၼ်​လႆႈ​ၶူပ်း​ၸၼ်​သိၵ်ႇ​ၶၢတ်ႇ၊ ၼူၵ်ႉ​ၵၢင်​ႁၢဝ်၊ ဢိၵ်ႇ​တင်း​တူဝ်​ႁၢႆႉ ဢၼ်​လႆႈ​ၶူပ်း​ၵိၼ်​လႄႈ ယႃႉ​ပႅတ်ႈ​ၸိူဝ်း​ၼၼ်ႉ ဝႆႉ​ၵႃႈ​ၼိူဝ်​ၶဝ်​ဢေႃႈ။-</verse>
				<verse number="4">ၵဝ်​တၵ်း ႁႂ်ႈ​ၶဝ်​လႆႈ​ၶၢမ်ႇ​တၢင်း​ဢၼ် ဢဝ်​ထိမ်ႈ​ၵႂႃႇ​ထိမ်ႈ​ၶိုၼ်း ယူႇ​ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း ၵႃႈ​ၼိူဝ်​လိၼ်​မိူင်း​ၵွပ်ႈ​ပိူဝ်ႈ လွင်ႈ​တၢင်း​ဢၼ်​ၶုၼ်​ မၼႃႇ​သေႇ လုၵ်ႈ​ၸၢႆး​ ႁေႇၸၵီႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ႁဵတ်း​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ဝဵင်း​ ယေႇရူႉသလႅမ်ႇ ​ဢိူၺ်း၊ ၽူႈ​လႂ်​တၵ်း​ဢဵတ်း​လူ​မႂ်း။ ၽူႈ​လႂ်​တၵ်း​ၶၢင်း​ၶီ​ၶၢင်း​ၽၢၼ် လူၺ်ႈ​လွင်ႈ​မႂ်း။ ၽူႈ​လႂ်​တၵ်း​ဝႄႈ​ၸူး​ငႅၵ်း​ၸူး ႁႂ်ႈ​လႆႈ​ထၢမ်​လႄႈ​ဝႃႈ၊ မႂ်း​ယူႇ​လီ​ၵိၼ်​ဝၢၼ်​ယူႇ​ႁိုဝ်။ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="6">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႂ်း​ၸုၼ်ႉ​ပႅတ်ႈ​ၵဝ်​လႄႈ သုတ်ႉ​ၶိုၼ်း​ၵႂႃႇ​ယဝ်ႉ။ ပိူဝ်ႈ​ၼႆ​လႄႈ ၵဝ်​ယဵတ်ႇ​မိုဝ်း​ၵဝ်​တေႃႇ​မႂ်း​လႄႈ ယႃႉ​မႂ်း​ပႅတ်ႈ​ယဝ်ႉ။ ၵဝ်​မိူဝ်ႇ​ၸၢၼ်ႈ​လွင်ႈ​ဢၼ် ၶုၵ်း​ၸႂ်​လႆႈ​မႆႈ​ၸႂ်​ၵွပ်ႈ ၼၼ်ႉ​ယဝ်ႉ။-</verse>
				<verse number="7">ၵဝ်​ဢဝ်​လူင်ႈ​ၽတ်း ၽတ်း​ၶဝ်ႈ​ၵႃႈ​ၼႂ်း​ႁူး​ၽၵ်း​တူ​ဝဵင်း​ယဝ်ႉ။ ၵဝ်​ႁႂ်ႈ​လုၵ်ႈ​လၢင်း​ၶဝ် သုမ်း​ၸွမ်း​လႄႈ ယႃႉ​ၵူၼ်း​မဵဝ်း​ၵဝ်​ပႅတ်ႈ​ၵွပ်ႈ​ပိူဝ်ႈ ဢၼ်​ၶဝ်​ဢမ်ႇ​ဝၢႆႇ​ၶိုၼ်း​သေ​ၵႃႈ​တီႈ သဵၼ်ႈ​တၢင်း​ဢၼ်​ၶဝ်​ၸွမ်း​ၵႂႃႇ​ၼၼ်ႉ​သေ​လႄႈ​မႃး ၼၼ်ႉ​ယဝ်ႉ။-</verse>
				<verse number="8">မႄႈ​မူၵ်း​မႄႈ​မၢႆႈ​ၶဝ်​ၼၼ်ႉ ပဵၼ်​ဢၼ်​ၼမ်​ၼႃႇ ၵႃႈ​တီႈ​ၽၢႆႇ​ၼႃႈ​ၵဝ် လိူဝ်​တွၼ်း​ၼႃႇ​သေ မဵတ်ႉ​ႁိၼ်​မဵတ်ႉ​သၢႆး​ၼမ်ႉ​သမ်ႇ​မုၵ်ႉ​တြႃႇ ၼၼ်ႉ​ယဝ်ႉ။ ၵဝ်​ႁွင်ႉ​ဢဝ်​ၵေႃႉ​ဢၼ် ႁိမ်​ဢဝ်​ႁူင်ႇ​ဢဝ် ၶိင်ႇ​ၵၢင်​ဝၼ်း​တဵင်ႈ​ၼၼ်ႉ မႃး​တိုၵ်း​တေႃး မႄႈ​ၵူၼ်း​ၼုမ်ႇ​ၵူၼ်း​ၵမ် တင်း​လၢႆ​လႄႈ ႁႂ်ႈ​ပဵၼ် တၢင်း​ဢၼ်​လီ​ၵူဝ်​လီ​ႁႄ၊ တၢင်း​ဢၼ်​ယၢပ်ႇ​ၸႂ်​ၶၢၼ်​ၸႂ်​ၶီႉ​ၶႃႉ တူၵ်း​ႁွတ်ႈ​ၵႃႈ​ၼိူဝ်​မၼ်း ၵမ်း​လဵဝ်​ယဝ်ႉ။-</verse>
				<verse number="9">မႄႈ​ယိင်း ဢၼ်​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း ၸဵတ်း​ၵေႃႉ​ၼၼ်ႉ ႁႅင်း​ဢူၼ်ႈ​ႁႅင်း​ယွမ်း​ၵႂႃႇ​လႄႈ ၶျုၵ်ႈ​ၸႂ်​မၼ်း​ယဝ်ႉ။ ၵၢင်​ဝၼ်း​မၼ်း​ၼၼ်ႉ တူၵ်း​ၸဵမ်​မိူဝ်ႈ​ၸူဝ်ႈ​ဢၼ် ဢမ်ႇ​ပႆႇ​ႁွတ်ႈ​ထိုင်​ၶိင်ႇ​ၵၢင်​ၶမ်ႈ​ယဝ်ႉ။ မၼ်း​ၼၼ်ႉ လႆႈ​ဢူၵ်း​ဢၢႆ​လႄႈ ၵႂင်​ၸႂ်​ယုင်ႈ​ၸႂ်​ယူႇ​ဢေႃႈ။ ၶဝ်​ၸိူဝ်း​ဢၼ် ယင်း​ၵိုတ်း​ယင်း​ၵျၢၼ်ႇ ၸိူဝ်း​ၼၼ်ႉ​ၵေႃႈ ၵဝ်​တၵ်း​ဢဝ်​ဢၢပ်ႈ​ပၼ် တီႈ​လၢပ်ႇ​တီႈ​လႅဝ်း ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​ၶဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="10">မႄႈ​ဢိူၺ်း၊ ၵဝ်​ၼႆႉ မီး​ဢႃႉ​မင်ႇၵလႃႇ​ဢေႃႈ။ မႄႈ​ႁဝ်း​ၵိူတ်ႇ​လဵင်ႉ​ၵဝ် ဢၼ်​ပဵၼ်​ၵေႃႉ​ဢၼ်​တွပ်ႇ​ထဵင်၊ ၵေႃႉ​ဢၼ်​ၽိတ်း​ပိူၼ်ႈ တင်း​မိူင်း​ၼႆႉ​မႃး​ယဝ်ႉ။ ၵဝ်​ဢမ်ႇ​ၵူႈ​ဢဝ်​ယိမ်​ဢဝ်​တီႈ​ပိူၼ်ႈ။ ပိူၼ်ႈ​ၵေႃႈ ဢမ်ႇ​ၵူႈ​ဢဝ်​ယိမ်​ဢဝ်​တီႈ​ၵဝ်။ ၵူၺ်း​ၵႃႈ ၵူၼ်း​တင်း​သဵင်ႈ​တင်း​လူင် ၸၢင်ႈ​ဢွၼ်​ၵၼ် ၵိၼ်ႇ​လႃႇ​ၵိၼ်ႇ​ဝႃႈ​တီႈ​ၵဝ်​ဢေႃႈ။-</verse>
				<verse number="11">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ပၼ်​ႁႂ်ႈ​မႂ်း ၵတ်း​ယဵၼ်​ၶျၢမ်း​သႃႇ ဢမၢၼ်ႇ​ၶၼ်​ပဵၼ်​ဢေႃႈ။ ၵဝ်​တၵ်း ၸီႇ​ယၢင်ႇ​ႁႂ်ႈ​ရၢၼ်ႇ​သူႇ​မႂ်း လႆႈ​တွင်း​ပၢၼ်ႇ​တီႈ​မႂ်း ၼႂ်း​မိူဝ်ႈ​ဢၼ် ၽေး​ႁွတ်ႈ​ထိုင်၊ ဢိၵ်ႇ​တင်း မိူဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="12">လဵၵ်း​ၸိုင် ဢဝ်​လဵၵ်း​မိူင်း​တၢင်း​ႁွင်ႇ ဢိၵ်ႇ​တင်း တွင်း​လိူင်​ၼၼ်ႉ ႁၵ်း​လႆႈ​ႁိုဝ်။-</verse>
				<verse number="13">ၵဝ်​တၵ်း​ဢဝ် ဢုၵ်ႉ​ၸႃႇ​ၽၼ်ႇတႃႇ​မႂ်း ဢၢပ်ႈ​ပၼ်​ၵႃႈ​ၼႂ်း​မိုဝ်း ၵေႃႉ​ဢၼ် ယင်း​ဢမ်ႇ​ပၼ်​ၵႃႈ​ပၼ်​ႁူဝ်​မၼ်း​လႄႈ ႁိမ်​ဢဝ်​လႆႈ​ၼၼ်ႉ ၵွပ်ႈ​ပိူဝ်ႈ​ဢပႅတ်ႈ​မႂ်း ၵႃႈ​ဢၼ်​မႂ်း​ႁဵတ်း​ၵႃႈ​ၼႂ်း​မိူင်း​မႂ်း ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။-</verse>
				<verse number="14">ၵဝ်​တၵ်း​ႁႂ်ႈ​မႂ်း ၸွမ်း​လူၺ်ႈ​ၵၼ်​တင်း​ရၢၼ်ႇ​သူႇ​မႂ်း ၵႂႃႇ​ၵႃႈ​ၼႂ်း​မိူင်း​ဢၼ်​မႂ်း​ဢမ်ႇ​ႁူႉ​ၼၼ်ႉ​ဢေႃႈ။ ၽႆး​တၵ်း​ၸပ်း​ၵွပ်ႈ​ပိူဝ်ႈ တၢင်း​ၸႂ်​မႆႈ​ၶႆႈ​ၸႃႉ​ၶဝ်​ၼၼ်ႉ​လႄႈ ၽႆး​ၼၼ်ႉ တၵ်း​ႁုပ်ႇ​မႆႈ​သူ​ဢေႃႈ။-</verse>
				<verse number="15">ထႃႇဝရႃႉ​ၽြႃး တီႈ​ၶႃႈ၊ ၸဝ်ႈ​ႁဝ်း​ႁူႉ​တီႈ​ၶႃႈ​ဢေႃႈ။ ၶႅၼ်း​တေႃႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၶႃႈ​ၸဝ်ႈ​ယူႇ​သေ​လႄႈ မႃး​လူ​မႃး​တူၺ်း​ၶႃႈ​ၸဝ်ႈ​လႄႈ ပၼ်​တၢမ်ႇ​တီႈ​ၶဝ်​ၸိူဝ်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ၼၼ်ႉ ၸွမ်း​ၼင်ႇ​တြႃး​သေ​ၵမ်း​တီႈ​ၶႃႈ၊ ယႃႇ​ပေ​ယိူၼ်ႉ​ၶၢမ်ႇ​ယူႇ သေ​လႄႈ တီႇ​ၽဵဝ်ႈ​ၶႃႈ​ၸဝ်ႈ​ပႅတ်ႈ​သေ​ၵမ်း​တီႈ​ၶႃႈ၊ ၶႅၼ်း​တေႃႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၶႃႈ​ၸဝ်ႈ လႆႈ​ၶၢမ်ႇ​တၢင်း​ဢၼ် သႄႉ​သွမ်း​ၵွပ်ႈ​ပိူဝ်ႈ​ၸဝ်ႈ​ႁဝ်း​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="16">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ထူပ်း​ႁၼ် ၼုၵ်ႈၵပၢတ်ႈ​ၸဝ်ႈ​ႁဝ်း​လႄႈ ဢဝ်​ၵိၼ်​တီႈ​ၶႃႈ​ယဝ်ႉ။ ၼုၵ်ႈၵပၢတ်ႈ​ၸဝ်ႈ​ႁဝ်း​ၼၼ်ႉ ပဵၼ်​လွင်ႈ​ဢၼ် ၶႃႈ​ၸဝ်ႈ​လီ​ၸူမ်း​သိူဝ်း သႂၢင်ႇ​ၸႂ်​တီႈ​ၶႃႈ​ဢေႃႈ။ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ် ႁွင်ႉ​ႁဵၵ်ႈ​လူၺ်ႈ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း တီႈ​ၶႃႈ​ဢေႃႈ။-</verse>
				<verse number="17">ၶႃႈ​ၸဝ်ႈ​ဢမ်ႇ​ၼင်ႈ​ၵႃႈ​တီႈ​ၼႂ်း ဢၼ်​ၸူႉ​ဢၼ်​တုမ်​ၶဝ်​ၸိူဝ်း​ဢၼ် ဢမ်ႇ​ၼပ်ႉ​ဢမ်ႇ​ၶၢၼ်း​ၼၼ်ႉ​လႄႈ ႁဵတ်း​တၢင်း​ဢၼ်​မူၼ်ႈ​ဢၼ်​ပျေႃႇ​တီႈ​ၶႃႈ၊ ၶႃႈ​ၸဝ်ႈ​ၼင်ႈ​ယူႇ​ၵေႃႉ​လဵဝ်​ၵူၺ်း​ၶႃႈ​ၸဝ်ႈ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း ဢဝ်​မိုဝ်း​တၢင်ႇ​သႂ်ႇ​ၼၼ်ႉ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ​တဵမ်​ဝႆႉ​တင်း တေႃး​သႃႉ​တၢင်း​ၸႂ်​မႆႈ​တီႈ​ၶႃႈ​ယဝ်ႉ။-</verse>
				<verse number="18">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ဝူၺ်ႇတၼႃႇ ၶႃႈ​ၸဝ်ႈ​မၼ်ႈ​ၶိူင်ႇ​ယူႇ​လႄႈ တၢင်း​ၸဵပ်း​ၶႃႈ​ၸဝ်ႈ ဢၼ်​ၸၢင်ႈ​တွပ်ႇ​ၸၢင်ႈ​ထဵင် တၢင်း​ဢၼ် ၸိုၼ်ႈ​မႃး​ၶႅၼ်း​မႃး​ၼၼ်ႉ ယင်း​ဢမ်ႇ​ႁၢႆ​ၵႂႃႇ​လႆႈ​ၼၼ်ႉ​ၼင်ႇ​ႁိုဝ်​တီႈ​ၶႃႈ၊ ၸဝ်ႈ​ႁဝ်း​ပဵၼ်​ၸိူဝ်ႉ​ၼင်ႇ​ၼမ်ႉ​ႁွင်ႈ ဢၼ်​ၸၢင်ႈ ပႅတ်ႉ​လႅၼ် ဢိၵ်ႇ​တင်း ၸိူဝ်ႉ​ၼင်ႇ​ၼမ်ႉ​ဢၼ်​ႁၢႆ​ၵႂႃႇ​ၼၼ်ႉ တီႈ​ၶႃႈ​ၸဝ်ႈ ဢမၢၼ်ႇ​ၶၼ်​ပဵၼ်​တီႈ​ၶႃႈ​ႁိုဝ်။-</verse>
				<verse number="19">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ ပေႃး​မႂ်း​ၶိုၼ်း​မႃး​ၸိုင်၊ ၵဝ်​တၵ်း​ဢဝ်​မႂ်း​ၶိုၼ်း​မႃး ႁႂ်ႈ​မႂ်း​လႆႈ​ၸုၵ်း​ၵူမ်ႈ​ယူႇ ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ပေႃး​မႂ်း​ၽႄ​ဢဝ် လွင်ႈ​တၢင်း​ဢၼ်​မျၢတ်ႈ​ဢွၵ်ႇ​သေ​ၵႃႈ​ၼႂ်း လွင်ႈ​တၢင်း​ဢၼ်​ယုတ်ႈ​တင်း​လၢႆ​ၸိုင်၊ မႂ်း​တၵ်း​လႆႈ​ပဵၼ် မိူၼ်​ၸိူဝ်ႉ​ၼင်ႇ​သူပ်း​ၵဝ်​ဢေႃႈ။ ၶဝ်​ၼၼ်ႉ တၵ်း​ဢွၼ်​ၵၼ်​ၶိုၼ်း​မႃး​ၸူး​တီႈ​မႂ်း​လႄႈ မႂ်း​ဢမ်ႇ​လႆႈ​ၶိုၼ်း​ၵႂႃႇ​ၸူး​တီႈ​ၶဝ်။-</verse>
				<verse number="20">ၵဝ်​တၵ်း​ႁႂ်ႈ​မႂ်း​ပဵၼ် လမ်း​ဝဵင်း​တွင်း​လိူင် ဢၼ်​မၼ်ႈ​ၶိူင်ႇ​ယူႇ​ၽၢႆႇ​ၼိုင်ႈ တင်း​ၵူၼ်း​မဵဝ်း​ၼႆႉ​ဢေႃႈ။ ၶဝ်​တၵ်း ဢွၼ်​ၵၼ်​တိုၵ်း​တေႃး​မႂ်း​လႄႈ တၵ်း​ဢမ်ႇ​လႆႈ​ပႄႉ​လႆႈ​ၼႅင်ႇ​မႂ်း။ ၵဝ်​မီး​ယူႇ​ၽၢႆႇ​မႂ်း ႁႂ်ႈ​လႆႈ​ၼုၵ်ႈ​ဢဝ်​ၶျွတ်ႈ​ဢဝ်​မႂ်း​ဢေႃႈ။-</verse>
				<verse number="21">ၵဝ်​တၵ်း​ၼုၵ်ႈ​ဢဝ်​မႂ်း​လွတ်ႈ​သေ ၵႃႈ​ၼႂ်း​မိုဝ်း ၶဝ်​ၸိူဝ်း​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ​လႄႈ ထုတ်ႇ​ဢဝ်​ၶဝ်​ဢွၵ်ႇ​သေ ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် လီ​ၵူဝ်​လီ​ႁႄ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="16">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး၊ ဢၼ်​ႁွတ်ႈ​မႃး​တီႈ​ၵဝ်​ၸမ်ႉ၊-</verse>
				<verse number="2">မႂ်း​ၼႆႉ ဢမ်ႇ​လႆႈ​ႁဵတ်း​တၢင်း​ဢၼ် ပဵၼ်​ၵူပ်ႉ​ပဵၼ်​ၵူႈ။ ဢမ်ႇ​လႆႈ​မီး​လုၵ်ႈ​မီး​လၢင်း ၵႃႈ​တီႈ​ၼႆႈ။-</verse>
				<verse number="3">ထႃႇဝရႃႉ​ၽြႃး ဢဝ်​လွင်ႈ လုၵ်ႈ​ၸၢႆး​လုၵ်ႈ​ယိင်း​ဢၼ်​ၵိူတ်ႇ​လဵင်ႉ​မႃး ၵႃႈ​တီႈ​ၼႆႈ​ၸိူဝ်း​ၼၼ်ႉ ဢိၵ်ႇ​တင်း မႄႈ​ၶဝ်​ဢၼ်​ၵိူတ်ႇ​လဵင်ႉ​ၶဝ်​မႃး တင်း​ပေႃႈ​ၶဝ်​ဢၼ်​ႁႂ်ႈ​ၶဝ်​ပဵၼ်​မႃး​ၵႃႈ​ၼႂ်း​မိူင်း​ၼႆႉ ၸိူဝ်း​ၼၼ်ႉ​လႄႈ မီး​ဢမိင်ႉ​ၸမ်ႉ၊-</verse>
				<verse number="4">ၶဝ်​ၼၼ်ႉ တၵ်း​လႆႈ​ဢွၼ်​ၵၼ်​တၢႆ​လူၺ်ႈ တၢင်း​တၢႆ​ဢၼ်​ႁၢႆႉ​ၼႃႇ​ဢေႃႈ။ ၶဝ်​ဢမ်ႇ​လႆႈ​ၶၢမ်ႇ​တၢင်း​ဢၼ် ၶၢင်း​ၶီ​ၶၢင်း​ၽၢၼ်​သေ​လႄႈ သၢင်း​ၵျူဝ်ႇ။ ၶဝ်​တၵ်း​ဢွၼ်​ၵၼ်​ပဵၼ် ၸိူဝ်ႉ​ၼင်ႇ​ဢၼ်​ဝူၺ်ႇ​ဢၼ်​ႁင်ႈ ၵႃႈ​ၼိူဝ်​လိၼ်​မိူင်း​ၼၼ်ႉ​ဢေႃႈ။ ၶဝ်​တၵ်း​ႁွတ်ႈ​ထိုင် တၢင်း​ဢၼ်​သုမ်း​ၸွမ်း​လူၺ်ႈ ၽေး​လၢပ်ႇ​ၽေး​လႅဝ်း ဢိၵ်ႇ​တင်း ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ​လႄႈ တူဝ်​တၢႆ​ၶဝ်​ၼၼ်ႉ တၵ်း​ပဵၼ်​ပုၼ်ႈ​ဢၼ်​ၼူၵ်ႉ​ၵၢင်​ႁၢဝ် ဢိၵ်ႇ​တင်း တူဝ်​ထိူၼ်ႇ​ႁၢႆႉ​တၵ်း​ၵိၼ်​ဢေႃႈ။-</verse>
				<verse number="5">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ယႃႇ​ပေ​ၶဝ်ႈ​ၵႃႈ​ၼႂ်း​ႁိူၼ်း​မႃႇ​သႃႇ။ ယႃႇ​ပေ​ၵႂႃႇ​ႁႂ်ႈ​လႆႈ​ႁဵတ်း​တၢင်း​ဢၼ်​ႁႆႈ​ဢၼ်​ႁွင်ႉ၊ တၢင်း​ဢၼ်​ၶၢင်း​ၶီ​ၶၢင်း​ၽၢၼ်​ပုၼ်ႈ​ၶဝ်​ၼၼ်ႉ။ ၵဝ်​ၼုၵ်ႈ​သိမ်း​ဢဝ် တၢင်း​ဢၼ်​ၼိမ်​ဢၼ်​လီ​ၵဝ် ဢၼ်​ဝႃႈ မႅတ်ႈ​တႃႇ​ၵရူႉၼႃႇ​ၵဝ်​ၼၼ်ႉ သေ​ၵႃႈ​တီႈ ၵူၼ်း​မဵဝ်း​ၼႆႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="6">ၶဝ်​ၸဵမ်​လဵၵ်ႉ​ၸဵမ်​ယႂ်ႇ တၵ်း​လႆႈ​ဢွၼ်​ၵၼ်​တၢႆ ၵႃႈ​ၼႂ်း​မိူင်း​ၼႆႉ​ဢေႃႈ။ ၵူၺ်း​ၵႃႈ ၶဝ်​ဢမ်ႇ​လႆႈ​ၶၢမ်ႇ တၢင်း​ဢၼ်​သၢင်း​ၵျူဝ်ႇ။ ၽူႈ​လႂ်​ဢမ်ႇ​လႆႈ​ႁဵတ်း​တၢင်း​ဢၼ်​ႁႆႈ​ဢၼ်​ႁွင်ႉ၊ တၢင်း​ဢၼ် ၶၢင်း​ၶီ​ၶၢင်း​ၽၢၼ်​ပုၼ်ႈ​ၶဝ်။ ဢမ်ႇ​လႆႈ​ႁဵတ်း တၢင်း​ဢၼ်​တိူဝ်ႉ​ဢၼ်​မၢတ်ႇ တီႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း တၢင်း​ဢၼ်​ထႃ​ႁူဝ်။-</verse>
				<verse number="7">ဢမ်ႇ​လႆႈ​ဝိတ်း​ပၼ်​ၶဝ်ႈ​မုၼ်း​တီႈ​ၶဝ်​ၸိူဝ်း​ဢၼ် ႁူဝ်​ၸႂ်​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ်​ၼၼ်ႉ ႁႂ်ႈ​ၶဝ်​လႆႈ​ပေႇ​ၸႂ်​ၼိမ်​ၸႂ် ပုၼ်ႈ​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ။ ဢမ်ႇ​လႆႈ​ဢဝ်​ၵွၵ်း​တၢင်း​ဢၼ် ႁႂ်ႈ​ပေႇ​ၸႂ်​ၼိမ်​ၸႂ်​ၼၼ်ႉ ပၼ်​တီႈ​ၶဝ်​ပုၼ်ႈ​ပေႃႈ​မႄႈ​ၶဝ် ဢၼ်​တၢႆ​ယဝ်ႉ​ၼၼ်ႉ။-</verse>
				<verse number="8">မိူၼ်​ၸိူဝ်ႉ​ၼင်ႇ​ၼၼ် ယႃႇ​ပေ ၶဝ်ႈ​ၵႃႈ​ၼႂ်း​ႁိူၼ်း ဢၼ်​ၶၢမ်ႇ​ပွႆး​ၵိၼ်​ပွႆး​ၶူပ်း​ၼၼ်ႉ ႁႂ်ႈ​လႆႈ​ၼင်ႈ​လူၺ်ႈ​ၵၼ်​တင်း​ၶဝ် သေ​လႄႈ​ၵိၼ်​ၶူပ်း။-</verse>
				<verse number="9">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ၵဝ်​တၵ်း ႁႂ်ႈ​သဵင်​ဢၼ်​ၸူမ်း​ပျေႃႇ၊ သဵင်​ဢၼ်​သႂၢင်ႇ​သိူဝ်း၊ သဵင်​ၵူၼ်း​ၸၢႆး​ဢၼ်​သွင်ႇ​မင်ႇၵလႃႇ၊ သဵင်​ၵူၼ်း​ယိင်း​ဢၼ်​သွင်ႇ​မင်ႇၵလႃႇ ထၢတ်ႇ​ယဵၼ်​သေ​ၵႃႈ​တီႈ​ၼႆႈ သိုဝ်ႈ​ၼႃႈ​တႂ်ႈ​တႃ​သူ ၼႂ်း​ၸူဝ်ႈ​ပၢၼ်​သူ​ၼႆႉ​ဢေႃႈ။-</verse>
				<verse number="10">မိူဝ်ႈ​ဢၼ် မႂ်း​ဢဝ်​ၵႂၢမ်း​ၵႃႈ​မီး​ၼႆႉ မွၵ်ႇ​လၢတ်ႈ​တီႈ​ၵူၼ်း​မဵဝ်း​ၼႆႉ​လႄႈ ၶဝ်​ထၢမ်​တီႈ​မႂ်း​လႄႈ​ဝႃႈ၊ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ထႃႇဝရႃႉ​ၽြႃး ၸီႇ​ယၢင်ႇ​ၽေး​တၢမ်ႇ ဢၼ်​ယႂ်ႇ​ၼႃႇ​ထၢၼ်ႇ​ၼႆႉ တီႈ​ႁဝ်း​ၼင်ႇ​ႁိုဝ်။ တူႉ​ၸရိူၵ်ႈ​ႁဝ်း​ၸမ်ႉ ပဵၼ်​ၸိူဝ်ႉ​ၼင်ႇ​ႁိုဝ်။ ဢပႅတ်ႈ​ဢၼ်​ႁဝ်း​ၽိတ်း​ပိူင်ႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="11">မႂ်း​တၵ်း​လႆႈ​ဢဝ်​ဢမိင်ႉ ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​ၶဝ်​လႄႈ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​ပူႇ​သူ​မွၼ်ႇ​သူ ဢွၼ်​ၵၼ်​ၸုၼ်ႉ​ပႅတ်ႈ​ၵဝ်၊ ဢွၼ်​ၵၼ် ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး၊ ဢွၼ်​ၵၼ် ႁဵတ်း​ဝၢတ်ႈ​ၵူဝ်း​ၵႂၢႆႇ​ၶဝ်​ၼၼ်ႉ ဢွၼ်​ၵၼ်​ၸုၼ်ႉ​ပႅတ်ႈ​ၵဝ်​သေ​လႄႈ ဢမ်ႇ​ပႂ်ႉ​ၵမ်​ပႂ်ႉ​ၸွမ်း​တြႃး​ၵဝ်၊-</verse>
				<verse number="12">ဢိၵ်ႇ​တင်း ၵွပ်ႈ​ပိူဝ်ႈ ဢၼ်​သူ​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ႁၢႆႉ​ယုတ်ႈ​လိူဝ်​တွၼ်း​ၼႃႇ​သေ တၢင်း​ၵမ်​တၢင်း​ၵျၢင်ႉ ဢၼ်​ပူႇ​သူ​မွၼ်ႇ​သူ ၵမ်​ၵျၢင်ႉ​ၸိူဝ်း​ၼၼ်ႉ သေ​လႄႈ ၸွမ်း​လူၺ်ႈ​တၢင်း​ဢၼ်​ႁူဝ်​ၸႂ်​သူ ပဵၼ်​ဢၼ်​ႁၢႆႉ​မိူၵ်ႈ​လႄႈ ၵႅၼ်ႇ​ၶႅင်​ႁင်း​ၽႂ်​ႁင်း​မၼ်း ထၼ်ႈ​ပေႃး ဢမ်ႇ​ထွမ်ႇ​ဢမ်ႇ​ဢဝ် ၵႂၢမ်း​ၵဝ်​ၼၼ်ႉ​လႄႈ၊-</verse>
				<verse number="13">ၵဝ်​တၵ်း​ႁေႃႈ​သူ ဢွၵ်ႇ​သေ​ၵႃႈ​ၼႂ်း​မိူင်း​ၼႆႉ ၵႂႃႇ​ၵႃႈ​တီႈ​မိူင်း​ဢၼ်​သူ ဢိၵ်ႇ​တင်း ပူႇ​သူ​မွၼ်ႇ​သူ ဢမ်ႇ​ႁူႉ​ၼၼ်ႉ​ဢေႃႈ။ ၵႃႈ​တီႈ​မိူင်း​ၼၼ်ႉ သူ​တၵ်း​လႆႈ​ဢွၼ်​ၵၼ် ႁဵတ်း​ဝၢတ်ႈ​တီႈ​ၽြႃး တၢင်ႇ​သူႇ​တၢင်ႇ​ပႃး​ယူႇ ၵူႈ​ဝၼ်း​ၵူႈ​ၶိုၼ်း​ဢမ်ႇ​ထၢတ်ႇ​ဢေႃႈ။ ၵဝ်​တၵ်း​ဢမ်ႇ​ၼႄ​ပျႃး​ၵျေး​ၸူး​တီႈ​သူ။</verse>
				<verse number="14">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶိင်ႇ​မိုဝ်ႉ​ဝၼ်း ဢၼ်​ယင်း​ဢမ်ႇ​လႆႈ​တိူင်ႇ​ဝႃႈ​လႄႈ​ဝႃႈ၊ ၵႃႈ​ၼင်ႇ​ဢၼ် ထႃႇဝရႃႉ​ၽြႃး ဢၼ်​ၼုၵ်ႈ​ဢဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ ဢသၢၵ်ႈ​လိပ်း​ယူႇ​ၼၼ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="15">တၵ်း​တိူင်ႇ​ဝႃႈ​လႄႈ​ဝႃႈ၊ ၵႃႈ​ၼင်ႇ​ဢၼ် ထႃႇဝရႃႉ​ၽြႃး ဢၼ်​ၼုၵ်ႈ​ဢဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢွၵ်ႇ​သေ ၵႃႈ​ၼႂ်း​ၸႃႉ​ၸဵမ်​မိူင်း​တၢင်း​ႁွင်ႇ​လႄႈ မိူင်း​ၵႃႈ​ဢၼ်​မၼ်း​ၸဝ်ႈ ႁေႃႈ​ၶဝ်​ဢွၵ်ႇ​ၵႂႃႇ​ၸူး​ၼၼ်ႉ မႃး​ၼၼ်ႉ ဢသၢၵ်ႈ​လိပ်း​ယူႇ​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ တၵ်း​ႁွတ်ႈ​ထိုင်​ဢေႃႈ။ ၵဝ်​တၵ်း​သမ်ႉ​ဢဝ်​ၶဝ်​ၶိုၼ်း​မႃး ၵႃႈ​တီႈ​မိူင်း​ဢၼ်​ၵဝ်​ပၼ်​တီႈ ပူႇ​ၶဝ်​မွၼ်ႇ​ၶဝ်​ၼၼ်ႉ လူး​ၵွၼ်ႇ​ဢေႃႈ။</verse>
				<verse number="16">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ပွႆႇ​ၸႂ်ႉ တမ်ႇ​ငႃႈ​ၼမ်​ၼႃႇ​ၵႂႃႇ​လႄႈ ၶဝ်​တၵ်း​ဢွၼ်​ၵၼ် မဵတ်း​ဢဝ်​ၶဝ်​ၼၼ်ႉ​ဢေႃႈ။ လိုၼ်း​ၼၼ်ႉ ၵဝ်​တၵ်း​ပွႆႇ​ၸႂ်ႉ​မူး​သိူဝ်း​ၼမ်​ၼႃႇ​ၵႂႃႇ​လႄႈ ၶဝ်​တၵ်း ဢွၼ်​ၵၼ်​သွၵ်ႈ​ဢဝ်​ႁႃ​ဢဝ်​ၶဝ်​ၼၼ်ႉ ၵႃႈ​တီႈ​လွႆ​လူင်​လွႆ​ဢွၼ်ႇ ငိူပ်ႇ​ႁိၼ်​ငိူပ်ႇ​ၽႃ​တင်း​လၢႆ​ဢေႃႈ။-</verse>
				<verse number="17">တႃ​ၵဝ်​လူ​တူၺ်း​သဵၼ်ႈ​တၢင်း ၵႃႈ​ဢၼ်​ၶဝ်​ၵႂႃႇ​ၼၼ်ႉ​ယူႇ​ဢေႃႈ။ ၶဝ်​ဢမ်ႇ​မီး​တၢင်း​ဢၼ်​လပ်ႉ​ဢၼ်​တဵတ်ႇ သေ​ၵႃႈ​တီႈ​ၼႃႈ​ၵဝ်​လႄႈ တူႉ​ၸရိူၵ်ႈ​ၶဝ် ဢမ်ႇ​မီး​တၢင်း​ဢၼ်​သိူင်ႇ​ဢၼ်​မႅပ်ႉ​ဝႆႉ သေ​ၵႃႈ​တီႈ​တႃ​ၵဝ်​လႆႈ။-</verse>
				<verse number="18">ဢွၼ်​တၢင်း ၵဝ်​တၵ်း​ပၼ်​တၢမ်ႇ​ဢပႅတ်ႈ သွင်​ပုၼ်ႈ တီႈ​ၶဝ် ၵွပ်ႈ​ပိူဝ်ႈ​ဢၼ် ၶဝ်​ႁႂ်ႈ​မိူင်း​ၵဝ်​ၵူဝ်ႈ​ၵိူၵ်ႇ လူၺ်ႈ​တူဝ်​တၢႆ​ၶိူင်ႈ​ပိူင် ဢၼ်​လီ​ႁင်ႈ​ဢဵတ်ႇ​သဵတ်ႇ ၶဝ်​ၸိူဝ်း​ၼၼ်ႉ​လႄႈ ႁႂ်ႈ​လိၼ်​ဢၼ်​ၵဝ်​ၶၢမ်ႇ​ဢမူၺ်ႇ​ၼၼ်ႉ တဵမ်​ဝႆႉ​တင်း​ၶိူင်ႈ​ပိူင် ဢၼ်​ဝူၺ်ႇ​ဢၼ်​ႁင်ႈ ၶဝ်​ၸိူဝ်း​ၼၼ်ႉ​ဢေႃႈ။</verse>
				<verse number="19">ထႃႇဝရႃႉ​ၽြႃး ဢၼ်​ပဵၼ်​ႁႅင်း​တၼ်း​ၶူဝ်း​ၵဝ်​ၶႃႈ၊ တိူၵ်ႈ​တီႈ​တိုၵ်း​သိုၵ်း​ၵဝ်​ၶႃႈ၊ တီႈ​ဢၼ်​ၵဝ်​ၶႃႈ​သွၼ်ႈ​ပိုင်ႈ ၼႂ်း​မိုဝ်ႉ​ဝၼ်း​ဢၼ် ၽေး​ႁွတ်ႈ​ထိုင်​ၼၼ်ႉ​တီႈ​ၶႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ တၵ်း​ဢွၼ်​ၵၼ်​လုၵ်ႉ​သေ​ၵႃႈ​တီႈ ႁိမ်း​လႅၼ်​သုတ်း​လိၼ်​မိူင်း​ၸိူဝ်း​ၼၼ်ႉ မႃး​ၸူး​တီႈ​ၸဝ်ႈ​ႁဝ်း​လႄႈ လဝ်ႊ​လၢတ်ႈ​လႄႈ​ဝႃႈ၊ ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ ဢွၼ်​ၵၼ်​ၶၢမ်ႇ​ဢမူၺ်ႇ​မူႉ​သႃႇ၊ ဢၼတ်ႉတႃႉ၊ လွင်ႈ​တၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ ဢမၢၼ်ႇ​ၶၼ်​ပဵၼ်​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ တီႈ​ၶႃႈ​ဢေႃႈ။-</verse>
				<verse number="20">ၵူၼ်း​တၵ်း​လႆႈ​ႁဵတ်း​ၽြႃး ဢၼ်​ဢမ်ႇ​ၸႂ်ႈ​ၽြႃး​ၼၼ်ႉ ပုၼ်ႈ​တူဝ်​ၸဝ်ႈ​ၵဝ်ႇ​ႁိုဝ်။-</verse>
				<verse number="21">ပိူဝ်ႈ​ၼႆ​လႄႈ တူၺ်း​လူး၊ ၵဝ်​တၵ်း​ႁႂ်ႈ​ၶဝ်​ႁူႉ​ပွၵ်ႈ​ၼိုင်ႈ မိူဝ်ႈ​လဵဝ်​ၼႆႉ ၵဝ်​တၵ်း​ႁႂ်ႈ​ၶဝ်​ႁူႉ​မိုဝ်း​ၵဝ် ဢိၵ်ႇ​တင်း​တၼ်း​ၶူဝ်း​ၵဝ်​လႄႈ ၶဝ်​တၵ်း​လႆႈ​ဢွၼ်​ၵၼ် ႁူႉ​လွင်ႈ​ဢၼ်​ၼႃႇ​မႃႉ​ၸိုဝ်ႈ​သဵင်​ၵဝ် ပဵၼ်​ထႃႇဝရႃႉ​ၽြႃး ၼၼ်ႉ​ဢေႃႈ။</verse>
			</chapter>
			<chapter number="17">
				<verse number="1">ဢပႅတ်ႈ​မဵဝ်း​ ယူႉတႃႉ မီး​တၢင်း​ဢၼ် ဢဝ်​တင်း​ၵၼ်း​ၺိတ်ႈ​လဵၵ်း ပၢႆ​လႅမ်​ၸိင်ႇ တႅမ်ႈ​မၢတ်ႈ​မၢႆ​လႄႈ ဢဝ်​တူဝ်​လိၵ်ႈ​ဢႅၵ်ႉၶရႃႇ တၢင်ႇ​သႂ်ႇ​ဝႆႉ ၵႃႈ​တီႈ​ၶႅပ်း​ႁူဝ်​ၸႂ်​ၶဝ် ဢိၵ်ႇ​တင်း ၵႃႈ​တီႈ​ၶဝ်​လႅမ် ယိတ်ႈပလၢင်ႇ​ၶဝ်​ၼၼ်ႉ ယူႇ​ဢေႃႈ။-</verse>
				<verse number="2">တေႃႈ​ၵႃႈ လုၵ်ႈ​ၶဝ်​လၢင်း​ၶဝ် ယင်း​ဢွၼ်​ၵၼ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ယိတ်ႈပလၢင်ႇ​ၶဝ် ဢိၵ်ႇ​တင်း တူၼ်ႈ​ ဢႃႇသရႃႉ ​ၶဝ် ဢၼ်​မီး​ၵႃႈ​တီႈ​ႁိမ်း​တူၼ်ႈ​မႆႉ​ဢၼ်​ၶဵဝ်၊ ၵႃႈ​ၼိူဝ်​လွႆ ဢၼ်​သုင်​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="3">လွႆ​ၵဝ်​ဢၼ်​မီး​ၵႃႈ​ၼႂ်း တီႈ​ပၢင်ႇ​တီႈ​ပဵင်း​ၼႆႉ​ဢိူၺ်း၊ ၵဝ်​တၵ်း​ဢဝ်​ဢုၵ်ႉ​ၸႃႇ​မႂ်း တင်း​ၽၼ်ႇတႃႇ​ၵႃႈ​ဢၼ်​မႂ်း​သိမ်း​ဝႆႉ​ၼၼ်ႉ ဢိၵ်ႇ​တင်း တီႈ​ဢၼ်​သုင်​မႂ်း ၵႃႈ​ၼႂ်း​မိူင်း​မႂ်း ၵူႈ​တီႈ​ၵူႈ​လႅၼ် ဢၼ်​မႂ်း​ၽိတ်း​ပိူင်ႈ​လူၺ်ႈ​ၸိူဝ်း​ၼၼ်ႉ ဢၢပ်ႈ​ပၼ်​ၵႃႈ​တီႈ မိုဝ်း​ၵေႃႉ​ဢၼ်​ႁိမ်​ဢဝ်​ႁူင်ႇ​ဢဝ် ၼၼ်ႉ​ဢေႃႈ။-</verse>
				<verse number="4">တူဝ်​မႂ်း​ၵေႃႈ​တၵ်း​လႆႈ​သုတ်ႉ​ၶၢႆႉ ဢွၵ်ႇ​ၵႂႃႇ​သေ​ၵႃႈ​တီႈ​လိၼ်​ဢမူၺ်ႇ​မႂ်း ဢၼ်​ၵဝ်​ပၼ်​တီႈ​မႂ်း​ၼႆႉ​လႄႈ တၵ်း​ႁႂ်ႈ​မႂ်း​ၶၢမ်ႇ​ႁဵတ်း​ၶႃႈ ၵႃႈ​ၼႂ်း​မိုဝ်း​ရၢၼ်ႇ​သူႇ​မႂ်း​တင်း​လၢႆ​ၵႃႈ​ၼႂ်း​မိူင်း​ဢၼ်​မႂ်း ဢမ်ႇ​ႁူႉ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ သူ​ဢွၼ်​ၵၼ်​သႂ်ႇ​ၽႆး​သုမ်​ၽႆး တၢင်း​ၸႂ်​မႆႈ​ၶႆႈ​ၸႃႉ​ၵဝ်​ဢၼ် တၵ်း​မႆႈ​ယူႇ​သေႇ​သေႇ​ၼၼ်ႉ​ယဝ်ႉ။</verse>
				<verse number="5">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵေႃႉ​ဢၼ် ၸႂ်​ဢိင်​ၸႂ်​ပိုင်ႈ​ၵူၼ်း​လႄႈ ဢဝ်​ၵူၼ်း​သတ်ႉတဝႃႇ ႁဵတ်း​ႁႅင်း​ၶႅၼ်​ႁႅင်း​မိုဝ်း​မၼ်း သေ​လႄႈ၊ ႁူဝ်​ၸႂ်​မၼ်း​ၶၢႆႉ​တီႈ​ဢွၵ်ႇ​သေ​ၵႃႈ​တီႈ ထႃႇဝရႃႉ​ၽြႃး​ၵႂႃႇ​ၼၼ်ႉ ပဵၼ်​ၵေႃႉ​ဢၼ် ထုၵ်ႇ​ၵိၼ်ႇ​ထုၵ်ႇ​ဝႃႈ​ဢေႃႈ။-</verse>
				<verse number="6">ၵေႃႉ​ၼၼ်ႉ ပဵၼ်​ၸိူဝ်ႉ​ၼင်ႇ တူၼ်ႈ​မႆႉ​ဢၼ်​ၶႅၼ်ႇ ဢၼ်​မီး​ၵႃႈ​ၼႂ်း​တီႈ​ပၢင်ႇ​တီႈ​ပဵင်း ၼၼ်ႉ​လႄႈ၊ ဢမ်ႇ​လႆႈ​ႁူႉ​လွင်ႈ​ဢၼ် တၢင်း​လီ​တၢင်း​ငၢမ်း​ႁွတ်ႈ​ထိုင်​ၼၼ်ႉ။ တၵ်း​လႆႈ​ယူႇ ၵႃႈ​ၼႂ်း​တီႈ​ပၢင်ႇ​တီႈ​ပဵင်း​ဢၼ် ႁႅင်ႈ​ႁွင်​လိၼ်​ၵိူဝ် ဢၼ်​ၽူႈ​လႂ်​သေ​ၵေႃႉ ဢမ်ႇ​ယူႇ​ဢမ်ႇ​သဝ်း​ၼၼ်ႉ​ဢေႃႈ။-</verse>
				<verse number="7">ၵေႃႉ​ဢၼ်​ဢိင်​ပိုင်ႈ ထႃႇဝရႃႉ​ၽြႃး ၵေႃႉ​ဢၼ်​ႁႂ်ႈ ထႃႇဝရႃႉ​ၽြႃး ပဵၼ်​လွင်ႈ​ဢၼ်​မၼ်း လီ​ဢိင်​လီ​ပိုင်ႈ​ၼၼ်ႉ ပဵၼ်​ၵေႃႉ​ဢၼ် မီး​မင်ႇၵလႃႇ​ဢေႃႈ။-</verse>
				<verse number="8">ၵေႃႉ​ၼၼ်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ တူၼ်ႈ​ဢၼ်​ၽုၵ်ႇ​သွမ်ႈ ၵႃႈ​တီႈ​ႁိမ်း​ၼမ်ႉ​လႄႈ ယင်ႇ​ႁၢၵ်ႈ​ၽႄႈ​ႁၢၵ်ႈ​မၼ်း ၵႃႈ​တီႈ​ႁိမ်း​ၼမ်ႉ​ႁွင်ႈ​သေ​လႄႈ ယင်း​ဢမ်ႇ​ႁူႉ​ဢမ်ႇ​ႁၼ် လွင်ႈ​တၢင်း​ဢၼ် ႁွတ်ႈ​ထိုင်​ၶိင်ႇ​မႆႈ​ၶိင်ႇ​ႁွၼ်ႉ​လႄႈ၊ မႂ်​မၼ်း​ယင်း​ဢမ်ႇ​ႁဵဝ်ႇ​ဢမ်ႇ​ၸွပ်ႈ၊ ယင်း​ဢမ်ႇ​မီး​တီႈ​ဢၼ် လီ​မႆႈ​ၸႂ်​လူၺ်ႈ​ၶူပ်ႇ​ပီႊ ဢၼ်​ၽႃႉ​လႅင်ႉ ၽူၼ်​ဢမ်ႇ​တူၵ်း​ၼၼ်ႉ​လႄႈ ၸၢင်ႈ​မၢၵ်ႇ​မၢၵ်ႇ​ယူႇ တႃႇ​သေႇ​ၼၼ်ႉ​ဢေႃႈ။-</verse>
				<verse number="9">ႁူဝ်​ၸႂ်​ၸိုင် ၸၢင်ႈ​ၵူတ်ႉ​ၸၢင်ႈ​မဵဝ်ႈ လိူဝ်​တွၼ်း​ၼႃႇ​သေ လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​လႄႈ မီး​တၢင်း​ဢၼ်​ၶၢႆႉ​ယူႇ​ပိၼ်ႇ​ယူႇ​ဢေႃႈ။ ၽူႈ​လႂ်​ႁူႉ​သၽေႃး​မၼ်း​လႆႈ။-</verse>
				<verse number="10">ၵဝ်​ထႃႇဝရႃႉ​ၽြႃး​ၼႆႉ ၸၢင်ႈ​ၸႅတ်ႈ​ထၢမ်​ႁူဝ်​ၸႂ်​လႄႈ ၸၢမ်း​တူၺ်း​မၢၵ်ႇ​လၼ်း ၸေး​ၸေး​ၸွတ်ႇ​ၸွတ်ႇ ႁႂ်ႈ​လႆႈ​ပၼ်​ဢၵျူဝ်း​ဢပႅတ်ႈ တီႈ​ၵူၼ်း​ႁင်း​ၽႂ်​ႁင်း​မၼ်း ၸွမ်း​ၵႃႈ​ၼင်ႇ​ဢၼ် တၢင်း​ၵမ်​တၢင်း​ၵျၢင်ႉ​ၶဝ်​မီး​ၼၼ်ႉ​ဢေႃႈ။-</verse>
				<verse number="11">ၸိူဝ်ႉ​ၼင်ႇ​ဢၼ်​ၼူၵ်ႉ​ၵၢတ်ႇ ငွမ်း​ၶႆႇ​ဢၼ်​ဢမ်ႇ​ၸႂ်ႈ​ၶႆႇ​မၼ်း​ၼၼ်ႉ ၵေႃႉ​ဢၼ်​ႁွမ်​သိမ်း​ဢုၵ်ႉ​ၸႃႇ ဢၼ်​ဢမ်ႇ​တြႃး​ၼၼ်ႉ ပဵၼ်​ၸိူဝ်ႉ​ၼင်ႇ​ၼၼ်​လႄႈ တၵ်း​ဢဝ်​ၸိူဝ်း​ၼၼ်ႉ ၵိုတ်း​ၵျၢၼ်ႇ​ပႅတ်ႈ​ဝႆႉ ၼႂ်း​မိူဝ်ႈ​ဢၼ်​ဢသၢၵ်ႈ​မၼ်း တူၵ်း​ၼႂ်း​ၶိုင်ႈ​ၵၢင်​ၼၼ်ႉ​လႄႈ တၵ်း​ပဵၼ်​ၵူၼ်း​မိူၵ်ႈ ၼႂ်း​တီႈ​သုတ်း​မၼ်း​ၼၼ်ႉ​ဢေႃႈ။-</verse>
				<verse number="12">ရႃႇၸႃႉ​ပလၢင်ႇ ဢၼ်​မုၼ်​ယႂ်ႇ​ၽုင်း​ယႂ်ႇ​ၼႃႇ​လႄႈ သုင်​ၼႃႇ​ၸႃႉ​ၸဵမ်​မိူဝ်ႈ ၵေႃႇၸႃႉ​ႁူဝ်​ပိုင်း​ၼၼ်ႉ ပဵၼ်​ထႃႇၼႃႉ တီႈ​မူတ်း​ၸၢင်ႇ​ႁဝ်း​ဢေႃႈ။-</verse>
				<verse number="13">ထႃႇဝရႃႉ​ၽြႃး ဢၼ်​ပဵၼ်​လွင်ႈ​ဢၼ် မဵဝ်း​ ဢီႉသရေႇလႃႉ လီ​မုင်ႈ​လီ​မွင်း​တီႈ​ၶႃႈ၊ ၶဝ်​ၸိူဝ်း​ဢၼ် ၸုၼ်ႉ​ပႅတ်ႈ​ၸဝ်ႈ​ႁဝ်း​ၵႃႈ​မီး​ၼၼ်ႉ တၵ်း​လႆႈ​ဢွၼ်​ၵၼ်​ႁွတ်ႈ​ထိုင် တၢင်း​ဢၼ်​ဢူၵ်း​ဢၼ်​ဢၢႆ​ဢေႃႈ။ ၶဝ်​ၸိူဝ်း​ဢၼ်​ဢွၵ်ႇ​သေ​ၵႃႈ​တီႈ ၵဝ်​ၵႂႃႇ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ထိမ်ႈ​မၢႆ​သႂ်ႇ​ဝႆႉ ၵႃႈ​ၼႂ်း​လိၼ်​ဢေႃႈ။ လွင်ႈ​မၼ်း​ၸမ်ႉ ၶဝ်​ဢွၼ်​ၵၼ်​ၸုၼ်ႉ​ပႅတ်ႈ ထႃႇဝရႃႉ​ၽြႃး ဢၼ်​ဝႃႈ ၼမ်ႉ​ဢွၵ်ႇ​ႁူး​ဢသၢၵ်ႈ​ၼၼ်ႉ​ယဝ်ႉ။</verse>
				<verse number="14">ထႃႇဝရႃႉ​ၽြႃး တီႈ​ၶႃႈ၊ ၶႅၼ်း​တေႃႈ ႁႂ်ႈ​တၢင်း​ၶႆႈ​တၢင်း​ပဵၼ်​ၶႃႈ​ၸဝ်ႈ သၢၵ်ႈ​သႃႇ​ၶႅၼ်း​မႃး သေ​ၵမ်း​တီႈ​ၶႃႈ၊ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​ၼႆႉ တၢင်း​ၶႆႈ​တၢင်း​ပဵၼ် တၵ်း​သၢၵ်ႈ​သႃႇ​ၶႅၼ်း​မႃး တီႈ​ၶႃႈ​ဢေႃႈ။ ၶႅၼ်း​တေႃႈ ၵႄႇ​သႄႇ​ၶျွတ်ႈ​ဢဝ်​ၶႃႈ​ၸဝ်ႈ သေ​ၵမ်း​တီႈ​ၶႃႈ၊ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​တၵ်း​ႁွတ်ႈ​ထိုင် တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​တီႈ​ၶႃႈ​ဢေႃႈ။ ၸဝ်ႈ​ႁဝ်း​ပဵၼ်​တီႈ​ဢၼ်​ၶႃႈ​ၸဝ်ႈ ယွင်ႈ​ယေႃး​တီႈ​ၶႃႈ​ဢေႃႈ။-</verse>
				<verse number="15">တူၺ်း​တီႈ​ၶႃႈ​လူး။ ၶဝ်​ၸၢင်ႈ​ဢွၼ်​ၵၼ်​လၢတ်ႈ​တီႈ​ၶႃႈ​ၸဝ်ႈ​လႄႈ​ဝႃႈ၊ ၼုၵ်ႈၵပၢတ်ႈ ထႃႇဝရႃႉ​ၽြႃး မီး​ၵႃႈ​လႂ်။ ႁႂ်ႈ​မၼ်း​ႁွတ်ႈ​မႃး မိူဝ်ႈ​လဵဝ်​ၼႆႉ​သေ​ၵမ်း၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="16">ၶႃႈ​ၸဝ်ႈ​ၼႆႉ ဢမ်ႇ​ဝႄႈ​ပိူင်ႈ​သေ ဢရႃႇ​ဢၼ်​လဵင်ႉ​သူဝ်း​ထိင်း​သူဝ်း ဢၼ်​ၸွမ်း​လင်​ၸဝ်ႈ​ႁဝ်း​ၼၼ်ႉ​တီႈ​ၶႃႈ၊ ၶႃႈ​ၸဝ်ႈ​ဢမ်ႇ​တူၵ်း​ဢၢင်ႈ​မုင်ႈ​မွင်း ဝၼ်း​ဢႃႉ​မင်ႇၵလႃႇ​တီႈ​ၶႃႈ၊ ၸဝ်ႈ​ႁဝ်း​ႁူႉ​ယူႇ​တီႈ​ၶႃႈ​ဢေႃႈ။ လွင်ႈ​တၢင်း​ဢၼ်​ဢွၵ်ႇ​သူပ်း​ၶႃႈ​ၸဝ်ႈ​ၼၼ်ႉ မီး​ယူႇ​သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="17">ၶႅၼ်း​တေႃႈ​ယႃႇ​ပေ​ပဵၼ် တီႈ​ဢၼ်​ၶႃႈ​ၸဝ်ႈ တူၵ်း​ၸႂ်​ၵူဝ်​ႁႄ​သေ​ၵမ်း​တီႈ​ၶႃႈ၊ ၸဝ်ႈ​ႁဝ်း​ပဵၼ်​တီႈ​ဢၼ်​ၶႃႈ​ၸဝ်ႈ သွၼ်ႈ​ပိုင်ႈ​ၼႂ်း​မိုဝ်ႉ​ဝၼ်း​ဢၼ် ၽေး​ႁွတ်ႈ​ထိုင်​ၼၼ်ႉ တီႈ​ၶႃႈ​ဢေႃႈ။-</verse>
				<verse number="18">ႁႂ်ႈ​ၶဝ်​ၸိူဝ်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ​ၼၼ်ႉ ဢွၼ်​ၵၼ် ဢူၵ်း​ဢၢႆ​သေ​ၵမ်း​လူၺ်ႈ​တီႈ​ၶႃႈ၊ ၶႃႈ​ၸဝ်ႈ​ၸမ်ႉ၊ ယႃႇ​ပေ​ႁႂ်ႈ​သရေႇ​လႆႈ​လူႉ​သေ​ၵမ်း​တီႈ​ၶႃႈ၊ ႁႂ်ႈ​ၶဝ်​ၼၼ်ႉ ဢွၼ်​ၵၼ်​ၸႂ်​လူႉ​သေ​ၵမ်း​လူၺ်ႈ​တီႈ​ၶႃႈ၊ ၶႃႈ​ၸဝ်ႈ​ၸမ်ႉ၊ ယႃႇ​ပေ​ႁႂ်ႈ​ၸႂ်​လႆႈ​လူႉ​သေ​ၵမ်း​တီႈ​ၶႃႈ၊ ႁႂ်ႈ​မိုဝ်ႉ​ဝၼ်း​ၽေး​ဢၼ်ႇတရႄႇ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၶဝ်​လႄႈ ပႃး​တင်း​တၢင်း​ဢၼ်​ယႃႉ​ပႅတ်ႈ သွင်​ပုၼ်ႈ​ၼၼ်ႉ သေ​လႄႈ ယႃႉ​ၶဝ်​ပႅတ်ႈ​သေ​ၵမ်း​တီႈ​ၶႃႈ၊</verse>
				<verse number="19">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​ၸမ်ႉ၊ မႂ်း​ၵႂႃႇ​လႄႈ​ၸုၵ်း​ယူႇ ၵႃႈ​ၼႂ်း​ၽၵ်း​တူ​ဝဵင်း​မဵဝ်း​ၸိူဝ်ႉ​ၶိူဝ်း​ၵူၼ်း တင်း​လၢႆ ဢၼ်​ၶုၼ်​ႁေႃ​ၶမ်း​ ယူႉတႃႉ ၶဝ်ႈ​ၶဝ်ႈ​ဢွၵ်ႇ​ဢွၵ်ႇ ဢိၵ်ႇ​တင်း ၽၵ်း​တူ​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင် ၸိူဝ်း​ၼၼ်ႉ​သေ​လႄႈ၊-</verse>
				<verse number="20">လၢတ်ႈ​တီႈ​ၶဝ်​လႄႈ​ဝႃႈ၊ ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း ၵႃႈ​ပဵၼ်​ၵူၼ်း​မိူင်း​ ယူႉတႃႉ တင်း​ၵႃႈ​ပဵၼ်​ၵူၼ်း​ဝဵင်း​ ယေႇရူႉသလႅမ်ႇ ဢၼ်​ၶဝ်ႈ​ၶဝ်ႈ​ဢွၵ်ႇ​ဢွၵ်ႇ ၵႃႈ​တီႈ​ႁူး​ၽၵ်း​တူ​ၸိူဝ်း​ၼႆႉ​ၶဝ်​ဢိူၺ်း၊ ဢွၼ်​ၵၼ် ထွမ်ႇ​ငိၼ်း​ၼုၵ်ႈၵပၢတ်ႈ ထႃႇဝရႃႉ​ၽြႃး​တႃႉ။-</verse>
				<verse number="21">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူဝ်​သူ​ဢွၼ်​ၵၼ်​ႁဵတ်း​သတီႉ ႁႂ်ႈ​တူဝ်​သူ​ဢမ်ႇ​လႆႈ​ႁၢပ်ႇ​ၶူဝ်း​ႁၢပ်ႇ​လဵင်း​ၼႂ်း​ဝၼ်း​ၵမ်​သိၼ်​လႄႈ ဢဝ်​သႂၢင်း​ဢဝ်​ၶဝ်ႈ ၵႃႈ​ၼႂ်း​ႁူး​ၽၵ်း​တူ​ဝဵင်း​ ယေႇရူႉသလႅမ်ႇ ​တင်း​လၢႆ ၼၼ်ႉ​တႃႉ။-</verse>
				<verse number="22">ဝၼ်း​ၵမ်​သိၼ် ယႃႇ​ပေ​ဢွၼ်​ၵၼ်​ဢဝ် ၶူဝ်း​ႁၢပ်ႇ​ၶူဝ်း​ပႃး​ဢွၵ်ႇ​သေ ၵႃႈ​ၼႂ်း​ႁိူၼ်း​သူ​ယေး​သူ။ ယႃႇ​ပေ​ဢွၼ်​ၵၼ် ႁဵတ်း​တၢင်း​ႁဵတ်း​လႃး​လႃး။ ဢွၼ်​ၵၼ် ႁႂ်ႈ​ဝၼ်း​ၵမ်​သိၼ်​မူတ်း​ၸၢင်ႇ ၸွမ်း​ၵႃႈ​ၼင်ႇ​ဢၼ် ၵဝ်​သင်ႇ​လၢတ်ႈ​ဝႆႉ တီႈ​ပူႇ​သူ​မွၼ်ႇ​သူ​ၼၼ်ႉ​တႃႉ။-</verse>
				<verse number="23">ၶဝ်​ၼၼ်ႉ ယင်း​ဢမ်ႇ​ထွမ်ႇ​ဢမ်ႇ​ဢဝ်၊ ယင်း​ဢမ်ႇ​ႁေႈ​ႁူ​ဝၢႆႇ​ႁူ​ၸူး​လႄႈ ဢွၼ်​ၵၼ်​ယူႇ​ဢေႃႈ။ ၶဝ်​ဢွၼ်​ၵၼ်​ႁႂ်ႈ​ၶေႃး​ၶဝ် ၵႅၼ်ႇ​ၶႅင် ႁႂ်ႈ​ဢမ်ႇ​လႆႈ​ငိၼ်း​လႄႈ ၶၢမ်ႇ​ဢဝ်​တၢင်း​ဢၼ် သင်ႇ​သွၼ်​သုင်း​မႃႉ ၼၼ်ႉ​ဢေႃႈ။-</verse>
				<verse number="24">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပေႃး​သူ​ထွမ်ႇ​ဢဝ်​ၵႂၢမ်း​ၵဝ် ၸေး​ၸေး​ၸွတ်ႇ​ၸွတ်ႇ ႁႂ်ႈ​ဢမ်ႇ​လႆႈ​ဢဝ် ၶူဝ်း​ႁၢပ်ႇ​ၶူဝ်း​ပႃး​သႂၢင်း​ၶဝ်ႈ​ၵႃႈ​ၼႂ်း​ႁူး​ၽၵ်း​တူ​ဝဵင်း​ၼႆႉ ၼႂ်း​ဝၼ်း​ၵမ်​သိၼ်​လႄႈ ယင်း​ဢမ်ႇ​ႁဵတ်း​တၢင်း​ႁဵတ်း​လႃး​လႃး ႁႂ်ႈ​ဝၼ်း​ၵမ်​သိၼ်​မူတ်း​ၸၢင်ႇ​ၸိုင်၊-</verse>
				<verse number="25">ၸႃႉ​ၸဵမ်​ၶုၼ်​ႁေႃ​ၶမ်း ဢိၵ်ႇ​တင်း​ၶုၼ်​ဢၼ်​ၶီႇ​လေႃႉ​ရထႃး၊ ဢၼ်​ၶီႇ​မႃႉ၊ ဢၼ်​ၼင်ႈ​ၵႃႈ​ၼိူဝ် ရႃႇၸႃႉ​ပလၢင်ႇ ၶုၼ်​လူင်​ တႃႇဝိတ်ႈ ​ၸိူဝ်း​ၼၼ်ႉ​လႄႈ မူး​မၢတ်ႈ​ၽွင်း​မိူင်း၊ ၵူၼ်း​မိူင်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ တၵ်း​လႆႈ​ဢွၼ်​ၵၼ် မီး​တၢင်း​ဢၼ် ၶဝ်ႈ​ၵႃႈ​ၼႂ်း ႁူး​ၽၵ်း​တူ​ဝဵင်း​ၸိူဝ်း​ၼႆႉ ယူႇ​ဢေႃႈ။ ဝဵင်း​ၼႆႉ​တၵ်း​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="26">ၶဝ်​တၵ်း​ပႃး​ဢဝ် ယိတ်ႈ​ဢၼ်​တုတ်ႇ​ၽႆး၊ ယိတ်ႈ​တၢင်ႇ​ၸိူဝ်ႉ​တၢင်ႇ​ပိူင်​လႂ်၊ ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​လႂ်၊ ၼၢမ်ႇ​သႃႇ​ဢၼ် တၵ်း​တုတ်ႇ​ၽႆး​လႂ်၊ ယိတ်ႈ​တၢင်း​ဢၼ်​ယွင်ႈ​ယေႃး​လႂ် မႃး​ၵႃႈ​တီႈ​ၼႂ်း​ႁိူၼ်း ထႃႇဝရႃႉ​ၽြႃး​လႄႈ တၵ်း​ဢွၼ်​ၵၼ်​လုၵ်ႉ​သေ ၵႃႈ​တီႈ​ဝဵင်း​ ယူႉတႃႉ လႂ်၊ တီႈ​ဢၼ်​လဵပ်ႈ​ႁွပ်ႈ​ဝဵင်း​ ယေႇရူႉသလႅမ်ႇ ​လႂ်၊ မိူင်း​ ပိၼ်ႇယႃႇမိၼ်ႇ ​လႂ်၊ ၵႃႈ​တႂ်ႈ​တီႈ​ဢၼ်​ပၢင်ႇ ဢၼ်​ပဵင်း​လႂ်​ႁၢၼ်ႉ​လွႆ​လႂ် ပွတ်း​တၢင်း​ၸၢၼ်း​လႂ် ၸိူဝ်း​ၼၼ်ႉ မႃး​ဢေႃႈ။-</verse>
				<verse number="27">ဢမ်ႇ​ၼၼ် ပေႃး​သူ​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ် ထၼ်ႈ​ပေႃး ႁႂ်ႈ​ဝၼ်း​ၵမ်​သိၼ်​မူတ်း​ၸၢင်ႇ​လႄႈ ဢမ်ႇ​ႁၢပ်ႇ​ဢဝ်​တဵင်ႇ​ဢဝ် ၶူဝ်း​ႁၢပ်ႇ​ၶူဝ်း​ပႃး​သေ​လႄႈ ၶဝ်ႈ​ၵႃႈ​ၼႂ်း​ႁူး​ၽၵ်း​တူ​ဝဵင်း​ ယေႇရူႉသလႅမ်ႇ ​တင်း​လၢႆ ၼႂ်း​ဝၼ်း​ၵမ်​သိၼ်​လႄႈ​ယူႇ​ၸိုင်၊ ၵဝ်​တၵ်း​ဢဝ်​ၽႆး​တုတ်ႇ ၵႃႈ​ၼႂ်း ၽၵ်း​တူ​ဝဵင်း​ၸိူဝ်း​ၼၼ်ႉ​လႄႈ ၽႆး​ၼၼ်ႉ ယင်း​ဢမ်ႇ​မွတ်ႇ​ဢမ်ႇ​ယဵၼ်​လႄႈ တၵ်း​မႆႈ​ႁေႃ​ၶမ်း​ဝဵင်း​ ယေႇရူႉသလႅမ်ႇ ​တင်း​လၢႆ​ဢေႃႈ။</verse>
			</chapter>
			<chapter number="18">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ႁွတ်ႈ​မႃး​တီႈ​ ယေႇရမီႉ ​ၸမ်ႉ၊-</verse>
				<verse number="2">မႂ်း​လုၵ်ႉ​လႄႈ​လူင်း​ၸူး ၵႃႈ​တီႈ​ႁိူၼ်း​ၸဝ်ႈ​မေႃႈ​ၼၼ်ႉ​တႃႉ။ ၵဝ်​တၵ်း​ႁႂ်ႈ​မႂ်း​ငိၼ်း​ၵႂၢမ်း​ၵဝ် ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="3">ၵဝ်​လူင်း​ၸူး ၵႃႈ​တီႈ​ႁိူၼ်း​ၸဝ်ႈ​မေႃႈ​ၼၼ်ႉ​လႄႈ ထူပ်း​ႁၼ်​မၼ်း​ၼၼ်ႉ ဢဝ်​ၸၢၵ်ႈ​မေႃႈ​ႁဵတ်း​မေႃႈ​ယူႇ​ဢေႃႈ။-</verse>
				<verse number="4">မိူဝ်ႈ​ဢၼ်​မေႃႈ ဢၼ်​ဢဝ်​လိၼ်​မေႃႈ​ႁဵတ်း​ၼၼ်ႉ လူႉ​လႅဝ်​ၵႂႃႇ ၵႃႈ​ၼႂ်း​မိုဝ်း​ၸဝ်ႈ​မေႃႈ​ၼၼ်ႉ​ၸိုင် မၼ်း​ၼၼ်ႉ သမ်ႉ​ဢဝ်​ဢၼ်​ၼၼ်ႉ ႁဵတ်း​မေႃႈ​တၢင်ႇ​လုၵ်ႈ ၸွမ်း​ၵႃႈ​ၼင်ႇ​ဢၼ် ၸဝ်ႈ​မေႃႈ​ၼၼ်ႉ မီး​ဢလူဝ်ႇ​ၶႂ်ႈ​ႁဵတ်း​ၼၼ်ႉ​ထႅင်ႈ​ဢေႃႈ။-</verse>
				<verse number="5">မိူဝ်ႈ​ၼၼ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ၊-</verse>
				<verse number="6">ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ မဵဝ်း​ ဢီႉသရေႇလႃႉ ​ဢိူၺ်း၊ ၵဝ်​ဢမ်ႇ​ႁဵတ်း​တီႈ​သူ​လႆႈ မိူၼ်​ၸိူဝ်ႉ​ၼင်ႇ​ဢၼ် ၸဝ်ႈ​မေႃႈ​ၼႆႉ ႁဵတ်း​ၼၼ်ႉ​ႁိုဝ်။ မဵဝ်း​ ဢီႉသရေႇလႃႉ ​ဢိူၺ်း၊ ၸိူဝ်ႉ​ၼင်ႇ​ဢၼ်​လိၼ်​မေႃႈ​မီး ၵႃႈ​ၼႂ်း​မိုဝ်း​ၸဝ်ႈ​မေႃႈ​ၼၼ်ႉ၊ သူ​မီး​ယူႇ​ၵႃႈ​တီႈ​မိုဝ်း​ၵဝ်​ဢေႃႈ။-</verse>
				<verse number="7">မိူဝ်ႈ​ဢၼ် ၵဝ်​ဢဝ်​လွင်ႈ​မဵဝ်း​ၵူၼ်း​မဵဝ်း​ၼိုင်ႈ ဢိၵ်ႇ​တင်း သိုင်ႇ​ၸိုင်ႈ​ဝၢၼ်ႈ​မိူင်း မိူင်း​ၼိုင်ႈ​လႄႈ မီး​ဢမိင်ႉ​ႁႂ်ႈ​ၼုၵ်ႈ​ထွၼ်၊ ႁႂ်ႈ​ၵိူၼ်ႇ​တူၵ်း၊ ႁႂ်ႈ​ယႃႉ​ပႅတ်ႈ​မၼ်း ၼႂ်း​ၸူဝ်ႈ​ၵႅပ်ႉ​ဢွၼ်ႇ ၵမ်း​ၼိုင်ႈ​ၼၼ်ႉ၊-</verse>
				<verse number="8">ပေႃး​သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ၵဝ်​မီး​ဢမိင်ႉ လူၺ်ႈ​လွင်ႈ​မၼ်း​ၼၼ်ႉ ၸုၼ်ႉ​ပႅတ်ႈ​တူႉ​ၸရိူၵ်ႈ​မၼ်း​ၸိုင်၊ ၵဝ်​တၵ်း​ၶုၵ်း​ၸႂ်​လႆႈ မႆႈ​ၸႂ်​လူၺ်ႈ​ၽေး​တၢမ်ႇ ဢၼ်​ၵဝ်​ၵျၢမ်ႇ​ပွင်​တၵ်း​ႁဵတ်း​တီႈ​မၼ်း ၼၼ်ႉ​ဢေႃႈ။-</verse>
				<verse number="9">မိူဝ်ႈ​ဢၼ် ၵဝ်​ဢဝ်​လွင်ႈ​မဵဝ်း​ၵူၼ်း​မဵဝ်း​ၼိုင်ႈ ဢိၵ်ႇ​တင်း သိုင်ႇ​ၸိုင်ႈ​ဝၢၼ်ႈ​မိူင်း မိူင်း​ၼိုင်ႈ​လႄႈ မီး​ဢမိင်ႉ ႁႂ်ႈ​တႄႇ​ႁဵတ်း ႁႂ်ႈ​လုမ်း​လႃး​မၼ်း​ၼႂ်း ၸူဝ်ႈ​ၵႅပ်ႉ​ဢွၼ်ႇ​ၵမ်း​ၼိုင်ႈ​ၼၼ်ႉ၊-</verse>
				<verse number="10">ပေႃး​မၼ်း​ႁဵတ်း​တူႉ​ၸရိူၵ်ႈ သိုဝ်ႈ​ၼႃႈ​တႂ်ႈ​တႃ​ၵဝ်​ထၼ်ႈ​ပေႃး ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်​ၸိုင်၊ ၵဝ်​တၵ်း​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ တၢင်း​ဢၼ်​လီ​ဢၼ်​ငၢမ်း ဢၼ်​ၵဝ်​ဝႃႈ တၵ်း​လုမ်း​လႃး ႁႂ်ႈ​ပဵၼ်​ဢၵျူဝ်း​တီႈ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​လဵဝ်​ၼႆႉ၊ မႂ်း​သင်ႇ​လၢတ်ႈ​ဝႆႉ တီႈ​ၵူၼ်း​မိူင်း​ ယူႉတႃႉ ဢိၵ်ႇ​တင်း ၶဝ်​ၸိူဝ်း​ဢၼ်​ယူႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​ပွင်​မႄး​ပွင်​ႁႅၼ်း ၽေး​တၢမ်ႇ​ဝႆႉ​ပုၼ်ႈ​သူ​လႄႈ ၵျၢမ်ႇ​ပွင်​တၢင်း​ဢၼ် ႁဵတ်း​ၶတ်း​ၵၼ်​တင်း​သူ​ယူႇ​ဢေႃႈ။ ပိူဝ်ႈ​ၼႆ​လႄႈ​သူ ဢွၼ်​ၵၼ်​လုၵ်ႉ​သေ​ၵႃႈ​တီႈ သဵၼ်ႈ​တၢင်း​ဢၼ်​ႁၢႆႉ​ၼၼ်ႉ ၶိုၼ်း​မႃး ႁင်း​ၽႂ်​ႁင်း​မၼ်း​တႃႉ။ ႁႂ်ႈ​သဵၼ်ႈ​တၢင်း​သူ ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ​သူ​ၸိူဝ်း​ၼၼ်ႉ သိုဝ်ႈ​လီ​တႃႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="12">ၵူၺ်း​ၵႃႈ ၶဝ်​ဢွၼ်​ၵၼ်​လၢတ်ႈ​လႄႈ​ဝႃႈ၊ ဢမ်ႇ​မီး​တီႈ​ဢၼ် လီ​မုင်ႈ​ထႃႈ​မွင်း​ထႃႈ။ ႁဝ်း​တၵ်း​ၵႂႃႇ​တၵ်း​ပႆ ၸွမ်း​ၵႃႈ​ၼင်ႇ​ဢၼ် တၢင်း​ၵျၢမ်ႇ​တၢင်း​ပွင်​ႁဝ်း မီး​ၼၼ်ႉ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ် ႁူဝ်​ၸႂ်​ဢၼ်​ႁၢႆႉ​မိူၵ်ႈ ၵႅၼ်ႇ​ၶႅင်​ႁဝ်း​ၼၼ်ႉ​မီး​ၼၼ်ႉ ႁင်း​ၽႂ်​ႁင်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ်​ထၢမ်​တီႈ ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ​လႄႈ​ဝႃႈ၊ ၽူႈ​လႂ်​ယၢမ်ႈ​တွၼ်ႉ ငိၼ်း​လွင်ႈ​တၢင်း ၸိူဝ်ႉ​ၼင်ႇ​ၼၼ်​ၼၼ်ႉ၊ ဝႃႈ​ၼင်ႇ​ၼႆ​တႃႉ။ ၵၼ်ႇ​ၺႃႇ​လုၵ်ႈ​ယိင်း​သၢဝ် ဢီႉသရေႇလႃႉ ႁဵတ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​ၼႃႇ​လူင်​လၢင်​ယဝ်ႉ။-</verse>
				<verse number="14">မူၺ်​ႁႃႇ​ လေႇပၼုၼ်ႇ ​ၼၼ်ႉ တၵ်း​ထၢတ်ႇ​သေ​မၢၵ်ႇ​ႁိၼ် မၢၵ်ႇ​ၽႃ​ၵႃႈ​ၼႂ်း တီႈ​ပၢင်ႇ​တီႈ​ပဵင်း​ၼၼ်ႉ​ႁိုဝ်။ ၼမ်ႉ​ႁွင်ႈ​ဢၼ်​ၵတ်း​လီ​လႄႈ လုၵ်ႉ​သေ​ၵႃႈ​တီႈ​ဢၼ်​ၵႆ​မႃး​ၼၼ်ႉ တၵ်း​ယူတ်း​ႁႅင်ႈ​ႁိုဝ်။-</verse>
				<verse number="15">ၵူၼ်း​ၵဝ်​တင်း​လၢႆ​ၸမ်ႉ၊ ဢွၼ်​ၵၼ်​လူင်​လိုမ်း​ၵဝ်​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး တီႈ​လွင်ႈ​တၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ ၵႃႈ​သင် ၼၼ်ႉ​ယဝ်ႉ။ ဢၼ်​ၸိူဝ်း​ၼၼ်ႉ ႁႂ်ႈ​ၶဝ်​ၶီႈ​လိုတ်း​လႄႈ​လူမ်ႉ ၵႃႈ​ၼႂ်း​သဵၼ်ႈ​တၢင်း​ၶဝ်၊ ၵႃႈ​ၼႂ်း​ႁွႆး​တၢင်း​ဢၼ်​ယၢမ်ႈ​ၸွမ်း​ၸႃႉ​ၸဵမ် မိူဝ်ႈ​ၵွၼ်ႇ​ဢွၼ်​ၼႆႉ ၼၼ်ႉ​လႄႈ ႁႂ်ႈ​ၶဝ်​ဢွၼ်​ၵၼ်​ၸွမ်း ၵႃႈ​ၼႂ်း​သဵၼ်ႈ​တၢင်း ဢၼ်​လဵၵ်ႉ​ဢၼ်​ဢွၼ်ႇ၊ သဵၼ်ႈ​တၢင်း​ဢၼ်​ဢမ်ႇ​ဢဝ်​လိၼ်​ၵေႃႇ လိၼ်​တဵင်​ၼၼ်ႉ၊-</verse>
				<verse number="16">ႁႂ်ႈ​မိူင်း​ၶဝ်​လႆႈ​ပဵၼ် တီႈ​ဢၼ်​လီ​ဢၢမ်း၊ တီႈ​ဢၼ်​လႆႈ​ငိၼ်း​သဵင်​ဢၼ် ႁဵတ်း​သီႉ​သီႉ​သေႃႉ​သေႃႉ သႄႉ​သွမ်း​ဢေႃႈ။ ၶဝ်​ၸိူဝ်း​ဢၼ် တႆႇ​တၢင်း​ပႆ​တၢင်း ၵႃႈ​မီး​ၼၼ်ႉ တၵ်း​ဢွၼ်​ၵၼ်​ဢၢမ်း​လႄႈ ဝၢႆႇ​ႁူဝ်​ငွၵ်း​ႁူဝ်​ၸူး​ဢေႃႈ။-</verse>
				<verse number="17">ၵဝ်​တၵ်း​ဢဝ်​ၶဝ်​ၸၢတ်ႇ​ပိုၼ်​ပႅတ်ႈ​ၵႃႈ​တီႈ ၽၢႆႇ​ၼႃႈ​ရၢၼ်ႇ​သူႇ​ၶဝ် မိူၼ်​ၸိူဝ်ႉ​ၼင်ႇ လူမ်း​တၢင်း​ဢွၵ်ႇ​ၼၼ်ႉ​ဢေႃႈ။ ၼႂ်း​မိုဝ်ႉ​ဝၼ်း​ဢၼ် ၽေး​ႁွတ်ႈ​ထိုင်​ၼၼ်ႉ၊ ၵဝ်​တၵ်း​ဝၢႆႇ​လင်​တေႃႇ​ၶဝ်​လႄႈ ဢမ်ႇ​ဝၢႆႇ​ၼႃႈ​တေႃႇ​ၶဝ်။</verse>
				<verse number="18">မိူဝ်ႈ​ၼၼ်ႉ ၶဝ်​လၢတ်ႈ​လႄႈ​ဝႃႈ၊ မႃး​မႃး​ဢိူၺ်း၊ ဢွၼ်​ၵၼ်​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင်​ယူႇ​ၽၢႆႇ​ၼိုင်ႈ တင်း​ ယေႇရမီႉ ​တႃႉ​ႁဝ်း။ တြႃး​ၸဝ်ႈ တၵ်း​ဢမ်ႇ​လပ်ႉ​ႁၢႆ​သေ​ၵႃႈ​တီႈ ယိတ်ႈပရေႃးႁဵၵ်ႈ။ တၢင်း​ဢၼ်​ပၼ် တၢင်း​ၵျၢမ်ႇ​တၢင်း​ပွင် တၵ်း​ဢမ်ႇ​လပ်ႉ​ႁၢႆ​သေ​ၵႃႈ​တီႈ ၵေႃႉ​ဢၼ်​မီး​ပိင်ႇ​ၺႃႇ။ တၢင်း​ဢၼ်​ႁေႃး​လၢတ်ႈ တၵ်း​ဢမ်ႇ​လႆႈ​လပ်ႉ​ႁၢႆ​သေ​ၵႃႈ​တီႈ ပရေႃးၽႅတ်ႈ​ၵူၺ်ႉ။ မႃး​မႃး​ဢိူၺ်း၊ ဢွၼ်​ၵၼ် ဢဝ်​တင်း​လိၼ်ႉ​ပေႃႉ​ယႅၼ်ႉ​မၼ်း​ၼၼ်ႉ​တႃႉ​ႁဝ်း။ ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​မၼ်း​လႄႈ ဢွၼ်​ၵၼ်​ယူႇ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ထႃႇဝရႃႉ​ၽြႃး တီႈ​ၶႃႈ၊ လူ​တူၺ်း​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ မၢတ်ႈ​တွင်း​ၵႂၢမ်း​ၶဝ်​ၸိူဝ်း​ဢၼ် ႁဵတ်း​တၢင်း​ဢၼ် ၶတ်း​ၵၼ်​တင်း​ၶႃႈ​ၸဝ်ႈ​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="20">တၵ်း​ထုၵ်ႇ​လီ​တႅၼ်း​ပၼ် တၢင်း​ဢၼ်​ဢမ်ႇ​လီ​ဢမ်ႇ​ငၢမ်း ပုၼ်ႈ​တၢင်း​ဢၼ်​လီ​ဢၼ်​ငၢမ်း တီႈ​ၶႃႈ​ႁိုဝ်။ ၶဝ်​ၼၼ်ႉ ဢွၼ်​ၵၼ်​ၶုတ်း​ၶုမ်​ၶုတ်း​ႁူး​ပုၼ်ႈ ဢသၢၵ်ႈ​ၶႃႈ​ၸဝ်ႈ​တီႈ​ၶႃႈ​ယဝ်ႉ။ ၶႅၼ်း​တေႃႈ​ၶုၵ်း​ၸႂ်​လႆႈ ၶႆႈ​ၸႂ်​ထူပ်း​လွင်ႈ​ဢၼ်​ၶႃႈ​ၸဝ်ႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း ႁႂ်ႈ​လႆႈ​လဝ်ႊ​လၢတ်ႈ ၵႂၢမ်း​ဢၼ်​လီ​ဢၼ်​ငၢမ်း​ပုၼ်ႈ​ၶဝ် ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ဝႄႈ​ပိူင်ႈ​သေ​ၵႃႈ​တီႈ​ၶဝ်​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="21">ပိူဝ်ႈ​ၼႆ​လႄႈ ၶႅၼ်း​တေႃႈ ဢဝ်​လုၵ်ႈ​ၶဝ်​လၢင်း​ၶဝ် ဢၢပ်ႈ​ပၼ်​တီႈ​တၢင်း​ဢၼ်​ဢိုပ်း​ယၢၵ်ႈ​လႄႈ ဢဝ်​ၶဝ်​ဢၢပ်ႈ​ပၼ်​တီႈ ၽေး​လၢပ်ႇ​ၽေး​လႅဝ်း သေ​ၵမ်း​တီႈ​ၶႃႈ၊ ႁႂ်ႈ​မႄႈ​ယိင်း​ၶဝ် သုမ်း​လုၵ်ႈ​သုမ်း​လၢင်း​လႄႈ ပဵၼ်​မႄႈ​မူၵ်း​မႄႈ​မၢႆႈ သေ​ၵမ်း​လူၺ်ႈ။ ႁႂ်ႈ​ၵူၼ်း​လူင်​ၶဝ်​လႆႈ​ၶၢမ်ႇ တၢင်း​ဢၼ်​ဢဝ်​တၢႆ​လႄႈ ၵူၼ်း​ၼုမ်ႇ​ၵူၼ်း​ၵမ်​ၶဝ် သုမ်း​လူၺ်ႈ​လၢပ်ႇ​လူၺ်ႈ​လႅဝ်း ၵႃႈ​ၼႂ်း​ပွႆး​သိုၵ်း​ၼၼ်ႉ သေ​ၵမ်း​လူၺ်ႈ။-</verse>
				<verse number="22">ႁႂ်ႈ​လႆႈ​ငိၼ်း​သဵင်​ဢၼ်​ႁွင်ႉ​သႅၼ်ႇ ၵႃႈ​ၼႂ်း​ႁိူၼ်း​ၼႂ်း​ယေး​ၶဝ် ယၢမ်း​မိူဝ်ႈ​ဢၼ်​ၸဝ်ႈ​ႁဝ်း ႁႂ်ႈ​မူႇ​ၽုင်​မုၵ်ႉ​ၸိူဝ်း ၵူၼ်း​ဢၼ်​တိုၵ်း​သိုၵ်း​ၶီႉ​ၶႃႉ ႁွတ်ႈ​မႃး​တီႈ​ၶဝ်​ၼၼ်ႉ သေ​ၵမ်း​လူၺ်ႈ။ လွင်ႈ​မၼ်း​ၸမ်ႉ ၶဝ်​ဢွၼ်​ၵၼ်​ၶုတ်း​ၶုမ်​ၶုတ်း​လုၵ်း ႁႂ်ႈ​လႆႈ​ၵၢင်​ဢဝ်​ၶႃႈ​ၸဝ်ႈ​လႄႈ သိူင်ႇ​မႅပ်ႉ​တူင်ႇ​ႁႅဝ်ႉ​ဝႆႉ ပုၼ်ႈ​တိၼ်​ၶႃႈ​ၸဝ်ႈ​တီႈ​ၶႃႈ​ယဝ်ႉ။-</verse>
				<verse number="23">ထႃႇဝရႃႉ​ၽြႃး တီႈ​ၶႃႈ၊ ၸဝ်ႈ​ႁဝ်း​ႁူႉ​လွင်ႈ​ၵႃႈ​ဢၼ် ၶဝ်​ၵျၢမ်ႇ​ပွင် ႁႂ်ႈ​လႆႈ​ဢဝ်​ဢသၢၵ်ႈ​ၶႃႈ​ၸဝ်ႈ တၢႆ​ၼၼ်ႉ​ယူႇ​တီႈ​ၶႃႈ​ဢေႃႈ။ ယႃႇ​ပေ​ပွႆႇ​ဢပႅတ်ႈ​ၶဝ်​လွတ်ႈ သေ​ၵမ်း​တီႈ​ၶႃႈ၊ ယႃႇ​ပေ​ၶႄ​မွတ်ႇ​ပႅတ်ႈ​ဢပႅတ်ႈ​ၶဝ် သေ​ၵႃႈ​တီႈ သိုဝ်ႈ​ၼႃႈ​တႂ်ႈ​တႃ​ၸဝ်ႈ​ႁဝ်း သေ​ၵမ်း​တီႈ​ၶႃႈ၊ ႁႂ်ႈ​ၶဝ်​လႆႈ​ၶၢမ်ႇ​တၢင်း​ဢၼ်​လူမ်ႉ​တူၵ်း ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း သေ​ၵမ်း​လူၺ်ႈ​တီႈ​ၶႃႈ၊ ၶႅၼ်း​တေႃႈ​ၸီႇ​ယၢင်ႇ​ၶဝ် ၼႂ်း​မိူဝ်ႈ​ဢၼ် တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​ဢွၵ်ႇ​ၼၼ်ႉ သေ​ၵမ်း​တီႈ​ၶႃႈ၊</verse>
			</chapter>
			<chapter number="19">
				<verse number="1">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႂ်း​ၵႂႃႇ​လႄႈ​သိုဝ်ႉ​ဢဝ်​ၼမ်ႉ​တဝ်ႈ တီႈ​ၸဝ်ႈ​မေႃႈ​သေ​ယဝ်ႉ၊ ႁွင်ႉ​ဢဝ်​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၵူၼ်း တင်း​လၢႆ ဢိၵ်ႇ​တင်း ယိတ်ႈပရေႃးႁဵၵ်ႈ ဢၼ်​ဢသၢၵ်ႈ​ယႂ်ႇ​ၵမ်ႈ​ၽွင်ႈ​လႄႈ၊-</verse>
				<verse number="2">ၵႂႃႇ​ၵႃႈ​တီႈ​ၶူင်ႈ​ႁူၺ်ႈ​လုၵ်ႈ​ၸၢႆး​ ႁိၼ်ႇၼုမ်ႇ ၼွၵ်ႈ​ၽၵ်း​တူ​ ႁရသိတ်ႉ ​သေ​လႄႈ ႁွင်ႉ​ပၢဝ်ႇ​ႁွင်ႉ​လၢတ်ႈ​ၵႂၢမ်း ၵႃႈ​ဢၼ်​ၵဝ်​မီး​ဢမိင်ႉ​ဝႆႉ​ၼၼ်ႉ​လႄႈ​ဝႃႈ၊-</verse>
				<verse number="3">ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ ​ၶဝ်​ဢိူၺ်း၊ ဢွၼ်​ၵၼ် ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး​တႃႉ။ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း ႁႂ်ႈ​ၽေး​ႁွတ်ႈ​ထိုင်​ၵႃႈ​တီႈ​ၼႆႈ​တေႃႇ​ထိုင်​ႁွတ်ႈ ၵႃႈ​ပဵၼ်​ၵေႃႉ​ဢၼ်​လႆႈ​ငိၼ်း လွင်ႈ​မၼ်း​ၼၼ်ႉ ၵူႈ​ၵေႃႉ​ၵူႈ​ၵူၼ်း​ႁူ​ထၼ်ႈ​ပေႃး​ၶူမ်​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ ၶဝ်​ဢွၼ်​ၵၼ်​ၸုၼ်ႉ​ပႅတ်ႈ​ၵဝ်​လႄႈ ႁႂ်ႈ​ထႃႇၼႃႉ​တီႈ​ၼႆႈ ပဵၼ်​တၢင်ႇ​ဝၢၼ်ႈ တၢင်ႇ​မိူင်း​ၵႂႃႇ​သေ​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ ၽြႃး​တၢင်ႇ​ဝၢၼ်ႈ​တၢင်ႇ​မိူင်း ဢၼ်​ၶဝ်​ဢမ်ႇ​ႁူႉ၊ ပူႇ​ၶဝ်​မွၼ်ႇ​ၶဝ် ဢိၵ်ႇ​တင်း ၶုၼ်​ႁေႃ​ၶမ်း​ ယူႉတႃႉ ​တင်း​လၢႆ ဢမ်ႇ​ႁူႉ​ၼၼ်ႉ​ၵႃႈ​တီႈ​ၼႆႈ​သေ​ယဝ်ႉ၊ ၶဝ်​ဢွၼ်​ၵၼ် ဢဝ်​တင်း​လိူတ်ႈ​ၶဝ်​ၸိူဝ်း​ဢၼ် ဢမ်ႇ​မီး​ဢပႅတ်ႈ​ၼၼ်ႉ ႁႂ်ႈ​တဵမ်​ဝႆႉ​ၵႃႈ​ၼႂ်း​ထႃႇၼႃႉ​တီႈ​ၼႆႉ​ယဝ်ႉ။-</verse>
				<verse number="5">ၶဝ်​ဢွၼ်​ၵၼ် တႄႇ​ႁဵတ်း​ထႃႇၼႃႉ​တီႈ​သုင်​တင်း​လၢႆ တီႈ​ၽြႃး ပႃႇလႃႉ ​ႁႂ်ႈ​လႆႈ​ဢဝ်​လုၵ်ႈ​ၸၢႆး​ၶဝ် တုတ်ႇ​ၽႆး​လႄႈ ႁဵတ်း​ဝၢတ်ႈ​ပုၵ်ႈ​ၸေႃႇ တီႈ​ၽြႃး ပႃႇလႃႉ ​ဢၼ်​ဝႃႈ ဝၢတ်ႈ​ဢၼ်​ၵဝ်​ဢမ်ႇ​ၸီႇ​ယၢင်ႇ၊ ဢမ်ႇ​သင်ႇ​လၢတ်ႈ​ဝႆႉ၊ ဢၼ်​ႁူဝ်​ၸႂ်​ၵဝ် ဢမ်ႇ​ၵျၢမ်ႇ​ပွင်​လႃး​လႃး​ၼၼ်ႉ​ယဝ်ႉ။-</verse>
				<verse number="6">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ မိုဝ်ႉ​ဝၼ်း​ဢၼ်​ဢမ်ႇ​ႁွင်ႉ​ႁဵၵ်ႈ ထႃႇၼႃႉ​တီႈ​ၼႆႈ​လႄႈ​ဝႃႈ ထႃႇၼႃႉ​တီႈ​ တေႃးၽႅတ်ႉ ၊ ဢၼ်​ဢမ်ႇ​ႁွင်ႉ​ႁဵၵ်ႈ​လႄႈ​ဝႃႈ ၶူင်ႈ​ႁူၺ်ႈ​လုၵ်ႈ​ၸၢႆး​ ႁိၼ်ႇၼုမ်ႇ ၊ ဢၼ်​တၵ်း​လႆႈ​ႁွင်ႉ​ႁဵၵ်ႈ​လႄႈ​ဝႃႈ ၶူင်ႈ​ႁူၺ်ႈ​တီႈ​ဢၼ်​ဢဝ်​တၢႆ​၊ ဝႃႈ​ၼင်ႇ​ၼႆ​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="7">ၵဝ်​တၵ်း​ယႃႉ​တၢင်း​ၵျၢမ်ႇ​တၢင်း​ပွင် ၵူၼ်း​မိူင်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​ပႅတ်ႈ သေ​ၵႃႈ​တီႈ​ထႃႇၼႃႉ​တီႈ​ၼႆႈ​လႄႈ တၵ်း​ႁႂ်ႈ​ၶဝ်​တူၵ်း​သုမ်း လူၺ်ႈ​လၢပ်ႇ​လူၺ်ႈ​လႅဝ်း ရၢၼ်ႇ​သူႇ​ၶဝ်​တင်း​လၢႆ ဢိၵ်ႇ​တင်း လူၺ်ႈ​မိုဝ်း​ၶဝ်​ၸိူဝ်း​ဢၼ် ၸွမ်း​ႁႃ​ဢဝ်​ဢသၢၵ်ႈ​ၶဝ် ၼၼ်ႉ​ဢေႃႈ။ ၵဝ်​တၵ်း​ဢဝ်​တူဝ်​တၢႆ​ၶဝ်​ၼၼ်ႉ ပၼ်​ပုၼ်ႈ​ဢၼ်​ၼူၵ်ႉ​ၵၢင်​ႁၢဝ် တင်း​တူဝ်​ထိူၼ်ႇ​ႁၢႆႉ​တင်း​လၢႆ တၵ်း​ၵိၼ်​ဢေႃႈ။-</verse>
				<verse number="8">ၵဝ်​တၵ်း​ႁႂ်ႈ​ဝဵင်း​ၼႆႉ ပဵၼ်​တီႈ​ဢၼ်​လီ​ဢၢမ်း၊ တီႈ​ဢၼ်​ငိၼ်း​သဵင်​ဢၼ်​ႁဵတ်း သီႉ​သီႉ​သေႃႉ​သေႃႉ သႄႉ​သွမ်း​ဢေႃႈ။ ၶဝ်​ၸိူဝ်း​ဢၼ် တႆႇ​တၢင်း​ပႆ​တၢင်း​ၵႃႈ​မီး​ၼၼ်ႉ တၵ်း​ဢွၼ်​ၵၼ်​ဢၢမ်း​လႄႈ ႁဵတ်း​သဵင်​ဢၼ် သီႉ​သီႉ​သေႃႉ​သေႃႉ​သႄႉ​သွမ်း ၵွပ်ႈ​ပိူဝ်ႈ​ၽေး​ဝဵင်း​ၼႆႉ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="9">ၵဝ်​တၵ်း ႁႂ်ႈ​ၶဝ်​ၵိၼ်​ၼိူဝ်ႉ​လုၵ်ႈ​ၸၢႆး​ၶဝ်၊ ၼိူဝ်ႉ​လုၵ်ႈ​ယိင်း​ၶဝ်​လႄႈ ၶဝ်​ၼင်ႇ​ၵၼ်​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ၵိၼ်​ၼိူဝ်ႉ​ၵၼ်​ၼႂ်း​မိူဝ်ႈ​ဢၼ် တင်ႈ​တပ်ႉ​လွမ်ႉ​ႁွပ်ႈ​ၶဝ်​ယူႇ ဢိၵ်ႇ​တင်း​ၼႂ်း​တၢင်း​ဢၼ်​ၵိတ်ႇ​ဢၼ်​ၵိၼ်း ဢၼ်​ရၢၼ်ႇ​သူႇ​ၶဝ် ဢိၵ်ႇ​တင်း ၶဝ်​ၸိူဝ်း​ဢၼ် ၸွမ်း​ႁႃ​ဢဝ်​ဢသၢၵ်ႈ​ၶဝ်​ၼၼ်ႉ တၵ်း​ႁႂ်ႈ​ၶဝ်​ၵိတ်ႇ​ၵိၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="10">မိူဝ်ႈ​ၼၼ်ႉ​မႂ်း ဢဝ်​ၼမ်ႉ​တဝ်ႈ​ၼၼ်ႉ​တႅၵ်ႇ သိုဝ်ႈ​ၼႃႈ​တႂ်ႈ​တႃ​ၶဝ်​ၸိူဝ်း​ဢၼ် ၵႂႃႇ​လူၺ်ႈ​ၵၼ်​တင်း​မႂ်း ၸိူဝ်း​ၼၼ်ႉ​လႄႈ၊-</verse>
				<verse number="11">သင်ႇ​လၢတ်ႈ​ဝႆႉ​တီႈ​ၶဝ်​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ဢဝ်​ဝဵင်း​ၼႆႉ ဢိၵ်ႇ​တင်း ၵူၼ်း​တင်း​လၢႆ​ၼႆႉ​တႅၵ်ႇ မိူၼ်​ၸိူဝ်ႉ​ၼင်ႇ ဢၼ်​ဢဝ်​ၼမ်ႉ​တဝ်ႈ​ၸဝ်ႈ​မေႃႈ ဢၼ်​ဢမ်ႇ​သမ်ႉ​ၶိုၼ်း မႄး​ႁဵတ်း​လႆႈ​ၼၼ်ႉ​တႅၵ်ႇ​ၼၼ်ႉ​လႄႈ ၶဝ်​တၵ်း​ဢွၼ်​ၵၼ် သၢင်း​ၵျူဝ်ႇ​ၵႃႈ​ၼႂ်း​တီႈ​ တေႃးၽႅတ်ႉ ​ၼႆႉ ႁႂ်ႈ​ထၼ်ႈ​ပေႃး လိၼ်​တီႈ​ဢၼ်​သၢင်း​ၵျူဝ်ႇ ဢမ်ႇ​ပေႃး​ဢမ်ႇ​ၵုမ်ႇ​လႆႈ​ဢေႃႈ။-</verse>
				<verse number="12">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ႁဵတ်း​တီႈ​ထႃႇၼႃႉ​တီႈ​ၼႆႈ ဢိၵ်ႇ​တင်း တီႈ​ၵူၼ်း​ဢၼ်​ယူႇ ၵႃႈ​ၼႂ်း​ထႃႇၼႃႉ​တီႈ​ၼႆႈ​ၸိူဝ်း​ၼၼ်ႉ ၸိူဝ်ႉ​ၼင်ႇ​ၼႆ​လႄႈ ႁႂ်ႈ​ဝဵင်း​ၼႆႉ​ပဵၼ်​ၸိူဝ်ႉ​ၼင်ႇ တီႈ​ တေႃးၽႅတ်ႉ ​ဢေႃႈ။-</verse>
				<verse number="13">ႁိူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ၊ ႁေႃ​ၶမ်း​ၶုၼ်​လူင်​ ယူႉတႃႉ ​တင်း​လၢႆ​ဢၼ်​ဝႃႈ ႁိူၼ်း​ၵႃႈ​မီး ဢၼ်​ဢဝ်​ၼၢမ်ႇ​သႃႇ​တုတ်ႇ​ၽႆး ၵႃႈ​ၼိူဝ်​မုင်း​ႁိူၼ်း တီႈ​ၶိူင်ႈ​ပိူင်​ၵၢင်​ႁၢဝ် တင်း​သဵင်ႈ​တင်း​လူင်​လႄႈ ဢဝ်​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​ၼၼ်ႉ သွၼ်း​လေႃႇ​တီႈ​ၽြႃး တၢင်ႇ​သူႇ​တၢင်ႇ​ပႃး​ၼၼ်ႉ ၸိူဝ်း​ၼၼ်ႉ တၵ်း​လႆႈ​ပဵၼ်​ဢၼ်​ၵူဝ်ႈ​ၵိူၵ်ႇ ၸိူဝ်ႉ​ၼင်ႇ တီႈ​ တေႃးၽႅတ်ႉ ​ၼႆႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မိူဝ်ႈ​ၼၼ်ႉ ပရေႃးၽႅတ်ႈ​ ယေႇရမီႉ လုၵ်ႉ​သေ​ၵႃႈ​တီႈ​ တေႃးၽႅတ်ႉ တီႈ​ဢၼ် ထႃႇဝရႃႉ​ၽြႃး ပွႆႇ​ၸႂ်ႉ​မၼ်း ႁႂ်ႈ​လႆႈ​ႁေႃး​လၢတ်ႈ​ၼၼ်ႉ ၶိုၼ်း​မႃး​လႄႈ​ၸုၵ်း​ယူႇ ၵႃႈ​ၼႂ်း​တမ်ႇ​တိူင်း ႁိူၼ်း​ထႃႇဝရႃႉ​ၽြႃး ယူႇ​သေ​လႄႈ၊ မွၵ်ႇ​လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊-</verse>
				<verse number="15">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ၵဝ်​တၵ်း​ႁႂ်ႈ​ၽေး​တၢမ်ႇ ၵႃႈ​ဢၼ်​ၵဝ်​ၶိၼ်း​ဝႆႉ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ဝဵင်း​ၼႆႉ ဢိၵ်ႇ​တင်း ဝၢၼ်ႈ​မၼ်း​ၵႃႈ​မီး ၵွပ်ႈ​ပိူဝ်ႈ​ဢၼ်​ၶဝ်​ႁႂ်ႈ ၶေႃး​ၶဝ်​ၵႅၼ်ႇ​ၶႅင် ႁႂ်ႈ​လႆႈ​ဢမ်ႇ​ထွမ်ႇ​ဢဝ် ၵႂၢမ်း​ၵဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="20">
				<verse number="1">ၼင်ႇ​ၼၼ်​လႄႈ ပႃႇသူႉရႃႉ လုၵ်ႈ​ၸၢႆး​ယိတ်ႈပရေႃးႁဵၵ်ႈ​ ဢီႉမေႇရႃႉ ဢၼ်​ပဵၼ်​ၶုၼ်​ပိၵ်ႈ​မၢၼ်ႇ ထႃႇဝရႃႉ​ၽြႃး ၼၼ်ႉ​ငိၼ်း​ ယေႇရမီႉ ႁေႃး​လၢတ်ႈ​ၸိူဝ်ႉ​ၼင်ႇ​ၼၼ် ၼၼ်ႉ​လႄႈ၊-</verse>
				<verse number="2">ပႃႇသူႉရႃႉ ​ၼၼ်ႉ ပေႃႉ​ထုပ်ႉ​ပရေႃးၽႅတ်ႈ​ ယေႇရမီႉ ​သေ​လႄႈ ဢဝ်​သႂ်ႇ​ထိၵ်ႈ​ဝႆႉ ၵႃႈ​ၼႂ်း​ႁူး​ၽၵ်း​တူ​ ပိၼ်ႇယႃႇမိၼ်ႇ ႁၢၼ်ႉ​ၼိူဝ်​ၵႃႈ​တီႈ​ႁိမ်း​ႁိူၼ်း ထႃႇဝရႃႉ​ၽြႃး ၼၼ်ႉ​ဢေႃႈ။-</verse>
				<verse number="3">ဝၼ်း​မိူဝ်ႈ​ၽုၵ်ႈ၊ ပႃႇသူႉရႃႉ ပွႆႇ​ ယေႇရမီႉ ​သေ​ၵႃႈ​တီႈ​ထိၵ်ႈ​ၼၼ်ႉ​လႄႈ၊ ယေႇရမီႉ ​လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး ဢမ်ႇ​ႁွင်ႉ​ႁဵၵ်ႈ​တၢင်ႇ​ပၼ်​ၸိုဝ်ႈ​မႂ်း​လႄႈ​ဝႃႈ၊ ပႃႇသူႉရႃႉ ၊ မၼ်း​ၸဝ်ႈ​ႁွင်ႉ​ႁဵၵ်ႈ တၢင်ႇ​ပၼ်​ၸိုဝ်ႈ​မႂ်ႇ​လႄႈ​ဝႃႈ၊ မႃႇၵေႃးမဵတ်ႈသၽႅပ်ႉ ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ႁႂ်ႈ​မႂ်း​ပဵၼ် လွင်ႈ​ဢၼ်​လီ​ၵူဝ်​လီ​ႁႄ​တူဝ်​မႂ်း ဢိၵ်ႇ​တင်း တီႈ​ၵေႃႉ​သေႈ​မႂ်း​တင်း​လၢႆ​ဢေႃႈ။ ၶဝ်​တၵ်း​ဢွၼ်​ၵၼ်​တူၵ်း​သုမ်း​လူၺ်ႈ​လၢပ်ႇ​လူၺ်ႈ​လႅဝ်း​ရၢၼ်ႇ​သူႇ​ၶဝ်​လႄႈ မၢၵ်ႇ​တႃ​မႂ်း​တၵ်း​လႆႈ​ႁၼ်​ဢေႃႈ။ ၵဝ်​တၵ်း​ဢဝ် မိူင်း​ ယူႉတႃႉ ​တင်း​မိူင်း ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ၊ မၼ်း​ၼၼ်ႉ​တၵ်း​သိမ်း​ဢဝ်​ၶဝ် ၵႂႃႇ​တီႈ​မိူင်း​ ပႃႇပူႉလုၼ်ႇ ​သေ​လႄႈ၊ ဢဝ်​ၶဝ်​တၢႆ လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။-</verse>
				<verse number="5">ၵဝ်​တၵ်း​ဢဝ် ၸေး​ၸိမ်ႇ​ဝဵင်း​ၼႆႉ​ၵႃႈ​မီး၊ ဢုၵ်ႉ​ၸႃႇ​ၵႃႈ​ဢၼ်​ႁဵတ်း​လႄႈ​လႆႈ၊ ရတ်ႈတၼႃႇ​ၵႃႈ​ဢၼ်​ၵဵပ်း​ဝႆႉ​ႁွမ်​ဝႆႉ ဢၼ်​ဝႃႈ​ၽၼ်ႇတႃႇ​ၶုၼ်​ႁေႃ​ၶမ်း​ ယူႉတႃႉ ၵူႈ​ၸိူဝ်ႉ​ၵူႈ​ပိူင် ၸိူဝ်း​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ် ဢၼ်​တၵ်း​ႁိမ်​ႁူင်ႇ​ဢဝ်​ၶဝ်​လႄႈ သိမ်း​ဢဝ်​ၶဝ်​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="6">မႂ်း​ ပႃႇသူႉရႃႉ ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မႂ်း တင်း​သဵင်ႈ​တင်း​လူင်​ၵေႃႈ တၵ်း​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ဢေႃႈ။ မႂ်း​တၵ်း​လႆႈ​ႁွတ်ႈ​ထိုင် ၵႃႈ​တီႈ​ဝဵင်း​ ပႃႇပူႉလုၼ်ႇ ​ပုၼ်ႉ​လႄႈ မႂ်း​ဢိၵ်ႇ​တင်း ၵေႃႉ​သေႈ​မႂ်း ဢၼ်​မႂ်း​ဢဝ်​ၵႂၢမ်း​မူႉ​သႃႇ ႁေႃး​လၢတ်ႈ​တီႈ​ၶဝ်​ၼၼ်ႉ တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​တၢႆ ၵႃႈ​တီႈ​ဝဵင်း​ၼၼ်ႉ​သေ ၶၢမ်ႇ​တၢင်း​ဢၼ်​သၢင်း​ၵျူဝ်ႇ ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ထႃႇဝရႃႉ​ၽြႃး တီႈ​ၶႃႈ၊ ၸဝ်ႈ​ႁဝ်း​တိုၵ်း​ယူင်း​ၸူဝ်း​ဢဝ် ၶႃႈ​ၸဝ်ႈ​လႄႈ၊ ၶႃႈ​ၸဝ်ႈ​ၸွမ်း​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ႁႅင်း​ယႂ်ႇ လိူဝ်​တွၼ်း​ၼႃႇ​သေ ၶႃႈ​ၸဝ်ႈ​လႄႈ ပႄႉ​ၼႅင်ႇ​တီႈ​ၶႃႈ​ယဝ်ႉ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ် သႄႉ​သွမ်း​ယူႇ တင်း​ဝၼ်း​တင်း​ဝၼ်း​လႄႈ၊ ၵူႈ​ၵေႃႉ​ၵူႈ​ၵူၼ်း ၸၢင်ႈ​ဢွၼ်​ၵၼ်​ႁဵတ်း​တၢင်း​ဢၼ် ယဝ်ႉ​လဵၼ်ႈ​ယွၵ်ႇ​လဵၼ်ႈ ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="8">ၼႂ်း​မိူဝ်ႈ​ဢၼ် ၶႃႈ​ၸဝ်ႈ​ႁေႃး​လၢတ်ႈ ၵူႈ​ပွၵ်ႈ​ၵူႈ​ပွၵ်ႈ​ၼၼ်ႉ ၶႃႈ​ၸဝ်ႈ​သႅၼ်ႇ​ႁွင်ႉ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁွင်ႉ​ပၢဝ်ႇ​ႁွင်ႉ​သေႃႇ​လႄႈ​ဝႃႈ၊ ပဵၼ်​ဢမူႉ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး၊ ဢမူႉ​တၢင်း​ဢၼ် ႁိမ်​ဢဝ်​ႁူင်ႇ​ဢဝ်​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး​ၼၼ်ႉ ပဵၼ်​လွင်ႈ​ဢၼ်​လီ​သႄႉ​သွမ်း၊ လွင်ႈ​ဢၼ်​လီ ယဝ်ႉ​လဵၼ်ႈ​ယွၵ်ႇ​လဵၼ်ႈ တီႈ​ၶႃႈ​ၸဝ်ႈ​ယူႇ​ၵူႈ​ဝၼ်း ၵူႈ​ဝၼ်း တီႈ​ၶႃႈ​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ ပိၵ်ႉ​သမ်ႉ​ၵဝ် ဝႆႉ​သၽေႃး​လႄႈ​ဝႃႈ၊ ၵဝ်​ယင်း​ဢမ်ႇ​မွၵ်ႇ​ဢမ်ႇ​လၢတ်ႈ​လွင်ႈ​မၼ်း​ၸဝ်ႈ၊ ယင်း​ဢမ်ႇ​ဢိင် ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ သေ​လႄႈ ႁေႃး​လၢတ်ႈ​လႄႈ​တၵ်း​ယူႇ​ယဝ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊ ၵႃႈ​ၼႂ်း​ႁူဝ်​ၸႂ်​ၵဝ်​ၼႆႉ ပဵၼ်​ၸိူဝ်ႉ​ၼင်ႇ​ၽႆး​ဢၼ်​မႆႈ​ယူႇ​လႄႈ မူၵ်း​ဝႆႉ​ၵႃႈ​ၼႂ်း​လုပ်ႇ​ၵဝ်​တင်း​လၢႆ​ၼၼ်ႉ​လႄႈ ပဵၼ်​ဢၼ်​ႁိူဝ်ႉ​ဢူၼ်ႈ​ၼႃႇ​လူင်​လၢင် ၵွပ်ႈ​ပိူဝ်ႈ ဢၼ်​ယိူၼ်ႉ​ၵၼ်ႈ​ယူႇ​ၼၼ်ႉ​လႄႈ ဢမ်ႇ​ၶၢမ်ႇ​လႆႈ။-</verse>
				<verse number="10">ၵဝ်​လႆႈ​ငိၼ်း တၢင်း​ဢၼ်​ပိူၼ်ႈ​သႄႉ​သွမ်း တၢင်ႇ​ဢပႅတ်ႈ၊ တၢင်း​ဢၼ်​မီး​လွင်ႈ​ဢၼ် လီ​ၵူဝ်​လီ​ႁႄ ၵူႈ​ၽၢႆႇ​ၵူႈ​ပႃႈ​ဢေႃႈ။ ပိူၼ်ႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ ဢွၼ်​ၵၼ်​လၢတ်ႈ​ၵႂၢမ်း​တၢင်ႇ​ဢပႅတ်ႈ​တႃႉ။ ႁဝ်း​တၵ်ႉ​လၢတ်ႈ ၵႂၢမ်း​တၢင်ႇ​ဢပႅတ်ႈ​တီႈ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵေႃႉ​သေႈ​ၵဝ် တင်း​သဵင်ႈ​တင်း​လူင် ဢွၼ်​ၵၼ်​ပႂ်ႉ​ထႃႈ​လွင်ႈ​ဢၼ် ၵဝ်​တၵ်း​လူမ်ႉ​တၵ်း​တူၵ်း​ၼၼ်ႉ ယူႇ​သေ​လႄႈ​ဝႃႈ၊ မၼ်း​ၸၢင်ႈ​ၶႄး တၵ်း​ၶၢမ်ႇ​တၢင်း​ဢၼ် တိုၵ်း​ယူင်း​ၸူဝ်း​ဢဝ်​လႄႈ ႁဝ်း​တၵ်း​ပႄႉ​ၼႅင်ႇ​မၼ်း​လႄႈ ႁႂ်ႈ​ၸႂ်​ဢၼ်​ဝႆႉ​တၢင်း​ၽိတ်း​ႁဝ်း​ၼၼ်ႉ ထၼ်ႈ​ပေႃး​ပေႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး ပဵၼ်​ၵူၼ်း​သိုၵ်း ဢၼ်​ႁႅင်း​ယႂ်ႇ​ၼႃႇ​လႄႈ လီ​ၵူဝ်​လီ​ႁႄ​ၼၼ်ႉ ယူႇ​ၽၢႆႇ​ၵဝ်​ဢေႃႈ။ ပိူဝ်ႈ​ၼႆ​လႄႈ ၶဝ်​ၸိူဝ်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​ၼၼ်ႉ ယင်း​ဢမ်ႇ​ပႄႉ​ဢမ်ႇ​ၼႅင်ႇ​လႄႈ တၵ်း​ဢွၼ်​ၵၼ် တိူဝ်ႉ​မႅၼ်ႈ​လႄႈ​လူမ်ႉ​ဢေႃႈ။ ၵွပ်ႈ​ပိူဝ်ႈ​ဢၼ် တၢင်း​ၵျၢမ်ႇ​တၢင်း​ပွင်​ၶဝ် ဢမ်ႇ​ထိုင်​တီႈ​ၼၼ်ႈ​လႄႈ ၶဝ်​တၵ်း​မီး တၢင်း​ဢၼ်​ဢူၵ်း​ဢၼ်​ဢၢႆ ထႃႇဝရႃႉ ဢၼ်​ဢမ်ႇ​ပေႇ​ဢမ်ႇ​ႁၢႆ​လႆႈ​ၼၼ်ႉ​လႄႈ ဢွၼ်​ၵၼ်​ဢူၵ်း​ဢၢႆ​ၼႃႇ​လူင်​လၢင်​ဢေႃႈ။-</verse>
				<verse number="12">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ဢၼ်​ၸၢမ်း​တူၺ်း ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​လႄႈ ႁူႉ​ႁၼ်​သၽေႃး​မၢၵ်ႇ​လၼ်း ႁူဝ်​ၸႂ်​တီႈ​ၶႃႈ၊ ႁႂ်ႈ​ၶႃႈ​ၸဝ်ႈ​လႆႈ​ႁၼ်​လွင်ႈ​ဢၼ်​ၸဝ်ႈ​ႁဝ်း ၸီႇ​ယၢင်ႇ​တၢမ်ႇ​ဢပႅတ်ႈ​တီႈ​ၶဝ်​ၼၼ်ႉ သေ​ၵမ်း​လူၺ်ႈ။ လွင်ႈ​မၼ်း​ၸမ်ႉ ၶႃႈ​ၸဝ်ႈ​ၽုၺ်ႇ​ဢွၵ်ႇ​ၼႄ​ပျႃး​ဢမူႉ​ၶႃႈ​ၸဝ်ႈ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ။-</verse>
				<verse number="13">ဢွၼ်​ၵၼ်​ႁဵတ်း​ၵႂၢမ်း​တီႈ ထႃႇဝရႃႉ​ၽြႃး​တႃႉ။ ဢွၼ်​ၵၼ်​ယွင်ႈ​ယေႃး ထႃႇဝရႃႉ​ၽြႃး​တႃႉ။ လွင်ႈ​မၼ်း​ၸမ်ႉ မၼ်း​ၸဝ်ႈ​ၵႄႇ​သႄႇ​ၼုၵ်ႈ​ဢဝ် ဝီႉၺိၺ်ႇ​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ ဢွၵ်ႇ​သေ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် ႁဵတ်း​ဢမ်ႇ​တြႃး​ၼၼ်ႉ​ဢေႃႈ။-</verse>
				<verse number="14">ႁႂ်ႈ​မိုဝ်ႉ​ဝၼ်း​ဢၼ်​ၵဝ် ၵိူတ်ႇ​လဵင်ႉ​မႃး​ၼၼ်ႉ မီး​ဢႃႉ​မင်ႇၵလႃႇ​သေ​ၵမ်း​လူၺ်ႈ။ ယႃႇ​ပေ​ႁႂ်ႈ​မိုဝ်ႉ​ဝၼ်း​ဢၼ် မႄႈ​ၵဝ်​ၵိူတ်ႇ​လဵင်ႉ​ၵဝ်​မႃး​ၼၼ်ႉ မီး​မင်ႇၵလႃႇ​သေ​ၵမ်း။-</verse>
				<verse number="15">ႁႂ်ႈ​ၵေႃႉ​ဢၼ်​မွၵ်ႇ​လၢတ်ႈ သတၢင်း​သဵင်​ၶၢဝ်ႇ တီႈ​ပေႃႈ​ၵဝ်​လႄႈ​ဝႃႈ၊ ၸဝ်ႈ​လႆႈ​လုၵ်ႈ​ၸၢႆး​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ ႁႂ်ႈ​မၼ်း​ၸူမ်း​သိူဝ်း ၼႃႇ​လူင်​လၢင်​ၼၼ်ႉ မီး​ဢႃႉ​မင်ႇၵလႃႇ သေ​ၵမ်း​လူၺ်ႈ။-</verse>
				<verse number="16">ႁႂ်ႈ​ၵေႃႉ​ၼၼ်ႉ ပဵၼ်​ၸိူဝ်ႉ​ၼင်ႇ ဝဵင်း​ဢၼ် ထႃႇဝရႃႉ​ၽြႃး ယႃႉ​ပႅတ်ႈ​လႄႈ ဢမ်ႇ​ၶိုၼ်း​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ ၸိူဝ်း​ၼၼ်ႉ​သေ​ၵမ်း​လူၺ်ႈ။ ႁႂ်ႈ​မၼ်း​ငိၼ်း​သဵင်​ဢၼ် ႁွင်ႉ​ပၢဝ်ႇ​ႁွင်ႉ​သေႃႇ​ၶိင်ႇ​ၵၢင်​ၼႂ်​လႄႈ ငိၼ်း​သဵင်​ဢၼ်​ႁွင်ႉ​သႅၼ်ႇ ႁွင်ႉ​ၵိဝ် ၶိင်ႇ​ၵၢင်​ဝၼ်း​တဵင်ႈ​သေ​ၵမ်း​လူၺ်ႈ။-</verse>
				<verse number="17">လွင်ႈ​မၼ်း​ၸမ်ႉ မၼ်း​ယင်း​ဢမ်ႇ​ဢဝ်​ၵဝ်​တၢႆ ၸႃႉ​ၸဵမ်​မိူဝ်ႈ​ဢၼ်​ၵဝ်​ယင်း မီး​ယူႇ​ၵႃႈ​ၼႂ်း တွင်ႉ​မႄႈ​ၵဝ်​ၼၼ်ႉ ႁႂ်ႈ​တွင်ႉ​မႄႈ​ၵဝ်​ၼၼ်ႉ ပဵၼ်​ပႃႇ​ႁဵဝ်ႈ​သၢင်း​ၶႅင်း​ၵဝ်​လႄႈ တွင်ႉ​မၼ်း​ၼၼ်ႉ ပဵၼ်​ဢၼ်​ယႂ်ႇ​ယူႇ​ၵႂ်ႈ​ယူႇ​သေႇ​သေႇ လူင်​ပႄႇ။-</verse>
				<verse number="18">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ၵဝ်​လႆႈ​ဢွၵ်ႇ​ၵႃႈ​ၼႂ်း​တွင်ႉ​မႃး ႁႂ်ႈ​ၵဝ်​လႆႈ​ထူပ်း​ႁၼ် ၵၢၼ်​တၢင်း​ႁဵတ်း​တၢင်း​သၢင်ႈ ဢၼ်​ယၢပ်ႇ ဢၼ်​ၽိုတ်ႇ ဢိၵ်ႇ​တင်း တၢင်း​ဢၼ်​မႆႈ​ၸႂ်​ၶီ​ၸႂ် ႁႂ်ႈ​ထၼ်ႈ​ပေႃး မိုဝ်ႉ​ဝၼ်း​ၵဝ် ဢူၵ်း​ဢၢႆ​ယူႇ​သေ​လႄႈ ပူၼ်ႉ​ၵႂႃႇ ၼင်ႇ​ႁိုဝ်။</verse>
			</chapter>
			<chapter number="21">
				<verse number="1">ၼုၵ်ႈၵပၢတ်ႈ​ထႃႇဝရႃႉ​ၽြႃး ဢၼ်​ႁွတ်ႈ​မႃး​တီႈ​ ယေႇရမီႉ ၼႂ်း​မိူဝ်ႈ​ဢၼ်​ၶုၼ်​လူင်​ ၸေႇတၵီႉ ပွႆႇ​ၸႂ်ႉ​ ပႃႇသူႉရႃႉ လုၵ်ႈ​ၸၢႆး​ မေႇလၶီႉ ဢိၵ်ႇ​တင်း ၸေႇၽၼီႉ လုၵ်ႈ​ၸၢႆး​ယိတ်ႈပရေႃးႁဵၵ်ႈ မႃႇသေႇယႃႉ ၵႂႃႇ​ၸူး​ၵႃႈ​တီႈ​မၼ်း​လႄႈ​ဝႃႈ၊-</verse>
				<verse number="2">ၶႅၼ်း​တေႃႈ​တွင်း​ပၢၼ်ႇ​တီႈ​ထႃႇဝရႃႉ​ၽြႃး​ပုၼ်ႈ​ႁဝ်း ၵွပ်ႈ​ပိူဝ်ႈ​ဢၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ တိုၵ်း​တေႃး​ႁဝ်း​ၼၼ်ႉ​သေ​ၵမ်း။ ထႃႇဝရႃႉ​ၽြႃး ၸၢင်ႈ​ၶႄး တၵ်း​ၶိုၼ်း​ႁဵတ်း ၸွမ်း​ၵႃႈ​ဢၼ်​မၼ်း​ၸဝ်ႈ ႁဵတ်း​လွင်ႈ​တၢင်း​ဢၼ် လီ​ဢၢမ်း​ၸိူဝ်း​ၼၼ်ႉ​တီႈ​ႁဝ်း ႁႂ်ႈ​မၼ်း​ၼၼ်ႉ​လႆႈ ၶိုၼ်း​မိူဝ်း​ၵႂႃႇ သေ​ၵႃႈ​တီႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ယေႇရမီႉ သင်ႇ​လၢတ်ႈ​ဝႆႉ​တီႈ​ၶဝ်​လႄႈ​ဝႃႈ၊ လွင်ႈ​ဢၼ်​သူ​တၵ်း​လႆႈ​ၶိုၼ်း​လၢတ်ႈ​တီႈ ၶုၼ်​လူင်​ ၸေႇတၵီႉ ​ၸမ်ႉ၊-</verse>
				<verse number="4">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​မီး​ဢမိင်ႉ​လႄႈ​ဝႃႈ၊ တူၺ်း​လူး၊ ၵဝ်​တၵ်း​ႁႂ်ႈ​လၢၵ်ႈ​ၼၢၵ်ႈ ဢၼ်​မိုဝ်း​သူ​ယိပ်း​ၵမ် သေ​လႄႈ တိုၵ်း​တေႃး​ၶုၼ်​ႁေႃ​ၶမ်း​ ပႃႇပူႉလုၼ်ႇ ဢိၵ်ႇ​တင်း ၵူၼ်း​မဵဝ်း​ ၶႃႇလတေး ဢၼ်​တင်ႈ​တပ်ႉ လွမ်ႉ​ႁွပ်ႈ​သူ​ယူႇ​ၵႃႈ​တီႈ ၼွၵ်ႈ​ဝဵင်း​ၸိူဝ်း​ၼၼ်ႉ ဝႄႈ​ၵႂႃႇ​ပိူင်ႈ​ၵႂႃႇ​ဢေႃႈ။ ၵဝ်​တၵ်း​ႁႂ်ႈ​ၶဝ်​ၼၼ်ႉ ၸူႉ​ၵၼ်​တုမ်​ၵၼ် ၵႃႈ​ၼႂ်း​ဝဵင်း​ၼႆႉ​ဢေႃႈ။-</verse>
				<verse number="5">ၵဝ်​ၼႆႉ​တၵ်း​ဢဝ်​မိုဝ်း ဢၼ်​ႁႅင်း​ယႂ်ႇ​ၼႃႇ၊ တၢင်း​ၸႂ်​မႆႈ​ၶႆႈ​ၸႃႉ၊ ဢၢႆ​ႁႅင်း​တေႃး​သႃႉ တၢင်း​ၶႆႈ​ၸႃႉ​ၶႆႈ​ၸဵတ်ႉ ဢၼ်​ဢွၵ်ႇ​ႁႅင်း​ယႂ်ႇ​ၼႃႇ​ၼၼ်ႉ​တိုၵ်း​တေႃး​သူ​ဢေႃႈ။-</verse>
				<verse number="6">ၵဝ်​တၵ်း​ပၼ်​တၢမ်ႇ တီႈ​ၶဝ်​ၸိူဝ်း​ဢၼ် ယူႇ​ၵႃႈ​တီႈ​ဝဵင်း​ၼႆႉ​ဢၼ်​ဝႃႈ ၵူၼ်း​သတ်ႉတဝႃႇ ဢိၵ်ႇ​တင်း တရိၵ်ႈသၢၼ်ႇ​တင်း​လၢႆ​လႄႈ ၶဝ်​တၵ်း​ဢွၼ်​ၵၼ်​တၢႆ​လူၺ်ႈ ၵႃႇလႃႉ​ႁႃႈ​လႅင်​မိူင်း ဢၼ်​ႁႅင်း​ယႂ်ႇ​ၼႃႇ​ဢေႃႈ။-</verse>
				<verse number="7">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ လိုၼ်း​ၼၼ်ႉ​ၵဝ်​တၵ်း​ဢဝ်​ၸႃႉ​ၸဵမ် ၸေႇတၵီႉ ၶုၼ်​ႁေႃ​ၶမ်း​ ယူႉတႃႉ ​လႄႈ ၶႃႈ​မၼ်း​တင်း​လၢႆ ၵူၼ်း​ဝဵင်း​တင်း​လၢႆ ဢၼ်​ဝႃႈ​ၶဝ်​ၸိူဝ်း​ဢၼ်​လွတ်ႈ​ၽေး​တၢင်း​ၶႆႈ​တၢင်း​ပဵၼ်၊ ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း ဢၼ်​ယၢၵ်ႈ​လႄႈ ၵိုတ်း​ၵျၢၼ်ႇ​ဝႆႉ​ၸိူဝ်း​ၼၼ်ႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ဢိၵ်ႇ​တင်း ရၢၼ်ႇ​သူႇ​ၶဝ်​တင်း​လၢႆ တင်း​ၶဝ်​ၸိူဝ်း​ဢၼ်​ႁႃ​ဢဝ်​ဢသၢၵ်ႈ​ၶဝ်​ၼၼ်ႉ​လႄႈ ၶုၼ်​ၼၼ်ႉ​ယင်း​ဢမ်ႇ​သေ​လၢႆ ဢမ်ႇ​မီး​ၵရူႉၼႃႇ တၢင်း​ဢၼ်​ဢဵတ်း​လူ၊ ဢမ်ႇ​ႁၵ်ႉ​ဢမ်ႇ​ႁူမ်​လႄႈ တၵ်း​ၶႃႈ​ၽၼ်း​ၶဝ်​ပႅတ်ႈ​လူၺ်ႈ ၶူမ်း​လၢပ်ႇ​ၶူမ်း​လႅဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မႂ်း​တၵ်း​လႆႈ​သင်ႇ​လၢတ်ႈ​တီႈ ၵူၼ်း​တင်း​လၢႆ​ၼႆႉ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​ၽုၺ်ႇ​သဵၼ်ႈ​တၢင်း ဢၼ်​ဢသၢၵ်ႈ​လိပ်း၊ သဵၼ်ႈ​တၢင်း​ဢၼ်​တၢႆ​ဝႆႉ ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။-</verse>
				<verse number="9">ၵေႃႉ​ဢၼ်​ယူႇ​ၵႃႈ​ၼႂ်း​ဝဵင်း​ၼႆႉ​ၼၼ်ႉ တၵ်း​လႆႈ​တၢႆ​လူၺ်ႈ​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း​ဢေႃႈ။ ၵေႃႉ​ဢၼ်​ဢွၵ်ႇ​ၵႃႈ​တီႈ​ၼွၵ်ႈ​ဝဵင်း​လႄႈ ၶဝ်ႈ​ယူႇ​ၽၢႆႇ​ၵူၼ်း​ ၶႃႇလတေး ဢၼ်​တင်ႈ​တပ်ႉ​လွမ်ႉ​ႁွပ်ႈ​သူ​ယူႇ​ၸိူဝ်း​ၼၼ်ႉ​ၼၼ်ႉ၊ ဢသၢၵ်ႈ​တၵ်း​လႆႈ ၵတ်း​ယဵၼ်​ၶျၢမ်း​သႃႇ​လႄႈ၊ တၵ်း​လႆႈ​ဢသၢၵ်ႈ​တူဝ်​ၸဝ်ႈ​ၵဝ်ႇ မိူၼ်​ၸိူဝ်ႉ​ၼင်ႇ​ဢုၵ်ႉ​ၸႃႇ ဢၼ်​ႁိမ်​ဢဝ်​လႆႈ​ၼၼ်ႉ​ဢေႃႈ။-</verse>
				<verse number="10">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ဝၢႆႇ​ၼႃႈ​တေႃႇ​ဝဵင်း​ၼႆႉ ႁႂ်ႈ​ဢမ်ႇ​လႆႈ​ႁဵတ်း​ၵျေး​ၸူး၊ ႁႂ်ႈ​လႆႈ​ႁဵတ်း ဢပႅတ်ႈ​ၵူၺ်း​လႄႈ ဝဵင်း​ၼႆႉ​တၵ်း​လႆႈ​ၶၢမ်ႇ​တၢင်း​ဢၼ် ဢၢပ်ႈ​ပၼ်​ၵႃႈ​ၼႂ်း မိုဝ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ မၼ်း​ၼၼ်ႉ တၵ်း​ဢဝ်​ၽႆး​တုတ်ႇ​ပႅတ်ႈ​ဢေႃႈ။</verse>
				<verse number="11">ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ဢၼ် ထႃႇဝရႃႉ​ၽြႃး ဢဝ်​လွင်ႈ​မဵဝ်း​ၶုၼ်​ႁေႃ​ၶမ်း​ ယူႉတႃႉ ​လႄႈ မီး​ဢမိင်ႉ​ဝႆႉ​ၼႆႉ​တႃႉ။-</verse>
				<verse number="12">မဵဝ်း​ၶုၼ်​လူင်​ တႃႇဝိတ်ႈ ​ဢိူၺ်း၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ်​ၸီႇ​ယၢင်ႇ​ၸွမ်း​ၼင်ႇ​တြႃး ၸႃႉ​ၸဵမ်​ၶိင်ႇ​ၵၢင်​ၼႂ်​လႄႈ ၵႄႇ​သႄႇ​ၼုၵ်ႈ​ဢဝ် ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် ႁိမ်​ႁူင်ႇ​ဢဝ်​ၼၼ်ႉ ဢွၵ်ႇ​သေ​ၵႃႈ​ၼႂ်း​မိုဝ်း ၵေႃႉ​ဢၼ်​ၼိၵ်ႈ​ၸၢၵ်ႈ ငႅၼ်း​သႄး​ၼၼ်ႉ​တႃႉ။ ပေႃး​ဢမ်ႇ​ၼၼ် ဢၢႆ​ႁႅင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ် တၵ်း​ဢွၵ်ႇ​ပဵၼ်​ၸိူဝ်ႉ​ၼင်ႇ​ၽႆး​လႄႈ မႆႈ​ယူႇ​ႁႂ်ႈ​ၽူႈ​လႂ်​ထၼ်ႈ​ပေႃး​ဢမ်ႇ​မွတ်ႇ​လႆႈ ၵွပ်ႈ​ပိူဝ်ႈ တူႉ​ၸရိူၵ်ႈ​ဢပႅတ်ႈ​ဢၼ်​သူ​ႁဵတ်း​ၼၼ်ႉ​ဢေႃႈ။-</verse>
				<verse number="13">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵေႃႉ​ဢၼ်​ယူႇ ၵႃႈ​တီႈ​ပၢင်ႇ​ႁူၺ်ႈ​ၶူင်ႈ​ႁူၺ်ႈ​ဢိူၺ်း၊ မၢၵ်ႇ​ႁိၼ်​ဢၼ်​မီး​ၵႃႈ​ၼႂ်း တီႈ​ပၢင်ႇ​တီႈ​ပဵင်း​ဢိူၺ်း၊ ၵဝ်​ယူႇ​ၽၢႆႇ​ၼိုင်ႈ တင်း​မႂ်း​ဢေႃႈ။ သူ​ဢၼ်​ၸၢင်ႈ​လၢတ်ႈ​လႄႈ​ဝႃႈ၊ ၽူႈ​လႂ်​တၵ်း​ၶီႇ​သိုၵ်း​ၸူး​ႁဝ်း​လႆႈ။ ၽူႈ​လႂ်​တၵ်း​ၶဝ်ႈ​ၵႃႈ​ၼႂ်း​တီႈ​ယူႇ​တီႈ​သဝ်း​ႁဝ်း​လႆႈ၊ ဝႃႈ​ၼင်ႇ​ၼႆ​ၼၼ်ႉ​ၶဝ်​ဢိူၺ်း၊-</verse>
				<verse number="14">ၵဝ်​တၵ်း​ပၼ်​တၢမ်ႇ​ဢပႅတ်ႈ​တီႈ​သူ ၸွမ်း​ၵႃႈ​ၼင်ႇ​ဢၼ် ဢၵျူဝ်း​တၢင်း​ၵမ်​တၢင်း​ၵျၢင်ႉ​သူ​မီး​ၼၼ်ႉ​ဢေႃႈ။ ၵဝ်​တၵ်း​ဢဝ်​ၽႆး​တုတ်ႇ​ၵႃႈ​ၼႂ်း​ထိူၼ်ႇ​ပႃႇ​မႆႉ ပႃႇ​ၸိင်​မၼ်း​လႄႈ ၽႆး​ၼၼ်ႉ​တၵ်း​မႆႈ​ၵႃႈ​ဢၼ်​မီး ၵႃႈ​တီႈ​လဵပ်ႈ​ႁွပ်ႈ​မၼ်း ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="22">
				<verse number="1">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႂ်း​လူင်း​ၸူး​ၵႃႈ​တီႈ​ႁေႃ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ သေ​လႄႈ ဢဝ်​ၵႂၢမ်း​ၼႆႉ​သင်ႇ​လၢတ်ႈ​ဝႆႉ​လႄႈ​ဝႃႈ၊-</verse>
				<verse number="2">ၶုၼ်​ႁေႃ​ၶမ်း​ ယူႉတႃႉ ဢၼ်​ၼင်ႈ​ၵႃႈ​ၼိူဝ် ရႃႇၸႃႉ​ပလၢင်ႇ ၶုၼ်​လူင်​ တႃႇဝိတ်ႈ ၊ တူဝ်​မႂ်း​ဢိၵ်ႇ​တင်း ၶႃႈ​မႂ်း​တင်း​လၢႆ တင်း​ၵူၼ်း​မိူင်း​မႂ်း ဢၼ်​ၶဝ်ႈ​ၵႃႈ​ၼႂ်း​ၽၵ်း​တူ​ဝဵင်း ၸိူဝ်း​ၼႆႉ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း ၼုၵ်ႈၵပၢတ်ႈ ထႃႇဝရႃႉ​ၽြႃး​တႃႉ။-</verse>
				<verse number="3">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ် ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ တႅပ်း​တတ်း သိုဝ်ႈ​သိုဝ်ႈ​တေႃႇ​တေႃႇ​တႃႉ။ ဢွၼ်​ၵၼ်​ၵႄႇ​သႄႇ​ၼုၵ်ႈ​ဢဝ် ၵေႃႉ​ဢၼ် လႆႈ​ၶၢမ်ႇ​တၢင်း​ဢၼ်​ႁိမ်​ႁူင်ႇ​ၼၼ်ႉ လွတ်ႈ​သေ​ၵႃႈ​ၼႂ်း​မိုဝ်း​ၵေႃႉ​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​တႃႉ။ ယႃႇ​ပေ​ဢွၼ်​ၵၼ်​ႁဵတ်း ဢၼ်​ဢမ်ႇ​ၸွမ်း​ၼင်ႇ​တြႃး​သေ​လႄႈ ၼိၵ်ႈ​ၸၢၵ်ႈ​ငႅၼ်း​သႄး ၵေႃႉ​ဢၼ်​ပဵၼ်​ၶႅၵ်ႇ၊ ၵေႃႉ​ဢၼ် ဢမ်ႇ​မီး​ပေႃႈ​မီး​မႄႈ၊ မႄႈ​မူၵ်း​မႄႈ​မၢႆႈ​တင်း​လၢႆ၊ ယႃႇ​ပေ​ဢွၼ်​ၵၼ် ထွၵ်ႇ​လိူတ်ႈ ၶဝ်​ၸိူဝ်း​ဢၼ် ဢမ်ႇ​မီး​ဢပႅတ်ႈ​ၼၼ်ႉ ဢၼ်​ၼင်ႈ​ၵႃႈ​ၼိူဝ် ရႃႇၸႃႉ​ပလၢင်ႇ​ၶုၼ်​လူင်​ တႃႇဝိတ်ႈ ၵႃႈ​တီႈ​ၼႆႈ။-</verse>
				<verse number="4">လွင်ႈ​မၼ်း​ၸမ်ႉ ပေႃး​သူ​ႁဵတ်း​မႅၼ်ႈ​ၸွမ်း​ၵႃႈ​ၼင်ႇ ပိင်း​ၺၢပ်ႈ​ၸဝ်ႈ​ၼႆႉ​ၸိုင်၊ ၶုၼ်​ႁေႃ​ၶမ်း​ဢၼ်​ၶီႇ​လေႃႉရထႃး၊ ဢၼ်​ၶီႇ​မႃႉ​ၸိူဝ်း​ၼၼ်ႉ ဢိၵ်ႇ​တင်း​ၶႃႈ​မၼ်း​တင်း​လၢႆ တင်း​ၵူၼ်း​ဝၢၼ်ႈ​ၵူၼ်း​မိူင်း​ၸဝ်ႈ​တင်း​လၢႆ တၵ်း​လႆႈ​ဢွၼ်​ၵၼ် မီး​တၢင်း​ဢၼ် ၶဝ်ႈ​ၵႃႈ​ၼႂ်း​ႁူး​ၽၵ်း​တူ ႁိူၼ်း​ၸဝ်ႈ​ၼႆႉ​ၸိူဝ်း​ၼႆႉ​ဢေႃႈ။-</verse>
				<verse number="5">ပေႃး​ဢမ်ႇ​ၼၼ် ပေႃး​သူ​ယင်း​ဢမ်ႇ​ထွမ်ႇ​ဢမ်ႇ​ဢဝ် ဢမိင်ႉ​ၸဝ်ႈ​ၼႆႉ​လႄႈ​ယူႇ​ၸိုင်၊ ၵဝ်​ထႃႇဝရႃႉ​ၽြႃး ဢဝ်​တူဝ်​ၸဝ်ႈ​ၵဝ်ႇ တိူင်ႇ​ဝႃႈ လႄႈ​ဝႃႈ၊ ႁိူၼ်း​ၸဝ်ႈ​ၼႆႉ တၵ်း​လႆႈ​ပဵၼ်​တီႈ​ဢၼ် သဵတ်ႇ​ၵူၼ်း​ယဵၼ်​ၵူၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ထႃႇဝရႃႉ​ၽြႃး မီး​ဢမိင်ႉ​လူၺ်ႈ​လွင်ႈ ႁေႃ​ၶုၼ်​ႁေႃ​ၶမ်း​ ယူႉတႃႉ ​ၸမ်ႉ၊ ပိၵ်ႉ​သမ်ႉ​မႂ်း​ပဵၼ်​ၸိူဝ်ႉ​ၼင်ႇ ၵႃႈ​တီႈ​မိူင်း​ ၵီႉလတ်ႉ ဢိၵ်ႇ​တင်း ၸိူဝ်ႉ​ၼင်ႇ​ၵႃႈ​တီႈ​ပၢႆ​ၸိၵ်း​လွႆ​ လေႇပၼုၼ်ႇ ​ၼၼ်ႉ တီႈ​ၵဝ်​သေ​ၵေႃႈ၊ ၵဝ်​တၵ်း​ႁႂ်ႈ​မႂ်း ပဵၼ်​ထိူၼ်ႇ​ပဵၼ်​ၶိူဝ်း၊ ဝဵင်း​ဢၼ်​ၵူၼ်း​ဢမ်ႇ​ယူႇ​ဢမ်ႇ​သဝ်း​ဢေႃႈ။-</verse>
				<verse number="7">ၵဝ်​တၵ်း​ပွင်​ႁႅၼ်း​ၶဝ်​ၸိူဝ်း​ဢၼ်​ပႃး​ၽႆး ဢိၵ်ႇ​တင်း တႃ​မၢတ်ႇ​ၼၼ်ႉ ႁႂ်ႈ​လႆႈ​ယႃႉ​ၽဵဝ်ႈ​မႂ်း​လႄႈ ၶဝ်​ၼၼ်ႉ​တၵ်း​ဢွၼ်​ၵၼ် ပမ်ႈ​တူၼ်ႈ​ ဢႃႇရိတ်ႉ ဢၼ်​မျၢတ်ႈ​လီ​သေ​ပိူၼ်ႈ တီႈ​မႂ်း​ၸိူဝ်း​ၼၼ်ႉ လူမ်ႉ​သေ​လႄႈ ဢဝ်​ၶျႃး​တူၵ်း​သႂ်ႇ​ၵႃႈ​ၼႂ်း​ၽႆး​ဢေႃႈ။-</verse>
				<verse number="8">ၵူၼ်း​မဵဝ်း​ၼမ်​ၼႃႇ တၵ်း​တႆႇ​တၢင်း​ပႆ​တၢင်း​ၵႂႃႇ ၵႃႈ​တီႈ​ႁိမ်း​ဝဵင်း​ၼႆႉ​သေ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တွင်ႈ​ထၢမ်​ၵၼ်​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ထႃႇဝရႃႉ​ၽြႃး ႁဵတ်း​ၸိူဝ်ႉ​ၼင်ႇ​ၼႆ တီႈ​ဝဵင်း​လူင်​ၼႆႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">ၶဝ်​တၵ်း ဢွၼ်​ၵၼ်​ၶိုၼ်း​လၢတ်ႈ​တီႈ​ၵၼ်​လႄႈ​ဝႃႈ၊ ၵွပ်ႈ​ပိူဝ်ႈ ဢၼ်​ၶဝ်​ၸိူဝ်း​ၼႆႉ ၸုၼ်ႉ​ပႅတ်ႈ​ပတီႉၺိၺ်ႇ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၶဝ်​သေ​လႄႈ ဢွၼ်​ၵၼ်​ႁဵတ်း​ဝၢတ်ႈ​ၵူဝ်း​ၵႂၢႆႇ ၽြႃး​တၢင်ႇ​သူႇ​တၢင်ႇ​ပႃး တင်း​လၢႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ယႃႇ​ပေ​ဢွၼ်​ၵၼ်​ႁႆႈ​ႁွင်ႉ​လႄႈ ၶၢင်း​ၶီ​ၶၢင်း​ၽၢၼ် ၵွပ်ႈ​ပိူဝ်ႈ ၵေႃႉ​ဢၼ်​တၢႆ​ၼၼ်ႉ။ ဢွၼ်​ၵၼ်​ႁႆႈ​ႁွင်ႉ ၵွပ်ႈ​ပိူဝ်ႈ​ၵေႃႉ​ဢၼ်​ၵႂႃႇ​တၢင်ႇ​တီႈ​တၢင်ႇ​လႅၼ်​ၼၼ်ႉ​တႃႉ။ မၼ်း​ၼၼ်ႉ ၵမ်း​လိုၼ်း​ဢမ်ႇ​လႆႈ​ၶိုၼ်း​မႃး။ ဢမ်ႇ​လႆႈ​ႁၼ် မိူင်း​တီႈ​ဢၼ်​တူဝ်​ၸဝ်ႈ​ၵဝ်ႇ ၵိူတ်ႇ​လဵင်ႉ​ၼၼ်ႉ။-</verse>
				<verse number="11">ထႃႇဝရႃႉ​ၽြႃး ဢဝ်​လွင်ႈ​ သႃႇလုမ်ႇ လုၵ်ႈ​ၸၢႆး​ၶုၼ်​လူင်​ ယူဝ်းသီႉယႃႉ ဢၼ်​ၼင်ႈ​ႁၢင်ႈ​ၼင်ႈ​ႁေႃ တၢင်​တူဝ်​ၸဝ်ႈ​ပေႃႈ​မၼ်း​ ယူဝ်းသီႉယႃႉ ​လႄႈ ဢွၵ်ႇ​သေ​ၵႃႈ​တီႈ​မိူင်း​ၼႆႉ​ၵႂႃႇ​ၼၼ်ႉ​လႄႈ မီး​ဢမိင်ႉ​ဝႆႉ​ၸမ်ႉ၊ ၶုၼ်​ၼၼ်ႉ​ၵမ်း​လိုၼ်း ဢမ်ႇ​လႆႈ​ၶိုၼ်း​လႆႈ​မႃး​ၵႃႈ​တီႈ​မိူင်း​ၼႆႉ။-</verse>
				<verse number="12">မၼ်း​တၵ်း​လႆႈ​တၢႆ ၵႃႈ​ၼႂ်း​မိူင်း​တီႈ​ဢၼ်​ၶဝ် သိမ်း​ဢဝ်​မၼ်း​ၵႂႃႇ​ၼၼ်ႉ​လႄႈ ၵမ်း​လိုၼ်း​မၼ်း​ဢမ်ႇ​လႆႈ​ၶိုၼ်း​ႁၼ်​မိူင်း​ၼႆႉ။</verse>
				<verse number="13">ၵေႃႉ​ဢၼ်​ဢဝ် လွင်ႈ​တၢင်း​ဢၼ်​ဢမ်ႇ​တြႃး တႄႇ​ႁဵတ်း​ႁိူၼ်း​မၼ်း​လႄႈ ဢဝ်​လွင်ႈ​တၢင်း​ဢၼ် ဢမ်ႇ​သိုဝ်ႈ​ဢမ်ႇ​တေႃႇ ႁဵတ်း​ႁၢၼ်ႉ ၼိူဝ်​မၼ်း​ၸိူဝ်း​ၼၼ်ႉ​ၼၼ်ႉ၊ ၵေႃႉ​ဢၼ် ဢမ်ႇ​ပၼ်​ၵႃႈ​ပၼ်​ၶၼ်​မၼ်း ၸႂ်ႉ​ၵိၼ်​ၵူၼ်း​ႁိူၼ်း​ၸမ်​ၵၼ်​လႄႈ ဢမ်ႇ​ၶျႃး​ပၼ်​သူး​ပုၼ်ႈ​တၢင်း​ႁဵတ်း​ၼၼ်ႉ၊-</verse>
				<verse number="14">ၵေႃႉ​ဢၼ်​လၢတ်ႈ​လႄႈ​ဝႃႈ၊ ၵဝ်​တၵ်း​ႁဵတ်း​ႁိူၼ်း​ဢၼ်​ယႂ်ႇ​ဢၼ်​လူင်၊ လုၵ်း​ႁၢၼ်ႉ​ၼိူဝ် ဢၼ်​ၵႂၢင်ႈ​လီ​လႃး​လီ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ မုင်း​ႁူး​လၢင်း​တဵၼ်​လႄႈ​ဢဝ်​မႆႉ​ ဢႃႇရိတ်ႉ ​မုင်း​သေ​ယဝ်ႉ၊ ဢဝ်​ႁၢၼ်​လႅင်​တႃး​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="15">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႂ်း​တၵ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး ၵွပ်ႈ​ပိူဝ်ႈ​ဢၼ် ၸႂ်​ပိုင်ႈ​ၸႂ်​လီ​မုၼ်​ၵုင်ႇ​မႆႉ​ ဢႃႇရိတ်ႉ ​ၼၼ်ႉ​ႁိုဝ်။ပေႃႈ​မႂ်း​ၼၼ်ႉ လႆႈ​ၵိၼ်​လႆႈ​ၶူပ်း လႆႈ​သူတ်ႉ​လႆႈ​ဢိုၵ်ႉ ဢိမ်ႇ​ဢိမ်ႇ​တဵမ်​တဵမ်​ယူႇ ဢမ်ႇ​ၸႂ်ႈ​ႁိုဝ်။ မၼ်း​ၸီႇ​ယၢင်ႇ​လႄႈ တႅပ်း​တတ်း​ၸွမ်း​ၼင်ႇ​တြႃး ဢမ်ႇ​ၸႂ်ႈ​ႁိုဝ်။ မိူဝ်ႈ​ၼၼ်ႉ​မၼ်း​မီး​တၢင်း​ဢၼ် လႆႈ​လီ​လႆႈ​ပဵၼ်​ဢေႃႈ။-</verse>
				<verse number="16">မၼ်း​ပႂ်ႉ​ဢမူႉ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ဢိၵ်ႇ​တင်း ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​လႄႈ ၸီႇ​ယၢင်ႇ​ၸွမ်း​ၼင်ႇ​တြႃး​ဢေႃႈ။ မိူဝ်ႈ​ၼၼ်ႉ​မၼ်း​မီး​တၢင်း​ဢၼ် လႆႈ​လီ​လႆႈ​ပဵၼ်​ဢေႃႈ။ လွင်ႈ​တၢင်း​ၼႆႉ ပဵၼ်​ဢၵျူဝ်း ဢၼ်​ႁူႉ​ၸၵ်း​ၵဝ် ဢမ်ႇ​ၸႂ်ႈ​ႁိုဝ်။-</verse>
				<verse number="17">မၢၵ်ႇ​တႃ​မႂ်း ဢိၵ်ႇ​တင်း ႁူဝ်​ၸႂ်​မႂ်း​ၸမ်ႉ၊ ၼွၵ်ႈ​သေ​တၢင်း​ဢၼ်​လေႃး​ၽႃႉ​ပူၼ်ႉ​လိူဝ်၊ တၢင်း​ဢၼ်​ထွၵ်ႇ​လိူတ်ႈ​ၵေႃႉ​ဢၼ်​ဢမ်ႇ​မီး​ဢပႅတ်ႈ၊ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ၊ ဢမ်ႇ​ၸၢင်ႈ​ဝႆႉ​ဢမူႉ​တီႈ​လွင်ႈ​တၢင်း​ဢၼ်​လႂ်​လႃး​လႃး။-</verse>
				<verse number="18">ပိူဝ်ႈ​ၼႆ​လႄႈ ထႃႇဝရႃႉ​ၽြႃး ဢဝ်​လွင်ႈ​ ယေႃးယၵိမ်း လုၵ်ႈ​ၸၢႆး​ၶုၼ်​လူင်​ ယူဝ်းသီႉယႃႉ ၶုၼ်​ႁေႃ​ၶမ်း​ ယူႉတႃႉ ​လႄႈ​မီး​ဢမိင်ႉ​ၸမ်ႉ၊​ၶဝ်​ဢမ်ႇ​လႆႈ​ဢွၼ်​ၵၼ်​ႁွင်ႉ​ႁႆႈ​လႄႈ​ဝႃႈ၊ ပီႈ​ၸၢႆး​ၵဝ်​ဢိူၺ်း၊ ၼွင်ႉ​ယိင်း​ၵဝ်​ဢိူၺ်း၊ ဝႃႈ​ၼင်ႇ​ၼႆ​လႄႈ ၶၢင်း​ၶီ​ၶၢင်း​ၽၢၼ်​ပုၼ်ႈ​မၼ်း​လႄႈ​ဝႃႈ၊ ၸဝ်ႈ​ၵဝ်​ဢိူၺ်း၊ မုၼ်​ၽုင်း​ၵဝ်​ဢိူၺ်း၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="19">ၶုၼ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် တိုတ်ႉ​လၢၵ်ႈ​လႄႈ ဢဝ်​ဢွၵ်ႇ​ၵႂႃႇ​ၸူး ၵႃႈ​တီႈ​ၼွၵ်ႈ​ၽၵ်း​တူ ဝဵင်း​ ယေႇရူႉသလႅမ်ႇ ​သေ​လႄႈ ဢဝ်​သၢင်း​ၵျူဝ်ႇ မိူၼ်​ၸိူဝ်ႉ​ၼင်ႇ​ဢၼ်​သၢင်း​ၵျူဝ်ႇ တူဝ်​လီႈ​ၼၼ်ႉ​ဢေႃႈ။</verse>
				<verse number="20">ၶိုၼ်ႈ​ၵႃႈ​ၼိူဝ်​လွႆ​ လေႇပၼုၼ်ႇ ​လႄႈ ပၢဝ်ႇ​သေႃႇ​တႃႉ။ သႅၼ်ႇ​ႁွင်ႉ​ၵႃႈ​ၼႂ်း​မိူင်း​ ပႃႇသၢၼ်ႇ ​တႃႉ။ ယူႇ​ၵႃႈ​တီႈ​ ဢႃႇပရိမ်ႇ ၵိဝ်​သဵင်​တႃႉ။ လွင်ႈ​မၼ်း​ၸမ်ႉ ၵေႃႉ​သေႈ​မႂ်း​ၸိူဝ်း​ၼၼ်ႉ ႁွတ်ႈ​ထိုင်​တၢင်း​ဢၼ်​လူႉ​ဢၼ်​လႅဝ်​ယဝ်ႉ။-</verse>
				<verse number="21">ၵဝ်​ပၼ်​သတီႉ​ၼႂ်း​မိူဝ်ႈ​ဢၼ် မႂ်း​လႆႈ​လီ​လႆႈ​ပဵၼ်​ၼၼ်ႉ​လႄႈ မႂ်း​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဢမ်ႇ​ထွမ်ႇ​ဢမ်ႇ​ဢဝ်၊ ဝႃႈ​ၼင်ႇ​ၼႆ​ဢေႃႈ။ မႂ်း​ယင်း​ဢမ်ႇ​ထွမ်ႇ ဢမ်ႇ​ဢဝ်​ၵႂၢမ်း​ၵဝ် ၸႃႉ​ၸဵမ်​မိူဝ်ႈ​ဢၼ်​မႂ်း ယင်း​လဵၵ်ႉ​ယင်း​ဢွၼ်ႇ​ၼၼ်ႉ​လႄႈ ယူႇ​ၵႃႈ​ၼင်ႇ​ဢၼ်​ယူႇ​ၼၼ်ႉ​ယဝ်ႉ။-</verse>
				<verse number="22">လူမ်း​တၵ်း​ၵိၼ် ၶဝ်​ၸိူဝ်း​ဢၼ်​လဵင်ႉ​ထိင်း​မႂ်း ၸိူဝ်း​ၼၼ်ႉ​လႄႈ ၵေႃႉ​သေႈ​မႂ်း​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​ဢေႃႈ။ မိူဝ်ႈ​ၼၼ်ႉ မႂ်း​တၵ်း​မီး​တၢင်း​ဢၼ်​ဢူၵ်း​ဢၼ်​ဢၢႆ​လႄႈ ၸႂ်​လူႉ​ၵွပ်ႈ​ပိူဝ်ႈ တူႉ​ၸရိူၵ်ႈ​မႂ်း​ၵႃႈ​မီး​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="23">ၵေႃႉ​ဢၼ်​ၸၢင်ႈ​ယူႇ​ၵႃႈ​တီႈ​လွႆ​ လေႇပၼုၼ်ႇ ​လႄႈ ႁဵတ်း​ႁင်း​ယူႇ​ၵႃႈ​တီႈ​တူၼ်ႈ​ ဢႃႇရိတ်ႉ ​တင်း​လၢႆ​ၼႆႉ​ဢိူၺ်း၊ ယၢမ်း​မိူဝ်ႈ​ဢၼ်​မႂ်း လႆႈ​ၶၢမ်ႇ​ဝူၺ်ႇတၼႃႇ ဢၼ်​ၶူပ်း​ၶိုၼ်ႈ​ၼႃႇ မိူၼ်​ၸိူဝ်ႉ​ၼင်ႇ ဢၼ်​မႄႈ​ယိင်း​လႆႈ​ၶၢမ်ႇ​ဝူၺ်ႇတၼႃႇ တၢင်း​ဢၼ် ၵိူတ်ႇ​လဵင်ႉ​လုၵ်ႈ​ၼၼ်ႉ​ၸိုင်၊ မႂ်း​တၵ်း​ပဵၼ်​လွင်ႈ ဢၼ်​လီ​ဢဵတ်း​လူ​ၼႃႇ​လူင်​လၢင်​ထၢၼ်ႇ​ႁိုဝ် လူင်​ပႄႇ။</verse>
				<verse number="24">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ်​ၵဝ် ဢသၢၵ်ႈ​လိပ်း​ယူႇ​ၼၼ်ႉ ပိၵ်ႉ​သမ်ႉ​ ၶေႃးၼီႉ လုၵ်ႈ​ၸၢႆး​ၶုၼ်​လူင်​ ယေႃးယၵိမ်း ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​ၼႆႉ ပဵၼ်​လၢၵ်ႈ​ၸွပ်ႈ​တၼ်း​သိၵ်ႈ ဢၼ်​ပႃး​ၵႃႈ​တီႈ​မိုဝ်း​ၽၢႆႇ​ၶႂႃ​ၵဝ် ဢမၢၼ်ႇ​ၶၼ်​ပဵၼ်​သေ​ၵေႃႈ ၵဝ်​တၵ်း​ပႄႇ​မႂ်း​ပႅတ်ႈ​ဢေႃႈ။-</verse>
				<verse number="25">ၵဝ်​တၵ်း​ဢဝ်​မႂ်း​ဢၢပ်ႈ​ပၼ် ၵႃႈ​ၼႂ်း​မိုဝ်း​ၵေႃႉ​ဢၼ်​ၸွမ်း​ႁႃ​ဢသၢၵ်ႈ​မႂ်း၊ ၵေႃႉ​ဢၼ်​မႂ်း​ၵူဝ်​ႁႄ​ၼႃႇ လူင်​လၢင်​ဢၼ်​ဝႃႈ ၵႃႈ​ၼႂ်း​မိုဝ်း​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ဢိၵ်ႇ​တင်း ၵူၼ်း​ ၶႃႇလတေး ​တင်း​လၢႆ ၼၼ်ႉ​ဢေႃႈ။-</verse>
				<verse number="26">ၵဝ်​တၵ်း​ဢဝ်​မႂ်း ဢိၵ်ႇ​တင်း​မႄႈ​မႂ်း ဢၼ်​ၵိူတ်ႇ​လဵင်ႉ​မႂ်း​မႃး​ၼၼ်ႉ ႁေႃႈ​ဢွၵ်ႇ​ၸူး​ၵႃႈ​တီႈ​မိူင်း ဢၼ်​ဢမ်ႇ​ၸႂ်ႈ​ထႃႇၼႃႉ တီႈ​ဢၼ်​သူ​ၵိူတ်ႇ​လဵင်ႉ​မႃး​ၼၼ်ႉ​လႄႈ သူ​တၵ်း​လႆႈ​တၢႆ ၵႃႈ​တီႈ​ၼၼ်ႈ​ဢေႃႈ။-</verse>
				<verse number="27">ၵမ်း​လိုၼ်း ၶဝ်​ဢမ်ႇ​လႆႈ​ဢွၼ်​ၵၼ်​ၶိုၼ်း​မႃး ၵႃႈ​တီႈ​မိူင်း​တီႈ​ဢၼ်​ၶဝ် မီး​ဢလူဝ်ႇ​ၶႂ်ႈ​ၶိုၼ်း​မႃး​ၼၼ်ႉ။-</verse>
				<verse number="28">ၵူၼ်း​ၵေႃႉ​ၼႆႉ​ဢၼ်​ဝႃႈ ၶေႃးၼီႉ ​ၼႆႉ ပဵၼ်​မေႃႈ​လိၼ် တီႈ​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​လႄႈ တႅၵ်ႇ​လႅဝ်​ႁိုဝ်။ ပဵၼ်​ၶိူင်ႈ​ပိူင်​ဢၼ်​ၽူႈ​လႂ် ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မၼ်း​ဢိၵ်ႇ​တင်း​ၸိူဝ်ႉ​ၶိူဝ်း​မၼ်း လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ၸူး ၵႃႈ​တီႈ​မိူင်း ဢၼ်​ၶဝ်​ဢမ်ႇ​ႁူႉ​ၼၼ်ႉ​ၼင်ႇ​ႁိုဝ်။-</verse>
				<verse number="29">လိၼ်​မိူင်း​ဢိူၺ်း၊ လိၼ်​မိူင်း​ဢိူၺ်း၊ လိၼ်​မိူင်း​ဢိူၺ်း၊ ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး​တႃႉ။-</verse>
				<verse number="30">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တႅမ်ႈ​မၢႆ​လွင်ႈ ဢၼ်​ၵူၼ်း​ၵေႃႉ​ၼႆႉ ပဵၼ်​ၵေႃႉ​ဢၼ် ဢမ်ႇ​မီး​လုၵ်ႈ​မီး​လၢင်း၊ ၵေႃႉ​ဢၼ် ဢမ်ႇ​လႆႈ​လီ​လႆႈ​ပဵၼ် ၸူဝ်ႈ​ဢသၢၵ်ႈ​မၼ်း​ၼၼ်ႉ​ဝႆႉ​တႃႉ။ ၵေႃႉ​ဢၼ်​ပဵၼ် ၸိူဝ်ႉ​ၶိူဝ်း​မၼ်း​ၼၼ်ႉ ဢမ်ႇ​လႆႈ​မီး​ဢၶႂၢင်ႉ ဢၼ်​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ၶုၼ်​ တႃႇဝိတ်ႈ ဢိၵ်ႇ​တင်း ဢၶႂၢင်ႉ​ဢၼ်​လႆႈ​ဢုပ်ႉ​ပိူင်ႇ ၸၢမ်ႇ​ၸႃး​မိူင်း​ ယူႉတႃႉ သေ​ၵေႃႉ​သေ​ၵူၼ်း။</verse>
			</chapter>
			<chapter number="23">
				<verse number="1">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶဝ်​ၸိူဝ်း​ဢၼ် လဵင်ႉ​သူဝ်း​ထိင်း​သူဝ်း ဢၼ်​ယႃႉ​ပႅတ်ႈ​လႄႈ ႁႂ်ႈ​သူဝ်း​ဢၼ်​ယၢမ်ႈ​ၵိၼ်​ယူႇ ၵႃႈ​တီႈ​ၵဝ်​တင်း​လၢႆ မၢၵ်ႇ​မိူဝ်​ၵႂႃႇ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="2">ပိူဝ်ႈ​ၼႆ​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ လူၺ်ႈ​လွင်ႈ​ၶဝ်​ၸိူဝ်း​ဢၼ် လဵင်ႉ​သူဝ်း​ထိင်း​သူဝ်း​ဢၼ်​လႆႈ​လဵင်ႉ​လူ​ၵူၼ်း​ၵဝ် တင်း​လၢႆ​ၼၼ်ႉ​ၸမ်ႉ၊ သူ​ႁႂ်ႈ​ၽုင်​သူဝ်း​ၵဝ်​မၢၵ်ႇ​မိူဝ်​ၵႂႃႇ၊ ႁေႃႈ​ၶဝ်​ပႅတ်ႈ၊ ဢမ်ႇ​လူ​တူၺ်း​လုမ်း​လႃး​ၶဝ်​လႄႈ၊ တူၺ်း​လူး၊ ၵဝ်​တၵ်း​ႁႂ်ႈ တူႉ​ၸရိူၵ်ႈ​ဢပႅတ်ႈ ဢၼ်​သူ​ႁဵတ်း​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​သူ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="3">ၵဝ်​တၵ်း​ႁႂ်ႈ ၽုင်​သူဝ်း​ဢၼ် ယင်း​ၵိုတ်း​ယင်း​ၵျၢၼ်ႇ​ၼၼ်ႉ ဢွၵ်ႇ​သေ​ၵႃႈ​ၼႂ်း​မိူင်း​ၵႃႈ​မီး ဢၼ်​ၵဝ်​ႁေႃႈ​ၶဝ်​ၵႂႃႇ​ၸူး​ၼၼ်ႉ မႃး​ၸူႉ​ၵၼ်​တုမ်​ၵၼ်​လႄႈ သမ်ႉ​တၵ်း​ဢဝ်​ၶဝ်​ၶိုၼ်း​မႃး​ၸူး ၵႃႈ​တီႈ​ၶွၵ်ႈ​သူဝ်း တီႈ​ယူႇ​ၶဝ်​ၼၼ်ႉ​ဢေႃႈ။ ၶဝ်​ၵေႃႈ​တၵ်း​ဢွၼ်​ၵၼ် ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ၼမ်​ၵိုၼ်း​မႃး​ဢေႃႈ။-</verse>
				<verse number="4">ၵဝ်​တၵ်း​ၶၢၼ်း​ၶဝ်​ၸိူဝ်း​ဢၼ် လဵင်ႉ​သူဝ်း​ထိင်း​သူဝ်း​ဢၼ်​လဵင်ႉ​လူ​ၶဝ်​ၼၼ်ႉ​ဝႆႉ ၵႃႈ​ၼိူဝ်​ၶဝ်​လႄႈ ၶဝ်​ၼၼ်ႉ ၵမ်း​လိုၼ်း ဢမ်ႇ​လႆႈ​ၵူဝ်​လႆႈ​ႁႄ။ ဢမ်ႇ​လႆႈ​တူၵ်း​ၸႂ်​လႂ်​တိုၼ်ႇ။ ဢမ်ႇ​လႆႈ​ၶၢမ်ႇ​တၢင်း​ဢၼ် ႁူင်ႈ​ၵႂႃႇ​ႁၢႆ​ၵႂႃႇ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="5">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိုဝ်ႉ​ဝၼ်း​ဢၼ်​ၵဝ် တၵ်း​ႁႂ်ႈ​ယွတ်ႈ​ဢၼ်​သိုဝ်ႈ​တေႃႇ တႅၵ်ႇ​ဢွၵ်ႇ​ပုၼ်ႈ​ တႃႇဝိတ်ႈ ​လႄႈ မၼ်း​ၼၼ်ႉ တၵ်း​ႁဵတ်း​ၶုၼ်​ႁေႃ​ၶမ်း​လႄႈ ၸွမ်း​လူၺ်ႈ​ၺၢၼ်ႇ​သေ​လႄႈ ၸီႇ​ယၢင်ႇ​တႅပ်း​တတ်း​ၸွမ်း တၢင်း​ဢၼ်​ႁဵတ်း​ၸွမ်း​ၼင်ႇ​တြႃး ဢိၵ်ႇ​တင်း တၢင်း​ဢၼ်​သိုဝ်ႈ​ဢၼ်​တေႃႇ ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="6">ၼႂ်း​ၸူဝ်ႈ​ပၢၼ်​မၼ်း​ၼၼ်ႉ မိူင်း​ ယူႉတႃႉ ​တၵ်း​ႁွတ်ႈ​ထိုင် တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​လႄႈ၊ မိူင်း​ ဢီႉသရေႇလႃႉ ​ၵေႃႈ တၵ်း​လႆႈ​ယူႇ​ၼိမ်​ၼိမ်​လီ​လီ​ဢေႃႈ။ ၼႃႇ​မႃႉ​ၸိုဝ်ႈ​သဵင်​ဢၼ် မၼ်း​တၵ်း​လႆႈ​ၶၢမ်ႇ တၢင်း​ဢၼ်​ႁွင်ႉ​ႁဵၵ်ႈ​ၼၼ်ႉ​ၸမ်ႉ၊ ပဵၼ်​ ယေႇႁေႃးဝႃႇ ၸေႇတႃႉၵၼူႉ ​ဢေႃႈ။-</verse>
				<verse number="7">ပိူဝ်ႈ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ တူၺ်း​လူး၊ မိုဝ်ႉ​ဝၼ်း​ဢၼ် ယင်း​ဢမ်ႇ​လႆႈ​တိူင်ႇ​ဝႃႈ​လႄႈ​ဝႃႈ၊ ၵႃႈ​ၼင်ႇ​ဢၼ် ထႃႇဝရႃႉ​ၽြႃး ဢၼ်​ၼုၵ်ႈ​ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ ဢသၢၵ်ႈ​လိပ်း​ယူႇ​ၼၼ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="8">တၵ်း​လႆႈ​တိူင်ႇ​ဝႃႈ​လႄႈ​ဝႃႈ၊ ၵႃႈ​ၼင်ႇ​ဢၼ် ထႃႇဝရႃႉ​ၽြႃး ဢၼ်​ဢဝ်​မဵဝ်း​ၸိူဝ်ႉ​ၶိူဝ်း​ ဢီႉသရေႇလႃႉ လုၵ်ႉ​သေ​ၵႃႈ​တီႈ မိူင်း​တၢင်း​ၸၢၼ်း ဢိၵ်ႇ​တင်း မိူင်း​တီႈ​ဢၼ်​ႁေႃႈ​ၶဝ်​ဢွၵ်ႇ​ၸူး ၵႃႈ​မီး​ၼၼ်ႉ​မႃး​ၼၼ်ႉ ဢသၢၵ်ႈ​လိပ်း​ယူႇ​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ တၵ်း​ႁွတ်ႈ​ထိုင်​ဢေႃႈ။ ၶဝ်​ၼၼ်ႉ​တၵ်း​သမ်ႉ​ဢွၼ်​ၵၼ်​ၶိုၼ်း လႆႈ​ယူႇ​ၵႃႈ​ၼႂ်း​မိူင်း တီႈ​ယူႇ​ၶဝ်​ဢေႃႈ။</verse>
				<verse number="9">ၵႂၢမ်း​ဢၼ်​ဢဝ်​လွင်ႈ ပရေႃးၽႅတ်ႈ​တင်း​လၢႆ​ဝႃႈ​ၸမ်ႉ၊ ၵွပ်ႈ​ပိူဝ်ႈ​ထႃႇဝရႃႉ​ၽြႃး ဢိၵ်ႇ​တင်း ၵွပ်ႈ​ပိူဝ်ႈ​ၵႂၢမ်း​မၼ်း​ၸဝ်ႈ ဢၼ်​မူတ်း​ၸၢင်ႇ​ၼၼ်ႉ​လႄႈ၊ ႁူဝ်​ၸႂ်​ၵဝ်​မီး​တၢင်း​ဢၼ် တႅၵ်ႇ​လႅဝ်​ယူႇ​ဢေႃႈ။ လုပ်ႇ​ၵဝ်​ၵႃႈ​မီး ဢွၼ်​ၵၼ်​သၼ်ႇ​ဝႆ​လႄႈ ၵဝ်​ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​မဝ်း​လဝ်ႈ ဢိၵ်ႇ​တင်း ၸိူဝ်ႉ​ၼင်ႇ​ၵေႃႉ​ဢၼ် ၼမ်ႉ​ၸပိတ်ႈ​ပႄႉ​ၼႅင်ႇ ၼၼ်ႉ​ယူႇ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ မိူင်း​ၸဝ်ႈ​မီး​တၢင်း​ဢၼ်​တဵမ်​ဝႆႉ တင်း​ၶဝ်​ၸိူဝ်း​ဢၼ်​ႁဵတ်း​လူၺ်ႈ​မေႇ​ထုင်ႇ​ဢၼ်​ဢမ်ႇ​တြႃး​ၼၼ်ႉ​လႄႈ မိူင်း​ၸဝ်ႈ​လႆႈ​မီး​တၢင်း​ဢၼ် ၶၢင်း​ၶီ​ၶၢင်း​ၽၢၼ်​ယူႇ ၵွပ်ႈ​ပိူဝ်ႈ တၢင်း​ဢၼ်​ၵိၼ်ႇ​ဢၼ်​ဝႃႈ​ဢေႃႈ။ တီႈ​ဢၼ်​ယၢမ်ႈ​ၵိၼ်​ယူႇ ၵႃႈ​တီႈ​ထိူၼ်ႇ​တီႈ​ၶိူဝ်း​ၸိူဝ်း​ၼၼ်ႉ မီး​တၢင်း​ဢၼ်​ယူတ်း​ႁႅင်ႈ​ၵႂႃႇ​ဢေႃႈ။ သဵၼ်ႈ​တၢင်း​ဢၼ်​ၶဝ်​ၵႂႃႇ​ၶဝ်​ၸွမ်း​ၼၼ်ႉ ပဵၼ်​ဢၼ်​ႁၢႆႉ​ဢၼ်​ယုတ်ႈ​လႄႈ တၢင်း​ၵတ်ႉ​တၢင်း​ၶၼ်​ၶဝ် ဢမ်ႇ​ၸၢင်ႈ​ယူႇ​ၽၢႆႇ​တြႃး။-</verse>
				<verse number="11">ပရေႃးၽႅတ်ႈ ဢိၵ်ႇ​တင်း ယိတ်ႈပရေႃးႁဵၵ်ႈ သွင်​မဵဝ်း​ၼၼ်ႉ ဢွၼ်​ၵၼ်​ႁဵတ်း ဢမ်ႇ​ရူဝ်ႇ​သေႇ​ၵူဝ်​ယမ်​ၽြႃး​ယဝ်ႉ။ တေႃႈ​ၵႃႈ၊ ၵႃႈ​ၼႂ်း​ႁိူၼ်း​ၵဝ်​ၼၼ်ႉ၊ ၵဝ်​ယင်း​ထူပ်း​ႁၼ် လွင်ႈ​တၢင်း​ဢၼ်​ႁၢႆႉ​ဢၼ်​မိူၵ်ႈ ဢၼ်​ၶဝ်​ႁဵတ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ သဵၼ်ႈ​တၢင်း​ဢၼ်​ၶဝ်​ၵႂႃႇ​ၶဝ်​ၸွမ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ တီႈ​ဢၼ်​မိုၼ်ႈ​ၶျေႃး ၵႃႈ​ၼႂ်း​လပ်း​သိင်ႇ​ၼၼ်ႉ​လႄႈ ၶဝ်​ၼၼ်ႉ​တၵ်း​လႆႈ​ဢွၼ်​ၵၼ်​ၶၢမ်ႇ တၢင်း​ဢၼ် တွၵ်ႉ​ဢီး​လႄႈ​လူမ်ႉ​ဢေႃႈ။ လွင်ႈ​မၼ်း​ၸမ်ႉ ၵဝ်​တၵ်း​ႁႂ်ႈ​ၽေး​ဢူႉ​ပၢတ်ႈ​ဢၼ်​ဝႃႈ ၶူပ်ႇ​ပီႊ ဢၼ်​လႆႈ​ၶၢမ်ႇ​တၢင်း​ဢၼ် သင်ႇ​သွၼ်​သုင်း​မႃႉ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၶဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="13">ၵဝ်​ႁၼ်​သၽေႃး​ဢၼ်​မိူၵ်ႈ ၵႃႈ​ၼႂ်း​ပရေႃးၽႅတ်ႈ ၵူၼ်း​ဝဵင်း​ သမႃႇရီႉ ​ၸိူဝ်း​ၼၼ်ႉ​ယဝ်ႉ။ ၶဝ်​ၼၼ်ႉ​ဢိင်​ၽြႃး ပႃႇလႃႉ ​သေ​လႄႈ​ႁဵတ်း​ပရေႃးၽႅတ်ႈ​လႄႈ ဢွၼ်​ၵၼ်​ႁဵတ်း​ႁႂ်ႈ ၵူၼ်း​ၵဝ်​မဵဝ်း​ ဢီႉသရေႇလႃႉ ၽိတ်း​ပိူင်ႈ​ယဝ်ႉ။-</verse>
				<verse number="14">ၵႃႈ​ၼႂ်း​ပရေႃးၽႅတ်ႈ ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ၵေႃႈ ၵဝ်​ႁၼ်​သၽေႃး​ဢၼ်​လီ​ႁင်ႈ​ဢဵတ်ႇ​သဵတ်ႇ​ယဝ်ႉ။ ၶဝ်​ၼၼ်ႉ​ႁဵတ်း​လူၺ်ႈ​မေႇ​ထုင်ႇ ဢၼ်​ဢမ်ႇ​တြႃး​ယူႇ၊ သုင်း​သွင်ႇ​မူႉ​သႃႇ​ယူႇ​သေ​လႄႈ ၸၢင်ႈ​ပၼ်​ႁႅင်း​တီႈ​မိုဝ်း​ၶဝ်​ၸိူဝ်း​ဢၼ်​ႁဵတ်း​ႁၢႆႉ​ႁဵတ်း​မိူၵ်ႈ​ၼၼ်ႉ ထၼ်ႈ​ပေႃး​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၸုၼ်ႉ​ပႅတ်ႈ​တၢင်း​ဢၼ်​ႁၢႆႉ​ဢၼ်​မိူၵ်ႈ ဢၼ်​မၼ်း​ႁဵတ်း​ၼၼ်ႉ​ဢေႃႈ။ ၶဝ်​ၵႃႈ​မီး​ၼၼ်ႉ ပဵၼ်​ၸိူဝ်ႉ​ၼင်ႇ ၵူၼ်း​ဝဵင်း​ သေႃးတုမ်ႇ ​လႄႈ ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​ၸမ်ႉ၊ ပဵၼ်​ၸိူဝ်ႉ​ၼင်ႇ​ၵူၼ်း​ဝဵင်း​ ၵေႃးမေႃးရႃႉ ​ၼၼ်ႉ​တီႈ​ၵဝ်​ဢေႃႈ။-</verse>
				<verse number="15">ပိူဝ်ႈ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​လူၺ်ႈ​လွင်ႈ ပရေႃးၽႅတ်ႈ​ၸိူဝ်း​ၼၼ်ႉ​ၸမ်ႉ၊ တူၺ်း​လူး၊ ၵဝ်​တၵ်း​ဢဝ်​မႂ်​တေႃးၼႃႉ လဵင်ႉ​လူ​ၶဝ်​လႄႈ ႁႂ်ႈ​ၶဝ်​သူတ်ႉ​ၵိၼ် ယႃႈ​ၶူမ်​ဢေႃႈ။ တၢင်း​ဢၼ်​ႁဵတ်း ဢမ်ႇ​ရူဝ်ႇ​သေႇ​ၵူဝ်​ယမ်​ၼၼ်ႉ ဢွၵ်ႇ​သေ​ၵႃႈ​တီႈ ပရေႃးၽႅတ်ႈ ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​လႄႈ ၸွတ်ႇ​တူဝ်ႈ​ၵႂႃႇ​တင်း​မိူင်း​ယဝ်ႉ။-</verse>
				<verse number="16">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ယႃႇ​ပေ​ဢွၼ်​ၵၼ် ထွမ်ႇ​ဢဝ်​ၵႂၢမ်း​သြႃႇ တင်း​လၢႆ ဢၼ်​ၸၢင်ႈ​ႁဵတ်း ပရေႃးၽႅတ်ႈ​လႄႈ ႁေႃး​လၢတ်ႈ​တီႈ​သူ​ၼၼ်ႉ။ ၶဝ်​ၼၼ်ႉ​ၸၢင်ႈ ဢွၼ်​ၵၼ်​ႁေႃး​လၢတ်ႈ လွင်ႈ​တၢင်း​ဢၼ်​လၢႆ​လၢႆ လွၵ်ႇ​လွၵ်ႇ တီႈ​သူ​ဢေႃႈ။ ၶဝ်​ယင်း​ဢမ်ႇ​ၸွမ်း ၵႂၢမ်း​ဢၼ်​ဢွၵ်ႇ​သူပ်း ထႃႇဝရႃႉ​ၽြႃး ၼၼ်ႉ​လႄႈ ၸၢင်ႈ​ဢွၼ်​ၵၼ်​ႁေႃး​လၢတ်ႈ​ၸွမ်း ရူႇပႃႇရူင်ႇ​ႁူဝ်​ၸႂ်​ၶဝ်​ဢေႃႈ။-</verse>
				<verse number="17">ၶဝ်​ၸၢင်ႈ​ဢွၼ်​ၵၼ်​ႁေႃး​လၢတ်ႈ တီႈ​ၶဝ်​ၸိူဝ်း​ဢၼ်​ႁဵတ်း ဢမ်ႇ​ပေႃး​ၼင်ႇ​ႁိုဝ်​တီႈ​ၵဝ် လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ သူ​တၵ်း​မီး​တၢင်း​ဢၼ်​ၼိမ် ဢၼ်​လီ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၸၢင်ႈ​ႁေႃး​လၢတ်ႈ တီႈ​ၶဝ်​ၸိူဝ်း​ဢၼ် ၸွမ်း​သၽေႃး တၢင်း​ဢၼ်​ႁူဝ်​ၸႂ်​တူဝ်​ၸဝ်ႈ​ၵဝ်ႇ ၵႅၼ်ႇ​ၶႅင်​ၼၼ်ႉ​လႄႈ​ဝႃႈ၊ သူ​ဢမ်ႇ​လႆႈ​ထူပ်း​ၽေး​ဢူႉ​ပၢတ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၽူႈ​လႂ်​ႁဵတ်း​တၢင်း​ဢၼ်​တိူင်ႇ​ပၢင်ႇ ႁူမ်ႈ​လူၺ်ႈ​ၵၼ်​တင်း ထႃႇဝရႃႉ​ၽြႃး ႁႂ်ႈ​လႆႈ​ႁူႉ​ႁၼ်​လႄႈ ငိၼ်း​ၼုၵ်ႈၵပၢတ်ႈ​မၼ်း​ၸဝ်ႈ။ ၽူႈ​လႂ် ထွမ်ႇ​ဢဝ်​ၼုၵ်ႈၵပၢတ်ႈ​မၼ်း​ၸဝ်ႈ​လႄႈ​ငိၼ်း။-</verse>
				<verse number="19">တူၺ်း​လူး၊ လူမ်း​ၽိဝ်ႇ​ႁုင် ထႃႇဝရႃႉ​ၽြႃး ဢၼ်​ဝႃႈ ဢၢႆ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ၼၼ်ႉ ဢွၵ်ႇ​မႃး​လႄႈ ပဵၼ်​လူမ်း​ၽိဝ်ႇ​ႁုင် ဢၼ်​ပၼ်ႇ​ၵၢဝ်ႉ​ပတ်ႉ​ထူဝ်း​ၼၼ်ႉ​ဢေႃႈ။ တၵ်း​ပတ်ႉ​ထူဝ်း​သႂ်ႇ​ၵႃႈ​ၼိူဝ် ႁူဝ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ႁႅင်း​ယႂ်ႇ​ၼႃႇ​လူင်​လၢင်​ဢေႃႈ။-</verse>
				<verse number="20">တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး တၵ်း​ဢမ်ႇ​ဝၢႆႇ​ဢမ်ႇ​ၶိုၼ်း တေႃႇ​ထိုင်​ႁွတ်ႈ​မၼ်း​ၸဝ်ႈ ထၼ်ႈ​ပေႃး​ၵွႆ​မိုဝ်း​မၼ်း​ၸဝ်ႈ​လႄႈ ႁႂ်ႈ​တၢင်း​ၵျၢမ်ႇ​တၢင်း​ပွင်​မၼ်း​ၸဝ်ႈ လႆႈ​ပျေႉ​ၸုမ်ႇ​ၼၼ်ႉ​ဢေႃႈ။ ၶိင်ႇ​မိုဝ်ႉ​ဝၼ်း​လိုၼ်း​ၼၼ်ႉ သူ​တၵ်း​ႁူႉ​ၸႅင်ႈ​လီ​လီ​ငၢမ်း​ငၢမ်း​ဢေႃႈ။-</verse>
				<verse number="21">ပရေႃးၽႅတ်ႈ​ၸိူဝ်း​ၼၼ်ႉ ၵဝ်​ယင်း​ဢမ်ႇ​ပွႆႇ​ၸႂ်ႉ​လႄႈ ၶဝ်​ဢွၼ်​ၵၼ်​ၶုၼ်ႇ​လႅၼ်ႈ​ယဝ်ႉ။ ၵဝ်​ယင်း​ဢမ်ႇ​သင်ႇ​လၢတ်ႈ​ဝႆႉ​တီႈ​ၶဝ်​လႄႈ၊ ၶဝ်​ဢွၼ်​ၵၼ်​ႁေႃး​လၢတ်ႈ​ယဝ်ႉ။-</verse>
				<verse number="22">သင်​ၶဝ်​ႁဵတ်း ၵေႃႉ​ဢၼ် တိူင်ႇ​ပၢင်ႇ​ႁူမ်ႈ​လူၺ်ႈ​ၵၼ်​တင်း​ၵဝ်​ၸိုင်၊ ၶဝ်​ႁႂ်ႈ​ၵူၼ်း​ၵဝ်​တင်း​လၢႆ လႆႈ​ငိၼ်း​ၵႂၢမ်း​ၵဝ်​လႄႈ ႁႂ်ႈ​ၶဝ်​ဝႄႈ​ပိူင်ႈ​သေ​ၵႃႈ​တီႈ သဵၼ်ႈ​တၢင်း​ဢၼ်​ဢမ်ႇ​တြႃး​ၶဝ် ဢိၵ်ႇ​တင်း သေ​ၵႃႈ​တီႈ​တၢင်း​ၵမ်​တၢင်း​ၵျၢင်ႉ ဢၼ်​ဢမ်ႇ​လီ​ဢမ်ႇ​ငၢမ်း​ၶဝ်​ၼၼ်ႉ​ယဝ်ႉ။-</verse>
				<verse number="23">ၵဝ်​ပဵၼ်​ၽြႃး ၵႃႈ​တီႈ​ဢၼ်​ၸမ်​ၵူၺ်း​ႁိုဝ်။ ၵႃႈ​တီႈ​ဢၼ်​ၵႆ​ၵေႃႈ ပဵၼ်​ၽြႃး​ယူႇ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ထၢမ်​ဢေႃႈ။-</verse>
				<verse number="24">ၽူႈ​လႂ်​တဵတ်ႇ​မႅပ်ႉ​ယူႇ ၵႃႈ​တီႈ​ဢၼ်​သိူင်ႇ ဢၼ်​လပ်ႉ​ၼၼ်ႉ ႁႂ်ႈ​ၵဝ်​ထၼ်ႈ​ပေႃး ဢမ်ႇ​ႁၼ်​မၼ်း​လႆႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ထၢမ်​ဢေႃႈ။ ၵဝ်​ၸွတ်ႇ​တူဝ်ႈ​ၽႃႉ​ၵၢင်​ႁၢဝ် ဢိၵ်ႇ​တင်း​လိၼ်​မိူင်း​ယူႇ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ထၢမ်​ဢေႃႈ။-</verse>
				<verse number="25">ၵဝ်​လႆႈ​ငိၼ်း​ၵႂၢမ်း ပရေႃးၽႅတ်ႈ ဢၼ်​ဢိင်​ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ ဢဝ်​ၵႂၢမ်း​မူႉ​သႃႇ​ႁေႃး​လၢတ်ႈ​လႄႈ​ဝႃႈ၊ ၵဝ်​ၼွၼ်း​ၽၼ်​ႁၼ်​ယဝ်ႉ၊ ၵဝ်​ၼွၼ်း​ၽၼ်​ႁၼ်​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ။-</verse>
				<verse number="26">ပရေႃးၽႅတ်ႈ ဢၼ်​ၸၢင်ႈ​ႁေႃး​လၢတ်ႈ​ၵႂၢမ်း မူႉ​သႃႇ​ၸိူဝ်း​ၼၼ်ႉ တၵ်း​ဢွၼ်​ၵၼ် ၵျၢမ်ႇ​ပွင်​ၸိူဝ်ႉ​ၼင်ႇ​ၼႆ ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ၸၢင်ႈ​ႁေႃး​လၢတ်ႈ​ၸွမ်း​ၵႃႈ​ၼင်ႇ​ဢၼ် ႁူဝ်​ၸႂ်​ၶဝ်​ပႅတ်ႉ​လႅၼ်​ၼၼ်ႉ​ဢေႃႈ။-</verse>
				<verse number="27">ၶဝ်​မီး​တၢင်း​ၵျၢမ်ႇ​တၢင်း​ပွင် တၵ်း​ႁႂ်ႈ​ၵူၼ်း​ၵဝ်​တင်း​လၢႆ လူင်​လိုမ်း​ၼႃႇ​မႃႉ​ၸိုဝ်ႈ​သဵင်​ၵဝ် ၵွပ်ႈ​ပိူဝ်ႈ​တၢင်း​ဢၼ်​ၼွၼ်း​ၽၼ်​ႁၼ် ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၸၢင်ႈ​လၢတ်ႈ​တီႈ​ၵူၼ်း​ႁိူၼ်း​ၸမ်​ၵၼ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​ပူႇ​ၶဝ်​မွၼ်ႇ​ၶဝ် လူင်​လိုမ်း​ၼႃႇ​မႃႉ​ၸိုဝ်ႈ​သဵင်​ၵဝ် ၵွပ်ႈ​ပိူဝ်ႈ​ၽြႃး ပႃႇလႃႉ ​ၼၼ်ႉ​လူင်​ပႄႇ။-</verse>
				<verse number="28">ႁႂ်ႈ​ပရေႃးၽႅတ်ႈ ဢၼ်​မီး​တၢင်း​ဢၼ်​ၼွၼ်း​ၽၼ်​ႁၼ်​ၼၼ်ႉ လၢတ်ႈ​ၵႂၢမ်း​ဢၼ် ၼွၼ်း​ၽၼ်​ႁၼ်​ၼၼ်ႉ သေ​ၵမ်း၊ ႁႂ်ႈ​ၵေႃႉ​ဢၼ်​လႆႈ​ၶၢမ်ႇ​ဢဝ် ၼုၵ်ႈၵပၢတ်ႈ​ၵဝ်​ၼၼ်ႉ ႁေႃး​လၢတ်ႈ​ၵႂၢမ်း​ၼုၵ်ႈၵပၢတ်ႈ​ၵဝ် မၢၼ်ႇ​မၢၼ်ႇ​မႅၼ်ႈ​မႅၼ်ႈ သေ​ၵမ်း။ ၶဝ်ႈ​ဢၼ်​လိပ်ႈ​ဢၼ်​ၽၢင်း​ၼၼ်ႉ ၸၢပ်ႈ​သႅင်ႇ​ၵၼ်​တင်း ၶဝ်ႈ​ပိူၵ်ႇ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="29">ၼုၵ်ႈၵပၢတ်ႈ​ၵဝ် ပဵၼ်​ၸိူဝ်ႉ​ၼင်ႇ​ၽႆး ဢိၵ်ႇ​တင်း ၸိူဝ်ႉ​ၼင်ႇ​ၶွၼ်ႉ​လဵၵ်း ဢၼ်​ပေႃႉ​ထုပ်ႉ​မၢၵ်ႇ​ႁိၼ် ႁႂ်ႈ​လႅဝ်​ၼၼ်ႉ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ထၢမ်​ဢေႃႈ။-</verse>
				<verse number="30">ပိူဝ်ႈ​ၼႆ​လႄႈ ၵဝ်​တၵ်း​ႁဵတ်း​ၶတ်း​ၵၼ်​တင်း ပရေႃးၽႅတ်ႈ ဢၼ်​ၵူႈ​ၵေႃႉ​ၵူႈ​ၵူၼ်း ၼင်ႇ​ၵၼ်​ၵၼ် လၵ်ႉ​ဢဝ်​ၵႂၢမ်း​ၵဝ် တီႈ​ၵူၼ်း​ႁိူၼ်း ၸမ်​ၵၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="31">တူၺ်း​လူး၊ ၵဝ်​တၵ်း​ႁဵတ်း​ၶတ်း​ၵၼ်​တင်း​ပရေႃးၽႅတ်ႈ ဢၼ်​ဢဝ်​သူပ်း​ဢဝ်​လိၼ်ႉ​ၶဝ်​သေ​လႄႈ​ဝႃႈ မၼ်း​ၸဝ်ႈ​မီး​ဢမိင်ႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="32">ၵဝ်​တၵ်း ႁဵတ်း​ၶတ်း​ၵၼ်​တင်း​ပရေႃးၽႅတ်ႈ ဢၼ်​ႁေႃး​လၢတ်ႈ​တၢင်း​ဢၼ်​ၼွၼ်း​ၽၼ်​ႁၼ် ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​လႄႈ ဢဝ်​တင်း​ၵႂၢမ်း​မူႉ​သႃႇ တင်း​ၵႂၢမ်း​ဢၼ်​လၢႆ​လၢႆ ဢမ်ႇ​ပွင်​လွင်ႈ​ၵႃႈ​သင် ႁႂ်ႈ​ၵူၼ်း​ၵဝ်​တင်း​လၢႆ ၽိတ်း​ပိူင်ႈ​ၼၼ်ႉ​ၸိူဝ်း​ၼၼ်ႉ​ဢေႃႈ။ ၵဝ်​ဢမ်ႇ​ပွႆႇ​ၸႂ်ႉ​ၶဝ်၊ ၵဝ်​ဢမ်ႇ​သင်ႇ​လၢတ်ႈ​ဝႆႉ​တီႈ​ၶဝ်​လႄႈ ၶဝ်​တၵ်း​ဢမ်ႇ​ပဵၼ်​ဢၵျူဝ်း တီႈ​ၵူၼ်း​မဵဝ်း​ၼႆႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="33">ပဵၼ်​မဵဝ်း​ၵူၼ်း​ၼႆႉ သေ​ဢမ်ႇ​ဝႃႈ၊ ပဵၼ်​ပရေႃးၽႅတ်ႈ သေ​ဢမ်ႇ​ဝႃႈ၊ ပဵၼ်​ယိတ်ႈပရေႃးႁဵၵ်ႈ သေ​ဢမ်ႇ​ဝႃႈ၊ ပေႃး​သေ​ၵေႃႉ​သေ​ၵူၼ်း ထၢမ်​တီႈ​မႂ်း​လႄႈ​ဝႃႈ၊ ပျႃႇ​တိၵ်ႈ ထႃႇဝရႃႉ​ၽြႃး ပဵၼ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၸိုင်၊ မႂ်း​တၵ်း​လႆႈ​ၶိုၼ်း​လၢတ်ႈ​လႄႈ​ဝႃႈ၊ ပျႃႇ​တိၵ်ႈ​ၸဝ်ႈ​ဢၼ်​လႂ်။ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ၸုၼ်ႉ​ပႅတ်ႈ​သူ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ပရေႃးၽႅတ်ႈ၊ ယိတ်ႈပရေႃးႁဵၵ်ႈ၊ ၵူႈ​ဝၢၼ်ႈ​ၵူႈ​မိူင်း​ဢၼ်​လၢတ်ႈ​လႄႈ​ဝႃႈ၊ ပျႃႇ​တိၵ်ႈ ထႃႇဝရႃႉ​ၽြႃး မီး​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊ ၵဝ်​တၵ်း​ပၼ်​တၢမ်ႇ​တီႈ​မၼ်း ဢိၵ်ႇ​တင်း တီႈ​ၵူၼ်း​ႁိူၼ်း​ၵူၼ်း​ယေး​မၼ်း ၼၼ်ႉ​ဢေႃႈ။-</verse>
				<verse number="35">သူ​ၵူႈ​ၵေႃႉ​ၵူႈ​ၵူၼ်း တီႈ​ၵူၼ်း​ႁိူၼ်း​ၸမ်​ၵၼ်၊ ၵူႈ​ၵေႃႉ​ၵူႈ​ၵူၼ်း​တီႈ​ပီႈ​ၼွင်ႉ​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ် တၵ်း​လႆႈ​တွင်ႈ​ထၢမ်​တီႈ​ၵၼ်​လႄႈ​ဝႃႈ၊ ထႃႇဝရႃႉ​ၽြႃး ၶိုၼ်း​လၢတ်ႈ​ၸိူဝ်ႉ​ၼင်ႇ​ႁိုဝ်​ယဝ်ႉ။ ထႃႇဝရႃႉ​ၽြႃး မီး​ဢမိင်ႉ​ၸိူဝ်ႉ​ၼင်ႇ​ႁိုဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ၵမ်း​လိုၼ်း ဢမ်ႇ​လႆႈ​လၢတ်ႈ​လႄႈ​ဝႃႈ၊ ပျႃႇ​တိၵ်ႈ ထႃႇဝရႃႉ​ၽြႃး မီး​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ။ ၵႂၢမ်း​ၵူႈ​ၵေႃႉ​ၵူႈ​ၵူၼ်း​ၼၼ်ႉ ပဵၼ်​ပျႃႇ​တိၵ်ႈ​တူဝ်​မၼ်း​ၵူၺ်း​ဢေႃႈ။ လွင်ႈ​မၼ်း​ၸမ်ႉ သူ​ဢွၼ်​ၵၼ်​ယႃႉ​ၵႂၢမ်း​ၽြႃး​ဢၼ် ဢသၢၵ်ႈ​လိပ်း​ယူႇ​ဢၼ်​ဝႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​ပႅတ်ႈ​ယဝ်ႉ။-</verse>
				<verse number="37">မႂ်း​တၵ်း​လႆႈ တွင်ႈ​ထၢမ်​တီႈ​ပရေႃးၽႅတ်ႈ လႄႈ​ဝႃႈ၊ ထႃႇဝရႃႉ​ၽြႃး ၶိုၼ်း​လၢတ်ႈ​ၸိူဝ်ႉ​ၼင်ႇ​ႁိုဝ် တီႈ​မႂ်း​ယဝ်ႉ။ ထႃႇဝရႃႉ​ၽြႃး မီး​ဢမိင်ႉ ၸိူဝ်ႉ​ၼင်ႇ​ႁိုဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="38">ပေႃး​သူ​ဢွၼ်​ၵၼ်​လၢတ်ႈ​လႄႈ​ဝႃႈ၊ ပျႃႇ​တိၵ်ႈ ထႃႇဝရႃႉ​ၽြႃး မီး​ယဝ်ႉ။ ထႃႇဝရႃႉ​ၽြႃး မီး​ဢမိင်ႉ​ယဝ်ႉ၊ ဝႃႈ​ၼင်ႇ​ၼႆ​ၸိုင်၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပိၵ်ႉ​သမ်ႉ​ၵဝ်​ပိင်း​ၺၢပ်ႈ​ဝႆႉ ႁႂ်ႈ​သူ​ဢမ်ႇ​လႆႈ​လၢတ်ႈ​လႄႈ​ဝႃႈ၊ ပျႃႇ​တိၵ်ႈ ထႃႇဝရႃႉ​ၽြႃး မီး​ယဝ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊ ၵွပ်ႈ​ပိူဝ်ႈ ဢၼ်​သူ​ဢွၼ်​ၵၼ် သုင်း​သွင်ႇ​ၵႂၢမ်း​ဢၼ်​လၢတ်ႈ​လႄႈ​ဝႃႈ၊ ပျႃႇ​တိၵ်ႈ ထႃႇဝရႃႉ​ၽြႃး​မီး​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊-</verse>
				<verse number="39">ၵဝ်​တၵ်း​ၵွပ်ႇ​ဢဝ်​သူ ဢိၵ်ႇ​တင်း ဝဵင်း​ဢၼ်​ၵဝ်​ပၼ်​တီႈ​သူ ဢိၵ်ႇ​တင်း ပူႇ​သူ​မွၼ်ႇ​သူ​ၼၼ်ႉ​လႄႈ ဢဝ်​သူ​ထိမ်ႈ​ပႅတ်ႈ​သေ​ၵႃႈ​တီႈ​ၵဝ် သဵင်ႈ​သဵင်ႈ​မူတ်း​မူတ်း​ဢေႃႈ။-</verse>
				<verse number="40">ၵဝ်​တၵ်း​ႁႂ်ႈ​တၢင်း​ဢၼ် သႄႉ​သွမ်း​ထႃႇဝရႃႉ ဢိၵ်ႇ​တင်း တၢင်း​ဢၼ်​ဢူၵ်း​ဢၢႆ ဢၼ်​သိုပ်ႇ​တၢမ်း​ယူႇ​တႃႇ​သေႇ ဢၼ်​ဢမ်ႇ​လူင်​လႆႈ​လိုမ်း​လႆႈ​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​သူ​ဢေႃႈ။</verse>
			</chapter>
			<chapter number="24">
				<verse number="1">ထႃႇဝရႃႉ​ၽြႃး ၼႄ​ပျႃး​တီႈ​ၵဝ်​လႄႈ ၵဝ်​လႆႈ​ႁၼ်​ပဵတ်ႈ​မၢၵ်ႇ​လိူဝ်ႇ​သၢင်း​ၽေႃး ဢၼ်​တမ်း​ဝႆႉ ၵႃႈ​တီႈ​ၽၢႆႇ​ၼႃႈ ပိၵ်ႈ​မၢၼ်ႇ ထႃႇဝရႃႉ​ၽြႃး သွင်​လုၵ်ႈ​ၼၼ်ႉ လိုၼ်း​သေ​ဢၼ် ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ သိမ်း​ဢဝ်​ၶုၼ်​ ယေႇၶေႃးၼီႉ လုၵ်ႈ​ၸၢႆး​ ယေႃးယၵိမ်း ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း မူး​မၢတ်ႈ​ၽွင်း​မိူင်း​ ယူႉတႃႉ ​လႂ်၊ လၢၵ်ႈသမႃး​လႂ်၊ ၸၢင်ႈ​လဵၵ်း​လႂ်​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ၼၼ်ႉ​ဢေႃႈ။-</verse>
				<verse number="2">ပဵတ်ႈ​လုၵ်ႈ​ၼိုင်ႈ​ၸမ်ႉ၊ မီး​တဵမ်​ဝႆႉ​တင်း မၢၵ်ႇ​လိူဝ်ႇ​သၢင်း​ၽေႃး ဢၼ်​လီ​ၼႃႇ​လူင်​လၢင် မိူၼ်​ၸိူဝ်ႉ​ၼင်ႇ မၢၵ်ႇ​လိူဝ်ႇ​သၢင်း​ၽေႃး ဢၼ်​မၢၵ်ႇ​ဢွၼ်​တၢင်း​ပိူၼ်ႈ ၼၼ်ႉ​ဢေႃႈ။ လုၵ်ႈ​ၼိုင်ႈ​ၸမ်ႉ၊ မီး​တဵမ်​ဝႆႉ​တင်း မၢၵ်ႇ​လိူဝ်ႇ​သၢင်း​ၽေႃး ဢၼ်​ၺၢမ်ႉ​ၼႃႇ​လူင်​လၢင် ထၼ်ႈ​ပေႃး​ဢမ်ႇ​ၵိၼ်​လႆႈ ၵွပ်ႈ​ပိူဝ်ႈ​ဢၼ်​ၺၢမ်ႉ​ၼၼ်ႉ​ဢေႃႈ။-</verse>
				<verse number="3">ထႃႇဝရႃႉ​ၽြႃး ၵေႃႈ​ထၢမ်​တီႈ​ၵဝ်​လႄႈ​ဝႃႈ၊ ယေႇရမီႉ ​ဢိူၺ်း၊ မႂ်း​ႁၼ်​ၵႃႈ​သင်၊ ဝႃႈ​ၼင်ႇ​ၼႆ​လႄႈ၊ ၵဝ်​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ မၢၵ်ႇ​လိူဝ်ႇ သၢင်း​ၽေႃး​တီႈ​ၶႃႈ​ဢေႃႈ။ မၢၵ်ႇ​လိူဝ်ႇ​သၢင်း​ၽေႃး​ဢၼ်​လီ​ၼၼ်ႉ လီ​ၼႃႇ​လူင်​လၢင်​တီႈ​ၶႃႈ​ဢေႃႈ။ မၢၵ်ႇ​လိူဝ်ႇ​သၢင်း​ၽေႃး ဢၼ်​ၺၢမ်ႉ​ၼၼ်ႉ ၺၢမ်ႉ​ထၼ်ႈ​ပေႃး​ဢမ်ႇ​ၵိၼ်​လႆႈ ၵွပ်ႈ​ပိူဝ်ႈ​ဢၼ်​ၺၢမ်ႉ​ၼၼ်ႉ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">လႆႈ​သမ်ႉ ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊-</verse>
				<verse number="5">ၵဝ်​တၵ်း မၢတ်ႈ​ၵူၼ်း​မဵဝ်း​ ယူႉတႃႉ ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ ဢၼ်​ၵဝ်​ပွႆႇ​ဢွၵ်ႇ သေ​ၵႃႈ​တီႈ​ၼႆႈ ၵႂႃႇ​ၸူး​ၵႃႈ​တီႈ မိူင်း​ ၶႃႇလတေး ပုၼ်ႈ​ဢၼ်​တၵ်း​ပဵၼ်​ဢၵျူဝ်း တီႈ​ၶဝ်​ၼၼ်ႉ​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ မၢၵ်ႇ​လိူဝ်ႇ​သၢင်း​ၽေႃး ဢၼ်​လီ​ၸိူဝ်း​ၼႆႉ​ဢေႃႈ။-</verse>
				<verse number="6">ၵဝ်​တၵ်း​ဢဝ်​တႃ​ၵဝ် ယႅၵ်ႉ​ၶဝ်​ယဵင်း​ၶဝ်​ယူႇ ပုၼ်ႈ​ဢၼ်​တၵ်း​ပဵၼ်​ဢၵျူဝ်း​တီႈ​ၶဝ်​လႄႈ သမ်ႉ​ၶိုၼ်း​ဢဝ်​ၶဝ်​မႃး ၵႃႈ​တီႈ​မိူင်း​ၼႆႉ​လူး​ၵွၼ်ႇ​ဢေႃႈ။ ၵမ်း​လိုၼ်း ၵဝ်​ယင်း​ဢမ်ႇ​ၵိူၼ်ႇ​ဢမ်ႇ​ယႃႉ​ၶဝ်​လႄႈ တၵ်း​တႄႇ​ႁဵတ်း​ၶဝ်​ဢေႃႈ။ ၵဝ်​ယင်း ဢမ်ႇ​ထူၺ်ႈ​ဢမ်ႇ​ထွၼ်​ၶဝ်​ပႅတ်ႈ​လႄႈ တၵ်း​ၽုၵ်ႇ​တၵ်း​သွမ်ႈ​ၶဝ်​ဝႆႉ​ဢေႃႈ။-</verse>
				<verse number="7">ၵဝ်​တၵ်း​ပၼ်​ႁူဝ်​ၸႂ်​ဢၼ်​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​လႆႈ​ၼၼ်ႉ တီႈ​ၶဝ်​ဢေႃႈ။ ၶဝ်​တၵ်း​ဢွၼ်​ၵၼ်​ပဵၼ်​ၵူၼ်း​ၵဝ်​လႄႈ ၵဝ်​ၵေႃႈ​တၵ်း​ပဵၼ် ၽြႃး​ပဵၼ်​ၸဝ်ႈ​ၶဝ်​ဢေႃႈ။ ၶဝ်​တၵ်း​ဢွၼ်​ၵၼ် ပႃး​တင်း​ႁူဝ်​ၸႂ်​သဵင်ႈ​သဵင်ႈ ၶိုၼ်း​မႃး​တီႈ​ၵဝ်​ဢေႃႈ။-</verse>
				<verse number="8">ၸိူဝ်ႉ​ၼင်ႇ​မၢၵ်ႇ​လိူဝ်ႇ​သၢင်း​ၽေႃး​ဢၼ်​ၺၢမ်ႉ ထၼ်ႈ​ပေႃး​ဢမ်ႇ​ၵိၼ်​လႆႈ ၵွပ်ႈ​ပိူဝ်ႈ ဢၼ်​ၺၢမ်ႉ​ၼၼ်ႉ​ၸမ်ႉ၊ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ႁႂ်ႈ​ ၸေႇတၵီႉ ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း မူး​မၢတ်ႈ​ၽွင်း​မိူင်း​လႂ်၊ ၵူၼ်း​ဝဵင်း​ ယေႇရူႉသလႅမ်ႇ ဢၼ်​ၵိုတ်း​ၵျၢၼ်ႇ​ဝႆႉ ၵႃႈ​ၼႂ်း​မိူင်း​ၼႆႉ​လႂ်၊ ၶဝ်​ၸိူဝ်း​ဢၼ် ယူႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႂ်​ၸိူဝ်း​ၼၼ်ႉ ပဵၼ်​ဢေႃႈ။-</verse>
				<verse number="9">ၵဝ်​တၵ်း​ႁႂ်ႈ​ၶဝ် လႆႈ​ၶၢမ်ႇ​တၢင်း​ဢၼ် ဢဝ်​ထိမ်ႈ​ၵႂႃႇ​ထိမ်ႈ​ၶိုၼ်း​ယူႇ​ၵႃႈ​ၼႂ်း ၵူႈ​သိုင်ႇ​ၵူႈ​မိူင်း ပုၼ်ႈ​တၢင်း​ဢၼ် ဢမ်ႇ​လီ​ဢမ်ႇ​ငၢမ်း​ၶဝ် ႁႂ်ႈ​ၶဝ်​လႆႈ​ပဵၼ် တီႈ​ဢၼ်​သႄႉ​ဢၼ်​သွမ်း၊ တီႈ​ဢၼ်​ႁဵတ်း​ဢပုမ်ႇ​တႅၵ်ႈ တီႈ​ဢၼ်​လႃႇ​လင်​ၵိၼ်ႇ​လႃႇ ၵႃႈ​ၼႂ်း​တီႈ​ဢၼ် ၵဝ်​ႁေႃႈ​ၶဝ်​ပႅတ်ႈ ၵူႈ​တီႈ​ၵူႈ​လႅၼ် ၼၼ်ႉ​ဢေႃႈ။-</verse>
				<verse number="10">ၵဝ်​တၵ်း​ပွႆႇ​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း ၸူး​ၵႃႈ​တီႈ​ၶဝ်​တေႃႇ​ထိုင်​ႁွတ်ႈ​ၶဝ် ထၼ်ႈ​ပေႃး လႆႈ​ၶၢမ်ႇ​တၢင်း​ဢၼ် ပႄႇ​မူတ်း​ပႅတ်ႈ​သေ ၵႃႈ​ၼႂ်း​မိူင်း​ဢၼ်​ၵဝ်​ပၼ် တီႈ​ပူႇ​ၶဝ်​မွၼ်ႇ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="25">
				<verse number="1">ၼုၵ်ႈၵပၢတ်ႈ ၸဝ်ႈ​ဢၼ်​ႁွတ်ႈ​မႃး​တီႈ​ ယေႇရမီႉ လူၺ်ႈ​လွင်ႈ​ၵူၼ်း​မိူင်း​ ယူႉတႃႉ ​ၵႃႈ​မီး​ၼႂ်း​ပီႊ​ဢၼ်​ ယေႃးယၵိမ်း လုၵ်ႈ​ၸၢႆး​ၶုၼ်​လူင်​ ယူဝ်းသီႉယႃႉ ၶုၼ်​ႁေႃ​ၶမ်း​မိူင်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ ပီႊ​ၸတုၵ်ႉထႃႉ၊ မိူဝ်ႈ​ဢၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ၸၢမ်ႇ​ႁၢင်ႈ​ၸၢမ်ႇ​ႁေႃ​ပီႊ​ပထမႃႉ​ၼၼ်ႉ။-</verse>
				<verse number="2">ဢၼ်​ ယေႇရမီႉ ဢဝ်​သင်ႇ​လၢတ်ႈ​ႁေႃး​လၢတ်ႈ​တီႈ​ၵူၼ်း​မိူင်း​ ယူႉတႃႉ ​ၵႃႈ​မီး ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ ​ၵႃႈ​မီး ၼၼ်ႉ​ၸမ်ႉ၊-</verse>
				<verse number="3">ၸႃႉ​ၸဵမ်​ ယူဝ်းသီႉယႃႉ လုၵ်ႈ​ၸၢႆး​ ဢႃႇမုၼ်ႇ ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​သၢမ်​ပီႊ​လႄႈ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ သၢဝ်း​ပၢႆ​သၢမ်​ပီႊ တဵမ်​တဵမ်၊ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ ၵဝ်​လုၵ်ႉ ၸဝ်ႉ​ၸဝ်ႉ​ၸဵဝ်း​ၸဵဝ်း သေ​လႄႈ ဢဝ်​သင်ႇ​လၢတ်ႈ​တီႈ​သူ​ယူႇ ၶိူဝ်း​ၶိူဝ်း​ယႂ်း​ယႂ်း​ဢေႃႈ။ ၵူၺ်း​ၵႃႈ သူ​ယင်း​ဢမ်ႇ​ထွမ်ႇ​ဢမ်ႇ​ဢဝ်​လႄႈ ဢွၼ်​ၵၼ်​ယူႇ​ယဝ်ႉ။-</verse>
				<verse number="4">ထႃႇဝရႃႉ​ၽြႃး​ၵေႃႈ လုၵ်ႉ​ၸဝ်ႉ​ၸဝ်ႉ​လႄႈ ပွႆႇ​ၸႂ်ႉ​ၶႃႈ​မၼ်း​ၸဝ်ႈ ပရေႃးၽႅတ်ႈ တင်း​သဵင်ႈ​တင်း​လူင် မႃး​တီႈ​သူ​ၶိူဝ်း​ၶိူဝ်း​ယႂ်း​ယႂ်း​ဢေႃႈ။ ၵူၺ်း​ၵႃႈ သူ​ယင်း​ဢမ်ႇ​ထွမ်ႇ​ဢမ်ႇ​ဢဝ်၊ ယင်း​ဢမ်ႇ​ႁေႈ​ႁူ​ၸူး ႁႂ်ႈ​လႆႈ​ငိၼ်း​လႄႈ ယူႇ​ယဝ်ႉ။-</verse>
				<verse number="5">ၶဝ်​ၼၼ်ႉ ၸၢင်ႈ​လၢတ်ႈ​လႄႈ​ဝႃႈ၊ ဢွၼ်​ၵၼ်​ၶိုၼ်း​မႃး​သေ​ၵႃႈ​တီႈ သဵၼ်ႈ​တၢင်း​ဢၼ်​ႁၢႆႉ​ဢၼ်​မိူၵ်ႈ​သူ ဢိၵ်ႇ​တင်း သေ​ၵႃႈ​တီႈ​တၢင်း​ၵမ်​တၢင်း​ၵျၢင်ႉ​ဢၼ်​ႁၢႆႉ​ဢၼ်​ယုတ်ႈ​ၼၼ်ႉ ႁင်း​ၽႂ်​ႁင်း​မၼ်း​လႄႈ ယူႇ​ၵႃႈ​ၼႂ်း​မိူင်း​ဢၼ် ထႃႇဝရႃႉ​ၽြႃး ပၼ်​တီႈ​သူ ဢိၵ်ႇ​တင်း ပူႇ​သူ​မွၼ်ႇ​သူ​ၸိူဝ်း​ၼၼ်ႉ ယူႇ​သေႇ​သေႇ​တႃႉ။-</verse>
				<verse number="6">ယႃႇ​ပေ​ဢွၼ်​ၵၼ်​ၸွမ်း​လင်​ၽြႃး တၢင်ႇ​သူႇ​တၢင်ႇ​ပႃး​လႄႈ ႁဵတ်း​ဝၢတ်ႈ​ၵူဝ်း​ၵႂၢႆႇ​ၶဝ်။ ယႃႇ​ပေ​ဢဝ်​လွင်ႈ​တၢင်း​ဢၼ် မိုဝ်း​သူ​ႁဵတ်း​ၼၼ်ႉ ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ဢွၵ်ႇ။ ၵဝ်​ၵေႃႈ တၵ်း​ဢမ်ႇ​ၼိၵ်ႈ​ၸၢၵ်ႈ​ငႅၼ်း​သႄး​သူ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​ဝႃႈ​ၼၼ်​သေ​ၵေႃႈ ယင်း​ဢမ်ႇ​ထွမ်ႇ​ဢမ်ႇ​ဢဝ် ၵႂၢမ်း​ၵဝ်​လႄႈ ဢွၼ်​ၵၼ်​ယူႇ​ႁႂ်ႈ​မီး​ဢၶႂၢင်ႉ ဢၼ်​ဢဝ်​လွင်ႈ​တၢင်း​ဢၼ်​မိုဝ်း​သူ ႁဵတ်း​ၸိူဝ်း​ၼၼ်ႉ ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ဢွၵ်ႇ ႁႂ်ႈ​ဢၵျူဝ်း​သူ​လႆႈ​လဵၵ်ႉ​ၵေႇ​သုတ်ႈ​ယွမ်း​ၵႂႃႇ​ယဝ်ႉ။-</verse>
				<verse number="8">ပိူဝ်ႈ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​သူ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်​လႄႈ၊-</verse>
				<verse number="9">ၵဝ်​သင်ႇ​လၢတ်ႈ​ၵႂႃႇ​လႄႈ ဢဝ်​ၵူၼ်း​မိူင်း​တၢင်း​ႁွင်ႇ ၵူႈ​ၸိူဝ်ႉ​ၵူႈ​မဵဝ်း ဢိၵ်ႇ​တင်း​ၶႃႈ​ၵဝ် ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၸိူဝ်း​ၼၼ်ႉ မႃး​ႁႂ်ႈ​လႆႈ​တိုၵ်း​တေႃး မိူင်း​ၼႆႉ ဢိၵ်ႇ​တင်း ၵူၼ်း​ဝၢၼ်ႈ​ၵူၼ်း​မိူင်း မိူင်း​ၼႆႉ တင်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ယူႇ​ၵႃႈ​တီႈ​လဵပ်ႈ​ႁွပ်ႈ ႁိမ်း​ႁွမ်း ၸိူဝ်း​ၼၼ်ႉ​လႄႈ၊ ၵဝ်​တၵ်း​ယႃႉ​ၶဝ်​ပႅတ်ႈ မူတ်း​မူတ်း​သဵင်ႈ​သဵင်ႈ​လႄႈ ႁႂ်ႈ​ၶဝ်​ပဵၼ် တီႈ​ဢၼ်​လီ​ဢၢမ်း၊ တီႈ​ဢၼ်​ႁဵတ်း​သဵင် သီႉ​သီႉ​သေႃႉ​သေႃႉ​သႄႉ​သွမ်း၊ တီႈ​ဢၼ် သဵတ်ႇ​ၵူၼ်း​ယဵၼ်​ၵူၼ်း ယူႇ​တႃႇ​သေႇ​ဢေႃႈ။-</verse>
				<verse number="10">ၵဝ်​တၵ်း​ႁႂ်ႈ​သဵင်​ဢၼ်​ၸူမ်း​ပျေႃႇ၊ သဵင်​ဢၼ်​သႂၢင်ႇ​သိူဝ်း၊ သဵင်​ၵူၼ်း​ၸၢႆး​ဢၼ်​သွင်ႇ​မင်ႇၵလႃႇ၊ သဵင်​ၵူၼ်း​ယိင်း​ဢၼ်​သွင်ႇ​မင်ႇၵလႃႇ၊ သဵင်​လူၺ်​ဢၼ်​ၶိုတ်ႈ ဢိၵ်ႇ​တင်း ဢၼ်​လႅင်း​ဝၢၼ်ႇ​ၽႆး​တဵၼ်း ၸိူဝ်း​ၼၼ်ႉ လပ်ႉ​ႁၢႆ​ၵႂႃႇ​သေ​ၵႃႈ​ၼႂ်း​ၶဝ်​ၼႆႉ​ဢေႃႈ။-</verse>
				<verse number="11">မိူင်း​ၼႆႉ​တင်း​မိူင်း တၵ်း​ပဵၼ်​တီႈ​ဢၼ် သဵတ်ႇ​ၵူၼ်း​ယဵၼ်​ၵူၼ်း၊ တီႈ​ဢၼ်​လီ​ဢၢမ်း​ဢေႃႈ။ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၸိူဝ်း​ၼႆႉ တၵ်း​လႆႈ​ဢွၼ်​ၵၼ်​ၵိုတ်ႉ​ႁၢပ်ႇ​ဢမူႉ ၶုၼ်​ႁေႃ​ၶမ်း​ ပႃႇပူႉလုၼ်ႇ ၸဵတ်း​သိပ်း​ပီႊ​တဵမ်​တဵမ်​ဢေႃႈ။-</verse>
				<verse number="12">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူဝ်ႈ​ဢၼ်​ၸေး ၸဵတ်း​သိပ်း​ပီႊ​ယဝ်ႉ​ၼၼ်ႉ​ၸိုင်၊ ၵဝ်​တၵ်း​ပၼ်​တၢမ်ႇ တီႈ​ၶုၼ်​ႁေႃ​ၶမ်း​ ပႃႇပူႉလုၼ်ႇ ဢိၵ်ႇ​တင်း​မိူင်း​မၼ်း​ဢၼ်​ဝႃႈ သိုင်ႇ​ၸိုင်ႈ​ဝၢၼ်ႈ​မိူင်း​ ၶႃႇလတေး ​ၼၼ်ႉ ၵွပ်ႈ​ပိူဝ်ႈ​ဢပႅတ်ႈ​ၶဝ်​လႄႈ ႁႂ်ႈ​မိူင်း​ၼၼ်ႉ ပဵၼ်​တီႈ​ဢၼ် သဵတ်ႇ​ၵူၼ်း​ယဵၼ်​ၵူၼ်း ယူႇ​တႃႇ​သေႇ​ဢေႃႈ။-</verse>
				<verse number="13">ၵဝ်​တၵ်း​ႁႂ်ႈ ၵႂၢမ်း​ဢၼ်​ၵဝ်​မၵ်း​ၶိၼ်း​ဝႆႉ တင်း​သဵင်ႈ​တင်း​လူင် ဢၼ်​ဝႃႈ ၵႂၢမ်း​ၵႃႈ​ဢၼ်​ ယေႇရမီႉ ​ႁေႃး​လၢတ်ႈ​ယူႇ​ၽၢႆႇ​ၼိုင်ႈ တင်း​သိုင်ႇ​ၸိုင်ႈ​ဝၢၼ်ႈ​မိူင်း တင်း​သဵင်ႈ​တင်း​လူင်​လႄႈ​တႅမ်ႈ​မၢႆ​ဝႆႉ ၵႃႈ​ၼႂ်း​လိၵ်ႈ​ၼႆႉ​ၸိူဝ်း​ၼၼ်ႉ တူၵ်း​ႁွတ်ႈ​ၵႃႈ​ၼိူဝ် သိုင်ႇ​ၸိုင်ႈ​ဝၢၼ်ႈ​မိူင်း​ၼၼ်ႉ​ဢေႃႈ။-</verse>
				<verse number="14">ၵူၼ်း​မဵဝ်း​ဢၼ်​ၼမ်​ၼႃႇ ဢိၵ်ႇ​တင်း ၶုၼ်​ႁေႃ​ၶမ်း ဢၼ်​ယႂ်ႇ​ၼႃႇ​ၸိူဝ်း​ၼၼ်ႉ ဢွၼ်​ၵၼ်​ၸႂ်ႉ​ၵိၼ်​ၶဝ်​ၼၼ်ႉ​လႄႈ ၵဝ်​တၵ်း​တွပ်ႇ​တႅၼ်း​ပၼ် ဢၵျူဝ်း​ဢပႅတ်ႈ ၸွမ်း​ၼင်ႇ တၢင်း​ၵမ်​တၢင်း​ၵျၢင်ႉ ဢၼ်​ၶဝ်​ၵမ်​ၵျၢင်ႉ ဢိၵ်ႇ​တင်း လွင်ႈ​တၢင်း​ဢၼ် ၶဝ်​ဢဝ်​မိုဝ်း​ၶဝ်​ႁဵတ်း ၼၼ်ႉ​ဢေႃႈ။</verse>
				<verse number="15">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​တီႈ​ၵဝ်​ၸမ်ႉ၊ ႁပ်ႉ​ၶၢမ်ႇ​ဢဝ်​ၵွၵ်း​ၼမ်ႉ​ၸပိတ်ႈ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ၼႆႉ ၵႃႈ​တီႈ​မိုဝ်း​ၵဝ်​လႄႈ ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ၵဝ်​ပွႆႇ​ၸႂ်ႉ​မႂ်း​ၸူး​ၸိူဝ်း​ၼၼ်ႉ သူတ်ႉ​ၵိၼ်​တႃႉ။-</verse>
				<verse number="16">ၶဝ်​ၼၼ်ႉ တၵ်း​သူတ်ႉ​ၵိၼ်​လႄႈ ႁွတ်ႈ​ထိုင်​တၢင်း​ဢၼ်​မဝ်း​လဝ်ႈ​ဝၢင်ႇ​ဝီႈ​ဝၢင်ႇ​ဝိူဝ်ႈ ၵွပ်ႈ​ပိူဝ်ႈ​လၢပ်ႇ​လႅဝ်း ဢၼ်​ၵဝ်​ပွႆႇ​ၸႂ်ႉ​ၵႂႃႇ​ၵႃႈ​ၼႂ်း​ၵၢင်​ၶဝ် ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="17">ၵဝ်​ႁပ်ႉ​ၶၢမ်ႇ​ဢဝ်​ၵွၵ်း​ၼၼ်ႉ ၵႃႈ​တီႈ​မိုဝ်း ထႃႇဝရႃႉ​ၽြႃး​လႄႈ ႁႂ်ႈ​ၵူၼ်း​မဵဝ်း​ၵႃႈ​မီး​ဢၼ် ထႃႇဝရႃႉ​ၽြႃး ပွႆႇ​ၸႂ်ႉ​ၵဝ်​ၵႂႃႇ​ၸူး​ၸိူဝ်း​ၼၼ်ႉ​သူတ်ႉ​ၵိၼ်​ဢေႃႈ။-</verse>
				<verse number="18">ၵူၼ်း​မဵဝ်း​ၸိူဝ်း​ၼၼ်ႉ​ၸမ်ႉ၊ ပႃး​ၵူၼ်း​ဝဵင်း​ ယေႇရူႉသလႅမ်ႇ ​လႂ်၊ ၵူၼ်း​မိူင်း​ ယူႉတႃႉ ​လႂ်၊ ၶုၼ်​ႁေႃ​ၶမ်း​ ယူႉတႃႉ ​လႂ်၊ မူး​မၢတ်ႈ​ၽွင်း​မိူင်း ဢၼ်​တၵ်း​လႆႈ​ၵိၼ် ႁႂ်ႈ​လႆႈ​ပဵၼ်​တီႈ​ဢၼ် သဵတ်ႇ​ၵူၼ်း​ယဵၼ်​ၵူၼ်း၊ တီႈ​ဢၼ်​လီ​ဢၢမ်း၊ တီႈ​ဢၼ်​ငိၼ်း​သဵင် ဢၼ်​ႁဵတ်း​သီႉ​သီႉ​သေႃႉ​သေႃႉ သႄႉ​သွမ်း၊ တီႈ​ဢၼ်​ၵိၼ်ႇ​လႃႇ ၵႃႈ​ၼင်ႇ​ဢၼ် ပဵၼ်​ဝၼ်း​မိူဝ်ႈ​ၼႆႉ​ၼၼ်ႉ​လႂ်၊-</verse>
				<verse number="19">ၶုၼ်​ ၽႃႇရေႃး ဢၼ်​လႆႈ​ဢုပ်ႉ​ပိူင်ႇ​မိူင်း​ ဢေႇၵိပ်ႉတူႉ ဢိၵ်ႇ​တင်း​ၶႃႈ​မၼ်း ၵူၼ်း​မၼ်း​လႂ်၊ မူး​မၢတ်ႈ​ၽွင်း​မိူင်း​မၼ်း​လႂ်၊ ၵူၼ်း​ဝၢၼ်ႈ​မိူင်း​မၼ်း​ၵႃႈ​မီး​လႂ်၊-</verse>
				<verse number="20">ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​လေႃး​လႄး လူၺ်ႈ​ၵၼ် တင်း​ၶဝ်​ၵႃႈ​မီး​လႂ်၊ ၶုၼ်​လူင်​မိူင်း​ ဢူႉၸႃႉ ​ၵႃႈ​မီး​လႂ်၊ ၶုၼ်​ ၽီႉလိတ်ႉတီႉ ၵႃႈ​မီး​လႂ်၊ ၵူၼ်း​မိူင်း​ ဢႃႇသၵေႇလုၼ်ႇ ၊ ၵူၼ်း​မိူင်း​ ၵႃႇၸႃႉ ၊ ၵူၼ်း​မိူင်း​ ဢေႇၵြုၼ်ႇ ၊ ၵူၼ်း​မိူင်း​ ဢႃႇၸုတ်ႉ ဢၼ်​ၵိုတ်း​ၵျၢၼ်ႇ​ဝႆႉ​လႂ်၊-</verse>
				<verse number="21">ၵူၼ်း​မိူင်း​ ဢေႇတုမ်ႇ ၊ ၵူၼ်း​မိူင်း​ မေႃႇၽႃႉ ၊ ၵူၼ်း​မိူင်း​ ဢမ်ႇမုၼ်ႇ ၊-</verse>
				<verse number="22">ၶုၼ်​လူင်​မိူင်း​ တူႉရူႉ ​ၵႃႈ​မီး၊ ၶုၼ်​လူင်​မိူင်း​ ၸီႉတုမ်ႇ ​ၵႃႈ​မီး၊ ၶုၼ်​လူင် ဢၼ်​လႆႈ​ဢုပ်ႉ​ပိူင်ႇ​မိူင်း ၵႃႈ​တီႈ​ၽၢႆႇ​ပုၼ်ႉ​ပၢင်ႇ​လၢႆႇ​ၸိူဝ်း​ၼၼ်ႉ​ၵႃႈ​မီး၊-</verse>
				<verse number="23">ၵူၼ်း​မိူင်း​ တေႇတၼ်ႇ ၊ ၵူၼ်း​မိူင်း​ တေႇမႃႉ ၊ ၵူၼ်း​မိူင်း​ ပူႉၸႃႉ ၊ မဵဝ်း​ၵူၼ်း​ဢၼ်​ၸၢင်ႈ​ထႃ​ၶူၼ်​ၵႅမ်ႈ​ၶူၼ်​ၵၢင်း၊-</verse>
				<verse number="24">ၶုၼ်​လူင်​ ဢရေႇပျႃႉ ​ၵႃႈ​မီး၊ ၶုၼ်​လူင် ဢၼ်​လႆႈ​ဢုပ်ႉ​ပိူင်ႇ ၵူၼ်း​မဵဝ်း ဢၼ်​လေႃး​လႄး​ၵၼ်​လႄႈ ယူႇ​ၵႃႈ​တီႈ​ထိူၼ်ႇ​ၸိူဝ်း​ၼၼ်ႉ ၵႃႈ​မီး၊-</verse>
				<verse number="25">ၶုၼ်​လူင်​မိူင်း​ ၸီႉမရီႉ ​ၵႃႈ​မီး၊ ၶုၼ်​လူင်​မိူင်း​ ဢေႇလမ်ႇ​ ​ၵႃႈ​မီး၊ ၶုၼ်​လူင်​မိူင်း​ မေႇတီႉ ​ၵႃႈ​မီး၊-</verse>
				<verse number="26">ၶုၼ်​လူင် မိူင်း​တၢင်း​ႁွင်ႇ​ၵႃႈ​မီး ပႃး​ၼိုင်ႈ​ယဝ်ႉ​ပႃး​ၼိုင်ႈ၊ ပဵၼ်​ဢၼ်​ၸမ်​သေ​ဢမ်ႇ​ဝႃႈ၊ ပဵၼ်​ဢၼ်​ၵႆ​သေ​ဢမ်ႇ​ဝႃႈ၊ ဢိၵ်ႇ​တင်း သိုင်ႇ​ၸိုင်ႈ​ဝၢၼ်ႈ​မိူင်း​လေႃးၵီႇ ၵႃႈ​ဢၼ်​မီး​ၵႃႈ​ၼိူဝ် ၼႃႈ​လိၼ်​မိူင်း​တင်း​ၼႃႈ လႂ်​ၸိူဝ်း​ၼၼ်ႉ​ဢေႃႈ။ လိုၼ်း​သေ​ၶဝ်​ၸိူဝ်း​ၼၼ်ႉ​ယဝ်ႉ​ၼၼ်ႉ ၶုၼ်​ႁေႃ​ၶမ်း​ သေးသိၵ်ႉ တၵ်း​လႆႈ​သူတ်ႉ​ၵိၼ်​ဢေႃႈ။-</verse>
				<verse number="27">မႂ်း​သင်ႇ​လၢတ်ႈ​ဝႆႉ တီႈ​ၶဝ်​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ လၢပ်ႇ​လႅဝ်း​ဢၼ်​ၵဝ်​ပွႆႇ​ၸႂ်ႉ​ၸူး ၵႃႈ​ၼႂ်း​ၵႄႈ​ၵၢင်​သူ​ၼၼ်ႉ​လႄႈ ဢွၼ်​ၵၼ်​သူတ်ႉ​ၵိၼ်​လႄႈ မဝ်း​ယူႇ၊ တူၼ်ႉ​ႁၢၵ်ႈ​ယူႇ၊ ပဵၼ်​လူမ်း​ယူႇ​တႃႉ။ ၵမ်း​လိုၼ်း​ယႃႇ​ပေ​လုၵ်ႉ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="28">ပေႃး​ၶဝ်​ဢမ်ႇ​ႁပ်ႉ​ၶၢမ်ႇ​ဢဝ် ၵွၵ်း​ၼၼ်ႉ တီႈ​မိုဝ်း​မႂ်း​ႁႂ်ႈ​လႆႈ​သူတ်ႉ​ၵိၼ်​ၸိုင်၊ မႂ်း​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ သူ​တၵ်း​လႆႈ​ဢွၼ်​ၵၼ် သူတ်ႉ​ၵိၼ် ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="29">လွင်ႈ​မၼ်း​ၸမ်ႉ ပေႃး​ၵဝ်​ၸႃႉ​ႁဵတ်း တၢင်း​ဢၼ်​ပၼ်​ဢပႅတ်ႈ တီႈ​ဝဵင်း​ဢၼ်​လႆႈ​ၶၢမ်ႇ​တၢင်း​ဢၼ် ႁွင်ႉ​ႁဵၵ်ႈ​လူၺ်ႈ​ၸိုဝ်ႈ​သဵင်​ၵဝ်​ၼၼ်ႉ​ၸိုင်၊ သူ​ယင်း​ဢမ်ႇ​လႆႈ​ၶၢမ်ႇ တၢမ်ႇ​ဢပႅတ်ႈ​လႃး​လႃး​လႄႈ တၵ်း​လႆႈ​ယူႇ​ႁိုဝ်။ သူ​ယင်း​ဢမ်ႇ​လႆႈ ၶၢမ်ႇ​တၢမ်ႇ​လႄႈ​ဢမ်ႇ​လႆႈ​ယူႇ။ ၵဝ်​တၵ်း​ႁွင်ႉ​ဢဝ်​လၢပ်ႇ ဢဝ်​လႅဝ်း ပွႆႇ​ၸႂ်ႉ​ၸူး​တီႈ ၵူၼ်း​လိၼ်​မိူင်း​ၵႃႈ​မီး တင်း​သဵင်ႈ​တင်း​လူင်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="30">ပိူဝ်ႈ​ၼႆ​လႄႈ ၵႂၢမ်း​ဢၼ်​မႂ်း တၵ်း​လႆႈ​ႁဵတ်း ပရေႃးၽႅတ်ႈ​သေ​လႄႈ ႁေႃး​လၢတ်ႈ​တီႈ​ၶဝ်​ၸမ်ႉ၊ ထႃႇဝရႃႉ​ၽြႃး တၵ်း​ယူႇ​ၵႃႈ​တီႈ​ဢၼ်​သုင်​ၼၼ်ႉ ႁွင်ႉ​ပၢဝ်ႇ​ႁွင်ႉ​သေႃႇ​လႄႈ မၼ်း​ၸဝ်ႈ​တၵ်း​ယူႇ​ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ ဢၼ်​မူတ်း​ၸၢင်ႇ​ၼၼ်ႉ ၵိဝ်​သဵင်​ဢေႃႈ။ မၼ်း​ၸဝ်ႈ​တၵ်း​ႁွင်ႉ​ပၢဝ်ႇ​ႁွင်ႉ​သေႃႇ ယူႇ​ၽၢႆႇ​ၼိုင်ႈ တင်း​တီႈ​ဢၼ်​မၼ်း​ၸဝ်ႈ ၵိင်း​ဝၢပ်ႈ​ယူႇ​ၼၼ်ႉ ႁႅင်း​ယႂ်ႇ​ၼႃႇ​လူင်​လၢင်​လႄႈ မၼ်း​ၸဝ်ႈ​တၵ်း​သႅၼ်ႇ​ႁွင်ႉ ယူႇ​ၽၢႆႇ​ၼိုင်ႈ တင်း​ၵူၼ်း​လိၼ်​မိူင်း တင်း​သဵင်ႈ​တင်း​လူင် မိူၼ်​ၸိူဝ်ႉ​ၼင်ႇ​ဢၼ် ၶဝ်​ၸိူဝ်း​ဢၼ်​ယဵပ်ႇ​ၼူတ်ႈ မၢၵ်ႇ​ၸပိတ်ႈ​ၼၼ်ႉ​ဢေႃႈ။-</verse>
				<verse number="31">သဵင်​တၵ်း​ၸွတ်ႇ​တူဝ်ႈ​ၵႂႃႇ တေႃႇ​ထိုင်​ႁွတ်ႈ ႁိမ်း​လႅၼ်​သုတ်း​လိၼ်​မိူင်း​ဢေႃႈ။ ထႃႇဝရႃႉ​ၽြႃး မီး​လွင်ႈ​ဢၼ်​လီ​ထူပ်း​တြႃး ၵၼ်​တင်း ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ မၼ်း​ၸဝ်ႈ​တၵ်း​ႁဵတ်း​ဢမူႉ​သႂ်ႇ​တီႈ သတ်ႉတဝႃႇ တင်း​သဵင်ႈ​တင်း​လူင်​ဢေႃႈ။ ၶဝ်​ၸိူဝ်း​ဢၼ်​ႁၢႆႉ​ၸိုင်၊ မၼ်း​ၸဝ်ႈ​တၵ်း​ဢဝ်​ဢၢပ်ႈ​ပၼ် တီႈ​လၢပ်ႇ​တီႈ​လႅဝ်း​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="32">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၽေး​ၼၼ်ႉ တၵ်း​ႁွတ်ႈ​ထိုင်​ၵႃႈ​တီႈ မိူင်း​ၼိုင်ႈ​ယဝ်ႉ​မိူင်း​ၼိုင်ႈ​လႄႈ လူမ်း​ၽိဝ်ႇ​ႁုင် ဢၼ်​ႁႅင်း​ယႂ်ႇ​ၼႃႇ တၵ်း​လုၵ်ႉ​ၶိုၼ်ႈ​သေ ၵႃႈ​တီႈ​ႁိမ်း​ၸဵင်ႇ ႁိမ်း​လႅၼ်​လိၼ်​မိူင်း​ဢေႃႈ။-</verse>
				<verse number="33">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် ထႃႇဝရႃႉ​ၽြႃး ဢဝ်​တၢႆ​ၼၼ်ႉ တၵ်း​ၸွတ်ႇ​တူဝ်ႈ ဢဝ်​ၵႃႈ​တီႈ ၸႃႉ​ၸဵမ်​လိၼ်​မိူင်း​ၽၢႆႇ​ၼိုင်ႈ တေႃႇ​ထိုင်​ႁွတ်ႈ​ၽၢႆႇ​ၼိုင်ႈ​လႄႈ ၽူႈ​လႂ်​ဢမ်ႇ​လႆႈ​ၶၢင်း​ၶီ​ၶၢင်း​ၽၢၼ်​ပုၼ်ႈ​ၶဝ်၊ ဢမ်ႇ​လႆႈ​ဢဝ်​ၸူႉ​ၵၼ်​ၵွင်​ၵၼ်၊ ဢမ်ႇ​လႆႈ​ဢဝ်​သၢင်း​ၵျူဝ်ႇ။ ၶဝ်​တၵ်း​ဢွၼ်​ၵၼ်​ပဵၼ်​ၸိူဝ်ႉ​ၼင်ႇ ၽၢႆႈ​လူင်​ၵႃႈ​ၼိူဝ်​ၼႃႈ​လိၼ် ၼၼ်ႉ​ဢေႃႈ။-</verse>
				<verse number="34">သူ​ဢၼ်​ပဵၼ် ၵူၼ်း​ဢၼ်​လဵင်ႉ​သူဝ်း​ထိင်း​သူဝ်း​ၶဝ်​ဢိူၺ်း၊ ဢွၼ်​ၵၼ်​ဢိုတ်း​ႁႆႈ​ႁွင်ႉ​သႅၼ်ႇ​တႃႉ။ သူ​ဢၼ်​ပဵၼ် သူဝ်း​လူင်​သူဝ်း​မျၢတ်ႈ​ၶဝ်​ဢိူၺ်း၊ ဢွၼ်​ၵၼ်​ၵိင်ႈ​ၵိူၵ်ႇ​ယူႇ ၵႃႈ​ၼႂ်း​တဝ်ႈ​တႃႉ။ မိုဝ်ႉ​ဝၼ်း ဢၼ်​လႆႈ​ဢဝ်​သူ​တၢႆ​ၼၼ်ႉ​ႁွတ်ႈ​ထိုင်​ယဝ်ႉ။ ၵဝ်​ႁေႃႈ​သူ​ၵႂႃႇ​ၵႃႈ​တီႈ ၵူႈ​တီႈ​ၵူႈ​လႅၼ်​လႄႈ သူ​တၵ်း​ဢွၼ်​ၵၼ်​တူၵ်း မိူၼ်​ၸိူဝ်ႉ​ၼင်ႇ ဢၼ်​ၶိူင်ႈ​ပိူင် ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​တူၵ်း ၼၼ်ႉ​ဢေႃႈ။-</verse>
				<verse number="35">ၶဝ်​ၸိူဝ်း​ဢၼ် လဵင်ႉ​သူဝ်း​ထိင်း​သူဝ်း​ၼၼ်ႉ တၵ်း​ဢမ်ႇ​မီး​သဵၼ်ႈ​တၢင်း​ဢၼ် ဢွၵ်ႇ​ပၢႆႈ။ ၶဝ်​ၸိူဝ်း​ဢၼ်​ပဵၼ်​သူဝ်း​လူင် သူဝ်း​မျၢတ်ႈ​ၸိူဝ်း​ၼၼ်ႉ တၵ်း​ဢမ်ႇ​မီး သဵၼ်ႈ​တၢင်း​ဢၼ် ပၢႆႈ​လႄႈ​လွတ်ႈ။-</verse>
				<verse number="36">လႆႈ​ငိၼ်း​သဵင်​ၶဝ်​ၸိူဝ်း​ဢၼ် လဵင်ႉ​သူဝ်း​ထိင်း​သူဝ်း​ၼၼ်ႉ ႁႆႈ​ႁွင်ႉ ဢိၵ်ႇ​တင်း သဵင်​ဢၼ်​ၶဝ်​ၸိူဝ်း​ဢၼ် ပဵၼ်​သူဝ်း​လူင် သူဝ်း​မျၢတ်ႈ​ၼၼ်ႉ ပွင်ႉ​ၶၢင်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ယႃႉ​ၽဵဝ်ႈ​တီႈ​ဢၼ် ၶဝ်​ယၢမ်ႈ​ၵိၼ်​ယူႇ​ၼၼ်ႉ​ပႅတ်ႈ​ဢေႃႈ။-</verse>
				<verse number="37">တီႈ​ယူႇ​တၼ်း​သဝ်း ဢၼ်​ၼိမ်​လီ​တဵတ်ႇ​လီ​ၼၼ်ႉ​ၵေႃႈ လႆႈ​ၶၢမ်ႇ တၢင်း​ဢၼ်​သဵတ်ႇ​ဢၼ်​ယဵၼ်​ၵႂႃႇ ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး ၸႂ်​မႆႈ​ၶႆႈ​ၸႃႉ ႁႅင်း​ယႂ်ႇ​ၼႃႇ​လူင်​လၢင် ၼၼ်ႉ​ဢေႃႈ။-</verse>
				<verse number="38">မၼ်း​ၸဝ်ႈ​ၸုၼ်ႉ​ပႅတ်ႈ​ယုမ်း တီႈ​ယူႇ​မၼ်း​ၸဝ်ႈ မိူၼ်​ၸိူဝ်ႉ​ၼင်ႇ သၢင်ႇ​သီႈ​ၼုမ်ႇ ၼၼ်ႉ​ယဝ်ႉ။ မိူင်း​ၶဝ်​ၼၼ်ႉ ပဵၼ်​တီႈ​ဢၼ်​လီ​ဢၢမ်း ၵွပ်ႈ​ပိူဝ်ႈ တၢင်း​ဢၼ်​ႁၢဝ်ႈ​ဢၼ်​ၵျၢမ်း ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢိၵ်ႇ​တင်း တၢင်း​ဢၼ်​မၼ်း​ၸဝ်ႈ ၸႂ်​မႆႈ​ၶႆႈ​ၸႃႉ ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။</verse>
			</chapter>
			<chapter number="26">
				<verse number="1">မိူဝ်ႈ​ဢၼ်​ ယေႃးယၵိမ်း လုၵ်ႈ​ၸၢႆး​ ယူဝ်းသီႉယႃႉ ၶုၼ်​ႁေႃ​ၶမ်း​ ယူႉတႃႉ ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ၊ ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​လႄႈ၊-</verse>
				<verse number="2">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၸုၵ်း​ယူႇ​ၵႃႈ​ၼႂ်း​တမ်ႇ​တိူင်း​ႁိူၼ်း ထႃႇဝရႃႉ​ၽြႃး သေ​လႄႈ ဢဝ်​ၵႂၢမ်း​ၵႃႈ​ဢၼ်​ၵဝ် သင်ႇ​လၢတ်ႈ​ဝႆႉ​တီႈ​မႂ်း ႁႂ်ႈ​မႂ်း​လႆႈ​သင်ႇ​လၢတ်ႈ​ဝႆႉ တီႈ​ၵူၼ်း​ဝၢၼ်ႈ​ၵူၼ်း​ဝဵင်း​ ယူႉတႃႉ ဢၼ်​မႃး​ႁွတ်ႈ​မႃး​ထိုင် ႁႂ်ႈ​လႆႈ​ၵူဝ်း​ၵႂၢႆႇ​ၵႃႈ​ၼႂ်း ႁိူၼ်း​ထႃႇဝရႃႉ​ၽြႃး ၸိူဝ်း​ၼၼ်ႉ​ၼၼ်ႉ​သေ​လႄႈ ၶိုၼ်း​မွၵ်ႇ​ၶိုၼ်း​လၢတ်ႈ​တီႈ​ၶဝ်​ၼၼ်ႉ​တႃႉ။ ယႃႇ​ပေ​သိူင်ႇ​ဝႆႉ​မႅပ်ႉ​ဝႆႉ​သေ​ၶေႃႈ​သေ​ၵမ်း။-</verse>
				<verse number="3">ၶဝ်​ၸၢင်ႈ​ၶႄး​ထွမ်ႇ​ဢဝ်​လႄႈ ဢွၼ်​ၵၼ်​ဝႄႈ​ပိူင်ႈ​သေ ၵႃႈ​တီႈ​သဵၼ်ႈ​တၢင်း ဢၼ်​ႁၢႆႉ​ဢၼ်​ယုတ်ႈ​ၶဝ်​ၼၼ်ႉ ႁင်း​ၽႂ်​ႁင်း​မၼ်း ႁႂ်ႈ​ၵဝ်​ထၼ်ႈ​ပေႃး ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ တၢမ်ႇ​ဢပႅတ်ႈ ဢၼ်​ၵဝ်​ၵျၢမ်ႇ​ပွင်​တၵ်း​ပၼ်​တီႈ​ၶဝ် ၵွပ်ႈ​ပိူဝ်ႈ တူႉ​ၸရိူၵ်ႈ​ဢၼ်​ၶဝ်​ႁဵတ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ပိူဝ်ႈ​ၼႆ​လႄႈ မႂ်း​တၵ်း​လႆႈ​သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပေႃး​သူ​ယင်း ဢမ်ႇ​ထွမ်ႇ​ဢဝ်​ၵႂၢမ်း​ၵဝ်၊ ဢမ်ႇ​ၸွမ်း​သဵၼ်ႈ​တၢင်း ပိင်း​ၺၢပ်ႈ​တြႃး ဢၼ်​ၵဝ်​ဝႆႉ​တီႈ​သူ၊-</verse>
				<verse number="5">ႁႂ်ႈ​သူ​လႆႈ​ထွမ်ႇ​ဢဝ် ၵႂၢမ်း​ၶႃႈ​ၵဝ်​ပရေႃးၽႅတ်ႈ ဢၼ်​ၵဝ်​လုၵ်ႉ​ၸဝ်ႉ​ၸဝ်ႉ​လႄႈ ပွႆႇ​ၸႂ်ႉ​ၸူး​တီႈ​သူ ၶိူဝ်း​ၶိူဝ်း​ယႂ်း​ယႂ်း ၸိူဝ်း​ၼၼ်ႉ​လႄႈ၊ ယင်း​ဢမ်ႇ​ထွမ်ႇ​ဢဝ်​လႄႈ​ယူႇ​ၸိုင်၊-</verse>
				<verse number="6">ၵဝ်​တၵ်း​ႁႂ်ႈ​ႁိူၼ်း​ၼႆႉ ပဵၼ်​ၸိူဝ်ႉ​ၼင်ႇ​ဝဵင်း​ သီႉလေႃႇ ​လႄႈ တၵ်း​ႁႂ်ႈ​ဝဵင်း​ၼႆႉ​ပဵၼ် တၢင်း​ဢၼ်​ၵိၼ်ႇ​ဢၼ်​ဝႃႈ တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၵႃႈ​ၼိူဝ်​လိၼ်​မိူင်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ယိတ်ႈပရေႃးႁဵၵ်ႈ​လႂ်၊ ပရေႃးၽႅတ်ႈ​လႂ် ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​ငိၼ်း​ ယေႇရမီႉ ​ႁေႃး​လၢတ်ႈ​ၵႂၢမ်း​ၼၼ်ႉ ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး​ဢေႃႈ။-</verse>
				<verse number="8">မၼ်း​ဢဝ်​ၵႂၢမ်း​ၵႃႈ​ဢၼ် ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​တီႈ​မၼ်း ႁႂ်ႈ​မၼ်း​သင်ႇ​လၢတ်ႈ​တီႈ​ၵူၼ်း တင်း​သဵင်ႈ​တင်း​လူင် ၼၼ်ႉ​ႁေႃး​လၢတ်ႈ​ယဝ်ႉ​တူဝ်ႈ​သေ​ယဝ်ႉ၊ ယိတ်ႈပရေႃးႁဵၵ်ႈ​လႂ်၊ ပရေႃးၽႅတ်ႈ​လႂ် ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင်​လႂ် ၸိူဝ်း​ၼၼ်ႉ ဢွၼ်​ၵၼ်​တီႉ​ၵမ်​ဢဝ်​ ယေႇရမီႉ ​လႄႈ​ဝႃႈ၊ မႂ်း​တၵ်း​လႆႈ​ၶၢမ်ႇ တၢင်း​ဢၼ်​ဢဝ်​တၢႆ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="9">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢိင်​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး သေ​လႄႈ ႁေႃး​လၢတ်ႈ​လႄႈ​ဝႃႈ၊ ႁိူၼ်း​ၼႆႉ​တၵ်း​ပဵၼ်​ၸိူဝ်ႉ​ၼင်ႇ​ဝဵင်း​ သီႉလေႃႇ ​ၼၼ်ႉ​ဢေႃႈ။ ဝဵင်း​ၼႆႉ​တၵ်း​ပဵၼ် တီႈ​ဢၼ်​သဵတ်ႇ ဢၼ်​ယဵၼ်​လႄႈ ဢမ်ႇ​မီး​ၽူႈ​မီး​ၵူၼ်း၊ ဝႃႈ​ၼင်ႇ​ၼႆ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​လႄႈ ၵူၼ်း​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ် ယူႇ​ၽၢႆႇ​ၼိုင်ႈ တင်း​ ယေႇရမီႉ ​ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ၼၼ်ႉ​ဢေႃႈ။-</verse>
				<verse number="10">မိူဝ်ႈ​ဢၼ် မူး​မၢတ်ႈ​ၽွင်း​မိူင်း​ ယူႉတႃႉ ​တင်း​လၢႆ ငိၼ်း​လွင်ႈ​တၢင်း​ၸိူဝ်း​ၼၼ်ႉ​ၸိုင်၊ ၶဝ်​ဢွၼ်​ၵၼ်​လုၵ်ႉ​သေ​ၵႃႈ​တီႈ​ႁေႃ​ၶမ်း မႃး​ၵႃႈ​တီႈ​ႁိူၼ်း ထႃႇဝရႃႉ​ၽြႃး​လႄႈ ၼင်ႈ​ယူႇ​ၵႃႈ​ၼႂ်း​ႁူး​ၽၵ်း​တူ​ဢၼ်​မႂ်ႇ ၵႃႈ​တီႈ​ႁိူၼ်း​ထႃႇဝရႃႉ​ၽြႃး ၼၼ်ႉ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ယိတ်ႈပရေႃးႁဵၵ်ႈ​လႂ် ဢိၵ်ႇ​တင်း ပရေႃးၽႅတ်ႈ​လႂ်​ၸိူဝ်း​ၼၼ်ႉ ဢွၼ်​ၵၼ်​လၢတ်ႈ​တီႈ​ၸႃႉ​ၸဵမ်​မူး​မၢတ်ႈ​ၽွင်း​မိူင်း​တင်း​လၢႆ ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင် ၼၼ်ႉ​လႄႈ​ဝႃႈ၊ ၵေႃႉ​ၼႆႉ​ထုၵ်ႇ​လီ​ၶၢမ်ႇ​တၢႆ​ဢေႃႈ။ ၵႃႈ​ၼင်ႇ​ဢၼ် သူ​ဢဝ်​တင်း​ႁူ​တူဝ်​ၸဝ်ႈ​ၵဝ်ႇ​ငိၼ်း​ၼၼ်ႉ၊ မၼ်း​ႁဵတ်း​ၶတ်း​ၵၼ်​တင်း​ဝဵင်း​ၼႆႉ​လႄႈ ႁေႃး​လၢတ်ႈ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ယေႇရမီႉ ​ၵေႃႈ လၢတ်ႈ​တီႈ​မူး​မၢတ်ႈ​ၽွင်း​မိူင်း​ၵႃႈ​မီး ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ ထႃႇဝရႃႉ​ၽြႃး ပွႆႇ​ၸႂ်ႉ​ၵဝ် ႁႂ်ႈ​ၵဝ်​ႁဵတ်း​ၶတ်း​ၵၼ် တင်း​ႁိူၼ်း​ၸဝ်ႈ​ၼႆႉ ဢိၵ်ႇ​တင်း ဝဵင်း​ၸဝ်ႈ​ၼႆႉ​လႄႈ ႁေႃး​လၢတ်ႈ​ၵႂၢမ်း ၵႃႈ​ဢၼ်​သူ​ငိၼ်း​ၼႆႉ​ယဝ်ႉ။-</verse>
				<verse number="13">မိူဝ်ႈ​လဵဝ်​ၼႆႉ​ၸိုင်၊ ဢွၼ်​ၵၼ်​ၶၢႆႉ​ပုတ်ႈ တၢင်း​ဢၼ်​သူ​ၵမ်​ၵျၢင်ႉ​သၢင်ႈ​ႁဵတ်း ၸိူဝ်း​ၼၼ်ႉ​လႄႈ ထွမ်ႇ​ဢဝ်​ၵႂၢမ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ထႃႇဝရႃႉ​ၽြႃး တၵ်း​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ ၽေး​ဢူႉ​ပၢတ်ႈ ဢၼ်​မၼ်း​ၸဝ်ႈ မီး​ဢမိင်ႉ​ႁႂ်ႈ​ႁွတ်ႈ​ထိုင် ၵႃႈ​ၼိူဝ်​သူ​ၼၼ်ႉ​ဢေႃႈ။-</verse>
				<verse number="14">ၵဝ်​ၸမ်ႉ၊ မီး​ယူႇ​ၵႃႈ​ၼႂ်း​မိုဝ်း​သူ​ဢေႃႈ။ ဢွၼ်​ၵၼ်​ႁဵတ်း​တီႈ​ၵဝ် ၸွမ်း​ၵႃႈ​ၼင်ႇ​ဢၼ် သူ​ထၢင်ႇ​တၵ်း​ပဵၼ် ဢၼ်​သိုဝ်ႈ​တေႃႇ​လႄႈ ထုၵ်ႇ​တႃ​သူ​ၼၼ်ႉ​တႃႉ။-</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ သူ​ဢွၼ်​ၵၼ်​ႁူႉ​လွင်ႈ​ဢၼ် ပေႃး​သူ​ဢဝ်​ၵဝ်​တၢႆ​ၸိုင်၊ သူ​တၵ်း​ႁႂ်ႈ​လိူတ်ႈ​ၵေႃႉ​ဢၼ် ဢမ်ႇ​မီး​ဢပႅတ်ႈ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​တူဝ်​သူ ဢိၵ်ႇ​တင်း ဝဵင်း​ၼႆႉ​တင်း ၵူၼ်း​ဝဵင်း​တင်း​လၢႆ​ၼႆႉ ဢမၢၼ်ႇ​ၶၼ်​ပဵၼ်​ၼၼ်ႉ​တႃႉ။ ထႃႇဝရႃႉ​ၽြႃး ပွႆႇ​ၸႂ်ႉ​ၵဝ်​မႃး​တီႈ​သူ ႁႂ်ႈ​ၵဝ်​လႆႈ​မွၵ်ႇ​လၢတ်ႈ​ၵႂၢမ်း ၵူႈ​ၸိူဝ်ႉ​ၵူႈ​ပိူင်​ၼႆႉ​တီႈ​သူ ဢမၢၼ်ႇ​ၶၼ်​ပဵၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မိူဝ်ႈ​ၼၼ်ႉ မူး​မၢတ်ႈ​ၽွင်း​မိူင်း​တင်း​လၢႆ ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင် ဢွၼ်​ၵၼ်​လၢတ်ႈ​တီႈ ယိတ်ႈပရေႃးႁဵၵ်ႈ ဢိၵ်ႇ​တင်း​ပရေႃးၽႅတ်ႈ ၸိူဝ်း​ၼၼ်ႉ​လႄႈ​ဝႃႈ၊ ၵေႃႉ​ၼႆႉ ဢမ်ႇ​ထုၵ်ႇ​လီ​ၶၢမ်ႇ​တၢႆ​ၵူၺ်ႉ။ မၼ်း​ဢိင်​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​သေ​လႄႈ ႁေႃး​လၢတ်ႈ​တီႈ​ႁဝ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မိူဝ်ႈ​ၼၼ်ႉ ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၵႃႈ​ၼႂ်း​မိူင်း​ၼၼ်ႉ ၵမ်ႈ​ၽွင်ႈ​ဢွၼ်​ၵၼ်​လုၵ်ႉ​လႄႈ လၢတ်ႈ​တီႈ​ပရဵၵ်ႈသၢတ်ႈ တင်း​လၢႆ​လႄႈ​ဝႃႈ၊-</verse>
				<verse number="18">ၸူဝ်ႈ​ပၢၼ်​ ႁေႇၸၵီႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ၊ မီႉၶႃႇ ၵူၼ်း​ဝၢၼ်ႈ​ မေႃႇရသႃႉ ​ၼၼ်ႉ ႁဵတ်း​ပရေႃးၽႅတ်ႈ သေ​လႄႈ ႁေႃး​လၢတ်ႈ​တီႈ​ၵူၼ်း​မိူင်း​ ယူႉတႃႉ တင်း​သဵင်ႈ​တင်း​လူင်​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ လွႆ​ ၸီႉဢုၼ်ႇ ​တၵ်း​လႆႈ​ၶၢမ်ႇ​တၢင်း​ဢၼ်​ထႆ မိူၼ်​ၸိူဝ်ႉ​ၼင်ႇ​ၼႃး​လႄႈ ဝဵင်း​ ယေႇရူႉသလႅမ်ႇ တၵ်း​ပဵၼ်​ၵွင်​ၽုၼ်ႇ​ၵွင်​လိၼ်​ဢေႃႈ။ လွႆ​ႁိူၼ်း​ၸဝ်ႈ​ၵေႃႈ တၵ်း​ပဵၼ်​ၸိူဝ်ႉ​ၼင်ႇ​လွႆ ပႃႇ​မႆႉ​ပႃႇ​တွၵ်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မိူဝ်ႈ​ၼၼ်ႉ ႁေႇၸၵီႉ ​ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း ၵူၼ်း​မိူင်း​ ယူႉတႃႉ တင်း​သဵင်ႈ​တင်း​လူင်​ၼၼ်ႉ ဢဝ်​မၼ်း​ၼၼ်ႉ​တၢႆ​ႁိုဝ်။ ၶုၼ်​ၼၼ်ႉ​ၵူဝ်​ႁႄ ထႃႇဝရႃႉ​ၽြႃး​လႄႈ တွင်း​ပၢၼ်ႇ​ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး ဢမ်ႇ​ၸႂ်ႈ​ႁိုဝ်။ ထႃႇဝရႃႉ​ၽြႃး ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ ၽေး​ဢူႉ​ပၢတ်ႈ​ဢၼ်​မၼ်း​ၸဝ်ႈ မီး​ဢမိင်ႉ​ႁႂ်ႈ​ႁွတ်ႈ​ထိုင် ၵႃႈ​ၼိူဝ်​ၶဝ်​ၼၼ်ႉ ဢမ်ႇ​ၸႂ်ႈ​ႁိုဝ်။ ႁဝ်း​ၸမ်ႉ၊ ဢွၼ်​ၵၼ်​ႁဵတ်း​တၢင်း​ဢၼ် ယႃႉ​ဢၵျူဝ်း​ၸႂ်​ဝီႉၺိၺ်ႇ​ႁဝ်း​လူင်​ပႄႇ။-</verse>
				<verse number="20">လႆႈ​သမ်ႉ မီး​ၵေႃႉ​ဢၼ် ဢိင်​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး သေ​လႄႈ ႁဵတ်း​ပရေႃးၽႅတ်ႈ​ဢၼ်​ဝႃႈ ဢူႉရီႉယႃႉ လုၵ်ႈ​ၸၢႆး​ သေႇမႃႇယႃႉ ဢၼ်​ယူႇ​ၵႃႈ​တီႈ​ဝဵင်း​ ၵီႉရယတ်ႉယႃႇရိမ်ႇ ​ၼၼ်ႉ​ၵေႃႉ​ၼိုင်ႈ​လႄႈ မၼ်း​ၼၼ်ႉ​ၵေႃႈ ႁေႃး​လၢတ်ႈ​ယူႇ​ၽၢႆႇ​ၼိုင်ႈ တင်း​ဝဵင်း​ၼႆႉ ဢိၵ်ႇ​တင်း​မိူင်း​ၼႆႉ မႅၼ်ႈ​ၵၼ်​တင်း​ၵႂၢမ်း ၵႃႈ​ဢၼ်​ ယေႇရမီႉ ​ႁေႃး​လၢတ်ႈ​ၼၼ်ႉ​ဢေႃႈ။-</verse>
				<verse number="21">မိူဝ်ႈ​ဢၼ်​ၶုၼ်​လူင်​ ယေႃးယၵိမ်း ဢိၵ်ႇ​တင်း ၶုၼ်​မၼ်း​ၵႃႈ​မီး တင်း​မူး​မၢတ်ႈ​ၽွင်း​မိူင်း​မၼ်း​ၵႃႈ​မီး ငိၼ်း​ၵႂၢမ်း​မၼ်း​ၼၼ်ႉ​ၸိုင်၊ ၶုၼ်​လူင်​ၼၼ်ႉ ၵျၢမ်ႇ​ႁႃ​ႁႂ်ႈ​လႆႈ​ဢဝ်​မၼ်း​တၢႆ​ဢေႃႈ။ ၵူၺ်း​ၵႃႈ ဢူႉရီႉယႃႉ ​ၼၼ်ႉ ငိၼ်း​လွင်ႈ​ၼၼ်ႉ​သေ​ယဝ်ႉ၊ ၵူဝ်​ႁႄ​လႄႈ ဢွၵ်ႇ​ပၢႆႈ​သေ​လႄႈ ၵႂႃႇ​ၸူး​ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="22">ၶုၼ်​လူင်​ ယေႃးယၵိမ်း ​ၼၼ်ႉ ပွႆႇ​ၸႂ်ႉ​ၵူၼ်း​ဢၼ်​ဝႃႈ ဢေးလႃႉၼႃႇသၼ်ႇ လုၵ်ႈ​ၸၢႆး​ ဢႃႇၶပေႃႇ ဢိၵ်ႇ​လူၺ်ႈ​ၵၼ်​တင်း ၵူၼ်း​ၵမ်ႈ​ၽွင်ႈ ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ၊-</verse>
				<verse number="23">ၶဝ်​ၼၼ်ႉ ဢွၼ်​ၵၼ်​ဢဝ်​ ဢူႉရီႉယႃႉ ဢွၵ်ႇ​သေ ၵႃႈ​ၼႂ်း​မိူင်း ဢေႇၵိပ်ႉတူႉ ​မႃး သူင်ႇ​ႁွတ်ႈ​ၵႃႈ​တီႈ ၶုၼ်​လူင်​ ယေႃးယၵိမ်း သေ​ယဝ်ႉ၊ ၶုၼ်​လူင်​ၼၼ်ႉ ဢဝ်​မၼ်း​ၼၼ်ႉ​တၢႆ လူၺ်ႈ​လၢပ်ႇ​လူၺ်ႈ​လႅဝ်း​လႄႈ ဢဝ်​တူဝ်​မၼ်း​ပႅတ်ႈ​ဝႆႉ ၵႃႈ​တီႈ​ပႃႇ​ႁဵဝ်ႈ​ၵူၼ်း​ယၢၵ်ႈ ၵူၼ်း​ၽၢၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၼႂ်း​ဝႃႈ​ၼၼ်​သေ​ၵေႃႈ ၶႅၼ်​မိုဝ်း​ ဢႁီႉၵမ်ႇ လုၵ်ႈ​ၸၢႆး​ သႃႇၽၢၼ်ႇ ​ၼၼ်ႉ ၸွႆႈ​ထႅမ်​မႃႉ​ၸႃႉ​ ယေႇရမီႉ ​ယူႇ ႁႂ်ႈ​မၼ်း​ဢမ်ႇ​လႆႈ​ၶၢမ်ႇ တၢင်း​ဢၼ်​ဢဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၵူၼ်း​တင်း​လၢႆ ႁႂ်ႈ​မၼ်း​လႆႈ​ၶၢမ်ႇ​တၢင်း​တၢႆ​ၼၼ်ႉ​ဢေႃႈ။</verse>
			</chapter>
			<chapter number="27">
				<verse number="1">မိူဝ်ႈ​ဢၼ် ၶုၼ်​ ၸေႇတၵီႉ ​လုၵ်ႈ​ၸၢႆး​ ယူဝ်းသီႉယႃႉ ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​ၼၼ်ႉ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ​လႄႈ​ဝႃႈ၊-</verse>
				<verse number="2">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​ၸမ်ႉ၊ ႁဵတ်း​ၸိူၵ်ႈ ဢိၵ်ႇ​တင်း ၵၢၼ်း​တင်း​လၢႆ​သေ​လႄႈ ဢဝ်​ႁၢင်ႈ​သႂ်ႇ ၵႃႈ​တီႈ​ၶေႃး​မႂ်း​တႃႉ။-</verse>
				<verse number="3">ဢဝ်​ဢၼ်​ၸိူဝ်း​ၼၼ်ႉ ပၼ်​ၵႂႃႇ​တီႈ​ၶုၼ်​လူင်​ ဢေႇတုမ်ႇ ၊ ၶုၼ်​လူင်​ မေႃႇၽႃႉ ၊ ၶုၼ်​လူင်​ ဢမ်ႇမုၼ်ႇ ၊ ၶုၼ်​လူင်​ တူႉရူႉ ၊ ၶုၼ်​လူင်​ ၸီႉတုၼ်ႇ ​ၸိူဝ်း​ၼၼ်ႉ ၵႃႈ​ၼႂ်း​မိုဝ်း​သၢၼ်ႇတမၢၼ်ႇ​တင်း​လၢႆ ဢၼ်​ယၢမ်ႈ​ႁွတ်ႈ​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ တီႈ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​တႃႉ။-</verse>
				<verse number="4">မႂ်း​သင်ႇ​လၢတ်ႈ​တီႈ​ၶဝ်​ၼၼ်ႉ ၸူး​တီႈ​ၸဝ်ႈ​ၶဝ်​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​မီး​ဢမိင်ႉ​ၸမ်ႉ၊ သူ​တၵ်း​လႆႈ​သင်ႇ​လၢတ်ႈ​တီႈ​ၸဝ်ႈ​သူ​လႄႈ​ဝႃႈ၊-</verse>
				<verse number="5">ၵဝ်​ဢဝ်​တင်း​မႁႃႇ​တၼ်း​ၶူဝ်း ဢိၵ်ႇ​တင်း တၢင်း​ဢၼ် ယိုၼ်ႈ​ၶႅၼ်​ယိုၼ်ႈ​မိုဝ်း​ၵဝ်​သေ​လႄႈ ႁဵတ်း​ပဵၼ်​လိၼ်​မိူင်း ဢိၵ်ႇ​တင်း​ၵူၼ်း တရိၵ်ႈသၢၼ်ႇ​ဢၼ်​မီး​ၵႃႈ​ၼိူဝ် ၼႃႈ​လိၼ်​မိူင်း​ၸိူဝ်း​ၼၼ်ႉ​လႄႈ ၵဝ်​ပၼ်​တီႈ​ၵေႃႉ​ဢၼ်​ၵဝ် ၶႂ်ႈ​ပၼ်​ၼၼ်ႉ​ဢေႃႈ။-</verse>
				<verse number="6">မိူဝ်ႈ​လဵဝ်​ၼႆႉ​ၸိုင်၊ ၵဝ်​ဢဝ်​မိူင်း​ၵႃႈ​မီး​ၼႆႉ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶႃႈ​ၵဝ် ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ယဝ်ႉ။ တရိၵ်ႈသၢၼ်ႇ​ထိူၼ်ႇ တင်း​လၢႆ​ၵေႃႈ ၵဝ်​ပၼ်​တီႈ​မၼ်း ပုၼ်ႈ​ဢၼ်​မၼ်း​တၵ်း​ၸႂ်ႉ​ၵိၼ်​သွႆ​ၵိၼ် ၼၼ်ႉ​ယဝ်ႉ။-</verse>
				<verse number="7">ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​လႆႈ​ဢွၼ်​ၵၼ် ၵိုတ်ႉ​ႁၢပ်ႇ​ဢမူႉ​မၼ်း တင်း​ဢမူႉ​လုၵ်ႈ​လၢၼ်​မၼ်း တေႃႇ​ထိုင်​ႁွတ်ႈ​ၶိင်ႇ​မိူဝ်ႈ သိုင်ႇ​ၸိုင်ႈ​ဝၢၼ်ႈ​မိူင်း​ပုၼ်ႉ​ၼၼ်ႉ ႁွတ်ႈ​မႃး​ၼၼ်ႉ​ဢေႃႈ။ ၶိင်ႇ​ၼၼ်ႉ​ႁွတ်ႈ​မႃး​သေ​ယဝ်ႉ၊ မဵဝ်း​ၵူၼ်း​ၼမ်​ၼႃႇ ဢိၵ်ႇ​တင်း ၶုၼ်​ႁေႃ​ၶမ်း​ဢၼ်​ယႂ်ႇ​တင်း​လၢႆ တၵ်း​ဢွၼ်​ၵၼ်​ၸႂ်ႉ​ၵိၼ်​သွႆ​ၵိၼ်​မၼ်း​ဢေႃႈ။-</verse>
				<verse number="8">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မဵဝ်း​ၵူၼ်း ဢိၵ်ႇ​တင်း သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ဢမ်ႇ​မီး​ဢလူဝ်ႇ ၶႂ်ႈ​ၶၢမ်ႇ​တၢင်း​ဢၼ်​ၸႂ်ႉ​ဢၼ်​သွႆ တီႈ​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ ဢမ်ႇ​ၶႂ်ႈ​ဢဝ် ၶေႃး​ၵိုတ်ႉ​ႁၢပ်ႇ​ၵၢၼ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ​ၸိုင် ၵဝ်​တၵ်း​ဢဝ်​တင်း​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း ပၼ်​တၢမ်ႇ​ဢပႅတ်ႈ တီႈ​မဵဝ်း​ၵူၼ်း​ၼၼ်ႉ တေႃႇ​ထိုင်​ႁွတ်ႈ​ၵဝ်​ထၼ်ႈ​ပေႃး ယႃႉ​ၶဝ်​ပႅတ်ႈ​လူၺ်ႈ​မိုဝ်း​မၼ်း​ၼၼ်ႉ​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ သူ​ၼႆႉ​ယႃႇ​ပေ​ဢွၼ်​ၵၼ်​ထွမ်ႇ ၵႂၢမ်း​ပရေႃးၽႅတ်ႈ၊ သြႃႇ​ဢၼႃႇၵၢတ်ႈ၊ သြႃႇ​ဢၼ်​ၼွၼ်း​ၽၼ်​ႁၼ်၊ သြႃႇ​ဝိၵ်ႉၸႃႇ၊ သြႃႇ​ဢၼ်​ၸၢင်ႈ​ၸေႃႉ​ၸၢင်ႈ​ႁဵတ်း ဢၼ်​ၸၢင်ႈ​ႁေႃး​လၢတ်ႈ​တီႈ​သူ​လႄႈ​ဝႃႈ၊ သူ​ဢမ်ႇ​လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ တီႈ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၵူၺ်ႉ၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ။-</verse>
				<verse number="10">ၶဝ်​ၼၼ်ႉ ၸင်ႇ​ဢွၼ်​ၵၼ်​ႁေႃး​လၢတ်ႈ ၵႂၢမ်း​မူႉ​သႃႇ​တီႈ​သူ ႁႂ်ႈ​သူ​လႆႈ​ၶၢႆႉ​သေ ၵႃႈ​တီႈ​မိူင်း​သူ ၵႂႃႇ​ၵႃႈ​တီႈ​ဢၼ်​ၵႆ ဢိၵ်ႇ​တင်း ႁႂ်ႈ​ၵဝ်​လႆႈ ႁေႃႈ​သူ ဢွၵ်ႇ​လႄႈ သူ​တၵ်း​လႆႈ​သုမ်း​လႆႈ​ၸွမ်း​ဢေႃႈ။-</verse>
				<verse number="11">မဵဝ်း​ၵူၼ်း​ဢၼ်​ဢဝ်​ၶေႃး​ၵိုတ်ႉ​ႁၢပ်ႇ​ၵၢၼ်း ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ ၶၢမ်ႇ​တၢင်း​ဢၼ်​ၸႂ်ႉ​ဢၼ်​သွႆ​တီႈ​မၼ်း​ၼၼ်ႉ​ၼၼ်ႉ​ၸိုင် ၵဝ်​တၵ်း​ပၼ်​ဢၶႂၢင်ႉ ႁႂ်ႈ​မဵဝ်း​ၼၼ်ႉ​လႆႈ​ယူႇ​ၵႃႈ​တီႈ မိူင်း​တီႈ​ယူႇ​မၼ်း​လႄႈ ၶဝ်​တၵ်း​လႆႈ​ဢွၼ်​ၵၼ် ႁဵတ်း​ႁႆႊ​ႁဵတ်း​ၼႃး​လႄႈ ယူႇ​ၵႃႈ​ၼႂ်း​မိူင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵဝ်​ဢဝ်​ၵႂၢမ်း​ၸဝ်ႈ​ၵႃႈ​မီး​ၼၼ်ႉ လဝ်ႊ​လၢတ်ႈ​တီႈ​ ၸေႇတၵီႉ ၶုၼ်​ႁေႃ​ၶမ်း​ ယူႉတႃႉ ​လႄႈ​ဝႃႈ​ၸမ်ႉ၊ ဢွၼ်​ၵၼ် ဢဝ်​ၶေႃး​သူ​ၵိုတ်ႉ​ႁၢပ်ႇ​ၵၢၼ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ ၶၢမ်ႇ​တၢင်း​ဢၼ်​ၸႂ်ႉ​ဢၼ်​သွႆ​တီႈ​မၼ်း ဢိၵ်ႇ​တင်း တီႈ​ၵူၼ်း​မၼ်း​တင်း​လၢႆ​ယူႇ​သေ​လႄႈ ဢသၢၵ်ႈ​ၵတ်း​ယဵၼ်​ၶျၢမ်း​သႃႇ​ယူႇ​သေ​ၵမ်း​တီႈ​ၶႃႈ၊-</verse>
				<verse number="13">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ဢိၵ်ႇ​တင်း ၵူၼ်း​ၸဝ်ႈ​ႁဝ်း​တင်း​လၢႆ တၵ်း​လႆႈ​တၢႆ လူၺ်ႈ​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး ဢဝ်​လွင်ႈ​မဵဝ်း​ၵူၼ်း ဢၼ်​ဢမ်ႇ​ၶၢမ်ႇ​တၢင်း​ဢၼ်​ၸႂ်ႉ​ဢၼ်​သွႆ တီႈ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ မီး​ဢမိင်ႉ​ဝႆႉ​ၼၼ်ႉ ၼင်ႇ​ႁိုဝ်​တီႈ​ၶႃႈ၊-</verse>
				<verse number="14">ယႃႇ​ပေ​ဢွၼ်​ၵၼ်​ထွမ်ႇ​ဢဝ် ၵႂၢမ်း​ပရေႃးၽႅတ်ႈ ဢၼ်​ႁေႃး​လၢတ်ႈ တီႈ​ၸဝ်ႈ​ႁဝ်း​ၶဝ်​လႄႈ​ဝႃႈ၊ သူ​ဢမ်ႇ​လႆႈ​ၶၢမ်ႇ​တၢင်း​ဢၼ်​ၸႂ်ႉ​ဢၼ်​သွႆ တီႈ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၵူၺ်ႉ၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ သေ​ၵမ်း​တီႈ​ၶႃႈ၊ ၶဝ်​ၸၢင်ႈ​ဢွၼ်​ၵၼ်​ႁေႃး​လၢတ်ႈ​ၵႂၢမ်း​မူႉ​သႃႇ တီႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။-</verse>
				<verse number="15">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ယင်း​ဢမ်ႇ​ပွႆႇ​ၸႂ်ႉ​ၶဝ်​လႄႈ ၶဝ်​ၼၼ်ႉ ၸၢင်ႈ​ဢွၼ်​ၵၼ်​ဢိင် ၼႃႇ​မႃႉ​ၸိုဝ်ႈ​သဵင်​ၵဝ် သေ​လႄႈ​ႁေႃး​လၢတ်ႈ​မူႉ​သႃႇ ႁႂ်ႈ​ၵဝ်​လႆႈ​ႁေႃႈ​သူ ဢိၵ်ႇ​တင်း ပရေႃးၽႅတ်ႈ ဢၼ်​ႁေႃး​လၢတ်ႈ​တီႈ​သူ​ၸိူဝ်း​ၼၼ်ႉ ဢွၵ်ႇ​ပႅတ်ႈ​လႄႈ ႁႂ်ႈ​သူ​လႆႈ​သုမ်း လႆႈ​ၸွမ်း​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">တီႈ​ယိတ်ႈပရေႃးႁဵၵ်ႈ တင်း​လၢႆ ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင်​ၵေႃႈ၊ ၵဝ်​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ယႃႇ​ပေ​ဢွၼ်​ၵၼ် ထွမ်ႇ​ဢဝ်​ၵႂၢမ်း​ပရေႃးၽႅတ်ႈ​သူ ဢၼ်​ႁေႃး​လၢတ်ႈ​တီႈ​သူ​လႄႈ​ဝႃႈ၊ ဢမ်ႇ​ႁိုင်​ဢမ်ႇ​ၼၢၼ်း၊ ၶိူင်ႈ​ပိူင်​ႁိူၼ်း​ထႃႇဝရႃႉ​ၽြႃး တၵ်း​မီး​တၢင်း​ဢၼ် သမ်ႉ​ၶိုၼ်း​ဢဝ်​သေ​ၵႃႈ​တီႈ​ဝဵင်း​ ပႃႇပူႉလုၼ်ႇ ​မႃး​ဢေႃႈ၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ။ ၶဝ်​ၼၼ်ႉ ၸၢင်ႈ​ဢွၼ်​ၵၼ်​ႁေႃး​လၢတ်ႈ ၵႂၢမ်း​မူႉ​သႃႇ​တီႈ​သူ​ဢေႃႈ။-</verse>
				<verse number="17">ယႃႇ​ပေ​ဢွၼ်​ၵၼ် ထွမ်ႇ​ဢဝ်​ၵႂၢမ်း​ၶဝ်။ ဢွၼ်​ၵၼ်​ၶၢမ်ႇ တၢင်း​ဢၼ်​ၸႂ်ႉ​ဢၼ်​သွႆ တီႈ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ ဢသၢၵ်ႈ ၵတ်း​ယဵၼ်​ၶျၢမ်း​သႃႇ​တႃႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ဝဵင်း​ၼႆႉ​တၵ်း​လႆႈ​ႁွတ်ႈ​ထိုင် တၢင်း​ဢၼ် သဵတ်ႇ​ၵူၼ်း​ယဵၼ်​ၵူၼ်း ၼင်ႇ​ႁိုဝ်။-</verse>
				<verse number="18">ပေႃး​ၶဝ်​ၼၼ်ႉ ၸႂ်ႈ​ပရေႃးၽႅတ်ႈ​လႄႈ ၶၢမ်ႇ​ပျႃႇ​တိၵ်ႈ ထႃႇဝရႃႉ​ၽြႃး​ၸိုင်၊ ႁႂ်ႈ​ၶဝ်​ဢွၼ်​ၵၼ်​တွင်း​ပၢၼ်ႇ​တီႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ႁႂ်ႈ​ၶိူင်ႈ​ပိူင်​ဢၼ် ယင်း​ၵိုတ်း​ယင်း​ၵျၢၼ်ႇ​ဝႆႉ ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ဢိၵ်ႇ​တင်း​ၵႃႈ​ၼႂ်း​ႁေႃ ၶုၼ်​ႁေႃ​ၶမ်း​ ယူႉတႃႉ တင်း​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ဢမ်ႇ​လႆႈ​မီး တၢင်း​ဢၼ်​ဢဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ပုၼ်ႉ​တႃႉ။-</verse>
				<verse number="19">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ဢဝ်​လွင်ႈ​သဝ်​တင်း​လၢႆ၊ ၼမ်ႉ​ၼွင်၊ ငဝ်ႈ​ႁၢၵ်ႈ​တိၼ်​ၼမ်ႉ​ၼွင်​တင်း​လၢႆ၊ ၶိူင်ႈ​ပိူင်​ဢၼ် ယင်း​ၵိုတ်း​ယင်း​ၵျၢၼ်ႇ​တင်း​လၢႆ ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ​ယူႇ ၵႃႈ​ၼႂ်း​ဝဵင်း​ၼႆႉ၊-</verse>
				<verse number="20">ဢၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ဢမ်ႇ​သိမ်း​ဢမ်ႇ​ဢဝ်​ၵႂႃႇ ၼႂ်း​ၶိင်ႇ​မိူဝ်ႈ​ဢၼ် မၼ်း​သိမ်း​ဢဝ် ယေႇၶေႃးၼီႉ လုၵ်ႈ​ၸၢႆး​ ယေႃးယၵိမ်း ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း မူး​မၢတ်ႈ​ၽွင်း​မိူင်း ဝဵင်း​ ယေႇရူႉသလႅမ်ႇ ​မိူင်း​ ယူႉတႃႉ တင်း​သဵင်ႈ​တင်း​လူင် သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ၼၼ်ႉ သေ​လႄႈ မီး​ဢမိင်ႉ​ၸမ်ႉ၊-</verse>
				<verse number="21">ၸႂ်ႈ​တႄႉ​ဢေႃႈ။ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ဢဝ်​လွင်ႈ​ၶိူင်ႈ​ပိူင်​ဢၼ် ယင်း​ၵိုတ်း​ယင်း​ၵျၢၼ်ႇ​ဝႆႉ ယူႇ​ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ဢိၵ်ႇ​တင်း​ၵႃႈ​ၼႂ်း​ႁေႃ ၶုၼ်​ႁေႃ​ၶမ်း​ ယူႉတႃႉ တင်း​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ သေ​လႄႈ​မီး​ဢမိင်ႉ​လႄႈ​ဝႃႈ၊-</verse>
				<verse number="22">ၶိူင်ႈ​ပိူင်​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၵႃႈ​တီႈ ဝဵင်း​ ပႃႇပူႉလုၼ်ႇ ​ပုၼ်ႉ​လႄႈ တၵ်း​လႆႈ​မီး​ယူႇ​ၵႃႈ​တီႈ​ၼၼ်ႈ တေႃႇ​ထိုင်​ႁွတ်ႈ မိုဝ်ႉ​ဝၼ်း​ဢၼ် ၵဝ်​မႃး​လူ​မႃး​တူၺ်း​ၼၼ်ႉ​ဢေႃႈ။ မိူဝ်ႈ​ၼၼ်ႉ​ၵဝ်​တၵ်း ဢဝ်​ၶိူင်ႈ​ပိူင်​ၸိူဝ်း​ၼၼ်ႉ ၶိုၼ်း​မႃး​လႄႈ ဝႆႉ​ၵႃႈ​တီႈ​ၼႆႈ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="28">
				<verse number="1">ၼႂ်း​ပီႊ​ၼၼ်ႉ ၵမ်း​လဵဝ် ဢၼ်​ဝႃႈ​ပီႊ​ဢၼ်​ ၸေႇတၵီႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ ပီႊ​ၸတုၵ်ႉထႃႉ လိူၼ်​ပိၼ်ႇၸမႃႉ​ၼၼ်ႉ၊ ႁႃႇၼၼီႉ လုၵ်ႈ​ၸၢႆး​ပရေႃးၽႅတ်ႈ​ ဢႃႇၸရႃႉ ဢၼ်​ယူႇ​ၵႃႈ​တီႈ​ဝဵင်း​ ၵီႉပွင်ႇ ​ၼၼ်ႉ လၢတ်ႈ​တီႈ​ၵဝ်​ၵႃႈ​ၼႂ်း ႁိူၼ်း​ထႃႇဝရႃႉ​ၽြႃး သိုဝ်ႈ​ၼႃႇ​တႂ်ႈ​တႃ​ယိတ်ႈပရေႃးႁဵၵ်ႈ​တင်း​လၢႆ ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊-</verse>
				<verse number="2">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ၵဝ်​တၵ်း​ႁၵ်း​ႁဵၵ်း​ၵၢၼ်း ၶုၼ်​ႁေႃ​ၶမ်း​ ပႃႇပူႉလုၼ်ႇ ပႅတ်ႈ​ဢေႃႈ။-</verse>
				<verse number="3">ၼႂ်း​သွင်​ပီႊ ၵဝ်​တၵ်း​ဢဝ်​ၶိူင်ႈ​ပိူင် ႁိူၼ်း​ထႃႇဝရႃႉ​ၽြႃး ၵႃႈ​ဢၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​သိမ်း​ဢဝ်​သေ​ၵႃႈ​တီႈ​ၼႆႈ​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ ၶိုၼ်း​မႃး​ၵႃႈ​တီႈ​ၼႆႈ​ဢေႃႈ။-</verse>
				<verse number="4">ၵဝ်​တၵ်း​ဢဝ်​ၶုၼ်​ ယေႇၶေႃးၼီႉ လုၵ်ႈ​ၸၢႆး​ ယေႃးယၵိမ်း ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း ၵူၼ်း​မိူင်း​ ယူႉတႃႉ ၵႃႈ​ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၸူး ၵႃႈ​တီႈ​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ ၶိုၼ်း​မႃး​ၵႃႈ​တီႈ​ၼႆႈ​ဢေႃႈ။ ၵဝ်​တၵ်း​ႁၵ်း​ႁဵၵ်း​ၵၢၼ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ၼၼ်ႉ ပရေႃးၽႅတ်ႈ​ ယေႇရမီႉ ၶိုၼ်း​လၢတ်ႈ​တီႈ​ပရေႃးၽႅတ်ႈ​ ႁႃႇၼၼီႉ ​ၼၼ်ႉ သိုဝ်ႈ​ၼႃႈ​တႂ်ႈ​တႃ ယိတ်ႈပရေႃးႁဵၵ်ႈ​တင်း​လၢႆ ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင် ဢၼ်​ၸုၵ်း​ယူႇ​ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ၸိူဝ်း​ၼၼ်ႉ​ၸမ်ႉ၊-</verse>
				<verse number="6">ပရေႃးၽႅတ်ႈ ယေႇရမီႉ ​ၶိုၼ်း​လၢတ်ႈ​လႄႈ​ဝႃႈ၊ ဢႃႇမိၼ်ႇ။ ႁႂ်ႈ​ထႃႇဝရႃႉ​ၽြႃး ႁဵတ်း​ၸိူဝ်ႉ​ၼင်ႇ​ၼၼ်​သေ​ၵမ်း​လူၺ်ႈ။ ႁႂ်ႈ​ထႃႇဝရႃႉ​ၽြႃး ႁဵတ်း​ၸွမ်း​ၵႂၢမ်း​ဢၼ် မႂ်း​ႁေႃး​လၢတ်ႈ​ၼႆႉ​လႄႈ သမ်ႉ​ၶိုၼ်း​ဢဝ်​ၶိူင်ႈ​ပိူင်​ႁိူၼ်း ထႃႇဝရႃႉ​ၽြႃး ဢိၵ်ႇ​လူၺ်ႈ​ၵၼ်​တင်း​ၶဝ် ၵႃႈ​ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ ၶိုၼ်း​မႃး​ၵႃႈ​တီႈ​ၼႆႈ​သေ​ၵမ်း​လူၺ်ႈ။-</verse>
				<verse number="7">ၼႂ်း​ဝႃႈ​ၼၼ်​သေ​ၵေႃႈ မိူဝ်ႈ​လဵဝ်​ၼႆႉ​ထွမ်ႇ​ငိၼ်း​ၵႂၢမ်း​ဢၼ် ၵဝ်​ႁေႃး​လၢတ်ႈ​ထိုင်​ႁူ​မႂ်း ဢိၵ်ႇ​တင်း​ႁူ​ၵူၼ်း တင်း​သဵင်ႈ​တင်း​လူင်​တႃႉ။-</verse>
				<verse number="8">ပရေႃးၽႅတ်ႈ ဢၼ်​ယၢမ်ႈ​ပဵၼ်​ၵႂႃႇ​ယဝ်ႉ မိူဝ်ႈ​ၵွၼ်ႇ​ဢွၼ်​ၼႆႉ ဢွၼ်​တၢင်း​ၵဝ်​တင်း​မႂ်း​ၸိူဝ်း​ၼၼ်ႉ ၸၢင်ႈ​ဢွၼ်​ၵၼ်​ဢဝ် လွင်ႈ​သိုၵ်း​လွင်ႈ​သိူဝ်၊ လွင်ႈ​ၽေး​လွင်ႈ​ရၢၼ်ႇ၊ လွင်ႈ​ၽေး​ၵႃႇလႃႉ​ႁႃႈ​လႅင်​မိူင်း ႁေႃး​လၢတ်ႈ​ယူႇ​ၽၢႆႇ​ၼိုင်ႈ​တင်း​မိူင်း​ၼမ်​ၼႃႇ၊ သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ႁႅင်း​ယႂ်ႇ​ၼႃႇ တင်း​လၢႆ​ဢေႃႈ။-</verse>
				<verse number="9">ပေႃး​မီး​ပရေႃးၽႅတ်ႈ ဢၼ်​ႁေႃး​လၢတ်ႈ လွင်ႈ​ဢၼ်​တၵ်း​ပဵၼ် ဢၼ်​ၼိမ်​ဢၼ်​လီ​ၸိုင်၊ ယၢမ်း​မိူဝ်ႈ​ဢၼ် ၵႂၢမ်း​ပရေႃးၽႅတ်ႈ​ၼၼ်ႉ ပျေႉ​ၸုမ်ႇ​ၼၼ်ႉ တၵ်း​လႆႈ​ႁူႉ​လွင်ႈ ဢၼ်​ပဵၼ်​ပရေႃးၽႅတ်ႈ ဢၼ်​ပဵၼ်​ၵေႃႉ​ဢၼ် ထႃႇဝရႃႉ​ၽြႃး ပွႆႇ​ၸႂ်ႉ​မႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ၼၼ်ႉ ပရေႃးၽႅတ်ႈ​ ႁႃႇၼၼီႉ ​ၼၼ်ႉ ပူတ်း​ဢဝ်​ၵၢၼ်း ၵႃႈ​တီႈ​ၶေႃး​ပရေႃးၽႅတ်ႈ​ ယေႇရမီႉ ​ၼၼ်ႉ သေ​လႄႈ ႁၵ်း​ႁဵၵ်း​ပႅတ်ႈ​ဢေႃႈ။-</verse>
				<verse number="11">ႁႃႇၼၼီႉ ​ၼၼ်ႉ​လၢတ်ႈ​သိုဝ်ႈ​ၼႃႈ​တႂ်ႈ​တႃ ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​သွင်​ပီႊ ၵဝ်​တၵ်း​ဢဝ်​ၵၢၼ်း​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ႁၵ်း​ႁဵၵ်း​ပႅတ်ႈ​ၵႃႈ​တီႈ ၶေႃး​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ ပရေႃးၽႅတ်ႈ​ ယေႇရမီႉ ​ဢွၵ်ႇ​ၵႂႃႇ​သေ​ဢေႃႈ။-</verse>
				<verse number="12">လိုၼ်း​သေ​ဢၼ် ပရေႃးၽႅတ်ႈ​ ႁႃႇၼၼီႉ ႁၵ်း​ႁဵၵ်း​ၵၢၼ်း​ပႅတ်ႈ​သေ ၵႃႈ​တီႈ​ၶေႃး​ပရေႃးၽႅတ်ႈ​ ယေႇရမီႉ ​ၼၼ်ႉ၊ ၼုၵ်ႈၵပၢတ်ႈ ထႃႇဝရႃႉ​ၽြႃး သမ်ႉ​ႁွတ်ႈ​မႃး​တီႈ​ ယေႇရမီႉ ​ၸမ်ႉ၊-</verse>
				<verse number="13">မႂ်း​ၵႂႃႇ​လႄႈ သင်ႇ​လၢတ်ႈ​တီႈ​ ႁႃႇၼၼီႉ ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႂ်း​ႁၵ်း​ႁဵၵ်း​ၵၢၼ်း​မႆႉ​ၸိူဝ်း​ၼၼ်ႉ ပႅတ်ႈ​ယဝ်ႉ၊ မႂ်း​တၵ်း​လႆႈ​ႁဵတ်း​ၵၢၼ်း​လဵၵ်း တၢင်​တူဝ်​ၵၢၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="14">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​မီး​ဢမိင်ႉ​ၸမ်ႉ၊ ၵဝ်​ဢဝ်​ၵၢၼ်း​လဵၵ်း တၢင်ႇ​သႂ်ႇ​ပၼ်​ၵႃႈ​ၼိူဝ်​ၶေႃး ၵူၼ်း​မဵဝ်း​ၼႆႉ​ၵႃႈ​မီး​ၸိူဝ်း​ၼႆႉ ႁႂ်ႈ​ၵဝ်​လႆႈ​ၶၢမ်ႇ​တၢင်း​ဢၼ်​ၸႂ်ႉ​ဢၼ်​သွႆ တီႈ​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ ၶဝ်​တၵ်း​လႆႈ​ဢွၼ်​ၵၼ် ၶၢမ်ႇ​တၢင်း​ဢၼ်​ၸႂ်ႉ​ဢၼ်​သွႆ တီႈ​ၶုၼ်​ၼၼ်ႉ​ဢေႃႈ။ တရိၵ်ႈသၢၼ်ႇ​ထိူၼ်ႇ​တင်း​လၢႆ​ၵေႃႈ ၵဝ်​ဢဝ်​ဢၢပ်ႈ​ပၼ် တီႈ​မၼ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ပရေႃးၽႅတ်ႈ​ ယေႇရမီႉ သမ်ႉ​လၢတ်ႈ​တီႈ​ပရေႃးၽႅတ်ႈ​ ႁႃႇၼၼီႉ ​လႄႈ​ဝႃႈ၊ ႁႃႇၼၼီႉ ​ဢိူၺ်း၊ ထွမ်ႇ​ငိၼ်း​တႃႉ။ ထႃႇဝရႃႉ​ၽြႃး ဢမ်ႇ​ပွႆႇ​ၸႂ်ႉ​မႂ်း။ မႂ်း​ၸၢင်ႈ​ႁဵတ်း​ႁႂ်ႈ ၵူၼ်း​မဵဝ်း​ၼႆႉ သွၼ်ႈ​ပိုင်ႈ​မူႉ​သႃႇ​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ပႄႇ​ၽဵဝ်ႈ​မႂ်း​ပႅတ်ႈ​သေ ၵႃႈ​ၼိူဝ်​ၼႃႈ​လိၼ်​ဢေႃႈ။ မႂ်း​တၵ်း​လႆႈ​တၢႆ​ၼႂ်း​ပီႊ​ၼႆႉ ၵွပ်ႈ​ပိူဝ်ႈ​ဢၼ်​မႂ်း သင်ႇ​သွၼ်​ပၼ် တၢင်း​ဢၼ်​ပုင်ႇ​ၵၢၼ်ႇ ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၼင်ႇ​ၼၼ်​လႄႈ ပရေႃးၽႅတ်ႈ​ ႁႃႇၼၼီႉ ​ၼၼ်ႉ တၢႆ​လိူၼ်​သတ်ႉတမႃႉ ၼႂ်း​ပီႊ​ၼၼ်ႉ​ၵမ်း​လဵဝ်​ဢေႃႈ။</verse>
			</chapter>
			<chapter number="29">
				<verse number="1">ၵႂၢမ်း​လိၵ်ႈ​ဢၼ် ပရေႃးၽႅတ်ႈ​ ယေႇရမီႉ တႅမ်ႈ​လႄႈ ပွႆႇ​ၸႂ်ႉ​ဢွၵ်ႇ​သေ​ၵႃႈ​တီႈ ဝဵင်း​ ယေႇရူႉသလႅမ်ႇ ​ၵႂႃႇ​ၸူး ၵႃႈ​တီႈ​ၶဝ်​ၸိူဝ်း​ဢၼ် ပဵၼ်​ၵႄႇ​ပဵၼ်​ႁူဝ် ဢၼ်​ယင်း​ၵိုတ်း​ယင်း​ၵျၢၼ်ႇ တီႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ ဢိၵ်ႇ​တင်း ယိတ်ႈပရေႃးႁဵၵ်ႈ​လႂ်၊ ပရေႃးၽႅတ်ႈ​လႂ်၊ ၵူၼ်း​ၵႃႈ​ဢၼ်​လႆႈ​ၶၢမ်ႇ​တၢင်း​ဢၼ် ၼေႇပူႉၶတ်ႉၼေႇၸႃႇ ​သိမ်း​ဢဝ်​ဢွၵ်ႇ​သေ ၵႃႈ​တီႈ​ဝဵင်း​ ယေႇရူႉသလႅမ်ႇ ၵႂႃႇ​ၸူး​ၵႃႈ​တီႈ​ဝဵင်း​ ပႃႇပူႉလုၼ်ႇ ၊-</verse>
				<verse number="2">လိုၼ်း​သေ​ၶုၼ်​ႁေႃ​ၶမ်း​ ယေႇၶေႃးၼီႉ ဢိၵ်ႇ​တင်း​ၼၢင်း​ႁေႃ​ၶမ်း၊ ၵူၼ်း​ထိင်း​ၼၢင်း​လႂ်၊ မူး​မၢတ်ႈ​ၽွင်း​မိူင်း​ဝဵင်း​ ယေႇရူႉသလႅမ်ႇ မိူင်း​ ယူႉတႃႉ ​လႂ်၊ လၢၵ်ႈသမႃး​လႂ်၊ ၸၢင်ႈ​လဵၵ်း​လႂ် ဢွၵ်ႇ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၵႂႃႇ​ၼၼ်ႉ​လႄႈ၊-</verse>
				<verse number="3">ဢဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ ဢေးလႃႇသႃႉ လုၵ်ႈ​ၸၢႆး​ သႃႇၽၢၼ်ႇ တင်း​ ၵေႇမရီႉ လုၵ်ႈ​ၸၢႆး​ ႁီႉလၶီႉ ဢၼ်​ ၸေႇတၵီႉ ​ၶုၼ်​ႁေႃ​ၶမ်း​ ယူႉတႃႉ ပွႆႇ​ၸႂ်ႉ​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ၸူး​ၵႃႈ​တီႈ​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၸိူဝ်း​ၼၼ်ႉ ၼၼ်ႉ​ၸမ်ႉ၊-</verse>
				<verse number="4">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​မီး​ဢမိင်ႉ​တီႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ဢၼ်​မၼ်း​ၸၢင်ႈ​ႁႂ်ႈ​သိမ်း​ဢဝ် ဢွၵ်ႇ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ၵႃႈ​မီး​ၼၼ်ႉ လႄႈ​ဝႃႈ​ၸမ်ႉ၊-</verse>
				<verse number="5">ဢွၼ်​ၵၼ်​ႁဵတ်း​ႁိူၼ်း​ႁဵတ်း​ယေး သေ​လႄႈ ၶျႃး​တီႈ​ယူႇ​တႃႉ။ ဢွၼ်​ၵၼ် ၽုၵ်ႇ​သွမ်ႈ​သူၼ်​ဢူးယဵၼ်ႇ​သေ​လႄႈ ၵိၼ်​မၢၵ်ႇ​မၼ်း​ႁူင်း​မၼ်း​တႃႉ။-</verse>
				<verse number="6">ဢွၼ်​ၵၼ်​ဢဝ်​မေး​လႄႈ လဵင်ႉ​ၵိူတ်ႇ​လုၵ်ႈ​ၸၢႆး​လုၵ်ႈ​ယိင်း​တႃႉ။ တီႈ​လုၵ်ႈ​ၸၢႆး​သူ​ၼၼ်ႉ ဢဝ်​မေး​ပၼ်​လႄႈ တီႈ​လုၵ်ႈ​ယိင်း​သူ ၼၼ်ႉ​ၵေႃႈ ဢဝ်​ၽူဝ်​ပၼ်​လႄႈ သမ်ႉ​ႁႂ်ႈ​ၶဝ်​ဢွၼ်​ၵၼ် ၵိူတ်ႇ​လဵင်ႉ လုၵ်ႈ​ၸၢႆး​လုၵ်ႈ​ယိင်း​တႃႉ။-</verse>
				<verse number="7">ဢွၼ်​ၵၼ်​ယႂ်ႇ​ၽႄႈ​တူဝ်း​တွၼ်း​မႃး ၵႃႈ​တီႈ​ၼၼ်ႈ​တႃႉ။ ယႃႇ​ပေ​ႁႂ်ႈ​လႆႈ​မီး​တၢင်း​ဢၼ် သုတ်ႈ​ၵႂႃႇ​ယွမ်း​ၵႂႃႇ။ ဢွၼ်​ၵၼ်​ႁႃ​ဢဝ် ႁႂ်ႈ​တၢင်း​ဢၼ်​ၼိမ်​ဢၼ်​လီ ပုၼ်ႈ​ဝဵင်း​ဢၼ်​ၵဝ် ႁႂ်ႈ​သူ​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​ၼၼ်ႉ​လႄႈ သူး​တွင်း​တီႈ ထႃႇဝရႃႉ​ၽြႃး ပုၼ်ႈ​ဝဵင်း​ၼၼ်ႉ​တႃႉ။ သူ​တၵ်း​မီး​တၢင်း​ဢၼ်​ၼိမ်​ဢၼ်​လီ ၵႃႈ​ၼႂ်း​တၢင်း​ဢၼ်​ၼိမ်​ဢၼ်​လီ​ဝဵင်း ၼၼ်ႉ​ဢေႃႈ။-</verse>
				<verse number="8">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​မီး​ဢမိင်ႉ​ၸမ်ႉ၊ ယႃႇ​ပေ​ႁႂ်ႈ​ပရေႃးၽႅတ်ႈ ဢိၵ်ႇ​တင်း သြႃႇ​ဢၼ်​ဢၼႃႇၵၢတ်ႈ ဢၼ်​မီး​ၵႃႈ​တီႈ​သူ​ၸိူဝ်း​ၼၼ်ႉ ဢွၼ်​ၵၼ် ပႅတ်ႉ​လႅၼ်​သူ။ ယႃႇ​ပေ​ဢွၼ်​ၵၼ်​ထွမ်ႇ​ဢဝ် တၢင်း​ဢၼ်​ၼွၼ်း​ၽၼ်​ႁၼ်​သူ ဢၼ်​သူ ႁႂ်ႈ​ၽၼ်​ႁၼ်​ၼၼ်ႉ။-</verse>
				<verse number="9">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ သြႃႇ​လႂ်​ၼၼ်ႉ၊ ၵဝ်​ယင်း​ဢမ်ႇ​ပွႆႇ​ၸႂ်ႉ​ၶဝ်​လႄႈ ၶဝ်​ၸၢင်ႈ​ဢိင်​ၼႃႇ​မႃႉ​ၸိုဝ်ႈ​သဵင်​ၵဝ် သေ​လႄႈ ႁေႃး​လၢတ်ႈ​ၵႂၢမ်း​မူႉ​သႃႇ​ဢေႃႈ။-</verse>
				<verse number="10">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူဝ်ႈ​ဢၼ်​ၸေး​ၸဵတ်း​သိပ်း​ပီႊ ၵႃႈ​တီႈ​ဝဵင်း​ ပႃႇပူႉလုၼ်ႇ ​ၼၼ်ႉ ယဝ်ႉ​ၼၼ်ႉ၊ ၵဝ်​တၵ်း​မႃး​လူ​မႃး​တူၺ်း​လႄႈ ႁႂ်ႈ​ၵတီႉ​ဢၼ်​လီ ဢၼ်​ၵဝ်​ဝႆႉ​တီႈ​သူ​ၼၼ်ႉ တႄႇ​ပဵၼ်​ၼႂ်း​တၢင်း​ဢၼ် ဢဝ်​သူ​ၶိုၼ်း​မႃး​ၵႃႈ​တီႈ မိူင်း​ၼႆႉ​ၼၼ်ႉ​ဢေႃႈ။-</verse>
				<verse number="11">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ႁူႉ​တၢင်း​ၵျၢမ်ႇ​တၢင်း​ပွင် ဢၼ်​ၵဝ်​ၵျၢမ်ႇ​ပွင်​ပုၼ်ႈ​သူ ဢၼ်​ဝႃႈ တၢင်း​ၵျၢမ်ႇ​တၢင်း​ပွင်​လွင်ႈ​တၢင်း​ဢၼ်​ႁၢႆႉ​ဢၼ်​ယုတ်ႈ ဢမ်ႇ​ၸႂ်ႈ၊ တၢင်း​ၵျၢမ်ႇ​တၢင်း​ပွင် လွင်ႈ​တၢင်း​ဢၼ်​ၼိမ်​ဢၼ်​လီ​ၵူၺ်း​ၵူၺ်း ႁႂ်ႈ​သူ​လႆႈ​ဢၵျူဝ်း တၢင်း​ဢၼ်​မုင်ႈ​ထႃႈ​မွင်း​ထႃႈ ၼႂ်း​မိူဝ်ႈ​ဢၼ် ပဵၼ်​တီႈ​သုတ်း​တီႈ​ၵွႆ​သူ​ၼၼ်ႉ​ယူႇ​ဢေႃႈ။-</verse>
				<verse number="12">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ သူ​တၵ်း ဢွၼ်​ၵၼ်​ႁွင်ႉ​ႁႃ​ၵဝ်​လႄႈ ၵႂႃႇ​သူး​တွင်း​တီႈ​ၵဝ်​လႄႈ ၵဝ်​တၵ်း​ထွမ်ႇ​ဢဝ်​ၵႂၢမ်း​သူ​ဢေႃႈ။-</verse>
				<verse number="13">ယၢမ်း​မိူဝ်ႈ​ဢၼ် သူ​ပႃး​တင်း​ႁူဝ်​ၸႂ်​သဵင်ႈ​သဵင်ႈ သေ​လႄႈ ႁႃ​ဢဝ်​ၵဝ်​ၼၼ်ႉ၊ တၵ်း​ႁႃ​လႄႈ​ထူပ်း​ၵဝ်​ဢေႃႈ။-</verse>
				<verse number="14">ၵဝ်​ၵေႃႈ တၵ်း​ၶၢမ်ႇ​တၢင်း​ဢၼ်​သူ​ထူပ်း​လႄႈ ၵဝ်​တၵ်း​ပွႆႇ​တၢင်း​ဢၼ်​သူ လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​လွတ်ႈ​လႄႈ ၸူႉ​သိမ်း​ဢဝ်​သူ ဢွၵ်ႇ​သေ​ၵႃႈ​ၼႂ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း ဢိၵ်ႇ​တင်း သေ​ၵႃႈ​တီႈ​ဢၼ်​ၵဝ်​ႁေႃႈ​သူ​ဢွၵ်ႇ​ၸူး ၵႃႈ​မီး​ၸိူဝ်း​ၼၼ်ႉ ၶိုၼ်း​မႃး​ၸူး ၵႃႈ​တီႈ​မိူင်း​ဢၼ် ၵဝ်​ႁႂ်ႈ​သူ​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ဢွၵ်ႇ​သေ ၵႃႈ​ၼႂ်း​မၼ်း​ၵႂႃႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="15">ၵူၺ်း​ၵႃႈ သူ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး ႁႂ်ႈ​ပရေႃးၽႅတ်ႈ​ပေႃႇ​မႃး​ပုၼ်ႈ​ႁဝ်း ၵႃႈ​ၼႂ်း​ဝဵင်း​ ပႃႇပူႉလုၼ်ႇ ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ဢဝ်​လွင်ႈ​ၶုၼ်​ႁေႃ​ၶမ်း ဢၼ်​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ တႃႇဝိတ်ႈ ဢိၵ်ႇ​တင်း ၶဝ်​ၸိူဝ်း​ဢၼ်​ယူႇ ၵႃႈ​ၼႂ်း​ဝဵင်း​ၼႆႉ တင်း​သဵင်ႈ​တင်း​လူင်​ဢၼ်​ဝႃႈ ပီႈ​သူ​ၼွင်ႉ​သူ ဢၼ်​ဢမ်ႇ​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ လူၺ်ႈ​ၵၼ်​တင်း​သူ​ၼၼ်ႉ​လႄႈ မီး​ဢမိင်ႉ​ၸမ်ႉ၊-</verse>
				<verse number="17">ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ တူၺ်း​လူး၊ ၵဝ်​တၵ်း​ပွႆႇ​ၸႂ်ႉ​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း​တင်း​လၢႆ ၸူး​တီႈ​ၶဝ်​လႄႈ ႁႂ်ႈ​ၶဝ်​ပဵၼ်​ၸိူဝ်ႉ​ၼင်ႇ မၢၵ်ႇ​လိူဝ်ႇ​သၢင်း​ၽေႃး ဢၼ်​ၺၢမ်ႉ​ၼႃႇ​လူင်​လၢင် ထၼ်ႈ​ပေႃး​ဢမ်ႇ​ၵိၼ်​လႆႈ​ၼၼ်ႉ​ဢေႃႈ။-</verse>
				<verse number="18">ၵဝ်​တၵ်း​ဢဝ်​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​လႄႈ ဢဝ်​ၶဝ်​ဢၢပ်ႈ​ပၼ်​တီႈ​တၢင်း​ဢၼ် ဢဝ်​ၶဝ်​ထိမ်ႈ​ၵႂႃႇ​ထိမ်ႈ​ၶိုၼ်း​ယူႇ ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း ပုၼ်ႈ​ဢၼ်​တၵ်း​ပဵၼ် တီႈ​ဢၼ်​ၵိၼ်ႇ​ဢၼ်​လႃႇ၊ တီႈ​ဢၼ်​လီ​ဢၢမ်း၊ တီႈ​ဢၼ်​ငိၼ်း​သဵင် ဢၼ်​ႁဵတ်း​သီႉ​သီႉ​သေႃႉ​သေႃႉ သႄႉ​သွမ်း၊ တီႈ​ဢၼ်​ယႃႉ​သရေႇ​တူၵ်း​တီႈ​တႅမ်ႇ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း တီႈ​ဢၼ်​ၵဝ်​ႁေႃႈ​ၶဝ်​ဢွၵ်ႇ​ၸူး​ၸိူဝ်း​ၼၼ်ႉ​ဢေႃႈ။-</verse>
				<verse number="19">လွင်ႈ​မၼ်း​ၸမ်ႉ ၶဝ်​ဢမ်ႇ​ဢွၼ်​ၵၼ်​ထွမ်ႇ​ဢဝ်​ၵႂၢမ်း​ၵဝ် ဢၼ်​ၵဝ်​လုၵ်ႉ​ၸဝ်ႉ​ၸဝ်ႉ​သေ​လႄႈ ပွႆႇ​ၸႂ်ႉ​ၶႃႈ​ၵဝ် ပရေႃးၽႅတ်ႈ​ၸိူဝ်း​ၼၼ်ႉ ၵႂႃႇ​ၸူး​တီႈ​ၶဝ် ၶိူဝ်း​ၶိူဝ်း​ယႂ်း​ယႂ်း​ၼၼ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="20">ၵူၺ်း​ၵႃႈ သူ​ဢမ်ႇ​မီး​ဢလူဝ်ႇ​ၶႂ်ႈ​ထွမ်ႇ​ဢဝ်၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။ ပိူဝ်ႈ​ၼႆ​လႄႈ သူ​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​လႄႈ ၵဝ်​ပွႆႇ​ၸႂ်ႉ​ဢွၵ်ႇ​သေ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၸူး​ၵႃႈ​တီႈ​ဝဵင်း​ ပႃႇပူႉလုၼ်ႇ တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း ထႃႇဝရႃႉ​ၽြႃး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ဢဝ်​လွင်ႈ​ ဢႃႇႁပ်ႉ လုၵ်ႈ​ၸၢႆး​ ၵေႃးလႃႇယႃႉ ဢိၵ်ႇ​တင်း​ ၸေႇတၵီႉ လုၵ်ႈ​ၸၢႆး​ မႃႇသေႇယႃႉ ဢၼ်​ဢိင်​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​လႄႈ ႁေႃး​လၢတ်ႈ​ၵႂၢမ်း​မူႉ​သႃႇ တီႈ​သူ​ၼၼ်ႉ​လႄႈ မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ဢဝ်​ၶဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ ၶုၼ်​ၼၼ်ႉ တၵ်း​ဢဝ်​ၶဝ်​တၢႆ​သိုဝ်ႈ​ၼႃႈ​တႂ်ႈ​တႃ​သူ​ဢေႃႈ။-</verse>
				<verse number="22">ၵူၼ်း​မဵဝ်း​ ယူႉတႃႉ တင်း​သဵင်ႈ​တင်း​လူင် ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ တၵ်း​ဢွၼ်​ၵၼ်​ဢဝ်​ၶဝ်​ႁဵတ်း ဢပုမ်ႇ​တႅၵ်ႈ​သေ​လႄႈ ၵိၼ်ႇ​ဝႃႈ၊ ႁႂ်ႈ​ထႃႇဝရႃႉ​ၽြႃး ႁႂ်ႈ​မႂ်း​ပဵၼ်​ၸိူဝ်ႉ​ၼင်ႇ​ ၸေႇတၵီႉ ဢိၵ်ႇ​တင်း​ ဢႃႇႁပ်ႉ ဢၼ်​ၶုၼ်​ႁေႃ​ၶမ်း​ ပႃႇပူႉလုၼ်ႇ ဢဝ်​တုတ်ႇ​ၽႆး​ပႅတ်ႈ​ၼၼ်ႉ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">လွင်ႈ​မၼ်း​ၸမ်ႉ ၶဝ်​ၼၼ်ႉ ဢွၼ်​ၵၼ်​ႁဵတ်း​ဢမူႉ​ဢႃႉထမ်ႇမႃႉ ၵႃႈ​ၼႂ်း​မဵဝ်း​ ဢီႉသရေႇလႃႉ ​ယဝ်ႉ။ ၶဝ်​ဢွၼ်​ၵၼ်​ၽိတ်း​ပိူင်ႈ​မေး​ပိူၼ်ႈ​ယဝ်ႉ။ ၵဝ်​ယင်း​ဢမ်ႇ​သင်ႇ​လၢတ်ႈ​ဝႆႉ တီႈ​ၶဝ်​လႄႈ ၶဝ်​ဢွၼ်​ၵၼ်​ဢိင် ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ ႁေႃး​လၢတ်ႈ​မူႉ​သႃႇ​ယဝ်ႉ။ ၵဝ်​ႁူႉ​ႁၼ်​လႄႈ ပဵၼ်​သၢၵ်ႈ​သေႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="24">တီႈ​ သေႇမႃႇယႃႉ ၵူၼ်း​ဝၢၼ်ႈ​ ၼႁေႇလမ်ႇ ၵေႃႈ မႂ်း​တၵ်း​လႆႈ​လၢတ်ႈ​လႄႈ​ဝႃႈ၊-</verse>
				<verse number="25">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​မီး​ဢမိင်ႉ​ၸမ်ႉ၊ မႂ်း​ဢိင်​ၼႃႇ​မႃႉ​ၸိုဝ်ႈ​သဵင်​မႂ်း​သေ​လႄႈ​ပၼ်​လိၵ်ႈ​ၵႂႃႇ​တီႈ ၸေႇၽၼီႉ လုၵ်ႈ​ၸၢႆး​ယိတ်ႈပရေႃးႁဵၵ်ႈ​ မႃႇသေႇယႃႉ ဢိၵ်ႇ​တင်း ယိတ်ႈပရေႃးႁဵၵ်ႈ တင်း​သဵင်ႈ​တင်း​လူင် တင်း​ၵူၼ်း​ဝဵင်း​ ယေႇရူႉသလႅမ်ႇ ၵႃႈ​မီး​ၼၼ်ႉ​လႄႈ​ဝႃႈ၊-</verse>
				<verse number="26">ထႃႇဝရႃႉ​ၽြႃး ၶၢၼ်း​မႂ်း​ဝႆႉ ႁႂ်ႈ​မႂ်း​ပဵၼ်​ယိတ်ႈပရေႃးႁဵၵ်ႈ ပုၼ်ႈ​တၢင်​တူဝ် ယိတ်ႈပရေႃးႁဵၵ်ႈ​ ယေႃးယတႃႉ ႁႂ်ႈ​သူ​ပဵၼ်​ၵူၼ်း​ဢၼ် ပႂ်ႉ​တီႈ​ႁိူၼ်း ထႃႇဝရႃႉ​ၽြႃး​လႄႈ ဢဝ်​ၶဝ် ၵႃႈ​ဢၼ်​ယွင်ႇ​ဢၼ်​မႃႈ​လႄႈ ႁဵတ်း​ပရေႃးၽႅတ်ႈ ၸိူဝ်း​ၼၼ်ႉ ၶင်​ဝႆႉ​ၵႃႈ​ၼႂ်း​ထွင်ႇ​လႄႈ ဢဝ်​သႂ်ႇ​ၵႃႈ​ၼႂ်း​ထိၵ်ႈ​ဢေႃႈ။-</verse>
				<verse number="27">ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢမ်ႇ​သင်ႇ​သွၼ်​သုင်း​မႃႉ​ ယေႇရမီႉ ၵူၼ်း​ဝၢၼ်ႈ​ ဢႃႇၼသုတ်ႉ ဢၼ်​ႁဵတ်း​ပရေႃးၽႅတ်ႈ ၵႃႈ​ၼႂ်း​သူ​ၼၼ်ႉ​ၼင်ႇ​ႁိုဝ်။-</verse>
				<verse number="28">မၼ်း​ၼၼ်ႉ သင်ႇ​လၢတ်ႈ​မႃး​တီႈ​ႁဝ်း ဢၼ်​ယူႇ​ၵႃႈ​တီႈ ဝဵင်း​ ပႃႇပူႉလုၼ်ႇ ​ၸိူဝ်း​ၼႆႉ​လႄႈ​ဝႃႈ၊ ဢမူႉ​ၼႆႉ​တၵ်း​ႁိုင်​ဢေႃႈ။ ဢွၼ်​ၵၼ်​ႁဵတ်း​ႁိူၼ်း​ႁဵတ်း​ယေး​သေ​လႄႈ ၶျႃး​တီႈ​ယူႇ​တႃႉ။ ဢွၼ်​ၵၼ် ၽုၵ်ႇ​သွမ်ႈ​သူၼ်​ဢူးယဵၼ်ႇ​လႄႈ ၵိၼ်​မၢၵ်ႇ​မၼ်း ႁူင်း​မၼ်း​တႃႉ၊ ဝႃႈ​ၼင်ႇ​ၼႆ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ယိတ်ႈပရေႃးႁဵၵ်ႈ​ ၸေႇၽၼီႉ ဢဝ်​လိၵ်ႈ​ၼႆႉ​ၽတ်း​ထိုင်​ႁူ ပရေႃးၽႅတ်ႈ​ ယေႇရမီႉ ​ဢေႃႈ။-</verse>
				<verse number="30">မိူဝ်ႈ​ၼၼ်ႉ​ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ​လႄႈ သင်ႇ​လၢတ်ႈ​ဝႆႉ​ၸမ်ႉ၊-</verse>
				<verse number="31">မႂ်း​ပၼ်​လိၵ်ႈ​ၵႂႃႇ​တီႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ တင်း​သဵင်ႈ​တင်း​လူင်​ၼၼ်ႉ လႄႈ​ဝႃႈ၊ ထႃႇဝရႃႉ​ၽြႃး ဢဝ်​လွင်ႈ​ သေႇမႃႇယႃႉ ၊ ၵူၼ်း​ဝၢၼ်ႈ​ ၼႁေႇလမ်ႇ ​လႄႈ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​ သေႇမႃႇယႃႉ ဢၼ်​ၵဝ်​ဢမ်ႇ​ပွႆႇ​ၸႂ်ႉ​ၼၼ်ႉ ႁဵတ်း​ပရေႃးၽႅတ်ႈ​တီႈ​သူ​လႄႈ ႁႂ်ႈ​သူ​သွၼ်ႈ​ပိုင်ႈ​မူႉ​သႃႇ​ၼၼ်ႉ​လႄႈ၊-</verse>
				<verse number="32">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ပၼ်​တၢမ်ႇ​တီႈ​ သေႇမႃႇယႃႉ ဢိၵ်ႇ​တင်း မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။ မၼ်း​တၵ်း​ဢမ်ႇ​လႆႈ​မီး သေ​ၵေႃႉ​သေ​ၵူၼ်း ဢၼ်​လႆႈ​ဢၶႂၢင်ႉ​ဢၼ်​လႆႈ​ယူႇ ၵႃႈ​တီႈ​ၼႂ်း​ၵူၼ်း​မဵဝ်း​ၼႆႉ။ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မၼ်း​ဢမ်ႇ​လႆႈ​ႁၼ် ၵျေး​ၸူး​ဢၼ်​ၵဝ်​တၵ်း​ႁဵတ်း တီႈ​ၵူၼ်း​ၵဝ်​တင်း​လၢႆ ၵွပ်ႈ​ပိူဝ်ႈ​ဢၼ်​မၼ်း​သင်ႇ​ပၼ် သွၼ်​ပၼ် တၢင်း​ဢၼ်​ပုင်ႇ​ၵၢၼ်ႇ ထႃႇဝရႃႉ​ၽြႃး​ၼၼ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="30">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ​လႄႈ၊-</verse>
				<verse number="2">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​မီး​ဢမိင်ႉ​ၸမ်ႉ၊ တႅမ်ႈ​ၵႂၢမ်း​ၵႃႈ​ဢၼ်​ၵဝ် လၢတ်ႈ​တီႈ​မႂ်း​ၸိူဝ်း​ၼၼ်ႉ​ဝႆႉ ၵႃႈ​ၼႂ်း​လိၵ်ႈ​တႃႉ၊-</verse>
				<verse number="3">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိုဝ်ႉ​ဝၼ်း​ဢၼ်​ၵဝ်​တၵ်း​ဢဝ် ၵူၼ်း​ၵဝ်​ၵူၼ်း​မဵဝ်း​ ဢီႉသရေႇလႃႉ တင်း​ၵူၼ်း​မဵဝ်း​ ယူႉတႃႉ ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ​ၸိူဝ်း​ၼၼ်ႉ ၶိုၼ်း​မႃး​ၼၼ်ႉ တၵ်း​ႁွတ်ႈ​ထိုင်​ဢေႃႈ။ ၵဝ်​တၵ်း​ႁႂ်ႈ​ၶဝ်​ၶိုၼ်း​မႃး​ၵႃႈ​တီႈ​မိူင်း​ဢၼ် ၵဝ်​ပၼ်​တီႈ​ပူႇ​ၶဝ်​မွၼ်ႇ​ၶဝ်​ၼၼ်ႉ​လႄႈ ၶဝ်​ၼၼ်ႉ တၵ်း​လႆႈ​ဢွၼ်​ၵၼ်​ပိူင်ႇ​ဢဝ်​ဢေႃႈ၊ ဝႃႈ​ၼင်ႇ​ၼႆ​လႄႈ မၼ်း​ၸဝ်ႈ​မီး​ဢမိင်ႉ​ဢေႃႈ။-</verse>
				<verse number="4">ၵႂၢမ်း​ဢၼ် ထႃႇဝရႃႉ​ၽြႃး ဢဝ်​လွင်ႈ​မဵဝ်း​ ဢီႉသရေႇလႃႉ တင်း​မဵဝ်း​ ယူႉတႃႉ ​လႄႈ​မီး​ဢမိင်ႉ​ၸမ်ႉ၊-</verse>
				<verse number="5">ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ႁဝ်း​လႆႈ​ငိၼ်း​သဵင်​ၵႂၢမ်း​ဢၼ်​တူၵ်း​ၸႂ်​ဢေႃႈ။ ဢမ်ႇ​မီး​တၢင်း​ဢၼ်​ၼိမ်​ဢၼ်​လီ။ မီး​လွင်ႈ​ဢၼ်​လီ​ၵူဝ်​လီ​ႁႄ​ၵူၺ်း​ဢေႃႈ။-</verse>
				<verse number="6">ဢွၼ်​ၵၼ်​တွင်ႈ​ထၢမ်​လႄႈ လူ​တူၺ်း​လွင်ႈ​ဢၼ် ၵူၼ်း​ၸၢႆး​ၸၢင်ႈ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ႁိုဝ် ၼၼ်ႉ​တႃႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​လႆႈ​ႁၼ်​လွင်ႈ​ဢၼ်​ၵူၼ်း​ၸၢႆး ၵူႈ​ၵေႃႉ​ၵူႈ​ၵူၼ်း​ဢဝ်​မိုဝ်း​တဝ်ႉ ၵႃႈ​တီႈ​ဢႅဝ်​တူဝ်​ၸဝ်ႈ​ၵဝ်ႇ မိူၼ်​ၸိူဝ်ႉ​ၼင်ႇ​မႄႈ​ယိင်း ဢၼ်​လႆႈ​ၶၢမ်ႇ​ဝူၺ်ႇတၼႃႇ တၢင်း​ဢၼ်​ၵိူတ်ႇ​လဵင်ႉ​လုၵ်ႈ လဵင်ႉ​လၢင်း​ၼၼ်ႉ​လႄႈ ၼႃႈ​ၵူၼ်း​တင်း​သဵင်ႈ​တင်း​လူင် မီး​တၢင်း​ဢၼ် ႁႅင်ႈ​ႁႅတ်ႉ​ၵႂႃႇ​ၼၼ်ႉ​ၼင်ႇ​ႁိုဝ်။-</verse>
				<verse number="7">ဢလူဝ်း၊ ဢလူဝ်း၊ မိုဝ်ႉ​ဝၼ်း​ၼၼ်ႉ​ၸမ်ႉ၊ ပဵၼ်​မိုဝ်ႉ​ဝၼ်း​ဢၼ် ယႂ်ႇ​ၼႃႇ​ထၼ်ႈ​ပေႃး​ဢမ်ႇ​ၵၢပ်ႈ ဢမ်ႇ​တႅၵ်ႈ​လႆႈ​ဢေႃႈ။ ပဵၼ်​မိုဝ်ႉ​ဝၼ်း​ဢၼ် ၽေး​ႁွတ်ႈ​ထိုင်​တီႈ မဵဝ်း​ ယႃႇၵုပ်ႈ ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၶဝ်​တၵ်း​ႁွတ်ႈ​ထိုင်​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​ၵႃႈ​ၼႂ်း​ၼၼ်ႉ​ဢေႃႈ။-</verse>
				<verse number="8">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ဢဝ်​ၵၢၼ်း​ဢၼ်​ၶဝ်​လႆႈ​ႁၢပ်ႇ​ၼၼ်ႉ ႁၵ်း​ပႅတ်ႈ​သေ​ၵႃႈ​တီႈ​ၶေႃး​ၶဝ်​လႄႈ တႅပ်း​ၸိူၵ်ႈ ဢၼ်​မတ်ႉ​ၽုၵ်ႇ​ၶဝ်​ၼၼ်ႉ​ပႅတ်ႈ​ဢေႃႈ။ ၵမ်း​လိုၼ်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ တၵ်း​ဢမ်ႇ​လႆႈ​ဢွၼ်​ၵၼ် ၸႂ်ႉ​ၵိၼ်​ၶဝ်။-</verse>
				<verse number="9">ၶဝ်​တၵ်း​လႆႈ​ဢွၼ်​ၵၼ်​ပွင်​ႁဵတ်း​ဢမူႉ ၽြႃး​ပဵၼ်​ၸဝ်ႈ​ၶဝ် ဢိၵ်ႇ​တင်း ဢမူႉ​ၶုၼ်​လူင်​ တႃႇဝိတ်ႈ ဢၼ်​ၵဝ်​တၵ်း​ႁႂ်ႈ​ပေႃႇ​ပဵၼ်​မႃး ပုၼ်ႈ​ၶဝ်​ၼၼ်ႉ​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶႃႈ​ၵဝ်​ ယႃႇၵုပ်ႈ ​ဢိူၺ်း၊ ယႃႇ​ပေ​ၵူဝ်​ပေ​ႁႄ။ မဵဝ်း​ ဢီႉသရေႇလႃႉ ​ဢိူၺ်း၊ ယႃႇ​ပေ​ၸႂ်​လူႉ။ ၵဝ်​တၵ်း​ၼုၵ်ႈ​ဢဝ်​မႂ်း​ဢွၵ်ႇ​သေ ၵႃႈ​တီႈ​ဢၼ်​ၵႆ ဢိၵ်ႇ​တင်း မဵဝ်း​ၸိူဝ်ႉ​ၶိူဝ်း​မႂ်း​သေ​ၵႃႈ​တီႈ မိူင်း​ဢၼ်​သိမ်း​ဢဝ်​ၶဝ်​ၵႂႃႇ​ၼၼ်ႉ​မႃး​လႄႈ၊ မဵဝ်း​ ယႃႇၵုပ်ႈ ​တၵ်း​ၶိုၼ်း​မႃး​လႄႈ ယင်း​ဢမ်ႇ​မီး ၵေႃႉ​ဢၼ်​လွၵ်ႇ​ဢၼ်​ငိုတ်ႈ​မၼ်း​လႄႈ တၵ်း​လႆႈ​ယူႇ​တဵတ်ႇ​လီ ၼိမ်​လီ ၵတ်း​ယဵၼ်​ၶျၢမ်း​သႃႇ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​မီး​ယူႇ​လူၺ်ႈ​ၵၼ်​တင်း​မႂ်း ႁႂ်ႈ​လႆႈ​ၵႄႇ​သႄႇ​ၶျွတ်ႈ​ဢဝ်​မႂ်း​ဢေႃႈ။ ပိၵ်ႉ​သမ်ႉ​ၵဝ်​ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း တီႈ​ဢၼ်​ၵဝ် ၸၢတ်ႇ​ပိုၼ်​မႂ်း​ပႅတ်ႈ​ၸိူဝ်း​ၼၼ်ႉ သုမ်း​ၸွမ်း​သေ​ၵေႃႈ၊ ၵဝ်​တၵ်း​ဢမ်ႇ​ႁႂ်ႈ​မႂ်း​သုမ်း​ၸွမ်း။ ၼႂ်း​ဝႃႈ​ၼၼ်​သေ​ၵေႃႈ ၵဝ်​ယင်း​ဢမ်ႇ​ပွႆႇ​ဢပႅတ်ႈ​မႂ်း​လွတ်ႈ မူတ်း​မူတ်း​သဵင်ႈ​သဵင်ႈ​လႄႈ တၵ်း​သင်ႇ​သွၼ်​သုင်း​မႃႉ​မႂ်း ႁႂ်ႈ​မႅၼ်ႈ​ၸွမ်း​ၼင်ႇ​တြႃး​ဢေႃႈ။-</verse>
				<verse number="12">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တၢင်း​ၸဵပ်း​တၢင်း​သႅပ်ႇ​မႂ်း​ၼၼ်ႉ ႁၢႆ​ယၢပ်ႇ​ၼႃႇ​လႄႈ ဝူၺ်ႇတၼႃႇ ဢၼ်​မႂ်း​လႆႈ​ၶၢမ်ႇ​ၼၼ်ႉ ႁႅင်း​ယႂ်ႇ​ၼႃႇ ဢေႃႈ။-</verse>
				<verse number="13">ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ပႂ်ႉ​ဢမူႉ​မႂ်း ႁႂ်ႈ​လႆႈ​မတ်ႉ​ၶဵၼ်း​ပၼ် တၢင်း​ၸဵပ်း​တၢင်း​သႅပ်ႇ​မႂ်း​ၼၼ်ႉ။ မႂ်း​ဢမ်ႇ​မီး​ယႃႈ​ယႃ​ဢၼ်​ႁႂ်ႈ တၢင်း​ၸဵပ်း​တၢင်း​သႅပ်ႇ​မႂ်း ႁၢႆ​လႆႈ​ၼၼ်ႉ။-</verse>
				<verse number="14">ၵေႃႉ​သေႈ​မႂ်း​ၵႃႈ​မီး​ၼၼ်ႉ လူင်​လိုမ်း​မႂ်း​လႄႈ ယင်း​ဢမ်ႇ​ဢွၼ်​ၵၼ် တွင်ႈ​ႁႃ​ထၢမ်​ႁႃ​လႄႈ​ယူႇ​ဢေႃႈ။ ၵွပ်ႈ​ပိူဝ်ႈ​ဢၼ် ဢပႅတ်ႈ​မႂ်း​ယႂ်ႇ​လႄႈ တူႉ​ၸရိူၵ်ႈ​ဢၼ်​မႂ်း​ႁဵတ်း​ၼၼ်ႉ ၼမ်​ၼႃႇ​ၼၼ်ႉ​လႄႈ၊ ၵဝ်​ဢဝ်​တၢင်း​ၸဵပ်း​တၢင်း​သႅပ်ႇ ဢၼ်​ရၢၼ်ႇ​သူႇ​ၸၢင်ႈ​ပၼ်​ၼၼ်ႉ ဢိၵ်ႇ​တင်း တၢမ်ႇ​ဢၼ်​ၵေႃႉ​ဢၼ် ႁၢဝ်ႈ​ၵျၢမ်း​ၼႃႇ​ၸၢင်ႈ​ပၼ်​ၼၼ်ႉ ႁႂ်ႈ​မႂ်း​ၸဵပ်း​မႂ်း​သႅပ်ႇ​ယဝ်ႉ။-</verse>
				<verse number="15">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ႁႆႈ​ႁွင်ႉ​ၵွပ်ႈ​ပိူဝ်ႈ တၢင်း​ၸဵပ်း​တၢင်း​သႅပ်ႇ​မႂ်း​ၼၼ်ႉ​ၼင်ႇ​ႁိုဝ်။ ဝူၺ်ႇတၼႃႇ တၢင်း​ဢၼ်​မႂ်း​လႆႈ​ၶၢမ်ႇ​ၼၼ်ႉ​ႁၢႆ​ယၢပ်ႇ​ၼႃႇ​ဢေႃႈ။ ၵွပ်ႈ​ပိူဝ်ႈ ဢၼ်​ဢပႅတ်ႈ​မႂ်း​ယႂ်ႇ​လႄႈ တူႉ​ၸရိူၵ်ႈ​ဢၼ်​မႂ်း​ႁဵတ်း​ၼၼ်ႉ ၼမ်​ၼႃႇ​ၼၼ်ႉ​လႄႈ ၵဝ်​လႆႈ​သင်ႇ​သွၼ်​သုင်း​မႃႉ​မႂ်း​ၸိူဝ်ႉ​ၼင်ႇ​ၼႆ​ယဝ်ႉ။-</verse>
				<verse number="16">ၼႂ်း​ဝႃႈ​ၼၼ်​သေ​ၵေႃႈ ၶဝ်​ၸိူဝ်း​ဢၼ်​ၶူပ်း​ၵိၼ်​မႂ်း တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ဢွၼ်​ၵၼ်​ၶၢမ်ႇ​တၢင်း​ဢၼ် ၶူပ်း​ၵိၼ်​ဢေႃႈ။ ရၢၼ်ႇ​သူႇ​မႂ်း​တင်း​သဵင်ႈ​တင်း​လူင် တၵ်း​လႆႈ​ဢွၼ်​ၵၼ် ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ၵူႈ​ၵေႃႉ​ၵူႈ​ၵူၼ်း​ဢေႃႈ။ ၶဝ်​ၸိူဝ်း​ဢၼ်​ႁိမ်​ဢဝ်​ႁူင်ႇ​ဢဝ်​မႂ်း​ၼၼ်ႉ တၵ်း​လႆႈ​ဢွၼ်​ၵၼ် ၶၢမ်ႇ​တၢင်း​ဢၼ်​ႁိမ်​ဢဝ်​ႁူင်ႇ​ဢဝ်​လႄႈ၊ ၶဝ်​ၸိူဝ်း​ဢၼ်​ယႃႉ​မႂ်း​ပႅတ်ႈ​တင်း​သဵင်ႈ​တင်း​လူင် ၼၼ်ႉ​ၸိုင် ၵဝ်​တၵ်း​ဢဝ်​ဢၢပ်ႈ​ပၼ် တီႈ​တၢင်း​ဢၼ်​ယႃႉ​ပႅတ်ႈ​ဢေႃႈ။-</verse>
				<verse number="17">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ႁႂ်ႈ​မႂ်း​ယူႇ​လီ​ၵိၼ်​ဝၢၼ် ပဵၼ်​ၸိူဝ်ႉ​ၼင်ႇ ပၵ်း​ၵဝ်ႇ​ပိူင်​ၵဝ်ႇ​လႄႈ ႁႂ်ႈ​တၢင်း​ၸဵပ်း​တၢင်း​သႅပ်ႇ​မႂ်း​ႁၢႆ ၵွပ်ႈ​ပိူဝ်ႈ​ဢၼ် ပိူၼ်ႈ​ႁွင်ႉ​ႁဵၵ်ႈ​ၸိုဝ်ႈ​မႂ်း ၵေႃႉ​ဢၼ်​လႆႈ​ၶၢမ်ႇ တၢင်း​ဢၼ်​ၸုၼ်ႉ​ပႅတ်ႈ​လႄႈ လၢတ်ႈ​လႄႈ​ဝႃႈ၊ မၼ်း​ၼႆႉ​ပဵၼ်​ဝဵင်း​ ၸီႉဢုၼ်ႇ ဢၼ်​ၽူႈ​လႂ် ဢမ်ႇ​လူ​တူၺ်း​လုမ်း​လႃး၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="18">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ဢဝ်​မူဝ်းၵႃႇ​မဵဝ်း​ ယႃႇၵုပ်ႈ ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၸိူဝ်း​ၼၼ်ႉ ၶိုၼ်း​မႃး​လႄႈ ဢဵတ်း​လူ​တီႈ​ဢၼ်​ၶဝ်​ယူႇ​ၶဝ်​သဝ်း​ၼၼ်ႉ​ဢေႃႈ။ ဝဵင်း​ၵေႃႈ​တၵ်း​မီး​တၢင်း​ဢၼ် တႄႇ​ယူႇ​ၵႃႈ​ၼိူဝ်​ၵုင်း တူဝ်​ၸဝ်ႈ​ၵဝ်ႇ​လႄႈ ႁေႃ​ၶမ်း​ၵေႃႈ​တၵ်း​တႄႇ​ယူႇ​ၸွမ်း​ၼင်ႇ​ထုင်း​ၸၢမ်ႇ ပၵ်း​ၵဝ်ႇ​ပိူင်​ၵဝ်ႇ​ၼၼ်ႉ​ဢေႃႈ။-</verse>
				<verse number="19">သဵင်​တၢင်း​ဢၼ် ယွင်ႈ​ယေႃး​ၵျေး​ၸူး၊ သဵင်​ၶဝ်​ၸိူဝ်း​ဢၼ်​သႂၢင်ႇ​သိူဝ်း​ၼၼ်ႉ တၵ်း​ဢွၵ်ႇ​ၵႃႈ​ၼႂ်း​ၶဝ်​ၼၼ်ႉ​လႄႈ ၵဝ်​တၵ်း​ႁႂ်ႈ​ၶဝ်​ပဵၼ်​ဢၼ်​ယႂ်ႇ​ဢၼ်​ၼမ်​လႄႈ ၶဝ်​တၵ်း​ဢမ်ႇ​လႆႈ​ပဵၼ် ဢၼ်​လဵၵ်ႉ​ဢၼ်​ၵေႇ။ ၵဝ်​တၵ်း​ႁႂ်ႈ​ၶဝ်​ႁွတ်ႈ​ထိုင် တၢင်း​ဢၼ်​ယွင်ႈ​ဢၼ်​ယေႃး​လႄႈ ၶဝ်​တၵ်း​ဢမ်ႇ​လႆႈ​ပဵၼ် ဢၼ်​လဵၵ်ႉ​ဢၼ်​ဢွၼ်ႇ။-</verse>
				<verse number="20">လုၵ်ႈ​ၶဝ်​လၢၼ်​ၶဝ် တၵ်း​ပဵၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​ၼႆႉ​ၼၼ်ႉ​လႄႈ ပရဵၵ်ႈသၢတ်ႈ​ၶဝ်​တင်း​လၢႆ တၵ်း​လႆႈ​တႄႇ​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ၵဝ်​တၵ်း​ပၼ်​တၢမ်ႇ​ဢပႅတ်ႈ​တီႈ​ၶဝ် ၵႃႈ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၼၼ်ႉ​ဢေႃႈ။-</verse>
				<verse number="21">ၶုၼ်​ၶဝ်​ၼၼ်ႉ တၵ်း​ပဵၼ်​မဵဝ်း​ၶဝ်​လႄႈ ၵေႃႉ​ဢၼ်​ဢုပ်ႉ​ပိူင်ႇ​ၶဝ်​ၼၼ်ႉ တၵ်း​ပေႃႇ​ဢွၵ်ႇ​ပဵၼ်​မႃး ၵႃႈ​ၼႂ်း​ၶဝ်​ဢေႃႈ။ ၵဝ်​တၵ်း​ၸူဝ်း​ဢဝ်​မၼ်း မႃး​ၸူး​လႄႈ မၼ်း​တၵ်း​သုတ်ႉ​ၸပ်း​သုတ်ႉ​ၸူး တီႈ​ၵဝ်​ဢေႃႈ။ ၽူႈ​လႂ်​မီး ၸႂ်​ဢၼ်​ႁတ်း​ႁၢၼ် ႁႂ်ႈ​လႆႈ​သုတ်ႉ​ၸပ်း​သုတ်ႉ​ၸူး​တီႈ​ၵဝ်။-</verse>
				<verse number="22">မိူဝ်ႈ​ၼၼ်ႉ သူ​တၵ်း​ပဵၼ်​ၵူၼ်း​ၵဝ်​လႄႈ ၵဝ်​ၵေႃႈ​တၵ်း​ပဵၼ် ၽြႃး​ပဵၼ်​ၸဝ်ႈ​သူ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="23">တူၺ်း​လူး၊ လူမ်း​ၽိဝ်ႇ​ႁုင် ထႃႇဝရႃႉ​ၽြႃး ဢၼ်​ဝႃႈ​ဢၢႆ​တၢင်း​ၸႂ်​မႆႈ​ၶႆႈ​ၸႃႉ မၼ်း​ၸဝ်ႈ​ၼၼ်ႉ ဢွၵ်ႇ​မႃး​လႄႈ၊ ပဵၼ်​လူမ်း​ၽိဝ်ႇ​ႁုင် ဢၼ်​ပၼ်ႇ​ၵၢဝ်ႉ​ပတ်ႉ​ထူဝ်း​ၼၼ်ႉ​ဢေႃႈ။ တၵ်း​ပတ်ႉ​ထူဝ်း​သႂ်ႇ​ၵႃႈ​ၼိူဝ်​ႁူဝ် ၶဝ်​ၸိူဝ်း​ဢၼ် ဢမ်ႇ​တြႃး​ၼၼ်ႉ​ႁႅင်း​ယႂ်ႇ​ၼႃႇ လူင်​လၢင်​ဢေႃႈ။-</verse>
				<verse number="24">တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး တၵ်း​ဢမ်ႇ​ဝၢႆႇ​ဢမ်ႇ​ၶိုၼ်း တေႃႇ​ထိုင်​ႁွတ်ႈ မၼ်း​ၸဝ်ႈ​ထၼ်ႈ​ပေႃး​ၵွႆ​မိုဝ်း​မၼ်း​ၸဝ်ႈ​လႄႈ ႁႂ်ႈ​တၢင်း​ၵျၢမ်ႇ​တၢင်း​ပွင် မၼ်း​ၸဝ်ႈ​လႆႈ​ပျေႉ​ၸုမ်ႇ ၼၼ်ႉ​ဢေႃႈ။ ၶိင်ႇ​မိုဝ်ႉ​ဝၼ်း​လိုၼ်း​ၼၼ်ႉ သူ​တၵ်း​ႁူႉ​ၸႅင်ႈ လီ​လီ​ငၢမ်း​ငၢမ်း​ဢေႃႈ။</verse>
			</chapter>
			<chapter number="31">
				<verse number="1">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶိင်ႇ​မိူဝ်ႈ​ၼၼ်ႉ ၵဝ်​တၵ်း​ပဵၼ် ၽြႃး​ပဵၼ်​ၸဝ်ႈ တီႈ​မဵဝ်း​ပီႈ​မဵဝ်း​ၼွင်ႉ ၸိူဝ်ႉ​ၶိူဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ ၶဝ်​ၼၼ်ႉ တၵ်း​ဢွၼ်​ၵၼ်​ပဵၼ်​ၵူၼ်း​ၵဝ်​ဢေႃႈ။-</verse>
				<verse number="2">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း​တင်း​လၢႆ ဢၼ်​ၵၢင်း​လွတ်ႈ​တင်း ၽေး​လၢပ်ႇ​ၽေး​လႅဝ်း ဢၼ်​ဝႃႈ​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ လႆႈ​ၶၢမ်ႇ​ၵျေး​ၸူး ၵႃႈ​တီႈ​ထိူၼ်ႇ​ၼႂ်း​မိူဝ်ႈ​ဢၼ်​ၵဝ်​ၵႂႃႇ ႁႂ်ႈ​လႆႈ​ပၼ် ၵတ်း​ယဵၼ်​ၶျၢမ်း​သႃႇ​ၼၼ်ႉ​ယဝ်ႉ။-</verse>
				<verse number="3">ထႃႇဝရႃႉ​ၽြႃး​ပေႃႇ​မႃး​တီႈ​ၵဝ် မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​လႄႈ မီး​ဢမိင်ႉ​ဝႃႈ​ၸမ်ႉ၊ ၵဝ်​ဢဝ်​တင်း​မႅတ်ႈ​တႃႇ ထႃႇဝရႃႉ​ႁၵ်ႉ​ပႅင်း​မႂ်း ဢမၢၼ်ႇ​ၶၼ်​ပဵၼ်​ဢေႃႈ။ ပိူဝ်ႈ​ၼႆ​လႄႈ ၵဝ်​ၼႄ​ပျႃး ၵျေး​ၸူး​ၵရူႉၼႃႇ​ၵဝ် တီႈ​မႂ်း​ႁိုင်​ၼႃႇ​ဢေႃႈ။-</verse>
				<verse number="4">ၵၼ်ႇ​ၺႃႇ​လုၵ်ႈ​ယိင်း​သၢဝ်​ ဢီႉသရေႇလႃႉ ​ဢိူၺ်း၊ ၵဝ်​တၵ်း​သမ်ႉ​ၶိုၼ်း​တႄႇ​ႁဵတ်း​မႂ်း​လႄႈ မႂ်း​တၵ်း​ႁွတ်ႈ​ထိုင်​တၢင်း​ဢၼ်​တႄႇ​ႁဵတ်း​ဢေႃႈ။ မႂ်း​တၵ်း​သမ်ႉ​ၶိုၼ်း​လႆႈ ႁၢင်ႈ​ၶိူင်ႈ​ၵွင်​ၶဵတ်ႇ​ယူႇ၊ ၵႃႈ​ဝႅၼ်​ၸွမ်း​လူၺ်ႈ​ၵၼ် တင်း​ၶဝ်​ၸိူဝ်း​ဢၼ်​ႁဵတ်း တၢင်း​ဢၼ်​သႂၢင်ႇ​သိူဝ်း​ၼၼ်ႉ​ယူႇ သေ​လႄႈ​ၵႂႃႇ​ပႆ​ဢေႃႈ။-</verse>
				<verse number="5">မႂ်း​တၵ်း​သမ်ႉ​ၶိုၼ်း လႆႈ​ၽုၵ်ႇ​သွမ်ႈ သူၼ်​ဢူးယဵၼ်ႇ​ၸပိတ်ႈ ၵႃႈ​ၼိူဝ်​လွႆ​ သမႃႇရီႉ ​ထႅင်ႈ​လႄႈ ၶဝ်​ၸိူဝ်း​ဢၼ် ႁဵတ်း​သူၼ်​ဢူးယဵၼ်ႇ​ၼၼ်ႉ တၵ်း​ဢွၼ်​ၵၼ်​ၽုၵ်ႇ​သွမ်ႈ​သေ​လႄႈ ၵိၼ်​မၢၵ်ႇ​မၼ်း ၸွမ်း​လူၺ်ႈ​ဢလူဝ်ႇ​မႂ်း​ဢေႃႈ။-</verse>
				<verse number="6">မိုဝ်ႉ​ဝၼ်း​ဢၼ်​ၵူၼ်း​ပႂ်ႉ​ၵၢင် ၵႃႈ​ၼိူဝ်​ႁၢၼ်ႉ​လွႆ​ ဢေႇၽရိမ်ႇ ​ၸိူဝ်း​ၼၼ်ႉ တၵ်း​ႁွင်ႉ​သႅၼ်ႇ​လႄႈ​လၢတ်ႈ​ဝႃႈ၊ ဢွၼ်​ၵၼ်​လုၵ်ႉ​လႄႈ ၶိုၼ်ႈ​ၸူး​ၵႃႈ​တီႈ​လွႆ​ ၸီႉဢုၼ်ႇ တီႈ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​မီး​ၼၼ်ႉ တႃႉ​ႁဝ်း၊ ဝႃႈ​ၼင်ႇ​ၼႆ​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="7">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ်​ႁဵတ်း​ၵႂၢမ်း​ဢၼ် သႂၢင်ႇ​သိူဝ်း​ၼႃႇ​လူင်​လၢင် တီႈ​မဵဝ်း​ ယႃႇၵုပ်ႈ ​လႄႈ ပၢဝ်ႇ​သေႃႇ​တီႈ​ၸိၵ်း​ၸွမ်​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ​တႃႉ။ ဢွၼ်​ၵၼ်​မွၵ်ႇ​လၢတ်ႈ​သေ​လႄႈ ယွင်ႈ​ယေႃး​လႄႈ ဢွၵ်ႇ​သူပ်း​ဝႃႈ ထႃႇဝရႃႉ​ၽြႃး တီႈ​ၶႃႈ၊ ၶႅၼ်း​တေႃႈ ၵႄႇ​သႄႇ​ၶျွတ်ႈ​ဢဝ် ၵူၼ်း​ၸဝ်ႈ​ႁဝ်း​ဢၼ်​ဝႃႈ ၵူၼ်း​မဵဝ်း​ ဢီႉသရေႇလႃႉ ဢၼ်​ယင်း​ၵိုတ်း​ယင်း​ၵျၢၼ်ႇ ၸိူဝ်း​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="8">တူၺ်း​လူး၊ ၵဝ်​တၵ်း​ဢဝ်​ၶဝ် ဢွၵ်ႇ​သေ​ၵႃႈ​တီႈ​မိူင်း​တၢင်း​ႁွင်ႇ​လႄႈ သိမ်း​ဢဝ်​ၶဝ်​ဢွၵ်ႇ​သေ ၵႃႈ​တီႈ​ႁိမ်း ၸဵင်ႇ​သုတ်း​လိၼ်​မိူင်း​ပုၼ်ႉ မႃး​ဢေႃႈ။ ၵေႃႉ​ဢၼ်​တႃ​မွတ်ႇ၊ ၵေႃႉ​ဢၼ်​တိၼ်​ၵႅင်ႉ၊ မႄႈ​ယိင်း​ဢၼ်​ပႃး​တွင်ႉ၊ မႄႈ​ယိင်း​ဢၼ်​ၶၢမ်ႇ​ဝူၺ်ႇတၼႃႇ တၢင်း​ဢၼ် ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း ၸိူဝ်း​ၼၼ်ႉ​ၵေႃႈ ပႃး​မႃး​လူၺ်ႈ​ၵၼ်​တင်း​ၶဝ်​လႄႈ ပဵၼ်​မုၵ်ႉ​ပဵၼ်​ၸိူဝ်း ဢၼ်​ယႂ်ႇ​ၼႃႇ​သေ​လႄႈ ဢွၼ်​ၵၼ်​ၶိုၼ်း​မႃး​ဢေႃႈ။-</verse>
				<verse number="9">ၶဝ်​တၵ်း​ဢွၼ်​ၵၼ် ႁႆႈ​ႁွင်ႉ​ယူႇ​သေ​လႄႈ မႃး​လႄႈ ၵဝ်​တၵ်း​ဢဝ်​တၢင်း​ဢၼ် ၶဝ်​ႁဵတ်း​သူး​တွင်း​ပထၼႃႇ ၸိူဝ်း​ၼၼ်ႉ ဢဝ်​ၶဝ်​သူင်ႇ​ဢေႃႈ။ ၵဝ်​တၵ်း​ႁႂ်ႈ​ၶဝ် တႆႇ​ၸွမ်း​ႁိမ်း​ၼမ်ႉ​ႁွင်ႈ​ၼမ်ႉ​ၵႄး ၵႃႈ​ၼႂ်း​သဵၼ်ႈ​တၢင်း​ဢၼ်​သိုဝ်ႈ​လီ ဢၼ်​ဢမ်ႇ​လႆႈ​တိူဝ်ႉ​မႅၼ်ႈ​လႄႈ လူမ်ႉ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵဝ်​ပဵၼ်​ပေႃႈ​မဵဝ်း​ ဢီႉသရေႇလႃႉ ​လႄႈ မဵဝ်း​ ဢေႇၽရိမ်ႇ ​ၼၼ်ႉ ပဵၼ်​လုၵ်ႈ​ၸၢႆး​တူၼ်ႈ​ၵဝ်​ဢေႃႈ။-</verse>
				<verse number="10">မဵဝ်း​ၵူၼ်း​ၼမ်​ၼႃႇ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး​လႄႈ ႁွင်ႉ​ပၢဝ်ႇ​ႁွင်ႉ​သေႃႇ ၵႃႈ​ၼႂ်း​ၵုၼ်​ဢၼ်​မီး ၵႃႈ​ၼႂ်း​ပၢင်ႇ​လၢႆႇ​ၸိူဝ်း​ၼၼ်ႉ​သေ​လႄႈ မွၵ်ႇ​လၢတ်ႈ​လႄႈ​ဝႃႈ၊ ၸဝ်ႈ​ဢၼ်​ဢဝ်​မဵဝ်း​ ဢီႉသရေႇလႃႉ ၸၢတ်ႇ​ပိုၼ်​ပႅတ်ႈ​ၼၼ်ႉ တၵ်း​သမ်ႉ​ၶိုၼ်း​ၸူႉ​သိမ်း​သေ​လႄႈ ပႂ်ႉ​ယူႇ​ၸိူဝ်ႉ​ၼင်ႇ​ဢၼ် ၵူၼ်း​ဢၼ်​လဵင်ႉ​သူဝ်း​ထိင်း​သူဝ်း ပႂ်ႉ​ၽုင်​သူဝ်း​မၼ်း​ယူႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="11">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ထုတ်ႇ​ၼုၵ်ႈ​ဢဝ် မဵဝ်း​ ယႃႇၵုပ်ႈ ​လႄႈ ၵႄႇ​ၶျွတ်ႈ​ၼုၵ်ႈ​ဢဝ်​မၼ်း ဢွၵ်ႇ​သေ​ၵႃႈ​ၼႂ်း မိုဝ်း​ၵေႃႉ​ဢၼ် ႁႅင်း​ယႂ်ႇ​ၼႃႇ​သေ​မၼ်း ၼၼ်ႉ​ယဝ်ႉ။-</verse>
				<verse number="12">ပိူဝ်ႈ​ၼႆ​လႄႈ​မဵဝ်း​ၵူၼ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​မႃး​သေ​လႄႈ ႁဵတ်း​ၵႂၢမ်း​ၵႃႈ​ၼိူဝ်​ၸိၵ်း​ၸွမ်​လွႆ​ ၸီႉဢုၼ်ႇ ​လႄႈ တၵ်း​ၸူႉ​ၵၼ်​တုမ်​ၵၼ် ႁႂ်ႈ​လႆႈ​ၶၢမ်ႇ​ၵျေး​ၸူး​တၢင်း​ဢၼ် ထႃႇဝရႃႉ​ၽြႃး ႁဵတ်း​ဢၼ်​ဝႃႈ ၶဝ်ႈ​ပိူၵ်ႇ​ၶဝ်ႈ​သၢၼ်၊ ၼမ်ႉ​ၸပိတ်ႈ၊ ၼမ်ႉ​မၼ်း၊ သူဝ်း​ဢွၼ်ႇ၊ ဝူဝ်း​ဢွၼ်ႇ​ၸိူဝ်း​ၼၼ်ႉ​ဢေႃႈ။ ၸႂ်​ဝီႉၺိၺ်ႇ​ၶဝ်​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​သူၼ်​ဢူးယဵၼ်ႇ ဢၼ်​ႁူတ်း​ၼမ်ႉ​ၼၼ်ႉ​လႄႈ ၵမ်း​လိုၼ်း​တၵ်း​ဢမ်ႇ​လႆႈ​မီး တၢင်း​ဢၼ်​ႁဵဝ်ႇ​ဢၼ်​ၸွပ်ႈ။-</verse>
				<verse number="13">မိူဝ်ႈ​ၼၼ်ႉ​ၵၼ်ႇ​ၺႃႇ​လုၵ်ႈ​ယိင်း​သၢဝ် တၵ်း​ၵႃႈ​ဝႅၼ်​ယူႇ​သေ​လႄႈ မူၼ်ႈ​ပျေႃႇ​လူၺ်ႈ​ၵၼ် တင်း​ၵူၼ်း​ၼုမ်ႇ​ၵူၼ်း​ၵမ် ၵူၼ်း​ထဝ်ႈ​ၵူၼ်း​ၵႄႇ​တင်း​လၢႆ​လႄႈ ၵဝ်​တၵ်း​ႁႂ်ႈ​လွင်ႈ​တၢင်း​ဢၼ် ၶဝ်​ၶၢင်း​ၶီ​ၶၢင်း​ၽၢၼ်​ၼၼ်ႉ ပဵၼ်​တၢင်း​ဢၼ်​ၸူမ်း​သိူဝ်း​ဢေႃႈ။ ၵဝ်​တၵ်း​ႁဵတ်း​ႁႂ်ႈ ၸႂ်​ၶဝ်​သၢၵ်ႈ​သႃႇ​လႄႈ ႁႂ်ႈ​ၶဝ်​သႂၢင်ႇ​သိူဝ်း ၼႂ်း​တၢင်း​ဢၼ် ငိၼ်း​ၶီ​ငိၼ်း​ၽၢၼ် ၶဝ်​ၼၼ်ႉ​ဢေႃႈ။-</verse>
				<verse number="14">ၵဝ်​တၵ်း​ႁႂ်ႈ​ႁူဝ်​ၸႂ်​ယိတ်ႈပရေႃးႁဵၵ်ႈ တင်း​လၢႆ ထၼ်ႈ​ပေႃး​မိူဝ်ႇ ပေႃး​ၸၢၼ်ႈ လူၺ်ႈ​ၼိူဝ်ႉ​ဢၼ်​ပီး​လီ မၼ်း​လီ​ၼၼ်ႉ​လႄႈ ၵူၼ်း​ၵဝ်​တင်း​လၢႆ​ၵေႃႈ တၵ်း​ဢိမ်ႇ​တဵမ်​ဝႆႉ​တင်း ၵျေး​ၸူး​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="15">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼႂ်း​တီႈ​ ရႃႇမႃႉ လႆႈ​ငိၼ်း​သဵင်​ပွင်ႉ​သဵင်​ၶၢင်း၊ သဵင်​ႁွင်ႉ​သဵင်​ႁႆႈ​လႄႈ ရႃႇၶေႇလႃႉ ပိူဝ်ႈ​ဢၼ်​လုၵ်ႈ​လၢင်း​တူဝ်​ၸဝ်ႈ​ၵဝ်ႇ​တင်း​လၢႆ ဢမ်ႇ​မီး​ၼၼ်ႉ​လႄႈ​ႁႆႈ​ယူႇ ဢမ်ႇ​ပေႇ​ၸႂ်​လႆႈ။-</verse>
				<verse number="16">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႂ်း​ယိူၼ်ႉ​ၵၼ်ႈ​သဵင်​သူပ်း​မႂ်း ၼႂ်း​တၢင်း​ဢၼ်​ႁႆႈ​ဢၼ်​ႁွင်ႉ​လႄႈ ယိူၼ်ႉ​ၵၼ်ႈ​မၢၵ်ႇ​တႃ​မႂ်း ၼႂ်း​တၢင်း​ဢၼ်​ၼမ်ႉ​တႃ​တူၵ်း​ၼၼ်ႉ​တႃႉ။ တၢင်း​ဢၼ်​မႂ်း​ၵမ်​ၵျၢင်ႉ​ၼၼ်ႉ တၵ်း​ပဵၼ်​ဢၵျူဝ်း​တီႈ​မႂ်း​လႄႈ ၶဝ်​ၼၼ်ႉ တၵ်း​ဢွၼ်​ၵၼ်​လုၵ်ႉ​သေ ၵႃႈ​တီႈ​မိူင်း​ရၢၼ်ႇ​သူႇ ၶိုၼ်း​မႃး​ဢေႃႈ။-</verse>
				<verse number="17">မီး​လွင်ႈ​ဢၼ် မုင်ႈ​ထႃႈ​မွင်း​ထႃႈ ၼႂ်း​တီႈ​ဢၼ်​သုတ်း​ဢၼ်​ၵွႆ​မႂ်း​ၼၼ်ႉ​ဢေႃႈ။ လုၵ်ႈ​မႂ်း​လၢင်း​မႂ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​ၶိုၼ်း​မႃး​ၵႃႈ​တီႈ မိူင်း​ဢၼ်​ၶဝ်​ယူႇ​ၵဝ်ႇ​ၵဝ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="18">ၵဝ်​လႆႈ​ငိၼ်း​ ဢေႇၽရိမ်ႇ တၢင်ႇ​ဢပႅတ်ႈ​တီႈ တူဝ်​ၸဝ်ႈ​ၵဝ်ႇ​လႄႈ ပွင်ႉ​ၶၢင်း​ပွင်ႉ​မိူၼ်ႇ​လႄႈ​ဝႃႈ​ၸမ်ႉ၊ ၸဝ်ႈ​ႁဝ်း​သင်ႇ​သွၼ်​သုင်း​မႃႉ ၶႃႈ​ၸဝ်ႈ​လႄႈ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ် သင်ႇ​သွၼ်​သုင်း​မႃႉ မိူၼ်​ၸိူဝ်ႉ​ၼင်ႇ​ဝူဝ်း​ဢွၼ်ႇ ဢၼ်​ႁႄ​ၼၼ်ႉ​တီႈ​ၶႃႈ​ယဝ်ႉ။ၶႅၼ်း​တေႃႈ ဢဝ်​ၶႃႈ​ၸဝ်ႈ​ဝၢႆႇ​ၶိုၼ်း​သေ​ၵမ်း​တီႈ​ၶႃႈ၊ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶႃႈ​ၸဝ်ႈ​တၵ်း​ဝၢႆႇ​ၶိုၼ်း​တီႈ​ၶႃႈ​ဢေႃႈ။ ၸဝ်ႈ​ႁဝ်း​ပဵၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၵဝ်​ၶႃႈ​တီႈ​ၶႃႈ​ဢေႃႈ။-</verse>
				<verse number="19">လိုၼ်း​သေ ဢၼ်​ၶႃႈ​ၸဝ်ႈ​ဝၢႆႇ​ၶိုၼ်း​ယဝ်ႉ​ၼၼ်ႉ၊ ၶႃႈ​ၸဝ်ႈ​ၶုၵ်း​ၸႂ်​လႆႈ​မႆႈ​ၸႂ် ဢမၢၼ်ႇ​ၶၼ်​ပဵၼ်​တီႈ​ၶႃႈ​ဢေႃႈ။ လိုၼ်း​သေ​ဢၼ်​ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​သင်ႇ​သွၼ်​သုင်း​မႃႉ​ယဝ်ႉ​ၼၼ်ႉ၊ ၶႃႈ​ၸဝ်ႈ​ပေႃႉ​ယႅၼ်ႉ​သၼ်​ၶႃ တူဝ်​ၸဝ်ႈ​ၵဝ်ႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ဢူၵ်း​ဢၢႆ​လႄႈ မီး​တၢင်း​ဢၼ်​ငိူဝ်ႈ​ယူႇ​ငဝ်​ယူႇ ၵွပ်ႈ​ပိူဝ်ႈ​ဢၼ် ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ် သရေႇလူႉ​လူၺ်ႈ​လွင်ႈ ဢပႅတ်ႈ​ဢၼ်​ၶႃႈ​ၸဝ်ႈ​ႁဵတ်း​မႅၼ်ႈ ၼႂ်း​မိူဝ်ႈ​ဢၼ်​ဢသၢၵ်ႈ ယင်း​လဵၵ်ႉ​ယင်း​ဢွၼ်ႇ​ၼၼ်ႉ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢမၢၼ်ႇ​ၶၼ်​ပဵၼ်​ယဝ်ႉ။-</verse>
				<verse number="20">ဢေႇၽရိမ်ႇ ​ၼၼ်ႉ ပဵၼ်​လုၵ်ႈ​ၸၢႆး​ဢၼ်​ၵဝ်​ႁၵ်ႉ​ႁိုဝ်။ ပဵၼ်​လုၵ်ႈ​ဢွၼ်ႇ ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ်​ႁိုဝ်။ ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း ၼႂ်း​မိူဝ်ႈ​ဢၼ်​ၵဝ်​လၢတ်ႈ​လွင်ႈ​မၼ်း​ၼၼ်ႉ ၵူႈ​ပွၵ်ႈ​ဢေႃႈ။ ပိူဝ်ႈ​ၼႆ​လႄႈ ႁူဝ်​ၸႂ်​ၵဝ်​မီး​တၢင်း​ဢၼ် ၸွၼ်​မႆႈ​ၸွၼ်​ၶီ​ပုၼ်ႈ​မၼ်း​လႄႈ ၵဝ်​တၵ်း​ၵႄႇ​သႄႇ ဢဵတ်း​လူ​မၼ်း ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="21">မႂ်း​ပၵ်း​သဝ်​မၢတ်ႈ​သဝ်​တွင်း​တင်း​လၢႆ ၵႃႈ​တီႈ​သဵၼ်ႈ​တၢင်း​လႄႈ ပူၵ်း​သဝ်​လိၵ်ႈ​သဝ်​လၢႆး​တႃႉ။ ႁႂ်ႈ​ၸႂ်​မႂ်း​ၸပ်း​ၸွႆး သဵၼ်ႈ​တၢင်း​လူင် ဢၼ်​ဝႃႈ သဵၼ်ႈ​တၢင်း​ဢၼ်​မႂ်း လႆႈ​ၸွမ်း​ၵႂႃႇ​ၼၼ်ႉ​တႃႉ။ ၵၼ်ႇ​ၺႃႇ​လုၵ်ႈ​ယိင်း​သၢဝ် ဢီႉသရေႇလႃႉ ​ဢိူၺ်း၊ ဝၢႆႇ​ၶိုၼ်း​မႃး​တႃႉ။ ဝၢႆႇ​ၶိုၼ်း​မႃး​ၸူး​ၵႃႈ​တီႈ​ဝဵင်း​တီႈ​ယူႇ​တီႈ​သဝ်း​မႂ်း​ၸိူဝ်း​ၼႆႉ​တႃႉ။-</verse>
				<verse number="22">လုၵ်ႈ​ယိင်း​ဢၼ်​ၽွၵ်ႈ​ပျၢၼ်ႇ​ၶိုၼ်း​ၼႆႉ​ဢိူၺ်း၊ မႂ်း​တၵ်း​လႄႇ​ၵႂႃႇ​လႄႇ​မႃး ယူႇ​ၶိင်ႇ​ၵႃႇလႃႉ​ႁိုင်​ၼႃႇ​ၵႃႈ​ႁိုဝ်။ ထႃႇဝရႃႉ​ၽြႃး တၵ်း​ၸီႇ​ယၢင်ႇ လွင်ႈ​တၢင်း​ဢၼ်​မႂ်ႇ ၵႃႈ​ၼိူဝ်​လိၼ်​မိူင်း​လႄႈ မႄႈ​ယိင်း​တၵ်း​လွမ်ႉ​လဵပ်ႈ​ႁွပ်ႈ​ၵူၼ်း​ၸၢႆး​ဢေႃႈ။</verse>
				<verse number="23">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ယၢမ်း​မိူဝ်ႈ​ဢၼ်​ၵဝ်​သိမ်း​ဢဝ် ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ ၶိုၼ်း​မႃး​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​ဝၢၼ်ႈ​ဝဵင်း မိူင်း​ ယူႉတႃႉ ​တင်း​လၢႆ​ၼၼ်ႉ တၵ်း​ဢွၼ်​ၵၼ်​သုင်း​သွင်ႇ ၵႂၢမ်း​ဢၼ်​လၢတ်ႈ​လႄႈ​ဝႃႈ၊ ထႃႇၼႃႉ​တီႈ​ယူႇ​တၢင်း​ဢၼ်​သိုဝ်ႈ​တေႃႇ​ဢိူၺ်း၊ လွႆ​တီႈ​ယူႇ​တၢင်း​ဢၼ် မူတ်း​ၸၢင်ႇ​ဢိူၺ်း၊ ႁႂ်ႈ​ထႃႇဝရႃႉ​ၽြႃး ပၼ်​တၢင်း​လီ​တီႈ​မႂ်း သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="24">မိူင်း​ ယူႉတႃႉ ဢိၵ်ႇ​တင်း ဝၢၼ်ႈ​ဝဵင်း​မၼ်း​ၵႃႈ​မီး​ၼၼ်ႉ တၵ်း​လႆႈ​ယူႇ​ပႃး​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ႁဵတ်း​ႁႆႊ​ႁဵတ်း​ၼႃး တင်း​ၶဝ်​ၸိူဝ်း​ဢၼ် ပႃး​ဢဝ်​ၽုင်​သူဝ်း​လႄႇ​လဵင်ႉ​လႄႇ​ၵိၼ်​တင်း​လၢႆ​ဢေႃႈ။-</verse>
				<verse number="25">ၵဝ်​ႁႂ်ႈ​ၶဝ်​ၸိူဝ်း​ဢၼ် ႁိူဝ်ႉ​ၸႂ်​ဢူၼ်ႈ​ၸႂ်​ၼၼ်ႉ လႆႈ​ၵိၼ်​ဢိမ်ႇ​ၵိၼ်​တဵမ်​လႄႈ ႁႂ်ႈ​ၶဝ်​ၸိူဝ်း​ဢၼ်​ႁဵဝ်ႇ​ၸွပ်ႈ​ၵႃႈ​မီး​ၼၼ်ႉ သၢၵ်ႈ​သႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">လိုၼ်း​ၼၼ်ႉ ၵဝ်​တိုၼ်ႇ​မႃး​လႄႈ လူ​တူၺ်း​သေ​ယဝ်ႉ၊ တၢင်း​ဢၼ်​ၼွၼ်း​လပ်း​ၵဝ်​ၼၼ်ႉ ပဵၼ်​ဢၼ်​ၶိုတ်း​ၸႂ်​ပဵင်း​ၸႂ်​ၵဝ် ဢေႃႈ။-</verse>
				<verse number="27">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိုဝ်ႉ​ဝၼ်း​ဢၼ်​ၵဝ် တၵ်း​ဝၢၼ်ႇ​ပိုၼ်​ၸိူဝ်ႉ​ၽၼ်း​ၵူၼ်း ဢိၵ်ႇ​တင်း ၸိူဝ်ႉ​ၽၼ်း တရိၵ်ႈသၢၼ်ႇ ၵႃႈ​တီႈ မဵဝ်း​ ဢီႉသရေႇလႃႉ တင်း​မဵဝ်း​ ယူႉတႃႉ ​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="28">မိူၼ်​ၸိူဝ်ႉ​ၼင်ႇ​ဢၼ် ၵဝ်​ပႂ်ႉ​တူၺ်း​လုမ်း​လႃး တၢင်း​ဢၼ်​ၼုၵ်ႈ​ပႅတ်ႈ၊ ၵိူၼ်ႇ​တူၵ်း၊ ပိၼ်ႈ​ႁၢႆ၊ ယႃႉ​ပႅတ်ႈ၊ ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၼၼ်ႉ ၵဝ်​တၵ်း​ပႂ်ႉ​တူၺ်း​လုမ်း​လႃး တၢင်း​ဢၼ်​တႄႇ​ႁဵတ်း​ၽုၵ်ႇ​သွမ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="29">ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ၼၼ်ႉ ၶဝ်​ဢမ်ႇ​လႆႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ ၵေႃႉ​ဢၼ်​ပဵၼ်​ပေႃႈ တင်း​လၢႆ ၵိၼ်​မၢၵ်ႇ​ၸပိတ်ႈ​ဢၼ်​သူမ်ႈ​လႄႈ ၶဝ်​ၸိူဝ်း​ဢၼ် ပဵၼ်​လုၵ်ႈ​ပဵၼ်​လၢင်း​ၼၼ်ႉ လႆႈ​ၶၢမ်ႇ​တၢင်း​ဢၼ် ၶဵဝ်ႈ​မူၺ်ႈ​ၶဵဝ်ႈ​ၵႅၼ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="30">ၵူႈ​ၵေႃႉ​ၵူႈ​ၵူၼ်း တၵ်း​လႆႈ​တၢႆ​ၵွပ်ႈ​ပိူဝ်ႈ​ဢပႅတ်ႈ တူဝ်​ၸဝ်ႈ​ၵဝ်ႇ​လႄႈ ၵေႃႉ​ဢၼ်​ၵိၼ်​မၢၵ်ႇ​ၸပိတ်ႈ ဢၼ်​သူမ်ႈ​ၵူႈ​ၵေႃႉ​ၵူႈ​ၵူၼ်း​တူဝ်​ၸဝ်ႈ​ၵဝ်ႇ တၵ်း​လႆႈ​ၶၢမ်ႇ​တၢင်း​ဢၼ် ၶဵဝ်ႈ​မူၺ်ႈ​ၶဵဝ်ႈ​ၵႅၼ်း​ဢေႃႈ။-</verse>
				<verse number="31">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ် ၵဝ်​တၵ်း​ဢဝ် ပတီႉၺိၺ်ႇ​တြႃး​ဢၼ်​မႂ်ႇ</verse>
				<verse number="32">ဢၼ်​ပႅၵ်ႇ​ပိူင်ႈ​ၵၼ် တင်း ပတီႉၺိၺ်ႇ​တြႃး ဢၼ်​ၵဝ်​ပၼ်​တီႈ​ပူႇ​မွၼ်ႇ ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ​တင်း​လၢႆ ယၢမ်း​မိူဝ်ႈ​ဢၼ် ၵဝ်​တိုတ်ႉ​ၸုင်​ဢဝ်​မိုဝ်း​ၶဝ် ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၵႂႃႇ​ၼၼ်ႉ ပၼ်​တီႈ​ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း ၵူၼ်း​မဵဝ်း​ ယူႉတႃႉ ​တင်း​လၢႆ​ၼႆႉ​ၼၼ်ႉ တၵ်း​ႁွတ်ႈ​ထိုင်​ဢေႃႈ။ ၶဝ်​ယႃႉ​ပႅတ်ႈ​ပတီႉၺိၺ်ႇ​တြႃး ဢၼ်​ယၢမ်ႈ​ပၼ် မိူဝ်ႈ​ဢွၼ်​တၢင်း ၼၼ်ႉ​လႄႈ ၵဝ်​ၵေႃႈ လီ​ႁင်ႈ​ဢဵတ်ႇ​သဵတ်ႇ​ၶဝ်​ဢေႃႈ။-</verse>
				<verse number="33">ပတီႉၺိၺ်ႇ​တြႃး ဢၼ်​ၵဝ်​တၵ်း​ပၼ်​တီႈ​ၵူၼ်း​မဵဝ်း​ ဢီႉသရေႇလႃႉ မိူဝ်ႈ​ၶိင်ႇ​ၵႃႇလႃႉ​ၵမ်း​လိုၼ်း​ၼၼ်ႉ​ၸမ်ႉ၊ ၵဝ်​ထႃႇဝရႃႉ​ၽြႃး တၵ်း​ဢဝ်​ပိင်း​ၺၢပ်ႈ​တြႃး​ၵဝ် သႂၢင်း​သႂ်ႇ​ပၼ်​ၵႃႈ​ၼႂ်း​ၶဝ်​ဢေႃႈ။ တၵ်း​တႅမ်ႈ​သႂ်ႇ​ဝႆႉ ၵႃႈ​ၼိူဝ်​ႁူဝ်​ၸႂ်​ၶဝ်​ဢေႃႈ။ ၵဝ်​တၵ်း​ပဵၼ်​ၽြႃး​ၶဝ်​လႄႈ ၶဝ်​ၵေႃႈ​တၵ်း​ပဵၼ်​ၵူၼ်း​ၵဝ်​ဢေႃႈ။-</verse>
				<verse number="34">ၶဝ်​ၼၼ်ႉ​မဵဝ်း​ၸိူဝ်ႉ​ၶိူဝ်း​ၵၼ်၊ ပီႈ​ၼွင်ႉ​ၵၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ဢမ်ႇ​လႆႈ​ပၼ် သုင်း​မႃႉ​ဢေႃးဝႃႇတႃႉ တီႈ​ၵၼ်​လႄႈ​ဝႃႈ၊ ႁူႉ​ထႃႇဝရႃႉ​ၽြႃး​တႃႉ၊ ဝႃႈ​ၼင်ႇ​ၼႆ​ၼၼ်ႉ။ လွင်ႈ​မၼ်း​ၸမ်ႉ ၶဝ်​ၵႃႈ​မီး​တင်း​သဵင်ႈ​တင်း​လူင် ၸႃႉ​ၸဵမ်​ၵေႃႉ​ဢၼ်​လဵၵ်ႉ​သေ​ပိူၼ်ႈ တေႃႇ​ထိုင်​ႁွတ်ႈ​ၵေႃႉ​ဢၼ်​ယႂ်ႇ​သေ​ပိူၼ်ႈ​ၼၼ်ႉ တၵ်း​ႁူႉ​ၵဝ်​ယူႇ​ဢေႃႈ။ မိူဝ်ႈ​ၼၼ်ႉ ၵဝ်​တၵ်း​ယိူၼ်ႉ​ၶၢမ်ႇ​ဢပႅတ်ႈ​ၶဝ်​လႄႈ တၵ်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တၢင်း​ဢၼ် ၶဝ်​ၽိတ်း​ပိူင်ႈ​ပူၼ်ႉ​လိူဝ် တင်း​လၢႆ​ၼၼ်ႉ လႄႈ​ယူႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="35">ထႃႇဝရႃႉ​ၽြႃး ဢၼ်​ၶၢၼ်း​ၵၢင်​ဝၼ်း​ဝႆႉ​ပုၼ်ႈ ဢၼ်​တၵ်း​လႅင်း​ထွင်ႇ​ၶိင်ႇ​ၵႃ​ဝၼ်း​လႄႈ ၸီႇ​ယၢင်ႇ​ႁဵတ်း​ပဵၼ်​လိူၼ် ဢိၵ်ႇ​တင်း လၢဝ်​တင်း​လၢႆ ပုၼ်ႈ​ဢၼ်​တၵ်း​လႅင်း​ထွင်ႇ ၶိင်ႇ​ၵႃ​ၶိုၼ်း၊ ဢၼ်​သင်ႇ​သွၼ်​သုင်း​မႃႉ သမ်ႇ​မုၵ်ႉ​တြႃႇ ၼႂ်း​မိူဝ်ႈ​ဢၼ်​လႅင်း​ၼမ်ႉ​ပိူပ်ႈ​ၼမ်ႉ ႁွင်ႉ​ယူႇ​ၶၢင်း​ယူႇ၊ ဢၼ်​မီး​ၼႃႇ​မႃႉ​ၸိုဝ်ႈ​သဵင် ဢၼ်​ထႃႇဝရႃႉ​ၽြႃး​ၼၼ်ႉ မီး​ဢမိင်ႉ​ၸမ်ႉ၊-</verse>
				<verse number="36">ပေႃး​ထုင်း​ၽိင်ႈ​တြႃး ၸိူဝ်း​ၼၼ်ႉ​လပ်ႉ​ႁၢႆ​ၵႂႃႇ​သေ ၵႃႈ​တီႈ​ၽၢႆႇ​ၼႃႈ​ၵဝ်​ၸိုင်၊ မဵဝ်း​ ဢီႉသရေႇလႃႉ တၵ်း​လႆႈ​သုတ်း​သေ​ထၢတ်ႇ​သေ တၢင်း​ဢၼ်​ပဵၼ်​မဵဝ်း​ၵူၼ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵဝ်​ယူႇ​တႃႇ​သေႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="37">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပေႃး​တႅၵ်ႈ​ၶိုပ်ႈ ၽႃႉ​ၵၢင်​ႁၢဝ်​ၵႃႈ​ၼိူဝ်​လႆႈ၊ ပေႃး​ၸွမ်း​ငဝ်ႈ​ႁၢၵ်ႈ​လိၼ်​မိူင်း​ၵႃႈ​တႂ်ႈ​သုတ်း​လႄႈ ၸႅတ်ႈ​တူၺ်း​လႆႈ​ၸိုင်၊ ၵဝ်​တၵ်း ၸုၼ်ႉ​ပႅတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ၵွပ်ႈ​ပိူဝ်ႈ ဢပႅတ်ႈ​ၵႃႈ​ဢၼ်​ၶဝ် ႁဵတ်း​မႅၼ်ႈ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="38">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိုဝ်ႉ​ဝၼ်း​ဢၼ်​တၵ်း​လႆႈ ႁဵတ်း​ဝဵင်း​ၸဝ်ႈ​ပုၼ်ႈ ထႃႇဝရႃႉ​ၽြႃး ၸႃႉ​ၸဵမ်​တိူၵ်ႈ​တီႈ​တိုၵ်း​သိုၵ်း ႁႃႇၼၼေႇလႃႉ တေႃႇ​ထိုင်​ႁွတ်ႈ ၽၵ်း​တူ​ဝဵင်း​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="39">ၸိူၵ်ႈ​မႆ​မီႈ တၵ်း​လႆႈ​မီး​တၢင်း​ဢၼ်​ၶဵင်ႈ​ၸူး ၵႃႈ​တီႈ​လွႆ​ ၵႃႇရိပ်ႉ ​သိုဝ်ႈ​သိုဝ်ႈ​လႄႈ သမ်ႉ​ငႅၵ်း​ၸူး​ၵႃႈ​တီႈ​လွႆ​ ၵေႃးသႃႉ ​ဢေႃႈ။-</verse>
				<verse number="40">ၶူင်ႈ​ႁူၺ်ႈ​တီႈ​ဢၼ် ဢဝ်​တူဝ်​တၢႆ​တင်း​လၢႆ ဢိၵ်ႇ​တင်း တဝ်ႈ​ၸုၼ်ႉ​ပႅတ်ႈ​ၼၼ်ႉ​တင်း​သဵင်ႈ​တင်း​မူတ်း ဢိၵ်ႇ​တင်း တီႈ​ပၢင်ႇ​တီႈ​ပဵင်း​ၵႃႈ​မီး တေႃႇ​ထိုင်​ႁွတ်ႈ​ၼမ်ႉ​ႁွင်ႈ​ ၵီႉတြုၼ်ႇ ​ဢၼ်​ဝႃႈ ၸဵင်ႇ​ဝဵင်း​ဢၼ်​မီး​ၽၵ်း​တူ​မႃႉ ၵႃႈ​တီႈ​ၽၢႆႇ​ဝၼ်း​ဢွၵ်ႇ​ၼၼ်ႉ ၸိူဝ်း​ၼၼ်ႉ တၵ်း​ဢွၼ်​ၵၼ်​မူတ်း​ၸၢင်ႇ​ပုၼ်ႈ ထႃႇဝရႃႉ​ၽြႃး​ဢေႃႈ။ ၵမ်း​လိုၼ်း​ဢမ်ႇ​လႆႈ​မီး တၢင်း​ဢၼ်​ထူၺ်ႈ​ထွၼ် ၼုၵ်ႈ​ပႅတ်ႈ တၢင်း​ဢၼ်​ၵိူၼ်ႇ​ယႃႉ ၶျႃး​တူၵ်း​လႃး​လႃး၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="32">
				<verse number="1">ၼုၵ်ႈၵပၢတ်ႈ​ၸဝ်ႈ လုၵ်ႉ​သေ​ၵႃႈ​တီႈ ထႃႇဝရႃႉ​ၽြႃး ႁွတ်ႈ​မႃး​ၵႃႈ​တီႈ​ ယေႇရမီႉ ၼႂ်း​ပီႊ​ဢၼ်​ ၸေႇတၵီႉ ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ သိပ်း​ပီႊ၊ ၼေႇပူႉၶတ်ႉၼေႇၸႃႇ ၸၢမ်ႇ​ႁၢင်ႈ​ၸၢမ်ႇ​ႁေႃ သိပ်း​ပၢႆ​ပႅတ်ႈ​ပီႊ​ၼၼ်ႉ​ဢေႃႈ။-</verse>
				<verse number="2">ၼႂ်း​ၶိင်ႇ​မိူဝ်ႈ​ၼၼ်ႉ ႁူဝ်​ႁၢၼ်​ၵူၼ်း​သိုၵ်း ၶုၼ်​ႁေႃ​ၶမ်း​ ပႃႇပူႉလုၼ်ႇ ​တင်း​လၢႆ ဢွၼ်​ၵၼ် လွမ်ႉ​လဵပ်ႈ​ႁွပ်ႈ​ဝဵင်း​ ယေႇရူႉသလႅမ်ႇ ​ဝႆႉ​ယဝ်ႉ​လႄႈ ပရေႃးၽႅတ်ႈ​ ယေႇရမီႉ ​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ ၵႃႈ​ၼႂ်း​ဝၢင်း​ထွင်ႇ ဢၼ်​မီး​ၵႃႈ​ၼႂ်း​ႁေႃ​ၸဝ်ႈ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​ယူႇ​ဢေႃႈ။-</verse>
				<verse number="3">လွင်ႈ​မၼ်း​ၸမ်ႉ ၸေႇတၵီႉ ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ဢဝ်​မၼ်း​ၶင်​ဝႆႉ ၵႃႈ​ၼႂ်း​ထွင်ႇ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ႁဵတ်း​ပရေႃးၽႅတ်ႈ​သေ​လႄႈ ႁေႃး​လၢတ်ႈ​လႄႈ​ဝႃႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ဢဝ်​ဝဵင်း​ၼႆႉ​ဢၢပ်ႈ​ပၼ် ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ မၼ်း​ၼၼ်ႉ တၵ်း​သိမ်း​ဢဝ်​ဢေႃႈ။-</verse>
				<verse number="4">ၸေႇတၵီႉ ​ၶုၼ်​ႁေႃ​ၶမ်း​ ယူႉတႃႉ တၵ်း​ဢမ်ႇ​ၵၢင်း​လွတ်ႈ​သေ ၵႃႈ​ၼႂ်း​မိုဝ်း​ၵူၼ်း​ ၶႃႇလတေး ​တင်း​လၢႆ​လႄႈ တၵ်း​လႆႈ​ႁွတ်ႈ​ထိုင် ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ဢမၢၼ်ႇ​ၶၼ်​ပဵၼ်​ဢေႃႈ။ သွင်​ၶႃ​တၵ်း​ဢဝ်​သူပ်း​တေႃႇ​သူပ်း လၢတ်ႈ​ၵၼ်​လႄႈ ဢဝ်​တႃ​တေႃႇ​တႃ လူ​တူၺ်း​ၵၼ်​ယူႇ​ဢေႃႈ။-</verse>
				<verse number="5">မၼ်း​ၼၼ်ႉ တၵ်း​ဢဝ်​ ၸေႇတၵီႉ ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​လႄႈ မၼ်း​တၵ်း​လႆႈ​ယူႇ ၵႃႈ​တီႈ​မိူင်း​ၼၼ်ႉ​တေႃႇ​ထိုင်​ႁွတ်ႈ ၵဝ်​မႃး​လူ​မႃး​တူၺ်း​မၼ်း​ၼၼ်ႉ​ဢေႃႈ။ ပိၵ်ႉ​သမ်ႉ​သူ​တိုၵ်း​သိုၵ်း​ၵၼ် တင်း​ၵူၼ်း​ ၶႃႇလတေး ​တင်း​လၢႆ​သေ​ၵေႃႈ သူ​ဢမ်ႇ​လႆႈ​ပႄႉ​လႆႈ​ၼႅင်ႇ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ယေႇရမီႉ လၢတ်ႈ​လႄႈ​ဝႃႈ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​ၸမ်ႉ၊-</verse>
				<verse number="7">တူၺ်း​လူး၊ ႁႃႇၼမေႇလႃႉ လုၵ်ႈ​ၸၢႆး​ သႃႇလုမ်ႇ ပေႃႈ​ၼႃႉ​မႂ်း​ၼၼ်ႉ တၵ်း​မႃး​တီႈ​မႂ်း​လႄႈ​လၢတ်ႈ​လႄႈ​ဝႃႈ၊ သိုဝ်ႉ​ဢဝ်​တူင်ႈ​ၼႃး​ၵဝ်​ဢၼ်​မီး​ၵႃႈ​တီႈ​ဝဵင်း​ ဢႃႇၼသုတ်ႉ ​ၼၼ်ႉ​သေ​ၵမ်း။ လွင်ႈ​မၼ်း​ၸမ်ႉ မႂ်း​ပိူင်ႇ​တၢင်း​ဢၼ် ထုတ်ႇ​ၼုၵ်ႈ​ဢဝ်​လႄႈ သိုဝ်ႉ​ဢဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="8">ႁႃႇၼမေႇလႃႉ ​လုၵ်ႈ​ၸၢႆး​ပေႃႈ​ၼႃႉ​ၵဝ်​ၼၼ်ႉ မႃး​ၸူး​တီႈ​ၵဝ် ၵႃႈ​ၼႂ်း​ဝၢင်း​ထွင်ႇ​မႅၼ်ႈ​ၼင်ႇ​ဢၼ် ထႃႇဝရႃႉ​ၽြႃး မီး​ဢမိင်ႉ​ၼၼ်ႉ​လႄႈ လၢတ်ႈ​တီႈ​ၵဝ်​လႄႈ​ဝႃႈ၊ ၶႅၼ်း​တေႃႈ​သိုဝ်ႉ​ဢဝ် တူင်ႈ​ၼႃး​ၵဝ်​ဢၼ်​မီး​ၵႃႈ​တီႈ​ဝဵင်း​ ဢႃႇၼသုတ်ႉ ၼႂ်း​ဢိူင်ႇ​ ပိၼ်ႇယႃႇမိၼ်ႇ ​ၼၼ်ႉ​သေ​ၵမ်း။ မႂ်း​မီး​ဢၶႂၢင်ႉ​ဢၼ်​ပိူင်ႇ​ၶၢမ်ႇ​ဢမူၺ်ႇ ဢိၵ်ႇ​တင်း ဢၶႂၢင်ႉ​ဢၼ်​ပိူင်ႇ တၢင်း​ဢၼ်​ထုတ်ႇ​ဢဝ် ၼုၵ်ႈ​ဢဝ်​ၼၼ်ႉ​လႄႈ သိုဝ်ႉ​ဢဝ်​ပုၼ်ႈ​တူဝ်​မႂ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ ၵဝ်​ႁူႉ​လွင်ႈ​ဢၼ် ၵႂၢမ်း​ၼႆႉ​ပဵၼ် ၼုၵ်ႈၵပၢတ်ႈ​ထႃႇဝရႃႉ​ၽြႃး​ၼၼ်ႉ​လႄႈ၊-</verse>
				<verse number="9">ၵဝ်​သိုဝ်ႉ​ဢဝ်​ၼႃး​ ႁႃႇၼမေႇလႃႉ လုၵ်ႈ​ၸၢႆး​ပေႃႈ​ၼႃႉ​ၵဝ် ဢၼ်​မီး​ၵႃႈ​တီႈ​ဝဵင်း​ ဢႃႇၼသုတ်ႉ ​ၼၼ်ႉ​လႄႈ ၸင်ႈ​ႁိဝ်ႈ​ပၼ် ၵႃႈ​မၼ်း​ၶၼ်​မၼ်း သိပ်း​ပၢႆ​ၸဵတ်း​ၵျၢပ်ႈ​ သၶေးလႃႉ ​ဢေႃႈ။-</verse>
				<verse number="10">လိၵ်ႈ​ၶျုၵ်ႈ​ၵေႃႈ ၵဝ်​ၸီႇ​ယၢင်ႇ​တႅမ်ႈ​လႄႈ တွၵ်ႇ​တၼ်း​သိၵ်ႈ​သေ​ယဝ်ႉ၊ ႁွင်ႉ​ဢဝ်​သၢၵ်ႈ​သေႇ လႄႈ ဢဝ်​ယွႆး​ၸင်ႈ​ႁိဝ်ႈ​ငိုၼ်း​ပၼ်​ဢေႃႈ။-</verse>
				<verse number="11">ၵဝ်​ဢဝ်​လိၵ်ႈ​ၶျုၵ်ႈ ဢၼ်​တွၵ်ႇ​တၼ်း​သိၵ်ႈ​ၽိုၼ်​ၼိုင်ႈ ဢိၵ်ႇ​တင်း လၢၵ်ႈ​ၶၢမ်ႇ​မၼ်း ဢၼ်​ၽုၺ်ႇ​ပိုတ်ႇ​ဝႆႉ​ၽိုၼ်​ၼိုင်ႈ ၸွမ်း​ၼင်ႇ ထုင်း​ၸၢမ်ႇ​ထမ်ႇမသၢတ်ႈ​ၼၼ်ႉ သေ​လႄႈ၊-</verse>
				<verse number="12">ဢဝ်​လိၵ်ႈ​ၶျုၵ်ႈ​ၼၼ်ႉ ဢၢပ်ႈ​ပၼ်​တီႈ​ ပႃႇရုၵ်ႉ လုၵ်ႈ​ၸၢႆး​ ၼေႇရီႉ ဢၼ်​ပဵၼ်​လုၵ်ႈ​ၸၢႆး​ မႃႇသေႇယႃႉ ​ၼၼ်ႉ သိုဝ်ႈ​ၼႃႈ​တႂ်ႈ​တႃ ႁႃႇၼမေႇလႃႉ လုၵ်ႈ​ၸၢႆး​ပေႃႈ​ၼႃႉ​ၵဝ် ဢိၵ်ႇ​တင်း​သိုဝ်ႈ​ၼႃႈ​တႂ်ႈ​တႃ သၢၵ်ႈ​သေႇ ဢၼ်​ထူဝ်း​လၢၵ်ႈ​မၢတ်ႈ​တီႈ​လိၵ်ႈ​ၶျုၵ်ႈ​ၼၼ်ႉ တင်း​ၵူၼ်း​ ယူႉတႃႉ ဢၼ်​ၼင်ႈ​ယူႇ​ၵႃႈ​ၼႂ်း​ဝၢင်း​ထွင်ႇ တင်း​သဵင်ႈ​တင်း​လူင်​ၼၼ်ႉ​သေ​လႄႈ၊-</verse>
				<verse number="13">သင်ႇ​လၢတ်ႈ​ဝႆႉ​တီႈ​ ပႃႇရုၵ်ႉ ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​လႄႈ​ဝႃႈ၊-</verse>
				<verse number="14">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ဢဝ်​လိၵ်ႈ​ၶျုၵ်ႈ​ၸိူဝ်း​ၼႆႉ ဢၼ်​ဝႃႈ​လိၵ်ႈ ဢၼ်​တွၵ်ႇ​တၼ်း​သိၵ်ႈ ၽိုၼ်​ၼိုင်ႈ ဢိၵ်ႇ​တင်း လၢၵ်ႈ​ၶၢမ်ႇ​မၼ်း ဢၼ်​ၽုၺ်ႇ​ပိုတ်ႇ​ဝႆႉ ၽိုၼ်​ၼိုင်ႈ​လႄႈ ဢဝ်​သႂ်ႇ​ဝႆႉ​ၵႃႈ​ၼႂ်း​မေႃႈ​လိၼ် ႁႂ်ႈ​တႄႇ​ယူႇ​ၶိင်ႇ​ၵႃႇလႃႉ​ႁိုင်​ၼႃႇ​တႃႉ။-</verse>
				<verse number="15">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ တၵ်း​မီး​တၢင်း​ဢၼ်​သိုဝ်ႉ​ဢဝ်​ႁိူၼ်း၊ ၼႃး​ႁႆႊ၊ သူၼ်​ဢူးယဵၼ်ႇ​ၸပိတ်ႈ ၵႃႈ​ၼႂ်း​မိူင်း​ၼႆႉ​ထႅင်ႈ လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၵဝ်​ဢဝ်​လိၵ်ႈ​ၶျုၵ်ႈ​ဢၢပ်ႈ​ပၼ် တီႈ​ ပႃႇရုၵ်ႉ ​လုၵ်ႈ​ၸၢႆး​ ၼေႇရီႉ ​ၼၼ်ႉ သေ​ယဝ်ႉ၊ ၵဝ်​သူး​တွင်း​ႁဵတ်း​ပထၼႃႇ​တီႈ ထႃႇဝရႃႉ​ၽြႃး လႄႈ​ဝႃႈ၊-</verse>
				<verse number="17">ၸဝ်ႈ​ထႃႇဝရႃႉ​ၽြႃး တီႈ​ၶႃႈ၊ ၸဝ်ႈ​ႁဝ်း​ဢဝ်​တင်း မႁႃႇ​တၼ်း​ၶူဝ်း ဢိၵ်ႇ​တင်း တၢင်း​ဢၼ်​ယိုၼ်ႈ​ၶႅၼ် ယိုၼ်ႈ​မိုဝ်း​ၸဝ်ႈ​ႁဝ်း ႁဵတ်း​ပဵၼ် ၽႃႉ​ၵၢင်​ႁၢဝ် တင်း​လိၼ်​မိူင်း​တီႈ​ၶႃႈ​ယဝ်ႉ။ လွင်ႈ​တၢင်း​ဢၼ် ၸဝ်ႈ​ႁဝ်း​ဢမ်ႇ​တၢတ်ႈ​ၼိူင်ႇ​လႆႈ​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ဢၼ်​တီႈ​ၶႃႈ၊-</verse>
				<verse number="18">ၸဝ်ႈ​ႁဝ်း ႁဵတ်း​ၵျေး​ၸူး​ၵရူႉၼႃႇ တီႈ​ၵူၼ်း ပဵၼ်​ႁဵင်​ပဵၼ်​မိုၼ်ႇ​ယူႇ​သေ​လႄႈ ႁႂ်ႈ​ဢပႅတ်ႈ​ပေႃႈ​တင်း​လၢႆ တူၵ်း​ႁွတ်ႈ​ၵႃႈ​ၼႂ်း​ႁူဝ်​ဢူၵ်း​လုၵ်ႈ​ၶဝ်​လၢၼ်​ၶဝ် ဢၼ်​ပဵၼ်​လိုၼ်း​ၶဝ်​ၼၼ်ႉ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ပဵၼ်​ၽြႃး ဢၼ်​ယႂ်ႇ​မျၢတ်ႈ​ၼႃႇ၊ ၽြႃး​ဢၼ်​ပျေႉ​ၸုမ်ႇ​တင်း မႁႃႇ​တၼ်း​ၶူဝ်း​လႄႈ မီး​ၼႃႇ​မႃႉ​ၸိုဝ်ႈ​သဵင်​ဢၼ်​ဝႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တီႈ​ၶႃႈ​ဢေႃႈ။-</verse>
				<verse number="19">ၸဝ်ႈ​ႁဝ်း​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင်​ဢၼ်​လၢၵ်ႇ​လၢႆး​လႄႈ ၸီႇ​ယၢင်ႇ​လွင်ႈ​တၢင်း​ဢၼ် ႁႅင်း​ယႂ်ႇ​ယူႇ​သေ​လႄႈ ၽုၺ်ႇ​တႃ မိုၼ်း​တႃ​ၸူး သဵၼ်ႈ​တၢင်း​ဢၼ် လုၵ်ႈ​ၵူၼ်း​တင်း​လၢႆ​ၵႂႃႇ​မႃး​ၵႃႈ​မီး ႁႂ်ႈ​လႆႈ​ပၼ်​ဢပႅတ်ႈ တီႈ​ၵူၼ်း​ႁင်း​ၽႂ်​ႁင်း​မၼ်း ၸွမ်း​ၼင်ႇ သဵၼ်ႈ​တၢင်း​ၶဝ် ဢိၵ်ႇ​တင်း ဢၵျူဝ်း​တၢင်း​ၵမ်​တၢင်း​ၵျၢင်ႉ​ၶဝ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="20">ၸဝ်ႈ​ႁဝ်း ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​လွင်ႈ တၢင်း​ဢၼ်​လီ​ဢၢမ်း​တင်း​လၢႆ ၵႃႈ​တီႈ​မိူင်း​ ဢေႇၵိပ်ႉတူႉ ၊ ၵႃႈ​ၼႂ်း​ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ တေႃႇ​ထိုင်​ႁွတ်ႈ ဝၼ်း​မိူဝ်ႈ​ၼႆႉ​လႄႈ ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ႁူင်​ႁၢင်း​ယူႇ​တႃႇ​သေႇ မိူၼ်​ၸိူဝ်ႉ​ၼင်ႇ​ဝၼ်း​မိူဝ်ႈ​ၼႆႉ တီႈ​ၶႃႈ​ဢေႃႈ။-</verse>
				<verse number="21">ၸဝ်ႈ​ႁဝ်း​ဢဝ်​တင်း​ၼီႉမိၵ်ႈ​လၢၵ်ႈၶၼႃႇ၊ လွင်ႈ​တၢင်း​ဢၼ်​လီ​ဢၢမ်း၊ မိုဝ်း​ၸဝ်ႈ​ဢၼ်​ႁႅင်း​ယႂ်ႇ၊ ၶႅၼ်​ၸဝ်ႈ​ဢၼ်​ယဵတ်ႇ​ယိုၼ်ႈ၊ လွင်ႈ​တၢင်း​ဢၼ်​လီ​ၵူဝ်​လီ​ႁႄ ၸိူဝ်း​ၼၼ်ႉ ၼုၵ်ႈ​ဢဝ်​ၵူၼ်း​ၸဝ်ႈ​ႁဝ်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​လႄႈ၊-</verse>
				<verse number="22">ဢဵတ်း​လူ​ပၼ်​မိူင်း​ၼႆႉ ဢၼ်​ၸဝ်ႈ​ႁဝ်း​တိူင်ႇ​ဝႃႈ​ဝႆႉ တီႈ​ပူႇ​ၶဝ်​မွၼ်ႇ​ၶဝ် လူၺ်ႈ​လွင်ႈ​ဢၼ် တၵ်း​ပၼ်​တီႈ​ၶဝ် ဢၼ်​ဝႃႈ မိူင်း​ဢၼ်​ၼမ်ႉ​ၼူမ်း တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼႆႉ​တီႈ​ၶဝ်​သေ​ယဝ်ႉ၊-</verse>
				<verse number="23">ၶဝ်​ဢွၼ်​ၵၼ်​ၶဝ်ႈ​လႄႈ သိမ်း​ဢဝ်​ယဝ်ႉ​သေ​ၵေႃႈ၊ ၶဝ်​ဢမ်ႇ​ထွမ်ႇ​ဢမ်ႇ​ဢဝ် ဢမိင်ႉ​ၸဝ်ႈ၊ ဢမ်ႇ​ၸွမ်း​သဵၼ်ႈ​တၢင်း​တြႃး​ၸဝ်ႈ၊ ဢမ်ႇ​ၵမ်​ဢမ်ႇ​ၵျၢင်ႉ တၢင်း​ၵမ်​တၢင်း​ၵျၢင်ႉ ဢၼ်​ၸဝ်ႈ​ႁဝ်း​သင်ႇ​လၢတ်ႈ​ဝႆႉ​ၼၼ်ႉ လႃး​လႃး​လႄႈ၊ ၸဝ်ႈ​ႁဝ်း​ႁႂ်ႈ​ၽေး​ဢူႉ​ပၢတ်ႈ ၵႃႈ​ဢၼ်​ၶဝ်​လႆႈ​ၶၢမ်ႇ​ၼႆႉ​ႁွတ်ႈ​ထိုင် ၵႃႈ​ၼိူဝ်​ၶဝ်​တီႈ​ၶႃႈ​ယဝ်ႉ။-</verse>
				<verse number="24">ၶႅၼ်း​တေႃႈ လူ​တူၺ်း​တႅၼ်ႈ​လိၼ် လၢင်း​ၸီး​ၸိူဝ်း​ၼႆႉ​သေ​ၵမ်း​တီႈ​ၶႃႈ၊ ၶဝ်​ဢွၼ်​ၵၼ်​ႁွတ်ႈ​မႃး ႁႂ်ႈ​လႆႈ​တိုၵ်း​ဢဝ်​ဝဵင်း​ၸဝ်ႈ​ၼႆႉ တီႈ​ၶႃႈ​ယဝ်ႉ။ ဝဵင်း​ၸဝ်ႈ​ၼႆႉ လႆႈ​ၶၢမ်ႇ​တၢင်း​ဢၼ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၵူၼ်း​ ၶႃႇလတေး ဢၼ်​ပႃး​ဢဝ်​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း မႃး​တိုၵ်း​တေႃး​ၸိူဝ်း​ၼၼ်ႉ​တီႈ​ၶႃႈ​ယဝ်ႉ။ လွင်ႈ​တၢင်း​ဢၼ် ၸဝ်ႈ​ႁဝ်း​မီး​ဢမိင်ႉ​ဝႆႉ​ၸိူဝ်း​ၼၼ်ႉ​လႆႈ​ပျေႉ​ၸုမ်ႇ​ယဝ်ႉ​လႄႈ တူဝ်​ၸဝ်ႈ​ႁဝ်း​ႁၼ်​ယူႇ​တီႈ​ၶႃႈ​ဢေႃႈ။-</verse>
				<verse number="25">ၸဝ်ႈ​ထႃႇဝရႃႉ​ၽြႃး တီႈ​ၶႃႈ၊ ၸဝ်ႈ​ႁဝ်း​မီး​ဢမိင်ႉ​တီႈ​ၶႃႈ​ၸဝ်ႈ​လႄႈ​ဝႃႈ၊ ဢဝ်​ငိုၼ်း​သိုဝ်ႉ​ဢဝ်​ၵႂၢၵ်ႈ​လိၼ်​လႄႈ ႁွင်ႉ​ဢဝ်​သၢၵ်ႈ​သေႇ​ဝႆႉ​တႃႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။ ၵူၺ်း​ၵႃႈ ဝဵင်း​ၸဝ်ႈ​ၼႆႉ​လႆႈ​ႁွတ်ႈ​ထိုင်​ၵႃႈ​ၼႂ်း​မိုဝ်း ၵူၼ်း​ ၶႃႇလတေး ​ၸိူဝ်း​ၼၼ်ႉ​ယဝ်ႉ တီႈ​ၶႃႈ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">မိူဝ်ႈ​ၼၼ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ​ၸမ်ႉ၊-</verse>
				<verse number="27">ၵဝ်​ထႃႇဝရႃႉ​ၽြႃး​ၼႆႉ ပဵၼ်​ၽြႃး​ပဵၼ်​ၸဝ်ႈ​ဢၼ် ဢုပ်ႉ​ပိူင်ႇ​သတ်ႉတဝႃႇ တင်း​သဵင်ႈ​တင်း​လူင်​ဢေႃႈ။ လွင်ႈ​တၢင်း​ဢၼ် ၵဝ်​ဢမ်ႇ​တၢတ်ႈ​ၼိူင်ႇ​လႆႈ​ၼၼ်ႉ မီး​သေ​ၸိူဝ်ႉ​သေ​ပိူင်​ႁိုဝ်။-</verse>
				<verse number="28">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ။ တူၺ်း​လူး၊ ၵဝ်​တၵ်း​ဢဝ်​ဝဵင်း​ၼႆႉ ဢၢပ်ႈ​ပၼ်​ၵႃႈ​ၼႂ်း​မိုဝ်း ၵူၼ်း​ ၶႃႇလတေး ​တင်း​လၢႆ​ဢိၵ်ႇ​တင်း ၵႃႈ​ၼႂ်း​မိုဝ်း​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ မၼ်း​ၼၼ်ႉ တၵ်း​သိမ်း​ဢဝ်​ဢေႃႈ။-</verse>
				<verse number="29">ၵူၼ်း​ ၶႃႇလတေး ဢၼ်​တိုၵ်း​ဝဵင်း​ၼႆႉ​ၸိူဝ်း​ၼၼ်ႉ တၵ်း​ဢွၼ်​ၵၼ်​ၶဝ်ႈ​သေ​လႄႈ ဢဝ်​ၽႆး​တုတ်ႇ​လႄႈ​မႆႈ​ဝဵင်း​ၼႆႉ​တင်း​ဝဵင်း​ဢိၵ်ႇ​လူၺ်ႈ​ၵၼ် တင်း​ႁိူၼ်း​တီႈ​ဢၼ်​ၶဝ်​ဢဝ်​ၼၢမ်ႇ​သႃႇ​တုတ်ႇ​ၽႆး​ၵႃႈ​ၼိူဝ်​မုင်း​မၼ်း ပုၼ်ႈ​ၽြႃး ပႃႇလႃႉ ​လႄႈ ႁဵတ်း​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ ပုၼ်ႈ​ၽြႃး​တၢင်ႇ​သူႇ​တၢင်ႇ​ပႃး ႁႂ်ႈ​လႆႈ​တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​ၵဝ် ၸိူဝ်း​ၼၼ်ႉ​ဢေႃႈ။-</verse>
				<verse number="30">လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ​တင်း​လၢႆ ဢွၼ်​ၵၼ်​ႁဵတ်း​တူႉ​ၸရိူၵ်ႈ သိုဝ်ႈ​ၼႃႈ​တႂ်ႈ​တႃ​ၵဝ် ၸဵမ်​မိူဝ်ႈ​ဢၼ်​ဢသၢၵ်ႈ​ၶဝ် ယင်း​လဵၵ်ႉ​ယင်း​ဢွၼ်ႇ​ၼၼ်ႉ​ယဝ်ႉ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၼ်​ၵၼ်​ႁဵတ်း​ႁႂ်ႈ​လႆႈ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ၵူၺ်း ၼႂ်း​ၵႃႈ​ဢၼ်​မိုဝ်း​ၶဝ်​ႁဵတ်း​ၼၼ်ႉ​ယဝ်ႉ။-</verse>
				<verse number="31">ဝဵင်း​ၼႆႉ​ပဵၼ်​ဝဵင်း​ဢၼ် ႁႂ်ႈ​တၢင်း​ဢၼ်​ၶႆႈ​ၸႃႉ​ၵဝ်​ဢွၵ်ႇ​လႄႈ ႁႂ်ႈ​ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၵဝ်​ႁႅင်း​ယႂ်ႇ​ၼႃႇ ႁႂ်ႈ​ၵဝ်​လႆႈ ပႄႇ​ၽဵဝ်ႈ​မၼ်း​ပႅတ်ႈ​သေ ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​ၵဝ်၊-</verse>
				<verse number="32">ၵွပ်ႈ​ပိူဝ်ႈ​တူႉ​ၸရိူၵ်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ၸႃႉ​ၸဵမ်​မိုဝ်ႉ​ဝၼ်း​ဢၼ်​တႄႇ​ႁဵတ်း​မၼ်း​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ​တင်း​လၢႆ​ဢၼ်​ဝႃႈ ၶုၼ်​ႁေႃ​ၶမ်း​ၶဝ်၊ ယိတ်ႈပရေႃးႁဵၵ်ႈ​ၶဝ် ပရေႃးၽႅတ်ႈ​ၶဝ်၊ ၵူၼ်း​မိူင်း​ ယူႉတႃႉ ဢိၵ်ႇ​တင်း ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​တင်း​လၢႆ​ၸိူဝ်း​ၼၼ်ႉ ႁဵတ်း​ႁႂ်ႈ​လႆႈ​တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​ၵဝ် ၼၼ်ႉ​ဢေႃႈ။-</verse>
				<verse number="33">ၶဝ်​ၼၼ်ႉ ယင်း​ဢမ်ႇ​ဝၢႆႇ​ၼႃႈ​တေႃႇ​ၵဝ်​လႄႈ ဢွၼ်​ၵၼ်​ၵွင်​လင်​ပၼ်​တီႈ​ၵဝ်​ယဝ်ႉ။ ပိၵ်ႉ​သမ်ႉ ၵဝ်​လုၵ်ႉ​ၸဝ်ႉ​ၸဝ်ႉ​လႄႈ သင်ႇ​သွၼ်​သုင်း​မႃႉ​ပၼ်​ၶဝ်​သေ​ၵေႃႈ ၶဝ်​ဢမ်ႇ​ဢွၼ်​ၵၼ်​ထွမ်ႇ​ငိၼ်း ႁႂ်ႈ​လႆႈ​ၶၢမ်ႇ​ဢဝ်​ဢေႃးဝႃႇတႃႉ​ၵဝ်။-</verse>
				<verse number="34">ၶဝ်​ဢွၼ်​ၵၼ်​ဢဝ်​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​သႂၢင်း​သႂ်ႇ​ဝႆႉ​ၼႂ်း​ႁိူၼ်း ဢၼ်​ႁွင်ႉ​ႁဵၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ ႁႂ်ႈ​မၼ်း​လႆႈ​ၵူဝ်ႈ​ၵိူၵ်ႇ​ယဝ်ႉ​လူင်​ပႄႇ။-</verse>
				<verse number="35">ၶဝ်​ဢွၼ်​ၵၼ် တႄႇ​ႁဵတ်း​ထႃႇၼႃႉ​တီႈ​သုင်​ၽြႃး ပႃႇလႃႉ ဢၼ်​မီး​ၵႃႈ​ၼႂ်း​ၶူင်ႈ​ႁူၺ်ႈ လုၵ်ႈ​ၸၢႆး​ ႁိၼ်ႇၼုမ်ႇ ​ၼၼ်ႉ ႁႂ်ႈ​လႆႈ​ဢဝ်​လုၵ်ႈ​ၸၢႆး​ၶဝ်​လုၵ်ႈ​ယိင်း​ၶဝ် ပုၵ်ႈ​ၸေႃႇ​တီႈ​ၽြႃး​ မူးလွၵ်ႉ ဢၼ်​ၵဝ်​ဢမ်ႇ​သင်ႇ​လၢတ်ႈ​ဝႆႉ​တီႈ​ၶဝ်​လႄႈ ဢမ်ႇ​ဢဝ်​သႂ်ႇ​ၸႂ်​ၶဝ်ႈ​ၸႂ်​လူၺ်ႈ​လွင်ႈ​ဢၼ် ၶဝ်​တၵ်း​ႁဵတ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​ၼႆႉ ႁႂ်ႈ​မဵဝ်း​ ယူႉတႃႉ ​မီး​တူႉ​ၸရိူၵ်ႈ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="36">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ဢဝ်​လွင်ႈ​ဝဵင်း​ၼႆႉ ဢၼ်​သူ​ၸၢင်ႈ​လၢတ်ႈ​လႄႈ​ဝႃႈ၊ ဝဵင်း​ၼႆႉ​တၵ်း​ႁွတ်ႈ​ထိုင် ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ လူၺ်ႈ​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ မီး​ဢမိင်ႉ​ၸမ်ႉ၊-</verse>
				<verse number="37">တူၺ်း​လူး၊ ၵဝ်​တၵ်း​သမ်ႉ​သိမ်း​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​ဝၢၼ်ႈ​မိူင်း တီႈ​ဢၼ်​ၵဝ်​ပႃး​တင်း တၢင်း​ဢၼ်​ၶႆႈ​ၸႃႉ​ၶႆႈ​ၸဵတ်ႉ၊ တၢင်း​ဢၼ်​ဢၢႆ​ႁႅင်း​တေႃး​သႃႉ​ၵဝ်​ဢွၵ်ႇ၊ တၢင်း​ဢၼ် ၸႂ်​မႆႈ​ၶႆႈ​ၸႃႉ​ႁႅင်း​ယႂ်ႇ​ၼႃႇ သေ​လႄႈ ႁေႃႈ​ၶဝ်​ဢွၵ်ႇ​ၸူး​ၼၼ်ႉ​သေ​လႄႈ ဢဝ်​ၶိုၼ်း​မႃး​ၵႃႈ​တီႈ​ၼႆႈ​လႄႈ ႁႂ်ႈ​ၶဝ်​ယူႇ​တဵတ်ႇ​လီ​ၼိမ်​လီ​ဢေႃႈ။-</verse>
				<verse number="38">ၶဝ်​တၵ်း​ပဵၼ်​ၵူၼ်း​ၵဝ်​လႄႈ ၵဝ်​ၵေႃႈ​တၵ်း​ပဵၼ် ၽြႃး​ပဵၼ်​ၸဝ်ႈ ၶဝ်​ဢေႃႈ။-</verse>
				<verse number="39">ႁႂ်ႈ​ၶဝ်​လႆႈ​ၵူဝ်​ႁႄ​ၵဝ်​ယူႇ သေႇ​သေႇ​ၸိုင်၊ ၵဝ်​တၵ်း​ပၼ်​သၽေႃး ဢၼ်​လဵဝ်​ၵၼ် ဢိၵ်ႇ​တင်း​သဵၼ်ႈ​တၢင်း​လဵဝ်​ၵၼ်​တီႈ​ၶဝ် ပုၼ်ႈ​ဢၼ်​တၵ်း​ပဵၼ်​ဢၵျူဝ်း​တီႈ​ၶဝ် ဢိၵ်ႇ​တင်း တီႈ​လုၵ်ႈ​ၶဝ်​လၢင်း​ၶဝ် ဢၼ်​တၵ်း​ပဵၼ်​မႃး​လိုၼ်း​ၶဝ်​ၼၼ်ႉ​ဢေႃႈ။-</verse>
				<verse number="40">ၵဝ်​တၵ်း​ႁဵတ်း ပတီႉၺိၺ်ႇ​ထႃႇဝရႃႉ လူၺ်ႈ​ၵၼ်​တင်း​ၶဝ် ႁႂ်ႈ​ၵဝ်​ဢမ်ႇ​လႆႈ​ၸုၼ်ႉ​ပႅတ်ႈ​ၶဝ်​လႄႈ ႁဵတ်း​ၵျေး​ၸူး​ယူႇ​သေႇ​သေႇ​လႄႈ ႁႂ်ႈ​ၶဝ်​ပျေႉ​ၸုမ်ႇ​ဝႆႉ တင်း​သၽေႃး​ဢၼ်​ၵူဝ်​ႁႄ​ၵဝ် ႁႂ်ႈ​ၶဝ်​ဢမ်ႇ​ဢွၵ်ႇ​သေ​ၵႃႈ​တီႈ​ၵဝ်​ၵႂႃႇ​ဢေႃႈ။-</verse>
				<verse number="41">ၵဝ်​တၵ်း​ၶိုတ်း​ၸႂ်​ပဵင်း​ၸႂ်​လူၺ်ႈ လွင်ႈ​တၢင်း​ဢၼ် ႁဵတ်း​ၵျေး​ၸူး​တီႈ​ၶဝ်​ၼၼ်ႉ​လႄႈ ပႃး​တင်း​ႁူဝ်​ၸႂ်​ၵဝ် တင်း​ၸႂ်​ဝီႉၺိၺ်ႇ​ၵဝ် သဵင်ႈ​သဵင်ႈ​မူတ်း​မူတ်း ယူႇ​သေ​လႄႈ တၵ်း​ဢဝ်​ၶဝ်​ၶျႃး​တီႈ​ယူႇ​ပၼ် ၵႃႈ​ၼႂ်း​မိူင်း​ၼႆႉ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="42">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ​ဢၼ် ၵဝ်​ႁႂ်ႈ​ၽေး​ဢူႉ​ပၢတ်ႈ​ဢၼ်​ယႂ်ႇ​ၼႃႇ​လူင်​လၢင် ႁွတ်ႈ​ထိုင်​ၵႃႈ​ၼိူဝ်​ၵူၼ်း​မဵဝ်း​ၼႆႉ​ၼၼ်ႉ ၵဝ်​တၵ်း​ႁႂ်ႈ​တၢင်း​လီ​ဢၼ်​ၵဝ်​ဝႆႉ​ၵတီႉ​တီႈ​ၵဝ် တင်း​သဵင်ႈ​တင်း​လူင်​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၶဝ်​ဢေႃႈ။-</verse>
				<verse number="43">တၵ်း​မီး​တၢင်း​ဢၼ်​သိုဝ်ႉ​ဢဝ်​ႁႆႊ​ၼႃး ၵႃႈ​ၼႂ်း​မိူင်း​ဢၼ်​သူ ၸၢင်ႈ​လၢတ်ႈ​လႄႈ​ဝႃႈ၊ ပဵၼ်​တီႈ​ဢၼ်​ပဝ်ႇ ဢၼ်​လၢပ်ႈ​လႄႈ ဢမ်ႇ​မီး​ၵူၼ်း ဢမ်ႇ​မီး​တရိၵ်ႈသၢၼ်ႇ။ ႁွတ်ႈ​ထိုင်​ၵႃႈ​ၼႂ်း​မိုဝ်း​ၵူၼ်း​ ၶႃႇလတေး ​တင်း​လၢႆ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="44">ၵူၼ်း​တင်း​လၢႆ တၵ်း​ဢွၼ်​ၵၼ် ႁဵတ်း​တၢင်း​ဢၼ် ဢဝ်​ငိုၼ်း​သိုဝ်ႉ​ဢဝ်​ႁႆႊ​ဢဝ်​ၼႃး၊ တၢင်း​ဢၼ် ၸီႇ​ယၢင်ႇ တႅမ်ႈ​လိၵ်ႈ​ၶျုၵ်ႈ​ဝႆႉ၊ တၢင်း​ဢၼ်​တွၵ်ႇ​တၼ်း​သိၵ်ႈ၊ တၢင်း​ဢၼ် ႁွင်ႉ​ဢဝ်​သၢၵ်ႈ​သေႇ​ဝႆႉ ၸိူဝ်း​ၼၼ်ႉ ယူႇ​ၵႃႈ​ၼႂ်း​မိူင်း​ ပိၼ်ႇယႃႇမိၼ်ႇ ဢိၵ်ႇ​တင်း ၵႃႈ​ၼႂ်း​တီႈ​ဢၼ်​လဵပ်ႈ​ႁွပ်ႈ​ဝဵင်း​ ယေႇရူႉသလႅမ်ႇ ​တင်း​လၢႆ တင်း​ၵႃႈ​တီႈ​ဝဵင်း​ဢၼ်​မီး ၵႃႈ​ၼႂ်း​မိူင်း​ ယူႉတႃႉ ၊ ၵႃႈ​တီႈ​ဝဵင်း​ၼိူဝ်​ႁၢၼ်ႉ​လွႆ၊ ၵႃႈ​တီႈ​ဝဵင်း ဢၼ်​မီး​ၵႃႈ​တႂ်ႈ တီႈ​ပၢင်ႇ​တီႈ​ပဵင်း၊ ၵႃႈ​တီႈ​ဝဵင်း​ဢၼ် မီး​ၵႃႈ​ၼႂ်း​ပွတ်း​တၢင်း​ၸၢၼ်း​ၼၼ်ႉ ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵဝ်​သမ်ႉ​တၵ်း​ဢဝ်​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​ၼၼ်ႉ ၶိုၼ်း​မႃး​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="33">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး တီႈ​ ယေႇရမီႉ ၵမ်း​တူႉတီႉယႃႉ ၼႂ်း​မိူဝ်ႈ​ဢၼ်​မၼ်း ယင်း​တိုၵ်ႉ​လႆႈ​ၶၢမ်ႇ တၢင်း​ဢၼ်​ၶျုၵ်ႈ​ဝႆႉ​ၵႃႈ​ၼႂ်း ဝၢင်း​ထွင်ႇ​ၼၼ်ႉ​လႄႈ​ဝႃႈ၊-</verse>
				<verse number="2">ထႃႇဝရႃႉ​ၽြႃး ဢၼ်​ႁဵတ်း​ဢမူႉ​ၼႆႉ၊ ထႃႇဝရႃႉ​ၽြႃး ဢၼ်​ၸီႇ​ယၢင်ႇ​ႁဵတ်း​ပဵၼ်​ဢမူႉ​ၼႆႉ၊ ၽြႃး​ဢၼ်​လႆႈ​ၸိုဝ်ႈ ယေႇႁေႃးဝႃႇ ​ၼၼ်ႉ မီး​ဢမိင်ႉ​ၸမ်ႉ၊-</verse>
				<verse number="3">ႁွင်ႉ​ႁႃ​ၵဝ်​တႃႉ။ ၵဝ်​တၵ်း​ဢိူဝ်​လႄႈ ၼႄ​ပျႃး​လွင်ႈ​တၢင်း​ဢၼ်​ယႂ်ႇ​ၼႃႇ၊ လွင်ႈ​တၢင်း ဢၼ်​လိုၵ်ႉ​ဢၼ်​လမ်ႇ ထၼ်ႈ​ပေႃး မႂ်း​ဢမ်ႇ​ႁူႉ​လႆႈ​ၸိူဝ်း​ၼၼ်ႉ တီႈ​မႂ်း​ဢေႃႈ။-</verse>
				<verse number="4">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ဢဝ်​လွင်ႈ​ႁိူၼ်း​ၵႃႈ​ၼႂ်း​ဝဵင်း​ၼႆႉ​တင်း​လၢႆ ဢိၵ်ႇ​တင်း ႁေႃ​ၸဝ်ႈ​ၶုၼ်​ႁေႃ​ၶမ်း​ ယူႉတႃႉ ဢၼ်​ၵိူၼ်ႇ​လူႉ​ၵွပ်ႈ​ပိူဝ်ႈ​တႅၼ်ႈ​လိၼ်​လၢင်း​ၸီး ဢိၵ်ႇ​တင်း လၢပ်ႇ​လႅဝ်း​ၼၼ်ႉ​ၸိူဝ်း​ၼၼ်ႉ​လႄႈ မီး​ဢမိင်ႉ​ၸမ်ႉ၊-</verse>
				<verse number="5">ၶဝ်​ဢွၼ်​ၵၼ်​မႃး​ႁႂ်ႈ​လႆႈ တိုၵ်း​သိုၵ်း​ၵၼ်​တင်း​ၵူၼ်း​ ၶႃႇလတေး ​တင်း​လၢႆ​ဢေႃႈ။ ၵူၺ်း​ၵႃႈ ၶဝ်​တၵ်း​မီး​တဵမ်​ဝႆႉ​တင်း​တူဝ်​တၢႆ ဢၼ်​ၵဝ်​ပႃး​တင်း​တၢင်း​ဢၼ် ၶႆႈ​ၸႃႉ​ၶႆႈ​ၸဵတ်ႉ တၢင်း​ဢၼ်​တေႃး​သႃႉ​တၢင်း​ၸႂ်​မႆႈ​ဢွၵ်ႇ​ႁႅင်း​ယႂ်ႇ​ၼႃႇ​သေ​လႄႈ ဢဝ်​တၢႆ​ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​တူႉ​ၸရိူၵ်ႈ​ၶဝ် တင်း​သဵင်ႈ​တင်း​လူင်​ၼၼ်ႉ​လႄႈ ၵဝ်​ဝၢႆႇ​ၼႃႈ​ပႅတ်ႈ​သေ​ၵႃႈ​တီႈ​ဝဵင်း​ၼႆႉ​ယဝ်ႉ။-</verse>
				<verse number="6">ၵူၺ်း​ၵႃႈ ၵဝ်​တၵ်း​ႁႂ်ႈ​တၢင်း​ဢၼ်​ယူႇ​လီ​ၵိၼ်​ဝၢၼ်၊ တၢင်း​ဢၼ်​ႁႂ်ႈ တၢင်း​ၸဵပ်း​တၢင်း​သႅပ်ႇ​ႁၢႆ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မၼ်း​လႄႈ ႁႂ်ႈ​ၶဝ်​သၢၵ်ႈ​သႃႇ​ၶႅၼ်း​မႃး​ဢေႃႈ။ ၵဝ်​တၵ်း​ၼႄ​ပျႃး​ၸေး​ၸိမ်ႇ​တၢင်း​ဢၼ်​ၼိမ်​ဢၼ်​လီ ဢိၵ်ႇ​တင်း သဵတ်ႈ​ၸႃႇ​တြႃး ဢၼ်​လိူင်ႇ​ၼမ်​ၼႃႇ လူင်​လၢင်​ၼၼ်ႉ​ဢေႃႈ။-</verse>
				<verse number="7">ၵဝ်​တၵ်း သမ်ႉ​ဢဝ်​မဵဝ်း​ ယူႉတႃႉ ဢိၵ်ႇ​တင်း မဵဝ်း​ ဢီႉသရေႇလႃႉ ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ​ၸိူဝ်း​ၼၼ်ႉ ၶိုၼ်း​မႃး​လႄႈ တႄႇ​ႁဵတ်း​ၶဝ် မိူၼ်​ၸိူဝ်ႉ​ၼင်ႇ​ပၵ်း​ၵဝ်ႇ​ပိူင်​ၵဝ်ႇ​ၼၼ်ႉ​ဢေႃႈ။-</verse>
				<verse number="8">ၵဝ်​တၵ်း ၽေႇ​ဢပႅတ်ႈ ၵႃႈ​ဢၼ်​ၶဝ်​ၽိတ်း​ပိူင်ႈ​ၵဝ်​ၼၼ်ႉ​လႄႈ တၵ်း​ပွႆႇ​ဢပႅတ်ႈ ၵႃႈ​ဢၼ်​ၶဝ်​ၽိတ်း​ပိူင်ႈ​ၵဝ်​လႄႈ ပူၼ်ႉ​လိူဝ်​တြႃး​ၵဝ်​ၸိူဝ်း​ၼၼ်ႉ​လွတ်ႈ​ဢေႃႈ။-</verse>
				<verse number="9">ဝဵင်း​ၼႆႉ တၵ်း​ပဵၼ်​လွင်ႈ​ဢၼ်​ၵဝ်​လီ​ၸူမ်း​လီ​သိူဝ်း၊ လွင်ႈ​ဢၼ်​လီ​ယွင်ႈ​လီ​ယေႃး၊ လွင်ႈ​ဢၼ်​ၵုင်ႇ​သရေႇ​ႁူင်​ႁၢင်း ၵႃႈ​ၼႂ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း ၵႃႈ​ၼိူဝ်​လိၼ်​မိူင်း ဢၼ်​တၵ်း​ငိၼ်း​လွင်ႈ​ၵျေး​ၸူး ၵႃႈ​ဢၼ်​ၵဝ်​ႁဵတ်း​တီႈ​ၶဝ်​ၼႆႉ တင်း​သဵင်ႈ​တင်း​လူင်​ၼၼ်ႉ​လႄႈ ထွၵ်ႈ​လူၺ်ႈ တၢင်း​ဢၼ်​လီ​ဢၼ်​ငၢမ်း​ၵႃႈ​မီး ဢိၵ်ႇ​တင်း ၵတ်း​ယဵၼ်​ၶျၢမ်း​သႃႇ​ၵႃႈ​မီး ဢၼ်​ၵဝ်​လုမ်း​လႃး​တီႈ​ဝဵင်း​ၼႆႉ​ၼၼ်ႉ သေ​လႄႈ သၼ်ႇ​ဝႆ​ၵူဝ်​ႁႄ​ဢေႃႈ။-</verse>
				<verse number="10">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​တီႈ​ၼႆႈ ဢၼ်​သူ​ၸၢင်ႈ​လၢတ်ႈ​လႄႈ​ဝႃႈ၊ ပဵၼ်​တီႈ​ဢၼ်​ပဝ်ႇ​ဢၼ်​လၢပ်ႈ​လႄႈ ဢမ်ႇ​မီး​ၵူၼ်း ဢမ်ႇ​မီး​တရိၵ်ႈသၢၼ်ႇ၊ ဝႃႈ​ၼင်ႇ​ၼႆ​ၼၼ်ႉ ဢၼ်​ဝႃႈ၊ ၵႃႈ​တီႈ​ဝဵင်း​ ယူႉတႃႉ ​တင်း​လၢႆ ဢိၵ်ႇ​တင်း​ၵႃႈ​ၼႂ်း​သဵၼ်ႈ​တၢင်း ဝဵင်း​ ယေႇရူႉသလႅမ်ႇ ​တင်း​လၢႆ ဢၼ်​ပဵၼ်​တီႈ​ဢၼ်​ပဝ်ႇ​ဢၼ်​လၢပ်ႈ​လႄႈ ဢမ်ႇ​မီး​ၵူၼ်း၊ ဢမ်ႇ​မီး​ၵေႃႉ​ဢၼ်​ယူႇ​ဢၼ်​သဝ်း၊ ဢမ်ႇ​မီး​တရိၵ်ႈသၢၼ်ႇ​ၼၼ်ႉ​ၼႆႉ။-</verse>
				<verse number="11">ၵမ်း​လိုၼ်း​တၵ်း​လႆႈ​ဢွၼ်​ၵၼ်​ငိၼ်း သဵင်​ဢၼ်​မူၼ်ႈ​ပျေႃႇ၊ သဵင်​ဢၼ်​ၸူမ်း​သိူဝ်း၊ သဵင်​ၵူၼ်း​ၸၢႆး ဢၼ်​သွင်ႇ​မင်ႇၵလႃႇ၊ သဵင်​ၵူၼ်း​ယိင်း ဢၼ်​သွင်ႇ​မင်ႇၵလႃႇ၊ သဵင်​ၶဝ်​ၸိူဝ်း​ဢၼ်​လၢတ်ႈ​လႄႈ​ဝႃႈ၊ ဢွၼ်​ၵၼ်​ယွင်ႈ​ယေႃး​ၵျေး​ၸူး ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး ပဵၼ်​ဢၼ်​မျၢတ်ႈ​လီ​လႄႈ ၵရူႉၼႃႇ​မၼ်း​ၸဝ်ႈ တႄႇ​ယူႇ​တႃႇ​သေႇ ဢမ်ႇ​ထၢတ်ႇ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ ဢိၵ်ႇ​တင်း သဵင်​ၶဝ်​ၸိူဝ်း​ဢၼ် ဢဝ်​ၶိူင်ႈ​ပုၵ်ႈ​ၸေႃႇ ဢၼ်​ယွင်ႈ​ယေႃး​ၸိူဝ်း​ၼၼ်ႉ မႃး​ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵဝ်​တၵ်း​သမ်ႉ​ဢဝ် ၵူၼ်း​ဝၢၼ်ႈ​ၵူၼ်း​မိူင်း ဢၼ်​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​ၼၼ်ႉ ၶိုၼ်း​မႃး​လႄႈ ႁႂ်ႈ​ယူႇ မိူၼ်​ၸိူဝ်ႉ​ၼင်ႇ ပၵ်း​ၵဝ်ႇ​ပိူင်​ၵဝ်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="12">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼႂ်း​တီႈ​ဢၼ်​ပဵၼ်​ဢၼ်​ပဝ်ႇ ဢၼ်​လၢပ်ႈ​လႄႈ ဢမ်ႇ​မီး​ၵူၼ်း​ဢမ်ႇ​မီး​တရိၵ်ႈသၢၼ်ႇ​ၼႆႉ ဢိၵ်ႇ​တင်း ၵႃႈ​ၼႂ်း​ဝဵင်း​မၼ်း​ၵႃႈ​မီး​ၼၼ်ႉ တၵ်း​မီး​တီႈ​ဢၼ် ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း​ၼၼ်ႉ တၵ်း​ဢဝ်​ၽုင်​သူဝ်း​ၶဝ် ၼွၼ်း​ၼၼ်ႉ​ထႅင်ႈ​လူး​ၵွၼ်ႇ​ဢေႃႈ။-</verse>
				<verse number="13">ၵႃႈ​တီႈ​ဝဵင်း​ၼိူဝ်​ႁၢၼ်ႉ​လွႆ၊ ၵႃႈ​တီႈ​ဝဵင်း ဢၼ်​မီး​ၵႃႈ​တႂ်ႈ​တီႈ​ပၢင်ႇ​တီႈ​ပဵင်း၊ ၵႃႈ​တီႈ​ဝဵင်း​ဢၼ် မီး​ၵႃႈ​ၼႂ်း​ပွတ်း​တၢင်း​ၸၢၼ်း တင်း​လၢႆ၊ ၵႃႈ​ၼႂ်း​မိူင်း​ ပိၼ်ႇယႃႇမိၼ်ႇ ၊ ၵႃႈ​ၼႂ်း​တီႈ​ဢၼ်​လဵပ်ႈ​ႁွပ်ႈ​ဝဵင်း​ ယေႇရူႉသလႅမ်ႇ ​တင်း​လၢႆ၊ ၵႃႈ​ၼႂ်း​ဝဵင်း​ ယူႉတႃႉ ​တင်း​လၢႆ​ၸိူဝ်း​ၼၼ်ႉ၊ ၽုင်​သူဝ်း​တင်း​လၢႆ သမ်ႉ​တၵ်း​လႆႈ​ဢွၼ်​ၵၼ် တႆႇ​ၵႂႃႇ​ပႆ​ၵႂႃႇ ၵႃႈ​တႂ်ႈ​မိုဝ်း​ၵေႃႉ​ဢၼ် ၼပ်ႉ​ဢၢၼ်ႇ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="14">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိုဝ်ႉ​ဝၼ်း​ဢၼ်​ၵဝ်​တၵ်း​ႁဵတ်း​ၵျေး​ၸူး ၸွမ်း​ၼင်ႇ​ၵတီႉ​ဢၼ်​ၵဝ်​ဝႆႉ တီႈ​ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ​တင်း​လၢႆ​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="15">ၼႂ်း​မိုဝ်ႉ​ဝၼ်း​ၼၼ်ႉ ၼႂ်း​ၶိင်ႇ​ၵႃႇလႃႉ​ၼၼ်ႉ၊ ၵဝ်​တၵ်း​ႁႂ်ႈ ယွတ်ႈ​တၢင်း​ဢၼ်​သိုဝ်ႈ​တေႃႇ တႅၵ်ႇ​ဢွၵ်ႇ​မႃး​ပုၼ်ႈ​ တႃႇဝိတ်ႈ ​လႄႈ မၼ်း​ၼၼ်ႉ​တၵ်း​ၸီႇ​ယၢင်ႇ တႅပ်း​တတ်း​ၸွမ်း​တၢင်း​ဢၼ် ႁဵတ်း​ၸွမ်း​ၼင်ႇ​တြႃး ဢိၵ်ႇ​တင်း တၢင်း​ဢၼ်​သိုဝ်ႈ​ဢၼ်​တေႃႇ ၵႃႈ​ၼိူဝ်​လိၼ်​မိူင်း​ဢေႃႈ။-</verse>
				<verse number="16">ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ၼၼ်ႉ မိူင်း​ ယူႉတႃႉ တၵ်း​ႁွတ်ႈ​ထိုင် တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​လႄႈ ဝဵင်း​ ယေႇရူႉသလႅမ်ႇ ​ၵေႃႈ တၵ်း​မီး​တၢင်း​ဢၼ်​တဵတ်ႇ​လီ ၼိမ်​လီ​လႄႈ ၼႃႇ​မႃႉ​ၸိုဝ်ႈ​သဵင်​မၼ်း တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​လႄႈ​ဝႃႈ၊ ယေႇႁေႃးဝႃႇ ၸေႇတႃႉၵၼူႉ ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ သိုပ်ႇ​ၶုၼ်​ၶိူဝ်း​ၶုၼ်​ တႃႇဝိတ်ႈ ဢၼ်​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ ဢီႉသရေႇလႃႉ ​ၼၼ်ႉ ဢမ်ႇ​လႆႈ​သုတ်း​လႆႈ​ထၢတ်ႇ​လႃး​လႃး။-</verse>
				<verse number="18">ၶိူဝ်း​ယိတ်ႈပရေႃးႁဵၵ်ႈ ၵူၼ်း​ လေႇဝီႉ ​ဢၼ်​ပုၵ်ႈ​ၸေႃႇ​ယိတ်ႈ ဢၼ်​တုတ်ႇ​ၽႆး​ယူႇ၊ ဢဝ်​ၶိူင်ႈ​ပုၵ်ႈ​ၸေႃႇ​တုတ်ႇ​ၽႆး​ယူႇ​သေ​လႄႈ လႆႈ​ႁဵတ်း​ဝၢတ်ႈ​ဢၼ်​ပုၵ်ႈ​ၸေႃႇ​ယူႇ​တႃႇ​သေႇ​ၼၼ်ႉ​ၵေႃႈ ဢမ်ႇ​လႆႈ​သုတ်း​လႆႈ​ထၢတ်ႇ​လႃး​လႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး တီႈ​ ယေႇရမီႉ ​လႄႈ​ဝႃႈ၊-</verse>
				<verse number="20">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပေႃး​သူ တၢတ်ႈ​ၼိူင်ႇ​ႁႂ်ႈ​လႆႈ​ယႃႉ ပတီႉၺိၺ်ႇ​တြႃး ၵႃ​ဝၼ်း ဢိၵ်ႇ​တင်း ပတီႉၺိၺ်ႇ​တြႃး ၵႃ​ၶိုၼ်း ဢၼ်​ၵဝ်​ဝႆႉ​ၼၼ်ႉ​ပႅတ်ႈ ထၼ်ႈ​ပေႃး ဢမ်ႇ​ႁႂ်ႈ​မီး ဢၼ်​ၶၼ်ႈ​ဢၼ်​ၶႅၼ်ႈ ၵႃ​ဝၼ်း​ဢိၵ်ႇ​တင်း​ၵႃ​ၶိုၼ်း​ၼၼ်ႉ လႆႈ​ၸိုင်၊-</verse>
				<verse number="21">ပတီႉၺိၺ်ႇ​ဢၼ်​ၵဝ်​ဝႆႉ တီႈ​ၶႃႈ​ၵဝ်​ တႃႇဝိတ်ႈ ​ၼၼ်ႉ တၵ်း​လူႉ​ထၼ်ႈ​ပေႃး ၶိူဝ်း​ၶုၼ်​မၼ်း ဢၼ်​လႆႈ​ဢုပ်ႉ​ၸၢမ်ႇ​ၸႃး​ပလၢင်ႇ​မၼ်း ၼၼ်ႉ တၵ်း​သုတ်း​လႆႈ​ထၢတ်ႇ​လႆႈ​လႄႈ ၶိူဝ်း​ယိတ်ႈပရေႃးႁဵၵ်ႈ​ၵူၼ်း​ လေႇဝီႉ ဢၼ်​ၵိုတ်ႉ​ႁၢပ်ႇ​ဢမူႉ​ၵဝ်​ၵေႃႈ တၵ်း​သုတ်း​လႆႈ​ထၢတ်ႇ​လႆႈ​ဢေႃႈ။-</verse>
				<verse number="22">ၸိူဝ်ႉ​ၼင်ႇ​ဢၼ်​ၶိူင်ႈ​ပိူင်​ၽႃႉ​ၵၢင်​ႁၢဝ် ၼမ်​ၵိုၼ်း​ၼႃႇ​ထၼ်ႈ​ပေႃး ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ဢၼ်​မဵတ်ႉ​ႁိၼ်​မဵတ်ႉ​သၢႆး ၼမ်ႉ​သမ်ႇ​မုၵ်ႉ​တြႃႇ ၼမ်​ၵိုၼ်း​ၼႃႇ​ထၼ်ႈ​ပေႃး ဢမ်ႇ​ဢဝ်​ၵွၵ်း​တူင်​တူၺ်း​လႆႈ​ၼၼ်ႉ၊ ၵဝ်​တၵ်း​ႁႂ်ႈ​မဵဝ်း​ၶႃႈ​ၵဝ်​ တႃႇဝိတ်ႈ ဢိၵ်ႇ​တင်း ၵူၼ်း​ လေႇဝီႉ ဢၼ်​ၵိုတ်ႉ​ႁၢပ်ႇ​ဢမူႉ​ၵဝ် ၸိူဝ်း​ၼၼ်ႉ ၼမ်​ၵိုၼ်း​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး တီႈ​ ယေႇရမီႉ ​ၸမ်ႉ၊-</verse>
				<verse number="24">မႂ်း​ဢမ်ႇ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ ဢၼ်​ၵူၼ်း​တင်း​လၢႆ​ၸိူဝ်း​ၼႆႉ ၸၢင်ႈ​လၢတ်ႈ​လႄႈ​ဝႃႈ၊ ၵူၼ်း​မဵဝ်း​ဢၼ် ထႃႇဝရႃႉ​ၽြႃး လိူၵ်ႈ​ၵဵပ်း​ဢဝ် သွင်​မဵဝ်း​ၼႆႉ​ၸိုင် မၼ်း​ၸဝ်ႈ​သမ်ႉ​ပႄႇ​ပႅတ်ႈ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။ ၼင်ႇ​ၼၼ်​လႄႈ ၶဝ်​ၼၼ်ႉ​ဢွၼ်​ၵၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၵူၼ်း​ၵဝ်​တင်း​လၢႆ ထၼ်ႈ​ပေႃး​ဢမ်ႇ​မၢတ်ႈ​ပဵၼ်​မဵဝ်း​ၵူၼ်း သိုဝ်ႈ​ၼႃႈ​တႂ်ႈ​တႃ​ၶဝ်​ယဝ်ႉ။-</verse>
				<verse number="25">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပေႃး​ပတီႉၺိၺ်ႇ​တြႃး​ၵႃ​ဝၼ်း ဢိၵ်ႇ​တင်း​ၵႃ​ၶိုၼ်း​ၼၼ်ႉ ဢမ်ႇ​မီး၊ ပေႃး​ၵဝ်​ဢမ်ႇ​ၸီႇ​ယၢင်ႇ​တြႃး ၽႃႉ​ၵၢင်​ႁၢဝ် ဢိၵ်ႇ​တင်း လိၼ်​မိူင်း​ယူႇ​ၸိုင်၊-</verse>
				<verse number="26">ၵဝ်​တၵ်း​ပႄႇ​ပႅတ်ႈ​ၸုၼ်ႉ​ပႅတ်ႈ မဵဝ်း​ ယႃႇၵုပ်ႈ ဢိၵ်ႇ​တင်း ၸိူဝ်ႉ​ၶိူဝ်း​ၶႃႈ​ၵဝ်​ တႃႇဝိတ်ႈ ထၼ်ႈ​ပေႃး​ၵဝ်​ဢမ်ႇ​လိူၵ်ႈ​ၵဵပ်း​ဢဝ် ၶုၼ်​ဢၼ်​လႆႈ​ဢုပ်ႉ​ပိူင်ႇ မဵဝ်း​ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၼၼ်ႉ​ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။ ဢမ်ႇ​ၼၼ်​ၵေႃႈ ၵဝ်​တၵ်း​ဢဝ် ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ ၶိုၼ်း​မႃး​လႄႈ ဢဵတ်း​လူ မီး​ၵရူႉၼႃႇ​တီႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="34">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ၼႂ်း​မိူဝ်ႈ​ဢၼ်​ ၼေႇပူႉၶတ်ႉၼေႇၸႃႇ ​ၶုၼ်​ႁေႃ​ၶမ်း​ ပႃႇပူႉလုၼ်ႇ ဢိၵ်ႇ​တင်း​ပူဝ်ႇ​ပႃႇ​မၼ်း​ၵႃႈ​မီး၊ သိုင်ႇ​ၸိုင်ႈ​ဝၢၼ်ႈ​မိူင်း ၵႃႈ​ဢၼ်​မၼ်း​လႆႈ​ဢုပ်ႉ​ပိူင်ႇ၊ မဵဝ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ၸိူဝ်း​ၼၼ်ႉ ဢွၼ်​ၵၼ်​မႃး​တိုၵ်း​တေႃး ဝဵင်း​ ယေႇရူႉသလႅမ်ႇ ဢိၵ်ႇ​တင်း ဝၢၼ်ႈ​ဝဵင်း​ၵႃႈ​ဢၼ် ၸၢပ်ႈ​သႅင်ႇ​ၵၼ်​တင်း​မၼ်း​ၼၼ်ႉ ယူႇ​ၼၼ်ႉ လႄႈ​ဝႃႈ၊-</verse>
				<verse number="2">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ မႂ်း​ၵႂႃႇ​လႄႈ​မွၵ်ႇ​လၢတ်ႈ​တီႈ ၸေႇတၵီႉ ​ၶုၼ်​ႁေႃ​ၶမ်း​ ယူႉတႃႉ ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ဢဝ်​ဝဵင်း​ၼႆႉ ဢၢပ်ႈ​ပၼ်​ၵႃႈ​ၼႂ်း​မိုဝ်း ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ၊ မၼ်း​ၼၼ်ႉ တၵ်း​ဢဝ်​ၽႆး​တုတ်ႇ​ပႅတ်ႈ​ဢေႃႈ။-</verse>
				<verse number="3">မႂ်း​ဢမ်ႇ​လႆႈ​ၵၢင်း​လွတ်ႈ​တင်း မိုဝ်း​မၼ်း​ၼၼ်ႉ။ မႂ်း​တၵ်း​လႆႈ​ၶၢမ်ႇ​တၢင်း​ဢၼ်​တီႉ​ၵမ်​ဢဝ်​သေ​လႄႈ ဢၢပ်ႈ​ပၼ်​ၵႃႈ​ၼႂ်း မိုဝ်း​မၼ်း​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။ တႃ​မႂ်း​တၵ်း​လႆႈ​ႁၼ် တႃ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ သူပ်း​တေႃႇ​သူပ်း မၼ်း​တၵ်း​လၢတ်ႈ​တေႃႇ​ၵၼ် တင်း​မႂ်း​လႄႈ မႂ်း​တၵ်း​လႆႈ​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ပုၼ်ႉ​ဢေႃႈ။-</verse>
				<verse number="4">ၵူၺ်း​ၵႃႈ ၸေႇတၵီႉ ​ၶုၼ်​ႁေႃ​ၶမ်း​ ယူႉတႃႉ တီႈ​ၶႃႈ​ဢိူၺ်း၊ ထွမ်ႇ​ငိၼ်း​ၵႂၢမ်း ထႃႇဝရႃႉ​ၽြႃး​တႃႉ။ ထႃႇဝရႃႉ​ၽြႃး ဢဝ်​လွင်ႈ​ၸဝ်ႈ​ၶုၼ်​လူင်​လႄႈ မီး​ဢမိင်ႉ​ၸမ်ႉ၊ မႂ်း​ဢမ်ႇ​လႆႈ​ၶၢမ်ႇ​တၢႆ လူၺ်ႈ​လၢပ်ႇ​လူၺ်ႈ​လႅဝ်း။-</verse>
				<verse number="5">မႂ်း​တၵ်း​တၢႆ​ၼိမ်​ၼိမ်​လီ​လီ​လႄႈ ၶဝ်​တၵ်း​ဢွၼ်​ၵၼ်​ဢဝ် ၼၢမ်ႇ​သႃႇ​တုတ်ႇ​ၽႆး​ပုၼ်ႈ​မႂ်း မိူၼ်​ၸိူဝ်ႉ​ၼင်ႇ ဢၼ်​ယၢမ်ႈ​ႁဵတ်း​ပုၼ်ႈ ပူႇ​မႂ်း​မွၼ်ႇ​မႂ်း ဢၼ်​ဝႃႈ​ၶုၼ်​ႁေႃ​ၶမ်း ဢၼ်​ဢုပ်ႉ​ပိူင်ႇ​ၸၢမ်ႇ​ၸႃး​မိူဝ်ႈ​ဢွၼ်​တၢင်း​မႂ်း ၸိူဝ်း​ၼၼ်ႉ​ယူႇ​သေ​လႄႈ​ဝႃႈ၊ ၸဝ်ႈ​ဢိူၺ်း၊ ၸဝ်ႈ​ဢိူၺ်း၊ ဝႃႈ​ၼင်ႇ​ၼႆ​လႄႈ ႁႆႈ​ႁွင်ႉ​ပွင်ႉ​ၶၢင်း​ပုၼ်ႈ​မႂ်း​ဢေႃႈ။ ၵဝ်​လၢတ်ႈ​ဝႆႉ​ယဝ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="6">ပရေႃးၽႅတ်ႈ​ ယေႇရမီႉ ဢဝ်​ၵႂၢမ်း​ၵႃႈ​မီး​ၼႆႉ​သင်ႇ​လၢတ်ႈ​ဝႆႉ​တီႈ​ ၸေႇတၵီႉ ၶုၼ်​ႁေႃ​ၶမ်း​ ယူႉတႃႉ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၊-</verse>
				<verse number="7">ၼႂ်း​မိူဝ်ႈ​ဢၼ်​ပူဝ်ႇ​ပႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၸိူဝ်း​ၼၼ်ႉ ယင်း​တိုၵ်း​ဢဝ်​ဝဵင်း​ ယေႇရူႉသလႅမ်ႇ ဢိၵ်ႇ​တင်း​ဝဵင်း​ ယူႉတႃႉ ဢၼ်​ယင်း​ၵိုတ်း​ယင်း​ၵျၢၼ်ႇ ဢၼ်​ဝႃႈ ဝဵင်း​ လႃႇၶီႉသႃႉ ၊ ဝဵင်း​ ဢၸေႇၵႃႇ ဢၼ်​မၼ်ႈ​ၶိူင်ႇ​လႄႈ ယင်း​ၵိုတ်း​ဝႆႉ​ၼႂ်း​ဝဵင်း​ ယူႉတႃႉ ​ၸိူဝ်း​ၼၼ်ႉ​ယူႇ ၼၼ်ႉ​ဢေႃႈ။</verse>
				<verse number="8">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ လိုၼ်း​သေ​ဢၼ် ၶုၼ်​လူင်​ ၸေႇတၵီႉ ႁဵတ်း​ပတီႉၺိၺ်ႇ လူၺ်ႈ​ၵၼ်​တင်း ၵူၼ်း​တင်း​သဵင်ႈ​တင်း​လူင် ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၊-</verse>
				<verse number="9">လူၺ်ႈ​လွင်ႈ ဢၼ်​တၵ်း​ၸီႇ​ယၢင်ႇ​မွၵ်ႇ​လၢတ်ႈ တြႃး​တၢင်း​ဢၼ်​လွတ်ႈ​ႁႂ်ႈ​ၶဝ်​ၼၼ်ႉ ႁင်း​ၽႂ်​ႁင်း​မၼ်း ၵမ်း​လိုၼ်း​ယင်း​ဢမ်ႇ​ၸႂ်ႉ​ၵိၼ် ပီႈ​မၼ်း​ၼွင်ႉ​မၼ်း ဢၼ်​ဝႃႈ​ၵူၼ်း​ ယူႉတႃႉ ၼင်ႇ​ၵၼ်​ၵၼ်​လႄႈ ပွႆႇ​လွတ်ႈ​ၶႃႈ​ၵူၼ်း​ၸၢႆး ၶႃႈ​ၵူၼ်း​ယိင်း မဵဝ်း​ ႁေႇပြႄး ဢၼ်​လႆႈ​ၶၢမ်ႇ​တၢင်း​ဢၼ် ၸႂ်ႉ​ၵိၼ်​သွႆ​ၵိၼ်​ယူႇ ၸိူဝ်း​ၼၼ်ႉ​ယဝ်ႉ​ၼၼ်ႉ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ မူး​မၢတ်ႈ​ၽွင်း​မိူင်း​ၵႃႈ​မီး ဢိၵ်ႇ​တင်း ၵူၼ်း​တင်း​လၢႆ ဢၼ်​ႁပ်ႉ​တုင်း​ဢဝ်​ပတီႉၺိၺ်ႇ လူၺ်ႈ​လွင်ႈ​ဢၼ်​ၶဝ် ႁင်း​ၽႂ်​ႁင်း​မၼ်း​ၵမ်း​လိုၼ်း ယင်း​ဢမ်ႇ​ၸႂ်ႉ​ၵိၼ် ပီႈ​မၼ်း​ၼွင်ႉ​မၼ်း ၼင်ႇ​ၵၼ်​ၵၼ်​လႄႈ တၵ်း​ပွႆႇ​လွတ်ႈ​ၶႃႈ​ၵူၼ်း​ၸၢႆး​မၼ်း ၶႃႈ​ၵူၼ်း​ယိင်း မၼ်း​တင်း​လၢႆ​ၼၼ်ႉ​ၸိူဝ်း​ၼၼ်ႉ ၽွမ်ႉ​ၵၼ်​ထွမ်ႇ​ဢဝ်​လႄႈ ဢွၼ်​ၵၼ်​ပွႆႇ​လွတ်ႈ​ဢေႃႈ။-</verse>
				<verse number="11">ၵမ်း​လိုၼ်း​ၶဝ် ၶၢႆႉ​ပုတ်ႈ​လႄႈ သမ်ႉ​ၶိုၼ်း​ႁွင်ႉ​ဢဝ် ၶႃႈ​ၵူၼ်း​ၸၢႆး ၶႃႈ​ၵူၼ်း​ယိင်း ဢၼ်​ၶဝ်​ပွႆႇ​လွတ်ႈ​ယဝ်ႉ ၸိူဝ်း​ၼၼ်ႉ​မႃး​လႄႈ ႁႂ်ႈ​ၶၢမ်ႇ​ႁဵတ်း ၶႃႈ​ၵူၼ်း​ၸၢႆး ၶႃႈ​ၵူၼ်း​ယိင်း ထႅင်ႈ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ​လႄႈ​ဝႃႈ၊-</verse>
				<verse number="13">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ၵဝ်​ႁဵတ်း​ပတီႉၺိၺ်ႇ​လူၺ်ႈ​ၵၼ် တင်း​ပူႇ​သူ​မွၼ်ႇ​သူ​ၼႂ်း​မိူဝ်ႈ​ဢၼ်​ၵဝ်​ၼုၵ်ႈ​ဢဝ်​ၶဝ်​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ တီႈ​ဢၼ်​ၶဝ်​ၶၢမ်ႇ​ႁဵတ်း​ၶႃႈ​ၼၼ်ႉ​လႄႈ​ဝႃႈ၊-</verse>
				<verse number="14">ပေႃး​ၸေး​ၸဵတ်း​ပီႊ​ယဝ်ႉ​ၸိုင် သူ​တၵ်း​လႆႈ​ပွႆႇ​ပီႈ​သူ​ၼွင်ႉ​သူ ဢၼ်​ပဵၼ်​ၵူၼ်း​မဵဝ်း​ ႁေႇပြႄး ​ၼင်ႇ​ၵၼ်​ၵၼ် ဢၼ်​လႆႈ​ၶၢမ်ႇ​တၢင်း​ဢၼ် ၶၢႆ​တေႃႇ​သူ​လႄႈ ၶၢမ်ႇ​ႁဵတ်း​ၶႃႈ​တီႈ​သူ ႁူၵ်း​ပီႊ​တဵမ်​တဵမ်​ယဝ်ႉ​ၼၼ်ႉ​လွတ်ႈ ႁင်း​ၽႂ်​ႁင်း​မၼ်း​ဢေႃႈ။ ပိၵ်ႉ​သမ်ႉ​ဝႃႈ၊ သူ​တၵ်း​လႆႈ ပၼ်​ဢၶႂၢင်ႉ ဢၼ်​လွတ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ ပူႇ​သူ​မွၼ်ႇ​သူ​ၸိူဝ်း​ၼၼ်ႉ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်၊ ဢမ်ႇ​ဝၢႆႇ​ႁူ​ႁေႈ​ႁူ​ၸူး​လႄႈ​ယူႇ​ဢေႃႈ။-</verse>
				<verse number="15">မိူဝ်ႈ​လဵဝ်​ၼႆႉ ပိၵ်ႉ​သမ်ႉ​သူ​မီး​တၢင်း​ဢၼ် ၶၢႆႉ​ပုတ်ႈ​လႄႈ ႁဵတ်း​လွင်ႈ​တၢင်း​ဢၼ်​တြႃး သိုဝ်ႈ​ၼႃႈ​တႂ်ႈ​တႃ​ၵဝ် ၼႂ်း​လွင်ႈ​ဢၼ် ၸီႇ​ယၢင်ႇ​မွၵ်ႇ​လၢတ်ႈ ဢၶႂၢင်ႉ​တၢင်း​ဢၼ်​ပွႆႇ​လွတ်ႈ တီႈ​ၵူၼ်း​ႁိူၼ်း​ၸမ်​ၵၼ် ႁင်း​ၽႂ်​ႁင်း​မၼ်း​လႄႈ ဢွၼ်​ၵၼ်​ႁဵတ်း​ပတီႉၺိၺ်ႇ တၢင်း​ဢၼ်​ႁပ်ႉ​တုင်း​ဢဝ် ၵႃႈ​တီႈ​ၽၢႆႇ​ၼႃႈ​ၵဝ် ၵႃႈ​ၼႂ်း​ႁိူၼ်း​ဢၼ်​ႁွင်ႉ​ႁဵၵ်ႈ​လူၺ်ႈ ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ သေ​ၵေႃႈ၊-</verse>
				<verse number="16">သမ်ႉ​ၶၢႆႉ​ပုတ်ႈ​လႄႈ ၶျႃး​ၼႃႇ​မႃႉ​ၸိုဝ်ႈ​သဵင်​ၵဝ် တူၵ်း​တီႈ​တႅမ်ႇ သေ​လႄႈ သမ်ႉ​ၶိုၼ်း​ဢွၼ်​ၵၼ် ႁွင်ႉ​ဢဝ်​ၶႃႈ​ၵူၼ်း​ၸၢႆး​ၶႃႈ​ၵူၼ်း​ယိင်း ဢၼ်​ပွႆႇ​လွတ်ႈ မူတ်း​မူတ်း​သဵင်ႈ​သဵင်ႈ ႁင်း​ၽႂ်​ႁင်း​မၼ်း​ၸိူဝ်း​ၼၼ်ႉ ၶိုၼ်း​မႃး​လႄႈ ႁႂ်ႈ​ၶၢမ်ႇ​ႁဵတ်း ၶႃႈ​ၵူၼ်း​ၸၢႆး ၶႃႈ​ၵူၼ်း​ယိင်း​ထႅင်ႈ​ယဝ်ႉ လူင်​ပႄႇ။-</verse>
				<verse number="17">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ သူ​ဢမ်ႇ​ထွမ်ႇ​ဢဝ် ၵႂၢမ်း​ၵဝ်​လူၺ်ႈ​လွင်ႈ ဢၼ်​တၵ်း​ၸီႇ​ယၢင်ႇ​မွၵ်ႇ​လၢတ်ႈ ဢၶႂၢင်ႉ တၢင်း​ဢၼ်​ပွႆႇ​လွတ်ႈ တီႈ​ပီႈ​သူ​ၼွင်ႉ​သူ​ၼင်ႇ​ၵၼ်​ၵၼ် ၵူၼ်း​ႁိူၼ်း​ၸမ်​ၵၼ် ႁင်း​ၽႂ်​ႁင်း​မၼ်း​ၼၼ်ႉ​လႄႈ ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ၸီႇ​ယၢင်ႇ​မွၵ်ႇ​လၢတ်ႈ ဢၶႂၢင်ႉ​ဢၼ်​လွတ်ႈ တီႈ​ၽေး​လၢပ်ႇ​ၽေး​လႅဝ်း ၽေး​ၵႃႇလႃႉ​ႁႃႈ​လႅင်​မိူင်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ ပုၼ်ႈ​သူ​လႄႈ ႁႂ်ႈ​သူ​ၶၢမ်ႇ​တၢင်း​ဢၼ် ဢဝ်​ထိမ်ႈ​ၵႂႃႇ​ထိမ်ႈ​မႃး ယူႇ​ၵႃႈ​တီႈ​ၵူႈ​သိုင်ႇ​ၵူႈ​မိူင်း ၵႃႈ​ၼိူဝ်​လိၼ်​မိူင်း​ဢေႃႈ။-</verse>
				<verse number="18">ၵဝ်​တၵ်း ဢဝ်​ၶဝ်​ၸိူဝ်း​ဢၼ်​ပူၼ်ႉ​လိူဝ် ပတီႉၺိၺ်ႇ​ၵဝ်​လႄႈ ဢမ်ႇ​ၵမ်​ဢမ်ႇ​ၵျၢင်ႉ​ၸွမ်း​ၼင်ႇ​ပတီႉၺိၺ်ႇ ဢၼ်​ၶဝ်​ၽႃႇ​ဝူဝ်း​ဢွၼ်ႇ ႁဵတ်း​သွင်​ၽၢၵ်ႇ​သေ​လႄႈ တႆႇ​လတ်း​ၵႂႃႇ​ၵႃႈ​ၼႂ်း ၵႄႈ​ဝူင်ႈ​ၵၢင် သွင်​ၽၢၵ်ႇ​ၼၼ်ႉ​လႄႈ ႁဵတ်း​ၵႃႈ​တီႈ​ၽၢႆႇ​ၼႃႈ​ၵဝ်​ၼၼ်ႉ၊-</verse>
				<verse number="19">ဢၼ်​ဝႃႈ ၶုၼ်​ ယူႉတႃႉ ၊ ၶုၼ်​ ယေႇရူႉသလႅမ်ႇ ၊ မူး​မၢတ်ႈ​ၽွင်း​မိူင်း၊ ယိတ်ႈပရေႃးႁဵၵ်ႈ၊ ၵူၼ်း​ထိင်း​ၼၢင်း၊ ၵူၼ်း​ဝၢၼ်ႈ​ၵူၼ်း​မိူင်း ဢၼ်​တႆႇ​လတ်း​ၵႂႃႇ ၵႃႈ​ၼႂ်း​ၵႄႈ​ဝူင်ႈ​ၵၢင်​ဝူဝ်း​ဢွၼ်ႇ ဢၼ်​ၽႃႇ​ႁဵတ်း​သွင်​ၽၢၵ်ႇ​ၼၼ်ႉ ၸိူဝ်း​ၼၼ်ႉ၊-</verse>
				<verse number="20">ဢၢပ်ႈ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ် ဢိၵ်ႇ​တင်း ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် ႁႃ​ဢဝ်​ဢသၢၵ်ႈ​ၶဝ်​ၼၼ်ႉ​ဢေႃႈ။ တူဝ်​တၢႆ​ၶဝ်​ၼၼ်ႉ တၵ်း​ပဵၼ်​ပုၼ်ႈ​ဢၼ်​ၼူၵ်ႉ​ၵၢင်​ႁၢဝ် တင်း​တူဝ်​ထိူၼ်ႇ​ႁၢႆႉ တင်း​လၢႆ​တၵ်း​ၵိၼ်​ဢေႃႈ။-</verse>
				<verse number="21">ၵဝ်​တၵ်း​ဢဝ်​ ၸေႇတၵီႉ ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း​မူး​မၢတ်ႈ​ၽွင်း​မိူင်း​မၼ်း တင်း​လၢႆ ဢၢပ်ႈ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ်၊ ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် ႁႃ​ဢဝ်​ဢသၢၵ်ႈ​ၶဝ်၊ ၵႃႈ​ၼႂ်း​မိုဝ်း​ပူဝ်ႇ​ပႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ဢၼ်​ဝၢႆႇ​ၶိုၼ်း​ၵႂႃႇ​သေ ၵႃႈ​တီႈ​သူ​ယဝ်ႉ​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="22">တူၺ်း​လူး၊ ၵဝ်​တၵ်း​ပၼ်​ဢမိင်ႉ​လႄႈ ႁႂ်ႈ​ၶဝ်​ၼၼ်ႉ​ၶိုၼ်း​မႃး​ၵႃႈ​တီႈ​ဝဵင်း​ၼႆႉ​ဢေႃႈ။ ၶဝ်​ၼၼ်ႉ​တၵ်း​ဢွၼ်​ၵၼ်​တိုၵ်း​တေႃး​လႄႈ သိမ်း​ဢဝ်​သေ​ယဝ်ႉ၊ ဢဝ်​ၽႆး​တုတ်ႇ​ဢေႃႈ။ ၵဝ်​တၵ်း​ႁႂ်ႈ​ဝၢၼ်ႈ​ဝဵင်း​ ယူႉတႃႉ ​တင်း​လၢႆ ပဵၼ်​တီႈ​ဢၼ်​ပဝ်ႇ ဢၼ်​လၢပ်ႈ​လႄႈ ဢမ်ႇ​မီး​ၵေႃႉ​ဢၼ်​ယူႇ ဢၼ်​သဝ်း​လႃး​လႃး​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="35">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ၼႂ်း​ၸူဝ်ႈ​ပၢၼ် ၶုၼ်​ ယေႃးယၵိမ်း လုၵ်ႈ​ၸၢႆး​ ယူဝ်းသီႉယႃႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ လႄႈ​ဝႃႈ​ၸမ်ႉ၊-</verse>
				<verse number="2">မႂ်း​ၵႂႃႇ​ၸူး ၵႃႈ​တီႈ​ႁိူၼ်း ၵူၼ်း​မဵဝ်း​ ရေႇၶပ်ႉ ​တင်း​လၢႆ​လႄႈ တၵ်ႉ​လၢတ်ႈ​ၵၼ်​တင်း​ၶဝ်​သေ​ယဝ်ႉ၊ ႁွင်ႉ​ဢဝ်​ၶဝ်​သႂၢင်း​ၶဝ်ႈ​ၵႃႈ​ၼႂ်း လုၵ်း​ႁိူၼ်း ထႃႇဝရႃႉ​ၽြႃး လုၵ်း​ၼိုင်ႈ သေ​လႄႈ ဢဝ်​ၼမ်ႉ​ၸပိတ်ႈ တိုၵ်း​ပၼ်​တီႈ​ၶဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ၵဝ်​ႁွင်ႉ​ဢဝ် ၸႃႉ​ၸဵမ်​ ယႃႇၸၺႃႇ လုၵ်ႈ​ၸၢႆး​ ယေႇရမီႉ ဢၼ်​ပဵၼ်​လုၵ်ႈ​ၸၢႆး​ ႁႃႇပၸီႉၺႃႇ ​လႄႈ ပီႈ​မၼ်း​ၼွင်ႉ​မၼ်း လုၵ်ႈ​ၸၢႆး​မၼ်း​ၵႃႈ​မီး ဢိၵ်ႇ​တင်း​ၵူၼ်း​မဵဝ်း​ ရေႇၶပ်ႉ တင်း​သဵင်ႈ​တင်း​လူင်​သေ​လႄႈ၊-</verse>
				<verse number="4">ဢဝ်​ၵႂႃႇ​သႂၢင်း​ၶဝ်ႈ ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ၸူး​ၵႃႈ​ၼႂ်း​လုၵ်း​တီႈ​ယူႇ လုၵ်ႈ​ၸၢႆး​ ႁႃႇၼၼ်ႇ ဢၼ်​ပဵၼ်​လုၵ်ႈ​ၸၢႆး​ ဢီႉၵတႃႇလီႉ ၵူၼ်း​ၽြႃး​ပဵၼ်​ၸဝ်ႈ ၵႃႈ​တီႈ​ႁိမ်း​လုၵ်း တီႈ​ဢၼ်​မူး​မၢတ်ႈ​ၽွင်း​မိူင်း ၸူႉ​ၵၼ်​တုမ်​ၵၼ်၊ ၵႃႈ​တီႈ​ၼိူဝ်​လုၵ်း​ မႃႇသေႇယႃႉ လုၵ်ႈ​ၸၢႆး​ သႃႇလုမ်ႇ ဢၼ်​ပဵၼ် ၵေႃႉ​ဢၼ်​ပႂ်ႉ​ၽၵ်း​တူ​ၼၼ်ႉ​သေ​ယဝ်ႉ၊-</verse>
				<verse number="5">ဢဝ်​မေႃႈ ဢိၵ်ႇ​တင်း ၵွၵ်း​ဢၼ်​တဵမ်​ဝႆႉ​တင်း ၼမ်ႉ​ၸပိတ်ႈ​တင်း​လၢႆ သႂ်ႇ​တမ်း​ပၼ်​ၵႃႈ​တီႈ​ၽၢႆႇ​ၼႃႈ​ၵူၼ်း​မဵဝ်း​ ရေႇၶပ်ႉ ​ၸိူဝ်း​ၼၼ်ႉ​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ ဢွၼ်​ၵၼ်​သူတ်ႉ​ၵိၼ် ၼမ်ႉ​ၸပိတ်ႈ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၶဝ်​ၼၼ်ႉ​ၵေႃႈ ဢွၼ်​ၵၼ်​လၢတ်ႈ​လႄႈ​ဝႃႈ၊ ႁဝ်း​ၶႃႈ​ၼႆႉ​ဢမ်ႇ​သူတ်ႉ​ဢမ်ႇ​ၵိၼ် ၼမ်ႉ​ၸပိတ်ႈ​ၶႃႈ။ လွင်ႈ​မၼ်း​ၸမ်ႉ ယေႃးၼတပ်ႉ လုၵ်ႈ​ၸၢႆး​ ရေႇၶပ်ႉ ပေႃႈ​ၵူၼ်း​မဵဝ်း​ႁဝ်း​ၶႃႈ​ၼၼ်ႉ သင်ႇ​လၢတ်ႈ​ဝႆႉ​လႄႈ​ဝႃႈ၊ ၸႃႉ​ၸဵမ်​သူ​လႄႈ ၸူဝ်ႈ​လုၵ်ႈ​ပၢၼ်​လၢၼ်​သူ​ၼၼ်ႉ ဢမ်ႇ​လႆႈ​ၵိၼ်​ၼမ်ႉ​ၸပိတ်ႈ​လႃး​လႃး။-</verse>
				<verse number="7">ႁိူၼ်း​ၵေႃႈ​ဢမ်ႇ​လႆႈ​ႁဵတ်း။ ၸိူဝ်ႉ​ၽၼ်း​ၵေႃႈ​ဢမ်ႇ​လႆႈ​ဝၢၼ်ႇ​လႆႈ​ပိုၼ်။ သူၼ်​ဢူးယဵၼ်ႇ​ၸပိတ်ႈ​ၵေႃႈ ဢမ်ႇ​လႆႈ​ၽုၵ်ႇ​လႆႈ​သွမ်ႈ။ ဢမ်ႇ​လႆႈ​ႁႂ်ႈ​မီး​လႃး​လႃး။ လွင်ႈ​ၼင်ႇ​ႁိုဝ် ၸူဝ်ႈ​ဢသၢၵ်ႈ​သူ တၵ်း​ယၢဝ်း​ယိုၼ်း​ယူႇ ၵႃႈ​ၼႂ်း​တီႈ​ဢၼ်​သူ ပဵၼ်​ၶႅၵ်ႇ​ယူႇ​ၼႆႉ​ၸိုင်၊ ၸူဝ်ႈ​ဢသၢၵ်ႈ​သူ​ၼၼ်ႉ သူ​တၵ်း​လႆႈ​ဢွၼ်​ၵၼ်​ယူႇ ၵႃႈ​ၼႂ်း​မူဝ်းၵႃႇ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဝႆႉ တီႈ​ႁဝ်း​ၶႃႈ​ယဝ်ႉ ၶႃႈ​ယဝ်ႉ။-</verse>
				<verse number="8">ပိူဝ်ႈ​ၼႆ​လႄႈ ႁဝ်း​ၶႃႈ​ၼႆႉ လႆႈ​ထွမ်ႇ​ဢဝ်​ၵႂၢမ်း​ ယေႃးၼတပ်ႉ လုၵ်ႈ​ၸၢႆး​ ရေႇၶပ်ႉ ပေႃႈ​ၵူၼ်း​မဵဝ်း​ႁဝ်း​ၶႃႈ​ၼၼ်ႉ ၼႂ်း​ၵႃႈ​ဢၼ်​မၼ်း​သင်ႇ​လၢတ်ႈ​ဝႆႉ တီႈ​ႁဝ်း​ၶႃႈ​လူၺ်ႈ​လွင်ႈ ဢၼ်​ႁဝ်း​ၶႃႈ ဢိၵ်ႇ​တင်း မေး​ႁဝ်း​ၶႃႈ လုၵ်ႈ​ၸၢႆး​ႁဝ်း​ၶႃႈ လုၵ်ႈ​ယိင်း​ႁဝ်း​ၶႃႈ ဢမ်ႇ​လႆႈ​ၵိၼ် ၼမ်ႉ​ၸပိတ်ႈ ၸူဝ်ႈ​ဢသၢၵ်ႈ၊-</verse>
				<verse number="9">ဢမ်ႇ​လႆႈ​ႁဵတ်း​ႁိူၼ်း​ႁဵတ်း​ယေး ပုၼ်ႈ​ဢၼ်​တၵ်း​ယူႇ​တၵ်း​သဝ်း၊ ဢမ်ႇ​လႆႈ​မီး သူၼ်​ဢူးယဵၼ်ႇ​ၸပိတ်ႈ၊ ဢမ်ႇ​လႆႈ​မီး​ႁႆႊ​မီး​ၼႃး၊ ဢမ်ႇ​မီး​ၸိူဝ်ႉ​မီး​ၽၼ်း​ၼၼ်ႉ ၶႃႈ​ယဝ်ႉ။-</verse>
				<verse number="10">ႁဝ်း​ၶႃႈ​ယူႇ ၵႃႈ​ၼႂ်း​မူဝ်းၵႃႇ​သေ​လႄႈ ထွမ်ႇ​ဢဝ်​လႄႈ​ႁဵတ်း​ၸွမ်း ၵႃႈ​ၼင်ႇ​ဢၼ်​ ယေႃးၼတပ်ႉ ပေႃႈ​ၵူၼ်း​မဵဝ်း​ႁဝ်း​ၶႃႈ သင်ႇ​လၢတ်ႈ​ဝႆႉ​ၼၼ်ႉ​ၶႃႈ​ယဝ်ႉ။-</verse>
				<verse number="11">မိူဝ်ႈ​ဢၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ၶီႇ​ၶိုၼ်း​မႃး​ၸူး ၵႃႈ​တီႈ​မိူင်း​ၼႆႉ​ၼၼ်ႉ၊ ႁဝ်း​ၶႃႈ​ၼင်ႇ​ၵၼ်​ၵၼ် လၢတ်ႈ​ၵၼ်​လႄႈ​ဝႃႈ၊ မႃး​မႃး​ဢိူၺ်း၊ ဢွၼ်​ၵၼ်​ၶိုၼ်ႈ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​တႃႉ​ႁဝ်း။ မီး​တီႈ​ဢၼ်​လီ​ၵူဝ်​လီ​ႁႄ ၵူၼ်း​သိုၵ်း​ ၶႃႇလတေး ဢိၵ်ႇ​တင်း ၵူၼ်း​သိုၵ်း သူႉရီႉ ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​လႄႈ မိူဝ်ႈ​လဵဝ်​ၼႆႉ ႁဝ်း​ၶႃႈ​ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မိူဝ်ႈ​ၼၼ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ​လႄႈ​ဝႃႈ၊-</verse>
				<verse number="13">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ မႂ်း​ၵႂႃႇ​လႄႈ လၢတ်ႈ​တီႈ​ၵူၼ်း​မိူင်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​လႄႈ​ဝႃႈ၊ သူ​ၼႆႉ​ဢမ်ႇ​လႆႈ​ၶၢမ်ႇ တၢင်း​ဢၼ်​သင်ႇ​သွၼ်​သုင်း​မႃႉ ႁႂ်ႈ​လႆႈ​ထွမ်ႇ​ဢဝ်​ၵႂၢမ်း​ၵဝ်​ႁိုဝ်။ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ထၢမ်​ဢေႃႈ။-</verse>
				<verse number="14">ၵႂၢမ်း​ ယေႃးၼတပ်ႉ လုၵ်ႈ​ၸၢႆး​ ရေႇၶပ်ႉ ဢၼ်​မၼ်း​ပိင်း​ၺၢပ်ႈ​ဝႆႉ တီႈ​လုၵ်ႈ​မၼ်း​လၢင်း​မၼ်း လူၺ်ႈ​လွင်ႈ​ဢၼ်​ၶဝ်​ဢမ်ႇ​လႆႈ​သူတ်ႉ​လႆႈ​ၵိၼ် ၼမ်ႉ​ၸပိတ်ႈ​ၼၼ်ႉ ပဵၼ်​တီႈ​ဢၼ် ၶဝ်​ၵမ်​ၶဝ်​ၵျၢင်ႉ​လႄႈ ၶဝ်​ယင်း​ဢမ်ႇ​သူတ်ႉ ဢမ်ႇ​ၵိၼ်​ၼမ်ႉ​ၸပိတ်ႈ​လႄႈ ယူႇ​တေႃႇ​ထိုင်​ႁွတ်ႈ ဝၼ်း​မိူဝ်ႈ​ၼႆႉ​သေ​လႄႈ ဢွၼ်​ၵၼ်​ထွမ်ႇ​ဢဝ် ၵႂၢမ်း​ပိင်း​ၺၢပ်ႈ​ပေႃႈ​ၶဝ်​ဢေႃႈ။ ပိၵ်ႉ​သမ်ႉ​ၵဝ်​လုၵ်ႉ​ၸဝ်ႉ​ၸဝ်ႉ​လႄႈ လၢတ်ႈ​တီႈ​သူ​ယူႇ ၶိူဝ်း​ၶိူဝ်း​ယႂ်း​ယႂ်း​သေ​ၵေႃႈ သူ​ဢမ်ႇ​ဢွၼ်​ၵၼ်​ထွမ်ႇ​ဢဝ် ၵႂၢမ်း​ၵဝ်။-</verse>
				<verse number="15">ၵဝ်​လုၵ်ႉ​ၸဝ်ႉ​ၸဝ်ႉ​လႄႈ ပွႆႇ​ၸႂ်ႉ​ၶႃႈ​ၵဝ် ပရေႃးၽႅတ်ႈ တင်း​သဵင်ႈ​တင်း​လူင် မႃး​ၸူး​တီႈ​သူ ၶိူဝ်း​ၶိူဝ်း​ယႂ်း​ယႂ်း​သေ​လႄႈ သင်ႇ​လၢတ်ႈ​လႄႈ​ဝႃႈ၊ ဢွၼ်​ၵၼ်​ဝၢႆႇ​ၶိုၼ်း​သေ​ၵႃႈ​တီႈ သဵၼ်ႈ​တၢင်း​ဢၼ်​ႁၢႆႉ​ဢၼ်​ယုတ်ႈ ဢၼ်​သူ​ၸွမ်း​ယူႇ ႁင်း​ၽႂ်​ႁင်း​မၼ်း​ၼၼ်ႉ​လႄႈ မႄး​ပွင်​မႄး​ႁဵတ်း တၢင်း​ၵမ်​တၢင်း​ၵျၢင်ႉ​သူ​တႃႉ။ ယႃႇ​ပေ​ဢွၼ်​ၵၼ် ၸွမ်း​လင်​ၽြႃး​တၢင်ႇ​သူႇ​တၢင်ႇ​ပႃး ႁႂ်ႈ​လႆႈ​ႁဵတ်း​ဝူတ်ႈ ႁဵတ်း​ဝၢတ်ႈ​တီႈ​ၶဝ်။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ သူ​တၵ်း​လႆႈ​ဢွၼ်​ၵၼ်​ယူႇ ၵႃႈ​တီႈ​မိူင်း​ဢၼ်​ၵဝ်​ပၼ်​တီႈ​သူ ဢိၵ်ႇ​တင်း​တီႈ​ပူႇ​သူ​မွၼ်ႇ​သူ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ သူ​ဢွၼ်​ၵၼ် ဝၢႆႇ​ႁူ​ႁေႈ​ႁူ​သူ​ၸူး​လႄႈ ယင်း​ဢမ်ႇ​ထွမ်ႇ​ဢဝ် ၵႂၢမ်း​ၵဝ်​လႄႈ ယူႇ​ယဝ်ႉ။-</verse>
				<verse number="16">ၵွပ်ႈ​ပိူဝ်ႈ​ဢၼ် လုၵ်ႈ​လၢၼ်​ ယေႃးၼတပ်ႉ ဢၼ်​ပဵၼ်​လုၵ်ႈ​ၸၢႆး​ ရေႇၶပ်ႉ ​ၸိူဝ်း​ၼၼ်ႉ ဢွၼ်​ၵၼ် ၵမ်​ၵျၢင်ႉ​ၸွမ်း​ၼင်ႇ​ပိင်း​ၺၢပ်ႈ ဢၼ်​ပေႃႈ​ၶဝ်​သင်ႇ​လၢတ်ႈ​ဝႆႉ ၼၼ်ႉ​လႄႈ ၵူၼ်း​မဵဝ်း​ၼႆႉ​ယင်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်​လႄႈ ယူႇ​ၼၼ်ႉ​လႄႈ၊-</verse>
				<verse number="17">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ႁႂ်ႈ ၽေး​ဢူႉ​ပၢတ်ႈ ၵႃႈ​ဢၼ်​ၵဝ်​လၢတ်ႈ​ဝႆႉ လူၺ်ႈ​လွင်ႈ​ၶဝ်​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၵူၼ်း​မိူင်း​ ယူႉတႃႉ ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​ဢေႃႈ။ လွင်ႈ​မၼ်း​ၸမ်ႉ ပိၵ်ႉ​သမ်ႉ​ၵဝ်​လၢတ်ႈ တီႈ​ၶဝ်​သေ​ၵေႃႈ ၶဝ်​ဢမ်ႇ​ထွမ်ႇ​ဢမ်ႇ​ငိၼ်း။ ပိၵ်ႉ​သမ်ႉ​ၵဝ်​ႁွင်ႉ တီႈ​ၶဝ်​သေ​ၵေႃႈ ၶဝ်​ဢမ်ႇ​ၶိုၼ်း​ဢိူဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ယေႇရမီႉ ​သင်ႇ​လၢတ်ႈ​ဝႆႉ တီႈ​ၵူၼ်း​မဵဝ်း​ ရေႇၶပ်ႉ ​ၸိူဝ်း​ၼၼ်ႉ​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ် သူ​ထွမ်ႇ​ဢဝ်​ၵႂၢမ်း​ပိင်း​ၺၢပ်ႈ​ ယေႃးၼတပ်ႉ ပေႃႈ​သူ​လႄႈ ပႂ်ႉ​ၵမ်​ပႂ်ႉ​ၵျၢင်ႉ​ၸွမ်း ၵႃႈ​ၼင်ႇ​ဢၼ်​မၼ်း ၸီႇ​ယၢင်ႇ​ႁဵတ်း​ထုင်း​ဝႆႉ ၸိူဝ်း​ၼၼ်ႉ​လႄႈ၊-</verse>
				<verse number="19">သိုပ်ႇ​ၵူၼ်း​ၶိူဝ်း​ၵူၼ်း​ ယေႃးၼတပ်ႉ လုၵ်ႈ​ၸၢႆး​ ရေႇၶပ်ႉ ဢၼ်​လႆႈ​ၸုၵ်း​ယူႇ ၵႃႈ​တီႈ​ၽၢႆႇ​ၼႃႈ​ၵဝ် ဢမ်ႇ​လႆႈ​သုတ်း လႆႈ​ထၢတ်ႇ​လႃး​လႃး၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ဢေႃႈ။</verse>
			</chapter>
			<chapter number="36">
				<verse number="1">ၼႂ်း​ပီႊ​ဢၼ်​ၶုၼ်​ ယေႃးယၵိမ်း လုၵ်ႈ​ၸၢႆး​ ယူဝ်းသီႉယႃႉ ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​သီႇ​ပီႊ​ၼၼ်ႉ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ​ၸမ်ႉ၊-</verse>
				<verse number="2">မႂ်း​ဢဝ် ႁမ်း​လိၵ်ႈ​သေ​လႄႈ၊ ဢဝ်​ၵႂၢမ်း​ၵႃႈ​ဢၼ်​ၵဝ်​လၢတ်ႈ​ဝႆႉ လူၺ်ႈ​လွင်ႈ​မိူင်း​ ဢီႉသရေႇလႃႉ ၊ မိူင်း​ ယူႉတႃႉ ဢိၵ်ႇ​တင်း ၵူႈ​သိုင်ႇ​ၵူႈ​မိူင်း ၸႃႉ​ၸဵမ်​မိုဝ်ႉ​ဝၼ်း​ဢၼ် ၵဝ်​လၢတ်ႈ​တီႈ​မႂ်း ၼႂ်း​ပၢၼ်​ၶုၼ်​ ယူဝ်းသီႉယႃႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ၸိူဝ်း​ၼၼ်ႉ တႅမ်ႈ​သႂ်ႇ​ဝႆႉ​တႃႉ။-</verse>
				<verse number="3">မိူဝ်ႈ​ဢၼ် မဵဝ်း​ ယူႉတႃႉ ​ၶဝ် ငိၼ်း​ၽေး​ဢူႉ​ပၢတ်ႈ ၵႃႈ​ဢၼ်​ၵဝ်​ၵျၢမ်ႇ​ပွင် တၵ်း​ႁဵတ်း​တီႈ​ၶဝ်​ၼၼ်ႉ​ၸိုင် ၶဝ်​ၸၢင်ႈ​ၶႄး​တၵ်း​ဢွၼ်​ၵၼ်​ဝၢႆႇ​ၶိုၼ်း​သေ ၵႃႈ​ၼႂ်း​သဵၼ်ႈ​တၢင်း ဢၼ်​ႁၢႆႉ​ဢၼ်​ယုတ်ႈ ဢၼ်​ၶဝ်​ၸွမ်း​ယူႇ​ၼၼ်ႉ ႁႂ်ႈ​ၵဝ်​လႆႈ​ပွႆႇ​လွတ်ႈ တူႉ​ၸရိူၵ်ႈ​ဢပႅတ်ႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မိူဝ်ႈ​ၼၼ်ႉ ယေႇရမီႉ ​ႁွင်ႉ​ဢဝ်​ ပႃႇရုၵ်ႉ လုၵ်ႈ​ၸၢႆး​ ၼေႇရီႉ ​လႄႈ၊ ပႃႇရုၵ်ႉ ​ၼၼ်ႉ တႅမ်ႈ​ၸွမ်း​ၵႃႈ​ၼင်ႇ​ဢၼ်​သူပ်း​ ယေႇရမီႉ ဢဝ်​ၵႂၢမ်း ထႃႇဝရႃႉ​ၽြႃး ၵႃႈ​ဢၼ်​မၼ်း​ၸဝ်ႈ မီး​ဢမိင်ႉ​ဝႆႉ​ၼၼ်ႉ လၢတ်ႈ​ၼၼ်ႉ​ဝႆႉ ၵႃႈ​ၼႂ်း​ႁမ်း​လိၵ်ႈ​ဢေႃႈ။-</verse>
				<verse number="5">ယေႇရမီႉ ​ၵေႃႈ သင်ႇ​လၢတ်ႈ​ဝႆႉ​တီႈ​ ပႃႇရုၵ်ႉ ​လႄႈ​ဝႃႈ၊ ၵဝ်​လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​လႄႈ ၵဝ်​ဢမ်ႇ​ၵႂႃႇ​ၵႃႈ​တီႈ​ႁိူၼ်း ထႃႇဝရႃႉ​ၽြႃး​လႆႈ။-</verse>
				<verse number="6">ပိူဝ်ႈ​ၼႆ​လႄႈ မႂ်း​ၵႂႃႇ​လႄႈ​ၽတ်း​ၵႂၢမ်း ထႃႇဝရႃႉ​ၽြႃး ဢၼ်​မႂ်း​တႅမ်ႈ​ဝႆႉ ၵႃႈ​တီႈ​ႁမ်း​လိၵ်ႈ​ၸွမ်း​ၵႃႈ​ၼင်ႇ​ဢၼ် သူပ်း​ၵဝ်​လၢတ်ႈ​ၼၼ်ႉ ထိုင်​ႁူ​ၶဝ်​ၸိူဝ်း​ဢၼ် မီး​ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ၼႂ်း​ဝၼ်း​ဢၼ်​ၵမ်​တၢင်း​ၵိၼ် ၼၼ်ႉ​တႃႉ။ တီႈ​ၵူၼ်း​ ယူႉတႃႉ ဢၼ်​လုၵ်ႉ​သေ​ၵႃႈ​တီႈ ၵူႈ​ဝၢၼ်ႈ​ၵူႈ​ဝဵင်း​မႃး ၵႃႈ​မီး​ၼၼ်ႉ​ၵေႃႈ၊ ၽတ်း​ထိုင်​ႁူ​ၶဝ်​တႃႉ။-</verse>
				<verse number="7">ၶဝ်​ၸၢင်ႈ​ၶႄး တၵ်း​ၶုပ်ႉ​ၵူမ်ႈ​သူး​တွင်း​တီႈ ထႃႇဝရႃႉ​ၽြႃး​လႄႈ ဝၢႆႇ​ၶိုၼ်း​သေ​ၵႃႈ​ၼႂ်း​သဵၼ်ႈ​တၢင်း​ဢၼ်​ႁၢႆႉ​ဢၼ်​ယုတ်ႈ​ၶဝ်​ၼၼ်ႉ​ဢေႃႈ။ တၢင်း​ၶႆႈ​ၸႃႉ​ၶႆႈ​ၸဵတ်ႉ ဢိၵ်ႇ​တင်း တေႃး​သႃႉ တၢင်း​ၸႂ်​မႆႈ​ဢၼ် ထႃႇဝရႃႉ​ၽြႃး ၸီႇ​ယၢင်ႇ​ဝႆႉ ပုၼ်ႈ​ၵူၼ်း​မဵဝ်း​ၼႆႉ​ၼၼ်ႉ ႁႅင်း​ယႂ်ႇ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၼင်ႇ​ၼၼ်​လႄႈ ပႃႇရုၵ်ႉ ​လုၵ်ႈ​ၸၢႆး​ ၼေႇရီႉ ​ၼၼ်ႉ ႁဵတ်း​ၸွမ်း​ၵႃႈ​ၼင်ႇ​ဢၼ် ပရေႃးၽႅတ်ႈ​ ယေႇရမီႉ သင်ႇ​လၢတ်ႈ​ဝႆႉ​ၼၼ်ႉ​လႄႈ ဢဝ်​လိၵ်ႈ ဢၼ်​ပႃး​ၼုၵ်ႈၵပၢတ်ႈ ထႃႇဝရႃႉ​ၽြႃး​ၼၼ်ႉ ၽတ်း​ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး​ဢေႃႈ။-</verse>
				<verse number="9">ၼႂ်း​ပီႊ​ဢၼ်​ ယေႃးယၵိမ်း လုၵ်ႈ​ၸၢႆး​ ယူဝ်းသီႉယႃႉ ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​ႁႃႈ​ပီႊ၊ လိူၼ်​ၼဝမႃႉ​ၼၼ်ႉ၊ ၵူၼ်း​ဝဵင်း​ ယေႇရူႉသလႅမ်ႇ ​ၵႃႈ​မီး ဢိၵ်ႇ​တင်း ၶဝ်​ၸိူဝ်း​ဢၼ် လုၵ်ႉ​သေ​ၵႃႈ​တီႈ​ဝၢၼ်ႈ​ဝဵင်း​ ယူႉတႃႉ ​တင်း​လၢႆ​ႁွတ်ႈ​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ၵႃႈ​မီး ၼၼ်ႉ ဢွၼ်​ၵၼ်​ပၢဝ်ႇ​သေႃႇ ၶိင်ႇ​ဢၼ်​ၵမ်​တၢင်း​ၵိၼ် ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး ၼၼ်ႉ​ဢေႃႈ။-</verse>
				<verse number="10">မိူဝ်ႈ​ၼၼ်ႉ ပႃႇရုၵ်ႉ ​ၽတ်း​လိၵ်ႈ ဢၼ်​ပႃး​ၵႂၢမ်း​ ယေႇရမီႉ ​ၼၼ်ႉ ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ၵႃႈ​ၼႂ်း​လုၵ်း​ ၵေႇမရီႉ လုၵ်ႈ​ၸၢႆး​ သႃႇၽၢၼ်ႇ ၸရေး​ၸဝ်ႈ ၵႃႈ​ၼႂ်း​တမ်ႇ​တိူင်း ႁၢၼ်ႉ​ၼိူဝ် ၵႃႈ​ႁိမ်း​ၽၵ်း​တူ​ဢၼ်​မႂ်ႇ တီႈ​ႁိူၼ်း ထႃႇဝရႃႉ​ၽြႃး​ၼၼ်ႉ ထိုင်​ႁူ​ၵူၼ်း တင်း​သဵင်ႈ​တင်း​လူင်​ဢေႃႈ။</verse>
				<verse number="11">မိူဝ်ႈ​ဢၼ်​ မိၵ်ႉၶႃႇယႃႉ လုၵ်ႈ​ၸၢႆး​ ၵေႇမရီႉ ဢၼ်​ပဵၼ် လုၵ်ႈ​ၸၢႆး​ သႃႇၽၢၼ်ႇ ​ၼၼ်ႉ ငိၼ်း​ၵႂၢမ်း ထႃႇဝရႃႉ​ၽြႃး ၵႃႈ​ဢၼ်​ပႃး​ၵႃႈ​ၼႂ်း​လိၵ်ႈ​ၼၼ်ႉ​ၸိုင်၊-</verse>
				<verse number="12">မၼ်း​လူင်း​ၵႂႃႇ​ၵႃႈ​တီႈ​ႁေႃ​ၶမ်း ၸူး​ၵႃႈ​ၼႂ်း​လုၵ်း​ၸရေး​ၸဝ်ႈ​လႄႈ မူး​မၢတ်ႈ​ၽွင်း​မိူင်း ၵႃႈ​မီး​ဢၼ်​ဝႃႈ ၸရေး​ၸဝ်ႈ​ ဢေးလီႉသမႃႇ၊ တေႇလႃႇယႃႉ လုၵ်ႈ​ၸၢႆး​ သေႇမႃႇယႃႉ၊ ဢေးလႃႉၼႃႇသၼ်ႇ လုၵ်ႈ​ၸၢႆး​ ဢႃႇၶပေႃႇ၊ ၵေႇမရီႉ ​လုၵ်ႈ​ၸၢႆး​ သႃႇၽၢၼ်ႇ၊ ၸေႇတၵီႉ လုၵ်ႈ​ၸၢႆး​ ႁႃႇၼၼီႉ ဢိၵ်ႇ​တင်း မူး​မၢတ်ႈ​ၽွင်း​မိူင်း တင်း​သဵင်ႈ​တင်း​လူင်​ၸိူဝ်း​ၼၼ်ႉ ၼင်ႈ​လႄႈ မီး​ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="13">မိူဝ်ႈ​ၼၼ်ႉ မိၵ်ႉၶႃႇယႃႉ ​ၶိုၼ်း​လၢတ်ႈ​ၵႂၢမ်း ၵႃႈ​ဢၼ်​မၼ်း​လႆႈ​ငိၼ်း ၼႂ်း​မိူဝ်ႈ​ဢၼ်​ ပႃႇရုၵ်ႉ ၽတ်း​လိၵ်ႈ​ၼၼ်ႉ​ၸိူဝ်း​ၼၼ်ႉ ထိုင်​ႁူ​ၵူၼ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="14">မူး​မၢတ်ႈ​ၽွင်း​မိူင်း​ၵႃႈ​မီး​ၼၼ်ႉ ဢွၼ်​ၵၼ်​ပွႆႇ​ၸႂ်ႉ​ ယေႇႁူႉတီႉ လုၵ်ႈ​ၸၢႆး​ ၼႃႇသၼီႉ ဢၼ်​ပဵၼ်​လုၵ်ႈ​ၸၢႆး​ သေႇလမီႉ ဢၼ်​ပဵၼ်​လုၵ်ႈ​ၸၢႆး​ ၵူႉသီႉ ​ၼၼ်ႉ ၵႂႃႇ​ၸူး​ၵႃႈ​တီႈ​ ပႃႇရုၵ်ႉ ​လႄႈ သင်ႇ​လၢတ်ႈ​ၵႂႃႇ​လႄႈ​ဝႃႈ၊ မႂ်း​ၼႆႉ​ဢဝ်​မိုဝ်း​မႂ်း​ယိပ်း​ၵမ်​ဢဝ် ႁမ်း​လိၵ်ႈ​ဢၼ်​မႂ်း​ၽတ်း​ထိုင်​ႁူ ၵူၼ်း​တင်း​လၢႆ​ၼၼ်ႉ သေ​လႄႈ​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။ ပႃႇရုၵ်ႉ ​လုၵ်ႈ​ၸၢႆး​ ၼေႇရီႉ ​ၼၼ်ႉ​ၵေႃႈ ဢဝ်​မိုဝ်း​မၼ်း ယိပ်း​ၵမ်​ဢဝ်​ႁမ်း​လိၵ်ႈ​ၼၼ်ႉ သေ​လႄႈ​မႃး​ဢေႃႈ။-</verse>
				<verse number="15">ၶဝ်​ဢွၼ်​ၵၼ်​လၢတ်ႈ​တီႈ​မၼ်း​လႄႈ​ဝႃႈ၊ ၼင်ႈ​လႄႈ ၽတ်း​ထိုင်​ႁူ​ႁဝ်း​တႃႉ၊ ဝႃႈ​ၼင်ႇ​ၼႆ​လႄႈ ပႃႇရုၵ်ႉ ​ၼၼ်ႉ​ၽတ်း​ထိုင်​ႁူ​ၶဝ် ဢေႃႈ။-</verse>
				<verse number="16">မိူဝ်ႈ​ဢၼ်​ၶဝ် ငိၼ်း​ၵႂၢမ်း​ၵႃႈ​မီး​ၼၼ်ႉ​ၸိုင်၊ ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ် မီး​တၢင်း​ဢၼ်​ၵူဝ်​ဢၼ်​ႁႄ တေႃႇ​ၵၼ် လႄႈ ဢွၼ်​ၵၼ်​လၢတ်ႈ​တီႈ​ ပႃႇရုၵ်ႉ ​လႄႈ​ဝႃႈ၊ ႁဝ်း​တၵ်း​လႆႈ​ဢဝ်​ၵႂၢမ်း​ၵႃႈ​မီး​ၼႆႉ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">လႆႈ​သမ်ႉ ၶဝ်​ထၢမ်​တီႈ​ ပႃႇရုၵ်ႉ ​လႄႈ​ဝႃႈ၊ မႂ်း​လၢတ်ႈ​လွင်ႈ​ဢၼ်​မႂ်း တႅမ်ႈ​ဝႆႉ​ၵႂၢမ်း​ၵႃႈ​မီး ၸွမ်း​ၵႃႈ​ၼင်ႇ​ဢၼ် ဢွၵ်ႇ​သူပ်း​မၼ်း​ၼၼ်ႉ ၸိူဝ်ႉ​ၼင်ႇ​ႁိုဝ်​ၼၼ်ႉ တီႈ​ႁဝ်း​လူး၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="18">ပႃႇရုၵ်ႉ ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ မၼ်း​ဢဝ်​ၵႂၢမ်း​ၵႃႈ​မီး​ၼႆႉ လၢတ်ႈ​ဢွၵ်ႇ​သူပ်း​မၼ်း​လႄႈ ၵဝ်​ၶႃႈ​ဢဝ်​ၼမ်ႉ​မိုၵ်ႉ တႅမ်ႈ​သႂ်ႇ​ဝႆႉ​ၵႃႈ​ၼႂ်း​လိၵ်ႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">မူး​မၢတ်ႈ​ၽွင်း​မိူင်း​ၸိူဝ်း​ၼၼ်ႉ ဢွၼ်​ၵၼ်​လၢတ်ႈ​တီႈ​ ပႃႇရုၵ်ႉ ​လႄႈ​ဝႃႈ၊ မႂ်း​ၵႂႃႇ​လႄႈ မႂ်း​ဢိၵ်ႇ​လူၺ်ႈ​ၵၼ်​တင်း​ ယေႇရမီႉ ​ၼၼ်ႉ ဢွၼ်​ၵၼ်​တဵတ်ႇ​မႅပ်ႉ​ယူႇ​တႃႉ။ ယႃႇ​ပေ​ႁႂ်ႈ ၽူႈ​လႂ်​သေ​ၵေႃႉ​သေ​ၵူၼ်း လႆႈ​ႁူႉ​လွင်ႈ​ဢၼ်​သွင်​ၶိူဝ် မီး​ယူႇ​ၵႃႈ​တီႈ​လႂ်​ၼၼ်ႉ၊ ဝႃႈ​ၼင်ႇ​ၼႆ​လႄႈ၊</verse>
				<verse number="20">ဢဝ်​ႁမ်း​လိၵ်ႈ​ၼၼ်ႉ သိမ်း​ဝႆႉ​ၵႃႈ​ၼႂ်း​လုၵ်း​ၸရေး​ၸဝ်ႈ ဢေးလီႉသမႃႇ ​သေ​ယဝ်ႉ၊ ဢွၼ်​ၵၼ် ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း ၵႃႈ​ၼႂ်း​ႁေႃ​ၸဝ်ႈ​သေ​လႄႈ ဢဝ်​ၵႂၢမ်း​ၵႃႈ​မီး​ၼၼ်ႉ လဝ်ႊ​လၢတ်ႈ​ထိုင်​ႁူ​ၶုၼ်​ႁေႃ​ၶမ်း​ဢေႃႈ။-</verse>
				<verse number="21">ၶုၼ်​ႁေႃ​ၶမ်း​ပွႆႇ​ၸႂ်ႉ​ ယေႇႁူႉတီႉ ၵႂႃႇ​ႁႂ်ႈ​လႆႈ​ဢဝ်​ႁမ်း​လိၵ်ႈ​ၼၼ်ႉ​လႄႈ မၼ်း​ၼၼ်ႉ ၵႂႃႇ​ဢဝ်​ဢွၵ်ႇ​သေ​ၵႃႈ​ၼႂ်း​လုၵ်း​ၸရေး​ၸဝ်ႈ ဢေးလီႉသမႃႇ ​ၼၼ်ႉ​မႃး​သေ​လႄႈ ယေႇႁူႉတီႉ ​ဢဝ်​ၽတ်း​ထိုင်​ႁူ​ၶုၼ်​ႁေႃ​ၶမ်း ဢိၵ်ႇ​တင်း ထိုင်​ႁူ​မူး​မၢတ်ႈ​ၽွင်း​မိူင်း ၵႃႈ​ဢၼ်​ၸုၵ်း​ၶႃး​ၸႃး​ယူႇ ၵႃႈ​တီႈ​ႁိမ်း​ၶုၼ်​ႁေႃ​ၶမ်း ၸိူဝ်း​ၼၼ်ႉ​ဢေႃႈ။-</verse>
				<verse number="22">မိူဝ်ႈ​ၼၼ်ႉ ပဵၼ်​လိူၼ်​ၼဝမႃႉ​လႄႈ ၶုၼ်​ႁေႃ​ၶမ်း​ၼၼ်ႉ ၼင်ႈ​ယူႇ​ၵႃႈ​ၼႂ်း​ႁေႃ​ၸဝ်ႈ ဢၼ်​ယူႇ​မိူဝ်ႈ​ၶိင်ႇ​ၵတ်း​ၼၼ်ႉ​လႄႈ၊ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ၊ မီး​ၵွင်​ထၢၼ်ႇ​ၽႆး​ဝႆႉ​ယူႇ ၵႃႈ​ၼိူဝ်​ၽၢင်​ၽႆး​ဢေႃႈ။-</verse>
				<verse number="23">မိူဝ်ႈ​ဢၼ်​ ယေႇႁူႉတီႉ ​ၼၼ်ႉ​တၼ်း ၽတ်း​မႅၼ်ႈ​သၢမ်​ၶႅပ်း​သီႇ​ၶႅပ်း​ၼိုင်ႈ ယဝ်ႉ​ၼၼ်ႉ​ၸိုင်၊ ၶုၼ်​ႁေႃ​ၶမ်း ဢဝ်​မိတ်ႈ​ထိူဝ်​ထႅၵ်ႇ​သေ​လႄႈ ဢဝ်​ႁမ်း​လိၵ်ႈ ထိမ်ႈ​တူၵ်း​သႂ်ႇ ၵႃႈ​ၼႂ်း​ၽႆး ဢၼ်​မီး​ၵႃႈ​ၼိူဝ် ၽၢင်​ၽႆး​ၼၼ်ႉ တေႃႇ​ထိုင်​ႁွတ်ႈ​ႁမ်း​လိၵ်ႈ​ၼၼ်ႉ ထၼ်ႈ​ပေႃး​မႆႈ​သုတ်း​ပႅတ်ႈ တင်း​သဵင်ႈ​တင်း​မူတ်း ၵႃႈ​ၼႂ်း​ၽႆး ဢၼ်​မီး​ၵႃႈ​ၼိူဝ် ၽၢင်​ၽႆး​ၼၼ်ႉ​ဢေႃႈ။-</verse>
				<verse number="24">ၶုၼ်​ႁေႃ​ၶမ်း​ဢိၵ်ႇ​တင်း ၶႃႈ​ၵူၼ်း​မၼ်း​ဢၼ်​ငိၼ်း​ၵႂၢမ်း​ၵႃႈ​မီး​ၼၼ်ႉ ၸိူဝ်း​ၼၼ်ႉ ဢမ်ႇ​ဢွၼ်​ၵၼ် ၵူဝ်​ႁႄ​သေ​ၵေႃႉ​သေ​ၵူၼ်း။ ဢမ်ႇ​ဢွၼ်​ၵၼ်​ၸၵ်ႉ​သိၵ်ႇ ၶူဝ်း​ၼုင်ႈ​တၢင်း​မႆ​ၶဝ်။-</verse>
				<verse number="25">ၵူၺ်း​ၵႃႈ ဢေးလႃႉၼႃႇသၼ်ႇ၊ တေႇလႃႇယႃႉ၊ ၵေႇမရီႉ ​ၸိူဝ်း​ၼၼ်ႉ ဢွၼ်​ၵၼ်​တွင်း​ပၢၼ်ႇ တီႈ​ၶုၼ်​ႁေႃ​ၶမ်း ႁႂ်ႈ​မၼ်း​ဢမ်ႇ​ဢဝ်​ႁမ်း​လိၵ်ႈ​ၼၼ်ႉ တုတ်ႇ​ၽႆး​လႄႈ၊ ၶုၼ်​ႁေႃ​ၶမ်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၶဝ်။-</verse>
				<verse number="26">လႆႈ​သမ်ႉ ၶုၼ်​ႁေႃ​ၶမ်း​ပွႆႇ​ၸႂ်ႉ​ ယေႇရမေးလႃႉ လုၵ်ႈ​ၸၢႆး​ၸဝ်ႈ၊ ၸရႃႇယႃႉ လုၵ်ႈ​ၸၢႆး​ ဢႃႇၸရေႇလႃႉ ​ၸိူဝ်း​ၼၼ်ႉ​ၵႂႃႇ ႁႂ်ႈ​လႆႈ​တီႉ​ဢဝ်​ၸရေး​ ပႃႇရုၵ်ႉ ဢိၵ်ႇ​တင်း​ပရေႃးၽႅတ်ႈ​ ယေႇရမီႉ ​ဢေႃႈ။ ၵူၺ်း​ၵႃႈ ထႃႇဝရႃႉ​ၽြႃး ဢဝ်​သွင်​ၶႃ​ၼၼ်ႉ​သိူင်ႇ​ဝႆႉ​ဢေႃႈ။</verse>
				<verse number="27">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ လိုၼ်း​သေ​ဢၼ်​ၶုၼ်​ႁေႃ​ၶမ်း ဢဝ်​ႁမ်း​လိၵ်ႈ​ဢၼ်​ပႃး​ၵႂၢမ်း ဢၼ်​ ပႃႇရုၵ်ႉ ​တႅမ်ႈ​ဝႆႉ ၸွမ်း​ၵႃႈ​ၼင်ႇ​ဢၼ် ယေႇရမီႉ ​ဝႃႈ​ဢွၵ်ႇ​သူပ်း​ၼၼ်ႉ တုတ်ႇ​ၽႆး​ပႅတ်ႈ​ၼၼ်ႉ လႄႈ​ဝႃႈ​ၸမ်ႉ၊-</verse>
				<verse number="28">မႂ်း​ဢဝ်​ႁမ်း​လိၵ်ႈ​တၢင်ႇ​ဢၼ် သေ​လႄႈ ဢဝ်​ၵႂၢမ်း​ၵႃႈ​ဢၼ်​ပႃး​ၵမ်း​ဢွၼ်​တၢင်း ၵႃႈ​ၼႂ်း​ႁမ်း​လိၵ်ႈ​ၽိုၼ်​ပထမႃႉ ဢၼ်​ ယေႃးယၵိမ်း ၶုၼ်​ႁေႃ​ၶမ်း​ ယူႉတႃႉ ဢဝ်​တုတ်ႇ​ၽႆး​ပႅတ်ႈ​ၼၼ်ႉ​ၸိူဝ်း​ၼၼ်ႉ​တႅမ်ႈ​သႂ်ႇ​ဝႆႉ​တႃႉ။-</verse>
				<verse number="29">မႂ်း​တၵ်း​လႆႈ​လၢတ်ႈ​လူၺ်ႈ​လွင်ႈ​ ယေႃးယၵိမ်း ၶုၼ်​ႁေႃ​ၶမ်း​ ယူႉတႃႉ ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႂ်း​ဢဝ်​ႁမ်း​လိၵ်ႈ​ၼၼ်ႉ တုတ်ႇ​ၽႆး​ပႅတ်ႈ​လႄႈ လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ မႂ်း​တႅမ်ႈ​သႂ်ႇ​ဝႆႉ ၵႃႈ​ၼႂ်း​ႁမ်း​လိၵ်ႈ​ၼႆႉ​လႄႈ​ဝႃႈ၊ ၶုၼ်​ႁေႃ​ၶမ်း​ ပႃႇပူႉလုၼ်ႇ တၵ်း​မႃး​ဢမၢၼ်ႇ​ၶၼ်​ပဵၼ်​လႄႈ ယႃႉ​မိူင်း​ၼႆႉ​ပႅတ်ႈ​သေ​လႄႈ ႁႂ်ႈ​ပဵၼ်​တီႈ​ဢၼ် ထၢတ်ႇ​ၵူၼ်း ထၢတ်ႇ​တရိၵ်ႈသၢၼ်ႇ တင်း​လၢႆ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="30">ပိူဝ်ႈ​ၼႆ​လႄႈ ထႃႇဝရႃႉ​ၽြႃး ဢဝ်​လွင်ႈ​ ယေႃးယၵိမ်း ၶုၼ်​ႁေႃ​ၶမ်း​ ယူႉတႃႉ ​လႄႈ မီး​ဢမိင်ႉ​ၸမ်ႉ၊ မဵဝ်း​ၸိူဝ်ႉ​ၶိူဝ်း​မၼ်း ဢမ်ႇ​လႆႈ​ၼင်ႈ​ၵႃႈ​ၼိူဝ်​ရႃႇၸႃႉ​ပလၢင်ႇ​ တႃႇဝိတ်ႈ ။ တူဝ်​တၢႆ​မၼ်း​တၵ်း​လႆႈ​ၶၢမ်ႇ​တၢင်း​ဢၼ် ဢဝ်​ထိမ်ႈ​ပႅတ်ႈ ၵႃႈ​ၼႂ်း​လႅတ်ႇ​ၶိင်ႇ​ၵႃ​ဝၼ်း ဢိၵ်ႇ​တင်း​ၵႃႈ​ၼႂ်း ၼမ်ႉ​မူၺ်​ၼမ်ႉ​ၼၢႆး​ၶိင်ႇ​ၵႃ​ၶိုၼ်း​ဢေႃႈ။-</verse>
				<verse number="31">ၵဝ်​တၵ်း​ၸီႇ​ယၢင်ႇ​ပၼ်​တၢမ်ႇ​တီႈ​မၼ်း ဢိၵ်ႇ​တင်း လုၵ်ႈ​မၼ်း​လၢၼ်​မၼ်း တင်း​ၶႃႈ​မၼ်း​ၵူၼ်း​မၼ်း​တင်း​လၢႆ ၸွမ်း​ၵႃႈ​ၼင်ႇ​ဢပႅတ်ႈ​ၶဝ်​မီး​ၼၼ်ႉ​ဢေႃႈ။ ၵဝ်​တၵ်း​ႁႂ်ႈ ၽေး​ဢူႉ​ပၢတ်ႈ ၵႃႈ​ဢၼ်​ၵဝ်​လၢတ်ႈ​ဝႆႉ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၶဝ် ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ တင်း​ၵူၼ်း​မိူင်း​ ယူႉတႃႉ ​တင်း​လၢႆ ၵွပ်ႈ​ပိူဝ်ႈ​ဢၼ် ၶဝ်​ဢမ်ႇ​ထွမ်ႇ​ဢမ်ႇ​ဢဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">မိူဝ်ႈ​ၼၼ်ႉ​ ယေႇရမီႉ ဢဝ်​ႁမ်း​လိၵ်ႈ​တၢင်ႇ​ဢၼ် ပၼ်​တီႈ​ၸရေး​ ပႃႇရုၵ်ႉ လုၵ်ႈ​ၸၢႆး​ ၼေႇရီႉ ​ၼၼ်ႉ​လႄႈ မၼ်း​ၼၼ်ႉ​ဢဝ်​ၵႂၢမ်း​ၵႃႈ​ဢၼ်​ ယေႇရမီႉ ​ဝႃႈ​ဢွၵ်ႇ​သူပ်း​လႄႈ ပႃး​ၵႃႈ​ၼႂ်း​လိၵ်ႈ ဢၼ်​ ယေႃးယၵိမ်း ၶုၼ်​ႁေႃ​ၶမ်း ဢဝ်​တုတ်ႇ​ၽႆး​ပႅတ်ႈ​ၼၼ်ႉ​လႄႈ တႅမ်ႈ​သႂ်ႇ​ဝႆႉ​ဢေႃႈ။ ၵႂၢမ်း​ဢၼ်​မိူၼ်​ၵၼ်​တင်း ၵႂၢမ်း​ၼၼ်ႉ​ၵေႃႈ ထၢပ်ႈ​လႄႈ ဢဝ်​သႂ်ႇ​ထႅင်ႈ​ဢေႃႈ။</verse>
			</chapter>
			<chapter number="37">
				<verse number="1">ၶုၼ်​လူင်​ ၸေႇတၵီႉ လုၵ်ႈ​ၸၢႆး​ၶုၼ်​လူင်​ ယူဝ်းသီႉယႃႉ ၼင်ႈ​ႁၢင်ႈ​ၼင်ႈ​ႁေႃ တၢင်​တူဝ်​ ၶေႃးၼီႉ လုၵ်ႈ​ၸၢႆး​ ယေႃးယၵိမ်း ဢၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၶၢၼ်း​ဝႆႉ ႁႂ်ႈ​ပဵၼ်​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​ဢေႃႈ။-</verse>
				<verse number="2">ၶုၼ်​လူင် ဢိၵ်ႇ​တင်း ၶႃႈ​မၼ်း​ၵူၼ်း​မၼ်း တင်း​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ယင်း​ဢမ်ႇ​ဢွၼ်​ၵၼ် ထွမ်ႇ​ဢဝ်​ၵႂၢမ်း​ဢၼ် ထႃႇဝရႃႉ​ၽြႃး ဢဝ်​ ယေႇရမီႉ မီး​ဢမိင်ႉ​ဝႆႉ​ၸိူဝ်း​ၼၼ်ႉ​လႄႈ ယူႇ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ၶုၼ်​လူင်​ ၸေႇတၵီႉ ​ၼၼ်ႉ​ပွႆႇ​ၸႂ်ႉ ယေႇႁူႉၵလႃႉ လုၵ်ႈ​ၸၢႆး​ သေႇလမီႉ ဢိၵ်ႇ​တင်း​ ၸေႇၽၼီႉ လုၵ်ႈ​ၸၢႆး​ယိတ်ႈပရေႃးႁဵၵ်ႈ​ မႃႇသေႇယႃႉ ၵႂႃႇ​ၸူး​ၵႃႈ​တီႈ​ပရေႃးၽႅတ်ႈ​ ယေႇရမီႉ ​လႄႈ သင်ႇ​လၢတ်ႈ​ၵႂႃႇ​လႄႈ​ဝႃႈ၊ သူး​တွင်း​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ပုၼ်ႈ​ႁဝ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မိူဝ်ႈ​ၼၼ်ႉ ယေႇရမီႉ ၶဝ်ႈ​ၶဝ်ႈ​ဢွၵ်ႇ​ဢွၵ်ႇ လူၺ်ႈ​ၵၼ်​တင်း ၵူၼ်း​တင်း​လၢႆ​လႄႈ ယူႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ဢမ်ႇ​ပႆႇ​ဢဝ်​မၼ်း တူၵ်း​ၵႃႈ​ၼႂ်း​ထွင်ႇ။-</verse>
				<verse number="5">ၵူၼ်း​သိုၵ်း​ၶုၼ်​ႁေႃ​ၶမ်း​ ၽႃႇရေႃး ​တင်း​လၢႆ ၶီႇ​သိုၵ်း​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​လႄႈ မိူဝ်ႈ​ဢၼ်​ၵူၼ်း​ ၶႃႇလတေး ​တင်း​လၢႆ ဢၼ်​လွမ်ႉ​ဝဵင်း​ ယေႇရူႉသလႅမ်ႇ ဝႆႉ​ၸိူဝ်း​ၼၼ်ႉ ငိၼ်း​သတၢင်း​သဵင်​ၶၢဝ်ႇ လွင်ႈ​မၼ်း​ၼၼ်ႉ​ၸိုင် ၶဝ်​ဢွၼ်​ၵၼ်​ဢွၵ်ႇ​ၵႂႃႇ သေ​ၵႃႈ​တီႈ​ဝဵင်း​ၼၼ်ႉ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ ပရေႃးၽႅတ်ႈ​ ယေႇရမီႉ ​လႄႈ​ဝႃႈ၊-</verse>
				<verse number="7">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ၶိုၼ်း​လၢတ်ႈ​ၸိူဝ်ႉ​ၼင်ႇ​ၼႆ တီႈ​ၶုၼ်​ႁေႃ​ၶမ်း​ ယူႉတႃႉ ဢၼ်​ပွႆႇ​ၸႂ်ႉ​သူ​မႃး ႁႂ်ႈ​လႆႈ​လဝ်ႊ​လၢတ်ႈ​တွင်ႈ​ထၢမ် တီႈ​ၵဝ်​ၼၼ်ႉ​တႃႉ။ တူၺ်း​လူး၊ ပူဝ်ႇ​ပႃႇ​ၶုၼ်​ႁေႃ​ၶမ်း​ ၽႃႇရေႃး ဢၼ်​မႃး​ႁႂ်ႈ​လႆႈ ၸွႆႈ​သိုၵ်း​ထႅမ်​သိုၵ်း​တီႈ​သူ ၸိူဝ်း​ၼၼ်ႉ တၵ်း​ဢွၼ်​ၵၼ် ၶိုၼ်း​မိူဝ်း​ၵႂႃႇ ၵႃႈ​တီႈ​မိူင်း​ ဢေႇၵိပ်ႉတူႉ တီႈ​ဢၼ်​ၶဝ်​ယူႇ ၶဝ်​သဝ်း​ၼၼ်ႉ​ဢေႃႈ။-</verse>
				<verse number="8">ၵူၼ်း​ ၶႃႇလတေး ​ၸိူဝ်း​ၼၼ်ႉ တၵ်း​ဢွၼ်​ၵၼ်​ၶိုၼ်း​မႃး​လႄႈ တိုၵ်း​ဝဵင်း​ၼႆႉ​လႄႈ သိမ်း​ဢဝ်​သေ​ယဝ်ႉ၊ တၵ်း​ဢွၼ်​ၵၼ် ဢဝ်​ၽႆး​တုတ်ႇ​ဢေႃႈ။-</verse>
				<verse number="9">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူဝ်​သူ​ယႃႇ​ပေ​ပႅတ်ႉ​လႅၼ် တူဝ်​သူ​လႄႈ​ဝႃႈ၊ ၵူၼ်း​ ၶႃႇလတေး ​ၸိူဝ်း​ၼၼ်ႉ တၵ်း​ဢွၼ်​ၵၼ် ၵႂႃႇ​သေ​ၵႃႈ​တီႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။ ၶဝ်​ၼၼ်ႉ​ဢမ်ႇ​လႆႈ​ဢွၵ်ႇ​ၵႂႃႇ၊-</verse>
				<verse number="10">လိူဝ်​သေ​ၼၼ်ႉ ဢမ်ႇ​ၵႃး၊ ပိၵ်ႉ​သမ်ႉ​သူ​တိုၵ်း​တေႃး​ယႃႉ​ပႅတ်ႈ ၵူၼ်း​သိုၵ်း​ ၶႃႇလတေး ဢၼ်​တိုၵ်း​သိုၵ်း​ၵၼ်​တင်း​သူ တင်း​သဵင်ႈ​တင်း​လူင်​ၼၼ်ႉ​လႄႈ၊ ၵႃႈ​ၼႂ်း​ၶဝ်​ၼၼ်ႉ ၵိုတ်း​ၵျၢၼ်ႇ​ဝႆႉ ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း ဢၼ်​တိူဝ်ႉ​ဢၼ်​မၢတ်ႇ လွၼ်ႉ​လွၼ်ႉ​ၼၼ်ႉ​သေ​ၵေႃႈ၊ ၶဝ်​ၼၼ်ႉ​တၵ်း​လႆႈ​ဢွၼ်​ၵၼ် လုၵ်ႉ​သေ​ၵႃႈ​တီႈ​မူဝ်းၵႃႇ​ၶဝ်​ၼၼ်ႉ ႁင်း​ၽႂ်​ႁင်း​မၼ်း​သေ​လႄႈ ဢဝ်​ၽႆး​တုတ်ႇ ဝဵင်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မိူဝ်ႈ​ဢၼ် ၵူၼ်း​သိုၵ်း​ ၶႃႇလတေး ​ၸိူဝ်း​ၼၼ်ႉ ၵူဝ်​ႁႄ​ပူဝ်ႇ​ပႃႇ ၶုၼ်​ႁေႃ​ၶမ်း​ ၽႃႇရေႃး ​လႂ်​လႄႈ ဢွၼ်​ၵၼ် သုတ်ႉ​ၶိုၼ်း​ၵႂႃႇ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင်၊-</verse>
				<verse number="12">ယေႇရမီႉ ဢၢင်ႈ​တၵ်း​ဢွၵ်ႇ​သေ ၼႂ်း​ဝဵင်း​ ယေႇရူႉသလႅမ်ႇ ​လႄႈ ၵႂႃႇ​ၵႃႈ​တီႈ​မိူင်း​ ပိၼ်ႇယႃႇမိၼ်ႇ ႁႂ်ႈ​လႆႈ​ၶၢမ်ႇ​ဢဝ်​ဢမူၺ်ႇ ဢုၵ်ႉ​ၸႃႇ​မၼ်း ၵႃႈ​ၼႂ်း​ၵူၼ်း​မဵဝ်း​မၼ်း တင်း​လၢႆ​ၼၼ်ႉ​ဢေႃႈ။-</verse>
				<verse number="13">မိူဝ်ႈ​ဢၼ် မၼ်း​ႁွတ်ႈ​ထိုင်​ၵႃႈ​ၼႂ်း​ႁူး​ၽၵ်း​တူ​ ပိၼ်ႇယႃႇမိၼ်ႇ ​ၼၼ်ႉ​ၸိုင်၊ ၵႄႇ​ၵၢင်​ဢၼ်​လႆႈ​ၸိုဝ်ႈ ဢီႉရီႉယႃႉ ဢၼ်​ပဵၼ်​လုၵ်ႈ​ၸၢႆး​ သေႇလမီႉ ဢၼ်​ပဵၼ်​လုၵ်ႈ​ၸၢႆး​ ႁႃႇၼၼီႉ ​ၼၼ်ႉ မီး​ယူႇ​ၵႃႈ​တီႈ​ၼၼ်ႈ​လႄႈ မၼ်း​ၼၼ်ႉ တီႉ​ၵမ်​ဢဝ်​ပရေႃးၽႅတ်ႈ​ ယေႇရမီႉ ​လႄႈ​ဝႃႈ၊ မႂ်း​ၼႆႉ​ၵႂႃႇ​ၶဝ်ႈ​ယူႇ​ၽၢႆႇ ၵူၼ်း​ ၶႃႇလတေး ​ၸိူဝ်း​ၼၼ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ပိၵ်ႉ​သမ်ႉ​ ယေႇရမီႉ ​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ။ ၵဝ်​ဢမ်ႇ​ၵႂႃႇ​ၶဝ်ႈ​ယူႇ​ၽၢႆႇ ၵူၼ်း​ ၶႃႇလတေး ​ၸိူဝ်း​ၼၼ်ႉ​ၵူၺ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊ ဢီႉရီႉယႃႉ ​ၼၼ်ႉ ယင်း​ဢမ်ႇ​ထွမ်ႇ​ဢမ်ႇ​ဢဝ် ၵႂၢမ်း​မၼ်း​လႄႈ တီႉ​ၵမ်​ဢဝ်​ ယေႇရမီႉ ​သေ​လႄႈ ဢဝ်​သူင်ႇ​ႁွတ်ႈ​ၵႃႈ​တီႈ မူး​မၢတ်ႈ​ၽွင်း​မိူင်း​တင်း​လၢႆ​ဢေႃႈ။-</verse>
				<verse number="15">မူး​မၢတ်ႈ​ၽွင်း​မိူင်း​ၸိူဝ်း​ၼၼ်ႉ ၸႂ်​မႆႈ​ၶႆႈ​ၸႃႉ​တီႈ​ ယေႇရမီႉ ​လႄႈ ပေႃႉ​ယႅၼ်ႉ​မၼ်း​သေ​ယဝ်ႉ၊ ဢွၼ်​ၵၼ်​ဢဝ်​မၼ်း​ၶင်​ဝႆႉ​ၵႃႈ​ၼႂ်း​ႁိူၼ်း​ၸရေး​ၸဝ်ႈ ယေႃးၼသၼ်ႇ ​ဢေႃႈ။ ႁိူၼ်း​ၼၼ်ႉ​ၸိုင် ၶဝ်​ဢဝ်​ႁဵတ်း​ႁိူၼ်း​ၶင်​ဝႆႉ​ယဝ်ႉ။-</verse>
				<verse number="16">လိုၼ်း​သေ ဢၼ်​ ယေႇရမီႉ ​ႁွတ်ႈ​ထိုင် ၵႃႈ​ၼႂ်း​ႁိူၼ်း​ၶင် ၵႃႈ​ၼႂ်း​ႁူး​လိၼ်​ၶုမ်​လိၼ် ဢၼ်​မီး​ၵႃႈ​တႂ်ႈ​ႁိူၼ်း​ၼၼ်ႉ​လႄႈ လႆႈ​ယူႇ မိုဝ်ႉ​ဝၼ်း​ၼမ်​ၼႃႇ​ၼၼ်ႉ၊-</verse>
				<verse number="17">ၶုၼ်​လူင်​ ၸေႇတၵီႉ ပွႆႇ​ၸႂ်ႉ​လႄႈ ၼုၵ်ႈ​ဢဝ်​မၼ်း​ဢွၵ်ႇ​သေ​ယဝ်ႉ၊ တဵတ်ႇ​တဵတ်ႇ တွင်ႈ​ထၢမ်​တီႈ​မၼ်း ၵႃႈ​ၼႂ်း​ႁေႃ​ၶမ်း​လႄႈ​ဝႃႈ၊ ၼုၵ်ႈၵပၢတ်ႈ ထႃႇဝရႃႉ​ၽြႃး​မီး​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ယေႇရမီႉ ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ မီး​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ သမ်ႉ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​တၵ်း​လႆႈ​ႁွတ်ႈ​ထိုင် ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">လႆႈ​သမ်ႉ ယေႇရမီႉ ​လဝ်ႊ​လၢတ်ႈ​တီႈ ၶုၼ်​ႁေႃ​ၶမ်း​ ၸေႇတၵီႉ ​လႄႈ​ဝႃႈ၊ ၶႃႈ​ၸဝ်ႈ​ၽိတ်း​ပိူင်ႈ​ၸဝ်ႈ​ႁဝ်း ဢိၵ်ႇ​တင်း ၶႃႈ​ၸဝ်ႈ​ႁဝ်း​တင်း​လၢႆ တင်း​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ၼႆႉ ၸိူဝ်ႉ​ၼင်ႇ​ႁိုဝ်​လႄႈ ႁႂ်ႈ​ၸဝ်ႈ​ႁဝ်း​ၶဝ်​ထၼ်ႈ​ပေႃး လႆႈ​ဢဝ်​ၶႃႈ​ၸဝ်ႈ ၶင်​ဝႆႉ​ၵႃႈ​ၼႂ်း​ထွင်ႇ​တီႈ​ၶႃႈ၊-</verse>
				<verse number="19">ပရေႃးၽႅတ်ႈ ၸဝ်ႈ​ႁဝ်း​ၶဝ် ဢၼ်​ႁေႃး​လၢတ်ႈ​လႄႈ​ဝႃႈ၊ ၶုၼ်​ႁေႃ​ၶမ်း​ ပႃႇပူႉလုၼ်ႇ တၵ်း​ဢမ်ႇ​မႃး​ဢမ်ႇ​တိုၵ်း​သူ ဢိၵ်ႇ​တင်း​မိူင်း​ၼႆႉ​ၵူၺ်ႉ၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ မိူဝ်ႈ​လဵဝ်​ၼႆႉ​မီး​ၵႃႈ​လႂ်​တီႈ​ၶႃႈ၊-</verse>
				<verse number="20">ပိူဝ်ႈ​ဢၼ် ပဵၼ်​ၸိူဝ်ႉ​ၼင်ႇ​ၼႆ​လႄႈ ၸဝ်ႈ​ၵဝ်​ၶႃႈ ၸဝ်ႈ​ၶုၼ်​လူင်​တီႈ​ၶႃႈ၊ ၶႅၼ်း​တေႃႈ ႁပ်ႉ​တုင်း​ဢဝ်​ၵႂၢမ်း​ဢၼ်​ၶႃႈ​ၸဝ်ႈ​တွင်း​ပၢၼ်ႇ​ယွၼ်း​ဢဝ်​ၼႆႉ​လႄႈ၊ ယႃႇ​ပေ​ႁႂ်ႈ​ၶႃႈ​ၸဝ်ႈ​ၶိုၼ်း​လႆႈ​ၵႂႃႇ ၵႃႈ​တီႈ​ႁိူၼ်း​ၸရေး​ၸဝ်ႈ​ ယေႃးၼသၼ်ႇ ​ၼၼ်ႉ ႁႂ်ႈ​ၶႃႈ​ၸဝ်ႈ​လႆႈ​တၢႆ ၵႃႈ​တီႈ​ၼၼ်ႈ သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မိူဝ်ႈ​ၼၼ်ႉ ၶုၼ်​လူင်​ ၸေႇတၵီႉ မီး​ဢမိင်ႉ​လႄႈ ၶဝ်​ဢွၼ်​ၵၼ်​ဢဝ်​ ယေႇရမီႉ ​ဝႆႉ ၵႃႈ​ၼႂ်း​ဝၢင်း​ထွင်ႇ​လႄႈ လႆႈ​ဢဝ်​ၶဝ်ႈ​မုၼ်း ၵႃႈ​တီႈ​ထႅဝ်​ၸဝ်ႈ ၶဝ်ႈ​မုၼ်း​ယေႈ​ဝၼ်း ယေႈ​လုၵ်ႈ ပၼ်​တီႈ​မၼ်း တေႃႇ​ထိုင်​ႁွတ်ႈ ၶဝ်ႈ​မုၼ်း​ထၼ်ႈ​ပေႃး​သဵင်ႈ​သေ ၵႃႈ​ၼႂ်း​ဝဵင်း​ၼၼ်ႉ​ဢေႃႈ။ ၼင်ႇ​ၼၼ်​လႄႈ ယေႇရမီႉ ​လႆႈ​ယူႇ ၵႃႈ​ၼႂ်း​ဝၢင်း​ထွင်ႇ​ဢေႃႈ။</verse>
			</chapter>
			<chapter number="38">
				<verse number="1">မိူဝ်ႈ​ဢၼ် သေႇၽတီႉ ​လုၵ်ႈ​ၸၢႆး​ မတ်ႉထၼ်ႇ၊ ၵေႇတလီႉ ​လုၵ်ႈ​ၸၢႆး​ ပႃႇသူႉရႃႉ၊ ယေႇႁူႉၵလႃႉ ​လုၵ်ႈ​ၸၢႆး​ သေႇလမီႉ၊ ပႃႇသူႉရႃႉ ​လုၵ်ႈ​ၸၢႆး​ မႃႇလၶီႉ ​ၸိူဝ်း​ၼၼ်ႉ ငိၼ်း​ၵႂၢမ်း​ဢၼ်​ ယေႇရမီႉ ​ၸၢင်ႈ​ႁေႃး​လၢတ်ႈ​တီႈ ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊-</verse>
				<verse number="2">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵေႃႉ​ဢၼ်​ယူႇ​ၵႃႈ​ၼႂ်း​ဝဵင်း​ၼႆႉ​ၼၼ်ႉ တၵ်း​လႆႈ​တၢႆ​လူၺ်ႈ​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း​ဢေႃႈ။ ၵေႃႉ​ဢၼ်​ဢွၵ်ႇ​ၵႂႃႇ ၶဝ်ႈ​ယူႇ​ၽၢႆႇ​ၵူၼ်း​ ၶႃႇလတေး ​ၼၼ်ႉ​ၸမ်ႉ၊ ဢသၢၵ်ႈ​တၵ်း​ၵတ်း​ယဵၼ် ၶျၢမ်း​သႃႇ​လႄႈ တၵ်း​လႆႈ​ဢသၢၵ်ႈ​မၼ်း​မိူၼ်​ၸိူဝ်ႉ​ၼင်ႇ ဢုၵ်ႉ​ၸႃႇ​ဢၼ်​ႁိမ်​ဢဝ်​လႆႈ​ၼၼ်ႉ​လႄႈ တၵ်း​လႆႈ​ဢသၢၵ်ႈ​လိပ်း​ယူႇ​ဢေႃႈ။-</verse>
				<verse number="3">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဝဵင်း​ၼႆႉ​တၵ်း​လႆႈ​ၶၢမ်ႇ​တၢင်း​ဢၼ် ဢဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၵူၼ်း​သိုၵ်း ၶုၼ်​ႁေႃ​ၶမ်း​ ပႃႇပူႉလုၼ်ႇ ​တင်း​လၢႆ ဢမၢၼ်ႇ​ၶၼ်​ပဵၼ်​လႄႈ မၼ်း​ၼၼ်ႉ​တၵ်း​သိမ်း​ဢဝ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="4">မူး​မၢတ်ႈ​ၽွင်း​မိူင်း​ၸိူဝ်း​ၼၼ်ႉ ဢွၼ်​ၵၼ်​လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ႁႂ်ႈ​ၵေႃႉ​ၼႆႉ လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​သေ​ၵမ်း တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ်​တွင်း​ပၢၼ်ႇ​တီႈ​ၶႃႈ​ဢေႃႈ။ မၼ်း​ၼႆႉ​ႁေႃး​လၢတ်ႈ​ၵႂၢမ်း​ၸိူဝ်ႉ​ၼင်ႇ​ၼႆ​သေ​လႄႈ ၸၢင်ႈ​ႁႂ်ႈ​မိုဝ်း ႁူဝ်​ႁၢၼ်​ၵူၼ်း​သိုၵ်း ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ ၵႃႈ​ၼႂ်း​ဝဵင်း​ၼႆႉ​တင်း​လၢႆ ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင် ႁႅင်း​ဢူၼ်ႈ​ၵႂႃႇ​တီႈ​ၶႃႈ​ဢေႃႈ။ မၼ်း​ၼႆႉ​ဢမ်ႇ​ၸၢင်ႈ​လုမ်း​လႃး ပွင်​ႁဵတ်း​ဢၵျူဝ်း ၵူၼ်း​မဵဝ်း​ၼႆႉ​တီႈ​ၶႃႈ၊ ၸၢင်ႈ​ယႃႉ​ပႅတ်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="5">ၶုၼ်​လူင်​ ၸေႇတၵီႉ မီး​ဢမိင်ႉ​လႄႈ​ဝႃႈ၊ မၼ်း​ၼၼ်ႉ မီး​ယူႇ​ၵႃႈ​ၼႂ်း​မိုဝ်း​သူ​ဢေႃႈ။ ၶုၼ်​ႁေႃ​ၶမ်း ဢမ်ႇ​ႁၢမ်ႈ​တၢပ်ႈ​ႁႄႉ​ၶႅၼ် ဢလူဝ်ႇ​သူ​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ၶဝ်​ဢွၼ်​ၵၼ်​ဢဝ်​ ယေႇရမီႉ ​ၶျႃး​တူၵ်း ၵႃႈ​ၼႂ်း​ႁူး​လိၼ်​ၶုမ်​လိၼ် မႃႇလၶီႉ ​လုၵ်ႈ​ၸၢႆး​ၸဝ်ႈ ဢၼ်​မီး​ၵႃႈ​ၼႂ်း​ဝၢင်း​ထွင်ႇ​ၼၼ်ႉ​လႄႈ ဢွၼ်​ၵၼ်​ဢဝ်​ၸိူၵ်ႈ​သေ​လႄႈ ဢဝ်​ ယေႇရမီႉ ​ယွၼ်ႇ​တူၵ်း​ဢေႃႈ။ ၵႃႈ​ၼႂ်း​ႁူး​လိၼ်​ၶုမ်​လိၼ်​ၼၼ်ႉ၊ ဢမ်ႇ​မီး​ၼမ်ႉ၊ မီး​ၵူမ်ႇ​ၵူၺ်း​လႄႈ ယေႇရမီႉ ​ၼၼ်ႉ လူမ်ႇ​ၶဝ်ႈ​ၵႃႈ​ၼႂ်း​ၵူမ်ႇ​ယူႇ​ဢေႃႈ။-</verse>
				<verse number="7">မိူဝ်ႈ​ဢၼ် ဢေးပတႃႉမေႇလႅၵ်ႉ ၵူၼ်း​မဵဝ်း​ ၵူႉသႃႉ ဢၼ်​ပဵၼ်​ၵူၼ်း​ထိင်း​ၼၢင်း ၵႃႈ​ၼႂ်း​ႁေႃ​ၶမ်း​ၼၼ်ႉ ႁူႉ​ငိၼ်း​လွင်ႈ​ဢၼ် ၶဝ်​ဢဝ်​ ယေႇရမီႉ ​ၶျႃး​တူၵ်း​သႂ်ႇ​ဝႆႉ ၵႃႈ​ၼႂ်း​ႁူး​လိၼ်​ၶုမ်​လိၼ် ၸိူဝ်ႉ​ၼင်ႇ​ၼၼ်​လႄႈ ၶုၼ်​ႁေႃ​ၶမ်း​ၼင်ႈ​ယူႇ ၵႃႈ​ၼႂ်း​ႁူး​ၽၵ်း​တူ​ ပိၼ်ႇယႃႇမိၼ်ႇ ​ၼၼ်ႉ​ၸိုင်၊-</verse>
				<verse number="8">ဢေးပတႃႉမေႇလႅၵ်ႉ ​ၼၼ်ႉ ဢွၵ်ႇ​သေ​ၵႃႈ​ၼႂ်း ႁေႃ​ၶမ်း​လႄႈ ၵႂႃႇ​ၸူး​ၵႃႈ​တီႈ ၶုၼ်​ႁေႃ​ၶမ်း​သေ​ယဝ်ႉ၊ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="9">ၸဝ်ႈ​ၵဝ်​ၶႃႈ ၸဝ်ႈ​ၶုၼ်​လူင်​တီႈ​ၶႃႈ၊ ၶဝ်​ၼၼ်ႉ​ဢွၼ်​ၵၼ်​ၽိတ်း​ပိူင်ႈ ၼႂ်း​လွင်ႈ​ၵႃႈ​ဢၼ်​ၶဝ်​ႁဵတ်း​တီႈ​ပရေႃးၽႅတ်ႈ​ ယေႇရမီႉ ဢၼ်​ၶဝ်​ဢွၼ်​ၵၼ် ဢဝ်​ၶျႃး​တူၵ်း​သႂ်ႇ​ဝႆႉ ၵႃႈ​ၼႂ်း​ႁူး​လိၼ်​ၶုမ်​လိၼ်​ၼၼ်ႉ​တီႈ​ၶႃႈ​ယဝ်ႉ။ မၼ်း​တၵ်း​တၢႆ​ၵႃႈ​ၼႂ်း တီႈ​ဢၼ်​မၼ်း​မီး​ၼၼ်ႉ ၵွပ်ႈ​ပိူဝ်ႈ တၢင်း​ဢၼ်​ဢိုပ်း​ဢၼ်​ယၢၵ်ႈ တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၶဝ်ႈ​မုၼ်း​သဵင်ႈ​မူတ်း​သေ ၵႃႈ​ၼႂ်း​ဝဵင်း​ၼႆႉ​ယဝ်ႉ​တီႈ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">ၶုၼ်​ႁေႃ​ၶမ်း မီး​ဢမိင်ႉ​တီႈ​ ဢေးပတႃႉမေႇလႅၵ်ႉ ၵူၼ်း​မဵဝ်း​ ၵူႉသႃႉ ​ၼၼ်ႉ​လႄႈ​ဝႃႈ၊ ႁွင်ႉ​ဢဝ်​ၵူၼ်း​သၢမ်​သိပ်း​သေ ၵႃႈ​တီႈ​ၼႆႈ​ၵႂႃႇ​လႄႈ ၼုၵ်ႈ​ဢဝ်​ပရေႃးၽႅတ်ႈ​ ယေႇရမီႉ ဢွၵ်ႇ​သေ ၵႃႈ​ၼႂ်း​ႁူး​လိၼ်​ၶုမ်​လိၼ်​ၼၼ်ႉ ၸူဝ်ႈ​ဢၼ်​မၼ်း​ဢမ်ႇ​ပႆႇ​တၢႆ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၼင်ႇ​ၼၼ်​လႄႈ ဢေးပတႃႉမေႇလႅၵ်ႉ ႁွင်ႉ​ဢဝ်​ၵူၼ်း​သေ​လႄႈ ၶဝ်ႈ​ၵႃႈ​ၼႂ်း​ႁေႃ​ၶမ်း ၵႃႈ​တႂ်ႈ​တိူၵ်ႈ​ၽၼ်ႇတႃႇ​သေ​လႄႈ ဢဝ်​ၶူဝ်း​ၼုင်ႈ​ဢၼ်​ၵဝ်ႇ​ဢၼ်​မွင် ၶူဝ်း​လဵင်း​ဢၼ်​သိၵ်ႇ ဢၼ်​ၶၢတ်ႇ​ၼၼ်ႉ​မႃး​လႄႈ ဢဝ်​တင်း​ၸိူၵ်ႈ ဢိၵ်ႇ​တင်း ၸိူဝ်း​ၼၼ်ႉ ယွၼ်ႇ​တူၵ်း ၵႃႈ​ၼႂ်း​ႁူး​လိၼ်​ၶုမ်​လိၼ်​ၸူး တီႈ​ ယေႇရမီႉ ​ၼၼ်ႉ​ဢေႃႈ။-</verse>
				<verse number="12">မိူဝ်ႈ​ၼၼ်ႉ ဢေးပတႃႉမေႇလႅၵ်ႉ ၵူၼ်း​မဵဝ်း​ ၵူႉသႃႉ ​ၼၼ်ႉ လၢတ်ႈ​တီႈ​ ယေႇရမီႉ ​လႄႈ​ဝႃႈ၊ ဢဝ်​ၶူဝ်း​ၼုင်ႈ​ဢၼ်​ၵဝ်ႇ​ဢၼ်​မွင် ၶူဝ်း​လဵင်း ဢၼ်​သိၵ်ႇ​ဢၼ်​ၶၢတ်ႇ​ၼႆႉ လွင်​ၸိူၵ်ႈ​ၵႃႈ​တီႈ​ၵႄႈ​ၵၢပ်ႇ​ၵိင်ႇ​ႁႄႉ​မႂ်း​တႃႉ၊ ဝႃႈ​ၼင်ႇ​ၼႆ​လႄႈ၊ ယေႇရမီႉ ​ႁဵတ်း​ၸွမ်း​ၵႃႈ​ၼင်ႇ​ဢၼ်​ဝႃႈ​ၼၼ်ႉ​ဢေႃႈ။-</verse>
				<verse number="13">ၼင်ႇ​ၼၼ်​လႄႈ ၶဝ်​ဢွၼ်​ၵၼ် ဢဝ်​တင်း​ၸိူၵ်ႈ​တိုတ်ႉ​ၸၼ်​ဢဝ်​ ယေႇရမီႉ ​လႄႈ ဢဝ်​ ယေႇရမီႉ ​ဢွၵ်ႇ​သေ​ၵႃႈ​ၼႂ်း​ႁူး​လိၼ် ၶုမ်​လိၼ်​ၼၼ်ႉ​ဢေႃႈ။ လိုၼ်း​ၼၼ်ႉ​ ယေႇရမီႉ ​လႆႈ​ယူႇ ၵႃႈ​ၼႂ်း​ဝၢင်း​ထွင်ႇ​ဢေႃႈ။</verse>
				<verse number="14">လႆႈ​သမ်ႉ ၶုၼ်​လူင်​ ၸေႇတၵီႉ ပွႆႇ​ၸႂ်ႉ​လႄႈ​ႁွင်ႉ​ဢဝ်​ ယေႇရမီႉ ​မႃး ၵႃႈ​ၼႂ်း​လုၵ်း​တႃႉတီႉယႃႉ ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး သေ​ယဝ်ႉ၊ ၶုၼ်​ႁေႃ​ၶမ်း လၢတ်ႈ​တီႈ​ ယေႇရမီႉ ​လႄႈ​ဝႃႈ၊ ၵဝ်​တၵ်း တွင်ႈ​ထၢမ်​သေ​ၸိူဝ်ႉ​သေ​ပိူင် တီႈ​မႂ်း​ဢေႃႈ။ ယႃႇ​ပေ​သိူင်ႇ​မႅပ်ႉ​ဝႆႉ လွင်ႈ​တၢင်း သေ​ၸိူဝ်ႉ​သေ​ပိူင်​တီႈ​ၵဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="15">ယေႇရမီႉ ​လဝ်ႊ​ထၢမ်​တီႈ ၸေႇတၵီႉ ​လႄႈ​ဝႃႈ၊ ပေႃး​ၶႃႈ​ၸဝ်ႈ ဢဝ်​လွင်ႈ​ၼၼ်ႉ လဝ်ႊ​လၢတ်ႈ​တီႈ​ၸဝ်ႈ​ႁဝ်း​ၸိုင်၊ ၸဝ်ႈ​ႁဝ်း​တၵ်း​ဢဝ်​ၶႃႈ​ၸဝ်ႈ​တၢႆ ဢမၢၼ်ႇ​ၶၼ်​ပဵၼ် ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ပေႃး​ၶႃႈ​ၸဝ်ႈ​ပၼ် တၢင်း​ၵျၢမ်ႇ​တၢင်း​ပွင် တီႈ​ၸဝ်ႈ​ႁဝ်း​ၸိုင် ၸဝ်ႈ​ႁဝ်း တၵ်း​ဢမ်ႇ​ထွမ်ႇ​ဢမ်ႇ​ဢဝ် ၵႂၢမ်း​ၶႃႈ​ၸဝ်ႈ​လႄႈ ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၶုၼ်​လူင်​ ၸေႇတၵီႉ ​ၼၼ်ႉ တဵတ်ႇ​တဵတ်ႇ​တိူင်ႇ​ဝႃႈ​ၵိၼ်ႇ​ဝႃႈ တီႈ​ ယေႇရမီႉ ​လႄႈ​ဝႃႈ၊ ၵႃႈ​ၼင်ႇ​ဢၼ် ထႃႇဝရႃႉ​ၽြႃး ဢၼ်​ႁဵတ်း​ပဵၼ် ဢသၢၵ်ႈ​ဝီႉၺိၺ်ႇ တီႈ​ႁဝ်း​ၼႆႉ​ၼၼ်ႉ ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​တၵ်း​ဢမ်ႇ​ဢဝ်​မႂ်း​တၢႆ။ ၵဝ်​တၵ်း ဢမ်ႇ​ဢဝ်​မႂ်း​ဢၢပ်ႈ​ပၼ် ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် ႁႃ​ဢဝ်​ဢသၢၵ်ႈ​မႂ်း​ယူႇ ၸိူဝ်း​ၼၼ်ႉ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မိူဝ်ႈ​ၼၼ်ႉ ယေႇရမီႉ ​လဝ်ႊ​လၢတ်ႈ​တီႈ​ ၸေႇတၵီႉ ​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ပေႃး​ၸဝ်ႈ​ႁဝ်း​ဢွၵ်ႇ​ၵႂႃႇ​ၸူး ၵႃႈ​တီႈ​မူး​မၢတ်ႈ​ၽွင်း​မိူင်း ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၸိူဝ်း​ၼၼ်ႉ​ဢမၢၼ်ႇ​ၶၼ်​ပဵၼ်​ၸိုင်၊ ၸဝ်ႈ​ႁဝ်း​တၵ်း​လႆႈ ဢသၢၵ်ႈ​ၵတ်း​ယဵၼ်​ၶျၢမ်း​သႃႇ တီႈ​ၶႃႈ​လႄႈ ဝဵင်း​ၼႆႉ​ၵေႃႈ​တၵ်း​လွတ်ႈ​တင်း တၢင်း​ဢၼ်​ဢဝ်​ၽႆး​တုတ်ႇ တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢိၵ်ႇ​တင်း ပီႈ​ၼွင်ႉ​ၸိူဝ်ႉ​ၶိူဝ်း​ၸဝ်ႈ​ႁဝ်း ၸိူဝ်း​ၼၼ်ႉ တၵ်း​ဢွၼ်​ၵၼ်​လႆႈ ဢသၢၵ်ႈ​ၵတ်း​ယဵၼ်​ၶျၢမ်း​သႃႇ တီႈ​ၶႃႈ​ဢေႃႈ။-</verse>
				<verse number="18">ပေႃး​ဢမ်ႇ​ၼၼ် ပေႃး​ၸဝ်ႈ​ႁဝ်း​ဢမ်ႇ​ဢွၵ်ႇ​ၵႂႃႇ​ၸူး ၵႃႈ​တီႈ​မူး​မၢတ်ႈ​ၽွင်း​မိူင်း ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၸိူဝ်း​ၼၼ်ႉ​ၸိုင်၊ ဝဵင်း​ၼႆႉ​တၵ်း​လႆႈ​ၶၢမ်ႇ တၢင်း​ဢၼ်​ဢဝ်​ဢၢပ်ႈ ၵႃႈ​ၼႂ်း​မိုဝ်း​ၵူၼ်း​ ၶႃႇလတေး ​တင်း​လၢႆ​လႄႈ ၶဝ်​ၼၼ်ႉ​တၵ်း​ဢွၼ်​ၵၼ် ဢဝ်​ၽႆး​တုတ်ႇ​လႄႈ ၸဝ်ႈ​ႁဝ်း​ၵေႃႈ တၵ်း​ဢမ်ႇ​လွတ်ႈ​သေ​ၵႃႈ​ၼႂ်း မိုဝ်း​ၶဝ်​ၼၼ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၶုၼ်​လူင်​ ၸေႇတၵီႉ ​ၵေႃႈ လၢတ်ႈ​တီႈ​ ယေႇရမီႉ ​လႄႈ​ဝႃႈ၊ ၵဝ်​ၵူဝ်​ႁႄ​ၵူၼ်း​ ယူႉတႃႉ ဢၼ်​ၵႂႃႇ​ၶဝ်ႈ​ယူႇ​ၽၢႆႇ ၵူၼ်း​ ၶႃႇလတေး ​ၸိူဝ်း​ၼၼ်ႉ​လႄႈ ၵူဝ်​ၶဝ်​တၵ်း​ဢဝ်​ၵဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၶဝ်​ၼၼ်ႉ​လႄႈ ၶဝ်​ၼၼ်ႉ​တၵ်း​ဢွၼ်​ၵၼ် ႁဵတ်း​ပျၢၵ်ႈ​သႄႉ​သွမ်း​ၵဝ်​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="20">ယေႇရမီႉ ​လဝ်ႊ​လၢတ်ႈ​လႄႈ​ဝႃႈ၊ ၶဝ်​ဢမ်ႇ​လႆႈ​ဢဝ်​ၸဝ်ႈ​ႁဝ်း​ဢၢပ်ႈ​တီႈ​ၶႃႈ​ၵူၺ်ႉ။ ၶႅၼ်း​တေႃႈ ထွမ်ႇ​ဢဝ်​ၵႂၢမ်း ထႃႇဝရႃႉ​ၽြႃး ဢၼ်​ၶႃႈ​ၸဝ်ႈ​သင်ႇ​လၢတ်ႈ​တီႈ​ၸဝ်ႈ​ႁဝ်း​ၼႆႉ​သေ​ၵမ်း​တီႈ​ၶႃႈ၊ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၸဝ်ႈ​ႁဝ်း​တၵ်း​လႆႈ ၵတ်း​ယဵၼ်​ၶျၢမ်း​သႃႇ​လႄႈ ဢသၢၵ်ႈ​တၵ်း​လႆႈ​လိပ်း​တီႈ​ၶႃႈ​ဢေႃႈ။-</verse>
				<verse number="21">ပေႃး​ဢမ်ႇ​ၼၼ် ပေႃး​ၸဝ်ႈ​ႁဝ်း​ထဵင်​ပႅတ်ႈ လူၺ်ႈ​လွင်ႈ​ဢၼ် တၵ်း​ဢွၵ်ႇ​ၵႂႃႇ​ၸူး​ၼၼ်ႉ​ၸိုင်၊ ၵႂၢမ်း​ဢၼ် ထႃႇဝရႃႉ​ၽြႃး ၼႄ​ပျႃး​တီႈ​ၶႃႈ​ၸဝ်ႈ​ၸမ်ႉ၊-</verse>
				<verse number="22">တူၺ်း​လူး၊ မႄႈ​ယိင်း​ဢၼ်​ယင်း​ၵိုတ်း​ယင်း​ၵျၢၼ်ႇ ၵႃႈ​ၼႂ်း​ႁေႃ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ဢဝ်​ဢွၵ်ႇ​ၸူး ၵႃႈ​တီႈ​မူး​မၢတ်ႈ​ၽွင်း​မိူင်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၸိူဝ်း​ၼၼ်ႉ​လႄႈ မႄႈ​ယိင်း​ၸိူဝ်း​ၼၼ်ႉ တၵ်း​ဢွၼ်​ၵၼ် လၢတ်ႈ​တီႈ​ၸဝ်ႈ​ႁဝ်း​လႄႈ​ဝႃႈ၊ ၵေႃႉ​သေႈ​ၸဝ်ႈ​ႁဝ်း ၸိူဝ်း​ၼၼ်ႉ တိုၵ်း​ယူင်း​ၸူဝ်း​ဢဝ် ၸဝ်ႈ​ႁဝ်း​လႄႈ ပႄႉ​ၼႅင်ႇ​ၸဝ်ႈ​ႁဝ်း တီႈ​ၶႃႈ​ယဝ်ႉ။ တေႃႈ​လဵဝ်​ၼႆႉ တိၼ်​ၸဝ်ႈ​ႁဝ်း လူမ်ႇ​ၶဝ်ႈ​ၵႃႈ​ၼႂ်း​ၵူမ်ႇ ၼႂ်း​ဢုင်​လႄႈ ၶဝ်​ၼၼ်ႉ ဢွၼ်​ၵၼ်​သုတ်ႉ​ယိုတ်း​ၶိုၼ်း​ၵႂႃႇ တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="23">ၼင်ႇ​ၼၼ်​လႄႈ ၶဝ်​တၵ်း​ဢွၼ်​ၵၼ်​ဢဝ် မေး​ၸဝ်ႈ​ႁဝ်း လုၵ်ႈ​လၢင်း​ၸဝ်ႈ​ႁဝ်း ၵႃႈ​မီး​ဢွၵ်ႇ​ၸူး​ၵႃႈ​တီႈ​ၵူၼ်း​ ၶႃႇလတေး ​ၸိူဝ်း​ၼၼ်ႉ တီႈ​ၶႃႈ​ဢေႃႈ။ ၸဝ်ႈ​ႁဝ်း​ၵေႃႈ ယင်း​ၵၢင်း​လွတ်ႈ​သေ ၵႃႈ​ၼႂ်း​မိုဝ်း​ၶဝ်​ၼၼ်ႉ​လႄႈ တၵ်း​ႁွတ်ႈ​ထိုင် ၵႃႈ​ၼႂ်း​မိုဝ်း ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ တၵ်း​ႁႂ်ႈ​ဝဵင်း​ၼႆႉ လႆႈ​ၶၢမ်ႇ​တၢင်း​ဢၼ် ဢဝ်​ၽႆး​တုတ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၸေႇတၵီႉ ​ၵေႃႈ မီး​ဢမိင်ႉ​တီႈ​ ယေႇရမီႉ ​လႄႈ​ဝႃႈ၊ ယႃႇ​ပေ​ႁႂ်ႈ​ၽူႈ​လႂ်​သေ​ၵေႃႉ​သေ​ၵူၼ်း လႆႈ​ႁူႉ​လႆႈ​ငိၼ်း​လွင်ႈ​ၵႂၢမ်း​ၼႆႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မႂ်း​ဢမ်ႇ​လႆႈ​တၢႆ။-</verse>
				<verse number="25">ပေႃး​မူး​မၢတ်ႈ​ၽွင်း​မိူင်း တင်း​လၢႆ ငိၼ်း​လွင်ႈ​ဢၼ်​ၵဝ် လၢတ်ႈ​ၵႂၢမ်း​တေႃႇ​ၵၼ်​တင်း​မႂ်း​လႄႈ ဢွၼ်​ၵၼ်​မႃး​တီႈ​မႂ်း​လႄႈ ထၢမ်​လႄႈ​ဝႃႈ၊ မွၵ်ႇ​လၢတ်ႈ​လွင်ႈ​ဢၼ် မႂ်း​လဝ်ႊ​လၢတ်ႈ​ၵႃႈ​သင် တီႈ​ၶုၼ်​ႁေႃ​ၶမ်း​လႄႈ ၶုၼ်​ႁေႃ​ၶမ်း​လၢတ်ႈ​ၵႃႈ​သင် တီႈ​မႂ်း​ၼၼ်ႉ တီႈ​ႁဝ်း​သေ​ၵမ်း။ ယႃႇ​ပေ​သိူင်ႇ​ပေ​ဢမ်​ဝႆႉ​သေ​ၵမ်း။ ႁဝ်း​တၵ်း​ဢမ်ႇ​ဢဝ်​မႂ်း​တၢႆ​ၵူၺ်ႉ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="26">မႂ်း​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​တွင်း​ပၢၼ်ႇ​လဝ်ႊ​လၢတ်ႈ​ယွၼ်း​ဢဝ် ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း ႁႂ်ႈ​မၼ်း​ၸဝ်ႈ ဢမ်ႇ​ႁႂ်ႈ​ၵဝ်​လႆႈ​ၶိုၼ်း​ၵႂႃႇ ၵႃႈ​တီႈ​ႁိူၼ်း​ ယေႃးၼသၼ်ႇ ႁႂ်ႈ​လႆႈ​တၢႆ​ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မိူဝ်ႈ​ၼၼ်ႉ မူး​မၢတ်ႈ​ၽွင်း​မိူင်း တင်း​သဵင်ႈ​တင်း​လူင် ဢွၼ်​ၵၼ်​မႃး​တီႈ​ ယေႇရမီႉ ​လႄႈ ၸႅတ်ႈ​ထၢမ်​မၼ်း​ဢေႃႈ။ မၼ်း​ၵေႃႈ ၶိုၼ်း​လၢတ်ႈ​ၸွမ်း​ၵႃႈ​ၼင်ႇ​ဢၼ် ၶုၼ်​ႁေႃ​ၶမ်း မီး​ဢမိင်ႉ သင်ႇ​လၢတ်ႈ​ဝႆႉ​ၼၼ်ႉ သေ​ယဝ်ႉ၊ ၶဝ်​ၼၼ်ႉ ယင်း​ဢမ်ႇ​ဢွၼ်​ၵၼ် ၸႅတ်ႈ​ထၢမ်​ထႅင်ႈ​လႄႈ ယူႇ​ဢေႃႈ။ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁူႉ​သၢႆ​ငၢႆႈ​လွင်ႈ​တၢင်း​ၼၼ်ႉ။-</verse>
				<verse number="28">ၼင်ႇ​ၼၼ်​လႄႈ ယေႇရမီႉ ​လႆႈ​ယူႇ​ၵႃႈ​ၼႂ်း​ဝၢင်း​ထွင်ႇ တေႃႇ​ထိုင်​ႁွတ်ႈ​ဝၼ်း​ဢၼ်​ဝဵင်း​ ယေႇရူႉသလႅမ်ႇ လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၼၼ်ႉ​လႄႈ၊ မိူဝ်ႈ​ဢၼ်​ဝဵင်း​ ယေႇရူႉသလႅမ်ႇ လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၼၼ်ႉ၊ မၼ်း​မီး​ယူႇ​ၵႃႈ​ၼႂ်း ဝၢင်း​ထွင်ႇ​ၼၼ်ႉ​ဢေႃႈ။</verse>
			</chapter>
			<chapter number="39">
				<verse number="1">ၼႂ်း​ပီႊ​ဢၼ်​ ၸေႇတၵီႉ ​ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ ၵဝ်ႈ​ပီႊ လိူၼ်တႃႉသမႃႉ​ၼၼ်ႉ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ဢိၵ်ႇ​တင်း ပူဝ်ႇ​ပႃႇ​ၵူၼ်း​သိုၵ်း​မၼ်း တင်း​သဵင်ႈ​တင်း​လူင် ဢွၼ်​ၵၼ်​ၶီႇ​မႃႉ​လႄႈ လွမ်ႉ​ဝဵင်း​ ယေႇရူႉသလႅမ်ႇ ​ဝႆႉ​ဢေႃႈ။-</verse>
				<verse number="2">ၼႂ်း​ပီႈ​ဢၼ်​ၶုၼ်​လူင်​ ၸေႇတၵီႉ ၸၢမ်ႇ​ႁၢင်ႈ​ၸၢမ်ႇ​ႁေႃ သိပ်း​ဢဵတ်း​ပီႊ လိူၼ်​ၸတုၵ်ႉထႃႉ ၵဝ်ႈ​ဝၼ်း​ၼၼ်ႉ ၶဝ်​ဢွၼ်​ၵၼ် ၸီး​မူင်ႇ​လမ်း​ဝဵင်း​လႄႈ၊-</verse>
				<verse number="3">မူး​မၢတ်ႈ​ၽွင်း​မိူင်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၵႃႈ​မီး​ဢၼ်​ဝႃႈ ၼေႇရၵႃႇလႃႉသရေႇၸႃႇ၊ သမ်ႇၵႃႇၼီႉပူဝ်ႇ၊ ၸႃႇသၶိမ်ႇ ၊ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ထိင်း​ၼၢင်း၊ ၼေႇရၵႃႇလႃႉသရေႇၸႃႇ ၵေႃႉ​ဢၼ်​ဢုပ်ႉ​ၵႃႈ​ၼိူဝ် မႃႇ​ၵူႉ​ပိင်ႇ​ၺႃႇ​သီႉ ဢိၵ်ႇ​တင်း​မူး​မၢတ်ႈ​ၽွင်း​မိူင်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ၵႃႈ​ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ ဢွၼ်​ၵၼ်​ၶဝ်ႈ​ၵႃႈ​ၼႂ်း​ဝဵင်း​လႄႈ ၼင်ႈ​ၵႃႈ​ၼႂ်း ႁူး​ၽၵ်း​တူ​ၶိုင်ႈ​ၵၢင် ၼၼ်ႉ​ဢေႃႈ။-</verse>
				<verse number="4">မိူဝ်ႈ​ဢၼ် ၸေႇတၵီႉ ​ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း ႁူဝ်​ႁၢၼ်​ၵူၼ်း​သိုၵ်း​မၼ်း တင်း​သဵင်ႈ​တင်း​လူင် ႁၼ်​ၶဝ်​ၸိူဝ်း​ၼၼ်ႉ​ၸိုင်၊ ၶဝ်​ဢွၼ်​ၵၼ်​ပၢႆႈ ၶိင်ႇ​ၵၢင်​ၶိုၼ်း​လႄႈ ၸွမ်း​သဵၼ်ႈ​တၢင်း သူၼ်​ဢူးယဵၼ်ႇ​ၶုၼ်​ႁေႃ​ၶမ်း သေ​လႄႈ ဢွၵ်ႇ​ႁူး​ၽၵ်း​တူ​ၶိုင်ႈ​ၵၢင် လမ်း​ဝဵင်း​သွင်​ထၢပ်ႈ သေ​ယဝ်ႉ၊ ၸွမ်း​သဵၼ်ႈ​တၢင်း ဢၼ်​ၵႂႃႇ​ၸူး ပၢင်ႇ​ပဵင်း​ ဢႃႇရၽႃႉ ​ၼၼ်ႉ​ဢေႃႈ။-</verse>
				<verse number="5">ႁူဝ်​ႁၢၼ်​ၵူၼ်း​သိုၵ်း​ ၶႃႇလတေး ​တင်း​လၢႆ ဢွၼ်​ၵၼ်​လိုပ်ႈ​ၸွမ်း​လမ်း​ၸွမ်း​ၶဝ်​လႄႈ ၶိုတ်း​ၶုၼ်​ ၸေႇတၵီႉ ​ၵႃႈ​ၼႂ်း​ပၢင်ႇ​ပဵင်း​ ယေႇရီႉၶူဝ်း ​သေ​လႄႈ တီႉ​ၵမ်​ဢဝ်​မၼ်း​သေ​ယဝ်ႉ၊ ဢွၼ်​ၵၼ်​ဢဝ်​မၼ်း​ၵႂႃႇ ၵႃႈ​တီႈ​ဝဵင်း​ ရီႉပလႃႉ မိူင်း​ ႁႃႇမတ်ႉ တီႈ​ဢၼ် ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​မီး​ၼၼ်ႉ​လႄႈ၊ ၶုၼ်​ၼၼ်ႉ ၸႅတ်ႈ​ထၢမ်​ၸီႇ​ယၢင်ႇ​ဢမူႉ မၼ်း​ဢေႃႈ။-</verse>
				<verse number="6">ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ဢဝ်​လုၵ်ႈ​ၸၢႆး​ ၸေႇတၵီႉ ​တင်း​လၢႆ​တၢႆ သိုဝ်ႈ​ၼႃႈ​တႂ်ႈ​တႃ​မၼ်း ၵႃႈ​တီႈ​ဝဵင်း​ ရီႉပလႃႉ ​ၼၼ်ႉ​လႄႈ ၶုၼ်​ႁေႃ​ၶမ်း​ ပႃႇပူႉလုၼ်ႇ ဢဝ်​မူး​မၢတ်ႈ​ၽွင်း​မိူင်း​ ယူႉတႃႉ တင်း​သဵင်ႈ​တင်း​လူင်​တၢႆ​ဢေႃႈ။-</verse>
				<verse number="7">ၶုၼ်​ၼၼ်ႉ ၶွၵ်း​ဢဝ်​ႁူၺ်ႇ​တႃ​ ၸေႇတၵီႉ ​ဢွၵ်ႇ​ပႅတ်ႈ​လႄႈ ဢဝ်​ၸိူၵ်ႈ​တွင်း​လိူင်​မတ်ႉ​ၽုၵ်ႇ​မၼ်း ႁႂ်ႈ​လႆႈ​ဢဝ်​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ဢေႃႈ။-</verse>
				<verse number="8">ၵူၼ်း​ ၶႃႇလတေး ​တင်း​လၢႆ ဢွၼ်​ၵၼ်​ဢဝ်​ၽႆး​တုတ်ႇ​ႁေႃ​ၶမ်း​ဢိၵ်ႇ​တင်း ႁိူၼ်း​ၵူၼ်း​ဝဵင်း​တင်း​လၢႆ​လႄႈ ၵိူၼ်ႇ​ယႃႉ​လမ်း​ဝဵင်း​ ယေႇရူႉသလႅမ်ႇ ပႅတ်ႈ​ဢေႃႈ။-</verse>
				<verse number="9">မိူဝ်ႈ​ၼၼ်ႉ ၼေႇပူႉၸႃႇရႃႇတၢၼ်ႇ ဢၼ်​ပဵၼ် ၵူဝ်ႇ​ရမ်ႇ​တေႃႇ​မူး​ၼၼ်ႉ သိမ်း​ဢဝ်​ၵူၼ်း​ဝဵင်း ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ ၵႃႈ​ၼႂ်း​ဝဵင်း ဢိၵ်ႇ​တင်း ၶဝ်​ၸိူဝ်း​ဢၼ်​ၵႂႃႇ​ၶဝ်ႈ​ယူႇ ၽၢႆႇ​ၵူၼ်း​ ၶႃႇလတေး တင်း​ၵူၼ်း တင်း​လၢႆ ဢၼ်​ယင်း​ၵိုတ်း​ယင်း​ၵျၢၼ်ႇ ၵႃႈ​မီး​ၼၼ်ႉ ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ဢေႃႈ။-</verse>
				<verse number="10">ၵူၺ်း​ၵႃႈ ၼေႇပူႉၸႃႇရႃႇတၢၼ်ႇ ဢဝ်​ၶဝ်​ၸိူဝ်း​ဢၼ်​ယၢၵ်ႈ ဢၼ်​ၽၢၼ် ဢၼ်​ဢမ်ႇ​မီး​ဢုၵ်ႉ​ၸႃႇ လႃး​လႃး​ၼၼ်ႉ ၵိုတ်း​ၵျၢၼ်ႇ​ဝႆႉ ၵႃႈ​ၼႂ်း​မိူင်း​ ယူႉတႃႉ ​လႄႈ ပၼ်​သူၼ်​ဢူးယဵၼ်ႇ​ၸပိတ်ႈ ဢိၵ်ႇ​တင်း ႁႆႊ​ၼႃး တီႈ​ၶဝ်​ၼၼ်ႉ မိူဝ်ႈ​လဵဝ် ၵမ်း​လဵဝ်​ၵၼ် ဢေႃႈ။</verse>
				<verse number="11">ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ သင်ႇ​လၢတ်ႈ​လွင်ႈ​ ယေႇရမီႉ ​ဝႆႉ တီႈ​ၵူဝ်ႇ​ရမ်ႇ​တေႃႇ​မူး ၼေႇပူႉၸႃႇရႃႇတၢၼ်ႇ ​ၼၼ်ႉ​ၸမ်ႉ၊-</verse>
				<verse number="12">ဢဝ်​မၼ်း​လႄႈ လူ​တူၺ်း​လုမ်း​လႃး​မၼ်း​ဝႆႉ လီ​လီ​ငၢမ်း​ငၢမ်း​တႃႉ။ ယႃႇ​ပေ ၼိၵ်ႈ​ၸၢၵ်ႈ​ငႅၼ်း​သႄး​မၼ်း။ ႁဵတ်း​တီႈ​မၼ်း​ၸွမ်း​ၵႃႈ​ၼင်ႇ​ဢၼ် မၼ်း​လၢတ်ႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="13">ၼေႇပူႉၸႃႇရႃႇတၢၼ်ႇ ​ၵူဝ်ႇ​ရမ်ႇ​တေႃႇ​မူး၊ ၼေႇပူႉသႃႇၸႃႇပၢၼ်ႇ ၊ ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ထိင်း​ၼၢင်း၊ ၼေႇရၵႃႇလႃႉသရေႇၸႃႇ ၵေႃႉ​ဢၼ် ဢုပ်ႉ​ၵႃႈ​ၼိူဝ် မႃႇ​ၵူႉ​ပိင်ႇ​ၺႃႇ​သီႉ ဢိၵ်ႇ​တင်း မူး​မၢတ်ႈ​ၽွင်း​မိူင်း​ၶုၼ်​ႁေႃ​ၶမ်း​ ပႃႇပူႉလုၼ်ႇ တင်း​သဵင်ႈ​တင်း​လူင်​ၼၼ်ႉ ႁဵတ်း​ၸိူဝ်ႉ​ၼင်ႇ​ၼၼ်​လႄႈ၊-</verse>
				<verse number="14">ဢွၼ်​ၵၼ်​ပွႆႇ​ၸႂ်ႉ​လႄႈ ၼုၵ်ႈ​ဢဝ်​ ယေႇရမီႉ ဢွၵ်ႇ​သေ ၵႃႈ​ၼႂ်း​ဝၢင်း​ထွင်ႇ​သေ​ယဝ်ႉ၊ ဢွၼ်​ၵၼ် ဢဝ်​မၼ်း​ဢၢပ်ႈ​ပၼ်​တီႈ​ ၵေႇတလီႉ ​လုၵ်ႈ​ၸၢႆး​ ဢႁီႉၵမ်ႇ ဢၼ်​ပဵၼ်​လုၵ်ႈ​ၸၢႆး​ သႃႇၽၢၼ်ႇ ​ၼၼ်ႉ ႁႂ်ႈ​လႆႈ​ဢဝ်​မၼ်း​ၵႂႃႇ​သူင်ႇ ၵႃႈ​တီႈ​တီႈ​ယူႇ​မၼ်း​ၼၼ်ႉ​ဢေႃႈ။ ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ ယေႇရမီႉ လႆႈ​ယူႇ​လူၺ်ႈ​ၵၼ်​တင်း ၵူၼ်း​ဝၢၼ်ႈ​ၵူၼ်း​မိူင်း တင်း​လၢႆ​ဢေႃႈ။</verse>
				<verse number="15">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ၼႂ်း​မိူဝ်ႈ​ဢၼ်​မၼ်း​လႆႈ​ၶၢမ်ႇ တၢင်း​ဢၼ်​ၶျုၵ်ႈ​ဝႆႉ ၵႃႈ​ၼႂ်း​ဝၢင်း​ထွင်ႇ​ၼၼ်ႉ လႄႈ​ဝႃႈ၊ မႂ်း​ၵႂႃႇ​လႄႈ သင်ႇ​လၢတ်ႈ​တီႈ ဢေးပတႃႉမေႇလႅၵ်ႉ ၵူၼ်း​မဵဝ်း​ ၵူႉသႃႉ ​ၼၼ်ႉ​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ႁႂ်ႈ ၵႂၢမ်း​ၵဝ်​ႁွတ်ႈ​ထိုင် ၵႃႈ​ၼိူဝ်​ဝဵင်း​ၼႆႉ ပုၼ်ႈ​ဢၼ် တၵ်း​ပွင်​ဢၵျူဝ်း​မၼ်း ဢမ်ႇ​ၸႂ်ႈ၊ ပုၼ်ႈ​ဢၼ်​တၵ်း​ယႃႉ​ဢၵျူဝ်း​မၼ်း​ဢေႃႈ။ ၵႂၢမ်း​ၵဝ်​တၵ်း​ပျေႉ​ၸုမ်ႇ​ၵႃႈ​တီႈ​ၽၢႆႇ​ၼႃႈ​မႂ်း ၼႂ်း​မိူဝ်ႈ​ဢၼ် မိုဝ်ႉ​ဝၼ်း​မၼ်း​ႁွတ်ႈ​ထိုင်​ၼၼ်ႉ​ဢေႃႈ။-</verse>
				<verse number="16">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း ၵႄႇ​သႄႇ​ၼုၵ်ႈ​ဢဝ်​မႂ်း​လႄႈ မႂ်း​တၵ်း​ဢမ်ႇ​လႆႈ​ႁွတ်ႈ​ထိုင် ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် မႂ်း​ၵူဝ်​ႁႄ​ၼၼ်ႉ။-</verse>
			</chapter>
			<chapter number="40">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ လိုၼ်း​သေ ဢၼ်​ၵူဝ်ႇ​ရမ်ႇ​တေႃႇ​မူး​ ၼေႇပူႉၸႃႇရႃႇတၢၼ်ႇ ဢဝ်​ပွႆႇ​ၵႂႃႇ ၵႃႈ​တီႈ​ဝဵင်း​ ရႃႇမႃႉ ၼႂ်း​မိူဝ်ႈ​ဢၼ်​မၼ်း​ၼၼ်ႉ ဢဝ်​မၼ်း မိူဝ်ႈ​ဢၼ်​မၼ်း​လႆႈ​ၶၢမ်ႇ​တၢင်း​ဢၼ် ဢဝ်​ၸိူၵ်ႈ​လဵၵ်း​မတ်ႉ​ၽုၵ်ႇ ႁူမ်ႈ​လူၺ်ႈ​ၵၼ် တင်း​ၵူၼ်း​မိူင်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ၵႃႈ​ဢၼ်​လႆႈ​ၶၢမ်ႇ​တၢင်း​ဢၼ် သိမ်း​ဢဝ် ဢၼ်​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="2">ၵူဝ်ႇ​ရမ်ႇ​တေႃႇ​မူး​ၼၼ်ႉ ႁွင်ႉ​ဢဝ်​ ယေႇရမီႉ ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၼၼ်ႉ ၸီႇ​ယၢင်ႇ​မွၵ်ႇ​လၢတ်ႈ​ဢမူႉ​ဢၼ် ႁွတ်ႈ​ထိုင်​ၵႃႈ​တီႈ​မိူင်း​ၼႆႉ​ၼၼ်ႉ ဝႆႉ​ထႃႈ​ယဝ်ႉ။-</verse>
				<verse number="3">ထႃႇဝရႃႉ​ၽြႃး ႁႂ်ႈ​ဢမူႉ​ၼၼ်ႉ ႁွတ်ႈ​ထိုင်​လႄႈ ၸီႇ​ယၢင်ႇ​ႁဵတ်း​ၸွမ်း ၵႃႈ​ၼင်ႇ​ဢၼ် မၼ်း​ၸဝ်ႈ​မွၵ်ႇ​လၢတ်ႈ​ၼၼ်ႉ​ယဝ်ႉ။ ၵွပ်ႈ​ပိူဝ်ႈ​ဢၼ်​သူ​ယင်း​ဢမ်ႇ​ထွမ်ႇ​ဢဝ် ဢမိင်ႉ​ၸဝ်ႈ​လႄႈ ၽိတ်း​ပိူင်ႈ ထႃႇဝရႃႉ​ၽြႃး ၼၼ်ႉ​လႄႈ၊ ဢမူႉ​ၼႆႉ​ႁွတ်ႈ​ထိုင်​ၵႃႈ​ၼိူဝ်​သူ​ယဝ်ႉ။-</verse>
				<verse number="4">မိူဝ်ႈ​လဵဝ်​ၼႆႉ ၵဝ်​တၵ်း​ထွတ်ႇ​ၸိူၵ်ႈ​လဵၵ်း ဢၼ်​မတ်ႉ​ၽုၵ်ႇ ၵႃႈ​တီႈ​မိုဝ်း​မႂ်း​ၼၼ်ႉ ပႅတ်ႈ​ဢေႃႈ။ ပေႃး​မႂ်း​မီး​ဢလူဝ်ႇ ၶႂ်ႈ​ၸွမ်း​လူၺ်ႈ​ၵၼ်​တင်း​ၵဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ၸိုင်၊ ၸွမ်း​သေ​ၵမ်း​တႃႉ။ ၵဝ်​တၵ်း လူ​တူၺ်း​လုမ်း​လႃး​မႂ်း လီ​လီ​ငၢမ်း​ငၢမ်း​ဢေႃႈ။ ပေႃး​မႂ်း​ဢမ်ႇ​မီး​ဢလူဝ်ႇ ၶႂ်ႈ​ၸွမ်း​လူၺ်ႈ​ၵၼ်​တင်း​ၵဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ၸိုင်၊ ယႃႇ​ပေ​ၸွမ်း။ မိူင်း​ၼႆႉ​တင်း​မိူင်း မီး​ယူႇ​ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။ တီႈ​ဢၼ်​မႂ်း​ထၢင်ႇ​ပဵၼ် ဢၼ်​လီ​ဢၼ်​ငၢမ်း​လႄႈ ထုၵ်ႇ​လီ​ၵႂႃႇ​ၼၼ်ႉ​ၸိုင်၊ ၵႂႃႇ​ၸူး​ၵႃႈ​တီႈ​ၼၼ်ႈ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၸူဝ်ႈ​ဢၼ် မၼ်း​ဢမ်ႇ​ပႆႇ​ဝၢႆႇ​ၶိုၼ်း​သေ ၵႃႈ​တီႈ​မၼ်း​ၼၼ်ႉ​ၸိုင်၊ မၼ်း​ၼၼ်ႉ​လၢတ်ႈ​ထႅင်ႈ​လႄႈ​ဝႃႈ၊ မႂ်း​ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ဢၼ်​ပဵၼ်​လုၵ်ႈ​ၸၢႆး​ သႃႇၽၢၼ်ႇ ဢၼ်​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၶၢၼ်း​ဝႆႉ ႁဵတ်း​မဵဝ်ႉ​ဢုၵ်ႉ ၵႃႈ​ၼိူဝ်​ဝဵင်း​ ယူႉတႃႉ ​ၸိူဝ်း​ၼၼ်ႉ ၼၼ်ႉ​လႄႈ ယူႇ​လူၺ်ႈ​ၵၼ်​တင်း​မၼ်း​ၼၼ်ႉ ၵႃႈ​ၼႂ်း​ၵူၼ်း​ဝၢၼ်ႈ ၵူၼ်း​မိူင်း​တင်း​လၢႆ​သေ​ၵမ်း။ ဢမ်ႇ​ၼၼ်​ၵေႃႈ ၵႂႃႇ​ၵႃႈ​တီႈ​ဢၼ်​မႂ်း​ထၢင်ႇ​ပဵၼ် ဢၼ်​မႂ်း​ထုၵ်ႇ​လီ​ၵႂႃႇ​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ ၵူဝ်ႇ​ရမ်ႇ​တေႃႇ​မူး​ၼၼ်ႉ ပၼ်​ၸရိပ်ႈ​တၢင်း​ၵိၼ် ဢိၵ်ႇ​တင်း လၢၵ်ႈ​သွင်ႇ တီႈ​မၼ်း​သေ​လႄႈ ပွႆႇ​မၼ်း​သေ​ဢေႃႈ။-</verse>
				<verse number="6">မိူဝ်ႈ​ၼၼ်ႉ ယေႇရမီႉ ​ၵႂႃႇ​ၸူး​ၵႃႈ​တီႈ​ ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ၵႃႈ​တီႈ​ဝဵင်း​ မီႉၸပႃႇ ​ၼၼ်ႉ​လႄႈ ယူႇ​လူၺ်ႈ​ၵၼ်​တင်း​ၵူၼ်း တင်း​လၢႆ ဢၼ်​ယင်း​ၵိုတ်း​ယင်း​ၵျၢၼ်ႇ ၵႃႈ​ၼႂ်း​မိူင်း​ၸဝ်ႈ​ၼၼ်ႉ​ဢေႃႈ။</verse>
				<verse number="7">မိူဝ်ႈ​ဢၼ်​တပ်ႉ​မူး​ၵႃႈ​မီး ဢိၵ်ႇ​တင်း ႁူဝ်​ႁၢၼ်​ၵူၼ်း​သိုၵ်း ဢၼ်​မီး​ၵႃႈ​တီႈ​ထိူၼ်ႇ​ၸိူဝ်း​ၼၼ်ႉ ငိၼ်း​လွင်ႈ​ဢၼ် ၶုၼ်​ႁေႃ​ၶမ်း​ ပႃႇပူႉလုၼ်ႇ ​ဢဝ်​ ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ၶၢၼ်း​ဝႆႉ​ႁႂ်ႈ​ပဵၼ် ၵေႃႉ​ဢၼ်​ဢုပ်ႉ ၵႃႈ​ၼိူဝ်​မိူင်း​လႄႈ ဢဝ်​ၵူၼ်း​ၸၢႆး၊ ၵူၼ်း​ယိင်း၊ လုၵ်ႈ​ဢွၼ်ႇ၊ ၵူၼ်း​ဢၼ်​ယၢၵ်ႈ​ဢၼ်​ၽၢၼ် ဢၼ်​ဢမ်ႇ​ပႃး​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ ဢၢပ်ႈ​ဝႆႉ​ၵႃႈ​ၼႂ်း​မိုဝ်း​မၼ်း​ၼၼ်ႉ​ၸိုင်၊-</verse>
				<verse number="8">ၶဝ်​ၼၼ်ႉ ဢၼ်​ဝႃႈ ဢီႉသမေႇလႃႉ ​လုၵ်ႈ​ၸၢႆး​ ၼႃႇသၼီႉ၊ ယေႃးႁၼၼ်ႇ တင်း​ ယေႃးၼသၼ်ႇ လုၵ်ႈ​ၸၢႆး​ ၵႃႇရႃႇ၊ ၸရႃႇယႃႉ လုၵ်ႈ​ၸၢႆး​ တႃႇၼူႉမိတ်ႉ ၊ လုၵ်ႈ​ၸၢႆး​ ဢေးၽေႇ ၵူၼ်း​မဵဝ်း​ ၼေႇတေႃႇၽတ်ႉ ​တင်း​လၢႆ ယေႇၸၼီႉ လုၵ်ႈ​ၸၢႆး​ၵူၼ်း​မဵဝ်း​ မႃႇၶသီႉ ​ၸိူဝ်း​ၼၼ်ႉ ဢိၵ်ႇ​လူၺ်ႈ​ၵၼ် တင်း​ၵူၼ်း​ၶဝ်​တင်း​လၢႆ ဢွၼ်​ၵၼ်​မႃး​ၸူး ၵႃႈ​တီႈ​ ၵေႇတလီႉ ၵႃႈ​တီႈ​ဝဵင်း​ မီႉၸပႃႇ ​ၼၼ်ႉ​လႄႈ၊-</verse>
				<verse number="9">ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ဢၼ်​ပဵၼ် လုၵ်ႈ​ၸၢႆး​ သႃႇၽၢၼ်ႇ ​ၼၼ်ႉ တိူင်ႇ​ဝႃႈ​ၵိၼ်ႇ​ဝႃႈ​တီႈ​ၶဝ် ဢိၵ်ႇ​တင်း ၵူၼ်း​ၶဝ်​တင်း​လၢႆ​လႄႈ​ဝႃႈ၊ သူ​ယႃႇ​ပေ​ဢွၼ်​ၵၼ်​မႆႈ​ၸႂ် လူၺ်ႈ​လွင်ႈ​ဢၼ် တၵ်း​လႆႈ​ၵိုတ်ႉ​ႁၢပ်ႇ ဢမူႉ​ၶုၼ်​ ၶႃႇလတေး ​ၼၼ်ႉ။ ဢွၼ်​ၵၼ်​ယူႇ ၵႃႈ​ၼႂ်း​မိူင်း​ၼႆႉ​လႄႈ ၵိုတ်ႉ​ႁၢပ်ႇ​ဢမူႉ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၵ်း​ပဵၼ်​ဢၼ် ၵတ်း​ယဵၼ်​ၶျၢမ်း​သႃႇ ပုၼ်ႈ​သူ​ဢေႃႈ။-</verse>
				<verse number="10">ၵဝ်​ၸမ်ႉ၊ တၵ်း​ယူႇ​ၵႃႈ​တီႈ​ဝဵင်း​ မီႉၸပႃႇ ​ၼႆႉ ႁႂ်ႈ​လႆႈ​ၸုၵ်း​ၶၢမ်ႇ​ဢဝ် ဢမိင်ႉ​ၵူၼ်း​ ၶႃႇလတေး ​တင်း​လၢႆ ဢၼ်​တၵ်း​မႃး​ၸူး​တီႈ​ႁဝ်း​ၼၼ်ႉ​ဢေႃႈ။ သူ​ၸမ်ႉ၊ ဢွၼ်​ၵၼ်​သိမ်း​ဢဝ် ၼမ်ႉ​ၸပိတ်ႈ၊ မၢၵ်ႇ​ၶိင်ႇ​မႆႈ မၢၵ်ႇ​ၶိင်ႇ​ႁိုဝ်ႉ တင်း​ၼမ်ႉ​မၼ်း​လႄႈ သႂၢင်း​သႂ်ႇ​ဝႆႉ​ၵႃႈ​ၼႂ်း​မေႃႈ​သူ ဢုမ်​သူ​သေ​လႄႈ ယူႇ​ၵႃႈ​ၼႂ်း​ဝဵင်း ဢၼ်​သူ​ၶိုၼ်း​ၶဝ်ႈ​ယူႇ မိူဝ်ႈ​လဵဝ်​ၼႆႉ​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">လိူဝ်​သေ​ၼၼ်ႉ မိူဝ်ႈ​ဢၼ်​ၵူၼ်း​ ယူႉတႃႉ ၵႃႈ​ဢၼ်​မီး​ယူႇ​ၵႃႈ​ၼႂ်း မိူင်း​ မေႃႇၽႃႉ ၊ ၵႃႈ​ၼႂ်း​မိူင်း​ ဢမ်ႇမုၼ်ႇ ၊ ၵႃႈ​ၼႂ်း​မိူင်း​ ဢေႇတုမ်ႇ ၊ ဢိၵ်ႇ​တင်း​ၵႃႈ​ၼႂ်း ၵူႈ​သိုင်ႇ​ၵူႈ​မိူင်း​ၸိူဝ်း​ၼၼ်ႉ ငိၼ်း​လွင်ႈ​ဢၼ် ၶုၼ်​ႁေႃ​ၶမ်း​ ပႃႇပူႉလုၼ်ႇ ႁႂ်ႈ​ၵူၼ်း​ၵမ်ႈ​ၽွင်ႈ ၵိုတ်း​ၵျၢၼ်ႇ​ဝႆႉ ၵႃႈ​ၼႂ်း​မိူင်း​ ယူႉတႃႉ ​လႄႈ ဢဝ်​ ၵေႇတလီႉ ​လုၵ်ႈ​ၸၢႆး​ ဢႁီႉၵမ်ႇ ဢၼ်​ပဵၼ်​လုၵ်ႈ​ၸၢႆး​ သႃႇၽၢၼ်ႇ ၶၢၼ်း​ဝႆႉ​ႁႂ်ႈ​ပဵၼ်​ၶုၼ် ၵႃႈ​ၼိူဝ်​ၶဝ်​ၼၼ်ႉ​ၸိုင်၊-</verse>
				<verse number="12">ၵူၼ်း​ ယူႉတႃႉ တင်း​သဵင်ႈ​တင်း​လူင် လုၵ်ႉ​သေ​ၵႃႈ​တီႈ​မိူင်း ၵႃႈ​ဢၼ်​ၶဝ်​လႆႈ​ၶၢမ်ႇ​တၢင်း​ဢၼ် ႁေႃႈ​ဢွၵ်ႇ​ၸူး​ၼၼ်ႉ​ၸိူဝ်း​ၼၼ်ႉ ၶိုၼ်း​မႃး​လႄႈ ႁွတ်ႈ​ထိုင်​ၵႃႈ​တီႈ​မိူင်း​ ယူႉတႃႉ ၸူး​ၵႃႈ​တီႈ​ ၵေႇတလီႉ ၵႃႈ​ၼႂ်း​ဝဵင်း​ မီႉၸပႃႇ ​ၼၼ်ႉ သေ​လႄႈ ဢွၼ်​ၵၼ်​သိမ်း​ဢဝ် ၼမ်ႉ​ၸပိတ်ႈ ဢိၵ်ႇ​တင်း မၢၵ်ႇ​ၶိင်ႇ​မႆႈ မၢၵ်ႇ​ၶိင်ႇ​ႁိုဝ်ႉ ဢၼ်​ၼမ်​ၼႃႇ​လူင်​လၢင်​ၼၼ်ႉ ဢေႃႈ။</verse>
				<verse number="13">လိုၼ်း​ၼၼ်ႉ ယေႃးႁၼၼ်ႇ လုၵ်ႈ​ၸၢႆး​ ၵႃႇရႃႇ ​ၼၼ်ႉ ဢိၵ်ႇ​တင်း​တပ်ႉ​မူး ၵႃႈ​ဢၼ်​မီး​ၵႃႈ​တီႈ​ထိူၼ်ႇ ၸိူဝ်း​ၼၼ်ႉ ဢွၼ်​ၵၼ်​မႃး​ၸူး​ၵႃႈ​တီႈ​ ၵေႇတလီႉ ၵႃႈ​တီႈ​ဝဵင်း​ မီႉၸပႃႇ ​ၼၼ်ႉ​လႄႈ လဝ်ႊ​ထၢမ်​လႄႈ​ဝႃႈ၊-</verse>
				<verse number="14">ၸဝ်ႈ​ႁဝ်း​ႁူႉ​လွင်ႈ​ဢၼ် ပႃလဵတ်ႉ ၶုၼ်​ႁေႃ​ၶမ်း​ ဢမ်ႇမုၼ်ႇ ပွႆႇ​ၸႂ်ႉ​ ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ​ၼၼ်ႉ မႃး​ႁႂ်ႈ​လႆႈ​ဢဝ် ၸဝ်ႈ​ႁဝ်း​တၢႆ​ၼၼ်ႉ ဢမၢၼ်ႇ​ၶၼ်​ပဵၼ်​ယဝ်ႉ​ၶႃႈ​ႁိုဝ်။ ဝႃႈ​ၼင်ႇ​ၼႆ​သေ​ၵေႃႈ၊ ၵႂၢမ်း​ၼၼ်ႉ​ၸိုင်၊ ၵေႇတလီႉ ​လုၵ်ႈ​ၸၢႆး​ ဢႁီႉၵမ်ႇ ​ၼၼ်ႉ ဢမ်ႇ​ယုမ်ႇ​ၶဝ်။-</verse>
				<verse number="15">မိူဝ်ႈ​ၼၼ်ႉ​ ယေႃးႁၼၼ်ႇ လုၵ်ႈ​ၸၢႆး​ ၵႃႇရႃႇ ​ၼၼ်ႉ တဵတ်ႇ​တဵတ်ႇ​လဝ်ႊ​လၢတ်ႈ​တီႈ ၵေႇတလီႉ ၵႃႈ​ၼႂ်း​ဝဵင်း​ မီႉၸပႃႇ ​လႄႈ​ဝႃႈ၊ ပၼ်​ဢၶႂၢင်ႉ ဢၼ်​ၵဝ်​ၶႃႈ​လႆႈ​ၵႂႃႇ​လႄႈ ဢဝ်​ ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ​ၼၼ်ႉ​တၢႆ​သေ​ၵမ်း။ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လႆႈ​ႁူႉ​လွင်ႈ​မၼ်း​ၶႃႈ​ၵူၺ်ႉ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မၼ်း​တၵ်း​လႆႈ​ဢဝ် ၸဝ်ႈ​ႁဝ်း​တၢႆ​လႄႈ ႁႂ်ႈ​ၵူၼ်း​ ယူႉတႃႉ ၵႃႈ​ဢၼ်​ၸူႉ​ၵၼ်​တုမ်​ၵၼ် ယူႇ​ၵႃႈ​တီႈ​ၸဝ်ႈ​ႁဝ်း​ၸိူဝ်း​ၼႆႉ လႆႈ​ၶၢမ်ႇ​တၢင်း​ဢၼ် ၸၢတ်ႇ​ပိုၼ်​ပႅတ်ႈ​သေ​ယဝ်ႉ၊ ႁႂ်ႈ​ၵူၼ်း​ဢၼ်​ၵိုတ်း​ဢၼ်​ၵျၢၼ်ႇ ၵႃႈ​တီႈ​မိူင်း​ ယူႉတႃႉ ​ၼႆႉ​ၸိူဝ်း​ၼၼ်ႉ လႆႈ​လူႉ​လႅဝ်​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​သေ​ၵေႃႈ။-</verse>
				<verse number="16">ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ​ၶိုၼ်း​လၢတ်ႈ​တီႈ​ ယေႃးႁၼၼ်ႇ လုၵ်ႈ​ၸၢႆး​ ၵႃႇရႃႇ ​လႄႈ​ဝႃႈ၊ မႂ်း​ဢမ်ႇ​လႆႈ​ႁဵတ်း ၸိူဝ်ႉ​ၼင်ႇ​ၼၼ်။ မႂ်း​ၶိုၼ်း​လၢတ်ႈ​ၵႂၢမ်း ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​လူၺ်ႈ​လွင်ႈ ဢီႉသမေႇလႃႉ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="41">
				<verse number="1">ၼႂ်း​လိူၼ်​သတ်ႉတမႃႉ​ၼၼ်ႉ ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ဢၼ်​ပဵၼ် လုၵ်ႈ​ၸၢႆး​ ဢေးလီႉသမႃႇ ဢၼ်​ပဵၼ် ၸိူဝ်ႉ​ၸဝ်ႈ​ၶိူဝ်း​ၸဝ်ႈ ဢၼ်​ၶဝ်ႈ​ပႃး​ၵႃႈ​ၼႂ်း ၶဝ်​ၸိူဝ်း​ဢၼ် မီး​ဢရႃႇ​ဢၼ်​ယႂ်ႇ တီႈ​ၶုၼ်​ႁေႃ​ၶမ်း​ၼၼ်ႉ ပႃး​ဢဝ်​ၵူၼ်း​သိပ်း​ၼိုင်ႈ သေ​လႄႈ မႃး​ၸူး​ၵႃႈ​တီႈ​ ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ၵႃႈ​တီႈ​ဝဵင်း​ မီႉၸပႃႇ ​ၼၼ်ႉ​လႄႈ ၵိၼ်​လူၺ်ႈ​ၵၼ် ယူႇ​မုၵ်ႉ​လဵဝ် ၸိူဝ်း​လဵဝ်​ၵူၺ်း ၵႃႈ​တီႈ​ဝဵင်း​ မီႉၸပႃႇ ​ၼၼ်ႉ​ဢေႃႈ။-</verse>
				<verse number="2">မိူဝ်ႈ​ၼၼ်ႉ ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ဢိၵ်ႇ​တင်း ၵူၼ်း​သိပ်း​ၼိုင်ႈ ဢၼ်​ပႃး​လူၺ်ႈ​ၵၼ်​တင်း​မၼ်း​ၼၼ်ႉ ဢွၼ်​ၵၼ်​လုၵ်ႉ​လႄႈ ဢဝ်​လၢပ်ႇ​ၽၼ်း​ ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ဢၼ်​ပဵၼ် လုၵ်ႈ​ၸၢႆး​ သႃႇၽၢၼ်ႇ ဢၼ်​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၶၢၼ်း​ဝႆႉ ႁႂ်ႈ​လႆႈ​ဢုပ်ႉ​ၵႃႈ​ၼိူဝ်​မိူင်း​ၼၼ်ႉ​လႄႈ ဢဝ်​မၼ်း​တၢႆ​ဢေႃႈ။-</verse>
				<verse number="3">ဢီႉသမေႇလႃႉ ​ၼၼ်ႉ ဢဝ်​ၵူၼ်း​ ယူႉတႃႉ ၵႃႈ​ဢၼ်​မီး ၵႃႈ​တီႈ​မၼ်း​ၼၼ်ႉ ၵႃႈ​ၼႂ်း​ဝဵင်း​ မီႉၸပႃႇ ဢိၵ်ႇ​တင်း ႁူဝ်​ႁၢၼ်​ၵူၼ်း​သိုၵ်း​ ၶႃႇလတေး ​ၵႃႈ​ဢၼ်​ထူပ်း​ႁၼ်​ၸိူဝ်း​ၼၼ်ႉ တၢႆ​ဢေႃႈ။-</verse>
				<verse number="4">လိုၼ်း​သေ ဢၼ်​ဢဝ်​ ၵေႇတလီႉ ​တၢႆ​လႄႈ လႆႈ​သွင်​ဝၼ်း​ယဝ်ႉ​လႄႈ ၽူႈ​လႂ်​ဢမ်ႇ​ပႆႇ​ႁူႉ လွင်ႈ​ဢမူႉ​ၼၼ်ႉ​ၼၼ်ႉ။-</verse>
				<verse number="5">ၵူၼ်း​ပႅတ်ႇ​သိပ်း ဢၼ်​ဢွၵ်ႇ​သေ ၵႃႈ​တီႈ​ဝဵင်း​ သေႇၶိမ်ႇ ၊ ဝဵင်း သီႉလေႃႇ ၊ ဝဵင်း​ သမႃႇရီႉ ဢၼ်​ထႃ​ၼူတ်ႇ​ၵၢင်း​ၶဝ်၊ ဢၼ်​ၼုင်ႈ​ၶူဝ်း​ၼုင်ႈ ဢၼ်​ယွၵ်း​ဢၼ်​ၶၢတ်ႇ၊ ဢၼ်​တိူဝ်ႉ​မၢတ်ႇ တူဝ်​ၶိင်း​ၶဝ်​ဢၼ် ပႃး​ဢဝ်​ၶိူင်ႈ​ပုၵ်ႈ​ၸေႃႇ ဢိၵ်ႇ​တင်း ၼၢမ်ႇ​သႃႇ ႁႂ်ႈ​လႆႈ​ဢဝ်​မႃး​ၵႃႈ​တီႈ​ႁိူၼ်း ထႃႇဝရႃႉ​ၽြႃး​ၼၼ်ႉ ၸိူဝ်း​ၼၼ်ႉ ဢွၼ်​ၵၼ်​ႁွတ်ႈ​မႃး​ဢေႃႈ။-</verse>
				<verse number="6">ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ​ၼၼ်ႉ ဢွၵ်ႇ​သေ ၵႃႈ​တီႈ​ဝဵင်း​ မီႉၸပႃႇ ​ၵႂႃႇ ႁႂ်ႈ​လႆႈ​ႁပ်ႉ​ႁူဝ်​တၢင်း​ၶဝ်​ၼၼ်ႉ​လႄႈ ႁႆႈ​ႁွင်ႉ​ၸွမ်း​တၢင်း​ၵႂႃႇ​လႄႈ ထူပ်း​ႁၼ်​ၶဝ်​ၼၼ်ႉ​သေ​ယဝ်ႉ၊ လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ဢွၼ်​ၵၼ်​မႃး​ၸူး​ၵႃႈ​တီႈ​ ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၶဝ်​ၼၼ်ႉ ႁွတ်ႈ​ထိုင်​ၵႃႈ​ၼႂ်း​ဝဵင်း​သေ​ယဝ်ႉ၊ ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ဢိၵ်ႇ​တင်း ၵူၼ်း​ဢၼ်​ပႃး​တီႈ​မၼ်း​ၸိူဝ်း​ၼၼ်ႉ ဢွၼ်​ၵၼ်​ဢဝ်​ၶဝ်​ၼၼ်ႉ​တၢႆ​လႄႈ ဢဝ်​ပႅတ်ႈ​တူၵ်း ၵႃႈ​ၼႂ်း​ႁူး​လိၼ် ၶုမ်​လိၼ်​ဢေႃႈ။-</verse>
				<verse number="8">ၵူၼ်း​သိပ်း​ၼိုင်ႈ ဢၼ်​ပႃး​ၵႃႈ​ၼႂ်း​ၶဝ်​ၼၼ်ႉ လၢတ်ႈ​လႄႈ​ဝႃႈ၊ ယႃႇ​ပေ​ဢဝ်​ႁဝ်း​ၶႃႈ​တၢႆ​သေ​ၵမ်း။ ႁဝ်း​ၶႃႈ​မီး​ဢုၵ်ႉ​ၸႃႇ ဢၼ်​ႁဝ်း​ၶႃႈ သိမ်း​ဢဝ်​သိူင်ႇ​ဝႆႉ ၵႃႈ​ၼႂ်း​ထိူၼ်ႇ​ဢၼ်​ဝႃႈ ၶဝ်ႈ​ၵျုင်ႇ၊ ၶဝ်ႈ​မူႉ​ယေႃး၊ ၼမ်ႉ​မၼ်း​တင်း​ၼမ်ႉ​ၽိုင်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ မၼ်း​ယိူၼ်ႉ​ၵၼ်ႈ ဢဝ်​လႄႈ ယင်း​ဢမ်ႇ​ဢဝ်​ၶဝ်​ၼၼ်ႉ တၢႆ​လူၺ်ႈ​ၵၼ်​တင်း​ပီႈ​ၼွင်ႉ​ၶဝ်​လႄႈ ယူႇ​ဢေႃႈ။-</verse>
				<verse number="9">ႁူး​လိၼ်​ၶုမ်​လိၼ်​ဢၼ် ဢီႉသမေႇလႃႉ ဢဝ်​တူဝ်​တၢႆ​ၵူၼ်း ၵႃႈ​ဢၼ် ဢဝ်​တၢႆ​လူၺ်ႈ​ၵၼ်​တင်း ၵေႇတလီႉ ​ၸိူဝ်း​ၼၼ်ႉ ပႅတ်ႈ​တူၵ်း​သႂ်ႇ​ၼၼ်ႉ ပဵၼ်​ႁူး​ၶုမ်​ဢၼ်​ၶုၼ်​လူင်​ ဢႃႇသႃႉ ၵူဝ်​ႁႄ ပႃႇသႃႉ ၶုၼ်​ႁေႃ​ၶမ်း ဢီႉသရေႇလႃႉ ​လႄႈ ၶုတ်း​ၼၼ်ႉ​ဢေႃႈ။ ႁူး​ၶုမ်​ၼၼ်ႉ​ၸိုင်၊ ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ႁႂ်ႈ​တဵမ်​ဝႆႉ​တင်း​တူဝ်​တၢႆ တင်း​လၢႆ​ဢေႃႈ။-</verse>
				<verse number="10">မိူဝ်ႈ​ၼၼ်ႉ​ ဢီႉသမေႇလႃႉ သိမ်း​ဢဝ်​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ဝႆႉ ၵႃႈ​တီႈ​ဝဵင်း​ မီႉၸပႃႇ ဢၼ်​ဝႃႈ လုၵ်ႈ​ယိင်း​ၶုၼ်​လူင်​တင်း​လၢႆ ဢိၵ်ႇ​တင်း ၶဝ်​ၵႃႈ​ဢၼ်​ၵိုတ်း​ယူႇ​သဝ်း​ယူႇ ၵႃႈ​တီႈ​ဝဵင်း​ မီႉၸပႃႇ ဢၼ်​ၵူဝ်ႇ​ရမ်ႇ​တေႃႇ​မူး ၼေႇပူႉၸႃႇရႃႇတၢၼ်ႇ ဢဝ်​ဢၢပ်ႈ​ဝႆႉ​ၵႃႈ​တီႈ​ ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ​ၸိူဝ်း​ၼၼ်ႉ​ဢေႃႈ။ ၼင်ႇ​ၼၼ်​လႄႈ ဢီႉသမေႇလႃႉ ​လုၵ်ႈ​ၸၢႆး​ ၼႃႇသၼီႉ သိမ်း​ဢဝ်​ၶဝ်​ၵႂႃႇ​လႄႈ မၼ်း​ဢွၵ်ႇ ႁႂ်ႈ​လႆႈ​ၵႂႃႇ​ၸူး ၵႃႈ​တီႈ​ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ သေ​ဢေႃႈ။-</verse>
				<verse number="11">မိူဝ်ႈ​ဢၼ် ယေႃးႁၼၼ်ႇ ​လုၵ်ႈ​ၸၢႆး​ ၵႃႇရႃႇ ဢိၵ်ႇ​တင်း တပ်ႉ​မူး ၵႃႈ​ဢၼ်​မီး​ၵႃႈ​တီႈ​မၼ်း​ၸိူဝ်း​ၼၼ်ႉ ငိၼ်း​လွင်ႈ​ဢမူႉ ဢၼ်​ႁၢႆႉ​ယုတ်ႈ ၵူႈ​ၸိူဝ်ႉ​ၵူႈ​ပိူင် ဢၼ်​ ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ႁဵတ်း​ၼၼ်ႉ​ၸိုင်၊-</verse>
				<verse number="12">ၶဝ်​ဢွၼ်​ၵၼ်​ႁွင်ႉ​ဢဝ် ၵူၼ်း​တင်း​သဵင်ႈ​တင်း​လူင် ဢွၵ်ႇ​ၵႂႃႇ​ႁႂ်ႈ​လႆႈ​တိုၵ်း​တေႃး​ ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ​ၼၼ်ႉ​လႄႈ ႁူပ်ႉ​ထူပ်း​မၼ်း​ၼၼ်ႉ ၵႃႈ​တီႈ​ႁိမ်း​ၼမ်ႉ ဢၼ်​ယႂ်ႇ​ၼႃႇ ၵႃႈ​ၼႂ်း​ဝဵင်း​ ၵီႉပွင်ႇ ​ၼၼ်ႉ​ဢေႃႈ။-</verse>
				<verse number="13">မိူဝ်ႈ​ဢၼ် ၶဝ်​ၸိူဝ်း​ဢၼ် ပႃး​လူၺ်ႈ​ၵၼ်​တင်း​ ဢီႉသမေႇလႃႉ ​ၵႃႈ​မီး​ၼၼ်ႉ ႁၼ်​ ယေႃးႁၼၼ်ႇ လုၵ်ႈ​ၸၢႆး​ ၵႃႇရႃႇ ဢိၵ်ႇ​တင်း တပ်ႉ​မူး​ၵႃႈ​ဢၼ်​ပႃး​လူၺ်ႈ​ၵၼ် တင်း​မၼ်း​ၸိူဝ်း​ၼၼ်ႉ​ၸိုင်၊ ၶဝ်​ဢွၼ်​ၵၼ် မီး​တၢင်း​ဢၼ်​ၸူမ်း​ဢၼ်​သိူဝ်း​ဢေႃႈ။-</verse>
				<verse number="14">မိူဝ်ႈ​ၼၼ်ႉ​ၵူၼ်း​ၵႃႈ​ဢၼ် ဢီႉသမေႇလႃႉ ​သိမ်း​ဢဝ်​သေ​ၵႃႈ​တီႈ​ဝဵင်း​ မီႉၸပႃႇ ​ၵႂႃႇ​ၸိူဝ်း​ၼၼ်ႉ ဢွၼ်​ၵၼ် ဢွၵ်ႇ​သေ​ၵႃႈ​တီႈ မၼ်း​ၼၼ်ႉ​လႄႈ ဝၢႆႇ​ၶိုၼ်း​မႃး​ၸူး​ၵႃႈ​တီႈ​ ယေႃးႁၼၼ်ႇ လုၵ်ႈ​ၸၢႆး​ ၵႃႇရႃႇ ​ဢေႃႈ။-</verse>
				<verse number="15">ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ​ၼၼ်ႉ ဢိၵ်ႇ​လူၺ်ႈ​ၵၼ်​တင်း ၵူၼ်း​ပႅတ်ႇ​ၵေႃႉ လွတ်ႈ​ဢွၵ်ႇ​သေ​ၵႃႈ​ၼႂ်း​မိုဝ်း​ ယေႃးႁၼၼ်ႇ ​လႄႈ ၵႂႃႇ​ၸူး​ၵႃႈ​တီႈ​ၵူၼ်း​မဵဝ်း​ ဢမ်ႇမုၼ်ႇ ​ဢေႃႈ။-</verse>
				<verse number="16">မိူဝ်ႈ​ၼၼ်ႉ ယေႃးႁၼၼ်ႇ လုၵ်ႈ​ၸၢႆး​ ၵႃႇရႃႇ ဢိၵ်ႇ​တင်း တပ်ႉ​မူး ၵႃႈ​ဢၼ်​မီး​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ ဢဝ်​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ ဢၼ်​မၼ်း​ၼုၵ်ႈ​ဢဝ်​ဢွၵ်ႇ​သေ ၵႃႈ​ၼႂ်း​မိုဝ်း​ ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ဢိၵ်ႇ​တင်း ၵႃႈ​တီႈ​ဝဵင်း​ မီႉၸပႃႇ လိုၼ်း​သေ​ဢၼ်​မၼ်း​ၼၼ်ႉ ဢဝ်​ ၵေႇတလီႉ ​လုၵ်ႈ​ၸၢႆး​ ဢႁီႉၵမ်ႇ တၢႆ​ယဝ်ႉ​ၼၼ်ႉ ၸိူဝ်း​ၼၼ်ႉ​ဢၼ်​ဝႃႈ၊ ႁူဝ်​ႁၢၼ်​ၵူၼ်း​သိုၵ်း ဢၼ်​ႁႅင်း​ယႂ်ႇ​လႂ်၊ မႄႈ​ယိင်း​လႂ်၊ လုၵ်ႈ​ဢွၼ်ႇ​လႂ် တင်း​ၵူၼ်း​ထိင်း​ၼၢင်း ဢၼ်​မၼ်း​ဢဝ်​ၶိုၼ်း​မႃး​သေ ၵႃႈ​တီႈ​ဝဵင်း​ ၵီႉပွင်ႇ ​ၼၼ်ႉ ၸိူဝ်း​ၼၼ်ႉ​လႄႈ၊-</verse>
				<verse number="17">ဢွၵ်ႇ​ၵႂႃႇ​လႄႈ ဢွၼ်​ၵၼ်​ယူႇ​ၵႃႈ​တီႈ​ဝၢၼ်ႈ​ ၶီႉမႁမ်ႇ ဢၼ်​ၸမ် ဝဵင်း​ ပႅတ်ႉလႁႅမ်ႇ ​လႄႈ ပဵၼ်​သဵၼ်ႈ​တၢင်း​ဢၼ် ၵႂႃႇ​ၶဝ်ႈ​ၸူး မိူင်း​ ဢေႇၵိပ်ႉတူႉ ​ၼၼ်ႉ ၵွပ်ႈ​ပိူဝ်ႈ​ၵူၼ်း​ ၶႃႇလတေး ​တင်း​လၢႆ​ၼၼ်ႉ​ဢေႃႈ။-</verse>
				<verse number="18">လွင်ႈ​မၼ်း​ၸမ်ႉ ၶဝ်​ဢွၼ်​ၵၼ် ၵူဝ်​ႁႄ​ၶဝ်​ၼၼ်ႉ ၵွပ်ႈ​ပိူဝ်ႈ​ဢၼ် ဢီႉသမေႇလႃႉ လုၵ်ႈ​ၸၢႆး​ ၼႃႇသၼီႉ ​ၼၼ်ႉ ဢဝ်​ ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ဢၼ်​ၶုၼ်​ႁေႃ​ၶမ်း​ ပႃႇပူႉလုၼ်ႇ ၶၢၼ်း​ဝႆႉ ႁႂ်ႈ​ပဵၼ်​ၵေႃႉ​ဢၼ် ဢုပ်ႉ​ၵႃႈ​ၼိူဝ်​မိူင်း​ၼၼ်ႉ​တၢႆ​ၼၼ်ႉ​ဢေႃႈ။</verse>
			</chapter>
			<chapter number="42">
				<verse number="1">မိူဝ်ႈ​ၼၼ်ႉ​တပ်ႉ​မူး​ၵႃႈ​မီး ဢိၵ်ႇ​တင်း​ ယေႃးႁၼၼ်ႇ လုၵ်ႈ​ၸၢႆး​ ၵႃႇရႃႇ၊ ယေႇၸၼီႉ ​လုၵ်ႈ​ၸၢႆး​ ႁေႃးသေႇ တင်း​ၵူၼ်း​လူင် ၵူၼ်း​ဢွၼ်ႇ တင်း​သဵင်ႈ​တင်း​လူင်​ၸိူဝ်း​ၼၼ်ႉ ဢွၼ်​ၵၼ်​သုတ်ႉ​ၸပ်း​သုတ်ႉ​ၸူး​လႄႈ လၢတ်ႈ​တီႈ​ပရေႃးၽႅတ်ႈ​ ယေႇရမီႉ ​လႄႈ​ဝႃႈ၊-</verse>
				<verse number="2">ၵွပ်ႈ​ပိူဝ်ႈ​ဢၼ်​ႁဝ်း​ၶႃႈ ၵိုတ်း​ၵျၢၼ်ႇ​ဝႆႉ​ၵႄႇ​ၼႃႇ​လူင်​လၢင် ၵႃႈ​ၼႂ်း​ၶဝ်​ၸိူဝ်း​ဢၼ်​ၼမ်​ၼႃႇ မိူဝ်ႈ​ဢွၼ်​တၢင်း​ၼၼ်ႉ ၵႃႈ​ၼင်ႇ​ဢၼ် ၸဝ်ႈ​ႁဝ်း​ႁၼ်​ၼႆႉ​လႄႈ၊ ၶႅၼ်း​တေႃႈ ႁႂ်ႈ​တၢင်း​ဢၼ်​ႁဝ်း​ၶႃႈ​တွင်း​ပၢၼ်ႇ ယွၼ်း​ဢဝ်​ၼႆႉ​မီး​တၢင်း​ဢၼ် ႁပ်ႉ​တုင်း​ဢဝ်​ၵႃႈ​တီႈ​ၽၢႆႇ​ၼႃႈ ၸဝ်ႈ​ႁဝ်း​လႄႈ သူး​တွင်း​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ပုၼ်ႈ​ႁဝ်း​ၶႃႈ ဢၼ်​ဝႃႈ ပုၼ်ႈ​ၵူၼ်း​ၵႃႈ​ဢၼ်​ၵိုတ်း​ဢၼ်​ၵျၢၼ်ႇ​ၸိူဝ်း​ၼႆႉ၊-</verse>
				<verse number="3">ႁႂ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​လႆႈ​ၼႄ​ပျႃး သဵၼ်ႈ​တၢင်း​ဢၼ်​ႁဝ်း​ၶႃႈ တၵ်း​လႆႈ​ၵႂႃႇ ဢိၵ်ႇ​တင်း လွင်ႈ​တၢင်း​ဢၼ်​ႁဝ်း​ၶႃႈ တၵ်း​လႆႈ​ႁဵတ်း​ၼၼ်ႉ တီႈ​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ပရေႃးၽႅတ်ႈ​ ယေႇရမီႉ ​ၵေႃႈ လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ငိၼ်း​သူ​ယဝ်ႉ။ ၵဝ်​တၵ်း​သူး​တွင်း​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ၸွမ်း​ၵႃႈ​ၼင်ႇ​ဢၼ် သူ​လၢတ်ႈ​ၼႆႉ​ဢေႃႈ။ ၵဝ်​တၵ်း​ၶိုၼ်း​လၢတ်ႈ ၵႃႈ​ဢၼ် ထႃႇဝရႃႉ​ၽြႃး မီး​ဢမိင်ႉ တီႈ​သူ​ၼၼ်ႉ​တီႈ​သူ​ဢေႃႈ။ ၵဝ်​တၵ်း​ဢမ်ႇ​သိူင်ႇ​ဢမ်ႇ​မႅပ်ႉ​ဝႆႉ လွင်ႈ​တၢင်း​သေ​ၸိူဝ်ႉ​သေ​ပိူင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶဝ်​ၵေႃႈ​ဢွၼ်​ၵၼ်​လၢတ်ႈ​တီႈ​ ယေႇရမီႉ ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး ပဵၼ်​သၢၵ်ႈ​သေႇ ဢၼ်​ၸိုဝ်ႈ​ဢၼ်​ၸႂ်ႈ​လႄႈ ပႂ်ႉ​သဵတ်ႈ​ၸႃႇ တီႈ​ႁဝ်း​ၶႃႈ လူၺ်ႈ​လွင်ႈ​ဢၼ်​ႁဝ်း​ၶႃႈ တၵ်း​ႁဵတ်း​ၸွမ်း ၵႃႈ​ၼင်ႇ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ႁဝ်း​သင်ႇ​လၢတ်ႈ​ဝႆႉ တီႈ​ႁဝ်း​ၶႃႈ​ၼၼ်ႉ သေ​ၵမ်း​လူၺ်ႈ။-</verse>
				<verse number="6">ဢမိင်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ ဢၼ်​ပဵၼ်​ၸဝ်ႈ ဢၼ်​ႁဝ်း​ၶႃႈ ပွႆႇ​ၸႂ်ႉ​ၸဝ်ႈ​ႁဝ်း​ၵႂႃႇ​ၸူး​ၼၼ်ႉ ပဵၼ်​ဢၼ်​လီ​သေ​ဢမ်ႇ​ဝႃႈ၊ ပဵၼ်​ဢၼ်​ဢမ်ႇ​လီ​သေ​ဢမ်ႇ​ဝႃႈ၊ ႁဝ်း​ၶႃႈ​တၵ်း​ထွမ်ႇ​ဢဝ်​ၸွမ်း​ဢဝ် ႁႂ်ႈ​လႆႈ​ၵတ်း​ယဵၼ်​ၶျၢမ်း​သႃႇ မိူဝ်ႈ​ဢၼ် ႁဝ်း​ၶႃႈ​ထွမ်ႇ​ဢဝ်​ၸွမ်း​ဢဝ် ဢမိင်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">လိုၼ်း​ၼၼ်ႉ မိူဝ်ႈ​ဢၼ်​လႆႈ သိပ်း​ဝၼ်း​ယဝ်ႉ​ၼၼ်ႉ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ​လႄႈ၊-</verse>
				<verse number="8">မၼ်း​ႁွင်ႉ​ဢဝ်​ ယေႃးႁၼၼ်ႇ လုၵ်ႈ​ၸၢႆး​ ၵႃႇရႃႇ ၊ တပ်ႉ​မူး ၵႃႈ​ဢၼ်​ပႃး​လူၺ်ႈ​ၵၼ်​တင်း​မၼ်း ဢိၵ်ႇ​တင်း ၵူၼ်း​လူင်​ၵူၼ်း​ဢွၼ်ႇ တင်း​သဵင်ႈ​တင်း​လူင်​မႃး​လႄႈ လၢတ်ႈ​လႄႈ​ဝႃႈ၊-</verse>
				<verse number="9">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ဢၼ်​သူ​ပွႆႇ​ၸႂ်ႉ​ၵဝ် ႁႂ်ႈ​လႆႈ​လဝ်ႊ​ထၢမ်​တၢင်း​ဢၼ် သူ​ယွၼ်း​ဢဝ်​ၼၼ်ႉ မီး​ဢမိင်ႉ​ၸမ်ႉ၊-</verse>
				<verse number="10">ပေႃး​သူ​ယူႇ ၵႃႈ​တီႈ​မိူင်း​ၼႆႉ ဢမၢၼ်ႇ​ၶၼ်​ပဵၼ်​ၸိုင်၊ ၵဝ်​တၵ်း​တႄႇ​ႁဵတ်း​သူ​လႄႈ ဢမ်ႇ​ၵိူၼ်ႇ​ဢမ်ႇ​ယႃႉ​သူ​ပႅတ်ႈ။ ၵဝ်​တၵ်း​ၽုၵ်ႇ​သွမ်ႈ​သူ​လႄႈ ဢမ်ႇ​ထွတ်ႇ​ဢမ်ႇ​ထူၺ်ႈ​သူ​ပႅတ်ႈ။ ၵဝ်​ၶုၵ်း​ၸႂ်​လႆႈ​မႆႈ​ၸႂ် ၵွပ်ႈ​ပိူဝ်ႈ​ၽေး​တၢမ်ႇ ဢၼ်​ၵဝ်​ႁႂ်ႈ​ႁွတ်ႈ​ထိုင် ၵႃႈ​ၼိူဝ်​သူ​ၼၼ်ႉ​ဢေႃႈ။-</verse>
				<verse number="11">ယႃႇ​ပေ​ၵူဝ်​ပေ​ႁႄ ၶုၼ်​ႁေႃ​ၶမ်း​ ပႃႇပူႉလုၼ်ႇ ဢၼ်​သူ​ၸၢင်ႈ​ၵူဝ်​ႁႄ​ၼၼ်ႉ။ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ယႃႇ​ပေ​ၵူဝ်​ပေ​ႁႄ​မၼ်း​ၼၼ်ႉ။ ၵဝ်​မီး​ယူႇ​လူၺ်ႈ​ၵၼ်​တင်း​သူ ႁႂ်ႈ​လႆႈ​ၵႄႇ​သႄႇ​ၶျွတ်ႈ​ဢဝ်​သူ​လႄႈ ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း​မိုဝ်း​မၼ်း​ၼၼ်ႉ​ဢေႃႈ။-</verse>
				<verse number="12">ၵဝ်​တၵ်း ဢဵတ်း​လူ​ၵႄႇ​သႄႇ​ၸွႆႈ​ထႅမ်​သူ ႁႂ်ႈ​မၼ်း​ၼၼ်ႉ​လႆႈ​မီး​တၢင်း​ဢၼ် ဢဵတ်း​လူ​သူ​သေ​လႄႈ ႁႂ်ႈ​သူ​ၶိုၼ်း​မိူဝ်း ၵႃႈ​တီႈ​မိူင်း​တီႈ​ယူႇ​သူ​ဢေႃႈ။-</verse>
				<verse number="13">ပေႃး​ဢမ်ႇ​ၼၼ် ပေႃး​သူ​လၢတ်ႈ​လႄႈ​ဝႃႈ၊ ႁဝ်း​တၵ်း​ဢမ်ႇ​ယူႇ​ၵႃႈ​ၼႂ်း​မိူင်း​ၼႆႉ၊ ဝႃႈ​ၼင်ႇ​ၼႆ​ယူႇ တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​ထွမ်ႇ​ဢမ်ႇ​ဢဝ် ၵႂၢမ်း​ဢမိင်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​လႄႈ လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ။-</verse>
				<verse number="14">ႁဝ်း​တၵ်း ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ တီႈ​ဢၼ်​ဢမ်ႇ​ထူပ်း​ဢမ်ႇ​ႁၼ် ဢမူႉ​သိုၵ်း၊ ဢမ်ႇ​ငိၼ်း​သဵင်​ပဝ်ႇ​ၼႄးၶရႃႇ၊ ဢမ်ႇ​ဢိုပ်း​ဢမ်ႇ​ယၢၵ်ႈ​ၼၼ်ႉ​လႄႈ ယူႇ​ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="15">ၵူၼ်း​မဵဝ်း​ ယူႉတႃႉ ဢၼ်​ယင်း​ၵိုတ်း​ယင်း​ၵျၢၼ်ႇ​ၶဝ်​ဢိူၺ်း၊ ဢွၼ်​ၵၼ် ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး​တႃႉ။ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ပေႃး​သူ​ဝၢႆႇ​ၼႃႈ​သူ ႁႂ်ႈ​လႆႈ​ၵႂႃႇ​ၸူး​ၵႃႈ​တီႈ​မိူင်း​ ဢေႇၵိပ်ႉတူႉ တိၵ်း​တိၵ်း ယူႇ​သေ​လႄႈ ၵႂႃႇ​ႁႂ်ႈ​လႆႈ​သွၼ်ႈ​ပိုင်ႈ​ယူႇ​ၵႃႈ​တီႈ​မိူင်း​ၼၼ်ႉ ဢမၢၼ်ႇ​ၶၼ်​ပဵၼ်​ၸိုင်၊-</verse>
				<verse number="16">ၽေး​လၢပ်ႇ​ၽေး​လႅဝ်း ဢၼ်​သူ​ၵူဝ်​ႁႄ​ၼၼ်ႉ တၵ်း​ၶိုတ်း​သူ​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ​ဢၼ်​သူ​ၵူဝ်​ႁႄ​ၼၼ်ႉ​ၵေႃႈ တၵ်း​လိုပ်ႈ​ၸွမ်း​လမ်း​ၸွမ်း​သူ​ၵႂႃႇ ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ တိၵ်း​တိၵ်း​လႄႈ သူ​တၵ်း​လႆႈ​တၢႆ ၵႃႈ​တီႈ​မိူင်း​ၼၼ်ႉ​ဢေႃႈ။-</verse>
				<verse number="17">ၶဝ်​ၸိူဝ်း​ဢၼ် ဝၢႆႇ​ၼႃႈ​ၶဝ်​ၵႂႃႇ​ၸူး ၵႃႈ​တီႈ​မိူင်း​ ဢေႇၵိပ်ႉတူႉ ႁႂ်ႈ​လႆႈ​သွၼ်ႈ​ပိုင်ႈ​ယူႇ​ၵႃႈ​တီႈ​ၼၼ်ႈ ၵႃႈ​မီး​ၼၼ်ႉ တၵ်း​လႆႈ​ဢွၼ်​ၵၼ်​တၢႆ​လူၺ်ႈ​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း​ဢေႃႈ။ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လႆႈ​လွတ်ႈ​တင်း ၽေး​တၢမ်ႇ​ဢၼ်​ၵဝ် တၵ်း​ႁႂ်ႈ​ႁွတ်ႈ​ထိုင် ၵႃႈ​ၼိူဝ်​ၶဝ်​ၼၼ်ႉ။ ဢမ်ႇ​လႆႈ​မီး​ၵေႃႉ​ဢၼ်​ၵိုတ်း​ဝႆႉ​ၵျၢၼ်ႇ​ဝႆႉ​သေ​ၵေႃႉ​သေ​ၵူၼ်း။-</verse>
				<verse number="18">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ​ဢၼ် တၢင်း​ၶႆႈ​ၸႃႉ​ၶႆႈ​ၸဵတ်ႈ​ၵဝ် ဢိၵ်ႇ​တင်း ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၵဝ် မီး​တၢင်း​ဢၼ်​သွၼ်း​လေႃႇ ၵႃႈ​ၼိူဝ်​ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ​ၼၼ်ႉ၊ တေႃး​သႃႉ တၢင်း​ၸႂ်​မႆႈ​ၵဝ် တၵ်း​မီး​တၢင်း​ဢၼ် သွၼ်း​လေႃႇ ၵႃႈ​ၼိူဝ်​သူ ၼႂ်း​မိူဝ်ႈ​ဢၼ်​သူ ၶဝ်ႈ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​လႄႈ သူ​တၵ်း​လႆႈ​ပဵၼ် တီႈ​ဢၼ်​လႃႇ​လင်၊ တီႈ​ဢၼ်​လီ​ဢၢမ်း၊ တီႈ​ဢၼ်​ၵိၼ်ႇ​ဝႃႈ၊ တီႈ​ဢၼ်​သႄႉ​သွမ်း​ဢေႃႈ။ ၵမ်း​လိုၼ်း​သူ ဢမ်ႇ​လႆႈ​ၶိုၼ်း​ထူပ်း ၶိုၼ်း​ႁၼ် ၵႃႈ​တီႈ​ၼႆႈ။-</verse>
				<verse number="19">ၵူၼ်း​မဵဝ်း​ ယူႉတႃႉ ဢၼ်​ယင်း​ၵိုတ်း​ယင်း​ၵျၢၼ်ႇ​ၶဝ်​ဢိူၺ်း၊ ထႃႇဝရႃႉ​ၽြႃး မီး​ဢမိင်ႉ​လူၺ်ႈ​လွင်ႈ​သူ​လႄႈ​ဝႃႈ၊ ယႃႇ​ပေ​ဢွၼ်​ၵၼ်​ၵႂႃႇ ၵႃႈ​တီႈ​မိူင်း​ ဢေႇၵိပ်ႉတူႉ ​ပုၼ်ႉ၊ ဝႃႈ​ၼင်ႇ​ၼႆ​ဢေႃႈ။ သူ​ဢွၼ်​ၵၼ်​ႁူႉ​မၢတ်ႈ​လွင်ႈ​ဢၼ်​ၵဝ်​ၼႆႉ ၶၢမ်ႇ​သၢၵ်ႈ​သေႇ​တီႈ​သူ ဝၼ်း​မိူဝ်ႈ​ၼႆႉ​ၼၼ်ႉ​ဝႆႉ​တႃႉ။-</verse>
				<verse number="20">တူဝ်​သူ​ပႅတ်ႉ​လႅၼ်​ႁူဝ်​ၸႂ်​သူ​ယဝ်ႉ။ လွင်ႈ​မၼ်း​ၸမ်ႉ သူ​ပွႆႇ​ၸႂ်ႉ​ၵဝ်​ၸူး ၵႃႈ​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ သူ​လႄႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ သူး​တွင်း​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ ပုၼ်ႈ​ႁဝ်း​ၶႃႈ​သေ​ၵမ်း။ ၶိုၼ်း​မွၵ်ႇ​လၢတ်ႈ​ၸွမ်း​ၵႃႈ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ မီး​ဢမိင်ႉ​ၼၼ်ႉ သေ​ၵမ်း။ ႁဝ်း​ၶႃႈ​တၵ်း​ထွမ်ႇ​ဢဝ် ၸွမ်း​ဢဝ်​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="21">ၵဝ်​ၶိုၼ်း မွၵ်ႇ​လၢတ်ႈ​လွင်ႈ​မၼ်း​တီႈ​သူ ဝၼ်း​မိူဝ်ႈ​ၼႆႉ​ဢေႃႈ။ ၵူၺ်း​ၵႃႈ သူ​ယင်း​ဢမ်ႇ​ထွမ်ႇ​ဢမ်ႇ​ဢဝ် ဢမိင်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢၼ်​မၼ်း​ၸဝ်ႈ​ဢဝ်​ၵဝ်​သင်ႇ​လၢတ်ႈ​ဝႆႉ တီႈ​သူ​ၼၼ်ႉ သေ​ၸိူဝ်ႉ​သေ​ပိူင်​လႄႈ ယူႇ​လူင်​ပႄႇ။-</verse>
				<verse number="22">ပိူဝ်ႈ​ဢၼ် ပဵၼ်​ၼင်ႇ​ၼၼ်​လႄႈ သူ​ဢွၼ်​ၵၼ်​ႁူႉ​မၢတ်ႈ​လွင်ႈ ဢၼ်​သူ​တၵ်း​လႆႈ တၢႆ​လူၺ်ႈ​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း ၵႃႈ​ၼႂ်း​တီႈ​ဢၼ်​သူ​ၶၢႆႉ​ၵႂႃႇ သွၼ်ႈ​ပိုင်ႈ​ယူႇ​ၼၼ်ႉ ဢမၢၼ်ႇ​ၶၼ်​ပဵၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="43">
				<verse number="1">မိူဝ်ႈ​ဢၼ်​ ယေႇရမီႉ ​ဢဝ်​ၵႂၢမ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၶဝ်​ၵႃႈ​မီး​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၶဝ်​ဢဝ်​မၼ်း သင်ႇ​လၢတ်ႈ​ဝႆႉ တီႈ​ၶဝ်​ဢၼ်​ဝႃႈ ၵႂၢမ်း​ၵႃႈ​မီး​ၸိူဝ်း​ၼၼ်ႉ ၶိုၼ်း​မွၵ်ႇ​လၢတ်ႈ​တီႈ​ၵူၼ်း တင်း​သဵင်ႈ​တင်း​လူင်​ၼၼ်ႉ​ၸိုင်၊-</verse>
				<verse number="2">ဢႃႇၸရီႉ ​လုၵ်ႈ​ၸၢႆး​ ႁေႃးသေႇ၊ ယေႃးႁၼၼ်ႇ လုၵ်ႈ​ၸၢႆး​ ၵႃႇရႃႇ ဢိၵ်ႇ​တင်း​ၶဝ်​ၸိူဝ်း​ဢၼ် မႃႇၼႃႉ​ပူၵ်း​ပႅၼ် တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​လၢတ်ႈ​တီႈ​ ယေႇရမီႉ ​လႄႈ​ဝႃႈ၊ မႂ်း​ၼႆႉ​လၢတ်ႈ​ၵႂၢမ်း​မူႉ​သႃႇ​ဢေႃႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ဢမ်ႇ​ဢဝ်​မႂ်း​သင်ႇ​လၢတ်ႈ​ဝႆႉ တီႈ​ႁဝ်း​လႄႈ​ဝႃႈ၊ သူ​ဢမ်ႇ​လႆႈ​ၵႂႃႇ ၵႃႈ​တီႈ​မိူင်း​ ဢေႇၵိပ်ႉတူႉ ႁႂ်ႈ​လႆႈ​သွၼ်ႈ​ပိုင်ႈ​ယူႇ​ၵႃႈ​တီႈ​ၼၼ်ႈ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="3">ပႃႇရုၵ်ႉ လုၵ်ႈ​ၸၢႆး​ ၼေႇရီႉ ​ၼၼ်ႉ တိုၵ်း​ယူင်း​ၸူဝ်း​ဢဝ်​မႂ်း ယူႇ​ၽၢႆႇ​ၼိုင်ႈ တင်း​ႁဝ်း ႁႂ်ႈ​မႂ်း​လႆႈ​ဢဝ်​ႁဝ်း​ဢၢပ်ႈ​ပၼ် ၵႃႈ​ၼႂ်း​မိုဝ်း​ၵူၼ်း​ ၶႃႇလတေး ​တင်း​လၢႆ ႁႂ်ႈ​ၶဝ်​ဢဝ်​ႁဝ်း​တၢႆ​လႄႈ သိမ်း​ဢဝ်​ႁဝ်း​ၵႂႃႇ ၵႃႈ​တီႈ​မိူင်း​ ပႃႇပူႉလုၼ်ႇ ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">ယေႃးႁၼၼ်ႇ လုၵ်ႈ​ၸၢႆး​ ၵႃႇရႃႇ ဢိၵ်ႇ​တင်း တပ်ႉ​မူး​ၵႃႈ​မီး​တင်း​ၵူၼ်း တင်း​သဵင်ႈ​တင်း​လူင်​ၼၼ်ႉ ယင်း​ဢမ်ႇ​ထွမ်ႇ​ဢမ်ႇ​ဢဝ်​ဢမိင်ႉ ထႃႇဝရႃႉ​ၽြႃး လူၺ်ႈ​လွင်ႈ​ဢၼ် ၶဝ်​တၵ်း​လႆႈ​ယူႇ​ၵႃႈ​ၼႂ်း​မိူင်း​ ယူႉတႃႉ ​ၼၼ်ႉ​လႄႈ ယူႇ​ဢေႃႈ။-</verse>
				<verse number="5">ယေႃးႁၼၼ်ႇ ဢိၵ်ႇ​တင်း တပ်ႉ​မူး​ၵႃႈ​မီး​ၸိူဝ်း​ၼၼ်ႉ ဢွၼ်​ၵၼ်​ဢဝ်​ၵူၼ်း​မဵဝ်း​ ယူႉတႃႉ ဢၼ်​ၵိုတ်း​ဢၼ်​ၵျၢၼ်ႇ​လႄႈ လုၵ်ႉ​သေ ၵႃႈ​တီႈ​မိူင်း​ဢၼ်​ၶဝ်​လႆႈ​ၶၢမ်ႇ တၢင်း​ဢၼ်​ႁေႃႈ​ဢွၵ်ႇ​ၸူး ၵူႈ​သိုင်ႇ​ၵူႈ​မိူင်း ၶိုၼ်း​မႃး​ႁႂ်ႈ​လႆႈ​သွၼ်ႈ​ပိုင်ႈ​ယူႇ ၵႃႈ​ၼႂ်း​မိူင်း​ ယူႉတႃႉ ၊-</verse>
				<verse number="6">ဢၼ်​ဝႃႈ၊ ၵူၼ်း​ၸၢႆး၊ ၵူၼ်း​ယိင်း၊ လုၵ်ႈ​ဢွၼ်ႇ လုၵ်ႈ​ယိင်း​ၶုၼ်​ႁေႃ​ၶမ်း​တင်း​လၢႆ ဢိၵ်ႇ​တင်း​ၶဝ်​ၵႃႈ​ဢၼ်​ၵူဝ်ႇ​ရမ်ႇ​တေႃႇ​မူး ၼေႇပူႉၸႃႇရႃႇတၢၼ်ႇ ဢဝ်​ဢၢပ်ႈ​ပၼ်​ဝႆႉ တီႈ​ ၵေႇတလီႉ လုၵ်ႈ​ၸၢႆး​ ဢႁီႉၵမ်ႇ ဢၼ်​ပဵၼ်​လုၵ်ႈ​ၸၢႆး​ သႃႇၽၢၼ်ႇ ​ၼၼ်ႉ တင်း​ပရေႃးၽႅတ်ႈ ယေႇရမီႉ တင်း​ ပႃႇရုၵ်ႉ လုၵ်ႈ​ၸၢႆး​ ၼေႇရီႉ ​ၸိူဝ်း​ၼၼ်ႉ သေ​လႄႈ၊-</verse>
				<verse number="7">ယင်း​ဢမ်ႇ​ထွမ်ႇ ဢမ်ႇ​ဢဝ်​ဢမိင်ႉ ထႃႇဝရႃႉ​ၽြႃး​လႄႈ ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ႁွတ်ႈ​ထိုင် ၵႃႈ​တီႈ​ဝဵင်း​ တႃႇပၼိတ်ႉ ​ဢေႃႈ။-</verse>
				<verse number="8">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ယေႇရမီႉ ၵႃႈ​ၼႂ်း​ဝဵင်း​ တႃႇပၼိတ်ႉ ​ၼၼ်ႉ လႄႈ​ဝႃႈ​ၸမ်ႉ၊-</verse>
				<verse number="9">မႂ်း​ဢဝ်​မိုဝ်း​မႂ်း​ယိပ်း​ဢဝ် မၢၵ်ႇ​ႁိၼ်​ဢၼ်​ယႂ်ႇ​ဢၼ်​လူင် တင်း​လၢႆ​လႄႈ​ၽင်​ဝႆႉ ၵႃႈ​ၼႂ်း​ဢၢင်းၵတေႇ ၵႃႈ​တီႈ​တဝ်ႈ​ဢုတ်ႇ ဢၼ်​မီး ၵႃႈ​ႁိမ်း​တီႈ​ဢၼ် ၶဝ်ႈ​ၸူး​ႁိူၼ်း ၶုၼ်​ႁေႃ​ၶမ်း​ ၽႃႇရေႃး ၵႃႈ​ၼႂ်း​ဝဵင်း​ တႃႇပၼိတ်ႉ ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵူၼ်း​ ယူႉတႃႉ ​တင်း​လၢႆ​တႃႉ။-</verse>
				<verse number="10">တီႈ​ၶဝ်​ၼၼ်ႉ​ၵေႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ပွႆႇ​ၸႂ်ႉ​လႄႈ ဢဝ်​ၶႃႈ​ၵဝ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​မႃး​လႄႈ၊ မၼ်း​တၵ်း ဢဝ်​ရႃႇၸႃႉ​ပလၢင်ႇ​မၼ်း တမ်း​ဝႆႉ​ၵႃႈ​တီႈ ၼိူဝ်​မၢၵ်ႇ​ႁိၼ် ဢၼ်​ၵဝ်​ၽင်​ဝႆႉ​ၸိူဝ်း​ၼႆႉ​ဢေႃႈ။ မၼ်း​တၵ်း​ပိုတ်ႇ​ၵီႈ သုမ်ႉ​ထဵင်​မၼ်း ၵႃႈ​ၼိူဝ်​မၢၵ်ႇ​ႁိၼ်​ၸိူဝ်း​ၼႆႉ​ဢေႃႈ။-</verse>
				<verse number="11">မၼ်း​တၵ်း​ႁွတ်ႈ​မႃး​လႄႈ ပၼ်​တၢမ်ႇ​တီႈ​မိူင်း​ ဢေႇၵိပ်ႉတူႉ ​လႄႈ၊ ၶဝ်​ၸိူဝ်း​ဢၼ် ထုၵ်ႇ​လႆႈ​ၶၢမ်ႇ​တၢင်း​တၢႆ​ၼၼ်ႉ တၵ်း​လႆႈ ၶၢမ်ႇ​တၢင်း​ဢၼ် ဢဝ်​ဢၢပ်ႈ​ပၼ် တီႈ​တၢင်း​ဢၼ်​ၶၢမ်ႇ​တၢႆ၊ ၶဝ်​ၸိူဝ်း​ဢၼ်​ထုၵ်ႇ​လီ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ဢဝ်​ဢၢပ်ႈ​ပၼ် တီႈ​တၢင်း​ဢၼ်​သိမ်း​ဢဝ်​ၵႂႃႇ၊ ၶဝ်​ၸိူဝ်း​ဢၼ်​ထုၵ်ႇ​လီ​ၶၢမ်ႇ​တၢင်း​ဢၼ် ၶႃႈ​ၽၼ်း​ပႅတ်ႈ လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ တၵ်း​လႆႈ ၶၢမ်ႇ​တၢင်း​ဢၼ် ဢဝ်​ဢၢပ်ႈ​ပၼ်​တီႈ​တၢင်း​ဢၼ် ၶႃႈ​ၽၼ်း​ပႅတ်ႈ​လူၺ်ႈ​လၢပ်ႇ​လူၺ်ႈ​လႅဝ်း ၼၼ်ႉ​ဢေႃႈ။-</verse>
				<verse number="12">ၵဝ်​တၵ်း ဢဝ်​ၽႆး​တုတ်ႇ​ႁိူၼ်း​ၽြႃး ဢေႇၵိပ်ႉတူႉ ​တင်း​လၢႆ​လႄႈ မၼ်း​တၵ်း​ဢဝ် ၽႆး​မႆႈ​ႁိူၼ်း​ၽြႃး ၸိူဝ်း​ၼၼ်ႉ သုတ်း​ပႅတ်ႈ​လႄႈ သိမ်း​ဢဝ်​ၶဝ်​ၵႂႃႇ​ၶျုၵ်ႈ​ဝႆႉ​ဢေႃႈ။ မၼ်း​တၵ်း​ဢဝ်​မိူင်း​ ဢေႇၵိပ်ႉတူႉ ​ၼုင်ႈ​မႆ မိူၼ်​ၸိူဝ်ႉ​ၼင်ႇ​ဢၼ်​ၵူၼ်း ဢၼ်​လဵင်ႉ​သူဝ်း​ထိင်း​သူဝ်း ၼုင်ႈ​ၶူဝ်း​ၼုင်ႈ​မၼ်း​ၼၼ်ႉ​လႄႈ ဢွၵ်ႇ​သေ​ၵႃႈ​တီႈ​ၼၼ်ႈ​ၵႂႃႇ ၼိမ်​ၼိမ်​လီ​လီ​ဢေႃႈ။-</verse>
				<verse number="13">မၼ်း​တၵ်း​ယႃႉ​ႁၵ်း​ႁဵၵ်း​သဝ်​မၢၵ်ႇ​ႁိၼ် ဢၼ်​မီး​ၵႃႈ​တီႈ ပိၵ်ႈ​မၢၼ်ႇ​ၵၢင်​ဝၼ်း ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ ၸိူဝ်း​ၼၼ်ႉ​ပႅတ်ႈ​လႄႈ ဢဝ်​ၽႆး​တုတ်ႇ​ႁိူၼ်း ၽြႃး​ ဢေႇၵိပ်ႉတူႉ ​တင်း​လၢႆ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="44">
				<verse number="1">ၼုၵ်ႈၵပၢတ်ႈ​ၸဝ်ႈ​ဢၼ် ဢဝ်​လွင်ႈ​ၵူၼ်း​ ယူႉတႃႉ ၵႃႈ​ဢၼ်​ယူႇ​ၵႃႈ​ၼႂ်း မိူင်း​ ဢေႇၵိပ်ႉတူႉ ၊ ၵႃႈ​တီႈ​ဝဵင်း​ မီႉၵတေႃးလႃႉ ၊ ဝဵင်း​ တႃႇပၼိတ်ႉ ၊ ဝဵင်း​ ၼေႃႇၽႃႉ ဢိၵ်ႇ​တင်း​ၵႃႈ​ၼႂ်း​မိူင်း​ ပႃႇသရူႉ ​ၸိူဝ်း​ၼၼ်ႉ​လႄႈ ႁွတ်ႈ​မႃး​တီႈ​ ယေႇရမီႉ ​ၼၼ်ႉ​ၸမ်ႉ၊-</verse>
				<verse number="2">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​လႄႈ​ဝႃႈ၊ သူ​ဢွၼ်​ၵၼ်​ႁၼ် ၽေး​တၢမ်ႇ​ၵႃႈ​ဢၼ်​ၵဝ် ႁႂ်ႈ​ႁွတ်ႈ​ထိုင်​ၵႃႈ​ၼိူဝ်​ဝဵင်း​ ယေႇရူႉသလႅမ်ႇ ဢိၵ်ႇ​တင်း ဝၢၼ်ႈ​ဝဵင်း​ ယူႉတႃႉ တင်း​သဵင်ႈ​တင်း​လူင် ၼၼ်ႉ​ယဝ်ႉ​ယဝ်ႉ။ တူၺ်း​လူး၊ ဝၼ်း​မိူဝ်ႈ​ၼႆႉ ဝၢၼ်ႈ​ဝဵင်း​ၸိူဝ်း​ၼၼ်ႉ ပဵၼ်​တီႈ​ဢၼ်​ပဝ်ႇ​ဢၼ်​လၢပ်ႈ​ၵႂႃႇ​လႄႈ ဢမ်ႇ​မီး​ၵေႃႉ​ဢၼ်​ယူႇ​ဢၼ်​သဝ်း။-</verse>
				<verse number="3">ၵွပ်ႈ​ပိူဝ်ႈ တူႉ​ၸရိူၵ်ႈ​ဢၼ်​ၶဝ် မိူဝ်ႈ​ဢွၼ်​တၢင်း​ၼၼ်ႉ ဢွၼ်​ၵၼ်​ႁဵတ်း​ႁႂ်ႈ​လႆႈ​တိုၵ်းယူင်း တၢင်း​ၸႂ်​မႆႈ​ၶႆႈ​ၸႃႉ​ၵဝ်​ၼႂ်း​လွင်ႈ​ဢၼ် ၶဝ်​ၵႂႃႇ​ဢဝ် ၼၢမ်ႇ​သႃႇ​တုတ်ႇ​ၽႆး​လႄႈ ႁဵတ်း​ဝၢတ်ႈ​တီႈ​ၽြႃး တၢင်ႇ​သူႇ​တၢင်ႇ​ပႃး ဢၼ်​ၶဝ်​ဢမ်ႇ​ႁူႉ၊ ဢၼ်​သူ ဢိၵ်ႇ​တင်း ပူႇ​သူ​မွၼ်ႇ​သူ ဢမ်ႇ​ႁူႉ​ၼၼ်ႉ​ဢေႃႈ။-</verse>
				<verse number="4">ပိၵ်ႉ​သမ်ႉ​ၵဝ်​လုၵ်ႉ​ၸဝ်ႉ​ၸဝ်ႉ​လႄႈ ပွႆႇ​ၸႂ်ႉ​ၶႃႈ​ၵဝ်​ပရေႃးၽႅတ်ႈ တင်း​သဵင်ႈ​တင်း​လူင် ၸူး​တီႈ​သူ ၶိူဝ်း​ၶိူဝ်း​ယႂ်း​ယႂ်း​ယူႇ​သေ​လႄႈ လၢတ်ႈ​လႄႈ​ဝႃႈ၊ ယႃႇ​ပေ​ႁဵတ်း လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ဢၼ်​ၵဝ်​ၸင်း​ၼႆႉ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="5">ၶဝ်​ၼၼ်ႉ ယင်း​ဢမ်ႇ​ထွမ်ႇ​ဢမ်ႇ​ဢဝ်၊ ယင်း​ဢမ်ႇ​ဝၢႆႇ​ႁူ​ႁေႈ​ႁူ​ၸူး ႁႂ်ႈ​လႆႈ​ဝႄႈ​ပႅတ်ႈ​တူႉ​ၸရိူၵ်ႈ​ဢပႅတ်ႈ​ၶဝ်​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ​ၽြႃး တၢင်ႇ​သူႇ​တၢင်ႇ​ပႃး​ၼၼ်ႉ​လႄႈ ယူႇ​ဢေႃႈ။-</verse>
				<verse number="6">ပိူဝ်ႈ​ဢၼ် ပဵၼ်​ၼင်ႇ​ၼၼ်​လႄႈ တၢင်း​ၶႆႈ​ၸႃႉ​ၶႆႈ​ၸဵတ်ႉ​ၵဝ် ဢိၵ်ႇ​တင်း​ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၵဝ်​လႆႈ​မီး တၢင်း​ဢၼ်​သွၼ်း​လေႃႇ​လႄႈ ဢဝ်​ၽႆး​တုတ်ႇ​ၵႃႈ​ၼႂ်း​ဝၢၼ်ႈ​ဝဵင်း​ ယူႉတႃႉ ​တင်း​လၢႆ ဢိၵ်ႇ​တင်း ၵႃႈ​ၼႂ်း​သဵၼ်ႈ​တၢင်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ​လႆႈ​ပဵၼ် တီႈ​ဢၼ်​ၽဵဝ်ႈ​ပႅတ်ႈ​လႄႈ ပဝ်ႇ​လၢပ်ႈ​ဝႆႉ ၸိူဝ်ႉ​ၼင်ႇ​ဢၼ်​ပဵၼ် ဝၼ်း​မိူဝ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="7">မိူဝ်ႈ​လဵဝ်​ၼႆႉ​ၸိုင် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ပူဝ်ႇ​ပႃႇ​ၵၢင်​ႁၢဝ် ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ႁဵတ်း​တူႉ​ၸရိူၵ်ႈ​ဢၼ်​ယႂ်ႇ​ၼႃႇ ယူႇ​ၽၢႆႇ​ၼိုင်ႈ တင်း​ၸႂ်​ဝီႉၺိၺ်ႇ​သူ ႁႂ်ႈ​လႆႈ​ပႄႇ​တႅပ်း​ပႅတ်ႈ​ၵူၼ်း​ၸၢႆး၊ ၵူၼ်း​ယိင်း၊ လုၵ်ႈ​ဢွၼ်ႇ၊ ၵေႃႉ​ဢၼ်​ၵိၼ်​ၼူမ်း​တင်း​လၢႆ​သေ​ၵႃႈ​တီႈ မိူင်း​ ယူႉတႃႉ ​ထၼ်ႈ​ပေႃး ဢမ်ႇ​ၵိုတ်း​ဢမ်ႇ​ၵျၢၼ်ႇ သေ​ၵေႃႉ​သေ​ၵူၼ်း၊-</verse>
				<verse number="8">ၼႂ်း​လွင်ႈ​ဢၼ်​သူ ဢဝ်​လွင်ႈ​တၢင်း ဢၼ်​မိုဝ်း​သူ​ႁဵတ်း​ယူႇ​ၼၼ်ႉ​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ ၽြႃး တၢင်ႇ​သူႇ​တၢင်ႇ​ပႃး​တင်း​လၢႆ ၵႃႈ​ၼႂ်း​မိူင်း​ ဢေႇၵိပ်ႉတူႉ တီႈ​ဢၼ်​သူ​ၵႂႃႇ ႁႂ်ႈ​လႆႈ​သွၼ်ႈ​ပိုင်ႈ​ယူႇ​ၼၼ်ႉ၊ သူ​လႆႈ​ၶၢမ်ႇ​တၢင်း​ဢၼ်​ပႄႇ​တႅပ်း​ပႅတ်ႈ ဢိၵ်ႇ​တင်း​ႁႂ်ႈ​သူ​လႆႈ​ပဵၼ် တီႈ​ဢၼ်​သႄႉ​သွမ်း တီႈ​ဢၼ်​ၵိၼ်ႇ​လႃႇ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၵႃႈ​ၼိူဝ်​လိၼ်​မိူင်း​ၼၼ်ႉ​သေ​လႄႈ တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​ၵဝ်​ၼၼ်ႉ​ၼင်ႇ​ႁိုဝ်။-</verse>
				<verse number="9">သူ​လူင်​လိုမ်း​တူႉ​ၸရိူၵ်ႈ​ပူႇ​သူ​မွၼ်ႇ​သူ၊ တူႉ​ၸရိူၵ်ႈ​ၶုၼ်​ႁေႃ​ၶမ်း​ ယူႉတႃႉ ​တင်း​လၢႆ၊ တူႉ​ၸရိူၵ်ႈ​ၼၢင်း​ႁေႃ​ၶမ်း​တင်း​လၢႆ၊ တူႉ​ၸရိူၵ်ႈ​တူဝ်​သူ၊ တူႉ​ၸရိူၵ်ႈ​မေး​သူ​ဢၼ် ၶဝ်​ႁဵတ်း​ၵႃႈ​ၼႂ်း​မိူင်း​ ယူႉတႃႉ ဢိၵ်ႇ​တင်း ၵႃႈ​ၼႂ်း​သဵၼ်ႈ​တၢင်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ယဝ်ႉ​ႁိုဝ်။-</verse>
				<verse number="10">ၶဝ်​ၼၼ်ႉ​ဢမ်ႇ​မီး​ၸႂ် ဢၼ်​ၶျႃး​တႅမ်ႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ။ ဢမ်ႇ​မီး​ၸႂ်​ဢၼ်​ၵူဝ်​ဢၼ်​ႁႄ၊ ဢမ်ႇ​ၸွမ်း​သဵၼ်ႈ​တၢင်း​တြႃး​ၵဝ်။ ဢမ်ႇ​ပႂ်ႉ​ၵမ်​ပႂ်ႉ​ၵျၢင်ႉ ပိင်း​ၺၢပ်ႈ​ၵဝ်​တင်း​လၢႆ ဢၼ်​ၵဝ်​ဝႆႉ​ၵႃႈ​တီႈ​ၽၢႆႇ​ၼႃႈ​သူ ဢိၵ်ႇ​တင်း ပူႇ​သူ​မွၼ်ႇ​သူ​ၸိူဝ်း​ၼၼ်ႉ​လႄႈ​ယူႇ​ဢေႃႈ။-</verse>
				<verse number="11">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ တူၺ်း​လူး၊ ၵဝ်​တၵ်း​ဝၢႆႇ​ၼႃႈ​ပႅတ်ႈ​သူ ပုၼ်ႈ​ဢၼ်​တၵ်း​ပဵၼ်​ဢၼ် ဢမ်ႇ​လီ​ဢမ်ႇ​ငၢမ်း​တီႈ​သူ​လႄႈ ပႄႇ​တႅပ်း​ၵူၼ်း​မဵဝ်း​ ယူႉတႃႉ တင်း​သဵင်ႈ​တင်း​လူင် ပႅတ်ႈ​ဢေႃႈ။-</verse>
				<verse number="12">ၵဝ်​တၵ်း​ဢဝ်​ၵူၼ်း​မဵဝ်း​ ယူႉတႃႉ ဢၼ်​ၵိုတ်း​ဢၼ်​ၵျၢၼ်ႇ ဢၼ်​ဝၢႆႇ​ၼႃႈ​ၵႂႃႇ​ၸူး ၵႃႈ​တီႈ​မိူင်း​ ဢေႇၵိပ်ႉတူႉ ႁႂ်ႈ​လႆႈ သွၼ်ႈ​ပိုင်ႈ​ၵႃႈ​တီႈ​ၼၼ်ႈ​လႄႈ ၶဝ်​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​သုမ်း​ၸွမ်း​လႄႈ​လူမ်ႉ​တူၵ်း ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ တၵ်း​လႆႈ​သုမ်း​ၸွမ်း​လူၺ်ႈ ၽေး​လၢပ်ႇ​ၽေး​လႅဝ်း ဢိၵ်ႇ​တင်း ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ​ဢေႃႈ။ ၶဝ်​ၸႃႉ​ၸဵမ် ၵေႃႉ​ဢၼ်​လဵၵ်ႉ​သေ​ပိူၼ်ႈ တေႃႇ​ထိုင်​ၵေႃႉ​ဢၼ် ယႂ်ႇ​သေ​ပိူၼ်ႈ​ၼၼ်ႉ တၵ်း​လႆႈ​တၢႆ​လူၺ်ႈ ၽေး​လၢပ်ႇ​ၽေး​လႅဝ်း ဢိၵ်ႇ​တင်း ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ လႄႈ ဢွၼ်​ၵၼ်​ပဵၼ်​တီႈ​ဢၼ်​လႃႇ ဢၼ်​လင်၊ တီႈ​ဢၼ်​လီ​ဢၢမ်း၊ တီႈ​ဢၼ်​ၵိၼ်ႇ​လႃႇ၊ တီႈ​ဢၼ်​သႄႉ​သွမ်း​ဢေႃႈ။-</verse>
				<verse number="13">ၵဝ်​တၵ်း​ပၼ်​တၢမ်ႇ​တီႈ​ၶဝ်​ၸိူဝ်း​ဢၼ် ယူႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၵဝ်​ဢဝ်​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း ပၼ်​တၢမ်ႇ​တီႈ​ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ၊-</verse>
				<verse number="14">ထၼ်ႈ​ပေႃး ၵူၼ်း​မဵဝ်း​ ယူႉတႃႉ ဢၼ်​ၵိုတ်း​ဢၼ်​ၵျၢၼ်ႇ ဢၼ်​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ႁႂ်ႈ​လႆႈ​သွၼ်ႈ​ပိုင်ႈ​ယူႇ ၵႃႈ​တီႈ​ၼၼ်ႈ​ၸိူဝ်း​ၼၼ်ႉ ဢမ်ႇ​လႆႈ​လွတ်ႈ​ၽေး​လွတ်ႈ​ရၢၼ်ႇ၊ ဢမ်ႇ​လႆႈ​ၵိုတ်း​ဝႆႉ​ၵျၢၼ်ႇ​ဝႆႉ သေ​ၵေႃႉ​သေ​ၵူၼ်း ႁႂ်ႈ​လႆႈ​ၶိုၼ်း​မိူဝ်း​ၵႃႈ​တီႈ​မိူင်း​ ယူႉတႃႉ ​တီႈ​ဢၼ်​ၶဝ် မီး​ဢလူဝ်ႇ ၶႂ်ႈ​ၶိုၼ်း​မိူဝ်း​ႁႂ်ႈ​လႆႈ​ယူႇ ၵႃႈ​တီႈ​ၼၼ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ် ၵၢင်း​လွတ်ႈ​တင်း​ၽေး​ၼၼ်ႉ​ၵူၺ်း တၵ်း​လႆႈ​ဢွၼ်​ၵၼ်​ၶိုၼ်း​မိူဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မိူဝ်ႈ​ၼၼ်ႉ ၵူၼ်း​ၸၢႆး​ၸိူဝ်း​ဢၼ်​ႁူႉ လွင်ႈ​ဢၼ်​မေး​ၶဝ် ဢဝ်​တင်း​ၼၢမ်ႇ​သႃႇ​တုတ်ႇ​ၽႆး တီႈ​ၽြႃး​တၢင်ႇ​သူႇ​တၢင်ႇ​ပႃး၊ မႄႈ​ယိင်း​ၵႃႈ​ဢၼ်​ၸုၵ်း​ယူႇ ၵႃႈ​တီႈ​ႁိမ်း​ႁွမ်း​ၼၼ်ႉ၊ မုၵ်ႉ​ၸိူဝ်း​ဢၼ်​ယႂ်ႇ​ၼႃႇ​ဢၼ်​ဝႃႈ ၶဝ်​ၸိူဝ်း​ဢၼ်​ယူႇ ၵႃႈ​တီႈ​ ပႃႇသရူႉ ​မိူင်း​ ဢေႇၵိပ်ႉတူႉ တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ၶိုၼ်း​လၢတ်ႈ​တီႈ​ ယေႇရမီႉ ​လႄႈ​ဝႃႈ​ၸမ်ႉ၊-</verse>
				<verse number="16">ၵႂၢမ်း​ဢၼ်​မႂ်း ဢိင်​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး သေ​လႄႈ ႁေႃး​လၢတ်ႈ​တီႈ​ႁဝ်း​ၼၼ်ႉ​ၸိုင် ႁဝ်း​ဢမ်ႇ​ထွမ်ႇ​ဢမ်ႇ​ဢဝ်။-</verse>
				<verse number="17">ႁဝ်း​တၵ်း​ႁဵတ်း​ၸွမ်း ၵႃႈ​ၼင်ႇ​ဢၼ်​ဢွၵ်ႇ​သူပ်း ဢွၵ်ႇ​ပၢၵ်ႇ​ႁဝ်း​ၼၼ်ႉ ႁႂ်ႈ​လႆႈ​ဢဝ်​ၼၢမ်ႇ​သႃႇ​တုတ်ႇ​ၽႆး တီႈ​ၼၢင်း​ႁေႃ​ၶမ်း​ၵၢင်​ႁၢဝ်​လႄႈ ႁဵတ်း​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​တီႈ​မၼ်း​ၼၢင်း မိူၼ်​ၸိူဝ်ႉ​ၼင်ႇ​ဢၼ်​ႁဝ်း ဢိၵ်ႇ​တင်း​ပူႇ​ႁဝ်း​မွၼ်ႇ​ႁဝ်း၊ ၶုၼ်​ႁေႃ​ၶမ်း​ႁဝ်း၊ မူး​မၢတ်ႈ​ၽွင်း​မိူင်း​ႁဝ်း​တင်း​လၢႆ ယၢမ်ႈ​ႁဵတ်း​ၵႃႈ​ၼႂ်း​ဝၢၼ်ႈ ၼႂ်း​ဝဵင်း​ ယူႉတႃႉ ဢိၵ်ႇ​တင်း ၵႃႈ​ၼႂ်း​သဵၼ်ႈ​တၢင်း ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။ မိူဝ်ႈ​ဢွၼ်​တၢင်း​ၼၼ်ႉ ႁဝ်း​လႆႈ​ဢွၼ်​ၵၼ် ၵိၼ်​ၶဝ်ႈ​မုၼ်း ဢိမ်ႇ​ဢိမ်ႇ​တဵမ်​တဵမ်​ဢေႃႈ။ ႁဝ်း​လႆႈ​ဢွၼ်​ၵၼ်​ၵၢင်း​လွတ်ႈ တင်း​ၽေး​လႄႈ ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="18">မိူဝ်ႈ​ဢၼ် ႁဝ်း​ယင်း​ဢမ်ႇ​ဢဝ်​ၼၢမ်ႇ​သႃႇ​တုတ်ႇ​ၽႆး တီႈ​ၼၢင်း​ႁေႃ​ၶမ်း​ၵၢင်​ႁၢဝ်​လႄႈ ဢမ်ႇ​ႁဵတ်း​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​တီႈ​မၼ်း​ၼၢင်း​လႄႈ ယူႇ​ၼၼ်ႉ​ၸိုင်၊ ႁဝ်း​လႆႈ​ႁွတ်ႈ​ထိုင်​တၢင်း​ဢၼ်​ယၢၵ်ႈ​ဢၼ်​ၽၢၼ် ၵူႈ​ၸိူဝ်ႉ​ၵူႈ​ပိူင် ၼႃႇ​လူင်​လၢင်​လႄႈ လူႉ​လႅဝ်​လူၺ်ႈ​ၽေး​လၢပ်ႇ​ၽေး​လႅဝ်း ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ​ယဝ်ႉ။-</verse>
				<verse number="19">မိူဝ်ႈ​ဢၼ် ႁဝ်း​ယင်း​တိုၵ်ႉ​ဢဝ်​ၼၢမ်ႇ​သႃႇ​တုတ်ႇ​ၽႆး တီႈ​ၼၢင်း​ႁေႃ​ၶမ်း​ၵၢင်​ႁၢဝ်​လႄႈ ႁဵတ်း​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​တီႈ​မၼ်း​ၼၢင်း​ယူႇ​ၼၼ်ႉ​ၸိုင်၊ ၽူဝ်​ႁဝ်း​ယင်း​ဢမ်ႇ​ပႃး​လႄႈ ႁဝ်း​ႁဵတ်း​ၶဝ်ႈ​မုၼ်း​ၶႅပ်း ႁႂ်ႈ​လႆႈ​ၵူဝ်း​ၵႂၢႆႇ​မၼ်း​ၼၢင်း​လႄႈ ႁဵတ်း​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​တီႈ​မၼ်း​ၼၢင်း​ယူႇ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ယေႇရမီႉ ​ၶိုၼ်း​လၢတ်ႈ​တီႈ​ၵူၼ်း တင်း​သဵင်ႈ​တင်း​လူင် ၸဵမ်​ယိင်း​ၸဵမ်​ၸၢႆး ဢၼ်​ဝႃႈ​ၵူၼ်း​တင်း​သဵင်ႈ​တင်း​လူင် ဢၼ်​ၶိုၼ်း​လၢတ်ႈ​ၸိူဝ်ႉ​ၼင်ႇ​ၼၼ်​လႄႈ ဝႃႈ​ၼၼ်ႉ​ၸမ်ႉ၊-</verse>
				<verse number="21">ၼၢမ်ႇ​သႃႇ ဢၼ်​သူ ဢိၵ်ႇ​တင်း​ပူႇ​သူ​မွၼ်ႇ​သူ၊ ၶုၼ်​ႁေႃ​ၶမ်း​သူ၊ မူး​မၢတ်ႈ​ၽွင်း​မိူင်း​သူ၊ ၵူၼ်း​ဝၢၼ်ႈ​ၵူၼ်း​မိူင်း​သူ​ၸိူဝ်း​ၼၼ်ႉ ဢဝ်​တုတ်ႇ​ၽႆး​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ ယူႉတႃႉ ​တင်း​လၢႆ ဢိၵ်ႇ​တင်း​ၵႃႈ​ၼႂ်း​သဵၼ်ႈ​တၢင်း ဝဵင်း​ ယေႇရူႉသလႅမ်ႇ ​တင်း​လၢႆ​ၼၼ်ႉ​ၸိုင်၊ ထႃႇဝရႃႉ​ၽြႃး ယင်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း၊ ယင်း​ဢမ်ႇ​ဢဝ်​သႂ်ႇ​ၸႂ် သႂၢင်း​ၸႂ်​လႄႈ​ယူႇ​ႁိုဝ်။-</verse>
				<verse number="22">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ထႃႇဝရႃႉ​ၽြႃး ဢမ်ႇ​ယိူၼ်ႉ​ၶၢမ်ႇ​လႆႈ​ထႅင်ႈ ၵွပ်ႈ​ပိူဝ်ႈ​တူႉ​ၸရိူၵ်ႈ​ဢၼ်​သူ​ႁဵတ်း ဢိၵ်ႇ​တင်း ၵွပ်ႈ​ပိူဝ်ႈ​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​ဢၼ်​သူ​ၵမ်​ၵျၢင်ႉ​ၸိူဝ်း​ၼၼ်ႉ။ ပိူဝ်ႈ​ၼႆ​လႄႈ မိူင်း​သူ​ၼၼ်ႉ လႆႈ​ပဵၼ်​တီႈ​ဢၼ်​ပဝ်ႇ​ဢၼ်​လၢပ်ႈ၊ တီႈ​ဢၼ်​လီ​ဢၢမ်း၊ တီႈ​ဢၼ်​ၵိၼ်ႇ​လႃႇ ဢမ်ႇ​မီး​ၵေႃႉ​ဢၼ်​ယူႇ​ဢၼ်​သဝ်း ၸိူဝ်ႉ​ၼင်ႇ​ဢၼ် ပဵၼ်​ဝၼ်း​မိူဝ်ႈ​ၼႆႉ​ၼၼ်ႉ​ယဝ်ႉ​လူင်​ပႄႇ။-</verse>
				<verse number="23">ၵွပ်ႈ​ပိူဝ်ႈ​ဢၼ် သူ​ဢဝ်​ၼၢမ်ႇ​သႃႇ​တုတ်ႇ​ၽႆး​လႄႈ ၽိတ်း​ပိူင်ႈ ထႃႇဝရႃႉ​ၽြႃး ဢိၵ်ႇ​တင်း ၵွပ်ႈ​ပိူဝ်ႈ​ဢၼ်​သူ​ဢမ်ႇ​ထွမ်ႇ​ဢမ်ႇ​ဢဝ် သဵင်​ၵႂၢမ်း ထႃႇဝရႃႉ​ၽြႃး၊ ဢမ်ႇ​ၸွမ်း​ဢမ်ႇ​ၵႂႃႇ ၵႃႈ​ၼႂ်း​သဵၼ်ႈ​တၢင်း ပိင်း​ၺၢပ်ႈ​တြႃး​ၸဝ်ႈ ဢိၵ်ႇ​တင်း​ထုင်း​ၽိင်ႈ​တြႃး​ၸဝ်ႈ တင်း​တီႈ​ဢၼ်​ၶၢမ်ႇ​သၢၵ်ႈ​သေႇ ၸဝ်ႈ​ၼၼ်ႉ​လႄႈ၊ ၽေး​ၼႆႉ​ႁွတ်ႈ​ထိုင် တီႈ​သူ​ၸိူဝ်ႉ​ၼင်ႇ​ဢၼ်​ပဵၼ်​ယူႇ ဝၼ်း​မိူဝ်ႈ​ၼႆႉ​ၼၼ်ႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">လႆႈ​သမ်ႉ ယေႇရမီႉ ႁေႃး​လၢတ်ႈ​တီႈ​ၵူၼ်း တင်း​သဵင်ႈ​တင်း​လူင် ဢိၵ်ႇ​တင်း မႄႈ​ယိင်း​တင်း​သဵင်ႈ​တင်း​လူင်​လႄႈ​ဝႃႈ​ၸမ်ႉ၊ ၵူၼ်း​ ယူႉတႃႉ ​ၵႃႈ​ဢၼ်​မီး ၵႃႈ​ၼႂ်း​မိူင်း​ ဢေႇၵိပ်ႉတူႉ ​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး​တႃႉ။-</verse>
				<verse number="25">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ သူ​ဢိၵ်ႇ​တင်း​မေး​သူ တင်း​လၢႆ ဢဝ်​သူပ်း​သူ​လၢတ်ႈ​လႄႈ ဢဝ်​မိုဝ်း​သူ​ႁဵတ်း​ၸွမ်း​ၼၼ်ႉ​လႄႈ​ဝႃႈ၊ ႁဝ်း​တၵ်း​ႁဵတ်း​ၵတီႉ​သဵတ်ႈ​ၸႃႇ ၸွမ်း​ၵႃႈ​ၼင်ႇ​ဢၼ် ႁဝ်း​ဝႆႉ​ၵတီႉ သဵတ်ႈ​ၸႃႇ ဢၼ်​ဝႃႈ​ႁဝ်း​တၵ်း​ဢဝ်​ၼၢမ်ႇ​သႃႇ​တုတ်ႇ​ၽႆး တီႈ​ၼၢင်း​ႁေႃ​ၶမ်း​ၵၢင်​ႁၢဝ်​လႄႈ ႁဵတ်း​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​တီႈ​မၼ်း​ၼၢင်း ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵွပ်ႈ​ႁွႆး​ၼႆႉ​လႄႈ သူ​ဢွၼ်​ၵၼ်​ႁႂ်ႈ ၵတီႉ​သဵတ်ႈ​ၸႃႇ​သူ​ၼၼ်ႉ တႄႇ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ် သူ​ဝႆႉ​ၵတီႉ​သဵတ်ႈ​ၸႃႇ​ၼၼ်ႉ​တႃႉ။-</verse>
				<verse number="26">ပိူဝ်ႈ​ၼႆ​လႄႈ​ၵူၼ်း​ ယူႉတႃႉ ၵႃႈ​ဢၼ်​ယူႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ တင်း​သဵင်ႈ​တင်း​လူင် ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး​တႃႉ။ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ဢဝ်​မႁႃႇ​ၼႃႇ​မႃႉ ၸိုဝ်ႈ​သဵင်​ၵဝ် တိူင်ႇ​ဝႃႈ​ၵိၼ်ႇ​ဝႃႈ လူၺ်ႈ​လွင်ႈ​ဢၼ်​ၵူၼ်း​ ယူႉတႃႉ ဢၼ်​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵူႈ​တီႈ​ၵူႈ​လႅၼ်​ၸိူဝ်း​ၼၼ်ႉ တၵ်း​ဢမ်ႇ​လႆႈ​ဢဝ်​ၼႃႇ​မႃႉ ၸိုဝ်ႈ​သဵင်​ၵဝ် ဢွၵ်ႇ​သူပ်း​လႄႈ​ဝႃႈ၊ ၵႃႈ​ၼင်ႇ​ဢၼ်​ၸဝ်ႈ ထႃႇဝရႃႉ​ၽြႃး ဢသၢၵ်ႈ​လိပ်း​ယူႇ​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ သေ​ၵေႃႉ​သေ​ၵူၼ်း​ၼၼ်ႉ​ဢေႃႈ။-</verse>
				<verse number="27">ၵဝ်​ပႂ်ႉ​ၶဝ်​ယူႇ ႁႂ်ႈ​လႆႈ​ႁဵတ်း ဢၼ်​လီ​ဢၼ်​ငၢမ်း တီႈ​ၶဝ်​ဢမ်ႇ​ၸႂ်ႈ၊ ႁႂ်ႈ​လႆႈ​ႁဵတ်း ဢၼ်​ႁၢႆႉ​ဢၼ်​ၸႃႉ တီႈ​ၶဝ်​လႄႈ၊ ၵူၼ်း​ ယူႉတႃႉ ​ၵႃႈ​ဢၼ်​မီး ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၸိူဝ်း​ၼၼ်ႉ တၵ်း​ဢွၼ်​ၵၼ် သုမ်း​ၸွမ်း​လူၺ်ႈ ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ တေႃႇ​ထိုင်​ႁွတ်ႈ ၶဝ်​ထၼ်ႈ​ပေႃး​သုတ်း​ပေႃး​ဝၢႆး​ဢေႃႈ။-</verse>
				<verse number="28">ၼႂ်း​ဝႃႈ​ၼၼ်​သေ​ၵေႃႈ ၶဝ်​ၸိူဝ်း​ဢၼ် ၵၢင်း​လွတ်ႈ​တင်း​ၽေး​လၢပ်ႇ​ၽေး​လႅဝ်း​ၼၼ်ႉ တၵ်း​လုၵ်ႉ​သေ​ၵႃႈ​တီႈ​မိူင်း​ ဢေႇၵိပ်ႉတူႉ ၶိုၼ်း​မိူဝ်း​ၸူး​ၵႃႈ​တီႈ မိူင်း​ ယူႉတႃႉ ​လႄႈ ပဵၼ်​ဢၼ်​ၵေႇ​ၼႃႇ​လူင်​လၢင်​ဢေႃႈ။ ၵူၼ်း​ ယူႉတႃႉ ​ဢၼ်​ၵိုတ်း​ဢၼ်​ၵျၢၼ်ႇ ဢၼ်​ၵႂႃႇ​ၵႃႈ​တီႈ​မိူင်း ဢေႇၵိပ်ႉတူႉ ႁႂ်ႈ​လႆႈ​သွၼ်ႈ​ပိုင်ႈ​ယူႇ ၵႃႈ​တီႈ​ၼၼ်ႈ တင်း​သဵင်ႈ​တင်း​လူင်​ၼၼ်ႉ တၵ်း​ဢွၼ်​ၵၼ်​ႁူႉ​လွင်ႈ​ဢၼ် ၵႂၢမ်း​ၵဝ် တၵ်း​တႄႇ​ယူႇ​ႁိုဝ်။ ၵႂၢမ်း​ၶဝ်​တၵ်း​တႄႇ​ယူႇ​ႁိုဝ် ၼၼ်ႉ​ဢေႃႈ။-</verse>
				<verse number="29">လွင်ႈ​ဢၼ် ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ၼီႉမိၵ်ႈ​လၢၵ်ႈၶၼႃႇ ဢၼ်​ၵဝ်​ပၼ်​တီႈ​သူ​လူၺ်ႈ​လွင်ႈ ဢၼ်​ၵဝ်​တၵ်း​သင်ႇ​သွၼ်​သုင်း​မႃႉ​သူ ၵႃႈ​တီႈ​ၼႆႈ ႁႂ်ႈ​သူ​လႆႈ​ႁူႉ လွင်ႈ​ဢၼ်​ၵႂၢမ်း​ၵဝ် တၵ်း​တႄႇ​ယူႇ​ၽၢႆႇ​ၼိုင်ႈ တင်း​သူ ပုၼ်ႈ​ဢၼ်​တၵ်း​ႁဵတ်း ဢၼ်​ႁၢႆႉ​ဢၼ်​ၸႃႉ​တီႈ​သူ​ၼၼ်ႉ​ၸမ်ႉ၊-</verse>
				<verse number="30">ၵဝ်​တၵ်း​ဢဝ်​ ၽႃႇရေႃး ႁေႃးသၽႃႇ ၶုၼ်​ႁေႃ​ၶမ်း​ ဢေႇၵိပ်ႉတူႉ ဢၢပ်ႈ​ပၼ် ၵႃႈ​ၼႂ်း​မိုဝ်း​ရၢၼ်ႇ​သူႇ​မၼ်း ဢိၵ်ႇ​တင်း ၵႃႈ​ၼႂ်း​မိုဝ်း ၶဝ်​ၸိူဝ်း​ဢၼ်​ႁႃ​ဢသၢၵ်ႈ​မၼ်း​ယူႇ​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၵဝ်​ဢဝ် ၸေႇတၵီႉ ​ၶုၼ်​ႁေႃ​ၶမ်း​ ယူႉတႃႉ ဢၢပ်ႈ​ပၼ် ၵႃႈ​ၼႂ်း​မိုဝ်း​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ဢၼ်​ဝႃႈ ရၢၼ်ႇ​သူႇ ဢၼ်​ႁႃ​ဢဝ်​ဢသၢၵ်ႈ​မၼ်း​ၼၼ်ႉ ယူႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="45">
				<verse number="1">ၼုၵ်ႈၵပၢတ်ႈ​ၸဝ်ႈ ဢၼ်​ ယေႇရမီႉ ​လႆႈ​သင်ႇ​လၢတ်ႈ​ဝႆႉ တီႈ​ ပႃႇရုၵ်ႉ လုၵ်ႈ​ၸၢႆး​ ၼေႇရီႉ မိူဝ်ႈ​ဢၼ်​မၼ်း​ၼၼ်ႉ တႅမ်ႈ​ဢဝ်​ၵႂၢမ်း​ၸိူဝ်း​ၼႆႉ ၸွမ်း​ၵႃႈ​ၼင်ႇ​ဢၼ်​ ယေႇရမီႉ ​ဝႃႈ​ဢွၵ်ႇ​သူပ်း​ၼၼ်ႉ တႅမ်ႈ​ဝႆႉ​ၼႂ်း​ၸူဝ်ႈ​ပၢၼ်​ ယေႃးယၵိမ်း လုၵ်ႈ​ၸၢႆး​ ယူဝ်းသီႉယႃႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​ၸမ်ႉ၊-</verse>
				<verse number="2">ပႃႇရုၵ်ႉ ​ဢိူၺ်း၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ လူၺ်ႈ​လွင်ႈ​မႂ်း​ဝႆႉ​လႄႈ ဝႃႈ​ၸမ်ႉ၊-</verse>
				<verse number="3">မႂ်း​လၢတ်ႈ​လႄႈ​ဝႃႈ၊ ၵဝ်​ၼႆႉ​မီး​ဢႃႉ​မင်ႇၵလႃႇ​ဢေႃႈ၊ ထႃႇဝရႃႉ​ၽြႃး ဢဝ်​လွင်ႈ​တၢင်း​ဢၼ်​ၶီ​ၸႂ် ၶူမ်​ၸႂ်​ထၢပ်ႈ​သႂ်ႇ​ထႅင်ႈ ၵႃႈ​ၼိူဝ်​တၢင်း​ဢၼ်​မႆႈ​ၸႂ် ၵိၼ်း​ၸႂ်​ၵဝ်​လႄႈ ၵဝ်​လႆႈ​ပွင်ႉ​ၶၢင်း​ပွင်ႉ​မိူၼ်ႇ​ယူႇ​လႄႈ ႁိူဝ်ႉ​ၸႂ်​ဢူၼ်ႈ​ၸႂ်​ယူႇ​ဢေႃႈ။ ၵဝ်​ဢမ်ႇ​လႆႈ​မီး​တၢင်း​ဢၼ်​သၢၵ်ႈ​သႃႇ​လႃး​လႃး၊ ဝႃႈ​ၼင်ႇ​ၼႆ​လႄႈ၊-</verse>
				<verse number="4">မႂ်း​တၵ်း​လႆႈ သင်ႇ​လၢတ်ႈ​ဝႆႉ တီႈ​မၼ်း​ၼၼ်ႉ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ၵိူၼ်ႇ​ယႃႉ လွင်ႈ​တၢင်း​ဢၼ် ၵဝ်​တႄႇ​ႁဵတ်း​ၼၼ်ႉ​ပႅတ်ႈ​ဢေႃႈ။ ၵဝ်​တၵ်း ထွတ်ႇ​ထူၺ်ႈ​လွင်ႈ​တၢင်း​ဢၼ် ၵဝ်​ၽုၵ်ႇ​သွမ်ႈ​ဢၼ်​ဝႃႈ မိူင်း​ၼႆႉ​တင်း​မိူင်း​ပႅတ်ႈ​ဢေႃႈ။-</verse>
				<verse number="5">မႂ်း​ႁႃ​လွင်ႈ​တၢင်း​ဢၼ် ယႂ်ႇ​ၼႃႇ​ပုၼ်ႈ​မႂ်း​ႁိုဝ်။ ယႃႇ​ပေ​ႁႃ။ လွင်ႈ​မၼ်း​ၸမ်ႉ။ ၵဝ်​တၵ်း​ႁႂ်ႈ​ၽေး​ႁွတ်ႈ​ထိုင် ၵႃႈ​ၼိူဝ်​သတ်ႉတဝႃႇ​တင်း​သဵင်ႈ​တင်း​လူင်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​တၵ်း​ပၼ် ဢသၢၵ်ႈ​မႂ်ႇ​တီႈ​မႂ်း မိူၼ်​ၸိူဝ်ႉ​ၼင်ႇ​ဢုၵ်ႉ​ၸႃႇ ဢၼ်​ႁိမ်​ဢဝ်​လႆႈ​ၼၼ်ႉ ၼႂ်း​တီႈ​ၵႃႈ​ဢၼ် မႂ်း​ႁွတ်ႈ​ထိုင်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="46">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ဢဝ်​လွင်ႈ ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ​သေ​လႄႈ ႁွတ်ႈ​မႃး​တီႈ​ပရေႃးၽႅတ်ႈ​ ယေႇရမီႉ ဢၼ်​ဝႃႈ ၼုၵ်ႈၵပၢတ်ႈ​ၸဝ်ႈ၊-</verse>
				<verse number="2">ဢၼ်​ဢဝ်​လွင်ႈ ၵူၼ်း​ဝၢၼ်ႈ​ၵူၼ်း​မိူင်း​ ဢေႇၵိပ်ႉတူႉ ႁူဝ်​ႁၢၼ်​ၵူၼ်း​သိုၵ်း ၽႃႇရေႃး​ၼေႇၶေႃႇ ၶုၼ်​ႁေႃ​ၶမ်း​ ဢေႇၵိပ်ႉတူႉ ဢၼ်​ၶျႃး​တပ်ႉ ၵႃႈ​တီႈ​ႁိမ်း ၼမ်ႉ​ႁွင်ႈ​လူင်​ ဢူႉၽရတ်ႉ ၵႃႈ​တီႈ​ ၶႃႇၶေႇမိတ်ႉ ​လႄႈ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ တိုၵ်း​တေႃး​ယႃႉ​ပႅတ်ႈ ၼႂ်း​ၸူဝ်ႈ​ပၢၼ်​ ယေႃးယၵိမ်း လုၵ်ႈ​ၸၢႆး​ ယူဝ်းသီႉယႃႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​ၸမ်ႉ၊-</verse>
				<verse number="3">ဢွၼ်​ၵၼ်​မႄး​ႁႅၼ်း ၶိူင်ႈ​ႁႄႉ​လၢၵ်ႈ​ၼၢၵ်ႈ​လူင်၊ ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢွၼ်ႇ သေ​လႄႈ သုတ်ႉ​ၸပ်း​သုတ်ႉ​ၸူး ႁႂ်ႈ​လႆႈ​တိုၵ်း​သိုၵ်း​တႃႉ။-</verse>
				<verse number="4">ဢွၼ်​ၵၼ်​ႁၢင်ႈ​ၶိူင်ႈ​ၵၵ်ႉ​ၶိူင်ႈ​ဢၢၼ်​မႃႉ​သေ​လႄႈ ၶီႇ​သိုၵ်း​လႄႈ တိုဝ်း​မွၵ်ႇ​ႁူဝ်​လဵၵ်း​သူ ယူႇ​သေ​လႄႈ ဢွၼ်​ၵၼ်​ဢွၵ်ႇ​တႃႉ။ သူ​ၸိူဝ်း​ဢၼ်​ၶီႇ​မႃႉ​ၶဝ်​ဢိူၺ်း၊ ဢွၼ်​ၵၼ်​ပွတ်ႈ​သီ​ႁွၵ်ႇ​သူ သေ​လႄႈ ၼုင်ႈ​သိူဝ်ႈ​ၶႅပ်း​လဵၵ်း​တႃႉ။-</verse>
				<verse number="5">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​လႆႈ​ႁၼ်​ၼင်ႇ​ႁိုဝ်။ ၶဝ်​ၵူဝ်​ႁႄ​လႄႈ ဢွၼ်​ၵၼ်​သုတ်ႉ​ၶိုၼ်း​ၵႂႃႇ​ယဝ်ႉ။ ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼႃႇ တီႈ​ၶဝ်​ၼၼ်ႉ​တူၵ်း​သုမ်း​လႄႈ ဢွၼ်​ၵၼ်​ဢွၵ်ႇ​ပၢႆႈ​လႄႈ ဢမ်ႇ​ႁတ်း​ဝၢႆႇ​ၶိုၼ်း တူၺ်း​ၶိုၼ်း။ ၽေး​တၢင်း​ဢၼ်​လီ​ၵူဝ်​လီ​ႁႄ မီး​လဵပ်ႈ​ႁွပ်ႈ​ဝႆႉ​ယူႇ ၵူႈ​ၽၢႆႇ​ၵူႈ​ပႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="6">ၵေႃႉ​ဢၼ်​ၶၼ်​ၽႂ်း​ၼၼ်ႉ ဢမ်ႇ​လႆႈ​ၶုၼ်ႇ​လႆႈ​လႅၼ်ႈ။ ၵေႃႉ​ဢၼ်​ႁႅင်း​ယႂ်ႇ​ၼႃႇ ဢမ်ႇ​လႆႈ​ၵၢင်း​လႆႈ​လွတ်ႈ။ ၶဝ်​တၵ်း​ဢွၼ်​ၵၼ် တိူဝ်ႉ​မႅၼ်ႈ​ၵႃႈ​တီႈ​ၼႃႈ​တၢင်း​ႁွင်ႇ​ႁိမ်း​ႁွမ်း ၼမ်ႉ​ႁွင်ႈ​ ဢူႉၽရတ်ႉ ​ၼၼ်ႉ​လႄႈ လူမ်ႉ​ဢေႃႈ။-</verse>
				<verse number="7">ၵေႃႉ​ဢၼ် လုၵ်ႉ​ၶိုၼ်ႈ မိူၼ်​ၸိူဝ်ႉ​ၼင်ႇ​ဢၼ် ၼမ်ႉ​ႁွင်ႈ​ ၼီႉလႃႉ လုၵ်ႉ​ၶိုၼ်ႈ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​ဢၼ် ၼမ်ႉ​မႄႈ​တင်း​လၢႆ ဢၼ်​ၼမ်ႉ​မၼ်း​ပဵၼ်​ႁွၼ် ပဵၼ်​ႁႅၼ်​ယူႇ​ၼၼ်ႉ ၼႆႉ​ၸမ်ႉ၊ ပဵၼ်​ၽူႈ​လႂ်။-</verse>
				<verse number="8">မိူင်း​ ဢေႇၵိပ်ႉတူႉ လုၵ်ႉ​ၶိုၼ်ႈ​ယူႇ မိူၼ်​ၸိူဝ်ႉ​ၼင်ႇ​ဢၼ်​ၼမ်ႉ​ႁွင်ႈ​ ၼီႉလႃႉ လုၵ်ႉ​ၶိုၼ်ႈ​ၼၼ်ႉ​လႄႈ ၼမ်ႉ​မၼ်း ပဵၼ်​ႁွၼ်​ပဵၼ်​ႁႅၼ် မိူၼ်​ၸိူဝ်ႉ​ၼင်ႇ​ၼမ်ႉ​မႄႈ တင်း​လၢႆ​ၼၼ်ႉ​ယူႇ​သေ​လႄႈ လၢတ်ႈ​လႄႈ​ဝႃႈ၊ ၵဝ်​ၼႆႉ​တၵ်း​လုၵ်ႉ​ၶိုၼ်ႈ​လႄႈ ထူမ်ႈ​ႁူမ်ႇ​လိၼ်​မိူင်း​ဢေႃႈ။ ၵဝ်​တၵ်း ယႃႉ​ဝဵင်း​ဢိၵ်ႇ​လူၺ်ႈ​ၵၼ်​တင်း​ၵူၼ်း ဢၼ်​ယူႇ​ၵႃႈ​ၼႂ်း​ဝဵင်း ၸိူဝ်း​ၼၼ်ႉ ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မႃႉ​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ၶိုၼ်ႈ​တႃႉ။ လေႃႉ​ရထႃး​တင်း​လၢႆ​ၶဝ်​ဢိူၺ်း၊ ဢွၼ်​ၵၼ် မေႃး​ၶြိူင်း​ၶြိူင်း ၶြၢင်း​ၶြၢင်း​ယူႇ​တႃႉ။ ႁႂ်ႈ​ၵူၼ်း​ႁႅင်း​ယႂ်ႇ​ၼႃႇ ဢၼ်​ဝႃႈ​ၵူၼ်း​မဵဝ်း​ ၵူႉသႃႉ ၊ ၵူၼ်း​မဵဝ်း​ ၽူႉတႃႉ ဢၼ်​ၸၢင်ႈ​ယိပ်း ၶိူင်ႈ​ႁႄႉ​လၢၵ်ႈ​ၼၢၵ်ႈ၊ ၵူၼ်း​မဵဝ်း​ လူႉတီႉ ဢၼ်​ၸၢင်ႈ​ယိပ်း​ၵမ်​ၵၢင်ႇ ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​သေ။-</verse>
				<verse number="10">မိူဝ်ႈ​ဝၼ်း​ၼၼ်ႉ ပဵၼ်​မိုဝ်ႉ​ဝၼ်း ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မိုဝ်ႉ​ဝၼ်း​ဢၼ်​မၼ်း​ၸဝ်ႈ တွပ်ႇ​တႅၼ်း​ၶိုၼ်း ႁႂ်ႈ​လႆႈ​ပၼ်​တၢမ်ႇ တီႈ​ရၢၼ်ႇ​သူႇ​မၼ်း​ၸဝ်ႈ​ဢေႃႈ။ လၢပ်ႇ​မၼ်း​ၸဝ်ႈ​ၼၼ်ႉ တၵ်း​ၶူပ်း​ၵိၼ်​လႄႈ​ဢိမ်ႇ​ဢေႃႈ။ တၵ်း​မဝ်း​လဝ်ႈ​လူၺ်ႈ လိူတ်ႈ​ၶဝ်​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​လွင်ႈ​ဢၼ် တၵ်း​လႆႈ​ပုၵ်ႈ​ၸေႃႇ​ယိတ်ႈ ၵႃႈ​တီႈ​ၼႃႈ​တၢင်း​ႁွင်ႇ ၵႃႈ​ႁိမ်း​ၼမ်ႉ​ႁွင်ႈ​ ဢူႉၽရတ်ႉ ​ၼၼ်ႉ​ဢေႃႈ။-</verse>
				<verse number="11">ၵၼ်ႇ​ၺႃႇ လုၵ်ႈ​ယိင်း​သၢဝ်​ ဢေႇၵိပ်ႉတူႉ ​ဢိူၺ်း၊ ၶိုၼ်ႈ​ၵႂႃႇ​ၵႃႈ​တီႈ​မိူင်း​ ၵီႉလတ်ႉ ​လႄႈ ဢဝ်​ယၢင် ပႃႇလၸမ်ႇ ​တႃႉ။ မႂ်း​ၸၢင်ႈ​သုင်း​သွင်ႇ ယႃႈ​ယႃ​ၼမ်​ၼႃႇ လၢႆ​လၢႆ​လွၵ်ႇ​လွၵ်ႇ​လႄႈ၊ တၢင်း​ၸဵပ်း​မႂ်း​ဢမ်ႇ​ႁၢႆ​လႆႈ။-</verse>
				<verse number="12">ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႆႈ​ငိၼ်း လွင်ႈ​ဢၼ်​မႂ်း​သရေႇလူႉ​ၼၼ်ႉ​ယဝ်ႉ။ သဵင်​ဢၼ်​မႂ်း​ပွင်ႉ​ၶၢင်း​ပွင်ႉ​မိူၼ်ႇ​ၼၼ်ႉ ၸွတ်ႇ​တူဝ်ႈ​ၵႃႈ​ၼိူဝ်​လိၼ်​မိူင်း​ယဝ်ႉ။ ႁူဝ်​ႁၢၼ်​ၵူၼ်း​သိုၵ်း​ၼင်ႇ​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တိူဝ်ႉ​ထုၵ်ႇ​ၵၼ်​လႄႈ တင်း​သွင်​ၽၢႆႇ​သွင်​ပႃႈ​ၼၼ်ႉ ဢွၼ်​ၵၼ်​လူႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵႂၢမ်း​ဢၼ် ထႃႇဝရႃႉ​ၽြႃး မီး​ဢမိင်ႉ​တီႈ​ပရေႃးၽႅတ်ႈ​ ယေႇရမီႉ လူၺ်ႈ​လွင်ႈ​ဢၼ် ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​တၵ်း​မႃး​လႄႈ တိုၵ်း​ယႃႉ​ပႅတ်ႈ​မိူင်း​ ဢေႇၵိပ်ႉတူႉ ​ၼၼ်ႉ​ၸမ်ႉ၊-</verse>
				<verse number="14">ဢွၼ်​ၵၼ်​ပၢဝ်ႇ​သေႃႇ ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ဢွၼ်​ၵၼ်​မွၵ်ႇ​လၢတ်ႈ​တီႈ​ဝဵင်း​ မီႉၵတေႃးလႃႉ ​သေ​လႄႈ မွၵ်ႇ​လၢတ်ႈ​တီႈ​ဝဵင်း​ ၼေႃႇၽႃႉ ဢိၵ်ႇ​တင်း ဝဵင်း​ တႃႇပၼိတ်ႉ ​လႄႈ​ဝႃႈ၊ ဢွၼ်​ၵၼ်​ဢွၵ်ႇ​လႄႈ မႄး​ႁႅၼ်း​တူဝ်​ၸဝ်ႈ​ၵဝ်ႇ​ဝႆႉ​တႃႉ။ လွင်ႈ​မၼ်း​ၸမ်ႉ လၢပ်ႇ​ၸဝ်ႈ​ၶူပ်း​ၵိၼ်​ၵႃႈ​တီႈ​ႁိမ်း​ႁွမ်း လဵပ်ႈ​ႁွပ်ႈ​မႂ်း​ၼၼ်ႉ​ယဝ်ႉ။-</verse>
				<verse number="15">ၵွပ်ႈ​ပိူဝ်ႈ ၼင်ႇ​ႁိုဝ်​လႄႈ ႁူဝ်​ႁၢၼ်​ၵူၼ်း​သိုၵ်း​မႂ်း​ၸိူဝ်း​ၼၼ်ႉ သုမ်း​ၸွမ်း​ၼင်ႇ​ႁိုဝ်။ ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး ဢီး​ၶဝ်​တူၵ်း​လႄႈ ၶဝ်​ဢမ်ႇ​ၸုၵ်း​ဢမ်ႇ​ၶၢမ်ႇ​ယူႇ​လႆႈ။-</verse>
				<verse number="16">မၼ်း​ၸဝ်ႈ ႁဵတ်း​ႁႂ်ႈ​ၵူၼ်း​ၼမ်​ၼႃႇ တိူဝ်ႉ​မႅၼ်ႈ​သေ​လႄႈ ၵေႃႉ​ၼိုင်ႈ​လူမ်ႉ​သႂ်ႇ​ၵႃႈ​ၼိူဝ်​ၵေႃႉ​ၼိုင်ႈ​လႄႈ ၶဝ်​လၢတ်ႈ​ၵၼ်​လႄႈ​ဝႃႈ၊ လုၵ်ႉ​တႃႉ​ႁဝ်း​ဢိူၺ်း၊ ဢွၼ်​ၵၼ်​ၶိုၼ်း​မိူဝ်း​ၸူး ၵႃႈ​တီႈ​ပီႈ​ၼွင်ႉ​ၸိူဝ်ႉ​ၶိူဝ်း​ႁဝ်း ဢိၵ်ႇ​တင်း ၵႃႈ​တီႈ​မိူင်း​တီႈ​ယူႇ​ႁဝ်း ဢၼ်​ႁဝ်း​ၵိူတ်ႇ​လဵင်ႉ​မႃး​ၼၼ်ႉ ၵွပ်ႈ​ပိူဝ်ႈ​လၢပ်ႇ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၶဝ်​ဢွၼ်​ၵၼ်​ႁွင်ႉ​သႅၼ်ႇ ၵႃႈ​တီႈ​ၼၼ်ႈ​လႄႈ​ဝႃႈ၊ ၽႃႇရေႃး ​ၶုၼ်​ႁေႃ​ၶမ်း​ ဢေႇၵိပ်ႉတူႉ ​ၼၼ်ႉ ပဵၼ်​လူမ်း​ပဵၼ်​လႅင်ႉ ၵူၺ်း​ဢေႃႈ။ မၼ်း​ပူၼ်ႉ​ၶိင်ႇ​ဢၼ် မၵ်း​ၶိၼ်း​ဝႆႉ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၶုၼ်​ႁေႃ​ၶမ်း ဢၼ်​မီး​ၼႃႇ​မႃႉ​ၸိုဝ်ႈ​သဵင် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​ၼၼ်ႉ ၶုၼ်​ၼၼ်ႉ​တၵ်း​မႃး မိူၼ်​ၸိူဝ်ႉ​ၼင်ႇ လွႆ​ တႃႇပေႃႇ ​ၵႃႈ​ၼႂ်း​လွႆ​တင်း​လၢႆ​ၼၼ်ႉ ဢိၵ်ႇ​တင်း ၸိူဝ်ႉ​ၼင်ႇ​လွႆ​ ၵရမေႇလႃႉ ၵႃႈ​တီႈ​ႁိမ်း ပၢင်ႇ​လၢႆႇ​ၼၼ်ႉ​ဢေႃႈ။-</verse>
				<verse number="19">မႂ်း​ဢၼ်​တူၵ်း​တီႈ​ယူႇ တီႈ​သဝ်း ယူႇ​လူၺ်ႈ​ၵၼ်​တင်း လုၵ်ႈ​ယိင်း​ ဢေႇၵိပ်ႉတူႉ ​ၼၼ်ႉ​ၼႆႉ​ဢိူၺ်း၊ မႄး​ႁႅၼ်း​ၶိူင်ႈ​ဢၼ်​သုင်း ဢၼ်​သွင်ႇ​ဝႆႉ​ပုၼ်ႈ​တူဝ်​ၸဝ်ႈ​ၵဝ်ႇ ပုၼ်ႈ​ဢၼ်​တၵ်း​လႆႈ​ၶၢႆႉ​တီႈ​ယူႇ တီႈ​သဝ်း​ၼၼ်ႉ​တႃႉ။ လွင်ႈ​မၼ်း​ၸမ်ႉ ဝဵင်း​ ၼေႃႇၽႃႉ ​ၼၼ်ႉ တၵ်း​လႆႈ​ပဵၼ်​တီႈ​ဢၼ်​ပဝ်ႇ ဢၼ်​လၢပ်ႈ​လႄႈ ၶၢမ်ႇ​တၢင်း​ဢၼ်​မႆႈ​သုတ်း​ပႅတ်ႈ ထၼ်ႈ​ပေႃး ဢမ်ႇ​မီး ၵေႃႉ​ဢၼ်​ယူႇ​ဢၼ်​သဝ်း​ဢေႃႈ။-</verse>
				<verse number="20">မိူင်း​ ဢေႇၵိပ်ႉတူႉ ​ၼၼ်ႉ ပဵၼ်​ဝူဝ်း​မႄႈ​သိုဝ်ႇ ဢၼ်​ႁၢင်ႈ​လီ​ႁၢင်ႈ​ငၢမ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ လွင်ႈ​တၢင်း​ဢၼ်​ယႃႉ​ၽဵဝ်ႈ​ပႅတ်ႈ လုၵ်ႉ​သေ​ၵႃႈ​တီႈ​ၼႃႈ​တၢင်း​ႁွင်ႇ​ပေႃႇ​မႃး​တီႈ​မၼ်း​ဢေႃႈ။-</verse>
				<verse number="21">ပိၵ်ႉ​သမ်ႉ ၶဝ်​ၸိူဝ်း​ဢၼ် ၵိၼ်​ၸၢင်ႈ​ၵိၼ်​ငႃ​တီႈ​မၼ်း ၵႃႈ​ၼႂ်း​ၵၢင်​မၼ်း​ၼၼ်ႉ ပဵၼ်​ၸိူဝ်ႉ​ၼင်ႇ ဝူဝ်း​မႄႈ​ဢွၼ်ႇ ဢၼ်​လဵင်ႉ​ႁႂ်ႈ​ပီး​လီ​မၼ်း​လီ​ၼၼ်ႉ​သေ​ၵေႃႈ၊ ဢွၼ်​ၵၼ်​ဝၢႆႇ​လင်​ၵွင်​လင်​လႄႈ ဢွၵ်ႇ​ပၢႆႈ​လူၺ်ႈ​ၵၼ်​လႄႈ ၶဝ်​ၼၼ်ႉ​ဢမ်ႇ​ၸုၵ်း​ဢမ်ႇ​ဝႆ​ယူႇ​လႆႈ ၵွပ်ႈ​ပိူဝ်ႈ​ဢၼ်​မိုဝ်ႉ​ဝၼ်း တၢင်း​ဢၼ်​လူႉ​လႅဝ်၊ ၶိင်ႇ​မိူဝ်ႈ​ဢၼ်​လႆႈ ၶၢမ်ႇ​တၢင်း​ဢၼ်​သုင်း​မႃႉ သင်ႇ​သွၼ်​ၼၼ်ႉ ႁွတ်ႈ​ထိုင်​ၼၼ်ႉ​ဢေႃႈ။-</verse>
				<verse number="22">သဵင်​မၼ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ သဵင်​ငူး​ႁွင်ႉ​ငူး​ႁဝ်ႇ​ၼၼ်ႉ ၵွပ်ႈ​ပိူဝ်ႈ​ဢၼ် ၶဝ်​ပႃး​ဢဝ် တင်း​တႃ​မၢတ်ႇ မိူၼ်​ၸိူဝ်ႉ​ၼင်ႇ ၵေႃႉ​ဢၼ်​ပမ်ႈ​တူၼ်ႈ​မႆႉ​ၼၼ်ႉ မႃး​ယူႇ​သေ​လႄႈ ၶီႇ​မႃႉ​ႁူမ်ႈ​လူၺ်ႈ​ၵၼ်​တင်း မူႇ​ၵူၼ်း​ၽုင်​ၵူၼ်း​ၼၼ်ႉ​ဢေႃႈ။-</verse>
				<verse number="23">ပိၵ်ႉ​သမ်ႉ ပႃႇ​မႆႉ​ပႃႇ​တွၵ်ႇ​မၼ်း​ၼၼ်ႉ ဢမ်ႇ​မီး​တၢင်း​ဢၼ် ၶဝ်​သွၵ်ႈ​ၶဝ်​ႁႃ​လႆႈ​သေ​ၵေႃႈ၊ ၶဝ်​တၵ်း ဢွၼ်​ၵၼ်​ပမ်ႈ​လူမ်ႉ​ပႅတ်ႈ ၵွပ်ႈ​ပိူဝ်ႈ​ဢၼ်​ၶဝ်​ၼၼ်ႉ ၼမ်​လိူဝ်​တွၼ်း​ၼႃႇ​သေ မႅင်း​ၵႅင်း​လႄႈ ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="24">လုၵ်ႈ​ယိင်း​ ဢေႇၵိပ်ႉတူႉ ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢူၵ်း​ဢၼ်​ဢၢႆ​လႄႈ မၼ်း​တၵ်း​တူၵ်း​ႁွတ်ႈ ၵႃႈ​ၼႂ်း​မိုဝ်း​ၵူၼ်း​မိူင်း တၢင်း​ႁွင်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="25">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​သင်ႇ​သွၼ် သုင်း​မႃႉ​ၽြႃး ဢႃႇမုၼ်ႇ ဢၼ်​မီး ၵႃႈ​တီႈ​ဝဵင်း​ ၼေႃႇ ဢိၵ်ႇ​တင်း ၽႃႇရေႃး တင်း​ၵူၼ်း​ဝၢၼ်ႈ​ၵူၼ်း​မိူင်း ဢေႇၵိပ်ႉတူႉ ​တင်း​လၢႆ၊ ၽြႃး​မၼ်း​တင်း​လၢႆ ၶုၼ်​ႁေႃ​ၶမ်း မၼ်း​တင်း​လၢႆ ဢၼ်​ဝႃႈ ၶုၼ်​ ၽႃႇရေႃး ဢိၵ်ႇ​တင်း ၶဝ်​ၸိူဝ်း​ဢၼ်​ဢိင်​ပိုင်ႈ​မၼ်း​ၵႃႈ​မီး တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="26">ၵဝ်​တၵ်း ဢဝ်​ၶဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ႁႃ​ဢဝ် ဢသၢၵ်ႈ​ၶဝ်​ဢၼ်​ဝႃႈ ၵႃႈ​ၼႂ်း​မိုဝ်း​ၶုၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ တင်း​ၶႃႈ​မၼ်း​ၵူၼ်း​မၼ်း တင်း​လၢႆ​ၼၼ်ႉ​ဢေႃႈ။ လိုၼ်း​ၼၼ်ႉ မိူင်း​ၼၼ်ႉ တၵ်း​သမ်ႉ​ၶိုၼ်း​လီ မိူၼ်​ၸိူဝ်ႉ​ၼင်ႇ မိူဝ်ႈ​ဢွၼ်​တၢင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="27">ၶႃႈ​ၵဝ်​ ယႃႇၵုပ်ႈ ​ဢိူၺ်း၊ ယႃႇ​ပေ​ၵူဝ်​ပေ​ႁႄ။ မဵဝ်း​ ဢီႉသရေႇလႃႉ ​ဢိူၺ်း၊ ယႃႇ​ပေ​ၸႂ်​လူႉ။ ၵဝ်​တၵ်း​ၼုၵ်ႈ​ဢဝ်​မႂ်း မႃး​သေ​ၵႃႈ​တီႈ ဢၼ်​ၵႆ​ၼၼ်ႉ ဢိၵ်ႇ​တင်း ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​တင်း​လၢႆ သေ​ၵႃႈ​တီႈ မိူင်း​ဢၼ် ၶဝ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ၼၼ်ႉ​လႄႈ၊ မဵဝ်း​ ယႃႇၵုပ်ႈ ​တၵ်း​လႆႈ​ၶိုၼ်း​မႃး​သေ​လႄႈ ယူႇ​တဵတ်ႇ​လီ​ၼိမ်​လီ ၵတ်း​ယဵၼ်​ၶျၢမ်း​သႃႇ​လႄႈ ဢမ်ႇ​မီး​ၵေႃႉ​ဢၼ်​လွၵ်ႇ ဢၼ်​ငိုတ်ႈ​ဢေႃႈ။-</verse>
				<verse number="28">ၶႃႈ​ၵဝ်​ ယႃႇၵုပ်ႈ ​ဢိူၺ်း၊ ယႃႇ​ပေ​မႆႈ​ၸႂ်​ၶီ​ၸႂ်။ ၵဝ်​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။ ပိၵ်ႉ​သမ်ႉ​ၵဝ်​ႁႂ်ႈ​ၵူၼ်း ၵူႈ​ၸိူဝ်ႉ​ၵူႈ​မဵဝ်း​တီႈ​ဢၼ် ၵဝ်​ႁေႃႈ​မႂ်း​ဢွၵ်ႇ​ၸူး​ၼၼ်ႉ သုမ်း​ၸွမ်း​သေ​ၵေႃႈ၊ ၵဝ်​တၵ်း​ဢမ်ႇ​ႁႂ်ႈ​မႂ်း သုမ်း​ၸွမ်း။ ၼႂ်း​ဝႃႈ​ၼၼ်​သေ​ၵေႃႈ ၵဝ်​ယင်း​ဢမ်ႇ​ပွႆႇ​ဢပႅတ်ႈ​မႂ်း​လွတ်ႈ မူတ်း​မူတ်း​သဵင်ႈ​သဵင်ႈ​လႄႈ တၵ်း​သင်ႇ​သွၼ်​သုင်း​မႃႉ​မႂ်း ႁႂ်ႈ​မႅၼ်ႈ​ၸွမ်း​ၼင်ႇ​တြႃး​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="47">
				<verse number="1">ၼုၵ်ႈၵပၢတ်ႈ​ထႃႇဝရႃႉ​ၽြႃး ဢၼ်​ဢဝ်​လွင်ႈ​မဵဝ်း​ ၽီႉလိတ်ႉတီႉ ​သေ​လႄႈ ႁွတ်ႈ​မႃး​တီႈ ပရေႃးၽႅတ်ႈ​ ယေႇရမီႉ ၸူဝ်ႈ​ဢၼ်​ၶုၼ်​ ၽႃႇရေႃး ဢမ်ႇ​ပႆႇ​တိုၵ်း​တေႃး ယႃႉ​ပႅတ်ႈ ဝဵင်း​ ၵႃႇၸႃႉ ​ၼၼ်ႉ​ၸမ်ႉ၊-</verse>
				<verse number="2">ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ တူၺ်း​လူး၊ ၼမ်ႉ​လုၵ်ႉ​ၵႃႈ​တီႈ ၼႃႈ​တၢင်း​ႁွင်ႇ​မႃး​လႄႈ ပဵၼ်​ပၢင်ႇ​လၢႆႇ ဢၼ်​ထူမ်ႈ​ႁူမ်ႇ​ယူႇ သေ​လႄႈ ထူမ်ႈ​ႁူမ်ႇ​မိူင်း​တင်း​မိူင်း ဢိၵ်ႇ​တင်း ၵႃႈ​ဢၼ်​ပႃး​ၵႃႈ​ၼႂ်း​မၼ်း၊ ဝဵင်း​တင်း​ၶဝ်​ၸိူဝ်း​ဢၼ်​ယူႇ ၵႃႈ​ၼႂ်း​မၼ်း​လႄႈ ၶဝ်​ၼၼ်ႉ တၵ်း​ဢွၼ်​ၵၼ်​သႅၼ်ႇ​ႁွင်ႉ​လႄႈ ၵူၼ်း​ဝၢၼ်ႈ​ၵူၼ်း​မိူင်း​ၵႃႈ​မီး တၵ်း​ဢွၼ်​ၵၼ်​ပွင်ႉ​ၶၢင်း​ပွင်ႉ​မိူၼ်ႇ​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​သဵင်​ၵိပ်ႇ​မႃႉ ႁူဝ်​ႁၢၼ်​ၵူၼ်း​သိုၵ်း​မၼ်း ဢၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ ထိပ်ႇ​ၽၢင်ႈ​ၼၼ်ႉ ဢိၵ်ႇ​တင်း သဵင်​လေႃႉ​ရထႃး​မေႃး​လင် တင်း​သဵင်​မၢၵ်ႇ​လေႃႉ​ရထႃး ၶုၼ်ႇ​လႅၼ်ႈ​ၼၼ်ႉ​လႄႈ ၶဝ်​ၸိူဝ်း​ဢၼ်​ပဵၼ်​ပေႃႈ​ၼၼ်ႉ ႁႅင်း​မိုဝ်း​ဢူၼ်ႈ​ၵႂႃႇ​လႄႈ ဢမ်ႇ​ဢွၼ်​ၵၼ်​ဝၢႆႇ​ၶိုၼ်း လူ​တူၺ်း​လုၵ်ႈ​ၶဝ်​လၢင်း​ၶဝ်။-</verse>
				<verse number="4">လွင်ႈ​မၼ်း​ၸမ်ႉ မိုဝ်ႉ​ဝၼ်း​ဢၼ် လႆႈ​ႁိမ်​ႁူင်ႇ​ဢဝ် ၵူၼ်း​မဵဝ်း​ ၽီႉလိတ်ႉတီႉ တင်း​သဵင်ႈ​တင်း​လူင်၊ မိုဝ်ႉ​ဝၼ်း​ဢၼ် လႆႈ​ပႄႇ​တႅပ်း ၶဝ်​ၸိူဝ်း​ဢၼ်​ၸွႆႈ​သိုၵ်း​ထႅမ်​သိုၵ်း ဝဵင်း​ တူႉရူႉ ၊ ဝဵင်း​ ၸီႉတုမ်ႇ ဢၼ်​ၵိုတ်း​ဢၼ်​ၵျၢၼ်ႇ ၵႃႈ​မီး​ၼၼ်ႉ​ပႅတ်ႈ​ၼၼ်ႉ ႁွတ်ႈ​ထိုင်​လႄႈ ထႃႇဝရႃႉ​ၽြႃး တၵ်း​ပႄႇ​ၽဵဝ်ႈ ၵူၼ်း​မဵဝ်း​ ၽီႉလိတ်ႉတီႉ ဢိၵ်ႇ​တင်း​ၵူၼ်း​မိူင်း ၵပ်ႉတေႃးရႃႉ ဢၼ်​ၵိုတ်း ဢၼ်​ၵျၢၼ်ႇ​ၸိူဝ်း​ၼၼ်ႉ ပႅတ်ႈ ဢေႃႈ။-</verse>
				<verse number="5">ဝဵင်း ၵႃႇၸႃႉ ​ၼၼ်ႉ လႆႈ​ၶၢမ်ႇ​တၢင်း​ဢၼ် ထႃ​ၶူၼ်​ႁူဝ်​ပႅတ်ႈ​လႄႈ ဝဵင်း​ ဢႃႇသၵေႇလုၼ်ႇ ဢိၵ်ႇ​တင်း ပၢင်ႇ​ႁူၺ်ႈ​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ လူႉ​လႅဝ်​ယဝ်ႉ။ မႂ်း​တၵ်း​လႆႈ ထိူဝ်​ၼိူဝ်ႉ​ထိူဝ်​ၼင် တူဝ်​ၸဝ်ႈ​ၵဝ်ႇ ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။-</verse>
				<verse number="6">လၢပ်ႇ​လႅဝ်း ထႃႇဝရႃႉ​ၽြႃး​ဢိူၺ်း၊ မႂ်း​ယင်း​ဢမ်ႇ​ယူႇ ၼိမ်​ၼိမ်​လီ​လီ​လႄႈ တၵ်း​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ဢဝ်​တူဝ်​မႂ်း​ၶဝ်ႈ ၵႃႈ​ၼႂ်း​ၵပ်း​မႂ်း​သေ​လႄႈ ယူႇ​တႃႉ။ တူၵ်း​တီႈ​ယူႇ​တီႈ​သဝ်း​လႄႈ ယူႇ​ၼိမ်​ၼိမ်​လီ​လီ​တႃႉ။-</verse>
				<verse number="7">ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး သင်ႇ​လၢတ်ႈ​ဢမူႉ​ဝႆႉ​ယူႇ​ၽၢႆႇ​ၼိုင်ႈ တင်း​ဝဵင်း​ ဢႃႇသၵေႇလုၼ်ႇ တင်း​ၽင်ႇ​ပၢင်ႇ​လၢႆႇ​ၼၼ်ႉ​လႄႈ မႂ်း​တၵ်း​ယူႇ ၼိမ်​ၼိမ်​လီ​လီ လႆႈ​ၸိူဝ်ႉ​ၼင်ႇ​ႁိုဝ်။ မၼ်း​ၸဝ်ႈ​ၶၢၼ်း​ဝႆႉ ႁႂ်ႈ​ပွင်​ႁဵတ်း​ဢမူႉ​ၼၼ်ႉ​ဢေႃႈ။</verse>
			</chapter>
			<chapter number="48">
				<verse number="1">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ဢဝ်​လွင်ႈ​မိူင်း​ မေႃႇၽႃႉ မီး​ဢမိင်ႉ​ၸမ်ႉ၊ ဝဵင်း​ ၼေႇပေႃႇ မီး​ဢႃႉ​မင်ႇၵလႃႇ​ဢေႃႈ၊ မၼ်း​ႁွတ်ႈ​ထိုင် တၢင်း​ဢၼ်​လူႉ​ဢၼ်​လႅဝ်​ယဝ်ႉ။ ဝဵင်း​ ၵီႉရီႉယသိမ်း ​လႆႈ​ၶၢမ်ႇ တၢင်း​ဢၼ်​ဢူၵ်း​ဢၼ်​ဢၢႆ​လႄႈ မီး​တၢင်း​ဢၼ်​ပိူၼ်ႈ​ႁိမ်​ႁူင်ႇ သိမ်း​ဢဝ်​ယဝ်ႉ။ ဝဵင်း​ မီႉသႃႉၵပ်ႉ ​ၵေႃႈ လႆႈ​ၶၢမ်ႇ​တၢင်း​ဢၼ်​ဢူၵ်း ဢၼ်​ဢၢႆ​လႄႈ ၸႂ်​လူႉ​ဢေႃႈ။-</verse>
				<verse number="2">တၢင်း​ဢၼ်​ဢုပ်ႇ​ဢၢတ်ႇ မိူင်း​ မေႃႇၽႃႉ ​ၼၼ်ႉ​ၵမ်း​လိုၼ်း ဢမ်ႇ​လႆႈ​မီး​လႃး​လႃး။ ၵႃႈ​ၼႂ်း​ဝဵင်း​ ႁေႇသၽုၼ်ႇ ​ၼၼ်ႉ ပိူၼ်ႈ​ဢွၼ်​ၵၼ်​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ယူႇ​ၽၢႆႇ​ၼိုင်ႈ တင်း​မၼ်း​လႄႈ​ဝႃႈ၊ မႃး​မႃး​ဢိူၺ်း၊ ဢွၼ်​ၵၼ်​ပႄႇ​ၽဵဝ်ႈ​မိူင်း​ မေႃႇၽႃႉ ပႅတ်ႈ​ႁႂ်ႈ​မၼ်း​ထၼ်ႈ​ပေႃး ဢမ်ႇ​ပဵၼ်​ဝၢၼ်ႈ ပဵၼ်​မိူင်း​လႆႈ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။ ဝဵင်း​ မႃႇတမေႇၼႃႉ ​ဢိူၺ်း၊ မႂ်း​ၵေႃႈ တၵ်း​လႆႈ​ႁွတ်ႈ​ထိုင် တၢင်း​ဢၼ်​သဵတ်ႇ​ဢၼ်​ယဵၼ်​ဢေႃႈ။ ၽေး​လၢပ်ႇ​ၽေး​လႅဝ်း တၵ်း​လိုပ်ႈ​ၸွမ်း​လမ်း​ၸွမ်း​မႂ်း​ဢေႃႈ။-</verse>
				<verse number="3">လႆႈ​ငိၼ်း​သဵင်​ဢၼ် သႅၼ်ႇ​ႁွင်ႉ ၵႃႈ​တီႈ​ဝဵင်း​ ႁေႃးရၼိမ်ႇ ​လႄႈ မီး​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး ဢိၵ်ႇ​တင်း တၢင်း​ဢၼ်​ယႃႉ​ၽဵဝ်ႈ​ပႅတ်ႈ ဢၼ်​ယႂ်ႇ​ၼႃႇ​ဢေႃႈ။-</verse>
				<verse number="4">မိူင်း​ မေႃႇၽႃႉ ​ၼၼ်ႉ ႁွတ်ႈ​ထိုင်​တၢင်း​ဢၼ်​လူႉ​လႅဝ်​လႄႈ လုၵ်ႈ​လႅင်​ဢွၼ်ႇ​မၼ်း​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​သဵင် ႁႂ်ႈ​ပိူၼ်ႈ​လႆႈ ငိၼ်း​ဢေႃႈ။-</verse>
				<verse number="5">သဵင်​ဢၼ်​ႁႆႈ​ႁွင်ႉ​ယူႇ​ၼၼ်ႉ လႆႈ​လုၵ်ႉ​ၶိုၼ်ႈ ၵႃႈ​တီႈ တီႈ​ဢၼ်​ၶိုၼ်ႈ​ၸူး​ၵႃႈ​ၼိူဝ်​လွႆ​ လူႉႁိတ်ႉ ​ၼၼ်ႉ​ယူႇ​သေႇ​သေႇ​လႄႈ ၵႃႈ​တီႈ​ဢၼ်​လူင်း​ၸူး​ဝဵင်း​ ႁေႃးရၼိမ်ႇ ​ၼၼ်ႉ​ၵေႃႈ ဢွၼ်​ၵၼ်​လႆႈ​ငိၼ်း​သဵင်​တုၵ်ႉ​ၶႃႉ ၼႂ်း​သဵင် တၢင်း​ဢၼ်​သုမ်း​ဢၼ်​ၸွမ်း ၼၼ်ႉ​ဢေႃႈ။-</verse>
				<verse number="6">ဢွၼ်​ၵၼ်​ပၢႆႈ​ႁႂ်ႈ ဢသၢၵ်ႈ​သူ​လႆႈ​လွတ်ႈ​တႃႉ။ ဢွၼ်​ၵၼ်​ပဵၼ်​ၸိူဝ်ႉ​ၼင်ႇ တူၼ်ႈ​မႆႉ​ႁႅင်ႈ​မႆႉ​လွၵ်ႈ ၵႃႈ​တီႈ​ပၢင်ႇ​ပဵင်း​ၼၼ်ႉ​တႃႉ။-</verse>
				<verse number="7">ၵွပ်ႈ​ပိူဝ်ႈ​ဢၼ် မႂ်း​ဢိင်​ပိုင်ႈ ၽၼ်ႇတႃႇ​ဢုၵ်ႉ​ၸႃႇ ဢၼ်​မႂ်း​ၵဵပ်း​ႁွမ် သိမ်း​ပႅင်း​ဝႆႉ​ၼၼ်ႉ​လႄႈ တၵ်း​လႆႈ​ႁွတ်ႈ​ထိုင် ၵႃႈ​ၼႂ်း​မိုဝ်း​ပိူၼ်ႈ​ဢေႃႈ။ ၽြႃး​ ၶႄးမူႉသႃႉ ဢိၵ်ႇ​တင်း ယိတ်ႈပရေႃးႁဵၵ်ႈ​မၼ်း တင်း​ၶုၼ်​မၼ်း​ၸိူဝ်း​ၼၼ်ႉ တၵ်း​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ဢေႃႈ။-</verse>
				<verse number="8">ၵေႃႉ​ဢၼ်​ႁိမ်​ဢဝ်​ၼၼ်ႉ တၵ်း​ႁွတ်ႈ​မႃး​ၵႃႈ​တီႈ​ဝဵင်း ၵူႈ​ဝဵင်း​လႄႈ ဢမ်ႇ​လႆႈ​ၵၢင်း​လႆႈ​လွတ်ႈ​သေ​ဝဵင်း။ ပၢင်ႇ​ႁူၺ်ႈ တၵ်း​လႆႈ​ၶၢမ်ႇ​တၢင်း​ဢၼ် ယႃႉ​ၽဵဝ်ႈ​ပႅတ်ႈ​လႄႈ ပၢင်ႇ​ပဵင်း​တၵ်း​လႆႈ​ႁွတ်ႈ​ထိုင်​တၢင်း​ဢၼ်​လူႉ​ဢၼ်​လႅဝ်​ဢေႃႈ။ ထႃႇဝရႃႉ​ၽြႃး မီး​ဢမိင်ႉ​ၸိူဝ်ႉ​ၼင်ႇ​ၼၼ်​ယဝ်ႉ။-</verse>
				<verse number="9">ဢဝ်​ပိၵ်ႇ​ၼူၵ်ႉ​တင်း​လၢႆ ပၼ်​တီႈ​မိူင်း​ မေႃႇၽႃႉ ႁႂ်ႈ​မၼ်း​လႆႈ​မိၼ်​ပၢႆႈ​ၵႂႃႇ​လႄႈ​လွတ်ႈ​တႃႉ။ ဝဵင်း​မၼ်း​ၸိူဝ်း​ၼၼ်ႉ​လႄႈ တၵ်း​လႆႈ​ပဵၼ် တီႈ​ဢၼ်​ပဝ်ႇ​ဢၼ်​လၢပ်ႈ၊ ဢမ်ႇ​မီး​ၵေႃႉ​ဢၼ်​ယူႇ ဢၼ်​သဝ်း​လႃး​လႃး။-</verse>
				<verse number="10">ႁႂ်ႈ​ၵေႃႉ​ဢၼ်​ဢမ်ႇ​ၵႆႉ သၢင်ႈ​ႁဵတ်း​ဢမူႉ ထႃႇဝရႃႉ​ၽြႃး လီ​လီ​ငၢမ်း​ငၢမ်း​ၼၼ်ႉ လႆႈ​ၶၢမ်ႇ တၢင်း​ဢၼ်​ၵိၼ်ႇ ဢၼ်​ဝႃႈ သေ​ၵမ်း​လူၺ်ႈ။ ႁႂ်ႈ​ၵေႃႉ​ဢၼ် ၵူႈ​သိမ်း​ဢဝ်​လၢပ်ႇ​မၼ်း​သေ ၵႃႈ​တီႈ​တၢင်း​ဢၼ် ထွၵ်ႇ​လိူတ်ႈ​ၵူၼ်း​ပႅတ်ႈ​ၼၼ်ႉ​ၼၼ်ႉ ၶၢမ်ႇ​တၢင်း​ဢၼ်​ၵိၼ်ႇ ဢၼ်​ဝႃႈ သေ​ၵမ်း​လူၺ်ႈ။</verse>
				<verse number="11">မိူင်း​ မေႃႇၽႃႉ ​ၼၼ်ႉ ၵွပ်ႈ​ပိူဝ်ႈ​ဢၼ် ၸႃႉ​ၸဵမ်​မိူဝ်ႈ​ဢၼ် ဢသၢၵ်ႈ​ဢရွႆႇ​မၼ်း ယင်း​လဵၵ်ႉ​ယင်း​ၼုမ်ႇ ၼၼ်ႉ​လႄႈ မီး​တၢင်း​ဢၼ်​ၼိမ် ဢၼ်​လီ​ယူႇ၊ တူၵ်း​တီႈ​ယူႇ​တီႈ​သဝ်း ၵႃႈ​ၼိူဝ်​ယိူဝ်ႈ​ၼိူဝ်​ယေး​မၼ်း​ယူႇ၊ ဢမ်ႇ​လႆႈ​ၶၢမ်ႇ​တၢင်း​ဢၼ်​ဢဝ်​သေ ၵႃႈ​တီႈ​မေႃႈ​လုၵ်ႈ​ၼိုင်ႈ ထွၵ်ႇ​သႂ်ႇ ၵႃႈ​တီႈ​မေႃႈ​လုၵ်ႈ​ၼိုင်ႈ၊ ဢမ်ႇ​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ တၢင်ႇ​ဝၢၼ်ႈ​တၢင်ႇ​မိူင်း​လႄႈ၊ ဢရႃႉသႃႇ​မၼ်း​ၼၼ်ႉ တႄႇ​ယူႇ​ၵႃႈ​ၼႂ်း​မၼ်း​ဢေႃႈ။ ဢၢႆ​ဢၼ်​ႁွမ်​ဢၼ်​ႁူၺ်း​မၼ်း ၼၼ်ႉ​ၵေႃႈ ဢမ်ႇ​လူႉ​ဢမ်ႇ​ႁၢႆ။-</verse>
				<verse number="12">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိုဝ်ႉ​ဝၼ်း​ဢၼ်​ၵဝ်​တၵ်း​ပွႆႇ​ၸႂ်ႉ ၶဝ်​ၸိူဝ်း​ဢၼ်​ၸၢင်ႈ ဢဝ်​ႁေႈ​ဝႆႉ​ၵိူင်း​ဝႆႉ​ၼၼ်ႉ ၸူး​တီႈ​မၼ်း​ၼၼ်ႉ တၵ်း​ႁွတ်ႈ​ထိုင်​ဢေႃႈ။ ၶဝ်​ၼၼ်ႉ​တၵ်း​ဢွၼ်​ၵၼ်​ႁေႈ​ၵိူင်း​ မေႃႇၽႃႉ ​ဝႆႉ​လႄႈ ထွၵ်ႇ​မေႃႈ​ၶဝ်​ပႅတ်ႈ​သေ​လႄႈ ပေႃႉ​ၼမ်ႉ​တဝ်ႈ​ၶဝ် တႅၵ်ႇ​ပႅတ်ႈ​ဢေႃႈ။-</verse>
				<verse number="13">မဵဝ်း​ မေႃႇၽႃႉ ​ၼၼ်ႉ တၵ်း​လႆႈ​မီး တၢင်း​ဢၼ်​ဢူၵ်း​ဢၼ်​ဢၢႆ ၵွပ်ႈ​ပိူဝ်ႈ​ၽြႃး​ ၶႄးမူႉသႃႉ မိူၼ်​ၸိူဝ်ႉ​ၼင်ႇ​ဢၼ် မဵဝ်း​ ဢီႉသရေႇလႃႉ လႆႈ​မီး​တၢင်း​ဢၼ်​ဢူၵ်း​ဢၼ်​ဢၢႆ ၵွပ်ႈ​ပိူဝ်ႈ​ၽြႃး​ ပေႇသလႃႉ ဢၼ်​ၶဝ် သွၼ်ႈ​ပိုင်ႈ​ယူႇ​ၼၼ်ႉ​ဢေႃႈ။-</verse>
				<verse number="14">သူ​ဢွၼ်​ၵၼ်​လၢတ်ႈ​လႄႈ​ဝႃႈ၊ ႁဝ်း​ၼႆႉ​ပဵၼ် ၵေႃႉ​ဢၼ်​ႁႅင်း​ယႂ်ႇ​ၼႃႇ၊ ပဵၼ်​ၵေႃႉ​ဢၼ်​တၢတ်ႈ​ၼိူင်ႇ​လႆႈ​ႁႂ်ႈ​လႆႈ တိုၵ်း​သိုၵ်း​ဢေႃႈ၊ ဝႃႈ​ၼင်ႇ​ၼႆ ၸိူဝ်ႉ​ၼင်ႇ​ႁိုဝ်။-</verse>
				<verse number="15">မိူင်း​ မေႃႇၽႃႉ ​ၼၼ်ႉ​လူႉ​လႅဝ်​ယဝ်ႉ။ ဝဵင်း​မၼ်း​ၸိူဝ်း​ၼၼ်ႉ မႆႈ​သုတ်း​ပႅတ်ႈ​ယဝ်ႉ။ ၵူၼ်း​ၼုမ်ႇ​ၵူၼ်း​ၵမ်​မၼ်း ဢၼ်​လိူၵ်ႈ​ၵဵပ်း​ဢဝ်​ၸိူဝ်း​ၼၼ်ႉ ဢွၼ်​ၵၼ်​လူင်း​ၸူး​ႁႂ်ႈ လႆႈ​ၶၢမ်ႇ​တၢႆ​ယဝ်ႉ၊ ဝႃႈ​ၼင်ႇ​ၼႆ​လႄႈ ၶုၼ်​ႁေႃ​ၶမ်း​ဢၼ်​မီး ၼႃႇ​မႃႉ​ၸိုဝ်ႈ​သဵင်​ဢၼ်​ဝႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ မီး​ဢမိင်ႉ​ဢေႃႈ။-</verse>
				<verse number="16">ၽေး​ဢၼ် တၵ်း​လႆႈ​ႁွတ်ႈ​ထိုင်​ မေႃႇၽႃႉ ​ၼၼ်ႉ​ၸမ်​ယဝ်ႉ။ ဢူႉ​ပၢတ်ႈ ဢၼ်​မၼ်း​တၵ်း​လႆႈ​ၶၢမ်ႇ​ၼၼ်ႉ ႁိပ်ႈ​ၼႅတ်ႈ​မႃး​ယူႇ​ဢေႃႈ။-</verse>
				<verse number="17">သူ​ၸိူဝ်း​ဢၼ်​ယူႇ ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မၼ်း တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ် ပွင်ႉ​ၶၢင်း ပွင်ႉ​မိူၼ်ႇ​ပုၼ်ႈ​မၼ်း​တႃႉ။ သူ​ၸိူဝ်း​ဢၼ် ႁူႉ​ၼႃႇ​မႃႉ​ၸိုဝ်ႈ​သဵင်​မၼ်း တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​လၢတ်ႈ​လႄႈ​ဝႃႈ၊ ၵၼ်း​ႁွၵ်ႇ​ဢၼ်​တၼ်း​ၶူဝ်း​ယႂ်ႇ၊ ၶွၼ်ႉ​ႁေႃႈ​ဢၼ်​သရေႇ ႁၢင်ႈ​လီ​ႁၢင်ႈ​ငၢမ်း​ၼၼ်ႉ ႁၵ်း​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​တႃႉ။-</verse>
				<verse number="18">လုၵ်ႈ​ယိင်း​ဢၼ်​ယူႇ​ၵႃႈ​ၼႂ်း​ဝဵင်း​ တီႉၽုၼ်ႇ ​ဢိူၺ်း၊ လူင်း​သေ​ၵႃႈ​တီႈ ၸေး​ၸိမ်ႇ ဢၼ်​မႂ်း​ၸၢမ်ႇ​ၸႃး​ၼၼ်ႉ​လႄႈ ၶၢမ်ႇ​ဢိုပ်း​ၶၢမ်ႇ​ယၢၵ်ႈ​ယူႇ သေ​လႄႈ​ၼင်ႈ​တႃႉ။ ၵေႃႉ​ဢၼ်​ႁိမ်​ဢဝ်​ႁုင်ႇ​ဢဝ်​ မေႃႇၽႃႉ ​ၼၼ်ႉ တၵ်း​မႃး​ယူႇ​ၽၢႆႇ​ၼိုင်ႈ တင်း​မႂ်း​လႄႈ ယႃႉ​ၽဵဝ်ႈ တိူၵ်ႈ​တီႈ​တိုၵ်း​သိုၵ်း​မႂ်း ပႅတ်ႈ​ဢေႃႈ။-</verse>
				<verse number="19">ၵူၼ်း​ဢၼ် ယူႇ​ၵႃႈ​တီႈ​ဝဵင်း​ ဢႃႇရေႃႇ ​ဢိူၺ်း၊ ၸုၵ်း​ယူႇ​ၵႃႈ​တီႈ​ႁိမ်း​သဵၼ်ႈ​တၢင်း​သေ​လႄႈ လူ​တူၺ်း​တႃႉ။ တွင်ႈ​ထၢမ်​တီႈ​ၵူၼ်း​ၸၢႆး​ဢၼ်​ဢွၵ်ႇ​ပၢႆႈ ဢိၵ်ႇ​တင်း မႄႈ​ယိင်း​ဢၼ်​လွတ်ႈ ဢသၢၵ်ႈ​ၸိူဝ်း​ၼၼ်ႉ လႄႈ​ဝႃႈ၊ မီး​ဢမူႉ​ၵႃႈ​သင်၊ ဝႃႈ​ၼင်ႇ​ၼႆ​တႃႉ။-</verse>
				<verse number="20">မေႃႇၽႃႉ ​ၼၼ်ႉ​ၸႂ်​လူႉ​လႄႈ မီး​တၢင်း​ဢၼ်​လူမ်ႉ​ပင်း ယဝ်ႉ​ယဝ်ႉ။ ဢွၼ်​ၵၼ်​ႁႆႈ​ႁွင်ႉ​လႄႈ သႅၼ်ႇ​သဵင်​ၵိဝ်​သဵင်​တႃႉ။ ဢွၼ်​ၵၼ်​ဢဝ်​လွင်ႈ​ဢၼ်​မိူင်း​ မေႃႇၽႃႉ လူႉ​လႅဝ်​ၼၼ်ႉ မွၵ်ႇ​လၢတ်ႈ​တီႈ​ဝဵင်း​ ဢႃႇၼုၼ်ႇ ​တႃႉ။-</verse>
				<verse number="21">တၢင်း​ဢၼ် ၸီႇ​ယၢင်ႇ​တၢမ်ႇ​ဢပႅတ်ႈ လႆႈ​ႁွတ်ႈ​ထိုင် ၵႃႈ​ၼိူဝ်​တီႈ​ပၢင်ႇ​တီႈ​ပဵင်း ဢိၵ်ႇ​တင်း​ဝဵင်း​ ႁေႃးလုၼ်ႇ ၊ ဝဵင်း​ ယႃႇႁႃႉၸႃႇ ၊ ဝဵင်း​ မေႇၽတ်ႉ ၊-</verse>
				<verse number="22">ဝဵင်း​ တီႉၽုၼ်ႇ ၊ ဝဵင်း​ ၼေႇပေႃႇ ၊ ဝဵင်း​ ပႅတ်ႉတီပလႃႇသိမ်း ၊-</verse>
				<verse number="23">ဝဵင်း​ ၵီႉရႃႉယသိမ်း ၊ ဝဵင်း​ ပႅတ်ႉၵမူႉလႃႉ ၊ ဝဵင်း​ ပႅတ်ႉမွင်ႇ ၊-</verse>
				<verse number="24">ဝဵင်း​ ၵေးရုတ်ႉ ၊ ဝဵင်း​ ပေႃႇၸရႃႉ ဢိၵ်ႇ​တင်း ဝဵင်း​ဢၼ်​ၵႆ ဢၼ်​ၸမ် ၵႃႈ​ဢၼ်​မီး​ၵႃႈ​ၼႂ်း​မိူင်း​ မေႃႇၽႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="25">ၶဝ်​လႅမ်​ မေႃႇၽႃႉ ​ၼၼ်ႉ ပုတ်း​ၵႂႃႇ​ၶၢတ်ႇ​ၵႂႃႇ​ယဝ်ႉ။ ၶႅၼ်​မိုဝ်း​မၼ်း​ၼၼ်ႉ ႁၵ်း​ၵႂႃႇ​ၵႅင်ႉ​ၵႂႃႇ​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="26">ၵွပ်ႈ​ပိူဝ်ႈ ဢၼ်​မၼ်း​ဢုပ်ႇ​ဢၢတ်ႇ ယူႇ​ၽၢႆႇ​ၼိုင်ႈ တင်း​ထႃႇဝရႃႉ​ၽြႃး​လႄႈ ဢွၼ်​ၵၼ်​ႁႂ်ႈ​မၼ်း​မဝ်း​လဝ်ႈ​မဝ်း​ၵမ်​တႃႉ။ မိူင်း​ မေႃႇၽႃႉ ​လႆႈ​ၵိင်ႈ​ၵိူၵ်ႇ​ယူႇ ၵႃႈ​ၼႂ်း​ႁၢၵ်ႈ​မၼ်း​လႄႈ မၼ်း​လႆႈ​ၶၢမ်ႇ တၢင်း​ဢၼ်​သႄႉ​ဢၼ်​သွမ်း ၼႃႇ​လူင်​လၢင်​ဢေႃႈ။-</verse>
				<verse number="27">ဢီႉသရေႇလႃႉ ပဵၼ်​တီႈ​ဢၼ်​မႂ်း​သႄႉ​သွမ်း​ယဝ်ႉ ဢမ်ႇ​ၸႂ်ႈ​ႁိုဝ်။ ယၢမ်ႈ​တွၼ်ႉ ထူပ်း​ႁၼ်​မၼ်း​ၼၼ်ႉ ႁူမ်ႈ​ပွင်း​ယူႇ​လူၺ်ႈ​ၵၼ်​တင်း ၽူႈ​လၵ်ႉ​ၽူႈ​လိူတ်ႈ​ႁိုဝ်။ ၼႂ်း​မိူဝ်ႈ​ဢၼ်​မႂ်း​လၢတ်ႈ​လွင်ႈ​မၼ်း ၵူႈ​ပွၵ်ႈ​ၼၼ်ႉ မႂ်း​ငွၵ်း​ႁူဝ်​မႂ်း​လူင်​ပႄႇ။-</verse>
				<verse number="28">သူ​ၸိူဝ်း​ဢၼ် ယူႇ​ၵႃႈ​တီႈ​မိူင်း​ မေႃႇၽႃႉ ​ၶဝ်​ဢိူၺ်း၊ ဢွၼ်​ၵၼ်​ၸုၼ်ႉ​ပႅတ်ႈ ဝဵင်း​တင်း​လၢႆ​သေ​လႄႈ ယူႇ​ၵႃႈ​ၼႂ်း​ၵႄႈ​မၢၵ်ႇ​ႁိၼ် မၢၵ်ႇ​ၽႃ​တႃႉ။ ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼူၵ်ႉ​တူႈ ဢၼ်​ၸၢင်ႈ​ႁဵတ်း​ႁင်း​ယူႇ ၵႃႈ​တီႈ​ႁိမ်း​ႁူး​ထမ်ႈ​ၼၼ်ႉ​တႃႉ။-</verse>
				<verse number="29">ႁဝ်း​လႆႈ​ႁူႉ​လႆႈ​ငိၼ်း မႃႇၼႃႉ​ မေႃႇၽႃႉ တၢင်း​ဢၼ်​မၼ်း ၸႂ်​သုင်​ၼႃႇ၊ တၢင်း​ဢၼ်​မၼ်း​ႁဵတ်း​တူဝ်၊ မႃႇၼႃႉ​မၼ်း၊ တၢင်း​ဢၼ်​မၼ်း ပူၵ်း​ပႅၼ်​ၽႅၼ်​သုင်၊ တၢင်း​ဢၼ်​မၼ်း ဢမ်ႇ​ၼပ်ႉ​ၵိၼ်​ပိူၼ်ႈ ၸိူဝ်း​ၼၼ်ႉ​ယဝ်ႉ။-</verse>
				<verse number="30">ၵဝ်​ႁူႉ​လွင်ႈ​ဢၼ် တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​မၼ်း​ပဵၼ် ဢၼ်​လၢႆ​လၢႆ​လွၵ်ႇ​လွၵ်ႇ​ၼၼ်ႉ​လႄႈ တၢင်း​ဢၼ် မၼ်း​လၢတ်ႈ​ၵႂၢမ်း​ဢူပ်ႇ​ၵႂၢမ်း​ဢၢတ်ႇ​ၼၼ်ႉ ဢမ်ႇ​ပွင်ႇ​လွင်ႈ​ၵႃႈ​သင်​လႆႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="31">ပိူဝ်ႈ​ၼႆ​လႄႈ ၵဝ်​တၵ်း​ႁွင်ႉ​ႁႆႈ​ပွင်ႉ​ၶၢင်း ၵွပ်ႈ​ပိူဝ်ႈ​မိူင်း​ မေႃႇၽႃႉ ​ဢေႃႈ။ တၵ်း​သႅၼ်ႇ​သဵင်​ၵိဝ်​သဵင် ၵွပ်ႈ​ပိူဝ်ႈ​မိူင်း​ မေႃႇၽႃႉ တင်း​မိူင်း​ဢေႃႈ။ ၶဝ်​တၵ်း​လႆႈ​မီး​တၢင်း​ဢၼ် ၶၢင်း​ၶီ​ၶၢင်း​ၽၢၼ် ၵွပ်ႈ​ပိူဝ်ႈ​ၵူၼ်း​ဝဵင်း​ ၵီႉရႃႉႁရိတ်ႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="32">ၶိူဝ်း​တူၼ်ႈ​မၢၵ်ႇ​ၸပိတ်ႈ ၸီႉပမႃႇ ​ဢိူၺ်း၊ ၵဝ်​တၵ်း​ၼမ်ႉ​တႃ​တူၵ်း​ပုၼ်ႈ​မႂ်း လိူဝ်​တွၼ်း​ၼႃႇ​သေ​ၼမ်ႉ​တႃ​တူၵ်း ပုၼ်ႈ​ဝဵင်း​ ယႃႇၸႃႇ ​ၼၼ်ႉ​ဢေႃႈ။ ယွတ်ႈ​မႂ်း​ၸိူဝ်း​ၼၼ်ႉ ဢွၼ်​ၵၼ်​ပူၼ်ႉ​ပၢင်ႇ​လၢႆႇ​ၵႂႃႇ​လႄႈ ၽႅဝ်​တေႃႇ​ထိုင်​ႁွတ်ႈ​ပၢင်ႇ​လၢႆႇ​ ယႃႇၸႃႇ ​ဢေႃႈ။ ၵေႃႉ​ဢၼ်​ယႃႉ​ပႅတ်ႈ​ၼၼ်ႉ ႁိမ်​ဢဝ်​ႁူင်ႇ​ဢဝ် မၢၵ်ႇ​မႆႉ​မၢၵ်ႇ​တွၵ်ႇ​မႂ်း ဢိၵ်ႇ​တင်း​မၢၵ်ႇ​ၸပိတ်ႈ​မႂ်း​ဢေႃႈ။-</verse>
				<verse number="33">တၢင်း​ဢၼ်​မူၼ်ႈ​ပျေႃႇ၊ တၢင်း​ဢၼ်​ၸူမ်း​သိူဝ်း​ထၢတ်ႇ​ၵႂႃႇ​သေ ၵႃႈ​ၼႂ်း​တီႈ​ပၢင်ႇ​တီႈ​ပဵင်း ဢၼ်​ၶွၼ်ႇ​ၼမ်ႉ​မၼ်း​လိၼ်​လီ ဢၼ်​ဝႃႈ မိူင်း​ မေႃႇၽႃႉ ​ၼၼ်ႉ​ယဝ်ႉ။ ၵဝ်​ႁႂ်ႈ​ၼမ်ႉ​ၸပိတ်ႈ ထၢတ်ႇ​ၵႂႃႇ​သေ​ၵႃႈ​တီႈ ၶိူင်ႈ​ၼူတ်ႈ မၢၵ်ႇ​ၸပိတ်ႈ​ၼၼ်ႉ​ယဝ်ႉ။ ၽူႈ​လႂ်​ဢမ်ႇ​လႆႈ​ႁဵတ်း​သဵင် ဢၼ်​ႁုၼ်ႉ​ဢၼ်​ႁိုဝ်ႉ​သေ​လႄႈ ယဵပ်ႇ​ယမ်ႈ​မၢၵ်ႇ​ၸပိတ်ႈ။ သဵင်​ဢၼ်​ႁုၼ်ႉ​ဢၼ်​ႁိုဝ်ႉ​ၼၼ်ႉ ဢမ်ႇ​လႆႈ​ၸိုဝ်ႈ​လႆႈ​ၸႂ်ႈ​သဵင်​ဢၼ်​ႁုၼ်ႉ​ဢၼ်​ႁိုဝ်ႉ။-</verse>
				<verse number="34">ၸႃႉ​ၸဵမ်​သဵင်​ႁွင်ႉ​သဵင်​ႁႆႈ ဝဵင်း​ ႁေႇသၽုၼ်ႇ ​လႄႈ ၶဝ်​ဢွၼ်​ၵၼ်​ၵိဝ်​သဵင် တေႃႇ​ထိုင်​ႁွတ်ႈ​ဝဵင်း​ ဢေးလႃႇလေး တေႃႇ​ထိုင်​ႁွတ်ႈ ဝဵင်း​ ယႃႇႁတ်ႉ ဢိၵ်ႇ​တင်း​ၸႃႉ​ၸဵမ်​ဝဵင်း​ ၸေႃးရႃႉ တေႃႇ​ထိုင်​ႁွတ်ႈ​ဝဵင်း​ ႁေႃးရၼိမ်ႇ ​ၼၼ်ႉ မိူၼ်​ၸိူဝ်ႉ​ၼင်ႇ သဵင်​ဝူဝ်း​မႄႈ ဢၼ်​ဢသၢၵ်ႈ​လႆႈ သၢမ်​ပီႊ​ၼၼ်ႉ ႁွင်ႉ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၼမ်ႉ​ၼွင်​ ၼိမ်းရိမ်း ​ၸိူဝ်း​ၼၼ်ႉ​ၵေႃႈ ဢွၼ်​ၵၼ် မီး​တၢင်း​ဢၼ်​သဵတ်ႇ​ဢၼ်​ယဵၼ် ယူႇ​ဢေႃႈ။-</verse>
				<verse number="35">ၵဝ်​တၵ်း​ႁႂ်ႈ ၵေႃႉ​ဢၼ်​ပုၵ်ႈ​ၸေႃႇ ၵႃႈ​ၼိူဝ်​ထႃႇၼႃႉ​တီႈ​သုင်၊ ၵေႃႉ​ဢၼ်​ဢဝ် ၼၢမ်ႇ​သႃႇ​တုတ်ႇ​ၽႆး တီႈ​ၽြႃး​မၼ်း ၸိူဝ်း​ၼၼ်ႉ​ထၢတ်ႇ​ၵႂႃႇ​သေ​ၵႃႈ​တီႈ​မိူင်း​ မေႃႇၽႃႉ ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="36">ပိူဝ်ႈ​ၼႆ​လႄႈ ႁူဝ်​ၸႂ်​ၵဝ်​ၼႆႉ မီး​တၢင်း​ဢၼ်​လင်​ယူႇ မိူၼ်​ၸိူဝ်ႉ​ၼင်ႇ​ပီႇ​ၼင်ႇ​ၼႄး​ၼၼ်ႉ ၵွပ်ႈ​ပိူဝ်ႈ မိူင်း​ မေႃႇၽႃႉ ​လႄႈ ႁူဝ်​ၸႂ်​ၵဝ်​ၼႆႉ မီး​တၢင်း​ဢၼ်​လင်​ယူႇ မိူၼ်​ၸိူဝ်ႉ​ၼင်ႇ ပီႇ ၼင်ႇ ၼႄး ၼၼ်ႉ ၵွပ်ႈ​ပိူဝ်ႈ​ၵူၼ်း​ဝဵင်း​ ၵီႉရႃႉႁရိတ်ႉ ​ၸိူဝ်း​ၼၼ်ႉ​ဢေႃႈ။ ဢုၵ်ႉ​ၸႃႇ​ဢၼ်​ၶဝ်​ၵဵပ်း​ႁွမ် သိမ်း​ပႅင်း​ဝႆႉ​ၼၼ်ႉ လူႉ​လႅဝ်​ၵႂႃႇ​ယဝ်ႉ။-</verse>
				<verse number="37">ၵူႈ​ၵေႃႉ​ၵူႈ​ၵူၼ်း​လႆႈ မီး​တၢင်း​ဢၼ် ႁူဝ်​ပုတ်း​ယူႇ၊ ထႃ​ၼူတ်ႇ​ၵၢင်း​ယူႇ၊ တိူဝ်ႉ​မၢတ်ႇ ၵႃႈ​တီႈ​မိုဝ်း​ယူႇ၊ ၼုင်ႈ​ၶူဝ်း​ၼုင်ႈ ၼင်​ပေႃ ၵႃႈ​တီႈ ဢႅဝ်​ယူႇ​ဢေႃႈ။-</verse>
				<verse number="38">ၵႃႈ​တီႈ​ၼိူဝ်​မုင်း​ႁိူၼ်း​ မေႃႇၽႃႉ ​တင်း​လၢႆ ဢိၵ်ႇ​တင်း ၵႃႈ​ၼႂ်း​သဵၼ်ႈ​တၢင်း​မၼ်း​ၵႃႈ​မီး​ၼၼ်ႉ မီး​တၢင်း​ဢၼ် ၶၢင်း​ၶီ​ၶၢင်း​ၽၢၼ် ပွင်ႉ​မိူၼ်ႇ​ၵူႈ​တီႈ​ၵူႈ​လႅၼ် ၵွပ်ႈ​ပိူဝ်ႈ​ဢၼ် ၵဝ်​ဢဝ်​မိူင်း​ မေႃႇၽႃႉ တႅၵ်ႇ​ပႅတ်ႈ​မိူၼ်​ၸိူဝ်ႉ​ၼင်ႇ​ဢၼ် ဢဝ်​မေႃႈ​ဢၼ် ဢမ်ႇ​လႆႈ​ဢသုင်း​ၼၼ်ႉ တႅၵ်ႇ​ပႅတ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="39">ၶဝ်​ဢွၼ်​ၵၼ် ၶၢင်း​ၶီ​ၶၢင်း​ၽၢၼ်​ပွင်ႉ​မိူၼ်ႇ​လႄႈ​ဝႃႈ၊ မိူင်း​ မေႃႇၽႃႉ ​ၼၼ်ႉ ၵိူၼ်ႇ​ပင်း​ၵႂႃႇ​ယဝ်ႉ​လူင်​ပႄႇ။ ဢူၵ်း​ဢၢႆ​လႄႈ သုတ်ႉ​ၶိုၼ်း​ၵႂႃႇ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။ မိူင်း​ မေႃႇၽႃႉ ​ၼၼ်ႉ တၵ်း​လႆႈ​ပဵၼ်​တီႈ ဢၼ်​သႄႉ​ဢၼ်​သွမ်း ဢိၵ်ႇ​တင်း တီႈ​ဢၼ်​တူၵ်း​ၸႂ် ၵူဝ်​ႁႄ တီႈ​ၶဝ်​ၸိူဝ်း​ဢၼ် ယူႇ​ႁိမ်း​ႁွမ်း​လဵပ်ႈ​ႁွပ်ႈ​မၼ်း ၼၼ်ႉ​ဢေႃႈ။</verse>
				<verse number="40">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ မၼ်း​ၼၼ်ႉ တၵ်း​မိၼ်​မႃး မိူၼ်​ၸိူဝ်ႉ​ၼင်ႇ လၢင်း​တႃႉ​ၶမ်း​ၼၼ်ႉ​လႄႈ ဢဝ်​ပိၵ်ႇ​မၼ်း ႁူမ်ႇ​သုမ်ႇ​မိူင်း​ မေႃႇၽႃႉ ​ဢေႃႈ။-</verse>
				<verse number="41">ၵေးရုတ်ႉ လႆႈ​ၶၢမ်ႇ တၢင်း​ဢၼ်​သိမ်း​ဢဝ်​လႄႈ တိူၵ်ႈ​တီႈ​တိုၵ်း​သိုၵ်း​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶီႉ​ၶႃႉ တိုၵ်း​တေႃး​ဢဝ်​လႄႈ ၼႂ်း​မိုဝ်ႉ​ဝၼ်း​ၼၼ်ႉ ႁူဝ်​ၸႂ်​ႁူဝ်​ႁၢၼ်​ၵူၼ်း​သိုၵ်း​ မေႃႇၽႃႉ ​တင်း​လၢႆ တၵ်း​လႆႈ​ပဵၼ်​ၸိူဝ်ႉ​ၼင်ႇ ႁူဝ်​ၸႂ်​မႄႈ​ယိင်း ဢၼ်​လႆႈ​ၶၢမ်ႇ ဝူၺ်ႇတၼႃႇ တၢင်း​ဢၼ် ၵိူတ်ႇ​လဵင်ႉ​လုၵ်ႈ လဵင်ႉ​လၢင်း​ၼၼ်ႉ​ဢေႃႈ။-</verse>
				<verse number="42">မေႃႇၽႃႉ ​ၼၼ်ႉ တၵ်း​လႆႈ​လူႉ လႆႈ​လႅဝ် ထၼ်ႈ​ပေႃး ဢမ်ႇ​ပဵၼ်​မိူင်း​လႆႈ မိူဝ်ႈ​ၵမ်း​လိုၼ်း​ၼၼ်ႉ ၵွပ်ႈ​ပိူဝ်ႈ ဢၼ်​မၼ်း​ဢုပ်ႇ​ဢၢတ်ႇ​ယူႇ​ၽၢႆႇ​ၼိုင်ႈ​တင်း ထႃႇဝရႃႉ​ၽြႃး ၼၼ်ႉ​ဢေႃႈ။-</verse>
				<verse number="43">ၵူၼ်း​ဢၼ်​ယူႇ​ၵႃႈ​တီႈ​မိူင်း​ မေႃႇၽႃႉ ​ဢိူၺ်း၊ တၢင်း​ဢၼ်​လီ​ၵူဝ်​လီ​ႁႄ၊ ၶုမ်​လိၼ်​ႁူး​လိၼ်၊ တူင်ႇ​ႁႅဝ်ႉ​တူင်ႇ​ၶိုမ်း ႁွတ်ႈ​ထိုင်​ၵႃႈ​ၼိူဝ်​မႂ်း​ယဝ်ႉ။-</verse>
				<verse number="44">ၵေႃႉ​ဢၼ် ဢွၵ်ႇ​ပၢႆႈ​သေ​ၵႃႈ​တီႈ တင်း​ဢၼ်​လီ​ၵူဝ်​လီ​ႁႄ​ၼၼ်ႉ တၵ်း​တူၵ်း​သႂ်ႇ ၵႃႈ​ၼႂ်း​ၶုမ်​လိၼ် ႁူး​လိၼ်​ဢေႃႈ။ ၵေႃႉ​ဢၼ်​ဢွၵ်ႇ​သေ​ၶုမ်​လိၼ်​ႁူး​လိၼ်​ၼၼ်ႉ တၵ်း​ထုၵ်ႇ​ၶဵၼ်း​မႅၼ်ႈ ၵႃႈ​ၼႂ်း​တူင်ႇ​ႁႅဝ်ႉ တူင်ႇ​ၶိုမ်း​ဢေႃႈ။ ၵဝ်​တၵ်း​ႁႂ်ႈ​ၶူပ်ႇ​ပီႊ ဢၼ်​ၶဝ်​လႆႈ​ၶၢမ်ႇ​တၢင်း​ဢၼ် သင်ႇ​သွၼ်​သုင်း​မႃႉ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မိူင်း​ မေႃႇၽႃႉ ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="45">ၶဝ်​ၸိူဝ်း​ဢၼ်​ဢွၵ်ႇ​ပၢႆႈ​ၼၼ်ႉ ႁႅင်း​ဢူၼ်ႈ​ႁႅင်း​သဵင်ႈ​လႄႈ ဢွၼ်​ၵၼ်​သွၼ်ႈ​ပိုင်ႈ​ယူႇ​ၵႃႈ​တႂ်ႈ​ႁူမ်ႈ ဝဵင်း​ ႁေႇသၽုၼ်ႇ ​သေ​ၵေႃႈ၊ ၽႆး​ဢွၵ်ႇ​သေ​ၵႃႈ​ၼႂ်း​ဝဵင်း​ ႁေႇသၽုၼ်ႇ ၊ ပဵဝ်​ၽႆး​ဢွၵ်ႇ​သေ​ၵႃႈ​ၼႂ်း တီႈ​ယူႇ​ၶုၼ်​ သီႉႁုၼ်ႇ ​လႄႈ မႆႈ​တီႈ​ၸွၵ်ႉ​တီႈ​ၸဵင်ႇ​လိၼ်​မိူင်း​ မေႃႇၽႃႉ ဢိၵ်ႇ​တင်း ၸိၵ်း​ႁူဝ်​ၶဝ်​ၸိူဝ်း​ဢၼ် မႃႇၼႃႉ​ပူၵ်း​ပႅၼ် ဢူၼ်​ဢဵၼ်​မေႃး​မႄး​ယူႇ ၼၼ်ႉ​ဢေႃႈ။-</verse>
				<verse number="46">မေႃႇၽႃႉ ​ဢိူၺ်း၊ မႂ်း​ၼႆႉ​မီး​ဢႃႉ​မင်ႇၵလႃႇ​ဢေႃႈ။ တပႄး​တပၢၼ်း​ ၶႄးမူႉသႃႉ ​ၸိူဝ်း​ၼၼ်ႉ ႁၢႆ​လၢႆ​ၵႂႃႇ​ယဝ်ႉ။ လုၵ်ႈ​ၸၢႆး​မႂ်း​တင်း​လၢႆ လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​လႄႈ လုၵ်ႈ​ယိင်း​မႂ်း​တင်း​လၢႆ လႆႈ​ၶၢမ်ႇ​တၢင်း​ဢၼ် ဢဝ်​ၶၢႆႉ​တီႈ​ၵႂႃႇ​ယဝ်ႉ။-</verse>
				<verse number="47">ၼႂ်း​ဝႃႈ​ၼၼ်​သေ​ၵေႃႈ ၶိင်ႇ​ၵႃႇလႃႉ မိုဝ်ႉ​ဝၼ်း​ၵမ်း​လိုၼ်း​ၼၼ်ႉ ၵဝ်​တၵ်း​ဢဝ်​ၵူၼ်း​မဵဝ်း​ မေႃႇၽႃႉ ဢၼ်​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​ၸိူဝ်း​ၼၼ်ႉ ၶိုၼ်း​မႃး​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ၸီႇ​ယၢင်ႇ​ၸွမ်း​ၼင်ႇ​တြႃး ဢၼ်​မိူင်း​ မေႃႇၽႃႉ ​လႆႈ​ၶၢမ်ႇ​ဢေႃႈ။</verse>
			</chapter>
			<chapter number="49">
				<verse number="1">ထႃႇဝရႃႉ​ၽြႃး ဢဝ်​လွင်ႈ ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ​သေ​လႄႈ မီး​ဢမိင်ႉ​ၸမ်ႉ၊ ဢီႉသရေႇလႃႉ ​ၼၼ်ႉ ဢမ်ႇ​မီး​လုၵ်ႈ​ၸၢႆး​ႁိုဝ်။ ဢမ်ႇ​မီး​ၵေႃႉ​ဢၼ်​ၶၢမ်ႇ​ဢမူၺ်ႇ​ႁိုဝ်။ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ၽြႃး​ မႃႇလ​ၶၢမ်ႇ​ ​သိမ်း​ဢဝ်​မိူင်း​ ၵၢတ်ႉ ​လႄႈ ၵူၼ်း​မၼ်း​တင်း​လၢႆ ဢွၼ်​ၵၼ်​ယူႇ ၵႃႈ​ၼႂ်း​မိူင်း​ၼၼ်ႉ​ၼင်ႇ​ႁိုဝ်။-</verse>
				<verse number="2">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိုဝ်ႉ​ဝၼ်း​ဢၼ် ၵဝ်​တၵ်း​ႁႂ်ႈ​ငိၼ်း သဵင်​တၢင်း​ဢၼ်​တိုၵ်း​ၵၼ် တင်း​ဝဵင်း​ ရပ်ႉပႃႇ တီႈ​ယူႇ​ၵူၼ်း​မဵဝ်း​ ဢမ်ႇမုၼ်ႇ ​ၸိူဝ်း​ၼၼ်ႉ​ၼၼ်ႉ တၵ်း​ႁွတ်ႈ​ထိုင်​ဢေႃႈ။ ဝဵင်း​ၼၼ်ႉ​ပဵၼ်​ပုမ်ႇ​ပဵၼ်​ၵွင် တီႈ​ဢၼ်​ပဝ်ႇ​ဢၼ်​လၢပ်ႈ​လႄႈ လုၵ်ႈ​ယိင်း မၼ်း​တင်း​လၢႆ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​ၽႆး​တုတ်ႇ​ၽႆး​မႆႈ​ဢေႃႈ။ မိူဝ်ႈ​ၼၼ်ႉ​မဵဝ်း​ ဢီႉသရေႇလႃႉ သမ်ႉ​တၵ်း​လႆႈ​ၶိုၼ်း​သိမ်း​ဢဝ် ဢုပ်ႉ​ပိူင်ႇ ၶဝ်​ၸိူဝ်း​ဢၼ်​သိမ်း​ဢဝ် ဢုပ်ႉ​ပိူင်ႇ​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="3">ဝဵင်း​ ႁေႇသၽုၼ်ႇ ​ဢိူၺ်း၊ ႁွင်ႉ​ႁႆႈ​ပွင်ႉ​ၶၢင်း​တႃႉ။ ဝဵင်း​ ဢႃႇဢီႉ ​ၼၼ်ႉ လူႉ​လႅဝ်​ယဝ်ႉ။ လုၵ်ႈ​ယိင်း​ဝဵင်း​ ရပ်ႉပႃႇ ​ၶဝ်​ဢိူၺ်း၊ ဢွၼ်​ၵၼ်​ႁႆႈ​ႁွင်ႉ​လႄႈ ၼုင်ႈ​ၶူဝ်း​ၼုင်ႈ​ၼင်​ပေႃ​ယူႇ​တႃႉ။ ဢွၼ်​ၵၼ်​ပွင်ႉ​မိူၼ်ႇ​ယူႇ​သေ​လႄႈ လႅၼ်ႈ​ၵႂႃႇ​လႅၼ်ႈ​မႃး​ၵႃႈ​တီႈ​ႁိမ်း​ႁူဝ်ႉ​ႁိမ်း​ဝၢင်း​တႃႉ။ လွင်ႈ​မၼ်း​ၸမ်ႉ ၽြႃး​ မႃႇ​လႃႉ​ၶမ်ႇ ​ၼၼ်ႉ လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ဢိၵ်ႇ​လူၺ်ႈ​ၵၼ် တင်း​ယိတ်ႈပရေႃးႁဵၵ်ႈ​မၼ်း တင်း​ၶုၼ်​မၼ်း​တင်း​လၢႆ​ယဝ်ႉ။-</verse>
				<verse number="4">လုၵ်ႈ​ယိင်း​ဢၼ်​ၽွၵ်ႈ​ပျၢၼ်ႇ​ၶိုၼ်း​လႄႈ ဢိင်​ပိုင်ႈ ၸေး​ၸိမ်ႇ​တူဝ်​ၸဝ်ႈ​ၵဝ်ႇ​ယူႇ​သေ​လႄႈ လၢတ်ႈ​လႄႈ​ဝႃႈ၊ ၽူႈ​လႂ်​တၵ်း​ႁွတ်ႈ​ထိုင် ၵႃႈ​တီႈ​ၵဝ်​လႆႈ၊ ဝႃႈ​ၼင်ႇ​ၼႆ​ၼၼ်ႉ​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ဢုပ်ႇ​ဢၢတ်ႇ​ယူႇ ၵႃႈ​ၼႂ်း​ပၢင်ႇ​ႁူၺ်ႈ​မႂ်း​တင်း​လၢႆ၊ ၵႃႈ​ၼႂ်း​ပၢင်ႇ​ႁူၺ်ႈ​မႂ်း ဢၼ်​ပဵၼ်​တီႈ​ဢၼ်​လိူတ်ႈ​လႆ ၵႂႃႇ​ၼၼ်ႉ​ၼင်ႇ​ႁိုဝ်။-</verse>
				<verse number="5">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ႁႂ်ႈ တၢင်း​ဢၼ်​လီ​ၵူဝ်​လီ​ႁႄ ၵွပ်ႈ​ပိူဝ်ႈ​ၶဝ်​ၸိူဝ်း​ဢၼ် ယူႇ​ၵႃႈ​တီႈ​ႁိမ်း​ႁွမ်း လဵပ်ႈ​ႁွပ်ႈ​မႂ်း​ၼၼ်ႉ​ၼၼ်ႉ ႁွတ်ႈ​ထိုင်​တီႈ​မႂ်း​ဢေႃႈ။ သူ​ၵႃႈ​မီး​တၵ်း​လႆႈ​ၶၢမ်ႇ တၢင်း​ဢၼ်​ႁေႃႈ​ဢွၵ်ႇ​ပႅတ်ႈ ႁင်း​ၽႂ်​ႁင်း​မၼ်း​လႄႈ ဢမ်ႇ​လႆႈ​မီး​ၵေႃႉ​ဢၼ် ႁႂ်ႈ​ၶဝ်​ၸိူဝ်း​ဢၼ် ၽၢတ်ႇ​ၽႄ​ၵၼ်​ၵႂႃႇ​ၼၼ်ႉ လႆႈ​ၸူႉ​ၵၼ်​တုမ်​ၵၼ်။-</verse>
				<verse number="6">ၼႂ်း​ဝႃႈ​ၼၼ်​သေ​ၵေႃႈ ၵမ်း​လိုၼ်း​ၵဝ်​တၵ်း​ဢဝ် ၵူၼ်း​မဵဝ်း​ ဢမ်ႇမုၼ်ႇ ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ ၸိူဝ်း​ၼၼ်ႉ ၶိုၼ်း​မႃး​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="7">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ဢဝ်​လွင်ႈ​မိူင်း​ ဢေႇတုမ်ႇ ​သေ​လႄႈ မီး​ဢမိင်ႉ​ၸမ်ႉ၊ ပိင်ႇ​ၺႃႇ​သဵင်ႈ​မူတ်း​သေ ၵႃႈ​ၼႂ်း​မိူင်း​ တေႇမၢၼ်ႇ ​ယဝ်ႉ​ႁိုဝ်။ ၵေႃႉ​ဢၼ်​မီး ပိင်ႇ​ၺႃႇ​သတီႉ​ၼၼ်ႉ ဢမ်ႇ​ပၼ်​တၢင်း​ၵျၢမ်ႇ​တၢင်း​ပွင်​လႆႈ​ႁိုဝ်။ ၺၢၼ်ႇ​ၶဝ်​ၼၼ်ႉ​ႁၢႆ​လၢႆ​ၵႂႃႇ​ယဝ်ႉ​ႁိုဝ်။-</verse>
				<verse number="8">ၵူၼ်း​ဝဵင်း​ တေႇတၼ်ႇ ​ၶဝ်​ဢိူၺ်း၊ ဢွၼ်​ၵၼ်​ဢွၵ်ႇ​ပၢႆႈ​လႄႈ သုတ်ႉ​ၶိုၼ်း​ယိုတ်း​ၶိုၼ်း သေ​လႄႈ ယူႇ​ၵႃႈ​ၼႂ်း​တီႈ​ဢၼ်​လိုၵ်ႉ​လမ်ႇ ၼၼ်ႉ​တႃႉ။ ၵဝ်​တၵ်း​ႁႂ်ႈ​ၽေး​ဢၼ်​ ဢေးသေႃး ထူပ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မၼ်း ၼႂ်း​မိူဝ်ႈ​ဢၼ် ၵဝ်​သင်ႇ​သွၼ်​သုင်း​မႃႉ​မၼ်း ၼၼ်ႉ​ဢေႃႈ။-</verse>
				<verse number="9">ပေႃး​ၶဝ်​ၸိူဝ်း​ဢၼ် ဝိတ်း​မၢၵ်ႇ​ၸပိတ်ႈ​ၼၼ်ႉ မႃး​တီႈ​မႂ်း​ၸိုင်၊ ၶဝ်​တၵ်း ဢွၼ်​ၵၼ်​ႁႂ်ႈ​ၵိုတ်း​ၵျၢၼ်ႇ​ဝႆႉ​ပုၼ်ႈ​ဢၼ် ပိူၼ်ႈ​တၵ်း​ၸွမ်း​လႄႈ ၵဵပ်း​ဢဝ်​ၼၼ်ႉ​ဢမ်ႇ​ၸႂ်ႈ​ႁိုဝ်။ ပေႃး​ၽူႈ​လၵ်ႉ​မႃး​ၶိင်ႇ​ၵၢင်​ၶိုၼ်း​ၸိုင်၊ ၶဝ်​တၵ်း​ႁိမ်​ဢဝ်​ႁူင်ႇ​ဢဝ်​ႁႂ်ႈ​ထၼ်ႈ​ပေႃး ပေႇ​ၸႂ်​ၶဝ်​ဢမ်ႇ​ၸႂ်ႈ​ႁိုဝ်။-</verse>
				<verse number="10">ၵဝ်​တၵ်း​ထွတ်ႇ​ၶူဝ်း​ၼုင်ႈ​ ဢေးသေႃး ​ပႅတ်ႈ​လႄႈ ၽုၺ်ႇ​ပိုတ်ႇ တီႈ​ဢၼ်​သိူင်ႇ​ဢၼ်​လပ်ႉ​မၼ်း ၸိူဝ်း​ၼၼ်ႉ ထၼ်ႈ​ပေႃး မၼ်း​ဢမ်ႇ​တဵတ်ႇ​ဢမ်ႇ​မႅပ်ႉ​ယူႇ​လႆႈ​ဢေႃႈ။ မဵဝ်း​ၸိူဝ်ႉ​ၶိူဝ်း​မၼ်း တၵ်း​ႁွတ်ႈ​ထိုင် တၢင်း​လူႉ​တၢင်း​လႅဝ်​လႄႈ၊ ပီႈ​ၼွင်ႉ​မၼ်း၊ ၵူၼ်း​ႁိူၼ်း​ၸမ်​ၵၼ်​တင်း​မၼ်း ဢိၵ်ႇ​တင်း​တူဝ်​မၼ်း တၵ်း​လႆႈ​ႁၢႆ​ၵႂႃႇ​ဢေႃႈ။-</verse>
				<verse number="11">ဢဝ်​လုၵ်ႈ​တိၼ်ႇ​ၽႃႉ​တီႈ​မႂ်း ၸိူဝ်း​ၼၼ်ႉ ၵိုတ်း​ၵျၢၼ်ႇ​ဝႆႉ​တႃႉ။ ၵဝ်​တၵ်း​ပႂ်ႉ​ၶဝ်​ယူႇ​ဢေႃႈ။ ႁႂ်ႈ​မႄႈ​မူၵ်း​မႄႈ​မၢႆႈ​မႂ်း ၸိူဝ်း​ၼၼ်ႉ သွၼ်ႈ​ပိုင်ႈ​ၵဝ်​ယူႇ သေ​ၵမ်း​လူၺ်ႈ။-</verse>
				<verse number="12">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ပေႃး​ၶဝ်​ၸိူဝ်း​ဢၼ်​ဢမ်ႇ​ထိူၵ်ႈ သူတ်ႉ​ၵိၼ်​ၵွၵ်း​ဝၢၼ်ႇ ၸိူဝ်း​ၼၼ်ႉ လႆႈ​သူတ်ႉ​ၵိၼ်​ဢမၢၼ်ႇ​ၶၼ်​ပဵၼ်​ၸိုင်၊ မႂ်း​ယင်း​ဢမ်ႇ​ၶၢမ်ႇ​ဢပႅတ်ႈ​လႄႈ တၵ်း​လႆႈ လွတ်ႈ​မူတ်း​မူတ်း​သဵင်ႈ​သဵင်ႈ​ႁိုဝ်။ မႂ်း​ယင်း​ဢမ်ႇ​လႆႈ​ၶၢမ်ႇ တၢမ်ႇ​ဢပႅတ်ႈ​လႄႈ ဢမ်ႇ​လႆႈ​ယူႇ။ မႂ်း​တၵ်း​လႆႈ သူတ်ႉ​ၵိၼ်​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="13">ၵဝ်​တၵ်း​ဢဝ် တူဝ်​ၸဝ်ႈ​ၵဝ်ႇ​တိူင်ႇ​ဝႃႈ​ၵိၼ်ႇ​ဝႃႈ​လူၺ်ႈ​လွင်ႈ ဢၼ်​မိူင်း​ ပေႃႇၸရႃႉ တၵ်း​လႆႈ​ပဵၼ်​တီႈ​ဢၼ်​လီ​ဢၢမ်း၊ တီႈ​ဢၼ် သႄႉ​သွမ်း၊ တီႈ​ဢၼ်​သဵတ်ႇ​ၵူၼ်း​ယဵၼ်​ၵူၼ်း၊ တီႈ​ဢၼ်​ၵိၼ်ႇ​လႃႇ​ၼၼ်ႉ​ဢေႃႈ။ ဝဵင်း​မၼ်း​ၵႃႈ​မီး တင်း​သဵင်ႈ​တင်း​လူင် တၵ်း​လႆႈ​ပဵၼ် တီႈ​ဢၼ်​ပဝ်ႇ ဢၼ်​လၢပ်ႈ​ယူႇ သေႇ​သေႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="14">ၵဝ်​ငိၼ်း​သဵင်​ဢၼ် ထႃႇဝရႃႉ​ၽြႃး ပၢဝ်ႇ​သေႃႇ​လႄႈ မၼ်း​ၸဝ်ႈ​ပွႆႇ​ၸႂ်ႉ သၢၼ်ႇတမၢၼ်ႇ​ၸူး​ၵႃႈ​တီႈ ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ​လႄႈ​ဝႃႈ၊ သူ​ၸူႉ​ၵၼ်​တုမ်​ၵၼ်​သေ​လႄႈ ဢွၼ်​ၵၼ်​ၶီႇ​သိုၵ်း​မႃး ႁႂ်ႈ​လႆႈ​တိုၵ်း​မၼ်း​တႃႉ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ။-</verse>
				<verse number="15">တူၺ်း​လူး၊ ၵဝ်​တၵ်း​ႁဵတ်း​ႁႂ်ႈ​မႂ်း ပဵၼ်​ဢၼ်​ယုတ်ႈ​ဢၼ်​ယွမ်း ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ ဢိၵ်ႇ​တင်း ႁႂ်ႈ​မႂ်း​လႆႈ​ၶၢမ်ႇ​တၢင်း​ဢၼ် ၶျႃး​တူၵ်း​တီႈ​တႅမ်ႇ ၵႃႈ​ၼႂ်း​ၵူၼ်း​တင်း​လၢႆ​ဢေႃႈ။-</verse>
				<verse number="16">မႂ်း​ဢၼ်​ယူႇ ၵႃႈ​ၼႂ်း​ၵႄႈ​မၢၵ်ႇ​ႁိၼ်​မၢၵ်ႇ​ၽႃ​လႄႈ သွၼ်ႈ​ပိုင်ႈ​ၸိၵ်း​လွႆ ပၢႆ​လွႆ​ၼႆႉ​ဢိူၺ်း၊ လွင်ႈ​တၢင်း​ဢၼ်​လီ​ၵူဝ်​လီ​ႁႄ​မႂ်း၊ မႃႇၼႃႉ​မႂ်း​ၼၼ်ႉ ပႅတ်ႉ​လႅၼ်​မႂ်း​ယဝ်ႉ။ ပိၵ်ႉ​သမ်ႉ​မႂ်း​ႁဵတ်း​ႁင်း​မႂ်း​ယူႇ ၵႃႈ​တီႈ​ဢၼ်​သုင်​မိူၼ်​ၸိူဝ်ႉ​ၼင်ႇ လၢင်း​တႃႉ​ၶမ်း​ၼၼ်ႉ​သေ​ၵေႃႈ ၵဝ်​တၵ်း​ၶျႃး​မႂ်း​တူၵ်း​သေ ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="17">မိူင်း​ ဢေႇတုမ်ႇ တၵ်း​ပဵၼ် တီႈ​ဢၼ်​လီ​ဢၢမ်း​လႄႈ ၵႃႈ​ပဵၼ် ၵေႃႉ​ဢၼ်​တႆႇ​တၢင်း ပႆ​တၢင်း​ၵၢႆ​ၵႂႃႇ ၵႃႈ​တီႈ​ၼၼ်ႈ​ၸိူဝ်း​ၼၼ်ႉ တၵ်း​ဢွၼ်​ၵၼ်​ဢၢမ်း​လႄႈ ႁဵတ်း​သဵင်​ဢၼ် သီႉ​သီႉ​သေႃႉ​သေႃႉ သႄႉ​သွမ်း ၵွပ်ႈ​ပိူဝ်ႈ​ၽေး​ဢူႉ​ပၢတ်ႈ ဢၼ်​မၼ်း​လႆႈ​ၶၢမ်ႇ တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="18">မိူၼ်​ၸိူဝ်ႉ​ၼင်ႇ ဢၼ်​ပဵၼ်​ၼႂ်း​တၢင်း​ဢၼ်​ဝဵင်း​ သေႃးတုမ်ႇ ဢိၵ်ႇ​တင်း​ဝဵင်း​ ၵေႃးမေႃးရႃႉ တင်း​ဝဵင်း​ဢၼ်​မီး​ၸပ်း​မီး​ၸမ်​ၵၼ် တင်း​မၼ်း​ၸိူဝ်း​ၼၼ်ႉ လူႉ​လႅဝ်​ၼၼ်ႉ​လႄႈ ၽူႈ​လႂ်​ဢမ်ႇ​လႆႈ​ယူႇ​လႆႈ​သဝ်း ၵႃႈ​တီႈ​ၼၼ်ႈ သေ​ၵေႃႉ​သေ​ၵူၼ်း။ လုၵ်ႈ​ၵူၼ်း​သေ​ၵေႃႉ​သေ​ၵူၼ်း ဢမ်ႇ​လႆႈ​တူၵ်း​တီႈ​ယူႇ​တီႈ​သဝ်း ၵႃႈ​ၼႂ်း​မၼ်း၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="19">တူၺ်း​လူး၊ မၼ်း​ၼၼ်ႉ​တၵ်း​ၶိုၼ်ႈ​ၸူး ၵႃႈ​တီႈ​တီႈ​ယူႇ​ဢၼ်​မၼ်ႈ​ၶိူင်ႇ မိူၼ်​ၸိူဝ်ႉ​ၼင်ႇ​ဢၼ် သၢင်ႇ​သီႈ လုၵ်ႉ​သေ​ၵႃႈ​တီႈ ၵုင်ႇ​သရေႇ​ၼမ်ႉ​ႁွင်ႈ​ ယေႃးတၢၼ်ႇ ၶိုၼ်ႈ​ၼၼ်ႉ​လႄႈ ၵူၺ်း​ၵႃႈ ၵဝ်​တၵ်း​ႁဵတ်း​ႁႂ်ႈ​မၼ်း​ၼၼ်ႉ ဢွၵ်ႇ​ပၢႆႈ​ဢေႃႈ၊ ၵေႃႉ​ဢၼ်​လိူၵ်ႈ​ၵဵပ်း​ဢဝ် ဢၼ်​ဝႃႈ ၵေႃႉ​ဢၼ်​ၵဝ်​တၵ်း​ၶၢၼ်း​ဝႆႉ ၵႃႈ​ၼိူဝ်​မၼ်း​ၼၼ်ႉ​ပဵၼ်​ၽူႈ​လႂ်။ ၽူႈ​လႂ်​တၵ်း​မိူၼ်​ၵၼ်​တင်း​ၵဝ်။ ၽူႈ​လႂ်​တၵ်း​မၵ်း​ၶၢၼ်း ၶိင်ႇ​မိူဝ်ႈ​ဝႆႉ​တီႈ​ၵဝ်။ ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း ဢၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ တၵ်း​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်။-</verse>
				<verse number="20">ၵွပ်ႈ​ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ဢွၼ်​ၵၼ်​ထွမ်ႇ​ငိၼ်း တၢင်း​ၵျၢမ်ႇ​တၢင်း​ပွင်​ဢၼ် ထႃႇဝရႃႉ​ၽြႃး ၵျၢမ်ႇ​ပွင်​ယူႇ​ၽၢႆႇ​ၼိုင်ႈ တင်း မိူင်း​ ဢေႇတုမ်ႇ ၊ တၢင်း​ၵျၢမ်ႇ​တၢင်း​ပွင် ဢၼ်​မၼ်း​ၸဝ်ႈ ၵျၢမ်ႇ​ပွင်​ယူႇ​ၽၢႆႇ​ၼိုင်ႈ တင်း​ၵူၼ်း​မိူင်း​ တေႇမၢၼ်ႇ ​တင်း​လၢႆ​ၼၼ်ႉ​တႃႉ။ ၶဝ်​ၼၼ်ႉ တၵ်း​တိုတ်ႉ​ၸၼ်​ဢဝ်​ၶဝ် ဢၼ်​ဝႃႈ သူဝ်း​ဢၼ်​ႁႅင်း​လဵၵ်ႉ​သေ​ပိူၼ်ႈ​ၸိူဝ်း​ၼၼ်ႉ ၵႂႃႇ​ဢမၢၼ်ႇ​ၶၼ်​ပဵၼ်​ဢေႃႈ။ မၼ်း​တၵ်း​မႃး​တီႈ​ဢၼ် ၶဝ်​မီး​ၼၼ်ႉ​လႄႈ ႁဵတ်း​ႁႂ်ႈ​တီႈ​ဢၼ်​ၶဝ်​ယၢမ်ႈ​ၵိၼ်​ယူႇ​ၼၼ်ႉ ပဵၼ်​ဢၼ်​ပဝ်ႇ​ဢၼ်​လၢပ်ႈ​ၵႂႃႇ​ဢေႃႈ။-</verse>
				<verse number="21">လိၼ်​မိူင်း​သၼ်ႇ​ဝႆ​ၵွပ်ႈ​ပိူဝ်ႈ သဵင်​ဢၼ်​ၶဝ်​ၵိူၼ်ႇ​လူမ်ႉ​ၼၼ်ႉ​လႄႈ၊ သဵင်​ဢၼ်​ၶဝ်​သႅၼ်ႇ​ႁွင်ႉ​ၼၼ်ႉ လႆႈ​ငိၼ်း​ၵႂႃႇ​တေႃႇ​ထိုင်​ႁွတ်ႈ ပၢင်ႇ​လၢႆႇ​ ဢေႇတုမ်ႇ ​ဢေႃႈ။-</verse>
				<verse number="22">တူၺ်း​လူး၊ မၼ်း​ၼၼ်ႉ တၵ်း​ၶိုၼ်ႈ​လႄႈ မိၼ်​ယူႇ ၸိူဝ်ႉ​ၼင်ႇ​လၢင်း​တႃႉ​ၶမ်း​ၼၼ်ႉ ယူႇ​သေ​လႄႈ ၵီႈ​ပိၵ်ႇ​မၼ်း​မုင်း​ႁူမ်ႇ ဝဵင်း​ ပေႃႇၸရႃႉ ​ဢေႃႈ။ ၼႂ်း​မိုဝ်ႉ​ဝၼ်း​ၼၼ်ႉ ႁူဝ်​ၸႂ်​ႁူဝ်​ႁၢၼ်​ၵူၼ်း​သိုၵ်း​မိူင်း​ ဢေႇတုမ်ႇ ​ၸိူဝ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ ႁူဝ်​ၸႂ်​မႄႈ​ယိင်း ဢၼ်​လႆႈ​ၶၢမ်ႇ​ဝူၺ်ႇတၼႃႇ တၢင်း​ဢၼ် ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ၼၼ်ႉ ၵႂႃႇ​ဢေႃႈ။</verse>
				<verse number="23">ၵႂၢမ်း​ၸဝ်ႈ​ဢၼ် ဢဝ်​လွင်ႈ​ဝဵင်း​ ထမ်ႇမသႅတ်ႉ ​သေ​လႄႈ​ဝႃႈ​ၸမ်ႉ၊ ဝဵင်း​ ႁႃႇမတ်ႉ ဢိၵ်ႇ​တင်း​ဝဵင်း​ ဢႃႇပတ်ႉ ​ၸိူဝ်း​ၼၼ်ႉ ဢွၼ်​ၵၼ်​ဢူၵ်း​ဢၢႆ ၵွပ်ႈ​ပိူဝ်ႈ ဢၼ်​ငိၼ်း​သတၢင်း​သဵင်​ၶၢဝ်ႇ ဢၼ်​ဢမ်ႇ​လီ​ၼၼ်ႉ​လႄႈ ၸိူမ်ႈ​ယၢႆႈ​ၵႂႃႇ​ဢေႃႈ။ မီး​လွင်ႈ​ဢၼ် လီ​မႆႈ​ၸႂ်​ၶီ​ၸႂ် တီႈ​ပၢင်ႇ​လၢႆႇ​ၼၼ်ႉ လႄႈ ဢမ်ႇ​ႁွတ်ႈ​ထိုင်​တၢင်း​ဢၼ် တဵတ်ႇ​လီ​ၼိမ်​လီ​လႆႈ။-</verse>
				<verse number="24">ဝဵင်း​ ထမ်ႇမသႅတ်ႉ ႁႅင်း​ဢူၼ်ႈ​ႁႅင်း​ယွမ်း​ၵႂႃႇ​ယဝ်ႉ။ မၼ်း​ဝၢႆႇ​တူဝ်​မၼ်း​ႁႂ်ႈ​လႆႈ​ဢွၵ်ႇ​ပၢႆႈ​ယဝ်ႉ။ တၢင်း​ဢၼ်​သၼ်ႇ​ဢၼ်​ဝႆ​တီႉ​ၵမ်​ဢဝ်​မၼ်း​ယဝ်ႉ။ မၼ်း​လႆႈ​ၶၢမ်ႇ တုၵ်ႉ​ၶႃႉ​တၢင်း​ၽၢၼ် ဢိၵ်ႇ​တင်း ဝူၺ်ႇတၼႃႇ ဢၼ်​ႁႅင်း​ယႂ်ႇ​ၼႃႇ​ၼၼ်ႉ မိူၼ်​ၸိူဝ်ႉ​ၼင်ႇ မႄႈ​ယိင်း ဢၼ်​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း ၼၼ်ႉ​ဢေႃႈ။-</verse>
				<verse number="25">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ဝဵင်း​ဢၼ်​သႃႈ​ႁူင်၊ ဝဵင်း​ဢၼ် ၵဝ်​လီ​ၸူမ်း​သိူဝ်း​ၼၼ်ႉ ဢမ်ႇ​လႆႈ​ၵိုတ်း​ၵျၢၼ်ႇ​ဝႆႉ ၼင်ႇ​ႁိုဝ်။-</verse>
				<verse number="26">ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ ၵူၼ်း​ၼုမ်ႇ​ၵူၼ်း​ၵမ်​မၼ်း တင်း​လၢႆ တၵ်း​လူမ်ႉ​တူၵ်း​ၵႃႈ​ၼႂ်း သဵၼ်ႈ​တၢင်း​မၼ်း​တင်း​လၢႆ​လႄႈ ၼႂ်း​မိုဝ်ႉ​ဝၼ်း​ၼၼ်ႉ ႁူဝ်​ႁၢၼ်​ၵူၼ်း​သိုၵ်း​မၼ်း တင်း​သဵင်ႈ​တင်း​လူင်​ၼၼ်ႉ တၵ်း​သုမ်း​တၵ်း​ၸွမ်း​ဢေႃႈ။-</verse>
				<verse number="27">ၵဝ်​တၵ်း​ဢဝ်​ၽႆး​တုတ်ႇ ၵႃႈ​တီႈ​လမ်း​ဝဵင်း ထမ်ႇမသႅတ်ႉ ​လႄႈ ႁႂ်ႈ​မႆႈ​ႁေႃ​ၶမ်း​ ပိၼ်ႇႁႃႇတတ်ႉ ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="28">ၵႂၢမ်း​ၸဝ်ႈ​ဢၼ်​ဢဝ်​လွင်ႈ​မိူင်း​ ၵေႇတႃႇ ဢိၵ်ႇ​တင်း​မိူင်း​ ႁႃႇၸေႃႇ ဢၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ တိုၵ်း​တေႃး​ယႃႉ​ပႅတ်ႈ ၸိူဝ်း​ၼၼ်ႉ လႄႈ​ဝႃႈ​ၸမ်ႉ၊ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ဢွၼ်​ၵၼ်​လုၵ်ႉ​လႄႈ ၶီႇ​ၸူး ၵႃႈ​တီႈ​မိူင်း​ ၵေႇတႃႇ ​သေ​လႄႈ ႁိမ်​ဢဝ်​ႁူင်ႇ​ဢဝ်​ၵူၼ်း ဢၼ်​ယူႇ​ၵႃႈ​တီႈ ၼႃႈ​ဝၼ်း​ဢွၵ်ႇ​ၸိူဝ်း​ၼၼ်ႉ​တႃႉ။-</verse>
				<verse number="29">တၵ်း​လႆႈ​ဢွၼ်​ၵၼ် သိမ်း​ဢဝ်​မူဝ်းၵႃႇ​ၶဝ် ဢိၵ်ႇ​တင်း ၽုင်​သူဝ်း​ၶဝ်​လႄႈ ဢဝ်​ၽႃႈ​ၵင်ႈ​ၶဝ်၊ ၶိူင်ႈ​ယိပ်း​ၶိူင်ႈ​ၵႅမ်း​ၶဝ်၊ ၵလႃးဢုၵ်ႉ​ၶဝ်​ၸိူဝ်း​ၼၼ်ႉ ၵႂႃႇ​ပုၼ်ႈ​တူဝ်​ၸဝ်ႈ​ၵဝ်ႇ​ဢေႃႈ။ တၵ်း​လႆႈ​ဢွၼ်​ၵၼ် ႁွင်ႉ​ပၢဝ်ႇ​ႁွင်ႉ​သေႃႇ​လႄႈ​ဝႃႈ၊ တင်း​ဢၼ်​လီ​ၵူဝ်​လီ​ႁႄ မီး​လဵပ်ႈ​ႁွပ်ႈ​ဝႆႉ​ယူႇ​ၵူႈ​ၽၢႆႇ ၵူႈ​ပႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း​ဢၼ်​ယူႇ​ၵႃႈ​တီႈ​မိူင်း​ ႁႃႇၸေႃႇ ​ၶဝ်​ဢိူၺ်း၊ ဢွၼ်​ၵၼ်​ဢွၵ်ႇ​ပၢႆႈ​လႄႈ ၵႂႃႇ​ၵႆ​ၵႆ​သေ​လႄႈ ယူႇ​ၵႃႈ​ၼႂ်း တီႈ​ဢၼ်​လိုၵ်ႉ​ဢၼ်​လမ်ႇ​တႃႉ။ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင် ယူႇ​ၽၢႆႇ​ၼိုင်ႈ​တင်း​မႂ်း​လႄႈ ဢၢင်ႈ​တၵ်း​ႁဵတ်း​ဢမူႉ ယူႇ​ၽၢႆႇ​ၼိုင်ႈ တင်း​မႂ်း​ဢေႃႈ။-</verse>
				<verse number="31">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ် လုၵ်ႉ​လႄႈ​ၶိုၼ်း​ၸူး ၵႃႈ​တီႈ​ၵူၼ်း​မဵဝ်း ဢၼ်​ၼိမ်​ၼိမ်​လီ​လီ​လႄႈ ဢမ်ႇ​မီး​တၢင်း​ဢၼ် မႆႈ​ၸႂ်​ၶီ​ၸႂ် ဢၼ်​ဢမ်ႇ​ၸၢင်ႈ​သုင်း​သွင်ႇ ၽၵ်း​တူ​ဝဵင်း ဢိၵ်ႇ​တင်း ၵိူၼ်ႇ​ၽၵ်း​တူ ဢၼ်​ယူႇ​ၶေႃ​ၶေႃ​ၵူၺ်း​ၶဝ် ၼၼ်ႉ​တႃႉ။-</verse>
				<verse number="32">ၵလႃးဢုၵ်ႉ​ၶဝ် တင်း​လၢႆ တၵ်း​ပဵၼ်​တီႈ​ဢၼ် ႁိမ်​ဢဝ်​ႁူင်ႇ​ဢဝ်​လႄႈ တရိၵ်ႈသၢၼ်ႇ​ၶဝ် ဢၼ်​ၼမ်​ၼႃႇ​ၼၼ်ႉ တၵ်း​ပဵၼ် တီႈ​ဢၼ်​တီႉ​လႆႈ သိမ်း​ဢဝ်​ဢေႃႈ။ ၵဝ်​တၵ်း​ဢဝ်​ၵူၼ်း​မဵဝ်း ဢၼ်​ၸၢင်ႈ​ထႃ​ၼူတ်ႇ​ၵႅမ်ႈ ၼူတ်ႇ​ၵၢင်း​ၸိူဝ်း​ၼၼ်ႉ ၸၢတ်ႇ​ပိုၼ်​သႂ်ႇ ၵႃႈ​တီႈ​လူမ်း ၵူႈ​ၽၢႆႇ​ၵူႈ​ပႃႈ​လႄႈ ၵဝ်​တၵ်း​ႁႂ်ႈ ၽေး​ဢူႉ​ပၢတ်ႈ​လုၵ်ႉ​သေ ၵႃႈ​တီႈ​ၵူႈ​တီႈ​ၵူႈ​လႅၼ်​ႁွတ်ႈ​ထိုင် ၵႃႈ​ၼိူဝ်​ၶဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="33">မိူင်း​ ႁႃႇၸေႃႇ ​ၼၼ်ႉ တၵ်း​လႆႈ​ပဵၼ် တီႈ​ယူႇ​တီႈ​မႃ​လိၼ်၊ တီႈ​ဢၼ်​သဵတ်ႇ​ၵူၼ်း​ယဵၼ်​ၵူၼ်း ယူႇ​သေႇ​သေႇ​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လႆႈ​ယူႇ​လႆႈ​သဝ်း ၵႃႈ​တီႈ​ၼၼ်ႈ။ လုၵ်ႈ​ၵူၼ်း သေ​ၵေႃႉ​သေ​ၵူၼ်း ဢမ်ႇ​လႆႈ​တူၵ်း​တီႈ​တူၵ်း​လႅၼ် ၵႃႈ​ၼႂ်း​မၼ်း။</verse>
				<verse number="34">ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ဢဝ်​လွင်ႈ​မိူင်း​ ဢေႇလမ်ႇ ​သေ​လႄႈ ႁွတ်ႈ​မႃး​တီႈ​ပရေႃးၽႅတ်ႈ​ ယေႇရမီႉ ၼႂ်း​မိူဝ်ႈ​ဢၼ်​ ၸေႇတၵီႉ ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ​ၼၼ်ႉ​ၸမ်ႉ၊-</verse>
				<verse number="35">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ တူၺ်း​လူး၊ ၵဝ်​တၵ်း​ႁၵ်း​ႁဵၵ်း​ၵၢင်ႇ​ ဢေႇတုမ်ႇ ​ဢၼ်​ဝႃႈ ဢၼ်​ထွတ်ႈ​ဢၼ်​မျၢတ်ႈ တၢင်း​ၵတ်ႉ​တၢင်း​ၶၼ်​မၼ်း​ၼၼ်ႉ ပႅတ်ႈ​သေ​ဢေႃႈ။-</verse>
				<verse number="36">ၵဝ်​တၵ်း​ဢဝ်​လူမ်း​သီႇ​မဵဝ်း ၵႃႈ​တီႈ​သီႇ​ၼႃႈ​ၵၢင်​ႁၢဝ်​ၸိူဝ်း​ၼၼ်ႉ​မႃး​တီႈ​မိူင်း​ ဢေႇလမ်ႇ​ ​လႄႈ ၵဝ်​တၵ်း​ဢဝ် ၵူၼ်း​ဝၢၼ်ႈ​ၵူၼ်း​မိူင်း​မၼ်း တင်း​လၢႆ ၸၢတ်ႇ​ပိုၼ်​ပႅတ်ႈ​ၵႃႈ​ၼႂ်း​လူမ်း ၵႃႈ​မီး​ၼၼ်ႉ​ဢေႃႈ။ သိုင်ႇ​ၸိုင်ႈ​ဝၢၼ်ႈ​မိူင်း​ဢၼ် ၵူၼ်း​ ဢေႇလမ်ႇ ဢမ်ႇ​လႆႈ​ၶၢမ်ႇ တၢင်း​ဢၼ်​ႁေႃႈ​ဢွၵ်ႇ​ပႅတ်ႈ ၸိူဝ်း​ၼၼ်ႉ ဢမ်ႇ​ႁွတ်ႈ​ဢမ်ႇ​ထိုင်​ၼၼ်ႉ ဢမ်ႇ​လႆႈ​မီး သေ​သိုင်ႇ​သေ​မိူင်း။-</verse>
				<verse number="37">ၵဝ်​တၵ်း ႁႂ်ႈ​ၵူၼ်း​မိူင်း​ ဢေႇလမ်ႇ​ ​ၸိူဝ်း​ၼၼ်ႉ ၵူဝ်​ႁႄ​ၵႃႈ​တီႈ​ၽၢႆႇ​ၼႃႈ ရၢၼ်ႇ​သူႇ​ၶဝ် တင်း​လၢႆ ဢိၵ်ႇ​တင်း ၵႃႈ​တီႈ​ၽၢႆႇ​ၼႃႈ​ၶဝ် ၸိူဝ်း​ဢၼ်​ႁႃ​ဢဝ် ဢသၢၵ်ႈ​ၶဝ် ၼၼ်ႉ​လႄႈ ႁႂ်ႈ​ၽေး​ဢူႉ​ပၢတ်ႈ​ဢၼ်​ဝႃႈ တၢင်း​ၸႂ်​မႆႈ​ၶႆႈ​ၸႃႉ​ၵဝ် ဢၼ်​ႁႅင်း​ယႂ်ႇ​ၼႃႇ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၶဝ်​ဢေႃႈ။ ၵဝ်​တၵ်း​ပွႆႇ​လၢပ်ႇ​ပွႆႇ​လႅဝ်း လိုပ်ႈ​ၸွမ်း​လမ်း​ၸွမ်း​ၶဝ် တေႃႇ​ထိုင်​ႁွတ်ႈ​ၶဝ်​ထၼ်ႈ​ပေႃး ယႃႉ​ၶဝ်​ပႅတ်ႈ မူတ်း​မူတ်း​သဵင်ႈ​သဵင်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="38">ၵဝ်​တၵ်း​တႄႇ​ႁဵတ်း​ပလၢင်ႇ​ၵဝ်​ဝႆႉ ၵႃႈ​ၼႂ်း​မိူင်း​ ဢေႇလမ်ႇ​ ​လႄႈ ယူႇ​ၵႃႈ​တီႈ​ၼၼ်ႈ သေ​လႄႈ ပႄႇ​ၽဵဝ်ႈ​ၶုၼ်​ႁေႃ​ၶမ်း ဢိၵ်ႇ​တင်း မူး​မၢတ်ႈ​ၽွင်း​မိူင်း​တင်း​လၢႆ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="39">ၼႂ်း​ဝႃႈ​ၼၼ်​သေ​ၵေႃႈ ၶိင်ႇ​ၵႃႇလႃႉ​မိုဝ်ႉ​ဝၼ်း ၵမ်း​လိုၼ်း​ၼၼ်ႉ ၵဝ်​တၵ်း​ဢဝ်​ၵူၼ်း​မဵဝ်း​ ဢေႇလမ်ႇ ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ် ၵႂႃႇ​ၸိူဝ်း​ၼၼ်ႉ ၶိုၼ်း​မႃး​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="50">
				<verse number="1">ၵႂၢမ်း​ဢၼ် ထႃႇဝရႃႉ​ၽြႃး ဢဝ်​လွင်ႈ​ဝဵင်း​ ပႃႇပူႉလုၼ်ႇ တင်း​မိူင်း​ ၶႃႇလတေး ​သေ​လႄႈ ဢဝ်​ပရေႃးၽႅတ်ႈ​ ယေႇရမီႉ မီး​ဢမိင်ႉ​ၸမ်ႉ၊-</verse>
				<verse number="2">ဢွၼ်​ၵၼ် မွၵ်ႇ​လၢတ်ႈ​ၵႃႈ​ၼႂ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း​တႃႉ။ ဢွၼ်​ၵၼ်​ပၢဝ်ႇ​သေႃႇ​လႄႈ ပူၵ်း​လၢမ်ႇ​တႃႉ။ ယင်း​ဢမ်ႇ​သိူင်ႇ​ဢမ်ႇ​မႅပ်ႉ​ဝႆႉ​လႄႈ ဢွၼ်​ၵၼ်​ပဝ်ႇ​သေႃႇ​တႃႉ။ မွၵ်ႇ​လၢတ်ႈ​လႄႈ​ဝႃႈ၊ ဝဵင်း​ ပႃႇပူႉလုၼ်ႇ ​လႆႈ​ၶၢမ်ႇ​တၢင်း​ဢၼ် တိုၵ်း​ဢဝ်​ယဝ်ႉ​ယဝ်ႉ။ ၽြႃး ပေႇလႃႉ သရေႇလူႉ​ယဝ်ႉ​ယဝ်ႉ။ ၽြႃး​ မေႇရေႃးထၵ်ႉ ႁၵ်း​ပုတ်း​ၵႂႃႇ​ယဝ်ႉ​ယဝ်ႉ။ ရုၵ်ႈ​ထူႉ​သၢင်း​ထူႉ​မၼ်း ၸိူဝ်း​ၼၼ်ႉ သရေႇလူႉ​လႄႈ တုမ်​မႆႉ​မၼ်း​ၸိူဝ်း​ၼၼ်ႉ ႁၵ်း​ပုတ်း​ၵႂႃႇ​ယဝ်ႉ​ယဝ်ႉ။-</verse>
				<verse number="3">ၵူၼ်း​မဵဝ်း​ၼိုင်ႈ တၵ်း​လုၵ်ႉ​သေ​ၵႃႈ​တီႈ​ၼႃႈ​တၢင်း​ႁွင်ႇ​မႃး​လႄႈ ႁႂ်ႈ​မိူင်း​ၼၼ်ႉ ပဵၼ်​ဢၼ်​ပဝ်ႇ​ဢၼ်​လၢပ်ႈ​ၵႂႃႇ​ဢေႃႈ။ ဢမ်ႇ​လႆႈ​မီး​ၵေႃႉ​ဢၼ်​ယူႇ​ဢၼ်​သဝ်း။ ၵူၼ်း​ဢိၵ်ႇ​တင်း တရိၵ်ႈသၢၼ်ႇ​တင်း​လၢႆ ဢွၼ်​ၵၼ်​ဢွၵ်ႇ​ပၢႆႈ​လႄႈ ၵႂႃႇ​သဵင်ႈ​သဵင်ႈ​မူတ်း​မူတ်း​ယဝ်ႉ။</verse>
				<verse number="4">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၼႂ်း​ၶိင်ႇ​ၵႃႇလႃႉ​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​ႁူမ်ႈ​ပွင်း​လူၺ်ႈ​ၵၼ်​တင်း ၵူၼ်း​မဵဝ်း​ ယူႉတႃႉ ​တင်း​လၢႆ သေ​လႄႈ ဢွၼ်​ၵၼ်​မႃး​ဢေႃႈ။ ၶဝ်​ၼၼ်ႉ တၵ်း​မီး​တၢင်း​ဢၼ် ၼမ်ႉ​တႃ​တူၵ်း​ယူႇ၊ ပႆ​တၢင်း​ယူႇ​သေ​လႄႈ ႁႃ​ဢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၶဝ်​ဢေႃႈ။-</verse>
				<verse number="5">ၶဝ်​တၵ်း​ဢွၼ်​ၵၼ်​ဝၢႆႇ​ၼႃႈ​ၸူး ဝဵင်း​ ၸီႉဢုၼ်ႇ ​လႄႈ ႁႃ​ဢဝ်​သဵၼ်ႈ​တၢင်း​ယူႇ​သေ​လႄႈ လၢတ်ႈ​လႄႈ​ဝႃႈ၊ ဢွၼ်​ၵၼ် မႃး​လႄႈ​ဢဝ်​ပတီႉၺိၺ်ႇ​ထႃႇဝရႃႉ ဢၼ်​ဢမ်ႇ​လႆႈ​လူင်​လႆႈ​လိုမ်း​ၼၼ်ႉ သေ​လႄႈ သုတ်ႉ​ၸပ်း​သုတ်ႉ​ၸူး ႁဵတ်း​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ် တင်း​ထႃႇဝရႃႉ​ၽြႃး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၵူၼ်း​ၵဝ်​တင်း​လၢႆ ပဵၼ်​သူဝ်း​ဢၼ်​ႁၢႆ​ၵႂႃႇ​ယဝ်ႉ​ယဝ်ႉ။ ၶဝ်​ၸိူဝ်း​ဢၼ် လဵင်ႉ​သူဝ်း​ထိင်း​သူဝ်း​ၶဝ်​ၼၼ်ႉ ဢွၼ်​ၵၼ်​ႁႂ်ႈ​ၶဝ်​ၽိတ်း​တၢင်း ၵႂင်​တၢင်း​လႄႈ ၵႂႃႇ​ၵႂႃႇ​မႃး​မႃး​ယူႇ ၵႃႈ​ၼိူဝ်​လွႆ​တင်း​လၢႆ​ယဝ်ႉ။ ၶဝ်​ၼၼ်ႉ​ဢွၼ်​ၵၼ် ၽိတ်း​တၢင်း​ၵႂင်​တၢင်း ၵႂႃႇ​ဢဝ်​ၵႃႈ​တီႈ​လွႆ​လုၵ်ႈ​ၼိုင်ႈ ၸူး​ၵႃႈ​တီႈ​လွႆ​လုၵ်ႈ​ၼိုင်ႈ​ယူႇ​လႄႈ လူင်​လိုမ်း​တီႈ​ဢၼ်​တဵတ်ႇ​လီ​ၼိမ်​လီ​ၶဝ်​ၼၼ်ႉ​ပႅတ်ႈ​ယဝ်ႉ။-</verse>
				<verse number="7">ၶဝ်​ၵႃႈ​ဢၼ် ထူပ်း​ႁၼ်​ၶဝ်​ၼၼ်ႉ ဢွၼ်​ၵၼ်​ၶူပ်း​ၵိၼ်​ၶဝ်​လႄႈ ရၢၼ်ႇ​သူႇ​ၶဝ်​တင်း​လၢႆ ဢွၼ်​ၵၼ်​လၢတ်ႈ​လႄႈ​ဝႃႈ၊ ႁဝ်း​ဢမ်ႇ​ပူၼ်ႉ ဢမ်ႇ​လိူဝ် ၵွပ်ႈ​ပိူဝ်ႈ​ဢၼ်​ၶဝ်​ၽိတ်း​ပိူင်ႈ ထႃႇဝရႃႉ​ၽြႃး ဢၼ်​ပဵၼ်​တီႈ​ယူႇ တၢင်း​ဢၼ်​ၸွမ်း​ၼင်ႇ​တြႃး ဢၼ်​ဝႃႈ ထႃႇဝရႃႉ​ၽြႃး ဢၼ်​ပဵၼ်​တီႈ​ဢၼ်​ပူႇ​ၶဝ်​မွၼ်ႇ​ၶဝ် သွၼ်ႈ​ပိုင်ႈ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ဢွၼ်​ၵၼ် ဢွၵ်ႇ​ပၢႆႈ​သေ​ၵႃႈ​ၼႂ်း ဝဵင်း​ ပႃႇပူႉလုၼ်ႇ ​တႃႉ။ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​မိူင်း​ ၶႃႇလတေး ​ၵႂႃႇ​တႃႉ။ ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ သူဝ်း​ပေႃႈ ဢွၼ်​ႁူဝ်​ၽုင်​သူဝ်း​ၼၼ်ႉ​တႃႉ။-</verse>
				<verse number="9">လွင်ႈ​မၼ်း​ၸမ်ႉ ၵဝ်​တၵ်း​တိုၵ်း​ယူင်း​လႄႈ ႁႂ်ႈ​မူႇ​ၽုင်​မုၵ်ႉ​ၸိူဝ်း​ၵူၼ်း​မိူင်း ဢၼ်​ယႂ်ႇ​ၼႃႇ​တင်း​လၢႆ လုၵ်ႉ​သေ​ၵႃႈ​တီႈ​ၼႃႈ​တၢင်း​ႁွင်ႇ​ၼၼ်ႉ မႃး​ယူႇ​ၽၢႆႇ​ၼိုင်ႈ တင်း​ဝဵင်း​ ပႃႇပူႉလုၼ်ႇ ​ဢေႃႈ၊ ၶဝ်​ၼၼ်ႉ တၵ်း​ၶၢင်း​တပ်ႉ​ယူႇ ၽၢႆႇ​ၼိုင်ႈ တင်း​ဝဵင်း​ၼၼ်ႉ​လႄႈ မၼ်း​တၵ်း​လႆႈ ၶၢမ်ႇ​တၢင်း​ဢၼ်​တိုၵ်း​ဢဝ်​သိမ်း​ဢဝ်​ဢေႃႈ။ ပိုၼ်​ဢၼ် ၶဝ်​ယိုဝ်း​ၸိူဝ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ ပိုၼ်​ႁူဝ်​ႁၢၼ်​ၵူၼ်း​သိုၵ်း ဢၼ်​လၵ်း​လႅမ်​ၼၼ်ႉ လႄႈ ယင်း​ဢမ်ႇ​ထုၵ်ႇ​ဢမ်ႇ​ၸပ်း​လႄႈ ဢမ်ႇ​လႆႈ​ယူႇ။-</verse>
				<verse number="10">မိူင်း​ ၶႃႇလတေး ​တၵ်း​ပဵၼ် တီႈ​ဢၼ်​ႁိမ်​ဢဝ်​ႁူင်ႇ​ဢဝ်​လႄႈ ၶဝ်​ၸိူဝ်း​ဢၼ် ႁိမ်​ဢဝ်​ႁူင်ႇ​ဢဝ်​ၼၼ်ႉ တၵ်း​ဢိမ်ႇ​တဵမ်​ဝႆႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="11">သူ​ၸိူဝ်း​ဢၼ်​ယႃႉ ဢမူၺ်ႇ​ၵဝ်​ပႅတ်ႈ ၶဝ်​ဢိူၺ်း၊ သူ​ၼႆႉ​ဢွၼ်​ၵၼ် ၸူမ်း​သိူဝ်း​လႄႈ သႂၢင်ႇ​ၸႂ်​ယဝ်ႉ။ သူ​ဢွၼ်​ၵၼ်​ၵျွၵ်း​ဝႅၼ် ၸိူဝ်ႉ​ၼင်ႇ ဝူဝ်း​မႄႈ​သိုဝ်ႇ ဢၼ်​ယဵပ်ႇ​ၶဝ်ႈ​ယူႇ ၼၼ်ႉ​ယဝ်ႉ။ သူ​ဢွၼ်​ၵၼ်​ႁွင်ႉ​ယူႇ ႁႄႇ​ယူႇ ၸိူဝ်ႉ​ၼင်ႇ​မႃႉ​ငၢၼ် ၼၼ်ႉ​ယဝ်ႉ။-</verse>
				<verse number="12">ပိူဝ်ႈ​ၼႆ​လႄႈ မႄႈ​သူ​ၼၼ်ႉ တၵ်း​ဢူၵ်း​ဢၢႆ ၼႃႇ​လူင်​လၢင်​လႄႈ ၵေႃႉ​ဢၼ်​ၵိူတ်ႇ​လဵင်ႉ​ယူႇ​ၼၼ်ႉ တၵ်း​ၼႃႈ​မႆႈ​ၼႃႈ​လႅင်​ဢေႃႈ။ တူၺ်း​လူး၊ မၼ်း​ၼၼ်ႉ​တၵ်း​ပဵၼ် မိူင်း​ဢၼ်​ယုတ်ႈ​ယွမ်း ၼႃႇ​သေ​ပိူၼ်ႈ ၵႃႈ​ၼႂ်း​မိူင်း​တင်း​လၢႆ၊ တီႈ​ဢၼ်​ပဵၼ်​ထိူၼ်ႇ​ပဵၼ်​ၶိူဝ်း၊ တီႈ​ဢၼ်​ႁႅင်ႈ​ဢၼ်​ႁွင်၊ ပၢင်ႇ​ပဵင်း​ဢၼ်​ပႄႇ​ပႅတ်ႈ ၸုၼ်ႉ​ပႅတ်ႈ​ဢေႃႈ။-</verse>
				<verse number="13">ၵွပ်ႈ​ပိူဝ်ႈ တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး​လႄႈ ၵမ်း​လိုၼ်း ၵူၼ်း​ဢမ်ႇ​လႆႈ​ယူႇ လႆႈ​သဝ်း​ၼႂ်း​မၼ်း။ တၵ်း​လႆႈ​ပဵၼ် တီႈ​ဢၼ်​ပဝ်ႇ ဢၼ်​လၢပ်ႈ လွၼ်ႉ​လွၼ်ႉ​ဢေႃႈ။ ၵႃႈ​ပဵၼ်​ၵေႃႉ​ဢၼ် တႆႇ​တၢင်း​ပႆ​တၢင်း ၵၢႆ​ၵႂႃႇ​ၵႃႈ​တီႈ​ႁိမ်း​ဝဵင်း​ ပႃႇပူႉလုၼ်ႇ ​ၼၼ်ႉ​ၸိူဝ်း​ၼၼ်ႉ တၵ်း​လီ​ဢၢမ်း​လႄႈ ထွၵ်ႈ​လူၺ်ႈ​ၽေး​ဢူႉ​ပၢတ်ႈ ၵႃႈ​ဢၼ်​မၼ်း​လႆႈ​ၶၢမ်ႇ ၸိူဝ်း​ၼၼ်ႉ​ယူႇ​သေ​လႄႈ ဢွၼ်​ၵၼ်​ႁဵတ်း​သဵင် သီႉ​သီႉ​သေႃႉ​သေႃႉ သႄႉ​သွမ်း​ဢေႃႈ။-</verse>
				<verse number="14">ဢွၼ်​ၵၼ်​ယၼ်ႇ​တပ်ႉ ၶၢင်း​တပ်ႉ​ၵႃႈ​တီႈ​လဵပ်ႈ​ႁွပ်ႈ​ဝဵင်း​ ပႃႇပူႉလုၼ်ႇ ​တႃႉ။ သူ​ၵႃႈ​ဢၼ်​ပဵၼ်​ၸဝ်ႈ​ၵၢင်ႇ ၸဝ်ႈ​ၵူင် တင်း​လၢႆ​ၶဝ်​ဢိူၺ်း၊ ယင်း​ဢမ်ႇ​သေ​လၢႆ ပိုၼ်​ၵၢင်ႇ​လႄႈ ဢွၼ်​ၵၼ်​ယိုဝ်း​တႃႉ။-</verse>
				<verse number="15">လွင်ႈ​မၼ်း​ၸမ်ႉ မၼ်း​ၽိတ်း​ပိူင်ႈ ထႃႇဝရႃႉ​ၽြႃး​ယဝ်ႉ။ ဢွၼ်​ၵၼ် ႁွင်ႉ​ပၢဝ်ႇ​ႁွင်ႉ​သေႃႇ ၵႃႈ​တီႈ​လဵပ်ႈ​ႁွပ်ႈ​မၼ်း​တႃႉ။ မၼ်း​ဝၢင်း​ၵွမ်း​ၼွမ်း​ၸူး​ယဝ်ႉ။ လၢင်း​ၸီး​မၼ်း တင်း​လၢႆ ၵိူၼ်ႇ​လူမ်ႉ​ယဝ်ႉ။ လမ်း​ဝဵင်း​မၼ်း​တင်း​လၢႆ ပင်း​တူၵ်း​ယဝ်ႉ။ ပဵၼ်​တၢင်း​ဢၼ် ပေႇ​တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး​လႄႈ ဢွၼ်​ၵၼ်​ၸီႇ​ယၢင်ႇ​မၼ်း ၸွမ်း​ၵႃႈ​ၼင်ႇ​ဢၼ် ထုၵ်ႇ​လီ​တွပ်ႇ​တႅၼ်း​ပၼ် ဢပႅတ်ႈ​မၼ်း​ၼၼ်ႉ​တႃႉ။ ဢွၼ်​ၵၼ် ႁဵတ်း​တီႈ​မၼ်း ၸွမ်း​ၵႃႈ​ၼင်ႇ​ဢၼ်​မၼ်း ယၢမ်ႈ​ႁဵတ်း​ၼၼ်ႉ​တႃႉ။-</verse>
				<verse number="16">ဢွၼ်​ၵၼ်​ပႄႇ​တႅပ်း ၵေႃႉ​ဢၼ်​ဝၢၼ်ႇ​ပိုၼ်​ၸိူဝ်ႉ​ၽၼ်း ဢိၵ်ႇ​တင်း ၵေႃႉ​ဢၼ်​ပၢတ်ႇ​ၶဝ်ႈ ၼႂ်း​ၶိင်ႇ​မိူဝ်ႈ​ဢၼ် ပၢတ်ႇ​ၶဝ်ႈ​ၼၼ်ႉ​ပႅတ်ႈ​သေ ၵႃႈ​တီႈ​ဝဵင်း​ ပႃႇပူႉလုၼ်ႇ ​တႃႉ။ ၵွပ်ႈ​ပိူဝ်ႈ ဢၼ်​ၵူဝ်​လၢပ်ႇ ၵူဝ်​လႅဝ်း ဢၼ်​ၸၢင်ႈ ၼိၵ်ႈ​ၸၢၵ်ႈ​ငႅၼ်း​သႄး ၼၼ်ႉ​လႄႈ ၶဝ်​တၵ်း ဢွၼ်​ၵၼ်​ၶိုၼ်း​မိူဝ်း​ၸူး ၵႃႈ​တီႈ ၵူၼ်း​မဵဝ်း​ၶဝ်​ၼၼ်ႉ ႁင်း​ၽႂ်​ႁင်း​မၼ်း​လႄႈ ၶဝ်​တၵ်း​ဢွၵ်ႇ​ပၢႆႈ​ၸူး ၵႃႈ​တီႈ​မိူင်း​ၶဝ်​ႁင်း​ၽႂ်​ႁင်း​မၼ်း​ဢေႃႈ။</verse>
				<verse number="17">မဵဝ်း​ ဢီႉသရေႇလႃႉ ပဵၼ်​သူဝ်း​ဢၼ် ၽၢတ်ႇ​ၽႄ​ၵၼ် မၢၵ်ႇ​မိူဝ်​ၵႂႃႇ​လႄႈ၊ သၢင်ႇ​သီႈ​တင်း​လၢႆ ဢွၼ်​ၵၼ်​ႁေႃႈ​မၼ်း​ပႅတ်ႈ​ယဝ်ႉ။ ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ ၶူပ်း​ၵိၼ်​မၼ်း ဢွၼ်​တၢင်း​ပိူၼ်ႈ​ယဝ်ႉ။ ၵမ်း​လိုၼ်း​သုတ်း​ပိူၼ်ႈ​ၼၼ်ႉ၊ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ႁၵ်း​ႁဵၵ်း​လုပ်ႇ​မၼ်း တင်း​လၢႆ​ပႅတ်ႈ​ယဝ်ႉ။-</verse>
				<verse number="18">ပိူဝ်ႈ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ပၼ်​တၢမ်ႇ​တီႈ ၶုၼ်​ႁေႃ​ၶမ်း​ ပႃႇပူႉလုၼ်ႇ ဢိၵ်ႇ​တင်း သိုင်ႇ​ၸိုင်ႈ​ဝၢၼ်ႈ​မိူင်း​မၼ်း မိူၼ်​ၸိူဝ်ႉ​ၼင်ႇ​ဢၼ် ၵဝ်​ပၼ်​တၢမ်ႇ​တီႈ ၶုၼ်​ႁေႃ​ၶမ်း​ ဢႃႇသူႉရီႉ ​ၼၼ်ႉ​ဢေႃႈ။-</verse>
				<verse number="19">ၵဝ်​တၵ်း​ဢဝ် မဵဝ်း​ ဢီႉသရေႇလႃႉ ၶိုၼ်း​မႃး​ၸူး ၵႃႈ​တီႈ​ဢၼ် မၼ်း​ယၢမ်ႈ​ၵိၼ်​ယူႇ​ၼၼ်ႉ​လႄႈ မၼ်း​တၵ်း​ၵိၼ်​ယူႇ​ၵႃႈ​ၼိူဝ်​လွႆ ၵရမေႇလႃႉ ဢိၵ်ႇ​တင်း လွႆ​ ပႃႇသၢၼ်ႇ ​လႄႈ ဢိမ်ႇ​ၸႂ်​တဵမ်​ၸႂ် ၵႃႈ​ၼိူဝ်​လွႆ​ ဢေႇၽရိမ်ႇ ဢိၵ်ႇ​တင်း​လွႆ​ ၵီႉလတ်ႉ ​ဢေႃႈ။-</verse>
				<verse number="20">ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ၼၼ်ႉ ၸႅတ်ႈ​ထၢမ်​ႁႃ​ဢဝ်​ဢပႅတ်ႈ မဵဝ်း​ ဢီႉသရေႇလႃႉ ​လႄႈ ဢမ်ႇ​မီး​လႃး​လႃး။ ၸႅတ်ႈ​ထၢမ်​ႁႃ​ဢဝ် တူႉ​ၸရိူၵ်ႈ မဵဝ်း​ ယူႉတႃႉ ​လႄႈ ဢမ်ႇ​ထူပ်း​ဢမ်ႇ​ႁၼ်။ ၵဝ်​တၵ်း​ၽေႇ​ဢပႅတ်ႈ​ၶဝ် ဢၼ်​ၵဝ်​ဢဝ်​ၵိုတ်း​ၵျၢၼ်ႇ​ဝႆႉ​ၼၼ်ႉ ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="21">ဢွၼ်​ၵၼ်​ၶီႇ​သိုၵ်း​ၶိုၼ်ႈ​ၸူး ၵႃႈ​တီႈ​မိူင်း​ မေႇရီႉသိမ်ႇ ဢိၵ်ႇ​တင်း ၵႃႈ​တီႈ​ၵူၼ်း​ဝၢၼ်ႈ​ၵူၼ်း​မိူင်း​ ၽီႉၵုတ်ႉ ​ၸိူဝ်း​ၼၼ်ႉ​တႃႉ။ ဢွၼ်​ၵၼ်​ဢဝ်​တၢႆ​လႄႈ ယႃႉ​ၽဵဝ်ႈ​မဵဝ်း​ၸိူဝ်ႉ​ၶိူဝ်း​ၶဝ်​ပႅတ်ႈ မူတ်း​မူတ်း​သဵင်ႈ​သဵင်ႈ​တႃႉ။ ဢွၼ်​ၵၼ်​ႁဵတ်း​ၸွမ်း​ၵႃႈ​ၼင်ႇ​ဢၼ် ၵဝ်​သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="22">ၵဝ်​လႆႈ​ငိၼ်း​သဵင် တၢင်း​ဢၼ်​တိုၵ်း​သိုၵ်း၊ သဵင်​တၢင်း​ဢၼ်​ယႃႉ​ၽဵဝ်ႈ​ပႅတ်ႈ ဢၼ်​ယႂ်ႇ​ၼႃႇ​လူင်​လၢင် ၵႃႈ​တီႈ​မိူင်း​ၼၼ်ႉ​ဢေႃႈ။-</verse>
				<verse number="23">ၶွၼ်ႉ​လဵၵ်း ဢၼ်​ပေႃႉ​ယႅၼ်ႉ​ၼႃႈ​လိၼ်​မိူင်း​တင်း​ၼႃႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​တႅပ်း​ၽၼ်း​လႄႈ ႁၵ်း​ႁဵၵ်း​လူႉ​လႅဝ်​ယဝ်ႉ လူင်​ပႄႇ။ ဝဵင်း​ ပႃႇပူႉလုၼ်ႇ ​ၼၼ်ႉ လႆႈ​ပဵၼ်​တီႈ​ဢၼ်​လီ​ဢၢမ်း တီႈ​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ယဝ်ႉ လူင်​ပႄႇ။-</verse>
				<verse number="24">ဝဵင်း​ ပႃႇပူႉလုၼ်ႇ ​ဢိူၺ်း၊ ၵဝ်​ၵၢင်​တူင်ႇ​ႁႅဝ်ႉ တူင်ႇ​ၶိုမ်း​ဝႆႉ​ပုၼ်ႈ​မႂ်း​လႄႈ၊ မႂ်း​ယင်း​ဢမ်ႇ​ႁူႉ​လႄႈ ထုၵ်ႇ​ၶဵၼ်း​မႅၼ်ႈ​ယဝ်ႉ၊ ရၢၼ်ႇ​သူႇ​ထူပ်း​ႁၼ်​မႂ်း​လႄႈ တိုၵ်း​ဢဝ်​သိမ်း​ဢဝ်​မႂ်း ၵွပ်ႈ​ပိူဝ်ႈ​ဢၼ်​မႂ်း ႁဵတ်း​ၶတ်း​ၵၼ်​တင်း ထႃႇဝရႃႉ​ၽြႃး ၼၼ်ႉ​ယဝ်ႉ။-</verse>
				<verse number="25">ထႃႇဝရႃႉ​ၽြႃး ၽုၺ်ႇ​တိူၵ်ႈ​လၢၵ်ႈ​ၼၢၵ်ႈ​ၸုမ်ႇ​မၼ်း​ၸဝ်ႈ​လႄႈ ဢဝ်​လၢၵ်ႈ​ၼၢၵ်ႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ဢွၵ်ႇ​ယဝ်ႉ။ လွင်ႈ​မၼ်း​ၸမ်ႉ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​လွင်ႈ​ဢၼ် တၵ်း​လႆႈ​ႁဵတ်း​တီႈ​မိူင်း​ ၶႃႇလတေး ​ဢေႃႈ။-</verse>
				<verse number="26">ဢွၼ်​ၵၼ် လုၵ်ႉ​ၵႃႈ​တီႈ ပၢႆ​လႅၼ်​လိၼ်​သုတ်း​ပုၼ်ႉ မႃး​တိုၵ်း​တေႃး​မၼ်း​လႄႈ ၽုၺ်ႇ​ပိုတ်ႇ​ယွင်​ၶဝ်ႈ ယေး​ၶဝ်ႈ​မၼ်း တင်း​လၢႆ​တႃႉ။ ဢွၼ်​ၵၼ်​ဢဝ်​မၼ်း​ၵွင်​ဝႆႉ ပဵၼ်​ပုမ်ႇ​ပဵၼ်​ၵွင်​လႄႈ ယႃႉ​မၼ်း​ပႅတ်ႈ မူတ်း​မူတ်း​သဵင်ႈ​သဵင်ႈ ႁႂ်ႈ​ထၼ်ႈ​ပေႃး ဢမ်ႇ​ၵိုတ်း​ဢမ်ႇ​ၵျၢၼ်ႇ​လႃး​လႃး​တႃႉ။-</verse>
				<verse number="27">ဢွၼ်​ၵၼ် ဢဝ်​ ဢုၵ်ႉသၽႃႉ ​ဝူဝ်း​ငၢၼ်ႇ​မၼ်း ၵႃႈ​မီး​ၼၼ်ႉ​တၢႆ​လႄႈ ႁႂ်ႈ​ၶဝ်​လူင်း​ၸူး​ၵႃႈ​တီႈ​ဢၼ် ဢဝ်​တၢႆ​ၼၼ်ႉ​တႃႉ။ ၶဝ်​ၼၼ်ႉ​မီး​ဢႃႉ​မင်ႇၵလႃႇ​ဢေႃႈ။ မိုဝ်ႉ​ဝၼ်း​ၶဝ်၊ ၶိင်ႇ​ၵႃႇလႃႉ​ဢၼ်​ၶဝ် တၵ်း​လႆႈ​ၶၢမ်ႇ တၢင်း​ဢၼ်​သင်ႇ​သွၼ်​သုင်း​မႃႉ​ၼၼ်ႉ ႁွတ်ႈ​ထိုင်​ယဝ်ႉ။-</verse>
				<verse number="28">လႆႈ​ငိၼ်း​သဵင်​ၶဝ်​ၸိူဝ်း​ဢၼ် ဢွၵ်ႇ​ပၢႆႈ​လႄႈ လွတ်ႈ​သေ​ၵႃႈ​ၼႂ်း​မိူင်း​ ပႃႇပူႉလုၼ်ႇ ​ၼၼ်ႉ ၸိူဝ်း​ၼၼ်ႉ မွၵ်ႇ​လၢတ်ႈ​လူၺ်ႈ​လွင်ႈ​တၢင်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ပေႇ ဢိၵ်ႇ​တင်း တၢင်း​ဢၼ်​ပၼ်​တၢမ်ႇ ၸွမ်း​ၼင်ႇ​ဢပႅတ်ႈ ဢၼ်​ယႃႉ​ပိၵ်ႈ​မၢၼ်ႇ​ၸဝ်ႈ​ပႅတ်ႈ​ၼၼ်ႉ ၵႃႈ​ၼႂ်း​ဝဵင်း​ ၸီႉဢုၼ်ႇ ​ဢေႃႈ။-</verse>
				<verse number="29">ဢွၼ်​ၵၼ်​ႁွင်ႉ​ဢဝ် ၵူၼ်း​မေႃ​ၵၢင်ႇ ဢၼ်​ဝႃႈ ၶဝ်​ၵႃႈ​ဢၼ်​ၸၢင်ႈ​ယိုဝ်း​ၵၢင်ႇ ၸိူဝ်း​ၼၼ်ႉ မႃး​ယူႇ​ၽၢႆႇ​ၼိုင်ႈ​တင်း ဝဵင်း​ ပႃႇပူႉလုၼ်ႇ ​တႃႉ။ ဢွၼ်​ၵၼ်​ယၼ်ႇ​တပ်ႉ ၶၢင်း​တပ်ႉ ၵႃႈ​တီႈ​လဵပ်ႈ​ႁွပ်ႈ​မၼ်း​လႄႈ၊ ယႃႇ​ပေ​ႁႂ်ႈ​ၵူၼ်း​ၶူး​ၵူၼ်း​ဝဵင်း လႆႈ​လွတ်ႈ​သေ​ၵေႃႉ​သေ​ၵူၼ်း။ ဢွၼ်​ၵၼ်​ပၼ်​ဢပႅတ်ႈ ၸွမ်း​ၼင်ႇ တၢင်း​ၵမ်​တၢင်း​ၵျၢင်ႉ ဢၼ်​မၼ်း​ၵမ်​ၵျၢင်ႉ ၼၼ်ႉ​လႄႈ ႁဵတ်း​တီႈ​မၼ်း​ၸွမ်း​ၵႃႈ​ၼင်ႇ​ဢၼ်​မၼ်း​ယၢမ်ႈ​ႁဵတ်း​ၼၼ်ႉ​တႃႉ။ မၼ်း​ဢုပ်ႇ​ဢၢတ်ႇ ယူႇ​ၽၢႆႇ​ၼိုင်ႈ​တင်း ထႃႇဝရႃႉ​ၽြႃး ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ယဝ်ႉ​လူင်​ပႄႇ။-</verse>
				<verse number="30">ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ ၵူၼ်း​ၼုမ်ႇ​ၵူၼ်း​ၵမ်​မၼ်း တင်း​လၢႆ တၵ်း​လူမ်ႉ​တူၵ်း ၵႃႈ​ၼႂ်း​သဵၼ်ႈ​တၢင်း​မၼ်း တင်း​လၢႆ​လႄႈ ၼႂ်း​မိုဝ်ႉ​ဝၼ်း​ၼၼ်ႉ ႁူဝ်​ႁၢၼ်​ၵူၼ်း​သိုၵ်း​မၼ်း တင်း​သဵင်ႈ​တင်း​လူင် တၵ်း​သုမ်း​တၵ်း​ၸွမ်း​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="31">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵေႃႉ​ဢၼ်​မႃႇၼႃႉ​ယႂ်ႇ​ၼႆႉ​ဢိူၺ်း၊ ၵဝ်​ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။ မိုဝ်ႉ​ဝၼ်း​မႂ်း၊ ၶိင်ႇ​ၵႃႇလႃႉ ဢၼ်​ၵဝ်​တၵ်း​လႆႈ​ပၼ် တၢင်း​ဢၼ် သင်ႇ​သွၼ်​သုင်း​မႃႉ တီႈ​မႂ်း​ၼၼ်ႉ ႁွတ်ႈ​ထိုင်​ယဝ်ႉ။-</verse>
				<verse number="32">ၵေႃႉ​ဢၼ်​မႃႇၼႃႉ​ယႂ်ႇ​ၼၼ်ႉ တၵ်း​တိူဝ်ႉ​မႅၼ်ႈ​လႄႈ​လူမ်ႉ​လႄႈ ၽူႈ​လႂ် ဢမ်ႇ​ယုၵ်ႉ​ဢမ်ႇ​ပူၵ်း​မၼ်း သေ​ၵေႃႉ​သေ​ၵူၼ်း။ ၵဝ်​တၵ်း​ဢဝ်​ၽႆး​တုတ်ႇ ဝဵင်း​မၼ်း​တင်း​လၢႆ​လႄႈ မႆႈ​ၶဝ်​ၸိူဝ်း​ဢၼ်​ယူႇ ႁိမ်း​ႁွမ်း​လဵပ်ႈ​ႁွပ်ႈ​မၼ်း ၵႃႈ​မီး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း ၵူၼ်း​မဵဝ်း​ ယူႉတႃႉ ​တင်း​လၢႆ လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး မိူဝ်ႈ​လဵဝ်​ၵမ်း​လဵဝ်​ၵၼ်​ယဝ်ႉ။ ၶဝ်​ၸိူဝ်း​ဢၼ်​သိမ်း​ဢဝ်​ၶဝ်​ၵႂႃႇ ၵႃႈ​မီး​ၼၼ်ႉ ၶျုၵ်ႈ​ၶဝ်​ဝႆႉ​လႄႈ ထဵင်​ပႅတ်ႈ​လူၺ်ႈ​လွင်ႈ ဢၼ်​တၵ်း​ပွႆႇ​ၶဝ်​လွတ်ႈ​ၼၼ်ႉ​ယဝ်ႉ။-</verse>
				<verse number="34">ၼႂ်း​ဝႃႈ​ၼၼ်​သေ​ၵေႃႈ ၸဝ်ႈ​ဢၼ်​ထုတ်ႇ​ၼုၵ်ႈ​ဢဝ်​ၶဝ်​ၼၼ်ႉ ႁႅင်း​ယႂ်ႇ​ၼႃႇ​လႄႈ မီး​ၼႃႇ​မႃႉ​ၸိုဝ်ႈ​သဵင်​ဢၼ်​ဝႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး၊ ဝႃႈ​ၼင်ႇ​ၼႆ​ဢေႃႈ။ မၼ်း​ၸဝ်ႈ​တၵ်း​ပႂ်ႉ​ဢမူႉ​ၶဝ် ၼႃႇ​လူင်​လၢင် ႁဵတ်း​တၢင်း​ဢၼ် ႁႂ်ႈ​မိူင်း​ၸဝ်ႈ တဵတ်ႇ​လီ​ၼိမ်​လီ ဢိၵ်ႇ​တင်း တၢင်း​ဢၼ် ယႃႉ​ယူၵ်ႉ ၵူၼ်း​ၶူး ၵူၼ်း​ဝဵင်း​ ပႃႇပူႉလုၼ်ႇ ​ယူႇ​ဢေႃႈ။-</verse>
				<verse number="35">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၽေး​လၢပ်ႇ​ၽေး​လႅဝ်း တၵ်း​ႁွတ်ႈ​ထိုင် ၵႃႈ​ၼိူဝ် ၵူၼ်း​မိူင်း​ ၶႃႇလတေး ၊ ၵူၼ်း​ဝဵင်း​ ပႃႇပူႉလုၼ်ႇ ၶုၼ်​မၼ်း​ၵႂၢၼ်​မၼ်း၊ ၵူၼ်း​ဢၼ်​မီး​ၺၢၼ်ႇ​ပိင်ႇ​ၺႃႇ​မၼ်း​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="36">ၽေး​လၢပ်ႇ​ၽေး​လႅဝ်း တၵ်း​ႁွတ်ႈ​ထိုင် ၵႃႈ​ၼိူဝ်​သြႃႇ​မိၵ်ႉသႃႇ တင်း​လၢႆ​လႄႈ ၶဝ်​တၵ်း​ဢွၼ်​ၵၼ်​ပဵၼ် ၵူၼ်း​ယွင်ႇ​ၵူၼ်း​မႃႈ​ဢေႃႈ။ ၽေး​လၢပ်ႇ​ၽေး​လႅဝ်း​တၵ်း​ႁွတ်ႈ​ထိုင် ၵႃႈ​ၼိူဝ်​ႁူဝ်​ႁၢၼ်​ၵူၼ်း​သိုၵ်း​မၼ်း တင်း​လၢႆ​လႄႈ ၶဝ်​တၵ်း​ဢွၼ်​ၵၼ်​ၸႂ်​လူႉ​ဢေႃႈ။-</verse>
				<verse number="37">ၽေး​လၢပ်ႇ​ၽေး​လႅဝ်း တၵ်း​ႁွတ်ႈ​ထိုင် ၵႃႈ​ၼိူဝ်​မႃႉ​မၼ်း လေႃႉ​ရထႃး​မၼ်း ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ၵႃႈ​ဢၼ်​လေႃး​လႄး လူၺ်ႈ​ၵၼ်​တင်း​ၶဝ် ယူႇ​ၵႃႈ​ၼႂ်း​ဝဵင်း​ၼၼ်ႉ ၸိူဝ်း​ၼၼ်ႉ​လႄႈ ၶဝ်​ၼၼ်ႉ​တၵ်း​ပဵၼ် ၸိူဝ်ႉ​ၼင်ႇ​မႄႈ​ယိင်း​ၵႂႃႇ​ဢေႃႈ။ ၽေး​လၢပ်ႇ ၽေး​လႅဝ်း​တၵ်း​ႁွတ်ႈ​ထိုင်​ၵႃႈ​ၼိူဝ် ၽၼ်ႇတႃႇ​ဢုၵ်ႉ​ၸႃႇ​မၼ်း​လႄႈ ပိူၼ်ႈ​တၵ်း​ဢွၼ်​ၵၼ် ႁိမ်​ဢဝ်​ႁူင်ႇ​ဢဝ်​ဢေႃႈ။-</verse>
				<verse number="38">ၽေး​တၢင်း​ဢၼ်​ႁႅင်ႈ​ဢၼ်​ႁွင် တၵ်း​ႁွတ်ႈ​ထိုင် ၵႃႈ​ၼိူဝ်​မႄႈ​ၼမ်ႉ​မၼ်း​တင်း​လၢႆ​လႄႈ ၸိူဝ်း​ၼၼ်ႉ​တၵ်း​ႁႅင်ႈ​ႁွင်​ၵႂႃႇ​ဢေႃႈ။ လွင်ႈ​မၼ်း​ၸမ်ႉ ပဵၼ်​မိူင်း​ဢၼ်​မီး​တဵမ်​ဝႆႉ​တင်း ရုၵ်ႈ​ထူႉ​သၢင်း​ထူႉ​လႄႈ ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ ဢိင်​ပိုင်ႈ ရုၵ်ႈ​ထူႉ​ၸိူဝ်း​ၼၼ်ႉ သေ​လႄႈ ႁဵတ်း​ဢၼ်​ငိူဝ်ႈ ဢၼ်​သိူၼ်ႈ​ယူႇ​ဢေႃႈ။-</verse>
				<verse number="39">ပိူဝ်ႈ​ၼႆ​လႄႈ တူဝ်​ထိူၼ်ႇ​ႁၢႆႉ ဢိၵ်ႇ​တင်း​မႃ​ထိူၼ်ႇ​တင်း​လၢႆ တၵ်း​ဢွၼ်​ၵၼ်​ယူႇ ၵႃႈ​တီႈ​ၼၼ်ႈ​လႄႈ၊ ၼူၵ်ႉ​ၵလႃးဢုၵ်ႉ တင်း​လၢႆ တၵ်း​ဢွၼ်​ၵၼ်​ယူႇ ၵႃႈ​တီႈ​ၼၼ်ႈ​ဢေႃႈ။ ၵမ်း​လိုၼ်း​ၽူႈ​လႂ်​ဢမ်ႇ​လႆႈ​ယူႇ လႆႈ​သဝ်း ၵႃႈ​တီႈ​ၼၼ်ႈ သေ​ၵေႃႉ​သေ​ၵူၼ်း။ ဢမ်ႇ​လႆႈ​ပဵၼ် တီႈ​ဢၼ်​ၵူၼ်း​ယူႇ​ၵူၼ်း​သဝ်း​ယူႇ ၵူႈ​ၸူဝ်ႈ​ၵူႈ​ပၢၼ် သိုပ်ႇ​သိုပ်ႇ​တၢမ်း​တၢမ်း။-</verse>
				<verse number="40">တၵ်း​ပဵၼ်​ၸိူဝ်ႉ​ၼင်ႇ တၢင်း​ဢၼ် ၽြႃး​ပဵၼ်​ၸဝ်ႈ​ၵိူၼ်ႇ​ယႃႉ ဝဵင်း​ သေႃးတုမ်ႇ ဢိၵ်ႇ​တင်း ဝဵင်း​ ၵေႃးမေႃးရႃႉ တင်း​ဝဵင်း ဢၼ်​မီး​ၸပ်း မီး​ၸမ်​ၵၼ်​တင်း​မၼ်း​ၼၼ်ႉ ၸိူဝ်း​ၼၼ်ႉ​ပႅတ်ႈ​ၼၼ်ႉ​လႄႈ ၽူႈ​လႂ်​ဢမ်ႇ​လႆႈ​ယူႇ​လႆႈ​သဝ်း ၵႃႈ​တီႈ​ၼၼ်ႈ သေ​ၵေႃႉ​သေ​ၵူၼ်း။ လုၵ်ႈ​ၵူၼ်း သေ​ၵေႃႉ​သေ​ၵူၼ်း ဢမ်ႇ​လႆႈ​တူၵ်း​တီႈ တူၵ်း​လႅၼ် ယူႇ​ၵႃႈ​ၼႂ်း​မၼ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="41">တူၺ်း​လူး၊ ၵူၼ်း​မဵဝ်း​ၼိုင်ႈ လုၵ်ႉ​သေ​ၵႃႈ​တီႈ​ၼႃႈ​တၢင်း​ႁွင်ႇ​မႃး​လႄႈ မဵဝ်း​ၵူၼ်း​ဢၼ်​ယႂ်ႇ​ၼႃႇ ဢိၵ်ႇ​တင်း ၶုၼ်​ႁေႃ​ၶမ်း ဢၼ်​ၼမ်​ၼႃႇ​ၼၼ်ႉ ဢွၼ်​ၵၼ်​လုၵ်ႉ​သေ​ၵႃႈ​တီႈ ႁိမ်း​ၸဵင်ႇ​သုတ်း​လိၼ်​မိူင်း​ပုၼ်ႉ ပေႃႇ​မႃး​ဢေႃႈ။-</verse>
				<verse number="42">ၶဝ်​ဢွၼ်​ၵၼ်​ယိပ်း​ၵမ်​ၵၢင်ႇ ဢိၵ်ႇ​တင်း ႁွၵ်ႇ​ယူႇ​လႄႈ ပဵၼ်​မဵဝ်း​ဢၼ်​ၵျၢမ်း​လိူင်း​ၼႃႇ​လႄႈ ဢမ်ႇ​မီး​ၵရူႉၼႃႇ တၢင်း​ဢၼ်​ဢဵတ်း​လူ​ၼၼ်ႉ​ဢေႃႈ။ သဵင်​ၵႂၢမ်း​ၶဝ်​ၼၼ်ႉ ၸၢင်ႈ​လင်​မေႃး​ၸိူဝ်ႉ​ၼင်ႇ သဵင်​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​လႄႈ ၶဝ်​ဢွၼ်​ၵၼ်​ၶီႇ​မႃႉ​သေ​လႄႈ ၶၢင်း​တပ်ႉ​ၶၢင်း​ငႃး မိူၼ်​ၸိူဝ်ႉ​ၼင်ႇ ႁူဝ်​ႁၢၼ်​ၵူၼ်း​သိုၵ်း​ၼၼ်ႉ ႁင်း​ၽႂ်​ႁင်း​မၼ်း​လႄႈ ၶီႇ​မႃႉ​ၸူး​တီႈ​မႂ်း​ဢေႃႈ။-</verse>
				<verse number="43">လုၵ်ႈ​ယိင်း​ ပႃႇပူႉလုၼ်ႇ ​ဢိူၺ်း၊ ၶုၼ်​ႁေႃ​ၶမ်း​ ပႃႇပူႉလုၼ်ႇ ငိၼ်း​သတၢင်း​သဵင်​ၶၢဝ်ႇ​ၼၼ်ႉ​လႄႈ ႁႅင်း​မိုဝ်း​ဢူၼ်ႈ​ၵႂႃႇ​ဢေႃႈ။ တုၵ်ႉ​ၶႃႉ​တၢင်း​ၽၢၼ် ဢိၵ်ႇ​တင်း​ဝူၺ်ႇတၼႃႇ ဢၼ်​ႁႅင်း​ယႂ်ႇ​ၼႃႇ မိူၼ်​ၸိူဝ်ႉ​ၼင်ႇ မႄႈ​ယိင်း ဢၼ်​ၵိူတ်ႇ​လဵင်ႉ​လုၵ်ႈ လဵင်ႉ​လၢင်း လႆႈ​ၶၢမ်ႇ​ၼၼ်ႉ တူၵ်း​ႁွတ်ႈ ၵႃႈ​ၼိူဝ်​မၼ်း​ဢေႃႈ။-</verse>
				<verse number="44">တူၺ်း​လူး၊ မၼ်း​ၼၼ်ႉ တၵ်း​ၶိုၼ်ႈ​ၸူး ၵႃႈ​တီႈ​တီႈ​ယူႇ​ဢၼ်​မၼ်ႈ​ၶိူင်ႇ မိူၼ်​ၸိူဝ်ႉ​ၼင်ႇ​ဢၼ် သၢင်ႇ​သီႈ လုၵ်ႉ​သေ​ၵႃႈ​တီႈ​ၵုင်ႇ သရေႇ ၼမ်ႉ​ႁွင်ႈ​ ယေႃးတၢၼ်ႇ ၶိုၼ်ႈ​ၼၼ်ႉ​လႄႈ ၵူၺ်း​ၵႃႈ ၵဝ်​တၵ်း​ႁဵတ်း​ႁႂ်ႈ​မၼ်း​ၼၼ်ႉ ဢွၵ်ႇ​ပၢႆႈ​ဢေႃႈ။ ၵေႃႉ​ဢၼ်​လိူၵ်ႈ​ၵဵပ်း​ဢဝ် ဢၼ်​ဝႃႈ ၵေႃႉ​ဢၼ်​ၵဝ်​တၵ်း​ၶၢၼ်း​ဝႆႉ ၵႃႈ​ၼိူဝ်​မၼ်း​ၼၼ်ႉ ပဵၼ်​ၽူႈ​လႂ်။ ၽူႈ​လႂ်​တၵ်း​မိူၼ်​ၵၼ်​တင်း​ၵဝ်။ ၽူႈ​လႂ်​တၵ်း​မၵ်း​ၶၢၼ်း ၶိင်ႇ​မိူဝ်ႈ​ဝႆႉ​တီႈ​ၵဝ်။ ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း ဢၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ တၵ်း​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်။-</verse>
				<verse number="45">ၵွပ်ႈ​ပိူဝ်ႈ​ဢၼ်​ပဵၼ် ၼင်ႇ​ၼႆ​လႄႈ ဢွၼ်​ၵၼ်​ထွမ်ႇ​ငိၼ်း တၢင်း​ၵျၢမ်ႇ​တၢင်း​ပွင်​ဢၼ် ထႃႇဝရႃႉ​ၽြႃး ၵျၢမ်ႇ​ပွင် ယူႇ​ၽၢႆႇ​ၼိုင်ႈ တင်း​ဝဵင်း​ ပႃႇပူႉလုၼ်ႇ ၊ တၢင်း​ၵျၢမ်ႇ​တၢင်း​ပွင် ဢၼ်​မၼ်း​ၸဝ်ႈ ၵျၢမ်ႇ​ပွင်​ယူႇ​ၽၢႆႇ​ၼိုင်ႈ​တင်း ၵူၼ်း​မိူင်း​ ၶႃႇလတေး ​တင်း​လၢႆ​ၼၼ်ႉ​တႃႉ။ ၶဝ်​ၼၼ်ႉ တၵ်း​တိုတ်ႉ​ၸၼ်​ဢဝ်​ၶဝ် ဢၼ်​ဝႃႈ သူဝ်း​ဢၼ်​ႁႅင်း​လဵၵ်ႉ​သေ​ပိူၼ်ႈ ၸိူဝ်း​ၼၼ်ႉ ၵႂႃႇ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="46">လိၼ်​မိူင်း​သၼ်ႇ​ဝႆ ၵွပ်ႈ​ပိူဝ်ႈ​သဵင် ဢၼ်​တိုၵ်း​ဢဝ် ဝဵင်း​ ပႃႇပူႉလုၼ်ႇ ​ၼၼ်ႉ​လႄႈ သဵင်​ၼၼ်ႉ ငိၼ်း​ၵႂႃႇ​တေႃႇ​ထိုင်​ႁွတ်ႈ တီႈ​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ဢေႃႈ။</verse>
			</chapter>
			<chapter number="51">
				<verse number="1">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ ၵဝ်​တၵ်း​ႁႂ်ႈ​လူမ်း ဢၼ်​ၸၢင်ႈ​ယႃႉ​ပႅတ်ႈ​ၼၼ်ႉ လုၵ်ႉ​ယူႇ​ၽၢႆႇ​ၼိုင်ႈ တင်း​ဝဵင်း​ ပႃႇပူႉလုၼ်ႇ ဢိၵ်ႇ​တင်း ၽၢႆႇ​ၼိုင်ႈ တင်း​ၶဝ်​ၸိူဝ်း​ဢၼ် ႁူမ်ႈ​ပွင်း​လူၺ်ႈ​ၵၼ်​တင်း ရၢၼ်ႇ​သူႇ​ၵဝ်​ၼၼ်ႉ​ဢေႃႈ။-</verse>
				<verse number="2">ၵဝ်​တၵ်း​ပွႆႇ​ၸႂ်ႉ ၶဝ်​ၸိူဝ်း​ဢၼ် ၸၢင်ႈ​ဢဝ်​လူင်ႈ​ၽတ်း ၽတ်း​ၼၼ်ႉ ၸူး​ၵႃႈ​တီႈ​ဝဵင်း​ ပႃႇပူႉလုၼ်ႇ ​လႄႈ ၶဝ်​ၼၼ်ႉ တၵ်း​ဢွၼ်​ၵၼ် ၽတ်း​မိူင်း​ၼၼ်ႉ​တင်း​မိူင်း ႁႂ်ႈ​ထၼ်ႈ​ပေႃး ပဵၼ်​ဢၼ်​ပဝ်ႇ​ဢၼ်​မူတ်း ၵႂႃႇ​ဢေႃႈ။ ၼႂ်း​မိုဝ်ႉ​ဝၼ်း​ဢၼ် ၽေး​ႁွတ်ႈ​ထိုင်​ၼၼ်ႉ၊ ၶဝ်​ၼၼ်ႉ​တၵ်း ဢွၼ်​ၵၼ်​ႁဵတ်း​ရၢၼ်ႇ​သူႇ ယူႇ​ၵႃႈ​တီႈ​ႁိမ်း​ႁွမ်း လဵပ်ႈ​ႁွပ်ႈ​မၼ်း​ဢေႃႈ။-</verse>
				<verse number="3">ဢွၼ်​ၵၼ်​ဝူတ်ႈ​ၵၢင်ႇ​တၢင်ႇ​လႄႈ ယိုဝ်း​ၶဝ်​ၸိူဝ်း​ဢၼ်​ယိပ်း​ၵၢင်ႇ၊ ၶဝ်​ၸိူဝ်း​ဢၼ်​ၼုင်ႈ ၶူဝ်း​ၼုင်ႈ​ၶႅပ်း​လဵၵ်း ၸိူဝ်း​ၼၼ်ႉ​တႃႉ။ ယင်း​ဢမ်ႇ​သေ​လၢႆ​ၵူၼ်း​ၼုမ်ႇ ၵူၼ်း​ၵမ်​မၼ်း​တင်း​လၢႆ​လႄႈ ဢွၼ်​ၵၼ်​ယႃႉ​ၽဵဝ်ႈ​မူႇ​ၽုင် မုၵ်ႉ​ၸိူဝ်း​မၼ်း ၵႃႈ​မီး​ၼၼ်ႉ​ပႅတ်ႈ မူတ်း​မူတ်း​သဵင်ႈ​သဵင်ႈ​တႃႉ။-</verse>
				<verse number="4">ၼင်ႇ​ၼၼ်​လႄႈ ၶဝ်​ၼၼ်ႉ တၵ်း​လူမ်ႉ​တူၵ်း​ၵႃႈ​ၼႂ်း မိူင်း​ ၶႃႇလတေး ​လႄႈ လႆႈ​ၶၢမ်ႇ​တၢင်း​ဢၼ် တႅင်း​သႂ်ႇ​ၵႃႈ​ၼႂ်း သဵၼ်ႈ​တၢင်း​လူင်​မၼ်း ၸိူဝ်း​ၼၼ်ႉ​ဢေႃႈ။-</verse>
				<verse number="5">ပိၵ်ႉ​သမ်ႉ မိူင်း​တီႈ​ယူႇ​မဵဝ်း​ ဢီႉသရေႇလႃႉ ဢိၵ်ႇ​တင်း မိူင်း​တီႈ​ယူႇ​မဵဝ်း​ ယူႉတႃႉ ​ၼၼ်ႉ မီး​တဵမ်​ဝႆႉ​တင်း ဢပႅတ်ႈ​ဢၼ်​ၽိတ်း​ပိူင်ႈ ၽြႃး​ဢၼ်​မူတ်း​ၸၢင်ႇ မဵဝ်း​ ဢီႉသရေႇလႃႉ ​ၼၼ်ႉ သေ​ၵေႃႈ ၽြႃး​ပဵၼ်​ၸဝ်ႈ​ၶဝ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ ဢမ်ႇ​ၸုၼ်ႉ​ပႅတ်ႈ​ၶဝ်။-</verse>
				<verse number="6">ဢွၼ်​ၵၼ်​ဢွၵ်ႇ​ပၢႆႈ သေ​ၵႃႈ​ၼႂ်း​ဝဵင်း​ ပႃႇပူႉလုၼ်ႇ ​လႄႈ ၵႄႇ​သႄႇ​ၼုၵ်ႈ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ ႁင်း​ၽႂ်​ႁင်း​မၼ်း​တႃႉ။ ယႃႇ​ပေ​လေႃး​လႄး လူၺ်ႈ​ၵၼ်​တင်း​ဢပႅတ်ႈ​မၼ်း​သေ​လႄႈ ၶၢမ်ႇ​တၢင်း​ဢၼ်​သုမ်း​ဢၼ်​ၸွမ်း။ ၶိင်ႇ​ၵႃႇလႃႉ​ၼႆႉ​ၸမ်ႉ၊ ပဵၼ်​ၶိင်ႇ​ၵႃႇလႃႉ​ဢၼ် ထႃႇဝရႃႉ​ၽြႃး ပၼ်​တၢမ်ႇ ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ပေႇ​လႄႈ မၼ်း​ၸဝ်ႈ​တၵ်း​တွပ်ႇ​တႅၼ်း​ပၼ် ၸွမ်း​ၼင်ႇ​ဢၵျူဝ်း​ဢပႅတ်ႈ​ဢေႃႈ။-</verse>
				<verse number="7">ဝဵင်း​ ပႃႇပူႉလုၼ်ႇ ပဵၼ်​ၵွၵ်း​ၶမ်း​ဢၼ် ထႃႇဝရႃႉ​ၽြႃး ယိပ်း​ၵမ်​လႄႈ ႁႂ်ႈ​လိၼ်​မိူင်း တင်း​သဵင်ႈ​တင်း​မူတ်း မဝ်း​လဝ်ႈ​မဝ်း​ၵမ်​ဢေႃႈ။ ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢွၼ်​ၵၼ်​သူတ်ႉ​ၵိၼ် ၼမ်ႉ​ၸပိတ်ႈ ဢၼ်​ပႃး​ၵႃႈ​တီႈ​ၵွၵ်း​ၼၼ်ႉ​လႄႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸိူဝ်း​ၼၼ်ႉ ဢွၼ်​ၵၼ် ပဵၼ်​ၵူၼ်း​ယွင်ႇ ၵူၼ်း​မႃႈ​ၵႂႃႇ​ဢေႃႈ။-</verse>
				<verse number="8">ဝဵင်း​ ပႃႇပူႉလုၼ်ႇ ၶီႉ​ၶႃႉ​လူမ်ႉ​ပင်း​ၵမ်း​လဵဝ်​လႄႈ လူႉ​လႅဝ်​ၵႂႃႇ​ဢေႃႈ။ ဢွၼ်​ၵၼ်​ႁွင်ႉ​ႁႆႈ ပွင်ႉ​ၶၢင်း​ပုၼ်ႈ​မၼ်း​တႃႉ။ ပေႃး​တၢင်း​ၸဵပ်း​မၼ်း ႁၢႆ​လႆႈ​ၸိုင်၊ ဢွၼ်​ၵၼ်​ဢဝ်​ယၢင် ပႃႇလၸမ်ႇ ​သႂ်ႇ​ပၼ် ႁႂ်ႈ​ႁၢႆ​တႃႉ။-</verse>
				<verse number="9">ပိၵ်ႉ​သမ်ႉ​ႁဝ်း​ႁဵတ်း​ႁႂ်ႈ တၢင်း​ၸဵပ်း​ဝဵင်း​ ပႃႇပူႉလုၼ်ႇ ႁၢႆ​သေ​ၵေႃႈ တၢင်း​ၸဵပ်း​မၼ်း ဢမ်ႇ​ႁၢႆ​လႆႈ ဢွၼ်​ၵၼ်​ၸုၼ်ႉ​ပႅတ်ႈ​မၼ်း သေ​လႄႈ ၵႂႃႇ​ၵႃႈ​တီႈ​မိူင်း​ဢၼ်​ႁဝ်း​ယူႇ ႁဝ်း​သဝ်း​ၼၼ်ႉ ႁင်း​ၽႂ်​ႁင်း​မၼ်း​တႃႉ​ႁဝ်း။ ဢပႅတ်ႈ​ဢၼ်​မၼ်း​လႆႈ​ၶၢမ်ႇ​ၼၼ်ႉ မီး​တၢင်း​ဢၼ်​ၽႅဝ် တေႃႇ​ထိုင်​ႁွတ်ႈ ၵၢင်​ႁၢဝ်​လႄႈ ၶိုၼ်ႈ​ထိုင်​ၽႃႈ​ၽူၼ်​ယူႇ​ဢေႃႈ။-</verse>
				<verse number="10">ထႃႇဝရႃႉ​ၽြႃး ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ်​ႁဝ်း​သိုဝ်ႈ​တေႃႇ ၼၼ်ႉ​ယဝ်ႉ​ယဝ်ႉ။ မႃး​မႃး​ဢိူၺ်း၊ ဢွၼ်​ၵၼ်​မွၵ်ႇ​လၢတ်ႈ လွင်ႈ​တၢင်း​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း ၸီႇ​ယၢင်ႇ​ႁဵတ်း​ၼၼ်ႉ ၵႃႈ​ၼႂ်း​ဝဵင်း​ ၸီႉဢုၼ်ႇ ​တႃႉ​ႁဝ်း။-</verse>
				<verse number="11">ဢွၼ်​ၵၼ်​လပ်ႉ သူၺ်း ပိုၼ် တင်း​လၢႆ​တႃႉ။ ဢွၼ်​ၵၼ်​ယိပ်း​ၵမ် ၶိူင်ႈ​ႁႄႉ​လၢၵ်ႈ​ၼၢၵ်ႈ​တင်း​လၢႆ​တႃႉ။ ထႃႇဝရႃႉ​ၽြႃး တိုၵ်း​ယူင်း​ႁူဝ်​ၸႂ် ၶုၼ်​ႁေႃ​ၶမ်း​ မေႇတီႉ ​ၸိူဝ်း​ၼၼ်ႉ​ယဝ်ႉ။ မၼ်း​ၸဝ်ႈ မီး​တၢင်း​ၵျၢမ်ႇ​တၢင်း​ပွင် ယူႇ​ၽၢႆႇ​ၼိုင်ႈ​တင်း​ဝဵင်း​ ပႃႇပူႉလုၼ်ႇ ႁႂ်ႈ​လႆႈ​ယႃႉ​ၽဵဝ်ႈ​မၼ်း​ပႅတ်ႈ​ဢေႃႈ။ လွင်ႈ​မၼ်း​ၸမ်ႉ ပဵၼ်​တၢင်း​ဢၼ် ထႃႇဝရႃႉ​ၽြႃး ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ပေႇ ဢိၵ်ႇ​တင်း တၢင်း​ဢၼ်​ပၼ်​တၢမ်ႇ ၸွမ်း​ၼင်ႇ​ဢပႅတ်ႈ ဢၼ်​ယႃႉ​ပိၵ်ႈ​မၢၼ်ႇ​ၸဝ်ႈ ပႅတ်ႈ​ၼၼ်ႉ​ဢေႃႈ။-</verse>
				<verse number="12">ဢွၼ်​ၵၼ် ပူၵ်း​လၢမ်ႇ ၵႃႈ​တီႈ​ၼိူဝ်​လမ်း​ဝဵင်း​ ပႃႇပူႉလုၼ်ႇ ​တႃႉ။ ဢွၼ်​ၵၼ်​ႁႂ်ႈ မီး​ၵူၼ်း​ဢၼ်​ပႂ်ႉ​ၼမ်​ၼမ်​လႄႈ ဝႆႉ​ၵူၼ်း​ဢၼ်​လွမ်​တူၺ်း သဵၼ်ႈ​တၢင်း​တင်း​လၢႆ​တႃႉ။ ဢွၼ်​ၵၼ် ႁႅၼ်း​တပ်ႉ သိုၵ်း​မူၵ်း​တင်း​လၢႆ​တႃႉ။ ထႃႇဝရႃႉ​ၽြႃး ၵျၢမ်ႇ​ပွင်​လႄႈ ႁဵတ်း​ၵႃႈ​ဢၼ်​မၼ်း​ၸဝ်ႈ ဢၢင်ႈ​တၵ်း​ႁဵတ်း​တီႈ​ဝဵင်း​ ပႃႇပူႉလုၼ်ႇ ​ၼၼ်ႉ​ဝႆႉ​ဢေႃႈ။-</verse>
				<verse number="13">မႂ်း​ဢၼ်​ယူႇ​ၵႃႈ​တီႈ​ႁိမ်း​ၼမ်ႉ ဢၼ်​ၼမ်ႉ​ၼမ်​ၼႃႇ​လႄႈ ၸေး​ၸိမ်ႇ​ယႂ်ႇ​ၼႃႇ​ၼႆႉ​ဢိူၺ်း၊ ၶိင်ႇ​မိူဝ်ႈ​ဢၼ်​ပဵၼ်​တီႈ​သုတ်း​တီႈ​ၵွႆ​မႂ်း။ ဢၼ်​ဝႃႈ ၸူဝ်ႈ​တႃႇ တၢင်း​ဢၼ်​တႅၵ်ႈ ဢၼ်​ၶိုပ်ႈ လေႃး​ၽႃႉ​မႂ်း​ၼၼ်ႉ ႁွတ်ႈ​ထိုင်​ယဝ်ႉ။-</verse>
				<verse number="14">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ဢဝ်​တူဝ်​ၸဝ်ႈ​ၵဝ်ႇ တိူင်ႇ​ဝႃႈ ၵိၼ်ႇ​ဝႃႈ​လႄႈ ဝႃႈ​ၸမ်ႉ၊ ၵဝ်​တၵ်း​ႁႂ်ႈ​မႂ်း မီး​တဵမ်​ဝႆႉ တင်း​ၵူၼ်း ၼမ်​ၼႃႇ မိူၼ်​ၸိူဝ်ႉ​ၼင်ႇ ဢၼ်​ႁႂ်ႈ​မီး​တဵမ်​ဝႆႉ​တင်း မႅင်း​ၵႅင်း​ၼၼ်ႉ​လႄႈ ၶဝ်​ၼၼ်ႉ​တၵ်း​ၵိဝ်​သဵင် ဢၼ်​ပၢဝ်ႇ​သေႃႇ ယူႇ​ၽၢႆႇ​ၼိုင်ႈ တင်း​မႂ်း​ဢေႃႈ။</verse>
				<verse number="15">မၼ်း​ၸဝ်ႈ ဢဝ်​တၼ်း​ၶူဝ်း​ၸဝ်ႈ ႁဵတ်း​ပဵၼ်​လိၼ်​မိူင်း​ယဝ်ႉ။ မၼ်း​ၸဝ်ႈ ဢဝ်​ပိင်ႇ​ၺႃႇ​ၸဝ်ႈ တႄႇ​ႁဵတ်း​လေႃးၵထၢတ်ႈ​ယဝ်ႉ။ မၼ်း​ၸဝ်ႈ​ဢဝ်​ၺၢၼ်ႇ​ၸဝ်ႈ ၶဵင်ႈ​မုင်း​ၽႃႉ​ၵၢင်​ႁၢဝ်​ယဝ်ႉ။-</verse>
				<verse number="16">ယၢမ်း​မိူဝ်ႈ​ဢၼ် မၼ်း​ၸဝ်ႈ​ပွႆႇ​သဵင်​မၼ်း​ၸဝ်ႈ ၼၼ်ႉ​ၸိုင် ၸၢင်ႈ​ပဵၼ်​ၼမ်ႉ​ၽူၼ် ၼမ်​ၵိုၼ်း​ၼႃႇ​လူင်​လၢင် ၵႃႈ​ၼိူဝ်​ၽႃႉ​ၵၢင်​ႁၢဝ်​လႄႈ မၼ်း​ၸဝ်ႈ​ႁႂ်ႈ​ၽႃႈ​ၽူၼ် လုၵ်ႉ​သေ​ၵႃႈ​တီႈ ႁိမ်း​လႅၼ်​သုတ်း​လိၼ်​မိူင်း ၶိုၼ်ႈ​ဢေႃႈ။ မၼ်း​ၸဝ်ႈ ႁႂ်ႈ​ၽူၼ်​တူၵ်း​လႄႈ ၽႃႉ​မႅပ်ႈ​ဢေႃႈ။ လူမ်း​ၵေႃႈ​မၼ်း​ၸဝ်ႈ ဢဝ်​ဢွၵ်ႇ​ၵႃႈ​ၼႂ်း​တိူၵ်ႈ​ၽၼ်ႇတႃႇ မၼ်း​ၸဝ်ႈ​မႃး​ဢေႃႈ။-</verse>
				<verse number="17">ၵူၼ်း​ၸမ်ႉ၊ ပဵၼ်​ၸိူဝ်ႉ​ၼင်ႇ တရိၵ်ႈသၢၼ်ႇ​လႄႈ ဢမ်ႇ​မီး​ၺၢၼ်ႇ​လႃး​လႃး။ ၸၢင်ႈ​ၶမ်း​ၵူႈ​ၵေႃႉ​ၵူႈ​ၵူၼ်း မီး​တၢင်း​ဢၼ်​ဢူၵ်း​ဢၼ်​ဢၢႆ ၵွပ်ႈ​ပိူဝ်ႈ​ရုၵ်ႈ​ထူႉ ဢၼ်​တူဝ်​ၸဝ်ႈ​ၵဝ်ႇ​ႁဵတ်း​ၼၼ်ႉ​ယူႇ​ဢေႃႈ။ လွင်ႈ​မၼ်း​ၸမ်ႉ ရုၵ်ႈ​ထူႉ​ဢၼ်​မၼ်း​သွၼ်း​လေႃႇ​ႁဵတ်း​ၼၼ်ႉ ပဵၼ်​မူႉ​သႃႇ​ဢေႃႈ။ ဢမ်ႇ​မီး​တၢင်း​ဢၼ်​ထူၺ်ႈ​ၸႂ်​ၶဝ်ႈ ထူၺ်ႈ​ၸႂ်​ဢွၵ်ႇ ၵႃႈ​ၼႂ်း​မၼ်း။-</verse>
				<verse number="18">ဢၼ်​ၸိူဝ်ႉ​ၼင်ႇ​ၼၼ် ၸိူဝ်း​ၼၼ်ႉ ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။ ပဵၼ်​ၶိူင်ႈ​ပိူင်​ဢၼ် ၸၢင်ႈ​ပႅတ်ႉ​ၸၢင်ႈ​လႅၼ်​ၵူၺ်း​ၵူၺ်း​ဢေႃႈ။ ၼႂ်း​ၶိင်ႇ​မိူဝ်ႈ​ဢၼ်​လႆႈ​ၶၢမ်ႇ တၢင်း​ဢၼ်​ၸႅတ်ႈ​ထၢမ်​ၼၼ်ႉ၊ ၶဝ်​တၵ်း​မီး​တၢင်း​ဢၼ် လပ်ႉ​ႁၢႆ​ၵႂႃႇ​ဢေႃႈ။-</verse>
				<verse number="19">ပုၼ်ႈ​တႃႇ​မဵဝ်း​ ယႃႇၵုပ်ႈ ​ၸမ်ႉ၊ ဢမ်ႇ​မိူၼ်​ၵၼ်​တင်း​ဢၼ်​ၸိူဝ်း​ၼၼ်ႉ။ လွင်ႈ​မၼ်း​ၸမ်ႉ မၼ်း​ၸဝ်ႈ​ပဵၼ်​ၸဝ်ႈ​ဢၼ် ႁဵတ်း​ပဵၼ်​လွင်ႈ​တၢင်း ၵူႈ​ၸိူဝ်ႉ​ၵူႈ​ပိူင်​ဢေႃႈ။ မဵဝ်း​ ဢီႉသရေႇလႃႉ ပဵၼ်​ၶွၼ်ႉ​ဢၼ်​တႅၵ်ႈ ဢၼ်​ၶိုပ်ႈ တီႈ​ဢၼ်​မၼ်း​ၸဝ်ႈ​ၼၼ်ႉ ၶၢမ်ႇ​ဢမူၺ်ႇ​ဢေႃႈ။ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ ပဵၼ်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ဢေႃႈ။</verse>
				<verse number="20">မႂ်း​ၼႆႉ​ပဵၼ် ၶွၼ်ႉ​လဵၵ်း​လူင်၊ လၢၵ်ႈ​ၼၢၵ်ႈ ပုၼ်ႈ​ဢၼ်​ၵဝ် တၵ်း​ဢဝ်​တိုၵ်း​သိုၵ်း​ဢေႃႈ။ ၵဝ်​ယိပ်း​ၵမ်​ဢဝ်​မႂ်း သေ​လႄႈ ႁၵ်း​ႁဵၵ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း ပႅတ်ႈ​ယဝ်ႉ။ ၵဝ်​ယိပ်း​ၵမ်​ဢဝ်​မႂ်း သေ​လႄႈ ယႃႉ​ၽဵဝ်ႈ​သိုင်ႇ​ၸိုင်ႈ​ဝၢၼ်ႈ​မိူင်း တင်း​လၢႆ​ပႅတ်ႈ​ယဝ်ႉ။-</verse>
				<verse number="21">ၵဝ်​ယိပ်း​ၵမ်​ဢဝ်​မႂ်း သေ​လႄႈ ႁၵ်း​ႁဵၵ်း​မႃႉ ဢိၵ်ႇ​တင်း ၵူၼ်း​သိုၵ်း​ၶီႇ​မႃႉ တင်း​လၢႆ​ပႅတ်ႈ​ယဝ်ႉ။ ၵဝ်​ယိပ်း​ၵမ်​ဢဝ်​မႂ်း​သေ​လႄႈ ႁၵ်း​ႁဵၵ်း​လေႃႉ​ရထႃး ဢိၵ်ႇ​တင်း ၵူၼ်း​သိုၵ်း​ၶီႇ​လေႃႉ​ရထႃး တင်း​လၢႆ​ပႅတ်ႈ​ယဝ်ႉ။-</verse>
				<verse number="22">ၵဝ်​ယိပ်း​ၵမ်​ဢဝ်​မႂ်း​သေ​လႄႈ ႁၵ်း​ႁဵၵ်း​ၵူၼ်း​ၸၢႆး ဢိၵ်ႇ​တင်း ၵူၼ်း​ယိင်း​ပႅတ်ႈ​ယဝ်ႉ။ ၵဝ်​ယိပ်း​ၵမ်​ဢဝ်​မႂ်း သေ​လႄႈ ႁၵ်း​ႁဵၵ်း​ၵေႃႉ​ဢၼ် ဢသၢၵ်ႈ​ယႂ်ႇ ဢိၵ်ႇ​တင်း ၵေႃႉ​ဢၼ် ဢသၢၵ်ႈ​လဵၵ်ႉ ပႅတ်ႈ​ယဝ်ႉ။ ၵဝ်​ယိပ်း​ၵမ်​ဢဝ်​မႂ်း​သေ​လႄႈ ႁၵ်း​ႁဵၵ်း​ၽူႈ​မၢဝ်ႇ ဢိၵ်ႇ​တင်း ၽူႈ​သၢဝ်​ပႅတ်ႈ​ယဝ်ႉ။-</verse>
				<verse number="23">ၵဝ်​ယိပ်း​ၵမ်​ဢဝ်​မႂ်း သေ​လႄႈ ႁၵ်း​ႁဵၵ်း​ၵေႃႉ​ဢၼ် လဵင်ႉ​သူဝ်း​ထိင်း​သူဝ်း ဢိၵ်ႇ​တင်း ၽုင်​သူဝ်း​မၼ်း​ပႅတ်ႈ​ယဝ်ႉ။ ၵဝ်​ယိပ်း​ၵမ်​ဢဝ်​မႂ်း​သေ​လႄႈ ႁၵ်း​ႁဵၵ်း​ၵေႃႉ​ဢၼ်​ႁဵတ်း​ၼႃး ဢိၵ်ႇ​တင်း ၵူပ်ႉ​ဝူဝ်း​ၵူႈ​ဝူဝ်း​မၼ်း ပႅတ်ႈ​ယဝ်ႉ။ ၵဝ်​ယိပ်း​ၵမ်​ဢဝ်​မႂ်း​သေ​လႄႈ ႁၵ်း​ႁဵၵ်း​ပူဝ်ႇ တင်း​လၢႆ ဢိၵ်ႇ​တင်း ၶုၼ်​တင်း​လၢႆ​ပႅတ်ႈ​ယဝ်ႉ။</verse>
				<verse number="24">ၼႂ်း​ဝႃႈ​ၼၼ်​သေ​ၵေႃႈ ၵဝ်​တၵ်း​ပၼ်​ဢပႅတ်ႈ​တီႈ​ဝဵင်း​ ပႃႇပူႉလုၼ်ႇ ဢိၵ်ႇ​တင်း ၵူၼ်း​မိူင်း​ ၶႃႇလတေး တင်း​သဵင်ႈ​တင်း​လူင် ၸွမ်း​ၵႃႈ​ၼင်ႇ​ဢၼ် တူႉ​ၸရိူၵ်ႈ ၵႃႈ​ဢၼ်​ၶဝ်​ႁဵတ်း တီႈ​ဝဵင်း​ ၸီႉဢုၼ်ႇ ​ၼၼ်ႉ သိုဝ်ႈ​ၼႃႈ​တႂ်ႈ​တႃ​သူ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="25">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး၊ လွႆ​လူင်​ဢၼ်​မီး​သၽေႃး ဢၼ်​ၸၢင်ႈ​ယႃႉ​ပႅတ်ႈ​လႄႈ ၸၢင်ႈ​ယႃႉ​ၽဵဝ်ႈ လိၼ်​မိူင်း​တင်း​သဵင်ႈ​တင်း​မူတ်း ပႅတ်ႈ​ၼႆႉ​ဢိူၺ်း၊ ၵဝ်​ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။ ၵဝ်​တၵ်း​ယဵတ်ႇ​မိုဝ်း ယိုၼ်း​မိုဝ်း​ၵဝ် ၵႃႈ​ၼိူဝ်​မႂ်း​သေ​လႄႈ ဢဝ်​မႂ်း​ၵိင်ႈ​တူၵ်း​သေ ၵႃႈ​ၼိူဝ်​မၢၵ်ႇ​ႁိၼ် မၢၵ်ႇ​ၽႃ​ၸိူဝ်း​ၼၼ်ႉ​လႄႈ ႁႂ်ႈ​ပဵၼ်​လွႆ ဢၼ်​မႆႈ​သုတ်း​လူၺ်ႈ​ၽႆး​ဢေႃႈ။-</verse>
				<verse number="26">ၶဝ်​ဢမ်ႇ​လႆႈ​ၼုၵ်ႈ လႆႈ​ဢဝ် မၢၵ်ႇ​ႁိၼ်​ႁူဝ်​ၸဵင်ႇ​တိူၵ်ႈ၊ မၢၵ်ႇ​ႁိၼ်​ငဝ်ႈ​ႁၢၵ်ႈ​တိူၵ်ႈ သေ​ၸိူဝ်ႉ​သေ​ဢၼ် ၵႃႈ​တီႈ​မႂ်း။ မႂ်း​တၵ်း​လႆႈ​လူႉ​လႅဝ်​ယူႇ သေႇ​သေႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="27">ဢွၼ်​ၵၼ်​ပူၵ်း​လၢမ်ႇ ၵႃႈ​ၼႂ်း​မိူင်း​ၼၼ်ႉ​တႃႉ။ ဢွၼ်​ၵၼ်​ပဝ်ႇ​ၼႄးၶရႃႇ ၵႃႈ​ၼႂ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း​လႄႈ မႄး​ႁႅၼ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ယူႇ​ၽၢႆႇ​ၼိုင်ႈ တင်း​မၼ်း​တႃႉ။ ဢွၼ်​ၵၼ်​ႁႂ်ႈ​မိူင်း​ ဢႃႇရရတ်ႉ ၊ မိူင်း​ မိၼ်ႇၼီႉ ၊ မိူင်း​ ဢႃႇသၵေႇၼတ်ႉ ​ၸိူဝ်း​ၼၼ်ႉ​ၸူႉ​ၵၼ်​တုမ်​ၵၼ် ယူႇ​ၽၢႆႇ​ၼိုင်ႈ တင်း​မၼ်း​ၼၼ်ႉ​တႃႉ။ ဢွၼ်​ၵၼ်​ၶၢၼ်း ၶုၼ်​ပူဝ်ႇ​ၶျုၵ်ႈ​ဝႆႉ ၽၢႆႇ​ၼိုင်ႈ တင်း​မၼ်း​လႄႈ ႁႂ်ႈ​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ တင်း​လၢႆ ၶီႇ​သိုၵ်း​မႃး မိူၼ်​ၸိူဝ်ႉ​ၼင်ႇ မႅင်း​ၵႅင်း ဢၼ်​ၶူၼ်​ၵျၢမ်း​ၼႃႇ ၸိူဝ်း​ၼၼ်ႉ​တႃႉ။-</verse>
				<verse number="28">ဢွၼ်​ၵၼ်​မႄး​ႁႅၼ်း မဵဝ်း​ၵူၼ်း​တင်း​လၢႆ ဢိၵ်ႇ​တင်း ၶုၼ်​ႁေႃ​ၶမ်း​ မေႇတီႉ ​တင်း​လၢႆ၊ ပူဝ်ႇ​မၼ်း​တင်း​လၢႆ၊ ၶုၼ်​မၼ်း​တင်း​လၢႆ၊ ၵူၼ်း​သိုင်ႇ​ၵူၼ်း​မိူင်း​မၼ်း တင်း​သဵင်ႈ​တင်း​လူင် ယူႇ​ၽၢႆႇ​ၼိုင်ႈ​တင်း​မၼ်း​ၼၼ်ႉ​တႃႉ။-</verse>
				<verse number="29">မိူင်း​ၼၼ်ႉ​တၵ်း​သၼ်ႇ​ဝႆ​လႄႈ ၸဵပ်း​ၶိုၼ်ႈ​ဢေႃႈ။ တၢင်း​ၵျၢမ်ႇ​တၢင်း​ပွင်​ၵႃႈ​ဢၼ် ထႃႇဝရႃႉ​ၽြႃး ၵျၢမ်ႇ​ပွင်​ယူႇ​ၽၢႆႇ​ၼိုင်ႈ တင်း​မိူင်း​ ပႃႇပူႉလုၼ်ႇ ႁႂ်ႈ​မိူင်း​ ပႃႇပူႉလုၼ်ႇ လႆႈ​ပဵၼ်​တီႈ​ဢၼ်​ပဝ်ႇ​ဢၼ်​လၢပ်ႈ၊ တီႈ​ဢၼ်​ဢမ်ႇ​မီး ၵေႃႉ​ဢၼ်​ယူႇ ဢၼ်​သဝ်း​ၼၼ်ႉ တၵ်း​လႆႈ​ပျေႉ​ၸုမ်ႇ​ဢေႃႈ။-</verse>
				<verse number="30">ႁူဝ်​ႁၢၼ်​ၵူၼ်း​သိုၵ်း​ ပႃႇပူႉလုၼ်ႇ ​ၸိူဝ်း​ၼၼ်ႉ ယင်း​ဢမ်ႇ​ၶေႉ​ၶဵင်ႇ​သိုၵ်း​လႄႈ ဢွၼ်​ၵၼ်​ယူႇ​ၵႃႈ​ၼႂ်း​တိူၵ်ႈ တီႈ​တိုၵ်း​သိုၵ်း​ၶဝ်​ဢေႃႈ။ ႁႅင်း​ၶဝ်​ဢူၼ်ႈ​ၵႂႃႇ ယွမ်း​ၵႂႃႇ​လႄႈ ၶဝ်​ပဵၼ်​ၸိူဝ်ႉ​ၼင်ႇ မႄႈ​ယိင်း​ၵႂႃႇ​ဢေႃႈ။ ႁိူၼ်း​တီႈ​ယူႇ​ၵူၼ်း​မၼ်း​တင်း​လၢႆ လႆႈ​ၶၢမ်ႇ​တၢင်း​ဢၼ်​ဢဝ်​ၽႆး​တုတ်ႇ​ပႅတ်ႈ​လႄႈ ၵိူၼ်ႇ​ၽၵ်း​တူ​မၼ်း​တင်း​လၢႆ လႆႈ​ၶၢမ်ႇ​တၢင်း​ဢၼ် ႁၵ်း​ႁဵၵ်း​ပႅတ်ႈ​ဢေႃႈ။-</verse>
				<verse number="31">ၵူၼ်း​ဢွၼ်ႇ​ၶုၼ် ၼင်ႇ​ၵၼ်​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ႁူပ်ႉ​ထူပ်း​ၵၼ်​ယူႇ၊ ၶဝ်​ၸိူဝ်း​ဢၼ်​ၶၢမ်ႇ တၢင်း​ဢၼ်​ပွႆႇ​ၸႂ်ႉ ၼင်ႇ​ၵၼ်​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ႁူပ်ႉ​ထူပ်း​ၵၼ်​ယူႇ သေ​လႄႈ ဢွၼ်​ၵၼ်​ၶုၼ်ႇ​လႅၼ်ႈ ႁႂ်ႈ​လႆႈ​လဝ်ႊ​လၢတ်ႈ​တီႈ ၶုၼ်​ႁေႃ​ၶမ်း​ ပႃႇပူႉလုၼ်ႇ လူၺ်ႈ​လွင်ႈ ဢၼ်​ရၢၼ်ႇ​သူႇ​တိုၵ်း​တေႃး သိမ်း​ဢဝ်​ဝဵင်း​ၸဝ်ႈ ၵူႈ​တီႈ​ၵူႈ​လႅၼ်​ယဝ်ႉ၊-</verse>
				<verse number="32">ဢိၵ်ႇ​တင်း လွင်ႈ​ဢၼ်​သူပ်း​တၢင်း တင်း​လၢႆ လႆႈ​ၶၢမ်ႇ​တၢင်း​ဢၼ် ဢိုတ်း​ဝႆႉ​လႄႈ ၵႃႈ​တီႈ​ႁိမ်း​ၼမ်ႉ ႁိမ်း​ၼွင်​လႆႈ​ၶၢမ်ႇ တၢင်း​ဢၼ်​ၽႆး​မႆႈ တင်း​လွင်ႈ​ဢၼ် ႁူဝ်​ႁၢၼ်​ၵူၼ်း​သိုၵ်း တင်း​လၢႆ လႆႈ​မီး​တၢင်း​ဢၼ် တူၵ်း​ၸႂ်​ၵူဝ်​ႁႄ ယူႇ​ၼၼ်ႉ​ဢေႃႈ။-</verse>
				<verse number="33">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၽြႃး​မဵဝ်း​ ဢီႉသရေႇလႃႉ မီး​ဢမိင်ႉ​ၸမ်ႉ၊ လုၵ်ႈ​ယိင်း​ ပႃႇပူႉလုၼ်ႇ ​ၼၼ်ႉ ပဵၼ်​ၸိူဝ်ႉ​ၼင်ႇ​တလၢင်း​ယဵပ်ႇ​ၶဝ်ႈ ၼႂ်း​ၶိင်ႇ​မိူဝ်ႈ​ဢၼ် လႆႈ​ယဵပ်ႇ​ၼူတ်ႈ​ၶဝ်ႈ​ၼၼ်ႉ​ဢေႃႈ။ ထႅင်ႈ​ၵႅပ်ႉ​ဢွၼ်ႇ ၵမ်း​ဢွၼ်ႇ​ၼိုင်ႈ ၶိင်ႇ​မိူဝ်ႈ​ဢၼ် ပၢတ်ႇ​ၶဝ်ႈ​မၼ်း​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="34">ၼေႇပူႉၶတ်ႉၼေႇၸႃႇ ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ၶူပ်း​ၵိၼ်​ႁဝ်း​လႄႈ ၶိုတ်ႈ​ႁဝ်း​လႅဝ်​ပႅတ်ႈ​ယဝ်ႉ။ မၼ်း​ႁႂ်ႈ​ႁဝ်း​ပဵၼ်​မေႃႈ​ဢၼ်​ပဝ်ႇ​ၵူင်​ဝႆႉ​ယဝ်ႉ။ မၼ်း​ဢိုၼ်​ၵိၼ်​ႁဝ်း မိူၼ်​ၸိူဝ်ႉ​ၼင်ႇ​ဢၼ် ၼၵႃး​ၸၢင်ႈ​ဢိုၼ်​ၼၼ်ႉ​လႄႈ ဢဝ်​လွင်ႈ​တၢင်း​ဢၼ်​ႁဝ်း လီ​မူၼ်ႈ​ပျေႃႇ ၸိူဝ်း​ၼၼ်ႉ သတ်ႉ​တဵမ်​ၵႃႈ​ၼႂ်း တွင်ႉ​တူဝ်​မၼ်း​ဝႆႉ​ယဝ်ႉ။ မၼ်း​ႁေႃႈ​ႁဝ်း​ဢွၵ်ႇ​ပႅတ်ႈ​ယဝ်ႉ။-</verse>
				<verse number="35">လုၵ်ႈ​ယိင်း​ဝဵင်း​ ၸီႉဢုၼ်ႇ တၵ်း​လၢတ်ႈ​လႄႈ​ဝႃႈ၊ ႁႂ်ႈ​ဢမူႉ​ဢႃႉထမ်ႇမႃႉ ဢၼ်​ႁဵတ်း​တီႈ​တူဝ်​ၶိင်း​ၵဝ် ဢိၵ်ႇ​တင်း​တီႈ​ၼိူဝ်ႉ​ၵဝ်​ၼင်​ၵဝ်​ၼၼ်ႉ ႁွတ်ႈ​ထိုင် ၵႃႈ​ၼိူဝ်​ဝဵင်း​ ပႃႇပူႉလုၼ်ႇ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။ ဝဵင်း​ ယေႇရူႉသလႅမ်ႇ ​ၵေႃႈ တၵ်း​လၢတ်ႈ​လႄႈ​ဝႃႈ၊ ႁႂ်ႈ​လိူတ်ႈ​ၵဝ် ႁွတ်ႈ​ထိုင် ၵႃႈ​ၼိူဝ်​ၵူၼ်း​မိူင်း​ ၶႃႇလတေး ​တင်း​လၢႆ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="36">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ပႂ်ႉ​ဢမူႉ​မႂ်း​ယူႇ​လႄႈ တွပ်ႇ​တႅၼ်း​ၶိုၼ်း​ဢပႅတ်ႈ ဢၼ်​မႂ်း​လႆႈ​ၶၢမ်ႇ​ၼၼ်ႉ​ဢေႃႈ။ ၵဝ်​တၵ်း​ႁႂ်ႈ​ပၢင်ႇ​လၢႆႇ​မၼ်း ႁႅင်ႈ​ယူတ်း​လႄႈ ႁႂ်ႈ​ၼမ်ႉ​ဢွၵ်ႇ​ႁူး​မၼ်း ႁႅင်ႈ​ႁွင်​ၵႂႃႇ​ဢေႃႈ။-</verse>
				<verse number="37">ဝဵင်း​ ပႃႇပူႉလုၼ်ႇ ​ၼၼ်ႉ တၵ်း​ပဵၼ်​ၵွင်​ၽုၼ်ႇ ၵွင်​လိၼ် တီႈ​ဢၼ်​မႃ​လိၼ်​ယူႇ၊ တီႈ​ဢၼ်​လီ​ဢၢမ်း၊ တီႈ​ဢၼ်​ႁဵတ်း​သဵင် သီႉ​သီႉ​သေႃႉ​သေႃႉ သႄႉ​သွမ်း၊ တီႈ​ဢၼ်​ဢမ်ႇ​မီး​ၵေႃႉ​ဢၼ်​ယူႇ ဢၼ်​သဝ်း​ဢေႃႈ။-</verse>
				<verse number="38">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶဝ်​ၼၼ်ႉ တၵ်း​ၽွမ်ႉ​ၵၼ်​ႁဵတ်း​သဵင် ဢၼ်​ႁွင်ႉ​ၶၢင်း​ၸိူဝ်ႉ​ၼင်ႇ သၢင်ႇ​သီႈ၊ သဵင်​ဢၼ်​ႁွင်ႉ​သႅၼ်ႇ ၸိူဝ်ႉ​ၼင်ႇ​သၢင်ႇ​သီႈ​ဢွၼ်ႇ​ဢေႃႈ။-</verse>
				<verse number="39">မိူဝ်ႈ​ဢၼ် ၶဝ်​မီး​တၢင်း​ဢၼ်​ၸႂ် ႁႅင်း​ယႂ်ႇ​ၼႃႇ​လူင်​လၢင်​ၼၼ်ႉ၊ ၵဝ်​တၵ်း​ဢဝ် တၢင်း​ၵိၼ်​တိုၵ်း​ပၼ် ဢွႆႇ​ပၼ်​လႄႈ ႁႂ်ႈ​ၶဝ်​မဝ်း​လဝ်ႈ​မဝ်း​ၵမ်​ယူႇ လွင်ႈ​ၼင်ႇ​ႁိုဝ် ၶဝ်​တၵ်း​မူၼ်ႈ​ပျေႃႇ​လႄႈ ၵမ်း​လိုၼ်း ၶဝ်​ယင်း​ဢမ်ႇ​တိုၼ်ႇ​လႄႈ တၵ်း​ၼွၼ်း​လပ်း​ယူႇ သေႇ​သေႇ​ဢေႃႈ။-</verse>
				<verse number="40">ၵဝ်​တၵ်း​တိုတ်ႉ​ၸၼ်​ဢဝ်​ၶဝ် ၶျႃး​တူၵ်း​မိူၼ်​ၸိူဝ်ႉ​ၼင်ႇ သူဝ်း​ဢွၼ်ႇ၊ သူဝ်း​ပေႃႈ၊ ပႄႉ​ပေႃႈ​ၸိူဝ်း​ၼၼ်ႉ ၸူး​တီႈ​ဢၼ် ဢဝ်​တၢႆ​ၼၼ်ႉ​ဢေႃႈ။</verse>
				<verse number="41">ဝဵင်း​ သေးသိၵ်ႉ လႆႈ​ၶၢမ်ႇ​တၢင်း​ဢၼ် တိုတ်ႉ​ဢဝ် သိမ်း​ဢဝ်​ယဝ်ႉ လူင်​ပႄႇ။ ဝဵင်း​ဢၼ်​ႁူင်​ႁၢင်း ၵႃႈ​ၼိူဝ်​ၼႃႈ​လိၼ်​မိူင်း တင်း​သဵင်ႈ​တင်း​မူတ်း​ၼၼ်ႉ လႆႈ​ၶၢမ်ႇ​တၢင်း​ဢၼ် ႁိမ်​ဢဝ်​ႁူင်ႇ​ဢဝ်​ယဝ်ႉ​လူင်​ပႄႇ။ ဝဵင်း​ ပႃႇပူႉလုၼ်ႇ ​ၼၼ်ႉ ပဵၼ်​တီႈ​ဢၼ်​လီ​ဢၢမ်း ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ယဝ်ႉ လူင်​ပႄႇ။-</verse>
				<verse number="42">ပၢင်ႇ​လၢႆႇ​ၶိုၼ်ႈ​ၵႃႈ​ၼိူဝ်​ဝဵင်း​ ပႃႇပူႉလုၼ်ႇ ​လႄႈ မၼ်း​လႆႈ​ၶၢမ်ႇ​တၢင်း​ဢၼ် လႅင်း​ၼမ်ႉ​ပိူပ်ႈ​ၼမ်ႉ​ဢၼ်​ၼမ်​ၼႃႇ​ၼၼ်ႉ ႁူမ်ႇ​သုမ်ႇ​ယဝ်ႉ​လူင်​ပႄႇ။-</verse>
				<verse number="43">ဝဵင်း​မၼ်း​တင်း​လၢႆ​ပဵၼ်​တီႈ​ဢၼ်​လီ​ဢၢမ်း၊ လိၼ်​ဢၼ်​ႁႅင်ႈ​ဢၼ်​ႁွင်၊ ပၢင်ႇ​ပဵင်း​တီႈ​ဢၼ်​ၸုၼ်ႉ​ပႅတ်ႈ၊ မိူင်း​ဢၼ်​ၽူႈ​လႂ် သေ​ၵေႃႉ​သေ​ၵူၼ်း ဢမ်ႇ​ယူႇ​ဢမ်ႇ​သဝ်း​လႄႈ လုၵ်ႈ​ၵူၼ်း​သေ​ၵေႃႉ​သေ​ၵူၼ်း ဢမ်ႇ​တႆႇ​တၢင်း​ပႆ​တၢင်း ၵၢႆ​ၵႂႃႇ​ၵႃႈ​ႁိမ်း​မၼ်း​ၼၼ်ႉ​ယဝ်ႉ။-</verse>
				<verse number="44">ၵဝ်​တၵ်း​ပၼ်​တၢမ်ႇ​တီႈ​ၽြႃး​ ပေႇလႃႉ ၵႃႈ​ၼႂ်း​ဝဵင်း​ ပႃႇပူႉလုၼ်ႇ ​ၼၼ်ႉ​လႄႈ ၵဝ်​တၵ်း​ႁႂ်ႈ​မၼ်း​သမ်ႉ​ၶိုၼ်း​ႁၢၵ်ႈ လွင်ႈ​တၢင်း​ဢၼ် မၼ်း​ဢိုၼ်​ၵိၼ်​ၼၼ်ႉ ဢွၵ်ႇ​ဢေႃႈ။ ၵမ်း​လိုၼ်း ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၸိူဝ်း​ၼၼ်ႉ ဢမ်ႇ​လႆႈ​ဢွၼ်​ၵၼ် ၸူႉ​ၵၼ်​တုမ်​ၵၼ် ၵႃႈ​တီႈ​မၼ်း။ လမ်း​ဝဵင်း ပႃႇပူႉလုၼ်ႇ ​ၵေႃႈ တၵ်း​မီး​တၢင်း​ဢၼ်​လူမ်ႉ​ပင်း​ဢေႃႈ။-</verse>
				<verse number="45">ၵူၼ်း​ၵဝ်​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​မၼ်း​လႄႈ ၵႄႇ​သႄႇ​ၼုၵ်ႈ​ဢဝ် တူဝ်​ၸဝ်ႈ​ၵဝ်ႇ​သေ​ၵႃႈ​တီႈ တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး ဢၼ်​ႁႅင်း​ယႂ်ႇ​ၼႃႇ​ၼၼ်ႉ ႁင်း​ၽႂ်​ႁင်း​မၼ်း​တႃႉ။-</verse>
				<verse number="46">ယႃႇ​ပေ ဢွၼ်​ၵၼ်​မီး တၢင်း​ဢၼ်​ၸႂ်​လူႉ။ ယႃႇ​ပေ​ၵူဝ်​ပေ​ႁႄ ၵွပ်ႈ​ပိူဝ်ႈ​သတၢင်း​သဵင်​ၶၢဝ်ႇ ဢၼ်​လႆႈ​ငိၼ်း​ၵႃႈ​ၼႂ်း​မိူင်း​ၼၼ်ႉ​ၼၼ်ႉ။ သတၢင်း​သဵင်​ၶၢဝ်ႇ တၵ်း​ငိၼ်း​မႃး​ၼႂ်း​ပီႊ​ၼႆႉ​လႄႈ သတၢင်း​သဵင်​ၶၢဝ်ႇ တၵ်း​ငိၼ်း​မႃး​ထႅင်ႈ ၼႂ်း​ပီႊ​ၼႃႈ​ဢေႃႈ။ တၵ်း​လႆႈ​မီး​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး ၵႃႈ​တီႈ​မိူင်း​ၼၼ်ႉ​လႄႈ ၶုၼ်​ၼင်ႇ​ၵၼ်​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​လႆႈ​ႁိမ်​ဢဝ်​ၵၼ်​ဢေႃႈ။-</verse>
				<verse number="47">ပိူဝ်ႈ​ၼႆ​လႄႈ ၶိင်ႇ​ၵႃႇလႃႉ မိုဝ်ႉ​ဝၼ်း​ဢၼ်​ၵဝ် တၵ်း​ပၼ်​တၢမ်ႇ တီႈ​ရုၵ်ႈ​ထူႉ​သၢင်း​ထူႉ ဢၼ်​တွင်ႈ​ႁဵတ်း​ၵႃႈ​တီႈ​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ​လႄႈ မိူင်း​တင်း​မိူင်း​တၵ်း​ဢူၵ်း​ဢၢႆ​လႄႈ ႁူဝ်​ႁၢၼ်​ၵူၼ်း​သိုၵ်း​မၼ်း​တင်း​လၢႆ တၵ်း​ဢွၼ်​ၵၼ်​လူမ်ႉ​လႄႈ တၢႆ​ယူႇ​ၵႃႈ​ၼႂ်း​မၼ်း ၼၼ်ႉ​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="48">မိူဝ်ႈ​ၼၼ်ႉ ၽႃႉ​ၵၢင်​ႁၢဝ် ဢိၵ်ႇ​တင်း​လိၼ်​မိူင်း တင်း​ၵႃႈ​ဢၼ်​မီး ၵႃႈ​ၼႂ်း​မၼ်း​ၼၼ်ႉ တၵ်း​ဢွၼ်​ၵၼ်​ႁဵတ်း သဵင်​ဢၼ်​သႂၢင်ႇ​သိူဝ်း လူၺ်ႈ​လွင်ႈ​ဝဵင်း​ ပႃႇပူႉလုၼ်ႇ ​ဢေႃႈ။ လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ႁိမ်​ဢဝ်​ႁူင်ႇ​ဢဝ်​ၼၼ်ႉ တၵ်း​လုၵ်ႉ​သေ​ၵႃႈ​တီႈ ၼႃႈ​တၢင်း​ႁွင်ႇ​မႃး​ဢေႃႈ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="49">ႁူဝ်​ႁၢၼ်​ၵူၼ်း​သိုၵ်း ၵူၼ်း​မဵဝ်း​ ဢီႉသရေႇလႃႉ ဢၼ်​လူမ်ႉ​လႄႈ​တၢႆ ၶဝ်​ဢိူၺ်း၊ ဝဵင်း​ ပႃႇပူႉလုၼ်ႇ ​တၵ်း​လူမ်ႉ​တူၵ်း​ဢေႃႈ။ ႁူဝ်​ႁၢၼ် ၵူၼ်း​သိုၵ်း ၵူၼ်း​ၵူႈ​ဝၢၼ်ႈ​ၵူႈ​မိူင်း ဢၼ်​လူမ်ႉ​လႄႈ​တၢႆ​ၶဝ်​ဢိူၺ်း၊ ႁူဝ်​ႁၢၼ်​ၵူၼ်း​သိုၵ်း​ဝဵင်း​ ပႃႇပူႉလုၼ်ႇ ​တင်း​လၢႆ တၵ်း​လူမ်ႉ​တၢႆ​ဢေႃႈ။</verse>
				<verse number="50">သူ​ၸိူဝ်း​ဢၼ် ၵၢင်း​လွတ်ႈ​တင်း ၽေး​လၢပ်ႇ​ၽေး​လႅဝ်း ၶဝ်​ဢိူၺ်း၊ ဢွၼ်​ၵၼ်​ၵႂႃႇ​တႃႉ။ ယႃႇ​ပေ​ဢွၼ်​ၵၼ် ၵိုတ်း​သဝ်း​ယူႇ၊ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ထႃႇဝရႃႉ​ၽြႃး ၼႂ်း​တီႈ​ဢၼ်​ၵႆ​ၼၼ်ႉ​လႄႈ ဝဵင်း​ ယေႇရူႉသလႅမ်ႇ ​ၵေႃႈ မၢတ်ႈ​တွင်း​ဝႆႉ​တႃႉ။-</verse>
				<verse number="51">ႁဝ်း​ဢွၼ်​ၵၼ် ဢူၵ်း​ဢၢႆ​ယူႇ ၵွပ်ႈ​ပိူဝ်ႈ​ဢၼ်​ႁဝ်း ငိၼ်း​သဵင်​ဢၼ် သႄႉ​သွမ်း​ၼၼ်ႉ​လႄႈ ၼႃႈ​ႁဝ်း​လူႉ​ယူႇ​ဢေႃႈ။ ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ ဢွၼ်​ၵၼ် ၶဝ်ႈ​ၵႃႈ​ၼႂ်း​ထႃႇၼႃႉ တီႈ​မူတ်း​ၸၢင်ႇ​ၸဝ်ႈ ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ယဝ်ႉ​ယဝ်ႉ။-</verse>
				<verse number="52">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ် ၵဝ်​တၵ်း​ပၼ်​တၢမ်ႇ တီႈ​ရုၵ်ႈ​ထူႉ​သၢင်း​ထူႉ​မၼ်း​ၼၼ်ႉ​လႄႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​တိူဝ်ႉ​ဢၼ်​မၢတ်ႇ ၵႃႈ​ၼႂ်း​မိူင်း​မၼ်း​တင်း​မိူင်း​ၼၼ်ႉ တၵ်း​ဢွၼ်​ၵၼ် ၶၢင်း​ၶီ​ၶၢင်း​ၽၢၼ်​ယူႇ​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="53">ပိၵ်ႉ​သမ်ႉ ဝဵင်း​ ပႃႇပူႉလုၼ်ႇ ၶိုၼ်ႈ​ထိုင်​ၵႃႈ​ၼိူဝ် ၽႃႉ​ၵၢင်​ႁၢဝ်​လႄႈ တႄႇ​ႁဵတ်း​ၸိၵ်း​ၸွမ် လမ်း​ဝဵင်း ဢၼ်​မၼ်ႈ​ဢၼ်​ၶိူင်ႇ​ဝႆႉ သေ​ၵေႃႈ၊ ၶဝ်​ၸိူဝ်း​ဢၼ် ၵဝ်​ပွႆႇ​ၸႂ်ႉ​လႄႈ ႁိမ်​ဢဝ်​ႁူင်ႇ​ဢဝ်​ၸိူဝ်း​ၼၼ်ႉ တၵ်း​ဢွၼ်​ၵၼ်​ႁွတ်ႈ​ထိုင် ၵႃႈ​တီႈ​မၼ်း​ဢေႃႈ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="54">လႆႈ​ငိၼ်း​သဵင်​ဢၼ်​ႁႆႈ​ႁွင်ႉ ၵႃႈ​တီႈ​ဝဵင်း​ ပႃႇပူႉလုၼ်ႇ ဢိၵ်ႇ​တင်း သဵင်​တၢင်း​ဢၼ်​လူႉ​လႅဝ် ဢၼ်​ႁႅင်း​ယႂ်ႇ​ၼႃႇ​ၵႃႈ​တီႈ​မိူင်း​ ၶႃႇလတေး ​ဢေႃႈ။-</verse>
				<verse number="55">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ယႃႉ​ၽဵဝ်ႈ​ဝဵင်း​ ပႃႇပူႉလုၼ်ႇ ​ပႅတ်ႈ​လႄႈ ႁႂ်ႈ​သဵင်​ဢၼ်​ယႂ်ႇ​ဢၼ်​လူင် ဢၼ်​မၼ်း​ၸၢင်ႈ​ႁဵတ်း​ၼၼ်ႉ ထၢတ်ႇ​ၵႂႃႇ​ယဵၼ်​ၵႂႃႇ​ဢေႃႈ။ လႅင်း​ၼမ်ႉ​ပိူပ်ႈ​ၼမ်ႉ​မၼ်း ၸိူဝ်း​ၼၼ်ႉ လင်​မေႃး​ယူႇ​ႁိုင်း​ႁိုင်း မိူၼ်​ၸိူဝ်ႉ​ၼင်ႇ​ၼမ်ႉ ဢၼ်​ႁႅင်း​ယႂ်ႇ​ၼႃႇ​ၼၼ်ႉ​လႄႈ ၸၢင်ႈ​ႁဵတ်း​သဵင် ဢၼ်​ယႂ်ႇ​ဢၼ်​လူင်​ဢေႃႈ။-</verse>
				<verse number="56">ၵေႃႉ​ဢၼ် ႁိမ်​ဢဝ်​ႁူင်ႇ​ဢဝ်​ၼၼ်ႉ ႁွတ်ႈ​ထိုင်​ၵႃႈ​တီႈ​မၼ်း​ဢၼ်​ဝႃႈ ဝဵင်း​ ပႃႇပူႉလုၼ်ႇ ​ၼၼ်ႉ​လႄႈ ႁူဝ်​ႁၢၼ်​ၵူၼ်း​သိုၵ်း​မၼ်း ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ရၢၼ်ႇ​သူႇ​တီႉ​လႆႈ​လႄႈ ၵၢင်ႇ​ဢၼ်​ၶဝ်​ယိပ်း​ၵမ်​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ် ႁၵ်း​ႁဵၵ်း​ပႅတ်ႈ​ဢေႃႈ။ ထႃႇဝရႃႉ​ၽြႃး ပဵၼ်​ၽြႃး​ဢၼ်​ၸၢင်ႈ​ပၼ် ဢၵျူဝ်း​ဢပႅတ်ႈ​လႄႈ မၼ်း​ၸဝ်ႈ​တၵ်း​တွပ်ႇ​တႅၼ်း​ပၼ် ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="57">ၵဝ်​တၵ်း​ႁႂ်ႈ​ၶုၼ်​မၼ်း၊ မူး​မၢတ်ႈ​ၽွင်း​မိူင်း​မၼ်း၊ ၶဝ်​ၸိူဝ်း​ဢၼ် မီး​ပိင်ႇ​ၺႃႇ​မၼ်း၊ ၶုၼ်​ဢၼ်​မီး​ဢရႃႇ​မၼ်း၊ ပူဝ်ႇ​ၶျုၵ်ႈ​မၼ်း၊ ၵူၼ်း​ဢၼ်​ႁႅင်း​ယႂ်ႇ​ၼႃႇ​မၼ်း​ၼၼ်ႉ ၸိူဝ်း​ၼၼ်ႉ မဝ်း​လဝ်ႈ​မဝ်း​ၵမ်​လႄႈ ၵမ်း​လိုၼ်း​ၶဝ်​ၼၼ်ႉ ယင်း​ဢမ်ႇ​တိုၼ်ႇ​လႄႈ တၵ်း​လႆႈ​ၼွၼ်း​လပ်း​ယူႇ​သေႇ​သေႇ​ဢေႃႈ၊ ဝႃႈ​ၼင်ႇ​ၼႆ​လႄႈ ၶုၼ်​ႁေႃ​ၶမ်း ဢၼ်​မီး​ၼႃႇ​မႃႉ ၸိုဝ်ႈ​သဵင်​လႄႈ​ဝႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး၊ ဝႃႈ​ၼင်ႇ​ၼႆ​ၼၼ်ႉ မီး​ဢမိင်ႉ​ဢေႃႈ။-</verse>
				<verse number="58">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ လမ်း​ဝဵင်း​ ပႃႇပူႉလုၼ်ႇ ​ဢၼ်​ၼႃ​ၼႃႇ ယႂ်ႇ​ၼႃႇ ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ၵိူၼ်ႇ​ယႃႉ​ပႅတ်ႈ မူတ်း​မူတ်း​သဵင်ႈ​သဵင်ႈ​လႄႈ ၽၵ်း​တူ​မၼ်း ဢၼ်​သုင်​ၼႃႇ​လူင်​လၢင်​ၸိူဝ်း​ၼၼ်ႉ တၵ်း​လႆႈ ၶၢမ်ႇ​တၢင်း​ဢၼ် ဢဝ်​ၽႆး​တုတ်ႇ​ပႅတ်ႈ​ဢေႃႈ။ မဵဝ်း​ၵူၼ်း​တင်း​လၢႆ တၵ်း​လႆႈ​ဢွၼ်​ၵၼ်​သၢင်ႈ​ႁဵတ်း ပုၼ်ႈ​ဢၼ်​တၵ်း​ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ ၵႃႈ​သင်​လႄႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​လႆႈ​ဢွၼ်​ၵၼ်​သၢင်ႈ​ႁဵတ်း ပုၼ်ႈ​ဢၼ်​ၽႆး​တၵ်း​မႆႈ​ၼၼ်ႉ​လႄႈ ၶဝ်​တၵ်း​လႆႈ မီး​တၢင်း​ဢၼ်​ႁိူဝ်ႉ​ၸႂ်​ဢူၼ်ႈ​ၸႂ်​ဢေႃႈ။</verse>
				<verse number="59">ဢၼ်​ၼႆႉ ပဵၼ်​ၵႂၢမ်း​ဢၼ် ပရေႃးၽႅတ်ႈ​ ယေႇရမီႉ သင်ႇ​လၢတ်ႈ​ဝႆႉ​တီႈ​ ၸရႃႇယႃႉ လုၵ်ႈ​ၸၢႆး​ ၼေႇရီႉ ဢၼ်​ပဵၼ်​လုၵ်ႈ​ၸၢႆး​ မႃႇသေႇယႃႉ ၼႂ်း​မိူဝ်ႈ​ဢၼ် မၼ်း​ၸွမ်း​လူၺ်ႈ​ၵၼ်​တင်း​ ၸေႇတၵီႉ ​ၶုၼ်​ႁေႃ​ၶမ်း​ ယူႉတႃႉ ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ၼႂ်း​ပီႊ​ဢၼ်​ၶုၼ်​ၼၼ်ႉ ၸၢမ်ႇ​ႁၢင်ႈ​ၸၢမ်ႇ​ႁေႃ သီႇ​ပီႊ​ၼၼ်ႉ​ဢေႃႈ။ ၸရႃႇယႃႉ ​ၸမ်ႉ၊ ပဵၼ်​ဢတႂၢင်းဝုၼ်ႇ​လူင်​ဢေႃႈ။-</verse>
				<verse number="60">ယေႇရမီႉ ​ဢဝ်​လွင်ႈ​ၽေး​ဢူႉ​ပၢတ်ႈ ၵႃႈ​ဢၼ်​တၵ်း​ႁွတ်ႈ​ထိုင် ၵႃႈ​ၼိူဝ်​ဝဵင်း​ ပႃႇပူႉလုၼ်ႇ ဢၼ်​ဝႃႈ ၵႂၢမ်း​ၵႃႈ​ဢၼ်​တႅမ်ႈ​ဝႆႉ လူၺ်ႈ​လွင်ႈ ဝဵင်း​ ပႃႇပူႉလုၼ်ႇ ​ၼၼ်ႉ သေ​လႄႈ ၵူး​တႅမ်ႈ​ဝႆႉ ၵႃႈ​ၼႂ်း​လိၵ်ႈ​ၽိုၼ်​ၼိုင်ႈ ဢေႃႈ။-</verse>
				<verse number="61">ယေႇရမီႉ ​လၢတ်ႈ​တီႈ​ ၸရႃႇယႃႉ ​လႄႈ​ဝႃႈ၊ မိူဝ်ႈ​ဢၼ်​မႂ်း​ႁွတ်ႈ​ထိုင်​ၵႃႈ​တီႈ​ဝဵင်း​ ပႃႇပူႉလုၼ်ႇ ​ၼၼ်ႉ​ၸိုင် မႂ်း​တၵ်း​လႆႈ​လူ​တူၺ်း​လႄႈ ၽတ်း​ႁေႃး​ၵႂၢမ်း ၵႃႈ​မီး​ၼႆႉ​ဢေႃႈ။-</verse>
				<verse number="62">မိူဝ်ႈ​ၼၼ်ႉ မႂ်း​တၵ်း​လႆႈ​လဝ်ႊ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး တီႈ​ၶႃႈ၊ ၸဝ်ႈ​ႁဝ်း​မီး​ဢမိင်ႉ လူၺ်ႈ​လွင်ႈ ဢၼ်​ၸဝ်ႈ​ႁဝ်း​တၵ်း​ပႄႇ​ၽဵဝ်ႈ​တီႈ​ၼႆႈ ပႅတ်ႈ​လႄႈ ႁႂ်ႈ​ပဵၼ်​တီႈ​ဢၼ်​ၽူႈ​လႂ်​ဢမ်ႇ​ယူႇ ဢမ်ႇ​သဝ်း၊ ဢမ်ႇ​မီး​ၵူၼ်း၊ ဢမ်ႇ​မီး​တရိၵ်ႈသၢၼ်ႇ၊ ပဵၼ်​တီႈ​ဢၼ်​သဵတ်ႇ ဢၼ်​ယဵၼ်​ယူႇ သေႇ​သေႇ​ၼၼ်ႉ ဝႆႉ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="63">မႂ်း​ၽတ်း​ႁေႃး​လိၵ်ႈ​ၼႆႉ တင်း​သဵင်ႈ​တင်း​မူတ်း​သေ​ယဝ်ႉ၊ ဢဝ်​မၢၵ်ႇ​ႁိၼ်​မတ်ႉ​ၸပ်း​သႂ်ႇ လိၵ်ႈ​ၼႆႉ​လႄႈ ဢဝ်​ၶျႃး​တူၵ်း​ပႅတ်ႈ ၵႃႈ​ၼႂ်း​ၵၢင်​ၼမ်ႉ​ႁွင်ႈ​ ဢူႉၽရတ်ႉ ​ယူႇ​သေ​လႄႈ၊-</verse>
				<verse number="64">ဢွၵ်ႇ​သူပ်း လၢတ်ႈ​လႄႈ​ဝႃႈ၊ ဝဵင်း​ ပႃႇပူႉလုၼ်ႇ ​ၼႆႉ တၵ်း​လႆႈ ၸူမ်​တူၵ်း​ပႅတ်ႈ မိူၼ်​ၸိူဝ်ႉ​ၼင်ႇ​ၼႆ​လႄႈ ၵမ်း​လိုၼ်း​ဢမ်ႇ​လႆႈ​လုၵ်ႉ​ၶိုၼ်း ၵွပ်ႈ​ပိူဝ်ႈ​ၽေး​ဢူႉ​ပၢတ်ႈ ဢၼ်​ၵဝ်​တၵ်း ႁႂ်ႈ​ႁွတ်ႈ​ထိုင်​ၵႃႈ​ၼိူဝ်​မၼ်း​ၼၼ်ႉ။ ၶဝ်​တၵ်း​လႆႈ မီး​တၢင်း​ဢၼ်​ႁိူဝ်ႉ​ၸႂ်​ဢူၼ်ႈ​ၸႂ်​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵႂၢမ်း​ဢၼ်​ဝႃႈ​မႃး ၸိူဝ်း​ၼႆႉ​ၸမ်ႉ၊ ပဵၼ်​ၵႂၢမ်း​ ယေႇရမီႉ ​ဢေႃႈ။</verse>
			</chapter>
			<chapter number="52">
				<verse number="1">ၸေႇတၵီႉ ​ၼၼ်ႉ မိူဝ်ႈ​ဢၼ် ၸႃႉ​ၼင်ႈ​ႁၢင်ႈ​ၼင်ႈ​ႁေႃ ၼၼ်ႉ​ၸိုင် ဢသၢၵ်ႈ​မၼ်း​လႆႈ သၢဝ်း​ပၢႆ​ဢဵတ်း​ပီႊ လႄႈ ဢုပ်ႉ​ပိူင်ႇ​ၸၢမ်ႇ​ၸႃး ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ သိပ်း​ပၢႆ​ဢဵတ်း​ပီႊ ဢေႃႈ။ ၸိုဝ်ႈ​သဵင်​မႄႈ​ၸဝ်ႈ​ၸမ်ႉ၊ ပဵၼ်​ ႁႃႇမူႉတလႃႉ လုၵ်ႈ​ယိင်း​ ယေႇရမီႉ ၵူၼ်း​ဝဵင်း​ လီႉပၼႃႉ ​ဢေႃႈ။-</verse>
				<verse number="2">မၼ်း​ႁဵတ်း​တူႉ​ၸရိူၵ်ႈ သိုဝ်ႈ​ၼႃႈ​တႂ်ႈ​တႃ ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ် ယေႃးယၵိမ်း ​ႁဵတ်း​ၵႃႈ​မီး​ၼၼ်ႉ​ဢေႃႈ။-</verse>
				<verse number="3">ၵွပ်ႈ​ပိူဝ်ႈ တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး​လႄႈ ဢမူႉ​ၼၼ်ႉ ပဵၼ်​ၵႃႈ​ၼႂ်း​ဝဵင်း​ ယေႇရူႉသလႅမ်ႇ တင်း​မိူင်း​ ယူႉတႃႉ ယူႇ တေႃႇ​ထိုင်​ႁွတ်ႈ မၼ်း​ၸဝ်ႈ​ထၼ်ႈ​ပေႃး ႁေႃႈ​ၶဝ်​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ ၼၼ်ႉ​လႄႈ ၸေႇတၵီႉ ​ၼၼ်ႉ ပုင်ႇ​ၵၢၼ်ႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ဢေႃႈ။-</verse>
				<verse number="4">ၼႂ်း​ပီႈ​ဢၼ် မၼ်း​ၸၢမ်ႇ​ႁၢင်ႈ ၸၢမ်ႇ​ႁေႃ​ၵဝ်ႈ​ပီႊ၊ လိူၼ်တႃႉသမႃႉ သိပ်း​ဝၼ်း​ၼၼ်ႉ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ပႃး​ဢဝ်​တင်း ပူဝ်ႇ​ပႃႇ​မၼ်း တင်း​သဵင်ႈ​တင်း​လူင် သေ​လႄႈ ၶီႇ​သိုၵ်း​ၸူး ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ၶျႃး​တပ်ႉ ယူႇ​ၽၢႆႇ​ၼိုင်ႈ တင်း​ဝဵင်း​သေ​လႄႈ တႄႇ​ႁဵတ်း​လၢင်း​ၸီး ၵႃႈ​တီႈ​ႁိမ်း​ႁွမ်း လဵပ်ႈ​ႁွပ်ႈ​ဝဵင်း​ဝႆႉ​သေ​ယဝ်ႉ၊-</verse>
				<verse number="5">လွမ်ႉ​ဝဵင်း​ဝႆႉ တေႃႇ​ထိုင်​ႁွတ်ႈ ၸေႇတၵီႉ ၸၢမ်ႇ​ႁၢင်ႈ​ၸၢမ်ႇ​ႁေႃ​လႆႈ သိပ်း​ပၢႆ​ဢဵတ်း​ပီႊ​ၼၼ်ႉ​ဢေႃႈ။-</verse>
				<verse number="6">ၼႂ်း​လိူၼ်​ၸတုၵ်ႉထႃႉ ၵဝ်ႈ​ဝၼ်း၊ ၵႃႈ​ၼႂ်း​ဝဵင်း​တၢင်း​ၵိၼ်​တၢင်း​ၶူပ်း ၵႃႈ​ပႅင်း ၼႃႇ​လူင်​လၢင်​ထၼ်ႈ​ပေႃး ဢမ်ႇ​မီး တၢင်း​ၵိၼ်​တၢင်း​ၶူပ်း ပုၼ်ႈ​ၵူၼ်း​ၶူး​ၵူၼ်း​ဝဵင်း တင်း​လၢႆ​ဢေႃႈ။-</verse>
				<verse number="7">မိူဝ်ႈ​ၼၼ်ႉ ၶဝ်​ၼၼ်ႉ​ၵေႃႈ ၸီး​မူင်ႇ​လမ်း​ဝဵင်း​ယူႇ​လႄႈ ႁူဝ်​ႁၢၼ်​ၵူၼ်း​သိုၵ်း ၵူၼ်း​ဝဵင်း​တင်း​သဵင်ႈ​တင်း​လူင် ဢွၼ်​ၵၼ်​ဢွၵ်ႇ​ပၢႆႈ ၶိင်ႇ​ၵၢင်​ၶိုၼ်း ၸွမ်း​သဵၼ်ႈ​တၢင်း​ၽၵ်း​တူ ၵႄႈ​လမ်း​ဝဵင်း​သွင်​ထၢပ်ႈ ၵႃႈ​တီႈ​ႁိမ်း​သူၼ်​ဢူးယဵၼ်ႇ​ၶုၼ်​ႁေႃ​ၶမ်း​လႄႈ ၵူၼ်း​ ၶႃႇလတေး ​တင်း​လၢႆ ယူႇ​ၽၢႆႇ​ၼိုင်ႈ တင်း​ဝဵင်း​သေ​လႄႈ လွမ်ႉ​ဝဵင်း​ဝႆႉ​ယူႇ​လႄႈ ၶုၼ်​ႁေႃ​ၶမ်း ၸွမ်း​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ ပၢင်ႇ​ပဵင်း​ ဢႃႇရၽႃႉ ​ဢေႃႈ။-</verse>
				<verse number="8">တပ်ႉ​ၵူၼ်း​ ၶႃႇလတေး ​ၸိူဝ်း​ၼၼ်ႉ လိုပ်ႈ​ၸွမ်း ၶုၼ်​ႁေႃ​ၶမ်း​လႄႈ ၶိုတ်း​မၼ်း​ၵႃႈ​တီႈ​ၼႂ်း ပၢင်ႇ​ပဵင်း​ ယေႇရီႉၶူဝ်း ​သေ​ယဝ်ႉ၊ ႁူဝ်​ႁၢၼ် ၵူၼ်း​သိုၵ်း​မၼ်း တင်း​သဵင်ႈ​တင်း​လူင် ၽူင်ႉ​ပၢႆႈ ၽၢတ်ႇ​ၽႄ​ၵၼ် တင်း​မၼ်း​ဢေႃႈ။-</verse>
				<verse number="9">ၶဝ်​ဢွၼ်​ၵၼ် တီႉ​ၵမ်​ဢဝ် ၶုၼ်​ႁေႃ​ၶမ်း​လႄႈ ဢဝ်​ၵႂႃႇ​ၸူး​ၵႃႈ​တီႈ ၶုၼ်​ႁေႃ​ၶမ်း​ ပႃႇပူႉလုၼ်ႇ ၵႃႈ​တီႈ ဝဵင်း​ ရီႉပလႃႉ မိူင်း​ ႁႃႇမတ်ႉ ​ၼၼ်ႉ သေ​လႄႈ မၼ်း​ၼၼ်ႉ ၸႅတ်ႈ​ထၢမ် ၸီႇ​ယၢင်ႇ​ဢမူႉ မၼ်း​ဢေႃႈ။-</verse>
				<verse number="10">ၶဝ်​ဢဝ်​လုၵ်ႈ​ၸၢႆး ၸေႇတၵီႉ ​တင်း​လၢႆ တၢႆ​သိုဝ်ႈ​ၼႃႈ​တႂ်ႈ​တႃ​မၼ်း​လႄႈ ဢဝ်​မူး​မၢတ်ႈ​ၽွင်း​မိူင်း မိူင်း​ ယူႉတႃႉ ​ၵႃႈ​မီး​တၢႆ​ၵႃႈ​တီႈ​ဝဵင်း​ ရီႉပလႃႉ ​ၼၼ်ႉ​ဢေႃႈ။-</verse>
				<verse number="11">မၼ်း​ၼၼ်ႉ ၶွၵ်း​မၢၵ်ႇ​တႃ​ ၸေႇတၵီႉ ​ပႅတ်ႈ​သေ​ယဝ်ႉ၊ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ဢဝ်​ၸိူၵ်ႈ​တွင်း​လိူင် မတ်ႉ​ၽုၵ်ႇ​မၼ်း​သေ​လႄႈ ဢဝ်​မၼ်း​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​လႄႈ ဢဝ်​မၼ်း​ၶင်​ဝႆႉ ၵႃႈ​ၼႂ်း​ထွင်ႇ တေႃႇ​ထိုင်​ႁွတ်ႈ မိုဝ်ႉ​ဝၼ်း​ဢၼ်​မၼ်း​တၢႆ ၼၼ်ႉ​ဢေႃႈ။</verse>
				<verse number="12">ၼႂ်း​ပီႊ​ဢၼ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ပၢႆ​ၵဝ်ႈ​ပီႊ၊ လိူၼ်​ပိၼ်ႇၸမႃႉ သိပ်း​ဝၼ်း​ၼၼ်ႉ ၼေႇပူႉၸႃႇရႃႇတၢၼ်ႇ ၵူဝ်ႇ​ရမ်ႇ​တေႃႇ​မူး၊ ၵေႃႉ​ဢၼ်​ႁၢပ်ႇ​ဢမူႉ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ၊-</verse>
				<verse number="13">ဢဝ်​ၽႆး​တုတ်ႇ​ႁိူၼ်း ထႃႇဝရႃႉ​ၽြႃး ဢိၵ်ႇ​တင်း ႁေႃ​ၸဝ်ႈ​ပႅတ်ႈ​လႄႈ ႁိူၼ်း​ဝဵင်း​ ယေႇရူႉသလႅမ်ႇ ​ၵႃႈ​မီး ဢၼ်​ဝႃႈ​ႁိူၼ်း​ယႂ်ႇ၊ ႁိူၼ်း​လူင် တင်း​သဵင်ႈ​တင်း​လူင်​ၵေႃႈ ဢဝ်​မႆႈ​ၽႆး​ပႅတ်ႈ​ဢေႃႈ။-</verse>
				<verse number="14">တပ်ႉ​ၵူၼ်း​သိုၵ်း ၵူၼ်း​ ၶႃႇလတေး ၵႃႈ​ဢၼ်​ပႃး​တီႈ ၵူဝ်ႇ​ရမ်ႇ​တေႃႇ​မူး​ၼၼ်ႉ​ၸိူဝ်း​ၼၼ်ႉ ဢွၼ်​ၵၼ်​ၵိူၼ်ႇ​ယႃႉ​လမ်း​ဝဵင်း​ ယေႇရူႉသလႅမ်ႇ ​ၵႃႈ​မီး​ပႅတ်ႈ​ဢေႃႈ။-</verse>
				<verse number="15">မိူဝ်ႈ​ၼၼ်ႉ ၵူဝ်ႇ​ရမ်ႇ​တေႃႇ​မူး ၼေႇပူႉၸႃႇရႃႇတၢၼ်ႇ ​ၼၼ်ႉ သိမ်း​ဢဝ် ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ၵမ်ႈ​ၽွင်ႈ၊ ၶဝ်​ၸိူဝ်း​ဢၼ် ယင်း​ၵိုတ်း​ယင်း​ၵျၢၼ်ႇ​ယူႇ ၵႃႈ​ၼႂ်း​ဝဵင်း၊ ၶဝ်​ၸိူဝ်း​ဢၼ်​ၵႂႃႇ​ၶဝ်ႈ​လႄႈ ယူႇ​ၽၢႆႇ​ၶုၼ်​ႁေႃ​ၶမ်း​ ပႃႇပူႉလုၼ်ႇ တင်း​မုၵ်ႉ​ၵူၼ်း ၸိူဝ်း​ၵူၼ်း ၵႃႈ​ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ ၸိူဝ်း​ၼၼ်ႉ​ၵႂႃႇ​ဢေႃႈ။-</verse>
				<verse number="16">ၼႂ်း​ဝႃႈ​ၼၼ်​သေ​ၵေႃႈ ၵူဝ်ႇ​ရမ်ႇ​တေႃႇ​မူး​ ၼေႇပူႉၸႃႇရႃႇတၢၼ်ႇ ​ၼၼ်ႉ ဝႆႉ​ၵိုတ်း​ၵူၼ်း​ၽၢၼ်​ၵမ်ႈ​ၽွင်ႈ ႁႂ်ႈ​လႆႈ​ပဵၼ် ၵေႃႉ​ဢၼ်​လုမ်း​လႃး သူၼ်​ဢူးယဵၼ်ႇ​ၸပိတ်ႈ၊ ၵေႃႉ​ဢၼ် ႁဵတ်း​ႁႆႊ​ႁဵတ်း​ၼႃး​ဢေႃႈ။-</verse>
				<verse number="17">ၵူၼ်း​ ၶႃႇလတေး ​ၸိူဝ်း​ၼၼ်ႉ ဢွၼ်​ၵၼ် ဢဝ်​သဝ်​တွင်း​လိူင် ဢၼ်​မီး​ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး​လႂ်၊ ၶူင်ႇ​လႂ်၊ တင်း​ၼမ်ႉ​ၼွင်​တွင်း​လိူင်​လႂ် ဢၼ်​မီး​ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ၼၼ်ႉ​ၸိူဝ်း​ၼၼ်ႉ ႁၵ်း​ႁဵၵ်း​ပႅတ်ႈ​လႄႈ ဢဝ်​တွင်း​လိူင်​ၵႃႈ​မီး​ၼၼ်ႉ ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ဢေႃႈ။-</verse>
				<verse number="18">ၸႃႉ​ၸဵမ်​မေႃႈ​လႂ်၊ ၸေႃႉ​ၽႅပ်ႉ​လႂ်၊ ၵိမ်း​ၵိပ်ႈ​ၽႆး​လႂ်၊ ဝၢၼ်ႇ​လႂ်၊ ၸေႃႉ​လႂ်​လႄႈ ၶိူင်ႈ​တွင်း​လိူင် ပုၼ်ႈ​ဢၼ်​တၵ်း​ပွင်​ဢမူႉ​ၸဝ်ႈ ၵႃႈ​မီး​ၼၼ်ႉ​ၵေႃႈ၊ ၶဝ်​ဢွၼ်​ၵၼ်​ဢဝ်​ၵႂႃႇ​ဢေႃႈ။-</verse>
				<verse number="19">မေႃႈ​မိၼ်ႇ​လႂ်၊ လၢင်ႇ​ပၢၼ်း​လႂ်၊ ဝၢၼ်ႇ​လႂ်၊ မေႃႈ​လႂ်၊ ၶူင်ႇ​တီႈ​တႆႈ​ၽႆး​လႂ်၊ ၸေႃႉ​လႂ်၊ ၵွၵ်း​ဢႅင်ႇ​လႂ် ဢၼ်​ဝႃႈ​ၶိူင်ႈ​ၶမ်း၊ ၶိူင်ႈ​ငိုၼ်း​ၸိူဝ်း​ၼၼ်ႉ​ၸိုင်၊ ပဵၼ်​ၶမ်း​သေ​ဢမ်ႇ​ဝႃႈ၊ ပဵၼ်​ငိုၼ်း​သေ​ဢမ်ႇ​ဝႃႈ၊ ၵူဝ်ႇ​ရမ်ႇ​တေႃႇ​မူး​ၼၼ်ႉ ဢဝ်​ၵႂႃႇ​ဢေႃႈ။-</verse>
				<verse number="20">တွင်း​လိူင် ဢၼ်​ပႃး​ၵႃႈ​တီႈ သဝ်​သွင်​လႅမ်ႈ၊ ၼမ်ႉ​ၼွင် ဢၼ်​ၼိုင်ႈ၊ ဝူဝ်း​တွင်း​လိူင် သိပ်း​သွင်​တူဝ် ဢၼ်​မီး​ၵႃႈ​တႂ်ႈ​ၶူင်ႇ ၼမ်ႉ​ၼွင် ဢၼ်​ သေႃးလမုၼ်ႇ ​ႁဵတ်း​ပုၼ်ႈ​ႁိူၼ်း ထႃႇဝရႃႉ​ၽြႃး​ၼၼ်ႉ ၸိူဝ်း​ၼၼ်ႉ​ၵေႃႈ ဢဝ်​ၵႂႃႇ​ဢေႃႈ။ ၶၼ်​ၸင်ႈ ၶိူင်ႈ​တွင်း​လိူင်​ၵႃႈ​မီး ၸိူဝ်း​ၼၼ်ႉ ဢမ်ႇ​ႁူႉ​ၼမ်​လႂ်​လႄႈ ၼမ်​ၼႃႇ​ဢေႃႈ။-</verse>
				<verse number="21">တၢင်း​ဢၼ်​သုင်​သဝ်​ၼၼ်ႉ​ၸမ်ႉ၊ မီး​သိပ်း​ပႅတ်ႈ​သွၵ်ႇ ဢေႃႈ။ ဝႅင်း​မူၼ်း​မၼ်း မီး​ၸိူၵ်ႈ​ဢၼ်​ယၢဝ်း သိပ်း​သွင်​သွၵ်ႇ ၼၼ်ႉ ႁွပ်ႈ​ၼိုင်ႈ ဢေႃႈ။ တၢင်း​ဢၼ်​ၼႃ​မၼ်း​မီး သီႇ​ၼိဝ်ႉ​လႄႈ ပဵၼ်​ၵူင်​ဝႆႉ​ဢေႃႈ။-</verse>
				<verse number="22">ၵႃႈ​ၼိူဝ်​မၼ်း မီး​ႁူဝ်​သဝ်​တွင်း​လိူင်​သေ​ဢေႃႈ။ တၢင်း​သုင်​ႁူဝ်​သဝ်​ၼၼ်ႉ​ၸမ်ႉ၊ မီး​ႁႃႈ​သွၵ်ႇ​လႄႈ ၵႃႈ​တီႈ​လဵပ်ႈ​ႁွပ်ႈ​ႁူဝ်​သဝ်​ၼၼ်ႉ ပျေႉ​ၸုမ်ႇ​ဝႆႉ​တင်း​တႃ​ၶႄ ဢိၵ်ႇ​တင်း မၢၵ်ႇ​ၸင်ႈ တင်း​လၢႆ ဢၼ်​ပဵၼ်​တွင်း​လိူင်​ၵူၺ်း​ၵူၺ်း​ၼၼ်ႉ သေ​လႄႈ သဝ်​တင်း​လၢႆ​ၼၼ်ႉ​ၵေႃႈ ပဵၼ်​မိူၼ်​ၸိူဝ်ႉ​ၼင်ႇ​ၼၼ်​လႄႈ ပျေႉ​ၸုမ်ႇ​ဝႆႉ​တင်း မၢၵ်ႇ​ၸင်ႈ တင်း​လၢႆ​ဢေႃႈ။-</verse>
				<verse number="23">ၵႃႈ​တီႈ​သဝ်​တင်း​သီႇ​ၼႃႈ မီး​မၢၵ်ႇ​ၸင်ႈ ၵဝ်ႈ​သိပ်း​ပၢႆ​ႁူၵ်း လုၵ်ႈ​လႄႈ ၵႃႈ​တီႈ​တႃ​ၶႄ ဢၼ်​လဵပ်ႈ​ႁွပ်ႈ​ၼၼ်ႉ မၢၵ်ႇ​ၸင်ႈ​ပွင်း​ၵၼ် မီး​ပၢၵ်ႇ​ၼိုင်ႈ ဢေႃႈ။</verse>
				<verse number="24">ၵူဝ်ႇ​ရမ်ႇ​တေႃႇ​မူး​ၼၼ်ႉ တီႉ​ၵမ်​ဢဝ် ၶုၼ်​ယိတ်ႈ​ပရေႃးႁဵၵ်ႈ​ ၸရႃႇယႃႉ ယိတ်ႈပရေႃးႁဵၵ်ႈ တူႉတီႉယႃႉ ၸေႇၽၼီႉ ဢိၵ်ႇ​တင်း ၵႄႇ​ၽၵ်း​တူ​ၸဝ်ႈ​သၢမ်​ၵေႃႉ ၸိူဝ်း​ၼၼ်ႉ​ဢေႃႈ။-</verse>
				<verse number="25">မၼ်း​ၼၼ်ႉ ႁွင်ႉ​ဢဝ်​ပူဝ်ႇ​ဢၼ်​ဢုပ်ႉ ၵႃႈ​ၼိူဝ်​ႁူဝ်​ႁၢၼ်​ၵူၼ်း​သိုၵ်း တင်း​လၢႆ​ၼၼ်ႉ ၵေႃႉ​ၼိုင်ႈ၊ မူး​မၢတ်ႈ​ၽွင်း​မိူင်း ဢၼ်​ယၢမ်ႈ​လႆႈ​ႁၼ်​ၼႃႈ ၶုၼ်​ႁေႃ​ၶမ်း ဢၼ်​ၶဝ်​ထူပ်း​ႁၼ် ၵႃႈ​ၼႂ်း​ဝဵင်း​ၼၼ်ႉ ၸဵတ်း​ၵေႃႉ၊ ၸရေး​လူင်​ဢၼ်​ဝႃႈ ပူဝ်ႇ​ၶျုၵ်ႈ ဢၼ်​လႆႈ​မၢတ်ႈ လႆႈ​မၢႆ​ၸရၢင်း ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ၼၼ်ႉ​ၵေႃႉ​ၼိုင်ႈ ဢိၵ်ႇ​တင်း​ၵူၼ်း​ဝၢၼ်ႈ​ၵူၼ်း​မိူင်း​ဢၼ်​ထူပ်း​မႅၼ်ႈ​ၵႃႈ​ၼႂ်း​ဝဵင်း ႁူၵ်း​သိပ်း​ၵေႃႉ ၸိူဝ်း​ၼၼ်ႉ လႄႈ၊-</verse>
				<verse number="26">ၼေႇပူႉၸႃႇရႃႇတၢၼ်ႇ ​ၵူဝ်ႇ​ရမ်ႇ​တေႃႇ​မူး​ၼၼ်ႉ ဢဝ်​ၶဝ်​ၼၼ်ႉ​ၵႂႃႇ​သူင်ႇ တီႈ​ၶုၼ်​ႁေႃ​ၶမ်း​ ပႃႇပူႉလုၼ်ႇ ၵႃႈ​တီႈ​ဝဵင်း​ ရီႉပလႃႉ ​သေ​လႄႈ၊-</verse>
				<verse number="27">ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ပၼ်​တၢမ်ႇ​တီႈ​ၶဝ်​ၼၼ်ႉ​လႄႈ ဢဝ်​ၶဝ်​ၼၼ်ႉ​တၢႆ ၵႃႈ​တီႈ​ဝဵင်း​ ရီႉပလႃႉ မိူင်း​ ႁႃႇမတ်ႉ ​ၼၼ်ႉ​ဢေႃႈ။ ၼင်ႇ​ၼၼ်​လႄႈ မဵဝ်း​ ယူႉတႃႉ ​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ဢွၵ်ႇ​သေ ၵႃႈ​ၼႂ်း​မိူင်း​ၶဝ်​ၵႂႃႇ​ဢေႃႈ။-</verse>
				<verse number="28">ၶဝ်​ၸိူဝ်း​ဢၼ် ၼေႇပူႉၶတ်ႉၼေႇၸႃႇ ​သိမ်း​ဢဝ်​ၵႂႃႇ ၼၼ်ႉ​ၸမ်ႉ၊ ၼႂ်း​ပီႊ​ဢၼ်​မၼ်း​ၼၼ်ႉ ၸၢမ်ႇ​ႁၢင်ႈ​ၸၢမ်ႇ​ႁေႃ​ၸဵတ်း​ပီႊ​ၼၼ်ႉ မၼ်း​သိမ်း​ဢဝ် ၵူၼ်း​မဵဝ်း​ ယူႉတႃႉ သၢမ်​ႁဵင်​ပၢႆ​သၢဝ်း​သၢမ်​ၵေႃႉ ၵႂႃႇ​ဢေႃႈ။-</verse>
				<verse number="29">ၼႂ်း​ပီႊ​ဢၼ် ၼေႇပူႉၶတ်ႉၼေႇၸႃႇ ၸၢမ်ႇ​ႁၢင်ႈ​ၸၢမ်ႇ​ႁေႃ သိပ်း​ပႅတ်ႈ​ပီႊ​ၼၼ်ႉ၊ မၼ်း​သိမ်း​ဢဝ်​ၵူၼ်း​ပႅတ်ႇ ပၢၵ်ႇ​သၢမ်​သိပ်း​ပၢႆ​သွင်​ၵေႃႉ ဢွၵ်ႇ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၵႂႃႇ​ဢေႃႈ။-</verse>
				<verse number="30">ၼႂ်း​ပီႊ​ဢၼ် ၼေႇပူႉၶတ်ႉၼေႇၸႃႇ ၸၢမ်ႇ​ႁၢင်ႈ​ၸၢမ်ႇ​ႁေႃ သၢဝ်း​ပၢႆ​သၢမ်​ပီႊ ၼၼ်ႉ၊ ၵူဝ်ႇ​ရမ်ႇ​တေႃႇ​မူး ၼေႇပူႉၸႃႇရႃႇတၢၼ်ႇ ​သိမ်း​ဢဝ် ၵူၼ်း​မဵဝ်း​ ယူႉတႃႉ ၸဵတ်း​ပၢၵ်ႇ​သီႇ​သိပ်း​ပၢႆ​ႁႃႈ​ၵေႃႉ ၵႂႃႇ​ဢေႃႈ။ ၵူၼ်း​တင်း​သဵင်ႈ​တင်း​လူင် ပွင်း​ၵၼ်​ၸမ်ႉ၊ မီး​သီႇ​ႁဵင်​ပၢႆ​ႁူၵ်း​ပၢၵ်ႇ ဢေႃႈ။-</verse>
				<verse number="31">ၼႂ်း​ပီႊ​ဢၼ် ယေႇၶေႃးၼီႉ ၶုၼ်​ႁေႃ​ၶမ်း​ ယူႉတႃႉ ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ သၢမ်​သိပ်း​ပၢႆ​ၸဵတ်း​ပီႊ၊ လိူၼ်​တႂႃႇ​တႃႉသမႃႉ သၢဝ်း​ပၢႆ​ႁႃႈ​ဝၼ်း​ၼၼ်ႉ ဢေဝီႉလႃႉမရေႃးတၵ်ႉ ၶုၼ်​ႁေႃ​ၶမ်း​ ပႃႇပူႉလုၼ်ႇ ၼုၵ်ႈ​ဢဝ်​ ယေႇၶေႃးၼီႉ ၶုၼ်​ႁေႃ​ၶမ်း​ ယူႉတႃႉ ဢွၵ်ႇ​သေ ၵႃႈ​ၼႂ်း​ထွင်ႇ ပၼ်​ၵတ်း​ယဵၼ်​ၶျၢမ်း​သႃႇ ၼႂ်း​ပီႊ​ဢၼ်​မၼ်း ၸႃႉ​ၼင်ႈ​ႁၢင်ႈ​ၼင်ႈ​ႁေႃ​ၼၼ်ႉ​လႄႈ၊-</verse>
				<verse number="32">တၵ်ႉ​လၢတ်ႈ​ၵၼ် တင်း​မၼ်း​ၼၼ်ႉ လီ​လီ​ငၢမ်း​ငၢမ်း​သေ​လႄႈ ယုၵ်ႉ​ယွင်ႈ​ပလၢင်ႇ​မၼ်း​ဝႆႉ သုင်​သေ​ပလၢင်ႇ ၶုၼ်​လူင်​တင်း​လၢႆ ဢၼ်​မီး​ၵႃႈ​တီႈ​မၼ်း ၵႃႈ​ၼႂ်း​ဝဵင်း​ ပႃႇပူႉလုၼ်ႇ ​ၼၼ်ႉ​ဢေႃႈ။-</verse>
				<verse number="33">မၼ်း​ၼၼ်ႉ လႆႈ​ပုတ်ႈ​လႆႈ​လၢႆႈ ၶူဝ်း​ၼုင်ႈ​ဢၼ်​မၼ်း​ၼုင်ႈ​ၵႃႈ​ၼႂ်း​ထွင်ႇ​ၼၼ်ႉ သေ​လႄႈ လႆႈ​ၵိၼ်​လႆႈ​ၶူပ်း ၵႃႈ​တီႈ​ၽၢႆႇ​ၼႃႈ​ၶုၼ်​ၼၼ်ႉ ၸူဝ်ႈ​ဢၼ်​ဢသၢၵ်ႈ​မၼ်း ယင်း​ယၢဝ်း​ယိုၼ်း​ယူႇ​ၼၼ်ႉ တဵမ်​တဵမ်​ၼၼ်ႉ​ဢေႃႈ။-</verse>
				<verse number="34">ပုၼ်ႈ​တႃႇ​ဢၼ်​မၼ်း တၵ်း​ၵိၼ်​တၵ်း​ၶူပ်း​ၼၼ်ႉ​ၸမ်ႉ၊ ၶုၼ်​ႁေႃ​ၶမ်း​ ပႃႇပူႉလုၼ်ႇ ပၼ်​ပုၼ်ႈ​တႃႇ ဢၼ်​သေႇ​သေႇ​ၼၼ်ႉ တီႈ​မၼ်း​ဢၼ်​ဝႃႈ ပုၼ်ႈ​တႃႇ​ယေႈ​ဝၼ်း ယေႈ​ဝၼ်း​တေႃႇ​ထိုင်​ႁွတ်ႈ​မၼ်း​တၢႆ ၸူဝ်ႈ​ဢၼ်​ဢသၢၵ်ႈ​မၼ်း ယၢဝ်း​ယိုၼ်း​ယူႇ​ၼၼ်ႉ တဵမ်​တဵမ်​ဢေႃႈ။ ၵျၢမ်း​ဢၼႃႇၵၢတ်ႈတီႉ​ပရေႃးၽႅတ်ႈ​ ယေႇရမီႉ ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="25">
			<chapter number="1">
				<verse number="1">ဝဵင်း​ဢၼ်​ၵူၼ်း​ၼမ်​ၼႃႇ၊​ၵိုၼ်း​ၼႃႇ​ၼၼ်ႉ သဵတ်ႇ​ၵူၼ်း​၊ယဵၼ်​ၵူၼ်း​ယူႇ​သေ​လႄႈ ၼင်ႈ​ယူႇ​လူင်​ပႄႇ။ မႄႈ​ယိင်း​ဢၼ် ယၢမ်ႈ​ယႂ်ႇ​မျၢတ်ႈ​ၵႃႈ​ၼႂ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ ပဵၼ်​ၸိူဝ်ႉ​ၼင်ႇ မႄႈ​မူၵ်း​မႄႈ​မၢႆႈ​ၵႂႃႇ​ယဝ်ႉ လူင်​ပႄႇ။ ၸဝ်ႈ​ၼၢင်း​ပိူၼ်ႈ ၵူႈ​သိုင်ႇ​ၵူႈ​မိူင်း​ၼၼ်ႉ လႆႈ​သၢၵ်ႈ​ၶွၼ်ႇ ပၼ်​ၶွၼ်ႇ​ယဝ်ႉ​လူင်​ပႄႇ။-</verse>
				<verse number="2">မၼ်း​ႁႆႈ​ႁွင်ႉ​ႁႅင်း​ယႂ်ႇ​ၼႃႇ ၶိင်ႇ​ၵၢင်​ၶိုၼ်း​လႄႈ ၵႅမ်ႈ​မၼ်း​ၼၼ်ႉ ယမ်း​ပိူဝ်ႉ​ဝႆႉ တင်း​ၼမ်ႉ​တႃ​မၼ်း​ဢေႃႈ။ ၼႂ်း​ၸူႉ​မၼ်း​ၸူဝ်း​မၼ်း ၸိူဝ်း​ၼၼ်ႉ ဢမ်ႇ​မီး​ၵေႃႉ​ဢၼ်​ႁႂ်ႈ​မၼ်း ပေႇ​ၸႂ်​၊ၼိမ်​ၸႂ်​သေ​ၵေႃႉ​သေ​ၵူၼ်း​လႄႈ ၵႃႈ​ပဵၼ်​ၵေႃႉ​သေႈ​မၼ်း​ၼၼ်ႉ သဵတ်ႈ​ၸႃႇ​လူႉ​လႄႈ ဢွၼ်​ၵၼ်​ပဵၼ်​ရၢၼ်ႇ​သူႇ​မၼ်း​ၵႂႃႇ​ယဝ်ႉ။-</verse>
				<verse number="3">ယူႉတႃႉ ​ၼၼ်ႉ လႆႈ​ၶၢႆႉ​တီႈ​ၵႂႃႇ ၵွပ်ႈ​ပိူဝ်ႈ​ဢၼ်​မၼ်း​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး၊ တၢင်း​ဢၼ်​ၸႂ်ႉ​ၵိၼ်​သွႆ​ၵိၼ် ဢၼ်​ႁၢဝ်ႈ​ၵျၢမ်း​ၼႃႇ​ၼၼ်ႉ​ယဝ်ႉ။ မၼ်း​ယူႇ​ၵႃႈ​ၼႂ်း ၵူၼ်း​သႃႇသၼႃႇပႃႉ တင်း​လၢႆ​လႄႈ ဢမ်ႇ​လႆႈ​ၵတ်း​ယဵၼ်​ၶျၢမ်း​သႃႇ။ ၶဝ်​ၵႃႈ​ဢၼ်​လိုပ်ႈ​ၸွမ်း​မၼ်း ၸိူဝ်း​ၼၼ်ႉ​ဢွၼ်​ၵၼ်​ၶိုတ်း​မၼ်း ၵႃႈ​တီႈ​ဢၼ်​ၵိတ်ႇ​ဢၼ်​ၵိၼ်း ၸိူဝ်း​ၼၼ်ႉ​ဢေႃႈ။-</verse>
				<verse number="4">သဵၼ်ႈ​တၢင်း ၸီႉဢုၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ၶၢင်း​ၶီ​ၶၢင်း​ၽၢၼ်​ယူႇ ၵွပ်ႈ​ပိူဝ်ႈ​ဢၼ်​ၽူႈ​လႂ်​ဢမ်ႇ​မႃး ၵႃႈ​တီႈ​ပွႆး​ၼၼ်ႉ​လႄႈ၊ ၽၵ်း​တူ​မၼ်း​ၵႃႈ​မီး​ၼၼ်ႉ ဢွၼ်​ၵၼ်​မီး​တၢင်း​ဢၼ် သဵတ်ႇ​ၵူၼ်း​ယဵၼ်​ၵူၼ်း​ယူႇ​ဢေႃႈ။ ယိတ်ႈပရေႃးႁဵၵ်ႈ​မၼ်း​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ပွင်ႉ​ၶၢင်း​ယူႇ​လႄႈ၊ ၵၼ်ႇ​ၺႃႇ​လုၵ်ႈ​ယိင်း​သၢဝ်​မၼ်း ၸိူဝ်း​ၼၼ်ႉ​ၵေႃႈ မီး​ၸႂ်​ဢၼ်​ၸဵပ်း၊​ဢၼ်​သႅပ်ႇ​ယူႇ​သေ​လႄႈ တူဝ်​မၼ်း​ၼၼ်ႉ လႆႈ​ၶီ​ၸႂ်၊​ၶူမ်​ၸႂ်​ယူႇ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ် ႁဵတ်း​ၶတ်း​ၵၼ်​တင်း​မၼ်း​ၼၼ်ႉ လႆႈ​ဢုပ်ႉ​ပိူင်ႇ​မၼ်း​လႄႈ ရၢၼ်ႇ​သူႇ​မၼ်း​ၸိူဝ်း​ၼၼ်ႉ လႆႈ​လီ​လႆႈ​ပဵၼ် ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး​ပၼ်​တၢမ်ႇ ပုၼ်ႈ​ဢပႅတ်ႈ​မၼ်း ဢၼ်​ၼမ်​ၼႃႇ​ၼၼ်ႉ​ယဝ်ႉ။ လုၵ်ႈ​လၢင်း​မၼ်း​ၸိူဝ်း​ၼၼ်ႉ​ၵေႃႈ ရၢၼ်ႇ​သူႇ​မၼ်း​သိမ်း​ဢဝ်​ၵႂႃႇ​ယဝ်ႉ​ယဝ်ႉ။-</verse>
				<verse number="6">မုၼ်​သရေႇ လုၵ်ႈ​ယိင်း​ ၸီႉဢုၼ်ႇ ​ၼၼ်ႉ လပ်ႉ​ႁၢႆ​ၵႂႃႇ​မူတ်း​မူတ်း​၊သဵင်ႈ​သဵင်ႈ​လႄႈ ၶုၼ်​မၼ်း​ၵႂၢၼ်​မၼ်း ၸိူဝ်း​ၼၼ်ႉ​ပဵၼ် မိူၼ်​ၸိူဝ်ႉ​ၼင်ႇ တိုင်​ၼင်ႇ​ယီး ဢၼ်​ႁႃ​တီႈ​ဢၼ်​တၵ်း​ၵိၼ်​ယူႇ​လႄႈ ဢမ်ႇ​ထူပ်း​လႆႈ​ၼၼ်ႉ​လႄႈ ယင်း​ဢမ်ႇ​မီး​ဢဵၼ်​၊မီး​ႁႅင်း ဢွၼ်​ၵၼ်​ဢွၵ်ႇ​ပၢႆႈ​ၵႃႈ​တီႈ​ၽၢႆႇ​ၼႃႈ ၵေႃႉ​ဢၼ်​လိုပ်ႈ​ၸွမ်း​ၶဝ်​ၼၼ်ႉ ၵႂႃႇ​ယဝ်ႉ။-</verse>
				<verse number="7">ဝဵင်း​ ယေႇရူႉသလႅမ်ႇ ​ၼၼ်ႉ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၸေး​ၸိမ်ႇ​ဢၼ်​ယၢမ်ႈ​လႆႈ ၸၢမ်ႇ​ၸႃး​မိူဝ်ႈ​ဢွၼ်​ၼႆႉ​ၼၼ်ႉ။ ၼႂ်း​မိူဝ်ႈ​ဢၼ်​မၼ်း​လႆႈ​ၶၢမ်ႇ တုၵ်ႉ​ၶႃႉ​တၢင်း​ၽၢၼ်​ၼၼ်ႉ​လႄႈ ၶဝ်​ၸိူဝ်း​ဢၼ်​ႁဵတ်း​ၶတ်း​ၵၼ် တင်း​မၼ်း​ၸိူဝ်း​ၼၼ်ႉ ဢွၼ်​ၵၼ်​ႁၼ်​ဢမူႉ​မၼ်း​လႄႈ သႄႉ​သွမ်း တၢင်း​ဢၼ်​မၼ်း​သုမ်း​၊မၼ်း​ၸွမ်း ၼႂ်း​မိူဝ်ႈ​ဢၼ် ၵူၼ်း​မၼ်း​တင်း​လၢႆ ႁွတ်ႈ​ထိုင်​ၵႃႈ​ၼႂ်း​မိုဝ်း​ရၢၼ်ႇ​သူႇ​လႄႈ ၵေႃႉ​ဢၼ်​ၸွႆႈ​ထႅမ်​မႃႉ​ၸႃႉ ဢမ်ႇ​မီး ၼၼ်ႉ​ဢေႃႈ။-</verse>
				<verse number="8">ဝဵင်း​ ယေႇရူႉသလႅမ်ႇ ​ၼၼ်ႉ မီး​ဢပႅတ်ႈ တၢင်း​ဢၼ်​ၽိတ်း​ပိူင်ႈ​ၼၼ်ႉ​ၼမ်​ၼႃႇ​လႄႈ ပဵၼ်​တီႈ​ဢၼ် လီ​ႁင်ႈ​ဢဵတ်ႇ​သဵတ်ႇ​ဢေႃႈ။ ၶဝ်​ၸိူဝ်း​ဢၼ် ယၢမ်ႈ​ရူဝ်ႇ​သေႇ​ၵူဝ်​ယမ်​မၼ်း​ၼၼ်ႉ ဢွၼ်​ၵၼ်​ႁဵတ်း ဢမ်ႇ​ပေႃး​ၼင်ႇ​ႁိုဝ်​တီႈ​မၼ်း ၵွပ်ႈ​ပိူဝ်ႈ​ဢၼ် ၶဝ်​ႁၼ်​မၼ်း ယူႇ​တူဝ်​ပူၺ်​ယူႇ​ၼၼ်ႉ​ဢေႃႈ။ မၼ်း​ၵေႃႈ​ၶၢင်း​ၶီ​ၶၢင်း​ၽၢၼ်​လႄႈ ဝၢႆႇ​ၶိုၼ်း​ၵႂႃႇ​တၢင်း​လင်​ဢေႃႈ။-</verse>
				<verse number="9">ပိၵ်ႉ​သမ်ႉ​လၢၵ်ႈၶၼႃႇ ဢၼ်​ၵူဝ်ႈ​ၵိူၵ်ႇ​မၼ်း ပေႃႇ​ဢွၵ်ႇ​မႃး​ၵႃႈ​တီႈ​ၶူဝ်း​ၼုင်ႈ​မၼ်း ဢၼ်​လၢၵ်ႈ​ဢၼ်​ပူ​ယူႇ​ၼၼ်ႉ​သေ​ၵေႃႈ မၼ်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​တၵ်း လႆႈ​ၶၢမ်ႇ​ၵမ်း​လိုၼ်း​ၼၼ်ႉ။ ပိူဝ်ႈ​ၼႆ​လႄႈ မၼ်း​ယင်း​ဢမ်ႇ​မီး​ၵေႃႉ​ဢၼ် ပၼ်​ၼႃႈ​လီ​တီႈ​မၼ်း​လႄႈ ပႃး​တင်း​လွင်ႈ​တၢင်း​ဢၼ် လီ​ဢၢမ်း​ယူႇ​သေ​လႄႈ ႁွတ်ႈ​ထိုင်​တၢင်း​ဢၼ်​ၶျႃး​တူၵ်း တီႈ​တႅမ်ႇ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ လူ​တူၺ်း တုၵ်ႉ​ၶႃႉ​တၢင်း​ၽၢၼ်​ၶႃႈ​ၸဝ်ႈ သေ​ၵမ်း​တီႈ​ၶႃႈ၊ ရၢၼ်ႇ​သူႇ​ၼၼ်ႉ ယုၵ်ႉ​ယွင်ႈ​တူဝ်​ၸဝ်ႈ​ၵဝ်ႇ​ဝႆႉ တီႈ​ၶႃႈ​ယဝ်ႉ။-</verse>
				<verse number="10">ရၢၼ်ႇ​သူႇ​ၼၼ်ႉ ယဵတ်ႇ​မိုဝ်း​မၼ်း​ယူႇ​ၵႃႈ​ၼိူဝ်​ၸေး​ၸိမ်ႇ​မၼ်း​ၵႃႈ​မီး​ၼၼ်ႉ တီႈ​ၶႃႈ​ယဝ်ႉ။ မၼ်း​လႆႈ​ႁၼ်​လွင်ႈ​ဢၼ် ၵူၼ်း​သႃႇသၼႃႇပႃႉ ဢၼ်​ၸဝ်ႈ​ႁဝ်း​ႁၢမ်ႈ​တၢပ်ႈ​ႁႄႉ​ၶႅၼ်​ဝႆႉ​လႄႈ​ဝႃႈ၊ ဢမ်ႇ​လႆႈ​ၶဝ်ႈ ၵႃႈ​ၼႂ်း​ပရဵၵ်ႈသၢတ်ႈ​ၸဝ်ႈ​ၵူၺ်ႉ၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ ဢွၼ်​ၵၼ်​ၶဝ်ႈ​ၵႃႈ​ၼႂ်း​ထႃႇၼႃႉ တီႈ​ဢၼ်​မူတ်း​ၸၢင်ႇ​ၸဝ်ႈ​ၼၼ်ႉ တီႈ​ၶႃႈ​ယဝ်ႉ။-</verse>
				<verse number="11">ၵူၼ်း​မၼ်း တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ၶၢင်း​ၶီ​ၶၢင်း​ၽၢၼ်​ယူႇ၊ ႁႃ​ၶဝ်ႈ​မုၼ်း​ယူႇ​သေ​လႄႈ လႆႈ​ၸုၼ်ႉ​ပႅတ်ႈ​ၸေး​ၸိမ်ႇ​ၶဝ် ပုၼ်ႈ​တၢင်း​ၵိၼ်​တၢင်း​ၶူပ်း ႁႂ်ႈ​ၶဝ်​လႆႈ​ၵၢင်း​လွတ်ႈ​ၽေး​တၢင်း​တၢႆ​တီႈ​ၶႃႈ​ဢေႃႈ။ ထႃႇဝရႃႉ​ၽြႃး တီႈ​ၶႃႈ၊ ၶႅၼ်း​တေႃႈ​လူ​တူၺ်း​လႄႈ ႁၼ်​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ် ၶျႃး​တူၵ်း​တီႈ​တႅမ်ႇ​တီႈ​ၶႃႈ​ဢေႃႈ။-</verse>
				<verse number="12">သူ​ၵႃႈ​ဢၼ်​ၵၢႆ​ၵႂႃႇ ၵႃႈ​တီႈ​ႁိမ်း​ၼႆႉ​ၶဝ်​ဢိူၺ်း၊ ဢမ်ႇ​တိူဝ်ႉ​ၸႂ်​သူ​လႃး​လႃး​ႁိုဝ်။ ဢွၼ်​ၵၼ်​လူ​တူၺ်း​လႄႈ ၶႆႈ​ၸႂ်​ဝူၼ်ႉ​ၸႂ်​သေ​ၵမ်း။တုၵ်ႉ​ၶႃႉ​ဢၼ်​မိူၼ်​ၸိူဝ်ႉ​ၼင်ႇ တုၵ်ႉ​ၶႃႉ​ၵဝ်​ဢၼ်​ႁွတ်ႈ​ထိုင်​တီႈ​ၵဝ် ဢၼ်​ထႃႇဝရႃႉ​ၽြႃး ဢဝ်​ၼိၵ်ႈ​ၸၢၵ်ႈ​ငႅၼ်း​သႄး​ၵဝ် ၼႂ်း​မိုဝ်ႉ​ဝၼ်း​ဢၼ် မၼ်း​ၸဝ်ႈ​ၸႂ်​မႆႈ​ၶႆႈ​ၸႃႉ​ႁႅင်း​ယႂ်ႇ​ၼႃႇ ၼၼ်ႉ​ၼႆႉ ယင်း​မီး​လူး​ၵွၼ်ႇ​ႁိုဝ်။-</verse>
				<verse number="13">မၼ်း​ၸဝ်ႈ​ယူႇ​ၵႃႈ​တီႈ​ၼိူဝ်​ပုၼ်ႉ ဢဝ်​ၽႆး​ပွႆႇ​လူင်း​သႂ်ႇ​ၵႃႈ​ၼႂ်း​လုပ်ႇ​ၵဝ်​တင်း​လၢႆ​လႄႈ ႁႂ်ႈ​ပႄႉ​ၼႅင်ႇ​ယႃႉ​ပႅတ်ႈ​ယဝ်ႉ။ မၼ်း​ၸဝ်ႈ​ၵၢင်​တူင်ႇ​ႁႅဝ်ႉ​တူင်ႇ​ၶိုမ်း တိၼ်​ၵဝ်​ထုၵ်ႇ​ၶဵၼ်း​မႅၼ်ႈ​လႄႈ ႁႂ်ႈ​ၵဝ်​ဝၢႆႇ​ၶိုၼ်း​ၵႂႃႇ​တၢင်း​လင်​ယဝ်ႉ။ မၼ်း​ၸဝ်ႈ​ႁႂ်ႈ​ၵဝ်​မီး​တၢင်း​ဢၼ် ႁဵဝ်ႇ​ၸွပ်ႈ တၢင်း​ဢၼ်​ၸႂ်​လူႉ တင်း​ဝၼ်း​တင်း​ဝၼ်း​ဢေႃႈ။-</verse>
				<verse number="14">မၼ်း​ၸဝ်ႈ​ဢဝ်​မိုဝ်း​မၼ်း​ၸဝ်ႈ မတ်ႉ​ၽုၵ်ႇ​ၵၢၼ်း​ႁၢပ်ႇ​ဢပႅတ်ႈ​ဢၼ်​ၵဝ်​ၽိတ်း​ပိူင်ႈ ၸိူဝ်း​ၼၼ်ႉ သႂ်ႇ​လႄႈ​ၸိူဝ်း​ၼၼ်ႉ​လႆႈ​မီး​တၢင်း​ဢၼ် လိမ်ႇ​ၽၼ်ႈ​ၶဵၼ်း​ၶွတ်ႇ​သေ​လႄႈ သႂ်ႇ​ဝႆႉ​မီး​ယူႇ​ၵႃႈ​ၼိူဝ်​ၶေႃး​ၵဝ်​လႄႈ၊ ထႃႇဝရႃႉ​ၽြႃး ႁႂ်ႈ​ၵဝ်​ႁႅင်း​ဢူၼ်ႈ​ၵႂႃႇ​လႄႈ ႁႂ်ႈ​ၵဝ် ႁွတ်ႈ​ထိုင် ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ၵဝ် ဢမ်ႇ​ႁၢမ်ႈ​တၢပ်ႈ​ႁႄႉ​ၶႅၼ်​လႆႈ​ၼၼ်ႉ​ယဝ်ႉ။-</verse>
				<verse number="15">ၸဝ်ႈ​ၽြႃး​ၼၼ်ႉ ယဵပ်ႇ​ယမ်ႈ​ၵူၼ်း​သိုၵ်း ဢၼ်​ႁႅင်း​ယႂ်ႇ​ၼႃႇ​ၵဝ် တင်း​သဵင်ႈ​တင်း​လူင်​ၼၼ်ႉ ၵႃႈ​ၼႂ်း​ၶိုင်ႈ​ၵၢင်​ၵဝ်​လႄႈ ႁွင်ႉ​ဢဝ် မူႇ​ၽုင်​မုၵ်ႉ​ၸိူဝ်း​ၵူၼ်း​တင်း​လၢႆ​မႃး ႁႂ်ႈ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​ၼုမ်ႇ​ၵူၼ်း​ၵမ်​ၵဝ်​တင်း​လၢႆ​သေ​လႄႈ ယူႇ​ၽၢႆႇ​ၼိုင်ႈ​တင်း​ၵဝ်​ယဝ်ႉ။ ၸဝ်ႈ​ၽြႃး​ၼၼ်ႉ ယဵပ်ႇ​ၼူတ်ႈ​ၵၼ်ႇ​ၺႃႇ​လုၵ်ႈ​ယိင်း​သၢဝ်​ ယူႉတႃႉ ၵႃႈ​ၼႂ်း​ၶိူင်ႈ​ၼူတ်ႈ​မၢၵ်ႇ​ၸပိတ်ႈ ၼၼ်ႉ​ယဝ်ႉ။-</verse>
				<verse number="16">ၵွပ်ႈ​ပိူဝ်ႈ​လွင်ႈ​တၢင်း​ၸိူဝ်း​ၼၼ်ႉ​လႄႈ ၵဝ်​လႆႈ​ႁႆႈ​လႆႈ​ႁွင်ႉ​ဢေႃႈ။ ၼမ်ႉ​တႃ​ၵဝ်၊ ၼမ်ႉ​တႃ​ၵဝ်​မီး​တၢင်း​ဢၼ်​တူၵ်း​ယူႇ​လႄႈ ၵေႃႉ​ဢၼ် ထုၵ်ႇ​လီ​ၵမ်ႉ​ထွၵ်ႈ​ဢသၢၵ်ႈ​ၵဝ်​လႄႈ ႁႂ်ႈ​ၵဝ်​ပေႇ​ၸႂ်​ၼိမ်​ၸႂ်​ၼၼ်ႉ ၵႆ​ၵၼ်​တင်း​ၵဝ်​ဢေႃႈ။ လုၵ်ႈ​ၵဝ်​လၢင်း​ၵဝ် ဢွၼ်​ၵၼ်​လူႉ​ၵႂႃႇ​ႁၢႆ​ၵႂႃႇ ၵွပ်ႈ​ပိူဝ်ႈ ဢၼ်​ရၢၼ်ႇ​သူႇ​ပႄႉ​ၼႅင်ႇ​ၼၼ်ႉ​ယဝ်ႉ။-</verse>
				<verse number="17">ပိၵ်ႉ​သမ်ႉ​လုၵ်ႈ​ယိင်း​ ၸီႉဢုၼ်ႇ ​ၼၼ်ႉ ယုၵ်ႉ​မိုဝ်း​ဢႃႈ​မိုဝ်း​မၼ်း​သေ​ၵေႃႈ၊ ၵေႃႉ​ဢၼ်​ႁႂ်ႈ​မၼ်း​ပေႇ​ၸႂ်​ၼိမ်​ၸႂ်​ၼၼ်ႉ​ဢမ်ႇ​မီး။ ထႃႇဝရႃႉ​ၽြႃး မီး​ဢမိင်ႉ​လူၺ်ႈ​လွင်ႈ​ ယႃႇၵုပ်ႈ ​လႄႈ ၶၢၼ်း​ၶဝ်​ၸိူဝ်း​ဢၼ် လဵပ်ႈ​ႁွပ်ႈ​မၼ်း​ၼၼ်ႉ ပဵၼ်​ရၢၼ်ႇ​သူႇ​မၼ်း​ယဝ်ႉ။ ဝဵင်း​ ယေႇရူႉသလႅမ်ႇ ​ၼၼ်ႉ ပဵၼ်​တီႈ​ဢၼ် လီ​ႁင်ႈ​ဢဵတ်ႇ​သဵတ်ႇ​ၵႃႈ​ၼႂ်း​ၶဝ်​ဢေႃႈ။-</verse>
				<verse number="18">ထႃႇဝရႃႉ​ၽြႃး ၸီႇ​ယၢင်ႇ​ၸွမ်း​ၼင်ႇ​တြႃး​ဢေႃႈ။ လွင်ႈ​မၼ်း​ၸမ်ႉ ၵဝ်​ပူၼ်ႉ​လိူဝ်​ပိင်း​ၺၢပ်ႈ​မၼ်း​ၸဝ်ႈ မႅၼ်ႈ​ယဝ်ႉ။ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​လႄႈ လူ​တူၺ်း​တုၵ်ႉ​ၶႃႉ​ၵဝ်​သေ​ၵမ်း။ ၶဝ်​ဢွၼ်​ၵၼ်​သိမ်း​ဢဝ် ၽူႈ​မၢဝ်ႇ​တင်း​ၽူႈ​သၢဝ်​ၵဝ်​တင်း​လၢႆ​ၵႂႃႇ​ယဝ်ႉ။-</verse>
				<verse number="19">ၵဝ်​ႁွင်ႉ​ဢဝ်​ၸူႉ​ၵဝ်​ၸူဝ်း​ၵဝ်​တင်း​လၢႆ​လႄႈ ၶဝ်​ၼၼ်ႉ​ဢမ်ႇ​မီး​သဵတ်ႈ​ၸႃႇ။ ယိတ်ႈပရေႃးႁဵၵ်ႈ​ၵဝ်​တင်း​လၢႆ ဢိၵ်ႇ​တင်း ၶဝ်​ၸိူဝ်း​ဢၼ် ပဵၼ်​ၵႄႇ​ပဵၼ်​ႁူဝ်​ၵဝ်​ၸိူဝ်း​ၼၼ်ႉ ဢွၼ်​ၵၼ်​ၶျုၵ်ႈ​ဢသၢၵ်ႈ​ၶဝ်​ၵႃႈ​ၼႂ်း​ၶူး​ၼႂ်း​ဝဵင်း ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ႁႃ​ဢဝ်​တၢင်း​ၵိၼ် တၢင်း​ၶူပ်း ပုၼ်ႈ​ဢၼ် တၵ်း​လဵင်ႉ​ဢသၢၵ်ႈ​ၶဝ်​ယူႇ​ၼၼ်ႉ​ဢေႃႈ။-</verse>
				<verse number="20">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​လူ​တူၺ်း​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ယၢပ်ႇ​ၸႂ်​ၽိုတ်ႇ​ၸႂ်​တီႈ​ၶႃႈ​ဢေႃႈ။ တွင်ႉ​ၶႃႈ​ၸဝ်ႈ​ပုမ်​ၶႃႈ​ၸဝ်ႈ​ၼႆႉ မီး​တၢင်း​ဢၼ်​လိူတ်ႇ​ယူႇ​သၢၵ်ႇ​ယူႇ​တီႈ​ၶႃႈ​ဢေႃႈ။ ႁူဝ်​ၸႂ်​ၶႃႈ​ၸဝ်ႈ​မီး​တၢင်း​ဢၼ် ပိၼ်ႈ​ၶႂမ်ႈ​ယူႇ​ၵွပ်ႈ​ပိူဝ်ႈ​ဢၼ် ၶႃႈ​ၸဝ်ႈ​ၽိတ်း​ပိူင်ႈ​ၼႃႇ​လူင်​လၢင်​ၼၼ်ႉ တီႈ​ၶႃႈ​ဢေႃႈ။ ၵႃႈ​တီႈ​ၼွၵ်ႈ​ၸမ်ႉ၊ ၽေး​လၢပ်ႇ​ယႃႉ​ပႅတ်ႈ​လႄႈ၊ ၵႃႈ​တီႈ​ၼႂ်း​ၸမ်ႉ၊ ပဵၼ်​ၸိူဝ်ႉ​ၼင်ႇ​ဢၼ်​တၢႆ​ယူႇ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="21">ၶဝ်​လႆႈ​ငိၼ်း​လွင်ႈ​ဢၼ် ၶႃႈ​ၸဝ်ႈ​ၶၢင်း​ၶီ​ၶၢင်း​ၽၢၼ်​လႄႈ ဢမ်ႇ​မီး​ၵေႃႉ​ဢၼ် ႁႂ်ႈ​ပေႇ​ၸႂ်​ၼိမ်​ၸႂ်​သေ​ၵေႃႉ​သေ​ၵူၼ်း​ၼၼ်ႉ တီႈ​ၶႃႈ​ယဝ်ႉ။ ရၢၼ်ႇ​သူႇ​ၶႃႈ​ၸဝ်ႈ တင်း​သဵင်ႈ​တင်း​လူင် လႆႈ​ငိၼ်း​လွင်ႈ​တၢင်း​ဢၼ် ႁွတ်ႈ​ထိုင်​တီႈ​ၶႃႈ​ၸဝ်ႈ​ၼၼ်ႉ​လႄႈ ဢွၼ်​ၵၼ် ၸူမ်း​သိူဝ်း​လူၺ်ႈ​လွင်ႈ​ဢၼ် ၸဝ်ႈ​ႁဝ်း​ႁဵတ်း​ၸိူဝ်ႉ​ၼင်ႇ​ၼၼ် တီႈ​ၶႃႈ​ဢေႃႈ။ လွင်ႈ​ၼင်ႇ​ႁိုဝ်​ၶဝ်​တၵ်း​လႆႈ​ပဵၼ် ၸိူဝ်ႉ​ၼင်ႇ​ၶႃႈ​ၸဝ်ႈ​ၼႆႉ​ၸိုင်၊ ၸဝ်ႈ​ႁဝ်း​ၶႅၼ်း​တေႃႈ ႁႂ်ႈ​မိုဝ်ႉ​ဝၼ်း​ဢၼ်​ၸဝ်ႈ​ႁဝ်း ၶိၼ်း​ဝႆႉ​ၼၼ်ႉ​ႁွတ်ႈ​ထိုင်​သေ​ၵမ်း​လူၺ်ႈ​တီႈ​ၶႃႈ၊-</verse>
				<verse number="22">ႁႂ်ႈ​တူႉ​ၸရိူၵ်ႈ​ၶဝ်​ၵူႈ​ၸိူဝ်ႉ​ၵူႈ​ပိူင် ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ၶႅၼ်း​တေႃႈ​ႁဵတ်း​တီႈ​ၶဝ် မိူၼ်​ၸိူဝ်ႉ​ၼင်ႇ​ဢၼ် ၸဝ်ႈ​ႁဝ်း​ႁဵတ်း​တီႈ​ၶႃႈ​ၸဝ်ႈ ၵွပ်ႈ​ပိူဝ်ႈ​ဢပႅတ်ႈ​ၵႃႈ​ဢၼ် ၶႃႈ​ၸဝ်ႈ​ၽိတ်း​ပိူင်ႈ​ၼၼ်ႉ သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​မီး​တၢင်း​ဢၼ် ၶၢင်း​ၶီ​ၶၢင်း​ၽၢၼ် ၼမ်​ၼႃႇ​လႄႈ ၸႂ်​လူႉ​ယူႇ တီႈ​ၶႃႈ​ဢေႃႈ။</verse>
			</chapter>
			<chapter number="2">
				<verse number="1">ထႃႇဝရႃႉ​ၽြႃး ဢဝ်​ၽႃႈ​ၽူၼ် တၢင်း​ဢၼ်​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ႁူမ်ႇ​သုမ်ႇ​လုၵ်ႈ​ယိင်း​ ၸီႉဢုၼ်ႇ ​ယဝ်ႉ။ မၼ်း​ၸဝ်ႈ​ဢဝ် မုၼ်​သရေႇ မဵဝ်း​ ဢီႉသရေႇလႃႉ ၶျႃး​သေ​ၵႃႈ​ၼိူဝ်​ၵၢင်​ႁၢဝ် တူၵ်း​လူင်း​တေႃႇ​ထိုင်​ႁွတ်ႈ လိၼ်​မိူင်း​ယဝ်ႉ။ ၼႂ်း​မိုဝ်ႉ​ဝၼ်း​ဢၼ်​မၼ်း​ၸဝ်ႈ ၸႂ်​မႆႈ​ၶႆႈ​ၸႃႉ​ၼၼ်ႉ၊ မၼ်း​ၸဝ်ႈ ယင်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၶူင်ႇ​တီႈ​ဢၼ်​မၼ်း​ၸဝ်ႈ တၢင်ႇ​တိၼ်​မၼ်း​ၸဝ်ႈ ၼၼ်ႉ​လႄႈ ယူႇ​ယဝ်ႉ​လူင်​ပႄႇ။-</verse>
				<verse number="2">ထႃႇဝရႃႉ​ၽြႃး ယင်း​ဢမ်ႇ​ဢဵတ်း​လူ​လႄႈ ဢိုၼ်​တီႈ​ယူႇ​တီႈ​သဝ်း မဵဝ်း​ ယႃႇၵုပ်ႈ ​ၵႃႈ​မီး​ၼၼ်ႉ​ပႅတ်ႈ​ယဝ်ႉ။ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ဢွၵ်ႇ​သေ​လႄႈ မၼ်း​ၸဝ်ႈ​ၵိူၼ်ႇ​ယႃႉ​တိူၵ်ႈ​တီႈ​တိုၵ်း​သိုၵ်း လုၵ်ႈ​ယိင်း​ ယူႉတႃႉ ​ၸိူဝ်း​ၼၼ်ႉ​ပႅတ်ႈ တေႃႇ​ထိုင်​ႁွတ်ႈ​လိၼ်​လႄႈ ၶျႃး​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​တင်း​ၶုၼ်​မၼ်း​ၵႂၢၼ်​မၼ်း တင်း​လၢႆ တူၵ်း​တီႈ​တႅမ်ႇ​ယဝ်ႉ။-</verse>
				<verse number="3">တၢင်း​ၸႂ်​မႆႈ​ၶႆႈ​ၸႃႉ မၼ်း​ၸဝ်ႈ​ဢွၵ်ႇ​ႁႅင်း​ယႂ်ႇ​ၼႃႇ​သေ​လႄႈ မၼ်း​ၸဝ်ႈ​တႅပ်း​ၶဝ်​လႅမ်​ ဢီႉသရေႇလႃႉ ​ၵႃႈ​မီး​ၼၼ်ႉ​ပႅတ်ႈ​ယဝ်ႉ။ မၼ်း​ၸဝ်ႈ ယိုတ်း​ဢဝ်​မိုဝ်း​ၶွၼ်​ၶႂႃ​မၼ်း​ၸဝ်ႈ​သေ ၵႃႈ​တီႈ​ၽၢႆႇ​ၼႃႈ​ရၢၼ်ႇ​သူႇ​မၼ်း​ယဝ်ႉ။ ၸိူဝ်ႉ​ၼင်ႇ​ၽႆး​လုၵ်ႉ​ဢၼ်​မႆႈ ၵူႈ​တီႈ​ၵူႈ​လႅၼ်​ၼၼ်ႉ၊ မၼ်း​ၸဝ်ႈ​ႁႂ်ႈ​မႆႈ မဵဝ်း​ ယႃႇၵုပ်ႈ ​ယဝ်ႉ။-</verse>
				<verse number="4">မၼ်း​ၸဝ်ႈ ဝူတ်ႈ​ၵၢင်ႇ​မၼ်း​ၸဝ်ႈ​မိူၼ်​ၸိူဝ်ႉ​ၼင်ႇ​ရၢၼ်ႇ​သူႇ​ၼၼ်ႉ​ယူႇ၊ ၸုၵ်း​ယုၵ်ႉ​မိုဝ်း​ၶွၼ်​ၶႂႃ​မၼ်း​ၸဝ်ႈ မိူၼ်​ၸိူဝ်ႉ​ၼင်ႇ​ၵေႃႉ​ဢၼ် ႁဵတ်း​ရၢၼ်ႇ​သူႇ​ၼၼ်ႉ ယူႇ​သေ​လႄႈ ဢဝ်​ၶဝ်​ၸိူဝ်း​ဢၼ် ထုၵ်ႇ​တႃ​ငမ်း​တႃ တင်း​သဵင်ႈ​တင်း​လူင်​ၼၼ်ႉ​တၢႆ​ယဝ်ႉ။ မၼ်း​ၸဝ်ႈ​ဢဝ် တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ႁူတ်း​လေႃႇ​သႂ်ႇ ၵႃႈ​ၼႂ်း​သုမ်ႉ​ထဵင် တီႈ​ယူႇ​တီႈ​သဝ်း​လုၵ်ႈ​ယိင်း​ ၸီႉဢုၼ်ႇ ​ၼၼ်ႉ မိူၼ်​ၸိူဝ်ႉ​ၼင်ႇ​ၽႆး​ၼၼ်ႉ​ယဝ်ႉ။-</verse>
				<verse number="5">ထႃႇဝရႃႉ​ၽြႃး ႁဵတ်း​ရၢၼ်ႇ​သူႇ​သေ​လႄႈ ဢိုၼ်​မဵဝ်း​ ဢီႉသရေႇလႃႉ ​ပႅတ်ႈ​ယဝ်ႉ။ မၼ်း​ၸဝ်ႈ​ဢိုၼ်​ႁေႃ​ၶမ်း​မၼ်း​ၵႃႈ​မီး​ပႅတ်ႈ​လႄႈ ၵိူၼ်ႇ​ယႃႉ​တိူၵ်ႈ​တီႈ​တိုၵ်း​သိုၵ်း​မၼ်း တင်း​လၢႆ​ပႅတ်ႈ​ယဝ်ႉ။ မၼ်း​ၸဝ်ႈ​ႁႂ်ႈ​တၢင်း​ဢၼ်​ၶီ​ၸႂ်​ၶူမ်​ၸႂ်၊ တၢင်း​ဢၼ် ႁႆႈ​ႁွင်ႉ​ပွင်ႉ​ၶၢင်း​မီး​ၼမ်​ၼႃႇ တီႈ​လုၵ်ႈ​ယိင်း​မဵဝ်း​ ယူႉတႃႉ ​ယဝ်ႉ။-</verse>
				<verse number="6">မၼ်း​ၸဝ်ႈ ႁၵ်း​ႁဵၵ်း​ႁူဝ်ႉ​ဝၢင်း​မၼ်း​ၸဝ်ႈ​ပႅတ်ႈ မိူၼ်​ၸိူဝ်ႉ​ၼင်ႇ​ႁူဝ်ႉ​ဢၼ်​လွမ်ႉ​ႁႆႊ​လွမ်ႉ​ၼႃး​ၼၼ်ႉ​ယဝ်ႉ။ မၼ်း​ၸဝ်ႈ​ယႃႉ တီႈ​ဢၼ် ၶၢမ်ႇ​ပွႆး​ထမ်ႇမႃႉ​မၼ်း​ၸဝ်ႈ​ၼၼ်ႉ​ပႅတ်ႈ​ယဝ်ႉ။ ထႃႇဝရႃႉ​ၽြႃး ႁႂ်ႈ​လူင်​လိုမ်း​ပႅတ်ႈ​ဝၼ်း​ပွႆး​ထမ်ႇမႃႉ ဢိၵ်ႇ​တင်း​ဝၼ်း​ၵမ်​သိၼ် ၵႃႈ​ၼႂ်း​ဝဵင်း​ ၸီႉဢုၼ်ႇ ​ၼၼ်ႉ​ယဝ်ႉ။ ဢၢႆ​ႁႅင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ႁႅင်း​ယႂ်ႇ​ၼႃႇ​လႄႈ မၼ်း​ၸဝ်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၶုၼ်​ႁေႃ​ၶမ်း တင်း​ယိတ်ႈပရေႃးႁဵၵ်ႈ​ယဝ်ႉ။-</verse>
				<verse number="7">ထႃႇဝရႃႉ​ၽြႃး ပႄႇ​ယိတ်ႈပလၢင်ႇ​မၼ်း​ၸဝ်ႈ​ပႅတ်ႈ​လႄႈ လီ​ႁင်ႈ​ဢဵတ်ႇ​သဵတ်ႇ ထႃႇၼႃႉ​တီႈ​မူတ်း​ၸၢင်ႇ​မၼ်း​ၸဝ်ႈ​ယဝ်ႉ။ မၼ်း​ၸဝ်ႈ ဢဝ်​ႁူဝ်ႉ​ဝၢင်း​ႁေႃ​ၶမ်း​တင်း​လၢႆ ဢၢပ်ႈ​ပၼ်​ၵႃႈ​ၼႂ်း​မိုဝ်း​ရၢၼ်ႇ​သူႇ​လႄႈ ၶဝ်​ၼၼ်ႉ​ဢွၼ်​ၵၼ်​ႁဵတ်း​သဵင်​ၼႂ်း​ႁိူၼ်း ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​ဢၼ် ႁဵတ်း​သဵင်​ၼႂ်း​မိုဝ်ႉ​ဝၼ်း​ဢၼ် ၶၢမ်ႇ​ပွႆး​ထမ်ႇမႃႉ​ၼၼ်ႉ​ယဝ်ႉ။-</verse>
				<verse number="8">ထႃႇဝရႃႉ​ၽြႃး မီး​တၢင်း​ၵျၢမ်ႇ​တၢင်း​ပွင် တၵ်း​ၵိူၼ်ႇ​ယႃႉ​လမ်း​ဝဵင်း​လုၵ်ႈ​ယိင်း​ ၸီႉဢုၼ်ႇ ​ပႅတ်ႈ​လႄႈ ဢဝ်​ၸိူၵ်ႈ​ၶဵင်ႈ​သေ​လႄႈ ဢမ်ႇ​ယိုတ်း ဢဝ်​မိုဝ်း​မၼ်း​ၸဝ်ႈ​သေ​ၵႃႈ​တီႈ တၢင်း​ဢၼ်​ယႃႉ​ပႅတ်ႈ​ၼၼ်ႉ။ မၼ်း​ၸဝ်ႈ​ႁဵတ်း​ႁႂ်ႈ​လမ်း​ဝဵင်း​ဢၼ်​ၵႃႈ​ၼႂ်း ဢိၵ်ႇ​တင်း​လမ်း​ဝဵင်း​ဢၼ်​ၵႃႈ​ၼွၵ်ႈ ၸိူဝ်း​ၼၼ်ႉ လႆႈ​ၶၢင်း​ၶီ​ၶၢင်း​ၽၢၼ်​လႄႈ ႁႆႈ​ႁွင်ႉ​ပွင်ႉ​ၶၢင်း​လူၺ်ႈ​ၵၼ်​ယဝ်ႉ။-</verse>
				<verse number="9">မႂ်​ၽၵ်း​တူ​မၼ်း​ၸိူဝ်း​ၼၼ်ႉ မီး​တၢင်း​ဢၼ်​ၸူမ်​ၶဝ်ႈ​ၵႃႈ​ၼႂ်း​လိၼ်​ယူႇ​ဢေႃႈ။ မၼ်း​ၸဝ်ႈ​ယႃႉ​ပႅတ်ႈ​လႄႈ ႁၵ်း​ၵိူၼ်ႇ​ၽၵ်း​တူ​မၼ်း ၸိူဝ်း​ၼၼ်ႉ​ပုတ်း​ပႅတ်ႈ​ယဝ်ႉ။ ၶုၼ်​ႁေႃ​ၶမ်း​မၼ်း ဢိၵ်ႇ​တင်း ၶုၼ်​မၼ်း​ၵႂၢၼ်​မၼ်း​ၸိူဝ်း​ၼၼ်ႉ လႆႈ​ဢွၼ်​ၵၼ်​ယူႇ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ တၢင်ႇ​ၶိူဝ်း ဢၼ်​ဢမ်ႇ​မီး​တြႃး​ၸိူဝ်း​ၼၼ်ႉ​ဢေႃႈ။ ပရေႃးၽႅတ်ႈ​မၼ်း​ၸိူဝ်း​ၼၼ်ႉ ဢမ်ႇ​လႆႈ​ပျႃႇ​တိၵ်ႈ​တီႈ ထႃႇဝရႃႉ​ၽြႃး။-</verse>
				<verse number="10">ၶဝ်​ၸိူဝ်း​ဢၼ် ပဵၼ်​ၵႄႇ​ပဵၼ်​ႁူဝ် တီႈ​လုၵ်ႈ​ယိင်း​ ၸီႉဢုၼ်ႇ ​ၼၼ်ႉ ဢွၼ်​ၵၼ်​ၼင်ႈ​ၵႃႈ​ၼိူဝ်​လိၼ်​ယူႇ တဵတ်ႇ​တဵတ်ႇ ယဵၼ်​ယဵၼ်​ယူႇ၊ ဢဝ်​မုၼ်ႈ​လိၼ်​ပႅတ်ႈ​တၢင်ႇ​သႂ်ႇ ၵႃႈ​ၼိူဝ်​ၵွၵ်း​ႁူဝ်​တူဝ်​ၸဝ်ႈ​ၵဝ်ႇ​ယူႇ၊ ဢဝ်​ၼင်​ပေႃ​ႁတ်ႉ​ဢႅဝ်​ယူႇ​ဢေႃႈ။ ၵၼ်ႇ​ၺႃႇ​လုၵ်ႈ​ယိင်း​သၢဝ် ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ဢွၼ်​ၵၼ်​ၵူမ်ႈ​ႁူဝ်​ၶဝ်​ငဝ်​ယူႇ ၸွၼ်း​ၸွၼ်း​တေႃႇ​ထိုင်​ႁွတ်ႈ​လိၼ်​ဢေႃႈ။-</verse>
				<verse number="11">ၵွပ်ႈ​ပိူဝ်ႈ​ဢၼ် လုၵ်ႈ​ယိင်း​ၵူၼ်း​မဵဝ်း​ၵဝ်​လူႉ​လႅဝ်​ၼၼ်ႉ​လႄႈ ၼမ်ႉ​တႃ​ၵဝ်​တူၵ်း​လႄႈ မၢၵ်ႇ​တႃ​ၵဝ်​လူႉ​ယဝ်ႉ။ တွင်ႉ​ၵဝ်​ပုမ်​ၵဝ်​ၼႆႉ မီး​တၢင်း​ဢၼ်​လိူတ်ႇ​ယူႇ​သတ်ႉ​ယူႇ​လႄႈ တပ်း​ၵဝ်​ၵေႃႈ မီး​တၢင်း​ဢၼ်​ထွၵ်ႇ​ႁိုဝ်ႈ​ၵႃႈ​ၼိူဝ်​လိၼ်​ယူႇ​ဢေႃႈ။ လွင်ႈ​မၼ်း​ၸမ်ႉ လုၵ်ႈ​ဢွၼ်ႇ​ႁၢႆး တင်း​လုၵ်ႈ​ဢွၼ်ႇ​ၵိၼ်​ၼူမ်း​ၸိူဝ်း​ၼၼ်ႉ ဢွၼ်​ၵၼ်​လိုမ်း​တူဝ်​လိုမ်း​ႁၢင်ႈ​ယူႇ ၵႃႈ​ၼႂ်း​သဵၼ်ႈ​တၢင်း​ဝဵင်း​ဢေႃႈ။-</verse>
				<verse number="12">ၶဝ်​ၸင်ႇ​ဢွၼ်​ၵၼ်​ထၢမ်​တီႈ​မႄႈ​ၶဝ်​လႄႈ​ဝႃႈ၊ ၶဝ်ႈ​ပိူၵ်ႇ​ၶဝ်ႈ​သၢၼ် ဢိၵ်ႇ​တင်း​ၼမ်ႉ​ၸပိတ်ႈ မီး​ၵႃႈ​တီႈ​လႂ်၊ ဝႃႈ​ၼင်ႇ​ၼႆ​ယူႇ ၼႂ်း​မိူဝ်ႈ​ဢၼ်​ၶဝ်​လိုမ်း​တူဝ်​လိုမ်း​ႁၢင်ႈ​ၶဝ် ၵႃႈ​ၼႂ်း​သဵၼ်ႈ​တၢင်း​ဝဵင်း မိူၼ်​ၸိူဝ်ႉ​ၼင်ႇ​ၵေႃႉ​ဢၼ် ပိူၼ်ႈ​တႅင်း​တၢႆ​ပႅတ်ႈ​ၼၼ်ႉ​လႄႈ ဢဝ်​ဢသၢၵ်ႈ​ၶဝ် ထွၵ်ႇ​ႁိုဝ်ႈ​ပႅတ်ႈ​ၵႃႈ​ၼႂ်း​ႁူဝ်​ဢူၵ်း မႄႈ​ၶဝ်​ယူႇ​ၼၼ်ႉ​လူင်​ပႄႇ။-</verse>
				<verse number="13">လုၵ်ႈ​ယိင်း ဝဵင်း​ ယေႇရူႉသလႅမ်ႇ ​ဢိူၺ်း၊ ၵဝ်​တၵ်း​လႆႈ​ဢဝ်​သၢၵ်ႈ​သေႇ​ဢၼ်​လႂ် ၼႄ​ပျႃး​တီႈ​မႂ်း။ ၵဝ်​တၵ်း​လႆႈ​ဢဝ်​ၽူႈ​လႂ် တႅၵ်ႈ​တိူင်း​ၵၼ်​တင်း​မႂ်း။ ၵၼ်ႇ​ၺႃႇ​လုၵ်ႈ​ယိင်း​သၢဝ်​ ၸီႉဢုၼ်ႇ ​ဢိူၺ်း၊ ၵဝ်​တၵ်း​လႆႈ​ဢဝ်​ၽူႈ​လႂ် ၵပ်း​တႅၵ်ႈ​ၵၼ်​တင်း​မႂ်း ႁႂ်ႈ​မႂ်း​လႆႈ​ပေႇ​ၸႂ်​ၼိမ်​ၸႂ်။ ၵွပ်ႈ​ပိူဝ်ႈ​ဢၼ်​တီႈ​ဢၼ်​ၵိူၼ်ႇ​လူႉ​မႂ်း​ၼၼ်ႉ ပဵၼ်​ၸိူဝ်ႉ​ၼင်ႇ ၼမ်ႉ​သမ်ႇ​မုၵ်ႉ​တြႃႇ​လႄႈ ၽူႈ​လႂ်​တၵ်း​မႄး​ၵုမ်း​မႄး​ႁဵတ်း​လႆႈ။-</verse>
				<verse number="14">ပရေႃးၽႅတ်ႈ​မႂ်း​ၸိူဝ်း​ၼၼ်ႉ ဢွၼ်​ၵၼ်​လႆႈ​ႁၼ် လွင်ႈ​တၢင်း​ဢၼ်​လၢႆ​လၢႆ ဢမ်ႇ​ပွင်​လွင်ႈ​ၵႃႈ​သင် ဢိၵ်ႇ​တင်း​လွင်ႈ​တၢင်း​ဢၼ်​မိူၵ်ႈ တင်း​လၢႆ​ပုၼ်ႈ​မႂ်း​ယဝ်ႉ။ ၶဝ်​ယင်း​ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ​မႂ်း ႁႂ်ႈ​ဢမူႉ​တၢင်း​ဢၼ်​သိမ်း​ဢဝ်​မႂ်း​ၵႂႃႇ ၶျုၵ်ႈ​ဝႆႉ​ၼၼ်ႉ လႆႈ​ပေႇ​လႄႈ​ႁၼ်​ရူႇပႃႇရူင်ႇ ဢိၵ်ႇ​တင်း လွင်ႈ​တၢင်း​ဢၼ်​ႁႂ်ႈ​ပိူင်ႈ​တၢင်း​ၵႂႃႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ ၸိူဝ်း​ၼၼ်ႉ​ဢေႃႈ။-</verse>
				<verse number="15">ၶဝ်​ၸိူဝ်း​ဢၼ်​ၵၢႆ​ၵႂႃႇ​ၼၼ်ႉ ၸင်ႇ​ဢွၼ်​ၵၼ်​တူပ်း​မိုဝ်း​ယူႇ၊ ႁဵတ်း​သဵင်​ဢၼ်​သႄႉ​သွမ်း သီႉ​သီႉ​သေႃႉ​သေႃႉ​ယူႇ၊ ဝႆ​ႁူဝ်​ၶွၼ်း​ႁူဝ် ၸူး​တီႈ​လုၵ်ႈ​ယိင်း​ ယေႇရူႉသလႅမ်ႇ ​ယူႇ​သေ​လႄႈ ထၢမ်​ဝႃႈ၊ ဝဵင်း​ဢၼ်​ၵူၼ်း​တင်း​လၢႆ ႁွင်ႉ​ႁဵၵ်ႈ​ၸိုဝ်ႈ​ဝဵင်း​ပၢႆ​ၸိၵ်း​ၸွမ်​ၵုင်ႇ​သရေႇ၊ ဝဵင်း​တီႈ​ဢၼ်​လီ​သႂၢင်ႇ​လီ​သိူဝ်း​ၵႃႈ​ၼိူဝ်​လိၼ်​မိူင်း တင်း​သဵင်ႈ​တင်း​မူတ်း ၼၼ်ႉ​ၸမ်ႉ၊ ပဵၼ်​ဝဵင်း​ၼႆႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ရၢၼ်ႇ​သူႇ​မႂ်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ၽုၺ်ႇ​သူပ်း​ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။ ၶဝ်​ဢွၼ်​ၵၼ် ႁဵတ်း​သဵင် ဢၼ်​သႄႉ​သွမ်း သီႉ​သီႉ​သေႃႉ​သေႃႉ​ယူႇ၊ ၵတ်း​ၶဵဝ်ႈ​ၵတ်း​ၽၼ်း ယူႇ​သေ​လႄႈ လၢတ်ႈ​လႄႈ​ဝႃႈ၊ ႁဝ်း​ဢိုၼ်​မၼ်း​ပႅတ်ႈ​ယဝ်ႉ။ မိုဝ်ႉ​ဝၼ်း​ၼႆႉ​ၸမ်ႉ၊ ပဵၼ်​မိုဝ်ႉ​ဝၼ်း​ဢၼ် ႁဝ်း​မုင်ႈ​မွင်း​မႃး​ယဝ်ႉ​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။ ႁဝ်း​လႆႈ​ထူပ်း​လႆႈ​ႁၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ထႃႇဝရႃႉ​ၽြႃး ႁဵတ်း​လွင်ႈ​တၢင်း​ဢၼ် မၼ်း​ၸဝ်ႈ​ၵျၢမ်ႇ​ပွင်​ယူႇ​ၼၼ်ႉ​ယဝ်ႉ။ မၼ်း​ၸဝ်ႈ​ႁႂ်ႈ​ၵႂၢမ်း​မၼ်း​ၸဝ်ႈ ဢၼ်​မီး​ဢမိင်ႉ​ဝႆႉ မိူဝ်ႈ​ၵွၼ်ႇ ဢွၼ်​ၼႆႉ​ၼၼ်ႉ​ပျေႉ​ၸုမ်ႇ​ယဝ်ႉ။ မၼ်း​ၸဝ်ႈ​ယင်း​ဢမ်ႇ​သေ​လၢႆ​လႄႈ ၵိူၼ်ႇ​ယႃႉ​ပႅတ်ႈ​ယဝ်ႉ။ မၼ်း​ၸဝ်ႈ​ပၼ်​ဢၶႂၢင်ႉ ဢၼ်​ရၢၼ်ႇ​သူႇ​မႂ်း​လႆႈ ၸူမ်း​သိူဝ်း​ၵႃႈ​ၼိူဝ်​မႂ်း​လႄႈ ယုၵ်ႉ​ယွင်ႈ​ၶဝ်​လႅမ် ၶဝ်​ၸိူဝ်း​ဢၼ် ႁဵတ်း​ၶတ်း​ၵၼ်​တင်း​မႂ်း​ၼၼ်ႉ​ဝႆႉ​ယဝ်ႉ။-</verse>
				<verse number="18">ႁူဝ်​ၸႂ်​ၶဝ်​ၼၼ်ႉ ႁွင်ႉ​ႁႃ​ထႃႇဝရႃႉ​ၽြႃး ယူႇ​ဢေႃႈ။ လမ်း​ဝဵင်း​လုၵ်ႈ​ယိင်း​ ၸီႉဢုၼ်ႇ ​ဢိူၺ်း၊ ႁႂ်ႈ​ၼမ်ႉ​တႃ​မႂ်း​ၼၼ်ႉ လႆ​ယူႇ​ဝၼ်း​ဝၼ်း ၶိုၼ်း​ၶိုၼ်း​ဢမ်ႇ​ထၢတ်ႇ မိူၼ်​ၸိူဝ်ႉ​ၼင်ႇ​ဢၼ် ၼမ်ႉ​ႁွင်ႈ​ၼမ်ႉ​ၵႄး​လႆ​ၼၼ်ႉ​တႃႉ။ တူဝ်​ၸဝ်ႈ​ၵဝ်ႇ ယႃႇ​ပေ​ႁႄႉ​တူဝ်​ၸဝ်ႈ​ၵဝ်ႇ လႆႈ​ထၢတ်ႇ လႆႈ​ယဵၼ်​သေ​ၵမ်း။ ႁူၺ်ႇ​တႃ​မႂ်း​ၵေႃႈ ယႃႇ​ပေ​ႁႂ်ႈ​ထၢတ်ႇ​ႁႂ်ႈ​ယဵၼ်​သေ​ၵမ်း။-</verse>
				<verse number="19">လုၵ်ႉ​လႄႈ သႅၼ်ႇ​ႁွင်ႉ​ၶိင်ႇ​ႁူဝ်​ၶမ်ႈ​တႃႉ။ ဢဝ်​ႁူဝ်​ၸႂ်​မႂ်း​သွၼ်း​လေႃႇ မိူၼ်​ၸိူဝ်ႉ​ၼင်ႇ​ၼမ်ႉ​ၼၼ်ႉ သိုဝ်ႈ​ၼႃႈ​တႂ်ႈ​တႃ ထႃႇဝရႃႉ​ၽြႃး တႃႉ။ ယုၵ်ႉ​မိုဝ်း​မႂ်း ယဵတ်ႇ​ၸူး​တီႈ​မၼ်း​ၸဝ်ႈ ႁႂ်ႈ​လုၵ်ႈ​ဢွၼ်ႇ​မႂ်း ဢၼ်​ဢိုပ်း​ယၢၵ်ႈ​လႄႈ ႁႅင်း​ဢူၼ်ႈ​ႁႅင်း​ယွမ်း​ၵႂႃႇ​ယူႇ ၵႃႈ​တီႈ​သူပ်း​သဵၼ်ႈ​တၢင်း ၵႃႈ​မီး​ၼၼ်ႉ လႆႈ​ဢသၢၵ်ႈ ၵတ်း​ယဵၼ်​ၶျၢမ်း​သႃႇ​တႃႉ။-</verse>
				<verse number="20">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​လူ​တူၺ်း​လႄႈ ႁၼ်​လွင်ႈ​ဢၼ် ၸဝ်ႈ​ႁဝ်း​ၸီႇ​ယၢင်ႇ​ၸိူဝ်ႉ​ၼင်ႇ​ၼႆ တီႈ​ၽူႈ​လႂ်​ၼၼ်ႉ သေ​ၵမ်း​တီႈ​ၶႃႈ၊ မႄႈ​ယိင်း​ၸိူဝ်း​ၼၼ်ႉ လႆႈ​ဢွၼ်​ၵၼ်​ၵိၼ် မၢၵ်ႇ​တွင်ႉ​မၢၵ်ႇ​ပုမ်​ၶဝ်၊ လုၵ်ႈ​လၢင်း​ဢၼ်​ၶဝ်​ႁွပ်ႇ​ဢုမ်ႈ​ဢဝ်​ယွပ်ႇ​ယူႇ ၵႃႈ​ၼႂ်း​မိုဝ်း ၶဝ်​ၼၼ်ႉ​တီႈ​ၶႃႈ​ႁိုဝ်။ ယိတ်ႈပရေႃးႁဵၵ်ႈ ဢိၵ်ႇ​တင်း ပရေႃးၽႅတ်ႈ​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ဢဝ်​တၢႆ​ၵႃႈ​တီႈ​ထႃႇၼႃႉ တီႈ​မူတ်း​ၸၢင်ႇ​ၸဝ်ႈ တီႈ​ၶႃႈ​ႁိုဝ်။-</verse>
				<verse number="21">ၵူၼ်း​ၸဵမ်​လဵၵ်ႉ​ၸဵမ်​ယႂ်ႇ​ၸိူဝ်း​ၼၼ်ႉ လႆႈ​ဢွၼ်​ၵၼ်​ယဵတ်ႇ​ဢိူၼ်​လိူၼ်​ယူႇ ၵႃႈ​ၼိူဝ်​လိၼ်​ၵႃႈ​ၼႂ်း​သဵၼ်ႈ​တၢင်း​တီႈ​ၶႃႈ​ဢေႃႈ။ၽူႈ​မၢဝ်ႇ ဢိၵ်ႇ​တင်း ၽူႈ​သၢဝ်​ၶႃႈ​ၸဝ်ႈ​ၸိူဝ်း​ၼၼ်ႉ လႆႈ​ဢွၼ်​ၵၼ် တၢႆ​လူၺ်ႈ​လၢပ်ႇ​လူၺ်ႈ​လႅဝ်း​တီႈ​ၶႃႈ​ယဝ်ႉ။ ၼႂ်း​မိုဝ်ႉ​ဝၼ်း​ဢၼ်​ၸဝ်ႈ​ႁဝ်း ၸႂ်​မႆႈ​ၶႆႈ​ၸႃႉ​ၼၼ်ႉ၊ ၸဝ်ႈ​ႁဝ်း​ဢဝ်​ၶဝ်​တၢႆ​ပႅတ်ႈ​လႄႈ ယင်း​ဢမ်ႇ​ဢဵတ်း​လူ​လႄႈ ၶႃႈ​ၽၼ်း​ၶဝ်​ပႅတ်ႈ​တီႈ​ၶႃႈ​ယဝ်ႉ။-</verse>
				<verse number="22">ၸဝ်ႈ​ႁဝ်း​ႁွင်ႉ​ဢဝ်​တၢင်း​ဢၼ်​ၵဝ် လီ​ၵူဝ်​လီ​ႁႄ​ၸိူဝ်း​ၼၼ်ႉ မႃး​ၵႃႈ​တီႈ​လဵပ်ႈ​ႁွပ်ႈ​ၶႃႈ​ၸဝ်ႈ မိူၼ်​ၸိူဝ်ႉ​ၼင်ႇ​ဢၼ်​ႁွင်ႉ​ဢဝ် ၵူၼ်း​တင်း​လၢႆ​မႃး ၼႂ်း​ၶိင်ႇ​မိုဝ်ႉ​ဝၼ်း​ပွႆး​ထမ်ႇမႃႉ​ၼၼ်ႉ တီႈ​ၶႃႈ​ယဝ်ႉ။ ၼႂ်း​မိုဝ်ႉ​ဝၼ်း​ဢၼ်​တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး ဢွၵ်ႇ​ၼၼ်ႉ၊ ၽူႈ​လႂ် သေ​ၵေႃႉ​သေ​ၵူၼ်း ဢမ်ႇ​ၵၢင်း​ဢမ်ႇ​လွတ်ႈ ဢမ်ႇ​ၵိုတ်း​ဢမ်ႇ​ၵျၢၼ်ႇ​တီႈ​ၶႃႈ၊ ၶဝ်​ၸိူဝ်း​ဢၼ်​ၶႃႈ​ၸဝ်ႈ​ႁွပ်ႇ​ဢုမ်ႈ​လႄႈ လဵင်ႉ​လူ​ၸိူဝ်း​ၼၼ်ႉ​ၸိုင်၊ ရၢၼ်ႇ​သူႇ​ၶႃႈ​ၸဝ်ႈ ယႃႉ​ပႅတ်ႈ​တီႈ​ၶႃႈ​ယဝ်ႉ။</verse>
			</chapter>
			<chapter number="3">
				<verse number="1">ၵဝ်​ၼႆႉ​ပဵၼ်​ၵေႃႉ​ဢၼ် လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ် ၵႃႈ​တီႈ​တႂ်ႈ​ၶွၼ်ႉ​ဝၢႆ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢေႃႈ။-</verse>
				<verse number="2">မၼ်း​ၸဝ်ႈ​ၸူဝ်း​ဢဝ်​ၵဝ်​လႄႈ ဢဝ်​ၵဝ်​သူင်ႇ​ၵႃႈ​ၼႂ်း တီႈ​ဢၼ်​လပ်း​သိင်ႇ၊ တီႈ​ဢၼ်​ဢမ်ႇ​မီး​ဢၼ်​လႅင်း​ၼၼ်ႉ​ဢေႃႈ။-</verse>
				<verse number="3">မၼ်း​ၸဝ်ႈ ဢဝ်​မိုဝ်း​မၼ်း​ၸဝ်ႈ ဝၢႆႇ​ၸူး​ယူႇ​ၽၢႆႇ​ၼိုင်ႈ​တင်း​ၵဝ် ယူႇ​တင်း​ဝၼ်း​တင်း​ဝၼ်း ၶိူဝ်း​ၶိူဝ်း​ယႂ်း​ယႂ်း​ဢေႃႈ။-</verse>
				<verse number="4">မၼ်း​ၸဝ်ႈ​ႁႂ်ႈ​ၼင်​ၵဝ် ဢိၵ်ႇ​တင်း​ၼိူဝ်ႉ​ၵဝ် ၽင်ႉ​လၢၼ်ႈ​ၵႂႃႇ​လႄႈ ႁၵ်း​ႁဵၵ်း​လုပ်ႇ​ၵဝ် တင်း​လၢႆ​ပႅတ်ႈ​ဢေႃႈ။-</verse>
				<verse number="5">မၼ်း​ၸဝ်ႈ တႄႇ​ႁဵတ်း​တပ်ႉ​ယူႇ​ၽၢႆႇ​ၼိုင်ႈ တင်း​ၵဝ်​လႄႈ ဢဝ်​တင်း လွင်ႈ​တၢင်း​ဢၼ်​ၶူမ်၊ လွင်ႈ​တၢင်း​ဢၼ်​ယၢပ်ႇ​ၸႂ် ၽိုတ်ႇ​ၸႂ်​တင်း​လၢႆ လွမ်ႉ​ႁွပ်ႈ​ဝႆႉ​ဢေႃႈ။-</verse>
				<verse number="6">မၼ်း​ၸဝ်ႈ​ဢဝ်​ၵဝ်​ဝႆႉ​ၵႃႈ​ၼႂ်း တီႈ​ဢၼ်​လပ်း​သိင်ႇ မိူၼ်​ၸိူဝ်ႉ​ၼင်ႇ ဢၼ်​ၸၢင်ႈ​ႁဵတ်း​တီႈ​ၶဝ်​ၸိူဝ်း​ဢၼ် တၢႆ​ပူၼ်ႉ​ၵႂႃႇ ႁိုင်​ၼႃႇ​ယဝ်ႉ ၼၼ်ႉ​ဢေႃႈ။-</verse>
				<verse number="7">မၼ်း​ၸဝ်ႈ​ႁဵတ်း​ႁူဝ်ႉ​လွမ်ႉ​ၵဝ်​ဝႆႉ ႁႂ်ႈ​ၵဝ်​ထၼ်ႈ​ပေႃး ဢမ်ႇ​ဢွၵ်ႇ​လႆႈ​လႄႈ ႁဵတ်း​ႁႂ်ႈ​ၸိူၵ်ႈ​လဵၵ်း​ၼၵ်း​ၼႃႇ တီႈ​ၵဝ်​ဢေႃႈ။-</verse>
				<verse number="8">လိူဝ်​သေ​ၼၼ်ႉ​ဢမ်ႇ​ၵႃး၊ ၵဝ်​ႁွင်ႉ​သႅၼ်ႇ​လႄႈ ႁွင်ႉ​ႁႃ​တၢင်း​ဢၼ် ၸွႆႈ​ထႅမ်​မႃႉ​ၸႃႉ​ၵဝ်​သေ​ၵေႃႈ၊ မၼ်း​ၸဝ်ႈ​ထဵင်​ပႅတ်ႈ တၢင်း​ဢၼ်​ၵဝ်​သူး​တွင်း​ၼၼ်ႉ​ဢေႃႈ။-</verse>
				<verse number="9">မၼ်း​ၸဝ်ႈ ဢဝ်​မၢၵ်ႇ​ႁိၼ်​ဢၼ်​ထၢၵ်ႇ ဢၼ်​သပ်း​တင်း​လၢႆ ဢုတ်း​ႁႄႉ​သဵၼ်ႈ​တၢင်း​ဢၼ်​ၵဝ်​ၵႂႃႇ ၼၼ်ႉ​လႄႈ ႁႂ်ႈ​ႁွႆး​တၢင်း​ဢၼ်​ၵဝ်​ၸွမ်း​ၼၼ်ႉ ၵူတ်ႉ​ဢေႃႈ။-</verse>
				<verse number="10">မၼ်း​ၸဝ်ႈ ပဵၼ်​ၸိူဝ်ႉ​ၼင်ႇ​မီ ဢၼ်​လွမ်​တူၺ်း​ၵဝ်​ယူႇ ဢိၵ်ႇ​တင်း သၢင်ႇ​သီႈ ဢၼ်​ယူႇ​ၵႃႈ​တီႈ​ဢၼ်​သိူင်ႇ​ဢၼ်​မႅပ်ႉ​ၼၼ်ႉ တီႈ​ၵဝ်​ဢေႃႈ။-</verse>
				<verse number="11">မၼ်း​ၸဝ်ႈ ႁႂ်ႈ​ၵဝ်​ပိူင်ႈ​တၢင်း​ၵႂႃႇ​သေ​ယဝ်ႉ၊ တႅပ်း​ၵဝ်​ၶၢတ်ႇ​ပဵၼ်​ပွတ်း​ပဵၼ်​တွၼ်ႈ​လႄႈ ယႃႉ​ၵဝ်​ပႅတ်ႈ​ဢေႃႈ။-</verse>
				<verse number="12">မၼ်း​ၸဝ်ႈ ဝူတ်ႈ​ၵၢင်ႇ​မၼ်း​ၸဝ်ႈ​တၢင်ႇ​လႄႈ ဢဝ်​ၵဝ်​ၶၢၼ်း​ဝႆႉ ႁႂ်ႈ​ပဵၼ်​ၸၢၵ်ႈ​ဢၼ်​မၢႆ​ဝႆႉ​ပုၼ်ႈ​ဢၼ် တၵ်း​ယိုဝ်း​ၼၼ်ႉ​ဢေႃႈ။-</verse>
				<verse number="13">မၼ်း​ၸဝ်ႈ​ဢဝ်​လိမ်ႈ​ပိုၼ် ၵႃႈ​ၼႂ်း​မူၵ်ႇ​ပိုၼ်​မၼ်း​ၸဝ်ႈ​ၼၼ်ႉ ၸိူဝ်း​ၼၼ်ႉ ႁႂ်ႈ​သဵပ်ႇ​တႅင်း​မၢၵ်ႇ​လၼ်း​ၵဝ်​ဢေႃႈ။-</verse>
				<verse number="14">ၵဝ်​လႆႈ​ပဵၼ်​လွင်ႈ​ဢၼ်​လီ​သႄႉ​လီ​သွမ်း တီႈ​ၵူၼ်း​ၵဝ် တင်း​သဵင်ႈ​တင်း​လူင် ဢိၵ်ႇ​တင်း လွင်ႈ​ဢၼ်​လီ​ႁဵတ်း​ၵႂၢမ်း​ၵပ်း တင်း​ဝၼ်း တင်း​ဝၼ်း​လူင်​ပႄႇ။-</verse>
				<verse number="15">မၼ်း​ၸဝ်ႈ ဢဝ်​တင်း​ယႃ​ဢၼ်​ၶူမ် သႂ်ႇ​တဵမ်​ဝႆႉ​တီႈ​ၵဝ်​လႄႈ ႁႂ်ႈ​ၵဝ်​မဝ်း​လဝ်ႈ တင်း​မႂ်​ တေႃးၼႃႉ ​ဢေႃႈ။-</verse>
				<verse number="16">မၼ်း​ၸဝ်ႈ ဢဝ်​မၢၵ်ႇ​ႁိၼ်​ႁႄႈ​ႁႂ်ႈ​ၶဵဝ်ႈ​ၵဝ် တင်း​လၢႆ ႁၵ်း​ႁဵၵ်း​ၵႂႃႇ​လႄႈ ဢဝ်​တင်း​တဝ်ႈ​ၽီး​ၽႆး​ႁူမ်ႇ​သုမ်ႇ​ၵဝ်​ဝႆႉ​ဢေႃႈ။-</verse>
				<verse number="17">ၸဝ်ႈ​ႁဝ်း ဢဝ်​ဝီႉၺိၺ်ႇ​ၶႃႈ​ၸဝ်ႈ ၶၢႆႉ​ၵႂႃႇ​ၵႆ​ၵၼ်​တင်း​ၵတ်း​ယဵၼ်​ၶျၢမ်း​သႃႇ​ၼႃႇ​လူင်​လၢင်​လႄႈ ၶႃႈ​ၸဝ်ႈ​လူင်​လိုမ်း​လွင်ႈ​တၢင်း​ဢၼ်​လီ​ဢၼ်​ငၢမ်း​ၵႂႃႇ တီႈ​ၶႃႈ​ဢေႃႈ။-</verse>
				<verse number="18">ပိူဝ်ႈ​ၼႆ​လႄႈ ၵဝ်​လႆႈ​လၢတ်ႈ​လႄႈ​ဝႃႈ၊ လွင်ႈ​ဢၼ်​ၵဝ်​လီ​ဢိင်​ပိုင်ႈ ဢိၵ်ႇ​တင်း လွင်ႈ​ဢၼ် ၵဝ်​လီ​မုင်ႈ​ထႃႈ​မွင်း​ထႃႈ ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး​ၼၼ်ႉ လူႉ​ၵႂႃႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၶႅၼ်း​တေႃႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တုၵ်ႉ​ၶႃႉ​တၢင်း​ၽၢၼ်​ၶႃႈ​ၸဝ်ႈ၊ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၶႃႈ​ၸဝ်ႈ ဢိၵ်ႇ​တင်း မႂ်​ တေႃးၼႃႉ ​တင်း​လီ​ဢၼ်​ၶူမ်​ၶႃႈ​ၸဝ်ႈ​ၸိူဝ်း​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="20">ႁူဝ်​ၸႂ်​ၶႃႈ​ၸဝ်ႈ ယင်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၸိူဝ်း​ၼၼ်ႉ​ယူႇ​လႄႈ လႆႈ​ၶၢမ်ႇ​တၢင်း​ဢၼ် ၶျႃး​တူၵ်း​တီႈ​တႅမ်ႇ​ယူႇ ၵႃႈ​ၼႂ်း​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="21">ၵွပ်ႈ​ပိူဝ်ႈ​ဢၼ် ႁူဝ်​ၸႂ်​ၶႃႈ​ၸဝ်ႈ​လႆႈ​သတီႉ ၸိူဝ်ႉ​ၼင်ႇ​ၼၼ်​လႄႈ ၶႃႈ​ၸဝ်ႈ​မီး​ဢၶႂၢင်ႉ​ဢၼ်​လႆႈ မုင်ႈ​ထႃႈ​မွင်း​ထႃႈ​တီႈ​ၶႃႈ​ဢေႃႈ။-</verse>
				<verse number="22">ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး ဢဵတ်း​လူ​လႄႈ ၵရူႉၼႃႇ​မၼ်း​ၸဝ်ႈ ဢမ်ႇ​သုတ်း​ဢမ်ႇ​သဵင်ႈ​ၼၼ်ႉ​လႄႈ၊ ႁဝ်း​ယင်း​ဢမ်ႇ​လႆႈ ႁွတ်ႈ​ထိုင် တၢင်း​ဢၼ်​လူႉ​သုမ်း​လႄႈ​ယူႇ​ဢေႃႈ။-</verse>
				<verse number="23">လႆႈ​ဢွၼ်​ၵၼ်​ၶၢမ်ႇ​ဢဝ် ၵရူႉၼႃႇ​ၸဝ်ႈ​ဢၼ်​မႂ်ႇ​ယူႇ​ၵူႈ​ၼႂ်​ဢေႃႈ။ သဵတ်ႈ​ၸႃႇ​ၸဝ်ႈ​ႁဝ်း ယႂ်ႇ​မျၢတ်ႈ​ၼႃႇ​တီႈ​ၶႃႈ​ဢေႃႈ။-</verse>
				<verse number="24">ဝီႉၺိၺ်ႇ​ၵဝ်​ဝႃႈ​ၸမ်ႉ၊ ထႃႇဝရႃႉ​ၽြႃး​ၼၼ်ႉ ပဵၼ်​ပုၼ်ႈ​ၵဝ်​တႃႇ​ၵဝ်​ဢေႃႈ။ ပိူဝ်ႈ​ၼႆ​လႄႈ ၵဝ်​တၵ်း ဢိင်​မၼ်း​ၸဝ်ႈ​သေ​လႄႈ မုင်ႈ​ထႃႈ​မွင်း​ထႃႈ​ဢေႃႈ။-</verse>
				<verse number="25">ထႃႇဝရႃႉ​ၽြႃး ႁဵတ်း​ၵျေး​ၸူး​တီႈ​ၶဝ်​ၸိူဝ်း​ဢၼ် မုင်ႈ​မွင်း​မၼ်း​ၸဝ်ႈ ဢိၵ်ႇ​တင်း ဝီႉၺိၺ်ႇ​ၶဝ်​ၸိူဝ်း​ဢၼ် ႁႃ​ဢဝ်​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="26">တၢင်း​ဢၼ် မုင်ႈ​ထႃႈ​မွင်း​ထႃႈ​လႄႈ ပႂ်ႉ​ထႃႈ​တၢင်း​ဢၼ်​မၼ်း​ၸဝ်ႈ ၵႄႇ​သႄႇ​ၶျွတ်ႈ​ဢဝ်​ၼၼ်ႉ ယူႇ​ၼိမ်​ၼိမ်​လီ​လီ​ၼၼ်ႉ ပဵၼ်​ဢၼ်​ထုၵ်ႇ​ဢၼ်​လီ​ဢေႃႈ။-</verse>
				<verse number="27">တၢင်း​ဢၼ်​ၵူၼ်း​ႁၢပ်ႇ​ၵၢၼ်း ၼႂ်း​မိူဝ်ႈ​ဢၼ် ဢသၢၵ်ႈ​မၼ်း​ယင်း​လဵၵ်ႉ ယင်း​ၼုမ်ႇ​ၼၼ်ႉ ပဵၼ်​ဢၼ်​ထုၵ်ႇ​ဢၼ်​လီ​ဢေႃႈ။-</verse>
				<verse number="28">ႁႂ်ႈ​မၼ်း ၼင်ႈ​ယူႇ​ၵေႃႉ​လဵဝ်​ၵူၺ်း​မၼ်း​လႄႈ ယူႇ​တဵတ်ႇ​တဵတ်ႇ​ယဵၼ်​ယဵၼ် ၵွပ်ႈ​ပိူဝ်ႈ​ဢၼ် မၼ်း​ၸဝ်ႈ​ဢဝ်​ၵၢၼ်း​တၢင်ႇ​သႂ်ႇ​ၼၼ်ႉ သေ​ၵမ်း​လူၺ်ႈ။-</verse>
				<verse number="29">ပေႃး​မၼ်း​ထၢင်ႇ​လႄႈ​ဝႃႈ၊ ၸၢင်ႈ​ၶႄး​တၵ်း​မီး ဢၶႂၢင်ႉ​တၢင်း​ဢၼ်​မုင်ႈ​မွင်း​ဢေႃႈ၊ ဝႃႈ​ၼင်ႇ​ၼႆ​ၸိုင် ႁႂ်ႈ​မၼ်း​ဢဝ်​သူပ်း​မၼ်း​ၸပ်း ၵႃႈ​တီႈ​မုၼ်ႈ​လိၼ်​ယူႇ သေ​ၵမ်း​လူၺ်ႈ။-</verse>
				<verse number="30">ႁႂ်ႈ​မၼ်း​ဢဝ်​ၵႅမ်ႈ​မၼ်း​ဢၢပ်ႈ​ပၼ် တီႈ​ၵေႃႉ​ဢၼ်​ပေႃႉ​ယႅၼ်ႉ​မၼ်း ၼၼ်ႉ​လႄႈ ဢိမ်ႇ​တဵမ်​ဝႆႉ​တင်း တၢင်း​ဢၼ် သႄႉ​သွမ်း​တၢင်ႇ​ဢပႅတ်ႈ​သေ​ၵမ်း​လူၺ်ႈ။-</verse>
				<verse number="31">လွင်ႈ​မၼ်း​ၸမ်ႉ ထႃႇဝရႃႉ​ၽြႃး ဢမ်ႇ​ၸၢင်ႈ​ၸုၼ်ႉ​ပႅတ်ႈ​ယူႇ​သေႇ​သေႇ။-</verse>
				<verse number="32">ပိၵ်ႉ​သမ်ႉ​မၼ်း​ၸဝ်ႈ ႁႂ်ႈ​ငိၼ်း​ၽၢၼ်​ထိုင်​ၸႂ်​သေ​ၵေႃႈ၊ မၼ်း​ၸဝ်ႈ တၵ်း​ဢဵတ်း​လူ​မႅၼ်ႈ​ၸွမ်း​ၵႃႈ​ၼင်ႇ​ဢၼ် ၵရူႉၼႃႇ​မၼ်း​ၸဝ်ႈ ယႂ်ႇ​ၼမ်​ၼၼ်ႉ​ဢေႃႈ။-</verse>
				<verse number="33">မၼ်း​ၸဝ်ႈ​ဢမ်ႇ​မီး​ၸႂ်​ဢၼ် ၶႂ်ႈ​ႁႂ်ႈ​ၵူၼ်း မီး​တုၵ်ႉ​ၶႃႉ​တၢင်း​ၽၢၼ်​လႄႈ ႁႂ်ႈ​လႆႈ​ငိၼ်း​ၽၢၼ်​ထိုင်​ၸႂ်။-</verse>
				<verse number="34">ဢမူႉ​တၢင်း​ဢၼ်​ဢဝ်​တိၼ်​ယဵပ်ႇ​ယမ်ႈ ၵူၼ်း​မိူင်း​ၵႃႈ​ဢၼ်​လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ၊-</verse>
				<verse number="35">ဢမူႉ​တၢင်း​ဢၼ်​ယႃႉ​တြႃး ဢၼ်​ၵူၼ်း​ထုၵ်ႇ​ၶၢမ်ႇ​ၸိူဝ်း​ၼၼ်ႉ​ပႅတ်ႈ သိုဝ်ႈ​ၼႃႈ​တႂ်ႈ​တႃ ၽြႃး​ဢၼ်​သုင်​ၼႃႇ​သေ​ပိူၼ်ႈ၊-</verse>
				<verse number="36">ဢမူႉ​တၢင်း​ဢၼ် ႁႂ်ႈ​ပိူၼ်ႈ​တၢင်ႇ​ၵေႃႉ တူၵ်း​သုမ်း​ၼႂ်း​တၢင်း​ဢၼ်​ဢမ်ႇ​ၸွမ်း​ၼင်ႇ​တြႃး​ၼၼ်ႉ ၸိူဝ်း​ၼၼ်ႉ​ၸိုင်၊ ထႃႇဝရႃႉ​ၽြႃး ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်။-</verse>
				<verse number="37">ထႃႇဝရႃႉ​ၽြႃး ယင်း​ဢမ်ႇ​သင်ႇ​လၢတ်ႈ​ဝႆႉ​လႄႈ ၽူႈ​လႂ်​လၢတ်ႈ​လႄႈ ႁႂ်ႈ​ပဵၼ်​သေ​ၸိူဝ်ႉ​သေ​ပိူင်​လႆႈ။-</verse>
				<verse number="38">မင်ႇၵလႃႇ ဢိၵ်ႇ​တင်း ဢႃႉ​မင်ႇၵလႃႇ ဢွၵ်ႇ​သေ​ၵႃႈ​ၼႂ်း သူပ်း​ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​မႃး ဢမ်ႇ​ၸႂ်ႈ​ႁိုဝ်။-</verse>
				<verse number="39">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ၵူၼ်း​သတ်ႉတဝႃႇ ဢၼ်​ဢသၢၵ်ႈ​လိပ်း​ယူႇ​ၼၼ်ႉ လႆႈ​ပွင်ႉ​မိူၼ်ႇ​ယူႇ​ဢၼ်​ဝႃႈ ၵူၼ်း​လႆႈ​ပွင်ႉ​မိူၼ်ႇ​ယူႇ​ၵွပ်ႈ​ပိူဝ်ႈ ဢၼ်​လႆႈ​ၶၢမ်ႇ​တၢမ်ႇ​ဢပႅတ်ႈ​တူႉ​ၸရိူၵ်ႈ​မၼ်း​ၼၼ်ႉ ၼင်ႇ​ႁိုဝ်။-</verse>
				<verse number="40">ႁဝ်း​ၼႆႉ​ၸႅတ်ႈ​ထၢမ်​ၸၢမ်း​တူၺ်း သဵၼ်ႈ​တၢင်း​ဢၼ်​ႁဝ်း​ၸွမ်း​ၸိူဝ်း​ၼၼ်ႉ​ယူႇ သေ​လႄႈ ဢွၼ်​ၵၼ်​ဝၢႆႇ​ၶိုၼ်း​ၸူး တီႈ​ထႃႇဝရႃႉ​ၽြႃး တႃႉ​ႁဝ်း။-</verse>
				<verse number="41">ဢွၼ်​ၵၼ်​ယုၵ်ႉ​ယွင်ႈ ႁူဝ်​ၸႂ်​ႁဝ်း ဢိၵ်ႇ​တင်း​မိုဝ်း​ႁဝ်း​ၸူး ၵႃႈ​တီႈ ၽြႃး​ပဵၼ်​ၸဝ်ႈ ဢၼ်​မီး​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ်​ၼၼ်ႉ တႃႉ​ႁဝ်း။-</verse>
				<verse number="42">ၶႃႈ​ၸဝ်ႈ​ႁဝ်း​ၶဝ်​ၽိတ်း​ပိူင်ႈ​လႄႈ ပုင်ႇ​ၵၢၼ်ႇ​မႅၼ်ႈ​တီႈ​ၶႃႈ​ယဝ်ႉ။ ၸဝ်ႈ​ႁဝ်း ဢမ်ႇ​ပွႆႇ​လွတ်ႈ​ဢပႅတ်ႈ​တီႈ​ၶႃႈ၊-</verse>
				<verse number="43">ၸဝ်ႈ​ႁဝ်း ဢဝ်​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ႁႄႉ​ၵင်ႈ​ႁႄႉ​လပ်ႉ​ၸဝ်ႈ​ႁဝ်း​သေ​လႄႈ၊ ၸဝ်ႈ​ႁဝ်း​လိုပ်ႈ​ၸွမ်း​လမ်း​ၸွမ်း ၶႃႈ​ၸဝ်ႈ​ႁဝ်း​ၶဝ် လႄႈ ယင်း​ဢမ်ႇ​မီး​ၵရူႉၼႃႇ​လႄႈ ၶႃႈ​ၽၼ်း​ပႅတ်ႈ​တီႈ​ၶႃႈ​ဢေႃႈ။-</verse>
				<verse number="44">ၸဝ်ႈ​ႁဝ်း ဢဝ်​ၽႃႈ​ၽူၼ်​ႁႄႉ​ၵင်ႈ​ႁႄႉ​လပ်ႉ​ၸဝ်ႈ​ႁဝ်း​ဝႆႉ ထၼ်ႈ​ပေႃး​ၵႂၢမ်း​ပထၼႃႇ​ၶႃႈ​ၸဝ်ႈ​ႁဝ်း​ၶဝ် ဢမ်ႇ​ပွင်ႇ​ၽႅဝ်​ႁွတ်ႈ ၵႃႈ​တီႈ​ၸဝ်ႈ​ႁဝ်း​လႆႈ တီႈ​ၶႃႈ​ဢေႃႈ။-</verse>
				<verse number="45">ၸဝ်ႈ​ႁဝ်း ႁႂ်ႈ​ၶႃႈ​ၸဝ်ႈ​ႁဝ်း​ၶဝ် ပဵၼ်​ၸိူဝ်ႉ​ၼင်ႇ တီႈ​ဢၼ်​လီ​ႁင်ႈ​ဢဵတ်ႇ​သဵတ်ႇ ဢိၵ်ႇ​တင်း​ၸိူဝ်ႉ​ၼင်ႇ​မုၼ်ႈ ဢၢင်ႉ​ဢၢၵ်ႇ ဢၼ်​ဢဝ်​ယူး​ပတ်း​ဢွၵ်ႇ​ပႅတ်ႈ​ၼၼ်ႉ ၵႃႈ​ၼႂ်း​ၵူၼ်း​မဵဝ်း​တင်း​လၢႆ တီႈ​ၶႃႈ​ဢေႃႈ။-</verse>
				<verse number="46">ရၢၼ်ႇ​သူႇ​ၶႃႈ​ၸဝ်ႈ​ႁဝ်း​ၶဝ် တင်း​သဵင်ႈ​တင်း​လူင် ဢွၼ်​ၵၼ်​ၽုၺ်ႇ​သူပ်း​ၶဝ် ယူႇ​ၽၢႆႇ​ၼိုင်ႈ​တင်း​ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ​ဢေႃႈ။-</verse>
				<verse number="47">တၢင်း​ဢၼ်​လီ​ၵူဝ်​လီ​ႁႄ၊ တၢင်း​ဢၼ်​တူၵ်း​ၵႃႈ​ၼႂ်း​ၶုမ်​မရၼႃႉ၊ တၢင်း​ဢၼ်​သဵတ်ႇ​ၵူၼ်း​ယဵၼ်​ၵူၼ်း၊ တၢင်း​ဢၼ်​ပႄႇ​ၽဵဝ်ႈ​ယႃႉ​ပႅတ်ႈ​ၼၼ်ႉ ၸိူဝ်း​ၼၼ်ႉ ဢွၼ်​ၵၼ်​ႁွတ်ႈ​ထိုင်​တီႈ​ၶႃႈ​ၸဝ်ႈ​ႁဝ်း​ၶဝ် တီႈ​ၶႃႈ​ယဝ်ႉ။-</verse>
				<verse number="48">မၢၵ်ႇ​တႃ​ၵဝ်​ၼႆႉ မီး​တၢင်း​ဢၼ်​ပဵၼ်​ၼမ်ႉ​ႁွင်ႈ​လႄႈ​လႆ​ယူႇ ၵွပ်ႈ​ပိူဝ်ႈ ဢၼ်​လုၵ်ႈ​ယိင်း​ၵူၼ်း​မဵဝ်း​ၵဝ်​ၼၼ်ႉ လူႉ​လႅဝ်​ၼၼ်ႉ​ဢေႃႈ။-</verse>
				<verse number="49">ၼမ်ႉ​တႃ​ၵဝ်​တူၵ်း​လႄႈ ယင်း​ဢမ်ႇ​ထၢတ်ႇ​ဢမ်ႇ​ယဵၼ်​လႄႈ လႆ​ယူႇ​သေႇ​သေႇ။-</verse>
				<verse number="50">တေႃႇ​ထိုင်​ႁွတ်ႈ ထႃႇဝရႃႉ​ၽြႃး ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် သေ​လႄႈ လူ​တူၺ်း​လႄႈ မၢတ်ႈ​တွင်း​ဝႆႉ​ၼၼ်ႉ​ဢေႃႈ။-</verse>
				<verse number="51">မၢၵ်ႇ​တႃ​ၵဝ်​ၸၢင်ႈ ႁႂ်ႈ​ႁူဝ်​ၸႂ်​ၵဝ်​မႆႈ​ႁွၼ်ႉ​ယူႇ ၵွပ်ႈ​ပိူဝ်ႈ​လုၵ်ႈ​ယိင်း​ဝဵင်း​ၵဝ် တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="52">ၶဝ်​ၸိူဝ်း​ဢၼ် ယင်း​ဢမ်ႇ​မီး​လွင်ႈ​မၼ်း​လႄႈ ႁဵတ်း​တၢင်း​ဢၼ်​ၽိတ်း​ၵၼ်​တင်း​ၵဝ်​ၼၼ်ႉ ဢွၼ်​ၵၼ်​လိုပ်ႈ​ၸွမ်း ႁႃ​ၵဝ်​မိူၼ်​ၸိူဝ်ႉ​ၼင်ႇ ၼူၵ်ႉ​ၼၼ်ႉ​ဢေႃႈ။-</verse>
				<verse number="53">ၶဝ်​ဢွၼ်​ၵၼ်​တႅပ်း​ဢသၢၵ်ႈ​ၵဝ်​ၶၢတ်ႇ ၵႃႈ​ၼႂ်း​ၶုမ်​လိၼ်​လုၵ်း​လိၼ်​လႄႈ ဢဝ်​မၢၵ်ႇ​ႁိၼ် တၢင်ႇ​သႂ်ႇ​ဝႆႉ​ၵႃႈ​ၼိူဝ်​ၵဝ်​ဢေႃႈ။-</verse>
				<verse number="54">ၼမ်ႉ​ထူမ်ႈ​ႁူမ်ႇ​ႁူဝ်​ၵဝ်​လႄႈ ၵဝ်​လႆႈ​လၢတ်ႈ​လႄႈ​ဝႃႈ၊ ၵဝ်​ၼႆႉ​သုမ်း​ၸွမ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="55">ထႃႇဝရႃႉ​ၽြႃး တီႈ​ၶႃႈ၊ ၶႃႈ​ၸဝ်ႈ​ယူႇ​ၵႃႈ​ၼႂ်း​ၶုမ်​လိၼ်​လုၵ်း​လိၼ် ဢၼ်​လိုၵ်ႉ​ၼႃႇ​သေ​ပိူၼ်ႈ​ၼၼ်ႉ ႁွင်ႉ​ႁႃ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း တီႈ​ၶႃႈ​ဢေႃႈ။-</verse>
				<verse number="56">ၸဝ်ႈ​ႁဝ်း လႆႈ​ငိၼ်း​သဵင်​ၶႃႈ​ၸဝ်ႈ​လႄႈ ၶႅၼ်း​တေႃႈ ယႃႇ​ပေ​ဝၢႆႇ​ႁူ​ၸဝ်ႈ​ႁဝ်း​ပႅတ်ႈ​သေ ၼႂ်း​မိူဝ်ႈ​ဢၼ် ၶႃႈ​ၸဝ်ႈ ၶၢင်း​ၶီ​ၶၢင်း​ၽၢၼ်​လႄႈ ႁွင်ႉ​ႁႃ​ယူႇ​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="57">ၸဝ်ႈ​ႁဝ်း​သုတ်ႉ​ၸပ်း​သုတ်ႉ​ၸူး​ၼႂ်း​မိုဝ်ႉ​ဝၼ်း​ဢၼ် ၶႃႈ​ၸဝ်ႈ​ႁွင်ႉ​ႁႃ​ယူႇ​ၼၼ်ႉ​လႄႈ မီး​ဢမိင်ႉ​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ။-</verse>
				<verse number="58">ၸဝ်ႈ​ၽြႃး​တီႈ​ၶႃႈ၊ ၸဝ်ႈ​ႁဝ်း​ပႂ်ႉ​ဢမူႉ​ဢၼ် ၸၢပ်ႈ​သႅင်ႇ​ၵၼ်​တင်း ဝီႉၺိၺ်ႇ​ၶႃႈ​ၸဝ်ႈ​ၸိူဝ်း​ၼၼ်ႉ သေ​လႄႈ ထုတ်ႇ​ဢဝ်​ဢသၢၵ်ႈ​ၶႃႈ​ၸဝ်ႈ တီႈ​ၶႃႈ​ယဝ်ႉ။-</verse>
				<verse number="59">ထႃႇဝရႃႉ​ၽြႃး တီႈ​ၶႃႈ၊ ၸဝ်ႈ​ႁဝ်း​ႁၼ်​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး ဢၼ်​ၶႃႈ​ၸဝ်ႈ​လႆႈ​ၶၢမ်ႇ​ၼၼ်ႉ​တီႈ​ၶႃႈ​ယဝ်ႉ။ ၶႅၼ်း​တေႃႈ​ၸီႇ​ယၢင်ႇ​တြႃး ပုၼ်ႈ​ၶႃႈ​ၸဝ်ႈ သေ​ၵမ်း​တီႈ​ၶႃႈ၊-</verse>
				<verse number="60">ၸဝ်ႈ​ႁဝ်း​ႁၼ် ၵႃႈ​ဢၼ်​ၶဝ်​ဝႆႉ​တၢင်း​ၽိတ်း ဢိၵ်ႇ​တင်း ၵႃႈ​ဢၼ်​ၶဝ်​ၵျၢမ်ႇ​ပွင် ဢၼ်​ဢမ်ႇ​လီ​ဢမ်ႇ​ငၢမ်း တီႈ​ၶႃႈ​ၸဝ်ႈ​ၸိူဝ်း​ၼၼ်ႉ တီႈ​ၶႃႈ​ယဝ်ႉ။-</verse>
				<verse number="61">ထႃႇဝရႃႉ​ၽြႃး တီႈ​ၶႃႈ၊ ၸဝ်ႈ​ႁဝ်း ငိၼ်း​တၢင်း​ဢၼ်​ၶဝ်​သႄႉ​သွမ်း၊ တၢင်း​ဢၼ်​ၶဝ်​ၵျၢမ်ႇ​ပွင် ဢၼ်​ဢမ်ႇ​လီ​ဢမ်ႇ​ငၢမ်း​ၵႃႈ​မီး တီႈ​ၶႃႈ​ၸဝ်ႈ​ႁဝ်း၊-</verse>
				<verse number="62">တၢင်း​ဢၼ်​သူပ်း​ၶဝ်​ၸိူဝ်း​ဢၼ် လုၵ်ႉ​ယူႇ​ၽၢႆႇ​ၼိုင်ႈ တင်း​ၶႃႈ​ၸဝ်ႈ​ႁဝ်း​ၼၼ်ႉ​လၢတ်ႈ၊ တၢင်း​ဢၼ်​ၶဝ်​ၵျၢမ်ႇ​ပွင် ယူႇ​ၽၢႆႇ​ၼိုင်ႈ တင်း​ၶႃႈ​ၸဝ်ႈ​ႁဝ်း​ယူႇ တင်း​ဝၼ်း​တင်း​ဝၼ်း​ၼၼ်ႉ တီႈ​ၶႃႈ​ယဝ်ႉ။-</verse>
				<verse number="63">ၸဝ်ႈ​ႁဝ်း ၶႅၼ်း​တေႃႈ​လူ​တူၺ်း တၢင်း​ဢၼ်​ၶဝ်​ၼင်ႈ၊ တၢင်း​ဢၼ်​ၶဝ်​လုၵ်ႉ​ၼၼ်ႉ သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ပဵၼ်​လွင်ႈ​ဢၼ်​ၶဝ်​ႁဵတ်း​ၵႂၢမ်း​ၵပ်း တီႈ​ၶႃႈ​ဢေႃႈ။-</verse>
				<verse number="64">ထႃႇဝရႃႉ​ၽြႃး တီႈ​ၶႃႈ၊ ၶႅၼ်း​တေႃႈ တွပ်ႇ​တႅၼ်း​ပၼ် ဢၵျူဝ်း​ဢပႅတ်ႈ​တီႈ​ၶဝ် ၸွမ်း​ၵႃႈ​ၼင်ႇ​ဢၼ်​ၶဝ်​ၵမ်​ၵျၢင်ႉ​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="65">ၶႅၼ်း​တေႃႈ ပၼ်​ႁူဝ်​ၸႂ် ဢၼ်​ၵႅၼ်ႇ​ၶႅင်​ဢၼ်​ဝႃႈ တၢင်း​ဢၼ် ၸဝ်ႈ​ႁဝ်း​ၵိၼ်ႇ​ဝႃႈ​ၼၼ်ႉ​တီႈ​ၶဝ် သေ​ၵမ်း​တီႈ​ၶႃႈ၊-</verse>
				<verse number="66">ၸဝ်ႈ​ႁဝ်း ၶႅၼ်း​တေႃႈ​ၸႂ်​မႆႈ​ၶႆႈ​ၸႃႉ​သေ​လႄႈ လိုပ်ႈ​ၸွမ်း​လမ်း​ၸွမ်း​ၶဝ်​လႄႈ ယႃႉ​ၽဵဝ်ႈ​ၶဝ်​ပႅတ်ႈ​သေ ၵႃႈ​တႂ်ႈ​ၽႃႉ​ၵၢင်​ႁၢဝ် ထႃႇဝရႃႉ​ၽြႃး သေ​ၵမ်း​တီႈ​ၶႃႈ၊</verse>
			</chapter>
			<chapter number="4">
				<verse number="1">ၶမ်း​ၼၼ်ႉ ပဵၼ်​ဢၼ်​သွမ်ႇ​ၵမ်ႇ​ၼႃႇ​လူင်​လၢင် လူင်​ပႄႇ။ ၶမ်း​လွတ်ႈ​ငၢၼ်ႇ​ဢၼ်​လီ​ၼႃႇ​ၼၼ်ႉ ပဵၼ်​ဢၼ်​ၶၢႆႉ​ပုတ်ႈ​ၼႃႇ​လူင်​လၢင် လူင်​ပႄႇ။ သႅင်​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ၸိူဝ်း​ၼၼ်ႉ မီး​တၢင်း​ဢၼ်​မိူၵ်ႇ​မိူဝ် ယူႇ​ၵႃႈ​တီႈ​သူပ်း​သဵၼ်ႈ​တၢင်း​ၵႃႈ​မီး တင်း​သဵင်ႈ​တင်း​လူင် ၼၼ်ႉ​ဢေႃႈ။-</verse>
				<verse number="2">ၵူၼ်း​ဝဵင်း​ ၸီႉဢုၼ်ႇ ဢၼ်​ထိူၵ်ႈ​ၵႃႈ​ထိူၵ်ႈ​ၶၼ် ပဵင်း​တၢၼ်ႇ​ၶမ်း ဢၼ်​မျၢတ်ႈ​ၼႃႇ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​မၢတ်ႈ​ပဵၼ် ၸိူဝ်ႉ​ၼင်ႇ မေႃႈ​လိၼ် ဢၼ်​ၸၢင်ႈ​မေႃႈ ဢဝ်​မိုဝ်း​ႁဵတ်း​ၼၼ်ႉ​လူင်​ပႄႇ။-</verse>
				<verse number="3">တေႃႈ​ၵႃႈ မႃ​လိၼ်​တူဝ်​မႄႈ​ၸိူဝ်း​ၼၼ်ႉ ယင်း​ၸၢင်ႈ​ဢဝ်​တိၼ်ႇ​ၼူမ်း​ၶဝ်​ပၼ်​လႄႈ တိုၵ်း​ၼူမ်း​ပၼ်​တီႈ​လုၵ်ႈ​ဢွၼ်ႇ​ၶဝ်​ဢေႃႈ။ လုၵ်ႈ​ယိင်း​ၵူၼ်း​မဵဝ်း​ၵဝ်​ၸမ်ႉ၊ မီး​သၽေႃး​ဢၼ်​ၵျၢမ်း​လိူင်း​ၼႃႇ မိူၼ်​ၸိူဝ်ႉ​ၼင်ႇ ၼူၵ်ႉ​ၵလႃးဢုၵ်ႉ ဢၼ်​ယူႇ​ၵႃႈ​ၼႂ်း​ထိူၼ်ႇ​ၼၼ်ႉ​ဢေႃႈ။-</verse>
				<verse number="4">လုၵ်ႈ​ဢွၼ်ႇ ဢၼ်​ၵိၼ်​ၼူမ်း​ၸိူဝ်း​ၼၼ်ႉ ဢိုပ်း​ၼူမ်း​လႄႈ လိၼ်ႉ​မၼ်း​မီး​တၢင်း​ဢၼ်​ၸပ်း​ယူႇ ၵႃႈ​တီႈ​ႁိူၵ်ႇ​ဢေႃႈ။ လုၵ်ႈ​ဢွၼ်ႇ​ၸိူဝ်း​ၼၼ်ႉ ယွၼ်း​ၶဝ်ႈ​မုၼ်း​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ဝိတ်း​ပၼ်​တီႈ​ၶဝ်။-</verse>
				<verse number="5">ၶဝ်​ၸိူဝ်း​ဢၼ် ၸၢင်ႈ​ၵိၼ်​လီ​လီ​ငၢမ်း​ငၢမ်း​ၼၼ်ႉ လႆႈ​လူႉ​ၵႂႃႇ​သုမ်း​ၵႂႃႇ ၵႃႈ​တႃႈ​ၵႃႈ​တၢင်း​လႄႈ ၶဝ်​ၸိူဝ်း​ဢၼ်​ယၢမ်ႈ​မူၼ်ႈ​ပျေႃႇ ၵႃႈ​ၼိူဝ် ၽႃႈ​ၵွပ်း ဢၼ်​လႅင်​ၵမ်ႇ​ၼၼ်ႉ လႆႈ​ဢွၼ်​ၵၼ်​ၵွတ်ႇ​ဢုမ်ႈ​ၵွင်​ၶီႈ​ဝူဝ်း​ယူႇ​ဢေႃႈ။-</verse>
				<verse number="6">တၢမ်ႇ​ဢပႅတ်ႈ​ဢၼ် လုၵ်ႈ​ယိင်း ၵူၼ်း​မဵဝ်း​ၵဝ်​လႆႈ​ၶၢမ်ႇ​ၼၼ်ႉ ယဵင်ႈ​ၶႅၼ်း​ယႂ်ႇ​ၼႃႇ​သေ​တၢမ်ႇ​ဢပႅတ်ႈ ဝဵင်း​ သေႃးတုမ်ႇ ဢၼ်​ႁွတ်ႈ​ထိုင် တၢင်း​ဢၼ်​လူႉ​လႅဝ် ၵမ်း​လဵဝ်​လႄႈ ၽူႈ​လႂ်​ဢမ်ႇ​လႆႈ​ဢဝ်​မိုဝ်း​တိူဝ်ႉ​ထုၵ်ႇ​မၼ်း​ၼၼ်ႉ​ဢေႃႈ။-</verse>
				<verse number="7">ၵူၼ်း​ ၼႃႇၸရီႉ ​မၼ်း​ၸိူဝ်း​ၼၼ်ႉ မူတ်း​သႂ်​လိူဝ်​တွၼ်း​ၼႃႇ​သေ​မူၺ်​ႁႃႇ​လႄႈ ၽိူၵ်ႇ​ၶၢဝ်​လိူဝ်​တွၼ်း​ၼႃႇ​သေ ၼမ်ႉ​ၼူမ်း​ဢေႃႈ။ ၼိူဝ်ႉ​ၶဝ် ၼင်​ၶဝ်​ၼၼ်ႉ လႅင်​လိူဝ်​တွၼ်း​ၼႃႇ​သေ သႅင်​လႅင်​လႄႈ၊ ဢဵၼ်​လိူတ်ႈ​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ ၼီႇလႃႇ​ဢေႃႈ။-</verse>
				<verse number="8">မိူဝ်ႈ​လဵဝ်​ၼႆႉ​ၸမ်ႉ၊ ႁၢင်ႈ​ၽၢင်​ၶဝ်​လမ်​လိူဝ်​တွၼ်း​ၼႃႇ​သေ ထၢၼ်ႇ​မီႈ​လႄႈ ၶဝ်​ဢမ်ႇ​ၶၢမ်ႇ​တၢင်း​ဢၼ်​ပိူၼ်ႈ​ႁူႉ​ႁၼ် ၵႃႈ​တီႈ​ၵၢင်​တႃႈ​ၵၢင်​တၢင်း။ ၼင်​ၶဝ်​ၼၼ်ႉ ၸပ်း​ၵႃႈ​တီႈ​လုပ်ႇ​ၶဝ်​ယူႇ​လႄႈ ႁႅင်ႈ​ႁွင်​ၵႂႃႇ မိူၼ်​ၸိူဝ်ႉ​ၼင်ႇ ၽိုၼ်း​ၼၼ်ႉ​ဢေႃႈ။-</verse>
				<verse number="9">ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ် ၶႃႈ​တၢႆ​ၽၼ်း​တၢႆ လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ ယဵင်ႈ​ၶႅၼ်း​မီး​မင်ႇၵလႃႇ​ၼႃႇ​သေ ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​တၢႆ​လူၺ်ႈ တၢင်း​ဢၼ်​ဢိုပ်း​ယၢၵ်ႈ​ၼၼ်ႉ​ဢေႃႈ။ ၶဝ်​ၸိူဝ်း​ၼႆႉ လႆႈ​ၶၢမ်ႇ​တၢင်း​ဢၼ်​ၸီး​တႅင်း​တမ်​ပွင်ႇ​လႄႈ ယွမ်​ႁဵဝ်ႇ​ၵႂႃႇ ၵွပ်ႈ​ပိူဝ်ႈ​တၢင်း​ဢၼ် မၢၵ်ႇ​ႁူင်း​ထၢတ်ႇ​ၵႂႃႇ​ၼၼ်ႉ​ဢေႃႈ။-</verse>
				<verse number="10">မႄႈ​ယိင်း​ဢၼ်​မီး​ၸႂ် ဢၼ်​ဢဵတ်း​လူ ၸွၼ်​မႆႈ​ၸွၼ်​ၶီ​ၸိူဝ်း​ၼၼ်ႉ လႆႈ​ဢဝ်​မိုဝ်း​ၶဝ်​တူမ်ႈ​ႁုင်​လုၵ်ႈ​လၢင်း​ၶဝ်​လႄႈ လုၵ်ႈ​လၢင်း ၸိူဝ်း​ၼၼ်ႉ လႆႈ​ပဵၼ်​တၢင်း​ၵိၼ်​တၢင်း​ၶူပ်း​ၶဝ် ၼႂ်း​မိူဝ်ႈ​ဢၼ် လုၵ်ႈ​ယိင်း​ၵူၼ်း​မဵဝ်း​ၵဝ်​လူႉ​လႅဝ် ၼၼ်ႉ​ဢေႃႈ။-</verse>
				<verse number="11">ထႃႇဝရႃႉ​ၽြႃး ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ၸေး​ၸုမ်ႇ​ယဝ်ႉ။ မၼ်း​ၸဝ်ႈ သွၼ်း​လေႃႇ​ဢၢႆ​ႁႅင်း​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ဢၼ်​ယႂ်ႇ​ၼႃႇ​လူင်​လၢင်​ယဝ်ႉ။ မၼ်း​ၸဝ်ႈ ဢဝ်​ၽႆး​တုတ်ႇ​ဝဵင်း​ ၸီႉဢုၼ်ႇ ​လႄႈ ႁႂ်ႈ​မႆႈ​တေႃႇ​ထိုင်​ႁွတ်ႈ ႁၢၵ်ႈ​လမ်း​ဝဵင်း​ယဝ်ႉ။-</verse>
				<verse number="12">ၶုၼ်​ႁေႃ​ၶမ်း​လေႃးၵီႇ တင်း​လၢႆ ဢိၵ်ႇ​တင်း​ၵူၼ်း​သတ်ႉတဝႃႇ ၵႃႈ​ၼိူဝ်​လိၼ်​မိူင်း တင်း​သဵင်ႈ​တင်း​လူင် ဢမ်ႇ​ဢွၼ်​ၵၼ်​ယုမ်ႇ လွင်ႈ​ဢၼ်​ရၢၼ်ႇ​သူႇ ဢိၵ်ႇ​တင်း​ၵေႃႉ​ဢၼ်​တိုၵ်း​သိုၵ်း​ၼၼ်ႉ တၵ်း​ၶဝ်ႈ​ၵႃႈ​ၼႂ်း​ၽၵ်း​တူ ဝဵင်း​ ယေႇရူႉသလႅမ်ႇ ​လႆႈ​ၼၼ်ႉ သေ​ၵေႃႉ​သေ​ၵူၼ်း။-</verse>
				<verse number="13">ဢမူႉ​ၼႆႉ ႁွတ်ႈ​ထိုင် ၵွပ်ႈ​ပိူဝ်ႈ ဢပႅတ်ႈ​ပရေႃးၽႅတ်ႈ​မၼ်း ဢိၵ်ႇ​တင်း တူႉ​ၸရိူၵ်ႈ ယိတ်ႈပရေႃးႁဵၵ်ႈ​မၼ်း ဢၼ်​ၸၢင်ႈ​ဢဝ်​ၶဝ်​ၸိူဝ်း​ဢၼ် သိုဝ်ႈ​တေႃႇ​ၼၼ်ႉ တၢႆ​ၵႃႈ​ၼႂ်း​ၵၢင်​ဝဵင်း ယေႇရူႉသလႅမ်ႇ ​ၼၼ်ႉ ၸိူဝ်း​ၼၼ်ႉ​ယဝ်ႉ။-</verse>
				<verse number="14">ၶဝ်​ၼၼ်ႉ လႄႇ​ၵႂႃႇ​လႄႇ​မႃး​ယူႇ ၵႃႈ​ၼႂ်း​သဵၼ်ႈ​တႃႈ​သၢႆ​တၢင်း မိူၼ်​ၸိူဝ်ႉ​ၼင်ႇ ၵူၼ်း​ဢၼ်​တႃ​မွတ်ႇ​ၼၼ်ႉ​လႄႈ ၵူဝ်ႈ​လိူတ်ႈ​ၵူၼ်း​ထၼ်ႈ​ပေႃး​ၽူႈ​လႂ် ဢမ်ႇ​ႁတ်း​တိူဝ်ႉ​ႁတ်း​ယိပ်း ၶူဝ်း​ၼုင်ႈ​ၶဝ်​ၼၼ်ႉ​ဢေႃႈ။-</verse>
				<verse number="15">ပိူၼ်ႈ​ၸၢင်ႈ ဢွၼ်​ၵၼ်​သႅၼ်ႇ​ႁွင်ႉ​တီႈ​ၶဝ်​လႄႈ​ဝႃႈ၊ ၵႂႃႇ​တႃႉ။ သူ​ၸိူဝ်း​ဢၼ် ဢမ်ႇ​မူတ်း​သႂ်​ၶဝ်​ဢိူၺ်း၊ ၵႂႃႇ​တႃႉ။ ၵႂႃႇ​တႃႉ။ ယႃႇ​ပေ ဢွၼ်​ၵၼ်​တိူဝ်ႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ဢၼ်​ၶဝ်​ဢွၵ်ႇ​ပၢႆႈ​ၵႂႃႇ တီႈ​ဢၼ်​ၵႆ​လႄႈ လႄႇ​လဵပ်ႈ​ယူႇ​ၵူႈ​တီႈ​ၵူႈ​လႅၼ်​ၼၼ်ႉ​ၸိုင်၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ၵမ်ႈ​ၽွင်ႈ​ၸၢင်ႈ​ဢွၼ်​ၵၼ် လၢတ်ႈ​လႄႈ​ဝႃႈ၊ ၶဝ်​ၼၼ်ႉ ဢမ်ႇ​လႆႈ​တႄႇ​လႆႈ​ယူႇ ၵႃႈ​တီႈ​ၼႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၼႃႈ​ထႃႇဝရႃႉ​ၽြႃး​ၼၼ်ႉ ႁႂ်ႈ​ၶဝ်​ၽၢတ်ႇ​ၽႄ​ၵၼ်​ယဝ်ႉ။ မၼ်း​ၸဝ်ႈ​ဢမ်ႇ​လူ​တူၺ်း​ဢမူႉ​ၶဝ်။ ပိူၼ်ႈ​ၵေႃႈ ယင်း​ဢမ်ႇ​ရူဝ်ႇ​သေႇ​ၵူဝ်​ယမ်​ယိတ်ႈပရေႃးႁဵၵ်ႈ တင်း​လၢႆ၊ ယင်း​ဢမ်ႇ​ဢႃး​ၼႃႇ​ၶဝ်​ၸိူဝ်း​ဢၼ်​ထဝ်ႈ ဢၼ်​ၵႄႇ​ၼၼ်ႉ​လႄႈ ယူႇ​ဢေႃႈ။-</verse>
				<verse number="17">တႃ​ႁဝ်း​ဢူၼ်ႈ​ၵႂႃႇ ၼႂ်း​တၢင်း​ဢၼ် ႁဝ်း​ယင်း​တိုၵ်ႉ​ပႂ်ႉ​မုင်ႈ​ပႂ်ႉ​မွင်း​ၵေႃႉ​ဢၼ် တၵ်း​ၸွႆႈ​ထႅမ်​မႃႉ​ၸႃႉ​လႄႈ ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ ယူႇ​ၼၼ်ႉ​ဢေႃႈ။ ၼႂ်း​တၢင်း​ဢၼ် ႁဝ်း​ပႂ်ႉ​မုင်ႈ​ပႂ်ႉ​မွင်း​ယူႇ​ၼၼ်ႉ ႁဝ်း​လႆႈ​ပႂ်ႉ​မုင်ႈ၊​ပႂ်ႉ​မွင်း​ၵူၼ်း​မဵဝ်း​ဢၼ် ဢမ်ႇ​ၵႄႇ​သႄႇ​ၶျွတ်ႈ​ဢဝ်​လႆႈ​ၼၼ်ႉ ယူႇ​ယဝ်ႉ​ယဝ်ႉ။-</verse>
				<verse number="18">ၶဝ်​ဢွၼ်​ၵၼ် ၸွမ်း​ႁႃ​ႁွႆး​တိၼ်​ႁဝ်း​ထၼ်ႈ​ပေႃး ႁဝ်း​ဢမ်ႇ​ၵႂႃႇ​ၵႃႈ​ၼႂ်း​သဵၼ်ႈ​တၢင်း​သၢႆ​တႃႈ​လႆႈ​ဢေႃႈ။ တီႈ​သုတ်း​တီႈ​ၵွႆ ႁဝ်း​ၸမ်​ယဝ်ႉ။​မိုဝ်ႉ​ဝၼ်း​ဢသၢၵ်ႈ​ႁဝ်း​ၸေး​ယဝ်ႉ။ တီႈ​သုတ်း​တီႈ​ၵွႆ​ႁဝ်း​ႁွတ်ႈ​ထိုင်​ယဝ်ႉ။-</verse>
				<verse number="19">ၶဝ်​ၸိူဝ်း​ဢၼ် ၸွမ်း​ႁႃ​ႁဝ်း​ၼၼ်ႉ ၶၼ်​ၽႂ်း​လိူဝ်​တွၼ်း​ၼႃႇ​သေ လၢင်း​တႃႉ​ၶမ်း ၵႃႈ​ၼိူဝ်​ၵၢင်​ႁၢဝ်​ၼၼ်ႉ​လႄႈ ၶဝ်​ဢွၼ်​ၵၼ်​ၸွမ်း​ႁႃ ၵႃႈ​ၼိူဝ်​သၼ်​လွႆ​သေ​လႄႈ။ ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၵေႃႈ ၶဝ်​ဢွၼ်​ၵၼ်​ပႂ်ႉ​လွမ်​ယူႇ​ဢေႃႈ။-</verse>
				<verse number="20">တၢင်း​ဢၼ်​ထူၺ်ႈ​ၸႂ်​ၶဝ်ႈ ထူၺ်ႈ​ၸႂ်​ဢွၵ်ႇ​ႁဝ်း​ဢၼ်​ဝႃႈ ၸဝ်ႈ​ဢၼ်​ၶၢမ်ႇ​ၽိၵ်ႈ​သိၵ်ႈ​တီႈ ထႃႇဝရႃႉ​ၽြႃး​လႄႈ ႁဝ်း​လႆႈ​လၢတ်ႈ လႄႈ​ဝႃႈ၊ ႁဝ်း​တၵ်း​သွၼ်ႈ​ပိုင်ႈ​ႁူမ်ႈ​မၼ်း​ၸဝ်ႈ သေ​လႄႈ ဢသၢၵ်ႈ​ၵတ်း​ယဵၼ်​ၶျၢမ်း​သႃႇ ယူႇ​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ လႆႈ​ၶၢမ်ႇ​တၢင်း​ဢၼ်​တီႉ​လႆႈ ၵႃႈ​ၼႂ်း​ၶုမ်​လိၼ် လုၵ်း​လိၼ်​ၶဝ်​ၼၼ်ႉ​ဢေႃႈ။-</verse>
				<verse number="21">လုၵ်ႈ​ယိင်း​ ဢေႇတုမ်ႇ ဢၼ်​ယူႇ​ၵႃႈ​ၼႂ်း​မိူင်း​ ဢူႉၸႃႉ ​ဢိူၺ်း၊ ၸူမ်း​သိူဝ်း​သေ​လႄႈ သႂၢင်ႇ​ၸႂ်​တႃႉ။ ၵွၵ်း​ၸဝ်ႈ​ၼၼ်ႉ တၵ်း​ၶၢမ်ႈ​ၵႂႃႇ​ၸူး တီႈ​ဢၼ်​မႂ်း​မီး​ၼၼ်ႉ​ဢေႃႈ။ မႂ်း​တၵ်း​လႆႈ​မဝ်း​လဝ်ႈ​လႄႈ ယူႇ​တူဝ်​ပူၺ်​ယူႇ​ဢေႃႈ။-</verse>
				<verse number="22">လုၵ်ႈ​ယိင်း​ ၸီႉဢုၼ်ႇ ​ဢိူၺ်း၊ တၢမ်ႇ​ဢပႅတ်ႈ ၵႃႈ​ဢၼ်​မႂ်း​လႆႈ​ၶၢမ်ႇ​ၼၼ်ႉ ယဝ်ႉ​တူဝ်ႈ​ယဝ်ႉ​ယဝ်ႉ။ ၵမ်း​လိုၼ်း​မၼ်း​ၸဝ်ႈ တၵ်း​ဢမ်ႇ​သိမ်း​ဢဝ်​မႂ်း​ၵႂႃႇ​ထႅင်ႈ။ လုၵ်ႈ​ယိင်း​ ဢေႇတုမ်ႇ ​ဢိူၺ်း၊ မၼ်း​ၸဝ်ႈ တၵ်း​ၸႅတ်ႈ​ထၢမ်​တူႉ​ၸရိူၵ်ႈ ဢၼ်​မႂ်း​ႁဵတ်း​ၼၼ်ႉ​လႄႈ ၽုၺ်ႇ​ဢွၵ်ႇ​ၼႄ​ပျႃး ဢပႅတ်ႈ​မႂ်း ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ဢမူႉ​ဢၼ်​ႁွတ်ႈ​ထိုင် ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ သေ​ၵမ်း​တီႈ​ၶႃႈ၊ၶႅၼ်း​တေႃႈ လူ​တူၺ်း​လႄႈ ႁၼ်​တၢင်း​ဢၼ်​သႄႉ​သွမ်း ဢၼ်​ၶႃႈ​ၸဝ်ႈ​ႁဝ်း​ၶဝ် လႆႈ​ၶၢမ်ႇ​ၼၼ်ႉ​သေ​ၵမ်း​တီႈ​ၶႃႈ၊-</verse>
				<verse number="2">လိၼ်​တီႈ​ဢၼ်​ၶႃႈ​ၸဝ်ႈ​ႁဝ်း​ၶဝ်​ၶၢမ်ႇ​ဢမူၺ်ႇ​ၼၼ်ႉ ႁွတ်ႈ​ထိုင်​ၵႃႈ​ၼႂ်း​မိုဝ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ​လႄႈ ႁိူၼ်း​တီႈ​ယူႇ​ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​ၼႂ်း​မိုဝ်း ၵူၼ်း​တၢင်ႇ​သိုင်ႇ​တၢင်ႇ​မိူင်း တင်း​လၢႆ တီႈ​ၶႃႈ​ယဝ်ႉ။-</verse>
				<verse number="3">ၶႃႈ​ၸဝ်ႈ​ႁဝ်း​ၶဝ်​ပဵၼ် လုၵ်ႈ​တိၼ်ႇ​ၽႃႉ​လႄႈ ပေႃႈ​တၢႆ​တီႈ​ၶႃႈ​ယဝ်ႉ။ မႄႈ​လႆႈ​ယူႇ​ၸိူဝ်ႉ​ၼင်ႇ မႄႈ​မူၵ်း​မႄႈ​မၢႆႈ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="4">ပၼ်​ငိုၼ်း ၸင်ႇ​လႆႈ​ၵိၼ်​ၼမ်ႉ တီႈ​ၶႃႈ​ယဝ်ႉ။ ၽိုၼ်း​ၵေႃႈ​လႆႈ​ပၼ် ၵႃႈ​မၼ်း​ၶၼ်​မၼ်း​လႄႈ သိုဝ်ႉ​ဢဝ်​တီႈ​ၶႃႈ​ဢေႃႈ။-</verse>
				<verse number="5">လႆႈ​ၶၢမ်ႇ​တၢင်း​ဢၼ်​ပိူၼ်ႈ​ဢဝ် ၵၢၼ်း​ႁၢပ်ႇ​တၢင်ႇ​သႂ်ႇ ၵႃႈ​ၼိူဝ်​ၶေႃး​ၶႃႈ​ၸဝ်ႈ​ႁဝ်း​ၶဝ်​လႄႈ ၼိၵ်ႈ​ၸၢၵ်ႈ​ငႅၼ်း​သႄး​တီႈ​ၶႃႈ​ဢေႃႈ။ ယင်း​ဢမ်ႇ​လႆႈ ၵိုတ်း​လႆႈ​သဝ်း​လႄႈ လႆႈ​ႁဵတ်း​လႆႈ​သၢင်ႈ​ယူႇ​တီႈ​ၶႃႈ​ဢေႃႈ။-</verse>
				<verse number="6">လႆႈ​ဢဝ်​မိုဝ်း​ၶႃႈ​ၸဝ်ႈ​ႁဝ်း​ၶဝ်​ၶၢမ်ႇ​ႁဵတ်း​ၶႃႈ တီႈ​ၵူၼ်း​မိူင်း​ ဢေႇၵိပ်ႉတူႉ ဢိၵ်ႇ​တင်း ၵူၼ်း​မိူင်း​ ဢႃႇသူႉရီႉ ​ၸိူဝ်း​ၼၼ်ႉ ႁႂ်ႈ​လႆႈ​တၢင်း​ၵိၼ် တၢင်း​ၶူပ်း​တီႈ​ၶႃႈ​ဢေႃႈ။-</verse>
				<verse number="7">ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ ၽိတ်း​ပိူင်ႈ​လႄႈ​တၢႆ​သေ​ယဝ်ႉ၊ ၶႃႈ​ၸဝ်ႈ​ႁဝ်း​ၶဝ် လႆႈ​ၶၢမ်ႇ​ဢပႅတ်ႈ​ၶဝ်​ၼၼ်ႉ တီႈ​ၶႃႈ​ဢေႃႈ။-</verse>
				<verse number="8">ၶဝ်​ၸိူဝ်း​ဢၼ်​ပဵၼ်​ၶႃႈ​ၼၼ်ႉ လႆႈ​ဢုပ်ႉ​ပိူင်ႇ​ၶႃႈ​ၸဝ်ႈ​ႁဝ်း​ၶဝ်​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၵႄႇ​သႄႇ​ၼုၵ်ႈ​ဢဝ် ၶႃႈ​ၸဝ်ႈ​ႁဝ်း​ၶဝ် ဢွၵ်ႇ​သေ​ၵႃႈ​ၼႂ်း​မိုဝ်း​ၶဝ်​ၼၼ်ႉ​တီႈ​ၶႃႈ၊-</verse>
				<verse number="9">ၶႃႈ​ၸဝ်ႈ​ႁဝ်း​ၶဝ် လႆႈ​ဢွၼ်​ၵၼ် ၸုၼ်ႉ​ဢသၢၵ်ႈ​ၵွပ်ႈ​ပိူဝ်ႈ ၽေး​လၢပ်ႇ​ၽေး​လႅဝ်း ၵႃႈ​တီႈ​ထိူၼ်ႇ​ၼၼ်ႉ​ယူႇ သေ​လႄႈ ႁႃ​တၢင်း​ၵိၼ်​တၢင်း​ၶူပ်း​တီႈ​ၶႃႈ​ဢေႃႈ။-</verse>
				<verse number="10">ၽိဝ်​ၼင်​ၶႃႈ​ၸဝ်ႈ​ႁဝ်း​ၶဝ်​လမ်​ၵႂႃႇ မိူၼ်​ၸိူဝ်ႉ​ၼင်ႇ ၽီး​ၽႆး​ၼၼ်ႉ ၵွပ်ႈ​ပိူဝ်ႈ​ဢၢႆ​ႁႅင်း တၢင်း​ဢၼ်​ဢိုပ်း​၊ဢၼ်​ယၢၵ်ႈ​ၼၼ်ႉ မႆႈ​ၼႃႇ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="11">ၶဝ်​ဢွၼ်​ၵၼ်​ႁဵတ်း​ဢႃႉထမ်ႇမႃႉ တီႈ​မႄႈ​ယိင်း​တင်း​လၢႆ ၵႃႈ​ၼႂ်း​ဝဵင်း​ ၸီႉဢုၼ်ႇ ဢိၵ်ႇ​တင်း ၽူႈ​သၢဝ်​တင်း​လၢႆ ၵႃႈ​ၼႂ်း​ဝဵင်း​ ယူႉတႃႉ ​ၸိူဝ်း​ၼၼ်ႉ တီႈ​ၶႃႈ​ဢေႃႈ။-</verse>
				<verse number="12">မူး​မၢတ်ႈ​ၽွင်း​မိူင်း​တင်း​လၢႆ လႆႈ​ၶၢမ်ႇ​တၢင်း​ဢၼ် ႁိဝ်ႈ​ဢဝ်​မိုဝ်း​ႁွႆႈ​ဝႆႉ​လႄႈ ၼႃႈ​ၶဝ်​ၸိူဝ်း​ဢၼ်​ထဝ်ႈ ဢၼ်​ၵႄႇ​ၼၼ်ႉ လႆႈ​ၶၢမ်ႇ​တၢင်း​ဢၼ် ၶဝ်​ႁဵတ်း​ဢမ်ႇ​ရူဝ်ႇ​သေႇ​ၵူဝ်​ယမ်​တီႈ​ၶႃႈ၊-</verse>
				<verse number="13">ၵူၼ်း​ၼုမ်ႇ​ၵူၼ်း​ၵမ်​တင်း​လၢႆ လႆႈ​ဢွၼ်​ၵၼ် ၶိုတ်ႈ​လူၺ်​တီႈ​မၢၵ်ႇ​ႁိၼ်​လူၺ်​လႄႈ၊ လုၵ်ႈ​ဢွၼ်ႇ​တင်း​လၢႆ​ၵေႃႈ လႆႈ​လူမ်ႉ​ယူႇ ၵႃႈ​တီႈ​တႂ်ႈ​ၽိုၼ်း တီႈ​ၶႃႈ​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ်​ထဝ်ႈ ဢၼ်​ၵႄႇ​ၼၼ်ႉ လႆႈ​လပ်ႉ​ႁၢႆ​ၵႂႃႇ ၵႃႈ​တီႈ​ႁူး​ၽၵ်း​တူ​ဝဵင်း​လႄႈ ၵူၼ်း​ၼုမ်ႇ​ၵူၼ်း​ၵမ်​တင်း​လၢႆ လပ်ႉ​ႁၢႆ​ၵႂႃႇ ၵႃႈ​တီႈ​ပွႆး ဢၼ်​ႁဵတ်း​ၵႂၢမ်း​ၼၼ်ႉ တီႈ​ၶႃႈ​ဢေႃႈ။-</verse>
				<verse number="15">တၢင်း​ဢၼ်​ႁူဝ်​ၸႂ်​ၶႃႈ​ၸဝ်ႈ​ႁဝ်း​ၶဝ် သႂၢင်ႇ​သိူဝ်း​ၼၼ်ႉ ထၢတ်ႇ​ႁၢႆ​ဝၢႆး​ဝွတ်ႈ​ၵႂႃႇ​လႄႈ တၢင်း​ဢၼ်​ၵႃႈ​ဢၼ်​ဝႅၼ်​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ လႆႈ​ၶၢႆႉ​ပုတ်ႈ​ပဵၼ်​တၢင်း​ဢၼ် ၶၢင်း​ၶီ​ၶၢင်း​ၽၢၼ်​ယူႇ​ၵႃႈ​ၼႂ်း တီႈ​ၶႃႈ​ဢေႃႈ။-</verse>
				<verse number="16">မွၵ်ႇ​ႁူဝ်​သရၽူႇ​ၶႃႈ​ၸဝ်ႈ​ႁဝ်း​ၶဝ် တူၵ်း​သေ​ၵႃႈ​တီႈ​ႁူဝ်​ၵႂႃႇ​လႄႈ ၶႃႈ​ၸဝ်ႈ​ႁဝ်း​ၶဝ် မီး​ဢႃႉ​မင်ႇၵလႃႇ ၵွပ်ႈ​ပိူဝ်ႈ​ဢၼ်​ၽိတ်း​ပိူင်ႈ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ ႁူဝ်​ၸႂ်​ၶႃႈ​ၸဝ်ႈ​ႁဝ်း​ၶဝ် လူႉ​ၵႂႃႇ​လႄႈ မၢၵ်ႇ​တႃ​ၶႃႈ​ၸဝ်ႈ​ႁဝ်း​ၶဝ် မူဝ်း​ၵႂႃႇ​ၵွပ်ႈ​ပိူဝ်ႈ လွင်ႈ​တၢင်း​ၸိူဝ်း​ၼၼ်ႉ၊-</verse>
				<verse number="18">ဢိၵ်ႇ​တင်း ၵွပ်ႈ​ပိူဝ်ႈ​လွႆ​ ၸီႉဢုၼ်ႇ ဢၼ်​သဵတ်ႇ​ၵူၼ်း​ယဵၼ်​ၵူၼ်း​လႄႈ မႃ​လိၼ်​ဢွၼ်​ၵၼ်​ၵႂႃႇ​မႃး​ယူႇ ၵႃႈ​ၼိူဝ်​မၼ်း​ၼၼ်ႉ​ဢေႃႈ။-</verse>
				<verse number="19">ထႃႇဝရႃႉ​ၽြႃး တီႈ​ၶႃႈ၊ ၸဝ်ႈ​ႁဝ်း​တႄႇ​ယူႇ​ၼိၵ်ႈၸႃႉ ထႃႇဝရႃႉ​တီႈ​ၶႃႈ​ဢေႃႈ။ ပလၢင်ႇ​ၸဝ်ႈ​ႁဝ်း​ၵေႃႈ ပဵၼ်​ပလၢင်ႇ​ၵူႈ​ၸူဝ်ႈ​ၵူႈ​ပၢၼ် သိုပ်ႇ​သိုပ်ႇ​တၢမ်း​တၢမ်း တီႈ​ၶႃႈ​ဢေႃႈ။-</verse>
				<verse number="20">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​လူင်​လိုမ်း​ၶႃႈ​ၸဝ်ႈ​ႁဝ်း​ၶဝ်​ယူႇ​တႃႇ​သေႇ ဢမ်ႇ​ထၢတ်ႇ​လႄႈ ၸဝ်ႈ​ႁဝ်း​ၸုၼ်ႉ​ပႅတ်ႈ​ၶႃႈ​ၸဝ်ႈ​ႁဝ်း​ၶဝ် ယူႇ​ၶိင်ႇ​ၵႃႇလႃႉ​ႁိုင်​ၼႃႇ​လူင်​လၢင် ၼင်ႇ​ႁိုဝ်​တီႈ​ၶႃႈ၊-</verse>
				<verse number="21">ထႃႇဝရႃႉ​ၽြႃး တီႈ​ၶႃႈ၊ ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​ဝၢႆႇ​ၸူး ၵႃႈ​တီႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ်​တၵ်း​ၶၢမ်ႇ​တၢင်း​ဢၼ်​ဝၢႆႇ​ၶိုၼ်း တီႈ​ၶႃႈ​ဢေႃႈ။ ၶႅၼ်း​တေႃႈ​ပွင်​ႁဵတ်း​ပွင်​မႄး မိုဝ်ႉ​ဝၼ်း​ၶႃႈ​ၸဝ်ႈ​ႁဝ်း​ၶဝ် မိူၼ်​ၸိူဝ်ႉ​ၼင်ႇ မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="22">ၸဝ်ႈ​ႁဝ်း​လႆႈ​ထဵင်​ပႄႇ​ပႅတ်ႈ ၶႃႈ​ၸဝ်ႈ​ႁဝ်း​ၶဝ် မူတ်း​မူတ်း​သဵင်ႈ​သဵင်ႈ တီႈ​ၶႃႈ​ယဝ်ႉ။ ၸဝ်ႈ​ႁဝ်း ၸႂ်​မႆႈ​ၶႆႈ​ၸႃႉ​တေႃႇ​ၶႃႈ​ၸဝ်ႈ​ႁဝ်း​ၶဝ် ႁႅင်း​ယႂ်ႇ​ၼႃႇ​လူင်​လၢင် တီႈ​ၶႃႈ​ယဝ်ႉ။ လိၵ်ႈ​တၢင်း​ဢၼ်​ ယေႇရမီႉ ​ပွင်ႉ​ၶၢင်း​ပွင်ႉ​ဝႃႈ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="26">
			<chapter number="1">
				<verse number="1">ၼႂ်း​ပီႊ​ဢၼ်​ထူၼ်ႈ​ထိုင် သၢမ်​သိပ်း​ပီႊ လိူၼ်​ၸတုၵ်ႉထႃႉ​ႁႃႈ​ဝၼ်း၊ ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ​မီး​ယူႇ ၵႃႈ​တီႈ​ႁိမ်း​ၼမ်ႉ​ႁွင်ႈ​ ၶေႇပႃႇ ​ၼၼ်ႉ လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ၊ ၽႃႉ​ၵၢင်​ႁၢဝ်​ၽုၺ်ႇ​ပိုတ်ႇ​လႄႈ ၵဝ်​လႆႈ​ႁၼ်​ပျႃႇ​တိၵ်ႈ ရူႇပႃႇရူင်ႇ ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="2">ၼႂ်း​ပီႊ​ဢၼ် ယေႇၶေႃးၼီႉ တူၵ်း​သေ​ႁၢင်ႈ​သေ​ႁေႃ ပီႊ​ပိၼ်ႇၸမႃႉ လိူၼ်​ၸတုၵ်ႉထႃႉ ႁႃႈ​ဝၼ်း​ၼၼ်ႉ၊-</verse>
				<verse number="3">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​ထိုင် တီႈ​ယိတ်ႈပရေႃးႁဵၵ်ႈ ယေႇၸၵျေႇလႃႉ လုၵ်ႈ​ၸၢႆး​ ပူႉၸီႉ ၵႃႈ​တီႈ​ႁိမ်း​ၼမ်ႉ​ႁွင်ႈ​ ၶေႇပႃႇ ၵႃႈ​ၼႂ်း​မိူင်း ၶႃႇလတေး ​ၼၼ်ႉ​လႄႈ မိုဝ်း​ထႃႇဝရႃႉ​ၽြႃး တၢင်ႇ​သႂ်ႇ​ယူႇ ၵႃႈ​ၼိူဝ်​မၼ်း​ဢေႃႈ။-</verse>
				<verse number="4">ၵဝ်​လူ​တူၺ်း​လႄႈ လူမ်း​ၽိဝ်ႇ​ႁုင် ၽႃႈ​ၽူၼ်​ဢၼ်​ယႂ်ႇ​ၼႃႇ​ပႃး​တင်း​ၸၢၵ်ႈ​ၽႆး ဢိၵ်ႇ​တင်း ဢရွင်ႇ​ဢၼ်​ႁိူဝ်ႈ​လႅင်း​ယူႇ ၵႃႈ​ႁိမ်း​မၼ်း​လႄႈ ဢွၵ်ႇ​မႃး​ၵႃႈ​ၼႂ်း​မၼ်း မိူၼ်​ၸိူဝ်ႉ​ၼင်ႇ​ဢရွင်ႇ​ၶမ်း ႁႃႇသမေႇလႃႉ ​ၼၼ်ႉ​သေ​လႄႈ ဢွၵ်ႇ​မႃး​ၵႃႈ​ၼႂ်း​ၽႆး​ၼၼ်ႉ​ၼၼ်ႉ လုၵ်ႉ​သေ​ၵႃႈ​တီႈ​ၼႃႈ​တၢင်း​ႁွင်ႇ ပေႃႇ​မႃး​ဢေႃႈ။-</verse>
				<verse number="5">သတ်ႉတဝႃႇ​သီႇ​ပႃး ဢွၼ်​ၵၼ် ပေႃႇ​ဢွၵ်ႇ​မႃး​ၵႃႈ​ၼႂ်း​ၸၢၵ်ႈ​ၽႆး ၼၼ်ႉ​ဢေႃႈ။ ႁၢင်ႈ​ၽၢင်​ၶဝ်​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ ႁၢင်ႈ​ၽၢင်​ၵူၼ်း​လႄႈ၊-</verse>
				<verse number="6">ယေႈ​ပႃႈ မီး​ၼႃႈ​သီႇ​ဢၼ် ၼင်ႇ​ၵၼ်၊ ပိၵ်ႇ​ၵေႃႈ​ယေႈ​ပႃႈ မီး​သီႇ​ဢၼ် ၼင်ႇ​ၵၼ်​ဢေႃႈ။-</verse>
				<verse number="7">တိၼ်​ၶဝ်​ၼၼ်ႉ ပဵၼ်​တိၼ်​ဢၼ်​သိုဝ်ႈ​ဝႆႉ​လႄႈ ၽႃႇ​တိၼ်​ၶဝ်​ၼၼ်ႉ ပဵၼ်​ၸိူဝ်ႉ​ၼင်ႇ ၽႃႇ​တိၼ်​ဝူဝ်း​ဢွၼ်ႇ​ၼၼ်ႉ ယူႇ​သေ​လႄႈ လုၵ်ႉ​ႁိူဝ်ႈ​ယူႇ မိူၼ်​ၸိူဝ်ႉ​ၼင်ႇ တွင်း​လိူင် ဢၼ်​ဢူ​မႂ်ႇ​ၼၼ်ႉ​ဢေႃႈ။-</verse>
				<verse number="8">ၵႃႈ​တီႈ​တႂ်ႈ​ပိၵ်ႇ သီႇ​ၼႃႈ​တူဝ်​ၶဝ်​ၼၼ်ႉ မီး​မိုဝ်း​ၵူၼ်း​လႄႈ တင်း​သီႇ​ပႃး​ၼၼ်ႉ ပျေႉ​ၸုမ်ႇ​ဝႆႉ​တင်း​ၼႃႈ တင်း​ပိၵ်ႇ​ဢေႃႈ။-</verse>
				<verse number="9">ပိၵ်ႇ​ၶဝ်​ၼင်ႇ​ၵၼ် ဢၼ်​ၼိုင်ႈ​လႄႈ​ဢၼ်​ၼိုင်ႈ မီး​တၢင်း​ဢၼ်​ၸပ်း​ၵၼ်​ယူႇ​လႄႈ ယၢမ်း​မိူဝ်ႈ​ဢၼ်​ၶဝ်​ၵႂႃႇ​ၼၼ်ႉ​ၸိုင် ၶဝ်​ယင်း​ဢမ်ႇ​ဝၢႆႇ​ၵႂႃႇ ဝၢႆႇ​ၶိုၼ်း​လႄႈ ၸၢင်ႈ​ဢွၼ်​ၵၼ်​ၵႂႃႇ သိုဝ်ႈ​သိုဝ်ႈ ၵမ်း​လဵဝ်​ဢေႃႈ။-</verse>
				<verse number="10">ႁၢင်ႈ​ၽၢင် ၼႃႈ​ၶဝ်​ၸမ်ႉ၊ ၶဝ်​ၼၼ်ႉ ပျေႉ​ၸုမ်ႇ​ဝႆႉ တင်း​ၼႃႈ​ၵူၼ်း၊ တင်း​သီႇ​ပႃး​ပျေႉ​ၸုမ်ႇ​ဝႆႉ တင်း​ၼႃႈ​သၢင်ႇ​သီႈ ၵႃႈ​တီႈ​ၽၢႆႇ​ၶႂႃ​ၶဝ်၊ တင်း​သီႇ​ပႃး​ပျေႉ​ၸုမ်ႇ​ဝႆႉ​တင်း ၼႃႈ​ဝူဝ်း​ၵႃႈ​တီႈ​ၽၢႆႇ​သၢႆႉ၊ တင်း​သီႇ​ပႃး ပျေႉ​ၸုမ်ႇ​ဝႆႉ တင်း​ၼႃႈ​လၢင်း​တႃႉ​ၶမ်း​ဢေႃႈ။-</verse>
				<verse number="11">ၼႃႈ​ၶဝ်​ပဵၼ်​ၸိူဝ်ႉ​ၼင်ႇ​ၼၼ်​ဝႆႉ​လႄႈ ပိၵ်ႇ​ၶဝ်​မီး​တၢင်း​ဢၼ် ၵီႈ​ၶိုၼ်ႈ​ၵႃႈ​ၼိူဝ်​ဢေႃႈ။ ပိၵ်ႇ​ယေႈ​ပႃႈ​သွင်​ဢၼ် ၼင်ႇ​ၵၼ် ၸပ်း​ၵၼ်​ယူႇ​သေ​လႄႈ ပိၵ်ႇ​ယေႈ​ပႃႈ​သွင်​ဢၼ် မီး​တၢင်း​ဢၼ် ႁူမ်ႇ​သုမ်ႇ​တူဝ်​ၶဝ်​ယူႇ​ဢေႃႈ။-</verse>
				<verse number="12">ၶဝ်​ၼၼ်ႉ​ၸၢင်ႈ​ဢွၼ်​ၵၼ် ၵႂႃႇ​သိုဝ်ႈ​သိုဝ်ႈ​ၵမ်း​လဵဝ်​ဢေႃႈ။ တီႈ​ဢၼ်​ဝီႉၺိၺ်ႇ​ၸဝ်ႈ မီး​ဢၶႂၢင်ႉ ဢၼ်​လႆႈ​ၵႂႃႇ​ၼၼ်ႉ၊ ၶဝ်​ဢွၼ်​ၵၼ်​ၵႂႃႇ​လႄႈ ယၢမ်း​မိူဝ်ႈ​ဢၼ်​ၶဝ်​ၵႂႃႇ​ၼၼ်ႉ​ၸိုင် ၶဝ်​ဢမ်ႇ​ဝၢႆႇ​ၵႂႃႇ​ဝၢႆႇ​ၶိုၼ်း။-</verse>
				<verse number="13">ဢရွင်ႇ ႁၢင်ႈ​ၽၢင်​သတ်ႉတဝႃႇ ၸိူဝ်း​ၼၼ်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ ဢရွင်ႇ​ထၢၼ်ႇ​ၽႆး၊ ဢရွင်ႇ​ဝၢၼ်ႇ​ၽႆး​တဵၼ်း ၼၼ်ႉ​ဢေႃႈ။ ၽႆး​ၼၼ်ႉ လႄႇ​ၵႂႃႇ​လႄႇ​မႃး​ယူႇ ၵႃႈ​ၼႂ်း​ၵၢင်​သတ်ႉတဝႃႇ​ၸိူဝ်း​ၼၼ်ႉ​လႄႈ လုၵ်ႉ​ႁိူဝ်ႈ​ယူႇ​သေ​လႄႈ ၽႃႉ​မႅပ်ႈ​ဢွၵ်ႇ​သေ ၵႃႈ​ၼႂ်း​ၽႆး​ၼၼ်ႉ​မႃး​ဢေႃႈ။-</verse>
				<verse number="14">သတ်ႉတဝႃႇ ၸိူဝ်း​ၼၼ်ႉ မီး​တၢင်း​ဢၼ် ၶုၼ်ႇ​လႅၼ်ႈ​ယူႇ၊ ၶိုၼ်း​မႃး​ယူႇ မိူၼ်​ၸိူဝ်ႉ​ၼင်ႇ ဢရွင်ႇ​သၢႆ​ၽႃႉ​မႅပ်ႈ​ၼၼ်ႉ​ဢေႃႈ။-</verse>
				<verse number="15">ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ​လူ​တူၺ်း သတ်ႉတဝႃႇ​ၸိူဝ်း​ၼၼ်ႉ​ယူႇ ၼၼ်ႉ​ၸိုင်၊ မၢၵ်ႇ​လေႃႉ​ဢၼ်​ၼိုင်ႈ ပေႃႇ​မႃး​ၵႃႈ​ၼိူဝ်​လိၼ် ၵႃႈ​တီႈ​ႁိမ်း​သတ်ႉတဝႃႇ ၸိူဝ်း​ၼၼ်ႉ​လႄႈ ပဵၼ်​ယေႈ​ဢၼ် ယေႈ​သီႇ​ၼႃႈ သီႇ​ၽၢႆႇ​ၶဝ်​ၼၼ်ႉ​ဝႆႉ​ဢေႃႈ။-</verse>
				<verse number="16">ႁၢင်ႈ​ၽၢင်​ဢိၵ်ႇ​တင်း တၢင်း​ဢၼ်​ႁဵတ်း ပုင်ႇ​မၢၵ်ႇ​လေႃႉ​ၸိူဝ်း​ၼၼ်ႉ​ဝႆႉ​ၼၼ်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ ႁၢင်ႈ​ၽၢင်​ဢရွင်ႇ သႅင်​မျႅၵ်ႉရွႆး​ၼၼ်ႉ လႄႈ သီႇ​ဢၼ်​ၼၼ်ႉ မီး​ႁၢင်ႈ​ၽၢင် ဢရွင်ႇ​မိူၼ်​မိူၼ်​ၵၼ်​ဢေႃႈ။ ႁၢင်ႈ​ၽၢင်​ဢိၵ်ႇ​တင်း တၢင်း​ဢၼ်​ႁဵတ်း ပုင်ႇ​ၶဝ်​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ ဢဝ်​မၢၵ်ႇ​လေႃႉ​ဢၼ်​ၼိုင်ႈ သႂ်ႇ​ၵႃႈ​ၼႂ်း​မၢၵ်ႇ​လေႃႉ​ဢၼ်​ၼိုင်ႈ​ဢေႃႈ။-</verse>
				<verse number="17">ယၢမ်း​မိူဝ်ႈ​ဢၼ်​ၶဝ်​ၵႂႃႇ​ၼၼ်ႉ​ၸိုင်၊ ၶဝ်​ၸၢင်ႈ​ၵႂႃႇ တင်း​သီႇ​ၼႃႈ​လႄႈ ယင်း​ဢမ်ႇ​ဝၢႆႇ​ၵႂႃႇ​ဝၢႆႇ​ၶိုၼ်း​လႄႈ ၸၢင်ႈ​ဢွၼ်​ၵၼ်​ၵႂႃႇ​ဢေႃႈ။-</verse>
				<verse number="18">ဝႅၼ်​မူၼ်း​ၶဝ်​ၼၼ်ႉ သုင်​ၼႃႇ​လူင်​လၢင်​လႄႈ ပဵၼ်​ဢၼ်​လီ​ၵူဝ်​လီ​ႁႄ​ဝႆႉ​ဢေႃႈ။ ဝႅၼ်​မူၼ်း​သီႇ​ပႃႈ​ၼၼ်ႉ ဢွၼ်​ၵၼ် ပျေႉ​ၸုမ်ႇ​ဝႆႉ​တင်း မၢၵ်ႇ​တႃ​ၸွမ်း​ႁိမ်း​လဵပ်ႈ​ႁွပ်ႈ​ၶဝ်​ဢေႃႈ။-</verse>
				<verse number="19">ယၢမ်း​မိူဝ်ႈ​ဢၼ် သတ်ႉတဝႃႇ ၸိူဝ်း​ၼၼ်ႉ ၵႂႃႇ​ၼၼ်ႉ​ၸိုင်၊ မၢၵ်ႇ​လေႃႉ​ၸိူဝ်း​ၼၼ်ႉ ဢွၼ်​ၵၼ်​ၸပ်း​ၸွမ်း​ယူႇ​ဢေႃႈ။ ယၢမ်း​မိူဝ်ႈ​ဢၼ် သတ်ႉတဝႃႇ​ၸိူဝ်း​ၼၼ်ႉ ၽၢတ်ႇ​ယၢၼ်​လိၼ်​သေ​လႄႈ ၶိုၼ်ႈ​ၼၼ်ႉ​ၸိုင်၊ မၢၵ်ႇ​လေႃႉ​ၸိူဝ်း​ၼၼ်ႉ ဢွၼ်​ၵၼ်​ၶိုၼ်ႈ​ဢေႃႈ။-</verse>
				<verse number="20">တီႈ​ဢၼ် ဝီႉၺိၺ်ႇ​ၸဝ်ႈ မီး​ဢၶႂၢင်ႉ​ဢၼ်​လႆႈ​ၵႂႃႇ​ၼၼ်ႉ ၶဝ်​ၵေႃႈ​ဢွၼ်​ၵၼ်​ၵႂႃႇ​လႄႈ ဝီႉၺိၺ်ႇ​ၸဝ်ႈ မီး​ဢၶႂၢင်ႉ ဢၼ်​လႆႈ​ၵႂႃႇ ၵႃႈ​တီႈ​ၼၼ်ႈ​လႄႈ မၢၵ်ႇ​လေႃႉ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၸပ်း​ၸွမ်း​ၶိုၼ်ႈ​ဢေႃႈ။ လွင်ႈ​မၼ်း​ၸမ်ႉ ဝီႉၺိၺ်ႇ​သတ်ႉတဝႃႇ​ၸိူဝ်း​ၼၼ်ႉ မီး​ၵႃႈ​ၼႂ်း​မၢၵ်ႇ​လေႃႉ ၸိူဝ်း​ၼၼ်ႉ​ဢေႃႈ။-</verse>
				<verse number="21">ယၢမ်း​မိူဝ်ႈ​ဢၼ် ၶဝ်​ၼၼ်ႉ​ၵႂႃႇ ၼၼ်ႉ​ၸိုင်၊ ၶဝ်​ၼႆႉ​ၵေႃႈ ဢွၼ်​ၵၼ်​ၵႂႃႇ​လႄႈ ယၢမ်း​မိူဝ်ႈ​ဢၼ် ၶဝ်​ၼၼ်ႉ​ၵိုတ်း​သဝ်း​ၼၼ်ႉ၊ ၶဝ်​ၼႆႉ ၵေႃႈ​ဢွၼ်​ၵၼ် ၵိုတ်း​သဝ်း​ဢေႃႈ။ ယၢမ်း​မိူဝ်ႈ​ဢၼ်​ၶဝ်​ၼၼ်ႉ ၽၢတ်ႇ​ယၢၼ်​လိၼ်​မိူင်း​လႄႈ​ၶိုၼ်ႈ​ၼၼ်ႉ၊ မၢၵ်ႇ​လေႃႉ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၸပ်း​ၸွမ်း​ၶဝ်​လႄႈ ၶိုၼ်ႈ​ဢေႃႈ။ လွင်ႈ​မၼ်း​ၸမ်ႉ ဝီႉၺိၺ်ႇ​သတ်ႉတဝႃႇ​ၸိူဝ်း​ၼၼ်ႉ မီး​ၵႃႈ​ၼႂ်း​မၢၵ်ႇ​လေႃႉ​ၸိူဝ်း​ၼၼ်ႉ​ဢေႃႈ။-</verse>
				<verse number="22">ၵႃႈ​ၼိူဝ်​ႁူဝ်​သတ်ႉတဝႃႇ ၸိူဝ်း​ၼၼ်ႉ မီး​ဢရွင်ႇ​ႁၢင်ႈ​ၽၢင် ၼႃႈ​ၽႃႉ​ၵၢင်​ႁၢဝ် ဢၼ်​ပဵၼ်​ၸိူဝ်ႉ​ၼင်ႇ​ဢရွင်ႇ မၢၵ်ႇ​ႁိၼ်​ၸိင်ႇ ဢၼ်​လီ​ၵူဝ်​လီ​ႁႄ​ၼၼ်ႉ​လႄႈ ၵင်ႈ​မုင်း​ဝႆႉ ၵႃႈ​ၼိူဝ်​ႁူဝ်​ၶဝ်​ၼၼ်ႉ​ဢေႃႈ။-</verse>
				<verse number="23">ၵႃႈ​တႂ်ႈ​ၼႃႈ​ၽႃႉ​ၵၢင်​ႁၢဝ်​ၼၼ်ႉ၊ ပိၵ်ႇ​ၶဝ်​ၸိူဝ်း​ၼၼ်ႉ မီး​တၢင်း​ဢၼ် ဢၼ်​ၼိုင်ႈ​ၵီႈ​ၸူး ၵႃႈ​တီႈ​ဢၼ်​ၼိုင်ႈ သိုဝ်ႈ​သိုဝ်ႈ​ယူႇ​လႄႈ ၵႃႈ​တီႈ​ၽၢႆႇ​ၼိုင်ႈ ယေႈ​ပႃႈ မီး​ပိၵ်ႇ​သွင်​ဢၼ် ပုၼ်ႈ​ဢၼ် တၵ်း​ႁူမ်ႇ​သုမ်ႇ​တူဝ်​ၶဝ်၊ ၵႃႈ​တီႈ​ၽၢႆႇ​ၼိုင်ႈ​ၵေႃႈ​ယေႈ​ပႃႈ မီး​ပိၵ်ႇ​သွင်​ဢၼ် ပုၼ်ႈ​တၵ်း​ႁူမ်ႇ​သုမ်ႇ တူဝ်​ၶဝ်​ဢေႃႈ။-</verse>
				<verse number="24">မိူဝ်ႈ​ဢၼ်​ၶဝ်​ၵႂႃႇ​ၼၼ်ႉ​ၸိုင်၊ ၵဝ်​ငိၼ်း​ပိၵ်ႇ​ၶဝ်​လင်​မေႃး ၸိူဝ်ႉ​ၼင်ႇ​သဵင်​ၼမ်ႉ​သမ်ႇ​မုၵ်ႉ​တြႃႇ ဢိၵ်ႇ​တင်း​ၸိူဝ်ႉ​ၼင်ႇ သဵင်​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ၼၼ်ႉ​လႄႈ ပဵၼ်​သဵင်​ဢၼ်​ႁုၼ်ႉ​ႁၼ်ႉ ဢူၼ်​ဢဵၼ်​မေႃး​မႄး မိူၼ်​ၸိူဝ်ႉ​ၼင်ႇ​သဵင်​ၵႂၢမ်း မူႇ​ၽုင်​မုၵ်ႉ​ၸိူဝ်း​ၵူၼ်း ဢၼ်​ၵိုၼ်း​ၼမ်​ၼႃႇ​ၼၼ်ႉ​ဢေႃႈ။ ယၢမ်း​မိူဝ်ႈ​ဢၼ်​ၶဝ် ၵိုတ်း​သဝ်း​ၼၼ်ႉ​ၼၼ်ႉ၊ ၶဝ်​ဢွၼ်​ၵၼ် ၶျႃး​ပိၵ်ႇ​ၶဝ်​သေ​လႄႈ​ယူႇ​ဢေႃႈ။-</verse>
				<verse number="25">ယၢမ်း​မိူဝ်ႈ​ဢၼ် ၶဝ်​ၵိုတ်း​သဝ်း​လႄႈ ၶျႃး​ပိၵ်ႇ​ၼၼ်ႉ​ၸိုင်၊ သဵင်​ၵႂၢမ်း​ဢွၵ်ႇ​ၵႃႈ​ၼႂ်း ၼႃႈ​ၽႃႉ​ၵၢင်​ႁၢဝ် ဢၼ်​မီး​ၵႃႈ​ၼိူဝ်​ႁူဝ်​ၶဝ်​ၼၼ်ႉ မႃး​ဢေႃႈ။-</verse>
				<verse number="26">ၵႃႈ​တီႈ​ၼိူဝ် ၽႃႉ​ၵၢင်​ႁၢဝ်​ဢၼ်​မီး ၵႃႈ​ၼိူဝ်​ႁူဝ်​ၶဝ်​ၼၼ်ႉ​ၵေႃႈ၊ မီး​ႁၢင်ႈ​ၽၢင်​ရႃႇၸႃႉ​ပလၢင်ႇ ဢၼ်​ပုင်ႇ​ႁၢင်ႈ​ၽၢင်​မၼ်း မိူၼ်​ၸိူဝ်ႉ​ၼင်ႇ သႅင်​ၼီႇလႃႇ ၼၼ်ႉ​လႄႈ၊ ၵႃႈ​ၼိူဝ်​ႁၢင်ႈ​ၽၢင်​ပလၢင်ႇ​ၼၼ်ႉ​ၵေႃႈ မီး​ႁၢင်ႈ​ၽၢင်​ၸိူဝ်ႉ​ၼင်ႇ ပုင်ႇ​ႁၢင်ႈ​ၵူၼ်း ၵႃႈ​ၼိူဝ်​မၼ်း​ၼၼ်ႉ​ဢေႃႈ။-</verse>
				<verse number="27">ၵဝ်​လႆႈ​ႁၼ်​ဢၼ်​ပဵၼ်​ၸိူဝ်ႉ​ၼင်ႇ ဢရွင်ႇ​ၶမ်း​ ႁႃႇသမေႇလႃႉ ဢိၵ်ႇ​တင်း ဢရွင်ႇ​ၽႆး ဢၼ်​မီး​ၵႃႈ​ၼႂ်း​မၼ်း ဢိၵ်ႇ​တင်း ၵႃႈ​တီႈ​ႁိမ်း​လဵပ်ႈ​ႁွပ်ႈ​မၼ်း​ၼၼ်ႉ ဢဝ်​ၵႃႈ​တီႈ​ႁၢင်ႈ​ၽၢင်​ဢႅဝ်​ၵူၼ်း​ၼၼ်ႉ ၶိုၼ်ႈ ၼိူဝ်​ဢေႃႈ။ ၵဝ်​လႆႈ​ႁၼ်​ဢၼ်​ပဵၼ်​ၸိူဝ်ႉ​ၼင်ႇ ဢရွင်ႇ​ၽႆး​ၼၼ်ႉ​ဢဝ်​ၵႃႈ​တီႈ ႁၢင်ႈ​ၽၢင်​ဢႅဝ်​မၼ်း​ၼၼ်ႉ လူင်း​တႂ်ႈ​လႄႈ မီး​တၢင်း​ဢၼ်​ႁိူဝ်ႈ​လႅင်း​ယူႇ ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မၼ်း​ဢေႃႈ။-</verse>
				<verse number="28">ဢရွင်ႇ​ဢၼ်​ႁိူဝ်ႈ​လႅင်း​ၵႃႈ​တီႈ ႁိမ်း​ႁွမ်း​လဵပ်ႈ​ႁွပ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​ၸိူဝ်ႉ​ၼင်ႇ​ဢရွင်ႇ​ႁူင်း​ႁႆး ဢၼ်​ပေႃႇ​မႃး ၵႃႈ​ၼႂ်း ၽႃႈ​ၽူၼ် ၼႂ်း​ဝၼ်း​ဢၼ် ၽူၼ်​တူၵ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ႁၢင်ႈ​ၽၢင်​ဢရွင်ႇ​မုၼ်​ၽုင်း ထႃႇဝရႃႉ​ၽြႃး​ဢေႃႈ။ မိူဝ်ႈ​ဢၼ်​ၵဝ်​ႁၼ် ရူႇပႃႇရူင်ႇ​ၼၼ်ႉ​ၸိုင် ၵဝ်​ၶုပ်ႉ​မူပ်ႇ​သေ​လႄႈ ငိၼ်း​သဵင်​ၸဝ်ႈ ဢၼ်​လၢတ်ႈ​ၵႂၢမ်း​ဢေႃႈ။</verse>
			</chapter>
			<chapter number="2">
				<verse number="1">ၸဝ်ႈ​ၼၼ်ႉ လၢတ်ႈ​တီႈ​ၶဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ လုၵ်ႉ​ၸုၵ်း​ယူႇ ၵႃႈ​ၼိူဝ်​တိၼ်​မႂ်း​တႃႉ။ ၵဝ်​တၵ်ႉ​လၢတ်ႈ​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ယၢမ်း​မိူဝ်ႈ​ဢၼ် ၸဝ်ႈ​ၼၼ်ႉ​ဝႃႈ​ၸိူဝ်ႉ​ၼင်ႇ​ၼၼ် ၼၼ်ႉ​ၸိုင်၊ ဝီႉၺိၺ်ႇ​ၸဝ်ႈ ၶဝ်ႈ​ၵႃႈ​ၼႂ်း​ၵဝ်​လႄႈ ႁႂ်ႈ​ၵဝ်​လုၵ်ႉ​ၸုၵ်း​ယူႇ ၵႃႈ​ၼိူဝ်​တိၼ်​ၵဝ် သေ​ယဝ်ႉ၊ ၵဝ်​လႆႈ​ငိၼ်း သဵင်​ၵႂၢမ်း​ၸဝ်ႈ ဢၼ်​လၢတ်ႈ​တေႃႇ​ၵဝ် ၼၼ်ႉ​ဢေႃႈ။-</verse>
				<verse number="3">ၸဝ်ႈ​ၼၼ်ႉ လၢတ်ႈ​တီႈ​ၵဝ်​လႄႈ ဝႃႈ​ၸမ်ႉ၊ လုၵ်ႈ​ၵူၼ်း​ဢိူၺ်း၊ ၵဝ်​တၵ်း​ပွႆႇ​ၸႂ်ႉ​မႂ်း ၸူး​ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​ဢၼ်​ဝႃႈ ၵူၼ်း​မဵဝ်း ဢၼ်​ၸၢင်ႈ​ပုင်ႇ​ၵၢၼ်ႇ​လႄႈ ပုင်ႇ​ၵၢၼ်ႇ​ၵဝ် ၼၼ်ႉ​ဢေႃႈ။ ၶဝ်​ဢိၵ်ႇ​တင်း ပူႇ​ၶဝ်​မွၼ်ႇ​ၶဝ်​ၼၼ်ႉ ၽိတ်း​ပိူင်ႈ​ၵဝ် တေႃႇ​ထိုင်​ႁွတ်ႈ ဝၼ်း​မိူဝ်ႈ​ၼႆႉ​ဢေႃႈ။-</verse>
				<verse number="4">လုၵ်ႈ​လၢင်း​ၸိူဝ်း​ၼၼ်ႉ မီး​ၼႃႈ​ဢၼ်​ႁတ်း​ႁၢၼ် ဢိၵ်ႇ​တင်း ႁူဝ်​ၸႂ်​ဢၼ်​ၵႅၼ်ႇ​ၶႅင်​ဢေႃႈ။ ၵဝ်​တၵ်း​ပွႆႇ​ၸႂ်ႉ​မႂ်း​ၸူး ၵႃႈ​တီႈ​ၶဝ်​ၼၼ်ႉ လႄႈ မႂ်း​တၵ်း​လႆႈ​လၢတ်ႈ​တီႈ​ၶဝ် လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶဝ်​ၼၼ်ႉ​ပဵၼ်​မဵဝ်း​ဢၼ်​ၸၢင်ႈ ပုင်ႇ​ၵၢၼ်ႇ​လႄႈ ၶဝ်​တၵ်း​ထွမ်ႇ​ဢဝ် သေ​ဢမ်ႇ​ဝႃႈ၊ တၵ်း​ဢမ်ႇ​ထွမ်ႇ​ဢဝ် သေ​ဢမ်ႇ​ဝႃႈ၊ တၵ်း​လႆႈ ႁူႉ​လွင်ႈ​ဢၼ် ပရေႃးၽႅတ်ႈ ႁွတ်ႈ​ထိုင်​ၵႃႈ​ၼႂ်း​ၶဝ်​ၼၼ်ႉ​ဢေႃႈ။-</verse>
				<verse number="6">လုၵ်ႈ​ၵူၼ်း​ဢိူၺ်း၊ ပိၵ်ႉ​သမ်ႉ​မႂ်း ႁူပ်ႉ​ထူပ်း​ၵၼ်​တင်း တူၼ်ႈ​ၼၢမ် ၵူႈ​ၸိူဝ်ႉ​ၵူႈ​မဵဝ်း​လႄႈ လႆႈ​ယူႇ​ၵႃႈ​ၼႂ်း မႅင်း​ၵူၼ်ႈ​ငေႃး တင်း​လၢႆ​သေ​ၵေႃႈ ယႃႇ​ပေ​ၵူဝ်​ပေ​ႁႄ​ၶဝ်။ ၵႂၢမ်း​ၶဝ်​ၵေႃႈ ယႃႇ​ပေ​ၵူဝ်​ပေ​ႁႄ။ ၶဝ်​ၼၼ်ႉ​ပဵၼ်​မဵဝ်း ဢၼ်​ၸၢင်ႈ​ပုင်ႇ​ၵၢၼ်ႇ​လႄႈ ယႃႇ​ပေ​ၵူဝ်​ပေ​ႁႄ​ၵႂၢမ်း​ၶဝ်။ ယႃႇ​ပေ​ၸႂ်​လူႉ ၵွပ်ႈ​ပိူဝ်ႈ​ၼႃႈ​ၶဝ်။-</verse>
				<verse number="7">ၶဝ်​ၼၼ်ႉ မီး​သၽေႃး ဢၼ်​ၸၢင်ႈ​ပုင်ႇ​ၵၢၼ်ႇ ၼႃႇ​လူင်​လၢင်​လႄႈ တၵ်း​ထွမ်ႇ​ဢဝ် သေ​ဢမ်ႇ​ဝႃႈ၊ တၵ်း​ဢမ်ႇ​ထွမ်ႇ​ဢဝ် သေ​ဢမ်ႇ​ဝႃႈ၊ မႂ်း​တၵ်း​လႆႈ​ဢဝ်​ၵႂၢမ်း​ၵဝ် ႁေႃး​လၢတ်ႈ​တီႈ​ၶဝ်​ဢေႃႈ။-</verse>
				<verse number="8">လုၵ်ႈ​ၵူၼ်း​ဢိူၺ်း၊ ထွမ်ႇ​ငိၼ်း​ၵႂၢမ်း ဢၼ်​ၵဝ်​လၢတ်ႈ​တီႈ​မႂ်း ၼႆႉ​တႃႉ။ ယႃႇ​ပေ​မီး​သၽေႃး ဢၼ်​ပုင်ႇ​ၵၢၼ်ႇ မိူၼ်​ၸိူဝ်ႉ​ၼင်ႇ မဵဝ်း​ဢၼ်​ၸၢင်ႈ ပုင်ႇ​ၵၢၼ်ႇ​ၼၼ်ႉ။ ၽုၺ်ႇ​သူပ်း​မႂ်း​လႄႈ ၵိၼ်​ဢၼ်​ၵဝ်​ပၼ် တီႈ​မႂ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">ၵဝ်​တူၺ်း​လႄႈ မီး​မိုဝ်း​ဢၼ်​ပႃး ၵဵၼ်​ႁမ်း​လိၵ်ႈ ယူႇ​ၼၼ်ႉ ယဵတ်ႇ​ၸူး ယိုၼ်ႈ​ၸူး ၵႃႈ​တီႈ​ၵဝ်​ယူႇ​ဢေႃႈ။-</verse>
				<verse number="10">မိူဝ်ႈ​ဢၼ် မၼ်း​ၸဝ်ႈ​ၽုၺ်ႇ​ပိုတ်ႇ ၽိုၼ်​လိၵ်ႈ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵဝ်​ၼၼ်ႉ​ၸိုင်၊ မီး​တၢင်း​ဢၼ် ဢဝ်​ဢႅၵ်ႉၶရႃႇ တႅမ်ႈ​သႂ်ႇ​ဝႆႉ ၵႃႈ​တီႈ​ၽၢႆႇ​ၼႂ်း ၽၢႆႇ​ၼွၵ်ႈ​လႄႈ တၢင်း​ဢၼ်​ႁႆႈ​ႁွင်ႉ ပွင်ႉ​ၶၢင်း၊ တၢင်း​ဢၼ် ၸႂ်​ဢမ်ႇ​သႃႇ​ၶၢင်း​ၶီ​ၶၢင်း​ၽၢၼ်၊ တၢင်း​ဢၼ်​မီး​ဢႃႉ​မင်ႇၵလႃႇ ၸိူဝ်း​ၼၼ်ႉ မီး​တၢင်း​ဢၼ် တႅမ်ႈ​သႂ်ႇ​ဝႆႉ​ယူႇ​ဢေႃႈ။</verse>
			</chapter>
			<chapter number="3">
				<verse number="1">လႆႈ​သမ်ႉ မၼ်း​ၸဝ်ႈ​မီး​ဢမိင်ႉ တီႈ​ၶဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ ၵိၼ် ဢၼ်​မႂ်း​ထူပ်း​ၼၼ်ႉ​တႃႉ။ ၵိၼ်​ၵဵၼ်​ႁမ်း​လိၵ်ႈ​ၼႆႉ သေ​လႄႈ ၵႂႃႇ​ႁေႃး​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="2">ၵဝ်​ၽုၺ်ႇ​ဢႃႈ​သူပ်း​ၵဝ်​လႄႈ၊ မၼ်း​ၸဝ်ႈ ဢဝ်​ၵဵၼ်​ႁမ်း​လိၵ်ႈ​ၼၼ်ႉ​ပွၼ်ႈ​သႂ်ႇ​သေ​လႄႈ မီး​ဢမိင်ႉ​လႄႈ​ဝႃႈ၊-</verse>
				<verse number="3">လုၵ်ႈ​ၵူၼ်း​ဢိူၺ်း၊ ႁႂ်ႈ​တွင်ႉ​မႂ်း​ၵိၼ်​လႄႈ ပုမ်​မႂ်း​တဵမ်​ဝႆႉ​တင်း ၵဵၼ်​ႁမ်း​လိၵ်ႈ ဢၼ်​ၵဝ်​ပၼ်​ၼႆႉ​တႃႉ၊ ဝႃႈ​ၼင်ႇ​ၼႆ​လႄႈ ၵဝ်​ၵိၼ်​ၸွမ်း​ၵႃႈ​ၼင်ႇ​ဢၼ် မီး​ဢမိင်ႉ​ၼၼ်ႉ​လႄႈ ဢၼ်​ၼၼ်ႉ ပဵၼ်​ဢၼ်​ဝၢၼ်​တီႈ​သူပ်း မိူၼ်​ၸိူဝ်ႉ​ၼင်ႇ ၼမ်ႉ​ၽိုင်ႈ​ၼၼ်ႉ​ဢေႃႈ။-</verse>
				<verse number="4">လႆႈ​သမ်ႉ​မၼ်း​ၸဝ်ႈ မီး​ဢမိင်ႉ​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ ၵႂႃႇ​ၸူး​ၵႃႈ​တီႈ မဵဝ်း​ ဢီႉသရေႇလႃႉ ​လႄႈ ဢဝ်​ၵႂၢမ်း​ၵဝ်​ႁေႃး​လၢတ်ႈ တီႈ​ၶဝ်​တႃႉ။-</verse>
				<verse number="5">ၵဝ်​ပွႆႇ​ၸႂ်ႉ​မႂ်း​ၸူး ၵႃႈ​တီႈ​ၵူၼ်း​မဵဝ်း ဢၼ်​သူပ်း​ၼၵ်း ၵႂၢမ်း​လိုၵ်ႉ​လမ်ႇ၊ ဢၼ်​ၸၢင်ႈ​လၢတ်ႈ​ၵႂၢမ်း ဢၼ်​ႁူႉ​ယၢပ်ႇ ဢမ်ႇ​ပွင်ႇ​ၸႂ်​ၼၼ်ႉ ဢမ်ႇ​ၸႂ်ႈ။ ပွႆႇ​ၸႂ်ႉ​ၸူး​ၵႃႈ​တီႈ​မဵဝ်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="6">ပွႆႇ​ၸႂ်ႉ​ၸူး​ၵႃႈ​တီႈ ၵူၼ်း​မဵဝ်း​ဢၼ် သူပ်း​ၼၵ်း ၵႂၢမ်း​လိုၵ်ႉ​လမ်ႇ၊ ဢၼ်​ၸၢင်ႈ​လၢတ်ႈ​ၵႂၢမ်း ဢၼ်​ႁူႉ​ယၢပ်ႇ ဢမ်ႇ​ပွင်ႇ​ၸႂ်၊ ၵႂၢမ်း​ဢၼ်​မႂ်း​ဢမ်ႇ​ႁူႉ ဢမ်ႇ​ၸႅင်ႈ​လႃး​လႃး​ၼၼ်ႉ ဢမ်ႇ​ၸႂ်ႈ။ ပေႃး​ၵဝ်​ပွႆႇ​ၸႂ်ႉ​မႂ်း​ၸူး ၵႃႈ​တီႈ​ၶဝ်​ၸိူဝ်း​ဢၼ် ၸိူဝ်ႉ​ၼင်ႇ​ၼၼ် ၼၼ်ႉ​ၸိုင် ၶဝ်​တၵ်း​ဢွၼ်​ၵၼ် ထွမ်ႇ​ဢဝ်​ၵႂၢမ်း​မႂ်း​ဢေႃႈ။-</verse>
				<verse number="7">မဵဝ်း​ ဢီႉသရေႇလႃႉ ​ၸမ်ႉ၊ ဢမ်ႇ​ဢွၼ်​ၵၼ် ထွမ်ႇ​ဢဝ်​ၵႂၢမ်း​မႂ်း။ တေႃႈ​ၵႃႈ​ၵႂၢမ်း​ၵဝ်​ၼႆႉ ၶဝ်​ဢမ်ႇ​ဢွၼ်​ၵၼ်​ထွမ်ႇ​ဢဝ်။ ၵူၼ်း​မဵဝ်း​ ဢီႉသရေႇလႃႉ ၵႃႈ​မီး​ၼၼ်ႉ ဢွၼ်​ၵၼ်​မီး​ၼႃႈ​ၽၢၵ်ႇ ဢၼ်​ၵႅၼ်ႇ​ၼႃႇ ဢိၵ်ႇ​တင်း ႁူဝ်​ၸႂ်​ဢၼ်​ၶႅင်​ၼႃႇ​ဢေႃႈ။-</verse>
				<verse number="8">ၼႂ်း​ဝႃႈ​ၼၼ်​သေ​ၵေႃႈ ၵဝ်​တၵ်း​ႁႂ်ႈ​ၼႃႈ​မႂ်း ၵႅၼ်ႇ​ၼႃႇ​ယူႇ​ၽၢႆႇ​ၼိုင်ႈ တင်း​ၼႃႈ​ၶဝ်​ၼၼ်ႉ ဢိၵ်ႇ​တင်း​ၼႃႈ​ၽၢၵ်ႇ​မႂ်း ၵႅၼ်ႇ​ၼႃႇ​ယူႇ​ၽၢႆႇ​ၼိုင်ႈ​တင်း ၼႃႈ​ၽၢၵ်ႇ​ၶဝ်​ၼၼ်ႉ​ဢေႃႈ။-</verse>
				<verse number="9">ၵဝ်​ႁႂ်ႈ​ၼႃႈ​ၽၢၵ်ႇ​မႂ်း ၵႅၼ်ႇ​လိူဝ်​တွၼ်း​ၼႃႇ​သေ မၢၵ်ႇ​ႁိၼ်​ဢမ်ႇ​ၵႃး၊ ႁႂ်ႈ​ၵႅၼ်ႇ​လိူဝ်​တွၼ်း​ၼႃႇ​သေ သႅင်​ၸိင်ႇ​ၼၼ်ႉ​ယဝ်ႉ။ ပိၵ်ႉ​သမ်ႉ​ၶဝ်​ၼၼ်ႉ ပဵၼ်​မဵဝ်း​ဢၼ်​ၸၢင်ႈ​ပုင်ႇ​ၵၢၼ်ႇ​သေ​ၵေႃႈ ယႃႇ​ပေ​ၵူဝ်​ပေ​ႁႄ​ၶဝ်။ ယႃႇ​ပေ​ၸႂ်​လူႉ​ၵွပ်ႈ​ပိူဝ်ႈ​ၼႃႈ​ၶဝ်​ၼၼ်ႉ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">လႆႈ​သမ်ႉ မၼ်း​ၸဝ်ႈ​မီး​ဢမိင်ႉ တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ ဢဝ်​ႁူ​မႂ်း​ထွမ်ႇ​ငိၼ်း​ၵႂၢမ်း​ၵႃႈ​ဢၼ် ၵဝ်​တၵ်း​လၢတ်ႈ​ပၼ် တီႈ​မႂ်း​ၼၼ်ႉ​လႄႈ ဢဝ်​သႂၢင်း​သႂ်ႇ​ဝႆႉ​ၵႃႈ​ၼႂ်း​ၸႂ်​တႃႉ။-</verse>
				<verse number="11">ၵႂႃႇ​ၸူး​ၵႃႈ​တီႈ​ၵူၼ်း​မဵဝ်း​မႂ်း ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ ၸိူဝ်း​ၼၼ်ႉ​လႄႈ ၶဝ်​တၵ်း​ထွမ်ႇ​ဢဝ်​သေ​ဢမ်ႇ​ဝႃႈ၊ တၵ်း​ဢမ်ႇ​ထွမ်ႇ​ဢဝ်​သေ​ဢမ်ႇ​ဝႃႈ၊ ႁေႃး​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မိူဝ်ႈ​ၼၼ်ႉ ဝီႉၺိၺ်ႇ​ၸဝ်ႈ ဢုမ်ႈ​ယွင်ႈ​ဢဝ်​ၵဝ်​လႄႈ ၵဝ်​လႆႈ​ငိၼ်း​သဵင်​တၢင်း​ဢၼ် ၶုၼ်ႇ​လႅၼ်ႈ​ဢၼ်​ယႂ်ႇ​ၼႃႇ​ၼၼ်ႉ ၵႃႈ​တီႈ​ၽၢႆႇ​လင်​ၵဝ်​လႄႈ​ဝႃႈ၊ ႁႂ်ႈ​မုၼ်​ၽုင်း ထႃႇဝရႃႉ​ၽြႃး ဢွၵ်ႇ​သေ ၵႃႈ​တီႈ​ဢၼ်​မၼ်း​ၸဝ်ႈ​ၵိင်း​ဝၢပ်ႈ ယူႇ​ၼၼ်ႉ​လႄႈ မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵဝ်​လႆႈ​ငိၼ်း​သဵင်​ပိၵ်ႇ​သတ်ႉတဝႃႇ ဢၼ်​ၼိုင်ႈ​လႄႈ​ဢၼ်​ၼိုင်ႈ ၸပ်း​ၵၼ်​ယူႇ​သေ​လႄႈ လင်​မေႃး​ယူႇ၊ သဵင်​မၢၵ်ႇ​လေႃႉ​တင်း​လၢႆ ဢၼ်​မီး​ၵႃႈ​တီႈ​ႁိမ်း​ၶဝ်​ၸိူဝ်း​ၼၼ်ႉ လင်​မေႃး​ယူႇ​ဢၼ်​ဝႃႈ သဵင်​တၢင်း​ဢၼ်​ၶုၼ်ႇ​ဢၼ်​လႅၼ်ႈ ဢၼ်​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="14">ၼင်ႇ​ၼၼ်​လႄႈ ဝီႉၺိၺ်ႇ​ၸဝ်ႈ​ၼၼ်ႉ ဢုမ်ႈ​ယွင်ႈ​ဢဝ်​ၵဝ်​ၵႂႃႇ​လႄႈ ၵဝ်​မီး​ၸႂ်​ဢၼ်​ၶူမ်​ၸႂ် ဢၼ်​မႆႈ​ႁွၼ်ႉ​ယူႇ​သေ​လႄႈ ၸွမ်း​ၵႂႃႇ​ဢေႃႈ။ မိုဝ်း​ထႃႇဝရႃႉ​ၽြႃး တၢင်ႇ​သႂ်ႇ​ယူႇ​ၵႃႈ​ၼိူဝ်​ၵဝ် ၼၵ်း​ၼႃႇ​လူင်​လၢင်​ဢေႃႈ။-</verse>
				<verse number="15">မိူဝ်ႈ​ၼၼ်ႉ ၵဝ်​ႁွတ်ႈ​ထိုင်​တီႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ် ၵႂႃႇ​ၵႃႈ​တီႈ တေးလပီႉပႃႉ ​လႄႈ တူၵ်း​တီႈ​ယူႇ တီႈ​သဝ်း​ၵႃႈ​ႁိမ်း​ၼမ်ႉ​ႁွင်ႈ​ ၶေႇပႃႇ ​ၸိူဝ်း​ၼၼ်ႉ​လႄႈ ထူပ်း​ႁၼ်​ၶဝ်​ၵႃႈ​ၼႂ်း တီႈ​ဢၼ်​ၶဝ်​ယူႇ​ၼၼ်ႉ သေ​ယဝ်ႉ၊ မီး​တၢင်း​ဢၼ် ၵႂင်​ၸႂ်​ယုင်ႈ​ၸႂ်​ယူႇ​သေ​လႄႈ ၼင်ႈ​ယူႇ​ၵႃႈ​ၼႂ်း​ၵၢင်​ၶဝ်​ၼၼ်ႉ ၸဵတ်း​ဝၼ်း​ဢေႃႈ။</verse>
				<verse number="16">ပူၼ်ႉ​ၸဵတ်း​ဝၼ်း​သေ​ယဝ်ႉ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="17">လုၵ်ႈ​ၵူၼ်း​ဢိူၺ်း၊ ၵဝ်​ၶၢၼ်း​မႂ်း​ဝႆႉ ႁႂ်ႈ​ပဵၼ်​ၵေႃႉ​ဢၼ်​ပႂ်ႉ​ၵၢင် ၼႂ်း​မဵဝ်း​ ဢီႉသရေႇလႃႉ ​ဢေႃႈ။ ပိူဝ်ႈ​ၼႆ​လႄႈ ထွမ်ႇ​ငိၼ်း​ဢဝ်​ၵႂၢမ်း​ဢၼ် ဢွၵ်ႇ​သူပ်း​ၵဝ်​လႄႈ ဢဝ်​ပၼ်​သတီႉ​တီႈ​ၶဝ်​တႃႉ။-</verse>
				<verse number="18">ပေႃး​ၵဝ်​လၢတ်ႈ​ပၼ် တီႈ​ၵူၼ်း​ႁၢႆႉ​လႄႈ​ဝႃႈ၊ မႂ်း​ၼႆႉ​တၵ်း​လႆႈ​တၢႆ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​လႄႈ မႂ်း​ယင်း​ဢမ်ႇ​ပၼ်​သတီႉ တီႈ​မၼ်း၊ ယင်း​ဢမ်ႇ​လၢတ်ႈ​ပၼ်​ၵႂၢမ်း​ဢၼ် ပၼ်​သတီႉ​တီႈ​ၵူၼ်း​ႁၢႆႉ​ၼၼ်ႉ ႁႂ်ႈ​မၼ်း​လႆႈ​ဝႄႈ​ပႅတ်ႈ​သေ သဵၼ်ႈ​တၢင်း​ဢၼ်​ႁၢႆႉ​ယုတ်ႈ မၼ်း​ၼၼ်ႉ​လႄႈ ႁႂ်ႈ​ဢသၢၵ်ႈ​မၼ်း​လႆႈ​ၵတ်း​ယဵၼ်​ၶျၢမ်း​သႃႇ​ၸိုင်၊ ၵူၼ်း​ႁၢႆႉ​ၼၼ်ႉ တၵ်း​လႆႈ​တၢႆ​ၵႃႈ​ၼႂ်း ဢပႅတ်ႈ​မၼ်း​ဢေႃႈ။ လိူတ်ႈ​မၼ်း ၼၼ်ႉ​ၸမ်ႉ၊ ၵဝ်​တၵ်း​ယွၼ်း​ဢဝ် တီႈ​မႂ်း​ဢေႃႈ။-</verse>
				<verse number="19">ဢမ်ႇ​ၼၼ် ပေႃး​မႂ်း​ပၼ်​သတီႉ တီႈ​ၵူၼ်း​ႁၢႆႉ​လႄႈ မၼ်း​ၼၼ်ႉ ယင်း​ဢမ်ႇ​ဝႄႈ​ပႅတ်ႈ တူႉ​ၸရိူၵ်ႈ​မၼ်း​ၼၼ်ႉ ဢိၵ်ႇ​တင်း သဵၼ်ႈ​တၢင်း​ဢၼ်​ႁၢႆႉ​ယုတ်ႈ မၼ်း​ၼၼ်ႉ​လႄႈ ယူႇ​ၸိုင်၊ မၼ်း​ၼၼ်ႉ​တၵ်း​လႆႈ​တၢႆ ၵႃႈ​ၼႂ်း​ဢပႅတ်ႈ​မၼ်း​ဢေႃႈ။ မႂ်း​ၸမ်ႉ၊ ၵႄႇ​သႄႇ​ၼုၵ်ႈ​ဢဝ် ဢသၢၵ်ႈ​ဝီႉၺိၺ်ႇ​မႂ်း​ယဝ်ႉ။-</verse>
				<verse number="20">လႆႈ​သမ်ႉ​ပိူင်​ၼိုင်ႈ၊ ပေႃး​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၽွၵ်ႈ​ပျၢၼ်ႇ​ၶိုၼ်း​သေ ၵႃႈ​တီႈ​တၢင်း​ဢၼ်​သိုဝ်ႈ​တေႃႇ​မၼ်း​ၼၼ်ႉ​လႄႈ​ႁဵတ်း​တူႉ​ၸရိူၵ်ႈ၊ ပေႃး​ၵဝ်​ဢဝ်​လွင်ႈ​တၢင်း​ဢၼ် တၵ်း​တိူဝ်ႉ​မႅၼ်ႈ​လႄႈ​လူမ်ႉ​ၼၼ်ႉ​ဝႆႉ ၵႃႈ​တီႈ​ၽၢႆႇ​ၼႃႈ​မၼ်း​ၸိုင်၊ မၼ်း​ၼၼ်ႉ​တၵ်း​လႆႈ​တၢႆ ဢေႃႈ။ ၵွပ်ႈ​ပိူဝ်ႈ​ဢၼ်​မႂ်း​ဢမ်ႇ​ပၼ်​သတီႉ​တီႈ​မၼ်း​လႄႈ မၼ်း​ၼၼ်ႉ တၵ်း​တၢႆ​ၵႃႈ​ၼႂ်း​ဢပႅတ်ႈ​မၼ်း​ဢေႃႈ။ ဢမ်ႇ​လႆႈ​ၶုၵ်း​ၸႂ်​လႆႈ ၶႆႈ​ၸႂ်​ထူပ်း တြႃး​တၢင်း​သိုဝ်ႈ​တေႃႇ ဢၼ်​မၼ်း​ယၢမ်ႈ​ၵမ်​ၵျၢင်ႉ​ၼၼ်ႉ။ လိူတ်ႈ​မၼ်း​ၸမ်ႉ၊ ၵဝ်​တၵ်း​ယွၼ်း​ဢဝ်​တီႈ​မႂ်း​ဢေႃႈ။-</verse>
				<verse number="21">ဢမ်ႇ​ၼၼ် ပေႃး​မႂ်း​ပၼ်​သတီႉ တီႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ႁႂ်ႈ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ဢမ်ႇ​လႆႈ​ႁဵတ်း​တူႉ​ၸရိူၵ်ႈ​လႄႈ မၼ်း​ယင်း​ဢမ်ႇ​ႁဵတ်း တူႉ​ၸရိူၵ်ႈ​လႄႈ​ယူႇ​ၸိုင်၊ ဢသၢၵ်ႈ​မၼ်း​ၼၼ်ႉ တၵ်း​လႆႈ​ၵတ်း​ယဵၼ်​ၶျၢမ်း​သႃႇ ၵွပ်ႈ​ပိူဝ်ႈ​ဢၼ်​မၼ်း​လႆႈ​သတီႉ​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။ မႂ်း​ၵေႃႈ ၵႄႇ​သႄႇ​ၼုၵ်ႈ​ဢဝ် ဢသၢၵ်ႈ​ဝီႉၺိၺ်ႇ​မႂ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">လႆႈ​သမ်ႉ မိုဝ်း​ထႃႇဝရႃႉ​ၽြႃး တၢင်ႇ​သႂ်ႇ​ၵႃႈ​ၼိူဝ်​ၵဝ်​သေ​ယဝ်ႉ၊ မၼ်း​ၸဝ်ႈ​မီး​ဢမိင်ႉ တီႈ​ၵဝ်​လႄႈ​ဝႃႈ၊ မႂ်း​လုၵ်ႉ​လႄႈ ဢွၵ်ႇ​ၵႂႃႇ​ၸူး ၵႃႈ​တီႈ​ပၢင်ႇ​ႁူၺ်ႈ​ၼၼ်ႉ​တႃႉ။ ၵဝ်​တၵ်း​လၢတ်ႈ​တေႃႇ​မႂ်း ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="23">ၵဝ်​လုၵ်ႉ​လႄႈ ဢွၵ်ႇ​ၵႂႃႇ​ၸူး ၵႃႈ​တီႈ​ပၢင်ႇ​ႁူၺ်ႈ​ဢေႃႈ။ မုၼ်​ၽုင်း ထႃႇဝရႃႉ​ၽြႃး ဢၼ်​မိူၼ်​ၸိူဝ်ႉ​ၼင်ႇ​မုၼ်​ၽုင်း ဢၼ်​ၵဝ်​ယၢမ်ႈ​ႁၼ် ၵႃႈ​တီႈ​ႁိမ်း​ၼမ်ႉ​ႁွင်ႈ​ ၶေႇပႃႇ ​ၼၼ်ႉ ၸုၵ်း​ယူႇ​ၵႃႈ​တီႈ​ၼၼ်ႈ​လႄႈ ၵဝ်​ၶုပ်ႉ​မူပ်ႇ​ဢေႃႈ။-</verse>
				<verse number="24">မိူဝ်ႈ​ၼၼ်ႉ​ဝီႉၺိၺ်ႇ​ၸဝ်ႈ ၶဝ်ႈ​ၵႃႈ​ၼႂ်း​ၵဝ်​လႄႈ ဢဝ်​ၵဝ်​ၸုၵ်း​ယူႇ ၵႃႈ​ၼိူဝ်​တိၼ်​ၵဝ်​သေ​လႄႈ လၢတ်ႈ​တေႃႇ​ၵဝ်​လႄႈ မီး​ဢမိင်ႉ​တီႈ​ၵဝ်​လႄႈ​ဝႃႈ၊ မႂ်း​ၵႂႃႇ​လႄႈ​တဵတ်ႇ​မႅပ်ႉ​ယူႇ ၵႃႈ​ၼႂ်း​ႁိူၼ်း​မႂ်း​တႃႉ။-</verse>
				<verse number="25">လုၵ်ႈ​ၵူၼ်း​ဢိူၺ်း၊ မႂ်း​တၵ်း​လႆႈ​ၶၢမ်ႇ တၢင်း​ဢၼ်​ပိူၼ်ႈ​ဢဝ် ၸိူၵ်ႈ​တၢင်ႇ​သႂ်ႇ ၵႃႈ​ၼိူဝ်​မႂ်း​လႄႈ ဢဝ်​ၸိူၵ်ႈ​ၼၼ်ႉ​မတ်ႉ​ၽုၵ်ႇ​မႂ်း​ဝႆႉ​လႄႈ မႂ်း​တၵ်း ဢမ်ႇ​လႆႈ​ဢွၵ်ႇ​ၵႂႃႇ​သေ ၵႃႈ​ၼႂ်း​ၶဝ်။-</verse>
				<verse number="26">ၵဝ်​တၵ်း​ႁႂ်ႈ​လိၼ်ႉ​မႂ်း ၸပ်း​ယူႇ​ၵႃႈ​တီႈ​ႁိူၵ်ႇ​မႂ်း​လႄႈ ႁႂ်ႈ​မႂ်း​ဢႃႉ​ယူႇ​ထၼ်ႈ​ပေႃး ဢမ်ႇ​ပဵၼ်​ၵေႃႉ​ဢၼ် သင်ႇ​သွၼ်​သုင်း​မႃႉ​ၶဝ် ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​ပဵၼ်​မဵဝ်း​ဢၼ် ၸၢင်ႈ​ပုင်ႇ​ၵၢၼ်ႇ​ဢေႃႈ။-</verse>
				<verse number="27">ၵူၺ်း​ၵႃႈ မိူဝ်ႈ​ဢၼ်​ၵဝ်​လၢတ်ႈ​တီႈ​မႂ်း​ၼၼ်ႉ​ၸိုင် ၵဝ်​တၵ်း​ၽုၺ်ႇ​သူပ်း​မႂ်း​လႄႈ မႂ်း​တၵ်း​လႆႈ​ႁေႃး​လၢတ်ႈ တီႈ​ၶဝ်​လႄႈ​ဝႃႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ႁႂ်ႈ​ၵေႃႉ​ဢၼ်​ထွမ်ႇ​ဢဝ်​ၼၼ်ႉ ထွမ်ႇ​ဢဝ်​သေ​ၵမ်း​လူၺ်ႈ။ ႁႂ်ႈ​ၵေႃႉ​ဢၼ်​ဢမ်ႇ​ထွမ်ႇ​ဢဝ်​ၼၼ်ႉ ယင်း​ဢမ်ႇ​ထွမ်ႇ​ဢဝ် လႄႈ​ယူႇ​သေ​ၵမ်း​လူၺ်ႈ။ ၶဝ်​ၼၼ်ႉ ပဵၼ်​မဵဝ်း​ဢၼ် ၸၢင်ႈ​ပုင်ႇ​ၵၢၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="4">
				<verse number="1">လႆႈ​သမ်ႉ ပိူင်​ၼိုင်ႈ မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ မႂ်း​ဢဝ်​ၶႅပ်း​ဢုတ်ႇ​လႄႈ ဝႆႉ​ၵႃႈ​တီႈ​ၽၢႆႇ​ၼႃႈ​မႂ်း​သေ​ယဝ်ႉ၊ တႅမ်ႈ​ပုင်ႇ​ႁၢင်ႈ ဝဵင်း​ ယေႇရူႉသလႅမ်ႇ သႂ်ႇ​ဝႆႉ​ၵႃႈ​ၼိူဝ်​မၼ်း​တႃႉ။-</verse>
				<verse number="2">လွမ်ႉ​လဵပ်ႈ​ႁွပ်ႈ​ဝဵင်း​ၼၼ်ႉ​ဝႆႉ​လႄႈ တႄႇ​ႁဵတ်း​တပ်ႉ ၵႃႈ​ၼွၵ်ႈ​မၼ်း​သေ​လႄႈ ၵေႃႇ​ႁဵတ်း​တႅၼ်ႈ​လိၼ်​ယူႇ​ၽၢႆႇ​ၼိုင်ႈ တင်း​မၼ်း​တႃႉ။ ႁၢင်ႈ​ဝႆႉ​ၶၢင်း​ဝႆႉ ၵူၼ်း​တပ်ႉ​ၵူၼ်း​သိုၵ်း တင်း​လၢႆ​ယူႇ​ၽၢႆႇ​ၼိုင်ႈ​တင်း​မၼ်း​လႄႈ ဢဝ်​တုမ်​သၢၵ်ႇ​တွင်ႈ​တင်း​လၢႆ​ႁွႆႈ​ဝႆႉ​လဵပ်ႈ​ႁွပ်ႈ​မၼ်း​ယူႇ​ၽၢႆႇ​ၼိုင်ႈ တင်း​မၼ်း​တႃႉ။-</verse>
				<verse number="3">ၼွၵ်ႈ​သေ​ၼၼ်ႉ ဢဝ်​ၶႅပ်း​လဵၵ်း​လႄႈ ပူၵ်း​တင်ႈ ႁႂ်ႈ​ပဵၼ်​တႅၼ်ႈ​လဵၵ်း တေး​လဵၵ်း ၵႃႈ​တီႈ​ၵႄႈ​ဝူင်ႈ​ၵၢင်​မႂ်း​တင်း​ဝဵင်း​သေ​ယဝ်ႉ၊ ဝၢႆႇ​ၼႃႈ​မႂ်း​တေႃႇ​မၼ်း​လႄႈ မၼ်း​တၵ်း​လႆႈ​ၶၢမ်ႇ တၢင်း​ဢၼ်​လွမ်ႉ​လဵပ်ႈ​ႁွပ်ႈ​ဝႆႉ​လႄႈ မႂ်း​တၵ်း လွမ်ႉ​လဵပ်ႈ​ႁွပ်ႈ​မၼ်း​ဝႆႉ​ဢေႃႈ။ ဢၼ်​ၼႆႉ​ၸမ်ႉ၊ တၵ်း​လႆႈ ပဵၼ်​ၼီႉမိၵ်ႈ​လၢၵ်ႈၶၼႃႇ တီႈ​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="4">လိူဝ်​သေ​ၼၼ်ႉ၊ မႂ်း​ၼွၼ်း​သီႈ​ၵႅင်း ၵႃႈ​ၼိူဝ်​ပဵမ်ႉ​ၽၢႆႇ​သၢႆႉ​မႂ်း​လႄႈ ဢဝ်​ဢပႅတ်ႈ​မဵဝ်း​ ဢီႉသရေႇလႃႉ ဝႆႉ​တီႈ​ပဵမ်ႉ​ၼၼ်ႉ​တႃႉ။ မႂ်း​တၵ်း​လႆႈ​ၶၢမ်ႇ​ဢပႅတ်ႈ​ၶဝ် ၸွမ်း​ၵႃႈ​ၼင်ႇ​ဢၼ် ၼပ်ႉ​မိုဝ်ႉ​ၼပ်ႉ​ဝၼ်း ဢၼ်​မႂ်း​လႆႈ​ၼွၼ်း​ၸိူဝ်ႉ​ၼင်ႇ​ၼၼ် ၼၼ်ႉ​ဢေႃႈ။-</verse>
				<verse number="5">လွင်ႈ​မၼ်း​ၸမ်ႉ ၵဝ်​မၵ်း​ၶိၼ်း ပီႊ​ဢၼ်​သိၼ်ႇ​ၽႃ​ႁွမ်း လူၺ်ႈ​ၵၼ်​တင်း​ဢပႅတ်ႈ​ၶဝ်​ၼၼ်ႉ ဝႆႉ​တီႈ​မႂ်း ၸွမ်း​ၵႃႈ​ၼင်ႇ​ဢၼ်​ၼပ်ႉ​ဢၢၼ်ႇ သၢမ်​ပၢၵ်ႇ​ပၢႆ​ၵဝ်ႈ​သိပ်း​ဝၼ်း ၼၼ်ႉ​ယဝ်ႉ။ ၼင်ႇ​ၼၼ်​လႄႈ မႂ်း​တၵ်း​လႆႈ​ၶၢမ်ႇ​ဢပႅတ်ႈ​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="6">မိူဝ်ႈ​ဢၼ်​မိုဝ်ႉ​ဝၼ်း​ၸိူဝ်း​ၼၼ်ႉ ၸေး​ယဝ်ႉ​ၼၼ်ႉ​ၸိုင်၊ မႂ်း​သမ်ႉ​ၼွၼ်း သီႈ​ၵႅင်း ၵႃႈ​ၼိူဝ်​ပဵမ်ႉ ၽၢႆႇ​ၶႂႃ​မႂ်း​လႄႈ ၶၢမ်ႇ​ဢပႅတ်ႈ​မဵဝ်း​ ယူႉတႃႉ ထႅင်ႈ​လူး​ၵွၼ်ႇ တႃႉ။ ၵဝ်​မၵ်း​ၶိၼ်း​ဝႆႉ သီႇ​သိပ်း​ဝၼ်း​တဵမ်​တဵမ် ယေႈ​ဝၼ်း​ပုၼ်ႈ​ယေႈ​ပီႊ တီႈ​မႂ်း​ယဝ်ႉ။-</verse>
				<verse number="7">မႂ်း​တၵ်း​လႆႈ ဝူတ်ႈ​ၶႅၼ်​ဝူတ်ႈ​မိုဝ်း​မႂ်း ယဵတ်ႇ​ယိုၼ်ႈ​လႄႈ ဝၢႆႇ​ၼႃႈ​မႂ်း​တေႃႇ တၢင်း​ဢၼ်​လွမ်ႉ​လဵပ်ႈ​ႁွပ်ႈ​ဝဵင်း​ ယေႇရူႉသလႅမ်ႇ ဝႆႉ​ၼၼ်ႉ​သေ​လႄႈ ႁဵတ်း​ပရေႃးၽႅတ်ႈ​ယူႇ​ၽၢႆႇ​ၼိုင်ႈ တင်း​ဝဵင်း​ၼၼ်ႉ​ဢေႃႈ။-</verse>
				<verse number="8">ၵဝ်​တၵ်း​ဢဝ်​ၸိူၵ်ႈ​မတ်ႉ​ၽုၵ်ႇ​မႂ်း​ဝႆႉ​လႄႈ မႂ်း​ဢမ်ႇ​လႆႈ​ၽိုၼ်ႉ​သေ ၽၢႆႇ​ၼိုင်ႈ​ၸူး​ၽၢႆႇ​ၼိုင်ႈ တေႃႇ​ထိုင်​ႁွတ်ႈ​မိုဝ်ႉ​ဝၼ်း ဢၼ်​လႆႈ​ႁဵတ်း တၢင်း​ဢၼ်​လွမ်ႉ​လဵပ်ႈ​ႁွပ်ႈ​ဝႆႉ ထၼ်ႈ​ပေႃး​ၸေး ၼၼ်ႉ​ဢေႃႈ။-</verse>
				<verse number="9">ၼွၵ်ႈ​သေ​ၼၼ်ႉ မႂ်း​ဢဝ်​ၶဝ်ႈ​သၢၼ်​ၵျုင်ႇ၊ ၶဝ်ႈ​သၢၼ်​မူႉ​ယေႃး၊ ထူဝ်ႇ၊ ထူဝ်ႇႁူဝ်ၸၢင်ႉ၊ သၢၼ်​ၶဝ်ႈ​ငုၵ်း၊ သၢၼ်​ၶဝ်ႈ​ၵူႈ​သမ်ႇ​ၼၼ်ႉ​သႂ်ႇ​ဝႆႉ​လူၺ်ႈ​ၵၼ် ၵႃႈ​ၼႂ်း​မေႃႈ လုၵ်ႈ​လဵဝ်​လႄႈ ဢဝ်​ႁဵတ်း​ၶဝ်ႈ​မုၼ်း​တႃႉ။ မႂ်း​တၵ်း​လႆႈ​ဢဝ် ၵိၼ်​မိုဝ်ႉ​ဝၼ်း​သၢမ်​ပၢၵ်ႇ​ပၢႆ​ၵဝ်ႈ​သိပ်း တဵမ်​တဵမ် ၸွမ်း​ၵႃႈ​ၼင်ႇ​ဢၼ် ၼပ်ႉ​မိုဝ်ႉ​ၼပ်ႉ​ဝၼ်း​ဢၼ်​မႂ်း တၵ်း​လႆႈ​ၼွၼ်း​သီႈ​ၵႅင်း ၵႃႈ​ၼိူဝ်​ပဵမ်ႉ ၽၢႆႇ​ၼိုင်ႈ​ၼၼ်ႉ​ဢေႃႈ။-</verse>
				<verse number="10">ၶဝ်ႈ​မုၼ်း​ဢၼ်​မႂ်း တၵ်း​လႆႈ​ၵိၼ် ၼၼ်ႉ​ၸိုင်၊ ယေႈ​ဝၼ်း​ယေႈ​ဝၼ်း မႂ်း​တၵ်း​လႆႈ​ၸင်ႈ​ႁိဝ်ႈ ဢဝ်​ၵျၢပ်ႈ​ သၶေးလႃႉ ​သၢဝ်း​ၼိုင်ႈ​ဢေႃႈ။-</verse>
				<verse number="11">ၼမ်ႉ​ၵေႃႈ မႂ်း​တၵ်း​လႆႈ​တူင်​လႄႈ ဢဝ်​ၵိၼ်​ ႁီႉၼႃႉ ႁူၵ်း​ပုၼ်ႈ ဢဝ်​ပုၼ်ႈ​ၼိုင်ႈ​ဢေႃႈ။ မႂ်း​တၵ်း​လႆႈ​ၵိၼ် ၸိူဝ်ႉ​ၼင်ႇ​ၼၼ် ၵူႈ​ပွၵ်ႈ​ၵူႈ​ပွၵ်ႈ ဢေႃႈ။-</verse>
				<verse number="12">မႂ်း​တၵ်း​လႆႈ​ဢဝ်​ၵိၼ် မိူၼ်​ၸိူဝ်ႉ​ၼင်ႇ​ၶဝ်ႈ​မုၼ်း​မူႉ​ယေႃး​ၼၼ်ႉ​လႄႈ တၵ်း​လႆႈ​ဢဝ်​ၽဝ်​မူၵ်း ၵႃႈ​ၼႂ်း​ၽႆး ဢၼ်​ဢဝ်​ၽၢႆႈ​လူင် ၵူၼ်း​သႂ်ႇ​ႁဵတ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ဢေႃႈ။-</verse>
				<verse number="13">ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​လႆႈ​ၵိၼ်​ၶဝ်ႈ​မုၼ်း ဢၼ်​ၵူဝ်ႈ​ၵိူၵ်ႇ​ၵႃႈ​ၼႂ်း ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ တီႈ​ဢၼ်​ၵဝ်​ႁေႃႈ​ၶဝ် ဢွၵ်ႇ​ၸူး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="14">ၵဝ်​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး တီႈ​ၶႃႈ၊ ႁူဝ်​ၸႂ်​ၶႃႈ​ၸဝ်ႈ ဢမ်ႇ​ပႆႇ​တွၼ်ႉ​ႁွတ်ႈ​ထိုင် တၢင်း​ဢၼ်​ၵူဝ်ႈ​ၵိူၵ်ႇ​တီႈ​ၶႃႈ၊ ၸႃႉ​ၸဵမ်​မိူဝ်ႈ​ဢၼ် ဢသၢၵ်ႈ​ၶႃႈ​ၸဝ်ႈ ယင်း​လဵၵ်ႉ​ယင်း​ဢွၼ်ႇ တေႃႇ​ထိုင်​ႁွတ်ႈ​မိူဝ်ႈ​လဵဝ် ၼႆႉ​လႄႈ ၶႃႈ​ၸဝ်ႈ​ဢမ်ႇ​ပႆႇ​တွၼ်ႉ​ၵိၼ်​ၼိူဝ်ႉ တူဝ်​ဢၼ်​တၢႆ​ၵူၺ်း​မၼ်း၊ ဢိၵ်ႇ​တင်း တူဝ်​ဢၼ်​တူဝ်​ႁၢႆႉ​ၶူပ်း​တၢႆ ၼၼ်ႉ​လႄႈ တူဝ်​ဢၼ်​လီ​ႁင်ႈ​ဢဵတ်ႇ​သဵတ်ႇ​ၼၼ်ႉ​ၵေႃႈ ဢမ်ႇ​ပႆႇ​တွၼ်ႉ​ၶဝ်ႈ ၵႃႈ​ၼႂ်း​သူပ်း​ၶႃႈ​ၸဝ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="15">မၼ်း​ၸဝ်ႈ မီး​ဢမိင်ႉ တီႈ​ၵဝ်​လႄႈ​ဝႃႈ၊ ၵဝ်​ပၼ်​ၶီႈ​ဝူဝ်း​ပုၼ်ႈ တၢင်​တူဝ်​ၽၢႆႈ​လူင်​ၵူၼ်း​ၼၼ်ႉ​ဢေႃႈ။ တၵ်း​လႆႈ​ဢဝ်​ဢၼ်​ၼၼ်ႉ ၽဝ်​မူၵ်း​ၶဝ်ႈ​မုၼ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">လႆႈ​သမ်ႉ မၼ်း​ၸဝ်ႈ​မီး​ဢမိင်ႉ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ ၵဝ်​တၵ်း​ႁၵ်း​ၶဝ်ႈ​မုၼ်း တၢင်း​ဢၼ်​ၵမ်ႉ ဢၼ်​ထွၵ်ႈ​ၼၼ်ႉ ၶၢတ်ႇ​ပႅတ်ႈ​သေ​ၵႃႈ​ၼႂ်း ဝဵင်း​ ယေႇရူႉသလႅမ်ႇ ​ဢေႃႈ။ ၶဝ်​ၼၼ်ႉ​တၵ်း​ဢွၼ်​ၵၼ် ၸင်ႈ​ႁိဝ်ႈ​ၶဝ်ႈ​မုၼ်း​သေ​လႄႈ​ၵိၼ် လူၺ်ႈ​ၸႂ် ဢၼ်​မႆႈ​ၸႂ်​ၶီ​ၸႂ်​ဢေႃႈ။ ၼမ်ႉ​ၵေႃႈ​ၶဝ်​တၵ်း ဢွၼ်​ၵၼ်​တူင်​သေ​လႄႈ ၵိၼ်​လူၺ်ႈ​ၸႂ်​ဢၼ်​ယုင်ႈ​ၸႂ်​ၵႂင်​ၸႂ်၊-</verse>
				<verse number="17">ထၼ်ႈ​ပေႃး တုၵ်း​ႁႃ​ဢေ​ႁႃ​ၶဝ်ႈ​မုၼ်း တင်း​ၼမ်ႉ​လႄႈ ၼင်ႇ​ၵၼ်​ၵၼ်​ႁွတ်ႈ​ထိုင် တၢင်း​ဢၼ် ယုင်ႈ​ၸႂ်​ၵႂင်​ၸႂ်​တေႃႇ​ၵၼ်​လႄႈ ယွမ်း​ၵႂႃႇ​ႁၢႆ​ၵႂႃႇ ၵွပ်ႈ​ပိူဝ်ႈ​ဢပႅတ်ႈ​ၶဝ် ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="5">
				<verse number="1">လႆႈ​သမ်ႉ​မၼ်း​ၸဝ်ႈ မီး​ဢမိင်ႉ​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ မႂ်း​ဢဝ်​မိတ်ႈ​ဢၼ်​ၽၢႆ ဢၼ်​ဝႃႈ မိတ်ႈ​ထႃ​ႁူဝ်​ၵူၼ်း ဢၼ်​ၸၢင်ႈ​ထႃ​ႁူဝ် ၼၼ်ႉ​လႄႈ ထႃ​ၶူၼ်​ႁူဝ် ဢိၵ်ႇ​တင်း ၼူတ်ႇ​ၵၢင်း​မႂ်း​သေ​ယဝ်ႉ၊ ဢဝ်​ယႃႇ​ၸူႇ​ၸင်ႈ​ႁိဝ်ႈ​လႄႈ ၽႄ​ဝႆႉ​ပဵၼ်​ၸူႉ​ပဵၼ်​ၸူႉ​တႃႉ။-</verse>
				<verse number="2">ဢဝ်​ဢၼ်​ၼၼ်ႉ သၢမ်​ၸူႉ​ၸူႉ​ၼိုင်ႈ တုတ်ႇ​ၽႆး ၵႃႈ​ၼႂ်း​ဝဵင်း ၼႂ်း​မိူဝ်ႈ​ဢၼ် မိုဝ်ႉ​ဝၼ်း တၢင်း​ဢၼ် လွမ်ႉ​လဵပ်ႈ​ႁွပ်ႈ​ဝႆႉ​ၼၼ်ႉ ၸေး​ယဝ်ႉ​ၼၼ်ႉ​တႃႉ။ ၸူႉ​ၼိုင်ႈ​ၸိုင် ဢဝ်​တႅပ်း​ၶၢတ်ႇ​ပႅတ်ႈ​လူၺ်ႈ​လၢပ်ႇ​လူၺ်ႈ​လႅဝ်း​လႄႈ ၸူႉ​ၼိုင်ႈ​ၸိုင် ဢဝ်​ၸၢတ်ႇ​ပိုၼ်​ပႅတ်ႈ​ၼႂ်း တီႈ​ဢၼ်​လူမ်း​ထူဝ်း ၼၼ်ႉ​တႃႉ။ ၵဝ်​တၵ်း​ပွႆႇ​လၢပ်ႇ​ၵႂႃႇ ၸွမ်း​လင်​ၶဝ်​ၼၼ်ႉ​ဢေႃႈ။-</verse>
				<verse number="3">မႂ်း​ဢဝ်​ၵႃႈ​ၼႂ်း​ၸိူဝ်း​ၼၼ်ႉ ဢိတ်း​ဢွၼ်ႇ​ၼိုင်ႈ​လႄႈ ပူၵ်ႉ​ႁေႃႇ​ဝႆႉ ၵႃႈ​ၼႂ်း​ၶူဝ်း​ၼုင်ႈ​မႂ်း​တႃႉ။-</verse>
				<verse number="4">မႂ်း​သမ်ႉ​ဢဝ်​ၵႃႈ​ၼႂ်း ဢိတ်း​ဢွၼ်ႇ​ၼိုင်ႈ ၼၼ်ႉ​သႂ်ႇ​ၵႃႈ​ၼႂ်း​ၽႆး​လႄႈ တုတ်ႇ​ၽႆး​တႃႉ။ ၽႆး​တၵ်း​ဢွၵ်ႇ​သေ​ၵႃႈ​တီႈ​ၼၼ်ႈ​ၸူး ၵႃႈ​တီႈ မဵဝ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">လႆႈ​သမ်ႉ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢၼ်​ၼႆႉ​ပဵၼ် ဝဵင်း​ ယေႇရူႉသလႅမ်ႇ ​ဢေႃႈ။ ၵဝ်​ဢဝ်​မၼ်း​ဝႆႉ ၵႃႈ​ၼႂ်း​ၵၢင်​ၵူၼ်း ၵူႈ​ၸိူဝ်ႉ​ၵူႈ​မဵဝ်း​လႄႈ သိုင်ႇ​ၸိုင်ႈ​ဝၢၼ်ႈ​မိူင်း​တင်း​လၢႆ ဢွၼ်​ၵၼ်​မီး​ၵႃႈ​တီႈ လဵပ်ႈ​ႁွပ်ႈ ႁိမ်း​ႁွမ်း​မၼ်း ယူႇ​ဢေႃႈ။-</verse>
				<verse number="6">မၼ်း​ယဵင်ႈ​ၶႅၼ်း ဢွၼ်​ၵၼ်​ႁဵတ်း ဢမ်ႇ​တြႃး​လႄႈ ပူၼ်ႉ​လိူဝ် ပိင်း​ၺၢပ်ႈ​တြႃး​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ ၸိူဝ်း​ၼၼ်ႉ လိူဝ်​တွၼ်း​ၼႃႇ​သေ ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢိၵ်ႇ​တင်း ထုင်း​ၽိင်ႈ​တြႃး​ၵဝ် လိူဝ်​တွၼ်း​ၼႃႇ​သေ သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​မီး​ၵႃႈ​တီႈ လဵပ်ႈ​ႁွပ်ႈ ႁိမ်း​ႁွမ်း​မၼ်း​ၸိူဝ်း​ၼၼ်ႉ​ယဝ်ႉ။ လွင်ႈ​မၼ်း​ၸမ်ႉ ၶဝ်​ဢွၼ်​ၵၼ်​ထဵင်​ပႅတ်ႈ တၢင်း​ဢၼ်​ၵဝ် ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​လႄႈ ယင်း​ဢမ်ႇ​ၸွမ်း​သဵၼ်ႈ​တၢင်း ထုင်း​ၽိင်ႈ​တြႃး​ၵဝ် ၸိူဝ်း​ၼၼ်ႉ​လႄႈ ယူႇ​ယဝ်ႉ။-</verse>
				<verse number="7">ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​သူ ႁဵတ်း​ၶတ်း​လိူဝ်​တွၼ်း​ၼႃႇ​သေ ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​မီး​ၵႃႈ​တီႈ လဵပ်ႈ​ႁွပ်ႈ​ႁိမ်း​ႁွမ်း​သူ​ၼၼ်ႉ​လႄႈ ဢမ်ႇ​ၸွမ်း​သဵၼ်ႈ​တၢင်း ထုင်း​ၽိင်ႈ​တြႃး​ၵဝ်၊ ဢမ်ႇ​ပႂ်ႉ​ၵမ်​ပႂ်ႉ​ၸွမ်း လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ ဢမ်ႇ​ႁဵတ်း​ၸွမ်း ထုင်း​ၽိင်ႈ​တြႃး ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ယူႇ​ၵႃႈ​တီႈ လဵပ်ႈ​ႁွပ်ႈ​ႁိမ်း​ႁွမ်း​သူ​ၼၼ်ႉ​လႄႈ၊-</verse>
				<verse number="8">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ဢၼ်​ဝႃႈ​ၵဝ်​ၼႆႉ တၵ်း​ယူႇ​ၽၢႆႇ​ၼိုင်ႈ တင်း​မႂ်း​သေ​လႄႈ ၸီႇ​ယၢင်ႇ​တၢမ်ႇ​ဢပႅတ်ႈ ၵႃႈ​ၼႂ်း​ၵၢင်​မႂ်း ၵႃႈ​တီႈ​ၽၢႆႇ​ၼႃႈ​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ဢေႃႈ။-</verse>
				<verse number="9">ၵွပ်ႈ​ပိူဝ်ႈ လွင်ႈ​တၢင်း​ဢၼ်​လီ​ႁင်ႈ ဢဵတ်ႇ​သဵတ်ႇ​မႂ်း​ၵႃႈ​မီး ၼၼ်ႉ​လႄႈ၊ ၵဝ်​တၵ်း​ၸီႇ​ယၢင်ႇ​တၢမ်ႇ​ဢပႅတ်ႈ ဢၼ်​ၵဝ်​ဢမ်ႇ​တွၼ်ႉ​ၸီႇ​ယၢင်ႇ၊ ဢၼ်​ၵမ်း​လိုၼ်း တၵ်း​ဢမ်ႇ​ၸီႇ​ယၢင်ႇ​ၼၼ်ႉ ၵႃႈ​ၼႂ်း​မႂ်း​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ ၶဝ်​ၸိူဝ်း​ဢၼ်​ပဵၼ်​ပေႃႈ​ၼၼ်ႉ တၵ်း​ဢွၼ်​ၵၼ်​ၵိၼ်​လုၵ်ႈ​ၶဝ်​လၢင်း​ၶဝ် ၵႃႈ​ၼႂ်း​ၵၢင်​မႂ်း​လႄႈ ၶဝ်​ၸိူဝ်း​ဢၼ် ပဵၼ်​လုၵ်ႈ​ပဵၼ်​လၢင်း​ၼၼ်ႉ​ၵေႃႈ တၵ်း​ဢွၼ်​ၵၼ်​ၵိၼ်​ပေႃႈ​ၶဝ်​ဢေႃႈ။ ၵဝ်​တၵ်း ၸီႇ​ယၢင်ႇ​တၢမ်ႇ​ဢပႅတ်ႈ​တီႈ​မႂ်း​လႄႈ ဢဝ်​ၵႃႈ​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ ၸၢတ်ႇ​ပိုၼ်​ပႅတ်ႈ​ၸူး ၵႃႈ​တီႈ​လူမ်း​ၵူႈ​ၽၢႆႇ ၵူႈ​ပႃႈ​ၼၼ်ႉ​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ်​ၵဝ် ဢသၢၵ်ႈ​လိပ်း​ယူႇ​ၼၼ်ႉ၊ ၵွပ်ႈ​ပိူဝ်ႈ ဢၼ်​မႂ်း​ဢဝ် လွင်ႈ​တၢင်း ဢၼ်​ဝူၺ်ႇ​ဢၼ်​ႁင်ႈ​မႂ်း ဢိၵ်ႇ​တင်း လွင်ႈ​တၢင်း ဢၼ်​လီ​ႁင်ႈ​ဢဵတ်ႇ​သဵတ်ႇ​မႂ်း တင်း​သဵင်ႈ​တင်း​လူင် ႁႂ်ႈ​ထႃႇၼႃႉ တီႈ​မူတ်း​ၸၢင်ႇ​ၵဝ်​ၵူဝ်ႈ​ၵိူၵ်ႇ ၼၼ်ႉ​လႄႈ ၵဝ်​တၵ်း​ႁႂ်ႈ​မႂ်း​သုတ်ႈ​ၵႂႃႇ​ယွမ်း​ၵႂႃႇ​လႄႈ တႃ​ၵဝ်​တၵ်း​ဢမ်ႇ​သေ​လၢႆ၊ ၵဝ်​တၵ်း​ဢမ်ႇ​ဢဵတ်း​လူ​လႃး​လႃး။-</verse>
				<verse number="12">ၼႂ်း​သၢမ်​ၸူႉ​မႂ်း​ၼၼ်ႉ၊ ၸူႉ​ၼိုင်ႈ တၵ်း​လႆႈ​တၢႆ​လူၺ်ႈ​ၽေး​ၵႃႇလႃႉ​ႁႃႈ​လႅင်​မိူင်း​လႄႈ သုမ်း​လူၺ်ႈ​ၽေး တၢင်း​ဢၼ်​ဢိုပ်း​ဢၼ်​ယၢၵ်ႈ ၵႃႈ​ၼႂ်း​ၵၢင်​မႂ်း​ဢေႃႈ။ ၸူႉ​ၼိုင်ႈ တၵ်း​လႆႈ​လူမ်ႉ​တူၵ်း​လူၺ်ႈ​ၽေး​လၢပ်ႇ​ၽေး​လႅဝ်း ၵႃႈ​တီႈ​လဵပ်ႈ​ႁွပ်ႈ​ႁိမ်း​ႁွမ်း​မႂ်း​ဢေႃႈ။ ၸူႉ​ၼိုင်ႈ​ၸိုင် ၵဝ်​တၵ်း​ဢဝ်​ၸၢတ်ႇ​ပိုၼ်​ပႅတ်ႈ​ၸူး ၵႃႈ​တီႈ​လူမ်း ၵူႈ​ၽၢႆႇ​ၵူႈ​ပႃႈ​ၼၼ်ႉ​လႄႈ ပွႆႇ​ၸႂ်ႉ​လၢပ်ႇ​လႅဝ်း​ၵႂႃႇ ၸွမ်း​လင်​ၶဝ်​ဢေႃႈ။-</verse>
				<verse number="13">ၼင်ႇ​ၼၼ်​လႄႈ ဢလူဝ်ႇ​တၢင်း​ၸႂ်​မႆႈ​ၶႆႈ​ၸႃႉ​ၵဝ် တၵ်း​ပျေႉ​ၸုမ်ႇ​လႄႈ ၵဝ်​ႁႂ်ႈ​ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၵဝ်​တႄႇ​ယူႇ ၵႃႈ​ၼိူဝ်​ၶဝ် သေ​လႄႈ ၸႂ်​ၵဝ်​တၵ်း​ပေႇ​ဢေႃႈ။ ၶဝ်​တၵ်း​လႆႈ​ဢွၼ်​ၵၼ်​ႁူႉ​လွင်ႈ ဢၼ်​ၵဝ် ထႃႇဝရႃႉ​ၽြႃး ၸႂ်​ႁႅင်း​ယႂ်ႇ​ၼႃႇ​လႄႈ မီး​ဢမိင်ႉ​ၼၼ်ႉ ၼႂ်း​မိူဝ်ႈ​ဢၼ် ၵဝ်​ႁႂ်ႈ​ဢလူဝ်ႇ​ၸႂ်​တေႃး​သႃႉ​ၵဝ် ပျေႉ​ၸုမ်ႇ ၵႃႈ​တီႈ​ၶဝ်​ၼၼ်ႉ​ဢေႃႈ။-</verse>
				<verse number="14">ၼွၵ်ႈ​သေ​ၼၼ်ႉ ၵဝ်​တၵ်း​ႁႂ်ႈ​မႂ်း​ပဵၼ် တီႈ​ဢၼ်​သဵတ်ႇ​ဢၼ်​ယဵၼ်၊ တီႈ​ဢၼ်​သႄႉ​သွမ်း ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​မီး ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မႂ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ၶဝ် ၵႃႈ​ဢၼ်​တႆႇ​တၢင်း​ပႆ​တၢင်း​ၵၢႆ​ၵႂႃႇ ၵႃႈ​တီႈ​ႁိမ်း​ၼၼ်ႉ​ဢေႃႈ။-</verse>
				<verse number="15">မိူဝ်ႈ​ဢၼ်​ၵဝ် ဢဝ်​တၢင်း​ၶႆႈ​ၸႃႉ​ၶႆႈ​ၸဵတ်ႉ​ၵဝ် ဢိၵ်ႇ​တင်း​ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၵဝ်၊ တင်း​ၵႂၢမ်း​ဢၼ်​တၢင်ႇ​ဢပႅတ်ႈ ဢၼ် ႁၢဝ်ႈ​ၵျၢမ်း​ၼႃႇ ၸီႇ​ယၢင်ႇ​တၢမ်ႇ​ၵႃႈ​ၼႂ်း​မႂ်း​ၼၼ်ႉ၊ မႂ်း​တၵ်း​လႆႈ​ပဵၼ်​တီႈ​ဢၼ်​သႄႉ​သွမ်း၊ တီႈ​ဢၼ်​တၢင်ႇ​ဢပႅတ်ႈ၊ တီႈ​ဢၼ်​လႆႈ​သတီႉ တီႈ​ဢၼ်​လီ​ဢၢမ်း​ၵႃႈ​ၼႂ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း ဢၼ်​မီး​ယူႇ​ၵႃႈ​တီႈ လဵပ်ႈ​ႁွပ်ႈ​ႁိမ်း​ႁွမ်း​မႂ်း ၼၼ်ႉ​ဢေႃႈ။ ၼင်ႇ​ၼၼ်​လႄႈ ၵဝ်​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="16">တၵ်း​ပဵၼ်​ၸိူဝ်ႉ​ၼင်ႇ​ၼၼ် ၼႂ်း​မိူဝ်ႈ​ဢၼ်​ၵဝ်​ပွႆႇ​ၸႂ်ႉ​ပိုၼ်​ႁၢႆႉ ဢၼ်​ဝႃႈ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ ဢၼ်​ပဵၼ်​ပုၼ်ႈ တၢင်း​ဢၼ်​ယႃႉ​ၽဵဝ်ႈ​ပႅတ်ႈ ဢၼ်​ၵဝ်​တၵ်း​ပွႆႇ​ၸႂ်ႉ ႁႂ်ႈ​လႆႈ​ယႃႉ​ၽဵဝ်ႈ​သူ​ပႅတ်ႈ ၼၼ်ႉ​ဢေႃႈ။ ၵဝ်​တၵ်း ႁႂ်ႈ​ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ ယႂ်ႇ​ၼမ်​မႃး​တီႈ​သူ​လႄႈ ႁၵ်း​ၶဝ်ႈ​မုၼ်း​တၢင်း​ဢၼ်​ၵမ်ႉ ဢၼ်​ထွၵ်ႈ​သူ​ၼၼ်ႉ ၶၢတ်ႇ​ပႅတ်ႈ​လႄႈ၊-</verse>
				<verse number="17">ပွႆႇ​ၸႂ်ႉ​ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ ၽေး​တူဝ်​ႁၢႆႉ ဢၼ်​လႆႈ​ႁိမ်​ႁူင်ႇ ၼိၵ်ႈ​ၸၢၵ်ႈ​ငႅၼ်း​သႄး​သူ​ၼၼ်ႉ ၸူး​တီႈ​သူ​လႄႈ ၽေး​ၵႃႇလႃႉ​ႁႃႈ​လႅင်​မိူင်း၊ ၽေး​တၢင်း​ဢၼ်​ထွၵ်ႇ​လိူတ်ႈ​ၸိူဝ်း​ၼၼ်ႉ တၵ်း​ႁူမ်ႇ​သုမ်ႇ​မႂ်း​လႄႈ ၵဝ်​ႁႂ်ႈ​ၽေး​လၢပ်ႇ​ၽေး​လႅဝ်း ႁွတ်ႈ​ထိုင်​တီႈ​မႂ်း​ဢေႃႈ။ ၵဝ်​ထႃႇဝရႃႉ​ၽြႃး​ၼႆႉ သင်ႇ​လၢတ်ႈ​ဝႆႉ ၸိူဝ်ႉ​ၼင်ႇ​ၼႆ​ဢေႃႈ။</verse>
			</chapter>
			<chapter number="6">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ် လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ဝၢႆႇ​ၼႃႈ​တေႃႇ​လွႆ​ ဢီႉသရေႇလႃႉ ​တင်း​လၢႆ သေ​လႄႈ ႁဵတ်း​ပရေႃးၽႅတ်ႈ​ယူႇ​ၽၢႆႇ​ၼိုင်ႈ တင်း​ၶဝ်​လႄႈ​ဝႃႈ၊-</verse>
				<verse number="3">လွႆ​ ဢီႉသရေႇလႃႉ ​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း ၸဝ်ႈ​ထႃႇဝရႃႉ​ၽြႃး​တႃႉ။ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​တီႈ​လွႆ​လူင် လွႆ​ဢွၼ်ႇ၊ ၼမ်ႉ​ႁွင်ႈ​ၼမ်ႉ​ၵႄး ပၢင်ႇ​ႁူၺ်ႈ​ၶူင်ႈ​ႁူၺ်ႈ လႄႈ​ဝႃႈ​ၸမ်ႉ၊ တူၺ်း​လူး။ ၵဝ်​ဢၼ်​ဝႃႈ​ၵဝ်​ၼႆႉ တၵ်း​ႁႂ်ႈ​လၢပ်ႇ​လႅဝ်း ႁွတ်ႈ​ထိုင်​ၵႃႈ​ၼိူဝ်​သူ​လႄႈ ၵိူၼ်ႇ​ယႃႉ​ထႃႇၼႃႉ​တီႈ​သုင်​သူ​ပႅတ်ႈ​ဢေႃႈ။-</verse>
				<verse number="4">ယိတ်ႈပလၢင်ႇ​သူ​ၸိူဝ်း​ၼၼ်ႉ တၵ်း​လႆႈ​ပဵၼ်​ဢၼ်​ပဝ်ႇ​ဢၼ်​လၢပ်ႈ​လႄႈ ရုၵ်ႈ​ထူႉ​ၵၢင်​ဝၼ်း​သူ ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ႁၵ်း​ႁဵၵ်း​ပႅတ်ႈ​ဢေႃႈ။ ၵဝ်​တၵ်း ဢဝ်​ႁူဝ်​ႁၢၼ်​ၵူၼ်း​သိုၵ်း​သူ လူမ်ႉ​တူၵ်း​ပႅတ်ႈ ၵႃႈ​တီႈ​ၽၢႆႇ​ၼႃႈ ရုၵ်ႈ​ထူႉ​သၢင်း​ထူႉ​သူ​ၸိူဝ်း​ၼၼ်ႉ​ဢေႃႈ။-</verse>
				<verse number="5">ၵဝ်​တၵ်း​ဢဝ်​တူဝ်​တၢႆ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၶျႃး​ဝႆႉ ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ​သၢင်း​ထူႉ​ၶဝ်​ၸိူဝ်း​ၼၼ်ႉ​လႄႈ ဢဝ်​လုပ်ႇ​သူ တင်း​လၢႆ ၸၢတ်ႇ​ပိုၼ်​ၵႃႈ​တီႈ ႁိမ်း​ႁွမ်း​လဵပ်ႈ​ႁွပ်ႈ ယိတ်ႈပလၢင်ႇ​သူ ၸိူဝ်း​ၼၼ်ႉ​ဢေႃႈ။-</verse>
				<verse number="6">ၵႃႈ​ၼႂ်း​တီႈ​ဢၼ် သူ​ယူႇ​သူ​သဝ်း ၵူႈ​တီႈ​ၵူႈ​လႅၼ်​ၼၼ်ႉ ဝဵင်း​သူ​တင်း​လၢႆ တၵ်း​လႆႈ မီး​တၢင်း​ဢၼ်​လူႉ​လႅဝ်​ယူႇ၊ ထႃႇၼႃႉ​တီႈ​သုင်​သူ ၸိူဝ်း​ၼၼ်ႉ တၵ်း​ပဵၼ်​ဢၼ်​ပဝ်ႇ​ဢၼ်​လၢပ်ႈ​ယူႇ ႁႂ်ႈ​ယိတ်ႈပလၢင်ႇ​သူ​တင်း​လၢႆ လႆႈ​ပဵၼ်​တီႈ​ဢၼ်​ပဝ်ႇ​ဢၼ်​လၢပ်ႈ၊ တီႈ​ဢၼ်​သဵတ်ႇ ဢၼ်​ယဵၼ်၊ ရုၵ်ႈ​ထူႉ​သၢင်း​ထူႉ​သူ လႆႈ​ၶၢမ်ႇ​တၢင်း​ဢၼ်​ႁၵ်း​ႁဵၵ်း​ပႅတ်ႈ​လႄႈ ႁၢႆ​လၢႆ​ၵႂႃႇ၊ ရုၵ်ႈ​ထူႉ​ၵၢင်​ဝၼ်း​သူ လႆႈ​ၶၢမ်ႇ​တၢင်း​ဢၼ် ၽၼ်း​လူမ်ႉ​ပႅတ်ႈ ဢိၵ်ႇ​တင်း ၶိူင်ႈ​ပိူင်​ဢၼ် သူ​ႁဵတ်း​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ် သုမ်း​ၸွမ်း​လပ်ႉ​ႁၢႆ​ၵႂႃႇ​ဢေႃႈ။-</verse>
				<verse number="7">ႁူဝ်​ႁၢၼ်​ၵူၼ်း​သိုၵ်း တင်း​လၢႆ တၵ်း​ဢွၼ်​ၵၼ်​လူမ်ႉ​တၢႆ ၵႃႈ​ၼႂ်း​သူ​လႄႈ သူ​တၵ်း​ဢွၼ်​ၵၼ် လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="8">ၼႂ်း​ဝႃႈ​ၼၼ်​သေ​ၵေႃႈ ၼႂ်း​မိူဝ်ႈ​ဢၼ်​သူ​လႆႈ​ၶၢမ်ႇ​တၢင်း​ဢၼ် ၸၢတ်ႇ​ပိုၼ်​ပႅတ်ႈ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၼၼ်ႉ​ၸိုင်၊ ၵဝ်​တၵ်း​ဝႆႉ ၵူၼ်း​ဢၼ်​ပဵၼ် ဢၼ်​ၵိုတ်း​ဢၼ်​ၵျၢၼ်ႇ ႁႂ်ႈ​သူ​လႆႈ​မီး​ၵမ်ႈ​ၽွင်ႈ ဢၼ်​ၵၢင်း​လွတ်ႈ​တင်း ၽေး​လၢပ်ႇ​ၽေး​လႅဝ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ​ဢေႃႈ။-</verse>
				<verse number="9">ၶဝ်​ၸိူဝ်း​ဢၼ်​ပဵၼ် ဢၼ်​ၵၢင်း​လွတ်ႈ ၵႃႈ​ၼႂ်း​သူ​ၼႆႉ​ၼၼ်ႉ တၵ်း​ဢွၼ်​ၵၼ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ် ၵႃႈ​ၼႂ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း တီႈ​ဢၼ်​ၶဝ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ ၵွပ်ႈ​ပိူဝ်ႈ​ဢၼ်​ၵဝ် ၽၢတ်ႇ​ယၢၼ်​ၵၼ် တင်း​ႁူဝ်​ၸႂ်​ၶဝ် ဢၼ်​ၸၢင်ႈ ၸုၼ်ႉ​ပႅတ်ႈ​ၵဝ်​လႄႈ ၽိတ်း​ပိူင်ႈ ဢိၵ်ႇ​တင်း မၢၵ်ႇ​တႃ​ၶဝ်​ဢၼ်​မီး ဢလူဝ်ႇ​ၶႂ်ႈ​ၽိတ်း​ပိူင်ႈ​လူၺ်ႈ ရုၵ်ႈ​ထူႉ​သၢင်း​ထူႉ​ၶဝ် ၼၼ်ႉ​ဢေႃႈ။ ၶဝ်​တၵ်း​ဢွၼ်​ၵၼ် လီ​ႁင်ႈ​ဢဵတ်ႇ​သဵတ်ႇ​တူဝ်​ၸဝ်ႈ​ၵဝ်ႇ ၵွပ်ႈ​ပိူဝ်ႈ လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ၵႃႈ​ဢၼ်​ၶဝ်​လႆႈ​ႁဵတ်း​လႂ် ၼၼ်ႉ​ဢေႃႈ။-</verse>
				<verse number="10">ၶဝ်​တၵ်း ဢွၼ်​ၵၼ်​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး ဢိၵ်ႇ​တင်း​လွင်ႈ​ဢၼ် ဢမိင်ႉ​ၵဝ်​ဢၼ်​ဝႃႈ ၵဝ်​တၵ်း​ပၼ်​တၢမ်ႇ​ဢပႅတ်ႈ ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ဢမ်ႇ​ပဵၼ်​ဢၼ် လၢႆ​လၢႆ​လွၵ်ႇ​လွၵ်ႇ ၼၼ်ႉ​ဢေႃႈ။-</verse>
				<verse number="11">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢဝ်​မိုဝ်း​မႂ်း​တူပ်း​လႄႈ ဢဝ်​တိၼ်​မႂ်း​တိုပ်ႈ​သေ​လႄႈ လၢတ်ႈ​လႄႈ​ဝႃႈ၊ မီး​ဢႃႉ​မင်ႇၵလႃႇ ၵွပ်ႈ​ပိူဝ်ႈ လွင်ႈ​တၢင်း​ဢၼ်​ႁၢႆႉ​ယုတ်ႈ ဢၼ်​လီ​ႁင်ႈ​ဢဵတ်ႇ​သဵတ်ႇ ၵႃႈ​ဢၼ်​မဵဝ်း​ ဢီႉသရေႇလႃႉ လႆႈ​ႁဵတ်း​ၼၼ်ႉ လူင်​ပႄႇ၊ ဝႃႈ​ၼင်ႇ​ၼႆ​တႃႉ။ လွင်ႈ​မၼ်း​ၸမ်ႉ ၶဝ်​တၵ်း ဢွၼ်​ၵၼ်​လူမ်ႉ​တူၵ်း​လူၺ်ႈ​ၽေး​လၢပ်ႇ၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း​ဢေႃႈ။-</verse>
				<verse number="12">ၵေႃႉ​ဢၼ်​ၵႆ​ၼၼ်ႉ တၵ်း​တၢႆ​လူၺ်ႈ ၽေး​ၵႃႇလႃႉ​ႁႃႈ​လႅင်​မိူင်း၊ ၵေႃႉ​ဢၼ်​ၸမ်​ၼၼ်ႉ တၵ်း​လူမ်ႉ​တူၵ်း​လူၺ်ႈ​ၽေး​လၢပ်ႇ ၽေး​လႅဝ်း၊ ၵေႃႉ​ဢၼ်​ၵိုတ်း​ဢၼ်​ၵျၢၼ်ႇ​လႄႈ လႆႈ​ၶၢမ်ႇ​တၢင်း​ဢၼ်​လွမ်ႉ​လဵပ်ႈ​ႁွပ်ႈ​ဝႆႉ​ၼၼ်ႉ တၵ်း​တၢႆ​လူၺ်ႈ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ​လႄႈ ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၵဝ် တၵ်း​ပျေႉ​ၸုမ်ႇ​တီႈ​ၶဝ် ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="13">သူ​တၵ်း​ဢွၼ်​ၵၼ် လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး ၼႂ်း​မိူဝ်ႈ​ဢၼ် ႁူဝ်​ႁၢၼ်​ၵူၼ်း​သိုၵ်း​ၶဝ်​တင်း​လၢႆ ဢွၼ်​ၵၼ် လူမ်ႉ​တၢႆ​ၵႃႈ​ၼႂ်း​ၵၢင်​ရုၵ်ႈ​ထူႉ​သၢင်း​ထူႉ​ၶဝ် ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ ယိတ်ႈပလၢင်ႇ​ၶဝ်၊ ၵႃႈ​ၼိူဝ်​ၵုင်း​ဢၼ်​သုင်​ၵႃႈ​မီး၊ ၵႃႈ​ၼိူဝ်​ပၢႆ​ၸိၵ်း​လွႆ​ၵႃႈ​မီး၊ ၵႃႈ​တႂ်ႈ​တူၼ်ႈ​မႆႉ​ဢၼ်​ၶဵဝ်​ၵႃႈ​မီး၊ ၵႃႈ​တႂ်ႈ​တူၼ်ႈ​မႆႉ​ၼိမ် ဢၼ်​ႁူမ်ႈ​လီ​ၵႃႈ​မီး တီႈ​ဢၼ်​ၶဝ်​ပုၵ်ႈ​ၸေႃႇ​ၼၢမ်ႇ​သႃႇ တီႈ​ရုၵ်ႈ​ထူႉ​သၢင်း​ထူႉ​ၶဝ်​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="14">ၵဝ်​တၵ်း ယဵတ်ႇ​မိုဝ်း​ယိုၼ်ႈ​မိုဝ်း​ၵဝ် ၵႃႈ​ၼိူဝ်​ၶဝ်​လႄႈ ႁႂ်ႈ​မိူင်း​ပဵၼ်​တီႈ​ဢၼ်​ပဝ်ႇ​ဢၼ်​လၢပ်ႈ ဢၼ်​သဵတ်ႇ​ဢၼ်​ယဵၼ် ဢဝ်​ၵႃႈ​တီႈ​ထိူၼ်ႇ ဢၼ်​မီး​သိုဝ်ႈ​ဝဵင်း​ တီႉပလတ်ႉ ​ၸွတ်ႇ​တူဝ်ႈ ၵႃႈ​ၼႂ်း​တီႈ​ယူႇ​တီႈ​သဝ်း​ၶဝ် ၵူႈ​တီႈ​ၵူႈ​လႅၼ်​ၼၼ်ႉ​လႄႈ ၶဝ်​တၵ်း​ဢွၼ်​ၵၼ် လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="7">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​တီႈ​မိူင်း​ ဢီႉသရေႇလႃႉ ​လႄႈ​ဝႃႈ​ၸမ်ႉ၊ မၼ်း​မီး​တီႈ​ဢၼ်​သုတ်း​ဢၼ်​ၵွႆ​ယဝ်ႉ။ တီႈ​ဢၼ်​သုတ်း​ဢၼ်​ၵွႆ ႁွတ်ႈ​ထိုင်​ၵႃႈ​ၼိူဝ်​သီႇ​ၸဵင်ႇ​မၼ်း​ယဝ်ႉ။-</verse>
				<verse number="3">တီႈ​ဢၼ်​သုတ်း​ဢၼ်​ၵွႆ ႁွတ်ႈ​ထိုင်​ၵႃႈ​ၼိူဝ်​မႂ်း​လႄႈ ၵဝ်​တၵ်း​ပွႆႇ​ၸႂ်ႉ တၢင်း​ၸႂ်​မႆႈ​ၶႆႈ​ၸႃႉ ၵဝ်​ၸူး​ၵႃႈ​ၼိူဝ်​မႂ်း​ဢေႃႈ။ ၵဝ်​တၵ်း​ၸီႇ​ယၢင်ႇ ၸွမ်း​ၼင်ႇ တၢင်း​ၵမ်​တၢင်း​ၵျၢင်ႉ​မႂ်း​လႄႈ ႁႂ်ႈ​ဢပႅတ်ႈ​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ၵႃႈ​ဢၼ် မႂ်း​ႁဵတ်း​မႅၼ်ႈ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မႂ်း​ဢေႃႈ။-</verse>
				<verse number="4">မၢၵ်ႇ​တႃ​ၵဝ်​တၵ်း​ဢမ်ႇ​သေ​လၢႆ​မႂ်း။ ၵဝ်​တၵ်း​ဢမ်ႇ​ဢဵတ်း​လူ​မႂ်း​လႄႈ တၵ်း​ႁႂ်ႈ​ဢပႅတ်ႈ တၢင်း​ၵမ်​တၢင်း​ၵျၢင်ႉ​မႂ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မႂ်း​လႄႈ လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​မႂ်း​ႁဵတ်း​မႅၼ်ႈ ၸိူဝ်း​ၼၼ်ႉ တၵ်း​ဢွၼ်​ၵၼ်​တႄႇ​ယူႇ ၵႃႈ​ၼႂ်း​ၵၢင်​မႂ်း​ဢေႃႈ။ မႂ်း​တၵ်း​လႆႈ ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="5">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး။ ၽေး​ဢၼ်​ဝႃႈ ၽေး​တႄႉ​တႄႉ​ဝႃႈ​ဝႃႈ ဢၼ်​ၼိုင်ႈ​ၼၼ်ႉ ႁွတ်ႈ​မႃး​ယဝ်ႉ။-</verse>
				<verse number="6">ၽေး​ဢၼ်​ပဵၼ် တီႈ​သုတ်း​တီႈ​ၵွႆ​ၼၼ်ႉ ႁွတ်ႈ​မႃး​ယဝ်ႉ။ ၽေး​ဢၼ်​ပဵၼ်​တီႈ​သုတ်း​တီႈ​ၵွႆ​ၼၼ်ႉ ႁွတ်ႈ​မႃး​ယဝ်ႉ။ မၼ်း​ပႂ်ႉ​မႂ်း​ယူႇ​သေ​လႄႈ ႁွတ်ႈ​မႃး​ဢေႃႈ။-</verse>
				<verse number="7">ၵူၼ်း​ဢၼ်​ယူႇ​ၵႃႈ​ၼႂ်း​မိူင်း​ၸဝ်ႈ​ဢိူၺ်း၊ လႄႉ​ၵမ်း​ဢၼ်​မႂ်း​လႆႈ​ၶၢမ်ႇ​ၼၼ်ႉ ႁွတ်ႈ​မႃး​ယဝ်ႉ။ ၶိင်ႇ​မၼ်း​မိုဝ်ႉ​မၼ်း​ၸေး​ယဝ်ႉ။ မိုဝ်ႉ​ဝၼ်း​ဢၼ် ယင်း​ဢမ်ႇ​လႆႈ​မီး​တၢင်း​ဢၼ် ႁွင်ႉ​သႅၼ်ႇ​ပၢဝ်ႇ​သေႃႇ ၸူမ်း​ၸူမ်း​သိူဝ်း​သိူဝ်း ၵႃႈ​ၼိူဝ်​လွႆ​တင်း​လၢႆ​သေ​လႄႈ ႁဵတ်း​တၢင်း​ဢၼ် ႁုၼ်ႉ​ႁႅၼ်ႇ ဢူၼ်​ဢဵၼ်​မေႃး​မႄး​ၼၼ်ႉ ၸမ်​ယဝ်ႉ။-</verse>
				<verse number="8">ဢမ်ႇ​ႁိုင်​ဢမ်ႇ​ၼၢၼ်း ၵဝ်​တၵ်း​ဢဝ် ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၵဝ် သွၼ်း​လေႃႇ​ၵႃႈ​ၼိူဝ်​မႂ်း​လႄႈ တၵ်း​ႁႂ်ႈ​ဢလူဝ်ႇ တၢင်း​ၸႂ်​မႆႈ ၶႆႈ​ၸႃႉ​ၵဝ် ပျေႉ​ၸုမ်ႇ​ၵႃႈ​ၼိူဝ်​မႂ်း​ဢေႃႈ။ ၵဝ်​တၵ်း​ၸီႇ​ယၢင်ႇ​ၸွမ်း​ၼင်ႇ တၢင်း​ၵမ်​တၢင်း​ၵျၢင်ႉ​မႂ်း​လႄႈ ႁႂ်ႈ​ဢပႅတ်ႈ​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​မႂ်း​ႁဵတ်း​မႅၼ်ႈ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မႂ်း​ဢေႃႈ။-</verse>
				<verse number="9">မၢၵ်ႇ​တႃ​ၵဝ် တၵ်း​ဢမ်ႇ​သေ​လၢႆ​မႂ်း။ ၵဝ်​တၵ်း​ဢမ်ႇ​ဢဵတ်း​လူ​မႂ်း​လႄႈ တၵ်း​ႁႂ်ႈ​ဢပႅတ်ႈ တၢင်း​ၵမ်​တၢင်း​ၵျၢင်ႉ​မႂ်း​ႁွတ်ႈ​ထိုင် ၵႃႈ​ၼိူဝ်​မႂ်း​လႄႈ လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​မႂ်း​ႁဵတ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​တႄႇ​ယူႇ ၵႃႈ​ၼႂ်း​ၵၢင်​မႂ်း​ဢေႃႈ။ သူ​တၵ်း​လႆႈ ႁူႉ​လွင်ႈ ဢၼ် ၵဝ်​ထႃႇဝရႃႉ​ၽြႃး ပၼ်​တၢမ်ႇ​ၼၼ်ႉ​ဢေႃႈ။-</verse>
				<verse number="10">တူၺ်း​လူး။ မိုဝ်ႉ​ဝၼ်း​ႁွတ်ႈ​မႃး​ယဝ်ႉ။ ႁွတ်ႈ​မႃး​ယဝ်ႉ။ လႄႉ​ၵမ်း​ဢၼ်​မႂ်း တၵ်း​လႆႈ​ၶၢမ်ႇ​ၼၼ်ႉ ၸေး​ယဝ်ႉ။ ၶွၼ်ႉ​ႁေႃႈ​ၵီႈ​ဝႆႉ​ယဝ်ႉ။ မႃႇၼႃႉ ပဵၼ်​တုမ်ႇ​ပဵၼ်​ၵူႇ​ဝႆႉ​ယဝ်ႉ။-</verse>
				<verse number="11">တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ တႅၵ်ႇ​ဢွၵ်ႇ​ပဵၼ်​ၶွၼ်ႉ​ႁေႃႈ ဢပႅတ်ႈ​မႃး​ယဝ်ႉ။ တၢင်း​ဢၼ်​ၸူႉ ဢၼ်​တုမ်​ၶဝ် ပရဵၵ်ႈသၢတ်ႈ​ၶဝ် ဢိၵ်ႇ​တင်း ဢုၵ်ႉ​ၸႃႇ​ၶွင်​ၶဝ်​ၼၼ်ႉ ၸိူဝ်း​ၼၼ်ႉ ဢမ်ႇ​လႆႈ​ၵိုတ်း​ဝႆႉ​ၵျၢၼ်ႇ​ဝႆႉ​လႃး​လႃး။ ဢမ်ႇ​လႆႈ​ႁဵတ်း​တၢင်း​ဢၼ်​ႁႆႈ​ႁွင်ႉ ပွင်ႉ​ၶၢင်း​ပုၼ်ႈ​ၶဝ်​လႃး​လႃး။-</verse>
				<verse number="12">ၶိင်ႇ​မၼ်း​မိူဝ်ႈ​မၼ်း​ၸေး​ယဝ်ႉ။ မိုဝ်ႉ​မၼ်း​ဝၼ်း​မၼ်း​ၸမ်​ယဝ်ႉ။ ယႃႇ​ပေ​ႁႂ်ႈ​ၵေႃႉ​ဢၼ်​သိုဝ်ႉ​ဢဝ်​ၼၼ်ႉ မီး​တၢင်း​ဢၼ်​ၸူမ်း​ဢၼ်​သိူဝ်း။ ယႃႇ​ပေ​ႁႂ်ႈ​ၵေႃႉ​ဢၼ်​ၶၢႆ​ပၼ်​ၼၼ်ႉ မီး​ၸႂ်​ဢၼ်​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ်။ လွင်ႈ​မၼ်း​ၸမ်ႉ တၢင်း​ၸႂ်​မႆႈ​ၶႆႈ​ၸႃႉ​ၵဝ်​တႄႇ​ယူႇ ၵႃႈ​ၼိူဝ်​ပရဵၵ်ႈသၢတ်ႈ​ၶဝ် တင်း​သဵင်ႈ​တင်း​လူင် ၼၼ်ႉ​ဢေႃႈ။-</verse>
				<verse number="13">ၵေႃႉ​ဢၼ်​ၶၢႆ​ပၼ်​ၼၼ်ႉ ပိၵ်ႉ​သမ်ႉ​လွတ်ႈ​ဢသၢၵ်ႈ​ယူႇ​သေ​ၵေႃႈ မၼ်း​ဢမ်ႇ​လႆႈ​ၶိုၼ်း​လႄႈ​မႃး ၵႃႈ​တီႈ​ၶိူင်ႈ​ပိူင် ဢၼ်​မၼ်း​ၶၢႆ​ပၼ်​ၼၼ်ႉ။ ပျႃႇ​တိၵ်ႈ​ရူႇပႃႇရူင်ႇ​ၼႆႉ ၸၢပ်ႈ​သႅင်ႇ​ၵၼ် တင်း​ပရဵၵ်ႈသၢတ်ႈ​ၶဝ် တင်း​သဵင်ႈ​တင်း​လူင်​လႄႈ ၽူႈ​လႂ်​ဢမ်ႇ​လႆႈ​ၶိုၼ်း​လႆႈ​မႃး​လႃး​လႃး။ ၽူႈ​လႂ် သေ​ၵေႃႉ​သေ​ၵူၼ်း ဢမ်ႇ​လႆႈ​ႁႂ်ႈ​တူဝ်​ၸဝ်ႈ​ၵဝ်ႇ တႄႇ​ယူႇ​ၵႃႈ​ၼႂ်း တၢင်း​ဢၼ်​ဢမ်ႇ​တြႃး ဢသၢၵ်ႈ​မၼ်း​ၼၼ်ႉ။-</verse>
				<verse number="14">ၶဝ်​ဢွၼ်​ၵၼ် ပဝ်ႇ​ၼႄးၶရႃႇ ႁႂ်ႈ​ယၼ်ႇ​သိုၵ်း​ၶၢင်း​သိုၵ်း​ယဝ်ႉ။ ၵူၺ်း​ၵႃႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၶီႇ​ဢမ်ႇ​ၵႂႃႇ။ လွင်ႈ​မၼ်း​ၸမ်ႉ တၢင်း​ၸႂ်​မႆႈ​ၶႆႈ​ၸႃႉ​ၵဝ်​တႄႇ​ယူႇ ၵႃႈ​ၼိူဝ်​ပရဵၵ်ႈသၢတ်ႈ​ၶဝ် တင်း​သဵင်ႈ​တင်း​လူင် ၼၼ်ႉ​ဢေႃႈ။</verse>
				<verse number="15">ၵႃႈ​တီႈ​ၼွၵ်ႈ​ၸမ်ႉ၊ မီး​လၢပ်ႇ​မီး​လႅဝ်း​လႄႈ ၵႃႈ​တီႈ​ၼႂ်း​ၸမ်ႉ၊ မီး​ၵႃႇလႃႉ​ႁႃႈ​လႅင်​မိူင်း ဢိၵ်ႇ​တင်း တၢင်း​ဢၼ်​ဢိုပ်း ဢၼ်​ယၢၵ်ႈ​ဢေႃႈ။ ၵေႃႉ​ဢၼ်​မီး​ၵႃႈ​တီႈ​ၼွၵ်ႈ​တီႈ​ပၢင်ႇ​ၼၼ်ႉ တၵ်း​တၢႆ​လူၺ်ႈ​လၢပ်ႇ လူၺ်ႈ​လႅဝ်း​လႄႈ၊ ၵေႃႉ​ဢၼ်​မီး​ၵႃႈ​ၼႂ်း​ၶူး​ၼႂ်း​ဝဵင်း​ၸမ်ႉ၊ တၵ်း​သုမ်း​လူၺ်ႈ​ၵႃႇလႃႉ​ႁႃႈ​လႅင်​မိူင်း ဢိၵ်ႇ​တင်း တၢင်း​ဢၼ်​ဢိုပ်း ဢၼ်​ယၢၵ်ႈ​ဢေႃႈ။-</verse>
				<verse number="16">ၼႂ်း​ဝႃႈ​ၼၼ်​သေ​ၵေႃႈ ၶဝ်​ၸိူဝ်း​ဢၼ်​လွတ်ႈ​ၼၼ်ႉ တၵ်း​ဢွၼ်​ၵၼ်​လွတ်ႈ​လႄႈ တင်း​သဵင်ႈ​တင်း​လူင် တၵ်း​ၶၢင်း​ၶီ​ၶၢင်း​ၽၢၼ်​ယူႇ ၵႃႈ​ၼႂ်း​ဢပႅတ်ႈ​ၶဝ် ႁင်း​ၽႂ်​ႁင်း​မၼ်း ယူႇ​သေ​လႄႈ မီး​ယူႇ​ၵႃႈ​ၼိူဝ်​လွႆ​တင်း​လၢႆ မိူၼ်​ၸိူဝ်ႉ​ၼင်ႇ​ၼူၵ်ႉ​တူႈ ဢၼ်​ယၢမ်ႈ​ယူႇ ၵႃႈ​ၼႂ်း တီႈ​ပၢင်ႇ​တီႈ​ႁူၺ်ႈ​ၼၼ်ႉ​ဢေႃႈ။-</verse>
				<verse number="17">ႁႅင်း​မိုဝ်း​ၶဝ်​ၵႃႈ​မီး​ၼၼ်ႉ တၵ်း​လဵၵ်ႉ​တၵ်း​ၵေႇ​ၵႂႃႇ​လႄႈ ႁူဝ်​ၶဝ်ႇ​ၶဝ်​ၵႃႈ​မီး​ၼၼ်ႉ တၵ်း​ဢူၼ်ႈ​ပိူဝ်ႉ​ပႃႉ ပဵၼ်​ၼမ်ႉ​ၵႂႃႇ​ဢေႃႈ။-</verse>
				<verse number="18">ၶဝ်​တၵ်း ဢွၼ်​ၵၼ်​ဢဝ်​ၼင်​ပေႃ ႁတ်ႉ​ဢႅဝ်​ယူႇ၊ တၢင်း​ဢၼ်​တူၵ်း​ၸႂ်​လႂ်​တိုၼ်ႇ ဢၼ်​ႁႅင်း​ယႂ်ႇ​ၼႃႇ တၵ်း​ႁူမ်ႇ​သုမ်ႇ​ၶဝ်​ယူႇ၊ တၢင်း​ဢၼ်​ဢူၵ်း​ဢၼ်​ဢၢႆ တၵ်း​မီး​ယူႇ​ၵႃႈ​တီႈ​ၼႃႈ​ၶဝ် တင်း​သဵင်ႈ​တင်း​လူင်​လႄႈ တၢင်း​ဢၼ်​ထႃ​ႁူဝ်​ၵႅတ်း​ႁူဝ် တၵ်း​မီး​ယူႇ​ၵႃႈ​တီႈ​ႁူဝ်​ၶဝ်​ဢေႃႈ။-</verse>
				<verse number="19">ၶဝ်​တၵ်း​ဢဝ်​ငိုၼ်း​ၶဝ် ထိမ်ႈ​ပႅတ်ႈ​ၵႃႈ​ၼႂ်း သဵၼ်ႈ​တႃႈ​သၢႆ​တၢင်း​လႄႈ မၢတ်ႈ​ၶမ်း​ၶဝ်​ပဵၼ် ၸိူဝ်ႉ​ၼင်ႇ​လွင်ႈ​တၢင်း​ဢၼ် ၵူဝ်ႈ​ၵိူၵ်ႇ​ၼၼ်ႉ​ဢေႃႈ။ ငိုၼ်း​ၶဝ်​ၶမ်း​ၶဝ်​ၼၼ်ႉ ဢမ်ႇ​ၵႄႇ​သႄႇ​ၼုၵ်ႈ​ဢဝ်​ၶဝ် ၼႂ်း​မိုဝ်ႉ​ဝၼ်း​ဢၼ် တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး ဢွၵ်ႇ​ၼၼ်ႉ​လႆႈ။ ဢမ်ႇ​ၽေႇ​ဢလူဝ်ႇ​သၼ်ႇတႃႉ​ႁူဝ်​ၸႂ်​ၶဝ်​လႆႈ။ ဢမ်ႇ​လဵင်ႉ​တွင်ႉ​လဵင်ႉ​ပုမ်​ၶဝ် ဢိမ်ႇ​ဢိမ်ႇ​တဵမ်​တဵမ်​လႆႈ။ လွင်ႈ​မၼ်း​ၸမ်ႉ ငိုၼ်း​ၶမ်း​ၼၼ်ႉ ပဵၼ်​တီႈ​ဢၼ် လွင်ႈ​တၢင်း​ဢၼ် ဢမ်ႇ​တြႃး​ၶဝ်​ၼၼ်ႉ တၵ်း​တိူဝ်ႉ​မႅၼ်ႈ​လႄႈ​လူမ်ႉ​ဢေႃႈ။-</verse>
				<verse number="20">ၶိူင်ႈ​ပိူင်​ဢၼ် ႁၢင်ႈ​လီ​ႁၢင်ႈ​ငၢမ်း​တီႈ​ၶဝ်​ၼၼ်ႉ ပဵၼ်​ပုၼ်ႈ​ဢၼ်​ၶဝ် တၵ်း​မီး​မုၼ်​မီး​ၽုင်း​ဢေႃႈ။ ၵူၺ်း​ၵႃႈ ၶဝ်​ဢဝ်​ရုၵ်ႈ​ထူႉ​သၢင်း​ထူႉ​ဢၼ်​ပဵၼ်​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​ၶဝ် ဢိၵ်ႇ​တင်း လွင်ႈ​တၢင်း ဢၼ်​ဝူၺ်ႇ​ဢၼ်​ႁင်ႈ​ၶဝ်​ၼၼ်ႉ ၸိူဝ်း​ၼၼ်ႉ ပူၵ်ႉ​ႁေႃႇ​သႂ်ႇ​ဝႆႉ ၵႃႈ​ၼႂ်း​မၼ်း​ဢေႃႈ။ ပိူဝ်ႈ​ၼႆ​လႄႈ ၵဝ်​ၸီႇ​ယၢင်ႇ​ႁႂ်ႈ​ၶိူင်ႈ​ပိူင်​ၼၼ်ႉ ပဵၼ်​လွင်ႈ​တၢင်း​ဢၼ် ၵူဝ်ႈ​ၵိူၵ်ႇ​တီႈ​ၶဝ်​ဢေႃႈ။-</verse>
				<verse number="21">ၵဝ်​ဢဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ ႁႂ်ႈ​ၶဝ်​ယႃႉ​ပႅတ်ႈ ဢိၵ်ႇ​တင်း ၵႃႈ​ၼႂ်း​မိုဝ်း​ၵူၼ်း​ဢႃႉထမ်ႇမႃႉ တင်း​လၢႆ ႁႂ်ႈ​ၶဝ်​ႁိမ်​ဢဝ်​ႁူင်ႇ​ဢဝ်​ယဝ်ႉ။ ၶဝ်​ၼၼ်ႉ တၵ်း​ဢွၼ်​ၵၼ်​ႁႂ်ႈ​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="22">ၵဝ်​တၵ်း​ဝၢႆႇ​ၼႃႈ​ၵဝ်​ပႅတ်ႈ သေ​လႄႈ ၶဝ်​ၼၼ်ႉ တၵ်း​ႁႂ်ႈ​ထႃႇၼႃႉ​တီႈ​မူတ်း​ၸၢင်ႇ​ၵဝ် ၵူဝ်ႈ​ၵိူၵ်ႇ​လႄႈ ၸူၼ်​တင်း​လၢႆ တၵ်း​ဢွၼ်​ၵၼ် ၶဝ်ႈ​ၵႃႈ​ၼႂ်း​မၼ်း​လႄႈ ႁႂ်ႈ​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="23">ႁဵတ်း​ၸိူၵ်ႈ​လဵၵ်း​တႃႉ။ လွင်ႈ​မၼ်း​ၸမ်ႉ မိူင်း​ၸဝ်ႈ​တဵမ်​ဝႆႉ​တင်း​ဢပႅတ်ႈ တၢင်း​ဢၼ်​ထွၵ်ႇ​လိူတ်ႈ​ၵူၼ်း​ပႅတ်ႈ​လႄႈ ဝဵင်း​ၵေႃႈ တဵမ်​ဝႆႉ​တင်း တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ဢေႃႈ။-</verse>
				<verse number="24">ၵွပ်ႈ​ပိူဝ်ႈ ဢၼ်​ပဵၼ်​ၼင်ႇ​ၼၼ်​လႄႈ ၵဝ်​တၵ်း ဢဝ်​ၵူၼ်း​တၢင်ႇ​ၸိူဝ်ႉ​တၢင်ႇ​ပိူင် ဢၼ်​ႁၢဝ်ႈ​ၵျၢမ်း​ၼႃႇ​သေ​ပိူၼ်ႈ​ၼၼ်ႉ မႃး​လႄႈ ၶဝ်​ၼၼ်ႉ တၵ်း​သိမ်း​ဢဝ်​ႁိူၼ်း​ၶဝ်​ဢေႃႈ။ ၵဝ်​တၵ်း​ႁႂ်ႈ မုၼ်​ၽုင်း​ၶဝ်​ၸိူဝ်း​ဢၼ် ႁႅင်း​ယႂ်ႇ​ၼႃႇ​ၼၼ်ႉ ထၢတ်ႇ​ယဵၼ်​လႄႈ ထႃႇၼႃႉ​တီႈ​မူတ်း​ၸၢင်ႇ​ၶဝ်​ၸိူဝ်း​ၼၼ်ႉ တၵ်း​မီး​တၢင်း​ဢၼ်​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="25">ၽေး​တၢင်း​ဢၼ်​လူႉ​လႅဝ်​မႃး​ဢေႃႈ။ ၶဝ်​တၵ်း​ဢွၼ်​ၵၼ်​ႁႃ​ဢဝ် တၢင်း​ဢၼ်​တဵတ်ႇ​လီ​ၼိမ်​လီ​လႄႈ ဢမ်ႇ​လႆႈ​ထူပ်း​လႃး​လႃး။-</verse>
				<verse number="26">လိုၼ်း​သေ ၽေး​ဢၼ်​ၼိုင်ႈ ၽေး​ဢၼ်​ၼိုင်ႈ တၵ်း​ပေႃႇ​မႃး​လႄႈ လိုၼ်း​သေ​သတၢင်း​သဵင်​ၶၢဝ်ႇ​ဢၼ်​ၼိုင်ႈ သတၢင်း​သဵင်​ၶၢဝ်ႇ​ဢၼ်​ၼိုင်ႈ တၵ်း​ဢွၵ်ႇ​မႃး​ဢေႃႈ။ ၶဝ်​တၵ်း​ဢွၼ်​ၵၼ်​ႁႃ​ဢဝ် ပျႃႇ​တိၵ်ႈ​ရူႇပႃႇရူင်ႇ တီႈ​ပရေႃးၽႅတ်ႈ​ဢေႃႈ။ ၵူၺ်း​ၵႃႈ ဢၶႂၢင်ႉ​တၢင်း​ဢၼ် ႁေႃး​တြႃး တၵ်း​ထၢတ်ႇ​သေ တီႈ​ယိတ်ႈပရေႃးႁဵၵ်ႈ တင်း​လၢႆ​လႄႈ ဢၶႂၢင်ႉ​ဢၼ်​ပၼ် တၢင်း​ၵျၢမ်ႇ​တၢင်း​ပွင်​ၼၼ်ႉ တၵ်း​ထၢတ်ႇ​သေ​တီႈ​ၶဝ်​ၸိူဝ်း​ဢၼ် ဢသၢၵ်ႈ​ယႂ်ႇ​ၼၼ်ႉ​ဢေႃႈ။-</verse>
				<verse number="27">ၶုၼ်​ႁေႃ​ၶမ်း တၵ်း​ၶၢင်း​ၶီ​ၶၢင်း​ၽၢၼ် ပွင်ႉ​မိူၼ်ႇ​လႄႈ၊ မူး​မၢတ်ႈ​ၽွင်း​မိူင်း တင်း​လၢႆ တၵ်း​ဢွၼ်​ၵၼ်​ၼုင်ႈ​ၶူဝ်း​ၼုင်ႈ တၢင်း​ဢၼ် ၵႂင်​ၸႂ်​ယုင်ႈ​ၸႂ်​ဢေႃႈ။ မိုဝ်း​ၵူၼ်း​ဝၢၼ်ႈ​ၵူၼ်း​မိူင်း တင်း​လၢႆ တၵ်း​ဢွၼ်​ၵၼ်​သၼ်ႇ​သၼ်ႇ​သၢႆ​သၢႆ​ဢေႃႈ။ ၵဝ်​တၵ်း​ႁဵတ်း​တီႈ​ၶဝ်​ၸွမ်း​ၵႃႈ​ၼင်ႇ သဵၼ်ႈ​တၢင်း​ဢၼ်​ၶဝ်​ၵႂႃႇ​ၼၼ်ႉ​လႄႈ ၸီႇ​ယၢင်ႇ​ၶဝ်​ၸွမ်း​ၵႃႈ​ၼင်ႇ​ဢၼ် ၶဝ်​ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။ ၶဝ်​တၵ်း​လႆႈ ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="8">
				<verse number="1">ၼႂ်း​ပီႊ​ဢၼ်​ထူၼ်ႈ​ထိုင် ႁူၵ်း​ပီႊ လိူၼ်​သႃႉထမႃႉ ႁႃႈ​ဝၼ်း​ၼၼ်ႉ ၼႂ်း​မိူဝ်ႈ​ဢၼ်​ၵဝ် ယင်း​တိုၵ်ႉ​ၼင်ႈ​ယူႇ ၵႃႈ​ၼႂ်း​ႁိူၼ်း​ၵဝ်​လႄႈ ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​မဵဝ်း​ ယူႉတႃႉ ​တင်း​လၢႆ ယင်း​တိုၵ်ႉ​ဢွၼ်​ၵၼ်​ၼင်ႈ​ယူႇ ၵႃႈ​တီႈ​ၽၢႆႇ​ၼႃႈ​ၵဝ်​ၼၼ်ႉ​ၸိုင်၊ မိုဝ်း​ၸဝ်ႈ ထႃႇဝရႃႉ​ၽြႃး တူၵ်း​ႁွတ်ႈ​ၵႃႈ​ၼိူဝ်​ၵဝ်​ဢေႃႈ။-</verse>
				<verse number="2">မိူဝ်ႈ​ၼၼ်ႉ ၵဝ်​လူ​တူၺ်း​လႄႈ လႆႈ​ႁၼ်​ပုင်ႇ​ႁၢင်ႈ ဢၼ်​မိူၼ်​ၸိူဝ်ႉ​ၼင်ႇ​ၽႆး ၼၼ်ႉ​လႄႈ ဢဝ်​ၵႃႈ​တီႈ​ဢႅဝ်​ႁၢင်ႈ​ၽၢင်​ၼၼ်ႉ လူင်း​တႂ်ႈ​ပဵၼ်​ၸိူဝ်ႉ​ၼင်ႇ ဢရွင်ႇ​ၽႆး​ဝႆႉ​ဢေႃႈ။ ဢဝ်​ၵႃႈ​တီႈ​ဢႅဝ်​ႁၢင်ႈ​ၽၢင်​ၼၼ်ႉ ၶိုၼ်ႈ​ၼိူဝ်​မိူၼ်​ၸိူဝ်ႉ​ၼင်ႇ ဢရွင်ႇ​ဢၼ်​ႁိူဝ်ႈ​လႅင်း​ဢၼ်​ဝႃႈ ၸိူဝ်ႉ​ၼင်ႇ​ဢရွင်ႇ​ၶမ်း​ ႁႃႇသမေႇလႃႉ ​ၼၼ်ႉ​ဢေႃႈ။-</verse>
				<verse number="3">မၼ်း​ယဵတ်ႇ​ပုင်ႇ​ႁၢင်ႈ​ၽၢင်​မိုဝ်း သေ​လႄႈ ယိပ်း​ၵမ်​ဢဝ်​ၶူၼ်​ႁူဝ်​ၵဝ် ယွမ်ႇ​ၼိုင်ႈ​လႄႈ ဝီႉၺိၺ်ႇ​ၸဝ်ႈ ဢုမ်ႈ​ယွင်ႈ​ဢဝ်​ၵဝ် ၶိုၼ်ႈ​ၵႃႈ​ၼိူဝ်​ၵႄႈ​ဝူင်ႈ​ၵၢင် လိၼ်​မိူင်း​တင်း ၽႃႉ​ၵၢင်​ႁၢဝ်​လႄႈ ဢဝ်​ၵဝ်​ၵႂႃႇ ၵႃႈ​ၼႂ်း​ပျႃႇ​တိၵ်ႈ ရူႇပႃႇရူင်ႇ ၽြႃး​ပဵၼ်​ၸဝ်ႈ ၼၼ်ႉ​ၸိူဝ်း​ၼၼ်ႉ​ၸူး ၵႃႈ​တီႈ​ဝဵင်း​ ယေႇရူႉသလႅမ်ႇ တီႈ​ႁူး​ၽၵ်း​တူ​တၢင်း​ၼႂ်း ဢၼ်​မီး​ၼႃႈ​တၢင်း​ႁွင်ႇ၊ တီႈ​ဢၼ် ပလၢင်ႇ​ရုၵ်ႈ​ထူႉ တၢင်း​ဢၼ် ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ဢွၵ်ႇ ဢၼ်​တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ၼၼ်ႉ မီး​ၼၼ်ႉ​ဢေႃႈ။-</verse>
				<verse number="4">မုၼ်​ၽုင်း ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ မီး​ယူႇ​ၵႃႈ​တီႈ​ၼၼ်ႈ မိူၼ်​ၸိူဝ်ႉ​ၼင်ႇ ပုင်ႇ​ႁၢင်ႈ​ၽၢင် ဢၼ်​ၵဝ်​လႆႈ​ႁၼ် ၵႃႈ​ၼႂ်း တီႈ​ပၢင်ႇ​တီႈ​ပဵင်း​ၼၼ်ႉ​ဢေႃႈ။-</verse>
				<verse number="5">မၼ်း​ၸဝ်ႈ မီး​ဢမိင်ႉ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ ဢဝ်​တႃ​မႂ်း​မုင်ႈ​တူၺ်း ၵႃႈ​တီႈ​ၼႃႈ​တၢင်း​ႁွင်ႇ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵဝ်​ဢဝ်​တႃ​ၵဝ်​မုင်ႈ​တူၺ်း ၵႃႈ​တီႈ​ၼႃႈ​တၢင်း​ႁွင်ႇ​လႄႈ ႁၼ်​ရုၵ်ႈ​ထူႉ ဢၼ်​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ဢွၵ်ႇ ၼၼ်ႉ မီး​ယူႇ​တၢင်း​ဢၼ် ၵႃႈ​တီႈ​ၼႃႈ​တၢင်း​ႁွင်ႇ ၵႃႈ​ၼႂ်း​ႁူး​ၽၵ်း​တူ ယိတ်ႈပလၢင်ႇ​ၼၼ်ႉ​ဢေႃႈ။-</verse>
				<verse number="6">လႆႈ​သမ်ႉ မၼ်း​ၸဝ်ႈ မီး​ဢမိင်ႉ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ မႂ်း​ႁၼ်​လွင်ႈ​တၢင်း​ဢၼ် ၶဝ်​ဢွၼ်​ၵၼ်​ႁဵတ်း ဢၼ်​ဝႃႈ လွင်ႈ​တၢင်း​ဢၼ် လီ​ႁင်ႈ ဢဵတ်ႇ​သဵတ်ႇ ၼႃႇ​လူင်​လၢင်​ဢၼ်​မဵဝ်း​ ဢီႉသရေႇလႃႉ ​ႁဵတ်း​ဝႆႉ ၵႃႈ​တီႈ​ၼၼ်ႈ ႁႂ်ႈ​ၵဝ်​လႆႈ​ၽၢတ်ႇ​ယၢၼ်​ၵၼ်​တင်း ထႃႇၼႃႉ​တီႈ​မူတ်း​ၸၢင်ႇ​ၵဝ်​ၵႂႃႇ ၵႆ​ၵႆ​ၼၼ်ႉ​ယဝ်ႉ​ႁိုဝ်။ မႂ်း​သမ်ႉ​ဝၢႆႇ​ၶိုၼ်း​တႃႉ။ မႂ်း​တၵ်း​ႁၼ် လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ဢၼ်​ယဵင်ႈ​ၶႅၼ်း​ယႂ်ႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="7">ဢဝ်​ၵဝ် ၵႂႃႇ​တီႈ​ႁူး​ၽၵ်း​တူ​တမ်ႇ​တိူင်း​လႄႈ မိူဝ်ႈ​ဢၼ်​ၵဝ် လူ​တူၺ်း​ၼၼ်ႉ​ၸိုင်၊ ၵဝ်​ႁၼ်​ၶုမ်​ႁူး​ၵႃႈ​ၼႂ်း လမ်း​တမ်ႇ​တိူင်း​ၼၼ်ႉ​ဢေႃႈ။-</verse>
				<verse number="8">မၼ်း​ၸဝ်ႈ သမ်ႉ​မီး​ဢမိင်ႉ တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ ၶုတ်း​ၶဝ်ႈ​ၵႃႈ​ၼႂ်း​လမ်း​တမ်ႇ​တိူင်း ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ ၵဝ်​ၶုတ်း​ၶဝ်ႈ သေ​ယဝ်ႉ၊ ႁၼ်​ႁူး​ၽၵ်း​တူ​ဢေႃႈ။-</verse>
				<verse number="9">မၼ်း​ၸဝ်ႈ​သမ်ႉ​မီး​ဢမိင်ႉ တီႈ​ၵဝ်​လႄႈ​ဝႃႈ၊ ၶဝ်ႈ​တႃႉ။ လူ​တူၺ်း​လွင်ႈ​တၢင်း ဢၼ်​ႁၢႆႉ​ယုတ်ႈ ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​ၶဝ်​ဢွၼ်​ၵၼ်​ႁဵတ်း ၵႃႈ​တီႈ​ၼႆႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="10">မိူဝ်ႈ​ဢၼ်​ၵဝ်​ၶဝ်ႈ​လႄႈ လူ​တူၺ်း​ၼၼ်ႉ​ၸိုင်၊ ၵဝ်​ႁၼ်​ပုင်ႇ​ႁၢင်ႈ​တူဝ် ဢၼ်​ၸၢင်ႈ​ၵၢၼ်း​လႂ်၊ တရိၵ်ႈသၢၼ်ႇ ဢၼ်​လီ​ႁင်ႈ​ဢဵတ်ႇ​သဵတ်ႇ​လႂ်၊ ရုၵ်ႈ​ထူႉ​သၢင်း​ထူႉ ဢၼ်​မဵဝ်း​ ဢီႉသရေႇလႃႉ ၵူဝ်း​ၵႂၢႆႇ​ၵႃႈ​မီး​လႂ်​ၸိူဝ်း​ၼၼ်ႉ တႅမ်ႈ​သႂ်ႇ​ဝႆႉ​မီး​ယူႇ ၵႃႈ​တီႈ​လဵပ်ႈ​ႁွပ်ႈ လမ်း​တမ်ႇ​တိူင်း​ၼၼ်ႉ​ဢေႃႈ။-</verse>
				<verse number="11">ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​မဵဝ်း​ ဢီႉသရေႇလႃႉ ၸဵတ်း​သိပ်း​ၵေႃႉ ဢွၼ်​ၵၼ်​ၸုၵ်း​ယူႇ ၵႃႈ​တီႈ​ၽၢႆႇ​ၼႃႈ​ၶဝ်​ယူႇ၊ ယႃႇၸၺႃႇ လုၵ်ႈ​ၸၢႆး​ သႃႇၽၢၼ်ႇ ၸုၵ်း​ယူႇ​ၵႃႈ​ၼႂ်း ၶိုင်ႈ​ၵၢင်​ၶဝ်​ယူႇ​လႄႈ ၶဝ်​ဢွၼ်​ၵၼ် ယိပ်း​ၵမ်​ဢဝ် လၢင်ႇ​ပၢၼ်း ႁင်း​ၽႂ်​ႁင်း​မၼ်း​လႄႈ ဢၢႆ​ႁွမ်​ၵႂၼ်း​ၽႆး​ၼၢမ်ႇ​သႃႇ​ၼၼ်ႉ ၶိုၼ်ႈ​ၵႂႃႇ​ၵႃႈ​ၼိူဝ် ၼႃႇ​လူင်​လၢင်​ဢေႃႈ။-</verse>
				<verse number="12">မၼ်း​ၸဝ်ႈ​သမ်ႉ​မီး​ဢမိင်ႉ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ မႂ်း​ႁၼ်​လွင်ႈ​တၢင်း​ဢၼ် ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​မဵဝ်း​ ဢီႉသရေႇလႃႉ ႁင်း​ၽႂ်​ႁင်း​မၼ်း ႁဵတ်း​ၵႃႈ​ၼႂ်း​လပ်း​သိင်ႇ ၵႃႈ​ၼႂ်း​လုၵ်း​ဢၼ်​တႅမ်ႈ​သႂ်ႇ ပုင်ႇ​ႁၢင်ႈ​ဝႆႉ​ၼၼ်ႉ​ယဝ်ႉ​ႁိုဝ်။ ၶဝ်​ဢွၼ်​ၵၼ်​လၢတ်ႈ လႄႈ​ဝႃႈ၊ ထႃႇဝရႃႉ​ၽြႃး ဢမ်ႇ​ႁၼ်​ႁဝ်း​ၵူၺ်ႉ။ ထႃႇဝရႃႉ​ၽြႃး ၸုၼ်ႉ​ပႅတ်ႈ​လိၼ်​မိူင်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မၼ်း​ၸဝ်ႈ သမ်ႉ​မီး​ဢမိင်ႉ​တီႈ​ၵဝ်​လႄႈ​ဝႃႈ၊ မႂ်း​သမ်ႉ​ဝၢႆႇ​ၶိုၼ်း​တႃႉ။ မႂ်း​တၵ်း​ႁၼ် လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ဢၼ်​ယဵင်ႈ​ၶႅၼ်း​ယႂ်ႇ​ၼႃႇ​ဢၼ်​ၶဝ်​ႁဵတ်း ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">ဢဝ်​ၵဝ် ၵႂႃႇ​ၵႃႈ​တီႈ​ႁူး​ၽၵ်း​တူ ႁိူၼ်း​ထႃႇဝရႃႉ​ၽြႃး ဢၼ်​မီး​ၵႃႈ​တီႈ​ၼႃႈ​တၢင်း​ႁွင်ႇ​လႄႈ ၵႃႈ​တီႈ​ၼၼ်ႈ​ၵဝ်​ႁၼ် မႄႈ​ယိင်း​တင်း​လၢႆ ဢွၼ်​ၵၼ်​ႁႆႈ​ႁွင်ႉ​ပုၼ်ႈ​ၽြႃး တမ်ႇမူႉ ယူႇ​သေ​လႄႈ ၼင်ႈ​ယူႇ​ဢေႃႈ။-</verse>
				<verse number="15">မၼ်း​ၸဝ်ႈ သမ်ႉ​မီး​ဢမိင်ႉ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ မႂ်း​ႁၼ်​လွင်ႈ​တၢင်း​ၼၼ်ႉ ယဝ်ႉ​ႁိုဝ်။ မႂ်း​သမ်ႉ​ဝၢႆႇ​ၶိုၼ်း​တႃႉ။ မႂ်း​တၵ်း​ႁၼ် လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ဢၼ်​ယဵင်ႈ​ၶႅၼ်း​ယႂ်ႇ​ၼႃႇ သေ​ၸိူဝ်း​ၼၼ်ႉ လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="16">ဢဝ်​ၵဝ်​ၵႂႃႇ ၵႃႈ​တီႈ​ၼႂ်း​တမ်ႇ​တိူင်း​တၢင်း​ၼႂ်း​ႁိူၼ်း ထႃႇဝရႃႉ​ၽြႃး​လႄႈ ၵႃႈ​တီႈ​ႁူး​ၽၵ်း​တူ​ပိၵ်ႈ​မၢၼ်ႇ​ၸဝ်ႈ၊ ၵႃႈ​ၼႂ်း​ၵႄႈ​ဝူင်ႈ​ၵၢင် ၼႃႈ​ပိၵ်ႈ​မၢၼ်ႇ​ၸဝ်ႈ တင်း​ယိတ်ႈပလၢင်ႇ​ၼၼ်ႉ မီး​ၵူၼ်း​သၢဝ်း​ႁႃႈ ဢၼ်​ဢွၼ်​ၵၼ်​ၵွင်​လင်​တေႃႇ ပိၵ်ႈ​မၢၼ်ႇ ထႃႇဝရႃႉ​ၽြႃး​ယူႇ၊ ဝၢႆႇ​ၼႃႈ​ၶဝ်​ၵႂႃႇ တၢင်း​ဢွၵ်ႇ​ယူႇ​သေ​လႄႈ ၵူဝ်း​ၵႂၢႆႇ​ၵၢင်​ဝၼ်း တီႈ​ၼႃႈ​တၢင်း​ဢွၵ်ႇ​ၼၼ်ႉ​ယူႇ​ဢေႃႈ။-</verse>
				<verse number="17">မၼ်း​ၸဝ်ႈ သမ်ႉ​မီး​ဢမိင်ႉ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ မႂ်း​ႁၼ်​လွင်ႈ​တၢင်း​ၼၼ်ႉ​ယဝ်ႉ​ႁိုဝ်။ ဢပႅတ်ႈ ဢၼ်​မဵဝ်း​ ယူႉတႃႉ ႁဵတ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ဢၼ်​ၶဝ်​ႁဵတ်း​ၵႃႈ​တီႈ​ၼႆႈ ၸိူဝ်း​ၼၼ်ႉ​ၼၼ်ႉ ပဵၼ်​ဢၼ်​မဝ်​မၢင်​ႁိုဝ်။ ၶဝ်​ဢွၼ်​ၵၼ်​ႁႂ်ႈ​မိူင်း​ၸဝ်ႈ​တဵမ်​ဝႆႉ တင်း​ဢမူႉ​ဢႃႉထမ်ႇမႃႉ​လႄႈ၊ ဝၢႆႇ​ၶိုၼ်း ႁႂ်ႈ​လႆႈ​တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ဢေႃႈ။ ၶဝ်​ဢွၼ်​ၵၼ်​ယိပ်း​ၵမ်​ဢဝ်​ၵိင်ႇ​မႆႉ ၶူဝ်ႈ​မႆႉ ၸပ်း​ၶူႈ​လင်​ၶဝ်​ဢေႃႈ။-</verse>
				<verse number="18">ပိူဝ်ႈ​ၼႆ​လႄႈ ၵဝ်​တၵ်း​ပွႆႇ တၢင်း​ၸႂ်​မႆႈ​ၶႆႈ​ၸႃႉ​ၵဝ်​ၸူး​ဢေႃႈ။ မၢၵ်ႇ​တႃ​ၵဝ် တၵ်း​ဢမ်ႇ​သေ​လၢႆ၊ ၵဝ်​တၵ်း​ဢမ်ႇ​ဢဵတ်း​လူ။ ပိၵ်ႉ​သမ်ႉ​ၶဝ် ႁဵတ်း​တင်း​သဵင်​ဢၼ်​ယႂ်ႇ​ၼႃႇ သႅၼ်ႇ​ႁွင်ႉ လဝ်ႊ​ယွၼ်း​ၸူး တီႈ​ႁူ​ၵဝ် သေ​ၵေႃႈ ၵဝ်​ဢမ်ႇ​ထွမ်ႇ ဢမ်ႇ​ငိၼ်း​ၵႂၢမ်း​ၶဝ်၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="9">
				<verse number="1">မၼ်း​ၸဝ်ႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​ယူႇ ၵႃႈ​ၼႂ်း​ႁူ​ၵဝ်​လႄႈ​ဝႃႈ၊ သူ​ဢွၼ်​ၵၼ် ႁႂ်ႈ​ၶဝ်​ၸိူဝ်း​ဢၼ်​ပႂ်ႉ​လွမ် ပႂ်ႉ​တူၺ်း​ဝဵင်း​ၼၼ်ႉ ယိပ်း​ၵမ်​ဢဝ်​လၢၵ်ႈ​ၼၢၵ်ႈ ဢၼ်​ယႃႉ​ပႅတ်ႈ​ႁင်း​ၽႂ်​ႁင်း​မၼ်း သေ​လႄႈ သုတ်ႉ​ၸပ်း​သုတ်ႉ​ၸူး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">မိူဝ်ႈ​ၼၼ်ႉ ၵူၼ်း​ႁူၵ်း​ၵေႃႉ​ယိပ်း​ၵမ်​ဢဝ်​လၢၵ်ႈ​ၼၢၵ်ႈ ပုၼ်ႈ​ဢၼ် တၵ်း​ဢဝ်​တၢႆ​ၼၼ်ႉ​ႁင်း​ၽႂ်​ႁင်း​မၼ်း​သေ​လႄႈ လုၵ်ႉ​သေ​ၵႃႈ​တီႈ​ၽၵ်း​တူ ဢၼ်​ၵႃႈ​ၼိူဝ်​ဢၼ် မီး​ၵႃႈ​တီႈ​ၼႃႈ​တၢင်း​ႁွင်ႇ​ၼၼ်ႉ​မႃး​လႄႈ ၵေႃႉ​ၼိုင်ႈ ဢၼ်​ပႃး​ၵႃႈ​ၼႂ်း​ၵၢင်​ၶဝ်​ၼၼ်ႉ ၼုင်ႈ​ၶူဝ်း​ၼုင်ႈ​ပိၵ်ႈ​ၶျေႃး သေ​လႄႈ ပႃး​မေႃႈ​ၼမ်ႉ​မိုၵ်ႉ ၵႃႈ​တီႈ​ႁိမ်း​ပဵမ်ႉ​မၼ်း​ယူႇ​လႄႈ ၶဝ်​ၼၼ်ႉ​ဢွၼ်​ၵၼ်​ၶဝ်ႈ​လႄႈ ၸုၵ်း​ယူႇ​ၵႃႈ​တီႈ​ႁိမ်း ယိတ်ႈပလၢင်ႇ​တွင်း​လိူင်​ဢေႃႈ။-</verse>
				<verse number="3">မုၼ်​ၽုင်း ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ လုၵ်ႉ​သေ​ၵႃႈ​တီႈ​ ၶေႇရူႉၽဵမ်ႇ တီႈ​ဢၼ်​ၵိင်း​ဝၢပ်ႈ​ယူႇ​ၼၼ်ႉ ၶိုၼ်ႈ​ၸူး​ၵႃႈ​တီႈ ၶူင်ႇ​ႁိူၼ်း​ၸဝ်ႈ​လႄႈ မၼ်း​ၸဝ်ႈ​ႁွင်ႉ​ဢဝ်​ၵေႃႉ​ဢၼ် ၼုင်ႈ​ၶူဝ်း​ၼုင်ႈ ပိၵ်ႈ​ၶျေႃး​သေ​လႄႈ ပႃး​မေႃႈ​ၼမ်ႉ​မိုၵ်ႉ ၵႃႈ​တီႈ​ပဵမ်ႉ​မၼ်း​ၼၼ်ႉ​ဢေႃႈ။-</verse>
				<verse number="4">ထႃႇဝရႃႉ​ၽြႃး မီး​ဢမိင်ႉ တီႈ​မၼ်း​ၼၼ်ႉ​လႄႈ​ဝႃႈ၊ လႄႇ​ၵႂႃႇ​ၵႃႈ​ၼႂ်း​ဝဵင်း​ဢၼ်​ဝႃႈ ဝဵင်း​ ယေႇရူႉသလႅမ်ႇ ​လႄႈ မၢႆ​သႂ်ႇ​ဝႆႉ​တီႈ​မၢတ်ႈ တီႈ​တွင်း ၵႃႈ​တီႈ​ၼႃႈ​ၽၢၵ်ႇ ၶဝ်​ၸိူဝ်း​ဢၼ် ၶၢင်း​ၶီ​ၶၢင်း​ၽၢၼ်​လႄႈ ႁႆႈ​ႁွင်ႉ​ၵွပ်ႈ​ပိူဝ်ႈ လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ၵႃႈ​ဢၼ်​ႁဵတ်း ၵႃႈ​ၼႂ်း​ဝဵင်း​ၼၼ်ႉ ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">တီႈ​တၢင်ႇ​ၵေႃႉ​ၸိူဝ်း​ၼၼ်ႉ​ၵေႃႈ မၼ်း​ၸဝ်ႈ​မီး​ဢမိင်ႉ​ယူႇ​ၵႃႈ​ၼႂ်း​ႁူ​ၵဝ်​လႄႈ​ဝႃႈ၊ ဢွၼ်​ၵၼ် ၸွမ်း​လင်​ၵေႃႉ​ၼၼ်ႉ လႄႇ​ၵႂႃႇ​ၸွတ်ႇ​ၸႅတ်ႇ ၵႃႈ​ၼႂ်း​ဝဵင်း​သေ​လႄႈ ပၼ်​တၢမ်ႇ​တႃႉ။ ယႃႇ​ပေ​ႁႂ်ႈ​မၢၵ်ႇ​တႃ​သူ​သေ​လၢႆ။ ယႃႇ​ပေ​မီး​တၢင်း​ဢၼ်​ဢဵတ်း​လူ။-</verse>
				<verse number="6">ဢွၼ်​ၵၼ်​ဢဝ် ၵေႃႉ​ဢၼ်​ဢသၢၵ်ႈ​ယႂ်ႇ၊ ၵေႃႉ​ဢၼ်​ဢသၢၵ်ႈ​လဵၵ်ႉ၊ ၽူႈ​သၢဝ်၊ လုၵ်ႈ​လႅင်​ဢွၼ်ႇ၊ မႄႈ​ယိင်း​တင်း​လၢႆ တၢႆ​ပႅတ်ႈ မူတ်း​မူတ်း​သဵင်ႈ​သဵင်ႈ​တႃႉ။ ၼႂ်း​ဝႃႈ​ၼၼ်​သေ​ၵေႃႈ ယႃႇ​ပေ​ဢွၼ်​ၵၼ် သုတ်ႉ​ၸပ်း​သုတ်ႉ​ၸူး တီႈ​ၶဝ်​ၸိူဝ်း​ဢၼ် မီး​တၢင်း​ဢၼ် မၢတ်ႈ​ဝႆႉ​မၢႆ​ဝႆႉ​ၼၼ်ႉ။ ဢွၼ်​ၵၼ်​ႁဵတ်း​ၵႃႈ​တီႈ ထႃႇၼႃႉ​တီႈ​မူတ်း​ၸၢင်ႇ​ၵဝ်​ၼႆႉ ဢွၼ်​တၢင်း​ပိူၼ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ ၶဝ်​ဢွၼ်​ၵၼ်​ဢဝ် ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ ဢၼ်​မီး​ၵႃႈ​တီႈ ၽၢႆႇ​ၼႃႈ​ႁိူၼ်း​ၸဝ်ႈ​ၼၼ်ႉ​တၢႆ ဢွၼ်​တၢင်း​ပိူၼ်ႈ​ဢေႃႈ။-</verse>
				<verse number="7">မၼ်း​ၸဝ်ႈ သမ်ႉ​မီး​ဢမိင်ႉ တီႈ​ၶဝ်​ထႅင်ႈ​လႄႈ​ဝႃႈ၊ ႁႂ်ႈ​ႁိူၼ်း​ၸဝ်ႈ​ၵူဝ်ႈ​ၵိူၵ်ႇ​လႄႈ ႁႂ်ႈ​တမ်ႇ​တိူင်း​တင်း​လၢႆ တဵမ်​ဝႆႉ​တင်း​တူဝ်​တၢႆ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢႆ​ၼၼ်ႉ​သေ​ယဝ်ႉ၊ ဢွၵ်ႇ​ၵႂႃႇ​တႃႉ၊ ဝႃႈ​ၼင်ႇ​ၼႆ​လႄႈ၊ ၶဝ်​ဢွၼ်​ၵၼ်​ဢွၵ်ႇ​ၵႂႃႇ​လႄႈ ဢဝ်​တၢႆ​ၵႃႈ​ၼႂ်း​ဝဵင်း​ဢေႃႈ။-</verse>
				<verse number="8">ၼႂ်း​မိူဝ်ႈ​ဢၼ် ၵဝ်​ၵိုတ်း​သဝ်း​ယူႇ​လႄႈ ၶဝ်​ဢွၼ်​ၵၼ်​ဢဝ်​တၢႆ​ယူႇ ၼၼ်ႉ​ၸိုင်၊ ၵဝ်​ၶုပ်ႉ​မူပ်ႇ​သေ​လႄႈ ႁွင်ႉ​သႅၼ်ႇ​လဝ်ႊ​လၢတ်ႈ လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး တီႈ​ၶႃႈ၊ ၼႂ်း​လွင်ႈ​တၢင်း​ဢၼ် ၸဝ်ႈ​ႁဝ်း ဢဝ်​ဢၢႆ​ႁႅင်း​တၢင်း​ၸႂ်​မႆႈ​ၶႆႈ​ၸႃႉ ၸဝ်ႈ​ႁဝ်း​သွၼ်း​လေႃႇ ၵႃႈ​ၼိူဝ် ဝဵင်း​ ယေႇရူႉသလႅမ်ႇ ​ၼၼ်ႉ၊ ၸဝ်ႈ​ႁဝ်း​တၵ်း​ယႃႉ​ၽဵဝ်ႈ မဵဝ်း​ ဢီႉသရေႇလႃႉ ၵႃႈ​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ ပႅတ်ႈ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မိူဝ်ႈ​ၼၼ်ႉ မၼ်း​ၸဝ်ႈ မီး​ဢမိင်ႉ​တီႈ​ၵဝ်​လႄႈ​ဝႃႈ၊ ဢပႅတ်ႈ​မဵဝ်း​ ဢီႉသရေႇလႃႉ တင်း​မဵဝ်း​ ယူႉတႃႉ ​ၼႆႉ​ယႂ်ႇ​ၼႃႇ​လူင်​လၢင်​ဢေႃႈ။ မိူင်း​ၸဝ်ႈ တဵမ်​ဝႆႉ​တင်း ဢပႅတ်ႈ​လိူတ်ႈ​ၵူၼ်း​လႄႈ ဝဵင်း​ၵေႃႈ​တဵမ်​ဝႆႉ​တင်း ဢပႅတ်ႈ တၢင်း​ဢၼ်​ၽွၵ်ႈ​ပျၢၼ်ႇ​ၶိုၼ်း​ဢေႃႈ။ ၶဝ်​ဢွၼ်​ၵၼ်​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး ၸုၼ်ႉ​ပႅတ်ႈ​လိၼ်​မိူင်း​ယဝ်ႉ။ ထႃႇဝရႃႉ​ၽြႃး ဢမ်ႇ​ႁၼ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ မၢၵ်ႇ​တႃ​ၵဝ်​တၵ်း​ဢမ်ႇ​သေ​လၢႆ။ ၵဝ်​တၵ်း​ဢမ်ႇ​ဢဵတ်း​လူ​လႄႈ တၵ်း​ႁႂ်ႈ​ဢပႅတ်ႈ တၢင်း​ၵမ်​တၢင်း​ၵျၢင်ႉ​ၶဝ်​ၼၼ်ႉ တူၵ်း ႁွတ်ႈ​ၵႃႈ​ၼိူဝ်​ႁူဝ်​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၵေႃႉ​ဢၼ်​ၼုင်ႈ​ၶူဝ်း​ၼုင်ႈ​ပိၵ်ႈ​ၶျေႃး​လႄႈ ပႃး​မေႃႈ​ၼမ်ႉ​မိုၵ်ႉ ၵႃႈ​တီႈ​ႁိမ်း​ပဵမ်ႉ​မၼ်း​ၼၼ်ႉ ၶိုၼ်း​လဝ်ႊ​လၢတ်ႈ လူၺ်ႈ​လွင်ႈ​ၼၼ်ႉ လႄႈ​ဝႃႈ၊ ၶႃႈ​ၸဝ်ႈ​ႁဵတ်း​ၸွမ်း​ၵႃႈ​ၼင်ႇ​ဢၼ် ၸဝ်ႈ​ႁဝ်း​သင်ႇ​လၢတ်ႈ​ဝႆႉ​ၼၼ်ႉ တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="10">
				<verse number="1">လႆႈ​သမ်ႉ ၵဝ်​လူ​တူၺ်း​လႄႈ ႁၼ်​ဢရွင်ႇ​ႁၢင်ႈ​ၽၢင် ရႃႇၸႃႉ​ပလၢင်ႇ ဢၼ်​မိူၼ်​ၸိူဝ်ႉ​ၼင်ႇ သႅင်​ၼီႇလႃႇ​ၼၼ်ႉ မီး​ယူႇ​ၵႃႈ​တီႈ ၼႃႈ​ၽႃႉ​ၵၢင်​ႁၢဝ် ၵႃႈ​ၼိူဝ်​ႁူဝ်​ ၶေႇရူႉၽဵမ်ႇ ​ၼၼ်ႉ​ဢေႃႈ။-</verse>
				<verse number="2">မၼ်း​ၸဝ်ႈ​မီး​ဢမိင်ႉ တီႈ​ၵေႃႉ​ဢၼ် ၼုင်ႈ​ၶူဝ်း​ၼုင်ႈ ပိၵ်ႈ​ၶျေႃး​ၼၼ်ႉ​လႄႈ​ဝႃႈ၊ ၶဝ်ႈ​ၵႃႈ​ၼႂ်း ၵႄႈ​ဝူင်ႈ​ၵၢင်​မၢၵ်ႇ​လေႃႉ ၵႃႈ​တီႈ​တႂ်ႈ​ ၶေႇရူႉၽဵမ်ႇ ​ၼၼ်ႉ​လႄႈ ဢဝ်​မိုဝ်း​သွင်​ၶွၼ် ၵွပ်ႇ​ဢဝ်​ထၢၼ်ႇ​ၽႆး ဢၼ်​မီး​ၵႃႈ​ၼႂ်း ၵႄႈ​ဝူင်ႈ​ၵၢင်​ ၶေႇရူႉၽဵမ်ႇ ​ၸိူဝ်း​ၼၼ်ႉ​သေ​လႄႈ ၸၢတ်ႇ​ပိုၼ်​သႂ်ႇ ၵႃႈ​ၼိူဝ်​ဝဵင်း​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵေႃႉ​ၼၼ်ႉ ၶဝ်ႈ​ၵႂႃႇ​သိုဝ်ႈ​ၼႃႈ​တႂ်ႈ​တႃ​ၵဝ်​ဢေႃႈ။-</verse>
				<verse number="3">မိူဝ်ႈ​ဢၼ်​မၼ်း​ၶဝ်ႈ​ၼၼ်ႉ၊ ၶေႇရူႉၽဵမ်ႇ ​ၸိူဝ်း​ၼၼ်ႉ ၸုၵ်း​ယူႇ​ၵႃႈ​တီႈ ၽၢႆႇ​ၶႂႃ​ႁိူၼ်း​ၸဝ်ႈ​လႄႈ မွၵ်ႇ​ၵုမ်ႈ​မီး​တဵမ်​ဝႆႉ ၵႃႈ​ၼႂ်း​တမ်ႇ​တိူင်း တၢင်း​ၼႂ်း​ၼၼ်ႉ​ဢေႃႈ။-</verse>
				<verse number="4">မုၼ်​ၽုင်း ထႃႇဝရႃႉ​ၽြႃး​ၼၼ်ႉ ၶၢႆႉ​သေ​ၵႃႈ​တီႈ​ ၶေႇရူႉၽဵမ်ႇ ၶိုၼ်ႈ​ၵႃႈ​ၼိူဝ် ၶူင်ႇ​ၽၵ်း​တူ ႁိူၼ်း​ၸဝ်ႈ​လႄႈ ႁိူၼ်း​ၸဝ်ႈ​ၼၼ်ႉ တဵမ်​ဝႆႉ​တင်း​မွၵ်ႇ​ၵုမ်ႈ​ဢေႃႈ။ တမ်ႇ​တိူင်း​ၵေႃႈ တဵမ်​ဝႆႉ​တင်း​ဢရွင်ႇ​မုၼ်​ၽုင်း ထႃႇဝရႃႉ​ၽြႃး ဢၼ်​ႁိူဝ်ႈ​လႅင်း​ၼၼ်ႉ​ဢေႃႈ။-</verse>
				<verse number="5">လႆႈ​ငိၼ်း​သဵင်​ပိၵ်ႇ​ ၶေႇရူႉၽဵမ်ႇ ​ၸိူဝ်း​ၼၼ်ႉ​ယူႇ မိူၼ်​ၸိူဝ်ႉ​ၼင်ႇ​သဵင်​ဢၼ် ၽြႃး​ပဵၼ်​ၸဝ်ႈ ၸဝ်ႈ​ဢၼၼ်ႇတႃႉ​တၼ်း​ၶူဝ်း မီး​ဢမိင်ႉ​ဢွၵ်ႇ​သူပ်း​ၼၼ်ႉ​ဢေႃႈ။-</verse>
				<verse number="6">မိူဝ်ႈ​ဢၼ်​မၼ်း​ၸဝ်ႈ မီး​ဢမိင်ႉ​တီႈ​ၵေႃႉ​ဢၼ် ၼုင်ႈ​ၶူဝ်း​ၼုင်ႈ ပိၵ်ႈ​ၶျေႃး​ၼၼ်ႉ​လႄႈ​ဝႃႈ၊ ဢဝ်​ၽႆး​ၵႃႈ​ၼႂ်း ၵႄႈ​ဝူင်ႈ​ၵၢင်​မၢၵ်ႇ​လေႃႉ​တင်း​လၢႆ ၵႃႈ​ၼႂ်း​ဝူင်ႈ​ၵၢင်​ ၶေႇရူႉၽဵမ်ႇ ​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၵေႃႉ​ၼၼ်ႉ​ၶဝ်ႈ​လႄႈ ၸုၵ်း​ယူႇ ၵႃႈ​တီႈ​ႁိမ်း​မၢၵ်ႇ​လေႃႉ လုၵ်ႈ​ၼိုင်ႈ​ဢေႃႈ။-</verse>
				<verse number="7">ၶေႇရူႉၽဵမ်ႇ ​ပႃး​ၼိုင်ႈ ယဵတ်ႇ​မိုဝ်း​မၼ်း​ဢွၵ်ႇ​သေ ၵႃႈ​ၼႂ်း​မုၵ်ႉ​ ၶေႇရူႉၽဵမ်ႇ ​ၼၼ်ႉ ၸူး​တီႈ​ၽႆး ဢၼ်​မီး​ၵႃႈ​ၼႂ်း​ၵႄႈ​ဝူင်ႈ​ၵၢင်​ ၶေႇရူႉၽဵမ်ႇ ​ၸိူဝ်း​ၼၼ်ႉ လႄႈ ဢဝ်​သေ​လႄႈ​သႂ်ႇ​ပၼ် ၵႃႈ​ၼႂ်း​မိုဝ်း​ၵေႃႉ​ဢၼ် ၼုင်ႈ​ၶူဝ်း​ၼုင်ႈ ပိၵ်ႈ​ၶျေႃး​ၼၼ်ႉ​ဢေႃႈ။ ၵေႃႉ​ၼၼ်ႉ​ၵေႃႈ ၶၢမ်ႇ​ဢဝ်​သေ​လႄႈ ဢွၵ်ႇ​ၵႂႃႇ​ဢေႃႈ။-</verse>
				<verse number="8">ၵႃႈ​ၼႂ်း​ ၶေႇရူႉၽဵမ်ႇ ​ၸိူဝ်း​ၼၼ်ႉ မိုဝ်း​ၵူၼ်း​ပေႃႇ​မႃး ၵႃႈ​တႂ်ႈ​ပိၵ်ႇ​ၶဝ်​ၼၼ်ႉ​ဢေႃႈ။-</verse>
				<verse number="9">ၵဝ်​လူ​တူၺ်း​လႄႈ ႁၼ်​မၢၵ်ႇ​လေႃႉ​သီႇ​လုၵ်ႈ မီး​ၵႃႈ​တီႈ​ႁိမ်း​ ၶေႇရူႉၽဵမ်ႇ ​ၸိူဝ်း​ၼၼ်ႉ ၵႃႈ​ႁိမ်း​ ၶေႇရူႉၽဵမ်ႇ ​ယေႈ​ပႃး​ယေႈ​လုၵ်ႈ ၼင်ႇ​ၵၼ်​လႄႈ ဢရွင်ႇ​ႁၢင်ႈ​ၽၢင်​မၢၵ်ႇ​လေႃႉ​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​ဢရွင်ႇ သႅင် မျၵ်ႈ​ရွႆး​ဢေႃႈ။-</verse>
				<verse number="10">ႁၢင်ႈ​ၽၢင်​ၶဝ်​ၼၼ်ႉ တင်း​သီႇ​လုၵ်ႈ မီး​ပုင်ႇ​ႁၢင်ႈ​ဢၼ်​လဵဝ်​ၵၼ်​လႄႈ ပဵၼ်​ၸိူဝ်ႉ​ၼင်ႇ​ဢၼ် ဢဝ်​လုၵ်ႈ​ၼိုင်ႈ သႂ်ႇ​ဝႆႉ​ၵႃႈ​ၼႂ်း​လုၵ်ႈ​ၼိုင်ႈ​ဢေႃႈ။-</verse>
				<verse number="11">ယၢမ်း​မိူဝ်ႈ​ဢၼ်​ၶဝ်​ၵႂႃႇ​ၼၼ်ႉ​ၸိုင် ၶဝ်​ၸၢင်ႈ​ၵႂႃႇ တင်း​သီႇ​ၼႃႈ​လႄႈ ယင်း​ဢမ်ႇ​ဝၢႆႇ​ဢမ်ႇ​ငႅၵ်း ၸၢင်ႈ​ဢွၼ်​ၵၼ်​ၵႂႃႇ​ဢေႃႈ။ ၸွမ်း​ၵႃႈ​တီႈ​ၽၢႆႇ​တၢင်း​ဢၼ် ဝၢႆႇ​ၼႃႈ​ဝၢႆႇ​ႁူဝ်​တေႃႇ ယူႇ​ၼၼ်ႉ​လႄႈ၊ ယင်း​ဢမ်ႇ​ဝၢႆႇ​ၵႂႃႇ ဝၢႆႇ​ၶိုၼ်း​လႄႈ ၸၢင်ႈ​ဢွၼ်​ၵၼ်​ၵႂႃႇ​ဢေႃႈ။-</verse>
				<verse number="12">တင်း​တူဝ်​တင်း​ၶိင်း​ၶဝ်၊ လင်​ၶဝ်၊ မိုဝ်း​ၶဝ်၊ ပိၵ်ႇ​ၶဝ် ဢိၵ်ႇ​တင်း​မၢၵ်ႇ​လေႃႉ ဢၼ်​ဝႃႈ မၢၵ်ႇ​လေႃႉ​ဢၼ်​မီး​တီႈ သီႇ​ပႃႈ​ၼၼ်ႉ မီး​တဵမ်​ဝႆႉ​တင်း မၢၵ်ႇ​တႃ​ဢေႃႈ။-</verse>
				<verse number="13">ၵဝ်​ငိၼ်း ႁွင်ႉ​သႅၼ်ႇ​လူၺ်ႈ​လွင်ႈ မၢၵ်ႇ​လေႃႉ​ၸိူဝ်း​ၼၼ်ႉ​လႄႈ​ဝႃႈ၊ ဢၼ်​ပၼ်ႇ​ယူႇ​ၵိင်ႈ​ယူႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၶဝ်​ၼၼ်ႉ​ၵူႈ​ပႃး​ယေႈ​ပႃး​မီး​သီႇ​ၼႃႈ ၼင်ႇ​ၵၼ်​လႄႈ၊ ၼႃႈ​ပထမႃႉ​ပဵၼ်​ၼႃႈ​ ၶေႇရူႉၽဵမ်ႇ ။ ၼႃႈ​တူႉတီႉယႃႉ ပဵၼ်​ၼႃႈ​ၵူၼ်း၊ ၼႃႈ​တႃႉတီႉယႃႉ ပဵၼ်​ၼႃႈ သၢင်ႇ​သီႈ၊ ၼႃႈ​ၸတုၵ်ႉထႃႉ ပဵၼ်​ၼႃႈ​လၢင်း​တႃႉ​ၶမ်း​ဢေႃႈ။-</verse>
				<verse number="15">ၶေႇရူႉၽဵမ်ႇ ​ၸိူဝ်း​ၼၼ်ႉ ဢွၼ်​ၵၼ်​မီး​တၢင်း​ဢၼ်​ယုၵ်ႉ​ၶိုၼ်ႈ​ယူႇ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​သတ်ႉတဝႃႇ ဢၼ်​ၵဝ်​လႆႈ​ႁၼ် ၵႃႈ​တီႈ​ႁိမ်း​ၼမ်ႉ​ႁွင်ႈ​ ၶေႇပႃႇ ​ၼၼ်ႉ​ယဝ်ႉ ၼၼ်ႉ​ဢေႃႈ။-</verse>
				<verse number="16">ယၢမ်း​မိူဝ်ႈ​ဢၼ်​ ၶေႇရူႉၽဵမ်ႇ ​ၸိူဝ်း​ၼၼ်ႉ​ၵႂႃႇ ၼၼ်ႉ​ၸိုင် မၢၵ်ႇ​လေႃႉ​ၸိူဝ်း​ၼၼ်ႉ​ဢွၼ်​ၵၼ်​ၸပ်း​ၸွမ်း​ယူႇ​ဢေႃႈ။ ယၢမ်း​မိူဝ်ႈ​ဢၼ် ၶေႇရူႉၽဵမ်ႇ ​ၸိူဝ်း​ၼၼ်ႉ​ၵီႈ​ပိၵ်ႇ ႁႂ်ႈ​လႆႈ​လုၵ်ႉ​သေ ၵႃႈ​တီႈ​လိၼ်​မိူင်း​ၶိုၼ်ႈ​ၼၼ်ႉ​ၸိုင်၊ မၢၵ်ႇ​လေႃႉ​ၸိူဝ်း​ၼၼ်ႉ ယင်း​ဢမ်ႇ​ၽၢတ်ႇ​ၵၼ် ယၢၼ်​ၵၼ်​တင်း​ၶဝ်​ၼၼ်ႉ​လႄႈ ဢွၼ်​ၵၼ်​ၸပ်း​ၸွမ်း​ယူႇ​ဢေႃႈ။-</verse>
				<verse number="17">ယၢမ်း​မိူဝ်ႈ​ဢၼ်​ၶဝ်​ၼၼ်ႉ ၵိုတ်း​သဝ်း​ၼၼ်ႉ၊ ၶဝ်​ၼႆ​ၵေႃႈ​ၵိုတ်း​သဝ်း​လႄႈ ယၢမ်း​မိူဝ်ႈ​ဢၼ်​ၶဝ်​ၼၼ်ႉ ယုၵ်ႉ​ၶိုၼ်ႈ​ၼၼ်ႉ ၶဝ်​ၼႆ​ၵေႃႈ ဢွၼ်​ၵၼ်​ၸပ်း​ၸွမ်း​လႄႈ ယုၵ်ႉ​ၶိုၼ်ႈ​ဢေႃႈ။ လွင်ႈ​မၼ်း​ၸမ်ႉ ဝီႉၺိၺ်ႇ​သတ်ႉတဝႃႇ မီး​ၵႃႈ​ၼႂ်း​ၶဝ်​ဢေႃႈ။-</verse>
				<verse number="18">မိူဝ်ႈ​ၼၼ်ႉ​မုၼ်​ၽုင်း ထႃႇဝရႃႉ​ၽြႃး ၶၢႆႉ​သေ​ၵႃႈ​တီႈ ၶူင်ႇ​ၽၵ်း​တူ​ႁိူၼ်း​ၸဝ်ႈ​လႄႈ တႄႇ​ယူႇ​ၵႃႈ​ၼိူဝ်​ ၶေႇရူႉၽဵမ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="19">ၶေႇရူႉၽဵမ်ႇ ​ၸိူဝ်း​ၼၼ်ႉ ၵီႈ​ပိၵ်ႇ​ၶဝ်​လႄႈ ဢွၼ်​ၵၼ် ၽၢတ်ႇ​ယၢၼ်​လိၼ်​မိူင်း​သေ​လႄႈ ယုၵ်ႉ​ၶိုၼ်ႈ​သိုဝ်ႈ​ၼႃႈ​တႂ်ႈ​တႃ​ၵဝ် ၼႂ်း​မိူဝ်ႈ​ဢၼ်​ၶဝ် ဢွၵ်ႇ​ၵႃႈ​တီႈ​ၼွၵ်ႈ​လႄႈ မၢၵ်ႇ​လေႃႉ​ၸိူဝ်း​ၼၼ်ႉ ဢွၼ်​ၵၼ်​ၸပ်း​ၸွမ်း​ယူႇ​ၼၼ်ႉ​ဢေႃႈ။ ၶဝ်​ၸုၵ်း​ၵိုတ်း​ယူႇ​ၵႃႈ​တီႈ​ႁူး​ၽၵ်း​တူ ၼႃႈ​ဝၼ်း​ဢွၵ်ႇ​ႁိူၼ်း ထႃႇဝရႃႉ​ၽြႃး​လႄႈ မုၼ်​ၽုင်း ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ တႄႇ​လႄႈ​မီး​ယူႇ ၵႃႈ​ၼိူဝ်​ၶဝ်​ၼၼ်ႉ​ဢေႃႈ။-</verse>
				<verse number="20">ဢၼ်​ၼႆႉ​ၸမ်ႉ၊ ပဵၼ်​သတ်ႉတဝႃႇ ဢၼ်​ၵဝ်​လႆႈ​ႁၼ် ၵႃႈ​တီႈ​တႂ်ႈ ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ၵႃႈ​တီႈ​ႁိမ်း​ၼမ်ႉ​ႁွင်ႈ​ ၶေႇပႃႇ ​ၼၼ်ႉ​ယဝ်ႉ​ၼၼ်ႉ​ဢေႃႈ။ ၵဝ်​ႁူႉ​လွင်ႈ​ဢၼ်​ၶဝ်​ၼၼ်ႉ​ပဵၼ် ၶေႇရူႉၽဵမ်ႇ ​ဢေႃႈ။-</verse>
				<verse number="21">ၶဝ်​ၼၼ်ႉ​ၵူႈ​ပႃး​ယေႈ​ပႃး​မီး​ၼႃႈ​သီႇ​ဢၼ် ၼင်ႇ​ၵၼ်၊ မီး​ပိၵ်ႇ​သီႇ​ဢၼ်​ၼင်ႇ​ၵၼ် လႄႈ ပုင်ႇ​ႁၢင်ႈ​မိုဝ်း​ၵူၼ်း မီး​ၵႃႈ​တီႈ​တႂ်ႈ​ပိၵ်ႇ​ၶဝ် ၼၼ်ႉ​ဢေႃႈ။-</verse>
				<verse number="22">ပုင်ႇ​ႁၢင်ႈ​ၼႃႈ​ၶဝ် ၼၼ်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ​ၼႃႈ ဢၼ်​ၵဝ်​လႆႈ​ႁၼ် ၵႃႈ​တီႈ​ႁိမ်း​ၼမ်ႉ​ႁွင်ႈ​ ၶေႇပႃႇ ​ၼၼ်ႉ ယဝ်ႉ​ၼၼ်ႉ​လႄႈ ဢရွင်ႇ​ႁၢင်ႈ​ၽၢင်​ၵေႃႈ မိူၼ်​ဢေႃႈ။ ၶဝ်​ၵူႈ​ပႃး​ၼၼ်ႉ ၸၢင်ႈ​ဢွၼ်​ၵၼ်​ၵႂႃႇ သိုဝ်ႈ​သိုဝ်ႈ​ဢေႃႈ။</verse>
			</chapter>
			<chapter number="11">
				<verse number="1">လိုၼ်း​ၼၼ်ႉ ဝီႉၺိၺ်ႇ​ၸဝ်ႈ ဢုမ်ႈ​ယွင်ႈ​ဢဝ်​ၵဝ်​လႄႈ ဢဝ်​ၵဝ်​ၵႂႃႇ ၵႃႈ​တီႈ​ၽၵ်း​တူ ၼႃႈ​ဝၼ်း​ဢွၵ်ႇ​ႁိူၼ်း ထႃႇဝရႃႉ​ၽြႃး ဢၼ်​ဝၢႆႇ​ၼႃႈ​တေႃႇ ၽၢႆႇ​ဝၼ်း​ဢွၵ်ႇ ၼၼ်ႉ​လႄႈ ၵႃႈ​တီႈ​ႁူး​ၽၵ်း​တူ​ၼၼ်ႉ မီး​ၵူၼ်း​သၢဝ်း​ႁႃႈ​ၵေႃႉ​ဢေႃႈ။ ၵဝ်​ႁၼ် ယႃႇၸၺႃႇ လုၵ်ႈ​ၸၢႆး​ ဢႃႇၸရႃႉ ဢိၵ်ႇ​တင်း​ ပေႇလတီႉ လုၵ်ႈ​ၸၢႆး​ ပေႇၼႃႇယႃႉ ဢၼ်​ပဵၼ်​ၶုၼ် ၵႃႈ​ၼႂ်း​ၵူၼ်း​တင်း​လၢႆ ၼၼ်ႉ​ဢေႃႈ။-</verse>
				<verse number="2">မၼ်း​ၸဝ်ႈ မီး​ဢမိင်ႉ​တီႈ​ၵဝ်​ၸမ်ႉ၊ လုၵ်ႈ​ၵူၼ်း​ဢိူၺ်း၊ ၵူၼ်း​ၸိူဝ်း​ၼႆႉ ပဵၼ်​ၵေႃႉ​ဢၼ်​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင် ဢၼ်​ႁၢႆႉ​ယုတ်ႈ​လႄႈ ႁဵတ်း​တၢင်း​ဢၼ်​တိူင်ႇ​ပၢင်ႇ ဢၼ်​ဢမ်ႇ​တြႃး​ၵႃႈ​ၼႂ်း​ဝဵင်း​ၼႆႉ​ဢေႃႈ။-</verse>
				<verse number="3">ၶဝ်​ၸၢင်ႈ​ဢွၼ်​ၵၼ် လၢတ်ႈ​လႄႈ​ဝႃႈ၊ ၶိင်ႇ​ဢၼ်​တၵ်း​လႆႈ ႁဵတ်း​ႁိူၼ်း ႁဵတ်း​ယေး​ၼၼ်ႉ​ဢမ်ႇ​ပႆႇ​ၸမ်။ ဝဵင်း​ၼႆႉ​ၸိုင် ပဵၼ်​မေႃႈ​မိၼ်ႇ၊ ႁဝ်း​ၸိုင်​ပဵၼ်​ၼိူဝ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵွပ်ႈ​ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ၊ လုၵ်ႈ​ၵူၼ်း​ဢိူၺ်း၊-</verse>
				<verse number="4">ႁဵတ်း​ပရေႃးၽႅတ်ႈ ယူႇ​ၽၢႆႇ​ၼိုင်ႈ​တင်း​ၶဝ်​သေ​လႄႈ ႁေႃး​လၢတ်ႈ​တႃႉ။ ႁေႃး​လၢတ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ၼၼ်ႉ ဝီႉၺိၺ်ႇ​ထႃႇဝရႃႉ​ၽြႃး တူၵ်း​ႁွတ်ႈ​ၵႃႈ​ၼိူဝ်​ၵဝ်​လႄႈ မီး​ဢမိင်ႉ တီႈ​ၵဝ်​လႄႈ​ဝႃႈ၊ မႂ်း​ႁေႃး​လၢတ်ႈ​တႃႉ။ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မဵဝ်း​ ဢီႉသရေႇလႃႉ ​ဢိူၺ်း၊ သူ​ဢွၼ်​ၵၼ်​လၢတ်ႈ​ဝႃႈ ၸိူဝ်ႉ​ၼင်ႇ​ၼႆ​ယဝ်ႉ။ ၵဝ်​ႁူႉ​ၵႃႈ​ဢၼ်​သူ​ၵျၢမ်ႇ​ပွင်​ၼၼ်ႉ​ယူႇ​ဢေႃႈ။-</verse>
				<verse number="6">သူ​ဢွၼ်​ၵၼ်​ႁႂ်ႈ ႁူဝ်​ႁၢၼ်​ၵူၼ်း​သိုၵ်း ဢၼ်​ၶၢမ်ႇ​တၢႆ​ၼၼ်ႉ ၼမ်​ၵိုၼ်း​ၼႃႇ ၵႃႈ​ၼႂ်း​ဝဵင်း​ၼႆႉ​လႄႈ ႁႂ်ႈ​သဵၼ်ႈ​တၢင်း​မၼ်း​ၸိူဝ်း​ၼၼ်ႉ မီး​တဵမ်​ဝႆႉ​တင်း ႁူဝ်​ႁၢၼ်​ၵူၼ်း​သိုၵ်း ဢၼ်​ၶၢမ်ႇ​တၢႆ ၸိူဝ်း​ၼၼ်ႉ​ယဝ်ႉ။-</verse>
				<verse number="7">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ႁူဝ်​ႁၢၼ်​ၵူၼ်း​သိုၵ်း ဢၼ်​ၶၢမ်ႇ​တၢႆ ဢၼ်​သူ​ဝႆႉ ၵႃႈ​ၼႂ်း​ဝဵင်း​ၸိူဝ်း​ၼၼ်ႉ ပဵၼ်​ၼိူဝ်ႉ​လႄႈ ဝဵင်း​ၼႆႉ​ပဵၼ် မေႃႈ​မိၼ်ႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​တၵ်း​ဢဝ်​သူ ဢွၵ်ႇ​သေ ၵႃႈ​ၼႂ်း​ဝဵင်း​ၼႆႉ ဢေႃႈ။-</verse>
				<verse number="8">ပိူဝ်ႈ​ဢၼ်​သူ ၵူဝ်​ႁႄ လၢပ်ႇ​လႅဝ်း​လႄႈ ၵဝ်​တၵ်း​ႁႂ်ႈ လၢပ်ႇ​လႅဝ်း​ႁွတ်ႈ​ထိုင် ၵႃႈ​ၼိူဝ်​သူ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="9">ၵဝ်​တၵ်း ဢဝ်​သူ​ဢွၵ်ႇ​သေ ၵႃႈ​ၼႂ်း​ဝဵင်း​လႄႈ ဢဝ်​သူ​ဢၢပ်ႈ​ပၼ် ၵႃႈ​ၼႂ်း​မိုဝ်း ၵူၼ်း​တၢင်ႇ​ဝၢၼ်ႈ တၢင်ႇ​မိူင်း​တင်း​လၢႆ​လႄႈ ႁဵတ်း​တၢင်း​ဢၼ် ၸီႇ​ယၢင်ႇ​တၢမ်ႇ​ဢပႅတ်ႈ တီႈ​သူ​ဢေႃႈ။-</verse>
				<verse number="10">သူ​တၵ်း​လႆႈ​လူမ်ႉ​တူၵ်း လူၺ်ႈ​လၢပ်ႇ​လူၺ်ႈ​လႅဝ်း​လႄႈ ၵဝ်​တၵ်း​ၸႅတ်ႈ​ထၢမ် ၸီႇ​ယၢင်ႇ​သူ ၵႃႈ​တီႈ​ၶွပ်ႇ​ၼမ်ႉ​လႅၼ်​လိၼ်​မိူင်း ဢီႉသရေႇလႃႉ ​ဢေႃႈ။ သူ​တၵ်း​လႆႈ​ႁူႉ လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="11">ဝဵင်း​ၼႆႉ ဢမ်ႇ​လႆႈ​ပဵၼ်​မေႃႈ​မိၼ်ႇ​သူ။ သူ​ၵေႃႈ ဢမ်ႇ​လႆႈ​ပဵၼ်​ၼိူဝ်ႉ​ၵႃႈ​ၼႂ်း​မၼ်း။ ၵဝ်​တၵ်း​ၸႅတ်ႈ​ထၢမ် ၸီႇ​ယၢင်ႇ​သူ ၵႃႈ​တီႈ​ၶွပ်ႈ​ၼမ်ႉ လႅၼ်​လိၼ်​မိူင်း ဢီႉသရေႇလႃႉ ​လႄႈ သူ​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="12">လွင်ႈ​မၼ်း​ၸမ်ႉ သူ​ဢမ်ႇ​ၸွမ်း​ၵႃႈ​ၼႂ်း​သဵၼ်ႈ​တၢင်း ထုင်း​ၽိင်ႈ​တြႃး​ၵဝ်။ ဢမ်ႇ​ပႂ်ႉ​ၵမ်​ပႂ်ႉ​ၸွမ်း​လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ။ သူ​ဢွၼ်​ၵၼ် ႁဵတ်း​ၸွမ်း​ထုင်း​ၽိင်ႈ​တြႃး ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ယူႇ​ၵႃႈ​တီႈ​လဵပ်ႈ​ႁွပ်ႈ ႁိမ်း​ႁွမ်း​သူ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၼႂ်း​မိူဝ်ႈ​ဢၼ်​ၵဝ်​ယင်း​တိုၵ်ႉ ဢဝ်​ပျႃႇ​တိၵ်ႈ​ၸဝ်ႈ ႁေႃး​လၢတ်ႈ​ယူႇ​ၼၼ်ႉ​ၸိုင် ပေႇလတီႉ လုၵ်ႈ​ၸၢႆး​ ပေႇၼႃႇယႃႉ ​ၼၼ်ႉ တၢႆ​ဢေႃႈ။ ၵဝ်​ၵေႃႈ​ၶုပ်ႉ​မူပ်ႇ​သေ​လႄႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး တီႈ​ၶႃႈ၊ ၸဝ်ႈ​ႁဝ်း​တၵ်း​ႁႂ်ႈ ၵူၼ်း​မဵဝ်း​ ဢီႉသရေႇလႃႉ ဢၼ်​ၵိုတ်း​ဢၼ်​ၵျၢၼ်ႇ တင်း​လၢႆ သုမ်း​ၸွမ်း​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="15">လုၵ်ႈ​ၵူၼ်း​ဢိူၺ်း၊ ပီႈ​ၼွင်ႉ​ၸိူဝ်ႉ​ၶိူဝ်း​မႂ်း၊ ၵူၼ်း​မဵဝ်း​လဵဝ်​ၵၼ်​တင်း​မႂ်း ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ၼၼ်ႉ ပဵၼ်​ၶဝ်​ၸိူဝ်း​ဢၼ်​ၵူၼ်း​ဝဵင်း​ ယေႇရူႉသလႅမ်ႇ ​လၢတ်ႈ​တေႃႇ​လႄႈ​ဝႃႈ၊ သူ​ဢွၼ်​ၵၼ်​ဢွၵ်ႇ​သေ​ၵႃႈ​တီႈ ထႃႇဝရႃႉ​ၽြႃး ၵႂႃႇ​ၵႆ​ၵႆ​တႃႉ။ မိူင်း​ၼႆႉ​ပဵၼ်​တီႈ​ဢၼ် မၼ်း​ၸဝ်ႈ​ပၼ်​ႁႂ်ႈ​ႁဝ်း​ပိူင်ႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ ဢွၼ်​ၵၼ်​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပိၵ်ႉ​သမ်ႉ​ၵဝ်​ႁႂ်ႈ​ၶဝ် ၶၢႆႉ​ၵႂႃႇ​ၸူး တီႈ​ဢၼ်​ၵႆ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ တၢင်ႇ​မဵဝ်း တင်း​လၢႆ​လႄႈ ဢဝ်​ၶဝ်​ၸၢတ်ႇ​ပိုၼ်​ပႅတ်ႈ ၵႃႈ​ၼႂ်း​ၵူၼ်း​ၵူႈ​သိုင်ႇ​ၵူႈ​မိူင်း သေ​ၵေႃႈ၊ ၵဝ်​တၵ်း​ပဵၼ်​ၸိူဝ်ႉ​ၼင်ႇ ထႃႇၼႃႉ​တီႈ​ဢၼ် မူတ်း​ၸၢင်ႇ​ပုၼ်ႈ​ၶဝ် ၵႃႈ​ၼႂ်း​မိူင်း​တီႈ​ဢၼ်​ၶဝ်​ႁွတ်ႈ​ထိုင် ၸိူဝ်း​ၼၼ်ႉ ၵမ်း​ဢွၼ်ႇ​ၼိုင်ႈ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="17">ပိူဝ်ႈ​ၼႆ​လႄႈ ဢွၼ်​ၵၼ်​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​သိမ်း​ဢဝ်​သူ​ဢွၵ်ႇ​သေ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ ႁႂ်ႈ​သူ​ၸူႉ​ၵၼ်​တုမ်​ၵၼ် ဢွၵ်ႇ​သေ​ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း တီႈ​ဢၼ်​သူ​လႆႈ​ၶၢမ်ႇ​တၢင်း​ဢၼ် ဢဝ်​ၸၢတ်ႇ​ပိုၼ်​ပႅတ်ႈ ၼၼ်ႉ​လႄႈ ဢဝ်​မိူင်း​ ဢီႉသရေႇလႃႉ ပၼ်​တီႈ​သူ​ဢေႃႈ။-</verse>
				<verse number="18">ၶဝ်​တၵ်း ဢွၼ်​ၵၼ်​ႁွတ်ႈ​ထိုင် ၵႃႈ​တီႈ​ၼၼ်ႈ​လႄႈ ပႄႇ​ၽဵဝ်ႈ​လွင်ႈ​တၢင်း ဢၼ်​ဝူၺ်ႇ​ဢၼ်​ႁင်ႈ​ၵႃႈ​မီး ဢိၵ်ႇ​တင်း လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ၵႃႈ​မီး​ၼၼ်ႉ​ပႅတ်ႈ​ဢေႃႈ။-</verse>
				<verse number="19">ၵဝ်​တၵ်း​ပၼ်​ႁူဝ်​ၸႂ်​ဢၼ်​ၽွမ်ႉ​ၵၼ် ပဵင်း​ၵၼ်​ၼၼ်ႉ တီႈ​ၶဝ်​လႄႈ ဢဝ်​သၽေႃး​ဢၼ်​မႂ်ႇ သႂၢင်း​သႂ်ႇ​ပၼ် ၵႃႈ​ၼႂ်း​သူ​ဢေႃႈ။ ၵဝ်​တၵ်း​ၼုၵ်ႈ​ထွၼ်​ဢဝ် ႁူဝ်​ၸႂ်​မၢၵ်ႇ​ႁိၼ်​ဢွၵ်ႇ​သေ ၵႃႈ​ၼႂ်း တူဝ်​ၶၼ်ႇ​ထႃႇ​ၶဝ်​ပႅတ်ႈ​လႄႈ ပၼ်​ႁူဝ်​ၸႂ်​ၼိူဝ်ႉ​တီႈ​ၶဝ်၊-</verse>
				<verse number="20">ထၼ်ႈ​ပေႃး ႁႂ်ႈ​ၶဝ်​ၸွမ်း​သဵၼ်ႈ​တၢင်း ထုင်း​ၽိင်ႈ​တြႃး​ၵဝ်​လႄႈ ပႂ်ႉ​ၵမ်​ပႂ်ႉ​ၵျၢင်ႉ လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ​ၼၼ်ႉ သေ​လႄႈ ႁဵတ်း​ၸွမ်း​ပွင်​ၸွမ်း​ဢေႃႈ။ ၶဝ်​တၵ်း​ပဵၼ်​ၵူၼ်း​ၵဝ်​လႄႈ ၵဝ်​ၵေႃႈ​တၵ်း​ပဵၼ် ၽြႃး​ပဵၼ်​ၸဝ်ႈ ၶဝ်​ဢေႃႈ။-</verse>
				<verse number="21">ၶဝ်​ၸိူဝ်း​ဢၼ် ဢဝ်​ႁူဝ်​ၸႂ်​ၶဝ်​ၸွမ်း​ဢလူဝ်ႇ လွင်ႈ​တၢင်း ဢၼ်​ဝူၺ်ႇ​ဢၼ်​ႁင်ႈ​ၶဝ် ဢိၵ်ႇ​တင်း လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​ၶဝ်​ၼၼ်ႉ​ၸမ်ႉ၊ ၵဝ်​တၵ်း ႁႂ်ႈ​ဢပႅတ်ႈ​တၢင်း​ၵမ်​တၢင်း​ၵျၢင်ႉ​ၶဝ် ႁွတ်ႈ​ထိုင် ၵႃႈ​ၼိူဝ်​ႁူဝ်​ၶဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="22">မိူဝ်ႈ​ၼၼ်ႉ ၶေႇရူႉၽဵမ်ႇ ​ၸိူဝ်း​ၼၼ်ႉ ၵီႈ​ပိၵ်ႇ​ၶဝ်​လႄႈ မၢၵ်ႇ​လေႃႉ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၸပ်း​ၸွမ်း​ဢေႃႈ။ မုၼ်​ၽုင်း ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၵေႃႈ မီး​ယူႇ​ၵႃႈ​ၼိူဝ်​ၶဝ်​ဢေႃႈ။-</verse>
				<verse number="23">မုၼ်​ၽုင်း ထႃႇဝရႃႉ​ၽြႃး လုၵ်ႉ​ဢွၵ်ႇ​သေ​ၵႃႈ​ၼႂ်း​ဝဵင်း​ၶိုၼ်ႈ​လႄႈ ၸုၵ်း​ယူႇ​ၵႃႈ​ၼိူဝ်​လွႆ ဢၼ်​မီး​ၼႃႈ​ဝၼ်း​ဢွၵ်ႇ​ဝဵင်း ၼၼ်ႉ​ဢေႃႈ။-</verse>
				<verse number="24">ဝီႉၺိၺ်ႇ​ၸဝ်ႈ​ၵေႃႈ ႁွပ်ႇ​ဢုမ်ႈ​ဢဝ်​ၵဝ်​လႄႈ ဢဝ်​ၵဝ်​ၵႂႃႇ​ၼႂ်း ပျႃႇ​တိၵ်ႈ​ရူႇပႃႇရူင်ႇ ၽြႃး​ပဵၼ်​ၸဝ်ႈ ၸူး​ၵႃႈ​တီႈ​မိူင်း​ ၶႃႇလတေး တီႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ၼၼ်ႉ​ဢေႃႈ။ ပျႃႇ​တိၵ်ႈ​ရူႇပႃႇရူင်ႇ ဢၼ်​ၵဝ်​ႁၼ်​မႃး​ယဝ်ႉ​ၼၼ်ႉ​ၵေႃႈ ၽၢတ်ႇ​ယၢၼ်​ၵၼ် တင်း​ၵဝ်​သေ​လႄႈ ၶိုၼ်ႈ​ၵႂႃႇ​ဢေႃႈ။-</verse>
				<verse number="25">မိူဝ်ႈ​ၼၼ်ႉ ၵဝ်​ဢဝ်​လွင်ႈ​တၢင်း​ဢၼ် ထႃႇဝရႃႉ​ၽြႃး ၼႄ​ပျႃး​မႃး​ယဝ်ႉ ၵႃႈ​မီး​ၸိူဝ်း​ၼၼ်ႉ မွၵ်ႇ​လၢတ်ႈ​တီႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ ၼၼ်ႉ​ဢေႃႈ။</verse>
			</chapter>
			<chapter number="12">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ယူႇ​ၵႃႈ​ၼႂ်း​ၵူၼ်း​မဵဝ်း ဢၼ်​ၸၢင်ႈ​ပုင်ႇ​ၵၢၼ်ႇ​လႄႈ မီး​တႃ​ဢၼ်​လႆႈ​ႁၼ်​သေ​ၵေႃႈ ဢမ်ႇ​ၸၢင်ႈ​ႁၼ်။ မီး​ႁူ ဢၼ်​လႆႈ​ငိၼ်း​သေ​ၵေႃႈ ဢမ်ႇ​ၸၢင်ႈ​ငိၼ်း​ၼၼ်ႉ​ယူႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ပဵၼ်​ၵူၼ်း​မဵဝ်း​ဢၼ်​ၸၢင်ႈ​ပုင်ႇ​ၵၢၼ်ႇ​ဢေႃႈ။-</verse>
				<verse number="3">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ လုၵ်ႈ​ၵူၼ်း​ဢိူၺ်း၊ ႁႅၼ်း​ၶူဝ်း​ႁႅၼ်း​လဵင်း​မႂ်း ႁႂ်ႈ​လႆႈ​ၶၢႆႉ​ၵႂႃႇ တၢင်ႇ​တီႈ​တၢင်ႇ​လႅၼ်​လႄႈ ၶၢႆႉ​ၵႂႃႇ သိုဝ်ႈ​ၼႃႈ​တႂ်ႈ​တႃ​ၶဝ်​ၶိင်ႇ​ၵၢင်​ဝၼ်း​တႃႉ။ ၶၢႆႉ​တီႈ​ယူႇ​တီႈ​သဝ်း​မႂ်း​ၵႂႃႇ တၢင်ႇ​တီႈ​တၢင်ႇ​လႅၼ် သိုဝ်ႈ​ၼႃႈ​တႂ်ႈ​တႃ​ၶဝ်​တႃႉ။ ပိၵ်ႉ​သမ်ႉ​ၶဝ် ပဵၼ်​မဵဝ်း​ဢၼ်​ၸၢင်ႈ​ပုင်ႇ​ၵၢၼ်ႇ​သေ​ၵေႃႈ ၶဝ်​ၸၢင်ႈ​ၶႄး​လႆႈ​သတီႉ​ဢေႃႈ။-</verse>
				<verse number="4">တၵ်း​လႆႈ​ဢဝ်​ဢုၵ်ႉ​ၸႃႇ ၶူဝ်း​လဵင်း​မႂ်း​ဢွၵ်ႇ သိုဝ်ႈ​ၼႃႈ​တႂ်ႈ​တႃ​ၶဝ် ၶိင်ႇ​ၵၢင်​ဝၼ်း မိူၼ်​ၸိူဝ်ႉ​ၼင်ႇ ဢုၵ်ႉ​ၸႃႇ​ၶူဝ်း​လဵင်း ဢၼ်​ႁႅၼ်း​ဝႆႉ​ပုၼ်ႈ​ဢၼ် တၵ်း​ၶၢႆႉ​တီႈ​ယူႇ​တီႈ​သဝ်း ၼၼ်ႉ​ဢေႃႈ။ မႂ်း​တၵ်း​လႆႈ​ဢွၵ်ႇ​ၵႂႃႇ သိုဝ်ႈ​ၼႃႈ​တႂ်ႈ​တႃ​ၶဝ် ၶိင်ႇ​ႁူဝ်​ၶမ်ႈ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ​ဢေႃႈ။-</verse>
				<verse number="5">မႂ်း​ၶုတ်း​မူင်ႇ​ႁူး ၵႃႈ​တီႈ​လမ်း​ဢုတ်ႇ သိုဝ်ႈ​ၼႃႈ​တႂ်ႈ​တႃ​ၶဝ်​လႄႈ ဢဝ်​ဢုၵ်ႉ​ၸႃႇ​ၶူဝ်း​လဵင်း​ဢွၵ်ႇ​ၵႂႃႇ​တႃႉ။-</verse>
				<verse number="6">မႂ်း​တၵ်း​လႆႈ​ဢဝ်​ႁၢပ်ႇ​သႂ်ႇ ၵႃႈ​ၼိူဝ်​ႁူဝ်​မႃႇ​မႂ်း​လႄႈ ဢဝ်​ဢွၵ်ႇ​ၵႂႃႇ သိုဝ်ႈ​ၼႃႈ​တႂ်ႈ​တႃ​ၶဝ် ၶိင်ႇ​ၵၢင်​ၶမ်ႈ​ဢေႃႈ။ မႂ်း​တၵ်း​လႆႈ​ႁူမ်ႇ​ၼႃႈ​သေ ႁႂ်ႈ​မႂ်း​ဢမ်ႇ​လႆႈ​ႁၼ်​လိၼ်​ဢေႃႈ။ လွင်ႈ​မၼ်း​ၸမ်ႉ ၵဝ်​ၶၢၼ်း​မႂ်း​ဝႆႉ​ႁႂ်ႈ​မႂ်း​ပဵၼ် ၼီႉမိၵ်ႈ​တီႈ မဵဝ်း​ ဢီႉသရေႇလႃႉ ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="7">ၵဝ်​ႁဵတ်း​ၸွမ်း​ၵႃႈ​ၼင်ႇ​ဢၼ် မီး​ဢမိင်ႉ​တီႈ​ၵဝ်​ၼၼ်ႉ​လႄႈ ဢဝ်​ဢုၵ်ႉ​ၸႃႇ​ၶူဝ်း​လဵင်း​ၵဝ် ဢွၵ်ႇ​ၶိင်ႇ​ၵၢင်​ဝၼ်း မိူၼ်​ၸိူဝ်ႉ​ၼင်ႇ ဢုၵ်ႉ​ၸႃႇ​ၶူဝ်း​လဵင်း ဢၼ်​ႁႅၼ်း​ဝႆႉ ပုၼ်ႈ​ဢၼ်​တၵ်း​ၶၢႆႉ​တီႈ​ယူႇ​တီႈ​သဝ်း​ၼၼ်ႉ သေ​ယဝ်ႉ၊ ဢဝ်​ၵဝ်​ၶုတ်း​မူင်ႇ​ႁူး ၵႃႈ​ၼႂ်း​လမ်း​ဢုတ်ႇ ၶိင်ႇ​ႁူဝ်​ၶမ်ႈ​သေ​လႄႈ ဢဝ်​ဢွၵ်ႇ​ၶိင်ႇ​ၵၢင်​ၶမ်ႈ​လႄႈ ဢဝ်​ႁၢပ်ႇ​သႂ်ႇ​ၵႃႈ​ၼိူဝ်​ႁူဝ်​မႃႇ​ၵဝ်​ၵႂႃႇ သိုဝ်ႈ​ၼႃႈ​တႂ်ႈ​တႃ​ၶဝ်​ဢေႃႈ။-</verse>
				<verse number="8">ၶိင်ႇ​ၵၢင်​ၼႂ် ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="9">လုၵ်ႈ​ၵူၼ်း​ဢိူၺ်း၊ မဵဝ်း​ ဢီႉသရေႇလႃႉ မဵဝ်း​ဢၼ်​ၸၢင်ႈ​ပုင်ႇ​ၵၢၼ်ႇ​ၼၼ်ႉ ထၢမ်​တီႈ​မႂ်း​လႄႈ​ဝႃႈ၊ မႂ်း​ႁဵတ်း​ၵႃႈ​သင်၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​ႁိုဝ်။-</verse>
				<verse number="10">မႂ်း​မွၵ်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပျႃႇ​တိၵ်ႈ​ၸဝ်ႈ​ၼႆႉ ၸၢပ်ႈ​သႅင်ႇ​ၵၼ်​တင်း ၶုၼ်​ဢၼ်​လႆႈ​ဢုပ်ႉ ၵႃႈ​ၼိူဝ်​ဝဵင်း​ ယေႇရူႉသလႅမ်ႇ ဢိၵ်ႇ​တင်း​ၵူၼ်း​မဵဝ်း​ ဢီႉသရေႇလႃႉ ၵႃႈ​ဢၼ်​မီး​ယူႇ ၵႃႈ​ၼႂ်း​ဝဵင်း​ၼႆႉ ၸိူဝ်း​ၼၼ်ႉ​ဢေႃႈ။-</verse>
				<verse number="11">လၢတ်ႈ​လႄႈ​ဝႃႈ၊ ၵဝ်​ၼႆႉ​ပဵၼ် ၼီႉမိၵ်ႈ​တီႈ​သူ​ဢေႃႈ။ ၸိူဝ်ႉ​ၼင်ႇ​ဢၼ် ၵဝ်​ႁဵတ်း​ၼႆႉ သူ​တၵ်း​လႆႈ​ဢွၼ်​ၵၼ်​ႁဵတ်း​ဢေႃႈ။ ၶဝ်​တၵ်း​ဢွၼ်​ၵၼ် ၶၢႆႉ​တီႈ​ယူႇ​တီႈ​သဝ်း​လႄႈ ၶၢမ်ႇ​တၢင်း​ဢၼ် ႁိမ်​ဢဝ်​ၵႂႃႇ​ဢေႃႈ။-</verse>
				<verse number="12">ၶုၼ်​ဢၼ်​မီး​ၵႃႈ​ၼႂ်း​ၶဝ်​ၼၼ်ႉ​ၵေႃႈ တၵ်း​လႆႈ​ဢဝ်​ႁၢပ်ႇ​သႂ်ႇ တီႈ​ႁူဝ်​မႃႇ​မၼ်း ၶိင်ႇ​ၵၢင်​ၶမ်ႈ​သေ​လႄႈ ဢွၵ်ႇ​ၵႂႃႇ​ဢေႃႈ။ ၶဝ်​တၵ်း​လႆႈ ၶုတ်း​မူင်ႇ​ႁူး ၵႃႈ​တီႈ​လမ်း​ဢုတ်ႇ​ႁႂ်ႈ​လႆႈ​ဢဝ်​ဢွၵ်ႇ​ၵႂႃႇ​လႄႈ မၼ်း​တၵ်း​လႆႈ ႁူမ်ႇ​သုမ်ႇ​ၼႃႈ​မၼ်း​သေ ႁႂ်ႈ​တႃ​မၼ်း ဢမ်ႇ​လႆႈ​ႁၼ်​လိၼ်​ဢေႃႈ။-</verse>
				<verse number="13">ၵဝ်​တၵ်း​ဢဝ်​ၼႅင်ႈ​ၵဝ်​ၶႄ​ၵဝ်​ႁူမ်ႇ​သုမ်ႇ​မၼ်း ၼၼ်ႉ​လႄႈ ႁႂ်ႈ​မၼ်း​ထုၵ်ႇ​ၶဵၼ်း​မႅၼ်ႈ ၵႃႈ​ၼႂ်း​တူင်ႇ​ႁႅဝ်ႉ​တူင်ႇ​ၶိုမ်း​ၵဝ်​ဢေႃႈ။ ၵဝ်​တၵ်း​ဢဝ်​မၼ်း​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ မိူင်း​ ၶႃႇလတေး ​ပုၼ်ႉ​လႄႈ ပိၵ်ႉ​သမ်ႉ​မၼ်း​တၵ်း​လႆႈ​တၢႆ ၵႃႈ​တီႈ​ဝဵင်း​ၼၼ်ႉ​သေ​ၵေႃႈ၊ မၼ်း​ဢမ်ႇ​လႆႈ​ႁၼ်​ဝဵင်း​ၼၼ်ႉ။-</verse>
				<verse number="14">ၵဝ်​တၵ်း​ဢဝ် ၶဝ်​ၸိူဝ်း​ဢၼ်​လွမ်ႉ​ႁွပ်ႈ ႁႂ်ႈ​လႆႈ​ၸွႆႈ​ထႅမ်​မႃႉ​ၸႃႉ​မၼ်း​ၵႃႈ​မီး ဢိၵ်ႇ​တင်း တပ်ႉ​ၵူၼ်း​သိုၵ်း​မၼ်း​ၵႃႈ​မီး ၸၢတ်ႇ​ပိုၼ်​ၸူး ၵႃႈ​တီႈ​လူမ်း​ၵူႈ​ၽၢႆႇ​ၵူႈ​ပႃႈ​ဢေႃႈ။ ၵဝ်​တၵ်း​ပွႆႇ​လၢပ်ႇ​ၵႂႃႇ ၸွမ်း​လင်​ၶဝ်​ဢေႃႈ။-</verse>
				<verse number="15">မိူဝ်ႈ​ဢၼ်​ၵဝ် ႁႂ်ႈ​ၶဝ်​ၽၢတ်ႇ​ၽႄ​ၵၼ်​ၵႂႃႇ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ ဢဝ်​ၶဝ်​ၸၢတ်ႇ​ပိုၼ်​ပႅတ်ႈ ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း​ၼၼ်ႉ​ၸိုင်၊ ၶဝ်​တၵ်း​လႆႈ​ႁူႉ လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="16">ၼႂ်း​ဝႃႈ​ၼၼ်​သေ​ၵေႃႈ ၵဝ်​တၵ်း​ႁႂ်ႈ​ၵူၼ်း​ဢၼ်​ၵေႇ​ၼႃႇ ၵမ်ႈ​ၽွင်ႈ​ၵၢင်း​လွတ်ႈ​တင်း​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​ၵႃႇလႃႉ​ႁႃႈ​လႅင်​မိူင်း​လႄႈ ၵိုတ်း​ၵျၢၼ်ႇ​ဝႆႉ ႁႂ်ႈ​ၶဝ်​လႆႈ​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ၵႃႈ​ဢၼ်​ၶဝ်​ႁဵတ်း​ၼၼ်ႉ တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ ဢၼ်​ၶဝ်​တၵ်း​ႁွတ်ႈ​ထိုင် ၵမ်း​လိုၼ်း​ၼၼ်ႉ​ဢေႃႈ။ ၶဝ်​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဝႆႉ​ဢေႃႈ၊ ဝႃႈ​ၼင်ႇ​ၼႆ​တႃႉ။</verse>
				<verse number="17">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="18">လုၵ်ႈ​ၵူၼ်း​ဢိူၺ်း၊ သၼ်ႇ​သၼ်ႇ​သၢႆ​သၢႆ​ယူႇ​သေ​လႄႈ ၵိၼ်​တၢင်း​ၵိၼ်​တၢင်း​ၶူပ်း​တႃႉ။ သၼ်ႇ​ဝႆ​ယူႇ၊ ႁဵတ်း​သတီႉ​ယူႇ သေ​လႄႈ ၵိၼ်​ၼမ်ႉ​တႃႉ။-</verse>
				<verse number="19">လၢတ်ႈ​တီႈ​ၵူၼ်း​မိူင်း​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး ဢဝ်​လွင်ႈ​မိူင်း​ ဢီႉသရေႇလႃႉ ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ လႄႈ မီး​ဢမိင်ႉ​ၸမ်ႉ၊ ၶဝ်​တၵ်း​လႆႈ​ဢွၼ်​ၵၼ်​ႁဵတ်း​သတီႉ​ယူႇ​သေ​လႄႈ ၵိၼ်​တၢင်း​ၵိၼ်​တၢင်း​ၶူပ်း​လႄႈ၊ တၵ်း​လႆႈ​ဢွၼ်​ၵၼ်​ၵႂင်​ၸႂ် ယုင်ႈ​ၸႂ်​ယူႇ​သေ​လႄႈ ၵိၼ်​ၼမ်ႉ ႁႂ်ႈ​မိူင်း​ၼၼ်ႉ​ထၼ်ႈ​ပေႃး လႆႈ​ၵၢင်း​လွတ်ႈ​တင်း တၢင်း​ဢၼ်​ပျေႉ​ၸုမ်ႇ​တဵမ်​ဝႆႉ​ၵႃႈ​ၼႂ်း​မၼ်း​ၼၼ်ႉ ၵွပ်ႈ​ပိူဝ်ႈ ဢမူႉ​ဢႃႉထမ်ႇမႃႉ ဢၼ်​ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင် ႁဵတ်း​ၼၼ်ႉ​ဢေႃႈ။-</verse>
				<verse number="20">ဝဵင်း​ဢၼ်​ၵူၼ်း​ယူႇ​ၵူၼ်း​သဝ်း ၸိူဝ်း​ၼၼ်ႉ တၵ်း​လႆႈ​လူႉ​လႅဝ်​လႄႈ မိူင်း​ၸဝ်ႈ​တၵ်း​လႆႈ​ပဵၼ် တီႈ​ဢၼ်​သဵတ်ႇ​ယဵၼ်​ဢေႃႈ။ သူ​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="22">လုၵ်ႈ​ၵူၼ်း​ဢိူၺ်း၊ ၵႂၢမ်း​ထုင်း​ဢၼ်​သူ​ၸၢင်ႈ​သုင်း​သွင်ႇ ၵႃႈ​ၼႂ်း​မိူင်း​ ဢီႉသရေႇလႃႉ ​လႄႈ​ဝႃႈ၊ မိုဝ်ႉ​ဝၼ်း​ပဵၼ်​ဢၼ်​ယိုၼ်း ဢၼ်​ယၢဝ်း​လႄႈ ပျႃႇ​တိၵ်ႈ​ရူႇပႃႇရူင်ႇ ၵူႈ​ၸိူဝ်ႉ​ၵူႈ​ပိူင် ဢွၼ်​ၵၼ်​လူႉ​ၵႂႃႇ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။-</verse>
				<verse number="23">ပိူဝ်ႈ​ဢၼ်​ပဵၼ်​ၼင်ႇ​ၼၼ်​လႄႈ မႂ်း​သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ႁႂ်ႈ​ၵႂၢမ်း​ထုင်း​ၼၼ်ႉ​ႁၢႆ​လႄႈ ၵမ်း​လိုၼ်း ၶဝ်​တၵ်း​ဢမ်ႇ​လႆႈ​ဢဝ်​မၼ်း​ႁဵတ်း ၵႂၢမ်း​ထုင်း​သေ​လႄႈ သုင်း​သွင်ႇ​ၵႃႈ​ၼႂ်း​မဵဝ်း​ ဢီႉသရေႇလႃႉ ၊ ဝႃႈ​ၼင်ႇ​ၼႆ​တႃႉ။ ၵူၺ်း​ၵႃႈ လၢတ်ႈ​တီႈ​ၶဝ်​လႄႈ​ဝႃႈ၊ မိုဝ်ႉ​ဝၼ်း​ၸမ်​ယဝ်ႉ။ ပျႃႇ​တိၵ်ႈ​ရူႇပႃႇရူင်ႇ တင်း​သဵင်ႈ​တင်း​လူင် တၵ်း​လႆႈ​ပျေႉ​ၸုမ်ႇ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="24">ၵမ်း​လိုၼ်း ဢမ်ႇ​လႆႈ​မီး ရူႇပႃႇရူင်ႇ​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်။ ဢမ်ႇ​လႆႈ​မီး​တၢင်း​ဢၼ် ႁဵတ်း​ပရေႃးၽႅတ်ႈ ဢၼ်​ၶျေႃး ဢၼ်​ဝွၼ်း​ၼၼ်ႉ။-</verse>
				<verse number="25">လွင်ႈ​မၼ်း​ၸမ်ႉ ၵဝ်​ပဵၼ် ထႃႇဝရႃႉ​ၽြႃး​ဢေႃႈ။ ၵဝ်​တၵ်း​လၢတ်ႈ​လႄႈ ၵႂၢမ်း​ဢၼ်​ၵဝ်​လၢတ်ႈ​ၼၼ်ႉ တၵ်း​လႆႈ​ပျေႉ​ၸုမ်ႇ​ဢေႃႈ ၶိင်ႇ​မၼ်း​မိူဝ်ႈ​မၼ်း ဢမ်ႇ​လႆႈ​ၶၢႆႉ။ မဵဝ်း​ဢၼ်​ၸၢင်ႈ​ပုင်ႇ​ၵၢၼ်ႇ​ဢိူၺ်း၊ ၵဝ်​တၵ်ႉ​လၢတ်ႈ​ၼႂ်း ၸူဝ်ႈ​ပၢၼ်​သူ​လႄႈ တၵ်း​ႁႂ်ႈ​ပျေႉ​ၸုမ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="26">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="27">လုၵ်ႈ​ၵူၼ်း​ဢိူၺ်း၊ တူၺ်း​လူး။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၸၢင်ႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ ပျႃႇ​တိၵ်ႈ​ရူႇပႃႇရူင်ႇ ဢၼ်​မၼ်း ႁၼ်​ၼၼ်ႉ ပဵၼ်​ပုၼ်ႈ​မိုဝ်ႉ​ဝၼ်း​ဢၼ်​ၵႆ​ၼႃႇ​လႄႈ မၼ်း​ဢဝ်​လွင်ႈ​ဢၼ် ၶိင်ႇ​ၵႃႇလႃႉ ဢၼ်​ၵႆ​ၼႃႇ​ၼၼ်ႉ ႁေႃး​လၢတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ပိူဝ်ႈ​ၼႆ​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႂၢမ်း​ၵဝ်​တၵ်း​ဢမ်ႇ​ၶၢႆႉ ၶိင်ႇ​မၼ်း​မိူဝ်ႈ​မၼ်း​လႄႈ ၵႂၢမ်း​ဢၼ်​ၵဝ် လၢတ်ႈ​ၼၼ်ႉ တၵ်း​လႆႈ​ပျေႉ​ၸုမ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="13">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ ႁေႃး​လၢတ်ႈ​ယူႇ​ၽၢႆႇ​ၼိုင်ႈ တင်း​ပရေႃးၽႅတ်ႈ မဵဝ်း​ ဢီႉသရေႇလႃႉ ဢၼ်​ႁဵတ်း ပရေႃးၽႅတ်ႈ​သေ​လႄႈ ႁေႃး​လၢတ်ႈ​ၼၼ်ႉ​လႄႈ လၢတ်ႈ​တီႈ​ၶဝ်​ၸိူဝ်း​ဢၼ် ၸၢင်ႈ​ႁဵတ်း​ပရေႃးၽႅတ်ႈ​သေ​လႄႈ ႁေႃး​လၢတ်ႈ​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ​ၼၼ်ႉ​လႄႈ​ဝႃႈ၊ သူ​ဢွၼ်​ၵၼ်​ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး​တႃႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="3">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပရေႃးၽႅတ်ႈ​မိူၵ်ႈ​ဢၼ် ယင်း​ဢမ်ႇ​ႁၼ်​လွင်ႈ​တၢင်း ၵႃႈ​သင်​လႃး​လႃး​လႄႈ ၸၢင်ႈ​ၸွမ်း​ဢလူဝ်ႇ​ၸႂ်​တူဝ်​ၸဝ်ႈ​ၵဝ်ႇ​ၼၼ်ႉ ၸိူဝ်း​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="4">မဵဝ်း​ ဢီႉသရေႇလႃႉ ​ဢိူၺ်း၊ ပရေႃးၽႅတ်ႈ​မႂ်း​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​မႃ​လိၼ် ဢၼ်​ယူႇ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ၼၼ်ႉ​ဢေႃႈ။-</verse>
				<verse number="5">သူ​ဢမ်ႇ​ဢွၼ်​ၵၼ် ၶိုၼ်ႈ​ၵႃႈ​ၼိူဝ် တီႈ​ႁွႆး​ပင်း​ႁွႆး​လူႉ​လႄႈ၊ ဢမ်ႇ​ဢွၼ်​ၵၼ်​ပွင်​မႄး​ပွင်​ႁႅၼ်း​လွမ်ႉ​ႁူဝ်ႉ​ဝၢင်း ပုၼ်ႈ​မဵဝ်း​ ဢီႉသရေႇလႃႉ ႁႂ်ႈ​လႆႈ​ၸုၵ်း​ၶၢမ်ႇ​သိုၵ်း ၼႂ်း​မိုဝ်ႉ​ၼႂ်း​ဝၼ်း ထႃႇဝရႃႉ​ၽြႃး​ၼၼ်ႉ။-</verse>
				<verse number="6">ၶဝ်​ဢွၼ်​ၵၼ်​ႁၼ် ဢၼတ်ႉတႃႉ ဢိၵ်ႇ​တင်း လွင်ႈ​တၢင်း ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​လႄႈ လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ ထႃႇဝရႃႉ​ၽြႃး​ဢမ်ႇ​ပွႆႇ​ဢမ်ႇ​ၸႂ်ႉ။ ၶဝ်​ဢွၼ်​ၵၼ်​ႁဵတ်း​ႁႂ်ႈ​ပိူၼ်ႈ မုင်ႈ​ထႃႈ​မွင်း​ထႃႈ​လွင်ႈ​ဢၼ်​ၵႂၢမ်း​ၶဝ် တၵ်း​ပျေႉ​ၸုမ်ႇ​ၼၼ်ႉ​ယူႇ​ဢေႃႈ။-</verse>
				<verse number="7">ပိၵ်ႉ​သမ်ႉ​ၵဝ်​ဢမ်ႇ​လၢတ်ႈ​သေ​ၵေႃႈ သူ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ ဢွၼ်​ၵၼ်​ႁၼ် လွင်ႈ​တၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​လႄႈ ဢွၼ်​ၵၼ်​ပႅတ်ႉ​လႅၼ်​သေ​လႄႈ ႁဵတ်း​ပရေႃးၽႅတ်ႈ​ယဝ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="8">ပိူဝ်ႈ​ဢၼ်​ပဵၼ်​ၼင်ႇ​ၼၼ်​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​သူ​လၢတ်ႈ ၵႂၢမ်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ ၵႃႈ​သင်​လႄႈ ႁၼ်​ရူႇပႃႇရူင်ႇ​မူႉ​သႃႇ​ၼၼ်ႉ​လႄႈ၊ ၵဝ်​ယူႇ​ၽၢႆႇ​ၼိုင်ႈ တင်း​သူ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="9">မိုဝ်း​ၵဝ်​ၼႆႉ တၵ်း​ယူႇ​ၽၢႆႇ​ၼိုင်ႈ တင်း​ပရေႃးၽႅတ်ႈ ဢၼ်​ၸၢင်ႈ​ႁၼ် လွင်ႈ​တၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ ၵႃႈ​သင်​လႄႈ ႁေႃး​လၢတ်ႈ ၵႂၢမ်း​မူႉ​သႃႇ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ​ဢမ်ႇ​လႆႈ​ဢွၼ်​ၵၼ်​ၶဝ်ႈ​ပႃး​ၵႃႈ​ၼႂ်း​ပရဵၵ်ႈသၢတ်ႈ​တီႈ​ၸူႉ​တီႈ​တုမ်​ၵူၼ်း​ၶဝ်​တင်း​လၢႆ။ ဢမ်ႇ​လႆႈ​မီး တၢင်း​ဢၼ် ဢဝ်​တႅမ်ႈ​သႂ်ႇ​ဝႆႉ​ၵႃႈ​ၼႂ်း​ၸရၢင်း​မဵဝ်း​ ဢီႉသရေႇလႃႉ ။ ဢမ်ႇ​လႆႈ​ၶျႃး​တီႈ​ယူႇ​တီႈ​သဝ်း ယူႇ​ၵႃႈ​ၼႂ်း​မိူင်း​ ဢီႉသရေႇလႃႉ ။ သူ​တၵ်း​လႆႈ​ႁူႉ လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="10">ၵွပ်ႈ​ပိူဝ်ႈ​ဢၼ်​ၶဝ်​ပႅတ်ႉ​လႅၼ် ၵူၼ်း​ၵဝ်​တင်း​လၢႆ​လႄႈ​ဝႃႈ၊ မီး​တၢင်း​ဢၼ်​ၼိမ်​ဢၼ်​လီ​ယူႇ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ ဢမ်ႇ​မီး​တၢင်း​ဢၼ်​ၼိမ်​ဢၼ်​လီ ဢိၵ်ႇ​တင်း ၵွပ်ႈ​ပိူဝ်ႈ​ဢၼ်​ၵေႃႉ​ၼိုင်ႈ တႄႇ​ႁဵတ်း​လမ်း​ဢုတ်ႇ​ယူႇ၊ ၵေႃႉ​ၼိုင်ႈ ဢဝ်​ဢၢင်းၵတေႇ တႃး​ယူႇ​ၼၼ်ႉ​လႄႈ၊-</verse>
				<verse number="11">လၢတ်ႈ​တီႈ​ၶဝ်​ၸိူဝ်း​ဢၼ်​တႃး​ဢၢင်းၵတေႇ ၼၼ်ႉ​လႄႈ​ဝႃႈ၊ လမ်း​ဢုတ်ႇ​ၼၼ်ႉ တၵ်း​ၵိူၼ်ႇ​ပင်း​ဢေႃႈ၊ ဝႃႈ​ၼင်ႇ​ၼႆ​တႃႉ။ ၼမ်ႉ​ၽူၼ်​တၵ်း​ထူမ်ႈ​ႁူမ်ႇ​ဢေႃႈ။ မၢၵ်ႇ​ႁဵပ်း​ဢၼ်​ယႂ်ႇ​ၼႃႇ​တင်း​လၢႆ​ၶဝ်​ဢိူၺ်း၊ သူ​တၵ်း​လႆႈ​တူၵ်း​လႄႈ ၽူၼ်​လူင်​လူမ်း​လူင် တၵ်း​ပတ်ႉ​ထူဝ်း​ယႃႉ​ပႅတ်ႈ ဢေႃႈ။-</verse>
				<verse number="12">လမ်း​ဢုတ်ႇ​ၼၼ်ႉ ၵိူၼ်ႇ​လူမ်ႉ​သေ​ယဝ်ႉ၊ ပိူၼ်ႈ​တၵ်း​ဢွၼ်​ၵၼ်​ထၢမ်​လႄႈ​ဝႃႈ၊ ဢၢင်းၵတေႇ​ဢၼ်​သူ တႃး​ႁၢင်ႈ​ၶိူင်ႈ​ၼၼ်ႉ မီး​ၵႃႈ​လႂ်၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​ႁိုဝ်။-</verse>
				<verse number="13">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တၢင်း​ၸႂ်​မႆႈ​ၶႆႈ​ၸႃႉ​ၵဝ် တၵ်း​ဢွၵ်ႇ​လႄႈ ၵဝ်​တၵ်း​ဢဝ်​ၽူၼ်​လူင်​လူမ်း​လူင် ပတ်ႉ​ထူဝ်း​ယႃႉ​မၼ်း​ပႅတ်ႈ​ဢေႃႈ။ တေႃး​သႃႉ​တၢင်း​ၸႂ်​မႆႈ​ၵဝ် တၵ်း​ဢွၵ်ႇ​လႄႈ ၵဝ်​တၵ်း​ႁႂ်ႈ​ၼမ်ႉ​ၽူၼ်​ထူမ်ႈ​ႁူမ်ႇ​ဢေႃႈ။ ဢၢႆ​ႁႅင်း​တၢင်း​ၸႂ်​မႆႈ ၶႆႈ​ၸႃႉ​ၵဝ် တၵ်း​ဢွၵ်ႇ​လႄႈ ၵဝ်​တၵ်း​ႁႂ်ႈ​မၼ်း​သုမ်း​လူၺ်ႈ​မၢၵ်ႇ​ႁဵပ်း ဢၼ်​ယႂ်ႇ​ၼႃႇ​ဢေႃႈ။-</verse>
				<verse number="14">ၼင်ႇ​ၼၼ်​လႄႈ ၵဝ်​တၵ်း​ၵိူၼ်ႇ​လူမ်ႉ ၶျႃး​တူၵ်း လမ်း​ဢုတ်ႇ​ဢၼ်​သူ​ဢဝ်​ဢၢင်းၵတေႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​တႃး​ႁၢင်ႈ​ၶိူင်ႈ​ၼၼ်ႉ​လႄႈ ဢဝ်​ပိၼ်ႈ​ပႅတ်ႈ တေႃႇ​ထိုင်​ႁွတ်ႈ လိၼ်​ႁႂ်ႈ​ငဝ်ႈ​ႁၢၵ်ႈ​မၼ်း​ထၼ်ႈ​ပေႃး​ဢွၵ်ႇ​သေ​ယဝ်ႉ၊ မၼ်း​တၵ်း​လူမ်ႉ​တူၵ်း​လႄႈ သူ​တၵ်း​လႆႈ​သုမ်း ဢသၢၵ်ႈ​ဢေႃႈ။ သူ​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="15">ၼင်ႇ​ၼၼ်​လႄႈ ၵဝ်​တၵ်း​ၽႄႇ တင်း​ၸႂ်​မႆႈ​ၶႆႈ​ၸႃႉ​ၵဝ် တီႈ​လမ်း​ဢုတ်ႇ ဢိၵ်ႇ​တင်း တီႈ​ၶဝ်​ၸိူဝ်း​ဢၼ်​ဢဝ် ဢၢင်းၵတေႇ​တႃး ႁၢင်ႈ​ၶိူင်ႈ​ၼၼ်ႉ​လႄႈ ၵဝ်​တၵ်ႉ​လၢတ်ႈ​တီႈ​သူ​လႄႈ​ဝႃႈ၊ လမ်း​ဢုတ်ႇ​ဢမ်ႇ​မီး​ယဝ်ႉ။-</verse>
				<verse number="16">ၶဝ်​ၸိူဝ်း​ဢၼ်​ဢဝ် ဢၢင်းၵတေႇ​တႃး​ႁၢင်ႈ​ၶိူင်ႈ​ဢၼ်​ဝႃႈ ပရေႃးၽႅတ်ႈ ဢီႉသရေႇလႃႉ ဢၼ်​ဢဝ်​လွင်ႈ​ဝဵင်း​ ယေႇရူႉသလႅမ်ႇ ႁေႃး​လၢတ်ႈ​လႄႈ ႁၼ်​တၢင်း​ဢၼ်​ၼိမ်​ဢၼ်​လီ​ပုၼ်ႈ​မၼ်း ၼႂ်း​မိူဝ်ႈ​ဢၼ် တၢင်း​ဢၼ်​ၼိမ်​ဢၼ်​လီ ဢမ်ႇ​မီး​ၼၼ်ႉ​ၸိူဝ်း​ၼၼ်ႉ ဢမ်ႇ​မီး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="17">လိူဝ်​သေ​ၼၼ်ႉ၊ လုၵ်ႈ​ၵူၼ်း​ဢိူၺ်း၊ မႂ်း​ဝၢႆႇ​ၼႃႈ​ပႅတ်ႈ​လုၵ်ႈ​ယိင်း ၵူၼ်း​မဵဝ်း​မႂ်း ဢၼ်​ႁဵတ်း​ပရေႃးၽႅတ်ႈ ၸွမ်း​လူၺ်ႈ​ဢလူဝ်ႇ ၸဝ်ႈ​ၵဝ်ႇ​ၸိူဝ်း​ၼၼ်ႉ​လႄႈ ႁေႃး​လၢတ်ႈ​ယူႇ​ၽၢႆႇ​ၼိုင်ႈ တင်း​ၶဝ်​လႄႈ​ဝႃႈ၊-</verse>
				<verse number="18">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႄႈ​ယိင်း​ဢၼ် ဢဝ်​မွၼ်​ဢိင်​ယဵပ်ႉ​ၸပ်း​သႂ်ႇ ၵႃႈ​တီႈ​ပွင်ႈ​ၶႅၼ်​ပွင်ႈ​မိုဝ်း​ၵူႈ​ပွင်ႈ​လႄႈ ဢဝ်​မွၵ်ႇ​ႁူဝ် တၢင်ႇ​သႂ်ႇ​တိုဝ်း​သႂ်ႇ ၵႃႈ​ၼိူဝ်​ၵွၵ်း​ႁူဝ်​ၵူၼ်း​လူင် ၵူၼ်း​ဢွၼ်ႇ ႁႂ်ႈ​လႆႈ​တီႉ​ဢဝ် ဢသၢၵ်ႈ​ဝီႉၺိၺ်ႇ​တင်း​လၢႆ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ သူ​တၵ်း​တီႉ​ဢဝ် ဢသၢၵ်ႈ​ဝီႉၺိၺ်ႇ​ၵူၼ်း​ၵဝ် တင်း​လၢႆ​လႄႈ ၵႄႇ​သႄႇ​ၶျွတ်ႈ​ဢဝ် ဢသၢၵ်ႈ​ဝီႉၺိၺ်ႇ​သူ​ႁိုဝ်။-</verse>
				<verse number="19">သူ​ဢွၼ်​ၵၼ်​ၶျႃး​ၵဝ်​တူၵ်း​တီႈ​တႅမ်ႇ ၵႃႈ​ၼႂ်း​ၵူၼ်း​ၵဝ်​တင်း​လၢႆ ပုၼ်ႈ​ဢၼ်​တၵ်း​လႆႈ​ၶဝ်ႈ​သၢၼ် မူႉ​ယေႃး​ဝၵ်ႉ​မိုဝ်း​ၼိုင်ႈ ဢိၵ်ႇ​တင်း ၶဝ်ႈ​မုၼ်း​ၽၢၵ်ႇ​ၼိုင်ႈ ႁႂ်ႈ​လႆႈ​ဢဝ်​ဢသၢၵ်ႈ​ၶဝ်​ၸိူဝ်း​ဢၼ်​ဢမ်ႇ​ထုၵ်ႇ​တၢႆ​ၼၼ်ႉ​တၢႆ​လႄႈ ပၼ်​ဢသၢၵ်ႈ​ၶဝ်​ၸိူဝ်း​ဢၼ် ဢမ်ႇ​ထုၵ်ႇ​လိပ်း​ၼၼ်ႉ​လိပ်း​လူၺ်ႈ တၢင်း​ဢၼ်​သူ​လၢတ်ႈ​ၵႂၢမ်း​မူႉ​သႃႇ တီႈ​ၵူၼ်း​ၵဝ်​ဢၼ်​ၸၢင်ႈ​ထွမ်ႇ​ဢဝ်​ၵႂၢမ်း​မူႉ​သႃႇ ၸိူဝ်း​ၼၼ်ႉ​ယဝ်ႉ။-</verse>
				<verse number="20">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ႁဵတ်း​ၶတ်း​ၵၼ် တင်း​မွၼ်​ဢိင် ဢၼ်​သူ​ၸၢင်ႈ​ဢဝ်​တီႉ​ဢဝ် ဢသၢၵ်ႈ​ဝီႉၺိၺ်ႇ ႁႂ်ႈ​ၶဝ်​လႆႈ​မိၼ်​ၵႂႃႇ​ၼၼ်ႉ​ၸိူဝ်း​ၼၼ်ႉ​လႄႈ ၵဝ်​တၵ်း​တိုတ်ႉ​ထွတ်ႇ​ဢဝ် ဢွၵ်ႇ​ၵႃႈ​တီႈ​ၶႅၼ်​သူ​သေ​လႄႈ ပွႆႇ​ဢသၢၵ်ႈ​ဝီႉၺိၺ်ႇ ဢၼ်​သူ​တီႉ​ဢဝ်​ႁႂ်ႈ​ၶဝ် လႆႈ​မိၼ်​ၵႂႃႇ​ၼၼ်ႉ ၸိူဝ်း​ၼၼ်ႉ​လွတ်ႈ​ဢေႃႈ။-</verse>
				<verse number="21">မွၵ်ႇ​ႁူဝ်​သူ​ၸိူဝ်း​ၼၼ်ႉ​ၵေႃႈ ၵဝ်​တၵ်း​သိၵ်ႇ​ပႅတ်ႈ​သေ​လႄႈ ၵႄႇ​သႄႇ​ၼုၵ်ႈ​ဢဝ် ၵူၼ်း​ၵဝ် တင်း​လၢႆ​ဢွၵ်ႇ​သေ ၵႃႈ​ၼႂ်း​မိုဝ်း​သူ​လႄႈ ၵမ်း​လိုၼ်း​ၶဝ်​ဢမ်ႇ​လႆႈ​ႁွတ်ႈ​ထိုင် ၵႃႈ​ၼႂ်း​မိုဝ်း​သူ ႁႂ်ႈ​လႆႈ​ၶၢမ်ႇ​တၢင်း​ဢၼ်​သူ​တီႉ​လႆႈ။ သူ​တၵ်း​လႆႈ​ႁူႉ လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="22">ၵွပ်ႈ​ပိူဝ်ႈ​ဢၼ်​သူ ဢဝ်​ၵႂၢမ်း​မူႉ​သႃႇ ႁႂ်ႈ​ႁူဝ်​ၸႂ်​ၵေႃႉ​ဢၼ်​သိုဝ်ႈ​တေႃႇ ဢၼ်​ၵဝ်​ဢမ်ႇ​ႁႂ်ႈ​ႁဵဝ်ႇ​ၸွပ်ႈ​ၼၼ်ႉ ႁဵဝ်ႇ​ၸွပ်ႈ ဢိၵ်ႇ​တင်း ၵွပ်ႈ​ပိူဝ်ႈ​ဢၼ် သူ​ႁႂ်ႈ​ၵေႃႉ​ဢၼ်​ႁၢႆႉ​ယုတ်ႈ​ၼၼ်ႉ ၵႅၼ်ႇ​ၶႅင်​ႁႂ်ႈ​မၼ်း ဢမ်ႇ​ဝၢႆႇ​ၶိုၼ်း​သေ​ၵႃႈ​တီႈ သဵၼ်ႈ​တၢင်း​ဢၼ်​ႁၢႆႉ​ယုတ်ႈ​မၼ်း​လႄႈ ၵတ်း​ယဵၼ်​ၶျၢမ်း​သႃႇ​ယူႇ​ၼၼ်ႉ​လႄႈ၊-</verse>
				<verse number="23">ၵမ်း​လိုၼ်း​သူ​ဢမ်ႇ​လႆႈ​ႁၼ် လွင်ႈ​တၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ။ ဢမ်ႇ​လႆႈ​ႁဵတ်း​ပရေႃးၽႅတ်ႈ​သေ​လႄႈ ႁေႃး​လၢတ်ႈ။ ၵဝ်​တၵ်း​ၵႄႇ​သႄႇ​ၼုၵ်ႈ​ဢဝ် ၵူၼ်း​ၵဝ်​တင်း​လၢႆ ဢွၵ်ႇ​သေ​ၵႃႈ​ၼႂ်း​မိုဝ်း​သူ​ဢေႃႈ။ သူ​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="14">
				<verse number="1">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​မဵဝ်း​ ဢီႉသရေႇလႃႉ ​ၵမ်ႈ​ၽွင်ႈ ဢွၼ်​ၵၼ်​မႃး​ၸူး​တီႈ​ၵဝ်​လႄႈ ၼင်ႈ​ၵႃႈ​တီႈ​ၽၢႆႇ​ၼႃႈ​ၵဝ် ဢေႃႈ။-</verse>
				<verse number="2">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="3">လုၵ်ႈ​ၵူၼ်း​ဢိူၺ်း၊ ၵူၼ်း​ၸိူဝ်း​ၼႆႉ ဢွၼ်​ၵၼ်​တႄႇ​ႁဵတ်း​ရုၵ်ႈ​ထူႉ​ၶဝ် ၵႃႈ​ၼႂ်း​ႁူဝ်​ၸႂ်​ၶဝ်​လႄႈ ဢဝ်​တုမ်​မႆႉ​တူႉ​ၸရိူၵ်ႈ ပုၼ်ႈ​ဢၼ်​တၵ်း​ၶီႈ​လိုတ်း​လူမ်ႉ​လႄႈ ၶဝ်​ၼၼ်ႉ​ဝႆႉ​သိုဝ်ႈ​ၼႃႈ​တႂ်ႈ​တႃ​ၶဝ်​ယဝ်ႉ။ ၵဝ်​တၵ်း​လႆႈ​ၶၢမ်ႇ​တၢင်း​ဢၼ်​ၶဝ် လဝ်ႊ​ထၢမ်​ႁိုဝ်။-</verse>
				<verse number="4">ပိူဝ်ႈ​ဢၼ် ပဵၼ်​ၼင်ႇ​ၼၼ်​လႄႈ မႂ်း​လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း မဵဝ်း​ ဢီႉသရေႇလႃႉ ဢၼ်​တႄႇ​ႁဵတ်း​ရုၵ်ႈ​ထူႉ​မၼ်း ၵႃႈ​ၼႂ်း​ႁူဝ်​ၸႂ်​မၼ်း​လႄႈ ဢဝ်​တုမ်​မႆႉ​တူႉ​ၸရိူၵ်ႈ ပုၼ်ႈ​ဢၼ်​တၵ်း​ၶီႈ​လိုတ်း​လႄႈ​လူမ်ႉ မၼ်း​ၼၼ်ႉ ဝႆႉ​သိုဝ်ႈ​ၼႃႈ​တႂ်ႈ​တႃ​မၼ်း​ယူႇ​သေ​လႄႈ မႃး​ၸူး​ၵႃႈ​တီႈ​ပရေႃးၽႅတ်ႈ​ၼၼ်ႉ၊ ၵဝ်​ထႃႇဝရႃႉ​ၽြႃး​ၼႆႉ တၵ်း​ၶိုၼ်း​လၢတ်ႈ တီႈ​ၵေႃႉ​ၼၼ်ႉ​ၸွမ်း​ၵႃႈ​ၼင်ႇ​ဢၼ် ရုၵ်ႈ​ထူႉ​မၼ်း​ၼမ်​ၵိုၼ်း​ၼႃႇ​လူင်​လၢင်​ၼၼ်ႉ၊-</verse>
				<verse number="5">ႁႂ်ႈ​ၵဝ်​ထၼ်ႈ​ပေႃး လႆႈ​ဢၶႂၢင်ႉ​ဢၼ်​တီႉ​လႆႈ မဵဝ်း​ ဢီႉသရေႇလႃႉ ၸွမ်း​ၵႃႈ​ၼင်ႇ​ဢၼ်​ၸႂ်​သၽေႃး​ၶဝ်​မီး​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ် တင်း​သဵင်ႈ​တင်း​လူင် မီး​ၵႆ​ယၢၼ်​ၵၼ်​တင်း​ၵဝ် ၵွပ်ႈ​ပိူဝ်ႈ​ရုၵ်ႈ​ထူႉ​ၶဝ်​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="6">ပိူဝ်ႈ​ၼႆ​လႄႈ လၢတ်ႈ​တီႈ​မဵဝ်း​ ဢီႉသရေႇလႃႉ ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ်​ၶိုၼ်း​မႃး​လႄႈ ဝႄႈ​ပႅတ်ႈ ရုၵ်ႈ​ထူႉ​သူ​တင်း​လၢႆ သေ​လႄႈ ဝၢႆႇ​ၼႃႈ​သူ​ပႅတ်ႈ​သေ လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ၵႃႈ​ဢၼ်​သူ​ႁဵတ်း​ၸိူဝ်း​ၼၼ်ႉ​တႃႉ။-</verse>
				<verse number="7">ၵေႃႉ​ဢၼ်​ပဵၼ်​မဵဝ်း​ ဢီႉသရေႇလႃႉ ၊ ဢမ်ႇ​ၼၼ် ၵေႃႉ​ဢၼ်​ပဵၼ် ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​သွၼ်ႈ​ပိုင်ႈ​ယူႇ ၵႃႈ​ၼႂ်း​မဵဝ်း​ ဢီႉသရေႇလႃႉ ဢၼ်​ၽၢတ်ႇ​ယၢၼ်​ၵၼ် တင်း​ၵဝ်​သေ​လႄႈ တႄႇ​ႁဵတ်း​ရုၵ်ႈ​ထူႉ​မၼ်း ၵႃႈ​ၼႂ်း​ႁူဝ်​ၸႂ်​မၼ်း​လႄႈ ဢဝ်​တုမ်​မႆႉ​တူႉ​ၸရိူၵ်ႈ ပုၼ်ႈ​ဢၼ်​တၵ်း​ၶီႈ​လိုတ်း​လႄႈ​လူမ်ႉ မၼ်း​ၼၼ်ႉ ဝႆႉ​သိုဝ်ႈ​ၼႃႈ​တႂ်ႈ​တႃ​မၼ်း​ယူႇ သေ​လႄႈ မႃး​ၸူး​ၵႃႈ​တီႈ​ပရေႃးၽႅတ်ႈ ႁႂ်ႈ​လႆႈ​ထၢမ် ဢလူဝ်ႇ​ၵဝ် ပုၼ်ႈ​မၼ်း​ၼၼ်ႉ​ၸိုင်၊ ၵဝ်​ထႃႇဝရႃႉ​ၽြႃး​ၼႆႉ တၵ်း​ၶိုၼ်း​လၢတ်ႈ တီႈ​ၵေႃႉ​ၼၼ်ႉ​ၵူၺ်း​ၵဝ်​ဢေႃႈ။-</verse>
				<verse number="8">ၵဝ်​တၵ်း​ဝၢႆႇ​ၼႃႈ​ၵဝ်​ပႅတ်ႈ​ၵေႃႉ​ၼၼ်ႉ​လႄႈ ႁႂ်ႈ​မၼ်း​ပဵၼ်​တီႈ​ဢၼ် လီ​ဢၢမ်း​ပုၼ်ႈ​ၼီႉမိၵ်ႈ ဢိၵ်ႇ​တင်း ၵႂၢမ်း​ထုင်း​ဢေႃႈ။ ၵဝ်​တၵ်း​ပႄႇ ၵေႃႉ​ၼၼ်ႉ​ပႅတ်ႈ​သေ ၵႃႈ​ၼႂ်း​ၵူၼ်း​ၵဝ်​တင်း​လၢႆ​လႄႈ သူ​တၵ်း​လႆႈ​ႁူႉ လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="9">ပေႃး​ပရေႃးၽႅတ်ႈ ၸွမ်း​တၢင်း ဢၼ်​ၽိတ်း​ဢၼ်​ပိူင်ႈ​သေ​လႄႈ ႁေႃး​လၢတ်ႈ​ၸိုင်၊ ၵဝ်​ထႃႇဝရႃႉ​ၽြႃး​ၼႆႉ ႁႂ်ႈ​ပရေႃးၽႅတ်ႈ​ၼၼ်ႉ ၸွမ်း​တၢင်း ဢၼ်​ၽိတ်း​ဢၼ်​ပိူင်ႈ​ဢေႃႈ။ ၵဝ်​တၵ်း​ယဵတ်ႇ​မိုဝ်း​ၵဝ်​ၸူး တီႈ​မၼ်း​ၼၼ်ႉ​လႄႈ ပႄႇ​မၼ်း​ပႅတ်ႈ​သေ​ၵႃႈ​ၼႂ်း ၵူၼ်း​ၵဝ် မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="10">ၶဝ်​တၵ်း​လႆႈ​ဢွၼ်​ၵၼ် ၶၢမ်ႇ​တၢမ်ႇ​ဢပႅတ်ႈ​ၶဝ်​ဢေႃႈ။ တၢမ်ႇ​ဢၼ်​ပရေႃးၽႅတ်ႈ​လႆႈ​ၶၢမ်ႇ​ၼၼ်ႉ တၵ်း​လႆႈ​မိူၼ်​ၵၼ် တင်း​တၢမ်ႇ​ဢၼ် ၵေႃႉ​ဢၼ်​လဝ်ႊ​ထၢမ် တီႈ​မၼ်း​ၼၼ်ႉ လႆႈ​ၶၢမ်ႇ​ၼၼ်ႉ​ဢေႃႈ။-</verse>
				<verse number="11">ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵမ်း​လိုၼ်း​မဵဝ်း​ ဢီႉသရေႇလႃႉ ယင်း ဢမ်ႇ​ဝႄႈ​ဢမ်ႇ​ပိူင်ႈ​ၵဝ်၊ ဢမ်ႇ​ဢဝ်​တင်း​ဢပႅတ်ႈ ဢၼ်​ၶဝ်​ၽိတ်း​ပိူင်ႈ​ၵႃႈ​မီး ႁႂ်ႈ​ၶဝ်​ၵူဝ်ႈ​ၵိူၵ်ႇ​လႄႈ တၵ်း​ဢွၼ်​ၵၼ်​ပဵၼ် ၵူၼ်း​ၵဝ်​ဢေႃႈ။ ၵဝ်​ၵေႃႈ တၵ်း​ပဵၼ်​ၽြႃး​ပဵၼ်​ၸဝ်ႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="12">လႆႈ​သမ်ႉ​ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="13">လုၵ်ႈ​ၵူၼ်း​ဢိူၺ်း၊ မိူဝ်ႈ​ဢၼ်​သိုင်ႇ​ၸိုင်ႈ​ဝၢၼ်ႈ​မိူင်း ႁဵတ်း​တၢင်း​ဢၼ်​ၽိတ်း​ပိူင်ႈ သေ​လႄႈ ပူၼ်ႉ​လိူဝ်​ၵဝ်​လႄႈ ၵဝ်​ယဵတ်ႇ​မိုဝ်း​ၵဝ် ၵႃႈ​ၼိူဝ်​မၼ်း သေ​လႄႈ ႁၵ်း​ၶဝ်ႈ​မုၼ်း တၢင်း​ဢၼ်​ၵမ်ႉ​ဢၼ်​ထွၵ်ႈ​ပႅတ်ႈ​သေ​ယဝ်ႉ၊ ႁႂ်ႈ​တၢင်း​ၵိၼ်​တၢင်း​ၶူပ်း ၵႃႈ​ပႅင်း​လႄႈ ပႄႇ​ၵူၼ်း ဢိၵ်ႇ​တင်း တရိၵ်ႈသၢၼ်ႇ​ပႅတ်ႈ​သေ ၵႃႈ​ၼႂ်း​မၼ်း​ၼၼ်ႉ​ၸိုင်၊-</verse>
				<verse number="14">ပိၵ်ႉ​သမ်ႉ ၼူဝ်းဢႃႇ၊ တၢၼ်ႇယေႇလႃႉ၊ ယေႃးၽႃႉ သၢမ်​ၵေႃႉ​ၼႆႉ မီး​ၵႃႈ​ၼႂ်း​မၼ်း​သေ​ၵေႃႈ၊ ၶဝ်​တၵ်း​မီး​ဢၶႂၢင်ႉ ဢၼ်​လႆႈ​ၵႄႇ​သႄႇ ၼုၵ်ႈ​ဢဝ် ဢသၢၵ်ႈ​ဝီႉၺိၺ်ႇ​ၶဝ်​ၵူၺ်း ၵွပ်ႈ​ပိူဝ်ႈ​တၢင်း​သိုဝ်ႈ​တေႃႇ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="15">ပေႃး​ၵဝ်​ႁႂ်ႈ​တူဝ်​ထိူၼ်ႇ​ႁၢႆႉ ၵႂႃႇ​မႃး​ယူႇ ၵႃႈ​ၼႂ်း​မိူင်း​လႄႈ မိူင်း​ၼၼ်ႉ ႁၢမ်း​ၵႂႃႇ​လႄႈ ပဵၼ်​တီႈ​ဢၼ်​သဵတ်ႇ​ၵူၼ်း ယဵၼ်​ၵူၼ်း​ၵႂႃႇ ထၼ်ႈ​ပေႃး​ၽူႈ​လႂ် ဢမ်ႇ​ၵႂႃႇ​မႃး​လႆႈ ၵွပ်ႈ​ပိူဝ်ႈ​တူဝ်​ထိူၼ်ႇ​ႁၢႆႉ ၸိူဝ်း​ၼၼ်ႉ​ၸိုင်၊-</verse>
				<verse number="16">ပိၵ်ႉ​သမ်ႉ သၢမ်​ၵေႃႉ​ၼၼ်ႉ မီး​ယူႇ​ၵႃႈ​ၼႂ်း​မၼ်း​သေ​ၵေႃႈ၊ ၵႃႈ​ၼင်ႇ​ဢၼ်​ၵဝ် ထႃႇဝရႃႉ​ၽြႃး ဢသၢၵ်ႈ​လိပ်း​ယူႇ​ၼၼ်ႉ၊ ၶဝ်​ဢမ်ႇ​လႆႈ ၵႄႇ​သႄႇ​ၼုၵ်ႈ​ဢဝ် လုၵ်ႈ​ၶဝ် လၢင်း​ၶဝ်၊ တူဝ်​ၶဝ်​ၵူၺ်း​တၵ်း​လႆႈ ၵတ်း​ယဵၼ်​ၶျၢမ်း​သႃႇ​လႄႈ မိူင်း​ၼၼ်ႉ တၵ်း​လႆႈ​ပဵၼ် ဢၼ်​သဵတ်ႇ​ယဵၼ် ယူႇ​ဢေႃႈ။-</verse>
				<verse number="17">ဢမ်ႇ​ၼၼ် ပေႃး​ၵဝ်​ႁႂ်ႈ​ၽေး​လၢပ်ႇ​ၽေး​လႅဝ်း​ႁွတ်ႈ​ထိုင်​ၵႃႈ​ၼိူဝ်​မိူင်း ၼၼ်ႉ​လႄႈ လၢတ်ႈ​လႄႈ​ဝႃႈ၊ ၽေး​လၢပ်ႇ​ၽေး​လႅဝ်း​ဢိူၺ်း၊ ၵႂႃႇ​မႃး​ယူႇ ၵႃႈ​ၼႂ်း​မိူင်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​လႄႈ ၵဝ်​ပႄႇ​ၽဵဝ်ႈ​ၵူၼ်း ဢိၵ်ႇ​တင်း တရိၵ်ႈသၢၼ်ႇ​ပႅတ်ႈ​သေ ၵႃႈ​ၼႂ်း​မၼ်း​ၸိုင်၊-</verse>
				<verse number="18">ပိၵ်ႉ​သမ်ႉ သၢမ်​ၵေႃႉ​ၼၼ်ႉ မီး​ယူႇ​ၵႃႈ​ၼႂ်း​မၼ်း​သေ​ၵေႃႈ၊ ၵႃႈ​ၼင်ႇ​ဢၼ်​ၵဝ် ထႃႇဝရႃႉ​ၽြႃး ဢသၢၵ်ႈ​လိပ်း​ယူႇ​ၼၼ်ႉ၊ ၶဝ်​ဢမ်ႇ​လႆႈ ၵႄႇ​သႄႇ​ၼုၵ်ႈ​ဢဝ် လုၵ်ႈ​ၶဝ် လၢင်း​ၶဝ်။ တူဝ်​ၶဝ်​ၵူၺ်း​တၵ်း​လႆႈ ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="19">ဢမ်ႇ​ၼၼ် ပေႃး​ၵဝ်​ပွႆႇ​ၸႂ်ႉ ၵႃႇလႃႉ​ႁႃႈ​လႅင်​မိူင်း ၸူး​ၵႃႈ​ၼႂ်း​မိူင်း​ၼၼ်ႉ​လႄႈ သွၼ်း​လေႃႇ​ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၵဝ်​ၼႂ်း​လွင်ႈ​ဢၼ်​ထွၵ်ႇ​လိူတ်ႈ​ၼၼ်ႉ ႁႂ်ႈ​လႆႈ​ပႄႇ​ၽဵဝ်ႈ​ၵူၼ်း ဢိၵ်ႇ​တင်း တရိၵ်ႈသၢၼ်ႇ​ပႅတ်ႈ​ၸိုင်၊-</verse>
				<verse number="20">ပိၵ်ႉ​သမ်ႉ ၼူဝ်းဢႃႇ၊ တၢၼ်ႇယေႇလႃႉ တင်း​ ယေႃးၽႃႉ ​ၸိူဝ်း​ၼၼ်ႉ​မီး​ယူႇ​ၼႂ်း​မၼ်း​သေ​ၵေႃႈ၊ ၵႃႈ​ၼင်ႇ​ဢၼ် ၵဝ်​ထႃႇဝရႃႉ​ၽြႃး ဢသၢၵ်ႈ​လိပ်း​ယူႇ​ၼၼ်ႉ၊ ၶဝ်​ဢမ်ႇ​လႆႈ ၵႄႇ​သႄႇ​ၼုၵ်ႈ​ဢဝ် လုၵ်ႈ​ၶဝ်​လၢင်း​ၶဝ်၊ ၶဝ်​တၵ်း​လႆႈ​ၵႄႇ​သႄႇ​ၼုၵ်ႈ​ဢဝ်​ဢသၢၵ်ႈ ဝီႉၺိၺ်ႇ တူဝ်​ၶဝ်​ၵူၺ်း ၵွပ်ႈ​ပိူဝ်ႈ တၢင်း​သိုဝ်ႈ​တေႃႇ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="21">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူဝ်ႈ​ဢၼ် ၵဝ်​ပွႆႇ​ၸႂ်ႉ​ၽေး​သီႇ​ပႃး ဢၼ်​ႁၢႆႉ​ၼႃႇ​ဢၼ်​ဝႃႈ ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢိုပ်း​ဢၼ်​ယၢၵ်ႈ၊ ၽေး​တူဝ်​ထိူၼ်ႇ​ႁၢႆႉ၊ ၽေး​ၵႃႇလႃႉ​ႁႃႈ​လႅင်​မိူင်း ၸိူဝ်း​ၼၼ်ႉ ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ႁႂ်ႈ​လႆႈ ပႄႇ​ၽဵဝ်ႈ​ၵူၼ်း ဢိၵ်ႇ​တင်း တရိၵ်ႈသၢၼ်ႇ​ပႅတ်ႈ​သေ ၵႃႈ​ၼႂ်း​မၼ်း​ၼၼ်ႉ​ၸိုင်၊ တၵ်း​ယဵင်ႈ​ၶႅၼ်း​လွတ်ႈ​ယၢပ်ႇ လိူဝ်​တွၼ်း​ၼႃႇ​သေ​ၼၼ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="22">ၼႂ်း​ဝႃႈ​ၼၼ်​သေ​ၵေႃႈ တၵ်း​မီး​လုၵ်ႈ​လၢင်း ဢၼ်​ၵိုတ်း​ဢၼ်​ၵျၢၼ်ႇ ဢၼ်​လွတ်ႈ​လႄႈ ဢွၵ်ႇ​ၵႂႃႇ​ၼၼ်ႉ ၵမ်ႈ​ၽွင်ႈ​ဢေႃႈ။ ၶဝ်​ၼၼ်ႉ တၵ်း​ဢွၵ်ႇ​မႃး​ၸူး ၵႃႈ​တီႈ​သူ​လႄႈ သူ​တၵ်း​ဢွၼ်​ၵၼ် ႁူႉ​ႁၼ်​သဵၼ်ႈ​တၢင်း​ၶဝ် ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ​ၶဝ်​ၼၼ်ႉ​ဢေႃႈ။ သူ​တၵ်း​ဢွၼ်​ၵၼ်​ထွၵ်ႈ​လူၺ်ႈ​ဢမူႉ ဢၼ်​ၵဝ်​ႁႂ်ႈ ႁွတ်ႈ​ထိုင် ၵႃႈ​တီႈ​ဝဵင်း​ ယေႇရူႉသလႅမ်ႇ ဢၼ်​ဝႃႈ ၵႃႈ​ဢၼ်​ၵဝ်​ႁႂ်ႈ​ႁွတ်ႈ​ထိုင် ၵႃႈ​တီႈ​မၼ်း​ၼၼ်ႉ သေ​လႄႈ လႆႈ​တၢင်း​ဢၼ် သၢၵ်ႈ​သႃႇ​ဢေႃႈ။-</verse>
				<verse number="23">မိူဝ်ႈ​ဢၼ်​သူ​ႁၼ် လွင်ႈ​တၢင်း​ဢၼ် ၶဝ်​ၵမ်​ၵျၢင်ႉ​ၸိူဝ်း​ၼၼ်ႉ​ၸိုင် ၶဝ်​တၵ်း​ႁႂ်ႈ​သူ သၢၵ်ႈ​သႃႇ​ဢေႃႈ။ သူ​တၵ်း​လႆႈ​ႁူႉ​လွင်ႈ​ဢၼ် ယင်း​ဢမ်ႇ​မီး​လွင်ႈ​မၼ်း​လႄႈ ၵဝ်​ဢမ်ႇ​ႁဵတ်း ၵႃႈ​ဢၼ်​ၵဝ်​ႁဵတ်း ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="15">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ ၼိူဝ်ႉ​မႆႉ​ၶိူဝ်း​မၢၵ်ႇ​ၸပိတ်ႈ ဢၼ်​ပဵၼ်​ၵိင်ႇ ပဵၼ်​ၶႃႊ ၵႃႈ​ၼႂ်း​ပႃႇ​မႆႉ​ပႃႇ​ၸိင်​ၼၼ်ႉ ပဵၼ်​ဢၼ်​မျၢတ်ႈ လိူဝ်​တွၼ်း​ၼႃႇ​သေ ၼိူဝ်ႉ​မႆႉ တၢင်ႇ​ၸိူဝ်ႉ​တၢင်ႇ​မဵဝ်း သေ​ၸိူဝ်ႉ​သေ​မဵဝ်း​ႁိုဝ်။-</verse>
				<verse number="3">ၸၢင်ႈ​ဢဝ်​ၼိူဝ်ႉ​မႆႉ​မဵဝ်း​ၼၼ်ႉ ႁဵတ်း​သေ​ၸိူဝ်ႉ​သေ​ပိူင်​ႁိုဝ်။ ၸၢင်ႈ​ဢဝ်​ၼိူဝ်ႉ​မႆႉ​မဵဝ်း​ၼၼ်ႉ ႁဵတ်း​မႆႉ​သဵပ်ႇ​မႆႉ​ၶေႃ ပုၼ်ႈ​ဢၼ် တၵ်း​ႁွႆႈ​ဝႆႉ သေ​ၸိူဝ်ႉ​သေ​ပိူင်​ႁိုဝ်။-</verse>
				<verse number="4">တူၺ်း​လူး။ ၸၢင်ႈ​ဢဝ်​သႂ်ႇ​ၵႃႈ​ၼႂ်း​ၽႆး ပုၼ်ႈ​ၽိုၼ်း​လႄႈ ၸၢင်ႈ​မႆႈ​ငဝ်ႈ​မၼ်း​ပၢႆ​မၼ်း​လႄႈ မႆႈ​ၵၢင်​မၼ်း​ဢေႃႈ။ မၼ်း​ၸၢင်ႈ​ၶဝ်ႈ ဢသုင်း ဢသွင်ႇ​ပုၼ်ႈ​တၵ်း​ႁဵတ်း​ႁိုဝ်။-</verse>
				<verse number="5">တူၺ်း​လူး။ မိူဝ်ႈ​ဢၼ်​မၼ်း ယင်း​မီး​ယူႇ​ၸေး​ၸေး​ၸုမ်ႇ​ၸုမ်ႇ ၼၼ်ႉ​ၸိုင် မၼ်း​ဢမ်ႇ​ၶဝ်ႈ ဢသုင်း​ဢသွင်ႇ ပုၼ်ႈ​တၢင်း​ႁဵတ်း။ ၽႆး​မႆႈ မၼ်း​လႄႈ​မၼ်း​သုတ်း​ပႅတ်ႈ​သေ​ယဝ်ႉ၊ မၼ်း​ယဵင်ႈ​ၶႅၼ်း​ဢမ်ႇ​ၶဝ်ႈ ဢသုင်း​ဢသွင်ႇ ပုၼ်ႈ​တၢင်း​ႁဵတ်း၊ ဢမ်ႇ​ၸႂ်ႈ​ႁိုဝ်။-</verse>
				<verse number="6">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၸိူဝ်ႉ​ၼင်ႇ ၼိူဝ်ႉ​မႆႉ​ၶိူဝ်း​မၢၵ်ႇ​ၸပိတ်ႈ​ဢၼ် ၵဝ်​ဢဝ်​ဢၢပ်ႈ​ပၼ် ပုၼ်ႈ​ဢၼ်​တၵ်း​သႂ်ႇ​ၽႆး သုမ်​ၽႆး​ၼၼ်ႉ ၵႃႈ​ၼႂ်း​တူၼ်ႈ​မႆႉ​ထိူၼ်ႇ​တင်း​လၢႆ​ၼၼ်ႉ၊ ၵဝ်​တၵ်း​ဢဝ် ၵူၼ်း​ဝဵင်း ယေႇရူႉသလႅမ်ႇ ​တင်း​လၢႆ ဢၢပ်ႈ​ပၼ်​ဢေႃႈ။-</verse>
				<verse number="7">ၵဝ်​တၵ်း​ဝၢႆႇ​ၼႃႈ​ၵဝ်​ပႅတ်ႈ​ၶဝ်​လႄႈ ၶဝ်​ၼၼ်ႉ တၵ်း​ဢွၵ်ႇ​သေ ၵႃႈ​ၼႂ်း​ၽႆး​လႄႈ မႆႈ​ၽႆး​ထႅင်ႈ​ဢေႃႈ။ မိူဝ်ႈ​ဢၼ် ၵဝ်​ဝၢႆႇ​ၼႃႈ​ၵဝ်​ပႅတ်ႈ​ၶဝ်​ၼၼ်ႉ​ၸိုင် သူ​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="8">ၵဝ်​တၵ်း​ႁႂ်ႈ​မိူင်း​ၸဝ်ႈ ပဵၼ်​တီႈ​ဢၼ်​သဵတ်ႇ​ၵူၼ်း​ယဵၼ်​ၵူၼ်း ၵွပ်ႈ​ပိူဝ်ႈ ဢၼ်​ၶဝ်​ၽိတ်း​ပိူင်ႈ​ၵဝ် ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="16">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ ႁဵတ်း​ႁႂ်ႈ ဝဵင်း​ ယေႇရူႉသလႅမ်ႇ ႁူႉ​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ မၼ်း​ၸိူဝ်း​ၼၼ်ႉ​လႄႈ၊-</verse>
				<verse number="3">လၢတ်ႈ​တီႈ​မၼ်း​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​တီႈ​ဝဵင်း​ ယေႇရူႉသလႅမ်ႇ ​လႄႈ​ဝႃႈ​ၸမ်ႉ၊ မူႇ​လႃႉ​ငဝ်ႈ​ရၢင်း​မႂ်း ထႃႇၼႃႉ​တီႈ​ဢၼ်​မႂ်း ၵိူတ်ႇ​လဵင်ႉ​မႃး​ၼၼ်ႉ မီး​ၵႃႈ​တီႈ​မိူင်း​ၵူၼ်း​ ၶႃႇၼၼီႉ ​ဢေႃႈ။ ပေႃႈ​မႂ်း​ပဵၼ်​ၵူၼ်း ဢႃႇမေႃးရီႉ ​လႄႈ မႄႈ​မႂ်း​ပဵၼ်​မဵဝ်း​ ႁိတ်ႉတီႉ ​ဢေႃႈ။-</verse>
				<verse number="4">လွင်ႈ​ဢၼ်​မႂ်း ၵိူတ်ႇ​လဵင်ႉ​မႃး​ၼၼ်ႉ​ၸမ်ႉ၊ ၼႂ်း​ဝၼ်း​ဢၼ်​မႂ်း​ၵိူတ်ႇ​လဵင်ႉ​မႃး​ၼၼ်ႉ သၢႆ​ႁႄႇ​မႂ်း ဢမ်ႇ​လႆႈ​ၶၢမ်ႇ တၢင်း​ဢၼ်​ထိူဝ်​ဢၼ်​တႅပ်း။ မႂ်း​ဢမ်ႇ​လႆႈ​ၶၢမ်ႇ​တၢင်း​ဢၼ် ဢၢပ်ႇ​ၼမ်ႉ​ႁႂ်ႈ​မူတ်း​ႁႂ်ႈ​သႂ်။ မႂ်း​ဢမ်ႇ​လႆႈ​ၶၢမ်ႇ တၢင်း​ဢၼ်​ဢဝ်​ၵိူဝ်​တႃး၊ တၢင်း​ဢၼ် ဢဝ်​ၶူဝ်း​ၼုင်ႈ​ၶဵၼ်း​ႁေႃႇ။-</verse>
				<verse number="5">တႃ​ၽူႈ​လႂ် သေ​ၵေႃႉ​သေ​ၵူၼ်း ဢမ်ႇ​မီး​ၵရူႉၼႃႇ ႁႂ်ႈ​လႆႈ​လုမ်း​လႃး ၸိူဝ်ႉ​ၼင်ႇ​ၼၼ်​တီႈ​မႂ်း​လႄႈ ဢဵတ်း​လူ​မႂ်း။ ၼႂ်း​ဝၼ်း​ဢၼ် မႂ်း​ၵိူတ်ႇ​လဵင်ႉ​မႃး​ၼၼ်ႉ မႂ်း​လႆႈ​ၶၢမ်ႇ​တၢင်း​ဢၼ်​ပႅတ်ႈ​ဝႆႉ ၵႃႈ​တီႈ​ၼွၵ်ႈ​တီႈ​ပၢင်ႇ ၵွပ်ႈ​ပိူဝ်ႈ​ဢၼ် လီ​ႁင်ႈ​ဢဵတ်ႇ​သဵတ်ႇ ဢသၢၵ်ႈ​မႂ်း​ၼၼ်ႉ​ဢေႃႈ။-</verse>
				<verse number="6">မိူဝ်ႈ​ဢၼ်​ၵဝ်​တႆႇ​တၢင်း ပႆ​တၢင်း​ၵၢႆ​ၵႂႃႇ​ႁိမ်း​မႂ်း​လႄႈ ႁၼ်​မႂ်း​ၵူဝ်ႈ​လိူတ်ႈ​ယူႇ​ၼၼ်ႉ​ၸိုင်၊ ၵဝ်​လၢတ်ႈ​တီႈ​မႂ်း ၼႂ်း​မိူဝ်ႈ​ဢၼ် မႂ်း​ယင်း​တိုၵ်ႉ မီး​ယူႇ​ၵႃႈ​ၼႂ်း​လိူတ်ႈ​မႂ်း​ၼၼ်ႉ​လႄႈ​ဝႃႈ၊ ဢသၢၵ်ႈ​လိပ်း​ယူႇ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၸႂ်ႈ​တႄႉ​တႄႉ​ယဝ်ႉ။ ၵဝ်​လၢတ်ႈ​တီႈ​မႂ်း ၼႂ်း​မိူဝ်ႈ​ဢၼ် မႂ်း​ယင်း​တိုၵ်ႉ မီး​ယူႇ​ၵႃႈ​ၼႂ်း​လိူတ်ႈ​မႂ်း​ၼၼ်ႉ​လႄႈ​ဝႃႈ၊ ဢသၢၵ်ႈ​လိပ်း​ယူႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၵဝ်​ႁႂ်ႈ​မႂ်း​ၼမ်​ၵိုၼ်း​မႃး မိူၼ်​ၸိူဝ်ႉ​ၼင်ႇ တူၼ်ႈ​ယိူဝ်ႈ​ၼၼ်ႉ​လႄႈ၊ မႂ်း​ယႂ်ႇ​မႃး​သုင်​မႃး​လႄႈ တူဝ်း​တွၼ်း​မႃး​သေ​လႄႈ ပျေႉ​ၸုမ်ႇ​ဝႆႉ တင်း​ႁၢင်ႈ​ၽၢင် ဢၼ်​ႁၢင်ႈ​လီ​ႁၢင်ႈ​ငၢမ်း​ဢေႃႈ။ တဝ်ႈ​ၼူမ်း​မႂ်း ယုၵ်ႉ​ၶိုၼ်ႈ​ၵွင်​ၶိုၼ်ႈ​လႄႈ ၶူၼ်​ဢွၵ်ႇ​မႃး​တီႈ​တူဝ်​တီႈ​ၶိင်း​မႂ်း​ဢေႃႈ။ ၵူၺ်း​ၵႃႈ မႂ်း​ဢမ်ႇ​မီး​ၶူဝ်း​ၼုင်ႈ ၶူဝ်း​မႆ​လႄႈ လႆႈ​ယူႇ​တူဝ်​ပူၺ်​ယူႇ​ဢေႃႈ။-</verse>
				<verse number="8">လႆႈ​သမ်ႉ မိူဝ်ႈ​ဢၼ် ၵဝ်​တႆႇ​တၢင်း​ပႆ​တၢင်း​ၵၢႆ​ၵႂႃႇ​ႁိမ်း​မႂ်း​လႄႈ ႁၼ်​မႂ်း​ၼၼ်ႉ ၵွပ်ႈ​ပိူဝ်ႈ​ဢၼ် မႂ်း​ႁွတ်ႈ​ထိုင်​ၶိင်ႇ​ဢရွႆႇ ဢၼ်​လီ​ႁၵ်ႉ​လီ​ပႅင်း ၼၼ်ႉ​လႄႈ ၵဝ်​ၽႄႇ​ၵီႈ​ၶူဝ်း​ၼုင်ႈ​ၵဝ်​လႄႈ ႁူမ်ႇ​သုမ်ႇ​တၢင်း​ဢၼ် မႂ်း​ယူႇ​တူဝ်​ပူၺ်​ၼၼ်ႉ​ဢေႃႈ။ ၵဝ်​ႁဵတ်း​တၢင်း​ဢၼ်​တိူင်ႇ​ဝႃႈ ၵိၼ်ႇ​ဝႃႈ တီႈ​မႂ်း​လႄႈ ႁဵတ်း​ပတီႉၺိၺ်ႇ လူၺ်ႈ​ၵၼ်​တင်း​မႂ်း​သေ​ယဝ်ႉ၊ မႂ်း​ပဵၼ်​မေး​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="9">မိူဝ်ႈ​ၼၼ်ႉ ၵဝ်​ဢဝ်​မႂ်း​ဢၢပ်ႇ​ၼမ်ႉ​လႄႈ သုၵ်ႈ​ပွတ်ႇ​လိူတ်ႈ​ၵႃႈ​မီး ဢၼ်​ၵူဝ်ႈ​ၵိူၵ်ႇ​မႂ်း​ယူႇ​ၼၼ်ႉ ပႅတ်ႈ​လႄႈ ဢဝ်​ၼမ်ႉ​မၼ်း​တႃး​မႂ်း​ဢေႃႈ။-</verse>
				<verse number="10">ၵဝ်​ဢဝ်​ၶူဝ်း​ၼုင်ႈ ဢၼ်​တမ်ႇ​ၵၢမ်း ႁၢင်ႈ​ၶိူင်ႈ​ၼၼ်ႉ ၼုင်ႈ​ပၼ်​မႂ်း​လႄႈ ဢဝ်​သွၵ်း​တိၼ်​ၼင်​ တႁႃႇသႃႉ တိုဝ်း​ပၼ်​မႂ်း​ဢေႃႈ။ ၵဝ်​ဢဝ်​ပိၵ်ႈ​ၶျေႃး ၶဵၼ်း​ႁေႃႇ​ပၼ်​မႂ်း​လႄႈ ဢဝ်​ၶူဝ်း​လၢႆႈ​ၶူဝ်း​ၽေး သုမ်ႇ​မႆ​ပၼ်​မႂ်း​ဢေႃႈ။-</verse>
				<verse number="11">ၵဝ်​ဢဝ်​ၶိူင်ႈ​ၶူဝ်း ႁၢင်ႈ​ၶိူင်ႈ​ပၼ်​မႂ်း​လႄႈ ဢဝ်​ဝႅၼ်​မိုဝ်း​တိုဝ်း​ပၼ်​ၵႃႈ​တီႈ​မိုဝ်း​မႂ်း သေ​လႄႈ ဢဝ်​ႁွႆႈ​ၶေႃး​ႁွႆႈ​ပၼ် တီႈ​ၶေႃး​မႂ်း​ဢေႃႈ။-</verse>
				<verse number="12">ၵဝ်​ဢဝ်​ႁွႆႈ​ၶူႈ​လင် သႂ်ႇ​ပၼ်​တီႈ​ၶူႈ​လင်​မႂ်း၊ ဢဝ်​ပေႇ​ႁူ သႂ်ႇ​ပၼ်​တီႈ​ႁူ​မႂ်း​လႄႈ ဢဝ်​ပၢၼ်း​ၵုမ်း ဢၼ်​ႁၢင်ႈ​လီ​ႁၢင်ႈ​ငၢမ်း​တိုဝ်း​ပၼ်​မႂ်း​ဢေႃႈ။-</verse>
				<verse number="13">ၼင်ႇ​ၼၼ်​လႄႈ မႂ်း​လႆႈ​ႁၢင်ႈ​ၶိူင်ႈ ငိုၼ်း​ၶမ်း​လႄႈ ၶူဝ်း​ၼုင်ႈ​တၢင်း​မႆ​မႂ်း ပဵၼ်​ပိၵ်ႈ​ၶျေႃး၊ ပဵၼ်​လၢႆႈ​ပဵၼ်​ၽေး၊ ပဵၼ်​ၶူဝ်း​ဢၼ်​တမ်ႇ​ၵၢမ်း ႁၢင်ႈ​ၶိူင်ႈ​ၼၼ်ႉ​ယူႇ၊ လႆႈ​ၵိၼ်​ၽွင်​ၶဝ်ႈ​မုၼ်း၊ ၼမ်ႉ​ၽိုင်ႈ၊ ၼမ်ႉ​မၼ်း​ယူႇ​သေ​လႄႈ ပျေႉ​ၸုမ်ႇ​တင်း ႁၢင်ႈ​ၽၢင် ဢၼ်​ႁၢင်ႈ​လီ​ႁၢင်ႈ​ငၢမ်း​လႄႈ လႆႈ​ပဵၼ် သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ဢေႃႈ။-</verse>
				<verse number="14">ၸိုဝ်ႈ​သဵင်​မႂ်း ႁူင်​ႁၢင်း​သႃႈ​ၸွတ်ႇ​ၵႂႃႇ ၵႃႈ​ၼႂ်း ၵူႈ​သိုင်ႇ​ၵူႈ​မိူင်း ၵွပ်ႈ​ပိူဝ်ႈ​ဢၼ်​မႂ်း​ႁၢင်ႈ​လီ​ႁၢင်ႈ​ငၢမ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ပဵၼ်​ဢၼ်​ၸေး​ၸုမ်ႇ ၵွပ်ႈ​ပိူဝ်ႈ​သရေႇ​ၵဝ် ဢၼ်​ၵဝ်​ဢဝ်​ဢၢပ်ႈ​ပၼ် တီႈ​မႂ်း​ၼၼ်ႉ​ဢေႃႈ။-</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ မႂ်း​ဢိင်​တၢင်း​ဢၼ် ႁၢင်ႈ​လီ​ႁၢင်ႈ​ငၢမ်း​မႂ်း​ၼၼ်ႉ​လႄႈ ႁဵတ်း​မႄႈ​မွၵ်ႇ​ယႃႈ ၵွပ်ႈ​ပိူဝ်ႈ​ၵုင်ႇ​သရေႇ​မႂ်း ဢၼ်​ႁူင်​ႁၢင်း​ၼၼ်ႉ​လႄႈ ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး လူၺ်ႈ​ၵၼ်​တင်း ၵူၼ်း​တႆႇ​တၢင်း​ပႆ​တၢင်း​ၵၢႆ​ၵႂႃႇ​ႁိမ်း​မႂ်း ၵႃႈ​မီး​ၼၼ်ႉ​သေ​လႄႈ ၵူၼ်း​ၸၢႆး ၵူႈ​ၵေႃႉ​ၵူႈ​ၵူၼ်း လႆႈ​ဢၶႂၢင်ႉ​ဢေႃႈ။-</verse>
				<verse number="16">မႂ်း​ဢဝ်​ၶူဝ်း​ၼုင်ႈ​မႂ်း​လႄႈ ပွင်​ႁဵတ်း​ပွင်​မႄး ထႃႇၼႃႉ​တီႈ​သုင်​တင်း​လၢႆ ဢၼ်​ဢဝ်​ဢရွင်ႇ​ႁၢင်ႈ​ၽၢင် ဢၼ်​လၢၵ်ႇ​ပိူင်ႈ​ၵၼ် လၢႆ​ၸိူဝ်ႉ လၢႆ​ပိူင်​ၼၼ်ႉ ႁၢင်ႈ​ၶိူင်ႈ​သႂ်ႇ​ၼၼ်ႉ​ပုၼ်ႈ​မႂ်း​လႄႈ ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး ၵႃႈ​ၼိူဝ်​ၸိူဝ်း​ၼၼ်ႉ​ဢေႃႈ။ ဢမူႉ​ၼၼ်ႉ ဢမ်ႇ​တွၼ်ႉ​ပဵၼ်​သေ​ပွၵ်ႈ။ ၵမ်း​လိုၼ်း​ၵေႃႈ တၵ်း​ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်​ထႅင်ႈ။-</verse>
				<verse number="17">မႂ်း​ဢဝ်​ၶိူင်ႈ​ပိူင်​မႂ်း ဢၼ်​လီ​ဢၼ်​မျၢတ်ႈ ဢၼ်​ပဵၼ်​ၶမ်း​ၵဝ် ငိုၼ်း​ၵဝ်​လႄႈ ၵဝ်​ပၼ်​တီႈ​မႂ်း​ၼၼ်ႉ​ၸိူဝ်း​ၼၼ်ႉ ႁဵတ်း​ရုၵ်ႈ​ထူႉ ၵူၼ်း​ၸၢႆး​သေ​လႄႈ ၽိတ်း​ပိူင်ႈ​လူၺ်ႈ​ၵၼ် တင်း​ၶဝ်​ၼၼ်ႉ​ယဝ်ႉ​လူင်​ပႄႇ။-</verse>
				<verse number="18">မႂ်း​ဢဝ်​ၶူဝ်း​ၼုင်ႈ​မႂ်း ဢၼ်​တမ်ႇ​ၵၢမ်း ႁၢင်ႈ​ၶိူင်ႈ​ၸိူဝ်း​ၼၼ်ႉ သုမ်ႇ​မႆ​ပၼ်​ၶဝ်​ၼၼ်ႉ​သေ​လႄႈ ဢဝ်​ၼမ်ႉ​မၼ်း​ၵဝ် ဢိၵ်ႇ​တင်း​ၼၢမ်ႇ​သႃႇ​ၵဝ် တၢင်ႇ​တမ်း​ဝႆႉ ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​ယဝ်ႉ​လူင်​ပႄႇ။-</verse>
				<verse number="19">ၽေႃး​ၸဵၼ်ႇ ဢၼ်​ၵဝ်​ပၼ်၊ ၽွင်​ၶဝ်ႈ​မုၼ်း၊ ၼမ်ႉ​မၼ်း၊ ၼမ်ႉ​ၽိုင်ႈ ဢၼ်​ၵဝ်​လဵင်ႉ​မႂ်း​ၼၼ်ႉ​ၵေႃႈ၊ မႂ်း​ဢဝ်​လႄႈ တၢင်ႇ​တမ်း​ဝႆႉ​ၵႃႈ​တီႈ​ၽၢႆႇ​ၼႃႈ​ၶဝ် ပုၼ်ႈ​ဢၼ်​တၵ်း​ပဵၼ်​ဢၢႆ​ဢၼ်​ႁွမ်​ဢၼ်​ႁူၺ်း​ယဝ်ႉ​လူင်​ပႄႇ။ ပဵၼ်​ၸိူဝ်ႉ​ၼင်ႇ​ၼၼ်​ယဝ်ႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="20">ၼွၵ်ႈ​သေ​ၼၼ်ႉ မႂ်း​ဢဝ်​လုၵ်ႈ​ၸၢႆး​မႂ်း လုၵ်ႈ​ယိင်း​မႂ်း ဢၼ်​မႂ်း​ၵိူတ်ႇ​လဵင်ႉ​မႃး တီႈ​ၵဝ်​ၸိူဝ်း​ၼၼ်ႉ​လႄႈ ႁဵတ်း​ယိတ်ႈ​ပုၵ်ႈ​ၸေႃႇ တီႈ​ၶဝ်​ၼၼ်ႉ ႁႂ်ႈ​လႆႈ​လဵင်ႉ​လူ​ၶဝ်​ၼၼ်ႉ​ယဝ်ႉ​လူင်​ပႄႇ။-</verse>
				<verse number="21">တၢင်း​ဢၼ် မႂ်း​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး ၸိူဝ်း​ၼၼ်ႉ ပဵၼ်​ဢမူႉ​ဢၼ်​လဵၵ်ႉ​ဢၼ်​ၼွႆႉ​လႄႈ မႂ်း​ဢဝ်​လုၵ်ႈ​ၵဝ်​လၢင်း​ၵဝ်​တၢႆ လႄႈ ဢဝ်​ၽႆး​ပုၵ်ႈ​ၸေႃႇ​တီႈ​ၶဝ်​ၼၼ်ႉ​ႁိုဝ်။-</verse>
				<verse number="22">ၼႂ်း​မိူဝ်ႈ​ဢၼ် မႂ်း​ယင်း​တိုၵ်ႉ​ႁဵတ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ဢိၵ်ႇ​တင်း ဢမူႉ​မေႇ​ထုင်ႇ​ဢၼ်​ဢမ်ႇ​တြႃး ဢၼ်​မႂ်း​ႁဵတ်း ၵႃႈ​မီး​ၼၼ်ႉ ယူႇ​ၼၼ်ႉ​ၸိုင်၊ မႂ်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မိုဝ်ႉ​ဝၼ်း​ဢၼ် ဢသၢၵ်ႈ​ဢရွႆႇ​မႂ်း ယင်း​လဵၵ်ႉ​လႄႈ​မႂ်း​ဢမ်ႇ​မီး ၶူဝ်း​ၼုင်ႈ​ၶူဝ်း​မႆ ယူႇ​တူဝ်​ပူၺ်​ယူႇ၊ ၵူဝ်ႈ​ၵိူၵ်ႇ​ၵႃႈ​ၼႂ်း​လိူတ်ႈ​မႂ်း​ယူႇ​ၼၼ်ႉ လူင်​ပႄႇ။</verse>
				<verse number="23">မႂ်း​ၼႆႉ​မီး​ဢႃႉ​မင်ႇၵလႃႇ​ဢေႃႈ၊ မီး​ဢႃႉ​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။ မႂ်း​ႁဵတ်း တူႉ​ၸရိူၵ်ႈ တင်း​သဵင်ႈ​တင်း​လူင်​ၼၼ်ႉ သေ​ယဝ်ႉ၊-</verse>
				<verse number="24">မႂ်း​တႄႇ​ႁဵတ်း​ႁိူၼ်း မႄႈ​မွၵ်ႇ​ယႃႈ​ပုၼ်ႈ​မႂ်း​လႄႈ ႁဵတ်း​တီႈ​ဢၼ်​သုင် ၵႃႈ​ၼႂ်း​သဵၼ်ႈ​တၢင်း ၵူႈ​သဵၼ်ႈ​ဢေႃႈ။-</verse>
				<verse number="25">မႂ်း​ၼႆႉ​တႄႇ​ႁဵတ်း တီႈ​ဢၼ်​သုင်​မႂ်း ၵႃႈ​တီႈ​ႁူဝ်​တၢင်း​သူပ်း​တၢင်း ၵူႈ​တီႈ​လႄႈ ႁႂ်ႈ​တၢင်း​ဢၼ်​ႁၢင်ႈ​လီ​ႁၢင်ႈ​ငၢမ်း​မႂ်း​ၼၼ်ႉ ပဵၼ်​တီႈ​ဢၼ် လီ​ႁင်ႈ​ဢဵတ်ႇ​သဵတ်ႇ​သေ​လႄႈ ဢႃႈ​ၶႃ​မႂ်း တီႈ​ၶဝ်​ၸိူဝ်း​ဢၼ် တႆႇ​တၢင်း​ပႆ​တၢင်း ၵၢႆ​ၵႂႃႇ​ႁိမ်း​မႂ်း​ၵႃႈ​မီး​လႄႈ ႁႂ်ႈ​ဢမူႉ​မေႇ​ထုင်ႇ​ဢၼ်​ဢမ်ႇ​တြႃး​မႂ်း ၼမ်​ၼႃႇ ဢေႃႈ။-</verse>
				<verse number="26">မႂ်း​ၽိတ်း​ပိူင်ႈ​ႁူမ်ႈ​လူၺ်ႈ​ၵၼ်​တင်း ၵူၼ်း​ ဢေႇၵိပ်ႉတူႉ ဢၼ်​ႁိူၼ်း​ၸမ်​ၵၼ်​တင်း​မႂ်း၊ ဢၼ်​ပီး​လီ​ပုၵ်း​လီ​ၸိူဝ်း​ၼၼ်ႉ​လႄႈ ႁႂ်ႈ​ဢမူႉ​မေႇ​ထုင်ႇ​ဢၼ်​ဢမ်ႇ​တြႃး​မႂ်း ၼမ်​ၼႃႇ ႁႂ်ႈ​လႆႈ​တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​ၵဝ်​ဢေႃႈ။-</verse>
				<verse number="27">ပိူဝ်ႈ​ၼႆ​လႄႈ ၵဝ်​လႆႈ​ဢဝ်​မိုဝ်း​ၵဝ်​ယဵတ်ႇ ၵႃႈ​ၼိူဝ်​မႂ်း​သေ​လႄႈ ႁႂ်ႈ​တၢင်း​ၵိၼ်​တၢင်း​ၶူပ်း​မႂ်း လဵၵ်ႉ​ၵေႇ​ဢေႇ​မၢင်​ၵႂႃႇ​လႄႈ ဢဝ်​မႂ်း ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ၸင်း​မႂ်း ဢၼ်​လုၵ်ႈ​ယိင်း​မဵဝ်း​ ၽီႉလိတ်ႉတီႉ ဢၼ်​ၸၢင်ႈ​ဢူၵ်း​ဢၢႆ ၵွပ်ႈ​ပိူဝ်ႈ​ဢပႅတ်ႈ ဢၼ်​ႁၢႆႉ​ယုတ်ႈ​မႂ်း​ၼၼ်ႉ​ဢေႃႈ။-</verse>
				<verse number="28">ၵွပ်ႈ​ပိူဝ်ႈ ဢၼ်​ၸႂ်​ၵီႉလေႇသႃႇ​မႂ်း ဢမ်ႇ​ပေႇ​လႆႈ​လႄႈ၊ မႂ်း​ၽိတ်း​ပိူင်ႈ​ႁူမ်ႈ​လူၺ်ႈ​ၵၼ်​တင်း ၵူၼ်း​ ဢႃႇသူႉရီႉ ​တင်း​လၢႆ​ဢေႃႈ။ ၸႂ်​တႄႉ​တႄႉ​ယဝ်ႉ။ ပိၵ်ႉ​သမ်ႉ မႂ်း​ၽိတ်း​ပိူင်ႈ​ႁူမ်ႈ​လူၺ်ႈ​ၵၼ် တင်း​ၶဝ်​ၸိူဝ်ႉ​ၼင်ႇ​ၼၼ်​သေ​ၵေႃႈ၊ မႂ်း​ဢမ်ႇ​ပေႇ​ၸႂ်​လႆႈ။-</verse>
				<verse number="29">လိူဝ်​သေ​ၼၼ်ႉ၊ ပိၵ်ႉ​သမ်ႉ​မႂ်း​ႁႂ်ႈ​ဢမူႉ မေႇ​ထုင်ႇ​ဢၼ်​ဢမ်ႇ​တြႃး​မႂ်း​ၼၼ်ႉ ၼမ်​ၵိုၼ်း​ၼႃႇ ဢဝ်​ၵႃႈ​တီႈ​မိူင်း​ ၶႃႇၼၢၼ်ႇ တေႃႇ​ထိုင်​ႁွတ်ႈ မိူင်း​ ၶႃႇလတေး ​သေ​ၵေႃႈ မႂ်း​ဢမ်ႇ​ပေႇ​ၸႂ်​လႆႈ။-</verse>
				<verse number="30">မႂ်း​ႁဵတ်း​ဢမူႉ​ၵႃႈ​မီး​ၼႆႉ​ဢၼ်​ဝႃႈ ဢမူႉ​ဢၼ်​မႄႈ​ယိင်း ဢၼ်​ႁဵတ်း​ဢုပ်ႉ​ႁဵတ်း​ပိူင်ႇ​သေ​လႄႈ သိၼ်​လူႉ​ၼၼ်ႉ​ၸၢင်ႈ​ႁဵတ်း​ၼၼ်ႉ ယူႇ​သေ​လႄႈ ႁူဝ်​ၸႂ်​မႂ်း​မိူၵ်ႈ​ၼႃႇ​လူင်​လၢင်​လူင်​ပႄႇ။-</verse>
				<verse number="31">မႂ်း​တႄႇ​ႁဵတ်း​ႁိူၼ်း​မႄႈ​မွၵ်ႇ​ယႃႈ​မႂ်း ၵႃႈ​တီႈ​ႁူဝ်​တၢင်း​သူပ်း​တၢင်း​ၵူႈ​တီႈ​လႄႈ ႁဵတ်း​တီႈ​ဢၼ်​သုင်​မႂ်း ၵႃႈ​ၼႂ်း​သဵၼ်ႈ​တၢင်း ၵူႈ​သဵၼ်ႈ သေ​လႄႈ မႂ်း​ဢမ်ႇ​မိူၼ်​ၵၼ်​တင်း​မႄႈ​မွၵ်ႇ​ယႃႈ ၵွပ်ႈ​ပိူဝ်ႈ​ဢၼ်​မႂ်း​ထဵင်​ပႅတ်ႈ ၵႃႈ​ၶၼ်​မၼ်း​ၼၼ်ႉ​ဢေႃႈ။-</verse>
				<verse number="32">မႂ်း​မိူၼ်​ၵၼ်​တင်း​မႄႈ​ယိင်း ဢၼ်​လဵၼ်ႈ​ၸူႉ​လႄႈ ႁပ်ႉ​တုင်း​ဢဝ်​ၵူၼ်း​ၸၢႆး ဢၼ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​မၼ်း​ၼၼ်ႉ တၢင်​တူဝ်​ၽူဝ်​မၼ်း​ၼၼ်ႉ​ဢေႃႈ။-</verse>
				<verse number="33">ပိူၼ်ႈ​ၸၢင်ႈ​ဢွၼ်​ၵၼ်​ပၼ်​လၢၵ်ႈ​သွင်ႇ တီႈ​မႄႈ​မွၵ်ႇ​ယႃႈ​ၵႃႈ​မီး​ဢေႃႈ။ မႂ်း​ၸမ်ႉ၊ ၸၢင်ႈ​ပၼ်​လၢၵ်ႈ​သွင်ႇ​တီႈ​ၸူႉ​မႂ်း​ၵႃႈ​မီး​လႄႈ ၸၢင်ႈ​ငႃ​ဢဝ်​ၶဝ်​ၼၼ်ႉ ႁႂ်ႈ​ၶဝ်​လုၵ်ႉ​သေ ၵႃႈ​တီႈ ၵူႈ​ၽၢႆႇ​ၵူႈ​ပႃႈ​မႃး​လႄႈ ႁဵတ်း​မေႇ​ထုင်ႇ ဢၼ်​ဢမ်ႇ​တြႃး​လူၺ်ႈ​ၵၼ်​တင်း​မႂ်း​ဢေႃႈ။-</verse>
				<verse number="34">ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ မႂ်း​ၸၢင်ႈ​ႁဵတ်း​ပိူင်ႈ​ၵၼ် တင်း​မႄႈ​မွၵ်ႇ​ယႃႈ​တၢင်ႇ​ၵေႃႉ​တၢင်ႇ​ၵူၼ်း ၼႂ်း​တၢင်း​ဢၼ် ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး ၸိူဝ်း​ၼၼ်ႉ ၼႂ်း​လွင်ႈ​ဢၼ်​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၸွမ်း​လင်​မႂ်း ႁႂ်ႈ​လႆႈ​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး လူၺ်ႈ​ၵၼ်​တင်း​မႂ်း​သေ​ၵေႃႈ၊ မႂ်း​ယင်း​ဢမ်ႇ​ၶၢမ်ႇ​ဢမ်ႇ​ဢဝ် ၵႃႈ​မၼ်း​ၶၼ်​မၼ်း​လႄႈ ပၼ်​ၵႃႈ​မၼ်း​ၶၼ်​မၼ်း​တီႈ​ပိူၼ်ႈ​သေ​လႄႈ ႁဵတ်း​ပိူင်ႈ​ၵၼ်​တင်း​ပိူၼ်ႈ ၸိူဝ်ႉ​ၼင်ႇ​ၼၼ် ၼၼ်ႉ​ဢေႃႈ။</verse>
				<verse number="35">ပိူဝ်ႈ​ၼႆ​လႄႈ မႄႈ​မွၵ်ႇ​ယႃႈ​ဢိူၺ်း၊ ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး​တႃႉ။-</verse>
				<verse number="36">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ ဢၼ်​ငိုၼ်း​တွင်း​မႂ်း​သဵင်ႈ​ႁၢႆ​လၢႆ​လႄႈ တၢင်း​ဢၼ်​မႂ်း​ယူႇ​တူဝ်​ပူၺ် ဢမ်ႇ​မီး​ၶူဝ်း​ၼုင်ႈ​ၼၼ်ႉ လႆႈ​မီး​တၢင်း​ဢၼ်​ပေႃႇ​ဢွၵ်ႇ​ထၢင်ႇ​သႃး​ယူႇ ၵွပ်ႈ​ပိူဝ်ႈ​တၢင်း​ဢၼ်​မႂ်း​ၽိတ်း​ပိူင်ႈ ႁူမ်ႇ​လူၺ်ႈ​ၵၼ်​တင်း​ၸူႉ​မႂ်း​တင်း​လၢႆ ဢိၵ်ႇ​တင်း ၵွပ်ႈ​ပိူဝ်ႈ​ရုၵ်ႈ​ထူႉ ဢၼ်​လီ​ႁင်ႈ​ဢဵတ်ႇ​သဵတ်ႇ​မႂ်း​ၵႃႈ​မီး တင်း​ၵွပ်ႈ​ပိူဝ်ႈ လိူတ်ႈ​လုၵ်ႈ​မႂ်း​လၢင်း​မႂ်း ဢၼ်​မႂ်း​ပၼ်​တီႈ​ၶဝ်​ၼၼ်ႉ​လႄႈ၊-</verse>
				<verse number="37">ၵဝ်​တၵ်း ႁႂ်ႈ​ၸူႉ​မႂ်း​ဢၼ်​မႂ်း​မူၼ်ႈ​ပျေႃႇ လူၺ်ႈ​ၵၼ်​တင်း​ၶဝ်​ၵႃႈ​မီး ဢိၵ်ႇ​တင်း ၶဝ်​ၸိူဝ်း​ဢၼ်​မႂ်း​ႁၵ်ႉ​မႂ်း​ပႅင်း​ၵႃႈ​မီး တင်း​ၶဝ်​ၸိူဝ်း​ဢၼ်​မႂ်း​ၸင်း​ၵႃႈ​မီး​ၼၼ်ႉ ၸူႉ​ၵၼ်​တုမ်​ၵၼ်​ဢေႃႈ။ ၵဝ်​တၵ်း​ႁႂ်ႈ​ၸူႉ​ၵၼ်​တုမ်​ၵၼ်​ယူႇ​ၽၢႆႇ​ၼိုင်ႈ တင်း​မႂ်း​ၵူႈ​ၽၢႆႇ​ၵူႈ​ပႃႈ​သေ​လႄႈ ၼႄ​ပျႃး တၢင်း​ဢၼ်​မႂ်း​ယူႇ​တူဝ်​ပူၺ် ဢမ်ႇ​မီး​ၶူဝ်း​ၼုင်ႈ​ၼၼ်ႉ တီႈ​ၶဝ်​ထၼ်ႈ​ပေႃး ႁႂ်ႈ​ၶဝ်​တင်း​သဵင်ႈ​တင်း​လူင်​ၼၼ်ႉ လႆႈ​ႁၼ်​ၵႃႈ​ဢၼ်​မႂ်း​ယူႇ တူဝ်​ပူၺ် ဢမ်ႇ​မီး​ၶူဝ်း​ၼုင်ႈ​ၼၼ်ႉ​ဢေႃႈ။-</verse>
				<verse number="38">ၵဝ်​တၵ်း​ၸီႇ​ယၢင်ႇ​မႂ်း မိူၼ်​ၸိူဝ်ႉ​ၼင်ႇ ဢၼ်​ၸီႇ​ယၢင်ႇ​မႄႈ​ယိင်း ဢၼ်​လဵၼ်ႈ​ၽူဝ်​ဢွၼ်ႇ​လႄႈ ထွၵ်ႇ​လိူတ်ႈ​ၵူၼ်း​ပႅတ်ႈ​ၼၼ်ႉ​လႄႈ ဢဝ်​လိူတ်ႈ​တေႃး​သႃႉ တၢင်း​ၸႂ်​မႆႈ​ဢၼ်​ႁႅင်း​ယႂ်ႇ​ၼႃႇ ဢိၵ်ႇ​တင်း တၢင်း​ဢၼ်​ၸႂ်​ၶႆႈ​ၸႃႉ​ဢမ်ႇ​ပေႇ​လႆႈ​ၼၼ်ႉ တိုၵ်း​ပၼ်​တီႈ​မႂ်း​ဢေႃႈ။-</verse>
				<verse number="39">ၵဝ်​တၵ်း​ဢဝ်​မႂ်း​ပၼ် ၵႃႈ​ၼႂ်း​မိုဝ်း​ၶဝ်​ၼၼ်ႉ​လႄႈ ၶဝ်​ၼၼ်ႉ တၵ်း​ဢွၼ်​ၵၼ် ယႃႉ​ႁိူၼ်း​မႄႈ​မွၵ်ႇ​ယႃႈ​မႂ်း​ပႅတ်ႈ​လႄႈ ၵိူၼ်ႇ​တီႈ​ဢၼ်​သုင်​မႂ်း​တူၵ်း​ပႅတ်ႈ​ဢေႃႈ။ ၶဝ်​တၵ်း​ထွတ်ႇ​ၶူဝ်း​ၼုင်ႈ​မႂ်း​ပႅတ်ႈ​လႄႈ ႁိမ်​ႁူင်ႇ​ဢဝ်​ၶိူင်ႈ​ပိူင် ဢၼ်​ႁၢင်ႈ​လီ​ႁၢင်ႈ​ငၢမ်း တီႈ​မႂ်း​သေ​လႄႈ ႁႂ်ႈ​မႂ်း​ယင်း​ဢမ်ႇ​မီး​ၶူဝ်း​ၼုင်ႈ​ၶူဝ်း​မႆ ယူႇ​တူဝ်​ပူၺ်​သေ​လႄႈ ၵိုတ်း​ၵျၢၼ်ႇ​ဝႆႉ​ဢေႃႈ။-</verse>
				<verse number="40">ၶဝ်​ၼၼ်ႉ​တၵ်း​ႁႂ်ႈ မူႇ​ၵူၼ်း​ၽုင်​ၵူၼ်း​ၸူႉ​ၵၼ် တုမ်​ၵၼ်​ယူႇ​ၽၢႆႇ​ၼိုင်ႈ တင်း​မႂ်း​သေ​လႄႈ ဢွၼ်​ၵၼ်​ဢဝ် မၢၵ်ႇ​ႁိၼ်​ထိမ်ႈ​မႂ်း​လႄႈ ဢဝ်​လၢပ်ႇ​ဢဝ်​လႅဝ်း​တႅင်း​မႂ်း​ပွင်ႇ​ပႅတ်ႈ​ဢေႃႈ။-</verse>
				<verse number="41">ၶဝ်​တၵ်း​ဢွၼ်​ၵၼ် ဢဝ်​ၽႆး​တုတ်ႇ​ႁိူၼ်း​မႂ်း​တင်း​လၢႆ​ပႅတ်ႈ​လႄႈ ပၼ်​တၢမ်ႇ​ဢပႅတ်ႈ​တီႈ​မႂ်း ၵႃႈ​တီႈ​ၽၢႆႇ​ၼႃႈ​မႄႈ​ယိင်း​ၼမ်​ၼႃႇ​ဢေႃႈ။ ၵဝ်​တၵ်း ႁဵတ်း​ႁႂ်ႈ​မႂ်း​ၵိုတ်း​ပေႃး​သေ တၢင်း​ဢၼ် မႂ်း​ႁဵတ်း​မႄႈ​မွၵ်ႇ​ယႃႈ​ၼၼ်ႉ​လႄႈ ၵမ်း​လိုၼ်း​မႂ်း​ဢမ်ႇ​လႆႈ​ၵႃ​ၶၼ် ဢၼ်​ၸၢင်ႈ​ငႃ​ဢဝ်​ပိူၼ်ႈ ၼၼ်ႉ။-</verse>
				<verse number="42">ၼင်ႇ​ၼၼ်​လႄႈ ၵဝ်​တၵ်း​ႁႂ်ႈ​တေႃး​သႃႉ တၢင်း​ၸႂ်​မႆႈ​ၵဝ်​ပေႇ​တီႈ​မႂ်း​လႄႈ တၵ်း​ႁႂ်ႈ​တၢင်း​ၶႆႈ​ၸႃႉ​ၵဝ် ဢၼ်​ဢမ်ႇ​ပေႇ​လႆႈ​ၼၼ်ႉ ထၢတ်ႇ​ၵႂႃႇ ယဵၼ်​ၵႂႃႇ​သေ​ၵႃႈ​တီႈ​မႂ်း​လႄႈ ၵဝ်​တၵ်း​ယူႇ​ၼိမ်​ၼိမ်​လီ​လီ​လႄႈ ဢမ်ႇ​ၸႂ်​မႆႈ​ၶႆႈ​ၸႃႉ​တီႈ​မႂ်း​ထႅင်ႈ။-</verse>
				<verse number="43">ၵွပ်ႈ​ပိူဝ်ႈ​ဢၼ်​မႂ်း ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မိုဝ်ႉ​ဝၼ်း​ဢၼ် ဢသၢၵ်ႈ​မႂ်း​ယင်း​လဵၵ်ႉ​ယင်း​ဢွၼ်ႇ​ၼၼ်ႉ၊ ယႃႉ​ယူၵ်ႉ​ၸႂ်​ၵဝ် ၼႂ်း​လွင်ႈ​တၢင်း​ၵႃႈ​မီး ၸိူဝ်း​ၼႆႉ​ၼၼ်ႉ​လႄႈ ၵဝ်​တၵ်း​ႁႂ်ႈ​ဢပႅတ်ႈ တၢင်း​ၵမ်​တၢင်း​ၵျၢင်ႉ​မႂ်း တူၵ်း​ႁွတ်ႈ​ၵႃႈ​ၼိူဝ်​ႁူဝ်​မႂ်း​ဢေႃႈ။ မႂ်း​တၵ်း​ဢမ်ႇ​လႆႈ​ဢဝ် တၢင်း​ၵျၢမ်ႇ​တၢင်း​ပွင်​ဢၼ်​ႁၢႆႉ​ယုတ်ႈ ထၢပ်ႈ​ထႅင်ႈ​ၵႃႈ​ၼိူဝ် ဢမူႉ​ဢၼ်​လီ​ႁင်ႈ​ဢဵတ်ႇ​သဵတ်ႇ​ၵႃႈ​မီး ၸိူဝ်း​ၼၼ်ႉ သေ​လႄႈ​ၵမ်​ၵျၢင်ႉ။</verse>
				<verse number="44">ၶဝ်​ၸိူဝ်း​ဢၼ် ၸၢင်ႈ​ဢဝ်​ၵႂၢမ်း​ထုင်း သုင်း​သွင်ႇ​ၵႃႈ​မီး​ၼၼ်ႉ တၵ်း​ဢွၼ်​ၵၼ် ဢဝ်​လွင်ႈ​မႂ်း​လႄႈ လၢတ်ႈ​ၵႂၢမ်း​ထုင်း​လႄႈ​ဝႃႈ၊ လုၵ်ႈ​ယိင်း​ပဵၼ်​ၸိူဝ်ႉ​ၼင်ႇ​မႄႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="45">မႂ်း​ပဵၼ်​လုၵ်ႈ​ယိင်း​မႄႈ​မႂ်း ဢၼ်​လီ​ႁင်ႈ​ဢဵတ်ႇ​သဵတ်ႇ ၽူဝ်​မၼ်း ဢိၵ်ႇ​တင်း လုၵ်ႈ​မၼ်း​လၢင်း​မၼ်း​ၼၼ်ႉ​လႄႈ ပဵၼ်​ၼွင်ႉ​ယိင်း​ပီႈ​ၼၢင်း​မႂ်း ၼွင်ႉ​ယိင်း​မႂ်း ဢၼ်​လီ​ႁင်ႈ​ဢဵတ်ႇ​သဵတ်ႇ ၽူဝ်​ၶဝ် ဢိၵ်ႇ​တင်း လုၵ်ႈ​ၶဝ်​လၢင်း​ၶဝ်​ၸိူဝ်း​ၼၼ်ႉ​ဢေႃႈ။ မႄႈ​မႂ်း​ပဵၼ်​မဵဝ်း​ ႁိတ်ႉတီႉ ​လႄႈ ပေႃႈ​မႂ်း​ပဵၼ်​ၵူၼ်း ဢႃႇမေႃးရီႉ ​ဢေႃႈ။-</verse>
				<verse number="46">ပီႈ​ၼၢင်း​မႂ်း​ၼၼ်ႉ ပဵၼ်​ဝဵင်း​ သမႃႇရီႉ ဢၼ်​ယူႇ​ၵႃႈ​တီႈ​ၽၢႆႇ​သၢႆႉ​မႂ်း ဢိၵ်ႇ​လူၺ်ႈ​ၵၼ်​တင်း လုၵ်ႈ​ယိင်း​မၼ်း​တင်း​လၢႆ​လႄႈ ၼွင်ႉ​ယိင်း​မႂ်း​ၼၼ်ႉ ပဵၼ်​ဝဵင်း​ သေႃးတုမ်ႇ ဢၼ်​ယူႇ​ၵႃႈ​တီႈ​ၽၢႆႇ​ၶႂႃ​မႂ်း ဢိၵ်ႇ​လူၺ်ႈ​ၵၼ်​တင်း လုၵ်ႈ​ယိင်း​မၼ်း တင်း​လၢႆ​ၼၼ်ႉ​ဢေႃႈ။-</verse>
				<verse number="47">ၵူၺ်း​ၵႃႈ မႂ်း​ဢမ်ႇ​ၸွမ်း​သဵၼ်ႈ​တၢင်း​ၶဝ်​လႄႈ ဢမ်ႇ​ႁဵတ်း​ၸွမ်း​လွင်ႈ​တၢင်း ဢၼ်​လီ​ႁင်ႈ​ဢဵတ်ႇ​သဵတ်ႇ ၶဝ်​ၸိူဝ်း​ၼၼ်ႉ။ ၵူၺ်း​ၵႃႈ​မႂ်း​မၢတ်ႈ လွင်ႈ​တၢင်း​ၼၼ်ႉ ပဵၼ်​ဢၼ်​လဵၵ်ႉ ဢၼ်​ဢွၼ်ႇ​လႄႈ မႂ်း​ယဵင်ႈ​ၶႅၼ်း ႁၢႆႉ​ယုတ်ႈ​လိူဝ်​တွၼ်း​ၼႃႇ​သေ​ၶဝ်​ၼၼ်ႉ ၼႂ်း​လွင်ႈ​တၢင်း​ဢၼ် မႂ်း​ႁဵတ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="48">ၵႃႈ​ၼင်ႇ​ဢၼ်​ၵဝ် ဢသၢၵ်ႈ​လိပ်း​ယူႇ​ၼၼ်ႉ၊ ၸိူဝ်ႉ​ၼင်ႇ​ဢၼ်​မႂ်း​ဢိၵ်ႇ​လူၺ်ႈ​ၵၼ်​တင်း​လုၵ်ႈ​ယိင်း​မႂ်း တင်း​လၢႆ ႁဵတ်း​ၸိူဝ်း​ၼၼ်ႉ​ၼၼ်ႉ၊ ၼွင်ႉ​ယိင်း​မႂ်း​ သေႃးတုမ်ႇ ဢိၵ်ႇ​လူၺ်ႈ​ၵၼ်​တင်း​လုၵ်ႈ​ယိင်း​မၼ်း တင်း​လၢႆ​ၼၼ်ႉ ဢမ်ႇ​ဢွၼ်​ၵၼ်​ႁဵတ်း။-</verse>
				<verse number="49">တူၺ်း​လူး။ ဢပႅတ်ႈ​ၼွင်ႉ​ယိင်း​မႂ်း​ သေႃးတုမ်ႇ ​ၼၼ်ႉ​ၸမ်ႉ၊ မၼ်း​ဢိၵ်ႇ​လူၺ်ႈ​ၵၼ်​တင်း လုၵ်ႈ​ယိင်း​မၼ်း ၸိူဝ်း​ၼၼ်ႉ ဢွၼ်​ၵၼ် မီး​တၢင်း​ဢၼ်​မႃႇၼႃႉ​ယႂ်ႇ၊ တၢင်း​ဢၼ်​ၵိၼ်​ဢိမ်ႇ​ၵိၼ်​တဵမ်၊ တၢင်း​ဢၼ်​လႆႈ​လီ​လႆႈ​ပဵၼ် ၼိမ်​ၼိမ်​လီ​လီ​ၼႃႇ​လူင်​လၢင်​လႄႈ ယင်း​ဢမ်ႇ​ၵမ်ႉ​ထွၵ်ႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်၊ ဢိၵ်ႇ​တင်း​ၶဝ်​ၸိူဝ်း​ဢၼ် ၸုတ်ႈ​ဢၼ်​လုတ်ႈ​ၼၼ်ႉ​လႄႈ ယူႇ​ဢေႃႈ။-</verse>
				<verse number="50">ၶဝ်​ၼၼ်ႉ ဢွၼ်​ၵၼ်​မႃႇၼႃႉ​ပူၵ်း​ပႅၼ်​လႄႈ ႁဵတ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ပိူဝ်ႈ​ၼႆ​လႄႈ ၵဝ်​ပႄႇ​ၽဵဝ်ႈ​ၶဝ်​ပႅတ်ႈ ၸွမ်း​ၵႃႈ​ၼင်ႇ​ဢၼ်​ၵဝ်​လႆႈ​ႁၼ်​ၼၼ်ႉ​ယဝ်ႉ။-</verse>
				<verse number="51">သမႃႇရီႉ ​ၵေႃႈ ဢမ်ႇ​ႁဵတ်း​တူႉ​ၸရိူၵ်ႈ​သေ​ၶိုင်ႈ​ၼိုင်ႈ တူႉ​ၸရိူၵ်ႈ​ဢၼ်​မႂ်း​ႁဵတ်း​ၸိူဝ်း​ၼၼ်ႉ။ မႂ်း​ၸမ်ႉ၊ ႁဵတ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ၼမ်​ၼႃႇ​လူင်​လၢင် လိူဝ်​တွၼ်း​ၼႃႇ​သေ ၶဝ်​ၼၼ်ႉ​လႄႈ ႁႂ်ႈ​ပီႈ​ၼၢင်း​ၼွင်ႉ​ယိင်း​မႂ်း​ၸိူဝ်း​ၼၼ်ႉ ပဵၼ်​ဢၼ်​သိုဝ်ႈ​ဢၼ်​တေႃႇ ၵွပ်ႈ​ပိူဝ်ႈ​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ၵႃႈ​ဢၼ်​မႂ်း​လႆႈ​ႁဵတ်း​ယဝ်ႉ​ၼၼ်ႉ​လူင်​ပႄႇ။-</verse>
				<verse number="52">မႂ်း​ဢၼ်​ႁဵတ်း​တၢင်း​ဢၼ်​ၸီႇ​ယၢင်ႇ ႁႂ်ႈ​ပီႈ​ၼၢင်း​ၼွင်ႉ​ယိင်း​မႂ်း​ၸိူဝ်း​ၼၼ်ႉ လႆႈ​ၵၢင်း​လွတ်ႈ​ဢပႅတ်ႈ​ၵႂႃႇ​ၼၼ်ႉ​ၼႆႉ ၶၢမ်ႇ​တၢင်း​ဢၼ်​သရေႇ မႂ်း​လူႉတႃႉ။ ၵွပ်ႈ​ပိူဝ်ႈ​ဢပႅတ်ႈ​မႂ်း ဢၼ်​မႂ်း​ႁဵတ်း ဢၼ်​ယဵင်ႈ​ၶႅၼ်း လီ​ႁင်ႈ​ဢဵတ်ႇ​သဵတ်ႇ​လိူဝ်​တွၼ်း​ၼႃႇ​သေ ဢၼ်​ၶဝ်​ႁဵတ်း​ၼၼ်ႉ​လႄႈ​ၶဝ်​ၼၼ်ႉ ယဵင်ႈ​ၶႅၼ်း​ပဵၼ်​ဢၼ်​သိုဝ်ႈ​တေႃႇ ၼႃႇ​သေ​မႂ်း​ဢေႃႈ။ ၵွပ်ႈ​ပိူဝ်ႈ​ဢၼ်​မႂ်း ႁႂ်ႈ​ပီႈ​ၼၢင်း ၼွင်ႉ​ယိင်း​မႂ်း​ၸိူဝ်း​ၼၼ်ႉ ပဵၼ်​ဢၼ် သိုဝ်ႈ​ဢၼ်​တေႃႇ​ၵႂႃႇ​ၼၼ်ႉ​လႄႈ မႂ်း​ၵႂင်​ၸႂ်​ယုင်ႈ​ၸႂ်​လႄႈ ၶၢမ်ႇ​တၢင်း​ဢၼ် သရေႇ​မႂ်း​လူႉတႃႉ။</verse>
				<verse number="53">ၵဝ်​တၵ်း​သမ်ႉ​ဢဝ်​ သေႃးတုမ်ႇ ဢိၵ်ႇ​တင်း လုၵ်ႈ​ယိင်း​မၼ်း တင်း​လၢႆ ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ၊ သမႃႇရီႉ ဢိၵ်ႇ​တင်း လုၵ်ႈ​ယိင်း​မၼ်း​တင်း​လၢႆ ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ၊ ၵူၼ်း​မႂ်း​တင်း​လၢႆ ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ လူၺ်ႈ​ၵၼ်​တင်း ၶဝ်​ၼၼ်ႉ ၶိုၼ်း​မႃး၊-</verse>
				<verse number="54">ႁႂ်ႈ​မႂ်း​လႆႈ​ၶၢမ်ႇ​တၢင်း​ဢၼ်​သရေႇလူႉ၊ တၢင်း​ဢၼ်​ဢူၵ်း​ဢၢႆ ၵွပ်ႈ​ပိူဝ်ႈ​ၵႃႈ​ဢၼ်​မႂ်း​ႁဵတ်း​လႄႈ ႁႂ်ႈ​မႂ်း​ပဵၼ် တီႈ​ဢၼ်​ၼိမ်​ၸႂ် လီ​ၸႂ် တီႈ​ၶဝ်​ၼၼ်ႉ​ဢေႃႈ။-</verse>
				<verse number="55">ၼွင်ႉ​ယိင်း​မႂ်း​ သေႃးတုမ်ႇ ဢိၵ်ႇ​တင်း လုၵ်ႈ​ယိင်း​မၼ်း​ၸိူဝ်း​ၼၼ်ႉ တၵ်း​လႆႈ​ၶိုၼ်း​ႁွတ်ႈ​ၶိုၼ်း​ထိုင် ၵႃႈ​တီႈ​ဢၼ်​ၶဝ်​ယူႇ​ၵဝ်ႇ​ၵဝ်ႇ ၼၼ်ႉ​ဢေႃႈ။ ပီႈ​ၼၢင်း​မႂ်း​ သမႃႇရီႉ ဢိၵ်ႇ​တင်း လုၵ်ႈ​ယိင်း​မၼ်း​ၸိူဝ်း​ၼၼ်ႉ​ၵေႃႈ တၵ်း​လႆႈ​ၶိုၼ်း​ႁွတ်ႈ​ၶိုၼ်း​ထိုင် ၵႃႈ​တီႈ​ဢၼ် ၶဝ်​ယူႇ ၵဝ်ႇ​ၵဝ်ႇ ၼၼ်ႉ​ဢေႃႈ။ မႂ်း​ဢိၵ်ႇ​တင်း လုၵ်ႈ​ယိင်း​မႂ်း ၸိူဝ်း​ၼၼ်ႉ​ၵေႃႈ တၵ်း​လႆႈ​ၶိုၼ်း​ႁွတ်ႈ​ၶိုၼ်း​ထိုင် ၵႃႈ​တီႈ​ဢၼ် သူ​ယူႇ​ၵဝ်ႇ​ၵဝ်ႇ ၼၼ်ႉ​ဢေႃႈ။-</verse>
				<verse number="56">မႂ်း​ဢမ်ႇ​ဢဝ်​ၼႃႇ​မႃႉ​ၸိုဝ်ႈ​သဵင် ၼွင်ႉ​ယိင်း​မႂ်း​ သေႃးတုမ်ႇ ​ၼၼ်ႉ ဝႃႈ​ဢွၵ်ႇ​သူပ်း​မႂ်း ၼႂ်း​မိုဝ်ႉ​ဝၼ်း ဢၼ်​မႃႇၼႃႉ​မႂ်း ယင်း​တိုၵ်ႉ​ပူၵ်း​ပႅၼ်​ယူႇ၊-</verse>
				<verse number="57">ၸူဝ်ႈ​ဢၼ် တူႉ​ၸရိူၵ်ႈ​ဢပႅတ်ႈ ဢၼ်​မႂ်း​ႁဵတ်း​ၼၼ်ႉ ဢမ်ႇ​ပႆႇ​ထၢင်ႇ​သႃး​မိူၼ်​ၸိူဝ်ႉ​ၼင်ႇ​ဢၼ်​ပဵၼ်​ၼႂ်း​ၶိင်ႇ​မိူဝ်ႈ​ဢၼ် လုၵ်ႈ​ယိင်း သူႉရီႉ ​တင်း​လၢႆ တင်း​ၶဝ်​ၸိူဝ်း​ဢၼ်​ယူႇ​ၵႃႈ​တီႈ ႁိမ်း​ႁွမ်း​လဵပ်ႈ​ႁွပ်ႈ​ၶဝ်​ၵႃႈ​မီး ဢိၵ်ႇ​တင်း လုၵ်ႈ​ယိင်း​မဵဝ်း​ ၽီႉလိတ်ႉတီႉ ဢၼ်​ယူႇ ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မႂ်း​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​မႂ်း ၸိူဝ်း​ၼၼ်ႉ ဢွၼ်​ၵၼ်​သႄႉ​သွမ်း​မႂ်း​ၼၼ်ႉ။-</verse>
				<verse number="58">မိူဝ်ႈ​လဵဝ်​ၼႆႉ​ၸမ်ႉ၊ မႂ်း​တၵ်း​လႆႈ​ၶၢမ်ႇ​ဢပႅတ်ႈ လွင်ႈ​တၢင်း​ဢၼ်​ႁၢႆႉ​ယုတ်ႈ​မႂ်း ဢိၵ်ႇ​တင်း လွင်ႈ​တၢင်း​ဢၼ်​လီ​ႁင်ႈ ဢဵတ်ႇ​သဵတ်ႇ​မႂ်း​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="59">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ႁဵတ်း​တီႈ​မႂ်း ၸွမ်း​ၵႃႈ​ၼင်ႇ​ဢၼ် မႂ်း​ဢၼ်​ႁဵတ်း​ဢမ်ႇ​ရူဝ်ႇ​သေႇ​ၵူဝ်​ယမ် ၵတီႉ​သဵတ်ႈ​ၸႃႇ​လႄႈ ယႃႉ​ပႅတ်ႈ​ပတီႉၺိၺ်ႇ တၢင်း​ဢၼ်​ႁပ်ႉ​တုင်း​ဢဝ်​ၼၼ်ႉ ႁဵတ်း​ၼၼ်ႉ​ဢေႃႈ။-</verse>
				<verse number="60">ၼႂ်း​ဝႃႈ​ၼၼ်​သေ​ၵေႃႈ ၵဝ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ပတီႉၺိၺ်ႇ ဢၼ်​ႁဵတ်း​လူၺ်ႈ​ၵၼ်​တင်း​မႂ်း ၼႂ်း​မိူဝ်ႈ​ဢၼ် ဢသၢၵ်ႈ မႂ်း​ယင်း​လဵၵ်ႉ​ယင်း​ဢွၼ်ႇ​ၼၼ်ႉ​လႄႈ သမ်ႉ​ႁဵတ်း​ပတီႉၺိၺ်ႇ​ထႃႇဝရႃႉ လူၺ်ႈ​ၵၼ်​တင်း​မႂ်း​ဢေႃႈ။-</verse>
				<verse number="61">မိူဝ်ႈ​ၼၼ်ႉ မႂ်း​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း သဵၼ်ႈ​တၢင်း​ဢၼ်​မႂ်း​ၸွမ်း​ၸိူဝ်း​ၼၼ်ႉ​လႄႈ ဢူၵ်း​ဢၢႆ​ၼႂ်း​မိူဝ်ႈ​ဢၼ်​မႂ်း ႁပ်ႉ​တုင်း​ဢဝ် ပီႈ​ၼၢင်း​မႂ်း​တင်း​လၢႆ ဢိၵ်ႇ​တင်း ၼွင်ႉ​ယိင်း​မႂ်း​ၼၼ်ႉ​လႄႈ ၵဝ်​ဢဝ်​ၶဝ်​ၼၼ်ႉ​ဢၢပ်ႈ​ပၼ်​တီႈ​မႂ်း ႁႂ်ႈ​ပဵၼ်​လုၵ်ႈ​ယိင်း​မႂ်း​ၼၼ်ႉ​ဢေႃႈ။ ၵူၺ်း​ၵႃႈ တၵ်း​ဢၢပ်ႈ​ပၼ် ၵွပ်ႈ​ပိူဝ်ႈ​ပတီႉၺိၺ်ႇ​ဢမ်ႇ​ၸႂ်ႈ။-</verse>
				<verse number="62">မိူဝ်ႈ​ၼၼ်ႉ ၵဝ်​တၵ်း​ႁဵတ်း ပတီႉၺိၺ်ႇ လူၺ်ႈ​ၵၼ်​တင်း​မႂ်း​လႄႈ မႂ်း​တၵ်း​လႆႈ​ႁူႉ လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ၼၼ်ႉ၊-</verse>
				<verse number="63">ထၼ်ႈ​ပေႃး ႁႂ်ႈ​မႂ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း သေ​လႄႈ ၵႂင်​ၸႂ်​ယုင်ႈ​ၸႂ်​ယူႇ​လႄႈ ဢမ်ႇ​ၽုၺ်ႇ​သူပ်း ပိုတ်ႇ​သူပ်း​မႂ်း​ထႅင်ႈ ၵွပ်ႈ​ပိူဝ်ႈ တၢင်း​ဢၼ်​ဢူၵ်း​ဢၼ်​ဢၢႆ​မႂ်း​ၼၼ်ႉ ၼႂ်း​မိူဝ်ႈ​ဢၼ် ၵဝ်​ပွႆႇ​လွတ်ႈ လွင်ႈ​တၢင်း​ၵႃႈ​ဢၼ်​မႂ်း​ႁဵတ်း​မႃး​ယဝ်ႉ ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="17">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​လၢတ်ႈ​ၵႂၢမ်း​သိုင်ႇ ၵႂၢမ်း​ဢမ်​လႄႈ ၶႆႈ​ဢပုမ်ႇ​ပၼ်​တီႈ​မဵဝ်း​ ဢီႉသရေႇလႃႉ ယူႇ​လႄႈ​ဝႃႈ၊-</verse>
				<verse number="3">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ လၢင်း​တႃႉ​ၶမ်း​လူင် ဢၼ်​မီး​ပိၵ်ႇ​ဢၼ်​ယႂ်ႇ​ဢၼ်​ယၢဝ်း​ၼႃႇ၊ ဢၼ်​ပျေႉ​ၸုမ်ႇ​ဝႆႉ​တင်း​ၶူၼ် ဢၼ်​ၼမ်​ၼႃႇ လႄႈ ဢရွင်ႇ​ႁၢင်ႈ​ၽၢင်​မၼ်း ပဵၼ်​လၢႆ​ၸိူဝ်ႉ​လၢႆ​မဵဝ်း​ဝႆႉ​ၼၼ်ႉ မႃး​ၸူး​ၵႃႈ​တီႈ​လွႆ​ လေႇပၼုၼ်ႇ ​လႄႈ ယိပ်း​ၵမ်​ပၢႆ​တူၼ်ႈ ဢႃႇရိတ်ႉ ​သေ​လႄႈ၊-</verse>
				<verse number="4">ယၵ်း​ဝိတ်း​ဢဝ်​ယွတ်ႈ​မၼ်း ဢၼ်​သုင်​ၼႃႇ​သေ​ပိူၼ်ႈ ၸိူဝ်း​ၼၼ်ႉ​လႄႈ ၵၢပ်ႈ​ဢဝ်​ၵႂႃႇ​ၸူး​ၵႃႈ​တီႈ​မိူင်း တီႈ​ဢၼ်​ၵႃႉ​ဢၼ်​ၶၢႆ​ၼၼ်ႉ​လႄႈ ဢဝ်​ၽုၵ်ႇ​ဝႆႉ ၵႃႈ​ၼႂ်း​ဝဵင်း​ၸဝ်ႈ​ၵုၼ်ႇ​ၸဝ်ႈ​သိၼ်​ဢေႃႈ။-</verse>
				<verse number="5">ၸိူဝ်ႉ​ၽၼ်း​မိူင်း​ၵေႃႈ မၼ်း​ဢဝ်​လႄႈ ဝၢၼ်ႇ​ပိုၼ်​ၵႃႈ​ၼႂ်း​တီႈ​ဢၼ်​ၶွၼ်ႇ​ၼမ်ႉ​မၼ်း​လိၼ်​လီ​ၼၼ်ႉ​လႄႈ ဢဝ်​ၽုၵ်ႇ​ဝႆႉ​ၵႃႈ​တီႈ​ႁိမ်း တီႈ​ဢၼ်​ၼမ်ႉ​လိူင်ႇ​ၼမ်ႉ​ၼမ်​သေ​လႄႈ ဝႆႉ​မိူၼ်​ၸိူဝ်ႉ​ၼင်ႇ တူၼ်ႈ​မႆႉ​ၶႆႉ​ၼၼ်ႉ​ဢေႃႈ။-</verse>
				<verse number="6">မၼ်း​ဢွၵ်ႇ​တူၼ်ႈ​လႄႈ ပဵၼ်​ၶိူဝ်း​မၢၵ်ႇ​ၸပိတ်ႈ ဢၼ်​တူၼ်ႈ​တႅမ်ႇ​တူၼ်ႈ​ဢႅၵ်း​ယူႇ သေ​လႄႈ တူၼ်ႈ​ၶိူဝ်း​ယၢဝ်း​ၼၼ်ႉ​လႄႈ ၵိင်ႇ​မၼ်း​ၶႃႊ​မၼ်း​တင်း​လၢႆ ၵူမ်ႈ​ၵိူင်း​ၼူပ်ႈ​ၸူး တီႈ​လၢင်း​တႃႉ​ၶမ်း​ၼၼ်ႉ​ယူႇ၊ ယင်ႇ​ႁၢၵ်ႈ​ၵႃႈ​တႂ်ႈ​မၼ်း​ၼၼ်ႉ​ယူႇ​သေ​လႄႈ ပဵၼ်​တူၼ်ႈ​ၶိူဝ်း​မၢၵ်ႇ​ၸပိတ်ႈ ဢၼ်​တႅၵ်ႇ​ၵိင်ႇ​တႅၵ်ႇ​ၶႃႊ​လႄႈ ပျေႉ​ၸုမ်ႇ​ဝႆႉ​တင်း​ယွတ်ႈ​ဢေႃႈ။-</verse>
				<verse number="7">မီး​လၢင်း​တႃႉ​ၶမ်း​လူင် ဢၼ်​မီး​ပိၵ်ႇ​ဢၼ်​ယႂ်ႇ​ၼႃႇ​လႄႈ ၶူၼ်​ၼႃ​တၼ်​ၼႃႇ​ၼၼ်ႉ တူဝ်​ၼိုင်ႈ​ဢေႃႈ။ တူၼ်ႈ​ၶိူဝ်း​မၢၵ်ႇ​ၸပိတ်ႈ​ၼၼ်ႉ ယူႇ​ၵႃႈ​တီႈ​ဢၼ်​ပဵၼ်​ႁၢၼ်ႉ​ပဵၼ်​ၸၼ်ႉ တီႈ​ဢၼ်​ၽုၵ်ႇ​မၼ်း​ၼၼ်ႉ လိမ်ႇ​ႁၢၵ်ႈ​ၶူတ်း​ႁၢၵ်ႈ​မၼ်း​ၸူး ၵႃႈ​တီႈ​မၼ်း​ၼၼ်ႉ​လႄႈ ဢဝ်​ၵိင်ႇ​မၼ်း​ၶႃႊ​မၼ်း​သေႇ​ၸူး​ၵႃႈ​တီႈ​မၼ်း​ၼၼ်ႉ ႁႂ်ႈ​မၼ်း​လႆႈ​ႁူတ်း​ၼမ်ႉ​ပၼ်​တီႈ​မၼ်း​ဢေႃႈ။-</verse>
				<verse number="8">လွင်ႈ​ၼင်ႇ​ႁိုဝ် တၵ်း​ႁႂ်ႈ​မၼ်း​တႅၵ်ႇ​ၵိင်ႇ​တႅၵ်ႇ​ၶႃႊ​ယူႇ၊ မၢၵ်ႇ​မၢၵ်ႇ​ယူႇ​သေ​လႄႈ ပဵၼ်​တူၼ်ႈ​ၶိူဝ်း​မၢၵ်ႇ​ၸပိတ်ႈ ဢၼ်​လီ​ဢၼ်​ငၢမ်း​ၸိုင်၊ ဢဝ်​မၼ်း​ၽုၵ်ႇ​ဝႆႉ​ၵႃႈ​ၼႂ်း တီႈ​ဢၼ်​ၶွၼ်ႇ​ၼမ်ႉ​လိၼ်​လီ ၵႃႈ​တီႈ​ႁိမ်း​တီႈ​ဢၼ် ၼမ်ႉ​လိူင်ႇ​ၼမ်ႉ​ၼမ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="9">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၼ်ႈ​ၼၼ်ႉ​တၵ်း​လႆႈ​လီ​လႆႈ​ပဵၼ်​ႁိုဝ်။ တၵ်း​လႆႈ​ထူၺ်ႈ​ႁၢၵ်ႈ​မၼ်း ဢွၵ်ႇ​ပႅတ်ႈ​လႄႈ ဝိတ်း​ဢဝ်​မၢၵ်ႇ​မၼ်း​ပႅတ်ႈ ႁႂ်ႈ​မၼ်း​လႆႈ​ႁဵဝ်ႇ လႆႈ​ႁႅင်ႈ​ဢမ်ႇ​ၸႂ်ႈ​ႁိုဝ်။ မႂ်​မၼ်း​ၶိူဝ်း​မၼ်း ၵႃႈ​ဢၼ် ဢွၵ်ႇ​မႃး​ၼၼ်ႉ တၵ်း​လႆႈ​ႁဵဝ်ႇ​ၸွပ်ႈ​လႄႈ ယင်း​ဢမ်ႇ​ပႃး​တၼ်း​ၶူဝ်း​ဢၼ်​ယႂ်ႇ ဢိၵ်ႇ​တင်း မူႇ​ၵူၼ်း​ၽုင်​ၵူၼ်း ဢၼ်​ၼမ်​ၼႃႇ ႁႂ်ႈ​လႆႈ​ထူၺ်ႈ ဢဝ်​ဢွၵ်ႇ ပႃး​ႁၢၵ်ႈ​မၼ်း​ပႅတ်ႈ​လႄႈ တၵ်း​လႆႈ​ပဵၼ်​ဢေႃႈ။-</verse>
				<verse number="10">မၼ်း​မီး​တၢင်း​ဢၼ်​ၽုၵ်ႇ​သွမ်ႈ​ယူႇ​လႄႈ မၼ်း​တၵ်း​လႆႈ​လီ​လႆႈ​ပဵၼ်​ႁိုဝ်။ ယၢမ်း​မိူဝ်ႈ​ဢၼ် လူမ်း​တၢင်း​ဢွၵ်ႇ ထူဝ်း​သႂ်ႇ​မၼ်း ၼၼ်ႉ​ၸိုင်၊ မၼ်း​တၵ်း​လႆႈ​ႁဵဝ်ႇ​ၸွပ်ႈ​ၵႂႃႇ ဢမ်ႇ​ၸႂ်ႈ​ႁိုဝ်။ မၼ်း​တၵ်း​ႁဵဝ်ႇ​ၸွပ်ႈ​ၵႂႃႇ ၵႃႈ​ၼႂ်း​တီႈ​ဢၼ် ပဵၼ်​ႁၢၼ်ႉ​ပဵၼ်​ၸၼ်ႉ တီႈ​ဢၼ်​ၽုၵ်ႇ​သွမ်ႈ​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="12">မႂ်း​လၢတ်ႈ​တီႈ​မဵဝ်း ဢၼ်​ၸၢင်ႈ​ပုင်ႇ​ၵၢၼ်ႇ ၼၼ်ႉ​လႄႈ​ဝႃႈ၊ သူ​ႁူႉ​လွင်ႈ​ဢၼ်​ၵႂၢမ်း​ၼႆႉ​ၶႂ်ႈ​ဝႃႈ ၸိူဝ်ႉ​ၼင်ႇ​ႁိုဝ်​ၼၼ်ႉ​ႁိုဝ်။ မႂ်း​လၢတ်ႈ​တီႈ​ၶဝ် လႄႈ​ဝႃႈ၊ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ႁွတ်ႈ​ထိုင်​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ သိမ်း​ဢဝ်​ၶုၼ်​ႁေႃ​ၶမ်း​မၼ်း ဢိၵ်ႇ​တင်း မူး​မၢတ်ႈ​ၽွင်း​မိူင်း​မၼ်း တင်း​လၢႆ ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ယဝ်ႉ။-</verse>
				<verse number="13">မၼ်း​ဢဝ်​ၵႃႈ​ၼႂ်း​ၸိူဝ်ႉ​ၸဝ်ႈ ၶိူဝ်း​ၶုၼ်​ၵေႃႉ​ၼိုင်ႈ​လႄႈ ႁဵတ်း​ပတီႉၺိၺ်ႇ လူၺ်ႈ​ၵၼ်​တင်း​မၼ်း​ၼၼ်ႉ​သေ​လႄႈ တိုၵ်း​သဵတ်ႈ​ၸႃႇ​သေ​ယဝ်ႉ၊ သိမ်း​ဢဝ်​ၵူၼ်း​ဝၢၼ်ႈ​ၵူၼ်း​မိူင်း ဢၼ်​ႁႅင်း​ယႂ်ႇ​ၼႃႇ​တင်း​လၢႆ​ၵႂႃႇ၊-</verse>
				<verse number="14">ႁႂ်ႈ​သိုင်ႇ​ၸိုင်ႈ​ဝၢၼ်ႈ​မိူင်း လႆႈ​ယုတ်ႈ​လႆႈ​ယွမ်း​လႄႈ ၵမ်း​လိုၼ်း​ဢမ်ႇ​မီး​တၢင်း​ဢၼ်​လုၵ်ႉ ဢၼ်​တူင်ႉ​ၵွပ်ႈ​ပိူဝ်ႈ​ဢၼ်​ပႂ်ႉ​သဵတ်ႈ​ၸႃႇ​ၸဝ်ႈ ၼၼ်ႉ​ၵူၺ်း​ၼၼ်ႉ​ယဝ်ႉ။-</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ၼၼ်ႉ​ပွႆႇ​ၸႂ်ႉ တမၢၼ်ႇ​မၼ်း​တင်း​လၢႆ ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ႁႂ်ႈ​လႆႈ​ယွၼ်း​ဢဝ်​မႃႉ တင်း​လၢႆ ဢိၵ်ႇ​တင်း ၵူၼ်း​ၼမ်​ၼႃႇ​သေ​လႄႈ ပုင်ႇ​ၵၢၼ်ႇ​ယဝ်ႉ။ ၵေႃႉ​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် တၵ်း​လႆႈ​လီ​လႆႈ​ပဵၼ်​ႁိုဝ်။ တၵ်း​လႆႈ​လွတ်ႈ​ၽေး​ႁိုဝ်။ ၵေႃႉ​ၼၼ်ႉ သဵတ်ႈ​ၸႃႇ​လူႉ​ယဝ်ႉ​လႄႈ မၼ်း​တၵ်း​လႆႈ​လွတ်ႈ​ႁိုဝ်။-</verse>
				<verse number="16">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၵႃႈ​ၼႂ်း​တီႈ​ၶုၼ်​ႁေႃ​ၶမ်း ဢၼ်​ၶၢၼ်း​မၼ်း​ဝႆႉ ၵႃႈ​ၼႂ်း​ဢရႃႇ​ၶုၼ်​ႁေႃ​ၶမ်း ဢၼ်​မၼ်း​ႁဵတ်း​ဢမ်ႇ​ရူဝ်ႇ​သေႇ​ၵူဝ်​ယမ်​သဵတ်ႈ​ၸႃႇ​ၼၼ်ႉ​လႄႈ ယႃႉ​ပတီႉၺိၺ်ႇ​မၼ်း​ပႅတ်ႈ​ၼၼ်ႉ​ယူႇ​ၼၼ်ႉ ဢၼ်​ဝႃႈ ၵႃႈ​တီႈ​မၼ်း​ၼၼ်ႉ ၵႃႈ​ၼႂ်း​ၵၢင်​ဝဵင်း​ ပႃႇပူႉလုၼ်ႇ ​ၼၼ်ႉ မၼ်း​တၵ်း​လႆႈ​တၢႆ​ဢေႃႈ။-</verse>
				<verse number="17">ၶုၼ်​ ၽႃႇရေႃး ဢိၵ်ႇ​တင်း ပူဝ်ႇ​ပႃႇ​ၵူၼ်း​သိုၵ်း​မၼ်း ဢၼ်​ႁႅင်း​ယႂ်ႇ​ၼႃႇ တင်း​မူႇ​ၵူၼ်း​ၽုင်​ၵူၼ်း​မၼ်း ဢၼ်​ၼမ်​ၼႃႇ​ၸိူဝ်း​ၼၼ်ႉ​ၵေႃႈ ပိၵ်ႉ​သမ်ႉ​ၶဝ်​ဢွၼ်​ၵၼ် ၵူမ်​ၵေႃႇ တႅၼ်ႈ​လိၼ်​လႄႈ တႄႇ​ႁဵတ်း​တိူၵ်ႈ​တီႈ​တိုၵ်း​သိုၵ်း တင်း​လၢႆ ႁႂ်ႈ​လႆႈ​ဢဝ်​ၵူၼ်း​တၢႆ​ၼမ်​ၼႃႇ​သေ​ၵေႃႈ၊ တိုၵ်း​သိုၵ်း​ပုၼ်ႈ​မၼ်း​လႄႈ ဢမ်ႇ​ပႄႉ​ၼႅင်ႇ​လႆႈ။-</verse>
				<verse number="18">လွင်ႈ​မၼ်း​ၸမ်ႉ မၼ်း​ယႃႉ​ပတီႉၺိၺ်ႇ​ပႅတ်ႈ​လႄႈ ႁဵတ်း​ဢမ်ႇ​ရူဝ်ႇ​သေႇ​ၵူဝ်​ယမ် သဵတ်ႈ​ၸႃႇ​ယဝ်ႉ။ တူၺ်း​လူး။ ပိၵ်ႉ​သမ်ႉ​မၼ်း တူပ်း​မိုဝ်း​ၵၼ်​ယဝ်ႉ​သေ​ၵေႃႈ၊ မၼ်း​ႁဵတ်း​လွင်ႈ​တၢင်း​ၵႃႈ​မီး ၸိူဝ်း​ၼႆႉ​လႄႈ မၼ်း​ဢမ်ႇ​လႆႈ​ၵၢင်း​လႆႈ​လွတ်ႈ​တင်း​ၽေး။-</verse>
				<verse number="19">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​တၵ်း​ႁႂ်ႈ​ဢပႅတ်ႈ ဢၼ်​ႁဵတ်း ဢမ်ႇ​ရူဝ်ႇ​သေႇ​ၵူဝ်​ယမ် သဵတ်ႈ​ၸႃႇ​ၵဝ်​လႄႈ ယႃႉ​ပတီႉၺိၺ်ႇ​ၵဝ်​ပႅတ်ႈ​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​မၼ်း​ဢေႃႈ။-</verse>
				<verse number="20">ၵဝ်​တၵ်း​ဢဝ်​ၼႅင်ႈ​ၵဝ် ၶႄ​ၵဝ် ႁူမ်ႇ​သုမ်ႇ​မၼ်း​လႄႈ ဢဝ်​တူင်ႇ​ႁႅဝ်ႉ​တူင်ႇ​ၶိုမ်း​ၵဝ် ထုၵ်ႇ​ၶဵၼ်း​မႅၼ်ႈ​မၼ်း​သေ​ယဝ်ႉ၊ ဢဝ်​မၼ်း​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​လႄႈ ၸႅတ်ႈ​ထၢမ်​ၸီႇ​ယၢင်ႇ​မၼ်း ၵႃႈ​တီႈ​ဝဵင်း​ၼၼ်ႉ ၵွပ်ႈ​ပိူဝ်ႈ ဢပႅတ်ႈ​ဢၼ်​မၼ်း ၽိတ်း​ပိူင်ႈ​ၵဝ်​ၼၼ်ႉ​ဢေႃႈ။-</verse>
				<verse number="21">ၶဝ်​ၸိူဝ်း​ဢၼ် ဢွၵ်ႇ​ပၢႆႈ​သေ​ၵႃႈ​တီႈ​မၼ်း​ၵႃႈ​မီး ဢိၵ်ႇ​တင်း ႁူဝ်​ႁၢၼ်​ၵူၼ်း​သိုၵ်း​မၼ်း ဢၼ်​ပဵၼ်​တပ်ႉ​ပဵၼ်​တႃႇ တင်း​သဵင်ႈ​တင်း​လူင်​ၼၼ်ႉ တၵ်း​လႆႈ လူမ်ႉ​တၢႆ လူၺ်ႈ​လၢပ်ႇ​လူၺ်ႈ​လႅဝ်း​လႄႈ ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ တၵ်း​လႆႈ ၶၢမ်ႇ​တၢင်း​ဢၼ်​ဢဝ်​ၸၢတ်ႇ​ပိုၼ်​ပႅတ်ႈ ၵႃႈ​ၼႂ်း​လူမ်း ၵူႈ​ၽၢႆႇ​ၵူႈ​ပႃႈ​ဢေႃႈ။ သူ​တၵ်း​လႆႈ​ႁူႉ​လွင်ႈ​ဢၼ် ၵဝ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">လႆႈ​သမ်ႉ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ဢဝ်​ယွတ်ႈ ဢၼ်​သုင်​ၼႃႇ​သေ​ပိုၼ် ၵႃႈ​တီႈ​တူၼ်ႈ​ ဢႃႇရိတ်ႉ ဢၼ်​သုင်​ၼၼ်ႉ​လႄႈ ၽုၵ်ႇ​သွမ်ႈ​ဢေႃႈ။ ၵဝ်​တၵ်း​ယၵ်း​ဢဝ်​ယွတ်ႈ ဢၼ်​ၼုမ်ႇ​လီ ၵႃႈ​ၼႂ်း​ပၢႆ​ယွတ်ႈ​မၼ်း​တင်း​လၢႆ ၼၼ်ႉ​လႄႈ ၽုၵ်ႇ​သွမ်ႈ​ဝႆႉ​ၵႃႈ​ၼိူဝ်​လွႆ ဢၼ်​သုင်​ဢၼ်​မျၢတ်ႈ​ဢေႃႈ။-</verse>
				<verse number="23">ၵဝ်​တၵ်း​ဢဝ်​မၼ်း​ၽုၵ်ႇ​သွမ်ႈ​ဝႆႉ ၵႃႈ​ၼိူဝ်​လွႆ​ ဢီႉသရေႇလႃႉ ဢၼ်​သုင်​ၼႃႇ​ၼၼ်ႉ သေ​လႄႈ မၼ်း​တၵ်း တႅၵ်ႇ​ၵိင်ႇ​တႅၵ်ႇ​ၶႃႊ​လႄႈ​မၢၵ်ႇ​မၢၵ်ႇ​သေ​ယဝ်ႉ၊ ပဵၼ်​တူၼ်ႈ​ ဢႃႇရိတ်ႉ ဢၼ်​လီ​ဢၼ်​ငၢမ်း​ဢေႃႈ။ မဵဝ်း​ၼူၵ်ႉ တင်း​သဵင်ႈ​တင်း​လူင် တၵ်း​ဢွၼ်​ၵၼ်​တူၵ်း​တီႈ တူၵ်း​လႅၼ် ၵႃႈ​တီႈ​တႂ်ႈ​တူၼ်ႈ​ၼၼ်ႉ​လႄႈ ၶဝ်​တၵ်း ဢွၼ်​ၵၼ်​ယူႇ​သဝ်း ၵႃႈ​တီႈ​ႁူမ်ႈ​ၵိင်ႇ​မၼ်း​ၶႃႊ​မၼ်း ၸိူဝ်း​ၼၼ်ႉ​ဢေႃႈ။-</verse>
				<verse number="24">တူၼ်ႈ​မႆႉ​ထိူၼ်ႇ​ၵႃႈ​မီး​ၼၼ်ႉ တၵ်း​လႆႈ​ႁူႉ​လွင်ႈ​ဢၼ်​ၵဝ် ထႃႇဝရႃႉ​ၽြႃး ဢဝ်​တူၼ်ႈ​ဢၼ်​သုင် ပဵၼ်​ဢၼ်​တႅမ်ႇ​လႄႈ ယုၵ်ႉ​ယွင်ႈ​တူၼ်ႈ​ဢၼ်​တႅမ်ႇ ပဵၼ်​ဢၼ်​သုင် ဢိၵ်ႇ​တင်း လွင်ႈ​ဢၼ်​ၵဝ်​ဢဝ် တူၼ်ႈ​ဢၼ်​ၶဵဝ်​လီ​တင်ႈ​လီ ပဵၼ်​ဢၼ်​ႁဵဝ်ႇ​ႁႅင်ႈ​လႄႈ ဢဝ်​တူၼ်ႈ​ဢၼ်​ႁဵဝ်ႇ​ႁႅင်ႈ ပဵၼ်​ဢၼ်​ၶဵဝ်​လီ​တင်ႈ​လီ ၼၼ်ႉ​ဢေႃႈ။ ၵဝ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ​လႄႈ ႁဵတ်း​ဝႆႉ​ယဝ်ႉ ဢေႃႈ။</verse>
			</chapter>
			<chapter number="18">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">မိူဝ်ႈ​ဢၼ် သူ​သုင်း​သွင်ႇ ၵႂၢမ်း​ထုင်း​လူၺ်ႈ​လွင်ႈ မိူင်း​ ဢီႉသရေႇလႃႉ ​လႄႈ​ဝႃႈ၊ ၶဝ်​ၸိူဝ်း​ဢၼ်​ပဵၼ်​ပေႃႈ​ၼၼ်ႉ ၵိၼ်​မၢၵ်ႇ​ၸပိတ်ႈ ဢၼ်​သူမ်ႈ​လႄႈ ၶဝ်​ၸိူဝ်း​ဢၼ်​ပဵၼ် လုၵ်ႈ​ပဵၼ်​လၢင်း​ၼၼ်ႉ မီး​တၢင်း​ဢၼ် ၶဵဝ်ႈ​မူၺ်ႈ​ၶဵဝ်ႈ​ၵႅၼ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ မီး​ဢလူဝ်ႇ​ၶႂ်ႈ​ဝႃႈ ၸိူဝ်ႉ​ၼင်ႇ​ႁိုဝ်။-</verse>
				<verse number="3">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၵမ်း​လိုၼ်း​သူ​ဢမ်ႇ​လႆႈ​မီး​လွင်ႈ​ဢၼ် တၵ်း​လႆႈ သုင်း​သွင်ႇ ၵႂၢမ်း​ထုင်း​ၼၼ်ႉ ၵႃႈ​ၼႂ်း​မိူင်း​ ဢီႉသရေႇလႃႉ ။-</verse>
				<verse number="4">ၵဝ်​ဢုပ်ႉ​ပိူင်ႇ​ဝီႉၺိၺ်ႇ တင်း​သဵင်ႈ​တင်း​လူင်​ဢေႃႈ။ ၸိူဝ်ႉ​ၼင်ႇ​ဢၼ်​ၵဝ်​ဢုပ်ႉ​ပိူင်ႇ​ဝီႉၺိၺ်ႇ ၵေႃႉ​ဢၼ်​ပဵၼ်​ပေႃႈ​ၼၼ်ႉ၊ ၵဝ်​ဢုပ်ႉ​ပိူင်ႇ ဝီႉၺိၺ်ႇ​ၵေႃႉ​ဢၼ်​ပဵၼ်​လုၵ်ႈ​ၸၢႆး​ဢေႃႈ။ ဝီႉၺိၺ်ႇ​ဢၼ်​ၽိတ်း​ပိူင်ႈ​ၼၼ်ႉ တၵ်း​လႆႈ​တၢႆ​ဢေႃႈ။-</verse>
				<verse number="5">ၵူၼ်း​ဢၼ်​ဝႃႈ​ၸမ်ႉ၊ ပေႃး​မီး​ၸႂ်​သၽေႃး ဢၼ်​သိုဝ်ႈ​လီ​လႄႈ ႁဵတ်း​လွင်ႈ​တၢင်း​ဢၼ်​ၸွမ်း​ၼင်ႇ​တြႃး၊ လွင်ႈ​တၢင်း​ဢၼ်​ၸိုဝ်ႈ​ဢၼ်​ၸႂ်ႈ​လႄႈ၊-</verse>
				<verse number="6">ဢမ်ႇ​ၵိၼ်​ၵႃႈ​တီႈ​ၼိူဝ်​လွႆ​ၼိူဝ်​ၵုင်း၊ ဢမ်ႇ​ဢဝ်​တႃ​မၼ်း​မုင်ႈ​လူ မုင်ႈ​တူၺ်း​ရုၵ်ႈ​ထူႉ ဢၼ်​မဵဝ်း​ ဢီႉသရေႇလႃႉ ၵူဝ်း​ၵႂၢႆႇ​ၸိူဝ်း​ၼၼ်ႉ၊ ဢမ်ႇ​ၽိတ်း​ပိူင်ႈ​မေး​ပိူၼ်ႈ၊ ဢမ်ႇ​သုတ်ႉ​ၸပ်း​သုတ်ႉ​ၸူး​မႄႈ​ယိင်း ဢၼ်​ႁွတ်ႈ​ဢူႉတူႉ၊-</verse>
				<verse number="7">ဢမ်ႇ​ၼိၵ်ႈ​ၸၢၵ်ႈ​ငႅၼ်း​သႄး​ၽူႈ​လႂ်​လႃး​လႃး၊ ယင်း​ဢမ်ႇ​ၶိုၼ်း​ပၼ်​ၼီႈ​ၶွတ်ႇ ဢၼ်​ပွင်ႇ​ဢၼ်​ၵမ်ႉ​ဝႆႉ​လႄႈ ဢမ်ႇ​ယူႇ၊ ဢမ်ႇ​ႁဵတ်း​ပႄႉ​ႁဵတ်း​ၼႅင်ႇ ႁိမ်​ဢဝ်​ႁူင်ႇ​ဢဝ်​ဢုၵ်ႉ​ၸႃႇ​ပိူၼ်ႈ၊ လဵင်ႉ​လူ​ၵေႃႉ​ဢၼ်​ဢိုပ်း​ဢၼ်​ယၢၵ်ႈ လႄႈ ဢဝ်​ၶူဝ်း​ၼုင်ႈ​ၶူဝ်း​မႆ ႁူမ်ႇ​မႆ​ၵေႃႉ​ဢၼ် ဢၼ်​ဢမ်ႇ​မီး​ၶူဝ်း​ၼုင်ႈ​ၶူဝ်း​မႆ​ၼၼ်ႉ​ယူႇ၊-</verse>
				<verse number="8">ယင်း​ဢမ်ႇ​ၵိၼ်​ဢတူဝ်း​ၶီႈ​မၼ်း​လႄႈ ပၼ်​ၵူႈ​ပၼ်​ယိုမ်​ငိုၼ်း​ယူႇ၊ ယိုတ်း​ဢဝ်​မိုဝ်း​မၼ်း ၶိုၼ်း​သေ​ၵႃႈ​တီႈ​ဢမူႉ ဢႃႉထမ်ႇမႃႉ​လႄႈ ႁဵတ်း တၢင်း​ဢၼ်​ၸီႇ​ယၢင်ႇ​ဢမူႉ ၵႄႈ​ဝူင်ႈ​ၵၢင်​သွင်​ၽၢႆႇ​သွင်​ပႃႈ ၸွမ်း​ၼင်ႇ​တြႃး​ယူႇ၊-</verse>
				<verse number="9">ၸွမ်း​သဵၼ်ႈ​တၢင်း ထုင်း​ၽိင်ႈ​တြႃး ၵဝ်​လႄႈ ၵမ်​ၵျၢင်ႉ​လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ ႁႂ်ႈ​လႆႈ​ပႂ်ႉ​သဵတ်ႈ​ၸႃႇ​ယူႇ​ၸိုင်၊ ၵေႃႉ​ၼၼ်ႉ ပဵၼ်​ၵေႃႉ​ဢၼ်​သိုဝ်ႈ​တေႃႇ​လႄႈ မၼ်း​တၵ်း​လႆႈ​ဢသၢၵ်ႈ​လိပ်း ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="10">ၼႂ်း​ဝႃႈ​ၼၼ်​သေ​ၵေႃႈ ပေႃး​မၼ်း​မီး​လုၵ်ႈ​ၸၢႆး ဢၼ်​ပဵၼ်​ၸူၼ်၊ ဢၼ်​ထွၵ်ႇ​လိူတ်ႈ​ပိူၼ်ႈ​ပႅတ်ႈ၊ ဢၼ်​ႁဵတ်း​တူႉ​ၸရိူၵ်ႈ ဢၼ်​ဝႃႈ မႃး​ယဝ်ႉ​ဢွၼ်​တၢင်း​ၼၼ်ႉ သေ​ၸိူဝ်ႉ​သေ​ပိူင်၊-</verse>
				<verse number="11">ဢၼ်​ဢမ်ႇ​ႁဵတ်း​သူႉ​ၸရိူၵ်ႈ ဢၼ်​ဝႃႈ​မႃး​ယဝ်ႉ​ဢွၼ်​တၢင်း​ၼၼ်ႉ သေ​ၸိူဝ်ႉ​သေ​ပိူင်၊ ဢၼ်​ႁဵတ်း​တၢင်း​ဢၼ်​ၵိၼ်​ၵႃႈ​တီႈ​ၼိူဝ်​လွႆ ၼိူဝ်​ၵုင်း​ယူႇ၊ ဢၼ်​ၽိတ်း​ပိူင်ႈ​မေး​ပိူၼ်ႈ​ယူႇ၊-</verse>
				<verse number="12">ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ၵေႃႉ​ဢၼ်​ယၢၵ်ႈ​ဢၼ်​ၽၢၼ် ဢၼ်​ၸုတ်ႈ​ဢၼ်​လုတ်ႈ​ၼၼ်ႉ​ယူႇ၊ ဢၼ်​ႁဵတ်း​ပႄႉ​ႁဵတ်း​ၼႅင်ႇ ႁိမ်​ဢဝ်​ႁူင်ႇ​ဢဝ် ဢုၵ်ႉ​ၸႃႇ​ပိူၼ်ႈ​ယူႇ၊ ဢၼ်​ယင်း​ဢမ်ႇ​ၶိုၼ်း​ပၼ်​ဢုၵ်ႉ​ၸႃႇ ဢၼ်​ပိူၼ်ႈ​ပွင်ႇ​ၵမ်ႉ​ဝႆႉ​ၼၼ်ႉ​လႄႈ​ယူႇ၊ ဢၼ်​ဢဝ်​တႃ​မၼ်း မုင်ႈ​လူ​မုင်ႈ​တူၺ်း​ရုၵ်ႈ​ထူႉ​ယူႇ၊ ဢၼ်​ႁဵတ်း လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ယူႇ၊-</verse>
				<verse number="13">ဢၼ်​ၵိၼ်​ဢတူဝ်း​ၶီႈ​မၼ်း​လႄႈ ပၼ်​ၵူႈ​ပၼ်​ယိုမ်​ငိုၼ်း​ယူႇ​ၼၼ်ႉ​ၸိုင်၊ ၵေႃႉ​ၼၼ်ႉ တၵ်း​လႆႈ​ဢသၢၵ်ႈ​လိပ်း​ႁိုဝ်။ မၼ်း​ဢမ်ႇ​လႆႈ​ဢသၢၵ်ႈ​လိပ်း။ ၵွပ်ႈ​ပိူဝ်ႈ​ဢၼ်​မၼ်း ႁဵတ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ၵႃႈ​မီး​ၸိူဝ်း​ၼႆႉ​ၼၼ်ႉ​လႄႈ မၼ်း​တၵ်း​လႆႈ​ၶၢမ်ႇ​တၢင်း​ဢၼ် ဢဝ်​တၢႆ​ဢမၢၼ်ႇ​ၶၼ်​ပဵၼ်​ဢေႃႈ။ လိူတ်ႈ​မၼ်း တၵ်း​လႆႈ တူၵ်း​ႁွတ်ႈ​ၵႃႈ​ၼိူဝ်​မၼ်း​ဢေႃႈ။-</verse>
				<verse number="14">ၼႂ်း​ဝႃႈ​ၼၼ်​သေ​ၵေႃႈ ပေႃး​မၼ်း​မီး​လုၵ်ႈ​ၸၢႆး ဢၼ်​ႁၼ်​တူႉ​ၸရိူၵ်ႈ ၵႃႈ​ဢၼ်​ပေႃႈ​မၼ်း​ႁဵတ်း ၼၼ်ႉ​လႄႈ ၶႆႈ​ၸႂ်​ဝူၼ်ႉ​ၸႂ်​သေ​ယဝ်ႉ၊ ဢမ်ႇ​ႁဵတ်း​လွင်ႈ​တၢင်း​ၸိူဝ်ႉ​ၼင်ႇ​ၼၼ်​ၼၼ်ႉ၊-</verse>
				<verse number="15">ဢၼ်​ဢမ်ႇ​ၵိၼ် ၵႃႈ​တီႈ​ၼိူဝ်​လွႆ​ၼိူဝ်​ၵုင်း၊ ဢမ်ႇ​ဢဝ်​တႃ​မၼ်း မုင်ႈ​လူ​မုင်ႈ​တူၺ်း​ရုၵ်ႈ​ထူႉ ဢၼ်​မဵဝ်း​ ဢီႉသရေႇလႃႉ ၵူဝ်း​ၵႂၢႆႇ ၸိူဝ်း​ၼၼ်ႉ၊ ဢမ်ႇ​ၽိတ်း​ပိူင်ႈ​မေး​ပိူၼ်ႈ၊-</verse>
				<verse number="16">ဢမ်ႇ​ၼိၵ်ႈ​ၸၢၵ်ႈ​ငႅၼ်း​သႄး ၽူႈ​လႂ်​လႃး​လႃး၊ ဢမ်ႇ​သိမ်း​ဢဝ်​ဢုၵ်ႉ​ၸႃႇ ဢၼ်​ပိူၼ်ႈ​ပွင်ႇ​ဝႆႉ ၵမ်ႉ​ဝႆႉ​ၼၼ်ႉ၊ ဢမ်ႇ​ႁဵတ်း​ပႄႉ​ႁဵတ်း​ၼႅင်ႇ ႁိမ်​ဢဝ် ႁူင်ႇ​ဢဝ်​ဢုၵ်ႉ​ၸႃႇ​ပိူၼ်ႈ၊ ႁဵတ်း​တၢင်း​ဢၼ်​လဵင်ႉ​လူ ၵေႃႉ​ဢၼ်​ဢိုပ်း​ယၢၵ်ႈ၊ ဢဝ်​ၶူဝ်း​ၼုင်ႈ​ၶူဝ်း​မႆ ႁူမ်ႇ​မႆ​ပၼ်​ၵေႃႉ​ဢၼ် ဢမ်ႇ​မီး​ၶူဝ်း​ၼုင်ႈ​ၶူဝ်း​မႆ​ၼၼ်ႉ​ယူႇ၊-</verse>
				<verse number="17">ယိုတ်း​ဢဝ်​မိုဝ်း​မၼ်း​သေ​ၵႃႈ​တီႈ ၵေႃႉ​ဢၼ်​ယၢၵ်ႈ​ဢၼ်​ၽၢၼ်၊ ဢမ်ႇ​ၵိၼ်​ဢတူဝ်း​ၶီႈ​မၼ်း​လႄႈ ပၼ်​ၵူႈ​ပၼ်​ယိုမ်​ငိုၼ်း​ယူႇ သေ​လႄႈ ပႂ်ႉ​ၵမ်​ပႂ်ႉ​ၵျၢင်ႉ​လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​လႄႈ ၸွမ်း​သဵၼ်ႈ​တၢင်း ထုင်း​ၽိင်ႈ​တြႃး​ၵဝ် တင်း​လၢႆ​ယူႇ​ၸိုင်၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢႆ ၵွပ်ႈ​ပိူဝ်ႈ​ဢပႅတ်ႈ​ပေႃႈ​မႄႈ​ဢမ်ႇ​ၸႂ်ႈ၊ တၵ်း​လႆႈ​ဢသၢၵ်ႈ​လိပ်း ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="18">ပေႃႈ​မၼ်း​ၸမ်ႉ၊ ၵွပ်ႈ​ပိူဝ်ႈ​ဢၼ် မၼ်း​ၼိၵ်ႈ​ၸၢၵ်ႈ​ငႅၼ်း​သႄး ပီႈ​မၼ်း​ၼွင်ႉ​မၼ်း ၶိူဝ်း​ၶိူဝ်း​ယႂ်း​ယႂ်း​ယူႇ၊ ႁဵတ်း​ပႄႉ​ႁဵတ်း​ၼႅင်ႇ ႁိမ်​ဢဝ် ႁူင်ႇ​ဢဝ် ဢုၵ်ႉ​ၸႃႇ​ၶဝ်​ၼၼ်ႉ​ယူႇ​သေ​လႄႈ ႁဵတ်း​လွင်ႈ​တၢင်း​ဢၼ် ဢမ်ႇ​လီ​ဢမ်ႇ​ငၢမ်း​ၵႃႈ​ၼႂ်း ၵူၼ်း​မဵဝ်း​မၼ်း တင်း​လၢႆ​ယူႇ​ၼၼ်ႉ​လႄႈ မၼ်း​တၵ်း​လႆႈ​ၶၢမ်ႇ​တၢင်း​ဢၼ် ဢဝ်​တၢႆ​ၼႂ်း​ဢပႅတ်ႈ​မၼ်း​ဢေႃႈ။-</verse>
				<verse number="19">ၵူၺ်း​ၵႃႈ သူ​ဢွၼ်​ၵၼ်​ထၢမ်​လႄႈ​ဝႃႈ၊ ပဵၼ်​ၸိူဝ်ႉ​ၼင်ႇ​ႁိုဝ်။ လုၵ်ႈ​ၸၢႆး​တၵ်း​လႆႈ ၶၢမ်ႇ​ဢပႅတ်ႈ​ပေႃႈ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ပေႃး​လုၵ်ႈ​ၸၢႆး​ၼၼ်ႉ ႁဵတ်း​လွင်ႈ​တၢင်း​ဢၼ်​ၸွမ်း​ၼင်ႇ​တြႃး၊ လွင်ႈ​တၢင်း​ဢၼ်​ၸိုဝ်ႈ​ဢၼ်​ၸႂ်ႈ​လႄႈ ပႂ်ႉ​ၸွမ်း​ထုင်း​ၽိင်ႈ​တြႃး​ၵဝ်​ၵႃႈ​မီး​ယူႇ၊ ၵမ်​ၵျၢင်ႉ​ၸိူဝ်း​ၼၼ်ႉ​ယူႇ​ၸိုင်၊ မၼ်း​တၵ်း​လႆႈ​ဢသၢၵ်ႈ​လိပ်း ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="20">ဝီႉၺိၺ်ႇ​ဢၼ်​ၽိတ်း​ပိူင်ႈ​ၼၼ်ႉ တၵ်း​လႆႈ​ၶၢမ်ႇ​တၢႆ​ဢေႃႈ။ လုၵ်ႈ​ၸၢႆး​ဢမ်ႇ​လႆႈ​ၶၢမ်ႇ​ဢပႅတ်ႈ​ပေႃႈ၊ ပေႃႈ​ဢမ်ႇ​လႆႈ​ၶၢမ်ႇ​ဢပႅတ်ႈ​လုၵ်ႈ​ၸၢႆး။ ၵေႃႉ​ဢၼ်​ၸွမ်း​တြႃး​ၼၼ်ႉ တၵ်း​လႆႈ​ၶၢမ်ႇ​ဢၵျူဝ်း​တၢင်း​ဢၼ် ႁဵတ်း​ၸွမ်း​ၼင်ႇ​တြႃး ၼၼ်ႉ​လႄႈ ၵေႃႉ​ဢၼ်​ဢမ်ႇ​ၸွမ်း​ၼင်ႇ​တြႃး​ၼၼ်ႉ တၵ်း​လႆႈ​ၶၢမ်ႇ​ဢပႅတ်ႈ တၢင်း​ဢၼ်​ဢမ်ႇ​ႁဵတ်း​ၸွမ်း​ၼင်ႇ​တြႃး ၼၼ်ႉ​ဢေႃႈ။-</verse>
				<verse number="21">ၼႂ်း​ဝႃႈ​ၼၼ်​သေ​ၵေႃႈ ပေႃး​ၵေႃႉ​ဢၼ်​ဢမ်ႇ​တြႃး​ၼၼ်ႉ ဝႄႈ​ပႅတ်ႈ​တူႉ​ၸရိူၵ်ႈ ၵႃႈ​ဢၼ်​မၼ်း​ႁဵတ်း​မႅၼ်ႈ​ၼၼ်ႉ သေ​လႄႈ​ပႂ်ႉ​ၵမ်​ပႂ်ႉ​ၸွမ်း ထုင်း​ၽိင်ႈ​တြႃး​ၵဝ်​ၵႃႈ​မီး ၼၼ်ႉ​လႄႈ ႁဵတ်း​လွင်ႈ​တၢင်း​ဢၼ်​တြႃး၊ လွင်ႈ​တၢင်း ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ​ယူႇ​ၸိုင်၊ မၼ်း​တၵ်း​ဢမ်ႇ​လႆႈ​ၶၢမ်ႇ​တၢႆ​လႄႈ တၵ်း​လႆႈ​ဢသၢၵ်ႈ​လိပ်း ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="22">ဢမ်ႇ​လႆႈ​မၢတ်ႈ​တွင်း တူႉ​ၸရိူၵ်ႈ​ဢပႅတ်ႈ ၵႃႈ​ဢၼ်​ႁဵတ်း​မႅၼ်ႈ​ၼၼ်ႉ​ယူႇ​ၽၢႆႇ​ၼိုင်ႈ​တင်း​မၼ်း။ မၼ်း​တၵ်း​လႆႈ​ဢသၢၵ်ႈ​လိပ်း တၢင်း​ဢၼ်​သိုဝ်ႈ​တေႃႇ ဢၼ်​မၼ်း​ႁဵတ်း​မႅၼ်ႈ​ၼၼ်ႉ​ဢေႃႈ။-</verse>
				<verse number="23">ၵဝ်​မီး​တၢင်း​ဢၼ်​မူၼ်ႈ​ပျေႃႇ​ယူႇ ၵႃႈ​ၼႂ်း​တၢင်း​ဢၼ် ၵေႃႉ​ဢၼ်​ဢမ်ႇ​တြႃး​ၼၼ်ႉ တၢႆ​ၼၼ်ႉ​ႁိုဝ်။ ၵဝ်​ယဵင်ႈ​ၶႅၼ်း​ၶႂ်ႈ​ႁႂ်ႈ​မၼ်း ဝၢႆႇ​ၶိုၼ်း​သေ​ၵႃႈ​တီႈ သဵၼ်ႈ​တၢင်း​မၼ်း​ၼၼ်ႉ​လႄႈ ဢသၢၵ်ႈ​လိပ်း​ယူႇ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="24">ၼႂ်း​ဝႃႈ​ၼၼ်​သေ​ၵေႃႈ ပေႃး​ၵေႃႉ​ဢၼ်​တြႃး​ၼၼ်ႉ ၽွၵ်ႈ​ပျၢၼ်ႇ​ၶိုၼ်း​သေ ၵႃႈ​ၼႂ်း​တၢင်း​ဢၼ်​သိုဝ်ႈ​တေႃႇ​မၼ်း​ၼၼ်ႉ လႄႈ ႁဵတ်း​တူႉ​ၸရိူၵ်ႈ​ယူႇ၊ ၵမ်​ၵျၢင်ႉ​ၸွမ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​ၵႃႈ​ဢၼ် ၵေႃႉ​ဢၼ်​ဢမ်ႇ​တြႃး​ၼၼ်ႉ ႁဵတ်း​ၸိူဝ်း​ၼၼ်ႉ​ယူႇ​ၸိုင် မၼ်း​တၵ်း​လႆႈ​ဢသၢၵ်ႈ​လိပ်း​ႁိုဝ်။ ဢမ်ႇ​မၢတ်ႈ​တွင်း​လွင်ႈ​တၢင်း ဢၼ်​သိုဝ်ႈ​တေႃႇ​ၵႃႈ​ဢၼ်​မၼ်း​ႁဵတ်း​မႃး မိူဝ်ႈ​ဢွၼ်​တၢင်း​ၼၼ်ႉ လႃး​လႃး။ မၼ်း​တၵ်း​လႆႈ​ၶၢမ်ႇ​တၢႆ ၼႂ်း​တၢင်း​ဢၼ်​ပူၼ်ႉ​လိူဝ် ဢၼ်​မၼ်း​ပူၼ်ႉ​လိူဝ်​ၼၼ်ႉ ဢိၵ်ႇ​တင်း တၢင်း​ဢၼ်​ၽိတ်း​ပိူင်ႈ​ဢၼ်​မၼ်း ၽိတ်း​ပိူင်ႈ​ၼၼ်ႉ​ဢေႃႈ။-</verse>
				<verse number="25">ၵူၺ်း​ၵႃႈ​သူ​ဢွၼ်​ၵၼ်​လၢတ်ႈ​လႄႈ​ဝႃႈ၊ တၢင်း​ဢၼ် ထႃႇဝရႃႉ​ၽြႃး ၸီႇ​ယၢင်ႇ​ၼၼ်ႉ ဢမ်ႇ​သိုဝ်ႈ​လီ​ပဵင်း​လီ၊ ဝႃႈ​ၼင်ႇ​ၼႆ​လူင်​ပႄႇ။ မဵဝ်း​ ဢီႉသရေႇလႃႉ ​ဢိူၺ်း၊ ထွမ်ႇ​ငိၼ်း​တႃႉ။ တၢင်း​ဢၼ် ၵဝ်​ၸီႇ​ယၢင်ႇ​ၼႆႉ​သိုဝ်ႈ​လီ​ပဵင်း​လီ​လႄႈ တၢင်း​ဢၼ်​ၸီႇ​ယၢင်ႇ​ၼၼ်ႉ ပဵၼ်​ဢၼ်​ၵူတ်ႉ​ဢၼ်​ငွၵ်း​ဢမ်ႇ​ၸႂ်ႈ​ႁိုဝ်။-</verse>
				<verse number="26">ပေႃး​ၵေႃႉ​ဢၼ်​တြႃး ၼၼ်ႉ ၽွၵ်ႈ​ပျၢၼ်ႇ​ၶိုၼ်း​သေ ၵႃႈ​ၼႂ်း​တၢင်း​ဢၼ်​သိုဝ်ႈ​တေႃႇ​မၼ်း ၼၼ်ႉ​လႄႈ ႁဵတ်း​တူႉ​ၸရိူၵ်ႈ​သေ​လႄႈ တၢႆ​ၵွပ်ႈ​ပိူဝ်ႈ​ဢမူႉ​ၼၼ်ႉ​ၸိုင် မၼ်း​တၵ်း​လႆႈ​တၢႆ​ၼႂ်း​တူႉ​ၸရိူၵ်ႈ ဢၼ်​မၼ်း​ႁဵတ်း​မႅၼ်ႈ​ၼၼ်ႉ​ဢေႃႈ။-</verse>
				<verse number="27">မိူၼ်​ၼင်ႇ​ၼၼ် ပေႃး​ၵေႃႉ​ဢၼ်​ဢမ်ႇ​တြႃး​ၼၼ်ႉ ဝႄႈ​ပႅတ်ႈ​သေ တူႉ​ၸရိူၵ်ႈ​မၼ်း ဢၼ်​မၼ်း​ႁဵတ်း​မႅၼ်ႈ​ၼၼ်ႉ​လႄႈ ႁဵတ်း​လွင်ႈ​တၢင်း​ဢၼ်​တြႃး၊ လွင်ႈ​တၢင်း​ဢၼ်​ၸိုဝ်ႈ​ဢၼ်​ၸႂ်ႈ​ယူႇ​ၸိုင်၊ မၼ်း​တၵ်း​လႆႈ ၵႄႇ​သႄႇ​ၼုၵ်ႈ​ဢဝ် ဢသၢၵ်ႈ​မၼ်း​ဢေႃႈ။-</verse>
				<verse number="28">ၵွပ်ႈ​ပိူဝ်ႈ ဢၼ်​မၼ်း​ၶႆႈ​ၸႂ်​ဝူၼ်ႉ​ၸႂ်​လႄႈ ပႄႇ​ပႅတ်ႈ​ဢပႅတ်ႈ​တၢင်း​ဢၼ်​ပူၼ်ႉ​လိူဝ် ဢၼ်​မၼ်း​ႁဵတ်း​မႅၼ်ႈ​ၸိူဝ်း​ၼၼ်ႉ​လႄႈ၊ မၼ်း​တၵ်း​လႆႈ ဢသၢၵ်ႈ​လိပ်း​ဢမၢၼ်ႇ​ၶၼ်​ပဵၼ်​လႄႈ ၵၢင်း​လွတ်ႈ​တင်း တၢင်း​တၢႆ​ဢေႃႈ။-</verse>
				<verse number="29">ၼႂ်း​ဝႃႈ​ၼၼ်​သေ​ၵေႃႈ မဵဝ်း​ ဢီႉသရေႇလႃႉ ဢွၼ်​ၵၼ်​လၢတ်ႈ​လႄႈ​ဝႃႈ၊ တၢင်း​ဢၼ် ထႃႇဝရႃႉ​ၽြႃး ၸီႇ​ယၢင်ႇ​ၼၼ်ႉ ဢမ်ႇ​သိုဝ်ႈ​လီ​ပဵင်း​လီ၊ ဝႃႈ​ၼင်ႇ​ၼႆ​လူင်​ပႄႇ။ မဵဝ်း​ ဢီႉသရေႇလႃႉ ​ဢိူၺ်း၊ တၢင်း​ဢၼ်​ၵဝ်​ၸီႇ​ယၢင်ႇ​ၼၼ်ႉ သိုဝ်ႈ​လီ​ပဵင်း​လီ​ဢမ်ႇ​ၸႂ်ႈ​ႁိုဝ်။ တၢင်း​ဢၼ်​သူ​ၸီႇ​ယၢင်ႇ​ၼၼ်ႉ ပဵၼ်​ဢၼ်​ၵူတ်ႉ​ဢၼ်​ငွၵ်း​ဢမ်ႇ​ၸႂ်ႈ​ႁိုဝ်။-</verse>
				<verse number="30">ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ မဵဝ်း​ ဢီႉသရေႇလႃႉ ​ဢိူၺ်း၊ ၵဝ်​တၵ်း​ၸီႇ​ယၢင်ႇ​သူ ၸွမ်း​လူၺ်ႈ​သဵၼ်ႈ​တၢင်း​သူ​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။ သူ​ဢွၼ်​ၵၼ်​ၶၢႆႉ​ပုတ်ႈ​လႄႈ ၸုၼ်ႉ​ပႅတ်ႈ​ဢပႅတ်ႈ တၢင်း​ဢၼ်​သူ ပူၼ်ႉ​လိူဝ်​ၵႃႈ​မီး​ၼၼ်ႉ​သေ​တႃႉ။ ၼင်ႇ​ၼၼ်​လႄႈ တူႉ​ၸရိူၵ်ႈ​ဢပႅတ်ႈ​သူ တၵ်း​ဢမ်ႇ​ပဵၼ်​တီႈ​ဢၼ် သူ​တိူဝ်ႉ​မႅၼ်ႈ​လႄႈ​လူမ်ႉ​ၼၼ်ႉ။-</verse>
				<verse number="31">သူ​ဢွၼ်​ၵၼ် ၸုၼ်ႉ​ပႅတ်ႈ​ဢပႅတ်ႈ တၢင်း​ဢၼ်​ပူၼ်ႉ​လိူဝ် ၵႃႈ​ဢၼ်​သူ​ပူၼ်ႉ​လိူဝ်​ၼၼ်ႉ သေ​လႄႈ ပွင်​ႁဵတ်း​ပွင်​မႄး​ႁူဝ်​ၸႂ်​ဢၼ်​မႂ်ႇ၊ ၸႂ်​သၽေႃး​ဢၼ်​မႂ်ႇ​တႃႉ။ မဵဝ်း​ ဢီႉသရေႇလႃႉ ​ဢိူၺ်း၊ သူ​ၼႆႉ​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မီး​ဢလူဝ်ႇ​ၶႂ်ႈ​ၶၢမ်ႇ​တၢႆ​ၼင်ႇ​ႁိုဝ်။-</verse>
				<verse number="32">ၵဝ်​ဢမ်ႇ​မီး​တၢင်း​ဢၼ်​မူၼ်ႈ​ပျေႃႇ ၼႂ်း​တၢင်း​ဢၼ် ၵေႃႉ​ဢၼ်​လႆႈ​ၶၢမ်ႇ​တၢင်း​တၢႆ​ၼၼ်ႉ တၢႆ​ၼၼ်ႉ၊ ပိူဝ်ႈ​ၼႆ​လႄႈ ဢွၼ်​ၵၼ်​ၶၢႆႉ​ပုတ်ႈ​လႄႈ ဢသၢၵ်ႈ​လိပ်း​ယူႇ​တႃႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="19">
				<verse number="1">လိူဝ်​သေ​ၼၼ်ႉ၊ လွင်ႈ​ဢၼ်​မႂ်း​တၵ်း​လႆႈ​ႁႆႈ​ႁွင်ႉ ပွင်ႉ​ၶၢင်း​ပုၼ်ႈ​ၸိူဝ်ႉ​ၸဝ်ႈ ၶိူဝ်း​ၶုၼ် ဢီႉသရေႇလႃႉ ​တင်း​လၢႆ လႄႈ​ဝႃႈ​ၸမ်ႉ၊-</verse>
				<verse number="2">မႄႈ​မႂ်း​ၸိုင်​ပဵၼ်​ၽူႈ​လႂ်။ ပဵၼ်​သၢင်ႇ​သီႈ​မႄႈ​ဢေႃႈ။ မၼ်း​ၼၼ်ႉ​ၼွၼ်း​ယူႇ ၵႃႈ​ၼႂ်း​သၢင်ႇ​သီႈ​တင်း​လၢႆ​လႄႈ လဵင်ႉ​လူ​လုမ်း​လႃး လုၵ်ႈ​မၼ်း​လၢင်း​မၼ်း ၵႃႈ​ၼႂ်း​သၢင်ႇ​သီႈ​ၼုမ်ႇ​တင်း​လၢႆ​ယူႇ​ဢေႃႈ။-</verse>
				<verse number="3">ၼႂ်း​လုၵ်ႈ​မၼ်း​လၢင်း​မၼ်း ၸိူဝ်း​ၼၼ်ႉ မၼ်း​လဵင်ႉ​လူ​လုမ်း​လႃး တူဝ်​ၼိုင်ႈ​လႄႈ မၼ်း​ၼၼ်ႉ​ပဵၼ်​သၢင်ႇ​သီႈ​ၼုမ်ႇ​လႄႈ သွၼ်​ဢဝ်​ႁႂ်ႈ​လႆႈ​တီႉ​ဢဝ် တရိၵ်ႈသၢၼ်ႇ​ထိူၼ်ႇ​တင်း​လၢႆ​ဢေႃႈ။ ၵူၼ်း​တင်း​လၢႆ​ၵေႃႈ မၼ်း​ၸၢင်ႈ​ၶူပ်း​ၵိၼ်​ဢေႃႈ။-</verse>
				<verse number="4">ၵူၼ်း​ၵူႈ​ၸိူဝ်ႉ​ၵူႈ​မဵဝ်း ငိၼ်း​လွင်ႈ​မၼ်း​လႄႈ မၼ်း​လႆႈ​ၶၢမ်ႇ​တၢင်း​ဢၼ်​တီႉ​ဢဝ်​ၵႃႈ​ၼႂ်း​ႁူး​လိၼ်​ၶုမ်​လိၼ်​ၶဝ်​ၼၼ်ႉ သေ​ယဝ်ႉ၊ ၶဝ်​ၼၼ်ႉ ဢဝ်​ၸိူၵ်ႈ​လဵၵ်း​မတ်ႉ​ၽုၵ်ႇ​မၼ်း​လႄႈ ဢွၼ်​ၵၼ်​ဢဝ်​မၼ်း​ၵႂႃႇ ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="5">မိူဝ်ႈ​ဢၼ်​မႄႈ​မၼ်း​ႁၼ်​လွင်ႈ​ဢၼ် တီႈ​ဢၼ်​မၼ်း​ပႂ်ႉ​ထႃႈ​လႄႈ မုင်ႈ​ထႃႈ​မွင်း​ထႃႈ​ယူႇ​ၼၼ်ႉ လူႉ​ယဝ်ႉ​ၼၼ်ႉ​ၸိုင်၊ မၼ်း​သမ်ႉ ဢဝ်​လုၵ်ႈ​ၸၢႆး​မၼ်း​တူဝ်​ၼိုင်ႈ​လႄႈ ႁဵတ်း​ႁႂ်ႈ​ပဵၼ်​သၢင်ႇ​သီႈ​ၼုမ်ႇ​သေ​ယဝ်ႉ၊-</verse>
				<verse number="6">မၼ်း​ၼၼ်ႉ​ၵေႃႈ ၵႂႃႇ​ၵႂႃႇ​မႃး​မႃး​လူၺ်ႈ​ၵၼ် တင်း​သၢင်ႇ​သီႈ​တင်း​လၢႆ​လႄႈ ပဵၼ်​သၢင်ႇ​သီႈ​ၼုမ်ႇ​ယူႇ​သေ​လႄႈ သွၼ်​ဢဝ်​ႁႂ်ႈ​လႆႈ​တီႉ​ဢဝ်​တရိၵ်ႈသၢၼ်ႇ​ထိူၼ်ႇ တင်း​လၢႆ​ဢေႃႈ။ ၵူၼ်း​တင်း​လၢႆ​ၵေႃႈ မၼ်း​ၸၢင်ႈ​ၶူပ်း​ၵိၼ်​ဢေႃႈ။-</verse>
				<verse number="7">မၼ်း​ႁူႉ​ၸၵ်း ႁၢင်ႈ​ၶဝ်​ႁေႃ​ၶဝ်​လႄႈ ယႃႉ​ၽဵဝ်ႈ​ဝဵင်း​ၶဝ်​တင်း​လၢႆ​ပႅတ်ႈ​ဢေႃႈ။ ၵွပ်ႈ​ပိူဝ်ႈ​သဵင်​ဢၼ်​မၼ်း​ႁွင်ႉ ၼၼ်ႉ​လႄႈ မိူင်း​ၸဝ်ႈ ဢိၵ်ႇ​တင်း ၵႃႈ​ဢၼ်​မီး​ၵႃႈ​ၼႂ်း​မၼ်း မီး​တၢင်း​ဢၼ်​သဵတ်ႇ​ယဵၼ်​ယူႇ​ဢေႃႈ။-</verse>
				<verse number="8">မိူဝ်ႈ​ၼၼ်ႉ ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢွၼ်​ၵၼ်​လုၵ်ႉ​သေ​ၵႃႈ​ၼႂ်း ၵူႈ​ဢိူင်ႇ​ၵူႈ​ၵျၢၵ်ႈ မႃး​တိုၵ်း​တေႃး​မၼ်း​လႄႈ ဢဝ်​ၼႅင်ႈ​ၶဝ် ၶႄ​ၶဝ်​လွမ်ႉ​လဵပ်ႈ​ႁွပ်ႈ​မၼ်း သေ​ယဝ်ႉ၊ မၼ်း​လႆႈ​ၶၢမ်ႇ​တၢင်း​ဢၼ် တီႉ​ဢဝ်​ၵႃႈ​ၼႂ်း​ႁူး​လိၼ် ၶုမ်ႇ​လိၼ်​ၶဝ်​ၼၼ်ႉ​ဢေႃႈ။-</verse>
				<verse number="9">ၶဝ်​ၼၼ်ႉ ဢဝ်​ၸိူၵ်ႈ​လဵၵ်း​မတ်ႉ​ၽုၵ်ႇ​မၼ်း သေ​လႄႈ ဢဝ်​မၼ်း​ၵႂႃႇ​ၸူး ၵႃႈ​တီႈ​ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ ဢွၼ်​ၵၼ်​ဢဝ်​မၼ်း ၶင်​ဝႆႉ​ၵႃႈ​ၼႂ်း​ဝဵင်း​ဢၼ်​မၼ်ႈ​ၶိူင်ႇ ႁႂ်ႈ​ဢမ်ႇ​လႆႈ​ငိၼ်း​သဵင် ဢၼ်​မၼ်း​ႁွင်ႉ​မၼ်း​ၶၢင်း ၵႃႈ​ၼိူဝ်​လွႆ​ၼိူဝ်​ၵုင်း ဢီႉသရေႇလႃႉ မိူဝ်ႈ​ၵမ်း​လိုၼ်း​ဢေႃႈ။-</verse>
				<verse number="10">မႄႈ​မႂ်း​ၼၼ်ႉ ပဵၼ်​ၸိူဝ်ႉ​ၼင်ႇ​တူၼ်ႈ​ၶိူဝ်း​မၢၵ်ႇ​ၸပိတ်ႈ ဢၼ်​ၽုၵ်ႇ​ၵႃႈ​တီႈ​ႁိမ်း​ၼမ်ႉ​ၼၼ်ႉ ၼႂ်း​မိူဝ်ႈ​ဢၼ်​မႂ်း​ယင်း​လဵၵ်ႉ ယင်း​လႅင်​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ် ၼမ်ႉ​လိူင်ႇ​ၼမ်ႉ​ၼမ်​ၼၼ်ႉ​လႄႈ၊ မၼ်း​ၸၢင်ႈ​မၢၵ်ႇ​မၢၵ်ႇ​ၼမ်​ၼႃႇ​လႄႈ ပျေႉ​ၸုမ်ႇ​ဝႆႉ​တင်း​ၵိင်ႇ​တင်း​ၶႃႊ​ဢေႃႈ။-</verse>
				<verse number="11">မၼ်း​ပျေႉ​ၸုမ်ႇ​ဝႆႉ တင်း​လႅမ်ႈ​ၶွၼ်ႉ​လႅမ်ႈ​မႆႉ ဢၼ်​မၼ်ႈ​ၶိူင်ႇ​ပုၼ်ႈ​ၵၼ်း​ႁွၵ်ႇ​ရႃႇ​ၸႃႉ ဢၼ်​ၶုၼ်​သုင်း​ၶုၼ်​သွင်ႇ ၸိူဝ်း​ၼၼ်ႉ​ဢေႃႈ။ ဢရၢပ်ႈ​မၼ်း​ပဵၼ်​ဢၼ်​ယႂ်ႇ​ၼႃႇ​သုင်​ၼႃႇ ၵႃႈ​ၼႂ်း​ၵိင်ႇ​ၼႂ်း​ၶႃႊ​ဢၼ်​ၼႃ​တၼ်​ၼႃႇ ၸိူဝ်း​ၼၼ်ႉ​လႄႈ မၼ်း​ပဵၼ်​ဢၼ်​သုင်​လႄႈ​ထၢင်ႇ​သႃး လူၺ်ႈ​ၵၼ်​တင်း ၵိင်ႇ​မၼ်း​ၶႃႊ​မၼ်း ဢၼ်​ၼႃ​ၼႃႇ​ပူင်း​ၼႃႇ​ၼၼ်ႉ​ဢေႃႈ။-</verse>
				<verse number="12">ၼႂ်း​ဝႃႈ​ၼၼ်​သေ​ၵေႃႈ မၼ်း​လႆႈ​ၶၢမ်ႇ​တၢင်း​ဢၼ် ထွတ်ႇ​ထူၺ်ႈ​ပႅတ်ႈ ၵွပ်ႈ​ပိူဝ်ႈ​ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ ၶႆႈ​ၸႃႉ​လႄႈ လူမ်ႉ​တူၵ်း​ပႅတ်ႈ ၵႃႈ​ၼိူဝ်​လိၼ်​ယဝ်ႉ။ လူမ်း​တၢင်း​ဢွၵ်ႇ​ထူဝ်း​လႄႈ ႁႂ်ႈ​မၢၵ်ႇ​မၼ်း​ႁဵဝ်ႇ​ႁႅင်ႈ​ၵႂႃႇ​ဢေႃႈ။ လႅမ်ႈ​ၶွၼ်ႉ​လႅမ်ႈ​မႆႉ​မၼ်း​ၸိူဝ်း​ၼၼ်ႉ ႁၵ်း​ႁဵၵ်း​လႄႈ ယူတ်း​ႁႅင်ႈ​ၵႂႃႇ​သေ​ယဝ်ႉ၊ ၽႆး​မႆႈ​ၶဝ်​ပႅတ်ႈ​ယဝ်ႉ။-</verse>
				<verse number="13">မိူဝ်ႈ​လဵဝ်​ၼႆႉ​ၸမ်ႉ၊ မၼ်း​လႆႈ​ၶၢမ်ႇ​တၢင်း​ဢၼ်​ၽုၵ်ႇ​သွမ်ႈ ၵႃႈ​ၼႂ်း​ထိူၼ်ႇ တီႈ​ဢၼ်​လိၼ်​ႁႅင်ႈ​လိၼ်​ႁွင်​လႄႈ ဢမ်ႇ​မီး​ၼမ်ႉ​ၼၼ်ႉ​ဢေႃႈ။-</verse>
				<verse number="14">ၽႆး​ဢွၵ်ႇ​သေ​ၵႃႈ​ၼႂ်း လႅမ်ႈ​ၶွၼ်ႉ​လႅမ်ႈ​မႆႉ​ၵိင်ႇ​မၼ်း​ၶႃႊ​မၼ်း ၸိူဝ်း​ၼၼ်ႉ​လႄႈ ႁႂ်ႈ​မၢၵ်ႇ​မၼ်း​မႆႈ​သုတ်း​ၵႂႃႇ ထၼ်ႈ​ပေႃး လႅမ်ႈ​ၶွၼ်ႉ​လႅမ်ႈ​မႆႉ ဢၼ်​မၼ်ႈ​ၶိူင်ႇ​ပုၼ်ႈ​ၵၼ်း​ႁွၵ်ႇ​ရႃႇ​ၸႃႉ ဢၼ်​ဢုပ်ႉ​ပိူင်ႇ​ၼၼ်ႉ ဢမ်ႇ​ၵိုတ်း​ဢမ်ႇ​ၵျၢၼ်ႇ​သေ​လႅမ်ႈ​သေ​ဢၼ်​ယဝ်ႉ။ ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ႁႆႈ​ႁွင်ႉ​ပွင်ႉ​ၶၢင်း​လႄႈ တၵ်း​ပဵၼ်​ပုၼ်ႈ​ဢၼ် တၵ်း​လႆႈ​ႁႆႈ​ႁွင်ႉ ပွင်ႉ​ၶၢင်း​ဢေႃႈ။</verse>
			</chapter>
			<chapter number="20">
				<verse number="1">ၼႂ်း​ပီႊ​ဢၼ် ထူၼ်ႈ​ထိုင်​ၸဵတ်း​ပီႊ၊ လိူၼ်​ပိၼ်ႇၸမႃႉ​သိပ်း​ဝၼ်း​ၼၼ်ႉ ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ် ၼႂ်း​မဵဝ်း​ ဢီႉသရေႇလႃႉ ၵမ်ႈ​ၽွင်ႈ​ၼၼ်ႉ ဢွၼ်​ၵၼ်​မႃး ႁႂ်ႈ​လႆႈ​လဝ်ႊ​ထၢမ်​တီႈ ထႃႇဝရႃႉ​ၽြႃး​လႄႈ ၼင်ႈ​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။-</verse>
				<verse number="2">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="3">လုၵ်ႈ​ၵူၼ်း​ဢိူၺ်း၊ မႂ်း​လၢတ်ႈ​တီႈ​ၶဝ်​ၸိူဝ်း​ဢၼ် ပဵၼ်​ၵႄႇ​ပဵၼ်​ႁူဝ်​ၼႂ်း မဵဝ်း​ ဢီႉသရေႇလႃႉ ​ၼၼ်ႉ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ သူ​ဢွၼ်​ၵၼ်​မႃး​ႁႂ်ႈ​လႆႈ​လဝ်ႊ​ထၢမ်​တီႈ​ၵဝ်​ႁိုဝ်။ ၵႃႈ​ၼင်ႇ​ဢၼ်​ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​ဢမ်ႇ​ၶၢမ်ႇ​တၢင်း​ဢၼ် သူ​လဝ်ႊ​သူ​ထၢမ်။-</verse>
				<verse number="4">ၵူၼ်း​ဢိူၺ်း၊ မႂ်း​တၵ်း​ဢမ်ႇ​ၸႅတ်ႈ​ထၢမ်​ၸႅတ်ႈ​တူၺ်း​ၶဝ်​ႁိုဝ်။ မႂ်း​တၵ်း​ဢမ်ႇ​ၸႅတ်ႈ​ထၢမ်​ၸႅတ်ႈ​တူၺ်း​ၶဝ်​ႁိုဝ်။ ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ဢၼ်​ပူႇ​ၶဝ်​မွၼ်ႇ​ၶဝ်​ႁဵတ်း​မႃး​ယဝ်ႉ​ၼၼ်ႉ​လႄႈ၊-</verse>
				<verse number="5">လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ဢၼ် ၵဝ်​လိူၵ်ႈ​ၵဵပ်း​ဢဝ် မဵဝ်း​ ဢီႉသရေႇလႃႉ ​လႄႈ ယုၵ်ႉ​မိုဝ်း​တိူင်ႇ​ဝႃႈ​တီႈ​မဵဝ်း​ ယႃႇၵုပ်ႈ ​သေ​လႄႈ ပေႃႇ​မႃး​တီႈ​ၶဝ် ၵႃႈ​ၼႂ်း​မိူင်း​ ဢေႇၵိပ်ႉတူႉ ၼႂ်း​မိူဝ်ႈ​ဢၼ်​ၵဝ်​ယုၵ်ႉ​မိုဝ်း​တိူင်ႇ​ဝႃႈ တီႈ​ၶဝ် လႄႈ​ဝႃႈ၊ ၵဝ်​ပဵၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊-</verse>
				<verse number="6">ၼႂ်း​မိုဝ်ႉ​ဝၼ်း​ၼၼ်ႉ ၵဝ်​ယုၵ်ႉ​မိုဝ်း​တိူင်ႇ​ဝႃႈ​တီႈ​ၶဝ် ႁႂ်ႈ​လႆႈ​ၼုၵ်ႈ​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ဢဝ်​ၶဝ်​ၵႂႃႇ ၵႃႈ​တီႈ​မိူင်း​ဢၼ်​ၵဝ်​ႁၼ်​ဝႆႉ​ပုၼ်ႈ​ၶဝ်၊ မိူင်း​ဢၼ်​ၼမ်ႉ​ၼူမ်း တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ၊ မိူင်း​ဢၼ်​ပဵၼ်​ၸိၵ်း​ပဵၼ်​ၸွမ် ဝၢၼ်ႈ​မိူင်း တင်း​သဵင်ႈ​တင်း​လူင် ၼၼ်ႉ​ဢေႃႈ။-</verse>
				<verse number="7">ပိၵ်ႉ​သမ်ႉ​ၵဝ် လၢတ်ႈ​တီႈ​ၶဝ်​လႄႈ​ဝႃႈ၊ သူ​ဢွၼ်​ၵၼ် ၸုၼ်ႉ​ပႅတ်ႈ​လွင်ႈ​တၢင်း ဢၼ်​လီ​ႁင်ႈ​ဢဵတ်ႇ​သဵတ်ႇ တီႈ​မၢၵ်ႇ​တႃ​သူ​ၸိူဝ်း​ၼၼ်ႉ ႁင်း​ၽႂ်​ႁင်း​မၼ်း​တႃႉ။ ယႃႇ​ပေ​ဢဝ်​ရုၵ်ႈ​ထူႉ​မိူင်း​ ဢေႇၵိပ်ႉတူႉ ​ၸိူဝ်း​ၼၼ်ႉ ႁႂ်ႈ​တူဝ်​သူ​လႆႈ​ၵူဝ်ႈ​လႆႈ​ၵိူၵ်ႇ။ ၵဝ်​ပဵၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="8">ၶဝ်​ဢွၼ်​ၵၼ် ပုင်ႇ​ၵၢၼ်ႇ​ၵဝ်​လႄႈ ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်။ ၶဝ်​ယင်း​ဢမ်ႇ​ၸုၼ်ႉ​ပႅတ်ႈ​လွင်ႈ​တၢင်း ဢၼ်​လီ​ႁင်ႈ​ဢဵတ်ႇ​သဵတ်ႇ တီႈ​မၢၵ်ႇ​တႃ​ၶဝ်​ၸိူဝ်း​ၼၼ်ႉ ႁင်း​ၽႂ်​ႁင်း​မၼ်း​လႄႈ ယင်း​ဢမ်ႇ​ဝႄႈ​ပႅတ်ႈ​ရုၵ်ႈ​ထူႉ​ ဢေႇၵိပ်ႉတူႉ ​ၸိူဝ်း​ၼၼ်ႉ​လႄႈ ဢွၼ်​ၵၼ်​ယူႇ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼၼ်​လႄႈ ၵဝ်​ၵျၢမ်ႇ​ပွင်​တၵ်း​ဢဝ်​ဢၢႆ​ႁႅင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ် သွၼ်း​လေႃႇ​ၵႃႈ​ၼိူဝ်​ၶဝ် ႁႂ်ႈ​ၸႂ်​တေႃး​သႃႉ​ၵဝ်​လႆႈ​ပေႇ တီႈ​ၶဝ် ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။-</verse>
				<verse number="9">ၼႂ်း​ဝႃႈ​ၼၼ်​သေ​ၵေႃႈ ၵဝ်​ၸီႇ​ယၢင်ႇ ႁဵတ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ် ႁႂ်ႈ​သရေႇ​ဢမ်ႇ​လႆႈ​လူႉ ၵႃႈ​တီႈ​ၽၢႆႇ​ၼႃႈ​ၵူၼ်း​တၢင်ႇ​ၸိူဝ်ႉ တၢင်ႇ​မဵဝ်း တီႈ​ဢၼ်​ၶဝ်​ယူႇ​ၶဝ်​သဝ်း​လႄႈ ၵဝ်​ထၢင်ႇ​သႃး​ပေႃႇ​မႃး ၵႃႈ​တီႈ​ၽၢႆႇ​ၼႃႈ​ၵူၼ်း တၢင်ႇ​ၸိူဝ်ႉ​တၢင်ႇ​မဵဝ်း​ယူႇ သေ​လႄႈ ၼုၵ်ႈ​ဢဝ်​ၶဝ်​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။-</verse>
				<verse number="10">ၼင်ႇ​ၼၼ်​လႄႈ ၵဝ်​ႁႂ်ႈ​ၶဝ်​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ဢဝ်​ၶဝ်​သူင်ႇ​ႁွတ်ႈ ၵႃႈ​တီႈ​ၼႂ်း​ထိူၼ်ႇ​သေ​ယဝ်ႉ၊-</verse>
				<verse number="11">ၵဝ်​ပၼ် ထုင်း​ၽိင်ႈ​တြႃး​ၵဝ် တင်း​လၢႆ တီႈ​ၶဝ်​လႄႈ ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ ဢၼ်​ပဵၼ်​လွင်ႈ​ဢၼ်​ဢသၢၵ်ႈ ၵေႃႉ​ဢၼ်​ၵမ်​ၵျၢင်ႉ​ၼၼ်ႉ တၵ်း​လႆႈ​လိပ်း​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="12">လိူဝ်​သေ​ၼၼ်ႉ ၵဝ်​ပၼ်​ဝၼ်း​ၵမ်​သိၼ်​ၵဝ် တင်း​လၢႆ ဝႆႉ​တီႈ​ၶဝ်​ႁႂ်ႈ​ပဵၼ်​လၢၵ်ႈၶၼႃႇ​သၢၵ်ႈ​သေႇ ၵႃႈ​တီႈ​ၵႄႈ​ဝူင်ႈ​ၵၢင်​ႁဝ်း​တင်း​ၶဝ်​ႁႂ်ႈ​ၶဝ်​လႆႈ​ႁူႉ လွင်ႈ​ဢၼ်​ၵဝ် ထႃႇဝရႃႉ​ၽြႃး ႁႂ်ႈ​ၶဝ်​မူတ်း​ၸၢင်ႇ ၼၼ်ႉ​ဢေႃႈ။-</verse>
				<verse number="13">ၼႂ်း​ဝႃႈ​ၼၼ်​သေ​ၵေႃႈ မဵဝ်း​ ဢီႉသရေႇလႃႉ ​ပုင်ႇ​ၵၢၼ်ႇ​ၵဝ်​ၵႃႈ​ၼႂ်း​ထိူၼ်ႇ​လႄႈ ဢမ်ႇ​ၸွမ်း​သဵၼ်ႈ​တၢင်း​ထုင်း​ၽိင်ႈ​တြႃး​ၵဝ် တင်း​လၢႆ​ၼၼ်ႉ။ ၶဝ်​ဢွၼ်​ၵၼ် ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ ဢၼ်​ပဵၼ်​လွင်ႈ​ဢၼ် ဢသၢၵ်ႈ ၵေႃႉ​ဢၼ်​ၵမ်​ၵျၢင်ႉ​ၼၼ်ႉ တၵ်း​လႆႈ​လိပ်း​ၼၼ်ႉ​လႄႈ ၶျႃး​ဝၼ်း​ၵမ်​သိၼ်​ၵဝ်​တင်း​လၢႆ တူၵ်း​တီႈ​တႅမ်ႇ​ၼႃႇ​လူင်​လၢင်​ဢေႃႈ။ မိူဝ်ႈ​ၼၼ်ႉ ၵဝ်​ၵျၢမ်ႇ​ပွင် တၵ်း​ဢဝ်​ဢၢႆ​ႁႅင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ် သွၼ်း​လေႃႇ​ၵႃႈ​ၼိူဝ်​ၶဝ် ႁႂ်ႈ​လႆႈ​ယႃႉ​ၽဵဝ်ႈ​ၶဝ်​ပႅတ်ႈ​ဢေႃႈ။-</verse>
				<verse number="14">ၵူၺ်း​ၵႃႈ ၵဝ်​ၸီႇ​ယၢင်ႇ​ႁဵတ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ် ႁႂ်ႈ​သရေႇ​ဢမ်ႇ​လႆႈ​လူႉ ၵႃႈ​တီႈ​ၽၢႆႇ​ၼႃႈ​ၵူၼ်း တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ႁၼ် ၵျေး​ၸူး​တၢင်း​ဢၼ်​ၵဝ်​ၼုၵ်ႈ​ဢဝ်​ၶဝ် ဢွၵ်ႇ​မႃး​ၼၼ်ႉ​ဢေႃႈ။-</verse>
				<verse number="15">လႆႈ​သမ်ႉ ၵဝ်​ယုၵ်ႉ​မိုဝ်း​တိူင်ႇ​ဝႃႈ တီႈ​ၶဝ်​ၵႃႈ​ၼႂ်း​ထိူၼ်ႇ​ၼၼ်ႉ လူၺ်ႈ​လွင်ႈ​ဢၼ်​ၵဝ် တၵ်း​ဢမ်ႇ​ဢဝ်​ၶဝ်​သူင်ႇ​ႁွတ်ႈ ၵႃႈ​ၼႂ်း​မိူင်း​ဢၼ်​ၵဝ်​ပၼ်​တီႈ​ၶဝ်၊ မိူင်း​ဢၼ် ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ၊ မိူင်း​ဢၼ် ပဵၼ်​ၸိၵ်း​ပဵၼ်​ၸွမ်​မိူင်း တင်း​သဵင်ႈ​တင်း​လူင် ၼၼ်ႉ​ဢေႃႈ။-</verse>
				<verse number="16">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ၶဝ် ၸႂ်​ၸပ်း​ၸႂ်​ပႅၼ်း​ရုၵ်ႈ​ထူႉ​လႄႈ ၶဝ်​ဢွၼ်​ၵၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​လႄႈ ဢမ်ႇ​ၸွမ်း​သဵၼ်ႈ​တၢင်း ထုင်း​ၽိင်ႈ​တြႃး​ၵဝ် တင်း​လၢႆ​သေ​လႄႈ ၶျႃး​ဝၼ်း​ၵမ်​သိၼ်​ၵဝ်​တူၵ်း​တီႈ​တႅမ်ႇ​ဢေႃႈ။-</verse>
				<verse number="17">ၼႂ်း​ဝႃႈ​ၼၼ်​သေ​ၵေႃႈ မၢၵ်ႇ​တႃ​ၵဝ်​သေ​လၢႆ​ၶဝ် ၼႂ်း​တၢင်း​ဢၼ် တၵ်း​ယႃႉ​ၶဝ်​ပႅတ်ႈ​ၼၼ်ႉ​လႄႈ ဢမ်ႇ​ႁဵတ်း​ႁႂ်ႈ​ၶဝ်​သုမ်း​ၸွမ်း​ပႅတ်ႈ ၵႃႈ​ၼႂ်း​ထိူၼ်ႇ​ၼၼ်ႉ။-</verse>
				<verse number="18">ၵဝ်​လၢတ်ႈ​တီႈ​လုၵ်ႈ​ၶဝ်​လၢၼ်​ၶဝ် ၵႃႈ​ၼႂ်း​ထိူၼ်ႇ​ၼၼ်ႉ​လႄႈ​ဝႃႈ၊ ယႃႇ​ပေ​ဢွၼ်​ၵၼ်​ၸွမ်း​သဵၼ်ႈ​တၢင်း ထုင်း​ၽိင်ႈ​တြႃး ပူႇ​သူ​မွၼ်ႇ​သူ​ၸိူဝ်း​ၼၼ်ႉ။ ယႃႇ​ပေ​ၵမ်​ၵျၢင်ႉ လွင်ႈ​တၢင်း​ဢၼ်​ၶဝ်​ၸီႇ​ယၢင်ႇ​ဝႆႉ ၸိူဝ်း​ၼၼ်ႉ။ ယႃႇ​ပေ​ႁႂ်ႈ​တူဝ်​သူ​လႆႈ​ၵူဝ်ႈ​ၵိူၵ်ႇ လူၺ်ႈ​ရုၵ်ႈ​ထူႉ​ၶဝ်​ၸိူဝ်း​ၼၼ်ႉ။-</verse>
				<verse number="19">ၵဝ်​ၼႆႉ​ပဵၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ သူ​ဢေႃႈ။ ဢွၼ်​ၵၼ် ၸွမ်း​သဵၼ်ႈ​တၢင်း ထုင်း​ၽိင်ႈ​တြႃး ၵဝ်​ၸိူဝ်း​ၼၼ်ႉ​လႄႈ ၵမ်​ၵျၢင်ႉ​လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ ၸိူဝ်း​ၼၼ်ႉ​သေ​လႄႈ ႁဵတ်း​ၸွမ်း​တႃႉ။-</verse>
				<verse number="20">ဢွၼ်​ၵၼ် ႁႂ်ႈ​ဝၼ်း​ၵမ်​သိၼ်​ၵဝ်​တင်း​လၢႆ မူတ်း​ၸၢင်ႇ​တႃႉ။ ဝၼ်း​ၵမ်​သိၼ်​ၸိူဝ်း​ၼၼ်ႉ တၵ်း​ပဵၼ်​လၢၵ်ႈၶၼႃႇ​သၢၵ်ႈ​သေႇ ၵႃႈ​တီႈ ၵႄႈ​ဝူင်ႈ​ၵၢင်​သူ​တင်း​ၵဝ် ႁႂ်ႈ​သူ​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၵူၺ်း​ၵႃႈ လုၵ်ႈ​ၶဝ်​လၢၼ်​ၶဝ်​ၼၼ်ႉ ဢွၼ်​ၵၼ်​ပုင်ႇ​ၵၢၼ်ႇ​ၵဝ်​လႄႈ ဢမ်ႇ​ၸွမ်း​သဵၼ်ႈ​တၢင်း ထုင်း​ၽိင်ႈ​တြႃး ၵဝ်​ၸိူဝ်း​ၼၼ်ႉ၊ ဢမ်ႇ​ၵမ်​ၵျၢင်ႉ​လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ ဢၼ်​ပဵၼ်​လွင်ႈ​ဢၼ် ဢသၢၵ်ႈ​ၵေႃႉ​ဢၼ်​ၵမ်​ၵျၢင်ႉ​ၼၼ်ႉ တၵ်း​လႆႈ​လိပ်း​ၼၼ်ႉ​လႄႈ ၶျႃး​ဝၼ်း​ၵမ်​သိၼ်​ၵဝ်​တင်း​လၢႆ တူၵ်း​တီႈ​တႅမ်ႇ​ဢေႃႈ။ မိူဝ်ႈ​ၼၼ်ႉ ၵဝ်​ၵျၢမ်ႇ​ပွင်​တၵ်း​ဢဝ် ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​ၵဝ် သွၼ်း​လေႃႇ ၵႃႈ​ၼိူဝ်​ၶဝ် ႁႂ်ႈ​ၸႂ်​တေႃး​သႃႉ​ၵဝ်​ပေႇ​တီႈ​ၶဝ် ၵႃႈ​ၼႂ်း​ထိူၼ်ႇ​ၼၼ်ႉ​ဢေႃႈ။-</verse>
				<verse number="22">ၼႂ်း​ဝႃႈ​ၼၼ်​သေ​ၵေႃႈ ၵဝ်​ယိုတ်း​ဢဝ်​မိုဝ်း​ၵဝ်​ၶိုၼ်း​လႄႈ ၸီႇ​ယၢင်ႇ​ႁဵတ်း​ပုၼ်ႈ​ၼႃႇ​မႃႉ​ၸိုဝ်ႈ​သဵင်​ၵဝ် ႁႂ်ႈ​သရေႇ​ဢမ်ႇ​လႆႈ​လူႉ ၵႃႈ​တီႈ ၽၢႆႇ​ၼႃႈ​ၵူၼ်း တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ႁၼ်​ၵျေး​ၸူး​တၢင်း​ဢၼ်​ၵဝ် ၵႄႇ​သႄႇ​ၼုၵ်ႈ​ဢဝ်​ၶဝ် ဢွၵ်ႇ​မႃး​ၼၼ်ႉ​ဢေႃႈ။-</verse>
				<verse number="23">လႆႈ​သမ်ႉ ၵဝ်​ယုၵ်ႉ​မိုဝ်း​တိူင်ႇ​ဝႃႈ တီႈ​ၶဝ်​ၵႃႈ​ၼႂ်း​ထိူၼ်ႇ​ၼၼ်ႉ ႁႂ်ႈ​လႆႈ​ဢဝ်​ၶဝ်​ၸၢတ်ႇ​ပိုၼ်​ပႅတ်ႈ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ ၽၢတ်ႇ​ၽႄ​ၵၼ်​ၵႂႃႇ ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း​ဢေႃႈ။-</verse>
				<verse number="24">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ၶဝ် ၸႂ်​ၸပ်း​ၸႂ်​ပႅၼ်း​ရုၵ်ႈ​ထူႉ ပူႇ​ၶဝ်​မွၼ်ႇ​ၶဝ်​ၸိူဝ်း​ၼၼ်ႉ​လႄႈ၊ ၶဝ်​ယင်း​ဢမ်ႇ​ပႂ်ႉ​ၵမ်​ပႂ်ႉ​ၸွမ်း လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​လႄႈ ဢွၼ်​ၵၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ထုင်း​ၽိင်ႈ​တြႃး ၵဝ်​ၸိူဝ်း​ၼၼ်ႉ သေ​လႄႈ ၶျႃး​ဝၼ်း​ၵမ်​သိၼ်​ၵဝ် တင်း​လၢႆ တူၵ်း​တီႈ​တႅမ်ႇ​ဢေႃႈ။-</verse>
				<verse number="25">ပိူဝ်ႈ​ဢၼ် ပဵၼ်​ၼင်ႇ​ၼၼ်​လႄႈ ၵဝ်​ပၼ်​ထုင်း​ၽိင်ႈ​တြႃး ဢၼ်​လီ​ဢၼ်​ငၢမ်း ဢိၵ်ႇ​တင်း လွင်ႈ​တၢင်း​ဢၼ်​ၸီႇ​ယၢင်ႇ ဢၼ်​ဢသၢၵ်ႈ​ဢမ်ႇ​လႆႈ​လိပ်း​ၸိူဝ်း​ၼၼ်ႉ ဝႆႉ​တီႈ​ၶဝ်​ဢေႃႈ။-</verse>
				<verse number="26">ၵဝ်​ႁႂ်ႈ​ၶဝ်​ၵူဝ်ႈ​ၵိူၵ်ႇ​လူၺ်ႈ​တႃႇ​ၼႃႉ​တၢင်း​လူႇ​ၶဝ် ၼႂ်း​လွင်ႈ​ဢၼ်​ၶဝ် ဢဝ်​လုၵ်ႈ​တူၼ်ႈ​ၶဝ် တင်း​သဵင်ႈ​တင်း​လူင် ပုၵ်ႈ​ၸေႃႇ လူၺ်ႈ​ၽႆး​ၼၼ်ႉ ႁႂ်ႈ​လႆႈ​ယႃႉ​ၽဵဝ်ႈ​ၶဝ်​ပႅတ်ႈ​လႄႈ ႁႂ်ႈ​ၶဝ်​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="27">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ လုၵ်ႈ​ၵူၼ်း​ဢိူၺ်း၊ မႂ်း​လၢတ်ႈ​တီႈ​မဵဝ်း​ ဢီႉသရေႇလႃႉ ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ပူႇ​သူ​မွၼ်ႇ​သူ​ၸိူဝ်း​ၼၼ်ႉ ဢွၼ်​ၵၼ်​ၽိတ်း​ပိူင်ႈ​ၵဝ် ၼႂ်း​လွင်ႈ​ဢၼ် ၶဝ်​ႁဵတ်း တၢင်း​ဢၼ်​ပႅတ်ႉ​ဢၼ်​လႅၼ်​သေ​လႄႈ ပူၼ်ႉ​လိူဝ်​ၵဝ်​ၼၼ်ႉ​ၸမ်ႉ၊-</verse>
				<verse number="28">မိူဝ်ႈ​ဢၼ်​ၵဝ် ဢဝ်​ၶဝ်​သႂၢင်း​ၶဝ်ႈ ၵႃႈ​ၼႂ်း​မိူင်း​ဢၼ် ၵဝ်​ယုၵ်ႉ​မိုဝ်း​တိူင်ႇ​ဝႃႈ ႁႂ်ႈ​လႆႈ​ပၼ်​တီႈ​ၶဝ်​ၼၼ်ႉ ၶဝ်​ဢွၼ်​ၵၼ်​လူ​တူၺ်း​လွႆ​ဢၼ်​သုင်​ၵႃႈ​မီး၊ တူၼ်ႈ​မႆႉ​ဢၼ်​ၼႃ​တၼ်​ၼႃႇ​ၵႃႈ​မီး​ၼၼ်ႉ​လႄႈ ပုၵ်ႈ​ၸေႃႇ​ယိတ်ႈ​ၵႃႈ​တီႈ​ၼၼ်ႈ။ တၢင်ႇ​တမ်း​တႃႇ​ၼႃႉ​တၢင်း​လူႇ ဢၼ်​တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​ၵဝ် ၵႃႈ​တီႈ​ၼၼ်ႈ​လႄႈ ဢဝ်​ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ သွၼ်း​လေႃႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="29">ၵဝ်​ၵေႃႈ ထၢမ်​တီႈ​ၶဝ်​လႄႈ​ဝႃႈ၊ တီႈ​ဢၼ်​သုင် ဢၼ်​သူ​ၸၢင်ႈ​ၵႂႃႇ​ၸူး​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ၵေႃႈ၊ တီႈ​ၼၼ်ႈ လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ ထႃႇၼႃႉ​တီႈ​သုင်​ယူႇ​တေႃႇ​ထိုင်​ႁွတ်ႈ ဝၼ်း​မိူဝ်ႈ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="30">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မႂ်း​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ​ၸမ်ႉ၊ သူ​ယင်း​တိုၵ်ႉ​ႁႂ်ႈ​တူဝ်​သူ​ၵူဝ်ႈ​ၵိူၵ်ႇ ၸွမ်း​ၵႃႈ​ၼင်ႇ ထုင်း​ၸၢမ်ႇ​ပူႇ​သူ​မွၼ်ႇ​သူ​ၼၼ်ႉ​ယူႇ​ႁိုဝ်။ သူ​ယင်း​တိုၵ်ႉ​ႁဵတ်း​ၸွမ်း လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ဢၼ်​ၶဝ်​ႁဵတ်း​ၼၼ်ႉ​လႄႈ ၽိတ်း​ပိူင်ႈ​ယူႇ​ႁိုဝ်။-</verse>
				<verse number="31">ၼႂ်း​မိူဝ်ႈ​ဢၼ် သူ​ပုၵ်ႈ​ၸေႃႇ​တႃႇ​ၼႃႉ​တၢင်း​လူႇ​သူ၊ ၼႂ်း​မိူဝ်ႈ​ဢၼ် သူ​ဢဝ် လုၵ်ႈ​သူ​လၢင်း​သူ​ပုၵ်ႈ​ၸေႃႇ​လူၺ်ႈ​ၽႆး​ၼၼ်ႉ ယူႇ​ၼၼ်ႉ​ၸိုင်၊ သူ​ႁႂ်ႈ​တူဝ်​သူ​ၵူဝ်ႈ​ၵိူၵ်ႇ​လူၺ်ႈ ရုၵ်ႈ​ထူႉ​သူ​ၵႃႈ​မီး​ၼၼ်ႉ တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ ယူႇ​ႁိုဝ်။ ပိူဝ်ႈ​ၼႆ​လႄႈ ၵဝ်​တၵ်း​လႆႈ​ၶၢမ်ႇ​တၢင်း​ဢၼ်​သူ​လဝ်ႊ​သူ​ထၢမ်​ႁိုဝ်။ မဵဝ်း​ ဢီႉသရေႇလႃႉ ​ဢိူၺ်း၊ ၵႃႈ​ၼင်ႇ​ဢၼ်​ၵဝ် ထႃႇဝရႃႉ​ၽြႃး ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​တၵ်း​ဢမ်ႇ​ၶၢမ်ႇ​တၢင်း​ဢၼ် သူ​လဝ်ႊ​သူ​ထၢမ်​ၼၼ်ႉ။-</verse>
				<verse number="32">တၢင်း​ၵျၢမ်ႇ​တၢင်း​ပွင်​ဢၼ်​သူ ၵျၢမ်ႇ​ပွင်​ၼႂ်း​ၸႂ်​လႄႈ​ဝႃႈ၊ ႁဝ်း​တၵ်း​ပဵၼ်​ၸိူဝ်ႉ​ၼင်ႇ ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ​လႄႈ၊ တၵ်း​ပဵၼ်​ၸိူဝ်ႉ​ၼင်ႇ ၵူၼ်း​ဝၢၼ်ႈ​ၵူၼ်း​မိူင်း တင်း​လၢႆ ဢၼ်​ၵူဝ်း​ၵႂၢႆႇ​ႁဵတ်း​ဝၢတ်ႈ​တီႈ​ၽြႃး​မႆႉ ၽြႃး​မၢၵ်ႇ​ႁိၼ် ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ တၵ်း​ဢမ်ႇ​လႆႈ​ပဵၼ်​လႃး​လႃး။</verse>
				<verse number="33">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​တၵ်း​ဢဝ်​မိုဝ်း​ဢၼ်​ႁႅင်း​ယႂ်ႇ​ၼႃႇ၊ ၶႅၼ်​ဢၼ်​ယဵတ်ႇ​ယိုၼ်း၊ ဢၢႆ​ႁႅင်း​တေႃး​သႃႉ ဢၼ်​သွၼ်း​လေႃႇ​ၼၼ်ႉ ဢုပ်ႉ​ပိူင်ႇ​သူ​ဢေႃႈ။-</verse>
				<verse number="34">ၵဝ်​တၵ်း​ဢဝ်​မိုဝ်း​ဢၼ်​ႁႅင်း​ယႂ်ႇ၊ ၶႅၼ်​ဢၼ်​ယဵတ်ႇ​ယိုၼ်း၊ ဢၢႆ​ႁႅင်း​တေႃး​သႃႉ ဢၼ်​သွၼ်း​လေႃႇ​ၼၼ်ႉ ၼုၵ်ႈ​ဢဝ်​သူ​ဢွၵ်ႇ သေ​ၵႃႈ​ၼႂ်း​မဵဝ်း​ၵူၼ်း​တင်း​လၢႆ​မႃး​လႄႈ ဢဝ်​သူ​ဢွၵ်ႇ​သေ​ၵႃႈ​ၼႂ်း ၵူႈ​သိုင်ႇ​ၵူႈ​မိူင်း တီႈ​ဢၼ်​သူ လႆႈ​ၶၢမ်ႇ​တၢင်း​ဢၼ်​ဢဝ်​ၸၢတ်ႇ​ပိုၼ်​ပႅတ်ႈ ၸိူဝ်း​ၼၼ်ႉ​မႃး ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="35">ၵဝ်​တၵ်း​ဢဝ်​သူ မႃး​ၵႃႈ​ၼႂ်း​ထိူၼ်ႇ ဢၼ်​ၸၢပ်ႈ​သႅင်ႇ​ၵၼ်​တင်း မဵဝ်း​ၵူၼ်း​တင်း​လၢႆ​လႄႈ၊ ၵဝ်​တၵ်း​ဢဝ်​ၼႃႈ​တေႃႇ​ၼႃႈ​ၵၼ် တင်း​သူ ထူပ်း​တြႃး​ၵၼ်​တင်း​သူ ၵႃႈ​တီႈ​ၼၼ်ႈ​ဢေႃႈ။-</verse>
				<verse number="36">ၸိူဝ်ႉ​ၼင်ႇ​ဢၼ်​ၵဝ်​ထူပ်း​တြႃး ၵၼ်​တင်း​ပူႇ​သူ​မွၼ်ႇ​သူ ၵႃႈ​ၼႂ်း​ထိူၼ်ႇ မိူင်း​ ဢေႇၵိပ်ႉတူႉ ​ၼၼ်ႉ၊ ၵဝ်​တၵ်း​ထူပ်း​တြႃး​ၵၼ် တင်း​သူ​ဢေႃႈ။-</verse>
				<verse number="37">ၵဝ်​တၵ်း​ႁႂ်ႈ​သူ​လႆႈ​ၵႂႃႇ​လႆႈ​ပႆ ၵႃႈ​တီႈ​တႂ်ႈ​ၶွၼ်ႉ​ၶႂမ်ႈ​ၶွၼ်ႉ​ႁေႃႈ​လႄႈ ၶၢမ်ႇ​တၢင်း​ဢၼ် ဢဝ်​ပတီႉၺိၺ်ႇ​မတ်ႉ​ဝႆႉ​ၽုၵ်ႇ​ဝႆႉ​ဢေႃႈ။-</verse>
				<verse number="38">ၵဝ်​တၵ်း ၼုၵ်ႈ​ထွၼ်​ၶဝ်​ၸိူဝ်း​ဢၼ်​ပုင်ႇ​ၵၢၼ်ႇ​ၵဝ် ဢိၵ်ႇ​တင်း ၶဝ်​ၸိူဝ်း​ဢၼ်​ၽိတ်း​ပိူင်ႈ​ၵဝ်​ၼၼ်ႉ​ပႅတ်ႈ သေ​ၵႃႈ​ၼႂ်း​သူ​လႄႈ ပိၵ်ႉ​သမ်ႉ​ၵဝ်​လႆႈ​ဢဝ်​ၶဝ်​ဢွၵ်ႇ​သေ ၵႃႈ​ၼႂ်း​မိူင်း တီႈ​ဢၼ်​ၶဝ်​သွၼ်ႈ​ပိုင်ႈ​ယူႇ​ၼၼ်ႉ​ယဝ်ႉ သေ​ၵေႃႈ၊ ၶဝ်​ဢမ်ႇ​လႆႈ​ဢွၼ်​ၵၼ်​ၶဝ်ႈ ၵႃႈ​ၼႂ်း​မိူင်း​ ဢီႉသရေႇလႃႉ ။ သူ​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="39">မဵဝ်း​ ဢီႉသရေႇလႃႉ ​ဢိူၺ်း၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ်​ၵႂႃႇ​လႄႈ ႁဵတ်း​ဝၢတ်ႈ​တီႈ​ရုၵ်ႈ​ထူႉ​သူ​ၸိူဝ်း​ၼၼ်ႉ ႁင်း​ၽႂ် ႁင်း​မၼ်း​တႃႉ။ ၼႂ်း​ဝႃႈ​ၼၼ်​သေ​ၵေႃႈ ၵမ်း​လိုၼ်း ပိၵ်ႉ​သမ်ႉ​သူ​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ၵဝ်​သေ​ၵေႃႈ၊ ၼႃႇ​မႃႉ​ၸိုဝ်ႈ​သဵင်​ၵဝ် ဢၼ်​မူတ်း​ၸၢင်ႇ​ၼၼ်ႉ ယင်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ ၵွပ်ႈ​ပိူဝ်ႈ​တႃႇ​ၼႃႉ​တၢင်း​လူႇ​သူ ဢိၵ်ႇ​တင်း​ရုၵ်ႈ​ထူႉ​သူ​ၸိူဝ်း​ၼၼ်ႉ​လႄႈ တၵ်း​လႆႈ​ယူႇ ဢေႃႈ။-</verse>
				<verse number="40">လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ​ၵႃႈ​မီး၊ ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင် တၵ်း​ဢွၼ်​ၵၼ်​ႁဵတ်း​ဝၢတ်ႈ​တီႈ​ၵဝ် ၵႃႈ​ၼိူဝ်​လွႆ​ဢၼ်​မူတ်း​ၸၢင်ႇ​ၵဝ်၊ ၵႃႈ​ၼိူဝ်​လွႆ​ ဢီႉသရေႇလႃႉ ဢၼ်​သုင်​ၼႃႇ​သေ​ပိူၼ်ႈ ၼၼ်ႉ​ဢေႃႈ။ ၵဝ်​ၵေႃႈ​တၵ်း​ႁပ်ႉ​တုင်း​ဢဝ်​ၶဝ် ၵႃႈ​တီႈ​ၼၼ်ႈ​လႄႈ ယွၼ်း​ဢဝ်​တၢင်း​ပုၵ်ႈ​ၸေႃႇ ဢၼ်​သူ​ႁဵတ်း တင်း​လၢႆ ဢိၵ်ႇ​တင်း မၢၵ်ႇ​ႁူင်း​ဢၼ်​လႆႈ​လိူၵ်ႈ​ဢဝ် ၵႃႈ​ၼႂ်း​မၢၵ်ႇ ဢၼ်​မၢၵ်ႇ​ဢွၼ်​တၢင်း​သူ​ၸိူဝ်း​ၼၼ်ႉ တင်း​ၶိူင်ႈ​ဢၼ်​မူတ်း​ၸၢင်ႇ​သူ​ၵႃႈ​မီး​ၼၼ်ႉ ၵႃႈ​တီႈ​ၼၼ်ႈ​ဢေႃႈ။-</verse>
				<verse number="41">မိူဝ်ႈ​ဢၼ်​ၵဝ် ၼုၵ်ႈ​ဢဝ်​သူ​ဢွၵ်ႇ​သေ ၵႃႈ​ၼႂ်း မဵဝ်း​ၵူၼ်း​တင်း​လၢႆ​မႃး​လႄႈ ဢဝ်​သူ​ဢွၵ်ႇ​သေ ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း တီႈ​ဢၼ်​သူ​လႆႈ​ၶၢမ်ႇ​တၢင်း​ဢၼ် ဢဝ်​ၸၢတ်ႇ​ပိုၼ်​ပႅတ်ႈ​ၸိူဝ်း​ၼၼ်ႉ မႃး​ၸူႉ​ၵၼ်​တုမ်​ၵၼ်​ၼၼ်ႉ​ၸိုင် ၵဝ်​တၵ်း​ႁပ်ႉ​တုင်း​ဢဝ်​သူ ဢိၵ်ႇ​လူၺ်ႈ​ၵၼ်​တင်း​ၼၢမ်ႇ​သႃႇ ဢၼ်​ႁွမ်​ဢၼ်​ႁူၺ်း​သူ​ၼၼ်ႉ​လႄႈ ၶၢမ်ႇ​တၢင်း​ဢၼ်​မူတ်း​ၸၢင်ႇ ၵႃႈ​ၼႂ်း​သူ​သိုဝ်ႈ​ၼႃႈ​တႂ်ႈ​တႃ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢေႃႈ။-</verse>
				<verse number="42">သူ​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး ၼႂ်း​မိူဝ်ႈ​ဢၼ်​ၵဝ်​ဢဝ်​သူ သႂၢင်း​ၶဝ်ႈ​ၵႃႈ​ၼႂ်း​မိူင်း​ ဢီႉသရေႇလႃႉ မိူင်း​ဢၼ် ၵဝ်​ယုၵ်ႉ​မိုဝ်း​တိူင်ႇ​ဝႃႈ ႁႂ်ႈ​လႆႈ​ပၼ် တီႈ​ပူႇ​သူ​မွၼ်ႇ​သူ​ၼၼ်ႉ​ဢေႃႈ။-</verse>
				<verse number="43">သူ​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း သဵၼ်ႈ​တၢင်း​သူ၊ လွင်ႈ​တၢင်း​ဢၼ်​သူ ၵမ်​ၵျၢင်ႉ​သၢင်ႈ​ႁဵတ်း​ၵႃႈ​မီး ဢၼ်​သူ​ႁႂ်ႈ​တူဝ်​သူ​ၵူဝ်ႈ​ၵိူၵ်ႇ လူၺ်ႈ​ၼၼ်ႉ​ၸိူဝ်း​ၼၼ်ႉ ၵႃႈ​တီႈ​ၼၼ်ႈ​လႄႈ တူဝ်​သူ​တၵ်း​လီ​ႁင်ႈ​တူဝ်​သူ ၵွပ်ႈ​ပိူဝ်ႈ​တူႉ​ၸရိူၵ်ႈ ၵႃႈ​ဢၼ်​သူ​ႁဵတ်း​မႅၼ်ႈ ၼၼ်ႉ​ဢေႃႈ။-</verse>
				<verse number="44">ၵူၼ်း​မဵဝ်း​ ဢီႉသရေႇလႃႉ ​ၶဝ်​ဢိူၺ်း၊ သူ​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး ၼႂ်း​မိူဝ်ႈ​ဢၼ် ထွၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​ၵဝ် သေ​လႄႈ ၸီႇ​ယၢင်ႇ​တီႈ​သူ ဢမ်ႇ​မႅၼ်ႈ​ၸွမ်း​တူႉ​ၸရိူၵ်ႈ​သူ ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ ဢၼ်​ႁၢႆႉ​ယုတ်ႈ​သူ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="45">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="46">ၵူၼ်း​ဢိူၺ်း၊ ဝၢႆႇ​ၼႃႈ​မႂ်း​ၵႂႃႇ​ၽၢႆႇ​တၢင်း​ၸၢၼ်း​ယူႇ သေ​လႄႈ ဢွၵ်ႇ​သူပ်း​ဝႃႈ​ယူႇ​ၽၢႆႇ​ၼိုင်ႈ တၢင်း​ၼႃႈ​တၢင်း​ၸၢၼ်း​ၼၼ်ႉ​လႄႈ ႁေႃး​လၢတ်ႈ​ယူႇ​ၽၢႆႇ​ၼိုင်ႈ တၢင်း​ထိူၼ်ႇ ဢၼ်​မီး​ၵႃႈ​ၼႂ်း ပွတ်း​တၢင်း​ၸၢၼ်း​ၼၼ်ႉ သေ​လႄႈ၊-</verse>
				<verse number="47">လၢတ်ႈ​တီႈ​ပႃႇ​မႆႉ​ပႃႇ​တွၵ်ႇ တီႈ​ထိူၼ်ႇ​တီႈ​ၶိူဝ်း ဢၼ်​မီး​ၵႃႈ​ၼႂ်း ပွတ်း​တၢင်း​ၸၢၼ်း​ၼၼ်ႉ​လႄႈ​ဝႃႈ၊ ထွမ်ႇ​ငိၼ်း​ဢမိင်ႉ ၸဝ်ႈ​ထႃႇဝရႃႉ​ၽြႃး​တႃႉ။ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ဢဝ်​ၽႆး​ၸပ်း​တီႈ​မႂ်း​လႄႈ ၽႆး​ၼၼ်ႉ တၵ်း​မႆႈ​တူၼ်ႈ​ဢၼ်​လိပ်း​ဢၼ်​ၶဵဝ် ဢိၵ်ႇ​တင်း​တူၼ်ႈ ဢၼ်​လွၵ်ႈ​ဢၼ်​ႁႅင်ႈ ၵႃႈ​ဢၼ်​မီး​ၵႃႈ​တီႈ​မႂ်း​ၼၼ်ႉ​ဢေႃႈ။ ပဵဝ်​ၽႆး​ဢၼ်​မႆႈ​ၼၼ်ႉ ဢမ်ႇ​လႆႈ​မွတ်ႇ​လႆႈ​ယဵၼ်။ တၵ်း​မႆႈ​ၼႃႈ​ၵူၼ်း ၵႃႈ​မီး​ဢဝ်​ၵႃႈ​တီႈ​ၽၢႆႇ​တၢင်း​ၸၢၼ်း တေႃႇ​ထိုင်​ႁွတ်ႈ​ၽၢႆႇ​တၢင်း​ႁွင်ႇ​ဢေႃႈ။-</verse>
				<verse number="48">သတ်ႉတဝႃႇ တင်း​သဵင်ႈ​တင်း​လူင် တၵ်း​လႆႈ​ႁူႉ​လွင်ႈ​ဢၼ်​ၵဝ် ဢဝ်​ၽႆး​ၼၼ်ႉ တုတ်ႇ​ၼၼ်ႉ​လႄႈ ၽႆး​ၼၼ်ႉ ဢမ်ႇ​လႆႈ​မွတ်ႇ​ယဵၼ်​လႃး​လႃး၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="49">ၵဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး တီႈ​ၶႃႈ၊ ၶဝ်​ဢွၼ်​ၵၼ် ဢဝ်​လွင်ႈ​ၶႃႈ​ၸဝ်ႈ သေ​လႄႈ လၢတ်ႈ​လႄႈ​ဝႃႈ၊ ၵေႃႉ​ၼႆႉ ၸၢင်ႈ​ဢဝ်​ၵႂၢမ်း​ဢပုမ်ႇ​တႅၵ်ႈ​သေ​လႄႈ ႁေႃး​လၢတ်ႈ​ၵူၺ်း​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="21">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ဝၢႆႇ​ၼႃႈ​မႂ်း​ၸူး​ဝဵင်း​ ယေႇရူႉသလႅမ်ႇ ​ယူႇ သေ​လႄႈ ဢွၵ်ႇ​သူပ်း​ဝႃႈ ယူႇ​ၽၢႆႇ​ၼိုင်ႈ​တင်း ထႃႇၼႃႉ​တီႈ​ဢၼ်​မူတ်း​ၸၢင်ႇ တင်း​လၢႆ​လႄႈ ႁေႃး​လၢတ်ႈ​ယူႇ​ၽၢႆႇ​ၼိုင်ႈ တင်း​မိူင်း​ ဢီႉသရေႇလႃႉ ​တႃႉ။-</verse>
				<verse number="3">မႂ်း​လၢတ်ႈ​တီႈ မိူင်း ဢီႉသရေႇလႃႉ ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး။ ၵဝ်​ႁဵတ်း​တၢင်း​ဢၼ်​ၶတ်း​ၵၼ်​တင်း​မႂ်း သေ​လႄႈ ဢဝ်​လၢပ်ႇ​ၵဝ်​လႅဝ်း​ၵဝ် ထွတ်ႇ​ဢွၵ်ႇ​သေ ၵႃႈ​ၼႂ်း​ၵပ်း​မၼ်း​လႄႈ ပႄႇ​ၽဵဝ်ႈ​ၵေႃႉ​ဢၼ်​တြႃး ၵေႃႉ​ဢၼ်​ဢမ်ႇ​တြႃး​ပႅတ်ႈ​သေ ၵႃႈ​တီႈ​မႂ်း ဢေႃႈ။-</verse>
				<verse number="4">ၼင်ႇ​ၼၼ်​လႄႈ ၵွပ်ႈ​ပိူဝ်ႈ​ဢၼ် ၵဝ်​တၵ်း ပႄႇ​ၽဵဝ်ႈ​ၵေႃႉ​ဢၼ်​တြႃး ၵေႃႉ​ဢၼ်​ဢမ်ႇ​တြႃး​ပႅတ်ႈ​သေ ၵႃႈ​တီႈ​မႂ်း​လႄႈ လၢပ်ႇ​လႅဝ်း​ၵဝ် တၵ်း​ဢွၵ်ႇ​သေ​ၵႃႈ​ၼႂ်း​ၵပ်း​မၼ်း​လႄႈ ယူႇ​ၽၢႆႇ​ၼိုင်ႈ​တင်း​သတ်ႉတဝႃႇ တင်း​သဵင်ႈ​တင်း​လူင် ဢဝ်​ၵႃႈ​တီႈ​ၽၢႆႇ​တၢင်း​ၸၢၼ်း တေႃႇ​ထိုင်​ႁွတ်ႈ​ၽၢႆႇ​တၢင်း​ႁွင်ႇ​ၼၼ်ႉ​ဢေႃႈ။-</verse>
				<verse number="5">သတ်ႉတဝႃႇ တင်း​သဵင်ႈ​တင်း​လူင် တၵ်း​လႆႈ​ႁူႉ​လွင်ႈ​ဢၼ်​ၵဝ် ထႃႇဝရႃႉ​ၽြႃး ဢဝ်​လၢပ်ႇ​လႅဝ်း​ၵဝ်​ဢွၵ်ႇ​သေ ၵႃႈ​ၼႂ်း​ၵပ်း​မၼ်း ၼၼ်ႉ​ဢေႃႈ။ လၢပ်ႇ​လႅဝ်း​ၼၼ်ႉ ၵမ်း​လိုၼ်း​ဢမ်ႇ​လႆႈ​ၶိုၼ်း​ၶဝ်ႈ ၵႃႈ​ၼႂ်း​ၵပ်း​မၼ်း။-</verse>
				<verse number="6">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ လုၵ်ႈ​ၵူၼ်း​ဢိူၺ်း၊ မီး​တၢင်း​ဢၼ်​ဢႅဝ်​ႁၵ်း​ယူႇ သေ​လႄႈ ႁဵတ်း​သဵင်​ဢၼ်​ၶၢင်း​ၶီ​ၶၢင်း​ၽၢၼ်​ယူႇ​တႃႉ။ မီး​တၢင်း​ဢၼ်​ႁူဝ်​ၸႂ်​တႅၵ်ႇ​လႅဝ်​ယူႇ သေ​လႄႈ ႁဵတ်း​သဵင်​ဢၼ်​ၶၢင်း​ၶီ​ၶၢင်း​ၽၢၼ်​ယူႇ သိုဝ်ႈ​ၼႃႇ​တႂ်ႈ​တႃ​ၶဝ်​တႃႉ။-</verse>
				<verse number="7">မိူဝ်ႈ​ဢၼ်​ၶဝ်​ထၢမ်​တီႈ​မႂ်း​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၶၢင်း​ၶီ​ၶၢင်း​ၽၢၼ်​ယူႇ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ မႂ်း​ၶိုၼ်း​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​သတၢင်း​သဵင်​ၶၢဝ်ႇ​ၼၼ်ႉ​ဢေႃႈ။ ဢမူႉ​ၸမ်​မႃး​ယဝ်ႉ။ ႁူဝ်​ၸႂ်​ၵႃႈ​မီး တၵ်း​ၸိူမ်ႈ​ယၢႆႈ​ၵႂႃႇ​လႄႈ ႁႅင်း​မိုဝ်း​ၵႃႈ​မီး တၵ်း​ဢူၼ်ႈ​ၵႂႃႇ ယွမ်း​ၵႂႃႇ​ဢေႃႈ။ ၸႂ်​ၵႃႈ​မီး​တၵ်း​လူႉ​ၵႂႃႇ​လႄႈ ႁူဝ်​ၶဝ်ႇ​ၵႃႈ​မီး တၵ်း​ၸိူမ်ႈ​ပဵၼ်​ၼမ်ႉ​ၵႂႃႇ​ဢေႃႈ။ တူၺ်း​လူး။ ဢမူႉ​ၸမ်​မႃး​ယဝ်ႉ လႄႈ တၵ်း​လႆႈ​ပျေႉ​ၸုမ်ႇ​ဢေႃႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="9">လုၵ်ႈ​ၵူၼ်း​ဢိူၺ်း၊ မႂ်း​ႁဵတ်း​ပရေႃးၽႅတ်ႈ​လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ လၢပ်ႇ​ၸဝ်ႈ​ၼၼ်ႉ လၢပ်ႇ​ၸဝ်ႈ​ၼၼ်ႉ ပဵၼ်​ဢၼ်​ၽၢႆ​ၼႃႇ​လူင်​လၢင်​ယဝ်ႉ။ ပဵၼ်​ဢၼ်​လပ်ႉ​ပွတ်ႈ​သီ​ထၼ်ႈ​ပေႃး​လိူမ်ႈ မၢပ်ႈ​မႅပ်ႈ​ၼႃႇ​လူင်​လၢင်​ယဝ်ႉ။-</verse>
				<verse number="10">ပဵၼ်​ဢၼ်​ၽၢႆ​ၼႃႇ ႁႂ်ႈ​လႆႈ​ယဵင်ႈ​ၶႅၼ်း ၶႃႈ​ၽၼ်း​ဢဝ်​တၢႆ​လႄႈ ပဵၼ်​ဢၼ်​လပ်ႉ​ပွတ်ႈ​သီ ထၼ်ႈ​ပေႃး​မၢပ်ႈ​မႅပ်ႈ​ယူႇ မိူၼ်​ၸိူဝ်ႉ​ၼင်ႇ​ၽႃႉ​မႅပ်ႈ ၼၼ်ႉ​ယဝ်ႉ။ ႁဝ်း​တၵ်း​လႆႈ​ႁဵတ်း တၢင်း​ဢၼ်​သႂၢင်ႇ​သိူဝ်း​ႁိုဝ်။ ၵၼ်း​ႁွၵ်ႇ​ရႃႇ​ၸႃႉ လုၵ်ႈ​ၸၢႆး​ၵဝ်​ၼၼ်ႉ ၸၢင်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​မႆႉ​ၸိင် တင်း​သဵင်ႈ​တင်း​လူင်​ဢေႃႈ။-</verse>
				<verse number="11">ဢဝ်​ဢၢပ်ႈ​ဝႆႉ ႁႂ်ႈ​လႆႈ​လပ်ႉ​ပွတ်ႈ​သီ ပုၼ်ႈ​ဢၼ်​တၵ်း​ယိပ်း​တၵ်း​ၵမ်​ယဝ်ႉ။ လၢပ်ႇ​လႅဝ်း​ၼၼ်ႉ ပဵၼ်​ဢၼ်​ၽၢႆ​ၼႃႇ​လႄႈ လပ်ႉ​ပွတ်ႈ​သီ​ထၼ်ႈ​ပေႃး လိူမ်ႈ​မၢပ်ႈ​မႅပ်ႈ​ၼႃႇ​လူင်​လၢင် ႁႂ်ႈ​လႆႈ​ဢၢပ်ႈ​ပၼ် ၵႃႈ​ၼႂ်း​မိုဝ်း ၵေႃႉ​ဢၼ်​ၶႃႈ​ၽၼ်း ဢဝ်​တၢႆ​ၼၼ်ႉ​ဢေႃႈ။-</verse>
				<verse number="12">လုၵ်ႈ​ၵူၼ်း​ဢိူၺ်း၊ ႁွင်ႉ​ႁႆႈ​ႁွင်ႉ​သႅၼ်ႇ​တႃႉ။ လွင်ႈ​မၼ်း​ၸမ်ႉ တၵ်း​ႁွတ်ႈ​ထိုင်​ၵႃႈ​ၼိူဝ်​ၵူၼ်း​ၵဝ်​တင်း​လၢႆ​လႄႈ ၵႃႈ​ၼိူဝ်​လုၵ်ႈ​ၸၢႆး ၶုၼ်​ ဢီႉသရေႇလႃႉ တင်း​သဵင်ႈ​တင်း​လူင်​ၵေႃႈ တၵ်း​ႁွတ်ႈ​ထိုင်​ဢေႃႈ။ ၶဝ်​ဢိၵ်ႇ​လူၺ်ႈ​ၵၼ်​တင်း​ၵူၼ်း​ၵဝ် တင်း​လၢႆ​ၼၼ်ႉ တၵ်း​လႆႈ ၶၢမ်ႇ​တၢင်း​ဢၼ်​ဢဝ်​ဢၢပ်ႈ​ပၼ် တီႈ​လၢပ်ႇ​တီႈ​လႅဝ်း​ဢေႃႈ။ ပိူဝ်ႈ​ၼႆ​လႄႈ တူပ်း​ယႅၼ်ႉ​ၶႃ​မႂ်း​တႃႉ။-</verse>
				<verse number="13">ပဵၼ်​လွင်ႈ​တၢင်း​ဢၼ် ၸႅတ်ႈ​ထၢမ်​ၸၢမ်း​တူၺ်း​ဢေႃႈ။ ပေႃး​ၵၼ်း​ႁွၵ်ႇ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၸိုင် တၵ်း​ပဵၼ်​ၸိူဝ်ႉ​ၼင်ႇ​ႁိုဝ်။​တၵ်း​သုမ်း​တၵ်း​ၸွမ်း​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="14">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ လုၵ်ႈ​ၵူၼ်း​ဢိူၺ်း၊ ႁဵတ်း​ပရေႃးၽႅတ်ႈ​လႄႈ တူပ်း​မိုဝ်း​မႂ်း​တႃႉ။ ႁႂ်ႈ​လၢပ်ႇ​လႅဝ်း​ၼၼ်ႉ ပဵၼ်​သွင်​မၢၵ်ႈ သၢမ်​မၢၵ်ႈ​ၵႂႃႇ​သေ​ၵမ်း​လူၺ်ႈ။ ပဵၼ်​လၢပ်ႇ​လႅဝ်း​ၶဝ်​ၸိူဝ်း​ဢၼ်​ၶၢမ်ႇ​တၢႆ၊ လၢပ်ႇ​လႅဝ်း​တၢင်း​ဢၼ်​ဢဝ် ၵေႃႉ​ဢၼ်​ယႂ်ႇ​ၼႃႇ​လူင်​လၢင်​ၼၼ်ႉ တၢႆ​လႄႈ ၶဝ်ႈ​ႁွတ်ႈ​ၶဝ်ႈ​ထိုင် ၵႃႈ​ၼႂ်း​လုၵ်း​တၢင်း​ၼႂ်း​ဢေႃႈ။-</verse>
				<verse number="15">ၵဝ်​ႁႂ်ႈ​ၽေး​လၢပ်ႇ ႁွတ်ႈ​ထိုင်​ၵႃႈ​တီႈ​ႁူး​ၽၵ်း​တူ​ဝဵင်း​ၵႃႈ​မီး ႁႂ်ႈ​ႁူဝ်​ၸႂ်​ၶဝ်​ၸိူမ်ႈ​ယၢႆႈ​ၵႂႃႇ​လႄႈ ႁႂ်ႈ​လွင်ႈ​တၢင်း​ဢၼ်​ၶဝ်​ၶီႈ​လိုတ်း လႄႈ​လူမ်ႉ​ၼၼ်ႉ ယႂ်ႇ​ၽႄႈ​ၼမ်​ၵိုၼ်း​မႃး​ယဝ်ႉ။ ဢလူဝ်း။ လၢပ်ႇ​လႅဝ်း​မီး​တၢင်း​ဢၼ် မၢပ်ႈ​မႅပ်ႈ ယူႇ​မိူၼ်​ၸိူဝ်ႉ​ၼင်ႇ ၽႃႉ​မႅပ်ႈ​ၼၼ်ႉ​ဢေႃႈ။ မီး​တၢင်း​ဢၼ်​လပ်ႉ​ပွတ်ႈ​သီ​ဝႆႉ ပုၼ်ႈ​ဢၼ်​တၵ်း​ၶႃႈ​ၽၼ်း​ဢဝ်​တၢႆ​ဢေႃႈ။-</verse>
				<verse number="16">မႂ်း​ၸူႉ​တုမ်​ပဵၼ်​ဢၼ်​လဵဝ်​ၵူၺ်း​တႃႉ။ တႅပ်း​ၽၼ်း​ၵႃႈ​တီႈ​ၽၢႆႇ​ၶႂႃ​တႃႉ။ တႅပ်း​ၽၼ်း​ၵႃႈ​တီႈ​ၽၢႆႇ​သၢႆႉ​ဢိၵ်ႇ​တင်း ၵႃႈ​တီႈ​ၽၢႆႇ​ၵႃႈ​ဢၼ်​မႂ်း​ဝၢႆႇ​ၼႃႈ ၵႂႃႇ​ၸူး​ၼၼ်ႉ​တႃႉ။-</verse>
				<verse number="17">ၵဝ်​ၵေႃႈ​တၵ်း​ဢဝ်​မိုဝ်း​ၼင်ႇ​ၵၼ် တူပ်း​ၵၼ်​လႄႈ ႁႂ်ႈ​ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၵဝ်​ထၢတ်ႇ​ယဵၼ်​ဢေႃႈ။ ၵဝ်​ထႃႇဝရႃႉ​ၽြႃး မီး​ဢမိင်ႉ​ၸိူဝ်ႉ​ၼင်ႇ​ၼၼ်​ယဝ်ႉ။</verse>
				<verse number="18">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="19">လုၵ်ႈ​ၵူၼ်း​ဢိူၺ်း၊ မႂ်း​မၵ်း​ၶၢၼ်း​ဝႆႉ​သဵၼ်ႈ​တၢင်း တီႈ​ဢၼ်​လၢပ်ႇ​လႅဝ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ တၵ်း​မႃး​ၼၼ်ႉ သွင်​သဵၼ်ႈ​တႃႉ။ သဵၼ်ႈ​တၢင်း​သွင်​သဵၼ်ႈ​ၼၼ်ႉ တၵ်း​လႆႈ​ဢွၵ်ႇ​ၵႃႈ​ၼႂ်း​မိူင်း မိူင်း​ၼိုင်ႈ​ဢေႃႈ။ ႁဵတ်း​မိုဝ်း​ဢၼ်​ၸီႉ​ၼႄ​ယူႇ​ၼၼ်ႉ​ဝႆႉ ၵႃႈ​တီႈ ႁူဝ်​တၢင်း​သူပ်း တၢင်း​ဢၼ်​ၵႂႃႇ​ၸူး ၵႃႈ​တီႈ​ဝဵင်း​ၼၼ်ႉ​တႃႉ။-</verse>
				<verse number="20">မၵ်း​ၶၢၼ်း​ဝႆႉ သဵၼ်ႈ​တၢင်း​တီႈ​ဢၼ်​လၢပ်ႇ​လႅဝ်း တၵ်း​ၵႂႃႇ​ႁွတ်ႈ​ၵႂႃႇ​ထိုင် ၵႃႈ​တီႈ​ဝဵင်း​ ရပ်ႉပႃႇ မိူင်း​ ဢမ်ႇမုၼ်ႇ ဢိၵ်ႇ​တင်း ၵႃႈ​တီႈ​ဝဵင်း​ ယေႇရူႉသလႅမ်ႇ ဢၼ်​မၼ်ႈ​ၶိူင်ႇ ၵႃႈ​ၼႂ်း​မိူင်း​ ယူႉတႃႉ ​ၼၼ်ႉ​တႃႉ။-</verse>
				<verse number="21">ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ၸုၵ်း​ယူႇ​ၵႃႈ​တီႈ​တၢင်း​ၽႄ တၢင်း​ႁွမ်း ၵႃႈ​တီႈ​ႁူဝ်​တၢင်း​သွင်​သဵၼ်ႈ ႁႂ်ႈ​လႆႈ​လူ​မၼ်း​တူၺ်း​မၼ်း လႄႈ ဢဝ်​ပိုၼ်​ၵၢင်ႇ​တင်း​လၢႆ ၽၢဝ်ႇ​တူၵ်း​ပိုၼ်​တူၵ်း​ယူႇ​ဢေႃႈ။ မၼ်း​တွင်ႈ​ထၢမ်​တီႈ​ရုၵ်ႈ​ထူႉ တေႇရပ်ႉ ​တင်း​လၢႆ​လႄႈ လူ​တူၺ်း​တပ်း​ပွတ်ႇ ႁူဝ်​ၸႂ်​ယူႇ​ဢေႃႈ။-</verse>
				<verse number="22">ၵႃႈ​တီႈ​ၽၢႆႇ​ၶႂႃ​မၼ်း​ၼၼ်ႉ မၼ်း​လူ​မၼ်း​တူၺ်း​မၼ်း​ပုၼ်ႈ ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ဢဝ်​တုမ်​သၢၵ်ႇ​တွင်ႈ​တင်း​လၢႆ ႁွႆႈ​ဝႆႉ၊ ႁႂ်ႈ​လႆႈ ၽုၺ်ႇ​သူပ်း​ဢႃႈ​သူပ်း ႁဵတ်း​သဵင်​ဢၼ် တိုၵ်း​သိုၵ်း​ႁွင်ႉ​သႅၼ်ႇ၊ ႁႂ်ႈ​လႆႈ​ႁဵတ်း​သဵင်​ႁွင်ႉ​ပၢဝ်ႇ​ႁွင်ႉ​သေႃႇ၊ ႁႂ်ႈ​လႆႈ​ဢဝ်​တုမ်​သၢၵ်ႇ​တွင်ႈ​ႁွႆႈ​ဝႆႉ​ယူႇ ၽၢႆႇ​ၼိုင်ႈ​တင်း​ၽၵ်း​တူ​ဝဵင်း၊ ႁႂ်ႈ​လႆႈ​ၵေႃႇ​ႁဵတ်း​တဵင် ႁဵတ်း​တႅၼ်ႈ​လိၼ်​တေး​လိၼ်၊ ႁႂ်ႈ​လႆႈ​ႁဵတ်း​တိူၵ်ႈ​တီႈ​တိုၵ်း​သိုၵ်း​ဢေႃႈ။-</verse>
				<verse number="23">ၵူၺ်း​ၵႃႈ ၶဝ်​ၸိူဝ်း​ဢၼ်​ၶၢမ်ႇ​ၵိၼ်ႇ​သဵတ်ႈ​ၸႃႇ တီႈ​ၶဝ်​ၼၼ်ႉ တၵ်း​ဢွၼ်​ၵၼ်​မၢတ်ႈ​တၢင်း​ဢၼ် လူ​မၼ်း​တူၺ်း​မၼ်း​ၼၼ်ႉ ပဵၼ် ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​လႄႈ တူဝ်​မၼ်း​ၸမ်ႉ၊ တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဢပႅတ်ႈ ဢၼ်​ၶဝ်​ၽိတ်း​ပိူင်ႈ​ၼၼ်ႉ ယူႇ​ႁႂ်ႈ​လႆႈ တီႉ​ဢဝ်​ၶဝ်​ယူႇ​ဢေႃႈ။-</verse>
				<verse number="24">ပိူဝ်ႈ​ဢၼ် ပဵၼ်​ၼင်ႇ​ၼၼ်​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​သူ ႁႂ်ႈ​ပိူၼ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဢပႅတ်ႈ တူႉ​ၸရိူၵ်ႈ​သူ ၼႂ်း​လွင်ႈ​ဢၼ် လွင်ႈ​တၢင်း​ဢၼ်​သူ​ပူၼ်ႉ​လိူဝ်​ၸိူဝ်း​ၼၼ်ႉ မီး​တၢင်း​ဢၼ်​ၽုၺ်ႇ​ဢွၵ်ႇ​ၼႄ​ပျႃး​ယူႇ တေႃႇ​ထိုင်​ႁွတ်ႈ ထၼ်ႈ​ပေႃး ဢပႅတ်ႈ​ၵႃႈ​ဢၼ်​သူ​ႁဵတ်း​ၼၼ်ႉ လႆႈ​ထၢင်ႇ​သႃး ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​သူ လႆႈ​ၶၢမ်ႇ​တၢင်း​ဢၼ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၼၼ်ႉ​လႄႈ သူ​တၵ်း​လႆႈ​ဢွၼ်​ၵၼ်​ၶၢမ်ႇ တၢင်း​ဢၼ်​ဢဝ်​မိုဝ်း​တီႉ​ဢဝ်​ၵႂႃႇ​ဢေႃႈ။-</verse>
				<verse number="25">မႂ်း​ဢၼ်​ၶၢမ်ႇ​တၢႆ ဢၼ်​ႁၢႆႉ​ယုတ်ႈ​ၶုၼ်​ ဢီႉသရေႇလႃႉ ဢၼ်​မိုဝ်ႉ​ဝၼ်း ႁွတ်ႈ​ထိုင်​ယဝ်ႉ​ၼႂ်း​ၶိင်ႇ​မိူဝ်ႈ​ဢၼ် တူႉ​ၸရိူၵ်ႈ သုတ်း​ၵွႆ​ၼၼ်ႉ​ၼႆႉ​ဢိူၺ်း၊-</verse>
				<verse number="26">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ထွတ်ႇ​ဢဝ်​ၶဵၼ်း​ႁူဝ်​ပႅတ်ႈ​လႄႈ ပူတ်း​ဢဝ်​သရၽူႇ​ရႃႇ​ၸႃႉ ပႅတ်ႈ​တႃႉ။ ၵမ်း​လိုၼ်း​ဢမ်ႇ​လႆႈ​မီး လႃး​လႃး။ တၵ်း​လႆႈ​ယုၵ်ႉ​ယွင်ႈ ၵေႃႉ​ဢၼ်​တႅမ်ႇ သုင်​လႄႈ တၵ်း​လႆႈ​ၶျႃး​ၵေႃႉ​ဢၼ်​သုင် တႅမ်ႇ​ဢေႃႈ။-</verse>
				<verse number="27">ၵဝ်​တၵ်း​ၶႂမ်ႈ​ပိၼ်ႈ​ပႅတ်ႈ​ဢေႃႈ။ တၵ်း​ၶႂမ်ႈ​ပိၼ်ႈ​ပႅတ်ႈ​ဢေႃႈ။ တၵ်း​ၶႂမ်ႈ​ပိၼ်ႈ​ပႅတ်ႈ​ဢေႃႈ။ ၵမ်း​လိုၼ်း​တၵ်း​ဢမ်ႇ​လႆႈ​မီး လႃး​လႃး​တေႃႇ​ထိုင်​ႁွတ်ႈ ၵေႃႉ​ဢၼ်​ဢုပ်ႉ​ပိူင်ႇ​ၼၼ်ႉ ထၼ်ႈ​ပေႃး​ႁွတ်ႈ​ထိုင်​လႄႈ ၵဝ်​တၵ်း​ဢဝ်​ဢၢပ်ႈ​ပၼ် တီႈ​ၵေႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">လုၵ်ႈ​ၵူၼ်း​ဢိူၺ်း၊ မႂ်း​ႁဵတ်း​ပရေႃးၽႅတ်ႈ သေ​လႄႈ လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး ဢဝ်​လွင်ႈ ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ ဢိၵ်ႇ​တင်း တၢင်း​ဢၼ်​ၶဝ်​သႄႉ​သွမ်း​ၼၼ်ႉ​လႄႈ မီး​ဢမိင်ႉ​ၸမ်ႉ၊ လၢပ်ႇ​လႅဝ်း၊ လၢပ်ႇ​လႅဝ်း​ၼၼ်ႉ မီး​တၢင်း​ဢၼ်​ထွတ်ႇ​ဝႆႉ ပုၼ်ႈ​တၢင်း​ဢၼ် တၵ်း​ၶႃႈ​ၽၼ်း​ဢဝ်​တၢႆ​ၼၼ်ႉ​လႄႈ ပဵၼ်​ဢၼ်​လပ်ႉ​ပွတ်ႈ​သီ​ဝႆႉ​လိူမ်ႈ​လီ​ၼႃႇ​လူင်​လၢင် တေႃႇ​ထိုင်​ႁွတ်ႈ ဢရွင်ႇ​လုၵ်ႉ​ႁိူဝ်ႈ မိူၼ်​ၸိူဝ်ႉ​ၼင်ႇ​ၽႃႉ​မႅပ်ႈ​ၼၼ်ႉ၊-</verse>
				<verse number="29">ၼႂ်း​မိူဝ်ႈ​ဢၼ် ၶဝ်​ႁၼ်​လွင်ႈ​တၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ပုၼ်ႈ​မႂ်း​လႄႈ ႁေႃး​လၢတ်ႈ​ၵႂၢမ်း​မူႉ​သႃႇ​တီႈ​မႂ်း ႁႂ်ႈ​လႆႈ​ႁႂ်ႈ​မႂ်း​လူမ်ႉ​တူၵ်း​သႂ်ႇ ၵႃႈ​ၼိူဝ်​ၶေႃး​ၶဝ်​ၸိူဝ်း​ဢၼ်​ႁၢႆႉ​ဢၼ်​ယုတ်ႈ ဢၼ်​ၶၢမ်ႇ​တၢႆ ဢၼ်​မိုဝ်ႉ​ဝၼ်း​ၶဝ်​ႁွတ်ႈ​ထိုင်​ယဝ်ႉ ၼႂ်း​ၶိင်ႇ​မိူဝ်ႈ​ဢၼ် တူႉ​ၸရိူၵ်ႈ​ၶဝ် သုတ်း​ၵွႆ​ၼၼ်ႉ​ဢေႃႈ။-</verse>
				<verse number="30">ႁႂ်ႈ​လၢပ်ႇ​လႅဝ်း​ၶိုၼ်း​ၸူး ၵႃႈ​တီႈ​ၵပ်း​မၼ်း​သေ​တႃႉ။ ၵဝ်​တၵ်း​ၸီႇ​ယၢင်ႇ​မႂ်း ၵႃႈ​ၼႂ်း​တီႈ​ဢၼ် ၵဝ်​ၽၢၼ်ႇ​သၢင်း​ႁဵတ်း​ပဵၼ်​မႂ်း၊ တီႈ​ဢၼ်​မႂ်း​ၵိူတ်ႇ​လဵင်ႉ​မႃး​ၼၼ်ႉ​ဢေႃႈ။-</verse>
				<verse number="31">ၵဝ်​တၵ်း​သွၼ်း​လေႃႇ တၢင်း​ၸႂ်​မႆႈ​ၶႆႈ​ၸႃႉ​ၵဝ် ၵႃႈ​ၼိူဝ်​မႂ်း​လႄႈ ဢဝ်​ၽႆး​တေႃး​သႃႉ​ၵဝ် ပဝ်ႇ​သႂ်ႇ​မႂ်း​ဢေႃႈ။ ၵဝ်​တၵ်း​ဢဝ်​မႂ်း ဢၢပ်ႈ​ပၼ်​ၵႃႈ​ၼႂ်း​မိုဝ်း ၶဝ်​ၸိူဝ်း​ဢၼ် မီး​ၸႂ်​သၽေႃး​ဢၼ်​ႁၢဝ်ႈ​ၵျၢမ်း​ၼႃႇ​လႄႈ ၸၢင်ႈ​ယႃႉ​ၽဵဝ်ႈ​ပႅတ်ႈ​ၼၼ်ႉ​ဢေႃႈ။-</verse>
				<verse number="32">မႂ်း​တၵ်း​လႆႈ​ပဵၼ်​ၽိုၼ်း ပုၼ်ႈ​ဢၼ်​တၵ်း​သႂ်ႇ​ၽႆး ၸိုၵ်း​ၽႆး​ဢေႃႈ။ လိူတ်ႈ​မႂ်း​တၵ်း​လႆႈ​မီး ၵႃႈ​ၼႂ်း​ၵၢင်​မိူင်း​လႄႈ ၵမ်း​လိုၼ်း​ၽူႈ​လႂ် ဢမ်ႇ​လႆႈ​ၶုၵ်း​ၸႂ်​လႆႈ ၶႆႈ​ၸႂ်​ထူပ်း​မႂ်း​လႃး​လႃး။ ၵဝ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="22">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​တၵ်း​ၸႅတ်ႈ​ထၢမ်​ၸႅတ်ႈ​တူၺ်း ဝဵင်း​ဢၼ်​ၸၢင်ႈ​ထွၵ်ႇ​လိူတ်ႈ​ၵူၼ်း​ပႅတ်ႈ​ၼၼ်ႉ​ႁိုဝ်။ မႂ်း​တၵ်း​ၸႅတ်ႈ​ထၢမ် ၸႅတ်ႈ​တူၺ်း​ႁိုဝ်။ ႁႂ်ႈ​မၼ်း​ႁူႉ​ႁၼ်​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ၵႃႈ​ဢၼ်​မၼ်း​ႁဵတ်း​ၸိူဝ်း​ၼၼ်ႉ​တႃႉ။-</verse>
				<verse number="3">မႂ်း​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပဵၼ်​ဝဵင်း​ဢၼ် ၸၢင်ႈ​ထွၵ်ႇ​လိူတ်ႈ​ၵူၼ်း ၵႃႈ​ၼႂ်း​ၵၢင်​မၼ်း​ႁႂ်ႈ​ၶိင်ႇ​မိူဝ်ႈ​မၼ်း​လႆႈ​ႁွတ်ႈ​ထိုင်​လႄႈ ႁဵတ်း​ရုၵ်ႈ​ထူႉ​တင်း​လၢႆ​ပုၼ်ႈ​မၼ်း ႁႂ်ႈ​တူဝ်​မၼ်း​လႆႈ​ၵူဝ်ႈ​ၵိူၵ်ႇ​လူင်​ပႄႇ။-</verse>
				<verse number="4">မႂ်း​ႁွတ်ႈ​ထိုင်​ဢပႅတ်ႈ ၵွပ်ႈ​ပိူဝ်ႈ လိူတ်ႈ​ဢၼ်​မႂ်း​ထွၵ်ႇ​ပႅတ်ႈ​ၼၼ်ႉ​လႄႈ မီး​တၢင်း​ဢၼ်​ၵူဝ်ႈ​ၵိူၵ်ႇ ၵွပ်ႈ​ပိူဝ်ႈ ရုၵ်ႈ​ထူႉ​ဢၼ်​မႂ်း​ႁဵတ်း​ၸိူဝ်း​ၼၼ်ႉ​ဢေႃႈ။ တူဝ်​မႂ်း​ႁႂ်ႈ​မိုဝ်ႉ​ဝၼ်း​မႂ်း​ႁွတ်ႈ​ထိုင်​လႄႈ မႂ်း​ၶိုတ်း​ထိုင်​ၸူဝ်ႈ​တႃႇ​ၶူပ်ႇ​ပီႊ​မႂ်း​ယဝ်ႉ။ ပိူဝ်ႈ​ဢၼ်​ပဵၼ်​ၼင်ႇ​ၼၼ်​လႄႈ ၵဝ်​ႁႂ်ႈ​မႂ်း ပဵၼ်​တီႈ​ဢၼ်​သႄႉ​သွမ်း တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢိၵ်ႇ​တင်း တီႈ​ဢၼ်​ႁဵတ်း​ပျၢၵ်ႈ​ၵႃႈ​ၼႂ်း ၵူႈ​သိုင်ႇ​ၵူႈ​မိူင်း​ဢေႃႈ။-</verse>
				<verse number="5">ဝဵင်း​ဢၼ်​သရေႇလူႉ​လႄႈ လႆႈ​ၶၢမ်ႇ​တၢင်း​ဢၼ်​ယႃႉ​ယူၵ်ႉ​ဢိူၺ်း၊ ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ဢၼ်​ၸမ် ဢိၵ်ႇ​တင်း​ၶဝ်​ၸိူဝ်း​ဢၼ်​ယူႇ ၵႃႈ​တီႈ​ဢၼ်​ၵႆ တၵ်း​ဢွၼ်​ၵၼ်​ႁဵတ်း​ပျၢၵ်ႈ​တေႃႇ​မႂ်း​ဢေႃႈ။-</verse>
				<verse number="6">တူၺ်း​လူး။ ၶုၼ်​ ဢီႉသရေႇလႃႉ ​ၸိူဝ်း​ၼၼ်ႉ ၸၢင်ႈ​ဢွၼ်​ၵၼ်​ထွၵ်ႇ​လိူတ်ႈ​ၵူၼ်း​ပႅတ်ႈ ၵႃႈ​ၼႂ်း​မႂ်း​ၸွမ်း​ၵႃႈ​ၼင်ႇ​ဢၼ် မီး​ဢၶႂၢင်ႉ တၼ်း​ၶူဝ်း​ၼၼ်ႉ ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="7">ၶဝ်​ၸၢင်ႈ ဢွၼ်​ၵၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ပေႃႈ​ၶဝ်​မႄႈ​ၶဝ် ၵႃႈ​ၼႂ်း​ၵၢင်​မႂ်း​လႄႈ ၸၢင်ႈ​ဢွၼ်​ၵၼ်​ၼိၵ်ႈ​ၸၢၵ်ႈ​ငႅၼ်း​သႄး ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း ၵႃႈ​ၼႂ်း​ၵၢင်​မႂ်း​ဢေႃႈ။ ၶဝ်​ၸၢင်ႈ​ဢွၼ်​ၵၼ် ႁဵတ်း​ဢမ်ႇ​တြႃး​တီႈ​ၵေႃႉ​ဢၼ်​ဢမ်ႇ​မီး​ပေႃႈ​မီး​မႄႈ ဢိၵ်ႇ​တင်း မႄႈ​မူၵ်း​မႄႈ​မၢႆႈ​တင်း​လၢႆ ၵႃႈ​ၼႂ်း​ၵၢင်​မႂ်း​ဢေႃႈ။-</verse>
				<verse number="8">မႂ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ လွင်ႈ​တၢင်း​ဢၼ်​မူတ်း​ၸၢင်ႇ​ၵဝ် တင်း​လၢႆ​လႄႈ ၶျႃး​ဝၼ်း​ၵမ်​သိၼ်​ၵဝ် တင်း​လၢႆ တူၵ်း​တီႈ​တႅမ်ႇ​ယဝ်ႉ။-</verse>
				<verse number="9">ၶဝ်​ၸိူဝ်း​ဢၼ် ၶႃႉ​ၸိုဝ်ႈ​ၶၢႆ​သဵင် ႁႂ်ႈ​လႆႈ​ထွၵ်ႇ​လိူတ်ႈ​ၵူၼ်း​ပႅတ်ႈ​ၼၼ်ႉ မီး​ယူႇ​ၵႃႈ​ၼႂ်း​မႂ်း​လႄႈ ၶဝ်​ၸိူဝ်း​ဢၼ်​ၵိၼ်​ၵႃႈ​တီႈ​ၼိူဝ်​လွႆ ၼိူဝ်​ၵုင်း​ၼၼ်ႉ မီး​ယူႇ​ၵႃႈ​ၼႂ်း​မႂ်း၊ ၶဝ်​ၸိူဝ်း​ဢၼ် ႁဵတ်း​ဢမူႉ​ဢႃႉထမ်ႇမႃႉ​ၼၼ်ႉ​ၵေႃႈ မီး​ယူႇ​ၵႃႈ​ၼႂ်း​မႂ်း​ဢေႃႈ။-</verse>
				<verse number="10">ၶဝ်​ဢွၼ်​ၵၼ်​ႁဵတ်း တၢင်း​ဢၼ်​ၽုၺ်ႇ​ပိုတ်ႇ​ၶူဝ်း​လဵင်း​ပေႃႈ​ၶဝ် ၵႃႈ​ၼႂ်း​မႂ်း​လႄႈ ၶဝ်​ဢွၼ်​ၵၼ် ၽိတ်း​ပိူင်ႈ​မႄႈ​ယိင်း​ဢၼ် ႁွတ်ႈ​ထိုင် ဢူႉတူႉ​ဢမ်ႇ​မူတ်း​သႂ်​ၼၼ်ႉ​ၵႃႈ​ၼႂ်း​မႂ်း​ဢေႃႈ။-</verse>
				<verse number="11">ၵမ်ႈ​ၽွင်ႈ​ဢွၼ်​ၵၼ် ၽိတ်း​ပိူင်ႈ​မေး​ၵူၼ်း​ႁိူၼ်း​ၸမ်​ၵၼ်၊ ၵမ်ႈ​ၽွင်ႈ​ဢွၼ်​ၵၼ်​ႁဵတ်း​ဢမူႉ ဢၼ်​ႁၢႆႉ​ယုတ်ႈ​လူၺ်ႈ​ၵၼ်​တင်း လုၵ်ႈ​ပႂ်ႉ​ၶဝ်၊ ၵမ်ႈ​ၽွင်ႈ​ဢွၼ်​ၵၼ်​ၶျႃး​ၼွင်ႉ​ယိင်း​ၶဝ်​ဢၼ်​ဝႃႈ လုၵ်ႈ​ယိင်း​ပေႃႈ​ၶဝ်​ၼၼ်ႉ တူၵ်း​တီႈ​တႅမ်ႇ ၵႃႈ​ၼႂ်း​မႂ်း​ဢေႃႈ။-</verse>
				<verse number="12">ၶဝ်​ဢွၼ်​ၵၼ်​ၶၢမ်ႇ​ဢဝ်​ၵႃႈ​ၶၼ် ဢၼ်​ထွၵ်ႇ​လိူတ်ႈ​ၵူၼ်း​ပႅတ်ႈ​ၼၼ်ႉ ၵႃႈ​ၼႂ်း​မႂ်း​ဢေႃႈ။ မႂ်း​ၵိၼ်​ဢတူဝ်း​ၶီႈ​မၼ်း ဢိၵ်ႇ​တင်း ဢမျၢတ်ႈ​မၼ်း​သေ​လႄႈ ႁဵတ်း​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး သေ​လႄႈ ႁိပ်ႈ​ၼႅတ်ႈ​ႁိမ်​ဢဝ်​ႁူင်ႇ​ဢဝ် ဢုၵ်ႉ​ၸႃႇ​ၵူၼ်း​ႁိူၼ်း​ၸမ်​ၵၼ် တင်း​မႂ်း​ဢေႃႈ။ ၵဝ်​ၵေႃႈ မႂ်း​လူင်​လိုမ်း​ပႅတ်ႈ​ယဝ်ႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="13">တူၺ်း​လူး။ ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ ၵဝ်​တူပ်း​မိုဝ်း​ၵဝ်​ၵွပ်ႈ​ပိူဝ်ႈ ဢုၵ်ႉ​ၸႃႇ​ဢၼ်​မႂ်း​ႁႃ​ဢဝ်​သိမ်း​ပႅင်း​ဝႆႉ ဢိၵ်ႇ​တင်း လိူတ်ႈ​ဢၼ်​ထွၵ်ႇ​ပႅတ်ႈ ၵႃႈ​ၼႂ်း​ၵၢင်​မႂ်း​ၼၼ်ႉ​ဢေႃႈ။-</verse>
				<verse number="14">ၼႂ်း​မိုဝ်ႉ​ဝၼ်း​ဢၼ် ၵဝ်​ၸီႇ​ယၢင်ႇ​မႂ်း​ၼၼ်ႉ၊ ႁူဝ်​ၸႂ်​မႂ်း​တၵ်း​မၼ်ႈ​ၶိူင်ႇ​လႆႈ​ႁိုဝ်။ မိုဝ်း​မႂ်း​ၵေႃႈ​ႁႅင်း​ယႂ်ႇ​လႆႈ​ႁိုဝ်။ ၵဝ်​ထႃႇဝရႃႉ​ၽြႃး ၼႆႉ​မီး​ဢမိင်ႉ​ဝႆႉ​ယဝ်ႉ​လႄႈ တၵ်း​ႁဵတ်း​ၸွမ်း​ဢေႃႈ။-</verse>
				<verse number="15">ၵဝ်​တၵ်း ဢဝ်​မႂ်း​ၸၢတ်ႇ​ပိုၼ်​ပႅတ်ႈ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ ႁႂ်ႈ​ႁွတ်ႈ​ထိုင်​ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း​ဢေႃႈ။ ၵဝ်​တၵ်း​ပႄႇ​ၽဵဝ်ႈ ဢၼ်​ဝူၺ်ႇ​ဢၼ်​ႁင်ႈ​မႂ်း​ပႅတ်ႈ​သေ ၵႃႈ​ၼႂ်း​မႂ်း​ဢေႃႈ။-</verse>
				<verse number="16">မႂ်း​တၵ်း​လႆႈ​ၶၢမ်ႇ​တၢင်း​ဢၼ် တူဝ်​မႂ်း​ၶျႃး​သရေႇ​တူဝ်​မႂ်း​တူၵ်း​တီႈ​တႅမ်ႇ သိုဝ်ႈ​ၼႃႈ​တႂ်ႈ​တႃ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ မႂ်း​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="18">လုၵ်ႈ​ၵူၼ်း​ဢိူၺ်း၊ မဵဝ်း​ ဢီႉသရေႇလႃႉ ​ပဵၼ်​ၶီႈ​ပဵၼ်​ဝၢၵ်ႇ​ၵႂႃႇ တီႈ​ၵဝ်​ယဝ်ႉ။ ၶဝ်​ၵႃႈ​မီး​ပဵၼ်​တွင်း​လိူင်၊ လဵၵ်း​ၽိူၵ်ႇ၊ လဵၵ်း၊ ၸိုၼ်း​ၵႃႈ​ၼႂ်း​ၵွၵ်း​မိူင်ႈ ၼၼ်ႉ​လႄႈ ၶီႈ​ငိုၼ်း​ဝၢၵ်ႇ​ငိုၼ်း​ၵေႃႈ​ပဵၼ်​ဢေႃႈ။-</verse>
				<verse number="19">ပိူဝ်ႈ​ဢၼ် ပဵၼ်​ၼင်ႇ​ၼၼ်​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ် သူ​ၵႃႈ​မီး​ပဵၼ်​ၶီႈ​ပဵၼ်​ဝၢၵ်ႇ​ၵႂႃႇ​လႄႈ ၵဝ်​တၵ်း​ႁႂ်ႈ​သူ​ၸူႉ​ၵၼ်​တုမ်​ၵၼ် ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="20">မိူၼ်​ၸိူဝ်ႉ​ၼင်ႇ​ဢၼ် ၵူၼ်း​ၸူႉ​သိမ်း​ငိုၼ်း၊ တွင်း​လႅင်၊ လဵၵ်း၊ ၸိုၼ်း၊ လဵၵ်း​ၽိူၵ်ႇ သႂ်ႇ​ဝႆႉ​ၵႃႈ​ၼႂ်း​ၵွၵ်း​မိူင်ႈ ႁႂ်ႈ​လႆႈ​ပဝ်ႇ​ၽႆး​ထူဝ်း​ၽႆး​လႄႈ​ဢွင်ႇ​မၼ်း​ၸိူမ်ႈ​ၼၼ်ႉ၊ ၵဝ်​တၵ်း​ပႃး​တင်း​ၶႆႈ​ၸႃႉ​ၶႆႈ​ၸဵတ်ႈ ဢိၵ်ႇ​တင်း ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင် သေ​လႄႈ ဢဝ်​သူ​ၸူႉ​သိမ်း​သႂ်ႇ​ဝႆႉ ၵႃႈ​ၼႂ်း​ဝဵင်း​လႄႈ ဢွင်ႇ​သူ​ၸိူမ်ႈ​ဢေႃႈ။-</verse>
				<verse number="21">ဢဝ်​သူ​ၸူႉ​သိမ်း​သႂ်ႇ​ဝႆႉ​သေ​ယဝ်ႉ၊ ၵဝ်​တၵ်း​ပဝ်ႇ​ၽႆး​ထူဝ်း​ၽႆး တၢင်း​ၸႂ်​မႆႈ​ၶႆႈ​ၸႃႉ​ၵဝ်​လႄႈ သူ​တၵ်း​လႆႈ​ၶၢမ်ႇ​တၢင်း​ဢၼ် ဢွင်ႇ​ၸိူမ်ႈ ပႅတ်ႈ​ၵႃႈ​ၼႂ်း​ဝဵင်း​ၼၼ်ႉ​ဢေႃႈ။-</verse>
				<verse number="22">ၸိူဝ်ႉ​ၼင်ႇ​ဢၼ် ဢွင်ႇ​ငိုၼ်း​ၸိူမ်ႈ ၵႃႈ​ၼႂ်း​ၵွၵ်း​မိူင်ႈ​ၼၼ်ႉ၊ သူ​တၵ်း​လႆႈ​ၶၢမ်ႇ​တၢင်း​ဢၼ် ဢွင်ႇ​ၸိူမ်ႈ ၵႃႈ​ၼႂ်း​ဝဵင်း​လႄႈ ႁူႉ​လွင်ႈ​ဢၼ်​ၵဝ်​ထႃႇဝရႃႉ​ၽြႃး ဢဝ်​ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​ၵဝ် သွၼ်း​လေႃႇ​ၵႃႈ​ၼိူဝ်​သူ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="24">လုၵ်ႈ​ၵူၼ်း​ဢိူၺ်း၊ မႂ်း​လၢတ်ႈ​တီႈ​မၼ်း​လႄႈ​ဝႃႈ၊ မႂ်း​ပဵၼ်​မိူင်း​ဢၼ်​ဢမ်ႇ​လႆႈ​ၶၢမ်ႇ​တၢင်း​ဢၼ်​မူတ်း​သႂ်၊ မိူင်း​ဢၼ် ၽူၼ်​ဢမ်ႇ​တူၵ်း​ၼႂ်း​မိုဝ်ႉ​ဝၼ်း​ဢၼ် တၢင်း​ၸႂ်​မႆႈ​ၶႆႈ​ၸႃႉ​ဢွၵ်ႇ​ၼၼ်ႉ​ဢေႃႈ။-</verse>
				<verse number="25">ၵႃႈ​ၼႂ်း​ၶိုင်ႈ​ၵၢင်​မၼ်း​ၼၼ်ႉ မီး​တၢင်း​ဢၼ်​ပရေႃးၽႅတ်ႈ​တင်း​လၢႆ ဢွၼ်​ၵၼ် ႁဵတ်း​မုၵ်ႉ​ႁဵတ်း​ၸိူဝ်း​ယူႇ မိူၼ်​ၸိူဝ်ႉ​ၼင်ႇ သၢင်ႇ​သီႈ​ဢၼ်​ႁွင်ႉ​လႄႈ ၶူပ်း​ၵိၼ်​တူဝ်​ၼၼ်ႉ​လႄႈ၊ ၶဝ်​ဢွၼ်​ၵၼ်​ၶူပ်း​ၵိၼ် ဢသၢၵ်ႈ​ဝီႉၺိၺ်ႇ​တင်း​လၢႆ​ယူႇ​ဢေႃႈ။ ၶဝ်​ဢွၼ်​ၵၼ်​ႁိမ်​ဢဝ်​ႁူင်ႇ​ဢဝ်​ၽၼ်ႇတႃႇ ဢိၵ်ႇ​တင်း ဢုၵ်ႉ​ၸႃႇ​ဢၼ် ထိူၵ်ႈ​ၵႃႈ​ထိူၵ်ႈ​ၶၼ်​တင်း​လၢႆ​ယူႇ​လႄႈ ၶဝ်​ဢွၼ်​ၵၼ် ႁႂ်ႈ​မႄႈ​မူၵ်း​မႄႈ​မၢႆႈ​ၼမ်​ၼႃႇ ၵႃႈ​ၼႂ်း​ၵၢင်​မၼ်း​ဢေႃႈ။-</verse>
				<verse number="26">ယိတ်ႈပရေႃးႁဵၵ်ႈ မၼ်း​တင်း​လၢႆ​ၵေႃႈ ဢွၼ်​ၵၼ်​ယႃႉ​တြႃး​ၵဝ်​လႄႈ ႁႂ်ႈ​ထႃႇၼႃႉ​တီႈ​ဢၼ်​မူတ်း​ၸၢင်ႇ​ၵဝ် တင်း​လၢႆ​ၵူဝ်ႈ​ၵိူၵ်ႇ​ဢေႃႈ။ ၶဝ်​ဢမ်ႇ​ႁႂ်ႈ​လွင်ႈ​တၢင်း ဢၼ်​မူတ်း​ၸၢင်ႇ​လႂ်၊ လွင်ႈ​တၢင်း​ဢၼ် ဢမ်ႇ​မူတ်း​ၸၢင်ႇ​လႂ် ပႅၵ်ႇ​ပိူင်ႈ​ၵၼ်​လႄႈ ဢမ်ႇ​ႁႂ်ႈ​ၵူၼ်း​တင်း​လၢႆ ၸၵ်း​ၽႄ​လႄႈ လွင်ႈ​တၢင်း​ဢၼ်​မူတ်း​သႂ်​လႂ် လွင်ႈ​တၢင်း​ဢၼ်​ဢမ်ႇ​မူတ်း​သႂ်​လႂ်​ၼၼ်ႉ ၶဝ်​ဢွၼ်​ၵၼ်​ဝၢႆႇ​ၼႃႈ​ဝၢႆႇ​တႃ​ၶဝ်​ပႅတ်ႈ ဝၼ်း​ၵမ်​သိၼ်​ၵဝ်​တင်း​လၢႆ​လႄႈ ၵဝ်​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ ၵႃႈ​ၼႂ်း​ၶိုင်ႈ​ၵၢင်​ၶဝ်​ဢေႃႈ။-</verse>
				<verse number="27">ၶုၼ်​မၼ်း​တင်း​လၢႆ​ၵေႃႈ ပဵၼ်​ၸိူဝ်ႉ​ၼင်ႇ​မႃ​လိၼ် ဢၼ်​ၶူပ်း​ၵိၼ် တူဝ်​တင်း​လၢႆ​ၼၼ်ႉ ၵႃႈ​ၼႂ်း​ၶိုင်ႈ​ၵၢင်​မၼ်း​လႄႈ ႁဵတ်း​ႁႂ်ႈ​လႆႈ ထွၵ်ႇ​လိူတ်ႈ​ၵူၼ်း​ပႅတ်ႈ​လႄႈ ယႃႉ​ၽဵဝ်ႈ​ဝီႉၺိၺ်ႇ​ပိူၼ်ႈ​ပႅတ်ႈ​ယူႇ ႁႂ်ႈ​လႆႈ​ႁႃ​ဢဝ်​တၢင်း​ဢၼ် ပဵၼ်​တိုၼ်း​ပဵၼ်​ႁွၼ်း ဢၼ်​ဢမ်ႇ​တြႃး ၼၼ်ႉ​ဢေႃႈ။-</verse>
				<verse number="28">ပရေႃးၽႅတ်ႈ​မၼ်း​တင်း​လၢႆ​ၵေႃႈ၊ ႁၼ်​လွင်ႈ​တၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​လႄႈ ပိၵ်ႉ​သမ်ႉ ထႃႇဝရႃႉ​ၽြႃး ဢမ်ႇ​မီး​ဢမိင်ႉ သေ​ၵေႃႈ၊ ႁေႃး​လၢတ်ႈ​ၵႂၢမ်း​မူႉ​သႃႇ​တီႈ​ၶဝ်​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ယဝ်ႉ၊ ဝႃႈ​ၼင်ႇ​ၼႆ​ယူႇ​သေ​လႄႈ ဢွၼ်​ၵၼ်​ဢဝ် တင်း​ဢၢင်းၵတေႇ​ဢုမ်ႇ​ႁေႃႇ ႁၢင်ႈ​ၶိူင်ႈ​ၶဝ်​ၼၼ်ႉ​ဢေႃႈ။-</verse>
				<verse number="29">ၵူၼ်း​ဝၢၼ်ႈ​ၵူၼ်း​မိူင်း တင်း​လၢႆ​ၵေႃႈ ဢွၼ်​ၵၼ်​ႁဵတ်း​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး၊ တၢင်း​ဢၼ်​ၸူၼ်​ဢဝ်​တိုၵ်း​ဢဝ်​ၼၼ်ႉ​လႄႈ တဵၵ်း​ၼႅၼ်ႉ​ၵႅၼ်ႉ​ၶေႃး ႁဵတ်း​ႁၢႆႉ​တီႈ ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်၊ ၶဝ်​ၸိူဝ်း​ဢၼ် ၸုတ်ႈ​ဢၼ်​လုတ်ႈ​ၼၼ်ႉ​ယူႇ သေ​လႄႈ ႁဵတ်း​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​ဢမ်ႇ​တြႃး တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ဢေႃႈ။-</verse>
				<verse number="30">ၵဝ်​ႁႃ​ဢဝ်​ၵေႃႉ​ဢၼ် တၵ်း​တႄႇ​ႁဵတ်း​လမ်း​ဝဵင်း၊ ၵေႃႉ​ဢၼ်​ၸုၵ်း​ယူႇ​ၵႃႈ​ၼႂ်း​ႁူး​ၵူင်​ပွင်ႇ​လမ်း​ဝဵင်း ၵႃႈ​တီႈ​ၽၢႆႇ​ၼႃႈ​ၵဝ်​သေ​လႄႈ ႁႄႉ​ၶႅၼ်​ပုၼ်ႈ​ဝဵင်း​ၼၼ်ႉ ႁႂ်ႈ​ၵဝ်​ဢမ်ႇ​လႆႈ​ယႃႉ​ၽဵဝ်ႈ​မိူင်း​ၼၼ်ႉ​ပႅတ်ႈ သေ​ၵေႃႉ​သေ​ၵူၼ်း​လႄႈ ဢမ်ႇ​ထူပ်း​ဢမ်ႇ​ႁၼ်။-</verse>
				<verse number="31">ပိူဝ်ႈ​ဢၼ် ပဵၼ်​ၼင်ႇ​ၼၼ်​လႄႈ ၵဝ်​တၵ်း​ဢဝ်​တၢင်း​ၸႂ်​မႆႈ​ၶႆႈ​ၸႃႉ​ၵဝ် သွၼ်း​လေႃႇ​ၵႃႈ​ၼိူဝ်​ၶဝ်​ယူႇ သေ​လႄႈ ဢဝ်​ၽႆး တေႃး​သႃႉ​ၵဝ် ႁုပ်ႇ​မႆႈ​ၶဝ်​လႄႈ ႁႂ်ႈ​ဢပႅတ်ႈ​ၶဝ်​တူၵ်း​ႁွတ်ႈ ၵႃႈ​ၼိူဝ်​ႁူဝ်​ၶဝ်​ဢေႃႈ၊ ဝႃႈ​ၼင်ႇ​ၼႆ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="23">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မီး​မႄႈ​ယိင်း​သွင်​ၵေႃႉ​ဢၼ်​ပဵၼ်​လုၵ်ႈ​ယိင်း မႄႈ​ၵေႃႉ​လဵဝ်​ၵၼ်​ဢေႃႈ။-</verse>
				<verse number="3">ၶဝ်​ၼၼ်ႉ ဢွၼ်​ၵၼ်​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ဢွၼ်​ၵၼ်​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး ၼႂ်း​မိူဝ်ႈ​ဢၼ်​ဢသၢၵ်ႈ​ၶဝ် ယင်း​လဵၵ်ႉ​ယင်း​ၼုမ်ႇ​ၼၼ်ႉ​ဢေႃႈ။ တဝ်ႈ​ၼူမ်း​လႆႈ​ၶၢမ်ႇ​တၢင်း​ဢၼ် ပိူၼ်ႈ​ၽၼ်ႉ​ပိူၼ်ႈ​ၼူတ်ႈ ၵႃႈ​တီႈ​မိူင်း​ၼၼ်ႉ​လႄႈ ပိူၼ်ႈ​ဢွၼ်​ၵၼ်​ၼွၼ်း​ၼႅၼ်ႉ​တိၼ်ႇ​ၼူမ်း တၢင်း​ဢၼ်​ၶဝ်​ပဵၼ်​သၢဝ်​ၼၼ်ႉ​ၵႃႈ​တီႈ​မိူင်း​ၼၼ်ႉ​ဢေႃႈ။-</verse>
				<verse number="4">ၵေႃႉ​ပီႈ​ၼၢင်း​ၸမ်ႉ၊ လႆႈ​ၸိုဝ်ႈ​ ဢႁေႃႇလႃႉ ​လႄႈ ၵေႃႉ​ၼွင်ႉ​ယိင်း​ၸမ်ႉ၊ လႆႈ​ၸိုဝ်ႈ​ ဢႁေႃႇလီႉပႃႉ ​ဢေႃႈ။ သွင်​ၶႃ​ၼၼ်ႉ ပဵၼ်​မႄႈ​ယိင်း ၵဝ်​လႄႈ ဢွၼ်​ၵၼ်​ၵိူတ်ႇ​လဵင်ႉ လုၵ်ႈ​ၸၢႆး​လုၵ်ႈ​ယိင်း​ဢေႃႈ။ ၵေႃႉ​ဢၼ်​လႆႈ​ၸိုဝ်ႈ ဢႁေႃႇလႃႉ ​ၼၼ်ႉ ပဵၼ်​ သမႃႇရီႉ ၊ ၵေႃႉ​ဢၼ်​လႆႈ​ၸိုဝ်ႈ ဢႁေႃႇလီႉပႃႉ ​ၼၼ်ႉ ပဵၼ်​ ယေႇရူႉသလႅမ်ႇ ​ဢေႃႈ။-</verse>
				<verse number="5">ဢႁေႃႇလႃႉ ​ၼၼ်ႉ​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ပဵၼ် မႄႈ​ယိင်း​ၵဝ်​ယူႇ​ၼၼ်ႉ​လႄႈ မၼ်း​ၸႂ်​ၸပ်း​ၸႂ်​ပႅၼ်း ၸူႉ​မၼ်း​တင်း​လၢႆ ဢၼ်​ဝႃႈ​ၵူၼ်း​မဵဝ်း​ ဢႃႇသူႉရီႉ ၵူၼ်း​ႁိူၼ်း​ၸမ်​ၵၼ်​တင်း​မၼ်း၊-</verse>
				<verse number="6">ဢၼ်​ၼုင်ႈ​ၶူဝ်း ဢၼ်​သွမ်ႇ​လီ၊ ၶုၼ်​ပူဝ်ႇ၊ ၶုၼ်​ဝုၼ်ႇ ဢၼ်​ပဵၼ်​ၵူၼ်း ဢၼ်​ယင်း​ၼုမ်ႇ​ယင်း​ၵမ် ဢၼ်​လီ​ႁၵ်ႉ​လီ​ပႅင်း၊ ဢၼ်​ပဵၼ် ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ ၵႃႈ​မီး​ၼၼ်ႉ​ဢေႃႈ။-</verse>
				<verse number="7">မၼ်း​ၼၼ်ႉ ႁဵတ်း​မေႇ​ထုင်ႇ ဢၼ်​ဢမ်ႇ​တြႃး လူၺ်ႈ​ၵၼ်​တင်း​ၶဝ်​ဢၼ်​ဝႃႈ ၵူၼ်း​လီ​ၵူၼ်း​မျၢတ်ႈ ဢႃႇသူႉရီႉ ​ၵႃႈ​မီး​ၼၼ်ႉ​လႄႈ ႁႂ်ႈ​တူဝ်​မၼ်း​ၵူဝ်ႈ​ၵိူၵ်ႇ လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် မၼ်း​ၸႂ်​ၸပ်း​ၸႂ်​ပႅၼ်း​ၼၼ်ႉ ဢိၵ်ႇ​တင်း ရုၵ်ႈ​ထူႉ​ၶဝ်​ၼၼ်ႉ​ဢေႃႈ။-</verse>
				<verse number="8">မႅၼ်ႈ​ၸွမ်း​ၵႃႈ​ၼင်ႇ​ဢၼ် ၶဝ်​ယူႇ​လူၺ်ႈ​ၼွၼ်း​လူၺ်ႈ​ၵၼ်​တင်း​မၼ်း ၼႂ်း​မိူဝ်ႈ​ဢၼ် ဢသၢၵ်ႈ​ယင်း​လဵၵ်ႉ​ယင်း​ၼုမ်ႇ​ၼၼ်ႉ​လႄႈ ၼွၼ်း​ၼႅၼ်ႉ​တိၼ်ႇ​ၼူမ်း တၢင်း​ဢၼ် မၼ်း​ပဵၼ်​သၢဝ်​ၼၼ်ႉ​သေ​လႄႈ ဢဝ်​မေႇ​ထုင်ႇ ဢၼ်​ဢမ်ႇ​တြႃး​ၶဝ်​သွၼ်း​လေႃႇ ၵႃႈ​ၼိူဝ်​မၼ်း ၼၼ်ႉ၊ မၼ်း​ယင်း​ဢမ်ႇ​ၸုၼ်ႉ​ဢမ်ႇ​ပႅတ်ႈ မေႇ​ထုင်ႇ​ဢၼ်​မၼ်း​လႆႈ ၵႃႈ​တီႈ​မိူင်း​ ဢေႇၵိပ်ႉတူႉ ​မႃး​ၼၼ်ႉ လႄႈ​ယူႇ​ဢေႃႈ။-</verse>
				<verse number="9">ပိူဝ်ႈ​ဢၼ် ပဵၼ်​ၼင်ႇ​ၼၼ်​လႄႈ ၵဝ်​ဢဝ်​မၼ်း​ဢၢပ်ႈ​ပၼ် ၵႃႈ​ၼႂ်း​မိုဝ်း​ၸူႉ​မၼ်း ဢၼ်​ဝႃႈ ၵူၼ်း​ ဢႃႇသူႉရီႉ ဢၼ်​မၼ်း​ၸႂ်​ၸပ်း​ၸႂ်​ပႅၼ်း​ယူႇ ၸိူဝ်း​ၼၼ်ႉ​လႄႈ၊-</verse>
				<verse number="10">ၶဝ်​ၼၼ်ႉ ဢွၼ်​ၵၼ်​ႁဵတ်း​တၢင်း​ဢၼ် ၽုၺ်ႇ​ပိုတ်ႇ​ၶူဝ်း​ၼုင်ႈ​မၼ်း​ဢေႃႈ။ ၶဝ်​ဢွၼ်​ၵၼ်​သိမ်း​ဢဝ်​လုၵ်ႈ​ၸၢႆး​လုၵ်ႈ​ယိင်း​မၼ်း ၵႂႃႇ​လႄႈ ဢဝ်​မၼ်း​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။ ၶဝ်​ႁဵတ်း​တၢင်း​ဢၼ် ၸီႇ​ယၢင်ႇ​ဢပႅတ်ႈ​ၸိူဝ်ႉ​ၼင်ႇ​ၼၼ် တီႈ​မၼ်း​လႄႈ မၼ်း​ပဵၼ်​မႄႈ​ယိင်း ဢၼ်​ၸိုဝ်ႈ​ဢွၵ်ႇ​သဵင်​ဢွၵ်ႇ ၵႃႈ​ၼႂ်း​မႄႈ​ယိင်း​တင်း​လၢႆ​ဢေႃႈ။-</verse>
				<verse number="11">ၼွင်ႉ​ယိင်း​မၼ်း​ ဢႁေႃႇလီႉပႃႉ ႁၼ်​လွင်ႈ​တၢင်း​ၼၼ်ႉ​လႄႈ ယဵင်ႈ​ၶႅၼ်း​မီး​ၸႂ်​ဢၼ်​ၸပ်း​ပႅၼ်း လိူဝ်​တွၼ်း​ၼႃႇ​သေ​ပီႈ​ၼၢင်း မၼ်း​လႄႈ ယဵင်ႈ​ၶႅၼ်း​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး လိူဝ်​တွၼ်း​ၼႃႇ​သေ​ပီႈ​ၼၢင်း​မၼ်း​ဢေႃႈ။-</verse>
				<verse number="12">မၼ်း​ၸႂ်​ၸပ်း​ၸႂ်​ပႅၼ်း​ၵူၼ်း​မဵဝ်း​ ဢႃႇသူႉရီႉ ၊ ၶုၼ်​ပူဝ်ႇ၊ ၶုၼ်​ဝုၼ်ႇ၊ ၵူၼ်း​ႁိူၼ်း​ၸမ်​ၵၼ်​တင်း​မၼ်း ဢၼ်​ၼုင်ႈ​ၶူဝ်း​ၼုင်ႈ ဢၼ်​ႁၢင်ႈ​လီ​ႁၢင်ႈ​ငၢမ်း ဢၼ်​ပဵၼ်​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ လႄႈ​ပဵၼ်​ၵူၼ်း ဢၼ်​ယင်း​ၼုမ်ႇ​ယင်း​ၵမ် ဢၼ်​လီ​ႁၵ်ႉ​လီ​ပႅင်း​ၵႃႈ​မီး​ၼၼ်ႉ ယူႇ​ဢေႃႈ။-</verse>
				<verse number="13">မိူဝ်ႈ​ၼၼ်ႉ ၵဝ်​ႁၼ်​လွင်ႈ​ဢၼ် မၼ်း​ၵူဝ်ႈ​ၵိူၵ်ႇ​လႄႈ သွင်​ၶႃ​ၸွမ်း​သဵၼ်ႈ​တၢင်း​လဵဝ်​ၵၼ် ၼၼ်ႉ​ဢေႃႈ။-</verse>
				<verse number="14">လွင်ႈ​ဢၼ်​မၼ်း​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး ယဵင်ႈ​ၶႅၼ်း​လိူဝ်​တွၼ်း​ၼႃႇ​ၼၼ်ႉ​ၸမ်ႉ၊ မၼ်း​ႁၼ်​ႁၢင်ႈ ၵူၼ်း​ဢၼ်​ပိူၼ်ႈ​တႅမ်ႈ​သႂ်ႇ​ဝႆႉ ၵႃႈ​တီႈ​ၽႃ​ဢုတ်ႇ ဢၼ်​ဝႃႈ​ပုင်ႇ​ႁၢင်ႈ​ၵူၼ်း​ ၶႃႇလတေး ဢၼ်​ပိူၼ်ႈ​ဢဝ်​ႁၢၼ်​လႅင်​တႅမ်ႈ​သႂ်ႇ​ဝႆႉ၊-</verse>
				<verse number="15">ဢၼ်​ႁတ်ႉ​သၢႆ​ဢႅဝ်​ယူႇ၊ ဢၼ်​ၶဵၼ်း​ၶဵၼ်း​ႁူဝ် ဢၼ်​ယွမ်ႉ​မွၵ်ႇ​ယူႇ၊ ဢၼ်​ႁဵတ်း​ႁၢင်ႈ​ၶုၼ်​ပူဝ်ႇ​မိူၼ်​ၸိူဝ်ႉ​ၼင်ႇ ၵူၼ်း​ဝဵင်း​ ပႃႇပူႉလုၼ်ႇ ​မိူင်း​ ၶႃႇလတေး တီႈ​ဢၼ်​ၶဝ်​ၵိူတ်ႇ​လဵင်ႉ​မႃး​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="16">မိူဝ်ႈ​ဢၼ်​မၼ်း​ႁၼ်​ၸိူဝ်ႉ​ၼင်ႇ​ၼၼ် ၼၼ်ႉ​ၸိုင် မၼ်း​မီး​ၸႂ်​ဢၼ်​ၸပ်း​ဢၼ်​ပႅၼ်း​လႄႈ ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ ၵႂႃႇ​ၸူး​ၵႃႈ​တီႈ မိူင်း​ ၶႃႇလတေး ​ဢေႃႈ။-</verse>
				<verse number="17">ၵူၼ်း​ဝဵင်း​ ပႃႇပူႉလုၼ်ႇ ​ၸိူဝ်း​ၼၼ်ႉ ဢွၼ်​ၵၼ်​မႃး​ၸူး​တီႈ​မၼ်း ၵႃႈ​ၼိူဝ်​ၵူႇ​တီႈ​ၼွၼ်း​မၼ်း ဢၼ်​ႁဵတ်း​သမ်ႇဝႃႇသႃႉ​ၼၼ်ႉ​လႄႈ ႁဵတ်း​ႁႂ်ႈ​မၼ်း​ၵူဝ်ႈ​ၵိူၵ်ႇ​လူၺ်ႈ မေႇ​ထုင်ႇ​ဢၼ်​ဢမ်ႇ​တြႃး​ၶဝ်​ၼၼ်ႉ​ဢေႃႈ။ မၼ်း​ၵေႃႈ လႆႈ​ၶၢမ်ႇ​တၢင်း​ဢၼ်​ၵူဝ်ႈ​ၵိူၵ်ႇ​ယူႇ တေႃႇ​ထိုင်​ႁွတ်ႈ ထၼ်ႈ​ပေႃး​ၸၢၼ်ႈ​ပေႃး​မိူဝ်ႇ​ၶဝ် ၼၼ်ႉ​ဢေႃႈ။-</verse>
				<verse number="18">ၼင်ႇ​ၼၼ်​လႄႈ ၵွပ်ႈ​ပိူဝ်ႈ​ဢၼ်​မၼ်း ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ်​မၼ်း​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး ဢိၵ်ႇ​တင်း ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ်​မၼ်း​ယူႇ​တူဝ်​ပူၺ်​ၼၼ်ႉ​လႄႈ၊ ၸိူဝ်ႉ​ၼင်ႇ​ဢၼ်​ၵဝ်​မိူဝ်ႇ​ၸၢၼ်ႈ​ပီႈ​ၼၢင်း​မၼ်း​ၼၼ်ႉ ၵဝ်​မိူဝ်ႇ​ၸၢၼ်ႈ မၼ်း​ဢေႃႈ။-</verse>
				<verse number="19">မၼ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မိုဝ်ႉ​ဝၼ်း​ဢၼ် ဢသၢၵ်ႈ​မၼ်း​ယင်း​လဵၵ်ႉ​ယင်း​ၼုမ်ႇ​လႄႈ မၼ်း​ၽိတ်း​ပိူင်ႈ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ ယူႇ​သေ​လႄႈ ႁဵတ်း​တၢင်း​ဢၼ်​ၽိတ်း​ပိူင်ႈ​ဢၼ် ယဵင်ႈ​ၶႅၼ်း​ၼမ်​ၼႃႇ​ဢေႃႈ။-</verse>
				<verse number="20">မၼ်း​ၸႂ်​ၸပ်း​ၸႂ်​ပႅၼ်း​ၸူႉ​မၼ်း ဢၼ်​မီး​ၼိူဝ်ႉ​ၼင်​မိူၼ်​ၸိူဝ်ႉ​ၼင်ႇ ၼိူဝ်ႉ​ၼင်​တူဝ်​လီႈ​ဢၼ်​မီး​ၼမ်ႉ​သုၵ်ႉ မိူၼ်​ၸိူဝ်ႉ​ၼင်ႇ ၼမ်ႉ​သုၵ်ႉ​မႃႉ​ၼၼ်ႉ​ၸိူဝ်း​ၼၼ်ႉ​လူင်​ပႄႇ။-</verse>
				<verse number="21">ၼင်ႇ​ၼၼ်​လႄႈ ၵွပ်ႈ​ပိူဝ်ႈ​ဢၼ်​မႂ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ဢမူႉ​ဢၼ်​ႁၢႆႉ​ယုတ်ႈ ဢၼ်​မႂ်း​ႁဵတ်း​ၼႂ်း မိူဝ်ႈ​ဢၼ်​ဢသၢၵ်ႈ​မႂ်း ယင်း​လဵၵ်ႉ​ယင်း​ၼုမ်ႇ​လႄႈ ၵူၼ်း​ ဢေႇၵိပ်ႉတူႉ ​တင်း​လၢႆ ဢွၼ်​ၵၼ်​ၼွၼ်း​ၼႅၼ်ႉ​တိၼ်ႇ​ၼူမ်း​မႂ်း​ယူႇ၊ ၽၼ်ႉ​ၼူတ်ႈ​ၼူမ်း​သၢဝ်​မႂ်း​ယူႇ ၼၼ်ႉ​လႄႈ၊</verse>
				<verse number="22">ဢႁေႃႇလီႉပႃႉ ​ဢိူၺ်း၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး။ ၵဝ်​တၵ်း​ႁႂ်ႈ​ၸူႉ​ဢၼ်​မႂ်း​မိူဝ်ႇ​ၸၢၼ်ႈ​ၼၼ်ႉ ဢွၼ်​ၵၼ်​လုၵ်ႉ ယူႇ​ၽၢႆႇ​ၼိုင်ႈ​တင်း​မႂ်း​လႄႈ ဢဝ်​ၶဝ်​လုၵ်ႉ​သေ​ၵႃႈ​တီႈ ၵူႈ​ၽၢႆႇ​ၵူႈ​ပႃႈ မႃး​တိုၵ်း​မႂ်း​ဢေႃႈ။-</verse>
				<verse number="23">ၶဝ်​ၼၼ်ႉ ပဵၼ်​ၵူၼ်း​ ပႃႇပူႉလုၼ်ႇ ​တင်း​လၢႆ၊ ၵူၼ်း​ ၶႃႇလတေး ​ၵႃႈ​မီး ဢၼ်​ဝႃႈ​ၵူၼ်း​ ၽီႉၵုတ်ႉ ၊ ၵူၼ်း​ သူဝ်းဢႃႇ ၊ ၵူၼ်း​ ၵူဝ်းဢႃႇ ​ၸိူဝ်း​ၼၼ်ႉ ဢိၵ်ႇ​တင်း​ၵူၼ်း​ ဢႃႇသူႉရီႉ ​ၵႃႈ​မီး ဢၼ်​ဝႃႈ ၶဝ်​ၸိူဝ်း​ဢၼ် ၵူၼ်း​ၼုမ်ႇ​ၵူၼ်း​ၵမ်​ဢၼ်​လီ​ႁၵ်ႉ​လီ​ပႅင်း၊ ၵႃႈ​ပဵၼ်​ၶုၼ်​ပူဝ်ႇ၊ ၶုၼ်​ဝုၼ်ႇ၊ မူး​မၢတ်ႈ​ၽွင်း​မိူင်း၊ ၵႃႈ​ပဵၼ်​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ ၸိူဝ်း​ၼၼ်ႉ​ဢေႃႈ။-</verse>
				<verse number="24">ၶဝ်​ၼၼ်ႉ တၵ်း​ဢွၼ်​ၵၼ်​ပႃး​ဢဝ် လၢၵ်ႈ​ၼၢၵ်ႈ​တိုၵ်း​သိုၵ်း ဢိၵ်ႇ​တင်း လေႃႉ​ရထႃး​တင်း​လေႃႉ​တင်း​လႅင်​တင်း​မူႇ​ၵူၼ်း​ၽုင်​ၵူၼ်း ၼမ်​ၼႃႇ​သေ​လႄႈ မႃး​ယူႇ​ၽၢႆႇ​ၼိုင်ႈ​တင်း​မႂ်း​လႄႈ ဢဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ ၶိူင်ႈ​ႁႄႉ​လၢပ်ႇ၊ ၵုပ်း​လဵၵ်း​တင်း​လၢႆ ၶၢင်း​တပ်ႉ​ၶၢင်း​ငႃး ၵႃႈ​တီႈ​လဵပ်ႈ​ႁွပ်ႈ​မႂ်း​ဢေႃႈ။ ၵဝ်​တၵ်း ဢဝ်​ဢၶႂၢင်ႉ​ဢၼ်​ၸီႇ​ယၢင်ႇ​တြႃး ဢၢပ်ႈ​ပၼ်​တီႈ​ၶဝ်​လႄႈ ၶဝ်​တၵ်း​ဢွၼ်​ၵၼ်​ၸီႇ​ယၢင်ႇ​မႂ်း ၸွမ်း​ၼင်ႇ​ထုင်း​ၽိင်ႈ​ၶဝ်​ၼၼ်ႉ​ဢေႃႈ။-</verse>
				<verse number="25">ၵဝ်​တၵ်း​ႁဵတ်း​ႁႂ်ႈ​လွင်ႈ​ဢၼ် ၶဝ်​တၵ်း​ဢမ်ႇ​ယုမ်ႇ​မႂ်း​ၼၼ်ႉ ယူႇ​ၽၢႆႇ​ၼိုင်ႈ​တင်း​မႂ်း​လႄႈ ၶဝ်​ၼၼ်ႉ တၵ်း​ဢွၼ်​ၵၼ်​ၸီႇ​ယၢင်ႇ​မႂ်း ၵျၢမ်း​ထၢမ်း​ၼႃႇ လူင်​လၢင်​ဢေႃႈ။ ၶဝ်​တၵ်း​ဢွၼ်​ၵၼ် တႅပ်း​ၶူႈ​လင်​မႂ်း ႁူ​မႂ်း​ပႅတ်ႈ​လႄႈ ဢဝ်​လၢပ်ႇ​ဢဝ်​လႅဝ်း​ၽၼ်း ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ ၼၼ်ႉ​ပႅတ်ႈ​ဢေႃႈ။ ၶဝ်​တၵ်း​ဢွၼ်​ၵၼ် သိမ်း​ဢဝ်​လုၵ်ႈ​ၸၢႆး​လုၵ်ႈ​ယိင်း​မႂ်း​ၵႂႃႇ​လႄႈ ဢဝ်​ၽႆး​တုတ်ႇ​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ ၼၼ်ႉ​ပႅတ်ႈ​ဢေႃႈ။-</verse>
				<verse number="26">ၶဝ်​တၵ်း​ဢွၼ်​ၵၼ် ထွတ်ႇ​ဢဝ်​ၶူဝ်း​ၼုင်ႈ​မႂ်း​လႄႈ သိမ်း​ဢဝ်​ၶိူင်ႈ ဢၼ်​ႁၢင်ႈ​လီ​ႁၢင်ႈ​ငၢမ်း​မႂ်း​ဢေႃႈ။-</verse>
				<verse number="27">ၼင်ႇ​ၼၼ်​လႄႈ ၵဝ်​တၵ်း​ႁႂ်ႈ​ဢမူႉ ဢၼ်​ႁၢႆႉ​ဢၼ်​ယုတ်ႈ ဢၼ်​မႂ်း​ႁဵတ်း​ဢိၵ်ႇ​တင်း မေႇ​ထုင်ႇ​ဢၼ်​ဢမ်ႇ​တြႃး ဢၼ်​မႂ်း​ဢဝ်​ၵႃႈ​တီႈ​မိူင်း​ ဢေႇၵိပ်ႉတူႉ ​မႃး​ၼၼ်ႉ ထၢတ်ႇ​ယဵၼ်​သေ​တီႈ​မႂ်း​ထၼ်ႈ​ပေႃး မႂ်း​ဢမ်ႇ​ဢဝ်​တႃ​မႂ်း​မုင်ႈ​လူ​မုင်ႈ​တူၺ်း​ၶဝ်၊ ဢမ်ႇ​ၶုၵ်း​ၸႂ်​လႆႈ ၶႆႈ​ၸႂ်​ထူပ်း မိူင်း​ ဢေႇၵိပ်ႉတူႉ မိူဝ်ႈ​ၵမ်း​လိုၼ်း​ၼၼ်ႉ​ဢေႃႈ။-</verse>
				<verse number="28">လႆႈ​သမ်ႉ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ​ၸမ်ႉ၊ ၵဝ်​တၵ်း​ဢဝ်​မႂ်း​ဢၢပ်ႈ​ပၼ် ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​မႂ်း​ၸင်း၊ ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​မႂ်း​မိူဝ်ႇ​မႂ်း​ၸၢၼ်ႈ​ၼၼ်ႉ​လႄႈ၊-</verse>
				<verse number="29">ၶဝ်​ၼၼ်ႉ တၵ်း​ဢွၼ်​ၵၼ်​ႁဵတ်း​ၸွမ်း ၵႃႈ​ၼင်ႇ​ဢၼ်​ၶဝ်​ၸင်း​ၼၼ်ႉ​သေ​လႄႈ သိမ်း​ဢဝ်​ဢုၵ်ႉ​ၸႃႇ​ၵႃႈ​ဢၼ်​မႂ်း ၵျူဝ်း​ၸႃး​ႁွမ်​ဝႆႉ သိမ်း​ဝႆႉ​ၼၼ်ႉ​ၵႂႃႇ​လႄႈ ႁႂ်ႈ​မႂ်း​ယင်း​ဢမ်ႇ​မီး​ၶူဝ်း​ၼုင်ႈ​ၶူဝ်း​မႆ​လႄႈ ပဵၼ်​တူဝ်​ပူၺ်​ၵိုတ်း​ဝႆႉ​ဢေႃႈ။ တၢင်း​ဢၼ်​မႂ်း​ၽိတ်း​ပိူင်ႈ​လႄႈ ပဵၼ်​ဢၼ် မဝ်​မၢင်၊ တၢင်း​ဢၼ်​မႂ်း​ႁဵတ်း​ဢၼ်​ႁၢႆႉ​ဢၼ်​ယုတ်ႈ၊ တၢင်း​ဢၼ်​မႂ်း​ၸွမ်း​မေႇ​ထုင်ႇ ဢၼ်​ဢမ်ႇ​တြႃး​ၸိူဝ်း​ၼၼ်ႉ တၵ်း​လႆႈ​ထၢင်ႇ​သႃး​ဢေႃႈ။-</verse>
				<verse number="30">တၵ်း​လႆႈ ၸီႇ​ယၢင်ႇ​ႁဵတ်း​လွင်ႈ​တၢင်း​ၸိူဝ်း​ၼႆႉ​တီႈ​မႂ်း ၵွပ်ႈ​ပိူဝ်ႈ​ဢၼ်​မႂ်း​ၽိတ်း​ပိူင်ႈ လူၺ်ႈ​ၵၼ်​တင်း ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ​လႄႈ ၶၢမ်ႇ​တၢင်း​ဢၼ် ၵူဝ်ႈ​ၵိူၵ်ႇ​လူၺ်ႈ​ၵၼ် တင်း​ရုၵ်ႈ​ထူႉ​ၶဝ်​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="31">ၵွပ်ႈ​ပိူဝ်ႈ​ဢၼ် မႂ်း​ၸွမ်း​သဵၼ်ႈ​တၢင်း​ဢၼ် ပီႈ​ၼၢင်း​မႂ်း​ၸွမ်း​ၼၼ်ႉ​လႄႈ ၵဝ်​တၵ်း​ဢဝ်​ၵွၵ်း ဢၼ်​မၼ်း​ၵိၼ်​ၼၼ်ႉ သႂ်ႇ​ပၼ်​ၵႃႈ​ၼႂ်း​မိုဝ်း မႂ်း​ဢေႃႈ။-</verse>
				<verse number="32">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႂ်း​တၵ်း​လႆႈ​ဢိုၵ်ႉ​ၵိၼ်​ၵွၵ်း​ဢၼ် ပီႈ​ၼၢင်း​မႂ်း​ၵိၼ်၊ ၵွၵ်း​ဢၼ်​ၵႂၢင်ႈ​ၼႃႇ​လႄႈ လိုၵ်ႉ​ၼႃႇ​ၼၼ်ႉ​ဢေႃႈ။ မႂ်း​တၵ်း​လႆႈ​ၶၢမ်ႇ​တၢင်း​ဢၼ်​သႄႉ​သွမ်း ဢိၵ်ႇ​တင်း တၢင်း​ဢၼ်​ႁဵတ်း​ပျၢၵ်ႈ​ဢေႃႈ။ ၵွၵ်း​ၼၼ်ႉ ၶဝ်ႈ​ၼမ်​ၼႃႇ​လူင်​လၢင်​ဢေႃႈ။-</verse>
				<verse number="33">မႂ်း​တၵ်း​လႆႈ​ဢိမ်ႇ​တဵမ်​ဝႆႉ​တင်း တၢင်း​ဢၼ်​မဝ်း​လဝ်ႈ​မဝ်း​ၵမ်၊ တၢင်း​ဢၼ်​မႆႈ​ၸႂ်​ယၢပ်ႇ​ၸႂ် ဢိၵ်ႇ​တင်း ၵွၵ်း​ဢၼ်​ၸၢင်ႈ​ႁႂ်ႈ​ငဝ်​ငိူဝ်ႈ​ၵႂင်​ၸႂ်​လႄႈ ပဵၼ်​ဢၼ်​သဵတ်ႇ​ဢၼ်​ယဵၼ် ဢၼ်​ဝႃႈ ၵွၵ်း​ဢၼ်​ပီႈ​ၼၢင်း​မႂ်း​ သမႃႇရီႉ ဢိုၵ်ႉ​ၵိၼ်​ၼၼ်ႉ​ဢေႃႈ။-</verse>
				<verse number="34">မႂ်း​တၵ်း​လႆႈ​ဢိုၵ်ႉ​ၵိၼ်​ၵွၵ်း​ၼၼ်ႉ​လႄႈ သူတ်ႉ​ႁုတ်ႇ​သေ​ယဝ်ႉ၊ ၶူပ်း​ငၢၼ်ႈ​ၽၢၵ်ႇ​ၵွၵ်း​လႄႈ တိုတ်ႉ​ၶၢတ်ႇ​ၼူမ်း​မႂ်း​ဢေႃႈ။ ၵဝ်​လၢတ်ႈ​ယဝ်ႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="35">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​လူင်​လိုမ်း​ၵဝ်​လႄႈ ဢဝ်​ၵဝ်​ထိမ်ႈ​ပႅတ်ႈ​ၵႃႈ​တီႈ​ၽၢႆႇ​တၢင်း​လင်​မႂ်း ၼၼ်ႉ​လႄႈ၊ မႂ်း​ၶၢမ်ႇ​ဢပႅတ်ႈ​ဢမူႉ​ဢၼ်​ႁၢႆႉ​ယုတ်ႈ​မႂ်း ဢိၵ်ႇ​တင်း​ဢမူႉ​မေႇ​ထုင်ႇ ဢၼ်​ဢမ်ႇ​တြႃး​မႂ်း​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="36">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​လႄႈ​ဝႃႈ​ၸမ်ႉ၊ လုၵ်ႈ​ၵူၼ်း​ဢိူၺ်း၊ မႂ်း​တၵ်း​ၸႅတ်ႈ​ထၢမ်​ၸႅတ်ႈ​တူၺ်း​ ဢႁေႃႇလႃႉ ဢိၵ်ႇ​တင်း ဢႁေႃႇလီႉပႃႉ ​ၼၼ်ႉ​ႁိုဝ်။ ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​ၶဝ်​ႁဵတ်း​ၼၼ်ႉ​တႃႉ။-</verse>
				<verse number="37">လွင်ႈ​မၼ်း​ၸမ်ႉ ၶဝ်​ၼၼ်ႉ​ဢွၼ်​ၵၼ်​လဵၼ်ႈ​ၽူဝ်​ဢွၼ်ႇ​ယဝ်ႉ။ ဢပႅတ်ႈ​လိူတ်ႈ​မီး​ၵႃႈ​ၼႂ်း​လိူတ်ႈ​ၶဝ်​ယဝ်ႉ။ ၶဝ်​ဢွၼ်​ၵၼ်​လဵၼ်ႈ​ၸူႉ လူၺ်ႈ​ရုၵ်ႈ​ထူႉ​ၶဝ်​ယဝ်ႉ။ လုၵ်ႈ​ၸၢႆး​ဢၼ်​ၶဝ်​ၵိူတ်ႇ​လဵင်ႉ​မႃး​ပုၼ်ႈ​ၵဝ် ၸိူဝ်း​ၼၼ်ႉ​ၵေႃႈ ၶဝ်​ဢွၼ်​ၵၼ်​ဢဝ်​ၽႆး​ပုၵ်ႈ​ၸေႃႇ ပုၼ်ႈ​ဢၼ်​ရုၵ်ႈ​ထူႉ​တၵ်း​ၵိၼ်​ၼၼ်ႉ​ယဝ်ႉ။-</verse>
				<verse number="38">လိူဝ်​သေ​ၼၼ်ႉ၊ လွင်ႈ​တၢင်း​ဢၼ်​ၶဝ်​ႁဵတ်း​တီႈ​ၵဝ်​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၶဝ်​ဢွၼ်​ၵၼ် ႁႂ်ႈ​ထႃႇၼႃႉ​တီႈ​မူတ်း​ၸၢင်ႇ​ၵဝ် ၵူဝ်ႈ​ၵိူၵ်ႇ​လႄႈ ၶျႃး​ဝၼ်း​ၵမ်​သိၼ်​ၵဝ် တင်း​လၢႆ တူၵ်း​တီႈ​တႅမ်ႇ​ယဝ်ႉ။-</verse>
				<verse number="39">ၶဝ်​ဢွၼ်​ၵၼ် ဢဝ်​လုၵ်ႈ​လၢင်း​ၶဝ်​တၢႆ ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ​သေ​ယဝ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၶဝ်​ဢွၼ်​ၵၼ်​ၶဝ်ႈ​မႃး ၵႃႈ​ၼႂ်း ထႃႇၼႃႉ​တီႈ​မူတ်း​ၸၢင်ႇ​ၵဝ် ႁႂ်ႈ​မၼ်း​လႆႈ​ၵူဝ်ႈ​ၵိူၵ်ႇ​ဢေႃႈ။ ၶဝ်​ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼၼ် ၵႃႈ​ၼႂ်း​ၶိုင်ႈ​ၵၢင်​ႁိူၼ်း​ၵဝ်​ယဝ်ႉ​လူင်​ပႄႇ။-</verse>
				<verse number="40">ၼွၵ်ႈ​သေ​ၼၼ်ႉ မႂ်း​ပွႆႇ​ၸႂ်ႉ​တမၢၼ်ႇ​သေ​လႄႈ ႁွင်ႉ​ဢဝ်​ၵူၼ်း​ၸၢႆး ၵႃႈ​တီႈ​ဢၼ်​ၵႆ​လႄႈ ၶဝ်​ၼၼ်ႉ ဢွၼ်​ၵၼ်​မႃး​ဢေႃႈ။ ပုၼ်ႈ​ၶဝ်​ၼၼ်ႉ မႂ်း​ဢၢပ်ႇ​ၼမ်ႉ​သီ​တူဝ်​မႂ်း၊ တႅမ်ႈ​ၶူၼ်​တႃ​မႂ်း၊ ႁၢင်ႈ​ၶိူင်ႈ​ႁၢင်ႈ​ၽၢင်​မႂ်း​သေ​လႄႈ၊-</verse>
				<verse number="41">ၼင်ႈ​ယူႇ​ၵႃႈ​ၼိူဝ် ၵူႇ​ဢၼ်​ႁၢင်ႈ​လီ​ၼႃႇ​လႄႈ ဢဝ်​ၶူင်ႇ​တီႈ​ၵိၼ်​ဢၼ်​တၢင်ႇ​သႂ်ႇ​ၼၢမ်ႇ​သႃႇ တင်း​ၼမ်ႉ​မၼ်း​ၵဝ်​ၼၼ်ႉ​တမ်း​ဝႆႉ ၵႃႈ​တီႈ​ၽၢႆႇ​ၼႃႈ​ၵူႇ​ၼၼ်ႉ​ဢေႃႈ။-</verse>
				<verse number="42">လႆႈ​ငိၼ်း​သဵင် မုၵ်ႉ​ၵူၼ်း​ၸိူဝ်း​ၵူၼ်း ဢၼ်​မူၼ်ႈ​ပျေႃႇ​လူၺ်ႈ​ၵၼ်​တင်း​မၼ်း ၼၼ်ႉ​လႄႈ ႁူမ်ႈ​လူၺ်ႈ​ၵၼ်​တင်း​ၵူၼ်း​ပၢၼ်​ၵၢင် ၸိူဝ်း​ၼၼ်ႉ၊ ၶဝ်​ၸိူဝ်း​ဢၼ်​ၵိၼ်​လဝ်ႈ​မဝ်း​ၵမ်​ပူၼ်ႉ​လိူဝ် ဢၼ်​လုၵ်ႉ​သေ​ၵႃႈ​တီႈ​ထိူၼ်ႇ​မႃး​လႄႈ ဢဝ်​ဝႅၼ်​တိုဝ်း​ပၼ်​တီႈ​မိုဝ်း​သွင်​ၶႃ၊ ဢဝ်​မွၵ်ႇ​ႁူဝ်​သရၽူႇ တိုဝ်း​ပၼ်​တီႈ​ႁူဝ်​သွင်​ၶႃ​ၼၼ်ႉ​ၵေႃႈ​ပႃး​ဢေႃႈ။-</verse>
				<verse number="43">ၵဝ်​ၵေႃႈ ဢဝ်​လွင်ႈ​မႄႈ​ယိင်း​ဢၼ်​ႁဵတ်း​မႄႈ​မွၵ်ႇ​ယႃႈ တေႃႇ​ထိုင်​ႁွတ်ႈ​ထၼ်ႈ​ပေႃး​ထဝ်ႈ ၼၼ်ႉ​လႄႈ​ဝႃႈ၊ ၶဝ်​ၼၼ်ႉ တၵ်း​ဢွၼ်​ၵၼ်​ႁဵတ်း မေႇ​ထုင်ႇ ဢၼ်​ဢမ်ႇ​တြႃး လူၺ်ႈ​ၵၼ်​တင်း​မၼ်း​လႄႈ မၼ်း​တၵ်း​ႁဵတ်း​လူၺ်ႈ​ၵၼ်​တင်း​ၶဝ်​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="44">ၶဝ်​ၼၼ်ႉ ဢွၼ်​ၵၼ်​ၶဝ်ႈ​ၸူး​တီႈ​မၼ်း မိူၼ်​ၸိူဝ်ႉ​ၼင်ႇ​ဢၼ် ၵူၼ်း​ၸၢႆး​ၸၢင်ႈ​ၶဝ်ႈ​ၸူး​တီႈ မႄႈ​မွၵ်ႇ​ယႃႈ​ၼၼ်ႉ​လႄႈ ၶဝ်​ၼၼ်ႉ ဢွၼ်​ၵၼ်​ၶဝ်ႈ​ၸူး​တီႈ​ ဢႁေႃႇလႃႉ ဢိၵ်ႇ​တင်း ဢႁေႃႇလီႉပႃႉ မႄႈ​ယိင်း​ဢၼ်​ႁၢႆႉ​ယုတ်ႈ​ၼၼ်ႉ​ဢေႃႈ။-</verse>
				<verse number="45">ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ​ဢၼ်​ၶဝ်​ပဵၼ် မႄႈ​ယိင်း​ဢၼ် လဵၼ်ႈ​ၽူဝ်​ဢွၼ်ႇ၊ မႄႈ​ယိင်း​ဢၼ် ၵႃႈ​ၼႂ်း​မိုဝ်း​ၶဝ်​မီး​ဢပႅတ်ႈ လိူတ်ႈ​ၼၼ်ႉ​လႄႈ၊ ၶဝ်​ၸိူဝ်း​ဢၼ် သိုဝ်ႈ​တေႃႇ​ၼၼ်ႉ တၵ်း​ဢွၼ်​ၵၼ်​ၸီႇ​ယၢင်ႇ သွင်​ၶႃ​မိူၼ်​ၸိူဝ်ႉ​ၼင်ႇ​ဢၼ် ၸီႇ​ယၢင်ႇ​မႄႈ​ယိင်း ဢၼ်​လဵၼ်ႈ​ၽူဝ်​ဢွၼ်ႇ၊ မႄႈ​ယိင်း​ဢၼ် ၵႃႈ​ၼႂ်း​မိုဝ်း​ၶဝ်​မီး​ဢပႅတ်ႈ​လိူတ်ႈ​ၼၼ်ႉ​ဢေႃႈ။-</verse>
				<verse number="46">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ႁႂ်ႈ​မုၵ်ႉ​ၵူၼ်း ၸိူဝ်း​ၵူၼ်း​ၶီႇ​သိုၵ်း​ၸူး​တီႈ မႄႈ​ယိင်း​ၸိူဝ်း​ၼၼ်ႉ​လႄႈ တၵ်း​ပၼ် ဢၶႂၢင်ႉ ႁႂ်ႈ​သွင်​ၶႃ လႆႈ​ၶၢမ်ႇ​တၢင်း​ဢၼ်​ဢဝ်​ထိမ်ႈ​ၵႂႃႇ​ထိမ်ႈ​ၶိုၼ်း​လႄႈ ႁိမ်​ႁူင်ႇ​သိမ်း​ဢဝ်​ၵႂႃႇ​ဢေႃႈ။-</verse>
				<verse number="47">မုၵ်ႉ​ၵူၼ်း​ၸိူဝ်း​ၵူၼ်း​ၼၼ်ႉ တၵ်း​ဢွၼ်​ၵၼ်​ဢဝ်​မၢၵ်ႇ​ႁိၼ် ထိမ်ႈ​သႂ်ႇ​သွင်​ၶႃ​လႄႈ ဢဝ်​လၢပ်ႇ​လႅဝ်း​ၽၼ်း​သွင်​ၶႃ​ပႅတ်ႈ​ဢေႃႈ။ ၶဝ်​တၵ်း​ဢွၼ်​ၵၼ် ဢဝ်​လုၵ်ႈ​ယိင်း​လုၵ်ႈ​ၸၢႆး​သွင်​ၶႃ​တၢႆ​လႄႈ ဢဝ်​ၽႆး​တုတ်ႇ​ႁိူၼ်း​သွင်​ၶႃ​ပႅတ်ႈ​ဢေႃႈ။-</verse>
				<verse number="48">ၼင်ႇ​ၼၼ်​လႄႈ ၵဝ်​တၵ်း​ပႄႇ​ဢမူႉ ဢၼ်​ႁၢႆႉ​ယုတ်ႈ​ပႅတ်ႈ​သေ​ၵႃႈ​ၼႂ်း​မိူင်း​ၸဝ်ႈ မူတ်း​မူတ်း​သဵင်ႈ​သဵင်ႈ​ထၼ်ႈ​ပေႃး ႁႂ်ႈ​မႄႈ​ယိင်း​ၵႃႈ​မီး လႆႈ​သွၼ်​ဢဝ် လွင်ႈ​တၢင်း​ဢၼ်​တၵ်း​ဢမ်ႇ​ႁဵတ်း ဢမူႉ​ဢၼ်​ႁၢႆႉ​ယုတ်ႈ မိူၼ်​ၸိူဝ်ႉ​ၼင်ႇ​ဢၼ် သွင်​ၶႃ​ႁဵတ်း​ၼၼ်ႉ​ဢေႃႈ။-</verse>
				<verse number="49">ၶဝ်​ၼၼ်ႉ တၵ်း​ၸီႇ​ယၢင်ႇ​ၸွမ်း​ၼင်ႇ​ဢပႅတ်ႈ ဢမူႉ​ဢၼ်​ႁၢႆႉ​ယုတ်ႈ​သွင်​ၶိူဝ်​ၼၼ်ႉ​လႄႈ သွင်​ၶိူဝ်​တၵ်း​လႆႈ​ၶၢမ်ႇ​ဢပႅတ်ႈ ဢၼ်​ၸၢပ်ႈ​သႅင်ႇ​ၵၼ်​တင်း ရုၵ်ႈ​ထူႉ​သွင်​ၶိူဝ်​ၸိူဝ်း​ၼၼ်ႉ​လႄႈ သွင်​ၶိူဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="24">
				<verse number="1">ၼႂ်း​ပီႊ​ဢၼ်​ထူၼ်ႈ​ထိုင်​ၵဝ်ႈ​ပီႊ၊ လိူၼ်တႃႉသမႃႉ သိပ်း​ဝၼ်း​ၼၼ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​မၢတ်ႈ​မၢႆ​တႅမ်ႈ​ဝႆႉ ၸိုဝ်ႈ​သဵင်​ဝၼ်း​ဢၼ်​ဝႃႈ​မိုဝ်ႉ​ဝၼ်း​ဢၼ်​ၸိူဝ်း​ၼႆႉ​တႃႉ။ ၼႂ်း​မိုဝ်ႉ​ဝၼ်း​ဢၼ်​ၸိူဝ်း​ၼႆႉ​ၼၼ်ႉ ၶုၼ်​ႁေႃ​ၶမ်း​ ပႃႇပူႉလုၼ်ႇ တၵ်း​ၸႃႉ​ႁဵတ်း​တၢင်း​ဢၼ်​လွမ်ႉ​ဝဵင်း ယေႇရူႉသလႅမ်ႇ ​ဝႆႉ​ဢေႃႈ။-</verse>
				<verse number="3">တီႈ​မဵဝ်း​ဢၼ်​ၸၢင်ႈ​ပုင်ႇ​ၵၢၼ်ႇ​ၼၼ်ႉ​ၵေႃႈ၊ မႂ်း​ဢဝ်​ၵႂၢမ်း​ဢပုမ်ႇ​သင်ႇ​လၢတ်ႈ​ဝႆႉ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢဝ်​မေႃႈ​ၶၢင်​တင်ႈ​လႄႈ ဢဝ်​တင်ႈ​သေ​လႄႈ ဢဝ်​ၼမ်ႉ​ထွၵ်ႇ​ႁိုဝ်ႈ​သႂ်ႇ​တႃႉ။-</verse>
				<verse number="4">ဢဝ်​ၵွၼ်ႈ​ၼိူဝ်ႉ ဢၼ်​ဝႃႈ ၵွၼ်ႈ​ဢၼ်​လီ​ဢၼ်​ငၢမ်း​ၵႃႈ​မီး​ၸႃႉ​ၸဵမ်​ၶႃ၊ ႁူဝ်​မႃႇ၊ ၸူႉ​ဝႆႉ​ၵွင်​ဝႆႉ​ၵႃႈ​ၼႂ်း​မၼ်း​လႄႈ ဢဝ်​လုပ်ႇ ဢၼ်​လီ​ၼႃႇ​သေ​ပိူၼ်ႈ​ၼၼ်ႉ သႂ်ႇ​ဝႆႉ​ၵႃႈ​ၼႂ်း​မၼ်း​ၼၼ်ႉ ႁႂ်ႈ​ထၼ်ႈ​ပေႃး​တဵမ်​တႃႉ။-</verse>
				<verse number="5">ဢဝ်​သူဝ်း​ဢၼ်​လီ​ၼႃႇ​သေ​ပိူၼ်ႈ ၵႃႈ​ၼႂ်း​ၽုင်​သူဝ်း​သေ​လႄႈ ဢဝ်​လုပ်ႇ​မၼ်း​တင်း​လၢႆ​ၵွင်​သႂ်ႇ​ဝႆႉ ၵႃႈ​တႂ်ႈ​မၼ်း​ၼၼ်ႉ​လႄႈ ႁဵတ်း​ႁႂ်ႈ​မၼ်း​ၼၼ်ႉ လိူတ်ႇ​ၼႃႇ​ၼႃႇ​တႃႉ။ ႁႂ်ႈ​လုပ်ႇ​ဢၼ်​မီး​ၵႃႈ​ၼႂ်း​မၼ်း ၸိူဝ်း​ၼၼ်ႉ သုၵ်း​ၵႃႈ​ၼႂ်း​မၼ်း​ၼၼ်ႉ​တႃႉ။-</verse>
				<verse number="6">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဝဵင်း​ဢၼ်​ၸၢင်ႈ​ထွၵ်ႇ​လိူတ်ႈ​ၵူၼ်း​ပႅတ်ႈ၊ မေႃႈ​ၶၢင်​ဢၼ်​မီး​တၢင်း​ဢၼ်​ပဵၼ်​ႁေႃ​ဝႆႉ​လႄႈ ႁေႃ​မၼ်း​ၼၼ်ႉ ဢွၵ်ႇ​ၵႂႃႇ​ႁၢႆ​ၵႂႃႇ​ယဝ်ႉ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ ဢဝ်​ၵွၼ်ႈ​ၼိူဝ်ႉ​ဢွၵ်ႇ​ၵွၼ်ႈ​ၼိုင်ႈ​ယဝ်ႉ​ၵွၼ်ႈ​ၼိုင်ႈ​တႃႉ။ ယႃႇ​ပေ​တူၵ်း​ၸႃႇ​ၵွၵ်ႈ​လူၺ်ႈ​လွင်ႈ​မၼ်း။-</verse>
				<verse number="7">လွင်ႈ​မၼ်း​ၸမ်ႉ လိူတ်ႈ​ဢၼ်​မၼ်း​ၼၼ်ႉ ထွၵ်ႇ​ပႅတ်ႈ​ၼၼ်ႉ မီး​ယူႇ​ၵႃႈ​ၼႂ်း​ၵၢင်​မၼ်း​လႄႈ မၼ်း​ဢဝ်​တၢင်ႇ​သႂ်ႇ​ဝႆႉ ၵႃႈ​ၼိူဝ်​မၢၵ်ႇ​ႁိၼ် ဢၼ်​ၵဵင်ႈ​ဢၼ်​လိူမ်ႈ​ၼၼ်ႉ​ယဝ်ႉ။ မၼ်း​ဢမ်ႇ​ဢဝ်​ထွၵ်ႇ​သႂ်ႇ ၵႃႈ​ၼိူဝ်​လိၼ် ႁႂ်ႈ​လႆႈ​ဢဝ်​မုၼ်ႈ​လိၼ်​ႁူမ်ႇ​သုမ်ႇ​ဝႆႉ။-</verse>
				<verse number="8">လွင်ႈ​ၼင်ႇ​ႁိုဝ်​လိူတ်ႈ​ၼၼ်ႉ တၵ်း​ႁႂ်ႈ​တေႃး​သႃႉ​တၢင်း​ၸႂ်​မႆႈ​ဢွၵ်ႇ ႁႂ်ႈ​လႆႈ​ပၼ်​တၢမ်ႇ​ဢပႅတ်ႈ​ၸိုင်၊ ၵဝ်​ဢဝ်​လိူတ်ႈ​မၼ်း​ၼၼ်ႉ တၢင်ႇ​သႂ်ႇ​ဝႆႉ​ၵႃႈ​ၼိူဝ် မၢၵ်ႇ​ႁိၼ်​ဢၼ်​ၵဵင်ႈ ဢၼ်​လိူမ်ႈ​ၼၼ်ႉ ႁႂ်ႈ​ဢမ်ႇ​လႆႈ​ႁူမ်ႇ​လႆႈ​သုမ်ႇ​ဝႆႉ​ယဝ်ႉ။-</verse>
				<verse number="9">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဝဵင်း​ဢၼ်​ၸၢင်ႈ​ထွၵ်ႇ​လိူတ်ႈ ၵူၼ်း​ပႅတ်ႈ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ ၵဝ်​တၵ်း​ၸီႇ​ယၢင်ႇ​ႁဵတ်း​ၵွင်​ၽႆး ဢၼ်​ယႂ်ႇ​ၼႃႇ​ဢေႃႈ။-</verse>
				<verse number="10">ဢဝ်​ၽိုၼ်း​ၵွင်​ဝႆႉ​လႄႈ တုတ်ႇ​ၽႆး​တႃႉ။ ႁုင်​ၼိူဝ်ႉ​လီ​လီ​ငၢမ်း​ငၢမ်း​လႄႈ ႁႂ်ႈ​ပဵၼ်​ဢၼ် ဢူၼ်ႈ​လီ​တုင်​လီ​တႃႉ။ ႁႂ်ႈ​လုပ်ႇ​မၼ်း​မႆႈ​သုတ်း​ပႅတ်ႈ​သေ။-</verse>
				<verse number="11">လိုၼ်း​ၼၼ်ႉ ဢဝ်​မၼ်း​ဢၼ်​ဢမ်ႇ​ပႃး​ၵႃႈ​သင်​ၼၼ်ႉ တၢင်ႇ​သႂ်ႇ​ဝႆႉ​ၵႃႈ​ၼိူဝ်​ထၢၼ်ႇ​ၽႆး ႁႂ်ႈ​မၼ်း​လႆႈ​မႆႈ​လႄႈ တွင်း​လိူင်​မၼ်း​မႆႈ​သုတ်း ယူႇ​သေ​လႄႈ၊ ၶႆး​တင်​မၼ်း မီး​တၢင်း​ဢၼ်​ၶိုဝ်ႇ​ဢွင်ႇ​ၸိူမ်ႈ​ယူႇ ၵႃႈ​ၼႂ်း​မၼ်း​လႄႈ ႁေႃ​မၼ်း​သုတ်း​ပႅတ်ႈ သဵင်ႈ​ပႅတ်ႈ​သေ​တႃႉ။-</verse>
				<verse number="12">မၼ်း​ၼၼ်ႉ ႁဵတ်း​ၼႃႇ​လူင်​လၢင်​လႄႈ ပဵၼ်​ဢၼ်​ႁိူဝ်ႉ​ၸႂ် ဢူၼ်ႈ​ၸႂ်​ဢေႃႈ။ ႁေႃ​မၼ်း​ဢၼ်​ယႂ်ႇ​ၼမ်​ၼႃႇ​ၼၼ်ႉ ဢမ်ႇ​သူႈ​ဢွၵ်ႇ သေ​ၵႃႈ​ၼႂ်း​မၼ်း။ ၵွပ်ႈ​ပိူဝ်ႈ​ၽႆး​လႄႈ ဢမ်ႇ​သူႈ​သဵင်ႈ​သူႈ​မူတ်း။-</verse>
				<verse number="13">ၵႃႈ​ၼႂ်း​ၶႆး​တင်​မႂ်း​ၼၼ်ႉ ပႃး​ဢမူႉ​ဢၼ်​ႁၢႆႉ​ယုတ်ႈ​ဢေႃႈ။ ၵွပ်ႈ​ပိူဝ်ႈ​ဢၼ် ၵဝ်​မီး​ဢလူဝ်ႇ​ၶႂ်ႈ​သုၵ်ႈ​သီ​မႂ်း​လႄႈ မႂ်း​ဢမ်ႇ​ၶၢမ်ႇ​တၢင်း​ဢၼ် သုၵ်ႈ​သီ​ၼၼ်ႉ​လႄႈ၊ မႂ်း​တၵ်း​ဢမ်ႇ​လႆႈ​ၶၢမ်ႇ တၢင်း​ဢၼ်​သုၵ်ႈ​သီ​ၶႆး​တင်​မႂ်း​ပႅတ်ႈ​ထႅင်ႈ တေႃႇ​ထိုင်​ႁွတ်ႈ​ၵဝ် ႁႂ်ႈ​ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​ၵဝ် ႁွတ်ႈ​ထိုင်​ၵႃႈ​ၼိူဝ်​မႂ်း​ၼၼ်ႉ။-</verse>
				<verse number="14">ၵဝ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ။ မၼ်း​တၵ်း​လႆႈ​ပဵၼ်​မႃး​ဢေႃႈ။ ၵဝ်​တၵ်း​ႁဵတ်း​ဢေႃႈ။ ၵဝ်​တၵ်း​ဢမ်ႇ​သုတ်ႉ​ဢမ်ႇ​ယိုတ်း​ၶိုၼ်း၊ ဢမ်ႇ​သေ​လၢႆ၊ ဢမ်ႇ​ၶုၵ်း​ၸႂ်​လႆႈ​မႆႈ​ၸႂ်။ ၶဝ်​တၵ်း ၸီႇ​ယၢင်ႇ​မႂ်း​ၸွမ်း ၵႃႈ​ၼင်ႇ​ဢၼ်​သဵၼ်ႈ​တၢင်း​မႂ်း ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ​မႂ်း​မီး ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="15">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="16">လုၵ်ႈ​ၵူၼ်း​ဢိူၺ်း၊ တူၺ်း​လူး။ ၵဝ်​တၵ်း​ဢဝ်​တၢမ်ႇ ၵမ်း​ၼိုင်ႈ ပႄႇ​ၽဵဝ်ႈ ၵေႃႉ​ဢၼ်​မၢၵ်ႇ​တႃ​မႂ်း လူ​တူၺ်း​ၼၼ်ႉ ပႅတ်ႈ​ၵမ်း​လဵဝ်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မႂ်း​ဢမ်ႇ​လႆႈ​ႁဵတ်း​တၢင်း​ဢၼ် ၶၢင်း​ၶီ​ၶၢင်း​ၽၢၼ်၊ တၢင်း​ဢၼ်​ႁႆႈ​ဢၼ်​ႁွင်ႉ။ ၼမ်ႉ​တႃ​ဢမ်ႇ​လႆႈ​ဢွၵ်ႇ​တူၵ်း​လႆ​တူၵ်း။-</verse>
				<verse number="17">လွမ်​ၶၢင်း​ၶီ​ၶၢင်း​ၽၢၼ် တဵတ်ႇ​တဵတ်ႇ​တႃႉ။ ယႃႇ​ပေ​ႁဵတ်း​တၢင်း​ဢၼ်​ပွင်ႉ​မိူၼ်ႇ​ပုၼ်ႈ ၵေႃႉ​ဢၼ်​တၢႆ​ၼၼ်ႉ။ ၶဵၼ်း​ၶဵၼ်း​ႁူဝ်​မႂ်း​လႄႈ တိုဝ်း​ၶႅပ်း​တိၼ်​မႂ်း​တႃႉ။ ယႃႇ​ပေ​ႁူမ်ႇ​သူပ်း​တူမ်း​သူပ်း​မႂ်း။ ယႃႇ​ပေ​ၵိၼ်​တၢင်း​ၵိၼ် တၢင်း​ၶူပ်း​ၵူၼ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၼင်ႇ​ၼၼ်​လႄႈ ၵဝ်​မွၵ်ႇ​လၢတ်ႈ​တီႈ​ၵူၼ်း​တင်း​လၢႆ ၶိင်ႇ​ၵၢင်​ၼႂ်​လႄႈ ၶိင်ႇ​ႁူဝ်​ၶမ်ႈ ၵူၼ်း​ယိင်း​ၵဝ်​တၢႆ​ဢေႃႈ။ ၶိင်ႇ​ၵၢင်​ၼႂ် ၵဝ်​ႁဵတ်း​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="19">ၵူၼ်း​တင်း​လၢႆ​ၵေႃႈ ထၢမ်​တီႈ​ၵဝ်​လႄႈ​ဝႃႈ၊ ၸဝ်ႈ​တၵ်း​မွၵ်ႇ​လၢတ်ႈ​လွင်ႈ​ဢၼ် လွင်ႈ​တၢင်း​ဢၼ်​ၸဝ်ႈ​ႁဵတ်း​ၸိူဝ်ႉ​ၼင်ႇ​ၼႆ ၸိူဝ်း​ၼၼ်ႉ ၸၢပ်ႈ​သႅင်ႇ​ၵၼ်​တင်း​ႁဝ်း ၸိူဝ်ႉ​ၼင်ႇ​ႁိုဝ်​ၼၼ်ႉ၊ ဢမ်ႇ​ၸႂ်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="20">ၵဝ်​လၢတ်ႈ​တီႈ​ၶဝ်​လႄႈ​ဝႃႈ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="21">မႂ်း​လၢတ်ႈ​တီႈ မဵဝ်း​ ဢီႉသရေႇလႃႉ ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ၶျႃး​ထႃႇၼႃႉ​တီႈ​မူတ်း​ၸၢင်ႇ​ၵဝ်၊ ဢၼ်​ထွတ်ႈ​ဢၼ်​မျၢတ်ႈ တၢင်း​ၵတ်ႉ​တၢင်း​ၶၼ်​သူ၊ လွင်ႈ​တၢင်း​ဢၼ်​မၢၵ်ႇ​တႃ​သူ ၶႂ်ႈ​လူ​တူၺ်း၊ လွင်ႈ​တၢင်း​ဢၼ်​ႁူဝ်​ၸႂ်​သူ​သေ​လၢႆ ၼႃႇ​လူင်​လၢင်​ၼၼ်ႉ တူၵ်း​တီႈ​တႅမ်ႇ​ဢေႃႈ။ လုၵ်ႈ​သူ​လၢင်း​သူ ဢၼ်​သူ​ႁႂ်ႈ​ၵိုတ်း​ၵျၢၼ်ႇ​ဝႆႉ​ၸိူဝ်း​ၼၼ်ႉ တၵ်း​ဢွၼ်​ၵၼ်​လူမ်ႉ​တၢႆ လူၺ်ႈ​လၢပ်ႇ လူၺ်ႈ​လႅဝ်း​ဢေႃႈ။-</verse>
				<verse number="22">မိူဝ်ႈ​ၼၼ်ႉ သူ​တၵ်း​လႆႈ​ဢွၼ်​ၵၼ်​ႁဵတ်း မိူၼ်​ၸိူဝ်ႉ​ၼင်ႇ​ဢၼ်​ၵဝ်​ႁဵတ်း​ၼႆႉ​လႄႈ ဢမ်ႇ​လႆႈ​ဢွၼ်​ၵၼ်​ႁူမ်ႇ​သူပ်း​တူမ်း​သူပ်း​သူ၊ ဢမ်ႇ​လႆႈ​ဢွၼ်​ၵၼ်​ၵိၼ် တၢင်း​ၵိၼ်​တၢင်း​ၶူပ်း​ၵူၼ်း။-</verse>
				<verse number="23">ၶဵၼ်း​ႁူဝ်​သူ တၵ်း​လႆႈ​မီး​ၵႃႈ​တီႈ​ႁူဝ်​သူ​လႄႈ ၶႅပ်း​တိၼ်​သူ တၵ်း​လႆႈ​မီး​ၵႃႈ​တီႈ​တိၼ်​သူ​ဢေႃႈ။ သူ​ဢမ်ႇ​လႆႈ​ဢွၼ်​ၵၼ်​ႁဵတ်း တၢင်း​ဢၼ်​ၶၢင်း​ၶီ​ၶၢင်း​ၽၢၼ်၊ တၢင်း​ဢၼ်​ႁႆႈ​ဢၼ်​ႁွင်ႉ။ သူ​တၵ်း​ဢွၼ်​ၵၼ်​ယွမ်​ႁဵဝ်ႇ ယူႇ​ၼႂ်း​ဢပႅတ်ႈ တူႉ​ၸရိူၵ်ႈ​သူ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၶၢင်း​ၶီ​ၶၢင်း​ၽၢၼ်​တေႃႇ​ၵၼ်​ယူႇ​ဢေႃႈ။-</verse>
				<verse number="24">ၼင်ႇ​ၼၼ်​လႄႈ ယေႇၸၵျေႇလႃႉ တၵ်း​လႆႈ​ပဵၼ် ပုၵ်ႉ​ပႃႉ​ၼီႉမိၵ်ႈ​တီႈ​သူ​ဢေႃႈ။ ၵႃႈ​ၼင်ႇ​ဢၼ်​မၼ်း​ႁဵတ်း​ၵႃႈ​မီး​ၼၼ်ႉ သူ​တၵ်း​လႆႈ ႁဵတ်း​ၸွမ်း​ဢေႃႈ။ မိူဝ်ႈ​ဢၼ် ဢမူႉ​ၼႆႉ​ႁွတ်ႈ​ထိုင်​ၼၼ်ႉ​ၸိုင်၊ သူ​တၵ်း​လႆႈ​ႁူႉ​လွင်ႈ​ဢၼ်​ၵဝ် ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="25">လုၵ်ႈ​ၵူၼ်း​ဢိူၺ်း၊ ၼႂ်း​မိူဝ်ႈ​ဢၼ်​ၵဝ် ၼုၵ်ႈ​သိမ်း​ဢဝ် တၢင်း​ၵတ်ႉ​တၢင်း​ၶၼ်​ၶဝ်၊ မုၼ်​ၽုင်း​ၶဝ် ဢၼ်​လီ​ဢုပ်ႇ​ဝၢဝ်း၊ လွင်ႈ​တၢင်း​ဢၼ်​မၢၵ်ႇ​တႃ​ၶဝ် ၶႂ်ႈ​လူ​ၶႂ်ႈ​တူၺ်း၊ လွင်ႈ​တၢင်း​ဢၼ်​ၶဝ်​ၸႂ်​ၸပ်း​ၸႂ်​ၸွႆး၊ ဢိၵ်ႇ​တင်း လုၵ်ႈ​ၸၢႆး​ၶဝ်​လုၵ်ႈ​ယိင်း​ၶဝ်​ၼၼ်ႉ၊-</verse>
				<verse number="26">ၼႂ်း​မိုဝ်ႉ​ဝၼ်း​ၼၼ်ႉ သေ​ၵေႃႉ​သေ​ၵူၼ်း​ဢၼ်​လွတ်ႈ​ၼၼ်ႉ တၵ်း​ႁွတ်ႈ​မႃး​တီႈ​မႂ်း​လႄႈ ႁႂ်ႈ​ႁူ​မႂ်း​လႆႈ​ငိၼ်း​ဢေႃႈ။-</verse>
				<verse number="27">ၼႂ်း​မိုဝ်ႉ​ဝၼ်း​ၼၼ်ႉ သူပ်း​မႂ်း​တၵ်း​မီး​တၢင်း​ဢၼ် ၽုၺ်ႇ​ပိုတ်ႇ​တီႈ​ၵေႃႉ​ဢၼ် လွတ်ႈ​ၼၼ်ႉ​လႄႈ မႂ်း​တၵ်း​လႆႈ​ႁေႃး​လၢတ်ႈ​လႄႈ ပူၼ်ႉ​သေ​ၶိင်ႇ​မိူဝ်ႈ​ဢၼ်​မႂ်း​ဢႃႉ​ၼၼ်ႉ​ဢေႃႈ။ ၼင်ႇ​ၼၼ်​လႄႈ မႂ်း​တၵ်း​လႆႈ​ပဵၼ်​ပုၵ်ႉ​ပႃႉ​ၼီႉမိၵ်ႈ​တီႈ​ၶဝ်​လႄႈ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="25">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ဝၢႆႇ​ၼႃႈ​မႂ်း​ယူႇ​ၽၢႆႇ​ၼိုင်ႈ တင်း​ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ​လႄႈ ႁဵတ်း​ပရေႃးၽႅတ်ႈ ယူႇ​ၽၢႆႇ​ၼိုင်ႈ တင်း​ၶဝ်​သေ​လႄႈ၊-</verse>
				<verse number="3">လၢတ်ႈ​တီႈ​ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ​လႄႈ​ဝႃႈ၊ ဢွၼ်​ၵၼ်​ထွမ်ႇ​ငိၼ်း​ဢမိင်ႉ ၸဝ်ႈ​ထႃႇဝရႃႉ​ၽြႃး​တႃႉ။ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​မႂ်း​ဝႃႈ၊ ဢႄႁႄႉ၊ ဝႃႈ​ၼင်ႇ​ၼႆ​တီႈ ထႃႇၼႃႉ​တီႈ​မူတ်း​ၸၢင်ႇ​ၵဝ် ၼႂ်း​မိူဝ်ႈ​ဢၼ်​မၼ်း​လႆႈ ၶၢမ်ႇ​တၢင်း​ဢၼ် ၶျႃး​တူၵ်း​တီႈ​တႅမ်ႇ​ယူႇ၊ တီႈ​မိူင်း ဢီႉသရေႇလႃႉ ၼႂ်း​မိူဝ်ႈ​ဢၼ်​မၼ်း​ႁွတ်ႈ​ထိုင် တၢင်း​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ယူႇ၊ တီႈ​ ယူႉတႃႉ ၼႂ်း​မိူဝ်ႈ​ဢၼ်​ၶဝ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ​ယူႇ​ၼၼ်ႉ​မႅၼ်ႈ​လႄႈ၊-</verse>
				<verse number="4">ၵဝ်​တၵ်း ဢဝ်​မႂ်း​ပၼ်​တီႈ​ၵူၼ်း​မိူင်း​ဝၼ်း​ဢွၵ်ႇ တင်း​လၢႆ ပုၼ်ႈ​ဢၼ်​ၶဝ်​တၵ်း​ပိူင်ႇ​ဢေႃႈ။ ၶဝ်​ၼၼ်ႉ​တၵ်း​ဢွၼ်​ၵၼ်​တႄႇ​ႁဵတ်း ဝၢၼ်ႈ​ၶဝ်​ၵႃႈ​ၼႂ်း​မႂ်း​လႄႈ တူၵ်း​တီႈ​ယူႇ​တီႈ​သဝ်း ၵႃႈ​ၼႂ်း​မႂ်း​ဢေႃႈ။ ၶဝ်​တၵ်း​ဢွၼ်​ၵၼ်​ၵိၼ်​မၢၵ်ႇ ၵိၼ်​ႁူင်း​မႂ်း​လႄႈ သူတ်ႉ​ၵိၼ်​ၼမ်ႉ​ၼူမ်း​မႂ်း​ဢေႃႈ။-</verse>
				<verse number="5">ၵဝ်​တၵ်း​ႁႂ်ႈ​ဝဵင်း​ ရပ်ႉပႃႇ ပဵၼ်​သိုင်ႇ​ၵလႃးဢုၵ်ႉ​လႄႈ တၵ်း​ႁႂ်ႈ​မိူင်း​ ဢမ်ႇမုၼ်ႇ ပဵၼ်​တီႈ​ဢၼ်​သူဝ်း​လႄႇ​ၵိၼ်​လႄႇ ၼွၼ်း​ဢေႃႈ။ သူ​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="6">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​မႂ်း​တူပ်း​မိုဝ်း​မႂ်း​ယူႇ၊ တိုပ်ႈ​တိၼ်​မႂ်း​ယူႇ၊ မီး​ၸႂ်​ဢၼ်​သီႈ​ၵေႉ​ႁေႈ​တႃ မိူင်း​ ဢီႉသရေႇလႃႉ ႁႅင်း​ယႂ်ႇ​ၼႃႇ​သေ​လႄႈ ၸူမ်း​သိူဝ်း​ၼႃႇ​လူင်​လၢင်​ၼၼ်ႉ​လႄႈ၊-</verse>
				<verse number="7">ၵဝ်​တၵ်း​ယဵတ်ႇ​မိုဝ်း​ၵဝ် ၵႃႈ​ၼိူဝ်​မႂ်း​လႄႈ ဢဝ်​မႂ်း​ဢၢပ်ႈ​ပၼ် ပုၼ်ႈ​ဢၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​ႁိမ်​ဢဝ်​ႁူင်ႇ​ဢဝ်​ဢေႃႈ။ ၵဝ်​တၵ်း​ပႄႇ​မႂ်း​ပႅတ်ႈ​သေ​ၵႃႈ​ၼႂ်း မဵဝ်း​ၵူၼ်း​တင်း​လၢႆ​လႄႈ ၽဵဝ်ႈ​မႂ်း​ပႅတ်ႈ​သေ​ၵႃႈ​ၼႂ်း ၵူႈ​သိုင်ႇ​ၵူႈ​မိူင်း​ၼၼ်ႉ​ဢေႃႈ။ ၵဝ်​တၵ်း​ယႃႉ​မႂ်း​ပႅတ်ႈ​လႄႈ မႂ်း​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">လႆႈ​သမ်ႉ​ၸဝ်ႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ် မိူင်း​ မေႃႇၽႃႉ ဢိၵ်ႇ​တင်း ဝဵင်း​ ၸီႉရႃႉ ဢွၼ်​ၵၼ်​လၢတ်ႈ​လႄႈ​ဝႃႈ၊ တူၺ်း​လူး။ မဵဝ်း​ ယူႉတႃႉ ​ၼၼ်ႉ မိူၼ်​ၵၼ်​တင်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="9">တူၺ်း​လူး။ ၵဝ်​တၵ်း​ၽုၺ်ႇ​ပိုတ်ႇ​ပဵမ်ႉ​ မေႃႇၽႃႉ ဢၼ်​မီး​ၵႃႈ​တီႈ ၶွပ်ႇ​ၼမ်ႉ​လႅၼ်​လိၼ်​မၼ်း​လႄႈ ပဵၼ်​မုၼ်​ပဵၼ်​ၽုင်း​မၼ်း​ဢၼ်​ဝႃႈ ဝဵင်း​ ပႅတ်ႉယေႇသမုတ်ႉ ၊ ဝဵင်း​ ပႃႇလမွင်ႇ ၊ ဝဵင်း​ ၵီႉရီႉယသိမ်း ​ၸိူဝ်း​ၼၼ်ႉ၊-</verse>
				<verse number="10">ပၼ်​တီႈ​ၵူၼ်း​မိူင်း​ဝၼ်း​ဢွၵ်ႇ တင်း​လၢႆ ႁႂ်ႈ​ၶဝ်​လႆႈ​ၶီႇ​သိုၵ်း​ၸူး တီႈ​ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ​လႄႈ ၵဝ်​တၵ်း​ဢဝ်​ၶဝ်​ဢၢပ်ႈ​ပၼ် ပုၼ်ႈ​ဢၼ်​ၶဝ်​ၼၼ်ႉ တၵ်း​ပိူင်ႇ​ထၼ်ႈ​ပေႃး ဢမ်ႇ​မၢတ်ႈ​ၵူၼ်း​မဵဝ်း​ ဢမ်ႇမုၼ်ႇ ၶဝ်ႈ​ပႃး​ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ၊-</verse>
				<verse number="11">တီႈ​မိူင်း​ မေႃႇၽႃႉ ​ၵေႃႈ ၵဝ်​တၵ်း ၸီႇ​ယၢင်ႇ​တၢမ်ႇ​ဢပႅတ်ႈ​လႄႈ ၶဝ်​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">လႆႈ​သမ်ႉ​ၸဝ်ႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​မိူင်း​ ဢေႇတုမ်ႇ ယူႇ​ၽၢႆႇ​ၼိုင်ႈ​တင်း​မဵဝ်း​ ယူႉတႃႉ ႁႂ်ႈ​လႆႈ​တွပ်ႇ​တႅၼ်း​ၶိုၼ်း လႄႈ ၽိတ်း​ပိူင်ႈ​ၼႃႇ​လူင်​လၢင်​သေ​လႄႈ ႁဵတ်း​ႁႂ်ႈ​ၸႂ်​ပတိၵ်ႉၶၢတ်ႈ​ၵဝ်​ပေႇ​ၼၼ်ႉ​လႄႈ၊-</verse>
				<verse number="13">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ယဵတ်ႇ​မိုဝ်း​ၵဝ် ၵႃႈ​ၼိူဝ်​မိူင်း​ ဢေႇတုမ်ႇ ​လႄႈ ပႄႇ​ၽဵဝ်ႈ​ၵူၼ်း ဢိၵ်ႇ​တင်း တရိၵ်ႈသၢၼ်ႇ​ပႅတ်ႈ​သေ​ၵႃႈ​ၼႂ်း​မၼ်း​ဢေႃႈ။ ၵဝ်​တၵ်း​ႁႂ်ႈ​မၼ်း​ပဵၼ် ဢၼ်​သဵတ်ႇ​ၵူၼ်း​ယဵၼ်​ၵူၼ်း ၵႂႃႇ​ၸႃႉ​ၸဵမ်​ဝဵင်း​ တေႇမၢၼ်ႇ ​ၼၼ်ႉ လႄႈ တေႃႈ​ၵႃႈ ၵႃႈ​တီႈ​ဝဵင်း​ တေႇတၼ်ႇ ​ၼၼ်ႉ ၶဝ်​တၵ်း​လႆႈ​လူမ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။-</verse>
				<verse number="14">ၵဝ်​တၵ်း​ဢဝ်​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ပၼ်​တၢမ်ႇ​တီႈ​မိူင်း​ ဢေႇတုမ်ႇ ​ႁႂ်ႈ​ၸႂ်​ၵဝ်​ပေႇ​လႄႈ​ၶဝ်​ၼၼ်ႉ တၵ်း​ဢွၼ်​ၵၼ်​ႁဵတ်း​တီႈ​မိူင်း​ ဢေႇတုမ်ႇ ​ၸွမ်း​ၵႃႈ​ၼင်ႇ​ဢၼ် တၢင်း​ၶႂ်း​ၸႃႉ​ၶႂ်ႈ​ၸဵတ်ႉ​ၵဝ် ဢိၵ်ႇ​တင်း ဢၢႆ​ႁႅင်း​တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၵဝ် ႁႅင်း​ယႂ်ႇ​ၼၼ်ႉ မီး​ၼၼ်ႉ​ဢေႃႈ။ ၶဝ်​တၵ်း​လႆႈ​ႁူႉ​တၢမ်ႇ​ဢပႅတ်ႈ ဢၼ်​ၵဝ်​တွပ်ႇ​တႅၼ်း​ပၼ် ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="15">လႆႈ​သမ်ႉ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ ဝႆႉ​တၢင်း​ၽိတ်း​လႄႈ မီး​ၸႂ်​ပတိၵ်ႉၶၢတ်ႈ ႁႅင်း​ယႂ်ႇ​ၼႃႇ​ယူႇ​သေ​လႄႈ ပၼ်​တၢမ်ႇ​ဢပႅတ်ႈ​ႁႂ်ႈ​လႆႈ ႁဵတ်း​ၸွမ်း​ဢလူဝ်ႇ​တေႃး​သႃႉ ဢၼ်​ၵဝ်ႇ​ဢၼ်​မွၼ်​လႄႈ ယႃႉ​ၽဵဝ်ႈ​ပႅတ်ႈ မူတ်း​မူတ်း​သဵင်ႈ​သဵင်ႈ ၼၼ်ႉ​လႄႈ၊-</verse>
				<verse number="16">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ယဵတ်ႇ​မိုဝ်း​ၵဝ် ၵႃႈ​ၼိူဝ်​ၵူၼ်း​ ၽီႉလိတ်ႉတီႉ ​တင်း​လၢႆ​လႄႈ ပႄႇ​ၵူၼ်း​ ၶေးရသီႉ ​တင်း​လၢႆ​ပႅတ်ႈ​ဢေႃႈ။ ၵဝ်​တၵ်း​ယႃႉ​ၶဝ်​ၸိူဝ်း​ဢၼ် ၵိုတ်း​ဝႆႉ​ၵျၢၼ်ႇ​ဝႆႉ ၵႃႈ​တီႈ​ႁိမ်း​ၽင်ႇ​ပၢင်ႇ​လၢႆႇ​ၼၼ်ႉ​ပႅတ်ႈ​ဢေႃႈ။-</verse>
				<verse number="17">ၵဝ်​တၵ်း​ဢဝ်​တၢင်း​ဢၼ် သင်ႇ​သွၼ်​သုင်း​မႃႉ​ဢၼ်​ႁႂ်ႈ​ႁၢဝ်ႈ​ၵျၢမ်း​ၼႃႇ ပၼ်​တၢမ်ႇ​ဢပႅတ်ႈ ဢၼ်​ယႂ်ႇ​ၼႃႇ​တီႈ​ၶဝ်​ဢေႃႈ။ မိူဝ်ႈ​ဢၼ် ၵဝ်​ပၼ်​တၢမ်ႇ ႁႂ်ႈ​လႆႈ​ပေႇ​ၸႂ်​ၵဝ်​ၼၼ်ႉ​ၸိုင်၊ ၶဝ်​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="26">
				<verse number="1">ၼႂ်း​ပီႊ​ဢၼ်​ထူၼ်ႈ​ထိုင် သိပ်း​ဢဵတ်း​ပီႊ၊ လိူၼ်​ပထမႃႉ ဝၼ်း​ၼိုင်ႈ ၼၼ်ႉ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ ၵွပ်ႈ​ပိူဝ်ႈ​ဢၼ်​ဝဵင်း​ တူႉရူႉ ယူႇ​ၽၢႆႇ​ၼိုင်ႈ တင်း​ဝဵင်း​ ယေႇရူႉသလႅမ်ႇ ​လႄႈ​ဝႃႈ၊ ဢႄႁႄႉ။ မၼ်း​ဢၼ်​ပဵၼ်​ၽၵ်း​တူ သိုင်ႇ​ၸိုင်ႈ​ဝၢၼ်ႈ​မိူင်း​တင်း​လၢႆ​ၼၼ်ႉ လူႉ​လႅဝ်​လႄႈ မၼ်း​တၵ်း​ႁွတ်ႈ​ထိုင် ၵႃႈ​ၼႂ်း​မိုဝ်း​ၵဝ်​ဢေႃႈ။ ၵွပ်ႈ​ပိူဝ်ႈ​ဢၼ်​မၼ်း​ပဵၼ်​ဢၼ် သဵတ်ႇ​ၵူၼ်း​ယဵၼ်​ၵူၼ်း​ၵႂႃႇ​လႄႈ ၵဝ်​တၵ်း​မီး​တၢင်း​ဢၼ် ၼမ်​ၵိုၼ်း​မႃး​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊-</verse>
				<verse number="3">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဝဵင်း​ တူႉရူႉ ​ဢိူၺ်း၊ ၵဝ်​ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။ ၵဝ်​တၵ်း​ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ၼမ်​ၼႃႇ ဢွၼ်​ၵၼ်​လုၵ်ႉ​ၶီႇ​ၶိုၼ်ႈ​ၸူး​မႂ်း မိူၼ်​ၸိူဝ်ႉ​ၼင်ႇ​ဢၼ် ၼမ်ႉ​သမ်ႇ​မုၵ်ႉ​တြႃႇ ႁႂ်ႈ​လႅင်း​ၼမ်ႉ​ပိူပ်ႈ​ၼမ်ႉ​မၼ်း လုၵ်ႉ​ၶိုၼ်ႈ​ၼၼ်ႉ​ဢေႃႈ။-</verse>
				<verse number="4">ၶဝ်​ၼၼ်ႉ တၵ်း​ဢွၼ်​ၵၼ်​ယႃႉ​လမ်း​ဝဵင်း​ တူႉရူႉ ​ပႅတ်ႈ​လႄႈ ၵိူၼ်ႇ​လၢင်း​ၸီး​မၼ်း​တင်း​လၢႆ​တူၵ်း​ပႅတ်ႈ​ဢေႃႈ။ ၵဝ်​တၵ်း​ၶုတ်း​ၵွၵ်း​ဢဝ် မုၼ်ႈ​လိၼ်​မၼ်း​ပႅတ်ႈ​လႄႈ ႁႂ်ႈ​မၼ်း​ပဵၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​ဢၼ်​ၵဵင်ႈ ဢၼ်​လိူမ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="5">မၼ်း​တၵ်း​လႆႈ​ပဵၼ်​တီႈ​ဢၼ် တၢၵ်ႇ​ၼႅင်ႈ​တၢၵ်ႇ​ၶႄ​ယူႇ ၵႃႈ​ၼႂ်း​ၵၢင်​ပၢင်ႇ​လၢႆႇ​ဢေႃႈ။ ၵဝ်​မီး​ဢမိင်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။ မၼ်း​တၵ်း​လႆႈ​ပဵၼ်​တီႈ​ဢၼ်​ၵူၼ်း ၵူႈ​ၸိူဝ်ႉ​ၵူႈ​မဵဝ်း ႁိမ်​ဢဝ်​ႁူင်ႇ​ဢဝ်​ဢေႃႈ။-</verse>
				<verse number="6">လုၵ်ႈ​ယိင်း​မၼ်း​ဢၼ်​မီး ၵႃႈ​တီႈ​ၼွၵ်ႈ​တီႈ​ပၢင်ႇ​တင်း​လၢႆ​ၼၼ်ႉ တၵ်း​လႆႈ တၢႆ​လူၺ်ႈ​လၢပ်ႇ​လူၺ်ႈ​လႅဝ်း​လႄႈ ၶဝ်​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">လႆႈ​သမ်ႉ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း ဢဝ်​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ဢၼ်​ဝႃႈ ၶုၼ်​ႁေႃ​ၶမ်း ၼိူဝ်​ၶုၼ်​ႁေႃ​ၶမ်း တင်း​လၢႆ​ၼၼ်ႉ ဢိၵ်ႇ​လူၺ်ႈ​ၵၼ်​တင်း​မႃႉ​မၼ်း​လႂ်၊ လေႃႉ​ရထႃး​မၼ်း​လႂ်၊ ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​မၼ်း​လႂ်၊ မုၵ်ႉ​ၵူၼ်း​ၸိူဝ်း​ၵူၼ်း​မၼ်း​လႂ်၊ ၵူၼ်း​ၼမ်​ၼႃႇ​လႂ် လုၵ်ႉ​သေ​ၵႃႈ​တီႈ​ၼႃႈ​တၢင်း​ႁွင်ႇ​မႃး​ၸူး ၵႃႈ​တီႈ​ဝဵင်း​ တူႉရူႉ ​ဢေႃႈ။-</verse>
				<verse number="8">မၼ်း​ၼၼ်ႉ တၵ်း​ဢဝ်​လုၵ်ႈ​ယိင်း​မႂ်း ဢၼ်​မီး​ၵႃႈ​တီႈ​ၼွၵ်ႈ​တီႈ​ပၢင်ႇ ၸိူဝ်း​ၼၼ်ႉ တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။ မၼ်း​တၵ်း ႁဵတ်း​တိူၵ်ႈ​တီႈ​တိုၵ်း​သိုၵ်း ယူႇ​ၽၢႆႇ​ၼိုင်ႈ​တင်း​မႂ်း​လႄႈ ၵေႃႇ​ႁဵတ်း​တဵင်​ႁဵတ်း​တႅၼ်ႈ​လိၼ် ယူႇ​ၽၢႆႇ​ၼိုင်ႈ​တင်း​မႂ်း​သေ​လႄႈ ယုၵ်ႉ​ဢဝ်​ၶိူင်ႈ​ႁႄႉ လၢၵ်ႈ​ၼၢၵ်ႈ ႁႄႉ​ၵင်ႈ​ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။-</verse>
				<verse number="9">မၼ်း​တၵ်း ဢဝ်​တုမ်​သၢၵ်ႇ​တွင်ႈ​တင်း​လၢႆ ႁွႆႈ​ဝႆႉ​ယူႇ​ၽၢႆႇ​ၼိုင်ႈ တင်း​လမ်း​ဝဵင်း​မႂ်း​လႄႈ ဢဝ်​လၢပ်ႇ​ဢဝ်​လႅဝ်း ၵိူၼ်ႇ​ယႃႉ​တိူၵ်ႈ​တီႈ​တိုၵ်း​သိုၵ်း​မႂ်း တင်း​လၢႆ​ပႅတ်ႈ​ဢေႃႈ။-</verse>
				<verse number="10">ၵွပ်ႈ​ပိူဝ်ႈ​ဢၼ်​မႃႉ​မၼ်း​ၼမ်​လႄႈ ၽုၼ်ႇ​မုၵ်ႉ​တၵ်း​ႁူမ်ႇ​သုမ်ႇ​မႂ်း​ဢေႃႈ။ မိူဝ်ႈ​ဢၼ်​မၼ်း​ၶဝ်ႈ​ၵႃႈ​ၼႂ်း ၽၵ်း​တူ​လမ်း​ဝဵင်း​မႂ်း မိူၼ်​ၸိူဝ်ႉ​ၼင်ႇ ဢၼ်​ၵူၼ်း​ၸၢင်ႈ​ၶဝ်ႈ​ၵႃႈ​ၼႂ်း​ဝဵင်း ၸွမ်း​ႁူး​ပွင်ႇ​ႁူး​လူင်ႉ လမ်း​ဝဵင်း​ၼၼ်ႉ​ၼၼ်ႉ​ၸိုင်၊ လမ်း​ဝဵင်း​မႂ်း တၵ်း​သၼ်ႇ​ဝႆ ၵွပ်ႈ​ပိူဝ်ႈ​သဵင်​ႁူဝ်​ႁၢၼ် ၵူၼ်း​သိုၵ်း​ၶီႇ​မႃႉ​တင်း​လၢႆ ဢိၵ်ႇ​တင်း သဵင်​လေႃႉ သဵင်​လႅင် သဵင်​လေႃႉ​ရထႃး ၸိူဝ်း​ၼၼ်ႉ​ဢေႃႈ။-</verse>
				<verse number="11">မၼ်း​တၵ်း​ႁႂ်ႈ​ၵိပ်ႇ​မႃႉ​မၼ်း တင်း​လၢႆ ယဵပ်ႇ​ၶၢမ်ႈ သဵၼ်ႈ​တၢင်း​မႂ်း​ၵႃႈ​မီး​လႄႈ ဢဝ်​လၢပ်ႇ​လႅဝ်း​ၽၼ်း​ၵူၼ်း​မႂ်း​တင်း​လၢႆ​လႄႈ သဝ်​တီႈ ၵူဝ်း​ၵႂၢႆႇ ဢၼ်​မႂ်း​သွၼ်ႈ​ပိုင်ႈ ၸိူဝ်း​ၼၼ်ႉ တၵ်း​လူမ်ႉ​တူၵ်း​သႂ်ႇ​ၵႃႈ​ၼိူဝ်​လိၼ်​ဢေႃႈ။-</verse>
				<verse number="12">ၶဝ်​တၵ်း ဢွၼ်​ၵၼ်​ႁိမ်​ဢဝ်​ဢုၵ်ႉ​ၸႃႇ​မႂ်း​လႄႈ သိမ်း​ဢဝ်​ၵုၼ်ႇ​သိၼ်​မႂ်း တင်း​လၢႆ​ၵႂႃႇ​ဢေႃႈ။ ၶဝ်​တၵ်း​ဢွၼ်​ၵၼ်​ၵိူၼ်ႇ​ယႃႉ​ၽႃ​ဢုတ်ႇ​မႂ်း​လႄႈ ယႃႉ​ၽဵဝ်ႈ​ႁေႃ​မႂ်း ႁိူၼ်း​မႂ်း​ဢၼ်​သႃႇ​ယႃႇ​လီ​ငၢမ်း တင်း​လၢႆ ပႅတ်ႈ​သေ​လႄႈ ဢဝ်​မၢၵ်ႇ​ႁိၼ်၊ ၼိူဝ်ႉ​မႆႉ၊ မုၼ်ႈ​လိၼ်​မႂ်း​ၶျႃး​တူၵ်း​ပႅတ်ႈ ၵႃႈ​ၼႂ်း​ၼမ်ႉ​ဢေႃႈ။-</verse>
				<verse number="13">ၵဝ်​တၵ်း​ႁႂ်ႈ သဵင်​ၵႂၢမ်း​ဢၼ်​မႂ်း​ႁဵတ်း​ၼၼ်ႉ ထၢတ်ႇ​ယဵၼ်​လႄႈ ၵမ်း​လိုၼ်း​ဢမ်ႇ​လႆႈ​ငိၼ်း​သဵင်​တိင်ႇ ဢၼ်​မႂ်း​လဵတ်း​ၼၼ်ႉ။-</verse>
				<verse number="14">ၵဝ်​တၵ်း​ႁႂ်ႈ​မႂ်း​ပဵၼ်​မၢၵ်ႇ​ႁိၼ် ဢၼ်​ၵဵင်ႈ​ဢၼ်​လိူမ်ႈ​ဝႆႉ​လႄႈ မႂ်း​တၵ်း​လႆႈ​ပဵၼ် တီႈ​ဢၼ်​တၢၵ်ႇ​ၼႅင်ႈ​တၢၵ်ႇ​ၶႄ​ဢေႃႈ။ ၵမ်း​လိုၼ်း​ဢမ်ႇ​လႆႈ​သမ်ႉ​ၶိုၼ်း​တႄႇ​ၶိုၼ်း​ႁဵတ်း​မႂ်ႇ။ ၵဝ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="15">ၸဝ်ႈ​ထႃႇဝရႃႉ​ၽြႃး ဢဝ်​လွင်ႈ​ဝဵင်း​ တူႉရူႉ ​သေ​လႄႈ မီး​ဢမိင်ႉ​ၸမ်ႉ၊ ၵုၼ်​ၼႂ်း​ၼမ်ႉ တင်း​လၢႆ တၵ်း​ဢွၼ်​ၵၼ်​သၼ်ႇ​ၶွၼ်း​ဝႆ​ၵွပ်ႈ​ပိူဝ်ႈ သဵင်​ဢၼ်​မႂ်း​ၵိူၼ်ႇ​ပင်း​လူမ်ႉ​ၼႂ်း​မိူဝ်ႈ​ဢၼ် ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် တိူဝ်ႉ​မၢတ်ႇ​ၼၼ်ႉ​သႅၼ်ႇ​ႁွင်ႉ​လႄႈ ဢမူႉ​တၢင်း​ဢၼ် ၶႃႈ​ၽၼ်း​ဢဝ်​တၢႆ ဢၼ်​ယႂ်ႇ​ၼႃႇ ပဵၼ်​မႃး​ၵႃႈ​ၼႂ်း​ၵၢင်​မႂ်း​ၼၼ်ႉ​ဢေႃႈ။-</verse>
				<verse number="16">ၶုၼ်​သမ်ႇ​မုၵ်ႉ​တြႃႇ​ၵႃႈ​မီး​ၼၼ်ႉ တၵ်း​ဢွၼ်​ၵၼ်​လူင်း​သေ ၵႃႈ​ၼိူဝ်​ရႃႇၸႃႉ​ပလၢင်ႇ​ၶဝ်​လႄႈ ထွတ်ႇ​သိူဝ်ႈ​ယၢဝ်း​ၶဝ် လွၼ်ႈ​ၶူဝ်း​ၼုင်ႈ​ၶဝ် ဢၼ်​တမ်ႇ​ၵၢမ်း​ႁၢင်ႈ​ၶိူင်ႈ​ၼၼ်ႉ သေ​လႄႈ ၼုင်ႈ​ၶူဝ်း​ၼုင်ႈ​တၢင်း​ဢၼ်​သၼ်ႇ​ဝႆ​ယူႇ၊ ၼင်ႈ​ၵႃႈ​ၼိူဝ်​လိၼ်​ယူႇ၊ သၼ်ႇ​ဝႆ ၵူႈ​ၵႅပ်ႈ​ၵူႈ​ၸူဝ်ႈ​ယူႇ​လႄႈ ၵႂင်​ၸႂ်​ယုင်ႈ​ၸႂ် ၵွပ်ႈ​ပိူဝ်ႈ​မႂ်း​ယူႇ​ဢေႃႈ။-</verse>
				<verse number="17">ၶဝ်​တၵ်း ဢွၼ်​ၵၼ်​ႁဵတ်း​တၢင်း​ဢၼ် ပွင်ႉ​ၶၢင်း​ပွင်ႉ​မိူၼ်ႇ​ပုၼ်ႈ​မႂ်း​လႄႈ လၢတ်ႈ​တီႈ​မႂ်း​လႄႈ​ဝႃႈ၊ ဝဵင်း​ဢၼ်​မီး​ၵႃႈ​တီႈ​ႁိမ်း​ပၢင်ႇ​လၢႆႇ၊ ဝဵင်း​ဢၼ်​ႁူင်​ႁၢင်း ဢၼ်​ၵူၼ်း​ပၢင်ႇ​လၢႆႇ​ယူႇ​လႄႈ ႁႅင်း​ယႂ်ႇ​ၼႃႇ​တီႈ​ပၢင်ႇ​လၢႆႇ၊ ဢၼ်​ႁႂ်ႈ​တၢင်း​ဢၼ် လီ​ၵူဝ်​လီ​ႁႄ​ၵူၼ်း​မႂ်း မီး​ယူႇ​ၵႃႈ​ၼိူဝ် ၵူၼ်း​ပၢင်ႇ​လၢႆႇ​တင်း​လၢႆ​ၼႆႉ​ဢိူၺ်း၊ မႂ်း​ၼႆႉ​လူႉ​လႅဝ်​ၼႃႇ​လူင်​လၢင်​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၼႂ်း​မိုဝ်ႉ​ဝၼ်း ဢၼ်​မႂ်း​ၵိူၼ်ႇ​လူမ်ႉ​ၼၼ်ႉ၊ ၵုၼ်​ၼႂ်း​ၼမ်ႉ​တင်း​လၢႆ တၵ်း​ဢွၼ်​ၵၼ်​သၼ်ႇ​ၶွၼ်း​ဝႆ​လႄႈ ၵုၼ်​ၼႂ်း​ပၢင်ႇ​လၢႆႇ​ၸိူဝ်း​ၼၼ်ႉ တၵ်း​ဢွၼ်​ၵၼ်​တူၵ်း​ၸႂ် ၵွပ်ႈ​ပိူဝ်ႈ​ဢၼ်​မႂ်း​လပ်ႉ​ႁၢႆ​ၵႂႃႇ​ၼၼ်ႉ​ဢေႃႈ။-</verse>
				<verse number="19">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူဝ်ႈ​ဢၼ်​ၵဝ်​ႁႂ်ႈ​မႂ်း​ပဵၼ် ဝဵင်း​ဢၼ်​သဵတ်ႇ​ဢၼ်​ယဵၼ် မိူၼ်​ၸိူဝ်ႉ​ၼင်ႇ​ဝဵင်း​ဢၼ်​ၵူၼ်း ဢမ်ႇ​ယူႇ​ဢမ်ႇ​သဝ်း​ၼၼ်ႉ​လႄႈ ဢဝ်​ပၢင်ႇ​လၢႆႇ​မႃး​ၵႃႈ​ၼိူဝ်​မႂ်း​လႄႈ ၼမ်ႉ​ဢၼ်​ယႂ်ႇ​ဢၼ်​လူင် ထူမ်ႈ​ႁူမ်ႇ​မႂ်း​ၼၼ်ႉ​ၸိုင်၊-</verse>
				<verse number="20">ၵဝ်​တၵ်း ၶျႃး​မႂ်း​တူၵ်း​လူၺ်ႈ​ၵၼ် တင်း​ၶဝ်​ၸိူဝ်း​ဢၼ်​လူင်း ၵႃႈ​ၼႂ်း​ႁူး​လိၼ်​ၶုမ်​လိၼ် တီႈ​ယူႇ​ၵူၼ်း​မိူဝ်ႈ​ၵွၼ်ႇ​မိူဝ်ႈ​မိုၼ်ႉ ၸိူဝ်း​ၼၼ်ႉ​လႄႈ ႁႂ်ႈ​မႂ်း​ယူႇ​ၵႃႈ​တီႈ​တႂ်ႈ​လိၼ်၊ ၵႃႈ​ၼႂ်း​တီႈ​ဢၼ်​ပဵၼ် ဢၼ်​သဵတ်ႇ​ဢၼ်​ယဵၼ်​ယူႇ ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​လူင်း ၵႃႈ​ၼႂ်း​ႁူး​လိၼ်​ၶုမ်​လိၼ်​ၼၼ်ႉ ႁႂ်ႈ​မႂ်း​ဢမ်ႇ​လႆႈ​မီး ၵေႃႉ​ဢၼ်​ယူႇ​ဢၼ်​သဝ်း​ၵႃႈ​ၼႂ်း​မႂ်း​ဢေႃႈ။ မိူဝ်ႈ​ၼၼ်ႉ ၵဝ်​တၵ်း​ၽုၺ်ႇ​ပိုတ်ႇ မုၼ်​ၽုင်း​ၵဝ် ၵႃႈ​ၼႂ်း​မိူင်း​တီႈ​ယူႇ​ၶဝ်​ၸိူဝ်း​ဢၼ် ဢသၢၵ်ႈ​လိပ်း​ၼၼ်ႉ​ဢေႃႈ။-</verse>
				<verse number="21">မႂ်း​ၸမ်ႉ၊ ၵဝ်​တၵ်း​ႁႂ်ႈ​ပဵၼ် တီႈ​ဢၼ်​လီ​ၵူဝ်​လီ​ႁႄ​လႄႈ ၵမ်း​လိုၼ်း​မႂ်း​ဢမ်ႇ​လႆႈ​မီး​လႃး​လႃး ပိၵ်ႉ​သမ်ႉ​ပိူၼ်ႈ​ႁႃ​မႂ်း​သေ​ၵေႃႈ၊ ၵမ်း​လိုၼ်း​ဢမ်ႇ​ထူပ်း​မႂ်း​လႆႈ​လႃး​လႃး၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="27">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ႁဵတ်း​တၢင်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ ပုၼ်ႈ​ဝဵင်း​ တူႉရူႉ ​လႄႈ​လၢတ်ႈ​တီႈ ဝဵင်း​ တူႉရူႉ ​လႄႈ​ဝႃႈ၊-</verse>
				<verse number="3">ဝဵင်း​ဢၼ်​တႄႇ​ယူႇ​ၵႃႈ​တီႈ သူပ်း​ပၢင်ႇ​လၢႆႇ၊ ဢၼ်​ၸၢင်ႈ​ၵႃႉ​ၵုၼ်ႇ​ၵႃႉ​သိၼ်​ပုၼ်ႈ​ၵူၼ်း​ၵႃႈ​ၼႂ်း ၵုၼ်​ပၢင်ႇ​လၢႆႇ​ၼမ်​ၼႃႇ​ၼႆႉ​ဢိူၺ်း၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​တီႈ​မႂ်း​ၸမ်ႉ၊ ဝဵင်း​ တူႉရူႉ ​ဢိူၺ်း၊ မႂ်း​ၸၢင်ႈ​လၢတ်ႈ​လႄႈ​ဝႃႈ၊ ၵဝ်​ၼႆႉ​ၸေး​ၸုမ်ႇ​ဝႆႉ​တင်း တၢင်း​ဢၼ်​ႁၢင်ႈ​လီ​ႁၢင်ႈ​ငၢမ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၶွပ်ႇ​ၼမ်ႉ​လႅၼ်​လိၼ်​မႂ်း​ၼၼ်ႉ မီး​ၵႃႈ​ၼႂ်း​ပၢင်ႇ​လၢႆႇ​လႄႈ လၢၵ်ႈသမႃး​မႂ်း​ၸိူဝ်း​ၼၼ်ႉ ဢွၼ်​ၵၼ်​ႁဵတ်း​ႁႂ်ႈ​မႂ်း​ၸေး​ၸုမ်ႇ​ဝႆႉ​တင်း တၢင်း​ဢၼ်​ႁၢင်ႈ​လီ​ႁၢင်ႈ​ငၢမ်း​ယဝ်ႉ။-</verse>
				<verse number="5">ၶဝ်​ဢွၼ်​ၵၼ် ဢဝ်​မႆႉ​ပႅၵ်ႇ​ၵႃႈ​တီႈ​ ၸေႇၼီႉရႃႉ ​ႁဵတ်း​ၽႅၼ်ႇ​ပႅၼ်ႈ​မႂ်း​ၵႃႈ​မီး​လႄႈ ဢဝ်​တူၼ်ႈ​ ဢႃႇရိတ်ႉ လေႇပၼုၼ်ႇ ႁဵတ်း​သဝ်​လၢင်း​ယၢၼ်း​မႂ်း တင်း​လၢႆ​ယဝ်ႉ။-</verse>
				<verse number="6">ၶဝ်​ဢွၼ်​ၵၼ်​ဢဝ်​မႆႉ​ၼိမ်​ ပႃႇသၢၼ်ႇ ႁဵတ်း​လၢမ်ႈ​ၽၢႆး​မႂ်း​လႄႈ ဢဝ်​မႆႉ​ပႅၵ်ႇ​ႁွမ် ဢၼ်​ဢဝ်​ၵႃႈ​တီႈ​ၵုၼ်​ ၶိတ်ႉတဵမ် ​မႃး​လႄႈ ဢဝ်​ငႃး​ၸၢင်ႉ ႁၢင်ႈ​ၶိူင်ႈ​သႂ်ႇ​ၼၼ်ႉ ႁဵတ်း​ဢၼ်​သိူဝ်ႇ​မႂ်း​ယဝ်ႉ။-</verse>
				<verse number="7">လၢင်း​ယၢၼ်း​မႂ်း​ၸိူဝ်း​ၼၼ်ႉ ပဵၼ်​ပိၵ်ႈ​ၶျေႃး​ဢၼ်​တမ်ႇ​ၵၢမ်း ႁၢင်ႈ​ၶိူင်ႈ​ၵႃႈ​တီႈ မိူင်း​ ဢေႇၵိပ်ႉတူႉ ​ၼၼ်ႉ​ႁႂ်ႈ​လႆႈ​ပဵၼ်​လၢမ်ႇ​ပုၼ်ႈ​မႂ်း​လႄႈ ပိၵ်ႈ​တၢၼ်ႇ​မႂ်း​ၵေႃႈ ပဵၼ်​ၶူဝ်း​ဢၼ်​ယွမ်ႉ ၶူဝ်း​ဢၼ်​ၵမ်ႇ ဢၼ်​ဢဝ်​ၵႃႈ​တီႈ ၵုၼ်​ ဢေးလီႉသႃႇ ​ၼၼ်ႉ မႃး​ၼၼ်ႉ​ဢေႃႈ။-</verse>
				<verse number="8">ၵူၼ်း​ဝဵင်း​ ၸီႉတုၼ်ႇ ၊ ၵူၼ်း​ဝဵင်း​ ဢႃႇဝတ်ႉ ​ဢွၼ်​ၵၼ်​ပဵၼ်​ၵူၼ်း​ၽၢႆး​ႁိူဝ်း​မႂ်း​လႄႈ ပိင်ႇ​ၺႃႇ​သီႉ​မႂ်း​ၸိူဝ်း​ၼၼ်ႉ၊ ဝဵင်း​ တူႉရူႉ ​ဢိူၺ်း၊ ဢွၼ်​ၵၼ်​မီး​ယူႇ​ၵႃႈ​ၼႂ်း​မႂ်း​လႄႈ ပဵၼ်​ၵေႃႉ​ဢၼ် ၶတ်း​ႁၢင်​ႁိူဝ်း​သၢင်း​ၽေႃး​မႂ်း​ဢေႃႈ။-</verse>
				<verse number="9">ၵူၼ်း​ယႂ်ႇ​ၵူၼ်း​လူင်​ ၵေႇပႃႉလႃႉ ဢိၵ်ႇ​တင်း ပိင်ႇ​ၺႃႇ​သီႉ​မၼ်း​ၸိူဝ်း​ၼၼ်ႉ ဢွၼ်​ၵၼ် မႄး​ဢုတ်း​မႄး​ယႃ​ယူႇ​သေ​လႄႈ ၸွမ်း​ဢေႃႈ။​ႁိူဝ်း​သၢင်း​ၽေႃး ဢၼ်​ၸၢင်ႈ​ၶၢမ်ႈ​ပၢင်ႇ​လၢႆႇ​ၵႃႈ​မီး ဢိၵ်ႇ​တင်း ၵူၼ်း​ႁိူဝ်း​သၢင်း​ၽေႃး တင်း​လၢႆ ဢွၼ်​ၵၼ်​မီး​ယူႇ​ၼႂ်း​မႂ်း ႁႂ်ႈ​လႆႈ​သိုဝ်ႉ​လႆႈ​ၶၢႆ ၵုၼ်ႇ​သိၼ်​မႂ်း​ဢေႃႈ။-</verse>
				<verse number="10">ၵူၼ်း​ ပေႇရသီႉ ၊ ၵူၼ်း​ လူႉတႃႉ ၊ ၵူၼ်း​ ၽူႉတႃႉ ​ၸိူဝ်း​ၼၼ်ႉ​ဢွၼ်​ၵၼ် ႁဵတ်း​တပ်ႉ​ႁဵတ်း​တႃႇ​တီႈ​မႂ်း​လႄႈ ပဵၼ်​ႁူဝ်​ႁၢၼ်​ၵူၼ်း​သိုၵ်း​မႂ်း​ဢေႃႈ။ ၶဝ်​ဢွၼ်​ၵၼ်​ဢဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ ဢိၵ်ႇ​တင်း မွၵ်ႇ​ႁူဝ်​လဵၵ်း​ႁွႆႈ​ဝႆႉ ၵႃႈ​ၼႂ်း​မႂ်း​လႄႈ ႁဵတ်း​ႁႂ်ႈ​မုၼ်​ၵုင်ႇ​သရေႇ​မႂ်း ထၢင်ႇ​သႃး​ဢေႃႈ။-</verse>
				<verse number="11">ၵူၼ်း​ဝဵင်း​ ဢႃႇဝတ်ႉ ဢိၵ်ႇ​တင်း ၵူၼ်း​တပ်ႉ​ၵူၼ်း​တႃႇ​မႂ်း ၸိူဝ်း​ၼၼ်ႉ ဢွၼ်​ၵၼ်​မီး​ယူႇ​ၵႃႈ​ၼိူဝ်​လမ်း​ဝဵင်း​မႂ်း လဵပ်ႈ​ႁွပ်ႈ​မႂ်း​ဝႆႉ​လႄႈ ၶဝ်​ၸိူဝ်း​ဢၼ် ႁတ်း​ႁၢၼ်​ၼႃႇ​လူင်​လၢင်​ၸိူဝ်း​ၼၼ်ႉ ပႂ်ႉ​လၢင်း​ၸီး​မႂ်း​သေ​လႄႈ ဢဝ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​ႁွႆႈ​ဝႆႉ​ၵႃႈ​ၼိူဝ်​လမ်း​ဝဵင်း​မႂ်း လဵပ်ႈ​ႁွပ်ႈ​မႂ်း​ဝႆႉ​လႄႈ ဢွၼ်​ၵၼ်​ႁဵတ်း​ႁႂ်ႈ​တၢင်း​ဢၼ် ႁၢင်ႈ​လီ​ႁၢင်ႈ​ငၢမ်း​မႂ်း​ၸေး​ၸုမ်ႇ​ဢေႃႈ။-</verse>
				<verse number="12">ဝဵင်း​ တႃႇသူႉ ​ပဵၼ်​ၸဝ်ႈ​ၵုၼ်ႇ​ၸဝ်ႈ​သိၼ်​တီႈ​မႂ်း ၵွပ်ႈ​ပိူဝ်ႈ​ဢၼ် ဢုၵ်ႉ​ၸႃႇ​ၸေး​ၸိမ်ႇ​ၶဝ်​မီး​ၼမ်​ၼႃႇ ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ​လႄႈ ၶဝ်​ၼၼ်ႉ ဢဝ်​ငိုၼ်း၊ လဵၵ်း၊ လဵၵ်း​ၽိူၵ်ႇ၊ ၸိုၼ်း​သေ​လႄႈ မႃး​ႁဵတ်း​တၢင်း​ဢၼ်​ၵႃႉ​ၵုၼ်ႇ ၶၢႆ​သိၼ်​တေႃႇ​ၵၼ်​တင်း​မႂ်း​ဢေႃႈ။-</verse>
				<verse number="13">မိူင်း​ ယႃႇဝၼ်ႇ ၊ မိူင်း​ တူႉပလႃႉ ၊ မိူင်း​ မႄႇသႅၵ်ႉ ​ၸိူဝ်း​ၼၼ်ႉ ဢွၼ်​ၵၼ်​ၵႃႉ​ၵုၼ်ႇ​ၶၢႆ​သိၼ် တေႃႇ​ၵၼ်​တင်း​မႂ်း​လႄႈ ဢဝ်​ၶႃႈ​ဢဝ်​ၵူၼ်း ဢိၵ်ႇ​တင်း​ၵွၵ်း​တွင်း​လိူင်​မႃး လႅၵ်ႈ​ဢဝ် ၵုၼ်ႇ​မႂ်း​သိၼ်​မႂ်း​ဢေႃႈ။-</verse>
				<verse number="14">ၵူၼ်း​မဵဝ်း​ တေႃႇၵမႃႉ ​ၸိူဝ်း​ၼၼ်ႉ ဢွၼ်​ၵၼ်​ဢဝ်​မႃႉ​လႂ် မႃႉ​သိုၵ်း​လႂ် လေႃႉ​လႃး​လႂ်​မႃး​လႅၵ်ႈ​ဢဝ် ၵုၼ်ႇ​မႂ်း​သိၼ်​မႂ်း​ဢေႃႈ။-</verse>
				<verse number="15">ၵူၼ်း​ဝဵင်း​ တေႇတၼ်ႇ ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၵႃႉ​ၵုၼ်ႇ​ၵႃႉ​သိၼ် လူၺ်ႈ​ၵၼ်​တင်း​မႂ်း​ဢေႃႈ။ ၵူၼ်း​တၢင်ႇ​မိူင်း​ၼမ်​ၼႃႇ​ၼၼ်ႉ ပဵၼ်​ၵၢတ်ႇ​ပဵၼ်​သႃး​မႂ်း​လႄႈ ဢွၼ်​ၵၼ်​ဢဝ်​ၶဝ်​လႅမ်​ငႃး​ၸၢင်ႉ၊ ၼိူဝ်ႉ​မႆႉ​လမ် မႃး​လႅၵ်ႈ​ဢဝ် ၶူဝ်း​မႂ်း​လဵင်း​မႂ်း​ဢေႃႈ။-</verse>
				<verse number="16">မိူင်း​ သူႉရီႉ ​ပဵၼ် ၸဝ်ႈ​ၵုၼ်ႇ​ၸဝ်ႈ​သိၼ်​တီႈ​မႂ်း ၵွပ်ႈ​ပိူဝ်ႈ​ဢၼ် ဢုၵ်ႉ​ၸႃႇ​ဢၼ်​မႂ်း​ႁဵတ်း​ၼၼ်ႉ ၼမ်​ၼႃႇ​လႄႈ ဢွၼ်​ၵၼ်​ဢဝ် သႅင်​ၼပၢၵ်ႈ၊ ၶူဝ်း​ဢၼ်​သွမ်ႇ၊ ၶူဝ်း​ၼုင်ႈ​ဢၼ်​တမ်ႇ​ၵၢမ်း​ႁၢင်ႈ​ၶိူင်ႈ၊ ပိၵ်ႈ​ၶျေႃး၊ သၢၼ်ႇ​တႃႇ၊ သႅင်​လႅင်​သေ​လႄႈ မႃး​ႁဵတ်း​တၢင်း​ဢၼ် ၵႃႉ​ၵုၼ်ႇ​ၶၢႆ​သိၼ်​တေႃႇ​ၵၼ်​တင်း​မႂ်း​ဢေႃႈ။-</verse>
				<verse number="17">မိူင်း​ ယူႉတႃႉ ဢိၵ်ႇ​တင်း မိူင်း​ ဢီႉသရေႇလႃႉ ​ၸိူဝ်း​ၼၼ်ႉ ဢွၼ်​ၵၼ်​ၵႃႉ​ၵုၼ်ႇ​ၶၢႆ​သိၼ် လူၺ်ႈ​ၵၼ်​တင်း​မႂ်း​လႄႈ ဢဝ်​ၶဝ်ႈ​သၢၼ်​ၵျုင်ႇ ဢၼ်​ဢဝ်​ၵႃႈ​တီႈ​ဝဵင်း​ မိၼ်းၼိတ်ႉ တင်း​ဝဵင်း​ ပၼ်​ၼၢၵ်ႈ ​မႃး​ၼၼ်ႉ၊ ၼမ်ႉ​ၽိုင်ႈ၊ ၼမ်ႉ​မၼ်း၊ ယၢင် ပႃႇလၸမ်ႇ မႃး​လႅၵ်ႈ​ဢဝ်​ၵုၼ်ႇ​မႂ်း​သိၼ်​မႂ်း​ဢေႃႈ။-</verse>
				<verse number="18">ဝဵင်း​ ထမ်ႇမသႅတ်ႉ ပဵၼ်​ၸဝ်ႈ​ၵုၼ်ႇ​ၸဝ်ႈ​သိၼ်​တီႈ​မႂ်း ၵွပ်ႈ​ပိူဝ်ႈ​ဢၼ်​ဢုၵ်ႉ​ၸႃႇ​ဢၼ်​မႂ်း​ႁဵတ်း​ၼမ်​ၼႃႇ ဢိၵ်ႇ​တင်း ၸေး​ၸိမ်ႇ​ၼမ်​ၼႃႇ ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ​လႄႈ ဢွၼ်​ၵၼ်​ဢဝ်​ၼမ်ႉ​ၸပိတ်ႈ ႁေႇလႃႇပုၼ်ႇ ၊ ၶူၼ်​သူဝ်း​ဢၼ်​ၽိူၵ်ႇ​ဢၼ်​ၶၢဝ် မႃး​လႅၵ်ႈ​မႃး​လၢႆႈ​ဢေႃႈ။-</verse>
				<verse number="19">ဝဵင်း​ ဝေႇတၼ်ႇ ဢိၵ်ႇ​တင်း မိူင်း​ ယႃႇဝၼ်ႇ ​ၸိူဝ်း​ၼၼ်ႉ ဢွၼ်​ၵၼ်​ဢဝ် ပဵတ်ႈ​ၵူၺ်​မႃး​လႅၵ်ႈ​ဢဝ် ၵုၼ်ႇ​မႂ်း​သိၼ်​မႂ်း​လႄႈ လဵၵ်း​သမ်ႇမၼီႉ ဢၼ်​လိူမ်ႈ​လီ​ၶျေႃး​လီ၊ မႆႉ​ႁွမ်​ႁိူတ်ႈ​တင်း​ဢွႆႈ ပဵၼ်​ၵုၼ်ႇ​မႂ်း​သိၼ်​မႂ်း​ဢေႃႈ။-</verse>
				<verse number="20">ဝဵင်း​ တေႇတၼ်ႇ ​ၼၼ်ႉ ဢဝ်​ၶူဝ်း​ဢၼ်​ၶျေႃး​လီ ဢၼ်​ပဵၼ်​ပုၼ်ႈ​ဢၼ်​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ လီ​သုင်း​သွင်ႇ​ၼၼ်ႉ မႃး​လႄႈ ၵႃႉ​ၵုၼ်ႇ​ၶၢႆ​သိၼ်​တေႃႇ​ၵၼ်​တင်း​မႂ်း​ဢေႃႈ။-</verse>
				<verse number="21">မိူင်း​ ဢရေႇပျႃႉ ဢိၵ်ႇ​တင်း ၶုၼ်​ ၵေႇတႃႇ ​ၵႃႈ​မီး​ၼၼ်ႉ ပဵၼ်​ၸဝ်ႈ​ၵုၼ်ႇ​ၸဝ်ႈ​သိၼ်​တီႈ​မႂ်း​လႄႈ ၼင်ႇ​ႁိုဝ် တၵ်း​လႆႈ​ဢုၵ်ႉ​ၸႃႇ ဢၼ်​မႂ်း​ႁဵတ်း​ၸိုင်၊ ဢွၼ်​ၵၼ်​ဢဝ်​သူဝ်း​ဢွၼ်ႇ၊ သူဝ်း​ပေႃႈ၊ ပႄႉ​ပေႃႈ​မႃး​ၵႃႉ​ၵုၼ်ႇ​ၶၢႆ​သိၼ်​တေႃႇ​ၵၼ်​တင်း​မႂ်း​ဢေႃႈ။-</verse>
				<verse number="22">ၸဝ်ႈ​ၵုၼ်ႇ​ၸဝ်ႈ​သိၼ်​ သေးၽႃႉ ၊ ဢိၵ်ႇ​တင်း​ ရႃႇၵမႃႉ ​ၸိူဝ်း​ၼၼ်ႉ ဢွၼ်​ၵၼ် ပဵၼ်​ၵေႃႉ​ဢၼ်​ၵႃႉ​ဢၼ်​ၶၢႆ​တေႃႇ​ၵၼ်​တင်း​မႂ်း​လႄႈ ဢဝ်​မဵဝ်း​ၼၢမ်ႇ​သႃႇ ဢၼ်​မျၢတ်ႈ​သေ​ပိူၼ်ႈ၊ မဵဝ်း​သႅင်​ဢၼ်​ၵႃႈ​ယႂ်ႇ​ၶၼ်​ယႂ်ႇ၊ မဵဝ်း​ၶမ်း​မႃး​လႅၵ်ႈ​ဢဝ် ၵုၼ်ႇ​မႂ်း​သိၼ်​မႂ်း​ဢေႃႈ။-</verse>
				<verse number="23">ၵူၼ်း​ဝဵင်း​ ၶႃႇရၢၼ်ႇ ၊ ၵူၼ်း​ဝဵင်း​ ၵၼ်ႇၼေႇ ၊ ၵူၼ်း​ဝဵင်း​ ဢေႇတိၼ်ႇ ၊ ၸဝ်ႈ​ၵုၼ်ႇ​ၸဝ်ႈ​သိၼ်​ သေးၽႃႉ တင်း​ ဢႃႇသူႉရီႉ တင်း​ ၶီႉလမတ်ႉ ​ၸိူဝ်း​ၼၼ်ႉ​ၵေႃႈ ပဵၼ်​ၵေႃႉ​ဢၼ်​ၵႃႉ ဢၼ်​ၶၢႆ​တေႃႇ​ၵၼ်​တင်း​မႂ်း​ဢေႃႈ။-</verse>
				<verse number="24">ၶဝ်​ၸိူဝ်း​ၼႆႉ​ပဵၼ် ၵေႃႉ​ဢၼ်​ပႃး​ဢဝ် ဢုၵ်ႉ​ၸႃႇ​ဢၼ်​လၢၵ်ႇ​ဢၼ်​လၢႆး၊ ၶူဝ်း​ၼုင်ႈ​ဢၼ်​သွမ်ႇ၊ ၶူဝ်း​ၼုင်ႈ​ဢၼ်​တမ်ႇ​ၵၢမ်း​ႁၢင်ႈ​ၶိူင်ႈ၊ ၶူဝ်း​ၵမ်ႇ​ဢၼ်​ဢဝ်​သႂ်ႇ​တိူၵ်ႈ​သႂ်ႇ​တႃႇ​သေ​လႄႈ ဢဝ်​ၸိူၵ်ႈ​မတ်ႉ​ဝႆႉ ၶတ်း​ဝႆႉ​လႄႈ ပဵၼ်​ဢၼ်​ဢဝ်​ၼိူဝ်ႉ​မႆႉ ဢႃႇရိတ်ႉ ​ႁဵတ်း​ၼၼ်ႉ မႃး​သႂၢင်း​ၶဝ်ႈ​ၵႃႈ​ၼႂ်း​ၵုၼ်ႇ​မႂ်း​သိၼ်​မႂ်း​ဢေႃႈ။-</verse>
				<verse number="25">ႁိူဝ်း​သၢင်း​ၽေႃး​ တႃႇသူႉ ​ၸိူဝ်း​ၼၼ်ႉ ပဵၼ်​လမ်း​ဝဵင်း​မႂ်း၊ ပဵၼ်​တီႈ​ဢၼ်​တေႃႉ​ဢဝ်​ၵုၼ်ႇ​မႂ်း​သိၼ်​မႂ်း​ၵႂႃႇ​ဢေႃႈ။ မႂ်း​မၢၵ်ႈ​မီး လိူင်ႇ​ၼမ်​လႄႈ မီး​မုၼ်​မီး​ၽုင်း​ၼႃႇ​လူင်​လၢင် ၵႃႈ​ၼႂ်း​ၵၢင်​ပၢင်ႇ​လၢႆႇ​ဢေႃႈ။-</verse>
				<verse number="26">မိူဝ်ႈ​လဵဝ်​ၼႆႉ​ၸမ်ႉ၊ ၵူၼ်း​ဢၼ်​ၽၢႆး​ႁိူဝ်း​မႂ်း​ၸိူဝ်း​ၼၼ်ႉ ဢဝ်​မႂ်း​ၵႂႃႇ​ၵႃႈ​ၼႂ်း​တီႈ​ဢၼ် ၼမ်ႉ​ႁႅင်း​ယႂ်ႇ​ၼႃႇ ၼၼ်ႉ​လႄႈ လူမ်း​တၢင်း​ဢွၵ်ႇ ပတ်ႉ​ထူဝ်း​ဢဝ်​မႂ်း ႁၵ်း​ပႅတ်ႈ​ၵႃႈ​ၼႂ်း​ၵၢင်​ပၢင်ႇ​လၢႆႇ​ယဝ်ႉ။-</verse>
				<verse number="27">ၸေး​ၸိမ်ႇ​မႂ်း ဢုၵ်ႉ​ၸႃႇ​ၶူဝ်း​လဵင်း​မႂ်း၊ ၵုၼ်ႇ​သိၼ်​မႂ်း၊ ၵူၼ်း​ႁိူဝ်း​သၢင်း​ၽေႃး​မႂ်း၊ ၵူၼ်း​ၶတ်း​ႁၢင်​ႁိူဝ်း​သၢင်း​ၽေႃး​မႂ်း၊ ၵေႃႉ​ဢၼ် မႄး​ဢုတ်း​မႄး​ယႃ​မႂ်း​ယူႇ သေ​လႄႈ ၸွမ်း​ၸဝ်ႈ​ၵုၼ်ႇ​ၸဝ်ႈ​သိၼ်​မႂ်း၊ ႁူဝ်​ႁၢၼ်​ၵူၼ်း​သိုၵ်း​ၵႃႈ​မီး​တီႈ​မႂ်း ဢိၵ်ႇ​တင်း မုၵ်ႉ​ၵူၼ်း​ၸိူဝ်း​ၵူၼ်း ဢၼ်​မီး​ၵႃႈ​ၼႂ်း​မႂ်း တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ဢွၼ်​ၵၼ်​တူၵ်း​ၵႃႈ​ၼႂ်း​ပၢင်ႇ​လၢႆႇ ၼႂ်း​မိူဝ်ႈ​ဢၼ်​မႂ်း​လူမ်ႉ​လႄႈ လူႉ​ၼၼ်ႉ​ဢေႃႈ။-</verse>
				<verse number="28">ၵွပ်ႈ​ပိူဝ်ႈ သဵင်​ၶဝ်​ၸိူဝ်း​ဢၼ် ၶတ်း​ႁၢင်​ႁိူဝ်း​သၢင်း​ၽေႃး​မႂ်း​ၼၼ်ႉ ဢွၼ်​ၵၼ်​ႁွင်ႉ​သႅၼ်ႇ​ၼၼ်ႉ​လႄႈ ၵႃႈ​တီႈ​လဵပ်ႈ​ႁွပ်ႈ​ႁွမ်း​ႁိမ်း​မႂ်း ၸိူဝ်း​ၼၼ်ႉ တၵ်း​မီး​တၢင်း​ဢၼ်​သၼ်ႇ​ၶွၼ်း​ဝႆ​ဢေႃႈ။-</verse>
				<verse number="29">ၶဝ်​ၸိူဝ်း​ဢၼ်​ၽၢႆး​ႁိူဝ်း​ၵႃႈ​မီး၊ ၵူၼ်း​ႁိူဝ်း​သၢင်း​ၽေႃး​ၵႃႈ​မီး၊ ၶဝ်​ၸိူဝ်း​ဢၼ် ၶတ်း​ႁၢင်​ႁိူဝ်း​သၢင်း​ၽေႃး​ၵႃႈ​မီး​ၼၼ်ႉ တၵ်း​ဢွၼ်​ၵၼ်​လူင်း​သေ​ၵႃႈ​ၼိူဝ်​ႁိူဝ်း​သၢင်း​ၽေႃး​ၶဝ်​လႄႈ ၸုၵ်း​ယူႇ​ၵႃႈ​ၼိူဝ်​ၵုင်း​သေ​လႄႈ၊-</verse>
				<verse number="30">ႁႂ်ႈ​သဵင်​ဢၼ်​ၶဝ်​သႅၼ်ႇ​ႁွင်ႉ​ၼၼ်ႉ ငိၼ်း​ၸွတ်ႇ​ငိၼ်း​တူဝ်ႈ ၵႃႈ​ၼိူဝ်​မႂ်း​လႄႈ ႁႆႈ​ႁွင်ႉ​ႁႅင်း​ယႂ်ႇ​ၼႃႇ​လူင်​လၢင်​ဢေႃႈ။ ၶဝ်​တၵ်း ဢွၼ်​ၵၼ်​ဢဝ် မုၼ်ႈ​လိၼ်​ပိုၼ်​သႂ်ႇ ၵႃႈ​ၼိူဝ်​ၵွၵ်း​ႁူဝ်​ၶဝ်​လႄႈ ၵိင်ႈ​ၵိူၵ်ႇ​ယူႇ​ၵႃႈ​ၼႂ်း​တဝ်ႈ​ဢေႃႈ။-</verse>
				<verse number="31">ၶဝ်​တၵ်း ဢွၼ်​ၵၼ်​ထႃ​ႁူဝ်​ၵႅတ်း​ႁူဝ်​ၶဝ်​လႄႈ ဢဝ်​ၶူဝ်း​ၼုင်ႈ​ၼင်​ပေႃ​ႁတ်ႉ​ဢႅဝ်​ယူႇ သေ​လႄႈ ပႃး​တင်း​တၢင်း​ဢၼ် ၶီ​ၸႂ်​ၶူမ်​ၸႂ်၊ တၢင်း​ဢၼ်​ၶၢင်း​ၶီ​ၶၢင်း​ၽၢၼ် ဢၼ်​ၶူမ်​ၼႃႇ​လူင်​လၢင်​သေ​လႄႈ ႁႆႈ​ႁွင်ႉ​ဢေႃႈ။-</verse>
				<verse number="32">ၼႂ်း​မိူဝ်ႈ​ဢၼ် ၶဝ်​ႁႆႈ​ႁွင်ႉ​ယူႇ​ၼၼ်ႉ​ၸိုင် ၶဝ်​တၵ်း​ႁဵတ်း တၢင်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ ၵွပ်ႈ​ပိူဝ်ႈ​မႂ်း​လႄႈ ဢွၼ်​ၵၼ်​ပွင်ႉ​ၶၢင်း ပွင်ႉ​မိူၼ်ႇ​ပုၼ်ႈ​မႂ်း​ယူႇ​သေ​လႄႈ​ဝႃႈ၊ ဝဵင်း​ဢၼ်​လႂ်​မိူၼ်​ၵၼ်​တင်း ဝဵင်း​ တူႉရူႉ ဢၼ်​ဝႃႈ ဝဵင်း​ဢၼ်​သုမ်း​ၸွမ်း ၵႃႈ​ၼႂ်း​ၵၢင်​ပၢင်ႇ​လၢႆႇ​ၼၼ်ႉ။-</verse>
				<verse number="33">မိူဝ်ႈ​ဢၼ် ဢုၵ်ႉ​ၸႃႇ​မႂ်း ဢွၵ်ႇ​ၸွမ်း​သဵၼ်ႈ​တၢင်း​ပၢင်ႇ​လၢႆႇ​ၼၼ်ႉ၊ မႂ်း​ႁႂ်ႈ​မဵဝ်း​ၵူၼ်း​ၼမ်​ၼႃႇ ဢိမ်ႇ​ၸႂ်​တဵမ်​ၸႂ်​လႄႈ မႂ်း​ၸၢင်ႈ​ႁႂ်ႈ​ၶုၼ်​ႁေႃ​ၶမ်း လေႃးၵီႇ​တင်း​လၢႆ မၢၵ်ႈ​မီး​လိူင်ႇ​ၸႂ် လူၺ်ႈ​ၸေး​ၸိမ်ႇ​မႂ်း​ဢၼ်​ၼမ်​ၼႃႇ ဢိၵ်ႇ​တင်း ၵုၼ်ႇ​သိၼ်​ၸိူဝ်း​ၼၼ်ႉ​ဢေႃႈ။-</verse>
				<verse number="34">မိူဝ်ႈ​လဵဝ်​ၼႆႉ​ၸမ်ႉ၊ မႂ်း​ႁၵ်း​လႅဝ်​ၵႂႃႇ​လူၺ်ႈ​ၼမ်ႉ​ပၢင်ႇ​လၢႆႇ ၵႃႈ​ၼႂ်း​တီႈ​ဢၼ်​လိုၵ်ႉ​ဢၼ်​လမ်ႇ​ၼၼ်ႉ​ယဝ်ႉ။ ဢုၵ်ႉ​ၸႃႇ​ၵုၼ်ႇ​သိၼ်​မႂ်း ဢိၵ်ႇ​တင်း ၶဝ်​ၸိူဝ်း​ဢၼ် ပႃး​တီႈ​မႂ်း​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​သုမ်း​ၸွမ်း​ပႅတ်ႈ ၵႃႈ​ၼႂ်း​ၵၢင်​မႂ်း​ယဝ်ႉ။-</verse>
				<verse number="35">ၵူၼ်း​ၼႂ်း​ၵုၼ် တင်း​သဵင်ႈ​တင်း​လူင် ဢွၼ်​ၵၼ်​ငဝ်​ငိူဝ်ႈ​ၵႂင်​ၸႂ်​ယူႇ ၵွပ်ႈ​ပိူဝ်ႈ​မႂ်း​လႄႈ ၶုၼ်​ႁေႃ​ၶမ်း​ၶဝ်​တင်း​လၢႆ​ၼၼ်ႉ ဢွၼ်​ၵၼ် တူၵ်း​ၸႂ်​လႂ်​တိုၼ်ႇ သေ​လႄႈ ၼႃႈ​လူႉ​ယူႇ​ဢေႃႈ။-</verse>
				<verse number="36">ၸဝ်ႈ​ၵုၼ်ႇ​ၸဝ်ႈ​သိၼ်​ၵႃႈ​ၼႂ်း မဵဝ်း​ၵူၼ်း​တင်း​လၢႆ ဢွၼ်​ၵၼ်​ႁဵတ်း​သဵင် သီႉ​သီႉ​သေႃႉ​သေႃႉ သႄႉ​သွမ်း​မႂ်း​ဢေႃႈ။ မႂ်း​လႆႈ​ပဵၼ် တီႈ​ဢၼ်​လီ​ၵူဝ်​လီ​ႁႄ​ၵႂႃႇ​ယဝ်ႉ​လူင်​ပႄႇ။ ၵမ်း​လိုၼ်း​မႂ်း​တၵ်း ဢမ်ႇ​လႆႈ​ပေႃႇ​မႃး​လႃး​လႃး​လူင်​ပႄႇ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="28">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​တၵ်ႉ​လၢတ်ႈ​တီႈ​ၶုၼ်​ တူႉရူႉ ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​မႂ်း​မီး​တင်း​ၸႂ်​ဢၼ်​ဢုပ်ႇ ဢၢတ်ႇ​လႄႈ​ဝႃႈ၊ ၵဝ်​ပဵၼ် ၽြႃး​ပဵၼ်​ၸဝ်ႈ ဢေႃႈ။ ၵဝ်​ၼင်ႈ​ၵႃႈ​ၼိူဝ်​ပလၢင်ႇ​ၽြႃး ၵႃႈ​ၼႂ်း​ၵၢင်​ပၢင်ႇ​လၢႆႇ​ဢေႃႈ၊ ဝႃႈ​ၼင်ႇ​ၼႆ​လႄႈ ပဵၼ်​ၽြႃး​ပဵၼ်​ၸဝ်ႈ ဢမ်ႇ​ၸႂ်ႈ၊ ပဵၼ်​ၵူၼ်း​ၵူၺ်း​လႄႈ ထၢင်ႇ​မၢတ်ႈ​တူဝ်​မႂ်း​ပဵၼ်​ၸိူဝ်ႉ​ၼင်ႇ ၽြႃး​ပဵၼ်​ၸဝ်ႈ ၼၼ်ႉ​လႄႈ၊-</verse>
				<verse number="3">မႂ်း​ယဵင်ႈ​ၶႅၼ်း​မီး​ပိင်ႇ​ၺႃႇ ၼႃႇ​သေ တၢၼ်ႇယေႇလႃႉ ​ၼၼ်ႉ​လူင်​ပႄႇ။ လွင်ႈ​တၢင်း​ဢၼ်​ပိူၼ်ႈ​သိူင်ႇ​မႅပ်ႉ​ဝႆႉ ႁႂ်ႈ​မႂ်း​ဢမ်ႇ​လႆႈ​ႁူႉ လႆႈ​ႁၼ်​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။-</verse>
				<verse number="4">ၵွပ်ႈ​ပိူဝ်ႈ​ၺၢၼ်ႇ​ပိင်ႇ​ၺႃႇ​မႂ်း​လႄႈ မႂ်း​မၢၵ်ႈ​မီး​ဢုၵ်ႉ​ၸႃႇ​ဢေႃႈ။ မႂ်း​လႆႈ​ဢဝ်​ငိုၼ်း​ၶမ်း​သိမ်း​ပႅင်း​ဝႆႉ ၵႃႈ​ၼႂ်း​ၽၼ်ႇတႃႇ​မႂ်း​ယဝ်ႉ။-</verse>
				<verse number="5">မႂ်း​ဢဝ်​တင်း​ပိင်ႇ​ၺႃႇ ဢၼ်​လၢၵ်ႇ​လၢႆး ဢိၵ်ႇ​တင်း တၢင်း​ဢၼ်​ၵႃႉ​ၵုၼ်ႇ​ၶၢႆ​သိၼ်​မႂ်း​ၼၼ်ႉ ႁႂ်ႈ​ၸေး​ၸိမ်ႇ​မႂ်း​ယႂ်ႇ​မႃး​လႄႈ ၸႂ်​ဢုပ်ႇ​ဢၢတ်ႇ ယူႇ ၵွပ်ႈ​ပိူဝ်ႈ​ၸေး​ၸိမ်ႇ​မႂ်း​ၼၼ်ႉ​ယဝ်ႉ။-</verse>
				<verse number="6">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​မႂ်း​ထၢင်ႇ​မၢတ်ႈ​တူဝ်​မႂ်း ပဵၼ်​ၸိူဝ်ႉ​ၼင်ႇ ၽြႃး​ပဵၼ်​ၸဝ်ႈ ၼၼ်ႉ​လႄႈ၊-</verse>
				<verse number="7">ၵဝ်​တၵ်း​ဢဝ်​ၵူၼ်း​ဝၢၼ်ႈ​ၵူၼ်း​မိူင်း ဢၼ်​လီ​ၵူဝ်​လီ​ႁႄ​ၸိူဝ်း​ၼၼ်ႉ သူင်ႇ​ႁွတ်ႈ​ၵႃႈ​တီႈ​မႂ်း​လႄႈ၊ ၶဝ်​ၼၼ်ႉ​တၵ်း​ဢွၼ်​ၵၼ် ထွတ်ႇ​လၢပ်ႇ​ၶဝ်​လႅဝ်း​ၶဝ် ၽၼ်း​မုၼ်​ၵုင်ႇ​ပိင်ႇ​ၺႃႇ​မႂ်း​လႄႈ ၶျႃး​သရေႇ​တၢင်း​ဢၼ်​ႁၢင်ႈ​လီ​ႁၢင်ႈ​ငၢမ်း​မႂ်း​တူၵ်း​တီႈ​တႅမ်ႇ​ဢေႃႈ။-</verse>
				<verse number="8">ၶဝ်​တၵ်း​ဢွၼ်​ၵၼ်​ၶျႃး​မႂ်း​တူၵ်း ၵႃႈ​ၼႂ်း​ႁူး​လိၼ်​ၶုမ်​လိၼ်​လႄႈ မႂ်း​တၵ်း​လႆႈ​တၢႆ​လူၺ်ႈ​တၢင်း​တၢႆ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် ၶႃႈ​ၽၼ်း​ဢဝ်​တၢႆ​ၵႃႈ​ၼႂ်း​ၵၢင်​ပၢင်ႇ​လၢႆႇ ၼၼ်ႉ​ဢေႃႈ။-</verse>
				<verse number="9">မႂ်း​တၵ်း​လၢတ်ႈ ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ် ဢဝ်​မႂ်း​တၢႆ​ၼၼ်ႉ​လႄႈ​ဝႃႈ၊ ၵဝ်​ၼႆႉ​ပဵၼ်​ၽြႃး​ဢေႃႈ၊ ဝႃႈ​ၼင်ႇ​ၼႆ ဢမၢၼ်ႇ​ၶၼ်​ပဵၼ်​ႁိုဝ်။ မႂ်း​ပဵၼ်​ၵူၼ်း​ၵူၺ်း​လႄႈ ဢမ်ႇ​ပဵၼ်​ၽြႃး ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ် ဢဝ်​မႂ်း​တၢႆ​ၼၼ်ႉ။-</verse>
				<verse number="10">မႂ်း​တၵ်း​လႆႈ​တၢႆ​လူၺ်ႈ​တၢင်း​တၢႆ ၶဝ်​ၸိူဝ်း​ဢၼ် ၵူၼ်း​ဢၼ်​ဢမ်ႇ​ၶၢမ်ႇ​မင်ႇၵလႃႇ တၢင်း​ဢၼ်​ထိူဝ်​ႁိမ်း​ၼၼ်ႉ လူၺ်ႈ​မိုဝ်း​ၵူၼ်း တၢင်ႇ​ဝၢၼ်ႈ​တၢင်ႇ​မိူင်း​ဢေႃႈ။ ၵဝ်​လၢတ်ႈ​ဝႆႉ​ယဝ်ႉ။ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="12">လုၵ်ႈ​ၵူၼ်း​ဢိူၺ်း၊ မႂ်း​ႁဵတ်း တၢင်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ​ပုၼ်ႈ ၶုၼ်​ႁေႃ​ၶမ်း​ တူႉရူႉ ​လႄႈ​လၢတ်ႈ​တီႈ​မၼ်း​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႂ်း​လႆႈ​ဢဝ်​တၼ်း​သိၵ်ႈ​တွၵ်ႇ​ဝႆႉ တီႈ​ဢၼ်​ၸေး​ၸုမ်ႇ​ၼၼ်ႉ​ယဝ်ႉ။ မႂ်း​ပျေႉ​ၸုမ်ႇ​ဝႆႉ​တင်း​ပိင်ႇ​ၺႃႇ​လႄႈ မီး​တၢင်း​ဢၼ်​ၸေး​ၸုမ်ႇ​ဝႆႉ​တင်း တၢင်း​ဢၼ်​ႁၢင်ႈ​လီ​ႁၢင်ႈ​ငၢမ်း​ယဝ်ႉ။-</verse>
				<verse number="13">မႂ်း​လႆႈ​ယူႇ​ၵႃႈ​တီႈ​ ဢေႇတိၼ်ႇ သူၼ်​ဢူးယဵၼ်ႇ ၽြႃး​ပဵၼ်​ၸဝ်ႈ ၼၼ်ႉ​ယဝ်ႉ။ ၵႃႈ​ၼိူဝ်​ၵွၵ်း​ႁူဝ်​မႂ်း​ၼၼ်ႉ မႂ်း​တိုဝ်း​သႅင်​မျၢတ်ႈ ၵူႈ​ၸိူဝ်ႉ​ၵူႈ​မဵဝ်း ဢၼ်​ဝႃႈ သႅင်​လႅင်၊ ဢုၵ်ႉ​သၽူးရႃး၊ ၸိင်ႇ၊ မျႅၵ်ႉရွႆး၊ ၸၢႆး​ၶႃး​ယွတ်ႇ၊ ၼၵႃး​သွႆႈ၊ ၼီႇလႃႇ၊ ပတ်ႈတမျႃး၊ မျႃႉ ၸိူဝ်း​ၼၼ်ႉ ဢိၵ်ႇ​တင်း ၶမ်း​ဢေႃႈ။ တၢင်း​ဢၼ်​ႁဵတ်း​ၵွင်​ၶဵတ်ႇ​မႂ်း၊ ပီႇ​ၼႄး​မႂ်း​ၼၼ်ႉ မီး​ဝႆႉ​ယူႇ ၵႃႈ​ၼႂ်း​မႂ်း​လႄႈ မီး​တၢင်း​ဢၼ်​မႄး​ပွင် မႄး​ႁႅၼ်း​ဝႆႉ​ယူႇ ၸႃႉ​ၸဵမ်​မိုဝ်ႉ​ဝၼ်း​ဢၼ် မႂ်း​လႆႈ​ၶၢမ်ႇ​တၢင်း​ဢၼ် ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ​ဢေႃႈ။-</verse>
				<verse number="14">မႂ်း​ပဵၼ်​ ၶေႇရူႉၽဵမ်ႇ ဢၼ်​ၵီႈ​ၽႄႇ​သုမ်ႇ​ႁူမ်ႇ​ယူႇ ၼၼ်ႉ​လႄႈ ၵဝ်​ဢဝ်​မႂ်း​ၶျႃး​တီႈ​ယူႇ​ဝႆႉ​ဢေႃႈ။ မႂ်း​တူၵ်း​တီႈ​တူၵ်း​လႅၼ် ၵႃႈ​ၼိူဝ်​လွႆ ဢၼ်​မူတ်း​ၸၢင်ႇ ၽြႃး​ပဵၼ်​ၸဝ်ႈ လႄႈ လႆႈ​ၵႂႃႇ​မႃး​ယူႇ​ၵႃႈ​ၼႂ်း​မၢၵ်ႇ​ႁိၼ် ဢၼ်​ၽႆး​လုၵ်ႉ​ယူႇ ၸိူဝ်း​ၼၼ်ႉ​ဢေႃႈ။-</verse>
				<verse number="15">ၸႃႉ​ၸဵမ်​မိုဝ်ႉ​ဝၼ်း​ဢၼ်​မႂ်း​လႆႈ​ၶၢမ်ႇ​တၢင်း​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ တေႃႇ​ထိုင်​ႁွတ်ႈ​မိုဝ်ႉ​ဝၼ်း ဢၼ်​လႆႈ​ထူပ်း​လႆႈ​ႁၼ် ဢပႅတ်ႈ ၵႃႈ​ၼႂ်း​မႂ်း​ၼၼ်ႉ​လႄႈ မီး​တၢင်း​ဢၼ်​ၸေး​ၸုမ်ႇ​ယူႇ ၵႃႈ​ၼႂ်း​သဵၼ်ႈ​တၢင်း​ၵႃႈ​ဢၼ်​မႂ်း​ၸွမ်း​ၼၼ်ႉ​ဢေႃႈ။-</verse>
				<verse number="16">ၶဝ်​ႁႂ်ႈ​မႂ်း​ပျေႉ​ၸုမ်ႇ​ဝႆႉ တင်း​ဢမူႉ​ဢႃႉထမ်ႇမႃႉ ၵွပ်ႈ​ပိူဝ်ႈ​တၢင်း​ဢၼ်​ၵႃႉ​ၵုၼ်ႇ​ၶၢႆ​သိၼ်​မႂ်း ၼမ်​ၼႃႇ​ၼၼ်ႉ​လႄႈ မႂ်း​လႆႈ​ႁွတ်ႈ​ထိုင်​ဢပႅတ်ႈ တၢင်း​ဢၼ်​ၽိတ်း​ပိူင်ႈ​ယဝ်ႉ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵဝ်​လႆႈ​ႁေႃႈ​မႂ်း​တူၵ်း​ပႅတ်ႈ​သေ​ၵႃႈ​ၼိူဝ်​လွႆ ၽြႃး​ပဵၼ်​ၸဝ်ႈ ၸိူဝ်ႉ​ၼင်ႇ ၵေႃႉ​ဢၼ်​ႁၢႆႉ​ယုတ်ႈ​ၼၼ်ႉ​ယဝ်ႉ။ ၶေႇရူႉၽဵမ်ႇ ​ဢၼ်​သုမ်ႇ​ႁူမ်ႇ​ဢိူၺ်း၊ ၵဝ်​လႆႈ​ပႄႇ​ၽဵဝ်ႈ​မႂ်း​ပႅတ်ႈ​သေ ၵႃႈ​ၼႂ်း​မၢၵ်ႇ​ႁိၼ်​ဢၼ်​ၽႆး​လုၵ်ႉ ၸိူဝ်း​ၼၼ်ႉ ယဝ်ႉ။-</verse>
				<verse number="17">မႂ်း​မီး​ၸႂ်​ဢၼ်​ဢုပ်ႇ​ဢၢတ်ႇ​ယူႇ ၵွပ်ႈ​ပိူဝ်ႈ သရေႇ​တၢင်း​ဢၼ် ႁၢင်ႈ​လီ​ႁၢင်ႈ​ငၢမ်း​မႂ်း ၼၼ်ႉ​လႄႈ၊ မႂ်း​ႁႂ်ႈ​ပိင်ႇ​ၺႃႇ​မႂ်း​ၽင်ႉ​ဢူႉ​ၵႂႃႇ ၵွပ်ႈ​ပိူဝ်ႈ မုၼ်​ၵုင်ႇ​မႂ်း​ဢၼ်​တႆႈ​ႁိူဝ်ႈ​ၼၼ်ႉ​ယဝ်ႉ။ ၵဝ်​လႆႈ​ၶျႃး​မႂ်း​တူၵ်း​တီႈ​တႅမ်ႇ တေႃႇ​ထိုင်​ႁွတ်ႈ​လိၼ်​ယဝ်ႉ။ ၵဝ်​လႆႈ​ဢဝ်​မႂ်း​ၶျႃး​ဝႆႉ​တီႈ​ၽၢႆႇ​ၼႃႈ ၶုၼ်​ႁေႃ​ၶမ်း​တင်း​လၢႆ ႁႂ်ႈ​ၶဝ်​လႆႈ​လူ​တူၺ်း​မႂ်း​ယဝ်ႉ။-</verse>
				<verse number="18">မႂ်း​ႁႂ်ႈ​ထႃႇၼႃႉ တီႈ​မူတ်း​ၸၢင်ႇ​မႂ်း တင်း​လၢႆ ၵူဝ်ႈ​ၵိူၵ်ႇ​လူၺ်ႈ​ဢပႅတ်ႈ​မႂ်း​ဢၼ်​ၼမ်​ၼႃႇ ဢိၵ်ႇ​တင်း တၢင်း​ဢၼ်​ၵႃႉ​ၵုၼ်ႇ​ၶၢႆ​သိၼ်​ဢႃႉထမ်ႇမႃႉ ၼၼ်ႉ​ယဝ်ႉ။ ပိူဝ်ႈ​ၼႆ​လႄႈ ၵဝ်​လႆႈ​ႁႂ်ႈ​ၽႆး​လုၵ်ႉ​ၵႃႈ​ၼႂ်း​ၶိုင်ႈ​ၵၢင်​မႂ်း ပုၼ်ႈ​ဢၼ်​တၵ်း​တုတ်ႇ​မႂ်း​ယဝ်ႉ။ ၵဝ်​လႆႈ​ဢဝ်​မႂ်း​ႁႂ်ႈ​ပဵၼ်​တဝ်ႈ​ယူႇ ၵႃႈ​ၼိူဝ်​လိၼ် သိုဝ်ႈ​ၼႃႈ​တႂ်ႈ​တႃ​ၶဝ် ၸိူဝ်း​ဢၼ်​ႁၼ်​မႂ်း ၵႃႈ​မီး​ၼၼ်ႉ​ဢေႃႈ။-</verse>
				<verse number="19">ၶဝ်​ဢၼ်​မီး​ၵႃႈ​ၼႂ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း ၵႃႈ​ဢၼ်​ႁူႉ​မႂ်း​ၼၼ်ႉ တၵ်း​ဢွၼ်​ၵၼ် ၵႂင်​ၸႂ်​ယုင်ႈ​ၸႂ် ၵွပ်ႈ​ပိူဝ်ႈ​မႂ်း​ဢေႃႈ။ မႂ်း​ပဵၼ် တီႈ​ဢၼ်​လီ​ၵူဝ်​လီ​ႁႄ​ဢေႃႈ။ ၵမ်း​လိုၼ်း မႂ်း​တၵ်း​ဢမ်ႇ​လႆႈ​ပေႃႇ​မႃး​လႃး​လႃး၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="21">လုၵ်ႈ​ၵူၼ်း​ဢိူၺ်း၊ မႂ်း​ဝၢႆႇ​ၼႃႈ​တေႃႇ​ဝဵင်း​ ၸီႉတုမ်ႇ ​သေ​လႄႈ ႁဵတ်း​ပရေႃးၽႅတ်ႈ ယူႇ​ၽၢႆႇ​ၼိုင်ႈ တင်း​မၼ်း​လႄႈ​ဝႃႈ၊-</verse>
				<verse number="22">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဝဵင်း​ ၸီႉတုမ်ႇ ​ဢိူၺ်း၊ ၵဝ်​ယူႇ​ၽၢႆႇ​ၼိုင်ႈ​တင်း​မႂ်း​လႄႈ မုၼ်​ၽုင်း​တၼ်း​ၶူဝ်း​ၵဝ် တၵ်း​ထၢင်ႇ​သႃး ယူႇ​ၵႃႈ​ၼႂ်း​ၵၢင်​မႂ်း​ဢေႃႈ။ မိူဝ်ႈ​ဢၼ် ၵဝ်​ပၼ်​တၢမ်ႇ​ဢပႅတ်ႈ ၵႃႈ​ၼႂ်း​မၼ်း​လႄႈ လႆႈ​ၶၢမ်ႇ​တၢင်း​ဢၼ် ရူဝ်ႇ​သေႇ​ၵူဝ်​ယမ်​ၵႃႈ​ၼႂ်း​မၼ်း ၼၼ်ႉ​ၸိုင် ၵူၼ်း​တင်း​လၢႆ တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="23">ၵဝ်​တၵ်း ပွႆႇ​ၸႂ်ႉ​ၽေး​ၵႃႇလႃႉ​ႁႃႈ​လႅင်​မိူင်း ၸူး​ၵႃႈ​ၼႂ်း​မၼ်း ဢိၵ်ႇ​တင်း​ၽေး​လၢပ်ႇ​ၽေး​လႅဝ်း ၸူး​ၵႃႈ​ၼႂ်း​သဵၼ်ႈ​တၢင်း​မၼ်း​လႄႈ မိူဝ်ႈ​ဢၼ် ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် တိူဝ်ႉ​မၢတ်ႇ​ၼၼ်ႉ ဢွၼ်​ၵၼ်​လူမ်ႉ​တၢႆ ၵႃႈ​ၼႂ်း​ၵၢင်​မၼ်း​လူၺ်ႈ​လၢပ်ႇ​လူၺ်ႈ​လႅဝ်း​ၵႃႈ​တီႈ​ႁိမ်း​ႁွမ်း လဵပ်ႈ​ႁွပ်ႈ​မၼ်း ၵူႈ​ၽၢႆႇ​ၵူႈ​ပႃႈ​ၼၼ်ႉ​ၸိုင်၊ ၶဝ်​တၵ်း လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။</verse>
				<verse number="24">မိူဝ်ႈ​ၼၼ်ႉ ၼႂ်း​ၶဝ်​ၸိူဝ်း​ဢၼ်​ယူႇ ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မဵဝ်း​ ဢီႉသရေႇလႃႉ ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၶဝ်​ယူႇ​ၼၼ်ႉ၊ တၵ်း​ဢမ်ႇ​လႆႈ​မီး​တူၼ်ႈ​ၼၢမ် ဢၼ်​ၸၢင်ႈ​ၸွၵ်ႉ၊ ၶႂၢၵ်ႇ​ဢၼ်​ၸၢင်ႈ​ယႃႉ​ယူၵ်ႉ သေ​ၸိူဝ်ႉ​သေ​ပိူင် လႃး​လႃး။ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">လႆႈ​သမ်ႉ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ​ၸမ်ႉ၊ မိူဝ်ႈ​ဢၼ်​ၵဝ်​ႁွင်ႉ​ဢဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း တီႈ​ဢၼ်​ၶဝ်​လႆႈ​ၶၢမ်ႇ​တၢင်း​ဢၼ် ၸၢတ်ႇ​ပိုၼ်​ၼၼ်ႉ မႃး​ၸူႉ​ၵၼ်​တုမ်​ၵၼ်​လႄႈ ၵဝ်​လႆႈ​ၶၢမ်ႇ​တၢင်း​ဢၼ် ရူဝ်ႇ​သေႇ​ၵူဝ်​ယမ်​သိုဝ်ႈ​ၼႃႈ​တႂ်ႈ​တႃ မဵဝ်း​ၵူၼ်း တင်း​လၢႆ ၵွပ်ႈ​ပိူဝ်ႈ ၶဝ်​ၼၼ်ႉ​ၸိုင် ၶဝ်​တၵ်း လႆႈ​ဢွၼ်​ၵၼ်​ယူႇ​ၵႃႈ​ၼႂ်း​မိူင်း​ၶဝ် ဢၼ်​ၵဝ်​ပၼ်​တီႈ​ၶႃႈ​ၵဝ်​ ယႃႇၵုပ်ႈ မိူဝ်ႈ​ဢွၼ်​တၢင်း ၼၼ်ႉ​ဢေႃႈ။-</verse>
				<verse number="26">ၶဝ်​တၵ်း လႆႈ​ယူႇ​ၵႃႈ​ၼႂ်း​မိူင်း​ၼၼ်ႉ လူင်ႉ​လူင်ႉ​လွတ်ႈ​လွတ်ႈ​လႄႈ ဢွၼ်​ၵၼ်​ႁဵတ်း​ႁိူၼ်း​ႁဵတ်း​ယေး၊ ဢွၼ်​ၵၼ်​ၽုၵ်ႇ​သူၼ် ဢူးယဵၼ်ႇ​ၸပိတ်ႈ​လႄႈ ယူႇ​လူင်ႉ​လူင်ႉ​လွတ်ႈ​လွတ်ႈ ၼႂ်း​မိူဝ်ႈ​ဢၼ် ၵဝ်​ၸီႇ​ယၢင်ႇ​တၢမ်ႇ​ဢပႅတ်ႈ​တီႈ​ၶဝ် ၵႃႈ​ဢၼ်​ယူႇ​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ ၶဝ်​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၶဝ်​ယူႇ​ၼၼ်ႉ​ဢေႃႈ။ ၶဝ်​ၼၼ်ႉ တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="29">
				<verse number="1">ၼႂ်း​ပီႊ​ဢၼ် ထူၼ်ႈ​ထိုင် သိပ်း​ပီႊ၊ လိူၼ်တႃႉသမႃႉ သိပ်း​သွင်​ဝၼ်း​ၼၼ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ဝၢႆႇ​ၼႃႈ​တေႃႇ​ ၽႃႇရေႃး ၶုၼ်​ႁေႃ​ၶမ်း​ ဢေႇၵိပ်ႉတူႉ ​လႄႈ ႁဵတ်း​ပရေႃးၽႅတ်ႈ​ယူႇ​ၽၢႆႇ​ၼိုင်ႈ တင်း​မၼ်း ဢိၵ်ႇ​တင်း မိူင်း​ ဢေႇၵိပ်ႉတူႉ တင်း​မိူင်း​လႄႈ​ဝႃႈ၊-</verse>
				<verse number="3">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ​ၸမ်ႉ၊ ၽႃႇရေႃး ​ၶုၼ်​ႁေႃ​ၶမ်း ဢေႇၵိပ်ႉတူႉ ၊ ငိူၵ်ႈ​လူင်​ဢၼ်​ယူႇ ၵႃႈ​ၼႂ်း​ၵၢင်​ၼမ်ႉ​ႁွင်ႈ​ၼမ်ႉ​ၵႄး တူဝ်​ၸဝ်ႈ​ၵဝ်ႇ​ယူႇ​သေ​လႄႈ ၸၢင်ႈ​လၢတ်ႈ​လႄႈ​ဝႃႈ၊ ၵဝ်​ပိူင်ႇ​ၼမ်ႉ​ႁွင်ႈ​ၼမ်ႉ​ၵႄး​ၵဝ်​ဢေႃႈ။ ၵဝ်​ႁဵတ်း​ပဵၼ်​မၼ်း​ဝႆႉ ပုၼ်ႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ၼႆႉ​ဢိူၺ်း၊ ၵဝ်​ယူႇ​ၽၢႆႇ​ၼိုင်ႈ တင်း​မႂ်း​ဢေႃႈ။-</verse>
				<verse number="4">ၵဝ်​တၵ်း​ဢဝ်​ၶေႃ​ဝဵတ်း​လဵၵ်း ၵွင်ႉ​သႂ်ႇ​သူပ်း​မႂ်း​ၵႅမ်ႈ​မႂ်း​လႄႈ ႁႂ်ႈ​ပႃ​ဢၼ်​ယူႇ​ၵႃႈ​ၼႂ်း ၼမ်ႉ​ႁွင်ႈ​ၼမ်ႉ​ၵႄး​မႂ်း​ၸိူဝ်း​ၼၼ်ႉ ၸပ်း​ပႃး​မႃး ၵႃႈ​ၼႂ်း​ၵဵတ်း​မႂ်း​ဢေႃႈ။ ၵဝ်​တၵ်း​ၼုၵ်ႈ​ဢဝ်​မႂ်း ဢွၵ်ႇ​သေ​ၵႃႈ​ၼႂ်း ၵၢင်​ၼမ်ႉ​ႁွင်ႈ​ၼမ်ႉ​ၵႄး​မႂ်း ၸိူဝ်း​ၼၼ်ႉ​လႄႈ ပႃ​ၵႃႈ​ဢၼ်​မီး​ၵႃႈ​ၼႂ်း​ၼမ်ႉ​ႁွင်ႈ​ၼမ်ႉ​ၵႄး မႂ်း​ၸိူဝ်း​ၼၼ်ႉ တၵ်း​ဢွၼ်​ၵၼ် ၸပ်း​ပႃး​မႃး​ၵႃႈ​ၼႂ်း​ၵဵတ်း​မႂ်း​ဢေႃႈ။-</verse>
				<verse number="5">ၵဝ်​တၵ်း​ဢဝ်​မႂ်း ဢိၵ်ႇ​လူၺ်ႈ​ၵၼ်​တင်း​ပႃ ၵႃႈ​ဢၼ်​မီး​ၵႃႈ​ၼႂ်း​ၼမ်ႉ​ႁွင်ႈ​ၼမ်ႉ​ၵႄး​မႂ်း ၸိူဝ်း​ၼၼ်ႉ​ပႅတ်ႈ​ဝႆႉ ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​ဢေႃႈ။ မႂ်း​တၵ်း​လႆႈ​တူၵ်း​ႁွတ်ႈ​ၵႃႈ​ၼႂ်း တီႈ​ဢၼ်​ပၢင်ႇ​ဢၼ်​ပဵင်း​လႄႈ ၵမ်း​လိုၼ်း​မႂ်း​တၵ်း​ဢမ်ႇ​လႆႈ ၶၢမ်ႇ​တၢင်း​ဢၼ်​ဝၢႆႇ​ၸူး​လႄႈ​သိမ်း​ဝႆႉ။ ၵဝ်​ဢဝ်​မႂ်း ဢၢပ်ႈ​ပၼ် ပုၼ်ႈ​ဢၼ်​တူဝ်​ထိူၼ်ႇ​ႁၢႆႉ တင်း​လၢႆ၊ ၼူၵ်ႉ​ၵၢင်​ႁၢဝ်​တင်း​လၢႆ တၵ်း​ၵိၼ်​ဢေႃႈ။-</verse>
				<verse number="6">ၵူၼ်း​မိူင်း ဢေႇၵိပ်ႉတူႉ တင်း​သဵင်ႈ​တင်း​လူင် တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ ပဵၼ်​ၶွၼ်ႉ​တဝ်ႉ​မႆႉ​ဢေႃႈ ၵႃႈ​တီႈ​မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="7">မိူဝ်ႈ​ဢၼ် ၶဝ်​ဢဝ်​မိုဝ်း​ယိပ်း​ၵမ်​ဢဝ်​မႂ်း တဝ်ႉ​ၼၼ်ႉ​ၸိုင်၊ မႂ်း​ႁၵ်း​လႄႈ ဢဝ်​ႁူဝ်​မႃႇ​ၶဝ် ပုတ်း​ၶၢတ်ႇ​ၵႂႃႇ​ဢေႃႈ။ မိူဝ်ႈ​ဢၼ်​ၶဝ်​ဢိင်​မႂ်း​ၼၼ်ႉ​ၸိုင်၊ မႂ်း​ႁၵ်း​လႄႈ ႁႂ်ႈ​ဢႅဝ်​ၶဝ်​ဢူၼ်ႈ​ၵႂႃႇ​ဢေႃႈ။-</verse>
				<verse number="8">ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး။ ၵဝ်​တၵ်း ႁႂ်ႈ​လၢပ်ႇ​ႁွတ်ႈ​ထိုင် ၵႃႈ​ၼိူဝ်​မႂ်း​လႄႈ​ပႄႇ​ၽဵဝ်ႈ​ၵူၼ်း ဢိၵ်ႇ​တင်း တရိၵ်ႈသၢၼ်ႇ​တင်း​လၢႆ​ပႅတ်ႈ​သေ ၵႃႈ​တီႈ​မႂ်း​ဢေႃႈ။-</verse>
				<verse number="9">မိူင်း​ ဢေႇၵိပ်ႉတူႉ တၵ်း​ပဵၼ်​တီႈ​ဢၼ် သဵတ်ႇ​ၵူၼ်း​ယဵၼ်​ၵူၼ်း၊ တီႈ​ဢၼ်​လူႉ​လႅဝ်​လႄႈ ၶဝ်​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။ လွင်ႈ​မၼ်း​ၸမ်ႉ မၼ်း​လၢတ်ႈ​လႄႈ​ဝႃႈ၊ ၵဝ်​ပိူင်ႇ​ၼမ်ႉ​ႁွင်ႈ​ၼမ်ႉ​ၵႄး​ၵဝ်​ဢေႃႈ။ ၵဝ်​ႁဵတ်း​ပဵၼ်​မၼ်း​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ ၵဝ်​ယူႇ​ၽၢႆႇ​ၼိုင်ႈ​တင်း​မႂ်း ဢိၵ်ႇ​တင်း ၼမ်ႉ​ႁွင်ႈ​ၼမ်ႉ​ၵႄး​မႂ်း​ၸိူဝ်း​ၼၼ်ႉ​လႄႈ ၵဝ်​တၵ်း​ႁႂ်ႈ​မိူင်း​ ဢေႇၵိပ်ႉတူႉ ပဵၼ်​တီႈ​ဢၼ်​လူႉ​လႅဝ် မူတ်း​မူတ်း​သဵင်ႈ​သဵင်ႈ၊ တီႈ​ဢၼ်​သဵတ်ႇ​ၵူၼ်း​ယဵၼ်​ၵူၼ်း ဢဝ်​ၵႃႈ​တီႈ​ မီႉၵတေႃးလႃႉ တေႃႇ​ထိုင်​ႁွတ်ႈ​ဝဵင်း​ သူႉၼေႇ ဢိၵ်ႇ​တင်း တေႃႇ​ထိုင်​ႁွတ်ႈ ၶွပ်ႇ​ၼမ်ႉ​လႅၼ်​လိၼ်​မိူင်း ဢီႉသႃႇယေႃးပီႉ ​ၼၼ်ႉ​ဢေႃႈ။-</verse>
				<verse number="11">သီႇ​သိပ်း​ပီႊ​တဵမ်​တဵမ်၊ တိၼ်​ၵူၼ်း​ဢမ်ႇ​လႆႈ တႆႇ​တၢင်း​ပႆ​တၢင်း လတ်း​ၵႂႃႇ​ၵႃႈ​ၼႂ်း​မၼ်း။ တိၼ်​တရိၵ်ႈသၢၼ်ႇ​ၵေႃႈ ဢမ်ႇ​လႆႈ​တႆႇ​တၢင်း​ပႆ​တၢင်း လတ်း​ၵႂႃႇ​ၵႃႈ​ၼႂ်း​မၼ်း။ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လႆႈ​ယူႇ​လႆႈ​သဝ်း ၵႃႈ​ၼႂ်း​မၼ်း​လႃး​လႃး။-</verse>
				<verse number="12">ၼႂ်း​မိူင်း​ဢၼ်​လူႉ​လႅဝ် တင်း​လၢႆ​ၼၼ်ႉ၊ ၵဝ်​တၵ်း​ႁႂ်ႈ​မိူင်း​ ဢေႇၵိပ်ႉတူႉ ပဵၼ်​ဢၼ်​လူႉ​ဢၼ်​လႅဝ်​လႄႈ ၼႂ်း​ဝဵင်း​ဢၼ်​သဵတ်ႇ​ၵူၼ်း ယဵၼ်​ၵူၼ်း​တင်း​လၢႆ​ၼၼ်ႉ ဝဵင်း​မၼ်း​တင်း​လၢႆ ဢၼ်​လူႉ​လႅဝ်​ၼၼ်ႉ တၵ်း​ပဵၼ် တီႈ​ဢၼ်​သဵတ်ႇ​ၵူၼ်း​ယဵၼ်​ၵူၼ်း ၵႂႃႇ​သီႇ​သိပ်း​ပီႊ​တဵမ်​တဵမ် ဢေႃႈ။ ၵဝ်​တၵ်း​ဢဝ်​ၵူၼ်း​ ဢေႇၵိပ်ႉတူႉ ​တင်း​လၢႆ ၸၢတ်ႇ​ပိုၼ်​ပႅတ်ႈ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ ႁႂ်ႈ​ၶဝ်​ႁွတ်ႈ​ထိုင်​ၵႃႈ​ၼႂ်း​ၵူႈ​သိုင်ႇ ၵူႈ​မိူင်း​ဢေႃႈ။-</verse>
				<verse number="13">ၵူၺ်း​ၵႃႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူဝ်ႈ​ဢၼ် ၸေး​သီႇ​သိပ်း​ပီႊ​ယဝ်ႉ​ၼၼ်ႉ၊ ၵဝ်​တၵ်း​ႁွင်ႉ​ဢဝ် ၵူၼ်း​ ဢေႇၵိပ်ႉတူႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မဵဝ်း​ၵူၼ်း တင်း​လၢႆ တီႈ​ဢၼ်​ၶဝ်​လႆႈ​ၶၢမ်ႇ တၢင်း​ဢၼ်​ၸၢတ်ႇ​ပိုၼ်​ပႅတ်ႈ​ၼၼ်ႉ မႃး​ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="14">ၵဝ်​သမ်ႉ​တၵ်း​ဢဝ် ၵူၼ်း​ ဢေႇၵိပ်ႉတူႉ ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ၸိူဝ်း​ၼၼ်ႉ​မႃး​လႄႈ ႁႂ်ႈ​ၶဝ်​ၶိုၼ်း​မႃး​ၸူး​ၵႃႈ​တီႈ​မိူင်း ပႃႇသရူႉ ၊ မိူင်း​တီႈ​ဢၼ် ၽင်​ႁူၵ်ႉ​ၽင်​ႁႄႇ​ၶဝ်​ၼၼ်ႉ​ဢေႃႈ။ ၶဝ်​တၵ်း​လႆႈ​ပဵၼ် သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ယုတ်ႈ​ဢၼ်​ယွမ်း ၵႃႈ​တီႈ​ၼၼ်ႈ​ဢေႃႈ။-</verse>
				<verse number="15">ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း တင်း​လၢႆ​ၼၼ်ႉ၊ တၵ်း​လႆႈ​ပဵၼ် ဢၼ်​ယုတ်ႈ​ဢၼ်​ယွမ်း​ၼႃႇ​သေ​ပိူၼ်ႈ​ဢေႃႈ။ ၵမ်း​လိုၼ်း​ဢမ်ႇ​လႆႈ​ယုၵ်ႉ​ႁူဝ်​ငွၵ်ႈ​ႁူဝ်​မၼ်း​ၵႃႈ​ၼိူဝ်​ၵူၼ်း တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ​လႃး​လႃး။ ၵဝ်​တၵ်း​ႁႂ်ႈ​ၶဝ်​သုတ်ႈ​ၵႂႃႇ​ယွမ်း​ၵႂႃႇ ႁႂ်ႈ​ၶဝ်​ဢမ်ႇ​လႆႈ​ဢုပ်ႉ​ပိူင်ႇ​ၵူၼ်း တၢင်ႇ​ၸိူဝ်ႉ​တၢင်ႇ​မဵဝ်း​မိူဝ်ႈ​ၵမ်း​လိုၼ်း။-</verse>
				<verse number="16">ၵမ်း​လိုၼ်း မိူင်း​ၼၼ်ႉ တၵ်း​ဢမ်ႇ​လႆႈ​ပဵၼ်​တီႈ​ဢၼ်​မဵဝ်း​ ဢီႉသရေႇလႃႉ သွၼ်ႈ​ပိုင်ႈ​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ဢပႅတ်ႈ​ၶဝ် ဢၼ်​ၶဝ်​ဝၢႆႇ​ၶိုၼ်း​သေ​လႄႈ မုင်ႈ​မွင်း​ၶဝ်​ၼၼ်ႉ ယူႇ​ၼၼ်ႉ​ဢေႃႈ။ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ၼႂ်း​ပီႊ​ဢၼ် ထူၼ်ႈ​ထိုင်​သၢဝ်း​ပၢႆ​ၸဵတ်း​ပီႊ လိူၼ်​ပထမႃႉ ဝၼ်း​ၼိုင်ႈ​ၼၼ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ ဝႃႈ​ၸမ်ႉ၊-</verse>
				<verse number="18">လုၵ်ႈ​ၵူၼ်း​ဢိူၺ်း၊ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ႁႂ်ႈ​ႁူဝ်​ႁၢၼ်​ၵူၼ်း​သိုၵ်း​မၼ်း တင်း​လၢႆ ၵိုတ်ႉ​ႁၢပ်ႇ​ဢမူႉ ဢၼ်​ယႂ်ႇ​ၼႃႇ​လူင်​လၢင် ယူႇ​ၽၢႆႇ​ၼိုင်ႈ​တင်း ဝဵင်း​ တူႉရူႉ ​ယဝ်ႉ။ ၵူႈ​ၵေႃႉ​ၵူႈ​ၵူၼ်း ႁူဝ်​ပုတ်း​ႁူဝ်​ၵဵင်ႈ​ၵႂႃႇ​ယဝ်ႉ။ ႁူဝ်​မႃႇ​ၵေႃႈ လွၵ်ႈ​ၵႂႃႇ​လၢၼ်ႈ​ၵႂႃႇ ယဝ်ႉ။ ၵူၺ်း​ၵႃႈ မၼ်း​ၼၼ်ႉ ဢိၵ်ႇ​တင်း ႁူဝ်​ႁၢၼ်​ၵူၼ်း​သိုၵ်း​မၼ်း​တင်း​လၢႆ ဢမ်ႇ​လႆႈ​ၶၢမ်ႇ​ဢဝ် ၵႃႈ​မၼ်း​ၶၼ်​မၼ်း တီႈ​ဝဵင်း​ တူႉရူႉ ​ပုၼ်ႈ​ဢမူႉ ဢၼ်​မၼ်း​ၵိုတ်ႉ​ႁၢပ်ႇ​ယူႇ​ၽၢႆႇ​ၼိုင်ႈ တင်း​ဝဵင်း​ၼၼ်ႉ။-</verse>
				<verse number="19">ပိူဝ်ႈ​ဢၼ် ပဵၼ်​ၼင်ႇ​ၼၼ်​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး။ ၵဝ်​တၵ်း​ဢဝ် မိူင်း​ ဢေႇၵိပ်ႉတူႉ ပၼ်​တီႈ​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ဢေႃႈ။ ၶုၼ်​ၼၼ်ႉ တၵ်း​ဢဝ်​ၵူၼ်း​ဝၢၼ်ႈ​ၵူၼ်း​မိူင်း​ၼမ်​ၼႃႇ​ၵႂႃႇ​လႄႈ သိမ်း​ဢဝ်​ဢုၵ်ႉ​ၸႃႇ ဢၼ်​ႁိမ်​လႆႈ ၵူႈ​ၸိူဝ်ႉ​ၵူႈ​မဵဝ်း​ၵႂႃႇ သေ​လႄႈ ၽႄ​မႅင်ႇ​ပၼ်​ပုၼ်ႈ ၵႃႈ​ၶၼ်​ႁူဝ်​ႁၢၼ်​ၵူၼ်း​သိုၵ်း မၼ်း​ဢေႃႈ။-</verse>
				<verse number="20">ၵွပ်ႈ​ပိူဝ်ႈ​ဢၼ်​ၶဝ် ၵိုတ်ႉ​ႁၢပ်ႇ​ဢမူႉ​ၵဝ်​လႄႈ ၵဝ်​ဢဝ်​မိူင်း​ ဢေႇၵိပ်ႉတူႉ ​ပၼ်​ပုၼ်ႈ ၵႃႈ​ၶၼ်​ဢၼ်​ၵိုတ်ႉ​ႁၢပ်ႇ​ဢမူႉ ၼၼ်ႉ​ယဝ်ႉ။-</verse>
				<verse number="21">ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ႁႂ်ႈ​ၶဝ်​လႅမ်​တႅၵ်ႇ​ဢွၵ်ႇ တီႈ​မဵဝ်း​ ဢီႉသရေႇလႃႉ ​လႄႈ ပၼ်​ဢၶႂၢင်ႉ​ဢၼ်​မႂ်း​လႆႈ ၽုၺ်ႇ​သူပ်း​မႂ်း ၵႃႈ​ၼႂ်း ၵၢင်​ၶဝ်​ဢေႃႈ။ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="30">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ႁဵတ်း​ပရေႃးၽႅတ်ႈ သေ​လႄႈ လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ သူ​ဢွၼ်​ၵၼ်​သႅၼ်ႇ​ႁွင်ႉ လႄႈ​ဝႃႈ၊ မိုဝ်ႉ​ဝၼ်း​ၼၼ်ႉ မီး​ဢႃႉ​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="3">ဝၼ်း​ၼၼ်ႉ​ၸမ်​ယဝ်ႉ။ ဝၼ်း​ထႃႇဝရႃႉ​ၽြႃး၊ ဝၼ်း​ဢၼ်​ၽႃႉ​မိုတ်း၊ ၶိင်ႇ​မိူဝ်ႈ​ဢၼ်​ၶိၼ်း​ဝႆႉ​တီႈ​ၵူၼ်း တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ ၼၼ်ႉ​ၸမ်​ယဝ်ႉ။-</verse>
				<verse number="4">ၽေး​လၢပ်ႇ​ၽေး​လႅဝ်း​တၵ်း​ႁွတ်ႈ​ထိုင်​ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ မိူင်း​ ဢီႉသႃႇယေႃးပီႉ တၵ်း​မီး​တၢင်း​ဢၼ်​မႆႈ​ၸႂ်​ယၢပ်ႇ​ၸႂ် ၼႂ်း​မိူဝ်ႈ​ဢၼ် ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ် တိူဝ်ႉ​မၢတ်ႇ​ၼၼ်ႉ လူမ်ႉ​တၢႆ​ၵႃႈ​ၼႂ်း မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။ ၶဝ်​တၵ်း​ဢွၼ်​ၵၼ် သိမ်း​ဢဝ်​ၵူၼ်း​ဝၢၼ်ႈ​ၵူၼ်း​မိူင်း ၼမ်​ၼႃႇ​လႄႈ ယႃႉ​ၽဵဝ်ႈ​မူႇ​လႃႉ​ငဝ်ႈ​ႁၢၵ်ႈ​မၼ်း​ပႅတ်ႈ​ဢေႃႈ။-</verse>
				<verse number="5">ၵူၼ်း​မိူင်း​ ဢီႉသႃႇယေႃးပီႉ ၊ ၵူၼ်း​မိူင်း​ ၽူႉတႃႉ ၊ ၵူၼ်း​မိူင်း​ လူႉတႃႉ ၊ ၵူၼ်း​ဢၼ် မဵဝ်း​ဢၼ်​လေႃး​လႄး​ၵၼ်​ၵႃႈ​မီး၊ ၵူၼ်း​မဵဝ်း​ ၶူႉၽႃႉ ၊​ၵူၼ်း​မိူင်း ဢၼ်​ႁဵတ်း​ပတီႉၺိၺ်ႇ​ဝႆႉ​ၸိူဝ်း​ၼၼ်ႉ တၵ်း​ဢွၼ်​ၵၼ်​လူမ်ႉ​တၢႆ လူၺ်ႈ​လၢပ်ႇ​လူၺ်ႈ​လႅဝ်း လူၺ်ႈ​ၵၼ်​တင်း​ၶဝ်​ၼၼ်ႉ​ဢေႃႈ။-</verse>
				<verse number="6">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶဝ်​ၸိူဝ်း​ဢၼ် ၵမ်ႉ​ထွၵ်ႈ​ၸွႆႈ​ထႅမ်​မိူင်း​ ဢေႇၵိပ်ႉတူႉ ​ၼၼ်ႉ တၵ်း​ဢွၼ်​ၵၼ်​လူမ်ႉ​တၢႆ​လႄႈ မုၼ်​ၵုင်ႇ သရေႇ တၢင်း​ၵတ်ႉ​တၢင်း​ၶၼ်​မၼ်း တၵ်း​လႆႈ​သုမ်း​ၸွမ်း​ဢေႃႈ။ ဢဝ်​ၵႃႈ​တီႈ​ၸႃႉ​ၸဵမ်​ဝဵင်း မီႉၵတေႃးလႃႉ တေႃႇ​ထိုင်​ႁွတ်ႈ​ဝဵင်း​ သူႉၼေႇ ​ၼၼ်ႉ​လႄႈ ၶဝ်​ၼၼ်ႉ​တၵ်း​ဢွၼ်​ၵၼ် လူမ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="7">ၶဝ်​တၵ်း လႆႈ​မီး​တၢင်း​ဢၼ်​လူႉ​လႅဝ်​ယူႇ ၼႂ်း​မိူင်း​ဢၼ်​လူႉ​လႅဝ် ၸိူဝ်း​ၼၼ်ႉ​လႄႈ၊ ဝဵင်း​မၼ်း​တင်း​လၢႆ တၵ်း​လႆႈ​ၶဝ်ႈ​ပႃး​ၼႂ်း​ဝဵင်း ဢၼ်​သဵတ်ႇ​ၵူၼ်း​ယဵၼ်​ၵူၼ်း ၸိူဝ်း​ၼၼ်ႉ​ဢေႃႈ။-</verse>
				<verse number="8">မိူဝ်ႈ​ဢၼ်​ၵဝ် ဢဝ်​ၽႆး​ၸပ်း​သႂ်ႇ​ၵႃႈ​ၼႂ်း မိူင်း​ ဢေႇၵိပ်ႉတူႉ ​လႄႈ ၶဝ်​ၵႃႈ​ဢၼ်​ၸွႆႈ​ထႅမ်​မႃႉ​ၸႃႉ​မိူင်း​ၼၼ်ႉ လႆႈ​ဢွၼ်​ၵၼ်​လူႉ​လႅဝ်​ၼၼ်ႉ​ၸိုင်၊ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="9">ၼႂ်း​မိုဝ်ႉ​ဝၼ်း​ၼၼ်ႉ တမၢၼ်ႇ​ဢၼ်​ၵဝ်​ပွႆႇ​ၸႂ်ႉ​ၸိူဝ်း​ၼၼ်ႉ တၵ်း​ဢွၼ်​ၵၼ်​ၶီႇ​ႁိူဝ်း​သၢင်း​ၽေႃး​ၵႂႃႇ ႁႂ်ႈ​ၵူၼ်း​မိူင်း​ ဢီႉသႃႇယေႃးပီႉ ဢၼ်​ဢမ်ႇ​မီး​တၢင်း​ဢၼ်​မႆႈ​ၸႂ်​ၶီ​ၸႂ်​ၼၼ်ႉ လႆႈ​ၵူဝ်​လႆႈ​ႁႄ​လႄႈ ၶဝ်​ၼၼ်ႉ​တၵ်း​ဢွၼ်​ၵၼ်​ႁွတ်ႈ​ထိုင် တၢင်း​ဢၼ်​ယၢပ်ႇ​ၸႂ်​ၶၢၼ်​ၸႂ် ၼႃႇ​လူင်​လၢင် မိူၼ်​ၸိူဝ်ႉ​ၼင်ႇ​ၼႂ်း​မိုဝ်ႉ​ဝၼ်း ဢေႇၵိပ်ႉတူႉ ​ၼၼ်ႉ​လႄႈ တူၺ်း​လူး။ မိုဝ်ႉ​ဝၼ်း​ၼၼ်ႉ​ၸမ်​မႃး​ယူႇ​ဢေႃႈ။-</verse>
				<verse number="10">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ဢဝ် မိူင်း​ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ ပႄႇ​ၽဵဝ်ႈ​ၵူၼ်း​မိူင်း​ ဢေႇၵိပ်ႉတူႉ ဢၼ်​ၼမ်​ၼႃႇ​ၼၼ်ႉ​ပႅတ်ႈ​ဢေႃႈ။-</verse>
				<verse number="11">မၼ်း​ၼၼ်ႉ ဢိၵ်ႇ​တင်း ၵူၼ်း​မၼ်း​တင်း​လၢႆ ဢၼ်​ဝႃႈ​မဵဝ်း​ၵူၼ်း ဢၼ်​လီ​ၵူဝ်​လီ​ႁႄ​ၼၼ်ႉ တၵ်း​ဢွၼ်​ၵၼ်​မႃး ႁႂ်ႈ​လႆႈ ယႃႉ​ၽဵဝ်ႈ​မိူင်း​ပႅတ်ႈ​လႄႈ တၵ်း​ဢွၼ်​ၵၼ်​ယိပ်း​ၵမ်​လၢပ်ႇ​ၵမ်​လႅဝ်း ယူႇ​ၽၢႆႇ​ၼိုင်ႈ တင်း​မိူင်း​ ဢေႇၵိပ်ႉတူႉ ​လႄႈ ႁႂ်ႈ​မိူင်း​တင်း​မိူင်း တဵမ်​ဝႆႉ​တင်း​ႁူဝ်​ႁၢၼ် ၵူၼ်း​သိုၵ်း​ဢၼ်​လူမ်ႉ​တၢႆ​ဢေႃႈ။-</verse>
				<verse number="12">ၵဝ်​တၵ်း​ႁႂ်ႈ​ၼမ်ႉ​ႁွင်ႈ​ၼမ်ႉ​ၵႄး တင်း​လၢႆ ႁႅင်ႈ​ႁွင်​ၵႂႃႇ​လႄႈ ဢဝ်​မိူင်း​ၶၢႆ​ပၼ်​တီႈ​ၵူၼ်း​ႁၢႆႉ​ၵူၼ်း​ယုတ်ႈ​တင်း​လၢႆ​ဢေႃႈ။ ၵဝ်​တၵ်း​ဢဝ် မိုဝ်း​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ယႃႉ​မိူင်း ဢိၵ်ႇ​တင်း ၵႃႈ​ဢၼ်​ပႃး​ၵႃႈ​ၼႂ်း​မၼ်း​ၼၼ်ႉ ပႅတ်ႈ​ဢေႃႈ။ ၵဝ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ။-</verse>
				<verse number="13">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ယႃႉ​ၽဵဝ်ႈ​ရုၵ်ႈ​ထူႉ တင်း​လၢႆ ပႅတ်ႈ​လႄႈ ႁႂ်ႈ​သၢင်း​ထူႉ တင်း​လၢႆ ႁၢႆ​ၵႂႃႇ​သေ ၵႃႈ​ၼႂ်း​မိူင်း ၼေႃႇၽႃႉ ​ဢေႃႈ။ ၵမ်း​လိုၼ်း​ဢမ်ႇ​လႆႈ​မီး​မဵဝ်း​ၶုၼ် ဢေႇၵိပ်ႉတူႉ ​လႃး​လႃး။ ၵဝ်​တၵ်း​ႁဵတ်း​လွင်ႈ​ဢၼ်​မိူင်း ဢေႇၵိပ်ႉတူႉ တၵ်း​လီ​ၵူဝ် လီ​ႁႄ​ဢေႃႈ။-</verse>
				<verse number="14">ၵဝ်​တၵ်း ယႃႉ​မိူင်း​ ပႃႇသရူႉ ​ပႅတ်ႈ​လႄႈ ဢဝ်​ၽႆး​ၸပ်း​သႂ်ႇ ၵႃႈ​ၼႂ်း​ဝဵင်း​ ၸေႃးၼႃႉ ​သေ​လႄႈ ၸီႇ​ယၢင်ႇ​တၢမ်ႇ​ဢပႅတ်ႈ ၼႂ်း​ဝဵင်း​ ၼေႃႇ ​ဢေႃႈ။-</verse>
				<verse number="15">ၵဝ်​တၵ်း​ဢဝ် တၢင်း​ၸႂ်​မႆႈ​ၶႆႈ​ၸႃႉ သွၼ်း​လေႃႇ​ၵႃႈ​ၼိူဝ်​ဝဵင်း​ သိၼ်ႇ ဢၼ်​ပဵၼ် တၢင်း​ၵတ်ႉ​တၢင်း​ၶၼ် မိူင်း​ ဢေႇၵိပ်ႉတူႉ ​ၼၼ်ႉ​လႄႈ ပႄႇ​ၽဵဝ်ႈ​ၵူၼ်း​ဝဵင်း​ ၼေႃႇ ဢၼ်​ၼမ်​ၼႃႇ​ၼၼ်ႉ​ပႅတ်ႈ​ဢေႃႈ။-</verse>
				<verse number="16">ၵဝ်​တၵ်း ဢဝ်​ၽႆး​ၸပ်း​သႂ်ႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​လႄႈ ဝဵင်း​ သိၼ်ႇ ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ယၢပ်ႇ​ၸႂ်​ၶၢၼ်​ၸႂ်​ၼႃႇ​လူင်​လၢင်၊ လမ်း​ဝဵင်း​ ၼေႃႇ ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​လူမ်ႉ​ဢၼ်​ပွင်ႇ၊ ဝဵင်း ၼေႃႇၽႃႉ ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ရၢၼ်ႇ​သူႇ​တိုၵ်း​တေႃး ၶိင်ႇ​ၵၢင်​ဝၼ်း​ဢေႃႈ။-</verse>
				<verse number="17">ၵူၼ်း​ၼုမ်ႇ​ၵူၼ်း​ၵမ် ဝဵင်း​ ဢႃႇဝၼ်ႇ ၊ ဝဵင်း​ ၽီႉၽေးသႅတ်ႉ ​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ် လူမ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​လႄႈ ဝဵင်း​ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ်​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ဢေႃႈ။-</verse>
				<verse number="18">ၶိင်ႇ​ၵၢင်​ဝၼ်း ဢၼ်​လႅင်း တၵ်း​လပ်ႉ​ႁၢႆ​ၵႂႃႇ​ၵႃႈ​ၼႂ်း​ဝဵင်း​ တႃႇပၼိတ်ႉ ၼႂ်း​မိူဝ်ႈ​ဢၼ်​ၵဝ်​ႁၵ်း​ၵၼ်း​ႁွၵ်ႇ​ရႃႇ​ၸႃႉ မိူင်း​ ဢေႇၵိပ်ႉတူႉ ​တင်း​လၢႆ​ပႅတ်ႈ​လႄႈ တၢင်း​ၵတ်ႉ​တၢင်း​ၶၼ် မုၼ်​ၵုင်ႇ​သရေႇ​မၼ်း သုမ်း​ၵႂႃႇ​ၼၼ်ႉ​ဢေႃႈ။ ၽႃႉ​မိုတ်း​ၽႃႉ​မူဝ်း​တၵ်း​ႁူမ်ႇ​သုမ်ႇ​မၼ်း​လႄႈ လုၵ်ႈ​ယိင်း မၼ်း​တင်း​လၢႆ တၵ်း​လႆႈ ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ဢေႃႈ။-</verse>
				<verse number="19">ၵဝ်​တၵ်း ၸီႇ​ယၢင်ႇ​တၢမ်ႇ​ဢပႅတ်ႈ တီႈ​မိူင်း​ ဢေႇၵိပ်ႉတူႉ ၸိူဝ်ႉ​ၼင်ႇ​ၼၼ်​လႄႈ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ၼႂ်း​ပီႊ​ဢၼ်​ထူၼ်ႈ​ထိုင် သိပ်း​ပၢႆ​ဢဵတ်း​ပီႊ၊ လိူၼ်​ပထမႃႉ ၸဵတ်း​ဝၼ်း​ၼၼ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="21">လုၵ်ႈ​ၵူၼ်း​ဢိူၺ်း၊ ၵဝ်​ႁၵ်း​ၶႅၼ်​မိုဝ်း​ ၽႃႇရေႃး ၶုၼ်​ႁေႃ​ၶမ်း​ ဢေႇၵိပ်ႉတူႉ ​ပႅတ်ႈ​ယဝ်ႉ။ ဢမ်ႇ​လႆႈ​ဢဝ်​ယႃႈ​ယႃ ယႃ​လႄႈ ဢုမ်ႇ​ႁေႃႇ​ဝႆႉ။ ဢမ်ႇ​လႆႈ​ဢဝ်​ၽႅၼ်ႇ​ဢဝ်​ၶူဝ်း​မတ်ႉ​ဝႆႉ ၶဵၼ်း​ဝႆႉ​ႁႂ်ႈ​မီး​ႁႅင်း​ၸိူဝ်ႉ​ၼင်ႇ ပၵ်း​ၵဝ်ႇ​ပိူင်​ၵဝ်ႇ ပုၼ်ႈ​ဢၼ် တၵ်း​ယိပ်း​ၵမ်​လၢပ်ႇ​ၵမ်​လႅဝ်း။-</verse>
				<verse number="22">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ​ၸမ်ႉ၊ တူၺ်း​လူး။ ၵဝ်​ယူႇ​ၽၢႆႇ​ၼိုင်ႈ တင်း​ ၽႃႇရေႃး ၶုၼ်​ႁေႃ​ၶမ်း​ ဢေႇၵိပ်ႉတူႉ ​လႄႈ တၵ်း​ႁၵ်း​ၶႅၼ်​မိုဝ်း​မၼ်း ဢၼ်​ဝႃႈ ၶႅၼ်​မိုဝ်း​ဢၼ်​ၵႅၼ်ႇ​ၶႅင် ဢိၵ်ႇ​တင်း ၶႅၼ်​မိုဝ်း​ဢၼ်​ႁၵ်း​ပႅတ်ႈ​ၵမ်း​ဢွၼ်​တၢင်း​ၼၼ်ႉ ပႅတ်ႈ​လႄႈ ႁႂ်ႈ​လၢပ်ႇ​လႅဝ်း​တူၵ်း​သေ ၵႃႈ​တီႈ​မိုဝ်း​မၼ်း​ၵႂႃႇ​ဢေႃႈ။-</verse>
				<verse number="23">ၵဝ်​တၵ်း ဢဝ်​ၵူၼ်း​ ဢေႇၵိပ်ႉတူႉ ​တင်း​လၢႆ ၸၢတ်ႇ​ပိုၼ်​ပႅတ်ႈ​ၵႃႈ​ၼႂ်း ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​လႄႈ ႁႂ်ႈ​ၶဝ်​ႁွတ်ႈ​ထိုင်​ၵႃႈ​ၼႂ်း ၵူႈ​သိုင်ႇ​ၵူႈ​မိူင်း​ဢေႃႈ။-</verse>
				<verse number="24">ၵဝ်​တၵ်း​ႁႂ်ႈ​ၶႅၼ်​မိုဝ်း ၶုၼ်​ႁေႃ​ၶမ်း​ ပႃႇပူႉလုၼ်ႇ ၵႅၼ်ႇ​ၶႅင်​လႄႈ ဢဝ်​လၢပ်ႇ​ၵဝ်​လႅဝ်း​ၵဝ် ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း​ဢေႃႈ။ ၵဝ်​တၵ်း ႁၵ်း​ၶႅၼ်​မိုဝ်း​ၶုၼ်​ ၽႃႇရေႃး ​ပႅတ်ႈ​လႄႈ မၼ်း​တၵ်း​လႆႈ​သႅၼ်ႇ​ႁွင်ႉ​ၼၼ်ႉ​ဢေႃႈ။-</verse>
				<verse number="25">ၵဝ်​တၵ်း ယုၵ်ႉ​ယွင်ႈ​ၶႅၼ်​မိုဝ်း ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ ၶႅၼ်​မိုဝ်း​ၶုၼ်​ ၽႃႇရေႃး ​ၸမ်ႉ၊ တၵ်း​လႆႈ​တူၵ်း​ၵႂႃႇ​ၵႃႈ​တႂ်ႈ​ဢေႃႈ။ မိူဝ်ႈ​ဢၼ်​ၵဝ်​ဢဝ်​လၢပ်ႇ​ၵဝ်​လႅဝ်း​ၵဝ် ဢၢပ်ႈ​ပၼ် ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ​လႄႈ မၼ်း​ၼၼ်ႉ ဢဝ်​လၢပ်ႇ​လႅဝ်း​ၼၼ်ႉ ယဵတ်ႇ​ယိုၼ်ႈ ၵႃႈ​ၼိူဝ်​မိူင်း​ ဢေႇၵိပ်ႉတူႉ ​ၼၼ်ႉ​ၸိုင်၊ ၶဝ်​တၵ်း လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="26">ၼင်ႇ​ၼၼ်​လႄႈ ၵဝ်​တၵ်း ဢဝ်​ၵူၼ်း​ ဢေႇၵိပ်ႉတူႉ ​တင်း​လၢႆ ၸၢတ်ႇ​ပိုၼ်​ပႅတ်ႈ​ၵႃႈ​ၼႂ်း ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ​လႄႈ ႁႂ်ႈ​ၶဝ်​ႁွတ်ႈ​ထိုင် ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း​ဢေႃႈ။ ၶဝ်​တၵ်း လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="31">
				<verse number="1">ၼႂ်း​ပီႊ​ဢၼ်​ထူၼ်ႈ​ထိုင် သိပ်း​ဢဵတ်း​ပီႊ၊ လိူၼ်​တႃႉတီႉယႃႉ ဝၼ်း​ၼိုင်ႈ​ၼၼ်ႉ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ႁေႃး​လၢတ်ႈ​တီႈ​ ၽႃႇရေႃး ၶုၼ်​ႁေႃ​ၶမ်း​ ဢေႇၵိပ်ႉတူႉ ဢိၵ်ႇ​တင်း ၵူၼ်း​မၼ်း ဢၼ်​ၼမ်​ၼႃႇ​ၼၼ်ႉ​လႄႈ​ဝႃႈ၊ မႂ်း​ၼႆႉ ၽုင်း​တၼ်း​ၶူဝ်း​ယႂ်ႇ​လႄႈ မိူၼ်​ၵၼ်​တင်း​ၽူႈ​လႂ်။-</verse>
				<verse number="3">ၵူၼ်း​ ဢႃႇသူႉရီႉ ​ၼၼ်ႉ​ပဵၼ် တူၼ်ႈ​ ဢႃႇရိတ်ႉ လေႇပၼုၼ်ႇ ဢၼ်​ပျေႉ​ၸုမ်ႇ​ဝႆႉ​တင်း​ၵိင်ႇ​တင်း​ၶႃႊ ဢၼ်​ႁၢင်ႈ​လီ​ႁၢင်ႈ​ငၢမ်း​လႄႈ ၽိူဝ်​မၼ်း မႂ်​မၼ်း​ႁူမ်ႇ​ယူႇ​ငမ်း​ယူႇ၊ ဢရၢပ်ႈ​မၼ်း​သုင်​လႄႈ ၸိၵ်း​မၼ်း​ၸွမ်​မၼ်း​မီး​ယူႇ​ၵႃႈ​ၼႂ်း ၵိင်ႇ​မၼ်း​ၶႃႊ​မၼ်း ဢၼ်​ၼႃ​တၼ်​ၼႃႇ​ၼၼ်ႉ​ဢေႃႈ။</verse>
				<verse number="4">ၵျေး​ၸူး​ၼမ်ႉ​ႁွင်ႈ ႁႂ်ႈ​မၼ်း​ယႂ်ႇ​ၼႃႇ ၵႂၢင်ႈ​ၼႃႇ​လႄႈ​ၵျေး​ၸူး​ၼမ်ႉ​ဢၼ်​လိုၵ်ႉ​ဢၼ်​လမ်ႇ​ၼၼ်ႉ ႁႂ်ႈ​မၼ်း​သုင်​လီ​ယၢဝ်း​လီ​ဢေႃႈ။ ၼမ်ႉ​ႁွင်ႈ မၼ်း​ၸိူဝ်း​ၼၼ်ႉ လႆ​ယူႇ​ၵႃႈ​တီႈ​ႁိမ်း​ႁွမ်း​တီႈ​ဢၼ်​ၽုၵ်ႇ​သွမ်ႈ​မၼ်း​ၼၼ်ႉ​လႄႈ ႁွင်ႈ​ဢွၼ်ႇ​မၼ်း​ၸိူဝ်း​ၼၼ်ႉ ၸွတ်ႇ​တူဝ်ႈ​ၵႂႃႇ​ၸူး​တီႈ​တူၼ်ႈ​ထိူၼ်ႇ တူၼ်ႈ​ၶိူဝ်း​ၵႃႈ​မီး​ၼၼ်ႉ​ဢေႃႈ။-</verse>
				<verse number="5">ၵွပ်ႈ​ပိူဝ်ႈ ၸိူဝ်ႉ​ၼင်ႇ​ၼၼ်​လႄႈ တၢင်း​ဢၼ်​တူဝ်​သုင်​တူဝ်​ယၢဝ်း​မၼ်း​ၼၼ်ႉ လိူဝ်​တွၼ်း​ၼႃႇ​သေ တူၼ်ႈ​ထိူၼ်ႇ​တူၼ်ႈ​ၶိူဝ်း​ၵႃႈ​မီး ၼၼ်ႉ​ဢေႃႈ။ ၵိင်ႇ​မၼ်း​ၸိူဝ်း​ၼၼ်ႉ ၼမ်​ၵိုၼ်း​ၼႃႇ​လႄႈ၊ ၶႃႊ​မၼ်း​ၸိူဝ်း​ၼၼ်ႉ ဢွၼ်​ၵၼ်​ယၢဝ်း​ယဵတ်ႇ ၵွပ်ႈ​ပိူဝ်ႈ​ၼမ်ႉ​ၼမ်​ၼႃႇ ၼႂ်း​မိူဝ်ႈ​ဢၼ် မၼ်း​ယႂ်ႇ​ၽႄႈ​မႃး​ၼၼ်ႉ​ဢေႃႈ။-</verse>
				<verse number="6">ၼူၵ်ႉ​ၵၢင်​ႁၢဝ် တင်း​သဵင်ႈ​တင်း​လူင် ဢွၼ်​ၵၼ်​ႁဵတ်း​ႁင်း​ၵႃႈ​ၼႂ်း​ၵိင်ႇ​မၼ်း​ၶႃႊ​မၼ်း ၸိူဝ်း​ၼၼ်ႉ​ဢေႃႈ။ တရိၵ်ႈသၢၼ်ႇ တင်း​သဵင်ႈ​တင်း​လူင် ဢွၼ်​ၵၼ် ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ၶဝ် မႃး​ၵႃႈ​တႂ်ႈ​ၵိင်ႇ​မၼ်း​ၶႃႊ​မၼ်း ၸိူဝ်း​ၼၼ်ႉ​ဢေႃႈ။ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢၼ်​ယႂ်ႇ​ၼႃႇ တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ယူႇ​သဝ်း​ၵႃႈ​တီႈ တႂ်ႈ​ႁူမ်ႈ​မၼ်း​ငဝ်း​မၼ်း​ဢေႃႈ။-</verse>
				<verse number="7">ၼင်ႇ​ၼၼ်​လႄႈ မၼ်း​ပဵၼ် ဢၼ်​ႁၢင်ႈ​လီ​ႁၢင်ႈ​ငၢမ်း လူၺ်ႈ​တၢင်း​ဢၼ်​သုင်​မၼ်း ဢိၵ်ႇ​တင်း တၢင်း​ဢၼ်​ၵိင်ႇ​မၼ်း​ၶႃႊ​မၼ်း ယၢဝ်း​ယဵတ်ႇ​ၵွပ်ႈ​ပိူဝ်ႈ​ဢၼ်​ႁၢၵ်ႈ​မၼ်း ယင်ႇ​ၸပ်း​ၵႃႈ​တီႈ​ဢၼ်​ၼမ်ႉ​လိူင်ႇ​ၼမ်ႉ​ၼမ် ၼၼ်ႉ​ဢေႃႈ။-</verse>
				<verse number="8">တူၼ်ႈ​ ဢႃႇရိတ်ႉ ၵႃႈ​ၼႂ်း​သူၼ်​ဢူးယဵၼ်ႇ ၽြႃး​ပဵၼ်​ၸဝ်ႈ ၸိူဝ်း​ၼၼ်ႉ ဢမ်ႇ​ႁႄႉ​ၵင်ႈ​ႁႄႉ​လပ်ႉ​မၼ်း​ဝႆႉ​လႆႈ၊ တူၼ်ႈ​ပႅၵ်ႇ ၸိူဝ်း​ၼၼ်ႉ ဢမ်ႇ​ပျေႉ​ၸုမ်ႇ​ဝႆႉ တင်း​ၵိင်ႇ​တင်း​ၶႃႊ​ၸိူဝ်ႉ​ၼင်ႇ​မၼ်း​ၼၼ်ႉ။ တူၼ်ႈ ဢႃႇရမုၼ်ႇ ​ၸိူဝ်း​ၼၼ်ႉ ဢမ်ႇ​မီး​ၵိင်ႇ​မီး​ၶႃႊ​ၸိူဝ်ႉ​ၼင်ႇ​မၼ်း​ၼၼ်ႉ တူၼ်ႈ​မႆႉ ၵႃႈ​ၼႂ်း​သူၼ်​ဢူးယဵၼ်ႇ ၽြႃး​ပဵၼ်​ၸဝ်ႈ ၼၼ်ႉ ဢမ်ႇ​ႁၢင်ႈ​လီ​ႁၢင်ႈ​ငၢမ်း မိူၼ်​ၸိူဝ်ႉ​ၼင်ႇ​မၼ်း​ၼၼ်ႉ သေ​တူၼ်ႈ​သေ​ဢၼ်။-</verse>
				<verse number="9">ၵဝ်​ႁႂ်ႈ​ႁၢင်ႈ​မၼ်း​ပဵၼ်​ဢၼ် ႁၢင်ႈ​လီ​ႁၢင်ႈ​ငၢမ်း​လူၺ်ႈ​တၢင်း​ဢၼ်​ၵိင်ႇ​မၼ်း​ၶႃႊ​မၼ်း လိူင်ႇ​ၼႃႇ​ၼမ်​ၼႃႇ​ၼၼ်ႉ တေႃႇ​ထိုင်​ႁွတ်ႈ တူၼ်ႈ​မႆႉ ၵႃႈ​ဢၼ်​မီး​ၵႃႈ​ၼႂ်း​ ဢေႇတိၼ်ႇ ၊ ၵႃႈ​ၼႂ်း​သူၼ်​ဢူးယဵၼ်ႇ ၽြႃး​ပဵၼ်​ၸဝ်ႈ ၼၼ်ႉ ၸိူဝ်း​ၼၼ်ႉ ထၼ်ႈ​ပေႃး​သီႈ​ၵေႉ​ႁေႈ​တႃ​မၼ်း​ဢေႃႈ။-</verse>
				<verse number="10">လႆႈ​သမ်ႉ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​မၼ်း မီး​တၢင်း​ဢၼ် တူဝ်​သုင်​တူဝ်​ယၢဝ်း​ယူႇ၊ ယုၵ်ႉ​ယွင်ႈ​ပၢႆ​ၸိၵ်း​မၼ်း ဢၼ်​ပျေႉ​ၸုမ်ႇ​ဝႆႉ တင်း​ၵိင်ႇ​တင်း​ၶႃႊ ဢၼ်​ၼႃ​တၼ်​ၼႃႇ ၼၼ်ႉ​ယူႇ၊ ၸႂ်​မၼ်း​ၵေႃႈ မီး​တၢင်း​ဢၼ် ပူၵ်း​ပႅၼ်​ၽႅၼ်​သုင်​လႄႈ ဢုပ်ႇ​ဢၢတ်ႇ​ယူႇ​ၼၼ်ႉ​လႄႈ၊-</verse>
				<verse number="11">ၵဝ်​ဢဝ်​မၼ်း​ဢၢပ်ႈ​ပၼ် ၵႃႈ​ၼႂ်း​မိုဝ်း​ၵေႃႉ​ဢၼ်​တၼ်း​ၶူဝ်း​ယႂ်ႇ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ​လႄႈ မၼ်း​ၼၼ်ႉ ၸီႇ​ယၢင်ႇ​မၼ်း​ၵိတ်ႇ​ၵႅၼ်း​ၼႃႇ​လူင်​လၢင်​ယဝ်ႉ။ ၵဝ်​ႁေႃႈ​မၼ်း​ဢွၵ်ႇ​ပႅတ်ႈ ၵွပ်ႈ​ပိူဝ်ႈ လွင်ႈ​တၢင်း​ဢၼ်​ႁၢႆႉ​ယုတ်ႈ ဢၼ်​မၼ်း​ႁဵတ်း ၼၼ်ႉ​ယဝ်ႉ။-</verse>
				<verse number="12">ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း ဢၼ်​လီ​ၵူဝ်​လီ​ႁႄ​ၸိူဝ်း​ၼၼ်ႉ ဢွၼ်​ၵၼ်​ၽၼ်း​မၼ်း​လူမ်ႉ​လႄႈ ပႅတ်ႈ​မၼ်း​ဝႆႉ​ယဝ်ႉ။ ၵိင်ႇ​မၼ်း​ၸိူဝ်း​ၼၼ်ႉ လႆႈ​တူၵ်း ၵႃႈ​ၼိူဝ်​လွႆ​ၼိူဝ်​ၵုင်း ဢိၵ်ႇ​တင်း ၵႃႈ​ၼႂ်း​ၶူင်ႈ​ၼႂ်း​ႁူၺ်ႈ​လႄႈ ၶႃႊ​မၼ်း​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁၵ်း​ႁဵၵ်း​မီး​ယူႇ ၵႃႈ​တီႈ​ႁိမ်း​ၼမ်ႉ​ႁွင်ႈ​ၼမ်ႉ​ၵႄး ၵႃႈ​ဢၼ်​မီး​ၵႃႈ​ၼႂ်း​မိူင်း​ဢေႃႈ။ ၵူၼ်း​လိၼ်​မိူင်း တင်း​သဵင်ႈ​တင်း​လူင် ဢွၼ်​ၵၼ်​ဢွၵ်ႇ​သေ​ၵႃႈ​တႂ်ႈ ႁူမ်ႈ​မၼ်း ငဝ်း​မၼ်း​လႄႈ ၸုၼ်ႉ​ပႅတ်ႈ​မၼ်း​ဢေႃႈ။-</verse>
				<verse number="13">ၼူၵ်ႉ​ၵၢင်​ႁၢဝ် တင်း​သဵင်ႈ​တင်း​လူင် လႆႈ​ဢွၼ်​ၵၼ်​ယူႇ​ၵႃႈ​ၼိူဝ်​တီႈ​ဢၼ်​မၼ်း ၵိူၼ်ႇ​လူမ်ႉ​တူၵ်း​ၼၼ်ႉ​လႄႈ တရိၵ်ႈသၢၼ်ႇ​ထိူၼ်ႇ တင်း​သဵင်ႈ​တင်း​လူင် လႆႈ​ဢွၼ်​ၵၼ်​ယူႇ ၵႃႈ​ၼိူဝ်​ၵိင်ႇ​မၼ်း​ၶႃႊ​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​ၼႂ်း​တူၼ်ႈ​မႆႉ ဢၼ်​မီး​ၵႃႈ​တီႈ​ႁိမ်း​ၼမ်ႉ​ႁွင်ႈ​ၵႃႈ​မီး​ၼၼ်ႉ သေ​တူၼ်ႈ​သေ​ဢၼ် တၵ်း​ဢမ်ႇ​ဢုပ်ႇ​ဢၢတ်ႇ ၵွပ်ႈ​ပိူဝ်ႈ​တၢင်း​ဢၼ် တူဝ်​သုင်​တူဝ်​ယၢဝ်း​မၼ်း ဢိၵ်ႇ​တင်း လွင်ႈ​ၼင်ႇ​ႁိုဝ် တၵ်း​ဢမ်ႇ​ယုၵ်ႉ​ယွင်ႈ​ပၢႆ​ၸိၵ်း​မၼ်း ၵႃႈ​ၼႂ်း​ၵိင်ႇ​မၼ်း​ၶႃႊ​မၼ်း ဢၼ်​ၼႃ​တၼ်​ၼႃႇ ၸိူဝ်း​ၼၼ်ႉ တင်း​လွင်ႈ​ၼင်ႇ​ႁိုဝ်​တူၼ်ႈ​ၵႃႈ​ဢၼ်​ၵိၼ်​ၼမ်ႉ သေ​တူၼ်ႈ​သေ​ဢၼ် တၵ်း​ဢမ်ႇ​ႁဵတ်း​တၢင်း​ဢၼ် ၶေႉ​ၶဵင်ႇ​ၵၼ်​ႁႂ်ႈ​တူဝ်​သုင်​တူဝ်​ယၢဝ်း မိူၼ်​ၸိူဝ်ႉ​ၼင်ႇ ၶဝ်​ၼၼ်ႉ​ၸိုင်​ၸင်ႇ​ပဵၼ်​ဢေႃႈ။ ၶဝ်​တင်း​သဵင်ႈ​တင်း​လူင်​ၼၼ်ႉ လႆႈ​ၶၢမ်ႇ​တၢင်း​ဢၼ် ဢဝ်​ဢၢပ်ႈ​ပၼ် တီႈ​တၢင်း​တၢႆ ၵႃႈ​တီႈ​တႂ်ႈ​လိၼ် ၵႃႈ​ၼႂ်း​ၵူၼ်း​ဢၼ် ၸၢင်ႈ​လူင်း​ၵႂႃႇ​ၵႃႈ​ၼႂ်း​ႁူး​လိၼ်​ၶုမ်​လိၼ် ၼၼ်ႉ​ယဝ်ႉ။-</verse>
				<verse number="15">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ဢၼ် မၼ်း​လူင်း​ၵႂႃႇ ၵႃႈ​ၼႂ်း​မိူင်း​မရၼႃႉ​ၼၼ်ႉ၊ ၵဝ်​ႁႂ်ႈ​မီး​တၢင်း​ဢၼ် ၶၢင်း​ၶီ​ၶၢင်း​ၽၢၼ်​လႄႈ ႁူမ်ႇ​သုမ်ႇ​တီႈ​ဢၼ် ဢၼ်​လိုၵ်ႉ​ဢၼ်​လမ်ႇ ဝႆႉ​ပုၼ်ႈ​မၼ်း​ဢေႃႈ။ ၵဝ်​ႁၢမ်ႈ​တၢပ်ႈ​ႁႄႉ​ၶႅၼ်​ၼမ်ႉ​ႁွင်ႈ တင်း​လၢႆ ဝႆႉ​လႄႈ ၼမ်ႉ​ဢၼ်​ယႂ်ႇ​ၼႃႇ​လူင်​လၢင် လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ဢေႃႈ။ ၵဝ်​ႁႂ်ႈ​လွႆ​ လေႇပၼုၼ်ႇ ၶၢင်း​ၶီ​ၶၢင်း​ၽၢၼ်​ပုၼ်ႈ​မၼ်း​လႄႈ တူၼ်ႈ​မႆႉ​ထိူၼ်ႇ တင်း​သဵင်ႈ​တင်း​လူင် ဢွၼ်​ၵၼ်​ၸႂ်​လူႉ ၵွပ်ႈ​ပိူဝ်ႈ​မၼ်း​ဢေႃႈ။-</verse>
				<verse number="16">ၵူၼ်း​ၵူႈ​ၸိူဝ်ႉ​ၵူႈ​မဵဝ်း​သၼ်ႇ​ၶွၼ်း​ဝႆ ၵွပ်ႈ​ပိူဝ်ႈ သဵင်​ဢၼ်​မၼ်း​တူၵ်း​ၼႂ်း​မိုဝ်း​ဢၼ်​ၵဝ် ဢဝ်​မၼ်း​ၶျႃး​တူၵ်း ၵႃႈ​ၼႂ်း​မိူင်း​မရၼႃႉ မိူၼ်​ၸိူဝ်ႉ​ၼင်ႇ ၶဝ်​ၸိူဝ်း​ဢၼ်​လူင်း​ၵႂႃႇ ၵႃႈ​ၼႂ်း​ႁူး​လိၼ်​ၶုမ်​လိၼ်​ၼၼ်ႉ​ဢေႃႈ။ တူၼ်ႈ​မႆႉ​ ဢေႇတိၼ်ႇ ​ၵႃႈ​မီး ဢိၵ်ႇ​တင်း တူၼ်ႈ​မႆႉ​ လေႇပၼုၼ်ႇ ဢၼ်​မျၢတ်ႈ​လီ​ၼႃႇ​သေ​ပိူၼ်ႈ ၸိူဝ်း​ၼၼ်ႉ ဢၼ်​ဝႃႈ ၵႃႈ​ပဵၼ်​တူၼ်ႈ​မႆႉ ဢၼ်​ၵိၼ်​ၼမ်ႉ​ၼၼ်ႉ ၸိူဝ်း​ၼၼ်ႉ ဢွၼ်​ၵၼ် ႁွတ်ႈ​တၢင်း​ဢၼ်​သၢၵ်ႈ​သႃႇ ၵႃႈ​တီႈ​တႂ်ႈ​လိၼ်​ၼၼ်ႉ​ဢေႃႈ။-</verse>
				<verse number="17">ၶဝ်​ဢွၼ်​ၵၼ် ၸွမ်း​မၼ်း​လူင်း​ၵႂႃႇ ၵႃႈ​တီႈ​မိူင်း​မရၼႃႉ တီႈ​ဢၼ်​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း ဢိၵ်ႇ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် ပဵၼ်​ၶႅၼ်​မိုဝ်း​မၼ်း​လႄႈ သွၼ်ႈ​ပိုင်ႈ​ႁူမ်ႈ​မၼ်း ၵႃႈ​ၼႂ်း​မဵဝ်း​ၵူၼ်း တင်း​လၢႆ ၼၼ်ႉ ယူႇ​ၼၼ်ႉ​ဢေႃႈ။-</verse>
				<verse number="18">မႂ်း​ၼႆႉ မီး​မုၼ်​ၽုင်း​တၼ်း​ၶူဝ်း​ဢႃႇၼူႉၽေႃႇ​လႄႈ မိူၼ်​ၵၼ်​တင်း​တူၼ်ႈ​မႆႉ​ ဢေႇတိၼ်ႇ ​ဢၼ်​လႂ်။ မႂ်း​တၵ်း​လႆႈ​ၶၢမ်ႇ​တၢင်း​ဢၼ် ၶျႃး​တူၵ်း​တီႈ​တႅမ်ႇ ၵႃႈ​ၼႂ်း​တီႈ​တႂ်ႈ​လိၼ် လူၺ်ႈ​ၵၼ်​တင်း​တူၼ်ႈ​မႆႉ​ ဢေႇတိၼ်ႇ ​ၸိူဝ်း​ၼၼ်ႉ​ဢေႃႈ။ မႂ်း​တၵ်း​လႆႈ​ၼွၼ်း​ယူႇ​လူၺ်ႈ​ၵၼ် တင်း​ၶဝ်​ၸိူဝ်း​ဢၼ် ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း ဢိၵ်ႇ​တင်း ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ် ဢဝ်​တၢႆ​လူၺ်ႈ​လၢပ်ႇ​လူၺ်ႈ​လႅဝ်း ၼၼ်ႉ​ဢေႃႈ။ ၼင်ႇ​ၼၼ်​လႄႈ ၶုၼ်​ ၽႃႇရေႃး ဢိၵ်ႇ​တင်း ၵူၼ်း​ဝၢၼ်ႈ​ၵူၼ်း​မိူင်း​မၼ်း ဢၼ်​ၼမ်​ၼႃႇ​ၵႃႈ​မီး​ၼၼ်ႉ တၵ်း​လႆႈ​ပဵၼ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="32">
				<verse number="1">ၼႂ်း​ပီႊ​ဢၼ် ထူၼ်ႈ​ထိုင်​သိပ်း​ပၢႆ​သွင်​ပီႊ၊ လိူၼ်​သိပ်း​သွင်​ဝၼ်း​ၼိုင်ႈ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ႁဵတ်း​တၢင်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ ပုၼ်ႈ​ ၽႃႇရေႃး ၶုၼ်​ႁေႃ​ၶမ်း​ ဢေႇၵိပ်ႉတူႉ ​သေ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ မႂ်း​ၼႆႉ ပဵၼ်​ၸိူဝ်ႉ​ၼင်ႇ​သၢင်ႇ​သီႈ​ၼုမ်ႇ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ ပဵၼ်​ၸိူဝ်ႉ​ၼင်ႇ​ငိူၵ်ႈ ဢၼ်​ယူႇ​ၵႃႈ​ၼႂ်း​ၼမ်ႉ​ၼႂ်း​ၼွင်​လႄႈ ယဵပ်ႇ​ၶၢမ်ႈ​ၼမ်ႉ​ႁွင်ႈ ၼမ်ႉ​ၵႄး တင်း​လၢႆ​ယူႇ၊ ဢဝ်​တိၼ်​ႁဵတ်း​ႁႂ်ႈ​ၼမ်ႉ​တူင်ႉ​ၼမ်ႉ​ၼိုင်​ယူႇ၊ ႁဵတ်း​ႁႂ်ႈ​ၼမ်ႉ​ၶုၼ်ႇ ၼမ်ႉ​ဢူၼ်​ယူႇ​ၼၼ်ႉ​ဢေႃႈ။-</verse>
				<verse number="3">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ပႃး​မဵဝ်း​ၵူၼ်း တင်း​လၢႆ ဢၼ်​ၸူႉ​ၵၼ်​တုမ်​ၵၼ်​ၼၼ်ႉ သေ​လႄႈ ဢဝ်​ၼႅင်ႈ​ၶႄ​ႁူမ်ႇ​သုမ်ႇ​မႂ်း​လႄႈ ၶဝ်​ၼၼ်ႉ တၵ်း​ဢွၼ်​ၵၼ်​တိုတ်ႉ​ၸၼ်​ဢဝ်​မႂ်း​ပႃး​မႃး ၵႃႈ​ၼႂ်း​ၼႅင်ႈ​ၵဝ် ၶႄ​ၵဝ်​ဢေႃႈ။-</verse>
				<verse number="4">ၵဝ်​တၵ်း​ဢဝ်​မႂ်း​တၢင်ႇ​ဝႆႉ ၵႃႈ​ၼိူဝ်​ၵုင်း​လႄႈ ပႅတ်ႈ​မႂ်း​ဝႆႉ​ၵႃႈ​တီႈ​ၼွၵ်ႈ​တီႈ​ပၢင်ႇ​ဢေႃႈ။ တၵ်း​ႁႂ်ႈ​ၼူၵ်ႉ​ၵၢင်​ႁၢဝ် တင်း​သဵင်ႈ​တင်း​လူင် ၸပ်း​ၵႃႈ​ၼိူဝ်​မႂ်း​လႄႈ ဢဝ်​မႂ်း​ဢွႆႇ​ပၼ်​တူဝ်​လိၼ်​မိူင်း တင်း​သဵင်ႈ​တင်း​လူင် ဢိမ်ႇ​ဢိမ်ႇ​တဵမ်​တဵမ်​ဢေႃႈ။-</verse>
				<verse number="5">ၵဝ်​တၵ်း​ဢဝ် ၼိူဝ်ႉ​မႂ်း​ၽႄႇ​သိူဝ်ႇ​ဝႆႉ ၵႃႈ​ၼိူဝ်​လွႆ​ၼိူဝ်​ၵုင်း​လႄႈ တၵ်း​ႁႂ်ႈ​ပၢင်ႇ​ႁူၺ်ႈ​ၶူင်ႈ​ႁူၺ်ႈ​မီး​တဵမ်​ဝႆႉ တင်း​တူဝ်​ယႂ်ႇ​တူဝ်​လူင်​မႂ်း​ဢေႃႈ။-</verse>
				<verse number="6">ၵဝ်​တၵ်း​ႁႂ်ႈ လိၼ်​ယမ်း​လူၺ်ႈ​လိူတ်ႈ​မႂ်း တေႃႇ​ထိုင်​ႁွတ်ႈ ပၢႆ​လွႆ​ၸိၵ်း​လွႆ​လႄႈ ၼမ်ႉ​ႁွင်ႈ​ၼမ်ႉ​ၵႄး​ၸိူဝ်း​ၼၼ်ႉ တၵ်း​ဢွၼ်​ၵၼ် လူၼ်ႉ​တဵမ်​ဝႆႉ​တင်း​မႂ်း​ဢေႃႈ။-</verse>
				<verse number="7">မိူဝ်ႈ​ဢၼ် ၵဝ်​ႁႂ်ႈ​မႂ်း​သုမ်း​ၸွမ်း​ၼၼ်ႉ​ၸိုင်၊ ၵဝ်​တၵ်း​ႁူမ်ႇ​သုမ်ႇ​ၽႃႉ​ၵၢင်​ႁၢဝ်​လႄႈ ႁႂ်ႈ​လၢဝ်​တင်း​လၢႆ​လပ်း​သိင်ႇ​ဢေႃႈ။ ၵဝ်​တၵ်း​ႁႂ်ႈ​ၽႃႉ​မိုတ်း​တီႈ​ၵၢင်​ဝၼ်း​လႄႈ လိူၼ်​ၵေႃႈ​ဢမ်ႇ​လႆႈ​ပၼ် ဢၼ်​လႅင်း​မၼ်း။-</verse>
				<verse number="8">ၵဝ်​တၵ်း​ႁႂ်ႈ​ႁိူၼ်း​လႅင်း​ၵႃႈ​ၼိူဝ်​ၽႃႉ​ၵၢင်​ႁၢဝ် ၵႃႈ​မီး​ၼၼ်ႉ လပ်း​သိင်ႇ​ၵွပ်ႈ​ပိူဝ်ႈ​မႂ်း​လႄႈ ဢဝ်​လပ်း​သိင်ႇ​သုမ်ႇ​ႁူမ်ႇ​မိူင်း​မႂ်း​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="9">မိူဝ်ႈ​ဢၼ် ၵဝ်​ႁႂ်ႈ​လွင်ႈ​ဢၼ်​မႂ်း​လူႉ​လႅဝ်​ၼၼ်ႉ ႁွတ်ႈ​ထိုင်​ၵႃႈ​ၼႂ်း ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း ဢၼ်​မႂ်း​ဢမ်ႇ​တွၼ်ႉ​ယၢမ်ႈ​ႁူႉ​ၼၼ်ႉ​ၸိုင်၊ ၵဝ်​တၵ်း​ႁႂ်ႈ​မဵဝ်း​ၵူၼ်း​ၼမ်​ၼႃႇ မႆႈ​ၸႂ်​ႁွၼ်ႉ​ၸႂ်​ဢေႃႈ။-</verse>
				<verse number="10">ၵဝ်​တၵ်း​ႁႂ်ႈ​မဵဝ်း​ၵူၼ်း​ၼမ်​ၼႃႇ ၵႂင်​ၸႂ်​ယုင်ႈ​ၸႂ် ၵွပ်ႈ​ပိူဝ်ႈ​မႂ်း​လႄႈ ၶုၼ်​ႁေႃ​ၶမ်း​ၶဝ်​ၼၼ်ႉ တၵ်း​ဢွၼ်​ၵၼ်​တူၵ်း​ၸႂ်​ၼႃႇ​လူင်​လၢင် ၵွပ်ႈ​ပိူဝ်ႈ​မႂ်း ၼႂ်း​မိူဝ်ႈ​ဢၼ်​ၵဝ် ဢဝ်​လၢပ်ႇ​လႅဝ်း​ၵဝ်​ငႃ ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​ဢေႃႈ။ ၼႂ်း​မိုဝ်ႉ​ဝၼ်း​ဢၼ် မႂ်း​တူၵ်း​သုမ်း​တူၵ်း​ၸွမ်း​ၼၼ်ႉ၊ ၶဝ်​ၼၼ်ႉ​တၵ်း​ဢွၼ်​ၵၼ် သၼ်ႇ​ၶွၼ်း​ဝႆ​ယူႇ ၵူႈ​ၸူဝ်ႈ​ၵူႈ​ၵႅပ်ႉ ၵွပ်ႈ​ပိူဝ်ႈ ဢသၢၵ်ႈ​ၶဝ်​ႁင်း​ၽႂ်​ႁင်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ လၢပ်ႇ​လႅဝ်း​ၶုၼ်​ႁေႃ​ၶမ်း​ ပႃႇပူႉလုၼ်ႇ ​ၼၼ်ႉ တၵ်း​ႁွတ်ႈ​ထိုင်​ၵႃႈ​ၼိူဝ်​မႂ်း​ဢေႃႈ။-</verse>
				<verse number="12">ၵဝ်​တၵ်း​ႁႂ်ႈ​ၵူၼ်း​မႂ်း ဢၼ်​ၼမ်​ၼႃႇ​ဢၼ်​ဝႃႈ မဵဝ်း​ၵူၼ်း​ဢၼ်​လီ​ၵူဝ်​လီ​ႁႄ ၵႃႈ​မီး​ၼၼ်ႉ လူမ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း ၶဝ်​ၸိူဝ်း​ဢၼ် ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။ ၶဝ်​ၼၼ်ႉ တၵ်း​ဢွၼ်​ၵၼ် ၶျႃး​မႃႇၼႃႉ​ၸႂ်​သုင်​ ဢေႇၵိပ်ႉတူႉ ​တူၵ်း​တီႈ​တႅမ်ႇ​လႄႈ ၵူၼ်း​ဝၢၼ်ႈ ၵူၼ်း​မိူင်း​မၼ်း​ဢၼ်​ၼမ်​ၼႃႇ ၵႃႈ​မီး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ယႃႉ​ၽဵဝ်ႈ​ပႅတ်ႈ​ဢေႃႈ။-</verse>
				<verse number="13">ၵဝ်​တၵ်း​ပႄႇ​ၽဵဝ်ႈ တရိၵ်ႈသၢၼ်ႇ ၵႃႈ​ဢၼ်​ၵိၼ်​ယူႇ ၵႃႈ​တီႈ​ႁိမ်း​ၼမ်ႉ​ဢၼ်​ၼမ်​ၼႃႇ​ၼၼ်ႉ ၸိူဝ်း​ၼၼ်ႉ​ပႅတ်ႈ​လႄႈ ၵမ်း​လိုၼ်း​တိၼ်​ၵူၼ်း ဢိၵ်ႇ​တင်း တိၼ်​တရိၵ်ႈသၢၼ်ႇ ဢမ်ႇ​လႆႈ​ႁဵတ်း​ႁႂ်ႈ​ၼမ်ႉ​ၼၼ်ႉ ပဵၼ်​ဢၼ်​ၶုၼ်ႇ​ဢၼ်​ဢူၼ်။-</verse>
				<verse number="14">မိူဝ်ႈ​ၼၼ်ႉ ၵဝ်​တၵ်း​ႁႂ်ႈ​ၼမ်ႉ​ၸိူဝ်း​ၼၼ်ႉ သႂ်​လီ​လႄႈ​ႁႂ်ႈ​ၼမ်ႉ​ႁွင်ႈ​ၼမ်ႉ​ၵႄး​ၸိူဝ်း​ၼၼ်ႉ လႆ​ၵႂႃႇ​မိူၼ်​ၸိူဝ်ႉ​ၼင်ႇ​ၼမ်ႉ​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="15">မိူဝ်ႈ​ဢၼ် ၵဝ်​ႁႂ်ႈ​မိူင်း​ ဢေႇၵိပ်ႉတူႉ ပဵၼ်​မိူင်း​ဢၼ်​သဵတ်ႇ​ဢၼ်​ယဵၼ် ဢၼ်​လူႉ​ဢၼ်​လႅဝ်၊ မိူင်း​ဢၼ် ဢုၵ်ႉ​ၸႃႇ​ၵႃႈ​ဢၼ်​မီး​ၵႃႈ​ၼႂ်း​မၼ်း​သဵင်ႈ​ၵႂႃႇ မူတ်း​ၵႂႃႇ​ယဝ်ႉ​ၼၼ်ႉ၊ မိူဝ်ႈ​ဢၼ်​ၵဝ်​ပၼ်​တၢမ်ႇ တီႈ​ၵူၼ်း​ဝၢၼ်ႈ​ၵူၼ်း​မိူင်း ၵႃႈ​မီး​ၼၼ်ႉ​ၸိုင်၊ ၶဝ်​တၵ်း​လႆႈ​ႁူႉ​လွင်ႈ ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="16">ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ ဢၼ်​ၶဝ်​တၵ်း​လႆႈ​ဢဝ် ပွင်ႉ​ၶၢင်း​ပွင်ႉ​မိူၼ်ႇ​ဢေႃႈ။ လုၵ်ႈ​ယိင်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၸိူဝ်း​ၼၼ်ႉ​ၵေႃႈ တၵ်း​ဢွၼ်​ၵၼ်​ဢဝ် ပွင်ႉ​ၶၢင်း​ပွင်ႉ​မိူၼ်ႇ​လႄႈ ဢွၼ်​ၵၼ်​ပွင်ႉ​ၶၢင်း​ပွင်ႉ​မိူၼ်ႇ ပုၼ်ႈ​မိူင်း​ ဢေႇၵိပ်ႉတူႉ ဢိၵ်ႇ​တင်း ၵူၼ်း​ဝၢၼ်ႈ​ၵူၼ်း​မိူင်း​မၼ်း ဢၼ်​ၼမ်​ၼႃႇ ၵႃႈ​မီး​ၼၼ်ႉ​ဢေႃႈ။ ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ၼႂ်း​ပီႊ​ဢၼ် ထူၼ်ႈ​ထိုင်​သိပ်း​ပီႊ၊ သိပ်း​ပၢႆ​ႁႃႈ​ဝၼ်း​ၼၼ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="18">လုၵ်ႈ​ၵူၼ်း​ဢိူၺ်း၊ မႂ်း​ႁဵတ်း​တၢင်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ ပုၼ်ႈ​ၵူၼ်း​မိူင်း​ ဢေႇၵိပ်ႉတူႉ ဢၼ်​ၼမ်​ၼႃႇ​ၼၼ်ႉ​လႄႈ ဢဝ်​ၶဝ်​ဢၼ်​ဝႃႈ​မၼ်း​ဢိၵ်ႇ​လူၺ်ႈ​ၵၼ်​တင်း လုၵ်ႈ​ယိင်း​ၵူၼ်း တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ႁူင်​ႁၢင်း​ၸိူဝ်း​ၼၼ်ႉ ၶျႃး​တူၵ်း​တေႃႇ​ထိုင်​ႁွတ်ႈ ၵႃႈ​တီႈ​တႂ်ႈ လိၼ် တီႈ​ဢၼ်​ၶဝ်​ၸိူဝ်း​ဢၼ်​လူင်း​ၵႂႃႇ ၵႃႈ​ၼႂ်း​ႁူး​လိၼ်​ၶုမ်​လိၼ်​ၸိူဝ်း​ၼၼ်ႉ​တႃႉ။-</verse>
				<verse number="19">ဢၼ်​မႂ်း​တၵ်း​လႆႈ​ဢွၵ်ႇ​သူပ်း​လႄႈ​ဝႃႈ​ၸမ်ႉ၊ မႂ်း​ၼႆႉ​ယဵင်ႈ​ၶႅၼ်း​ႁၢင်ႈ​လီ​လိူဝ်​တွၼ်း​ၼႃႇ​သေ​ၽူႈ​လႂ်။ မႂ်း​လုၵ်ႉ​ၵႂႃႇ​လႄႈ တူၵ်း​တီႈ​ယူႇ တီႈ​သဝ်း​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ဢမ်ႇ​ၶၢမ်ႇ​တၢင်း​ဢၼ် ထိူဝ်​ႁိမ်း​ၼၼ်ႉ​တႃႉ။-</verse>
				<verse number="20">ၶဝ်​တၵ်း လႆႈ​လူမ်ႉ​တၢႆ​လူၺ်ႈ​ၵၼ်​တင်း ၶဝ်​ၸိူဝ်း​ဢၼ် တၢႆ​လူၺ်ႈ​လၢပ်ႇ​လူၺ်ႈ​လႅဝ်း ၼၼ်ႉ​လႄႈ မၼ်း​လႆႈ​ၶၢမ်ႇ​တၢင်း​ဢၼ် ဢဝ်​ဢၢပ်ႈ​ပၼ် တီႈ​လၢပ်ႇ​တီႈ​လႅဝ်း​ယဝ်ႉ။ ဢွၼ်​ၵၼ်​တိုတ်ႉ​ၸၼ်​ဢဝ်​မၼ်း ဢိၵ်ႇ​တင်း ၵူၼ်း​မၼ်း​ဢၼ်​ၼမ်​ၼႃႇ​ၵႃႈ​မီး​ၼၼ်ႉ​တႃႉ။-</verse>
				<verse number="21">ႁူဝ်​ႁၢၼ်​ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​သေ​ပိူၼ်ႈ ၸိူဝ်း​ၼၼ်ႉ တၵ်း​ဢွၼ်​ၵၼ်​တၵ်ႉ​လၢတ်ႈ​မၼ်း ဢိၵ်ႇ​လူၺ်ႈ​ၵၼ်​တင်း ၶဝ်​ၸိူဝ်း​ဢၼ် ၸွႆႈ​ထႅမ်​မႃႉ​ၸႃႉ​မၼ်း​ၸိူဝ်း​ၼၼ်ႉ ၵႃႈ​ၼႂ်း​မိူင်း​မရၼႃႉ​ၼၼ်ႉ​ဢေႃႈ။ ၶဝ်​ၵေႃႈ ဢွၼ်​ၵၼ်​လူင်း​ၵႂႃႇ​ယဝ်ႉ။ ၶဝ်​ဢၼ်​ဝႃႈ ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ထိူဝ်​ႁိမ်း​လႄႈ လႆႈ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ ဢွၼ်​ၵၼ်​မီး​ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="22">ဢႃႇသူႉရီႉ ဢိၵ်ႇ​တင်း မူႇ​ၽုင်​မုၵ်ႉ​ၸိူဝ်း​ဢၼ်​ၸပ်း​ၸွမ်း​မၼ်း ၵႃႈ​မီး​ၼၼ်ႉ​ၵေႃႈ ဢွၼ်​ၵၼ်​မီး​ၵႃႈ​တီႈ​ၼၼ်ႈ​ဢေႃႈ။ ပႃႇ​ႁဵဝ်ႈ​မၼ်း ၸိူဝ်း​ၼၼ်ႉ​မီး​ယူႇ​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မၼ်း​လႄႈ ၶဝ်​ၵႃႈ​မီး​ၼၼ်ႉ ပဵၼ်​ဢၼ်​လူမ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။-</verse>
				<verse number="23">ပႃႇ​ႁဵဝ်ႈ​ၶဝ်​ၼၼ်ႉ မီး​တၢင်း​ဢၼ်​ၸႅၼ်ႇ​ယႆ​ၵၼ်​ဝႆႉ​ယူႇ ၵႃႈ​တီႈ​ႁိမ်း​ပဵမ်ႉ​ၶုမ်​ပဵမ်ႉ​လုၵ်း​လႄႈ မူႇ​ၽုင်​မုၵ်ႉ​ၸိူဝ်း​မၼ်း မီး​ယူႇ​ၵႃႈ​တီႈ​ႁိမ်း​ႁွမ်း လဵပ်ႈ​ႁွပ်ႈ​ပႃႇ​ႁဵဝ်ႈ​မၼ်း​ဢေႃႈ။ ၶဝ်​ဢၼ်​ပဵၼ်​ၵေႃႉ​ဢၼ်​ၸၢင်ႈ​ႁႂ်ႈ​ပိူၼ်ႈ​ၵူဝ်​ႁႄ​ၶဝ် ၵႃႈ​ၼႂ်း​တီႈ​ဢၼ် ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ သဝ်း​ၼၼ်ႉ ၵႃႈ​မီး​ၼၼ်ႉ ဢွၼ်​ၵၼ်​လူမ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။-</verse>
				<verse number="24">ၵႃႈ​တီႈ​ၼၼ်ႈ ဢေႇလမ်ႇ ဢိၵ်ႇ​တင်း ၵူၼ်း​မၼ်း​ဢၼ်​ၼမ်​ၼႃႇ​ၼၼ်ႉ ဢွၼ်​ၵၼ်​မီး​ယူႇ​ၵႃႈ​တီႈ လဵပ်ႈ​ႁွပ်ႈ​ပႃႇ​ႁဵဝ်ႈ​မၼ်း​လႄႈ ၶဝ်​ၵႃႈ​မီး​ၼၼ်ႉ လူမ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။ ၶဝ်​ဢၼ်​ပဵၼ်​ၵေႃႉ​ဢၼ် ၸၢင်ႈ​ႁႂ်ႈ​ပိူၼ်ႈ​ၵူဝ်​ႁႄ​ၶဝ် ၵႃႈ​ၼႂ်း​တီႈ​ဢၼ် ၶဝ်​ၸိူဝ်း​ဢၼ် ဢသၢၵ်ႈ​လိပ်း​ယူႇ​သဝ်း​ၼၼ်ႉ ပဵၼ်​ၵေႃႉ​ဢၼ် ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​သေ​လႄႈ လႆႈ​လူင်း​ၵႂႃႇ​ၵႃႈ​တီႈ​တႂ်ႈ​လိၼ်​လႄႈ လႆႈ​ၶၢမ်ႇ​တၢင်း​ဢၼ်​ဢူၵ်း​ဢၢႆ လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​လူင်း​ၵႂႃႇ ၵႃႈ​ၼႂ်း​ႁူး​လိၼ်​ၶုမ်​လိၼ်​ၼၼ်ႉ​ဢေႃႈ။-</verse>
				<verse number="25">ၶဝ်​ဢဝ်​တီႈ​ၼွၼ်း​ဝႆႉ ၵႃႈ​ၼႂ်း​ၵၢင်​ၶဝ် ၸိူဝ်း​ဢၼ်​လႆႈ​ၶၢမ်ႇ​တၢႆ​ၼၼ်ႉ ပုၼ်ႈ​မၼ်း​ဢိၵ်ႇ​တင်း ၵူၼ်း​မၼ်း​ဢၼ်​ၼမ်​ၼႃႇ​ၵႃႈ​မီး​ၼၼ်ႉ​လႄႈ ပႃႇ​ႁဵဝ်ႈ​မၼ်း​ၸိူဝ်း​ၼၼ်ႉ မီး​ယူႇ​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မၼ်း​ဢေႃႈ။ ၶဝ်​ၵႃႈ​မီး​ၼၼ်ႉ ပဵၼ်​ၵေႃႉ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​လႄႈ တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။ ၶဝ်​ၸၢင်ႈ​ႁႂ်ႈ​ပိူၼ်ႈ​ၵူဝ်​ႁႄ​ၶဝ် ၵႃႈ​ၼႂ်း​တီႈ​ဢၼ်​ၶဝ်​ၸိူဝ်း​ဢၼ် ဢသၢၵ်ႈ​လိပ်း​ၼၼ်ႉ​ယူႇ​သဝ်း​လႄႈ၊ ၶဝ်​လႆႈ​ၶၢမ်ႇ​တၢင်း​ဢၼ်​ဢူၵ်း​ဢၢႆ လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​လူင်း​ၵႂႃႇ ၵႃႈ​ၼႂ်း​ႁူး​လိၼ်​ၶုမ်​လိၼ်​ၼၼ်ႉ​ဢေႃႈ။ မၼ်း​တူၵ်း​တီႈ​ယူႇ တီႈ​သဝ်း လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢႆ​ၼၼ်ႉ​ဢေႃႈ။-</verse>
				<verse number="26">မႄႇသႅၵ်ႉ ဢိၵ်ႇ​တင်း တူႉပလႃႉ တင်း​ၵူၼ်း​မၼ်း​ဢၼ်​ၼမ်​ၼႃႇ ၵႃႈ​မီး​ၼၼ်ႉ မီး​ၵႃႈ​တီႈ​ၼၼ်ႈ​လႄႈ ပႃႇ​ႁဵဝ်ႈ​မၼ်း​ၸိူဝ်း​ၼၼ်ႉ မီး​ယူႇ ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မၼ်း​ဢေႃႈ။ ၶဝ်​ၵႃႈ​မီး​ၼၼ်ႉ ပဵၼ်​ၵေႃႉ​ဢၼ် ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​လႄႈ တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။ ၶဝ်​ၼၼ်ႉ ပဵၼ်​ၵေႃႉ​ဢၼ်​ႁႂ်ႈ​ပိူၼ်ႈ​ၵူဝ်​ႁႄ​ၶဝ် ၵႃႈ​ၼႂ်း​တီႈ​ဢၼ် ၶဝ်​ၸိူဝ်း​ဢၼ် ဢသၢၵ်ႈ​လိပ်း​ယူႇ​သဝ်း​ၼၼ်ႉ​ဢေႃႈ။-</verse>
				<verse number="27">ၶဝ်​ၼၼ်ႉ​တၵ်း​လႆႈ​ဢွၼ်​ၵၼ် ၼွၼ်း​ယူႇ​လူၺ်ႈ​ၵၼ်​တင်း ၵူၼ်း​ယႂ်ႇ​ၵူၼ်း​လူင် ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​လႄႈ လႆႈ​လူမ်ႉ​တၢႆ​လႄႈ ပႃး​ဢဝ်​လၢၵ်ႈ​ၼၢၵ်ႈ​တိုၵ်း​သိုၵ်း​ၶဝ်​ယူႇ သေ​လႄႈ လူင်း​ၵႂႃႇ​ၵႃႈ​ၼႂ်း​မိူင်း​မရၼႃႉ​လႄႈ ဢဝ်​လၢပ်ႇ​ၶဝ်​လႅဝ်း​ၶဝ်​မွၼ်​ႁူဝ်​ၶဝ်​ယူႇ၊ ဢပႅတ်ႈ​ၶဝ်​တႄႇ​ယူႇ​ၵႃႈ​ၼိူဝ်​ၶဝ်​ၼၼ်ႉ ဢမ်ႇ​ၸႂ်ႈ​ႁိုဝ်။ ၶဝ်​ၼၼ်ႉ ပဵၼ်​ၵေႃႉ​ဢၼ် ၸၢင်ႈ​ႁႂ်ႈ​ပိူၼ်ႈ​ၵူဝ်​ႁႄ ၵႃႈ​ၼႂ်း​တီႈ​ဢၼ် ၶဝ်​ၸိူဝ်း​ဢၼ် ဢသၢၵ်ႈ​လိပ်း​ယူႇ​သဝ်း​ၼၼ်ႉ​ဢေႃႈ။-</verse>
				<verse number="28">မႂ်း​ၵေႃႈ တၵ်း​လႆႈ​ႁၵ်း​လႅဝ် ၵႃႈ​ၼႂ်း​ၵၢင်​ၶဝ်​ၸိူဝ်း​ဢၼ် ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​လႄႈ ၼွၼ်း​ယူႇ​လူၺ်ႈ​ၵၼ် တင်း​ၶဝ်​ၸိူဝ်း​ဢၼ်​တၢႆ လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ​ဢေႃႈ။-</verse>
				<verse number="29">ဢေႇတုမ်ႇ ဢိၵ်ႇ​တင်း ၶုၼ်​ႁေႃ​ၶမ်း​မၼ်း​တင်း​လၢႆ တင်း​မူး​မၢတ်ႈ​ၽွင်း​မိူင်း​မၼ်း​ၵႃႈ​မီး ဢၼ်​ပႃး​ဢဝ်​တင်း​ၶူဝ်း​ၶဝ် သေ​လႄႈ တူၵ်း​တီႈ​ယူႇ​တီႈ​သဝ်း​လူၺ်ႈ​ၵၼ်​တင်း ၶဝ်​ၸိူဝ်း​ဢၼ် လႆႈ​ၶၢမ်ႇ​တၢႆ​ၸိူဝ်း​ၼၼ်ႉ​ၵေႃႈ လႆႈ​ဢွၼ်​ၵၼ်​မီး​ယူႇ​ၵႃႈ​တီႈ​ၼၼ်ႈ​လႄႈ လႆႈ​ၼွၼ်း​ယူႇ​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ ဢိၵ်ႇ​တင်း ၶဝ်​ၸိူဝ်း​ဢၼ် လူင်း​ၵႂႃႇ​ၵႃႈ​ၼႂ်း​ႁူး​လိၼ် ၶုမ်​လိၼ်​ၼၼ်ႉ​ဢေႃႈ။-</verse>
				<verse number="30">ၶုၼ်​မိူင်း​တၢင်း​ႁွင်ႇ​ၵႃႈ​မီး၊ ၶုၼ်​ ၸီႉတုမ်ႇ ​ၵႃႈ​မီး ဢၼ်​လူင်း​ၵႂႃႇ​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢႆ​ၼၼ်ႉ ဢွၼ်​ၵၼ်​မီး ၵႃႈ​တီႈ​ၼၼ်ႈ​ဢေႃႈ။ ၶဝ်​လႆႈ​ၶၢမ်ႇ​တၢင်း​ဢၼ်​ဢူၵ်း​ဢၢႆ ၵွပ်ႈ​ပိူဝ်ႈ တၢင်း​ၵူဝ်​တၢင်း​ႁႄ ဢၼ်​တၼ်း​ၶူဝ်း​ၶဝ် ႁႂ်ႈ​ပဵၼ်​ၼၼ်ႉ​ယဝ်ႉ။ ၶဝ်​ပဵၼ်​ၵေႃႉ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​လႄႈ လႆႈ​ၼွၼ်း​ယူႇ​လူၺ်ႈ​ၵၼ်​တင်း ၶဝ်​ၸိူဝ်း​ဢၼ် တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၸိူဝ်း​ၼၼ်ႉ လႄႈ လႆႈ​ဢွၼ်​ၵၼ် ၶၢမ်ႇ​တၢင်း​ဢၼ်​ဢူၵ်း​ဢၼ်​ဢၢႆ လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် လူင်း​ၵႂႃႇ ၵႃႈ​ၼႂ်း​ႁူး​လိၼ်​ၶုမ်​လိၼ်​ၼၼ်ႉ​ယူႇ​ဢေႃႈ။-</verse>
				<verse number="31">ၶုၼ်​ ၽႃႇရေႃး တၵ်း​ႁၼ်​ၶဝ်​ၼၼ်ႉ​လႄႈ ၸႂ်​မၼ်း​တၵ်း​မီး​တၢင်း​ဢၼ်​သၢၵ်ႈ​သႃႇ ၶႅၼ်း​မႃး ၵွပ်ႈ​ပိူဝ်ႈ ၵူၼ်း​မၼ်း​ဢၼ်​ၼမ်​ၼႃႇ ၵႃႈ​မီး​ၼၼ်ႉ​လႄႈ ၽႃႇရေႃး ဢိၵ်ႇ​တင်း ပူဝ်ႇ​ပႃႇ​မၼ်း တင်း​သဵင်ႈ​တင်း​လူင် လႆႈ​ၶၢမ်ႇ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="32">ပိူဝ်ႈ​ဢၼ် ၵဝ်​ႁဵတ်း​ႁႂ်ႈ​ပိူၼ်ႈ​ၵူဝ်​ႁႄ​မၼ်း ၵႃႈ​ၼႂ်း​တီႈ​ဢၼ်​ၶဝ်​ၸိူဝ်း​ဢၼ် ဢသၢၵ်ႈ​လိပ်း​ယူႇ​သဝ်း​ၼၼ်ႉ​လႄႈ မၼ်း​ဢၼ်​ဝႃႈ ၶုၼ်​ ၽႃႇရေႃး ဢိၵ်ႇ​တင်း ၵူၼ်း​မၼ်း​ဢၼ်​ၼမ်​ၼႃႇ​ၵႃႈ​မီး​ၼၼ်ႉ တၵ်း​လႆႈ​ဢွၼ်​ၵၼ်​ၼွၼ်း​ယူႇ ၵႃႈ​ၼႂ်း​ၵၢင်​ၶဝ်​ၸိူဝ်း​ဢၼ် ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢႆ လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="33">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ႁေႃး​လၢတ်ႈ​တီႈ ၵူၼ်း​မဵဝ်း​လဵဝ်​ၵၼ်​တင်း​မႂ်း ၸိူဝ်း​ၼၼ်ႉ​လႄႈ​ဝႃႈ၊ မိူဝ်ႈ​ဢၼ်​ၵဝ်​ႁႂ်ႈ​ၽေး​လၢပ်ႇ​ၽေး​လႅဝ်း ႁွတ်ႈ​ထိုင် ၵႃႈ​တီႈ​မိူင်း သေ​မိူင်း​မိူင်း​ၼၼ်ႉ၊ ပေႃး​ၵူၼ်း​မိူင်း​ၸိူဝ်း​ၼၼ်ႉ ဢဝ်​ၵူၼ်း​မိူင်း​ၵေႃႉ​ၼိုင်ႈ ၶၢၼ်း​ဝႆႉ​ႁႂ်ႈ​ပႂ်ႉ​ၵၢင်၊-</verse>
				<verse number="3">ပေႃး​မၼ်း​ၼၼ်ႉ ႁၼ်​လွင်ႈ​ဢၼ် ၽေး​လၢပ်ႇ​ၽေး​လႅဝ်း တၵ်း​ႁွတ်ႈ​ထိုင်​ၵႃႈ​တီႈ​မိူင်း​လႄႈ ပဝ်ႇ​ၼႄးၶရႃႇ​သေ​လႄႈ ပၼ်​သတီႉ​တီႈ ၵူၼ်း​တင်း​လၢႆ၊-</verse>
				<verse number="4">ပေႃး​သေ​ၵေႃႉ​သေ​ၵူၼ်း ငိၼ်း​သဵင်​ပဝ်ႇ​ၼႄးၶရႃႇ သေ​ယဝ်ႉ၊ ဢမ်ႇ​ႁဵတ်း​သတီႉ​လႄႈ ၽေး​လၢပ်ႇ​ၽေး​လႅဝ်း​ႁွတ်ႈ​ထိုင်​လႄႈ ဢသၢၵ်ႈ​မၼ်း​သုမ်း​ၸိုင်၊ လိူတ်ႈ​မၼ်း​ၼၼ်ႉ တၵ်း​လႆႈ​ႁွတ်ႈ​ၵႃႈ​ၼိူဝ်​ႁူဝ်​မၼ်း​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​ဢၼ်​မၼ်း ငိၼ်း​သဵင်​ပဝ်ႇ​ၼႄးၶရႃႇ​ယူႇ​လႄႈ မၼ်း​ဢမ်ႇ​ႁဵတ်း​သတီႉ​ၼၼ်ႉ​လႄႈ လိူတ်ႈ​မၼ်း တၵ်း​လႆႈ​ႁွတ်ႈ​ထိုင် ၵႃႈ​ၼိူဝ်​မၼ်း​ဢေႃႈ။ ၵူၺ်း​ၵႃႈ သင်​မၼ်း​ႁဵတ်း​သတီႉ​ၸိုင် တူဝ်​မၼ်း​လႆႈ ၵႄႇ​သႄႇ​ၼုၵ်ႈ​ဢဝ် ဢသၢၵ်ႈ​မၼ်း​ယဝ်ႉ။-</verse>
				<verse number="6">ဢမ်ႇ​ၼၼ်​ၵေႃႈ ပေႃး​ၵေႃႉ​ဢၼ်​ပႂ်ႉ​ၵၢင်​ၼၼ်ႉ ႁၼ်​လွင်ႈ​ဢၼ်​ၽေး​လၢပ်ႇ​ၽေး​လႅဝ်း​ႁွတ်ႈ​ထိုင်​ယူႇ​ၼၼ်ႉ​လႄႈ ဢမ်ႇ​ပဝ်ႇ​ၼႄးၶရႃႇ၊ ဢမ်ႇ​ပၼ်​သတီႉ​တီႈ​ၵူၼ်း​မိူင်း​တင်း​လၢႆ​လႄႈ ၽေး​လၢပ်ႇ​ၽေး​လႅဝ်း​ၼၼ်ႉ ႁွတ်ႈ​ထိုင်​လႄႈ သေ​ၵေႃႉ​သေ​ၵူၼ်း သုမ်း​ဢသၢၵ်ႈ​ၸိုင်၊ ပိၵ်ႉ​သမ်ႉ ၵေႃႉ​ၼၼ်ႉ သုမ်း​ဢသၢၵ်ႈ​မၼ်း​ၵွပ်ႈ​ပိူဝ်ႈ ဢပႅတ်ႈ​မၼ်း​သေ​ၵေႃႈ၊ ၵဝ်​တၵ်း​ယွၼ်း​ဢဝ်​လိူတ်ႈ​မၼ်း တီႈ​ၵေႃႉ​ဢၼ်​ပႂ်ႉ​ၵၢင်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="7">မိူၼ်​ၼင်ႇ​ၼၼ် လုၵ်ႈ​ၵူၼ်း​ဢိူၺ်း၊ ၵွပ်ႈ​ပိူဝ်ႈ​ဢၼ်​ၵဝ်​ၶၢၼ်း​မႂ်း​ဝႆႉ ႁႂ်ႈ​မႂ်း​လႆႈ ပႂ်ႉ​ၵၢင်​တီႈ​မဵဝ်း​ ဢီႉသရေႇလႃႉ ​လႄႈ မႂ်း​ထွမ်ႇ​ဢဝ်​ၵႂၢမ်း​ဢၼ် ဢွၵ်ႇ​သူပ်း​ၵဝ်​သေ​လႄႈ ပၼ်​သတီႉ​တီႈ​ၶဝ်​တႃႉ။-</verse>
				<verse number="8">မိူဝ်ႈ​ဢၼ်​ၵဝ် လၢတ်ႈ​တီႈ​ၵူၼ်း​ႁၢႆႉ​ၵူၼ်း​မိူၵ်ႈ​လႄႈ​ဝႃႈ၊ ၵူၼ်း​ႁၢႆႉ​ၵူၼ်း​မိူၵ်ႈ​ဢိူၺ်း၊ မႂ်း​တၵ်း​လႆႈ​ၶၢမ်ႇ​တၢႆ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ ပေႃး​မႂ်း​ဢမ်ႇ​ပၼ်​သတီႉ တီႈ​ၵေႃႉ​ဢၼ်​ႁၢႆႉ​မိူၵ်ႈ​ၼၼ်ႉ​လႄႈ ၵေႃႉ​ဢၼ်​ႁၢႆႉ​မိူၵ်ႈ​ၼၼ်ႉ ဢမ်ႇ​ဝႄႈ​ပိူင်ႈ​သေ သဵၼ်ႈ​တၢင်း​ဢၼ်​မၼ်း​ၸွမ်း​ၼၼ်ႉ​လႄႈ​ယူႇ​ၸိုင်၊ ၵေႃႉ​ဢၼ်​ႁၢႆႉ​မိူၵ်ႈ​ၼၼ်ႉ တၵ်း​လႆႈ တၢႆ​ၵွပ်ႈ​ပိူဝ်ႈ​ဢပႅတ်ႈ​မၼ်း​ဢေႃႈ။ ၵူၺ်း​ၵႃႈ ၵဝ်​တၵ်း​ယွၼ်း​ဢဝ်​လိူတ်ႈ​မၼ်း​ၼၼ်ႉ တီႈ​မိုဝ်း​မႂ်း​ဢေႃႈ။-</verse>
				<verse number="9">ဢမ်ႇ​ၼၼ်​ၵေႃႈ ပေႃး​မႂ်း​ပၼ်​သတီႉ တီႈ​ၵေႃႉ​ဢၼ်​ႁၢႆႉ​မိူၵ်ႈ​ၼၼ်ႉ ႁႂ်ႈ​မၼ်း​ဝႄႈ​ပိူင်ႈ​သေ သဵၼ်ႈ​တၢင်း​ဢၼ်​မၼ်း​ၸွမ်း​ယူႇ​ၼၼ်ႉ​လႄႈ မၼ်း​ဢမ်ႇ​ဝႄႈ​ဢမ်ႇ​ပိူင်ႈ​လႄႈ​ယူႇ​ၸိုင်၊ မၼ်း​တၵ်း​လႆႈ တၢႆ​ၵွပ်ႈ​ပိူဝ်ႈ​ဢပႅတ်ႈ​မၼ်း​ဢေႃႈ။ မႂ်း​ၸမ်ႉ၊ ၵႄႇ​သႄႇ​ၼုၵ်ႈ​ဢဝ်​ဢသၢၵ်ႈ​မႂ်း​ယဝ်ႉ။</verse>
				<verse number="10">ပိူဝ်ႈ​ၼႆ​လႄႈ လုၵ်ႈ​ၵူၼ်း​ဢိူၺ်း၊ မႂ်း​ႁေႃး​လၢတ်ႈ​တီႈ မဵဝ်း​ ဢီႉသရေႇလႃႉ ​လႄႈ​ဝႃႈ၊ ပေႃး​သူ​ဢွၼ်​ၵၼ်​လၢတ်ႈ​လႄႈ​ဝႃႈ၊ တူႉ​ၸရိူၵ်ႈ ဢပႅတ်ႈ တၢင်း​ဢၼ်​ႁဝ်း​ပူၼ်ႉ​လိူဝ် ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ႁဝ်း​ယဝ်ႉ။ ႁဝ်း​မီး​တၢင်း​ဢၼ်​ႁႅင်း​ဢူၼ်ႈ​ႁႅင်း​ယွမ်း​ၵႂႃႇ လႄႈ ႁဝ်း​တၵ်း​ဢသၢၵ်ႈ​လိပ်း​လႆႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၸိုင်၊-</verse>
				<verse number="11">မႂ်း​လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ်​ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ် တၢင်း​ဢၼ်​ၵူၼ်း​ႁၢႆႉ​ၵူၼ်း​မိူၵ်ႈ လႆႈ​ၶၢမ်ႇ​တၢႆ​ၼၼ်ႉ။ ၵဝ်​ထုၵ်ႇ​ၸႂ်​ၵျိူၵ်ႈ​ၸႂ် တၢင်း​ဢၼ်​ၵူၼ်း​ႁၢႆႉ​ၵူၼ်း​မိူၵ်ႈ ဝႄႈ​ပိူင်ႈ​သေ သဵၼ်ႈ​တၢင်း​ဢၼ်​မၼ်း​ၸွမ်း​ၼၼ်ႉ​လႄႈ ဢသၢၵ်ႈ​လိပ်း​ယူႇ​ၼၼ်ႉ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၶဝ်​ဢိူၺ်း၊ ဢွၼ်​ၵၼ် ဝႄႈ​ပိူင်ႈ​သေ သဵၼ်ႈ​တၢင်း​ဢၼ်​ႁၢႆႉ​ဢၼ်​မိူၵ်ႈ ဢၼ်​သူ​ၸွမ်း​ၼၼ်ႉ​တႃႉ။ ဢွၼ်​ၵၼ်​ဝႄႈ​ပိူင်ႈ​တႃႉ။ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​သူ​ဢွၼ်​ၵၼ် မီး​ဢလူဝ်ႇ​ၶႂ်ႈ​ၶၢမ်ႇ​တၢႆ​ၼင်ႇ​ႁိုဝ်။ ဝႃႈ​ၼင်ႇ​ၼႆ​တႃႉ။-</verse>
				<verse number="12">ပိူဝ်ႈ​ၼႆ​လႄႈ လုၵ်ႈ​ၵူၼ်း​ဢိူၺ်း၊ မႂ်း​ႁေႃး​လၢတ်ႈ​တီႈ ၵူၼ်း​မဵဝ်း​လဵဝ်​ၵၼ် တင်း​မႂ်း​ၸိူဝ်း​ၼၼ်ႉ လႄႈ​ဝႃႈ၊ တၢင်း​ဢၼ်​သိုဝ်ႈ​တေႃႇ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ တၵ်း​ဢမ်ႇ​ၵႄႇ​သႄႇ​ၼုၵ်ႈ​ဢဝ်​မၼ်း ၼႂ်း​မိုဝ်ႉ​ဝၼ်း​ဢၼ် မၼ်း​ၽွၵ်ႈ​ပျၢၼ်ႇ​ၶိုၼ်း​ၼၼ်ႉ။ တၢင်း​ဢၼ်​ႁၢႆႉ​မိူၵ်ႈ ၵေႃႉ​ဢၼ်​ႁၢႆႉ​မိူၵ်ႈ​ၼၼ်ႉ​ၵေႃႈ၊ ၵေႃႉ​ၼၼ်ႉ တၵ်း​ဢမ်ႇ​လႆႈ​လူမ်ႉ​တူၵ်း ၵွပ်ႈ​ပိူဝ်ႈ​မၼ်း ၼႂ်း​မိုဝ်ႉ​ဝၼ်း​ဢၼ်​မၼ်း​ဝႄႈ​ပိူင်ႈ​သေ တၢင်း​ဢၼ်​ႁၢႆႉ​မိူၵ်ႈ မၼ်း​ၼၼ်ႉ။ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ဢမ်ႇ​လႆႈ​မီး​ဢၶႂၢင်ႉ​ဢၼ်​ဢသၢၵ်ႈ​လိပ်း ၵွပ်ႈ​ပိူဝ်ႈ​တၢင်း​ဢၼ်​ႁၢႆႉ​မိူၵ်ႈ​ၼၼ်ႉ ၼႂ်း​မိုဝ်ႉ​ဝၼ်း​ဢၼ် ၽိတ်း​ပိူင်ႈ​ၼၼ်ႉ။-</verse>
				<verse number="13">ပိၵ်ႉ​သမ်ႉ ၵဝ်​လၢတ်ႈ​လႄႈ​ဝႃႈ၊ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ တၵ်း​လႆႈ​ဢသၢၵ်ႈ​လိပ်း​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ သေ​ၵေႃႈ၊ ပေႃး​မၼ်း​ၸႂ်​လီ​လူၺ်ႈ တၢင်း​သိုဝ်ႈ​တေႃႇ​မၼ်း​သေ​လႄႈ ႁဵတ်း​တူႉ​ၸရိူၵ်ႈ​ၸိုင် တၢင်း​ဢၼ်​သိုဝ်ႈ​တေႃႇ ဢၼ်​မၼ်း​ႁဵတ်း​မႃး​ၼၼ်ႉ​သေ​ၸိူဝ်ႉ​သေ​ပိူင် တၵ်း​ဢမ်ႇ​ပဵၼ်​တီႈ​ဢၼ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တီႈ​မၼ်း​လႃး​လႃး။ မၼ်း​တၵ်း​လႆႈ​ၶၢမ်ႇ​တၢႆ​ၵွပ်ႈ​ပိူဝ်ႈ​တူႉ​ၸရိူၵ်ႈ ဢၼ်​မၼ်း​ႁဵတ်း​ၼၼ်ႉ​ဢေႃႈ။-</verse>
				<verse number="14">လႆႈ​သမ်ႉ ပိၵ်ႉ​သမ်ႉ​ၵဝ် လၢတ်ႈ​တီႈ ၵေႃႉ​ဢၼ်​ႁၢႆႉ​ဢၼ်​မိူၵ်ႈ​လႄႈ​ဝႃႈ၊ မႂ်း​ၼႆႉ​တၵ်း​လႆႈ​ၶၢမ်ႇ​တၢႆ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ သေ​ၵေႃႈ၊ ပေႃး​မၼ်း​ၼၼ်ႉ​ဝႄႈ​ပိူင်ႈ​သေ တူႉ​ၸရိူၵ်ႈ​မၼ်း​လႄႈ ႁဵတ်း​လွင်ႈ​တၢင်း​ဢၼ်​တြႃး၊ လွင်ႈ​တၢင်း​ဢၼ်​သိုဝ်ႈ​တေႃႇ​ယူႇ၊-</verse>
				<verse number="15">ၶိုၼ်း​ပၼ်​ဢုၵ်ႉ​ၸႃႇ​ဢၼ်​ပွင်ႇ​ဝႆႉ​ၵမ်ႉ​ဝႆႉ၊ ၶိုၼ်း​ပၼ်​ဢုၵ်ႉ​ၸႃႇ ဢၼ်​ႁိမ်​ဢဝ်​ႁူင်ႇ​ဢဝ်​ၼၼ်ႉ​လႄႈ ယင်း​ဢမ်ႇ​ႁဵတ်း​လွင်ႈ​တၢင်း​ဢၼ်​ႁၢႆႉ​ဢၼ်​ယုတ်ႈ​လႄႈ ၸွမ်း​သဵၼ်ႈ​တၢင်း​ပိင်း​ၺၢပ်ႈ​တြႃး တီႈ​ဢၼ်​ဢသၢၵ်ႈ​လိပ်း​ယူႇ​ၸိူဝ်း​ၼၼ်ႉ​ယူႇ​ၸိုင်၊ မၼ်း​ယင်း​ဢမ်ႇ​လႆႈ​ၶၢမ်ႇ​တၢႆ လႄႈ တၵ်း​လႆႈ​ဢသၢၵ်ႈ​လိပ်း​ယူႇ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="16">တူႉ​ၸရိူၵ်ႈ ဢပႅတ်ႈ ဢၼ်​မၼ်း​ႁဵတ်း ၸိူဝ်း​ၼၼ်ႉ တၵ်း​ဢမ်ႇ​ပဵၼ်​တီႈ​ဢၼ်​ၶုၵ်း​ၸႂ်​လႆႈ ၶႆႈ​ၸႂ်​ထူပ်း​တီႈ​မၼ်း​လႃး​လႃး။ ၵွပ်ႈ​ပိူဝ်ႈ ဢၼ်​မၼ်း​ႁဵတ်း လွင်ႈ​တၢင်း​ဢၼ်​တြႃး၊ လွင်ႈ​တၢင်း​ဢၼ်​သိုဝ်ႈ​တေႃႇ​ၼၼ်ႉ​လႄႈ မၼ်း​တၵ်း​လႆႈ​ဢသၢၵ်ႈ​လိပ်း​ယူႇ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="17">ၵူၺ်း​ၵႃႈ ၵူၼ်း​မဵဝ်း​လဵဝ်​ၵၼ် တင်း​မႂ်း​ၸိူဝ်း​ၼၼ်ႉ လၢတ်ႈ​လႄႈ​ဝႃႈ၊ တၢင်း​ဢၼ် ထႃႇဝရႃႉ​ၽြႃး ၸီႇ​ယၢင်ႇ​ၼၼ်ႉ ဢမ်ႇ​သိုဝ်ႈ၊ ဝႃႈ​ၼင်ႇ​ၼႆ လႄႈ တၢင်း​ဢၼ်​ၶဝ်​ၸီႇ​ယၢင်ႇ​ၼၼ်ႉ ဢမ်ႇ​သိုဝ်ႈ​လူင်​ပႄႇ။-</verse>
				<verse number="18">ပေႃး​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ၸုၼ်ႉ​ပႅတ်ႈ တၢင်း​ဢၼ်​သိုဝ်ႈ​တေႃႇ​မၼ်း သေ​လႄႈ ႁဵတ်း​တူႉ​ၸရိူၵ်ႈ​ၸိုင်၊ မၼ်း​တၵ်း​လႆႈ​ၶၢမ်ႇ​တၢႆ ၵွပ်ႈ​ပိူဝ်ႈ​ဢၼ်​ၼၼ်ႉ​ဢေႃႈ။-</verse>
				<verse number="19">ပေႃး​ၵေႃႉ​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ ဝႄႈ​ပိူင်ႈ​တူႉ​ၸရိူၵ်ႈ​မၼ်း​သေ​လႄႈ ႁဵတ်း​လွင်ႈ​တၢင်း​ဢၼ်​တြႃး၊ လွင်ႈ​တၢင်း​ဢၼ် သိုဝ်ႈ​တေႃႇ​ၸိုင်၊ မၼ်း​တၵ်း​လႆႈ​ဢသၢၵ်ႈ​လိပ်း ၵွပ်ႈ​ပိူဝ်ႈ ဢၼ်​ၼၼ်ႉ​ဢေႃႈ။-</verse>
				<verse number="20">ၵူၺ်း​ၵႃႈ သူ​ဢွၼ်​ၵၼ်​လၢတ်ႈ​လႄႈ​ဝႃႈ၊ တၢင်း​ဢၼ် ထႃႇဝရႃႉ​ၽြႃး ၸီႇ​ယၢင်ႇ​ၼၼ်ႉ​ဢမ်ႇ​သိုဝ်ႈ၊ ဝႃႈ​ၼင်ႇ​ၼႆ​လူင်​ပႄႇ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၶဝ်​ဢိူၺ်း၊ ၵဝ်​တၵ်း ၸီႇ​ယၢင်ႇ​သူ​ၸွမ်း​ၵႃႈ​ၼင်ႇ​ဢၼ် သူ​ႁဵတ်း​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">ၼႂ်း​ပီႊ​ဢၼ်​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​လႄႈ ထူၼ်ႈ​ထိုင်​သိပ်း​ပၢႆ​သွင်​ပီႊ လိူၼ်တႃႉသမႃႉ ႁႃႈ​ဝၼ်း​ၼၼ်ႉ ၵေႃႉ​ဢၼ် ဢွၵ်ႇ​ပၢႆႈ​သေ​ၵႃႈ​ၼႂ်း ဝဵင်း​ ယေႇရူႉသလႅမ်ႇ ​လႄႈ လွတ်ႈ​ၼၼ်ႉ ၵေႃႉ​ၼိုင်ႈ​ႁွတ်ႈ​မႃး​တီႈ​ၵဝ်​လႄႈ မွၵ်ႇ​လၢတ်ႈ​တီႈ​ၵဝ်​လႄႈ​ဝႃႈ၊ ဝဵင်း​လႆႈ​ၶၢမ်ႇ​တၢင်း​ဢၼ်​ယႃႉ​ပႅတ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">မိုဝ်း​ထႃႇဝရႃႉ​ၽြႃး တၢင်ႇ​သႂ်ႇ​ၵႃႈ​ၼိူဝ်​ၵဝ် ၶိင်ႇ​ႁူဝ်​ၶမ်ႈ​ၸူဝ်ႈ​ဢၼ် ၵေႃႉ​ဢၼ် ဢွၵ်ႇ​ပၢႆႈ​လွတ်ႈ​ၼၼ်ႉ ဢမ်ႇ​ပႆႇ​ႁွတ်ႈ​မႃး​ၼၼ်ႉ​လႄႈ မၼ်း​ၸဝ်ႈ​ၽုၺ်ႇ​သူပ်း​ၵဝ်​ဝႆႉ တေႃႇ​ထိုင်​ႁွတ်ႈ​မၼ်း​ၼၼ်ႉ ထၼ်ႈ​ပေႃး​ႁွတ်ႈ​မႃး တီႈ​ၵဝ်​ၶိင်ႇ​ၵၢင်​ၼႂ်​ၼၼ်ႉ​ဢေႃႈ။ သူပ်း​ၵဝ်​ၵေႃႈ လႆႈ​မီး တၢင်း​ဢၼ်​ၽုၺ်ႇ​ပိုတ်ႇ​ဝႆႉ​လႄႈ ပူၼ်ႉ​ၶိင်ႇ​ဢၼ်​ဢမ်ႇ​လၢတ်ႈ​ၵႂၢမ်း​ၼၼ်ႉ​ဢေႃႈ။</verse>
				<verse number="23">ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="24">လုၵ်ႈ​ၵူၼ်း​ဢိူၺ်း၊ ၶဝ်​ၸိူဝ်း​ဢၼ်​ယူႇ ၵႃႈ​ၼႂ်း​တီႈ​ဢၼ်​လူႉ​ဢၼ်​လႅဝ် ၵႃႈ​ၼႂ်း​မိူင်း​ ဢီႉသရေႇလႃႉ ​ၼၼ်ႉ ၸိူဝ်း​ၼၼ်ႉ ဢွၼ်​ၵၼ်​လၢတ်ႈ​လႄႈ​ဝႃႈ၊ ဢႃႇပြႃႇႁၢမ်ႇ ​ၼၼ်ႉ ပဵၼ်​ၵူၼ်း​ၵေႃႉ​လဵဝ်​ၵူၺ်း​လႄႈ လႆႈ​ၶၢမ်ႇ​ဢဝ်​ဢမူၺ်ႇ​မိူင်း​ၼႆႉ​ဢေႃႈ။ ႁဝ်း​ၸမ်ႉ၊ ပဵၼ်​ဢၼ်​ၼမ်​ၼႃႇ​လႄႈ၊ မၼ်း​ၸဝ်ႈ​ပၼ်​လိၵ်ႈ​ၼႆႉ ပုၼ်ႈ​ဢၼ်​ႁဝ်း​တၵ်း​ၶၢမ်ႇ​ဢမူၺ်ႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ပိူဝ်ႈ​ၼႆ​လႄႈ မႂ်း​လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ သူ​ၵိၼ်​ၶူပ်း​လူၺ်ႈ​ၵၼ်​တင်း​လိူတ်ႈ​ယူႇ၊ ဢဝ်​တႃ​သူ​ႁႅၼ်​လူ​ႁႅၼ်​တူၺ်း​ရုၵ်ႈ​ထူႉ​တင်း​လၢႆ​ယူႇ၊ ထွၵ်ႇ​လိူတ်ႈ​ၵူၼ်း​ပႅတ်ႈ​ယူႇ​လႄႈ သူ​တၵ်း​လႆႈ​ၶၢမ်ႇ​ဢဝ် ဢမူၺ်ႇ​မိူင်း​ၼႆႉ​ႁိုဝ်။-</verse>
				<verse number="26">သူ​သွၼ်ႈ​ပိုင်ႈ လၢပ်ႇ​သူ လႅဝ်း​သူ​ယူႇ၊ ႁဵတ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​ယူႇ၊ ၽိတ်း​ပိူင်ႈ မေး​ၵူၼ်း​ႁိူၼ်း​ၸမ်​ၵၼ်​တင်း​သူ ႁင်း​ၽႂ်​ႁင်း​မၼ်း​ယူႇ​လႄႈ သူ​တၵ်း​လႆႈ ၶၢမ်ႇ​ဢဝ်​ဢမူၺ်ႇ​မိူင်း​ၼႆႉ​ႁိုဝ်။ ဝႃႈ​ၼင်ႇ​ၼႆ​တႃႉ။-</verse>
				<verse number="27">လႆႈ​သမ်ႉ မႂ်း​လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၶဝ်​ၸိူဝ်း​ဢၼ် ယူႇ​ၵႃႈ​ၼႂ်း​တီႈ​ဢၼ်​လူႉ​ဢၼ်​လႅဝ် တင်း​လၢႆ​ၼၼ်ႉ ၸိူဝ်း​ၼၼ်ႉ တၵ်း​လႆႈ လူမ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​လႄႈ ၵဝ်​တၵ်း​ဢဝ်​ၶဝ်​ၸိူဝ်း​ဢၼ် မီး​ၵႃႈ​တီႈ​ၼွၵ်ႈ​တီႈ​ပၢင်ႇ​ပဵင်း​တင်း​လၢႆ​ၼၼ်ႉ ၸိူဝ်း​ၼၼ်ႉ​ဢၢပ်ႈ​ပၼ်​တီႈ​တူဝ်​ထိူၼ်ႇ​ႁၢႆႉ တင်း​လၢႆ ႁႂ်ႈ​ၶူပ်း​ၵိၼ်​ၶဝ်​ဢေႃႈ။ ၶဝ်​ၸိူဝ်း​ဢၼ် မီး​ၵႃႈ​ၼႂ်း​တိူၵ်ႈ​တီႈ​တိုၵ်း​သိုၵ်း တင်း​လၢႆ ဢိၵ်ႇ​တင်း ၵႃႈ​ၼႂ်း​ႁူး​ထမ်ႈ​ႁူး​လိၼ် ၸိူဝ်း​ၼၼ်ႉ တၵ်း​လႆႈ​တၢႆ​လူၺ်ႈ ၵႃႇလႃႉ​ႁႃႈ​လႅင်​မိူင်း​ဢေႃႈ။-</verse>
				<verse number="28">ၵဝ်​တၵ်း​ႁႂ်ႈ​မိူင်း​ၼႆႉ ပဵၼ်​တီႈ​ဢၼ်​သဵတ်ႈ​ဢၼ်​ယဵၼ် တီႈ​ဢၼ်​လီ​ဢၢမ်း​လႄႈ တၢင်း​ၵတ်ႉ​တၢင်း​ၶၼ် မုၼ်​ၵုင်ႇ​သရေႇ​မၼ်း တၵ်း​သဵင်ႈ​ၵႂႃႇ​လႄႈ လွႆ​ ဢီႉသရေႇလႃႉ ​ၸိူဝ်း​ၼၼ်ႉ တၵ်း​လႆႈ​ပဵၼ် တီႈ​ဢၼ်​သဵတ်ႇ​ဢၼ်​ယဵၼ် ထၼ်ႈ​ပေႃး​ၽူႈ​လႂ် ဢမ်ႇ​လႆႈ​တႆႇ​လတ်း​ၵႂႃႇ​ၵႃႈ​ၼႂ်း​မၼ်း​ဢေႃႈ။-</verse>
				<verse number="29">မိူဝ်ႈ​ဢၼ်​ၵဝ် ႁႂ်ႈ​မိူင်း​ၼႆႉ ပဵၼ်​တီႈ​ဢၼ်​သဵတ်ႇ​ဢၼ်​ယဵၼ် တီႈ​ဢၼ်​လီ​ဢၢမ်း ၵွပ်ႈ​ပိူဝ်ႈ လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​ၶဝ်​ႁဵတ်း ၵူႈ​ၸိူဝ်ႉ​ၵူႈ​ပိူင် ၼၼ်ႉ​ၸိုင် ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​တႃႉ။</verse>
				<verse number="30">လိူဝ်​သေ​ၼၼ်ႉ လုၵ်ႈ​ၵူၼ်း​ဢိူၺ်း၊ ၵူၼ်း​မဵဝ်း​လဵဝ်​ၵၼ်​တင်း​မႂ်း ၸိူဝ်း​ၼၼ်ႉ ၸၢင်ႈ​ဢွၼ်​ၵၼ် လၢတ်ႈ​လူၺ်ႈ​လွင်ႈ​မႂ်း​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ပီႈ​ၼွင်ႉ​ၵၼ်​လၢတ်ႈ​ၵၼ်​ၵႃႈ​တီႈ​ႁိမ်း​ၽႃ​လႂ်၊ ၵႃႈ​တီႈ​ႁိမ်း​ၽၵ်း​တူ​လႂ်​လႄႈ​ဝႃႈ၊ ၵႂႃႇ​တႃႉ​ႁဝ်း​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​လွင်ႈ​ဢၼ် ထႃႇဝရႃႉ​ၽြႃး ပၼ်​ပျႃႇ​တိၵ်ႈ ၸိူဝ်ႉ​ၼင်ႇ​ႁိုဝ်​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ၶဝ်​ဢွၼ်​ၵၼ်​မႃး​ၸူး​တီႈ​မႂ်း မိူၼ်​ၸိူဝ်ႉ​ၼင်ႇ ၵူၼ်း​ၵဝ်​တင်း​လၢႆ​လႄႈ ၼင်ႈ​ယူႇ​ၵႃႈ​တီႈ​ၽၢႆႇ​ၼႃႈ​မႂ်း မိူၼ်​ၸိူဝ်ႉ​ၼင်ႇ​ၵူၼ်း​ၵဝ် တင်း​လၢႆ​သေ​လႄႈ ပိၵ်ႉ​သမ်ႉ​ငိၼ်း​ၵႂၢမ်း​မႂ်း​သေ​ၵေႃႈ ယင်း​ဢမ်ႇ​ထွမ်ႇ​ဢမ်ႇ​ဢဝ်​လႄႈ​ယူႇ​ဢေႃႈ။ ပိၵ်ႉ​သမ်ႉ​ၶဝ်​ဢဝ်​သူပ်း​ၶဝ်​ၼႄ​ပျႃး​လၢၵ်ႈၶၼႃႇ တၢင်း​ဢၼ်​ႁၵ်ႉ​ဢၼ်​ပႅင်း​သေ​ၵေႃႈ၊ ႁူဝ်​ၸႂ်​ၶဝ် မီး​တၢင်း​ဢၼ်​ၸပ်း​ၸွႆး တၢင်း​ဢၼ်​ပဵၼ်​တိုၼ်း​ပဵၼ်​ႁွၼ်း​ယူႇ​ဢေႃႈ။-</verse>
				<verse number="32">မႂ်း​ပဵၼ်​ၸိူဝ်ႉ​ၼင်ႇ​သဵင်​ဢၼ် ႁဵတ်း​ၵႂၢမ်း​ဢၼ်​လီ ထုၵ်ႇ​ၸႂ်​ၵျိူၵ်ႈ​ၸႂ် ဢၼ်​ၵေႃႉ​ဢၼ် ပျေႉ​ၸုမ်ႇ​ဝႆႉ​တင်း​သဵင်​ဢၼ်​လီ​ထွမ်ႇ​လီ​ၽင်း ၼၼ်ႉ​ႁဵတ်း​လႄႈ​ပဝ်ႇ​ႁႆႇ​ၼၼ်ႉ တီႈ​ၶဝ်​လႄႈ ပိၵ်ႉ​သမ်ႉ ၶဝ်​လႆႈ​ငိၼ်း​သေ​ၵေႃႈ ၶဝ်​ဢမ်ႇ​ထွမ်ႇ​ဢမ်ႇ​ဢဝ်။-</verse>
				<verse number="33">ၵူၺ်း​ၵႃႈ ဢမူႉ​ၼႆႉ တၵ်း​ႁွတ်ႈ​ထိုင်​ဢေႃႈ။ မိူဝ်ႈ​ဢၼ်​ႁွတ်ႈ​ထိုင်​ၼၼ်ႉ​ၸိုင်၊ ၶဝ်​တၵ်း​လႆႈ​ႁူႉ​လွင်ႈ​ဢၼ် ပရေႃးၽႅတ်ႈ​ယၢမ်ႈ​လႆႈ​မီး တီႈ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="34">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ႁဵတ်း​ပရေႃးၽႅတ်ႈ ယူႇ​ၽၢႆႇ​ၼိုင်ႈ တင်း​ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း မဵဝ်း​ ဢီႉသရေႇလႃႉ ​လႄႈ ႁေႃး​လၢတ်ႈ တီႈ​ၶဝ်​ဢၼ်​ဝႃႈ ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း ၼၼ်ႉ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း မဵဝ်း​ ဢီႉသရေႇလႃႉ ဢၼ်​လဵင်ႉ​လူ တူဝ်​ၸဝ်ႈ​ၵဝ်ႇ​ၵူၺ်း​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း ၼၼ်ႉ ဢမ်ႇ​လႆႈ​လဵင်ႉ​သူဝ်း​လူ​သူဝ်း​ႁိုဝ်။-</verse>
				<verse number="3">သူ​ဢွၼ်​ၵၼ်​ၵိၼ် ၵွၼ်ႈ​ၶႆ​ၵွၼ်ႈ​မၼ်း​သူဝ်း​လႄႈ ဢွၼ်​ၵၼ်​ၼုင်ႈ​မႆ​ၶူၼ်​သူဝ်း​ဢေႃႈ။ သူဝ်း​ဢၼ်​ပီး​လီ​မၼ်း​လီ တင်း​လၢႆ​ၵေႃႈ သူ​ဢွၼ်​ၵၼ်​ဢဝ်​တၢႆ​ဢေႃႈ။ ၵူၺ်း​ၵႃႈ သူ​ဢမ်ႇ​လဵင်ႉ​သူဝ်း​လူ​သူဝ်း​လူင်​ပႄႇ။-</verse>
				<verse number="4">သူ​ဢမ်ႇ​ဢွၼ်​ၵၼ်​ၸွႆႈ​ထႅမ်​မႃႉ​ၸႃႉ​သူဝ်း ဢၼ်​ႁႅင်း​လဵၵ်ႉ​ႁႅင်း​ၵေႇ။ ဢမ်ႇ​ဢွၼ်​ၵၼ်​ဢဝ်​ယႃႈ​ယႃ ယႃ​သူဝ်း​ဢၼ်​မီး​တၢင်း​ၶႆႈ​တၢင်း​ပဵၼ် ၼၼ်ႉ။ ဢမ်ႇ​ဢွၼ်​ၵၼ်​မတ်ႉ​ၵွပ်ႈ​မတ်ႉ​ၶဵၼ်း​သူဝ်း ဢၼ်​ႁၵ်း​ဢၼ်​ၵႅင်ႉ​ၼၼ်ႉ၊ ဢမ်ႇ​ဢွၼ်​ၵၼ်​ၸွမ်း​တီႉ​ၸွမ်း​ဢဝ်​သူဝ်း​ဢၼ် ပိူၼ်ႈ ႁေႃႈ​ပႅတ်ႈ​ၸိူဝ်း​ၼၼ်ႉ​မႃး။ ဢမ်ႇ​ဢွၼ်​ၵၼ်​ႁႃ​ဢဝ်​သူဝ်း​ဢၼ်​ႁၢႆ​ၵႂႃႇ​ၼၼ်ႉ​လႄႈ ဢွၼ်​ၵၼ်​ႁဵတ်း​ပႄႉ​ႁဵတ်း​ၼႅင်ႇ သေ​လႄႈ ၸီႇ​ယၢင်ႇ​ၶဝ် ႁၢဝ်ႈ​ၵျၢမ်း​ၼႃႇ​လူင်​လၢင်​ယဝ်ႉ။-</verse>
				<verse number="5">ၶဝ်​လႆႈ​ၶၢမ်ႇ​တၢင်း​ဢၼ် ဢဝ်​မၢၵ်ႇ​မိူဝ်​ၵႂႃႇ ၵွပ်ႈ​ပိူဝ်ႈ​ဢၼ် ဢမ်ႇ​မီး​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း ၼၼ်ႉ​လႄႈ၊ ၶဝ်​လႆႈ​ပဵၼ်​တီႈ​ဢၼ် တူဝ်​ထိူၼ်ႇ​ႁၢႆႉ​တင်း​လၢႆ ၶူပ်း​ၵိၼ် ၼႂ်း​မိူဝ်ႈ​ဢၼ်​ၶဝ်​လႆႈ​ၶၢမ်ႇ​တၢင်း​ဢၼ် မၢၵ်ႇ​မိူဝ်​ပႅတ်ႈ​ၼၼ်ႉ​ဢေႃႈ။-</verse>
				<verse number="6">သူဝ်း​ၵဝ်​ၸိူဝ်း​ၼၼ်ႉ လႆႈ​လႄႇ​ၵႂႃႇ​လႄႇ​မႃး​ယူႇ​ၵႃႈ​ၼိူဝ်​လွႆ​ၵႃႈ​မီး ဢိၵ်ႇ​တင်း ၵုင်း​ၵႃႈ​မီး​လႄႈ​သူဝ်း​ၵဝ်​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ် မၢၵ်ႇ​မိူဝ်​ပႅတ်ႈ​ၵႃႈ​ၼိူဝ်​ၼႃႈ​လိၼ်​တင်း​ၼႃႈ​ယူႇ​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ဢွၼ်​ၵၼ်​ၸွမ်း​သွၵ်ႈ​ၸွမ်း​ႁႃ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ပိူဝ်ႈ​ၼႆ​လႄႈ သူ​ၸိူဝ်း​ဢၼ် လဵင်ႉ​သူဝ်း​ထိင်း​သူဝ်း​ၶဝ်​ဢိူၺ်း၊ ဢွၼ်​ၵၼ် ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး​တႃႉ။-</verse>
				<verse number="8">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ်​ၵဝ် ဢသၢၵ်ႈ​လိပ်း​ယူႇ​ၼၼ်ႉ၊ ၵွပ်ႈ​ပိူဝ်ႈ​ဢၼ် သူဝ်း​ၵဝ်​ၸိူဝ်း​ၼၼ်ႉ ပဵၼ်​တီႈ​ဢၼ်​ႁိမ်​ဢဝ်​ႁူင်ႇ​ဢဝ်၊ တီႈ​ဢၼ်​တူဝ်​ထိူၼ်ႇ​ႁၢႆႉ​တင်း​သဵင်ႈ​တင်း​လူင် ၶူပ်း​ၵိၼ်​ၵွပ်ႈ​ပိူဝ်ႈ​ဢၼ်​ဢမ်ႇ​မီး​ၵေႃႉ​ဢၼ် လဵင်ႉ​သူဝ်း​ထိင်း​သူဝ်း​ၼၼ်ႉ​လႄႈ ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း ၶဝ်​ၼၼ်ႉ ဢမ်ႇ​ၸွမ်း​သွၵ်ႈ​ၸွမ်း​ႁႃ​သူဝ်း​ၵဝ် ၸိူဝ်း​ၼၼ်ႉ​လႄႈ ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း ၸိူဝ်း​ၼၼ်ႉ ဢမ်ႇ​လဵင်ႉ​ဢမ်ႇ​လူ​သူဝ်း​ၵဝ်၊ လဵင်ႉ​လူ​တူဝ်​ၸဝ်ႈ​ၵဝ်ႇ​ၵူၺ်း​ၼၼ်ႉ​လႄႈ၊-</verse>
				<verse number="9">သူ​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း​ၶဝ်​ဢိူၺ်း၊ ဢွၼ်​ၵၼ် ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး​တႃႉ။-</verse>
				<verse number="10">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး။ ၵဝ်​ယူႇ​ၽၢႆႇ​ၼိုင်ႈ​တင်း​ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း ၼၼ်ႉ​ဢေႃႈ။ ၵဝ်​တၵ်း ယွၼ်း​ဢဝ်​သူဝ်း​ၵဝ်​တင်း​လၢႆ တီႈ​မိုဝ်း​ၶဝ်​လႄႈ ႁႂ်ႈ​ၶဝ်​ဢမ်ႇ​လႆႈ​လဵင်ႉ​သူဝ်း​ထိင်း​သူဝ်း​ဢေႃႈ။ ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း ၸိူဝ်း​ၼၼ်ႉ ၵမ်း​လိုၼ်း​ဢမ်ႇ​လႆႈ​ဢွၼ်​ၵၼ် လဵင်ႉ​လူ​တူဝ်​ၸဝ်ႈ​ၵဝ်ႇ။ ၵဝ်​တၵ်း​ၼုၵ်ႈ​ဢဝ် သူဝ်း​ၵဝ်​တင်း​လၢႆ​သေ ၵႃႈ​တီႈ​သူပ်း​ၶဝ် ႁႂ်ႈ​ဢမ်ႇ​လႆႈ​ပဵၼ် တီႈ​ဢၼ်​ၶဝ်​ၵိၼ်​ၶဝ်​ၶူပ်း။</verse>
				<verse number="11">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ဢၼ်​ဝႃႈ​ၵဝ်​ၼႆႉ တၵ်း​ၸွမ်း​သူဝ်း​ၵဝ် ၸိူဝ်း​ၼၼ်ႉ​လႄႈ သွၵ်ႈ​ဢဝ်​ႁႃ​ဢဝ်​ၶဝ်​ဢေႃႈ။-</verse>
				<verse number="12">ၸိူဝ်ႉ​ၼင်ႇ​ဢၼ် ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း​ၼၼ်ႉ ၸွမ်း​ႁႃ​ဢဝ်​သူဝ်း​မၼ်း​တင်း​လၢႆ ၼႂ်း​မိုဝ်ႉ​ဝၼ်း​ဢၼ်​မၼ်း​ႁွတ်ႈ​ၽႅဝ် ၵႃႈ​ၼႂ်း​သူဝ်း​မၼ်း ဢၼ်​မီး​တၢင်း​ဢၼ်​မၢၵ်ႇ​မိူဝ်​ၵႂႃႇ​ၼၼ်ႉ၊ ၵဝ်​ၵေႃႈ တၵ်း​လႆႈ ႁႃ​ဢဝ်​သူဝ်း​ၵဝ်​တင်း​လၢႆ​ဢေႃႈ။ ၵဝ်​ၼုၵ်ႈ​ဢဝ်​ဢွၵ်ႇ​သေ ၵႃႈ​ၼႂ်း​တီႈ​ဢၼ်​ၶဝ်​လႆႈ​မီး တၢင်း​ဢၼ်​မၢၵ်ႇ​မိူဝ်​ၵႂႃႇ ၵူႈ​တီႈ​ၵူႈ​လႅၼ်​ၼႂ်း​မိုဝ်ႉ​ဝၼ်း​ဢၼ် ၽႃႉ​မိုတ်း​လႄႈ လပ်း​သိင်ႇ​ၼၼ်ႉ​မႃး​ဢေႃႈ။-</verse>
				<verse number="13">ၵဝ်​တၵ်း​ႁွင်ႉ​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​မဵဝ်း​ၵူၼ်း တင်း​လၢႆ​လႄႈ ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း ၵူႈ​သိုင်ႇ​ၵူႈ​မိူင်း​မႃး​ၸူႉ​ၵၼ်​တုမ်​ၵၼ်​သေ​ယဝ်ႉ၊ ဢဝ်​ၶဝ်​ၵႂႃႇ​သူင်ႇ​ၵႃႈ​တီႈ မိူင်း​ဢၼ်​ၶဝ်​ယူႇ​ၵဝ်ႇ​ၵဝ်ႇ​ၼၼ်ႉ​ဢေႃႈ။ ၵဝ်​တၵ်း​လဵင်ႉ​လူ​ၶဝ်​ၸႃႉ​ၸဵမ်​ၵႃႈ​ၼိူဝ်​လွႆ ဢီႉသရေႇလႃႉ ​တင်း​လၢႆ​ၵႃႈ​တီႈ​ႁိမ်း​ၼမ်ႉ​ႁွင်ႈ​ၼမ်ႉ​ၵႄး ဢိၵ်ႇ​တင်း ၵႃႈ​ၼႂ်း​တီႈ​ဢၼ်​ၵူၼ်း​ယူႇ​ၵူၼ်း​သဝ်း ၵႃႈ​မီး​ၼၼ်ႉ​ဢေႃႈ။-</verse>
				<verse number="14">ၵဝ်​တၵ်း​လဵင်ႉ​လူ​ၶဝ် ၵႃႈ​ၼႂ်း​တီႈ​ဢၼ်​ယၢမ်ႈ​ၵိၼ်​ယူႇ​ဢၼ်​လီ​ၼၼ်ႉ​လႄႈ ၶွၵ်ႈ​ၶဝ်​တၵ်း​လႆႈ​မီး​ၵႃႈ​ၼိူဝ်​လွႆ ဢီႉသရေႇလႃႉ ဢၼ်​သုင်​တင်း​လၢႆ​ဢေႃႈ။ ၶဝ်​တၵ်း​လႆႈ​ၼွၼ်း​ၵႃႈ​ၼႂ်း​ၶွၵ်ႈ ဢၼ်​လီ​ဢၼ်​ငၢမ်း​လႄႈ ၵိၼ်​ယူႇ​ၵႃႈ​ၼႂ်း​တီႈ​ဢၼ် ယၢမ်ႈ​ၵိၼ်​ယူႇ ဢၼ်​လိူင်ႇ​မီး​ၼမ် ၵႃႈ​ၼိူဝ်​လွႆ​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="15">ၵဝ်​တၵ်း လဵင်ႉ​လူ​သူဝ်း​ၵဝ်​လႄႈ ပၼ်​တီႈ​ဢၼ်​ၶဝ်​ၼွၼ်း​ဢေႃႈ။-</verse>
				<verse number="16">ၵဝ်​တၵ်း​သွၵ်ႈ​တၵ်း​ႁႃ သူဝ်း​ဢၼ်​ႁၢႆ​ၵႂႃႇ​ၼၼ်ႉ​လႄႈ တၵ်း​ၸွမ်း​တီႉ​ၸွမ်း​ဢဝ်​သူဝ်း​ဢၼ် ပိူၼ်ႈ​ႁေႃႈ​ပႅတ်ႈ​ၼၼ်ႉ မႃး​ဢေႃႈ။ ၵဝ်​တၵ်း မတ်ႉ​ၵွပ်ႈ​မတ်ႉ​ၶဵၼ်း​သူဝ်း ဢၼ်​ႁၵ်း​ဢၼ်​ၵႅင်ႉ​ၼၼ်ႉ​လႄႈ တၵ်း​ၸွႆႈ​ထႅမ်​မႃႉ​ၸႃႉ​သူဝ်း ဢၼ်​ႁႅင်း​လဵၵ်ႉ​ႁႅင်း​ၵေႇ ၼၼ်ႉ​ဢေႃႈ။ ၵဝ်​တၵ်း​ဢဝ် သူဝ်း​ဢၼ်​ပီး​လီ​မၼ်း​လီ​လႄႈ မီး​ဢဵၼ်​မီး​ႁႅင်း​ၼၼ်ႉ တၢႆ​လႄႈ တၵ်း​လဵင်ႉ​လူ​ၶဝ်​ၸွမ်း​ၼင်ႇ​တြႃး​ဢေႃႈ၊ ဝႃႈ​ၼင်ႇ​ၼႆ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="17">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၽုင်​သူဝ်း​ၵဝ်​ၼႆႉ​ဢိူၺ်း၊ ၵဝ်​တၵ်း ၸၵ်း​ၽႄ​ၸီႇ​ယၢင်ႇ ၵႄႈ​ဝူင်ႈ​ၵၢင်​သူဝ်း တင်း​လၢႆ တင်း​သူဝ်း​တင်း​လၢႆ ဢိၵ်ႇ​တင်း ၵႄႈ​ဝူင်ႈ​ၵၢင်​သူဝ်း​ပေႃႈ​တင်း​လၢႆ တင်း​ပႄႉ​ပေႃႈ​တင်း​လၢႆ​ဢေႃႈ။-</verse>
				<verse number="18">သူ​ထၢင်ႇ​လွင်ႈ​ဢၼ် သူ​ၵိၼ်​ၵႃႈ​ၼႂ်း တီႈ​ဢၼ်​ယၢမ်ႈ​ၵိၼ်​ယူႇ ဢၼ်​လီ​ဢၼ်​ငၢမ်း​ၼၼ်ႉ​ၵူၺ်း​ဢမ်ႇ​ၵႃး၊ သူ​ဢဝ်​တိၼ်​ယဵပ်ႇ​ယမ်ႈ ယိူဝ်ႈ​ယႃႈ​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ ပဵၼ်​လွင်ႈ​ဢၼ်​လဵၵ်ႉ​ဢၼ်​ဢွၼ်ႇ​ႁိုဝ်။ သူ​ထၢင်ႇ​လွင်ႈ​ဢၼ်​သူ​ၵိၼ်​ၼမ်ႉ​ဢၼ်​လိုၵ်ႉ​လီ လမ်ႇ​လီ​ၵူၺ်း​ဢမ်ႇ​ၵႃး​သူ​ဢဝ်​တင်း​တိၼ် ႁႂ်ႈ​ၼမ်ႉ​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ ၶုၼ်ႇ​ဢူၼ်​ၼၼ်ႉ ပဵၼ်​လွင်ႈ​ဢၼ်​လဵၵ်ႉ​ဢၼ်​ဢွၼ်ႇ​ႁိုဝ်။-</verse>
				<verse number="19">သူဝ်း​ၵဝ်​တင်း​လၢႆ လႆႈ​ဢွၼ်​ၵၼ်​ၵိၼ်​ယိူဝ်ႈ​ယႃႈ ဢၼ်​သူ​ယဵပ်ႇ​ယမ်ႈ​ၼၼ်ႉ​လႄႈ၊ ၶဝ်​လႆႈ​ဢွၼ်​ၵၼ်​ၵိၼ်​ၼမ်ႉ​ဢၼ်​သူ​ဢဝ် တိၼ်​ႁႂ်ႈ​ၶုၼ်ႇ​ႁႂ်ႈ​ဢူၼ်​ၼၼ်ႉ​ဢေႃႈ။-</verse>
				<verse number="20">ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​တီႈ​ၶဝ်​ၼၼ်ႉ လႄႈ​ဝႃႈ​ၸမ်ႉ၊ ၵဝ်​ဢၼ်​ဝႃႈ​ၵဝ်​ၼႆႉ တၵ်း​ၸၵ်း​ၽႄ​ၸီႇ​ယၢင်ႇ ၵႄႈ​ဝူင်ႈ​ၵၢင်​သူဝ်း​ဢၼ်​ပီး​လီ​မၼ်း​လီ တင်း​သူဝ်း​ဢၼ်​ယွမ်​ဢၼ်​ႁဵဝ်ႇ ၸိူဝ်း​ၼၼ်ႉ​ဢေႃႈ။-</verse>
				<verse number="21">ၵွပ်ႈ​ပိူဝ်ႈ ဢၼ်​သူ​ဢဝ်​ပဵမ်ႉ ဢိၵ်ႇ​တင်း​ႁူဝ်​မႃႇ​တွၵ်ႈ​ဢီး​လႄႈ ဢဝ်​ၶဝ်​လႅမ်​ပတ်ႉ​တေႃး​သူဝ်း ဢၼ်​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ ထၼ်ႈ​ပေႃး ႁႂ်ႈ​ၶဝ်​မၢၵ်ႇ​မိူဝ်​ၵႂႃႇ ၵူႈ​တီႈ​ၵူႈ​လႅၼ်​ၼၼ်ႉ​လႄႈ၊-</verse>
				<verse number="22">ၵဝ်​တၵ်း ၵႄႇ​သႄႇ​ၼုၵ်ႈ​ဢဝ် ၽုင်​သူဝ်း​ၵဝ်​လႄႈ ၶဝ်​ၼၼ်ႉ​ၵမ်း​လိုၼ်း​ဢမ်ႇ​လႆႈ​ပဵၼ် တီႈ​ဢၼ်​ႁိမ်​ဢဝ်​ႁူင်ႇ​ဢဝ်။ ၵဝ်​တၵ်း ၸၵ်း​ၽႄ ၸီႇ​ယၢင်ႇ​ၵႄႈ​ဝူင်ႈ​ၵၢင်​သူဝ်း​တင်း​လၢႆ ဢိၵ်ႇ​တင်း သူဝ်း​တင်း​လၢႆ​ဢေႃႈ။-</verse>
				<verse number="23">ၵဝ်​တၵ်း ၶၢၼ်း​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း​ၵေႃႉ​ၼိုင်ႈ ဢၼ်​ဝႃႈ ၶႃႈ​ၵဝ်​ တႃႇဝိတ်ႈ ​ဝႆႉ ၵႃႈ​ၼိူဝ်​ၶဝ်​လႄႈ မၼ်း​ၼၼ်ႉ တၵ်း​လဵင်ႉ​လူ​ၶဝ်​ဢေႃႈ။ မၼ်း​ၼၼ်ႉ တၵ်း​လဵင်ႉ​လူ​ၶဝ်​လႄႈ လႆႈ​ႁဵတ်း​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း တီႈ​ၶဝ်​ဢေႃႈ။-</verse>
				<verse number="24">ၵဝ်​ထႃႇဝရႃႉ​ၽြႃး တၵ်း​ပဵၼ် ၽြႃး​ပဵၼ်​ၸဝ်ႈ ၶဝ်​လႄႈ ၶႃႈ​ၵဝ်​ တႃႇဝိတ်ႈ ​ၵေႃႈ တၵ်း​လႆႈ​ပဵၼ်​ၶုၼ်​ၶဝ်​ဢေႃႈ။ ၵဝ်​ထႃႇဝရႃႉ​ၽြႃး လၢတ်ႈ​ဝႆႉ​ယဝ်ႉ။-</verse>
				<verse number="25">ၵဝ်​တၵ်း ႁဵတ်း​ပတီႉၺိၺ်ႇ တၢင်း​ဢၼ်​ၼိမ်​ဢၼ်​လီ လူၺ်ႈ​ၵၼ်​တင်း​ၶဝ်​လႄႈ ႁႂ်ႈ​တူဝ်​ထိူၼ်ႇ​ႁၢႆႉ ထၢတ်ႇ​ယဵၼ်​သေ​ၵႃႈ​ၼႂ်း မိူင်း​ၸဝ်ႈ​ဢေႃႈ။ ၶဝ်​တၵ်း​လႆႈ​ဢွၼ်​ၵၼ်​ယူႇ ၼိမ်​ၼိမ်​လီ​လီ ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​လႄႈ ၼွၼ်း​လပ်း​ၼွၼ်း​လီ ၵႃႈ​ၼႂ်း​ပႃႇ​မႆႉ​ပႃႇ​တွၵ်ႇ ဢေႃႈ။-</verse>
				<verse number="26">ၵဝ်​တၵ်း ပၼ်​တၢင်း​လီ​တီႈ​ၶဝ် ဢိၵ်ႇ​တင်း တီႈ​ၵႃႈ​တီႈ​ဢၼ်​မီး​လဵပ်ႈ​ႁွပ်ႈ​လွႆ​ၵဝ် ၼၼ်ႉ​လႄႈ ႁႂ်ႈ​ႁႃႇ​ၽူၼ်​တူၵ်း​ၼႂ်း​မိူဝ်ႈ​ဢၼ် ၶိင်ႇ​မၼ်း​ထုၵ်ႇ​ၼၼ်ႉ သေ​လႄႈ၊ ႁႃႇ​ၽူၼ်​တၢင်း​လီ တၵ်း​လႆႈ​တူၵ်း​ဢေႃႈ။-</verse>
				<verse number="27">တူၼ်ႈ​မႆႉ​ထိူၼ်ႇ​မႆႉ​ၶိူဝ်း တၵ်း​လႆႈ မၢၵ်ႇ​မၢၵ်ႇ​မၼ်း​လႄႈ လိၼ်​ၵေႃႈ​တၵ်း​ပၼ်​ႁူင်း​ဢေႃႈ။ ၶဝ်​တၵ်း​လႆႈ​ဢွၼ်​ၵၼ်​ယူႇ​လူင်ႉ​လီ လွတ်ႈ​လီ​ၵႃႈ​ၼႂ်း​မိူင်း​ၶဝ်​ဢေႃႈ။ မိူဝ်ႈ​ဢၼ် ၵဝ်​တႅပ်း​ၸိူၵ်ႈ​ၵၢၼ်း​ဢၼ်​ၶဝ်​ႁၢပ်ႇ ၼၼ်ႉ​လႄႈ ၵႄႇ​သႄႇ​ၼုၵ်ႈ​ဢဝ် ၶဝ်​ဢွၵ်ႇ​သေ​ၵႃႈ​ၼႂ်း မိုဝ်း​ၶဝ်​ၸိူဝ်း​ဢၼ် ႁဵတ်း​ပႄႉ​ႁဵတ်း​ၼႅင်ႇ ၸႂ်ႉ​ၵိၼ်​ၶဝ်​ၼၼ်ႉ​ၸိုင်၊ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="28">ၵမ်း​လိုၼ်း ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢမ်ႇ​လႆႈ​ႁိမ်​ဢဝ်​ၶဝ်။ တူဝ်​ထိူၼ်ႇ​ႁၢႆႉ​ၵႃႈ​ၼိူဝ်​လိၼ်​ၼၼ်ႉ ဢမ်ႇ​လႆႈ​ၶူပ်း​လႆႈ​ၵိၼ်​ၶဝ်။ ၶဝ်​တၵ်း​လႆႈ​ယူႇ​လူင်ႉ​လီ​လွတ်ႈ​လီ​လႄႈ ၽူႈ​လႂ်​ဢမ်ႇ​လႆႈ​ႁႂ်ႈ​ၶဝ်​ၵူဝ်​ၶဝ်​ႁႄ​လႃး​လႃး။-</verse>
				<verse number="29">ၵဝ်​တၵ်း လုမ်း​လႃး​ပႃႇ​မႆႉ​ဢၼ်​မီး​သရေႇ​ၼၼ်ႉ ပုၼ်ႈ​ၶဝ်​ဢေႃႈ။ ၵမ်း​လိုၼ်း ၶဝ်​ဢမ်ႇ​လႆႈ​သုမ်း​လႆႈ​ၸွမ်း​လူၺ်ႈ​တၢင်း​ဢၼ် တၢင်း​ၵိၼ် တၢင်း​ၶူပ်း​ၵႃႈ​ပႅင်း​ၼၼ်ႉ ၵႃႈ​ၼႂ်း​မိူင်း​လႄႈ ၶဝ်​ဢမ်ႇ​လႆႈ​ၶၢမ်ႇ​တၢင်း​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​သႄႉ​သွမ်း။-</verse>
				<verse number="30">ၶဝ်​တၵ်း​လႆႈ ႁူႉ​လွင်ႈ​ဢၼ်​ၵဝ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၶဝ် မီး​ယူႇ​လူၺ်ႈ​ၵၼ်​တင်း​ၶဝ် ဢိၵ်ႇ​တင်း လွင်ႈ​ဢၼ်​ၶဝ် ဢၼ်​ဝႃႈ မဵဝ်း​ ဢီႉသရေႇလႃႉ ​ၼၼ်ႉ ပဵၼ်​ၵူၼ်း​ၵဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="31">သူ​ဢၼ်​ပဵၼ်​သူဝ်း​ၵဝ်၊ သူဝ်း​ဢၼ်​ၵိၼ်​ယူႇ တီႈ​ဢၼ်​ယၢမ်ႈ​ၵိၼ်​ယူႇ​ၼၼ်ႉ ၸိူဝ်း​ၼႆႉ​ဢိူၺ်း၊ သူ​ပဵၼ်​ၵူၼ်း​ၵဝ်​ဢေႃႈ။ ၵဝ်​ၵေႃႈ​ပဵၼ်​ၽြႃး​ပဵၼ်​ၸဝ်ႈ​သူ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="35">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ဝၢႆႇ​ၼႃႈ​တေႃႇ​လွႆ​ ၸီႉရႃႉ ​လႄႈ ႁဵတ်း​ပရေႃးၽႅတ်ႈ​ယူႇ​ၽၢႆႇ​ၼိုင်ႈ တင်း​မၼ်း​သေ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊-</verse>
				<verse number="3">လွႆ​ ၸီႉရႃႉ ​ဢိူၺ်း၊ တူၺ်း​လူး။ ၵဝ်​ယူႇ​ၽၢႆႇ​ၼိုင်ႈ တင်း​မႂ်း​ဢေႃႈ။ ၵဝ်​တၵ်း ဢဝ်​မိုဝ်း​ၵဝ်​ယဵတ်ႇ​ယိုၼ်း ယူႇ​ၽၢႆႇ​ၼိုင်ႈ တင်း​မႂ်း​လႄႈ ႁႂ်ႈ​မႂ်း​ပဵၼ် တီႈ​ဢၼ်​သဵတ်ႇ​ဢၼ်​ယဵၼ် ဢၼ်​လီ​ဢၢမ်း​ဢေႃႈ။-</verse>
				<verse number="4">ၵဝ်​တၵ်း​ယႃႉ​ၽဵဝ်ႈ​ဝဵင်း​မႂ်း တင်း​လၢႆ ပႅတ်ႈ​လႄႈ မႂ်း​တၵ်း​ပဵၼ်​တီႈ​ဢၼ်​သဵတ်ႇ​ဢၼ်​ယဵၼ်​ယူႇ သေ​လႄႈ လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​ဢၼ်​မႂ်း​ဝႆႉ​တၢင်း​ၽိတ်း​ယူႇ တႃႇ​သေႇ​လႄႈ ဢဝ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢၢပ်ႈ​ပၼ်​တီႈ​လၢပ်ႇ​တီႈ​လႅဝ်း​ၼႂ်း​ၶိင်ႇ မိူဝ်ႈ​ဢၼ်​ၽေး​ၶဝ်​ႁွတ်ႈ​ထိုင်၊ ၶိင်ႇ​မိူဝ်ႈ​ဢၼ် တူႉ​ၸရိူၵ်ႈ​သုတ်း​ၵွႆ​ၼၼ်ႉ​လႄႈ၊-</verse>
				<verse number="6">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​တၵ်း​မႄး​ႁႅၼ်း​မႂ်း​ဝႆႉ ႁႂ်ႈ​လႆႈ​ထွၵ်ႇ​လိူတ်ႈ​မႂ်း​ပႅတ်ႈ​လႄႈ ဢပႅတ်ႈ​လိူတ်ႈ တၵ်း​လိုပ်ႈ​ၸွမ်း​လမ်း​ၸွမ်း​မႂ်း​ဢေႃႈ။ ၵွပ်ႈ​ပိူဝ်ႈ​ဢၼ်​မႂ်း​ဢမ်ႇ​ၸင်း လွင်ႈ​တၢင်း​ဢၼ် ထွၵ်ႇ​လိူတ်ႈ​ပႅတ်ႈ​ၼၼ်ႉ​လႄႈ ဢပႅတ်ႈ​လိူတ်ႈ​ၼၼ်ႉ တၵ်း​လိုပ်ႈ​ၸွမ်း​လမ်း​ၸွမ်း​မႂ်း​ဢေႃႈ။-</verse>
				<verse number="7">ၼင်ႇ​ၼၼ်​လႄႈ ၵဝ်​တၵ်း​ႁႂ်ႈ​လွႆ​ ၸီႉရႃႉ ပဵၼ်​တီႈ​ဢၼ်​လီ​ဢၢမ်း၊ တီႈ​ဢၼ်​သဵတ်ႇ​ဢၼ်​ယဵၼ်​လႄႈ ပႄႇ​ၽဵဝ်ႈ​ၶဝ်​ၸိူဝ်း​ဢၼ် ဢွၵ်ႇ​ၵႂႃႇ၊ ၶဝ်​ၸိူဝ်း​ဢၼ် ၶဝ်ႈ​မႃး​ၼၼ်ႉ​ပႅတ်ႈ​ဢေႃႈ။-</verse>
				<verse number="8">ၵဝ်​တၵ်း ႁႂ်ႈ​လွႆ​မႂ်း​တင်း​လၢႆ တဵမ်​ဝႆႉ​တင်း​တူဝ်​တၢႆ​ၵူၼ်း​သိုၵ်း​မႂ်း ၸိူဝ်း​ၼၼ်ႉ​လႄႈ ၶဝ်​ၸိူဝ်း​ဢၼ် တၢႆ​လူၺ်ႈ​လၢပ်ႇ​လူၺ်ႈ​လႅဝ်း​ၼၼ်ႉ တၵ်း​လူမ်ႉ​တၢႆ​ၵႃႈ​ၼိူဝ်​ၵုင်း​ၼိူဝ်​ၵွင်း၊ ၵႃႈ​ၼႂ်း​ၶူင်ႈ​ၼႂ်း​ႁူၺ်ႈ၊ ၵႃႈ​ႁိမ်း​ၼမ်ႉ​ႁွင်ႈ​ၼမ်ႉ​ၵႄး​မႂ်း ၸိူဝ်း​ၼၼ်ႉ​ဢေႃႈ။-</verse>
				<verse number="9">ၵဝ်​တၵ်း ႁႂ်ႈ​မႂ်း​ပဵၼ်​တီႈ​ဢၼ်​သဵတ်ႇ​ဢၼ်​ယဵၼ်​ယူႇ သေ​လႄႈ ၽူႈ​လႂ်​ဢမ်ႇ​လႆႈ​ယူႇ​လႆႈ​သဝ်း ၵႃႈ​ၼႂ်း​ဝဵင်း​မႂ်း​ၸိူဝ်း​ၼၼ်ႉ သေ​ၵေႃႉ​သေ​ၵူၼ်း။ မႂ်း​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="10">ၵွပ်ႈ​ပိူဝ်ႈ​ဢၼ် မႂ်း​လၢတ်ႈ​လႄႈ​ဝႃႈ၊ ႁဝ်း​တၵ်း​သိမ်း​ဢဝ်​မိူင်း​သွင်​မိူင်း​ၼႆႉ၊ မဵဝ်း​ၵူၼ်း​သွင်​မဵဝ်း​ၼႆႉ​သေ​လႄႈ ပိူင်ႇ​ဢဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ယူႇ​ၵႃႈ​တီႈ​မိူင်း​ၼၼ်ႉ​လႄႈ၊-</verse>
				<verse number="11">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​ၼႆႉ ၵဝ်​တၵ်း​ႁဵတ်း​မႅၼ်ႈ​ၵၼ်​တင်း တၢင်း​ၸႂ်​မႆႈ​ၶႆႈ​ၸႃႉ​မႂ်း ဢိၵ်ႇ​တင်း မႅၼ်ႈ​ၵၼ်​တင်း ၸႂ်​ဢၼ်​သီႈ​ၵေႉ​ႁေႈ​တႃ ဢၼ်​မႂ်း​ၸွမ်း​လူၺ်ႈ​တၢင်း​ဢၼ်​မႂ်း​ဝႆႉ​တၢင်း​ၽိတ်း သေ​လႄႈ ၼႄ​ပျႃး​ၼၼ်ႉ တီႈ​ၶဝ်​ၼၼ်ႉ​ဢေႃႈ။ မိူဝ်ႈ​ဢၼ်​ၵဝ်​ၸီႇ​ယၢင်ႇ​မႂ်း​ၼၼ်ႉ​ၸိုင်၊ ၵဝ်​တၵ်း ႁႂ်ႈ​ၵဝ်​ႁူင်​ႁၢင်း​ၵႃႈ​ၼႂ်း​ၶဝ်​ဢေႃႈ။-</verse>
				<verse number="12">မႂ်း​တၵ်း​လႆႈ​ႁူႉ​လွင်ႈ​ဢၼ်​ၵဝ် ထႃႇဝရႃႉ​ၽြႃး ငိၼ်း​ၵႂၢမ်း​ၵူႈ​ၸိူဝ်ႉ​ၵူႈ​ပိူင် ဢၼ်​မႂ်း​သႄႉ​သွမ်း တီႈ​လွႆ​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ လၢတ်ႈ​လႄႈ​ဝႃႈ၊ ၶဝ်​လူႉ​ၵႂႃႇ​လႅဝ်​ၵႂႃႇ​လႄႈ ပဵၼ်​တီႈ​ဢၼ်​ႁဝ်း​တၵ်း​ၵိၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ယူႇ​ၼၼ်ႉ​ဢေႃႈ။-</verse>
				<verse number="13">ၼင်ႇ​ၼၼ်​လႄႈ သူ​ဢုပ်ႇ​ဢၢတ်ႇ​ယွင်ႈ​ယေႃး​တူဝ်​သူ​ယူႇ​ၽၢႆႇ​ၼိုင်ႈ တင်း​ၵဝ်​လႄႈ လၢတ်ႈ​ၵႂၢမ်း​ဢၼ်​ၼမ်​ၼႃႇ​ယူႇ​ၽၢႆႇ​ၼိုင်ႈ တင်း​ၵဝ်​ဢေႃႈ။ ၵဝ်​လႆႈ​ငိၼ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူဝ်ႈ​ဢၼ်​လိၼ်​မိူင်း တင်း​သဵင်ႈ​တင်း​မူတ်း မီး​တၢင်း​ဢၼ်​သႂၢင်ႇ​သိူဝ်း ၼၼ်ႉ​ၸိုင်၊ ၵဝ်​တၵ်း ႁႂ်ႈ​မႂ်း​ပဵၼ်​တီႈ​ဢၼ်​လူႉ​ဢၼ်​လႅဝ်​ဢေႃႈ။-</verse>
				<verse number="15">ၵွပ်ႈ​ပိူဝ်ႈ​ဢၼ် မႂ်း​သႂၢင်ႇ​သိူဝ်း​လူၺ်ႈ​လွင်ႈ​ဢၼ် လိၼ်​ဢမူၺ်ႇ​မဵဝ်း​ ဢီႉသရေႇလႃႉ ​လူႉ​လႅဝ် ၼၼ်ႉ​လႄႈ၊ ၵဝ်​တၵ်း ႁဵတ်း​တီႈ​မႂ်း​မိူၼ်​ၸိူဝ်ႉ​ၼင်ႇ​ၼၼ်ႉ​ဢေႃႈ။ လွႆ​ ၸီႉရႃႉ ​ဢိူၺ်း၊ မႂ်း​ဢိၵ်ႇ​တင်း​မိူင်း​ ဢေႇတုမ်ႇ တင်း​မိူင်း​ၼၼ်ႉ တၵ်း​လူႉ​လႅဝ်​ပႅတ်ႈ တင်း​သဵင်ႈ​တင်း​မူတ်း​လႄႈ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="36">
				<verse number="1">လႆႈ​သမ်ႉ လုၵ်ႈ​ၵူၼ်း​ဢိူၺ်း၊ ႁဵတ်း​ပရေႃးၽႅတ်ႈ သေ​လႄႈ လၢတ်ႈ​တီႈ​လွႆ​ ဢီႉသရေႇလႃႉ ​တင်း​လၢႆ လႄႈ​ဝႃႈ၊ လွႆ​ ဢီႉသရေႇလႃႉ ​ၶဝ်​ဢိူၺ်း၊ဢွၼ်​ၵၼ်​ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး တႃႉ။-</verse>
				<verse number="2">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​ရၢၼ်ႇ​သူႇ တင်း​လၢႆ ဢွၼ်​ၵၼ်​ယူႇ​ၽၢႆႇ​ၼိုင်ႈ​တင်း​သူ သေ​လႄႈ လၢတ်ႈ​လႄႈ​ဝႃႈ၊ဢႄႁႄႉ။ လွႆ​ထႃႇဝရႃႉ​ၸိူဝ်း​ၼၼ်ႉ ႁွတ်ႈ​ထိုင် ၵႃႈ​ၼႂ်း​မိုဝ်း​ႁဝ်း​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊-</verse>
				<verse number="3">မႂ်း​ႁဵတ်း​ပရေႃးၽႅတ်ႈ သေ​လႄႈ လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ် ၶဝ်​ႁႂ်ႈ​သူ​လူႉ​လႅဝ်​လႄႈ ဢိုၼ်​ၵိၼ်​သူ​ၵူႈ​ၽၢႆႇ​ၵူႈ​ပႃႈ ႁႂ်ႈ​ထၼ်ႈ​ပေႃး​ပဵၼ်​တီႈ​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ဢၼ် ယင်း​ၵိုတ်း​ယင်း​ၵျၢၼ်ႇ ယူႇ​ၸိူဝ်း​ၼၼ်ႉ သိမ်း​ဢဝ် ဢိၵ်ႇ​တင်း ၵွပ်ႈ​ပိူဝ်ႈ​ဢၼ် သူ​လႆႈ​ႁွတ်ႈ​ထိုင်​တီႈ​သူပ်း​ၶဝ်​ၸိူဝ်း​ဢၼ်​ၶႃႉ​ၸိုဝ်ႈ​ၶၢႆ​သဵင်​ၼၼ်ႉ တၢင်ႇ​တီႈ​ဢၼ်​ၵူၼ်း တင်း​လၢႆ သႄႉ​သွမ်း ၼၼ်ႉ​လႄႈ၊-</verse>
				<verse number="4">လွႆ​ ဢီႉသရေႇလႃႉ ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ဢမိင်ႉ ၸဝ်ႈ​ထႃႇဝရႃႉ​ၽြႃး တႃႉ။ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​တီႈ​လွႆ​လူင်၊ လွႆ​ဢွၼ်ႇ၊ တီႈ​ၼမ်ႉ​ႁွင်ႈ​ၼမ်ႉ​ၵႄး၊ တီႈ​ၶူင်ႈ​တီႈ​ႁူၺ်ႈ၊ တီႈ​ဢၼ်​ပၢင်ႇ​ဢၼ်​ၵဵင်ႈ၊ တီႈ​ဝဵင်း​ဢၼ်​သဵတ်ႇ​ၵူၼ်း​ယဵၼ်​ၵူၼ်း ဢၼ်​ပဵၼ်​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ယင်း​ၵိုတ်း​ယင်း​ၵျၢၼ်ႇ ဢၼ်​ယူႇ​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ ၸိူဝ်း​ၼၼ်ႉ ႁိမ်​ဢဝ်​သိမ်း​ဢဝ်၊ တီႈ​ဢၼ်​ၶဝ် သႄႉ​သွမ်း​ၸိူဝ်း​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="5">ၵဝ်​ပႃး​ၽႆး​တၢင်း​ဢၼ် ၵဝ်​ဢမ်ႇ​ယုမ်ႇ​မႂ်း​ၼၼ်ႉ သေ​လႄႈ လၢတ်ႈ​ဝႆႉ​ယူႇ​ၽၢႆႇ​ၼိုင်ႈ တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ ဢိၵ်ႇ​တင်း ၵူၼ်း​မဵဝ်း​ ဢေႇတုမ်ႇ ဢၼ်​မီး​ၸႂ် ဢၼ်​ၸူမ်း​သိူဝ်း​ၼႃႇ​လူင်​လၢင် သေ​လႄႈ ၸီႇ​ယၢင်ႇ​ႁႂ်ႈ​မိူင်း​ၵဝ်​ပဵၼ် ပုၼ်ႈ​ဢၼ်​ၶဝ်​တၵ်း​ပိူင်ႇ၊ ဢိၵ်ႇ​တင်း ၸႂ်​ဢၼ်​ဝႆႉ​တၢင်း​ၽိတ်း ႁႂ်ႈ​လႆႈ​ဢဝ်​မိူင်း​ၵဝ်​ဝႆႉ​ပုၼ်ႈ​ဢၼ် တၵ်း​ႁိမ်​ဢဝ်​ႁူင်ႇ​ဢဝ်​ၵႃႈ​မီး​ၼၼ်ႉ ဢမၢၼ်ႇ​ၶၼ်​ပဵၼ်​ယဝ်ႉ။-</verse>
				<verse number="6">ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ မႂ်း​ဢဝ်​လွင်ႈ​မိူင်း​ ဢီႉသရေႇလႃႉ ​သေ​လႄႈ ႁဵတ်း​ပရေႃးၽႅတ်ႈ​လႄႈ လၢတ်ႈ​ဝႆႉ တီႈ​လွႆ​လူင်​လွႆ​ဢွၼ်ႇ၊ တီႈ​ၼမ်ႉ​ႁွင်ႈ​ၼမ်ႉ​ၵႄး၊ တီႈ​ၶူင်ႈ​တီႈ​ႁူၺ်ႈ​ၸိူဝ်း​ၼၼ်ႉ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ပႃး​တၢင်း​ဢၼ် ၵဝ်​ဢမ်ႇ​ယုမ်ႇ​မႂ်း​ၼၼ်ႉ ဢိၵ်ႇ​တင်း တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၵဝ် သေ​လႄႈ လၢတ်ႈ​ဝႆႉ​ၵွပ်ႈ​ပိူဝ်ႈ ဢၼ်​သူ​လႆႈ​ၶၢမ်ႇ​တၢင်း​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ သႄႉ​သွမ်း​ၼၼ်ႉ​ယဝ်ႉ။-</verse>
				<verse number="7">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ယုၵ်ႉ​မိုဝ်း​ၵဝ်​ၵိၼ်ႇ​ဝႃႈ​လႄႈ​ဝႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ယူႇ​ၵႃႈ​တီႈ လဵပ်ႈ​ႁွပ်ႈ​သူ​ၸိူဝ်း​ၼၼ်ႉ တၵ်း​လႆႈ ၶၢမ်ႇ​တၢင်း​ဢၼ်​သရေႇ​ၶဝ်​လူႉ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ။-</verse>
				<verse number="8">လွႆ​ ဢီႉသရေႇလႃႉ ​ၶဝ်​ဢိူၺ်း၊ သူ​ၸမ်ႉ၊ တၵ်း​လႆႈ​ဢွၼ်​ၵၼ် တႅၵ်ႇ​ၵိင်ႇ​တႅၵ်ႇ​ၶႃႊ​လႄႈ မၢၵ်ႇ​မၢၵ်ႇ​ပုၼ်ႈ​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ ၶိင်ႇ​မိူဝ်ႈ​ဢၼ် ၶဝ်​ၶိုၼ်း​မႃး​ၼၼ်ႉ​ၸမ်​ယဝ်ႉ။-</verse>
				<verse number="9">တူၺ်း​လူး။ ၵဝ်​ယူႇ​ၽၢႆႇ​သူ​လႄႈ တၵ်း​ၶိုၼ်း​မႃး​ၸူး​တီႈ​သူ​သေ​လႄႈ သူ​တၵ်း​လႆႈ​ၶၢမ်ႇ​တၢင်း​ဢၼ် ႁဵတ်း​ႁႆႊ​ႁဵတ်း​ၼႃး​သႂ်ႇ​လႄႈ ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​သႂ်ႇ​ဢေႃႈ။-</verse>
				<verse number="10">ၵဝ်​တၵ်း​ႁႂ်ႈ​ၵူၼ်း တင်း​လၢႆ ဢၼ်​ဝႃႈ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် ၵႃႈ​မီး​ၼၼ်ႉ ယႂ်ႇ​ၽႄႈ​ၼမ်​ၵိုၼ်း​မႃး​ၵႃႈ​ၼိူဝ်​သူ​လႄႈ ဝဵင်း​တင်း​လၢႆ တၵ်း​မီး​ၽူႈ​မီး​ၵူၼ်း၊ တီႈ​ဢၼ်​လူႉ​လႅဝ်​တင်း​လၢႆ တၵ်း​လႆႈ ၶၢမ်ႇ​တၢင်း​ဢၼ် မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="11">ၵဝ်​တၵ်း​ႁႂ်ႈ​ၵူၼ်း ဢိၵ်ႇ​တင်း တရိၵ်ႈသၢၼ်ႇ ၼမ်​ၵိုၼ်း​ၼႃႇ ၵႃႈ​ၼိူဝ်​သူ​လႄႈ ၶဝ်​ၼၼ်ႉ တၵ်း​ဢွၼ်​ၵၼ် ယႂ်ႇ​ၽႄႈ​တူဝ်း​တွၼ်း​မႃး​လႄႈ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ဢေႃႈ။ ၵဝ်​တၵ်း ႁႂ်ႈ​သူ​မီး​ၽူႈ​မီး​ၵူၼ်း​မိူၼ်​ၸိူဝ်ႉ​ၼင်ႇ ပၵ်း​ၵဝ်ႇ​ပိူင်​ၵဝ်ႇ​ၼၼ်ႉ​လႄႈ ႁဵတ်း​ၵျေး​ၸူး ဢၼ်​ယႂ်ႇ​လိူဝ်​တွၼ်း​ၼႃႇ​သေ ၵျေး​ၸူး​ဢၼ်​ႁဵတ်း​မိူဝ်ႈ​ၵွၼ်ႇ ဢွၼ်​ၼႆႉ​ၼၼ်ႉ​ဢေႃႈ။ သူ​တၵ်း​လႆႈ​ႁူႉ လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="12">ၵဝ်​တၵ်း ႁဵတ်း​ႁႂ်ႈ​ၵူၼ်း တင်း​လၢႆ ဢၼ်​ဝႃႈ​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ၵႂႃႇ​မႃး​ၵႃႈ​ၼိူဝ်​သူ​ဢေႃႈ။ ၶဝ်​ၼၼ်ႉ တၵ်း​သိမ်း​ဢဝ်​မႂ်း​လႄႈ မႂ်း​လႆႈ​ပဵၼ်​ဢမူၺ်ႇ​ၶဝ်​လႄႈ၊ ၵမ်း​လိုၼ်း​မႂ်း​တၵ်း​ဢမ်ႇ​လႆႈ​ႁႂ်ႈ​ၶဝ် သုမ်း​လုၵ်ႈ​သုမ်း​လၢင်း။-</verse>
				<verse number="13">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ် ပိူၼ်ႈ​လၢတ်ႈ​တီႈ​မႂ်း​လႄႈ​ဝႃႈ၊ မိူင်း​ဢိူၺ်း၊ မႂ်း​ၼႆႉ​ၸၢင်ႈ​ၶူပ်း​ၵိၼ်​ၵူၼ်း တင်း​လၢႆ​လႄႈ ၸၢင်ႈ​ႁိမ်​ဢဝ်​ယႃႉ​ပႅတ်ႈ​ၵူၼ်း​မဵဝ်း​မႂ်း တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊-</verse>
				<verse number="14">ၵမ်း​လိုၼ်း မႂ်း​တၵ်း​ဢမ်ႇ​လႆႈ​ၶူပ်း​လႆႈ​ၵိၼ်​ၵူၼ်း တင်း​လၢႆ၊ တၵ်း​ဢမ်ႇ​လႆႈ ႁိမ်​ဢဝ်​ယႃႉ​ပႅတ်ႈ​ၵူၼ်း​မဵဝ်း​မႂ်း​တင်း​လၢႆ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="15">ၵမ်း​လိုၼ်း ၵဝ်​တၵ်း​ဢမ်ႇ​ႁႂ်ႈ​မႂ်း​လႆႈ​ငိၼ်း​ၵႂၢမ်း​ဢၼ် ၵူၼ်း​ၵူႈ​ၸိူဝ်ႉ​ၵူႈ​မဵဝ်း သႄႉ​သွမ်း​ၼၼ်ႉ။ ၵမ်း​လိုၼ်း မႂ်း​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တၢင်ႇ​ဢပႅတ်ႈ။ ၵမ်း​လိုၼ်း မႂ်း​တၵ်း​ဢမ်ႇ​လႆႈ​ႁဵတ်း​တၢင်း​ဢၼ် ႁႂ်ႈ​ၵူၼ်း​မဵဝ်း​မႂ်း​တင်း​လၢႆ ၶီႈ​လိုတ်း​လႄႈ​လူမ်ႉ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="17">လုၵ်ႈ​ၵူၼ်း​ဢိူၺ်း၊ မိူဝ်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ယူႇ​ၵႃႈ​ၼႂ်း​မိူင်း​ၶဝ်​ယူႇ ၼၼ်ႉ​ၸိုင်၊ ၶဝ်​ဢွၼ်​ၵၼ်​ႁႂ်ႈ​မိူင်း​ၼၼ်ႉ ၵူဝ်ႈ​ၵိူၵ်ႇ​လူၺ်ႈ​သဵၼ်ႈ​တၢင်း​ဢၼ် ၶဝ်​ၸွမ်း​ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ​ၶဝ်​ဢေႃႈ။ သဵၼ်ႈ​တၢင်း​ဢၼ်​ၶဝ်​ၸွမ်း​ၼၼ်ႉ ပဵၼ်​ၸိူဝ်ႉ​ၼင်ႇ​ဢၼ်​ဝူၺ်ႇ​ဢၼ်​ႁင်ႈ​မႄႈ​ယိင်း ဢၼ်​ႁွတ်ႈ​ထိုင်​ဢူႉတူႉ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။-</verse>
				<verse number="18">ပိူဝ်ႈ​ၼႆ​လႄႈ ၵဝ်​ဢဝ်​တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၵဝ် ထွၵ်ႇ​သႂ်ႇ​ၵႃႈ​ၼိူဝ်​ၶဝ် ၵွပ်ႈ​ပိူဝ်ႈ လိူတ်ႈ​ဢၼ်​ၶဝ်​ထွၵ်ႇ​ပႅတ်ႈ ၵႃႈ​တီႈ​မိူင်း​ၼၼ်ႉ ဢိၵ်ႇ​တင်း ၵွပ်ႈ​ပိူဝ်ႈ​ဢၼ် ၶဝ်​ႁႂ်ႈ​ၵူဝ်ႈ​ၵိူၵ်ႇ​လူၺ်ႈ​ရုၵ်ႈ​ထူႉ​ၼၼ်ႉ​ယဝ်ႉ။-</verse>
				<verse number="19">ၵဝ်​ဢဝ်​ၶဝ် ၸၢတ်ႇ​ပိုၼ်​ပႅတ်ႈ​ၵႃႈ​ၼႂ်း ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ​လႄႈ ႁႂ်ႈ​ၶဝ်​ႁွတ်ႈ​ထိုင်​ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း​ယဝ်ႉ။ ၵဝ်​ၸီႇ​ယၢင်ႇ​ၶဝ် ၸွမ်း​ၵႃႈ​ၼင်ႇ​သဵၼ်ႈ​တၢင်း​ၶဝ် ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ​ၶဝ်​ၼၼ်ႉ​ယဝ်ႉ။-</verse>
				<verse number="20">ၼႂ်း​ဝႃႈ​ၼၼ်​သေ​ၵေႃႈ မိူဝ်ႈ​ဢၼ်​ၶဝ်​ႁွတ်ႈ​ထိုင် ၵႃႈ​ၼႂ်း​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း ၸိူဝ်း​ၼၼ်ႉ တီႈ​ဢၼ်​ၶဝ်​ၵႂႃႇ​ၼၼ်ႉ​ၸိုင်၊ ၶဝ်​ၶျႃး​ၼႃႇ​မႃႉ​ၸိုဝ်ႈ​သဵင်​ၵဝ်​တူၵ်း​တီႈ​တႅမ်ႇ ၵွပ်ႈ​ပိူဝ်ႈ​ဢၼ်​ပိူၼ်ႈ ဢဝ်​လွင်ႈ​ၶဝ်​သေ​လႄႈ လၢတ်ႈ​လႄႈ​ဝႃႈ၊ ၶဝ်​ၼႆႉ​ပဵၼ်​ၵူၼ်း ထႃႇဝရႃႉ​ၽြႃး​ဢေႃႈ။ ၶဝ်​လႆႈ​ဢွၼ်​ၵၼ်​ဢွၵ်ႇ​သေ ၵႃႈ​ၼႂ်း​မိူင်း​မၼ်း​ၸဝ်ႈ​မႃး​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="21">ၵူၺ်း​ၵႃႈ ၵဝ်​သေ​လၢႆ​ၼႃႇ​မႃႉ​ၸိုဝ်ႈ​သဵင်​မျၢတ်ႈ​ၵဝ် ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ၶျႃး​တူၵ်း​တီႈ​တႅမ်ႇ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း တီႈ​ဢၼ်​ၶဝ် ႁွတ်ႈ​ထိုင်​ၼၼ်ႉ​ဢေႃႈ။-</verse>
				<verse number="22">ပိူဝ်ႈ​ၼႆ​လႄႈ မႂ်း​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မဵဝ်း​ ဢီႉသရေႇလႃႉ ​ဢိူၺ်း၊ ၵဝ်​ထွၵ်ႈ​လူၺ်ႈ​သူ​လႄႈ ႁဵတ်း​လွင်ႈ​တၢင်း​ၼႆႉ​ဢမ်ႇ​ၸႂ်ႈ။ ၵဝ်​ထွၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​မျၢတ်ႈ​ၵဝ် ဢၼ်​သူ​ၶျႃး​တူၵ်း​တီႈ​တႅမ်ႇ ၵႃႈ​ၼႂ်း ၵူၼ်း​ၵူႈ​ၸိူဝ်ႉ​ၵူႈ​မဵဝ်း တီႈ​ဢၼ်​သူ ႁွတ်ႈ​ထိုင်​ၼၼ်ႉ​ၵူၺ်း​လႄႈ ႁဵတ်း​ဢေႃႈ။-</verse>
				<verse number="23">ၵဝ်​တၵ်း​ယွင်ႈ​ယေႃး မႁႃႇ​ၼႃႇ​မႃႉ​ၸိုဝ်ႈ​သဵင်​ၵဝ် ဢၼ်​သူ​ၶျႃး​တူၵ်း​တီႈ​တႅမ်ႇ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ ဢၼ်​ဝႃႈ ၵႃႈ​ၼႂ်း​ၶိုင်ႈ​ၵၢင်​ၶဝ်​ၼၼ်ႉ​ဢေႃႈ။ မိူဝ်ႈ​ဢၼ်​ၵဝ် ႁွတ်ႈ​ထိုင်​တၢင်း​ဢၼ်​ယွင်ႈ​ယေႃး ၵွပ်ႈ​ပိူဝ်ႈ သူ​သိုဝ်ႈ​ၼႃႈ​တႂ်ႈ​တႃ​ၶဝ် ၼၼ်ႉ​ၸိုင်၊ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="24">လွင်ႈ​မၼ်း​ၸမ်ႉ ၵဝ်​တၵ်း​ႁွင်ႉ​ဢဝ်​သူ​ဢွၵ်ႇ​သေ​ၵႃႈ​ၼႂ်း ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ ၼုၵ်ႈ​ဢဝ်​သူ​ဢွၵ်ႇ​သေ​ၵႃႈ​ၼႂ်း ၵူႈ​သိုင်ႇ​ၵူႈ​မိူင်း မႃး​ၸူႉ​ၵၼ်​တုမ်​ၵၼ်​လႄႈ ဢဝ်​သူ​သူင်ႇ​ႁွတ်ႈ​ၵႃႈ​ၼႂ်း​မိူင်း​ဢၼ်​သူ​ယူႇ​ၵဝ်ႇ​ၵဝ်ႇ ၼၼ်ႉ​ဢေႃႈ။-</verse>
				<verse number="25">ၵဝ်​တၵ်း​ဢဝ်​ၼမ်ႉ​ဢၼ်​မူတ်း​သႂ် ၽႅတ်း​သႂ်ႇ​သူ​လႄႈ သူ​တၵ်း​လႆႈ​မူတ်း​သႂ်​ဢေႃႈ။ ၵဝ်​တၵ်း​ႁႂ်ႈ​သူ ၵၢင်း​လွတ်ႈ​တၢင်း​ဢၼ်​ဝူၺ်ႇ ဢၼ်​ႁင်ႈ ၶႆး​တင်​သူ​ၵူႈ​ၸိူဝ်ႉ​ၵူႈ​ပိူင် ဢိၵ်ႇ​တင်း ရုၵ်ႈ​ထူႉ​သူ​ၵႃႈ​မီး​ၼၼ်ႉ​ဢေႃႈ။-</verse>
				<verse number="26">ၵဝ်​တၵ်း ပၼ်​ႁူဝ်​ၸႂ်​ဢၼ်​မႂ်ႇ​တီႈ​သူ​လႄႈ ဢဝ်​သၽေႃး​ဢၼ်​မႂ်ႇ​သႂၢင်း​သႂ်ႇ​ပၼ် ၵႃႈ​ၼႂ်း​သူ​ဢေႃႈ။ ၵဝ်​တၵ်း​ၼုၵ်ႈ​ဢဝ်​ႁူဝ်​ၸႂ်​မၢၵ်ႇ​ႁိၼ် ဢွၵ်ႇ​သေ ၵႃႈ​ၼႂ်း​တူဝ်​ၶၼ်ႇ​ထႃႇ​သူ​လႄႈ ပၼ်​ႁူဝ်​ၸႂ်​ၼိူဝ်ႉ​တီႈ​သူ​ဢေႃႈ။-</verse>
				<verse number="27">ၵဝ်​တၵ်း​ဢဝ်​ဝီႉၺိၺ်ႇ​ၵဝ် သႂၢင်း​သႂ်ႇ​ပၼ်​ၵႃႈ​ၼႂ်း​သူ​လႄႈ ႁဵတ်း​ႁႂ်ႈ​သူ ဢွၼ်​ၵၼ်​ၸွမ်း​သဵၼ်ႈ​တၢင်း ထုင်း​ၽိင်ႈ​တြႃး​ၵဝ်​လႄႈ သူ​တၵ်း​ပႂ်ႉ​ၵမ်​ပႂ်ႉ​ၸွမ်း လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​လႄႈ ႁဵတ်း​ၸွမ်း​ဢေႃႈ။-</verse>
				<verse number="28">သူ​တၵ်း​လႆႈ​ဢွၼ်​ၵၼ်​ယူႇ​ၵႃႈ​ၼႂ်း​မိူင်း ဢၼ်​ၵဝ်​ပၼ်​တီႈ​ပူႇ​သူ​မွၼ်ႇ​သူ​ၼၼ်ႉ​လႄႈ ပဵၼ်​ၵူၼ်း​ၵဝ်​ဢေႃႈ။ ၵဝ်​ၵေႃႈ​တၵ်း​ပဵၼ် ၽြႃး​ပဵၼ်​ၸဝ်ႈ သူ​ဢေႃႈ။-</verse>
				<verse number="29">ၵဝ်​တၵ်း​ႁႂ်ႈ​သူ​ၵၢင်း​လွတ်ႈ တၢင်း​ဢၼ်​ဝူၺ်ႇ​ဢၼ်​ႁင်ႈ ၶႆး​တင်​သူ​ၵႃႈ​မီး​ဢေႃႈ။ ၵဝ်​တၵ်း​သင်ႇ​လၢတ်ႈ​ၵႂႃႇ​တီႈ ၶဝ်ႈ​ပိူၵ်ႇ​ၶဝ်ႈ​သၢၼ် လႄႈ ႁႂ်ႈ​ယႂ်ႇ​ၽႄႈ​တူဝ်း​တွၼ်း​မႃး သေ​လႄႈ တၵ်း​ဢမ်ႇ​ႁႂ်ႈ​ၽေး​တၢင်း​ဢၼ် ၶဝ်ႈ​ၵႃႈ​မၢၵ်ႇ​ပႅင်း ႁွတ်ႈ​ထိုင်​ၵႃႈ​ၼိူဝ်​သူ။-</verse>
				<verse number="30">ၵဝ်​တၵ်း​ႁႂ်ႈ​မၢၵ်ႇ​မႆႉ​မၢၵ်ႇ​တွၵ်ႇ ဢိၵ်ႇ​တင်း မၢၵ်ႇ​လိၼ်​ႁူင်း​လိၼ် လိူင်ႇ​ၼမ်​ၼႃႇ ႁႂ်ႈ​သူ​ဢမ်ႇ​လႆႈ​ၶၢမ်ႇ​တၢင်း​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း သႄႉ​သွမ်း လူၺ်ႈ​လွင်ႈ​တၢင်း​ဢၼ် တွင်ႉ​မႆႈ​သႆႈ​လိူတ်ႇ​ၼၼ်ႉ​ဢေႃႈ။-</verse>
				<verse number="31">မိူဝ်ႈ​ၼၼ်ႉ သူ​တၵ်း​ဢွၼ်​ၵၼ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း သဵၼ်ႈ​တၢင်း​ဢၼ်​ႁၢႆႉ​ယုတ်ႈ​သူ ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ ဢၼ်​ဢမ်ႇ​လီ​ဢမ်ႇ​ငၢမ်း​သူ​ၼၼ်ႉ​လႄႈ တူဝ်​သူ​တၵ်း​ဢွၼ်​ၵၼ်​လီ​ႁင်ႈ​တူဝ်​သူ ၵွပ်ႈ​ပိူဝ်ႈ ဢပႅတ်ႈ​တူႉ​ၸရိူၵ်ႈ​သူ ဢိၵ်ႇ​တင်း လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​သူ ၸိူဝ်း​ၼၼ်ႉ​ဢေႃႈ။-</verse>
				<verse number="32">သူ​ဢွၼ်​ၵၼ်​ႁူႉ မၢတ်ႈ​လွင်ႈ​ဢၼ်​ၵဝ် ဢမ်ႇ​ထွၵ်ႈ​လူၺ်ႈ​သူ သေ​လႄႈ ႁဵတ်း​လွင်ႈ​တၢင်း​ၼႆႉ​ၼၼ်ႉ​ဝႆႉ​တႃႉ။ မဵဝ်း​ ဢီႉသရေႇလႃႉ ဢိူၺ်း၊ ဢွၼ်​ၵၼ်​ဢူၵ်း​ဢၢႆ​လႄႈ ၵႂင်​ၸႂ်​ယုင်ႈ​ၸႂ်​ယူႇ ၵွပ်ႈ​ပိူဝ်ႈ​သဵၼ်ႈ​တၢင်း​ဢၼ်​သူ​ၸွမ်း​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="33">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ဢၼ်​ၵဝ်​ႁႂ်ႈ​သူ လွတ်ႈ​သေ ဢပႅတ်ႈ​တူႉ​ၸရိူၵ်ႈ​သူ​ၵႃႈ​မီး​လႄႈ ပဵၼ်​ဢၼ်​မူတ်း​သႂ်​ၼၼ်ႉ​ၸိုင်၊ ၵဝ်​တၵ်း​ႁႂ်ႈ​ဝဵင်း​သူ တင်း​လၢႆ မီး​ၽူႈ​မီး​ၵူၼ်း​လႄႈ ၵႃႈ​တီႈ​ဢၼ်​လူႉ​ဢၼ်​လႅဝ် ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​မႄး​ၵုမ်း​မႄး​ႁဵတ်း​ဢေႃႈ။-</verse>
				<verse number="34">ၼႂ်း​လိၼ်​ဢၼ်​ပဵၼ် တီႈ​ဢၼ်​သဵတ်ႇ​ဢၼ်​ယဵၼ် သိုဝ်ႈ​ၼႃႈ​တႂ်ႈ​တႃ​ၶဝ်​ၸိူဝ်း​ဢၼ်​တႆႇ​တၢင်း​ပႆ​တၢင်း​ၵႂႃႇ ၸိူဝ်း​ၼၼ်ႉ​ၼၼ်ႉ၊ သမ်ႉ​တၵ်း​လႆႈ​ၶၢမ်ႇ​တၢင်း​ဢၼ် ႁဵတ်း​ႁႆႊ​ႁဵတ်း​ၼႃး​သႂ်ႇ​ဢေႃႈ။-</verse>
				<verse number="35">မိူဝ်ႈ​ၼၼ်ႉ ၵူၼ်း​တင်း​လၢႆ တၵ်း​ဢွၼ်​ၵၼ်​လၢတ်ႈ​လႄႈ​ဝႃႈ၊ မိူင်း​ဢၼ်​ပဵၼ် တီႈ​ဢၼ်​သဵတ်ႇ​ဢၼ်​ယဵၼ်​ၵႂႃႇ​ၼၼ်ႉ ၼႆႉ ပဵၼ်​ၸိူဝ်ႉ​ၼင်ႇ သူၼ်​ဢူးယဵၼ်ႇ​ ဢေႇတိၼ်ႇ ​ၼၼ်ႉ​လႄႈ ဝဵင်း​ဢၼ်​ပဵၼ်​ဢၼ်​လူႉ​ဢၼ်​လႅဝ်၊ ဢၼ်​သဵတ်ႇ​ဢၼ်​ယဵၼ်၊ ဢၼ်​ၵိူၼ်ႇ​ဢၼ်​ပင်း​ၸိူဝ်း​ၼႆႉ​ၵေႃႈ ဢွၼ်​ၵၼ်​ပဵၼ်​ဢၼ်​မၼ်ႈ​ၶိူင်ႇ​ဝႆႉ​လႄႈ ပျေႉ​ၸုမ်ႇ​ဝႆႉ​တင်း​ၽူႈ​တင်း​ၵူၼ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">မိူဝ်ႈ​ၼၼ်ႉ ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​ဢၼ် ယင်း​ၵိုတ်း​ယင်း​ၵျၢၼ်ႇ​ယူႇ ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​သူ​ၸိူဝ်း​ၼၼ်ႉ တၵ်း​လႆႈ ႁူႉ​လွင်ႈ​ဢၼ်​ၵဝ် ထႃႇဝရႃႉ​ၽြႃး မႄး​ၵုမ်း​မႄး​ႁဵတ်း တီႈ​ဢၼ်​ၵိူၼ်ႇ​ပင်း​လူႉ​လႅဝ်​တင်း​လၢႆ ဢိၵ်ႇ​တင်း လွင်ႈ​ဢၼ်​ၽုၵ်ႇ​သွမ်ႈ​သႂ်ႇ ၵႃႈ​တီႈ​လိၼ် ဢၼ်​ပဵၼ်​တီႈ ဢၼ်​သဵတ်ႇ​ဢၼ်​ယဵၼ် ၼၼ်ႉ​ဢေႃႈ။ ၵဝ်​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ။ ၵဝ်​တၵ်း​ႁဵတ်း​ၸွမ်း​ဢေႃႈ။-</verse>
				<verse number="37">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​လႆႈ​ၶၢမ်ႇ​တၢင်း​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တွင်း​ပၢၼ်ႇ​ႁႂ်ႈ​ၵဝ် ႁဵတ်း​လွင်ႈ​တၢင်း​ၼႆႉ​ပုၼ်ႈ​ၶဝ်​ဢေႃႈ။ ၵဝ်​တၵ်း ႁႂ်ႈ​ၶဝ်​ယႂ်ႇ​ၽႄႈ​ၼမ်​ၵိုၼ်း​မႃး​ယူႇ တိၵ်း​တိၵ်း လူၺ်ႈ​ၽူႈ​လူၺ်ႈ​ၵူၼ်း​မိူၼ်​ၸိူဝ်ႉ​ၼင်ႇ ၽုင်​သူဝ်း​ၼၼ်ႉ​ဢေႃႈ။-</verse>
				<verse number="38">ဝဵင်း​ဢၼ်​လူႉ​လႅဝ် ၸိူဝ်း​ၼၼ်ႉ တၵ်း​လႆႈ​ပျေႉ​ၸုမ်ႇ​ဝႆႉ တင်း​မုၵ်ႉ​ၵူၼ်း​ၸိူဝ်း​ၵူၼ်း မိူၼ်​ၸိူဝ်ႉ​ၼင်ႇ​မူႇ​သူဝ်း​ၽုင်​သူဝ်း ဢၼ်​မူတ်း​ၸၢင်ႇ ဢၼ်​ဝႃႈ မူႇ​သူဝ်း​ၽုင်​သူဝ်း ဝဵင်း​ ယေႇရူႉသလႅမ်ႇ ၼႂ်း​ၶိင်ႇ​မိူဝ်ႈ​ဢၼ် ၶၢမ်ႇ​ပွႆး​ထမ်ႇမႃႉ​ၼၼ်ႉ​လႄႈ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="37">
				<verse number="1">လႆႈ​သမ်ႉ မိုဝ်း​ထႃႇဝရႃႉ​ၽြႃး မီး​ယူႇ​ၵႃႈ​ၼိူဝ်​ၵဝ်​လႄႈ ဢဝ်​ဝီႉၺိၺ်ႇ ထႃႇဝရႃႉ​ၽြႃး ဢဝ်​ၵဝ်​ဢွၵ်ႇ​ၵႂႃႇ ၵႃႈ​တီႈ​ၼွၵ်ႈ​သေ​လႄႈ ဢဝ်​ၵဝ်​ဝႆႉ ၵႃႈ​ၼႂ်း​ၵၢင်​ပၢင်ႇ​ႁူၺ်ႈ​လႄႈ ၵႃႈ​တီႈ​ၼၼ်ႈ တဵမ်​ဝႆႉ​တင်း​လုပ်ႇ​တင်း​လၢဝ်ႈ​ဢေႃႈ။-</verse>
				<verse number="2">မၼ်း​ၸဝ်ႈ ႁႂ်ႈ​ၵဝ်​ပႆ​လဵပ်ႈ​ၵႂႃႇ ၵႃႈ​တီႈ​ႁိမ်း​ႁွမ်း​လုပ်ႇ ၸိူဝ်း​ၼၼ်ႉ​ဢေႃႈ။ ၵႃႈ​တီႈ​ၼိူဝ်​ၼႃႈ​ပၢင်ႇ​ႁူၺ်ႈ​ၼၼ်ႉ မီး​လုပ်ႇ​မီး​လၢဝ်ႈ​ၼမ်​ၼႃႇ​လႄႈ ဢွၼ်​ၵၼ် ပဵၼ်​ဢၼ်​ႁႅင်ႈ​ႁွင်​ၼႃႇ​လူင်​လၢင်​ဝႆႉ​ဢေႃႈ။-</verse>
				<verse number="3">မၼ်း​ၸဝ်ႈ​ၵေႃႈ ထၢမ်​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ လုပ်ႇ​ၸိူဝ်း​ၼႆႉ တၵ်း​လိပ်း​လႆႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ၵဝ်​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး တီႈ​ၶႃႈ၊ ၸဝ်ႈ​ႁဝ်း​ႁူႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မၼ်း​ၸဝ်ႈ​ၵေႃႈ မီး​ဢမိင်ႉ​တီႈ​ၵဝ်​လႄႈ​ဝႃႈ၊ မႂ်း​ႁဵတ်း​ပရေႃးၽႅတ်ႈ သေ​လႄႈ ႁေႃး​လၢတ်ႈ​ၵႃႈ​ၼိူဝ်​လုပ်ႇ​ၼိူဝ်​လၢဝ်ႈ ၸိူဝ်း​ၼႆႉ​လႄႈ​ဝႃႈ၊ လုပ်ႇ​ဢၼ်​ႁႅင်ႈ​ဢၼ်​ႁွင်​ၶဝ်​ဢိူၺ်း၊ သူ​ဢွၼ်​ၵၼ် ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး တႃႉ။-</verse>
				<verse number="5">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​တီႈ​လုပ်ႇ​တီႈ​လၢဝ်ႈ ၸိူဝ်း​ၼႆႉ​လႄႈ​ဝႃႈ​ၸမ်ႉ၊ တူၺ်း​လူး။ ၵဝ်​တၵ်း​သႂၢင်း​ၸႂ်​သႂ်ႇ ၵႃႈ​ၼႂ်း​သူ​လႄႈ သူ​တၵ်း​လႆႈ​ဢသၢၵ်ႈ​လိပ်း​ဢေႃႈ။-</verse>
				<verse number="6">ၵဝ်​တၵ်း သႂၢင်း​သႂ်ႇ​ပၼ်​ဢဵၼ်​ၵႃႈ​ၼိူဝ်​သူ​လႄႈ ႁႂ်ႈ​ၼိူဝ်ႉ​မုၼ်း​ၶိုၼ်ႈ​ၵႃႈ​ၼိူဝ်​သူ​ဢေႃႈ။ ၵဝ်​တၵ်း​ႁႂ်ႈ​ၼင်​ႁူမ်ႇ​သုမ်ႇ​သူ​လႄႈ သႂၢင်း​ၸႂ်​သႂ်ႇ​ပၼ်​သေ​ယဝ်ႉ၊ သူ​တၵ်း​လႆႈ​ဢွၼ်​ၵၼ် ဢသၢၵ်ႈ​လိပ်း​လႄႈ ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="7">ၵဝ်​ႁဵတ်း ပရေႃးၽႅတ်ႈ ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​သင်ႇ​လၢတ်ႈ​ဝႆႉ ၼၼ်ႉ​ဢေႃႈ။ ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ​ႁဵတ်း ပရေႃးၽႅတ်ႈ ယူႇ​ၼၼ်ႉ​ၸိုင်၊ မီး​သဵင်​ဢၼ်​လင်​ဢၼ်​မေႃး​လႄႈ တၢင်း​ဢၼ်​သၼ်ႇ​ဢၼ်​ဝႆ​ၵေႃႈ မီး​ဢေႃႈ။ လုပ်ႇ​ၸိူဝ်း​ၼၼ်ႉ ဢၼ်​ၼိုင်ႈ​လႄႈ​ဢၼ်​ၼိုင်ႈ တီႈ​ၽႂ်​တီႈ​မၼ်း သုတ်ႉ​ၸူး​ၶၢႆႉ​ၸူး​ၵၼ်​ဢေႃႈ။-</verse>
				<verse number="8">ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ​လူ​တူၺ်း​ယူႇ​ၼၼ်ႉ၊ ဢဵၼ်​တင်း​လၢႆ ပေႃႇ​မႃး​ၵႃႈ​ၼိူဝ်​ၶဝ်​လႄႈ ၼိူဝ်ႉ​ၵေႃႈ​မုၼ်း​ၶိုၼ်ႈ​ၵႃႈ​ၼိူဝ်​ၶဝ်​လႄႈ ၼင်​ၵေႃႈ​သုမ်ႇ​ႁူမ်ႇ​ၶဝ်​ဝႆႉ​ဢေႃႈ။ ၵူၺ်း​ၵႃႈ​ဢမ်ႇ​ပႆႇ​မီး​ၸႂ်။-</verse>
				<verse number="9">မၼ်း​ၸဝ်ႈ​ၵေႃႈ မီး​ဢမိင်ႉ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ ႁဵတ်း​ပရေႃးၽႅတ်ႈ တီႈ​လူမ်း​တႃႉ။ ႁဵတ်း​ပရေႃးၽႅတ်ႈ သေ​လႄႈ ႁေႃး​လၢတ်ႈ​တီႈ​လူမ်း​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၸႂ်​ဢိူၺ်း၊ လုၵ်ႉ​သေ ၵႃႈ​ၼႂ်း​လူမ်း​သီႇ​ၼႃႈ​သီႇ​ၽၢႆႇ ၸိူဝ်း​ၼၼ်ႉ မႃး​လႄႈ ပဝ်ႇ​သႂ်ႇ​ၵႃႈ​ၼိူဝ်​တူဝ်​တၢႆ ၸိူဝ်း​ၼႆႉ ႁႂ်ႈ​ၶဝ်​ဢသၢၵ်ႈ​လိပ်း​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="10">ၵဝ်​ႁဵတ်း​ပရေႃးၽႅတ်ႈ ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​သင်ႇ​လၢတ်ႈ​ဝႆႉ ၼၼ်ႉ​လႄႈ လူမ်း​ၶဝ်ႈ​ၵႃႈ​ၼႂ်း​ၶဝ်​သေ​ယဝ်ႉ၊ ၶဝ်​ၼၼ်ႉ ဢွၼ်​ၵၼ်​ဢသၢၵ်ႈ​လိပ်း​လႄႈ ပဵၼ်​ပူဝ်ႇ​ပႃႇ​ဢၼ်​ၼမ်​ၼႃႇ​လူင်​လၢင် ယူႇ​သေ​လႄႈ ၸုၵ်း​ယူႇ​ၵႃႈ​ၼိူဝ်​တိၼ်​ၶဝ်​ဢေႃႈ။-</verse>
				<verse number="11">မၼ်း​ၸဝ်ႈ​ၵေႃႈ မီး​ဢမိင်ႉ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ လုပ်ႇ​ၸိူဝ်း​ၼႆႉ​ပဵၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ တူၺ်း​လူး။ ၶဝ်​ၸၢင်ႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ လုပ်ႇ​ႁဝ်း တင်း​လၢႆ မီး​တၢင်း​ဢၼ်​ႁႅင်ႈ​ၵႂႃႇ​ႁွင်​ၵႂႃႇ​ယဝ်ႉ။ ႁဝ်း​ၼႆႉ​ဢမ်ႇ​မီး​တီႈ​ဢၼ် မုင်ႈ​ထႃႈ​မွင်း​ထႃႈ။ ႁဝ်း​ၼႆႉ​သုမ်း​ၸွမ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ မႂ်း​ႁဵတ်း​ပရေႃးၽႅတ်ႈ သေ​လႄႈ ႁေႃး​လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း​ၵဝ်​တင်း​လၢႆ​ၶဝ်​ဢိူၺ်း၊ ၵဝ်​တၵ်း​ၽုၺ်ႇ​ပိုတ်ႇ​ႁူး​ၶုမ်​ပႃႇ​ႁဵဝ်ႈ​သူ တင်း​လၢႆ​လႄႈ ဢဝ်​သူ​ဢွၵ်ႇ​သေ​ၵႃႈ​ၼႂ်း​ႁူး​ၶုမ်​ပႃႇ​ႁဵဝ်ႈ​သူ ၸိူဝ်း​ၼၼ်ႉ​လႄႈ ဢဝ်​သူ သူင်ႇ​ႁွတ်ႈ ၵႃႈ​ၼႂ်း​မိူင်း​ ဢီႉသရေႇလႃႉ ​ဢေႃႈ။-</verse>
				<verse number="13">ၵူၼ်း​ၵဝ်​တင်း​လၢႆ​ၶဝ်​ဢိူၺ်း၊ မိူဝ်ႈ​ဢၼ် ၵဝ်​ၽုၺ်ႇ​ပိုတ်ႇ​ႁူး​ၶုမ်​ပႃႇ​ႁဵဝ်ႈ​သူ ၸိူဝ်း​ၼၼ်ႉ​လႄႈ ဢဝ်​သူ​ဢွၵ်ႇ​သေ​ၵႃႈ​ၼႂ်း​ႁူး​ၶုမ်​ပႃႇ​ႁဵဝ်ႈ​သူ ၸိူဝ်း​ၼၼ်ႉ​ၸိုင်၊ သူ​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="14">ၵဝ်​တၵ်း​ဢဝ် ဝီႉၺိၺ်ႇ​ၵဝ်​သႂၢင်း​သႂ်ႇ​ပၼ် ၵႃႈ​ၼႂ်း​သူ​ႁႂ်ႈ​သူ​ဢသၢၵ်ႈ​လိပ်း​လႄႈ ၶျႃး​တီႈ​ယူႇ​သူ​ပၼ် ၵႃႈ​ၼႂ်း​မိူင်း​ဢၼ်​သူ​ယူႇ ၵဝ်ႇ​ၵဝ်ႇ​ၼၼ်ႉ​ဢေႃႈ။ သူ​တၵ်း​လႆႈ​ႁူႉ​လွင်ႈ​ဢၼ်​ၵဝ် ထႃႇဝရႃႉ​ၽြႃး လၢတ်ႈ​ဝႆႉ​ယဝ်ႉ​လႄႈ ႁဵတ်း​ၸွမ်း​ဢေႃႈ၊ ထႃႇဝရႃႉ​ၽြႃး မီး​ဢမိင်ႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="16">လုၵ်ႈ​ၵူၼ်း​ဢိူၺ်း၊ မႂ်း​ဢဝ်​ၶွၼ်ႉ​လႅမ်ႈ​ၼိုင်ႈ လႄႈ ဢဝ်​ၵႂၢမ်း​ဢၼ်​ဝႃႈ၊ ပုၼ်ႈ​မဵဝ်း​ ယူႉတႃႉ ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢၼ်​ႁူမ်ႈ​ၵၼ်​ပွင်း​ၵၼ်​တင်း​မၼ်း ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ တႅမ်ႈ​သႂ်ႇ​ဝႆႉ​ၵႃႈ​ၼိူဝ်​မၼ်း​တႃႉ။ လႆႈ​သမ်ႉ​ဢဝ်​ၶွၼ်ႉ​လႅမ်ႈ​ၼိုင်ႈ​လႄႈ ဢဝ်​ၵႂၢမ်း​ဢၼ်​ဝႃႈ၊ ပုၼ်ႈ​မဵဝ်း​ ယူဝ်းသႅပ်ႈ ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢၼ်​ႁူမ်ႈ​ၵၼ်​ပွင်း​ၵၼ်​တင်း​မၼ်း ၼၼ်ႉ​ဢေႃႈ။ ပဵၼ်​ၶွၼ်ႉ​ ဢေႇၽရိမ်ႇ ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ တႅမ်ႈ​သႂ်ႇ​ဝႆႉ​ၵႃႈ​ၼိူဝ်​မၼ်း​တႃႉ။-</verse>
				<verse number="17">ဢဝ်​သွင်​လႅမ်ႈ​ၼၼ်ႉ ႁွမ်း​ၵၼ်​ဝႆႉ ႁႂ်ႈ​ပဵၼ်​လႅမ်ႈ​လဵဝ်​ၵူၺ်း​ပုၼ်ႈ​မႂ်း​တႃႉ။ တၵ်း​ပဵၼ်​လႅမ်ႈ​လဵဝ်​ၵူၺ်း​ၵႂႃႇ ၵႃႈ​ၼႂ်း​မိုဝ်း​မႂ်း​ဢေႃႈ။-</verse>
				<verse number="18">ပေႃး​ၵူၼ်း​မဵဝ်း​လဵဝ်​ၵၼ်​တင်း​မႂ်း ၸိူဝ်း​ၼၼ်ႉ ထၢမ်​လႄႈ​ဝႃႈ၊ တၵ်း​ဢမ်ႇ​လၢတ်ႈ​လွင်ႈ​ဢၼ် ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ တီႈ​ႁဝ်း​ႁိုဝ်။ ဝႃႈ​ၼင်ႇ​ၼႆ​ၸိုင်၊-</verse>
				<verse number="19">မႂ်း​လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး။ ၵဝ်​တၵ်း ဢဝ်​ၶွၼ်ႉ​ ယူဝ်းသႅပ်ႈ ဢၼ်​ ဢေႇၽရိမ်ႇ ဢိၵ်ႇ​တင်း မဵဝ်း​ၸိူဝ်ႉ​ၶိူဝ်း​ ဢီႉသရေႇလႃႉ ဢၼ်​ႁူမ်ႈ​ၵၼ်​ပွင်း​ၵၼ်​တင်း​မၼ်း​ယိပ်း​ၵမ်​ၼၼ်ႉ ႁွမ်း​ၵၼ်​တင်း​ၶွၼ်ႉ​ ယူႉတႃႉ ​သေ​လႄႈ ႁႂ်ႈ​ပဵၼ် ၶွၼ်ႉ​လႅမ်ႈ​လဵဝ်​ၵူၺ်း​လႄႈ တၵ်း​ပဵၼ်​လႅမ်ႈ​လဵဝ်​ၵႂႃႇ ၵႃႈ​ၼႂ်း​မိုဝ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="20">ၶွၼ်ႉ​ဢၼ်​မႂ်း​တႅမ်ႈ​သႂ်ႇ​ဝႆႉ ၸိူဝ်း​ၼၼ်ႉ တၵ်း​လႆႈ​မီး​ယူႇ​ၵႃႈ​ၼႂ်း​မိုဝ်း​မႂ်း သိုဝ်ႈ​ၼႃႈ​တႂ်ႈ​တႃ​ၶဝ်​ဢေႃႈ။-</verse>
				<verse number="21">မႂ်း​သမ်ႉ​လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ႁွင်ႉ​ဢဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း တီႈ​ဢၼ် ၶဝ်​ႁွတ်ႈ​ထိုင်​ၼၼ်ႉ​လႄႈ ႁႂ်ႈ​ၶဝ်​လုၵ်ႉ​သေ​ၵႃႈ​တီႈ ၵူႈ​တီႈ​ၵူႈ​လႅၼ်​မႃး​ၸူႉ​ၵၼ်​တုမ်​ၵၼ် သေ​လႄႈ ဢဝ်​ၶဝ်​သူင်ႇ​ႁွတ်ႈ ၵႃႈ​ၼႂ်း​မိူင်း​ဢၼ်​ၶဝ်​ယူႇ ၵဝ်ႇ​ၵဝ်ႇ​ၼၼ်ႉ​ဢေႃႈ။-</verse>
				<verse number="22">ၵဝ်​တၵ်း ႁႂ်ႈ​ၶဝ်​ပဵၼ်​ၵူၼ်း​မဵဝ်း​လဵဝ်​ၵူၺ်း ၵႃႈ​ၼိူဝ်​လွႆ​ ဢီႉသရေႇလႃႉ ​တင်း​လၢႆ ၵႃႈ​ၼႂ်း​မိူင်း​ၼၼ်ႉ​လႄႈ ၶုၼ်​ႁေႃ​ၶမ်း​ပႃး​လဵဝ်​ၵူၺ်း တၵ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​ၶဝ်​ဢေႃႈ။ ၵမ်း​လိုၼ်း ၶဝ်​ဢမ်ႇ​လႆႈ​ပဵၼ် ၵူၼ်း​သွင်​ၸိူဝ်ႉ​သွင်​မဵဝ်း။ ၵမ်း​လိုၼ်း ၶဝ်​ဢမ်ႇ​လႆႈ​ပဵၼ် သွင်​သိုင်ႇ​သွင်​မိူင်း လႃး​လႃး။-</verse>
				<verse number="23">ၵမ်း​လိုၼ်း ၶဝ်​ဢမ်ႇ​လႆႈ ႁႂ်ႈ​တူဝ်​ၶဝ်​ၵူဝ်ႈ​ၵိူၵ်ႇ​လူၺ်ႈ ရုၵ်ႈ​ထူႉ​သၢင်း​ထူႉ​ၶဝ်၊ လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ၶဝ်၊ လွင်ႈ​တၢင်း​ဢၼ်​ပူၼ်ႉ ဢၼ်​လိူဝ်​ၶဝ်​ၼၼ်ႉ။ ၵဝ်​တၵ်း ၵႄႇ​သႄႇ​ၼုၵ်ႈ​ဢဝ် ၶဝ်​ဢွၵ်ႇ​သေ ၵႃႈ​ၼႂ်း​တီႈ​ယူႇ​တီႈ​သဝ်း ၵႃႈ​မီး​တီႈ​ဢၼ် ၶဝ်​ၽိတ်း​ပိူင်ႈ​ၸိူဝ်း​ၼၼ်ႉ​လႄႈ ႁႂ်ႈ​ၶဝ်​မူတ်း​သႂ်​ဢေႃႈ။ ၶဝ်​တၵ်း​ပဵၼ်​ၵူၼ်း​ၵဝ်​လႄႈ ၵဝ်​တၵ်း​ပဵၼ် ၽြႃး​ပဵၼ်​ၸဝ်ႈ ၶဝ်​ဢေႃႈ။-</verse>
				<verse number="24">ၶႃႈ​ၵဝ်​ တႃႇဝိတ်ႈ တၵ်း​ပဵၼ် ၶုၼ်​ႁေႃ​ၶမ်း​ၶဝ်​လႄႈ ၶဝ်​ၵႃႈ​မီး​ၼၼ်ႉ တၵ်း​မီး​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း ၵေႃႉ​လဵဝ်​ၵူၺ်း​ဢေႃႈ။ ၶဝ်​တၵ်း​ဢွၼ်​ၵၼ်​ၸွမ်း သဵၼ်ႈ​တၢင်း​ဢၼ်​ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​လႄႈ ပႂ်ႉ​ၵမ်​ပႂ်ႉ​ၵျၢင်ႉ ထုင်း​ၽိင်ႈ​တြႃး​ၵဝ် ၸိူဝ်း​ၼၼ်ႉ သေ​လႄႈ ႁဵတ်း​ၸွမ်း​ဢေႃႈ။-</verse>
				<verse number="25">ၶဝ်​တၵ်း​လႆႈ​ဢွၼ်​ၵၼ်​ယူႇ ၵႃႈ​ၼႂ်း​မိူင်း​ဢၼ်​ၵဝ်​ပၼ် တီႈ​ၶႃႈ​ၵဝ်​ ယႃႇၵုပ်ႈ ​လႄႈ ပူႇ​သူ​မွၼ်ႇ​သူ​ယၢမ်ႈ​ယူႇ​ၼၼ်ႉ​ဢေႃႈ။ ၶဝ်​ဢိၵ်ႇ​တင်း လုၵ်ႈ​လၢၼ်​ၶဝ် သိုပ်ႇ​သိုပ်ႇ​တၢမ်း​တၢမ်း ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ်​ယူႇ ၵႃႈ​ၼႂ်း​မိူင်း​ၼၼ်ႉ သေႇ​သေႇ​လႄႈ ၶႃႈ​ၵဝ်​ တႃႇဝိတ်ႈ ​ၵေႃႈ တၵ်း​လႆႈ​ဢုပ်ႉ​ပိူင်ႇ​ၸၢမ်ႇ​ၸႃး​ၶဝ်​ယူႇ သေႇ​သေႇ​ဢေႃႈ။-</verse>
				<verse number="26">လိူဝ်​သေ​ၼၼ်ႉ ၵဝ်​တၵ်း ႁဵတ်း​ပတီႉၺိၺ်ႇ​မိၵ်ႉသႃႇႁႃယႃႉ လူၺ်ႈ​ၵၼ်​တင်း​ၶဝ်​လႄႈ ပတီႉၺိၺ်ႇ​ၼၼ်ႉ တၵ်း​ပဵၼ် ပတီႉၺိၺ်ႇ ၼိၵ်ႈၸႃႉ ထႃႇဝရႃႉ​ၽြႃး​ဢေႃႈ။ ၵဝ်​တၵ်း​ၶျႃး​တီႈ​ယူႇ​တီႈ​သဝ်း​ၶဝ်​ပၼ်​လႄႈ ႁႂ်ႈ​ၶဝ်​ယႂ်ႇ​ၽႄႈ​ၼမ်​ၵိုၼ်း​မႃး​လႄႈ ဢဝ်​ထႃႇၼႃႉ တီႈ​မူတ်း​ၸၢင်ႇ​ၵဝ် ဝႆႉ​ၵႃႈ​ၼႂ်း​ၶိုင်ႈ​ၵၢင်​ၶဝ်​ယူႇ တႃႇ​သေႇ​ဢေႃႈ။-</verse>
				<verse number="27">ပိၵ်ႈ​မၢၼ်ႇ​ၵဝ်​ၵေႃႈ တၵ်း​မီး​ယူႇ​တီႈ​ၶဝ်​လႄႈ ၵဝ်​တၵ်း​ပဵၼ် ၽြႃး​ပဵၼ်​ၸဝ်ႈ​ၶဝ်​လႄႈ ၶဝ်​ၵေႃႈ​တၵ်း​ပဵၼ်​ၵူၼ်း​ၵဝ်​ဢေႃႈ။-</verse>
				<verse number="28">ၼင်ႇ​ၼၼ်​လႄႈ မိူဝ်ႈ​ဢၼ်​ထႃႇၼႃႉ​တီႈ​မူတ်း​ၸၢင်ႇ​ၵဝ် တႄႇ​ယူႇ​ၵႃႈ​ၼႂ်း ၶိုင်ႈ​ၵၢင်​ၶဝ်​ယူႇ​တႃႇ​သေႇ​ၼၼ်ႉ၊ ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​လႆႈ ႁူႉ​လွင်ႈ​ဢၼ်​ၵဝ် ထႃႇဝရႃႉ​ၽြႃး ႁႂ်ႈ​မဵဝ်း​ ဢီႉသရေႇလႃႉ မူတ်း​ၸၢင်ႇ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="38">
				<verse number="1">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ​ၸမ်ႉ၊-</verse>
				<verse number="2">လုၵ်ႈ​ၵူၼ်း​ဢိူၺ်း၊ မႂ်း​ဝၢႆႇ​ၼႃႈ​မႂ်း​တေႃႇ​ၶုၼ်​ ၵေႃးၵႃႉ မိူင်း​ မႃႇၵေႃးၵႃႉ ဢၼ်​ပဵၼ်​ၶုၼ်​မိူင်း​ ရေႃးသႃႉ ၊ မိူင်း​ မႄႇသႅၵ်ႉ ၊ မိူင်း​ တူႉပလႃႉ ​ၼၼ်ႉ လႄႈ ႁဵတ်း​ပရေႃးၽႅတ်ႈ​ယူႇ​ၽၢႆႇ​ၼိုင်ႈ​တင်း​မၼ်း​သေ​လႄႈ၊-</verse>
				<verse number="3">ႁေႃး​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶုၼ်​ ၵေႃးၵႃႉ ဢၼ်​ပဵၼ်​ၶုၼ်​မိူင်း​ ရေႃးသႃႉ ၊ မိူင်း​ မႄႇသႅၵ်ႉ ၊ မိူင်း​ တူႉပလႃႉ ​ၸိူဝ်း​ၼၼ်ႉ ၼႆႉ​ဢိူၺ်း၊ ၵဝ်​ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။-</verse>
				<verse number="4">ၵဝ်​တၵ်း​ႁႂ်ႈ​မႂ်း​ဝၢႆႇ​ၶိုၼ်း​ဢေႃႈ။ ၵဝ်​တၵ်း​ဢဝ်​ၶေႃ​လဵၵ်း ၵွင်ႉ​လုပ်ႇ​ၵၢင်း​မႂ်း သေ​လႄႈ ဢဝ်​မႂ်း​ဢိၵ်ႇ​တင်း​မုၵ်ႉ​ၵူၼ်း​ၸိူဝ်း​ၵူၼ်း​မႂ်း၊ မႃႉ​မႂ်း၊​ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​မႂ်း ဢၼ်​သုင်း​သွင်ႇ လၢၵ်ႈ​ၼၢၵ်ႈ​ၸုမ်ႇ​ၵူႈ​ၸိူဝ်ႉ​ၵူႈ​မဵဝ်း၊ ဢၼ်​ပဵၼ်​ပူဝ်ႇ​ပႃႇ ဢၼ်​ယႂ်ႇ​ၼမ်​ၼႃႇ​လႄႈ ပႃး​ၶိူင်ႈ​ႁႄႉ လၢၵ်ႈ​ၼၢၵ်ႈ​လူင်၊ ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢွၼ်ႇ သေ​လႄႈ ယိပ်း​ၵမ်​လၢပ်ႇ​ၵမ်​လႅဝ်း ၸိူဝ်း​ၼၼ်ႉ​မႃး​ဢေႃႈ။-</verse>
				<verse number="5">ၵူၼ်း​မိူင်း​ ပေႇရသီႉ ၊ ၵူၼ်း​မိူင်း​ ၵူႉသႃႉ ၊ ၵူၼ်း​မိူင်း​ ၽူႉတႃႉ ဢၼ်​ယိပ်း​ၵမ်​ၶိူင်ႈ​ႁႄႉ​လၢၵ်ႈ​ၼၢၵ်ႈ​လႄႈ တိုဝ်း​မွၵ်ႇ​ႁူဝ်​လဵၵ်း ႁင်း​ၽႂ်​ႁင်း​မၼ်း​ၵႃႈ​မီး၊-</verse>
				<verse number="6">ၵေႃးမႃႇ ဢိၵ်ႇ​တင်း တပ်ႉ​မၼ်း​ၵႃႈ​မီး၊ မဵဝ်း​ တေႃႇၵမႃႉ ဢၼ်​ပဵၼ်​ၵူၼ်း​မိူင်း​တၢင်း​ႁွင်ႇ ဢိၵ်ႇ​တင်း တပ်ႉ​မၼ်း​ၵႃႈ​မီး၊ မူႇ​ၽုင်​မုၵ်ႉ​ၸိူဝ်း​ၵူၼ်း​ၼမ်​ၼႃႇ​ၼၼ်ႉ တၵ်း​ဢွၼ်​ၵၼ် ၸွမ်း​လူၺ်ႈ​ၵၼ်​တင်း​မႂ်း​မႃး​ဢေႃႈ။-</verse>
				<verse number="7">မႂ်း​ပွင်​မႄး​ပွင်​ႁႅၼ်း​ဝႆႉ​တႃႉ။ မႂ်း​ဢိၵ်ႇ​တင်း မုၵ်ႉ​ၵူၼ်း​ၸိူဝ်း​ၵူၼ်း​ၵႃႈ​ဢၼ် ၸူႉ​ၵၼ်​တုမ်​ၵၼ်​တီႈ​မႂ်း​ၸိူဝ်း​ၼၼ်ႉ ဢွၼ်​ၵၼ် ပွင်​မႄး​ပွင်​ႁႅၼ်း​တူဝ်​သူ​ဝႆႉ​လႄႈ ပႂ်ႉ​ၶဝ်​ယူႇ​တႃႉ။-</verse>
				<verse number="8">ပူၼ်ႉ​ၶိင်ႇ​ၵႃႇလႃႉ​မိုဝ်ႉ​ဝၼ်း​ၵႂႃႇ​ႁိုင်​ၼႃႇ​သေ​ယဝ်ႉ၊ မႂ်း​တၵ်း​လႆႈ မီး​ဢၶႂၢင်ႉ​ဢၼ်​လႆႈ​ဢုပ်ႉ​ပိူင်ႇ​ဢေႃႈ။ ၼႂ်း​ၶူပ်ႇ​ပီႊ​မိူဝ်ႈ​ၵမ်း​လိုၼ်း​ပုၼ်ႉ၊ မႂ်း​တၵ်း​လႆႈ​ၶီႇ​သိုၵ်း​ၸူး​ၵႃႈ​တီႈ​မိူင်း​ဢၼ် လွတ်ႈ​တင်း​ၽေး​လၢပ်ႇ​ၽေး​လႅဝ်း၊ ၵူၼ်း​ဢၼ်​လႆႈ​ၶၢမ်ႇ​တၢင်း​ဢၼ် ၼုၵ်ႈ​ဢဝ်​ဢွၵ်ႇ​သေ ၵႃႈ​ၼႂ်း​မဵဝ်း​ၵူၼ်း​ဢၼ်​ၼမ်​ၼႃႇ​ၼၼ်ႉ သေ​လႄႈ မႃး​ၵႃႈ​ၼိူဝ်​လွႆ​ ဢီႉသရေႇလႃႉ ဢၼ်​လႆႈ​ပဵၼ် ဢၼ်​သဵတ်ႇ​ဢၼ်​ယဵၼ်​ယူႇ သေႇ​သေႇ ၼၼ်ႉ​ဢေႃႈ။ ၵူၺ်း​ၵႃႈ ၶဝ်​ပဵၼ်​ဢၼ်​လႆႈ​ၶၢမ်ႇ​တၢင်း​ဢၼ်​ၼုၵ်ႈ​ဢွၵ်ႇ​သေ ၵႃႈ​ၼႂ်း​မဵဝ်း​ၵူၼ်း​ၼမ်​ၼႃႇ ၼၼ်ႉ​လႄႈ ၶဝ်​ၵႃႈ​မီး​ၼၼ်ႉ​တၵ်း​လႆႈ​ယူႇ​လူင်ႉ​လီ လွတ်ႈ​လီ​ဢေႃႈ။-</verse>
				<verse number="9">မႂ်း​တၵ်း​ယုၵ်ႉ​ၶိုၼ်ႈ သေ​လႄႈ မႃး​ၸိူဝ်ႉ​ၼင်ႇ​ၽူၼ်​လူင်​လူမ်း​လူင်​လႄႈ မႂ်း​ဢိၵ်ႇ​တင်း​တပ်ႉ​မႂ်း​ၵႃႈ​မီး တင်း​မဵဝ်း​ၵူၼ်း​ၼမ်​ၼႃႇ ဢၼ်​ပႃး​တီႈ​မႂ်း​ၸိူဝ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ ၽႃႉ​မိုတ်း​ၽူၼ်​ဢုမ်း​ၵႃႈ​ၼႂ်း​မိူင်း ၼၼ်ႉ​ဢေႃႈ။-</verse>
				<verse number="10">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိုဝ်ႉ​ဝၼ်း​ၼၼ်ႉ မႂ်း​တၵ်း ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵူႈ​ၸိူဝ်ႉ​ၵူႈ​ပိူင်​လႄႈ ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​ယူႇ သေ​လႄႈ လၢတ်ႈ​လႄႈ​ဝႃႈ၊-</verse>
				<verse number="11">ၵဝ်​တၵ်း​ၶီႇ​ၶိုၼ်ႈ​ၸူး ၵႃႈ​တီႈ​မိူင်း ဢၼ်​ဝၢၼ်ႈ​ၼွၵ်ႈ​ၼႃး​ပၢင်ႇ​ၼမ်​ၼႃႇ ၼၼ်ႉ​ဢေႃႈ။ ၵဝ်​တၵ်း​ၶိုၼ်ႈ​ၸူး​ၵႃႈ​တီႈ​မိူင်း​ၶဝ်​ၸိူဝ်း​ဢၼ် ယင်း​ဢမ်ႇ​မီး​လမ်း​ဝဵင်း၊ ဢမ်ႇ​မီး​ၵိူၼ်ႇ​ၽၵ်း​တူ တင်း​ၽၵ်း​တူ​သေ​လႄႈ ပဵၼ်​ဢၼ်​တဵတ်ႇ​လီ​ၼိမ်​လီ​လႄႈ ယူႇ​လူင်ႉ​လီ​လွတ်ႈ​လီ​ၼၼ်ႉ၊-</verse>
				<verse number="12">ႁႂ်ႈ​လႆႈ​သိမ်း​ဢဝ်​ဢုၵ်ႉ​ၸႃႇ​ၶဝ်​လႄႈ ႁိမ်​ႁူင်ႇ​ဢဝ်​ၶူဝ်း​လဵင်း​ၶဝ် ဢိၵ်ႇ​တင်း ႁႂ်ႈ​လႆႈ​တိုၵ်း​တေႃး ၵႃႈ​တီႈ​ဢၼ်​မိူဝ်ႈ​ဢွၼ်​ၼႆႉ​ၼၼ်ႉ ပဵၼ်​ဢၼ်​သဵတ်ႇ​ဢၼ်​ယဵၼ်​လႄႈ မိူဝ်ႈ​လဵဝ်​ၼႆႉ​မီး​ၽူႈ​မီး​ၵူၼ်း​ၼၼ်ႉ ဢိၵ်ႇ​တင်း ၵႃႈ​တီႈ​ၶဝ်​ၸိူဝ်း​ဢၼ်​ဢွၵ်ႇ​သေ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း မႃး​ၸူႉ​ၵၼ်​တုမ်​ၵၼ်​လႄႈ မၢၵ်ႈ​မီး တရိၵ်ႈသၢၼ်ႇ ဢိၵ်ႇ​တင်း ဢုၵ်ႉ​ၸႃႇ​တင်း​လၢႆ​လႄႈ ယူႇ​ၵႃႈ​ၼႂ်း​မိူင်း​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="13">ၵူၼ်း​မိူင်း​ သေးၽႃႉ ၊ ၵူၼ်း​မိူင်း​ တေႇတၼ်ႇ ၊ ၸဝ်ႈ​ၵုၼ်ႇ​ၸဝ်ႈ​သိၼ်​ တႃႇသူႉ ၊ သၢင်ႇ​သီႈ​ၼုမ်ႇ​ၵႃႈ​မီး​ၼၼ်ႉ တၵ်း​ဢွၼ်​ၵၼ်​ထၢမ်​တီႈ​မႂ်း လႄႈ​ဝႃႈ၊ ၸဝ်ႈ​ႁဝ်း​ၼႆႉ​မႃး​ႁႂ်ႈ​လႆႈ ႁိမ်​ဢဝ်​ႁူင်ႇ​ဢဝ် ဢုၵ်ႉ​ၸႃႇ​ပိူၼ်ႈ​ၶႃႈ​ႁိုဝ်။ ၸဝ်ႈ​ႁဝ်း ႁႂ်ႈ​ၶဝ်​ၸိူဝ်း​ဢၼ်​ႁူမ်ႈ​ဢၼ်​ပွင်း​ၸဝ်ႈ​ႁဝ်း​ၼၼ်ႉ ၸူႉ​ၵၼ်​တုမ်​ၵၼ် ႁႂ်ႈ​လႆႈ​သိမ်း​ဢဝ်​ဢုၵ်ႉ​ၸႃႇ​ပိူၼ်ႈ​လႄႈ ဢဝ်​ငိုၼ်း​ၶမ်း ဢိၵ်ႇ​တင်း တရိၵ်ႈသၢၼ်ႇ တင်း​ဢုၵ်ႉ​ၸႃႇ တင်း​လၢႆ​လႄႈ ႁိမ်​ဢဝ်​ၼမ်​ၼႃႇ​လူင်​လၢင်​ၵႂႃႇ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="14">ပိူဝ်ႈ​ၼႆ​လႄႈ လုၵ်ႈ​ၵူၼ်း​ဢိူၺ်း၊ မႂ်း​ႁဵတ်း​ပရေႃးၽႅတ်ႈ သေ​လႄႈ ႁေႃး​လၢတ်ႈ​တီႈ​ ၵေႃးၵႃႉ ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိူဝ်ႈ​ဢၼ်​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ယူႇ​တဵတ်ႇ​လီ​ၼိမ်​လီ​ၼၼ်ႉ မႂ်း​တၵ်း​ဢမ်ႇ​ႁူႉ​ႁိုဝ်။-</verse>
				<verse number="15">မႂ်း​ဢိၵ်ႇ​တင်း မဵဝ်း​ၵူၼ်း​ၼမ်​ၼႃႇ​လူၺ်ႈ​ၵၼ်​တင်း​မႂ်း၊ ၵႃႈ​ပဵၼ်​ႁူဝ်​ႁၢၼ်​ၵူၼ်း​သိုၵ်း​မႃႉ၊ မုၵ်ႉ​ၵူၼ်း​ၸိူဝ်း​ၵူၼ်း​ဢၼ်​ယႂ်ႇ​ၼမ်​ၼႃႇ လူင်​လၢင်၊ ပူဝ်ႇ​ပႃႇ​ဢၼ်​ႁႅင်း​ယႂ်ႇ​ၼႃႇ​လူင်​လၢင် ၸိူဝ်း​ၼၼ်ႉ တၵ်း​ၶီႇ​ဢွၵ်ႇ​သေ​ၵႃႈ​တီႈ ၼႃႈ​တၢင်း​ႁွင်ႇ​မႃး​ဢေႃႈ။-</verse>
				<verse number="16">မႂ်း​တၵ်း​ၶိုၼ်ႈ​လႄႈ မႃး​တိုၵ်း​တေႃး​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ မိူၼ်​ၸိူဝ်ႉ​ၼင်ႇ ၽႃႉ​မိုတ်း​ၽူၼ်​ဢုမ်း​မိူင်း​ၼၼ်ႉ​ဢေႃႈ။ ၵႃႈ​ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ၵမ်း​လိုၼ်း​ပုၼ်ႉ၊ ၵဝ်​တၵ်း​ဢဝ်​မႂ်း​မႃး​ယူႇ ၽၢႆႇ​ၼိုင်ႈ​တင်း​မိူင်း​ၵဝ် ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း လႆႈ​ႁူႉ​မႂ်း၊ ၵေႃးၵႃႉ ​ဢိူၺ်း၊ ၼႂ်း​မိူဝ်ႈ​ဢၼ်​ၵဝ်​ႁွတ်ႈ​ထိုင် တၢင်း​ဢၼ်​ယွင်ႈ​ယေႃး သိုဝ်ႈ​ၼႃႈ​တႂ်ႈ​တႃ​ၶဝ် ၵွပ်ႈ​ပိူဝ်ႈ​မႂ်း​ၼၼ်ႉ​ဢေႃႈ။-</verse>
				<verse number="17">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႂ်း​ပဵၼ်​ၵေႃႉ​ဢၼ်​ၵဝ်​ဢဝ်​ၶႃႈ​ၵဝ် ပရေႃးၽႅတ်ႈ မဵဝ်း​ ဢီႉသရေႇလႃႉ ဢၼ်​ႁဵတ်း​ပရေႃးၽႅတ်ႈ သေ​လႄႈ ႁေႃး​လၢတ်ႈ​လွင်ႈ​ဢၼ်​ၵဝ် တၵ်း​ဢဝ်​မႂ်း​ၶီႇ​သိုၵ်း​မႃး​ယူႇ​ၽၢႆႇ​ၼိုင်ႈ တင်း​ၶဝ်​ၼၼ်ႉ​လႄႈ ႁေႃး​လၢတ်ႈ​ဝႆႉ ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ဢွၼ်​ၼႆႉ ႁိုင်​ၼႃႇ​ၸိူဝ်း​ၼၼ်ႉ သေ​လႄႈ ပျႃႇ​တိၵ်ႈ​ဝႆႉ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ဢမ်ႇ​ၸႂ်ႈ​ႁိုဝ်။</verse>
				<verse number="18">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ဢၼ်​ ၵေႃးၵႃႉ မႃး​တိုၵ်း​တေႃး မိူင်း​ ဢီႉသရေႇလႃႉ ​ၼၼ်ႉ၊ ဢၢႆ​ႁႅင်း တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၵဝ် တၵ်း​ႁုပ်ႇ​ၶိုၼ်ႈ​ၸူး ၵႃႈ​ၼႂ်း​ၶူႈ​လင်​ၵဝ်​ဢေႃႈ။-</verse>
				<verse number="19">ၵဝ် ပႃး​တၢင်း​ဢၼ်​ၵဝ် ဢမ်ႇ​ယုမ်ႇ​မႂ်း​ၼၼ်ႉ ဢိၵ်ႇ​တင်း ၽႆး​တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၵဝ် သေ​လႄႈ လၢတ်ႈ​လႄႈ​ဝႃႈ၊ ၼႂ်း​မိုဝ်ႉ​ဝၼ်း​ၼၼ်ႉ တၵ်း​ပဵၼ် တၢင်း​ဢၼ်​သၼ်ႇ​ၶွၼ်း​ဝႆ ဢၼ်​ယႂ်ႇ​ၼႃႇ​လူင်​လၢင် ၵႃႈ​ၼႂ်း​မိူင်း​ ဢီႉသရေႇလႃႉ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ပႃ​ပၢင်ႇ​လၢႆႇ၊ ၼူၵ်ႉ​ၼိူဝ်​ၽႃႉ​ၵၢင်​ႁၢဝ်၊ တူဝ်​ထိူၼ်ႇ၊ တရိၵ်ႈသၢၼ်ႇ ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း ၵႃႈ​ၼိူဝ်​လိၼ်၊ ၵူၼ်း​ၵႃႈ​ဢၼ်​မီး ၵႃႈ​ၼိူဝ်​ၼႃႈ​လိၼ်​ၼၼ်ႉ တၵ်း​ဢွၼ်​ၵၼ်​သၼ်ႇ​ဝႆ ၵႃႈ​တီႈ​ၽၢႆႇ​ၼႃႈ​ၵဝ်​လႄႈ လွႆ​တၵ်း​ဢွၼ်​ၵၼ်​မီး​တၢင်း​ဢၼ် ၵိူၼ်ႇ​ပင်း​ယူႇ၊ ၵႃႈ​တီႈ​ဢၼ်​သုင်​ဢၼ်​ၸၼ်း ၸိူဝ်း​ၼၼ်ႉ တၵ်း​လူမ်ႉ​တူၵ်း​ယူႇ၊ လမ်း​ဢုတ်ႇ တင်း​သဵင်ႈ​တင်း​လူင် တၵ်း​လူမ်ႉ​ပင်း​ယူႇ​ဢေႃႈ။-</verse>
				<verse number="21">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း သင်ႇ​လၢတ်ႈ​ၵႂႃႇ​တီႈ​လၢပ်ႇ​တီႈ​လႅဝ်း ၵႃႈ​ၼိူဝ်​လွႆ​ၵဝ် တင်း​သဵင်ႈ​တင်း​လူင် မႃး​ယူႇ​ၽၢႆႇ​ၼိုင်ႈ​တင်း​မၼ်း​လႄႈ ၵူၼ်း​တင်း​သဵင်ႈ​တင်း​လူင် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ဢဝ်​လၢပ်ႇ​ဢဝ်​လႅဝ်း ၶႃႈ​ၵၼ်​ၽၼ်း​ၵၼ်​ဢေႃႈ။-</verse>
				<verse number="22">ၵဝ်​တၵ်း ဢဝ်​ၽေး​ၵႃႇလႃႉ​ႁႃႈ​လႅင်​မိူင်း၊ ၽေး​တၢင်း​ဢၼ်​ထွၵ်ႇ​လိူတ်ႈ​ပႅတ်ႈ​ၼၼ်ႉ ပၼ်​တၢမ်ႇ​ဢေႃႈ။ ၵဝ်​တၵ်း​ႁႂ်ႈ​ၼမ်ႉ​ၽူၼ် ဢၼ်​ထူမ်ႈ​ႁူမ်ႇ၊ မၢၵ်ႇ​ႁဵပ်း​ဢၼ်​ယႂ်ႇ၊ ၽူၼ်​ၽႆး​ဢၼ်​လေႃး​ၵၼ်​တင်း​ၵၢၼ်ႉ​ၼၼ်ႉ တူၵ်း​သႂ်ႇ​ၵႃႈ​ၼိူဝ်​မၼ်း ဢိၵ်ႇ​တင်း တပ်ႉ​မၼ်း တင်း​မဵဝ်း​ၵူၼ်း​ၼမ်​ၼႃႇ ဢၼ်​ပႃး​တီႈ​မၼ်း ၸိူဝ်း​ၼၼ်ႉ​ဢေႃႈ။-</verse>
				<verse number="23">ၼင်ႇ​ၼၼ်​လႄႈ ၵဝ်​တၵ်း ယွင်ႈ​ယေႃး​တူဝ်​ၸဝ်ႈ​ၵဝ်ႇ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​ႁွတ်ႈ​ထိုင် တၢင်း​ဢၼ်​မူတ်း​ၸၢင်ႇ သေ​လႄႈ ၼႄ​ပျႃး​မုၼ်​ၽုင်း တူဝ်​ၸဝ်ႈ​ၵဝ်ႇ ႁႂ်ႈ​ထၢင်ႇ​သႃး​သိုဝ်ႈ​ၼႃႈ​တႂ်ႈ​တႃ မဵဝ်း​ၵူၼ်း​ၼမ်​ၼႃႇ​လႄႈ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="39">
				<verse number="1">ပိူဝ်ႈ​ၼႆ​လႄႈ လုၵ်ႈ​ၵူၼ်း​ဢိူၺ်း၊ မႂ်း​ႁဵတ်း​ပရေႃးၽႅတ်ႈ​သေ​လႄႈ ႁေႃး​လၢတ်ႈ​တီႈ​ ၵေႃးၵႃႉ ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶုၼ်​ ၵေႃးၵႃႉ ဢၼ်​ပဵၼ်​ၶုၼ်​မိူင်း​ ရေႃးသႃႉ၊ မႄႇသႅၵ်ႉ၊ တူႉပလႃႉ ​ၼႆႉ​ဢိူၺ်း၊ ၵဝ်​ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။-</verse>
				<verse number="2">ၵဝ်​တၵ်း ႁႂ်ႈ​မႂ်း​ဝၢႆႇ​ၶိုၼ်း​ငႅၵ်း​ၶိုၼ်း​လႄႈ ဢဝ်​မႂ်း​သႂၢင်း​သေ​လႄႈ ႁႂ်ႈ​မႂ်း​ၶီႇ​ဢွၵ်ႇ​သေ ၵႃႈ​တီႈ​ၼႃႈ​တၢင်း​ႁွင်ႇ ၼၼ်ႉ​လႄႈ ဢဝ်​မႂ်း​သူင်ႇ​ႁွတ်ႈ​ၵႃႈ​ၼိူဝ်​လွႆ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ၵဝ်​တၵ်း​ပေႃႉ​ၽတ်ႉ​ၵၢင်ႇ ဢွၵ်ႇ​သေ ၵႃႈ​တီႈ​မိုဝ်း​ၶွၼ်​သၢႆႉ​မႂ်း​လႄႈ ႁႂ်ႈ​ပိုၼ်​တူၵ်း​သေ ၵႃႈ​ၼႂ်း​မိုဝ်း​ၶွၼ်​ၶႂႃ​မႂ်း​ဢေႃႈ။-</verse>
				<verse number="4">မႂ်း​ဢိၵ်ႇ​တင်း တပ်ႉ​မႂ်း​ၵႃႈ​မီး တင်း​မဵဝ်း​ၵူၼ်း​ၼမ်​ၼႃႇ ဢၼ်​ပႃး​တီႈ​မႂ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​လူမ်ႉ​တၢႆ​ၵႃႈ​ၼိူဝ်​လွႆ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။ ၵဝ်​တၵ်း ဢဝ်​မႂ်း​ဢၢပ်ႈ​ပၼ် ပုၼ်ႈ​ဢၼ်​ၼူၵ်ႉ​ႁၢႆႉ ၵူႈ​ၸိူဝ်ႉ​ၵူႈ​မဵဝ်း ဢိၵ်ႇ​တင်း တူဝ်​ထိူၼ်ႇ​ႁၢႆႉ​တင်း​လၢႆ တၵ်း​ၶူပ်း တၵ်း​ၵိၼ်​ဢေႃႈ။-</verse>
				<verse number="5">မႂ်း​တၵ်း​လူမ်ႉ​တၢႆ ၵႃႈ​ၼႂ်း​တီႈ​ပၢင်ႇ​တီႈ​ပဵင်း​ဢေႃႈ။ ၵဝ်​လၢတ်ႈ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="6">ၵဝ်​တၵ်း​ပွႆႇ​ၽႆး​ၵႂႃႇ ၵႃႈ​ၼိူဝ်​မိူင်း​ မႃႇၵေႃးၵႃႉ ဢိၵ်ႇ​တင်း ၶဝ်​ၸိူဝ်း​ဢၼ်​ယူႇ​လူင်ႉ​လီ​လွတ်ႈ​လီ ၵႃႈ​တီႈ​ၵုၼ်​ၼႂ်း​ၼမ်ႉ ၸိူဝ်း​ၼၼ်ႉ​လႄႈ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး​ဢေႃႈ။-</verse>
				<verse number="7">ၼင်ႇ​ၼၼ်​လႄႈ ၵဝ်​တၵ်း​ႁႂ်ႈ​ၼႃႇ​မႃႉ ၸိုဝ်ႈ​သဵင်​မျၢတ်ႈ​ၵဝ် ၸွတ်ႇ​သႃႈ​ႁူင်​ႁၢင်း ၵႃႈ​ၼႂ်း​ၵူၼ်း​ၵဝ် မဵဝ်း​ ဢီႉသရေႇလႃႉ ​ဢေႃႈ။ ၵမ်း​လိုၼ်း​ၵဝ်​ဢမ်ႇ​ပၼ်​ဢၶႂၢင်ႉ ႁႂ်ႈ​ၼႃႇ​မႃႉ​ၸိုဝ်ႈ​သဵင်​မျၢတ်ႈ​ၵဝ် လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​လႃး​လႃး။ ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ် ထႃႇဝရႃႉ​ၽြႃး ၽြႃး​ဢၼ်​မူတ်း​ၸၢင်ႇ ဢီႉသရေႇလႃႉ ​ဢေႃႈ။-</verse>
				<verse number="8">လႆႈ​သမ်ႉ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢမူႉ​ၼၼ်ႉ​ၸမ်​မႃး​ယဝ်ႉ။ တၵ်း​ပျေႉ​ၸုမ်ႇ​ယဝ်ႉ။ မိုဝ်ႉ​ဝၼ်း​ၼႆႉ​ပဵၼ် မိုဝ်ႉ​ဝၼ်း​ဢၼ် ၵဝ်​မီး​ဢမိင်ႉ​ဝႃႈ​ဢွၵ်ႇ​သူပ်း​ဝႆႉ​ထႃႈ ၼၼ်ႉ​ယဝ်ႉ။-</verse>
				<verse number="9">ၶဝ်​ၸိူဝ်း​ဢၼ် ယူႇ​ၵႃႈ​ၼႂ်း ဝဵင်း​ ဢီႉသရေႇလႃႉ ​တင်း​လၢႆ​ၼၼ်ႉ တၵ်း​ဢွၼ်​ၵၼ်​ဢွၵ်ႇ​လႄႈ ဢဝ်​လၢၵ်ႈ​ၼၢၵ်ႈ​တိုၵ်း​သိုၵ်း​ဢၼ်​ဝႃႈ ၶိူင်ႈ​ႁႄႉ​လၢၵ်ႈ​ၼၢၵ်ႈ​လူင်၊ ၶိူင်ႈ​ႁႄႉ​လၢၵ်ႈ​ၼၢၵ်ႈ​ဢွၼ်ႇ၊ ၵၢင်ႇ၊ ပိုၼ်၊ ၶွၼ်ႉ၊ ႁွၵ်ႇ တင်း​လၢႆ သႂ်ႇ​ၽႆး​လႄႈ ၽႆး​မႆႈ​ပႅတ်ႈ​ယူႇ​သေ​လႄႈ တၵ်း​လႆႈ​ဢဝ်​တုတ်ႇ​ၽႆး​ပႅတ်ႈ​ယူႇ ၸဵတ်း​ပီႊ​တဵမ်​တဵမ်​ဢေႃႈ။-</verse>
				<verse number="10">ၼႂ်း​ၶိင်ႇ​မိူဝ်ႈ​ၼၼ်ႉ ၶဝ်​ဢမ်ႇ​လႆႈ​ဢဝ် ၽိုၼ်း​ၵဵပ်း​ၽိုၼ်း​ၵႃႈ​ၼႂ်း​သူၼ်​ၼႂ်း​ႁိူၵ်ႈ။ ဢမ်ႇ​လႆႈ​ပမ်ႈ​ဢဝ်​ၽၼ်း​ဢဝ်​ၽိုၼ်း ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း။ ၶဝ်​တၵ်း​လႆႈ​ဢွၼ်​ၵၼ် ဢဝ်​ၶိူင်ႈ​လၢၵ်ႈ​ၼၢၵ်ႈ​တိုၵ်း​သိုၵ်း ၸိူဝ်း​ၼၼ်ႉ သႂ်ႇ​ၽႆး​သုမ်​ၽႆး​ဢေႃႈ။ ၶဝ်​တၵ်း​ဢွၼ်​ၵၼ်​ယႃႉ​ပႅတ်ႈ ၶဝ်​ၸိူဝ်း​ဢၼ်​ယႃႉ​ပႅတ်ႈ​ၶဝ် ၼၼ်ႉ​လႄႈ ႁိမ်​ဢဝ်​ဢုၵ်ႉ​ၸႃႇ​ၶူဝ်း​လဵင်း ၶဝ်​ၸိူဝ်း​ဢၼ် ႁိမ်​ဢဝ်​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="11">ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း ပၼ်​ပႃႇ​ႁဵဝ်ႈ​ၵႃႈ​ၼႂ်း​မိူင်း ဢီႉသရေႇလႃႉ ဢၼ်​ဝႃႈ ၶူင်ႈ​ႁူၺ်ႈ​ၶဝ်​ၸိူဝ်း​ဢၼ် ၵႂႃႇ​တင်း​ပႆ​တၢင်း​ဢၼ်​မီး​ၽၢႆႇ​ဝၼ်း​ဢွၵ်ႇ​ပၢင်ႇ​လၢႆႇ​ၼၼ်ႉ တီႈ​ ၵေႃးၵႃႉ ​ဢေႃႈ။ ပႃႇ​ႁဵဝ်ႈ​ၼၼ်ႉ တၵ်း​ႁၢမ်ႈ​တၢပ်ႈ​ႁႄႉ​ၶႅၼ် ၶဝ်​ၸိူဝ်း​ဢၼ်​ၵႂႃႇ​တၢင်း​ပႆ​တၢင်း​ၼၼ်ႉ​လႄႈ ၶဝ်​တၵ်း​ဢဝ်​ ၵေႃးၵႃႉ ဢိၵ်ႇ​တင်း ၵူၼ်း​မၼ်း​ၼမ်​ၼႃႇ​ၼၼ်ႉ ၽင်​ၵႃႈ​တီႈ​ၼၼ်ႈ​လႄႈ ႁွင်ႉ​ႁဵၵ်ႈ​တီႈ​ၼၼ်ႈ​ၸိုဝ်ႈ ၶူင်ႈ​ႁူၺ်ႈ​ ႁႃႇမုၼ်ႇၵေႃးၵႃႉ ​ဢေႃႈ။-</verse>
				<verse number="12">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​ဢွၼ်​ၵၼ်​ဢဝ်​ၶဝ်​ၽင် ၸဵတ်း​လိူၼ်​တဵမ်​တဵမ် ႁႂ်ႈ​မိူင်း​လႆႈ​မူတ်း​သႂ်​ဢေႃႈ။-</verse>
				<verse number="13">ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင် တၵ်း​ၽွမ်ႉ​ၵၼ်​ဢဝ်​ၶဝ်​ၽင်​လႄႈ ၶဝ်​တၵ်း​ဢွၼ်​ၵၼ်​ႁွတ်ႈ​ထိုင် တၢင်း​ဢၼ် ႁူင်​ႁၢင်း ၼႂ်း​မိုဝ်ႉ​ဝၼ်း​ဢၼ် မုၼ်​ၽုင်း​ၵဝ်​ၵီႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="14">ၶဝ်​တၵ်း​လႆႈ​ဢွၼ်​ၵၼ် ဢဝ်​ၶဝ်​ၸိူဝ်း​ဢၼ်​တၵ်း​လႆႈ​ႁဵတ်း​ယူႇ သေႇ​သေႇ​ၼၼ်ႉ ၶၢၼ်း​ဝႆႉ​ႁႂ်ႈ​ၶဝ်​လႄႇ​ၵႂႃႇ ၵႃႈ​ၼႂ်း​မိူင်း​ၵူႈ​တီႈ​ၵူႈ​လႅၼ် ႁႂ်ႈ​လႆႈ​ဢဝ်​တူဝ်​တၢႆ​ၶဝ်​ၸိူဝ်း​ဢၼ် ၵႂႃႇ​တၢင်း​ပႆ​တၢင်း​ဢၼ်​ယင်း​ၵိုတ်း​ယင်း​ၵျၢၼ်ႇ ၵႃႈ​ၼိူဝ်​ၼႃႈ​လိၼ်​ၼၼ်ႉ ၽင်​ဢေႃႈ။ ပူၼ်ႉ​သေ​ၸဵတ်း​လိူၼ် ၼၼ်ႉ သေ​ယဝ်ႉ၊ ၶဝ်​ၼၼ်ႉ လႆႈ​ဢွၼ်​ၵၼ်​လႄႇ​သွၵ်ႈ​လႄႇ​ႁႃ​ဢေႃႈ။-</verse>
				<verse number="15">ၶဝ်​ၸိူဝ်း​ဢၼ်​လႄႇ​ၵႂႃႇ ၵႃႈ​ၼႂ်း​မိူင်း​ၼၼ်ႉ တၵ်း​လႆႈ ၵႂႃႇ​တၢင်း​ပႆ​တၢင်း​လႄႈ မိူဝ်ႈ​ဢၼ်​ထူပ်း​ႁၼ်​လုပ်ႇ​ၵူၼ်း​ၼၼ်ႉ​ၸိုင်၊ ၶဝ်​တၵ်း​လႆႈ​ဢွၼ်​ၵၼ်​ပၵ်း​သဝ် တီႈ​မၢတ်ႈ​တီႈ​တွင်း​ဝႆႉ ၵႃႈ​တီႈ​ႁိမ်း​လုပ်ႇ​ၼၼ်ႉ တေႃႇ​ထိုင်​ႁွတ်ႈ​ၶဝ်​ၸိူဝ်း​ဢၼ် ဢဝ်​ၽင်​ၼၼ်ႉ ဢဝ်​ၽင် ၵႃႈ​ၼႂ်း​ၶူင်ႈ​ႁူၺ်ႈ​ ႁႃႇမုၼ်ႇ​ၵေႃးၵႃႉ ​ၼၼ်ႉ​ဢေႃႈ။-</verse>
				<verse number="16">ဝဵင်း​ဢၼ်​တႄႇ​ၵႃႈ​တီႈ​ၼၼ်ႈ​ၵေႃႈ တၵ်း​လႆႈ ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ ဝဵင်း​ ႁႃႇမုၼ်ႇ ​လႄႈ ၶဝ်​တၵ်း​လႆႈ​ဢွၼ်​ၵၼ်​ႁႂ်ႈ မိူင်း​ၸဝ်ႈ​မူတ်း​သႂ် ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ။-</verse>
				<verse number="17">လုၵ်ႈ​ၵူၼ်း​ဢိူၺ်း၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မႂ်း​လၢတ်ႈ​တီႈ​ၼူၵ်ႉ ၵူႈ​ၸိူဝ်ႉ​ၵူႈ​မဵဝ်း ဢိၵ်ႇ​တင်း တရိၵ်ႈသၢၼ်ႇ​ထိူၼ်ႇ ၵႃႈ​မီး​လႄႈ​ဝႃႈ၊ သူ​ၸူႉ​ၵၼ်​တုမ်​ၵၼ် သေ​လႄႈ​မႃး​တႃႉ။ သူ​ဢွၼ်​ၵၼ်​လုၵ်ႉ​သေ ၵူႈ​တီႈ​ၵူႈ​လႅၼ် ၸူႉ​ၵၼ်​တုမ်​ၵၼ်​မႃး​ၵႃႈ​တီႈ ပွႆး​ယိတ်ႈ ဢၼ်​ၵဝ်​ႁဵတ်း​ဝႆႉ​ပုၼ်ႈ​သူ ဢၼ်​ဝႃႈ ယိတ်ႈ​လူင်​ၵႃႈ​ၼိူဝ်​လွႆ ဢီႉသရေႇလႃႉ ​တင်း​လၢႆ ႁႂ်ႈ​လႆႈ​ၵိၼ်​ၼိူဝ်ႉ​လႄႈ သူတ်ႉ​လိူတ်ႈ​တႃႉ။-</verse>
				<verse number="18">သူ​တၵ်း​လႆႈ​ဢွၼ်​ၵၼ်​ၵိၼ်​ၼိူဝ်ႉ​ၶဝ်​ၸိူဝ်း​ဢၼ်​ႁႅင်း​ယႂ်ႇ တင်း​လၢႆ​လႄႈ သူတ်ႉ​လိူတ်ႈ​ၶုၼ်​လေႃးၵီႇ​တင်း​လၢႆ၊ ၼိူဝ်ႉ​လိူတ်ႈ သူဝ်း​ပေႃႈ၊ သူဝ်း​ဢွၼ်ႇ၊ ပႄႉ​ပေႃႈ၊ ဢုၵ်ႉသၽႃႉ ​ဝူဝ်း​ငၢၼ် ဢၼ်​လဵင်ႉ​ႁႂ်ႈ​ပီး​ႁႂ်ႈ​မၼ်း ၵႃႈ​တီႈ​မိူင်း​ ပႃႇသၢၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="19">သူ​တၵ်း​လႆႈ​ဢွၼ်​ၵၼ်​ၵိၼ် ၵွၼ်ႈ​ၶႆ​ၵွၼ်ႈ​မၼ်း ဢိမ်ႇ​တဵမ်​ၼႃႇ​လူင်​လၢင်​လႄႈ ဢွၼ်​ၵၼ်​သူတ်ႉ​လိူတ်ႈ တေႃႇ​ထိုင်​ႁွတ်ႈ​ထၼ်ႈ​ပေႃး​မဝ်း​လဝ်ႈ မဝ်း​ၵမ် ၵႃႈ​တီႈ​ပွႆး​ယိတ်ႈ ဢၼ်​ၵဝ်​ႁဵတ်း​ဝႆႉ​ပုၼ်ႈ​သူ​ဢေႃႈ။-</verse>
				<verse number="20">ၼင်ႇ​ၼၼ်​လႄႈ သူ​တၵ်း​လႆႈ​ဢွၼ်​ၵၼ်​ၵိၼ်​မႃႉ၊ ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ၊ ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼႃႇ၊ ၶဝ်​ၸိူဝ်း​ဢၼ်​ပဵၼ် ၵူၼ်း​သိုၵ်း​ၵူႈ​ၸိူဝ်ႉ​ၵူႈ​မဵဝ်း ၸိူဝ်း​ၼၼ်ႉ ဢိမ်ႇ​တဵမ်​ၼႃႇ​လူင်​လၢင် ၵႃႈ​တီႈ​ၶူင်ႇ​တီႈ​ၵိၼ်​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="21">ၵဝ်​တၵ်း​ႁႂ်ႈ​မုၼ်​ၽုင်း​ၵဝ်​ထၢင်ႇ​သႃး ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း တင်း​လၢႆ​လႄႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​လႆႈ​ႁၼ် လွင်ႈ​တၢင်း​ဢၼ်​ၵဝ်​ၸီႇ​ယၢင်ႇ​ႁဵတ်း တင်း​မိုဝ်း​ဢၼ်​ၵဝ်​တၢင်ႇ​သႂ်ႇ ၵႃႈ​ၼိူဝ်​ၶဝ် ၼၼ်ႉ​ဢေႃႈ။-</verse>
				<verse number="22">ၼင်ႇ​ၼၼ်​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၶဝ် ၼၼ်ႉ​ဢေႃႈ။-</verse>
				<verse number="23">ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ၸိူဝ်း​ၼၼ်ႉ တၵ်း​လႆႈ​ႁူႉ​လွင်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ၵွပ်ႈ​ပိူဝ်ႈ​ဢပႅတ်ႈ​ၶဝ် ၼၼ်ႉ​ဢေႃႈ။ ၵဝ်​ဝၢႆႇ​ၼႃႈ​ပႅတ်ႈ​ၶဝ် ၵွပ်ႈ​ပိူဝ်ႈ ဢၼ်​ၶဝ်​ၽိတ်း​ပိူင်ႈ​ၵဝ် ၼၼ်ႉ​လႄႈ ဢဝ်​ၶဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ရၢၼ်ႇ​သူႇ သေ​လႄႈ ၶဝ်​ၵႃႈ​မီး​လႆႈ​လူမ်ႉ​တၢႆ လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။-</verse>
				<verse number="24">ၵဝ်​ႁဵတ်း​ၸွမ်း​တၢင်း​ဢၼ် ၶဝ်​ၵူဝ်ႈ​ၵိူၵ်ႇ ဢိၵ်ႇ​တင်း တၢင်း​ဢၼ်​ၶဝ်​ပူၼ်ႉ​လိူဝ် ၸိူဝ်း​ၼၼ်ႉ​လႄႈ ဝၢႆႇ​ၼႃႈ​ၵဝ်​ပႅတ်ႈ​သေ​ၵႃႈ​တီႈ​ၶဝ်​ယဝ်ႉ။-</verse>
				<verse number="25">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ဢဝ်​မဵဝ်း​ ယႃႇၵုပ်ႈ ဢၼ်​လႆႈ ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ ၶိုၼ်း​မႃး​လႄႈ ဢဵတ်း​လူ​ၸွႆႈ​ထႅမ်​မႃႉ​ၸႃႉ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် သေ​လႄႈ မီး​ၸႂ်​ဢၼ်​ႁႅင်း​ယႂ်ႇ​ၼႃႇ​ပုၼ်ႈ ၼႃႇ​မႃႉ​ၸိုဝ်ႈ​သဵင်​မျၢတ်ႈ​ၵဝ်​ဢေႃႈ။-</verse>
				<verse number="26">ၶဝ်​တၵ်း လႆႈ​ၶၢမ်ႇ​တၢင်း​ဢၼ်​သရေႇ​ၶဝ်​လူႉ ဢိၵ်ႇ​တင်း ဢပႅတ်ႈ​ၵႃႈ​ဢၼ်​ၶဝ် ၽိတ်း​ပိူင်ႈ​ၵဝ်​ၼၼ်ႉ ၼႂ်း​မိူဝ်ႈ​ဢၼ်​ၶဝ်​ယူႇ​ၵႃႈ​ၼႂ်း​မိူင်း​ၶဝ် လူင်ႉ​လီ​လွတ်ႈ​လီ​ယူႇ​လႄႈ ဢမ်ႇ​မီး​ၵေႃႉ​ဢၼ်​ႁႂ်ႈ​ၶဝ်​လႆႈ​ၵူဝ်​လႆႈ​ႁႄ​ၼၼ်ႉ၊-</verse>
				<verse number="27">ဢိၵ်ႇ​တင်း ၼႂ်း​မိူဝ်ႈ​ဢၼ် ၵဝ်​ႁွင်ႉ​ဢဝ် ၶဝ်​ဢွၵ်ႇ​သေ ၵႃႈ​ၼႂ်း​မဵဝ်း​ၵူၼ်း တင်း​လၢႆ မႃး​လႄႈ ႁႂ်ႈ​ၶဝ်​ဢွၵ်ႇ​သေ ၵႃႈ​ၼႂ်း​မိူင်း​ဢၼ်​ရၢၼ်ႇ​သူႇ​ၶဝ်​ယူႇ ၸိူဝ်း​ၼၼ်ႉ သေ​လႄႈ ၵဝ်​ႁွတ်ႈ​ထိုင် တၢင်း​ဢၼ်​မူတ်း​ၸၢင်ႇ သိုဝ်ႈ​ၼႃႈ​တႂ်ႈ​တႃ မဵဝ်း​ၵူၼ်း​ၼမ်​ၼႃႇ​ၼၼ်ႉ​ဢေႃႈ။-</verse>
				<verse number="28">ၵွပ်ႈ​ပိူဝ်ႈ​ဢၼ်​ၵဝ် ႁႂ်ႈ​ၶဝ်​လႆႈ ၶၢမ်ႇ​တၢင်း​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း သိမ်း​ဢဝ်​ၵႂႃႇ​ၼၼ်ႉ ဢိၵ်ႇ​တင်း ၵွပ်ႈ​ပိူဝ်ႈ​ဢၼ်​ၵဝ် သမ်ႉ​ႁွင်ႉ ဢဝ်​ၶဝ်​မႃး​ၸူႉ​ၵၼ်​တုမ်​ၵၼ် ၵႃႈ​တီႈ​မိူင်း​တီႈ​ဢၼ်​ၶဝ်​ယူႇ​ၵဝ်ႇ​ၵဝ်ႇ သေ​လႄႈ ဢမ်ႇ​ႁႂ်ႈ​သေ​ၵေႃႉ​သေ​ၵူၼ်း လႆႈ​ၵိုတ်း​ၵျၢၼ်ႇ​ဝႆႉ​ၼၼ်ႉ လႄႈ ၶဝ်​တၵ်း​လႆႈ ႁူႉ​လွင်ႈ​ဢၼ်​ၵဝ်​ပဵၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ဢေႃႈ။-</verse>
				<verse number="29">ၵမ်း​လိုၼ်း ၵဝ်​တၵ်း​ဢမ်ႇ​ဝၢႆႇ​ၼႃႈ​ၵဝ်​ပႅတ်ႈ​ၶဝ်​လႃး​လႃး။ လွင်ႈ​မၼ်း​ၸမ်ႉ ၵဝ်​ဢဝ်​ဝီႉၺိၺ်ႇ​ၵဝ် သွၼ်း​လေႃႇ​ၵႃႈ​ၼိူဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ယဝ်ႉ။ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="40">
				<verse number="1">ၼႂ်း​ပီႊ​ဢၼ် ႁဝ်း​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​လႄႈ ထူၼ်ႈ​ထိုင် သၢဝ်း​ႁႃႈ​ပီႊ လိူၼ်​ပထမႃႉ သိပ်း​ဝၼ်း​ၼၼ်ႉ ၼႂ်း​မိုဝ်ႉ​ဝၼ်း ဢၼ်​ယႃႉ​ၽဵဝ်ႈ​ဝဵင်း​ၸဝ်ႈ​ပႅတ်ႈ​လႄႈ ၸေး​သိပ်း​သီႇ​ပီႊ​ၼၼ်ႉ၊ ၼႂ်း​ဝၼ်း​ၼၼ်ႉ​ၵမ်း​လဵဝ် မိုဝ်း​ထႃႇဝရႃႉ​ၽြႃး မီး​ၵႃႈ​ၼိူဝ်​ၵဝ်​လႄႈ မၼ်း​ၸဝ်ႈ​ဢဝ်​ၵဝ်​ၵႂႃႇ ၵႃႈ​တီႈ​ဝဵင်း​ၼၼ်ႉ​ဢေႃႈ။-</verse>
				<verse number="2">မၼ်း​ၸဝ်ႈ ဢဝ်​ၵဝ်​ၵႂႃႇ​ၵႃႈ​တီႈ​မိူင်း​ ဢီႉသရေႇလႃႉ ၼႂ်း​ပျႃႇ​တိၵ်ႈ​ရူႇပႃႇရူင်ႇ ၽြႃး​ပဵၼ်​ၸဝ်ႈ ၸိူဝ်း​ၼၼ်ႉ​လႄႈ ဢဝ်​ၵဝ်​တၢင်ႇ​ဝႆႉ​ၵႃႈ​ၼိူဝ်​လွႆ ဢၼ်​သုင်​ၼႃႇ ဢၼ်​ၵႃႈ​တီႈ ၽၢႆႇ​တၢင်း​ၸၢၼ်း​မၼ်း​ၼၼ်ႉ မီး​ပုင်ႇ​ႁၢင်ႈ​ဝဵင်း​ဢေႃႈ။-</verse>
				<verse number="3">မိူဝ်ႈ​ဢၼ် မၼ်း​ၸဝ်ႈ​ဢဝ်​ၵဝ်​ၵႂႃႇ ၵႃႈ​တီႈ​ၼၼ်ႈ ၼၼ်ႉ​ၸိုင်၊ မီး​ၵူၼ်း​ဢၼ်​ႁၢင်ႈ​ၽၢင်​မၼ်း ပဵၼ်​ၸိူဝ်ႉ​ၼင်ႇ​တွင်း​လိူင်​ဝႆႉ​လႄႈ ယိပ်း​ၵမ်​ဢဝ်​လႅမ်ႈ​မႆႉ​ဢေႃႈ ဢိၵ်ႇ​တင်း ၸိူၵ်ႈ​ၵုၺ် ပုၼ်ႈ​ဢၼ်​တၵ်း​တႅၵ်ႈ​ၼၼ်ႉ​ယူႇ သေ​လႄႈ ၸုၵ်း​ယူႇ​ၵႃႈ​တီႈ​ႁူး ၽၵ်း​တူ​ဝဵင်း​ၼၼ်ႉ​ၵေႃႉ​ၼိုင်ႈ​ဢေႃႈ။-</verse>
				<verse number="4">ၵေႃႉ​ၼၼ်ႉ လၢတ်ႈ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ ဢဝ်​မၢၵ်ႇ​တႃ​မႂ်း​လူ​တူၺ်း​လႄႈ ဢဝ်​ႁူ​မႂ်း​ထွမ်ႇ​ငိၼ်း​တႃႉ။ ဢဝ်​ၵႃႈ​ဢၼ်​ၵဝ်​တၵ်း​ၼႄ​ပျႃး တီႈ​မႂ်း​ၼၼ်ႉ​သႂၢင်း​သႂ်ႇ​ဝႆႉ ၵႃႈ​ၼႂ်း​ၸႂ်​မႂ်း​တႃႉ။ လွင်ႈ​ၼင်ႇ​ႁိုဝ်​ၵဝ်​တၵ်း​လႆႈ​ၼႄ​ပျႃး လွင်ႈ​တၢင်း​ၸိူဝ်း​ၼႆႉ​တီႈ​မႂ်း​ၸိုင် မႂ်း​လႆႈ​ၶၢမ်ႇ​တၢင်း​ဢၼ် ဢဝ်​မႃး​ၵႃႈ​တီႈ​ၼႆႈ​ယဝ်ႉ။ မႂ်း​တၵ်း​လႆႈ​ဢဝ်​ၵႃႈ​ဢၼ်​မႂ်း​ႁၼ်​ၼၼ်ႉ ၼႄ​ပျႃး​တီႈ မဵဝ်း​ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ၵႃႈ​တီႈ​ၼွၵ်ႈ လဵပ်ႈ​ႁွပ်ႈ​ႁိူၼ်း​ၸဝ်ႈ​ၼၼ်ႉ မီး​တမ်ႇ​တိူင်း​ဢေႃႈ။ ၵေႃႉ​ၼၼ်ႉ ယိပ်း​ၵမ်​ဢဝ်​လႅမ်ႈ​မႆႉ​ဢေႃႈ ဢၼ်​တၢင်း​ယၢဝ်း​မၼ်း​မီး​ႁူၵ်း​သွၵ်ႇ ဢၼ်​ယေႈ​သွၵ်ႇ​ယေႈ​သွၵ်ႇ​ၼၼ်ႉ မီး​သွၵ်ႇ​ပၢႆ​ၶိုပ်ႈ​ၼၼ်ႉ​ယူႇ သေ​လႄႈ ဢဝ်​တႅၵ်ႈ​တူၺ်း​တမ်ႇ​တိူင်း ၼၼ်ႉ​လႄႈ ဢၼ်​ၼႃ​မၼ်း မီး​လႅမ်ႈ​မႆႉ​ဢေႃႈ​ၼၼ်ႉ တႅၵ်ႈ​ၼိုင်ႈ၊ ဢၼ်​သုင်​မၼ်း​ၵေႃႈ မီး​လႅမ်ႈ​မႆႉ​ဢေႃႈ​ၼၼ်ႉ တႅၵ်ႈ​ၼိုင်ႈ ဢေႃႈ။-</verse>
				<verse number="6">လိုၼ်း​ၼၼ်ႉ မၼ်း​ၵႂႃႇ​ၸူး​ၵႃႈ​တီႈ​ၽၵ်း​တူ ၽၢႆႇ​ၼႃႈ​တၢင်း​ဢွၵ်ႇ​လႄႈ ၶိုၼ်ႈ​ၶၼ်ႈ​လႆ​မၼ်း သေ​ယဝ်ႉ၊ တႅၵ်ႈ​တူၺ်း​ၶိုဝ်ႇ​ၽၵ်း​တူ ဢိၵ်ႇ​တင်း ၶူင်ႇ​ၽၵ်း​တူ​လႄႈ ၼႃႈ​ၼွႆႉ​မၼ်း​မီး​လႅမ်ႈ​မႆႉ​ဢေႃႈ​ၼၼ်ႉ တႅၵ်ႈ​ၼိုင်ႈ ၼင်ႇ​ၵၼ်​ဢေႃႈ။-</verse>
				<verse number="7">လုၵ်း​ဢွၼ်ႇ တင်း​လၢႆ ယေႈ​လုၵ်း​ၼႃႈ​ယၢဝ်း​မၼ်း​မီး လႅမ်ႈ​မႆႉ​ဢေႃႈ​ၼၼ်ႉ​တႅၵ်ႈ​ၼိုင်ႈ​လႄႈ လုၵ်း​ၼိုင်ႈ​လႄႈ​လုၵ်း​ၼိုင်ႈ ယၢၼ်​ၵၼ် ႁႃႈ​သွၵ်ႇ ၼင်ႇ​ၵၼ်​လႄႈ ၼႃႈ​ၼွႆႉ​ၶူင်ႇ​ၽၵ်း​တူ ၵႃႈ​တီႈ​ႁိမ်း​မုၵ်ႈ​မၼ်း​ၽၢႆႇ​တၢင်း​ၼႂ်း​ၼၼ်ႉ​ၵေႃႈ မီး​လႅမ်ႈ​မႆႉ​ဢေႃႈ​ၼၼ်ႉ တႅၵ်ႈ​ၼိုင်ႈ​ဢေႃႈ။-</verse>
				<verse number="8">မၼ်း​တႅၵ်ႈ​တူၺ်း မုၵ်ႈ​ၽၵ်း​တူ​ၽၢႆႇ​တၢင်း​ၼႂ်း မီး​လႅမ်ႈ​မႆႉ​ဢေႃႈ​ၼၼ်ႉ တႅၵ်ႈ​ၼိုင်ႈ​ဢေႃႈ။-</verse>
				<verse number="9">မုၵ်ႈ​ၽၵ်း​တူ​ၵေႃႈ မၼ်း​တႅၵ်ႈ​တူၺ်း​လႄႈ မီး​ပႅတ်ႇ​သွၵ်ႇ​ဢေႃႈ။ သဝ်​မၼ်း​မီး သွင်​သွၵ်ႇ​ၼင်ႇ​ၵၼ်​ဢေႃႈ။ မုၵ်ႈ​ၽၵ်း​တူ​ၼၼ်ႉ မီး​ၵႃႈ​တီႈ​ၽၢႆႇ​တၢင်း​ၼႂ်း​ဢေႃႈ။-</verse>
				<verse number="10">လုၵ်း​ၽၵ်း​တူ​ၽၢႆႇ​ၼႃႈ​တၢင်း​ဢွၵ်ႇ ၸိူဝ်း​ၼၼ်ႉ ၽၢၵ်ႇ​ၶၢင်ႈ​ၼိုင်ႈ မီး​လုၵ်း​သၢမ်​လုၵ်း၊ ၽၢၵ်ႇ​ၶၢင်ႈ​ၼိုင်ႈ မီး​လုၵ်း​သၢမ်​လုၵ်း​ၼင်ႇ​ၵၼ်​လႄႈ တင်း​သၢမ်​လုၵ်း​တၢၼ်ႇ​ပဵင်း​ၵၼ်​ဢေႃႈ။ သဝ်​ၵႃႈ​တီႈ​သွင်​ၽၢၵ်ႇ​ၶၢင်ႈ​မၼ်း ၸိူဝ်း​ၼၼ်ႉ​ၵေႃႈ တၢၼ်ႇ​ပဵင်း​ၵၼ်​ဢေႃႈ။-</verse>
				<verse number="11">မၼ်း​တႅၵ်ႈ​တူၺ်း ၼႃႈ​ပွတ်း​ႁူး​ၽၵ်း​တူ​လႄႈ မီး​သိပ်း​သွၵ်ႇ​ဢေႃႈ။ ဢၼ်​သုင်​မၼ်း​ၸမ်ႉ၊ မီး​သိပ်း​ပၢႆ​သၢမ်​သွၵ်ႇ​ဢေႃႈ။-</verse>
				<verse number="12">မီး​ၸၢၼ်း​ၵႃႈ​တီႈ​ၽၢႆႇ​ၼႃႈ​လုၵ်း​ဢွၼ်ႇ ၸိူဝ်း​ၼၼ်ႉ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ​ၼၼ်ႉ​သွၵ်ႇ​ၼိုင်ႈ၊ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ​ၼၼ်ႉ​သွၵ်ႇ​ၼိုင်ႈ ၼင်ႇ​ၵၼ်​လႄႈ လုၵ်း​ဢွၼ်ႇ ၸိူဝ်း​ၼၼ်ႉ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ​ၼၼ်ႉ ႁူၵ်း​သွၵ်ႇ၊ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ​ၼၼ်ႉ ႁူၵ်း​သွၵ်ႇ ၼင်ႇ​ၵၼ်​ဢေႃႈ။-</verse>
				<verse number="13">လိုၼ်း​ၼၼ်ႉ မၼ်း​တႅၵ်ႈ​တူၺ်း​ဢဝ် ၵႃႈ​တီႈ​ၸၢႆး​ၶႃး ဢၼ်​မုင်း​လုၵ်း​ဢွၼ်ႇ​ဢၼ်​ၼိုင်ႈ​တေႃႇ​ထိုင်​ႁွတ်ႈ ၸၢႆး​ၶႃး​ဢၼ်​မုင်း လုၵ်း​ဢွၼ်ႇ​ဢၼ်​ၼိုင်ႈ​လႄႈ ဢၼ်​ၵႂၢင်ႈ​မၼ်း​မီး သၢဝ်း​ႁႃႈ​သွၵ်ႇ​ဢေႃႈ။ ၽၵ်း​တူ​မၼ်း​ၸိူဝ်း​ၼၼ်ႉ ဝၢႆႇ​ၼႃႈ​တေႃႇ​ၵၼ်​ယူႇ​ဢေႃႈ။-</verse>
				<verse number="14">မၼ်း​ႁဵတ်း​သဝ် ဢၼ်​မီး​ႁူၵ်း​သိပ်း​သွၵ်ႇ​လႄႈ တမ်ႇ​တိူင်း​ၶိုတ်း​ထိုင် တီႈ​သဝ်​ၽၵ်း​တူ ဢၼ်​မီး​ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ ၼၼ်ႉ​ဢေႃႈ။-</verse>
				<verse number="15">ဢဝ်​ၵႃႈ​တီႈ​ႁူး​ၽၵ်း​တူ ၽၢႆႇ​တၢင်း​ၼွၵ်ႈ တေႃႇ​ထိုင်​ႁွတ်ႈ​ႁူး​မုၵ်ႈ​ၽၵ်း​တူ ၽၢႆႇ​တၢင်း​ၼႂ်း​ၼၼ်ႉ မီး​ႁႃႈ​သိပ်း​သွၵ်ႇ​ဢေႃႈ။-</verse>
				<verse number="16">ႁူး​လၢင်း​တဵၼ် ဢၼ်​ၵႅပ်ႈ​ဢၼ်​ဢွၼ်ႇ​မီး​ဝႆႉ​ၵႃႈ​တီႈ​လုၵ်း ၸိူဝ်း​ၼၼ်ႉ ဢိၵ်ႇ​တင်း သဝ်​ဢၼ်​မီး​ၵႃႈ​တီႈ ၽၢႆႇ​တၢင်း​ၼႂ်း​ၽၵ်း​တူ ၵႃႈ​တီႈ​ၸွမ်း​လဵပ်ႈ​ႁွပ်ႈ​ၸိူဝ်း​ၼၼ်ႉ တင်း​မုၵ်ႈ​ၽၵ်း​တူ​တင်း​လၢႆ​လႄႈ ႁူး​လၢင်း​တဵၼ် ၸိူဝ်း​ၼၼ်ႉ မီး​ဝႆႉ​ယူႇ ၵႃႈ​တီႈ​ၸွမ်း​ႁိမ်း​ႁွမ်း​လဵပ်ႈ​ႁွပ်ႈ ၽၢႆႇ​တၢင်း​ၼႂ်း​ၼၼ်ႉ​လႄႈ ပုင်ႇ​ႁၢင်ႈ​တူၼ်ႈ​ထၢၼ် တင်း​လၢႆ​ၵေႃႈ မီး​ဝႆႉ​ယူႇ ၵႃႈ​တီႈ​သဝ်​ၸိူဝ်း​ၼၼ်ႉ​ဢေႃႈ။</verse>
				<verse number="17">လိုၼ်း​ၼၼ်ႉ မၼ်း​ဢဝ်​ၵဝ်​သႂၢင်း​ၶဝ်ႈ ၵႃႈ​ၼႂ်း​တမ်ႇ​တိူင်း​ဢၼ်​ၵႃႈ​ၼွၵ်ႈ​လႄႈ ၵဝ်​ႁၼ်​လုၵ်း တင်း​လၢႆ ဢိၵ်ႇ​တင်း မၢၵ်ႇ​ႁိၼ်​သိူဝ်ႇ ဢၼ်​ႁဵတ်း​ဝႆႉ​သိူဝ်ႇ​ဝႆႉ​ပုၼ်ႈ တမ်ႇ​တိူင်း​ၼၼ်ႉ​ဢေႃႈ။ ၵႃႈ​ၼိူဝ်​မၢၵ်ႇ​ႁိၼ်​သိူဝ်ႇ​ဝႆႉ​ၼၼ်ႉ မီး​လုၵ်း​သၢမ်​သိပ်း​ဢေႃႈ။-</verse>
				<verse number="18">မၢၵ်ႇ​ႁိၼ်​သိူဝ်ႇ​ၼၼ်ႉ မီး​ဝႆႉ​ယူႇ​ၵႃႈ​တီႈ​ႁိမ်း​ၽၵ်း​တူ ၸိူဝ်း​ၼၼ်ႉ ၸွမ်း​ၵႃႈ​ၼင်ႇ​ဢၼ် ၽၵ်း​တူ​ၸႅၼ်ႇ​တၢမ်း​ၵၼ် ၼၼ်ႉ​လႄႈ ပဵၼ်​မၢၵ်ႇ​ႁိၼ်​သိူဝ်ႇ​ၵႃႈ​တႂ်ႈ​ဢေႃႈ။-</verse>
				<verse number="19">လိုၼ်း​ၼၼ်ႉ မၼ်း​တႅၵ်ႈ​တူၺ်း​ဢဝ် ၵႃႈ​တီႈ​ႁူဝ်​ၽၵ်း​တူ ဢၼ်​ၵႃႈ​တႂ်ႈ တေႃႇ​ထိုင်​ႁွတ်ႈ ႁူဝ်​ၽၢႆႇ​ၼွၵ်ႈ​တမ်ႇ​တိူင်း ဢၼ်​ၵႃႈ​ၼႂ်း​လႄႈ ၵႃႈ​တီႈ​ၼႃႈ​တၢင်း​ဢွၵ်ႇ ဢိၵ်ႇ​တင်း ၼႃႈ​တၢင်း​ႁွင်ႇ​ၼၼ်ႉ မီး​ပၢၵ်ႇ​သွၵ်ႇ​ၼင်ႇ​ၵၼ်​ဢေႃႈ။</verse>
				<verse number="20">လႆႈ​သမ်ႉ မၼ်း​တႅၵ်ႈ​တူၺ်း ဢၼ်​သုင် ဢိၵ်ႇ​တင်း ၼႃႈ​ပွတ်း​ၽၵ်း​တူ​တမ်ႇ​တိူင်း ဢၼ်​ၵႃႈ​ၼွၵ်ႈ ဢၼ်​ဝၢႆႇ​ၼႃႈ​ၵႂႃႇ​တၢင်း​ႁွင်ႇ ၼၼ်ႉ​ဢေႃႈ။-</verse>
				<verse number="21">လုၵ်း​ဢွၼ်ႇ မီး​ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ မၼ်း​သၢမ်​လုၵ်း ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ​မၼ်း​သၢမ်​လုၵ်ႈ ၼင်ႇ​ၵၼ်​ဢေႃႈ။ သဝ်​မၼ်း​ဢိၵ်ႇ​တင်း မုၵ်ႈ​မၼ်း​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ ၽၵ်း​တူ​ဢွၼ်​တၢင်း ၼၼ်ႉ​လႄႈ ၼႃႈ​ယၢဝ်း​မၼ်း​မီး​ႁႃႈ​သိပ်း​သွၵ်ႇ၊ ၼႃႈ​ပွတ်း​မၼ်း​မီး သၢဝ်း​ႁႃႈ သွၵ်ႇ​ဢေႃႈ။-</verse>
				<verse number="22">ႁူး​လၢင်း​တဵၼ်​မၼ်း၊ မုၵ်ႈ​မၼ်း၊ တူၼ်ႈ​ထၢၼ်​မၼ်း ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ၽၵ်း​တူ ၼႃႈ​တၢင်း​ဢွၵ်ႇ​ၼၼ်ႉ​ဢေႃႈ။ ၶဝ်​လႆႈ ၶိုၼ်ႈ​ၶၼ်ႈ​လႆ ၸဵတ်း​သိၵ်ႈ​ၸူး ၵႃႈ​တီႈ​ၽၵ်း​တူ​လႄႈ မုၵ်ႈ​မၼ်း​ၸိူဝ်း​ၼၼ်ႉ မီး​ဝႆႉ​ယူႇ​သိုဝ်ႈ​ၼႃႈ​ၶဝ်​ဢေႃႈ။-</verse>
				<verse number="23">မီး​ၽၵ်း​တူ တမ်ႇ​တိူင်း​ဢၼ်​ၵႃႈ​ၼႂ်း​ဢၼ်​သိုဝ်ႈ​ၵၼ်​တင်း ၽၵ်း​တူ​ဢၼ်​ၵႃႈ​ၼွၵ်ႈ​ၼၼ်ႉ ဝႆႉ​ၵႃႈ​တီႈ​ၽၢႆႇ​တၢင်း​ႁွင်ႇ ဢိၵ်ႇ​တင်း ၽၢႆႇ​တၢင်း​ဢွၵ်ႇ​ဢေႃႈ။ မၼ်း​တႅၵ်ႈ​တူၺ်း​ဢဝ်​ၵႃႈ​တီႈ ႁူး​ၽၵ်း​တူ​ဢၼ်​ၼိုင်ႈ တေႃႇ​ထိုင်​ႁွတ်ႈ​ၽၵ်း​တူ​ဢၼ်​ၼိုင်ႈ​လႄႈ မီး​ပၢၵ်ႇ​သွၵ်ႇ​ဢေႃႈ။</verse>
				<verse number="24">လိုၼ်း​ၼၼ်ႉ မၼ်း​ႁွင်ႉ​ၵဝ်​ၵႂႃႇ ၵႃႈ​တီႈ​ၼႃႈ​တၢင်း​ၸၢၼ်း​လႄႈ ၵဝ်​ႁၼ်​ၽၵ်း​တူ​ၵႃႈ​တီႈ​ၼႃႈ​တၢင်း​ၸၢၼ်း ၼၼ်ႉ​ဢေႃႈ။ မၼ်း​တႅၵ်ႈ​တူၺ်း​သဝ်​မၼ်း ဢိၵ်ႇ​တင်း မုၵ်ႈ​မၼ်း​ၸိူဝ်း​ၼၼ်ႉ​လႄႈ ၸွမ်း​ပမႃႇၼႃႉ​ဢၼ်​ဢွၼ်​တၢင်း ၸိူဝ်း​ၼၼ်ႉ​ဢေႃႈ။-</verse>
				<verse number="25">မီး​ႁူး​လၢင်း​တဵၼ်​ၵႃႈ​ၼႂ်း​မၼ်း ဢိၵ်ႇ​တင်း​ၵႃႈ​ၼႂ်း​မုၵ်ႈ​မၼ်း ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ ႁူး​လၢင်း​တဵၼ်​ဢၼ်​ဢွၼ်​တၢင်း ၸိူဝ်း​ၼၼ်ႉ​လႄႈ ၼႃႈ​ယၢဝ်း​မၼ်း​မီး​ႁႃႈ​သိပ်း​သွၵ်ႇ၊ ၼႃႈ​ပွတ်း​မၼ်း​မီး​သၢဝ်း​ႁႃႈ​သွၵ်ႇ​ဢေႃႈ။-</verse>
				<verse number="26">ၶဝ်​လႆႈ​ၶိုၼ်ႈ​ၶၼ်ႈ​လႆ​ၸဵတ်း​သိၵ်ႈ ၸူး​ၵႃႈ​တီႈ​ၽၵ်း​တူ​လႄႈ မုၵ်ႈ​မၼ်း​ၸိူဝ်း​ၼၼ်ႉ​မီး​ဝႆႉ​ယူႇ သိုဝ်ႈ​ၼႃႈ​ၶဝ်​ဢေႃႈ။ ၵႃႈ​တီႈ သွင်​ၽၢၵ်ႇ​သဝ်​ၸိူဝ်း​ၼၼ်ႉ မီး​ပုင်ႇ​ႁၢင်ႈ တူၼ်ႈ​ထၢၼ်​ယေႈ​ၽၢၵ်ႇ ယေႈ​တူၼ်ႈ​ၼင်ႇ​ၵၼ်​ဢေႃႈ။-</verse>
				<verse number="27">ၵႃႈ​တီႈ​ၼႃႈ​တၢင်း​ၸၢၼ်း​ၼၼ်ႉ မီး​ႁူး​ၽၵ်း​တူ​တမ်ႇ​တိူင်း​ဢၼ်​ၵႃႈ​ၼႂ်း​ဢေႃႈ။ မၼ်း​တႅၵ်ႈ​တူၺ်း ဢဝ်​ၵႃႈ​တီႈ​ႁူး​ၽၵ်း​တူ​ႁူး​ၼိုင်ႈ တေႃႇ​ထိုင်​ႁွတ်ႈ​ႁူး​ၼိုင်ႈ ၵႃႈ​တီႈ​ၼႃႈ​တၢင်း​ၸၢၼ်း​ၼၼ်ႉ​လႄႈ မီး​ပၢၵ်ႇ​သွၵ်ႇ​ဢေႃႈ။</verse>
				<verse number="28">လႆႈ​သမ်ႉ မၼ်း​ၸဝ်ႈ​ဢဝ်​ၵဝ်​သႂၢင်း​ၶဝ်ႈ ၵႃႈ​ၼႂ်း​တမ်ႇ​တိူင်း​ဢၼ်​ၵႃႈ​ၼႂ်း​တီႈ​ႁိမ်း​ၽၵ်း​တူ ၼႃႈ​တၢင်း​ၸၢၼ်း ၼၼ်ႉ​လႄႈ တႅၵ်ႈ​တူၺ်း ၽၵ်း​တူ​ၼႃႈ​တၢင်း​ၸၢၼ်း​ၼၼ်ႉ ၸွမ်း​ပမႃႇၼႃႉ ဢၼ်​ဢွၼ်​တၢင်း​ၸိူဝ်း​ၼၼ်ႉ​ဢေႃႈ။-</verse>
				<verse number="29">လုၵ်း​ဢွၼ်ႇ​မၼ်း၊ သဝ်​မၼ်း၊ မုၵ်ႈ​မၼ်း​ၸိူဝ်း​ၼၼ်ႉ ဢွၼ်​ၵၼ်​မီး​မႅၼ်ႈ​ၵၼ်​တင်း​ပမႃႇၼႃႉ ဢၼ်​ဢွၼ်​တၢင်း ၸိူဝ်း​ၼၼ်ႉ​ဢေႃႈ။ မီး​ႁူး​လၢင်း​တဵၼ်​ၵႃႈ​ၼႂ်း​မၼ်း ဢိၵ်ႇ​တင်း ၵႃႈ​ၼႂ်း​မုၵ်ႈ​ၸိူဝ်း​ၼၼ်ႉ ၸွမ်း​ႁိမ်း​လဵပ်ႈ​ႁွပ်ႈ​မၼ်း​လႄႈ ၼႃႈ​ယၢဝ်း​မၼ်း​မီး​ႁႃႈ​သိပ်း​သွၵ်ႇ၊ ၼႃႈ​ပွတ်း​မၼ်း မီး​သၢဝ်း​ႁႃႈ​သွၵ်ႇ​ဢေႃႈ။-</verse>
				<verse number="30">မီး​မုၵ်ႈ​ၵႃႈ​တီႈ​ၸွမ်း​ႁိမ်း​လဵပ်ႈ​ႁွပ်ႈ​မၼ်း ၸိူဝ်း​ၼၼ်ႉ​လႄႈ ၼႃႈ​ယၢဝ်း​မၼ်း​မီး​သၢဝ်း​ႁႃႈ​သွၵ်ႇ၊ ၼႃႈ​ပွတ်း​မၼ်း မီး​ႁႃႈ​သွၵ်ႇ​ဢေႃႈ။-</verse>
				<verse number="31">မုၵ်ႈ​ၸိူဝ်း​ၼၼ်ႉ​ဝၢႆႇ​ၼႃႈ​တေႃႇ တမ်ႇ​တိူင်း​ဢၼ်​ၵႃႈ​ၼွၵ်ႈ​ယူႇ​လႄႈ မီး​ပုင်ႇ​ႁၢင်ႈ တူၼ်ႈ​ထၢၼ်​ၵႃႈ​ၼိူဝ်​သဝ် ၸိူဝ်း​ၼၼ်ႉ​ယူႇ​ဢေႃႈ။ လႆႈ​ၶိုၼ်ႈ​ၶၼ်ႈ​လႆ​ပႅတ်ႇ​သိၵ်ႈ​ၸူး​ဢေႃႈ။</verse>
				<verse number="32">လႆႈ​သမ်ႉ မၼ်း​ဢဝ်​ၵဝ်​သႂၢင်း​ၶဝ်ႈ​ၵႃႈ​ၼႂ်း​တမ်ႇ​တိူင်း ဢၼ်​ၵႃႈ​ၼႂ်း​ၽၢႆႇ​ၼႃႈ​တၢင်း​ဢွၵ်ႇ​လႄႈ တႅၵ်ႈ​တူၺ်း​ၽၵ်း​တူ​ၼၼ်ႉ ၸွမ်း​ပမႃႇၼႃႉ ဢၼ်​ဢွၼ်​တၢင်း ၸိူဝ်း​ၼၼ်ႉ​ဢေႃႈ။-</verse>
				<verse number="33">လုၵ်း​ဢွၼ်ႇ​မၼ်း၊ သဝ်​မၼ်း၊ မုၵ်ႈ​မၼ်း​ၸိူဝ်း​ၼၼ်ႉ မီး​မႅၼ်ႈ​ၵၼ်​တင်း​ပမႃႇၼႃႉ ဢၼ်​ဢွၼ်​တၢင်း ၸိူဝ်း​ၼၼ်ႉ​ဢေႃႈ။ မီး​ႁူး လၢင်း​တဵၼ် ၵႃႈ​ၼႂ်း​မၼ်း ဢိၵ်ႇ​တင်း ၵႃႈ​ၼႂ်း​မုၵ်ႈ​မၼ်း ၸိူဝ်း​ၼၼ်ႉ ၸွမ်း​ႁိမ်း​လဵပ်ႈ​ႁွပ်ႈ​မၼ်း​လႄႈ ၼႃႇ​ယၢဝ်း​မၼ်း မီး​ႁႃႈ​သိပ်း​သွၵ်ႇ၊ ၼႃႈ​ပွတ်း​မၼ်း မီး​သၢဝ်း​ႁႃႈ​သွၵ်ႇ​ဢေႃႈ။-</verse>
				<verse number="34">မုၵ်ႈ​ၸိူဝ်း​ၼၼ်ႉ ဝၢႆႇ​ၼႃႈ​တေႃႇ တမ်ႇ​တိူင်း​ဢၼ်​ၵႃႈ​ၼွၵ်ႈ​ယူႇ​လႄႈ မီး​ပုင်ႇ​ႁၢင်ႈ​တူၼ်ႈ​ထၢၼ် ၵႃႈ​ၼိူဝ်​သဝ်​ၸိူဝ်း​ၼၼ်ႉ ယေႈ​ၽၢၵ်ႇ ယေႈ​တူၼ်ႈ ၼင်ႇ​ၵၼ်​ဢေႃႈ။ လႆႈ​ၶိုၼ်ႈ​ၶၼ်ႈ​လႆ ပႅတ်ႇ​သိၵ်ႈ ၸူး​ဢေႃႈ။</verse>
				<verse number="35">လႆႈ​သမ်ႉ မၼ်း​ႁွင်ႉ​ၵဝ်​ၵႂႃႇ​ၵႃႈ​တီႈ ၽၵ်း​တူ​ၼႃႈ​တၢင်း​ႁွင်ႇ​လႄႈ တႅၵ်ႈ​တူၺ်း​မၼ်း​ၸွမ်း​ပမႃႇၼႃႉ ဢၼ်​ဢွၼ်​တၢင်း ၸိူဝ်း​ၼၼ်ႉ​ဢေႃႈ။-</verse>
				<verse number="36">မၼ်း​မီး​တၢင်း​ဢၼ်​ပျေႉ​ၸုမ်ႇ​ဝႆႉ တင်း​လုၵ်း​ဢွၼ်ႇ​လႂ်၊ သဝ်​လႂ်၊ မုၵ်ႈ​လႂ်၊ ႁူး​လၢင်း​တဵၼ်​ဢၼ်​ၸွမ်း​ႁိမ်း​လဵပ်ႈ​ႁွပ်ႈ​မၼ်း​လႂ်​လႄႈ ၼႃႈ​ယၢဝ်း​မၼ်း​မီး​ႁႃႈ​သိပ်း​သွၵ်ႇ၊ ၼႃႈ​ပွတ်း​မၼ်း မီး​သၢဝ်း​ႁႃႈ​သွၵ်ႇ​ဢေႃႈ။-</verse>
				<verse number="37">သဝ်​မၼ်း​ၸိူဝ်း​ၼၼ်ႉ ဝၢႆႇ​ၼႃႈ​တေႃႇ​တမ်ႇ​တိူင်း ဢၼ်​ၵႃႈ​ၼွၵ်ႈ​လႄႈ မီး​ပုင်ႇ​ႁၢင်ႈ​တူၼ်ႈ​ထၢၼ် ၵႃႈ​ၼိူဝ်​သဝ် ၸိူဝ်း​ၼၼ်ႉ ယေႈ​ၽၢၵ်ႇ ယေႈ​တူၼ်ႈ​ၼင်ႇ​ၵၼ်​ဢေႃႈ။ လႆႈ​ၶိုၼ်ႈ​ၶၼ်ႈ​လႆ ပႅတ်ႇ​သိၵ်ႈ ၸူး​ဢေႃႈ။</verse>
				<verse number="38">လုၵ်း​ဢွၼ်ႇ ဢိၵ်ႇ​တင်း ၽၵ်း​တူ​မၼ်း​ၸိူဝ်း​ၼၼ်ႉ မီး​ဝႆႉ​ယူႇ​ၵႃႈ​တီႈ​ႁိမ်း သဝ်​ၽၵ်း​တူ တင်း​လၢႆ ၼၼ်ႉ​လႄႈ ၶဝ်​လႆႈ​ဢဝ် တူဝ်​ယိတ်ႈ ဢၼ်​တုတ်ႇ​ၽႆး​ၼၼ်ႉ သုၵ်ႈ​ၼမ်ႉ​သၢႆႇ​ၼမ်ႉ ၵႃႈ​တီႈ​ၼၼ်ႈ​ဢေႃႈ။-</verse>
				<verse number="39">ၵႃႈ​ၼႂ်း​မုၵ်ႈ​ၽၵ်း​တူ​မီး​ၶူင်ႇ​တီႈ​ၵိၼ် ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ သွင်​ဢၼ်၊ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ သွင်​ဢၼ်​ၼင်ႇ​ၵၼ် ပုၼ်ႈ​ဢၼ် တၵ်း​ဢဝ်​တူဝ်​ယိတ်ႈ ဢၼ်​တုတ်ႇ​ၽႆး၊ တူဝ်​ယိတ်ႈ​ဢၼ်​ၽေႇ​ဢပႅတ်ႈ၊ တူဝ်​ယိတ်ႈ ဢၼ်​ၽေႇ​တူႉ​ၸရိူၵ်ႈ ၸိူဝ်း​ၼၼ်ႉ တၢႆ​ဢေႃႈ။-</verse>
				<verse number="40">ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ ၽၢႆႇ​တၢင်း​ၼွၵ်ႈ တီႈ​ဢၼ်​ၶိုၼ်ႈ​ၸူး ႁူး​ၽၵ်း​တူ ၼႃႈ​တၢင်း​ႁွင်ႇ​ၼၼ်ႉ​ၵေႃႈ မီး​ၶူင်ႇ​တီႈ​ၵိၼ်​သွင်​ဢၼ်​လႄႈ​ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ ဢၼ်​မီး​ၵႃႈ​တီႈ​မုၵ်ႈ​ၽၵ်း​တူ​ၼၼ်ႉ​ၵေႃႈ မီး​ၶူင်ႇ​တီႈ​ၵိၼ်​သွင်​ဢၼ်​ဢေႃႈ။-</verse>
				<verse number="41">ၼင်ႇ​ၼၼ်​လႄႈ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ​ၽၵ်း​တူ​ၼၼ်ႉ မီး​ၶူင်ႇ​တီႈ​ၵိၼ်​သီႇ​ဢၼ် ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ​သီႇ​ဢၼ်​လႄႈ သီႇ​ဢၼ်၊​ပွင်း​ၵၼ်​မီး​ပႅတ်ႇ​ဢၼ် ပုၼ်ႈ​ဢၼ်​တၵ်း​ဢဝ်​တူဝ်​ယိတ်ႈ​တၢႆ​ဢေႃႈ။-</verse>
				<verse number="42">ၶူင်ႇ​တီႈ​ၵိၼ်​ပုၼ်ႈ​ယိတ်ႈ​ဢၼ် တုတ်ႇ​ၽႆး​သီႇ​ဢၼ်​ၼၼ်ႉ ယဝ်ႉ​တူဝ်ႈ​တင်း​မၢၵ်ႇ​ႁိၼ်​ဢၼ်​ထၢၵ်ႇ​ႁဵတ်း​သပ်း​ႁဵတ်း ၼႃႈ​ယၢဝ်း​မၼ်း မီး​သွၵ်ႇ​ၶိုပ်ႈ၊ ၼႃႈ​ပွတ်း​မၼ်း သွၵ်ႇ​ၶိုပ်ႈ၊ ဢၼ်​သုင်​မၼ်း​သွၵ်ႇ​ၼိုင်ႈ​ဢေႃႈ။ ၶဝ်​ဢဝ်​ၶိူင်ႈ​ယိပ်း​ၶိူင်ႈ​ၵႅမ်း​ဢၼ် ဢဝ်​တူဝ်​ယိတ်ႈ ဢၼ်​တုတ်ႇ​ၽႆး​တၢႆ​ၸိူဝ်း​ၼၼ်ႉ တၢင်ႇ​သႂ်ႇ​ဝႆႉ​ၵႃႈ​ၼိူဝ်​ၼၼ်ႉ​ဢေႃႈ။-</verse>
				<verse number="43">ၵမ်း​ပၢတ်ႈ​ဢၼ်​တၢင်း​ၵႂၢင်ႈ​မၼ်း မီး​ၽႃႇ​မိုဝ်း​ၼိုင်ႈ ၸိူဝ်း​ၼၼ်ႉ လႆႈ​မီး​တၢင်း​ဢၼ်​ဢဝ်​သႂ်ႇ ၸပ်း​ဝႆႉ​ၵႃႈ​တီႈ​ၽၢႆႇ​ၼႂ်း ၸွမ်း​ႁိမ်း​လဵပ်ႈ​ႁွပ်ႈ​မၼ်း လႄႈ ၼိူဝ်ႉ​ယိတ်ႈ​ဢၼ် တၵ်း​ပုၵ်ႈ​ၸေႃႇ​ၼၼ်ႉ တၢင်ႇ​သႂ်ႇ​ဝႆႉ​မီး​ယူႇ ၵႃႈ​ၼိူဝ်​ၶူင်ႇ​တီႈ​ၵိၼ် ၸိူဝ်း​ၼၼ်ႉ​ဢေႃႈ။</verse>
				<verse number="44">ၼွၵ်ႈ​ၽၵ်း​တူ ဢၼ်​ၵႃႈ​ၼႂ်း၊ ၵႃႈ​တီႈ​တမ်ႇ​တိူင်း​ဢၼ်​ၵႃႈ​ၼႂ်း​ၼၼ်ႉ မီး​လုၵ်း​ဢွၼ်ႇ တင်း​လၢႆ ပုၼ်ႈ​ဢၼ် ၵူၼ်း​ဢၼ်​ႁဵတ်း​ၵႂၢမ်း တၵ်း​ယူႇ​ၼၼ်ႉ​ဢေႃႈ။ လုၵ်း​ၼိုင်ႈ​ၸမ်ႉ၊ မီး​ၵႃႈ​တီႈ​ႁိမ်း​ၽၵ်း​တူ ၼႃႈ​တၢင်း​ႁွင်ႇ​လႄႈ ဝၢႆႇ​ၼႃႈ​တေႃႇ ၽၢႆႇ​တၢင်း​ၸၢၼ်း​ယူႇ​ဢေႃႈ။ လုၵ်း​ၼိုင်ႈ​ၸမ်ႉ၊ မီး​ၵႃႈ​တီႈ​ႁိမ်း ၽၵ်း​တူ​ၼႃႈ​တၢင်း​ၸၢၼ်း​လႄႈ ဝၢႆႇ​ၼႃႈ​တေႃႇ ၽၢႆႇ​တၢင်း​ႁွင်ႇ​ယူႇ​ဢေႃႈ။-</verse>
				<verse number="45">မၼ်း​ၼၼ်ႉ လၢတ်ႈ​တီႈ​ၵဝ်​လႄႈ​ဝႃႈ၊ လုၵ်း​ဢၼ်​ဝၢႆႇ​ၼႃႈ​တေႃႇ ၽၢႆႇ​တၢင်း​ၸၢၼ်း​ယူႇ​ၼႆႉ​ၸမ်ႉ၊ ပဵၼ်​ပုၼ်ႈ​ဢၼ်​ယိတ်ႈပရေႃးႁဵၵ်ႈ ဢၼ်​ပွင်​ႁဵတ်း​ဢမူႉ​ႁိူၼ်း​ၸဝ်ႈ ၸိူဝ်း​ၼၼ်ႉ တၵ်း​ယူႇ​ဢေႃႈ။-</verse>
				<verse number="46">လုၵ်း​ဢၼ်​ဝၢႆႇ​ၼႃႈ​တေႃႇ ၽၢႆႇ​တၢင်း​ႁွင်ႇ​ယူႇ​ၼႆႉ​ၸမ်ႉ၊ ပဵၼ်​ပုၼ်ႈ​ဢၼ် ယိတ်ႈပရေႃးႁဵၵ်ႈ ဢၼ်​ပွင်​ႁဵတ်း​ဢမူႉ ယိတ်ႈပလၢင်ႇ ၸိူဝ်း​ၼၼ်ႉ တၵ်း​ယူႇ​ဢေႃႈ။ ၶဝ်​ၼၼ်ႉ​ၸမ်ႉ၊ ပဵၼ်​လုၵ်ႈ​လၢၼ်​ ၸႃႇတုၵ်ႉ ဢၼ်​လိူၵ်ႈ​ၵဵပ်း​ဢဝ် ၵႃႈ​ၼႂ်း​ၵူၼ်း​မဵဝ်း​ လေႇဝီႉ ႁႂ်ႈ​လႆႈ သုတ်ႉ​ၸပ်း​သုတ်ႉ​ၸူး ၵႃႈ​တီႈ ထႃႇဝရႃႉ​ၽြႃး​လႄႈ ပွင်​ႁဵတ်း​ဢမူႉ​ၸဝ်ႈ ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="47">မိူဝ်ႈ​ၼၼ်ႉ မၼ်း​ၼၼ်ႉ တႅၵ်ႈ​တူၺ်း​တမ်ႇ​တိူင်း​လႄႈ ၼႃႈ​ယၢဝ်း​မီး​ပၢၵ်ႇ​သွၵ်ႇ၊ ၼႃႈ​ပွတ်း​မၼ်း​ပၢၵ်ႇ​သွၵ်ႇ​လႄႈ ပဵၼ်​သီႇ​ၸဵင်ႇ​ၶိုင်ႈ​ဝႆႉ​ဢေႃႈ။ ယိတ်ႈပလၢင်ႇ မီး​ဝႆႉ​ယူႇ ၵႃႈ​တီႈ​ၽၢႆႇ​ၼႃႈ​ႁိူၼ်း​ၸဝ်ႈ​ဢေႃႈ။-</verse>
				<verse number="48">မၼ်း​ၼၼ်ႉ ႁွင်ႉ​ၵဝ်​ၵႂႃႇ​ၵႃႈ​တီႈ ၼႃႈ​ႁိူၼ်း​ၸဝ်ႈ​လႄႈ တႅၵ်ႈ​တူၺ်း​သဝ်​ၼႃႈ​ႁိူၼ်း​ၸဝ်ႈ​ၼၼ်ႉ ၵူႈ​လႅမ်ႈ​လႄႈ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ​ၼၼ်ႉ မီး​ႁႃႈ​သွၵ်ႇ၊ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ​ၼၼ်ႉ မီး​ႁႃႈ​သွၵ်ႇ ၼင်ႇ​ၵၼ်​လႄႈ ၼႃႈ​ပွတ်း​မႂ်​ၽၵ်း​တူ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ​ၼၼ်ႉ မီး​သၢမ်​သွၵ်ႇ၊ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ​ၼၼ်ႉ မီး​သၢမ်​သွၵ်ႇ​ၼင်ႇ​ၵၼ် ဢေႃႈ။-</verse>
				<verse number="49">ဢၼ်​ယၢဝ်း​ၼႃႈ​ႁိူၼ်း​ၸဝ်ႈ ၼၼ်ႉ​ၸမ်ႉ၊ မီး​သၢဝ်း​သွၵ်ႇ၊ ၼႃႈ​ပွတ်း​မၼ်း​ၸမ်ႉ၊ မီး​သိပ်း​ပၢႆ​ဢဵတ်း​သွၵ်ႇ​ဢေႃႈ။ လႆႈ​ၶိုၼ်ႈ​ၶၼ်ႈ​လႆ သိပ်း​သိၵ်ႈ ၸူး​ဢေႃႈ။ ၵႃႈ​တီႈ​ႁိမ်း​ၼႃႈ​ႁိူၼ်း​ၸဝ်ႈ​ၼၼ်ႉ၊ မီး​သဝ်​ၽၢၵ်ႇ​ၶၢင်ႈ​ၼိုင်ႈ လႅမ်ႈ​ၼိုင်ႈ၊ ၽၢၵ်ႇ​ၶၢင်ႈ​ၼိုင်ႈ လႅမ်ႈ​ၼိုင်ႈ ယူႇ​ဢေႃႈ။</verse>
			</chapter>
			<chapter number="41">
				<verse number="1">လိုၼ်း​ၼၼ်ႉ မၼ်း​ႁွင်ႉ​ၵဝ်​ၵႂႃႇ ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ​လႄႈ တႅၵ်ႈ​တူၺ်း​သဝ် တင်း​လၢႆ​လႄႈ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ ဢၼ်​ၵႂၢင်ႈ​မၼ်း မီး​ႁူၵ်း​သွၵ်ႇ၊ ၵႃႈ​တီႈ​ၽၢၵ်ႇ​ၶၢင်ႈ​ၼိုင်ႈ ဢၼ်​ၵႂၢင်ႈ​မၼ်း မီး​ႁူၵ်း​သွၵ်ႇ​လႄႈ တၢၼ်ႇ​ပဵင်း​ၵၼ် တင်း​မူဝ်းၵႃႇ​ၸဝ်ႈ​ဢေႃႈ။-</verse>
				<verse number="2">ဢၼ်​ၵႂၢင်ႈ​ႁူး​ၽၵ်း​တူ​ၸမ်ႉ၊ မီး​သိပ်း​သွၵ်ႇ​လႄႈ၊ ၽၢၵ်ႇ​ၶၢင်ႈ​ၼိုင်ႈ ႁူး​ၽၵ်း​တူ​မီး​ႁႃႈ​သွၵ်ႇ၊ ၽၢၵ်ႇ​ၶၢင်ႈ​ၼိုင်ႈ​ႁူး​ၽၵ်း​တူ ႁႃႈ​သွၵ်ႇ​ၼင်ႇ​ၵၼ်​ဢေႃႈ။ မၼ်း​တႅၵ်ႈ​တူၺ်း ပိၵ်ႈ​မၢၼ်ႇ​ၸဝ်ႈ​လႄႈ ၼႃႈ​ယၢဝ်း​မၼ်း​ၸမ်ႉ၊ မီး​သီႇ​သိပ်း​သွၵ်ႇ၊ ၼႃႈ​ပွတ်း​မၼ်း​ၸမ်ႉ၊ မီး​သၢဝ်း​သွၵ်ႇ​ဢေႃႈ။-</verse>
				<verse number="3">လိုၼ်း​ၼၼ်ႉ မၼ်း​ၶဝ်ႈ​ၵႃႈ​ၼႂ်း​သေ​လႄႈ တႅၵ်ႈ​တူၺ်း​သဝ်​ႁူး​ၽၵ်း​တူ​သွင်​သွၵ်ႇ၊ ႁူး​ၽၵ်း​တူ​ႁူၵ်း​သွၵ်ႇ၊ ဢၼ်​ၵႂၢင်ႈ​ၽၵ်း​တူ ၸဵတ်း​သွၵ်ႇ​ဢေႃႈ။-</verse>
				<verse number="4">မၼ်း​တႅၵ်ႈ​တူၺ်း ၼႃႈ​ယၢဝ်း​မၼ်း မီး​သၢဝ်း​သွၵ်ႇ၊ ၼႃႈ​ပွတ်း​မၼ်း​မီး​သၢဝ်း​သွၵ်ႇ ၵႃႈ​တီႈ​ၽၢႆႇ​ၼႃႈ ပိၵ်ႈ​မၢၼ်ႇ​ၸဝ်ႈ​ၼၼ်ႉ​လႄႈ လၢတ်ႈ​တီႈ​ၵဝ်​လႄႈ​ဝႃႈ၊ လုၵ်း​ၼႆႉ​ၸမ်ႉ၊ ပဵၼ်​လုၵ်း​ဢၼ်​မူတ်း​ၸၢင်ႇ​သေ​ပိူၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">လိုၼ်း​ၼၼ်ႉ မၼ်း​တႅၵ်ႈ​တူၺ်း​ၽႃ​ႁိူၼ်း​ၸဝ်ႈ​လႄႈ မီး​ႁူၵ်း​သွၵ်ႇ​ဢေႃႈ။ ၼႃႈ​ပွတ်း​လုၵ်း​ၽႃ​ဢၼ်​ၸွမ်း​လဵပ်ႈ​ႁွပ်ႈ ႁိူၼ်း​ၸဝ်ႈ​ၸိူဝ်း​ၼၼ်ႉ မီး​ယေႈ​သီႇ​သွၵ်ႇ ၼင်ႇ​ၵၼ်​ဢေႃႈ။-</verse>
				<verse number="6">လုၵ်း​ၽႃ ၸိူဝ်း​ၼၼ်ႉ ပဵၼ်​သၢမ်​ႁၢၼ်ႉ​ဝႆႉ​လႄႈ ယေႈ​ႁၢၼ်ႉ​မီး​သၢမ်​သိပ်း​ၸွမ်း​လူၺ်ႈ​တၢင်း​ဢၼ် ၸႅၼ်ႇ​တၢမ်း​ၵၼ်​ဢေႃႈ။ လုၵ်း​ၸိူဝ်း​ၼၼ်ႉ ယင်း​ဢမ်ႇ​ၶဝ်ႈ​ၵႃႈ​ၼႂ်း​ၽႃ​ႁိူၼ်း​ၸဝ်ႈ​လႄႈ ၵၢႆႇ​သႂ်ႇ​ၵႃႈ​ၼိူဝ်​ႁၢၼ်ႉ ၽႃ​ႁိူၼ်း​ၸဝ်ႈ ပႅၼ်​ဢွၵ်ႇ​ၸွမ်း​လဵပ်ႈ​ႁွပ်ႈ​ၸိူဝ်း​ၼၼ်ႉ ႁႂ်ႈ​ပဵၼ် ဢၼ်​မၼ်ႈ​ဢၼ်​ၶိူင်ႇ​ဢေႃႈ။-</verse>
				<verse number="7">လုၵ်း​ၸိူဝ်း​ၼၼ်ႉ ပဵၼ်​ဢၼ်​ၵႂၢင်ႈ​ၵႂႃႇ​ယူႇ​ၸွမ်း​ၵႃႈ​ၼင်ႇ​ဢၼ်​ၶဝ် ဢဝ်​ၵႃႈ​တီႈ​ႁၢၼ်ႉ​တႂ်ႈ​ၶိုၼ်ႈ​ၸူး​ၵႃႈ​တီႈ​ႁၢၼ်ႉ​ၼိူဝ်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ တၢင်း​ဢၼ်​ၶိုၼ်ႈ​ႁိူၼ်း​ၸဝ်ႈ​ၼၼ်ႉ လဵပ်ႈ​ၶိုၼ်ႈ​ပဵၼ်​ႁၢၼ်ႉ​ပဵၼ်​ႁၢၼ်ႉ​ဢေႃႈ။ ပိူဝ်ႈ​ၼႆ​လႄႈ ၼႃႈ​ပွတ်း​ႁိူၼ်း​ၸဝ်ႈ​ၼၼ်ႉ ၶိုၼ်ႈ​ၵႂႃႇ​ၵႃႈ​ၼိူဝ်​တၢၼ်ႇ​ပဵင်း​ၵၼ်​လႄႈ ၵူၼ်း​လုၵ်ႉ​သေ ၵႃႈ​တီႈ​လုၵ်း​ဢၼ် ၵႃႈ​တႂ်ႈ​သုတ်း​လႄႈ ၸွမ်း​သဵၼ်ႈ​တၢင်း​လုၵ်း ဢၼ်​ၶိုင်ႈ​ၵၢင် ၼၼ်ႉ​သေ​လႄႈ ၶိုၼ်ႈ​ၸူး​တီႈ​လုၵ်း ဢၼ်​သုင်​ၼႃႇ​သေ ပိူၼ်ႈ​ၼၼ်ႉ​ဢေႃႈ။-</verse>
				<verse number="8">ၵဝ်​ႁၼ်​ႁိူၼ်း​ၸဝ်ႈ​ၼၼ်ႉ ပဵၼ်​ဢၼ်​သုင်​ၼႃႇ​ၵႃႈ​တီႈ ၸွမ်း​ႁိမ်း​လဵပ်ႈ​ႁွပ်ႈ​မၼ်း​ၼၼ်ႉ​လႄႈ ငဝ်ႈ​ႁၢၵ်ႈ​လုၵ်း​ၽႃ​ၸိူဝ်း​ၼၼ်ႉ ၵႂၢင်ႈ​ပဵင်း တၢၼ်ႇ​လႅမ်ႈ​မႆႉ​ဢေႃႈ ဢၼ်​တၢင်း​ယၢဝ်း​မၼ်း မီး​ႁူၵ်း​သွၵ်ႇ​လူင်​ၼၼ်ႉ တႅၵ်ႈ​ၼိုင်ႈ ဢေႃႈ။-</verse>
				<verse number="9">ၽႃ​ဢၼ်​ၵင်ႈ ၵႃႈ​တီႈ​ၽၢႆႇ​ၼွၵ်ႈ လုၵ်း​ၽႃ​ၸိူဝ်း​ၼၼ်ႉ ဢၼ်​ၼႃ​မၼ်း​မီး​ႁႃႈ​သွၵ်ႇ​လႄႈ ၵႃႈ​တီႈ​ဢၼ်​ယင်း​ၵိုတ်း​ဝႆႉ​လွတ်ႈ​ဝႆႉ​ၼၼ်ႉ ၸၢပ်ႈ​သႅင်ႇ​ၵၼ်​တင်း​လုၵ်း​ၽႃ​ဢေႃႈ။-</verse>
				<verse number="10">ၵႃႈ​တီႈ​ၵႄႈ​ဝူင်ႈ​ၵၢင်​လုၵ်း ၸိူဝ်း​ၼၼ်ႉ မီး​တၢင်း​ဢၼ်​ယၢၼ်​ၵၼ် သၢဝ်း​သွၵ်ႇ​ၸွမ်း​ၵႃႈ​တီႈ​လဵပ်ႈ​ႁွပ်ႈ ႁိူၼ်း​ၸဝ်ႈ​ၵူႈ​ၽၢႆႇ​ၵူႈ​ပႃႈ​ဢေႃႈ။-</verse>
				<verse number="11">ၽၵ်း​တူ​လုၵ်း ၸိူဝ်း​ၼၼ်ႉ ၽုၺ်ႇ​ပိုတ်ႇ​ၸူး​ၵႃႈ​တီႈ တီႈ​ဢၼ်​ယင်း​ၵိုတ်း​ဝႆႉ လွတ်ႈ​ဝႆႉ​ၼၼ်ႉ​လႄႈ ၵမ်ႈ​ၽွင်ႈ​ဝၢႆႇ​ၵႂႃႇ​ၽၢႆႇ​တၢင်း​ႁွင်ႇ၊ ၵမ်ႈ​ၽွင်ႈ ဝၢႆႇ​ၵႂႃႇ​ၽၢႆႇ​တၢင်း​ၸၢၼ်း​ယူႇ​ဢေႃႈ။ ၼႃႈ​ၼွႆႉ​တီႈ​ဢၼ်​ယင်း​ၵိုတ်း​ဝႆႉ​လွတ်ႈ​ဝႆႉ ၵႃႈ​တီႈ​လဵပ်ႈ​ႁွပ်ႈ​ၼၼ်ႉ မီး​ႁႃႈ​သွၵ်ႇ ဢေႃႈ။</verse>
				<verse number="12">တမ်ႇ​တိူင်း​ဢၼ်​ဢိုတ်း တီႈ​ဢၼ်​ပဝ်ႇ​ဢၼ်​လၢပ်ႈ​လႄႈ မီး​ၵႃႈ​တီႈ​ၽၢႆႇ​တၢင်း​တူၵ်း​ၼၼ်ႉ၊ ဢၼ်​ယၢဝ်း​မၼ်း​မီး​ၸဵတ်း​သိပ်း​သွၵ်ႇ လႄႈ တမ်ႇ​တိူင်း​လဵပ်ႈ​ႁွပ်ႈ​ႁိူၼ်း​ၸဝ်ႈ ၼၼ်ႉ​ၵေႃႈ ဢၼ်​ၼႃ​မၼ်း​မီး​ႁႃႈ​သွၵ်ႇ၊ ဢၼ်​ယၢဝ်း​မၼ်း​မီး​ၵဝ်ႈ​သိပ်း​သွၵ်ႇ​ဢေႃႈ။-</verse>
				<verse number="13">ၼင်ႇ​ၼၼ်​လႄႈ မၼ်း​တႅၵ်ႈ​တူၺ်း​ႁိူၼ်း​ၸဝ်ႈ​လႄႈ၊ ဢၼ်​ယၢဝ်း​မၼ်း​မီး​ပၢၵ်ႇ​သွၵ်ႇ​ဢေႃႈ။ ပႃး​တီႈ​ဢၼ်​ပဝ်ႇ​ဢၼ်​လၢပ်ႈ၊ ၽႃ​ႁိူၼ်း​ၸဝ်ႈ၊ တမ်ႇ​တိူင်း​ၸိူဝ်း​ၼၼ်ႉ​လႄႈ၊ ဢၼ်​ယၢဝ်း​မၼ်း​မီး​ပၢၵ်ႇ​သွၵ်ႇ​ဢေႃႈ။-</verse>
				<verse number="14">တၢင်း​ဢၼ်​ၶပ်ႉ ဢၼ်​တႅၵ်ႈ ၼႃႈ​ႁိူၼ်း​ၸဝ်ႈ ဢိၵ်ႇ​တင်း တီႈ​ဢၼ်​ပဝ်ႇ​ဢၼ်​လၢပ်ႈ​ၵႃႈ​တီႈ​ၽၢႆႇ​ၼႃႈ တၢင်း​ဢွၵ်ႇ​ၼၼ်ႉ​ၵေႃႈ မီး​ပၢၵ်ႇ​သွၵ်ႇ​ဢေႃႈ။-</verse>
				<verse number="15">မၼ်း​တႅၵ်ႈ​တူၺ်း​ၼႃႈ​ယၢဝ်း​လင်​ႁိူၼ်း ဢၼ်​ၵႃႈ​မီး​ၵႃႈ​တီႈ​ၽၢႆႇ​ၼႃႈ တီႈ​ဢၼ်​ပဝ်ႇ​ဢၼ်​လၢပ်ႈ​ဢၼ်​မီး ၵႃႈ​တီႈ​ၽၢႆႇ​လင်​မၼ်း ၼၼ်ႉ ဢိၵ်ႇ​တင်း ႁၢၼ်ႉ​လုၵ်း​ၽႃ​မၼ်း တင်း​လၢႆ ၵႃႈ​တီႈ​သွင်​ၽၢႆႇ​ၸိူဝ်း​ၼၼ်ႉ​လႄႈ မီး​ပၢၵ်ႇ​သွၵ်ႇ ဢေႃႈ။</verse>
				<verse number="16">မၼ်း​တႅၵ်ႈ​တူၺ်း​ပိၵ်ႈ​မၢၼ်ႇ ဢၼ်​ၵႃႈ​ၼႂ်း၊ မုၵ်ႈ​တမ်ႇ​တိူင်း တင်း​လၢႆ၊ ၶူင်ႇ​ၽၵ်း​တူ တင်း​လၢႆ၊ ႁူး​လၢင်း​တဵၼ်​ဢၼ်​ၵႅပ်ႈ တင်း​လၢႆ ႁၢၼ်ႉ​လုၵ်း​ၽႃ​ဢၼ်​ၸွမ်း​ၵႃႈ​တီႈ​ႁိမ်း​လဵပ်ႈ​ႁွပ်ႈ​လႄႈ မီး​သၢမ်​ႁၢၼ်ႉ​တေႃႇ​ၵၼ်​တင်း​ၶူင်ႇ​ၽၵ်း​တူ တင်း​လၢႆ ဢၼ်​ဢဝ်​ၵႃႈ​တီႈ​လိၼ် တေႃႇ​ထိုင်​ႁွတ်ႈ ႁူး​လၢင်း​တဵၼ်​မၼ်း မီး​တၢင်း​ဢၼ် ဢဝ်​ပႅၼ်ႈ​ဢုမ်ႇ​ႁေႃႇ ႁူမ်ႇ​သုမ်ႇ​ဝႆႉ ၸိူဝ်း​ၼၼ်ႉ​ဢေႃႈ။ ႁူး​လၢင်း​တဵၼ်​ၸိူဝ်း​ၼၼ်ႉ မီး​တၢင်း​ဢၼ်​ၵင်ႈ​ဝႆႉ လပ်ႉ​ဝႆႉ​ယူႇ​ဢေႃႈ။-</verse>
				<verse number="17">ၵႃႈ​ၼိူဝ်​ႁူး​ၽၵ်း​တူ တေႃႇ​ထိုင်​ႁွတ်ႈ​ႁိူၼ်း​ၸဝ်ႈ ဢၼ်​ၵႃႈ​ၼႂ်း ဢိၵ်ႇ​တင်း ၵႃႈ​တီႈ​ၽၢႆႇ​ၼွၵ်ႈ၊ ၵႃႈ​တီႈ​ၸွမ်း​ႁိမ်း​လဵပ်ႈ​ႁွပ်ႈ​ၽႃ ၵႃႈ​ၼွၵ်ႈ ဢိၵ်ႇ​တင်း ၵႃႈ​ၼႂ်း​ၼၼ်ႉ​ၵေႃႈ မၼ်း​တႅၵ်ႈ​တူၺ်း​ဢေႃႈ။-</verse>
				<verse number="18">တီႈ​ၼၼ်ႈ လႆႈ​ပျေႉ​ၸုမ်ႇ​ဝႆႉ​တင်း​ပုင်ႇ​ႁၢင်ႈ ၶေႇရူႉၽဵမ်ႇ တင်း​တူၼ်ႈ​ထၢၼ်​လႄႈ ၵႃႈ​တီႈ​ၵႄႈ​ဝူင်ႈ​ၵၢင် ၶေႇရူႉၽဵမ်ႇ ယေႈ​သွင်​ဢၼ်​ၼၼ်ႉ မီး​တူၼ်ႈ​ထၢၼ်​ယေႈ​ဢၼ် ၼင်ႇ​ၵၼ်​ဢေႃႈ။ ၶေႇရူႉၽဵမ်ႇ ​ယေႈ​ဢၼ် မီး​ၼႃႈ​ယေႈ​သွင်​ၼႃႈ ၼင်ႇ​ၵၼ်​လႄႈ​-</verse>
				<verse number="19">ဢွၼ်​ၵၼ်​ဢဝ် ဢၼ်​ပဵၼ်​ၼႃႈ​ၵူၼ်း​ၼၼ်ႉ ဝၢႆႇ​ၸူး​ၵႃႈ​တီႈ​တူၼ်ႈ​ထၢၼ်​ၽၢႆႇ​ၼိုင်ႈ​ယူႇ၊ ဢဝ်​ၼႃႈ​ဢၼ်​ပဵၼ်​သၢင်ႇ​သီႈ​ၼၼ်ႉ ဝၢႆႇ​ၸူး ၵႃႈ​တီႈ​တူၼ်ႈ​ထၢၼ်​ၽၢႆႇ​ၼိုင်ႈ​ယူႇ​လႄႈ ပဵၼ်​ၸိူဝ်ႉ​ၼင်ႇ​ၼၼ် ၵႃႈ​တီႈ​ၸွမ်း​ႁိမ်း​လဵပ်ႈ​ႁွပ်ႈ ႁိူၼ်း​ၸဝ်ႈ​ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="20">ဢဝ်​ၵႃႈ​တီႈ​လိၼ် တေႃႇ​ထိုင်​ႁွတ်ႈ​ၵႃႈ​ၼိူဝ်​ႁူး​ၽၵ်း​တူ​ၼၼ်ႉ မီး​တၢင်း​ဢၼ်​တွင်ႈ​ႁဵတ်း​ပုင်ႇ​ႁၢင်ႈ ၶေႇရူႉၽဵမ်ႇ ​ဢိၵ်ႇ​တင်း တူၼ်ႈ​ထၢၼ်​ဝႆႉ ၵႃႈ​တီႈ​ၽႃ​ပိၵ်ႈ​မၢၼ်ႇ​ၸဝ်ႈ​ဢေႃႈ။-</verse>
				<verse number="21">သဝ်​ပိၵ်ႈ​မၢၼ်ႇ​ၸဝ်ႈ ၸိူဝ်း​ၼၼ်ႉ ပဵၼ်​သီႇ​ၸဵင်ႇ​ၶိုင်ႈ​ဝႆႉ​လႄႈ ၼႃႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ မိူၼ်​ၵၼ်​တင်း​ၼႃႈ ပိၵ်ႈ​မၢၼ်ႇ​ၸဝ်ႈ​ဢေႃႈ။</verse>
				<verse number="22">ယိတ်ႈပလၢင်ႇ​ၼိူဝ်ႉ​မႆႉ​ၼၼ်ႉ၊ ဢၼ်​သုင်​မၼ်း​မီး​သၢမ်​သွၵ်ႇ၊ ၼႃႈ​ယၢဝ်း​မၼ်း​သွင်​သွၵ်ႇ၊ ၼႃႈ​ပွတ်း​မၼ်း​သွင်​သွၵ်ႇ​ဢေႃႈ။ ၸဵင်ႇ​မၼ်း၊ ၶူင်ႇ​ႁၢၼ်ႉ​တိၼ်​မၼ်း ၼႃႈ​ႁိမ်း​မၼ်း​ၸိူဝ်း​ၼၼ်ႉ ယဝ်ႉ​တူဝ်ႈ​လူၺ်ႈ​ၼိူဝ်ႉ​မႆႉ​ဢေႃႈ။ မၼ်း​ၼၼ်ႉ လၢတ်ႈ​တီႈ​ၵဝ်​လႄႈ​ဝႃႈ၊​ဢၼ်​ၼႆႉ​ၸမ်ႉ၊ ပဵၼ်​ၶူင်ႇ​တီႈ​ၵိၼ်​ဢၼ်​တၢင်ႇ​တမ်း​ဝႆႉ​ၵႃႈ​တီႈ ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ပိၵ်ႈ​မၢၼ်ႇ​ၸဝ်ႈ​တင်း​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ​ၼၼ်ႉ ၽၵ်း​တူ​ယေႈ​ဢၼ်​ယေႈ​ႁူး​ၼင်ႇ​ၵၼ်​လႄႈ၊-</verse>
				<verse number="24">ၽၵ်း​တူ ၸိူဝ်း​ၼၼ်ႉ​ၵေႃႈ မီး​မႂ်​ၽၵ်း​တူ​ဢၼ်​တင်ႈ​ၶိုၼ်ႈ​ဝႆႉ ယေႈ​ႁူး​ယေႈ​သွင်​မႂ်​ၼင်ႇ​ၵၼ်​ဢေႃႈ။-</verse>
				<verse number="25">ၵႃႈ​တီႈ​မႂ်​ၽၵ်း​တူ ၸိူဝ်း​ၼၼ်ႉ မီး​တၢင်း​ဢၼ်​တွင်ႈ​ႁဵတ်း ပုင်ႇ​ႁၢင်ႈ​ ၶေႇရူႉၽဵမ်ႇ ဢိၵ်ႇ​တင်း တူၼ်ႈ​ထၢၼ်​ဝႆႉ မိူၼ်​ၸိူဝ်ႉ​ၼင်ႇ​ဢၼ်​တွင်ႈ​ႁဵတ်း​ၵႃႈ​တီႈ ၽႃ​ပိၵ်ႈ​မၢၼ်ႇ​ၸဝ်ႈ ၼၼ်ႉ​ဢေႃႈ။ ပႅၼ်ႈ​ဢၼ်​ၼႃ​ၼၼ်ႉ မီး​ဝႆႉ​ယူႇ ၵႃႈ​ၼိူဝ်​ၼႃႈ​မုၵ်ႈ​ၼၼ်ႉ ၵႃႈ​တီႈ​ၽၢႆႇ​ၼွၵ်ႈ​မၼ်း​ဢေႃႈ။-</verse>
				<verse number="26">ၵႃႈ​တီႈ​သွင်​ၽၢႆႇ​မုၵ်ႈ​ၼၼ်ႉ ယေႈ​ၽၢႆႇ​မီး​ႁူး​လၢင်း​တဵၼ် ဢၼ်​ၵႅပ်ႈ​ဢိၵ်ႇ​တင်း တူၼ်ႈ​ထၢၼ် တင်း​လၢႆ​ဢေႃႈ။ ၼင်ႇ​ၼၼ်​လႄႈ ႁိူၼ်း​ၸဝ်ႈ​ၼၼ်ႉ ပျေႉ​ၸုမ်ႇ​ဝႆႉ​တင်း​လုၵ်း​ၽႃ ဢိၵ်ႇ​တင်း ပႅၼ်ႈ​ဢၼ်​ၼႃ ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="42">
				<verse number="1">လိုၼ်း​ၼၼ်ႉ မၼ်း​ႁွင်ႉ​ဢဝ်​ၵဝ် ၸွမ်း​သဵၼ်ႈ​တၢင်း ၼႃႈ​တၢင်း​ႁွင်ႇ​ၵႂႃႇ​ၸူး ၵႃႈ​ၼႂ်း​တမ်ႇ​တိူင်း ဢၼ်​ၵႃႈ​ၼွၵ်ႈ​လႄႈ ဢဝ်​ၵဝ်​သူင်ႇ​ႁွတ်ႈ ၵႃႈ​ၼႂ်း​လုၵ်း​ဢၼ် ဝၢႆႇ​ၼႃႈ​တေႃႇ​တီႈ​ဢၼ်​ပဝ်ႇ​ဢၼ်​လၢပ်ႈ​လႄႈ ဝၢႆႇ​ၼႃႈ​တေႃႇ​ႁိူၼ်း ၵႃႈ​တီႈ​ၽၢႆႇ​တၢင်း​ႁွင်ႇ​ၼၼ်ႉ​ဢေႃႈ။-</verse>
				<verse number="2">ၵႃႈ​တီႈ​ၽၢႆႇ​ၼႃႈ ၼႃႈ​ယၢဝ်း​ပၢၵ်ႇ​သွၵ်ႇ​ၼၼ်ႉ မီး​ၽၵ်း​တူ​ၼႃႈ​တၢင်း​ႁွင်ႇ​လႄႈ ၼႃႈ​ပွတ်း​မၼ်း မီး​ႁႃႈ​သိပ်း​သွၵ်ႇ​ဢေႃႈ။-</verse>
				<verse number="3">ၵႃႈ​တီႈ​ဢၼ်​တေႃႇ​ၵၼ်​သိုဝ်ႈ​ၵၼ်​တင်း​သၢဝ်း​သွၵ်ႇ ဢၼ်​ၸၢပ်ႈ​သႅင်ႇ​ၵၼ်​တင်း​တမ်ႇ​တိူင်း ဢၼ်​ၵႃႈ​ၼႂ်း ဢိၵ်ႇ​တင်း တေႃႇ​ၵၼ် သိုဝ်ႈ​ၵၼ်​တင်း​မၢၵ်ႇ​ႁိၼ်​သိူဝ်ႇ ဢၼ်​ၸၢပ်ႈ​သႅင်ႇ​ၵၼ်​တင်း တမ်ႇ​တိူင်း​ဢၼ် ၵႃႈ​ၼွၵ်ႈ​ၼၼ်ႉ မီး​ၸၢၼ်း​လုၵ်း​သၢမ်​ႁၢၼ်ႉ​ဢေႃႈ။-</verse>
				<verse number="4">ၵႃႈ​တီႈ​ၽၢႆႇ​ၼႃႈ​လုၵ်း ၸိူဝ်း​ၼၼ်ႉ၊ မီး​တီႈ​ဢၼ်​ၽၢႆႈ​သၢင်း​ၵျၢၼ်ႇ ဢၼ်​ၵႂၢင်ႈ​သိပ်း​သွၵ်ႇ​လႄႈ ၶဝ်ႈ​ၵႂႃႇ​ၽၢႆႇ​တၢင်း​ၼႂ်း​ၼၼ်ႉ ဢိၵ်ႇ​လူၺ်ႈ​ၵၼ်​တင်း သဵၼ်ႈ​တၢင်း​ဢၼ်​ၵႂၢင်ႈ​သွၵ်ႇ​ၼိုင်ႈ ဢေႃႈ။ ၽၵ်း​တူ​လုၵ်း ၸိူဝ်း​ၼၼ်ႉ ဝၢႆႇ​ၼႃႈ​ၵႂႃႇ​တီႈ​ၽၢႆႇ​တၢင်း​ႁွင်ႇ​ယူႇ​ဢေႃႈ။-</verse>
				<verse number="5">လုၵ်း​ဢၼ်​ၵႃႈ​ၼိူဝ် ၸိူဝ်း​ၼၼ်ႉ ပဵၼ်​ဢၼ်​လဵၵ်ႉ​ဢၼ်​ၵႅပ်ႈ​ဢေႃႈ။ ၸၢၼ်း​ၶဝ်​ၼၼ်ႉ သုတ်ႉ​ၶဝ်ႈ​ယိုတ်း​ၶဝ်ႈ​လႄႈ ႁႂ်ႈ​ၶဝ်​လဵၵ်ႉ​ၼႃႇ သေ​ၸၢၼ်း​လုၵ်း​ဢၼ် ၵႃႈ​တႂ်ႈ ဢိၵ်ႇ​တင်း ၸၢၼ်း​လုၵ်း​ဢၼ်​ၶိုင်ႈ​ၵၢင် ၸိူဝ်း​ၼၼ်ႉ​ဢေႃႈ။-</verse>
				<verse number="6">လွင်ႈ​မၼ်း​ၸမ်ႉ ပိၵ်ႉ​သမ်ႉ​ပဵၼ်​သၢမ်​ႁၢၼ်ႉ​သေ​ၵေႃႈ၊ ၶဝ်​ဢမ်ႇ​မီး​သဝ်​မိူၼ်​ၸိူဝ်ႉ​ၼင်ႇ သဝ်​တီႈ​တမ်ႇ​တိူင်း​ၸိူဝ်း​ၼၼ်ႉ။ ပိူဝ်ႈ​ဢၼ်​ပဵၼ် ၼင်ႇ​ၼႆ​လႄႈ ဢၼ်​ၵႃႈ​ၼိူဝ် ယဵင်ႈ​ၶႅၼ်း​ၵႅပ်ႈ​သေ ဢၼ်​ၵႃႈ​တႂ်ႈ ဢိၵ်ႇ​တင်း ဢၼ်​ၶိုင်ႈ​ၵၢင်​ၼၼ်ႉ​ဢေႃႈ။-</verse>
				<verse number="7">ၽႃ​ဢၼ်​မီး​ၵႃႈ​ၼွၵ်ႈ ၵႃႈ​တီႈ​ႁိမ်း​လုၵ်း ၸိူဝ်း​ၼၼ်ႉ ဢၼ်​သိုဝ်ႈ​ၵၼ်​တင်း​တမ်ႇ​တိူင်း ဢၼ်​ၵႃႈ​ၼွၵ်ႈ​ၵႃႈ​တီႈ​ၽၢႆႇ​ၼႃႈ​လုၵ်း ၸိူဝ်း​ၼၼ်ႉ​ၼၼ်ႉ၊ ဢၼ်​ယၢဝ်း​မၼ်း​မီး​ႁႃႈ​သိပ်း​သွၵ်ႇ​ဢေႃႈ။-</verse>
				<verse number="8">လုၵ်း​ဢၼ်​ၸၢပ်ႈ​သႅင်ႇ​ၵၼ်​တင်း တမ်ႇ​တိူင်း ဢၼ်​ၵႃႈ​ၼွၵ်ႈ​ၸိူဝ်း​ၼၼ်ႉ ဢၼ်​ယၢဝ်း​မၼ်း​မီး​ႁႃႈ​သိပ်း​သွၵ်ႇ​ဢေႃႈ။ ဢၼ်​ယၢဝ်း ၵႃႈ​တီႈ​ၽၢႆႇ​ၼႃႈ​ပိၵ်ႈ​မၢၼ်ႇ​ၸဝ်ႈ​ၼၼ်ႉ မီး​ပၢၵ်ႇ​သွၵ်ႇ​ဢေႃႈ။-</verse>
				<verse number="9">ၵႃႈ​တီႈ​တိၼ်​လုၵ်း​ၸိူဝ်း​ၼႆႉ မီး​တၢင်း​ဢၼ်​ၶဝ်ႈ​ၸူး​ၵႃႈ​ၼႂ်း ၵႃႈ​တီႈ​ၽၢႆႇ​ၼႃႈ​တၢင်း​ဢွၵ်ႇ​ၼၼ်ႉ မိူဝ်ႈ​ဢၼ်​လုၵ်ႉ​သေ​ၵႃႈ​တီႈ တမ်ႇ​တိူင်း ဢၼ်​ၵႃႈ​ၼွၵ်ႈ​ၶဝ်ႈ​မႃး​ၼၼ်ႉ​ဢေႃႈ။-</verse>
				<verse number="10">ၵႃႈ​ၼႂ်း​ၼႃႈ​ၽႃ​တမ်ႇ​တိူင်း ဢၼ်​မီး​ၽၢႆႇ​တၢင်း​ဢွၵ်ႇ ၵႃႈ​တီႈ​ၽၢႆႇ​ၼႃႈ​တီႈ​ဢၼ်​ပဝ်ႇ​ဢၼ်​လၢပ်ႈ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ႁိူၼ်း​ၼၼ်ႉ​ၵေႃႈ မီး​လုၵ်း တင်း​လၢႆ​ဢေႃႈ။-</verse>
				<verse number="11">တီႈ​ဢၼ်​ၽၢႆႈ​သၢင်း​ၵျၢၼ်ႇ ဢၼ်​မီး​ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ တီႈ​ဢၼ်​ၽၢႆႈ​သၢင်း​ၵျၢၼ်ႇ လုၵ်း​ၼႃႈ​တၢင်း​ႁွင်ႇ ၸိူဝ်း​ၼၼ်ႉ ၼၼ်ႉ​လႄႈ ၸွမ်း​လူၺ်ႈ​ၼႃႈ​ပွတ်း​ၶဝ်၊ ၼႃႈ​ယၢဝ်း​ၶဝ် သေ​လႄႈ၊ တီႈ​ဢၼ်​ၶဝ်ႈ​ဢၼ်​ဢွၵ်ႇ​ၵႃႈ​မီး​ၼၼ်ႉ​ၵေႃႈ ၸွမ်း​လူၺ်ႈ​ပုင်ႇ​ႁၢင်ႈ​ၶဝ် ဢိၵ်ႇ​တင်း ၽၵ်း​တူ​ၶဝ်​ၼၼ်ႉ​ဢေႃႈ။-</verse>
				<verse number="12">ၽၵ်း​တူ​လုၵ်း​ၼႃႈ​တၢင်း​ၸၢၼ်း ၸိူဝ်း​ၼၼ်ႉ​ၸမ်ႉ၊ မီး​ႁူး​ၽၵ်း​တူ​ႁူဝ်ႉ သဵၼ်ႈ​တၢင်း​ဢၼ်​ဝႃႈ သဵၼ်ႈ​တၢင်း​ဢၼ်​သိုဝ်ႈ​ၵႃႈ​တီႈ ၽၢႆႇ​ၼႃႈ​ၽႃ​ဢၼ်​တေႃႇ​ၵၼ် သိုဝ်ႈ​ၵၼ်​တင်း​ၼႃႈ​တၢင်း​ဢွၵ်ႇ​ၼၼ်ႉ မိူဝ်ႈ​ဢၼ်​ၶဝ်ႈ​ၸူး ၵႃႈ​ၼႂ်း​ၶဝ်​ၼၼ်ႉ​ဢေႃႈ။-</verse>
				<verse number="13">မၼ်း​ၼၼ်ႉ လၢတ်ႈ​တီႈ​ၵဝ်​လႄႈ​ဝႃႈ၊ လုၵ်း​ၼႃႈ​တၢင်း​ႁွင်ႇ ဢိၵ်ႇ​တင်း လုၵ်း​ၼႃႈ တၢင်း​ၸၢၼ်း​ဢၼ်​ဝၢႆႇ​ၼႃႈ​တေႃႇ​တီႈ​ဢၼ်​ပဝ်ႇ​ဢၼ်​လၢပ်ႈ​ယူႇ ၸိူဝ်း​ၼၼ်ႉ ပဵၼ်​လုၵ်း​ဢၼ်​မူတ်း​ၸၢင်ႇ၊ တီႈ​ဢၼ်​ယိတ်ႈပရေႃးႁဵၵ်ႈ ဢၼ်​လႆႈ သုတ်ႉ​ၸပ်း​သုတ်ႉ​ၸူး​ၵႃႈ​တီႈ ထႃႇဝရႃႉ​ၽြႃး ၸိူဝ်း​ၼၼ်ႉ လႆႈ​ၵိၼ်​လွင်ႈ​တၢင်း​ဢၼ် မူတ်း​ၸၢင်ႇ​ၼႃႇ​လူင်​လၢင် ၸိူဝ်း​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ် ၵႃႈ​တီႈ​ၼၼ်ႈ​ပဵၼ်​ဢၼ်​မူတ်း​ၸၢင်ႇ​လႄႈ၊ တၵ်း​လႆႈ​ဢဝ်​လွင်ႈ​တၢင်း​ဢၼ်​မူတ်း​ၸၢင်ႇ​ၼႃႇ​လူင်​လၢင် တင်း​လၢႆ ဢိၵ်ႇ​တင်း ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ၊ ယိတ်ႈ​ဢၼ်​ၽေႇ​ဢပႅတ်ႈ၊ ယိတ်ႈ​ဢၼ်​ၽေႇ​တူႉ​ၸရိူၵ်ႈ ၸိူဝ်း​ၼၼ်ႉ ဝႆႉ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="14">မိူဝ်ႈ​ဢၼ် ယိတ်ႈပရေႃးႁဵၵ်ႈ တင်း​လၢႆ ၶဝ်ႈ​ၼၼ်ႉ​ၸိုင်၊ ၶဝ်​ဢမ်ႇ​လႆႈ​လုၵ်ႉ​သေ​ၵႃႈ​တီႈ​ဢၼ် မူတ်း​ၸၢင်ႇ​ၼၼ်ႉ ဢွၵ်ႇ​ၸူး ၵႃႈ​တီႈ​တမ်ႇ​တိူင်း ဢၼ်​ၵႃႈ​ၼွၵ်ႈ။ တၵ်း​လႆႈ​ဢဝ်​ၶူဝ်း​ၼုင်ႈ ဢၼ်​ၶဝ်​ဢဝ်​ပွင်​ႁဵတ်း​ဢမူႉ​ၸဝ်ႈ​ၼၼ်ႉ ဝႆႉ​ၵႃႈ​တီႈ​ၼၼ်ႈ ၵွပ်ႈ​ပိူဝ်ႈ ဢၼ်​ၶူဝ်း​ၼုင်ႈ​ၼၼ်ႉ ပဵၼ်​ဢၼ်​မူတ်း​ၸၢင်ႇ ၼၼ်ႉ​လႄႈ ၼုင်ႈ​ၶူဝ်း​ၼုင်ႈ တၢင်ႇ​ၸိူဝ်ႉ​တၢင်ႇ​ဢၼ်​သေ​ယဝ်ႉ ၸင်ႇ​တၵ်း​လႆႈ​ဢွၼ်​ၵၼ် ဢွၵ်ႇ​ၵႂႃႇ​ၸူး ၵႃႈ​တီႈ​ဢၼ်​ၵူၼ်း​တင်း​လၢႆ​မီး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">လိုၼ်း​သေ ဢၼ်​မၼ်း​တႅၵ်ႈ​တူၺ်း ပိၵ်ႈ​မၢၼ်ႇ​ၸဝ်ႈ ၵႃႈ​ၼႂ်း​ၼၼ်ႉ​ယဝ်ႉ​ၼၼ်ႉ၊ မၼ်း​ႁွင်ႉ​ဢဝ်​ၵဝ် ဢွၵ်ႇ​ၵႃႈ​တီႈ​ၼွၵ်ႈ​ၸွမ်း​သဵၼ်ႈ​တၢင်း​ၽၵ်း​တူ ၽၢႆႇ​ဝၼ်း​ဢွၵ်ႇ​သေ​လႄႈ တႅၵ်ႈ​တူၺ်း​ၵႃႈ​တီႈ ၸွမ်း​ႁိမ်း​လဵပ်ႈ​ႁွပ်ႈ​မၼ်း​ဢေႃႈ။-</verse>
				<verse number="16">မၼ်း​ဢဝ်​လႅမ်ႈ​မႆႉ​ဢေႃႈ ဢၼ်​တၵ်း​တႅၵ်ႈ​ၼၼ်ႉ တႅၵ်ႈ​တူၺ်း​ၼႃႈ​ၽၢႆႇ​ဝၼ်း​ဢွၵ်ႇ ၼၼ်ႉ​လႄႈ ၸွမ်း​ႁိမ်း​မၼ်း​မီး​ႁႃႈ​ပၢၵ်ႇ တႅၵ်ႈ​လႅမ်ႈ မႆႉ​ဢေႃႈ ၼၼ်ႉ​ဢေႃႈ။-</verse>
				<verse number="17">မၼ်း​တႅၵ်ႈ​တူၺ်း​ၼႃႈ​ၽၢႆႇ​တၢင်း​ႁွင်ႇ ၼၼ်ႉ​လႄႈ ၸွမ်း​ႁိမ်း​မၼ်း​မီး​ႁႃႈ​ပၢၵ်ႇ​တႅၵ်ႈ​လႅမ်ႈ​မႆႉ​ဢေႃႈ ၼၼ်ႉ​ဢေႃႈ။-</verse>
				<verse number="18">မၼ်း​တႅၵ်ႈ​တူၺ်း​ၼႃႈ​ၽၢႆႇ​တၢင်း​ၸၢၼ်း ၼၼ်ႉ​လႄႈ ၸွမ်း​ႁိမ်း​မၼ်း​မီး​ႁႃႈ​ပၢၵ်ႇ​တႅၵ်ႈ လႅမ်ႈ​မႆႉ​ဢေႃႈ ၼၼ်ႉ​ဢေႃႈ။-</verse>
				<verse number="19">မၼ်း​တႅၵ်ႈ​တူၺ်း​ၼႃႈ​ၽၢႆႇ​ဝၼ်း​တူၵ်း ၼၼ်ႉ​လႄႈ ၸွမ်း​ႁိမ်း​မၼ်း​မီး​ႁႃႈ​ပၢၵ်ႇ​တႅၵ်ႈ လႅမ်ႈ​မႆႉ​ဢေႃႈ ၼၼ်ႉ​ဢေႃႈ။-</verse>
				<verse number="20">မၼ်း​တႅၵ်ႈ​တူၺ်း သီႇ​ၼႃႈ​မၼ်း​ၼၼ်ႉ​လႄႈ မၼ်း​ၼၼ်ႉ​မီး​တမ်ႇ​တိူင်း ၵႃႈ​တီႈ​ၸွမ်း​ႁိမ်း​လဵပ်ႈ​ႁွပ်ႈ​မၼ်း​ယူႇ ႁႂ်ႈ​လႆႈ​ၸၵ်း​ၽႄ​တီႈ​ဢၼ် မူတ်း​ၸၢင်ႇ ဢိၵ်ႇ​တင်း တီႈ​ဢၼ်​ဢမ်ႇ​မူတ်း​ၸၢင်ႇ​ယူႇ သေ​လႄႈ ၼႃႈ​ယၢဝ်း​မၼ်း​မီး ႁႃႈ​ပၢၵ်ႇ​တႅၵ်ႈ၊ ၼႃႈ​ပွတ်း​မၼ်း​မီး​ႁႃႈ​ပၢၵ်ႇ​တႅၵ်ႈ​ဢေႃႈ။</verse>
			</chapter>
			<chapter number="43">
				<verse number="1">လိုၼ်း​ၼၼ်ႉ မၼ်း​ႁွင်ႉ​ဢဝ်​ၵဝ်​ၵႂႃႇ ၵႃႈ​တီႈ​ႁူး​ၽၵ်း​တူ ဢၼ်​ဝႃႈ​ၽၵ်း​တူ ဢၼ်​ဝၢႆႇ​ၼႃႈ​ၵႂႃႇ​ၵႃႈ​တီႈ​ၽၢႆႇ​ဝၼ်း​ဢွၵ်ႇ ၼၼ်ႉ​လႄႈ၊-</verse>
				<verse number="2">မုၼ်​ၽုင်း ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ​ၼၼ်ႉ လုၵ်ႉ​သေ​ၵႃႈ​တီႈ​ၽၢႆႇ​တၢင်း​ဢွၵ်ႇ​မႃး​လႄႈ သဵင်​မၼ်း​ပဵၼ်​ၸိူဝ်ႉ​ၼင်ႇ သဵင်​ၼမ်ႉ​သမ်ႇ​မုၵ်ႉ​တြႃႇ ၼၼ်ႉ​ဢေႃႈ။ ၵွပ်ႈ​ပိူဝ်ႈ သၢႆ​ဢရွင်ႇ​မၼ်း​ၸဝ်ႈ ၼၼ်ႉ​လႄႈ ၼႃႈ​လိၼ်​ႁိူဝ်ႈ​လႅင်း​ၵႂႃႇ​တင်း​ၼႃႈ​ဢေႃႈ။-</verse>
				<verse number="3">ရူႇပႃႇရူင်ႇ​ၼၼ်ႉ မိူၼ်​ၵၼ်​တင်း​ရူႇပႃႇရူင်ႇ ဢၼ်​ၵဝ်​ႁၼ်​ဢၼ်​ဝႃႈ ရူႇပႃႇရူင်ႇ​ဢၼ်​ၵဝ် ႁၼ်​မိူဝ်ႈ​ဢၼ်​ၵဝ်​မႃး ႁႂ်ႈ​လႆႈ​ယႃႉ​ၽဵဝ်ႈ ဝဵင်း​ၸဝ်ႈ​ပႅတ်ႈ​ၼၼ်ႉ​ဢေႃႈ။ ရူႇပႃႇရူင်ႇ ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ ရူႇပႃႇရူင်ႇ ဢၼ်​ၵဝ်​ႁၼ်​ၵႃႈ​တီႈ​ႁိမ်း ၼမ်ႉ​ႁွင်ႈ​ ၶေႇပႃႇ ​ၼၼ်ႉ​လႄႈ ၵဝ်​ၶုပ်ႉ​မူပ်ႇ​ယူႇ​ဢေႃႈ။-</verse>
				<verse number="4">မုၼ်​ၽုင်း ထႃႇဝရႃႉ​ၽြႃး ၼၼ်ႉ ၸွမ်း​သဵၼ်ႈ​တၢင်း​ၽၵ်း​တူ ဢၼ်​ဝၢႆႇ​ၼႃႈ​တေႃႇ​ၽၢႆႇ​ဝၼ်း​ဢွၵ်ႇ​ၼၼ်ႉ သေ​လႄႈ ၶဝ်ႈ​ၵႃႈ​ၼႂ်း​ႁိူၼ်း​ၸဝ်ႈ ဢေႃႈ။-</verse>
				<verse number="5">မိူဝ်ႈ​ၼၼ်ႉ ဝီႉၺိၺ်ႇ​ၸဝ်ႈ ဢုမ်ႈ​ႁွပ်ႇ​ဢဝ်​ၵဝ်​သေ​လႄႈ ဢဝ်​ၵဝ်​ၵႂႃႇ​ၵႃႈ​ၼႂ်း​တမ်ႇ​တိူင်း ဢၼ်​ၵႃႈ​ၼႂ်း​လႄႈ မုၼ်​ၽုင်း ထႃႇဝရႃႉ​ၽြႃး​ၼၼ်ႉ တဵမ်​ဝႆႉ​ၵႃႈ​ၼႂ်း​ႁိူၼ်း​ၸဝ်ႈ ၼၼ်ႉ​ဢေႃႈ။-</verse>
				<verse number="6">ၵဝ်​ငိၼ်း​သဵင်​ဢၼ်​ယူႇ ၵႃႈ​ၼႂ်း​ႁိူၼ်း​ၸဝ်ႈ မီး​ဢမိင်ႉ​တီႈ​ၵဝ်​လႄႈ ၵူၼ်း​ၵေႃႉ​ၼိုင်ႈ ၸုၵ်း​ယူႇ​ၵႃႈ​တီႈ​ႁိမ်း​ၵဝ်​ဢေႃႈ။-</verse>
				<verse number="7">မၼ်း​ၸဝ်ႈ မီး​ဢမိင်ႉ​တီႈ​ၵဝ်​လႄႈ​ဝႃႈ​ၸမ်ႉ၊ လုၵ်ႈ​ၵူၼ်း​ဢိူၺ်း၊ ၵႃႈ​တီႈ​ၼႆႈ ပဵၼ်​တီႈ​ဢၼ်​ပလၢင်ႇ​ၵဝ်​တႄႇ​ယူႇ၊ တီႈ​ဢၼ်​ၽႃႇ​တိၼ်​ၵဝ် ယဵပ်ႇ​တမ်း​ယူႇ၊ တီႈ​ဢၼ်​ၵဝ်​ယူႇ​ၵႃႈ​ၼႂ်း​ၵူၼ်း မဵဝ်း​ ဢီႉသရေႇလႃႉ ​တင်း​လၢႆ ယူႇ​တႃႇ​သေႇ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း ၶုၼ်​ႁေႃ​ၶမ်း ၶဝ်​ၸိူဝ်း​ၼၼ်ႉ ၵမ်း​လိုၼ်း ဢမ်ႇ​လႆႈ​ၶျႃး​ၼႃႇ​မႃႉ​ၸိုဝ်ႈ​သဵင်​မျၢတ်ႈ​ၵဝ် တူၵ်း​တီႈ​တႅမ်ႇ​လူၺ်ႈ တၢင်း​ဢၼ် ၶဝ်​ၽိတ်း​ပိူင်ႈ ၸိူဝ်း​ၼၼ်ႉ ဢိၵ်ႇ​တင်း လူၺ်ႈ​တူဝ်​တၢႆ​ၶုၼ်​ႁေႃ​ၶမ်း ၸိူဝ်း​ၼၼ်ႉ ၵႃႈ​ၼိူဝ်​တီႈ​ဢၼ်​သုင်​ၶဝ် တင်း​လၢႆ​ၼၼ်ႉ။-</verse>
				<verse number="8">ၼႂ်း​လွင်ႈ​ဢၼ် ၶဝ်​တႄႇ​ႁဵတ်း ၶူင်ႇ​ၽၵ်း​တူ​ၶဝ် ၵႃႈ​တီႈ​ႁိမ်း​ၶူင်ႇ​ၽၵ်း​တူ​ၵဝ်၊ တႄႇ​ႁဵတ်း​သဝ်​ၽၵ်း​တူ​ၶဝ် ၵႃႈ​တီႈ​ႁိမ်း​သဝ် ၽၵ်း​တူ​ၵဝ် မီး​ၽႃ​ဢၼ်​လဵဝ်​ၵူၺ်း​ၵႃႈ​တီႈ​ဝူင်ႈ​ၵၢင်​ၵဝ်​တင်း​ၶဝ်​ၼၼ်ႉ ၶဝ်​ဢဝ်​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​ၶဝ်​ႁဵတ်း ၸိူဝ်း​ၼၼ်ႉ ၶျႃး​ၼႃႇ​မႃႉ​ၸိုဝ်ႈ​သဵင်​မျၢတ်ႈ​ၵဝ် တူၵ်း​တီႈ​တႅမ်ႇ​လႄႈ ၵဝ်​ပႃး​တၢင်း​ၸႂ်​မႆႈ​ၶႆႈ​ၸႃႉ​ၵဝ် သေ​လႄႈ ယႃႉ​ၶဝ်​ပႅတ်ႈ​ယဝ်ႉ။-</verse>
				<verse number="9">မိူဝ်ႈ​လဵဝ်​ၼႆႉ​ၸမ်ႉ၊ ႁႂ်ႈ​ၶဝ်​ဢွၼ်​ၵၼ်​ပႄႇ​ပႅတ်ႈ လွင်ႈ​တၢင်း​ဢၼ် ၶဝ်​ၽိတ်း​ပိူင်ႈ ၸိူဝ်း​ၼၼ်ႉ ဢိၵ်ႇ​တင်း တူဝ်​တၢႆ​ၶုၼ်​ႁေႃ​ၶမ်း ၶဝ်​ၸိူဝ်း​ၼၼ်ႉ သေ​ၵႃႈ​တီႈ​ၵဝ်​ၵႆ​ၵႆ​သေ​တႃႉ။ ၵဝ်​တၵ်း​ယူႇ ၵႃႈ​ၼႂ်း​ၵၢင်​ၶဝ်​ယူႇ​တႃႇ​သေႇ​ဢေႃႈ။-</verse>
				<verse number="10">လုၵ်ႈ​ၵူၼ်း​ဢိူၺ်း၊ ၼႄ​ပျႃး​ႁိူၼ်း​ၸဝ်ႈ တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​လႆႈ​ဢူၵ်း​ဢၢႆ ၵွပ်ႈ​ပိူဝ်ႈ​တူႉ​ၸရိူၵ်ႈ ဢပႅတ်ႈ​ၶဝ်​တႃႉ။ ႁႂ်ႈ​ၶဝ်​ဢွၼ်​ၵၼ် တႅၵ်ႈ​တူၺ်း​ပုင်ႇ​မၼ်း​တႃႉ။-</verse>
				<verse number="11">ပေႃး​ၶဝ်​ၼၼ်ႉ ဢူၵ်း​ဢၢႆ​ၵွပ်ႈ​ပိူဝ်ႈ လွင်ႈ​တၢင်း​ဢၼ် ၶဝ်​ႁဵတ်း​ၵႃႈ​မီး​ၼၼ်ႉ ဢမၢၼ်ႇ​ၶၼ်​ပဵၼ်​ၸိုင်၊ ၼႄ​ပျႃး​ပုင်ႇ​ႁိူၼ်း​ဢိၵ်ႇ​တင်း ႁၢင်ႈ​ၽၢင်​မၼ်း၊ ႁူး​ၽၵ်း​တူ​တီႈ​ဢၼ်​ဢွၵ်ႇ​မၼ်း တီႈ​ဢၼ်​ၶဝ်ႈ​မၼ်း တင်း​လၢႆ၊ ထုင်း​ၸၢမ်ႇ​မၼ်း​ၵႃႈ​မီး ဢိၵ်ႇ​တင်း ထုင်း​ၽိင်ႈ​တြႃး​မၼ်း ၵႃႈ​မီး ထုင်း​ၸၢမ်ႇ​မၼ်း​ၵႃႈ​မီး ဢိၵ်ႇ​တင်း တြႃး​မၼ်း ဢၼ်​ၸီႇ​ယၢင်ႇ​ႁဵတ်း​ဝႆႉ ၵႃႈ​မီး​ၼၼ်ႉ​လႄႈ တႅမ်ႈ​ဝႆႉ သိုဝ်ႈ​ၼႃႈ​တႂ်ႈ​တႃ​ၶဝ် ႁႂ်ႈ​ၶဝ်​လႆႈ​ပႂ်ႉ​ၵမ်​ပႂ်ႉ​ၵျၢင်ႉ ထုင်း​ၸၢမ်ႇ​မၼ်း​ၵႃႈ​မီး ဢိၵ်ႇ​တင်း လွင်ႈ​တၢင်း​ဢၼ် ၸီႇ​ယၢင်ႇ​ႁဵတ်း​ထုင်း​ဝႆႉ ၵႃႈ​မီး​ၼၼ်ႉ သေ​လႄႈ ႁဵတ်း​ၸွမ်း​တႃႉ။-</verse>
				<verse number="12">တြႃး​ႁိူၼ်း​ၸဝ်ႈ​ၸမ်ႉ၊ ၵႃႈ​ၼိူဝ်​ပၢႆ​ၸိၵ်း​လွႆ​ၼၼ်ႉ၊ လႅၼ်​လိၼ်​တူင်ႈ​တင်း​ႁိူၼ်း​ၸဝ်ႈ ၵႃႈ​မီး​ၼၼ်ႉ တၵ်း​လႆႈ​ပဵၼ် ဢၼ်​မူတ်း​ၸၢင်ႇ​ၼႃႇ​လူင်​လၢင်​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​တြႃး​ႁိူၼ်း​ၸဝ်ႈ​ဢေႃႈ။</verse>
				<verse number="13">ဢၼ်​ၶပ်ႉ ဢၼ်​တႅၵ်ႈ ယိတ်ႈပလၢင်ႇ​ၸမ်ႉ၊ ပေႃး​ဢဝ်​သွၵ်ႇ​ပၢႆ​ၶိုပ်ႈ ႁႂ်ႈ​ပဵၼ်​သွၵ်ႇ ဢၼ်​တႅၵ်ႈ​ၸိုင်၊ ၶူင်ႇ​ႁၢၼ်ႉ​တိၼ်​မၼ်း မီး​သွၵ်ႇ​ၼိုင်ႈ၊ ဢၼ်​ၵႂၢင်ႈ​မၼ်း​မီး​သွၵ်ႇ​ၼိုင်ႈ၊ ဢၼ်​ၵႂၢင်ႈ​ၶွပ်ႇ​ႁိမ်း​မၼ်း​မီး​ၶိုပ်ႈ​ၼိုင်ႈ​ဢေႃႈ။ ဢၼ်​ၼႆႉ ပဵၼ်​ၽၢႆႇ​ၼွၵ်ႈ​ယိတ်ႈပလၢင်ႇ​ဢေႃႈ။-</verse>
				<verse number="14">ဢဝ်​ၵႃႈ​တီႈ​ၶူင်ႇ​ႁၢၼ်ႉ​တိၼ်​ၵႃႈ​လိၼ် တေႃႇ​ထိုင်​ႁွတ်ႈ ၵႃႈ​တီႈ​ႁၢၵ်ႈ​ႁၢၼ်ႉ​ၵၢင် တၵ်း​လႆႈ မီး​သွင်​သွၵ်ႇ​လႄႈ ဢၼ်​ၵႂၢင်ႈ​မၼ်း သွၵ်ႇ​ၼိုင်ႈ ဢေႃႈ။ ဢဝ်​ၵႃႈ​တီႈ​ႁၢၵ်ႈ​ဢွၼ်ႇ​တေႃႇ​ထိုင်​ႁွတ်ႈ​ႁၢၵ်ႈ​လူင် တၵ်း​လႆႈ​မီး​သီႇ​သွၵ်ႇ​လႄႈ ဢၼ်​ၵႂၢင်ႈ​မၼ်း​သွၵ်ႇ​ၼိုင်ႈ​ဢေႃႈ။-</verse>
				<verse number="15">တၢင်း​ဢၼ်​သုင်​ယိတ်ႈပလၢင်ႇ တၵ်း​လႆႈ မီး​သီႇ​သွၵ်ႇ​လႄႈ ၶဝ်​လႅမ်​သီႇ​လႅမ်ႈ​ၵေႃႈ တၵ်း​လႆႈ​ဢွၵ်ႇ​ၵႃႈ​တီႈ​ၼႃႈ​ၼိူဝ်​ယိတ်ႈပလၢင်ႇ ၶိုၼ်ႈ​ဢေႃႈ။-</verse>
				<verse number="16">ၼႃႈ​ၼိူဝ်​ယိတ်ႈပလၢင်ႇ​ၼၼ်ႉ ၼႃႈ​ယၢဝ်း​မၼ်း တၵ်း​လႆႈ​မီး သိပ်း​သွင်​သွၵ်ႇ၊ ၼႃႈ​ပွတ်း​မၼ်း သိပ်း​သွင်​သွၵ်ႇ​လႄႈ ပဵၼ်​သီႇ​ၸဵင်ႇ​ၶိုင်ႈ​ဝႆႉ​ဢေႃႈ။-</verse>
				<verse number="17">ႁၢၵ်ႈ​ဢၼ်​ၵႃႈ​တႂ်ႈ​ၵေႃႈ ၼႃႈ​ယၢဝ်း​မၼ်း တၵ်း​လႆႈ မီး​သိပ်း​ပၢႆ​သီႇ​သွၵ်ႇ၊ ၼႃႈ​ပွတ်း​မၼ်း သိပ်း​ပၢႆ​သီႇ​သွၵ်ႇ​လႄႈ ပဵၼ်​သီႇ​ၸဵင်ႇ​ၶိုင်ႈ​ဝႆႉ ဢေႃႈ။ ၶွပ်ႇ​ႁိမ်း​မၼ်း​ၵေႃႈ ဢၼ်​ၵႂၢင်ႈ​တၵ်း​လႆႈ​မီး​ၶိုပ်ႈ​ၼိုင်ႈ​ဢေႃႈ။ ၶူင်ႇ​ႁၢၼ်ႉ​တိၼ်​မၼ်း​ၼၼ်ႉ တၵ်း​လႆႈ​ပႅၼ်​ဢွၵ်ႇ​ၵႃႈ​တီႈ​လဵပ်ႈ​ႁွပ်ႈ ယိတ်ႈပလၢင်ႇ​သွၵ်ႇ​ၼိုင်ႈ​လႄႈ ၶၼ်ႈ​လႆ​တီႈ​ဢၼ် တၵ်း​ၶိုၼ်ႈ​ၸူး​ၼၼ်ႉ တၵ်း​လႆႈ ဝၢႆႇ​ၼႃႈ​ၵႂႃႇ​ၽၢႆႇ​တၢင်း​ဝၼ်း​ဢွၵ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">လႆႈ​သမ်ႉ မၼ်း​လၢတ်ႈ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ ၸွမ်း​ၵႃႈ​ၼင်ႇ​ဢၼ် ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဝႆႉ​ၼၼ်ႉ​လႄႈ၊ တြႃး​ယိတ်ႈပလၢင်ႇ ဢၼ်​တၵ်း​လႆႈ ပႂ်ႉ​ၵမ်​ပႂ်ႉ​ၸွမ်း​ၼႂ်း​မိုဝ်ႉ​ဝၼ်း ဢၼ်​တႄႇ​ႁဵတ်း​မၼ်း ပုၼ်ႈ​ဢၼ်​တၵ်း​ဢဝ်​ယိတ်ႈ ဢၼ်​တုတ်ႇ​ၽႆး ပုၵ်ႈ​ၸေႃႇ​လႄႈ ဢဝ်​လိူတ်ႈ​ၽႅတ်း ၼၼ်ႉ​ၸမ်ႉ၊-</verse>
				<verse number="19">မႂ်း​တၵ်း​လႆႈ​ဢဝ်​ဝူဝ်း​ပေႃႈ​ၼုမ်ႇ​ပုၼ်ႈ ယိတ်ႈ​ၽေႇ​ဢပႅတ်ႈ တူဝ်​ၼိုင်ႈ ဢၢပ်ႈ​ပၼ်​တီႈ​ယိတ်ႈပရေႃးႁဵၵ်ႈ လုၵ်ႈ​လၢၼ်​ ၸႃႇတုၵ်ႉ ၊ မဵဝ်း​ လေႇဝီႉ ဢၼ် သုတ်ႉ​ၸပ်း​သုတ်ႉ​ၸူး ၵႃႈ​တီႈ​ၵဝ်​ႁႂ်ႈ​လႆႈ ပွင်​ႁဵတ်း​ဢမူႉ​ၵဝ် ၸိူဝ်း​ၼၼ်ႉ​ဢေႃႈ။-</verse>
				<verse number="20">မႂ်း​တၵ်း​လႆႈ​ဢဝ်​လိူတ်ႈ​မၼ်း​ၼၼ်ႉ ၵမ်ႈ​ၽွင်ႈ​တႃး​ၶဝ်​လႅမ် ယိတ်ႈပလၢင်ႇ​သီႇ​လႅမ်ႈ၊ သီႇ​ၸဵင်ႇ​ၶူင်ႇ​ႁၢၼ်ႉ​တိၼ်​မၼ်း၊ ၶွပ်ႇ​ႁိမ်း​မၼ်း​ၸိူဝ်း​ၼၼ်ႉ​ဢေႃႈ။ ၼင်ႇ​ၼၼ်​လႄႈ မႂ်း​တၵ်း​လႆႈ ႁႂ်ႈ​မၼ်း​မူတ်း​သႂ်​လႄႈ ၶၢဝ်​ၸၢင်ႇ​ဢေႃႈ။-</verse>
				<verse number="21">မႂ်း​တၵ်း​လႆႈ​ဢဝ်​ဝူဝ်း​ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ​ၼၼ်ႉ​လႄႈ ဢဝ်​တုတ်ႇ​ၽႆး ၵႃႈ​ၼႂ်း​တီႈ​ဢၼ်​ၶၢၼ်း​ဝႆႉ ၵႃႈ​ၼႂ်း​ႁိူၼ်း​ၸဝ်ႈ ၵႃႈ​ၼွၵ်ႈ​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ​ဢေႃႈ။-</verse>
				<verse number="22">ၼႂ်း​ဝၼ်း​တူႉတီႉယႃႉ​ၵေႃႈ၊ မႂ်း​တၵ်း​လႆႈ​ဢဝ် ပႄႉ​ပေႃႈ​ဢွၼ်ႇ​ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ​လႄႈ ပုၵ်ႈ​ၸေႃႇ​ပုၼ်ႈ​ယိတ်ႈ ဢၼ်​ၽေႇ​ဢပႅတ်ႈ​ဢေႃႈ။ ၶဝ်​တၵ်း​လႆႈ​ဢွၼ်​ၵၼ်​ႁႂ်ႈ ယိတ်ႈပလၢင်ႇ​မူတ်း​သႂ် မိူၼ်​ၸိူဝ်ႉ​ၼင်ႇ​ဢၼ် ဢဝ်​လိူတ်ႈ​ဝူဝ်း​ၼၼ်ႉ ႁႂ်ႈ​မူတ်း​သႂ်​ဢေႃႈ။-</verse>
				<verse number="23">ၼင်ႇ​ၼၼ်​လႄႈ လိုၼ်း​သေ ဢၼ်​မႂ်း​ႁႂ်ႈ​ယိတ်ႈပလၢင်ႇ မူတ်း​သႂ်​ယဝ်ႉ​ၼၼ်ႉ၊ မႂ်း​တၵ်း​လႆႈ​ဢဝ်​ဝူဝ်း​ပေႃႈ​ၼုမ်ႇ ဢိၵ်ႇ​တင်း ပႄႉ​ပေႃႈ ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ ပုၵ်ႈ​ၸေႃႇ​ဢေႃႈ။-</verse>
				<verse number="24">မၼ်း​တၵ်း​လႆႈ​ဢဝ်​ၸိူဝ်း​ၼၼ်ႉ မႃး​ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး လႄႈ ယိတ်ႈပရေႃးႁဵၵ်ႈ တင်း​လၢႆ တၵ်း​လႆႈ​ဢွၼ်​ၵၼ်​ဢဝ်​ၵိူဝ်​သႂ်ႇ သေ​လႄႈ ဢဝ်​တူဝ်​ၸိူဝ်း​ၼၼ်ႉ တုတ်ႇ​ၽႆး​ပုၵ်ႈ​ၸေႃႇ​တီႈ ထႃႇဝရႃႉ​ၽြႃး​ဢေႃႈ။-</verse>
				<verse number="25">ၸဵတ်း​ဝၼ်း​တဵမ်​တဵမ် ယေႈ​ဝၼ်း​ယေႈ​ဝၼ်း၊ မႂ်း​တၵ်း​လႆႈ​ဢဝ် ပႄႉ​တူဝ်​ၼိုင်ႈ မႄး​ႁဵတ်း​မႄး​ႁႅၼ်း​ယိတ်ႈ ဢၼ်​ၽေႇ​ဢပႅတ်ႈ​ဢေႃႈ။ ဝူဝ်း​ပေႃႈ​ၼုမ်ႇ​တူဝ်​ၼိုင်ႈ ဢိၵ်ႇ​တင်း သူဝ်း​ပေႃႈ​ဢၼ်​ဢမ်ႇ​ပႃး ဢပႅတ်ႈ​တူဝ်​ၼိုင်ႈ​ၵေႃႈ တၵ်း​လႆႈ မႄး​ႁဵတ်း​မႄး​ႁႅၼ်း​ဢေႃႈ။-</verse>
				<verse number="26">ၸဵတ်း​ဝၼ်း​တဵမ်​တဵမ်၊ ၶဝ်​တၵ်း​လႆႈ​ဢွၼ်​ၵၼ်​ႁဵတ်း​ႁႂ်ႈ ယိတ်ႈပလၢင်ႇ​မူတ်း​သႂ်​လႄႈ ၶၢဝ်​ၸၢင်ႇ​ဢေႃႈ။ ၼင်ႇ​ၼၼ်​လႄႈ ၶဝ်​တၵ်း​လႆႈ​ဢွၼ်​ၵၼ်​ၶၢၼ်း ယိတ်ႈပလၢင်ႇ​ဝႆႉ ၵႃႈ​ၼႂ်း​ဢရႃႇ​မၼ်း​ဢေႃႈ။-</verse>
				<verse number="27">လိုၼ်း​သေ​ဢၼ် ၸေး​ၸဵတ်း​ဝၼ်း​ၼၼ်ႉ ယဝ်ႉ​ၼၼ်ႉ၊ ဢဝ်​ဝၼ်း​ဢႃႉထမႃႉ​ၼၼ်ႉ ၵႂႃႇ​မိူဝ်း​ၼႃႈ​ၼၼ်ႉ၊ ယိတ်ႈပရေႃးႁဵၵ်ႈ တင်း​လၢႆ တၵ်း​လႆႈ​ဢွၼ်​ၵၼ်​ပုၵ်ႈ​ၸေႃႇ​ယိတ်ႈ တုတ်ႇ​ၽႆး​သူ ဢိၵ်ႇ​တင်း ယိတ်ႈ​မိၵ်ႉသႃႇႁႃယႃႉ​သူ တင်း​လၢႆ ၵႃႈ​ၼိူဝ်​ယိတ်ႈပလၢင်ႇ ၼၼ်ႉ​ဢေႃႈ။ ၵဝ်​တၵ်း​ႁပ်ႉ​တုင်း​ဢဝ်​သူ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="44">
				<verse number="1">လိုၼ်း​ၼၼ်ႉ မၼ်း​ဢဝ်​ၵဝ်​ၶိုၼ်း​မႃး ၸွမ်း​သဵၼ်ႈ​တၢင်း​ၽၵ်း​တူ ဢၼ်​ၵႃႈ​ၼွၵ်ႈ​တီႈ​ထႃႇၼႃႉ တီႈ​မူတ်း​ၸၢင်ႇ​ဢၼ်​ဝၢႆႇ​ၼႃႈ​ၵႂႃႇ ၽၢႆႇ​တၢင်း​ဝၼ်း​ဢွၵ်ႇ ၼၼ်ႉ​လႄႈ ၽၵ်း​တူ​ၼၼ်ႉ ဢိုတ်း​ႁပ်း​ဝႆႉ​ယူႇ​ဢေႃႈ။-</verse>
				<verse number="2">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​လႄႈ​ဝႃႈ၊ ၽၵ်း​တူ​ၼႆႉ တၵ်း​လႆႈ​မီး​တၢင်း​ဢၼ်​ဢိုတ်း​ႁပ်း​ဝႆႉ​ယူႇ​လႄႈ ဢမ်ႇ​လႆႈ​ၽုၺ်ႇ​လႆႈ​ပိုတ်ႇ​လႃး​လႃး။ ၵူၼ်း​ဢမ်ႇ​လႆႈ​ၶဝ်ႈ ၵႃႈ​ၼႂ်း​မၼ်း​သေ​ၵေႃႉ​သေ​ၵူၼ်း။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ လႆႈ​ၶဝ်ႈ​ၵႃႈ​ၼႂ်း​မၼ်း​ယဝ်ႉ​လႄႈ တၵ်း​လႆႈ မီး​တၢင်း​ဢၼ်​ဢိုတ်း​ႁပ်း​ဝႆႉ​ဢေႃႈ။-</verse>
				<verse number="3">ပဵၼ်​ပုၼ်ႈ​ၶုၼ်​ဢေႃႈ။ ၶုၼ်​ၼၼ်ႉ တၵ်း​လႆႈ ၼင်ႈ​ၵႃႈ​ၼႂ်း​မၼ်း သေ​လႄႈ ၵိၼ်​ၶူပ်း​ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး​ဢေႃႈ။ ၶုၼ်​ၼၼ်ႉ တၵ်း​လႆႈ ၶဝ်ႈ​ၵႃႈ​ၼႂ်း​မုၵ်ႈ​ၽၵ်း​တူ ၼၼ်ႉ​လႄႈ ဢွၵ်ႇ​ၵႃႈ​ၼႂ်း​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">မိူဝ်ႈ​ၼၼ်ႉ မၼ်း​ဢဝ်​ၵဝ်​ၸွမ်း​သဵၼ်ႈ​တၢင်း​ၽၵ်း​တူ တၢင်း​ႁွင်ႇ​ၵႂႃႇ ၵႃႈ​တီႈ​ၽၢႆႇ​ၼႃႈ​ႁိူၼ်း​ၸဝ်ႈ​လႄႈ ၵဝ်​တူၺ်း​ႁၼ်​မုၼ်​ၽုင်း ထႃႇဝရႃႉ​ၽြႃး မီး​တဵမ်​ဝႆႉ​ၵႃႈ​ၼႂ်း​ႁိူၼ်း ထႃႇဝရႃႉ​ၽြႃး ၼၼ်ႉ​လႄႈ ၵဝ်​ၶုပ်ႉ​မူပ်ႇ​ယူႇ​ဢေႃႈ။-</verse>
				<verse number="5">ထႃႇဝရႃႉ​ၽြႃး မီး​ဢမိင်ႉ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ မၢတ်ႈ​တွင်း​ဝႆႉ​လႄႈ ဢဝ်​တႃ​မႂ်း​လူ​တူၺ်း​ဝႆႉ​တႃႉ။ ဢဝ်​ႁူ​မႂ်း​ထွမ်ႇ​ငိၼ်း ၵႃႈ​ဢၼ်​ၵဝ်​ဢဝ် လွင်ႈ​ထုင်း​ၽိင်ႈ​တြႃး ႁိူၼ်း​ထႃႇဝရႃႉ​ၽြႃး ၵႃႈ​မီး ဢိၵ်ႇ​တင်း ပိင်း​ၺၢပ်ႈ​တြႃး​မၼ်း ၵႃႈ​မီး​ၸိူဝ်း​ၼၼ်ႉ​တႃႉ။ မၢတ်ႈ​တွင်း ႁူး​ၽၵ်း​တူ ဢၼ်​ၶဝ်ႈ​ၸူး​ႁိူၼ်း​ၸဝ်ႈ ဢိၵ်ႇ​တင်း ႁူး​ၽၵ်း​တူ ဢၼ်​ဢွၵ်ႇ​သေ ၵႃႈ​တီႈ​ထႃႇၼႃႉ​တီႈ​မူတ်း​ၸၢင်ႇ​ၵႃႈ​မီး​ၼၼ်ႉ​ဝႆႉ​တႃႉ။-</verse>
				<verse number="6">မႂ်း​တၵ်း​လႆႈ​လၢတ်ႈ​ဝႆႉ တီႈ​ၵူၼ်း​မဵဝ်း​ ဢီႉသရေႇလႃႉ ဢၼ်​ၸၢင်ႈ​ပုင်ႇ​ၵၢၼ်ႇ ၸိူဝ်း​ၼၼ်ႉ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း​မဵဝ်း​ ဢီႉသရေႇလႃႉ ​ၶဝ်​ဢိူၺ်း၊-</verse>
				<verse number="7">သူ​ဢွၼ်​ၵၼ် မီး​တၢင်း​ဢၼ် ပေႇ​ၸႂ်​ဢိမ်ႇ​ၸႂ် လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​သူ​ၵႃႈ​မီး ဢၼ်​ဝႃႈ ၼႂ်း​လွင်ႈ​ဢၼ်​သူ​ဢဝ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ႁူဝ်​ၸႂ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း၊ ဢၼ်​ၼိူဝ်ႉ​ၼင်​ၶဝ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း ၸိူဝ်း​ၼၼ်ႉ သႂၢင်း​ၶဝ်ႈ ၵႃႈ​ၼႂ်း​ထႃႇၼႃႉ တီႈ​မူတ်း​ၸၢင်ႇ​ၵဝ်​သေ​လႄႈ ၶျႃး​တီႈ​ယူႇ​ပၼ်​ႁႂ်ႈ​လႆႈ ႁႂ်ႈ​ႁိူၼ်း​ၵဝ်​ၵူဝ်ႈ​ၵိူၵ်ႇ ၼႂ်း​မိူဝ်ႈ​ဢၼ် သူ​ပုၵ်ႈ​ၸေႃႇ​ၽေႃး​ၸဵၼ်ႇ​ၵဝ် ဢၼ်​ဝႃႈ ၵွၼ်ႈ​ၶႆ​ၵွၼ်ႈ​မၼ်း ဢိၵ်ႇ​တင်း လိူတ်ႈ​ၼၼ်ႉ​တႃႉ။ လိူဝ်​သေ​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​သူ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ ဢွၼ်​ၵၼ် ယႃႉ​ပတီႉၺိၺ်ႇ​ၵဝ်​ပႅတ်ႈ​ထႅင်ႈ​ယဝ်ႉ။-</verse>
				<verse number="8">သူ​ဢမ်ႇ​ပႂ်ႉ​ၶိူင်ႈ​ပိူင် ဢၼ်​မူတ်း​ၸၢင်ႇ​ၵဝ် တင်း​လၢႆ။ သူ​ဢွၼ်​ၵၼ် ၸွမ်း​လူၺ်ႈ​ဢလူဝ်ႇ​သူ သေ​လႄႈ ၶၢၼ်း​ၶဝ်​ၸိူဝ်း​ဢၼ် ပႂ်ႉ​ၵႃႈ​တီႈ​ထႃႇၼႃႉ တီႈ​မူတ်း​ၸၢင်ႇ​ၵဝ်​ၼၼ်ႉ ဝႆႉ​ယဝ်ႉ။-</verse>
				<verse number="9">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ႁူဝ်​ၸႂ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း ဢၼ်​ၼိူဝ်ႉ​ၼင် ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း ဢၼ်​ပဵၼ်​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​လႄႈ ယူႇ​ၵႃႈ​ၼႂ်း​ၵူၼ်း မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ ဢမ်ႇ​လႆႈ​ၶဝ်ႈ​ၵႃႈ​ၼႂ်း​ထႃႇၼႃႉ တီႈ​မူတ်း​ၸၢင်ႇ​ၵဝ်။</verse>
				<verse number="10">ၵူၼ်း​ လေႇဝီႉ ဢၼ်​ၽၢတ်ႇ​ယၢၼ်​ၵဝ်​ၵႂႃႇ ၵႆ​ၼႃႇ​လူင်​လၢင် ၼႂ်း​မိူဝ်ႈ​ဢၼ် မဵဝ်း​ ဢီႉသရေႇလႃႉ ၽိတ်း​တၢင်း​ပိူင်ႈ​တၢင်း​ၵႂႃႇ ၼၼ်ႉ​လႄႈ ဢွၵ်ႇ​သေ ၵႃႈ​တီႈ​ၵဝ်​ၽိတ်း​တၢင်း​ၵႂႃႇ သေ​လႄႈ ၸွမ်း​လင်​ရုၵ်ႈ​ထူႉ​သၢင်း​ထူႉ​ၶဝ်​ၵႂႃႇ​ယူႇ​ၼၼ်ႉ ၸိူဝ်း​ၼၼ်ႉ​ၵေႃႈ တၵ်း​လႆႈ​ၶၢမ်ႇ​ဢပႅတ်ႈ တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="11">ၼႂ်း​ဝႃႈ​ၼၼ်​သေ​ၵေႃႈ ၶဝ်​တၵ်း လႆႈ​ပဵၼ်​ၵူၼ်း​ပႂ်ႉ​ဢမူႉ ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၵဝ်​လႄႈ ပႂ်ႉ​ၽၵ်း​တူ​ႁိူၼ်း​ၸဝ်ႈ​တင်း​လၢႆ​ယူႇ၊ ၵိုတ်ႉ​ႁၢပ်ႇ​ဢမူႉ​ၸဝ်ႈ ၵႃႈ​ၼႂ်း​ႁိူၼ်း​ၸဝ်ႈ​ယူႇ​ဢေႃႈ။ ၶဝ်​တၵ်း​လႆႈ​ဢွၼ်​ၵၼ်​ဢဝ် ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း တူဝ်​ယိတ်ႈ​ဢၼ် ပုၵ်ႈ​ၸေႃႇ​ပုၼ်ႈ​ၵူၼ်း တင်း​လၢႆ ၸိူဝ်း​ၼၼ်ႉ တၢႆ​လႄႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၵူၼ်း တင်း​လၢႆ ႁႂ်ႈ​လႆႈ​ၵိုတ်ႉ​ႁၢပ်ႇ​ဢမူႉ​ၸဝ်ႈ ပုၼ်ႈ​ၶဝ်​ဢေႃႈ။-</verse>
				<verse number="12">ၵွပ်ႈ​ပိူဝ်ႈ​ဢၼ် ၶဝ်​ၵိုတ်ႉ​ႁၢပ်ႇ​ဢမူႉ​ၵူၼ်း တင်း​လၢႆ ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ​ၶဝ်​လႄႈ ယၢမ်ႈ​လႆႈ​ပဵၼ်​လွင်ႈ​ဢၼ် မဵဝ်း​ ဢီႉသရေႇလႃႉ တိူဝ်ႉ​မႅၼ်ႈ​လႄႈ​လူမ်ႉ​သႂ်ႇ ၵႃႈ​ၼႂ်း​တူႉ​ၸရိူၵ်ႈ​ၼၼ်ႉ​လႄႈ၊ ၵဝ်​ယဵတ်ႇ​ယိုၼ်ႈ​မိုဝ်း​ၵဝ်​ယူႇ​ၽၢႆႇ​ၼိုင်ႈ​တင်း​ၶဝ်​ဢေႃႈ။ ၶဝ်​ၼၼ်ႉ တၵ်း​လႆႈ​ဢွၼ်​ၵၼ်​ၶၢမ်ႇ​ဢပႅတ်ႈ တူဝ်​ၸဝ်ႈ​ၵဝ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="13">ၶဝ်​ဢမ်ႇ​လႆႈ​ဢွၼ်​ၵၼ် သုတ်ႉ​ၸပ်း​သုတ်ႉ​ၸူး​တီႈ​ၵဝ် ႁႂ်ႈ​လႆႈ​ႁဵတ်း​ယိတ်ႈပရေႃးႁဵၵ်ႈ။ ၶဝ်​ဢမ်ႇ​လႆႈ​ဢွၼ်​ၵၼ် သုတ်ႉ​ၸပ်း​သုတ်ႉ​ၸူး ၶိူင်ႈ​ပိူင်​ဢၼ်​မူတ်း​ၸၢင်ႇ တင်း​လၢႆ ၵႃႈ​တီႈ​ထႃႇၼႃႉ​တီႈ​မူတ်း​ၸၢင်ႇ​ၼႃႇ​သေ​ပိူၼ်ႈ​ၼၼ်ႉ။ ၶဝ်​တၵ်း​လႆႈ​ဢွၼ်​ၵၼ် ၶၢမ်ႇ​တၢင်း​ဢၼ်​တူဝ်​ၸဝ်ႈ​ၵဝ်ႇ​သရေႇလူႉ၊ လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ဢၼ်​တူဝ်​ၸဝ်ႈ​ၵဝ်ႇ​ႁဵတ်း ၸိူဝ်း​ၼၼ်ႉ​ဢေႃႈ။-</verse>
				<verse number="14">ၵူၺ်း​ၵႃႈ ၵဝ်​တၵ်း​ၶၢၼ်း​ၶဝ်​ဝႆႉ ႁႂ်ႈ​ၶဝ်​လႆႈ​ပႂ်ႉ​ႁိူၼ်း​ၸဝ်ႈ ဢိၵ်ႇ​တင်း ဢမူႉ​မၼ်း​ၵႃႈ​မီး တင်း​လွင်ႈ​တၢင်း​ဢၼ် တၵ်း​လႆႈ​ၵိုတ်ႉ​ႁၢပ်ႇ ၵႃႈ​ၼႂ်း​မၼ်း​ၵႃႈ​မီး​ၼၼ်ႉ​ဢေႃႈ။</verse>
				<verse number="15">ယိတ်ႈပရေႃးႁဵၵ်ႈ လုၵ်ႈ​လၢၼ်​ ၸႃႇတုၵ်ႉ ၊ မဵဝ်း​ လေႇဝီႉ ​ဢၼ်​ပႂ်ႉ​ထႃႇၼႃႉ​တီႈ​မူတ်း​ၸၢင်ႇ​ၵဝ် ၼႂ်း​မိူဝ်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ဢွၵ်ႇ​သေ ၵႃႈ​ၼႂ်း​တီႈ​ၵဝ်​ၽိတ်း​တၢင်း​ပိူင်ႈ​တၢင်း​ၵႂႃႇ​ၼၼ်ႉ ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ် သုတ်ႉ​ၸပ်း​သုတ်ႉ​ၸူး ၵႃႈ​တီႈ​ၵဝ်​ႁႂ်ႈ​လႆႈ​ၵိုတ်ႉ​ႁၢပ်ႇ​ဢမူႉ​ၸဝ်ႈ​ဢေႃႈ။ ၶဝ်​တၵ်း​လႆႈ​ဢွၼ်​ၵၼ်​ၸုၵ်း​ယူႇ ၵႃႈ​တီႈ​ၽၢႆႇ​ၼႃႈ​ၵဝ် ႁႂ်ႈ​လႆႈ​ပုၵ်ႈ​ၸေႃႇ ၵွၼ်ႈ​ၶႆ​ၵွၼ်ႈ​မၼ်း ဢိၵ်ႇ​တင်း လိူတ်ႈ​ၸိူဝ်း​ၼၼ်ႉ​တီႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="16">ၶဝ်​ၼၼ်ႉ တၵ်း​လႆႈ​ဢွၼ်​ၵၼ်​ၶဝ်ႈ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၵဝ်​လႄႈ သုတ်ႉ​ၸပ်း​သုတ်ႉ​ၸူး ၵႃႈ​တီႈ​ႁိမ်း​ၶူင်ႇ​တီႈ​ၵိၼ်​ၵဝ် ႁႂ်ႈ​လႆႈ ပွင်​ႁဵတ်း​ဢမူႉ​ၵဝ်​လႄႈ ပဵၼ်​ၵေႃႉ​ဢၼ်​ပႂ်ႉ​ဢမူႉ​ၵဝ်​ဢေႃႈ။-</verse>
				<verse number="17">မိူဝ်ႈ​ဢၼ်​ၶဝ် ၶဝ်ႈ​ၵႃႈ​ၼႂ်း​ၽၵ်း​တူ​တမ်ႇ​တိူင်း ဢၼ်​ၵႃႈ​ၼႂ်း​ၼၼ်ႉ​ၸိုင်၊ ၶဝ်​တၵ်း​လႆႈ​ဢွၼ်​ၵၼ်​ၼုင်ႈ​ၶူဝ်း​ၼုင်ႈ​ပိၵ်ႈ​ၶျေႃး​ၵူၺ်း ဢေႃႈ။ ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ၵိုတ်ႉ​ႁၢပ်ႇ​ဢမူႉ​ၸဝ်ႈ ၵႃႈ​ၼႂ်း​ၽၵ်း​တူ​တမ်ႇ​တိူင်း​ဢၼ်​ၵႃႈ​ၼႂ်း ဢိၵ်ႇ​တင်း ၵႃႈ​တီႈ​ၼႂ်း​ၼၼ်ႉ ယူႇ​ၼၼ်ႉ၊ ၶဝ်​ဢမ်ႇ​လႆႈ​ဢွၼ်​ၵၼ် ၼုင်ႈ​ၶူဝ်း​ၼုင်ႈ​ၶူၼ်​သူဝ်း။-</verse>
				<verse number="18">ၶဝ်​တၵ်း​လႆႈ​ဢွၼ်​ၵၼ်​တိုဝ်း​မွၵ်ႇ​ႁူဝ်​ပိၵ်ႈ​ၶျေႃး ၵႃႈ​ၼိူဝ်​ႁူဝ်​ၶဝ် သေ​လႄႈ ၼုင်ႈ​ၵူၼ်​ပိၵ်ႈ​ၶျေႃး ၵႃႈ​တီႈ​ဢႅဝ်​ၶဝ်​ဢေႃႈ။ ၶဝ်​ဢမ်ႇ​လႆႈ​ဢွၼ်​ၵၼ်​ၼုင်ႈ​ၶူဝ်း​ၼုင်ႈ ဢၼ်​ၸၢင်ႈ​ႁႂ်ႈ​ႁိူဝ်ႇ​ဢွၵ်ႇ​ၼၼ်ႉ။-</verse>
				<verse number="19">မိူဝ်ႈ​ဢၼ် ၶဝ်​ဢွၵ်ႇ​ၸူး​ၵႃႈ​တီႈ​တမ်ႇ​တိူင်း​ဢၼ်​ၵႃႈ​ၼွၵ်ႈ​ဢၼ်​ဝႃႈ တမ်ႇ​တိူင်း​ဢၼ်​ၵႃႈ​ၼွၵ်ႈ တီႈ​ဢၼ်​ၵူၼ်း​တင်း​လၢႆ​မီး​ၼၼ်ႉ​ၸိုင်၊ ၶဝ်​တၵ်း​လႆႈ​ဢွၼ်​ၵၼ်​ထွတ်ႇ​ၶူဝ်း​ၼုင်ႈ ဢၼ်​ၼုင်ႈ​ၼႂ်း​မိူဝ်ႈ​ဢၼ် ၶဝ်​ယင်း​တိုၵ်ႉ ပွင်​ႁဵတ်း​ဢမူႉ​ၸဝ်ႈ​ယူႇ​ၼၼ်ႉ​လႄႈ ဢဝ်​ဝႆႉ​ၵႃႈ​ၼႂ်း​လုၵ်း ဢၼ်​မူတ်း​ၸၢင်ႇ​ၸိူဝ်း​ၼၼ်ႉ သေ​ယဝ်ႉ၊ ၼုင်ႈ​ၶူဝ်း​ၼုင်ႈ တၢင်ႇ​ၸိူဝ်ႉ​တၢင်ႇ​ဢၼ် ႁႂ်ႈ​ၵူၼ်း တင်း​လၢႆ ဢမ်ႇ​လႆႈ​မူတ်း​ၸၢင်ႇ ၵွပ်ႈ​ပိူဝ်ႈ​ၶူဝ်း​ၼုင်ႈ ဢၼ်​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="20">ၶူၼ်​ႁူဝ်​ၶဝ်​ၵေႃႈ ဢမ်ႇ​လႆႈ​ထႃ။ ဢမ်ႇ​လႆႈ​ႁႂ်ႈ​ၶူၼ်​ႁူဝ်​ယၢဝ်း။ တၵ်း​လႆႈ​ႁဵတ်း တၢင်း​ဢၼ်​ၵႅတ်း​ႁႆး​ပႅတ်ႈ​ၵူၺ်း​ဢေႃႈ။-</verse>
				<verse number="21">ယိတ်ႈပရေႃးႁဵၵ်ႈ ဢမ်ႇ​လႆႈ​သူတ်ႉ​လႆႈ​ၵိၼ်​ၼမ်ႉ​ၸပိတ်ႈ ၼႂ်း​မိူဝ်ႈ​ဢၼ် ၶဝ်ႈ​ၵႃႈ​ၼႂ်း​တမ်ႇ​တိူင်း ဢၼ်​ၵႃႈ​ၼႂ်း​ၼၼ်ႉ။-</verse>
				<verse number="22">ၶဝ်​ဢမ်ႇ​လႆႈ​ပဵၼ်​ၵူပ်ႉ​ပဵၼ်​ၵူႈ လူၺ်ႈ​ၵၼ် တင်း​မႄႈ​မူၵ်း​မႄႈ​မၢႆႈ။ ဢမ်ႇ​လႆႈ​ပဵၼ်​ၵူပ်ႉ​ပဵၼ်​ၵူႈ လူၺ်ႈ​ၵၼ် တင်း​မႄႈ​ယိင်း​ဢၼ်​ၽူဝ်​ပႅတ်ႈ​ၼၼ်ႉ။ ၶဝ်​တၵ်း​ႁူမ်ႈ​ပွင်း ပဵၼ်​ၵူပ်ႉ​ပဵၼ်​ၵူႈ လူၺ်ႈ​ၵၼ် တင်း​ၵၼ်ႇ​ၺႃႇ​လုၵ်ႈ​ယိင်း​သၢဝ် မဵဝ်း​ ဢီႉသရေႇလႃႉ ၊ ဢမ်ႇ​ၼၼ် တင်း​မႄႈ​မူၵ်း​မႄႈ​မၢႆႈ ဢၼ်​ယၢမ်ႈ​လႆႈ​ပဵၼ်​မေး ယိတ်ႈပရေႃးႁဵၵ်ႈ​ၼၼ်ႉ​ၵူၺ်း​ဢေႃႈ။-</verse>
				<verse number="23">တၵ်း​လႆႈ​ဢွၼ်​ၵၼ်​သင်ႇ​သွၼ်​ပၼ် ႁႂ်ႈ​ၵူၼ်း​ၵဝ် တင်း​လၢႆ ၸၵ်း​ၽႄ​လွင်ႈ​တၢင်း​ဢၼ်​မူတ်း​ၸၢင်ႇ​လႂ် တင်း​လွင်ႈ​တၢင်း​ဢၼ်​ဢမ်ႇ​မူတ်း​ၸၢင်ႇ​လႂ် ဢိၵ်ႇ​တင်း ႁႂ်ႈ​ၶဝ်​ႁူႉ​လွင်ႈ​တၢင်း​ဢၼ် မူတ်း​သႂ်​လႂ် တင်း​လွင်ႈ​တၢင်း​ဢၼ်​ဢမ်ႇ​မူတ်း​သႂ်​လႂ်​ဢေႃႈ။-</verse>
				<verse number="24">ၼႂ်း​တၢင်း​ဢၼ် ပိူၼ်ႈ​ထူပ်း​တြႃး​ၵၼ် ၼၼ်ႉ​ၸိုင်၊ ၶဝ်​တၵ်း​လႆႈ​ၸုၵ်း​ယူႇ သေ​လႄႈ ၸီႇ​ယၢင်ႇ​ဢေႃႈ။ ၶဝ်​တၵ်း​လႆႈ​ဢွၼ်​ၵၼ်​ၸီႇ​ယၢင်ႇ ၸွမ်း​ၼင်ႇ ထမ်ႇမသၢတ်ႈ​ၵဝ်​ဢေႃႈ။ ပေႃး​ၵိုတ်ႉ​ႁၢပ်ႇ​ပွႆး​ထမ်ႇမႃႉ​ပွႆး​ၵဝ်​ၸိုင်၊ ၶဝ်​တၵ်း​လႆႈ​ဢွၼ်​ၵၼ် ပႂ်ႉ​ၵမ်​ပႂ်ႉ​ၸွမ်း​တြႃး ဢၼ်​ၵဝ်​ၸီႇ​ယၢင်ႇ​ဝႆႉ ဢိၵ်ႇ​တင်း ထုင်း​ၽိင်ႈ​တြႃး​ၵဝ် ၸိူဝ်း​ၼၼ်ႉ​လႄႈ ႁႂ်ႈ​ဝၼ်း​ၵမ်​သိၼ်​ၵဝ် တင်း​လၢႆ မူတ်း​ၸၢင်ႇ​ဢေႃႈ။-</verse>
				<verse number="25">ၶဝ်​ဢမ်ႇ​လႆႈ သုတ်ႉ​ၸပ်း​သုတ်ႉ​ၸူး တူဝ်​တၢႆ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​ၵူဝ်ႈ​ၵိူၵ်ႇ။ ၵူၺ်း​ၵႃႈ မီး​ဢၶႂၢင်ႉ​ဢၼ် ႁႂ်ႈ​တူဝ်​ၸဝ်ႈ​ၵဝ်ႇ​ၵူဝ်ႈ​ၵိူၵ်ႇ ၵွပ်ႈ​ပိူဝ်ႈ ပေႃႈ​မႄႈ​တူဝ်​ၸဝ်ႈ​ၵဝ်ႇ၊ လုၵ်ႈ​ၸၢႆး​လုၵ်ႈ​ယိင်း တူဝ်​ၸဝ်ႈ​ၵဝ်ႇ၊ ပီႈ​ၼၢင်း ၼွင်ႉ​ယိင်း တူဝ်​ၸဝ်ႈ​ၵဝ်ႇ ဢၼ်​ဢမ်ႇ​ပႆႇ​မီး​ၽူဝ်​ၼၼ်ႉ ၵူၺ်း​ဢေႃႈ။-</verse>
				<verse number="26">မၼ်း​ႁဵတ်း တၢင်း​ဢၼ်​မူတ်း​သႂ်​သေ​ယဝ်ႉ၊ တၵ်း​လႆႈ​ယူႇ​ၸဵတ်း​ဝၼ်း​ဢေႃႈ။-</verse>
				<verse number="27">ၼႂ်း​ဝၼ်း​ဢၼ်​မၼ်း​ၶဝ်ႈ​ၵႃႈ​ၼႂ်း ထႃႇၼႃႉ​တီႈ​မူတ်း​ၸၢင်ႇ​တမ်ႇ​တိူင်း ဢၼ်​ၵႃႈ​ၼႂ်း​ႁႂ်ႈ​လႆႈ ၵိုတ်ႉ​ႁၢပ်ႇ​ဢမူႉ​ၸဝ်ႈ ၵႃႈ​ၼႂ်း​ထႃႇၼႃႉ​တီႈ မူတ်း​ၸၢင်ႇ​ၼၼ်ႉ မၼ်း​တၵ်း​လႆႈ​ပုၵ်ႈ​ၸေႃႇ ယိတ်ႈ​ဢၼ်​ၽေႇ​ဢပႅတ်ႈ​မၼ်း​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="28">လွင်ႈ​တၢင်း​ၼၼ်ႉ တၵ်း​လႆႈ​ပဵၼ် ဢမူၺ်ႇ​ဢုၵ်ႉ​ၸႃႇ​ၶဝ်​ဢေႃႈ။ ၵဝ်​ၼႆႉ​ပဵၼ် ဢမူၺ်ႇ​ဢုၵ်ႉ​ၸႃႇ​ၶဝ်​ဢေႃႈ။ သူ​ဢမ်ႇ​လႆႈ​ပၼ် လိၼ်​ဢမူၺ်ႇ​တီႈ​ၶဝ် ၵႃႈ​ၼႂ်း​မိူင်း​ ဢီႉသရေႇလႃႉ ။ ၵဝ်​ပဵၼ်​ဢမူၺ်ႇ​ၶဝ်​ဢေႃႈ။-</verse>
				<verse number="29">ၶဝ်​တၵ်း​လႆႈ​ဢွၼ်​ၵၼ်​ၵိၼ် ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ။ ယိတ်ႈ​ဢၼ်​ၽေႇ​ဢပႅတ်ႈ ဢိၵ်ႇ​တင်း ယိတ်ႈ​ဢၼ်​ၽေႇ​တူႉ​ၸရိူၵ်ႈ ဢေႃႈ။ ၵႃႈ​ဢၼ်​ၵူၼ်း မဵဝ်း​ ဢီႉသရေႇလႃႉ ၵိၼ်ႇ​ဝႃႈ​လႄႈ ပုၵ်ႈ​ၸေႃႇ​ၼၼ်ႉ​ၵေႃႈ တၵ်း​လႆႈ ပဵၼ်​ၶွင်​ၶဝ်​ဢေႃႈ။-</verse>
				<verse number="30">မၢၵ်ႇ​ဢၼ် မၢၵ်ႇ​ဢွၼ်​တၢင်း​သုတ်း ၼႂ်း​မၢၵ်ႇ​ဢၼ်​မၢၵ်ႇ​ဢွၼ်​တၢင်း​ပိူၼ်ႈ ၵူႈ​ၸိူဝ်ႉ​ၵူႈ​ပိူင် ဢိၵ်ႇ​တင်း ၶိူင်ႈ​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ ၵႃႈ​ဢၼ်​ပႃး​ၵႃႈ​ၼႂ်း​ၶိူင်ႈ​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ ၵူႈ​ၸိူဝ်ႉ​ၵူႈ​ပိူင်​ၼၼ်ႉ တၵ်း​လႆႈ​ပဵၼ်​ပုၼ်ႈ ယိတ်ႈပရေႃးႁဵၵ်ႈ​တင်း​လၢႆ​ဢေႃႈ။ သူ​တၵ်း​လႆႈ​ဢဝ် ၶဝ်ႈ​မုၼ်း​လိပ်း ဢၼ်​ၼူတ်ႈ​ဢွၼ်​တၢင်း​ပိူၼ်ႈ​ၼၼ်ႉ လူႇ​တၢၼ်း​တီႈ ယိတ်ႈပရေႃးႁဵၵ်ႈ ႁႂ်ႈ​မၼ်း​လႆႈ ႁႂ်ႈ​တၢင်း​လီ​မင်ႇၵလႃႇ တူၵ်း​ႁွတ်ႈ​ၵႃႈ​ၼိူဝ်​ႁိူၼ်း​မႂ်း​ဢေႃႈ။-</verse>
				<verse number="31">ပဵၼ်​ၼူၵ်ႉ​သေ​ဢမ်ႇ​ဝႃႈ၊ ပဵၼ်​တူဝ်​သေ​ဢမ်ႇ​ဝႃႈ၊ တူဝ်​ဢၼ်​တၢႆ​ၵူၺ်း​မၼ်း၊ တူဝ်​ဢၼ်​တူဝ်​ႁၢႆႉ​ၶူပ်း​လႄႈ တၢႆ​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ​ဢမ်ႇ​လႆႈ​ၵိၼ်။</verse>
			</chapter>
			<chapter number="45">
				<verse number="1">မိူဝ်ႈ​ဢၼ်​သူ တူၵ်း​ၸႃႇ​ၵွၵ်ႈ​သေ​လႄႈ ၽႄ​လိၼ်​မႅင်ႇ​ပၼ် ႁႂ်ႈ​လႆႈ​ၶၢမ်ႇ​ဢမူၺ်ႇ​ၼၼ်ႉ​ၸိုင်၊ သူ​တၵ်း​လႆႈ​ဢွၼ်​ၵၼ်​ဢဝ် ၵႂၢၵ်ႈ​လိၼ်​ဢၼ်​မူတ်း​ၸၢင်ႇ​ၵႂၢၵ်ႈ​ၼိုင်ႈ ႁဵတ်း​တၢင်း​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ​တီႈ​ထႃႇဝရႃႉ​ၽြႃး​ဢေႃႈ။ ၵႂၢၵ်ႈ​ၼၼ်ႉ​ၼႃႈ​ယၢဝ်း​မၼ်း တၵ်း​လႆႈ​မီး​သွင်​မိုၼ်ႇ​ပၢႆ​ႁႃႈ​ႁဵင်​တႅၵ်ႈ၊ ၼႃႈ​ပွတ်း​မၼ်း မိုၼ်ႇ​ၼိုင်ႈ​ဢေႃႈ။ တၵ်း​လႆႈ​ပဵၼ်​ဢၼ်​မူတ်း​ၸၢင်ႇ​ၵႃႈ​ၼႂ်း​ၶွပ်ႇ​ၼမ်ႉ​လႅၼ်​လိၼ်​မၼ်း​ၵႃႈ​မီး​ၼၼ်ႉ​ဢေႃႈ-</verse>
				<verse number="2">ၵႃႈ​ၼႂ်း​ၵႂၢၵ်ႈ​လိၼ်​ၼၼ်ႉ၊ ၵႂၢၵ်ႈ​သီႇ​ၸဵင်ႇ​ၶိုင်ႈ ဢၼ်​ၼႃႈ​ယၢဝ်း​မၼ်း မီး​ႁႃႈ​ပၢၵ်ႇ​တႅၵ်ႈ​ၼၼ်ႉ တၵ်း​လႆႈ​ပဵၼ် ပုၼ်ႈ​ထႃႇၼႃႉ​တီႈ​မူတ်း​ၸၢင်ႇ ဢေႃႈ။ ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ​မၼ်း​ၼၼ်ႉ တၵ်း​လႆႈ​မီး​လိၼ်​ဢၼ်​ပဝ်ႇ​ဢၼ်​လၢပ်ႈ ႁႃႈ​သိပ်း​သွၵ်ႇ​ဢေႃႈ။-</verse>
				<verse number="3">ၼင်ႇ​ၼၼ်​လႄႈ မႂ်း​တႅၵ်ႈ​ၼႃႈ​ယၢဝ်း​သွင်​မိုၼ်ႇ​ပၢႆ​ႁႃႈ​ႁဵင်၊ ၼႃႈ​ပွတ်း​မိုၼ်ႇ​ၼိုင်ႈ​သေ​ယဝ်ႉ၊ တၵ်း​လႆႈ​ပဵၼ်​တီႈ​ဢၼ်​မူတ်း​ၸၢင်ႇ၊ တီႈ​ဢၼ်​တႄႇ​ႁဵတ်း​ထႃႇၼႃႉ​တီႈ​မူတ်း​ၸၢင်ႇ​ၼႃႇ​သေ​ပိူၼ်ႈ​ဢေႃႈ။-</verse>
				<verse number="4">လိၼ်​ဢၼ်​မူတ်း​ၸၢင်ႇ​ၼၼ်ႉ တၵ်း​လႆႈ​ပဵၼ်​ပုၼ်ႈ​ယိတ်ႈပရေႃးႁဵၵ်ႈ​ဢၼ်​ဝႃႈ ၶဝ်​ၸိူဝ်း​ဢၼ်​ပႂ်ႉ​ထႃႇၼႃႉ​တီႈ​မူတ်း​ၸၢင်ႇ​လႄႈ သုတ်ႉ​ၸပ်း​သုတ်ႉ​ၸူး ႁႂ်ႈ​လႆႈ​ပွင်​ႁဵတ်း​ဢမူႉ ထႃႇဝရႃႉ​ၽြႃး​ၼၼ်ႉ​ဢေႃႈ။ တၵ်း​လႆႈ​ပဵၼ်​လိၼ်​တီႈ​ပုၼ်ႈ​ဢၼ်​ၶဝ်​တၵ်း​ႁဵတ်း​ႁိူၼ်း ဢိၵ်ႇ​တင်း တီႈ​ဢၼ်​မူတ်း​ၸၢင်ႇ​ပုၼ်ႈ​ဢၼ်​ၶဝ်​တၵ်း​တႄႇ​ႁဵတ်း​ထႃႇၼႃႉ​တီႈ​မူတ်း​ၸၢင်ႇ​ဢေႃႈ။-</verse>
				<verse number="5">ၵႂၢၵ်ႈ​ဢၼ်​ၼႃႈ​ယၢဝ်း​မီး​သွင်​မိုၼ်ႇ​ပၢႆ​ႁႃႈ​ႁဵင်၊ ၼႃႈ​ပွတ်း​မီး​မိုၼ်ႇ​ၼိုင်ႈ​ၼၼ်ႉ တၵ်း​လႆႈ​ပဵၼ် ပုၼ်ႈ​ဢၼ်​ၵူၼ်း​ လေႇဝီႉ ဢၼ်​ပႂ်ႉ​ဢမူႉ ႁိူၼ်း​ၸဝ်ႈ​ၸိူဝ်း​ၼၼ်ႉ တၵ်း​လႆႈ​ပိူင်ႇ​ႁႂ်ႈ​လႆႈ တႄႇ​ႁဵတ်း​လုၵ်း​သၢဝ်း​လုၵ်း​ဢေႃႈ။-</verse>
				<verse number="6">သူ​တၵ်း​လႆႈ​ၶၼ်ႈ​လိၼ် ဢၼ်​ပဵၼ်​ပုၼ်ႈ ဢၼ်​ဝဵင်း​ၸဝ်ႈ​တၵ်း​ပိူင်ႇ​ၼၼ်ႉ ၵႃႈ​တီႈ​သွင်​ၽၢၵ်ႇ​ၶၢင်ႈ​လိၼ် တၵ်း​ပုၵ်ႈ​ၸေႃႇ​ဢၼ် မူတ်း​ၸၢင်ႇ​ၼၼ်ႉ ဝႆႉ​လႄႈ ၼႃႈ​ယၢဝ်း​မၼ်း​တၵ်း​လႆႈ မီး​မိုၼ်ႇ​ပၢႆ​ႁႃႈ​ႁဵင်၊ ၼႃႈ​ပွတ်း​မၼ်း ႁႃႈ​ႁဵင်​ဢေႃႈ။ တၵ်း​လႆႈ​ပဵၼ်​ပုၼ်ႈ ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ဢေႃႈ။</verse>
				<verse number="7">ၵႃႈ​တီႈ​သွင်​ၽၢၵ်ႇ​ၶၢင်ႈ ၵႂၢၵ်ႈ​လိၼ်​တၢင်း​ပုၵ်ႈ​ၸေႃႇ ဢၼ်​မူတ်း​ၸၢင်ႇ ဢိၵ်ႇ​တင်း​လိၼ်​ဢၼ်​ဝဵင်း​ၸဝ်ႈ​ပိူင်ႇ​ၼၼ်ႉ၊ ၽၢႆႇ​ၼႃႈ​ၵႂၢၵ်ႈ​လိၼ် တၢင်း​ပုၵ်ႈ​ၸေႃႇ ဢၼ်​မူတ်း​ၸၢင်ႇ ဢိၵ်ႇ​တင်း​ၽၢႆႇ​ၼႃႈ​လိၼ် ဢၼ်​ဝဵင်း​ၸဝ်ႈ​ပိူင်ႇ​ၼၼ်ႉ ဢၼ်​ဝႃႈ ပွတ်း​ၽၢႆႇ​တၢင်း​တူၵ်း ဢိၵ်ႇ​တင်း ပွတ်း​ၽၢႆႇ​တၢင်း​ဢွၵ်ႇ ဢၼ်​ၼႃႈ​ယၢဝ်း​မၼ်း​တၢၼ်ႇ​ပဵင်း​ၵၼ် တင်း​ၵႂၢၵ်ႈ​လိၼ်​ဢၼ်​ၼိုင်ႈ ဢဝ်​ၵႃႈ​တီႈ​လႅၼ်​သုတ်း​မၼ်း ၽၢႆႇ​ဝၼ်း​တူၵ်း တေႃႇ​ထိုင်​ႁွတ်ႈ လႅၼ်​သုတ်း​မၼ်း​ၽၢႆႇ​ဝၼ်း​ဢွၵ်ႇ​ၼၼ်ႉ တၵ်း​လႆႈ​ပဵၼ်​ပုၼ်ႈ​ၶုၼ်​ဢေႃႈ။-</verse>
				<verse number="8">လိၼ်​ၼၼ်ႉ​တၵ်း​လႆႈ​ပဵၼ်​လိၼ်​ဢၼ် ၶုၼ်​ပိူင်ႇ​ၵႃႈ​ၼႂ်း​မိူင်း​ ဢီႉသရေႇလႃႉ ​လႄႈ ၵမ်း​လိုၼ်း​ၶုၼ်​ၵဝ်​တင်း​လၢႆ တၵ်း​ဢမ်ႇ​လႆႈ ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​ၵဝ်​တင်း​လၢႆ။ ၶဝ်​တၵ်း​လႆႈ​ဢဝ်​လိၼ် ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ ၽႄ​မႅင်ႇ​ပၼ် တီႈ​မဵဝ်း​ ဢီႉသရေႇလႃႉ ၸွမ်း​လူၺ်ႈ​မဵဝ်း​ၽႂ်​မဵဝ်း​မၼ်း​ဢေႃႈ။</verse>
				<verse number="9">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶုၼ်​ ဢီႉသရေႇလႃႉ ​ၶဝ်​ဢိူၺ်း၊ သူ​ဢွၼ်​ၵၼ် မီး​တၢင်း​ဢၼ်​ပေႇ​ၸႂ်​ဢိမ်ႇ​ၸႂ်​တႃႉ။ ဢွၼ်​ၵၼ် ပႄႇ​ပႅတ်ႈ​ဢမူႉ​တၢင်း​ဢၼ်​ႁဵတ်း​ပႄႉ​ႁဵတ်း​ၼႅင်ႇ၊ တၢင်း​ဢၼ်​ႁိမ်​ဢဝ်​ႁူင်ႇ​ဢဝ် တင်း​လၢႆ​သေ​လႄႈ ႁဵတ်း​ဢမူႉ​တၢင်း​ဢၼ် ၸွမ်း​ၼင်ႇ​တြႃး ဢမူႉ​တၢင်း​ဢၼ်​ၸီႇ​ယၢင်ႇ​သိုဝ်ႈ​သိုဝ်ႈ​တေႃႇ​တေႃႇ​တႃႉ။ ၵမ်း​လိုၼ်း​ယႃႇ​ပေ​ဢွၼ်​ၵၼ် ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​ၵဝ်​တင်း​လၢႆ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="10">သူ​တၵ်း​လႆႈ​ဢွၼ်​ၵၼ်​သုင်း​သွင်ႇ​ယႃႇ​ၸူႇ ဢၼ်​မၢၼ်ႇ​ဢၼ်​မႅၼ်ႈ၊ ဢေးၽႃႇ ​ဢၼ်​မၢၼ်ႇ​ဢၼ်​မႅၼ်ႈ၊ ပၢတ်ႈ ​ဢၼ်​မၢၼ်ႇ​ဢၼ်​မႅၼ်ႈ ဢေႃႈ။-</verse>
				<verse number="11">ဢေးၽႃႇ ​ဢိၵ်ႇ​တင်း​ ပၢတ်ႈ ​ၼၼ်ႉ တၵ်း​လႆႈ​တၢၼ်ႇ​ၵၼ်​ပဵင်း​ၵၼ်​ဢေႃႈ။ သွင်​ၸိူဝ်ႉ​သွင်​ပိူင်​ၼၼ်ႉ တၵ်း​လႆႈ​ဢိင်​ ႁေႃးမႄး ​သေ​လႄႈ၊ ဢေးၽႃႇ ​ၼၼ်ႉ တၵ်း​လႆႈ​မီး​ ႁေႃးမႄး ​သိပ်း​ပုၼ်ႈ ပုၼ်ႈ​ၼိုင်ႈ​၊ ပၢတ်ႈ ​ၵေႃႈ​တၵ်း​လႆႈ​မီး​ ႁေႃးမႄး ​သိပ်း​ပုၼ်ႈ ပုၼ်ႈ​ၼိုင်ႈ​ဢေႃႈ။-</verse>
				<verse number="12">သၢဝ်း​ ၵေးရႃႉ တၵ်း​လႆႈ​ပဵၼ် ၵျၢပ်ႈ​ သၶေးလႃႉ ​ၵျၢပ်ႈ​ၼိုင်ႈ လႄႈ သၢဝ်း​ၵျၢပ်ႈ၊ သၢဝ်း​ႁႃႈ​ၵျၢပ်ႈ၊ သိပ်း​ႁႃႈ​ၵျၢပ်ႈ တၵ်း​လႆႈ​ပဵၼ် မႃး​ၼႄး​ၼိုင်ႈ ဢေႃႈ။</verse>
				<verse number="13">မိူဝ်ႈ​ဢၼ်​သူ​ႁဵတ်း​တၢင်း​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ​ၼၼ်ႉ​ၸိုင်၊ သူ​တၵ်း​လႆႈ​ဢဝ် ဢေးၽႃႇ ​ႁူၵ်း​ပုၼ်ႈ​ပုၼ်ႈ​ၼိုင်ႈ ၵႃႈ​ၼႂ်း ၶဝ်ႈ​သၢၼ်​ၵျုင်ႇ ႁေႃးမႄး ​ၼိုင်ႈ​ဢေႃႈ။ ၶဝ်ႈ​သၢၼ်​မူႉ​ယေႃး​ၵေႃႈ မႂ်း​တၵ်း​လႆႈ​ဢဝ်​ ဢေးၽႃႇ ​ႁူၵ်း​ပုၼ်ႈ​ပုၼ်ႈ​ၼိုင်ႈ ၵႃႈ​ၼႂ်း​ ႁေႃးမႄး ​ၼိုင်ႈ ပုၵ်ႈ​ၸေႃႇ ဢေႃႈ။-</verse>
				<verse number="14">ပိင်း​ၺၢပ်ႈ ဢၼ်​ၸၢပ်ႈ​သႅင်ႇ​ၵၼ်​တင်း​ၼမ်ႉမၼ်း​ၸမ်ႉ၊ တၵ်း​လႆႈ​ဢဝ်​ ပၢတ်ႈ ​သိပ်း​ပုၼ်ႈ​ပုၼ်ႈ​ၼိုင်ႈ ၵႃႈ​ၼႂ်း​ ၵေႃးရႃႉ ​ၼိုင်ႈ ဢၼ်​ပဵၼ် သိပ်း​ ပၢတ်ႈ ဢၼ်​ဝႃႈ ႁေႃးမႄး ​ၼိုင်ႈ ၼၼ်ႉ ပုၵ်ႈ​ၸေႃႇ​ဢေႃႈ။-</verse>
				<verse number="15">ၼင်ႇ​ႁိုဝ်​တၵ်း​ၽေႇ​ဢပႅတ်ႈ​ၶဝ်​ၸိုင်၊ တၵ်း​လႆႈ​ဢဝ်​သူဝ်း​ဢွၼ်ႇ ၵႃႈ​ၼႂ်း​သူဝ်း​သွင်​ပၢၵ်ႇ ဢၼ်​မီး​ၵႃႈ​ၼႂ်း တီႈ​ဢၼ်​ၼမ်ႉ​ၼမ်၊ တီႈ​ဢၼ်​ ဢီႉသရေႇလႃႉ ယၢမ်ႈ​ၵိၼ်​ယူႇ​ၼၼ်ႉ​တူဝ်​ၼိုင်ႈ ပုၵ်ႈ​ၸေႃႇ​ဢေႃႈ။ ဢၼ်​ၼႆႉ​ၸမ်ႉ တၵ်း​လႆႈ​ပဵၼ်​ၶိူင်ႈ​ပုၵ်ႈ​ၸေႃႇ ၽေႃး​ၸဵၼ်ႇ၊ ယိတ်ႈ​ဢၼ်​တုတ်ႇ​ၽႆး၊ ယိတ်ႈ​မိၵ်ႉသႃႇႁႃယႃႉ ပုၼ်ႈ​ဢၼ်​တၵ်း​ၽေႇ​ဢပႅတ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="16">ၶိူင်ႈ​ပုၵ်ႈ​ၸေႃႇ ဢၼ်​ယုၵ်ႉ​ယွင်ႈ​ၼၼ်ႉ​ၸိုင်၊ ၵူၼ်း​ဝၢၼ်ႈ​ၵူၼ်း​မိူင်း​တင်း​သဵင်ႈ​တင်း​လူင် တၵ်း​လႆႈ​ဢွၼ်​ၵၼ်​ဢဝ်​သၢၵ်ႈ​ပၼ် တီႈ​ၶုၼ်​ ဢီႉသရေႇလႃႉ ​ဢေႃႈ။-</verse>
				<verse number="17">ၶုၼ်​ၼၼ်ႉ​ၵေႃႈ တၵ်း​လႆႈ​ဢဝ်​ပုၵ်ႈ​ၸေႃႇ ယိတ်ႈ​ဢၼ်​တုတ်ႇ​ၽႆး ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ၊ ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ ၼႂ်း​ဝၼ်း​ႁဵတ်း​ပွႆး၊ ဝၼ်း​လိူၼ်​မႂ်ႇ၊ ဝၼ်း​ၵမ်​သိၼ်၊ ဝၼ်း​ဢၼ်​ပရဵၵ်ႈသၢတ်ႈ​မဵဝ်း​ ဢီႉသရေႇလႃႉ ၸၢင်ႈ​ၸူႉ​ၵၼ်​တုမ်​ၵၼ် ၵႃႈ​ၼင်ႇ​ဢၼ် ၸႅၼ်ႇ​တၢမ်း​ၵၼ်​ၼၼ်ႉ​ဢေႃႈ။ မၼ်း​တၵ်း​လႆႈ​မႄး​ႁဵတ်း​မႄး​ႁႅၼ်း ယိတ်ႈ​ဢၼ်​ၽေႇ​ဢပႅတ်ႈ၊ ၶိူင်ႈ​ပုၵ်ႈ​ၸေႃႇ ၽေႃး​ၸဵၼ်ႇ၊ ယိတ်ႈ​ဢၼ်​တုတ်ႇ​ၽႆး၊ ယိတ်ႈ​မိၵ်ႉသႃႇႁႃယႃႉ၊ ႁႂ်ႈ​လႆႈ​ၽေႇ​ဢပႅတ်ႈ မဵဝ်း​ ဢီႉသရေႇလႃႉ ​ဢေႃႈ။</verse>
				<verse number="18">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​ဝၼ်း​လိူၼ်​ပထမႃႉ​ဝၼ်း​ၼိုင်ႈ​ၼၼ်ႉ၊ မႂ်း​တၵ်း​လႆႈ​ဢဝ်​ဝူဝ်း​ပေႃႈ​ၼုမ်ႇ ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ​တူဝ်​ၼိုင်ႈ​လႄႈ ႁႂ်ႈ​ထႃႇၼႃႉ​တီႈ​မူတ်း​ၸၢင်ႇ​မူတ်း​သႂ်​ဢေႃႈ။-</verse>
				<verse number="19">ယိတ်ႈပရေႃးႁဵၵ်ႈ တၵ်း​လႆႈ​ဢဝ်​လိူတ်ႈ​တူဝ်​ယိတ်ႈ ဢၼ်​ၽေႇ​ဢပႅတ်ႈ​ၼၼ်ႉ ၵမ်ႈ​ၽွင်ႈ​လႄႈ​သႂ်ႇ​ၵႃႈ​တီႈ သဝ်​ၽၵ်း​တူ ႁိူၼ်း​ၸဝ်ႈ၊ ၵႃႈ​တီႈ​သီႇ​ၸဵင်ႇ ၶူင်ႇ​ႁၢၼ်ႉ​တႂ်ႈ​ယိတ်ႈပလၢင်ႇ ဢိၵ်ႇ​တင်း ၵႃႈ​တီႈ​သဝ်​ၽၵ်း​တူ​တမ်ႇ​တိူင်း ဢၼ်​ၵႃႈ​ၼႂ်း​ၸိူဝ်း​ၼၼ်ႉ​ဢေႃႈ။-</verse>
				<verse number="20">ၼွၵ်ႈ​သေ​ၼၼ်ႉ ၼႂ်း​ဝၼ်း​သတ်ႉတမႃႉ​ၵေႃႈ မႂ်း​တၵ်း​လႆႈ​ပုၵ်ႈ​ၸေႃႇ မိူၼ်​ၸိူဝ်ႉ​ၼင်ႇ​ၼၼ် ပုၼ်ႈ​ၵေႃႉ​ဢၼ်​ၽိတ်း​ပိူင်ႈ ဢိၵ်ႇ​တင်း​ၵေႃႈ​ဢၼ်​ငိူဝ်ႈ​ငႃႉ​ၼၼ်ႉ​လႄႈ ႁဵတ်း​မင်ႇၵလႃႇ တၢင်း​ဢၼ်​ၽေႇ​ဢပႅတ်ႈ ပုၼ်ႈ​ႁိူၼ်း​ၸဝ်ႈ​ဢေႃႈ။</verse>
				<verse number="21">ၼႂ်း​လိူၼ်​ပထမႃႉ​သိပ်း​သီႇ​ဝၼ်း​ၼၼ်ႉ သူ​တၵ်း​လႆႈ​ၶၢမ်ႇ​ပွႆး​ပႃႉသၶႃႇ ဢၼ်​ဝႃႈ ပွႆး​ၸဵတ်း​ဝၼ်း​တဵမ်​တဵမ်​ၼၼ်ႉ​လႄႈ တၵ်း​လႆႈ​ၵိၼ် ၶဝ်ႈ​မုၼ်း ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၵူၺ်း​ဢေႃႈ။-</verse>
				<verse number="22">ၼႂ်း​ဝၼ်း​ၼၼ်ႉ ၶုၼ်​ၼၼ်ႉ တၵ်း​လႆႈ​ဢဝ်​ဝူဝ်း​ပေႃႈ တူဝ်​ၼိုင်ႈ မႄး​ႁဵတ်း​မႄး​ႁႅၼ်း ယိတ်ႈ​ဢၼ်​ၽေႇ​ဢပႅတ်ႈ ပုၼ်ႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း ပုၼ်ႈ​ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင်​ဢေႃႈ။-</verse>
				<verse number="23">ၼႂ်း​ဝၼ်း​ပွႆး​ၸဵတ်း​ဝၼ်း​တဵမ်​တဵမ်​ၼၼ်ႉ မၼ်း​တၵ်း​လႆႈ​မႄး​ႁဵတ်း​မႄး​ႁႅၼ်း ဝူဝ်း​ပေႃႈ ၸဵတ်း​တူဝ်၊ သူဝ်း​ပေႃႈ​ဢၼ်​ဢမ်ႇ​ပႃး​ဢပႅတ်ႈ ၸဵတ်း​တူဝ်​ပုၼ်ႈ​ယိတ်ႈ​ဢၼ်​တုတ်ႇ​ၽႆး တီႈ​ထႃႇဝရႃႉ​ၽြႃး ဢိၵ်ႇ​တင်း ပႄႉ​ဢွၼ်ႇ​တူဝ်​ၼိုင်ႈ ပုၼ်ႈ​ယိတ်ႈ​ဢၼ်​ၽေႇ​ဢပႅတ်ႈ ၼႂ်း​ၸဵတ်း​ဝၼ်း​ၼၼ်ႉ ၵူႈ​ဝၼ်း​ဢေႃႈ။-</verse>
				<verse number="24">မၼ်း​တၵ်း​လႆႈ ပွင်​ႁႅၼ်း​ပွင်​မႄး ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ဝႃႈ ၽွင်​ၶဝ်ႈ​မုၼ်း ဢေးၽႃႇ ​ၼိုင်ႈ ပုၼ်ႈ​ဝူဝ်း​တူဝ်​ၼိုင်ႈ၊ ဢေးၽႃႇ ​ၼိုင်ႈ ပုၼ်ႈ​သူဝ်း​ပေႃႈ တူဝ်​ၼိုင်ႈ ဢိၵ်ႇ​တင်း ၼမ်ႉ​မၼ်း​ယေႈ​ ႁီႉၼႃႉ ပုၼ်ႈ​ ဢေးၽႃႇ ​ၼၼ်ႉ​ဢေႃႈ။-</verse>
				<verse number="25">ၼႂ်း​လိူၼ်​သတ်ႉတမႃႉ သိပ်း​ပၢႆ​ႁႃႈ​ဝၼ်း​ၼၼ်ႉ မၼ်း​တၵ်း​လႆႈ​ၶၢမ်ႇ​ပွႆး​လႄႈ ႁဵတ်း​ၸိူဝ်ႉ​ၼင်ႇ​ၼၼ် ၸဵတ်း​ဝၼ်း​တဵမ်​တဵမ် ၸွမ်း​ၵႃႈ​ၼင်ႇ​ဢၼ်​ႁဵတ်း ယိတ်ႈ​ဢၼ်​ၽေႇ​ဢပႅတ်ႈ၊ ယိတ်ႈ​ဢၼ်​တုတ်ႇ​ၽႆး၊ ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ၊ ၶိူင်ႈ​ပုၵ်ႈ​ၸေႃႇ​ၼမ်ႉ​မၼ်း ဢၼ်​ဝႃႈ​မႃး​ယဝ်ႉ မိူဝ်ႈ​ၵႆႈ​ၼၼ်ႉ​ဢေႃႈ။</verse>
			</chapter>
			<chapter number="46">
				<verse number="1">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၽၵ်း​တူ​တမ်ႇ​တိူင်း ဢၼ်​ၵႃႈ​ၼႂ်း ဢၼ်​ဝၢႆႇ​ၼႃႈ​ၵႂႃႇ​ၽၢႆႇ​တၢင်း​ဝၼ်း​ဢွၵ်ႇ​ၼၼ်ႉ တၵ်း​လႆႈ​မီး​တၢင်း​ဢၼ်​ဢိုတ်း​ႁပ်း​ဝႆႉ​ယူႇ ၼႂ်း​ဝၼ်း​ဢၼ်​ႁဵတ်း​တၢင်း​ႁဵတ်း ႁူၵ်း​ဝၼ်း​တဵမ်​တဵမ်​ၼၼ်ႉ​လႄႈ ၼႂ်း​ဝၼ်း​ၵမ်​သိၼ် ဢိၵ်ႇ​တင်း ဝၼ်း​လိူၼ်​မႂ်ႇ​ၼၼ်ႉ တၵ်း​လႆႈ​ၽုၺ်ႇ​ဝႆႉ​ဢေႃႈ။-</verse>
				<verse number="2">ၶုၼ်​ၼၼ်ႉ တၵ်း​လႆႈ​ၶဝ်ႈ​သဵၼ်ႈ တၢင်း​မုၵ်ႈ​ၽၵ်း​တူ​ၽၢႆႇ​ၼွၵ်ႈ​မၼ်း​ၼၼ်ႉ​လႄႈ ၸုၵ်း​ၵႃႈ​တီႈ​ႁိမ်း​သဝ်​ၽၵ်း​တူ​ဢေႃႈ။ ယိတ်ႈပရေႃးႁဵၵ်ႈ​တင်း​လၢႆ တၵ်း​လႆႈ​မႄး​ႁဵတ်း​မႄး​ႁႅၼ်း ယိတ်ႈ​ဢၼ်​တုတ်ႇ​ၽႆး​မၼ်း ဢိၵ်ႇ​တင်း ယိတ်ႈ​မိၵ်ႉသႃႇႁႃယႃႉ​မၼ်း​တင်း​လၢႆ​လႄႈ မၼ်း​တၵ်း​လႆႈ​ၵူမ်ႈ​ႁူဝ်​ၵွမ်း​ႁူဝ်​မၼ်း ၵႃႈ​တီႈ​ၶူင်ႇ​ၽၵ်း​တူ​သေ​လႄႈ ဢွၵ်ႇ​ၵႂႃႇ​ၵႃႈ​တီႈ​ၼွၵ်ႈ​ဢေႃႈ။ ၵူၺ်း​ၵႃႈ ဢမ်ႇ​လႆႈ​ဢိုတ်း​လႆႈ​ႁပ်း ၽၵ်း​တူ​ၼၼ်ႉ ထိုင်​ႁွတ်ႈ ၶိင်ႇ​ႁူဝ်​ၶမ်ႈ​ၼၼ်ႉ။-</verse>
				<verse number="3">မိူၼ်​ၸိူဝ်ႉ​ၼင်ႇ​ၼၼ်၊ ၼႂ်း​ဝၼ်း​ၵမ်​သိၼ် ဢိၵ်ႇ​တင်း​ၼႂ်း​ဝၼ်း​လိူၼ်​မႂ်ႇ​ၼၼ်ႉ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ တၵ်း​လႆႈ​ဢွၼ်​ၵၼ်​ၵူမ်ႈ​ႁူဝ်​ၵွမ်း​ႁူဝ် ၵႃႈ​တီႈ​ႁိမ်း​ၽၵ်း​တူ​ၼၼ်ႉ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။-</verse>
				<verse number="4">ယိတ်ႈ​ဢၼ်​တုတ်ႇ​ၽႆး ဢၼ်​ၶုၼ်​တၵ်း​လႆႈ​ဢဝ် ပုၵ်ႈ​ၸေႃႇ​တီႈ​ထႃႇဝရႃႉ​ၽြႃး ၼႂ်း​ဝၼ်း​ၵမ်​သိၼ်​ၼၼ်ႉ​ၸမ်ႉ၊ ပဵၼ်​သူဝ်း​ဢွၼ်ႇ ဢၼ်​ဢမ်ႇ​ပႃး​ဢပႅတ်ႈ ႁူၵ်း​တူဝ်၊ သူဝ်း​ပေႃႈ​ဢၼ်​ဢမ်ႇ​ပႃး​ဢပႅတ်ႈ တူဝ်​ၼိုင်ႈ​ဢေႃႈ။-</verse>
				<verse number="5">ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ၸၢပ်ႈ​သႅင်ႇ​ၵၼ်​တင်း​သူဝ်း​ပေႃႈ​တူဝ်​ၼိုင်ႈ​ၼၼ်ႉ တၵ်း​လႆႈ​ပဵၼ်​ၽွင်​ၶဝ်ႈ​မုၼ်း​ ဢေးၽႃႇ ​ၼိုင်ႈ လႄႈ ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​ဢၼ်​ၸၢပ်ႈ​သႅင်ႇ​ၵၼ်​တင်း​သူဝ်း​ဢွၼ်ႇ​ၸိူဝ်း​ၼၼ်ႉ တၵ်း​လႆႈ​ပဵၼ်​ၵႃႈ​ၼင်ႇ​ဢၼ် မၼ်း​မီး​ဢလူဝ်ႇ​ၶႂ်ႈ​ပၼ်​ၼၼ်ႉ​ဢေႃႈ။ ၼမ်ႉ​မၼ်း​တၵ်း​လႆႈ​ပႃး​ယေႈ​ ႁီႉၼႃႉ ပုၼ်ႈ​ယေႈ​ ဢေးၽႃႇ ​ၼၼ်ႉ​ဢေႃႈ။-</verse>
				<verse number="6">ၼႂ်း​ဝၼ်း​လိူၼ်​မႂ်ႇ​ၼၼ်ႉ မၼ်း​တၵ်း​လႆႈ​ပုၵ်ႈ​ၸေႃႇ​ဝူဝ်း​ပေႃႈ​ၼုမ်ႇ ဢၼ်​ဢမ်ႇ​ပႃး​ဢပႅတ်ႈ​တူဝ်​ၼိုင်ႈ၊ သူဝ်း​ဢွၼ်ႇ​ႁူၵ်း​တူဝ်၊ သူဝ်း​ပေႃႈ တူဝ်​ၼိုင်ႈ​ဢၼ်​ဢမ်ႇ​ပႃး​ဢပႅတ်ႈ​ၼၼ်ႉ​ဢေႃႈ။-</verse>
				<verse number="7">မၼ်း​တၵ်း​လႆႈ​ပွင်​ႁႅၼ်း​ပွင်​မႄး ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​ဢၼ်​ဝႃႈ ၽွင်​ၶဝ်ႈ​မုၼ်း​ ဢေးၽႃႇ ​ၼိုင်ႈ​ပုၼ်ႈ​ဝူဝ်း​တူဝ်​ၼိုင်ႈ၊ ဢေးၽႃႇ ​ၼိုင်ႈ ပုၼ်ႈ​သူဝ်း​ပေႃႈ​တူဝ်​ၼိုင်ႈ ၵႃႈ​ဢၼ်​မီး​ဢလူဝ်ႇ​ၼၼ်ႉ​ပုၼ်ႈ​သူဝ်း​ဢွၼ်ႇ ဢိၵ်ႇ​တင်း​ၼမ်ႉ​မၼ်း ယေႈ​ ႁီႉၼႃႉ ပုၼ်ႈ​ယေႈ​ ဢေးၽႃႇ ​ၼၼ်ႉ​ဢေႃႈ။</verse>
				<verse number="8">မိူဝ်ႈ​ဢၼ်​ၶုၼ်​ၼၼ်ႉ​ၶဝ်ႈ​ၼၼ်ႉ၊ မၼ်း​တၵ်း​လႆႈ​ၶဝ်ႈ ၸွမ်း​သဵၼ်ႈ​တၢင်း​မုၵ်ႈ​ၽၵ်း​တူ​ၼၼ်ႉ​လႄႈ တၵ်း​လႆႈ​ဢွၵ်ႇ​ၸွမ်း​သဵၼ်ႈ​တၢင်း ၼၼ်ႉ​ဢေႃႈ။-</verse>
				<verse number="9">မိူဝ်ႈ​ဢၼ်​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ၶဝ်ႈ​ၸူး​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး၊ ၼႂ်း​မိုဝ်ႉ​ဝၼ်း​ပွႆး ဢၼ်​ၸီႇ​ယၢင်ႇ​ၶၢၼ်း​ဝႆႉ​ၸိူဝ်း​ၼၼ်ႉ ၼၼ်ႉ​ၸိုင်၊ ၵေႃႉ​ဢၼ်​ၶဝ်ႈ​ၽၵ်း​တူ ၼႃႈ​တၢင်း​ႁွင်ႇ ႁႂ်ႈ​လႆႈ​ၵူဝ်း​ၵႂၢႆႇ​ၼၼ်ႉ တၵ်း​လႆႈ​ဢွၵ်ႇ​ၽၵ်း​တူ​ၼႃႈ​တၢင်း​ၸၢၼ်း​လႄႈ ၵေႃႉ​ဢၼ်​ၶဝ်ႈ ၽၵ်း​တူ ၼႃႈ​တၢင်း​ၸၢၼ်း​ၼၼ်ႉ တၵ်း​လႆႈ​ဢွၵ်ႇ​ၽၵ်း​တူ​ၼႃႈ​တၢင်း​ႁွင်ႇ​ဢေႃႈ။ မၼ်း​ဢမ်ႇ​လႆႈ​ၶိုၼ်း​ဢွၵ်ႇ​ၽၵ်း​တူ ဢၼ်​မၼ်း​ၶဝ်ႈ​ၼၼ်ႉ။ တၵ်း​လႆႈ​ဢွၵ်ႇ​ၵႂႃႇ​သိုဝ်ႈ​ၼႃႈ​မၼ်း​ၵမ်း​လဵဝ်​ဢေႃႈ။-</verse>
				<verse number="10">ၵေႃႉ​ဢၼ်​ပဵၼ်​ၶုၼ်​ၼၼ်ႉ တၵ်း​လႆႈ​ၸွမ်း​ၵႃႈ​ၼႂ်း ၶိုင်ႈ​ၵၢင်​ၵူၼ်း​တင်း​လၢႆ​သေ​လႄႈ ၶဝ်ႈ​ၵႃႈ​ၼႂ်း​လႄႈ ဢွၵ်ႇ​လူၺ်ႈ​ၵၼ်​တင်း​ၶဝ် ဢေႃႈ။-</verse>
				<verse number="11">ၼႂ်း​ပွႆး​တင်း​လၢႆ ဢိၵ်ႇ​တင်း​ၼႂ်း​တီႈ​ၸူႉ​တီႈ​တုမ်​ထမ်ႇမႃႉ​ၵၼ်​ၸိူဝ်း​ၼၼ်ႉ၊ ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ တၵ်း​လႆႈ​ပဵၼ် ၽွင်​ၶဝ်ႈ​မုၼ်း ဢေးၽႃႇ ​ၼိုင်ႈ​ပုၼ်ႈ​ဝူဝ်း​တူဝ်​ၼိုင်ႈ၊ ဢေးၽႃႇ ​ၼိုင်ႈ ပုၼ်ႈ​သူဝ်း​ပေႃး​တူဝ်​ၼိုင်ႈ ဢိၵ်ႇ​တင်း ၵႃႈ​ဢၼ်​မီး​ဢလူဝ်ႇ​ၼၼ်ႉ​ပုၼ်ႈ သူဝ်း​ဢွၼ်ႇ​တင်း​လၢႆ တင်း​ၼမ်ႉ​မၼ်း ယေႈ​ ႁီႉၼႃႉ ပုၼ်ႈ​ယေႈ​ ဢေးၽႃႇ ​ဢေႃႈ။</verse>
				<verse number="12">မိူဝ်ႈ​ဢၼ်​ၶုၼ်​ၼၼ်ႉ ဢဝ်​ၶိူင်ႈ​ပုၵ်ႈ​ၸေႃႇ ဢၼ်​ၸွမ်း​လူၺ်ႈ​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ ႁဵတ်း​ဢၼ်​ဝႃႈ ယိတ်ႈ​ဢၼ်​တုတ်ႇ​ၽႆး၊ ယိတ်ႈ​မိၵ်ႉသႃႇႁႃယႃႉ ဢၼ်​ယူႇ​ဢလူဝ်ႇလူဝ်ႇ​လႄႈ​ႁဵတ်း​ၼၼ်ႉ တီႈ​ထႃႇဝရႃႉ​ၽြႃး​ၼၼ်ႉ​ၸိုင်၊ တၵ်း​လႆႈ​ၽုၺ်ႇ ၽၵ်း​တူ ဢၼ်​ဝၢႆႇ​ၼႃႈ​ၵႂႃႇ​တၢင်း​ဢွၵ်ႇ​ၼၼ်ႉ ပုၼ်ႈ​မၼ်း​လႄႈ မၼ်း​တၵ်း​လႆႈ​မႄး​ႁဵတ်း​မႄး​ႁႅၼ်း ယိတ်ႈ​ဢၼ်​တုတ်ႇ​ၽႆး​မၼ်း၊ ယိတ်ႈ​မိၵ်ႉသႃႇႁႃယႃႉ​မၼ်း မိူၼ်​ၸိူဝ်ႉ​ၼင်ႇ​ၼႂ်း​ဝၼ်း​ၵမ်​သိၼ်​ၼၼ်ႉ​ဢေႃႈ။ လိုၼ်း​ၼၼ်ႉ​မၼ်း​တၵ်း​လႆႈ​ဢွၵ်ႇ​ၵႂႃႇ​လႄႈ မၼ်း​ဢွၵ်ႇ​ၵႂႃႇ သေ​ယဝ်ႉ၊ တၵ်း​လႆႈ​ဢိုတ်း​ၽၵ်း​တူ​ဝႆႉ​ဢေႃႈ။</verse>
				<verse number="13">ၵူႈ​ဝၼ်း​ၵူႈ​ဝၼ်း၊ မႂ်း​တၵ်း​လႆႈ​ဢဝ်​သူဝ်း​ဢွၼ်ႇ ဢၼ်​ဢမ်ႇ​ပႃး​ဢပႅတ်ႈ​လႄႈ ဢမ်ႇ​ပႆႇ​ၶွပ်ႈ​ၶူပ်ႇ​ၼၼ်ႉ​တူဝ်​ၼိုင်ႈ မႄး​ႁဵတ်း​မႄး​ႁႅၼ်း ပုၼ်ႈ​ယိတ်ႈ​ဢၼ်​တုတ်ႇ​ၽႆး​တီႈ​ထႃႇဝရႃႉ​ၽြႃး​ဢေႃႈ။ ၼႂ်​ၼိုင်ႈ​ယဝ်ႉ​ၼႂ်​ၼိုင်ႈ မႂ်း​တၵ်း​လႆႈ​မႄး​ႁဵတ်း​မႄး​ႁႅၼ်း​သေႇ​သေႇ​ဢေႃႈ။-</verse>
				<verse number="14">ၼႂ်​ၼိုင်ႈ​ယဝ်ႉ​ၼႂ်​ၼိုင်ႈ မႂ်း​တၵ်း​လႆႈ​ပွင်​ႁႅၼ်း​ပွင်​မႄး ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​ႁူမ်ႈ​လူၺ်ႈ​ၵၼ်​တင်း​သူဝ်း​ဢွၼ်ႇ​ၼၼ်ႉ ဢၼ်​ဝႃႈ ၽွင်​ၶဝ်ႈ​မုၼ်း ဢေးၽႃႇ ​ႁူၵ်း​ပုၼ်ႈ ပုၼ်ႈ​ၼိုင်ႈ ဢိၵ်ႇ​တင်း ၼမ်ႉ​မၼ်း​ ႁီႉၼႃႉ သၢမ်​ပုၼ်ႈ​ပုၼ်ႈ​ၼိုင်ႈ ႁႂ်ႈ​လႆႈ​ယမ်း​ၽွင်​ၶဝ်ႈ​မုၼ်း​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ ဢၼ်​တၵ်း​လႆႈ​ႁဵတ်း​တီႈ​ထႃႇဝရႃႉ​ၽြႃး​ယူႇ​သေႇ​သေႇ ၸွမ်း​ၼင်ႇ​ထုင်း​ၽိင်ႈ​တြႃး​ထႃႇဝရႃႉ​ဢေႃႈ။-</verse>
				<verse number="15">ၼင်ႇ​ၼၼ်​လႄႈ ၼႂ်​ၼိုင်ႈ​ယဝ်ႉ​ၼႂ်​ၼိုင်ႈ ၶဝ်​တၵ်း​လႆႈ​ပွင်​ႁႅၼ်း​ပွင်​မႄး​သူဝ်း​ဢွၼ်ႇ​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ ဢိၵ်ႇ​တင်း​ၼမ်ႉ​မၼ်း​ပုၼ်ႈ​ဢၼ် တၵ်း​ပုၵ်ႈ​ၸေႃႇ​ယိတ်ႈ ဢၼ်​တုတ်ႇ​ၽႆး​ယူႇ​သေႇ​သေႇ​ဢေႃႈ။</verse>
				<verse number="16">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပေႃး​ၶုၼ်​ၼၼ်ႉ ပၼ်​လၢၵ်ႈ​သွင်ႇ​သေ​ၸိူဝ်ႉ​သေ​ပိူင် တီႈ​လုၵ်ႈ​ၸၢႆး​မၼ်း​ၸိုင်၊ လၢၵ်ႈ​သွင်ႇ​ၼၼ်ႉ တၵ်း​လႆႈ​ပဵၼ်​ဢမူၺ်ႇ​ဢုၵ်ႉ​ၸႃႇ​ၶဝ်​လႄႈ ပဵၼ်​ၶွင်​လုၵ်ႈ​ၸၢႆး​မၼ်း​ၸိူဝ်း​ၼၼ်ႉ​ဢေႃႈ။ တၵ်း​လႆႈ​ပဵၼ်​တီႈ​ဢၼ်​ၶဝ်​ၶၢမ်ႇ​ဢမူၺ်ႇ​လႄႈ​သိမ်း​ဢဝ်​ဢေႃႈ။-</verse>
				<verse number="17">ပေႃး​မၼ်း​ပၼ်​ဢုၵ်ႉ​ၸႃႇ​ဢမူၺ်ႇ လၢၵ်ႈ​သွင်ႇ​သေ​ၸိူဝ်ႉ​သေ​ပိူင် တီႈ​ၶႃႈ​မၼ်း​ၸမ်ႉ၊ ၶႃႈ​ၼၼ်ႉ​တၵ်း​လႆႈ​ပိူင်ႇ​တေႃႇ​ထိုင်​ႁွတ်ႈ သၵ်ႈၵရဵတ်ႈ​ပီႊ​ဢၼ်​လွတ်ႈ​ၼၼ်ႉ​ၵူၺ်း​ဢေႃႈ။ လိုၼ်း​ၼၼ်ႉ တၵ်း​လႆႈ​ၶိုၼ်း​ႁွတ်ႈ​ထိုင် ၵႃႈ​ၼႂ်း​မိုဝ်း​ၶုၼ်​ဢေႃႈ။ ဢမူၺ်ႇ​မၼ်း​ၼၼ်ႉ​ၸမ်ႉ၊ လုၵ်ႈ​ၸၢႆး​မၼ်း​တၵ်း​လႆႈ​ၶၢမ်ႇ​ဢဝ်​ဢေႃႈ။-</verse>
				<verse number="18">လိူဝ်​သေ​ၼၼ်ႉ ၶုၼ်​ၼၼ်ႉ​ဢမ်ႇ​လႆႈ​ႁဵတ်း​ပႄႉ​ႁဵတ်း​ၼႅင်ႇ ဢဝ်​လိၼ်​ဢမူၺ်ႇ​ၵူၼ်း​ဝၢၼ်ႈ​ၵူၼ်း​မိူင်း​လႄႈ ႁေႃႈ​ၸဝ်ႈ​လိၼ်​ၼၼ်ႉ ဢွၵ်ႇ​ပႅတ်ႈ​သေ​ၵႃႈ​ၼႂ်း​တီႈ​ဢၼ်​မၼ်း​ပိူင်ႇ​ၼၼ်ႉ။ မၼ်း​တၵ်း​လႆႈ​ဢဝ်​ၵႃႈ​ၼႂ်း​လိၼ်​ဢမူၺ်ႇ ဢၼ်​မၼ်း​ပိူင်ႇ​ၼၼ်ႉ ပၼ်​ဢမူၺ်ႇ တီႈ​လုၵ်ႈ​ၸၢႆး​မၼ်း​တင်း​လၢႆ ႁႂ်ႈ​ၵူၼ်း​ၵဝ်​တင်း​လၢႆ ဢမ်ႇ​လႆႈ​ၶၢမ်ႇ​တၢင်း​ဢၼ် ၸၢတ်ႇ​ပိုၼ်​ပႅတ်ႈ​သေ ၵႃႈ​တီႈ​လိၼ်​ဢမူၺ်ႇ ဢၼ်​ၶဝ်​ပိူင်ႇ ၼၼ်ႉ​ဢေႃႈ။</verse>
				<verse number="19">လိုၼ်း​ၼၼ်ႉ ၵေႃႉ​ၼၼ်ႉ ဢဝ်​ၵဝ်​ၸွမ်း​သဵၼ်ႈ​တၢင်း ႁူး​ဝၢင်း​ဢၼ်​မီး ၵႃႈ​တီႈ​ႁိမ်း​ၽၵ်း​တူ​ၼၼ်ႉ​သေ​လႄႈ သႂၢင်း​ၶဝ်ႈ​ၵႃႈ​ၼႂ်း​လုၵ်း​ဢၼ်​မူတ်း​ၸၢင်ႇ ယိတ်ႈပရေႃးႁဵၵ်ႈ​တင်း​လၢႆ ဢၼ်​ဝၢႆႇ​ၼႃႈ​ၵႂႃႇ​ၽၢႆႇ​တၢင်း​ႁွင်ႇ​ၸိူဝ်း​ၼၼ်ႉ​သေ​ယဝ်ႉ၊ ၵဝ်​ႁၼ်​တီႈ​ဢၼ်​မီး​ၵႃႈ​တီႈ ၽၢႆႇ​လင်​တၢင်း​တူၵ်း​ၼၼ်ႉ တီႈ​ၼိုင်ႈ​ဢေႃႈ။-</verse>
				<verse number="20">ၵေႃႉ​ၼၼ်ႉ​လၢတ်ႈ​တီႈ​ၵဝ်​လႄႈ​ဝႃႈ၊ တီႈ​ၼႆႉ​ၸမ်ႉ၊ ပဵၼ်​တီႈ​ဢၼ်​ယိတ်ႈပရေႃးႁဵၵ်ႈ​တင်း​လၢႆ တၵ်း​လႆႈ​ဢဝ် ယိတ်ႈ​ဢၼ်​ၽေႇ​တူႉ​ၸရိူၵ်ႈ၊ ယိတ်ႈ​ဢၼ်​ၽေႇ​ဢပႅတ်ႈ တူမ်ႈ​လႄႈ ၽဝ်​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ ႁႂ်ႈ​ဢမ်ႇ​လႆႈ​ဢဝ်​ၸိူဝ်း​ၼၼ်ႉ ဢွၵ်ႇ​ၸူး​ၵႃႈ​ၼႂ်း​တမ်ႇ​တိူင်း ဢၼ်​ၵႃႈ​ၼွၵ်ႈ ႁႂ်ႈ​ၵူၼ်း​တင်း​လၢႆ လႆႈ​မူတ်း​ၸၢင်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">လႆႈ​သမ်ႉ ၵေႃႉ​ၼၼ်ႉ ဢဝ်​ၵဝ်​သႂၢင်း​ၶဝ်ႈ ၵႃႈ​ၼႂ်း​တမ်ႇ​တိူင်း​ဢၼ်​ၵႃႈ​ၼွၵ်ႈ​လႄႈ ႁႂ်ႈ​ၵဝ်​ပႆ​လဵပ်ႈ​ၵႂႃႇ ၵႃႈ​တီႈ​ၸဵင်ႇ​တမ်ႇ​တိူင်း​သီႇ​ၸဵင်ႇ သေ​ယဝ်ႉ၊ ၵဝ်​ႁၼ်​တမ်ႇ​တိူင်း​ဢွၼ်ႇ မီး​ၵႃႈ​တီႈ​သီႇ​ၸဵင်ႇ​ၸိူဝ်း​ၼၼ်ႉ ယေႈ​ဢၼ်​ၼင်ႇ​ၵၼ်​ဢေႃႈ။-</verse>
				<verse number="22">တမ်ႇ​တိူင်း​ဢွၼ်ႇ​ဢၼ်​မီး ၵႃႈ​ၼႂ်း​သီႇ​ၸဵင်ႇ​တမ်ႇ​တိူင်း​လူင်​ၸိူဝ်း​ၼၼ်ႉ၊ ၼႃႈ​ယၢဝ်း​မီး​သီႇ​သိပ်း​သွၵ်ႇ၊ ၼႃႈ​ပွတ်း​သၢမ်​သိပ်း​သွၵ်ႇ​လႄႈ တၢင်း​ဢၼ်​ၶပ်ႉ​ဢၼ်​တႅၵ်ႈ​သီႇ​ဢၼ် ၵႃႈ​ၼႂ်း​ၸဵင်ႇ​ၸိူဝ်း​ၼၼ်ႉ တၢၼ်ႇ​ပဵင်း​ၵၼ်​ဢေႃႈ။-</verse>
				<verse number="23">ၵႃႈ​တီႈ​လဵပ်ႈ​ႁွပ်ႈ တၢင်း​ၼႂ်း​သီႇ​ၸဵင်ႇ​ၸိူဝ်း​ၼၼ်ႉ၊ မီး​ထႅဝ်​ပုၼ်ႈ​ၽၢႆႇ​ပုၼ်ႉ​ဢၼ် တၵ်း​တူမ်ႈ​တၵ်း​ႁုင်​လႄႈ ၵႃႈ​တီႈ​တႂ်ႈ​ထႅဝ်​ဢၼ် လဵပ်ႈ​ႁွပ်ႈ​ၸိူဝ်း​ၼၼ်ႉ ပဵၼ်​ၵူင်​ပဵၼ်​ႁူး​ဝႆႉ​ဢေႃႈ။-</verse>
				<verse number="24">ၵေႃႉ​ၼၼ်ႉ​လၢတ်ႈ​တီႈ​ၵဝ်​လႄႈ​ဝႃႈ၊ ၵႃႈ​တီႈ​ၸိူဝ်း​ၼႆႉ​ၸမ်ႉ၊ ပဵၼ်​တီႈ​တူမ်ႈ​တီႈ​ႁုင် တီႈ​ဢၼ်​ၶဝ်​ၸိူဝ်း​ဢၼ်​ပႂ်ႉ​ဢမူႉ​ႁိူၼ်း​ၸဝ်ႈ​ၼၼ်ႉ လႆႈ​တူမ်ႈ​တူဝ်​ယိတ်ႈ ဢၼ်​ၵူၼ်း​တင်း​လၢႆ​ပုၵ်ႈ​ၸေႃႇ ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="47">
				<verse number="1">လိုၼ်း​ၼၼ်ႉ ၵေႃႉ​ၼၼ်ႉ​သမ်ႉ​ဢဝ်​ၵဝ် ၶိုၼ်း​မႃး​ၵႃႈ​တီႈ​ၽၵ်း​တူ ႁိူၼ်း​ၸဝ်ႈ​လႄႈ ၵဝ်​ႁၼ်​ၼမ်ႉ​ဢွၵ်ႇ​သေ​ၵႃႈ​တႂ်ႈ​ၶူင်ႇ ၽၵ်း​တူ​ႁိူၼ်း​ၸဝ်ႈ လႆ​ၵႂႃႇ​ၽၢႆႇ​ဝၼ်း​ဢွၵ်ႇ​ဢေႃႈ။ ၼႃႈ​ႁိူၼ်း​ၸဝ်ႈ​ၼၼ်ႉ ဝၢႆႇ​ၼႃႈ​ၵႂႃႇ​ၽၢႆႇ​ဝၼ်း​ဢွၵ်ႇ​လႄႈ ၼမ်ႉ​ၼၼ်ႉ လုၵ်ႉ​သေ​ၵႃႈ​တီႈ​တႂ်ႈ ၼႃႈ​ၽၢႆႇ​ၶႂႃ​ႁိူၼ်း​ၸဝ်ႈ​ၽၢႆႇ​တၢင်း​ၸၢၼ်း ယိတ်ႈပလၢင်ႇ​ၼၼ်ႉ လႆ​ၵႂႃႇ​ဢေႃႈ။-</verse>
				<verse number="2">လႆႈ​သမ်ႉ ၵေႃႉ​ၼၼ်ႉ ဢဝ်​ၵဝ်​ဢွၵ်ႇ​ၸွမ်း​သဵၼ်ႈ​တၢင်း​ၽၵ်း​တူ ၼႃႈ​တၢင်း​ႁွင်ႇ​လႄႈ ဢွၼ်​ၵဝ်​လဵပ်ႈ​ၵႂႃႇ ၽၢႆႇ​တၢင်း​ၼွၵ်ႈ​ၸူး​ၵႃႈ​တီႈ ၽၵ်း​တူ​ဢၼ်​ၵႃႈ​ၼွၵ်ႈ ဢၼ်​ဝႃႈ​သဵၼ်ႈ​တၢင်း​ၽၵ်း​တူ ဢၼ်​ဝၢႆႇ​ၼႃႈ​ၵႂႃႇ ၽၢႆႇ​ဝၼ်း​ဢွၵ်ႇ​ၼၼ်ႉ​လႄႈ ၵဝ်​ႁၼ်​ၼမ်ႉ​ဢၼ်​လႆ​ၵႂႃႇ​တီႈ​ၽၢႆႇ​တၢင်း​ၶႂႃ​ဢေႃႈ။-</verse>
				<verse number="3">ၵေႃႉ​ဢၼ် ယိပ်း​ၸိူၵ်ႈ​ၼၼ်ႉ ဢွၵ်ႇ​ၵႂႃႇ​ၽၢႆႇ​တၢင်း​ဝၼ်း​ဢွၵ်ႇ​သေ​လႄႈ တႅၵ်ႈ​ႁႂ်ႈ​တဵမ်​ႁဵင်​သွၵ်ႇ​လႄႈ ႁႂ်ႈ​ၵဝ်​ၶၢမ်ႈ​ၼမ်ႉ​ၼၼ်ႉ​ဢေႃႈ။ ၼမ်ႉ​ၼၼ်ႉ​ၶိုတ်း​ထိုင်​တႃ​တိၼ်​ၵူၺ်း​ဢေႃႈ။-</verse>
				<verse number="4">လႆႈ​သမ်ႉ မၼ်း​တႅၵ်ႈ​ႁႂ်ႈ​တဵမ်​ႁဵင်​သွၵ်ႇ​လႄႈ ႁႂ်ႈ​ၵဝ်​သမ်ႉ​ၶိုၼ်း​ၶၢမ်ႈ​ၼမ်ႉ​ၼၼ်ႉ​ဢေႃႈ။ ၼမ်ႉ​ၼၼ်ႉ​ၶိုတ်း​ထိုင်​ႁူဝ်​ၶဝ်ႇ​ဢေႃႈ။ လႆႈ​သမ်ႉ​မၼ်း တႅၵ်ႈ​ႁႂ်ႈ​တဵမ်​ႁဵင်​သွၵ်ႇ​လႄႈ ႁႂ်ႈ​ၵဝ်​သမ်ႉ​ၶိုၼ်း​ၶၢမ်ႈ​ၼမ်ႉ​ၼၼ်ႉ​ဢေႃႈ။ ၼမ်ႉ​ၼၼ်ႉ​ၶိုတ်း​ထိုင်​ဢႅဝ်​ဢေႃႈ။-</verse>
				<verse number="5">လႆႈ​သမ်ႉ မၼ်း​တႅၵ်ႈ​ႁႂ်ႈ​တဵမ်​ႁဵင်​သွၵ်ႇ​လႄႈ ပဵၼ်​ၼမ်ႉ​ႁွင်ႈ ဢၼ်​ၵဝ်​ဢမ်ႇ​ၶၢမ်ႈ​လႆႈ​ဢေႃႈ။ လွင်ႈ​မၼ်း​ၸမ်ႉ ၼမ်ႉ​ၼွင်း​ၶိုၼ်ႈ​လႄႈ ပဵၼ်​ၼမ်ႉ ဢၼ်​တၵ်း​လႆ​လုၺ်း​ၼမ်ႉ​ႁွင်ႈ ဢၼ်​ဢမ်ႇ​ယၢင်ႈ​လႄႈ​ၶၢမ်ႈ​လႆႈ​ၼၼ်ႉ​ဢေႃႈ။-</verse>
				<verse number="6">ၵေႃႉ​ၼၼ်ႉ​ထၢမ်​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ မႂ်း​ႁၼ်​လွင်ႈ​တၢင်း​ၼႆႉ​ယဝ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ႁွင်ႉ​ဢဝ်​ၵဝ်​ၵႂႃႇ လႄႈ ႁႂ်ႈ​ၶိုၼ်း​မႃး​ၵႃႈ​တီႈ​ၽင်ႇ​ၼမ်ႉ​ႁွင်ႈ​ဢေႃႈ။-</verse>
				<verse number="7">မိူဝ်ႈ​ဢၼ်​ၵဝ်​ၶိုၼ်း​မႃး​ၼၼ်ႉ ၵဝ်​ႁၼ်​တူၼ်ႈ​မႆႉ​ၼမ်​ၼႃႇ ၵႃႈ​တီႈ​ႁိမ်း​ၽင်ႇ​ၼမ်ႉ​ႁွင်ႈ​သွင်​ၽၢႆႇ ၼၼ်ႉ​ဢေႃႈ။-</verse>
				<verse number="8">ၵေႃႉ​ၼၼ်ႉ​ၵေႃႈ​လၢတ်ႈ​တီႈ​ၵဝ်​လႄႈ​ဝႃႈ၊ ၼမ်ႉ​ၼႆႉ​လႆ​ၵႂႃႇ​ၸူး​ထိူၼ်ႇ​ၽၢႆႇ​ဝၼ်း​ဢွၵ်ႇ​လႄႈ လူင်း​ၸူး​ၵႃႈ​ၼႂ်း​ပၢင်ႇ​ပဵင်း ဢႃႇရၽႃႉ ​သေ​လႄႈ လႆ​ၵႂႃႇ​ၸူး​ၵႃႈ​တီႈ​ပၢင်ႇ​လၢႆႇ​ဢေႃႈ။ သုတ်း​တိူၵ်ႉ​ၵႃႈ​ၼႂ်း​ပၢင်ႇ​လၢႆႇ​လႄႈ ႁႂ်ႈ​ၼမ်ႉ​ပဵၼ်​ဢၼ်​ဝၢၼ်​မႃး​ဢေႃႈ။-</verse>
				<verse number="9">သတ်ႉတဝႃႇ ၵူႈ​ၸိူဝ်ႉ​ၵူႈ​မဵဝ်း​ဢၼ်​ဢသၢၵ်ႈ​လိပ်း​လႄႈ ၸၢင်ႈ​တူင်ႉ​ၸၢင်ႈ​ၼိုင်​ၼၼ်ႉ ဢသၢၵ်ႈ​တၵ်း​လိပ်း ၵႃႈ​ၼႂ်း​တီႈ​ၵႃႈ​ဢၼ် ၼမ်ႉ​ႁွင်ႈ​ၼၼ်ႉ​ႁွတ်ႈ​ထိုင်​ၼၼ်ႉ​လႄႈ ပႃ​တၵ်း​မီး​ၼမ်​ၼႃႇ​လူင်​လၢင်​ဢေႃႈ။ လွင်ႈ​မၼ်း​ၸမ်ႉ ၼမ်ႉ​ၼၼ်ႉ​ႁွတ်ႈ​ထိုင်​ၵႃႈ​တီႈ​ၼၼ်ႈ​လႄႈ ပဵၼ်​ဢၼ်​ဝၢၼ်​မႃး​လႄႈ သတ်ႉတဝႃႇ​ၵူႈ​ၸိူဝ်ႉ​ၵူႈ​မဵဝ်း တၵ်း​လႆႈ​ဢသၢၵ်ႈ​လိပ်း​ယူႇ​ၼႂ်း တီႈ​ၵႃႈ​ဢၼ်​ၼမ်ႉ​ႁွင်ႈ​ႁွတ်ႈ​ထိုင်​ၼၼ်ႉ​ဢေႃႈ။-</verse>
				<verse number="10">တမ်ႇ​ငႃႈ​တင်း​လၢႆ တၵ်း​ဢွၼ်​ၵၼ်​ၸုၵ်း​ယူႇ ၵႃႈ​တီႈ​ႁိမ်း​ၽင်ႇ​မၼ်း ဢဝ်​ၵႃႈ​တီႈ​ၸႃႉ​ၸဵမ်​ဝၢၼ်ႈ​ ဢႅၼ်ႇၵေးတီႉ တေႃႇ​ထိုင်​ႁွတ်ႈ ဝၢၼ်ႈ ဢေႇၼေႃႉၵလိမ်း ​ၼၼ်ႉ​လႄႈ ပိုတ်ႇ​ၵီႈ​ၼႅင်ႈ​ၶဝ်​ၶႄ​ၶဝ်​တူၵ်း​ယူႇ​ဢေႃႈ။ ပႃ​ၶဝ်​တၵ်း​မီး​ၵူႈ​ၸိူဝ်ႉ​ၵူႈ​မဵဝ်း​လႄႈ ၼမ်​ၼႃႇ​မိူၼ်​ၸိူဝ်ႉ​ၼင်ႇ​ပႃ​ၼႂ်း​မႁႃႇ​ပၢင်ႇ​လၢႆႇ​ဢေႃႈ။-</verse>
				<verse number="11">ၼမ်ႉ​ၶုၼ်ႇ​ၼမ်ႉ​ဢူၼ်​တင်း​လၢႆ ဢိၵ်ႇ​တင်း​ၼမ်ႉ​ၵူမ်ႇ​ၼမ်ႉ​ဢုင်​တင်း​လၢႆ​ၸမ်ႉ၊ ဢမ်ႇ​လႆႈ​ပဵၼ်​ဢၼ်​ဝၢၼ်။ တၵ်း​လႆႈ​ပဵၼ်​ဢၼ်​ၸဵမ်း​ယူႇ​သေႇ​သေႇ​ဢေႃႈ။-</verse>
				<verse number="12">ၵႃႈ​တီႈ​သွင်​ၽၢႆႇ ၽင်ႇ​ၼမ်ႉ​ႁွင်ႈ​ၼၼ်ႉ၊ တူၼ်ႈ​ဢၼ်​လီ​ၵိၼ် ၵူႈ​ၸိူဝ်ႉ​ၵူႈ​မဵဝ်း ဢၼ်​မႂ်​မၼ်း​ဢမ်ႇ​လႆႈ​ႁဵဝ်ႇ​လႆႈ​ၸွပ်ႈ၊ မၢၵ်ႇ​မၼ်း​ၵေႃႈ ဢမ်ႇ​လႆႈ​ထၢတ်ႇ​လႆႈ​ဝၢႆး​ၼၼ်ႉ တၵ်း​ဢွၼ်​ၵၼ်​ဢွၵ်ႇ​မႃး​လႄႈ မၢၵ်ႇ​မၢၵ်ႇ​ဢၼ်​ၼုမ်ႇ ၵူႈ​လိူၼ်​သေႇ​သေႇ ၵွပ်ႈ​ပိူဝ်ႈ​ဢၼ်​ၼမ်ႉ​ၼၼ်ႉ ဢွၵ်ႇ​သေ ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​မႃး​ၼၼ်ႉ​ဢေႃႈ။ မၢၵ်ႇ​မၼ်း​ၸမ်ႉ၊ တၵ်း​ပဵၼ်​ပုၼ်ႈ​ဢၼ်​လီ​ၵိၼ်​လီ​ၶူပ်း​လႄႈ မႂ်​မၼ်း​ၵေႃႈ တၵ်း​ပဵၼ်​ပုၼ်ႈ​ဢၼ် တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​ထၢတ်ႇ​ယဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တၢင်း​ဢၼ်​ၶၼ်ႈ​ဢၼ်​ၶႅၼ်ႈ​လိၼ်​ဢၼ်​ၽႄ​လိၼ်​ဝႆႉ ႁႂ်ႈ​ပဵၼ်​ဢမူၺ်ႇ​ၸွမ်း​လူၺ်ႈ မဵဝ်း​ ဢီႉသရေႇလႃႉ သိပ်း​သွင်​မဵဝ်း​ၼၼ်ႉ​ၸမ်ႉ၊ ယူဝ်းသႅပ်ႈ ​ၼၼ်ႉ တၵ်း​လႆႈ​ဢဝ်​လိၼ်​သွင်​ပုၼ်ႈ​ဢေႃႈ။-</verse>
				<verse number="14">သူ​တၵ်း​လႆႈ​ၶၢမ်ႇ​ဢဝ်​ဢမူၺ်ႇ​လိၼ် ဢၼ်​ၵဝ်​ယုၵ်ႉ​မိုဝ်း​ၵဝ်​တိူင်ႇ​ဝႃႈ​ၵိၼ်ႇ​ဝႃႈ​လႄႈ ပၼ်​တီႈ​ပူႇ​သူ​မွၼ်ႇ​သူ​ၼၼ်ႉ ႁင်း​ၽႂ် ႁင်း​မၼ်း မိူၼ်​မိူၼ်​ၵၼ်​ဢေႃႈ။ လိၼ်​ၼၼ်ႉ​တၵ်း​တူၵ်း​တီႈ​သူ​ပုၼ်ႈ​ဢၼ်​တၵ်း​ၶၢမ်ႇ​ဢမူၺ်ႇ​ဢေႃႈ။-</verse>
				<verse number="15">တၢင်း​ဢၼ်​ၶၼ်ႈ​ဢၼ်​ၶႅၼ်ႈ​လိၼ်​ၸမ်ႉ၊ ၵႃႈ​တီႈ​ၽၢႆႇ​တၢင်း​ႁွင်ႇ​ၼၼ်ႉ၊ လုၵ်ႉ​သေ​ၵႃႈ​တီႈ​မႁႃႇ​ပၢင်ႇ​လၢႆႇ ၸွမ်း​သဵၼ်ႈ​တၢင်း​ ႁေႇသလုၼ်ႇ ၸူး​တီႈ​ဢၼ် ၶဝ်ႈ​ၵႃႈ​ၼႂ်း​ ၸေႇတတ်ႉ ​သေ​လႄႈ၊-</verse>
				<verse number="16">လဵပ်ႈ​ၵႂႃႇ​ဝဵင်း​ ႁႃႇမတ်ႉ ၊ ဝဵင်း​ ပေႇရေႃးသႃႇ ၊ ဝဵင်း​ သီႉပရိမ်း ဢၼ်​မီး​ၵႄႈ​ဝူင်ႈ​ၵၢင်​လိၼ်​ ထမ်ႇမသႅတ်ႉ တင်း​လိၼ်​ ႁႃႇမတ်ႉ ​ၼၼ်ႉ၊ ဝဵင်း​ ႁႃႇၸႃႇႁတ်ႉတီႉၵုၼ်ႇ ​ဢၼ်​မီး​ၵႃႈ​ႁိမ်း​လိၼ် ဝဵင်း​ ႁေႃႇရၼ်ႇ ​လႄႈ၊-</verse>
				<verse number="17">လႆႈ​သမ်ႉ တၢင်း​ဢၼ်​ၶၼ်ႈ​ဢၼ်​ၶႅၼ်ႈ​ၼၼ်ႉ ၽၢတ်ႇ​ယၢၼ်​ပၢင်ႇ​လၢႆႇ​သေ​လႄႈ တၵ်း​လႆႈ​ပႃး​ဝဵင်း​ ႁႃႇၸႃႇရေးၼၼ်ႇ ၵႃႈ​ႁိမ်း​လႅၼ်​လိၼ် ထမ်ႇမသႅတ်ႉ ​လႄႈ ၵႂႃႇ​ၽၢႆႇ​တၢင်း​ႁွင်ႇ​သိုဝ်ႈ​ၼႃႈ​တၢင်း​ႁွင်ႇ​လႄႈ ပႃး​လႅၼ်​လိၼ် ဝဵင်း​ ႁႃႇမတ်ႉ ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ဢၼ်​ၶၼ်ႈ​ဢၼ်​ၶႅၼ်ႈ ၽၢႆႇ​တၢင်း​ႁွင်ႇ​ဢေႃႈ။-</verse>
				<verse number="18">ဢၼ်​ၶၼ်ႈ​ဢၼ်​ၶႅၼ်ႈ​ၽၢႆႇ​တၢင်း​ဢွၵ်ႇ​ၼၼ်ႉ တၵ်း​လႆႈ​တႆႇ​ၸွမ်း​ၵႄႈ​ဝူင်ႈ​ၵၢင်​ဝဵင်း​ ႁေႃႇရၼ်ႇ ​တင်း​ဝဵင်း​ ထမ်ႇမသႅတ်ႉ ၊ မိူင်း​ ၵီႉလတ်ႉ တင်း​လိၼ်​မိူင်း​ ဢီႉသရေႇလႃႉ ၵႃႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ဢၼ်​ဝႃႈ ဢဝ်​ၵႃႈ​တီႈ​ဢၼ်​ၶၼ်ႈ​ဢၼ်​ၶႅၼ်ႈ​ၽၢႆႇ​တၢင်း​ႁွင်ႇ​ၼၼ်ႉ တေႃႇ​ထိုင်​ႁွတ်ႈ​ပၢင်ႇ​လၢႆႇ ၽၢႆႇ​ဝၼ်း​ဢွၵ်ႇ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ဢၼ်​ၶၼ်ႈ​ဢၼ်​ၶႅၼ်ႈ ၽၢႆႇ​ဝၼ်း​ဢွၵ်ႇ​ဢေႃႈ။-</verse>
				<verse number="19">ဢၼ်​ၶၼ်ႈ​ဢၼ်​ၶႅၼ်ႈ​ၽၢႆႇ​တၢင်း​ၸၢၼ်း​ၼၼ်ႉ တၵ်း​လႆႈ​တႆႇ​ၸွမ်း ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ တႃႇမႃႇ တေႃႇ​ထိုင်​ႁွတ်ႈ​ၼမ်ႉ​ မေႇရီႇၽႃႉ ၵႃႈ​တီႈ​ဝဵင်း​ ၵႃႇတေႇသႃႉ ဢိၵ်ႇ​တင်း​ၼမ်ႉ​ႁွင်ႈ​ဢၼ်​ၶဝ်ႈ​ၵႃႈ​ၼႂ်း မႁႃႇ​ပၢင်ႇ​လၢႆႇ​ၼၼ်ႉ ၵႂႃႇ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ဢၼ်​ၶၼ်ႈ​ဢၼ်​ၶႅၼ်ႈ ၽၢႆႇ​တၢင်း​ၸၢၼ်း​ဢေႃႈ။-</verse>
				<verse number="20">ၵႃႈ​တီႈ ၽၢႆႇ​ဝၼ်း​တူၵ်း​ၸမ်ႉ၊ ဢၼ်​ၶၼ်ႈ​ဢၼ်​ၶႅၼ်ႈ​တၵ်း​လႆႈ​ပဵၼ် မႁႃႇ​ပၢင်ႇ​လၢႆႇ​ၼၼ်ႉ ဢဝ်​ၵႃႈ​တီႈ​ၸႃႉ​ၸဵမ်​ဢၼ်​ၶၼ်ႈ​ဢၼ်​ၶႅၼ်ႈ ၽၢႆႇ​တၢင်း​ၸၢၼ်း တေႃႇ​ထိုင်​ႁွတ်ႈ​ၵႃႈ​တီႈ​ဢၼ် သိုဝ်ႈ​ၵၼ်​တင်း​တီႈ​ဢၼ်​ၶဝ်ႈ​ၸူး​ဝဵင်း​ ႁႃႇမတ်ႉ ​ၼၼ်ႉ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ် ဢၼ်​ၶၼ်ႈ​ဢၼ်​ၶႅၼ်ႈ ၽၢႆႇ​ဝၼ်း​တူၵ်း​ဢေႃႈ။</verse>
				<verse number="21">ၼင်ႇ​ၼၼ်​လႄႈ သူ​တၵ်း​လႆႈ​ၽႄ​လိၼ်​ၼၼ်ႉ မႅင်ႇ​ပၼ် ၸွမ်း​လူၺ်ႈ​မဵဝ်း​ ဢီႉသရေႇလႃႉ ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="22">သူ​တၵ်း​လႆႈ​တူၵ်း​ၸႃႇ​ၵွၵ်ႈ​သေ​လႄႈ ၽႄ​လိၼ်​ၼၼ်ႉ​မႅင်ႇ​ပၼ် ပုၼ်ႈ​ဢၼ်​မဵဝ်း​လဵဝ်​ၵၼ်​တင်း​သူ တၵ်း​ၶၢမ်ႇ​ဢဝ်​ဢမူၺ်ႇ ဢိၵ်ႇ​တင်း ပုၼ်ႈ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ယူႇ​ၵႃႈ​ၼႂ်း​သူ​လႄႈ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း ၵႃႈ​ၼႂ်း​သူ​ၸိူဝ်း​ၼၼ်ႉ တၵ်း​ၶၢမ်ႇ​ဢဝ်​ဢမူၺ်ႇ​ဢေႃႈ။ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ တၵ်း​လႆႈ​ပဵၼ်​မိူၼ်​ၸိူဝ်ႉ​ၼင်ႇ ၵူၼ်း​မဵဝ်း​ ဢီႉသရေႇလႃႉ ဢၼ် ၵိူတ်ႇ​လဵင်ႉ​မႃး ၵႃႈ​တီႈ​မိူင်း​ၸဝ်ႈ​ၼၼ်ႉ​တီႈ​သူ​လႄႈ ၶဝ်​ၼၼ်ႉ​တၵ်း​လႆႈ​ၶၢမ်ႇ​ဢဝ်​ဢမူၺ်ႇ​လိၼ် ၵႃႈ​ၼႂ်း​မဵဝ်း​ ဢီႉသရေႇလႃႉ ​တင်း​လၢႆ ဢေႃႈ။-</verse>
				<verse number="23">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼၼ်ႉ ယူႇ​ၵႃႈ​ၼႂ်း​မဵဝ်း​လႂ်​သေ​ဢမ်ႇ​ဝႃႈ၊ သူ​တၵ်း​လႆႈ​ပၼ်​လိၼ် ဢၼ်​မၼ်း​တၵ်း​ၶၢမ်ႇ​ဢမူၺ်ႇ​ၵႃႈ​ၼႂ်း တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="48">
				<verse number="1">ၸိုဝ်ႈ​သဵင်​ဢိူင်ႇ​မဵဝ်း​ ဢီႉသရေႇလႃႉ ​တင်း​လၢႆ​ၸမ်ႉ၊ ၵႃႈ​တီႈ​ၽၢႆႇ​တၢင်း​ႁွင်ႇ၊ ၸွမ်း​ႁိမ်း​သဵၼ်ႈ​တၢင်း ႁေႇသလုၼ်ႇ တေႃႇ​ထိုင်​ႁွတ်ႈ​တီႈ​ဢၼ် ၶဝ်ႈ​ၸူး​ဝဵင်း​ ႁႃႇမတ်ႉ ​လႄႈ ပႃး​ဝဵင်း​ ႁႃႇၸႃႇရေးၼၼ်ႇ ​သေ​လႄႈ ဢဝ်​ၵႃႈ​တီႈ​ၽၢႆႇ​တၢင်း​ႁွင်ႇ​လိၼ်​ဝဵင်း​ ထမ်ႇမသႅတ်ႉ တေႃႇ​ထိုင်​ႁွတ်ႈ​လိၼ် ဝဵင်း​ ႁႃႇမတ်ႉ ဢိၵ်ႇ​တင်း ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ပၢင်ႇ​လၢႆႇ​ၼၼ်ႉ တၵ်း​လႆႈ​မီး​ဢိူင်ႇ​ တၢၼ်ႇ ​ဢေႃႈ။</verse>
				<verse number="2">ၵႃႈ​တီႈ​ႁိမ်း​ဢိူင်ႇ​ တၢၼ်ႇ ​ၼၼ်ႉ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​မီး​ဢိူင်ႇ​ ဢႃႇသႃႇ ​ဢေႃႈ။-</verse>
				<verse number="3">ၵႃႈ​တီႈ​ႁိမ်း​ဢိူင်ႇ​ ဢႃႇသႃႇ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​မီး​ဢိူင်ႇ​ ၼပ်ႉထလီႉ ​ဢေႃႈ။-</verse>
				<verse number="4">ၵႃႈ​တီႈ​ႁိမ်း​ဢိူင်ႇ​ ၼပ်ႉထလီႉ ​ၼၼ်ႉ၊ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​မီး​ဢိူင်ႇ​ မၼႃႇ​သေႇ ​ဢေႃႈ။-</verse>
				<verse number="5">ၵႃႈ​တီႈ​ႁိမ်း​ဢိူင်ႇ​ မၼႃႇ​သေႇ ​ၼၼ်ႉ၊ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​မီး​ဢိူင်ႇ​ ဢေႇၽရိမ်ႇ ​ဢေႃႈ။-</verse>
				<verse number="6">ၵႃႈ​တီႈ​ႁိမ်း​ဢိူင်ႇ​ ဢေႇၽရိမ်ႇ ​ၼၼ်ႉ၊ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​မီး​ဢိူင်ႇ​ ရူႉပိၼ်ႇ ​ဢေႃႈ။-</verse>
				<verse number="7">ၵႃႈ​တီႈ​ႁိမ်း​ဢိူင်ႇ​ ရူႉပိၼ်ႇ ​ၼၼ်ႉ၊ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​မီး​ဢိူင်ႇ​ ယူႉတႃႉ ​ဢေႃႈ။-</verse>
				<verse number="8">ၵႃႈ​တီႈ​ႁိမ်း​ဢိူင်ႇ​ ယူႉတႃႉ ​ၼၼ်ႉ၊ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​မီး​ၵႂၢၵ်ႈ​လိၼ် ဢၼ်​သူ​တၵ်း​လႆႈ ပုၵ်ႈ​ၸေႃႇ​ဢေႃႈ။ ၼႃႈ​ပွတ်း​လိၼ်​ၼၼ်ႉ​ၸမ်ႉ၊ တၵ်း​လႆႈ​မီး​သွင်​မိုၼ်ႇ​ႁႃႈ​ႁဵင်​တႅၵ်ႈ​လႄႈ ၼႃႈ​ယၢဝ်း​မၼ်း​ၸမ်ႉ၊ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ​တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​တၢၼ်ႇ​ပဵင်း​ၵၼ်​တင်း ၼႃႈ​ယၢဝ်း​ဢိူင်ႇ​ၼိုင်ႈ​ဢေႃႈ။ ထႃႇၼႃႉ​တီႈ​မူတ်း​ၸၢင်ႇ တၵ်း​လႆႈ​မီး​ၵႃႈ​ၼႂ်း​ၶိုင်ႈ​ၵၢင် လိၼ်​ၼၼ်ႉ​ဢေႃႈ။-</verse>
				<verse number="9">ၵႂၢၵ်ႈ​လိၼ်​တၢင်း​ပုၵ်ႈ​ၸေႃႇ ဢၼ်​သူ​တၵ်း​လႆႈ​ပုၵ်ႈ​ၸေႃႇ တီႈ​ထႃႇဝရႃႉ​ၽြႃး​ၸမ်ႉ၊ ၼႃႈ​ယၢဝ်း​မၼ်း​တၵ်း​လႆႈ​မီး သွင်​မိုၼ်ႇ​ႁႃႈ​ႁဵင်​တႅၵ်ႈ၊ ၼႃႈ​ပွတ်း​မၼ်း မိုၼ်ႇ​တႅၵ်ႈ​ဢေႃႈ။-</verse>
				<verse number="10">ၶိူင်ႈ​ပုၵ်ႈ​ၸေႃႇ​ဢၼ်​မူတ်း​ၸၢင်ႇ​ၼၼ်ႉ တၵ်း​လႆႈ​ပဵၼ်​ပုၼ်ႈ ယိတ်ႈပရေႃးႁဵၵ်ႈ​တင်း​လၢႆ​လႄႈ ၵႃႈ​တီႈ​ၽၢႆႇ​တၢင်း​ႁွင်ႇ ၼႃႈ​ယၢဝ်း​မၼ်း တၵ်း​လႆႈ​မီး​သွင်​မိုၼ်ႇ​ႁႃႈ​ႁဵင်၊ ၵႃႈ​တီႈ​ၽၢႆႇ​ဝၼ်း​တူၵ်း​ၼႃႈ​ပွတ်း​မၼ်း မိုၼ်ႇ​ၼိုင်ႈ၊ ၵႃႈ​တီႈ​ၽၢႆႇ​ဝၼ်း​ဢွၵ်ႇ ၼႃႈ​ပွတ်း​မၼ်း မိုၼ်ႇ​ၼိုင်ႈ၊ ၵႃႈ​တီႈ​ၽၢႆႇ တၢင်း​ၸၢၼ်း ၼႃႈ​ယၢဝ်း​မၼ်း သွင်​မိုၼ်ႇ​ႁႃႈ​ႁဵင်​လႄႈ ထႃႇၼႃႉ​တီႈ​မူတ်း​ၸၢင်ႇ​ထႃႇဝရႃႉ​ၽြႃး​ၼၼ်ႉ တၵ်း​လႆႈ​မီး​ၵႃႈ​ၼႂ်း ၶိုင်ႈ​ၵၢင်​မၼ်း​ဢေႃႈ။-</verse>
				<verse number="11">တၵ်း​လႆႈ​ပဵၼ်​ပုၼ်ႈ ယိတ်ႈပရေႃးႁဵၵ်ႈ လုၵ်ႈ​လၢၼ်​ ၸႃႇတုၵ်ႉ ဢၼ်​မူတ်း​ၸၢင်ႇ​လႄႈ ပွင်​ႁဵတ်း​ဢမူႉ​ၵဝ်​ယူႇ​သေ​လႄႈ ဢမ်ႇ​ၽိတ်း​တၢင်း​ပိူင်ႈ​တၢင်း မိူၼ်​ၸိူဝ်ႉ​ၼင်ႇ​ၵူၼ်း​ လေႇဝီႉ ၼႂ်း​မိူဝ်ႈ​ဢၼ် ၵူၼ်း​မဵဝ်း​ ဢီႉသရေႇလႃႉ ၽိတ်း​တၢင်း​ပိူင်ႈ​တၢင်း​ၵႂႃႇ​ၼၼ်ႉ​ဢေႃႈ။-</verse>
				<verse number="12">လိၼ်​ဢၼ်​ပုၵ်ႈ​ၸေႃႇ​ၸိူဝ်ႉ​ၼင်ႇ​ၼၼ်​ၼၼ်ႉ တၵ်း​လႆႈ​ပဵၼ်​လိၼ်​ဢၼ်​မူတ်း​ၸၢင်ႇ​ၼႃႇ​လူင်​လၢင် ပုၼ်ႈ​ၶဝ်​ၼၼ်ႉ ၵႃႈ​တီႈ​ႁိမ်း လိၼ်​တီႈ​ယူႇ​ၵူၼ်း​ လေႇဝီႉ ​ဢေႃႈ။-</verse>
				<verse number="13">လႅၼ်​လိၼ်​တီႈ​ယူႇ​ၵူၼ်း​ လေႇဝီႉ ၵႃႈ​တီႈ​ႁိမ်း​လိၼ်​ယိတ်ႈပရေႃးႁဵၵ်ႈ​ၼၼ်ႉ၊ ၼႃႈ​ယၢဝ်း​မၼ်း​တၵ်း​လႆႈ​မီး​သွင်​မိုၼ်ႇ​ႁႃႈ​ႁဵင်​လႄႈ​ၼႃႈ​ပွတ်း​မၼ်း မိုၼ်ႇ​ၼိုင်ႈ​ဢေႃႈ။-</verse>
				<verse number="14">လိၼ်​ၼၼ်ႉ​ၸိုင်၊ ၵွပ်ႈ​ပိူဝ်ႈ​ဢၼ်​ပဵၼ်​ဢၼ်​မူတ်း​ၸၢင်ႇ​ပုၼ်ႈ ထႃႇဝရႃႉ​ၽြႃး​လႄႈ ၶဝ်​ဢမ်ႇ​လႆႈ​ၶၢႆ​ပႅတ်ႈ၊ ဢမ်ႇ​လႆႈ​ဢဝ်​လႅၵ်ႈ​ဢဝ်​လၢႆႈ။ ဢမ်ႇ​လႆႈ​ဢဝ်​မၢၵ်ႇ​ဢၼ်​မၢၵ်ႇ​ဢွၼ်​တၢင်း​ပိူၼ်ႈ ၶၢႆ​ဢဝ်​ၵႃႈ​မၼ်း​ၶၼ်​မၼ်း။</verse>
				<verse number="15">လိၼ်​ႁႃႈ​ႁဵင် ဢၼ်​ယင်း​ၵိုတ်း​ယင်း​ၵျၢၼ်ႇ ၵႃႈ​တီႈ​ႁိမ်း​သွင်​မိုၼ်ႇ​ႁႃႈ​ႁဵင်​ၼၼ်ႉ တၵ်း​လႆႈ​ပဵၼ်​ပုၼ်ႈ​တီႈ​ဢၼ်​ဢမ်ႇ​မူတ်း​ၸၢင်ႇ ဢၼ်​ဝႃႈ ပုၼ်ႈ​ဝဵင်း ဢိၵ်ႇ​တင်း တီႈ​ဢၼ်​ၵူၼ်း​ယူႇ​ၵူၼ်း​သဝ်း၊ တီႈ​ဢၼ်​လဵပ်ႈ​ႁွပ်ႈ ၸွမ်း​ႁိမ်း​ဝဵင်း​တၵ်း​လႆႈ​မီး​ၵႃႈ​ၼႂ်း​ၶိုင်ႈ​ၵၢင်​မၼ်း​ဢေႃႈ။-</verse>
				<verse number="16">တၢင်း​ဢၼ်​ၶပ်ႉ​ဢၼ်​တႅၵ်ႈ​ဝဵင်း​ၸမ်ႉ၊ ၵႃႈ​တီႈ​ၽၢႆႇ​ၼႃႈ​တၢင်း​ႁွင်ႇ တၵ်း​လႆႈ​မီး​သီႇ​ႁဵင်​ႁႃႈ​ပၢၵ်ႇ၊ ၵႃႈ​တီႈ​ၽၢႆႇ​ၼႃႈ တၢင်း​ၸၢၼ်း သီႇ​ႁဵင်​ႁႃႈ​ပၢၵ်ႇ၊ ၵႃႈ​တီႈ​ၽၢႆႇ​ၼႃႈ​ဝၼ်း​တူၵ်း သီႇ​ႁဵင်​ႁႃႈ​ပၢၵ်ႇ​ဢေႃႈ။-</verse>
				<verse number="17">လိၼ်​ဢၼ်​လဵပ်ႈ​ႁွပ်ႈ ၸွမ်း​ႁိမ်း​ဝဵင်း​ၸမ်ႉ၊ ၵႃႈ​တီႈ​ၽၢႆႇ​ၼႃႈ​တၢင်း​ႁွင်ႇ​တၵ်း​လႆႈ​မီး​သွင်​ပၢၵ်ႇ​ႁႃႈ​သိပ်း၊ ၽၢႆႇ​တၢင်း​ၸၢၼ်း​သွင်​ပၢၵ်ႇ​ႁႃႈ​သိပ်း၊ ၽၢႆႇ​ဝၼ်း​ဢွၵ်ႇ​သွင်​ပၢၵ်ႇ​ႁႃႈ​သိပ်း၊ ၽၢႆႇ​ဝၼ်း​တူၵ်း သွင်​ပၢၵ်ႇ​ႁႃႈ​သိပ်း ဢေႃႈ။-</verse>
				<verse number="18">ဢၼ်​ယင်း​ၵိုတ်း​ယင်း​ၵျၢၼ်ႇ ၵႃႈ​တီႈ​ၼႃႈ​ယၢဝ်း ၵႃႈ​တီႈ​ႁိမ်း​ၵႂၢၵ်ႈ​လိၼ်​တၢင်း​ပုၵ်ႈ​ၸေႃႇ ဢၼ်​ပုၵ်ႈ​ၸေႃႇ​ဢၼ်​မူတ်း​ၸၢင်ႇ​ၼၼ်ႉ၊ ၵႃႈ​တီႈ​ၽၢႆႇ​ဝၼ်း​ဢွၵ်ႇ​တၵ်း​လႆႈ​ၵႂၢင်ႈ​မိုၼ်ႇ​ၼိုင်ႈ၊ ၵႃႈ​တီႈ​ၽၢႆႇ​ဝၼ်း​တူၵ်း​မိုၼ်ႇ​ၼိုင်ႈ​ဢေႃႈ တၵ်း​လႆႈ​မီး ၵႃႈ​တီႈ​ႁိမ်း​လိၼ်​ဢၼ်​မူတ်း​ၸၢင်ႇ​ၼၼ်ႉ​ဢေႃႈ။ မၢၵ်ႇ​ႁူင်း​ဢၼ်​ပဵၼ်​မႃး ၵႃႈ​ၼႂ်း​မၼ်း​ၼၼ်ႉ တၵ်း​လႆႈ​ပဵၼ်​ပုၼ်ႈ​ဢၼ် ၶဝ်​ၸိူဝ်း​ဢၼ်​ပႂ်ႉ​ဢမူႉ​ဝဵင်း​ၼၼ်ႉ တၵ်း​ၵိၼ်​ဢေႃႈ။-</verse>
				<verse number="19">ၶဝ်​ၸိူဝ်း​ဢၼ်​ပႂ်ႉ​ဢမူႉ​ဝဵင်း​ၼၼ်ႉ​ၸမ်ႉ၊ တၵ်း​လႆႈ​လိူၵ်ႈ​ၵဵပ်း​ဢဝ် ၵႃႈ​ၼႂ်း​မဵဝ်း​ ဢီႉသရေႇလႃႉ ၵူႈ​မဵဝ်း​ဢေႃႈ။-</verse>
				<verse number="20">ၵႂၢၵ်ႈ​လိၼ် ဢၼ်​ပုၵ်ႈ​ၸေႃႇ တင်း​သဵင်ႈ​တင်း​မူတ်း​ၸမ်ႉ၊ ၼႃႈ​ယၢဝ်း​တၵ်း​လႆႈ​မီး​သွင်​မိုၼ်ႇ​ႁႃႈ​ႁဵင်၊ ၼႃႈ​ပွတ်း​သွင်​မိုၼ်ႇ​ႁႃႈ​ႁဵင်​လႄႈ ပႃး​လိၼ်​ဝဵင်း​သေ​လႄႈ တၵ်း​လႆႈ​ပုၵ်ႈ​ၸေႃႇ​လိၼ်​ဢၼ်​မူတ်း​ၸၢင်ႇ​လႄႈ ပဵၼ်​ၸတူႉရၢၼ်း​သီႇ​ၸဵင်ႇ​ၶိုင်ႈ ၼၼ်ႉ​ဢေႃႈ။</verse>
				<verse number="21">ၵႂၢၵ်ႈ​လိၼ် ဢၼ်​ၵိုတ်း​ၵျၢၼ်ႇ ၵႃႈ​တီႈ​သွင်​ၽၢၵ်ႇ​ၶၢင်ႈ လိၼ်​တၢင်း​ပုၵ်ႈ​ၸေႃႇ ဢၼ်​မူတ်း​ၸၢင်ႇ ဢိၵ်ႇ​တင်း​လိၼ်​ဝဵင်း​ၸဝ်ႈ​ပိူင်ႇ ၼၼ်ႉ​လႄႈ မီး​ၵႃႈ​တီႈ​ၽၢႆႇ​ၼႃႈ​ဝၼ်း​ဢွၵ်ႇ ၵႃႈ​တီႈ​ၽၢႆႇ​ၼႃႈ​ၵႂၢၵ်ႈ​လိၼ် တၢင်း​ပုၵ်ႈ​ၸေႃႇ သွင်​မိုၼ်ႇ​ႁႃႈ​ႁဵင် ဢိၵ်ႇ​တင်း ၵႃႈ​တီႈ​ၽၢႆႇ​ဝၼ်း​တူၵ်း​ၵႃႈ​တီႈ​ၽၢႆႇ​ၼႃႈ​သွင်​မိုၼ်ႇ ႁႃႈ​ႁဵင်​ၼၼ်ႉ တၵ်း​လႆႈ​ပဵၼ်​ပုၼ်ႈ​ၶုၼ်​ဢေႃႈ။ လိၼ်​တၢင်း​ပုၵ်ႈ​ၸေႃႇ​ဢၼ်​မူတ်း​ၸၢင်ႇ ဢိၵ်ႇ​တင်း​ထႃႇၼႃႉ တီႈ​မူတ်း​ၸၢင်ႇ​ႁိူၼ်း​ၸဝ်ႈ​ၼၼ်ႉ တၵ်း​လႆႈ​တူၵ်း​တီႈ​ယူႇ​ၵႃႈ​ၼႂ်း ၵႄႈ​ဝူင်ႈ​ၵၢင် သွင်​ၵႂၢၵ်ႈ​ၼၼ်ႉ​ဢေႃႈ။-</verse>
				<verse number="22">ၼင်ႇ​ၼၼ်​လႄႈ လိၼ်​ၵႃႈ​ဢၼ်​မီး ၵႃႈ​တီႈ​တၢင်း​ၼွၵ်ႈ သွင်​ၽၢၵ်ႇ​ၶၢင်ႈ တၢင်း​ဢၼ်​ၶၼ်ႈ​ဢၼ်​ၶႅၼ်ႈ လိၼ်​တီႈ​ယူႇ ၵူၼ်း​ လေႇဝီႉ ဢိၵ်ႇ​တင်း တၢင်း​ဢၼ်​ၶၼ်ႈ​ဢၼ်​ၶႅၼ်ႈ လိၼ်​ဢၼ်​ဝဵင်း​ပိူင်ႇ​ၼၼ်ႉ​လႄႈ တူၵ်း​ၵႃႈ​တီႈ​ၵႄႈ​ဝူင်ႈ​ၵၢင် ဢိူင်ႇ​ ယူႉတႃႉ ဢိၵ်ႇ​တင်း​ဢိူင်ႇ​ ပိၼ်ႇယႃႇမိၼ်ႇ ​ၼၼ်ႉ တၵ်း​လႆႈ​ပဵၼ်​ပုၼ်ႈ​ၶုၼ်​ဢေႃႈ။</verse>
				<verse number="23">ဢိူင်ႇ​ ဢီႉသရေႇလႃႉ ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ​ၸမ်ႉ၊ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း​တၵ်း​လႆႈ​မီး​ဢိူင်ႇ​ ပိၼ်ႇယႃႇမိၼ်ႇ ​ဢေႃႈ။-</verse>
				<verse number="24">ၵႃႈ​တီႈ​ႁိမ်း​ဢိူင်ႇ​ ပိၼ်ႇယႃႇမိၼ်ႇ ​ၼၼ်ႉ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ​တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​မီး​ဢိူင်ႇ​ သီႉမုၼ်ႇ ​ဢေႃႈ။-</verse>
				<verse number="25">ၵႃႈ​တီႈ​ႁိမ်း​ဢိူင်ႇ​ သီႉမုၼ်ႇ ​ၼၼ်ႉ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​မီး​ဢိူင်ႇ​ ဢီႉသၶႃႇ ​ဢေႃႈ။-</verse>
				<verse number="26">ၵႃႈ​တီႈ​ႁိမ်း​ဢိူင်ႇ​ ဢီႉသၶႃႇ ​ၼၼ်ႉ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ​တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​မီး​ဢိူင်ႇ​ ၸေႇပူႉလုၼ်ႇ ​ဢေႃႈ။-</verse>
				<verse number="27">ၵႃႈ​တီႈ​ႁိမ်း​ဢိူင်ႇ​ ၸေႇပူႉလုၼ်ႇ ​ၼၼ်ႉ ဢဝ်​ၵႃႈ​တီႈ​ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ​ၽၢႆႇ​ဝၼ်း​တူၵ်း တၵ်း​လႆႈ​မီး​ဢိူင်ႇ​ ၵၢတ်ႉ ​ဢေႃႈ။-</verse>
				<verse number="28">ဢၼ်​ၶၼ်ႈ​ဢၼ်​ၶႅၼ်ႈ ၽၢႆႇ​တၢင်း​ၸၢၼ်း​ဢိူင်ႇ​ ၵၢတ်ႉ ​ၼၼ်ႉ တၵ်း​လႆႈ​တႆႇ​ၸွမ်း​ဢဝ်​ၵႃႈ​တီႈ​ၸႃႉ​ၸဵမ်​ဝဵင်း​ တႃႇမႃႇ တေႃႇ​ထိုင်​ႁွတ်ႈ ၼမ်ႉ​ မေႇရီႇၽႃႉ ၵႃႈ​တီႈ​ဝဵင်း​ ၵႃႇတေႇသႃႉ ဢိၵ်ႇ​တင်း​ၼမ်ႉ​ႁွင်ႈ ဢၼ်​ၶဝ်ႈ​ၵႃႈ​ၼႂ်း မႁႃႇ​ပၢင်ႇ​လၢႆႇ​ၼၼ်ႉ​ဢေႃႈ။-</verse>
				<verse number="29">ဢၼ်​ၼႆႉ​ၸမ်ႉ၊ ပဵၼ်​လိၼ်​ဢၼ်​သူ​တၵ်း​လႆႈ​တူၵ်း​ၸႃႇ​ၵွၵ်ႈ​သေ​လႄႈ ၽႄ​မႅင်ႇ​ပၼ်​ပုၼ်ႈ​ဢၼ်​မဵဝ်း​ ဢီႉသရေႇလႃႉ ​ၵူႈ​မဵဝ်း တၵ်း​ၶၢမ်ႇ​ဢဝ်​ဢမူၺ်ႇ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​ဢိူင်ႇ​ဢၼ် ၶဝ်​တၵ်း​လႆႈ​ၶၼ်ႈ​ၶႅၼ်ႈ​သေ​လႄႈ ယူႇ​ႁင်း​ၽႂ်​ႁင်း​မၼ်း​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="30">ၽၵ်း​တူ တီႈ​ဢၼ်​ဢွၵ်ႇ​သေ​ၵႃႈ​ၼႂ်း​ဝဵင်း​ၼၼ်ႉ တင်း​လၢႆ​ၸမ်ႉ၊ ၽၢႆႇ​ၼႃႈ​တၢင်း​ႁွင်ႇ​ဝဵင်း မီး​သီႇ​ႁဵင်​ႁႃႈ​ပၢၵ်ႇ​တႅၵ်ႈ​လႄႈ၊-</verse>
				<verse number="31">ၽၵ်း​တူ​ဝဵင်း​ၸိူဝ်း​ၼၼ်ႉ​ပႃး​ၸိုဝ်ႈ​ပႃး​သဵင် ၸွမ်း​လူၺ်ႈ​မဵဝ်း​ ဢီႉသရေႇလႃႉ ၵူႈ​မဵဝ်း​ယူႇ​သေ​လႄႈ၊ ၵႃႈ​တီႈ​ၽၢႆႇ​ၼႃႈ​တၢင်း​ႁွင်ႇ တၵ်း​လႆႈ​မီး​ၽၵ်း​တူ​သၢမ်​ႁူး​ဢၼ်​ဝႃႈ ၽၵ်း​တူ​ ရူႉပိၼ်ႇ၊ ၽၵ်း​တူ​ ယူႉတႃႉ ၊ ၽၵ်း​တူ​ လေႇဝီႉ ​ဢေႃႈ။-</verse>
				<verse number="32">ၵႃႈ​တီႈ​ၽၢႆႇ​ၼႃႈ​တၢင်း​ဢွၵ်ႇ​ဝဵင်း မီး​သီႇ​ႁဵင်​ႁႃႈ​ပၢၵ်ႇ​တႅၵ်ႈ​လႄႈ တၵ်း​လႆႈ​မီး​ၽၵ်း​တူ​သၢမ်​ႁူး​ဢၼ်​ဝႃႈ ၽၵ်း​တူ​ ယူဝ်းသႅပ်ႈ ၊ ၽၵ်း​တူ​ ပိၼ်ႇယႃႇမိၼ်ႇ ၊ ၽၵ်း​တူ​ တၢၼ်ႇ ​ဢေႃႈ။-</verse>
				<verse number="33">ၵႃႈ​တီႈ​ၽၢႆႇ​ၼႃႈ​တၢင်း​ၸၢၼ်း​ဝဵင်း မီး​သီႇ​ႁဵင်​ႁႃႈ​ပၢၵ်ႇ​တႅၵ်ႈ​လႄႈ တၵ်း​လႆႈ​မီး​ၽၵ်း​တူ​သၢမ်​ႁူး​ဢၼ်​ဝႃႈ ၽၵ်း​တူ​ သီႉမုၼ်ႇ ၊ ၽၵ်း​တူ​ ဢီႉသၶႃႇ၊ ၽၵ်း​တူ​ ၸေႇပူႉလုၼ်ႇ ​ဢေႃႈ။-</verse>
				<verse number="34">ၵႃႈ​တီႈ​ၽၢႆႇ​ၼႃႈ​ဝၼ်း​တူၵ်း​ဝဵင်း မီး​သီႇ​ႁဵင်​ႁႃႈ​ပၢၵ်ႇ​တႅၵ်ႈ​လႄႈ တၵ်း​လႆႈ​မီး​ၽၵ်း​တူ​သၢမ်​ႁူး​ဢၼ်​ဝႃႈ ၽၵ်း​တူ​ ၵၢတ်ႉ ၊ ၽၵ်း​တူ​ ဢႃႇသႃႇ ၊ ၽၵ်း​တူ​ ၼပ်ႉထလီႉ ​ဢေႃႈ။-</verse>
				<verse number="35">ၼင်ႇ​ၼၼ်​လႄႈ တၢင်း​ဢၼ်​ၶပ်ႉ​ဢၼ်​တႅၵ်ႈ လဵပ်ႈ​ႁွပ်ႈ​ဝဵင်း​ၸမ်ႉ၊ တၵ်း​လႆႈ​မီး​မိုၼ်ႇ​ပၢႆ​ပႅတ်ႇ​ႁဵင်​တႅၵ်ႈ​ဢေႃႈ။ ဢဝ်​ၸႃႉ​ၸဵမ်​မိုဝ်ႉ​ဝၼ်း​ၵႂႃႇ​လႄႈ၊ ဝဵင်း​ၼၼ်ႉ​တၵ်း​လႆႈ​မီး​ၸိုဝ်ႈ​မီး​သဵင် ယေႇႁေႃးဝႃႇ သမ်ႇ​မႃႉ ​ဢေႃႈ။ ၵျၢမ်း​ဢၼႃႇၵၢတ်ႈတီႉ​ယေႇၸၵျေႇလႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="27">
			<chapter number="1">
				<verse number="1">ၼႂ်း​ပီႊ​ဢၼ်​ ယေႃးယၵိမ်း ၶုၼ်​ႁေႃ​ၶမ်း​ ယူႉတႃႉ ၸၢမ်ႇ​ႁၢင်ႈ​ၸၢမ်ႇ​ႁေႃ ပီႊ​တႃႉတီႉယႃႉ​ၼၼ်ႉ ၼေႇပူႉၶတ်ႉၼေႇၸႃႇ ၶုၼ်​ႁေႃ​ၶမ်း​ ပႃႇပူႉလုၼ်ႇ ၶီႇ​သိုၵ်း​မႃး​ၵႃႈ​တီႈ ဝဵင်း​ ယေႇရူႉသလႅမ်ႇ ​လႄႈ လွမ်ႉ​ဝဵင်း​ဝႆႉ​ဢေႃႈ။-</verse>
				<verse number="2">ထႃႇဝရႃႉ​ၽြႃး ဢဝ်​ ယေႃးယၵိမ်း ဢိၵ်ႇ​တင်း ၶိူင်ႈ​ပိူင်​ပိၵ်ႈ​မၢၼ်ႇ​ၸဝ်ႈ​ၵမ်ႈ​ၽွင်ႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​မၼ်း ၼၼ်ႉ​လႄႈ မၼ်း​ဢဝ် ၸိူဝ်း​ၼၼ်ႉ ၵႂႃႇ​ၵႃႈ​တီႈ​ၵျွင်း​ၽြႃး​မၼ်း ဢၼ်​မီး​ၵႃႈ​ၼႂ်း​ဝဵင်း​ သီႉၼႃႉ ​ၼၼ်ႉ သေ​လႄႈ သႂၢင်း​သႂ်ႇ​ဝႆႉ​ၵႃႈ​ၼႂ်း တိူၵ်ႈ​ၽၼ်ႇတႃႇ​ၽြႃး​မၼ်း​ဢေႃႈ။-</verse>
				<verse number="3">မိူဝ်ႈ​ၼၼ်ႉ ၶုၼ်​ႁေႃ​ၶမ်း ႁွင်ႉ​ဢဝ်​ ဢႃႇသပေးၼတ်ႉ ၵေႃႉ​ဢၼ်​လႆႈ​ဢုပ်ႉ​ၵႃႈ​ၼိူဝ် ၵူၼ်း​ထိင်း​ၼၢင်း​ၼၼ်ႉ​လႄႈ မီး​ဢမိင်ႉ​ႁႂ်ႈ​မၼ်း လိူၵ်ႈ​ၵဵပ်း​ဢဝ် ၵႃႈ​ၼႂ်း​ၸိူဝ်ႉ​ၸဝ်ႈ​ၶိူဝ်း​ၶုၼ် ဢိၵ်ႇ​တင်း ၵႃႈ​ၼႂ်း​မူး​မၢတ်ႈ​ၽွင်း​မိူင်း မဵဝ်း​ ဢီႉသရေႇလႃႉ ​ၼၼ်ႉ ၵမ်ႈ​ၽွင်ႈ-</verse>
				<verse number="4">ဢၼ်​ဝႃႈ​ၽူႈ​မၢဝ်ႇ ဢၼ်​ၵၢင်း​လွတ်ႈ​တင်း​လၢၵ်ႈၶၼႃႇ ဢၼ်​ဢမ်ႇ​လီ​လႄႈ မီး​ႁၢင်ႈ​ၽၢင်​ဢၼ်​ႁၢင်ႈ​လီ​ႁၢင်ႈ​ငၢမ်း၊ ဢၼ်​ၸၢင်ႈ​မေႃ တၢင်း​ၵတ်ႉ​တၢင်း​ၶၼ်​ယူႇ၊ ၸၢပ်ႈ​လူၺ်ႈ​ၺၢၼ်ႇ​ဢၼ်​လီ​ယူႇ၊ ၸၵ်း​ၽႄ​ႁူႉ​ဢတၢတ်ႈ​ပိင်ႇ​ၺႃႇ ၵူႈ​ၸိူဝ်ႉ​ၵူႈ​ပိူင် ယူႇ​သေ​လႄႈ တၢတ်ႈ​ၼိူင်ႇ​လႆႈ ႁႂ်ႈ​လႆႈ​ၸုၵ်း​ၶႃး​ၸႃး ယူႇ​ၵႃႈ​ၼႂ်း​ႁေႃ​ၸဝ်ႈ ၸိူဝ်း​ၼၼ်ႉ မႃး​ႁႂ်ႈ​သွၼ်​ဢဝ်​တၢင်း​ၸၢင်ႈ​တၢင်း​မေႃ ဢိၵ်ႇ​တင်း ၵႂၢမ်း​ၽႃႇသႃႇ​ ၶႃႇလတေး ​ၼၼ်ႉ​ဢေႃႈ။-</verse>
				<verse number="5">ၶုၼ်​ႁေႃ​ၶမ်း​ၸီႇ​ယၢင်ႇ​ဝႆႉ ႁႂ်ႈ​ဢဝ်​ပုၼ်ႈ​တႃႇ​ယေႈ​ဝၼ်း​ယေႈ​ဝၼ်း ၵႃႈ​ၼႂ်း​တၢင်း​ၵိၼ်​တၢင်း​ၶူပ်း ၶုၼ်​ႁေႃ​ၶမ်း ဢိၵ်ႇ​တင်း ၵႃႈ​ၼႂ်း​ၼမ်ႉ​ၸပိတ်ႈ​ဢၼ်​ၶုၼ်​ၼၼ်ႉ သူတ်ႉ​ၵိၼ်​ၼၼ်ႉ ပၼ်​တီႈ​ၶဝ်​ၵူႈ​ဝၼ်း​လႄႈ လဵင်ႉ​လူ​ၶဝ်​သၢမ်​ပီႊ​သေ​ယဝ်ႉ၊ ႁႂ်ႈ​ၶဝ်​လႆႈ​ၸုၵ်း​ၶႃး​ၸႃး​ယူႇ ၵႃႈ​တီႈ​ၽၢႆႇ​ၼႃႈ ၶုၼ်​ႁေႃ​ၶမ်း​ဢေႃႈ။-</verse>
				<verse number="6">ၼႂ်း​ၶဝ်​ၼၼ်ႉ​ပႃး တၢၼ်ႇယေႇလႃႉ၊ ႁႃႇၼၼီႉ၊ မီႉသေႇလႃႉ၊ ဢႃႇၸရီႉ ဢၼ်​ပဵၼ် ၵူၼ်း​မဵဝ်း​ ယူႉတႃႉ ​ဢေႃႈ။-</verse>
				<verse number="7">ၵေႃႉ​ဢၼ်​လႆႈ​ဢုပ်ႉ​ၵႃႈ​ၼိူဝ် ၵူၼ်း​ထိင်း​ၼၢင်း​ၼၼ်ႉ တၢင်ႇ​ၸိုဝ်ႈ​ပၼ်​သဵင်​တီႈ​ၶဝ်​ၼၼ်ႉ​လႄႈ၊ တၢၼ်ႇယေႇလႃႉ ​ၸိုင် လႆႈ​ၸိုဝ်ႈ​ ပေႇလတႃႉသႃႇၸႃႇ၊ ႁႃႇၼၼီႉ ​ၸိုင်​လႆႈ​ၸိုဝ်ႈ သႃႇတရႅၵ်ႉ၊ မီႉသေႇလႃႉ ​ၸိုင် လႆႈ​ၸိုဝ်ႈ မေႇသႅၵ်ႉ၊ ဢႃႇၸရီႉ ၸိုင်​လႆႈ​ၸိုဝ်ႈ ဢႃႇပေႇတၼေႇၵေႃး ​ဢေႃႈ။-</verse>
				<verse number="8">တၢၼ်ႇယေႇလႃႉ ​ၸမ်ႉ၊ မီး​တၢင်း​ၵျၢမ်ႇ​တၢင်း​ပွင် တၵ်း​ဢမ်ႇ​ႁႂ်ႈ​တူဝ်​ၸဝ်ႈ​ၵဝ်ႇ ၵူဝ်ႈ​ၵိူၵ်ႇ​လူၺ်ႈ တၢင်း​ၵိၼ်​တၢင်း​ၶူပ်း ၶုၼ်​ႁေႃ​ၶမ်း ဢိၵ်ႇ​တင်း ၼမ်ႉ​ၸပိတ်ႈ​ဢၼ်​ၶုၼ်​ၼၼ်ႉ သူတ်ႉ​ၵိၼ်​ၼၼ်ႉ​ၵူဝ်ႈ​ၵိူၵ်ႇ ဝႃႈ​ၼႆ​လႄႈ၊ ယွၼ်း​ဢၶႂၢင်ႉ​တီႈ ၵေႃႉ​ဢၼ်​လႆႈ​ဢုပ်ႉ​ၵႃႈ​ၼိူဝ် ၵူၼ်း​ထိင်း​ၼၢင်း​ၼၼ်ႉ ႁႂ်ႈ​တူဝ်​မၼ်း ဢမ်ႇ​လႆႈ​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="9">ပိၵ်ႉ​သမ်ႉ ၽြႃး​ပဵၼ်​ၸဝ်ႈ ပွင်​ႁဵတ်း​ပွင်​မႄး ႁႂ်ႈ​ တၢၼ်ႇယေႇလႃႉ လႆႈ​ထူပ်း​ၵျေး​ၸူး ဢိၵ်ႇ​တင်း တၢင်း​ဢၼ်​ႁၵ်ႉ​ဢဵတ်း​လူ သိုဝ်ႈ​ၼႃႈ​တႂ်ႈ​တႃ ၵေႃႉ​ဢၼ် လႆႈ​ဢုပ်ႉ​ၵႃႈ​ၼိူဝ်​ၵူၼ်း​ထိင်း​ၼၢင်း​ၼၼ်ႉ​သေ​ၵေႃႈ၊-</verse>
				<verse number="10">ၵေႃႉ​ဢၼ် လႆႈ​ဢုပ်ႉ​ၵႃႈ​ၼိူဝ်​ၵူၼ်း​ထိင်း​ၼၢင်း​ၼၼ်ႉ လၢတ်ႈ​တီႈ​ တၢၼ်ႇယေႇလႃႉ ​လႄႈ​ဝႃႈ၊ ၵဝ်​ၵူဝ်​ႁႄ ၸဝ်ႈ​ၵဝ်​ၶုၼ်​ႁေႃ​ၶမ်း ဢၼ်​ၸီႇ​ယၢင်ႇ​ဝႆႉ တၢင်း​ၵိၼ်​တၢင်း​ၶူပ်း​သူ ၼၼ်ႉ​ဢေႃႈ။ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ မၼ်း​ၸဝ်ႈ တၵ်း​လႆႈ ႁၼ်​ၼႃႈ​သူ ပဵၼ်​ဢၼ် ႁၢင်ႈ​ၸႃႉ​ႁၢင်ႈ​ႁၢႆႉ လိူဝ်​တွၼ်း​ၼႃႇ​သေ ၽူႈ​မၢဝ်ႇ​ဢၼ်​ဢသၢၵ်ႈ​ဢရွႆႇ တၢၼ်ႇ​ပဵင်း​ၵၼ် တင်း​သူ​ၼၼ်ႉ​ၼင်ႇ​ႁိုဝ်။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ သူ​တၵ်း​ႁႂ်ႈ​ၵွၵ်း​ႁူဝ်​ၵဝ်​ၼႆႉ ပဵၼ်​ဢၼ်​ယေႃႇ​ဢၼ်​သေ​ပုၼ်ႈ​သူ တီႈ​ၶုၼ်​ႁေႃ​ၶမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​ၼၼ်ႉ တၢၼ်ႇယေႇလႃႉ လၢတ်ႈ​တီႈ​ၸတေႃႇၵႄး ဢၼ် ၵေႃႉ​ဢၼ် လႆႈ​ဢုပ်ႉ​ၵႃႈ​ၼိူဝ် ၵူၼ်း​ထိင်း​ၼၢင်း​ၼၼ်ႉ ၶၢၼ်း​ဝႆႉ ႁႂ်ႈ​လႆႈ လူ​တူၺ်း​ တၢၼ်ႇယေႇလႃႉ၊ ႁႃႇၼၼီႉ၊ မီႉသေႇလႃႉ၊ ဢႃႇၸရီႉ ​ၸိူဝ်း​ၼၼ်ႉ ၼၼ်ႉ​လႄႈ​ဝႃႈ၊-</verse>
				<verse number="12">ၸၢမ်း​တူၺ်း​ၶႃႈ​ၸဝ်ႈ​ႁဝ်း ၸိူဝ်း​ၼႆႉ သိပ်း​ဝၼ်း​တဵမ်​တဵမ်​လႄႈ ႁႂ်ႈ​ၶဝ်​ပၼ်​ၽၵ်း​ယိူဝ်ႈ​ၽၵ်း​ၶဵဝ် ဢိၵ်ႇ​တင်း ၼမ်ႉ​ၵူၺ်း ပုၼ်ႈ​ဢၼ်​ႁဝ်း​ၶႃႈ​တၵ်း​ၵိၼ် သေ​ၵမ်း။-</verse>
				<verse number="13">လိုၼ်း​ၼၼ်ႉ ႁႂ်ႈ​ၸႅတ်ႈ​တူၺ်း​ၼႃႈ​ႁဝ်း​ၶႃႈ တင်း​ၼႃႈ​ၽူႈ​မၢဝ်ႇ ဢၼ်​ၵိၼ်​တၢင်း​ၵိၼ်​တၢင်း​ၶူပ်း ၶုၼ်​ႁေႃ​ၶမ်း ၸိူဝ်း​ၼၼ်ႉ ၵႃႈ​တီႈ ၽၢႆႇ​ၼႃႈ​ၸဝ်ႈ​ႁဝ်း​သေ​ၵမ်း။ ၶႅၼ်း​တေႃႈ ၸီႇ​ယၢင်ႇ​တီႈ​ၶႃႈ​ၸဝ်ႈ​ႁဝ်း ၸိူဝ်း​ၼႆႉ ၸွမ်း​ၵႃႈ​ၼင်ႇ​ဢၼ် ၸဝ်ႈ​ႁဝ်း​ႁၼ်​ၼၼ်ႉ သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">မၼ်း​ၼၼ်ႉ ႁပ်ႉ​တုင်း​ဢဝ်​လွင်ႈ​တၢင်း​ၼၼ်ႉ​လႄႈ ၸၢမ်း​တူၺ်း​ၶဝ်​သိပ်း​ဝၼ်း​ဢေႃႈ။-</verse>
				<verse number="15">ၸေး​သိပ်း​ဝၼ်း​သေ​ယဝ်ႉ၊ ၼႃႈ​ၶဝ်​ၼၼ်ႉ ယဵင်ႈ​ၶႅၼ်း​ပဵၼ်​ဢၼ်​ႁၢင်ႈ​လီ​လႄႈ ပီး​လီ​မၼ်း​လီ​လိူဝ်​တွၼ်း​ၼႃႇ​သေ ၼႃႈ​ၽူႈ​မၢဝ်ႇ ဢၼ်​ၵိၼ် တၢင်း​ၵိၼ်​တၢင်း​ၶူပ်း ၶုၼ်​ႁေႃ​ၶမ်း ၸိူဝ်း​ၼၼ်ႉ ယူႇ​ဢေႃႈ။-</verse>
				<verse number="16">မိူဝ်ႈ​ၼၼ်ႉ ၸတေႃႇၵႄး​ၼၼ်ႉ ၼုၵ်ႈ​သိမ်း​ဢဝ် တၢင်း​ၵိၼ်​တၢင်း​ၶူပ်း​ၶဝ် ဢိၵ်ႇ​တင်း ၼမ်ႉ​ၸပိတ်ႈ ပုၼ်ႈ​ဢၼ်​ၶဝ်​တၵ်း​ၵိၼ်​ၼၼ်ႉ​လႄႈ ဢဝ်​ၽၵ်း​ယိူဝ်ႈ ၽၵ်း​ၶဵဝ်​ၵူၺ်း လဵင်ႉ​လူ​ၶဝ်​ဢေႃႈ။-</verse>
				<verse number="17">ၽြႃး​ပဵၼ်​ၸဝ်ႈ ဢဵတ်း​လူ​ပၼ် တၢင်း​ၵတ်ႉ​တၢင်း​ၶၼ် ဢိၵ်ႇ​ၺၢၼ်ႇ ဢၼ်​ၶုတ်း​မူင်ႇ​ၸီး​ၸွင်​လႄႈ​ႁူႉ ဢတၢတ်ႈ​ပိင်ႇ​ၺႃႇ ဢၼ်​လၢၵ်ႇ​လၢႆး ၵူႈ​ၸိူဝ်ႉ​ၵူႈ​ပိူင်​လႆႈ​ၼၼ်ႉ တီႈ​ၵူၼ်း​ဢွၼ်ႇ​သီႇ​ၵေႃႉ ၼၼ်ႉ​ဢေႃႈ။ တၢၼ်ႇယေႇလႃႉ ​ၵေႃႈ ပျေႉ​ၸုမ်ႇ​ဝႆႉ​တင်း​ၺၢၼ်ႇ​ပိင်ႇ​ၺႃႇ ဢၼ်​ႁူႉ​ပျႃႇ​တိၵ်ႈ​ရူႇပႃႇရူင်ႇ ဢိၵ်ႇ​တင်း တၢင်း​ဢၼ်​ၼွၼ်း​ၽၼ်​ႁၼ် တင်း​လၢႆ လႆႈ​ၼၼ်ႉ​ဢေႃႈ။-</verse>
				<verse number="18">မိူဝ်ႈ​ဢၼ် မိုဝ်ႉ​ဝၼ်း​ဢၼ် ၶုၼ်​ႁေႃ​ၶမ်း​ၶၢၼ်း​ဝႆႉ ႁႂ်ႈ​လႆႈ​ဢဝ်​ၶဝ်​သႂၢင်း ၶဝ်ႈ​ၵႃႈ​ၼႂ်း​ႁေႃ​ၶမ်း​ၼၼ်ႉ ၸေး​ယဝ်ႉ​ၼၼ်ႉ​ၸိုင်၊ ၵေႃႉ​ဢၼ်​လႆႈ​ဢုပ်ႉ​ၵႃႈ​ၼိူဝ်​ၵူၼ်း​ထိင်း​ၼၢင်း​ၼၼ်ႉ ႁွင်ႉ​ဢဝ်​ၵူၼ်း​ဢွၼ်ႇ ၸိူဝ်း​ၼၼ်ႉ သႂၢင်း​ၶဝ်ႈ​ၵႃႈ​တီႈ​ၽၢႆႇ​ၼႃႈ ၼေႇပူႉၶတ်ႉၼေႇၸႃႇ ​ဢေႃႈ။-</verse>
				<verse number="19">ၶုၼ်​ႁေႃ​ၶမ်း တိူင်ႇ​ပၢင်ႇ​တွင်ႈ​ထၢမ်​ၵၼ် တင်း​ၶဝ်​ၼၼ်ႉ​သေ​ယဝ်ႉ၊ ၵေႃႉ​ဢၼ် မိူၼ်​ၵၼ်​တင်း တၢၼ်ႇယေႇလႃႉ၊ ႁႃႇၼၼီႉ၊ မီႉသေႇလႃႉ၊ ဢႃႇၸရီႉ ​ၸိူဝ်း​ၼၼ်ႉ ဢမ်ႇ​မီး​ၵႃႈ​ၼႂ်း​ၶဝ် တင်း​သဵင်ႈ​တင်း​လူင်​ၼၼ်ႉ သေ​ၵေႃႉ​သေ​ၵူၼ်း။ ပိူဝ်ႈ​ၼႆ​လႄႈ ၶဝ်​လႆႈ​ဢရႃႇ ဢၼ်​ၸုၵ်း​ၶႃး​ၸႃး​ယူႇ ၵႃႈ​တီႈ​ၽၢႆႇ​ၼႃႈ ၶုၼ်​ႁေႃ​ၶမ်း​ဢေႃႈ။-</verse>
				<verse number="20">ၼႂ်း​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း ဢတၢတ်ႈ​ပိင်ႇ​ၺႃႇ ၵႃႈ​ဢၼ်​ၶုၼ်​ႁေႃ​ၶမ်း တွင်ႈ​ထၢမ်​လူၺ်ႈ လွင်ႈ​မၼ်း​တၢင်း​မၼ်း တီႈ​ၶဝ်​ၼၼ်ႉ မၼ်း​ထူပ်း​ႁၼ်​လွင်ႈ​ဢၼ်​ၶဝ်​ၼၼ်ႉ ယဵင်ႈ​ၶႅၼ်း ၸၢင်ႈ​မေႃ​လိူဝ်​တွၼ်း​ၼႃႇ​သေ မႃႇ​ၵူႉ​ပိင်ႇ​ၺႃႇ​သီႉ ဢိၵ်ႇ​တင်း မေႃ​ပေႇ​တၢင်ႇ ၵႃႈ​ဢၼ်​မီး​ၵႃႈ​ၼႂ်း​မိူင်း​ၸဝ်ႈ ၵူႈ​တီႈ​ၵူႈ​လႅၼ်​ၼၼ်ႉ သိပ်း​ပုၼ်ႈ​ၼၼ်ႉ​ဢေႃႈ။-</verse>
				<verse number="21">တၢၼ်ႇယေႇလႃႉ ​ၼၼ်ႉ မီး​ယူႇ​တေႃႇ​ထိုင်​ႁွတ်ႈ​ၶုၼ်​လူင်​ ၵူႉရူႉ ၸၢမ်ႇ​ႁၢင်ႈ​ၸၢမ်ႇ​ႁေႃ ပီႊ​ပထမႃႉ​ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">ၼႂ်း​ပီႈ​ဢၼ် ၼေႇပူႉၶတ်ႉၼေႇၸႃႇ ၸၢမ်ႇ​ႁၢင်ႈ​ၸၢမ်ႇ​ႁေႃ ပီႊ​တူႉတီႉယႃႉ​ၼၼ်ႉ၊ ၼေႇပူႉၶတ်ႉၼေႇၸႃႇ ​ၼွၼ်း​ၽၼ်​ႁၼ်​လႄႈ မီး​တၢင်း​ဢၼ်​တူၵ်း​ၸႂ် သေ​လႄႈ ၼွၼ်း​လႄႈ ဢမ်ႇ​လပ်း​လႆႈ။-</verse>
				<verse number="2">မိူဝ်ႈ​ၼၼ်ႉ ၶုၼ်​ႁေႃ​ၶမ်း​မီး​ဢမိင်ႉ ႁႂ်ႈ​ႁွင်ႉ​ဢဝ်​မႃႇ​ၵူႉ​ပိင်ႇ​ၺႃႇ​သီႉ၊ မေႃ​ပေႇ​တၢင်ႇ၊ သြႃႇ​ဢၼ်​ၸၢင်ႈ​ၸေႃႉ​ၸၢင်ႈ​ႁဵတ်း၊ သြႃႇ​ ၶႃႇလတေး ​တင်း​လၢႆ​မႃး ႁႂ်ႈ​ၶဝ်​ၶိုၼ်း​လၢတ်ႈ​ပၼ် တၢင်း​ဢၼ်​ၽၼ်​ႁၼ်​ၼၼ်ႉ တီႈ​ၶုၼ်​ႁေႃ​ၶမ်း​လႄႈ ၶဝ်​ၼၼ်ႉ ဢွၼ်​ၵၼ်​ႁွတ်ႈ​မႃး ၸွမ်း​ၵႃႈ​ၼင်ႇ​ဢၼ် ဢမိင်ႉ​ၸဝ်ႈ​မီး​ၼၼ်ႉ​လႄႈ ၸုၵ်း​ယူႇ ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="3">ၶုၼ်​ႁေႃ​ၶမ်း​ၵေႃႈ လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ၼွၼ်း​ၽၼ်​ႁၼ်​ယဝ်ႉ။ ႁူဝ်​ၸႂ်​ၵဝ်​မီး​တၢင်း​ဢၼ် ၵႂင်​ၸႂ်​ယုင်ႈ​ၸႂ်​ယူႇ ၵွပ်ႈ​ပိူဝ်ႈ ဢၼ်​ဢမ်ႇ​ႁူႉ တၢင်း​ဢၼ်​ၽၼ်​ႁၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ပိင်ႇ​ၺႃႇ​သီႉ ၶႃႇလတေး ​ၸိူဝ်း​ၼၼ်ႉ​ၵေႃႈ ဢွၼ်​ၵၼ် ဢဝ်​ၽႃႇသႃႇ​ၵႂၢမ်း​ သူႉရီႉ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ႁႂ်ႈ​ဢသၢၵ်ႈ​ၸဝ်ႈ​ႁဝ်း​လိပ်း​ယူႇ​မၼ်ႈ​ၶိူင်ႇ သေ​ၵမ်း​လူၺ်ႈ​တီႈ​ၶႃႈ၊ ၶႅၼ်း​တေႃႈ​မီး​ဢမိင်ႉ တၢင်း​ဢၼ်​ၽၼ်​ႁၼ် ၸဝ်ႈ​ႁဝ်း​တီႈ​ၶႃႈ​ၸဝ်ႈ​ႁဝ်း​ၶဝ် သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ် တၵ်း​ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​မၼ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶုၼ်​ႁေႃ​ၶမ်း​ၵေႃႈ လၢတ်ႈ​တီႈ​ပိင်ႇ​ၺႃႇ​သီႉ ၶႃႇလတေး ​ၸိူဝ်း​ၼၼ်ႉ​လႄႈ​ဝႃႈ၊ လွင်ႈ​ၼၼ်ႉ လပ်ႉ​ႁၢႆ​ၵႂႃႇ​သေ​ၵႃႈ​တီႈ​ၵဝ်​ယဝ်ႉ။ ပေႃး​သူ ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ်​ၽၼ်​ႁၼ် ဢိၵ်ႇ​တင်း ဢၼၢၵ်ႈ​မၼ်း​ၼၼ်ႉ​ၸိုင်၊ သူ​တၵ်း​လႆႈ​ၶၢမ်ႇ​တၢင်း​ဢၼ်​တႅပ်း​ၽၼ်း ပဵၼ်​ပွတ်း​ပဵၼ်​တွၼ်ႈ​ပႅတ်ႈ​လႄႈ ႁိူၼ်း​သူ​ၵေႃႈ တၵ်း​လႆႈ​ၶၢမ်ႇ​တၢင်း​ဢၼ်​ႁဵတ်း​ႁႂ်ႈ​ပဵၼ်​ၵွင် ၶီႈ​ဝူဝ်း​ၶီႈ​ၵႂၢႆး ပႅတ်ႈ​ဢေႃႈ။-</verse>
				<verse number="6">ပေႃး​သူ ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ်​ၽၼ်​ႁၼ် ဢိၵ်ႇ​တင်း ဢၼၢၵ်ႈ​မၼ်း​ၸိုင်၊ သူ​တၵ်း​လႆႈ​ၶၢမ်ႇ​ဢဝ် တၢင်း​ဢၼ်​မုၼ်​ႁူမ်ႇ၊ ဢိၵ်ႇ​တင်း သူး​လၢပ်ႈ တင်း​မုၼ်​ၵုင်ႇ​သရေႇ ၼမ်​ၼႃႇ​တီႈ​ၵဝ်​ဢေႃႈ။ ပိူဝ်ႈ​ဢၼ် ပဵၼ်​ၼင်ႇ​ၼႆ​လႄႈ ဢွၼ်​ၵၼ်​ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ် ၽၼ်​ႁၼ် ဢိၵ်ႇ​တင်း ဢၼၢၵ်ႈ​မၼ်း တီႈ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၶဝ်​ၼၼ်ႉ သမ်ႉ​ၶိုၼ်း ဢွၼ်​ၵၼ် လဝ်ႊ​လၢတ်ႈ​ပွၵ်ႈ​တူႉတီႉယႃႉ​ထႅင်ႈ​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ၶႅၼ်း​တေႃႈ မီး​ဢမိင်ႉ တၢင်း​ဢၼ်​ၽၼ်​ႁၼ် ၸဝ်ႈ​ႁဝ်း​ၼၼ်ႉ တီႈ​ၶႃႈ​ၸဝ်ႈ​ႁဝ်း​ၶဝ် သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ် တၵ်း​ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​မၼ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ၶုၼ်​ႁေႃ​ၶမ်း သမ်ႉ​ၶိုၼ်း​မီး​ဢမိင်ႉ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ် လွင်ႈ​ၼၼ်ႉ လပ်ႉ​ႁၢႆ​ၵႂႃႇ​သေ​ၵႃႈ​တီႈ​ၵဝ်​လႄႈ ၵဝ်​ႁူႉ​လွင်ႈ​ဢၼ် သူ​ၶႂ်ႈ​ႁဵတ်း ႁႂ်ႈ​မိုဝ်ႉ​ဝၼ်း​ၶိင်ႇ​ၵႃႇလႃႉ ပဵၼ်​ဢၼ်​ႁိုင်​ဢၼ်​ၼၢၼ်း ၼၼ်ႉ​ယူႇ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="9">ပေႃး​သူ ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ်​ၽၼ်​ႁၼ် ၼၼ်ႉ​ၸိုင်၊ သူ​မီး​တၢင်း​ၵျၢမ်ႇ​တၢင်း​ပွင် ဢၼ်​လဵဝ်​ၵၼ်​လႄႈ ဢွၼ်​ၵၼ် မႄး​ႁၢင်ႈ​မႄး​ပွင်​ၵႂၢမ်း​ဢၼ် ၵူတ်ႉ​ငွၵ်း​လိင်ႇ​လႅၼ် ပုၼ်ႈ​ဢၼ်​တၵ်း​လဝ်ႊ​လၢတ်ႈ ၵႃႈ​တီႈ​ၽၢႆႇ​ၼႃႈ​ၵဝ် ႁႂ်ႈ​ထၼ်ႈ​ပေႃး​တေႃႇ​ထိုင်​ႁွတ်ႈ ၶိင်ႇ​ၵႃႇလႃႉ ၶၢႆႉ​ပုတ်ႈ​ၵႂႃႇ​ၼၼ်ႉ​ယဝ်ႉ။ ပိူဝ်ႈ​ၼႆ​လႄႈ ဢွၼ်​ၵၼ်​ၶိုၼ်း​လၢတ်ႈ တၢင်း​ဢၼ် ၽၼ်​ႁၼ်​ၼၼ်ႉ​တႃႉ။ ပေႃး​လၢတ်ႈ​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​တၵ်း​ႁူႉ​လွင်ႈ ဢၼ်​သူ​ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​မၼ်း​လႆႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">သြႃႇ​ ၶႃႇလတေး ​ၸိူဝ်း​ၼၼ်ႉ​ၵေႃႈ သမ်ႉ​ၶိုၼ်း​လဝ်ႊ​လၢတ်ႈ ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း လႄႈ​ဝႃႈ၊ ၵေႃႉ​ဢၼ်​တၵ်း​ၵႄႈ​လိတ်ႈ ဢမူႉ​လွင်ႈ​တၢင်း ၸဝ်ႈ​ၶုၼ်​လူင်​လႆႈ​ၼၼ်ႉ၊ ၵႃႈ​ၼိူဝ်​လိၼ်​မိူင်း​ၼႆႉ ဢမ်ႇ​မီး​သေ​ၵေႃႉ​သေ​ၵူၼ်း​တီႈ​ၶႃႈ၊ ၶုၼ်​ႁေႃ​ၶမ်း​ပႃး​လႂ်​သေ​ဢမ်ႇ​ဝႃႈ၊ ပိၵ်ႉ​သမ်ႉ​မီး​မုၼ်​ၽုင်း​တၼ်း​ၶူဝ်း ဢၼ်​ယႂ်ႇ​ၼႃႇ​သေ​ၵေႃႈ၊ ဢမ်ႇ​တွၼ်ႉ​ထၢမ်​တီႈ မႃႇ​ၵူႉ​ပိင်ႇ​ၺႃႇ​သီႉ၊ မေႃ​ပေႇ​တၢင်ႇ၊ သြႃႇ​ ၶႃႇလတေး ​တင်း​လၢႆ ၸိူဝ်း​ၼႆႉ​တီႈ​ၶႃႈ၊-</verse>
				<verse number="11">လွင်ႈ​တၢင်း​ဢၼ် ၸဝ်ႈ​ၶုၼ်​လူင် တွင်ႈ​ထၢမ်​ၼႆႉ ပဵၼ်​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​တီႈ​ၶႃႈ​ဢေႃႈ။ လိူဝ်​သေ​ၽြႃး​ဢၼ် ဢမ်ႇ​ယူႇ​လူၺ်ႈ​ၼိူဝ်ႉ လူၺ်ႈ​ၼင်​ၼၼ်ႉ၊ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး ၵႃႈ​တီႈ​ၽၢႆႇ​ၼႃႈ​ၸဝ်ႈ​ၶုၼ်​လူင်​လႆႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵွပ်ႈ​ပိူဝ်ႈ ၵႂၢမ်း​ၼၼ်ႉ​လႄႈ ၶုၼ်​ႁေႃ​ၶမ်း​ၸႂ်​မႆႈ​ၶႆႈ​ၸႃႉ​လႄႈ ဢၢႆ​ႁႅင်း​တေႃး​သႃႉ ဢွၵ်ႇ​ႁႅင်း​ယႂ်ႇ​ၼႃႇ​လူင်​လၢင် သေ​လႄႈ မီး​ဢမိင်ႉ​ႁႂ်ႈ​ပႄႇ​ၽဵဝ်ႈ ပိင်ႇ​ၺႃႇ​သီႉ​ၵႃႈ​ဢၼ်​မီး​ၵႃႈ​ၼႂ်း ဝဵင်း​ ပႃႇပူႉလုၼ်ႇ ​ၼၼ်ႉ​ပႅတ်ႈ​ဢေႃႈ။-</verse>
				<verse number="13">ဢဝ်​ဢမိင်ႉ ၸဝ်ႈ​လွင်ႈ​ဢၼ် တၵ်း​လႆႈ​ဢဝ်​ပိင်ႇ​ၺႃႇ​သီႉ တင်း​လၢႆ တၢႆ​ၼၼ်ႉ သင်ႇ​လၢတ်ႈ​သေ​ယဝ်ႉ၊ မိူဝ်ႈ​ဢၼ်​ၶဝ်​ဢွၼ်​ၵၼ် ႁႃ​ႁႂ်ႈ​လႆႈ​ဢဝ် တၢၼ်ႇယေႇလႃႉ ဢိၵ်ႇ​တင်း ၵေႃႉ​ဢၼ်​ႁူမ်ႈ​ၵၼ်​ပွင်း​ၵၼ် တင်း​မၼ်း​ၸိူဝ်း​ၼၼ်ႉ တၢႆ​ၼၼ်ႉ​ၸိုင်။</verse>
				<verse number="14">တၢၼ်ႇယေႇလႃႉ ပႃး​တင်း​သတီႉ​ပိင်ႇ​ၺႃႇ သေ​လႄႈ လၢတ်ႈ​ၵႂၢမ်း​တေႃႇ​ၵၼ်​တင်း​ ဢႃႇရွၵ်ႉ ၵူဝ်ႇ​ရမ်ႇ​တေႃႇ​မူး​ဢၼ်​ဢွၵ်ႇ​ႁႂ်ႈ​လႆႈ​ပႄႇ​ၽဵဝ်ႈ ပိင်ႇ​ၺႃႇ​သီႉ​ ပႃႇပူႉလုၼ်ႇ ​တင်း​လၢႆ ပႅတ်ႈ​ၼၼ်ႉ​ဢေႃႈ။-</verse>
				<verse number="15">မၼ်း​တွင်ႈ​ထၢမ် တီႈ​ ဢႃႇရွၵ်ႉ ​ၵူဝ်ႇ​ရမ်ႇ​တေႃႇ​မူး ၶုၼ်​ႁေႃ​ၶမ်း လႄႈ​ဝႃႈ၊ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်​လႄႈ ဢမိင်ႉ​ၶုၼ်​ႁေႃ​ၶမ်း​ၼၼ်ႉ ၶၼ်​ၽႂ်း​ထၢၼ်ႇ​ၼႆႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​လႄႈ ဢႃႇရွၵ်ႉ ​ၼၼ်ႉ မွၵ်ႇ​လၢတ်ႈ​လွင်ႈ​မၼ်း တီႈ​ တၢၼ်ႇယေႇလႃႉ ​သေ​ယဝ်ႉ၊-</verse>
				<verse number="16">တၢၼ်ႇယေႇလႃႉ ​ၼၼ်ႉ ၶဝ်ႈ​ၵႃႈ​ၼႂ်း​ႁေႃ​လႄႈ လဝ်ႊ​ယွၼ်း​ဢဝ်​တီႈ ၶုၼ်​ႁေႃ​ၶမ်း ႁႂ်ႈ​မၼ်း​ပၼ် ၶိင်ႇ​မိူဝ်ႈ​ဝၼ်း​ဢၼ်​လႆႈ ၽုၺ်ႇ​ဢွၵ်ႇ ၼႄ​ပျႃး​ဢၼၢၵ်ႈ တီႈ​ၶုၼ်​ႁေႃ​ၶမ်း​ၼၼ်ႉ​ဢေႃႈ။-</verse>
				<verse number="17">မိူဝ်ႈ​ၼၼ်ႉ တၢၼ်ႇယေႇလႃႉ ​ၶိုၼ်း​မိူဝ်း​ၵႂႃႇ ၵႃႈ​တီႈ​ႁိူၼ်း​မၼ်း​လႄႈ မွၵ်ႇ​လၢတ်ႈ​ပၼ်​ငိၼ်း​လွင်ႈ​ၼၼ်ႉ တီႈ​ၵေႃႉ​သေႈ​မၼ်း​ ႁႃႇၼၼီႉ၊ မီႉသေႇလႃႉ၊ ဢႃႇၸရီႉ ​ၸိူဝ်း​ၼၼ်ႉ၊-</verse>
				<verse number="18">လွင်ႈ​ၼင်ႇ​ႁိုဝ် ၶဝ်​တၵ်း​ဢွၼ်​ၵၼ်​သူး​တွင်း ႁႂ်ႈ​လႆႈ​ၶၢမ်ႇ​ဢဝ်​ၵျေး​ၸူး​ၵရူႉၼႃႇ ၽြႃး​ပဵၼ်​ၸဝ်ႈ ၽုင်ႇ​ၵၢင်​ႁၢဝ် ၼႂ်း​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၼၼ်ႉ ႁႂ်ႈ​ တၢၼ်ႇယေႇလႃႉ ဢိၵ်ႇ​တင်း ၵေႃႉ​သေႈ​မၼ်း​ၸိူဝ်း​ၼၼ်ႉ ဢမ်ႇ​လႆႈ​တၢႆ​လူၺ်ႈ​ၵၼ်​တင်း ပိင်ႇ​ၺႃႇ​သီႉ​ ပႃႇပူႉလုၼ်ႇ ​ၸိူဝ်း​ၼၼ်ႉ​ဢေႃႈ။-</verse>
				<verse number="19">မိူဝ်ႈ​ၼၼ်ႉ လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၼၼ်ႉ ထၢင်ႇ​သႃး​ပေႃႇ​မႃး တီႈ​ တၢၼ်ႇယေႇလႃႉ ၼႂ်း​ပျႃႇ​တိၵ်ႈ​ရူႇပႃႇရူင်ႇ ၶိင်ႇ​ၵၢင်​ၶိုၼ်း ဢေႃႈ။ မိူဝ်ႈ​ၼၼ်ႉ​ တၢၼ်ႇယေႇလႃႉ ယွင်ႈ​ယေႃး​ၵျေး​ၸူး ၽြႃး​ပဵၼ်​ၸဝ်ႈ၊ ၸဝ်ႈ​ၽုင်ႇ​ၵၢင်​ႁၢဝ်​လႄႈ၊-</verse>
				<verse number="20">တၢၼ်ႇယေႇလႃႉ လဝ်ႊ​လၢတ်ႈ​လႄႈ​ဝႃႈ၊ ႁႂ်ႈ​ၼႃႇ​မႃႉ​ၸိုဝ်ႈ​သဵင် ၽြႃး​ပဵၼ်​ၸဝ်ႈ မီး​မင်ႇၵလႃႇ​ထႃႇဝရႃႉ​သေ​ၵမ်း​လူၺ်ႈ၊ လွင်ႈ​မၼ်း​ၸမ်ႉ မၼ်း​ၸဝ်ႈ​ၼႆႉ ပျေႉ​ၸုမ်ႇ​ဝႆႉ​တင်း​ပိင်ႇ​ၺႃႇ ဢိၵ်ႇ​တင်း တၢင်း​ၵတ်ႉ​တၢင်း​ၶၼ်​ဢေႃႈ။-</verse>
				<verse number="21">မၼ်း​ၸဝ်ႈ​ႁႂ်ႈ​ၶိင်ႇ​ၵႃႇလႃႉ ဢူႉ​တူႉ​ၶၢႆႉ​ပုတ်ႈ​ဢေႃႈ။ မၼ်း​ၸဝ်ႈ​ၶျႃး​ၶုၼ်​ႁေႃ​ၶမ်း​တူၵ်း လႄႈ ယုၵ်ႉ​ယွင်ႈ​ၶုၼ်​ႁေႃ​ၶမ်း​ဢေႃႈ။-</verse>
				<verse number="22">မၼ်း​ၸဝ်ႈ ပၼ်​ပိင်ႇ​ၺႃႇ တီႈ​ၶဝ်​ၸိူဝ်း​ဢၼ် မီး​ပိင်ႇ​ၺႃႇ​ၼၼ်ႉ​လႄႈ ပၼ်​တၢင်း​ဢၼ်​ၶုတ်း​မူင်ႇ​ၸီး​ၸွင် ႁူႉ​ၸႅင်ႈ​တီႈ​ၶဝ်​ၸိူဝ်း​ဢၼ် မီး​ၺၢၼ်ႇ​ၼၼ်ႉ​ဢေႃႈ။ မၼ်း​ၸဝ်ႈ ၼႄ​ပျႃး​လွင်ႈ​တၢင်း ဢၼ်​လိုၵ်ႉ​လမ်ႇ​သိူင်ႇ​ဢမ် ၸိူဝ်း​ၼၼ်ႉ​ဢေႃႈ။ မၼ်း​ၸဝ်ႈ​ႁူႉ​ႁၼ်​ၵႃႈ​ဢၼ် မီး​ၵႃႈ​ၼႂ်း​လပ်း​သိင်ႇ​ၼၼ်ႉ​လႄႈ ဢၼ်​လႅင်း​တႄႇ​ယူႇ​ၵႃႈ​ၼႂ်း​မၼ်း​ၸဝ်ႈ​ဢေႃႈ။-</verse>
				<verse number="23">ၽြႃး​ပဵၼ်​ၸဝ်ႈ ပူႇ​မွၼ်ႇ​ၶႃႈ​ၸဝ်ႈ​တီႈ​ၶႃႈ၊ ၶႃႈ​ၸဝ်ႈ​ယွင်ႈ​ယေႃး ၵျေး​ၸူး​ၸဝ်ႈ​ႁဝ်း​လႄႈ ႁဵတ်း​ထေႃးပၼႃႇ​တီႈ​ၸဝ်ႈ​ႁဝ်း ဢၼ်​ဢဵတ်း​လူ​ပၼ်​ပိင်ႇ​ၺႃႇ ဢိၵ်ႇ​တင်း တၢင်း​ၵတ်ႉ​တၢင်း​ၶၼ် တီႈ​ၶႃႈ​ၸဝ်ႈ​လႄႈ ႁႂ်ႈ​ၶႃႈ​ၸဝ်ႈ​ႁူႉ​လွင်ႈ​တၢင်း​ဢၼ် ၶႃႈ​ၸဝ်ႈ​ႁဝ်း​ၶဝ် လဝ်ႊ​ယွၼ်း ဢဝ် တီႈ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ​ႁဝ်း​ၶဝ်​ႁူႉ ဢမူႉ​လွင်ႈ​တၢင်း ၶုၼ်​ႁေႃ​ၶမ်း​ၼႆႉ တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊</verse>
				<verse number="24">တၢၼ်ႇယေႇလႃႉ ​ၵႂႃႇ​ၸူး ၵႃႈ​တီႈ​ ဢႃႇရွၵ်ႉ ဢၼ်​ၶုၼ်​ႁေႃ​ၶမ်း​ၶၢၼ်း​ဝႆႉ ႁႂ်ႈ​လႆႈ​ပႄႇ​ၽဵဝ်ႈ​ပိင်ႇ​ၺႃႇ​သီႉ​ ပႃႇပူႉလုၼ်ႇ ​ၸိူဝ်း​ၼၼ်ႉ​ပႅတ်ႈ​ၼၼ်ႉ​လႄႈ လၢတ်ႈ​လႄႈ​ဝႃႈ၊ ယႃႇ​ပေ​ဢဝ်​ပိင်ႇ​ၺႃႇ​သီႉ​ ပႃႇပူႉလုၼ်ႇ ​ၸိူဝ်း​ၼၼ်ႉ တၢႆ​သေ​ၵမ်း​ၶႃႈ။ ဢဝ်​ၵဝ်​ၶႃႈ သႂၢင်း​ၶဝ်ႈ​ၵႃႈ​တီႈ ၶုၼ်​ႁေႃ​ၶမ်း သေ​ၵမ်း​ၶႃႈ။ ၵဝ်​ၶႃႈ တၵ်း​ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​မၼ်း တီႈ​ၶုၼ်​ႁေႃ​ၶမ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မိူဝ်ႈ​ၼၼ်ႉ ဢႃႇရွၵ်ႉ ​ၼၼ်ႉ ႁိပ်ႈ​ၼႅတ်ႈ​ဢဝ်​ တၢၼ်ႇယေႇလႃႉ သႂၢင်း​ၶဝ်ႈ​ၵႃႈ​တီႈ​ၽၢႆႇ​ၼႃႈ ၶုၼ်​ႁေႃ​ၶမ်း သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ထူပ်း​ႁၼ် ၵူၼ်း​ဢၼ်​တၵ်း ၽုၺ်ႇ​ဢွၵ်ႇ ၼႄ​ပျႃး​ဢၼၢၵ်ႈ​မၼ်း တီႈ​ၸဝ်ႈ​ႁဝ်း​လႆႈ​ၼၼ်ႉ ၵေႃႉ​ၼိုင်ႈ ၵႃႈ​ၼႂ်း ၵူၼ်း​မဵဝ်း​ ယူႉတႃႉ ဢၼ်​လႆႈ ၶၢမ်ႇ​တၢင်း​ဢၼ်​သိမ်း​ဢဝ်​မႃး ၸိူဝ်း​ၼၼ်ႉ တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၶုၼ်​ႁေႃ​ၶမ်း​ၵေႃႈ ၶိုၼ်း​လၢတ်ႈ​လႄႈ ထၢမ်​တီႈ​ တၢၼ်ႇယေႇလႃႉ ဢၼ်​လႆႈ​ၸိုဝ်ႈ ပေႇလတႃႉသႃႇၸႃႇ ​ၼၼ်ႉ​လႄႈ​ဝႃႈ၊ မႂ်း​မွၵ်ႇ​လၢတ်ႈ​ပၼ် တၢင်း​ဢၼ် ၵဝ်​ၽၼ်​ႁၼ်​ၼၼ်ႉ ဢိၵ်ႇ​တင်း ဢၼၢၵ်ႈ​မၼ်း​လႆႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="27">တၢၼ်ႇယေႇလႃႉ လဝ်ႊ​လၢတ်ႈ​တီႈ​ၶုၼ်​ႁေႃ​ၶမ်း လႄႈ​ဝႃႈ၊ လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ ဢၼ်​ၸဝ်ႈ​ႁဝ်း​ထၢမ် ၼၼ်ႉ​ၸိုင်၊ ပိင်ႇ​ၺႃႇ​သီႉ၊ မေႃ​ပေႇ​တၢင်ႇ၊ သြႃႇ​မႃႇ​ၵူႉ၊ သြႃႇ​ဢၼႃႇၵၢတ်ႈတီႉ တင်း​လၢႆ ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး တီႈ​ၸဝ်ႈ​ၶုၼ်​လူင်​လႆႈ​တီႈ​ၶႃႈ၊-</verse>
				<verse number="28">ၽြႃး​ပဵၼ်​ၸဝ်ႈ ဢၼ်​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ တင်း​လၢႆ ၼၼ်ႉ​သူႇ​ၼိုင်ႈ မီး​ယူႇ​ၵႃႈ​ၼိူဝ်​ၽုင်ႇ​ၵၢင်​ႁၢဝ် လႄႈ မၼ်း​ၸဝ်ႈ​မွၵ်ႇ​လၢတ်ႈ​ပၼ်​ငိၼ်း လွင်ႈ​တၢင်း​ဢၼ်​တၵ်း​ပဵၼ်​မႃး ၶိင်ႇ​ၵႃႇလႃႉ​ၵမ်း​လိုၼ်း​ပုၼ်ႉ တီႈ​ၶုၼ်​လူင်​ ၼေႇပူႉၶတ်ႉၼေႇၸႃႇ တီႈ​ၶႃႈ​ဢေႃႈ။-</verse>
				<verse number="29">တၢင်း​ဢၼ် ၸဝ်ႈ​ႁဝ်း​ၽၼ်​ႁၼ် ဢိၵ်ႇ​တင်း ရူႇပႃႇရူင်ႇ​ၵႃႈ​ၼႂ်း​ၵွၵ်း​ႁူဝ် ၸဝ်ႈ​ႁဝ်း ၵႃႈ​ၼိူဝ်​ၵူႇ​တီႈ​ၼွၼ်း​ၸဝ်ႈ​ႁဝ်း ၼၼ်ႉ​ၸမ်ႉ၊ ၸဝ်ႈ ၶုၼ်​လူင်​တီႈ​ၶႃႈ၊ ၸဝ်ႈ​ႁဝ်း​ၶႆႈ​ၸႂ်​ဝူၼ်ႉ​ၸႂ်​လႄႈ မုင်ႈ​မွင်း​လွင်ႈ​တၢင်း​ဢၼ် တၵ်း​ပဵၼ်​မႃး မိူဝ်ႈ​ၵမ်း​လိုၼ်း​ၼၼ်ႉ တီႈ​ၶႃႈ​ဢေႃႈ။ ၽြႃး​ဢၼ်​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ တင်း​လၢႆ​ၼၼ်ႉ ၼႄ​ပျႃး​လွင်ႈ​တၢင်း​ဢၼ် တၵ်း​ပဵၼ်​မႃး မိူဝ်ႈ​ၵမ်း​လိုၼ်း​ၼၼ်ႉ တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="30">ၵွပ်ႈ​ပိူဝ်ႈ ဢၼ်​ၶႃႈ​ၸဝ်ႈ ယဵင်ႈ​ၶႅၼ်း မီး​ပိင်ႇ​ၺႃႇ​လိူဝ်​တွၼ်း​ၼႃႇ​သေ ၵူၼ်း​သတ်ႉတဝႃႇ တၢင်ႇ​ၵေႃႉ​တၢင်ႇ​ၵူၼ်း ၼၼ်ႉ​လႄႈ လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၼႆႉ ၸႅင်ႈ​မႃး​လႅင်း​မႃး​တီႈ​ၶႃႈ​ၸဝ်ႈ ဢမ်ႇ​ၸႂ်ႈ​တီႈ​ၶႃႈ၊ လွင်ႈ​ၼင်ႇ​ႁိုဝ် ၸဝ်ႈ​ၶုၼ်​လူင်​တၵ်း​လႆႈ​ႁူႉ ဢၼၢၵ်ႈ​မၼ်း​လႄႈ ၸဝ်ႈ​ႁဝ်း​တၵ်း​လႆႈ​ႁူႉ​ၸႅင်ႈ တၢင်း​ဢၼ်​ထၢင်ႇ​ဢၼ်​ထိူမ်​ႁူဝ်​ၸႂ်​ၸဝ်ႈ​ႁဝ်း​ၼၼ်ႉ​ၵူၺ်း​ၸိုင်၊ ၸင်ႇ​ပဵၼ်​တီႈ​ၶႃႈ​ဢေႃႈ။-</verse>
				<verse number="31">ၸဝ်ႈ​ၶုၼ်​လူင်​တီႈ​ၶႃႈ၊ ၸဝ်ႈ​ႁဝ်း​လူ​တူၺ်း​လႄႈ ႁၼ်​ရုၵ်ႈ​ထူႉ​လူင်​တီႈ ၶႃႈ​ဢေႃႈ။ ရုၵ်ႈ​ထူႉ​ဢၼ်​ယႂ်ႇ​သုင်​လႄႈ ပျေႉ​ၸုမ်ႇ​ဝႆႉ တင်း​ငဝ်း​ဢရွင်ႇ ဢၼ်​ႁိူဝ်ႈ​ႁိူင်း ႁႅင်း​ၼႃႇ​လူင်​လၢင်​ၼၼ်ႉ ၸုၵ်း​တင်ႈ​ယူႇ ၵႃႈ​တီႈ​ၽၢႆႇ​ၼႃႈ ၸဝ်ႈ​ႁဝ်း​တီႈ​ၶႃႈ​ဢေႃႈ။ ႁၢင်ႈ​ၽၢင်​မၼ်း​ပဵၼ် ဢၼ်​လီ​ၵူဝ်​လီ​ႁႄ​ဝႆႉ တီႈ​ၶႃႈ​ဢေႃႈ။-</verse>
				<verse number="32">ရုၵ်ႈ​ထူႉ​ၼၼ်ႉ၊ ၵွၵ်း​ႁူဝ်​မၼ်း ပဵၼ်​ၶမ်း​လွတ်ႈ​ငၢၼ်ႇ​လႄႈ ႁူဝ်​ဢူၵ်း​မၼ်း တင်း​ၶႅၼ်​မိုဝ်း​မၼ်း​သွင်​ၶွၼ်​ၼၼ်ႉ ပဵၼ်​ငိုၼ်း​တီႈ​ၶႃႈ​ဢေႃႈ။ တွင်ႉ​မၼ်း​တင်း​ၶႃ​မၼ်း​သွင်​ၶွၼ်​ၼၼ်ႉ ပဵၼ်​တွင်း​လိူင်​တီႈ​ၶႃႈ​ဢေႃႈ။-</verse>
				<verse number="33">ပွင်ႈ​ၵၢဝ်ႈ​မၼ်း​သွင်​ၶွၼ်​ၼၼ်ႉ ပဵၼ်​လဵၵ်း​လႄႈ၊ တိၼ်​မၼ်း​ပဵၼ် လဵၵ်း​ပွတ်း​ၼိုင်ႈ၊ လိၼ်​ၼဵဝ်​ပွတ်း​ၼိုင်ႈ တီႈ​ၶႃႈ​ဢေႃႈ။-</verse>
				<verse number="34">ၸဝ်ႈ​ႁဝ်း​လူ​တူၺ်း​ယူႇ တေႃႇ​ထိုင်​ႁွတ်ႈ မၢၵ်ႇ​ႁိၼ်​လုၵ်ႈ​ၼိုင်ႈ ဢၼ်​ယင်း​ဢမ်ႇ​ဢဝ်​မိုဝ်း​တွင်ႈ မိုဝ်း​ႁဵတ်း​လႄႈ ပဵၼ်​မႃး​ၵူၺ်း​မၼ်း​ၼၼ်ႉ တိူဝ်ႉ​ထုၵ်ႇ​သႂ်ႇ ရုၵ်ႈ​ထူႉ​ၼၼ်ႉ ၵႃႈ​တီႈ​တိၼ်​မၼ်း ဢၼ်​ပဵၼ်​လဵၵ်း ဢိၵ်ႇ​တင်း လိၼ်​ၼဵဝ်​ၼၼ်ႉ​လႄႈ ႁၵ်း​ႁဵၵ်း​ပႅတ်ႈ​ၼၼ်ႉ​ဢေႃႈ။-</verse>
				<verse number="35">မိူဝ်ႈ​ၼၼ်ႉ လဵၵ်း၊ လိၼ်​ၼဵဝ်၊ တွင်း​လိူင်၊ ငိုၼ်း၊ ၶမ်း​ၸိူဝ်း​ၼၼ်ႉ ႁၵ်း​ႁဵၵ်း​မုၼ်ႈ​လႅဝ်​ၵႂႃႇ​ၼင်ႇ​ၵၼ်​လႄႈ ပဵၼ်​ၸိူဝ်ႉ​ၼင်ႇ မုၼ်ႈ​တလၢင်း​ယဵပ်ႇ​ၶဝ်ႈ ၼႂ်း​ၶိင်ႇ​ႁႅင်ႈ​ၼၼ်ႉ သေ​လႄႈ လူမ်း​ပတ်ႉ​ထူဝ်း​ၽူင်ႉ​ပိဝ်​ၵႂႃႇ​လႄႈ ဢမ်ႇ​မီး​တီႈ​ဢၼ် တၵ်း​တႄႇ​ယူႇ​သဝ်း​ယူႇ​လႃး​လႃး။ မၢၵ်ႇ​ႁိၼ် ဢၼ်​တိူဝ်ႉ​ထုၵ်ႇ​သႂ်ႇ​ရုၵ်ႈ​ထူႉ ၼၼ်ႉ​ၸမ်ႉ၊ ယႂ်ႇ​ၽႄႈ​ၵႂၢင်ႈ​မႃး ပဵၼ်​လွႆ​လူင်​ၵႂႃႇ​လႄႈ လူၼ်ႉ​တဵမ်​ၵႃႈ​ၼိူဝ် ၼႃႈ​လိၼ်​မိူင်း​တင်း​ၼႃႈ တီႈ​ၶႃႈ​ဢေႃႈ။-</verse>
				<verse number="36">ဢၼ်​ၼႆႉ​ၸမ်ႉ၊ ပဵၼ်​တၢင်း​ဢၼ် ၽၼ်​ႁၼ်​ၼၼ်ႉ တီႈ​ၶႃႈ​ဢေႃႈ။ မိူဝ်ႈ​လဵဝ်​ၼႆႉ​ၶႃႈ​ၸဝ်ႈ​ႁဝ်း​ၶဝ် တၵ်း​ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​မၼ်း ၵႃႈ​တီႈ​ၽၢႆႇ​ၼႃႈ​ၸဝ်ႈ​ၶုၼ်​လူင် တီႈ​ၶႃႈ​ဢေႃႈ။-</verse>
				<verse number="37">ၸဝ်ႈ​ၶုၼ်​လူင်​တီႈ​ၶႃႈ၊ ၸဝ်ႈ​ႁဝ်း​ၼႆႉ ပဵၼ်​ၶုၼ်​ႁေႃ​ၶမ်း ၼိူဝ်​ၶုၼ်​ႁေႃ​ၶမ်း တင်း​လၢႆ တီႈ​ၶႃႈ​ဢေႃႈ။ ၽြႃး​ပဵၼ်​ၸဝ်ႈ ၽုင်ႇ​ၵၢင်​ႁၢဝ်​ၼၼ်ႉ ဢဝ်​သိုင်ႇ​ၸိုင်ႈ​ဝၢၼ်ႈ​မိူင်း ဢိၵ်ႇ​လူၺ်ႈ​ၵၼ်​တင်း တၼ်း​ၶူဝ်း​ဢႃႇၼူႉၽေႃႇ တၢင်း​ၵတ်ႉ​တၢင်း​ၶၼ်၊ မုၼ်​သရေႇ ပၼ်​တီႈ​ၸဝ်ႈ​ႁဝ်း​တီႈ​ၶႃႈ​ယဝ်ႉ။-</verse>
				<verse number="38">ၵႃႈ​ပဵၼ်​တီႈ​ဢၼ်​လုၵ်ႈ​ၵူၼ်း ဢိၵ်ႇ​တင်း တရိၵ်ႈသၢၼ်ႇ​ၵႃႈ​ၼိူဝ်​လိၼ် တင်း​ၼူၵ်ႉ ၵႃႈ​ၼိူဝ်​ၽႃႉ​ၵၢင်​ႁၢဝ် ၸိူဝ်း​ၼၼ်ႉ ယူႇ​သဝ်း​ၼၼ်ႉ မၼ်း​ၸဝ်ႈ ဢဝ်​ၶဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​ၸဝ်ႈ​ႁဝ်း​လႄႈ ႁႂ်ႈ​ၸဝ်ႈ​ႁဝ်း​မီး​ဢၶႂၢင်ႉ ဢၼ်​လႆႈ​ဢုပ်ႉ​ပိူင်ႇ​ၶဝ် တင်း​သဵင်ႈ​တင်း​လူင် တီႈ​ၶႃႈ​ဢေႃႈ။ ၸဝ်ႈ​ႁဝ်း​ပဵၼ်​ၵွၵ်း​ႁူဝ်​ၶမ်း မၼ်း​ၼၼ်ႉ တီႈ​ၶႃႈ​ဢေႃႈ။-</verse>
				<verse number="39">လိုၼ်း​ၸဝ်ႈ​ႁဝ်း​ၼႆႉ​ၼၼ်ႉ၊ သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ဢမ်ႇ​မျၢတ်ႈ​ထၢၼ်ႇ သိုင်ႇ​ၸိုင်ႈ​ဝၢၼ်ႈ​မိူင်း ၸဝ်ႈ​ႁဝ်း​ၼႆႉ မိူင်း​ၼိုင်ႈ တၵ်း​ပေႃႇ​ပဵၼ်​မႃး တီႈ​ၶႃႈ​ဢေႃႈ။ လိုၼ်း​ၼၼ်ႉ သိုင်ႇ​ၸိုင်ႈ​ဝၢၼ်ႈ​မိူင်း တႃႉတီႉယႃႉ ဢၼ်​ဝႃႈ သိုင်ႇ​ၸိုင်ႈ​ဝၢၼ်ႈ​မိူင်း တွင်း​လိူင် ဢၼ်​လႆႈ​ဢုပ်ႉ​ပိူင်ႇ​ၵႃႈ​ၼိူဝ် ၼႃႈ​လိၼ်​တင်း​ၼႃႈ​ၼၼ်ႉ တၵ်း​ပေႃႇ​ပဵၼ်​မႃး​တီႈ​ၶႃႈ​ဢေႃႈ။-</verse>
				<verse number="40">သိုင်ႇ​ၸိုင်ႈ​ဝၢၼ်ႈ​မိူင်း ၸတုၵ်ႉထႃႉ​ၼၼ်ႉ တၵ်း​ပဵၼ်​ဢၼ်​ၵႅၼ်ႇ​ဢၼ်​ၶႅင် မိူၼ်​ၸိူဝ်ႉ​ၼင်ႇ​လဵၵ်း ၼၼ်ႉ​လႄႈ တၵ်း​ႁဵတ်း​တၢင်း​ဢၼ် ယႃႉ​ႁၵ်း တင်း​သဵင်ႈ​တင်း​လူင် ၸိူဝ်း​ၼႆႉ တႅၵ်ႇ​လႅဝ်​ပႅတ်ႈ မိူၼ်​ၸိူဝ်ႉ​ၼင်ႇ​ဢၼ် လဵၵ်း​ယႃႉ​ႁၵ်း​ၵူႈ​ၸိူဝ်ႉ​ၵူႈ​ပိူင်​လႄႈ ပႄႉ​ၼႅင်ႇ​လႆႈ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="41">ၵႃႈ​ၼင်ႇ​ဢၼ် ၸဝ်ႈ​ႁဝ်း​ၽၼ်​ႁၼ်​တိၼ်​မၼ်း ဢိၵ်ႇ​တင်း ၼိဝ်ႉ​တိၼ်​မၼ်း ပဵၼ်​လိၼ်​ၼဵဝ်​ၸဝ်ႈ​မေႃႈ​ပွတ်း​ၼိုင်ႈ လဵၵ်း​ပွတ်း​ၼိုင်ႈ​ၼၼ်ႉ၊ တၵ်း​ပဵၼ် သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ၼင်ႇ​ၵၼ်​ၵၼ် ၽၢတ်ႇ​ၽႄ​ၵၼ်​တီႈ​ၶႃႈ​ဢေႃႈ။ ၵူၺ်း​ၵႃႈ ၵွပ်ႈ​ပိူဝ်ႈ​ဢၼ် ၸဝ်ႈ​ႁဝ်း​ၽၼ်​ႁၼ်​လဵၵ်း ဢိၵ်ႇ​တင်း လိၼ်​ၼဵဝ်​ဢၼ်​ၽဝ် လေႃး​လႄး​ၵၼ် ယူႇ​ၼၼ်ႉ​လႄႈ တၵ်း​မီး တၢင်း​ၵတ်ႉ​တၢင်း​ၶၼ် လဵၵ်း​ဢၼ်​ၵႅၼ်ႇ​ၶႅင် တီႈ​ၶႃႈ​ဢေႃႈ။-</verse>
				<verse number="42">မႅၼ်ႈ​ၸွမ်း ၵႃႈ​ၼင်ႇ​ဢၼ် ၼိဝ်ႉ​မၼ်း ပဵၼ်​လဵၵ်း​ပွတ်း​ၼိုင်ႈ လိၼ်​ၼဵဝ်​ပွတ်း​ၼိုင်ႈ ၼၼ်ႉ​လႄႈ သိုင်ႇ​ၸိုင်ႈ​ဝၢၼ်ႈ​မိူင်း​ၼၼ်ႉ တၵ်း​မီး တၢင်း​ဢၼ်​ၵႅၼ်ႇ​ၶႅင်​ၽၢၵ်ႇ​ၼိုင်ႈ ဢိၵ်ႇ​တင်း တၢင်း​ဢၼ်​ႁၵ်း​ႁဵၵ်း​ၵႂႃႇ ၽၢၵ်ႇ​ၼိုင်ႈ တီႈ​ၶႃႈ​ဢေႃႈ။-</verse>
				<verse number="43">မႅၼ်ႈ​ၸွမ်း ၵႃႈ​ၼင်ႇ​ဢၼ် ၸဝ်ႈ​ႁဝ်း​ၽၼ်​ႁၼ်​လဵၵ်း ဢိၵ်ႇ​တင်း လိၼ်​ၼဵဝ် ဢၼ်​ၽဝ်​လေႃး​လႄး​ၵၼ် ယူႇ​ၼၼ်ႉ​လႄႈ ၶဝ်​ၼၼ်ႉ တၵ်း​လေႃး​လႄး လူၺ်ႈ​ၵၼ်​တင်း​ၵူၼ်း တၢင်ႇ​ၸိူဝ်ႉ​တၢင်ႇ​မဵဝ်း​ဢေႃႈ။ ၵူၺ်း​ၵႃႈ​ၶဝ်​ၼၼ်ႉ တၵ်း​ဢမ်ႇ​ၽွမ်ႉ​သဵင်​ပဵင်း​ပၢၵ်ႇ ပဵၼ်​ဢၼ်​ၼိုင်ႈ ဢၼ်​လဵဝ်​ၵၼ် မိူၼ်​ၸိူဝ်ႉ​ၼင်ႇ​ဢၼ်​လဵၵ်း ဢိၵ်ႇ​တင်း လိၼ်​ၼဵဝ် ဢမ်ႇ​ပဵၼ်​ဢၼ်​ၼိုင်ႈ​ဢၼ်​လဵဝ်​ၵၼ်​လႆႈ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="44">ၼႂ်း​ၸူဝ်ႈ​ပၢၼ် ၶုၼ်​ႁေႃ​ၶမ်း ၸိူဝ်း​ၼၼ်ႉ၊ ၽြႃး​ပဵၼ်​ၸဝ်ႈ ၸဝ်ႈ​ၽုင်ႇ​ၵၢင်​ႁၢဝ် တၵ်း​ႁႂ်ႈ​သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ဢမ်ႇ​ႁွတ်ႈ​ထိုင် တၢင်း​ဢၼ်​လူႉ​လႅဝ်​လႆႈ​ၼၼ်ႉ ဢၼ်​ၼိုင်ႈ​တႄႇ​ပဵၼ်​ဢေႃႈ။ မိူင်း​ၼၼ်ႉ ယင်း​ဢမ်ႇ​လႆႈ​ႁွတ်ႈ​ထိုင် ၵႃႈ​ၼႂ်း​မိုဝ်း ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​လႄႈ တၵ်း​ႁၵ်း​ႁဵၵ်း သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ဝႃႈ​မႃး​ယဝ်ႉ ၸိူဝ်း​ၼၼ်ႉ လူႉ​လႅဝ်​ပႅတ်ႈ​သေ​လႄႈ တႄႇ​ယူႇ​တႃႇ​သေႇ မၼ်ႈ​ၶိူင်ႇ​တီႈ​ၶႃႈ​ဢေႃႈ။-</verse>
				<verse number="45">ၵွပ်ႈ​ပိူဝ်ႈ ဢၼ်​ၸဝ်ႈ​ႁဝ်း ၽၼ်​ႁၼ်​မၢၵ်ႇ​ႁိၼ်​လုၵ်ႈ​ၼိုင်ႈ ဢၼ်​ဢမ်ႇ​ဢဝ် မိုဝ်း​တွင်ႈ​မိုဝ်း​ႁဵတ်း ပဵၼ်​မႃး​ၵူၺ်း​မၼ်း​လႄႈ ငၢၵ်ႈ​ၵွၵ်း​ၽၢတ်ႇ​သေ ၵႃႈ​ၼိူဝ်​လွႆ​လူင်​မႃး သေ​လႄႈ ႁၵ်း​ႁဵၵ်း​လဵၵ်း၊ တွင်း​လိူင်၊ လိၼ်​ၼဵဝ်၊ ငိုၼ်း​ၶမ်း ၸိူဝ်း​ၼၼ်ႉ​ပႅတ်ႈ​ၼၼ်ႉ​လႄႈ၊ ၽြႃး​ပဵၼ်​ၸဝ်ႈ ဢၼ်​ယႂ်ႇ​မျၢတ်ႈ​ၼႃႇ​ၼၼ်ႉ မွၵ်ႇ​လၢတ်ႈ​လွင်ႈ​တၢင်း​ဢၼ် တၵ်း​ပဵၼ်​မႃး မိူဝ်ႈ​ၵမ်း​လိုၼ်း​ပုၼ်ႉ​ၼၼ်ႉ တီႈ​ၸဝ်ႈ​ၶုၼ်​လူင် တီႈ​ၶႃႈ​ဢေႃႈ။ တၢင်း​ဢၼ် ၽၼ်​ႁၼ်​ၸဝ်ႈ​ႁဝ်း မၼ်ႈ​ၶိူင်ႇ​လႄႈ ဢၼၢၵ်ႈ​မၼ်း​ၵေႃႈ မၢၼ်ႇ​မႅၼ်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="46">မိူဝ်ႈ​ၼၼ်ႉ ၶုၼ်​လူင်​ ၼေႇပူႉၶတ်ႉၼေႇၸႃႇ ၶုပ်ႉ​မူပ်ႇ​လႄႈ​ဝႆႈ​ၵူဝ်း​ၵႂၢႆႇ တၢၼ်ႇယေႇလႃႉ ​သေ​လႄႈ ၸီႇ​ယၢင်ႇ​ႁႂ်ႈ​ဢဝ်​ၶိူင်ႈ တၢင်း​ပုၵ်ႈ​ၸေႃႇ ဢိၵ်ႇ​တင်း မဵဝ်း​ၼၢမ်ႇ​သႃႇ သၢၵ်ႈ​ၵၢပ်ႈ​တီႈ​မၼ်း​လႄႈ၊-</verse>
				<verse number="47">ၶုၼ်​ႁေႃ​ၶမ်း လၢတ်ႈ​တီႈ​ တၢၼ်ႇယေႇလႃႉ ​လႄႈ​ဝႃႈ၊ ၵွပ်ႈ​ပိူဝ်ႈ ဢၼ်​ၸဝ်ႈ​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း ဢၼ်​လိုၵ်ႉ​ဢၼ်​လမ်ႇ​ၼႆႉ လႆႈ​လႄႈ၊ ၽြႃး​ပဵၼ်​ၸဝ်ႈ ၸဝ်ႈ​ၼၼ်ႉ ပဵၼ်​ၽြႃး ၼိူဝ်​ၽြႃး တင်း​လၢႆ ၸဝ်ႈ​ၼိူဝ်​ၶုၼ်​ႁေႃ​ၶမ်း တင်း​လၢႆ၊ ၸဝ်ႈ​ဢၼ် ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း ဢၼ်​လိုၵ်ႉ​ဢၼ်​လမ်ႇ တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="48">ၶုၼ်​ႁေႃ​ၶမ်း ယုၵ်ႉ​ယွင်ႈ တၢၼ်ႇယေႇလႃႉ ​သေ​လႄႈ ပၼ်​သူး​လၢပ်ႈ​ဢၼ်​ယႂ်ႇ ၼမ်​ၼႃႇ​လူင်​လၢင်​လႄႈ ၶၢၼ်း​မၼ်း​ဝႆႉ ႁႂ်ႈ​ပဵၼ်​ဝုၼ်ႇ​လူင် ၼႂ်း​မိူင်း​ ပႃႇပူႉလုၼ်ႇ ဢိၵ်ႇ​တင်း ဝုၼ်ႇ​ဢၼ်​ဢုပ်ႉ​ၵႃႈ​ၼိူဝ် ပိင်ႇ​ၺႃႇ​သီႉ​ ပႃႇပူႉလုၼ်ႇ ​တင်း​လၢႆ ဢေႃႈ။-</verse>
				<verse number="49">မိူဝ်ႈ​ၼၼ်ႉ တၢၼ်ႇယေႇလႃႉ လဝ်ႊ​ယွၼ်း​တီႈ ၶုၼ်​ႁေႃ​ၶမ်း​လႄႈ၊ ၶုၼ်​ႁေႃ​ၶမ်း​ၼၼ်ႉ ၶၢၼ်း​ သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ​ၸိူဝ်း​ၼၼ်ႉ​ဝႆႉ ႁႂ်ႈ​ပဵၼ်​ဝုၼ်ႇ​ၼႂ်း​မိူင်း​ ပႃႇပူႉလုၼ်ႇ ​လႄႈ တၢၼ်ႇယေႇလႃႉ ​ၸမ်ႉ၊ လႆႈ​ယူႇ​ၵႃႈ​ၼႂ်း​ၽၵ်း​တူ ၼႃႈ​ႁေႃ​ၶမ်း​ဢေႃႈ။</verse>
			</chapter>
			<chapter number="3">
				<verse number="1">ၶုၼ်​လူင်​ ၼေႇပူႉၶတ်ႉၼေႇၸႃႇ ​ၼၼ်ႉ ႁဵတ်း​ရုၵ်ႈ​ထူႉ​ၶမ်း ဢၼ်​တၢင်း​သုင်​မၼ်း​မီး ႁူၵ်း​သိပ်း​သွၵ်ႇ၊ တၢင်း​ၵႂၢင်ႈ​မၼ်း ႁူၵ်း​သွၵ်ႇ​ၼၼ်ႉ သေ​လႄႈ ဢဝ်​ပူၵ်း​တင်ႈ​ဝႆႉ​ၵႃႈ​တီႈ​ၼႂ်း ပၢင်ႇ​ပဵင်း​ တူႉရႃႉ ၵႃႈ​ၼႂ်း​မိူင်း​ ပႃႇပူႉလုၼ်ႇ ​ၼၼ်ႉ​ဢေႃႈ။-</verse>
				<verse number="2">ၶုၼ်​လူင်​ ၼေႇပူႉၶတ်ႉၼေႇၸႃႇ ​ၼၼ်ႉ ပွႆႇ​ၸႂ်ႉ​ၵူၼ်း​ႁွင်ႉ​ဢဝ် ၸဝ်ႈ​ၽႃႉ၊ မဵဝ်ႉ​ဝုၼ်ႇ၊ ၸဵတ်ႈ​ၵႄး ၊ ၵူၼ်း​လူင်​ဢၼ်​ၸီႇ​ယၢင်ႇ​တြႃး၊ ဝုၼ်ႇ​ၵဵပ်း​ၶွၼ်ႇ​ၸဝ်ႈ၊ မူး​မၢတ်ႈ​ၽွင်း​မိူင်း ဢၼ်​ႁူႉ​ဢမူႉ​တြႃး၊ မူး​မၢတ်ႈ​ၽွင်း​မိူင်း ဢၼ်​တိူင်ႇ​ပၢင်ႇ၊ ၵူၼ်း​ဢၼ်​မီး​ဢရႃႇ ၵႃႈ​ၼႂ်း​ဢိူင်ႇ ၼႂ်း​ၵျၢၵ်ႈ​မိူင်း​ၸဝ်ႈ တင်း​သဵင်ႈ​တင်း​လူင် ၼၼ်ႉ​မႃး ၸူႉ​ၵၼ်​တုမ်​ၵၼ်​ၵႃႈ​တီႈ ပွႆး​ဢၼ်​ႁဵတ်း ဢၼူႉမေႃးတၼႃႇ လူႇ​တၢၼ်း​ရုၵ်ႈ​ထူႉ ဢၼ် ၶုၼ်​လူင်​ ၼေႇပူႉၶတ်ႉၼေႇၸႃႇ ပူၵ်း​တင်ႈ​ဝႆႉ​ၼၼ်ႉ​လႄႈ၊-</verse>
				<verse number="3">ၸဝ်ႈ​ၽႃႉ၊ မဵဝ်ႉ​ဝုၼ်ႇ၊ ၸဵတ်ႈ​ၵႄး၊ ၵူၼ်း​လူင် ဢၼ်​ၸီႇ​ယၢင်ႇ​တြႃး၊ ဝုၼ်ႇ​ၵဵပ်း​ၶွၼ်ႇ​ၸဝ်ႈ၊ မူး​မၢတ်ႈ​ၽွင်း​မိူင်း ဢၼ်​ႁူႉ​ဢမူႉ​တြႃး၊ မူး​မၢတ်ႈ​ၽွင်း​မိူင်း ဢၼ်​တိူင်ႇ​ပၢင်ႇ၊ ၵူၼ်း​ဢၼ်​မီး​ဢရႃႇ ၵႃႈ​ၼႂ်း​ဢိူင်ႇ ၼႂ်း​ၵျၢၵ်ႈ​မိူင်း​ၸဝ်ႈ တင်း​သဵင်ႈ​တင်း​လူင် ၼၼ်ႉ ဢွၼ်​ၵၼ်​မႃး ၸူႉ​ၵၼ်​တုမ်​ၵၼ်​ၵႃႈ​တီႈ​ပွႆး ဢၼ်​ႁဵတ်း​ဢၼူႉမေႃးတၼႃႇ လူႇ​တၢၼ်း ရုၵ်ႈ​ထူႉ ဢၼ်​ၶုၼ်​လူင်​ ၼေႇပူႉၶတ်ႉၼေႇၸႃႇ ပူၵ်း​တင်ႈ​ဝႆႉ ၼၼ်ႉ​ဢေႃႈ။ ၶဝ်​ၼၼ်ႉ ဢွၼ်​ၵၼ် ၸုၵ်း​ယူႇ​ၵႃႈ​တီႈ ၽၢႆႇ​ၼႃႈ​ရုၵ်ႈ​ထူႉ ဢၼ်​ၶုၼ်​လူင် ၼေႇပူႉၶတ်ႉၼေႇၸႃႇ ​ပူၵ်း​တင်ႈ​ဝႆႉ ၼၼ်ႉ​ဢေႃႈ။-</verse>
				<verse number="4">မိူဝ်ႈ​ၼၼ်ႉ ၵူၼ်း​ဢၼ်​ပၢဝ်ႇ​ဢၼ်​သေႃႇ​ၵေႃႉ​ၼိုင်ႈ ႁွင်ႉ​ပၢဝ်ႇ​ႁွင်ႉ​သေႃႇ​လႄႈ​ဝႃႈ၊ ၵူၼ်း​မဵဝ်း​ဢၼ်​လၢတ်ႈ​ၵႂၢမ်း​ၽႃႇသႃႇ ၶေႃ​ၶေႃ ႁင်း​ၽႂ်​ႁင်း​မၼ်း ၶဝ်​ဢိူၺ်း၊ ဢမိင်ႉ​ၸဝ်ႈ​မီး​ၸမ်ႉ၊-</verse>
				<verse number="5">မိူဝ်ႈ​ဢၼ် သူ​လႆႈ​ငိၼ်း​သဵင်​တၢင်း​ဢၼ်​ပဝ်ႇ​ႁႆႇ ၸႃႉ​ၸဵမ်​ၼႄးၶရႃႇ၊ တိင်ႇ၊ ပီႇ၊ တရေႃး၊ ၵွင်​ၶဵတ်ႇ​လႄႈ တူႇရီႉယႃႇ​ၵူႈ​ၸိူဝ်ႉ​ၵူႈ​မဵဝ်း ၼၼ်ႉ​ၸိုင်၊ သူ​တၵ်း​လႆႈ​ဢွၼ်​ၵၼ် ၶုပ်ႉ​မူပ်ႇ​ၵူဝ်း​ၵႂၢႆႇ​ရုၵ်ႈ​ထူႉ​ၶမ်း ဢၼ်​ၶုၼ်​လူင်​ ၼေႇပူႉၶတ်ႉၼေႇၸႃႇ ပူၵ်း​တင်ႈ​ဝႆႉ​ၼႆႉ​ဢေႃႈ။-</verse>
				<verse number="6">ႁႂ်ႈ​ဢဝ်​ၵေႃႉ​ဢၼ်​ဢမ်ႇ​ၶုပ်ႉ​မူပ်ႇ၊ ဢမ်ႇ​ၵူဝ်း​ၵႂၢႆႇ​ၼၼ်ႉ ထိမ်ႈ​ၶျႃး​တူၵ်း​သႂ်ႇ​ၵႃႈ​ၼႂ်း​မုၵ်ႉ​ၽႆး ဢၼ်​လုၵ်ႉ​မႆႈ​ယူႇ​ၼၼ်ႉ ၵမ်း​လဵဝ်​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ပိူဝ်ႈ​ၼႆ​လႄႈ မိူဝ်ႈ​ဢၼ် ၵူၼ်း​မဵဝ်း​ၵႃႈ​မီး​ၼၼ်ႉ ငိၼ်း​သဵင်​တၢင်း​ဢၼ်​ပဝ်ႇ​ႁႆႇ ၸႃႉ​ၸဵမ်​ၼႄးၶရႃႇ၊ တိင်ႇ၊ ပီႇ၊ တရေႃး၊ ၵွင်​ၶဵတ်ႇ​လႄႈ တူႇရီႉယႃႇ​ၵူႈ​ၸိူဝ်ႉ​ၵူႈ​မဵဝ်း ၼၼ်ႉ​ၸိုင်၊ ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​လၢတ်ႈ​ၵႂၢမ်း​ၽႃႇသႃႇ ၶေႃ​ၶေႃ ႁင်း​ၽႂ်​ႁင်း​မၼ်း တင်း​သဵင်ႈ​တင်း​လူင် ၼၼ်ႉ ဢွၼ်​ၵၼ်​ၶုပ်ႉ​မူပ်ႇ​လႄႈ ၵူဝ်း​ၵႂၢႆႇ​ရုၵ်ႈ​ထူႉ​ၶမ်း ဢၼ်​ၶုၼ်​လူင်​ ၼေႇပူႉၶတ်ႉၼေႇၸႃႇ ပူၵ်း​တင်ႈ​ဝႆႉ​ၼၼ်ႉ​ဢေႃႈ။</verse>
				<verse number="8">မိူဝ်ႈ​ၼၼ်ႉ ၵမ်း​လဵဝ်၊ ၵူၼ်း​ ၶႃႇလတေး ​ၵမ်ႈ​ၽွင်ႈ ဢွၼ်​ၵၼ် သုတ်ႉ​ၸပ်း​သုတ်ႉ​ၸူး​လႄႈ တၢင်ႇ​ဢပႅတ်ႈ​တီႈ​ၵူၼ်း​ ယူႉတႃႉ ​တင်း​လၢႆ သေ​လႄႈ၊-</verse>
				<verse number="9">လဝ်ႊ​လၢတ်ႈ​တီႈ ၶုၼ်​လူင်​ ၼေႇပူႉၶတ်ႉၼေႇၸႃႇ ​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ႁႂ်ႈ​ဢသၢၵ်ႈ​ၸဝ်ႈ​ႁဝ်း​လိပ်း​ယူႇ တႃႇ​သေႇ မၼ်ႈ​ၶိူင်ႇ​သေ​ၵမ်း​လူၺ်ႈ​တီႈ​ၶႃႈ၊-</verse>
				<verse number="10">ၸဝ်ႈ​ၶုၼ်​လူင်​တီႈ​ၶႃႈ၊ ဢမိင်ႉ​ၸဝ်ႈ​ႁဝ်း​ဢၼ်​ဝႃႈ၊ ၵူၼ်း​ၵႃႈ​ဢၼ်​လႆႈ​ငိၼ်း​သဵင် တၢင်း​ဢၼ် ပဝ်ႇ​ႁႆႇ ၸႃႉ​ၸဵမ်​ၼႄးၶရႃႇ၊ တိင်ႇ၊ ပီႇ၊ တရေႃး၊ ၵွင်​ၶဵတ်ႇ​လႄႈ တူႇရီႉယႃႇ​ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ ၸိူဝ်း​ၼၼ်ႉ တၵ်း​လႆႈ​ဢွၼ်​ၵၼ် ၶုပ်ႉ​မူပ်ႇ​ၵူဝ်း​ၵႂၢႆႇ​ရုၵ်ႈ​ထူႉ​ၶမ်း​ဢေႃႈ။-</verse>
				<verse number="11">ႁႂ်ႈ​ဢဝ်​ၵေႃႉ​ဢၼ် ဢမ်ႇ​ၶုပ်ႉ​မူပ်ႇ၊ ဢမ်ႇ​ၵူဝ်း​ၵႂၢႆႇ​ၼၼ်ႉ ထိမ်ႈ​ၶျႃး​တူၵ်း​သႂ်ႇ​ၵႃႈ​ၼႂ်း မုၵ်ႉ​ၽႆး ဢၼ်​လုၵ်ႉ​မႆႈ​ယူႇ​ၼၼ်ႉ​သေ၊ ဝႃႈ​ၼင်ႇ​ၼႆ​ၼၼ်ႉ မီး​ယဝ်ႉ​တီႈ​ၶႃႈ​ဢေႃႈ။-</verse>
				<verse number="12">မီး​ၵူၼ်း​ ယူႉတႃႉ ဢၼ်​ၸဝ်ႈ​ႁဝ်း​ၶၢၼ်း​ဝႆႉ ႁႂ်ႈ​ပဵၼ်​ဝုၼ်ႇ ၵႃႈ​ၼႂ်း​မိူင်း​ ပႃႇပူႉလုၼ်ႇ ဢၼ်​ဝႃႈ သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ​ၸိူဝ်း​ၼၼ်ႉ တီႈ​ၶႃႈ​ဢေႃႈ။ ၸဝ်ႈ​ၶုၼ်​လူင်​တီႈ​ၶႃႈ၊ ၶဝ်​ၼၼ်ႉ ဢမ်ႇ​ႁဵတ်း​ပမႃႇၼႃႉ တီႈ​ဢမိင်ႉ​ၸဝ်ႈ​ႁဝ်း​တီႈ​ၶႃႈ၊ ဢမ်ႇ​ႁဵတ်း​ဝၢတ်ႈ​တီႈ ၽြႃး​ၸဝ်ႈ​ႁဝ်း ၸိူဝ်း​ၼၼ်ႉ တီႈ​ၶႃႈ၊ ရုၵ်ႈ​ထူႉ​ၶမ်း ဢၼ်​ၸဝ်ႈ​ႁဝ်း​ပူၵ်း​တင်ႈ​ဝႆႉ ၼႆႉ​ၵေႃႈ ၶဝ်​ဢမ်ႇ​ၵူဝ်း​ၵႂၢႆႇ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မိူဝ်ႈ​ၼၼ်ႉ ၶုၼ်​လူင်​ ၼေႇပူႉၶတ်ႉၼေႇၸႃႇ ​ၼၼ်ႉ ၸႂ်​မႆႈ​ၶႆႈ​ၸႃႉ​လႄႈ ဢၢႆ​ႁႅင်း​တေႃး​သႃႉ​မၼ်း ဢွၵ်ႇ​ႁႅင်း​ယႂ်ႇ​ၼႃႇ​လူင်​လၢင် သေ​လႄႈ မီး​ဢမိင်ႉ​ႁႂ်ႈ​ႁွင်ႉ​ဢဝ် သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ၶဝ်ႈ​မႃး​လႄႈ ၶဝ်​ဢွၼ်​ၵၼ် ႁွင်ႉ​ဢဝ်​ၶဝ်​ၼၼ်ႉ မႃး​တီႈ​ၶုၼ်​ႁေႃ​ၶမ်း ၸွမ်း​ၵႃႈ​ၼင်ႇ​ဢၼ် မီး​ဢမိင်ႉ​ၼၼ်ႉ​ဢေႃႈ။-</verse>
				<verse number="14">ၼေႇပူႉၶတ်ႉၼေႇၸႃႇ ​ၼၼ်ႉ မီး​ဢမိင်ႉ​တီႈ​ၶဝ် လႄႈ​ဝႃႈ၊ သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ​ၶဝ်​ဢိူၺ်း၊ သူ​မီး​တၢင်း​ၵျၢမ်ႇ​တၢင်း​ပွင် ဢၼ်​သူ​တၵ်း ဢမ်ႇ​ႁဵတ်း​ဝၢတ်ႈ တီႈ​ၽြႃး​ၵဝ်​လႄႈ ဢမ်ႇ​ၵူဝ်း​ၵႂၢႆႇ​ရုၵ်ႈ​ထူႉ​ၶမ်း ဢၼ်​ၵဝ်​ပူၵ်း​တင်ႈ​ဝႆႉ ၼၼ်ႉ​ႁိုဝ်။-</verse>
				<verse number="15">မိူဝ်ႈ​လဵဝ်​ၼႆႉ မိူဝ်ႈ​ဢၼ် သူ​လႆႈ​ငိၼ်း​သဵင် တၢင်း​ဢၼ်​ပဝ်ႇ​ႁႆႇ ၸႃႉ​ၸဵမ်​ၼႄးၶရႃႇ၊ တိင်ႇ၊ ပီႇ၊ တရေႃး၊ ၵွင်​ၶဵတ်ႇ​လႄႈ တူႇရီႉယႃႇ​ၵူႈ​ၸိူဝ်ႉ​ၵူႈ​မဵဝ်း ၸိူဝ်း​ၼၼ်ႉ၊ ပေႃး​သူ​မႄး​ႁႅၼ်း​ဝႆႉ ႁႂ်ႈ​လႆႈ​ၶုပ်ႉ​မူပ်ႇ​လႄႈ ၵူဝ်း​ၵႂၢႆႇ​ရုၵ်ႈ​ထူႉ​ဢၼ်​ၵဝ်​ႁဵတ်း ၼႆႉ​ၸိုင်၊ လီ​ယဝ်ႉ။ ပေႃး​ဢမ်ႇ​ၵူဝ်း​ၵႂၢႆႇ​ၸိုင်၊ တၵ်း​လႆႈ​ဢဝ်​သူ ထိမ်ႈ​တူၵ်း​သႂ်ႇ ၵႃႈ​ၼႂ်း​မုၵ်ႉ​ၽႆး ဢၼ်​လုၵ်ႉ​မႆႈ​ယူႇ​ၼၼ်ႉ ၵမ်း​လဵဝ်​ဢေႃႈ။ ၽြႃး​ဢၼ်​တၵ်း ၵႄႇ​သႄႇ ဢဝ်​သူ​လွတ်ႈ​သေ ၵႃႈ​ၼႂ်း​မိုဝ်း​ၵဝ်​ၼႆႉ​ၸမ်ႉ၊ မီး​ၽြႃး​ဢၼ်​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ​ၸိူဝ်း​ၼၼ်ႉ​ၵေႃႈ လဝ်ႊ​လၢတ်ႈ​တီႈ ၶုၼ်​လူင်​ ၼေႇပူႉၶတ်ႉၼေႇၸႃႇ ​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ် ဢမ်ႇ​မီး​လွင်ႈ​ဢၼ် တၵ်း​လႆႈ​ၶိုၼ်း​လၢတ်ႈ လူၺ်ႈ​လွင်ႈ တီႈ​ႁဵင်း​ၼႆႉ တီႈ​ၸဝ်ႈ​ႁဝ်း တီႈ​ၶႃႈ၊-</verse>
				<verse number="17">ပေႃး​ၽြႃး​ပဵၼ်​ၸဝ်ႈ ဢၼ်​ၶႃႈ​ၸဝ်ႈ​ႁဝ်း​ၶဝ် ၵူဝ်း​ၵႂၢႆႇ​ၼၼ်ႉ ၵႄႇ​သႄႇ ၼုၵ်ႈ​ဢဝ်​ၶႃႈ​ၸဝ်ႈ​ႁဝ်း​ၶဝ် ဢွၵ်ႇ​သေ​ၵႃႈ​ၼႂ်း​မုၵ်ႉ​ၽႆး ဢၼ်​လုၵ်ႉ​မႆႈ​ယူႇ​ၼၼ်ႉ လႆႈ​ၸိုင်၊ ၵႃႈ​ၼႂ်း​မိုဝ်း​ၸဝ်ႈ​ႁဝ်း​ၵေႃႈ မၼ်း​ၸဝ်ႈ​တၵ်း ၵႄႇ​သႄႇ ၼုၵ်ႈ​ဢဝ် ၶႃႈ​ၸဝ်ႈ​ႁဝ်း​ၶဝ်​လႆႈ​ယူႇ တီႈ​ၶႃႈ​ဢေႃႈ။-</verse>
				<verse number="18">ပိၵ်ႉ​သမ်ႉ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ် သေ​ၵေႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ႁႂ်ႈ​ၸဝ်ႈ​ႁဝ်း​လႆႈ​ႁူႉ လွင်ႈ​ဢၼ်​ၶႃႈ​ၸဝ်ႈ​ႁဝ်း​ၶဝ် ဢမ်ႇ​ႁဵတ်း​ဝၢတ်ႈ တီႈ​ၽြႃး​ၸဝ်ႈ​ႁဝ်း ၸိူဝ်း​ၼၼ်ႉ​လႄႈ ဢမ်ႇ​ၵူဝ်း​ၵႂၢႆႇ​ရုၵ်ႈ​ထူႉ ဢၼ်​ၸဝ်ႈ​ႁဝ်း​ပူၵ်း​တင်ႈ​ဝႆႉ ၼႆႉ​ၼၼ်ႉ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မိူဝ်ႈ​ၼၼ်ႉ ၶုၼ်​လူင်​ ၼေႇပူႉၶတ်ႉၼေႇၸႃႇ ​ၼၼ်ႉ တဵမ်​ဝႆႉ​တၢင်း​ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ ဢၼ်​ႁႅင်း​ယႂ်ႇ​ၼႃႇ​လူင်​လၢင်​ၼၼ်ႉ​လႄႈ ၶၢႆႉ​ပုတ်ႈ​ၼႃႈ​မၼ်း​တေႃႇ သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ​ၸိူဝ်း​ၼၼ်ႉ​ယူႇ သေ​လႄႈ ဢွၵ်ႇ​သူပ်း မီး​ဢမိင်ႉ​ႁႂ်ႈ​ၶဝ်​ႁဵတ်း​ႁႂ်ႈ မုၵ်ႉ​ၽႆး​ၼၼ်ႉ ယဵင်ႈ​ၶႅၼ်း​မႆႈ လိူဝ်​တွၼ်း​ၼႃႇ​သေ မိူဝ်ႈ​ဢွၼ်​တၢင်း​ၼၼ်ႉ ၸဵတ်း​ပုၼ်ႈ​ဢေႃႈ။-</verse>
				<verse number="20">မၼ်း​သမ်ႉ မီး​ဢမိင်ႉ​တီႈ ႁူဝ်​ႁၢၼ်​ၵူၼ်း​သိုၵ်း ဢၼ်​ႁႅင်း​ယႂ်ႇ​ၼႃႇ ၵမ်ႈ​ၽွင်ႈ​ႁႂ်ႈ​ၶဝ်​မတ်ႉ​ၽုၵ်ႇ​ဢဝ် သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ​ၸိူဝ်း​ၼၼ်ႉ ထိမ်ႈ​တူၵ်း​သႂ်ႇ​ၵႃႈ​ၼႂ်း​မုၵ်ႉ​ၽႆး ဢၼ်​လုၵ်ႉ​မႆႈ​ယူႇ​ၼၼ်ႉ​လႄႈ၊-</verse>
				<verse number="21">ၵူၼ်း​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ် မတ်ႉ​ၽုၵ်ႇ​ဢဝ် ပႃး​လူၺ်ႈ​ၵၼ်​တင်း​ၵူၼ်၊ သိူဝ်ႈ၊ သိူဝ်ႈ​ယၢဝ်း၊ ၶူဝ်း​ၼုင်ႈ​ၶဝ်​သေ​လႄႈ ထိမ်ႈ​တူၵ်း​သႂ်ႇ​ၵႃႈ​ၼႂ်း​မုၵ်ႉ​ၽႆး ဢၼ်​လုၵ်ႉ​မႆႈ​ယူႇ ၼၼ်ႉ​ဢေႃႈ။-</verse>
				<verse number="22">ၵွပ်ႈ​ပိူဝ်ႈ​ဢၼ် ဢမိင်ႉ​ၶုၼ်​ႁေႃ​ၶမ်း ႁိပ်ႈ​ၼႅတ်ႈ​လႄႈ မုၵ်ႉ​ၽႆး​ၼၼ်ႉ​မႆႈ​ၼႃႇ​လူင်​လၢင် ၼၼ်ႉ​လႄႈ၊ ပဵဝ်​ၽႆး​ႁုပ်ႇ​မႆႈ​ၶဝ်​ၸိူဝ်း​ဢၼ် တိုတ်ႉ​ၸၼ်​ဢဝ်​ သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ​ၸိူဝ်း​ၼၼ်ႉ​ၼၼ်ႉ​တၢႆ​ဢေႃႈ။-</verse>
				<verse number="23">ၶဝ်​သၢမ်​ၵေႃႉ၊ သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ​ၸိူဝ်း​ၼၼ်ႉ​ၸမ်ႉ၊ ၶၢမ်ႇ​တၢင်း​ဢၼ်​မတ်ႉ​ၽုၵ်ႇ​ယူႇ သေ​လႄႈ တူၵ်း​ႁွတ်ႈ​ၵႃႈ​ၼႂ်း​မုၵ်ႉ​ၽႆး ဢၼ်​လုၵ်ႉ​မႆႈ ႁႅင်း​ယႂ်ႇ​ၼႃႇ​လူင်​လၢင် ၼၼ်ႉ​ဢေႃႈ။-</verse>
				<verse number="24">မိူဝ်ႈ​ၼၼ်ႉ ၶုၼ်​ ၼေႇပူႉၶတ်ႉၼေႇၸႃႇ ​ၼၼ်ႉ မီး​တၢင်း​ဢၼ်​ဢၢမ်း​ၼႃႇ ၵႂင်​ၸႂ်​ယုင်ႈ​ၸႂ် ယူႇ​သေ​လႄႈ လုၵ်ႉ​ၶၼ်​ၶၼ်​ၽႂ်း​ၽႂ်း လႄႈ ထၢမ်​တီႈ​မူး​မၢတ်ႈ ၽွင်း​မိူင်း ဢၼ်​တိူင်ႇ​ပၢင်ႇ​ၸိူဝ်း​ၼၼ်ႉ လႄႈ​ဝႃႈ၊ ႁဝ်း​မတ်ႉ​ၽုၵ်ႇ​ဢဝ် ၵူၼ်း​သၢမ်​ၵေႃႉ ထိမ်ႈ​တူၵ်း​သႂ်ႇ ၵႃႈ​ၼႂ်း​ၽႆး​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​လႄႈ ၶဝ်​ၼၼ်ႉ ဢွၼ်​ၵၼ်​ၶိုၼ်း​လဝ်ႊ​လၢတ်ႈ​တီႈ ၶုၼ်​ႁေႃ​ၶမ်း​လႄႈ​ဝႃႈ၊ ၸႂ်ႈ​တီႈ​ၶႃႈ​ယဝ်ႉ၊ ၸဝ်ႈ​ၶုၼ်​လူင်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မၼ်း​မီး​ဢမိင်ႉ​လႄႈ​ဝႃႈ၊ တူၺ်း​လူး။ ၵဝ်​ႁၼ်​ၵူၼ်း​သီႇ​ၵေႃႉ ယင်း​ဢမ်ႇ​မီး တၢင်း​ဢၼ်​မတ်ႉ ဢၼ်​ၽုၵ်ႇ​လႄႈ ၵႂႃႇ​မႃး​ယူႇ​ၵႃႈ​ၼႂ်း​ၵၢင်​ၽႆး​လႄႈ ၵၢင်း​လွတ်ႈ​တင်း​ၽေး​ဢူႉ​ပၢတ်ႈ​ယူႇ လူင်​ပႄႇ။ ၵေႃႉ​ၸတုၵ်ႉထႃႉ​ၼၼ်ႉ မီး​ႁၢင်ႈ​ၽၢင် လုၵ်ႈ​ၽြႃး​ပဵၼ်​ၸဝ်ႈ တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊</verse>
				<verse number="26">ၼေႇပူႉၶတ်ႉၼေႇၸႃႇ သုတ်ႉ​ၸပ်း​သုတ်ႉ​ၸူး ၵႃႈ​တီႈ​ႁိမ်း​ပၢၵ်ႇ​မုၵ်ႉ​ၽႆး ဢၼ်​လုၵ်ႉ​မႆႈ​ယူႇ​ၼၼ်ႉ သေ​လႄႈ မီး​ဢမိင်ႉ​လႄႈ​ဝႃႈ၊ သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ၊ ၶႃႈ​ၽြႃး​ပဵၼ်​ၸဝ်ႈ ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ၶဝ်​ဢိူၺ်း၊ ဢွၼ်​ၵၼ် ဢွၵ်ႇ​လႄႈ​မႃး​ၵႃႈ​တီႈ​ၼႆႈ​တႃႉ၊ ဝႃႈ​ၼင်ႇ​ၼႆ​လႄႈ သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​သေ ၵႃႈ​ၼႂ်း​ၽႆး​မႃး​ဢေႃႈ။-</verse>
				<verse number="27">မိူဝ်ႈ​ၼၼ်ႉ ၸဝ်ႈ​ၽႃႉ၊ မဵဝ်ႉ​ဝုၼ်ႇ၊ ၸဵတ်ႈ​ၵႄး၊ ၵူၼ်း​လူင်​ဢၼ်​ၸီႇ​ယၢင်ႇ​တြႃး၊ ဢတႂၢင်းဝုၼ်ႇ တင်း​လၢႆ ဢွၼ်​ၵၼ်​ဢုမ်ႇ​လွမ်ႉ​ႁွပ်ႈ သေ​လႄႈ လူ​တူၺ်း​ၶဝ်​လႄႈ ႁၼ်​လွင်ႈ​ဢၼ် ၽႆး​ဢမ်ႇ​မႆႈ​တူဝ်​ၶဝ်​လႆႈ သဵၼ်ႈ​ၶူၼ်​ႁူဝ်​ၶဝ်​ၵေႃႈ ဢမ်ႇ​ၶႅမ်ႈ​သေ​သဵၼ်ႈ၊ သိူဝ်ႈ​ယၢဝ်း​ၶဝ်​ၵေႃႈ ဢမ်ႇ​မီး​တၢင်း​ဢၼ် လၢၵ်ႇ​ၵႂႃႇ​ပိူင်ႈ​ၵႂႃႇ၊ ဢၢႆ​ဢၼ်​ၽႆး​မႆႈ​ၵေႃႈ ဢမ်ႇ​မီး​လႃး​လႃး ၼၼ်ႉ​ဢေႃႈ။-</verse>
				<verse number="28">ၶုၼ်​လူင်​ ၼေႇပူႉၶတ်ႉၼေႇၸႃႇ ​ၵေႃႈ မီး​ဢမိင်ႉ​လႄႈ​ဝႃႈ၊ ႁႂ်ႈ​ၽြႃး​ပဵၼ်​ၸဝ်ႈ သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ​ၼႆႉ​ၼၼ်ႉ မီး​မင်ႇၵလႃႇ သေ​ၵမ်း​လူၺ်ႈ။ မၼ်း​ၸဝ်ႈ​ၼၼ်ႉ ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​မႃး​လႄႈ ၵႄႇ​သႄႇ ၶျွတ်ႈ​ဢဝ်​ၶႃႈ​မၼ်း​ၸဝ်ႈ ဢၼ်​ယုမ်ႇ​မၢတ်ႈ ၸႂ်​လီ​လူၺ်ႈ​မၼ်း​ၸဝ်ႈ​လႄႈ ပူၼ်ႉ​လိူဝ်​ဢမိင်ႉ​ၶုၼ်​လူင် သေ​လႄႈ ဢဝ်​တူဝ်​ၶၼ်ႇ​ထႃႇ​ၶဝ်​ဢၢပ်ႈ​ပၼ် ႁႂ်ႈ​ဢမ်ႇ​လႆႈ ႁဵတ်း​ဝၢတ်ႈ ၵူဝ်း​ၵႂၢႆႇ​ၽြႃး တၢင်ႇ​သူႇ​တၢင်ႇ​ပႃး ၼွၵ်ႈ​သေ ၽြႃး​ပဵၼ်​ၸဝ်ႈ ၶဝ်​ၼၼ်ႉ​ယဝ်ႉ။-</verse>
				<verse number="29">ပိူဝ်ႈ​ၼႆ​လႄႈ ၵဝ်​ပူင်​ဢမိင်ႉ​လႄႈ​ဝႃႈ၊ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​လၢတ်ႈ​ၵႂၢမ်း​ၽႃႇသႃႇ ၶေႃ​ၶေႃ ႁင်း​ၽႂ်​ႁင်း​မၼ်း​ၼၼ်ႉ ၵေႃႉ​ဢၼ်​လၢတ်ႈ​ၵႂၢမ်း ဢၼ်​ၽိတ်း​ပိူင်ႈ​တီႈ ၽြႃး​ပဵၼ်​ၸဝ်ႈ သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ​ၼႆႉ​ၼၼ်ႉ တၵ်း​လႆႈ ၶၢမ်ႇ​တၢင်း​ဢၼ် တႅပ်း​ၽၼ်း​ပဵၼ်​ပွတ်း ပဵၼ်​တွၼ်ႈ​ပႅတ်ႈ​လႄႈ ႁိူၼ်း​မၼ်း​ၵေႃႈ တၵ်း​လႆႈ​ႁႂ်ႈ​ပဵၼ်​ၵွင်​ၶီႈ​ဝူဝ်း​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ တၢင်း​ဢၼ် ၵႄႇ​သႄႇ​ၶျွတ်ႈ​ဢဝ် ဢၼ်​ထၢၼ်ႇ​ၼႆႉ​ၸိုင်၊ ၼွၵ်ႈ​သေ ၽြႃး​ပဵၼ်​ၸဝ်ႈ ၼၼ်ႉ ၽြႃး​သူႇ​လႂ်​ပႃး​လႂ် ဢမ်ႇ​တၢတ်ႈ​ၼိူင်ႇ​လႆႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="30">ၶုၼ်​ႁေႃ​ၶမ်း​ယုၵ်ႉ​ယွင်ႈ သႃႇတရႅၵ်ႉ၊ မေႇသႅၵ်ႉ၊ ဢပေႇတၼေႇၵေႃး ဝႆႉ​ၵႃႈ​ၼႂ်း​မိူင်း ပႃႇပူႉလုၼ်ႇ ​ဢေႃႈ။</verse>
			</chapter>
			<chapter number="4">
				<verse number="1">ၵဝ်​ၶုၼ်​လူင် ၼေႇပူႉၶတ်ႉၼေႇၸႃႇ သင်ႇ​လၢတ်ႈ​ၵႂႃႇ​တီႈ​ၵူၼ်း ၵူႈ​ၸိူဝ်ႉ​ၵူႈ​မဵဝ်း ဢၼ်​ယူႇ​ၵူႈ​တီႈ​ၵူႈ​လႅၼ် ၵႃႈ​ၼိူဝ်​ၼႃႈ​လိၼ်​မိူင်း တင်း​ၼႃႈ​လႄႈ လၢတ်ႈ​ၵႂၢမ်း​ၽႃႇသႃႇ ၶေႃ​ၶေႃ ႁင်း​ၽႂ်​ႁင်း​မၼ်း တင်း​သဵင်ႈ​တင်း​လူင် ဢေႃႈ။ ႁႂ်ႈ​တၢင်း​ဢၼ်​ၼိမ်​ဢၼ်​လီ ၵတ်း​ယဵၼ်​ၶျၢမ်း​သႃႇ မီး​ၼမ်​ၼႃႇ​တီႈ​သူ သေ​ၵမ်း​လူၺ်ႈ။-</verse>
				<verse number="2">ၵဝ်​မီး​ဢလူဝ်ႇ ၶႂ်ႈ​မွၵ်ႇ​လၢတ်ႈ ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ လွင်ႈ​တၢင်း​ဢၼ်​လီ​ဢၢမ်း ဢၼ်​ၽြႃး​ပဵၼ်​ၸဝ်ႈ ဢၼ်​မျၢတ်ႈ​သုင်​ၼႃႇ သေ​ပိူၼ်ႈ​ၼၼ်ႉ ႁဵတ်း​တီႈ​ၵဝ်​ၼၼ်ႉ​ဢေႃႈ။-</verse>
				<verse number="3">ၼီႉမိၵ်ႈ​လၢၵ်ႈၶၼႃႇ​မၼ်း​ၸဝ်ႈ ၸိူဝ်း​ၼၼ်ႉ ပဵၼ်​ဢၼ်​ယႂ်ႇ​ၼႃႇ​လူင်​လၢင်​လႄႈ လွင်ႈ​တၢင်း​ဢၼ်​လီ​ဢၢမ်း​မၼ်း​ၸဝ်ႈ ၸိူဝ်း​ၼၼ်ႉ​ၵေႃႈ ပျေႉ​ၸုမ်ႇ​တင်း​တၼ်း​ၶူဝ်း​ဢေႃႈ။ မိူင်း​မၼ်း​ၸဝ်ႈ​ၼၼ်ႉ ပဵၼ်​မိူင်း​ထႃႇဝရႃႉ​လႄႈ ဢႃႇၼႃႇၸၢၵ်ႈ​မၼ်း​ၸဝ်ႈ​ၵေႃႈ တႄႇ​ယူႇ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း​ဢေႃႈ။-</verse>
				<verse number="4">ၵဝ် ၼေႇပူႉၶတ်ႉၼေႇၸႃႇ ​ၼႆႉ ယူႇ​တဵတ်ႇ​လီ​ၼိမ်​လီ​ယူႇ ၵႃႈ​ၼႂ်း​ႁၢင်ႈ​ၼႂ်း​ႁေႃ​ၵဝ်​လႄႈ ၸေး​ၸိမ်ႇ​ယႂ်ႇ​ၼႃႇ ၵႃႈ​ၼႂ်း​ႁေႃ​ၶမ်း​ၵဝ် ယူႇ​လႄႈ၊-</verse>
				<verse number="5">ၽၼ်​ႁၼ်​တၢင်း​ဢၼ်​ၽၼ်​ႁၼ် ဢၼ်​ႁႂ်ႈ​ၵဝ်​ၵူဝ်​ႁႄ ၼၼ်ႉ​လႄႈ တၢင်း​ဢၼ် ၵဝ်​ၶႆႈ​ၸႂ်​ဝူၼ်ႉ​ၸႂ်​ယူႇ ၵႃႈ​ၼိူဝ်​ၵူႇ​တီႈ​ၼွၼ်း တင်း​လၢႆ ဢိၵ်ႇ​တင်း ရူႇပႃႇရူင်ႇ​ဢၼ်​ပေႃႇ​မႃး ၵႃႈ​ၼႂ်း​ၵွၵ်း​ႁူဝ်​ၵဝ် ၸိူဝ်း​ၼၼ်ႉ ႁႂ်ႈ​ၵဝ်​ႁွတ်ႈ​ထိုင်​တၢင်း​ဢၼ် သၼ်ႇ​ဝႆ​ၶွၼ်း​ၶဝ်ႇ​ယူႇ​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ ၵဝ်​ပူင်​ဢမိင်ႉ​ႁႂ်ႈ​ဢဝ် ပိင်ႇ​ၺႃႇ​သီႉ​ ပႃႇပူႉလုၼ်ႇ ​ၵႃႈ​မီး သႂၢင်း​ၶဝ်ႈ​ၵႃႈ​တီႈ​ၵဝ်​ဢေႃႈ။-</verse>
				<verse number="7">မိူဝ်ႈ​ၼၼ်ႉ မႃႇ​ၵူႉ​ပိင်ႇ​ၺႃႇ​သီႉ၊ မေႃ​ပေႇ​တၢင်ႇ၊ သြႃႇ​ ၶႃႇလတေး ၊ သြႃႇ​ဢၼႃႇၵၢတ်ႈတီႉ တင်း​လၢႆ ဢွၼ်​ၵၼ်​ၶဝ်ႈ​မႃး​လႄႈ၊ ၵဝ်​ၶိုၼ်း​လၢတ်ႈ တၢင်း​ဢၼ်​ၽၼ်​ႁၼ် ဢၼ်​ၵဝ်​ၽၼ်​ႁၼ်​ၼၼ်ႉ တီႈ​ၶဝ်​ဢေႃႈ။ ၵူၺ်း​ၵႃႈ​ၶဝ်​ၼၼ်ႉ ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး​ဢၼၢၵ်ႈ မၼ်း​လႆႈ။-</verse>
				<verse number="8">လိုၼ်း​သုတ်း​ပိူၼ်ႈ ၼၼ်ႉ၊ တၢၼ်ႇယေႇလႃႉ ဢၼ်​လႆႈ​ၸိုဝ်ႈ​လႆႈ​သဵင် ပေႇလတႃႉသႃႇၸႃႇ ၸွမ်း​လူၺ်ႈ ၼႃႇ​မႃႉ​ၸိုဝ်ႈ​သဵင်​ၽြႃး ဢၼ်​ၵဝ်​ၵူဝ်း​ၵႂၢႆႇ ၼၼ်ႉ​လႄႈ ပျေႉ​ၸုမ်ႇ​ဝႆႉ တင်း​ဝီႉၺိၺ်ႇ​ၽြႃး ဢၼ်​မူတ်း​ၸၢင်ႇ တင်း​လၢႆ​ၼၼ်ႉ ၶဝ်ႈ​မႃး​တီႈ​ၵဝ်​လႄႈ၊ ၵဝ်​ၶိုၼ်း​လၢတ်ႈ တၢင်း​ဢၼ် ၵဝ်​ၽၼ်​ႁၼ်​ၼၼ်ႉ ၵႃႈ​တီႈ​ၽၢႆႇ​ၼႃႈ​မၼ်း​လႄႈ​ဝႃႈ၊-</verse>
				<verse number="9">ပေႇလတႃႉသႃႇၸႃႇ ဢၼ်​ဢုပ်ႉ​ၵႃႈ​ၼိူဝ် မႃႇ​ၵူႉ​ပိင်ႇ​ၺႃႇ​သီႉ တင်း​လၢႆ ၼႆႉ​ဢိူၺ်း၊ ၵဝ်​ႁူႉ​လွင်ႈ​ဢၼ်​မႂ်း ပျေႉ​ၸုမ်ႇ​ဝႆႉ​တင်း ဝီႉၺိၺ်ႇ​ၽြႃး ဢၼ်​မူတ်း​ၸၢင်ႇ တင်း​လၢႆ ၼၼ်ႉ​လႄႈ လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၵႃႈ​မီး ဢမ်ႇ​ပဵၼ်​ဢၼ် ယၢပ်ႇ​ၸႂ်​ၽိုတ်ႇ​ၸႂ်​မႂ်း သေ​ၸိူဝ်ႉ​သေ​ပိူင် ၼၼ်ႉ​ယူႇ​ဢေႃႈ။ ပိူဝ်ႈ​ၼႆ​လႄႈ ၽုၺ်ႇ​ဢွၵ်ႇ​ၼႄ​ပျႃး​ရူႇပႃႇရူင်ႇ တၢင်း​ၽၼ်​ႁၼ် ဢၼ်​ၵဝ်​လႆႈ​ၽၼ်​ႁၼ်​ၼၼ်ႉ ဢိၵ်ႇ​တင်း ဢၼၢၵ်ႈ​မၼ်း​တႃႉ။-</verse>
				<verse number="10">ရူႇပႃႇရူင်ႇ ဢၼ်​ပေႃႇ​မႃး​ၵႃႈ​ၼႂ်း ၵွၵ်း​ႁူဝ်​ၵဝ်​ၵႃႈ​ၼိူဝ် ၵူႇ​တီႈ​ၼွၼ်း​ၵဝ်​ၼၼ်ႉ​ၸမ်ႉ၊ ၵဝ်​လူ​တူၺ်း​လႄႈ မီး​တူၼ်ႈ​မႆႉ​တူၼ်ႈ​ၼိုင်ႈ ၵႃႈ​တီႈ​ၶိုင်ႈ​ၵၢင်​လိၼ်​မိူင်း တၢင်း​သုင်​မၼ်း ပဵၼ်​ဢၼ်​သုင်​ၼႃႇ​ဢေႃႈ။-</verse>
				<verse number="11">တူၼ်ႈ​ၼၼ်ႉ ယႂ်ႇ​မႃး​လႄႈ ပဵၼ်​ဢၼ်​ၵႅၼ်ႇ​ဢၼ်​ၶႅင်​ဢေႃႈ။ ဢၼ်​သုင်​မၼ်း ၶိုတ်း​ထိုင်​ၽႃႉ​ၵၢင်​ႁၢဝ်​လႄႈ ပဵၼ်​ဢၼ် မုင်ႈ​ႁၼ်​မၼ်း တေႃႇ​ထိုင်​ႁွတ်ႈ ၵႃႈ​တီႈ​ႁိမ်း​လႅၼ်​သုတ်း​လိၼ်​မိူင်း​ဢေႃႈ။-</verse>
				<verse number="12">မႂ်​မၼ်း​ပဵၼ်​ဢၼ်​ႁၢင်ႈ​လီ​လႄႈ မၢၵ်ႇ​မၼ်း​လိူင်ႇ​ၼမ်​ၼႃႇ​လႄႈ ပဵၼ်​ပုၼ်ႈ​ဢၼ်​သတ်ႉတဝႃႇ တင်း​သဵင်ႈ​တင်း​လူင် တၵ်း​ၵိၼ်​ဢေႃႈ။ တရိၵ်ႈသၢၼ်ႇ​ၵႃႈ​ၼိူဝ်​လိၼ် တင်း​လၢႆ ဢွၼ်​ၵၼ်​သွၼ်ႈ​ပိုင်ႈ​ယူႇ ၵႃႈ​တီႈ​တႂ်ႈ​ႁူမ်ႈ​မၼ်း​လႄႈ ၼူၵ်ႉ​ၵၢင်​ႁၢဝ် တင်း​လၢႆ ဢွၼ်​ၵၼ် လိုဝ်ႈ​ၸပ်း​ယူႇ ၵႃႈ​တီႈ​ၵိင်ႇ​မၼ်း​ၶႃႊ​မၼ်း​ဢေႃႈ။ သတ်ႉတဝႃႇ တင်း​သဵင်ႈ​တင်း​လူင် လႆႈ​ၵိၼ်​တီႈ​မၼ်း​ဢေႃႈ။-</verse>
				<verse number="13">လႆႈ​သမ်ႉ​ၵဝ်​ႁၼ်​ၼႂ်း ရူႇပႃႇရူင်ႇ ဢၼ်​ပေႃႇ​မႃး​ၵႃႈ​ၼႂ်း ၵွၵ်း​ႁူဝ်​ၵဝ် ၵႃႈ​ၼိူဝ်​ၵူႇ​တီႈ​ၼွၼ်း​ၵဝ် ၼၼ်ႉ​လႄႈ ၵေႃႉ​ဢၼ်​လႆႈ​ပႂ်ႉ၊ ၵေႃႉ​ဢၼ်​မူတ်း​ၸၢင်ႇ​ၼၼ်ႉ​ၵေႃႉ​ၼိုင်ႈ လူင်း​သေ​ၵႃႈ​ၼိူဝ်​ၵၢင်​ႁၢဝ်​မႃး​လႄႈ​-</verse>
				<verse number="14">ႁွင်ႉ​ပၢဝ်ႇ​ႁွင်ႉ​သေႃႇ လႄႈ​ဝႃႈ၊ ပမ်ႈ​တူၼ်ႈ​မႆႉ​ၼၼ်ႉ​လူမ်ႉ​ပႅတ်ႈ​လႄႈ တႅပ်း​ၽၼ်း​ၵိင်ႇ​မၼ်း ၶႃႊ​မၼ်း​ပႅတ်ႈ​တႃႉ။ တိုတ်ႉ​ႁွတ်ႈ​ဢဝ်​မႂ်​မၼ်း​ပႅတ်ႈ​လႄႈ ဢဝ်​မၢၵ်ႇ​မၼ်း​ၽၢဝ်ႇ​ပိုၼ်​ပႅတ်ႈ​တႃႉ။ ႁႂ်ႈ​တရိၵ်ႈသၢၼ်ႇ တင်း​လၢႆ ဢွၼ်​ၵၼ် ဢွၵ်ႇ​သေ​ၵႃႈ​တီႈ​တႂ်ႈ​မၼ်း​လႄႈ ႁႂ်ႈ​ၼူၵ်ႉ တင်း​လၢႆ ဢွၼ်​ၵၼ် ဢွၵ်ႇ​သေ ၵႃႈ​ၼႂ်း​ၵိင်ႇ​မၼ်း​ၶႃႊ​မၼ်း​ၵႂႃႇ​သေ။-</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ ႁႂ်ႈ​တေႃ​ႁၢၵ်ႈ​မၼ်း ဢၼ်​ၸပ်း​လိၼ်​ၼၼ်ႉ မီး​တၢင်း​ဢၼ်​မတ်ႉ​ၽုၵ်ႇ​ဝႆႉ လူၺ်ႈ​ၸိူၵ်ႈ​လဵၵ်း ၸိူၵ်ႈ​တွင်း​လိူင် ၵႃႈ​ၼႂ်း​တူၼ်ႈ​ယိူဝ်ႈ​တူၼ်ႈ​ယႃႈ ဢၼ်​ၼုမ်ႇ​လီ​ၶဵဝ်​လီ​ၼၼ်ႉ​လႄႈ ၵိုတ်း​ၵျၢၼ်ႇ​ဝႆႉ​တႃႉ။ ႁႂ်ႈ​မၼ်း​လႆႈ​ၶၢမ်ႇ​တၢင်း​ဢၼ် ယမ်း​ၽူၼ် ယမ်း​ၼၢႆး​လႄႈ ႁူမ်ႈ​ပွင်း​လူၺ်ႈ​ၵၼ် တင်း​တရိၵ်ႈသၢၼ်ႇ တင်း​လၢႆ​ယူႇ ၵႃႈ​တီႈ​ယိူဝ်ႈ​တီႈ​ယႃႈ ၵႃႈ​ၼိူဝ်​လိၼ်​မိူင်း​တႃႉ။-</verse>
				<verse number="16">ႁႂ်ႈ​ၸႂ်​သၽေႃး ၵူၼ်း​ႁၢႆ​သေ ၵႃႈ​တီႈ​မၼ်း​လႄႈ ႁႂ်ႈ​မၼ်း​ပျေႉ​ၸုမ်ႇ​ဝႆႉ တင်း​ၸႂ်​သၽေႃး​တရိၵ်ႈသၢၼ်ႇ တႃႉ။ ႁႂ်ႈ​ပဵၼ် ၸိူဝ်ႉ​ၼင်ႇ​ၼႆ တီႈ​မၼ်း​ၸဵတ်း​ပီႊ​တဵမ်​တဵမ်​တႃႉ။-</verse>
				<verse number="17">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ် ၶဝ်​ၸိူဝ်း​ဢၼ် ဢသၢၵ်ႈ​လိပ်း​ယူႇ​ၼၼ်ႉ တၵ်း​လႆႈ မီး​ဢၶႂၢင်ႉ​ဢၼ်​လႆႈ​ႁူႉ​လွင်ႈ​ဢၼ် ၽြႃး​ဢၼ်​သုင်​ၼႃႇ သေ​ပိူၼ်ႈ​ၼၼ်ႉ ဢုပ်ႉ​ပိူင်ႇ မိူင်း​လေႃးၵီႇ ဢိၵ်ႇ​တင်း လွင်ႈ​ဢၼ်​မၼ်း​ၸဝ်ႈ ဢဝ်​မၼ်း​ပၼ်​တီႈ​ၶဝ်​ၸိူဝ်း​ဢၼ် မၼ်း​ၸဝ်ႈ​မီး​ဢလူဝ်ႇ​ၶႂ်ႈ​ပၼ် တၢင်း​လွင်ႈ​ဢၼ် မၼ်း​ၸဝ်ႈ​ယုၵ်ႉ​ယွင်ႈ ၵေႃႉ​ဢၼ်​ယုတ်ႈ ဢၼ်​ယွမ်း​ၼၼ်ႉ ဝႆႉ​ၵႃႈ​ၼိူဝ်​မၼ်း​ၼၼ်ႉ​ၸိုင် ၶဝ်​ၸိူဝ်း​ဢၼ်​ပႂ်ႉ​ၼၼ်ႉ ဢွၼ်​ၵၼ် ၸီႇ​ယၢင်ႇ​ၸိူဝ်ႉ​ၼင်ႇ​ၼႆ​ယဝ်ႉ။ ၶဝ်​ၸိူဝ်း​ဢၼ်​မူတ်း​ၸၢင်ႇ​ၼၼ်ႉ ဢွၼ်​ၵၼ် ပၼ်​ဢမိင်ႉ​တႅပ်း​တတ်း​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၵဝ်​ၶုၼ်​လူင်​ ၼေႇပူႉၶတ်ႉၼေႇၸႃႇ လႆႈ​ၽၼ်​ႁၼ်​တၢင်း​ဢၼ် ၽၼ်​ႁၼ်​ၸိူဝ်ႉ​ၼင်ႇ​ၼၼ်​ယဝ်ႉ။ မိူဝ်ႈ​လဵဝ်​ၼႆႉ​ၸိုင်၊​ ပေႇလတႃႉသႃႇၸႃႇ ​ဢိူၺ်း၊ ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​မၼ်း ၵွပ်ႈ​ပိူဝ်ႈ ဢၼ်​ပိင်ႇ​ၺႃႇ​သီႉ ၵႃႈ​ဢၼ်​မီး​ၵႃႈ​ၼႂ်း​မိူင်း​ၵဝ်​ၼႆႉ ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​မၼ်း​တီႈ​ၵဝ်​လႆႈ​ၼၼ်ႉ​တႃႉ။ မႂ်း​ၼႆႉ​ပျေႉ​ၸုမ်ႇ​ဝႆႉ​တင်း ဝီႉၺိၺ်ႇ​ၽြႃး ဢၼ်​မူတ်း​ၸၢင်ႇ တင်း​လၢႆ ၼၼ်ႉ​လႄႈ ၽုၺ်ႇ​ဢွၵ်ႇ​ၼႄ​ပျႃး​လႆႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">မိူဝ်ႈ​ၼၼ်ႉ တၢၼ်ႇယေႇလႃႉ ​ၼၼ်ႉ မီး​ၸိုဝ်ႈ​မီး​သဵင် ပေႇလတႃႉသႃႇၸႃႇ ​ၼၼ်ႉ မီး​တၢင်း​ဢၼ်​ဢၢမ်း​ၼႃႇ ၵႂင်​ၸႂ်​ယုင်ႈ​ၸႂ်​ၵႂႃႇ ၵမ်း​ဢွၼ်ႇ​ၼိုင်ႈ​လႄႈ မႆႈ​ၸႂ်​ၶီ​ၸႂ်​ယူႇ​ဢေႃႈ။ ၶုၼ်​ႁေႃ​ၶမ်း​မီး​ဢမိင်ႉ​လႄႈ​ဝႃႈ၊ ပေႇလတႃႉသႃႇၸႃႇ ​ဢိူၺ်း၊ ယႃႇ​ပေ​မႆႈ​ၸႂ်​ႁွၼ်ႉ​ၸႂ် ၵွပ်ႈ​ပိူဝ်ႈ တၢင်း​ဢၼ်​ၽၼ်​ႁၼ် ဢိၵ်ႇ​တင်း ဢၼၢၵ်ႈ​မၼ်း​ၼၼ်ႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ ပေႇလတႃႉသႃႇၸႃႇ ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၶုၼ်​လူင် တီႈ​ၶႃႈ၊ ႁႂ်ႈ​တၢင်း​ဢၼ်​ၽၼ်​ႁၼ်​ၼႆႉ ႁွတ်ႈ​ထိုင် ၵႃႈ​ၼိူဝ်​ၶဝ်​ၸိူဝ်း​ဢၼ် ၸင်း​ၸဝ်ႈ​ႁဝ်း​ၼၼ်ႉ သေ​ၵမ်း​လူၺ်ႈ။ ႁႂ်ႈ​ဢၼၢၵ်ႈ​မၼ်း​ႁွတ်ႈ​ထိုင် ၵႃႈ​ၼိူဝ်​ရၢၼ်ႇ​သူႇ​ၸဝ်ႈ​ႁဝ်း ၸိူဝ်း​ၼၼ်ႉ သေ​ၵမ်း​လူၺ်ႈ။-</verse>
				<verse number="20">တူၼ်ႈ​မႆႉ​ဢၼ်​ၸဝ်ႈ​ႁဝ်း ၼွၼ်း​ၽၼ်​ႁၼ် ဢၼ်​ယႂ်ႇ​မႃး​လႄႈ ပဵၼ်​ဢၼ်​ၵႅၼ်ႇ​ဢၼ်​ၶႅင် သေ​လႄႈ ဢၼ်​သုင်​မၼ်း ၶိုတ်း​ထိုင်​ၽႃႉ​ၵၢင်​ႁၢဝ်​လႄႈ ပဵၼ်​ဢၼ်​မုင်ႈ​ႁၼ် ၵႃႈ​ၼိူဝ်​ၼႃႈ​လိၼ်​တင်း​ၼႃႈ၊-</verse>
				<verse number="21">ဢၼ်​မႂ်​မၼ်း ပဵၼ်​ဢၼ်​ႁၢင်ႈ​လီ​လႄႈ မၢၵ်ႇ​မၼ်း​လိူင်ႇ​ၼမ်​ၼႃႇ​လႄႈ ပဵၼ်​ပုၼ်ႈ​ဢၼ်​သတ်ႉတဝႃႇ တင်း​သဵင်ႈ​တင်း​လူင် တၵ်း​ၵိၼ် ဢၼ်​တရိၵ်ႈသၢၼ်ႇ ၵႃႈ​ၼိူဝ်​လိၼ် တင်း​လၢႆ ဢွၼ်​ၵၼ် ယူႇ​ၵႃႈ​တီႈ​တႂ်ႈ​မၼ်း​လႄႈ ၼူၵ်ႉ​ၵၢင်​ႁၢဝ် တင်း​လၢႆ သွၼ်ႈ​ပိုင်ႈ​လိုဝ်ႈ​ၸပ်း​ယူႇ ၵႃႈ​တီႈ​ၵိင်ႇ​မၼ်း​ၶႃႊ​မၼ်း​ၼၼ်ႉ။-</verse>
				<verse number="22">ၸဝ်ႈ​ၶုၼ်​လူင်​တီႈ​ၶႃႈ၊ ပဵၼ်​ၸဝ်ႈ​ႁဝ်း ဢၼ်​ယႂ်ႇ​သုင်​မႃး​လႄႈ ပျေႉ​ၸုမ်ႇ​ဝႆႉ​တင်း​ႁႅင်း​တီႈ​ၶႃႈ​ဢေႃႈ။ မုၼ်​ၸေး​ၸိမ်ႇ ၸဝ်ႈ​ႁဝ်း​ပဵၼ် ဢၼ်​ယႂ်ႇ​သုင်​လႄႈ ႁွတ်ႈ​ထိုင် ၵႃႈ​တီႈ​ၽႃႉ​ၵၢင်​ႁၢဝ်​ယူႇ သေ​လႄႈ ဢႃႇၼႃႇၸၢၵ်ႈ​ၸဝ်ႈ​ႁဝ်း ႁွတ်ႈ​ထိုင်​ၵႃႈ​တီႈ​ႁိမ်း လႅၼ်​သုတ်း​သုတ်း လိၼ်​မိူင်း ပုၼ်ႉ​တီႈ​ၶႃႈ​ဢေႃႈ။-</verse>
				<verse number="23">ၼႂ်း​လွင်ႈ​ဢၼ် ၸဝ်ႈ​ၶုၼ်​လူင်​ၽၼ်​ႁၼ် ၵေႃႉ​ဢၼ်​လႆႈ​ပႂ်ႉ၊ ၵေႃႉ​ဢၼ်​မူတ်း​ၸၢင်ႇ​ၵေႃႉ​ၼိုင်ႈ လူင်း​သေ​ၵႃႈ​ၼိူဝ်​ၵၢင်​ႁၢဝ်​မႃး​လႄႈ ႁွင်ႉ​ပၢဝ်ႇ​ႁွင်ႉ​သေႃႇ​လႄႈ​ဝႃႈ၊ ပမ်ႈ​တူၼ်ႈ​မႆႉ​ၼၼ်ႉ လူမ်ႉ​လႄႈ​ယႃႉ​ပႅတ်ႈ​တႃႉ။ ၼႂ်း​ဝႃႈ​ၼၼ်​သေ​ၵေႃႈ ႁႂ်ႈ​တေႃ​ႁၢၵ်ႈ​မၼ်း ဢၼ်​ၸပ်း​လိၼ်​ၼၼ်ႉ မီး​တၢင်း​ဢၼ် မတ်ႉ​ၽုၵ်ႇ​ဝႆႉ​လူၺ်ႈ ၸိူၵ်ႈ​လဵၵ်း​ၸိူၵ်ႈ​တွင်း​လိူင် ၵႃႈ​ၼႂ်း​တူၼ်ႈ​ယိူဝ်ႈ တူၼ်ႈ​ယႃႈ ဢၼ်​ၼုမ်ႇ​လီ ၶဵဝ်​လီ​ၼၼ်ႉ​လႄႈ ၵိုတ်း​ၵျၢၼ်ႇ​ဝႆႉ​တႃႉ။ ႁႂ်ႈ​မၼ်း​လႆႈ​ၶၢမ်ႇ​တၢင်း​ဢၼ် ယမ်း​ၽူၼ်​ယမ်း​ၼၢႆး​လႄႈ ႁူမ်ႈ​ပွင်း​လူၺ်ႈ​ၵၼ်​တင်း တရိၵ်ႈသၢၼ်ႇ​ၵႃႈ​ၼိူဝ်​လိၼ် တင်း​လၢႆ တေႃႇ​ထိုင်​ႁွတ်ႈ​ထၼ်ႈ​ပေႃး ပဵၼ်​ၸိူဝ်ႉ​ၼင်ႇ​ၼၼ် တီႈ​မၼ်း ၸဵတ်း​ပီႊ​တဵမ်​တဵမ်​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၼၼ်ႉ။-</verse>
				<verse number="24">ၸဝ်ႈ​ၶုၼ်​လူင်​တီႈ​ၶႃႈ၊ ဢၼၢၵ်ႈ​မၼ်း ဢိၵ်ႇ​တင်း ဢမိင်ႉ ဢၼ်​ၽြႃး​ဢၼ်​သုင်​ၼႃႇ​သေ​ပိူၼ်ႈ ၸီႇ​ယၢင်ႇ​ဝႆႉ​လႄႈ ႁွတ်ႈ​ထိုင်​ၵႃႈ​ၼိူဝ်​ၸဝ်ႈ​ၵဝ်​ၶႃႈ​ၸဝ်ႈ ၶုၼ်​လူင်​ၼၼ်ႉ​ၸမ်ႉ၊-</verse>
				<verse number="25">ၸဝ်ႈ​ႁဝ်း တၵ်း​လႆႈ ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႅတ်ႈ​သေ ၵႃႈ​ၼႂ်း​မုၵ်ႉ​ၵူၼ်း​ၸိူဝ်း​ၵူၼ်း​လႄႈ တူၵ်း​တီႈ​ယူႇ​တီႈ​သဝ်း လူၺ်ႈ​ၵၼ်​တင်း တရိၵ်ႈသၢၼ်ႇ ၵႃႈ​ၼိူဝ်​လိၼ် တင်း​လၢႆ သေ​လႄႈ ၵိၼ်​ယိူဝ်ႈ​ၵိၼ်​ယႃႈ မိူၼ်​ၸိူဝ်ႉ​ၼင်ႇ ဝူဝ်း​ၼၼ်ႉ​လႄႈ ၶၢမ်ႇ​တၢင်း​ဢၼ် ယမ်း​ၽူၼ်​ယမ်း​ၼၢႆး​ယူႇ သေ​လႄႈ ပဵၼ်​ၸိူဝ်ႉ​ၼင်ႇ​ၼၼ် တီႈ​ၸဝ်ႈ​ႁဝ်း​ၸဵတ်း​ပီႊ​တဵမ်​တဵမ် တေႃႇ​ထိုင်​ႁွတ်ႈ ၸဝ်ႈ​ႁဝ်း​ႁူႉ​ၸႅင်ႈ လွင်ႈ​ဢၼ်​ၽြႃး ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ဢုပ်ႉ​ပိူင်ႇ​မိူင်း​လေႃးၵီႇ​လႄႈ ပၼ်​တီႈ​ၵေႃႉ​ဢၼ် မၼ်း​ၸဝ်ႈ​မီး​ဢလူဝ်ႇ​ၶႂ်ႈ​ပၼ် ၼၼ်ႉ​ဢေႃႈ။-</verse>
				<verse number="26">လွင်ႈ​တၢင်း​ဢၼ် ၶဝ်​ဢွၼ်​ၵၼ်​ၸီႇ​ယၢင်ႇ ႁႂ်ႈ​တေႃ​ႁၢၵ်ႈ​မၼ်း ၵိုတ်း​ၵျၢၼ်ႇ​ဝႆႉ​ၼၼ်ႉ​ၸမ်ႉ၊ လိုၼ်း​သေ​ဢၼ် ၸဝ်ႈ​ႁဝ်း​ႁူႉ​လွင်ႈ​ဢၼ် ၽုင်ႇ​ၵၢင်​ႁၢဝ်​ဢုပ်ႉ​ပိူင်ႇ​ၼၼ်ႉ ယဝ်ႉ​ၼၼ်ႉ၊ သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ႁဝ်း တၵ်း​တႄႇ​ယူႇ ၵႃႈ​ၼႂ်း​မိုဝ်း​ၸဝ်ႈ​ႁဝ်း တီႈ​ၶႃႈ​ဢေႃႈ။-</verse>
				<verse number="27">ပိူဝ်ႈ​ၼႆ​လႄႈ ၸဝ်ႈ​ၶုၼ်​လူင်​တီႈ​ၶႃႈ၊ ၶႅၼ်း​တေႃႈ ထုၵ်ႇ​ၸႂ်​ၵျိူၵ်ႈ​ၸႂ် တၢင်း​ဢၼ်​ၶႃႈ​ၸဝ်ႈ​ပၼ် တၢင်း​ၵျၢမ်ႇ​တၢင်း​ပွင် ၼႆႉ​သေ​လႄႈ ဢဝ်​တၢင်း​ဢၼ် ႁဵတ်း​ၸွမ်း​ၼင်ႇ​တြႃး ပႄႇ​တႅပ်း​ဢပႅတ်ႈ​ၸဝ်ႈ​ႁဝ်း​ပႅတ်ႈ​လႄႈ ဢဝ်​တၢင်း​ဢၼ်​ႁၵ်ႉ​ဢဵတ်း​လူ ၶဝ်​ၸိူဝ်း​ဢၼ် မီး​တုၵ်ႉ​ၶႃႉ​တၢင်း​ၽၢၼ်​ၼၼ်ႉ ပႄႇ​တႅပ်း​တူႉ​ၸရိူၵ်ႈ ၸဝ်ႈ​ႁဝ်း​ပႅတ်ႈ​သေ​ၵမ်း​တီႈ​ၶႃႈ၊ ၵတ်း​ယဵၼ်​ၶျၢမ်း​သႃႇ ၸဝ်ႈ​ႁဝ်း ၸၢင်ႈ​ၶႄး​တၵ်း​ယိုၼ်း​ယၢဝ်း​ထႅင်ႈ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">လွင်ႈ​ဢၼ်​ဢမူႉ လွင်ႈ​တၢင်း​ၼႆႉ ၵူႈ​ၸိူဝ်ႉ​ၵူႈ​ပိူင် ႁွတ်ႈ​ထိုင်​ၵႃႈ​ၼိူဝ်​ၶုၼ်​လူင်​ ၼေႇပူႉၶတ်ႉၼေႇၸႃႇ ​ၸမ်ႉ၊-</verse>
				<verse number="29">ပူၼ်ႉ​သိပ်း​သွင်​လိူၼ်​သေ​ယဝ်ႉ၊ မၼ်း​ၽၢႆႈ​သၢင်း​ၵျၢၼ်ႇ​ယူႇ ၵႃႈ​ၼိူဝ်​ႁေႃ​ၸဝ်ႈ ၵႃႈ​ၼႂ်း​ဝဵင်း​ ပႃႇပူႉလုၼ်ႇ ​ယူႇ သေ​လႄႈ ဢွၵ်ႇ​သူပ်း လၢတ်ႈ​လႄႈ​ဝႃႈ၊-</verse>
				<verse number="30">ဝဵင်း​ၼႆႉ​ၸမ်ႉ၊ ပဵၼ်​ဝဵင်း​လူင်​ ပႃႇပူႉလုၼ်ႇ ဢၼ်​ၵဝ်​ဢဝ်​တၼ်း​ၶူဝ်း ဢႃႇၼူႉၽေႃႇ​ၵဝ် တႄႇ​ႁဵတ်း​ဝႆႉ​ပုၼ်ႈ​ဢၼ်​ၸိူဝ်ႉ​ၸဝ်ႈ​ၶိူဝ်း​ၶုၼ် တၵ်း​ယူႇ​တၵ်း​သဝ်း ဢိၵ်ႇ​တင်း ပုၼ်ႈ​ဢၼ်​တၵ်း​ယုၵ်ႉ​ယွင်ႈ မုၼ်​သႅင်​မုၼ်​ၶမ်း​ၵဝ် ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ၼႂ်း​မိူဝ်ႈ​ဢၼ် ၶုၼ်​ႁေႃ​ၶမ်း ယင်း​တိုၵ်ႉ​ဢွၵ်ႇ​သူပ်း​လၢတ်ႈ​ၵႂၢမ်း​ၼၼ်ႉ ယူႇ​ၼၼ်ႉ၊ သဵင်​ဢၼ်​လူင်း​သေ ၵႃႈ​ၼိူဝ်​ၵၢင်​ႁၢဝ်​မႃး​လႄႈ​ဝႃႈ ၼၼ်ႉ​ၸမ်ႉ၊ ၶုၼ်​လူင်​ ၼေႇပူႉၶတ်ႉၼေႇၸႃႇ ​ဢိူၺ်း၊ မီး​ဢမိင်ႉ​ဝႆႉ​တီႈ​မႂ်း​ယဝ်ႉ​ယဝ်ႉ။ သိုင်ႇ​ၸိုင်ႈ​ဝၢၼ်ႈ​မိူင်း​မႂ်း​ၼႆႉ သုတ်ႉ​ၶၢႆႉ​ဢွၵ်ႇ​သေ ၵႃႈ​ၼႂ်း​မိုဝ်း​မႂ်း ၵႂႃႇ​ယဝ်ႉ။-</verse>
				<verse number="32">မႂ်း​တၵ်း​လႆႈ ၶၢမ်ႇ​တၢင်း​ဢၼ်​ႁေႃႈ​မႂ်း​ဢွၵ်ႇ​ပႅတ်ႈ​သေ ၵႃႈ​ၼႂ်း​မုၵ်ႉ​ၵူၼ်း​ၸိူဝ်း​ၵူၼ်း​လႄႈ တူၵ်း​တီႈ​ယူႇ​တီႈ​သဝ်း လူၺ်ႈ​ၵၼ်​တင်း တရိၵ်ႈသၢၼ်ႇ ၵႃႈ​ၼိူဝ်​လိၼ် တင်း​လၢႆ သေ​လႄႈ ၵိၼ်​ယိူဝ်ႈ​ၵိၼ်​ယႃႈ မိူၼ်​ၸိူဝ်ႉ​ၼင်ႇ ဝူဝ်း​ၼၼ်ႉ​လႄႈ ပဵၼ်​ၸိူဝ်ႉ​ၼင်ႇ​ၼႆ​တီႈ​မႂ်း ၸဵတ်း​ပီႊ​တဵမ်​တဵမ် တေႃႇ​ထိုင်​ႁွတ်ႈ မႂ်း​ႁူႉ​ၸႅင်ႈ​လွင်ႈ​ဢၼ်​ၽြႃး ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ဢုပ်ႉ​ပိူင်ႇ​မိူင်း​လေႃးၵီႇ​လႄႈ ပၼ်​တီႈ​ၵေႃႉ​ဢၼ် မၼ်း​ၸဝ်ႈ မီး​ဢလူဝ်ႇ​ၶႂ်ႈ​ပၼ်​ၼၼ်ႉ၊ ဝႃႈ​ၼင်ႇ​ၼႆ​လႄႈ​-</verse>
				<verse number="33">လွင်ႈ​တၢင်း​ၼၼ်ႉ ပဵၼ်​တီႈ​ ၼေႇပူႉၶတ်ႉၼေႇၸႃႇ ၼႂ်း​ၶိင်ႇ​မိူဝ်ႈ​ၼၼ်ႉ ၵမ်း​လဵဝ်​လႄႈ မၼ်း​လႆႈ​ၶၢမ်ႇ တၢင်း​ဢၼ်​ႁေႃႈ​ဢွၵ်ႇ​ပႅတ်ႈ သေ​ၵႃႈ​ၼႂ်း​မုၵ်ႉ​ၵူၼ်း ၸိူဝ်း​ၵူၼ်း​လႄႈ ၵိၼ်​ယိူဝ်ႈ​ၵိၼ်​ယႃႈ​ယူႇ မိူၼ်​ၸိူဝ်ႉ​ၼင်ႇ ဝူဝ်း​ၼၼ်ႉ​လႄႈ ၶၢမ်ႇ​တၢင်း​ဢၼ် ယမ်း​ၽူၼ်​ယမ်း​ၼၢႆး​ယူႇ တေႃႇ​ထိုင်​ႁွတ်ႈ​ထၼ်ႈ​ပေႃး ၶူၼ်​တူဝ်​ၶူၼ်​ၶိင်း​မၼ်း ပဵၼ်​ၸိူဝ်ႉ​ၼင်ႇ ၶူၼ်​လၢင်း​တႃႉ​ၶမ်း ဢိၵ်ႇ​တင်း ၼဵပ်ႉ​တိၼ်​ၼဵပ်ႉ​မိုဝ်း​မၼ်း ပဵၼ်​ၸိူဝ်ႉ​ၼင်ႇ တိၼ်​ၼူၵ်ႉ​ၼၼ်ႉ​ဢေႃႈ။</verse>
				<verse number="34">မိူဝ်ႈ​ဢၼ်​ၶိင်ႇ​ၵႃႇလႃႉ မိုဝ်ႉ​ဝၼ်း​ၼၼ်ႉ ၸေး​ယဝ်ႉ​ၼၼ်ႉ၊ ၵဝ်​ ၼေႇပူႉၶတ်ႉၼေႇၸႃႇ ​ၼႆႉ ဢဝ်​တႃ​ႁႅၼ်​တူၺ်း​ၵႃႈ​ၼိူဝ် ၽႃႉ​ၵၢင်​ႁၢဝ်​လႄႈ သမ်ႉ​ၶိုၼ်း​လႆႈ​သတီႉ​မႃး​သေ​ယဝ်ႉ၊ ပၼ်​တၢင်း​လီ တီႈ​ၽြႃး​ဢၼ်​မျၢတ်ႈ​သုင်​ၼႃႇ​သေ​ပိူၼ်ႈ ၼၼ်ႉ​လႄႈ ယွင်ႈ​ယေႃး ႁဵတ်း​ထေႃးပၼႃႇ တီႈ​ၽြႃး​ဢၼ်​ဢသၢၵ်ႈ​လိပ်း​ယူႇ ထႃႇဝရႃႉ ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ဢႃႇၼႃႇၸၢၵ်ႈ​မၼ်း​ၸဝ်ႈ​ၼၼ်ႉ ပဵၼ်​ဢႃႇၼႃႇၸၢၵ်ႈ ထႃႇဝရႃႉ​လႄႈ သိုင်ႇ​ၸိုင်ႈ​ဝၢၼ်ႈ​မိူင်း မၼ်း​ၸဝ်ႈ​ၼၼ်ႉ တႄႇ​ယူႇ​ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း​ဢေႃႈ။-</verse>
				<verse number="35">ၵူၼ်း​လိၼ်​မိူင်း တင်း​သဵင်ႈ​တင်း​လူင် ဢွၼ်​ၵၼ် ပဵၼ်​ၸိူဝ်ႉ​ၼင်ႇ​ဢၼ်​ဢမ်ႇ​ၸႂ်ႈ​ၵႃႈ​သင်​ၼၼ်ႉ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​လႄႈ မၼ်း​ၸဝ်ႈ​ၸီႇ​ယၢင်ႇ ပွင်​ႁဵတ်း​ပွင်​မႄး တီႈ​ပူဝ်ႇ​ပႃႇ​ၵၢင်​ႁၢဝ် တင်း​လၢႆ ဢိၵ်ႇ​တင်း တီႈ​ၵူၼ်း​လိၼ်​မိူင်း တင်း​လၢႆ ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ မီး​ဢလူဝ်ႇ​ၼၼ်ႉ​ဢေႃႈ။ ၽူႈ​လႂ် ဢမ်ႇ​ႁႄႉ​ၶႅၼ်​မိုဝ်း​မၼ်း​ၸဝ်ႈ​လႆႈ သေ​ၵေႃႉ​သေ​ၵူၼ်း။ ဢမ်ႇ​မီး​ၵေႃႉ​ဢၼ်​ထၢမ် တီႈ​မၼ်း​ၸဝ်ႈ​လႄႈ​ဝႃႈ၊ တၵ်း​ႁဵတ်း ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ၼၼ်ႉ လႃး​လႃး။-</verse>
				<verse number="36">မိူဝ်ႈ​ၼၼ်ႉ ၵမ်း​လဵဝ်​ၶိုၼ်း​ပဵၼ် ၸႂ်​ပၵတီႉ ပၵ်း​ၵဝ်ႇ​ပိူင်​ၵဝ်ႇ​မႃး​လႄႈ သမ်ႉ​ၶိုၼ်း​ပျေႉ​ၸုမ်ႇ​ဝႆႉ​တင်း မုၼ်​ၽုင်း ဢိၵ်ႇ​တင်း ဢႃႇၼူႉၽေႃႇ​ၵဝ်​ပုၼ်ႈ​သရေႇ သိုင်ႇ​ၸိုင်ႈ​ဝၢၼ်ႈ​မိူင်း ၵဝ်​လႄႈ၊ ဢတႂၢင်းဝုၼ်ႇ​ၵဝ် ဢိၵ်ႇ​တင်း မူး​မၢတ်ႈ​ၽွင်း​မိူင်း​ၵဝ် တင်း​လၢႆ ဢွၼ်​ၵၼ် ၶဝ်ႈ​ၸူး​တီႈ​ၵဝ်​လႄႈ ၵဝ်​သမ်ႉ​ၶိုၼ်း​တႄႇ​ယူႇ ၵႃႈ​ၼႂ်း​ဢႃႇၼႃႇၸၢၵ်ႈ​ၵဝ်​လႄႈ မုၼ်​ဢႃႇၼူႉၽေႃႇ​ၵဝ်​ၵေႃႈ ယႂ်ႇ​ၽႄႈ​တူဝ်း​တွၼ်း​မႃး​ဢေႃႈ။-</verse>
				<verse number="37">မိူဝ်ႈ​လဵဝ်​ၼႆႉ၊ ၵဝ်​ ၼေႇပူႉၶတ်ႉၼေႇၸႃႇ ​ၼႆႉ ႁဵတ်း​ထေႃးပၼႃႇ​ယွင်ႈ​ယေႃး ၸဝ်ႈ​ၶုၼ်​လူင် ၽုင်ႇ​ၵၢင်​ႁၢဝ်​ဢေႃႈ။ လွင်ႈ​တၢင်း​ဢၼ် မၼ်း​ၸဝ်ႈ​ၸီႇ​ယၢင်ႇ​ႁဵတ်း​ပဵၼ် ၸိူဝ်း​ၼၼ်ႉ ပျေႉ​ၸုမ်ႇ​ဝႆႉ တင်း​သဵတ်ႈ​ၸႃႇ​လႄႈ သဵၼ်ႈ​တၢင်း​ဢၼ်​မၼ်း​ၸဝ်ႈ ၵႂႃႇ​မႃး ၸိူဝ်း​ၼၼ်ႉ မႅၼ်ႈ​ၸွမ်း​ၼင်ႇ​တြႃး​ဢေႃႈ။ မၼ်း​ၸဝ်ႈ ဢဝ်​ၵေႃႉ​ဢၼ်​မႃႇၼႃႉ ပူၵ်း​ပႅၼ်​ၼၼ်ႉ ၶျႃး​တူၵ်း​တီႈ​တႅမ်ႇ​လႆႈ ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="5">
				<verse number="1">ၽဝ်ႇ​ၼိုင်ႈ ၶုၼ်​လူင်​ ပေႇလသႃႇၸႃႇ ၶၢမ်ႇ​ပွႆး​ဢၼ်​ယႂ်ႇ​ၼႃႇ​လူင်​လၢင် ပုၼ်ႈ​မူး​မၢတ်ႈ​ၽွင်း​မိူင်း ႁဵင်​ၼိုင်ႈ​လႄႈ သူတ်ႉ​ၵိၼ် ၼမ်ႉ​ၸပိတ်ႈ​ၵႃႈ​တီႈ​ၽၢႆႇ​ၼႃႈ​ၶဝ် ႁဵင်​ၼိုင်ႈ​ၼၼ်ႉ​ဢေႃႈ။-</verse>
				<verse number="2">ၶုၼ်​ ပေႇလသႃႇၸႃႇ ​ၼၼ်ႉ၊ ၼႂ်း​မိူဝ်ႈ​ဢၼ် မၼ်း​ယင်း​တိုၵ်ႉ​ၸိမ်း​တူၺ်း ၼမ်ႉ​ၸပိတ်ႈ ယူႇ​ၼၼ်ႉ​ၸိုင်၊ မၼ်း​မီး​ဢမိင်ႉ​ႁႂ်ႈ​ဢဝ် ၵွၵ်း​ၶမ်း​ၵွၵ်း​ငိုၼ်း ဢၼ်​ၸဝ်ႈ​ပေႃႈ​မၼ်း ၼေႇပူႉၶတ်ႉၼေႇၸႃႇ ဢဝ်​ၵႃႈ​ၼႂ်း​ပိၵ်ႈ​မၢၼ်ႇ ဝဵင်း​ ယေႇရူႉသလႅမ်ႇ ​မႃး ၸိူဝ်း​ၼၼ်ႉ ႁႂ်ႈ​တူဝ်​မၼ်း ဢိၵ်ႇ​တင်း မူး​မၢတ်ႈ​ၽွင်း​မိူင်း​မၼ်း၊ ၼၢင်း​ႁေႃ​ၶမ်း​မၼ်း၊ ၸိူင်ႉ​ၼၢင်း​မၼ်း တင်း​လၢႆ လႆႈ​ဢဝ်​သူတ်ႉ​ၵိၼ်​လႄႈ၊-</verse>
				<verse number="3">ၶဝ်​ဢွၼ်​ၵၼ် ဢဝ်​ၵွၵ်း​ၶမ်း ဢၼ်​သိမ်း​ဢဝ်​သေ ၵႃႈ​ၼႂ်း​တိူၵ်ႈ​ၽၼ်ႇတႃႇ​ပိၵ်ႈ​မၢၼ်ႇ ၽြႃး​ပဵၼ်​ၸဝ်ႈ ဢၼ်​မီး​ၵႃႈ​တီႈ ဝဵင်း​ ယေႇရူႉသလႅမ်ႇ ​မႃး ၸိူဝ်း​ၼၼ်ႉ​မႃး​လႄႈ ၶုၼ်​လူင်၊ မူး​မၢတ်ႈ​ၽွင်း​မိူင်း၊ ၼၢင်း​ႁေႃ​ၶမ်း၊ ၸိူင်ႉ​ၼၢင်း ၸိူဝ်း​ၼၼ်ႉ ဢွၼ်​ၵၼ် ဢဝ်​သူတ်ႉ​ၵိၼ်​ဢေႃႈ။-</verse>
				<verse number="4">ၶဝ်​ၼၼ်ႉ ဢွၼ်​ၵၼ် သူတ်ႉ​ၵိၼ်​ၼမ်ႉ​ၸပိတ်ႈ သေ​လႄႈ ယွင်ႈ​ယေႃး​ၽြႃး​ၶမ်း၊ ၽြႃး​ငိုၼ်း၊ ၽြႃး​တွင်း​လိူင်၊ ၽြႃး​လဵၵ်း၊ ၽြႃး​မႆႉ၊ ၽြႃး​မၢၵ်ႇ​ႁိၼ် တင်း​လၢႆ​ဢေႃႈ။-</verse>
				<verse number="5">ၼႂ်း​ၶိင်ႇ​မိူဝ်ႈ​ၼၼ်ႉ ၵမ်း​လဵဝ်၊ ၼိဝ်ႉ​မိုဝ်း​ၵူၼ်း​ပေႃႇ​မႃး​လႄႈ တႅမ်ႈ​တူဝ်​လိၵ်ႈ ဢႅၵ်ႉၶရႃႇ တၢင်ႇ​သႂ်ႇ​ဝႆႉ ၵႃႈ​တီႈ​ဢၢင်းၵတေႇ​ၽႃ​ဢုတ်ႇ ႁေႃ​ၶမ်း​ၶုၼ်​လူင် ၵႃႈ​ၼိူဝ်​ၶူင်ႇ​တီႈ​တႆႈ​ၽႆး ၼၼ်ႉ​ဢေႃႈ။ ၼင်ႇ​ၼၼ်​လႄႈ ၶုၼ်​ႁေႃ​ၶမ်း ႁၼ်​ပၢႆ​မိုဝ်း​ဢၼ်​တႅမ်ႈ​ဝႆႉ ၸိူဝ်ႉ​ၼင်ႇ​ၼၼ်​ၼၼ်ႉ သေ​ယဝ်ႉ၊-</verse>
				<verse number="6">ၼႃႈ​မၼ်း ႁဵဝ်ႇ​ၸွပ်ႈ​ၵႂႃႇ​လႄႈ မၼ်း​ႁွတ်ႈ​ထိုင် တၢင်း​ဢၼ်​မႆႈ​ၸႂ်​ႁွၼ်ႉ​ၸႂ် သေ​လႄႈ မီး​တၢင်း​ဢၼ်​ပဵၼ်​ၸိူဝ်ႉ​ၼင်ႇ ဢႅဝ်​မၼ်း ႁၢမ်ႉ​တၵ်း​ပုတ်း​တၵ်း​ၶၢတ်ႇ​ၵႂႃႇ​လႄႈ ႁူဝ်​ၶဝ်ႇ​မၼ်း​ၼင်ႇ​ၵၼ်​ၵၼ် တုမ်ႉ​ၵၼ်​လေႃႇ​ၵၼ်​ယူႇ​ဢေႃႈ။-</verse>
				<verse number="7">ၵမ်း​ၼၼ်ႉ ၶုၼ်​လူင်​ႁွင်ႉ​သႅၼ်ႇ​လႄႈ​ဝႃႈ၊ ႁွင်ႉ​ဢဝ်​မေႃ​ပေႇ​တၢင်ႇ၊ သြႃႇ​ ၶႃႇလတေး ၊ သြႃႇ​ဢၼႃႇၵၢတ်ႈတီႉ တင်း​လၢႆ မႃး​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶုၼ်​လူင် မီး​ဢမိင်ႉ​တီႈ​ပိင်ႇ​ၺႃႇ​သီႉ မိူင်း​ ပႃႇပူႉလုၼ်ႇ ​ၸိူဝ်း​ၼၼ်ႉ လႄႈ​ဝႃႈ၊ ႁႂ်ႈ​ၵေႃႉ​ဢၼ် ၽတ်း​လိၵ်ႈ​ၼႆႉ​လႄႈ ၽုၺ်ႇ​ဢွၵ်ႇ​ၼႄ​ပျႃး ဢထိၵ်ႈပႄႇ​မၼ်း​တီႈ​ၵဝ်​ၼၼ်ႉ လႆႈ​ၶၢမ်ႇ​တၢင်း​ဢၼ် ဢဝ်​ၶူဝ်း​ဢၼ် လႅင်​ၵမ်ႇ​ၼုင်ႈ​မႆ​ပၼ်​လႄႈ ဢဝ်​ၸရွႆႇ​ၶမ်း​ႁွႆႈ​သႂ်ႇ​ပၼ် ၵႃႈ​တီႈ​ၶေႃး​မၼ်း သေ​လႄႈ ပဵၼ်​ၶုၼ် တႃႉတီႉယႃႉ ၵႃႈ​ၼႂ်း သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ပိၵ်ႉ​သမ်ႉ ပိင်ႇ​ၺႃႇ​သီႉ ၶုၼ်​လူင် တင်း​သဵင်ႈ​တင်း​လူင် ဢွၼ်​ၵၼ်​ႁွတ်ႈ​မႃး​သေ​ၵေႃႈ၊ ၶဝ်​ဢမ်ႇ​ဢွၼ်​ၵၼ် ၽတ်း​လိၵ်ႈ ၼၼ်ႉ​လႆႈ၊ ဢမ်ႇ​ႁေႃး​လၢတ်ႈ ဢၼၢၵ်ႈ​ဢထိၵ်ႈပႄႇ​မၼ်း တီႈ​ၶုၼ်​ႁေႃ​ၶမ်း​လႆႈ။-</verse>
				<verse number="9">မိူဝ်ႈ​ၼၼ်ႉ ၶုၼ်​လူင်​ ပေႇလသႃႇၸႃႇ ​ၼၼ်ႉ မီး​တၢင်း​ဢၼ် မႆႈ​ၸႂ်​ႁွၼ်ႉ​ၸႂ်၊ တၢင်း​ဢၼ် ၼႃႈ​ႁဵဝ်ႇ​ၸွပ်ႈ​ယူႇ​လႄႈ မူး​မၢတ်ႈ​ၽွင်း​မိူင်း​မၼ်း တင်း​လၢႆ ဢွၼ်​ၵၼ် ၵႂင်​ၸႂ်​ယုင်ႈ​ၸႂ်​ယူႇ​ဢေႃႈ။-</verse>
				<verse number="10">မိူဝ်ႈ​ၼၼ်ႉ ၼၢင်း​ႁေႃ​ၶမ်း ႁူႉ​ငိၼ်း​ၵႂၢမ်း ၶုၼ်​ႁေႃ​ၶမ်း ဢိၵ်ႇ​တင်း ၵႂၢမ်း​မူး​မၢတ်ႈ​ၽွင်း​မိူင်း​မၼ်း ၸိူဝ်း​ၼၼ်ႉ သေ​ယဝ်ႉ၊ ၶဝ်ႈ​ၸူး​ၵႃႈ​ၼႂ်း​ပွႆး​ၸဝ်ႈ ၼၼ်ႉ​လႄႈ ၼၢင်း​ႁေႃ​ၶမ်း​ၼၼ်ႉ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ႁႂ်ႈ​ဢသၢၵ်ႈ​ၸဝ်ႈ​ႁဝ်း လိပ်း​ယူႇ​တႃႇ​သေႇ​မၼ်ႈ​ၶိူင်ႇ သေ​ၵမ်း​လူၺ်ႈ။ ယႃႇ​ပေ​မီး တၢင်း​ဢၼ် မႆႈ​ၸႂ်​ႁွၼ်ႉ​ၸႂ် သေ​ၵမ်း​တီႈ​ၶႃႈ၊-</verse>
				<verse number="11">ၵူၼ်း​ဢၼ်​ပျေႉ​ၸုမ်ႇ​ဝႆႉ​တင်း ဝီႉၺိၺ်ႇ​ၽြႃး ဢၼ်​မူတ်း​ၸၢင်ႇ တင်း​လၢႆ ၼၼ်ႉ ၵေႃႉ​ၼိုင်ႈ မီး​ယူႇ​ၵႃႈ​ၼႂ်း သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ႁဝ်း ဢေႃႈ။ ၼႂ်း​ၸူဝ်ႈ​ၼႂ်း​ပၢၼ် ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ၊ လႆႈ​ထူပ်း​တၢင်း​ၵတ်ႉ​တၢင်း​ၶၼ်၊ ၺၢၼ်ႇ​ပိင်ႇ​ၺႃႇ ဢၼ်​မိူၼ်​ၸိူဝ်ႉ​ၼင်ႇ ပိင်ႇ​ၺႃႇ​ၽြႃး​တင်း​လၢႆ​ၼၼ်ႉ ၵႃႈ​ၼႂ်း​ၵေႃႉ​ၼၼ်ႉ​ဢေႃႈ။ ၸဝ်ႈ​ပေႃႈ​ၸဝ်ႈ​ႁဝ်း​ ၼေႇပူႉၶတ်ႉၼေႇၸႃႇ ဢၼ်​ဝႃႈ ၸဝ်ႈ​ပေႃႈ​ၸဝ်ႈ​ႁဝ်း​ၼၼ်ႉ ဢဝ်​ၵေႃႉ​ၼၼ်ႉ​ၶၢၼ်း​ဝႆႉ ႁႂ်ႈ​ပဵၼ်​ၵေႃႉ​ဢၼ်​ဢုပ်ႉ​ၵႃႈ​ၼိူဝ် မႃႇ​ၵူႉ​ပိင်ႇ​ၺႃႇ​သီႉ၊ မေႃ​ပေႇ​တၢင်ႇ၊ သြႃႇ​ ၶႃႇလတေး ၊ သြႃႇ​ဢၼႃႇၵၢတ်ႈတီႉ တင်း​လၢႆ ဢေႃႈ။-</verse>
				<verse number="12">လွင်ႈ​မၼ်း​ၸမ်ႉ လႆႈ​ထူပ်း​ၸႂ်​ဝီႉၺိၺ်ႇ ဢၼ်​လၢၵ်ႇ​လၢႆး ဢိၵ်ႇ​တင်း​ၺၢၼ်ႇ၊ ပိင်ႇ​ၺႃႇ၊ တၢင်း​ဢၼ် မွၵ်ႇ​လၢတ်ႈ​ဢၼၢၵ်ႈ တၢင်း​ဢၼ် ၽၼ်​ႁၼ်၊ တၢင်း​ဢၼ်​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​လိုၵ်ႉ​လမ်ႇ ယၢပ်ႇ​ၽိုတ်ႇ၊ တၢင်း​ဢၼ် ၵႄႈ​လိတ်ႈ​ပုၵ်ႈ​သႃႇ တၢင်း​ဢၼ်​တွင်ႈ ဢၼ်​ထၢမ်​ၼၼ်ႉ ၵႃႈ​ၼႂ်း​ၵေႃႉ​ၼၼ်ႉ ဢၼ်​ဝႃႈ တၢၼ်ႇယေႇလႃႉ ဢၼ်​ၶုၼ်​ႁေႃ​ၶမ်း​ၼၼ်ႉ ဢဵတ်း​လူ ပၼ်​ၸိုဝ်ႈ​ပၼ်​သဵင် ပေႇလတႃႉသႃႇၸႃႇ ​ၼၼ်ႉ တီႈ​ၶႃႈ​ဢေႃႈ။ ပေႃး​ၸဝ်ႈ​ႁဝ်း​ႁွင်ႉ တၢၼ်ႇယေႇလႃႉ ​ၸိုင်၊ မၼ်း​တၵ်း ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​မၼ်း တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊</verse>
				<verse number="13">တၢၼ်ႇယေႇလႃႉ လႆႈ​ၶၢမ်ႇ​တၢင်း​ဢၼ် ႁွင်ႉ​သႂၢင်း​ၶဝ်ႈ​ၸူး ၵႃႈ​တီႈ​ၶုၼ်​ႁေႃ​ၶမ်း​ဢေႃႈ။ ၶုၼ်​ႁေႃ​ၶမ်း ထၢမ်​တီႈ​ တၢၼ်ႇယေႇလႃႉ ​လႄႈ​ဝႃႈ၊ မႂ်း​ၸႂ်ႈ​ တၢၼ်ႇယေႇလႃႉ ဢၼ်​ၶဝ်ႈ​ပႃး ၼႂ်း​မုၵ်ႉ​ၵူၼ်း​ၸိူဝ်း​ၵူၼ်း​ ယူႉတႃႉ ဢၼ်​ၸဝ်ႈ​ပေႃႈ​ၵဝ် ၶုၼ်​ႁေႃ​ၶမ်း​ၼၼ်ႉ သိမ်း​ဢဝ်​ဢွၵ်ႇ​သေ ၵႃႈ​ၼႂ်း​မိူင်း​ ယူႉတႃႉ ​မႃး ၸိူဝ်း​ၼၼ်ႉ​ႁိုဝ်။-</verse>
				<verse number="14">ၵဝ်​ငိၼ်း သတၢင်း​သဵင်​ၶၢဝ်ႇ​မႂ်း လွင်ႈ​ဢၼ်​မႂ်း​ပျေႉ​ၸုမ်ႇ​ဝႆႉ တင်း​ဝီႉၺိၺ်ႇ​ၽြႃး တင်း​လၢႆ ဢိၵ်ႇ​တင်း လွင်ႈ​ဢၼ်​လႆႈ​ထူပ်း​တၢင်း​ၵတ်ႉ တၢင်း​ၶၼ်၊ ၺၢၼ်ႇ၊ ပိင်ႇ​ၺႃႇ​ဢၼ်​လၢၵ်ႇ​လၢႆး ၵႃႈ​ၼႂ်း​မႂ်း​ၼၼ်ႉ​ယဝ်ႉ။-</verse>
				<verse number="15">ပိၵ်ႉ​သမ်ႉ ဢဝ်​မေႃ​ပေႇ​တၢင်ႇ ဢိၵ်ႇ​တင်း ပိင်ႇ​ၺႃႇ​သီႉ တင်း​လၢႆ မႃး​သႂၢင်း​ၶဝ်ႈ​တီႈ​ၵဝ် ႁႂ်ႈ​ၶဝ်​ၽတ်း​လိၵ်ႈ ၼၼ်ႉ​လႄႈ ၽုၺ်ႇ​ဢွၵ်ႇ ၼႄ​ပျႃး​ဢၼၢၵ်ႈ​မၼ်း​တီႈ​ၵဝ် သေ​ၵေႃႈ ၶဝ်​ၼၼ်ႉ ဢမ်ႇ​ဢွၼ်​ၵၼ်​ၽုၺ်ႇ​ဢွၵ်ႇ ၼႄ​ပျႃး​ဢၼၢၵ်ႈ​မၼ်း​လႆႈ။-</verse>
				<verse number="16">ၵဝ်​လႆႈ​ငိၼ်း​လွင်ႈ ဢၼ်​မႂ်း​ၽုၺ်ႇ​ဢွၵ်ႇ ၼႄ​ပျႃး​ဢၼၢၵ်ႈ တင်း​လၢႆ​လႄႈ ၵႄႈ​လိတ်ႈ​ပုၵ်ႈ​သႃႇ တၢင်း​ဢၼ် တွင်ႈ​ထၢမ် တင်း​လၢႆ ၼၼ်ႉ​ယဝ်ႉ။ ပေႃး​မႂ်း​ၽတ်း​လိၵ်ႈ ၼၼ်ႉ​လႄႈ ၽုၺ်ႇ​ဢွၵ်ႇ ၼႄ​ပျႃး​ဢၼၢၵ်ႈ​မၼ်း တီႈ​ၵဝ်​လႆႈ​ၸိုင်၊ မႂ်း​တၵ်း​လႆႈ​ၶၢမ်ႇ​တၢင်း​ဢၼ် ဢဝ်​ၶူဝ်း​ဢၼ်​လႅင်​ၵမ်ႇ ၼုင်ႈ​မႆ​ပၼ်​လႄႈ ဢဝ်​ၸရွႆႇ​ၶမ်း​ႁွႆႈ​သႂ်ႇ​ပၼ် တီႈ​ၶေႃး​သေ​လႄႈ ပဵၼ်​ၶုၼ်​တႃႉတီႉယႃႉ ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">တၢၼ်ႇယေႇလႃႉ ​ၵေႃႈ လဝ်ႊ​လၢတ်ႈ​တီႈ ၶုၼ်​ႁေႃ​ၶမ်း​လႄႈ​ဝႃႈ၊ ႁႂ်ႈ​သူး​ၸဝ်ႈ​လၢပ်ႈ​ၸဝ်ႈ​ၼၼ်ႉ မီး​တီႈ​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ဢဝ်​လွင်ႈ​တၢင်း​ဢၼ်​ၶႂ်ႈ​ပၼ် ၸိူဝ်း​ၼၼ်ႉ ပၼ်​တီႈ​ပိူၼ်ႈ​တၢင်ႇ​ၵေႃႉ သေ​ၵမ်း​တီႈ​ၶႃႈ၊ ၵူၺ်း​ၵႃႈ ၶႃႈ​ၸဝ်ႈ တၵ်း​ၽတ်း​လိၵ်ႈ​ၼၼ်ႉ တီႈ​ၸဝ်ႈ​ၶုၼ်​လူင်​လႄႈ ၽုၺ်ႇ​ဢွၵ်ႇ​ၼႄ​ပျႃး ဢၼၢၵ်ႈ​မၼ်း တီႈ​ၸဝ်ႈ​ႁဝ်း တီႈ​ၶႃႈ​ဢေႃႈ။-</verse>
				<verse number="18">ၸဝ်ႈ​ၶုၼ်​လူင်​တီႈ​ၶႃႈ၊ ၽြႃး​ပဵၼ်​ၸဝ်ႈ ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ဢဵတ်း​လူ ပၼ်​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ဢိၵ်ႇ​တင်း မုၼ်​ၽုင်း​ၶမ်း​ၸဝ်ႈ တင်း​ၵုင်ႇ​သရေႇ​ၸဝ်ႈ တင်း​ဢႃႇၼူႉၽေႃႇ​ၸဝ်ႈ တီႈ​ၸဝ်ႈ​ပေႃႈ​ၸဝ်ႈ​ႁဝ်း ၶုၼ်​လူင်​ ၼေႇပူႉၶတ်ႉၼေႇၸႃႇ ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="19">ၵွပ်ႈ​ပိူဝ်ႈ မုၼ်​ၽုင်း​ၶမ်း​ၸဝ်ႈ ဢၼ်​မၼ်း​ၸဝ်ႈ ဢဵတ်း​လူ ပၼ်​ၼၼ်ႉ​လႄႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​လၢတ်ႈ​ၵႂၢမ်း​ၽႃႇသႃႇ ၶေႃ​ၶေႃ ႁင်း​ၽႂ်​ႁင်း​မၼ်း တင်း​သဵင်ႈ​တင်း​လူင် ၼၼ်ႉ ဢွၼ်​ၵၼ်​ၵူဝ်​ႁႄ​သၼ်ႇ​ဝႆ​ယူႇ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ တီႈ​ၶႃႈ​ဢေႃႈ။ မၼ်း​ၸဝ်ႈ​ဢဝ်​ၶဝ်​ၸိူဝ်း​ဢၼ် မၼ်း​ၸဝ်ႈ​ၶႂ်ႈ​ဢဝ်​တၢႆ​ၼၼ်ႉ​တၢႆ​လႄႈ ႁႂ်ႈ​ၶဝ်​ၸိူဝ်း​ဢၼ်​မၼ်း​ၸဝ်ႈ ၶႂ်ႈ​ႁႂ်ႈ​ဢသၢၵ်ႈ​လိပ်း​ၼၼ်ႉ ဢသၢၵ်ႈ​လိပ်း​ယူႇ တီႈ​ၶႃႈ​ဢေႃႈ။ မၼ်း​ၸဝ်ႈ​ဢဝ်​ၶဝ်​ၸိူဝ်း​ဢၼ် မၼ်း​ၸဝ်ႈ​ၶႂ်ႈ​ယုၵ်ႉ​ယွင်ႈ​ၼၼ်ႉ ယုၵ်ႉ​ယွင်ႈ​လႄႈ ဢဝ်​ၶဝ်​ၸိူဝ်း​ဢၼ်​မၼ်း​ၸဝ်ႈ​ၶႂ်ႈ​ၶျႃး​တူၵ်း တီႈ​တႅမ်ႇ​ၼၼ်ႉ ၶျႃး​တူၵ်း​တီႈ​တႅမ်ႇ တီႈ​ၶႃႈ​ဢေႃႈ။-</verse>
				<verse number="20">မိူဝ်ႈ​ဢၼ်​မၼ်း​ၸဝ်ႈ မီး​ၸႂ်​မၢၼ်ႇ​မႃႇၼႃႉ​လႄႈ မီး​တၢင်း​ဢၼ် ၸႂ်​ၵႅၼ်ႇ​ၸႂ်​ၶႅင်​ထၼ်ႈ​ပေႃး ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ပိူၼ်ႈ ၼၼ်ႉ​ၸိုင်၊ မၼ်း​ၸဝ်ႈ လႆႈ​ၶၢမ်ႇ​တၢင်း​ဢၼ်​ဢဝ် တူၵ်း​လူင်း​သေ ၵႃႈ​ၼိူဝ်​ႁေႃ​ၶမ်း​လႄႈ မုၼ်​ၽုင်း​တၼ်း​ၶူဝ်း မၼ်း​ၸဝ်ႈ လပ်ႉ​ႁၢႆ​ၵႂႃႇ​တီႈ​ၶႃႈ​ဢေႃႈ။-</verse>
				<verse number="21">မၼ်း​ၸဝ်ႈ ၶၢမ်ႇ​တၢင်း​ဢၼ် ႁေႃႈ​ဢွၵ်ႇ​ပႅတ်ႈ​သေ ၵႃႈ​ၼႂ်း​မုၵ်ႉ​ၵူၼ်း ၸိူဝ်း​ၵူၼ်း​လႄႈ ပျေႉ​ၸုမ်ႇ​ဝႆႉ တင်း​သၽေႃး​တရိၵ်ႈသၢၼ်ႇ တီႈ​ၶႃႈ​ဢေႃႈ။ မၼ်း​ၸဝ်ႈ တူၵ်း​တီႈ​ယူႇ​တီႈ​သဝ်း လူၺ်ႈ​ၵၼ်​တင်း လီႈ​ဢၼ်​ရိူင်း တင်း​လၢႆ​ယူႇ၊ ၵိၼ်​ယိူဝ်ႈ​ၵိၼ်​ယႃႈ မိူၼ်​ၸိူဝ်ႉ​ၼင်ႇ​ဝူဝ်း​ၼၼ်ႉ​ယူႇ သေ​လႄႈ တူဝ်​မၼ်း​ၸဝ်ႈ လႆႈ​ၶၢမ်ႇ​တၢင်း​ဢၼ် ယမ်း​ၽူၼ်​ယမ်း​ၼၢႆး​ယူႇ တေႃႇ​ထိုင်​ႁွတ်ႈ မၼ်း​ၸဝ်ႈ​ႁူႉ​ၸႅင်ႈ လွင်ႈ​ဢၼ် ၽြႃး​ပဵၼ်​ၸဝ်ႈ ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ဢုပ်ႉ​ပိူင်ႇ​မိူင်း​လေႃးၵီႇ​လႄႈ ဢၢပ်ႈ​ပၼ်​တီႈ​ၵေႃႉ​ဢၼ် မၼ်း​ၸဝ်ႈ မီး​ဢလူဝ်ႇ​ၶႂ်ႈ​ပၼ်​ၼၼ်ႉ တီႈ​ၶႃႈ​ဢေႃႈ။-</verse>
				<verse number="22">ပေႇလသႃႇၸႃႇ ​ဢၼ်​ပဵၼ် လုၵ်ႈ​ၸၢႆး​မၼ်း​ၸဝ်ႈ ၼၼ်ႉ​တီႈ​ၶႃႈ၊ ပိၵ်ႉ​သမ်ႉ ၸဝ်ႈ​ႁဝ်း​ႁူႉ​လွင်ႈ​တၢင်း​ၼၼ်ႉ ၵူႈ​ၸိူဝ်ႉ​ၵူႈ​ပိူင် သေ​ၵေႃႈ ၸဝ်ႈ​ႁဝ်း​ယင်း​ဢမ်ႇ​ၶျႃး ႁူဝ်​ၸႂ်​ၸဝ်ႈ​ႁဝ်း တူၵ်း​တီႈ​တႅမ်ႇ​လႄႈ​-</verse>
				<verse number="23">ႁဵတ်း​ၶတ်း​ၵၼ် တင်း​ၸဝ်ႈ​ၽုင်ႇ​ၵၢင်​ႁၢဝ် ယူႇ​သေ​လႄႈ ႁႂ်ႈ​ဢဝ်​ၵွၵ်း​ပိၵ်ႈ​မၢၼ်ႇ​ၸဝ်ႈ ၸိူဝ်း​ၼၼ်ႉ မႃး​သႂၢင်း​ၶဝ်ႈ​ၵႃႈ​တီႈ​ၽၢႆႇ​ၼႃႈ ၸဝ်ႈ​ႁဝ်း​လႄႈ တူဝ်​ၸဝ်ႈ​ႁဝ်း ဢိၵ်ႇ​တင်း မူး​မၢတ်ႈ​ၽွင်း​မိူင်း​ၸဝ်ႈ​ႁဝ်း၊ ၼၢင်း​ႁေႃ​ၶမ်း​ၸဝ်ႈ​ႁဝ်း၊ ၸိူင်ႉ​ၼၢင်း​ၸဝ်ႈ​ႁဝ်း ၸိူဝ်း​ၼၼ်ႉ ဢွၼ်​ၵၼ်​ဢဝ်​ၵွၵ်း ၸိူဝ်း​ၼၼ်ႉ သူတ်ႉ​ၵိၼ်​ၼမ်ႉ​ၸပိတ်ႈ​လႄႈ ဢွၼ်​ၵၼ် ယွင်ႈ​ယေႃး​ၽြႃး​ငိုၼ်း ၽြႃး​ၶမ်း၊ ၽြႃး​တွင်း​လိူင်၊ ၽြႃး​လဵၵ်း၊ ၽြႃး​မႆႉ၊ ၽြႃး​မၢၵ်ႇ​ႁိၼ် ဢၼ်​မၢၵ်ႇ​တႃ​ဢမ်ႇ​ႁၼ်၊ ႁူ​ဢမ်ႇ​ငိၼ်း၊ ဢမ်ႇ​ႁူႉ​ၵႃႈ​သင် လႃး​လႃး ၸိူဝ်း​ၼၼ်ႉ​ယူႇ သေ​လႄႈ ယင်း​ဢမ်ႇ​ယွင်ႈ​ယေႃး ၽြႃး​ပဵၼ်​ၸဝ်ႈ ဢၼ်​ဢုပ်ႉ​ပိူင်ႇ​ဢသၢၵ်ႈ တၢင်း​ဢၼ် ထူၺ်ႈ​ၸႂ်​ၶဝ်ႈ​ထူၺ်ႈ​ၸႂ်​ဢွၵ်ႇ ၸဝ်ႈ​ႁဝ်း၊ ဢၼ်​ၸီႇ​ယၢင်ႇ သဵၼ်ႈ​တၢင်း​ၵႃႈ​ဢၼ် ၸဝ်ႈ​ႁဝ်း​ၸွမ်း ၼၼ်ႉ​လႄႈ​ယူႇ​ယဝ်ႉ တီႈ​ၶႃႈ​လူင်​ပႄႇ။-</verse>
				<verse number="24">ပိူဝ်ႈ​ၼႆ​လႄႈ မၼ်း​ၸဝ်ႈ​ၼၼ်ႉ ပွႆႇ​ၸႂ်ႉ​ပၢႆ​မိုဝ်း​ၼၼ်ႉ​မႃး​လႄႈ တႅမ်ႈ​လိၵ်ႈ​ၼၼ်ႉ​ဝႆႉ တီႈ​ၶႃႈ​ဢေႃႈ။-</verse>
				<verse number="25">ၵႂၢမ်း​လိၵ်ႈ​ဢၼ်​တႅမ်ႈ​ဝႆႉ​ၼၼ်ႉ​ဝႃႈ​ၸမ်ႉ၊ မေႇၼေႇ၊ မေႇၼေႇ၊ တေႇၵလႃႉ၊ ဢူႉၽႃႇၸိၼ်း၊ ဝႃႈ​ၼင်ႇ​ၼႆ တီႈ​ၶႃႈ​ဢေႃႈ။-</verse>
				<verse number="26">ဢၼၢၵ်ႈ​ဢထိၵ်ႈပႄႇ​ဢၼ်​ဝႃႈ မေႇၼေႇ ​ၼၼ်ႉ​ၸမ်ႉ၊ ၽြႃး​ပဵၼ်​ၸဝ်ႈ ၼပ်ႉ​ဢၢၼ်ႇ သိုင်ႇ​ၸိုင်ႈ​ဝၢၼ်ႈ​မိူင်း ၸဝ်ႈ​ႁဝ်း​လႄႈ ႁႂ်ႈ​မၼ်း​သုတ်း​ၵႂႃႇ ၵွႆ​ၵႂႃႇ တီႈ​ၶႃႈ​ဢေႃႈ။-</verse>
				<verse number="27">ဢၼၢၵ်ႈ​ဢထိၵ်ႈပႄႇ​ဢၼ်​ဝႃႈ တေႇၵလႃႉ ​ၼၼ်ႉ​ၸမ်ႉ၊ မၼ်း​ၸဝ်ႈ​ဢဝ်​ယႃႇ​ၸူႇ ၸင်ႈ​ႁိဝ်ႈ​ၸဝ်ႈ​ႁဝ်း​လႄႈ ထူပ်း​ႁၼ်​လွင်ႈ​ဢၼ် ၸဝ်ႈ​ႁဝ်း ယွမ်း​ၵႂႃႇ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="28">ဢၼၢၵ်ႈ​ဢထိၵ်ႈပႄႇ ဢၼ်​ဝႃႈ ၽေးရိတ်ႉ ​ၼၼ်ႉ​ၸမ်ႉ၊ မၼ်း​ၸဝ်ႈ ၽႄ​ဢဝ် သိုင်ႇ​ၸိုင်ႈ​ဝၢၼ်ႈ​မိူင်း ၸဝ်ႈ​ႁဝ်း​လႄႈ ဢၢပ်ႈ​ပၼ် တီႈ​ၵူၼ်း​ မေႇတီႉ ၊ ၵူၼ်း​ ပေႇရသီႉ ​ၸိူဝ်း​ၼၼ်ႉ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မိူဝ်ႈ​ၼၼ်ႉ ၶုၼ်​လူင် ပေႇလသႃႇၸႃႇ မီး​ဢမိင်ႉ​လႄႈ ၶဝ်​ဢွၼ်​ၵၼ် ဢဝ်​ၶူဝ်း​ဢၼ်​လႅင်​ၵမ်ႇ ၼုင်ႈ​မႆ​ပၼ် တၢၼ်ႇယေႇလႃႉ ​လႄႈ ဢဝ်​ၸရွႆႇ​ၶမ်း ႁွႆႈ​သႂ်ႇ​ပၼ်​ၵႃႈ​တီႈ​ၶေႃး​မၼ်း သေ​ယဝ်ႉ၊ ဢဝ်​လွင်ႈ​မၼ်း​ႁွင်ႉ​ပၢဝ်ႇ​ႁွင်ႉ​သေႃႇ လူၺ်ႈ​လွင်ႈ​ဢၼ် မၼ်း​ပဵၼ် ၶုၼ်​တႃႉတီႉယႃႉ ၵႃႈ​ၼႂ်း သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၼၼ်ႉ​ဢေႃႈ။-</verse>
				<verse number="30">ၼႂ်း​ၶိုၼ်း​ၼၼ်ႉ ၵမ်း​လဵဝ်၊ ပေႇလသႃႇၸႃႇ ၶုၼ်​ႁေႃ​ၶမ်း ၶႃႇလတေး ​ၼၼ်ႉ သုမ်း​ဢသၢၵ်ႈ​လႄႈ၊-</verse>
				<verse number="31">ၶုၼ်​ တႃႇရီႉ မဵဝ်း​ မေႇတီႉ ​ၼၼ်ႉ သိမ်း​ဢဝ် သိုင်ႇ​ၸိုင်ႈ​ဝၢၼ်ႈ​မိူင်း ၸဝ်ႈ​ၼၼ်ႉ ၼႂ်း​ပီႊ​ဢၼ်​ဢသၢၵ်ႈ​မၼ်း​လႆႈ ႁူၵ်း​သိပ်း​ပၢႆ​သွင်​ပီႊ ၼၼ်ႉ​ဢေႃႈ။</verse>
			</chapter>
			<chapter number="6">
				<verse number="1">ၶုၼ်​လူင်​ တႃႇရီႉ ​ၼၼ်ႉ ၸွမ်း​လူၺ်ႈ​ဢလူဝ်ႇ​မၼ်း သေ​လႄႈ ၶၢၼ်း​ၸဝ်ႈ​ၽႃႉ ဢၼ်​လႆႈ​ၸီႇ​ယၢင်ႇ​ဢမူႉ သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၵူႈ​ၸိူဝ်ႉ​ၵူႈ​ပိူင် ၼၼ်ႉ ပၢၵ်ႇ​ပၢႆ​သၢဝ်း​ၼိုင်ႈ၊-</verse>
				<verse number="2">ဢိၵ်ႇ​တင်း ဝုၼ်ႇ​လူင်​သၢမ်​ပႃး ဢၼ်​ပႃး​တင်း​ တၢၼ်ႇယေႇလႃႉ ​ၼၼ်ႉ ဢၼ်​လႆႈ​ဢုပ်ႉ​ၵႃႈ​ၼိူဝ်​ၶဝ်​ၼၼ်ႉ သေ​လႄႈ ႁႂ်ႈ​ၸဝ်ႈ​ၽႃႉ​ၸိူဝ်း​ၼၼ်ႉ သၢၵ်ႈ​ပၼ်​သႂၢင်း​ၸပေႇ​ၸရၢင်း တီႈ​ၶဝ် ႁႂ်ႈ​ဢၵျူဝ်း ၶုၼ်​ႁေႃ​ၶမ်း ဢမ်ႇ​လႆႈ​လူႉ​ၼၼ်ႉ ဝႆႉ​ဢေႃႈ။-</verse>
				<verse number="3">တၢၼ်ႇယေႇလႃႉ ​ၼၼ်ႉ ၵွပ်ႈ​ပိူဝ်ႈ ဢၼ်​ပျေႉ​ၸုမ်ႇ​ဝႆႉ တင်း​ၺၢၼ်ႇ​ဢၼ်​လၢၵ်ႇ​လၢႆး ၼၼ်ႉ​လႄႈ လႆႈ​ဢရႃႇ ဢၼ်​ဢုပ်ႉ​ၵႃႈ​ၼိူဝ်​ဝုၼ်ႇ​လူင် တင်း​လၢႆ ဢိၵ်ႇ​တင်း ၸဝ်ႈ​ၽႃႉ တင်း​လၢႆ​လႄႈ ၶုၼ်​ႁေႃ​ၶမ်း မီး​တၢင်း​ၵျၢမ်ႇ​တၢင်း​ပွင် တၵ်း​ဢဝ်​မၼ်း ၶၢၼ်း​ဝႆႉ​ၵႃႈ​ၼိူဝ် သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ တင်း​သဵင်ႈ​တင်း​လူင်​ဢေႃႈ။-</verse>
				<verse number="4">မိူဝ်ႈ​ၼၼ်ႉ ၶုၼ်​လူင် တင်း​လၢႆ ဢိၵ်ႇ​တင်း ၸဝ်ႈ​ၽႃႉ ၸိူဝ်း​ၼၼ်ႉ ဢွၼ်​ၵၼ်​ႁႃ​ဢၶႂၢင်ႉ​ဢၼ် တၵ်း​တၢင်ႇ​ဢပႅတ်ႈ တီႈ​ တၢၼ်ႇယေႇလႃႉ လူၺ်ႈ​လွင်ႈ​ဢမူႉ သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၼၼ်ႉ​ဢေႃႈ။ ၵူၺ်း​ၵႃႈ​ၶဝ်​ဢမ်ႇ​ထူပ်း တီႈ​ဢၼ်​ၽိတ်း​ဢၼ်​ပိူင်ႈ ဢိၵ်ႇ​တင်း ဢၶႂၢင်ႉ​တီႈ​ဢၼ် တၵ်း​တၢင်ႇ​ဢပႅတ်ႈ လႃး​လႃး။ လွင်ႈ​မၼ်း​ၸမ်ႉ မၼ်း​ပျေႉ​ၸုမ်ႇ​ဝႆႉ တင်း​သဵတ်ႈ​ၸႃႇ​လႄႈ ဢမ်ႇ​မီး​ဢပႅတ်ႈ​သေ​ၸိူဝ်ႉ​သေ​ပိူင်။-</verse>
				<verse number="5">မိူဝ်ႈ​ၼၼ်ႉ ၵူၼ်း​ၸိူဝ်း​ၼၼ်ႉ တိူင်ႇ​ပၢင်ႇ လၢတ်ႈ​ၸႃ​ၵၼ်​လႄႈ​ဝႃႈ၊ ၼွၵ်ႈ​သေ ဢမူႉ​ၽႃႇသႃႇ ၽြႃး​ပဵၼ်​ၸဝ်ႈ မၼ်း​ၼၼ်ႉ ႁဝ်း​ဢွၼ်​ၵၼ်​ႁႃ​ဢၶႂၢင်ႉ ဢၼ်​တၵ်း တၢင်ႇ​ဢပႅတ်ႈ​တီႈ​မၼ်း ၼၼ်ႉ​လႄႈ ဢမ်ႇ​ထူပ်း​လႆႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ဝုၼ်ႇ​လူင်​တင်း​လၢႆ ဢိၵ်ႇ​တင်း ၸဝ်ႈ​ၽႃႉ​ၸိူဝ်း​ၼၼ်ႉ ဢွၼ်​ၵၼ်​မႃး​ၸူႉ​ၵၼ်​တုမ်​ၵၼ် ၵႃႈ​တီႈ​ၶုၼ်​ႁေႃ​ၶမ်း​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၶုၼ်​လူင်​ တႃႇရီႉ ​တီႈ​ၶႃႈ၊ ႁႂ်ႈ​ဢသၢၵ်ႈ​ၸဝ်ႈ​ႁဝ်း​လိပ်း​ယူႇ​တႃႇ​သေႇ မၼ်ႈ​ၶိူင်ႇ​သေ​ၵမ်း​လူၺ်ႈ​တီႈ​ၶႃႈ၊-</verse>
				<verse number="7">ဝုၼ်ႇ​လူင်၊ ၸဝ်ႈ​ၽႃႉ၊ မူး​မၢတ်ႈ​ၽွင်း​မိူင်း ဢၼ်​တိူင်ႇ​ပၢင်ႇ၊ ၸဵတ်ႈ​ၵႄး​မိူင်း​ၸဝ်ႈ တင်း​သဵင်ႈ​တင်း​လူင် တိူင်ႇ​ပၢင်ႇ ၽွမ်ႉ​သဵင်​ပဵင်း​ပၢၵ်ႇ​ၵၼ် ႁႂ်ႈ​လႆႈ​ႁဵတ်း တၢင်း​ဢၼ်​ထုတ်ႇ​ဢွၵ်ႇ ဢူႉပတေႇ​ၸဝ်ႈ​လႄႈ ပူင်​ဢမိင်ႉ​ၸဝ်ႈ ဢၼ်​ႁၢမ်ႈ​တၢပ်ႈ​ႁႄႉ​ၶႅၼ် ဢၼ်​ဢမ်ႇ​ၽွၵ်ႈ​ပျၢၼ်ႇ​လႆႈ​ၼၼ်ႉ​လႄႈ​ဝႃႈ၊ ၼႂ်း​သၢမ်​သိပ်း​ဝၼ်း တဵမ်​တဵမ် ၼွၵ်ႈ​သေ​တီႈ​ၸဝ်ႈ​ႁဝ်း​ၼႆႉ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၶုပ်ႉ​ဝႆႈ သူး​တွင်း​တီႈ​ၽြႃး သေ​သူႇ​သေ​ပႃး ဢမ်ႇ​ၼၼ် တီႈ​ၵူၼ်း​သေ​ၵေႃႉ​သေ​ၵူၼ်း​ၼၼ်ႉ​ၸိုင်၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ဢဝ်​ထိမ်ႈ​ၶျႃး​တူၵ်း​သႂ်ႇ ၵႃႈ​ၼႂ်း​ႁူး​ၶုမ် ဢၼ်​ၶင်​သၢင်ႇ​သီႈ​ဝႆႉ ၼၼ်ႉ​ဢေႃႈ၊ ဝႃႈ​ၼႆ​ၼၼ်ႉ​တီႈ​ၶႃႈ​ယဝ်ႉ။-</verse>
				<verse number="8">ပိူဝ်ႈ​ၼႆ​လႄႈ ၸဝ်ႈ​ၶုၼ်​လူင်​တီႈ​ၶႃႈ၊ ပူင်​ဢမိင်ႉ​ဢၼ်​ႁၢမ်ႈ​တၢပ်ႈ​ႁႄႉ​ၶႅၼ်​ၼၼ်ႉ သေ​ၵမ်း​တီႈ​ၶႃႈ၊ တွၵ်ႇ​တၼ်း​သိၵ်ႈ ႁႂ်ႈ​ဢမိင်ႉ​ၸဝ်ႈ​ၼၼ်ႉ တႄႇ​ယူႇ​ၸွမ်း​လူၺ်ႈ ထမ်ႇမသၢတ်ႈ​ မေႇတီႉ၊ ပေႇရသီႉ ဢၼ်​ဢမ်ႇ​ၸၢင်ႈ​ၶၢႆႉ​ပုတ်ႈ​လႆႈ​ၼၼ်ႉ သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">ၶုၼ်​ တႃႇရီႉ ​ၼၼ်ႉ တွၵ်ႇ​တၼ်း​သိၵ်ႈ တီႈ​ဢမိင်ႉ​ၸဝ်ႈ ဢၼ်​ႁၢမ်ႈ​တၢပ်ႈ​ႁႄႉ​ၶႅၼ်​ၼၼ်ႉ​ဢေႃႈ။-</verse>
				<verse number="10">ပိၵ်ႉ​သမ်ႉ​ တၢၼ်ႇယေႇလႃႉ ႁူႉ​ငိၼ်း​လွင်ႈ​ဢၼ်​ဢမိင်ႉ​ၸဝ်ႈ မီး​တၢင်း​ဢၼ်​ထုတ်ႇ​ဢွၵ်ႇ​လႄႈ တွၵ်ႇ​တၼ်း​သိၵ်ႈ​ဝႆႉ​ယဝ်ႉ​ၼၼ်ႉ သေ​ၵေႃႈ၊ မၼ်း​ၵႂႃႇ​ၸူး​ၵႃႈ​တီႈ​ႁိူၼ်း မၼ်း​လႄႈ ၽုၺ်ႇ​ပိုတ်ႇ​ႁူး​လၢင်း​တဵၼ် လုၵ်း​ႁၢၼ်ႉ​ၼိူဝ်​ဢၼ် ဝၢႆႇ​ၼႃႈ​တေႃႇ ဝဵင်း​ ယေႇရူႉသလႅမ်ႇ ​ၼၼ်ႉ​သေ​ယဝ်ႉ၊ ယေႈ​ဝၼ်း​သၢမ်​ပွၵ်ႈ ၶုပ်ႉ​ၶဝ်ႇ​ယူႇ​သေ​လႄႈ သူး​တွင်း​လႄႈ ယွင်ႈ​ယေႃး​ၵျေး​ၸူး​ၸဝ်ႈ ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ ၸွမ်း​ၵႃႈ​ၼင်ႇ​ဢၼ်​မီး​ထုင်း​ၸၢမ်ႇ ဢၼ်​မၼ်း​ႁဵတ်း မိူဝ်ႈ​ဢွၼ်​တၢင်း​ၼၼ်ႉ မီး​ၼၼ်ႉ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ၶုၼ်​ၸိူဝ်း​ၼၼ်ႉ ဢွၼ်​ၵၼ်​မႃး ၸူႉ​ၵၼ်​တုမ်​ၵၼ်​လႄႈ ထူပ်း​ႁၼ်​ တၢၼ်ႇယေႇလႃႉ သူး​တွင်း​ပထၼႃႇ လဝ်ႊ​ယွၼ်း​ဢဝ် ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ မၼ်း​သေ​ယဝ်ႉ၊-</verse>
				<verse number="12">ဢွၼ်​ၵၼ် သုတ်ႉ​ၸပ်း​သုတ်ႉ​ၸူး ၵႃႈ​တီႈ​ၶုၼ်​ႁေႃ​ၶမ်း​လႄႈ လဝ်ႊ​ထၢမ်​လွင်ႈ​ဢမိင်ႉ​မၼ်း​ၸဝ်ႈ ၼၼ်ႉ​လႄႈ​ဝႃႈ၊ ၸဝ်ႈ​ႁဝ်း​တွၵ်ႇ​တၼ်း​သိၵ်ႈ​ဝႆႉ တီႈ​ဢမိင်ႉ​ၸဝ်ႈ​ဢၼ်​ဝႃႈ၊ ၼႂ်း​သၢမ်​သိပ်း​ဝၼ်း​တဵမ်​တဵမ် ၼွၵ်ႈ​သေ​တီႈ​ၸဝ်ႈ​ႁဝ်း​ၼႆႉ ၸဝ်ႈ​ၶုၼ်​လူင်​တီႈ​ၶႃႈ၊ ၶဝ်​ၵႃႈ​ဢၼ် ၶုပ်ႉ​ဝႆႈ​သူး​တွင်း​တီႈ​ၽြႃး သေ​သူႇ​သေ​ပႃး၊ ဢမ်ႇ​ၼၼ် တီႈ​ၵူၼ်း​သေ​ၵေႃႉ​သေ​ၵူၼ်း​ၼၼ်ႉ တၵ်း​လႆႈ ၶၢမ်ႇ​တၢင်း​ဢၼ် ဢဝ်​ထိမ်ႈ​ၶျႃး​တူၵ်း သႂ်ႇ​ၵႃႈ​ၼႂ်း​ႁူး​ၶုမ် ဢၼ်​ၶင်​သၢင်ႇ​သီႈ​ဝႆႉ ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ၊ ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ၶုၼ်​ႁေႃ​ၶမ်း​ၵေႃႈ မီး​ဢမိင်ႉ​လႄႈ​ဝႃႈ၊ ပဵၼ်​ဢၼ်​မၢၼ်ႇ​ဢၼ်​မႅၼ်ႈ ၸွမ်း​လူၺ်ႈ ထမ်ႇမသၢတ်ႈ​ မေႇတီႉ၊ ပေႇရသီႉ ​ဢၼ်​ဢမ်ႇ​ၸၢင်ႈ​ၶၢႆႉ​ပုတ်ႈ​လႆႈ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵူၼ်း​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​လဝ်ႊ​လၢတ်ႈ ၵႃႈ​တီႈ​ၽၢႆႇ​ၼႃႈ ၶုၼ်​ႁေႃ​ၶမ်း​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ တၢၼ်ႇယေႇလႃႉ မဵဝ်း​ၵူၼ်း​ ယူႉတႃႉ ဢၼ်​လႆႈ ၶၢမ်ႇ​တၢင်း​ဢၼ်​သိမ်း​ဢဝ်​မႃး​ၼၼ်ႉ ဢမ်ႇ​ႁဵတ်း​ပမႃႇၼႃႉ တီႈ​ၸဝ်ႈ​ႁဝ်း၊ ၸဝ်ႈ​ၶုၼ်​လူင်​တီႈ​ၶႃႈ၊ ဢိၵ်ႇ​တင်း တီႈ​ဢမိင်ႉ​ၸဝ်ႈ​ႁဝ်း ဢၼ်​ၸဝ်ႈ​ႁဝ်း တွၵ်ႇ​တၼ်း​သိၵ်ႈ​ၼၼ်ႉ​လႄႈ သူး​တွင်း​ပထၼႃႇ​ယူႇ ယေႈ​ဝၼ်း​သၢမ်​ပွၵ်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၶုၼ်​ႁေႃ​ၶမ်း ငိၼ်း​ၵႂၢမ်း​ၼၼ်ႉ သေ​ယဝ်ႉ၊ မႆႈ​ၸႂ်​ၶီ​ၸႂ်​ၼႃႇ​လူင်​လၢင်​လႄႈ၊ မီး​ၸႂ်​ဢၼ်​ႁႅင်း​ယႂ်ႇ​ၼႃႇ​လူင်​လၢင် ႁႂ်ႈ​လႆႈ​ၵႄႇ​သႄႇ​ဢဝ် တၢၼ်ႇယေႇလႃႉ ​လွတ်ႈ​လႄႈ ၵျူဝ်း​ၸႃး​ႁႃ​ဢၶႂၢင်ႉ ႁႂ်ႈ​လႆႈ​ဢဝ်​မၼ်း​လွတ်ႈ​ယူႇ တေႃႇ​ထိုင်​ႁွတ်ႈ ၵၢင်​ဝၼ်း​ထၼ်ႈ​ပေႃး​တူၵ်း​ဢေႃႈ။-</verse>
				<verse number="15">လႆႈ​သမ်ႉ ၶုၼ်​ၸိူဝ်း​ၼၼ်ႉ ဢွၼ်​ၵၼ် မႃး​ၸူႉ​ၵၼ်​တုမ်​ၵၼ် ၵႃႈ​တီႈ ၶုၼ်​ႁေႃ​ၶမ်း​လႄႈ လဝ်ႊ​လၢတ်ႈ​တီႈ ၶုၼ်​ႁေႃ​ၶမ်း​လႄႈ​ဝႃႈ ၸဝ်ႈ​ၶုၼ်​လူင်​တီႈ​ၶႃႈ၊ ၶႅၼ်း​တေႃႈ​လႆႈ​သတီႉ လွင်ႈ​ဢၼ်​ပႃး​ၵႃႈ​ၼႂ်း​ထမ်ႇမသၢတ်ႈ​ မေႇတီႉ၊ ပေႇရသီႉ ​ၼၼ်ႉ​လႄႈ​ဝႃႈ၊ ဢမိင်ႉ​ၸဝ်ႈ ဢိၵ်ႇ​တင်း ဢူႉပတေႇ​ၸဝ်ႈ​ဢၼ် ၶုၼ်​ႁေႃ​ၶမ်း ထုတ်ႇ​ဢွၵ်ႇ​ယဝ်ႉ​ၼၼ်ႉ ဢမ်ႇ​လႆႈ​ၶၢႆႉ​လႆႈ​ပုတ်ႈ၊ ဝႃႈ​ၼင်ႇ​ၼႆ​ၼၼ်ႉ သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="16">ၶုၼ်​ႁေႃ​ၶမ်း​မီး​ဢမိင်ႉ​လႄႈ ၶဝ်​ဢွၼ်​ၵၼ် ဢဝ်​ တၢၼ်ႇယေႇလႃႉ ​မႃး​လႄႈ ထိမ်ႈ​ၶျႃး​တူၵ်း​သႂ်ႇ ၵႃႈ​ၼႂ်း​ႁူး​ၶုမ် ဢၼ်​ၶင်​သၢင်ႇ​သီႈ ဝႆႉ​ၼၼ်ႉ​ဢေႃႈ။ ၶုၼ်​ႁေႃ​ၶမ်း​ၵေႃႈ မီး​ဢမိင်ႉ​တီႈ တၢၼ်ႇယေႇလႃႉ ​လႄႈ​ဝႃႈ၊ ၽြႃး​ဢၼ်​မႂ်း​ၵူဝ်း​ၵႂၢႆႇ​ယူႇ သေႇ​သေႇ​ၼၼ်ႉ တၵ်း​ၵႄႇ​သႄႇ ၶျွတ်ႈ​ဢဝ်​မႂ်း​လႆ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၶႅပ်း​မၢၵ်ႇ​ႁိၼ်​လူင်​ၵေႃႈ ၶဝ်​ဢဝ်​မႃး​လႄႈ ႁူမ်ႇ​ဢိုတ်း​ဝႆႉ​ၵႃႈ​ၼိူဝ်​ပၢၵ်ႇ​ႁူး​ၶုမ် သေ​ယဝ်ႉ၊ ၶုၼ်​ႁေႃ​ၶမ်း တွၵ်ႇ​တၼ်း​သိၵ်ႈ​လႄႈ ၶုၼ်​ၸိူဝ်း​ၼၼ်ႉ တွၵ်ႇ​တၼ်း​သိၵ်ႈ​ၶဝ်​ဝႆႉ ႁႂ်ႈ​တၢင်း​ဢၼ် ၸီႇ​ယၢင်ႇ​ တၢၼ်ႇယေႇလႃႉ ​ၼၼ်ႉ ဢမ်ႇ​လိူဝ်​ဢမ်ႇ​ယွမ်း​ဢေႃႈ။-</verse>
				<verse number="18">လိုၼ်း​ၼၼ်ႉ ၶုၼ်​ႁေႃ​ၶမ်း ၶိုၼ်း​မိူဝ်း​တီႈ​ႁေႃ​ၶမ်း​လႄႈ ၵမ်​တၢင်း​ၵိၼ်​ယူႇ ႁႂ်ႈ​ထၼ်ႈ​ပေႃး ပူၼ်ႉ​ၶိုၼ်း တင်း​ၶိုၼ်း​လႄႈ၊ ယင်း​ဢမ်ႇ​ႁႂ်ႈ​ဢဝ်​ၸိူင်ႉ​ၼၢင်း မၼ်း​တင်း​လၢႆ သႂၢင်း​ၶဝ်ႈ​တီႈ​မၼ်း​လႄႈ ၼွၼ်း​လႄႈ​ဢမ်ႇ​လပ်း​လႆႈ။-</verse>
				<verse number="19">ၶုၼ်​ႁေႃ​ၶမ်း လုၵ်ႉ​ၸဝ်ႉ​ၸဝ်ႉ ၶိင်ႇ​မိူဝ်ႈ​ဢၼ် မိူင်း​လႅင်း​ၼၼ်ႉ​လႄႈ ၵႂႃႇ​ၸူး​ၵႃႈ​တီႈ ႁူး​ၶုမ်​သၢင်ႇ​သီႈ​ၼၼ်ႉ ၶၼ်​ၶၼ်​ၽႂ်း​ၽႂ်း​ဢေႃႈ။-</verse>
				<verse number="20">မၼ်း​ႁွတ်ႈ​ထိုင်​ၵႃႈ​တီႈ​ႁိမ်း ႁူး​ၶုမ်​ၼၼ်ႉ​သေ​ယဝ်ႉ၊ ပႃး​တင်း​သဵင်​ဢၼ်​ႁႆႈ​ဢၼ်​ႁွင်ႉ သေ​လႄႈ ႁွင်ႉ​ဢေႃႈ။ ၶုၼ်​ႁေႃ​ၶမ်း ႁွင်ႉ​ထၢမ်​တီႈ တၢၼ်ႇယေႇလႃႉ ​လႄႈ​ဝႃႈ၊ တၢၼ်ႇယေႇလႃႉ ၊ ၶႃႈ​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ဢိူၺ်း၊ ၽြႃး​ပဵၼ်​ၸဝ်ႈ ဢၼ်​မႂ်း ၵူဝ်း​ၵႂၢႆႇ​ယူႇ​သေႇ​သေႇ​ၼၼ်ႉ ၵႄႇ​ၶျွတ်ႈ​ဢဝ်​မႂ်း လွတ်ႈ​သေ​ၵႃႈ​ၼႂ်း​ၽေး သၢင်ႇ​သီႈ​လႆႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">တၢၼ်ႇယေႇလႃႉ ​ၵေႃႈ ၶိုၼ်း​လဝ်ႊ​လၢတ်ႈ တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၸဝ်ႈ​ၶုၼ်​လူင်​တီႈ​ၶႃႈ၊ ႁႂ်ႈ​ဢသၢၵ်ႈ​ၸဝ်ႈ​ႁဝ်း​လိပ်း ယူႇ​တႃႇ​သေႇ မၼ်ႈ​ၶိူင်ႇ သေ​ၵမ်း​လူၺ်ႈ​တီႈ​ၶႃႈ၊-</verse>
				<verse number="22">ၽြႃး​ပဵၼ်​ၸဝ်ႈ ဢၼ်​ၶႃႈ​ၸဝ်ႈ ၵူဝ်း​ၵႂၢႆႇ​ယူႇ​ၼၼ်ႉ ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​မႃး သေ​လႄႈ ဢိုတ်း​သူပ်း​သၢင်ႇ​သီႈ​ဝႆႉ​လႄႈ ၶႃႈ​ၸဝ်ႈ​ၵၢင်း​လွတ်ႈ တင်း​ၽေး သၢင်ႇ​သီႈ​ယူႇ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၶႃႈ​ၸဝ်ႈ​ၼႆႉ ၵၢင်း​လွတ်ႈ​တင်း​ဢပႅတ်ႈ ၵႃႈ​တီႈ​ၽၢႆႇ​ၼႃႈ မၼ်း​ၸဝ်ႈ​ၼၼ်ႉ​လႄႈ ၶႃႈ​ၸဝ်ႈ ဢမ်ႇ​ၽိတ်း​ပိူင်ႈ​ၵႃႈ​တီႈ ၽၢႆႇ​ၼႃႈ​ၸဝ်ႈ​ႁဝ်း လႃး​လႃး တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မိူဝ်ႈ​ၼၼ်ႉ ၶုၼ်​ႁေႃ​ၶမ်း ၸူမ်း​သိူဝ်း​ၼႃႇ​လူင်​လၢင်​လႄႈ မီး​ဢမိင်ႉ ႁႂ်ႈ​ဢဝ်​ တၢၼ်ႇယေႇလႃႉ ဢွၵ်ႇ​သေ ၵႃႈ​ၼႂ်း​ႁူး​ၶုမ်​ၼၼ်ႉ​လႄႈ တၢၼ်ႇယေႇလႃႉ လႆႈ​ၶၢမ်ႇ​တၢင်း​ဢၼ် ဢဝ်​ဢွၵ်ႇ​သေ ၵႃႈ​ၼႂ်း​ႁူး​ၶုမ်​ၼၼ်ႉ​လႄႈ၊ ဢမ်ႇ​မီး​တၢင်း​ဢၼ်​ၸဵပ်း​ဢၼ်​သႅပ်ႇ သေ​ၸိူဝ်ႉ​သေ​ပိူင် တီႈ​မၼ်း လႃး​လႃး ၵွပ်ႈ​ပိူဝ်ႈ ဢၼ်​မၼ်း​ယုမ်ႇ​မၢတ်ႈ ဢိင်​ပိုင်ႈ ၽြႃး​ပဵၼ်​ၸဝ်ႈ မၼ်း​ၼၼ်ႉ​ဢေႃႈ။-</verse>
				<verse number="24">လိုၼ်း​ၼၼ်ႉ ၶုၼ်​ႁေႃ​ၶမ်း မီး​ဢမိင်ႉ​လႄႈ ၶဝ်​ဢွၼ်​ၵၼ်​ႁွင်ႉ​ဢဝ်​ၶဝ်​ၸိူဝ်း​ဢၼ် တၢင်ႇ​ဢပႅတ်ႈ​တီႈ​ တၢၼ်ႇယေႇလႃႉ ​ၼၼ်ႉ​မႃး​လႄႈ ဢဝ်​ၶဝ် ဢိၵ်ႇ​လူၺ်ႈ​ၵၼ် တင်း​လုၵ်ႈ​ၶဝ် မေး​ၶဝ် ထိမ်ႈ​ၶျႃး​တူၵ်း​သႂ်ႇ ၵႃႈ​ၼႂ်း​ႁူး​ၶုမ်​သၢင်ႇ​သီႈ​ၼၼ်ႉ သေ​လႄႈ သၢင်ႇ​သီႈ ၸိူဝ်း​ၼၼ်ႉ ဢွၼ်​ၵၼ်​ပႄႉ​ၼႅင်ႇ​လႄႈ သိၵ်ႇ​ယႃႉ ႁၵ်း​လုပ်ႇ​ၶဝ်​ၵႃႈ​မီး​ပႅတ်ႈ ၸဵမ်​မိူဝ်ႈ​ၸူဝ်ႈ​ဢၼ်​ၶဝ် ဢမ်ႇ​ပႆႇ​တူၵ်း​ႁွတ်ႈ တူၵ်း​ထိုင် ၵူၼ်ႈ​ၶုမ် ပိုၼ်ႉ​ၶုမ်​ၼၼ်ႉ​ဢေႃႈ။-</verse>
				<verse number="25">မိူဝ်ႈ​ၼၼ်ႉ ၶုၼ်​လူင်​ တႃႇရီႉ ပွႆႇ​ၸႂ်ႉ လိၵ်ႈ​ဢမိင်ႉ​ၸဝ်ႈ ၵႂႃႇ​တီႈ​ၵူၼ်း ၵူႈ​ၸိူဝ်ႉ​ၵူႈ​မဵဝ်း ဢၼ်​ယူႇ​ၵႃႈ​တီႈ ၵူႈ​တီႈ​ၵူႈ​လႅၼ် ၵႃႈ​ၼိူဝ် ၼႃႈ​လိၼ်​မိူင်း​တင်း​ၼႃႈ​လႄႈ လၢတ်ႈ​ၵႂၢမ်း​ၽႃႇသႃႇ ၶေႃ​ၶေႃ ႁင်း​ၽႂ်​ႁင်း​မၼ်း တင်း​သဵင်ႈ​တင်း​လူင် ၼၼ်ႉ​ဢေႃႈ။ ၵႂၢမ်း​လိၵ်ႈ​ၼၼ်ႉ​ဝႃႈ​ၸမ်ႉ၊ ႁႂ်ႈ​တၢင်း​ဢၼ်​ၼိမ် ဢၼ်​လီ ၵတ်း​ယဵၼ်​ၶျၢမ်း​သႃႇ မီး​ၼမ်​ၼႃႇ​တီႈ​သူ သေ​ၵမ်း​လူၺ်ႈ။-</verse>
				<verse number="26">ၵဝ်​ပူင်​ဢမိင်ႉ​ၸဝ်ႈ ႁႂ်ႈ​ၵူၼ်း​ဢၼ်​ယူႇ​ၵႃႈ​ၼႂ်း သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ၵဝ်​ဢုပ်ႉ​ပိူင်ႇ​တင်း​မိူင်း​ၼႆႉ ၸိူဝ်း​ၼၼ်ႉ ဢွၼ်​ၵၼ်​မီး​တၢင်း​ဢၼ် သၼ်ႇ​သၼ်ႇ​ဝႆ​ဝႆ သေ​လႄႈ ၵူဝ်​ယမ် ၽြႃး​ပဵၼ်​ၸဝ်ႈ တၢၼ်ႇယေႇလႃႉ ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ ၼၼ်ႉ ပဵၼ်​ၽြႃး​ဢၼ် ဢသၢၵ်ႈ​လိပ်း​ယူႇ​လႄႈ တႄႇ​ယူႇ​ၼိၵ်ႈၸႃႉ ထႃႇဝရႃႉ​ဢေႃႈ။ သိုင်ႇ​ၸိုင်ႈ​ဝၢၼ်ႈ​မိူင်း မၼ်း​ၸဝ်ႈ​ၼၼ်ႉ ဢမ်ႇ​ႁွတ်ႈ​ထိုင် တၢင်း​ဢၼ်​လူႉ​ဢၼ်​လႅဝ်​လႆႈ။ ဢႃႇၼႃႇၸၢၵ်ႈ​မၼ်း​ၸဝ်ႈ​ၵေႃႈ တၵ်း​တႄႇ​ယူႇ တေႃႇ​ထိုင်​ႁွတ်ႈ တီႈ​သုတ်း​တီႈ​ၵွႆ​ဢေႃႈ။-</verse>
				<verse number="27">မၼ်း​ၸဝ်ႈ ၸၢင်ႈ​ၵႄႇ​သႄႇ​ၼုၵ်ႈ​ဢဝ်​လႄႈ ၸၢင်ႈ​ၵႄႇ​သႄႇ​ၶျွတ်ႈ​ဢဝ်၊ ၸၢင်ႈ​ႁဵတ်း​ႁႂ်ႈ ၼီႉမိၵ်ႈ​လၢၵ်ႈၶၼႃႇ တီႈ​ဢၼ်​ဢၢမ်း​လီ တင်း​လၢႆ ပဵၼ်​ၵႃႈ​ၼိူဝ်​ၽႃႉ​ၵၢင်​ႁၢဝ် ဢိၵ်ႇ​တင်း ၵႃႈ​ၼိူဝ်​လိၼ်​မိူင်း​လႄႈ ပဵၼ်​ၸဝ်ႈ ဢၼ်​ၵႄႇ​သႄႇ​ၶျွတ်ႈ​ဢဝ် တၢၼ်ႇယေႇလႃႉ လွတ်ႈ​သေ ၵႃႈ​ၼႂ်း​မိုဝ်း သၢင်ႇ​သီႈ တင်း​လၢႆ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၼင်ႇ​ၼၼ်​လႄႈ တၢၼ်ႇယေႇလႃႉ ​ၼၼ်ႉ လႆႈ​လီ​လႆႈ​ပဵၼ် ၼႂ်း​ၸူဝ်ႈ​ပၢၼ် ၶုၼ်​လူင်​ တႃႇရီႉ ဢိၵ်ႇ​တင်း ၼႂ်း​ၸူဝ်ႈ​ပၢၼ် ၶုၼ်​လူင် ၵူႉရူႉ မဵဝ်း​ ပေႇရသီႉ ​ၼၼ်ႉ​ဢေႃႈ။</verse>
			</chapter>
			<chapter number="7">
				<verse number="1">ၼႂ်း​ပီႊ​ဢၼ် ပေႇလသႃႇၸႃႇ ၶုၼ်​ႁေႃ​ၶမ်း ပႃႇပူႉလုၼ်ႇ ​ၸၢမ်ႇ​ႁၢင်ႈ​ၸၢမ်ႇ​ႁေႃ ပီႊ​ပထမႃႉ​ၼၼ်ႉ တၢၼ်ႇယေႇလႃႉ ၼွၼ်း​ၽၼ်​ႁၼ်​လႄႈ ရူႇပႃႇရူင်ႇ​ပေႃႇ​မႃး ၵႃႈ​ၼႂ်း​ၵွၵ်း​ႁူဝ်​မၼ်း ၵႃႈ​ၼိူဝ်​ၵူႇ​တီႈ​ၼွၼ်း​မၼ်း လႄႈ မၼ်း​ဢဝ် တၢင်း​ဢၼ်​မၼ်း​ၼွၼ်း​ၽၼ်​ႁၼ်​ၼၼ်ႉ တႅမ်ႈ​ဝႆႉ​လႄႈ မွၵ်ႇ​လၢတ်ႈ​ႁူဝ်​ႁုပ်ႈ​မၼ်း​ဝႆႉ​ဢေႃႈ။-</verse>
				<verse number="2">တၢၼ်ႇယေႇလႃႉ မွၵ်ႇ​လၢတ်ႈ​ဝႆႉ​လႄႈ​ဝႃႈ​ၸမ်ႉ၊ ၵဝ်​လူ​တူၺ်း ၵႃႈ​ၼႂ်း​ရူႇပႃႇရူင်ႇ ၶိင်ႇ​ၵၢင်​ၶိုၼ်း​ၼၼ်ႉ ၸေး​ၸေး​ၸွတ်ႇ​ၸွတ်ႇ​လႄႈ ႁၼ်​လူမ်း သီႇ​ၼႃႈ​ၽႃႉ ၵၢင်​ႁၢဝ် ၸိူဝ်း​ၼၼ်ႉ ၼင်ႇ​ၵၼ်​ၵၼ် ၽၢင်ႈ​ထူဝ်း​ၵၼ်​ယူႇ ၵႃႈ​ၼိူဝ်​ၼမ်ႉ​သမ်ႇ​မုၵ်ႉ​တြႃႇ​လူင်​ဢေႃႈ။-</verse>
				<verse number="3">တူဝ်​ထိူၼ်ႇ​ႁၢႆႉ​သီႇ​တူဝ် ဢၼ်​ႁၢင်ႈ​ၽၢင်​ၶဝ် ဢမ်ႇ​မိူၼ်​ၵၼ်​ၼၼ်ႉ ဢွၼ်​ၵၼ် ဢွၵ်ႇ​သေ​ၵႃႈ​ၼႂ်း ၼမ်ႉ​သမ်ႇ​မုၵ်ႉ​တြႃႇ​မႃး​ဢေႃႈ။-</verse>
				<verse number="4">တူဝ်​ထိူၼ်ႇ​ႁၢႆႉ ပထမႃႉ​ၼၼ်ႉ မိူၼ်​ၸိူဝ်ႉ​ၼင်ႇ သၢင်ႇ​သီႈ​လႄႈ မီး​ပိၵ်ႇ​လၢင်း​တႃႉ​ၶမ်း​သေ​ဢေႃႈ။ ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ​လူ​တူၺ်း​ယူႇ​ၼၼ်ႉ၊ မၼ်း​လႆႈ​ၶၢမ်ႇ​တၢင်း​ဢၼ် ထူၺ်ႈ​ၶူၼ်​မၼ်း​ပႅတ်ႈ​လႄႈ ယုၵ်ႉ​ယွင်ႈ​ဢဝ်​တူဝ်​မၼ်း​ၶိုၼ်ႈ​သေ ၵႃႈ​ၼိူဝ်​လိၼ်​မိူင်း​ယူႇ သေ​လႄႈ ဢဝ်​တိၼ်​မၼ်း ၸုၵ်း​တင်ႈ​သိုဝ်ႈ​ဝႆႉ​ယူႇ မိူၼ်​ၸိူဝ်ႉ​ၼင်ႇ ၵူၼ်း​ၼၼ်ႉ​လႄႈ ဢဝ်​ၸႂ်​သၽေႃး​ၵူၼ်း သႂၢင်း​သႂ်ႇ​ပၼ်​ဢေႃႈ။-</verse>
				<verse number="5">သမ်ႉ​မီး​တူဝ်​ထိူၼ်ႇ​ႁၢႆႉ​တူဝ်​ၼိုင်ႈ ဢၼ်​ပဵၼ်​တူဝ် တူႉတီႉယႃႉ ဢၼ်​မိူၼ်​ၸိူဝ်ႉ​ၼင်ႇ​မီ ၼၼ်ႉ​လႄႈ တူဝ်​ၼၼ်ႉ သၵႅင်း​ယုၵ်ႉ​ယွင်ႈ တူဝ်​မၼ်း​ယူႇ​ၽၢႆႇ​ၼိုင်ႈ​ဢေႃႈ။ လုပ်ႇ​သီႈ​ၶၢင်ႈ​သၢမ်​သိၵ်ႈ မီး​ၵႃႈ​ၼႂ်း​သူပ်း​မၼ်း ၵႃႈ​တီႈ​ၵႄႈ​ဝူင်ႈ​ၵၢင်​ၶဵဝ်ႈ​မၼ်း ယူႇ​လႄႈ ပိူၼ်ႈ​ဢွၼ်​ၵၼ် လၢတ်ႈ​တီႈ​မၼ်း​လႄႈ​ဝႃႈ၊ လုၵ်ႉ​လႄႈ​ၶူပ်း​ၵိၼ်​ၼိူဝ်ႉ​ၼမ်​ၼမ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">လႆႈ​သမ်ႉ​ၵဝ်​လူ​တူၺ်း​လႄႈ ႁၼ်​တူဝ်​ထိူၼ်ႇ​ႁၢႆႉ​တူဝ်​ၼိုင်ႈ ဢၼ်​မိူၼ်​ၸိူဝ်ႉ​ၼင်ႇ သိူဝ်​ၸုမ်ႈ​လႄႈ မီး​ပိၵ်ႇ​ၼူၵ်ႉ​သီႇ​ဢၼ် ၵႃႈ​ၼိူဝ်​လင် မၼ်း​ၼၼ်ႉ​ဢေႃႈ။ တူဝ်​ၼၼ်ႉ ပျေႉ​ၸုမ်ႇ​ဝႆႉ တင်း​ၵွၵ်း​ႁူဝ်​သီႇ​ႁူၺ်ႇ မီး​ဢၶႂၢင်ႉ ဢၼ်​လႆႈ​ဢုပ်ႉ​ပိူင်ႇ​ဢေႃႈ။-</verse>
				<verse number="7">လိုၼ်း​ၼၼ်ႉ ၼႂ်း​မိူဝ်ႈ​ဢၼ် ၵဝ်​သမ်ႉ​ယင်း​တိုၵ်ႉ​လူ​တူၺ်း ၵႃႈ​ၼႂ်း​ရူႇပႃႇရူင်ႇ ၶိင်ႇ​ၵၢင်​ၶိုၼ်း​ၼၼ်ႉ ၸေး​ၸေး​ၸွတ်ႇ​ၸွတ်ႇ​ယူႇ​ၼၼ်ႉ​ၸိုင်၊ ၵဝ်​ႁၼ်​တူဝ်​ထိူၼ်ႇ​ႁၢႆႉ ၸတုၵ်ႉထႃႉ ဢၼ်​လီ​ၵူဝ်​လီ​ႁႄ ဢၼ်​ပႃး​တၼ်း​ၶူဝ်း၊ ဢၼ်​မီး​ႁႅင်း​ယႂ်ႇ​ၼႃႇ​လူင်​လၢင် ၼၼ်ႉ​ဢေႃႈ။ မၼ်း​ၼၼ်ႉ မီး​ၶဵဝ်ႈ​လဵၵ်း ဢၼ်​ယႂ်ႇ​ၼႃႇ​လႄႈ ၶူပ်း​ၵိၼ်​သိၵ်ႇ​ႁၵ်း ယႃႉ​ပႅတ်ႈ သေ​လႄႈ ဢဝ်​တိၼ်​ယဵပ်ႇ​ၼူတ်ႈ လွင်ႈ​တၢင်း ဢၼ်​ၵိုတ်း​ဢၼ်​ၵျၢၼ်ႇ ၸိူဝ်း​ၼၼ်ႉ ပႅတ်ႈ​ဢေႃႈ။ မၼ်း​ၼၼ်ႉ လၢၵ်ႇ​ပိူင်ႈ​သေ​တူဝ်​ထိူၼ်ႇ ဢွၼ်​တၢင်း ၵႃႈ​မီး​ၸိူဝ်း​ၼၼ်ႉ​လႄႈ မီး​ၶဝ်​လႅမ်​သိပ်း​လႅမ်ႈ​ဢေႃႈ။-</verse>
				<verse number="8">ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ​လူ​တူၺ်း ၶဝ်​လႅမ်​ၸိူဝ်း​ၼၼ်ႉ ယူႇ​ၼၼ်ႉ​ၸိုင်၊ ၵႃႈ​ၼႂ်း​ၶိုင်ႈ​ၵၢင်​ၶဝ်​ၼၼ်ႉ ၶဝ်​လႅမ်​ဢွၼ်ႇ​လႅမ်ႈ​ၼိုင်ႈ ဢွၵ်ႇ​မႃး​ဢေႃႈ။ ၶဝ်​လႅမ်​ဢၼ်​မိူဝ်ႈ​ဢွၼ်​တၢင်း သၢမ်​လႅမ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ထွတ်ႇ​ထူၺ်ႈ ဢွၵ်ႇ​ပႅတ်ႈ လူၺ်ႈ​ၵၼ်​တင်း ႁၢၵ်ႈ​ၶဝ် ၵႃႈ​တီႈ​ၽၢႆႇ​ၼႃႈ​ၶဝ်​လႅမ် ၼၼ်ႉ​ဢေႃႈ။ ၶဝ်​လႅမ်​ဢွၼ်ႇ​ၼၼ်ႉ ပျေႉ​ၸုမ်ႇ​ဝႆႉ​တင်း​မၢၵ်ႇ​တႃ ၸိူဝ်ႉ​ၼင်ႇ​မၢၵ်ႇ​တႃ​ၵူၼ်း ဢိၵ်ႇ​တင်း သူပ်း​ဢၼ်​ၸၢင်ႈ​လၢတ်ႈ​ၵႂၢမ်း ဢၼ်​ယႂ်ႇ​ၼႃႇ​ဢေႃႈ။</verse>
				<verse number="9">မိူဝ်ႈ​ၼၼ်ႉ ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ​လူ​တူၺ်း​ယူႇ ၼၼ်ႉ​ၸိုင်၊ ရႃႇၸႃႉ​ပလၢင်ႇ တင်း​လၢႆ မီး​တၢင်း​ဢၼ်​တႄႇ​ဝႆႉ​ယူႇ​လႄႈ ၸဝ်ႈ​ဢၼ်​ပဵၼ်​ၸဵမ်​မိုဝ်ႉ​ဝၼ်း မိူဝ်ႈ​ၵွၼ်ႇ​မိူဝ်ႈ​မိုၼ်ႉ​ၼၼ်ႉ ပႃး​ၼိုင်ႈ ၼင်ႈ​ယူႇ​ဢေႃႈ။ ၶူဝ်း​ၼုင်ႈ​မၼ်း​ၸဝ်ႈ​ၼၼ်ႉ ၽိူၵ်ႇ​ၶၢဝ်ႇ​မိူၼ်​ၸိူဝ်ႉ​ၼင်ႇ မူၺ်​ႁႃႇ​လႄႈ ၶူၼ်​ႁူဝ်​မၼ်း​ၸဝ်ႈ​ၼၼ်ႉ မိူၼ်​ၸိူဝ်ႉ​ၼင်ႇ ၶူၼ်​သူဝ်း​ဢၼ်​ၽိူၵ်ႇ ဢၼ်​ၶၢဝ်​ၼၼ်ႉ​ဢေႃႈ။ ပလၢင်ႇ​မၼ်း​ၸဝ်ႈ​ၼၼ်ႉ ပဵၼ်​ပဵဝ်​ၽႆး​ဝႆႉ​လႄႈ မၢၵ်ႇ​လေႃႉ​မၼ်း ၸိူဝ်း​ၼၼ်ႉ ပဵၼ်​ၸၢၵ်ႈ​ၽႆး​ဢေႃႈ။-</verse>
				<verse number="10">သၢႆ​ဢရွင်ႇ​ၽႆး ၽုတ်း​ဢွၵ်ႇ မၢပ်ႈ​ဢွၵ်ႇ​သေ​ၵႃႈ​တီႈ ၼႃႈ​မၼ်း​ၸဝ်ႈ​ၼၼ်ႉ​မႃး​ဢေႃႈ။ ၶဝ်​ၸိူဝ်း​ဢၼ်​ၼမ်​ၼႃႇ​လူင်​လၢင် ပဵၼ်​မိုၼ်ႇ​ပဵၼ်​သႅၼ် ၼၼ်ႉ ဢွၼ်​ၵၼ်​ၵိုတ်ႉ​ႁၢပ်ႇ​ဢမူႉ​မၼ်း​ၸဝ်ႈ​လႄႈ ၵူၼ်း​ၵုၵ်ႉ​တေႇ​သၢင်ႇ​ၶျေႇ​ဢမ်ႇ​ၵႃး ဢွၼ်​ၵၼ် ၸုၵ်း​ၶႃး​ၸႃး​ယူႇ ၵႃႈ​တီႈ​ၽၢႆႇ​ၼႃႈ​ၸဝ်ႈ​ဢေႃႈ။ တၢင်း​ဢၼ်​ၸီႇ​ယၢင်ႇ​တြႃး မီး​တၢင်း​ဢၼ်​မႄး​ပွင် မႄး​ႁႅၼ်း​ဝႆႉ​လႄႈ ၽိုၼ်​လိၵ်ႈ တင်း​လၢႆ မီး​တၢင်း​ဢၼ် ၽုၺ်ႇ​ပိုတ်ႇ​ဝႆႉ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ​လူ​တူၺ်း ၵွပ်ႈ​ပိူဝ်ႈ သဵင်​ယႂ်ႇ​သဵင်​လူင် ဢၼ်​ၶဝ်​လႅမ်​ဢွၼ်ႇ​ၼၼ်ႉ လၢတ်ႈ​ၼၼ်ႉ​ယူႇ ၼၼ်ႉ​ၸိုင်၊ ၵဝ်​တူၺ်း​ယူႇ​တေႃႇ​ထိုင်​ႁွတ်ႈ တူဝ်​ထိူၼ်ႇ​ႁၢႆႉ​ၼၼ်ႉ လႆႈ​ၶၢမ်ႇ​တၢင်း​ဢၼ် ဢဝ်​တၢႆ​ပႅတ်ႈ​လႄႈ တူဝ်​မၼ်း​လႆႈ​ၶၢမ်ႇ​တၢင်း​ဢၼ် ယႃႉ​ပႅတ်ႈ​သေ​လႄႈ ဢဝ်​တုတ်ႇ​ၽႆး​ပႅတ်ႈ ၼၼ်ႉ​ဢေႃႈ။-</verse>
				<verse number="12">တူဝ်​ထိူၼ်ႇ​ႁၢႆႉ တင်း​တူဝ် ၸိူဝ်း​ၼၼ်ႉ​ၸမ်ႉ၊ ပိၵ်ႉ​သမ်ႉ ဢၶႂၢင်ႉ​တၼ်း​ၶူဝ်း ဢၼ်​လႆႈ​ဢုပ်ႉ​ပိူင်ႇ​ၼၼ်ႉ လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ယဝ်ႉ​သေ​ၵေႃႈ ဢသၢၵ်ႈ​ၶဝ် ယင်း​လိပ်း​ယူႇ​ထႅင်ႈ ၶိင်ႇ​ၼိုင်ႈ​ၸူဝ်ႈ​ၼိုင်ႈ ဢေႃႈ။-</verse>
				<verse number="13">ၼႂ်း​မိူဝ်ႈ​ဢၼ် ၵဝ်​သမ်ႉ ယင်း​တိုၵ်ႉ​လူ​တူၺ်း ၵႃႈ​ၼႂ်း​ရူႇပႃႇရူင်ႇ ၶိင်ႇ​ၵၢင်​ၶိုၼ်း​ၼၼ်ႉ ယူႇ​ၼၼ်ႉ​ၸိုင်၊ ၵေႃႉ​ၼိုင်ႈ ဢၼ်​မိူၼ်​ၸိူဝ်ႉ​ၼင်ႇ လုၵ်ႈ​ၵူၼ်း​ၼၼ်ႉ ၶီႇ​ၽႃႈ​ၽူၼ်​ယူႇ​သေ​လႄႈ ႁွတ်ႈ​မႃး​ၵႃႈ​တီႈ​ၸဝ်ႈ​ဢၼ် ပဵၼ်​ၸႃႉ​ၸဵမ်​မိုဝ်ႉ​ဝၼ်း​မိူဝ်ႈ​ၵွၼ်ႇ​မိူဝ်ႈ​မိုၼ်ႉ ၼၼ်ႉ​ဢေႃႈ။ ၵေႃႉ​ၼၼ်ႉ​ၸိုင်၊ ၶဝ်​ဢွၼ်​ၵၼ် ဢဝ်​သႂၢင်း​ၶဝ်ႈ ၵႃႈ​တီႈ​ႁိမ်း​ၽၢႆႇ​ၼႃႈ မၼ်း​ၸဝ်ႈ​ဢေႃႈ။-</verse>
				<verse number="14">ၵေႃႉ​ဢၼ် လႆႈ​ဢႃႇၼႃႇၸၢၵ်ႈ​တၼ်း​ၶူဝ်း ဢႃႇၼူႉၽေႃႇ ဢိၵ်ႇ​တင်း သိုင်ႇ​ၸိုင်ႈ​ဝၢၼ်ႈ​မိူင်း ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ယူႇ​ၵူႈ​တီႈ​ၵူႈ​လႅၼ်​လႄႈ လၢတ်ႈ​ၵႂၢမ်း​ၽႃႇသႃႇ ၶေႃ​ၶေႃ ႁင်း​ၽႂ်​ႁင်း​မၼ်း တင်း​သဵင်ႈ​တင်း​လူင် လႆႈ​ၶၢမ်ႇ​တၢင်း​ၸႂ်ႉ တၢင်း​သွႆ​မၼ်း​ဢေႃႈ။ ဢႃႇၼႃႇၸၢၵ်ႈ​မၼ်း​ၸဝ်ႈ​ၼၼ်ႉ ပဵၼ်​ဢႃႇၼႃႇၸၢၵ်ႈ ၼိၵ်ႈၸႃႉ ထႃႇဝရႃႉ ဢၼ်​ဢမ်ႇ​လပ်ႉ​ဢမ်ႇ​ႁၢႆ​လႆႈ​ၼၼ်ႉ ဢေႃႈ။ သိုင်ႇ​ၸိုင်ႈ​ဝၢၼ်ႈ​မိူင်း မၼ်း​ၸဝ်ႈ​ၼၼ်ႉ ဢမ်ႇ​ႁွတ်ႈ​ထိုင် တၢင်း​ဢၼ်​လူႉ ဢၼ်​လႅဝ်​လႆႈ။</verse>
				<verse number="15">ၵဝ်​ တၢၼ်ႇယေႇလႃႉ ​ၼႆႉ မီး​ႁူဝ်​ၸႂ် ဢၼ်​မႆႈ​ဢၼ်​ႁွၼ်ႉ​ယူႇ ၵႃႈ​ၼႂ်း​တူဝ်​ၶၼ်ႇ​ထႃႇ​ၵဝ်​လႄႈ ရူႇပႃႇရူင်ႇ ၵႃႈ​ၼႂ်း​ၵွၵ်း​ႁူဝ်​ၵဝ် ၸိူဝ်း​ၼၼ်ႉ ႁႂ်ႈ​ၵဝ်​မႆႈ​ၸႂ် ၶီ​ၸႂ်​ဢေႃႈ။-</verse>
				<verse number="16">ၵဝ်​ၵႂႃႇ​ၸူး ၵႃႈ​တီႈ​ၵေႃႉ​ဢၼ် ၸုၵ်း​ယူႇ ၵႃႈ​တီႈ​ႁိမ်း​ၼၼ်ႉ​လႄႈ တွင်ႈ​ထၢမ် တီႈ​ၸိုဝ်ႈ​တီႈ​ၸႂ်ႈ​မၼ်း လူၺ်ႈ​လွင်ႈ ၵႃႈ​မီး​ၸိူဝ်း​ၼႆႉ​ၼၼ်ႉ တီႈ​မၼ်း​ၼၼ်ႉ​လႄႈ မၼ်း​ၼၼ်ႉ ၶိုၼ်း​ဢိူဝ်​လႄႈ ႁႂ်ႈ​ၵဝ်​ႁူႉ ဢၼၢၵ်ႈ​ဢထိၵ်ႈပႄႇ လွင်ႈ​တၢင်း ၸိူဝ်း​ၼၼ်ႉ​ဢေႃႈ။-</verse>
				<verse number="17">ဢၼ်​ၵေႃႉ​ၼၼ်ႉ​ဝႃႈ​ၸမ်ႉ၊ တူဝ်​ထိူၼ်ႇ​ႁၢႆႉ သီႇ​တူဝ်​ၼႆႉ ပဵၼ်​ၶုၼ်​ႁေႃ​ၶမ်း သီႇ​ပႃး ဢၼ်​တၵ်း​ပေႃႇ​မႃး ၵႃႈ​ၼိူဝ်​လိၼ်​မိူင်း​ဢေႃႈ။-</verse>
				<verse number="18">ၼႂ်း​ဝႃႈ​ၼၼ်​သေ​ၵေႃႈ ၶဝ်​ၸိူဝ်း​ဢၼ်​မူတ်း​ၸၢင်ႇ ၽြႃး​ဢၼ်​သုင်​ၼႃႇ သေ​ပိူၼ်ႈ​ၼၼ်ႉ​ၼၼ်ႉ တၵ်း​လႆႈ​ၶၢမ်ႇ​ဢဝ် သိုင်ႇ​ၸိုင်ႈ​ဝၢၼ်ႈ​မိူင်း​လႄႈ ၸၢမ်ႇ​ၸႃး သိုင်ႇ​ၸိုင်ႈ​ဝၢၼ်ႈ​မိူင်း​ၼၼ်ႉ ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း တႃႇ​သေႇ ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မိူဝ်ႈ​ၼၼ်ႉ ၵဝ်​မီး​ဢလူဝ်ႇ​ၶႂ်ႈ​ႁူႉ တီႈ​ၸိုဝ်ႈ​တီႈ​ၸႂ်ႈ​မၼ်း လူၺ်ႈ​လွင်ႈ​တူဝ်​ထိူၼ်ႇ​ႁၢႆႉ ၸတုၵ်ႉထႃႉ ဢၼ်​လၢၵ်ႇ​ပိူင်ႈ​သေ တူဝ်​ထိူၼ်ႇ​ႁၢႆႉ ဢွၼ်​တၢင်း​ၵႃႈ​မီး ၸိူဝ်း​ၼၼ်ႉ​လႄႈ ပဵၼ်​ဢၼ်​လီ​ၵူဝ်​လီ​ႁႄ ၼႃႇ​လူင်​လၢင်​ယူႇ သေ​လႄႈ ပျေႉ​ၸုမ်ႇ​ဝႆႉ​တင်း ၶဵဝ်ႈ​လဵၵ်း ဢိၵ်ႇ​တင်း ၼဵပ်ႉ​တိၼ်​ၼဵပ်ႉ​မိုဝ်း​တွင်း​လိူင်၊ ဢၼ်​ၸၢင်ႈ​ၶူပ်း​ၵိၼ် သိၵ်ႇ​ႁၵ်း​ယႃႉ​ပႅတ်ႈ​လႄႈ ဢဝ်​တိၼ်​ယဵပ်ႇ​ၼူတ်ႈ လွင်ႈ​တၢင်း​ဢၼ်​ၵိုတ်း​ဢၼ်​ၵျၢၼ်ႇ ၸိူဝ်း​ၼၼ်ႉ ပႅတ်ႈ​ၼၼ်ႉ၊-</verse>
				<verse number="20">ဢိၵ်ႇ​တင်း လူၺ်ႈ​လွင်ႈ​ၶဝ်​လႅမ် သိပ်း​လႅမ်ႈ ၵႃႈ​တီႈ​ႁူဝ်​မၼ်း​ၼၼ်ႉ တင်း​ၶဝ်​လႅမ်​ဢၼ်​ၼိုင်ႈ ဢၼ်​ဢွၵ်ႇ​မႃး ၵမ်း​လိုၼ်း​လႄႈ ၶဝ်​လႅမ်​ဢၼ်​ဢွၼ်​တၢင်း သၢမ်​လႅမ်ႈ​ၼၼ်ႉ ဢွၼ်​ၵၼ် သွၼ်ႇ​တူၵ်း​ၵႃႈ​တီႈ ၽၢႆႇ​ၼႃႈ​မၼ်း​ၼၼ်ႉ ဢၼ်​ပျေႉ​ၸုမ်ႇ​ဝႆႉ​တင်း မၢၵ်ႇ​တႃ တင်း​သူပ်း ဢၼ်​ၸၢင်ႈ​လၢတ်ႈ​ၵႂၢမ်း ဢၼ်​ယႂ်ႇ​ၼႃႇ​လႄႈ မီး​ႁၢင်ႈ​ၽၢင်​ၼႃႈ ဢၼ်​လီ​ၵူဝ်​လီ​ႁႄ လိူဝ်​တွၼ်း​သေ ၵေႃႉ​သေႈ​မၼ်း ၸိူဝ်း​ၼၼ်ႉ​ဢေႃႈ။-</verse>
				<verse number="21">ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ​လူ​တူၺ်း​ယူႇ ၼၼ်ႉ​ၸိုင်၊ ၶဝ်​လႅမ်​ၼၼ်ႉ တိုၵ်း​တေႃး ၶဝ်​ၸိူဝ်း​ဢၼ်​မူတ်း​ၸၢင်ႇ ၼၼ်ႉ​လႄႈ ပႄႉ​ၼႅင်ႇ​ၶဝ်​-</verse>
				<verse number="22">တေႃႇ​ထိုင်​ႁွတ်ႈ ၸဝ်ႈ​ဢၼ်​ပဵၼ် ၸႃႉ​ၸဵမ်​မိုဝ်ႉ​ဝၼ်း မိူဝ်ႈ​ၵွၼ်ႇ​မိူဝ်ႈ​မိုၼ်ႉ​ၼၼ်ႉ ႁွတ်ႈ​မႃး​လႄႈ ပၼ်​ဢၶႂၢင်ႉ​ဢၼ်​လႆႈ​ၸီႇ​ယၢင်ႇ တီႈ​ၶဝ်​ၸိူဝ်း​ဢၼ် မူတ်း​ၸၢင်ႇ ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ၸိူဝ်း​ၼၼ်ႉ​လႄႈ၊ ၶိင်ႇ​ၵႃႇလႃႉ ဢၼ်​မၵ်း​ၶိၼ်း​ဝႆႉ​ၼၼ်ႉ ႁွတ်ႈ​ထိုင်​သေ​ယဝ်ႉ၊ ၶဝ်​ၸိူဝ်း​ဢၼ်​မူတ်း​ၸၢင်ႇ​ၼၼ်ႉ သိမ်း​ဢဝ်​ၵိၼ် ဝၢၼ်ႈ​မိူင်း​ဢေႃႈ။-</verse>
				<verse number="23">ၵေႃႉ​ၼၼ်ႉ သမ်ႉ​လၢတ်ႈ​လႄႈ​ဝႃႈ၊ တူဝ်​ထိူၼ်ႇ​ႁၢႆႉ ၸတုၵ်ႉထႃႉ​ၼၼ်ႉ ပဵၼ်​သိုင်ႇ​ၸိုင်ႈ​ဝၢၼ်ႈ​မိူင်း ၸတုၵ်ႉထႃႉ ၵႃႈ​ၼိူဝ်​လိၼ်​မိူင်း​ဢၼ် လၢၵ်ႇ​ပိူင်ႈ​သေ သိုင်ႇ​ၸိုင်ႈ​ဝၢၼ်ႈ​မိူင်း ၵႃႈ​မီး​ဢေႃႈ။ တူဝ်​ၼၼ်ႉ​တၵ်း​ၶူပ်း​ၵိၼ် သိၵ်ႇ​ၶၢတ်ႇ ယဵပ်ႇ​ၼူတ်ႈ လိၼ်​မိူင်း ၵႃႈ​မီး​ပႅတ်ႈ​ဢေႃႈ။-</verse>
				<verse number="24">ၶဝ်​လႅမ် သိပ်း​လႅမ်ႈ ဢၼ်​ဢွၵ်ႇ​မႃး​သေ​ၵႃႈ​တီႈ သိုင်ႇ​ၸိုင်ႈ​ဝၢၼ်ႈ​မိူင်း​ၼၼ်ႉ ၸိူဝ်း​ၼၼ်ႉ​ၸိုင် ပဵၼ်​ၶုၼ်​လူင်​သိပ်း​ပႃး ဢၼ်​တၵ်း​ပေႃႇ​မႃး​ဢေႃႈ။ လိုၼ်း​ၶဝ်​ၼၼ်ႉ ၶုၼ်​လူင်​တၢင်ႇ​ပႃး တၵ်း​ပေႃႇ​မႃး​ဢေႃႈ။ မၼ်း​တၵ်း​လၢၵ်ႇ​ပိူင်ႈ​သေ ၶုၼ်​လူင်​ဢွၼ်​တၢင်း ၸိူဝ်း​ၼၼ်ႉ​လႄႈ ၶျႃး​ၶုၼ်​လူင်​သၢမ်​ပႃး တူၵ်း​တီႈ​တႅမ်ႇ​ဢေႃႈ။-</verse>
				<verse number="25">မၼ်း​တၵ်း ႁဵတ်း​ၶတ်း​ၵၼ် တင်း​ၽြႃး​ဢၼ်​သုင်​ၼႃႇ​သေ​ပိူၼ်ႈ ၼၼ်ႉ​လႄႈ လၢတ်ႈ​ၵႂၢမ်း ဢၼ်​ယႂ်ႇ​ၼႃႇ​ဢေႃႈ။ မၼ်း​တၵ်း ၼိၵ်ႈ​ၸၢၵ်ႈ​ငႅၼ်း​သႄး ၶဝ်​ၸိူဝ်း​ဢၼ်​မူတ်း​ၸၢင်ႇ ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ၸိူဝ်း​ၼၼ်ႉ​ဢေႃႈ။ မၼ်း​တၵ်း​ၵျၢမ်ႇ​ပွင် ႁႂ်ႈ​ၶိင်ႇ​ၵႃႇလႃႉ ဢိၵ်ႇ​တင်း ပိင်း​ၺၢပ်ႈ​တြႃး ၶၢႆႉ​ပုတ်ႈ​ၵႂႃႇ​လႄႈ ၶဝ်​ၼၼ်ႉ တၵ်း​လႆႈ ၶၢမ်ႇ​တၢင်း​ဢၼ် ဢဝ်​ဢၢပ်ႈ​ပၼ် ၵႃႈ​ၼႂ်း​မိုဝ်း​မၼ်း​ၸူဝ်ႈ ၵႃႇလႃႉ​ၼိုင်ႈ၊ သွင်​ၵႃႇလႃႉ၊ ၵႃႇလႃႉ​ၶိုင်ႈ​ၼိုင်ႈ တဵမ်​တဵမ်​ဢေႃႈ။-</verse>
				<verse number="26">လိုၼ်း​ၼၼ်ႉ တၵ်း​ပဵၼ် တၢင်း​ဢၼ်​ၸီႇ​ယၢင်ႇ​တြႃး​လႄႈ မၼ်း​တၵ်း​လႆႈ​ၶၢမ်ႇ​တၢင်း​ဢၼ် ၼုၵ်ႈ​ထွၼ် ဢႃႇၼႃႇၸၢၵ်ႈ​မၼ်း​ႁႂ်ႈ​လႆႈ ပႄႇ​ၽဵဝ်ႈ​ယႃႉ​ပႅတ်ႈ မူတ်း​မူတ်း​သဵင်ႈ​သဵင်ႈ​ဢေႃႈ။-</verse>
				<verse number="27">သိုင်ႇ​ၸိုင်ႈ​ဝၢၼ်ႈ​မိူင်း ဢိၵ်ႇ​တင်း ဢႃႇၼႃႇၸၢၵ်ႈ တင်း​မုၼ်​တၼ်း​ၶူဝ်း သိုင်ႇ​ၸိုင်ႈ​ဝၢၼ်ႈ​မိူင်း​ၵႃႈ​ဢၼ်​မီး ၵႃႈ​တႂ်ႈ​ၽႃႉ​ၵၢင်​ႁၢဝ် တင်း​လၢႆ ႁွတ်ႈ​ထိုင်​ၵႃႈ​ၼႂ်း​မိုဝ်း ၵူၼ်း​မဵဝ်း​ဢၼ်​မူတ်း​ၸၢင်ႇ ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ၸိူဝ်း​ၼၼ်ႉ​ဢေႃႈ။ သိုင်ႇ​ၸိုင်ႈ​ဝၢၼ်ႈ​မိူင်း မၼ်း​ၸဝ်ႈ​ၼၼ်ႉ ပဵၼ်​သိုင်ႇ​ၸိုင်ႈ​ဝၢၼ်ႈ​မိူင်း ထႃႇဝရႃႉ​လႄႈ ဢႃႇၼႃႇ တင်း​သဵင်ႈ​တင်း​လူင် တၵ်း​ဢွၼ်​ၵၼ် ၶၢမ်ႇ​တၢင်း​ၸႂ်ႉ​တၢင်း​သွႆ​မၼ်း​ၸဝ်ႈ​လႄႈ ထွမ်ႇ​ဢဝ်​ၵႂၢမ်း​မၼ်း​ၸဝ်ႈ​ဢေႃႈ။-</verse>
				<verse number="28">ဢၼ်​ၼႆႉ​ၸမ်ႉ၊ ပဵၼ်​ဢၼၢၵ်ႈ ဢထိၵ်ႈပႄႇ​မၼ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၵဝ်​ တၢၼ်ႇယေႇလႃႉ ​ၼႆႉ​ႁွတ်ႈ​ထိုင် တၢင်း​ဢၼ်​မႆႈ​ၸႂ် ႁွၼ်ႉ​ၸႂ်​လႄႈ မီး​တၢင်း​ဢၼ် ၼႃႈ​ႁဵဝ်ႇ​ၸွပ်ႈ​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​ဢဝ်​လွင်ႈ​တၢင်း​ၼၼ်ႉ သိမ်း​သိူင်ႇ​ဝႆႉ ၵႃႈ​ၼႂ်း​ႁူဝ်​ၸႂ် ၵဝ်​ဢေႃႈ။</verse>
			</chapter>
			<chapter number="8">
				<verse number="1">ၼႂ်း​ပီႊ​ဢၼ် ၶုၼ်​လူင်​ ပေႇလသႃႇၸႃႇ ၸၢမ်ႇ​ႁၢင်ႈ​ၸၢမ်ႇ​ႁေႃ သၢမ်​ပီႊ​ၼၼ်ႉ ပျႃႇ​တိၵ်ႈ ရူႇပႃႇရူင်ႇ ပေႃႇ​မႃး တီႈ​ၵဝ်​ တၢၼ်ႇယေႇလႃႉ ​ၼႆႉ လိုၼ်း​သေ​ပျႃႇ​တိၵ်ႈ​ရူႇပႃႇရူင်ႇ ဢၼ်​မိူဝ်ႈ​ၵႆႈ​ၼၼ်ႉ​ထႅင်ႈ​ဢေႃႈ။-</verse>
				<verse number="2">ပျႃႇ​တိၵ်ႈ​ရူႇပႃႇရူင်ႇ ဢၼ်​ၵဝ်​ႁၼ်​ၸမ်ႉ၊ မိူဝ်ႈ​ဢၼ် ၵဝ်​ႁၼ်​ၼၼ်ႉ ၵဝ်​မီး​ယူႇ​ၵႃႈ​ၼႂ်း​ႁေႃ​ၶမ်း သူႉသၼ်ႇ ဢၼ်​မီး​ၵႃႈ​ၼႂ်း​ဢိူင်ႇ ၼႂ်း​ၵျၢၵ်ႈ​ ဢေႇလမ်ႇ ယူႇ​ၼၼ်ႉ​ဢေႃႈ။ ၵဝ်​ႁၼ်​ၼႂ်း​ရူႇပႃႇရူင်ႇ​ၵႃႈ​တီႈ​ႁိမ်း ၼမ်ႉ​ႁွင်ႈ​ ဢူႉလေး ​ဢေႃႈ။-</verse>
				<verse number="3">မိူဝ်ႈ​ဢၼ် ၵဝ်​ဢဝ်​တႃ​ၵဝ်​ႁႅၼ်​တူၺ်း​လႄႈ ႁၼ်​ၼၼ်ႉ သူဝ်း​ပေႃႈ ဢၼ်​မီး​ၶဝ်​လႅမ် သွင်​လႅမ်ႈ​ၼၼ်ႉ တူဝ်​ၼိုင်ႈ​ၸုၵ်း​ယူႇ ၵႃႈ​တီႈ​ၽၢႆႇ​ၼိုင်ႈ​ၼမ်ႉ​ႁွင်ႈ​ဢေႃႈ။ ၶဝ်​လႅမ်​သွင်​လႅမ်ႈ​ၼၼ်ႉ ပဵၼ်​ဢၼ်​ယၢဝ်း​လႄႈ လႅမ်ႈ​ၼိုင်ႈ ယဵင်ႈ​ၶႅၼ်း​ယၢဝ်း​ၼႃႇ​သေ လႅမ်ႈ​ၼိုင်ႈ​ဢေႃႈ။ ၶဝ်​လႅမ်​ဢၼ် ယဵင်ႈ​ၶႅၼ်း​ယၢဝ်း​ၼၼ်ႉ ဢွၵ်ႇ​မႃး​ၵမ်း​လိုၼ်း​ဢေႃႈ။-</verse>
				<verse number="4">ၵဝ်​ႁၼ်​သူဝ်း​ပေႃႈ​ၼၼ်ႉ ပတ်ႉ​တေႃး ဝၼ်း​တူၵ်း၊ တၢင်း​ႁွင်ႇ၊ တၢင်း​ၸၢၼ်း၊ သၢမ်​ၼႃႈ​လႄႈ တရိၵ်ႈသၢၼ်ႇ ဢမ်ႇ​ၸုၵ်း​ၶၢမ်ႇ​ယူႇ ၵႃႈ​တီႈ​ၽၢႆႇ​ၼႃႈ​မၼ်း​လႆႈ သေ​တူဝ်။ ၽူႈ​လႂ်​ဢမ်ႇ​ၵႄႇ​သႄႇ​ၼုၵ်ႈ​ဢဝ် ဢွၵ်ႇ​သေ​ၵႃႈ​ၼႂ်း မိုဝ်း​မၼ်း​လႆႈ​သေ​ၵေႃႉ​သေ​ၵူၼ်း​လႄႈ မၼ်း​ၼၼ်ႉ ႁဵတ်း​ၸွမ်း​လူၺ်ႈ ဢလူဝ်ႇ​မၼ်း​ယူႇ​သေ​လႄႈ ယုၵ်ႉ​ယွင်ႈ​တူဝ်​မၼ်း ၼႃႇ​လူင်​လၢင်​ဢေႃႈ။-</verse>
				<verse number="5">ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ၼၼ်ႉ​ယူႇ ၼၼ်ႉ​ၸိုင်၊ ပႄႉ​ပေႃႈ​တူဝ်​ၼိုင်ႈ လုၵ်ႈ​ၵႃႈ​တီႈ ၽၢႆႇ​ဝၼ်း​တူၵ်း​မႃး​လႄႈ ယင်း​ဢမ်ႇ​ယဵပ်ႇ​လိၼ်​တိူဝ်ႉ​လိၼ်​ၶၢမ်ႈ ၼႃႈ​လိၼ်​မိူင်း​တင်း​ၼႃႈ​မႃး​ဢေႃႈ။-</verse>
				<verse number="6">သူဝ်း​ပေႃႈ​ၼၼ်ႉ မီး​ၶဝ်​လႅမ် ဢၼ်​လၢၵ်ႇ​လၢႆး​ၵႃႈ​ၼႂ်း​ၵႄႈ​ဝူင်ႈ​ၵၢင် မၢၵ်ႇ​တႃ​မၼ်း​ဢေႃႈ။ မၼ်း​သုတ်ႉ​ၸပ်း​သုတ်ႉ​ၸူး သူဝ်း​ပေႃႈ ဢၼ်​မီး ၶဝ်​လႅမ်​သွင်​လႅမ်ႈ​လႄႈ ၵဝ်​ႁၼ်​ၸုၵ်း​ယူႇ​ၵႃႈ​တီႈ ၽၢႆႇ​ၼိုင်ႈ​တင်း​ၼမ်ႉ​ႁွင်ႈ ၼၼ်ႉ​လႄႈ ဢဝ်​တင်း​ႁႅင်း ဢၼ်​ယႂ်ႇ​ၼႃႇ​လူင်​လၢင် ၶုၼ်ႇ​လႅၼ်​ၸူး ၵႃႈ​တီႈ​မၼ်း​ၼၼ်ႉ​ဢေႃႈ။-</verse>
				<verse number="7">ၵဝ်​ႁၼ်​မၼ်း ႁွတ်ႈ​ထိုင်​ၵႃႈ​တီႈ​ႁိမ်း​သူဝ်း​ပေႃႈ ၼၼ်ႉ​လႄႈ မၼ်း​ပႃး​တၢင်း​ၸႂ်​မႆႈ​ၶႆႈ​ၸႃႉ ဢၼ်​ႁႅင်း​ယႂ်ႇ​ၼႃႇ​လူင်​လၢင် တီႈ​မၼ်း​ၼၼ်ႉ သေ​လႄႈ ပတ်ႉ​တေႃး​သႂ်ႇ​သူဝ်း​ပေႃႈ ၼၼ်ႉ​လႄႈ ႁၵ်း​ပုတ်း​ၶဝ်​လႅမ်​မၼ်း​ၼၼ်ႉ သွင်​လႅမ်ႈ​ၼၼ်ႉ​ပႅတ်ႈ​ဢေႃႈ။ ၵွပ်ႈ​ပိူဝ်ႈ ဢၼ်​သူဝ်း​ပေႃႈ​ၼၼ်ႉ ဢမ်ႇ​မီး​ႁႅင်း​တၼ်း​ၶူဝ်း ဢၼ်​ၸုၵ်း​ၶၢမ်ႇ​ၵႃႈ​တီႈ ၽၢႆႇ​ၼႃႈ​မၼ်း​လႆႈ​လႄႈ၊ မၼ်း​ဢဝ်​မၼ်း​ၼၼ်ႉ လူမ်ႉ​ၵႃႈ​ၼိူဝ်​လိၼ်​သေ​လႄႈ ယဵပ်ႇ​ယမ်ႈ ဢေႃႈ။ ၽူႈ​လႂ် ဢမ်ႇ​ၵႄႇ​သႄႇ ၼုၵ်ႈ​ဢဝ် သူဝ်း​ပေႃႈ​ၼၼ်ႉ ဢွၵ်ႇ​သေ ၵႃႈ​ၼႂ်း​မိုဝ်း​မၼ်း​လႆႈ။-</verse>
				<verse number="8">ပိူဝ်ႈ​ၼႆ​လႄႈ ပႄႉ​ပေႃႈ​ၼၼ်ႉ ယုၵ်ႉ​ယွင်ႈ​တူဝ်​မၼ်း​ၼႃႇ​လူင်​လၢင်​ဢေႃႈ။ မိူဝ်ႈ​ဢၼ် မၼ်း​ႁႅင်း​ယႂ်ႇ​ၼႃႇ​ယဝ်ႉ​ၼၼ်ႉ၊ ၶဝ်​လႅမ်​လူင်​မၼ်း လႆႈ​ၶၢမ်ႇ​တၢင်း​ဢၼ် ႁၵ်း​ပုတ်း​ပႅတ်ႈ​ဢေႃႈ။ ၵႃႈ​တီႈ​ႁွႆး​ၶဝ်​လႅမ်​ၼၼ်ႉ၊ ၶဝ်​လႅမ်​ဢၼ်​လၢၵ်ႇ​လၢႆး သီႇ​လႅမ်ႈ​ဢွၵ်ႇ​မႃး​လႄႈ ဝၢႆႇ​ၼႃႈ​ၸူး သီႇ​ၼႃႈ​ၽႃႉ ၵၢင်​ႁၢဝ်​ယူႇ​ဢေႃႈ။-</verse>
				<verse number="9">ၵႃႈ​ၼႂ်း​ၶဝ်​ၼၼ်ႉ တီႈ​ၶဝ်​လႅမ်​လႅမ်ႈ​ၼိုင်ႈ သမ်ႉ​ဢွၵ်ႇ​မႃး​ထႅင်ႈ​ၶဝ်​လႅမ် လႅမ်ႈ​ၼိုင်ႈ​လႄႈ ႁွတ်ႈ​ထိုင်​တၢင်း​ဢၼ်​ယႂ်ႇ​မႃး​ၼႃႇ​လူင်​လၢင် သေ​လႄႈ ဝၢႆႇ​ၼႃႈ​ၵႂႃႇ ၽၢႆႇ​တၢင်း​ၸၢၼ်း၊ ၽၢႆႇ​ဝၼ်း​ဢွၵ်ႇ​ဢိၵ်ႇ​တင်း မိူင်း​ဢၼ်​သႃႇ​ယႃႇ​လီ​ငၢမ်း​ၼၼ်ႉ ယူႇ​ဢေႃႈ။-</verse>
				<verse number="10">မၼ်း​ယႂ်ႇ​မႃး​တေႃႇ​ထိုင်​ႁွတ်ႈ ပူဝ်ႇ​ပႃႇ​ၵၢင်​ႁၢဝ်​လႄႈ ဢဝ်​ပူဝ်ႇ​ပႃႇ​ၼၼ်ႉ ၵမ်ႈ​ၽွင်ႈ လၢဝ်​ၵမ်ႈ​ၽွင်ႈ ၶျႃး​တူၵ်း​ၵႃႈ​ၼိူဝ်​လိၼ် သေ​လႄႈ ယဵပ်ႇ​ယမ်ႈ​ဢေႃႈ။-</verse>
				<verse number="11">ထၢၼ်ႇ​ၼၼ်ႉ​ၵူၺ်း​ဢမ်ႇ​ၵႃး မၼ်း​ႁဵတ်း​တၢင်း​ဢၼ်​ပူၵ်း​ပႅၼ် တေႃႇ​ထိုင်​ႁွတ်ႈ​ၸဝ်ႈ​ပူဝ်ႇ​ပႃႇ​ၼၼ်ႉ ယူႇ​သေ​လႄႈ ပႄႇ​ပႅတ်ႈ​ဝၢတ်ႈ ဢၼ် ႁဵတ်း​ယူႇ​ၵူႈ​မိုဝ်ႉ​ၵူႈ​ဝၼ်း သေႇ​သေႇ​ၼၼ်ႉ သေ​လႄႈ ၶျႃး​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ တူၵ်း​တီႈ​တႅမ်ႇ​ဢေႃႈ။-</verse>
				<verse number="12">ၵွပ်ႈ​ပိူဝ်ႈ ဢၼ်​ဢပႅတ်ႈ​ၼမ်​လႄႈ မၼ်း​ဢဝ်​ပူဝ်ႇ​ပႃႇ​ၶၢၼ်း​ဝႆႉ ၵႃႈ​ၼိူဝ်​ဝၢတ်ႈ​ဢၼ်​ႁဵတ်း​ယူႇ ၵူႈ​မိုဝ်ႉ​ၵူႈ​ဝၼ်း သေႇ​သေႇ ၼၼ်ႉ​လႄႈ ပူဝ်ႇ​ပႃႇ​ၼၼ်ႉ ဢဝ်​သမ်ႇမႃႇ​တြႃး ၶျႃး​တူၵ်း​ၵႃႈ​တီႈ​လိၼ်​ဢေႃႈ။ ႁဵတ်း​ၸွမ်း​ဢလူဝ်ႇ​မၼ်း​လႄႈ ႁွတ်ႈ​ထိုင်​တၢင်း​ဢၼ် လႆႈ​လီ​လႆႈ​ပဵၼ်​ဢေႃႈ။-</verse>
				<verse number="13">မိူဝ်ႈ​ၼၼ်ႉ ၵဝ်​ငိၼ်း​သဵင် ၵေႃႉ​ဢၼ်​မူတ်း​ၸၢင်ႇ​ပႃး​ၼိုင်ႈ လၢတ်ႈ​ၵႂၢမ်း​ဢေႃႈ။ ၵေႃႉ​ဢၼ်​မူတ်း​ၸၢင်ႇ​ပႃး​ၼိုင်ႈ ႁွင်ႉ​သႅၼ်ႇ​ၸူး တီႈ​ၵေႃႉ​ဢၼ် လၢတ်ႈ​မိူဝ်ႈ​ၵႆႈ​ၼၼ်ႉ သေ​လႄႈ ထၢမ်​လႄႈ​ဝႃႈ၊ ပျႃႇ​တိၵ်ႈ​ရူႇပႃႇရူင်ႇ ဢၼ်​ၸၢပ်ႈ​သႅင်ႇ​ၵၼ်​တင်း ဝၢတ်ႈ​ဢၼ်​ႁဵတ်း​ယူႇ ၵူႈ​မိုဝ်ႉ​ၵူႈ​ဝၼ်း​သေႇ​သေႇ ဢိၵ်ႇ​တင်း ၵေႃႉ​ဢၼ်​ႁၢႆႉ​မိူၵ်ႈ ဢၼ်​တၵ်း​လႆႈ​ၶၢမ်ႇ​တၢင်း​ဢၼ် ယႃႉ​ၽဵဝ်ႈ​ပႅတ်ႈ၊ တင်း​တၢင်း​ဢၼ်​ဢဝ်​ထႃႇၼႃႉ တီႈ​မူတ်း​ၸၢင်ႇ​ၸဝ်ႈ​တင်း​ပူဝ်ႇ​ပႃႇ​ၼၼ်ႉ ဢၢပ်ႈ​ပၼ်​ႁႂ်ႈ​လႆႈ​ယဵပ်ႇ​ယမ်ႈ​ၼၼ်ႉ တၵ်း​တႄႇ​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">ၵေႃႉ​ဢၼ် လၢတ်ႈ​မိူဝ်ႈ​ၵႆႈ​ၼၼ်ႉ ၶိုၼ်း​လၢတ်ႈ​တီႈ​ၵဝ်​လႄႈ​ဝႃႈ၊ တၵ်း​လႆႈ​တႄႇ​ယူႇ မိုဝ်ႉ​ဝၼ်း​မိုဝ်ႉ​ၶိုၼ်း​ပွင်း​ၵၼ် သွင်​ႁဵင်​သၢမ်​ပၢၵ်ႇ တဵမ်​တဵမ်​ဢေႃႈ။ လိုၼ်း​ၼၼ်ႉ ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ တၵ်း​လႆႈ ၶၢမ်ႇ​တၢင်း​ဢၼ်​ႁဵတ်း ႁႂ်ႈ​ပဵၼ်​ဢၼ်​မူတ်း​သႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ၵဝ်​ တၢၼ်ႇယေႇလႃႉ ​ၼႆႉ ၼႂ်း​မိူဝ်ႈ​ဢၼ် ႁၼ်​ရူႇပႃႇရူင်ႇ​ၼၼ်ႉ​လႄႈ ႁႃ​ဢၼၢၵ်ႈ​မၼ်း ယူႇ​ၼၼ်ႉ​ၸိုင်၊ ၵေႃႉ​ၼိုင်ႈ ဢၼ်​မိူၼ်​ၸိူဝ်ႉ​ၼင်ႇ ႁၢင်ႈ​ၽၢင်​ၵူၼ်း​ၼၼ်ႉ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။-</verse>
				<verse number="16">ၵဝ်​ငိၼ်း​သဵင်​ၵူၼ်း​ႁွင်ႉ​ယူႇ​ၵႃႈ​တီႈ ၵႄႈ​ဝူင်ႈ​ၵၢင်​ၽင်ႇ​ၼမ်ႉ​ႁွင်ႈ ဢူႉလေး ​လႄႈ လၢတ်ႈ​လႄႈ​ဝႃႈ၊ ၵႃႇပြေႇလႃႉ ​ဢိူၺ်း၊ ႁႂ်ႈ​ၵေႃႉ​ၼၼ်ႉ ႁူႉ​ၸႅင်ႈ​ပျႃႇ​တိၵ်ႈ​ရူႇပႃႇရူင်ႇ​ၼႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၵေႃႉ​ၼၼ်ႉ မႃး​ၸူး​ၵႃႈ​တီႈ​ႁိမ်း​တီႈ​ဢၼ်​ၵဝ်​ၸုၵ်း​ယူႇ ၼၼ်ႉ​လႄႈ ၵဝ်​ၵူဝ်​ႁႄ​လႄႈ ၶုပ်ႉမူပ်ႇ​ယူႇ​ဢေႃႈ။ ၵေႃႉ​ၼၼ်ႉ လၢတ်ႈ​တီႈ​ၵဝ်​လႄႈ​ဝႃႈ၊ လုၵ်ႈ​ၵူၼ်း​ဢိူၺ်း၊ ႁူႉ​ၸႅင်ႈ​တႃႉ။ ပျႃႇ​တိၵ်ႈ​ရူႇပႃႇရူင်ႇ​ၼႆႉ ၸၢပ်ႈ​သႅင်ႇ​ၵၼ်​တင်း ၶိင်ႇ​ၵႃႇလႃႉ တီႈ​သုတ်း​တီႈ​ၵွႆ​မၼ်း​ဢေႃႈ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၼႂ်း​မိူဝ်ႈ​ဢၼ် မၼ်း​ဝႃႈ​ၸိူဝ်ႉ​ၼင်ႇ​ၼၼ် ယူႇ​ၼၼ်ႉ​ၸိုင် ၵဝ်​ၶုပ်ႉမူပ်ႇ​ၵႃႈ​ၼိူဝ်​လိၼ်​လႄႈ ၼွၼ်း​ၼူၵ်ႇ​ၼႃႇ​လူင်​လၢင်​ယူႇ​ဢေႃႈ။ ၵေႃႉ​ၼၼ်ႉ တိူဝ်ႉ​သႂ်ႇ​ၵဝ်​လႄႈ ႁႂ်ႈ​ၵဝ်​ၸုၵ်း​တင်ႈ​သိုဝ်ႈ​ယူႇ သေ​လႄႈ လၢတ်ႈ​လႄႈ​ဝႃႈ၊-</verse>
				<verse number="19">တူၺ်း​လူး။ ၵဝ်​တၵ်း​မွၵ်ႇ​လၢတ်ႈ လွင်ႈ​တၢင်း​ဢၼ် တၵ်း​ပဵၼ်​မႃး ၵႃႈ​ၼႂ်း​တီႈ​သုတ်း​တီႈ​ၵွႆ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ လူး​ၵွၼ်ႇ​ဢေႃႈ။ပဵၼ်​ဢၼ်​ၸၢပ်ႈ​သႅင်ႇ​ၵၼ်​တင်း​တီႈ​သုတ်း​တီႈ​ၵွႆ​ၶိင်ႇ​ၵႃႇလႃႉ​မၼ်း ဢၼ်​မၵ်း​ၶိၼ်း​ဝႆႉ​ၼၼ်ႉ​ဢေႃႈ။-</verse>
				<verse number="20">သူဝ်း​ပေႃႈ ဢၼ်​မႂ်း​ႁၼ်​လႄႈ မီး​ၶဝ်​လႅမ်​သွင်​လႅမ်ႈ​ၼၼ်ႉ ပဵၼ်​ၶုၼ်​ႁေႃ​ၶမ်း​ မေႇတီႉ ၊ ၶုၼ်​ႁေႃ​ၶမ်း​ ပေႇရသီႉ ​ဢေႃႈ။-</verse>
				<verse number="21">ပႄႉ​ပေႃႈ​ၼၼ်ႉ ပဵၼ်​ၶုၼ်​ႁေႃ​ၶမ်း​ ႁေႇလသႃႉ ​ဢေႃႈ။ ၶဝ်​လႅမ်​လူင်​ဢၼ်​မီး​ၵႃႈ​တီႈ ၵႄႈ​ဝူင်ႈ​ၵၢင် မၢၵ်ႇ​တႃ​မၼ်း​ၸိူဝ်း​ၼၼ်ႉ ပဵၼ်​ၶုၼ်​လူင် ပထမႃႉ​ဢေႃႈ။-</verse>
				<verse number="22">ၶဝ်​လႅမ် ဢၼ်​လႆႈ​ၶၢမ်ႇ​တၢင်း​ဢၼ် ႁၵ်း​ပုတ်း​လႄႈ ၶဝ်​လႅမ်​သီႇ​လႅမ်ႈ ဢွၵ်ႇ​မႃး​ၵႃႈ​တီႈ​ႁွႆး​မၼ်း ၼၼ်ႉ​ၸမ်ႉ၊ မိူင်း​သီႇ​မိူင်း​တၵ်း​ပဵၼ်​ဢွၵ်ႇ​မႃး ၵႃႈ​ၼႂ်း​မိူင်း​ဢွၼ်​တၢင်း ၼၼ်ႉ​လႄႈ ဢမ်ႇ​ပျေႉ​ၸုမ်ႇ​ဝႆႉ​တင်း​တၼ်း​ၶူဝ်း မိူင်း​ဢွၼ်​တၢင်း​ၼၼ်ႉ။-</verse>
				<verse number="23">ၼႂ်း​ၶိင်ႇ​ၵႃႇလႃႉ တီႈ​သုတ်း​တီႈ​ၵွႆ​မိူင်း​ၼၼ်ႉ၊ မိူဝ်ႈ​ဢၼ်​ဢပႅတ်ႈ ၶဝ်​ၸိူဝ်း​ဢၼ် ပူၼ်ႉ​လိူဝ်​ၼၼ်ႉ ပျေႉ​ၸုမ်ႇ​ယဝ်ႉ​ၼၼ်ႉ​ၸိုင်၊ ၶုၼ်​လူင်​ဢၼ်​မီး​ၼႃႈ ဢၼ်​ႁတ်း​ႁၢၼ်​လႄႈ ၸၢင်ႈ​မေႃ​ပရီႉယႄႇ​ၼၼ်ႉ​ပႃး​ၼိုင်ႈ တၵ်း​ပေႃႇ​မႃး​ဢေႃႈ။-</verse>
				<verse number="24">ၶုၼ်​လူင်​ၼၼ်ႉ တၼ်း​ၶူဝ်း​မၼ်း​ယင်း​ဢမ်ႇ​မီး​လႄႈ တၼ်း​ၶူဝ်း​တၵ်း​ယႂ်ႇ​ဢေႃႈ။ မၼ်း​တၵ်း ယဵင်ႈ​ၶႅၼ်း​ယႃႉ​ပႅတ်ႈ​ၼႃႇ​လူင်​လၢင်​လႄႈ လႆႈ​လီ​လႆႈ​ပဵၼ်​ယူႇ သေ​လႄႈ ႁဵတ်း​ၸွမ်း​ဢလူဝ်ႇ​မၼ်း​ဢေႃႈ။ မၼ်း​တၵ်း​ယႃႉ​ၽဵဝ်ႈ ၶဝ်​ၸိူဝ်း​ဢၼ်​ႁႅင်း​ယႂ်ႇ​ၼႃႇ ဢိၵ်ႇ​တင်း ၵူၼ်း​မဵဝ်း​ဢၼ်​မူတ်း​ၸၢင်ႇ တင်း​လၢႆ ပႅတ်ႈ​ဢေႃႈ။-</verse>
				<verse number="25">မၼ်း​ၼၼ်ႉ ၵွပ်ႈ​ပိူဝ်ႈ ဢၼ်​ႁဵတ်း​လၵ်း​ႁဵတ်း​လႅမ် ၼႃႇ​လူင်​လၢင်​လႄႈ တၵ်း​ႁႂ်ႈ​မူႉ​သႃႇ လႆႈ​လီ​လႆႈ​ပဵၼ် ၵႃႈ​ၼႂ်း​မိုဝ်း​မၼ်း​ဢေႃႈ။ မၼ်း​တၵ်း မီး​ၸႂ်​ဢၼ် ပူၵ်း​ပႅၼ်​ၽႅၼ်​သုင် ၼႃႇ​လူင်​လၢင်​လႄႈ ႁဵတ်း​မိၵ်ႉသႃႇႁႃယႃႉ​သေ​ယဝ်ႉ၊ တၵ်း​ယႃႉ​ၽဵဝ်ႈ ၵူၼ်း​ၼမ်​ၼႃႇ​ပႅတ်ႈ​လႄႈ ႁဵတ်း​ၶတ်း​ၵၼ် တင်း​ၸဝ်ႈ​ၼိူဝ်​ၸဝ်ႈ​တင်း​လၢႆ ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မိုဝ်း​ၵူၼ်း​ယင်း​ဢမ်ႇ​ႁွတ်ႈ​ထိုင်​လႄႈ မၼ်း​တၵ်း ၶၢမ်ႇ​တၢင်း​ဢၼ် ႁၵ်း​ပုတ်း​လူႉ​လႅဝ်​ဢေႃႈ။-</verse>
				<verse number="26">ၵႂၢမ်း​ပျႃႇ​တိၵ်ႈ​ရူႇပႃႇရူင်ႇ ဢၼ်​ၽုၺ်ႇ​ဢွၵ်ႇ​ၼႄ​ပျႃး ႁူဝ်​ၶမ်ႈ ဢိၵ်ႇ​တင်း ႁူဝ်​ၼႂ်​ၸိူဝ်း​ၼၼ်ႉ​ၼၼ်ႉ မၢၼ်ႇ​မႅၼ်ႈ​ၸိုဝ်ႈ​ၸႂ်ႈ​လႄႈ၊ မႂ်း​တွၵ်ႇ​တၼ်း​သိၵ်ႈ​ဝႆႉ တီႈ​ၵႂၢမ်း​ၼၼ်ႉ​တႃႉ။ ၸၢပ်ႈ​သႅင်ႇ​ၵၼ်​တင်း ၶိင်ႇ​ၵႃႇလႃႉ​မိုဝ်ႉ​ဝၼ်း​ၼမ်​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မိူဝ်ႈ​ၼၼ်ႉ ၵဝ်​ တၢၼ်ႇယေႇလႃႉ ​ၼႆႉ တၢႆ​လိုမ်း​ၵႂႃႇ​လႄႈ မီး​တၢင်း​ၶႆႈ​တၢင်း​ပဵၼ်​ယူႇ မိုဝ်ႉ​ဝၼ်း​ၼမ်​တၢၼ်ႇ​တၢၼ်ႇ​ဢေႃႈ။ လႆႈ​သမ်ႉ ၵဝ်​ၶႅၼ်း​မႃး​လႄႈ ႁဵတ်း​ပွင်​ဢမူႉ ၶုၼ်​ႁေႃ​ၶမ်း​ဢေႃႈ။ ပိၵ်ႉ​သမ်ႉ​ၵဝ်​မီး တၢင်း​ဢၼ် ဢၢမ်း​ၼႃႇ ပျႃႇ​တိၵ်ႈ ရူႇပႃႇရူင်ႇ ၼၼ်ႉ​သေ​ၵေႃႈ၊ ၽူႈ​လႂ်​ဢမ်ႇ​ႁူႉ​သၢႆ​ငၢႆ လွင်ႈ​မၼ်း​တၢင်း​မၼ်း သေ​ၵေႃႉ​သေ​ၵူၼ်း။</verse>
			</chapter>
			<chapter number="9">
				<verse number="1">ၼႂ်း​ပီႊ​ဢၼ်​ တႃႇရီႉ လုၵ်ႈ​ၸၢႆး​ ဢႃႇသူၺ်ႇရူႉ မဵဝ်း​ မေႇတီႉ ဢၼ်​လႆႈ​ဢုပ်ႉ​ပိူင်ႇ​မိူင်း​ ၶႃႇလတေး ​ၼၼ်ႉ ၸၢမ်ႇ​ႁၢင်ႈ​ၸၢမ်ႇ​ႁေႃ ပီႊ​ပထမႃႉ​ၼၼ်ႉ၊-</verse>
				<verse number="2">ၵဝ်​ တၢၼ်ႇယေႇလႃႉ ​ၼႆႉ ဢိင်​ၵျၢမ်း​လိၵ်ႈ သေ​လႄႈ ႁူႉ​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ပီႊ​ဢၼ်​ပရေႃးၽႅတ်ႈ​ ယေႇရမီႉ လႆႈ​ၶၢမ်ႇ​ပျႃႇ​တိၵ်ႈ ထႃႇဝရႃႉ​ၽြႃး လူၺ်ႈ​လွင်ႈ​ဢၼ် တၵ်း​ႁႂ်ႈ​ဝဵင်း​ ယေႇရူႉသလႅမ်ႇ လူႉ​လႅဝ်​လႄႈ ပူၼ်ႉ​ၵႂႃႇ​ၸဵတ်း​သိပ်း​ပီႊ ၼၼ်ႉ​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ ၵဝ်​ဝၢႆႇ​ၼႃႈ​ၵဝ်​ၸူး​တီႈ ၸဝ်ႈ​ၽြႃး​ပဵၼ်​ၸဝ်ႈ ႁႂ်ႈ​လႆႈ​ပႃး​တၢင်း​ဢၼ် ၵမ်​တၢင်း​ၵိၼ်​ယူႇ၊ ၼုင်ႈ​ၶူဝ်း​ၼုင်ႈ​ၼင်​ပေႃ​ယူႇ၊ ဢဝ်​တဝ်ႈ လုပ်ႈ​တႃး​ယူႇ​ၼၼ်ႉ သေ​လႄႈ ႁဵတ်း​သူး​တွင်း ပထၼႃႇ​လဝ်ႊ​ယွၼ်း​ဢေႃႈ။-</verse>
				<verse number="4">ၼင်ႇ​ၼၼ်​လႄႈ​ၵဝ်​ႁဵတ်း​သူး​တွင်း​ပထၼႃႇ တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၵဝ်​ဝႃႈ​ၸမ်ႉ၊ ၸဝ်ႈ​ႁဝ်း ၽြႃး​ပဵၼ်​ၸဝ်ႈ ဢၼ်​ယႂ်ႇ​မျၢတ်ႈ​ၼႃႇ​လူင်​လၢင်​လႄႈ ပဵၼ်​တီႈ​ဢၼ်​လီ​ၵူဝ်​လီ​ႁႄ၊ ဢၼ်​သဵတ်ႈ​ၸႃႇ​ဢမ်ႇ​လူႉ​လႄႈ ပႂ်ႉ​ၵရူႉၼႃႇ​တြႃး တီႈ​ၶဝ်​ၸိူဝ်း​ဢၼ် ႁၵ်ႉ​ၸဝ်ႈ​ႁဝ်း​လႄႈ ပႂ်ႉ​ပိင်း​ၺၢပ်ႈ တြႃး​ၸဝ်ႈ​ႁဝ်း​ၼၼ်ႉ တီႈ​ၶႃႈ​ဢိူၺ်း၊-</verse>
				<verse number="5">ၶႃႈ​ၸဝ်ႈ​ႁဝ်း​ၶဝ် ၽိတ်း​ပိူင်ႈ​လႄႈ ႁဵတ်း​တူႉ​ၸရိူၵ်ႈ​ယဝ်ႉ​တီႈ​ၶႃႈ​ယဝ်ႉ။ ယင်း​ဢမ်ႇ​ၵမ်​ဢမ်ႇ​ၵျၢင်ႉ ၸွမ်း​ၼင်ႇ​တြႃး​လႄႈ ပုင်ႇ​ၵၢၼ်ႇ​ယဝ်ႉ တီႈ​ၶႃႈ​ယဝ်ႉ။ ပိူင်ႈ​သေ​ၵႃႈ​တီႈ ပိင်း​ၺၢပ်ႈ​ၸဝ်ႈ​ႁဝ်း ဢိၵ်ႇ​တင်း လွင်ႈ​တၢင်း​ဢၼ် ၸဝ်ႈ​ႁဝ်း​ၸီႇ​ယၢင်ႇ​ဝႆႉ ၸိူဝ်း​ၼၼ်ႉ​ၵႂႃႇ​ယဝ်ႉ တီႈ​ၶႃႈ​ယဝ်ႉ။-</verse>
				<verse number="6">ယင်း​ဢမ်ႇ​ထွမ်ႇ​ဢဝ်​ၵႂၢမ်း​ၶႃႈ​ၸဝ်ႈ​ႁဝ်း ပရေႃးၽႅတ်ႈ တင်း​လၢႆ ဢၼ်​ဢိင် ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း သေ​လႄႈ ႁေႃး​လၢတ်ႈ​တီႈ ၶုၼ်​ႁေႃ​ၶမ်း ၶႃႈ​ၸဝ်ႈ​ႁဝ်း​ၶဝ်၊ မူး​မၢတ်ႈ​ၽွင်း​မိူင်း ၶႃႈ​ၸဝ်ႈ​ႁဝ်း​ၶဝ်၊ ပူႇ​ပေႃႈ​ၶႃႈ​ၸဝ်ႈ​ႁဝ်း​ၶဝ်၊ ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင် လႄႈ ဢွၼ်​ၵၼ်​ယူႇ ယဝ်ႉ​တီႈ​ၶႃႈ​ယဝ်ႉ။-</verse>
				<verse number="7">ၸဝ်ႈ​ၽြႃး​တီႈ​ၶႃႈ၊ တြႃး​တၢင်း​သိုဝ်ႈ​တေႃႇ ၸၢပ်ႈ​သႅင်ႇ​ၵၼ် တင်း​ၸဝ်ႈ​ႁဝ်း​တီႈ​ၶႃႈ​ဢေႃႈ။ တၢင်း​ဢၼ်​ၼႃႈ​လူႉ​ၸွမ်း​ၵႃႈ​ၼင်ႇ​ဢၼ် မီး​ဝၼ်း​မိူဝ်ႈ​ၼႆႉ​ၼၼ်ႉ ၸၢပ်ႈ​သႅင်ႇ​ၵၼ် တင်း​ၶႃႈ​ၸဝ်ႈ​ႁဝ်း​ၶဝ် ဢၼ်​ဝႃႈ ၵူၼ်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ၊ ၵူၼ်း​ ဢီႉသရေႇလႃႉ ၵႃႈ​ဢၼ်​လႆႈ​ယူႇ​ၵႃႈ​တီႈ​ဢၼ်​ၸမ် ၵႃႈ​တီႈ​ဢၼ်​ၵႆ၊ ၼႂ်း​မိူင်း​ၵူႈ​တီႈ​ၵူႈ​လႅၼ် ဢၼ်​ၸဝ်ႈ​ႁဝ်း​ႁေႃႈ​ၶဝ် ဢွၵ်ႇ​ၸူး ၵွပ်ႈ​ပိူဝ်ႈ​ဢပႅတ်ႈ ဢၼ်​ၶဝ်​ၽိတ်း​ပိူင်ႈ​ၸဝ်ႈ​ၼၼ်ႉ ၸိူဝ်း​ၼၼ်ႉ တီႈ​ၶႃႈ​ဢေႃႈ။-</verse>
				<verse number="8">ၸဝ်ႈ​ၽြႃး​တီႈ​ၶႃႈ၊ တၢင်း​ဢၼ်​ၼႃႈ​လူႉ ၸၢပ်ႈ​သႅင်ႇ​ၵၼ်​တင်း ၶႃႈ​ၸဝ်ႈ​ႁဝ်း​ၶဝ် ဢၼ်​ဝႃႈ ၶုၼ်​ႁေႃ​ၶမ်း ၶႃႈ​ၸဝ်ႈ​ႁဝ်း​ၶဝ်၊ မူး​မၢတ်ႈ​ၽွင်း​မိူင်း ၶႃႈ​ၸဝ်ႈ​ႁဝ်း​ၶဝ်၊ ပူႇ​ပေႃႈ​ၶႃႈ​ၸဝ်ႈ​ႁဝ်း​ၶဝ် ၵွပ်ႈ​ပိူဝ်ႈ ဢၼ်​ၶႃႈ​ၸဝ်ႈ​ႁဝ်း​ၶဝ် ၽိတ်း​ပိူင်ႈ​ၸဝ်ႈ​ႁဝ်း​ၼၼ်ႉ တီႈ​ၶႃႈ​ဢေႃႈ။-</verse>
				<verse number="9">ပိၵ်ႉ​သမ်ႉ​ၶႃႈ​ၸဝ်ႈ​ႁဝ်း​ၶဝ် ပုင်ႇ​ၵၢၼ်ႇ​ၸဝ်ႈ​ႁဝ်း ယဝ်ႉ​သေ​ၵေႃႈ၊ ဢၶႂၢင်ႉ​တၢင်း​ဢၼ်​ၼႄ​ပျႃး​ၵရူႉၼႃႇ ဢိၵ်ႇ​တင်း ဢၶႂၢင်ႉ​ဢၼ်​ၽေႇ​ဢပႅတ်ႈ ၸၢပ်ႈ​သႅင်ႇ​ၵၼ်​တင်း ၸဝ်ႈ​ၽြႃး​ပဵၼ်​ၸဝ်ႈ​ႁဝ်း​ၶႃႈ တီႈ​ၶႃႈ​ဢေႃႈ။-</verse>
				<verse number="10">ၶႃႈ​ၸဝ်ႈ​ႁဝ်း​ၶဝ် ယင်း​ဢမ်ႇ​ထွမ်ႇ​ဢမ်ႇ​ဢဝ် သဵင်​ပျႃႇ​တိၵ်ႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ ႁႂ်ႈ​လႆႈ​ၸွမ်း​သဵၼ်ႈ​တၢင်း ပိင်း​ၺၢပ်ႈ​တြႃး ဢၼ်​ၸဝ်ႈ​ႁဝ်း ဢဝ်​ၶႃႈ​ၸဝ်ႈ​ႁဝ်း ပရေႃးၽႅတ်ႈ တင်း​လၢႆ ဝႆႉ​တီႈ ၶႃႈ​ၸဝ်ႈ​ႁဝ်း​ၶဝ်​ၼၼ်ႉ​လႄႈ ဢွၼ်​ၵၼ်​ယူႇ​ယဝ်ႉ တီႈ​ၶႃႈ​ယဝ်ႉ။-</verse>
				<verse number="11">ၵူၼ်း​မဵဝ်း ဢီႉသရေႇလႃႉ တင်း​သဵင်ႈ​တင်း​လူင် ယင်း​ဢမ်ႇ​ထွမ်ႇ​ဢမ်ႇ​ဢဝ် သဵင်​ပျႃႇ​တိၵ်ႈ ၸဝ်ႈ​ႁဝ်း​လႄႈ ဢွၼ်​ၵၼ်​ပိူင်ႈ​ၵႂႃႇ​လႄႈ ပူၼ်ႉ​လိူဝ် ပိင်း​ၺၢပ်ႈ​တြႃး ၸဝ်ႈ​ႁဝ်း​ယဝ်ႉ တီႈ​ၶႃႈ​ယဝ်ႉ။ ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ ဢပႅတ်ႈ​ဢၼ် ၶႃႈ​ၸဝ်ႈ​ႁဝ်း​ၶဝ် ၽိတ်း​ပိူင်ႈ ၸဝ်ႈ​ႁဝ်း ၼၼ်ႉ​လႄႈ ၸဝ်ႈ​ႁဝ်း ဢဝ်​တၢင်း​ဢၼ် တိူင်ႇ​ဝႃႈ ဢၼ်​ဝႃႈ​တၢင်း​ဢၼ် ၵိၼ်ႇ​ဝႃႈ ဢၼ်​တႅမ်ႈ​မၢႆ​ဝႆႉ ၵႃႈ​ၼႂ်း​ၵျၢမ်း​လိၵ်ႈ ပိင်း​ၺၢပ်ႈ​တီႉ​ မူဝ်းသေႇ ၶႃႈ​ၽြႃး​ပဵၼ်​ၸဝ်ႈ​ၼၼ်ႉ သွၼ်း​လေႃႇ ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ် တီႈ​ၶႃႈ​ယဝ်ႉ။-</verse>
				<verse number="12">ၸဝ်ႈ​ႁဝ်း ႁႂ်ႈ​ၵႂၢမ်း​ဢၼ်​ၸဝ်ႈ​ႁဝ်း မီး​ဢမိင်ႉ ယူႇ​ၽၢႆႇ​ၼိုင်ႈ တင်း​ၵူၼ်း​လူင် ဢၼ်​ၸီႇ​ယၢင်ႇ​တြႃး ဢၼ်​ဢုပ်ႉ​ပိူင်ႇ​ၵႃႈ​ၼိူဝ် ၶႃႈ​ၸဝ်ႈ​ႁဝ်း​ၶဝ်​ၼၼ်ႉ ၸိူဝ်း​ၼၼ်ႉ တႄႇ​ပဵၼ်​လႄႈ ႁႂ်ႈ​ၽေး​ဢူႉ​ပၢတ်ႈ ဢၼ်​ယႂ်ႇ​ၼႃႇ​ႁွတ်ႈ​ထိုင် ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ် တီႈ​ၶႃႈ​ယဝ်ႉ။ လွင်ႈ​မၼ်း​ၸမ်ႉ ၵႃႈ​တီႈ တႂ်ႈ​ၽႃႉ​ၵၢင်​ႁၢဝ်​ၼႆႉ ၽေး​ဢူႉ​ပၢတ်ႈ ဢမ်ႇ​တွၼ်ႉ​ႁွတ်ႈ​ထိုင် ၵႃႈ​တီႈ​လႂ်​သေ​တီႈ ၸိူဝ်ႉ​ၼင်ႇ​ဢၼ်​ႁွတ်ႈ​ထိုင် ၵႃႈ​တီႈ ဝဵင်း​ ယေႇရူႉသလႅမ်ႇ ​ၼၼ်ႉ​တီႈ​ၶႃႈ၊-</verse>
				<verse number="13">ၸွမ်း​ၵႃႈ​ၼင်ႇ​ဢၼ် မၢတ်ႈ​မၢႆ​တႅမ်ႈ​ဝႆႉ ၵႃႈ​ၼႂ်း​ၵျၢမ်း​လိၵ်ႈ ပိင်း​ၺၢပ်ႈ​တီႉ​ မူဝ်းသေႇ ​ၼၼ်ႉ သေ​လႄႈ၊ ၽေး​ဢူႉ​ပၢတ်ႈ​ၵႃႈ​မီး​ၼႆႉ ႁွတ်ႈ​ထိုင် ၵႃႈ​ၼိူဝ် ၶႃႈ​ၸဝ်ႈ​ႁဝ်း​ၶဝ် တီႈ​ၶႃႈ​ယဝ်ႉ။ ၶႃႈ​ၸဝ်ႈ​ႁဝ်း​ၶဝ်​ယင်း ဢမ်ႇ​တွင်း​ပၢၼ်ႇ တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ ႁႂ်ႈ​လႆႈ​ဝႄႈ​ပႅတ်ႈ တူႉ​ၸရိူၵ်ႈ​တင်း​လၢႆ သေ​လႄႈ ထွမ်ႇ​ဢဝ်​ႁူႉ​ၸႅင်ႈ သမ်ႇမႃႇ​တြႃး​ၸဝ်ႈ​လႄႈ ဢွၼ်​ၵၼ်​ယူႇ​ယဝ်ႉ တီႈ​ၶႃႈ​ယဝ်ႉ​လူင်​ပႄႇ။-</verse>
				<verse number="14">ပိူဝ်ႈ​ၼႆ​လႄႈ ထႃႇဝရႃႉ​ၽြႃး ပႂ်ႉ​ၽေး​ဢူႉ​ပၢတ်ႈ​လႄႈ ႁႂ်ႈ​ႁွတ်ႈ​ထိုင် ၵႃႈ​ၼိူဝ်​ၶႃႈ​ၸဝ်ႈ​ႁဝ်း​ၶဝ်​ယဝ်ႉ တီႈ​ၶႃႈ​ယဝ်ႉ။ ၵႃႈ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​ၶႃႈ​ႁဵတ်း​ၼၼ်ႉ သိုဝ်ႈ​တေႃႇ​တီႈ​ၶႃႈ​ဢေႃႈ။ ၶႃႈ​ၸဝ်ႈ​ႁဝ်း​ၶဝ် ယင်း​ဢမ်ႇ​ထွမ်ႇ ဢမ်ႇ​ဢဝ်​သဵင်​ပျႃႇ​တိၵ်ႈ​ၸဝ်ႈ​လႄႈ ဢွၼ်​ၵၼ်​ယူႇ​ယဝ်ႉ တီႈ​ၶႃႈ​ယဝ်ႉ​လူင်​ပႄႇ။-</verse>
				<verse number="15">တေႃႈ​လဵဝ်​ၼႆႉ​ၸမ်ႉ၊ ၸဝ်ႈ​ၽြႃး​ပဵၼ်​ၸဝ်ႈ​ႁဝ်း​ၶႃႈ ဢၼ်​ဢဝ်​မိုဝ်း​ၸဝ်ႈ ဢၼ်​တၼ်း​ၶူဝ်း​ယႂ်ႇ​ၼႃႇ​ၼၼ်ႉ သေ​လႄႈ ၼုၵ်ႈ​ဢဝ်​ၵူၼ်း​ၸဝ်ႈ​ႁဝ်း တင်း​လၢႆ ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​လႄႈ ႁႂ်ႈ​သရေႇ​ၸဝ်ႈ​ႁူင်​ႁၢင်း​ယူႇ မိူၼ်​ၸိူဝ်ႉ​ၼင်ႇ ဢၼ်​မီး​ဝၼ်း​မိူဝ်ႈ​ၼႆႉ​ၼၼ်ႉ တီႈ​ၶႃႈ​ဢိူၺ်း၊ ၶႃႈ​ၸဝ်ႈ​ႁဝ်း​ၶဝ် ၽိတ်း​ပိူင်ႈ​ယဝ်ႉ တီႈ​ၶႃႈ​ယဝ်ႉ။ ယင်း​ဢမ်ႇ​ႁဵတ်း​ၸွမ်း ၼင်ႇ​တြႃး​လႄႈ ယူႇ​ယဝ်ႉ​တီႈ​ၶႃႈ​ယဝ်ႉ။-</verse>
				<verse number="16">ၸဝ်ႈ​ၽြႃး​တီႈ​ၶႃႈ၊ ၸွမ်း​ၵႃႈ​ၼင်ႇ​ဢၼ် တြႃး​တၢင်း​သိုဝ်ႈ​တေႃႇ ၸဝ်ႈ​ႁဝ်း​ၵႃႈ​မီး​ၼၼ်ႉ မီး​ဝႆႉ​ၼၼ်ႉ သေ​လႄႈ ၶႅၼ်း​တေႃႈ ႁႂ်ႈ​တၢင်း​ၸႂ်​မႆႈ ၶႆႈ​ၸႃႉ​ၸဝ်ႈ​ႁဝ်း ဢိၵ်ႇ​တင်း ဢၢႆ​ႁႅင်း​တေႃး​သႃႉ​ၸဝ်ႈ​ႁဝ်း ဝႄႈ​ပိူင်ႈ​သေ​ၵႃႈ​တီႈ ဝဵင်း​ ယေႇရူႉသလႅမ်ႇ ဢၼ်​ဝႃႈ လွႆ​ဢၼ်​မူတ်း​ၸၢင်ႇ ၸဝ်ႈ​ၼၼ်ႉ သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​တွင်း​ပၢၼ်ႇ တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ ဢပႅတ်ႈ​ၶႃႈ​ၸဝ်ႈ​ႁဝ်း​ၶဝ် ဢိၵ်ႇ​တင်း ဢပႅတ်ႈ​ပူႇ​မွၼ်ႇ​ၶႃႈ​ၸဝ်ႈ​ႁဝ်း ၸိူဝ်း​ၼၼ်ႉ​လႄႈ ဝဵင်း​ ယေႇရူႉသလႅမ်ႇ ဢိၵ်ႇ​တင်း ၵူၼ်း​ၸဝ်ႈ​ႁဝ်း တင်း​လၢႆ​ၼႆႉ ပဵၼ်​တီႈ​ဢၼ်​လီ​သႄႉ​သွမ်း ၵႃႈ​ၼႂ်း​ၶဝ်​ၵႃႈ​ဢၼ်​မီး ၵႃႈ​တီႈ​ႁိမ်း​ႁွမ်း​လဵပ်ႈ​ႁွပ်ႈ ၶႃႈ​ၸဝ်ႈ​ႁဝ်း​ၶဝ်​ၸိူဝ်း​ၼၼ်ႉ တီႈ​ၶႃႈ​ဢေႃႈ။-</verse>
				<verse number="17">မိူဝ်ႈ​လဵဝ်​ၼႆႉ​ၸမ်ႉ၊ ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ၶႅၼ်း​တေႃႈ ထွမ်ႇ​ဢဝ်​ၵႂၢမ်း​ဢၼ် ၶႃႈ​ၸဝ်ႈ​ႁဝ်း​သူး​တွင်း ႁဵတ်း​ပထၼႃႇ ၼႆႉ​လႄႈ ထွၵ်ႈ​လူၺ်ႈ ဢၵျူဝ်း​ၸဝ်ႈ​ၽြႃး သေ​လႄႈ ႁႂ်ႈ​သၢႆ​ဢရွင်ႇ​ၼႃႈ​ၸဝ်ႈ​ႁဝ်း ႁိူဝ်ႈ​လႅင်း ၵႃႈ​တီႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ ဢၼ်​မီး​တၢင်း​ဢၼ် သဵတ်ႇ​ယဵၼ်​ယူႇ​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="18">ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ၶႅၼ်း​တေႃႈ ႁေႈ​ႁူ​ၸဝ်ႈ​ႁဝ်း​လႄႈ ထွမ်ႇ​ဢဝ်​သေ​ၵမ်း​တီႈ​ၶႃႈ၊ ၶႅၼ်း​တေႃႈ ၽုၺ်ႇ​တႃ​မိုၼ်း​တႃ​ၸဝ်ႈ​ႁဝ်း သေ​လႄႈ လူ​တူၺ်း​တီႈ​ဢၼ်​လူႉ​လႅဝ် ၶႃႈ​ၸဝ်ႈ​ႁဝ်း တင်း​လၢႆ ဢိၵ်ႇ​တင်း ဝဵင်း​ဢၼ်​ႁွင်ႉ​ႁဵၵ်ႈ ၵူပ်း​လူၺ်ႈ ၼႃႇ​မႃႉ​ၸိုဝ်ႈ​သဵင် ၸဝ်ႈ​ႁဝ်း​ၼႆႉ​သေ​ၵမ်း တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ် ဢမ်ႇ​ဢိင်​ဢမ်ႇ​ပိုင်ႈ ၵူႉ​သူဝ်ႇ​တူဝ်​ၸဝ်ႈ​ၵဝ်ႇ၊ ဢိင်​ပိုင်ႈ မႁႃႇ​ၵရူႉၼႃႇ​ၸဝ်ႈ​ႁဝ်း သေ​လႄႈ ဢဝ်​ၵႂၢမ်း​ပထၼႃႇ​သၢၵ်ႈ​ၵၢပ်ႈ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း တီႈ​ၶႃႈ​ဢေႃႈ။-</verse>
				<verse number="19">ၸဝ်ႈ​ၽြႃး​တီႈ​ၶႃႈ၊ ၶႅၼ်း​တေႃႈ ထွမ်ႇ​ငိၼ်း​သေ​ၵမ်း​တီႈ​ၶႃႈ၊ ၸဝ်ႈ​ၽြႃး​တီႈ​ၶႃႈ၊ ၶႅၼ်း​တေႃႈ ပွႆႇ​လွတ်ႈ​ဢပႅတ်ႈ သေ​ၵမ်း​တီႈ​ၶႃႈ၊ ၸဝ်ႈ​ၽြႃး​တီႈ​ၶႃႈ၊ ၶႅၼ်း​တေႃႈ ထွမ်ႇ​ဢဝ်​လႄႈ ႁဵတ်း​ၸွမ်း​သေ​ၵမ်း​တီႈ​ၶႃႈ၊ ၽြႃး​ပဵၼ်​ၸဝ်ႈ ၵဝ်​ၶႃႈ​တီႈ​ၶႃႈ၊ ယႃႇ​ပေ ႁဵတ်း​ၵွႆႈ​ႁဵတ်း​ထိူင်း ပုၼ်ႈ​ၸဝ်ႈ​ႁဝ်း သေ​ၵမ်း​တီႈ​ၶႃႈ၊ ဝဵင်း​ၸဝ်ႈ​ႁဝ်း ဢိၵ်ႇ​တင်း ၵူၼ်း​ၸဝ်ႈ​ႁဝ်း ၸိူဝ်း​ၼႆႉ မီး​တၢင်း​ဢၼ်​ႁွင်ႉ​ႁဵၵ်ႈ ၵူပ်း​လူၺ်ႈ​ၼႃႇ​မႃႉ​ၸိုဝ်ႈ​သဵင် ၸဝ်ႈ​ႁဝ်း တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ ဢွၵ်ႇ​သူပ်း ႁဵတ်း​သူး​တွင်း​ပထၼႃႇ​လႄႈ ၽုၺ်ႇ​ၼႄ​တွင်း​ပၢၼ်ႇ ဢပႅတ်ႈ​ၵဝ် ဢိၵ်ႇ​တင်း ဢပႅတ်ႈ​ၵူၼ်း မဵဝ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ယူႇ၊ ဢဝ်​ၵႂၢမ်း​ပထၼႃႇ ဢၼ်​ၵဝ်​ႁဵတ်း​ပုၼ်ႈ လွႆ​ဢၼ်​မူတ်း​ၸၢင်ႇ ၽြႃး​ပဵၼ်​ၸဝ်ႈ ဢၼ်​ၵဝ်​ၵူဝ်း​ၵႂၢႆႇ ၼၼ်ႉ သၢၵ်ႈ​ၵၢပ်ႈ​ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၵဝ်​ယူႇ၊-</verse>
				<verse number="21">ၼႂ်း​ၸူဝ်ႈ​ဢၼ် ႁဵတ်း​တၢင်း​ဢၼ်​သူး​တွင်း​ၼၼ်ႉ ဢမ်ႇ​ပႆႇ​ယဝ်ႉ​ပႆႇ​တူဝ်ႈ​လႄႈ ယင်း​တိုၵ်ႉ ဢွၵ်ႇ​သူပ်း​ဝႃႈ​ယူႇ ၼၼ်ႉ​ၸိုင်၊ ၵႃႇပြေႇလႃႉ ၵေႃႉ​ဢၼ် ၵဝ်​လႆႈ​ႁၼ်​ၵႃႈ​ၼႂ်း ပျႃႇ​တိၵ်ႈ ရူႇပႃႇရူင်ႇ မိူဝ်ႈ​ဢွၼ်​တၢင်း​ၼၼ်ႉ သမ်ႉ​လႆႈ​ႁိပ်ႈ​ၼႅတ်ႈ ၶိုၼ်း​မႃး ၶၼ်​ၶၼ်​ၽႂ်း​ၽႂ်း​လႄႈ ႁွတ်ႈ​ထိုင်​ၵႃႈ​တီႈ​ၵဝ် ၶိင်ႇ​မိူဝ်ႈ​ဢၼ် ပုၵ်ႈ​ၸေႃႇ ၶိင်ႇ​ႁူဝ်​ၶမ်ႈ ၼၼ်ႉ​လႄႈ၊-</verse>
				<verse number="22">တၵ်ႉ​လၢတ်ႈ​ၵဝ် သေ​လႄႈ လၢတ်ႈ​လႄႈ​ဝႃႈ၊ တၢၼ်ႇယေႇလႃႉ ​ဢိူၺ်း၊ ၵဝ်​ဢွၵ်ႇ​မႃး​ႁႂ်ႈ​လႆႈ ႁႂ်ႈ​ၺၢၼ်ႇ​ပိင်ႇ​ၺႃႇ ယႂ်ႇ​ၽႄႈ​တူဝ်း​တွၼ်း​မႃး တီႈ​မႂ်း​ယဝ်ႉ။-</verse>
				<verse number="23">မိူဝ်ႈ​ဢၼ်​မႂ်း ၸင်ႇ​ၸႃႉ​ႁဵတ်း​သူး​တွင်း ပထၼႃႇ ၼၼ်ႉ​ၸိုင် ဢမိင်ႉ​ၸဝ်ႈ​မီး​လႄႈ ၵဝ်​ႁွတ်ႈ​မႃး ႁႂ်ႈ​လႆႈ​မွၵ်ႇ​လၢတ်ႈ တီႈ​မႂ်း​ယဝ်ႉ။ မႂ်း​ၼႆႉ​ပဵၼ် ၵေႃႉ​ဢၼ် လီ​ႁၵ်ႉ​လီ​ပႅင်း​ၼႃႇ​လူင်​လၢင်​ဢေႃႈ။ ပိူဝ်ႈ​ၼႆ​လႄႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ လွင်ႈ​ၼၼ်ႉ​လႄႈ ႁူႉ​ၸႅင်ႈ ပျႃႇ​တိၵ်ႈ ရူႇပႃႇရူင်ႇ ၼၼ်ႉ​တႃႉ။-</verse>
				<verse number="24">မီး​တၢင်း​ဢၼ် တႅပ်း​တတ်း ၸီႇ​ယၢင်ႇ ၸဵတ်း​သိပ်း​သတၢင်း​ဝႆႉ ပုၼ်ႈ​ၵူၼ်း​မဵဝ်း​လဵဝ်​ၵၼ်​တင်း​မႂ်း ဢိၵ်ႇ​တင်း ဝဵင်း​ဢၼ်​မူတ်း​ၸၢင်ႇ​မႂ်း ႁႂ်ႈ​လႆႈ​ႁႄႉ​ၶႅၼ် လွင်ႈ​တၢင်း​ဢၼ်​ပူၼ်ႉ​လိူဝ်​လႄႈ တွၵ်ႇ​တၼ်း​သိၵ်ႈ​ဢပႅတ်ႈ ဢိၵ်ႇ​တင်း ႁႂ်ႈ​လႆႈ​ၽေႇ​ဢပႅတ်ႈ တူႉ​ၸရိူၵ်ႈ​လႄႈ ဢဝ်​တၢင်း သိုဝ်ႈ​တေႃႇ ထႃႇဝရႃႉ သႂၢင်း​ၶဝ်ႈ တၢင်း​ႁႂ်ႈ​လႆႈ​တွၵ်ႇ​တၼ်း​သိၵ်ႈ ပျႃႇ​တိၵ်ႈ ရူႇပႃႇရူင်ႇ ဢိၵ်ႇ​တင်း ပျႃႇ​တိၵ်ႈ ဢၼႃႇၵၢတ်ႈ​တီႉ​ၸဝ်ႈ​လႄႈ လုပ်ႈ​တႃး​ထႃႇၼႃႉ တီႈ​မူတ်း​ၸၢင်ႇ​သေ​ပိူၼ်ႈ ၼၼ်ႉ​ဢေႃႈ။-</verse>
				<verse number="25">ပိူဝ်ႈ​ၼႆ​လႄႈ ႁူႉ​ၸႅင်ႈ​မၢတ်ႈ​တွင်း​လွင်ႈ​ဢၼ် ဢဝ်​ၸႃႉ​ၸဵမ်​ဝၼ်း​ဢၼ် ဢမိင်ႉ​ၸဝ်ႈ ပူင်​ႁႂ်ႈ​လႆႈ​သမ်ႉ​ၶိုၼ်း တႄႇ​ႁဵတ်း​ၵုမ်း​မႄး ဝဵင်း​ ယေႇရူႉသလႅမ်ႇ ​ၼၼ်ႉ ၵႂႃႇ​တေႃႇ​ထိုင်​ႁွတ်ႈ ၸဝ်ႈ​ဢၼ်​ၶၢမ်ႇ​ၽိၵ်ႈ​သိၵ်ႈ မင်ႇၵလႃႇ ဢၼ်​ဝႃႈ ၶုၼ်​ၼၼ်ႉ တၵ်း​ႁွတ်ႈ​မႃး​ၼၼ်ႉ တၵ်း​ႁိုင် ၸဵတ်း​သတၢင်း​ၼၼ်ႉ​ဝႆႉ​တႃႉ။ ၼႂ်း​ႁူၵ်း​သိပ်း​ပၢႆ​သွင်​သတၢင်း​တဵမ်​တဵမ် တၵ်း​လႆႈ​တႄႇ​ႁဵတ်း​ၵုမ်း​မႄး ဝဵင်း​ပႃး​လူၺ်ႈ​ၵၼ်​တင်း သဵၼ်ႈ​တၢင်း ဝဵင်း​ဢၼ်​ၵႂၢင်ႈ ဢၼ်​ၵႅပ်ႈ​ၸိူဝ်း​ၼၼ်ႉ ၼႂ်း​ၶိင်ႇ​ၵႃႇလႃႉ ဢၼ်​လႆႈ​ၶၢမ်ႇ​တၢင်း​ဢၼ် ယႃႉ​ယူၵ်ႉ ၼၼ်ႉ​ဢေႃႈ။-</verse>
				<verse number="26">ပူၼ်ႉ​သေ​ႁူၵ်း​သိပ်း​သွင်​သတၢင်း​ၼၼ်ႉ သေ​ယဝ်ႉ၊ ၸဝ်ႈ​ဢၼ်​ၶၢမ်ႇ ၽိၵ်ႈ​သိၵ်ႈ မင်ႇၵလႃႇ​ၼၼ်ႉ တၵ်း​လႆႈ ၶၢမ်ႇ​တၢင်း​ဢၼ် ဢဝ်​တၢႆ​လႄႈ ဢမ်ႇ​မီး​ၸဝ်ႈ​မီး​ၸွမ်​တီႈ​ၵူၼ်း တင်း​လၢႆ။ လိုၼ်း​ၼၼ်ႉ ၵူၼ်း​ၶုၼ်​ဢၼ်​တၵ်း​မႃး​ၼၼ်ႉ ၸိူဝ်း​ၼၼ်ႉ တၵ်း​ဢွၼ်​ၵၼ်​ၵိူၼ်ႇ​ယႃႉ​ဝဵင်း​ၸဝ်ႈ ဢိၵ်ႇ​တင်း ထႃႇၼႃႉ တီႈ​မူတ်း​ၸၢင်ႇ ၸဝ်ႈ​ပႅတ်ႈ​ဢေႃႈ။ တီႈ​သုတ်း​မၼ်း​တၵ်း​ပဵၼ် တၢင်း​ဢၼ်​သုမ်း​ၸွမ်း​လူၺ်ႈ တၢင်း​ဢၼ်​ၼမ်ႉ​ထူမ်ႈ​ႁူမ်ႇ​ပႅတ်ႈ​လႄႈ တၵ်း​မီး​တၢင်း​ဢၼ် တိုၵ်း​သိုၵ်း တေႃႇ​ထိုင်​ႁွတ်ႈ တီႈ​သုတ်း၊ တၢင်း​ဢၼ် ၸီႇ​ယၢင်ႇ​တႅပ်း​တတ်း ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​လူႉ​လႅဝ် ၼၼ်ႉ​ဢေႃႈ။-</verse>
				<verse number="27">မၼ်း​တၵ်း ႁဵတ်း​ပတီႉၺိၺ်ႇ ဢၼ်​မၼ်ႈ​ၶိူင်ႇ​လူၺ်ႈ​ၵၼ် တင်း​ၵူၼ်း​ၼမ်​ၼႃႇ ပုၼ်ႈ​သတၢင်း​ၼိုင်ႈ​လႄႈ ႁႂ်ႈ​တၢင်း​ဢၼ်​ပုၵ်ႈ​ၸေႃႇ ယိတ်ႈ​ဢိၵ်ႇ​တင်း တၢင်း​ဢၼ်​သၢၵ်ႈ​ၵၢပ်ႈ​ၼၼ်ႉ ႁၢႆ​လၢႆ​ၵႂႃႇ​ပုၼ်ႈ ၶိုင်ႈ​သတၢင်း​ၼိုင်ႈ​ဢေႃႈ။ ၵေႃႉ​ဢၼ်​ယႃႉ​ပႅတ်ႈ​ၼၼ်ႉ တၵ်း​ႁွတ်ႈ​ထိုင် ၵႃႈ​ၼိူဝ်​ၸိၵ်း လွင်ႈ​တၢင်း​ဢၼ်​လီ​ႁင်ႈ ဢဵတ်ႇ​သဵတ်ႇ ၼၼ်ႉ​လႄႈ တၢင်း​ဢၼ်​ထွၵ်ႇ​ႁိုဝ်ႈ တေႃး​သႃႉ တၢင်း​ၸႂ်​မႆႈ​သႂ်ႇ ၵႃႈ​ၼိူဝ်​ၵေႃႉ​ဢၼ်​ယႃႉ​ပႅတ်ႈ​ၼၼ်ႉ တၵ်း​လႆႈ မီး​ယူႇ​တေႃႇ​ထိုင်​ႁွတ်ႈ တၢင်း​ဢၼ် ဢမူႉ​ဢၼ်​တႅပ်း​တတ်း ၸီႇ​ယၢင်ႇ​ဝႆႉ​ၼၼ်ႉ ယဝ်ႉ​ယဝ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="10">
				<verse number="1">ၼႂ်း​ပီႊ​ဢၼ် ၵူႉရူႉ ၶုၼ်​ႁေႃ​ၶမ်း ပေႇရသီႉ ၸၢမ်ႇ​ႁၢင်ႈ​ၸၢမ်ႇ​ႁေႃ သၢမ်​ပီႊ​ၼၼ်ႉ၊ တၢၼ်ႇယေႇလႃႉ ​ဢၼ်​မီး​ၸိုဝ်ႈ​မီး​သဵင် ပေႇလတႃႉသႃႇၸႃႇ ​ၼၼ်ႉ လႆႈ​ၶၢမ်ႇ​ပျႃႇ​တိၵ်ႈ​ၸဝ်ႈ​ဢေႃႈ။ ပျႃႇ​တိၵ်ႈ​ၸဝ်ႈ​ၼၼ်ႉ ပဵၼ်​ဢၼ်​မၢၼ်ႇ​မႅၼ်ႈ​ၸိုဝ်ႈ​ၸႂ်ႈ​လႄႈ ၸၢပ်ႈ​သႅင်ႇ​ၵၼ်​တင်း တၢင်း​ဢၼ် တိုၵ်း​သိုၵ်း ဢၼ်​ယႂ်ႇ​ၼႃႇ​ဢေႃႈ။ မၼ်း​ႁူႉ​ၸႅင်ႈ​လွင်ႈ​တၢင်း​ၼၼ်ႉ​လႄႈ ႁူႉ​သၢႆ​ငၢႆ​ရူႇပႃႇရူင်ႇ​ၼၼ်ႉ​ဢေႃႈ။-</verse>
				<verse number="2">ၼႂ်း​ၶိင်ႇ​ၵႃႇလႃႉ မိုဝ်ႉ​ဝၼ်း​ၼၼ်ႉ ၵဝ်​ တၢၼ်ႇယေႇလႃႉ ​ၼႆႉ ၵမ်​ၵျၢင်ႉ​ၵႅၼ်ႇ​ၵႅၼ်ႇ​ၶႅင်​ၶႅင်​ယူႇ သၢဝ်း​ဢဵတ်း​ဝၼ်း​တဵမ်​တဵမ်​ဢေႃႈ။-</verse>
				<verse number="3">ၸူဝ်ႈ​ဢၼ်​ဢမ်ႇ​ပႆႇ​ၸေး သၢဝ်း​ဢဵတ်း​ဝၼ်း ၼၼ်ႉ​ၸိုင် ၵဝ်​ဢမ်ႇ​ၵိၼ်​ၶဝ်ႈ​မုၼ်း​ဢၼ်​လီ​ဢၼ်​ဝၢၼ်။ ၼိူဝ်ႉ​ဢိၵ်ႇ​တင်း ၼမ်ႉ​ၸပိတ်ႈ​ဢမ်ႇ​လႆႈ​ၶဝ်ႈ​ၵႃႈ​ၼႂ်း​သူပ်း​ၵဝ်။ ဢမ်ႇ​ႁဵတ်း​တၢင်း​ဢၼ် တႃး​ၼမ်ႉ​မၼ်း​လႃး​လႃး။-</verse>
				<verse number="4">ၼႂ်း​ဝၼ်း​လိူၼ် ပထမႃႉ​သၢဝ်း​သီႇ​ဝၼ်း​ၼၼ်ႉ ၵဝ်​ယင်း​တိုၵ်ႉ​မီး​ယူႇ ၵႃႈ​တီႈ​ႁိမ်း​ၼမ်ႉ​ႁွင်ႈ​လူင်​ဢၼ်​ဝႃႈ ႁီႉတၵေႇလႃႉ ​ၼၼ်ႉ​လႄႈ၊-</verse>
				<verse number="5">ဢဝ်​တႃ​ၵဝ်​ႁႅၼ်​တူၺ်း​လႄႈ ႁၼ်​ၵူၼ်း​ဢၼ်​ၼုင်ႈ​မႆ​ပိၵ်ႈ​ၶျေႃး သေ​လႄႈ ႁတ်ႉ​သၢႆ​ဢႅဝ်​ၶမ်း​လွတ်ႈ​ငၢၼ်ႇ ဢူႉၽတ်ႉ ​ယူႇ​ၼၼ်ႉ ၵေႃႉ​ၼိုင်ႈ​ဢေႃႈ။-</verse>
				<verse number="6">တူဝ်​မၼ်း​ၼၼ်ႉ ပဵၼ်​ၸိူဝ်ႉ​ၼင်ႇ သႅင်​ မျႅၵ်ႉရွႆး ​လႄႈ ၼႃႈ​မၼ်း​ပဵၼ်​ၸိူဝ်ႉ​ၼင်ႇ သၢႆ​ဢရွင်ႇ​ၽႃႉ​မႅပ်ႈ ၼၼ်ႉ​ဢေႃႈ။ မၢၵ်ႇ​တႃ​မၼ်း ပဵၼ်​ၸိူဝ်ႉ​ၼင်ႇ ဝၢၼ်ႇ​ၽႆး​တဵၼ်း ဢၼ်​လုၵ်ႉ​ႁိူဝ်ႈ​ၼႃႇ ၼၼ်ႉ​လႄႈ၊ တိၼ်​မၼ်း​မိုဝ်း​မၼ်း​ၼၼ်ႉ မီး​ဢရွင်ႇ​ႁၢင်ႈ​ၽၢင် တွင်း​လိူင် ဢၼ် ၸၢင်ႈ​ဢူမႂ်ႇ​မႂ်ႇ​ၼၼ်ႉ​ဢေႃႈ။ သဵင်​ၵႂၢမ်း​မၼ်း​ပဵၼ်​ၸိူဝ်ႉ​ၼင်ႇ သဵင်​မုၵ်ႉ​ၵူၼ်း ၸိူဝ်း​ၵူၼ်း​ဢၼ်​ၼမ်​ၼႃႇ ၼၼ်ႉ​ဢေႃႈ။-</verse>
				<verse number="7">ၵဝ်​ တၢၼ်ႇယေႇလႃႉ ၵေႃႉ​လဵဝ်​ၵူၺ်း လႆႈ​ႁၼ် ပျႃႇ​တိၵ်ႈ ရူႇပႃႇရူင်ႇ ၼၼ်ႉ​လႄႈ ၶဝ်​ၸိူဝ်း​ဢၼ် ပႃး​လူၺ်ႈ​ၵၼ်​တင်း​ၵဝ်​ၼၼ်ႉ ဢမ်ႇ​လႆႈ​ႁၼ်​ပျႃႇ​တိၵ်ႈ​ၼၼ်ႉ။ တၢင်း​ဢၼ်​ၵူဝ်​ႁႄ​သၼ်ႇ​ဝႆ ၼႃႇ​လူင်​လၢင် တူၵ်း​ႁွတ်ႈ​ၵႃႈ​ၼိူဝ်​ၶဝ်​လႄႈ ၶဝ်​ဢွၼ်​ၵၼ်​ဢွၵ်ႇ​ပၢႆႈ ႁႂ်ႈ​လႆႈ​တဵတ်ႇ​မႅပ်ႉ​ယူႇ​ဢေႃႈ။-</verse>
				<verse number="8">ၵဝ်​ၸမ်ႉ၊ ၵိုတ်း​ၵျၢၼ်ႇ​ယူႇ​ၵေႃႉ​လဵဝ်​ၵူၺ်း​လႄႈ ႁၼ်​ရူႇပႃႇရူင်ႇ ဢၼ်​ယႂ်ႇ​ၼႃႇ​လူင်​လၢင်​ၼၼ်ႉ သေ​ယဝ်ႉ၊ ႁႅင်း​ဢူၼ်ႈ​ႁႅင်း​ယွမ်း​ၵႂႃႇ​လႄႈ ၼႃႈ​ၵဝ်​ႁဵဝ်ႇ​ၸွပ်ႈ​လူႉ​ၵႂႃႇ သေ​လႄႈ တၢင်း​ၵတ်ႉ​တၢင်း​ၶၼ် ဢမ်ႇ​ၵိုတ်း​ၵျၢၼ်ႇ​ဝႆႉ တီႈ​ၵဝ်​လႃး​လႃး။-</verse>
				<verse number="9">ၵူၺ်း​ၵႃႈ ၵဝ်​လႆႈ​ငိၼ်း​သဵင်​ၵႂၢမ်း ၵေႃႉ​ၼၼ်ႉ​လႄႈ ၼႂ်း​မိူဝ်ႈ​ဢၼ် ၵဝ်​လႆႈ​ငိၼ်း​သဵင်​ၵႂၢမ်း ၵေႃႉ​ၼၼ်ႉ​ၼၼ်ႉ​ၸိုင် ၵဝ်​ၼွၼ်း​ၼူၵ်ႇ​ၼႃ​ယူႇ၊ ဢူပ်ႇ​ပူပ်ႇ​ယူႇ သေ​လႄႈ ဢဝ်​ၼႃႈ​ငူပ်ႉ​လိၼ်​ယူႇ​ဢေႃႈ။-</verse>
				<verse number="10">မိူဝ်ႈ​ၼၼ်ႉ မိုဝ်း​ၶွၼ်​ၼိုင်ႈ တိူဝ်ႉ​ထုၵ်ႇ​ယုၵ်ႉ​ယွင်ႈ​ၵဝ်​လႄႈ ၵဝ်​မီး​တၢင်း​ဢၼ် ၵူင်ႇ​ယူင်ႇ​ယူႇ ၵႃႈ​ၼိူဝ်​ႁူဝ်​ၶဝ်ႇ​ၵဝ် ဢိၵ်ႇ​တင်း ၽႃႇ​မိုဝ်း​ၵဝ်​ဢေႃႈ။-</verse>
				<verse number="11">မၼ်း​ၵေႃႈ လၢတ်ႈ​တီႈ​ၵဝ်​လႄႈ​ဝႃႈ၊ တၢၼ်ႇယေႇလႃႉ ၵေႃႉ​ဢၼ် လီ​ႁၵ်ႉ​လီ​ပႅင်း ၼႆႉ​ဢိူၺ်း၊ မၢတ်ႈ​တွင်း​ၵႂၢမ်း​ဢၼ် ၵဝ်​တၵ်း​လၢတ်ႈ​တီႈ​မႂ်း ၼၼ်ႉ​လႄႈ လုၵ်ႉ​ၸုၵ်း​ယူႇ​တႃႉ။ ၵဝ်​လႆႈ​ၶၢမ်ႇ​တၢင်း​ဢၼ် ပွႆႇ​ၸႂ်ႉ​မႃး​ၸူး တီႈ​မႂ်း​မိူဝ်ႈ​လဵဝ်​ၼႆႉ​ယဝ်ႉ၊ မိူဝ်ႈ​ဢၼ်​မၼ်း​ဝႃႈ​ၼင်ႇ​ၼႆ​ယဝ်ႉ ၼၼ်ႉ​ၸိုင်၊ ၵဝ်​သၼ်ႇ​သၼ်ႇ​သၢႆ​သၢႆ သေ​လႄႈ လုၵ်ႉ​ၸုၵ်း​ယူႇ​ဢေႃႈ။-</verse>
				<verse number="12">မိူဝ်ႈ​ၼၼ်ႉ မၼ်း​ၵေႃႈ လၢတ်ႈ​တီႈ​ၵဝ်​လႄႈ​ဝႃႈ၊ တၢၼ်ႇယေႇလႃႉ ​ဢိူၺ်း၊ ယႃႇ​ပေ​ၵူဝ်​ပေ​ႁႄ။ ၸႃႉ​ၸဵမ်​ဝၼ်း​ပထမႃႉ ဢၼ်​မႂ်း ဝႆႉ​ၸႂ်​မႂ်း ႁႂ်ႈ​လႆႈ​ႁူႉ​ၸႅင်ႈ​လႄႈ ဢဝ်​သင်ႇ​သွၼ်​သုင်း​မႃႉ တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ မႂ်း​ၼၼ်ႉ​လႄႈ၊ မၼ်း​ၸဝ်ႈ​ထွမ်ႇ​ငိၼ်း​ၵႂၢမ်း​မႂ်း ယဝ်ႉ။ ၵွပ်ႈ​ပိူဝ်ႈ ၵႂၢမ်း​မႂ်း​ၼၼ်ႉ​လႄႈ ၵဝ်​ႁွတ်ႈ​မႃး​ယဝ်ႉ။-</verse>
				<verse number="13">ၶုၼ်​ဢၼ်​ဢုပ်ႉ​ပိူင်ႇ မိူင်း​ ပေႇရသီႉ ​ၸမ်ႉ၊ ႁၢမ်ႈ​တၢပ်ႈ​ႁႄႉ​ၶႅၼ်​ၵဝ်​ယူႇ သၢဝ်း​ပၢႆ​ဢဵတ်း​ဝၼ်း​တဵမ်​တဵမ်​ဢေႃႈ။ ၵမ်း​လိုၼ်း မိၵ်ႉၶေႇလႃႉ ဢၼ်​ၶဝ်ႈ​ပႃး ၵႃႈ​ၼႂ်း​ၶုၼ် ဢၼ်​မျၢတ်ႈ​ၼႃႇ​သေ​ပိူၼ်ႈ ၸိူဝ်း​ၼၼ်ႉ​ၼၼ်ႉ မႃး​ၸွႆႈ​မႃး​ထႅမ်​ၵဝ်​လႄႈ ၵဝ်​ၵေႃႈ​လႆႈ​ၵိုတ်း​သဝ်း​ယူႇ ၵႃႈ​တီႈ​ႁိမ်း ၶုၼ်​လူင် ပေႇရသီႉ ​တင်း​လၢႆ ၵႃႈ​တီႈ​ၼၼ်ႈ​ဢေႃႈ။-</verse>
				<verse number="14">မိူဝ်ႈ​လဵဝ်​ၼႆႉ​ၸမ်ႉ၊ ၵဝ်​ႁွတ်ႈ​မႃး​ႁႂ်ႈ​လႆႈ ႁႂ်ႈ​မႂ်း​ႁူႉ​ၸႅင်ႈ လွင်ႈ​တၢင်း​ဢၼ်​တၵ်း​ပဵၼ်​မႃး တီႈ​ၵူၼ်း​မဵဝ်း​လဵဝ်​ၵၼ် တင်း​မႂ်း​ၸိူဝ်း​ၼၼ်ႉ ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း ၵမ်း​လိုၼ်း​ၼၼ်ႉ​ယဝ်ႉ။ ပျႃႇ​တိၵ်ႈ​ရူႇပႃႇရူင်ႇ​ၼႆႉ ၸၢပ်ႈ​သႅင်ႇ​ၵၼ်​တင်း ၶိင်ႇ​ၵႃႇလႃႉ​မိုဝ်ႉ​ဝၼ်း​ယၢဝ်း​ယိုၼ်း​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မိူဝ်ႈ​ဢၼ် မၼ်း​လၢတ်ႈ​ၸိူဝ်ႉ​ၼင်ႇ​ၼၼ် တီႈ​ၵဝ်​ယဝ်ႉ​ၼၼ်ႉ​ၸိုင်၊ ၵဝ်​ဢဝ်​ၼႃႈ​ၵဝ် ၵူမ်ႈ​ၸူး​လိၼ်​ယူႇ​လႄႈ ဢမ်ႇ​လၢတ်ႈ​ၵႂၢမ်း​လႄႈ​ယူႇ​ဢေႃႈ။-</verse>
				<verse number="16">မိူဝ်ႈ​ၼၼ်ႉ ၵေႃႉ​ဢၼ် မိူၼ်​ၸိူဝ်ႉ​ၼင်ႇ ႁၢင်ႈ​ၽၢင်​လုၵ်ႈ​ၵူၼ်း​ၼၼ်ႉ ဢဝ်​မိုဝ်း​မၼ်း​တိူဝ်ႉ​ထုၵ်ႇ​သႂ်ႇ သီႇ​သူပ်း​ၵဝ်​လႄႈ ၵဝ်​ၽုၺ်ႇ သူပ်း​ၵဝ်​လဝ်ႊ​လၢတ်ႈ​တီႈ ၵေႃႉ​ဢၼ် ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၵဝ် ၼၼ်ႉ​လႄႈ​ဝႃႈ၊ ၸဝ်ႈ​ၵဝ်​ၶႃႈ​ဢိူၺ်း၊ တုၵ်ႉ​ၶႃႉ​ဝူၺ်ႇတၼႃႇ​ၵဝ်​ၶႃႈ ၶိုၼ်း​မႃး ႁွတ်ႈ​ထိုင်​ၵႃႈ​ၼိူဝ်​ၵဝ်​ၶႃႈ ၵွပ်ႈ​ပိူဝ်ႈ ရူႇပႃႇရူင်ႇ​လႄႈ ၵဝ်​ၶႃႈ​ဢမ်ႇ​မီး​ႁႅင်း​လႃး​လႃး ၶႃႈ​ယဝ်ႉ။-</verse>
				<verse number="17">ၶႃႈ​ၸဝ်ႈ​ႁဝ်း​ၼႆႉ တၵ်း​လၢတ်ႈ​ၵႂၢမ်း​တေႃႇ​ၵၼ် တင်း​ၸဝ်ႈ​ႁဝ်း​လႆႈ ၸိူဝ်ႉ​ၼင်ႇ​ႁိုဝ်​ၶႃႈ။ မိူဝ်ႈ​လဵဝ်​ၼႆႉ​ၵဝ်​ၶႃႈ ဢမ်ႇ​မီး​ႁႅင်း​လႃး​လႃး ယဝ်ႉ။ ဢသၢၵ်ႈ​ၵဝ်​ၶႃႈ​ၵေႃႈ ဢမ်ႇ​ၵိုတ်း​ၵျၢၼ်ႇ​ဝႆႉ တီႈ​ၵဝ်​ၶႃႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">လိုၼ်း​ၼၼ်ႉ ၵေႃႉ​ဢၼ်​မီး ႁၢင်ႈ​ၽၢင်​ၵူၼ်း​ၼၼ်ႉ သမ်ႉ​မႃး​တိူဝ်ႉ​ထုၵ်ႇ​ၵဝ် သေ​လႄႈ ပၼ်​ႁႅင်း​တီႈ​ၵဝ် သေ​ယဝ်ႉ၊-</verse>
				<verse number="19">လၢတ်ႈ​တီႈ​ၵဝ်​လႄႈ​ဝႃႈ၊ ၵေႃႉ​ဢၼ် လီ​ႁၵ်ႉ​လီ​ပႅင်း​ၼႃႇ​ဢိူၺ်း၊ ယႃႇ​ပေ​ၵူဝ်​ပေ​ႁႄ။ ႁႂ်ႈ​မီး​တၢင်း​ဢၼ်​ၼိမ် သေ​ၵမ်း​လူၺ်ႈ။ မီး​ႁႅင်း​ၼမ်​ၼမ်​တႃႉ၊ ဝႃႈ​ၼင်ႇ​ၼႆ​ဢေႃႈ။ မၼ်း​ဝႃႈ​ၸိူဝ်ႉ​ၼင်ႇ​ၼၼ် သေ​ယဝ်ႉ၊ ၵဝ်​လႆႈ​ႁႅင်း​မႃး​လႄႈ လၢတ်ႈ​လႄႈ​ဝႃႈ၊ ၸဝ်ႈ​ၵဝ်​ၶႃႈ​ဢိူၺ်း၊ မီး​ဢမိင်ႉ​သေ​ၵမ်း​ၶႃႈ။ ၸဝ်ႈ​ႁဝ်း​ပၼ်​ႁႅင်း​တီႈ​ၵဝ်​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၵေႃႉ​ၼၼ်ႉ​ၵေႃႈ လၢတ်ႈ​လႄႈ​ဝႃႈ၊ မႂ်း​ႁူႉ​ၸႅင်ႈ​လွင်ႈ​ဢၼ်​ၵဝ် လႆႈ​မႃး​ၵႃႈ​တီႈ​မႂ်း ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ် ၼၼ်ႉ​ႁိုဝ်။ ၵဝ်​တၵ်း​လႆႈ ၶိုၼ်း​မိူဝ်း​ၵႂႃႇ မိူဝ်ႈ​လဵဝ်​ၼႆႉ ႁႂ်ႈ​လႆႈ​တိုၵ်း​တေႃး ၶုၼ်​ ပေႇရသီႉ ​ၼၼ်ႉ​ဢေႃႈ။ လိုၼ်း​သေ ဢၼ်​ၵဝ်​ၶိုၼ်း​မိူဝ်း ယဝ်ႉ​ၼၼ်ႉ၊ ၶုၼ်​ ႁေႇလသႃႉ ​ၼၼ်ႉ တၵ်း​ပေႃႇ​မႃး​ဢေႃႈ။-</verse>
				<verse number="21">ၵူၺ်း​ၵႃႈ ၵဝ်​တၵ်း​ၼႄ​ပျႃး လွင်ႈ​ဢၼ်​မၢတ်ႈ​မၢႆ​တႅမ်ႈ​ဝႆႉ ၵႃႈ​ၼႂ်း​သမ်ႇမႃႇ​ၵျၢမ်း​လိၵ်ႈ​ၼၼ်ႉ လူး​ၵွၼ်ႇ​ဢေႃႈ။ ၼွၵ်ႈ​သေ​ မိၵ်ႉၶေႇလႃႉ ၶုၼ်​သူ​ၼၼ်ႉ ဢမ်ႇ​မီး​ၵေႃႉ​ဢၼ် ဢဝ်​ႁႅင်း​ဢွၵ်ႇ​ယူႇ ၽၢႆႇ​ၵဝ် ၼႂ်း​ဢမူႉ​ၼႆႉ သေ​ၵေႃႉ​သေ​ၵူၼ်း လႃး​လႃး။</verse>
			</chapter>
			<chapter number="11">
				<verse number="1">ၼႂ်း​ပီႊ​ဢၼ် ၶုၼ်​လူင်​ တႃႇရီႉ မဵဝ်း​ မေႇတီႉ ၸၢမ်ႇ​ႁၢင်ႈ​ၸၢမ်ႇ​ႁေႃ ပီႊ​ပထမႃႉ​ၼၼ်ႉ၊ ၵဝ်​ၸုၵ်း​ယူႇ ႁႂ်ႈ​လႆႈ​ပၼ်​ႁႅင်း တီႈ​မၼ်း​လႄႈ ႁႂ်ႈ​မၼ်း မၼ်ႈ​ၶိူင်ႇ​ၼႅၼ်ႈ​ၼႃ​ဢေႃႈ။-</verse>
				<verse number="2">မိူဝ်ႈ​လဵဝ်​ၼႆႉ​ၸမ်ႉ၊ ၵဝ်​တၵ်း​ၼႄ​ပျႃး လွင်ႈ​တၢင်း​ဢၼ် မၢၼ်ႇ​မႅၼ်ႈ​ၸိုဝ်ႈ​ၸႂ်ႈ​ၼၼ်ႉ တီႈ​မႂ်း​ဢေႃႈ။ တူၺ်း​လူး။ ၶုၼ်​ႁေႃ​ၶမ်း တၵ်း​ပေႃႇ​မႃး ၵႃႈ​ၼႂ်း​မိူင်း​ ပေႇရသီႉ ​ၼၼ်ႉ သၢမ်​ပႃး​လူး​ၵွၼ်ႇ​ဢေႃႈ။ ၶုၼ်​ႁေႃ​ၶမ်း ၸတုၵ်ႉထႃႉ​ၸမ်ႉ၊ တၵ်း​မၢၵ်ႈ​မီး​လိူဝ်​တွၼ်း​ၼႃႇ​သေ ၶဝ်​ၵႃႈ​မီး​ၼၼ်ႉ​ဢေႃႈ။ မိူဝ်ႈ​ဢၼ်​မၢၵ်ႈ​မီး ၸိူဝ်ႉ​ၼင်ႇ​ၼၼ်​လႄႈ ႁႅင်း​ယႂ်ႇ​မႃး​ယဝ်ႉ​ၼၼ်ႉ​ၸိုင်၊ မၼ်း​တၵ်း တိုၵ်း​ယူင်း​ၸူဝ်း​ဢဝ် ၵူၼ်း​တင်း​သဵင်ႈ​တင်း​လူင် ႁႂ်ႈ​လႆႈ​ႁဵတ်း တၢင်း​ၽိတ်း​တေႃႇ ၵူၼ်း​မိူင်း​ ႁေႇလသႃႉ ​ဢေႃႈ။</verse>
				<verse number="3">မိူဝ်ႈ​ၼၼ်ႉ ၶုၼ်​ႁေႃ​ၶမ်း ဢၼ်​တၼ်း​ၶူဝ်း​ယႂ်ႇ​ၼႃႇ​ပႃး​ၼိုင်ႈ တၵ်း​ပေႃႇ​မႃး​လႄႈ ပႃး​တင်း​ဢႃႇၼႃႇ​ၸဝ်ႈ ဢၼ်​ယႂ်ႇ​ၼႃႇ သေ​လႄႈ လႆႈ​ဢုပ်ႉ​ပိူင်ႇ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ် ဢလူဝ်ႇ​မၼ်း​မီး​ဢေႃႈ။-</verse>
				<verse number="4">ပႃး​ၼၼ်ႉ ပေႃႇ​မႃး​သေ​ယဝ်ႉ၊ သိုင်ႇ​ၸိုင်ႈ​ဝၢၼ်ႈ​မိူင်း​မၼ်း တၵ်း​ႁၵ်း​ပုတ်း ပဵၼ်​ပွတ်း​ပဵၼ်​တွၼ်ႈ​ၵႂႃႇ​လႄႈ လႆႈ​ၶၢမ်ႇ​တၢင်း​ဢၼ် ၽႄ​မႅင်ႇ​ပၼ် ၵႃႈ​တႂ်ႈ​ၽႃႉ​ၵၢင်​ႁၢဝ် သီႇ​ၼႃႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ဢမ်ႇ​ၽႄ​မႅင်ႇ​ပၼ်​တီႈ ၸိူဝ်ႉ​ၸဝ်ႈ​ၶိူဝ်း​ၶုၼ်​မၼ်း။ ဢမ်ႇ​ၸွမ်း​လူၺ်ႈ ဢႃႇၼႃႇ​မၼ်း​သေ​လႄႈ ဢုပ်ႉ​ပိူင်ႇ။ သိုင်ႇ​ၸိုင်ႈ​ဝၢၼ်ႈ​မိူင်း​မၼ်း တၵ်း​လႆႈ​ၶၢမ်ႇ​တၢင်း​ဢၼ် ထွတ်ႇ​ထူၺ်ႈ​ၼုၵ်ႈ​ထွၼ်​ပႅတ်ႈ​လႄႈ ပိူၼ်ႈ​ဢၼ်​ပဵၼ် ၼွၵ်ႈ​သေ ၸိူဝ်ႉ​ၸဝ်ႈ​ၶိူဝ်း​ၶုၼ် မၼ်း​ၼၼ်ႉ ၸိူဝ်း​ၼၼ်ႉ တၵ်း​ဢွၼ်​ၵၼ်​လႆႈ​ဢေႃႈ။-</verse>
				<verse number="5">မိူဝ်ႈ​ၼၼ်ႉ ၶုၼ်​ႁေႃ​ၶမ်း မိူင်း​တၢင်း​ၸၢၼ်း​ၼၼ်ႉ တၼ်း​ၶူဝ်း​ယႂ်ႇ​လႄႈ ၵႃႈ​ၼႂ်း​ၶုၼ်​မၼ်း​ၸိူဝ်း​ၼၼ်ႉ ၶုၼ်​ပႃး​ၼိုင်ႈ တၼ်း​ၶူဝ်း​တၵ်း​ယႂ်ႇ​ၼႃႇ သေ​မၼ်း​လႄႈ လႆႈ​ပဵၼ်​ၶုၼ်​ႁေႃ​ၶမ်း​ဢေႃႈ။ ဢႃႇၼႃႇ​မၼ်း​ၼၼ်ႉ တၵ်း​ပဵၼ် ဢႃႇၼႃႇ​ဢၼ်​ယႂ်ႇ​ၵႂၢင်ႈ​ၼႃႇ လူင်​လၢင်​ဢေႃႈ။-</verse>
				<verse number="6">မိူဝ်ႈ​ဢၼ် ပူၼ်ႉ​ၶူပ်ႇ​ပီႊ​ၼီႈ​မိူင်း ၵမ်ႈ​ၽွင်ႈ​ၵႂႃႇ​ယဝ်ႉ ၼၼ်ႉ​ၸိုင်၊ ႁဵတ်း​ၵေႃႉ​ႁဵတ်း​သေႈ​ၵၼ်​ဢေႃႈ။ လုၵ်ႈ​ယိင်း​ၶုၼ်​ႁေႃ​ၶမ်း မိူင်း​တၢင်း​ၸၢၼ်း​ၼၼ်ႉ တၵ်း​ႁွတ်ႈ​ထိုင် ၵႃႈ​တီႈ​ၶုၼ်​ႁေႃ​ၶမ်း မိူင်း​တၢင်း​ႁွင်ႇ ႁႂ်ႈ​ပဵၼ်​တၢင်း​ဢၼ်​ထုၵ်ႇ​မေႃ ပေႃး​ၵႂၢမ်း​ၵၼ်​ဢေႃႈ။ ၼႂ်း​ဝႃႈ​ၼၼ် သေ​ၵေႃႈ၊ ႁႅင်း​ၶႅၼ်​ႁႅင်း​မိုဝ်း​မၼ်း​ၼၼ်ႉ ဢမ်ႇ​လႆႈ​တႄႇ။ ၶုၼ်​ၼၼ်ႉ ဢိၵ်ႇ​တင်း ၶႅၼ်​မိုဝ်း​မၼ်း​ၵေႃႈ ဢမ်ႇ​လႆႈ​တႄႇ။ မႄႈ​ယိင်း​ၼၼ်ႉ ဢိၵ်ႇ​တင်း ၶဝ်​ၸိူဝ်း​ဢၼ် ဢဝ်​မၼ်း​မႃး တင်း​ၵေႃႉ​ဢၼ် ၵိူတ်ႇ​လဵင်ႉ​မၼ်း တင်း​ၵေႃႉ​ဢၼ် ၸွႆႈ​ထႅမ်​ၵမ်ႉ​ထွၵ်ႈ​မၼ်း ၼႂ်း​ၶိင်ႇ​ၵႃႇလႃႉ​ၼၼ်ႉ ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ဢၢပ်ႈ​ပၼ်​တီႈ​ဢၼ်​သုမ်း ဢၼ်​ၸွမ်း​ဢေႃႈ။-</verse>
				<verse number="7">ၵေႃႉ​ဢၼ်​ပဵၼ်​ႁုၼ်ႈ​ပဵၼ်​ငူင်း ဢၼ်​တႅၵ်ႇ​ဢွၵ်ႇ​ၵႃႈ​တီႈ ႁၢၵ်ႈ​မႄႈ​ယိင်း​ၼၼ်ႉ ၵေႃႉ​ၼိုင်ႈ လႆႈ​ပုတ်ႈ​တီႈ​ပုတ်ႈ​ႁွႆး​ပေႃႈ​မႄႈ​မၼ်း သေ​ယဝ်ႉ၊ တၵ်း​ၶီႇ​သိုၵ်း​မႃး​လႄႈ ႁွတ်ႈ​ထိုင်​ၵႃႈ​တီႈ​ဝဵင်း ဢၼ်​မၼ်ႈ​ၶိူင်ႇ ၶုၼ်​ႁေႃ​ၶမ်း မိူင်း​တၢင်း​ႁွင်ႇ သေ​လႄႈ၊ တိုၵ်း​တေႃး​ၵူၼ်း​ဝဵင်း​လႄႈ ပႄႉ​ၼႅင်ႇ​ဢေႃႈ။-</verse>
				<verse number="8">မၼ်း​တၵ်း သိမ်း​ဢဝ်​ၽြႃး​ၶဝ်၊ ရုၵ်ႈ​ထူႉ​ဢၼ်​သွၼ်း​လေႃႇ​ၶဝ်၊ ၶိူင်ႈ​ငိုၼ်း​ၶိူင်ႈ​ၶမ်း ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ၶဝ် တင်း​လၢႆ ၵႂႃႇ​ၵႃႈ​တီႈ မိူင်း​ ဢေႇၵိပ်ႉတူႉ ​ဢေႃႈ။ ႁိုင်​တၢၼ်ႇ​တၢၼ်ႇ​သေ​ယဝ်ႉ၊ မၼ်း​တၵ်း​လႆႈ ၽၢတ်ႇ​ယၢၼ်​သေ ၶုၼ်​ႁေႃ​ၶမ်း မိူင်း​တၢင်း​ႁွင်ႇ​လႄႈ ယူႇ​ၶေႃ​ၶေႃ ဢေႃႈ။-</verse>
				<verse number="9">လႆႈ​သမ်ႉ ပိၵ်ႉ​သမ်ႉ ၶုၼ်​ႁေႃ​ၶမ်း မိူင်း​တၢင်း​ႁွင်ႇ​ၼၼ်ႉ တၵ်း​ၶီႇ​ၸူး​ၵႃႈ​တီႈ မိူင်း​ၶုၼ်​ႁေႃ​ၶမ်း၊ မိူင်း​တၢင်း​ၸၢၼ်း​သေ​ၵေႃႈ မၼ်း​တၵ်း​လႆႈ ၶိုၼ်း​မိူဝ်း​ၵႂႃႇ​ၵႃႈ​တီႈ မိူင်း​မၼ်း​ဢေႃႈ။-</verse>
				<verse number="10">လုၵ်ႈ​ၸၢႆး​မၼ်း ၸိူဝ်း​ၼၼ်ႉ တၵ်း​သမ်ႉ​ဢွၼ်​ၵၼ်​လုၵ်ႉ တိုၵ်း​သိုၵ်း​လႄႈ ႁႂ်ႈ​မုၵ်ႉ​ၸိူဝ်း​ပူဝ်ႇ​ပႃႇ ၵူၼ်း​သိုၵ်း ဢၼ်​ယႂ်ႇ​ၼမ်​ၼႃႇ ၸူႉ​ၵၼ်​တုမ်​ၵၼ်​ဢေႃႈ။ လုၵ်ႈ​ၸၢႆး​မၼ်း​ၵေႃႉ​ၼိုင်ႈ တၵ်း​မႃး​ယူႇ​တိၵ်း​တိၵ်း​လႄႈ ထူမ်ႈ​ႁူမ်ႇ​ယဵပ်ႇ​ၶၢမ်ႈ​ဢေႃႈ။ လႆႈ​သမ်ႉ မၼ်း​တၵ်း​ၶိုၼ်း​မႃး​လႄႈ တိုၵ်း​တေႃး​ထႅင်ႈ​တေႃႇ​ထိုင်​ႁွတ်ႈ တိူၵ်ႈ​တီႈ​တိုၵ်း​သိုၵ်း မၼ်း​ၼၼ်ႉ​ဢေႃႈ။-</verse>
				<verse number="11">ၶုၼ်​ႁေႃ​ၶမ်း မိူင်း​တၢင်း​ၸၢၼ်း​ၼၼ်ႉ တၵ်း​ၶူမ်​ၸႂ်​ၶူမ်​ၶေႃး ယူႇ​သေ​လႄႈ ႁႄႉ​ႁပ်ႉ​တိုၵ်း​တေႃး ၶုၼ်​ႁေႃ​ၶမ်း မိူင်း​တၢင်း​ႁွင်ႇ​ဢေႃႈ။ မၼ်း​တၵ်း ၸီႇ​ယၢင်ႇ​ႁႂ်ႈ​မုၵ်ႉ​ၸိူဝ်း ပူဝ်ႇ​ပႃႇ​ၵူၼ်း​သိုၵ်း ၼမ်​ၼႃႇ​လူင်​လၢင် ၸူႉ​ၵၼ်​တုမ်​ၵၼ်​လႄႈ မုၵ်ႉ​ၸိူဝ်း ပူဝ်ႇ​ပႃႇ​ၵူၼ်း​သိုၵ်း ၼမ်​ၼႃႇ လူင်​လၢင်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် မၼ်း​ဢုပ်ႉ​ပိူင်ႇ​ဢေႃႈ။-</verse>
				<verse number="12">မုၵ်ႉ​ၸိူဝ်း ပူဝ်ႇ​ပႃႇ ၵူၼ်း​သိုၵ်း ၼမ်​ၼႃႇ​လူင်​လၢင်​ၼၼ်ႉ ၸႂ်​ယႂ်ႇ​ၸႂ်​သုင်​လႄႈ၊ ၸႂ်​မႃႇၼႃႉ​ဢွၵ်ႇ​ယူႇ သေ​လႄႈ ပိၵ်ႉ​သမ်ႉ​မၼ်း ယႃႉ​ပႅတ်ႈ ၵူၼ်း​ၼမ်​ၼႃႇ ပဵၼ်​ႁဵင်​ပဵၼ်​မိုၼ်ႇ​ဢမ်ႇ​ၵႃး​သေ​ၵေႃႈ မၼ်း​တၵ်း​ဢမ်ႇ​ႁႂ်ႈ​ဢႃႇၼႃႇ မၼ်း​တႄႇ​လႆႈ။-</verse>
				<verse number="13">ၶုၼ်​ႁေႃ​ၶမ်း မိူင်း​တၢင်း​ႁွင်ႇ​ၼၼ်ႉ တၵ်း​သမ်ႉ​ၶိုၼ်း​မႃး​လႄႈ ၸီႇ​ယၢင်ႇ​ႁႂ်ႈ​မုၵ်ႉ​ၸိူဝ်း​ပူဝ်ႇ​ပႃႇ ၵူၼ်း​သိုၵ်း ၼမ်​ၼႃႇ​လူင်​လၢင် ၸူႉ​ၵၼ်​တုမ်​ၵၼ်​ၼမ်​ၼႃႇ လိူဝ်​တွၼ်း​ၼႃႇ​သေ မုၵ်ႉ​ၸိူဝ်း​ဢွၼ်​တၢင်း ၼၼ်ႉ​လႄႈ ပေႃး​ပူၼ်ႉ​ၶူပ်ႇ​ပီႊ ၼမ်​တၢၼ်ႇ​တၢၼ်ႇ​ယဝ်ႉ​ၸိုင်၊ တၵ်း​ပႃး​ဢဝ် တင်း​ပူဝ်ႇ​ပႃႇ​ၵူၼ်း​သိုၵ်း​ၼမ်​ၼႃႇ ဢိၵ်ႇ​တင်း ၸေး​ၸိမ်ႇ​ၼမ်​ၼႃႇ​မႃး ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="14">ၼႂ်း​ၶိင်ႇ​ၵႃႇလႃႉ​ၼၼ်ႉ ၶဝ်​ၸိူဝ်း​ဢၼ် ႁဵတ်း​တၢင်း​ၽိတ်း ဝႆႉ​တီႈ​ၶုၼ်​ႁေႃ​ၶမ်း​မိူင်း တၢင်း​ၸၢၼ်း​ၼၼ်ႉ တၵ်း​မီး​ၼမ်​ၼႃႇ​ဢေႃႈ။ ၵူၼ်း ပုင်ႇ​ၵၢၼ်ႇ​ဢၼ်​ပဵၼ် ၵူၼ်း​မဵဝ်း​လဵဝ်​ၵၼ် တင်း​မႂ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​လုၵ်ႉ ႁႂ်ႈ​လႆႈ ႁႂ်ႈ​ပျႃႇ​တိၵ်ႈ ရူႇပႃႇရူင်ႇ ပျေႉ​ၸုမ်ႇ​ဢေႃႈ။ ၶဝ်​တၵ်း ႁွတ်ႈ​ထိုင် တၢင်း​လူႉ​တၢင်း​လႅဝ်​ဢေႃႈ။-</verse>
				<verse number="15">ၶုၼ်​ႁေႃ​ၶမ်း မိူင်း​တၢင်း​ႁွင်ႇ​ၼၼ်ႉ တၵ်း​ၶီႇ​မႃး​လႄႈ ၵေႃႇ​ႁဵတ်း တဵင်​ႁဵတ်း တႅၼ်ႈ​လိၼ် သေ​လႄႈ ယႃႉ​ဝဵင်း​ဢၼ်​မၼ်ႈ​ၶိူင်ႇ ပႅတ်ႈ​ဢေႃႈ။ လၢၵ်ႈ​ၼၢၵ်ႈ​ၶုၼ်​ႁေႃ​ၶမ်း မိူင်း​တၢင်း​ၸၢၼ်း တင်း​လၢႆ၊ ၵူၼ်း​သိုၵ်း​မၼ်း​ဢၼ် လိူၵ်ႈ​ၵဵပ်း​ဢဝ်​တင်း​လၢႆ​ၼၼ်ႉ ဢမ်ႇ​ဢွၼ်​ၵၼ် ႁၢမ်ႈ​တၢပ်ႈ​ႁႄႉ​ၶႅၼ်​လႆႈ။ ဢမ်ႇ​လႆႈ​မီး​ႁႅင်း​ပုၼ်ႈ​ဢၼ် တၵ်း​ႁၢမ်ႈ​တၢပ်ႈ​ႁႄႉ​ၶႅၼ်​လႃး​လႃး။-</verse>
				<verse number="16">ၵေႃႉ​ဢၼ် မႃး​တိုၵ်း​တေႃး​မၼ်း​ၼၼ်ႉ တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ် ဢလူဝ်ႇ​မၼ်း​မီး​လႄႈ ၽူႈ​လႂ်​ယင်း​ဢမ်ႇ​ၸုၵ်း​ၶၢမ်ႇ ၵႃႈ​တီႈ​ၽၢႆႇ​ၼႃႈ မၼ်း​လႆႈ သေ​ၵေႃႉ​သေ​ၵူၼ်း လႄႈ မၼ်း​တၵ်း​လႆႈ​ၸုၵ်း​ယူႇ ၵႃႈ​ၼႂ်း​မိူင်း​ဢၼ်​သႃႇ​ယႃႇ လီ​ငၢမ်း​လႄႈ၊ မိူင်း​ၼၼ်ႉ တၵ်း​ႁွတ်ႈ​ထိုင် ၵႃႈ​ၼႂ်း​မိုဝ်း​မၼ်း မူတ်း​မူတ်း​သဵင်ႈ​သဵင်ႈ​ဢေႃႈ။-</verse>
				<verse number="17">မၼ်း​တၵ်း ဝႆႉ​ၸႂ်​ၵျူဝ်း​ၸႃး​ပႃး​ဢဝ် မုၵ်ႉ​ၸိူဝ်း​ပူဝ်ႇ​ပႃႇ ၵူၼ်း​သိုၵ်း​မၼ်း​ႁႂ်ႈ​လႆႈ ၶဝ်ႈ​ၵိၼ်​မိူင်း​မၼ်း ၼၼ်ႉ​လႄႈ ႁဵတ်း​မိၵ်ႉသႃႇႁႃယႃႉ တၢင်း​ဢၼ် ထုၵ်ႇ​ၵၼ်​တင်း​မၼ်း​ၼၼ်ႉ သေ​ယဝ်ႉ၊ ဢဝ်​လုၵ်ႈ​ယိင်း မႄႈ​ယိင်း ဢၢပ်ႈ​ပၼ်​ၵၼ်​တင်း​မၼ်း​ၼၼ်ႉ ႁႂ်ႈ​လႆႈ​ယႃႉ​မိူင်း​ၼၼ်ႉ​ပႅတ်ႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တၢင်း​ၵျၢမ်ႇ​တၢင်း​ပွင်​မၼ်း ဢမ်ႇ​လႆႈ​တႄႇ။ လွင်ႈ​တၢင်း​မၼ်း​ဢမ်ႇ​လႆႈ​ပဵၼ်။-</verse>
				<verse number="18">လႆႈ​သမ်ႉ မၼ်း​တၵ်း​ဝၢႆႇ​ၼႃႈ​မၼ်း​ၸူး​ၵႃႈ​တီႈ ၸူႉ​ၵုၼ်​ၼႂ်း​ၼမ်ႉ​ပၢင်ႇ​လၢႆႇ တင်း​လၢႆ လႄႈ သိမ်း​ဢဝ်​ၵုၼ်​ၼႂ်း​ၼမ်ႉ ၼမ်​ၼႃႇ​ဢေႃႈ။ ၵူၺ်း​ၵႃႈ ၶုၼ်​ပူဝ်ႇ ပႃး​ၼိုင်ႈ တၵ်း​ႁႂ်ႈ​တၢင်း​ဢၼ် မၼ်း​သႄႉ​သွမ်း​ၼၼ်ႉ ႁၢႆ​လၢႆ​ၵႂႃႇ​လႄႈ မၼ်း​ၼၼ်ႉ တၵ်း​ႁႂ်ႈ တၢင်း​ဢၼ် မၼ်း​သႄႉ​သွမ်း​ၼၼ်ႉ ၶိုၼ်း​ႁွတ်ႈ​ထိုင် ၵႃႈ​ၼိူဝ်​မၼ်း​ဢေႃႈ။-</verse>
				<verse number="19">မၼ်း​တၵ်း ၶိုၼ်း​မိူဝ်း​ၸူး ၵႃႈ​တီႈ​ဝဵင်း​ဢၼ်​မၼ်ႈ​ၶိူင်ႇ​မၼ်း ၸိူဝ်း​ၼၼ်ႉ​လႄႈ တိူဝ်ႉ​မႅၼ်ႈ​လႄႈ​လူမ်ႉ​သေ​လႄႈ တၵ်း​လပ်ႉ​ႁၢႆ​ၵႂႃႇ ဢေႃႈ။-</verse>
				<verse number="20">ၵႃႈ​တီႈ ဢရႃႇ​မၼ်း​ၼၼ်ႉ ၵေႃႉ​ဢၼ်​ၶျႃး​မုၼ်​ၸေး​ၸိမ်ႇ သိုင်ႇ​ၸိုင်ႈ​ဝၢၼ်ႈ​မိူင်း​မၼ်း တူၵ်း​တီႈ​တႅမ်ႇ​ယူႇ သေ​လႄႈ ၽႃႇ​ငိုၼ်း ၵဵပ်း​ငိုၼ်း​ၼၼ်ႉ တၵ်း​ပေႃႇ​မႃး​လႄႈ မီး​ၵမ်း​ဢွၼ်ႇ​ၼိုင်ႈ​ၵူၺ်း​သေ​ယဝ်ႉ၊ တေႃး​သႃႉ တၢင်း​ၸႂ်​မႆႈ​ယင်း​ဢမ်ႇ​ဢွၵ်ႇ၊ ယင်း​ဢမ်ႇ​လႆႈ တိုၵ်း​သိုၵ်း​တိုၵ်း​သိူဝ် လႄႈ တၵ်း​ႁွတ်ႈ​ထိုင် တၢင်း​ဢၼ်​သုမ်း​ၸွမ်း​ဢေႃႈ။</verse>
				<verse number="21">ၵႃႈ​တီႈ ဢရႃႇ​ၵေႃႉ​ၼၼ်ႉ​ၼၼ်ႉ၊ ၵေႃႉ​ဢၼ်​ယုတ်ႈ​မိူၵ်ႈ​လႄႈ ၶဝ်​ဢမ်ႇ​ဢဝ်​မုၼ်​ၸေး​ၸိမ်ႇ သိုင်ႇ​ၸိုင်ႈ​ဝၢၼ်ႈ​မိူင်း ဢၢပ်ႈ​ပၼ်​ၼၼ်ႉ တၵ်း​ပေႃႇ​မႃး​ဢေႃႈ။ မၼ်း​ၼၼ်ႉ တၵ်း​ပေႃႇ​မႃး ၼႂ်း​ၶိင်ႇ​မိူဝ်ႈ​ဢၼ် လူင်ႉ​လီ​လွတ်ႈ​လီ ၼၼ်ႉ​လႄႈ ႁဵတ်း​တၢင်း​ဢၼ်​ၶျေႃး ဢၼ်​ဝွၼ်း သေ​လႄႈ လႆႈ​ဝၢၼ်ႈ​လႆႈ​မိူင်း​ဢေႃႈ။-</verse>
				<verse number="22">တပ်ႉ​ၵူၼ်း​သိုၵ်း ဢၼ်​ထူမ်ႈ​ႁူမ်ႇ ၸိူဝ်း​ၼၼ်ႉ တၵ်း​ၸူမ်​တူၵ်း ၵႃႈ​တီႈ​ၽၢႆႇ​ၼႃႈ​မၼ်း​လႄႈ သုမ်း​ၸွမ်း​ဢေႃႈ။ ၶုၼ်​ဢၼ်​ၶၢမ်ႇ မိၵ်ႉသႃႇႁႃယႃႉ​ၵေႃႈ တၵ်း​ၶၢမ်ႇ​တၢင်း​ဢၼ် သုမ်း​ဢၼ်​ၸွမ်း​ဢေႃႈ။-</verse>
				<verse number="23">လွင်ႈ​မၼ်း​ၸမ်ႉ မၼ်း​ႁဵတ်း​သဵတ်ႈ​ၸႃႇ လူၺ်ႈ​ၵၼ်​တင်း​မၼ်း​ၼၼ်ႉ သေ​ယဝ်ႉ၊ တၵ်း​ႁဵတ်း ပရီႉယႄႇ​ယူႇ သေ​လႄႈ ၶီႇ​ၶိုၼ်ႈ​လႄႈ ပိၵ်ႉ​သမ်ႉ​မၼ်း​ပႃး​ၵူၼ်း ၵေႇ​ၵေႇ​သေ​ၵေႃႈ တၼ်း​ၶူဝ်း​မၼ်း တၵ်း​ယႂ်ႇ​ဢေႃႈ။-</verse>
				<verse number="24">ၼႂ်း​ၶိင်ႇ​မိူဝ်ႈ​ဢၼ် လူင်ႉ​လီ​လွတ်ႈ​လီ​ၼၼ်ႉ မၼ်း​တၵ်း ၶဝ်ႈ​ၵႃႈ​ၼႂ်း​ဢိူင်ႇ​ၼႂ်း​ၵျၢၵ်ႈ ဢၼ်​မၢၵ်ႇ​ၼမ်​ႁူင်း​ၼမ် ၼႃႇ​သေ​ပိူၼ်ႈ​ၼၼ်ႉ​လႄႈ ႁဵတ်း​လွင်ႈ​တၢင်း​ဢၼ် ပူႇ​မၼ်း​မွၼ်ႇ​မၼ်း ဢမ်ႇ​တွၼ်ႉ​ႁဵတ်း​ဢၼ်​ဝႃႈ တၢင်း​ဢၼ်​ဢဝ်​ဢုၵ်ႉ​ၸႃႇ​ၸေး​ၸိမ်ႇ ဢၼ်​ႁိမ်​ဢဝ်​ႁူင်ႇ​ဢဝ်​ၼၼ်ႉ ၽႄ​မႅင်ႇ​ပၼ်​ၵၼ်​ဢေႃႈ။ မၼ်း​တၵ်း​ၵျၢမ်ႇ​ပွင် ႁႂ်ႈ​လႆႈ​ဝဵင်း​ဢၼ်​မၼ်ႈ​ၶိူင်ႇ​တင်း​လၢႆ ယူႇ​ႁိုင်​တၢၼ်ႇ​တၢၼ်ႇ​ဢေႃႈ။-</verse>
				<verse number="25">မၼ်း​တၵ်း ပႃး​ဢဝ်​မုၵ်ႉ​ၸိူဝ်း ၵူၼ်း​သိုၵ်း ဢၼ်​ယႂ်ႇ​ၼႃႇ​သေ​လႄႈ တိုၵ်း​ယူင်း​ႁႅင်း​မၼ်း ဢိၵ်ႇ​တင်း တၢင်း​ႁတ်း​တၢင်း​ႁၢၼ်​မၼ်း ယူႇ​ၽၢႆႇ​ၼိုင်ႈ တင်း​ၶုၼ်​ႁေႃ​ၶမ်း မိူင်း​တၢင်း​ၸၢၼ်း​ဢေႃႈ။ ၶုၼ်​ႁေႃ​ၶမ်း မိူင်း​တၢင်း​ၸၢၼ်း​ၼၼ်ႉ​ၵေႃႈ၊ တၵ်း​ပႃး​ဢဝ်​မုၵ်ႉ​ၸိူဝ်း​ၵူၼ်း​သိုၵ်း ဢၼ်​ႁႅင်း​ယႂ်ႇ​ၼႃႇ​လႄႈ ၼမ်​ၵိုၼ်း​ၼႃႇ​သေ​လႄႈ ႁႄႉ​ႁပ်ႉ​တိုၵ်း​တေႃး​သေ​ၵေႃႈ၊ ဢမ်ႇ​ၸုၵ်း​ဢမ်ႇ​ၶၢမ်ႇ​လႆႈ။ လွင်ႈ​မၼ်း​ၸမ်ႉ ၶဝ်​တၵ်း ဢွၼ်​ၵၼ် ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ယူႇ​ၽၢႆႇ​ၼိုင်ႈ​တင်း​မၼ်း ၼၼ်ႉ​ဢေႃႈ။-</verse>
				<verse number="26">ၶဝ်​ၸိူဝ်း​ဢၼ် ၵိၼ်​တၢင်း​ၵိၼ်​မၼ်း​ၼၼ်ႉ ၸိူဝ်း​ၼၼ်ႉ​ၵေႃႈ တၵ်း​ယႃႉ​ဢၵျူဝ်း​မၼ်း ၼၼ်ႉ​လႄႈ တပ်ႉ​ၵူၼ်း​သိုၵ်း​မၼ်း​ၼၼ်ႉ ၸိူဝ်း​ၼၼ်ႉ တၵ်း​ၶုၼ်ႇ​လႅၼ်ႈ​လႄႈ ၵူၼ်း​ၼမ်​ၼႃႇ​တၵ်း​လူမ်ႉ​တၢႆ​ဢေႃႈ။-</verse>
				<verse number="27">ၶုၼ်​ႁေႃ​ၶမ်း​သွင်​ပႃး​ၼၼ်ႉ တၵ်း​ဢွၼ်​ၵၼ်​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​လႄႈ လၢတ်ႈ​ၵႂၢမ်း​မူႉ​သႃႇ ၵႃႈ​တီႈ​ၶူင်ႇ​တီႈ​ၵိၼ် ဢၼ်​လဵဝ်​ၵၼ်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တၢင်း​ၵျၢမ်ႇ​တၢင်း​ပွင်​ၼၼ်ႉ ဢမ်ႇ​လႆႈ​ပဵၼ်။ တီႈ​သုတ်း​တီႈ​ၵွႆ​မၼ်း တၵ်း​လႆႈ ပဵၼ်​ၼႂ်း​ၶိင်ႇ​ၵႃႇလႃႉ ဢၼ်​မၵ်း​ၶၢၼ်း​ဝႆႉ ၼၼ်ႉ​ဢေႃႈ။-</verse>
				<verse number="28">လႆႈ​သမ်ႉ မၼ်း​တၵ်း​ပႃး​ဢဝ်​တင်း ၸေး​ၸိမ်ႇ​ဢုၵ်ႉ​ၸႃႇ​ၼမ်​ၼႃႇ ယူႇ​သေ​လႄႈ ၶိုၼ်း​မိူဝ်း​ၸူး ၵႃႈ​တီႈ​မိူင်း​မၼ်း​ဢေႃႈ။ မၼ်း​တၵ်း​ဝႆႉ​ၸႂ်​ယူႇ​ၽၢႆႇ​ၼိုင်ႈ တင်း​ပတီႉၺိၺ်ႇ​တြႃး ဢၼ်​မူတ်း​ၸၢင်ႇ​ၼၼ်ႉ သေ​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ် ဢလူဝ်ႇ​မၼ်း​မီး​ၼၼ်ႉ သေ​ယဝ်ႉ၊ ၶိုၼ်း​မိူဝ်း​ၸူး ၵႃႈ​တီႈ​မိူင်း​မၼ်း​ဢေႃႈ။-</verse>
				<verse number="29">ၶိင်ႇ​ၵႃႇလႃႉ​ဢၼ် မၵ်း​ၶၢၼ်း​ဝႆႉ​ၼၼ်ႉ၊ မၼ်း​တၵ်း​သမ်ႉ​ၶိုၼ်း​မႃး ၵႃႈ​တီႈ​ၼႃႈ​တၢင်း​ၸၢၼ်း လူး​ၵွၼ်ႇ​ဢေႃႈ။ ၵူၺ်း​ၵႃႈ ၶိင်ႇ​ၵႃႇလႃႉ ၵမ်း​လိုၼ်း ၼၼ်ႉ တၵ်း​ဢမ်ႇ​ပဵၼ်​ၸိူဝ်ႉ​ၼင်ႇ ၶိင်ႇ​ၵႃႇလႃႉ​မိူဝ်ႈ​ဢွၼ်​တၢင်း​ၼၼ်ႉ။-</verse>
				<verse number="30">လွင်ႈ​မၼ်း​ၸမ်ႉ ႁိူဝ်း​သၢင်း​ၽေႃး​ ၵိတ်ႉတဵမ် ​တင်း​လၢႆ တၵ်း​ဢွၼ်​ၵၼ် ႁၢမ်ႈ​တၢပ်ႈ​ႁႄႉ​ၶႅၼ်​မၼ်း​ဢေႃႈ။ ၵွပ်ႈ​ပိူဝ်ႈ ၸိူဝ်ႉ​ၼင်ႇ​ၼၼ်​လႄႈ မၼ်း​တၵ်း​ၸဵပ်း​ၸႂ်​ယူႇ သေ​လႄႈ ၶိုၼ်း​မိူဝ်း​လႄႈ ၸႂ်​မႆႈ​ၶႆႈ​ၸႃႉ​တီႈ ပတီႉၺိၺ်ႇ​တြႃး ဢၼ်​မူတ်း​ၸၢင်ႇ​ၼၼ်ႉ သေ​လႄႈ ၸွမ်း​ၵႃႈ​ၼင်ႇ​ဢၼ် ဢလူဝ်ႇ​မၼ်း​မီး​ၼၼ်ႉ​ဢေႃႈ။-</verse>
				<verse number="31">တပ်ႉ​ၵူၼ်း​သိုၵ်း ဢၼ်​ဢွၵ်ႇ​ၵႃႈ​တီႈ​မၼ်း​ၼၼ်ႉ တၵ်း​ဢွၼ်​ၵၼ်​လုၵ်ႉ​လႄႈ ႁႂ်ႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ တီႈ​ဢၼ်​တၼ်း​ၶူဝ်း​ယႂ်ႇ​ၼၼ်ႉ ၵူဝ်ႈ​ၵိူၵ်ႇ​ဢေႃႈ။ ၶဝ်​ၼၼ်ႉ တၵ်း​ဢွၼ်​ၵၼ်​ပႄႇ​ဝၢတ်ႈ ဢၼ်​ႁဵတ်း​ယူႇ ၵူႈ​မိုဝ်ႉ​ၵူႈ​ဝၼ်း သေႇ​သေႇ​ၼၼ်ႉ ပႅတ်ႈ​လႄႈ ပူၵ်း​တင်ႈ လွင်ႈ​တၢင်း​ဢၼ်​လီ​ႁင်ႈ ဢဵတ်ႇ​သဵတ်ႇ ဢၼ်​ၸၢင်ႈ​ယႃႉ​ယူၵ်ႉ​ၼၼ်ႉ​ဝႆႉ​ဢေႃႈ။-</verse>
				<verse number="32">မၼ်း​တၵ်း​ၶျေႃး​ဝွၼ်း ၶဝ်​ၸိူဝ်း​ဢၼ် ၽိတ်း​ပိူင်ႈ ပတီႉၺိၺ်ႇ​တြႃး ၼၼ်ႉ​လႄႈ ႁႂ်ႈ​ၶဝ်​ပူၼ်ႉ​လိူဝ်​ဢေႃႈ။ ၶဝ်​ၸိူဝ်း​ဢၼ်​ႁူႉ​ၽြႃး​ၶဝ် ယူႇ​ၼၼ်ႉ​ၸမ်ႉ၊ တၵ်း​ဢွၼ်​ၵၼ်​ဢဝ်​ႁႅင်း ဢၼ်​ယႂ်ႇ​ၼႃႇ​လႄႈ​ႁဵတ်း​ဢေႃႈ။-</verse>
				<verse number="33">ၶဝ်​ၸိူဝ်း​ဢၼ် မီး​ပိင်ႇ​ၺႃႇ ၵႃႈ​ၼႂ်း​ၵူၼ်း တင်း​လၢႆ​ၼၼ်ႉ တၵ်း​ဢွၼ်​ၵၼ် သင်ႇ​သွၼ်​ၵူၼ်း​ၼမ်​ၼႃႇ​ဢေႃႈ။ ၵူၺ်း​ၵႃႈ​ၶဝ်​တၵ်း ဢွၼ်​ၵၼ်​လူမ်ႉ​တၢႆ လူၺ်ႈ​ၽေး​လၢပ်ႇ​ၽေး​လႅဝ်း၊ ၽေး​တၢင်း​ဢၼ်​ဢဝ်​တုတ်ႇ​ၽႆး၊ ၽေး​တၢင်း​ဢၼ်​သိမ်း​ဢဝ်​ၵႂႃႇ တၢင်ႇ​တီႈ​တၢင်ႇ​လႅၼ်၊ ၽေး​တၢင်း​ဢၼ်​ႁိမ်​ဢဝ်​ႁူင်ႇ​ဢဝ်​ၼၼ်ႉ ႁိုင်​တၢၼ်ႇ​တၢၼ်ႇ​ဢေႃႈ။-</verse>
				<verse number="34">မိူဝ်ႈ​ဢၼ်​ၶဝ်​လူမ်ႉ​ၼၼ်ႉ၊ သမ်ႉ​တၵ်း​လႆႈ​ၶၢမ်ႇ​တၢင်း​ဢၼ် ၸွႆႈ​ထႅမ်​မႃႉ​ၸႃႉ​ၵေႇ​ၼႃႇ​ဢေႃႈ။ ၵူၼ်း​ၼမ်​ၼႃႇ တၵ်း​ဢွၼ်​ၵၼ်​ႁဵတ်း တၢင်း​ဢၼ်​ၶျေႃး​ဢၼ်​ဝွၼ်း သေ​လႄႈ ပိုင်ႈ​ဢိင် ၸပ်း​ၸွမ်း​ၶဝ်​ယူႇ​ဢေႃႈ။-</verse>
				<verse number="35">ၶဝ်​ၸိူဝ်း​ဢၼ် မီး​ပိင်ႇ​ၺႃႇ​ၵမ်ႈ​ၽွင်ႈ တၵ်း​ဢွၼ်​ၵၼ်​လူမ်ႉ ႁႂ်ႈ​ၶဝ်​လႆႈ​ၶၢမ်ႇ​တၢင်း​ဢၼ် ၸၢမ်း​တူၺ်း​သေ​လႄႈ လႆႈ​မူတ်း​သႂ်​ၶၢဝ်​ၸၢင်ႇ တေႃႇ​ထိုင်​ႁွတ်ႈ တီႈ​သုတ်း​တီႈ​ၵွႆ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ တၵ်း​လႆႈ ပဵၼ်​ၼႂ်း​ၶိင်ႇ​မိူဝ်ႈ​ဢၼ် မၵ်း​ၶၢၼ်း​ဝႆႉ​ၼၼ်ႉ​ဢေႃႈ။-</verse>
				<verse number="36">ၶုၼ်​ႁေႃ​ၶမ်း​ၼၼ်ႉ တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ် ဢလူဝ်ႇ​မၼ်း​မီး​ၼၼ်ႉ​လႄႈ၊ တူဝ်​မၼ်း​ယုၵ်ႉ​ယွင်ႈ​တူဝ်​မၼ်း ႁႂ်ႈ​တူဝ်​မၼ်း ပဵၼ်​ဢၼ်​ယႂ်ႇ​မျၢတ်ႈ လိူဝ်​တွၼ်း​ၼႃႇ​သေ ၽြႃး​တင်း​သဵင်ႈ​တင်း​လူင်​ယူႇ သေ​လႄႈ ႁဵတ်း​တၢင်း​ဢၼ်​ၶတ်း​ၵၼ်​တင်း ၽြႃး ၼိူဝ်​ၽြႃး တင်း​လၢႆ ၼၼ်ႉ​လႄႈ လၢတ်ႈ​ၵႂၢမ်း ဢၼ်​လီ​ဢၢမ်း​ၼႃႇ​ဢေႃႈ။ မၼ်း​တၵ်း​လႆႈ​လီ​လႆႈ​ပဵၼ် ယူႇ​တေႃႇ​ထိုင်​ႁွတ်ႈ ၶိင်ႇ​ၵႃႇလႃႉ တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​ၸေး​ၸုမ်ႇ​ၼၼ်ႉ​ဢေႃႈ။ တၵ်း​လႆႈ​ပဵၼ်​ၸွမ်း​ၵႃႈ​ၼင်ႇ​ဢၼ် ၸီႇ​ယၢင်ႇ​တႅပ်း​တတ်း​ဝႆႉ ၼၼ်ႉ​ဢေႃႈ။-</verse>
				<verse number="37">မၼ်း​တၵ်း ဢမ်ႇ​ႁဵတ်း​ပမႃႇၼႃႉ တီႈ​ၽြႃး​ပူႇ​မၼ်း​မွၼ်ႇ​မၼ်း တင်း​လၢႆ၊ တီႈ​ဢလူဝ်ႇ​ဢၼ်​ၸပ်း​ၸွႆး တီႈ​မႄႈ​ယိင်း​တင်း​လၢႆ၊ တီႈ​ၽြႃး သေ​သူႇ​သေ​ပႃး​လႄႈ၊ တူဝ်​မၼ်း​တၵ်း​ယုၵ်ႉ​ယွင်ႈ​တူဝ်​မၼ်း လိူဝ်​တွၼ်း​ၼႃႇ​သေ​ပိူၼ်ႈ တင်း​သဵင်ႈ​တင်း​လူင်​ဢေႃႈ။-</verse>
				<verse number="38">မၼ်း​တၵ်း​ယုၵ်ႉ​ယွင်ႈ ၽြႃး​တိူၵ်ႈ​တီႈ​တိုၵ်း​သိုၵ်း​ဝႆႉ ၼႂ်း​ဢရႃႇ​ၽြႃး မၼ်း​လႄႈ ဢဝ်​ငိုၼ်း​ၶမ်း​သႅင်​မျၢတ်ႈ ၶိူင်ႈ​ပိူင် ဢၼ်​ထိူၵ်ႈ​ၵႃႈ​ထိူၵ်ႈ​ၶၼ် ၼၼ်ႉ ပုၵ်ႈ​ၸေႃႇ​တီႈ​ၽြႃး ဢၼ်​ပူႇ​မၼ်း​မွၼ်ႇ​မၼ်း ဢမ်ႇ​ႁူႉ​ၼၼ်ႉ​ဢေႃႈ။-</verse>
				<verse number="39">မၼ်း​တၵ်း​ဢိင်​ၽြႃး ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း သေ​လႄႈ လုမ်း​လႃး​တိူၵ်ႈ​တီႈ​တိုၵ်း​သိုၵ်း ဢၼ်​မၼ်ႈ​ဢၼ်​ၶိူင်ႇ​တင်း​လၢႆ​လႄႈ ႁႂ်ႈ​ၵုင်ႇ​သရေႇ ၶဝ်​ၸိူဝ်း​ဢၼ် ႁပ်ႉ​တုင်း​ဢဝ်​ၼၼ်ႉ ယႂ်ႇ​ၽႄႈ​တူဝ်း​တွၼ်း​မႃး​ဢေႃႈ။ မၼ်း​တၵ်း ပၼ်​ဢၶႂၢင်ႉ​ႁႂ်ႈ​ၶဝ်​လႆႈ​ဢုပ်ႉ​ၵႃႈ​ၼိူဝ် ၵူၼ်း​ၼမ်​ၼႃႇ​လႄႈ ၽႄ​လိၼ်​မႅင်ႇ​ပၼ် ႁႂ်ႈ​ပၼ်​ဢၵျူဝ်း​ပုၼ်ႈ​ၶဝ်​ဢေႃႈ။-</verse>
				<verse number="40">ၶိင်ႇ​ၵႃႇလႃႉ တီႈ​သုတ်း​တီႈ​ၵွႆ​ၼၼ်ႉ၊ ၶုၼ်​ႁေႃ​ၶမ်း မိူင်း​တၢင်း​ၸၢၼ်း​ၼၼ်ႉ တၵ်း​တိုၵ်း​တေႃး​မၼ်း​လႄႈ ၶုၼ်​ႁေႃ​ၶမ်း​မိူင်း​တၢင်း​ႁွင်ႇ ၵေႃႈ တၵ်း​ပႃး​ဢဝ်​ရထႃး​လႂ်၊ ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​လႂ်၊ ႁိူဝ်း​သၢင်း​ၽေႃး​လႂ် သေ​လႄႈ ၶီႇ​သိုၵ်း​ၸူး​မၼ်း​ၼၼ်ႉ မိူၼ်​ၸိူဝ်ႉ​ၼင်ႇ လူမ်း​ၽိဝ်ႇ​ႁုင်​ၼၼ်ႉ​လႄႈ ၶဝ်ႈ​ၵႃႈ​ၼႂ်း​မိူင်း​တင်း​လၢႆ​လႄႈ ထူမ်ႈ​ႁူမ်ႇ​သေ​ယဝ်ႉ၊ ဢွၵ်ႇ​ၵႂႃႇ​သေ​ဢေႃႈ။-</verse>
				<verse number="41">မိူင်း​ဢၼ်​သႃႇ​ယႃႇ​လီ​ငၢမ်း​ၵေႃႈ မၼ်း​တၵ်း​ၶဝ်ႈ​လႄႈ ၵူၼ်း​ၼမ်​ၼႃႇ တၵ်း​သုမ်း​ၸွမ်း​ဢေႃႈ။ ၵူၺ်း​ၵႃႈ ၶဝ်​ၸိူဝ်း​ဢၼ် လွတ်ႈ​သေ​ၵႃႈ​ၼႂ်း မိုဝ်း​မၼ်း​ၸမ်ႉ၊ ပဵၼ်​ၵူၼ်း​မိူင်း​ ဢေႇတုမ်ႇ ၊ ၵူၼ်း​မိူင်း​ မေႃႇၽႃႉ ၊ ၵူၼ်း​မဵဝ်း​ ဢမ်ႇမုၼ်ႇ ဢၼ်​ပဵၼ် ဢၼ်​ယႂ်ႇ​ဢၼ်​မျၢတ်ႈ ၸိူဝ်း​ၼၼ်ႉ​ဢေႃႈ။-</verse>
				<verse number="42">မၼ်း​တၵ်း​လႆႈ ယဵတ်ႇ​ယိုၼ်း​မိုဝ်း​မၼ်း ၵႃႈ​ၼိူဝ်​မိူင်း တင်း​လၢႆ၊ မိူင်း​ ဢေႇၵိပ်ႉတူႉ ၵေႃႈ​ဢမ်ႇ​လႆႈ​လွတ်ႈ။-</verse>
				<verse number="43">မၼ်း​တၵ်း​လႆႈ ပိူင်ႇ​ဢဝ်​ၽၼ်ႇတႃႇ​ငိုၼ်း၊ ၽၼ်ႇတႃႇ​ၶမ်း၊ ဢုၵ်ႉ​ၸႃႇ​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ် ၵႃႈ​ဢၼ်​မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။ ၵူၼ်း​မိူင်း​ လီႉပူႉ ဢိၵ်ႇ​တင်း ၵူၼ်း​မိူင်း​ ၵူႉသႃႉ ​တင်း​လၢႆ တၵ်း​ဢွၼ်​ၵၼ် ၸွမ်း​လင်​မၼ်း​ဢေႃႈ။-</verse>
				<verse number="44">ၵူၺ်း​ၵႃႈ သတၢင်း​သဵင်​ၶၢဝ်ႇ ဢၼ်​ဢွၵ်ႇ​သေ ၵႃႈ​တီႈ​ၼႃႈ​ဝၼ်း​ဢွၵ်ႇ ၼႃႈ​တၢင်း​ႁွင်ႇ​မႃး​ၼၼ်ႉ တၵ်း​ႁႂ်ႈ​မၼ်း​မႆႈ​ၸႂ် ႁွၼ်ႉ​ၸႂ်​လႄႈ မၼ်း​တၵ်း​မီး​တေႃး​သႃႉ တၢင်း​ၸႂ်​မႆႈ​ဢၼ်​ယႂ်ႇ​ၼႃႇ​လူင်​လၢင် သေ​လႄႈ ဢွၵ်ႇ​ၵႂႃႇ ႁႂ်ႈ​လႆႈ​ယႃႉ​ပႅတ်ႈ​လႄႈ ၽဵဝ်ႈ​ၵူၼ်း​ၼမ်​ၼႃႇ​ပႅတ်ႈ​ဢေႃႈ။-</verse>
				<verse number="45">မၼ်း​တၵ်း​တႄႇ​ႁဵတ်း​မူဝ်းၵႃႇ ႁေႃ​ၶမ်း​မၼ်း ၵႃႈ​ၼႂ်း​ၵႄႈ​ဝူင်ႈ​ၵၢင်​ပၢင်ႇ​လၢႆႇ တင်း​လွႆ​ဢၼ်​မူတ်း​ၸၢင်ႇ ၼၼ်ႉ​ဢေႃႈ။ ၵူၺ်း​ၵႃႈ မၼ်း​တၵ်း ႁွတ်ႈ​ထိုင် တီႈ​သုတ်း​တီႈ​ၵွႆ​မၼ်း​လႄႈ ၽူႈ​လႂ်​ဢမ်ႇ​ၸွႆႈ​ထႅမ် မႃႉ​ၸႃႉ​မၼ်း​လႆႈ သေ​ၵေႃႉ​သေ​ၵူၼ်း။</verse>
			</chapter>
			<chapter number="12">
				<verse number="1">ၼႂ်း​ၶိင်ႇ​ၵႃႇလႃႉ​ၼၼ်ႉ မိၵ်ႉၶေႇလႃႉ ၸဝ်ႈ​လူင်​ဢၼ်​ပႂ်ႉ ၵူၼ်း​မဵဝ်း​လဵဝ်​ၵၼ်​တင်း​မႂ်း​ၼၼ်ႉ တၵ်း​လုၵ်ႉ​လႄႈ ၶိင်ႇ​ၵႃႇလႃႉ​တုၵ်ႉ​ၶႃႉ တၢင်း​ၽၢၼ် ဢၼ်​ဢမ်ႇ​တွၼ်ႉ​ပဵၼ် ၸႃႉ​ၸဵမ်​ၶိင်ႇ​မိူဝ်ႈ​ဢၼ် မဵဝ်း​ၵူၼ်း​လႆႈ​ပဵၼ်​မႃး ၼၼ်ႉ​လႄႈ တေႃႇ​ထိုင်​ႁွတ်ႈ ၶိင်ႇ​မိူဝ်ႈ​ၼၼ်ႉ​ၼၼ်ႉ တၵ်း​ႁွတ်ႈ​ထိုင်​ဢေႃႈ။ ၼႂ်း​ၶိင်ႇ​ၵႃႇလႃႉ​ၼၼ်ႉ ၵူၼ်း​မဵဝ်း​လဵဝ်​ၵၼ် တင်း​မႂ်း​ၵႃႈ​ဢၼ်​ၶဝ်ႈ​ပႃး ၼႂ်း​ၸရၢင်း​ၽိုၼ်​လိၵ်ႈ​ၼၼ်ႉ ၸိူဝ်း​ၼၼ်ႉ တၵ်း​လႆႈ ႁွတ်ႈ​ထိုင်​တၢင်း​ဢၼ် ၵႄႇ​သႄႇ​ဢဝ်​လွတ်ႈ​ဢေႃႈ။-</verse>
				<verse number="2">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ၼွၼ်း​လပ်း ၵႃႈ​ၼႂ်း​မုၼ်ႈ​လိၼ် ၼမ်​ၼႃႇ​ၼၼ်ႉ တၵ်း​ဢွၼ်​ၵၼ်​တိုၼ်ႇ​မႃး​ဢေႃႈ။ ၵမ်ႈ​ၽွင်ႈ​ၸမ်ႉ၊ တၵ်း​တိုၼ်ႇ​မႃး​ၸူး​တီႈ တၢင်း​ဢၼ် ဢသၢၵ်ႈ​လိပ်း​ထႃႇဝရႃႉ​လႄႈ ၵမ်ႈ​ၽွင်ႈ​ၸမ်ႉ၊ တၵ်း​တိုၼ်ႇ​မႃး​ၸူး​တီႈ တၢင်း​ဢၼ်​ဢူၵ်း​ဢၢႆ၊ တၢင်း​ဢၼ်​သရေႇလူႉ ထႃႇဝရႃႉ​ဢေႃႈ။-</verse>
				<verse number="3">ၶဝ်​ၸိူဝ်း​ဢၼ် မီး​ပိင်ႇ​ၺႃႇ​ၼၼ်ႉ တၵ်း​လႆႈ ႁိူဝ်ႈ​လႅင်း​မိူၼ်​ၸိူဝ်ႉ​ၼင်ႇ ဢရွင်ႇ​ပိၵ်ႈ တၢၼ်ႇ​ၽႃႉ​ၵၢင်​ႁၢဝ် ၼၼ်ႉ​လႄႈ၊ ၶဝ်​ၸိူဝ်း​ဢၼ် ဢဝ်​ၵူၼ်း​ၼမ်​ၼႃႇ သႂၢင်း​ၶဝ်ႈ​ၵႃႈ​ၼႂ်း တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ႁိူဝ်ႈ​လႅင်း မိူၼ်​ၸိူဝ်ႉ​ၼင်ႇ လၢဝ်​တင်း​လၢႆ ၼၼ်ႉ​ယူႇ သေႇ​သေႇ​ဢေႃႈ။-</verse>
				<verse number="4">တၢၼ်ႇယေႇလႃႉ ​ဢိူၺ်း၊ မႂ်း​ဢိုတ်း​ႁပ်း​ၵႂၢမ်း​ၸဝ်ႈ ၸိူဝ်း​ၼႆႉ​ဝႆႉ​လႄႈ တွၵ်ႇ​တၼ်း​သိၵ်ႈ ၽိုၼ်​လိၵ်ႈ​ၼႆႉ​ဝႆႉ ႁႂ်ႈ​ထၼ်ႈ​ပေႃး တေႃႇ​ထိုင်​ႁွတ်ႈ ၶိင်ႇ​ၵႃႇလႃႉ​တီႈ​သုတ်း​တီႈ​ၵွႆ ၼၼ်ႉ​တႃႉ။ ၵူၼ်း​ၼမ်​ၼႃႇ​တၵ်း​လူ​တူၺ်း​လိၵ်ႈ​ၼၼ်ႉ ၸေး​ၸေး​ၸွတ်ႇ​ၸွတ်ႇ​လႄႈ ပိင်ႇ​ၺႃႇ​တၵ်း​ယႂ်ႇ​ၽႄႈ တူဝ်း​တွၼ်း​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ၼၼ်ႉ ၵဝ်​ တၢၼ်ႇယေႇလႃႉ ​ၼႆႉ လူ​တူၺ်း​လႄႈ​ႁၼ်​တၢင်ႇ​ၵေႃႉ​တၢင်ႇ​ပႃး သွင်​ပႃး ၸုၵ်း​ယူႇ​ၵႃႈ​ၼိူဝ်​ၽင်ႇ​ၼမ်ႉ ယေႈ​ၽၢႆႇ ယေႈ​ပႃႈ​ဢေႃႈ။-</verse>
				<verse number="6">ပႃး​ၼိုင်ႈ တွင်ႈ​ထၢမ်​တီႈ​ၵေႃႉ​ဢၼ် ၼုင်ႈ​ပိၵ်ႈ​ၶျေႃး​လႄႈ ယူႇ​ၵႃႈ​ၼိူဝ်​ၼမ်ႉ​ႁွင်ႈ​ၼၼ်ႉ​လႄႈ​ဝႃႈ၊ ၸူဝ်ႈ​ဢၼ်​လွင်ႈ​တၢင်း​ဢၼ်​လီ​ဢၢမ်း​ၸိူဝ်း​ၼႆႉ ဢမ်ႇ​ပႆႇ​သဵင်ႈ​ပႆႇ​မူတ်း​ၼၼ်ႉ​ၸိုင် တၵ်း​ႁိုင်​ၵႃႈ​ႁိုဝ်​လူး​ၵွၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၵဝ်​ငိၼ်း ၵေႃႉ​ဢၼ်​ၼုင်ႈ​ပိၵ်ႈ​ၶျေႃး သေ​လႄႈ မီး​ယူႇ​ၵႃႈ​ၼိူဝ်​ၼမ်ႉ​ႁွင်ႈ​ၼၼ်ႉ ယုၵ်ႉ​မိုဝ်း​ၶွၼ်​ၶႂႃ ဢိၵ်ႇ​တင်း မိုဝ်း​ၶွၼ်​သၢႆႉ ၶိုၼ်ႈ​ၵႃႈ​ၼိူဝ် ၽႃႉ​ၵၢင်​ႁၢဝ်​သေ​လႄႈ ဢဝ်​ၽြႃး​ဢၼ် ဢသၢၵ်ႈ​လိပ်း​ယူႇ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း ၼၼ်ႉ တိူင်ႇ​ဝႃႈ​လႄႈ​ဝႃႈ၊ တၵ်း​ပဵၼ်​ၸူဝ်ႈ​ၵႃႇလႃႉ​ၼိုင်ႈ၊ ၵႃႇလႃႉ​တင်း​လၢႆ ၵႃႇလႃႉ​ၶိုင်ႈ​ၼိုင်ႈ တဵမ်​တဵမ်​ဢေႃႈ။ မိူဝ်ႈ​ဢၼ်​ဢမူႉ တၢင်း​ဢၼ် ႁႂ်ႈ​တၢင်း​ၵတ်ႉ​တၢင်း​ၶၼ် ၶဝ်​ၸိူဝ်း​ဢၼ်​မူတ်း​ၸၢင်ႇ တင်း​လၢႆ ပိဝ်​သဵၼ်​ၵႂႃႇ​ၼၼ်ႉ ယဝ်ႉ​တူဝ်ႈ​ယဝ်ႉ​ၼၼ်ႉ၊ လွင်ႈ​တၢင်း ၵူႈ​ၸိူဝ်ႉ​ၵူႈ​ပိူင် ၸိူဝ်း​ၼႆႉ တၵ်း​လႆႈ သဵင်ႈ​လႆႈ​မူတ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵဝ်​ငိၼ်း​ၵႂၢမ်း​ၼၼ်ႉ​လႄႈ ဢမ်ႇ​ႁူႉ​ဢမ်ႇ​ၸႅင်ႈ။ ပိူဝ်ႈ​ၼႆ​လႄႈ ၵဝ်​ၸင်ႇ​ထၢမ်​လႄႈ​ဝႃႈ၊ ၸဝ်ႈ​ၵဝ်​ၶႃႈ​တီႈ​ၶႃႈ​ဢိူၺ်း၊ တီႈ​သဵင်ႈ​တီႈ​မူတ်း လွင်ႈ​တၢင်း ၸိူဝ်း​ၼႆႉ​ၼႆႉ တၵ်း​ပဵၼ် ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">ၵေႃႉ​ၼၼ်ႉ​လၢတ်ႈ​လႄႈ​ဝႃႈ၊ တၢၼ်ႇယေႇလႃႉ ​ဢိူၺ်း၊ မႂ်း​ၵႂႃႇ​တႃႉ။ ၵႂၢမ်း​ၸိူဝ်း​ၼႆႉ မီး​တၢင်း​ဢၼ် ဢိုတ်း​ႁပ်း​ဝႆႉ​လႄႈ တွၵ်ႇ​တၼ်း​သိၵ်ႈ​ဝႆႉ ယူႇ​တေႃႇ​ထိုင်​ႁွတ်ႈ ၶိင်ႇ​ၵႃႇလႃႉ တီႈ​သုတ်း​တီႈ​ၵွႆ ၼၼ်ႉ​ဢေႃႈ။-</verse>
				<verse number="10">ၵူၼ်း​ၼမ်​ၼႃႇ တၵ်း​ဢွၼ်​ၵၼ် ႁွတ်ႈ​ထိုင် တၢင်း​ဢၼ် မူတ်း​သႂ်​ၶၢဝ်​ၸၢင်ႇ လႄႈ လႆႈ​ၶၢမ်ႇ​တၢင်း​ဢၼ် ၸၢမ်း​တူၺ်း​ဢေႃႈ။ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တၵ်း​ႁဵတ်း​ၸွမ်း ဢၼ်​ဢမ်ႇ​တြႃး​ယူႇ​ဢေႃႈ။ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ဢမ်ႇ​လႆႈ​ႁူႉ​လႆႈ​ၸႅင်ႈ သေ​ၵေႃႉ​သေ​ၵူၼ်း။ ၶဝ်​ၸိူဝ်း​ဢၼ် မီး​ပိင်ႇ​ၺႃႇ​ၼၼ်ႉ​ၸမ်ႉ၊ တၵ်း​ဢွၼ်​ၵၼ် ႁူႉ​ၸႅင်ႈ​ဢေႃႈ။-</verse>
				<verse number="11">ဢဝ်​ၵႃႈ​တီႈ ၶိင်ႇ​မိူဝ်ႈ​တၢင်း​ဢၼ် ပႄႇ​ဝၢတ်ႈ ဢၼ်​ႁဵတ်း​ယူႇ ၵူႈ​မိုဝ်ႉ​ၵူႈ​ဝၼ်း သေႇ​သေႇ​ၼၼ်ႉ ပႅတ်ႈ​ၼၼ်ႉ ဢိၵ်ႇ​တင်း တၢင်း​ဢၼ် ဢဝ်​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ ဢၼ်​ၸၢင်ႈ​ယႃႉ​ယူၵ်ႉ​ၼၼ်ႉ တၢင်ႇ​ဝႆႉ​ၼၼ်ႉ​ၵႂႃႇ​လႄႈ တၵ်း​ႁိုင် ႁဵင်​ပၢႆ သွင်​ပၢၵ်ႇ​ပၢႆ​ၵဝ်ႈ​သိပ်း​ဝၼ်း​ဢေႃႈ။-</verse>
				<verse number="12">ၵေႃႉ​ဢၼ်​ပႂ်ႉ​ထႃႈ​လႄႈ ၶိုတ်း​ထိုင် ႁဵင်​ပၢႆ​သၢမ်​ပၢၵ်ႇ​သၢမ်​သိပ်း​ပၢႆ​ႁႃႈ​ဝၼ်း​ၼၼ်ႉ​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="13">မႂ်း​ၸမ်ႉ၊ ၵႂႃႇ​တေႃႇ​ထိုင်​ႁွတ်ႈ တီႈ​သုတ်း​တီႈ​ၵွႆ​ၼၼ်ႉ​တႃႉ။ မႂ်း​တၵ်း​လႆႈ​ယူႇ​ၼိမ်​ၼိမ်​လီ​လီ​ဢေႃႈ။ ၼႂ်း​တီႈ​သုတ်း​တီႈ​ၵွႆ ၶိင်ႇ​ၵႃႇလႃႉ​မိုဝ်ႉ​ဝၼ်း​ၼၼ်ႉ မႂ်း​တၵ်း​လႆႈ​လုၵ်ႉ​ၸုၵ်း​ယူႇ ၵႃႈ​ၼႂ်း​ပုၼ်ႈ​မႂ်း​တႃႇ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵျၢမ်း​ဢၼႃႇၵၢတ်ႈ​တီႉ​တၢၼ်ႇယေႇလႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="28">
			<chapter number="1">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး​ဢၼ်​ႁွတ်ႈ​မႃး​တီႈ ႁူဝ်းသေႇ လုၵ်ႈ​ၸၢႆး​ ပေႇရီႉ ၼႂ်း​ၸူဝ်ႈ​ပၢၼ် ၶုၼ်​ ဢူဝ်းၸီႉယႃႉ ၊ ၶုၼ်​ ယူဝ်းထမ်ႇ ၊ ၶုၼ်​ ဢႃႇၶတ်ႉ ၊ ၶုၼ်​ ႁေႇၸၵီႉ ၶုၼ်​ႁေႃ​ၶမ်း​ ယူႉတႃႉ ​တင်း​လၢႆ ဢိၵ်ႇ​တင်း​ၼႂ်း​ၸူဝ်ႈ​ပၢၼ် ယေႇရူဝ်းပုမ်ႇ ၶုၼ်​ႁေႃ​ၶမ်း ဢီႉသရေႇလႃႉ ​ၼၼ်ႉ​ၸမ်ႉ၊</verse>
				<verse number="2">မိူဝ်ႈ​ဢၼ် ထႃႇဝရႃႉ​ၽြႃး တႄႇ​ၸႃႉ​ဢဝ်​ ႁူဝ်းသေႇ ႁေႃး​လၢတ်ႈ​ၼၼ်ႉ၊ ထႃႇဝရႃႉ​ၽြႃး မီး​ဢမိင်ႉ​တီႈ​ ႁူဝ်းသေႇ ​လႄႈ​ဝႃႈ၊ မႂ်း​ၵႂႃႇ​လႄႈ ဢဝ်​မႄႈ​မွၵ်ႇ​ယႃႈ ဢိၵ်ႇ​တင်း လုၵ်ႈ​လၢင်း​ဢၼ်​မႄႈ​မွၵ်ႇ​ယႃႈ​ၼၼ်ႉ ၵိူတ်ႇ​လဵင်ႉ​မႃး​ၸိူဝ်း​ၼၼ်ႉ​တႃႉ။ လွင်ႈ​မၼ်း​ၸမ်ႉ မိူင်း​ၼႆႉ​ၸုၼ်ႉ​ပႅတ်ႈ​ထႃႇဝရႃႉ​ၽြႃး​သေ​လႄႈ ႁဵတ်း​မေႇ​ထုင်ႇ ဢၼ်​ဢမ်ႇ​တြႃး ၶိူဝ်း​ၶိူဝ်း​ယႂ်း​ယႂ်း ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မၼ်း​ၵႂႃႇ​လႄႈ သိမ်း​ဢဝ်​ ၵေႃးမႃႇ လုၵ်ႈ​ယိင်း​ တီႉပလိမ်ႇ သေ​ယဝ်ႉ၊ မၼ်း​ၼၼ်ႉ ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ လုၵ်ႈ​ၸၢႆး​မႃး​တီႈ​မၼ်း​ဢေႃႈ။-</verse>
				<verse number="4">ထႃႇဝရႃႉ​ၽြႃး မီး​ဢမိင်ႉ​တီႈ​မၼ်း​လႄႈ​ဝႃႈ၊ မႂ်း​ႁွင်ႉ​ႁဵၵ်ႈ​ၸိုဝ်ႈ လုၵ်ႈ​ၸၢႆး​ၼၼ်ႉ ယေႇၸရေႇလႃႉ တႃႉ။ လွင်ႈ​မၼ်း​ၸမ်ႉ ႁိုင်​ၵမ်း​ဢွၼ်ႇ​ၼိုင်ႈ​သေ​ယဝ်ႉ၊ ၵဝ်​တၵ်း​ပၼ်​တၢမ်ႇ​ဢပႅတ်ႈ ဢၼ်​ထွၵ်ႇ​လိူတ်ႈ ယေႇၸရေႇလႃႉ ပႅတ်ႈ​ၼၼ်ႉ တီႈ​မဵဝ်း​ ယေႇႁူႉ ​လႄႈ ႁႂ်ႈ​သိုင်ႇ​ၸိုင်ႈ​ဝၢၼ်ႈ​မိူင်း မဵဝ်း​ ဢီႉသရေႇလႃႉ သုမ်း​ၸွမ်း​ပႅတ်ႈ​ဢေႃႈ။-</verse>
				<verse number="5">ၼႂ်း​မိုဝ်ႉ​ဝၼ်း​ဢၼ် ၵဝ်​တၵ်း​ႁၵ်း​ႁဵၵ်း​ၵၢင်ႇ ဢီႉသရေႇလႃႉ ပႅတ်ႈ​ၵႃႈ​ၼႂ်း​ၶူင်ႈ​ႁူၺ်ႈ ယေႇၸရေႇလႃႉ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မႄႈ​ယိင်း​ၼၼ်ႉ သမ်ႉ​ပႃး ပတိၵ်ႉသၼ်ႇထေႇ​ထႅင်ႈ​လႄႈ ၵိူတ်ႇ​လဵင်ႉ​လုၵ်ႈ​ယိင်း​မႃး​ဢေႃႈ။ မၼ်း​ၸဝ်ႈ​မီး​ဢမိင်ႉ​တီႈ​မၼ်း​လႄႈ​ဝႃႈ၊ ႁွင်ႉ​ႁဵၵ်ႈ​ၸိုဝ်ႈ​မၼ်း​ၼၼ်ႉ လေႃႇရူႉႁႃႇမႃႇ ​တႃႉ။ လွင်ႈ​မၼ်း​ၸမ်ႉ ၵမ်း​လိုၼ်း​ၵဝ်​ယင်း ဢမ်ႇ​ဢဵတ်း​လူ​ႁၵ်ႉ​ပႅင်း​မဵဝ်း​ ဢီႉသရေႇလႃႉ ​လႄႈ တၵ်း​ပႄႇ​ၶဝ်​ပႅတ်ႈ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="7">မဵဝ်း​ ယူႉတႃႉ ​ၸမ်ႉ၊ ၵဝ်​တၵ်း​ဢဵတ်း​လူ ႁၵ်ႉ​ပႅင်း​လႄႈ ယင်း​ဢမ်ႇ​ဢဝ်​တင်း​ၵၢင်ႇ၊ လၢပ်ႇ၊ လၢၵ်ႈ​ၼၢၵ်ႈ တိုၵ်း​သိုၵ်း၊ မႃႉ၊ ၵူၼ်း​သိုၵ်း​ၶီႇ​မႃႉ ၵႄႇ​သႄႇ​ၶျွတ်ႈ​ဢဝ်​ၶဝ်​လႄႈ တၵ်း​ဢဝ်​တင်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် ၵႄႇ​သႄႇ​ၶျွတ်ႈ​ဢဝ်​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မႄႈ​ယိင်း​ၼၼ်ႉ ႁႂ်ႈ​ လေႃႇရူႉႁႃႇမႃႇ ​ၼၼ်ႉ ၽၢတ်ႇ​ၼူမ်း​သေ​ယဝ်ႉ၊ သမ်ႉ​ပႃး​ပတိၵ်ႉသၼ်ႇထေႇ ထႅင်ႈ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။-</verse>
				<verse number="9">မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ႁွင်ႉ​ႁဵၵ်ႈ​ၸိုဝ်ႈ​မၼ်း​ၼၼ်ႉ လေႃးဢမ်ႇမီႉ တႃႉ။ လွင်ႈ​မၼ်း​ၸမ်ႉ သူ​ဢမ်ႇ​ပဵၼ်​ၵူၼ်း​ၵဝ်​ယဝ်ႉ။ ၵဝ်​ၵေႃႈ​ဢမ်ႇ​ပဵၼ် ၽြႃး​ပဵၼ်​ၸဝ်ႈ​သူ​ယဝ်ႉ။</verse>
				<verse number="10">ၵူၺ်း​ၵႃႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​ပဵၼ်​ဢၼ် ၼမ်​ၼႃႇ​လူင်​လၢင် မိူၼ်​ၸိူဝ်ႉ​ၼင်ႇ မဵတ်ႉ​ႁိၼ်​မဵတ်ႉ​သၢႆး​ၼမ်ႉ​သမ်ႇ​မုၵ်ႉ​တြႃႇ ဢၼ်​ဢမ်ႇ​တူင်​တူၺ်း​လႆႈ၊ ဢမ်ႇ​ၼပ်ႉ​ဢၢၼ်ႇ​လႆႈ​ၼၼ်ႉ​ဢေႃႈ။ ၼႂ်း​တီႈ​ဢၼ်​လၢတ်ႈ​တီႈ​ၶဝ်​လႄႈ​ဝႃႈ၊ သူ​ဢမ်ႇ​ပဵၼ်​ၵူၼ်း​ၵဝ်​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ တၵ်း​လႆႈ​လၢတ်ႈ​တီႈ ၶဝ်​လႄႈ​ဝႃႈ၊ သူ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ၵူၼ်း​မဵဝ်း​ ယူႉတႃႉ ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​ၸူႉ​ၵၼ်​တုမ်​ၵၼ်​သေ​လႄႈ ဢွၼ်​ၵၼ်​ယုၵ်ႉ​ယွင်ႈ ၶုၼ်​ပႃး​လဵဝ်​ၵူၺ်း​ပုၼ်ႈ​ၶဝ်​လႄႈ ဢွၵ်ႇ​သေ​ၵႃႈ​ၼႂ်း​မိူင်း​ၼၼ်ႉ မႃး​ဢေႃႈ။ မိုဝ်ႉ​ဝၼ်း​ ယေႇၸရေႇလႃႉ ​ၼၼ်ႉ တၵ်း​လႆႈ​ပဵၼ်​မိုဝ်ႉ​ဝၼ်း​ဢၼ် ယႂ်ႇ​မျၢတ်ႈ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="2">
				<verse number="1">သမ်ႉ​ၶိုၼ်း​လၢတ်ႈ တီႈ​ပီႈ​ၸၢႆး​ၼွင်ႉ​ၸၢႆး​သူ ၸိူဝ်း​ၼၼ်ႉ​လႄႈ​ဝႃႈ၊ လုၵ်ႈ​ယိင်း​ဢၼ် လီ​ဢဵတ်း​လူ​ႁၵ်ႉ​ပႅင်း၊ ဝႃႈ​ၼင်ႇ​ၼႆ​တႃႉ။</verse>
				<verse number="2">တိူင်ႇ​ပၢင်ႇ​တွင်ႈ​ထၢမ် လူၺ်ႈ​ၵၼ်​တင်း​မႄႈ​သူ​တႃႉ။ တိူင်ႇ​ပၢင်ႇ​တွင်ႈ​ထၢမ်​တႃႉ။ မၼ်း​ၼၼ်ႉ​ဢမ်ႇ​ပဵၼ် ၵူၼ်း​ယိင်း​ၵဝ်​ယဝ်ႉ။ ၵဝ်​ၵေႃႈ​ဢမ်ႇ​ပဵၼ်​ၽူဝ်​မၼ်း​ယဝ်ႉ။ ႁႂ်ႈ​မၼ်း​ပႄႇ​ပႅတ်ႈ မေႇ​ထုင်ႇ​ဢၼ်​ဢမ်ႇ​တြႃး​မၼ်း ၸိူဝ်း​ၼၼ်ႉ​သေ​ၵႃႈ​တီႈ​ၼႃႈ​မၼ်း ဢိၵ်ႇ​တင်း တၢင်း​ဢၼ် ၽိတ်း​ပိူင်ႈ​မၼ်း​ၸိူဝ်း​ၼၼ်ႉ​သေ​ၵႃႈ​တီႈ ၵႄႈ​ဝူင်ႈ​ၵၢင် တဝ်ႈ​ၼူမ်း​မၼ်း​သေ​တႃႉ။-</verse>
				<verse number="3">ပေႃး​ဢမ်ႇ​ၼၼ် ၵဝ်​တၵ်း​ထွတ်ႇ​ၶူဝ်း​ၼုင်ႈ​မၼ်း​ပႅတ်ႈ ႁႂ်ႈ​မၼ်း​ပဵၼ်​တူဝ်​ပူၺ်​လႄႈ ဢဝ်​မၼ်း​ဢွၵ်ႇ​ဝႆႉ မိူၼ်​ၸိူဝ်ႉ​ၼင်ႇ ဢၼ်​မၼ်း​ပဵၼ်​ၼႂ်း​မိုဝ်ႉ​ဝၼ်း ဢၼ်​မၼ်း​လႆႈ​ၶၢမ်ႇ​တၢင်း​ဢၼ် ၵိူတ်ႇ​လဵင်ႉ​မႃး​ၼၼ်ႉ​ဢေႃႈ။ တၵ်း​ႁႂ်ႈ​မၼ်း​ပဵၼ် မိူၼ်​ၸိူဝ်ႉ​ၼင်ႇ​ထိူၼ်ႇ​ၼင်ႇ​ၶိူဝ်း​ၼၼ်ႉ မႃး​လႄႈ ႁႂ်ႈ​မၼ်း​ပဵၼ်​ၸိူဝ်ႉ​ၼင်ႇ​လိၼ် ဢၼ်​ႁႅင်ႈ​ဢၼ်​ႁွင်​ၼၼ်ႉ​ယူႇ​သေ​လႄႈ ႁႂ်ႈ​မၼ်း​တၢႆ လူၺ်ႈ​တၢင်း​ဢၼ်​ယၢၵ်ႇ​ၼမ်ႉ ယၢၵ်ႇ​ၼၢႆး​ဢေႃႈ။-</verse>
				<verse number="4">လုၵ်ႈ​လၢင်း​မၼ်း ၸိူဝ်း​ၼၼ်ႉ​ၵေႃႈ ၵဝ်​ယင်း​ဢမ်ႇ​ဢဵတ်း​လူ​လႄႈ တၵ်း​ယူႇ ၵွပ်ႈ​ပိူဝ်ႈ​ဢၼ်​ၶဝ်​ပဵၼ် လုၵ်ႈ​လၢင်း မေႇ​ထုင်ႇ​ဢၼ်​ဢမ်ႇ​တြႃး​ၼၼ်ႉ​ဢေႃႈ။-</verse>
				<verse number="5">မႄႈ​ၶဝ်​ၼၼ်ႉ ပဵၼ်​မႄႈ​မွၵ်ႇ​ယႃႈ​လႄႈ ၵေႃႉ​ဢၼ်​ပႃး​ပတိၵ်ႉသၼ်ႇထေႇ ၶဝ်​ၼၼ်ႉ ႁဵတ်း​ဢမူႉ ဢၼ်​လီ​ဢူၵ်း​လီ​ဢၢႆ​ယဝ်ႉ။ မၼ်း​ၵေႃႈ​လၢတ်ႈ​လႄႈ​ဝႃႈ၊ ၵဝ်​တၵ်း​ၸွမ်း​လင်​ၸူႉ​ၵဝ်​တင်း​လၢႆ ဢၼ်​ၸၢင်ႈ​ပၼ်​ၶဝ်ႈ​မုၼ်း​ၵဝ်၊ ၼမ်ႉ​ၵဝ်၊ ၶူၼ်​သူဝ်း​ၵဝ်၊ မႆ​ပၢၼ်ႇ​ၵဝ်၊ ၼမ်ႉ​မၼ်း​ၵဝ်၊ ၼမ်ႉ​ဢၼ်​ၵဝ် ဢိုၵ်ႉ​ၵိၼ်​ၼၼ်ႉ​တီႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="6">ပိူဝ်ႈ​ၼႆ​လႄႈ​တူၺ်း​လူး။ ၵဝ်​တၵ်း​ဢဝ်​တူၼ်ႈ​ၼၢမ် ႁႄႉ​ၵင်ႈ​သဵၼ်ႈ​တၢင်း​မၼ်း​ဝႆႉ​လႄႈ တႄႇ​ႁဵတ်း​တႅၼ်ႈ မၢၵ်ႇ​ႁိၼ်​ဝႆႉ ၵႃႈ​တီႈ​လဵပ်ႈ​ႁွပ်ႈ​မၼ်း ႁႂ်ႈ​မၼ်း​ဢမ်ႇ​ထူပ်း သဵၼ်ႈ​တၢင်း​မၼ်း​ဢေႃႈ။-</verse>
				<verse number="7">မၼ်း​တၵ်း​ၸွမ်း​လင်​ၸူႉ​မၼ်း တင်း​လၢႆ လႄႈ​ဢမ်ႇ​ၶိုတ်း။ တၵ်း​ႁႃ​ၶဝ်​လႄႈ ဢမ်ႇ​ထူပ်း​ဢမ်ႇ​ႁၼ်။ မိူဝ်ႈ​ၼၼ်ႉ မၼ်း​တၵ်း​လၢတ်ႈ​လႄႈ​ဝႃႈ၊ ၵဝ်​တၵ်း​ၶိုၼ်း​မိူဝ်း​လႄႈ ၵႂႃႇ​ၸူး​ၵႃႈ​တီႈ​ၽူဝ်​ၵဝ်ႇ​ၵဝ် ၼၼ်ႉ​ဢေႃႈ။ တီႈ​ယူႇ​ဢၼ်​ဢွၼ်​တၢင်း​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တီႈ​ယူႇ​ဢၼ်​မိူဝ်ႈ​လဵဝ်​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မၼ်း​ယင်း​ဢမ်ႇ​ၶုၵ်း​ၸႂ်​လႆႈ ၶႆႈ​ၸႂ်​ထူပ်း လွင်ႈ​ဢၼ်​ၵဝ် ဢဵတ်း​လူ​ပၼ်​ၶဝ်ႈ​ပိူၵ်ႇ​ၶဝ်ႈ​သၢၼ်၊ ၼမ်ႉ​ၸပိတ်ႈ၊ ၼမ်ႉ​မၼ်း တီႈ​မၼ်း​လႄႈ ႁႂ်ႈ​ငိုၼ်း​ၶမ်း ဢၼ်​ၶဝ်​ဢဝ်​ႁဵတ်း​ရုၵ်ႈ​ထူႉ​ၽြႃး ပႃႇလႃႉ ​ၼၼ်ႉ ယႂ်ႇ​ၽႄႈ​ၼမ်​ၵိုၼ်း​မႃး​တီႈ​မၼ်း​ၼၼ်ႉ​လႄႈ ယူႇ​လူင်​ပႄႇ။-</verse>
				<verse number="9">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၵဝ်​တၵ်း​ၶိုၼ်း​သိမ်း​ဢဝ် ၶဝ်ႈ​ပိူၵ်ႇ​ၵဝ် ၼႂ်း​ၶိင်ႇ​မိူဝ်ႈ​ဢၼ် ပၢတ်ႇ​ၶဝ်ႈ​ၼၼ်ႉ ဢိၵ်ႇ​တင်း​ၼမ်ႉ​ၸပိတ်ႈ​ၵဝ် ၼႂ်း​ၶိင်ႇ​မိူဝ်ႈ​ဢၼ် ႁဵတ်း​ၼမ်ႉ​ၸပိတ်ႈ​ၼၼ်ႉ​လႄႈ ၼုၵ်ႈ​ထွၼ်​ဢဝ် ၶူၼ်​သူဝ်း​ၵဝ် ဢိၵ်ႇ​တင်း မႆ​ပၢၼ်ႇ​ၵဝ် ဢၼ်​ပဵၼ်​ပုၼ်ႈ ဢၼ်​တၵ်း​ႁူမ်ႇ​တူဝ်​မၼ်း​ၼၼ်ႉ​ဢေႃႈ။-</verse>
				<verse number="10">တေႃႈ​လဵဝ်​ၼႆႉ​ၵေႃႈ၊ ၵဝ်​တၵ်း​ၽုၺ်ႇ​ပိုတ်ႇ တီႈ​ဢၼ် လီ​ဢူၵ်း​လီ​ဢၢႆ​မၼ်း သိုဝ်ႈ​ၼႃႈ တႂ်ႈ​တႃ​ၸူႉ​မၼ်း တင်း​လၢႆ လႄႈ ၽူႈ​လႂ်​ဢမ်ႇ​လႆႈ​ၼုၵ်ႈ​ဢဝ်​မၼ်း ဢွၵ်ႇ​သေ​ၵႃႈ​ၼႂ်း​မိုဝ်း​ၵဝ်။-</verse>
				<verse number="11">ၵဝ်​တၵ်း​ႁႂ်ႈ တၢင်း​ဢၼ်​လီ​သႂၢင်ႇ​လီ​သိူဝ်း​မၼ်း ၵႃႈ​မီး တၢင်း​ဢၼ်​ၶၢမ်ႇ​ပွႆး​မၼ်း၊ တၢင်း​ဢၼ်​ပႂ်ႉ​ဝၼ်း​လိူၼ်​မႂ်ႇ ဢိၵ်ႇ​တင်း ဝၼ်း​ၵမ်​သိၼ်​မၼ်း တၢင်း​ဢၼ်​ပရဵၵ်ႈသၢတ်ႈ ၸူႉ​ၵၼ်​တုမ်​ၵၼ်​မၼ်း​ၵႃႈ​မီး​ၼၼ်ႉ ထၢတ်ႇ​ၵႂႃႇ​ဢေႃႈ။-</verse>
				<verse number="12">ၵဝ်​တၵ်း​ယႃႉ​ၽဵဝ်ႈ​သူၼ်​ဢူးယဵၼ်ႇ မၢၵ်ႇ​ၸပိတ်ႈ​မၼ်း ဢိၵ်ႇ​တင်း သူၼ်​ဢူးယဵၼ်ႇ တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​မၼ်း ဢၼ်​မၼ်း​လၢတ်ႈ​လႄႈ​ဝႃႈ၊ ဢၼ်​ၼႆႉ​ၸမ်ႉ၊ ပဵၼ်​သူး​လၢၵ်ႈ​သွင်ႇ ဢၼ်​ၸူႉ​ၵဝ်​တင်း​လၢႆ ပၼ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ပႅတ်ႈ​လႄႈ ႁႂ်ႈ​ပဵၼ်​ထိူၼ်ႇ​ႁူၵ်ႉ​ထိူၼ်ႇ​ႁၢမ်း​သေ​လႄႈ တူဝ်​ထိူၼ်ႇ​ႁၢႆႉ​တင်း​လၢႆ တၵ်း​ဢွၼ်​ၵၼ်​ၶူပ်း​ၵိၼ်​ဢေႃႈ။-</verse>
				<verse number="13">ၵဝ်​တၵ်း​ၸီႇ​ယၢင်ႇ​ၸွမ်း​ၼင်ႇ ဢပႅတ်ႈ​ၶိင်ႇ​မိုဝ်ႉ​ဝၼ်း​ၽြႃး ပႃႇလႃႉ ​တင်း​လၢႆ ဢၼ်​မၼ်း​ဢဝ် ၼၢမ်ႇ​သႃႇ​တုတ်ႇ​ၽႆး​လႄႈ ဢဝ်​ၶိူင်ႈ​ဢၼ်​ႁွႆႈ​ၶူႈ​လင် ဢိၵ်ႇ​တင်း ၶိူင်ႈ​ဢၼ်​ႁွႆႈ​ၶေႃး တိုဝ်း​ႁၢင်ႈ​ၶိူင်ႈ​သေ​လႄႈ ၸွမ်း​လင်​ၸူႉ​မၼ်း​တင်း​လၢႆ ၵႂႃႇ​လႄႈ လူင်​လိုမ်း​ပႅတ်ႈ​ၵဝ် ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="14">ၼႂ်း​ဝႃႈ​ၼၼ်​သေ​ၵေႃႈ။ တူၺ်း​လူး။ ၵဝ်​တၵ်း​ၸူဝ်း​ဢဝ်​မၼ်း​သေ​လႄႈ ဢဝ်​မၼ်း​ၵႂႃႇ ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​လႄႈ လၢတ်ႈ​ၵႂၢမ်း​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​တီႈ​မၼ်း​ဢေႃႈ။-</verse>
				<verse number="15">ၵဝ်​တၵ်း​ဢဝ် သူၼ်​ဢူးယဵၼ်ႇ​မၼ်း​တင်း​လၢႆ ပၼ်​မၼ်း​ၵႃႈ​ၼႂ်း​ထိူၼ်ႇ​ၼၼ်ႉ ဢိၵ်ႇ​တင်း ၶူင်ႇ​ႁူၺ်ႈ​ ဢႃႇၶေႃႇ ပၼ်​ပုၼ်ႈ​ၽၵ်း​တူ ဢၼ်​မုင်ႈ​ထႃႈ​မွင်း​ထႃႈ တီႈ​မၼ်း​လႄႈ လႆႈ​ႁဵတ်း​ၵႂၢမ်း ၵႃႈ​တီႈ​ၼၼ်ႈ မိူၼ်​ၸိူဝ်ႉ​ၼင်ႇ ၼႂ်း​မိူဝ်ႈ​ဢၼ် ဢသၢၵ်ႈ​မၼ်း ယင်း​လဵၵ်ႉ​ယင်း​ၼုမ်ႇ ဢၼ်​ဝႃႈ​ၼႂ်း​မိုဝ်ႉ​ဝၼ်း​ဢၼ် မၼ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​ဢေႃႈ။-</verse>
				<verse number="16">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ မႂ်း​တၵ်း​လႆႈ​ႁွင်ႉ​ၵဝ်​ဝႃႈ ၽူဝ်​လႄႈ ဢမ်ႇ​လႆႈ​ႁွင်ႉ​ၵဝ်​ဝႃႈ​ၸဝ်ႈ။-</verse>
				<verse number="17">ၵဝ်​တၵ်း​ပႄႇ ၼႃႇ​မႃႉ​ၸိုဝ်ႈ​သဵင် ၵေႃႉ​ဢၼ်​ပဵၼ်​ၸဝ်ႈ တၢင်ႇ​ၵေႃႉ​တၢင်ႇ​ၵူၼ်း ၸိူဝ်း​ၼၼ်ႉ​ၼၼ်ႉ ပႅတ်ႈ​သေ ၵႃႈ​ၼႂ်း​သူပ်း​မၼ်း​လႄႈ ၵမ်း​လိုၼ်း ဢမ်ႇ​လႆႈ​ဢဝ်​ၼႃႇ​မႃႉ ၸိုဝ်ႈ​သဵင်​ၶဝ်​ၼၼ်ႉ ဝႃႈ​ဢွၵ်ႇ​သူပ်း​မၼ်း​လႃး​လႃး။-</verse>
				<verse number="18">ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ႁဵတ်း​ပတီႉၺိၺ်ႇ လူၺ်ႈ​ၵၼ်​တင်း တူဝ်​ထိူၼ်ႇ​ႁၢႆႉ​လႂ်၊ ၼူၵ်ႉ​ၼိူဝ်​ၽႃႉ​ၵၢင်​ႁၢဝ်​လႂ်၊ တရိၵ်ႈသၢၼ်ႇ ဢၼ်​ၸၢင်ႈ​ၵၢၼ်း​ၵႃႈ​ၼိူဝ်​လိၼ်​လႂ် ပုၼ်ႈ​ၶဝ်​ၼၼ်ႉ​လႄႈ ႁၵ်း​ႁဵၵ်း​ၵၢင်ႇ၊ လၢပ်ႇ၊ လၢၵ်ႈ​ၼၢၵ်ႈ တိုၵ်း​သိုၵ်း​ပႅတ်ႈ​သေ ၵႃႈ​ၼိူဝ်​ၼႃႈ​လိၼ်​မိူင်း​သေ​လႄႈ ႁႂ်ႈ​ၶဝ်​လႆႈ​ၼွၼ်း လူင်ႉ​လီ​လွတ်ႈ​လီ​ဢေႃႈ။-</verse>
				<verse number="19">ၵဝ်​တၵ်း​သိမ်း​ဢဝ်​မႂ်း​ဝႆႉ ပုၼ်ႈ​ၵဝ်​သေႇ​သေႇ​လႄႈ မႅၼ်ႈ​ၸွမ်း​ၵႃႈ​ၼင်ႇ တၢင်း​ဢၼ်​သိုဝ်ႈ​တေႃႇ၊ တၢင်း​ဢၼ်​ၸီႇ​ယၢင်ႇ ၸွမ်း​ၼင်ႇ​တြႃး၊ တၢင်း​ဢၼ် ႁဵတ်း​ၵျေး​ၸူး၊ တၢင်း​ဢၼ်​ဢဵတ်း​လူ ႁၵ်ႉ​ပႅင်း​ၼၼ်ႉ​သေ​လႄႈ ၵဝ်​တၵ်း​သိမ်း​ဢဝ်​မႂ်း​ဝႆႉ ပုၼ်ႈ​ၵဝ်​ဢေႃႈ။-</verse>
				<verse number="20">မႅၼ်ႈ​ၸွမ်း​ၵႃႈ​ၼင်ႇ တၢင်း​ဢၼ်​ပႂ်ႉ​သဵတ်ႈ​ၸႃႇ​ၼၼ်ႉ သေ​လႄႈ ၵဝ်​တၵ်း​သိမ်း​ဢဝ်​မႂ်း​ဝႆႉ ပုၼ်ႈ​ၵဝ်​လႄႈ မႂ်း​တၵ်း​လႆႈ​ႁူႉ​ၸၵ်း ထႃႇဝရႃႉ​ၽြႃး​ဢေႃႈ။-</verse>
				<verse number="21">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ထွမ်ႇ​ဢေႃႈ။ ၵဝ်​တၵ်း​ထွမ်ႇ​ဢဝ် ၵႂၢမ်း​ၽႃႉ​ၵၢင်​ႁၢဝ်​လႄႈ မၼ်း​ၵေႃႈ​တၵ်း​ထွမ်ႇ​ဢဝ်​ၵႂၢမ်း လိၼ်​မိူင်း​ဢေႃႈ။-</verse>
				<verse number="22">လိၼ်​မိူင်း​ၵေႃႈ တၵ်း​ထွမ်ႇ​ဢဝ်​ၵႂၢမ်း ၶဝ်ႈ​ပိူၵ်ႇ​ၶဝ်ႈ​သၢၼ်၊ ၼမ်ႉ​ၸပိတ်ႈ၊ ၼမ်ႉ​မၼ်း​လႄႈ ၶဝ်​ၼၼ်ႉ​ၵေႃႈ တၵ်း​ထွမ်ႇ​ဢဝ်​ၵႂၢမ်း​ ယေႇၸရေႇလႃႉ ​ဢေႃႈ။-</verse>
				<verse number="23">ၵဝ်​တၵ်း​ဢဝ် မႄႈ​ယိင်း​ၼၼ်ႉ ဝၢၼ်ႇ​ပိုၼ်​ၵႃႈ​တီႈ​ၼိူဝ် ၼႃႈ​လိၼ်​ပုၼ်ႈ​ၵဝ်​လႄႈ ဢဵတ်း​လူ​ႁၵ်ႉ​ပႅင်း​မၼ်း ဢၼ်​ဢမ်ႇ​လီ​ဢဵတ်း​လူ ႁၵ်ႉ​ပႅင်း​ၼၼ်ႉ​ဢေႃႈ။ ၵဝ်​တၵ်း​လၢတ်ႈ တီႈ​ၶဝ်​ၸိူဝ်း​ဢၼ်​ဢမ်ႇ​ပဵၼ်​ၵူၼ်း​ၵဝ်​ၼၼ်ႉ လႄႈ​ဝႃႈ၊ မႂ်း​ပဵၼ်​ၵူၼ်း​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​ၵေႃႈ တၵ်း​ဢွၼ်​ၵၼ် လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၽြႃး​ပဵၼ်​ၸဝ်ႈ​ၵဝ်​ၶႃႈ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="3">
				<verse number="1">ထႃႇဝရႃႉ​ၽြႃး သမ်ႉ​မီး​ဢမိင်ႉ တီႈ​ၵဝ်​လႄႈ​ဝႃႈ၊ မႂ်း​ၵႂႃႇ​လႄႈ ႁၵ်ႉ​ပႅင်း​မႄႈ​ယိင်း ဢၼ်​လႆႈ​ၶၢမ်ႇ​တၢင်း​ဢၼ် ၵေႃႉ​သေႈ​မၼ်း ႁၵ်ႉ​ပႅင်း​ယူႇ​လႄႈ ပဵၼ်​မႄႈ​မွၵ်ႇ​ယႃႈ​ၼၼ်ႉ မိူၼ်​ၸိူဝ်ႉ​ၼင်ႇ ဢၼ်​ထႃႇဝရႃႉ​ၽြႃး ႁၵ်ႉ​ပႅင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ယူႇ​သေ​ၵေႃႈ ၶဝ်​ဢွၼ်​ၵၼ် မုင်ႈ​တူၺ်း​ႁႅၼ်​တူၺ်း ၽြႃး​တၢင်ႇ​သူႇ တၢင်ႇ​ပႃး​လႄႈ မီး​ဢလူဝ်ႇ​ၶႂ်ႈ​လႆႈ ၽႅၼ်ႇ​ပႅၼ်ႈ​မၢၵ်ႇ​ၸပိတ်ႈ ၼၼ်ႉ ထႅင်ႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="2">ၵဝ်​ဢဝ်​ငိုၼ်း ၶၼ်​ႁႃႈ​ၵျၢပ်ႈ၊ ၶဝ်ႈ​သၢၼ်​မူႉ​ယေႃး ဢေႃးမႄး ​ၼိုင်ႈ​ပၢႆ​ၶိုင်ႈ ထုတ်ႇ​ဢဝ်​မၼ်း​ဝႆႉ​ပုၼ်ႈ​ၵဝ်​သေ​လႄႈ​-</verse>
				<verse number="3">လၢတ်ႈ​တီႈ​မၼ်း​လႄႈ​ဝႃႈ၊ မႂ်း​တၵ်း​လႆႈ​ပႂ်ႉ ပုၼ်ႈ​ၵဝ် မိုဝ်ႉ​ဝၼ်း​ၼမ်​ၼႃႇ​လူင်​လၢင်​လႄႈ ယူႇ​ဢေႃႈ။ မႂ်း​ဢမ်ႇ​လႆႈ​ႁဵတ်း မႄႈ​မွၵ်ႇ​ယႃႈ။ မႂ်း​ဢမ်ႇ​လႆႈ​ယူႇ ႁူမ်ႈ​လူၺ်ႈ​ၵၼ်​တင်း​ၽူႈ​ၸၢႆး တၢင်ႇ​ၵေႃႉ​တၢင်ႇ​ၵူၼ်း။ ပေႃး​ႁဵတ်း ၸိူဝ်ႉ​ၼင်ႇ​ၼၼ်​ၸိုင် ၵဝ်​တၵ်း​ပႂ်ႉ​ပုၼ်ႈ​မႂ်း​လႄႈ ယူႇ​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ ယင်း​ဢမ်ႇ​မီး ၶုၼ်​ႁေႃ​ၶမ်း၊ ဢမ်ႇ​မီး​ၵႂၢၼ်၊ ဢမ်ႇ​မီး​တၢင်း​ဢၼ် ပုၵ်ႈ​ၸေႃႇ​ယိတ်ႈ၊ ဢမ်ႇ​မီး​သဝ်​တီႈ​ၵူဝ်း​ၵႂၢႆႇ၊ ဢမ်ႇ​မီး​သိူဝ်ႈ​သုပ်း၊ ဢမ်ႇ​မီး​ရုၵ်ႈ​ထူႉ​ တေႇရပ်ႉ ​လႄႈ တၵ်း​လႆႈ​ယူႇ​မိုဝ်ႉ​ဝၼ်း​ၼမ်​ၼႃႇ လူင်​လၢင်​ဢေႃႈ။-</verse>
				<verse number="5">လိုၼ်း​ၼၼ်ႉ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​ဢွၼ်​ၵၼ်​ၶိုၼ်း​မႃး​လႄႈ ႁႃ​ဢဝ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် ဢိၵ်ႇ​တင်း ၶုၼ်​ႁေႃ​ၶမ်း​ၶဝ်​ တႃႇဝိတ်ႈ ​ၼၼ်ႉ​လႄႈ သၼ်ႇ​သၼ်ႇ​သၢႆ​သၢႆ ယူႇ​သေ​လႄႈ သုတ်ႉ​ၸပ်း​သုတ်ႉ​ၸူး ၵႃႈ​တီႈ​ထႃႇဝရႃႉ​ၽြႃး ဢိၵ်ႇ​တင်း​တီႈ​ၵျေး​ၸူး မၼ်း​ၸဝ်ႈ ၼႂ်း​မိုဝ်ႉ​ဝၼ်း​လိုၼ်း ၼၼ်ႉ​ဢေႃႈ။</verse>
			</chapter>
			<chapter number="4">
				<verse number="1">ၵူၼ်း​မဵဝ်း​ ဢီႉသရေႇလႃႉ ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ဢဝ် ဢမိင်ႉ​ထႃႇဝရႃႉ​ၽြႃး​တႃႉ။ ထႃႇဝရႃႉ​ၽြႃး​မီး​လွင်ႈ​ဢၼ် တၵ်း​ထူပ်း​တြႃး​ၵၼ်​တင်း​ၵူၼ်း​ဝၢၼ်ႈ ၵူၼ်း​မိူင်း​တင်း​လၢႆ​ဢေႃႈ။ လွင်ႈ​မၼ်း​ၸမ်ႉ ၵႃႈ​တီႈ​မိူင်း​ၼၼ်ႉ ဢမ်ႇ​မီး​သဵတ်ႈ​ၸႃႇ၊ ဢမ်ႇ​မီး​ၵရူႉၼႃႇ၊ ဢမ်ႇ​မီး​တၢင်း​ဢၼ်​ႁူႉ​ၸၵ်း​ၽြႃး​ပဵၼ်​ၸဝ်ႈ​လႃး​လႃး။-</verse>
				<verse number="2">မီး​တၢင်း​ဢၼ်​ၵိၼ်ႇ​လႃႇ၊ တၢင်း​ဢၼ်​လၢတ်ႈ​ၵႂၢမ်း​မူႉ​သႃႇ၊ တၢင်း​ဢၼ်​ဢဝ်​ဢသၢၵ်ႈ​ၵူၼ်း​တၢႆ၊ တၢင်း​ဢၼ်​လၵ်ႉ​ဢုၵ်ႉ​ၸႃႇ​ပိူၼ်ႈ၊ တၢင်း​ဢၼ်​ၽိတ်း​ပိူင်ႈ​မေး​ပိူၼ်ႈ ၸိူဝ်း​ၼၼ်ႉ​ၵူၺ်း​ဢေႃႈ။ ၽုတ်း​ဢွၵ်ႇ​လၼ်​ဢွၵ်ႇ​လႄႈ လိူတ်ႈ​သိုပ်ႇ​လိူတ်ႈ​ၵႂႃႇ​တိၵ်း​တိၵ်း​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ မိူင်း​တၵ်း​လႆႈ​တမ်ႇ​ၼွႆႉ​မွင်​ၸႂ်​လႄႈ ၶဝ်​ၵႃႈ​ဢၼ်​ယူႇ​ၵႃႈ​ၼႂ်း မိူင်း​ၼၼ်ႉ​ၸိူဝ်း​ၼၼ်ႉ ဢိၵ်ႇ​တင်း တူဝ်​ထိူၼ်ႇ​ႁၢႆႉ​တင်း​လၢႆ တင်း​ၼူၵ်ႉ​ၵၢင်​ႁၢဝ်​တင်း​လၢႆ တၵ်း​ႁႅင်း​လဵၵ်ႉ​ႁႅင်း​ၵေႇ​ၵႂႃႇ​လႄႈ ပႃ​ပၢင်ႇ​လၢႆႇ​တင်း​လၢႆ တၵ်း​သဵင်ႈ​မူတ်း​ၵႂႃႇ​ဢေႃႈ။</verse>
				<verse number="4">ၼႂ်း​ဝႃႈ​ၼၼ်​သေ​ၵေႃႈ ယႃႇ​ပေ​ႁႂ်ႈ​ၽူႈ​လႂ် လႆႈ​ႁႄႉ​လႆႈ​ၶႅၼ်။ ယႃႇ​ပေ​ႁႂ်ႈ​ၽူႈ​လႂ် လႆႈ​သင်ႇ​သွၼ်​သုင်း​မႃႉ။ လွင်ႈ​မၼ်း​ၸမ်ႉ ၵူၼ်း​မဵဝ်း​လဵဝ်​ၵၼ်​တင်း​မႂ်း​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​ႁဵတ်း​ၶတ်း​ၵၼ်​တင်း ယိတ်ႈပရေႃးႁဵၵ်ႈ​ၼၼ်ႉ​ဢေႃႈ။-</verse>
				<verse number="5">ပိူဝ်ႈ​ၼႆ​လႄႈ မႂ်း​တၵ်း​လႆႈ​လူမ်ႉ​တၢႆ​တူၵ်း ၶိင်ႇ​ၵၢင်​ဝၼ်း​လႄႈ ပရေႃးၽႅတ်ႈ​ၵေႃႈ တၵ်း​လႆႈ​လူမ်ႉ​လႆႈ​တူၵ်း လူၺ်ႈ​ၵၼ်​တင်း​မႂ်း ၶိင်ႇ​ၵၢင်​ၶိုၼ်း​ဢေႃႈ။ မႄႈ​မႂ်း​ၵေႃႈ ၵဝ်​တၵ်း​ယႃႉ​ပႅတ်ႈ​ဢေႃႈ။-</verse>
				<verse number="6">ၵူၼ်း​ၵဝ်​တင်း​လၢႆ လႆႈ​သုမ်း​လႆႈ​ၸွမ်း ၵွပ်ႈ​ပိူဝ်ႈ​ဢၼ် ပိင်ႇ​ၺႃႇ​ၵေႇ​လႄႈ ၵဝ်​တၵ်း​ပႄႇ​မႂ်း​ပႅတ်ႈ ႁႂ်ႈ​မႂ်း​ဢမ်ႇ​လႆႈ​ပဵၼ် ယိတ်ႈပရေႃးႁဵၵ်ႈ​ၶဝ် ၵွပ်ႈ​ပိူဝ်ႈ​ဢၼ် မႂ်း​ပႄႇ​ပိင်ႇ​ၺႃႇ​ပႅတ်ႈ​ၼၼ်ႉ​ဢေႃႈ။ ၵဝ်​တၵ်း​လူင်​လိုမ်း လုၵ်ႈ​လၢင်း​မႂ်း​တင်း​လၢႆ ပႅတ်ႈ ၵွပ်ႈ​ပိူဝ်ႈ​ဢၼ် မႂ်း​လူင်​လိုမ်း​တြႃး ၽြႃး​ပဵၼ်​ၸဝ်ႈ​မႂ်း​ပႅတ်ႈ​ၼၼ်ႉ​ဢေႃႈ။-</verse>
				<verse number="7">ၶဝ်​ၼၼ်ႉ ၸွမ်း​ၵႃႈ​ၼင်ႇ​ဢၼ် ၶဝ်​ယႂ်ႇ​ၽႄႈ​ၼမ်​ၵိုၼ်း​မႃး ၼၼ်ႉ​သေ​လႄႈ ၽိတ်း​ပိူင်ႈ​ၵဝ်​ယဝ်ႉ။ ပိူဝ်ႈ​ၼႆ​လႄႈ ၵဝ်​တၵ်း​ႁႂ်ႈ​မုၼ်​ၽုင်း​ၶဝ်​ၼၼ်ႉ ပဵၼ်​တၢင်း​ဢၼ်​ဢူၵ်း​ဢၼ်​ဢၢႆ​ဢေႃႈ။-</verse>
				<verse number="8">ၶဝ်​ၸၢင်ႈ​ၵိၼ်​ဢပႅတ်ႈ ၵူၼ်း​ၵဝ်​တင်း​လၢႆ​ယူႇ​သေ​လႄႈ ၸႂ်​ၸပ်း​ၸႂ်​ၸွႆး တူႉ​ၸရိူၵ်ႈ​ၼၼ်ႉ​ယူႇ​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ တၵ်း​လႆႈ​ပဵၼ်​တီႈ​ယိတ်ႈပရေႃးႁဵၵ်ႈ မိူၼ်​ၸိူဝ်ႉ​ၼင်ႇ​ဢၼ်​ပဵၼ် တီႈ​ၵူၼ်း​တင်း​လၢႆ ၼၼ်ႉ​ဢေႃႈ။ ၵဝ်​တၵ်း​ပၼ်​တၢမ်ႇ ၸွမ်း​ၵႃႈ​ၼင်ႇ သဵၼ်ႈ​တၢင်း​ၶဝ်​မီး​ၼၼ်ႉ​လႄႈ ပၼ်​ဢၵျူဝ်း​ဢပႅတ်ႈ ၸွမ်း​ၵႃႈ​ၼင်ႇ​ဢၼ်​ၶဝ် ႁဵတ်း​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။-</verse>
				<verse number="10">ၶဝ်​ၼၼ်ႉ​တၵ်း​ၵိၼ်​လႄႈ ဢမ်ႇ​လႆႈ​ဢိမ်ႇ​လႆႈ​တဵမ်။ ၶဝ်​တၵ်း​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး​လႄႈ ဢမ်ႇ​လႆႈ​ယႂ်ႇ​ၽႄႈ ၼမ်​ၵိုၼ်း​မႃး။ လွင်ႈ​မၼ်း​ၸမ်ႉ ၶဝ်​ထၢတ်ႇ​သေ​ပေႃး​သေ​တၢင်း​ဢၼ်​ဝႆႉ​ဢမူႉ လူၺ်ႈ​လွင်ႈ ထႃႇဝရႃႉ​ၽြႃး​ၼၼ်ႉ​ယဝ်ႉ​ယဝ်ႉ။</verse>
				<verse number="11">တၢင်း​ဢၼ် မေႇ​ထုင်ႇ​ဢၼ်​ဢမ်ႇ​တြႃး ဢိၵ်ႇ​တင်း ၼမ်ႉ​ၸပိတ်ႈ တင်း​ၼမ်ႉ​ၸပိတ်ႈ​ဢၼ်​မႂ်ႇ ၸိူဝ်း​ၼၼ်ႉ ၸၢင်ႈ​ႁႂ်ႈ​ႁူဝ်​ၸႂ် မဝ်း​မိင်း​လိုမ်း​တူဝ်​ဢေႃႈ။-</verse>
				<verse number="12">ၵူၼ်း​ၵဝ်​တင်း​လၢႆ ၸၢင်ႈ​တိူင်ႇ​ပၢင်ႇ​တွင်ႈ​ထၢမ် လူၺ်ႈ​ၵၼ်​တင်း​ၼိူဝ်ႉ​မႆႉ​လႄႈ ၶွၼ်ႉ​တဝ်ႉ​ၶဝ်​ၼၼ်ႉ ၸၢင်ႈ​ပၼ်​တၢင်း​ၵျၢမ်ႇ​တၢင်း​ပွင်​တီႈ​ၶဝ်​ဢေႃႈ။ ၸႂ်​တၢင်း​ဢၼ်​ၶဝ်​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး​ၼၼ်ႉ ႁႂ်ႈ​ၶဝ်​ၽိတ်း​တၢင်း​ပိူင်ႈ​တၢင်း​ၵႂႃႇ​လႄႈ ၶဝ်​ယင်း​ဢမ်ႇ​ယူႇ ၵႃႈ​တီႈ​ၽြႃး​ပဵၼ်​ၸဝ်ႈ​ၶဝ်၊ ၸၢင်ႈ​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး​ယူႇ​ဢေႃႈ။-</verse>
				<verse number="13">ၶဝ်​ၸၢင်ႈ​ပုၵ်ႈ​ၸေႃႇ​ယိတ်ႈ ၵႃႈ​ၼိူဝ်​လွႆ​တင်း​လၢႆ​လႄႈ ဢဝ်​ၼၢမ်ႇ​သႃႇ တုတ်ႇ​ၽႆး​ၵႃႈ​ၼိူဝ်​ၵုင်း​တင်း​လၢႆ၊ ၵႃႈ​တႂ်ႈ​တူၼ်ႈ​ လီႉပၼႃႉ ၊ တူၼ်ႈ​ ဢေးလႃႇ ဢၼ်​ႁူမ်ႈ​လီ ၵတ်း​လီ​ၸိူဝ်း​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ လုၵ်ႈ​ယိင်း​သူ​ၸိူဝ်း​ၼၼ်ႉ ၸၢင်ႈ​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး​လႄႈ လုၵ်ႈ​ပႂ်ႉ​သူ​ၸိူဝ်း​ၼၼ်ႉ ၸၢင်ႈ​လဵၼ်ႈ​ၽူဝ်​ဢွၼ်ႇ​ဢေႃႈ။-</verse>
				<verse number="14">ၵဝ်​တၵ်း​ဢမ်ႇ​ပၼ်​တၢမ်ႇ တီႈ​လုၵ်ႈ​ယိင်း​သူ ၸိူဝ်း​ၼၼ်ႉ ၼႂ်း​မိူဝ်ႈ​ဢၼ်​ၶဝ်​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး​ၼၼ်ႉ ဢိၵ်ႇ​တင်း တီႈ​လုၵ်ႈ​ပႂ်ႉ​သူ​ၸိူဝ်း​ၼၼ်ႉ ၼႂ်း​မိူဝ်ႈ​ဢၼ် ၶဝ်​လဵၼ်ႈ​ၽူဝ်​ဢွၼ်ႇ​ၼၼ်ႉ။ လွင်ႈ​မၼ်း​ၸမ်ႉ ၵူၼ်း​ၸၢႆး​တင်း​လၢႆ ၸၢင်ႈ​ဢွၼ်​ၵၼ် ၸုၼ်ႉ​ပႅတ်ႈ​မေး​ၶဝ်​သေ​လႄႈ ႁူမ်ႈ​ပွင်း​လူၺ်ႈ​ၵၼ်​တင်း မႄႈ​မွၵ်ႇ​ယႃႈ​လႄႈ ပုၵ်ႈ​ၸေႃႇ​ယိတ်ႈ​လူၺ်ႈ​ၵၼ်​တင်း​မႄႈ​ၽႄႉ​မႄႈ​လေႃ​တင်း​လၢႆ ဢေႃႈ။ ၵွပ်ႈ​ပိူဝ်ႈ​ၼင်ႇ​ၼၼ်​လႄႈ ၵူၼ်း​ဢၼ်​ဢမ်ႇ​မီး​ပိင်ႇ​ၺႃႇ​ၸိူဝ်း​ၼၼ်ႉ တၵ်း​လႆႈ​သုမ်း​လႆႈ​ၸွမ်း​ဢေႃႈ။-</verse>
				<verse number="15">မဵဝ်း​ ဢီႉသရေႇလႃႉ ​ဢိူၺ်း၊ ပိၵ်ႉ​သမ်ႉ​မႂ်း​ႁဵတ်း မႄႈ​မွၵ်ႇ​ယႃႈ​သေ​ၵေႃႈ ယႃႇ​ပေ​ႁႂ်ႈ​မဵဝ်း ယူႉတႃႉ ​ၽိတ်း​ပိူင်ႈ​သေ​ၵမ်း။ သူ​ယႃႇ​ပေ​ဢွၼ်​ၵၼ် သုတ်ႉ​ၸပ်း​သုတ်ႉ​ၸူး ၵႃႈ​တီႈ​ဝဵင်း​ ၵီႉလႃႉၵႃႇလႃႉ ။ ယႃႇ​ပေ​ဢွၼ်​ၵၼ် ၶိုၼ်ႈ​ၸူး​ၵႃႈ​တီႈ​ဝဵင်း​ ပေႇသဝႅၼ်ႇ ​လႄႈ တိူင်ႇ​ဝႃႈ​ၵိၼ်ႇ​ဝႃႈ လႄႈ​ဝႃႈ၊ ၵႃႈ​ၼင်ႇ​ဢၼ် ထႃႇဝရႃႉ​ၽြႃး​ဢသၢၵ်ႈ​လိပ်း​ယူႇ​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ၊-</verse>
				<verse number="16">မဵဝ်း​ ဢီႉသရေႇလႃႉ ​ၼၼ်ႉ ၸၢင်ႈ​ႁဵတ်း​ဢမ်ႇ​ထုၵ်ႇ​ၶတ်း​ၵၼ် မိူၼ်​ၸိူဝ်ႉ​ၼင်ႇ ဝူဝ်း​မႄႈ​သိုဝ်ႇ ဢၼ်​ၸၢင်ႈ​တိုတ်ႉ​ၸၢင်ႈ​တိုဝ် ၼၼ်ႉ​ဢေႃႈ။ တေႃႈ​လဵဝ်​ၼႆႉ ထႃႇဝရႃႉ​ၽြႃး​တၵ်း​လဵင်ႉ​ထိင်း​ၶဝ် မိူၼ်​ၸိူဝ်ႉ​ၼင်ႇ​ဢၼ်​လဵင်ႉ​ထိင်း​သူဝ်း​ဢွၼ်ႇ ၵႃႈ​ၼႂ်း​တီႈ​ဢၼ်​ၵႂၢင်ႈ​လီ​လႃး​လီ​ၼၼ်ႉ​ဢေႃႈ။-</verse>
				<verse number="17">ဢေႇၽရိမ်ႇ ​ၼၼ်ႉ မီး​တၢင်း​ဢၼ်​ၸပ်း​ၸွမ်း တီႈ​ရုၵ်ႈ​ထူႉ​တင်း​လၢႆ ယူႇ​ဢေႃႈ။ ယႃႇ​မၼ်း​တႃႉ။-</verse>
				<verse number="18">ၶဝ်​ပူၼ်ႉ​ၶိင်ႇ ဢၼ်​ၶဝ်​ၶၢမ်ႇ​ပွႆး​ၵိၼ်​ပွႆး​ၶူပ်း ၼၼ်ႉ​ယဝ်ႉ။ ၶဝ်​ဢွၼ်​ၵၼ် ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး​ယူႇ ၶိူဝ်း​ၶိူဝ်း​ယႂ်း​ယႂ်း​ယဝ်ႉ။ ၶုၼ်​ၶဝ်​ၸိူဝ်း​ၼၼ်ႉ ဢွၼ်​ၵၼ်​ၸႂ်​ၸပ်း​ၸႂ်​ၸွႆး လွင်ႈ​တၢင်း​ဢၼ် လီ​ဢူၵ်း​လီ​ဢၢႆ​ၼၼ်ႉ​ယူႇ​ယဝ်ႉ။-</verse>
				<verse number="19">လူမ်း​ဢဝ်​ပိၵ်ႇ​တူဝ်​ၸဝ်ႈ​ၵဝ်ႇ​တင်း​လၢႆ ပတ်ႉ​ထူဝ်း​လႄႈ ပႃး​ၵႂႃႇ​ဢေႃႈ။ ၶဝ်​ၼၼ်ႉ တၵ်း​ဢူၵ်း​ဢၢႆ ၵွပ်ႈ​ပိူဝ်ႈ​ယိတ်ႈ ဢၼ်​ၶဝ်​ပုၵ်ႈ​ၸေႃႇ ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">ယိတ်ႈပရေႃးႁဵၵ်ႈ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ၵူၼ်း​မဵဝ်း​ ဢီႉသရေႇလႃႉ ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ဢဝ်​တႃႉ။ ၵူၼ်း​ၼႂ်း​ႁေႃ​ၶမ်း​ၶဝ်​ဢိူၺ်း၊ ဢွၼ်​ၵၼ်​ႁေႈ​ႁူ​သူ​ၸူး​တႃႉ၊ သူ​တၵ်း​လႆႈ​ၶၢမ်ႇ တၢင်း​ဢၼ်​ၸႅတ်ႈ​ထၢမ် ၸီႇ​ယၢင်ႇ​ဢေႃႈ။ လွင်ႈ​မၼ်း​ၸမ်ႉ သူ​ပဵၼ်​တူင်ႇ​ႁႅဝ်ႉ​ၵႃႈ​ၼိူဝ်​လွႆ မီႉၸပႃႇ ၊ တူင်ႇ​ၶိုမ်း​ဢၼ်​ၵၢင်​ဝႆႉ ၵႃႈ​ၼိူဝ်​လွႆ တႃႇပေႃႇ ​ယဝ်ႉ။-</verse>
				<verse number="2">ၶဝ်​ၸိူဝ်း​ဢၼ် ၽွၵ်ႈ​ပျၢၼ်ႇ​ၶိုၼ်း​ၼၼ်ႉ ဢဝ်​တူဝ်​ယိတ်ႈ​တၢႆ ၼမ်​ၼႃႇ​လူင်​လၢင်​ဢေႃႈ။ ပိူဝ်ႈ​ၼႆ​လႄႈ ၵဝ်​တၵ်း​ပၼ်​တၢမ်ႇ​ဢပႅတ်ႈ တီႈ​ၶဝ်​တင်း​သဵင်ႈ​တင်း​လူင် ဢေႃႈ။-</verse>
				<verse number="3">ၵဝ်​ႁူႉ​ ဢေႇၽရိမ်ႇ ​ယူႇ​ဢေႃႈ။ ဢီႉသရေႇလႃႉ ​ၵေႃႈ ဢမ်ႇ​မီး​တၢင်း​ဢၼ် တဵတ်ႇ​မႅပ်ႉ​သေ​ၵႃႈ​တီႈ ၽၢႆႇ​ၼႃႈ​ၵဝ်​လႆႈ။ တေႃႈ​လဵဝ်​ၼႆႉ ဢေႇၽရိမ်ႇ ​ဢိူၺ်း၊ မႂ်း​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး​လႄႈ ႁႂ်ႈ​ ဢီႉသရေႇလႃႉ ​ၼၼ်ႉ မီး​တၢင်း​ဢၼ်​ၵူဝ်ႈ​ၵိူၵ်ႇ​ဢေႃႈ။</verse>
				<verse number="4">ၶဝ်​ဢမ်ႇ​မႄး​ၸီႇ​ယၢင်ႇ လွင်ႈ​တၢင်း​ဢၼ်​ၶဝ် ႁဵတ်း​ဝႆႉ​ၸိူဝ်း​ၼၼ်ႉ ႁႂ်ႈ​ၶဝ်​လႆႈ​ၶိုၼ်း​မႃး​ၵႃႈ​တီႈ ၽြႃး​ပဵၼ်​ၸဝ်ႈ​ၶဝ်။ ၶဝ်​ၸပ်း​ၸွႆး​လူၺ်ႈ​ၸႂ်​သၽေႃး ဢၼ်​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး​ၼၼ်ႉ​ယူႇ​လႄႈ ဢမ်ႇ​ႁူႉ​ၸၵ်း​ထႃႇဝရႃႉ​ၽြႃး။-</verse>
				<verse number="5">မႃႇၼႃႉ​ၸႂ်​သုင်​မဵဝ်း​ ဢီႉသရေႇလႃႉ ၶၢမ်ႇ​သၢၵ်ႈ​သေႇ​သိုဝ်ႈ​ၼႃႈ​တႂ်ႈ​တႃ​မၼ်း​ဢေႃႈ။ ပိူဝ်ႈ​ၼႆ​လႄႈ ဢီႉသရေႇလႃႉ ဢိၵ်ႇ​တင်း ဢေႇၽရိမ်ႇ တၵ်း​လူမ်ႉ​တူၵ်း ၵႃႈ​ၼႂ်း​ဢပႅတ်ႈ​ၶဝ်​လႄႈ မဵဝ်း​ ယူႉတႃႉ ​ၵေႃႈ တၵ်း​လူမ်ႉ​တူၵ်း လူၺ်ႈ​ၵၼ်​တင်း​ၶဝ်​ၼၼ်ႉ​ဢေႃႈ။-</verse>
				<verse number="6">ပိၵ်ႉ​သမ်ႉ​ၶဝ်​ပႃး​ဢဝ်​ၽုင်​သူဝ်း ၽုင်​ဝူဝ်း​ၶဝ်​သေ​လႄႈ ၵႂႃႇ​ႁႂ်ႈ​လႆႈ​ႁႃ​ဢဝ် ထႃႇဝရႃႉ​ၽြႃး​သေ​ၵေႃႈ၊ ဢမ်ႇ​လႆႈ​ထူပ်း​လႆႈ ႁၼ်​မၼ်း​ၸဝ်ႈ။ မၼ်း​ၸဝ်ႈ​ၽၢတ်ႇ​ၵၼ် ပႅတ်ႈ​ၵၼ်​တင်း​ၶဝ်​ယဝ်ႉ။-</verse>
				<verse number="7">ၶဝ်​ယႃႉ​သဵတ်ႈ​ၸႃႇ ဢၼ်​ၶၢမ်ႇ​ဢဝ်​တီႈ​ထႃႇဝရႃႉ​ၽြႃး​ၼၼ်ႉ ပႅတ်ႈ​ယဝ်ႉ။ လွင်ႈ​မၼ်း​ၸမ်ႉ ၶဝ်​ၵိူတ်ႇ​လဵင်ႉ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း မႃး​ယဝ်ႉ။ ဢဝ်​မိူဝ်ႈ​လဵဝ်​ၼႆႉ ၵႂႃႇ​လိူၼ်​ၼိုင်ႈ တၵ်း​ၵိၼ်​ၶဝ် ဢိၵ်ႇ​တင်း​ဢုၵ်ႉ​ၸႃႇ​ၶဝ်​ပႅတ်ႈ​ဢေႃႈ။</verse>
				<verse number="8">ဢွၼ်​ၵၼ်​ပဝ်ႇ​ၼႄး ၵႃႈ​ၼႂ်း​ဝဵင်း​ ၵီႉပႃႉ ဢိၵ်ႇ​တင်း​ၶရႃႇ ၵႃႈ​ၼႂ်း​ဝဵင်း​ ရႃႇမႃႉ ​လႄႈ ဢွၼ်​ၵၼ်​သႅၼ်ႇ​ႁွင်ႉ ၵႃႈ​ၼႂ်း​ဝဵင်း​ ပေႇသဝႅၼ်ႇ တႃႉ။ မဵဝ်း​ ပိၼ်ႇယႃႇမိၼ်ႇ ​ဢိူၺ်း၊ တူၺ်း​ၶိုၼ်း​ၽၢႆႇ​တၢင်း​လင်​မႂ်း​တႃႉ။-</verse>
				<verse number="9">ၼႂ်း​ၶိင်ႇ​မိုဝ်ႉ​ဝၼ်း​ဢၼ်​သင်ႇ​သွၼ်​သုင်း​မႃႉ​ပၼ်​သတီႉ​ၼၼ်ႉ ဢေႇၽရိမ်ႇ တၵ်း​လႆႈ​လူႉ​လႅဝ်​ဢေႃႈ။ ၵဝ်​ဢဝ်​လွင်ႈ​တၢင်း​ဢၼ် တၵ်း​ပဵၼ်​မႃး​ဢမၢၼ်ႇ​ၶၼ်​ပဵၼ်​ၼၼ်ႉ ၽုၺ်ႇ​ဢွၵ်ႇ​ၼႄ​ပျႃး​ၵႃႈ​ၼႂ်း​မဵဝ်း ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="10">ၶုၼ်​ ယူႉတႃႉ ​တင်း​လၢႆ ပဵၼ်​ၸိူဝ်ႉ​ၼင်ႇ​ၵေႃႉ​ဢၼ် ၶၢႆႉ​သဝ်​ၶၢႆႉ​လၵ်း​ဢၼ်​မၢတ်ႈ​မၢႆ​လိၼ်​ဝႆႉ​ၼၼ်ႉ​ဢေႃႈ။ ၵဝ်​တၵ်း​ဢဝ် တၢင်း​ၸႂ်​မႆႈ​ၶႆႈ​ၸႃႉ​ၵဝ် သွၼ်း​လေႃႇ​ၵႃႈ​ၼိူဝ်​ၶဝ် မိူၼ်​ၸိူဝ်ႉ​ၼင်ႇ ၼမ်ႉ​ၼၼ်ႉ​ဢေႃႈ။-</verse>
				<verse number="11">ဢေႇၽရိမ်ႇ ​ၼၼ်ႉ လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​လႄႈ လႆႈ​ထူပ်း​တၢင်း​ဢၼ် ၸီႇ​ယၢင်ႇ​တြႃး​သေ​လႄႈ သုမ်း​ၸွမ်း​ဢေႃႈ။ လွင်ႈ​မၼ်း​ၸမ်ႉ မၼ်း​မီး​ဢလူဝ်ႇ​ၶႂ်ႈ​ၵမ်​ၵျၢင်ႉ​ၸွမ်း​ၵႃႈ​ၼင်ႇ​ဢၼ် ဢမိင်ႉ​မီး​ၼၼ်ႉ​ယဝ်ႉ။-</verse>
				<verse number="12">ပိူဝ်ႈ​ၼႆ​လႄႈ ၵဝ်​တၵ်း​ပဵၼ်​ၸိူဝ်ႉ​ၼင်ႇ တူဝ်​မူင်ႈ​ဢၼ်​ၸၢင်ႈ​ၶူပ်း​ၼၼ်ႉ တီႈ​ ဢေႇၽရိမ်ႇ ဢိၵ်ႇ​တင်း ၸိူဝ်ႉ​ၼင်ႇ​တၢင်း​ဢၼ်​တူႇ ဢၼ်​ၼဝ်ႈ​ၼၼ်ႉ တီႈ​မဵဝ်း​ ယူႉတႃႉ ​ဢေႃႈ။-</verse>
				<verse number="13">မိူဝ်ႈ​ဢၼ် ဢေႇၽရိမ်ႇ ​ႁၼ်​တၢင်း​ၶႆႈ​တၢင်း​ပဵၼ်​မၼ်း၊ မိူဝ်ႈ​ဢၼ် ယူႉတႃႉ ​ႁၼ်​တၢင်း​ၸဵပ်း တၢင်း​သႅပ်ႇ​မၼ်း ၼၼ်ႉ​ၸိုင်၊ ပိၵ်ႉ​သမ်ႉ​ ဢေႇၽရိမ်ႇ ၵႂႃႇ​ၵႃႈ​တီႈ​ၶုၼ် ဢႃႇသူႉရီႉ ​လႄႈ ပွႆႇ​ၸႂ်ႉ​ၵႂႃႇ​ၵႃႈ​တီႈ ၶုၼ်​ႁေႃ​ၶမ်း ဢၼ်​ၸၢင်ႈ​တွပ်ႇ​ၸၢင်ႈ​ထဵင် ၼၼ်ႉ​သေ​ၵေႃႈ ၶုၼ်​ၼၼ်ႉ ဢမ်ႇ​ႁႂ်ႈ​တၢင်း​ၶႆႈ တၢင်း​ပဵၼ်​သူ ၶႅၼ်း​မႃး​လႆႈ။ တၢင်း​ၸဵပ်း​တၢင်း​သႅပ်ႇ​သူ​ၵေႃႈ ဢမ်ႇ​ႁႂ်ႈ​ႁၢႆ​လႆႈ။-</verse>
				<verse number="14">လွင်ႈ​မၼ်း​ၸမ်ႉ ၵဝ်​တၵ်း​ပဵၼ်​ၸိူဝ်ႉ​ၼင်ႇ သၢင်ႇ​သီႈ​ၼၼ်ႉ တီႈ​ ဢေႇၽရိမ်ႇ ဢိၵ်ႇ​တင်း​ၸိူဝ်ႉ​ၼင်ႇ သၢင်ႇ​သီႈ​ၼုမ်ႇ​ၼၼ်ႉ တီႈ​မဵဝ်း ယူႉတႃႉ ​ဢေႃႈ။ ၵဝ်​ၼႆႉ​ယဝ်ႉ ၵဝ်​ၼႆႉ​ယဝ်ႉ တၵ်း​ၶူပ်း​ၶၢတ်ႇ​သေ​လႄႈ ဢွၵ်ႇ​ၵႂႃႇ​ဢေႃႈ။ ၵဝ်​တၵ်း​ၵၢပ်ႈ​ဢဝ်​ၵႂႃႇ​လႄႈ ၽူႈ​လႂ်​ဢမ်ႇ​ၼုၵ်ႈ​ဢမ်ႇ​ထွၼ်​ဢဝ်​လႆႈ။-</verse>
				<verse number="15">ၵဝ်​တၵ်း​ၵႂႃႇ​လႄႈ ၶိုၼ်း​မိူဝ်း​ၸူး ၵႃႈ​တီႈ​ဢၼ်​ၵဝ်​ယူႇ​ၼၼ်ႉ တေႃႇ​ထိုင်​ႁွတ်ႈ​ၶဝ်​လႆႈ​ၶၢမ်ႇ​တၢမ်ႇ​ဢပႅတ်ႈ​ၶဝ်​သေ​လႄႈ ႁႃ​ဢဝ်​ၼႃႈ​ၵဝ်​ၼၼ်ႉ​ဢေႃႈ။ မိူဝ်ႈ​ဢၼ်​ၶဝ်​ထူပ်း​ၽေး​ၼၼ်ႉ​ၸိုင်၊ ၶဝ်​တၵ်း​ႁိပ်ႈ​ၼႅတ်ႈ​ႁႃ​ဢဝ်​ၵဝ်​ဢေႃႈ။</verse>
			</chapter>
			<chapter number="6">
				<verse number="1">မႃး​မႃး​ဢိူၺ်း၊ ဢွၼ်​ၵၼ်​ၶိုၼ်း​မိူဝ်း​ၸူး တီႈ​ထႃႇဝရႃႉ​ၽြႃး​တႃႉ​ႁဝ်း။ ပိၵ်ႉ​သမ်ႉ မၼ်း​ၸဝ်ႈ​ၶူပ်း​ၶၢတ်ႇ​သေ​ၵေႃႈ မၼ်း​ၸဝ်ႈ​တၵ်း​ႁႂ်ႈ​ၶိုၼ်း ပဵၼ်​ၸိူဝ်ႉ​ၼင်ႇ​ပၵ်း​ၵဝ်ႇ ပိူင်​ၵဝ်ႇ​ၼၼ်ႉ ယူႇ​ဢေႃႈ။ ပိၵ်ႉ​သမ်ႉ မၼ်း​ၸဝ်ႈ​ပၼ်​တၢမ်ႇ​သေ​ၵေႃႈ၊ မၼ်း​ၸဝ်ႈ တၵ်း​မတ်ႉ​ၵွပ်ႈ မတ်ႉ​ၶဵၼ်း​ပၼ် တၢင်း​ၸဵပ်း တၢင်း​သႅပ်ႇ​ႁဝ်း​ယူႇ​ဢေႃႈ။-</verse>
				<verse number="2">ပူၼ်ႉ​သွင်​ဝၼ်း​သေ​ယဝ်ႉ၊ မၼ်း​ၸဝ်ႈ​တၵ်း​ႁႂ်ႈ​ႁဝ်း ဢသၢၵ်ႈ​လိပ်း​ယူႇ​လႄႈ ႁႂ်ႈ​ႁဝ်း​လုၵ်ႉ​ၶိုၼ်း ၼႂ်း​ဝၼ်း​ဢၼ် ထူၼ်ႈ​ထိုင်​သၢမ်​ဝၼ်း​ၼၼ်ႉ​သေ​လႄႈ ႁဝ်း​တၵ်း​လႆႈ ဢသၢၵ်ႈ​လိပ်း​ယူႇ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ဢေႃႈ။-</verse>
				<verse number="3">ႁဝ်း​တၵ်း​ႁူႉ တၵ်း​ၸႅင်ႈ​လႄႈ ၸွမ်း​ႁႃ​ႁႂ်ႈ​လႆႈ​ႁူႉ​ၸႅင်ႈ ထႃႇဝရႃႉ​ၽြႃး​ဢေႃႈ။ ၶိင်ႇ​မိူဝ်ႈ​ဢၼ် မၼ်း​ၸဝ်ႈ​ဢွၵ်ႇ​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ ဢႃႇရူင်ႇ​ဢၼ်​ၶိုၼ်ႈ​မႃး ၶိင်ႇ​ၵၢင်​ၼႂ်​ၼၼ်ႉ ဢမၢၼ်ႇ​ၶၼ်​ပဵၼ်​ဢေႃႈ။ မၼ်း​ၸဝ်ႈ​တၵ်း​တူၵ်း​သႂ်ႇ ၵႃႈ​ၼိူဝ်​ႁဝ်း မိူၼ်​ၸိူဝ်ႉ​ၼင်ႇ ဢၼ်​ၽူၼ်​တူၵ်း၊ ၸိူဝ်ႉ​ၼင်ႇ​ဢၼ် ၽူၼ်​ႁၢင်​ပီႊ​တူၵ်း​ယမ်း​သႂ်ႇ ၵႃႈ​ၼိူဝ်​ၼႃႈ​လိၼ် ၼၼ်ႉ​ဢေႃႈ။-</verse>
				<verse number="4">ဢေႇၽရိမ်ႇ ​ဢိူၺ်း၊ ၵဝ်​တၵ်း​လႆႈ​ႁဵတ်း ၸိူဝ်ႉ​ၼင်ႇ​ႁိုဝ်​တီႈ​မႂ်း။ ယူႉတႃႉ ​ဢိူၺ်း၊ ၵဝ်​တၵ်း​လႆႈ​ႁဵတ်း ၸိူဝ်ႉ​ၼင်ႇ​ႁိုဝ်​တီႈ​မႂ်း။ ၸႂ်​ၸေႇတၼႃႇ​သူ​ၼၼ်ႉ ပဵၼ်​ၸိူဝ်ႉ​ၼင်ႇ မွၵ်ႇ​ၵုမ်ႈ​ၶိင်ႇ​ၵၢင်​ၼႂ် ဢိၵ်ႇ​တင်း ၼမ်ႉ​ၼၢႆး​ဢၼ်​ၸၢင်ႈ​ႁၢႆ​ၵႂႃႇ​ၸဝ်ႉ​ၸဝ်ႉ ၼၼ်ႉ​ဢေႃႈ။-</verse>
				<verse number="5">ပိူဝ်ႈ​ၼႆ​လႄႈ ၵဝ်​လႆႈ​ဢဝ်​ပရေႃးၽႅတ်ႈ​တင်း​လၢႆ ၽၼ်း​ၶဝ်​ၼၼ်ႉ ၶၢတ်ႇ​ပဵၼ်​ပွတ်း ပဵၼ်​တွၼ်ႈ ပႅတ်ႈ​ယဝ်ႉ။ ၵဝ်​လႆႈ​ဢဝ် ၵႂၢမ်း​ဢၼ်​ဢွၵ်ႇ​သူပ်း​ၵဝ်​ၼၼ်ႉ ဢဝ်​ၶဝ်​တၢႆ​ပႅတ်ႈ​ယဝ်ႉ။ လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​မႂ်း​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ ၽႃႉ​မႅပ်ႈ ႁိူဝ်ႈ​ဢွၵ်ႇ လႅင်း​ဢွၵ်ႇ​ၼၼ်ႉ​ဢေႃႈ။-</verse>
				<verse number="6">ၵဝ်​ၵျိူၵ်ႈ တၢင်း​ႁၵ်ႉ​ၵရူႉၼႃႇ လိူဝ်​တွၼ်း​ၼႃႇ​သေ တၢင်း​ဢၼ် ပုၵ်ႈ​ၸေႃႇ​ယိတ်ႈ​လႄႈ တၢင်း​ဢၼ် မိုတ်ႈ​ၵိုဝ်း​ႁူႉ​ၸၵ်း​ၽြႃး​ပဵၼ်​ၸဝ်ႈ လိူဝ်​တွၼ်း​ၼႃႇ​သေ တၢင်း​ဢၼ်​ပုၵ်ႈ​ၸေႃႇ​ယိတ်ႈ ဢၼ်​တုတ်ႇ​ၽႆး​ၼၼ်ႉ​ဢေႃႈ။-</verse>
				<verse number="7">ၶဝ်​ၼၼ်ႉ ပူၼ်ႉ​လိူဝ် ပတီႉၺိၺ်ႇ မိူၼ်​ၸိူဝ်ႉ​ၼင်ႇ ဢႃႇတၢမ်ႇ ​ၼၼ်ႉ​ယဝ်ႉ။ ၶဝ်​ႁဵတ်း​ပရီႉယႄႇ​သေ​လႄႈ ယႃႉ​သဵတ်ႈ​ၸႃႇ​ၵဝ်​ပႅတ်ႈ ၵႃႈ​ၼႂ်း​တီႈ​ၼၼ်ႈ ၼၼ်ႉ​ယဝ်ႉ။-</verse>
				<verse number="8">ဝဵင်း​ ၵီႉလတ်ႉ ​ၼၼ်ႉ ပဵၼ်​တီႈ​ဢၼ် ၶဝ်​ၸိူဝ်း​ဢၼ်​ႁဵတ်း ဢႃႉထမ်ႇမႃႉ​ၼၼ်ႉ ယူႇ​လႄႈ မီး​ႁွႆး​တိၼ်​ဢၼ်​ၵူဝ်ႈ​လိူတ်ႈ​ၵူၼ်း ၼၼ်ႉ ၼမ်​ၼႃႇ​ဢေႃႈ။-</verse>
				<verse number="9">ၸိူဝ်ႉ​ၼင်ႇ​ဢၼ်​မုၵ်ႉ​ၸူၼ် ၸိူဝ်း​ၸူၼ် လွမ်​တူၺ်း​ၵူၼ်း ယူႇ​ၼၼ်ႉ၊ ၶဝ်​ၸိူဝ်း​ဢၼ် ၶဝ်ႈ​ပႃး​ၼႂ်း​မုၵ်ႉ​ၼႂ်း​ၸိူဝ်း ယိတ်ႈပရေႃးႁဵၵ်ႈ တင်း​လၢႆ ၼၼ်ႉ၊ ၸၢင်ႈ​ဢဝ် ဢသၢၵ်ႈ​ၵူၼ်း​တၢႆ ၵႃႈ​တီႈ​သဵၼ်ႈ​တၢင်း​ဢၼ်​ၵႂႃႇ​ၸူး ၵႃႈ​တီႈ​ဝဵင်း​ သေႇၶိမ်ႇ ​ၼၼ်ႉ​ဢေႃႈ။ ၶဝ်​ၸၢင်ႈ​ႁဵတ်း​ဢမူႉ ဢႃႉထမ်ႇမႃႉ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="10">ၵဝ်​လႆႈ​ႁၼ်​လွင်ႈ​တၢင်း​ဢၼ် လီ​ၵူဝ်​လီ​ႁႄ​ၼၼ်ႉ ၵႃႈ​ၼႂ်း​မဵဝ်း​ ဢီႉသရေႇလႃႉ ယဝ်ႉ။ ၵႃႈ​တီႈ​မဵဝ်း​ၼၼ်ႉ၊ ဢေႇၽရိမ်ႇ ၸၢင်ႈ​ႁဵတ်း မေႇ​ထုင်ႇ​ဢၼ်​ဢမ်ႇ​တြႃး​ဢေႃႈ။ ဢီႉသရေႇလႃႉ ​ၼၼ်ႉ မီး​တၢင်း​ဢၼ် ၵူဝ်ႈ​ၵိူၵ်ႇ​ဢေႃႈ။-</verse>
				<verse number="11">ၼွၵ်ႈ​သေ​ၼၼ်ႉ မဵဝ်း​ ယူႉတႃႉ ​ဢိူၺ်း၊ မိူဝ်ႈ​ဢၼ်​ၵဝ် ဢဝ်​ၵူၼ်း​ၵဝ် ဢၼ်​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ၸိူဝ်း​ၼၼ်ႉ ၶိုၼ်း​မႃး​ၼၼ်ႉ​ၸိုင် ၶိင်ႇ​ဢၼ်​ပၢတ်ႇ​ၶဝ်ႈ လႆႈ​ၶၢၼ်း​ဝႆႉ​ပုၼ်ႈ​မႂ်း​ၼၼ်ႉ ယူႇ​ဢေႃႈ။</verse>
			</chapter>
			<chapter number="7">
				<verse number="1">မိူဝ်ႈ​ဢၼ်​ၵဝ် ႁဵတ်း​ႁႂ်ႈ​တၢင်း​ၸဵပ်း တၢင်း​သႅပ်ႇ​ ဢီႉသရေႇလႃႉ ​ႁၢႆ​ၼၼ်ႉ​ၸိုင် ဢပႅတ်ႈ​ ဢေႇၽရိမ်ႇ ဢိၵ်ႇ​တင်း လွင်ႈ​တၢင်း​ဢၼ်​ႁၢႆႉ​မိူၵ်ႈ ဢၼ်​ သမႃႇရီႉ ​ႁဵတ်း​ၼၼ်ႉ ထၢင်ႇ​သႃး​ပေႃႇ​မႃး​ဢေႃႈ။ ၶဝ်​ၼၼ်ႉ ႁဵတ်း​တၢင်း​ဢၼ် ပႅတ်ႉ​လႅၼ်​ယဝ်ႉ။ ၽူႈ​လၵ်ႉ​ၸၢင်ႈ​ၶဝ်ႈ ၽၢႆႇ​တၢင်း​ၼႂ်း​လႄႈ မုၵ်ႉ​ၸူၼ်​ၸိူဝ်း​ၸူၼ်​ၼၼ်ႉ ၸၢင်ႈ​တိုၵ်း​တေႃး ၽၢႆႇ​တၢင်း​ၼွၵ်ႈ​ဢေႃႈ။-</verse>
				<verse number="2">ၶဝ်​ဢမ်ႇ​ၶုၵ်း​ၸႂ်​လႆႈ ၶႆႈ​ၸႂ်​ထူပ်း ၵႃႈ​ၼႂ်း​ႁူဝ်​ၸႂ်​ၶဝ် လူၺ်ႈ​လွင်ႈ​ဢၼ်​ၵဝ်​မၢတ်ႈ​တွင်း လွင်ႈ​တၢင်း​ဢၼ်​ႁၢႆႉ​မိူၵ်ႈ ၵႃႈ​ဢၼ်​ၶဝ်​ႁဵတ်း​ၼၼ်ႉ ဝႆႉ​ယူႇ​ၼၼ်ႉ။ တေႃႈ​ၵႃႈ​မိူဝ်ႈ​လဵဝ်​ၼႆႉ တၢင်း​ၵမ်​တၢင်း​ၵျၢင်ႉ ၶဝ်​ၼၼ်ႉ လွမ်ႉ​လဵပ်ႈ​ႁွပ်ႈ​ၶဝ်​ဝႆႉ​ယူႇ​သေ​လႄႈ မီး​ယူႇ​သိုဝ်ႈ​ၼႃႈ​တႂ်ႈ​တႃ​ၵဝ် ဢေႃႈ။</verse>
				<verse number="3">ၶဝ်​ဢဝ်​လွင်ႈ​တၢင်း​ဢၼ် ႁၢႆႉ​မိူၵ်ႈ​ၶဝ်​ၼၼ်ႉ ႁႂ်ႈ​ၶုၼ်​ႁေႃ​ၶမ်း ၸူမ်း​သိူဝ်း​လႄႈ ဢဝ်​ၵႂၢမ်း​မူႉ​သႃႇ ႁႂ်ႈ​ၶုၼ်​တင်း​လၢႆ ၸူမ်း​သိူဝ်း​ဢေႃႈ။-</verse>
				<verse number="4">ၶဝ်​တင်း​သဵင်ႈ​တင်း​လူင်​ၼၼ်ႉ ပဵၼ်​ၵေႃႉ​ဢၼ် ၽိတ်း​ပိူင်ႈ​လူၺ်ႈ​မေႇ​ထုင်ႇ ဢၼ်​ဢမ်ႇ​တြႃး​လႄႈ ပဵၼ်​မိူၼ်​ၸိူဝ်ႉ​ၼင်ႇ မုၵ်ႉ​ၽႆး​ၽီး​ၽႆး ဢၼ်​ၸဝ်ႈ​ၶဝ်ႈ မုၼ်း​သႂ်ႇ​ၽႆး​ၼၼ်ႉ​ဢေႃႈ။ မၼ်း​ယင်း ဢမ်ႇ​သူၼ်း​ၽႆး​လႄႈ ယူႇ​ၼိမ်​ၼိမ်​လီ​လီ​ယူႇ ဢဝ်​ၸႃႉ​ၸဵမ်​မိူဝ်ႈ​ဢၼ် မၼ်း​ၼူတ်ႈ​ၶဝ်ႈ​မုၼ်း​လိပ်း​ယဝ်ႉ​လႄႈ တေႃႇ​ထိုင်​ႁွတ်ႈ​မၼ်း​ထၼ်ႈ​ပေႃး ပွင်း​ၶိုၼ်ႈ​ၼၼ်ႉ​ဢေႃႈ။-</verse>
				<verse number="5">ၼႂ်း​ဝၼ်း​ပွႆး​ဢၸႅၼ်ႇ ၶုၼ်​ႁေႃ​ၶမ်း​ႁဝ်း​ၼၼ်ႉ၊ ၶုၼ်​တင်း​လၢႆ မိင်း​မဝ်း​လူၺ်ႈ ဢၢႆ​ႁႅင်း​ၼမ်ႉ​ၸပိတ်ႈ​လႄႈ မၼ်း​ၸၢင်ႈ​ယဵတ်ႇ​မိုဝ်း​မၼ်း လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ပိူၼ်ႈ​ၼၼ်ႉ​ဢေႃႈ။-</verse>
				<verse number="6">ၼႂ်း​မိူဝ်ႈ​ဢၼ် ၶဝ်​ယင်း​တိုၵ်ႉ လွမ်​တူၺ်း​ယူႇ​ၼၼ်ႉ​ၸိုင်၊ ၶဝ်​ႁႂ်ႈ​ႁူဝ်​ၸႂ်​ၶဝ် သုတ်ႉ​ၸပ်း​သုတ်ႉ​ၸူး မိူၼ်​ၸိူဝ်ႉ​ၼင်ႇ မုၵ်ႉ​ၽႆး​ၽီး​ၽႆး​ၼၼ်ႉ​ယဝ်ႉ။ ပိၵ်ႉ​သမ်ႉ ၸဝ်ႈ​ၶဝ်ႈ​မုၼ်း​ၶဝ်​ၼၼ်ႉ ၼွၼ်း​ယူႇ​တင်း​ၶိုၼ်း​သေ​ၵေႃႈ ၶိင်ႇ​ၵၢင်​ၼႂ်​ၽႆး​ၼၼ်ႉ မီး​တၢင်း​ဢၼ်​မႆႈ​ယူႇ မိူၼ်​ၸိူဝ်ႉ​ၼင်ႇ​ၽႆး​ဢၼ် လုၵ်ႉ​ၶိုၼ်ႈ​ယူႇ​ဢေႃႈ။-</verse>
				<verse number="7">ၶဝ်​တင်း​သဵင်ႈ​တင်း​လူင်​ၼၼ်ႉ မီး​တၢင်း​မႆႈ မိူၼ်​ၸိူဝ်ႉ​ၼင်ႇ မုၵ်ႉ​ၽႆး​ၽီး​ၽႆး​လႄႈ ၶဝ်​ဢဝ်​ၽႆး​ၶဝ်​မႆႈ​ၵူၼ်း ဢၼ်​ၸီႇ​ယၢင်ႇ​တြႃး​ၶဝ် တင်း​လၢႆ​ပႅတ်ႈ​ယဝ်ႉ။ ၶုၼ်​ႁေႃ​ၶမ်း​ၶဝ် တင်း​သဵင်ႈ​တင်း​လူင်​ၼၼ်ႉ လူမ်ႉ​တူၵ်း​ယဝ်ႉ။ ၼႂ်း​ၶဝ်​ၼၼ်ႉ ဢမ်ႇ​မီး​ၵေႃႉ​ဢၼ် သႅၼ်ႇ​ႁွင်ႉ​ႁႃ​ၵဝ် သေ​ၵေႃႉ​သေ​ၵူၼ်း။</verse>
				<verse number="8">ဢေႇၽရိမ်ႇ ႁူမ်ႈ​ပွင်း​လေႃး​လႄး လူၺ်ႈ​ၵၼ်​တင်း ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ ယူႇ​ဢေႃႈ။ ဢေႇၽရိမ်ႇ ပဵၼ်​ၶႅပ်း​ၶဝ်ႈ​မုၼ်း ဢၼ်​ၽဝ်​ၽၢၵ်ႇ​ၼိုင်ႈ ၵူၺ်း​လႄႈ ဢမ်ႇ​ၽိုၼ်ႉ​ဢမ်ႇ​ဝၢႆႇ ၼၼ်ႉ​ဢေႃႈ။-</verse>
				<verse number="9">မၼ်း​ယင်း​ဢမ်ႇ​ႁူႉ​လႄႈ ၵူၼ်း​တၢင်ႇ​သိုင်ႇ​တၢင်ႇ​မိူင်း တင်း​လၢႆ ဢွၼ်​ၵၼ်​ၵိၼ်​ႁႅင်း​မၼ်း​ယဝ်ႉ​ယဝ်ႉ။ မၼ်း​ယင်း​ဢမ်ႇ​ႁူႉ​လႄႈ ၶူၼ်​ႁူဝ်​ဢၼ်​ႁွၵ်ႇ​ဢၼ်​ၶၢဝ် ၸွတ်ႇ​တူဝ်ႈ​ဝႆႉ ၵႃႈ​ၼိူဝ်​ႁူဝ်​မၼ်း​ယဝ်ႉ​ယဝ်ႉ။-</verse>
				<verse number="10">ပိၵ်ႉ​သမ်ႉ​မႃႇၼႃႉ​ၸႂ်​သုင် မဵဝ်း​ ဢီႉသရေႇလႃႉ ၶၢမ်ႇ​သၢၵ်ႈ​သေႇ​ယူႇ သိုဝ်ႈ​ၼႃႈ​တႂ်ႈ​တႃ တူဝ်​ၸဝ်ႈ​ၵဝ်ႇ​သေ​ၵေႃႈ၊ မဵဝ်း​ၼၼ်ႉ ဢမ်ႇ​ၶိုၼ်း​မႃး​ၸူး​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်။ ဢမ်ႇ​ထွၵ်ႈ​လူၺ်ႈ​လွင်ႈတၢင်း ၵႃႈ​မီး​ၸိူဝ်း​ၼၼ်ႉ သေ​လႄႈ ႁႃ​ဢဝ်​မၼ်း​ၸဝ်ႈ။-</verse>
				<verse number="11">ဢေႇၽရိမ်ႇ ​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ ၼူၵ်ႉ​တူႈ​ဢၼ်​မိူၵ်ႈ​ၼၼ်ႉ​လႄႈ ဢမ်ႇ​မီး​ၺၢၼ်ႇ​လႃး​လႃး။ ၶဝ်​ၸၢင်ႈ​သႅၼ်ႇ​ႁွင်ႉ​ႁႃ မိူင်း​ ဢေႇၵိပ်ႉတူႉ ​လႄႈ ၸၢင်ႈ​ၵႂႃႇ​ပိုင်ႈ​ၵႂႃႇ​ဢိင် မိူင်း​ ဢႃႇသူႉရီႉ ​ဢေႃႈ။-</verse>
				<verse number="12">ၼႂ်း​မိူဝ်ႈ​ဢၼ်​ၶဝ် ယင်း​တိုၵ်ႉ​ၵႂႃႇ​ယူႇ​ၼၼ်ႉ၊ ၵဝ်​တၵ်း​ဢဝ်​တူင်ႇ​ႁႅဝ်ႉ တူင်ႇ​ၶိုမ်း​ၵဝ်​လႄႈ သုမ်ႇ​ႁူမ်ႇ​ၶဝ်​ဢေႃႈ။ ၵဝ်​တၵ်း​ဢဝ်​ၶဝ် ၶျႃး​တူၵ်း​တီႈ​တႅမ်ႇ မိူၼ်​ၸိူဝ်ႉ​ၼင်ႇ ၼူၵ်ႉ​ၼိူဝ်​ၽႃႉ​ၵၢင်​ႁၢဝ် ၼၼ်ႉ​ဢေႃႈ။ ၵဝ်​တၵ်း​သင်ႇ​သွၼ် သုင်း​မႃႉ​ၶဝ် ၸွမ်း​ၵႃႈ​ၼင်ႇ​ဢၼ် ပရဵၵ်ႈသၢတ်ႈ​ၶဝ် လႆႈ​ငိၼ်း​ယဝ်ႉ ၼၼ်ႉ​ဢေႃႈ။-</verse>
				<verse number="13">ၶဝ်​ၼၼ်ႉ မီး​ဢႃႉ​မင်ႇၵလႃႇ ၵွပ်ႈ​ပိူဝ်ႈ​ဢၼ် ၶဝ်​ဢွၵ်ႇ​ၵႂႃႇ​သေ ၵႃႈ​တီႈ​ၵဝ်​ၼၼ်ႉ​ဢေႃႈ။ ၶဝ်​ပဵၼ်​တီႈ​ပုၼ်ႈ​ဢၼ် တၵ်း​ယႃႉ​ၽဵဝ်ႈ​ပႅတ်ႈ ၵွပ်ႈ​ပိူဝ်ႈ​ဢၼ် ၶဝ်​ပုင်ႇ​ၵၢၼ်ႇ​ၵဝ်​လႄႈ ပိၵ်ႉ​သမ်ႉ​ၵဝ် ထုတ်ႇ​ဢဝ်​ၶဝ်​သေ​ၵေႃႈ ၶဝ်​လၢတ်ႈ​ၵႂၢမ်း​မူႉ​သႃႇ ယူႇ​ၽၢႆႇ​ၼိုင်ႈ​တင်း​ၵဝ်​ဢေႃႈ။-</verse>
				<verse number="14">ၶဝ်​ဢမ်ႇ​ပႃး​ၸႂ်​ၸေႇတၼႃႇ သေ​လႄႈ ႁွင်ႉ​ႁႃ​ၵဝ်။ ၶဝ်​ဢွၼ်​ၵၼ်​ပွင်ႉ​ၶၢင်း ပွင်ႉ​မိူၼ်ႇ​ယူႇ ၵႃႈ​ၼိူဝ်​ၵူႇ​တီႈ​ၼွၼ်း ၶဝ်​ဢေႃႈ။ ၶဝ်​ၸူႉ​ၵၼ်​တုမ်​ၵၼ် ႁႂ်ႈ​လႆႈ​ၶဝ်ႈ​သၢၼ်​ၶဝ်ႈ​ပိူၵ်ႇ ၼမ်ႉ​ၸပိတ်ႈ​လႄႈ ဢွၼ်​ၵၼ်​ပုင်ႇ​ၵၢၼ်ႇ​ၵဝ်​ဢေႃႈ။-</verse>
				<verse number="15">ပိၵ်ႉ​သမ်ႉ​ၵဝ် သင်ႇ​သွၼ်​သုင်း​မႃႉ​ၶဝ် ႁႂ်ႈ​ၶႅၼ်​မိုဝ်း​ၶဝ် ၵႅၼ်ႇ​ၶႅင်​သေ​ၵေႃႈ၊ ၶဝ်​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ ယူႇ​ၽၢႆႇ​ၼိုင်ႈ​တင်း​ၵဝ်​ဢေႃႈ။-</verse>
				<verse number="16">ပိၵ်ႉ​သမ်ႉ​ၶဝ်​ၶိုၼ်း​မႃး​သေ​ၵေႃႈ ၶဝ်​ဢမ်ႇ​ၶိုၼ်း​မႃး​ၸူး တီႈ​ၸဝ်ႈ​ဢၼ်​သုင်​မျၢတ်ႈ​ၼႃႇ​သေ​ပိူၼ်ႈ ၼၼ်ႉ။ ၶဝ်​ပဵၼ်​ၸိူဝ်ႉ​ၼင်ႇ ၵၢင်ႇ​ဢၼ်​ၸၢင်ႈ​လိင်ႇ ၸၢင်ႈ​လႅၼ်​ၼၼ်ႉ​ဢေႃႈ။ ၶုၼ်​ၵဝ်​ၸိူဝ်း​ၼၼ်ႉ တၵ်း​လူမ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း ၵွပ်ႈ​ပိူဝ်ႈ​တၢင်း​ဢၼ် ၶဝ်​သူပ်း​ၸႃး​ငႃး​ၽၢႆ​ၼၼ်ႉ​ဢေႃႈ။ လွင်ႈ​တၢင်း​ၼႆႉ တၵ်း​လႆႈ​ပဵၼ်​တၢင်း​ဢၼ် သႄႉ​သွမ်း ဢၼ်​ၶဝ်​တၵ်း​လႆႈ​ၶၢမ်ႇ ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ​ဢေႃႈ။</verse>
			</chapter>
			<chapter number="8">
				<verse number="1">ဢဝ်​ၼႄးၶရႃႇ ဢုမ်ႇ​သႂ်ႇ​ဝႆႉ​ၵႃႈ​ၼႂ်း သူပ်း​မႂ်း​တႃႉ။ ပိူၼ်ႈ​တၵ်း​ၶီႇ​မႃး​ၸူး တီႈ​ႁိူၼ်း​ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ လၢင်း​တႃႉ​ၶမ်း ၼၼ်ႉ​ဢေႃႈ။-</verse>
				<verse number="2">လွင်ႈ​မၼ်း​ၸမ်ႉ ၶဝ်​ယႃႉ​ပတီႉၺိၺ်ႇ​ၵဝ် ပႅတ်ႈ​လႄႈ ပူၼ်ႉ​လိူဝ်​တြႃး​ၵဝ်​ယဝ်ႉ။ ၵူၺ်း​ၵႃႈ ၶဝ်​တၵ်း​ႁွင်ႉ​သႅၼ်ႇ ႁႃ​ၵဝ်​လႄႈ​ဝႃႈ၊ ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ် ပဵၼ်​မဵဝ်း​ ဢီႉသရေႇလႃႉ ​လႄႈ ႁူႉ​ၸၵ်း​ၸဝ်ႈ​ႁဝ်း​ယူႇ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လူင်​ပႄႇ။-</verse>
				<verse number="3">ၵွပ်ႈ​ပိူဝ်ႈ​ဢၼ်​မဵဝ်း​ ဢီႉသရေႇလႃႉ ၸုၼ်ႉ​ပႅတ်ႈ လွင်ႈ​တၢင်း​ဢၼ်​လီ​ဢၼ်​ငၢမ်း ၼၼ်ႉ​လႄႈ ရၢၼ်ႇ​သူႇ​တၵ်း​လႆႈ လိုပ်ႈ​ၸွမ်း​လမ်း​ၸွမ်း​မၼ်း ဢေႃႈ။-</verse>
				<verse number="4">ၶဝ်​ၼၼ်ႉ ယင်း​ဢမ်ႇ​ၶၢမ်ႇ​ဢဝ် ဢၶႂၢင်ႉ​ၵဝ်​လႄႈ ဢွၼ်​ၵၼ်​ယုၵ်ႉ​ယွင်ႈ ၶုၼ်​ႁေႃ​ၶမ်း​တင်း​လၢႆ​ယဝ်ႉ။ ၵဝ်​ယင်း​ဢမ်ႇ​ႁူႉ​လႄႈ ၶဝ်​ၶၢၼ်း​ၶုၼ် တင်း​လၢႆ​ဝႆႉ​ယဝ်ႉ။ ၶဝ်​ဢဝ်​ငိုၼ်း​ၶဝ်​ၶမ်း​ၶဝ် ႁဵတ်း​ရုၵ်ႈ​ထူႉ​တင်း​လၢႆ ဝႆႉ​ပုၼ်ႈ​ၶဝ် ႁႂ်ႈ​ၶဝ်​လႆႈ​ၶၢမ်ႇ​တၢင်း​ဢၼ် ပႄႇ​ၽဵဝ်ႈ​ပႅတ်ႈ​ယဝ်ႉ။-</verse>
				<verse number="5">သမႃႇရီႉ ​ဢိူၺ်း၊ ဝူဝ်း​ဢွၼ်ႇ​မႂ်း ၸုၼ်ႉ​ပႅတ်ႈ​မႂ်း​ယဝ်ႉ။ ၵဝ်​ၸႂ်​မႆႈ​ၶႆႈ​ၸႃႉ ၵႃႈ​တီႈ​ၶဝ်​ၸိူဝ်း​ဢၼ် ၵူဝ်း​ၵႂၢႆႇ​ၼၼ်ႉ​ဢေႃႈ။ ၶဝ်​ၼၼ်ႉ ယင်း​ဢမ်ႇ​ၶိုတ်း​ထိုင် တြႃး​တၢင်း​ဢၼ် မူတ်း​သႂ်​လႆႈ​လႄႈ တၵ်း​လႆႈ​ယူႇ​ၶိင်ႇ​ၵႃႇလႃႉ ႁိုင်​ၵႃႈ​ႁိုဝ်။-</verse>
				<verse number="6">ဝူဝ်း​ဢွၼ်ႇ​ၼၼ်ႉ၊ မဵဝ်း​ ဢီႉသရေႇလႃႉ ၵျၢမ်ႇ​ပွင်​လႄႈ ပဵၼ်​ဢေႃႈ။ ၵွပ်ႈ​ပိူဝ်ႈ​ဢၼ် သြႃႇသမႃး​ႁဵတ်း​ဢဝ်​လႄႈ ဢမ်ႇ​ၸႂ်ႈ​ၽြႃး။ ဝူဝ်း​ဢွၼ်ႇ​ သမႃႇရီႉ ​ၼၼ်ႉ တၵ်း​လႆႈ​ၶၢမ်ႇ တၢင်း​ဢၼ်​ႁၵ်း​ပဵၼ်​ပွတ်း​ပဵၼ်​တွၼ်ႈ​ပႅတ်ႈ​ဢေႃႈ။-</verse>
				<verse number="7">ၶဝ်​ဝၢၼ်ႇ​ပိုၼ်​ၸိူဝ်ႉ​ၽၼ်း​လူမ်း​လႄႈ တၵ်း​လႆႈ​ပၢတ်ႇ​ဢဝ် ၶဝ်ႈ​ပိူၵ်ႇ​လူမ်း​ၽိဝ်ႇ​ႁုင်​ဢေႃႈ။ ဢမ်ႇ​လႆႈ​ပဵၼ်​တူၼ်ႈ​ပဵၼ်​တေႃ။ ၽွင်​ၶဝ်ႈ​မုၼ်း ဢမ်ႇ​လႆႈ​ဢွၵ်ႇ​မႃး ၵႃႈ​ၼႂ်း​ႁူင်း​မၼ်း။ ပိၵ်ႉ​သမ်ႉ​ဢွၵ်ႇ​မႃး​သေ​ၵေႃႈ ၵူၼ်း​တၢင်ႇ​သိုင်ႇ​တၢင်ႇ​မိူင်း တၵ်း​ဢွၼ်​ၵၼ်​ၵိၼ်​ဢေႃႈ။-</verse>
				<verse number="8">မဵဝ်း​ ဢီႉသရေႇလႃႉ ​ၼၼ်ႉ လႆႈ​ႁၢႆ​လၢႆ​ၵႂႃႇ​ယဝ်ႉ။ တေႃႈ​လဵဝ်​ၼႆႉ ၶဝ်​တၵ်း​လႆႈ​ပဵၼ် ၸိူဝ်ႉ​ၼင်ႇ​ၶိူင်ႈ​ပိူင် ဢၼ်​ၽူႈ​လႂ်​ဢမ်ႇ​ထုၵ်ႇ​ၸႂ် ၵျိူၵ်ႈ​ၸႂ်​ၼၼ်ႉ ၵႃႈ​ၼႂ်း​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ​ဢေႃႈ။-</verse>
				<verse number="9">ၶဝ်​ဢွၼ်​ၵၼ်​ၶိုၼ်ႈ​ၸူး​ၵႃႈ​တီႈ​မိူင်း​ ဢႃႇသူႉရီႉ ​ၼၼ်ႉ မိူၼ်​ၸိူဝ်ႉ​ၼင်ႇ လီႈ​ရိူင်း ဢၼ်​ယူႇ​တူဝ်​လဵဝ်​ၵူၺ်း မၼ်း​ၼၼ်ႉ​လူင်​ပႄႇ။ ဢေႇၽရိမ်ႇ ​ၼၼ်ႉ ပၼ်​သူး​ပၼ်​လၢပ်ႈ​တီႈ ၸူႉ​မၼ်း​တင်း​လၢႆ​ယဝ်ႉ။-</verse>
				<verse number="10">ပိၵ်ႉ​သမ်ႉ​ၶဝ်​ပၼ်​သူး ပၼ်​လၢပ်ႈ​တီႈ​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ သေ​ၵေႃႈ၊ ၵဝ်​တၵ်း​ႁႂ်ႈ​ၶဝ်​ၼၼ်ႉ ၸူႉ​ၵၼ်​တုမ်​ၵၼ် ၵမ်း​လဵဝ်​ဢေႃႈ။ ဢမ်ႇ​ႁိုင်​ဢမ်ႇ​ၼၢၼ်း ၶဝ်​တၵ်း​လႆႈ​ႁၢပ်ႇ​ၶူဝ်း​ႁၢပ်ႇ ဢၼ်​ၶုၼ်​ႁေႃ​ၶမ်း​ၼိူဝ်​ၶုၼ်​တင်း​လၢႆ ဢဝ်​တၢင်ႇ​ပၼ်​ၼၼ်ႉ​သေ​လႄႈ ယၢပ်ႇ​ၸႂ်​ၶၢၼ်​ၸႂ် ၼႃႇ​လူင်​လၢင်​ဢေႃႈ။-</verse>
				<verse number="11">ၵွပ်ႈ​ပိူဝ်ႈ​ဢၼ် ဢေႇၽရိမ်ႇ ႁဵတ်း​ယိတ်ႈပလၢင်ႇ ၼမ်​ၼႃႇ​လူင်​လၢင် ပုၼ်ႈ​ဢၼ်​တၵ်း​ႁဵတ်း​ဢပႅတ်ႈ ၼၼ်ႉ​လႄႈ ယိတ်ႈပလၢင်ႇ​ၸိူဝ်း​ၼၼ်ႉ တၵ်း​လႆႈ ပဵၼ်​ပုၼ်ႈ​ဢပႅတ်ႈ တီႈ​မၼ်း​ဢေႃႈ။-</verse>
				<verse number="12">ၵဝ်​တႅမ်ႈ​ပိင်း​ၺၢပ်ႈ​တြႃး ၵဝ်​ဝႆႉ တီႈ​မၼ်း​ၼမ်​ၼႃႇ​လူင်​လၢင်​ယဝ်ႉ။ ၵူၺ်း​ၵႃႈ မၼ်း​မၢတ်ႈ​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ လွင်ႈ​တၢင်း​ဢၼ်​မိူၵ်ႈ ဢၼ်​ရိူင်း​ၼၼ်ႉ​ယဝ်ႉ​လူင်​ပႄႇ။-</verse>
				<verse number="13">ၶဝ်​ၸိူဝ်း​ဢၼ်​ပုၵ်ႈ​ၸေႃႇ​ၶိူင်ႈ​ပုၵ်ႈ​ၸေႃႇ ဢၼ်​ၸၢပ်ႈ​သႅင်ႇ​ၵၼ်​တင်း ၵဝ်​ၸိူဝ်း​ၼၼ်ႉ ဢဝ်​ၼိူဝ်ႉ​ပုၵ်ႈ​ၸေႃႇ​သေ​လႄႈ ၵိၼ်​ဢေႃႈ။ ထႃႇဝရႃႉ​ၽြႃး ဢမ်ႇ​ႁပ်ႉ​တုင်း​ဢဝ်​ၶဝ်။ မၼ်း​ၸဝ်ႈ​တၵ်း​ၶုၵ်း​ၸႂ်​လႆႈ ၶႆႈ​ၸႂ်​ထူပ်း​ဢပႅတ်ႈ​ၶဝ် တင်း​လၢႆ​လႄႈ ပၼ်​တၢမ်ႇ​တီႈ​ၶဝ်​သေ​ယဝ်ႉ၊ ၶဝ်​ၼၼ်ႉ တၵ်း​လႆႈ​ၶိုၼ်း​မိူဝ်း​ၵႂႃႇ​ၸူး ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="14">ဢီႉသရေႇလႃႉ ​ၼၼ်ႉ ၸၢင်ႈ​လူင်​လိုမ်း​ၸဝ်ႈ ဢၼ်​ၽၢၼ်ႇ​သၢင်း ႁဵတ်း​ပဵၼ်​မၼ်း​ၼၼ်ႉ သေ​လႄႈ တႄႇ​ႁဵတ်း​ၽုင်ႇ​ပိၵ်ႈ​မၢၼ်ႇ တင်း​လၢႆ​ဢေႃႈ။ ယူႉတႃႉ ​ၵေႃႈ ၸၢင်ႈ​ႁႂ်ႈ​ဝဵင်း​ဢၼ် မၼ်ႈ​ၶိူင်ႇ​ၼမ်​ၵိုၼ်း​ၼႃႇ​ဢေႃႈ။ ၵူၺ်း​ၵႃႈ ၵဝ်​တၵ်း​ဢဝ်​ၽႆး​တုတ်ႇ ဝဵင်း​မၼ်း​ၸိူဝ်း​ၼၼ်ႉ​ပႅတ်ႈ​လႄႈ မႆႈ​ၽုင်ႇ​ပိၵ်ႈ​မၢၼ်ႇ​မၼ်း ၸိူဝ်း​ၼၼ်ႉ သုတ်း​ပႅတ်ႈ​ဢေႃႈ။</verse>
			</chapter>
			<chapter number="9">
				<verse number="1">မဵဝ်း​ ဢီႉသရေႇလႃႉ ​ဢိူၺ်း၊ ယႃႇ​ပေ​မီး​ၸႂ်​ဢၼ် ၸူမ်း​သိူဝ်း​သႂၢင်ႇ​ၸႂ်​သေ​လႄႈ ၵႃႈ​ဝႅၼ်​မိူၼ်​ၸိူဝ်ႉ​ၼင်ႇ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ။ မႂ်း​မီး​ၸႂ်​ဢၼ် ၽၢတ်ႇ​ယၢၼ်​ၵၼ်​တင်း ၽြႃး​ပဵၼ်​ၸဝ်ႈ​မႂ်း​သေ​လႄႈ ၸပ်း​ၸွႆး​မေႇ​ထုင်ႇ ဢၼ်​ဢမ်ႇ​တြႃး​ယူႇ​ဢေႃႈ။ မႂ်း​ၸၢင်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ၵႃႈ​ၶၼ် ဢၼ်​ၽိတ်း​ပိူင်ႈ ၵႃႈ​တီႈ​တလၢင်း​ယဵပ်ႇ​ၶဝ်ႈ ၵႃႈ​မီး​ၼၼ်ႉ​ဢေႃႈ။-</verse>
				<verse number="2">တလၢင်း​ယဵပ်ႇ​ၶဝ်ႈ ဢိၵ်ႇ​တင်း ၶိူင်ႈ​ဢၼ်​ၼူတ်ႈ​မၢၵ်ႇ​ၸပိတ်ႈ ဢမ်ႇ​လႆႈ​လဵင်ႉ​ၸႂ်​ၶဝ်။ ၼမ်ႉ​ၸပိတ်ႈ​ဢၼ်​မႂ်ႇ​ၵေႃႈ တၵ်း​ထၢတ်ႇ​သေ​ၵႃႈ​တီႈ​ၶဝ်​ဢေႃႈ။-</verse>
				<verse number="3">ၶဝ်​ၼၼ်ႉ တၵ်း​ဢမ်ႇ​လႆႈ​ယူႇ ၵႃႈ​တီႈ​မိူင်း​ထႃႇဝရႃႉ​ၽြႃး၊ မဵဝ်း​ ဢေႇၽရိမ်ႇ ​ၼၼ်ႉ တၵ်း​လႆႈ​ၶိုၼ်း​မိူဝ်း​ၵႂႃႇ​ၸူး ၵႃႈ​တီႈ​မိူင်း​ ဢေႇၵိပ်ႉတူႉ ​လႄႈ ၶဝ်​တၵ်း​လႆႈ​ၵိၼ် တၢင်း​ၵိၼ်​ဢၼ်​ဢမ်ႇ​မူတ်း​သႂ် ၵႃႈ​ၼႂ်း​မိူင်း​ ဢႃႇသူႉရီႉ ​ၼၼ်ႉ​ဢေႃႈ။-</verse>
				<verse number="4">ၶဝ်​ဢမ်ႇ​လႆႈ​ႁဵတ်း ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ ၼမ်ႉ​ၸပိတ်ႈ​ၼၼ်ႉ တီႈ​ထႃႇဝရႃႉ​ၽြႃး ၸိူဝ်း​ၼၼ်ႉ ပဵၼ်​ဢၼ်​ဢမ်ႇ​ထုၵ်ႇ​ၸႂ် ၵျိူၵ်ႈ​ၸႂ်​တီႈ​မၼ်း​ၸဝ်ႈ။ ၼိူဝ်​ယိတ်ႈ​ၶဝ်​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ တၢင်း​ၵိၼ်​တၢင်း​ၶူပ်း ၶဝ်​ၸိူဝ်း​ဢၼ်​ၸွမ်း​မႃႇ​သႃႇ​လႄႈ ႁႆႈ​ႁွင်ႉ​ပွင်ႉ​ၶၢင်း​ၼၼ်ႉ​လႄႈ ၶဝ်​ၵႃႈ​ဢၼ်​ၵိၼ်​ၶူပ်း​မၼ်း ၼၼ်ႉ တၵ်း​လႆႈ​ႁွတ်ႈ​ထိုင် တၢင်း​ဢၼ်​ၵူဝ်ႈ​ၵိူၵ်ႇ​ဢေႃႈ။ တၢင်း​ၵိၼ်​တၢင်း​ၶူပ်း​ၶဝ်​ၼၼ်ႉ တၵ်း​ပဵၼ်​ပုၼ်ႈ​ၶဝ်​ၵူၺ်း​လႄႈ ဢမ်ႇ​လႆႈ​ဢဝ်​သႂၢင်း​ၶဝ်ႈ ၵႃႈ​ၼႂ်း​ႁိူၼ်း​ထႃႇဝရႃႉ​ၽြႃး။-</verse>
				<verse number="5">ၼႂ်း​မိုဝ်ႉ​ဝၼ်း​ပွႆး​ထမ်ႇမႃႉ၊ ဝၼ်း​ပွႆး​ဢၼ်​ႁဵတ်း​ပုၼ်ႈ ထႃႇဝရႃႉ​ၽြႃး​ၼၼ်ႉ သူ​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်။-</verse>
				<verse number="6">တူၺ်း​လူး။ ၶဝ်​ဢွၵ်ႇ​သေ ၵႃႈ​ၼႂ်း​တၢင်း​ဢၼ် လူႉ​လႅဝ်​ၵႂႃႇ​ယဝ်ႉ။ ၵူၺ်း​ၵႃႈ မိူင်း​ ဢေႇၵိပ်ႉတူႉ တၵ်း​ဢဝ်​ၶဝ် ႁႂ်ႈ​ၸူႉ​ၵၼ်​ၵွင်​ၵၼ်​ဝႆႉ​လႄႈ ဝဵင်း​ မႅၼ်းၽီႉ တၵ်း​ဢဝ်​ၶဝ် သၢင်း​ၵျူဝ်ႇ​ဢေႃႈ။ တူၼ်ႈ​ၼၢမ်​တင်း​လၢႆ တၵ်း​မုင်း​ႁူမ်ႇ​တီႈ​ဢၼ် ၶဝ်​ၸူႉ​သိမ်း​ဝႆႉ ငိုၼ်း​ဢၼ်​ၶဝ်​ၸႂ်​ၸပ်း​ၸႂ်​ၸွႆး​ယူႇ ၸိူဝ်း​ၼၼ်ႉ​လႄႈ တူၼ်ႈ​ၼၢမ်​လိၼ်​တင်း​လၢႆ တၵ်း​လႆႈ​မီး​ၵႃႈ​ၼႂ်း မူဝ်းၵႃႇ​ၶဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="7">မိုဝ်ႉ​ဝၼ်း​ဢၼ်​လႆႈ​ပၼ်​တၢမ်ႇ​ၼၼ်ႉ ႁွတ်ႈ​ထိုင်​ယဝ်ႉ။ မိုဝ်ႉ​ဝၼ်း​ဢၼ်​လႆႈ တႅၼ်း​ပၼ်​ဢပႅတ်ႈ​ၼၼ်ႉ ႁွတ်ႈ​ထိုင်​ယဝ်ႉ။ မဵဝ်း​ ဢီႉသရေႇလႃႉ တၵ်း​လႆႈ​ႁူႉ​ဢေႃႈ။ ပရေႃးၽႅတ်ႈ​ၼၼ်ႉ ပဵၼ်​ဢၼ်​မိူၵ်ႈ​လႄႈ ၵေႃႉ​ဢၼ်​လႆႈ​ၶၢမ်ႇ သူႉ​ၵျေး​ၸူး ဝီႉၺိၺ်ႇ​ၼၼ်ႉ ပဵၼ်​ၵူၼ်း​ယွင်ႇ​ဢေႃႈ။ လွင်ႈ​မၼ်း​ၸမ်ႉ ဢပႅတ်ႈ​မႂ်း​ၼမ်​ၼႃႇ​လႄႈ တၢင်း​ဢၼ်​ၸႂ်​မႂ်း​ႁဵတ်း​ဢမ်ႇ​ထုၵ်ႇ​ၶတ်း​ၵၼ်​ၼၼ်ႉ ၼမ်​ၼႃႇ​ဢေႃႈ။-</verse>
				<verse number="8">ဢေႇၽရိမ်ႇ ပဵၼ်​ၵေႃႉ​ဢၼ်​ပႂ်ႉ​တႃႈ ပႂ်ႉ​ၵၢင်​ယူႇ ၽၢႆႇ​ၽြႃး​ပဵၼ်​ၸဝ်ႈ​ၵဝ်​ဢေႃႈ။ ပရေႃးၽႅတ်ႈ​ၼၼ်ႉ ပဵၼ်​တူင်ႇ​ႁႅဝ်ႉ​မူး​သိူဝ်း ၵႃႈ​ၼႂ်း​ဢၼ်​မၼ်း​ႁဵတ်း​ၼၼ်ႉ​လႄႈ ပဵၼ်​ၵေႃႉ​ဢၼ် ၸႂ်ႉ​ႁဵတ်း​ဢမ်ႇ​ထုၵ်ႇ​ၶတ်း​ၵၼ် ၵႃႈ​ၼႂ်း​ႁိူၼ်း​ၽြႃး​မၼ်း​ဢေႃႈ။-</verse>
				<verse number="9">ၶဝ်​ဢွၼ်​ၵၼ်​ႁႂ်ႈ တူဝ်​ၸဝ်ႈ​ၵဝ်ႇ ၵူဝ်ႈ​ၵိူၵ်ႇ​ၼႃႇ​လူင်​လၢင် မိူၼ်​ၸိူဝ်ႉ​ၼင်ႇ ၼႂ်း​ၸူဝ်ႈ​ၼႂ်း​ပၢၼ်​ဝဵင်း​ ၵီႉပႃႉ ​ၼၼ်ႉ​ယဝ်ႉ။ မၼ်း​ၸဝ်ႈ​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ဢပႅတ်ႈ​ၶဝ်​လႄႈ ပၼ်​တၢမ်ႇ​တူႉ​ၸရိူၵ်ႈ​ၶဝ် တင်း​လၢႆ​ၼၼ်ႉ​ဢေႃႈ။</verse>
				<verse number="10">ၵဝ်​ထူပ်း​ႁၼ် မဵဝ်း​ ဢီႉသရေႇလႃႉ ပဵၼ်​ၸိူဝ်ႉ​ၼင်ႇ မၢၵ်ႇ​ၸပိတ်ႈ ၵႃႈ​ၼႂ်း​ထိူၼ်ႇ​ၼၼ်ႉ​လႄႈ ၵဝ်​ႁၼ်​ပူႇ​သူ​မွၼ်ႇ​သူ ပဵၼ်​ၸိူဝ်ႉ​ၼင်ႇ​မၢၵ်ႇ​လိူဝ်ႇ​သၢင်း​ၽေႃး ဢၼ်​သုၵ်း​ဢွၼ်​တၢင်း​ပိူၼ်ႈ ၵႃႈ​တီႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ဢၼ်​ၸင်ႇ​ၸႃႉ​မၢၵ်ႇ​ၼၼ်ႉ​ဢေႃႈ။ ၵူၺ်း​ၵႃႈ ၶဝ်​ၼၼ်ႉ​ၵႂႃႇ​ၸူး​ၵႃႈ​တီႈ​ၽြႃး ပႃႇလႃႉပေႇၵူႉရႃႉ ​လႄႈ ဢဝ်​တူဝ်​ၸဝ်ႈ​ၵဝ်ႇ ဢၢပ်ႈ​ပၼ်​ၵႃႈ​တီႈ လွင်ႈ​တၢင်း​ဢၼ်​လီ​ဢူၵ်း​လီ​ဢၢႆ ၼၼ်ႉ​သေ​ယဝ်ႉ၊ ပဵၼ်​ဢၼ်​လီ​ႁင်ႈ​ဢဵတ်ႇ​သဵတ်ႇ ၸွမ်း​ၵႃႈ​ၼင်ႇ​ဢၼ် ၶဝ်​ၸႂ်​ၸပ်း​ၸႂ်​ၸွႆး​ၼၼ်ႉ​ဢေႃႈ။-</verse>
				<verse number="11">မုၼ်ၽုင်း​ ဢေႇၽရိမ်ႇ ​ၼၼ်ႉ တၵ်း​မိၼ်​ၵႂႃႇ​မိူၼ်​ၸိူဝ်ႉ​ၼင်ႇ ၼူၵ်ႉ​ၼၼ်ႉ​လႄႈ ဢမ်ႇ​လႆႈ​မီး​တၢင်း​ဢၼ် ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း၊ တၢင်း​ဢၼ်​ပႃး​တွင်ႉ၊ တၢင်း​ဢၼ်​ၸပ်း​ပတိၵ်ႉသၼ်ႇထေႇ။-</verse>
				<verse number="12">ပိၵ်ႉ​သမ်ႉ​ၶဝ်​လဵင်ႉ​လူ လုၵ်ႈ​လၢင်း​ၶဝ်​ၼႃႇ​လူင်​လၢင်​သေ​ၵေႃႈ၊ ထၼ်ႈ​ပေႃး​ဢမ်ႇ​ႁႂ်ႈ လႆႈ​ၵိုတ်း​လႆႈ​ၵျၢၼ်ႇ သေ​ၵေႃႉ​သေ​ၵူၼ်း ၵဝ်​တၵ်း​ႁိမ်​ဢဝ်​ႁူင်ႇ​ဢဝ်​ဢေႃႈ။ မိူဝ်ႈ​ဢၼ်​ၵဝ် ၸုၼ်ႉ​ပႅတ်ႈ​ၶဝ်​ၼၼ်ႉ ၶဝ်​တၵ်း​မီး​ဢႃႉ​မင်ႇၵလႃႇ ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="13">ပိၵ်ႉ​သမ်ႉ​ၵဝ်​ႁၼ် ဢေႇၽရိမ်ႇ တႄႇ​ယူႇ ၵႃႈ​ၼႂ်း တီႈ​ဢၼ်​သႃႇ​ယႃႇ​လီ​ငၢမ်း​ၼၼ်ႉ မိူၼ်​ၸိူဝ်ႉ​ၼင်ႇ​ဝဵင်း​ တူႉရူႉ ​ၼၼ်ႉ​သေ​ၵေႃႈ၊ ဢေႇၽရိမ်ႇ တၵ်း​လႆႈ​ဢဝ် လုၵ်ႈ​မၼ်း​လၢင်း​မၼ်း ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵေႃႉ​ဢၼ် ဢဝ်​တၢႆ​ၼၼ်ႉ​ဢေႃႈ။-</verse>
				<verse number="14">ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ပၼ်​တီႈ​ၶဝ်​ၼၼ်ႉ သေ​ၵမ်း​တီႈ​ၶႃႈ၊ ၸဝ်ႈ​ႁဝ်း​တၵ်း​လႆႈ​ပၼ် ၸိူဝ်ႉ​ၼင်ႇ​ႁိုဝ် တီႈ​ၶႃႈ၊ ၶႅၼ်း​တေႃႈ​ပၼ်​တွင်ႉ ဢၼ်​ဢမ်ႇ​ပႃး​ပတိၵ်ႉသၼ်ႇထေႇ၊ ၼူမ်း​ဢၼ်​ၼမ်ႉ​ၼူမ်း ဢမ်ႇ​ဢွၵ်ႇ​ၼၼ်ႉ​သေ​ၵမ်း​တီႈ​ၶႃႈ၊</verse>
				<verse number="15">တူႉ​ၸရိူၵ်ႈ​ၵႃႈ​ဢၼ်​ၶဝ်​ႁဵတ်း​ၼၼ်ႉ မီး​ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​လႄႈ ၵဝ်​ၸင်း​ၶဝ် ၵႃႈ​တီႈ​ၼၼ်ႈ​ဢေႃႈ။ ၵွပ်ႈ​ပိူဝ်ႈ​တူႉ​ၸရိူၵ်ႈ​ဢပႅတ်ႈ ဢၼ်​ၶဝ်​ႁဵတ်း​ၼၼ်ႉ​လႄႈ ၵဝ်​တၵ်း​ႁေႃႈ​ၶဝ်​ဢွၵ်ႇ​သေ ၵႃႈ​ၼႂ်း​ႁိူၼ်း​ၵဝ်​ဢေႃႈ။ ၵမ်း​လိုၼ်း​ၵဝ်​တၵ်း ဢမ်ႇ​ႁၵ်ႉ​ၶဝ်။ ၶုၼ်​ၶဝ်​ၵႃႈ​မီး​ၼၼ်ႉ ပဵၼ်​ၵေႃႉ​ဢၼ်​ၸၢင်ႈ​ပုင်ႇ​ၵၢၼ်ႇ​ဢေႃႈ။-</verse>
				<verse number="16">ဢေႇၽရိမ်ႇ ​ၼၼ်ႉ လႆႈ​ၶၢမ်ႇ​တၢင်း​ဢၼ်​တိူဝ်ႉ ဢၼ်​ထုၵ်ႇ​လႄႈ မီး​တၢင်း​ဢၼ်​ႁၢၵ်ႈ​မၼ်း ယူတ်း​ႁႅင်ႈ​ယူႇ​သေ​လႄႈ ဢမ်ႇ​မၢၵ်ႇ​မၢၵ်ႇ​လႆႈ။ ပိၵ်ႉ​သမ်ႉ​ၶဝ်​ၵိူတ်ႇ​လဵင်ႉ​လုၵ်ႈ လဵင်ႉ​လၢင်း​မႃး​သေ​ၵေႃႈ ၵဝ်​တၵ်း​ဢဝ်​မၢၵ်ႇ​တွင်ႉ​ၶဝ် ဢၼ်​ၶဝ်​ႁၵ်ႉ​ၼႃႇ​ၸိူဝ်း​ၼၼ်ႉ တၢႆ​ပႅတ်ႈ​ဢေႃႈ။</verse>
				<verse number="17">ၽြႃး​ပဵၼ်​ၸဝ်ႈ​ၵဝ် တၵ်း​ၸုၼ်ႉ​ပႅတ်ႈ​ၶဝ် ၵွပ်ႈ​ပိူဝ်ႈ​ဢၼ်​ၶဝ် ဢမ်ႇ​ထွမ်ႇ​ဢဝ်​ၵႂၢမ်း​မၼ်း​ၸဝ်ႈ ၼၼ်ႉ​လႄႈ ၶဝ်​ၼၼ်ႉ တၵ်း​လႆႈ​ပဵၼ်​ၵေႃႉ​ဢၼ်​လႄႇ​ၵႂႃႇ​လႄႇ​မႃး​ယူႇ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ တၢင်ႇ​ၶိူဝ်း​တင်း​လၢႆ​ဢေႃႈ။</verse>
			</chapter>
			<chapter number="10">
				<verse number="1">မဵဝ်း​ ဢီႉသရေႇလႃႉ ပဵၼ်​တူၼ်ႈ ၶိူဝ်း​မၢၵ်ႇ​ၸပိတ်ႈ ဢၼ်​ၽိူဝ်​ၼႃ​ၽိူဝ်​ပူင်း​လႄႈ မၢၵ်ႇ​မၢၵ်ႇ​ၼမ်​ၼႃႇ​ဢေႃႈ။ ၸွမ်း​ၵႃႈ​ၼင်ႇ​ဢၼ် မၢၵ်ႇ​မၼ်း​ယႂ်ႇ​ၽႄႈ ၼမ်​ၵိုၼ်း​ၼၼ်ႉ​သေ​လႄႈ မၼ်း​ႁႂ်ႈ​ယိတ်ႈပလၢင်ႇ​မၼ်း ယႂ်ႇ​ၽႄႈ​ၼမ်​ၵိုၼ်း​ၼႃႇ​ဢေႃႈ။ ၸွမ်း​ၵႃႈ​ၼင်ႇ​ဢၼ် မိူင်း​မၼ်း​လီ​ၼၼ်ႉ​သေ​လႄႈ ၶဝ်​ႁဵတ်း​သဝ် တီႈ​ၵူဝ်း​ၵႂၢႆႇ ဢၼ်​လီ​ဢၼ်​ငၢမ်း​ၼၼ်ႉ​ယဝ်ႉ​လူင်​ပႄႇ။-</verse>
				<verse number="2">ၶဝ်​မီး​ၸႂ်​သွင်​ငၢမ်ႈ​ဢေႃႈ။ ၶဝ်​တၵ်း​လႆႈ​ၶၢမ်ႇ​တၢမ်ႇ​ဢပႅတ်ႈ ၵမ်း​လဵဝ်​ဢေႃႈ။ မၼ်း​ၸဝ်ႈ​တၵ်း​ၵိူၼ်ႇ​ယိတ်ႈပလၢင်ႇ​ၶဝ်​တူၵ်း​ပႅတ်ႈ​လႄႈ ယႃႉ​ရုၵ်ႈ​ထူႉ​သၢင်း​ထူႉ​ၶဝ်​ပႅတ်ႈ​ဢေႃႈ။-</verse>
				<verse number="3">တေႃႈ​လဵဝ်​ၼႆႉ ၶဝ်​တၵ်း​လႆႈ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ႁဝ်း​ဢမ်ႇ​ၵူဝ်​ႁႄ ထႃႇဝရႃႉ​ၽြႃး​လႄႈ ႁဝ်း​ဢမ်ႇ​မီး​ၶုၼ်​ႁေႃ​ၶမ်း​သေ​ၵေႃႈ မၼ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​ပုၼ်ႈ​ႁဝ်း​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၶဝ်​ၸၢင်ႈ​ဢွၼ်​ၵၼ်​ၵိၼ်ႇ​ဝႃႈ ၵႂၢမ်း​ဢၼ်​လၢႆ​လၢႆ ဢမ်ႇ​ပွင်ႇ​ၵႃႈ​သင်​ယူႇ၊ ႁဵတ်း​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​ယူႇ​သေ​လႄႈ လၢတ်ႈ​ၵႂၢမ်း​မူႉ​သႃႇ​ၵူၺ်း​ဢေႃႈ။ ပိူဝ်ႈ​ၼႆ​လႄႈ တၢင်း​ဢၼ်​ၸီႇ​ယၢင်ႇ​တြႃး​ၼၼ်ႉ တၵ်း​လႆႈ​ဢွၵ်ႇ​မႃး​မိူၼ်​ၸိူဝ်ႉ​ၼင်ႇ တူၼ်ႈ​ယႃႈ​ၶူမ် ၵႃႈ​တီႈ​တိူၵ်ႇ​ၼႃး​ၼၼ်ႉ​ဢေႃႈ။-</verse>
				<verse number="5">ၵူၼ်း​ဝဵင်း​ သမႃႇရီႉ ​ၸိူဝ်း​ၼၼ်ႉ တၵ်း​ဢွၼ်​ၵၼ်​ၵူဝ်​ႁႄ​ပုၼ်ႈ​ဝူဝ်း​ဢွၼ်ႇ​ ပႄႇသဝဵၼ်ႇ ​ၸိူဝ်း​ၼၼ်ႉ​ဢေႃႈ။ တၵႃႇ​မၼ်း​တင်း​လၢႆ တၵ်း​ႁႆႈ​ႁွင်ႉ​ပွင်ႉ​ၶၢင်း​လႄႈ ယိတ်ႈပရေႃးႁဵၵ်ႈ​မၼ်း တင်း​လၢႆ တၵ်း​ဢွၼ်​ၵၼ်​သၼ်ႇ​သၼ်ႇ​ဝႆ​ဝႆ ပုၼ်ႈ​မုၼ်​ၽုင်း​မၼ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မုၼ်​ၽုင်း​မၼ်း​ၼၼ်ႉ ႁၢႆ​လၢႆ​ၵႂႃႇ​ယဝ်ႉ။-</verse>
				<verse number="6">မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​ၵႂႃႇ ၵႃႈ​တီႈ​မိူင်း​ ဢႃႇသူႉရီႉ ​လႄႈ သၢၵ်ႈ​ၵၢပ်ႈ​တီႈ​ၶုၼ်​ႁေႃ​ၶမ်း ဢၼ်​ၸၢင်ႈ​တွပ်ႇ​ၸၢင်ႈ​ထဵင်​ၼၼ်ႉ​ဢေႃႈ။ ဢေႇၽရိမ်ႇ ​ၼၼ်ႉ သရေႇ​တၵ်း​လူႉ​လႄႈ ဢီႉသရေႇလႃႉ ​ၼၼ်ႉ တၵ်း​လႆႈ​ဢူၵ်း​လႆႈ​ဢၢႆ ၵွပ်ႈ​ပိူဝ်ႈ​တၢင်း​ၵျၢမ်ႇ​တၢင်း​ပွင်​တူဝ်​ၸဝ်ႈ​ၵဝ်ႇ​ၼၼ်ႉ​ဢေႃႈ။-</verse>
				<verse number="7">သမႃႇရီႉ ​ၸမ်ႉ၊ ၶုၼ်​ႁေႃ​ၶမ်း​မၼ်း လႆႈ​လူႉ​ၵႂႃႇ​လႄႈ ပဵၼ်​ၸိူဝ်ႉ​ၼင်ႇ​ပူၵ်ႇ​ၼမ်ႉ ၵႃႈ​ၼိူဝ်​ၼႃႈ​ၼမ်ႉ ၼၼ်ႉ​ဢေႃႈ။-</verse>
				<verse number="8">ထႃႇၼႃႉ​တီႈ​သုင်​ဝဵင်း​ ဢႃႇဝိၼ်ႇ တီႈ​ဢၼ်​ ဢီႉသရေႇလႃႉ ၽိတ်း​ပိူင်ႈ​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ၵိူၼ်ႇ​တူၵ်း​ပႅတ်ႈ​လႄႈ တူၼ်ႈ​ၼၢမ်​ၵူႈ​ၸိူဝ်ႉ​ၵူႈ​ပိူင် ႁူမ်ႇ​သုမ်ႇ​ယိတ်ႈပလၢင်ႇ ၶဝ်​ၸိူဝ်း​ၼၼ်ႉ​ဢေႃႈ။ ၶဝ်​ၼၼ်ႉ​တၵ်း​လႆႈ​ဢွၼ်​ၵၼ် ႁွင်ႉ​ၸူး​တီႈ​လွႆ​တင်း​လၢႆ လႄႈ​ဝႃႈ၊ ဢွၼ်​ၵၼ်​ႁူမ်ႇ​သုမ်ႇ​ႁဝ်း​သေ​ၵမ်း၊ တီႈ​ၵုင်း​တင်း​လၢႆ​လႄႈ​ဝႃႈ၊ ဢွၼ်​ၵၼ်​တူၵ်း​သႂ်ႇ ၵႃႈ​ၼိူဝ်​ႁဝ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ဢီႉသရေႇလႃႉ ​ဢိူၺ်း၊ မႂ်း​မီး​ဢပႅတ်ႈ ၸဵမ်​မိူဝ်ႈ​ၸူဝ်ႈ​ပၢၼ်​ဝဵင်း​ ၵီႉပႃႉ ​ၼၼ်ႉ​ယဝ်ႉ။ ၶဝ်​ဢွၼ်​ၵၼ်​ၸုၵ်း​ၵိုတ်း​ယူႇ ၵႃႈ​တီႈ​ဝဵင်း​ၼၼ်ႉ​ဢေႃႈ။-</verse>
				<verse number="10">ၵူၺ်း​ၵႃႈ တၢင်း​ဢၼ်​တိုၵ်း​ၵၼ် တင်း​ၶဝ်​ၸိူဝ်း​ဢၼ် ႁဵတ်း​ႁၢႆႉ​ႁဵတ်း​မိူၵ်ႈ​ၼၼ်ႉ ၵႃႈ​တီႈ​ဝဵင်း​ ၵီႉပႃႉ ​ၼၼ်ႉ တၵ်း​ၶိုတ်း​ထိုင်​ၶဝ်​ဢမ်ႇ​ၸႂ်ႈ​ႁိုဝ်။ ၵဝ်​တၵ်း​ၸွမ်း​ၼင်ႇ ဢလူဝ်ႇ​ၵဝ်​သေ​လႄႈ သင်ႇ​သွၼ်​သုင်း​မႃႉ​ၶဝ်​ဢေႃႈ။ မိူဝ်ႈ​ဢၼ်​ၶဝ် မီး​တၢင်း​ဢၼ်​မတ်ႉ​ၽုၵ်ႇ​ဝႆႉ​ယူႇ ၵွပ်ႈ​ပိူဝ်ႈ​ဢပႅတ်ႈ​ၶဝ်​သွင်​ပႃး​ၼၼ်ႉ​ၸိုင်၊ မဵဝ်း​ၵူၼ်း​တင်း​လၢႆ တၵ်း​လႆႈ ၸူႉ​ၵၼ်​တုမ်​ၵၼ်​ယူႇ​ၽၢႆႇ​ၼိုင်ႈ​တင်း​ၶဝ်​ဢေႃႈ။-</verse>
				<verse number="11">ဢေႇၽရိမ်ႇ ​ၼၼ်ႉ ပဵၼ်​ဝူဝ်း​မႄႈ​သိုဝ်ႇ​ဢၼ်​ပိုၵ်ႉ​ယဝ်ႉ သွၼ်​ယဝ်ႉ​လႄႈ မီး​ဢလူဝ်ႇ ၶႂ်ႈ​ယဵပ်ႇ​ၶဝ်ႈ​သေ​ၵေႃႈ၊ ၵဝ်​တၵ်း​လုပ်ႈ​ၸွမ်း ၽႃ​ၸွမ်း​ႁိမ်း​ၶေႃး​မၼ်း ဢၼ်​ႁၢင်ႈ​လီ​ၼၼ်ႉ​လႄႈ ဢဝ်​ၵေႃႉ​ဢၼ်​ၶီႇ​တၢင်ႇ​သႂ်ႇ​ၵႃႈ​ၼိူဝ်​ ဢေႇၽရိမ်ႇ ​ဢေႃႈ။ ယူႉတႃႉ ​ၼၼ်ႉ တၵ်း​လႆႈ​ထႆ​ယူႇ​လႄႈ ယႃႇၵုပ်ႈ ​ၵေႃႈ တၵ်း​လႆႈ ၽႃႇ​ၵွၼ်ႈ​လိၼ် ၽၢၼ်ႈ​လိၼ်​ယူႇ​ဢေႃႈ။-</verse>
				<verse number="12">ဢွၼ်​ၵၼ်​ဝၢၼ်ႇ​ပိုၼ်​ၸိူဝ်ႉ​ၽၼ်း တၢင်း​ဢၼ်​သိုဝ်ႈ​တေႃႇ ပုၼ်ႈ​တူဝ်​ၸဝ်ႈ​ၵဝ်ႇ​လႄႈ ပၢတ်ႇ​ဢဝ် မၢၵ်ႇ​ဢဝ်​ႁူင်း​ၵရူႉၼႃႇ​တႃႉ။ ဢွၼ်​ၵၼ်​ထႆ​ၼႃး တီႈ​ဢၼ်​ဢမ်ႇ​ပႆႇ​တွၼ်ႉ​ႁဵတ်း ၼၼ်ႉ​တႃႉ။ ၶိင်ႇ​ဢၼ်​တၵ်း​လႆႈ​ႁႃ​ဢဝ် ထႃႇဝရႃႉ​ၽြႃး တေႃႇ​ထိုင်​ႁွတ်ႈ မၼ်း​ၸဝ်ႈ​မႃး​လႄႈ ႁႂ်ႈ​ၽူၼ်​တၢင်း​ဢၼ်​သိုဝ်ႈ​တေႃႇ တူၵ်း​သႂ်ႇ​ၵႃႈ​ၼိူဝ်​သူ​ၼၼ်ႉ ႁွတ်ႈ​ထိုင်​ယဝ်ႉ။-</verse>
				<verse number="13">သူ​လႆႈ​ထႆ​ၼႃး တူႉ​ၸရိူၵ်ႈ​ယဝ်ႉ။ သူ​လႆႈ​ပၢတ်ႇ​ဢဝ်​ၶဝ်ႈ ဢပႅတ်ႈ​ယဝ်ႉ။ သူ​လႆႈ​ၵိၼ်​မၢၵ်ႇ​ၵိၼ်​ႁူင်း​မူႉ​သႃႇ​ယဝ်ႉ။ လွင်ႈ​မၼ်း​ၸမ်ႉ မႂ်း​ၸၢင်ႈ​ဢိင်​ပိုင်ႈ တၢင်း​ဢၼ်​မႂ်း​ၵမ်​ၵျၢင်ႉ​သၢင်ႈ​ႁဵတ်း ဢိၵ်ႇ​တင်း​ၵူၼ်း​သိုၵ်း​မႂ်း ဢၼ်​ၼမ်​ၼႃႇ​ၼၼ်ႉ​ယဝ်ႉ။-</verse>
				<verse number="14">ပိူဝ်ႈ​ၼႆ​လႄႈ ၵူၼ်း​မႂ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​တူင်ႉ​တိုၼ်ႇ ဢူၼ်​ဢဵၼ်​မေႃး​မႄး​လႄႈ တိူၵ်ႈ​တီႈ​တိုၵ်း​သိုၵ်း​မႂ်း​ၵႃႈ​မီး​ၼၼ်ႉ တၵ်း​လူႉ​လႅဝ်​မိူၼ်​ၸိူဝ်ႉ​ၼင်ႇ​ဢၼ်​ၶုၼ်​ သႃႇလမၼ်ႇ ​ယႃႉ​ၽဵဝ်ႈ​ဝဵင်း​ ပေႇသပေႇလႃႉ ​ပႅတ်ႈ ၼႂ်း​မိူဝ်ႈ​ဢၼ် တိုၵ်း​သိုၵ်း​ၼၼ်ႉ​ဢေႃႈ။ မႄႈ​ဢိၵ်ႇ​လူၺ်ႈ​ၵၼ်​တင်း လုၵ်ႈ​မၼ်း​လၢင်း​မၼ်း​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ် ဢဝ်​သွင်ႉ​သႂ်ႇ​ၽတ်ႉ​သႂ်ႇ ၵႃႈ​ၼိူဝ်​လိၼ်​ဢေႃႈ။-</verse>
				<verse number="15">ၼင်ႇ​ၼၼ်​လႄႈ တၵ်း​လႆႈ​ႁဵတ်း​တီႈ​သူ ၵႃႈ​တီႈ​ဝဵင်း​ ပေႇသလႃႉ ၵွပ်ႈ​ပိူဝ်ႈ​ဢပႅတ်ႈ တူႉ​ၸရိူၵ်ႈ​သူ ဢၼ်​ယႂ်ႇ​ၼႃႇ​လူင်​လၢင် ၼၼ်ႉ​ဢေႃႈ။ ၶိင်ႇ​ၵၢင်​ၼႂ် ၶုၼ်​ႁေႃ​ၶမ်း ဢီႉသရေႇလႃႉ ​တၵ်း​လႆႈ​ၶၢမ်ႇ​တၢင်း​ဢၼ် ယႃႉ​ၽဵဝ်ႈ​ပႅတ်ႈ မူတ်း​မူတ်း​သဵင်ႈ​သဵင်ႈ​ဢေႃႈ။</verse>
			</chapter>
			<chapter number="11">
				<verse number="1">မိူဝ်ႈ​ဢၼ် ဢီႉသရေႇလႃႉ ဢသၢၵ်ႈ​ယင်း​လဵၵ်ႉ ယင်း​ၼုမ်ႇ​ၼၼ်ႉ​ၸိုင် ၵဝ်​ႁၵ်ႉ​ပႅင်း​လႄႈ ႁွင်ႉ​ဢဝ်​လုၵ်ႈ​ၸၢႆး​ၵဝ် ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ယဝ်ႉ။-</verse>
				<verse number="2">ၸွမ်း​ၵႃႈ​ၼင်ႇ​ဢၼ်​ၶဝ် ႁွင်ႉ​ဢဝ်​ၶဝ်​ၼၼ်ႉ​သေ​လႄႈ ၶဝ်​ၼၼ်ႉ​ယဵင်ႈ​ၶႅၼ်း​ဢွၼ်​ၵၼ် ဢွၵ်ႇ​ပၢႆႈ​သေ​ၵႃႈ​တီႈ​ၶဝ်​ဢေႃႈ။ ၶဝ်​ဢွၼ်​ၵၼ် ပုၵ်ႈ​ၸေႃႇ​ယိတ်ႈ တီႈ​ၽြႃး ပႃႇလႃႉ ​တင်း​လၢႆ​လႄႈ ဢဝ်​ၼၢမ်ႇ​သႃႇ တုတ်ႇ​တီႈ ရုၵ်ႈ​ထူႉ​သၢင်း​ထူႉ​တင်း​လၢႆ​ဢေႃႈ။-</verse>
				<verse number="3">ၵဝ်​သွၼ်​ ဢေႇၽရိမ်ႇ ၽိုၵ်း​တွမ်ႈ​ၽိုၵ်း​ပႆ​ဢေႃႈ။ ၵဝ်​ဢုမ်ႈ​ႁွပ်ႇ​ဢဝ်​ၶဝ် လူၺ်ႈ​ၶႅၼ်​မိုဝ်း​ၵဝ်​ဢေႃႈ။ ၵူၺ်း​ၵႃႈ ၶဝ်​ယင်း​ဢမ်ႇ​ႁူႉ​ၵျေး​ၸူး တၢင်း​ဢၼ်​ၵဝ်​ပၼ်​ၵတ်း​ယဵၼ်​ၶျၢမ်း​သႃႇ တီႈ​ၶဝ်​ၼၼ်ႉ​လႄႈ​ယူႇ​ဢေႃႈ။-</verse>
				<verse number="4">ၵဝ်​ဢဝ်​တင်း​ၸိူၵ်ႈ ဢၼ်​ၸၢင်ႈ​တိုတ်ႉ ၸၢင်ႈ​ၸၼ်​ၵူၼ်း ဢၼ်​ဝႃႈ​ၸိူၵ်ႈ​မႅတ်ႈ​တႃႇ ၸိူဝ်း​ၼၼ်ႉ တိုတ်ႉ​ၸၼ်​ဢဝ်​ၶဝ်​ဢေႃႈ။ ၵဝ်​ပဵၼ်​ၸိူဝ်ႉ​ၼင်ႇ ၶဝ်​ၸိူဝ်း​ဢၼ် ပုတ်ႈ​ဢဝ် ၶၢႆႉ​ဢဝ်​ၵၢၼ်း သေ ၵႃႈ​တီႈ​ၶေႃး​မၼ်း​ၼၼ်ႉ တီႈ​ၶဝ်​လႄႈ ဢဝ်​တၢင်း​ၵိၼ်​တၢင်း​ၶူပ်း လဵင်ႉ​ပၼ်​တမ်း​ပၼ်​တီႈ​ၶဝ်​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​ဢၼ်​ၶဝ် ထဵင်​ပႅတ်ႈ​လူၺ်ႈ​လွင်ႈ​ဢၼ် ၶဝ်​တၵ်း​ၶိုၼ်း​မႃး​ၸူး တီႈ​မၼ်း​ၸဝ်ႈ​ၼၼ်ႉ​လႄႈ မၼ်း​တၵ်း​ဢမ်ႇ​လႆႈ​ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ။ ၶုၼ်​ႁေႃ​ၶမ်း ဢႃႇသူႉရီႉ ​ၼၼ်ႉ တၵ်း​လႆႈ​ဢုပ်ႉ​ပိူင်ႇ​မၼ်း​ဢေႃႈ။-</verse>
				<verse number="6">ၽေး​လၢပ်ႇ​ၽေး​လႅဝ်း တၵ်း​လႆႈ​ႁွတ်ႈ​ထိုင် ၵႃႈ​ၼိူဝ်​ဝဵင်း​တီႈ​ယူႇ​မၼ်း ၸိူဝ်း​ၼၼ်ႉ​လႄႈ ယႃႉ​တီႈ​ႁႄႉ​တီႈ​ၵင်ႈ​မၼ်း ၸိူဝ်း​ၼၼ်ႉ​ပႅတ်ႈ​လႄႈ ပႄႇ​ၽဵဝ်ႈ​ပႅတ်ႈ ၵွပ်ႈ​ပိူဝ်ႈ​တၢင်း​ဢၼ်​ၶဝ်​ၵျၢမ်ႇ​ပွင်​ၸိူဝ်း​ၼၼ်ႉ​ဢေႃႈ။-</verse>
				<verse number="7">ၵူၼ်း​ၵဝ်​တင်း​သဵင်ႈ​တင်း​လူင် ဢွၼ်​ၵၼ်​မီး​သၽေႃး ဢၼ်​ဝႄႈ​ပိူင်ႈ​သေ​ၵႃႈ​တီႈ​ၵဝ်​ၵႂႃႇ​ဢေႃႈ။ ပိၵ်ႉ​သမ်ႉ​ႁွင်ႉ​ဢဝ်​ၶဝ်​မႃး​တီႈ​ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ သေ​ၵေႃႈ ၽူႈ​လႂ်​ဢမ်ႇ​မီး​ဢလူဝ်ႇ ၶႂ်ႈ​ယုၵ်ႉ​ယွင်ႈ​မၼ်း​ၸဝ်ႈ။-</verse>
				<verse number="8">ဢေႇၽရိမ်ႇ ​ဢိူၺ်း၊ ၵဝ်​တၵ်း​ၸုၼ်ႉ​ပႅတ်ႈ​မႂ်း​လႆႈ​ၸိူဝ်ႉ​ၼင်ႇ​ႁိုဝ်။ ဢီႉသရေႇလႃႉ ​ဢိူၺ်း၊ ၵဝ်​တၵ်း​ဢဝ်​မႂ်း ဢၢပ်ႈ​ပၼ်​လႆႈ​ၸိူဝ်ႉ​ၼင်ႇ​ႁိုဝ်။ ၵဝ်​တၵ်း​ႁႂ်ႈ​မႂ်း ပဵၼ်​ၸိူဝ်ႉ​ၼင်ႇ​ဝဵင်း​ ဢႃႇတမႃႇ ​ၼၼ်ႉ လႆႈ​ၸိူဝ်ႉ​ၼင်ႇ​ႁိုဝ်။ ၵဝ်​တၵ်း​ၶၢၼ်း​မႂ်း​ဝႆႉ ႁႂ်ႈ​မႂ်း​ပဵၼ်​ၸိူဝ်ႉ​ၼင်ႇ​ဝဵင်း ၸေႇၽူဝ်းဢိမ်း ​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်။ ႁူဝ်​ၸႂ်​ၵဝ်​ၶၢႆႉ​ပုတ်ႈ​မႃး​ယူႇ ၵႃႈ​ၼႂ်း​ၵဝ်​လႄႈ ၸႂ်​ဢၼ်​ဢဵတ်း​လူ မီး​ၵရူႉၼႃႇ​ၵဝ်​ၼႆႉ မႆႈ​ႁွၼ်ႉ​ႁိပ်ႈ​ၼႅတ်ႈ ဢွၵ်ႇ​ယူႇ​ဢေႃႈ။-</verse>
				<verse number="9">ၵဝ်​ဢမ်ႇ​မီး​ဢလူဝ်ႇ ၶႂ်ႈ​ႁဵတ်း​ၸွမ်း ၵႃႈ​ၼင်ႇ​ဢၼ် တၢင်း​ၸႂ်​မႆႈ​ၶႆႈ​ၸႃႉ​ၵဝ် ဢွၵ်ႇ​ႁႅင်း​ယႂ်ႇ​ၼႃႇ​ၼၼ်ႉ။ ၵဝ်​ဢမ်ႇ​မီး​ဢလူဝ်ႇ ၶႂ်ႈ​ၶိုၼ်း​လႄႈ ယႃႉ​ ဢေႇၽရိမ်ႇ ​ပႅတ်ႈ။ ၵဝ်​ဢမ်ႇ​ပဵၼ်​ၵူၼ်း။ ပဵၼ်​ၽြႃး​ပဵၼ်​ၸဝ်ႈ​ဢေႃႈ။ ၵဝ်​ပဵၼ်​ၽြႃး​ဢၼ်​မူတ်း​ၸၢင်ႇ ၵႃႈ​ၼႂ်း​ၵၢင်​မႂ်း​ဢေႃႈ။ ၵဝ်​တၵ်း​ဢမ်ႇ​ပႃး​ဢဝ် တၢင်း​ၸႂ်​မႆႈ​ၶႆႈ​ၸႃႉ​သေ​လႄႈ​မႃး။-</verse>
				<verse number="10">ၶဝ်​ၼၼ်ႉ တၵ်း​ၸွမ်း​လင်​ထႃႇဝရႃႉ​ၽြႃး​လႄႈ မၼ်း​ၸဝ်ႈ​တၵ်း​ႁွင်ႉ မိူၼ်​ၸိူဝ်ႉ​ၼင်ႇ သၢင်ႇ​သီႈ​ၼၼ်ႉ​ဢေႃႈ။ မိူဝ်ႈ​ဢၼ်​မၼ်း​ၸဝ်ႈ​ႁွင်ႉ​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​ပဵၼ်​လုၵ်ႈ​ပဵၼ်​လၢင်း​တင်း​လၢႆ တၵ်း​ဢွၼ်​ၵၼ်​ဢွၵ်ႇ​ပၢႆႈ​သေ ၵႃႈ​တီႈ​ၽၢႆႇ​ၼႃႈ​ဝၼ်း​တူၵ်း​မႃး ၶၼ်​ၶၼ်​ၽႂ်း​ၽႂ်း​ဢေႃႈ။-</verse>
				<verse number="11">ၶဝ်​တၵ်း​ဢွၼ်​ၵၼ် ဢွၵ်ႇ​ပၢႆႈ​မႃး ၶၼ်​ၶၼ်​ၽႂ်း​ၽႂ်း မိူၼ်​ၸိူဝ်ႉ​ၼင်ႇ ၼူၵ်ႉ​ၸွၵ်ႇ သေ​ၵႃႈ​တီႈ​မိူင်း​ ဢေႇၵိပ်ႉတူႉ ဢိၵ်ႇ​တင်း​ၸိူဝ်ႉ​ၼင်ႇ ၼူၵ်ႉ​တူႈ သေ​ၵႃႈ​တီႈ​မိူင်း​ ဢႃႇသူႉရီႉ ​ၼၼ်ႉ​လႄႈ ၵဝ်​တၵ်း​ၶျႃး​တီႈ​ယူႇ​ၶဝ်​ပၼ် ၵႃႈ​ၼႂ်း​ႁိူၼ်း တီႈ​ဢၼ်​ယူႇ​ၵဝ်ႇ​ၵဝ်ႇ ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="12">ဢေႇၽရိမ်ႇ ​ၼၼ်ႉ ဢဝ်​ၵႂၢမ်း​မူႉ​သႃႇ လွမ်ႉ​လဵပ်ႈ​ႁွပ်ႈ​ၵဝ်​လႄႈ ဢီႉသရေႇလႃႉ ​ၼၼ်ႉ ဢဝ်​တၢင်း​ဢၼ်​ပႅတ်ႉ ဢၼ်​လႅၼ်​လွမ်ႉ​လဵပ်ႈ​ႁွပ်ႈ​ၵဝ်​ဢေႃႈ။ ယူႉတႃႉ ​ၵေႃႈ ၸၢင်ႈ​ပိူင်ႈ ၸၢင်ႈ​လွႆး ၵႃႈ​တီႈ​ၽြႃး​ပဵၼ်​ၸဝ်ႈ ဢၼ်​ဝႃႈ ၽြႃး​ပဵၼ်​ၸဝ်ႈ ဢၼ်​မူတ်း​ၸၢင်ႇ​လႄႈ ပႂ်ႉ​သဵတ်ႈ​ၸႃႇ​ၼၼ်ႉ သေ​လႄႈ​ၵႂႃႇ​ဢေႃႈ။</verse>
			</chapter>
			<chapter number="12">
				<verse number="1">ဢေႇၽရိမ်ႇ ​ၼၼ်ႉ ၸၢင်ႈ​ၵိၼ်​လူမ်း​လႄႈ မၼ်း​ၸၢင်ႈ​ၸွမ်း လူမ်း​တၢင်း​ဢွၵ်ႇ​ဢေႃႈ။ မၼ်း​ၸၢင်ႈ​ႁႂ်ႈ ၵႂၢမ်း​မူႉ​သႃႇ ဢိၵ်ႇ​တင်း လွင်ႈ​တၢင်း​ဢၼ်​လူႉ​လႅဝ်​တင်း​လၢႆ ယႂ်ႇ​ၽႄႈ​ၼမ်​ၵိုၼ်း​မႃး​ယူႇ သေႇ​သေႇ​ဢေႃႈ။ ၶဝ်​ၸၢင်ႈ​ႁဵတ်း မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​တင်း​ၵူၼ်း​ ဢႃႇသူႉရီႉ ​တင်း​လၢႆ​လႄႈ ၸၢင်ႈ​ဢဝ်​ၼမ်ႉ​မၼ်း ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ဢေႃႈ။-</verse>
				<verse number="2">ထႃႇဝရႃႉ​ၽြႃး မီး​ဢမူႉ​တၢင်း​ဢၼ် ထူပ်း​တြႃး​ၵၼ်​တင်း​မဵဝ်း​ ယူႉတႃႉ ​ဢေႃႈ။ မၼ်း​ၸဝ်ႈ တၵ်း​ပၼ်​တၢမ်ႇ​တီႈ​ ယႃႇၵုပ်ႈ ၸွမ်း​ၵႃႈ​ၼင်ႇ သဵၼ်ႈ​တၢင်း​ဢၼ်​မၼ်း​ၵႂႃႇ ၸိူဝ်း​ၼၼ်ႉ​လႄႈ၊ တွပ်ႇ​တႅၼ်း​ပၼ်​ၸွမ်း​ၵႃႈ​ၼင်ႇ တၢင်း​ဢၼ်​မၼ်း​ပွင်​မၼ်း​ႁဵတ်း ၸိူဝ်း​ၼၼ်ႉ​ဢေႃႈ။-</verse>
				<verse number="3">မၼ်း​ယိပ်း​ၵမ် သူၼ်ႈ​တိၼ်​ပီႈ​ဢၢႆႈ​မၼ်း ၵႃႈ​ၼႂ်း​တွင်ႉ​မႄႈ​မၼ်း​လႄႈ မၼ်း​ႁႅင်း​ယႂ်ႇ​ၼႃႇ​လႄႈ ၶေႉ​ၶဵင်ႇ​ၵၼ် တင်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="4">မၼ်း​ၶေႉ​ၶဵင်ႇ​ၵၼ်​တင်း တမၢၼ်ႇ​ၵၢင်​ႁၢဝ်​လႄႈ ပႄႉ​ၼႅင်ႇ​ဢေႃႈ။ မၼ်း​ၼမ်ႉ​တႃ​တူၵ်း​လႄႈ တွင်း​ပၢၼ်ႇ​ထႃႈ​ယဝ်ႉ။ မၼ်း​ထူပ်း​ၽြႃး​ပဵၼ်​ၸဝ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၵႃႈ​တီႈ​ဝဵင်း​ ပေႇသလႃႉ ​လႄႈ မၼ်း​ၸဝ်ႈ​ၼၼ်ႉ မီး​ပျႃႇ​တိၵ်ႈ​တီႈ​ႁဝ်း​ၵႃႈ​တီႈ​ၼၼ်ႈ ဢေႃႈ။-</verse>
				<verse number="5">ၼႃႇ​မႃႉ​ၸိုဝ်ႈ​သဵင် ဢၼ်​ဝႃႈ ထႃႇဝရႃႉ​ၽြႃး​ၼၼ်ႉ ပဵၼ်​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ ၼၼ်ႉ​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ ၶိုၼ်း​မႃး​ၸူး ၵႃႈ​တီႈ​ၽြႃး​ပဵၼ်​ၸဝ်ႈ​မႂ်း​တႃႉ။ ပႂ်ႉ​ၵမ်​ပႂ်ႉ​ၸွမ်း​တြႃး​ၵရူႉၼႃႇ ဢိၵ်ႇ​တင်း တြႃး​တၢင်း​ဢၼ်​သိုဝ်ႈ​တေႃႇ​လႄႈ မုင်ႈ​မွင်း​ၽြႃး​ပဵၼ်​ၸဝ်ႈ​မႂ်း ယူႇ​တႃႇ​သေႇ​ဢမ်ႇ​ထၢတ်ႇ​တႃႉ။</verse>
				<verse number="7">မၼ်း​ပဵၼ်​ၸဝ်ႈ​ၵုၼ်ႇ ၸဝ်ႈ​သိၼ်​လႄႈ ၸၢင်ႈ​ယိပ်း​ၵမ်​ယႃႇ​ၸူႇ ဢၼ်​ၸၢင်ႈ​လိင်ႇ ၸၢင်ႈ​လႅၼ်​ၼၼ်ႉ​ဢေႃႈ။ မၼ်း​မီး​ဢလူဝ်ႇ ၶႂ်ႈ​ၼိၵ်ႈ​ၸၢၵ်ႈ​ငႅၼ်း​သႄး​ပိူၼ်ႈ​ဢေႃႈ။-</verse>
				<verse number="8">ၵူၺ်း​ၵႃႈ ဢေႇၽရိမ်ႇ လၢတ်ႈ​လႄႈ​ဝႃႈ၊ ၵဝ်​ၼႆႉ​မၢၵ်ႈ​မီး​လႄႈ ဢဝ်​ၽၼ်ႇတႃႇ သိမ်း​ဝႆႉ​ယဝ်ႉ။ ပိူၼ်ႈ​ႁႃ​ဢဝ် တၢင်း​ဢၼ်​ပူၼ်ႉ​လိူဝ် ဢၼ်​ပႃး​ဢပႅတ်ႈ​ၼၼ်ႉ တီႈ​ၵႃႈ​ဢၼ်​ၵဝ်​ၵႆႉ ၵျူဝ်း​ၸႃး​ႁဵတ်း​ၼၼ်ႉ​လႄႈ ဢမ်ႇ​ထူပ်း​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၵဝ်​ထႃႇဝရႃႉ​ၽြႃး​ၼႆႉ ပဵၼ်​ၸဝ်ႈ​မႂ်း ဢၼ်​ၼုၵ်ႈ​ဢဝ်​မႂ်း​ဢွၵ်ႇ​သေ ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ၼၼ်ႉ​ဢေႃႈ။ ၵဝ်​တၵ်း​ႁႂ်ႈ​မႂ်း လႆႈ​ယူႇ​ၵႃႈ​ၼႂ်း​သုမ်ႉ​ထဵင် တင်း​လၢႆ​ထႅင်ႈ မိူၼ်​ၸိူဝ်ႉ​ၼင်ႇ​မိုဝ်ႉ​ဝၼ်း​ဢၼ် ယင်း​တိုၵ်ႉ​ၶၢမ်ႇ​ပွႆး​ထမ်ႇမႃႉ ၼၼ်ႉ​ဢေႃႈ။-</verse>
				<verse number="10">ၵဝ်​ပၼ်​ပျႃႇ​တိၵ်ႈ တီႈ​ပရေႃးၽႅတ်ႈ​တင်း​လၢႆ​လႄႈ ၼႄ​ပျႃး​ရူႇပႃႇရူင်ႇ ဢၼ်​ၼမ်​ၼႃႇ​ၼၼ်ႉ​ယဝ်ႉ။ ၵဝ်​ဢဝ်​ပရေႃးၽႅတ်ႈ​တင်း​လၢႆ ဝႆႉ​ပုင်ႇ​ဢူႉပမႃႇ​ၼမ်​ၼႃႇ​ယဝ်ႉ။-</verse>
				<verse number="11">မီး​ဢပႅတ်ႈ​ၵႃႈ​ၼႂ်း​မိူင်း​ ၵီႉလတ်ႉ ​ႁိုဝ်။ ၵူၼ်း​ဝၢၼ်ႈ​ၵူၼ်း​မိူင်း​မၼ်း​ၸိူဝ်း​ၼၼ်ႉ ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။ ၶဝ်​ဢဝ်​ဝူဝ်း​တင်း​လၢႆ ပုၵ်ႈ​ၸေႃႇ ၵႃႈ​ၼႂ်း​ဝဵင်း​ ၵီႉလႃႉၵႃႇလႃႉ ​ၼၼ်ႉ​လႄႈ ယိတ်ႈပလၢင်ႇ​ၶဝ်​ၼၼ်ႉ ၼမ်​ၼႃႇ မိူၼ်​ၸိူဝ်ႉ​ၼင်ႇ ပုမ်ႇ​လိၼ်​ၵွင်​လိၼ် ၵႃႈ​တီႈ​ႁွႆး​ထႆ​ႁွႆး​ထိူၼ်ႇ​ၼၼ်ႉ​ဢေႃႈ။-</verse>
				<verse number="12">ယႃႇၵုပ်ႈ ​ၼၼ်ႉ ဢွၵ်ႇ​ပၢႆႈ​ၸူး​ၵႃႈ​တီႈ​မိူင်း​ သူႉရီႉ ​လႄႈ ဢီႉသရေႇလႃႉ ​ၼၼ်ႉ၊ ၼင်ႇ​ႁိုဝ် တၵ်း​လႆႈ​မေး​ၸိုင် လႆႈ​ၶၢမ်ႇ​ႁဵတ်း​ၶႃႈ ႁႂ်ႈ​လႆႈ​မေး​လႄႈ လႆႈ​လဵင်ႉ​သူဝ်း​ထိင်း​သူဝ်း​ႁႂ်ႈ​လႆႈ​မေး​ဢေႃႈ။-</verse>
				<verse number="13">ထႃႇဝရႃႉ​ၽြႃး ဢဝ်​ပရေႃးၽႅတ်ႈ ၼုၵ်ႈ​ဢဝ်​မဵဝ်း​ ဢီႉသရေႇလႃႉ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​လႄႈ သမ်ႉ​ဢဝ်​ပရေႃးၽႅတ်ႈ ပႂ်ႉ​ၸွႆႈ​ပႂ်ႉ​ထႅမ်​မၼ်း​ယူႇ​ဢေႃႈ။-</verse>
				<verse number="14">ဢေႇၽရိမ်ႇ ​ၼၼ်ႉ တိုၵ်း​ယူင်း တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ၼႃႇ​လူင်​လၢင်​ယဝ်ႉ၊ ပိူဝ်ႈ​ၼႆ​လႄႈ ဢပႅတ်ႈ​ဢၼ်​ထွၵ်ႇ​လိူတ်ႈ​ၵူၼ်း​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မၼ်း​လႄႈ ၸဝ်ႈ​ၽြႃး​မၼ်း​တၵ်း​ႁႂ်ႈ ဢပႅတ်ႈ​တၢင်း​ဢၼ် မၼ်း​သႄႉ​သွမ်း​ၼၼ်ႉ ၶိုၼ်း​တူၵ်း​ႁွတ်ႈ​ၵႃႈ​ၼိူဝ်​မၼ်း​ဢေႃႈ။</verse>
			</chapter>
			<chapter number="13">
				<verse number="1">မိူဝ်ႈ​ဢၼ် ဢေႇၽရိမ်ႇ ဢွၵ်ႇ​သူပ်း​ဝႃႈ ၼၼ်ႉ​ၸိုင်၊ ပိူၼ်ႈ​ၸၢင်ႈ​တူၵ်း​ၸႂ် ၵူဝ်​ႁႄ​လႄႈ မၼ်း​ၼၼ်ႉ ပဵၼ်​ဢၼ်​ယႂ်ႇ​သုင်​ၼႃႇ ၵႃႈ​ၼႂ်း​မဵဝ်း​ ဢီႉသရေႇလႃႉ ​ဢေႃႈ။ လိုၼ်း​ၼၼ်ႉ မၼ်း​ၽိတ်း​ပိူင်ႈ​လူၺ်ႈ​ၽြႃး ပႃႇလႃႉ သေ​လႄႈ တၢႆ​ဢေႃႈ။-</verse>
				<verse number="2">တေႃႈ​လဵဝ်​ၼႆႉ​ၸိုင်၊ ၶဝ်​ၽိတ်း​ပိူင်ႈ​ယူႇ ၶိူဝ်း​ၶိူဝ်း​ယႂ်း​ယႂ်း​လႄႈ ဢဝ်​ငိုၼ်း​ၶဝ်​ႁဵတ်း ရုၵ်ႈ​ထူႉ​ဢၼ်​သွၼ်း​လေႃႇ၊ ဢၼ်​ဝႃႈ ၵႃႈ​ပဵၼ်​ရုၵ်ႈ​ထူႉ​သၢင်း​ထူႉ ဢၼ်​ႁဵတ်း​ၸွမ်း ၺၢၼ်ႇ​ပိင်ႇ​ၺႃႇ​ၶဝ်​လႄႈ ပဵၼ်​လွင်ႈ​တၢင်း​ဢၼ် သြႃႇသမႃး ၸၢင်ႈ​ႁဵတ်း​ၼၼ်ႉ ပုၼ်ႈ​ၶဝ်​ဢေႃႈ။ ၶဝ်​ၸိူဝ်း​ဢၼ် ပုၵ်ႈ​ၸေႃႇ​ယိတ်ႈ​ၼၼ်ႉ ၸၢင်ႈ​လၢတ်ႈ လူၺ်ႈ​လွင်ႈ​ၼၼ်ႉ​လႄႈ​ဝႃႈ၊ ႁႂ်ႈ​ၼူမ်​ဝူဝ်း​ဢွၼ်ႇ ၸိူဝ်း​ၼၼ်ႉ​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ ၶဝ်​ၼၼ်ႉ တၵ်း​လႆႈ​ပဵၼ်​မိူၼ်​ၸိူဝ်ႉ​ၼင်ႇ မွၵ်ႇ​ၵုမ်ႈ​ၶိင်ႇ​ၵၢင်​ၼႂ်​ၼၼ်ႉ ဢိၵ်ႇ​တင်း ၸိူဝ်ႉ​ၼင်ႇ​ၼမ်ႉ​ၼၢႆး ဢၼ်​ၸၢင်ႈ​လပ်ႉ​ႁၢႆ​ၵႂႃႇ​ၸဝ်ႉ​ၸဝ်ႉ​ၼၼ်ႉ တင်း​ၸိူဝ်ႉ​ၼင်ႇ​ၵႅပ်ႇ ဢၼ်​လူမ်း​ၽိဝ်ႇ​ႁုင် ပတ်ႉ​ထူဝ်း​ဢွၵ်ႇ​သေ ၵႃႈ​တီႈ တလၢင်း​ယဵပ်ႇ​ၶဝ်ႈ​ၼၼ်ႉ တင်း​ၸိူဝ်ႉ​ၼင်ႇ ၵႂၼ်း​ၽႆး ဢၼ်​ဢွၵ်ႇ​သေ​ၵႃႈ​ၼႂ်း မုၵ်ႉ​ၽႆး​ၼၼ်ႉ​ဢေႃႈ။-</verse>
				<verse number="4">ၼႂ်း​ဝႃႈ​ၼၼ်​သေ​ၵေႃႈ ၵဝ်​ထႃႇဝရႃႉ​ၽြႃး​ၼႆႉ ပဵၼ်​ၽြႃး​ပဵၼ်​ၸဝ်ႈ​မႂ်း ဢၼ်​ၼုၵ်ႈ​ဢဝ်​မႂ်း ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ၼၼ်ႉ​ဢေႃႈ။ ၼွၵ်ႈ​သေ​ၵဝ်​ၼႆႉ၊ မႂ်း​ဢမ်ႇ​ႁူႉ​ၽြႃး တၢင်ႇ​သူႇ​တၢင်ႇ​ပႃး​ယဝ်ႉ။ ၼွၵ်ႈ​သေ​ၵဝ်​ၼႆႉ ဢမ်ႇ​မီး​ၸဝ်ႈ​ဢၼ် ၵႄႇ​သႄႇ​ၶျွတ်ႈ​ဢဝ်​လႆႈ။-</verse>
				<verse number="5">ၵဝ်​ႁူႉ​မႂ်း​ၵႃႈ​ၼႂ်း​ထိူၼ်ႇ ဢၼ်​ဝႃႈ တီႈ​ဢၼ်​ႁႅင်ႈ​ႁွင် ၼႃႇ​လူင်​လၢင်​ၼၼ်ႉ​ယဝ်ႉ။-</verse>
				<verse number="6">ၸွမ်း​ၵႃႈ​ၼင်ႇ​ဢၼ် ၵဝ်​လဵင်ႉ​ပၼ် တၢင်း​ၵိၼ်​တၢင်း​ၶူပ်း​ၼၼ်ႉ သေ​လႄႈ ၶဝ်​လႆႈ​ၵိၼ်​ဢိမ်ႇ​ၵိၼ်​တဵမ် ဢေႃႈ။ မိူဝ်ႈ​ဢၼ်​ၶဝ်​ဢိမ်ႇ​တဵမ်​ယဝ်ႉ ၼၼ်ႉ​ၸိုင် ၶဝ်​မီး​ၸႂ်​ဢၼ်​ဢုပ်ႇ​ဢၢတ်ႇ​လႄႈ လူင်​လိုမ်း​ၵဝ်​ဢေႃႈ။-</verse>
				<verse number="7">ပိူဝ်ႈ​ၼႆ​လႄႈ ၵဝ်​ပဵၼ်​ၸိူဝ်ႉ​ၼင်ႇ သၢင်ႇ​သီႈ​ၼၼ်ႉ တီႈ​ၶဝ်​ဢေႃႈ။ ၵဝ်​လွမ်​လူ လွမ်​တူၺ်း​ၶဝ်​ယူႇ ၵႃႈ​တီႈ​ႁိမ်း​တၢင်း မိူၼ်​ၸိူဝ်ႉ​ၼင်ႇ သိူဝ်​ၸုမ်ႈ​ၼၼ်ႉ​ဢေႃႈ။-</verse>
				<verse number="8">ၵဝ်​ႁႄႉ​ႁပ်ႉ​ဢဝ်​ၶဝ် မိူၼ်​ၸိူဝ်ႉ​ၼင်ႇ​မီ​မႄႈ ဢၼ်​လုၵ်ႈ​လၢင်း​မၼ်း​ႁၢႆ​ၵႂႃႇ​ၼၼ်ႉ​လႄႈ သိၵ်ႇ​ယႃႉ​ၽၢင်ႉ​ၽၢပ်ႇ ဢၼ်​ႁူမ်ႇ​သုမ်ႇ​ႁူဝ်​ၸႂ်​ၶဝ်​ၼၼ်ႉ​ပႅတ်ႈ​ဢေႃႈ။ ၵဝ်​ၶူပ်း​ၵိၼ်​ၶဝ်​ၵႃႈ​တီႈ​ၼၼ်ႈ မိူၼ်​ၸိူဝ်ႉ​ၼင်ႇ​သၢင်ႇ​သီႈ​မႄႈ​ၼၼ်ႉ​လႄႈ တူဝ်​ထိူၼ်ႇ​ႁၢႆႉ​ၶူပ်း​ယႃႉ​ၶဝ်​ၶၢတ်ႇ​ပႅတ်ႈ​ဢေႃႈ။-</verse>
				<verse number="9">ဢီႉသရေႇလႃႉ ​ဢိူၺ်း၊ မႂ်း​ယႃႉ​တူဝ်​မႂ်း​ပႅတ်ႈ​ယဝ်ႉ။ ၵူၺ်း​ၵႃႈ တၢင်း​ဢၼ်​ၸွႆႈ​ထႅမ်​မႃႉ​ၸႃႉ​မႂ်း မီး​ၵႃႈ​တီႈ​ၵဝ် ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="10">ၶုၼ်​ႁေႃ​ၶမ်း​မႂ်း​ၼၼ်ႉ မီး​ၵႃႈ​လႂ်။ ႁႂ်ႈ​မၼ်း​ၵႄႇ​သႄႇ​ၶျွတ်ႈ​ဢဝ်​မႂ်း ၵႃႈ​တီႈ​ဝဵင်း​တီႈ​ယူႇ​မႂ်း ၵႃႈ​မီး​ၼၼ်ႉ​သေ​ၵမ်း​လူၺ်ႈ။ ၵူၼ်း​ဢၼ်​ၸီႇ​ယၢင်ႇ​တြႃး​မႂ်း ဢၼ်​မႂ်း​ဢဝ်​လွင်ႈ​ၶဝ်​ယွၼ်း​ဢဝ်​လႄႈ​ဝႃႈ၊ ၶႅၼ်း​တေႃႈ​ပၼ်​ၶုၼ်​ႁေႃ​ၶမ်း ဢိၵ်ႇ​တင်း​ၶုၼ်​တင်း​လၢႆ တီႈ​ၶႃႈ​ၸဝ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိူဝ်း​ၼၼ်ႉ မီး​ၵႃႈ​လႂ်။-</verse>
				<verse number="11">ၵဝ်​ၸႂ်​မႆႈ​ၶႆႈ​ၸႃႉ​သေ​လႄႈ ပၼ်​ၶုၼ်​ႁေႃ​ၶမ်း​ယဝ်ႉ။ ၵမ်း​လိုၼ်း​ၵဝ်​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​သေ​လႄႈ ပႄႇ​မၼ်း​ၼၼ်ႉ​ပႅတ်ႈ​ယဝ်ႉ။-</verse>
				<verse number="12">တူႉ​ၸရိူၵ်ႈ​ဢၼ်​ ဢေႇၽရိမ်ႇ ​ႁဵတ်း​ၼၼ်ႉ မီး​တၢင်း​ဢၼ်​ပူၵ်ႉ​ႁေႃႇ​ဝႆႉ​လႄႈ ဢပႅတ်ႈ​မၼ်း​ၼၼ်ႉ မီး​တၢင်း​ဢၼ်​သိမ်း​သိူင်ႇ​ဝႆႉ​ယဝ်ႉ။-</verse>
				<verse number="13">ဝူၺ်ႇတၼႃႇ​တၢင်း​ဢၼ်​မႄႈ​ယိင်း​ၵိူတ်ႇ​လဵင်ႉ​လုၵ်ႈ​ၼၼ်ႉ တၵ်း​ႁွတ်ႈ​ထိုင်​ၵႃႈ​ၼိူဝ်​မၼ်း​လႄႈ မၼ်း​ပဵၼ်​လုၵ်ႈ​ၸၢႆး​ဢၼ်​မိူၵ်ႈ​လပ်း​သိင်ႇ​ဢေႃႈ။ ပဵၼ်​ၶိင်ႇ​မိူဝ်ႈ​ဢၼ် မၼ်း​ဢမ်ႇ​လီ​ယူႇ​ၵႃႈ​ၼႂ်း​ပၢၵ်ႇ​တွင်ႉ​ဢၼ် ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ၼၼ်ႉ ယူႇ​ႁိုင်​ၼႃႇ​လူင်​လၢင်​လူင်​ပႄႇ။</verse>
				<verse number="14">ၵဝ်​တၵ်း​ၵႄႇ​သႄႇ​ဢဝ်​ၶဝ်​လွတ်ႈ​သေ​ၵႃႈ​ၼႂ်း​တၼ်း​ၶူဝ်း​မိူင်း​မရၼႃႉ​လႄႈ ထုတ်ႇ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိုဝ်း​ၶုၼ်​တၢႆ​ဢေႃႈ။ ၶုၼ်​တၢႆ​ဢိူၺ်း၊ ၽေး​ရၢၼ်ႇ​မႂ်း​ၼၼ်ႉ မီး​ၵႃႈ​လႂ်။ မိူင်း​မရၼႃႉ​ဢိူၺ်း၊ တၢင်း​ဢၼ်​မႂ်း​ယႃႉ​ပႅတ်ႈ​ၼၼ်ႉ မီး​ၵႃႈ​လႂ်။ တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​ၼၼ်ႉ တၵ်း​လပ်ႉ​ႁၢႆ​ၵႂႃႇ​သေ​ၵႃႈ​တီႈ​မၢၵ်ႇ​တႃ​ၵဝ်​ဢေႃႈ။-</verse>
				<verse number="15">ပိၵ်ႉ​သမ်ႉ​မၼ်း​မၢၵ်ႇ မၢၵ်ႇ​ဢၼ်​ၼမ်​ၼႃႇ ၼႂ်း​ပီႈ​ၼႂ်း​ၼွင်ႉ​မၼ်း​ၸိူဝ်း​ၼၼ်ႉ​သေ​ၵေႃႈ၊ လူမ်း​တၢင်း​ဢွၵ်ႇ​တၵ်း​မႃး​ဢေႃႈ။ လူမ်း​ထႃႇဝရႃႉ​ၽြႃး တၵ်း​လုၵ်ႉ​သေ​ၵႃႈ​တီႈ​ထိူၼ်ႇ​မႃး​လႄႈ ႁႂ်ႈ​ၼမ်ႉ​ဢွၵ်ႇ​ႁူး​မၼ်း​ယူတ်း​ႁႅင်ႈ​ၵႂႃႇ​သေ​လႄႈ ၼမ်ႉ​ဢၼ်​ၸိုမ်း​ဢွၵ်ႇ​မၼ်း ထၢတ်ႇ​ၵႂႃႇ​ဢေႃႈ။ ရၢၼ်ႇ​သူႇ​တၵ်း​ႁိမ်​ႁူင်ႇ​ဢဝ် ၶိူင်ႈ​ပိူင်​ဢၼ်​လီ​ဢၼ်​မျၢတ်ႈ ၵႃႈ​ဢၼ်​မီး​ၵႃႈ​တီႈ​တိူၵ်ႈ​ၽၼ်ႇတႃႇ​ၸိူဝ်း​ၼၼ်ႉ​ဢေႃႈ။-</verse>
				<verse number="16">ဝဵင်း​ သမႃႇရီႉ ​ၼၼ်ႉ တၵ်း​လူႉ​လႅဝ် ၵွပ်ႈ​ပိူဝ်ႈ​ဢၼ်​မၼ်း​ပုင်ႇ​ၵၢၼ်ႇ​ၽြႃး​ပဵၼ်​ၸဝ်ႈ​ၶဝ်​ၼၼ်ႉ​ဢေႃႈ။ ၵူၼ်း​ၵႃႈ ၼႂ်း​မၼ်း​ၸိူဝ်း​ၼၼ်ႉ တၵ်း​လူမ်ႉ​တၢႆ​လူၺ်ႈ​လၢပ်ႇ​လူၺ်ႈ​လႅဝ်း​လႄႈ လုၵ်ႈ​လႅင်​ဢွၼ်ႇ​ၶဝ်​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​သွင်ႉ​ဢဝ်​ၽတ်ႉ​သေ​လႄႈ မႄႈ​ယိင်း​ဢၼ်​ပႃး​တွင်ႉ​ပႃး​မၢၼ်း​ၶဝ်​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၽႃႇ​တွင်ႉ​ၽႃႇ​ပုမ်​ပႅတ်ႈ​ဢေႃႈ။</verse>
			</chapter>
			<chapter number="14">
				<verse number="1">ဢီႉသရေႇလႃႉ ​ဢိူၺ်း၊ ၶိုၼ်း​မႃး​ၸူး ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​တႃႉ။-</verse>
				<verse number="2">လွင်ႈ​မၼ်း​ၸမ်ႉ မႂ်း​လူမ်ႉ​တူၵ်း ၵွပ်ႈ​ပိူဝ်ႈ​တူႉ​ၸရိူၵ်ႈ​ဢပႅတ်ႈ ဢၼ်​မႂ်း​ႁဵတ်း​ၼၼ်ႉ ၼၼ်ႉ​ယဝ်ႉ။ ပွင်​ႁဵတ်း​ပွင်​မႄး ၵႂၢမ်း​ပထၼႃႇ​လႄႈ ၶိုၼ်း​မႃး​ၸူး ၵႃႈ​တီႈ​ထႃႇဝရႃႉ​ၽြႃး ယူႇ​သေ​လႄႈ လဝ်ႊ​လၢတ်ႈ​တီႈ​မၼ်း​ၸဝ်ႈ​လႄႈ​ဝႃႈ၊ ၶႅၼ်း​တေႃႈ​ပႄႇ​ဢပႅတ်ႈ ၵႃႈ​မီး​ပႅတ်ႈ​လႄႈ ႁဵတ်း​ၵျေး​ၸူး​သေ​လႄႈ ႁပ်ႉ​တုင်း​ဢဝ် သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ် တၵ်း​ဢဝ်​ဝူဝ်း​ဢွၼ်ႇ ဢၼ်​ဝႃႈ သီႇ​သူပ်း​ၶႃႈ​ၸဝ်ႈ​ႁဝ်း​ၶဝ်​ၼၼ်ႉ ပုၵ်ႈ​ၸေႃႇ​တီႈ​ၶႃႈ​ဢေႃႈ။-</verse>
				<verse number="3">ၶုၼ်​ ဢႃႇသူႉရီႉ ​တၵ်း​ဢမ်ႇ​လႆႈ ၵႄႇ​သႄႇ​ၶျွတ်ႈ​ဢဝ် ၶႃႈ​ၸဝ်ႈ​ႁဝ်း​ၶဝ်​တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ် တၵ်း​ဢမ်ႇ​ႁဵတ်း ၵူၼ်း​သိုၵ်း​ၶီႇ​မႃႉ​တီႈ​ၶႃႈ၊ ၵမ်း​လိုၼ်း​ၶႃႈ​ၸဝ်ႈ​ႁဝ်း​ၶဝ် တၵ်း​ဢမ်ႇ​လၢတ်ႈ​တီႈ ၶိူင်ႈ​ပိူင်​ဢၼ်​ဢဝ်​မိုဝ်း​တူဝ်​ၸဝ်ႈ​ၵဝ်ႇ ႁဵတ်း​ၸိူဝ်း​ၼၼ်ႉ​လႄႈ​ဝႃႈ၊ ၸဝ်ႈ​ႁဝ်း​ၶဝ် ပဵၼ်​ၽြႃး​ပဵၼ်​ၸဝ်ႈ​ႁဝ်း​ၶႃႈ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တီႈ​ၶႃႈ၊ လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ၽၢၼ်​ပေႃႈ​ၽၢၼ်​မႄႈ​ၼၼ်ႉ ၸၢင်ႈ​လႆႈ​ၶၢမ်ႇ​ဢဝ် ၵျေး​ၸူး​ၵရူႉၼႃႇ တီႈ​ၸဝ်ႈ​ႁဝ်း​ၶႃႈ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တႃႉ။</verse>
				<verse number="4">ၵွပ်ႈ​ပိူဝ်ႈ​ဢၼ် တၢင်း​ၸႂ်​မႆႈ​ၶႆႈ​ၸႃႉ​ၵဝ် ပေႇ​လႄႈ ၵဝ်​တၵ်း​ယူတ်း​ယႃ တၢင်း​ဢၼ် ၶဝ်​ၽွၵ်ႈ​ပျၢၼ်ႇ​ၶိုၼ်း​ၼၼ်ႉ​လႄႈ၊ ႁၵ်ႉ​ပႅင်း​ၶဝ် ၸွမ်း​ၵႃႈ​ၼင်ႇ​ဢၼ် ဢလူဝ်ႇ​ၵဝ်​မီး​ၼၼ်ႉ ဢေႃႈ။-</verse>
				<verse number="5">ၵဝ်​တၵ်း​ပဵၼ်​ၸိူဝ်ႉ​ၼင်ႇ ၼမ်ႉ​ၼၢႆး​ၼၼ်ႉ ၵႃႈ​ၼိူဝ် ဢီႉသရေႇလႃႉ ​ဢေႃႈ။ မၼ်း​တၵ်း​ၵီႈ မိူၼ်​ၸိူဝ်ႉ​ၼင်ႇ မွၵ်ႇ​ႁဵဝ်း​ငိုၼ်း​ၼၼ်ႉ​လႄႈ တၵ်း​ယင်ႇ​ႁၢၵ်ႈ မိူၼ်​ၸိူဝ်ႉ​ၼင်ႇ တူၼ်ႈ​မႆႉ​ၵႃႈ​တီႈ​ထိူၼ်ႇ​ လေႇပၼုၼ်ႇ ​ၼၼ်ႉ​ဢေႃႈ။-</verse>
				<verse number="6">ၵိင်ႇ​မၼ်း​ယွတ်ႈ​မၼ်း​တၵ်း​ယႂ်ႇ​ၽႄႈ​ၼမ် ၵိုၼ်း​မႃး​လႄႈ မၼ်း​တၵ်း​မီး​သရေႇ ႁၢင်ႈ​လီ​ႁၢင်ႈ​ငၢမ်း မိူၼ်​ၸိူဝ်ႉ​ၼင်ႇ တူၼ်ႈ​ သၢၼ်ႇလုၼ်ႇ ​ၼၼ်ႉ​သေ​လႄႈ ႁွမ်​ႁိုၼ်း​မိူၼ်​ၸိူဝ်ႉ​ၼင်ႇ​ထိူၼ်ႇ​ လေႇပၼုၼ်ႇ ​ၼၼ်ႉ​ဢေႃႈ။-</verse>
				<verse number="7">ၶဝ်​ၸိူဝ်း​ဢၼ် ယူႇ​ၵႃႈ​တႂ်ႈ​ႁူမ်ႈ​တူၼ်ႈ​ၼၼ်ႉ ၸိူဝ်း​ၼၼ်ႉ တၵ်း​မီး​တၢင်း​ဢၼ် မႄး​ႁဵတ်း​ပဵၼ်​ဢၼ်​မႂ်ႇ​လႄႈ ၶိုၼ်း​လိပ်း​မိူၼ်​ၸိူဝ်ႉ​ၼင်ႇ ၶဝ်ႈ​ပိူၵ်ႇ​ဢေႃႈ။ ၶဝ်​တၵ်း​ယႂ်ႇ​ၽႄႈ တူဝ်း​တွၼ်း​မႃး မိူၼ်​ၸိူဝ်ႉ​ၼင်ႇ တူၼ်ႈ​ၶိူဝ်း မၢၵ်ႇ​ၸပိတ်ႈ​လႄႈ သတၢင်း​သဵင်​ၶၢဝ်ႇ တၵ်း​ႁူင်​ႁၢင်း မိူၼ်​ၸိူဝ်ႉ​ၼင်ႇ ၼမ်ႉ​ၸပိတ်ႈ​ လေႇပၼုၼ်ႇ ​ၼၼ်ႉ​ဢေႃႈ။-</verse>
				<verse number="8">ဢေႇၽရိမ်ႇ ​တၵ်း​လၢတ်ႈ​လႄႈ​ဝႃႈ၊ ၵမ်း​လိုၼ်း​ၵဝ်​တၵ်း လႆႈ​ၸၢပ်ႈ​သႅင်ႇ​ၵၼ်​တင်း ရုၵ်ႈ​ထူႉ​သၢင်း​ထူႉ ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ၵဝ်​တၵ်း​ထွမ်ႇ​ဢဝ် ၵႂၢမ်း​မၼ်း​လႄႈ လူ​တူၺ်း​မၼ်း​ဢေႃႈ။ ၵဝ်​ပဵၼ်​ၸိူဝ်ႉ​ၼင်ႇ တူၼ်ႈ​မႆႉ​ပႅၵ်ႇ ဢၼ်​ၶဵဝ်​လီ​တင်ႈ​လီ​လႄႈ မႂ်း​ပျေႉ​ၸုမ်ႇ​ဝႆႉ​တင်း​မၢၵ်ႇ ၵွပ်ႈ​ပိူဝ်ႈ​ၵျေး​ၸူး​ၵဝ် ဢေႃႈ။</verse>
				<verse number="9">ၽူႈ​လႂ်​မီး​ပိင်ႇ​ၺႃႇ။ ၵေႃႉ​ၼၼ်ႉ တၵ်း​ႁူႉ​လွင်ႈ​တၢင်း ၸိူဝ်း​ၼႆႉ​ဢေႃႈ။ ၽူႈ​လႂ်​ၺၢၼ်ႇ​လီ။ ၵေႃႉ​ၼၼ်ႉ တၵ်း​ႁူႉ​ၸႅင်ႈ လွင်ႈ​တၢင်း ၸိူဝ်း​ၼႆႉ​ဢေႃႈ။ သဵၼ်ႈ​တၢင်း ထႃႇဝရႃႉ​ၽြႃး​တင်း​လၢႆ သိုဝ်ႈ​လီ​လႄႈ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ဢွၼ်​ၵၼ်​ၸွမ်း​ဢေႃႈ။ ၶဝ်​ၸိူဝ်း​ဢၼ် ႁဵတ်း​ႁၢႆႉ​ႁဵတ်း​မိူၵ်ႈ​ၼၼ်ႉ​ၸမ်ႉ၊ တၵ်း​တိူဝ်ႉ​မႅၼ်ႈ ၼႂ်း​သဵၼ်ႈ​တၢင်း​ၸိူဝ်း​ၼၼ်ႉ​လႄႈ လူမ်ႉ​ဢေႃႈ။ ၵျၢမ်ႇ​ဢၼႃႇၵၢတ်ႈ​တီႉ​ႁူဝ်းသေႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="29">
			<chapter number="1">
				<verse number="1">ၼုၵ်ႈၵပၢတ်ႈ​ထႃႇဝရႃႉ​ၽြႃး ဢၼ်​ႁွတ်ႈ​မႃး​တီႈ​ ယူဝ်းဢေးလႃႉ ​လုၵ်ႈ​ၸၢႆး​ ပေႇသူၺ်ႇလႃႉ ​ၼၼ်ႉ​ၸမ်ႉ၊</verse>
				<verse number="2">ၵူၼ်း​ၸိူဝ်း​ဢၼ် ဢသၢၵ်ႈ​ယႂ်ႇ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင် ၶဝ်​ဢိူၺ်း၊ ဢွၼ်​ၵၼ်​ႁေႈ​ႁူ​သူ​ၸူး​တႃႉ။ လွင်ႈ​တၢင်း​ၸိူဝ်ႉ​ၼင်ႇ​ၼႆ​ၼႆႉ ယၢမ်ႈ​ပဵၼ် ၼႂ်း​ၸူဝ်ႈ​ပၢၼ်​သူ​ႁိုဝ်။ ယၢမ်ႈ​ပဵၼ် ၼႂ်း​ၸူဝ်ႈ​ပၢၼ်​ပူႇ​သူ​မွၼ်ႇ​သူ​ႁိုဝ်။-</verse>
				<verse number="3">ဢွၼ်​ၵၼ်​မွၵ်ႇ​လၢတ်ႈ တီႈ​လုၵ်ႈ​သူ​လၢင်း​သူ​တႃႉ။ ႁႂ်ႈ​လုၵ်ႈ​ၶဝ်​လၢင်း​ၶဝ်​ၸိူဝ်း​ၼၼ်ႉ ဢွၼ်​ၵၼ်​မွၵ်ႇ​လၢတ်ႈ တီႈ​ၶဝ်​ၸိူဝ်း​ဢၼ် သိုပ်ႇ​ၵႂႃႇ​တၢၼ်း​ၵႂႃႇ​ၼၼ်ႉ​တႃႉ။-</verse>
				<verse number="4">လွင်ႈ​တၢင်း​ဢၼ်​မႅင်း​ၵႅင်း​ ၵႃႇၸမ်ႇ ​ဝႆႉ​ၵိုတ်း​ဝႆႉ​ၵျၢၼ်ႇ ၼၼ်ႉ​ၸိုင် မႅင်း​ၵႅင်း​ ဢရႃႇၽႃႉ ​ ၵိၼ်​ပႅတ်ႈ​ဢေႃႈ။ လွင်ႈ​တၢင်း​ဢၼ် မႅင်း​ၵႅင်း ဢရႃႇၽႃႉ ဝႆႉ​ၵိုတ်း​ဝႆႉ​ၵျၢၼ်ႇ ၼၼ်ႉ​ၸိုင် မႅင်း​ၵႅင်း​ ယႃႇလိၵ်ႉ ​ၵိၼ်​ပႅတ်ႈ​ဢေႃႈ။ လွင်ႈ​တၢင်း ဢၼ်​မႅင်း​ၵႅင်း​ ယႃႇလိၵ်ႉ ဝႆႉ​ၵိုတ်း​ဝႆႉ​ၵျၢၼ်ႇ ၼၼ်ႉ​ၸိုင် မႅင်း​ၵႅင်း​ ၶႃႇ​သီႉလႃႉ ၵိၼ်​ပႅတ်ႈ​ဢေႃႈ။-</verse>
				<verse number="5">ၵူၼ်း​ဢၼ်​ၵိၼ်​လဝ်ႈ ပူၼ်ႉ​လိူဝ်​ၶဝ်​ဢိူၺ်း၊ ဢွၼ်​ၵၼ်​တိုၼ်ႇ​လႄႈ ႁႆႈ​ႁွင်ႉ​တႃႉ။ ၵူၼ်း​ဢၼ် ၵိၼ်​ၼမ်ႉ​ၸပိတ်ႈ ပူၼ်ႉ​လိူဝ်​ၶဝ်​ဢိူၺ်း၊ ဢွၼ်​ၵၼ်​ႁွင်ႉ​ႁႆႈ​ပွင်ႉ​ၶၢင်း ၵွပ်ႈ​ပိူဝ်ႈ​ဢၼ် ၼမ်ႉ​ၸပိတ်ႈ​ဢၼ်​ဝၢၼ်​ၼၼ်ႉ ထၢတ်ႇ​ၵႂႃႇ​သေ​ၵႃႈ​တီႈ သူပ်း​သူ​ၼၼ်ႉ​တႃႉ။-</verse>
				<verse number="6">လွင်ႈ​မၼ်း​ၸမ်ႉ မဵဝ်း​ၵူၼ်း​ဢၼ်​ႁႅင်း​ယႂ်ႇ​ၼႃႇ​လႄႈ ၼမ်​ၼႃႇ​ထၼ်ႈ​ပေႃး ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ​ၼၼ်ႉ ၶိုၼ်း​မႃး​ၵႃႈ​ၼိူဝ်​မိူင်း​ၵဝ်​ယဝ်ႉ။ ၶဵဝ်ႈ​မဵဝ်း​ၶဝ်​ၼၼ်ႉ ပဵၼ်​ၸိူဝ်ႉ​ၼင်ႇ​ၶဵဝ်ႈ​သၢင်ႇ​သီႈ​လႄႈ ငႃး​မၼ်း​ၵေႃႈ မိူၼ်​ၸိူဝ်ႉ​ၼင်ႇ​ငႃး​သၢင်ႇ​သီႈ​မႄႈ ၼၼ်ႉ​ဢေႃႈ။-</verse>
				<verse number="7">မၼ်း​ယႃႉ​တူၼ်ႈ ၶိူဝ်း​မၢၵ်ႇ​ၸပိတ်ႈ​ၵဝ် ပႅတ်ႈ​လႄႈ ႁႂ်ႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ၵဝ် ႁၵ်း​လႅဝ်​ပႅတ်ႈ​ယဝ်ႉ။ မၼ်း​ထၢၵ်ႇ​ပႅတ်ႈ​ပွၵ်ႇ ပႅတ်ႈ​ပိူၵ်ႇ​မၼ်း​လႄႈ ဢဝ်​လူမ်ႉ​ပႅတ်ႈ​ယဝ်ႉ။ မၼ်း​ႁႂ်ႈ​ၵိင်ႇ​မၼ်း​ၶႃႊ​မၼ်း ပဵၼ်​ဢၼ်​ၽိူၵ်ႇ ဢၼ်​ၶၢဝ်​ဝႆႉ​ဢေႃႈ။-</verse>
				<verse number="8">ႁႆႈ​ႁွင်ႉ​ၶၢင်း​ၶီ​ၶၢင်း​ၽၢၼ် မိူၼ်​ၸိူဝ်ႉ​ၼင်ႇ​လုၵ်ႈ​ယိင်း​သၢဝ်​ဢၼ် ဢဝ်​ၼင်​ပေႃ​ႁတ်ႉ​ဢႅဝ်​မၼ်း ၵွပ်ႈ​ပိူဝ်ႈ​ၽူဝ်​မၼ်း​ဢၼ်​သွင်ႇ​မင်ႇၵလႃႇ​ႁူမ်ႈ​ပွင်း​ၵၼ်​တင်း​မၼ်း ၸဵမ်​မိူဝ်ႈ​ဢၼ်​ဢသၢၵ်ႈ​မၼ်း ယင်း​လဵၵ်ႉ​ယင်း​ဢွၼ်ႇ​ၼၼ်ႉ​တႃႉ။-</verse>
				<verse number="9">ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ​ဢၼ်​သွၼ်း​လေႃႇ​ၼၼ်ႉ ထၢတ်ႇ​ၵႂႃႇ​သေ​ၵႃႈ​တီႈ ႁိူၼ်း​ထႃႇဝရႃႉ​ၽြႃး​လႄႈ ယိတ်ႈပရေႃးႁဵၵ်ႈ ဢၼ်​ဝႃႈ​ၶဝ်​ၸိူဝ်း​ဢၼ်​ပႂ်ႉ​ဢမူႉ ထႃႇဝရႃႉ​ၽြႃး​ၼၼ်ႉ ဢွၼ်​ၵၼ်​ႁႆႈ​ႁွင်ႉ ပွင်ႉ​ၶၢင်း​ယူႇ​ဢေႃႈ။-</verse>
				<verse number="10">ၼႃႈ​လူႉ​ၵႂႃႇ​ယဝ်ႉ။ လိၼ်​တမ်ႇ​ၼွႆႉ​မွင်​ၸႂ်​ဢေႃႈ။ လွင်ႈ​မၼ်း​ၸမ်ႉ ၶဝ်ႈ​ပိူၵ်ႇ​လူႉ​ၵႂႃႇ​ဢေႃႈ။ ၼမ်ႉ​ၸပိတ်ႈ​ဢၼ်​ဝၢၼ်​သဵင်ႈ​ၵႂႃႇ​ယဝ်ႉ။ ၼမ်ႉ​မၼ်း​ယွမ်း​ၵႂႃႇ​ယဝ်ႉ။-</verse>
				<verse number="11">ၵူၼ်း​ဢၼ်​ႁဵတ်း​ၼႃး ၶဝ်​ဢိူၺ်း၊ ဢွၼ်​ၵၼ်​မီး​တၢင်း ဢၼ်​ဢူၵ်း​ဢၼ်​ဢၢႆ​လႄႈ ၵူၼ်း​ဢၼ်​လုမ်း​လႃး​သူၼ်​ဢူးယဵၼ်ႇ တူၼ်ႈ​ၶိူဝ်း​မၢၵ်ႇ​ၸပိတ်ႈ​ၶဝ်​ဢိူၺ်း၊ ႁွင်ႉ​ႁႆႈ​ပွင်ႉ​ၶၢင်း ပုၼ်ႈ​ၶဝ်ႈ​ၵျုင်ႇ​တင်း​ၶဝ်​မူႉ​ယေႃး​တႃႉ။ လွင်ႈ​မၼ်း​ၸမ်ႉ မၢၵ်ႇ​ႁူင်း​ဢၼ်​လႆႈ​ပၢတ်ႇ​ၵႃႈ​ၼႂ်း​တူင်ႈ​ၼႃး​ၼၼ်ႉ လူႉ​ၵႂႃႇ​ယဝ်ႉ။-</verse>
				<verse number="12">တူၼ်ႈ​ၶိူဝ်း​မၢၵ်ႇ​ၸပိတ်ႈ ႁဵဝ်ႇ​ၸွပ်ႈ​လႄႈ တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ယူတ်း​ႁႅင်ႈ​ယဝ်ႉ။ တူၼ်ႈ​မၢၵ်ႇ​ၸင်ႈ၊ တူၼ်ႈ​ထၢၼ်၊ တူၼ်ႈ​မၢၵ်ႇ​ၶီႈ​ၼူ၊ တူၼ်ႈ​မႆႉ​ထိူၼ်ႇ​ၵႃႈ​မီး​ၵေႃႈ ႁဵဝ်ႇ​ၸွပ်ႈ​ၵႂႃႇ​ယဝ်ႉ။ လွင်ႈ​တၢင်း​ဢၼ်​လီ​ၸူမ်း လီ​သိူဝ်း​ၼၼ်ႉ ယူတ်း​ႁႅင်ႈ​ၵႂႃႇ​သေ ၵႃႈ​တီႈ​လုၵ်ႈ​ၵူၼ်း​တင်း​လၢႆ ဢမၢၼ်ႇ​ၶၼ်​ပဵၼ်​ယဝ်ႉ။</verse>
				<verse number="13">ယိတ်ႈပရေႃးႁဵၵ်ႈ​ၶဝ်​ဢိူၺ်း၊ ဢွၼ်​ၵၼ်​ဢဝ် ၶူဝ်း​ၼုင်ႈ​ၼင်​ပေႃ ႁတ်ႉ​ဢႅဝ်​သူ​သေ​လႄႈ ႁွင်ႉ​ႁႆႈ​တႃႉ။ သူ​ၸိူဝ်း​ဢၼ်​ပႂ်ႉ​ဢမူႉ ယိတ်ႈပလၢင်ႇ​ၸဝ်ႈ​ၶဝ်​ဢိူၺ်း၊ ဢွၼ်​ၵၼ်​ပွင်ႉ​ၶၢင်း​တႃႉ။ သူ​ၸိူဝ်း​ဢၼ်​ပႂ်ႉ​ဢမူႉ ၽြႃး​ပဵၼ်​ၸဝ်ႈ​ၵဝ် ၶဝ်​ဢိူၺ်း၊ ဢွၼ်​ၵၼ်​မႃး​လႄႈ ၼုင်ႈ​ၶူဝ်း​ၼုင်ႈ​ၼင်​ပေႃ​ယူႇ သေ​လႄႈ ၼွၼ်း​ယူႇ​တင်း​ၶိုၼ်း​တႃႉ။ လွင်ႈ​မၼ်း​ၸမ်ႉ ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ ဢိၵ်ႇ​တင်း ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​ၼၼ်ႉ ဢမ်ႇ​လႆႈ​မီး တၢင်း​ဢၼ်​ဢဝ်​သၢၵ်ႈ​ဢဝ်​ၵၢပ်ႈ ၵႃႈ​တီႈ​ႁိူၼ်း ၽြႃး​ပဵၼ်​ၸဝ်ႈ​သူ ယဝ်ႉ​လူင်​ပႄႇ။-</verse>
				<verse number="14">ဢွၼ်​ၵၼ်​ၶၢၼ်း​ၶိင်ႇ​မိုဝ်ႉ​ဝၼ်း​ဢၼ်​မူတ်း​ၸၢင်ႇ ဢၼ်​တၵ်း​လႆႈ​ဝႄႈ​လႆႈ​ၵမ် တၢင်း​ၵိၼ်​တၢင်း​ၶူပ်း​ၼၼ်ႉ​ဝႆႉ​တႃႉ။ ဢွၼ်​ၵၼ်​ႁွင်ႉ​ပၢဝ်ႇ​ႁွင်ႉ​သေႃႇ ၶိင်ႇ​မိုဝ်ႉ​ဝၼ်း​ဢၼ် တၵ်း​လႆႈ​ၵမ်​ၵျၢင်ႉ ၵႅၼ်ႇ​ၵႅၼ်ႇ​ၶႅင်​ၶႅင် ၼၼ်ႉ​တႃႉ။ ႁႂ်ႈ​ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ ဢိၵ်ႇ​တင်း ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင်း​မႃး​ၸူႉ​ၵၼ်​တုမ်​ၵၼ် ၵႃႈ​တီႈ​ႁိူၼ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ သူ​သေ​လႄႈ သႅၼ်ႇ​ႁွင်ႉ​ႁႃ ထႃႇဝရႃႉ​ၽြႃး​တႃႉ။-</verse>
				<verse number="15">ၵွပ်ႈ​ပိူဝ်ႈ​မိုဝ်ႉ​ဝၼ်း​ၼၼ်ႉ​လႄႈ မီး​ဢႃႉ​မင်ႇၵလႃႇ​ဢေႃႈ။ မိုဝ်ႉ​ဝၼ်း​ထႃႇဝရႃႉ​ၽြႃး ၸမ်​ယဝ်ႉ။ တၵ်း​ႁွတ်ႈ​မႃး ၸိူဝ်ႉ​ၼင်ႇ ၽေး​တၢင်း​ဢၼ် ၸဝ်ႈ​ဢၼၼ်ႇတႃႉ​တၼ်း​ၶူဝ်း ယႃႉ​ပႅတ်ႈ​ၼၼ်ႉ​ဢေႃႈ။-</verse>
				<verse number="16">တၢင်း​ၵိၼ်​တၢင်း​ၶူပ်း​ႁဝ်း​ၼၼ်ႉ ထၢတ်ႇ​ၵႂႃႇ​သေ​ၵႃႈ​တီႈ သိုဝ်ႈ​ၼႃႈ​တႂ်ႈ​တႃ​ႁဝ်း​ယဝ်ႉ ဢမ်ႇ​ၸႂ်ႈ​ႁိုဝ်။ လွင်ႈ​တၢင်း​ဢၼ်​လီ​ၸူမ်း​သိူဝ်း သႂၢင်ႇ​ၸႂ် ထၢတ်ႇ​ၵႂႃႇ​သေ​ၵႃႈ​တီႈ ႁိူၼ်း​ၽြႃး​ပဵၼ်​ၸဝ်ႈ​ႁဝ်း​ယဝ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="17">ၸိူဝ်ႉ​ၽၼ်း​တင်း​လၢႆ ၼဝ်ႈ​ၵႂႃႇ ၵႃႈ​တႂ်ႈ​ၽၢၼ်ႈ​လိၼ်​ဢေႃႈ။ ယွင်​ၶဝ်ႈ​ယေး​ၶဝ်ႈ လူႉ​ၵႂႃႇ​လႄႈ တိူၵ်ႈ​ၽၼ်ႇတႃႇ​တင်း​လၢႆ ၵိူၼ်ႇ​ပင်း ၵွပ်ႈ​ပိူဝ်ႈ​ဢၼ် တူၼ်ႈ​ၶဝ်ႈ ႁဵဝ်ႇ​ႁႅင်ႈ​ၵႂႃႇ​ၼၼ်ႉ​ဢေႃႈ။-</verse>
				<verse number="18">တရိၵ်ႈသၢၼ်ႇ​တင်း​လၢႆ ၶၢင်း​ၶီ​ၶၢင်း​ၽၢၼ် ၼႃႇ​လူင်​လၢင်​ဢေႃႈ။ ၽုင်​သူဝ်း​တင်း​လၢႆ ယၢပ်ႇ​ၸႂ်​ၶၢၼ်​ၸႂ် ၵွပ်ႈ​ပိူဝ်ႈ​ဢၼ်​တီႈ​ဢၼ် ၵိၼ်​ယူႇ​သေႇ​သေႇ​ၼၼ်ႉ ဢမ်ႇ​မီး​ၼၼ်ႉ​လႄႈ ၽုင်​သူဝ်း​တင်း​လၢႆ​ၵေႃႈ လူႉ​ၵႂႃႇ​ဢေႃႈ။-</verse>
				<verse number="19">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​ႁွင်ႉ​သႅၼ်ႇ​ႁွင်ႉ​ႁႃ​ၸဝ်ႈ​ႁဝ်း တီႈ​ၶႃႈ​ဢေႃႈ။ ၽႆး​လၢမ်း​ၽႆး​ၵိၼ် ၵႃႈ​တီႈ​ဢၼ်​ၵိၼ် ယူႇ​သေႇ​သေႇ ၵႃႈ​ၼႂ်း​ထိူၼ်ႇ​ၼၼ်ႉ ၸိူဝ်း​ၼၼ်ႉ​လႄႈ ပဵဝ်​ၽႆး​မႆႈ​တူၼ်ႈ​မႆႉ​ထိူၼ်ႇ ၵႃႈ​မီး​ၼၼ်ႉ ပႅတ်ႈ​တီႈ​ၶႃႈ​ယဝ်ႉ။-</verse>
				<verse number="20">တူဝ်​ထိူၼ်ႇ​ႁၢႆႉ​တင်း​လၢႆ​ၵေႃႈ ဢွၼ်​ၵၼ်​ႁွင်ႉ​သႅၼ်ႇ​ႁွင်ႉ​ႁႃ​တီႈ​ၸဝ်ႈ​ႁဝ်း တီႈ​ၶႃႈ​ဢေႃႈ။ ၼမ်ႉ​ႁွင်ႈ​ၼမ်ႉ​ၵႄး တင်း​လၢႆ ယူတ်း​ႁႅင်ႈ​ၵႂႃႇ​လႄႈ ၽႆး​မႆႈ​ၵႃႈ​တီႈ ဢၼ်​ၵိၼ်​ယူႇ​သေႇ​သေႇ ၵႃႈ​ၼႂ်း​ထိူၼ်ႇ​ၼၼ်ႉ ၸိူဝ်း​ၼၼ်ႉ တီႈ​ၶႃႈ​ယဝ်ႉ။</verse>
			</chapter>
			<chapter number="2">
				<verse number="1">ဢွၼ်​ၵၼ်​ပဝ်ႇ​ၼႄးၶရႃႇ ၵႃႈ​ၼိူဝ်​လွႆ​ ၸီႉဢုၼ်ႇ ​တႃႉ။ ဢွၼ်​ၵၼ်​ႁဵတ်း သဵင်​ဢၼ်​ပၼ်​သတီႉ ၵႃႈ​ၼိူဝ်​လွႆ ဢၼ်​မူတ်း​ၸၢင်ႇ​ၵဝ် ၼၼ်ႉ​တႃႉ။ ႁႂ်ႈ​ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင် သၼ်ႇ​သၼ်ႇ​သၢႆ​သၢႆ​သေ။ လွင်ႈ​မၼ်း​ၸမ်ႉ မိုဝ်ႉ​ဝၼ်း​ထႃႇဝရႃႉ​ၽြႃး မႃး​လႄႈ​ၸမ်​ယဝ်ႉ။-</verse>
				<verse number="2">ပဵၼ်​ဝၼ်း​ဢၼ်​လပ်း​သိင်ႇ​လပ်း​ႁူမ်ႇ၊ ဝၼ်း​ဢၼ်​ၽူၼ်​ၵုမ်ႈ​ၽူၼ်​ဢုမ်း​လႄႈ လပ်း​သိင်ႇ​ၼႃ​တၼ်​ၼႃႇ​ဢေႃႈ။ ၸိူဝ်ႉ​ၼင်ႇ​ဢၼ်​ဢႃႇရူင်ႇ သၢႆ​ဢရွင်ႇ​ၵၢင်​ဝၼ်း ၸွတ်ႇ​တူဝ်ႈ​ၵႃႈ​ၼိူဝ်​လွႆ​တင်း​လၢႆ ၼၼ်ႉ၊ မဵဝ်း​ဢၼ်​ၼမ်​ၼႃႇ​လႄႈ ႁႅင်း​ယႂ်ႇ​ၼၼ်ႉ မႃး​ယူႇ​ဢေႃႈ။ မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ဢမ်ႇ​တွၼ်ႉ​ပဵၼ် ၸိူဝ်ႉ​ၼင်ႇ​ၼၼ်။ ၵမ်း​လိုၼ်း ၵူႈ​ၸူဝ်ႈ​ၵူႈ​ပၢၼ် သိုပ်ႇ​သိုပ်ႇ​တၢမ်း​တၢမ်း​ၵေႃႈ တၵ်း​ဢမ်ႇ​လႆႈ​ပဵၼ်။-</verse>
				<verse number="3">ၽႆး​မႆႈ​ၵႂႃႇ​ယူႇ ၵႃႈ​တီႈ​ၽၢႆႇ​ၼႃႈ​ၶဝ်​လႄႈ ၵႃႈ​တီႈ​ၽၢႆႇ​လင်​ၵေႃႈ ပဵဝ်​ၽႆး​လုၵ်ႉ​ယူႇ​ဢေႃႈ။ မိူင်း​ဢၼ်​မီး ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ ပဵၼ်​ၸိူဝ်ႉ​ၼင်ႇ​သူၼ်​ဢူးယဵၼ်ႇ ဢေႇတိၼ်ႇ ​ဝႆႉ​လႄႈ ၵႃႈ​တီႈ​ၽၢႆႇ​လင်​ၶဝ်​ၸမ်ႉ၊ ပဵၼ်​ထိူၼ်ႇ​ဢၼ်​ၽဵဝ်ႈ​ပႅတ်ႈ​ယဝ်ႉ ၼၼ်ႉ​ဢေႃႈ။ လွင်ႈ​တၢင်း​ဢၼ်​လႂ် ဢမ်ႇ​လႆႈ​လွတ်ႈ​သေ ၵႃႈ​ၼႂ်း​မိုဝ်း​ၶဝ်​ၼၼ်ႉ သေ​ၸိူဝ်ႉ​သေ​ပိူင်။-</verse>
				<verse number="4">ႁၢင်ႈ​ၽၢင်​ၶဝ်​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ ႁၢင်ႈ​ၽၢင်​မႃႉ​လႄႈ ၶဝ်​ၶုၼ်ႇ​လႅၼ်ႈ မိူၼ်​ၸိူဝ်ႉ​ၼင်ႇ တပ်ႉ​ၵူၼ်း​သိုၵ်း​ၶီႇ​မႃႉ ၼၼ်ႉ​ဢေႃႈ။-</verse>
				<verse number="5">ၶဝ်​ဢွၼ်​ၵၼ်​မေႃး​သဵင်​လႄႈ ဝႅၼ်​ၵျွၵ်း​ဝႅၼ်​ႁူင် ၵႃႈ​ၼိူဝ်​ပၢႆ​လွႆ ၸိၵ်း​လွႆ​တင်း​လၢႆ လႄႈ ႁဵတ်း​သဵင်​လင်​သဵင်​မေႃး​ယူႇ မိူၼ်​ၸိူဝ်ႉ​ၼင်ႇ သဵင်​လေႃႉ​ရထႃး ဢိၵ်ႇ​တင်း​မိူၼ်​ၸိူဝ်ႉ​ၼင်ႇ သဵင်​ၽႆး ဢၼ်​မႆႈ​ယိူဝ်ႈ​ႁႅင်ႈ ယိူဝ်ႈ​ႁွင် တင်း​မိူၼ်​ၸိူဝ်ႉ​ၼင်ႇ သဵင်​မုၵ်ႉ​ၵူၼ်း ၸိူဝ်း​ၵူၼ်း ဢၼ်​ႁႅင်း​ယႂ်ႇ​ၼႃႇ​ၼၼ်ႉ ၶၢင်း​တပ်ႉ​ၶၢင်း​ငႃး ႁႂ်ႈ​လႆႈ​တိုၵ်း​သိုၵ်း​ၼၼ်ႉ​ဢေႃႈ။-</verse>
				<verse number="6">မဵဝ်း​ၵူၼ်း​တင်း​လၢႆ သၼ်ႇ​သၼ်ႇ​သၢႆ​သၢႆ​ယူႇ ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​လႄႈ ၼႃႈ​ၶဝ်​တင်း​သဵင်ႈ​တင်း​လူင် ႁႅတ်ႇ​ၵႂႃႇ​ႁႅင်ႈ​ၵႂႃႇ​ဢေႃႈ။-</verse>
				<verse number="7">ၶဝ်​ၼၼ်ႉ ၶုၼ်ႇ​လႅၼ်ႈ​မိူၼ်​ၸိူဝ်ႉ​ၼင်ႇ ၵူၼ်း​သိုၵ်း​လႄႈ ၶိုၼ်ႈ​လမ်း​ဝဵင်း မိူၼ်​ၸိူဝ်ႉ​ၼင်ႇ ႁူဝ်​ႁၢၼ်​ၵူၼ်း​သိုၵ်း​ဢေႃႈ။ ၶဝ်​ၼၼ်ႉ ယင်း​ဢမ်ႇ​ယႃႉ မုၵ်ႉ​ၶဝ်​ၸိူဝ်း​ၶဝ်​လႄႈ ၸွမ်း​သဵၼ်ႈ​တၢင်း​ၶဝ်​ၵႂႃႇ​ယူႇ သိုဝ်ႈ​သိုဝ်ႈ ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="8">ၸိူဝ်း​ၼိုင်ႈ​လႄႈ ၸိူဝ်း​ၼိုင်ႈ​ယင်း​ဢမ်ႇ​တွၵ်ႈ​ၵၼ် ဢီး​ၵၼ်​လႄႈ ၸွမ်း​သဵၼ်ႈ​တၢင်း​ၽႂ်​သဵၼ်ႈ​တၢင်း​မၼ်း​ဢေႃႈ။ ပိၵ်ႉ​သမ်ႉ​ၶဝ်​တိူဝ်ႉ​သႂ်ႇ ၶူမ်း​လၢပ်ႇ​ၶူမ်း​လႅဝ်း​သေ​ၵေႃႈ ဢမ်ႇ​လႆႈ​ၶၢမ်ႇ​တၢင်း​ဢၼ်​တိူဝ်ႉ ဢၼ်​မၢတ်ႇ။-</verse>
				<verse number="9">ၶဝ်​ၶုၼ်ႇ​လႅၼ်ႈ ၵႂႃႇ​ၵႂႃႇ​ၶိုၼ်း​ၶိုၼ်း​ၵႃႈ​ၼႂ်း​ဝဵင်း​ယူႇ၊ ၶၢမ်ႈ​လမ်း​ဝဵင်း​ယူႇ၊ ၶိုၼ်ႈ​ၵႃႈ​ၼိူဝ်​ႁိူၼ်း​ယူႇ၊ ၶဝ်ႈ​ၵႃႈ​ၼႂ်း​ႁူး​လၢင်း​တဵၼ်​ယူႇ မိူၼ်​ၸိူဝ်ႉ​ၼင်ႇ​ၽူႈ​လၵ်ႉ​ၼၼ်ႉ​ဢေႃႈ။-</verse>
				<verse number="10">လိၼ်​မိူင်း​တူင်ႉ​ၼိုင်​ယူႇ ၵႃႈ​တီႈ​ၽၢႆႇ​ၼႃႈ​ၶဝ်​လႄႈ ၽႃႉ​ၵၢင်​ႁၢဝ်​ၵေႃႈ သၼ်ႇ​ဝႆ​ၶွၼ်း​ၶဝ်ႇ​ယူႇ​ဢေႃႈ။ ၵၢင်​ဝၼ်း ဢိၵ်ႇ​တင်း လိူၼ်​လပ်း​သိင်ႇ​ၵႂႃႇ​လႄႈ လၢဝ်​တင်း​လၢႆ​ယင်း​ဢမ်ႇ​ႁိူဝ်ႈ​လႅင်း​လႄႈ ယူႇ​ဢေႃႈ။-</verse>
				<verse number="11">ထႃႇဝရႃႉ​ၽြႃး​ၵေႃႈ ၵိဝ်​သဵင်​ၸဝ်ႈ ၵႃႈ​တီႈ​ၽၢႆႇ​ၼႃႈ​တပ်ႉ​မၼ်း​ၸဝ်ႈ​လႄႈ တပ်ႉ​မၼ်း​ၸဝ်ႈ​ၼၼ်ႉ ယႂ်ႇ​ၶိုၵ်ႉ​ၼႃႇ​လူင်​လၢင်​ဢေႃႈ။ တပ်ႉ​ၼၼ်ႉ ၸီႇ​ယၢင်ႇ​ၸွမ်း​ၵႃႈ​ၼင်ႇ​ဢၼ် ၵႂၢမ်း​မၼ်း​ၸဝ်ႈ​မီး​ၼၼ်ႉ​လႄႈ တၼ်း​ၶူဝ်း​ယႂ်ႇ​ၼႃႇ​ဢေႃႈ။ မိုဝ်ႉ​ဝၼ်း​ထႃႇဝရႃႉ​ၽြႃး ၼၼ်ႉ ယႂ်ႇ​ၼႃႇ​လႄႈ ပဵၼ်​ဝၼ်း​ဢၼ်​လီ​ၵူဝ်​လီ​ႁႄ ၼႃႇ​လူင်​လၢင်​ဢေႃႈ။ ၽူႈ​လႂ်​တၵ်း​ၸုၵ်း​ၶၢမ်ႇ​ယူႇ​လႆႈ။</verse>
				<verse number="12">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တေႃႈ​လဵဝ်​ၼႆႉ ပႃး​တင်း​ႁူဝ်​ၸႂ်​သဵင်ႈ​သဵင်ႈ ဢိၵ်ႇ​တင်း တၢင်း​ဢၼ်​ၵမ်​တၢင်း​ၵိၼ်၊ တၢင်း​ဢၼ်​ႁႆႈ​ဢၼ်​ႁွင်ႉ၊ တၢင်း​ဢၼ်​ပွင်ႉ​ၶၢင်း​ပွင်ႉ​မိူၼ်ႇ သေ​လႄႈ ဢွၼ်​ၵၼ်​ၶိုၼ်း​မႃး​ၸူး ၵႃႈ​တီႈ​ၵဝ်​တႃႉ။-</verse>
				<verse number="13">ယင်း​ဢမ်ႇ​ၸၵ်ႉ​ဢမ်ႇ​သိၵ်ႇ ၶူဝ်း​ၼုင်ႈ​သူ​လႄႈ ၸၵ်ႉ​သိၵ်ႇ​ႁူဝ်​ၸႂ်​သူ​သေ​လႄႈ ဢွၼ်​ၵၼ်​ၶိုၼ်း​မႃး​ၸူး ၵႃႈ​တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​တႃႉ။ မၼ်း​ၸဝ်ႈ​မီး​ၸႂ်​သၽေႃး ဢၼ်​ၸၢင်ႈ​ဢဵတ်း​လူ​ႁၵ်ႉ​ပႅင်း၊ ၸႂ်​သၽေႃး​ဢၼ်​ပျေႉ​ၸုမ်ႇ​ဝႆႉ​တင်း မႅတ်ႈ​တႃႇ​ၵရူႉၼႃႇ၊ ၸႂ်​သၽေႃး​ဢၼ်​ယႂ်ႇ​ဢၼ်​ယၢဝ်း၊ ၸႂ်​သၽေႃး​ဢၼ်​ၶႂ်ႈ​ႁဵတ်း​ၵျေး​ၸူး၊ ၸႂ်​သၽေႃး​ဢၼ်​ၸၢင်ႈ​ၶုၵ်း​ၸႂ်​လႆႈ ၶႆႈ​ၸႂ်​လူၺ်ႈ တၢင်း​ဢၼ်​ပၼ်​ဢပႅတ်ႈ​ၼၼ်ႉ ဢေႃႈ။-</verse>
				<verse number="14">ၽူႈ​လႂ်​ႁူႉ​လွင်ႈ​ဢၼ်​မၼ်း​ၸဝ်ႈ တၵ်း​သမ်ႉ​ၶိုၼ်း​မႃး​လႄႈ ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ သေ​လႄႈ ႁႂ်ႈ​တၢင်း​လီ​မင်ႇၵလႃႇ ဢၼ်​ဝႃႈ​ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ ဢိၵ်ႇ​တင်း​ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ​ၼၼ်ႉ​ၸိူဝ်း​ၼၼ်ႉ ၵိုတ်း​ၵျၢၼ်ႇ​ဝႆႉ​ႁိုဝ် ဢမ်ႇ​ၵိုတ်း​ၵျၢၼ်ႇ​ဝႆႉ​ႁိုဝ် ၼၼ်ႉ​လႆႈ။-</verse>
				<verse number="15">ဢွၼ်​ၵၼ်​ပဝ်ႇ​ၼႄးၶရႃႇ ၵႃႈ​ၼိူဝ်​လွႆ​ ၸီႉဢုၼ်ႇ ​တႃႉ။ ဢွၼ်​ၵၼ်​ၶၢၼ်း ၶိင်ႇ​မိုဝ်ႉ​ဝၼ်း​ဢၼ် တၵ်း​လႆႈ ဝႄႈ​လႆႈ​ၵမ်​တၢင်း​ၵိၼ် တၢင်း​ၶူပ်း​ၼၼ်ႉ​ဝႆႉ​တႃႉ။ ဢွၼ်​ၵၼ်​ၶၢၼ်း ၶိင်ႇ​မိုဝ်ႉ​ဝၼ်း​ဢၼ် တၵ်း​လႆႈ​ၵမ်​ၵျၢင်ႉ ၵႅၼ်ႇ​ၵႅၼ်ႇ​ၶႅင်​ၶႅင် ၼၼ်ႉ​တႃႉ။-</verse>
				<verse number="16">ဢွၼ်​ၵၼ်​ႁွင်ႉ​ဢဝ် ၵူၼ်း​တင်း​လၢႆ မႃး​လႄႈ ႁႂ်ႈ​ပရဵၵ်ႈသၢတ်ႈ​တင်း​လၢႆ မူတ်း​ၸၢင်ႇ​တႃႉ။ ႁႂ်ႈ​ၶဝ်​ၸိူဝ်း​ဢၼ် ဢသၢၵ်ႈ​ယႂ်ႇ​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ် ယင်း​လဵၵ်ႉ​ယင်း​ၼုမ်ႇ တင်း​ၶဝ်​ၸိူဝ်း​ဢၼ် ယင်း​ၵိၼ်​ၼူမ်း​ယူႇ​ၸိူဝ်း​ၼၼ်ႉ မႃး​ၸူႉ​ၵၼ်​တုမ်​ၵၼ်​တႃႉ။ ႁႂ်ႈ​ၽူႈ​မၢဝ်ႇ​ဢၼ်​သွင်ႇ​မင်ႇၵလႃႇ​ၼၼ်ႉ ဢွၵ်ႇ​သေ​ၵႃႈ​ၼႂ်း​လုၵ်း​မၼ်း​လႄႈ ႁႂ်ႈ​လုၵ်ႈ​ယိင်း​သၢဝ် ဢၼ်​သွင်ႇ​မင်ႇၵလႃႇ​ၼၼ်ႉ ဢွၵ်ႇ​သေ​ၵႃႈ​ၼႂ်း​ၽႃႈ​ၵင်ႈ ဢၼ်​လပ်ႉ​ၵင်ႈ​မၼ်း​ဝႆႉ​ၼၼ်ႉ​သေ။-</verse>
				<verse number="17">ႁႂ်ႈ​ယိတ်ႈပရေႃးႁဵၵ်ႈ​တင်း​လၢႆ၊ ၶဝ်​ၸိူဝ်း​ဢၼ် ပႂ်ႉ​ဢမူႉ​ထႃႇဝရႃႉ​ၽြႃး ၼၼ်ႉ ဢွၼ်​ၵၼ်​ႁႆႈ​ႁွင်ႉ ၵႃႈ​တီႈ​ၵႄႈ​ဝူင်ႈ​ၵၢင် ၼႃႈ​ႁိူၼ်း​ၸဝ်ႈ ဢိၵ်ႇ​တင်း ယိတ်ႈပလၢင်ႇ ယူႇ​သေ​လႄႈ လဝ်ႊ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ ၵူၼ်း​ၸဝ်ႈ​ႁဝ်း​တင်း​လၢႆ သေ​ၵမ်း​တီႈ​ၶႃႈ၊ ယႃႇ​ပေ​ဢဝ်​ဢမူၺ်ႇ​ၸဝ်ႈ​ႁဝ်း ဢၢပ်ႈ​ပၼ်​တီႈ တၢင်း​ဢၼ်​သႄႉ​ဢၼ်​သွမ်း ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ လႆႈ​ဢုပ်ႉ​ပိူင်ႇ​ၶဝ် သေ​ၵမ်း​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ တၵ်း​လႆႈ​ဢွၼ်​ၵၼ်​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ၶဝ်​ၸမ်ႉ၊ မီး​ၵႃႈ​လႂ်၊ ဝႃႈ​ၼင်ႇ​ၼႆ​ႁိုဝ်​တီႈ​ၶႃႈ၊</verse>
				<verse number="18">ပေႃး​ႁဵတ်း ၸိူဝ်ႉ​ၼင်ႇ​ၼၼ်​ၸိုင်၊ ထႃႇဝရႃႉ​ၽြႃး တၵ်း​မီး​ၸႂ်​ဢၼ် ၶႂ်ႈ​ၸွႆႈ​ထႅမ်​မိူင်း​မၼ်း​ၸဝ်ႈ ႁႅင်း​ယႂ်ႇ​ၼႃႇ​လႄႈ တၵ်း​ၵႄႇ​သႄႇ ဢဵတ်း​လူ​ၵူၼ်း​မၼ်း​ၸဝ်ႈ​တင်း​လၢႆ ၼၼ်ႉ​ဢေႃႈ။-</verse>
				<verse number="19">ထႃႇဝရႃႉ​ၽြႃး တၵ်း​ၶိုၼ်း​ဢိူဝ်​လႄႈ မီး​ဢမိင်ႉ​တီႈ​ၵူၼ်း​မၼ်း​ၸဝ်ႈ​တင်း​လၢႆ သေ​လႄႈ​ဝႃႈ၊ တူၺ်း​လူး။ ၵဝ်​တၵ်း​ပၼ်​ၶဝ်ႈ​ပိူၵ်ႇ ၶဝ်ႈ​သၢၼ်၊ ၼမ်ႉ​ၸပိတ်ႈ၊ ၼမ်ႉ​မၼ်း​မႃး​တီႈ​သူ​လႄႈ သူ​တၵ်း​လႆႈ​ဢိမ်ႇ လႆႈ​တဵမ်​ဢေႃႈ။ ၵမ်း​လိုၼ်း၊ ၵဝ်​တၵ်း​ဢမ်ႇ​ဢဝ်​သူ ဢၢပ်ႈ​ပၼ် ႁႂ်ႈ​ပဵၼ်​တီႈ​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း သႄႉ​သွမ်း။-</verse>
				<verse number="20">ၵဝ်​တၵ်း​ၶၢမ်ႇ​ဢဝ် ၵူၼ်း​တပ်ႉ​ၼႃႈ​တၢင်း​ႁွင်ႇ ၸိူဝ်း​ၼၼ်ႉ ဝႆႉ​ၵႃႈ​တီႈ​ၵႆ​ယၢၼ်​ၵၼ် တင်း​သူ​လႄႈ ႁေႃႈ​ၶဝ်​ဢွၵ်ႇ​ပႅတ်ႈ​ၸူး ၵႃႈ​ၼႂ်း​တီႈ​ဢၼ်​ႁႅင်ႈ​ဢၼ်​ႁွင်​လႄႈ ၽူႈ​လႂ်​ဢမ်ႇ​ယူႇ​ဢမ်ႇ​သဝ်း ၼၼ်ႉ​ဢေႃႈ။ ႁူဝ်​တပ်ႉ​မၼ်း​တၵ်း​ဝၢႆႇ​ၼႃႈ​တေႃႇ ပၢင်ႇ​လၢႆႇ​ၼႃႈ​ဝၼ်း​ဢွၵ်ႇ​ယူႇ၊ ႁၢင်​တပ်ႉ​မၼ်း​တၵ်း​ဝၢႆႇ​ၼႃႈ​တေႃႇ ပၢင်ႇ​လၢႆႇ​ၼႃႈ​ဝၼ်း​တူၵ်း​ယူႇ သေ​ဢေႃႈ။ ဢၢႆ​ဢၼ်​မဵၼ်​တူႇ​မၼ်း တၵ်း​ဢွၵ်ႇ​လႄႈ၊ ဢၢႆ​ဢၼ်​မဵၼ်​ၼဝ်ႈ​မၼ်း တၵ်း​မိုတ်း​မိူဝ်​ၵႂႃႇ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ ႁဵတ်း​လွင်ႈ​တၢင်း​ဢၼ်​ယႂ်ႇ​ၼႃႇ လူင်​လၢင်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မိူင်း​ၸဝ်ႈ​ဢိူၺ်း၊ ယႃႇ​ပေ​မႆႈ​ၸႂ်။ မီး​တၢင်း​ဢၼ် ၸူမ်း​သိူဝ်း​လႄႈ သႂၢင်ႇ​ၸႂ်​တႃႉ။ ထႃႇဝရႃႉ​ၽြႃး တၵ်း​ႁဵတ်း လွင်ႈ​တၢင်း​ဢၼ်​ယႂ်ႇ​ၼႃႇ လူင်​လၢင်​ဢေႃႈ။-</verse>
				<verse number="22">တူဝ်​ထိူၼ်ႇ​ႁၢႆႉ​ၶဝ်​ဢိူၺ်း၊ ယႃႇ​ပေ​မႆႈ​ၸႂ်။ တူၼ်ႈ​ယိူဝ်ႈ​တူၼ်ႈ​ယႃႈ ၵႃႈ​တီႈ​ထိူၼ်ႇ​တီႈ​ၶိူဝ်း​ၼၼ်ႉ ဢွၵ်ႇ​မႃး​ယူႇ၊ တူၼ်ႈ​မႆႉ​တူၼ်ႈ​တွၵ်ႇ မၢၵ်ႇ​မၢၵ်ႇ​ယူႇ၊ တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ဢိၵ်ႇ​တင်း တူၼ်ႈ​ၶိူဝ်း​မၢၵ်ႇ​ၸပိတ်ႈ​ၵေႃႈ ၽူၵ်ႈ​လီ​ႁႅင်း​လီ​မႃး ယူႇ​ဢေႃႈ။-</verse>
				<verse number="23">ၵူၼ်း​ဝဵင်း​ ၸီႉဢုၼ်ႇ ​ၶဝ်​ဢိူၺ်း၊ ဢွၼ်​ၵၼ် ၸူမ်း​သိူဝ်း​လႄႈ ဢိင်​ပိုင်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ သေ​လႄႈ သႂၢင်ႇ​ၸႂ်​သိူဝ်း​ၸႂ်​ယူႇ​တႃႉ။ လွင်ႈ​မၼ်း​ၸမ်ႉ မၼ်း​ၸဝ်ႈ တၵ်း​ႁႂ်ႈ​ၽူၼ်​ႁူဝ်​ပီႊ​တူၵ်း မၢၼ်ႇ​လီ​မႅၼ်ႈ​လီ​လႄႈ ႁႂ်ႈ​ၽူၼ်​ဢၼ်​ယႂ်ႇ​ၼႃႇ ဢၼ်​ဝႃႈ​ၽူၼ်​ႁူဝ်​ပီႊ ဢိၵ်ႇ​တင်း ၽူၼ်​ႁၢင်​ပီႊ​ၸိူဝ်း​ၼၼ်ႉ တူၵ်း​ပုၼ်ႈ​သူ မိူၼ်​ၸိူဝ်ႉ​ၼင်ႇ မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="24">တလၢင်း​ယဵပ်ႇ​ၶဝ်ႈ​တင်း​လၢႆ တၵ်း​တဵမ်​ဝႆႉ​တင်း ၶဝ်ႈ​ပိူၵ်ႇ​လႄႈ ၶိူင်ႈ​ဢၼ်​ၼူတ်ႈ​မၢၵ်ႇ ၸိူဝ်း​ၼၼ်ႉ​ၵေႃႈ တၵ်း​လူၼ်ႉ​တူၵ်း​ဝႆႉ တင်း​ၼမ်ႉ​ၸပိတ်ႈ တင်း​ၼမ်ႉ​မၼ်း​ဢေႃႈ။-</verse>
				<verse number="25">ၼင်ႇ​ၼၼ်​လႄႈ ၶဝ်​တၵ်း​ဢဝ်​ၶူပ်ႇ​ပီႊ ဢၼ်​မႅင်း​ၵႅင်း​ ဢရႃႇၽႃႉ ၊ မႅင်း​ၵႅင်း​ ယႃႇလိၵ်ႉ ၊ မႅင်း​ၵႅင်း​ ၶႃႇသီႉလႃႉ ၊ မႅင်း​ၵႅင်း​ ၵႃႇၸမ်ႇ ဢၼ်​ဝႃႈ မႁႃႇ​ပူဝ်ႇ​ပႃႇ​ၵဝ် ဢၼ်​ၵဝ်​ပွႆႇ​ၸႂ်ႉ​ၸူး​တီႈ​သူ​ၸိူဝ်း​ၼၼ်ႉ ၶူပ်း​ၵိၼ်​ၼၼ်ႉ ၶိုၼ်း​ပၼ်​တီႈ​သူ​ၼမ်​ၼႃႇ​ဢေႃႈ။-</verse>
				<verse number="26">သူ​တၵ်း​လႆႈ​ၵိၼ်​ၼမ်​ၼႃႇ​လႄႈ ဢိမ်ႇ​တဵမ်​ဢေႃႈ။ သူ​တၵ်း​ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢၼ်​ႁဵတ်း​လွင်ႈ​တၢင်း​ဢၼ်​လီ​ဢၢမ်း​ၼႃႇ တီႈ​သူ​ၼၼ်ႉ​ဢေႃႈ။ ၵမ်း​လိုၼ်း​ၵူၼ်း​ၵဝ်​တင်း​လၢႆ ဢမ်ႇ​လႆႈ​မီး တၢင်း​ဢၼ်​ဢူၵ်း ဢၼ်​ဢၢႆ။-</verse>
				<verse number="27">သူ​တၵ်း​လႆႈ​ႁူႉ​လွင်ႈ​ဢၼ် ၵဝ်​မီး​ယူႇ​ၵႃႈ​ၼႂ်း​ၵၢင် မဵဝ်း​ ဢီႉသရေႇလႃႉ ဢိၵ်ႇ​တင်း​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ သူ​လႄႈ ဢမ်ႇ​မီး​ၽြႃး​တၢင်ႇ​သူႇ တၢင်ႇ​ပႃး​ၼၼ်ႉ​ဢေႃႈ။ ၵမ်း​လိုၼ်း​ၵူၼ်း​ၵဝ်​တင်း​လၢႆ ဢမ်ႇ​လႆႈ​မီး တၢင်း​ဢၼ်​ဢူၵ်း ဢၼ်​ဢၢႆ။</verse>
				<verse number="28">လိုၼ်း​ၼၼ်ႉ​ၸင်ႇ၊ ၵဝ်​တၵ်း​ဢဝ် ဝီႉၺိၺ်ႇ​ၵဝ်​သွၼ်း​လေႃႇ ၵႃႈ​ၼိူဝ်​မဵဝ်း​ၵူၼ်း တင်း​သဵင်ႈ​တင်း​လူင်​ဢေႃႈ။ လုၵ်ႈ​လၢင်း​သူ​ၼၼ်ႉ တၵ်း​လႆႈ​ဢဝ်​တင်း​ၺၢၼ်ႇ ပရေႃးၽႅတ်ႈ ႁေႃး​လၢတ်ႈ​ဢေႃႈ။ ၵူၼ်း​ထဝ်ႈ​ၵူၼ်း​ၵႄႇ​သူ​ၼၼ်ႉ တၵ်း​လႆႈ ၼွၼ်း​ၽၼ်​ႁၼ် ၼီႉမိၵ်ႈ​တင်း​လၢႆ ဢေႃႈ။ ၵူၼ်း​ၼုမ်ႇ​ၵူၼ်း​ၵမ်​သူ​ၼၼ်ႉ​ၵေႃႈ တၵ်း​လႆႈ​ႁၼ် ရူႇပႃႇရူင်ႇ​ပျႃႇ​တိၵ်ႈ​ၸဝ်ႈ​ဢေႃႈ။-</verse>
				<verse number="29">ၼႂ်း​ၶိင်ႇ​မိူဝ်ႈ​ၼၼ်ႉ​ၵေႃႈ ၵဝ်​တၵ်း​သွၼ်း​လေႃႇ ဝီႉၺိၺ်ႇ​ၵဝ် ၵႃႈ​ၼိူဝ်​ၵူၼ်း​ၸၢႆး ၵူၼ်း​ယိင်း​ဢၼ်​ႁဵတ်း ပွင်​ဢမူႉ​ၵဝ် ၸိူဝ်း​ၼၼ်ႉ​ဢေႃႈ။-</verse>
				<verse number="30">ၵဝ်​တၵ်း​ၼႄ​ပျႃး လွင်ႈ​တၢင်း​ဢၼ်​လီ​ဢၢမ်း တင်း​လၢႆ ၵႃႈ​ၼိူဝ်​ၽႃႉ​ၵၢင်​ႁၢဝ် ဢိၵ်ႇ​တင်း ၸႃႉ​ၸဵမ်​လိူတ်ႈ​လႄႈ ပဵဝ်​ၽႆး​သဝ်​ၵႂၼ်း​ၽႆး၊ ပုၵ်ႉ​ပႃႉ​ၼီႉမိၵ်ႈ တင်း​လၢႆ ၵႃႈ​တႂ်ႈ​ၼိူဝ်​လိၼ်​မိူင်း​ၼႆႉ​ဢေႃႈ။-</verse>
				<verse number="31">ၸူဝ်ႈ​ဢၼ်​ဝၼ်း​ယႂ်ႇ​ဝၼ်း​လူင် ဢၼ်​လီ​ၵူဝ်​လီ​ႁႄ ထႃႇဝရႃႉ​ၽြႃး ၼၼ်ႉ ဢမ်ႇ​ပႆႇ​ႁွတ်ႈ​မႃး​ၼၼ်ႉ​ၸိုင်၊ ၵၢင်​ဝၼ်း​တၵ်း​ပဵၼ် ဢၼ်​လပ်း​သိင်ႇ​ၽိတ်း​ၽိတ်း ၵႂႃႇ​ဢေႃႈ။ လိူၼ်​ၵေႃႈ​တၵ်း​ပဵၼ် လိူတ်ႈ​ၵႂႃႇ​ဢေႃႈ။-</verse>
				<verse number="32">မိူဝ်ႈ​ၼၼ်ႉ ၶဝ်​ၸိူဝ်း​ဢၼ် ႁဵတ်း​သူး​တွင်း​ပထၼႃႇ တီႈ​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး ၵႃႈ​မီး​ၸိူဝ်း​ၼၼ်ႉ တၵ်း​လႆႈ​ႁွတ်ႈ​ထိုင် တၢင်း​ဢၼ်​ၵႄႇ​သႄႇ ၶျွတ်ႈ​ဢဝ်​ဢေႃႈ။ လွင်ႈ​မၼ်း​ၸမ်ႉ ၵႃႈ​တီႈ​လွႆ​ ၸီႉဢုၼ်ႇ ဝဵင်း​ ယေႇရူႉသလႅမ်ႇ ​ၼၼ်ႉ တၵ်း​လႆႈ​မီး ၶဝ်​ၸိူဝ်း​ဢၼ်​လွတ်ႈ​ဢွၵ်ႇ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး မီး​ဢမိင်ႉ​ၼၼ်ႉ ဢိၵ်ႇ​တင်း ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ ဢၼ်​ထႃႇဝရႃႉ​ၽြႃး ႁွင်ႉ​ဢဝ်​ၼၼ်ႉ​ဢေႃႈ။</verse>
			</chapter>
			<chapter number="3">
				<verse number="1">တူၺ်း​လူး။ မိူဝ်ႈ​ဢၼ်​ၵဝ်​သမ်ႉ ဢဝ်​ၵူၼ်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ​ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ ၸိူဝ်း​ၼၼ်ႉ ၶိုၼ်း​မႃး​ၼၼ်ႉ​ၸိုင် ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ၼၼ်ႉ၊-</verse>
				<verse number="2">ၵဝ်​တၵ်း​ႁႂ်ႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸူႉ​ၵၼ်​တုမ်​ၵၼ် သေ​လႄႈ ႁွင်ႉ​ဢဝ်​ၶဝ် လူင်း​မႃး​ၵႃႈ​တီႈ​ၶူင်ႈ​ႁူၺ်ႈ ယူဝ်းသၽတ်ႉ ​ဢေႃႈ။ ၵဝ်​တၵ်း​ယူႇ​ၽၢႆႇ မဵဝ်း​ ဢီႉသရေႇလႃႉ ၊ ၵူၼ်း​ဢမူၺ်ႇ​ၵဝ် ဢၼ်​ၶဝ်​ဢဝ်​ၸၢတ်ႇ​ပိုၼ်​ပႅတ်ႈ ၵႃႈ​ၼႂ်း​ၵူႈ​သိုင်ႇ​ၵူႈ​မိူင်း​သေ​လႄႈ ၽႄ​မိူင်း​ၵဝ်​မႅင်ႇ​ပၼ် ၸိူဝ်း​ၼၼ်ႉ​သေ​လႄႈ လၢတ်ႈ​တြႃး​တေႃႇ​ၵၼ် တင်း​ၶဝ်​ၼၼ်ႉ​ဢေႃႈ။-</verse>
				<verse number="3">ၶဝ်​ၼၼ်ႉ တူၵ်း​လိၵ်ႈ​ၸႃႇ​ၵွၵ်ႈ ပုၼ်ႈ​ၵူၼ်း​ၵဝ် တင်း​လၢႆ​ယဝ်ႉ။ ၶဝ်​ဢဝ်​ၽူႈ​ၸၢႆး​ဢွၼ်ႇ လႅၵ်ႈ​ဢဝ်​လၢႆႈ​ဢဝ် မႄႈ​မွၵ်ႇ​ယႃႈ​လႄႈ ဢဝ်​မႄႈ​ယိင်း​ဢွၼ်ႇ ၶၢႆ​ပႅတ်ႈ​သိုဝ်ႉ​ဢဝ် ၼမ်ႉ​ၸပိတ်ႈ​ပုၼ်ႈ​ဢၼ်​ၶဝ်​တၵ်း​ၵိၼ်​ဢေႃႈ။-</verse>
				<verse number="4">ဝဵင်း​ တူႉရူႉ ​ဢိူၺ်း၊ ဝဵင်း​ ၸီႉတုၼ်ႇ ​ဢိူၺ်း၊ တီႈ​ဢၼ်​ၸမ်​ၵၼ်​တင်း​မိူင်း​ ၽီႉလိတ်ႉတီႉ ၵႃႈ​မီး​ၶဝ်​ဢိူၺ်း၊ သူ​ၸၢပ်ႈ​သႅင်ႇ​ၵၼ်​တင်း​ၵဝ် ၸိူဝ်ႉ​ၼင်ႇ​ႁိုဝ်။ သူ​တၵ်း​တွပ်ႇ​ၶိုၼ်း​တႅၼ်း​ၶိုၼ်း ရၢၼ်ႇ​တၢင်း​ၽိတ်း တီႈ​ၵဝ်​ႁိုဝ်။ ပေႃး​တွပ်ႇ​ၶိုၼ်း တႅၼ်း​ၶိုၼ်း​ရၢၼ်ႇ​တၢင်း​ၽိတ်း တီႈ​ၵဝ်​ၸိုင်၊ ၵဝ်​တၵ်း​ႁႂ်ႈ​ရၢၼ်ႇ တၢင်း​ၽိတ်း​ၼၼ်ႉ ၶိုၼ်း​ႁွတ်ႈ​ထိုင် ၵႃႈ​ၼိူဝ်​ႁူဝ်​သူ ၶၼ်​ၶၼ်​ၽႂ်း​ၽႂ်း​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​ဢၼ်​သူ သိမ်း​ဢဝ်​ငိုၼ်း​ၶမ်း​ၶဝ်​လႄႈ ဢဝ်​ဢုၵ်ႉ​ၸႃႇ​မျၢတ်ႈ ဢၼ်​ထုၵ်ႇ​ၸႂ်​ၵျိူၵ်ႈ​ၸႂ် ၵဝ်​ၼၼ်ႉ သႂၢင်း​ၶဝ်ႈ​ၵႃႈ​ၼႂ်း ၽုင်ႇ​ပိၵ်ႈ​မၢၼ်ႇ​သူ၊-</verse>
				<verse number="6">ဢိၵ်ႇ​တင်း ၵွပ်ႈ​ပိူဝ်ႈ​ဢၼ်​သူ​ဢဝ်​ၵူၼ်း​မိူင်း​ ယူႉတႃႉ ၊ ၵူၼ်း​ဝဵင်း​ ယေႇရူႉသလႅမ်ႇ ​တင်း​လၢႆ ၶၢႆ​ပၼ်​တီႈ​ၵူၼ်း​ ႁေႇလသႃႉ ​တင်း​လၢႆ ႁႂ်ႈ​ၶဝ်​ဢဝ်​ဢွၵ်ႇ​သေ ၵႃႈ​ၼႂ်း​မိူင်း​တီႈ​ယူႇ​ၶဝ် ၶၢႆႉ​တီႈ​ၵႂႃႇ ၵႃႈ​တီႈ​ဢၼ်​ၵႆ​ၼၼ်ႉ​သေ၊-</verse>
				<verse number="7">တူၺ်း​လူး။ ၵဝ်​တၵ်း​ႁႂ်ႈ​ၶဝ် လုၵ်ႉ​သေ​ၵႃႈ​တီႈ တီႈ​ဢၼ်​သူ ၶၢႆ​ပႅတ်ႈ​ၼၼ်ႉ ၶိုၼ်း​မႃး​လႄႈ ႁႂ်ႈ​တၢင်း​ဢၼ်​သူ​တွပ်ႇ​ၶိုၼ်း တႅၼ်း​ၶိုၼ်း​ရၢၼ်ႇ တၢင်း​ၽိတ်း​ၼၼ်ႉ ၶိုၼ်း​ႁွတ်ႈ​ထိုင် ၵႃႈ​ၼိူဝ်​ႁူဝ်​သူ​ဢေႃႈ။-</verse>
				<verse number="8">လုၵ်ႈ​ၸၢႆး​လုၵ်ႈ​ယိင်း​သူ တင်း​လၢႆ​ၵေႃႈ ၵဝ်​တၵ်း​ဢဝ်​ၶၢႆ​တေႃႇ​ၵူၼ်း​မဵဝ်း​ ယူႉတႃႉ ​လႄႈ ၶဝ်​တၵ်း သမ်ႉ​ဢဝ်​ၶၢႆ​ပၼ် တီႈ​ၵူၼ်း​ သေးၽႃႉ ​တင်း​လၢႆ ဢၼ်​ဝႃႈ မဵဝ်း​ဢၼ်​ၵႆ​ၼၼ်ႉ​ဢေႃႈ။ ထႃႇဝရႃႉ​ၽြႃး​မီး​ဢမိင်ႉ​ဝႆႉ ၸိူဝ်ႉ​ၼင်ႇ​ၼၼ်​ယဝ်ႉ။</verse>
				<verse number="9">မွၵ်ႇ​လၢတ်ႈ​လွင်ႈ​တၢင်း​ၼႆႉ တီႈ​ၵူၼ်း​တၢင်ႇ​ၸိူဝ်ႉ တၢင်ႇ​ၶိူဝ်း​တင်း​လၢႆ တႃႉ။ ပွင်​ႁႅၼ်း​ပွင်​မႄး ႁႂ်ႈ​လႆႈ​တိုၵ်း​သိုၵ်း​လႄႈ တိုၵ်း​ယူင်း​ၵူၼ်း​ဢၼ်​ႁႅင်း​ယႂ်ႇ​ၼႃႇ​တင်း​လၢႆ တႃႉ။ ႁႂ်ႈ​ၵူၼ်း​သိုၵ်း တင်း​သဵင်ႈ​တင်း​လူင် သုတ်ႉ​ၸပ်း​သုတ်ႉ​ၸူး​လႄႈ ဢွၼ်​ၵၼ်​ၶိုၼ်ႈ​ၸူး​သေ။-</verse>
				<verse number="10">ဢွၼ်​ၵၼ်​ဢဝ်​သိၵ်ႈ​ၽိူဝ်​လဵၵ်း​သူ​တင်း​လၢႆ ၶဵၼ်ႇ​ႁဵတ်း​လၢပ်ႇ​လႄႈ ဢဝ်​ၶဵဝ်း​သူ​တင်း​လၢႆ ၶဵၼ်ႇ​ႁဵတ်း​ႁွၵ်ႇ​တႃႉ။ ႁႂ်ႈ​ၶဝ်​ၸိူဝ်း​ဢၼ်​ႁႅင်း​လဵၵ်ႉ​ၼၼ်ႉ လၢတ်ႈ​လႄႈ​ဝႃႈ၊ ၵဝ်​ႁႅင်း​ယႂ်ႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​သေ။-</verse>
				<verse number="11">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ယူႇ​လဵပ်ႈ​ႁွပ်ႈ တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ႁိပ်ႈ​ၼႅတ်ႈ​သေ​လႄႈ မႃး​တႃႉ။ ဢွၼ်​ၵၼ်​မႃး​ၸူႉ​တုမ်​ၵၼ်​တႃႉ။ ထႃႇဝရႃႉ​ၽြႃး​တီႈ​ၶႃႈ၊ ႁႂ်ႈ​ၵူၼ်း​သိုၵ်း​ၸဝ်ႈ​ႁဝ်း လူင်း​မႃး​ၸူး​ၵႃႈ​တီႈ​ၼၼ်ႈ သေ​ၵမ်း​တီႈ​ၶႃႈ၊-</verse>
				<verse number="12">ႁႂ်ႈ​ၵူၼ်း​တၢင်ႇ​ၸိူဝ်ႉ တၢင်ႇ​ၶိူဝ်း​တင်း​လၢႆ လုၵ်ႉ​လႄႈ ဢွၼ်​ၵၼ်​ၶိုၼ်ႈ​ၸူး ၵႃႈ​တီႈ​ၶူင်ႈ​ႁူၺ်ႈ ယူဝ်းသၽတ်ႉ ​သေ။ ၵဝ်​တၵ်း​ၼင်ႈ ၵႃႈ​တီႈ​ၼၼ်ႈ ႁႂ်ႈ​လႆႈ​ၸႅတ်ႈ​ထၢမ် ၸီႇ​ယၢင်ႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ယူႇ​လဵပ်ႈ​ႁွပ်ႈ တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="13">ၵွပ်ႈ​ပိူဝ်ႈ​ဢၼ်​ၶဝ်ႈ ဢၼ်​လီ​ပၢတ်ႇ​ၼၼ်ႉ သုၵ်း​ယဝ်ႉ​လႄႈ ဢွၼ်​ၵၼ်​ပွႆႇ​ၶဵဝ်း​တႃႉ။ ၵွပ်ႈ​ပိူဝ်ႈ​ဢၼ်​ၶိူင်ႈ ဢၼ်​ၼူတ်ႈ​မၢၵ်ႇ​ၸပိတ်ႈ​တဵမ်​လႄႈ ႁၢင်း​ၼမ်ႉ​မၢၵ်ႇ​ၸပိတ်ႈ​တင်း​လၢႆ လူၼ်ႉ​လိူဝ်​ယဝ်ႉ​ၼၼ်ႉ​လႄႈ၊ ဢွၼ်​ၵၼ်​မႃး​လႄႈ လူင်း​ယဵပ်ႇ​လူင်း​ၼူတ်ႈ​တႃႉ။ လွင်ႈ​မၼ်း​ၸမ်ႉ တူႉ​ၸရိူၵ်ႈ​ဢပႅတ်ႈ ဢၼ်​ၶဝ်​ႁဵတ်း​ၼၼ်ႉ ယႂ်ႇ​ၼႃႇ​ဢေႃႈ။-</verse>
				<verse number="14">ၵႃႈ​ၼႂ်း​ပၢင်ႇ​ႁူၺ်ႈ တၢင်း​ဢၼ်​ၸီႇ​ယၢင်ႇ တႅပ်း​တတ်း​ၼၼ်ႉ၊ ၵူၼ်း​ၼမ်​ၼႃႇ မီး​တၢင်း​ဢၼ်​ၸူႉ​ၵၼ် တုမ်​ၵၼ်​ယူႇ၊ ၵူၼ်း​ၼမ်​ၼႃႇ မီး​တၢင်း​ဢၼ်​ၸူႉ​ၵၼ် တုမ်​ၵၼ်​ယူႇ​ဢေႃႈ။ မိုဝ်ႉ​ဝၼ်း​ထႃႇဝရႃႉ​ၽြႃး ၸမ်​တၵ်း​ႁွတ်ႈ​ထိုင်​ၵႃႈ​တီႈ​ပၢင်ႇ​ႁူၺ်ႈ တၢင်း​ဢၼ်​ၸီႇ​ယၢင်ႇ တႅပ်း​တတ်း​ၼၼ်ႉ​ယဝ်ႉ။-</verse>
				<verse number="15">ၵၢင်​ဝၼ်း ဢိၵ်ႇ​တင်း​လိူၼ် တၵ်း​လပ်း​သိင်ႇ​ၵႂႃႇ​လႄႈ လၢဝ်​တင်း​လၢႆ ယင်း​ဢမ်ႇ​ႁိူဝ်ႈ​ဢမ်ႇ​လႅင်း​လႄႈ တၵ်း​ယူႇ​ဢေႃႈ။-</verse>
				<verse number="16">ထႃႇဝရႃႉ​ၽြႃး တၵ်း​ယူႇ​ၵႃႈ​ၼိူဝ်​လွႆ​ ၸီႉဢုၼ်ႇ ႁွင်ႉ​သႅၼ်ႇ​သေ​လႄႈ ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵိဝ်​သဵင်​လႄႈ ၽႃႉ​ၵၢင်​ႁၢဝ် ဢိၵ်ႇ​တင်း လိၼ်​မိူင်း​တၵ်း​သၼ်ႇ​ၶွၼ်း​ဝႆ​ဢေႃႈ။ ၵူၺ်း​ၵႃႈ ထႃႇဝရႃႉ​ၽြႃး ၼၼ်ႉ တၵ်း​ပဵၼ်​တီႈ​ဢၼ်​သွၼ်ႈ​ဢၼ်​ပိုင်ႈ တီႈ​ၵူၼ်း​မၼ်း​ၸဝ်ႈ​တင်း​လၢႆ၊ တၢင်း​ၵတ်ႉ​တၢင်း​ၶၼ် တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။</verse>
				<verse number="17">ၼင်ႇ​ၼၼ်​လႄႈ သူ​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ဢၼ်​ယူႇ​ၵႃႈ​ၼိူဝ်​လွႆ​ ၸီႉဢုၼ်ႇ ဢၼ်​မူတ်း​ၸၢင်ႇ​ၵဝ်​ၼၼ်ႉ​ဢေႃႈ။ ဝဵင်း​ ယေႇရူႉသလႅမ်ႇ ​ၵေႃႈ တၵ်း​ပဵၼ် ဢၼ်​မူတ်း​ၸၢင်ႇ​လႄႈ ၵမ်း​လိုၼ်း ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ဢမ်ႇ​လႆႈ​ယဵပ်ႇ​လႆႈ​ၶၢမ်ႈ​ဝဵင်း​ၼၼ်ႉ။-</verse>
				<verse number="18">ၼႂ်း​မိုဝ်ႉ​ဝၼ်း​ၼၼ်ႉ လွႆ​တင်း​လၢႆ တၵ်း​ယွတ်ႇ​ႁူဝ်ႈ​ဢွၵ်ႇ​ၼမ်ႉ​ၸပိတ်ႈ ဢၼ်​ဝၢၼ်​လႄႈ ၵုင်း​တင်း​လၢႆ တၵ်း​ဢွၵ်ႇ​ၼမ်ႉ​ၼူမ်း လႆ​ၵႂႃႇ​ဢေႃႈ။ ၼမ်ႉ​ႁွင်ႈ​ ယူႉတႃႉ ​ၵႃႈ​မီး​ၼၼ်ႉ တၵ်း​မီး တၢင်း​ဢၼ်​ၼမ်ႉ​လႆ​ယူႇ​လႄႈ ၼမ်ႉ​ဢွၵ်ႇ​ႁူး တၵ်း​ဢွၵ်ႇ​သေ​ၵႃႈ​ၼႂ်း ႁိူၼ်း​ထႃႇဝရႃႉ​ၽြႃး​သေ​လႄႈ ႁႂ်ႈ​ပၢင်ႇ​ႁူၺ်ႈ​ သိတ်ႇတိမ်ႇ ​ယမ်း​ဢေႃႈ။-</verse>
				<verse number="19">မိူင်း​ ဢေႇၵိပ်ႉတူႉ တၵ်း​မီး​တၢင်း​ဢၼ်​သဵတ်ႇ​ၵူၼ်း ယဵၼ်​ၵူၼ်း​ၵႂႃႇ​လႄႈ မိူင်း​ ဢေႇတုမ်ႇ တၵ်း​ပဵၼ်​ထိူၼ်ႇ ပဵၼ်​ၶိူဝ်း ဢၼ်​ၽိတ်ႇ​ၵူၼ်း ငႅဝ်​ၵူၼ်း​ၵႂႃႇ ၵွပ်ႈ​ပိူဝ်ႈ​ဢၼ်​ၶဝ် ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​မဵဝ်း​ ယူႉတႃႉ ​တင်း​လၢႆ​လႄႈ ထွၵ်ႇ​လိူတ်ႈ ၶဝ်​ၸိူဝ်း​ဢၼ်​ဢမ်ႇ​မီး​ဢပႅတ်ႈ​ၼၼ်ႉ ပႅတ်ႈ​ၵႃႈ​ၼႂ်း​မိုဝ်း​ၶဝ်​ၼၼ်ႉ ဢေႃႈ။-</verse>
				<verse number="20">မိူင်း​ ယူႉတႃႉ ​ၸမ်ႉ၊ တၵ်း​လႆႈ​ပဵၼ်​မိူင်း​ထႃႇဝရႃႉ၊ ဝဵင်း​ ယေႇရူႉသလႅမ်ႇ ​ၸမ်ႉ၊ တၵ်း​လႆႈ​ပဵၼ်​ဝဵင်း​ဢၼ် တႄႇ​ယူႇ​ၶိင်ႇ​ၵႃႇလႃႉ တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="21">ၵဝ်​တၵ်း​မၢတ်ႈ​တၢင်း​ဢၼ် ၶဝ်​ထွၵ်ႇ​လိူတ်ႈ​ပႅတ်ႈ ဢၼ်​ၵဝ်​ဢမ်ႇ​မၢတ်ႈ​ပဵၼ် ဢၼ်​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​ဢၼ် ဢမ်ႇ​မီး​ဢပႅတ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ထႃႇဝရႃႉ​ၽြႃး ၵိင်း​ဝၢပ်ႈ​ယူႇ​ၵႃႈ​ၼိူဝ်​လွႆ​ ၸီႉဢုၼ်ႇ ​ဢေႃႈ။ ၵျၢမ်း​ဢၼႃႇၵၢတ်ႈ​တီႉ​ယူဝ်းဢေးလႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="30">
			<chapter number="1">
				<verse number="1">ၵႂၢမ်း​ပျႃႇ​တိၵ်ႈ​ၸဝ်ႈ ဢၼ်​ ဢႃႇမူတ်ႉ ​ဢၼ်​ၶဝ်ႈ​ပႃး ၵႃႈ​ၼႂ်း​မုၵ်ႉ​ၸိူဝ်း​ၵူၼ်း ဢၼ်​လဵင်ႉ​ထိင်း​သူဝ်း ၵႃႈ​တီႈ​ဝၢၼ်ႈ​ တေႇၵေႃႇ ​ၼၼ်ႉ လႆႈ​ၶၢမ်ႇ​ဢဝ် ပုၼ်ႈ​မိူင်း​ ဢီႉသရေႇလႃႉ ၼႂ်း​ၸူဝ်ႈ​ပၢၼ် ၶုၼ်​ ဢူဝ်းၸီႉယႃႉ ၶုၼ်​ႁေႃ​ၶမ်း​ ယူႉတႃႉ ဢိၵ်ႇ​တင်း ၼႂ်း​ၸူဝ်ႈ​ပၢၼ်​ၶုၼ်​ ယေႇရူဝ်းပုမ်ႇ လုၵ်ႈ​ၸၢႆး​ ယေႃးသႃႉ ၶုၼ်​ႁေႃ​ၶမ်း ဢီႉသရေႇလႃႉ ဢွၼ်​တၢင်း ပီႊ​ဢၼ်​ဢိင်ႇ​သၼ်ႇ​ၼၼ်ႉ သွင်​ပီႊ​ၼၼ်ႉ​ၸမ်ႉ။-</verse>
				<verse number="2">ထႃႇဝရႃႉ​ၽြႃး ယူႇ​ၵႃႈ​ၼိူဝ်​လွႆ ၸီႉဢုၼ်ႇ ​ႁွင်ႉ​သႅၼ်ႇ​လႄႈ ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵိဝ်​သဵင်​ဢေႃႈ။ တီႈ​ဢၼ် ၵူၼ်း​လဵင်ႉ​ထိင်း​သူဝ်း​ယူႇ ၸိူဝ်း​ၼၼ်ႉ တမ်ႇ​ၼွႆႉ​မွင်​ၸႂ်​ၵႂႃႇ​လႄႈ ပၢႆ​ၸိၵ်း​လွႆ​ ၵရမေႇလႃႉ ​ၼၼ်ႉ ႁဵဝ်ႇ​ၸွပ်ႈ​ၵႂႃႇ​ဢေႃႈ။</verse>
				<verse number="3">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢပႅတ်ႈ​ဝဵင်း​ ထမ်ႇမသႅတ်ႉ သၢမ်​ပႃး ဢမ်ႇ​ၵႃး၊ ၵွပ်ႈ​ပိူဝ်ႈ​ဢပႅတ်ႈ သီႇ​ပႃး​လႄႈ ၵဝ်​ယင်း​ဢမ်ႇ​ပၼ်​တၢမ်ႇ​လႄႈ ဢမ်ႇ​ယူႇ။ လွင်ႈ​မၼ်း​ၸမ်ႉ ၶဝ်​ဢဝ်​ၸၢၵ်ႈ​လဵၵ်း ဢၼ်​ၶိုတ်ႈ​ၼူတ်ႈ​ၶဝ်ႈ​ပိူၵ်ႇ ၸိူဝ်း​ၼၼ်ႉ ၶိုတ်ႈ​ၼူတ်ႈ​မိူင်း​ ၵီႉလတ်ႉ ​ၼၼ်ႉ ယဝ်ႉ​ယဝ်ႉ။-</verse>
				<verse number="4">ၵဝ်​တၵ်း​ပွႆႇ​ၸႂ်ႉ​ၽႆး သႂ်ႇ​ၵႃႈ​ၼိူဝ်​မဵဝ်း​ၶုၼ်​ ႁႃႇၸေႇလႃႉ ​လႄႈ ႁႂ်ႈ​မႆႈ​ႁေႃ​ၶမ်း​ၶုၼ် ပိၼ်ႇႁႃႇတတ်ႉ ​တင်း​လၢႆ​ဢေႃႈ။-</verse>
				<verse number="5">ၵဝ်​တၵ်း​ႁၵ်း​ႁဵၵ်း ၵိူၼ်ႇ​ၽၵ်း​တူ​ဝဵင်း​ ထမ်ႇမသႅတ်ႉ ပႅတ်ႈ​လႄႈ ၵဝ်​တၵ်း​ပႄႇ​ၽဵဝ်ႈ ၵေႃႉ​ဢၼ်​ႁဵတ်း​ၶုၼ်​မၼ်း ပႅတ်ႈ​သေ​ၵႃႈ​တီႈ​ပၢင်ႇ​ႁူၺ်ႈ​ ဢႃႇဝိၼ်ႇ ​ၼၼ်ႉ ဢိၵ်ႇ​တင်း ၶုၼ်​ဢၼ်​ယိပ်း​ၵၼ်း​ႁွၵ်ႇ ရႃႇ​ၸႃႉ​မၼ်း​ပႅတ်ႈ​သေ​ၵႃႈ​တီႈ​ဝဵင်း​ ပႅတ်ႉဢေႇတိၼ်ႇ ​ၼၼ်ႉ​ဢေႃႈ။ ၵူၼ်း​မိူင်း​ သူႉရီႉ ​တင်း​လၢႆ တၵ်း​လႆႈ​ဢွၼ်​ၵၼ် ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​ၸူး ၵႃႈ​တီႈ​ဝဵင်း​ ၵီႉရႃႉ ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။</verse>
				<verse number="6">ထႃႇဝရႃႉ​ၽြႃး​သမ်ႉ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢပႅတ်ႈ​ဝဵင်း​ ၵႃႇၸႃႉ သၢမ်​ပႃး ဢမ်ႇ​ၵႃး၊ ၵွပ်ႈ​ပိူဝ်ႈ​ဢပႅတ်ႈ သီႇ​ပႃး​လႄႈ ၵဝ်​ယင်း​ဢမ်ႇ​ပၼ်​တၢမ်ႇ​လႄႈ ဢမ်ႇ​ယူႇ။ လွင်ႈ​မၼ်း​ၸမ်ႉ ၶဝ်​သိမ်း​ဢဝ်​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ၼၼ်ႉ ၵႂႃႇ​ႁႂ်ႈ​လႆႈ​ဢၢပ်ႈ​ပၼ်​တီႈ​ၶုၼ်​ ဢေႇတုမ်ႇ ​ၼၼ်ႉ တင်း​သဵင်ႈ​တင်း​မူတ်း ယဝ်ႉ​ယဝ်ႉ။-</verse>
				<verse number="7">ၵဝ်​တၵ်း​ပွႆႇ​ၸႂ်ႉ​ၽႆး​သႂ်ႇ​ၵႃႈ​ၼိူဝ်​လမ်း​ဝဵင်း​ ၵႃႇၸႃႉ ​လႄႈ ႁႂ်ႈ​မႆႈ​ႁေႃ​ၶမ်း​မၼ်း​တင်း​လၢႆ​ဢေႃႈ။-</verse>
				<verse number="8">ၵဝ်​တၵ်း​ပႄႇ​ၽဵဝ်ႈ ၵေႃႉ​ဢၼ်​ႁဵတ်း​ၶုၼ်​မၼ်း ပႅတ်ႈ​သေ​ၵႃႈ​တီႈ​ဝဵင်း ဢႃႇၸုတ်ႉ ​ၼၼ်ႉ ဢိၵ်ႇ​တင်း ၶုၼ်​ဢၼ်​ယိပ်း​ၵၼ်း​ႁွၵ်ႇ​ရႃႇ​ၸႃႉ​မၼ်း ပႅတ်ႈ​သေ​ၵႃႈ​တီႈ​ဝဵင်း​ ဢႃႇသၵေႇလုၼ်ႇ ​ၼၼ်ႉ​ဢေႃႈ။ ၵဝ်​တၵ်း​ဢဝ်​မိုဝ်း​ၵဝ် ဝၢႆႇ​ၶိုၼ်း​ၸူး​ၵႃႈ​တီႈ​ဝဵင်း​ ဢေႇၵြုၼ်ႇ ​လႄႈ ၵူၼ်း​ ၽီႉလိတ်ႉတီႉ ဢၼ်​ၵိုတ်း​ဢၼ်​ၵျၢၼ်ႇ​ၸိူဝ်း​ၼၼ်ႉ တၵ်း​လႆႈ​လူႉ​လႅဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="9">ထႃႇဝရႃႉ​ၽြႃး​သမ်ႉ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢပႅတ်ႈ ဝဵင်း​ တူႉရူႉ သၢမ်​ပႃး ဢမ်ႇ​ၵႃး၊ ၵွပ်ႈ​ပိူဝ်ႈ​ဢပႅတ်ႈ သီႇ​ပႃး​လႄႈ ၵဝ်​ယင်း​ဢမ်ႇ​ပၼ်​တၢမ်ႇ​လႄႈ ဢမ်ႇ​ယူႇ။ လွင်ႈ​မၼ်း​ၸမ်ႉ ၶဝ်​ယင်း​ဢမ်ႇ​ပႂ်ႉ မိၵ်ႉသႃႇႁႃယႃႉ ဢၼ်​ပီႈ​ၼွင်ႉ​ၵၼ်​ႁဵတ်း​ၼၼ်ႉ​လႄႈ ဢဝ်​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ၼၼ်ႉ ၵႂႃႇ​ဢၢပ်ႈ​ပၼ် တီႈ​ၶုၼ်​ ဢေႇတုမ်ႇ ​ၼၼ်ႉ တင်း​သဵင်ႈ​တင်း​မူတ်း ယဝ်ႉ​ယဝ်ႉ။-</verse>
				<verse number="10">ၵဝ်​တၵ်း​ပွႆႇ​ၸႂ်ႉ ၽႆး​သႂ်ႇ ၵႃႈ​ၼိူဝ်​လမ်း​ဝဵင်း​ တူႉရူႉ ​လႄႈ ႁႂ်ႈ​မႆႈ​ႁေႃ​ၶမ်း​မၼ်း တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ထႃႇဝရႃႉ​ၽြႃး​သမ်ႉ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢပႅတ်ႈ မိူင်း​ ဢေႇတုမ်ႇ ​သၢမ်​ပႃး ဢမ်ႇ​ၵႃး၊ ၵွပ်ႈ​ပိူဝ်ႈ​ဢပႅတ်ႈ သီႇ​ပႃး​လႄႈ ၵဝ်​ယင်း​ဢမ်ႇ​ပၼ်​တၢမ်ႇ​လႄႈ ဢမ်ႇ​ယူႇ။ လွင်ႈ​မၼ်း​ၸမ်ႉ မၼ်း​ၶျုၵ်ႈ​ဝႆႉ​ၸႂ်​ဢၼ်​ဢဵတ်း​လူ​သေ​လႄႈ ဢဝ်​လၢပ်ႇ​ဢဝ်​လႅဝ်း လိုပ်ႈ​ၸွမ်း​လမ်း​ၸွမ်း​ပီႈ​မၼ်း​ၼွင်ႉ​မၼ်း​လႄႈ တေႃး​သႃႉ​တၢင်း​ၸႂ်​မႆႈ​မၼ်း တိုတ်ႉ​ၶၢတ်ႇ​ပႅတ်ႈ​ယူႇ​တႃႇ​သေႇ​လႄႈ မၼ်း​ဝႆႉ​တၢင်း​ၽိတ်း​မၼ်း ယူႇ​သေႇ​သေႇ​ၼၼ်ႉ ယဝ်ႉ​ယဝ်ႉ။-</verse>
				<verse number="12">ၵဝ်​တၵ်း​ပွႆႇ​ၸႂ်ႉ​ၽႆး​သႂ်ႇ ၵႃႈ​ၼိူဝ်​ဝဵင်း​ တေႇမၢၼ်ႇ ​လႄႈ ႁႂ်ႈ​မႆႈ​ႁေႃ​ၶမ်း​ဝဵင်း​ ပေႃႇၸရႃႉ ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ထႃႇဝရႃႉ​ၽြႃး​သမ်ႉ​မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢပႅတ်ႈ​ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ သၢမ်​ပႃး​ဢမ်ႇ​ၵႃး၊ ၵွပ်ႈ​ပိူဝ်ႈ​ဢပႅတ်ႈ​သီႇ​ပႃး​လႄႈ ၵဝ်​ယင်း​ဢမ်ႇ​ပၼ်​တၢမ်ႇ​လႄႈ​ဢမ်ႇ​ယူႇ။ လွင်ႈ​မၼ်း​ၸမ်ႉ ၶဝ်​ၽႃႇ​တွင်ႉ​မႄႈ​ယိင်း​မိူင်း​ ၵီႉလတ်ႉ ဢၼ်​ပႃး​ပတိၵ်ႉသၼ်ႇထေႇ​ၸိူဝ်း​ၼၼ်ႉ ႁႂ်ႈ​ၶွပ်ႇ​ၼမ်ႉ​လႅၼ်​လိၼ်​ၶဝ် လႆႈ​ၵႂၢင်ႈ​မႃး​ယဝ်ႉ​ယဝ်ႉ။-</verse>
				<verse number="14">ၵဝ်​တၵ်း ဢဝ်​ၽႆး​ၸပ်း​သႂ်ႇ​ၵႃႈ​တီႈ​လမ်း​ဝဵင်း​ ရပ်ႉပႃႇ ​လႄႈ ႁႂ်ႈ​မႆႈ​ႁေႃ​ၶမ်း​မၼ်း​တင်း​လၢႆ​ဢေႃႈ။ တၵ်း​မီး​တၢင်း​ဢၼ်​သႅၼ်ႇ​ႁွင်ႉ ၼႂ်း​မိုဝ်ႉ​ဝၼ်း​ဢၼ်​တိုၵ်း​သိုၵ်း ဢိၵ်ႇ​တင်း​တၢင်း​ဢၼ်​ပိဝ်​သဵၼ်​ၵႂႃႇ ၼႂ်း​ဝၼ်း​ဢၼ်​ၽူၼ်​လူင်​လူမ်း​လူင် ႁွတ်ႈ​မႃး​ၼၼ်ႉ​ဢေႃႈ။-</verse>
				<verse number="15">ၶုၼ်​ႁေႃ​ၶမ်း​ၶဝ် ဢိၵ်ႇ​လူၺ်ႈ​ၵၼ်​တင်း​မူး​မၢတ်ႈ​ၽွင်း​မိူင်း​မၼ်း​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။</verse>
			</chapter>
			<chapter number="2">
				<verse number="1">ထႃႇဝရႃႉ​ၽြႃး​သမ်ႉ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢပႅတ်ႈ​မိူင်း​ မေႃႇၽႃႉ သၢမ်​ပႃး ဢမ်ႇ​ၵႃး၊ ၵွပ်ႈ​ပိူဝ်ႈ​ဢပႅတ်ႈ သီႇ​ပႃး​လႄႈ ၵဝ်​ယင်း​ဢမ်ႇ​ပၼ်​တၢမ်ႇ​လႄႈ ဢမ်ႇ​ယူႇ။ လွင်ႈ​မၼ်း​ၸမ်ႉ မၼ်း​ဢဝ်​ၽႆး​တုတ်ႇ​ၽဝ်​လုပ်ႇ​ၶုၼ်​ႁေႃ​ၶမ်း ဢေႇတုမ်ႇ ႁႂ်ႈ​ပဵၼ်​ထုၼ်​ၵႂႃႇ ယဝ်ႉ​ယဝ်ႉ။-</verse>
				<verse number="2">ၵဝ်​တၵ်း​ပွႆႇ​ၸႂ်ႉ​ၽႆး​သႂ်ႇ ၵႃႈ​ၼိူဝ် မိူင်း​ မေႃႇၽႃႉ ​လႄႈ ႁႂ်ႈ​မႆႈ​ႁေႃ​ၶမ်း ဝဵင်း​ ၵေးရုတ်ႉ ​တင်း​လၢႆ​ဢေႃႈ။ မိူင်း​ မေႃႇၽႃႉ ​ၼၼ်ႉ တၵ်း​ပႃး​တင်း​တၢင်း​ဢၼ် ဢူၼ်​ဢဵၼ်​မေႃး​မႄး၊ တၢင်း​ဢၼ်​ႁွင်ႉ​သႅၼ်ႇ၊ တၢင်း​ဢၼ်​ပဝ်ႇ ၼႄးၶရႃႇ​သေ​လႄႈ သုမ်း​ၸွမ်း​ၵႂႃႇ​ဢေႃႈ။-</verse>
				<verse number="3">ၵဝ်​တၵ်း​ပႄႇ​ၽဵဝ်ႈ ၵူၼ်း​ဢၼ် ၸီႇ​ယၢင်ႇ​တြႃး ပႅတ်ႈ​သေ​ၵႃႈ​ၼႂ်း​ၵၢင်​မိူင်း​ မေႃႇၽႃႉ ​လႄႈ ဢဝ်​မၼ်း ဢိၵ်ႇ​တင်း မူး​မၢတ်ႈ ၽွင်း​မိူင်း​မၼ်း​တင်း​လၢႆ တၢႆ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ၊ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="4">ထႃႇဝရႃႉ​ၽြႃး​သမ်ႉ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢပႅတ်ႈ မဵဝ်း​ ယူႉတႃႉ သၢမ်​ပႃး​ဢမ်ႇ​ၵႃး၊ ၵွပ်ႈ​ပိူဝ်ႈ​ဢပႅတ်ႈ သီႇ​ပႃး​လႄႈ ၵဝ်​ယင်း​ဢမ်ႇ​ပၼ်​တၢမ်ႇ​လႄႈ ဢမ်ႇ​ယူႇ၊ လွင်ႈ​မၼ်း​ၸမ်ႉ ၶဝ်​ၸုၼ်ႉ​ပႅတ်ႈ ပိင်း​ၺၢပ်ႈ​တြႃး ထႃႇဝရႃႉ​ၽြႃး​လႄႈ ဢမ်ႇ​ပႂ်ႉ​ၵမ်​ပႂ်ႉ​ၸွမ်း ထုင်း​ၽိင်ႈ​တြႃး​မၼ်း​ၸဝ်ႈ​သေ​လႄႈ ဢဝ်​မိၵ်ႉသႃႇတိၵ်ႉထီႉ ဢၼ်​ပူႇ​ၶဝ်​မွၼ်ႇ​ၶဝ် ယၢမ်ႈ​ၸွမ်း​ၼၼ်ႉ ၽိတ်း​ပိူင်ႈ ယဝ်ႉ​ယဝ်ႉ။-</verse>
				<verse number="5">ၵဝ်​တၵ်း​ပွႆႇ​ၸႂ်ႉ​ၽႆး​သႂ်ႇ ၵႃႈ​ၼိူဝ်​မိူင်း​ ယူႉတႃႉ ​လႄႈ ႁႂ်ႈ​မႆႈ​ႁေႃ​ၶမ်း ဝဵင်း​ ယေႇရူႉသလႅမ်ႇ ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ထႃႇဝရႃႉ​ၽြႃး​သမ်ႉ မီး​ဢမိင်ႉ​ၸမ်ႉ၊ ၵွပ်ႈ​ပိူဝ်ႈ​ဢပႅတ်ႈ မဵဝ်း​ ဢီႉသရေႇလႃႉ သၢမ်​ပႃး ဢမ်ႇ​ၵႃး၊ ၵွပ်ႈ​ပိူဝ်ႈ​ဢပႅတ်ႈ သီႇ​ပႃး​လႄႈ ၵဝ်​ယင်း​ဢမ်ႇ​ပၼ်​တၢမ်ႇ​လႄႈ ဢမ်ႇ​ယူႇ။ လွင်ႈ​မၼ်း​ၸမ်ႉ ၶဝ်​ဢဝ်​ၵေႃႉ​ဢၼ်​သိုဝ်ႈ​တေႃႇ ၶၢႆ​ဢဝ်​ငိုၼ်း​လႄႈ ဢဝ်​ၵေႃႉ​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ ၶၢႆ​ဢဝ်​ၶႅပ်း​တိၼ် ၵူႈ​ၼိုင်ႈ၊-</verse>
				<verse number="7">ဢိၵ်ႇ​တင်း မီး​ဢလူဝ်ႇ​ၶႂ်ႈ​လႆႈ မုၼ်ႈ​လိၼ် ဢၼ်​ၶဝ်​ၸိူဝ်း ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ ဢဝ်​သႂ်ႇ​ၵႃႈ​ၼိူဝ်​ႁူဝ်​ၶဝ်​ၼၼ်ႉ ၼႃႇ​လူင်​လၢင်​လႄႈ ၸီႇ​ယၢင်ႇ​ဢမ်ႇ​ၸွမ်း​ၼင်ႇ​တြႃး တီႈ​ၶဝ်​ၸိူဝ်း​ဢၼ် တူၵ်း​တီႈ​တႅမ်ႇ​ၼၼ်ႉ ႁႂ်ႈ​လႆႈ​ၶျႃး​ၼႃႇ​မႃႉ ၸိုဝ်ႈ​သဵင်​ၵဝ် တူၵ်း​တီႈ​တႅမ်ႇ​လႄႈ ပေႃႈ​တင်း​လုၵ်ႈ​ၸၢႆး ႁူမ်ႈ​ပွင်း​ၼွၼ်း​လူၺ်ႈ​ၵၼ်​တင်း မႄႈ​ယိင်း​ၵေႃႉ​လဵဝ်​ၵူၺ်း၊-</verse>
				<verse number="8">ဢိၵ်ႇ​တင်း ဢဝ်​ၶူဝ်း​ၼုင်ႈ​တၢင်း​မႆ ဢၼ်​ပွင်ႇ​ဢၼ်​ၵမ်ႉ​ဝႆႉ ၸိူဝ်း​ၼၼ်ႉ သိူဝ်ႇ​ၵႃႈ​တီႈ​ႁိမ်း ယိတ်ႈပလၢင်ႇ​သေ​လႄႈ ၼွၼ်း​လႄႈ ဢဝ်​ၼမ်ႉ​ၸပိတ်ႈ ဢၼ်​ဢဝ်​တင်း ငိုၼ်း​ၵႃႈ​ၶၼ်​ဢၼ်​ယေႃႇ ဢၼ်​သေ ဢပႅတ်ႈ​ၼၼ်ႉ သိုဝ်ႉ​ဢဝ်​ၼၼ်ႉ​သေ​လႄႈ သူတ်ႉ​ၵိၼ်​ၵႃႈ​ၼႂ်း ႁိူၼ်း​ၽြႃး​ပဵၼ်​ၸဝ်ႈ ၶဝ်​ၼၼ်ႉ ယဝ်ႉ​ယဝ်ႉ။-</verse>
				<verse number="9">ၵဝ်​ပႄႇ​ၽဵဝ်ႈ​မဵဝ်း​ ဢႃႇမေႃးရီႉ ဢၼ်​တၢင်း​သုင်​မၼ်း မိူၼ်​ၸိူဝ်ႉ​ၼင်ႇ​တူၼ်ႈ​ ဢႃႇရိတ်ႉ ​လႄႈ ၵႅၼ်ႇ​ၶႅင်​မိူၼ်​ၸိူဝ်ႉ​ၼင်ႇ တူၼ်ႈ​မႆႉ​ၼိမ်​ၼၼ်ႉ ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ၶဝ်​လႄႈ ယႃႉ​မၢၵ်ႇ​ၶဝ်​ပႅတ်ႈ​သေ​ၵႃႈ​တီႈ​ၼိူဝ် ဢိၵ်ႇ​တင်း ႁၢၵ်ႈ​ၶဝ်​ပႅတ်ႈ​သေ ၵႃႈ​တီႈ​တႂ်ႈ ယဝ်ႉ​ယဝ်ႉ။-</verse>
				<verse number="10">ၵဝ်​ၼုၵ်ႈ​ဢဝ်​သူ ဢွၵ်ႇ​သေ​ၵႃႈ​ၼႂ်း​မိူင်း ဢေႇၵိပ်ႉတူႉ ​လႄႈ ဢဝ်​သူင်ႇ​ၵႂႃႇ ၵႃႈ​ၼႂ်း​ထိူၼ်ႇ​ယူႇ သီႇ​သိပ်း​ပီႊ​တဵမ်​တဵမ် ႁႂ်ႈ​သူ​လႆႈ​ၶဝ်ႈ ၵိၼ်​မိူင်း​ ဢႃႇမေႃးရီႉ ​ဢေႃႈ။-</verse>
				<verse number="11">ၵဝ်​ၶၢၼ်း​လုၵ်ႈ​ၸၢႆး​သူ ၵမ်ႈ​ၽွင်ႈ​ဝႆႉ​ၵႃႈ​ၼႂ်း​ဢရႃႇ ယိတ်ႈပရေႃးႁဵၵ်ႈ ဢိၵ်ႇ​တင်း ၵူၼ်း​ၼုမ်ႇ​ၵူၼ်း​ၵမ်​သူ​ၵမ်ႈ​ၽွင်ႈ ဝႆႉ​ၵႃႈ​ၼႂ်း​ဢရႃႇ ၵူၼ်း​ ၼႃႇၸရီႉ ​ယဝ်ႉ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၶဝ်​ဢိူၺ်း၊ ၵႂၢမ်း​ၼႆႉ မၢၼ်ႇ​မႅၼ်ႈ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​ထၢမ်​ဢေႃႈ။-</verse>
				<verse number="12">သူ​ၸမ်ႉ၊ ဢွၼ်​ၵၼ် ဢဝ်​ၼမ်ႉ​ၸပိတ်ႈ​ပၼ် ႁႂ်ႈ​ၵူၼ်း​ ၼႃႇၸရီႉ ​ၵိၼ်​ယဝ်ႉ။ ပရေႃးၽႅတ်ႈ တင်း​လၢႆ​ၵေႃႈ သူ​ဢွၼ်​ၵၼ် ႁႄႉ​ၶႅၼ်​လႄႈ လၢတ်ႈ​လႄႈ​ဝႃႈ၊ ယႃႇ​ပေ​ႁဵတ်း ပရေႃးၽႅတ်ႈ​သေ​လႄႈ ႁေႃး​လၢတ်ႈ၊ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="13">ပိူဝ်ႈ​ၼႆ​လႄႈ ၵဝ်​တၵ်း​တဵၵ်း​ၶီႇ တဵၵ်း​တဵင်​သူ​ယူႇ ၵႃႈ​ၼႂ်း​တီႈ​ယူႇ​သူ မိူၼ်​ၸိူဝ်ႉ​ၼင်ႇ​ဢၼ် လေႃႉ​ဢၼ်​လိုၼ်ႈ​ၶဝ်ႈ​တၢင်ႇ​သႂ်ႇ ႁႂ်ႈ​တဵမ်​ဝႆႉ​ၼၼ်ႉ တဵၵ်း​ၶီႇ​တဵၵ်း​တဵင်​ယူႇ ၼၼ်ႉ​ဢေႃႈ။-</verse>
				<verse number="14">တီႈ​ဢၼ်​ပၢႆႈ​တဵတ်ႇ ပၢႆႈ​မႅပ်ႉ​ၼၼ်ႉ တၵ်း​ဢမ်ႇ​ပၼ်​ဢၶႂၢင်ႉ တီႈ​ၵေႃႉ​ဢၼ် ၶုၼ်ႇ​လႅၼ်ႈ​ၸူး​ၼၼ်ႉ။ ၵေႃႉ​ဢၼ်​ႁႅင်း​ယႂ်ႇ​ၼၼ်ႉ ဢမ်ႇ​လႆႈ​မီး​ဢၶႂၢင်ႉ ဢၼ်​လႆႈ​ဢဝ်​ႁႅင်း​မၼ်း​ဢွၵ်ႇ။ ႁူဝ်​ႁၢၼ်​ၵူၼ်း​သိုၵ်း​ၼၼ်ႉ ဢမ်ႇ​လႆႈ​ၵႄႇ​သႄႇ​ဢဝ်​တူဝ် မၼ်း​လွတ်ႈ။-</verse>
				<verse number="15">ၵေႃႉ​ဢၼ်​ယိပ်း​ၵၢင်ႇ​ၼၼ်ႉ ဢမ်ႇ​လႆႈ​ၸုၵ်း​လႆႈ​ၶၢမ်ႇ။ ၵေႃႉ​ဢၼ် တိၼ်​ၶၼ်​တိၼ်​ၽႂ်း​ၼၼ်ႉ ဢမ်ႇ​လႆႈ​ၵႄႇ​သႄႇ​ဢဝ်​တူဝ် မၼ်း​လွတ်ႈ။ ႁူဝ်​ႁၢၼ်​ၵူၼ်း​သိုၵ်း​ၶီႇ​မႃႉ​ၵေႃႈ ဢမ်ႇ​လႆႈ​ၵႄႇ​သႄႇ​ဢဝ်​တူဝ်​မၼ်း​လွတ်ႈ။-</verse>
				<verse number="16">ၵူၼ်း​သိုၵ်း​ဢၼ်​ႁတ်း​ဢၼ်​ႁၢၼ်​ၼၼ်ႉ တၵ်း​လႆႈ​ယူႇ​တူဝ်​ပူၺ်​သေ​လႄႈ ဢွၵ်ႇ​ပၢႆႈ​ၵႂႃႇ​ၼႂ်း​ဝၼ်း​မိူဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။</verse>
			</chapter>
			<chapter number="3">
				<verse number="1">ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၶဝ်​ဢိူၺ်း၊ ဢွၼ်​ၵၼ် ထွမ်ႇ​ငိၼ်း​ၵႂၢမ်း​ဢၼ် ထႃႇဝရႃႉ​ၽြႃး​ဢဝ် လွင်ႈ​သူ​ဢၼ်​ဝႃႈ ၵူၼ်း​မဵဝ်း​ဢၼ်​ၵဝ်​ၼုၵ်ႈ​ဢဝ် ဢွၵ်ႇ​သေ​ၵႃႈ​ၼႂ်း မိူင်း​ ဢေႇၵိပ်ႉတူႉ ​မႃး တင်း​သဵင်ႈ​တင်း​လူင် သေ​လႄႈ မီး​ဢမိင်ႉ​ၼၼ်ႉ​တႃႉ။-</verse>
				<verse number="2">ၵႃႈ​ၼႂ်း​မဵဝ်း​ၵူၼ်း တင်း​သဵင်ႈ​တင်း​လူင် ဢၼ်​ယူႇ​ၵႃႈ​ၼိူဝ် လိၼ်​မိူင်း​ၼႆႉ​ၼၼ်ႉ၊ ၵဝ်​ႁပ်ႉ​တုင်း​ဢဝ်​သူ မဵဝ်း​လဵဝ်​ၵူၺ်း​ဢေႃႈ။ ပိူဝ်ႈ​ၼႆ​လႄႈ ၵဝ်​တၵ်း​ပၼ်​တၢမ်ႇ​ဢပႅတ်ႈ​သူ ၵႃႈ​မီး​ၼၼ်ႉ တီႈ​သူ​ဢေႃႈ။</verse>
				<verse number="3">ၵူၼ်း​သွင်​ၵေႃႉ ပေႃး​ၸႂ်​သၽေႃး ဢမ်ႇ​မိူၼ်​ၵၼ်​ၸိုင် တၵ်း​ႁူမ်ႈ​ပွင်း​လူၺ်ႈ​ၵၼ် သေ​လႄႈ ၵႂႃႇ​တၢင်း​ပႆ​တၢင်း​လႆႈ​ႁိုဝ်။-</verse>
				<verse number="4">သၢင်ႇ​သီႈ​ၼၼ်ႉ၊ ပေႃး​တီႈ​လီ​တီႉ​ဢဝ် ဢမ်ႇ​မီး​ၸိုင်၊ တၵ်း​ႁွင်ႉ​ၶၢင်း ၵႃႈ​ၼႂ်း​ထိူၼ်ႇ​ႁိုဝ်။ သၢင်ႇ​သီႈ​ၼုမ်ႇ​ၼၼ်ႉ ပေႃး​ဢမ်ႇ​တီႉ​ဢဝ်​လွင်ႈ​တၢင်း သေ​ၸိူဝ်ႉ​သေ​ပိူင်​ယဝ်ႉ​ၸိုင် တၵ်း​ႁဵတ်း​သဵင် ၵႃႈ​ၼႂ်း​ၶုမ်​မၼ်း​ႁူး​မၼ်း​ႁိုဝ်။-</verse>
				<verse number="5">ပေႃး​ဢမ်ႇ​ၵၢင်​ဝႆႉ​ၸိုင် ၼူၵ်ႉ​တၵ်း​ထုၵ်ႇ​ၶဵၼ်း​မႅၼ်ႈ ၵႃႈ​ၼႂ်း​တူင်ႇ​ႁႅဝ်ႉ​တူင်ႇ​ၶိုမ်း ၵႃႈ​ၼိူဝ်​ၼႃႈ​လိၼ်​ႁိုဝ်။ ၸူဝ်ႈ​ဢၼ်​ဢမ်ႇ​ပႆႇ​လႆႈ လွင်ႈ​တၢင်း သေ​ၸိူဝ်ႉ​သေ​ပိူင်​ၼၼ်ႉ​ၸိုင် တူင်ႇ​ႁႅဝ်ႉ​တူင်ႇ​ၶိုမ်း တၵ်း​မီး​တၢင်း​ဢၼ်​ထွတ်ႇ​ထူၺ်ႈ ဢွၵ်ႇ​သေ​ၵႃႈ​တီႈ​လိၼ်​ၼၼ်ႉ​ႁိုဝ်။-</verse>
				<verse number="6">ပေႃး​ပဝ်ႇ​ၼႄးၶရႃႇ ၵႃႈ​ၼႂ်း​ဝဵင်း​ၸိုင် ၵူၼ်း​ဝဵင်း​တင်း​လၢႆ ယင်း​ဢမ်ႇ​ၵူဝ်​ဢမ်ႇ​ႁႄ​လႄႈ တၵ်း​ယူႇ​ႁိုဝ်။ ထႃႇဝရႃႉ​ၽြႃး ယင်း​ဢမ်ႇ​ၸီႇ​ယၢင်ႇ​လႄႈ ၽေး​သေ​ၸိူဝ်ႉ​သေ​ပိူင် တၵ်း​ႁွတ်ႈ​ထိုင် ၵႃႈ​ၼႂ်း​ၶူး​ၼႂ်း​ဝဵင်း​ႁိုဝ်။-</verse>
				<verse number="7">ထႃႇဝရႃႉ​ၽြႃး ယင်း​ဢမ်ႇ​ၽုၺ်ႇ​ဢွၵ်ႇ​ၼႄ​ပျႃး တီႈ​ၶႃႈ​မၼ်း​ၸဝ်ႈ ပရေႃးၽႅတ်ႈ​တင်း​လၢႆ လႄႈ မၼ်း​ၸဝ်ႈ​ဢမ်ႇ​ၸီႇ​ယၢင်ႇ လွင်ႈ​တၢင်း​သေ​ၸိူဝ်ႉ​သေ​ပိူင်။-</verse>
				<verse number="8">မိူဝ်ႈ​ဢၼ် သၢင်ႇ​သီႈ​ႁွင်ႉ​ၶၢင်း​ၼၼ်ႉ​ၸိုင် ၽူႈ​လႂ်​ယင်း​ဢမ်ႇ​ၵူဝ်​ဢမ်ႇ​ႁႄ​လႄႈ တၵ်း​ယူႇ။ မိူဝ်ႈ​ဢၼ်​ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၼၼ်ႉ​ၸိုင် ၽူႈ​လႂ်​ယင်း​ဢမ်ႇ​ႁဵတ်း ပရေႃးၽႅတ်ႈ​လႄႈ တၵ်း​ယူႇ။</verse>
				<verse number="9">တၵ်း​လႆႈ​ႁွင်ႉ​ပၢဝ်ႇ ႁွင်ႉ​လၢတ်ႈ ၵႃႈ​ၼႂ်း​ႁေႃ​ၶမ်း​ဝဵင်း​ ဢႃႇၸုတ်ႉ ဢိၵ်ႇ​တင်း ၵႃႈ​ၼႂ်း​ႁေႃ​ၶမ်း​မိူင်း​ ဢေႇၵိပ်ႉတူႉ ​ၸိူဝ်း​ၼၼ်ႉ​လႄႈ ဝႃႈ​ၸမ်ႉ၊ သူ​ၸူႉ​ၵၼ်​တုမ်​ၵၼ် ၵႃႈ​ၼိူဝ်​လွႆ​ သမႃႇရီႉ ​တင်း​လၢႆ လႄႈ လူ​တူၺ်း လွင်ႈ​တၢင်း​ဢၼ် ႁုၼ်ႉ​ႁၼ်ႉ​ဢူၼ်​ဢဵၼ်​မေႃး​မႄး ၵႃႈ​ၼႂ်း​ဝဵင်း​ၼၼ်ႉ၊ ဢိၵ်ႇ​တင်း လွင်ႈ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး ၵႃႈ​ၼႂ်း​ၵၢင်​ဝဵင်း​ၼၼ်ႉ​တႃႉ။-</verse>
				<verse number="10">ၶဝ်​ၼၼ်ႉ ဢၼ်​ပဵၼ်​ၶဝ်​ၸိူဝ်း​ဢၼ် ၸၢင်ႈ​ဢွၼ်​ၵၼ်​ဢဝ်​ဢုၵ်ႉ​ၸႃႇ ဢၼ်​ႁဵတ်း​ပႄႉ​ႁဵတ်း​ၼႅင်ႇ​လႄႈ ႁိမ်​ႁူင်ႇ​ဢဝ်​ၼၼ်ႉ သိမ်း​ဝႆႉ​ၵႃႈ​ၼႂ်း​ႁေႃ​ၶမ်း​ၼၼ်ႉ ၸိူဝ်း​ၼၼ်ႉ ဢမ်ႇ​ႁူႉ​တၢင်း​ဢၼ် ၸၢင်ႈ​ႁဵတ်း​ၸွမ်း​ၼင်ႇ​တြႃး​ၼၼ်ႉ​လႃး​လႃး၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ရၢၼ်ႇ​သူႇ​တၵ်း​မီး​မႃး​လႄႈ လွမ်ႉ​လဵပ်ႈ​ႁွပ်ႈ​မိူင်း​ဝႆႉ​သေ​လႄႈ ဢွၼ်​ၵၼ်​ၶျႃး​တၢင်း​ၵတ်ႉ​တၢင်း​ၶၼ်​မႂ်း တူၵ်း​တီႈ​တႅမ်ႇ​လႄႈ ႁိမ်​ဢဝ်​ယႃႉ​ၽဵဝ်ႈ ႁေႃ​ၶမ်း​မႂ်း​တင်း​လၢႆ ပႅတ်ႈ​ဢေႃႈ။-</verse>
				<verse number="12">ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ​ဢၼ်​ၵူၼ်း ဢၼ်​လဵင်ႉ​သူဝ်း​ထိင်း​သူဝ်း ၼုၵ်ႈ​ဢဝ်​တိၼ်​သွင်​ၶွၼ်၊ ဢမ်ႇ​ၼၼ် မႂ်​ႁူ​ပွတ်း​ၼိုင်ႈ ဢွၵ်ႇ​သေ​ၵႃႈ​ၼႂ်း သူပ်း​သၢင်ႇ​သီႈ ၼၼ်ႉ​လႄႈ ၵူၼ်း​မဵဝ်း​ ဢီႉသရေႇလႃႉ ဢၼ်​ၼင်ႈ​ယူႇ ၵႃႈ​တီႈ​ၸဵင်ႇ​ၵူႇ​တီႈ​ၼွၼ်း ၵႃႈ​ၼႂ်း​ဝဵင်း​ သမႃႇရီႉ ဢိၵ်ႇ​တင်း ၵႃႈ​ၼိူဝ်​ၽႃႈ​ၵွပ်း ၵႃႈ​တီႈ​ဝဵင်း​ ထမ်ႇမသႅတ်ႉ ​ၸိူဝ်း​ၼၼ်ႉ တၵ်း​လႆႈ​ၶၢမ်ႇ တၢင်း​ဢၼ် ၼုၵ်ႈ​ဢဝ်​ဢေႃႈ။-</verse>
				<verse number="13">ၸဝ်ႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ပူဝ်ႇ​ပႃႇ​ၵၢင်​ႁၢဝ် မီး​ဢမိင်ႉ​ၸမ်ႉ၊ သူ​ဢွၼ်​ၵၼ်​ထွမ်ႇ​ငိၼ်း​လႄႈ ၶၢမ်ႇ​သၢၵ်ႈ​သေႇ ယူႇ​ၽၢႆႇ​ၼိုင်ႈ​တင်း​မဵဝ်း​ ယႃႇၵုပ်ႈ ​တႃႉ။-</verse>
				<verse number="14">ၼႂ်း​မိုဝ်ႉ​ဝၼ်း​ဢၼ် ၵဝ်​ပၼ်​တၢမ်ႇ ဢပႅတ်ႈ​မဵဝ်း​ ဢီႉသရေႇလႃႉ ၵႃႈ​ၼိူဝ်​မၼ်း​ၼၼ်ႉ ၵဝ်​တၵ်း ပၼ်​တၢမ်ႇ​ဢပႅတ်ႈ​တီႈ ယိတ်ႈပလၢင်ႇ ပေႇသလႃႉ ​တင်း​လၢႆ ဢမၢၼ်ႇ​ၶၼ်​ပဵၼ်​လႄႈ ၶဝ်​လႅမ်​ယိတ်ႈပလၢင်ႇ​မၼ်း တၵ်း​လႆႈ ၶၢမ်ႇ​တၢင်း​ဢၼ် တႅပ်း​ၶၢတ်ႇ​လႄႈ တူၵ်း​ပႅတ်ႈ ၵႃႈ​ၼိူဝ်​လိၼ်​ဢေႃႈ။-</verse>
				<verse number="15">ၵဝ်​တၵ်း​တိူဝ်ႉ​ထုၵ်ႇ​သႂ်ႇ ႁေႃ​ၸဝ်ႈ ဢၼ်​ယူႇ​ၼႂ်း မိူဝ်ႈ​ၶိင်ႇ​ၵတ်း ဢိၵ်ႇ​တင်း ႁေႃ​ၸဝ်ႈ​ဢၼ်​ယူႇ​ၼႂ်း မိူဝ်ႈ​ၶိင်ႇ​မႆႈ ၸိူဝ်း​ၼၼ်ႉ​လႄႈ ႁိူၼ်း​ဢၼ်​ယဝ်ႉ​တူဝ်ႈ​လူၺ်ႈ ငႃး​ၸၢင်ႉ​ၸိူဝ်း​ၼၼ်ႉ တၵ်း​လႆႈ​လူႉ​လႆႈ​လႅဝ်​ဢေႃႈ။ ႁိူၼ်း​ယႂ်ႇ​ႁိူၼ်း​လူင် တင်း​လၢႆ​ၵေႃႈ တၵ်း​လႆႈ​သုမ်း​လႆႈ​ၸွမ်း​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="4">
				<verse number="1">ဝူဝ်း​ ပႃႇသၢၼ်ႇ ဢၼ်​ယူႇ​ၵႃႈ​ၼိူဝ် လွႆ​ သမႃႇရီႉ ၊ ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ယူႇ၊ ဢၼ်​တဵၵ်း​ၼႅၼ်ႉ​ၵႅၼ်ႉ ၶေႃး​ၶဝ်​ၸိူဝ်း​ဢၼ်​ၸုတ်ႈ ဢၼ်​လုတ်ႈ​ၼၼ်ႉ​ယူႇ၊ ဢၼ်​ၸၢင်ႈ​လၢတ်ႈ​တီႈ​ၸဝ်ႈ​ၶဝ် တင်း​လၢႆ​လႄႈ​ဝႃႈ၊ ဢွၼ်​ၵၼ်​ဢဝ်​မႃး​လႄႈ သူတ်ႉ​ၵိၼ်​တႃႉ​ႁဝ်း၊ ဝႃႈ​ၼင်ႇ​ၼႆ​ယူႇ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ဢဝ်​ၵႂၢမ်း​ၼႆႉ​တႃႉ။-</verse>
				<verse number="2">ၵႃႈ​ၼင်ႇ​ဢၼ်​ၸဝ်ႈ ထႃႇဝရႃႉ​ၽြႃး ဢဝ်​ပႃႇရမီႇ​တၢင်း​ဢၼ်​မူတ်း​ၸၢင်ႇ​မၼ်း​ၸဝ်ႈ တိူင်ႇ​ဝႃႈ​ၵိၼ်ႇ​ဝႃႈ​ဝႆႉ​ၼၼ်ႉ၊ တူၺ်း​လူး။ ၶိင်ႇ​မိူဝ်ႈ​ဢၼ် ၶဝ်​တၵ်း​ဢဝ်​တင်း​ဝဵတ်း​သေ​လႄႈ တီႉ​ၵမ်​ဢဝ်​သူ​လႄႈ ဢဝ်​တင်း​ၶႄ​သေ​လႄႈ တီႉ​ၵမ်​ဢဝ်​လုၵ်ႈ​သူ လၢၼ်​သူ​ၵႂႃႇ​ၼၼ်ႉ တၵ်း​ႁွတ်ႈ​မႃး​တီႈ​သူ​ဢေႃႈ။-</verse>
				<verse number="3">သူ​တၵ်း​လႆႈ​ဢွၵ်ႇ ၸွမ်း​ၵႃႈ​ၼႂ်း​ႁူး တီႈ​ဢၼ်​ၵိူၼ်ႇ​ဢၼ်​လူႉ​သိုဝ်ႈ​ၼႃႈ​သူ ႁင်း​ၽႂ်​ႁင်း​မၼ်း​သေ​လႄႈ ဢဝ်​တူဝ်​ၸဝ်ႈ​ၵဝ်ႇ ၶျႃး​တူၵ်း​ၵႃႈ​ၼႂ်း​မိူင်း​ ႁႃႇမုၼ်ႇ ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="4">ဢွၼ်​ၵၼ်​ၵႂႃႇ​ၵႃႈ​တီႈ​ဝဵင်း​ ပေႇသလႃႉ ​လႄႈ ၽိတ်း​ပိူင်ႈ​တႃႉ။ ၵႃႈ​တီႈ​ဝဵင်း​ ၵီႉလႃႉၵႃႇလႃႉ ​ၵေႃႈ ဢွၼ်​ၵၼ်​ၵႂႃႇ​လႄႈ ႁဵတ်း​တၢင်း​ဢၼ်​ၽိတ်း​ပိူင်ႈ​ၼမ်​ၼမ်​တႃႉ။ ဢွၼ်​ၵၼ်​ဢဝ် ယိတ်ႈ​ဢၼ်​ပုၵ်ႈ​ၸေႃႇ​ၵူႈ​ၼႂ် ဢိၵ်ႇ​တင်း ဢုၵ်ႉ​ၸႃႇ​သိပ်း​ပုၼ်ႈ​ပုၼ်ႈ​ၼိုင်ႈ ဢၼ်​သၢမ်​ပီႊ​ယေႈ​ပွၵ်ႈ​ၼၼ်ႉ​မႃး​တႃႉ။-</verse>
				<verse number="5">ဢွၼ်​ၵၼ်​ဢဝ် ၶိူင်ႈ​ပုၵ်ႈ​ၸေႃႇ တၢင်း​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ ဢၼ်​ပႃး​ၸိူဝ်ႉ​ပႅင်ႈ​ၼၼ်ႉ တုတ်ႇ​ၽႆး​တႃႉ။ ၶိူင်ႈ​ပုၵ်ႈ​ၸေႃႇ ဢၼ်​ယူႇ​ဢလူဝ်ႇလူဝ်ႇ​လႄႈ ႁဵတ်း​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​မွၵ်ႇ​လၢတ်ႈ​လႄႈ ပၢဝ်ႇ​သေႃႇ​တႃႉ။ ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၶဝ်​ဢိူၺ်း၊ သူ​ၸၢင်ႈ​ထုၵ်ႇ​ၸႂ်​ၵျိူၵ်ႈ​ၸႂ် လွင်ႈ​တၢင်း​ဢၼ်​ႁဵတ်း ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="6">ပိၵ်ႉ​သမ်ႉ ၵဝ်​ပၼ်​တၢင်း​ဢၼ်​ၶဵဝ်ႈ​သူ ပဵၼ်​ဢၼ်​မူတ်း​ဢၼ်​သႂ်​ၵႂႃႇ ၵႃႈ​ၼႂ်း​ဝၢၼ်ႈ​သူ ဝဵင်း​သူ​ၵႃႈ​မီး ဢိၵ်ႇ​တင်း​တၢင်း​ဢၼ် ၶဝ်ႈ​ၵႃႈ​မၢၵ်ႇ​ပႅင်း ၵႃႈ​ၼႂ်း​တီႈ​ဢၼ်​သူ​ယူႇ​သူ​သဝ်း​ၵႃႈ​မီး​ၼၼ်ႉ​သေ​ၵေႃႈ၊ သူ​ဢမ်ႇ​ဢွၼ်​ၵၼ်​ၶိုၼ်း​မႃး​ၸူး ၵႃႈ​တီႈ​ၵဝ်၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="7">ၵဝ်​ႁၢမ်ႈ​တၢပ်ႈ​ႁႄႉ​ၶႅၼ်​ၽူၼ်​ဝႆႉ ႁႂ်ႈ​ၽူၼ်​ဢမ်ႇ​တူၵ်း​ၼႂ်း​သၢမ်​လိူၼ် ၸူဝ်ႈ​ဢၼ်​ဢမ်ႇ​ပႆႇ​ႁွတ်ႈ​ထိုင် ၶိင်ႇ​မိူဝ်ႈ​ဢၼ်​ပၢတ်ႇ​ၶဝ်ႈ ၼၼ်ႉ​ယဝ်ႉ။ ၵဝ်​ႁဵတ်း​ႁႂ်ႈ​ၽူၼ်​တူၵ်း​သႂ်ႇ​ၵႃႈ​ၼိူဝ်​ဝဵင်း ဝဵင်း​ၼိုင်ႈ​လႄႈ လိၼ်​ၵႂၢၵ်ႈ​ၼိုင်ႈ​လႆႈ​ၶၢမ်ႇ​ၽူၼ်​လႄႈ ၵႂၢၵ်ႈ​ၼိုင်ႈ​ဢမ်ႇ​လႆႈ​ၶၢမ်ႇ​ၽူၼ်​ၼၼ်ႉ လႆႈ​ႁႅင်ႈ​ႁွင်​ဝႆႉ​ဢေႃႈ။-</verse>
				<verse number="8">ၼင်ႇ​ၼၼ်​လႄႈ ၵူၼ်း​သွင်​ဝဵင်း​သၢမ်​ဝဵင်း​ၸိူဝ်း​ၼၼ်ႉ ဢွၼ်​ၵၼ်​ၵႂႃႇ​ၸူး​ၵႃႈ​တီႈ​ဝဵင်း​ၼိုင်ႈ ႁႂ်ႈ​လႆႈ​ၵိၼ်​ၼမ်ႉ​လႄႈ ဢမ်ႇ​လႆႈ​ဢိမ်ႇ​လႆႈ​တဵမ်။ ၵူၺ်း​ၵႃႈ သူ​ဢမ်ႇ​ဢွၼ်​ၵၼ်​ၶိုၼ်း​မႃး​ၸူး​ၵႃႈ​တီႈ​ၵဝ်၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="9">ၵဝ်​ဢဝ်​ၽေး​တၢင်း​ဢၼ်​လူမ်း​ထူဝ်း​လႄႈ တူၼ်ႈ​မႆႉ​တၢႆ၊ တၢင်း​ဢၼ်​သႃး​လႄႈ တူၼ်ႈ​တၢႆ​ၼၼ်ႉ ပၼ်​တၢမ်ႇ​တီႈ​သူ​ယဝ်ႉ။ မႅင်း​ၵႅင်း​တင်း​လၢႆ ၶူပ်း​ၵိၼ်​ႁႆႊ​ၼႃး​သူ၊ သူၼ်​ဢူးယဵၼ်ႇ​ၸပိတ်ႈ​သူ၊ တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​သူ၊ တူၼ်ႈ​ သၢၼ်ႇလုၼ်ႇ ​သူ​ၸိူဝ်း​ၼၼ်ႉ ယဝ်ႉ​ယဝ်ႉ။ ၵူၺ်း​ၵႃႈ သူ​ဢမ်ႇ​ဢွၼ်​ၵၼ်​ၶိုၼ်း​မႃး​ၸူး​ၵႃႈ​တီႈ​ၵဝ်၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="10">ၵဝ်​ပွႆႇ​ၸႂ်ႉ​ၽေး​ၵႃႇလႃႉ​ႁႃႈ​လႅင်​မိူင်း ဢၼ်​မိူင်း​ ဢေႇၵိပ်ႉတူႉ ​လႆႈ​ၶၢမ်ႇ​ၼၼ်ႉ ၸူး​ၵႃႈ​တီႈ​သူ​ယဝ်ႉ​ယဝ်ႉ။ ၵဝ်​ႁႂ်ႈ​ဢဝ်​မႃႉ​သူ​တင်း​လၢႆ ၵႂႃႇ​ယဝ်ႉ​ယဝ်ႉ။ ၵဝ်​ႁႂ်ႈ​ဢၢႆ​မဵၼ်​တူႇ​မဵၼ်​ၼဝ်ႈ​ၵႃႈ​ၼႂ်း​တပ်ႉ​သူ​ၼၼ်ႉ မိုတ်း​သႂ်ႇ​ၵႃႈ​ၼႂ်း​ၶူႈ​လင်​သူ​ယဝ်ႉ​ယဝ်ႉ။ ၵူၺ်း​ၵႃႈ သူ​ဢမ်ႇ​ဢွၼ်​ၵၼ်​ၶိုၼ်း​မႃး​ၸူး​ၵႃႈ​တီႈ​ၵဝ်၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="11">ၵဝ်​ၶႂမ်ႈ​ပိၼ်ႈ​သူ​ပႅတ်ႈ​ၵမ်ႈ​ၽွင်ႈ မိူၼ်​ၸိူဝ်ႉ​ၼင်ႇ​ဢၼ်​ၽြႃး​ပဵၼ်​ၸဝ်ႈ ၶႂမ်ႈ​ပိၼ်ႈ​ဝဵင်း​ သေႃးတုမ်ႇ ​တင်း​ဝဵင်း​ ၵေႃးမေႃးရႃႉ ပႅတ်ႈ​ၼၼ်ႉ​လႄႈ သူ​ပဵၼ်​ၸိူဝ်ႉ​ၼင်ႇ​လိုၼ်ႈ​ၽႆး ဢၼ်​ယိုတ်း​ဢဝ်​ဢွၵ်ႇ​သေ​ၵႃႈ​ၼႂ်း​ၽႆး​ၼၼ်ႉ​ယဝ်ႉ​ယဝ်ႉ။ ၵူၺ်း​ၵႃႈ သူ​ဢမ်ႇ​ဢွၼ်​ၵၼ်​ၶိုၼ်း​မႃး​ၸူး​ၵႃႈ​တီႈ​ၵဝ်၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ မဵဝ်း​ ဢီႉသရေႇလႃႉ ​ဢိူၺ်း၊ ၵဝ်​တၵ်း​ႁဵတ်း​တီႈ​မႂ်း မိူၼ်​ၸိူဝ်ႉ​ၼင်ႇ​ဢၼ်​ၵဝ်​ႁဵတ်း​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ် ၵဝ်​တၵ်း​ႁဵတ်း​ၸိူဝ်ႉ​ၼင်ႇ​ၼၼ် ၼၼ်ႉ​လႄႈ မဵဝ်း​ ဢီႉသရေႇလႃႉ ​ဢိူၺ်း၊ ပွင်​မႄး​ပွင်​ႁႅၼ်း တူဝ်​မႂ်း​ဝႆႉ ႁႂ်ႈ​မႂ်း​လႆႈ​ထူပ်း​ၵၼ်​တင်း ၽြႃး​ပဵၼ်​ၸဝ်ႈ​မႂ်း​တႃႉ။-</verse>
				<verse number="13">ၸဝ်ႈ​ဢၼ်​ႁဵတ်း​လွႆ​တင်း​လၢႆ၊ ဢၼ်​ၽၢၼ်ႇ​သၢင်း​ႁဵတ်း​ပဵၼ်​လူမ်း၊ ဢၼ်​ၽုၺ်ႇ​ဢွၵ်ႇ​ၼႄ​ပျႃး တၢင်း​ၵျၢမ်ႇ​တၢင်း​ပွင် ၸႂ်​ၵူၼ်း​တီႈ​ၵူၼ်း၊ ဢၼ်​ႁႂ်ႈ​ဢၼ်​လႅင်း ၶိင်ႇ​ၵၢင်​ၼႂ် ပဵၼ်​ဢၼ်​လပ်း​သိင်ႇ၊ ဢၼ်​ယဵပ်ႇ​ၶၢမ်ႈ​တီႈ​ဢၼ်​သုင်​လိၼ်​မိူင်း​တင်း​လၢႆ​ၼၼ်ႉ မီး​ၸိုဝ်ႈ​မီး​သဵင် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ပူဝ်ႇ​ပႃႇ​ၵၢင်​ႁၢဝ်​ဢေႃႈ။</verse>
			</chapter>
			<chapter number="5">
				<verse number="1">မဵဝ်း ဢီႉသရေႇလႃႉ ​ဢိူၺ်း၊ ထွမ်ႇ​ငိၼ်း​ၵႂၢမ်း​ဢၼ် ၵဝ်​ဢွၵ်ႇ​သူပ်း​ဝႃႈ လူၺ်ႈ​လွင်ႈ​သူ​လႄႈ ပွင်ႉ​ၶၢင်း​ပွင်ႉ​မိူၼ်ႇ ပုၼ်ႈ​သူ​ယူႇ​ၼႆႉ​တႃႉ။-</verse>
				<verse number="2">ၵၼ်ႇ​ၺႃႇ​လုၵ်ႈ​ယိင်း​သၢဝ် ဢီႉသရေႇလႃႉ ​ၼၼ်ႉ လူမ်ႉ​ယဝ်ႉ​ယဝ်ႉ။ ၵမ်း​လိုၼ်း မၼ်း​ဢမ်ႇ​လႆႈ​လုၵ်ႉ။ မၼ်း​ယဵတ်ႇ​ယူႇ​ဢိူၼ်​လိူၼ် ၵႃႈ​ၼိူဝ်​လိၼ်​မၼ်း​ယဝ်ႉ​ယဝ်ႉ။ ဢမ်ႇ​မီး​ၵေႃႉ​ဢၼ် ဢုမ်ႈ​ဢဝ်​ယွင်ႈ​ဢဝ်​မၼ်း။-</verse>
				<verse number="3">ၸဝ်ႈ​ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ ဝဵင်း​ဢၼ်​ယၢမ်ႈ​ဢွၵ်ႇ ၵူၼ်း​ႁဵင်​ၼိုင်ႈ​ၼၼ်ႉ တၵ်း​မီး​ဢၼ်​ၵိုတ်း​ဢၼ်​ၵျၢၼ်ႇ​မၼ်း​ဝႆႉ ပၢၵ်ႇ​ၼိုင်ႈ​ၵူၺ်း​လႄႈ ဝဵင်း​ဢၼ်​ယၢမ်ႈ​ဢွၵ်ႇ​ၵူၼ်း​ပၢၵ်ႇ​ၼိုင်ႈ​ၼၼ်ႉ တၵ်း​မီး​ဢၼ်​ၵိုတ်း​ဢၼ်​ၵျၢၼ်ႇ​မၼ်း​ဝႆႉ ၵူၼ်း​သိပ်း​ၼိုင်ႈ​ၵူၺ်း တီႈ​မဵဝ်း ဢီႉသရေႇလႃႉ ​ဢေႃႈ။-</verse>
				<verse number="4">ထႃႇဝရႃႉ​ၽြႃး မီး​ဢမိင်ႉ​တီႈ မဵဝ်း​ ဢီႉသရေႇလႃႉ ​ၸမ်ႉ၊ သူ​ဢွၼ်​ၵၼ်​ႁႃ​ၵဝ်​တႃႉ။ ပေႃး​ႁႃ​ၸိုင် ဢသၢၵ်ႈ​သူ​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="5">ယႃႇ​ပေ​ႁႃ​ဝဵင်း​ ပေႇသလႃႉ ။ ယႃႇ​ပေ​ၶဝ်ႈ​ၵႃႈ​ၼႂ်း​ဝဵင်း​ ၵီႉလႃႉၵႃႇလႃႉ ။ ယႃႇ​ပေ​ၵႂႃႇ​ၵႃႈ​တီႈ​ဝဵင်း​ ပေႇရသေႇၽႃႉ ။ လွင်ႈ​မၼ်း​ၸမ်ႉ ဝဵင်း​ ၵီႉလႃႉၵႃႇလႃႉ ​ၼၼ်ႉ တၵ်း​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ​ဢမၢၼ်ႇ​ၶၼ်​ပဵၼ်​လႄႈ ဝဵင်း​ ပေႇသလႃႉ ​ၵေႃႈ တၵ်း​လႆႈ​ႁွတ်ႈ​ထိုင်​တၢင်း​ဢၼ် လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။-</verse>
				<verse number="6">ဢွၼ်​ၵၼ်​ႁႃ​ထႃႇဝရႃႉ​ၽြႃး​တႃႉ။ ပေႃး​ႁႃ​ၸိုင် ဢသၢၵ်ႈ​သူ တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။ ပေႃး​ဢမ်ႇ​ၼၼ် မၼ်း​ၸဝ်ႈ တၵ်း​လူင်း​ၸူး​ၵႃႈ​ၼိူဝ်​မဵဝ်း​ ယူဝ်းသႅပ်ႈ မိူၼ်​ၸိူဝ်ႉ​ၼင်ႇ​ၽႆး​ၼၼ်ႉ​လႄႈ ႁႂ်ႈ​မႆႈ​ထၼ်ႈ​ပေႃး​ၽူႈ​လႂ် ၵႃႈ​ၼႂ်း​ဝဵင်း​ ပေႇသလႃႉ ​ၼၼ်ႉ ဢမ်ႇ​မွတ်ႇ​လႆႈ သေ​ၵေႃႉ​သေ​ၵူၼ်း​ဢေႃႈ။-</verse>
				<verse number="7">သူ​ၸိူဝ်း​ဢၼ် ႁႂ်ႈ​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး ပဵၼ်​မႂ်​ယႃႈ​ၶူမ်​လႄႈ ၶျႃး​တြႃး​တၢင်း​ဢၼ်​သိုဝ်ႈ​တေႃႇ​တူၵ်း ၵႃႈ​တီႈ​လိၼ်​ၶဝ်​ဢိူၺ်း၊-</verse>
				<verse number="8">ဢွၼ်​ၵၼ်​ႁႃ​ၽြႃး ဢၼ်​ၽၢၼ်ႇ​သၢင်း​ႁဵတ်း​ပဵၼ် မုၵ်ႉ​လၢဝ်​ဝီး တင်း​မုၵ်ႉ​လၢဝ်​တဝ်ႇ၊ ဢၼ်​ႁႂ်ႈ​ႁူမ်ႈ​တၢင်း​တၢႆ ပဵၼ်​ဢၼ်​လႅင်း​ၶိင်ႇ​ၵၢင်​ၼႂ်၊ ဢၼ်​ႁႂ်ႈ​ဢၼ်​လႅင်း​ၶိင်ႇ​ၵႃ​ဝၼ်း ပဵၼ်​ဢၼ်​လပ်း​သိင်ႇ​ၶိင်ႇ​ၵၢင်​ၶိုၼ်း​ၵႂႃႇ၊ ဢၼ်​ႁွင်ႉ​ဢဝ်​ၼမ်ႉ​ပၢင်ႇ​လၢႆႇ ႁူတ်း​လေႃႇ​သွၼ်း​လေႃႇ ၵႃႈ​ၼိူဝ်​ၼႃႈ​လိၼ်၊ ဢၼ်​မီး​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး၊-</verse>
				<verse number="9">ဢၼ်​ႁႂ်ႈ​တၢင်း​ဢၼ်​ႁိပ်ႈ​ၼႅတ်ႈ​ယႃႉ​ပႅတ်ႈ​ၼၼ်ႉ တူၵ်း​ႁွတ်ႈ​ၵႃႈ​ၼိူဝ်​ၶဝ်​ၸိူဝ်း​ဢၼ် ႁႅင်း​ယႂ်ႇ​ၼႃႇ​ၼၼ်ႉ ထၼ်ႈ​ပေႃး​တၢင်း​ဢၼ် ယႃႉ​ပႅတ်ႈ​ၼၼ်ႉ လႆႈ​ႁွတ်ႈ​ထိုင်​ၵႃႈ​တီႈ တိူၵ်ႈ​တီႈ​တိုၵ်း​သိုၵ်း​ၼၼ်ႉ​တႃႉ။-</verse>
				<verse number="10">ၶဝ်​ငိၼ်း​ၸင်း​ၵေႃႉ​ဢၼ် ၸၢင်ႈ​သင်ႇ​သွၼ်​သုင်း​မႃႉ ၵႃႈ​ၼႂ်း​ႁူး​ၽၵ်း​တူ​ဝဵင်း​လႄႈ လီ​ႁင်ႈ​ၵေႃႉ​ဢၼ်​ၸၢင်ႈ​လၢတ်ႈ သိုဝ်ႈ​သိုဝ်ႈ​တေႃႇ​တေႃႇ​ၼၼ်ႉ ယဝ်ႉ​လူင်​ပႄႇ။-</verse>
				<verse number="11">ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ​ဢၼ်​သူ​ၸၢင်ႈ ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၸိူဝ်း ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​လႄႈ ယွၼ်း​ၶၢမ်ႇ​ဢဝ်​ၶွၼ်ႇ​ၶဝ်ႈ​ၵျုင်ႇ​ၼၼ်ႉ​လႄႈ၊ ပိၵ်ႉ​သမ်ႉ​သူ​ဢဝ်​မၢၵ်ႇ​ႁိၼ် ဢၼ်​ထၢၵ်ႇ​ဢၼ်​သပ်း​ၼၼ်ႉ ႁဵတ်း​ႁိူၼ်း​တိူၵ်ႈ​သေ​ၵေႃႈ၊ သူ​ဢမ်ႇ​လႆႈ​ယူႇ​လႆႈ​သဝ်း ၵႃႈ​ၼႂ်း​ႁိူၼ်း​တိူၵ်ႈ​ၼၼ်ႉ။ ပိၵ်ႉ​သမ်ႉ သူ​ၽုၵ်ႇ​သူၼ်​ဢူးယဵၼ်ႇ​ၸပိတ်ႈ ဢၼ်​လီ​ၸူမ်း​သိူဝ်း ထုၵ်ႇ​ၸႂ်​ၼၼ်ႉ​သေ​ၵေႃႈ သူ​ဢမ်ႇ​လႆႈ​သူတ်ႉ​လႆႈ​ၵိၼ် ၼမ်ႉ​ၸပိတ်ႈ​မၼ်း။-</verse>
				<verse number="12">ၵဝ်​ႁူႉ​လွင်ႈ​ဢၼ် တူႉ​ၸရိူၵ်ႈ​ဢၼ်​သူ​ၽိတ်း​ပိူင်ႈ​ၼၼ်ႉ ယႂ်ႇ​ၼမ်​ၼႃႇ ဢိၵ်ႇ​တင်း​လွင်ႈ​တၢင်း​ဢၼ် ဢပႅတ်ႈ​သူ ၼၵ်း​ၼႃႇ​လူင်​လၢင်​ၼၼ်ႉ​ယူႇ​ဢေႃႈ။ သူ​ၸၢင်ႈ​ယႃႉ​ယူၵ်ႉ​ၵေႃႉ​ဢၼ် သိုဝ်ႈ​တေႃႇ​လႄႈ ၸၢင်ႈ​ၵိၼ်​လၢၵ်ႈ​သွင်ႇ​တၼ်း​သူဝ်း​ဢေႃႈ။ သူ​ၸၢင်ႈ​ၸီႇ​ယၢင်ႇ တီႈ​ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ​ၼၼ်ႉ ဢမ်ႇ​ၸွမ်း​ၼင်ႇ​တြႃး ၵႃႈ​ၼႂ်း​ႁူး​ၽၵ်း​တူ​ဝဵင်း​ဢေႃႈ။-</verse>
				<verse number="13">ပိူဝ်ႈ​ၼႆ​လႄႈ ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ တၵ်း​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ ၼႂ်း​ၶိင်ႇ​ၵႃႇလႃႉ ၸိူဝ်ႉ​ၼင်ႇ​ၼၼ်​ၼၼ်ႉ ၵွပ်ႈ​ပိူဝ်ႈ​ဢၼ်​ၶိင်ႇ​ၵႃႇလႃႉ ပဵၼ်​ဢၼ်​ႁၢႆႉ​ယုတ်ႈ​ၼၼ်ႉ​ဢေႃႈ။-</verse>
				<verse number="14">ဢွၼ်​ၵၼ်​ဝႄႈ​ပႅတ်ႈ​တူႉ​ၸရိူၵ်ႈ​လႄႈ ႁႃ​သူႉ​ၸရိူၵ်ႈ ႁႂ်ႈ​ဢသၢၵ်ႈ​သူ လႆႈ​ၵတ်း​ယဵၼ်​ၶျၢမ်း​သႃႇ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၽြႃး​ပဵၼ်​ၸဝ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တၵ်း​မီး​ယူႇ​လူၺ်ႈ​ၵၼ်​တင်း​သူ ၸွမ်း​ၵႃႈ​ၼင်ႇ​ဢၼ်​သူ ၸၢင်ႈ​လၢတ်ႈ​ၸၢင်ႈ​ဝႃႈ​ၼၼ်ႉ​ဢေႃႈ။-</verse>
				<verse number="15">ဢွၼ်​ၵၼ်​ၸင်း တူႉ​ၸရိူၵ်ႈ​လႄႈ ႁၵ်ႉ​သူႉ​ၸရိူၵ်ႈ​တႃႉ။ ဢွၼ်​ၵၼ်​ႁႂ်ႈ​တြႃး တႄႇ​ယူႇ​ၵႃႈ​ၼႂ်း​ႁူး​ၽၵ်း​တူ​ဝဵင်း​တႃႉ။ ၽြႃး​ပဵၼ်​ၸဝ်ႈ ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ ၸၢင်ႈ​ၶႄး​တၵ်း​ဢဵတ်း​လူ​မဵဝ်း​ ယူဝ်းသႅပ်ႈ ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ ၽြႃး​ပဵၼ်​ၸဝ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တၢင်း​ဢၼ်​ပေႃႉ​တူပ်း ႁူဝ်​ဢူၵ်း​ပွင်ႉ​ၶၢင်း တၵ်း​မီး​ၵႃႈ​ၼႂ်း တီႈ​ဢၼ်​ၵႂၢင်ႈ​လီ​လႃး​လီ ၵႃႈ​မီး​လႄႈ ၶဝ်​တၵ်း​လၢတ်ႈ​ၵၼ် ၵႃႈ​ၼႂ်း​သဵၼ်ႈ​တၢင်း​တင်း​လၢႆ လႄႈ​ဝႃႈ၊ ဢလူဝ်း၊ ဝႃႈ​ၼင်ႇ​ၼႆ​ဢေႃႈ။ ၶဝ်​တၵ်း​ႁွင်ႉ​ဢဝ် ၵေႃႉ​ဢၼ်​ႁဵတ်း​ႁႆႊ​ႁဵတ်း​ၼႃး​ၼၼ်ႉ မႃး​ႁႂ်ႈ​လႆႈ​ၶၢင်း​ၶီ​ၶၢင်း​ၽၢၼ် ဢိၵ်ႇ​တင်း​ၵေႃႉ​ဢၼ်​ၸၢင်ႈ​မေႃ ႁဵတ်း​သဵင်​ဢၼ်​ႁွင်ႉ​ႁႆႈ​ၼၼ်ႉ မႃး​ႁႂ်ႈ​လႆႈ​ပေႃႉ​ထုပ်ႉ ႁူဝ်​ဢူၵ်း​ပွင်ႉ​ၶၢင်း​ဢေႃႈ။-</verse>
				<verse number="17">ၵႃႈ​ၼႂ်း​သူၼ်​ဢူးယဵၼ်ႇ​ၸပိတ်ႈ တင်း​သဵင်ႈ​တင်း​လူင်​ၵေႃႈ တၵ်း​မီး​တၢင်း​ဢၼ် ပေႃႉ​တူပ်း​ႁူဝ်​ဢူၵ်း​ပွင်ႉ​ၶၢင်း​ဢေႃႈ။ လွင်ႈ​မၼ်း​ၸမ်ႉ ၵဝ်​တၵ်း​တႆႇ​လတ်း​ၵႂႃႇ​ၵႃႈ​ၼႂ်း​ၵၢင်​သူ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။</verse>
				<verse number="18">သူ​ၸိူဝ်း​ဢၼ် မုင်ႈ​မွင်း​မိုဝ်ႉ​ထႃႇဝရႃႉ​ၽြႃး​ၼၼ်ႉ ယူႇ​ၼႆႉ မီး​ဢႃႉ​မင်ႇၵလႃႇ​ဢေႃႈ။ မိုဝ်ႉ​ဝၼ်း ထႃႇဝရႃႉ​ၽြႃး​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ႁိုဝ်​တီႈ​သူ။ တၵ်း​ဢမ်ႇ​ပဵၼ် ဢၼ်​လႅင်း​တီႈ​သူ​လႄႈ တၵ်း​ပဵၼ်​ဢၼ်​လပ်း​သိင်ႇ တီႈ​သူ​ဢေႃႈ။-</verse>
				<verse number="19">တၵ်း​ပဵၼ်​မိူၼ်​ၸိူဝ်ႉ​ၼင်ႇ​ဢၼ် ၵူၼ်း​ဢွၵ်ႇ​ပၢႆႈ​သေ​ၵႃႈ​တီႈ သၢင်ႇ​သီႈ​လႄႈ ထူပ်း​မီ​ၼၼ်ႉ ဢိၵ်ႇ​တင်း မိူၼ်​ၸိူဝ်ႉ​ၼင်ႇ​ဢၼ် မၼ်း​ၶဝ်ႈ​ၵႃႈ​ၼႂ်း​ႁိူၼ်း​လႄႈ ၼႂ်း​မိူဝ်ႈ​ဢၼ် ဢဝ်​မိုဝ်း​တဝ်ႉ​ၽႃ​ယူႇ​ၼၼ်ႉ​ၸိုင် ငူး​တွတ်ႇ​သႂ်ႇ​မၼ်း​ၼၼ်ႉ​ဢေႃႈ။-</verse>
				<verse number="20">မိုဝ်ႉ​ဝၼ်း ထႃႇဝရႃႉ​ၽြႃး​ၼၼ်ႉ ယင်း​ဢမ်ႇ​လႅင်း​လႄႈ တၵ်း​လပ်း​သိင်ႇ​ဢမ်ႇ​ၸႂ်ႈ​ႁိုဝ်။ ယင်း​ဢမ်ႇ​မီး​တၢင်း​ဢၼ် ႁိူဝ်ႈ​လႅင်း​လႃး​လႃး​လႄႈ တၵ်း​ပဵၼ်​ဢၼ်​လပ်း​သိင်ႇ လွၼ်ႉ​လွၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="21">ၵဝ်​ၸင်း​ဝၼ်း​ပွႆး​သူ​ၸိူဝ်း​ၼၼ်ႉ​လႄႈ လီ​ႁင်ႈ​ဢဵတ်ႇ​သဵတ်ႇ​ဢေႃႈ။ ၵဝ်​ဢမ်ႇ​မူၼ်ႈ​ပျေႃႇ ၵႃႈ​ၼႂ်း​မိုဝ်ႉ​ဝၼ်း​ဢၼ်​သူ​ၵမ်​ၵျၢင်ႉ ၵႅၼ်ႇ​ၵႅၼ်ႇ​ၶႅင်​ၶႅင်​ၸိူဝ်း​ၼၼ်ႉ။-</verse>
				<verse number="22">ပိၵ်ႉ​သမ်ႉ​သူ သၢၵ်ႈ​ၵၢပ်ႈ​ယိတ်ႈ​ဢၼ်​တုတ်ႇ​ၽႆး ဢိၵ်ႇ​တင်း ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ​တင်း​လၢႆ တီႈ​ၵဝ်​သေ​ၵေႃႈ၊ ၵဝ်​တၵ်း​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်။ ပိၵ်ႉ​သမ်ႉ​သူ​ဢဝ်​တရိၵ်ႈသၢၼ်ႇ ဢၼ်​ပီး​လီ​မၼ်း​လီ​တင်း​လၢႆ ပုၵ်ႈ​ၸေႃႇ​ယိတ်ႈ​မိၵ်ႉသႃႇႁႃယႃႉ သေ​ၵေႃႈ ၵဝ်​တၵ်း​ဢမ်ႇ​ႁပ်ႉ​တုင်း​ဢဝ်။-</verse>
				<verse number="23">ၵိုတ်း​ပေႃး​သဵင်​ဢၼ်​မႂ်း​ႁဵတ်း​ၵႂၢမ်း​ၼၼ်ႉ သေ​ၵႃႈ​တီႈ​ၵဝ်​တႃႉ။ ၵဝ်​လၵ်ႉ​လႆႈ​သဵင်​တိင်ႇ​မႂ်း ၸိူဝ်း​ၼၼ်ႉ​ဢေႃႈ။-</verse>
				<verse number="24">ႁႂ်ႈ​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ လႆ​ယူႇ​မိူၼ်​ၸိူဝ်ႉ​ၼင်ႇ​ၼမ်ႉ​လႄႈ ႁႂ်ႈ​တၢင်း​ဢၼ်​သိုဝ်ႈ​တေႃႇ​ၼၼ်ႉ လႆ​ယူႇ​ၸိူဝ်ႉ​ၼင်ႇ​ၼမ်ႉ ဢၼ်​ၼွင်း​ၼၼ်ႉ​တႃႉ။-</verse>
				<verse number="25">မဵဝ်း​ ဢီႉသရေႇလႃႉ ​ဢိူၺ်း၊ သူ​ဢွၼ်​ၵၼ်​ဢဝ်​ယိတ်ႈ ဢိၵ်ႇ​တင်း ၶိူင်ႈ​ပုၵ်ႈ​ၸေႃႇ​တင်း​လၢႆ ပုၵ်ႈ​ၸေႃႇ​တီႈ​ၵဝ်​ၵႃႈ​ၼႂ်း​ထိူၼ်ႇ သီႇ​သိပ်း​ပီႊ​တဵမ်​တဵမ်​ႁိုဝ်။-</verse>
				<verse number="26">သူ​ႁၢပ်ႇ​ဢဝ်​ပႃး​ဢဝ် သုမ်ႉ​ထဵင်​ မူးလွၵ်ႉ ​တင်း​လၢဝ် ၸဝ်ႈ​ၽြႃး​ ၶီႉဢုၼ်ႇ ​သူ ဢၼ်​ဝႃႈ​ပုင်ႇ​ႁၢင်ႈ​ဢၼ်​သူ​ႁဵတ်း​ပုၼ်ႈ တူဝ်​ၸဝ်ႈ​ၵဝ်ႇ​ၼၼ်ႉ​ယဝ်ႉ​လူင်​ပႄႇ။-</verse>
				<verse number="27">ပိူဝ်ႈ​ၼႆ​လႄႈ ၵဝ်​တၵ်း​ႁဵတ်း​ႁႂ်ႈ သူ​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ ၵႃႈ​တီႈ​ၽၢႆႇ​ပုၼ်ႉ​ဝဵင်း ထမ်ႇမသႅတ်ႉ ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ဢၼ်​မီး​ၸိုဝ်ႈ​မီး​သဵင် ၽြႃး​ပဵၼ်​ၸဝ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ၼၼ်ႉ မီး​ဢမိင်ႉ​ဢေႃႈ။</verse>
			</chapter>
			<chapter number="6">
				<verse number="1">ၶဝ်​ၸိူဝ်း​ဢၼ်​ယူႇ ၵႃႈ​ၼႂ်း​ဝဵင်း​ ၸီႉဢုၼ်ႇ ၼိမ်​ၼိမ်​လီ​လီ၊ ၶဝ်​ၸိူဝ်း​ဢၼ်​ယူႇ လူင်ႉ​လီ​လွတ်ႈ​လီ ၵႃႈ​ၼိူဝ်​လွႆ​ သမႃႇရီႉ ၊ ၶဝ်​ၸိူဝ်း​ဢၼ် ပဵၼ်​ဢၼ်​ထွတ်ႈ​ဢၼ်​မျၢတ်ႈ ၵႃႈ​ၼႂ်း​မဵဝ်း​ၵူၼ်း​တင်း​လၢႆ၊ ၶဝ်​ၸိူဝ်း​ဢၼ် မဵဝ်း​ ဢီႉသရေႇလႃႉ သုတ်ႉ​ၸပ်း​သုတ်ႉ​ၸူး​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="2">ဢွၼ်​ၵၼ်​ၵႂႃႇ​ၸူး ၵႃႈ​တီႈ​ဝဵင်း​ ၵႃႇလၼေႇ ​လႄႈ လူ​တူၺ်း​တႃႉ။ သမ်ႉ​လုၵ်ႉ​သေ​ၵႃႈ​တီႈ​ဝဵင်း​ၼၼ်ႉ ၵႂႃႇ​ၸူး​ၵႃႈ​တီႈ​ဝဵင်း​လူင်​ ႁႃႇမတ်ႉ ​တႃႉ။ သမ်ႉ​လူင်း​ၵႂႃႇ​ၸူး ၵႃႈ​တီႈ​ဝဵင်း​ ၵႃႇသႃႉ ဢၼ်​ၵူၼ်း​ ၽီႉလိတ်ႉတီႉ ​တင်း​လၢႆ ယူႇ​ၼၼ်ႉ​တႃႉ။ သိုင်ႇ​ၸိုင်ႈ​ဝၢၼ်ႈ​မိူင်း ၸိူဝ်း​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ​သိုင်ႇ​ၸိုင်ႈ​ဝၢၼ်ႈ​မိူင်း ၸိူဝ်း​ၼႆႉ​ႁိုဝ်။ ၶွပ်ႇ​ၼမ်ႉ လႅၼ်​လိၼ်​ၶဝ်​ၼၼ်ႉ ယဵင်ႈ​ၶႅၼ်း​ၵႂၢင်ႈ​ၼႃႇ​သေ ၶွပ်ႇ​ၼမ်ႉ လႅၼ်​လိၼ်​သူ​ႁိုဝ်။-</verse>
				<verse number="3">သူ​ၸိူဝ်း​ဢၼ် ႁဵတ်း​တၢင်း​ဢၼ်​ၶၢႆႉ​မိုဝ်ႉ​ၶၢႆႉ​ဝၼ်း ဢၼ်​ႁၢႆႉ​ယုတ်ႈ​ၼၼ်ႉ​လႄႈ ႁႂ်ႈ​ပလၢင်ႇ​တီႈ​ဢၼ် ၸီႇ​ယၢင်ႇ​ဢမ်ႇ​တြႃး​လႆႈ​တႄႇ​ယူႇ ၵႃႈ​တီႈ​ၼၼ်ႈ​ၸမ်ႉ၊-</verse>
				<verse number="4">တၢင်း​ဢၼ်​ၼွၼ်း ၵႃႈ​ၼိူဝ်​ၵူႇ​ငႃး​ၸၢင်ႉ​လႄႈ ယဵတ်ႇ​တူဝ်​လိူၼ်း တူဝ်​ၵႃႈ​ၼိူဝ်​ၽႃႈ​ၵွပ်း၊ တၢင်း​ဢၼ်​ၼုၵ်ႈ​ဢဝ် သူဝ်း​ဢွၼ်ႇ​တင်း​လၢႆ ဢွၵ်ႇ​သေ​ၵႃႈ​ၼႂ်း​ၽုင်​သူဝ်း၊ ဝူဝ်း​ဢွၼ်ႇ​တင်း​လၢႆ ဢွၵ်ႇ​သေ​ၵႃႈ​ၼႂ်း​ၶွၵ်ႈ​ဝူဝ်း​လႄႈ​ၵိၼ်၊-</verse>
				<verse number="5">တၢင်း​ဢၼ်​ပႃး​သဵင် ဢၼ်​လဵတ်း​တိင်ႇ​သေ​လႄႈ ႁဵတ်း​ၵႂၢမ်း၊ တၢင်း​ဢၼ်​ၵျၢမ်ႇ​ႁဵတ်း ပွင်​ႁဵတ်း​မဵဝ်း​တူႇရီႉယႃႇ တီႈ​ဢၼ်​ႁႆႇ​ဢၼ်​ပဝ်ႇ မိူၼ်​ၸိူဝ်ႉ​ၼင်ႇ တႃႇဝိတ်ႈ ​ၼၼ်ႉ၊-</verse>
				<verse number="6">တၢင်း​ဢၼ် ဢဝ်​ဝၢၼ်ႇ​ဢဝ်​ၵွၵ်း​သေ​လႄႈ သူတ်ႉ​ၵိၼ်​ၼမ်ႉ​ၸပိတ်ႈ​လႄႈ ဢဝ်​ၼမ်ႉ​မၼ်း​ၼၢမ်ႇ​သႃႇ ဢၼ်​ထိူၵ်ႈ​ၵႃႈ ထိူၵ်ႈ​ၶၼ်​ၼၼ်ႉ​တႃး၊ တၢင်း​ဢၼ် ယင်း​ဢမ်ႇ​မီး​တၢင်း​ဢၼ် ၸဵပ်း​ၸႂ်​လူၺ်ႈ​လွင်ႈ ဢၼ်​မဵဝ်း​ ယူဝ်းသႅပ်ႈ ​လႆႈ​ၶၢမ်ႇ​တုၵ်ႉ​ၶႃႉ တၢင်း​ၽၢၼ်​ၼၼ်ႉ​လႄႈ ယူႇ​ၼၼ်ႉ​ၸိူဝ်း​ၼႆႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="7">ပိူဝ်ႈ​ၼႆ​လႄႈ ၶဝ်​ၼၼ်ႉ​တၵ်း​လႆႈ​ၶဝ်ႈ​ပႃး​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ဢွၼ်​တၢင်း​သုတ်း​ပိူၼ်ႈ​ၼၼ်ႉ​ဢေႃႈ။ သဵင်​ႁုၼ်ႉ​သဵင်​ႁိုဝ်ႉ​ပွႆး​ၶဝ် ၸိူဝ်း​ဢၼ်​ၼွၼ်း​ဢိင်​ၶႅၵ်ႇ​သေ​လႄႈ ယူႇ​ၼၼ်ႉ​ၵေႃႈ​တၵ်း​လႆႈ​ထၢတ်ႇ​ႁၢႆ ၵႂႃႇ​ဢေႃႈ။-</verse>
				<verse number="8">ၽြႃး​ပဵၼ်​ၸဝ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ်​ၸဝ်ႈ​ထႃႇဝရႃႉ​ၽြႃး ဢဝ်​တူဝ်​ၸဝ်ႈ​ၵဝ်ႇ​တိူင်ႇ​ဝႃႈ​ၼၼ်ႉ၊ ၵွပ်ႈ​ပိူဝ်ႈ​ဢၼ်​ၵဝ်​လီ​ႁင်ႈ ဢဵတ်ႇ​သဵတ်ႇ​မုၼ်​သရေႇ​ ယႃႇၵုပ်ႈ ​လႄႈ ၸင်း​ႁေႃ​ၶမ်း​မၼ်း​တင်း​လၢႆ​ၼၼ်ႉ​လႄႈ၊ ၵဝ်​တၵ်း​ၸုၼ်ႉ​ပႅတ်ႈ​ဝဵင်း​ၸဝ်ႈ ဢိၵ်ႇ​တင်း ၵႃႈ​ဢၼ်​မီး​ၵႃႈ​ၼႂ်း​မၼ်း​ဢေႃႈ။-</verse>
				<verse number="9">ပိၵ်ႉ​သမ်ႉ​ၵူၼ်း​သိပ်း​ၼိုင်ႈ ၵိုတ်း​ၵျၢၼ်ႇ​ဝႆႉ ၵႃႈ​ၼႂ်း​ႁိူၼ်း​လင်​ၼိုင်ႈ​သေ​ၵေႃႈ၊ ၶဝ်​တၵ်း​လႆႈ​တၢႆ​ဢေႃႈ။-</verse>
				<verse number="10">ၵေႃႉ​ဢၼ်​ပဵၼ်​ပီႈ​ပဵၼ်​ၼွင်ႉ​လႄႈ လႆႈ​ဢဝ်​သၢင်း​ၵျူဝ်ႇ​ၽႆး​ၼၼ်ႉ ၼႂ်း​မိူဝ်ႈ​ဢၼ်​ယင်း​တိုၵ်ႉ​ယွင်ႈ​ဢဝ်​လႄႈ ဢဝ်​တူဝ်​တၢႆ​ဢွၵ်ႇ​သေ​ၵႃႈ​ၼႂ်း ႁိူၼ်း​ၼၼ်ႉ​ယူႇ​ၼၼ်ႉ​ၸိုင်၊ တၵ်း​ႁွင်ႉ​ထၢမ်​တီႈ​ၵေႃႉ​ဢၼ် မီး​ၵႃႈ​ၼႂ်း​တီႈ​သုတ်း​ႁိူၼ်း ၼၼ်ႉ​လႄႈ​ဝႃႈ၊ တီႈ​မႂ်း​ယင်း​ၵိုတ်း​ယင်း​ၵျၢၼ်ႇ သေ​ၵေႃႉ​သေ​ၵူၼ်း​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် မၼ်း​တၵ်း​ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​ၵိုတ်း​ဢမ်ႇ​ၵျၢၼ်ႇ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၼၼ်ႉ​တၵ်း​ၶိုၼ်း​လၢတ်ႈ​လႄႈ​ဝႃႈ၊ ယူႇ​တဵတ်ႇ​တဵတ်ႇ​ယဵၼ်​ယဵၼ်​တႃႉ။ ႁဝ်း​ဢမ်ႇ​မီး​ဢၶႂၢင်ႉ ဢၼ်​လႆႈ​ဢဝ်​ၼႃႇ​မႃႉ ၸိုဝ်ႈ​သဵင်​ထႃႇဝရႃႉ​ၽြႃး ဢွၵ်ႇ​သူပ်း​ဝႃႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">လွင်ႈ​မၼ်း​ၸမ်ႉ တူၺ်း​လူး။ ထႃႇဝရႃႉ​ၽြႃး​မီး​ဢမိင်ႉ​သေ​ယဝ်ႉ၊ မၼ်း​ၸဝ်ႈ​တၵ်း​ၵိူၼ်ႇ​ယႃႉ ႁိူၼ်း​ဢၼ်​ယႂ်ႇ ဢၼ်​လူင်​ပႅတ်ႈ​လႄႈ ႁိူၼ်း​ဢၼ်​လဵၵ်ႉ ဢၼ်​ဢွၼ်ႇ​ၵေႃႈ မၼ်း​ၸဝ်ႈ​တၵ်း​ႁႂ်ႈ တႅၵ်ႇ​လႅဝ်​ပႅတ်ႈ​ဢေႃႈ။-</verse>
				<verse number="12">မႃႉ​ၸၢင်ႈ​ၶုၼ်ႇ​လႅၼ်ႈ ၵႃႈ​ၼိူဝ်​မၢၵ်ႇ​ႁိၼ်​မၢၵ်ႇ​ၽႃ​ႁိုဝ်။ ၵူၼ်း​ၸၢင်ႈ​ဢဝ်​ဝူဝ်း​ထႆ​ထိူၼ်ႇ ၵႃႈ​ၼိူဝ်​တီႈ​ၼၼ်ႈ​ႁိုဝ်။ သူ​ႁဵတ်း​ႁႂ်ႈ​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး ပဵၼ်​ၵွင်ႉ​ပဵၼ်​ယၢင်​ၵႂႃႇ​လႄႈ ႁႂ်ႈ​တၢင်း​ဢၼ်​သိုဝ်ႈ​တေႃႇ ပဵၼ်​မႂ်​ယႃႈ​ၶူမ်​ၵႂႃႇ​ယဝ်ႉ​လူင်​ပႄႇ။-</verse>
				<verse number="13">သူ​မူၼ်ႈ​ပျေႃႇ​ၸူမ်း​သိူဝ်း​ယူႇ ၵႃႈ​ၼႂ်း​လွင်ႈ​တၢင်း​ဢၼ် လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​လႄႈ ၸၢင်ႈ​လၢတ်ႈ​လႄႈ​ဝႃႈ၊ ႁဝ်း​ၼႆႉ​ဢဝ်​တၢင်း​ၵတ်ႉ​တၢင်း​ၶၼ်​ႁဝ်း သိမ်း​ဢဝ်​ၶဝ်​လႅမ်​တင်း​လၢႆ​ယဝ်ႉ​ယဝ်ႉ၊ ဝႃႈ​ၼင်ႇ​ၼႆ​လူင်​ပႄႇ။-</verse>
				<verse number="14">တူၺ်း​လူး။ မဵဝ်း​ ဢီႉသရေႇလႃႉ ​ဢိူၺ်း၊ ၵဝ်​တၵ်း​ႁႂ်ႈ​ၵူၼ်း​မဵဝ်း​ၼိုင်ႈ လုၵ်ႉ​ယူႇ​ၽၢႆႇ​ၼိုင်ႈ​တင်း​သူ​လႄႈ ၶဝ်​ၼၼ်ႉ​တၵ်း ၼိၵ်ႈ​ၸၢၵ်ႈ​ငႅၼ်း​သႄး​သူ ဢဝ်​ၵႃႈ​တီႈ​ၸႃႉ​ၸဵမ်​သူပ်း​တၢင်း ဝဵင်း​ ႁႃႇမတ်ႉ ၵႂႃႇ​တေႃႇ​ထိုင်​ႁွတ်ႈ​ၼမ်ႉ​ႁွင်ႈ ဢၼ်​မီး​ၵႃႈ​ၼႂ်း​ထိူၼ်ႇ ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၽြႃး​ပဵၼ်​ၸဝ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="7">
				<verse number="1">ၸဝ်ႈ​ထႃႇဝရႃႉ​ၽြႃး သမ်ႉ​ၼႄ​ပျႃး​တီႈ​ၵဝ်​ၸမ်ႉ၊ တူၺ်း​လူး။ မၼ်း​ၸဝ်ႈ ႁဵတ်း​ပဵၼ်​မႅင်း​ၵႅင်း​တင်း​လၢႆ ၼႂ်း​ၶိင်ႇ​မိူဝ်ႈ​ဢၼ် ပၢတ်ႇ​တူၼ်ႈ​ယိူဝ်ႈ​တူၼ်ႈ​ယႃႈ ဢၼ်​ၵမ်း​လိုၼ်း ဢၼ်​ၸႃႉ​ဢွၵ်ႇ​ၼၼ်ႉ​လႄႈ ပဵၼ်​တူၼ်ႈ​ယိူဝ်ႈ​တူၼ်ႈ​ယႃႈ ဢၼ်​ၵမ်း​လိုၼ်း ဢၼ်​ၸႃႉ​ဢွၵ်ႇ​လိုၼ်း​လင် ၶိင်ႇ​မိူဝ်ႈ​ဢၼ်​ပၢတ်ႇ တူၼ်ႈ​ယိူဝ်ႈ​တူၼ်ႈ​ယႃႈ ဢၼ်​ၸၢပ်ႈ​သႅင်ႇ​ၵၼ်​တင်း ၶုၼ်​ႁေႃ​ၶမ်း​ၼၼ်ႉ​ဢေႃႈ။-</verse>
				<verse number="2">မႅင်း​ၵႅင်း​ၸိူဝ်း​ၼၼ်ႉ ၵိၼ်​တူၼ်ႈ​ယိူဝ်ႈ​တူၼ်ႈ​ယႃႈ ၵႃႈ​ဢၼ်​မီး ၵႃႈ​ၼႂ်း​မိူင်း​ၼၼ်ႉ သဵင်ႈ​သေ​ယဝ်ႉ၊ ၵဝ်​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ပွႆႇ​လွတ်ႈ​ဢပႅတ်ႈ​သေ​ၵမ်း​တီႈ​ၶႃႈ၊ ယႃႇၵုပ်ႈ ​ၼၼ်ႉ ၵွပ်ႈ​ပိူဝ်ႈ​ဢၼ် ပဵၼ်​ဢၼ်​လဵၵ်ႉ ဢၼ်​ၼွႆႉ​ၼၼ်ႉ​လႄႈ တၵ်း​ၸုၵ်း​ယူႇ​လႆႈ ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="3">ထႃႇဝရႃႉ​ၽြႃး ၶုၵ်း​ၸႂ်​လႆႈ​မႆႈ​ၸႂ် ၵွပ်ႈ​လွင်ႈ​တၢင်း​ၼႆႉ​လႄႈ မီး​ဢမိင်ႉ​လႄႈ​ဝႃႈ၊ ဢမ်ႇ​လႆႈ​ပဵၼ်​ၸိူဝ်ႉ​ၼင်ႇ​ၼႆ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">ၸဝ်ႈ​ထႃႇဝရႃႉ​ၽြႃး သမ်ႉ​ၼႄ​ပျႃး​တီႈ​ၵဝ် ထႅင်ႈ​ၸမ်ႉ၊ ထႃႇဝရႃႉ​ၽြႃး​ႁွင်ႉ​ဢဝ် ႁႂ်ႈ​လႆႈ​ဢဝ်​ၽႆး​ပၼ်​တၢမ်ႇ​လႄႈ ၽႆး​မႆႈ မႁႃႇ​တီႈ​ဢၼ်​လိုၵ်ႉ​ဢၼ်​လမ်ႇ သေ​လႄႈ ႁုပ်ႇ​ၵုင်း ဢၼ်​ၽႄ​ဢွၵ်ႇ​ဝႆႉ​ယဝ်ႉ​ၼၼ်ႉ သုတ်း​ပႅတ်ႈ​ဢေႃႈ။-</verse>
				<verse number="5">ၵဝ်​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​သဝ်း​လူး​ၵွၼ်ႇ သေ​ၵမ်း​တီႈ​ၶႃႈ၊ ယႃႇၵုပ်ႈ ​ၼၼ်ႉ ၵွပ်ႈ​ပိူဝ်ႈ​ဢၼ်​ပဵၼ် ဢၼ်​လဵၵ်ႉ​ဢၼ်​ၼွႆႉ​ၼၼ်ႉ​လႄႈ တၵ်း​ၸုၵ်း​ယူႇ​လႆႈ​ၸိူဝ်ႉ​ၼင်ႇ​ႁိုဝ် တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ထႃႇဝရႃႉ​ၽြႃး ၶုၵ်း​ၸႂ်​လႆႈ​မႆႈ​ၸႂ် ၵွပ်ႈ​လွင်ႈ​တၢင်း​ၼႆႉ​လႄႈ မီး​ဢမိင်ႉ​လႄႈ​ဝႃႈ၊ ဢမ်ႇ​လႆႈ​ပဵၼ် ၸိူဝ်ႉ​ၼင်ႇ​ၼႆ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">မၼ်း​ၸဝ်ႈ​သမ်ႉ ၼႄ​ပျႃး​တီႈ​ၵဝ်​ထႅင်ႈ​ၸမ်ႉ၊ တူၺ်း​လူး။ ထႃႇဝရႃႉ​ၽြႃး ၸုၵ်း​ယူႇ​ၵႃႈ​ၼိူဝ် တႄး​မၢၵ်ႇ​ႁိၼ် ဢၼ်​ဢဝ်​ၸိူၵ်ႈ​ၵၢင်း​မႅဝ်း​ယွၼ်ႇ​လႄႈ ႁဵတ်း​ၼၼ်ႉ​လႄႈ ဢဝ်​မိုဝ်း​ၸဝ်ႈ ယိပ်း​ၵမ်​ၸိူၵ်ႈ​ၵၢင်းမႅဝ်း​ယူႇ​သေ​လႄႈ​-</verse>
				<verse number="8">ထႃႇဝရႃႉ​ၽြႃး ထၢမ်​တီႈ​ၵဝ်​လႄႈ​ဝႃႈ၊ ဢႃႇမူတ်ႉ ​ဢိူၺ်း၊ မႂ်း​ႁၼ်​ၵႃႈ​သင်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵဝ်​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁၼ် ၸိူၵ်ႈ​မႆ​မီႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၸဝ်ႈ​ထႃႇဝရႃႉ​ၽြႃး လၢတ်ႈ​လႄႈ​ဝႃႈ၊ တူၺ်း​လူး။ ၵဝ်​တၵ်း​ဢဝ် ၸိူၵ်ႈ​ၵၢင်းမႅဝ်း​ယွၼ်ႇ​တူၵ်း ၵႃႈ​ၼႂ်း​ၵၢင်​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ ၵမ်း​လိုၼ်း ၵဝ်​တၵ်း​ဢမ်ႇ​ယိူၼ်ႉ​ဢမ်ႇ​ၶၢမ်ႇ ၶဝ်။-</verse>
				<verse number="9">တီႈ​ဢၼ်​သုင် ဢီႉၸၢၵ်ႈ ​ၸိူဝ်း​ၼၼ်ႉ တၵ်း​မီး​တၢင်း​ဢၼ် သဵတ်ႇ​ယဵၼ်​ယူႇ၊ တီႈ​ဢၼ်​မူတ်း​ၸၢင်ႇ ဢီႉသရေႇလႃႉ ​ၸိူဝ်း​ၼၼ်ႉ တၵ်း​မီး​တၢင်း​ဢၼ် ပႄႇ​ၽဵဝ်ႈ​ပႅတ်ႈ​ယူႇ​ဢေႃႈ။ ၵဝ်​တၵ်း​ဢဝ်​လၢပ်ႇ​ဢဝ်​လႅဝ်း တိုၵ်း​တေႃး မဵဝ်း​ၸိူဝ်ႉ​ၶိူဝ်း​ ယေႇရူဝ်းပုမ်ႇ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">မိူဝ်ႈ​ၼၼ်ႉ ဢႃႇမၸီႉ ​ယိတ်ႈပရေႃးႁဵၵ်ႈ ပေႇသလႃႉ ​ၼၼ်ႉ ပွႆႇ​ၸႂ်ႉ​ၸူး​ၵႃႈ​တီႈ ယေႇရူဝ်းပုမ်ႇ ၶုၼ်​ႁေႃ​ၶမ်း ဢီႉသရေႇလႃႉ ​လႄႈ သင်ႇ​လၢတ်ႈ​ၵႂႃႇ​လႄႈ​ဝႃႈ၊ ဢႃႇမူတ်ႉ ​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ယူႇ ၽၢႆႇ​ၼိုင်ႈ​တင်း​ၸဝ်ႈ​ႁဝ်း ၵႃႈ​ၼႂ်း​ၵၢင်​မဵဝ်း​ ဢီႉသရေႇလႃႉ ​တီႈ​ၶႃႈ​ယဝ်ႉ။ မိူင်း​ၸဝ်ႈ​ဢမ်ႇ​ၶၢမ်ႇ ၵႂၢမ်း​မၼ်း ၵူႈ​ၸိူဝ်ႉ​ၵူႈ​ပိူင်​ၼၼ်ႉ​လႆႈ တီႈ​ၶႃႈ၊-</verse>
				<verse number="11">လွင်ႈ​မၼ်း​ၸမ်ႉ ဢႃႇမူတ်ႉ လၢတ်ႈ​လႄႈ​ဝႃႈ၊ ယေႇရူဝ်းပုမ်ႇ တၵ်း​လႆႈ​တၢႆ လူၺ်ႈ​လၢပ်ႇ​လူၺ်ႈ​လႅဝ်း​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​လႆႈ​ၶၢမ်ႇ တၢင်း​ဢၼ်​သိမ်း​ဢဝ် ဢွၵ်ႇ​သေ ၵႃႈ​ၼႂ်း​မိူင်း​ၸဝ်ႈ​ၼႆႉ​ၵႂႃႇ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ဢႃႇမၸီႉ ​သမ်ႉ​လၢတ်ႈ​တီႈ ဢႃႇမူတ်ႉ ​လႄႈ​ဝႃႈ၊ ၵေႃႉ​ဢၼ်​ႁူ​လႅင်း​တႃ​ပွင်ႇ​ၼႆႉ​ဢိူၺ်း၊ ၵႂႃႇ​လႄႈ ဢွၵ်ႇ​ပၢႆႈ​ၸူး​ၵႃႈ​တီႈ မိူင်း​ ယူႉတႃႉ ​ပုၼ်ႉ​လႄႈ လဵင်ႉ​ဢသၢၵ်ႈ​မႂ်း​ယူႇ​သေ​လႄႈ ႁဵတ်း​ပရေႃးၽႅတ်ႈ​ယူႇ ၵႃႈ​ၼႂ်း​မိူင်း​ၼၼ်ႉ​တႃႉ။-</verse>
				<verse number="13">ၵမ်း​လိုၼ်း ယႃႇ​ပေ​ႁဵတ်း ပရေႃးၽႅတ်ႈ ၵႃႈ​ၼႂ်း​ဝဵင်း​ ပေႇသလႃႉ ​ၼႆႉ။ ပဵၼ်​ထႃႇၼႃႉ တီႈ​မူတ်း​ၸၢင်ႇ ၶုၼ်​ႁေႃ​ၶမ်း ဢိၵ်ႇ​တင်း​ဝဵင်း တီႈ​ဢၼ်​တႄႇ​ႁေႃ​ၶမ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">ဢႃႇမူတ်ႉ ​ၶိုၼ်း​လၢတ်ႈ​တီႈ ဢႃႇမၸီႉ ​လႄႈ​ဝႃႈ၊ ၵဝ်​ၼႆႉ ယင်း​ဢမ်ႇ​ၸႂ်ႈ ပရေႃးၽႅတ်ႈ။ ယင်း​ဢမ်ႇ​ပဵၼ် လုၵ်ႈ​ၸၢႆး​ပရေႃးၽႅတ်ႈ​လႄႈ ပဵၼ်​ၵေႃႉ​ဢၼ်​လဵင်ႉ​ဝူဝ်း၊ ၵေႃႉ​ဢၼ်​ဝိတ်း​မၢၵ်ႇ​လိူဝ်ႇ သၢင်း​ၽေႃး​ၵူၺ်း​ဢေႃႈ။-</verse>
				<verse number="15">ထႃႇဝရႃႉ​ၽြႃး ၼုၵ်ႈ​ဢဝ်​ၵဝ်​ဢွၵ်ႇ​သေ ၵႃႈ​ၼႂ်း​တီႈ​ဢၼ်​လဵင်ႉ​ဝူဝ်း​ၼၼ်ႉ​လႄႈ မီး​ဢမိင်ႉ​တီႈ​ၵဝ်​လႄႈ​ဝႃႈ၊ မႂ်း​ၵႂႃႇ​တႃႉ။ ႁဵတ်း​ပရေႃးၽႅတ်ႈ ၵႃႈ​ၼႂ်း​ၵူၼ်း​ၵဝ် ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ ထွမ်ႇ​ငိၼ်း​ဢမိင်ႉ ထႃႇဝရႃႉ​ၽြႃး​သေ​ၵမ်း။ မႂ်း​လၢတ်ႈ​လႄႈ​ဝႃႈ၊ ယႃႇ​ပေ​ႁဵတ်း​ပရေႃးၽႅတ်ႈ​ယူႇ​ၽၢႆႇ​ၼိုင်ႈ တင်း​မဵဝ်း​ ဢီႉသရေႇလႃႉ ။ ယႃႇ​ပေ​ဝႃႈ​ဢွၵ်ႇ​သူပ်း ယူႇ​ၽၢႆႇ​ၼိုင်ႈ​တင်း​မဵဝ်း​ ဢီႉၸၢၵ်ႈ ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မေး​မႂ်း​ၼၼ်ႉ တၵ်း​ပဵၼ် မႄႈ​မွၵ်ႇ​ယႃႈ ၵႃႈ​ၼႂ်း​ဝဵင်း​လႄႈ၊ လုၵ်ႈ​ၸၢႆး​မႂ်း လုၵ်ႈ​ယိင်း​မႂ်း​ၸိူဝ်း​ၼၼ်ႉ တၵ်း​လႆႈ​လူမ်ႉ​တၢႆ လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။ လိၼ်​မႂ်း​တၵ်း​လႆႈ​ၶၢမ်ႇ တၢင်း​ဢၼ် ပိူၼ်ႈ​ၶဵင်ႈ​ၸိူၵ်ႈ​မႆ​မီႈ သေ​လႄႈ ၽႄ​မႅင်ႇ​ပၼ်​ၵၼ်​လႄႈ တူဝ်​မႂ်း​တၵ်း​လႆႈ​တၢႆ ၵႃႈ​ၼႂ်း​မိူင်း​ဢၼ် ၵူဝ်ႈ​ၵိူၵ်ႇ​ဢေႃႈ။ မဵဝ်း​ ဢီႉသရေႇလႃႉ တၵ်း​လႆႈ​ၶၢမ်ႇ တၢင်း​ဢၼ်​သိမ်း​ဢဝ် ဢွၵ်ႇ​သေ​ၵႃႈ​ၼႂ်း​မိူင်း တီႈ​ဢၼ်​ၶဝ်​ယူႇ​ၼႆႉ​ၵႂႃႇ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="8">
				<verse number="1">ၸဝ်ႈ​ထႃႇဝရႃႉ​ၽြႃး သမ်ႉ​ၼႄ​ပျႃး​တီႈ​ၵဝ် ထႅင်ႈ​ၸမ်ႉ၊ တူၺ်း​လူး။ မီး​ပဵတ်ႈ​ဢၼ်​သႂ်ႇ​မၢၵ်ႇ ဢၼ်​သုၵ်း​ဝႆႉ​ၼၼ်ႉ​ဢေႃႈ။-</verse>
				<verse number="2">မၼ်း​ၸဝ်ႈ​ထၢမ်​လႄႈ​ဝႃႈ၊ ဢႃႇမူတ်ႉ ​ဢိူၺ်း၊ မႂ်း​ႁၼ်​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ ၵဝ်​လဝ်ႊ​လၢတ်ႈ​လႄႈ​ဝႃႈ၊ ႁၼ်​ပဵတ်ႈ ဢၼ်​သႂ်ႇ​မၢၵ်ႇ​ဢၼ်​သုၵ်း ဝႆႉ​ၼၼ်ႉ တီႈ​ၶႃႈ​ဢေႃႈ။ မိူဝ်ႈ​ဢၼ်​ဝႃႈ ၼင်ႇ​ၼႆ​ၸိုင်၊ ထႃႇဝရႃႉ​ၽြႃး မီး​ဢမိင်ႉ တီႈ​ၵဝ်​လႄႈ​ဝႃႈ၊ ၶိင်ႇ​ၵႃႇလႃႉ လိုၼ်း​လင်​သုတ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ၵူၼ်း​ၵဝ် ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ယဝ်ႉ​ယဝ်ႉ။ ၵမ်း​လိုၼ်း ၵဝ်​တၵ်း​ဢမ်ႇ​ယိူၼ်ႉ ဢမ်ႇ​ၶၢမ်ႇ​ၶဝ်။-</verse>
				<verse number="3">ၼႂ်း​မိုဝ်ႉ​ဝၼ်း​ၼၼ်ႉ သဵင်​ဢၼ်​ႁဵတ်း​ၵႂၢမ်း​ယူႇ ၵႃႈ​တီႈ​ပိၵ်ႈ​မၢၼ်ႇ​ၼၼ်ႉ​ၸိူဝ်း​ၼၼ်ႉ တၵ်း​ပဵၼ်​တၢင်း​ဢၼ် ႁွင်ႉ​ႁႆႈ​ႁွင်ႉ​သႅၼ်ႇ​ၵႂႃႇ​ဢေႃႈ။ တူဝ်​တၢႆ တၵ်း​မီး​ၼမ်​ၼႃႇ၊ ၵူၼ်း​တင်း​လၢႆ တၵ်း​ယူႇ​တဵတ်ႇ​တဵတ်ႇ သေ​လႄႈ ဢဝ်​ပႅတ်ႈ​တူၵ်း ၵူႈ​တီႈ​ၵူႈ​လႅၼ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="4">သူ​ၸိူဝ်း​ဢၼ် ထူၺ်ႈ​ၸႂ်​သဝ်ႈ​ၸႂ်​လူင် လိုပ်ႈ​ၸွမ်း​လမ်း​ၸွမ်း ၶဝ်​ၸိူဝ်း​ဢၼ်​ၸုတ်ႈ​ဢၼ်​လုတ်ႈ ၼၼ်ႉ​လႄႈ မီး​ဢလူဝ်ႇ​ၶႂ်ႈ​ယႃႉ​ၽဵဝ်ႈ ၵူၼ်း​ဝၢၼ်ႈ​ၵူၼ်း​မိူင်း ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ ပႅတ်ႈ​ၼႃႇ​လူင်​လၢင်​သေ​လႄႈ၊-</verse>
				<verse number="5">လၢတ်ႈ​လႄႈ​ဝႃႈ၊ လွင်ႈ​ၼင်ႇ​ႁိုဝ် ႁဝ်း​တၵ်း​လႆႈ​ၶၢႆ​ၶဝ်ႈ​ပိူၵ်ႇ​ၸိုင် တၵ်း​ပူၼ်ႉ​ဝၼ်း လိူၼ်​မႂ်ႇ​မိူဝ်ႈ​လႂ်။ လွင်ႈ​ၼင်ႇ​ႁိုဝ် ႁဝ်း​တၵ်း​လႆႈ​ဢဝ်​ၶဝ်ႈ​ၵျုင်ႇ ဢွၵ်ႇ​ၽႄ​ဝႆႉ၊ လွင်ႈ​ၼင်ႇ​ႁိုဝ် ႁဝ်း​တၵ်း​လႆႈ​ႁဵတ်း​ႁႂ်ႈ​ၵွၵ်း​ ဢေးၽႃႇ ​လဵၵ်ႉ၊ ႁႂ်ႈ​လုၵ်ႈ​ၵျၢပ်ႈ​ယႂ်ႇ​သေ​လႄႈ သုင်း​သွင်ႇ​ယႃႇ​ၸူႇ ဢၼ်​ပႅတ်ႉ​ဢၼ်​လႅၼ်​ၼၼ်ႉ​သေ​လႄႈ ပႅတ်ႉ​လႅၼ်၊-</verse>
				<verse number="6">လွင်ႈ​ၼင်ႇ​ႁိုဝ် ႁဝ်း​တၵ်း​လႆႈ​ဢဝ်​ငိုၼ်း သိုဝ်ႉ​ဢဝ်​ၵေႃႉ​ဢၼ် ယၢၵ်ႈ​ဢၼ်​ၽၢၼ်​လႄႈ ဢဝ်​ၶႅပ်း​တိၼ် ၵူႈ​ၼိုင်ႈ​သိုဝ်ႉ​ဢဝ် ၵေႃႉ​ဢၼ်​ၸုတ်ႈ ဢၼ်​လုတ်ႈ​ၼၼ်ႉ၊ လွင်ႈ​ၼင်ႇ​ႁိုဝ် ႁဝ်း​တၵ်း​လႆႈ​ၶၢႆ ၶဝ်ႈ​သၢၼ်​ၵျုင်ႇ ဢၼ်​ယုတ်ႈ​ဢၼ်​ၺၢမ်ႉ​ၼၼ်ႉ​ၸိုင်၊ တၵ်း​ပူၼ်ႉ​ဝၼ်း​ၵမ်​သိၼ်​မိူဝ်ႈ​လႂ်၊ ဝႃႈ​ၼင်ႇ​ၼႆ​ၼၼ်ႉ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​ၵႂၢမ်း​ၼႆႉ​တႃႉ။-</verse>
				<verse number="7">ထႃႇဝရႃႉ​ၽြႃး​ဢဝ်​မုၼ်​ၽုင်း​ ယႃႇၵုပ်ႈ တိူင်ႇ​လႄႈ​ဝႃႈ​ၸမ်ႉ၊ ၵဝ်​တၵ်း​ဢမ်ႇ​လူင်​ဢမ်ႇ​လိုမ်း ၵႃႈ​ဢၼ်​ၶဝ်​ၵမ်​ၵျၢင်ႉ သၢင်ႈ​ႁဵတ်း​ၼၼ်ႉ​ယူႇ တႃႇ​သေႇ​ဢမ်ႇ​ထၢတ်ႇ။-</verse>
				<verse number="8">ၵွပ်ႈ​ပိူဝ်ႈ​ဢပႅတ်ႈ​ၼၼ်ႉ​လႄႈ မိူင်း​ၸဝ်ႈ​တၵ်း​သၼ်ႇ​ဝႆ​လႄႈ ၵူၼ်း​မိူင်း​ၸဝ်ႈ တင်း​သဵင်ႈ​တင်း​လူင် တၵ်း​ၶၢင်း​ၶီ​ၶၢင်း​ၽၢၼ် ဢမ်ႇ​ၸႂ်ႈ​ႁိုဝ်။ တၵ်း​လုၵ်ႉ​တင်း​မိူင်း မိူၼ်​ၸိူဝ်ႉ​ၼင်ႇ ၼမ်ႉ​ႁွင်ႈ​လူင်​ၼၼ်ႉ​လႄႈ ပဵၼ်​ၸွၼ်​ပဵၼ်​ၸႅၼ်​လႄႈ ယွမ်း​တူၵ်း​ၵႂႃႇ မိူၼ်​ၸိူဝ်ႉ​ၼင်ႇ​ၼမ်ႉ​ႁွင်ႈ ဢေႇၵိပ်ႉတူႉ ​ၼၼ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="9">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ႁႂ်ႈ​ၵၢင်​ဝၼ်း​တူၵ်း ၶိင်ႇ​ဢၼ်​ၵၢင်​ဝၼ်း​တဵင်ႈ​ၼၼ်ႉ​လႄႈ ႁႂ်ႈ​လိၼ်​မိူင်း​လပ်း​သိင်ႇ ၼႂ်း​ဝၼ်း​ဢၼ်​သႂ်​လီ လႅင်း​လီ​ၼၼ်ႉ​ဢေႃႈ။-</verse>
				<verse number="10">ၵဝ်​တၵ်း​ႁႂ်ႈ​တၢင်း​ဢၼ်​သူ​ၶၢမ်ႇ​ပွႆး​ၼၼ်ႉ ပဵၼ်​တၢင်း​ဢၼ် ၶၢင်း​ၶီ​ၶၢင်း​ၽၢၼ်​ၵႂႃႇ​လႄႈ ႁႂ်ႈ​တၢင်း​ဢၼ်​သူ ႁဵတ်း​ၵႂၢမ်း​ၵႃႈ​မီး​ၼၼ်ႉ ပဵၼ်​တၢင်း​ဢၼ်​ႁႆႈ​ႁွင်ႉ​ပွင်ႉ​ၶၢင်း​ၵႂႃႇ​ဢေႃႈ။ ၵဝ်​တၵ်း​ႁဵတ်း​ႁႂ်ႈ ၵူၼ်း​တင်း​သဵင်ႈ​တင်း​လူင် ဢဝ်​ၶူဝ်း​ၼုင်ႈ​ၼင်​ပေႃ​ႁတ်ႉ​ဢႅဝ်​လႄႈ ႁႂ်ႈ​ၵူႈ​ၵေႃႉ​ၵူႈ​ၵူၼ်း လႆႈ​ၶၢမ်ႇ​တၢင်း​ဢၼ် ထႃ​ႁူဝ်​ၵႅတ်း​ႁူဝ်​ပႅတ်ႈ​ဢေႃႈ။ ၵဝ်​တၵ်း​ႁႂ်ႈ​လွင်ႈ​တၢင်း​ၼၼ်ႉ ပဵၼ်​ၸိူဝ်ႉ​ၼင်ႇ​တၢင်း​ဢၼ်​ၶၢင်း​ၶီ​ၶၢင်း​ၽၢၼ် ၵွပ်ႈ​ပိူဝ်ႈ လုၵ်ႈ​ၸၢႆး​ၵေႃႉ​လဵဝ်​ၵူၺ်း​ၼၼ်ႉ ဢိၵ်ႇ​တင်း ႁႂ်ႈ​တီႈ​သုတ်း​တီႈ​ၵွႆ​မၼ်း ပဵၼ်​ၸိူဝ်ႉ​ၼင်ႇ​မိုဝ်ႉ​ဝၼ်း​ဢၼ်​ၶူမ်​ၼႃႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶိင်ႇ​မိုဝ်ႉ​ဝၼ်း​ဢၼ် ၵဝ်​တၵ်း​ႁႂ်ႈ​ၽေး တၢင်း​ဢၼ်​ဢိုပ်း​ဢၼ်​ယၢၵ်ႈ ပဵၼ်​ၵႃႈ​ၼႂ်း​မိူင်း​ၸဝ်ႈ​ၼၼ်ႉ တၵ်း​ႁွတ်ႈ​ထိုင်​လႄႈ တၵ်း​ဢမ်ႇ​ပဵၼ်​ၽေး တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​လႄႈ ဢိုပ်း​ယၢၵ်ႈ၊ ၽေး​တၢင်း​ဢၼ်​ဢိုပ်း​ၼမ်ႉ ယၢၵ်ႇ​ၼမ်ႉ​ၼၼ်ႉ​လႄႈ တၵ်း​ပဵၼ်​ၽေး တၢင်း​ဢၼ်​ဢိုပ်း​ဢၼ်​ယၢၵ်ႈ ဢၼ်​ဝႃႈ​တၢင်း​ဢၼ် ဢမ်ႇ​လႆႈ​ငိၼ်း​ဢမိင်ႉ​ထႃႇဝရႃႉ​ၽြႃး​ဢေႃႈ။-</verse>
				<verse number="12">ၵူၼ်း​တင်း​လၢႆ တၵ်း​လႄႇ​ၵႂႃႇ​လဵပ်ႈ​ၵႂႃႇ ဢဝ်​ၵႃႈ​တီႈ​ပၢင်ႇ​လၢႆႇ​မႄႈ​ၼိုင်ႈ တေႃႇ​ထိုင်​ႁွတ်ႈ ပၢင်ႇ​လၢႆႇ​မႄႈ​ၼိုင်ႈ ဢိၵ်ႇ​တင်း​ဢဝ်​ၵႃႈ​တီႈ​ၽၢႆႇ​တၢင်း​ႁွင်ႇ တေႃႇ​ထိုင်​ႁွတ်ႈ​ၽၢႆႇ​တၢင်း​ဢွၵ်ႇ​ၼၼ်ႉ​လႄႈ ပိၵ်ႉ​သမ်ႉ​ၶဝ်​လႅၼ်ႈ​ၵႂႃႇ​လႅၼ်ႈ​မႃး ႁႂ်ႈ​လႆႈ​ႁႃ​ဢဝ်​ဢမိင်ႉ​ထႃႇဝရႃႉ​ၽြႃး​သေ​ၵေႃႈ ၶဝ်​ဢမ်ႇ​လႆႈ​ထူပ်း​လႆႈ​ႁၼ်။-</verse>
				<verse number="13">ၼႂ်း​မိုဝ်ႉ​ဝၼ်း​ၼၼ်ႉ ၽူႈ​သၢဝ်​ဢၼ်​ႁၢင်ႈ​လီ​ၽၢင်​လီ ဢိၵ်ႇ​တင်း ၽူႈ​မၢဝ်ႇ​တင်း​လၢႆ တၵ်း​ဢိုပ်း​ၼမ်ႉ​ယၢၵ်ႇ​ၼမ်ႉ​လႄႈ ႁိူဝ်ႉ​ၼူၼ်း​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ် ဢဝ်​ဢပႅတ်ႈ​ သမႃႇရီႉ တိူင်ႇ​ဝႃႈ ၵိၼ်ႇ​ဝႃႈ​လႄႈ​ဝႃႈ၊ တၢၼ်ႇ ​ဢိူၺ်း၊ ၵႃႈ​ၼင်ႇ​ဢၼ် ၽြႃး​မႂ်း ဢသၢၵ်ႈ​လိပ်း​ယူႇ​ၼၼ်ႉ၊ ဝႃႈ​ၼင်ႇ​ၼႆ​လႄႈ​သမ်ႉ​ဝႃႈ၊ ၵႃႈ​ၼင်ႇ​ဢၼ် ဢသၢၵ်ႈ​ၽႃႇသႃႇ​သဵၼ်ႈ​တၢင်း​ ပေႇရသေႇၽႃႉ တႄႇ​ယူႇ​ၼၼ်ႉ၊ ဝႃႈ​ၼင်ႇ​ၼႆ ဢၼ်​ဝႃႈ ၶဝ်​ၸိူဝ်း​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ တၵ်း​လႆႈ​လူမ်ႉ​တူၵ်း​လႄႈ ၵမ်း​လိုၼ်း ဢမ်ႇ​လႆႈ​သမ်ႉ​ၶိုၼ်း​လုၵ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="9">
				<verse number="1">လႆႈ​သမ်ႉ ၵဝ်​ႁၼ်​ၸဝ်ႈ​ၽြႃး​ၸုၵ်း​ယူႇ ၵႃႈ​ၼိူဝ်​ယိတ်ႈပလၢင်ႇ​လႄႈ မီး​ဢမိင်ႉ​လႄႈ​ဝႃႈ၊ ပေႃႉ​ယႅၼ်ႉ ၶိုဝ်ႇ​ၽၵ်း​တူ ႁႂ်ႈ​သဝ်​ၽၵ်း​တူ​သၼ်ႇ​ၶွၼ်း​လႄႈ ဢဝ်​ၶဝ်​ၵိူၼ်ႇ​ပင်း တူၵ်း​သႂ်ႇ ၵႃႈ​ၼိူဝ်​ႁူဝ်​ၵူၼ်း ၵႃႈ​မီး​တႃႉ။ ၵဝ်​တၵ်း​ဢဝ်​လုၵ်ႈ​ၶဝ် လၢင်း​ၶဝ်​တၢႆ လူၺ်ႈ​လၢပ်ႇ​လူၺ်ႈ​လႅဝ်း​ဢေႃႈ။ ၵေႃႉ​ဢၼ်​ဢွၵ်ႇ​ပၢႆႈ​ၼၼ်ႉ ဢမ်ႇ​လႆႈ​ဢွၵ်ႇ​ပၢႆႈ။ ၵေႃႉ​ဢၼ်​လွတ်ႈ​ဢွၵ်ႇ​ၼၼ်ႉ ဢမ်ႇ​လႆႈ​လွတ်ႈ​ဢွၵ်ႇ။-</verse>
				<verse number="2">ပိၵ်ႉ​သမ်ႉ​ၶဝ် ၶုတ်း​ၶုမ်​ၶုတ်း​ႁူး ပွင်ႇ​ၶဝ်ႈ​ႁွတ်ႈ​ထိုင်​ၵႃႈ​ၼႂ်း မိူင်း​မရၼႃႉ​သေ​ၵေႃႈ၊ ၶႅၼ်​မိုဝ်း​ၵဝ် တၵ်း​ၼုၵ်ႈ​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​ၼၼ်ႉ​ဢေႃႈ။ ပိၵ်ႉ​သမ်ႉ​ၶဝ်​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​သေ​ၵေႃႈ၊ ၵဝ်​တၵ်း​ၶျႃး​ၶဝ်​တူၵ်း​သေ ၵႃႈ​တီႈ​ၼၼ်ႈ​ဢေႃႈ။-</verse>
				<verse number="3">ပိၵ်ႉ​သမ်ႉ​ၶဝ်​တဵတ်ႇ​မႅပ်ႉ​ယူႇ ၵႃႈ​ၼိူဝ်​ပၢႆ​ၸိၵ်း​လွႆ​ ၵရမေႇလႃႉ ​သေ​ၵေႃႈ ၵဝ်​တၵ်း​ႁႃ​လႄႈ ဢဝ်​ၶဝ်​ဢွၵ်ႇ​သေ ၵႃႈ​တီႈ​ၼၼ်ႈ​ဢေႃႈ။ ပိၵ်ႉ​သမ်ႉ​ၶဝ် တဵတ်ႇ​မႅပ်ႉ​သေ မၢၵ်ႇ​တႃ​ၵဝ်​လႄႈ ယူႇ​ၵႃႈ​တီႈ တႂ်ႈ​ပိုၼ်ႉ​ၼမ်ႉ သမ်ႇ​မုၵ်ႉ​တြႃႇ​သေ​ၵေႃႈ၊ ၵဝ်​တၵ်း​သင်ႇ​လၢတ်ႈ​ၼၵႃး​လႄႈ ႁႂ်ႈ​မၼ်း​ၶူပ်း​ၶဝ်​ဢေႃႈ။-</verse>
				<verse number="4">ပိၵ်ႉ​သမ်ႉ​ၶဝ်​ၶၢမ်ႇ​တၢင်း​ဢၼ်​သိမ်း​ဢဝ်​ၵႂႃႇ ၵႃႈ​တီႈ​ၽၢႆႇ​ၼႃႈ ရၢၼ်ႇ​သူႇ​ၶဝ် ၸိူဝ်း​ၼၼ်ႉ​သေ​ၵေႃႈ ၵဝ်​တၵ်း​သင်ႇ​လၢတ်ႈ လၢပ်ႇ​လႅဝ်း​ၵႃႈ​ၼႂ်း​တီႈ​ၼၼ်ႈ​လႄႈ ႁႂ်ႈ​ဢဝ်​ၶဝ်​တၢႆ​ဢေႃႈ။ ၵဝ်​တၵ်း​ဢဝ်​တႃ​ၵဝ် ယႅၵ်ႉ​တူၺ်း​ၶဝ် ႁႂ်ႈ​လႆႈ​ႁဵတ်း​ၵျေး​ၸူး ဢမ်ႇ​ၸႂ်ႈ၊ ႁႂ်ႈ​လႆႈ​ႁဵတ်း​ဢပႅတ်ႈ​သႂ်ႇ ၵူၺ်း​ဢေႃႈ။-</verse>
				<verse number="5">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ပဵၼ်​ၸဝ်ႈ ဢၼ်​တိူဝ်ႉ​သႂ်ႇ​လိၼ်​မိူင်း​လႄႈ လိၼ်​မိူင်း​ပဵၼ်​ၼမ်ႉ​ၵႂႃႇ​လႄႈ ၶဝ်​ၵႃႈ​ဢၼ်​ယူႇ​ၵႃႈ​ၼိူဝ်​မၼ်း​ၼၼ်ႉ လႆႈ​ၶၢင်း​ၶီ​ၶၢင်း​ၽၢၼ် ယူႇ​ၼၼ်ႉ​ဢေႃႈ။ တၵ်း​လုၵ်ႉ​တင်း​မိူင်း ၸိူဝ်ႉ​ၼင်ႇ​ၼမ်ႉ​ႁွင်ႈ​လူင် ၼၼ်ႉ​လႄႈ ၵမ်း​လိုၼ်း​ယွမ်း​တူၵ်း​ၵႂႃႇ မိူၼ်​ၸိူဝ်ႉ​ၼင်ႇ​ၼမ်ႉ​ႁွင်ႈ​ ဢေႇၵိပ်ႉတူႉ ​ၼၼ်ႉ​ဢေႃႈ။-</verse>
				<verse number="6">မၼ်း​ၸဝ်ႈ​ႁဵတ်း​လုၵ်း​ႁၢၼ်ႉ​ၼိူဝ်​ၸဝ်ႈ ၵႃႈ​ၼိူဝ်​ၽႃႉ​ၵၢင်​ႁၢဝ်​လႄႈ တႄႇ​ႁဵတ်း​ဢၼ်​ဝူၼ်း​ၼႃႈ​ၽႃႉ​ၸဝ်ႈ ၵႃႈ​ၼိူဝ်​လိၼ်​မိူင်း​ဢေႃႈ။ မၼ်း​ၸဝ်ႈ​ႁွင်ႉ​ဢဝ်​ၼမ်ႉ သမ်ႇ​မုၵ်ႉ​တြႃႇ​လႄႈ ဢဝ်​သွၼ်း​လေႃႇ​သႂ်ႇ ၵႃႈ​ၼိူဝ်​ၼႃႈ​လိၼ်​မိူင်း​ဢေႃႈ။ မၼ်း​ၸဝ်ႈ​မီး​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး​ဢေႃႈ။-</verse>
				<verse number="7">ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၶဝ်​ဢိူၺ်း၊ သူ​ပဵၼ်​ၸိူဝ်ႉ​ၼင်ႇ​ၵူၼ်း​မဵဝ်း​ ၵူႉသႃႉ ​ၸိူဝ်း​ၼၼ်ႉ တီႈ​ၵဝ်​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။ ၵဝ်​ၼုၵ်ႈ​ဢဝ်​မဵဝ်း​ ဢီႉသရေႇလႃႉ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၊ ၵူၼ်း​ ၽီႉလိတ်ႉတီႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ၵပ်ႉတေႃးရႃႉ ၊ ၵူၼ်း​ သူႉရီႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ၵီႉရႃႉ မႃး​ယဝ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="8">တႃ​ၸဝ်ႈ​ထႃႇဝရႃႉ​ၽြႃး လူ​တူၺ်း သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​မီး​ဢပႅတ်ႈ​ၼၼ်ႉ​လႄႈ ၵဝ်​တၵ်း​ပႄႇ​မၼ်း​ပႅတ်ႈ​သေ ၵႃႈ​ၼိူဝ်​ၼႃႈ​လိၼ်​မိူင်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​တၵ်း​ဢမ်ႇ​ယႃႉ​မဵဝ်း​ ယႃႇၵုပ်ႈ ​ပႅတ်ႈ မူတ်း​မူတ်း​သဵင်ႈ​သဵင်ႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="9">တူၺ်း​လူး။ ၵဝ်​တၵ်း​မီး​ဢမိင်ႉ​လႄႈ ဢဝ်​ၶိုင် ၶိုင်​ဢဝ်​မဵဝ်း ဢီႉသရေႇလႃႉ ၵႃႈ​ၼႂ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း မိူၼ်​ၸိူဝ်ႉ​ၼင်ႇ​ဢၼ်​ဢဝ်​ၶိုင် ၶိုင်​ၶဝ်ႈ​သၢၼ် ၼၼ်ႉ​ဢေႃႈ။ ဢမ်ႇ​လႆႈ​တူၵ်း ၵႃႈ​တီႈ​လိၼ်​သေ​မဵတ်ႉ။-</verse>
				<verse number="10">ၵူၼ်း​ၵဝ် ၵႃႈ​ဢၼ်​ဢပႅတ်ႈ ၼမ်​ၼႃႇ​လႄႈ လၢတ်ႈ​လႄႈ​ဝႃႈ၊ ၽေး​ဢူႉ​ပၢတ်ႈ​ၼၼ်ႉ တၵ်း​ဢမ်ႇ​ၶိုတ်း​ႁဝ်း​လႆႈ။ ဢမ်ႇ​ႁႄႉ​ၶႅၼ်​ႁဝ်း​လႆႈ၊ ဝႃႈ​ၼင်ႇ​ၼႆ​ၼၼ်ႉ တၵ်း​လႆႈ​တၢႆ လူၺ်ႈ​လၢပ်ႇ​လူၺ်ႈ​လႅဝ်း ဢေႃႈ။</verse>
				<verse number="11">ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ၶိုၼ်း​မႄး​ၵုမ်း မႄး​ႁဵတ်း​သုမ်ႉ​ထဵင်​ တႃႇဝိတ်ႈ ဢၼ်​လူမ်ႉ​လႄႈ မီး​ယူႇ​ၼၼ်ႉ​လႄႈ ႁႂ်ႈ​တီႈ​ဢၼ်​တႅၵ်ႇ​ဢႃႈ​မၼ်း ၸိူဝ်း​ၼၼ်ႉ ၶိုၼ်း​ငီႇငႅၼ်ႈ​ၵၼ် သေ​လႄႈ ၶိုၼ်း​တႄႇ​ၶိုၼ်း​ႁဵတ်း တီႈ​ဢၼ် ၵိူၼ်ႇ​ပင်း လူႉ​လႅဝ်​မၼ်း တင်း​လၢႆ လႄႈ ႁႂ်ႈ​မၼ်း​ၶိုၼ်း​တင်ႈ​သိုဝ်ႈ​ယူႇ မိူၼ်​ၸိူဝ်ႉ​ၼင်ႇ ဢၼ်​မီး​မိူဝ်ႈ​ဢွၼ်​တၢင်း​ၼႆႉ​ၼၼ်ႉ​-</verse>
				<verse number="12">ႁႂ်ႈ​ၶဝ်​လႆႈ​သိမ်း​ဢဝ် ၸႃႉ​ၸဵမ်​ၵူၼ်း​မဵဝ်း​ ဢေႇတုမ်ႇ ဢၼ်​ၵိုတ်း ဢၼ်​ၵျၢၼ်ႇ​ဝႆႉ​ၼၼ်ႉ ဢိၵ်ႇ​တင်း ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ၶၢမ်ႇ​တၢင်း​ဢၼ် ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ် ႁွင်ႉ​ႁဵၵ်ႈ​ၵႃႈ​မီး တင်း​သဵင်ႈ​တင်း​လူင်​ၼၼ်ႉ မႃး​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ဢၼ်​ၸီႇ​ယၢင်ႇ လွင်ႈ​တၢင်း​ၼႆႉ​ၼၼ်ႉ မီး​ဢမိင်ႉ​ဢေႃႈ။-</verse>
				<verse number="13">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶိင်ႇ​မိုဝ်ႉ​ဝၼ်း ဢၼ်​ၵေႃႉ​ဢၼ်​ထိူၼ်ႇ​ၼႃး တၵ်း​ၶိုတ်း​ၵေႃႉ​ဢၼ် ပၢတ်ႇ​ၶဝ်ႈ​လႄႈ ၵေႃႉ​ဢၼ်​ၼူတ်ႈ​မၢၵ်ႇ​ၸပိတ်ႈ တၵ်း​ၶိုတ်း​ၵေႃႉ​ဢၼ် ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း၊ ဢၼ်​လွႆ​တင်း​လၢႆ တၵ်း​ယွတ်ႇ​ႁူဝ်ႈ​ဢွၵ်ႇ ၼမ်ႉ​ၸပိတ်ႈ​ဢၼ်​ဝၢၼ်​လႄႈ ၵုင်း​ၵႃႈ​မီး တၵ်း​ၸိူမ်ႈ​ပဵၼ်​ၼမ်ႉ​ၵႂႃႇ​ၼၼ်ႉ တၵ်း​ႁွတ်ႈ​မႃး​ဢေႃႈ။-</verse>
				<verse number="14">ၵဝ်​တၵ်း​ဢဝ်​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ ၸိူဝ်း​ၼၼ်ႉ​ၶိုၼ်း​မႃး​လႄႈ ၶဝ်​ၼၼ်ႉ တၵ်း​ဢွၼ်​ၵၼ် မႄး​ၵုမ်း​မႄး​ႁဵတ်း ဝဵင်း​ဢၼ်​လူႉ​လႅဝ်​ၸိူဝ်း​ၼၼ်ႉ​သေ​လႄႈ ယူႇ​ၵႃႈ​ၼႂ်း​ဝဵင်း ၸိူဝ်း​ၼၼ်ႉ​ဢေႃႈ။ ၶဝ်​တၵ်း​ဢွၼ်​ၵၼ် ၽုၵ်ႇ​သူၼ်​ဢူးယဵၼ်ႇ​ၸပိတ်ႈ တင်း​လၢႆ​လႄႈ သူတ်ႉ​ၵိၼ်​ၼမ်ႉ​ၸပိတ်ႈ​ဢေႃႈ။ ၶဝ်​တၵ်း ဢွၼ်​ၵၼ်​လုမ်း​လႃး​ႁႆႊ​ၼႃး​လႄႈ ၵိၼ်​မၢၵ်ႇ​မၼ်း​ႁူင်း​မၼ်း​ဢေႃႈ။-</verse>
				<verse number="15">ၵဝ်​တၵ်း ဢဝ်​ၶဝ်​ၽုၵ်ႇ​ဝႆႉ ၵႃႈ​ၼႂ်း​မိူင်း​ၶဝ်​ၼၼ်ႉ​လႄႈ ၵမ်း​လိုၼ်း ၶဝ်​တၵ်း​ဢမ်ႇ​လႆႈ​ၶၢမ်ႇ တၢင်း​ဢၼ်​ၽူႈ​လႂ် ၼုၵ်ႈ​ဢဝ်​ၶဝ်​ဢွၵ်ႇ​သေ ၵႃႈ​ၼႂ်း​မိူင်း​ၶဝ်​ၼၼ်ႉ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း မီး​ဢမိင်ႉ​ဢေႃႈ။ ၵျၢမ်း​ဢၼႃႇၵၢတ်ႈ​တီႉ​ဢႃႇမူတ်ႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="31">
			<chapter number="1">
				<verse number="1">ပျႃႇ​တိၵ်ႈ​ရူႇပႃႇရူင်ႇ ဢေႃးပတီႉ ​ဢေႃႈ။ ၸဝ်ႈ​ထႃႇဝရႃႉ​ၽြႃး ဢဝ်​လွင်ႈ​မိူင်း​ ဢေႇတုမ်ႇ မီး​ဢမိင်ႉ​ၸမ်ႉ၊ ႁဝ်း​လႆႈ​ငိၼ်း​သဵင်​ဢၼ် ထႃႇဝရႃႉ​ၽြႃး ႁွင်ႉ​ပၢဝ်ႇ​ႁွင်ႉ​သေႃႇ​ၼၼ်ႉ​ဢေႃႈ။ မၼ်း​ၸဝ်ႈ​ပွႆႇ သၢၼ်ႇတမၢၼ်ႇ​ၵႂႃႇ ၵႃႈ​ၼႂ်း​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ လႄႈ လၢတ်ႈ​လႄႈ​ဝႃႈ၊ သူ​ဢွၼ်​ၵၼ်​လုၵ်ႉ​လႄႈ ၶီႇ​သိုၵ်း​ႁႂ်ႈ​လႆႈ​တိုၵ်း​တေႃး မိူင်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="2">တူၺ်း​လူး။ ၵဝ်​ၸီႇ​ယၢင်ႇ ႁႂ်ႈ​မႂ်း​ပဵၼ် ဢၼ်​လဵၵ်ႉ​ဢၼ်​ဢွၼ်ႇ ၵႃႈ​ၼႂ်း​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ​လႄႈ မႂ်း​လႆႈ​ၶၢမ်ႇ​တၢင်း​ဢၼ် ပိူၼ်ႈ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ဢေႃႈ။-</verse>
				<verse number="3">မႂ်း​ဢၼ်​ယူႇ​ၼႂ်း​ၵႄႈ မၢၵ်ႇ​ႁိၼ်​မၢၵ်ႇ​ၽႃ​တင်း​လၢႆ​လႄႈ သွၼ်ႈ​ပိုင်ႈ​ယူႇ​ၵႃႈ​တီႈ​ဢၼ်​သုင်၊ ဢၼ်​လၢတ်ႈ​ၼႂ်း​ၸႂ်​လႄႈ​ဝႃႈ၊ ၽူႈ​လႂ်​တၵ်း​ၶျႃး​ၵဝ်​တူၵ်း တီႈ​လိၼ်​လႆႈ၊ ဝႃႈ​ၼင်ႇ​ၼႆ ၼၼ်ႉ​ၼႆႉ​ဢိူၺ်း၊ မႃႇၼႃႉ​ၸႂ်​သုင်​မႂ်း​ၼၼ်ႉ ပႅတ်ႉ​လႅၼ်​မႂ်း​ယဝ်ႉ။-</verse>
				<verse number="4">ပိၵ်ႉ​သမ်ႉ​မႂ်း ယုၵ်ႉ​ယွင်ႈ​တူဝ်​မႂ်း ၶိုၼ်ႈ​တီႈ​သုင် မိူၼ်​ၸိူဝ်ႉ​ၼင်ႇ လၢင်း​တႃႉ​ၶမ်း​ၼၼ်ႉ​လႄႈ ႁဵတ်း​ႁင်း​မႂ်း​ယူႇ ၵႃႈ​တီႈ​လၢဝ်​တင်း​လၢႆ​သေ​ၵေႃႈ၊ ၵဝ်​တၵ်း​ၶျႃး​မႂ်း​သေ ၵႃႈ​တီႈ​ၼၼ်ႈ တူၵ်း​တီႈ​တႅမ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="5">သင်​ၽူႈ​လၵ်ႉ​မႃး၊ သင်​ၵူၼ်း​ၸူၼ်​မႃး​ၸူး တီႈ​မႂ်း ၶိင်ႇ​ၵၢင်​ၶိုၼ်း​ၸိုင် ၶဝ်​တၵ်း​လၵ်ႉ​ဢဝ် ႁႂ်ႈ​ထၼ်ႈ​ပေႃး ပေႇ​ၸႂ်​ၶဝ်​ၵူၺ်း ဢမ်ႇ​ၸႂ်ႈ​ႁိုဝ်။ သင်ႇ​ၵူၼ်း​ဢၼ်​ဝိတ်း မၢၵ်ႇ​ၸပိတ်ႈ​တင်း​လၢႆ မႃး​ၸူး​တီႈ​မႂ်း​ၸိုင်၊ ၶဝ်​တၵ်း​ႁႂ်ႈ​ၵိုတ်း​ၵျၢၼ်ႇ​ဝႆႉ ပုၼ်ႈ​ဢၼ်​ပိူၼ်ႈ တၵ်း​ၸွမ်း​လႄႈ​ဝိတ်း​ဢဝ် ဢမ်ႇ​ၸႂ်ႈ​ႁိုဝ်။ မႂ်း​ၼႆႉ ပဵၼ်​ဢၼ်​လူႉ​လႅဝ်​ၼႃႇ​လူင်​လၢင်​ယဝ်ႉ လူင်​ပႄႇ။-</verse>
				<verse number="6">ဢေးသေႃး ​ၼၼ်ႉ လႆႈ​ၶၢမ်ႇ​တၢင်း​ဢၼ် ၸႅတ်ႈ​ဢဝ် ထၢမ်​ဢဝ် ၼႃႇ​လူင်​လၢင်​ယဝ်ႉ​လူင်​ပႄႇ။ လႆႈ​ၶၢမ်ႇ​တၢင်း​ဢၼ်​ႁႃ​ဢဝ် ဢုၵ်ႉ​ၸႃႇ ဢၼ်​မၼ်း​သိူင်ႇ​ဝႆႉ မႅပ်ႉ​ဝႆႉ​ၸိူဝ်း​ၼၼ်ႉ ၼႃႇ​လူင်​လၢင်​ယဝ်ႉ​လူင်​ပႄႇ။-</verse>
				<verse number="7">ၶဝ်​ၸိူဝ်း​ဢၼ် ႁဵတ်း​မိၵ်ႉသႃႇႁႃယႃႉ လူၺ်ႈ​ၵၼ်​တင်း​မႂ်း​ၼၼ်ႉ ႁေႃႈ​မႂ်း​ဢွၵ်ႇ​ၸူး​ၵႃႈ​တီႈ ၶွပ်ႇ​ၼမ်ႉ​လႅၼ်​လိၼ်​ယဝ်ႉ​ယဝ်ႉ။ ၶဝ်​ၸိူဝ်း​ဢၼ် ႁဵတ်း​ၵေႃႉ​ႁဵတ်း​သေႈ လူၺ်ႈ​ၵၼ်​တင်း​မႂ်း​ၼၼ်ႉ ပႅတ်ႉ​လႅၼ်​မႂ်း​လႄႈ ပႄႉ​ၼႅင်ႇ​မႂ်း​ယဝ်ႉ​ယဝ်ႉ။ ၶဝ်​ၸိူဝ်း​ဢၼ် ၵိၼ်​ၶူပ်း တၢင်း​ၵိၼ်​တၢင်း​ၶူပ်း မႂ်း​ၼၼ်ႉ ၵၢင်​တူင်ႇ​ႁႅဝ်ႉ တူင်ႇ​ၶိုမ်း​ဝႆႉ ၵႃႈ​တီႈ​တႂ်ႈ​မႂ်း​ယဝ်ႉ​ယဝ်ႉ။ မၼ်း​ဢမ်ႇ​မီး​ၺၢၼ်ႇ​ပိင်ႇ​ၺႃႇ လႃး​လႃး။-</verse>
				<verse number="8">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ပႄႇ​ၽဵဝ်ႈ ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ ပႅတ်ႈ​သေ​ၵႃႈ​ၼႂ်း​မိူင်း​ ဢေႇတုမ်ႇ ၊ ၶဝ်​ၸိူဝ်း​ဢၼ်​ၺၢၼ်ႇ​လီ​ၼၼ်ႉ ပႅတ်ႈ​သေ​ၵႃႈ​တီႈ​လွႆ​ ဢေးသေႃး ဢမ်ႇ​ၸႂ်ႈ​ႁိုဝ်။-</verse>
				<verse number="9">ဝဵင်း​ တေႇမၢၼ်ႇ ​ဢိူၺ်း၊ ၵူၼ်း​မႂ်း​ဢၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ တၵ်း​ႁွတ်ႈ​ထိုင် တၢင်း​ဢၼ်​ၵူဝ်​ဢၼ်​ႁႄ ႁႂ်ႈ​ၶဝ်​တင်း​သဵင်ႈ​တင်း​လူင် လႆႈ​ၶၢမ်ႇ​တၢင်း​ဢၼ်​ပႄႇ​ၽဵဝ်ႈ ၶႃႈ​ၽၼ်း​ဢဝ်​တၢႆ​ပႅတ်ႈ​သေ​ၵႃႈ​ၼိူဝ်​လွႆ ဢေးသေႃး ​ဢေႃႈ။</verse>
				<verse number="10">ၵွပ်ႈ​ပိူဝ်ႈ​ဢပႅတ်ႈ တၢင်း​ဢၼ်​မႂ်း ႁဵတ်း​ပႄႉ​ႁဵတ်း​ၼႅင်ႇ ၼွင်ႉ​ၸၢႆး​မႂ်း​ ယႃႇၵုပ်ႈ ​ၼၼ်ႉ​လႄႈ တၢင်း​ဢၼ်​ဢူၵ်း​ဢၼ်​ဢၢႆ တၵ်း​လႆႈ​ႁူမ်ႇ​သုမ်ႇ​မႂ်း​လႄႈ မႂ်း​တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ၽဵဝ်ႈ​ပႅတ်ႈ​ယူႇ သေႇ​သေႇ​ဢေႃႈ။-</verse>
				<verse number="11">ၼႂ်း​မိုဝ်ႉ​ဝၼ်း​ဢၼ်​မႂ်း​ယူႇ ၽၢႆႇ​ၶၢင်ႈ​ၼိုင်ႈ၊ ၼႂ်း​ဝၼ်း​ဢၼ်​ၵူၼ်း​တၢင်ႇ​ဝၢၼ်ႈ တၢင်ႇ​မိူင်း​တင်း​လၢႆ သိမ်း​ဢဝ်​ၶဝ်​ၸိူဝ်း​ဢၼ် ႁၢပ်ႇ​ဢမူႉ​မၼ်း​ၼၼ်ႉ​လႄႈ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ၶဝ်ႈ​ၵႃႈ​ၼႂ်း​ၽၵ်း​တူ​ဝဵင်း​မၼ်း​သေ​လႄႈ တူၵ်း​လိၵ်ႈ​ၸႃႇ​ၵွၵ်ႈ​ၵၼ် လူၺ်ႈ​လွင်ႈ ဝဵင်း​ ယေႇရူႉသလႅမ်ႇ ​ၼၼ်ႉ​ၼၼ်ႉ၊ မႂ်း​ပဵၼ်​ၵေႃႉ​ဢၼ် ႁပ်ႉ​တုင်း​ဢဝ်​ဢေႃႈ။-</verse>
				<verse number="12">ၼႂ်း​မိုဝ်ႉ​ဝၼ်း​ၼွင်ႉ​ၸၢႆး​မႂ်း၊ ဝၼ်း​ဢၼ်​မၼ်း​ပဵၼ် ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း ၵႂႃႇ​ၼၼ်ႉ၊ မႂ်း​ဢမ်ႇ​ထုၵ်ႇ​လီ​လူ​တူၺ်း ဢမူႉ​မၼ်း​ယူႇ။ ၼႂ်း​မိုဝ်ႉ​ဝၼ်း​ဢၼ် ၵူၼ်း​မဵဝ်း​ ယူႉတႃႉ ​တင်း​လၢႆ​လူႉ​လႅဝ်​ၼၼ်ႉ မႂ်း​ဢမ်ႇ​ထုၵ်ႇ​လီ​ၸူမ်း​လီ​သိူဝ်း။ ၼႂ်း​မိုဝ်ႉ​ဝၼ်း​ဢၼ် ၶဝ်​လႆႈ​ၶၢမ်ႇ​တုၵ်ႉ​ၶႃႉ တၢင်း​ၽၢၼ်​ၼၼ်ႉ မႂ်း​ဢမ်ႇ​ထုၵ်ႇ​လီ​လၢတ်ႈ​ၵႂၢမ်း ဢၼ်​ဢမ်ႇ​ၼပ်ႉ​ဢမ်ႇ​ၶၢၼ်း။-</verse>
				<verse number="13">ၼႂ်း​မိုဝ်ႉ​ဝၼ်း​ဢၼ် ၵူၼ်း​ၵဝ်​တင်း​လၢႆ လႆႈ​ၶၢမ်ႇ​ၽေး​ဢူႉ​ပၢတ်ႈ​ၼၼ်ႉ၊ မႂ်း​ဢမ်ႇ​ထုၵ်ႇ​လီ​ၶဝ်ႈ​ၵႃႈ​ၼႂ်း​ႁူး​ၽၵ်း​တူ တီႈ​ဢၼ်​ၶဝ်​ယူႇ​ၼၼ်ႉ။ ၼႂ်း​မိုဝ်ႉ​ဝၼ်း​ဢၼ်​ၶဝ်​လႆႈ​ၶၢမ်ႇ ၽေး​ဢူႉ​ပၢတ်ႈ​ၼၼ်ႉ မႂ်း​ဢမ်ႇ​ထုၵ်ႇ​လီ​လူ​တူၺ်း တုၵ်ႉ​ၶႃႉ​တၢင်း​ၽၢၼ်​ၶဝ်။ ၼႂ်း​မိုဝ်ႉ​ဝၼ်း​ဢၼ် ၶဝ်​လႆႈ​ၶၢမ်ႇ​ၽေး​ဢူႉ​ပၢတ်ႈ​ၼၼ်ႉ မႂ်း​ဢမ်ႇ​ထုၵ်ႇ​လီ​ယိုၼ်ႈ​မိုဝ်း ႁိမ်​ဢဝ်​ႁူင်ႇ​ဢဝ်​ဢုၵ်ႉ​ၸႃႇ​ၶဝ်။-</verse>
				<verse number="14">မႂ်း​ဢမ်ႇ​ထုၵ်ႇ​လီ​ယူႇ ၵႃႈ​တီႈ​သဵၼ်ႈ​တၢင်း ဢၼ်​ၽႃႇ​ၵႂႃႇ​လတ်း​ၵႂႃႇ​ၼၼ်ႉ ႁႂ်ႈ​လႆႈ​ပႄႇ​ၽဵဝ်ႈ​ၶဝ်​ၸိူဝ်း​ဢၼ် ပၢႆႈ​လွတ်ႈ​ၵႂႃႇ​ၼၼ်ႉ​ပႅတ်ႈ။ မႂ်း​ဢမ်ႇ​ထုၵ်ႇ​လီ​ဢဝ် ၶဝ်​ၸိူဝ်း​ဢၼ် ယင်း​ၵိုတ်း​ယင်း​ၵျၢၼ်ႇ ၼႂ်း​မိုဝ်ႉ​ဝၼ်း​ဢၼ် ဢမူႉ​ႁွတ်ႈ​ထိုင်​ၼၼ်ႉ​ၸိူဝ်း​ၼၼ်ႉ ဢၢပ်ႈ​ပၼ်။</verse>
				<verse number="15">လွင်ႈ​မၼ်း​ၸမ်ႉ မိုဝ်ႉ​ဝၼ်း​ထႃႇဝရႃႉ​ၽြႃး​ၼၼ်ႉ ၸမ်​ၵၼ်​တင်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ယဝ်ႉ။ ၸွမ်း​ၵႃႈ​ၼင်ႇ​ဢၼ် မႂ်း​ႁဵတ်း​ၼၼ်ႉ​သေ​လႄႈ ပိူၼ်ႈ​တၵ်း​ႁဵတ်း တီႈ​မႂ်း​ဢေႃႈ။ ဢမူႉ​ဢၼ်​မႂ်း​ႁဵတ်း​ၼၼ်ႉ တၵ်း​လႆႈ​ၶိုၼ်း​ႁွတ်ႈ​ထိုင် ၵႃႈ​တီႈ​ၼိူဝ်​ႁူဝ်​မႂ်း​ဢေႃႈ။-</verse>
				<verse number="16">ၸိူဝ်ႉ​ၼင်ႇ​ဢၼ်​သူ သူတ်ႉ​ၵိၼ်​ဢိုၵ်ႉ​ၵိၼ်​ၵႃႈ​ၼိူဝ်​လွႆ​ၵဝ် ဢၼ်​မူတ်း​ၸၢင်ႇ​ၼၼ်ႉ ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​လႆႈ​သူတ်ႉ​ၵိၼ်​ဢိုၵ်ႉ​ၵိၼ်​ယူႇ သေႇ​သေႇ​ဢေႃႈ။ ၶဝ်​တၵ်း​လႆႈ​သူတ်ႉ​ၵိၼ် ဢိုၵ်ႉ​ၵိၼ်​လႄႈ ဢိုၼ်​ၵိၼ်​သေ​ယဝ်ႉ၊ တၵ်း​လႆႈ​ပဵၼ်​မိူၼ်​ၸိူဝ်ႉ​ၼင်ႇ ၵေႃႉ​ဢၼ် ဢမ်ႇ​တွၼ်ႉ​ယၢမ်ႈ​မီး​ၼၼ်ႉ​ယူႇ​ဢေႃႈ။</verse>
				<verse number="17">ၵႃႈ​ၼိူဝ်​လွႆ​ ၸီႉဢုၼ်ႇ ​ၼၼ်ႉ တၵ်း​မီး​ၶဝ်​ၸိူဝ်း​ဢၼ် လွတ်ႈ​ၽေး​ၵမ်ႈ​ၽွင်ႈ​လႄႈ တီႈ​ၼၼ်ႈ တၵ်း​ပဵၼ်​တီႈ​ဢၼ် မူတ်း​ၸၢင်ႇ​ဢေႃႈ။ မဵဝ်း​ ယႃႇၵုပ်ႈ ​ၼၼ်ႉ တၵ်း​လႆႈ ပိူင်ႇ​ဢဝ်​လိၼ် ဢၼ်​ၶဝ်​ထိူၵ်ႈ​ပိူင်ႇ​ၼၼ်ႉ​ဢေႃႈ။-</verse>
				<verse number="18">မဵဝ်း​ ယႃႇၵုပ်ႈ ​ၼၼ်ႉ တၵ်း​ပဵၼ်​ၽႆး၊ မဵဝ်း​ ယူဝ်းသႅပ်ႈ ​ၼၼ်ႉ တၵ်း​ပဵၼ်​ပဵဝ်​ၽႆး၊ မဵဝ်း​ ဢေးသေႃး ​ၼၼ်ႉ တၵ်း​ပဵၼ်​ယိူဝ်ႈ​ႁႅင်ႈ​ယိူဝ်ႈ​ႁွင်​ယူႇ​သေ​လႄႈ ၸပ်း​ၽႆး​လႄႈ​မႆႈ​သေ​ယဝ်ႉ၊ ၵူၼ်း​မဵဝ်း​ ဢေႇတုမ်ႇ ​ၼၼ်ႉ ဢမ်ႇ​လႆႈ​ၵိုတ်း လႆႈ​ၵျၢၼ်ႇ​ဝႆႉ သေ​ၵေႃႉ​သေ​ၵူၼ်း၊ ထႃႇဝရႃႉ​ၽြႃး မီး​ဢမိင်ႉ​ဝႆႉ​ယဝ်ႉ​ယဝ်ႉ။-</verse>
				<verse number="19">ၵူၼ်း​ၵႃႈ​ၼႂ်း​ပွတ်း​တၢင်း​ၸၢၼ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​သိမ်း​ဢဝ်​လွႆ​ ဢေးသေႃး ၊ ၵူၼ်း​ဢၼ်​ယူႇ​ၵႃႈ​တႂ်ႈ တီႈ​ဢၼ်​ပၢင်ႇ​ဢၼ်​ပဵင်း ၸိူဝ်း​ၼၼ်ႉ တၵ်း​ဢွၼ်​ၵၼ်​သိမ်း​ဢဝ်​မိူင်း​ ၽီႉလိတ်ႉတီႉ ၊ ၶဝ်​ၼၼ်ႉ တၵ်း​ဢွၼ်​ၵၼ် သိမ်း​ဢဝ် တီႈ​ပၢင်ႇ​တီႈ​ပဵင်း ဢေႇၽရိမ်ႇ ဢိၵ်ႇ​တင်း တီႈ​ပၢင်ႇ​တီႈ​ပဵင်း​ သမႃႇရီႉ ၊ မဵဝ်း​ ပိၼ်ႇယႃႇမိၼ်ႇ ​ၼၼ်ႉ တၵ်း​ဢွၼ်​ၵၼ် သိမ်း​ဢဝ်​မိူင်း​ ၵီႉလတ်ႉ ​ဢေႃႈ။-</verse>
				<verse number="20">မုၵ်ႉ​ၸိူဝ်း​မဵဝ်း​ ဢီႉသရေႇလႃႉ ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ​လႄႈ မီး​ယူႇ​ၵႃႈ​ၼႂ်း​ၵူၼ်း​ ၶႃႇၼၢၼ်ႇ ​ၸိူဝ်း​ၼၼ်ႉ တၵ်း​လႆႈ​သိမ်း​ဢဝ်​တေႃႇ​ထိုင်​ႁွတ်ႈ​ဝဵင်း​ ၸႃႇရိပ်ႉတႃႉ ​လႄႈ ၵူၼ်း​ဝဵင်း​ ယေႇရူႉသလႅမ်ႇ ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ​လႄႈ မီး​ယူႇ​ၵႃႈ​ၼႂ်း​မိူင်း​ သေႇၽရတ်ႉ ​ၸိူဝ်း​ၼၼ်ႉ တၵ်း​လႆႈ​သိမ်း​ဢဝ်​ဝၢၼ်ႈ​ဝဵင်း ၼႂ်း​ပွတ်း​တၢင်း​ၸၢၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="21">ၶဝ်​ၸိူဝ်း​ဢၼ် ၵႄႇ​သႄႇ​ၶျွတ်ႈ​ဢဝ်​ၼၼ်ႉ တၵ်း​ဢွၼ်​ၵၼ်​ၶိုၼ်ႈ ၵႃႈ​ၼိူဝ်​လွႆ​ ၸီႉဢုၼ်ႇ ႁႂ်ႈ​လႆႈ​ၸီႇ​ယၢင်ႇ​တြႃး တီႈ​လွႆ​ ဢေးသေႃး ​လႄႈ၊ သိုင်ႇ​ၸိုင်ႈ​ဝၢၼ်ႈ​မိူင်း ၵေႃႈ တၵ်း​ပဵၼ် သိုင်ႇ​ၸိုင်ႈ​ဝၢၼ်ႈ​မိူင်း ထႃႇဝရႃႉ​ၽြႃး​ဢေႃႈ။ ပျႃႇ​တိၵ်ႈ​ရူႇပႃႇရူင်ႇ​ဢေႃးပတီႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="32">
			<chapter number="1">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ႁွတ်ႈ​မႃး​တီႈ​ ယူဝ်းၼႃႉ လုၵ်ႈ​ၸၢႆး​ ဢမိတ်ႉတေႇ ​ၼၼ်ႉ​ၸမ်ႉ၊-</verse>
				<verse number="2">မႂ်း​လုၵ်ႉ​လႄႈ​ၵႂႃႇ​ၸူး​ၵႃႈ​တီႈ​ဝဵင်း​ ၼီႉၼေႇဝူၺ်ႇ ဝဵင်း​လူင်​ၼၼ်ႉ သေ​လႄႈ ႁွင်ႉ​ပၢဝ်ႇ​ႁွင်ႉ​သေႃႇ ယူႇ​ၽၢႆႇ​ၼိုင်ႈ တင်း​မၼ်း​တႃႉ။ တူႉ​ၸရိူၵ်ႈ​ဢပႅတ်ႈ ဢၼ်​ၶဝ်​ၼၼ်ႉ​ႁဵတ်း​ၼၼ်ႉ ၶိုၼ်ႈ​မႃး​ႁွတ်ႈ​ထိုင် ၵႃႈ​တီႈ​ၽၢႆႇ​ၼႃႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵူၺ်း​ၵႃႈ ယူဝ်းၼႃႉ ​ၼၼ်ႉ လုၵ်ႉ​လႄႈ​ၵျၢမ်ႇ​ပွင် ဢၢင်ႈ​တၵ်း​ဢွၵ်ႇ​ပၢႆႈ​သေ ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ၵႂႃႇ​ၸူး​ၵႃႈ​တီႈ​ဝဵင်း​ တႃႇသူႉ ​လႄႈ လူင်း​ၵႂႃႇ ႁွတ်ႈ​ထိုင်​ၵႃႈ​တီႈ​ဝဵင်း​ ယွပ်ႉပႃႉ ​သေ​ယဝ်ႉ၊ ႁူပ်ႉ​ထူပ်း ႁိူဝ်း​သၢင်း​ၽေႃး ဢၼ်​ၵႂႃႇ​ၸူး ၵႃႈ​တီႈ​ဝဵင်း​ တႃႇသူႉ ​လႄႈ ပၼ်​ၵႃႈ​ႁိူဝ်း​သၢင်း​ၽေႃး​သေ​လႄႈ ၶဝ်ႈ​လူင်း ၵႃႈ​ၼႂ်း​ႁိူဝ်း​သၢင်း​ၽေႃး​ၼၼ်ႉ ႁႂ်ႈ​လႆႈ​ၸွမ်း​လူၺ်ႈ​ၵၼ်​တင်း ၵူၼ်း​ႁိူဝ်း​သၢင်း​ၽေႃး​ၸိူဝ်း​ၼၼ်ႉ ၽၢတ်ႇ​သေ​ၵႃႈ​တီႈ ထႃႇဝရႃႉ​ၽြႃး​ဢေႃႈ။-</verse>
				<verse number="4">ထႃႇဝရႃႉ​ၽြႃး​ပွႆႇ​ၸႂ်ႉ​လူမ်း ဢၼ်​ႁႅင်း​ယႂ်ႇ​ၼႃႇ ၸူး​ၵႃႈ​ၼိူဝ်​ပၢင်ႇ​လၢႆႇ လႄႈ ပဵၼ်​ၽူၼ်​လူင်​လူမ်း​လူင် ၵႃႈ​တီႈ​ပၢင်ႇ​လၢႆႇ​ၼၼ်ႉ ထၼ်ႈ​ပေႃး​မိူၼ်​ၼင်ႈ​ႁၢင်ႈ ႁိူဝ်း​သၢင်း​ၽေႃး တၵ်း​လူႉ​တၵ်း​လႅဝ်​ဢေႃႈ။-</verse>
				<verse number="5">မိူဝ်ႈ​ၼၼ်ႉ ၵူၼ်း​ႁိူဝ်း​သၢင်း​ၽေႃး ၸိူဝ်း​ၼၼ်ႉ​ၵူဝ်​ႁႄ​လႄႈ သႅၼ်ႇ​ႁွင်ႉ​ႁႃ​ၽြႃး​ၶဝ် ႁင်း​ၽႂ်​ႁင်း​မၼ်း​ဢေႃႈ။ ၶဝ်​ဢွၼ်​ၵၼ် ဢဝ်​ၶူဝ်း​လဵင်း ဢၼ်​မီး​ၵႃႈ​ၼႂ်း ႁိူဝ်း​သၢင်း​ၽေႃး​ၸိူဝ်း​ၼၼ်ႉ ထိမ်ႈ​တူၵ်း​ပႅတ်ႈ​တူၵ်း ၵႃႈ​ၼႂ်း​ပၢင်ႇ​လၢႆႇ ႁႂ်ႈ​မၼ်း​မဝ်​မႃး​ဢေႃႈ။ ယူဝ်းၼႃႉ ​ၸမ်ႉ၊ လူင်း​ၶဝ်ႈ​ၵႃႈ​ၼႂ်း​တွင်ႉ​ႁိူဝ်း​သၢင်း​ၽေႃး​လႄႈ ၼွၼ်း​ယူႇ​ၵႃႈ​တီႈ​ၼၼ်ႈ​လႄႈ လပ်း​ယူႇ​ဢေႃႈ။-</verse>
				<verse number="6">ၵႄႇ​ႁိူဝ်း​သၢင်း​ၽေႃး​ၼၼ်ႉ မႃး​ၸူး​ၵႃႈ​တီႈ​မၼ်း​လႄႈ လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ၼွၼ်း​လပ်း​ယူႇ ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။ လုၵ်ႉ​တႃႉ။ သူး​တွင်း​တီႈ​ၽြႃး​မႂ်း​တႃႉ။ ၽြႃး​မႂ်း​ၸၢင်ႈ​ၶႄး တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ႁဝ်း ႁႂ်ႈ​ႁဝ်း​ဢမ်ႇ​လႆႈ​လူႉ​လႆႈ​လႅဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">လိုၼ်း​ၼၼ်ႉ ၶဝ်​ၼင်ႇ​ၵၼ်​ၵၼ် လၢတ်ႈ​ၵၼ်​လႄႈ​ဝႃႈ၊ မႃး​မႃး​ဢိူၺ်း၊ တူၵ်း​လိၵ်ႈ​ၸႃႇ​ၵွၵ်ႈ ႁႂ်ႈ​လႆႈ​ႁူႉ​လွင်ႈ​ဢၼ် ဢမူႉ​ၼႆႉ ႁွတ်ႈ​ထိုင်​ၵႃႈ​ၼိူဝ်​ႁဝ်း ၵွပ်ႈ​ပိူဝ်ႈ​ဢပႅတ်ႈ​ၽူႈ​လႂ်​ၼၼ်ႉ ၵၼ်​ႁဝ်း၊ ဝႃႈ​ၼင်ႇ​ၼႆ​သေ​ယဝ်ႉ၊ တူၵ်း​လိၵ်ႈ​ၸႃႇ​ၵွၵ်ႈ​ၵၼ်​လႄႈ လိၵ်ႈ​ၸႃႇ​ၵွၵ်ႈ​တူၵ်း​တီႈ ယူဝ်းၼႃႉ ​ဢေႃႈ။-</verse>
				<verse number="8">ၶဝ်​သမ်ႉ တွင်ႈ​ထၢမ်​တီႈ​မၼ်း​လႄႈ​ဝႃႈ၊ မွၵ်ႇ​လၢတ်ႈ​လွင်ႈ​ဢၼ် ဢမူႉ​ၼႆႉ ႁွတ်ႈ​ထိုင်​ၵႃႈ​ၼိူဝ်​ႁဝ်း ၵွပ်ႈ​ပိူဝ်ႈ​ဢၼ်​လႂ်​ၼၼ်ႉ သေ​ၵမ်း။ မႂ်း​ႁဵတ်း​ၵၢၼ်​ႁဵတ်း​ငၢၼ်း​ၵႃႈ​သင်။ မႂ်း​လုၵ်ႉ​သေ​ၵႃႈ​တီႈ​လႂ်​မႃး။ မိူင်း​မႂ်း​ပဵၼ်​မိူင်း​လႂ်။ မႂ်း​ပဵၼ်​ၵူၼ်း​မဵဝ်း​ၵႃႈ​သင်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">မၼ်း​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ပဵၼ်​ၵူၼ်း​မဵဝ်း​ ႁေႇပြႄး ​ဢေႃႈ။ ၵဝ်​ပဵၼ်​ၵေႃႉ​ဢၼ် ၵူဝ်​ယမ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၸဝ်ႈ​ၵၢင်​ႁၢဝ် ဢၼ်​ႁဵတ်း​ပဵၼ် ၼမ်ႉ​ပၢင်ႇ​လၢႆႇ တင်း​လိၼ်​မိူင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">ၵူၼ်း​ၸိူဝ်း​ၼၼ်ႉ ၵူဝ်​ႁႄ​ၼႃႇ​လူင်​လၢင်​လႄႈ ဢွၼ်​ၵၼ်​တွင်ႈ​ထၢမ်​တီႈ​မၼ်း​လႄႈ​ဝႃႈ၊ ဢၼ်​မႂ်း​ႁဵတ်း​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ ၵူၼ်း​ၸိူဝ်း​ၼၼ်ႉ လႆႈ​ႁူႉ​လွင်ႈ​ဢၼ် မၼ်း​ဢွၵ်ႇ​ပၢႆႈ​သေ​ၵႃႈ​တီႈ ထႃႇဝရႃႉ​ၽြႃး​မႃး​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​လႆႈ မွၵ်ႇ​လၢတ်ႈ​တီႈ​ၶဝ်​ယဝ်ႉ​ၼၼ်ႉ​ဢေႃႈ။-</verse>
				<verse number="11">မိူဝ်ႈ​ၼၼ်ႉ ၵွပ်ႈ​ပိူဝ်ႈ​ဢၼ် လူမ်း​လူင်​လႅင်ႉ​လူင် ၵႃႈ​တီႈ​ပၢင်ႇ​လၢႆႇ​ၼၼ်ႉ ယဵင်ႈ​ၶႅၼ်း​လုၵ်ႉ​ၶိုၼ်ႈ ယႂ်ႇ​တွၼ်း​မႃး​ၼႃႇ​ၼၼ်ႉ​လႄႈ ၶဝ်​ၼၼ်ႉ​ထၢမ်​တီႈ​မၼ်း​လႄႈ​ဝႃႈ၊ ႁဝ်း​တၵ်း​လႆႈ​ႁဵတ်း ၸိူဝ်ႉ​ၼင်ႇ​ႁိုဝ်​တီႈ​မႂ်း ႁႂ်ႈ​ပၢင်ႇ​လၢႆႇ ပဵၼ်​ဢၼ်​ၼိမ်​ဢၼ်​လီ​မႃး တီႈ​ႁဝ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">မၼ်း​ၼၼ်ႉ ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ယုၵ်ႉ​ဢဝ်​ၵဝ်​သေ​လႄႈ ထိမ်ႈ​ၶျႃး​တူၵ်း​သႂ်ႇ ၵႃႈ​ၼႂ်း​ပၢင်ႇ​လၢႆႇ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ပၢင်ႇ​လၢႆႇ​တၵ်း​ပဵၼ်​ဢၼ်​ၼိမ်​ဢၼ်​လီ​မႃး တီႈ​သူ​ဢေႃႈ၊ ၵဝ်​ႁူႉ​လွင်ႈ​ဢၼ် ၽူၼ်​လူင်​လူမ်း​လူင် ဢၼ်​ယႂ်ႇ​ၼႃႇ​ၼႆႉ ႁွတ်ႈ​ထိုင်​ၵႃႈ​ၼိူဝ်​သူ ၵွပ်ႈ​ပိူဝ်ႈ​ၵဝ်​ၵူၺ်း ၼၼ်ႉ​ယူႇ​ဢေႃႈ။ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="13">ၵူၼ်း​ႁိူဝ်း​သၢင်း​ၽေႃး​ၸိူဝ်း​ၼၼ်ႉ ဢွၼ်​ၵၼ်​ၽၢႆး​ႁိူဝ်း ယၢပ်ႇ​ၸႂ်​ၼႃႇ​လူင်​လၢင် ႁႂ်ႈ​လႆႈ​ႁွတ်ႈ​ထိုင်​ၵႃႈ​တီႈ​ၽင်ႇ​ဢေႃႈ။ ၵူၺ်း​ၵႃႈ ၵွပ်ႈ​ပိူဝ်ႈ​ဢၼ် လူမ်း​လူင်​လႅင်ႉ​လူင် ယဵင်ႈ​ၶႅၼ်း​လုၵ်ႉ​ၶိုၼ်ႈ ယႂ်ႇ​တွၼ်း​မႃး​ယူႇ​ၽၢႆႇ​ၼိုင်ႈ တင်း​ၶဝ်​ၼၼ်ႉ​လႄႈ ၶဝ်​ဢမ်ႇ​တၢတ်ႈ​ၼိူင်ႇ​လႆႈ။-</verse>
				<verse number="14">ပိူဝ်ႈ​ၼႆ​လႄႈ ၶဝ်​ဢွၼ်​ၵၼ်​ႁွင်ႉ​သႅၼ်ႇ​တီႈ ထႃႇဝရႃႉ​ၽြႃး​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ ႁဝ်း​ၶႃႈ​တွင်း​ပၢၼ်ႇ​တီႈ​ၶႃႈ​ဢေႃႈ။ ႁဝ်း​ၶႃႈ​တွင်း​ပၢၼ်ႇ​တီႈ​ၶႃႈ​ဢေႃႈ။ ႁဝ်း​ၶႃႈ​တွင်း​ပၢၼ်ႇ ႁႂ်ႈ​ႁဝ်း​ၶႃႈ ဢမ်ႇ​လႆႈ​ၶၢမ်ႇ​တၢင်း​လူႉ​တၢင်း​လႅဝ် ၵွပ်ႈ​ပိူဝ်ႈ​ဢၼ်​ဢသၢၵ်ႈ​ၵေႃႉ​ၼႆႉ ဢိၵ်ႇ​တင်း ႁႂ်ႈ​ဢမ်ႇ​ဢဝ်​ဢပႅတ်ႈ ဢၼ်​ထွၵ်ႇ​လိူတ်ႈ ၵေႃႉ​ဢၼ်​ဢမ်ႇ​မီး​ဢပႅတ်ႈ​ၼၼ်ႉ တၢင်ႇ​သႂ်ႇ​ၵႃႈ​ၼိူဝ်​ႁဝ်း​ၶႃႈ တီႈ​ၶႃႈ​ဢေႃႈ။ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း ႁဵတ်း​ၸွမ်း​ၵႃႈ​ၼင်ႇ​ဢၼ် ဢလူဝ်ႇ​ၸဝ်ႈ​ႁဝ်း​မီး​ၼၼ်ႉ တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="15">ဢွၼ်​ၵၼ်​ယုၵ်ႉ​ဢဝ်​ ယူဝ်းၼႃႉ ​သေ​လႄႈ ထိမ်ႈ​ၶျႃး​တူၵ်း​သႂ်ႇ​ၵႃႈ​ၼႂ်း​ပၢင်ႇ​လၢႆႇ​ဢေႃႈ။ မိူဝ်ႈ​ၼၼ်ႉ ပၢင်ႇ​လၢႆႇ​ထၢတ်ႇ​ယဵၼ်​သေ တၢင်း​ဢၼ်​မၼ်း​လုၵ်ႉ​ၶိုၼ်ႈ ပဵၼ်​ၸွၼ်​ပဵၼ်​ၸႅၼ်​ဝႆႉ ၼၼ်ႉ​ဢေႃႈ။-</verse>
				<verse number="16">ၵူၼ်း​ၸိူဝ်း​ၼၼ်ႉ​ၵေႃႈ ၵူဝ်​ႁႄ ထႃႇဝရႃႉ​ၽြႃး ၼႃႇ​လူင်​လၢင်​လႄႈ ဢွၼ်​ၵၼ်​ပုၵ်ႈ​ၸေႃႇ​ယိတ်ႈ သေ​လႄႈ ဝႆႉ​ၵတီႉ​သဵတ်ႈ​ၸႃႇ​ဢေႃႈ။-</verse>
				<verse number="17">ထႃႇဝရႃႉ​ၽြႃး ၶၢၼ်း​ပႃ​လူင် ႁႂ်ႈ​လႆႈ​ဢိုၼ် ယူဝ်းၼႃႉ ​ၼၼ်ႉ​ဝႆႉ​လႄႈ ယူဝ်းၼႃႉ လႆႈ​ယူႇ​ၵႃႈ​ၼႂ်း တွင်ႉ​ပႃ​လူင်​ၼၼ်ႉ သၢမ်​ဝၼ်း​သၢမ်​ၶိုၼ်း တဵမ်​တဵမ်​ဢေႃႈ။</verse>
			</chapter>
			<chapter number="2">
				<verse number="1">ၵႂၢမ်း​ဢၼ်​ ယူဝ်းၼႃႉ ယူႇ​ၵႃႈ​ၼႂ်း တွင်ႉ​ပႃ​လူင်​ယူႇ​ၼၼ်ႉ​သေ​လႄႈ သူး​တွင်း​တီႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မၼ်း​ၼၼ်ႉ​ၸမ်ႉ၊-</verse>
				<verse number="2">ၵွပ်ႈ​ပိူဝ်ႈ​ဢၼ် ၵဝ်​လႆႈ​ၶၢမ်ႇ​တုၵ်ႉ​ၶႃႉ တၢင်း​ၽၢၼ်​လႄႈ ၵဝ်​သႅၼ်ႇ​ႁွင်ႉ​ႁႃ ထႃႇဝရႃႉ​ၽြႃး​လႄႈ မၼ်း​ၸဝ်ႈ​ဢိူဝ်​ဢေႃႈ။ ၶႃႈ​ၸဝ်ႈ​ယူႇ​ၵႃႈ​ၼႂ်း​တွင်ႉ မိူင်း​မရၼႃႉ ႁွင်ႉ​သႅၼ်ႇ​လႄႈ ၸဝ်ႈ​ႁဝ်း​ထွမ်ႇ​ဢဝ် သဵင်​ၶႃႈ​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="3">ၸဝ်ႈ​ႁဝ်း​ဢဝ်​ၶႃႈ​ၸဝ်ႈ ၶျႃး​တူၵ်း​သႂ်ႇ ၵႃႈ​ၼႂ်း​တီႈ ဢၼ်​လိုၵ်ႉ​ဢၼ်​လမ်ႇ၊ ၵႃႈ​ၼႂ်း​ၶိုင်ႈ​ၵၢင်​ၼမ်ႉ သမ်ႇ​မုၵ်ႉ​တြႃႇ​လႄႈ၊ ၼမ်ႉ​ပၢင်ႇ​လၢႆႇ လဵပ်ႈ​ႁွပ်ႈ​ၶႃႈ​ၸဝ်ႈ​ယူႇ​သေ​လႄႈ လႅင်း​ၼမ်ႉ​ပိူပ်ႈ​ၼမ်ႉ​ၸဝ်ႈ​ႁဝ်း ၸိူဝ်း​ၼၼ်ႉ ထူမ်ႈ​ႁူမ်ႇ​ၶႃႈ​ၸဝ်ႈ​တီႈ​ၶႃႈ​ယဝ်ႉ။-</verse>
				<verse number="4">မိူဝ်ႈ​ၼၼ်ႉ ၶႃႈ​ၸဝ်ႈ​သူး​တွင်း လဝ်ႊ​လၢတ်ႈ​လႄႈ​ဝႃႈ၊ ပိၵ်ႉ​သမ်ႉ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ် ဢဝ်​ထိမ်ႈ​ၶျႃး​တူၵ်း​ပႅတ်ႈ​သေ​ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ ၸဝ်ႈ​ႁဝ်း ၸိူဝ်ႉ​ၼင်ႇ​ၼၼ်​ယဝ်ႉ သေ​ၵေႃႈ၊ ၶႃႈ​ၸဝ်ႈ​တၵ်း​သမ်ႉ​ဢဝ်​ၼႃႈ​ၶႃႈ​ၸဝ်ႈ ဝၢႆႇ​ၸူး​ပိၵ်ႈ​မၢၼ်ႇ​ၸဝ်ႈ​ႁဝ်း​ၼၼ်ႉ ထႅင်ႈ​လူး​ၵွၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="5">ၼမ်ႉ​ၸိူဝ်း​ၼၼ်ႉ လႆႈ​လွမ်ႉ​လဵပ်ႈ​ႁွပ်ႈ​ၶႃႈ​ၸဝ်ႈ​ဝႆႉ ႁႂ်ႈ​ဢသၢၵ်ႈ​ၶႃႈ​ၸဝ်ႈ​လႆႈ​တၢႆ​လႄႈ ၶႃႈ​ၸဝ်ႈ​လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ယူႇ ၵႃႈ​ၼႂ်း​ၵၢင်​ပၢင်ႇ​လၢႆႇ တီႈ​ၶႃႈ​ဢေႃႈ။ တူၼ်ႈ​ယိူဝ်ႈ​ပၢင်ႇ​လၢႆႇ မီး​တၢင်း​ဢၼ် မတ်ႉ​ၶဵၼ်း​ၵွၵ်း​ႁူဝ်​ၶႃႈ​ၸဝ်ႈ​ဝႆႉ​ယူႇ တီႈ​ၶႃႈ​ဢေႃႈ။-</verse>
				<verse number="6">ပိၵ်ႉ​သမ်ႉ​ၶႃႈ​ၸဝ်ႈ လူင်း​ယူႇ​ၵႃႈ​တီႈ ႁၢၵ်ႈ​တိၼ်​လွႆ​လႄႈ ၶၢမ်ႇ​တၢင်း​ဢၼ်​ဢဝ်​လိၼ် ဢိၵ်ႇ​တင်း ၵိူၼ်ႇ​လိၼ် ဢိုတ်း​ႁပ်း​သွတ်ႇ​ဝႆႉ​ယူႇ တႃႇ​သေႇ သေ​ၵေႃႈ၊ ထႃႇဝရႃႉ​ၽြႃး ပဵၼ်​ၸဝ်ႈ​ၵဝ်​ၶႃႈ​တီႈ​ၶႃႈ၊ ၸဝ်ႈ​ႁဝ်း​တၵ်း ၵႄႇ​သႄႇ​ဢဝ်​ဢသၢၵ်ႈ​ၶႃႈ​ၸဝ်ႈ ဢွၵ်ႇ​သေ​ၵႃႈ​ၼႂ်း တၢင်း​ဢၼ်​လူႉ​ဢၼ်​လႅဝ်​ၼၼ်ႉ တီႈ​ၶႃႈ​ဢေႃႈ။-</verse>
				<verse number="7">မိူဝ်ႈ​ဢၼ်​ၶႃႈ​ၸဝ်ႈ ၸႂ်​လူႉ​ၼၼ်ႉ​ၸိုင်၊ ၶႃႈ​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ထႃႇဝရႃႉ​ၽြႃး လႄႈ ပထၼႃႇ​ၶႃႈ​ၸဝ်ႈ​ၼႆႉ ၶဝ်ႈ​ႁွတ်ႈ ၶဝ်ႈ​ထိုင်​ၵႃႈ​တီႈ​ၸဝ်ႈ​ႁဝ်း ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ႁဝ်း​ၼၼ်ႉ တီႈ​ၶႃႈ​ဢေႃႈ။-</verse>
				<verse number="8">ၶဝ်​ၸိူဝ်း​ဢၼ် ဢိင်​ပိုင်ႈ​ဢၼတ်ႉတႃႉ မူႉ​သႃႇ​တင်း​လၢႆ ယူႇ​ၼၼ်ႉ ၸုၼ်ႉ​ပႅတ်ႈ​တီႈ​ဢၼ်​ၶဝ်​ၶၢမ်ႇ ၵရူႉၼႃႇ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="9">ၶႃႈ​ၸဝ်ႈ​ၸမ်ႉ၊ တၵ်း​ပႃး​သဵင်​ၵႂၢမ်း တၢင်း​ဢၼ်​ယွင်ႈ​ယေႃး ၵျေး​ၸူး​ၸဝ်ႈ​သေ​လႄႈ ပုၵ်ႈ​ၸေႃႇ​ယိတ်ႈ​တီႈ​ၸဝ်ႈ​ႁဝ်း တီႈ​ၶႃႈ​ဢေႃႈ။ တၵ်း​ႁဵတ်း​ဝၢတ်ႈ​သဵတ်ႈ​ၸႃႇ ၸွမ်း​ၵႃႈ​ၼင်ႇ​ဢၼ် ၶႃႈ​ၸဝ်ႈ​ဝႆႉ ၵတီႉ​သဵတ်ႈ​ၸႃႇ​ၼၼ်ႉ တီႈ​ၶႃႈ​ဢေႃႈ။ တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ် ၼၼ်ႉ ဢွၵ်ႇ​ပဵၼ်​မႃး တီႈ​ထႃႇဝရႃႉ​ၽြႃး တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ထႃႇဝရႃႉ​ၽြႃး မီး​ဢမိင်ႉ တီႈ​ပႃ​လူင်​ၼၼ်ႉ​လႄႈ ပႃ​လူင်​ၼၼ်ႉ​ႁၢၵ်ႈ ယူဝ်းၼႃႉ ဢွၵ်ႇ​ဝႆႉ ၵႃႈ​ၼိူဝ်​ၵုင်း​ဢေႃႈ။</verse>
			</chapter>
			<chapter number="3">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ႁွတ်ႈ​မႃး​တီႈ​ ယူဝ်းၼႃႉ ပွၵ်ႈ​တူႉတီႉယႃႉ​ၸမ်ႉ၊-</verse>
				<verse number="2">မႂ်း​လုၵ်ႉ​လႄႈ ၵႂႃႇ​ၸူး​ၵႃႈ​တီႈ​ဝဵင်း​ ၼီႉၼေႇဝူၺ်ႇ ​ဝဵင်း​လူင်​ၼၼ်ႉ သေ​လႄႈ ႁွင်ႉ​ပၢဝ်ႇ​ႁွင်ႉ​သေႃႇ ၸွမ်း​ၵႃႈ​ၼင်ႇ​ဢၼ် ၵဝ်​သင်ႇ​လၢတ်ႈ​ဝႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ယူဝ်းၼႃႉ ​လုၵ်ႉ​လႄႈ ၵႂႃႇ​ၸူး​ၵႃႈ​တီႈ​ဝဵင်း​ ၼီႉၼေႇဝူၺ်ႇ ​ၼၼ်ႉ ၸွမ်း​ၵႃႈ​ၼင်ႇ​ဢၼ် ဢမိင်ႉ​ထႃႇဝရႃႉ​ၽြႃး မီး​ၼၼ်ႉ​ဢေႃႈ။ ဝဵင်း​ ၼီႉၼေႇဝူၺ်ႇ ​ၼၼ်ႉ ပဵၼ်​ဝဵင်း​ဢၼ်​ယႂ်ႇ​ၼႃႇ ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ​လႄႈ ပဵၼ်​ဝဵင်း​ဢၼ်​ၵႂၢင်ႈ ၸူဝ်ႈ​တႃႇ​ၶၢဝ်း​တၢင်း​သၢမ်​ဝၼ်း​ဢေႃႈ။-</verse>
				<verse number="4">ယူဝ်းၼႃႉ ​ၼၼ်ႉ ၸင်ႇ​ၸႃႉ​ႁဵတ်း​တၢင်း​ဢၼ် ၶဝ်ႈ​ၵႂႃႇ​ၵႃႈ​ၼႂ်း​ဝဵင်း ၸူဝ်ႈ​တႃႇ​ၶၢဝ်း​တၢင်း ဝၼ်း​ၼိုင်ႈ​လႄႈ ႁွင်ႉ​ပၢဝ်ႇ​ႁွင်ႉ​လၢတ်ႈ​လႄႈ​ဝႃႈ၊ ပေႃး​ပူၼ်ႉ​သေ သီႇ​သိပ်း​ဝၼ်း​ယဝ်ႉ​ၸိုင် ဝဵင်း​ ၼီႉၼေႇဝူၺ်ႇ ​ၼႆႉ တၵ်း​ႁွတ်ႈ​ထိုင် တၢင်း​လူႉ​တၢင်း​လႅဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ၼၼ်ႉ ၵူၼ်း​ဝဵင်း​ ၼီႉၼေႇဝူၺ်ႇ ​ၸိူဝ်း​ၼၼ်ႉ ယုမ်ႇ​ဢမိင်ႉ ၽြႃး​ပဵၼ်​ၸဝ်ႈ လႄႈ ၸႃႉ​ၸဵမ်​ၵေႃႉ​ယႂ်ႇ တေႃႇ​ထိုင်​ႁွတ်ႈ​ၵေႃႉ​လဵၵ်ႉ ႁွင်ႉ​ပၢဝ်ႇ​ႁွင်ႉ​သေႃႇ ၶိင်ႇ​မိူဝ်ႈ​ဢၼ်​ၵမ်​တၢင်း​ၵိၼ်​လႄႈ ၼုင်ႈ​ၼင်​ပေႃ​ဢေႃႈ။-</verse>
				<verse number="6">သတၢင်း​သဵင်​ၶၢဝ်ႇ​ၼၼ်ႉ ႁွတ်ႈ​ထိုင်​ၵႃႈ​တီႈ ၶုၼ်​လူင်​ ၼီႉၼေႇဝူၺ်ႇ ​လႄႈ မၼ်း​ၼၼ်ႉ လူင်း​သေ​ၵႃႈ​ၼိူဝ် ပလၢင်ႇ​မၼ်း​လႄႈ ထွတ်ႇ​ၶူဝ်း​ၼုင်ႈ​ၶုၼ်​သေ​ယဝ်ႉ၊ ၼုင်ႈ​ၶူဝ်း​ၼုင်ႈ ၼင်​ပေႃ​သေ​လႄႈ ၼင်ႈ​ယူႇ​ၵႃႈ​ၼႂ်း​တဝ်ႈ ဢေႃႈ။-</verse>
				<verse number="7">မၼ်း​ဢဝ်​တင်း ဢႃႇၼႃႇ​ၶုၼ်​လူင် ဢႃႇၼႃႇ​မူး​မၢတ်ႈ​ၽွင်း​မိူင်း​တင်း​လၢႆ မွၵ်ႇ​လၢတ်ႈ​သတၢင်း​သဵင်​ၶၢဝ်ႇ ၵႃႈ​ၼႂ်း​ဝဵင်း​ ၼီႉၼေႇဝူၺ်ႇ တင်း​ဝဵင်း​လႄႈ ႁႂ်ႈ​ပၢဝ်ႇ​ႁႂ်ႈ​သေႃႇ လႄႈ​ဝႃႈ၊ ယႃႇ​ပေ​ႁႂ်ႈ ၵူၼ်း​သတ်ႉတဝႃႇ၊ တရိၵ်ႈသၢၼ်ႇ ၽုင်​သူဝ်း​ၽုင်​ဝူဝ်း​တင်း​လၢႆ ၸိမ်း​တူၺ်း​သေ​ၸိူဝ်ႉ​သေ​ပိူင်​လႃး​လႃး။ ယႃႇ​ပေ​ႁႂ်ႈ​ၵိၼ်​တၢင်း​ၵိၼ်​တၢင်း​ၶူပ်း။ ယႃႇ​ပေ​ႁႂ်ႈ​ၵိၼ်​ၼမ်ႉ​ၵိၼ်​ၼၢႆး။-</verse>
				<verse number="8">ႁႂ်ႈ​ၵူၼ်း​သတ်ႉတဝႃႇ ဢိၵ်ႇ​တင်း​တရိၵ်ႈသၢၼ်ႇ ဢွၼ်​ၵၼ်​ၼုင်ႈ​ၶူဝ်း​ၼုင်ႈ ၼင်​ပေႃ​သေ။ ႁႂ်ႈ​ဢွၼ်​ၵၼ် သူး​တွင်း​တီႈ ၽြႃး​ပဵၼ်​ၸဝ်ႈ ၼႃႇ​ၼႃႇ​သေ။ ႁႂ်ႈ​ဢွၼ်​ၵၼ် ဝႄႈ​ပႅတ်ႈ​သဵၼ်ႈ​တၢင်း​ဢၼ်​ႁၢႆႉ​မိူၵ်ႈ ဢၼ်​ၶဝ်​ၸွမ်း ဢိၵ်ႇ​တင်း ဢမူႉ​ဢႃႉထမ်ႇမႃႉ ဢၼ်​ၶဝ်​ႁဵတ်း​ၼၼ်ႉ ႁင်း​ၽႂ်​ႁင်း​မၼ်း​သေ။-</verse>
				<verse number="9">လွင်ႈ​ၼင်ႇ​ႁိုဝ် ႁဝ်း​တၵ်း​ၵၢင်း​လွတ်ႈ​တင်း​တၢင်း​ဢၼ်​လူႉ ဢၼ်​လႅဝ်​ၸိုင် ၽူႈ​လႂ်​တၵ်း​ႁူႉ​လွင်ႈ​ဢၼ် ၽြႃး​ပဵၼ်​ၸဝ်ႈ တၵ်း​ၶၢႆႉ​ပုတ်ႈ​သေ​လႄႈ ၶုၵ်း​ၸႂ်​လႆႈ​မႆႈ​ၸႂ်​ၵွပ်ႈ​လႄႈ ဝႄႈ​ပိူင်ႈ​ၵႂႃႇ​သေ​ၵႃႈ​တီႈ ဢၢႆ​ႁႅင်း​တၢင်း​ၸႂ်​မႆႈ​ၶႆႈ​ၸႃႉ မၼ်း​ၸဝ်ႈ​ၼၼ်ႉ​ႁိုဝ် ဢမ်ႇ​ဝႄႈ​ပိူင်ႈ​ႁိုဝ်​ၼၼ်ႉ​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ၼၼ်ႉ ၽြႃး​ပဵၼ်​ၸဝ်ႈ ႁၼ်​တၢင်း​ၵမ်​တၢင်း​ၵျၢင်ႉ ဢၼ်​ၶဝ်​ဝႄႈ​ပႅတ်ႈ သဵၼ်ႈ​တၢင်း​ဢၼ်​ႁၢႆႉ​မိူၵ်ႈ ဢၼ်​ၶဝ်​ၸွမ်း​ၼၼ်ႉ​သေ​ယဝ်ႉ၊ ၽြႃး​ပဵၼ်​ၸဝ်ႈ ၶုၵ်း​ၸႂ်​လႆႈ​မႆႈ​ၸႂ် လူၺ်ႈ​လွင်ႈ​ၽေး​တၢမ်ႇ ဢၼ်​မၼ်း​ၸဝ်ႈ​ဝႃႈ တၵ်း​ႁဵတ်း​တီႈ​ၶဝ်​ၼၼ်ႉ​လႄႈ ယင်း​ဢမ်ႇ​ပၼ်​ၽေး ပၼ်​တၢမ်ႇ​ၼၼ်ႉ​လႄႈ ယူႇ​ဢေႃႈ။</verse>
			</chapter>
			<chapter number="4">
				<verse number="1">ယူဝ်းၼႃႉ ​ၼၼ်ႉ ၸႂ်​သဝ်ႈ​ၸႂ်​လမ် ၼႃႇ​လူင်​လၢင်​လႄႈ တၢင်း​ၸႂ်​မႆႈ​ၶႆႈ​ၸႃႉ ဢွၵ်ႇ​သေ​လႄႈ၊ မၼ်း​လဝ်ႊ​ယွၼ်း​တီႈ​ထႃႇဝရႃႉ​ၽြႃး​လႄႈ​ဝႃႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ​တွင်း​ပၢၼ်ႇ​တီႈ​ၶႃႈ​ဢေႃႈ။ မိူဝ်ႈ​ဢၼ်​ၶႃႈ​ၸဝ်ႈ ယင်း​မီး​ယူႇ​ၵႃႈ​ၼႂ်း​မိူင်း​ၶႃႈ​ၸဝ်ႈ ၼၼ်ႉ​ၸိုင်၊ ၶႃႈ​ၸဝ်ႈ​လၢတ်ႈ​ဝႃႈ ၸိူဝ်ႉ​ၼင်ႇ​ၼႆ​ယဝ်ႉ ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ပိူဝ်ႈ​ၼႆ​လႄႈ ၶႃႈ​ၸဝ်ႈ​ႁိပ်ႈ​ၼႅတ်ႈ ဢွၵ်ႇ​ပၢႆႈ​ၵႂႃႇ​ၸူး ၵႃႈ​တီႈ​ဝဵင်း​ တႃႇသူႉ ​ပုၼ်ႉ​တီႈ​ၶႃႈ​ဢေႃႈ။-</verse>
				<verse number="2">ၶႃႈ​ၸဝ်ႈ​ႁူႉ လွင်ႈ​ဢၼ်​ၸဝ်ႈ​ႁဝ်း ပဵၼ်​ၽြႃး​ဢၼ်​ၸၢင်ႈ ဢဵတ်း​လူ​ႁၵ်ႉ​ပႅင်း​လႄႈ မီး​ၸႂ်​ဢၼ်​ယႂ်ႇ​ဢၼ်​ယၢဝ်း၊ ၸႂ်​ဢၼ်​ၶႂ်ႈ​ႁဵတ်း​ၵျေး​ၸူး ၸႂ်​ဢၼ်​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​တၢင်း​ဢၼ် တၵ်း​ပၼ်​ၽေး​ပၼ်​တၢမ်ႇ​ၼၼ်ႉ ယူႇ​တီႈ​ၶႃႈ​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ထႃႇဝရႃႉ​ၽြႃး​တီႈ​ၶႃႈ၊ ၶႅၼ်း​တေႃႈ​ထွတ်ႇ​ထူၺ်ႈ​ဢဝ် ဢသၢၵ်ႈ​ၶႃႈ​ၸဝ်ႈ​သေ​ၵမ်း​တီႈ​ၶႃႈ၊ တၢင်း​ဢၼ်​ၶႃႈ​ၸဝ်ႈ​တၢႆ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ၶႃႈ ၸဝ်ႈ​ဢသၢၵ်ႈ​လိပ်း​ယူႇ​ၼႆႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ထႃႇဝရႃႉ​ၽြႃး​ၵေႃႈ တွင်ႈ​ထၢမ်​လႄႈ​ဝႃႈ၊ မႂ်း​ထုၵ်ႇ​လီ​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ယူဝ်းၼႃႉ ​ၼၼ်ႉ ဢွၵ်ႇ​ၵႂႃႇ​ၵႃႈ​ၼွၵ်ႈ​ဝဵင်း​လႄႈ ၶျႃး​တီႈ​ယူႇ​မၼ်း​ယူႇ ၵႃႈ​တီႈ​ၽၢႆႇ​ဝၼ်း​ဢွၵ်ႇ​ဝဵင်း သေ​လႄႈ ႁဵတ်း​သုမ်ႉ​ထဵင်​ပုၼ်ႈ​မၼ်း​လႄႈ ၼင်ႈ​ယူႇ​ၵႃႈ​ၼႂ်း​ႁူမ်ႈ​ၼၼ်ႉ​ယူႇ ႁႂ်ႈ​လႆႈ​ႁူႉ​ႁၼ်​လွင်ႈ​ဢၼ် တၵ်း​ပဵၼ်​ၸိူဝ်ႉ​ၼင်ႇ​ႁိုဝ် ၵႃႈ​တီႈ​ဝဵင်း​ၼၼ်ႉ​ဢေႃႈ။-</verse>
				<verse number="6">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵေႃႈ ပွင်​ႁဵတ်း​ပွင်​မႄး​တူၼ်ႈ​ၵုင်ႈ​လႄႈ ႁႂ်ႈ​မၼ်း​ပေႃႇ​ဢွၵ်ႇ​ၶိုၼ်ႈ​မႃး​ၵႃႈ​ၼိူဝ်​ ယူဝ်းၼႃႉ ႁႂ်ႈ​မုင်း​ႁူမ်ႇ​ႁူဝ်​မၼ်း​ဝႆႉ​လႄႈ ၵႄႇ​သႄႇ​ၼုၵ်ႈ​ဢဝ်​မၼ်း ၵႃႈ​ၼႂ်း​တၢင်း​ဢၼ်​ၸႂ်​မၼ်း​ဢမ်ႇ​သႃႇ​ဢမ်ႇ​လီ ၼၼ်ႉ​ဢေႃႈ။ ၵွပ်ႈ​ပိူဝ်ႈ​တူၼ်ႈ​ၵုင်ႈ​ၼၼ်ႉ​လႄႈ ယူဝ်းၼႃႉ ထုၵ်ႇ​ၸႂ်​ၸူမ်း​သိူဝ်း ၼႃႇ​လူင်​လၢင်​ဢေႃႈ။-</verse>
				<verse number="7">ဝၼ်း​မိူဝ်ႈ​ၽုၵ်ႈ မိူဝ်ႈ​ဢၼ် မိူင်း​လႅင်း​မႃး​ၼၼ်ႉ​ၸိုင်၊ မူင်ႈ​ဢၼ် ၽြႃး​ပဵၼ်​ၸဝ်ႈ​ၶၢၼ်း​ဝႆႉ​ၼၼ်ႉ ၶူပ်း​တူၼ်ႈ​ၵုင်ႈ​ၼၼ်ႉ​လႄႈ ႁႂ်ႈ​ႁဵဝ်ႇ​ၸွပ်ႈ​ၵႂႃႇ​ဢေႃႈ။-</verse>
				<verse number="8">မိူဝ်ႈ​ဢၼ်​ၵၢင်​ဝၼ်း​ဢွၵ်ႇ​မႃး​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ ပွင်​ႁဵတ်း​ပွင်​မႄး လူမ်း​တၢင်း​ဢွၵ်ႇ ဢၼ်​မႆႈ​ႁွၼ်ႉ​ၼႃႇ​လူင်​လၢင်​ၼၼ်ႉ​လႄႈ လႅတ်ႇ​ထွင်ႇ​သႂ်ႇ​ၵွၵ်း​ႁူဝ်​ ယူဝ်းၼႃႉ ႁႂ်ႈ​မၼ်း​ထၼ်ႈ ပေႃး​ဢူၼ်ႈ​ပေႃး​ဢွၼ်ႇ​လႄႈ မီး​ၸႂ်​ဢၼ်​ၶႂ်ႈ​တၢႆ​ယူႇ​သေ​လႄႈ ပွင်ႉ​ၶၢင်း​လႄႈ​ဝႃႈ၊ တၢင်း​ဢၼ်​ၵဝ်​တၢႆ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ တၢင်း​ဢၼ်​ၵဝ်​ဢသၢၵ်ႈ​လိပ်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၽြႃး​ပဵၼ်​ၸဝ်ႈ​ၵေႃႈ တွင်ႈ​ထၢမ်​တီႈ​ ယူဝ်းၼႃႉ ​လႄႈ​ဝႃႈ၊ မႂ်း​ထုၵ်ႇ​လီ​ၸႂ်​မႆႈ​ၶႆႈ​ၸႃႉ ၵွပ်ႈ​ပိူဝ်ႈ​တူၼ်ႈ​ၵုင်ႈ ၼၼ်ႉ ၼႃႇ​လူင်​လၢင်​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၼၼ်ႉ လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ထုၵ်ႇ​လီ​ၸႂ်​မႆႈ​ၶႆႈ​ၸႃႉ တေႃႇ​ထိုင်​ႁွတ်ႈ​ထၼ်ႈ​ပေႃး တၵ်း​တၢႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ထႃႇဝရႃႉ​ၽြႃး​ၵေႃႈ​လၢတ်ႈ​လႄႈ​ဝႃႈ၊ မႂ်း​မီး​တၢင်း​ဢၼ်​သေ​လၢႆ​တူၼ်ႈ​ၵုင်ႈ ဢၼ်​မႂ်း​ဢမ်ႇ​ႁဵတ်း ယၢပ်ႇ​ၸႂ်​ၶၢၼ်​ၸႂ်၊ ဢၼ်​မႂ်း​ဢမ်ႇ​လုမ်း​လႃး ႁႂ်ႈ​ယႂ်ႇ​မႃး​သုင်​မႃး၊ ဢၼ်​ဢွၵ်ႇ​ပဵၼ်​မႃး​ၼႂ်း ၶိုၼ်း​လဵဝ်​ၵူၺ်း​လႄႈ တၢႆ​ၵႂႃႇ​ၼႂ်း​ၶိုၼ်း​လဵဝ်​ၵူၺ်း ၼၼ်ႉ​ယဝ်ႉ​လူင်​ပႄႇ။-</verse>
				<verse number="11">ၵဝ်​ဢမ်ႇ​ထုၵ်ႇ​လီ​သေ​လၢႆ ဝဵင်း​ ၼီႉၼေႇဝူၺ်ႇ ဝဵင်း​လူင်​ၼၼ်ႉ ဢၼ်​မီး​ၵူၼ်း​သေ သႅၼ်​ပၢႆ​သွင်​မိုၼ်ႇ​ၼိုင်ႈ ဢၼ်​ၸၵ်း​ၽႄ​မိုဝ်း​ၶွၼ်​ၶႂႃ ဢိၵ်ႇ​တင်း​မိုဝ်း​ၶွၼ်​သၢႆႉ တူဝ်​ၸဝ်ႈ​ၵဝ်ႇ​လႄႈ ဢမ်ႇ​ႁူႉ​လႆႈ​ၸိူဝ်း​ၼၼ်ႉ ဢိၵ်ႇ​တင်း​တရိၵ်ႈသၢၼ်ႇ ဢၼ်​ၼမ်​ၼႃႇ​လူင်​လၢင်​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ဝုတ်ႉထူႉ​ယူဝ်းၼႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="33">
			<chapter number="1">
				<verse number="1">ပျႃႇ​တိၵ်ႈ​ထႃႇဝရႃႉ​ၽြႃး ဢၼ်​ႁွတ်ႈ​မႃး​တီႈ​ မီႉၶႃႇ ၵူၼ်း​ဝၢၼ်ႈ​ မေႃႇရသႃႉ ​ၼၼ်ႉ ၼႂ်း​ၸူဝ်ႈ​ပၢၼ် ၶုၼ်​လူင်​ ယူဝ်းထမ်ႇ ၊ ၶုၼ်​လူင်​ ဢႃႇၶတ်ႉ ၊ ၶုၼ်​လူင်​ ႁေႇၸၵီႉ ၶုၼ်​ႁေႃ​ၶမ်း​ ယူႉတႃႉ ​ၸိူဝ်း​ၼၼ်ႉ​လႄႈ မၼ်း​ၼၼ်ႉ​ႁၼ်​လူၺ်ႈ​လွင်ႈ ဝဵင်း​ သမႃႇရီႉ ဢိၵ်ႇ​တင်း ဝဵင်း​ ယေႇရူႉသလႅမ်ႇ ​ၼၼ်ႉ​ၼၼ်ႉ​ၸမ်ႉ၊-</verse>
				<verse number="2">မဵဝ်း​ၵူၼ်း​တင်း​လၢႆ ၶဝ်​ဢိူၺ်း၊ ဢွၼ်​ၵၼ်​ငိၼ်း​တႃႉ။ လိၼ်​မိူင်း ဢိၵ်ႇ​တင်း ၵႃႈ​ဢၼ်​မီး​ၵႃႈ​ၼႂ်း​မၼ်း​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​တႃႉ။ ႁႂ်ႈ​ၸဝ်ႈ​ထႃႇဝရႃႉ​ၽြႃး ဢၼ်​ဝႃႈ​ၸဝ်ႈ​ၽြႃး​ၼၼ်ႉ ယူႇ​ၵႃႈ​ၼႂ်း​ပိၵ်ႈ​မၢၼ်ႇ ဢၼ်​မူတ်း​ၸၢင်ႇ​မၼ်း​ၸဝ်ႈ သေ​လႄႈ ၶၢမ်ႇ​သၢၵ်ႈ​သေႇ ယူႇ​ၽၢႆႇ​ၼိုင်ႈ​တင်း​သူ သေ​ၵမ်း​လူၺ်ႈ။</verse>
				<verse number="3">တူၺ်း​လူး။ ထႃႇဝရႃႉ​ၽြႃး တၵ်း​ဢွၵ်ႇ​သေ​ၵႃႈ​ၼႂ်း​ထႃႇၼႃႉ တီႈ​ဢၼ်​မၼ်း​ၸဝ်ႈ ၵိင်း​ဝၢပ်ႈ​ယူႇ​ၼၼ်ႉ လူင်း​မႃး​လႄႈ ယဵပ်ႇ​ယမ်ႈ​သႂ်ႇ ၵႃႈ​တီႈ​ဢၼ်​သုင်​လိၼ်​မိူင်း​တင်း​လၢႆ​ဢေႃႈ။-</verse>
				<verse number="4">လွႆ​တင်း​လၢႆ​ၸိူမ်ႈ​ပဵၼ်​ၼမ်ႉ​ၵႂႃႇ ၵႃႈ​တီႈ​တႂ်ႈ​မၼ်း​ၸဝ်ႈ​လႄႈ ၶူင်ႈ​ႁူၺ်ႈ​ပၢင်ႇ​ႁူၺ်ႈ​တင်း​လၢႆ တၵ်း​တႅၵ်ႇ​ဢႃႈ​ၵႂႃႇ မိူၼ်​ၸိူဝ်ႉ​ၼင်ႇ ၶီႈ​ၽိုင်ႈ ၵႃႈ​တီႈ​ၽၢႆႇ​ၼႃႈ​ၽႆး ဢိၵ်ႇ​တင်း​ၸိူဝ်ႉ​ၼင်ႇ​ၼမ်ႉ ဢၼ်​တူၵ်း​လူင်း​သေ​ၵႃႈ​တီႈ ၽႃ​လၼ်း ၽႃ​ၸၼ်း​ၼၼ်ႉ​ဢေႃႈ။-</verse>
				<verse number="5">လွင်ႈ​တၢင်း​ၵႃႈ​မီး​ၼႆႉ ႁွတ်ႈ​ထိုင်​ၵွပ်ႈ​ပိူဝ်ႈ တၢင်း​ဢၼ် ယႃႇၵုပ်ႈ ​ပူၼ်ႉ​လိူဝ် ဢိၵ်ႇ​တင်း တၢင်း​ဢၼ်​မဵဝ်း​ ဢီႉသရေႇလႃႉ ၽိတ်း​ပိူင်ႈ​ၼၼ်ႉ​ဢေႃႈ။ တၢင်း​ဢၼ်​ ယႃႇၵုပ်ႈ ပူၼ်ႉ​လိူဝ်​ၸမ်ႉ၊ ပဵၼ်​ၵႃႈ​သင်၊ ပဵၼ်​ဝဵင်း​ သမႃႇရီႉ ဢမ်ႇ​ၸႂ်ႈ​ႁိုဝ်။ ထႃႇၼႃႉ​တီႈ​သုင်​ ယူႉတႃႉ ​တင်း​လၢႆ​ၸမ်ႉ၊ ပဵၼ်​ၵႃႈ​သင်။ ပဵၼ်​ဝဵင်း​ ယေႇရူႉသလႅမ်ႇ ဢမ်ႇ​ၸႂ်ႈ​ႁိုဝ်။-</verse>
				<verse number="6">ပိူဝ်ႈ​ၼႆ​လႄႈ ၵဝ်​တၵ်း​ႁႂ်ႈ​ဝဵင်း​ သမႃႇရီႉ ၊ ပဵၼ်​ၸိူဝ်ႉ​ၼင်ႇ​ၵွင်​ၽုၼ်ႇ ၵွင်​လိၼ်​ၵႃႈ​ၼႂ်း​ပၢင်ႇ​တူင်ႈ​ၼႃး ဢိၵ်ႇ​တင်း ၸိူဝ်ႉ​ၼင်ႇ​တီႈ​ဢၼ် ၽုၵ်ႇ​သူၼ်​ဢူးယဵၼ်ႇ​ၸပိတ်ႈ ၼၼ်ႉ​ဢေႃႈ။ ၵဝ်​တၵ်း​ဢဝ်​မၢၵ်ႇ​ႁိၼ်​လမ်း​ဝဵင်း​ၸိူဝ်း​ၼၼ်ႉ ထွၵ်ႇ​ပႅတ်ႈ​ၵႃႈ​ၼႂ်း ၶူင်ႈ​ႁူၺ်ႈ​လႄႈ ၽုၺ်ႇ​ပိုတ်ႇ​ႁၢၵ်ႈ​လမ်း​ဝဵင်း ၼႄ​ပျႃး​ဢေႃႈ။-</verse>
				<verse number="7">ရုၵ်ႈ​ထူႉ​သၢင်း​ထူႉ​မၼ်း ၵႃႈ​မီး တၵ်း​လႆႈ​ၶၢမ်ႇ​တၢင်း​ဢၼ်​ႁၵ်း​ႁဵၵ်း ပႅတ်ႈ​လႄႈ ၵႃႈ​ၶၼ်​ဢၼ်​မၼ်း​လႆႈ ၵႃႈ​မီး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ဢဝ်​တုတ်ႇ​ၽႆး​ဢေႃႈ။ ၵဝ်​တၵ်း​ပႄႇ​ၽဵဝ်ႈ ၽြႃး​မၼ်း ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ ၵႃႈ​မီး​ၼၼ်ႉ ပႅတ်ႈ​ဢေႃႈ။ ၵွပ်ႈ​ပိူဝ်ႈ​ၵႃႈ​ၶၼ် တၢင်း​ဢၼ်​မၼ်း​ႁဵတ်း​မႄႈ​မွၵ်ႇ​ယႃႈ​ၼၼ်ႉ​လႄႈ မၼ်း​ဢဝ်​ဢုၵ်ႉ​ၸႃႇ​ၼၼ်ႉ ၸူႉ​ႁွမ်​သိမ်း​ပႅင်း​ဝႆႉ​လႄႈ ဢုၵ်ႉ​ၸႃႇ​ၼၼ်ႉ တၵ်း​သမ်ႉ​ၶိုၼ်း ႁွတ်ႈ​ထိုင်​ၵႃႈ​ၼႂ်း​ၵႃႈ​ၶၼ်​မႄႈ​မွၵ်ႇ​ယႃႈ​ဢေႃႈ။</verse>
				<verse number="8">ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ၵဝ်​တၵ်း​ႁွင်ႉ​ႁႆႈ​လႄႈ ပွင်ႉ​ၶၢင်း​ဢေႃႈ။ ၵဝ်​တၵ်း​ထွတ်ႇ ၶူဝ်း​ၼုင်ႈ​ၵဝ်​သေ​လႄႈ ၵႂႃႇ​မႃး​ယူႇ တူဝ်​ပူၺ်​ဢေႃႈ။ ၵဝ်​တၵ်း​ႁွၼ်​မိူၼ်​ၸိူဝ်ႉ​ၼင်ႇ မႃ​လိၼ်​လႄႈ ဢိုတ်း​ႁွင်ႉ​မိူၼ်​ၸိူဝ်ႉ​ၼင်ႇ ၼူၵ်ႉ​ၵလႃးဢုၵ်ႉ​ၼၼ်ႉ​ဢေႃႈ။-</verse>
				<verse number="9">တၢင်း​ၸဵပ်း တၢင်း​သႅပ်ႇ​တၢမ်ႇ ဢၼ်​မၼ်း​လႆႈ​ၶၢမ်ႇ​ၼၼ်ႉ ဢမ်ႇ​ႁၢႆ​လႆႈ။ တၢမ်ႇ​ၼၼ်ႉ ၶၢမ်ႈ​ၵႂႃႇ တေႃႇ​ထိုင်​ႁွတ်ႈ​မိူင်း​ ယူႉတႃႉ ​ဢေႃႈ။ ရၢၼ်ႇ​သူႇ ႁွတ်ႈ​ထိုင်​ၵႃႈ​တီႈ​ၽၵ်း​တူ တီႈ​ယူႇ​ၵူၼ်း​တင်း​လၢႆ ဢၼ်​ဝႃႈ ဝဵင်း​ ယေႇရူႉသလႅမ်ႇ ​ၼၼ်ႉ​ယဝ်ႉ။</verse>
				<verse number="10">ယႃႇ​ပေ​ဢွၼ်​ၵၼ် ဢဝ်​လွင်ႈ​မၼ်း မွၵ်ႇ​လၢတ်ႈ​တီႈ​ဝဵင်း​ ၵႃႇသႃႉ ။ ယႃႇ​ပေ​ဢွၼ်​ၵၼ် ႁႆႈ​ႁွင်ႉ​လႃး​လႃး။ ၵဝ်​ဢဝ်​တူဝ်​ၵဝ် ၵိင်ႈ​ၵိူၵ်ႇ​ယူႇ​ၵႃႈ​ၼႂ်း​မုၼ်ႈ​လိၼ် ၵႃႈ​တီႈ​ဝဵင်း​ ပေႇသေႃးၽရႃႉ ​ဢေႃႈ။-</verse>
				<verse number="11">လုၵ်ႈ​ယိင်း​ဝဵင်း​ သၽီႉရႃႉ ​ဢိူၺ်း၊ မီး​တၢင်း​ဢၼ်​ယူႇ တူဝ်​ပူၺ်၊ တၢင်း​ဢၼ်​ဢူၵ်း​ဢၢႆ​သေ​လႄႈ ၵႂႃႇ​တႃႉ။ လုၵ်ႈ​ယိင်း​ဝဵင်း​ ၸႃႇၼၼ်ႇ ​ၼၼ်ႉ ဢမ်ႇ​လႆႈ​ဢွၵ်ႇ​ၵႂႃႇ။ တၢင်း​ဢၼ် ႁွင်ႉ​ႁႆႈ​ပွင်ႉ​ၶၢင်း ဝဵင်း​ ပေႉသၸေႇလႃႉ ​ၼၼ်ႉ တၵ်း​ၼုၵ်ႈ​သိမ်း​ဢဝ်​ဢၶႂၢင်ႉ ဢၼ်​သူ​လႆႈ​သွၼ်ႈ​ပိုင်ႈ ယူႇ​ၼၼ်ႉ​ဢေႃႈ။-</verse>
				<verse number="12">လုၵ်ႈ​ယိင်း​ဝဵင်း​ မႃႇရုတ်ႈ ​ၵေႃႈ တူၵ်း​ဢၢင်ႈ​မုင်ႈ​မွင်း လွင်ႈ​တၢင်း​ဢၼ်​လီ​ဢၼ်​ငၢမ်း ယူႇ​ဢေႃႈ။ လွင်ႈ​မၼ်း​ၸမ်ႉ ၽေး​တၢမ်ႇ​လုၵ်ႉ​သေ​ၵႃႈ​တီႈ ထႃႇဝရႃႉ​ၽြႃး​ၼၼ်ႉ လူင်း​မႃး​ႁွတ်ႈ​ထိုင်​ၵႃႈ​တီႈ​ၽၵ်း​တူ​ဝဵင်း​ ယေႇရူႉသလႅမ်ႇ ​ယဝ်ႉ။-</verse>
				<verse number="13">လုၵ်ႈ​ယိင်း​ဝဵင်း​ လႃႇၶီႉသႃႉ ​ဢိူၺ်း၊ ဢဝ်​မႃႉ ဢၼ်​ၶၼ်​ၽႂ်း​ၼၼ်ႉ ႁၢင်ႈ​လေႃႉ​ရထႃး​တႃႉ။ မႂ်း​ပဵၼ်​ၵေႃႇၸႃႉ ႁူဝ်​ပိုင်း​ဢပႅတ်ႈ တီႈ​လုၵ်ႈ​ယိင်း​ ၸီႉဢုၼ်ႇ ​လႄႈ ပိူၼ်ႈ​လႆႈ​ႁူပ်ႉ​ထူပ်း တၢင်း​ဢၼ်​ ဢီႉသရေႇလႃႉ ​ပူၼ်ႉ​လိူဝ်​ၸိူဝ်း​ၼၼ်ႉ ၵႃႈ​ၼႂ်း​မႂ်း ဢမၢၼ်ႇ​ၶၼ်​ပဵၼ်​ယဝ်ႉ။-</verse>
				<verse number="14">ပိူဝ်ႈ​ၼႆ​လႄႈ မႂ်း​တၵ်း​လႆႈ​ပၼ် လၢၵ်ႈ​သွင်ႇ ဢၼ်​ပႄႇ​ပႅတ်ႈ လွတ်ႈ​ၵၢင်း​ၵၼ်​ၼၼ်ႉ တီႈ​ဝဵင်း​ မေႃးရသိတ်ႉ မိူင်း​ ၵႃႇသႃႉ ​ၼၼ်ႉ​ဢေႃႈ။ ၵူၼ်း​ဝဵင်း​ ဢၵ်ႇၸိပ်ႉ ​ၸိူဝ်း​ၼၼ်ႉ တၵ်း​ပဵၼ် တၢင်း​ဢၼ်​ပႅတ်ႉ ဢၼ်​လႅၼ် တီႈ​ၶုၼ်​ႁေႃ​ၶမ်း​ ဢီႉသရေႇလႃႉ ​ဢေႃႈ။-</verse>
				<verse number="15">လုၵ်ႈ​ယိင်း​ဝဵင်း​ မရေးသႃႉ ​ဢိူၺ်း၊ ၵဝ်​တၵ်း​ႁွင်ႉ​ဢဝ် ၵေႃႉ​ဢၼ် ၶၢမ်ႇ​ဢမူၺ်ႇ ဢုၵ်ႉ​ၸႃႇ​မႂ်း​ၼၼ်ႉ မႃး​တီႈ​မႂ်း​လႄႈ မၼ်း​ၼၼ်ႉ​တၵ်း​ႁွတ်ႈ​ထိုင် ၵႃႈ​တီႈ​ဝဵင်း​ ဢတူႉလမ်ႇ ဢၼ်​ပဵၼ်​မုၼ်​ၽုင်း ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="16">မႂ်း​ႁႂ်ႈ​ႁူဝ်​မႂ်း​ၵဵင်ႈ​လႄႈ ထႃ​ႁူဝ်​မႂ်း ၵွပ်ႈ​ပိူဝ်ႈ​လုၵ်ႈ​လၢင်း​မႂ်း ဢၼ်​မႂ်း​လီ​ႁၵ်ႉ​လီ​ပႅင်း ၸိူဝ်း​ၼၼ်ႉ​တႃႉ။ ႁဵတ်း​တၢင်း​ဢၼ် ႁူဝ်​ၵဵင်ႈ ဢၼ်​ၵႂၢင်ႈ​ၼႃႇ​လူင်​လၢင် ၸိူဝ်ႉ​ၼင်ႇ​လၢင်း​တႃႉ​ၶမ်း​ၼၼ်ႉ ယူႇ​တႃႉ။ လွင်ႈ​မၼ်း​ၸမ်ႉ ၶဝ်​ၼၼ်ႉ​လႆႈ​ၶၢမ်ႇ​တၢင်း​ဢၼ် သိမ်း​ဢဝ်​ၵႂႃႇ​သေ ၵႃႈ​တီႈ​မႂ်း​ယဝ်ႉ။</verse>
			</chapter>
			<chapter number="2">
				<verse number="1">ၶဝ်​ၸိူဝ်း​ဢၼ် ၸၢင်ႈ​ၵျၢမ်ႇ​ၸၢင်ႈ​ပွင် တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ ႁဵတ်း​တူႉ​ၸရိူၵ်ႈ​ယူႇ ၵႃႈ​ၼိူဝ်​ၵူႇ​တီႈ​ၼွၼ်း​ၶဝ်​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ မိူဝ်ႈ​ဢၼ် မိူင်း​လႅင်း​မႃး​ၼၼ်ႉ​ၸိုင် ၶဝ်​ၸၢင်ႈ​ႁဵတ်း ၵွပ်ႈ​ပိူဝ်ႈ​ဢၼ် ႁႅင်း​တၼ်း​ၶူဝ်း မီး​ၵႃႈ​ၼႂ်း​မိုဝ်း​ၶဝ်​ၼၼ်ႉ​ဢေႃႈ။-</verse>
				<verse number="2">ၶဝ်​ၸႂ်​ၸပ်း​ၸႂ်​ၸွႆး ႁႆႊ​ၼႃး​လႄႈ ႁဵတ်း​ဢႃႉထမ်ႇမႃႉ သေ​လႄႈ ဢဝ်​ဢေႃႈ။ ၶဝ်​ၸႂ်​ၸပ်း ၸႂ်​ၸွႆး​ႁိူၼ်း​တင်း​လၢႆ သေ​လႄႈ သိမ်း​ဢဝ်​ဢေႃႈ။ ၶဝ်​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း ဢိၵ်ႇ​တင်း ႁိူၼ်း​မၼ်း​ဢၼ်​ဝႃႈ ၵူၼ်း ဢိၵ်ႇ​တင်း ဢမူၺ်ႇ​ဢုၵ်ႉ​ၸႃႇ​မၼ်း​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ၵျၢမ်ႇ​ပွင်​ၽေး​တၢမ်ႇ ဢၼ်​ၶေႃး​သူ ဢမ်ႇ​လွတ်ႈ၊ ဢၼ်​သူ​ဢမ်ႇ​ငွၵ်ႈ​ႁူဝ်​သူ​လႆႈ​လႄႈ ၵႂႃႇ​ၼၼ်ႉ ယူႇ​ၽၢႆႇ​ၼိုင်ႈ တင်း​ၵူၼ်း​မဵဝ်း ၸိူဝ်ႉ​ၶိူဝ်း​ၼႆႉ​ဢေႃႈ။ တၵ်း​ပဵၼ်​ၶိင်ႇ​ၵႃႇလႃႉ ဢၼ်​ႁၢႆႉ​ယူႇ​ဢေႃႈ။-</verse>
				<verse number="4">ၵႂၢမ်း​ဢၼ်​ဢဝ်​ၵႂၢမ်း ဢပုမ်ႇ​တႅၵ်ႈ​သေ​လႄႈ လႆႈ​ပွင်ႉ​ၶၢင်း​ပွင်ႉ​မိူၼ်ႇ ႁႅင်း​ယႂ်ႇ​ၼႃႇ​လူင်​လၢင် ယူႇ​ၽၢႆႇ​ၼိုင်ႈ​တင်း​သူ ၼႂ်း​ၶိင်ႇ​မိုဝ်ႉ​ဝၼ်း​ၼၼ်ႉ လႄႈ​ဝႃႈ​ၸမ်ႉ၊ ႁဝ်း​ၼႆႉ လူႉ​လႅဝ်​ပႅတ်ႈ မူတ်း​မူတ်း​သဵင်ႈ​သဵင်ႈ​ယဝ်ႉ။ မၼ်း​ၸဝ်ႈ​လႅၵ်ႈ​လၢႆႈ​ဢဝ် ပုၼ်ႈ​တႃႇ​ဢၼ်​ၵူၼ်း​မဵဝ်း​ၵဝ်​တင်း​လၢႆ လႆႈ​ၶၢမ်ႇ​လႆႈ​ၵိၼ် ၼၼ်ႉ​လႄႈ ၵူႈ​သိမ်း​ဢဝ်​သေ ၵႃႈ​ၼႂ်း​မိုဝ်း​ၵဝ်​ၵႂႃႇ​ယဝ်ႉ လူင်​ပႄႇ။ မၼ်း​ၸဝ်ႈ ဢဝ်​တူင်ႈ​ၼႃး​ႁဝ်း ၽႄ​မႅင်ႇ​ပၼ် ၶဝ်​ၸိူဝ်း​ဢၼ် ပုင်ႇ​ၵၢၼ်ႇ​ႁဝ်း​ၼၼ်ႉ​ယဝ်ႉ။-</verse>
				<verse number="5">ပိူဝ်ႈ​ၼႆ​လႄႈ မႂ်း​တၵ်း​ဢမ်ႇ​လႆႈ မီး​ၵေႃႉ​ဢၼ်​တူၵ်း​ၸႃႇ​ၵွၵ်ႈ သေ​လႄႈ ဢဝ်​ၸိူၵ်ႈ​ၶဵင်ႈ​တႅၵ်ႈ​ၶိုပ်ႈ​ၼၼ်ႉ ၵႃႈ​ၼႂ်း​ပရဵၵ်ႈသၢတ်ႈ ထႃႇဝရႃႉ​ၽြႃး။-</verse>
				<verse number="6">သူ​ၸိူဝ်း​ဢၼ် ႁဵတ်း​ပရေႃးၽႅတ်ႈ ၶဝ်​ဢိူၺ်း၊ ယႃႇ​ပေ​ႁဵတ်း ပရေႃးၽႅတ်ႈ​သေ​လႄႈ ႁေႃး​လၢတ်ႈ။ ၶဝ်​တၵ်း​ဢမ်ႇ​လႆႈ​ႁဵတ်း​ပရေႃးၽႅတ်ႈ သေ​လႄႈ ႁေႃး​လၢတ်ႈ တီႈ​ၶဝ်​ၸိူဝ်း​ၼႆႉ။ တၢင်း​ဢၼ် သႄႉ​ဢၼ်​သွမ်း တၵ်း​ဢမ်ႇ​လႆႈ​ထၢတ်ႇ လႆႈ​ယဵၼ်။-</verse>
				<verse number="7">မႂ်း​ဢၼ်​လႆႈ​ႁွင်ႉ​ႁဵၵ်ႈ​မဵဝ်း​ ယႃႇၵုပ်ႈ ​ၼႆႉ​ဢိူၺ်း၊ ဝီႉၺိၺ်ႇ ထႃႇဝရႃႉ​ၽြႃး လႆႈ​ၶၢမ်ႇ​တၢင်း​ဢၼ်​ၵိတ်ႇ ဢၼ်​ၵႅပ်ႈ​ႁိုဝ်။ လွင်ႈ​တၢင်း​ၸိူဝ်း​ၼႆႉ ပဵၼ်​လွင်ႈ​တၢင်း​ဢၼ်​မၼ်း​ၸဝ်ႈ ႁဵတ်း​ဢမ်ႇ​ၸႂ်ႈ​ႁိုဝ်။ ၵႂၢမ်း​ၵဝ်​ၸၢင်ႈ​ပၼ်​ဢၵျူဝ်း တီႈ​ၵေႃႉ​ဢၼ် ၵမ်​ၵျၢင်ႉ​သိုဝ်ႈ​သိုဝ်ႈတေႃႇ​တေႃႇ​ၼၼ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="8">ၸႃႉ​ၸဵမ်​မိုဝ်ႉ​ဝၼ်း​ဢွၼ်​ၼၼ်ႉ​လႄႈ ၵူၼ်း​ၵဝ်​တင်း​လၢႆ ဢွၼ်​ၵၼ်​ႁဵတ်း​ရၢၼ်ႇ တၢင်း​ၽိတ်း​လႄႈ လုၵ်ႉ​ဢေႃႈ၊ သူ​ၸၢင်ႈ​ဢွၼ်​ၵၼ် ႁိမ်​ဢဝ်​ထွတ်ႇ​ဢဝ် ၶူဝ်း​ၼုင်ႈ​ဢၼ်​ၵႃႈ​ၼွၵ်ႈ ဢိၵ်ႇ​တင်း​ၶူဝ်း​ၼုင်ႈ ဢၼ်​ၵႃႈ​ၼႂ်း​တီႈ​ၶဝ်​ၸိူဝ်း​ဢၼ် ၵႂႃႇ​တၢင်း​ပႆ​တၢင်း လူင်ႉ​လီ​လွတ်ႈ​လီ​လႄႈ ဢမ်ႇ​မီး​ဢလူဝ်ႇ ၶႂ်ႈ​တိုၵ်း​သိုၵ်း​ၼၼ်ႉ​ဢေႃႈ။-</verse>
				<verse number="9">သူ​ႁေႃႈ​မႄႈ​ယိင်း​ၵူၼ်း​ၵဝ်​တင်း​လၢႆ ဢွၵ်ႇ​သေ​ၵႃႈ​ၼႂ်း​ႁိူၼ်း တီႈ​ယူႇ​ဢၼ် ၶဝ်​မိုတ်ႈ​ၶဝ်​ပျေႃႇ​ၼၼ်ႉ​လႄႈ ၼုၵ်ႈ​ဢဝ်​မုၼ်​ၽုင်း​ၵဝ် ဢွၵ်ႇ​သေ​ၵႃႈ​တီႈ​လုၵ်ႈ​ၶဝ် လၢင်း​ၶဝ်​ၼၼ်ႉ ယူႇ​သေႇ​သေႇ​ဢေႃႈ။-</verse>
				<verse number="10">ဢွၼ်​ၵၼ်​လုၵ်ႉ​လႄႈ ၵႂႃႇ​တႃႉ။ မိူင်း​ၼႆႉ ပဵၼ်​တီႈ​ဢၼ်​သူ ၼိမ်​ၸႂ်​ၼိမ်​ၶေႃး ယူႇ​လီ​လီ​ငၢမ်း​ငၢမ်း​ဢမ်ႇ​ၸႂ်ႈ။ ၵႃႈ​တီႈ​ၼႆႈ ၵွပ်ႈ​ပိူဝ်ႈ​ဢၼ် ပဵၼ်​ဢၼ်​ၵူဝ်ႈ​ၵိူၵ်ႇ​လႄႈ တၵ်း​လႆႈ​လူႉ​လႆႈ​လႅဝ် လူၺ်ႈ​တၢင်း​ဢၼ်​လူႉ​လႅဝ် ဢၼ်​ယႂ်ႇ​ၼႃႇ​ဢေႃႈ။-</verse>
				<verse number="11">ပေႃး​ၵေႃႉ​ဢၼ်​ၸွမ်း​သၽေႃး တူဝ်​ၸဝ်ႈ​ၵဝ်ႇ သေ​လႄႈ သုင်း​သွင်ႇ ၵႂၢမ်း​မူႉ​သႃႇ​ၼၼ်ႉ လၢတ်ႈ​လႄႈ​ဝႃႈ၊ ၵဝ်​တၵ်း​ႁဵတ်း ပရေႃးၽႅတ်ႈ​လႄႈ ႁေႃး​လၢတ်ႈ​တြႃး​ၼမ်ႉ​ၸပိတ်ႈ ဢိၵ်ႇ​တင်း​တြႃး​ၼမ်ႉ​လဝ်ႈ ၼမ်ႉ​ၵမ်​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ တၵ်း​လႆႈ​ပဵၼ်​ပရေႃးၽႅတ်ႈ ၵူၼ်း​တင်း​လၢႆ ၸိူဝ်း​ၼႆႉ​ဢေႃႈ။-</verse>
				<verse number="12">ယႃႇၵုပ်ႈ ​ဢိူၺ်း၊ ၵဝ်​တၵ်း​ႁႂ်ႈ ၵူၼ်း​မဵဝ်း​မႂ်း​ၵႃႈ​မီး ၸူႉ​ၵၼ်​တုမ်​ၵၼ်​လႄႈ ႁႂ်ႈ​ၵူၼ်း​မဵဝ်း ဢီႉသရေႇလႃႉ ဢၼ် ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ ပဵၼ်​မုၵ်ႉ​ပဵၼ်​ၸိူဝ်း ဢမၢၼ်ႇ​ၶၼ်​ပဵၼ်​ဢေႃႈ။ ၵဝ်​တၵ်း​ဢဝ်​ၶဝ်​ၸူႉ​ၵၼ်​တုမ်​ၵၼ်​ဝႆႉ မိူၼ်​ၸိူဝ်ႉ​ၼင်ႇ​သူဝ်း ဝဵင်း​ ပေႃႇၸရႃႉ ဢိၵ်ႇ​တင်း ၸိူဝ်ႉ​ၼင်ႇ​ၽုင်​သူဝ်း ၵႃႈ​ၼႂ်း​တီႈ​ဢၼ်​ၶဝ် ယၢမ်ႈ​ၵိၼ်​ယူႇ​သေႇ​သေႇ​ၼၼ်ႉ​လႄႈ တၵ်း​ပဵၼ်​သဵင်​ယႂ်ႇ​သဵင်​လူင် ၵွပ်ႈ​ပိူဝ်ႈ​ၵူၼ်း​ၼမ်​ၼႃႇ​ၼၼ်ႉ​ဢေႃႈ။-</verse>
				<verse number="13">ၵေႃႉ​ဢၼ်​မူၼ်ႉ​ဢွၵ်ႇ တိုဝ်​ဢွၵ်ႇ​ၼၼ်ႉ ၶိုၼ်ႈ​ၸူး​ဢွၼ်​တၢင်း​ၶဝ်​ဢေႃႈ။ ၶဝ်​ၵေႃႈ ႁဵတ်း​တၢင်း​ဢၼ် မူၼ်ႉ​ဢွၵ်ႇ​တိုဝ်​ဢွၵ်ႇ​သေ​လႄႈ ဢွၼ်​ၵၼ်​တႆႇ​တၢင်း​ပႆ​တၢင်း​ၵႂႃႇ ၵႃႈ​တီႈ​ႁူး​ၽၵ်း​တူ​လႄႈ ဢွၵ်ႇ​သေ​ၵႃႈ​တီႈ​ၼႂ်း​မၼ်း​ၼၼ်ႉ​ၵႂႃႇ​ဢေႃႈ။ ၶုၼ်​ႁေႃ​ၶမ်း​ၶဝ်​ၼၼ်ႉ ၵႂႃႇ​ဢွၼ်​တၢင်း​ၶဝ်​လႄႈ ထႃႇဝရႃႉ​ၽြႃး ဢွၼ်​ႁူဝ်​ၶဝ်​ၵႂႃႇ​ဢေႃႈ။</verse>
			</chapter>
			<chapter number="3">
				<verse number="1">ၵဝ်​ဝႃႈ​ၸမ်ႉ၊ သူ​ၸိူဝ်း​ဢၼ် ပဵၼ်​ငဝ်ႈ​ပဵၼ်​ႁူဝ်​မဵဝ်း​ ယႃႇၵုပ်ႈ ​ၶဝ်​ဢိူၺ်း၊ ၵူၼ်း​ယႂ်ႇ ၵူၼ်း​လူင်​ၵူၼ်း​မဵဝ်း​ ဢီႉသရေႇလႃႉ ၶဝ်​ဢိူၺ်း၊ ဢွၼ်​ၵၼ် ထွမ်ႇ​ငိၼ်း​သေ​ၵမ်း။ သူ​ထုၵ်ႇ​လီ​ႁူႉ​ၸႅင်ႈ လွင်ႈ​တၢင်း​ဢၼ်​ၸီႇ​ယၢင်ႇ ၸွမ်း​ၼင်ႇ​တြႃး​ၼၼ်ႉ ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="2">သူ​ၸင်း​သူႉ​ၸရိူၵ်ႈ​လႄႈ ထုၵ်ႇ​ၸႂ်​ၵျိူၵ်ႈ​ၸႂ် တူႉ​ၸရိူၵ်ႈ​ယူႇ၊ တိုတ်ႉ​ၸၼ်​ဢဝ်​ၼင်​ဢဝ်​ပိူၵ်ႇ သေ​ၵႃႈ​တီႈ​ပိူၼ်ႈ ဢိၵ်ႇ​တင်း​ၼိူဝ်ႉ သေ​ၵႃႈ​တီႈ​လုပ်ႇ​ပိူၼ်ႈ​ယူႇ၊-</verse>
				<verse number="3">ၵိၼ်​ၼိူဝ်ႉ​ၵူၼ်း​ၵဝ် တင်း​လၢႆ​ယူႇ၊ သိၵ်ႇ​ပွၵ်ႇ​ၼင်​ၶဝ်​ယူႇ၊ ႁၵ်း​လုပ်ႇ​ႁၵ်း​လၢဝ်ႈ​ၶဝ်​ယူႇ၊ ၽၵ်ႉ​လုပ်ႇ​ၽၵ်ႉ​ၼိူဝ်ႉ​ၸိူဝ်း​ၼၼ်ႉ မိူၼ်​ၸိူဝ်ႉ​ၼင်ႇ ပုၼ်ႈ​မေႃႈ​ၽၵ်း ဢိၵ်ႇ​တင်း ၸိူဝ်ႉ​ၼင်ႇ​ၼိူဝ်ႉ ပုၼ်ႈ​မေႃႈ​ဢၼ်​တူမ်ႈ ၼၼ်ႉ​ယူႇ​ဢေႃႈ။-</verse>
				<verse number="4">ပိူဝ်ႈ​ၼႆ​လႄႈ ပိၵ်ႉ​သမ်ႉ ၶဝ်​သႅၼ်ႇ​ႁွင်ႉ​ႁႃ ထႃႇဝရႃႉ​ၽြႃး​သေ​ၵေႃႈ၊ မၼ်း​ၸဝ်ႈ​တၵ်း​ဢမ်ႇ​ဢိူဝ်။ မႅၼ်ႈ​ၸွမ်း​ၵႃႈ​ၼင်ႇ​ဢၼ် ၶဝ်​ႁဵတ်း​တူႉ​ၸရိူၵ်ႈ​ၼၼ်ႉ သေ​လႄႈ ၼႂ်း​ၶိင်ႇ​မိူဝ်ႈ​ၼၼ်ႉ မၼ်း​ၸဝ်ႈ တၵ်း​ဝၢႆႇ​ၼႃႈ​မၼ်း​ၸဝ်ႈ​ပႅတ်ႈ​ၶဝ်​ဢေႃႈ။-</verse>
				<verse number="5">ထႃႇဝရႃႉ​ၽြႃး ဢဝ်​လွင်ႈ​ပရေႃးၽႅတ်ႈ ဢၼ်​ႁႂ်ႈ​ၵူၼ်း​ၵဝ်​တင်း​လၢႆ ၽိတ်း​ပိူင်ႈ​ယူႇ၊ ဢၼ်​ဢဝ်​ၶဵဝ်ႈ​ၶဝ်​ၶူပ်း​လႄႈ ႁွင်ႉ​ပၢဝ်ႇ​ႁွင်ႉ​သေႃႇ​လႄႈ​ဝႃႈ၊ မီး​တၢင်း​ဢၼ်​ၼိမ်​ဢၼ်​လီ​ယဝ်ႉ၊ ဝႃႈ​ၼင်ႇ​ၼႆ​ယူႇ၊ ဢၼ်​မႄး​ႁႅၼ်း​ႁႂ်ႈ​လႆႈ​တိုၵ်း​တေႃး​ၶဝ် ၸိူဝ်း​ဢၼ်​ဢမ်ႇ​ႁဵတ်း​လဵင်ႉ​ႁဵတ်း​လူ​ၶဝ်​ၼၼ်ႉ ယူႇ​ၸိူဝ်း​ၼၼ်ႉ​သေ​လႄႈ မီး​ဢမိင်ႉ​ၸမ်ႉ၊-</verse>
				<verse number="6">သူ​တၵ်း​ႁွတ်ႈ​ထိုင် ၶိင်ႇ​ၵၢင်​ၶိုၼ်း ႁႂ်ႈ​ထၼ်ႈ​ပေႃး ဢမ်ႇ​လႆႈ​ႁၼ်​ရူႇပႃႇရူင်ႇ​ဢေႃႈ။ တၵ်း​ပဵၼ် ဢၼ်​လပ်း​သိင်ႇ​တီႈ​သူ ႁႂ်ႈ​ထၼ်ႈ​ပေႃး ဢမ်ႇ​ႁေႃး​လၢတ်ႈ ဢၼႃႇၵၢတ်ႈ​လႆႈ​ဢေႃႈ။ ၵၢင်​ဝၼ်း​တၵ်း​တူၵ်း​သေ​ၵႃႈ​တီႈ ပရေႃးၽႅတ်ႈ​တင်း​လၢႆ တေႃႈ​ၵႃႈ​ၶိင်ႇ​ၵႃ​ဝၼ်း၊ လပ်း​သိင်ႇ​တၵ်း​မုင်း​ႁူမ်ႇ​ၶဝ်​ဢေႃႈ။-</verse>
				<verse number="7">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ႁူ​ပွင်ႇ​တႃ​လႅင်း​ၼၼ်ႉ တၵ်း​ဢူၵ်း​ဢၢႆ​လႄႈ ၶဝ်​ၸိူဝ်း​ဢၼ်​ႁေႃး ဢၼႃႇၵၢတ်ႈ​ၼၼ်ႉ တၵ်း​ၸႂ်​လူႉ​ဢေႃႈ။ ၵွပ်ႈ​ပိူဝ်ႈ​ဢၼ် ၽြႃး​ပဵၼ်​ၸဝ်ႈ ဢမ်ႇ​ဢိူဝ်​လႄႈ ၶဝ်​တင်း​သဵင်ႈ​တင်း​လူင် တၵ်း​တူမ်း​သူပ်း​ၶဝ် ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵဝ်​ၸမ်ႉ၊ ပျေႉ​ၸုမ်ႇ​ဝႆႉ တင်း​ႁႅင်း​တၼ်း​ၶူဝ်း ၵွပ်ႈ​ပိူဝ်ႈ ဝီႉၺိၺ်ႇ​ထႃႇဝရႃႉ​ၽြႃး ဢိၵ်ႇ​တင်း တၢင်း​ၵတ်ႉ​တၢင်း​ၶၼ်​ၺၢၼ်ႇ၊ တၢင်း​ၵတ်ႉ​တၢင်း​ၶၼ် ဢၼ်​ႁဵတ်း​လႆႈ​ပဵၼ်​လႆႈ ႁႂ်ႈ​လႆႈ​ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ်​မဵဝ်း​ ယႃႇၵုပ်ႈ ပူၼ်ႉ​လိူဝ်၊ တၢင်း​ဢၼ် ဢီႉသရေႇလႃႉ ၽိတ်း​ပိူင်ႈ ၼၼ်ႉ​ဢေႃႈ။-</verse>
				<verse number="9">သူ​ၸိူဝ်း​ဢၼ်​ပဵၼ်​ငဝ်ႈ ပဵၼ်​ႁူဝ် မဵဝ်း​ ယႃႇၵုပ်ႈ ​ၶဝ်​ဢိူၺ်း၊ ၵူၼ်း​ယႂ်ႇ​ၵူၼ်း​လူင်​မဵဝ်း​ ဢီႉသရေႇလႃႉ ဢၼ်​လီ​ႁင်ႈ ဢဵတ်ႇ​သဵတ်ႇ​တၢင်း​ဢၼ်​ၸီႇ​ယၢင်ႇ သိုဝ်ႈ​သိုဝ်ႈ​တေႃႇ​တေႃႇ​လႄႈ ယႃႉ​တၢင်း​ဢၼ်​ႁဵတ်း​ၸွမ်း​ၼင်ႇ​တြႃး ၼၼ်ႉ​ပႅတ်ႈ​ယူႇ၊-</verse>
				<verse number="10">ဢၼ်​ဢဝ်​တၢင်း​ဢၼ် ထွၵ်ႇ​လိူတ်ႈ​ၵူၼ်း​ပႅတ်ႈ​ၼၼ်ႉ လုမ်း​လႃး​ဝဵင်း​ ၸီႉဢုၼ်ႇ ​လႄႈ ဢဝ်​တၢင်း​ဢၼ် ႁဵတ်း​ႁၢႆႉ​ႁဵတ်း​မိူၵ်ႈ​ၼၼ်ႉ လုမ်း​လႃး​ဝဵင်း​ ယေႇရူႉသလႅမ်ႇ ယူႇ​ၶဝ်​ဢိူၺ်း၊ ဢွၼ်​ၵၼ် ထွမ်ႇ​ငိၼ်း​သေ​ၵမ်း။-</verse>
				<verse number="11">ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ်​မၼ်း​ၼၼ်ႉ ၸၢင်ႈ​ဢွၼ်​ၵၼ်​ၸီႇ​ယၢင်ႇ​ဢမူႉ​တြႃး ႁႂ်ႈ​လႆႈ​လၢၵ်ႈ​သွင်ႇ​ၵူၺ်း​လႄႈ ယိတ်ႈပရေႃးႁဵၵ်ႈ​မၼ်း​ၸိူဝ်း​ၼၼ်ႉ ၸၢင်ႈ​ဢွၼ်​ၵၼ်​သွၼ်​ပၼ် ႁႂ်ႈ​လႆႈ​ၵႃႈ​မၼ်း​ၶၼ်​မၼ်း​ၵူၺ်း​ဢေႃႈ။ ပရေႃးၽႅတ်ႈ​မၼ်း​ၸိူဝ်း​ၼၼ်ႉ​ၵေႃႈ ၸၢင်ႈ​ဢွၼ်​ၵၼ် ႁေႃး​လၢတ်ႈ​ဢၼႃႇၵၢတ်ႈ ႁႂ်ႈ​လႆႈ​ငိုၼ်း​ၵူၺ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၶဝ်​ၸၢင်ႈ​ဢွၼ်​ၵၼ် ဢိင်​ပိုင်ႈ​ထႃႇဝရႃႉ​ၽြႃး​ယူႇ​သေ​လႄႈ လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ယူႇ​ၵႃႈ​ၼႂ်း​ၵၢင်​ႁဝ်း ဢမ်ႇ​ၸႂ်ႈ​ႁိုဝ်။ ၽေး​ဢူႉ​ပၢတ်ႈ​ဢမ်ႇ​ႁွတ်ႈ​ထိုင် ၵႃႈ​ၼိူဝ်​ႁဝ်း​လႆႈ​ၵူၺ်ႉ၊ ဝႃႈ​ၼင်ႇ​ၼႆ​လူင်​ပႄႇ။-</verse>
				<verse number="12">ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ​သူ​လႄႈ လွႆ​ ၸီႉဢုၼ်ႇ ​ၼၼ်ႉ တၵ်း​လႆႈ​ၶၢမ်ႇ တၢင်း​ဢၼ်​ထႆ ဢၼ်​ထိူၼ်ႇ မိူၼ်​ၸိူဝ်ႉ​ၼင်ႇ​ၼႃး​လႄႈ ဝဵင်း​ ယေႇရူႉသလႅမ်ႇ ​ၼၼ်ႉ တၵ်း​လႆႈ​ပဵၼ် ပုမ်ႇ​လိၼ်​ၵွင်​လိၼ်​သေ​လႄႈ လွႆ​ႁိူၼ်း​ၸဝ်ႈ တၵ်း​လႆႈ​ပဵၼ်​ၸိူဝ်ႉ​ၼင်ႇ လွႆ​ၼႂ်း​ထိူၼ်ႇ​ၼႂ်း​ၶိူဝ်း ၼၼ်ႉ​ဢေႃႈ။</verse>
			</chapter>
			<chapter number="4">
				<verse number="1">ၼႂ်း​ၶိင်ႇ​ၵႃႇလႃႉ မိုဝ်ႉ​ဝၼ်း​လိုၼ်း​လင်​သုတ်း​ပုၼ်ႉ၊ လွႆ​တီႈ​ဢၼ် တႄႇ​ႁဵတ်း​ႁိူၼ်း ထႃႇဝရႃႉ​ၽြႃး​ၼၼ်ႉ တၵ်း​တႄႇ​ယူႇ ၵႃႈ​ၼိူဝ်​ပၢႆ​ၸိၵ်း​လွႆ​လူင်​တင်း​လၢႆ​လႄႈ မီး​တၢင်း​ဢၼ်​ယုၵ်ႉ​ယွင်ႈ​ယူႇ ၵႃႈ​ၼိူဝ်​လွႆ​ဢွၼ်ႇ​တင်း​လၢႆ ဢေႃႈ။ မဵဝ်း​ၵူၼ်း တင်း​လၢႆ တၵ်း​မႃး​ၸူႉ​ၵၼ်​တုမ်​ၵၼ် ၵႃႈ​တီႈ​လွႆ​ၼၼ်ႉ​ဢေႃႈ။-</verse>
				<verse number="2">မဵဝ်း​ၵူၼ်း​ၼမ်​ၼႃႇ​ၵေႃႈ တၵ်း​ၵႂႃႇ​တၢင်း​ပႆ​တၢင်း​ယူႇ သေ​လႄႈ လၢတ်ႈ​ၵၼ်​လႄႈ​ဝႃႈ မႃး​မႃး​ဢိူၺ်း၊ ဢွၼ်​ၵၼ်​ၶိုၼ်ႈ​ၸူး ၵႃႈ​တီႈ​လွႆ​ထႃႇဝရႃႉ​ၽြႃး ႁိူၼ်း​ၽြႃး​ပဵၼ်​ၸဝ်ႈ မဵဝ်း​ ယႃႇၵုပ်ႈ ​ၼၼ်ႉ​တႃႉ​ႁဝ်း။ မၼ်း​ၸဝ်ႈ တၵ်း​သင်ႇ​ပၼ်​သွၼ်​ပၼ် သဵၼ်ႈ​တၢင်း​မၼ်း​ၸဝ်ႈ ၸိူဝ်း​ၼၼ်ႉ​လႄႈ ႁဝ်း​တၵ်း​ၸွမ်း​ႁွႆး​တၢင်း​မၼ်း​ၸဝ်ႈ ၸိူဝ်း​ၼၼ်ႉ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ တြႃး​ၸဝ်ႈ တၵ်း​ပေႃႇ​ဢွၵ်ႇ​သေ​ၵႃႈ​တီႈ​လွႆ​ ၸီႉဢုၼ်ႇ ​မႃး​လႄႈ ၼုၵ်ႈၵပၢတ်ႈ​တြႃး​ၸဝ်ႈ တၵ်း​ပေႃႇ​ဢွၵ်ႇ​သေ ၵႃႈ​တီႈ​ဝဵင်း​ ယေႇရူႉသလႅမ်ႇ ​မႃး​ဢေႃႈ။-</verse>
				<verse number="3">မၼ်း​ၸဝ်ႈ တၵ်း​ၸီႇ​ယၢင်ႇ​တြႃး ၼႂ်း​မဵဝ်း​ၵူၼ်း​ၼမ်​ၼႃႇ​လႄႈ သင်ႇ​သွၼ်​သုင်း​မႃႉ မဵဝ်း​ၵူၼ်း​ဢၼ် ႁႅင်း​ယႂ်ႇ​ၼႃႇ ဢၼ်​ယူႇ​ၵႃႈ​တီႈ ဢၼ်​ၵႆ​ၼႃႇ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ​တၵ်း​ဢွၼ်​ၵၼ် ဢဝ်​လၢၵ်ႈ​ၼၢၵ်ႈ လၢပ်ႇ​လႅဝ်း​ၶဝ် တင်း​လၢႆ ၶဵၼ်ႇ​ႁဵတ်း သိၵ်ႈ​ထိူၼ်ႇ​သိၵ်ႈ​ၽိူဝ်​လႄႈ ဢဝ်​ႁွၵ်ႇ​ၶဝ်​တင်း​လၢႆ ၶဵၼ်ႇ​ႁဵတ်း​ၶဵဝ်း​ဢေႃႈ။ မိူင်း​ၼိုင်ႈ လႄႈ မိူင်း​ၼိုင်ႈ ၼင်ႇ​ၵၼ်​ၵၼ်​တၵ်း​ဢမ်ႇ​ယူၵ်ႉ​လၢပ်ႇ​ယူၵ်ႉ​လႅဝ်း ၸူး​ၵၼ်။ ၵမ်း​လိုၼ်း တၵ်း​ဢမ်ႇ​ဢွၼ်​ၵၼ် သွၼ်​ဢဝ်​တၢင်း​ဢၼ် ၸၢင်ႈ​မေႃ​တိုၵ်း​သိုၵ်း​တိုၵ်း​သိူဝ်။-</verse>
				<verse number="4">ၶဝ်​တင်း​သဵင်ႈ​တင်း​လူင် တၵ်း​ၼင်ႈ​ယူႇ​ၵႃႈ​တႂ်ႈ တူၼ်ႈ​မၢၵ်ႇ​ၸပိတ်ႈ​ၶဝ် ဢိၵ်ႇ​တင်း ၵႃႈ​တႂ်ႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ၶဝ် ႁင်း​ၽႂ်​ႁင်း​မၼ်း​ဢေႃႈ။ တၵ်း​ဢမ်ႇ​မီး​ၵေႃႉ​ဢၼ် ႁႂ်ႈ​ၶဝ်​လႆႈ​ၵူဝ်​လႆႈ​ႁႄ သေ​ၵေႃႉ​သေ​ၵူၼ်း။ သူပ်း​ၸဝ်ႈ ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ပူင်​ဢမိင်ႉ​ၸဝ်ႈ ဝႆႉ​ယဝ်ႉ။-</verse>
				<verse number="5">မဵဝ်း​ၵူၼ်း​တင်း​သဵင်ႈ​တင်း​လူင် ၸၢင်ႈ​ဢွၼ်​ၵၼ် ဢိင်​ၼႃႇ​မႃႉ​ၸိုဝ်ႈ​သဵင် ၽြႃး​ၽႂ်​ၽြႃး​မၼ်း သေ​လႄႈ ၵႂႃႇ​မႃး​ယူႇ​ဢေႃႈ။ ႁဝ်း​ၸမ်ႉ၊ တၵ်း​ဢွၼ်​ၵၼ် ဢိင်​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း သေ​လႄႈ ၵႂႃႇ​မႃး​ယူႇ တႃႇ​သေႇ​ဢမ်ႇ​ထၢတ်ႇ​ဢေႃႈ။</verse>
				<verse number="6">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ႁွင်ႉ​ဢဝ် ၵေႃႉ​ဢၼ်​တိၼ်​ၵႅင်ႉ​ၼၼ်ႉ မႃး​လႄႈ ႁႂ်ႈ​ၵေႃႉ​ဢၼ် လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႅတ်ႈ ဢိၵ်ႇ​တင်း ၵေႃႉ​ဢၼ်​ၵဝ်​ယၢမ်ႈ ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ မႃး​ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="7">ၵဝ်​တၵ်း​ႁဵတ်း​ႁႂ်ႈ ၵေႃႉ​ဢၼ်​တိၼ်​ၵႅင်ႉ​ၼၼ်ႉ ပဵၼ်​ဢၼ်​ၵိုတ်း ဢၼ်​ၵျၢၼ်ႇ​ဝႆႉ​လႄႈ ႁႂ်ႈ​ၵေႃႉ​ဢၼ် လႆႈ​ၶၢမ်ႇ​တၢင်း​ဢၼ် ႁေႃႈ​ဢွၵ်ႇ​ပႅတ်ႈ တီႈ​ဢၼ်​ၵႆ​ၼၼ်ႉ ပဵၼ်​မဵဝ်း​ၵူၼ်း​ဢၼ်​ယႂ်ႇ​ၼႃႇ​ဢေႃႈ။ ထႃႇဝရႃႉ​ၽြႃး တၵ်း​ဢုပ်ႉ​ပိူင်ႇ ၸၢမ်ႇ​ၸႃး​ၶဝ် ၵႃႈ​ၼိူဝ်​လွႆ​ ၸီႉဢုၼ်ႇ ​ၼၼ်ႉ​ယူႇ၊ ဢဝ်​ၸႃႉ​ၸဵမ် မိူဝ်ႈ​လဵဝ်​ၼႆႉ​ၵႂႃႇ မိူဝ်း​ၼႃႈ တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="8">ထဵင်​လၢင်း​ ဢေးတႃႇ ​ဢိူၺ်း၊ ၵုင်း​တီႈ​ယူႇ လုၵ်ႈ​ယိင်း​သၢဝ်​ ၸီႉဢုၼ်ႇ ​ဢိူၺ်း၊ တၵ်း​ႁွတ်ႈ​ထိုင် ၵႃႈ​ၼႂ်း​မႂ်း​ဢေႃႈ။ ဢႃႇၼႃႇ ဢၼ်​ယၢမ်ႈ​တႄႇ မိူဝ်ႈ​ဢွၼ်​တၢင်း​ၼၼ်ႉ ဢၼ်​ဝႃႈ​သိုင်ႇ​ၸိုင်ႈ​ဝၢၼ်ႈ​မိူင်း လုၵ်ႈ​ယိင်း​သၢဝ် ဝဵင်း​ ယေႇရူႉသလႅမ်ႇ ​ၼၼ်ႉ တၵ်း​သမ်ႉ​ၶိုၼ်း​ႁွတ်ႈ​ထိုင် ၵႃႈ​ၼႂ်း​မိုဝ်း​မႂ်း​ဢေႃႈ။-</verse>
				<verse number="9">မိူဝ်ႈ​လဵဝ်​ၼႆႉ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ႁဵတ်း​တင်း​သဵင်​ဢၼ်​ယႂ်ႇ​ၼႃႇ သေ​လႄႈ ႁွင်ႉ​သႅၼ်ႇ​ယူႇ​ၼင်ႇ​ႁိုဝ်။ ၵႃႈ​ၼႂ်း​မႂ်း​ဢမ်ႇ​မီး ၶုၼ်​ႁေႃ​ၶမ်း သေ​တူၼ် သေ​ပႃး​ႁိုဝ်။ မူး​မၢတ်ႈ​ၽွင်း​မိူင်း ဢၼ်​ပၼ်​တၢင်း​ၵျၢမ်ႇ​တၢင်း​ပွင် ၸိူဝ်း​ၼၼ်ႉ လူႉ​ႁၢႆ​ၵႂႃႇ​ယဝ်ႉ​ႁိုဝ်။ မႂ်း​လႆႈ​ၶၢမ်ႇ ဝူၺ်ႇတၼႃႇ မိူၼ်​ၸိူဝ်ႉ​ၼင်ႇ မႄႈ​ယိင်း​ဢၼ်​ၵိူတ်ႇ​လဵင်ႉ​လုၵ်ႈ ၼၼ်ႉ​ယဝ်ႉ​လူင်​ပႄႇ။-</verse>
				<verse number="10">လုၵ်ႈ​ယိင်း​သၢဝ် ၸီႉဢုၼ်ႇ ​ဢိူၺ်း၊ ၶၢမ်ႇ​ဝူၺ်ႇတၼႃႇ သေ​လႄႈ ဢဝ်​ႁႅင်း​ဢွၵ်ႇ ႁႂ်ႈ​လႆႈ​ၵိူတ်ႇ​လဵင်ႉ​လုၵ်ႈ မိူၼ်​ၸိူဝ်ႉ​ၼင်ႇ မႄႈ​ယိင်း​ဢၼ်​ၵိူတ်ႇ​လဵင်ႉ​လုၵ်ႈ ၼၼ်ႉ​တႃႉ။ မိူဝ်ႈ​လဵဝ်​ၼႆႉ မႂ်း​တၵ်း​လႆႈ​ဢွၵ်ႇ​သေ ၵႃႈ​ၼႂ်း​ဝဵင်း​ၵႂႃႇ​လႄႈ ယူႇ​ၵႃႈ​ၼႂ်း​ပၢင်ႇ​တူင်ႈ​ႁႆႊ​တူင်ႈ​ၼႃး​ဢေႃႈ။ မႂ်း​တၵ်း​လႆႈ​ၵႂႃႇ တေႃႇ​ထိုင်​ႁွတ်ႈ ဝဵင်း​ ပႃႇပူႉလုၼ်ႇ ​လႄႈ လႆႈ​ၵၢင်း​လႆႈ​လွတ်ႈ ၵႃႈ​တီႈ​ဝဵင်း​ၼၼ်ႉ​ဢေႃႈ။ ထႃႇဝရႃႉ​ၽြႃး တၵ်း​ထုတ်ႇ​ၼုၵ်ႈ​ဢဝ်​မႂ်း သေ​ၵႃႈ​ၼႂ်း မိုဝ်း​ရၢၼ်ႇ​သူႇ​မႂ်း​တင်း​လၢႆ ၵႃႈ​တီႈ​ဝဵင်း​ၼၼ်ႉ​ဢေႃႈ။-</verse>
				<verse number="11">မိူဝ်ႈ​လဵဝ်​ၼႆႉ​ၸိုင်၊ ၵူၼ်း​တၢင်ႇ​ၸိူဝ်ႉ တၢင်ႇ​မဵဝ်း​ၼမ်​ၼႃႇ ၸူႉ​ၵၼ်​တုမ်​ၵၼ် ယူႇ​ၽၢႆႇ​ၼိုင်ႈ​တင်း​မႂ်း​လႄႈ ဢွၼ်​ၵၼ်​လၢတ်ႈ​လႄႈ​ဝႃႈ၊ ႁႂ်ႈ​ဝဵင်း​ ၸီႉဢုၼ်ႇ ​ပဵၼ်​ဢၼ် ၵူဝ်ႈ​ၵိူၵ်ႇ သေ​ၵမ်း​လူၺ်ႈ။ ႁႂ်ႈ​မၢၵ်ႇ​တႃ​ႁဝ်း လႆႈ​ႁၼ်​ဢလူဝ်ႇ​ႁဝ်း တီႈ​မၼ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵူၺ်း​ၵႃႈ ၶဝ်​ဢမ်ႇ​ႁူႉ​ၸႂ် ထႃႇဝရႃႉ​ၽြႃး၊ ၶဝ်​ဢမ်ႇ​ႁူႉ​ၸႅင်ႈ တၢင်း​ၵျၢမ်ႇ​တၢင်း​ပွင်​မၼ်း​ၸဝ်ႈ။ မၼ်း​ၸဝ်ႈ​ဢဝ်​ၶဝ်​ၼၼ်ႉ ၸူႉ​ၵၼ်​တုမ်​ၵၼ်​ဝႆႉ မိူၼ်​ၸိူဝ်ႉ​ၼင်ႇ​ဢၼ်​ဢဝ် လိုၼ်ႈ​ၶဝ်ႈ ၸူႉ​ၵၼ်​တုမ်​ၵၼ်​ဝႆႉ ၵႃႈ​တီႈ​တလၢင်း​ယဵပ်ႇ​ၶဝ်ႈ​ၼၼ်ႉ ဢေႃႈ။-</verse>
				<verse number="13">လုၵ်ႈ​ယိင်း​ ၸီႉဢုၼ်ႇ ​ဢိူၺ်း၊ လုၵ်ႉ​လႄႈ​ယဵပ်ႇ​ၼူတ်ႈ​တႃႉ။ ၵဝ်​တၵ်း​ႁႂ်ႈ ၶဝ်​လႅမ်​မႂ်း​ယဝ်ႉ​တူဝ်ႈ​လူၺ်ႈ​လဵၵ်း​လႄႈ ႁႂ်ႈ​ၵိပ်ႇ​မႂ်း​ယဝ်ႉ​တူဝ်ႈ လူၺ်ႈ​တွင်း​လိူင်​ဢေႃႈ။ မႂ်း​တၵ်း​လႆႈ​ထုၵ်း​ထူ မဵဝ်း​ၵူၼ်း​ၼမ်​ၼႃႇ ဢွၼ်ႇ​ဢွၼ်ႇ​လႅဝ်​လႅဝ်​ဢေႃႈ။ မႂ်း​တၵ်း​လႆႈ​ဢဝ် ၵႃႈ​ဢၼ်​လႆႈ​ၵႃႈ​တီႈ​ၶဝ်​ၼၼ်ႉ ပုၵ်ႈ​ၸေႃႇ​တီႈ ထႃႇဝရႃႉ​ၽြႃး ဢိၵ်ႇ​တင်း ၸေး​ၸိမ်ႇ​ဢုၵ်ႉ​ၸႃႇ​ၶဝ်​ၼၼ်ႉ ပုၵ်ႈ​ၸေႃႇ​တီႈ​ၸဝ်ႈ​ဢၼ် ဢုပ်ႉ​ပိူင်ႇ​ၼႃႈ​လိၼ်​မိူင်း တင်း​ၼႃႈ​ဢေႃႈ။</verse>
			</chapter>
			<chapter number="5">
				<verse number="1">မိူဝ်ႈ​လဵဝ်​ၼႆႉ​ၸမ်ႉ၊ လုၵ်ႈ​ယိင်း​ဢၼ် ပဵၼ်​မုၵ်ႉ​ပဵၼ်​ၸိူဝ်း​ဝႆႉ ၼႆႉ​ဢိူၺ်း၊ ၸူႉ​ၵၼ်​တုမ်​ၵၼ် ပဵၼ်​မုၵ်ႉ​ပဵၼ်​ၸိူဝ်း​ယူႇ​တႃႉ။ ပိူၼ်ႈ​လွမ်ႉ​လဵပ်ႈ​ႁွပ်ႈ​ႁဝ်း​ဝႆႉ​ယဝ်ႉ။ ၶဝ်​ဢဝ်​ၶွၼ်ႉ​ဝၢႆ ပေႃႉ​ယႅၼ်ႉ​သႂ်ႇ​ၵႅမ်ႈ​ၶုၼ် ဢီႉသရေႇလႃႉ ​ယဝ်ႉ​လူင်​ပႄႇ။</verse>
				<verse number="2">ဝဵင်း​ ပႅတ်ႉလႁႅမ်ႇ​ဢေႇၽရတ်ႉ ​ဢိူၺ်း၊ ပိၵ်ႉ​သမ်ႉ မႂ်း​ၼႆႉ​ပဵၼ်​ဝဵင်း​လဵၵ်ႉ​ဝဵင်း​ၼွႆႉ ၼႂ်း​ဢၼ်​ပဵၼ်​ယေႈ​ႁဵင်​ဝႆႉ​ၼႂ်း​မိူင်း​ ယူႉတႃႉ သေ​ၵေႃႈ ၸဝ်ႈ​ဢၼ် တၵ်း​လႆႈ​ဢုပ်ႉ​ပိူင်ႇ​မဵဝ်း​ ဢီႉသရေႇလႃႉ ​ၼၼ်ႉ တၵ်း​ပေႃႇ​မႃး ၵႃႈ​ၼႂ်း​မႂ်း​ပုၼ်ႈ​ၵဝ်​ဢေႃႈ။ ၸဝ်ႈ​ၼၼ်ႉ ပဵၼ်​ၸဝ်ႈ​ဢၼ်​ပေႃႇ​မႃး ၸႃႉ​ၸဵမ်​ၵၢပ်ႈ​ၵမ်ႇ​ၽႃႇ မိူဝ်ႈ​မိုၼ်ႉ​ၸိုၼ်ႉ​သိုၼ်း​ၼၼ်ႉ​ဢေႃႈ။-</verse>
				<verse number="3">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၸဝ်ႈ​ၼၼ်ႉ တၵ်း​ၸုၼ်ႉ​ပႅတ်ႈ​ၶဝ် တေႃႇ​ထိုင်​ႁွတ်ႈ ၶိင်ႇ​မိူဝ်ႈ​ဢၼ် မႄႈ​ယိင်း ဢၼ်​ၶၢမ်ႇ​ဝူၺ်ႇတၼႃႇ တၢင်း​ဢၼ်​ၵိူတ်ႇ​လဵင်ႉ​လုၵ်ႈ​ၼၼ်ႉ ထၼ်ႈ​ပေႃး​ၵိူတ်ႇ​လဵင်ႉ​ယဝ်ႉ ၼၼ်ႉ​လႄႈ ပီႈ​မၼ်း​ၼွင်ႉ​မၼ်း ဢၼ်​ယင်း​ၵိုတ်း​ယင်း​ၵျၢၼ်ႇ ၸိူဝ်း​ၼၼ်ႉ ထၼ်ႈ​ပေႃး​ၶိုၼ်း​မႃး​ၸူး ၵႃႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၼၼ်ႉ​ဢေႃႈ။-</verse>
				<verse number="4">ၸဝ်ႈ​ၼၼ်ႉ တၵ်း​ၸုၵ်း​ယူႇ​လႄႈ ဢိင်​တၢင်း​ၵတ်ႉ​တၢင်း​ၶၼ် ထႃႇဝရႃႉ​ၽြႃး ဢိၵ်ႇ​တင်း တၼ်း​ၶူဝ်း ဢႃႇၼူႉၽေႃႇ ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မၼ်း​ၼၼ်ႉ​သေ​လႄႈ လဵင်ႉ​လူ​ၽုင်​သူဝ်း​မၼ်း တင်း​လၢႆ​ဢေႃႈ။ ၶဝ်​ၵေႃႈ​တၵ်း​တႄႇ​ယူႇ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ၼၼ်ႉ​တၵ်း​ဢုပ်ႉ​ပိူင်ႇ တေႃႇ​ထိုင်​ႁွတ်ႈ တီႈ​သုတ်း​လိၼ်​မိူင်း​ဢေႃႈ။-</verse>
				<verse number="5">ၸဝ်ႈ​ၼၼ်ႉ တၵ်း​ပဵၼ်​လွင်ႈ​ဢၼ် ရၢၼ်ႇ​တၢင်း​ၽိတ်း ယဵၼ်​ဢေႃႈ။ မိူဝ်ႈ​ဢၼ်​ၵူၼ်း​ ဢႃႇသူႉရီႉ ​ၶီႇ​မႃး​ၵႃႈ​တီႈ​မိူင်း​ႁဝ်း​လႄႈ ယဵပ်ႇ​ယမ်ႈ ၽုင်ႇ​ပိၵ်ႈ​မၢၼ်ႇ​ႁဝ်း​ၸိူဝ်း​ၼၼ်ႉ​ၸိုင်၊ ႁဝ်း​တၵ်း​ႁႂ်ႈ​ၵူၼ်း ဢၼ်​လဵင်ႉ​သူဝ်း​ထိင်း​သူဝ်း ၸဵတ်း​ပႃး ဢိၵ်ႇ​တင်း ၵူၼ်း​ဢၼ်​ပဵၼ်​ငဝ်ႈ​ပဵၼ်​ႁူဝ် ပႅတ်ႇ​ပႃး ပေႃႇ​ဢွၵ်ႇ​မႃး​ယူႇ​ၽၢႆႇ​ၼိုင်ႈ တင်း​မၼ်း​ဢေႃႈ။-</verse>
				<verse number="6">ၶဝ်​ၼၼ်ႉ တၵ်း​ပႄႇ​ၽဵဝ်ႈ​မိူင်း​ ဢႃႇသူႉရီႉ ဢိၵ်ႇ​တင်း​မိူင်း​ ၼိမ်ႇရေႃးတႃႉ ၵႃႈ​ၼႂ်း​ႁူး ၽၵ်း​တူ​ဝဵင်း​ၶဝ်​ၼၼ်ႉ​ပႅတ်ႈ လူၺ်ႈ​လၢပ်ႇ​လူၺ်ႈ​လႅဝ်း​လႄႈ ၸဝ်ႈ​ၼၼ်ႉ တၵ်း​ၵႄႇ​သႄႇ​ဢဝ်​ႁဝ်း​လွတ်ႈ သေ​ၵႃႈ​ၼႂ်း​မိုဝ်း​ၵူၼ်း​ ဢႃႇသူႉရီႉ ၼႂ်း​မိူဝ်ႈ​ဢၼ်​မၼ်း​ၶီႇ​မႃး ၵႃႈ​ၼႂ်း​မိူင်း​ႁဝ်း​လႄႈ ယဵပ်ႇ​ယမ်ႈ​ၵႃႈ​ၼႂ်း​ၶွပ်ႇ​ၼမ်ႉ​လႅၼ်​လိၼ်​ႁဝ်း​ၼၼ်ႉ​ဢေႃႈ။-</verse>
				<verse number="7">ၵူၼ်း​မဵဝ်း​ ယႃႇၵုပ်ႈ ဢၼ်​ၵိုတ်း​ဝႆႉ​ၵျၢၼ်ႇ​ဝႆႉ​ၸိူဝ်း​ၼၼ်ႉ တၵ်း​ယူႇ​ၵႃႈ​ၼႂ်း​ၵၢင်​ၵူၼ်း တၢင်ႇ​ၸိူဝ်ႉ​တၢင်ႇ​မဵဝ်း ၼမ်​ၼႃႇ​လႄႈ ပဵၼ်​ၸိူဝ်ႉ​ၼင်ႇ ၼမ်ႉ​ၼၢႆး​ဢၼ် ထႃႇဝရႃႉ​ၽြႃး​ပၼ် ဢိၵ်ႇ​တင်း ၸိူဝ်ႉ​ၼင်ႇ​ႁႃႇ​ၽူၼ် ဢၼ်​ဢမ်ႇ​ပႂ်ႉ​ထႃႈ​ၵူၼ်း၊ ဢမ်ႇ​ၸွမ်း​ဢလူဝ်ႇ​ၵူၼ်း​သေ​လႄႈ တူၵ်း​ၵႃႈ​ၼိူဝ် တူၼ်ႈ​ယိူဝ်ႈ​တူၼ်ႈ​ယႃႈ ၼၼ်ႉ​ဢေႃႈ။-</verse>
				<verse number="8">ၵူၼ်း​မဵဝ်း​ ယႃႇၵုပ်ႈ ဢၼ်​ၵိုတ်း​ဝႆႉ​ၵျၢၼ်ႇ​ဝႆႉ ၸိူဝ်း​ၼၼ်ႉ တၵ်း​လႆႈ​ယူႇ​ၵႃႈ​ၼႂ်း​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ၊ ၵႃႈ​ၼႂ်း​ၵၢင်​မဵဝ်း​ၵူၼ်း ၼမ်​ၼႃႇ​လႄႈ ပဵၼ်​ၸိူဝ်ႉ​ၼင်ႇ သၢင်ႇ​သီႈ ၵႃႈ​ၼႂ်း​တူဝ်​ထိူၼ်ႇ​ႁၢႆႉ တင်း​လၢႆ ဢိၵ်ႇ​တင်း​သၢင်ႇ​သီႈ တူဝ်​ၼုမ်ႇ ၵႃႈ​ၼႂ်း​ၽုင်​သူဝ်း ၸိူဝ်း​ၼၼ်ႉ​ဢေႃႈ။ ပေႃး​မၼ်း​ၶဝ်ႈ​မႃး​ၸိုင်၊ မၼ်း​ၸၢင်ႈ​ယဵပ်ႇ သေ​လႄႈ ၶူပ်း​ၵိၼ်​သိၵ်ႇ​ယႃႉ ထၼ်ႈ​ပေႃး ၽူႈ​လႂ်​ဢမ်ႇ​ၵႄႇ​သႄႇ ၼုၵ်ႈ​ဢဝ်​လႆႈ​ဢေႃႈ။-</verse>
				<verse number="9">မႂ်း​တၵ်း​ဢဝ်​မိုဝ်း​မႂ်း ယုၵ်ႉ​ယွင်ႈ​ယူႇ​ၽၢႆႇ​ၼိုင်ႈ တင်း​ၶဝ်​ၸိူဝ်း​ဢၼ် ႁဵတ်း​ၶတ်း​ၵၼ်​တင်း​မႂ်း ၼၼ်ႉ​လႄႈ ရၢၼ်ႇ​သူႇ​မႂ်း တင်း​သဵင်ႈ​တင်း​လူင် တၵ်း​ဢွၼ်​ၵၼ် သုမ်း​ၸွမ်း​ဢေႃႈ။-</verse>
				<verse number="10">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ပႄႇ​ၽဵဝ်ႈ​မႃႉ​မႂ်း​တင်း​လၢႆ​ပႅတ်ႈ​သေ ၵႃႈ​ၼႂ်း​မႂ်း​လႄႈ ယႃႉ​ၽဵဝ်ႈ​လေႃႉ​ရထႃး​မႂ်း တင်း​လၢႆ ပႅတ်ႈ​ဢေႃႈ။-</verse>
				<verse number="11">ၵဝ်​တၵ်း​ပႄႇ​ၽဵဝ်ႈ ဝဵင်း​ၼႂ်း​မိူင်း​မႂ်း တင်း​လၢႆ​ပႅတ်ႈ​လႄႈ ၵိူၼ်ႇ​ယႃႉ​တိူၵ်ႈ တီႈ​တိုၵ်း​သိုၵ်း​မႂ်း ၵႃႈ​မီး​ပႅတ်ႈ​ဢေႃႈ။-</verse>
				<verse number="12">ၵဝ်​တၵ်း​ပႄႇ​ၽဵဝ်ႈ​ၶဝ်​ၸိူဝ်း​ဢၼ် ႁဵတ်း​ၽိူဝ်ႉ​ၼၼ်ႉ ပႅတ်ႈ​သေ​ၵႃႈ​တီႈ ၼႂ်း​မိုဝ်း​မႂ်း​လႄႈ မႂ်း​တၵ်း​ဢမ်ႇ​လႆႈ​မီး​ၵေႃႉ​ဢၼ် ႁေႃး​လၢတ်ႈ​ပေႇ​တၢင်ႇ​ၼၼ်ႉ သေ​ၵေႃႉ​သေ​ၵူၼ်း။-</verse>
				<verse number="13">ၵဝ်​တၵ်း​ပႄႇ​ၽဵဝ်ႈ ရုၵ်ႈ​ထူႉ​သၢင်း​ထူႉ​မႂ်း ဢၼ်​တွင်ႈ​ႁဵတ်း ၶၵ်း​ႁဵတ်း​ၸိူဝ်း​ၼၼ်ႉ ဢိၵ်ႇ​တင်း သဝ်​တီႈ​ၵူဝ်း​ၵႂၢႆႇ​မႂ်း တင်း​လၢႆ ပႅတ်ႈ​သေ​ၵႃႈ​ၼႂ်း ၵၢင်​မႂ်း​လႄႈ ၵမ်း​လိုၼ်း​မႂ်း ဢမ်ႇ​လႆႈ​ၵူဝ်း​ၵႂၢႆႇ လွင်ႈ​တၢင်း​ဢၼ်​မႂ်း​ဢဝ် မိုဝ်း​မႂ်း​ႁဵတ်း​ၼၼ်ႉ။-</verse>
				<verse number="14">တူၼ်ႈ​ ဢႃႇသရႃႉ ​မႂ်း​တင်း​လၢႆ​ၵေႃႈ ၵဝ်​တၵ်း​ထွတ်ႇ​ထူၺ်ႈ ဢွၵ်ႇ​သေ​ၵႃႈ​ၼႂ်း ၵၢင်​မႂ်း​လႄႈ ယႃႉ​ၽဵဝ်ႈ​ဝဵင်း​မႂ်း တင်း​လၢႆ ပႅတ်ႈ​ဢေႃႈ။-</verse>
				<verse number="15">ၵဝ်​တၵ်း​ပႃး​တၢင်း ၶႆႈ​ၸႃႉ​ၶႆႈ​ၸဵတ်ႈ ဢိၵ်ႇ​တင်း ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​ၵဝ်​သေ​လႄႈ ၸီႇ​ယၢင်ႇ​တၢမ်ႇ​ဢပႅတ်ႈ တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ဢမ်ႇ​ထွမ်ႇ​ဢမ်ႇ​ဢဝ် ၵႂၢမ်း​ၵဝ်​ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="6">
				<verse number="1">ဢွၼ်​ၵၼ်​ထွမ်ႇ​ငိၼ်း ဢမိင်ႉ​ထႃႇဝရႃႉ​ၽြႃး​တႃႉ။ မႂ်း​လုၵ်ႉ​လႄႈ ထူပ်း​တြႃး​ၵၼ် တင်း​လွႆ​လူင်​တင်း​လၢႆ​လႄႈ ႁႂ်ႈ​လွႆ​ဢွၼ်ႇ​တင်း​လၢႆ ဢွၼ်​ၵၼ်​ငိၼ်း​ၵႂၢမ်း​မႂ်း​သေ။-</verse>
				<verse number="2">လွႆ​တင်း​လၢႆ ၶဝ်​ဢိူၺ်း၊ မၢၵ်ႇ​ႁိၼ်​မၢၵ်ႇ​ၽႃ ဢၼ်​ပဵၼ်​ငဝ်ႈ​ႁၢၵ်ႈ​လိၼ်​မိူင်း ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း ဢမူႉ​တၢင်း​ဢၼ်​ထႃႇဝရႃႉ​ၽြႃး ထူပ်း​တြႃး​ၼႆႉ​တႃႉ။ ထႃႇဝရႃႉ​ၽြႃး​မီး​တီႈ​ဢၼ် လီ​ထူပ်း​တြႃး​ၵၼ်​တင်း ၵူၼ်း​မဵဝ်း​မၼ်း​ၸဝ်ႈ​တင်း​လၢႆ​လႄႈ မၼ်း​ၸဝ်ႈ တၵ်း​လၢတ်ႈ​ၵၼ်​ထဵင်​ၵၼ်​တင်း မဵဝ်း​ ဢီႉသရေႇလႃႉ ​ဢေႃႈ။-</verse>
				<verse number="3">ၵူၼ်း​ၵဝ်​တင်း​လၢႆ ၶဝ်​ဢိူၺ်း၊ ၵဝ်​ယၢမ်ႈ​ႁဵတ်း​ၵႃႈ​သင် တီႈ​မႂ်း​ယဝ်ႉ။ ၵဝ်​ယၢမ်ႈ​ၼိၵ်ႈ​ၸၢၵ်ႈ​ငႅၼ်း​သႄး​မႂ်း ၸိူဝ်ႉ​ၼင်ႇ​ႁိုဝ်​ယဝ်ႉ။ ၶၢမ်ႇ​သၢၵ်ႈ​သေႇ ယူႇ​ၽၢႆႇ​ၼိုင်ႈ​တင်း​ၵဝ်​တႃႉ။-</verse>
				<verse number="4">ၵဝ်​ၼုၵ်ႈ​ဢဝ်​မႂ်း ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​လႄႈ ထုတ်ႇ​ဢဝ်​မႂ်း ဢွၵ်ႇ​သေ​ၵႃႈ​ၼႂ်း တီႈ​ဢၼ်​ၶၢမ်ႇ​ႁဵတ်း​ၶႃႈ​ၼၼ်ႉ မႃး​ယဝ်ႉ​ယဝ်ႉ။ ၵဝ်​ဢဝ်​ မူဝ်းသေႇ၊ ဢႃႇရုၼ်ႇ တင်း​ မီႉရီႉဢၢမ်ႇ ​ၸိူဝ်း​ၼၼ်ႉ ပွႆႇ​ၸႂ်ႉ​ဢွၼ်​ႁူဝ်​မႂ်း​ယဝ်ႉ​ယဝ်ႉ။-</verse>
				<verse number="5">ၵူၼ်း​ၵဝ်​တင်း​လၢႆ ၶဝ်​ဢိူၺ်း၊ ၶုၵ်း​ၸႂ်​လႆႈ ၶႆႈ​ၸႂ်​ထူပ်း​လွင်ႈ​တၢင်း​ဢၼ်​ ပႃႇလၵ်ႈ ၊ ၶုၼ်​လူင်​ မေႃႇၽႃႉ တိူင်ႇ​ပၢင်ႇ လၢတ်ႈ​ၸႃ​ၵၼ်​ၼၼ်ႉ ဢိၵ်ႇ​တင်း​ၵႂၢမ်း​ဢၼ်​ ပႃႇလၢမ်ႇ လုၵ်ႈ​ၸၢႆး​ ပေႃးရႃႉ ၶိုၼ်း​လၢတ်ႈ​တီႈ​မၼ်း​ၼၼ်ႉ တင်း​လွင်ႈ​တၢင်း​ဢၼ် ပဵၼ်​မႃး​ၼႂ်း ၸူဝ်ႈ​ဢၼ်​ဢဝ်​ၵႃႈ​တီႈ ၸႃႉ​ၸဵမ်​ဝဵင်း​ သိတ်ႇတိမ်ႇ တေႃႇ​ထိုင်​ႁွတ်ႈ​ဝဵင်း​ ၵီႉလႃႉၵႃႇလႃႉ ​ၼၼ်ႉ ႁႂ်ႈ​သူ​လႆႈ​ႁူႉ​ၸႅင်ႈ တၢင်း​ဢၼ်​သိုဝ်ႈ​တေႃႇ ထႃႇဝရႃႉ​ၽြႃး​ၸိူဝ်း​ၼၼ်ႉ​တႃႉ။</verse>
				<verse number="6">ၵဝ်​တၵ်း​လႆႈ​ပႃး​ဢဝ် ၵႃႈ​သင်​သေ​လႄႈ သုတ်ႉ​ၸပ်း​သုတ်ႉ​ၸူး ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး​လႄႈ ၶုပ်ႉမူပ်ႇ​ၵူဝ်း​ၵႂၢႆႇ ၵႃႈ​တီႈ​ၽၢႆႇ​ၼႃႈ ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ။ တၵ်း​လႆႈ​ပႃး​ဢဝ်​ယိတ်ႈ ဢၼ်​တုတ်ႇ​ၽႆး ဢိၵ်ႇ​တင်း​ဝူဝ်း​ဢွၼ်ႇ ဢၼ်​ၶွပ်ႈ​ၶူပ်ႇ​တင်း​လၢႆ သေ​လႄႈ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၽၢႆႇ​ၼႃႈ မၼ်း​ၸဝ်ႈ​ႁိုဝ်။-</verse>
				<verse number="7">ထႃႇဝရႃႉ​ၽြႃး တၵ်း​ထုၵ်ႇ​ၸႂ်​ၵျိူၵ်ႈ​ၸႂ် သူဝ်း​ပေႃႈ​ပဵၼ်​ႁဵင်​ပဵၼ်​ႁဵင် ဢိၵ်ႇ​တင်း​ႁွင်ႈ​ၵႄး​ၼမ်ႉ​မၼ်း ပဵၼ်​မိုၼ်ႇ​ပဵၼ်​မိုၼ်ႇ​ၼၼ်ႉ​ႁိုဝ်။ ၵဝ်​တၵ်း​လႆႈ​ဢဝ် လုၵ်ႈ​ၸၢႆး​တူၼ်ႈ​ၵဝ် ပုၵ်ႈ​ၸေႃႇ ပုၼ်ႈ​ဢၼ်​ၵဝ် ပူၼ်ႉ​လိူဝ်​ၼၼ်ႉ​လႄႈ ဢဝ်​မၢၵ်ႇ​တွင်ႉ​ၵဝ်​ပုၵ်ႈ​ၸေႃႇ ပုၼ်ႈ​ဢပႅတ်ႈ​ၸႂ်​ဝီႉၺိၺ်ႇ​ၵဝ်​ၼၼ်ႉ​ႁိုဝ်။-</verse>
				<verse number="8">ၵူၼ်း​ဢိူၺ်း၊ မၼ်း​ၸဝ်ႈ​ၼႄ​ပျႃး လွင်ႈ​တၢင်း​ဢၼ်​လီ​ဢၼ်​ငၢမ်း​တီႈ​မႂ်း​ယဝ်ႉ​ယဝ်ႉ။ ၼွၵ်ႈ​သေ​တၢင်း​ဢၼ်​ႁဵတ်း​ၸွမ်း​ၼင်ႇ​တြႃး၊ တၢင်း​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ်​ၵရူႉၼႃႇ၊ တၢင်း​ဢၼ်​မီး​ၸႂ် ဢၼ်​ၶျႃး​တႅမ်ႇ​သေ​လႄႈ ၵႂႃႇ​မႃး​ယူႇ​ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ​မႂ်း​ၼၼ်ႉ၊ ထႃႇဝရႃႉ​ၽြႃး ယင်း​ယွၼ်း​ဢဝ်​ၵႃႈ​သင်​လူး​ၵွၼ်ႇ။</verse>
				<verse number="9">ၼုၵ်ႈၵပၢတ်ႈ​ထႃႇဝရႃႉ​ၽြႃး သႅၼ်ႇ​ႁွင်ႉ​ၸူး​ၵႃႈ​တီႈ​ဝဵင်း​ယူႇ​လႄႈ ၵေႃႉ​ဢၼ်​မီး​ပိင်ႇ​ၺႃႇ​ၼၼ်ႉ တၵ်း​ရူဝ်ႇ​သေႇ​ၵူဝ်​ယမ် ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ဢေႃႈ။ ဢွၼ်​ၵၼ်​ထွမ်ႇ​ငိၼ်း​ၶွၼ်ႉ​ဝၢႆ ဢၼ်​သင်ႇ​သွၼ်​သုင်း​မႃႉ​ၼၼ်ႉ ဢိၵ်ႇ​တင်း​လွင်ႈ​ဢၼ်​ၽူႈ​လႂ် ဢဝ်​မၼ်း​ၸီႇ​ယၢင်ႇ​ၼၼ်ႉ​တႃႉ။-</verse>
				<verse number="10">ၵႃႈ​ၼႂ်း​ႁိူၼ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ယင်း​မီး​ဢုၵ်ႉ​ၸႃႇ​ၸေး​ၸိမ်ႇ​ဢၼ်​ဢမ်ႇ​တြႃး ဢိၵ်ႇ​တင်း​ၵွၵ်း​တူင်​ဢၼ်​လဵၵ်ႉ​ဢၼ်​ဢွၼ်ႇ ဢၼ်​လီ​ႁင်ႈ​ဢဵတ်ႇ​သဵတ်ႇ​ၼၼ်ႉ​လူး​ၵွၼ်ႇ​ႁိုဝ်။-</verse>
				<verse number="11">ၵဝ်​မီး​ယႃႇ​ၸူႇ​ဢၼ်​ဢမ်ႇ​တြႃး ဢိၵ်ႇ​တင်း ထူင်​ဢၼ်​သႂ်ႇ​လုၵ်ႈ ၶၼ်​ဢၼ်​ၵူတ်ႉ​ဢၼ်​လိင်ႇ​ၸိူဝ်း​ၼၼ်ႉ​ယူႇ​သေ​လႄႈ တၵ်း​ပဵၼ်​ၵေႃႉ​ဢၼ်​မူတ်း​သႂ်​လႆႈ​ႁိုဝ်။-</verse>
				<verse number="12">သထေး​ၵူၼ်း​ဝဵင်း​ၸိူဝ်း​ၼၼ်ႉ ၸၢင်ႈ​ႁဵတ်း​ဢႃႉထမ်ႇမႃႉ​လႄႈ ၶဝ်​ၸိူဝ်း​ဢၼ် ယူႇ​ၵႃႈ​ၼႂ်း​ဝဵင်း​ၼၼ်ႉ ၸၢင်ႈ​သုင်း​သွင်ႇ​မူႉ​သႃႇ​ယူႇ​သေ​လႄႈ လိၼ်ႉ​ဢၼ်​မီး ၵႃႈ​ၼႂ်း​သူပ်း​ၶဝ်​ၼၼ်ႉ ၸၢင်ႈ​ပႅတ်ႉ​ၸၢင်ႈ​လႅၼ်​ဢေႃႈ။-</verse>
				<verse number="13">ပိူဝ်ႈ​ၼႆ​ၸင်ႇ၊ ၵဝ်​တၵ်း​ပၼ်​တၢမ်ႇ ဢၼ်​ၸဵပ်း​ဢၼ်​သႅပ်ႇ ၼႃႇ​လူင်​လၢင်​တီႈ​မႂ်း ႁႂ်ႈ​မႂ်း​လႆႈ​ၶၢမ်ႇ​တၢင်း​ဢၼ် ပႄႇ​ၽဵဝ်ႈ​ပႅတ်ႈ ၵွပ်ႈ​ပိူဝ်ႈ​ဢပႅတ်ႈ​မႂ်း​ဢေႃႈ။-</verse>
				<verse number="14">မႂ်း​ၵိၼ်​လႄႈ ဢမ်ႇ​လႆႈ​ဢိမ်ႇ​လႆႈ​တဵမ်။ တၢင်း​ဢၼ်​ၶျႃး​မႂ်း​တူၵ်း တီႈ​တႅမ်ႇ​ၼၼ်ႉ တၵ်း​လႆႈ​မီး​ၵႃႈ​ၼႂ်း​မႂ်း​ဢေႃႈ။ မႂ်း​ဢဝ်​ၵႂႃႇ​လႄႈ ဢမ်ႇ​လႆႈ ၵႄႇ​သႄႇ​ဢဝ်​လွတ်ႈ။ လွင်ႈ​တၢင်း​ဢၼ်​မႂ်း​ၵႄႇ​သႄႇ​ဢဝ်​လွတ်ႈ​ၼၼ်ႉ​ၵေႃႈ ၵဝ်​တၵ်း​ဢဝ်​ဢၢပ်ႈ​ပၼ် တီႈ​ၽေး​လၢပ်ႇ​ၽေး​လႅဝ်း​ဢေႃႈ။-</verse>
				<verse number="15">မႂ်း​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​လႄႈ ဢမ်ႇ​လႆႈ​ပၢတ်ႇ​ဢဝ်​ထိူဝ်​ဢဝ်။ မႂ်း​ယဵပ်ႇ​ၼူတ်ႈ​မၢၵ်ႇ​ သၢၼ်ႇလုၼ်ႇ ​လႄႈ ဢမ်ႇ​လႆႈ​ဢဝ်​ၼမ်ႉ​မၼ်း​ၼၼ်ႉ လုပ်ႈ​တႃး​တူဝ်​မႂ်း။ မႂ်း​ယဵပ်ႇ​ၼူတ်ႈ​မၢၵ်ႇ​ၸပိတ်ႈ​လႄႈ ဢမ်ႇ​လႆႈ​သူတ်ႉ​ၵိၼ်​ၼမ်ႉ​ၸပိတ်ႈ​ၼၼ်ႉ။-</verse>
				<verse number="16">လွင်ႈ​မၼ်း​ၸမ်ႉ မႂ်း​ၸၢင်ႈ​ပႂ်ႉ​ၵမ် ပႂ်ႉ​ၸွမ်း​ထုင်း​ၽိင်ႈ​တၢင်း​ဢၼ် ၶုၼ်​ ဢေႃးမရီႉ ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ ဢိၵ်ႇ​တင်း​တၢင်း​ၵမ်​တၢင်း​ၵျၢင်ႉ​ဢၼ်​မဵဝ်း​ၶုၼ်​ ဢႃႇႁပ်ႉ ၵမ်​ၵျၢင်ႉ ၵႃႈ​မီး​ၼၼ်ႉ​လႄႈ ၸွမ်း​ၵႂႃႇ​ၵႃႈ​ၼႂ်း သဵၼ်ႈ​တၢင်း​ဢၼ်​ၶဝ်​တိုၵ်း​ယူင်း​ၸူဝ်း​ဢဝ်​ၸိူဝ်း​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ၵဝ်​တၵ်း​ႁႂ်ႈ မႂ်း​ပဵၼ်​တီႈ​ဢၼ်​သဵတ်ႇ​ၵူၼ်း​ယဵၼ်​ၵူၼ်း​လႄႈ ႁႂ်ႈ​ၵူၼ်း​ဝဵင်း​ၸိူဝ်း​ၼၼ်ႉ ပဵၼ်​တီႈ​ဢၼ်​ႁဵတ်း​သဵင်​သီႉ​သီႉ​သေႃႉ​သေႃႉ​တေႃႇ​သေ​လႄႈ၊ မႂ်း​တၵ်း​လႆႈ​ၶၢမ်ႇ​တၢင်း​ဢၼ် ၵူၼ်း​ၵဝ်​တင်း​လၢႆ သႄႉ​သွမ်း​ဢေႃႈ။</verse>
			</chapter>
			<chapter number="7">
				<verse number="1">ၵဝ်​မီး​ဢႃႉ​မင်ႇၵလႃႇ​ဢေႃႈ။ ၵဝ်​ပဵၼ်​မိူၼ်​ၸိူဝ်ႉ​ၼင်ႇ မၢၵ်ႇ​လိူဝ်ႇ​သၢင်း​ၽေႃး ဢၼ်​ဝိတ်း​ဢဝ် ၼႂ်း​ၶိင်ႇ​မိူဝ်ႈ​ဢၼ်​မႆႈ ဢၼ်​ႁွၼ်ႉ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ မၢၵ်ႇ​ၸပိတ်ႈ ဢၼ်​ၵိုတ်း​ဢၼ်​ၵျၢၼ်ႇ ဢၼ်​ၸွမ်း​ၵဵပ်း​ဢဝ် ၼၼ်ႉ​ဢေႃႈ။ ဢမ်ႇ​မီး​ပုၵ်ႉ​မၢၵ်ႇ​ၸပိတ်ႈ ဢၼ်​လီ​ၵိၼ်​လီ​ၶူပ်း။ ဢမ်ႇ​မီး​မၢၵ်ႇ​လိူဝ်ႇ​သၢင်း​ၽေႃး ဢၼ်​သုၵ်း​ဢွၼ်​တၢင်း ဢၼ်​ၸႂ်​ၵဝ် တူၵ်း​ဢၢင်ႈ​ယူႇ​ၼၼ်ႉ။-</verse>
				<verse number="2">ၵူၼ်း​ဢၼ်​လီ​ဢၼ်​ငၢမ်း​ၼၼ်ႉ လပ်ႉ​ႁၢႆ​ၵႂႃႇ​သေ ၵႃႈ​ၼိူဝ်​လိၼ်​မိူင်း​ယဝ်ႉ​ယဝ်ႉ။ ၼႂ်း​ၵူၼ်း​တင်း​လၢႆ ဢမ်ႇ​မီး​ၵေႃႉ​ဢၼ်​သိုဝ်ႈ​တေႃႇ သေ​ၵေႃႉ​သေ​ၵူၼ်း။ ၶဝ်​တင်း​သဵင်ႈ​တင်း​လူင် ၸၢင်ႈ​ဢွၼ်​ၵၼ် လွမ်​ပႂ်ႉ​ယူႇ ႁႂ်ႈ​လႆႈ​ထွၵ်ႇ​လိူတ်ႈ ၵူၼ်း​ပႅတ်ႈ​ဢေႃႈ။ ၶဝ်​ၼင်ႇ​ၵၼ်​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၸၢင်ႈ​ဢဝ်​တူင်ႇ​ႁႅဝ်ႉ တူင်ႇ​ၶိုမ်း​ၵၢင်​ဢဝ် တီႉ​ဢဝ်​ဢေႃႈ။-</verse>
				<verse number="3">မိုဝ်း​ၶဝ်​ၼၼ်ႉ မႄး​ႁႅၼ်း​ဝႆႉ ႁႂ်ႈ​လႆႈ​ၵျူဝ်း​ၸႃး​ႁဵတ်း​တူႉ​ၸရိူၵ်ႈ​ယဝ်ႉ။ ၵေႃႉ​ဢၼ်​ပဵၼ်​ၶုၼ် ၸၢင်ႈ​ယွၼ်း​ဢဝ် လၢၵ်ႈ​သွင်ႇ​လႄႈ ၵူၼ်း​လူင် ဢၼ်​ၸီႇ​ယၢင်ႇ​တြႃး ၸၢင်ႈ​ၵိၼ်​သူး​ၵိၼ်​လၢပ်ႈ​ဢေႃႈ။ ၵေႃႉ​ဢၼ်​ပဵၼ်​ၵူၼ်း​ယႂ်ႇ​ၵူၼ်း​လူင်​ၼၼ်ႉ ၸၢင်ႈ​ႁႂ်ႈ​လေႃး​ၽႃႉ ႁူဝ်​ၸႂ်​မၼ်း​လႆႈ​ထၢင်ႇ​သႃး​ဢေႃႈ။ ၼင်ႇ​ၼၼ်​လႄႈ ၶဝ်​ၸၢင်ႈ​ၽွမ်ႉ​ၵၼ်​ႁဵတ်း​ႁႂ်ႈ​ဢမူႉ ပဵၼ်​ဢၼ်​ယုင်ႈ​ဢၼ်​ယွင်ႇ​ဢေႃႈ။-</verse>
				<verse number="4">ၵေႃႉ​ဢၼ်​လီ​ၼႃႇ​သေ​ပိူၼ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​တူၼ်ႈ​ၼၢမ်​လႄႈ ၵေႃႉ​ဢၼ် သိုဝ်ႈ​တေႃႇ​ၼႃႇ​သေ​ပိူၼ်ႈ​ၼၼ်ႉ ပဵၼ်​ဢၼ်​ယၢပ်ႇ​ဢၼ်​ယဵၼ်း လိူဝ်​တွၼ်း​ၼႃႇ​သေ​ႁူဝ်​ၼမ်ႉ​ဢေႃႈ။ မိုဝ်ႉ​ဝၼ်း​ဢၼ် ၵူၼ်း​ပႂ်ႉ​ၵၢင်​မႂ်း​ၸိူဝ်း​ၼၼ်ႉ ပၼ်​သတီႉ၊ မိုဝ်ႉ​ဝၼ်း​ဢၼ်​လႆႈ​ၶၢမ်ႇ​တၢင်း​ဢၼ် ၸႅတ်ႈ​ထၢမ်​ၼၼ်ႉ ႁွတ်ႈ​မႃး​ယဝ်ႉ။ ပဵၼ်​ၶိင်ႇ​မိူဝ်ႈ​ဢၼ်​မႂ်း မီး​တၢင်း​ဢၼ် ယုင်ႈ​ၸႂ်​ၵႂင်​ၸႂ်​ဢေႃႈ။-</verse>
				<verse number="5">ယႃႇ​ပေ​ယုမ်ႇ​ၵေႃႉ​ဢၼ်​ပဵၼ်​ၵေႃႉ ပဵၼ်​သေႈ​ၼၼ်ႉ။ ယႃႇ​ပေ​ႁဵတ်း​တၢင်း​ဢၼ် ၼႄ​ပျႃး​သဵၼ်ႈ​တၢင်း​ၼၼ်ႉ။ ယင်း​ဢမ်ႇ​ယုမ်ႇ​မေး​ဢၼ်​ၼွၼ်း ၵႃႈ​ၼႂ်း​ဝၢင်ႈ​ႁူဝ်​ဢူၵ်း​မႂ်း​လႄႈ ဢိုတ်း​ႁပ်း​ၽၵ်း​တူ​သူပ်း​မႂ်း ဝႆႉ​တႃႉ။-</verse>
				<verse number="6">လွင်ႈ​မၼ်း​ၸမ်ႉ လုၵ်ႈ​ၸၢႆး​တၵ်း​ယႃႉ​သရေႇ ပေႃႈ​မၼ်း​လႄႈ လုၵ်ႈ​ယိင်း​တၵ်း​ၸုၵ်း​ယူႇ​ၽၢႆႇ​ၼိုင်ႈ​တင်း​မႄႈ​မၼ်း၊ လုၵ်ႈ​ပႂ်ႉ​တၵ်း​လုၵ်ႉ​ယူႇ​ၽၢႆႇ​ၼိုင်ႈ​တင်း​မႄႈ​ၸဝ်ႈ​မၼ်း​ဢေႃႈ။ ရၢၼ်ႇ​သူႇ​တူဝ်​ၸဝ်ႈ​ၵဝ်ႇ တၵ်း​ပဵၼ်​ၵူၼ်း​ႁိူၼ်း ၵူၼ်း​ယေး​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="7">ၵဝ်​ၸမ်ႉ၊ တၵ်း​မုင်ႈ​မွင်း​ထႃႇဝရႃႉ​ၽြႃး ယူႇ​လႄႈ သွၼ်ႈ​ပိုင်ႈ​ၽြႃး​ပဵၼ်​ၸဝ်ႈ ဢၼ်​ၵႄႇ​သႄႇ ၶျွတ်ႈ​ဢဝ်​ၵဝ်​ၼၼ်ႉ​ဢေႃႈ။ ၽြႃး​ပဵၼ်​ၸဝ်ႈ​ၵဝ် တၵ်း​ထွမ်ႇ​ဢဝ်​ၵႂၢမ်း​ၵဝ်​ဢေႃႈ။</verse>
				<verse number="8">ရၢၼ်ႇ​သူႇ​ၵဝ်​ဢိူၺ်း၊ ယႃႇ​ပေ​မီး​တၢင်း​ဢၼ်​ဢုပ်ႇ​ဢၢတ်ႇ​ၸူမ်း​သိူဝ်း​ယူႇ​ၵႃႈ​ၼိူဝ်​ၵဝ်။ ပိၵ်ႉ​သမ်ႉ​ၵဝ်​လူမ်ႉ​သေ​ၵေႃႈ ၵဝ်​တၵ်း​ၶိုၼ်း​လုၵ်ႉ​ဢေႃႈ။ ပိၵ်ႉ​သမ်ႉ​ၵဝ်​လႆႈ​ၼင်ႈ​ယူႇ ၵႃႈ​ၼႂ်း​လပ်း​သိင်ႇ​သေ​ၵေႃႈ ထႃႇဝရႃႉ​ၽြႃး​တၵ်း​ပဵၼ်​ဢၼ်​လႅင်း​ၵဝ်​ဢေႃႈ။-</verse>
				<verse number="9">ၵဝ်​တၵ်း​ၶၢမ်ႇ​တၢင်း​ၸႂ်​မႆႈ​ၶႆႈ​ၸႃႉ​ထႃႇဝရႃႉ​ၽြႃး ၵွပ်ႈ​ပိူဝ်ႈ​ဢၼ်​ၵဝ်​ၽိတ်း​ပိူင်ႈ​မၼ်း​ၸဝ်ႈ​ၼၼ်ႉ ယူႇ​တေႃႇ​ထိုင်​ႁွတ်ႈ​မၼ်း​ၸဝ်ႈ​ၸႅတ်ႈ​တူၺ်း​ဢမူႉ​ၵဝ်​လႄႈ တႅပ်း​တတ်း​တြႃး​ၵဝ်​ၼၼ်ႉ​ဢေႃႈ။ မၼ်း​ၸဝ်ႈ​တၵ်း​ဢဝ်​ၵဝ်​ဢွၵ်ႇ​ၸူး​ဢၼ်​လႅင်း​လႄႈ ၵဝ်​တၵ်း​လႆႈ​ႁၼ်​ပႃႇရမီႇ​တၢင်း​ဢၼ်​သိုဝ်ႈ​တေႃႇ​မၼ်း​ၸဝ်ႈ​ဢေႃႈ။-</verse>
				<verse number="10">မိူဝ်ႈ​ၼၼ်ႉ ရၢၼ်ႇ​သူႇ​ၵဝ်​ဢၼ်​ထၢမ်​တီႈ​ၵဝ်​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မႂ်း​ၸမ်ႉ၊ မီး​ၵႃႈ​လႂ်၊ ဝႃႈ​ၼင်ႇ​ၼႆ​ၼၼ်ႉ တၵ်း​ႁၼ်​လွင်ႈ​တၢင်း​ၼၼ်ႉ​လႄႈ တၢင်း​ဢၼ်​ဢူၵ်း​ဢၼ်​ဢၢႆ တၵ်း​ႁူမ်ႇ​သုမ်ႇ​မၼ်း​ဝႆႉ​ဢေႃႈ။ မၢၵ်ႇ​တႃ​ၵဝ်​တၵ်း​ႁၼ်​မၼ်း​လႄႈ မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ယဵပ်ႇ​ဢၼ်​ယမ်ႈ မိူၼ်​ၸိူဝ်ႉ​ၼင်ႇ​ၵူမ်ႇ​ၵႃႈ​ၼႂ်း​သဵၼ်ႈ​တၢင်း​ၼၼ်ႉ​ဢေႃႈ။-</verse>
				<verse number="11">ၶိင်ႇ​မိုဝ်ႉ​ဝၼ်း​ဢၼ်​တႄႇ​ႁဵတ်း​လမ်း​ဝဵင်း​မႂ်း​ၼၼ်ႉ တၵ်း​ႁွတ်ႈ​မႃး​ဢေႃႈ။ ၼႂ်း​ၶိင်ႇ​မိုဝ်ႉ​ဝၼ်း​ၼၼ်ႉ ဢၢႆ​ႁႅင်း​ဢမိင်ႉ​ၸဝ်ႈ​တၵ်း​သဵင်ႈ​ဢေႃႈ။-</verse>
				<verse number="12">ၼႂ်း​ၶိင်ႇ​မိုဝ်ႉ​ဝၼ်း​ၼၼ်ႉ ၶဝ်​တၵ်း​ဢွၼ်​ၵၼ်​လုၵ်ႉ​သေ​ၵႃႈ​တီႈ​ၸႃႉ​ၸဵမ်​မိူင်း​ ဢႃႇသူႉရီႉ တေႃႇ​ထိုင်​ႁွတ်ႈ မိူင်း​ ဢေႇၵိပ်ႉတူႉ ၊ ဢိၵ်ႇ​တင်း​ၵႃႈ​တီႈ​ၸႃႉ​ၸဵမ်​မိူင်း​ ဢေႇၵိပ်ႉတူႉ ၊ တေႃႇ​ထိုင်​ႁွတ်ႈ​ၼမ်ႉ​ႁွင်ႈ​လူင် တင်း​ၵႃႈ​တီႈ ၸႃႉ​ၸဵမ်​ပၢင်ႇ​လၢႆႇ​ၼိုင်ႈ တေႃႇ​ထိုင်​ႁွတ်ႈ​ပၢင်ႇ​လၢႆႇ​ၼိုင်ႈ တင်း​ၵႃႈ​တီႈ​ၸႃႉ​ၸဵမ်​လွႆ​လူင်​ၼိုင်ႈ တေႃႇ​ထိုင်​ႁွတ်ႈ​လွႆ​လူင်​ၼိုင်ႈ​လႄႈ မႃး​ၸူး​ၵႃႈ​တီႈ​မႂ်း​ဢေႃႈ။-</verse>
				<verse number="13">ၸူဝ်ႈ​ဢၼ်​ဢမ်ႇ​ပႆႇ​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵွပ်ႈ​ပိူဝ်ႈ​တူႉ​ၸရိူၵ်ႈ​ဢပႅတ်ႈ ဢၼ်​ၵူၼ်း​ဝၢၼ်ႈ​ၵူၼ်း​မိူင်း​ႁဵတ်း​ၸိူဝ်း​ၼၼ်ႉ​လႄႈ မိူင်း​ၸဝ်ႈ​ၼၼ်ႉ တၵ်း​လႆႈ​မီး​တၢင်း​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ယူႇ​ဢေႃႈ။</verse>
				<verse number="14">ၶႅၼ်း​တေႃႈ ဢဝ်​ၶွၼ်ႉ​ၵွမ်း​ၶွၼ်ႉ​ႁေႃႈ ၸဝ်ႈ​ႁဝ်း ဢၼ်​လဵင်ႉ​ထိင်း​သူဝ်း​ၼၼ်ႉ လဵင်ႉ​ထိင်း​ၽုင်​သူဝ်း​ဢမူၺ်ႇ​ၸဝ်ႈ၊ ၸဝ်ႈ​ႁဝ်း​ဢၼ်​ယင်း​ဢမ်ႇ​မီး​ဢၼ်​ႁူမ်ႈ​ဢၼ်​ပွင်း​လႄႈ လႆႈ​ယူႇ​ၼႂ်း​ထိူၼ်ႇ​ၼႂ်း​ၶိူဝ်း ၵႃႈ​ၼိူဝ်​လွႆ​ ၵရမေႇလႃႉ ဢၼ်​ဝႃႈ​ၵူၼ်း​ၸဝ်ႈ​ႁဝ်း​တင်း​လၢႆ ၼၼ်ႉ​သေ​ၵမ်း​တီႈ​ၶႃႈ၊ ၶႅၼ်း​တေႃႈ​ပၼ်​ဢၶႂၢင်ႉ ဢၼ်​ၶဝ်​လႆႈ​ၵိၼ်​ယူႇ​ၵႃႈ​ၼႂ်း​မိူင်း​ ပႃႇသၢၼ်ႇ ​တင်း​မိူင်း​ ၵီႉလတ်ႉ မိူၼ်​ၸိူဝ်ႉ​ၼင်ႇ မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ သေ​ၵမ်း​တီႈ​ၶႃႈ၊-</verse>
				<verse number="15">ၸွမ်း​ၵႃႈ​ၼင်ႇ​ဢၼ် ပဵၼ်​ၼႂ်း​မိုဝ်ႉ​ဝၼ်း ဢၼ်​မႂ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​ၼၼ်ႉ​လႄႈ၊ ၵဝ်​တၵ်း​ၼႄ​ပျႃး​လွင်ႈ​တၢင်း​ဢၼ်​လီ​ဢၢမ်း​ၼႃႇ​တင်း​လၢႆ တီႈ​ၶဝ်​ဢေႃႈ။-</verse>
				<verse number="16">ၵူၼ်း​ၵူႈ​ၸိူဝ်ႉ​ၵူႈ​မဵဝ်း​တၵ်း​ႁၼ်​လႄႈ ၵႂင်​ၸႂ်​ယုင်ႈ​ၸႂ်​ၵွပ်ႈ​ပိူဝ်ႈ တၼ်း​ၶူဝ်း​ၵႃႈ​ဢၼ်​မီး​တီႈ​ၶဝ်​ၼၼ်ႉ​လႄႈ ဢဝ်​မိုဝ်း​ၶဝ်​တူမ်း​သူပ်း​ၶဝ် ယူႇ​သေ​လႄႈ ႁူ​ၼူၵ်ႇ​ယူႇ​ဢေႃႈ။-</verse>
				<verse number="17">ၶဝ်​ၼၼ်ႉ တၵ်း​လေး​ၵိၼ်​လိၼ် မိူၼ်​ၸိူဝ်ႉ​ၼင်ႇ​ငူး​လႄႈ သၼ်ႇ​သၼ်ႇ​သၢႆ​သၢႆ​ယူႇ​သေ​လႄႈ ဢွၵ်ႇ​သေ ၵႃႈ​ၼႂ်း​လုၵ်း​ၼႂ်း​ၶုမ် ၶဝ်​မႃး မိူၼ်​ၸိူဝ်ႉ​ၼင်ႇ​တိူၵ်ႇ​လိူၼ်​ဢေႃႈ။ ၶဝ်​တၵ်း​ဢွၼ်​ၵၼ်​ရူဝ်ႇ​သေႇ​ၵူဝ်​ယမ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ႁဝ်း​လႄႈ တူၵ်း​ၸႂ်​ၵူဝ်​ႁႄ ၵွပ်ႈ​ပိူဝ်ႈ​မႂ်း​ဢေႃႈ။-</verse>
				<verse number="18">ၽြႃး​ဢၼ်​မိူၼ်​ၸိူဝ်ႉ​ၼင်ႇ​ၸဝ်ႈ​ႁဝ်း ဢၼ်​ၸၢင်ႈ​ပွႆႇ​လွတ်ႈ​ဢပႅတ်ႈ၊ ဢၼ်​ယိူၼ်ႉ​ၶၢမ်ႇ တၢင်း​ဢၼ်​ၵူၼ်း​ဢမူၺ်ႇ​မၼ်း​ၸဝ်ႈ ဢၼ်​ယင်း​ၵိုတ်း​ယင်း​ၵျၢၼ်ႇ ၸိူဝ်း​ၼၼ်ႉ ၽိတ်း​ပိူင်ႈ​ပူၼ်ႉ​လိူဝ်၊ ဢၼ်​ဢမ်ႇ​ၸၢင်ႈ​မီး တၢင်း​ၸႂ်​မႆႈ​ၶႆႈ​ၸႃႉ​ယူႇ​သေႇ​သေႇ ၵွပ်ႈ​ပိူဝ်ႈ​ဢၼ်​မူၼ်ႈ​ပျေႃႇ​ယူႇ ၵႃႈ​ၼႂ်း​ၵရူႉၼႃႇ​ၼၼ်ႉ​ၼႆႉ ယင်း​မီး​ၽြႃး​သူႇ​လႂ်​ပႃး​လႂ် လူး​ၵွၼ်ႇ​တီႈ​ၶႃႈ၊-</verse>
				<verse number="19">မၼ်း​ၸဝ်ႈ​တၵ်း​သမ်ႉ​ဝၢႆႇ​ၶိုၼ်း​သေ​လႄႈ ဢဵတ်း​လူ​ႁဝ်း​လႄႈ ယဵပ်ႇ​ယမ်ႈ​တူႉ​ၸရိူၵ်ႈ​ႁဝ်း ၵႃႈ​မီး​ၼၼ်ႉ ပႅတ်ႈ​တႂ်ႈ​တိၼ်​မၼ်း​ၸဝ်ႈ​ဢေႃႈ။ ၸဝ်ႈ​ႁဝ်း​တၵ်း​ဢဝ်​ဢပႅတ်ႈ​ၶဝ် ၵူႈ​ၸိူဝ်ႉ​ၵူႈ​ပိူင်​ၼၼ်ႉ ၶျႃး​တူၵ်း​ပႅတ်ႈ​ၵႃႈ​ၼႂ်း​ပၢင်ႇ​လၢႆႇ ဢၼ်​လိုၵ်ႉ​ဢၼ်​လမ်ႇ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="20">ၸဝ်ႈ​ႁဝ်း​တၵ်း​ၸီႇ​ယၢင်ႇ တၢင်း​ဢၼ်​ပႂ်ႉ​သဵတ်ႈ​ၸႃႇ​တီႈ​ ယႃႇၵုပ်ႈ ၊ တၢင်း​ဢၼ်​ႁဵတ်း​ၵျေး​ၸူး​တီႈ ဢႃႇပြႃႇႁၢမ်ႇ ၸွမ်း​ၵႃႈ​ၼင်ႇ​ဢၼ် ၸဝ်ႈ​ႁဝ်း​တိူင်ႇ​ဝႃႈ​ဝႆႉ တီႈ​ပူႇ​မွၼ်ႇ​ၶႃႈ​ၸဝ်ႈ​ႁဝ်း​ၶဝ် ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ၼၼ်ႉ​ဢေႃႈ။ ၵျၢမ်း​ဢၼႃႇၵၢတ်ႈ​တီႉ​မီႉၶႃႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="34">
			<chapter number="1">
				<verse number="1">ဢၼ်​ပဵၼ်​ပျႃႇ​တိၵ်ႈ​ၸဝ်ႈ လူၺ်ႈ​လွင်ႈ ဝဵင်း​ ၼီႉၼေႇဝူၺ်ႇ ​လႄႈ ပဵၼ်​လိၵ်ႈ ရူႇပႃႇရူင်ႇ ၼႃႇႁုမ်ႇ ၵူၼ်း​ဝၢၼ်ႈ ဢေးလႃႉၵေႃးသႃႉ ​ၼၼ်ႉ​ၸမ်ႉ၊</verse>
				<verse number="2">ထႃႇဝရႃႉ​ၽြႃး ပဵၼ်​ၽြႃး​ဢၼ်​ယုမ်ႇ​ငၢႆႈ လွင်ႈ​ဢၼ်​မီး​ဢပႅတ်ႈ​လႄႈ ၸၢင်ႈ​ပၼ်​တၢမ်ႇ​ဢေႃႈ။ ထႃႇဝရႃႉ​ၽြႃး​ၸၢင်ႈ​ပၼ်​တၢမ်ႇ​လႄႈ မီး​တဵမ်​ဝႆႉ​တင်း တၢင်း​ၸႂ်​မႆႈ​ၶႆႈ​ၸႃႉ ဢၼ်​ႁႅင်း​ယႂ်ႇ​ၼႃႇ​ဢေႃႈ။ ထႃႇဝရႃႉ​ၽြႃး​ၸၢင်ႈ​ပၼ်​တၢမ်ႇ တီႈ​ၶဝ်​ၸိူဝ်း​ဢၼ် ႁဵတ်း​ၶတ်း​ၵၼ် တင်း​မၼ်း​ၸဝ်ႈ​ၼၼ်ႉ​လႄႈ ဝႆႉ​တၢင်း​ၽိတ်း တီႈ​ရၢၼ်ႇ​သူႇ​မၼ်း​ၸဝ်ႈ တင်း​လၢႆ​ဢေႃႈ။-</verse>
				<verse number="3">ထႃႇဝရႃႉ​ၽြႃး ၸႂ်​ယႂ်ႇ​ၸႂ်​ယၢဝ်း​လႄႈ မီး​တၼ်း​ၶူဝ်း​ဢၼ်​ယႂ်ႇ​ၼႃႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မၼ်း​ၸဝ်ႈ​ဢမ်ႇ​ပွႆႇ ၵေႃႉ​ဢၼ်​ဢပႅတ်ႈ တႄႇ​ယူႇ​ၼၼ်ႉ လွတ်ႈ​သေ​ၵႃႈ​ၼႂ်း ဢပႅတ်ႈ​မၼ်း​ၼၼ်ႉ။ ထႃႇဝရႃႉ​ၽြႃး ၸွမ်း​သဵၼ်ႈ​တၢင်း​မၼ်း​ၸဝ်ႈ​ၵႂႃႇ ၵႃႈ​ၼႂ်း​လူမ်း​ၽိဝ်ႇ​ႁုင် ဢိၵ်ႇ​တင်း ၽူၼ်​လူင်​လူမ်း​လူင်​လႄႈ ၽႃႈ​ၽူၼ်​တင်း​လၢႆ ပဵၼ်​ၸိူဝ်ႉ​ၼင်ႇ မုၼ်ႈ​လိၼ်​ၼၼ်ႉ ၵႃႈ​တႂ်ႈ​ၽႃႇ​တိၼ်​မၼ်း​ၸဝ်ႈ​ဢေႃႈ။-</verse>
				<verse number="4">မၼ်း​ၸဝ်ႈ​သင်ႇ​သွၼ်​သုင်း​မႃႉ ၼမ်ႉ​ပၢင်ႇ​လၢႆႇ သေ​လႄႈ ႁႂ်ႈ​ၼမ်ႉ​ယူတ်း​ႁႅင်ႈ​ၵႂႃႇ​လႄႈ ၼမ်ႉ​ႁွင်ႈ​ၼမ်ႉ​ၵႄး တင်း​သဵင်ႈ​တင်း​လူင် ႁႅင်ႈ​ႁွင်​ၵႂႃႇ​ဢေႃႈ။ လွႆ​ ပႃႇသၢၼ်ႇ တင်း​လွႆ​ ၵရမေႇလႃႉ ​ၸိူဝ်း​ၼၼ်ႉ ၸႃႉ​ႁဵဝ်ႇ​ၸွပ်ႈ​ၵႂႃႇ​လႄႈ မွၵ်ႇ​ လေႇပၼုၼ်ႇ ​ၵေႃႈ လႆႈ​ႁဵဝ်ႇ​ၸွပ်ႈ​ၵႂႃႇ​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​မၼ်း​ၸဝ်ႈ​လႄႈ လွႆ​တင်း​လၢႆ သၼ်ႇ​ဝႆ​ၶွၼ်း​ၶဝ်ႇ​ယူႇ၊ ၵုင်း​တင်း​လၢႆ ၸိူမ်ႈ​ပဵၼ်​ၼမ်ႉ​ၵႂႃႇ​ယူႇ၊ ၸႃႉ​ၸဵမ်​လိၼ်​မိူင်း​လႄႈ လေႃးၵထၢတ်ႈ တင်း​ၵူၼ်း​ၵႃႈ​ဢၼ်​ယူႇ ၵႃႈ​ၼႂ်း​မၼ်း​ၼၼ်ႉ ၶၢႆႉ​တီႈ​သေ​ၵႃႈ​တီႈ ၽၢႆႇ​ၼႃႈ​မၼ်း​ၸဝ်ႈ​ယူႇ​ဢေႃႈ။-</verse>
				<verse number="6">ၽူႈ​လႂ်​တၵ်း ၸုၵ်း​ၶၢမ်ႇ​ယူႇ ၵႃႈ​တီႈ​ၽၢႆႇ​ၼႃႈ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ၼၼ်ႉ​လႆႈ။ ၽူႈ​လႂ်​တၵ်း​ယူႇ​သဝ်း ၵႃႈ​ၼႂ်း​ဢၢႆ​ႁႅင်း တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ ၼၼ်ႉ​လႆႈ။ ဢၢႆ​ႁႅင်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ လႆႈ​ၶၢမ်ႇ​တၢင်း​ဢၼ်​ထွၵ်ႇ​ႁိုဝ်ႈ၊ မိူၼ်​ၸိူဝ်ႉ​ၼင်ႇ တၢင်း​ဢၼ်​ၽႆး​မႆႈ​ၼၼ်ႉ​လႄႈ မၢၵ်ႇ​ႁိၼ်​မၢၵ်ႇ​ၽႃ​တင်း​လၢႆ လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​ၵိူၼ်ႇ​ယႃႉ ၶျႃး​တူၵ်း​ပႅတ်ႈ​ဢေႃႈ။-</verse>
				<verse number="7">ထႃႇဝရႃႉ​ၽြႃး ပဵၼ်​ဢၼ်​လီ​ဢၼ်​ငၢမ်း​လႄႈ ပဵၼ်​တိူၵ်ႈ​တီႈ​တိုၵ်း​သိုၵ်း ၼႂ်း​မိူဝ်ႈ​ဢၼ် ၽေး​ႁွတ်ႈ​ထိုင်​ၼၼ်ႉ​ဢေႃႈ။ မၼ်း​ၸဝ်ႈ​ႁူႉ​ၸၵ်း ၶဝ်​ၸိူဝ်း​ဢၼ်​သွၼ်ႈ​ပိုင်ႈ​မၼ်း​ၸဝ်ႈ ၼၼ်ႉ​ယူႇ​ဢေႃႈ။-</verse>
				<verse number="8">မၼ်း​ၸဝ်ႈ​တၵ်း​ဢဝ် ၼမ်ႉ​ႁွင်ႈ​ဢၼ်​ၼွင်း ထူမ်ႈ​ႁူမ်ႇ​ၼၼ်ႉ ႁႂ်ႈ​တီႈ​ယူႇ​ဝဵင်း​ၼၼ်ႉ သုမ်း​ၸွမ်း​လႄႈ လပ်း​သိင်ႇ တၵ်း​လိုပ်ႈ​ၸွမ်း​လမ်း​ၸွမ်း ရၢၼ်ႇ​သူႇ​မၼ်း​ၸဝ်ႈ တင်း​လၢႆ​ဢေႃႈ။-</verse>
				<verse number="9">သူ​ၵျၢမ်ႇ​ပွင်​ၸိူဝ်ႉ​ၼင်ႇ​ႁိုဝ်​ယူႇ​ၽၢႆႇ​ၼိုင်ႈ​တင်း ထႃႇဝရႃႉ​ၽြႃး။ မၼ်း​ၸဝ်ႈ တၵ်း​ဢဝ်​သုမ်း​ၸွမ်း​ပႅတ်ႈ ႁႂ်ႈ​ယဝ်ႉ​ႁႂ်ႈ​တူဝ်ႈ​ဢေႃႈ။ ၵမ်း​လိုၼ်း တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢမ်ႇ​လႆႈ​ပေႃႇ​လႆႈ​မႃး​ထႅင်ႈ။-</verse>
				<verse number="10">ၶဝ်​ၼၼ်ႉ ၼင်ႇ​ၵၼ်​ၵၼ် ၶွင်ႈ​ၶမ်​ၸပ်း​ၵၼ်​ယူႇ မိူၼ်​ၸိူဝ်ႉ​ၼင်ႇ တူၼ်ႈ​ၼၢမ် ဢိၵ်ႇ​တင်း ပဵၼ်​ၸိူဝ်ႉ​ၼင်ႇ​ဢၼ် မဝ်း​လဝ်ႈ​လူၺ်ႈ ၼမ်ႉ​ၸပိတ်ႈ​ယူႇ​သေ​လႄႈ တၵ်း​လႆႈ​ဢွၼ်​ၵၼ်​ၶၢမ်ႇ တၢင်း​ဢၼ်​ၽႆး​မႆႈ မိူၼ်​ၸိူဝ်ႉ​ၼင်ႇ ယိူဝ်ႈ​ႁႅင်ႈ​ယိူဝ်ႈ​ႁွင်​ၼၼ်ႉ​ဢေႃႈ။-</verse>
				<verse number="11">ၵေႃႉ​ဢၼ်​ၵျၢမ်ႇ​ပွင်​ဢၼ်​ဢမ်ႇ​လီ​ယူႇ ၽၢႆႇ​ၼိုင်ႈ​တင်း​ထႃႇဝရႃႉ​ၽြႃး​လႄႈ တိူင်ႇ​ပၢင်ႇ​ဢႃႉထမ်ႇမႃႉ ယူႇ​ၼၼ်ႉ ပေႃႇ​ဢွၵ်ႇ​ပဵၼ်​မႃး ၵႃႈ​ၼႂ်း​မႂ်း​ယဝ်ႉ။</verse>
				<verse number="12">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပိၵ်ႉ​သမ်ႉ​ၶဝ်​ၸေး​ၸုမ်ႇ​လႄႈ ၼပ်ႉ​ဢၢၼ်ႇ မီး​ၼမ်​ၼႃႇ​သေ​ၵေႃႈ ၶဝ်​တၵ်း​လႆႈ​ဢွၼ်​ၵၼ် သုမ်း​ၸွမ်း​လႄႈ လပ်ႉ​ႁၢႆ​ၵႂႃႇ​ဢေႃႈ။ ပိၵ်ႉ​သမ်ႉ​ၵဝ်​ယၢမ်ႈ ၼိၵ်ႈ​ၸၢၵ်ႈ​ငႅၼ်း​သႄး​မႂ်း​သေ​ၵေႃႈ ၵမ်း​လိုၼ်း ၵဝ်​တၵ်း ဢမ်ႇ​ၼိၵ်ႈ​ၸၢၵ်ႈ ငႅၼ်း​သႄး​မႂ်း​ထႅင်ႈ။-</verse>
				<verse number="13">မိူဝ်ႈ​လဵဝ်​ၼႆႉ​ၸိုင်၊ ၵဝ်​တၵ်း​ႁၵ်း​ႁဵၵ်း​ၵၢၼ်း​မႂ်း​ၼၼ်ႉ ပႅတ်ႈ​သေ​ၵႃႈ​တီႈ​မႂ်း​လႄႈ တိုတ်ႉ​ၸိူၵ်ႈ​ဢၼ်​မတ်ႉ​ၽုၵ်ႇ​မႂ်း ၸိူဝ်း​ၼၼ်ႉ ၶၢတ်ႇ​ပႅတ်ႈ​ဢေႃႈ။-</verse>
				<verse number="14">ထႃႇဝရႃႉ​ၽြႃး​ၸီႇ​ယၢင်ႇ လူၺ်ႈ​လွင်ႈ​မႂ်း​ဝႆႉ​ၸမ်ႉ၊ မဵဝ်း​မႂ်း​ဢမ်ႇ​လႆႈ​သိုပ်ႇ​ၵႂႃႇ​တိူၼ်း​ၵႂႃႇ။ ၵဝ်​တၵ်း​ပႄႇ​ၽဵဝ်ႈ​ရုၵ်ႈ​ထူႉ ဢၼ်​တွင်ႈ​ႁဵတ်း​ၶၵ်း​ႁဵတ်း ဢိၵ်ႇ​တင်း ရုၵ်ႈ​ထူႉ​ဢၼ်​သွၼ်း​ႁဵတ်း လေႃႇ​ႁဵတ်း​ၼၼ်ႉ ပႅတ်ႈ​သေ​ၵႃႈ​ၼႂ်း​ၵျွင်း​ၽြႃး​မႂ်း​ဢေႃႈ။ ၵွပ်ႈ​ပိူဝ်ႈ​ဢၼ်​မႂ်း​ယုတ်ႈ​မိူၵ်ႈ​လႄႈ ၵဝ်​တၵ်း​ႁဵတ်း​ႁႂ်ႈ​မၼ်း​ပဵၼ် ပႃႇ​ႁဵဝ်ႈ​သၢင်း​ၶႅင်း​မႂ်း​ဢေႃႈ။-</verse>
				<verse number="15">ဢွၼ်​ၵၼ်​တူၺ်း​တိၼ် ၵေႃႉ​ဢၼ်​မွၵ်ႇ​လၢတ်ႈ​သတၢင်း​သိူဝ်း​ပျေႃႇ​လႄႈ ႁွင်ႉ​ပၢဝ်ႇ​ႁွင်ႉ​သေႃႇ လွင်ႈ​တၢင်း​ဢၼ်​ၼိမ်​ဢၼ်​လီ​ၼၼ်ႉ ယူႇ​ၵႃႈ​ၼိူဝ်​လွႆ​တင်း​လၢႆ ၼၼ်ႉ​တႃႉ။ မဵဝ်း​ ယူႉတႃႉ ​ဢိူၺ်း၊ ၶၢမ်ႇ​ပွႆး​ထမ်ႇမႃႉ​မႂ်း ၸိူဝ်း​ၼၼ်ႉ​တႃႉ။ ၽေႇ​ဝၢတ်ႈ​ၵတီႉ သဵတ်ႈ​ၸႃႇ​မႂ်း ၸိူဝ်း​ၼၼ်ႉ​တႃႉ။ ၵမ်း​လိုၼ်း ၵေႃႉ​ဢၼ်​ႁၢႆႉ​ဢၼ်​မိူၵ်ႈ​ၼၼ်ႉ ဢမ်ႇ​လႆႈ​ယဵပ်ႇ​လႆႈ​ၶၢမ်ႈ​မႂ်း။ မၼ်း​လႆႈ​ၶၢမ်ႇ​တၢင်း​ဢၼ် ပႄႇ​တႅပ်း​ပႅတ်ႈ မူတ်း​မူတ်း​သဵင်ႈ​သဵင်ႈ​ယဝ်ႉ။</verse>
			</chapter>
			<chapter number="2">
				<verse number="1">ၵေႃႉ​ဢၼ် ႁႂ်ႈ​ၽၢတ်ႇ​ၽႄ​ၵၼ်​ၼၼ်ႉ ႁွတ်ႈ​မႃး​ၵႃႈ​တီႈ​ၽၢႆႇ​ၼႃႈ​မႂ်း ယဝ်ႉ​ယဝ်ႉ။ ႁဵတ်း​သတီႉ တီႈ​တိူၵ်ႈ​တီႈ​တိုၵ်း​သိုၵ်း​မႂ်း​လႄႈ ပႂ်ႉ​တႃႈ​ပႂ်ႉ​တၢင်း​ယူႇ​တႃႉ။ ႁႂ်ႈ​ဢႅဝ်​မႂ်း မၼ်ႈ​ၶိူင်ႇ ႁွမ်​ႁႅင်း​ထႅင်ႈ တိၵ်း​တိၵ်း​တႃႉ။-</verse>
				<verse number="2">လွင်ႈ​မၼ်း​ၸမ်ႉ ထႃႇဝရႃႉ​ၽြႃး မႄး​ၵုမ်း​မႄး​ႁဵတ်း မုၼ်​ၽုင်း​ ယႃႇၵုပ်ႈ မိူၼ်​ၸိူဝ်ႉ​ၼင်ႇ မုၼ်​ၽုင်း​ ဢီႉသရေႇလႃႉ ​ဢေႃႈ။ ၶဝ်​ၸိူဝ်း​ဢၼ် ထွတ်ႇ​ပႅတ်ႈ​ၼၼ်ႉ ဢွၼ်​ၵၼ်​ဢဝ်​ၶဝ် ထွၵ်ႇ​ပႅတ်ႈ​လႄႈ ယႃႉ​ၵိင်ႇ​ၶဝ်​ၶႃႊ​ၶဝ်​ပႅတ်ႈ​ယဝ်ႉ​ယဝ်ႉ။-</verse>
				<verse number="3">ၶိူင်ႈ​ႁႄႉ​လၢၵ်ႈ​ၼၢၵ်ႈ ဢၼ်​ၵူၼ်း​သိုၵ်း​မၼ်း ဢၼ်​ႁႅင်း​ယႂ်ႇ​ၼႃႇ ၸိူဝ်း​ၼၼ်ႉ လႆႈ​ပဵၼ်​ဢၼ်​လႅင်း​လႄႈ ႁူဝ်​ႁၢၼ်​ၵူၼ်း​သိုၵ်း​မၼ်း​တင်း​လၢႆ ၼုင်ႈ​ၶူဝ်း​ၼုင်ႈ ဢၼ်​လႅင်​ၵမ်ႇ​ဢေႃႈ။ ၼႂ်း​မိုဝ်ႉ​ဝၼ်း​ဢၼ်​မၼ်း ၶၢင်း​တပ်ႉ​ၶၢင်း​ငႃး မၼ်း​ၼၼ်ႉ လေႃႉ​ရထႃး​တင်း​လၢႆ ႁိူဝ်ႈ​မၢပ်ႈ​မႅပ်ႈ လူၺ်ႈ​ၵၼ်​တင်း​လၢၵ်ႈ​ၼၢၵ်ႈ လဵၵ်း​လႄႈ ၵၼ်း​ႁွၵ်ႇ​တင်း​လၢႆ မီး​တၢင်း​ဢၼ် ၽႅတ်း​ဝႆ​သၼ်ႇ​ၶွၼ်း ၼႃႇ​လူင်​လၢင်​ဢေႃႈ။-</verse>
				<verse number="4">လေႃႉ​ရထႃး​ၸိူဝ်း​ၼၼ်ႉ မေႃး​ယူႇ​ႁိုင်း​ႁိုင်း​ႁၢင်း​ႁၢင်း ၵႃႈ​ၼႂ်း​သဵၼ်ႈ​တၢင်း​လႄႈ ၶုၼ်ႇ​လႅၼ်ႈ တၢင်း​တႂ်ႈ​တၢင်း​ၼိူဝ် ၵႃႈ​ၼႂ်း​တီႈ​ဢၼ် ၵႂၢင်ႈ​လီ​လႃး​လီ ၸိူဝ်း​ၼၼ်ႉ​ဢေႃႈ။ မီး​ဢရွင်ႇ​ႁၢင်ႈ​ၽၢင် မိူၼ်​ၸိူဝ်ႉ​ၼင်ႇ ၵၢၼ်ႈ​ၽႆး​လႄႈ ႁိူဝ်ႈ​မၢပ်ႈ​မႅပ်ႈ​ယူႇ မိူၼ်​ၸိူဝ်ႉ​ၼင်ႇ ၽႃႉ​မႅပ်ႈ​ၼၼ်ႉ​ဢေႃႈ။-</verse>
				<verse number="5">မၼ်း​ၸဝ်ႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မူး​မၢတ်ႈ​ၽွင်း​မိူင်း​တင်း​လၢႆ​လႄႈ ၶဝ်​ၼၼ်ႉ ၶီႈ​လိုတ်း​လႄႈ​လူမ်ႉ ၼႂ်း​မိူဝ်ႈ​ဢၼ်​ၶဝ် ယင်း​တိုၵ်ႉ​ၶီႇ​ၵႂႃႇ​ယူႇ ၼၼ်ႉ​ဢေႃႈ။ ၶဝ်​ႁိပ်ႈ​ၼႅတ်ႈ သုတ်ႉ​ၸပ်း​သုတ်ႉ​ၸူး ၵႃႈ​တီႈ​လမ်း​ဝဵင်း​လႄႈ ပွင်​ႁဵတ်း​ပွင်​မႄး ၵၢပ်ႇ​ၸႃႈ​ဢေႃႈ။-</verse>
				<verse number="6">ၽၵ်း​တူ​ၼမ်ႉ​ႁွင်ႈ​တင်း​လၢႆ မီး​တၢင်း​ဢၼ်​ၽုၺ်ႇ​ပိုတ်ႇ​လႄႈ ႁေႃ​ၶမ်း​ၸဝ်ႈ​ၼၼ်ႉ လႆႈ​လပ်ႉ​ႁၢႆ​ၵႂႃႇ​ဢေႃႈ။-</verse>
				<verse number="7">ဢမိင်ႉ​ၸဝ်ႈ မီး​ဝႆႉ​ယဝ်ႉ။ မၼ်း​လႆႈ​ၶၢမ်ႇ တၢင်း​ဢၼ်​ထွတ်ႇ​ၶူဝ်း​ၼုင်ႈ​ပႅတ်ႈ​သေ​လႄႈ ဢဝ်​ၵႂႃႇ​ဢေႃႈ။ ၸိူင်ႉ​ၼၢင်း​မၼ်း​ၸိူဝ်း​ၼၼ်ႉ လႆႈ​ဢိုတ်း​ႁွင်ႉ ၶၢင်း​ၶီ​ၶၢင်း​ၽၢၼ် မိူၼ်​ၸိူဝ်ႉ​ၼင်ႇ ၼူၵ်ႉ​တူႈ​ဢိုတ်း​ႁွင်ႉ​လႄႈ တူပ်း​ဢူၵ်း ယူႇ​သေ​လႄႈ ၸွမ်း​ၵႂႃႇ​ဢေႃႈ။-</verse>
				<verse number="8">ၸႃႉ​ၸဵမ်​မိူဝ်ႈ​ၵွၼ်ႇ မိူဝ်ႈ​မိုၼ်ႉ​ၼၼ်ႉ​လႄႈ ဝဵင်း​ ၼီႉၼေႇဝူၺ်ႇ ​ၼၼ်ႉ ပဵၼ်​ၸိူဝ်ႉ​ၼင်ႇ ၼမ်ႉ​ၼွင်​ၼၼ်ႉ​ယူႇ​ဢေႃႈ။ မိူဝ်ႈ​လဵဝ်​ၼႆႉ​ၸမ်ႉ၊ ၶဝ်​ၼၼ်ႉ လႆႈ​ဢွၵ်ႇ​ပၢႆႈ ဢွၵ်ႇ​ၼီ​ဢေႃႈ။ ပိၵ်ႉ​သမ်ႉ ၶဝ်​ဢွၼ်​ၵၼ်​ႁွင်ႉ​သႅၼ်ႇ​လႄႈ​ဝႃႈ၊ ၵိုတ်း​သဝ်း​တႃႉ၊ ဝႃႈ​ၼင်ႇ​ၼႆ​သေ​ၵေႃႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ဝၢႆႇ​ၶိုၼ်း​တူၺ်း​ၶိုၼ်း။-</verse>
				<verse number="9">သူ​ဢွၼ်​ၵၼ်​ႁိမ်​ဢဝ်​ႁူင်ႇ​ဢဝ် ငိုၼ်း​မၼ်း​တႃႉ။ ၶမ်း​မၼ်း​ၵေႃႈ ဢွၼ်​ၵၼ်​ႁိမ်​ဢဝ်​ႁူင်ႇ​ဢဝ်​တႃႉ။ ဢုၵ်ႉ​ၸႃႇ​ဢၼ် သိမ်း​ဝႆႉ​ယဝ်ႉ​ၼၼ်ႉ ၶိူင်ႈ​ပိူင်​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ်​ၵႃႈ​မီး​ၼၼ်ႉ ဢမ်ႇ​သဵင်ႈ​ဢမ်ႇ​မူတ်း​လႆႈ။-</verse>
				<verse number="10">ဝဵင်း​ၼၼ်ႉ လႆႈ​ပဝ်ႇ​ဝႆႉ​ၵူင်​ဝႆႉ​လႄႈ ဢမ်ႇ​မီး​ဢုၵ်ႉ​ၸႃႇ ၵႃႈ​ၼႂ်း​မၼ်း။ ပဵၼ်​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ဝႆႉ​ဢေႃႈ။ ႁူဝ်​ၸႂ်​ၶဝ် မီး​တၢင်း​ဢၼ်​လူႉ​ယူႇ၊ ႁူဝ်​ၶဝ်ႇ​ၶဝ် ၼင်ႇ​ၵၼ်​ၵၼ် တုမ်ႉ​ၵၼ်​တွၵ်ႉ​ၵၼ်​ယူႇ၊ ဢႅဝ်​ၶဝ်​ၵႃႈ​မီး မီး​တၢင်း​ဢၼ်​ၶူပ်း ဢၼ်​ငၢၼ်ႈ​ယူႇ​သေ​လႄႈ ၼႃႈ​ၶဝ် မီး​တၢင်း​ဢၼ်​ႁႅတ်ႇ​ႁႅင်ႈ​ၵႂႃႇ​ယူႇ​ဢေႃႈ။-</verse>
				<verse number="11">တီႈ​ဢၼ်​ပဵၼ် တီႈ​ယူႇ​သၢင်ႇ​သီႈ၊ တီႈ​ဢၼ်​သၢင်ႇ​သီႈ​ၼုမ်ႇ​ၵိၼ်၊ တီႈ​ဢၼ်​သၢင်ႇ​သီႈ​တူဝ်​ပေႃႈ၊ သၢင်ႇ​သီႈ​တူဝ်​မႄႈ၊ သၢင်ႇ​သီႈ​ဢွၼ်ႇ​တင်း​လၢႆ ၵႂႃႇ​ၵႂႃႇ​မႃး​မႃး​ယူႇ​လႄႈ ၽူႈ​လႂ်​ဢမ်ႇ​လႆႈ​ႁႂ်ႈ​ၶဝ် ၵူဝ်​ႁႄ​ၼၼ်ႉ မီး​ၵႃႈ​လႂ်။-</verse>
				<verse number="12">သၢင်ႇ​သီႈ​တူဝ်​ပေႃႈ​ၼၼ်ႉ ၶူပ်း​ၶၢတ်ႇ​ဝႆႉ ပုၼ်ႈ​လုၵ်ႈ​ဢွၼ်ႇ​လၢင်း​ဢွၼ်ႇ​မၼ်း တင်း​လၢႆ​ယူႇ၊ ငႅၼ်း​ၶေႃး​ဝႆႉ ပုၼ်ႈ​သၢင်ႇ​သီႈ​တူဝ်​မႄႈ​ယူႇ​သေ​လႄႈ ႁႂ်ႈ​ထမ်ႈ​မၼ်း ႁူး​မၼ်း တဵမ်​ဝႆႉ​တင်း​တူဝ်​ဢၼ် ႁိမ်​ဢဝ်​တီႉ​လႆႈ​ၸိူဝ်း​ၼၼ်ႉ ဢိၵ်ႇ​တင်း ႁူး​တီႈ​ယူႇ​မၼ်း တဵမ်​ဝႆႉ​တင်း တူဝ်​ဢၼ်​ယႃႉ​ပႅတ်ႈ​သိမ်း​ဢဝ်​ၼၼ်ႉ​ဢေႃႈ။-</verse>
				<verse number="13">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး။ ၵဝ်​ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။ ၵဝ်​တၵ်း​ဢဝ်​လေႃႉ​ရထႃး​မႂ်း ၸိူဝ်း​ၼၼ်ႉ တုတ်ႇ​ၵႃႈ​ၼႂ်း​ၵႂၼ်း​ၽႆး​လႄႈ လၢပ်ႇ​လႅဝ်း တၵ်း​ၵိၼ်​သၢင်ႇ​သီႈ​ၼုမ်ႇ​မႂ်း ၸိူဝ်း​ၼၼ်ႉ​ပႅတ်ႈ​ဢေႃႈ။ ၵဝ်​တၵ်း​ပႄႇ​ၽဵဝ်ႈ​ဢုၵ်ႉ​ၸႃႇ ဢၼ်​မႂ်း​ႁိမ်​ႁူင်ႇ​ဢဝ်​ၼၼ်ႉ ပႅတ်ႈ​သေ​ၵႃႈ​ၼိူဝ် လိၼ်​မိူင်း​လႄႈ ၵမ်း​လိုၼ်း ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လႆႈ​ငိၼ်း​သဵင်​ၵႂၢမ်း သၢၼ်ႇတမၢၼ်ႇ​မႂ်း​ၸိူဝ်း​ၼၼ်ႉ။</verse>
			</chapter>
			<chapter number="3">
				<verse number="1">ႁႂ်ႈ​ဢႃႉ​မင်ႇၵလႃႇ မီး​တီႈ​ဝဵင်း ဢၼ်​ၸၢင်ႈ ထွၵ်ႇ​လိူတ်ႈ​ၵူၼ်း​ပႅတ်ႈ​ၼၼ်ႉ သေ​ၵမ်း​လူၺ်ႈ။ ဝဵင်း​ၼၼ်ႉ ပျေႉ​ၸုမ်ႇ​တဵမ်​ဝႆႉ​တင်း တၢင်း​ဢၼ်​ပႅတ်ႉ​လႅၼ်၊ တၢင်း​ဢၼ်​ႁဵတ်း ဢႃႉထမ်ႇမႃႉ​ဢေႃႈ။ ဢမ်ႇ​ၸၢင်ႈ​ပွႆႇ လွင်ႈ​တၢင်း​ဢၼ်​တီႉ​လႆႈ​ၼၼ်ႉ​လွတ်ႈ။-</verse>
				<verse number="2">လႆႈ​ငိၼ်း​သဵင်​ဢၼ် ဢဝ်​ၶွၼ်ႉ​ႁေႃႈ​ပေႃႉ​ယႅၼ်ႉ၊ သဵင်​မၢၵ်ႇ​လေႃႉ​ၵိင်ႈ၊ သဵင်​မႃႉ​ဝႅၼ်၊ သဵင်​လေႃႉ​ရထႃး​လႅၼ်ႈ​ဢေႃႈ။-</verse>
				<verse number="3">မီး​တၢင်း​ဢၼ် ၵူၼ်း​သိုၵ်း​ၶီႇ​မႃႉ​ယူႇ၊ တၢင်း​ဢၼ်​လၢပ်ႇ​ႁိူဝ်ႈ မၢပ်ႈ​မႅပ်ႈ​ယူႇ၊ တၢင်း​ဢၼ် ႁွၵ်ႇ​ၽႃႉ​မႅပ်ႈ​ယူႇ၊ တၢင်း​ဢၼ် ၵူၼ်း​တၢႆ​ၼမ်​ၼႃႇ​ယူႇ၊ တၢင်း​ဢၼ် တူဝ်​တၢႆ ပဵၼ်​ပုမ်ႇ​ပဵၼ်​ၵွင်​ယူႇ​ဢေႃႈ။ ၼပ်ႉ​ဢၢၼ်ႇ တူဝ်​တၢႆ​ၸိူဝ်း​ၼၼ်ႉ​လႄႈ ဢမ်ႇ​သဵင်ႈ​လႆႈ။ ၶဝ်​ဢွၼ်​ၵၼ် ၶီႈ​လိုတ်း​တူဝ်​တၢႆ ၸိူဝ်း​ၼၼ်ႉ မႅၼ်ႈ​လႄႈ​လူမ်ႉ​ဢေႃႈ။-</verse>
				<verse number="4">လွင်ႈ​တၢင်း​ၸိူဝ်း​ၼၼ်ႉ ပဵၼ်​ၵွပ်ႈ​ပိူဝ်ႈ​ဢမူႉ​မေႇ​ထုင်ႇ ဢၼ်​ဢမ်ႇ​တြႃး ဢၼ်​မႄႈ​မွၵ်ႇ​ယႃႈ ဢၼ်​ႁၢင်ႈ​လီ​ၽၢင်​လီ​လႄႈ ၸၢင်ႈ​ၸေႃႉ ၸၢင်ႈ​ႁဵတ်း၊ ဢၼ်​ဢဝ်​မေႇ​ထုင်ႇ ဢၼ်​ဢမ်ႇ​တြႃး​တင်း​လၢႆ ၵႃႉ​ၶၢႆ​မဵဝ်း​ၵူၼ်း တင်း​လၢႆ၊ ဢၼ်​ဢဝ်​တၢင်း​ဢၼ် ၸၢင်ႈ​ၸေႃႉ​ၸၢင်ႈ​ႁဵတ်း တင်း​လၢႆ ၵႃႉ​ၶၢႆ​မဵဝ်း​ၸိူဝ်ႉ​ၶိူဝ်း တင်း​လၢႆ​ၼၼ်ႉ ႁဵတ်း​ပွၵ်ႈ ၼမ်​ၼႃႇ​ၼၼ်ႉ​ဢေႃႈ။-</verse>
				<verse number="5">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ယူႇ​ၽၢႆႇ​ၼိုင်ႈ​တင်း​မႂ်း ဢေႃႈ။ ၵဝ်​တၵ်း​ပိုတ်ႇ​ပိၼ်ႈ ၶူဝ်း​ၼုင်ႈ​မႂ်း​ၶိုၼ်ႈ ၵႃႈ​ၼိူဝ်​ၼႃႈ​မႂ်း​လႄႈ ၼႄ​ပျႃး​တၢင်း​ဢၼ်​မႂ်း မီး​ယူႇ​တူဝ်​ပူၺ်​ၼၼ်ႉ တီႈ​ၼႃႈ​ၵူၼ်း ၵူႈ​ၸိူဝ်ႉ​ၵူႈ​မဵဝ်း ဢိၵ်ႇ​တင်း တၢင်း​ဢၼ်​လီ​ဢူၵ်း​လီ​ဢၢႆ မႂ်း​ၼၼ်ႉ တီႈ​ၵူႈ​သိုင်ႇ ၵူႈ​မိူင်း​ဢေႃႈ။-</verse>
				<verse number="6">ၵဝ်​တၵ်း​ဢဝ် ဢၼ်​ဝူၺ်ႇ​ဢၼ်​ႁင်ႈ ထိမ်ႈ​သႂ်ႇ​တီႈ​မႂ်း​လႄႈ ႁႂ်ႈ​မႂ်း​ၵူဝ်ႈ​ၵိူၵ်ႇ​သေ​လႄႈ ဢဝ်​မႂ်း​ဝႆႉ တီႈ​ဢၼ်​ပိူၼ်ႈ တၵ်း​လူ​တၵ်း​တူၺ်း​ၼၼ်ႉ​ဢေႃႈ။-</verse>
				<verse number="7">ၶဝ်​ၵႃႈ​ဢၼ်​ႁၼ်​မႂ်း​ၼၼ်ႉ တၵ်း​ဢွၼ်​ၵၼ်​ဢွၵ်ႇ​ပၢႆႈ​သေ ၵႃႈ​တီႈ​မႂ်း​လႄႈ လၢတ်ႈ​လႄႈ​ဝႃႈ၊ ဝဵင်း​ ၼီႉၼေႇဝူၺ်ႇ လူႉ​လႅဝ်​ယဝ်ႉ။ ၽူႈ​လႂ်​တၵ်း​ပွင်ႉ တၵ်း​မိူၼ်ႇ ၵွပ်ႈ​ပိူဝ်ႈ​မၼ်း​ၼၼ်ႉ ဝႃႈ​ၼင်ႇ​ၼႆ​ဢေႃႈ။ ၵဝ်​တၵ်း​ႁႃ​ဢဝ် ၶဝ်​ၸိူဝ်း​ဢၼ် ႁႂ်ႈ​မႂ်း​ပျေႃႇ​ၸႂ်​ၼၼ်ႉ ပုၼ်ႈ​မႂ်း​ၵႃႈ​တီႈ​လႂ်​လႆႈ။-</verse>
				<verse number="8">မႂ်း​ၼႆႉ​ယဵင်ႈ​ၶႅၼ်း ယႂ်ႇ​မျၢတ်ႈ​ၼႃႇ​သေ ဝဵင်း​ ၼေႃႇ​ဢမ်ႇမုၼ်ႇ ဢၼ်​တႄႇ​ယူႇ​ၵႃႈ​ၼႂ်း ၵႄႈ​ဝူင်ႈ​ၵၢင်​ၼမ်ႉ​ႁွင်ႈ ၼမ်ႉ​ၵႄး​တင်း​လၢႆ ဢၼ်​ၶူး​မၼ်း​ပဵၼ်​ၼမ်ႉ​ပၢင်ႇ​လၢႆႇ၊ ဢၼ်​လမ်း​မၼ်း​ပဵၼ်​ပၢင်ႇ​လၢႆႇ​ၼၼ်ႉ​ႁိုဝ်။-</verse>
				<verse number="9">မိူင်း​ ၵူႉသႃႉ တင်း​မိူင်း ဢေႇၵိပ်ႉတူႉ ​ၼၼ်ႉ ပဵၼ်​လၢၵ်ႈ​ၼၢၵ်ႈ​မၼ်း​ဢေႃႈ။ ၼပ်ႉ​ဢၢၼ်ႇ တူၺ်း​လႄႈ ဢမ်ႇ​သဵင်ႈ​ဢမ်ႇ​မူတ်း​လႆႈ။ မိူင်း​ ၽူႉတႃႉ တင်း​မိူင်း​ လီႉပူႉ ​ၵေႃႈ ၶဝ်ႈ​ပႃး​ၼႂ်း လၢၵ်ႈ​ၼၢၵ်ႈ​မၼ်း​ဢေႃႈ။-</verse>
				<verse number="10">ၵူၺ်း​ၵႃႈ ဝဵင်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶၢႆႉ​တီႈ ၵႂႃႇ​လႄႈ ပိူၼ်ႈ​သိမ်း​ဢဝ်​ၵႂႃႇ​ယဝ်ႉ​ယဝ်ႉ။ လုၵ်ႈ​ၶဝ်​လၢင်း​ၶဝ်​ၼၼ်ႉ လႆႈ​ၶၢမ်ႇ​တၢင်း​ဢၼ်​ဢဝ်​ႁၵ်း​ႁဵၵ်း သိၵ်ႇ​လႅဝ်​ပႅတ်ႈ ၵႃႈ​တီႈ​ႁူဝ်​တၢင်း​ၵႃႈ​မီး​လႄႈ တူၵ်း​ၸႃႇ​ၵွၵ်ႈ​ပုၼ်ႈ ၵူၼ်း​ဝဵင်း​ဢၼ်​မီး​ၵုင်ႇ​သရေႇ ၸိူဝ်း​ၼၼ်ႉ​သေ​လႄႈ ဢဝ်​ၸိူၵ်ႈ​လဵၵ်း​မတ်ႉ​ၽုၵ်ႇ ၵူၼ်း​ဝဵင်း​ဢၼ်​ႁႅင်း​ယႂ်ႇ​ၼႃႇ ၵႃႈ​မီး​ၼၼ်ႉ​ယဝ်ႉ​ယဝ်ႉ။-</verse>
				<verse number="11">မႂ်း​ၵေႃႈ​တၵ်း​လႆႈ​မဝ်း​လဝ်ႈ မဝ်း​ၵမ်​သေ​လႄႈ တဵတ်ႇ​မႅပ်ႉ​ယူႇ​ဢေႃႈ။ မႂ်း​တၵ်း​လႆႈ​ႁႃ​တီႈ​ဢၼ်​မၼ်ႈ ဢၼ်​ၶိူင်ႇ​ၼၼ်ႉ ႁႂ်ႈ​ၵၢင်း​လွတ်ႈ​မိုဝ်း​ရၢၼ်ႇ​သူႇ​ဢေႃႈ။-</verse>
				<verse number="12">တိူၵ်ႈ​တီႈ​တိုၵ်း​သိုၵ်း​မႂ်း ၵႃႈ​မီး​ၼၼ်ႉ တၵ်း​လႆႈ​ပဵၼ် မိူၼ်​ၸိူဝ်ႉ​ၼင်ႇ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ဢၼ်​မၢၵ်ႇ​မၢၵ်ႇ ဢၼ်​သုၵ်း​ဢွၼ် တၢင်း​ပိူၼ်ႈ​ၼၼ်ႉ​လႄႈ ပေႃး​သၼ်ႇ​ၶွၼ်း​ၸိုင် တၵ်း​တူၵ်း​သႂ်ႇ ၵႃႈ​ၼႂ်း​သူပ်း ၵေႃႉ​ဢၼ်​ၶႂ်ႈ​ၵိၼ်​ၼၼ်ႉ​ဢေႃႈ။-</verse>
				<verse number="13">တူၺ်း​လူး။ ၵူၼ်း​ၵႃႈ​ၼႂ်း​မႂ်း​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​မႄႈ​ယိင်း ၼၼ်ႉ​ဝႆႉ​လႄႈ ၽၵ်း​တူ​မိူင်း​မႂ်း​ၸိူဝ်း​ၼၼ်ႉ မီး​တၢင်း​ဢၼ်​ၽုၺ်ႇ​ပိုတ်ႇ​ပၼ် ၵႂၢင်ႈ​ၵႂၢင်ႈ တီႈ​ရၢၼ်ႇ​သူႇ​မႂ်း သေ​လႄႈ ၽႆး​လႆႈ​မႆႈ​ၵိူၼ်ႇ​ၽၵ်း​တူ​မႂ်း​ၸိူဝ်း​ၼၼ်ႉ​ယဝ်ႉ​ယဝ်ႉ။-</verse>
				<verse number="14">တဵၵ်း​ၼမ်ႉ​ဝႆႉ ပုၼ်ႈ​ၶိင်ႇ​မိူဝ်ႈ​ဢၼ်​ရၢၼ်ႇ​သူႇ​တင်း​လၢႆ လွမ်ႉ​လဵပ်ႈ​ႁွပ်ႈ​ယူႇ​ၼၼ်ႉ​တႃႉ။ ႁႂ်ႈ​တိူၵ်ႈ​တီႈ​တိုၵ်း​သိုၵ်း​တင်း​လၢႆ မၼ်ႈ​ၶိူင်ႇ​တႃႉ။ ၶဝ်ႈ​ၵႃႈ​ၼႂ်း​ၵူမ်ႇ​လႄႈ ယဵပ်ႇ​ၼူတ်ႈ​လိၼ်​ဢုတ်ႇ​သေ​လႄႈ မႄး​ၵုမ်း​မႄး​ႁဵတ်း​တဝ်​ဢုတ်ႇ​တႃႉ။-</verse>
				<verse number="15">ၽႆး​တၵ်း​မႆႈ​မႂ်း ၵႃႈ​တီႈ​ၼၼ်ႈ​လႄႈ၊ လၢပ်ႇ​လႅဝ်း​တၵ်း​တႅပ်း​ၽၼ်း​မႂ်း​ပႅတ်ႈ သေ​လႄႈ ၶူပ်း​ၵိၼ်​မႂ်း​ၸိူဝ်ႉ​ၼင်ႇ​ဢၼ်​မႅင်း​ၵႅင်း​ ယႃႇလိၵ်ႉ ၼၼ်ႉ​ဢေႃႈ။ ၵျူဝ်း​ၸႃး​ႁဵတ်း​ႁႂ်ႈ ၵူၼ်း​မႂ်း​ၼမ်​ၼႃႇ မိူၼ်​ၸိူဝ်ႉ​ၼင်ႇ​ဢၼ် မႅင်း​ၵႅင်း​ ယႃႇလိၵ်ႉ ​ၼၼ်ႉ​လႄႈ ႁႂ်ႈ​ၼမ်​ၼႃႇ မိူၼ်​ၸိူဝ်ႉ​ၼင်ႇ မႅင်း​ၵႅင်း​ ဢရႃႇၽႃႉ ၼၼ်ႉ​တႃႉ။-</verse>
				<verse number="16">ပိၵ်ႉ​သမ်ႉ မႂ်း​ႁႂ်ႈ​ၸဝ်ႈ​ၵုၼ်ႇ ၸဝ်ႈ​သိၼ်​မႂ်း ၼမ်​ၼႃႇ​သေ လၢဝ်​ၵၢင်​ႁၢဝ်​ၸိူဝ်း​ၼၼ်ႉ​သေ​ၵေႃႈ၊ မႅင်း​ၵႅင်း​ ယႃႇလိၵ်ႉ ​ၸိူဝ်း​ၼၼ်ႉ မီး​ၸွတ်ႇ​မီး​တူဝ်ႈ​ဝႆႉ​လႄႈ ဢွၼ်​ၵၼ်​မိၼ်​ၵႂႃႇ​ဢေႃႈ။-</verse>
				<verse number="17">ၶုၼ်​မႂ်း​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​မႅင်း​ၵႅင်း​ ဢရႃႇၽႃႉ ၊ ပူဝ်ႇ​မႂ်း​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ​မႅင်း​ၵႅင်း​ ၵေႃႇ​ၽႃႉ ဢၼ်​ၸၢင်ႈ​ဢွၼ်​ၵၼ်​မူပ်ႇ​ယူႇ ၵႃႈ​တီႈ​ႁိမ်း​ႁူဝ်ႉ​ႁိမ်း​ႁိူၵ်ႈ ၼႂ်း​မိုဝ်ႉ​ဝၼ်း​ဢၼ်​ၵတ်း ၼၼ်ႉ​ဢေႃႈ။ မိူဝ်ႈ​ဢၼ်​လႅတ်ႇ​ဢွၵ်ႇ​ၼၼ်ႉ​ၸိုင် ၶဝ်​မိၼ်​ၵႂႃႇ​လႄႈ ဢမ်ႇ​လႆႈ​ႁူႉ လွင်ႈ​ဢၼ်​ၶဝ်​ႁွတ်ႈ​ထိုင် ၵႃႈ​တီႈ​လႂ်​ၼၼ်ႉ။-</verse>
				<verse number="18">ၶုၼ်​ႁေႃ​ၶမ်း ဢႃႇသူႉရီႉ ​ဢိူၺ်း၊ ၵူၼ်း​ဢၼ်​လဵင်ႉ​သူဝ်း​ထိင်း​သူဝ်း​မႂ်း ၸိူဝ်း​ၼၼ်ႉ ၼွၼ်း​လပ်း​ယူႇ၊ မူး​မၢတ်ႈ​ၽွင်း​မိူင်း​မႂ်း​ၸိူဝ်း​ၼၼ်ႉ ၵိင်း​ဝၢပ်ႈ​ယူႇ၊ ၵူၼ်း​မႂ်း​တင်း​လၢႆ ၸိူဝ်း​ၼၼ်ႉ ၽၢတ်ႇ​ၽႄ​ၵၼ်​ယူႇ ၵႃႈ​ၼိူဝ်​သၼ်​လွႆ​ၵူႈ​တီႈ​ၵူႈ​လႅၼ်​ယူႇ​လႄႈ ၽူႈ​လႂ်​သေ​ၵေႃႉ ဢမ်ႇ​ႁႂ်ႈ​ၶဝ်​ၸူႉ​ၵၼ်​တုမ်​ၵၼ်။-</verse>
				<verse number="19">တၢင်း​ၸဵပ်း​မႂ်း​ဢမ်ႇ​ႁၢႆ​လႆႈ။ တၢင်း​ဢၼ်​တိူဝ်ႉ​ဢၼ်​မၢတ်ႇ​မႂ်း ႁႅင်း​ယႂ်ႇ​ၼႃႇ​လူင်​လၢင်​ဢေႃႈ။ ၶဝ်​ၵႃႈ​ဢၼ်​ငိၼ်း​သတၢင်း​သဵင်​ၶၢဝ်ႇ​မႂ်း​ၼၼ်ႉ တၵ်း​ဢွၼ်​ၵၼ်​တူပ်း​မိုဝ်း ၵႃႈ​ၼိူဝ်​မႂ်း​ဢေႃႈ။ လွင်ႈ​မၼ်း​ၸမ်ႉ ၵေႃႉ​ဢၼ်​ယင်း​ဢမ်ႇ​လႆႈ​ၶၢမ်ႇ လွင်ႈ​တၢင်း​ဢၼ်​ႁၢႆႉ​မိူၵ်ႈ ဢၼ်​မႂ်း​ႁဵတ်း​ၼၼ်ႉ​လႄႈ ၵၢင်း​လွတ်ႈ​ၼၼ်ႉ​ၸမ်ႉ၊ ပဵၼ်​ၽူႈ​လႂ်။ ၵျၢမ်း​ဢၼႃႇၵၢတ်ႈ​တီႉ​ၼႃႇႁုမ်ႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="35">
			<chapter number="1">
				<verse number="1">ပျႃႇ​တိၵ်ႈ​ၸဝ်ႈ ဢၼ်​ပရေႃးၽႅတ်ႈ ႁပၵ်ႉၵုၵ်ႉ ​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊</verse>
				<verse number="2">ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ယင်း​ဢမ်ႇ​ငိၼ်း​လႄႈ ၶႃႈ​ၸဝ်ႈ​တၵ်း​လႆႈ​ႁွင်ႉ​သႅၼ်ႇ​ယူႇ ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ၊ ၸဝ်ႈ​ႁဝ်း​ယင်း​ဢမ်ႇ​ၵႄႇ​သႄႇ​ၶျွတ်ႈ​ဢဝ်​လႄႈ ၶႃႈ​ၸဝ်ႈ​တၵ်း​လႆႈ​သႅၼ်ႇ​ႁွင်ႉ လူၺ်ႈ​လွင်ႈ ဢမူႉ​ဢႃႉထမ်ႇမႃႉ​ယူႇ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်​တီႈ​ၶႃႈ၊-</verse>
				<verse number="3">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ဢဝ်​လွင်ႈ​တၢင်း​ဢၼ်​ဢမ်ႇ​တြႃး ၼႄ​ပျႃး​တီႈ​ၶႃႈ​ၸဝ်ႈ​လႄႈ ၸဝ်ႈ​ႁဝ်း​ႁႂ်ႈ​ၶႃႈ​ၸဝ်ႈ​ႁၼ် ဢမူႉ​ဢႃႉထမ်ႇမႃႉ ယူႇ​ၼင်ႇ​ႁိုဝ်​တီႈ​ၶႃႈ၊ လွင်ႈ​တၢင်း​ဢၼ်​ႁိမ်​ဢဝ် ဢိၵ်ႇ​တင်း လွင်ႈ​တၢင်း​ဢၼ်​ႁဵတ်း​ပႄႉ​ႁဵတ်း​ၼႅင်ႇ​ၼၼ်ႉ မီး​ယူႇ​သိုဝ်ႈ​ၼႃႈ​တႂ်ႈ​တႃ​ၶႃႈ​ၸဝ်ႈ​တီႈ​ၶႃႈ​ဢေႃႈ။ မီး​တၢင်း​ဢၼ်​တွပ်ႇ​ထဵင်​လႄႈ တၢင်း​ဢၼ်​ၽိတ်း​ၵၼ်​ၼၼ်ႉ​ၵေႃႈ ယုၵ်ႉ​ယွင်ႈ​တူဝ်​ၸဝ်ႈ​ၵဝ်ႇ​ယူႇ တီႈ​ၶႃႈ​ဢေႃႈ။-</verse>
				<verse number="4">ပိူဝ်ႈ​ဢၼ်​ပဵၼ်​ၼင်ႇ​ၼၼ်​လႄႈ တြႃး​သုတ်ႈ​ယွမ်း​ၵႂႃႇ​လႄႈ၊ တၢင်း​ဢၼ်​ၸီႇ​ယၢင်ႇ​တႅပ်း​တတ်း​ၸွမ်း​ၼင်ႇ​တြႃး​ၼၼ်ႉ ဢမ်ႇ​ပေႃႇ​ဢမ်ႇ​ဢွၵ်ႇ​လႃး​လႃး​တီႈ​ၶႃႈ၊ ၵွပ်ႈ​ပိူဝ်ႈ​ဢၼ် ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ လွမ်ႉ​လဵပ်ႈ​ႁွပ်ႈ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ဝႆႉ​လႄႈ တၢင်း​ဢၼ်​ၸီႇ​ယၢင်ႇ၊ တႅပ်း​တတ်း​တြႃး​ၼၼ်ႉ ပေႃႇ​ဢွၵ်ႇ​ပဵၼ်​ဢၼ်​ပိူင်ႈ​ဢၼ်​လွႆး​ၵူၺ်း​တီႈ​ၶႃႈ​ဢေႃႈ။</verse>
				<verse number="5">ဢွၼ်​ၵၼ်​တူၺ်း ၵႃႈ​ၼႂ်း​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ ၶႆႈ​ၸႂ်​ဝူၼ်ႉ​ၸႂ်​သေ​လႄႈ ဢၢမ်း​ၼႃႇ​လူင်​လၢင်​တႃႉ။ လွင်ႈ​မၼ်း​ၸမ်ႉ ၵဝ်​တၵ်း​ႁဵတ်း​လွင်ႈ​တၢင်း​ဢၼ် ပိၵ်ႉ​သမ်ႉ​ပိူၼ်ႈ မွၵ်ႇ​လၢတ်ႈ​ၼႄ​ပျႃး တီႈ​သူ​သေ​ၵေႃႈ သူ​ဢမ်ႇ​ယုမ်ႇ​ၼၼ်ႉ ၼႂ်း​ၸူဝ်ႈ​ၼႂ်း​ပၢၼ်​သူ​ဢေႃႈ။-</verse>
				<verse number="6">တူၺ်း​လူး။ ၵဝ်​တၵ်း​တိုၵ်း​ယူင်း​မဵဝ်း​ၵူၼ်း​ ၶႃႇလတေး ဢၼ်​ၵျၢမ်း​ႁၢဝ်ႈ​၊ၶၼ်​ၽႂ်း​ၼႃႇ​လႄႈ ဢွၼ်​ၵၼ်​ၶီႇ​သိုၵ်း​ၵႂႃႇ ၵႃႈ​ၼိူဝ်​ၼႃႈ​လိၼ် တင်း​သဵင်ႈ​တင်း​မူတ်း ႁႂ်ႈ​လႆႈ​သိမ်း​ဢဝ်​တီႈ​ယူႇ ဢၼ်​ၶဝ်​ဢမ်ႇ​ပိူင်ႇ​ၼၼ်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="7">ၶဝ်​ၼၼ်ႉ​ပဵၼ်​ဢၼ် လီ​ၵူဝ်​လီ​ႁႄ၊ လီ​တူၵ်း​ၸႂ်​လႂ်​တိုၼ်ႇ​ဝႆႉ​လႄႈ တၢင်း​ဢၼ်​ၶဝ်​ၸီႇ​ယၢင်ႇ​၊တႅပ်း​တတ်း​တြႃး ဢိၵ်ႇ​တင်း​ၵုင်ႇ​သရေႇ​ၶဝ်​ၼၼ်ႉ ပေႃႇ​ဢွၵ်ႇ​ပဵၼ်​မႃး ၵႃႈ​ၼႂ်း​ၶဝ်​ၵူၺ်း​ဢေႃႈ။-</verse>
				<verse number="8">မႃႉ​ၶဝ်​ၼၼ်ႉ​ၶၼ်​ၽႂ်း လိူဝ်​တွၼ်း​ၼႃႇ​သေ သိူဝ်​ၸုမ်ႈ​လႄႈ ၵျၢမ်း​ႁၢဝ်ႈ​ၼႃႇ​သေ​မႃ​ထိူၼ်ႇ​ဢၼ်​လႄႇ​ၶိင်ႇ​ၵၢင်​ၶိုၼ်း ၼၼ်ႉ​ဢေႃႈ။ ၵူၼ်း​ၶီႇ​မႃႉ​ၶဝ်​ၸိူဝ်း​ၼၼ်ႉ တၵ်း​ဢွၼ်​ၵၼ်​ႁဵတ်း​ႁိၵ်ႈ၊​ႁဵတ်း​ႁၢၼ်ႇ​သေ​လႄႈ ၶီႇ​မႃး​ဢေႃႈ။ ၵူၼ်း​သိုၵ်း​ၶီႇ​မႃႉ​ၶဝ်​ၸိူဝ်း​ၼၼ်ႉ တၵ်း​ဢွၼ်​ၵၼ်​လုၵ်ႉ​သေ​ၵႃႈ​တီႈ ဢၼ်​ၵႆ​မႃး​လႄႈ မိၼ်​မႃး​ၸိူဝ်ႉ​ၼင်ႇ လၢင်း​တႃႉ​ၶမ်း ဢၼ်​ႁိပ်ႈ​ၼႅတ်ႈ ႁႂ်ႈ​လႆႈ​သိတ်ႈ​ၵိၼ်​တူဝ် ၼၼ်ႉ​ဢေႃႈ။-</verse>
				<verse number="9">ၶဝ်​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​မႃး​ႁႂ်ႈ​လႆႈ ၼိၵ်ႈ​ၸၢၵ်ႈ​ငႅၼ်း​သႄး​ဢေႃႈ။ ၶဝ်​ၼၼ်ႉ ပဵၼ်​မုၵ်ႉ​ပဵၼ်​ၸိူဝ်း ဢၼ်​ဝၢႆႇ​ၼႃႈ​ၶဝ်​ယူႇ မၼ်ႈ​မၼ်ႈ​ၶိူင်ႇ​ၶိူင်ႇ မိူၼ်​ၸိူဝ်ႉ​ၼင်ႇ​လူမ်း​တၢင်း​ဝၼ်း​ဢွၵ်ႇ​ၼၼ်ႉ​လႄႈ ဢဝ်​ၶဝ်​ၸိူဝ်း​ဢၼ်​တီႉ​လႆႈ​ၼၼ်ႉ ၸူႉ​ၵၼ်​တုမ်​ၵၼ်​ဝႆႉ မိူၼ်​ၸိူဝ်ႉ​ၼင်ႇ မဵတ်ႉ​ႁိၼ်​မဵတ်ႉ​သၢႆး​ၼၼ်ႉ​ဢေႃႈ။-</verse>
				<verse number="10">ၶဝ်​တၵ်း​ဢွၼ်​ၵၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၶုၼ်​ႁေႃ​ၶမ်း​တင်း​လၢႆ​လႄႈ ႁဵတ်း​ပျၢၵ်ႈ​ႁဵတ်း​ၶူဝ်​ၶုၼ်​တင်း​လၢႆ​ဢေႃႈ။ ၶဝ်​တၵ်း​ဢွၼ်​ၵၼ်​ႁဵတ်း​ပျၢၵ်ႈ​ႁဵတ်း​ၶူဝ် တိူၵ်ႈ​တီႈ​တိုၵ်း​သိုၵ်း​ၵႃႈ​မီး​လႄႈ ဢဝ်​မုၼ်ႈ​လိၼ်​ၵေႃႇ​ဝႆႉ​ၵွင်​ဝႆႉ​သေ​လႄႈ​တိုၵ်း​ဢဝ်​ဢေႃႈ။-</verse>
				<verse number="11">လိုၼ်း​ၼၼ်ႉ ၶဝ်​ၼၼ်ႉ​တၵ်း​ပတ်ႉ​ထူဝ်း​မိူၼ်​ၸိူဝ်ႉ​ၼင်ႇ​လူမ်း​ၼၼ်ႉ​လႄႈ ပူၼ်ႉ​ၵႂႃႇ​သေ​ယဝ်ႉ၊ လႆႈ​ၶၢမ်ႇ​ဢပႅတ်ႈ​ဢေႃႈ။ တၼ်း​ၶူဝ်း​မၼ်း​ၼႆႉ လႆႈ​ၵႃႈ​တီႈ​ၽြႃး​မၼ်း​ဢေႃႈ။</verse>
				<verse number="12">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ်​ၶႃႈ၊ ၽြႃး​ဢၼ်​မူတ်း​ၸၢင်ႇ​ၵဝ်​ၶႃႈ​တီႈ​ၶႃႈ၊ ၸဝ်ႈ​ႁဝ်း​တႄႇ​ယူႇ​ၼိၵ်ႈၸႃႉ​ထႃႇဝရႃႉ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ပေႃး​ၸႂ်ႈ​ၸိူဝ်ႉ​ၼင်ႇ​ၼၼ်​ၸိုင် ၶႃႈ​ၸဝ်ႈ​ႁဝ်း​ၶဝ်​တၵ်း​ဢမ်ႇ​လႆႈ​တၢႆ​တီႈ​ၶႃႈ​ၵူၺ်ႉ။ ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ၶၢၼ်း​မၼ်း​ဝႆႉ ႁႂ်ႈ​လႆႈ​ၸႅတ်ႈ​ထၢမ် ၸႅတ်ႈ​တူၺ်း​တီႈ​ၶႃႈ​ယဝ်ႉ။ မၢၵ်ႇ​ႁိၼ်​မၢၵ်ႇ​ၽႃ​တီႈ​ၶႃႈ၊ ၸဝ်ႈ​ႁဝ်း​ၶျႃး​တီႈ​ယူႇ​ပၼ်​မၼ်း ႁႂ်ႈ​မၼ်း​လႆႈ​သင်ႇ​သွၼ်​သုင်း​မႃႉ တီႈ​ၶႃႈ​ယဝ်ႉ။-</verse>
				<verse number="13">ၸဝ်ႈ​ႁဝ်း​မီး​တႃ​ဢၼ်​မူတ်း​သႂ် ထၼ်ႈ​ပေႃး​ဢမ်ႇ​လူ​ဢမ်ႇ​တူၺ်း​တူႉ​ၸရိူၵ်ႈ​လႆႈ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢမ်ႇ​ၸၢင်ႈ​လူ​၊ ၸၢင်ႈ​တူၺ်း ဢမူႉ​ဢႃႉထမ်ႇမႃႉ​သေ​လႄႈ ယူႇ​တီႈ​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​လူ​တူၺ်း​ၶဝ်​ၸိူဝ်း​ဢၼ် သဵတ်ႈ​ၸႃႇ​လူႉ​ၼၼ်ႉ​လႄႈ ယူႇ​သဵတ်ႇ​သဵတ်ႇ​ယဵၼ်​ယဵၼ်​ယူႇ ၼႂ်း​မိူဝ်ႈ​ဢၼ်​ၵေႃႉ​ဢၼ်​ႁၢႆႉ ဢၼ်​မိူၵ်ႈ​ၼၼ်ႉ ဢိုၼ်​ၵိၼ်​ၵေႃႉ​ဢၼ်​သိုဝ်ႈ​တေႃႇ​ၼႃႇ​သေ​မၼ်း​ၼၼ်ႉ ၼင်ႇ​ႁိုဝ်​တီႈ​ၶႃႈ၊-</verse>
				<verse number="14">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ႁႂ်ႈ​ၵူၼ်း​သတ်ႉတဝႃႇ​တင်း​လၢႆ ပဵၼ်​ၸိူဝ်ႉ​ၼင်ႇ ပႃ​ပၢင်ႇ​လၢႆႇ ဢိၵ်ႇ​တင်း ၸိူဝ်ႉ​ၼင်ႇ​တူဝ်​မူင်ႈ​တူဝ်​မႅင်း ဢၼ်​ဢမ်ႇ​မီး​ၶုၼ်​ၼၼ်ႉ ၼင်ႇ​ႁိုဝ်​တီႈ​ၶႃႈ၊-</verse>
				<verse number="15">ရၢၼ်ႇ​သူႇ​ၼၼ်ႉ ဢဝ်​ၶေႃ​ဝဵတ်း ဝဵတ်း​ဢဝ်​ၶဝ်​ၵႃႈ​မီး​ၼၼ်ႉ​ယူႇ၊ ဢဝ်​ၶႄ​ႁူမ်ႇ​သုမ်ႇ​ဝႆႉ​ယူႇ၊ ဢဝ်​ၼႅင်ႈ ၶင်​ဝႆႉ​ယူႇ​သေ​လႄႈ ၸၢင်ႈ​ၸူမ်း​သိူဝ်း သႂၢင်ႇ​ၸႂ်​တီႈ​ၶႃႈ​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ မၼ်း​ၸၢင်ႈ​ပုၵ်ႈ​ၸေႃႇ​တီႈ​ၶႄ​မၼ်း​လႄႈ ဢဝ်​ၼၢမ်ႇ​သႃႇ​တုတ်ႇ​ၽႆး​တီႈ​ၼႅင်ႈ​မၼ်း​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ၶိူင်ႈ​ပိူင်​ၸိူဝ်း​ၼၼ်ႉ​လႄႈ ပုၼ်ႈ​မၼ်း​တႃႇ​မၼ်း​ၼၼ်ႉ ပဵၼ်​ၵွၼ်ႈ​ၶႆ ၵွၼ်ႈ​မၼ်း​လႄႈ တၢင်း​ၵိၼ်​တၢင်း​ၶူပ်း​မၼ်း​ပဵၼ်​ၼိူဝ်ႉ​ဢၼ်​ပီး​လီ မၼ်း​လီ​ၼၼ်ႉ​ယူႇ တီႈ​ၶႃႈ​ဢေႃႈ။-</verse>
				<verse number="17">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ မၼ်း​တၵ်း​လႆႈ​ဢဝ်​ပႃ ၵႃႈ​ၼႂ်း​ၶႄ ၼႂ်း​ၼႅင်ႈ​မၼ်း​ၼၼ်ႉ ဢွၵ်ႇ​ပႅတ်ႈ​တီႈ​ၶႃႈ​ႁိုဝ်။ မၼ်း​ယင်း​ဢမ်ႇ​သေ​လၢႆ​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ​လႄႈ တၵ်း​လႆႈ​ဢဝ်​တၢႆ​ပႅတ်ႈ ၶႃႈ​ပႅတ်ႈ​ယူႇ​တႃႇ​သေႇ​တီႈ​ၶႃႈ​ႁိုဝ်။</verse>
			</chapter>
			<chapter number="2">
				<verse number="1">ၵဝ်​တၵ်း​ၸုၵ်း​ယူႇ ၵႃႈ​ၼိူဝ်​ထဵင်​လၢင်း​ၵဝ်​လႄႈ မီး​ယူႇ​ၵႃႈ​တီႈ တိူၵ်ႈ​တီႈ​တိုၵ်း​သိုၵ်း​သေ​လႄႈ ပႂ်ႉ​ထႃႈ​လွင်ႈ​ဢၼ်​မၼ်း​ၸဝ်ႈ တၵ်း​မီး​ဢမိင်ႉ​တီႈ​ၵဝ် ၸိူဝ်ႉ​ၼင်ႇ​ႁိုဝ် ဢိၵ်ႇ​တင်း လွင်ႈ​ဢၼ်​ၵဝ် တၵ်း​လႆႈ​ၶိုၼ်း​လဝ်ႊ​လၢတ်ႈ လူၺ်ႈ​လွင်ႈ​တၢင်း​ဢၼ် ၵဝ်​ၶၢင်း​ၶီ​ၶၢင်း​ၽၢၼ်​ၼၼ်ႉ ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ။-</verse>
				<verse number="2">ထႃႇဝရႃႉ​ၽြႃး ၶိုၼ်း​ဢိူဝ်​တီႈ​ၵဝ်​လႄႈ​ဝႃႈ၊ မႂ်း​တႅမ်ႈ​ပျႃႇ​တိၵ်ႈ ရူႇပႃႇရူင်ႇ​ဝႆႉ​လႄႈ ႁႂ်ႈ​မၼ်း​မီး​ဝႆႉ​ယူႇ ၵႃႈ​ၼိူဝ်​သၢင်ႇ​ပုၼ်း ထၢင်ႇ​ထၢင်ႇ​သႃး​သႃး ႁႂ်ႈ​ထၼ်ႈ​ပေႃး​ၵေႃႉ​ဢၼ်​ၽတ်း​ၼၼ်ႉ ၶုၼ်ႇ​လႅၼ်ႈ​ယူႇ​သေ​လႄႈ ၽတ်း​လႆႈ​တႃႉ။-</verse>
				<verse number="3">ရူႇပႃႇရူင်ႇ​ၼၼ်ႉ ၸၢပ်ႈ​သႅင်ႇ​ၵၼ်​တင်း​ၶိင်ႇ မိူဝ်ႈ​ဢၼ် မၵ်း​ၶိၼ်း​ဝႆႉ​ၼၼ်ႉ​လႄႈ မၼ်း​တၵ်း​လၢတ်ႈ​ၼႂ်း​ၶိင်ႇ​မိူဝ်ႈ​ဢၼ်​ပဵၼ် တီႈ​သုတ်း​တီႈ​ၵွႆ​မၼ်း​လႄႈ ၵၢင်း​လွတ်ႈ​တင်း​မူႉ​သႃႇ​ဢေႃႈ။ ပိၵ်ႉ​သမ်ႉ​မၼ်း​ၵိုတ်း​သဝ်း​ယူႇ​သေ​ၵေႃႈ မုင်ႈ​ထႃႈ​မွင်း​ထႃႈ​ယူႇ​တႃႉ။ မၼ်း​ယင်း​ဢမ်ႇ​တူၵ်း​လိုၼ်း​လႄႈ တၵ်း​ႁွတ်ႈ​ထိုင်​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="4">တူၺ်း​လူး။ ႁူဝ်​ၸႂ်​မၼ်း​သုင်​လႄႈ ဢမ်ႇ​မီး​တၢင်း​ဢၼ် သိုဝ်ႈ​လီ​ယူဝ်း​လီ ၵႃႈ​ၼႂ်း​မၼ်း။ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ဢသၢၵ်ႈ​တၵ်း​လိပ်း ၵွပ်ႈ​ပိူဝ်ႈ​တၢင်း​ဢၼ် မၼ်း​ယုမ်ႇ​မၢတ်ႈ​ၼၼ်ႉ​ဢေႃႈ။</verse>
				<verse number="5">ၼွၵ်ႈ​သေ​ၼၼ်ႉ ၼမ်ႉ​ၸပိတ်ႈ ၸၢင်ႈ​ပႅတ်ႉ​ၸၢင်ႈ​လႅၼ်​လႄႈ၊ ၵေႃႉ​ဢၼ်​မႃႇၼႃႉ ပူၵ်း​ပႅၼ်​ၼၼ်ႉ ယင်း​ဢမ်ႇ​ယူႇ​ၵႃႈ​တီႈ​ဢၼ် မၼ်း​ယူႇ​ၼၼ်ႉ​လႆႈ​လႄႈ ႁႂ်ႈ​လေႃး​ၽႃႉ​မၼ်း ပဵၼ်​ဢၼ်​ၵႂၢင်ႈ​ၸိူဝ်ႉ​ၼင်ႇ မိူင်း​မရၼႃႉ​ၼၼ်ႉ​ယူႇ၊ မီး​ၸႂ်​ၸိူဝ်ႉ​ၼင်ႇ​ၶုၼ်​တၢႆ ၼၼ်ႉ​လႄႈ ဢမ်ႇ​ပေႇ​လႆႈ​လႄႈ ၸူႉ​သိမ်း​ဢဝ်​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ဝႆႉ​လႄႈ ႁႂ်ႈ​ၵူၼ်း​တင်း​သဵင်ႈ​တင်း​လူင် ၸူႉ​ၵၼ်​ၵွင်​ၵၼ်​ဝႆႉ ၵႃႈ​တီႈ​မၼ်း​ယူႇ​ဢေႃႈ။-</verse>
				<verse number="6">ၶဝ်​တင်း​သဵင်ႈ​တင်း​လူင်​ၼၼ်ႉ တၵ်း​ဢွၼ်​ၵၼ်​ဢဝ် ၵႂၢမ်း​ဢပုမ်ႇ​ယူႇ​ၽၢႆႇ​ၼိုင်ႈ တင်း​မၼ်း ဢိၵ်ႇ​တင်း​ၵႂၢမ်း​ထုင်း ဢၼ်​သႄႉ​သွမ်း​ၼၼ်ႉ ယူႇ​ၽၢႆႇ​ၼိုင်ႈ​တင်း​မၼ်း​သေ​လႄႈ ဢွၵ်ႇ​သူပ်း​လၢတ်ႈ​လႄႈ​ဝႃႈ၊ ၵေႃႉ​ဢၼ်​ၵဵပ်း​ႁွမ် သိမ်း​ပႅင်း​ဝႆႉ​ဢုၵ်ႉ​ၸႃႇ ဢၼ်​တူဝ်​ၸဝ်ႈ​ၵဝ်ႇ ဢမ်ႇ​ပိူင်ႇ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ တၵ်း​ႁိုင်​ၵႃႈ​ႁိုဝ်။ ၵေႃႉ​ဢၼ်​ဢဝ်​ၼီႈ​ပိူၼ်ႈ တၢင်ႇ​သႂ်ႇ​ၵႃႈ​ၼိူဝ်​တူဝ်​ၸဝ်ႈ​ၵဝ်ႇ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="7">ၶဝ်​ၸိူဝ်း​ဢၼ်​ၶူပ်း​မႂ်း​ၼၼ်ႉ တၵ်း​ဢွၼ်​ၵၼ်​ၽုတ်း​ၽၢတ်း လုၵ်ႉ​မႃး​ၵမ်း​လဵဝ်​ဢမ်ႇ​ၸႂ်ႈ​ႁိုဝ်။ ၶဝ်​ၸိူဝ်း​ဢၼ် ယႃႉ​ယူၵ်ႉ​ၼၼ်ႉ တၵ်း​ဢွၼ်​ၵၼ် တိုၼ်ႇ​မႃး​ၵမ်း​လဵဝ် ဢမ်ႇ​ၸႂ်ႈ​ႁိုဝ်။ မႂ်း​တၵ်း​ပဵၼ်​တီႈ​ဢၼ် ၶဝ်​ႁိမ်​ဢဝ်​ႁူင်ႇ​ဢဝ်​ဢေႃႈ။-</verse>
				<verse number="8">ၵွပ်ႈ​ပိူဝ်ႈ​ဢၼ်​မႂ်း ႁိမ်​ဢဝ်​မဵဝ်း​ၵူၼ်း​ၼမ်​ၼႃႇ​ၼၼ်ႉ​လႄႈ မဵဝ်း​ၵူၼ်း​ဢၼ်​ၵိုတ်း​ဢၼ်​ၵျၢၼ်ႇ​ၵႃႈ​မီး​ၼၼ်ႉ တၵ်း​ဢွၼ်​ၵၼ် ႁိမ်​ဢဝ်​ႁူင်ႇ​ဢဝ်​မႂ်း​ဢေႃႈ။ တၵ်း​ဢွၼ်​ၵၼ်​ႁဵတ်း ၵွပ်ႈ​ပိူဝ်ႈ​ဢပႅတ်ႈ​လိူတ်ႈ​ၵူၼ်း​တင်း​လၢႆ ဢိၵ်ႇ​တင်း ဢပႅတ်ႈ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​မိူင်း ဢိၵ်ႇ​တင်း​ဝဵင်း တင်း​ၵႃႈ​ဢၼ်​ယူႇ ၵႃႈ​ၼႂ်း​မၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="9">ၵေႃႉ​ဢၼ်​ႁႃ​ဢဝ် ၸီး​ပႂႃး​ဢႃႉထမ်ႇမႃႉ ပုၼ်ႈ​မဵဝ်း​ၸိူဝ်ႉ​ၶိူဝ်း​မၼ်း ႁႂ်ႈ​လႆႈ​ဢဝ်​ႁိူၼ်း​မၼ်း​ႁင်း​မၼ်း တၢင်ႇ​သႂ်ႇ​ဝႆႉ​ၵႃႈ​ၼိူဝ် တီႈ​ဢၼ်​သုင်​လႄႈ ႁႂ်ႈ​တူဝ်​မၼ်း​ၵၢင်း​လွတ်ႈ​သေ​ၵႃႈ​ၼႂ်း မိုဝ်း​ၽေး​တၢမ်ႇ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="10">မႂ်း​ၵျၢမ်ႇ​ပွင်​ႁႂ်ႈ​သရေႇ​မဵဝ်း ၸိူဝ်ႉ​ၶိူဝ်း​မႂ်း​လူႉ ၵွပ်ႈ​ပိူဝ်ႈ​ဢၼ် မႂ်း​ပႄႇ​ၽဵဝ်ႈ​မဵဝ်း​ၵူၼ်း​ၼမ်​ၼႃႇ​ပႅတ်ႈ​ၼၼ်ႉ​လႄႈ ၽိတ်း​ပိူင်ႈ​ဢသၢၵ်ႈ​မႂ်း​ယဝ်ႉ။-</verse>
				<verse number="11">မၢၵ်ႇ​ႁိၼ်​လုၵ်ႈ​ၼိုင်ႈ ယူႇ​ၵႃႈ​ၼႂ်း​ၽႃ​မၢၵ်ႇ​ႁိၼ်​သႅၼ်ႇ​ႁွင်ႉ​လႄႈ ၶိုဝ်ႇ​လႅမ်ႈ​ၼိုင်ႈ ယူႇ​ၵႃႈ​ၼႂ်း​ၵွင်​မႆႉ​ဢိူဝ်​ဢေႃႈ။-</verse>
				<verse number="12">ၵေႃႉ​ဢၼ် ပႃး​ဢဝ် ဢပႅတ်ႈ​လိူတ်ႈ​ၵူၼ်း​သေ​လႄႈ တႄႇ​ႁဵတ်း​ဝၢၼ်ႈ​လႄႈ ပႃး​ဢဝ်​ဢမူႉ ဢၼ်​ဢမ်ႇ​တြႃး​သေ​လႄႈ ႁႂ်ႈ​ဝဵင်း​မၼ်ႈ​ၶိူင်ႇ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="13">တူၺ်း​လူး။ တၢင်း​ဢၼ် မဵဝ်း​ၵူၼ်း​တင်း​လၢႆ သၢင်ႈ​ႁဵတ်း​ဝႆႉ​ပုၼ်ႈ​ၽႆး ဢိၵ်ႇ​တင်း တၢင်း​ဢၼ်​ၵူၼ်း ၵူႈ​ၸိူဝ်ႉ​ၵူႈ​မဵဝ်း ႁဵတ်း​ယၢပ်ႇ​ၸႂ်​ၶၢၼ်​ၸႂ်​ဝႆႉ ပုၼ်ႈ​လွင်ႈ​တၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ ပဵၼ်​မႃး​တီႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ဢမ်ႇ​ၸႂ်ႈ​ႁိုဝ်။-</verse>
				<verse number="14">လွင်ႈ​မၼ်း​ၸမ်ႉ လိၼ်​မိူင်း တၵ်း​ပျေႉ​ၸုမ်ႇ တဵမ်​ဝႆႉ​တင်း​ပိင်ႇ​ၺႃႇ ဢၼ်​ႁူႉ​ၸၵ်း မုၼ်​ၽုင်း​ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​ဢၼ် ၼမ်ႉ​ပၢင်ႇ​လၢႆႇ ထူမ်ႈ​ႁူမ်ႇ တီႈ​ဢၼ်​မၼ်း​ယူႇ​ၼၼ်ႉ ဝႆႉ​ၼၼ်ႉ​ဢေႃႈ။-</verse>
				<verse number="15">ၵေႃႉ​ဢၼ် ဢဝ်​ၼမ်ႉ​လဝ်ႈ​ၼမ်ႉ​ၵမ် ထွၵ်ႇ​ႁိုဝ်ႈ​ႁႂ်ႈ​ၵူၼ်း​ႁိူၼ်း​ၸမ်​ၵၼ်​တင်း​မၼ်း​ၵိၼ်​လႄႈ ဢဝ်​ဢၢႆ​ႁႅင်း​ၵွင်ႉ​မၼ်း ယၢင်​မၼ်း ထၢပ်ႈ​ထႅင်ႈ​သေ​လႄႈ ႁႂ်ႈ​မၼ်း​ၼၼ်ႉ လႆႈ​မဝ်း​လဝ်ႈ​မဝ်း​ၵမ် ႁႂ်ႈ​မၼ်း​လႆႈ​တူၺ်း​ႁၼ်​တၢင်း​ဢၼ်​မၼ်း​ၼၼ်ႉ ယူႇ​တူဝ်​ပူၺ်​ၼၼ်ႉ မီး​ဢႃႉ​မင်ႇၵလႃႇ ဢေႃႈ။-</verse>
				<verse number="16">မႂ်း​တၵ်း​ဢိမ်ႇ​တဵမ်​ဝႆႉ​တင်း တၢင်း​ဢၼ်​ဢူၵ်း​ဢၼ်​ဢၢႆ​ၼၼ်ႉ ပုၼ်ႈ​တၢင်​တူဝ်​မုၼ်​ၽုင်း​ယဝ်ႉ။ မႂ်း​ၵိၼ်​လႄႈ ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​ဢမ်ႇ​ၶၢမ်ႇ တၢင်း​ဢၼ်​ထိူဝ်​ႁိမ်း​ၼၼ်ႉ​တႃႉ။ ၵွၵ်း​ဢၼ်​မီး​ၵႃႈ​ၼႂ်း မိုဝ်း​ၶွၼ်​ၶႂႃ​ထႃႇဝရႃႉ​ၽြႃး​ၼၼ်ႉ တၵ်း​ႁွတ်ႈ​ထိုင်​ၵႃႈ​တီႈ​မႂ်း​လႄႈ တၢင်း​ဢၼ်​တူၼ်ႉ​၊ဢၼ်​ႁၢၵ်ႈ ဢၼ်​လီ​ႁင်ႈ​ၼၼ်ႉ တၵ်း​ႁူမ်ႇ​သုမ်ႇ​သရေႇ​မႂ်း ဝႆႉ​ဢေႃႈ။-</verse>
				<verse number="17">ဢပႅတ်ႈ​ဢၼ်​ႁဵတ်း​ပႄႉ​ႁဵတ်း​ၼႅင်ႇ​လွႆ​ လေႇပၼုၼ်ႇ ​ၼၼ်ႉ တၵ်း​ႁူမ်ႇ​သုမ်ႇ​မႂ်း မိူၼ်​ၸိူဝ်ႉ​ၼင်ႇ​ဢၼ် တၢင်း​ဢၼ်​ယႃႉ တရိၵ်ႈသၢၼ်ႇ​ပႅတ်ႈ​ၼၼ်ႉ ႁႂ်ႈ​ၶဝ်​ၵူဝ်​ႁႄ​ၼၼ်ႉ ၵွပ်ႈ​ပိူဝ်ႈ​ဢပႅတ်ႈ​လိူတ်ႈ​ၵူၼ်း​တင်း​လၢႆ ဢိၵ်ႇ​တင်း​ဢပႅတ်ႈ ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​မိူင်း ဢိၵ်ႇ​တင်း​ဝဵင်း တင်း​ၵႃႈ​ဢၼ်​ယူႇ​ၵႃႈ​ၼႂ်း​မၼ်း ၸိူဝ်း​ၼၼ်ႉ​ဢေႃႈ။-</verse>
				<verse number="18">ရုၵ်ႈ​ထူႉ​ဢၼ်​တွင်ႈ​ႁဵတ်း​ၶၵ်း​ႁဵတ်း​ၼၼ်ႉ ၸၢင်ႈ​ပၼ်​ဢၵျူဝ်း ၸိူဝ်ႉ​ၼင်ႇ​ႁိုဝ်​လႄႈ ထၼ်ႈ​ပေႃး​ႁႂ်ႈ လၢၵ်ႈသမႃး​တွင်ႈ​ႁဵတ်း​၊ၶၵ်း​ႁဵတ်း​မၼ်း​ဝႆႉ။ ရုၵ်ႈ​ထူႉ​ဢၼ်​သွၼ်း​ႁဵတ်း​၊လေႃႇ​ႁဵတ်း ဢိၵ်ႇ​တင်း​သြႃႇ​မိၵ်ႉသႃႇ​ၼၼ်ႉ ပၼ်​ဢၵျူဝ်း​ၸိူဝ်ႉ​ၼင်ႇ​ႁိုဝ်​လႄႈ ထၼ်ႈ​ပေႃး ႁႂ်ႈ​ၵေႃႉ​ဢၼ်​ႁဵတ်း​ၼၼ်ႉ ဢိင်​ပိုင်ႈ​တၢင်း​ဢၼ်​မၼ်း​ႁဵတ်း​ဝႆႉ​ၼၼ်ႉ​သေ​လႄႈ ႁဵတ်း​ရုၵ်ႈ​ထူႉ ဢၼ်​ဢမ်ႇ​လၢတ်ႈ​ၵႂၢမ်း​လႆႈ​ၼၼ်ႉ။-</verse>
				<verse number="19">ၵေႃႉ​ဢၼ်​လၢတ်ႈ​တီႈ​ၼိူဝ်ႉ​မႆႉ​လႄႈ​ဝႃႈ၊ တိုၼ်ႇ​မႃး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​လႄႈ လၢတ်ႈ​တီႈ​မၢၵ်ႇ​ႁိၼ် ဢၼ်​ဢမ်ႇ​လၢတ်ႈ​ၵႂၢမ်း​လႆႈ​ၼၼ်ႉ​လႄႈ​ဝႃႈ၊ လုၵ်ႉ​မႃး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ ၶိူင်ႈ​ပိူင်​ၼၼ်ႉ တၵ်း​သင်ႇ​ပၼ်​သွၼ်​ပၼ်​ႁိုဝ်။ တူၺ်း​လူး။ မီး​တၢင်း​ဢၼ် ဢဝ်​ငိုၼ်း​ဢဝ်​ၶမ်း ဢုမ်ႇ​ႁေႃႇ​တဵၵ်း​တႃး​ႁၢင်ႈ​ၶိူင်ႈ​ဝႆႉ​ဢေႃႈ။ ၵႃႈ​တီႈ​ၼႂ်း​မၼ်း ဢမ်ႇ​မီး​ၸႂ်​လႃး​လႃး​လူင်​ပႄႇ။-</verse>
				<verse number="20">ထႃႇဝရႃႉ​ၽြႃး​ၸမ်ႉ၊ မီး​ယူႇ​ၵႃႈ​ၼႂ်း​ပိၵ်ႈ​မၢၼ်ႇ ဢၼ်​မူတ်း​ၸၢင်ႇ မၼ်း​ၸဝ်ႈ​ၼၼ်ႉ​ဢေႃႈ။ ၵူၼ်း​လိၼ်​မိူင်း​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ယူႇ​တဵတ်ႇ​တဵတ်ႇ​ယဵၼ်​ယဵၼ် ယူႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​တႃႉ။</verse>
			</chapter>
			<chapter number="3">
				<verse number="1">ၵႂၢမ်း​ပထၼႃႇ ပရေႃးၽႅတ်ႈ ႁပၵ်ႉၵုၵ်ႉ ဢၼ်​ဢိင်​ၸွမ်း သဵင်​ၶိုၼ်ႈ​သဵင်​လူင်း သီႉၵျေႃးၼူတ်ႈ ​ၼၼ်ႉ​ၸမ်ႉ၊-</verse>
				<verse number="2">ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ လႆႈ​ငိၼ်း​သဵင်​ပျႃႇ​တိၵ်ႈ​ၸဝ်ႈ​ႁဝ်း​လႄႈ ၵူဝ်​ႁႄ​တီႈ​ၶႃႈ​ယဝ်ႉ။ ထႃႇဝရႃႉ​ၽြႃး တီႈ​ၶႃႈ၊ ၶႅၼ်း​တေႃႈ မႄး​ၵုမ်း​မႄး​ႁဵတ်း​ဢမူႉ​ၸဝ်ႈ​ႁဝ်း ၵႃႈ​ၼႂ်း​ၶူပ်ႇ​ပီႊ​ၸိူဝ်း​ၼႆႉ သေ​ၵမ်း​တီႈ​ၶႃႈ၊ ႁႂ်ႈ​လႆႈ​ႁူႉ​လႆႈ​ႁၼ် ၵႃႈ​ၼႂ်း​ၶူပ်ႇ​ပီႊ​ၸိူဝ်း​ၼႆႉ သေ​ၵမ်း​တီႈ​ၶႃႈ၊ ပိၵ်ႉ​သမ်ႉ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ဢွၵ်ႇ​သေ​ၵေႃႈ၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵရူႉၼႃႇ​တြႃး သေ​ၵမ်း​တီႈ​ၶႃႈ၊-</verse>
				<verse number="3">ၽြႃး​ပဵၼ်​ၸဝ်ႈ လုၵ်ႉ​သေ​ၵႃႈ​တီႈ​ဝဵင်း​ တေႇမၢၼ်ႇ ၊ ၽြႃး​ဢၼ်​မူတ်း​ၸၢင်ႇ​ၼၼ်ႉ လုၵ်ႉ​သေ​ၵႃႈ​တီႈ​လွႆ​ ပႃႇရၼ်ႇ မႃး​ဢေႃႈ။ ၸေး​လႃႇ။ မုၼ်​ၽုင်း​မၼ်း​ၸဝ်ႈ ႁူမ်ႇ​သုမ်ႇ​ၽႃႉ​ၵၢင်​ႁၢဝ်​လႄႈ လိၼ်​မိူင်း​ပျေႉ​ၸုမ်ႇ​တဵမ်​ဝႆႉ​တင်း ၵုင်ႇ​သရေႇ​မၼ်း​ၸဝ်ႈ​ဢေႃႈ။-</verse>
				<verse number="4">ႁၢင်ႈ​ၽၢင်​ငဝ်း​ဢရွင်ႇ​မၼ်း​ၸဝ်ႈ မိူၼ်​ၸိူဝ်ႉ​ၼင်ႇ ငဝ်း​ဢရွင်ႇ​ၵၢင်​ဝၼ်း​လႄႈ သၢႆ​ဢရွင်ႇ​ဢွၵ်ႇ​သေ​ၵႃႈ​တီႈ​မိုဝ်း​မၼ်း​ၸဝ်ႈ​လႄႈ ၵႃႈ​တီႈ​ၼၼ်ႈ ပဵၼ်​တီႈ​ဢၼ် မုၼ်​ၽုင်း​ဢႃႇၼူႉၽေႃႇ​မၼ်း​ၸဝ်ႈ တဵတ်ႇ​လပ်ႉ​ယူႇ​ဢေႃႈ။-</verse>
				<verse number="5">ၽေး​ၵႃႇလႃႉ​ႁႃႈ​လႅင်​မိူင်း ၵႂႃႇ​ဢွၼ်​တၢင်း​မၼ်း​ၸဝ်ႈ​လႄႈ ၽေး​ဢၼ်​မႆႈ​ဢၼ်​ႁွၼ်ႉ လွမ်ႉ​လဵပ်ႈ​ႁွပ်ႈ​တိၼ်​မၼ်း​ၸဝ်ႈ​ယူႇ​ဢေႃႈ။-</verse>
				<verse number="6">မၼ်း​ၸဝ်ႈ​ၸုၵ်း​ယူႇ​လႄႈ ႁႂ်ႈ​လိၼ်​မိူင်း​တူင်ႉ​ၼိုင်​ယူႇ​ဢေႃႈ။ မၼ်း​ၸဝ်ႈ​လူ​တူၺ်း​လႄႈ ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း သၼ်ႇ​သၼ်ႇ​သၢႆ​သၢႆ​ယူႇ​ဢေႃႈ။ လွႆ​ဢၼ်​တႄႇ​ယူႇ​တႃႇ​သေႇ မၼ်ႈ​ၶိူင်ႇ​ၸိူဝ်း​ၼၼ်ႉ ႁၵ်း​ႁဵၵ်း​တႅၵ်ႇ​လႅဝ်​ၵႂႃႇ​လႄႈ သၼ်​ၵုင်း​ထႃႇဝရႃႉ​ၸိူဝ်း​ၼၼ်ႉ ဢွၼ်​ၵၼ်​ၼူပ်ႈ​တူၵ်း​ၵွမ်း​တူၵ်း​ဢေႃႈ။ သဵၼ်ႈ​တၢင်း​ဢၼ်​မၼ်း​ၸဝ်ႈ​ၵႂႃႇ​ၼၼ်ႉ မီး​ဝႆႉ​ၸဵမ်​မိူဝ်ႈ​မိုၼ်ႉ​ၸိုၼ်ႉ​သိုၼ်း​ၼၼ်ႉ​ဢေႃႈ။-</verse>
				<verse number="7">ၵဝ်​လႆႈ​ႁၼ် တၢင်း​ဢၼ်​မူဝ်းၵႃႇ ၵႃႈ​ၼႂ်း​မိူင်း​ ၵူႉသၢၼ်ႇ ​ၸိူဝ်း​ၼၼ်ႉ ၶၢမ်ႇ​တုၵ်ႉ​ၶႃႉ​တၢင်း​ၽၢၼ် ဢိၵ်ႇ​တင်း​တၢင်း​ဢၼ် ၽႃႈ​ၵင်ႈ​ၵႃႈ​ၼႂ်း​မိူင်း​ မီႉတျၼ်ႇ ​ၸိူဝ်း​ၼၼ်ႉ သၼ်ႇ​သၼ်ႇ​သၢႆ​သၢႆ ယူႇ​ၼၼ်ႉ​ဢေႃႈ။-</verse>
				<verse number="8">ထႃႇဝရႃႉ​ၽြႃး​တီႈ​ၶႃႈ၊ ၽႆး​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ႁုပ်ႇ​မႆႈ​ၵႃႈ​တီႈ​ၼမ်ႉ​ႁွင်ႈ​ၼမ်ႉ​ၵႄး​တင်း​လၢႆ​ယူႇ၊ ၸဝ်ႈ​ႁဝ်း​ႁဵတ်း​ရၢၼ်ႇ တၢင်း​ၽိတ်း​သႂ်ႇ​ပၢင်ႇ​လၢႆႇ​ယူႇ၊ ႁႂ်ႈ​ၸဝ်ႈ​ႁဝ်း လႆႈ​ၶီႇ​မႃႉ​ၸဝ်ႈ​ႁဝ်း လေႃႉ​ရထႃး​ၸဝ်ႈ​ႁဝ်း၊ တၢင်း​ဢၼ်​ၵႄႇ​သႄႇ​ၶျွတ်ႈ​ဢဝ်​ၼၼ်ႉ တီႈ​ၶႃႈ​ႁိုဝ်။-</verse>
				<verse number="9">လၢၵ်ႈ​ၼၢၵ်ႈ​ၵၢင်ႇ​ၸဝ်ႈ​ႁဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ဢဝ်​ဢွၵ်ႇ​ၼႄ​ပျႃး​လႄႈ ၵတီႉ​သဵတ်ႈ​ၸႃႇ​ဢၼ်​ၸဝ်ႈ​ႁဝ်း​ဝႆႉ​တီႈ မဵဝ်း​ၵူႈ​မဵဝ်း​ၸိူဝ်း​ၼၼ်ႉ ပဵၼ်​ဢၼ်​မၼ်ႈ​ၶိူင်ႇ​တီႈ​ၶႃႈ​ဢေႃႈ။ ၸဝ်ႈ​ႁဝ်း​ၽၼ်း​ၽႃႇ​လိၼ်​မိူင်း ႁႂ်ႈ​ၼမ်ႉ​ႁွင်ႈ​ၼမ်ႉ​ၵႄး​လႂ် ပဵၼ်​မႃး​တီႈ​ၶႃႈ​ဢေႃႈ။-</verse>
				<verse number="10">လွႆ​တင်း​လၢႆ​ႁၼ်​ၸဝ်ႈ​ႁဝ်း​လႄႈ ဢွၼ်​ၵၼ်​သၼ်ႇ​ဝႆ​ၶွၼ်း​ၶဝ်ႇ​ယူႇ​တီႈ​ၶႃႈ​ဢေႃႈ။ ၼမ်ႉ​ဢၼ်​ထူမ်ႈ​ၼၼ်ႉ သုမ်ႇ​ႁူမ်ႇ​တီႈ​ၶႃႈ​ဢေႃႈ။ တီႈ​ဢၼ်​လမ်ႇ​ၼမ်ႉ​ပၢင်ႇ​လၢႆႇ သႅၼ်ႇ​ႁွင်ႉ​လႄႈ ယုၵ်ႉ​မိုဝ်း​မၼ်း​ၶိုၼ်ႈ​ၵႃႈ​ၼိူဝ်​တီႈ​ၶႃႈ​ဢေႃႈ။-</verse>
				<verse number="11">ၵၢင်​ဝၼ်း​ဢိၵ်ႇ​တင်း​လိူၼ် ၸုၵ်း​ၵိုတ်း​ယူႇ ၵႃႈ​ၼႂ်း​တီႈ​ဢၼ်​ၶဝ်​ယူႇ​ၼၼ်ႉ ၵွပ်ႈ​ပိူဝ်ႈ​ဢၼ်​လႅင်း ပိုၼ်​ၵၢင်ႇ​ၸဝ်ႈ​ႁဝ်း ဢၼ်​ၸၢင်ႈ​ၵႂႃႇ​ၸိူဝ်း​ၼၼ်ႉ ဢိၵ်ႇ​တင်း ၵွပ်ႈ​ပိူဝ်ႈ သၢႆ​ဢရွင်ႇ​ႁွၵ်ႇ​ၸဝ်ႈ​ႁဝ်း​ဢၼ်​မၢပ်ႈ​မႅပ်ႈ​ၼၼ်ႉ တီႈ​ၶႃႈ​ဢေႃႈ။-</verse>
				<verse number="12">ၸဝ်ႈ​ႁဝ်း​ပႃး​တင်း​ၸႂ်​မႆႈ​ၶႆႈ​ၸႃႉ​သေ​လႄႈ ၶီႇ​ၵႂႃႇ​ၵႃႈ​ၼိူဝ်​ၼႃႈ​လိၼ်​မိူင်း​တင်း​ၼႃႈ​လႄႈ ပႃး​တင်း​ၸႂ်​တေႃး​သႃႉ​သေ​လႄႈ ယဵပ်ႇ​ၼူတ်ႈ​ၵူၼ်း ၵူႈ​ၸိူဝ်ႉ​ၵူႈ​မဵဝ်း တီႈ​ၶႃႈ​ဢေႃႈ။-</verse>
				<verse number="13">ၸဝ်ႈ​ႁဝ်း​ဢွၵ်ႇ​ၵႂႃႇ ႁႂ်ႈ​လႆႈ​ၵႄႇ​သႄႇ​ၶျွတ်ႈ​ဢဝ် ၵူၼ်း​ၸဝ်ႈ​ႁဝ်း​တင်း​လၢႆ ဢိၵ်ႇ​တင်း​ႁႂ်ႈ​လႆႈ ၵႄႇ​သႄႇ​ၶျွတ်ႈ​ဢဝ် ၶဝ်​ၸိူဝ်း​ဢၼ် လႆႈ​ၶၢမ်ႇ​ၽိၵ်ႈ​သိၵ်ႈ တီႈ​ၸဝ်ႈ​ႁဝ်း​ၼၼ်ႉ တီႈ​ၶႃႈ​ဢေႃႈ။ ၸဝ်ႈ​ႁဝ်း​ဢဝ်​ၵွၵ်း​ႁူဝ် ၵႃႈ​ၼႂ်း​ႁိူၼ်း​ၵူၼ်း​ႁၢႆႉ​ၵူၼ်း​ယုတ်ႈ​သၢၵ်ႇ​သွင်ႉ​လႄႈ ပႄႇ​ၽဵဝ်ႈ​မူႇ​လႃႉ ငဝ်ႈ​ႁၢၵ်ႈ​မၼ်း​ပႅတ်ႈ တေႃႇ​ထိုင်​ႁွတ်ႈ​ၶေႃး တီႈ​ၶႃႈ​ဢေႃႈ။ ၸေး​လႃႇ။-</verse>
				<verse number="14">ၸဝ်ႈ​ႁဝ်း ဢဝ်​ႁွၵ်ႇ​မၼ်း​ၸိူဝ်း​ၼၼ်ႉ တႅင်း​သႂ်ႇ​ၵွၵ်း​ႁူဝ်​ၶုၼ်​ပူဝ်ႇ​မၼ်း​တင်း​လၢႆ ပွင်ႇ​ပဵဝ်​ၵႂႃႇ​တီႈ​ၶႃႈ​ဢေႃႈ။ ၶဝ်​ၼၼ်ႉ ဢွၼ်​ၵၼ်​ပတ်ႉ​ထူဝ်း​မႃး မိူၼ်​ၸိူဝ်ႉ​ၼင်ႇ ၽူၼ်​လူင်​လူမ်း​လူင်​ၼၼ်ႉ ႁႂ်ႈ​ၶႃႈ​ၸဝ်ႈ​ႁဝ်း​ၶဝ် ၽူင်ႉ​ၵႂႃႇ​ပိဝ်​ၵႂႃႇ တီႈ​ၶႃႈ​ဢေႃႈ။ တၢင်း​ဢၼ်​ၶဝ်​ၸူမ်း​သိူဝ်း ပဵၼ်​မိူၼ်​ၼင်ႇ​ႁၢင်ႈ​ၶဝ် မီး​တၢင်း​ၵျၢမ်ႇ​တၢင်း​ပွင် ဢၼ်​တၵ်း​တဵတ်ႇ​တဵတ်ႇ​ၶူပ်း​ၵိၼ်​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ တီႈ​ၶႃႈ​ဢေႃႈ။-</verse>
				<verse number="15">ၸဝ်ႈ​ႁဝ်း​ၶီႇ​မႃႉ​ၸဝ်ႈ​ႁဝ်း​ၸိူဝ်း​ၼၼ်ႉ​သေ​လႄႈ ၵႂႃႇ​ၵႃႈ​ၼႂ်း​ၵၢင်​ၼမ်ႉ​ပၢင်ႇ​လၢႆႇ တီႈ​ဢၼ်​မေႃး​လင်​ယူႇ​ႁိုင်း​ႁိုင်း​ၼၼ်ႉ တီႈ​ၶႃႈ​ဢေႃႈ။-</verse>
				<verse number="16">ၶႃႈ​ၸဝ်ႈ​ငိၼ်း​ပျႃႇ​တိၵ်ႈ​ၸဝ်ႈ​ၼၼ်ႉ​လႄႈ ၵႃႈ​ၼႂ်း​ႁူဝ်​ဢူၵ်း​မီး​တၢင်း​ဢၼ်​သၢၵ်ႇ​ယူႇ၊ သီႇ​သူပ်း​ၶႃႈ​ၸဝ်ႈ​တူင်ႉ​ယွပ်ႇ​ယူႇ၊ တၢင်း​ဢၼ်​ၽင်ႉ​ဢၼ်​ဢူႉ​ၶဝ် ၵႃႈ​ၼႂ်း​လုပ်ႇ​ၶႃႈ​ၸဝ်ႈ​ယူႇ၊ ၶႃႈ​ၸဝ်ႈ​မီး​တၢင်း​ဢၼ် သၼ်ႇ​သၼ်ႇ​သၢႆ​သၢႆ​တင်း​တူဝ်​တင်း​ၶိင်း​ယူႇ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၵဝ်​တၵ်း​လႆႈ​ယူႇ​ၼိမ်​ၼိမ်​လီ​လီ ၼႂ်း​မိုဝ်ႉ​ဝၼ်း​ဢၼ် ၽေး​ႁွတ်ႈ​ထိုင်၊ ဝၼ်း​ဢၼ်​ၵေႃႉ​ဢၼ် ယႃႉ​ပႅတ်ႈ​ၼၼ်ႉ တၵ်း​ႁဵတ်း​မုၵ်ႉ​ႁဵတ်း​ၸိူဝ်း သေ​လႄႈ ၶီႇ​မႃး​တိုၵ်း​တေႃး​ၵူၼ်း​တင်း​လၢႆ ၼၼ်ႉ​ဢေႃႈ။-</verse>
				<verse number="17">ပိၵ်ႉ​သမ်ႉ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ဢမ်ႇ​လႆႈ​မွၵ်ႇ​လႆႈ​ၵီႈ၊ ဢမ်ႇ​လႆႈ​မီး​တိၼ်ႇ မီး​မၢၵ်ႇ​တီႈ​တူၼ်ႈ ၶိူဝ်း​မၢၵ်ႇ​ၸပိတ်ႈ၊ တၢင်း​ဢၼ်​တူၼ်ႈ သၢၼ်ႇလုၼ်ႇ သၢင်ႈ​ႁဵတ်း​ၼၼ်ႉ ထၢတ်ႇ​ၵႂႃႇ​ႁၢႆ​ၵႂႃႇ၊ တူင်ႈ​ၼႃး​တင်း​လၢႆ ဢမ်ႇ​လႆႈ​ပၼ် မၢၵ်ႇ​မၼ်း​ႁူင်း​မၼ်း၊ ၽုင်​သူဝ်း​သဵင်ႈ​သေ ၵႃႈ​တီႈ​ၶွၵ်ႈ​သူဝ်း​လႄႈ ၽုင်​ဝူဝ်း​ဢမ်ႇ​လႆႈ​မီး ၵႃႈ​ၼႂ်း​သိုင်ႇ​ဝူဝ်း​သေ​ၵေႃႈ၊-</verse>
				<verse number="18">ၵဝ်​တၵ်း​ၸူမ်း​ပျေႃႇ​ယူႇ ၵႃႈ​ၼႂ်း​ထႃႇဝရႃႉ​ၽြႃး လႄႈ သႂၢင်ႇ​သိူဝ်း​ယူႇ ၵႃႈ​ၼႂ်း​ၽြႃး​ပဵၼ်​ၸဝ်ႈ ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ၼၼ်ႉ​ဢေႃႈ။-</verse>
				<verse number="19">ၸဝ်ႈ​ထႃႇဝရႃႉ​ၽြႃး ပဵၼ်​တၢင်း​ၵတ်ႉ​တၢင်း​ၶၼ်​ၵဝ်​လႄႈ မၼ်း​ၸဝ်ႈ​တၵ်း​ႁႂ်ႈ တိၼ်​ၵဝ်​ပဵၼ်​ၸိူဝ်ႉ​ၼင်ႇ​ၵႂၢင် ၼင်ႇ​ယီး​ၼၼ်ႉ​သေ​လႄႈ တၵ်း​ႁႂ်ႈ​ၵဝ်​ၵႂႃႇ​မႃး​ယူႇ ၵႃႈ​ၼိူဝ်​ထႃႇၼႃႉ တီႈ​သုင်​ၵဝ်​တင်း​လၢႆ ဢေႃႈ။ ဢၼ်​ၼႆႉ​ပဵၼ်​ပုၼ်ႈ ၵေႃႉ​ဢၼ်​ပဵၼ်​ၵႄႇ​ပဵၼ်​ႁူဝ် ၶိူင်ႈ​ပိူင်​တူႇရီႉယႃႇ​ၵဝ်​ၼၼ်ႉ​ဢေႃႈ။ ၵျၢမ်ႇ​ဢၼႃႇၵၢတ်ႈ​တီႉ​ႁပၵ်ႉၵုၵ်ႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="36">
			<chapter number="1">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ႁွတ်ႈ​မႃး​တီႈ​ ၸေႇၽၼီႉ လုၵ်ႈ​ၸၢႆး​ ၵူႉသီႉ ၊ ဢၼ်​ပဵၼ် လုၵ်ႈ​ၸၢႆး ၵေႇတလီႉ ၊ ဢၼ်​ပဵၼ် လုၵ်ႈ​ၸၢႆး​ ဢႃႇမရီႉ ၊ ဢၼ်​ပဵၼ် လုၵ်ႈ​ၸၢႆး​ ႁေႇၸၵီႉ ၼႂ်း​ၸူဝ်ႈ​ပၢၼ် ၶုၼ်​ ယူဝ်းသီႉယႃႉ လုၵ်ႈ​ၸၢႆး​ ဢႃႇမုၼ်ႇ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​ၸမ်ႉ၊</verse>
				<verse number="2">ၵဝ်​တၵ်း​ပႄႇ​ၽဵဝ်ႈ လွင်ႈ​တၢင်း​ၵႃႈ​မီး​ပႅတ်ႈ​သေ ၵႃႈ​ၼိူဝ်​ၼႃႈ​လိၼ်​မိူင်း မူတ်း​မူတ်း​သဵင်ႈ​သဵင်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="3">ၵဝ်​တၵ်း​ပႄႇ​ၽဵဝ်ႈ​ၵူၼ်း ဢိၵ်ႇ​တင်း​တရိၵ်ႈသၢၼ်ႇ​ပႅတ်ႈ​လႄႈ ပႄႇ​ၽဵဝ်ႈ​ၼူၵ်ႉ​ၵၢင်​ႁၢဝ် တင်း​ပႃ​ပၢင်ႇ​လၢႆႇ​တင်း​လၢႆ ဢိၵ်ႇ​တင်း လွင်ႈ​တၢင်း​ဢၼ်​ၶီႈ​လိုတ်း​လႄႈ​လူမ်ႉ ၸိူဝ်း​ၼၼ်ႉ ပႃး​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ႁၢႆႉ​ဢၼ်​ယုတ်ႈ​ၼၼ်ႉ ပႅတ်ႈ​ဢေႃႈ။ ၵူၼ်း​သတ်ႉတဝႃႇ​ၵေႃႈ ၵဝ်​တၵ်း​ပႄႇ​တႅပ်း​ပႅတ်ႈ​သေ ၵႃႈ​ၼိူဝ်​ၼႃႈ​လိၼ်​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="4">ၵဝ်​တၵ်း​ဢဝ်​မိုဝ်း​ၵဝ် ယဵတ်ႇ​ယူႇ​ၽၢႆႇ​ၼိုင်ႈ တင်း​မိူင်း​ ယူႉတႃႉ ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်​လႄႈ တၵ်း​ပႄႇ​ၽဵဝ်ႈ​တပႄး​တပၢၼ်း ၽြႃး ပႃႇလႃႉ ဢၼ်​ၵိုတ်း​ဢၼ်​ၵျၢၼ်ႇ​တင်း​လၢႆ၊ ၼႃႇ​မႃႉ​ၸိုဝ်ႈ​သဵင် ယိတ်ႈပရေႃးႁဵၵ်ႈ ဢၼ်​ၵူဝ်း​ၵႂၢႆႇ​ရုၵ်ႈ​ထူႉ​တင်း​လၢႆ ဢိၵ်ႇ​လူၺ်ႈ​ၵၼ် တင်း​ယိတ်ႈပရေႃးႁဵၵ်ႈ တၢင်ႇ​ၵေႃႉ​တၢင်ႇ​ၵူၼ်း​တင်း​လၢႆ၊-</verse>
				<verse number="5">ၶဝ်​ၸိူဝ်း​ဢၼ်​ၵူဝ်း​ၵႂၢႆႇ ၶိူင်ႈ​ပိူင်​ၵၢင်​ႁၢဝ်​တင်း​လၢႆ ၵႃႈ​ၼိူဝ်​မုင်း​ႁိူၼ်း၊ ၶဝ်​ၸိူဝ်း​ဢၼ်​ဢဝ်​ထႃႇဝရႃႉ​ၽြႃး ဢိၵ်ႇ​တင်း ၽြႃး မႃႇလ​ၶၢမ်ႇ​ တိူင်ႇ​ဝႃႈ​ၵိၼ်ႇ​ဝႃႈ​သေ​လႄႈ ၵူဝ်း​ၵႂၢႆႇ၊-</verse>
				<verse number="6">ၶဝ်​ၸိူဝ်း​ဢၼ် သုတ်ႉ​ၶိုၼ်း ယိုတ်း​ၶိုၼ်း​သေ​ၵႃႈ​တီႈ တၢင်း​ဢၼ် ၸွမ်း​လင်​ထႃႇဝရႃႉ​ၽြႃး ၼၼ်ႉ တင်း​ၶဝ်​ၸိူဝ်း​ဢၼ် ဢမ်ႇ​ႁႃ​ဢဝ် ထႃႇဝရႃႉ​ၽြႃး​လႄႈ ဢမ်ႇ​တွင်ႈ​ထၢမ်​ႁႃ​ဢဝ် မၼ်း​ၸဝ်ႈ​ၼၼ်ႉ ပႅတ်ႈ​သေ ၵႃႈ​တီႈ​ၼႆႈ​ဢေႃႈ။-</verse>
				<verse number="7">ဢွၼ်​ၵၼ်​ယူႇ​တဵတ်ႇ​တဵတ်ႇ ၵႃႈ​တီႈ​ၽၢႆႇ​ၼႃႈ ၸဝ်ႈ​ထႃႇဝရႃႉ​ၽြႃး​တႃႉ။ မိုဝ်ႉ​ဝၼ်း​ထႃႇဝရႃႉ​ၽြႃး ၸမ်​မႃး​ယဝ်ႉ။ ထႃႇဝရႃႉ​ၽြႃး မႄး​ႁႅၼ်း​ပွႆး​ယိတ်ႈ​ဝႆႉ လႄႈ ႁႂ်ႈ​ၶဝ်​ၸိူဝ်း​ဢၼ် မၼ်း​ၸဝ်ႈ​ႁွင်ႉ​ပၢင်း​ဢဝ် ၼၼ်ႉ မူတ်း​ၸၢင်ႇ​ယဝ်ႉ။-</verse>
				<verse number="8">ၼႂ်း​မိုဝ်ႉ​ဝၼ်း​ဢၼ် ထႃႇဝရႃႉ​ၽြႃး ၶၢမ်ႇ​ပွႆး​ၼၼ်ႉ ၵဝ်​တၵ်း​ပၼ်​တၢမ်ႇ တီႈ​ၶုၼ်​တီႈ​ၵႂၢၼ်၊ တီႈ​လုၵ်ႈ​လၢင်း​ၶုၼ်​ႁေႃ​ၶမ်း ဢိၵ်ႇ​တင်း တီႈ​ၶဝ်​ၸိူဝ်း​ဢၼ် ၼုင်ႈ​ၶူဝ်း​ၼုင်ႈ ဢၼ်​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ႁဵတ်း​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="9">ၼႂ်း​မိုဝ်ႉ​ဝၼ်း​ၼၼ်ႉ ၶဝ်​ၸိူဝ်း​ဢၼ် ၶၢမ်ႈ​ၶူင်ႇ​ၽၵ်း​တူ​ပိူၼ်ႈ ဢၼ်​ႁႂ်ႈ​ႁိူၼ်း​ၸဝ်ႈ​ၶဝ် ပျေႉ​ၸုမ်ႇ​တဵမ်​ဝႆႉ​တင်း တၢင်း​ဢၼ်​ႁဵတ်း​ပႄႉ​ႁဵတ်း​ၼႅင်ႇ၊ တၢင်း​ဢၼ်​ပႅတ်ႉ​ဢၼ်​လႅၼ် ၸိူဝ်း​ၼၼ်ႉ​ၵေႃႈ ၵဝ်​တၵ်း​ပၼ်​တၢမ်ႇ​ဢေႃႈ။-</verse>
				<verse number="10">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ တၵ်း​လႆႈ​မီး သဵင်​ဢၼ်​ႁွင်ႉ​သႅၼ်ႇ ဢွၵ်ႇ​သေ​ၵႃႈ​ၼႂ်း​ႁူး​ၽၵ်း​တူ​ပႃ၊ သဵင်​ဢၼ်​ႁွင်ႉ​ႁႆႈ​ပွင်ႉ​ၶၢင်း ဢွၵ်ႇ​သေ​ၵႃႈ​ၼႂ်း ဝဵင်း​တူႉတီႉယႃႉ၊ သဵင်​တၢင်း ဢၼ်​ႁၵ်း​ႁဵၵ်း​ယႃႉ​ပႅတ်ႈ ဢၼ်​ႁႅင်း​ယႂ်ႇ​ၼႃႇ ဢွၵ်ႇ​သေ​ၵႃႈ​ၼႂ်း​သၼ်​လွႆ ၼၼ်ႉ​ဢေႃႈ။-</verse>
				<verse number="11">ၵူၼ်း​ၵႃႈ​တီႈ​ မၵ်ႉတေႇသႃႉ ​ၶဝ်​ဢိူၺ်း၊ ဢွၼ်​ၵၼ်​ႁွင်ႉ​ႁႆႈ​ပွင်ႉ​ၶၢင်း​တႃႉ။ ၵူၼ်း​မိူင်း​ၶႃႈ​ၼၼ်ႉ တင်း​သဵင်ႈ​တင်း​လူင် ထၢတ်ႇ​ၵႂႃႇ​ယဝ်ႉ။ ၶဝ်​ၸိူဝ်း​ဢၼ် ပႃး​ငိုၼ်း တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​သုမ်း​ၸွမ်း​ပႅတ်ႈ​ယဝ်ႉ။-</verse>
				<verse number="12">ၼႂ်း​ၶိင်ႇ​မိူဝ်ႈ​ၼၼ်ႉ ၵဝ်​တၵ်း​ယိပ်း​ၵမ် ဝၢၼ်ႇ​ၽႆး​တဵၼ်း​သေ​လႄႈ ၸႅတ်ႈ​ထၢမ်​ၸႅတ်ႈ​တူၺ်း​ဝဵင်း​ ယေႇရူႉသလႅမ်ႇ ​ဢေႃႈ။ ၵဝ်​တၵ်း​ပၼ်​တၢမ်ႇ တီႈ​ၶဝ်​ၸိူဝ်း​ဢၼ် ၵွၼ်ႈ​ၵၢမ်ႈ​ၵႅၼ်ႇ​ၶႅင်​မႃး ၵႃႈ​ၼိူဝ်​ဢူၼ်​ႁွၼ်း​ၶဝ်​လႄႈ လၢတ်ႈ​ၼႂ်း​ၸႂ်​လႄႈ​ဝႃႈ၊ ထႃႇဝရႃႉ​ၽြႃး ဢမ်ႇ​ႁဵတ်း​ၵျေး​ၸူး၊ ဢမ်ႇ​ပၼ်​ဢပႅတ်ႈ​ၵူၺ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="13">ၸေး​ၸိမ်ႇ​ဢုၵ်ႉ​ၸႃႇ​ၶဝ်​ၼၼ်ႉ တၵ်း​လႆႈ​ပဵၼ် တီႈ​ဢၼ်​ပိူၼ်ႈ​ႁိမ်​ဢဝ် ႁူင်ႇ​ဢဝ်​လႄႈ ႁိူၼ်း​တီႈ​ယူႇ​ၶဝ်​ၸိူဝ်း​ၼၼ်ႉ တၵ်း​လႆႈ​မီး တၢင်း​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ယူႇ​ဢေႃႈ။ ပိၵ်ႉ​သမ်ႉ​ၶဝ်​ဢွၼ်​ၵၼ် ႁဵတ်း​ႁိူၼ်း​သေ​ၵေႃႈ ၶဝ်​ဢမ်ႇ​လႆႈ​ယူႇ လႆႈ​သဝ်း​ၵႃႈ​ၼႂ်း​မၼ်း​လႄႈ ပိၵ်ႉ​သမ်ႉ​ၶဝ်​ဢွၼ်​ၵၼ်​ၽုၵ်ႇ သူၼ်​ဢူးယဵၼ်ႇ​မၢၵ်ႇ​ၸပိတ်ႈ​သေ​ၵေႃႈ ၶဝ်​ဢမ်ႇ​လႆႈ​သူတ်ႉ​လႆႈ​ၵိၼ် ၼမ်ႉ​ၸပိတ်ႈ​မၼ်း။-</verse>
				<verse number="14">ဝၼ်း​ယႂ်ႇ​ဝၼ်း​လူင် ထႃႇဝရႃႉ​ၽြႃး ၸမ်​မႃး​ယဝ်ႉ။ ၸမ်​မႃး​ယဝ်ႉ။ ႁိပ်ႈ​ၼႅတ်ႈ​မႃး​ယူႇ​ဢေႃႈ။ သတၢင်း​သဵင်​ၶၢဝ်ႇ ဝၼ်း​ထႃႇဝရႃႉ​ၽြႃး​ၼၼ်ႉ​မႃး​လႄႈ၊ ၵေႃႉ​ဢၼ်​ႁႅင်း​ယႂ်ႇ​ၼႃႇ တၵ်း​ႁွင်ႉ​သႅၼ်ႇ သဵင်​ဢၼ်​ၶူမ်​ၼႃႇ​ၶၼ်း​ၼႃႇ​ၼၼ်ႉ လူင်​လၢင်​ဢေႃႈ။-</verse>
				<verse number="15">မိုဝ်ႉ​ဝၼ်း​ၼၼ်ႉ ပဵၼ်​ဝၼ်း​ဢၼ် တၢင်း​ၸႂ်​မႆႈ​ၶႆႈ​ၸႃႉ​ဢွၵ်ႇ၊ ဝၼ်း​ဢၼ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်၊ ဝၼ်း​တၢင်း​ဢၼ်​တီႇ​ၽဵဝ်ႈ​လႄႈ ယႃႉ​ပႅတ်ႈ မူတ်း​မူတ်း​သဵင်ႈ​သဵင်ႈ ဝၼ်း​ဢၼ်​လပ်း​သိင်ႇ​လႄႈ ဢၼ်​လႅင်း လပ်ႉ​ႁၢႆ​ၵႂႃႇ၊ ဝၼ်း​ဢၼ်​ၽႃႉ​မိုတ်း​၊ၽႃႉ​ၵုမ်ႈ​လႄႈ လပ်း​သိင်ႇ​ၼႃ​တၼ်​ၼႃႇ၊-</verse>
				<verse number="16">ဝၼ်း​ဢၼ်​ပဝ်ႇ ၼႄးၶရႃႇ​လႄႈ ႁွင်ႉ​ပၢဝ်ႇ​ႁွင်ႉ​သေႃႇ ယူႇ​ၽၢႆႇ​ၼိုင်ႈ တင်း​ဝဵင်း​ဢၼ်​မၼ်ႈ​ၶိူင်ႇ​တင်း​လၢႆ ဢိၵ်ႇ​တင်း​တိူၵ်ႈ​တီႈ​တိုၵ်း​သိုၵ်း ဢၼ်​သုင်​ၼႃႇ​ၸိူဝ်း​ၼၼ်ႉ​ဢေႃႈ။-</verse>
				<verse number="17">ၵဝ်​တၵ်း​ၼိၵ်ႈ​ၸၢၵ်ႈ​ငႅၼ်း​သႄး ၵူၼ်း​တင်း​လၢႆ ထၼ်ႈ​ပေႃး ႁႂ်ႈ​ၶဝ်​လႆႈ​ၵႂႃႇ မိူၼ်​ၸိူဝ်ႉ​ၼင်ႇ ၵေႃႉ​ဢၼ်​တႃ​မွတ်ႇ​တႃ​တၼ်​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​ၽိတ်း​ပိူင်ႈ ထႃႇဝရႃႉ​ၽြႃး​ၼၼ်ႉ​လႄႈ လိူတ်ႈ​ၶဝ် တၵ်း​လႆႈ​ၶၢမ်ႇ တၢင်း​ဢၼ်​ထွၵ်ႇ​ႁိုဝ်ႈ​ပႅတ်ႈ မိူၼ်​ၸိူဝ်ႉ​ၼင်ႇ မုၼ်ႈ​လိၼ်​ၼၼ်ႉ​လႄႈ ၼိူဝ်ႉ​ၶဝ်​ၼင်​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ​ၶီႈ​ၼင်ႇ​ဢႃႇ ၼၼ်ႉ​ဢေႃႈ။-</verse>
				<verse number="18">ၼႂ်း​မိုဝ်ႉ​ဝၼ်း​ဢၼ် ထႃႇဝရႃႉ​ၽြႃး ၸႂ်​မႆႈ​ၶႆႈ​ၸႃႉ​ၼၼ်ႉ၊ ငိုၼ်း​ၶမ်း​ၶဝ် ဢမ်ႇ​ၵႄႇ​သႄႇ​ၶျွတ်ႈ​ဢဝ်​ၶဝ်​လႆႈ၊ ၽႆး​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ တၵ်း​မႆႈ​ပႅတ်ႈ​တင်း​မိူင်း​ဢေႃႈ။ မၼ်း​ၸဝ်ႈ တၵ်း​ၸီႇ​ယၢင်ႇ​ၵူၼ်း​ဝၢၼ်ႈ ၵူၼ်း​မိူင်း​ၵႃႈ​မီး ႁႂ်ႈ​ၸဵဝ်း​ယဝ်ႉ​ၸဵဝ်း​တူဝ်ႈ​ဢေႃႈ။</verse>
			</chapter>
			<chapter number="2">
				<verse number="1">မဵဝ်း​ၵူၼ်း​ဢၼ် ၽႂ်​ဢမ်ႇ​ၵျိူၵ်ႈ ဢမ်ႇ​ၶႂ်ႈ​လႆႈ​ၶဝ်​ဢိူၺ်း၊ ဢွၼ်​ၵၼ်​ၸႅတ်ႈ​ထၢမ် ၸႅတ်ႈ​တူၺ်း​တူဝ်​သူ​တႃႉ။-</verse>
				<verse number="2">ဢွၼ်​ၵၼ်​ၸႅတ်ႈ​ထၢမ် ၸႅတ်ႈ​တူၺ်း ၸူဝ်ႈ​ဢၼ်​ဢမ်ႇ​ပႆႇ​ၸီႇ​ယၢင်ႇ ၸွမ်း​ၼင်ႇ​ဢမိင်ႉ​ၸဝ်ႈ၊ ၸူဝ်ႈ​ဢၼ်​မိုဝ်ႉ​ဝၼ်း​သူ ဢမ်ႇ​ပႆႇ​ပူၼ်ႉ​ၵႂႃႇ မိူၼ်​ၸိူဝ်ႉ​ၼင်ႇ​ၵႅပ်ႇ၊ ၸူဝ်ႈ​ဢၼ်​တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး​ဢၼ်​ႁႅင်း​ယႂ်ႇ​ၼႃႇ​ၼၼ်ႉ ဢမ်ႇ​ပႆႇ​ႁွတ်ႈ​ထိုင် ၵႃႈ​ၼိူဝ်​သူ၊ ၸူဝ်ႈ​ဢၼ်​မိုဝ်ႉ​ဝၼ်း ဢၼ်​တၢင်း​ၸႂ်​မႆႈ​ၶႆႈ​ၸႃႉ ထႃႇဝရႃႉ​ၽြႃး​ၼၼ်ႉ ဢမ်ႇ​ပႆႇ​ႁွတ်ႈ​ထိုင် ၵႃႈ​ၼိူဝ်​သူ​ၼၼ်ႉ​တႃႉ။-</verse>
				<verse number="3">ၵူၼ်း​ဝၢၼ်ႈ​ၵူၼ်း​မိူင်း ဢၼ်​ႁူဝ်​ၸႂ်​ၶျႃး​တႅမ်ႇ​လႄႈ ၵမ်​ၵျၢင်ႉ​ၸွမ်း​ၼင်ႇ​တြႃး တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ႁႃ​ဢဝ် ထႃႇဝရႃႉ​ၽြႃး​တႃႉ။ ဢွၼ်​ၵၼ်​ႁႃ​ဢဝ် တၢင်း​ဢၼ်​သိုဝ်ႈ​တေႃႇ​တႃႉ။ တၢင်း​ဢၼ် ႁူဝ်​ၸႂ်​ၶျႃး​တႅမ်ႇ​ၵေႃႈ ဢွၼ်​ၵၼ်​ႁႃ​ဢဝ်​တႃႉ။ သူ​ၸၢင်ႈ​ၶႄး တၵ်း​လႆႈ​တဵတ်ႇ​မႅပ်ႉ​ယူႇ ၼႂ်း​မိုဝ်ႉ​ဝၼ်း​ဢၼ် ထႃႇဝရႃႉ​ၽြႃး ၸႂ်​မႆႈ​ၶႆႈ​ၸႃႉ​ၼၼ်ႉ ဢေႃႈ။</verse>
				<verse number="4">ဝဵင်း​ ၵႃႇၸႃႉ တၵ်း​ပဵၼ် တီႈ​ဢၼ်​ၸုၼ်ႉ​ပႅတ်ႈ​လႄႈ ဝဵင်း​ ဢႃႇသၵေႇလုၼ်ႇ တၵ်း​ပဵၼ် တီႈ​ဢၼ်​ပႄႇ​ၽဵဝ်ႈ​ပႅတ်ႈ​ဢေႃႈ။ ၶဝ်​တၵ်း​ႁေႃႈ ၶုၼ်​ဝဵင်း​ ဢႃႇၸုတ်ႉ ​တင်း​လၢႆ ဢွၵ်ႇ​ပႅတ်ႈ ၶိင်ႇ​ဝၼ်း​တဵင်ႈ​လႄႈ ဝဵင်း​ ဢေႇၵြုၼ်ႇ ​ၵေႃႈ ၶဝ်​တၵ်း​လႆႈ​ၶၢမ်ႇ တၢင်း​ဢၼ်​ၵိူၼ်ႇ​ယႃႉ​ပႅတ်ႈ​ဢေႃႈ။-</verse>
				<verse number="5">ၵူၼ်း​မဵဝ်း​ ၶေးရသီႉ ဢၼ်​ယူႇ​ၵႃႈ​တီႈ ႁိမ်း​ၽင်ႇ​ပၢင်ႇ​လၢႆႇ​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ မိူင်း​ ၶႃႇၼၢၼ်ႇ တီႈ​ယူႇ​ၵူၼ်း​ ၽီႉလိတ်ႉတီႉ ​ဢိူၺ်း၊ ၼုၵ်ႈၵပၢတ်ႈ ထႃႇဝရႃႉ​ၽြႃး မီး​ယူႇ​ၽၢႆႇ​ၼိုင်ႈ​တင်း​သူ​ဢေႃႈ။ ၵဝ်​တၵ်း​ယႃႉ​ၽဵဝ်ႈ​မႂ်း​ပႅတ်ႈ ႁႂ်ႈ​ထၼ်ႈ​ပေႃး ဢမ်ႇ​မီး​ၵေႃႉ​ဢၼ်​ယူႇ​ဢၼ်​သဝ်း ၵႃႈ​ၼႂ်း​မႂ်း​ဢေႃႈ။-</verse>
				<verse number="6">ၵႃႈ​တီႈ​ႁိမ်း​ၽင်ႇ​ပၢင်ႇ​လၢႆႇ​ၼၼ်ႉ တၵ်း​ပဵၼ်​ပုၼ်ႈ တီႈ​ဢၼ်​ၵိၼ်​ယူႇ​သေႇ​သေႇ၊ တီႈ​ဢၼ်​ၶုတ်း​ၼမ်ႉ​မေႃႇ ပုၼ်ႈ​ၶဝ်​ၸိူဝ်း​ဢၼ် လဵင်ႉ​သူဝ်း​ထိင်း​သူဝ်း၊ တီႈ​ဢၼ်​တၵ်း​ႁဵတ်း​ၶွၵ်ႈ​သူဝ်း​တင်း​လၢႆ​ဢေႃႈ။-</verse>
				<verse number="7">ၽင်ႇ​ပၢင်ႇ​လၢႆႇ​ၼၼ်ႉ​ၵေႃႈ တၵ်း​ပဵၼ်​ပုၼ်ႈ​ၵူၼ်း​မဵဝ်း​ ယူႉတႃႉ ဢၼ်​ၵိုတ်း​ဢၼ်​ၵျၢၼ်ႇ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ တၵ်း​ဢွၼ်​ၵၼ်​ၵိၼ်​ယူႇ ၵႃႈ​တီႈ​ၼၼ်ႈ​ဢေႃႈ။ ၶိင်ႇ​ၵၢင်​ၶမ်ႈ​ၵေႃႈ ၶဝ်​တၵ်း​ဢွၼ်​ၵၼ်​ၼွၼ်း​ယူႇ ၵႃႈ​တီႈ​ႁိူၼ်း​ၵႃႈ​ၼႂ်း​ဝဵင်း ဢႃႇသၵေႇလုၼ်ႇ ​ၸိူဝ်း​ၼၼ်ႉ​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် တၵ်း​မႃး​လူ မႃး​တူၺ်း​ၶဝ်​လႄႈ ပႄႇ​ၽေး​တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ ပႅတ်ႈ​သေ​ၵႃႈ​တီႈ​ၶဝ်​ဢေႃႈ။-</verse>
				<verse number="8">ၵဝ်​လႆႈ​ငိၼ်း​ၵႂၢမ်း ဢၼ်​ၵူၼ်း​မဵဝ်း​ မေႃႇၽႃႉ ​တင်း​လၢႆ တၢင်ႇ​ဢပႅတ်ႈ ဢိၵ်ႇ​တင်း ၵႂၢမ်း​ဢၼ်​ၵူၼ်း​မဵဝ်း​ ဢမ်ႇမုၼ်ႇ ​တင်း​လၢႆ သႄႉ​သွမ်း ဢၼ်​ၶဝ်​ဢဝ်​သႄႉ​သွမ်း ၵူၼ်း​မဵဝ်း​ၵဝ် တင်း​လၢႆ​သေ​လႄႈ ဢုပ်ႇ​ဢၢတ်ႇ​ယူႇ​ၽၢႆႇ​ၼိုင်ႈ တင်း​ၶွပ်ႇ​ၼမ်ႉ လႅၼ်​လိၼ်​ၶဝ်​ၼၼ်ႉ ယဝ်ႉ​ယဝ်ႉ။-</verse>
				<verse number="9">ပိူဝ်ႈ​ၼႆ​လႄႈ ၽြႃး​ပဵၼ်​ၸဝ်ႈ မဵဝ်း​ ဢီႉသရေႇလႃႉ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ မိူင်း​ မေႃႇၽႃႉ တၵ်း​လႆႈ ပဵၼ်​ၸိူဝ်ႉ​ၼင်ႇ​ဝဵင်း​ သေႃးတုမ်ႇ ၊ မိူင်း​ ဢမ်ႇမုၼ်ႇ ​တၵ်း​လႆႈ​ပဵၼ်​ၸိူဝ်ႉ​ၼင်ႇ​ဝဵင်း​ ၵေႃးမေႃးရႃႉ ၊ တီႈ​ဢၼ် တူၼ်ႈ​ၼၢမ်​ဢွၵ်ႇ၊ တီႈ​ဢၼ် ၶုတ်း​လိၼ်​ပုၼ်ႈ​ဢၼ်​တၵ်း​ႁုင်​ၵိူဝ်၊ တီႈ​ဢၼ်​လူႉ​လႅဝ်​ယူႇ​သေႇ​သေႇ ၼၼ်ႉ​ဢေႃႈ။ ၵူၼ်း​ၵဝ်​ဢၼ်​ၵိုတ်း ဢၼ်​ၵျၢၼ်ႇ​ၸိူဝ်း​ၼၼ်ႉ တၵ်း​ႁိမ်​ႁူင်ႇ​ဢဝ်​ၶဝ်​လႄႈ ၵူၼ်း​မဵဝ်း​ၵဝ် ဢၼ်​ၵိုတ်း​ဢၼ်​ၵျၢၼ်ႇ ၸိူဝ်း​ၼၼ်ႉ တၵ်း​ၶၢမ်ႇ​ဢဝ် ဢမူၺ်ႇ​ၶဝ်​ဢေႃႈ။-</verse>
				<verse number="10">ၶဝ်​တၵ်း​လႆႈ​ၶၢမ်ႇ​ၸိူဝ်ႉ​ၼင်ႇ​ၼၼ် ပုၼ်ႈ​တႃႇ တၢင်း​ဢၼ်​မႃႇၼႃႉ​ၶဝ် ယႂ်ႇ​ၼၼ်ႉ ၵွပ်ႈ​ပိူဝ်ႈ ဢၼ်​ၶဝ်​သႄႉ​သွမ်း​လႄႈ ဢုပ်ႇ​ဢၢတ်ႇ​ယူႇ​ၽၢႆႇ​ၼိုင်ႈ တင်း​ၵူၼ်း​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ​ဢေႃႈ။-</verse>
				<verse number="11">ထႃႇဝရႃႉ​ၽြႃး တၵ်း​ပဵၼ် တီႈ​ဢၼ်​လီ​ၵူဝ်​လီ​ႁႄ တီႈ​ၶဝ်​လႄႈ မၼ်း​ၸဝ်ႈ တၵ်း​ဢဝ်​ၽြႃး​လေႃးၵီႇ​ၵႃႈ​မီး ႁႂ်ႈ​ပဵၼ်​ဢၼ်​လဵၵ်ႉ ဢၼ်​ဢွၼ်ႇ​ဢေႃႈ။ ၵုၼ်​ၼႂ်း​ၼမ်ႉ တီႈ​ယူႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ၵႃႈ​မီး​ၸိူဝ်း​ၼၼ်ႉ တၵ်း​ဢွၼ်​ၵၼ်​ယူႇ ၵႃႈ​ၼႂ်း​တီႈ​ယူႇ​ၶဝ် ႁင်း​ၽႂ်​ႁင်း​မၼ်း​ၼၼ်ႉ သေ​လႄႈ ဝႆႈ​သႃ​မၼ်း​ၸဝ်ႈ​ဢေႃႈ။-</verse>
				<verse number="12">ၵူၼ်း​မိူင်း​ ၵူႉသႃႉ ​ၶဝ်​ဢိူၺ်း၊ သူ​ၵေႃႈ တၵ်း​လႆႈ​ၶၢမ်ႇ​တၢႆ လူၺ်ႈ​လၢပ်ႇ​ၵဝ် လႅဝ်း​ၵဝ်​ဢေႃႈ။-</verse>
				<verse number="13">မၼ်း​ၸဝ်ႈ တၵ်း​ယဵတ်ႇ​မိုဝ်း​မၼ်း​ၸဝ်ႈ ၵႃႈ​ၼိူဝ်​ၼႃႈ​တၢင်း​ႁွင်ႇ​လႄႈ ယႃႉ​မိူင်း​ ဢႃႇသူႉရီႉ ​ပႅတ်ႈ​ဢေႃႈ။ မၼ်း​ၸဝ်ႈ တၵ်း​ႁႂ်ႈ​ဝဵင်း​ ၼီႉၼေႇဝူၺ်ႇ ပဵၼ်​တီႈ​ဢၼ် သဵတ်ႇ​ၵူၼ်း​ယဵၼ်​ၵူၼ်း၊ တီႈ​ဢၼ်​ႁႅင်ႈ​ႁွင် မိူၼ်​ၸိူဝ်ႉ​ၼင်ႇ တီႈ​ပၢင်ႇ​တီႈ​ပဵင်း ၼၼ်ႉ​ဢေႃႈ။-</verse>
				<verse number="14">ၽုင်​သူဝ်း ဢိၵ်ႇ​တင်း တူဝ်​ထိူၼ်ႇ​ႁၢႆႉ တၢင်ႇ​ၸိူဝ်ႉ​တၢင်ႇ​ၶိူဝ်း ၵႃႈ​မီး တၵ်း​ဢွၼ်​ၵၼ်​ၼွၼ်း​ၵႃႈ​တီႈ ၼႂ်း​ၵၢင်​မၼ်း​လႄႈ ၼူၵ်ႉ​ၵွၼ်ႉ​ႁွႆ ဢိၵ်ႇ​တင်း မဵၼ်ႈ​တင်း​လၢႆ တၵ်း​တူၵ်း​တီႈ တူၵ်း​လႅၼ်​ယူႇ ၵႃႈ​တီႈ​ၶိုဝ်ႇ​ၽၵ်း​တူ​မၼ်း ၸိူဝ်း​ၼၼ်ႉ​ဢေႃႈ။ သဵင်​ၶဝ်​တၵ်း​ႁူၼ်ႈ​မေႃး​ယူႇ ၵႃႈ​ၼႂ်း​ႁူး​လၢင်း​တဵၼ် တင်း​လၢႆ​လႄႈ ၶူင်ႇ​ၽၵ်း​တူ​တင်း​လၢႆ တၵ်း​မီး​တၢင်း​ဢၼ် သဵတ်ႇ​ၵူၼ်း​ယဵၼ်​ၵူၼ်း​ယူႇ ၵွပ်ႈ​ပိူဝ်ႈ​ဢၼ် မၼ်း​ၸဝ်ႈ​ပိုတ်ႇ​ပိၼ်ႈ လၢႆး​မွၵ်ႇ​လၢႆး​မႂ် ၼိူဝ်ႉ​မႆႉ​ ဢႃႇရိတ်ႉ ​ၸိူဝ်း​ၼၼ်ႉ​ပႅတ်ႈ​ဢေႃႈ။-</verse>
				<verse number="15">ဝဵင်း​ၼၼ်ႉ ပဵၼ်​ဝဵင်း တၢင်း​ဢၼ်​ယၢမ်ႈ​မီး တၢင်း​ဢၼ်​ၸူမ်း ဢၼ်​သိူဝ်း​ယူႇ၊ ဢၼ်​ၵၢင်း​လွတ်ႈ​တင်း သေႃး​ၵႃႉ​ယူႇ​သေ​လႄႈ လၢတ်ႈ​ၼႂ်း​ၸႂ်​လႄႈ​ဝႃႈ၊ မီး​ၵဝ်​ၵူၺ်း​ဢေႃႈ။ ၼွၵ်ႈ​သေ​ၵဝ်​ၼႆႉ ဢမ်ႇ​မီး​ၽူႈ​လႂ်၊ ဝႃႈ​ၼင်ႇ​ၼႆ​ယူႇ လူင်​ပႄႇ။ မိူဝ်ႈ​လဵဝ်​ၼႆႉ မၼ်း​ပဵၼ်​တီႈ​ဢၼ် ပႄႇ​ၽဵဝ်ႈ​ပႅတ်ႈ၊ တီႈ​ဢၼ်​တူဝ်​ထိူၼ်ႇ​ႁၢႆႉ ၼွၼ်း​ယူႇ​ယဝ်ႉ​လူင်​ပႄႇ။ ၶဝ်​ၸိူဝ်း​ဢၼ် ၵႂႃႇ​တၢင်း​ပႆ​တၢင်း​ၵၢႆ​ၵႂႃႇ ၵႃႈ​တီႈ​ႁိမ်း​မၼ်း​ၼၼ်ႉ တၵ်း​ဢွၼ်​ၵၼ်​ႁဵတ်း​သဵင် သီႉ​သီႉ​သေႃႉ​သေႃႉ သႄႉ​သွမ်း​လႄႈ သၼ်ႇ​မိုဝ်း ၽႅတ်း​မိုဝ်း​ၶဝ်​ဢေႃႈ။</verse>
			</chapter>
			<chapter number="3">
				<verse number="1">ဝဵင်း​ဢၼ် ၸၢင်ႈ​ႁဵတ်း​ၶတ်း ႁဵတ်း​တႃႉ​လႄႈ ၵူဝ်ႈ​ၵိူၵ်ႇ​ယူႇ သေ​လႄႈ ၼိၵ်ႈ​ၸၢၵ်ႈ ငႅၼ်း​သႄး​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="2">မၼ်း​ဢမ်ႇ​ထွမ်ႇ​ဢဝ်​ၼုၵ်ႈၵပၢတ်ႈ​ၸဝ်ႈ။ ဢမ်ႇ​ၶၢမ်ႇ​ဢဝ် တၢင်း​ဢၼ်​သင်ႇ​သွၼ်​သုင်း​မႃႉ​ၸဝ်ႈ။ ဢမ်ႇ​သွၼ်ႈ​ပိုင်ႈ ထႃႇဝရႃႉ​ၽြႃး ဢမ်ႇ​သုတ်ႉ​ၸပ်း သုတ်ႉ​ၸူး ၵႃႈ​တီႈ​ၽြႃး​ပဵၼ်​ၸဝ်ႈ​မၼ်း​လႃး​လႃး။-</verse>
				<verse number="3">ၶုၼ်​ၵႃႈ​ၼႂ်း​ၵၢင်​မၼ်း ၸိူဝ်း​ၼၼ်ႉ ပဵၼ်​သၢင်ႇ​သီႈ ဢၼ်​ႁွင်ႉ​ၶၢင်း​ယူႇ​လႄႈ ၵူၼ်း​ဢၼ် ၸီႇ​ယၢင်ႇ​တြႃး​မၼ်း​ၸိူဝ်း​ၼၼ်ႉ ပဵၼ်​မႃ​ထိူၼ်ႇ ဢၼ်​ၸၢင်ႈ​လႄႇ​ယူႇ ၶိင်ႇ​ၵၢင်​ၶိုၼ်း​ဢေႃႈ။ ၶဝ်​ဢွၼ်​ၵၼ် ၶူပ်း​ၵိၼ်​လုပ်ႇ ၵိၼ်​လၢဝ်ႈ​လႄႈ ဢမ်ႇ​ဝႆႉ​ၵိုတ်း​ဝႆႉ​ၵျၢၼ်ႇ တေႃႇ​ထိုင်​ႁွတ်ႈ ၶိင်ႇ​ၵၢင်​ၼႂ်။-</verse>
				<verse number="4">ပရေႃးၽႅတ်ႈ​မၼ်း​ၸိူဝ်း​ၼၼ်ႉ ပဵၼ်​ၵေႃႉ​ဢၼ်​မဝ်​မၢင်၊ ၵေႃႉ​ဢၼ်​သဵတ်ႈ​ၸႃႇ​လူႉ​လႄႈ ယိတ်ႈပရေႃးႁဵၵ်ႈ​မၼ်း ၸိူဝ်း​ၼၼ်ႉ ႁဵတ်း​ႁႂ်ႈ​ထႃႇၼႃႉ​တီႈ​မူတ်း​ၸၢင်ႇ​ၸဝ်ႈ ၵူဝ်ႈ​ၵိူၵ်ႇ​လႄႈ ၶျႃး​တြႃး​ၸဝ်ႈ တူၵ်း​တီႈ​တႅမ်ႇ​ဢေႃႈ။-</verse>
				<verse number="5">ၵူၺ်း​ၵႃႈ ထႃႇဝရႃႉ​ၽြႃး ႁဵတ်း​ၸွမ်း​ၼင်ႇ​တြႃး ၵႃႈ​ၼႂ်း​ၵၢင်​မၼ်း​လႄႈ မၼ်း​ၸဝ်ႈ ဢမ်ႇ​ႁဵတ်း​လွင်ႈ​တၢင်း​ဢၼ် ဢမ်ႇ​တြႃး။ ၼႂ်​ၼိုင်ႈ​ယဝ်ႉ ၼႂ်​ၼိုင်ႈ မၼ်း​ၸဝ်ႈ​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​မၼ်း​ၸဝ်ႈ သိုဝ်ႈ​တေႃႇ​ၼၼ်ႉ​လႄႈ ဢမ်ႇ​ပိူင်ႈ​ၵႂႃႇ လွႆး​ၵႂႃႇ​လႃး​လႃး။ ၼႂ်း​ဝႃႈ​ၼၼ်​သေ​ၵေႃႈ ၶဝ်​ၸိူဝ်း​ဢၼ်​ႁၢႆႉ ဢၼ်​မိူၵ်ႈ​ၼၼ်ႉ ဢမ်ႇ​မီး​တၢင်း​ဢၼ်​ဢူၵ်း ဢၼ်​ဢၢႆ။-</verse>
				<verse number="6">ၵဝ်​ပႄႇ​တႅပ်း ၵူၼ်း​ၵူႈ​ၸိူဝ်ႉ​ၵူႈ​မဵဝ်း ပႅတ်ႈ​လႄႈ တိူၵ်ႈ​တီႈ​တိုၵ်း​သိုၵ်း​ၶဝ် ပဵၼ်​တီႈ​ဢၼ် သဵတ်ႇ​ၵူၼ်း​ယဵၼ်​ၵူၼ်း​ၵႂႃႇ ယဝ်ႉ​ယဝ်ႉ။ ၵဝ်​ႁႂ်ႈ​သဵၼ်ႈ​တၢင်း​ၶဝ် ပဵၼ်​ဢၼ်​ပဝ်ႇ ဢၼ်​လၢပ်ႈ​ၵႂႃႇ ႁႂ်ႈ​ၽူႈ​လႂ်​ထၼ်ႈ​ပေႃး ဢမ်ႇ​ၵႂႃႇ​ဢမ်ႇ​မႃး ယဝ်ႉ​ယဝ်ႉ။ ဝဵင်း​ၶဝ်​ၸိူဝ်း​ၼၼ်ႉ လူႉ​လႅဝ်​ၵႂႃႇ​ထၼ်ႈ​ပေႃး ဢမ်ႇ​မီး​ၵူၼ်း​သေ​ၵေႃႉ​သေ​ၵူၼ်း၊ ဢမ်ႇ​မီး​ၵေႃႉ​ဢၼ်​ယူႇ ဢၼ်​သဝ်း လႃး​လႃး​ယဝ်ႉ။-</verse>
				<verse number="7">မိူဝ်ႈ​ၼၼ်ႉ ၵဝ်​လၢတ်ႈ​လႄႈ​ဝႃႈ၊ မႂ်း​တၵ်း​ၵူဝ်​ႁႄ​ၵဝ် ဢမၢၼ်ႇ​ၶၼ်​ပဵၼ်​လႄႈ ၶၢမ်ႇ​ဢဝ်​ၼႄး တၢင်း​ဢၼ်​ၵဝ်​သင်ႇ​သွၼ်​သုင်း​မႃႉ​မႂ်း​ၼၼ်ႉ ထၼ်ႈ​ပေႃး တီႈ​ဢၼ်​မၼ်း​ယူႇ မၼ်း​သဝ်း တၵ်း​ဢမ်ႇ​လႆႈ​ၶၢမ်ႇ တၢင်း​ဢၼ်​ပႄႇ​ၽဵဝ်ႈ​ပႅတ်ႈ ၸွမ်း​ၵႃႈ​ၼင်ႇ​ဢၼ် ၶဝ်​ၸီႇ​ယၢင်ႇ​ၶၢၼ်း​ဝႆႉ လူၺ်ႈ​လွင်ႈ​မၼ်း​ၼၼ်ႉ​ဢေႃႈ။ ပိၵ်ႉ​သမ်ႉ​ဝႃႈ​ၼင်ႇ​ၼႆ သေ​ၵေႃႈ၊ ၶဝ်​ၼၼ်ႉ ဢွၼ်​ၵၼ်​လုၵ်ႉ​ၵၢင်​ၼႂ် ၸဵမ်​ၸဝ်ႉ​ၸဵမ်​ၸဵဝ်း သေ​လႄႈ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ၽိတ်း​ဢၼ်​ပိူင်ႈ​ၵူၺ်း​ဢေႃႈ။-</verse>
				<verse number="8">ၼႂ်း​ဝႃႈ​ၼၼ်​သေ​ၵေႃႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ်​ပႂ်ႉ​ထႃႈ​ၵဝ်​ယူႇ တေႃႇ​ထိုင်​ႁွတ်ႈ မိုဝ်ႉ​ဝၼ်း​ဢၼ် ၵဝ်​လုၵ်ႉ ႁႂ်ႈ​လႆႈ​တီႉ​ၵမ် ႁိမ်​ဢဝ်​ၼၼ်ႉ​တႃႉ။ ၵဝ်​ဝႆႉ​ၸႂ်​ၶျႃး​ၸႂ် တၵ်း​ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸူႉ​ၵၼ်​တုမ်​ၵၼ်​လႄႈ ႁႂ်ႈ​ၵူႈ​သိုင်ႇ​ၵူႈ​မိူင်း ၸူႉ​ၵၼ်​ၶွၼ်ႈ​ၵၼ် ႁႂ်ႈ​လႆႈ​ဢဝ်​တေႃး​သႃႉ​ၵဝ်၊ ဢၢႆ​ႁႅင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ် တင်း​သဵင်ႈ​တင်း​မူတ်း သွၼ်း​လေႃႇ ထွၵ်ႇ​သႂ်ႇ ၵႃႈ​ၼိူဝ်​ၶဝ်​ဢေႃႈ။ ၼႃႈ​လိၼ်​တင်း​ၼႃႈ တၵ်း​လႆႈ​ၶၢမ်ႇ တၢင်း​ဢၼ်​ၽႆး​တေႃး​သႃႉ​ၵဝ် မႆႈ​ပႅတ်ႈ​ဢေႃႈ။-</verse>
				<verse number="9">မိူဝ်ႈ​ၼၼ်ႉ ၵဝ်​တၵ်း​ဢဝ်​ၵႂၢမ်း​ၽႃႇသႃႇ ဢၼ်​မူတ်း​လီ သႂ်​လီ​ၼၼ်ႉ ၶိုၼ်း​ပၼ်​တီႈ မဵဝ်း​ၵူၼ်း​တင်း​လၢႆ ႁႂ်ႈ​ၶဝ်​တင်း​သဵင်ႈ​တင်း​လူင် မီး​ဢၶႂၢင်ႉ​ဢၼ်​လႆႈ​ႁဵတ်း ပထၼႃႇ တီႈ​ၼႃႇ​မႃႉ ၸိုဝ်ႈ​သဵင်​ထႃႇဝရႃႉ​ၽြႃး​လႄႈ ၽွမ်ႉ​ၵၼ်​ပွင်​ႁဵတ်း​ဢမူႉ မၼ်း​ၸဝ်ႈ ဢေႃႈ။-</verse>
				<verse number="10">ၶဝ်​ၸိူဝ်း​ဢၼ် တွင်း​ပၢၼ်ႇ​ၵဝ်၊ လုၵ်ႈ​ယိင်း​ၵူၼ်း​မဵဝ်း​ၵဝ် ဢၼ်​ၽၢတ်ႇ​ၽႄ​ၵၼ်​ၵႂႃႇ​ယူႇ ၵူႈ​တီႈ​ၵူႈ​လႅၼ်​ၼၼ်ႉ တၵ်း​ဢွၼ်​ၵၼ် လုၵ်ႉ​သေ​ၵႃႈ​တီႈ ၽၢႆႇ​ပုၼ်ႉ​ၼမ်ႉ​ႁွင်ႈ မိူင်း​ ၵူႉသႃႉ ​ၸိူဝ်း​ၼၼ်ႉ​သေ​လႄႈ ပႃး​ဢဝ်​ၶိူင်ႈ​ပုၵ်ႈ​ၸေႃႇ ပုၼ်ႈ​ၵဝ် မႃး​ဢေႃႈ။-</verse>
				<verse number="11">ၼႂ်း​မိုဝ်ႉ​ဝၼ်း​ၼၼ်ႉ ၵွပ်ႈ​ပိူဝ်ႈ​ဢၼ် မႂ်း​ဢမ်ႇ​မီး​တၢင်း​ဢၼ်​ဢူၵ်း ဢၼ်​ဢၢႆ လူၺ်ႈ​လွင်ႈ ဢပႅတ်ႈ​ၵႃႈ​ဢၼ်​မႂ်း ၽိတ်း​ပိူင်ႈ​ၵဝ်​ၼၼ်ႉ​လႄႈ ၵဝ်​တၵ်း​ပႄႇ ဢဝ်​ၶဝ်​ၸိူဝ်း​ဢၼ်​ဢုပ်ႇ​ဢၢတ်ႇ ၵွပ်ႈ​ပိူဝ်ႈ​ၵုင်ႇ​သရေႇ​မႂ်း​ၼၼ်ႉ ဢွၵ်ႇ​သေ​ၵႃႈ​တီႈ​ၼႂ်း ၵၢင်​မႂ်း​ဢေႃႈ။ မႂ်း​ၵေႃႈ ၵမ်း​လိုၼ်း ဢမ်ႇ​လႆႈ​ႁဵတ်း တၢင်း​ဢၼ်​မႃႇၼႃႉ​ပူၵ်း​ပႅၼ်​ယူႇ ၵႃႈ​တီႈ​လွႆ ဢၼ်​မူတ်း​ၸၢင်ႇ​ၵဝ်​ၼၼ်ႉ။-</verse>
				<verse number="12">ၵဝ်​တၵ်း​ဢဝ် မဵဝ်း​ၵူၼ်း​ဢၼ်​တႅမ်ႇ​ယေႃႈ​လႄႈ ယၢၵ်ႈ​ၽၢၼ်​ၼၼ်ႉ ဝႆႉ​ၵိုတ်း​ဝႆႉ​ၵျၢၼ်ႇ ၵႃႈ​ၼႂ်း​ၵၢင်​မႂ်း​လႄႈ ၶဝ်​ၼၼ်ႉ တၵ်း​ဢွၼ်​ၵၼ်​သွၼ်ႈ​ပိုင်ႈ ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ဢေႃႈ။-</verse>
				<verse number="13">ၵူၼ်း​မဵဝ်း ဢီႉသရေႇလႃႉ ဢၼ်​ယင်း​ၵိုတ်း ယင်း​ၵျၢၼ်ႇ​ၸိူဝ်း​ၼၼ်ႉ ဢမ်ႇ​လႆႈ​ႁဵတ်း လွင်ႈ​တၢင်း​ဢၼ်​ဢမ်ႇ​တြႃး။ ဢမ်ႇ​လႆႈ​လၢတ်ႈ​မူႉ​သႃႇ။ ၵႃႈ​ၼႂ်း​သူပ်း​ၶဝ်​ၼၼ်ႉ ဢမ်ႇ​လႆႈ​မီး​လိၼ်ႉ ဢၼ်​ပႅတ်ႉ​ဢၼ်​လႅၼ်။ ၶဝ်​ၼၼ်ႉ တၵ်း​လႆႈ​ဢွၼ်​ၵၼ် ၵိၼ်​ၶူပ်း​ယူႇ၊ ၼွၼ်း​ယူႇ​လႄႈ ၽူႈ​လႂ်​ဢမ်ႇ​ႁႂ်ႈ​ၶဝ် လႆႈ​ၵူဝ်​လႆႈ​ႁႄ လႃး​လႃး။</verse>
				<verse number="14">လုၵ်ႈ​ယိင်း​ ၸီႉဢုၼ်ႇ ​ဢိူၺ်း၊ ႁဵတ်း​ၵႂၢမ်း​တႃႉ။ မဵဝ်း​ ဢီႉသရေႇလႃႉ ​ဢိူၺ်း၊ ႁွင်ႉ​ပၢဝ်ႇ ႁွင်ႉ​လၢတ်ႈ​တႃႉ။ လုၵ်ႈ​ယိင်း​ဝဵင်း​ ယေႇရူႉသလႅမ်ႇ ​ဢိူၺ်း၊ ပႃး​တင်း​ႁူဝ်​ၸႂ် သဵင်ႈ​သဵင်ႈ​သေ​လႄႈ ၸူမ်း​သိူဝ်း သႂၢင်ႇ​ၸႂ်​တႃႉ။-</verse>
				<verse number="15">ထႃႇဝရႃႉ​ၽြႃး​ၼၼ်ႉ ႁႂ်ႈ​ဢပႅတ်ႈ​တၢမ်ႇ​မႂ်း ထၢတ်ႇ​ယဵၼ်​ႁၢႆ​လၢႆ​လႄႈ ပႄႇ​ရၢၼ်ႇ​သူႇ​မႂ်း တင်း​လၢႆ ပႅတ်ႈ​ယဝ်ႉ။ ၶုၼ်​ႁေႃ​ၶမ်း​မဵဝ်း​ ဢီႉသရေႇလႃႉ ​ဢၼ်​ဝႃႈ ထႃႇဝရႃႉ​ၽြႃး​ၼၼ်ႉ မီး​ယူႇ​ၵႃႈ​ၼႂ်း​ၵၢင်​မႂ်း​လႄႈ ၵမ်း​လိုၼ်း မႂ်း​ဢမ်ႇ​လႆႈ​ႁူပ်ႉ​လႆႈ​ထူပ်း ၽေး​ဢူႉ​ပၢတ်ႈ။-</verse>
				<verse number="16">ၼႂ်း​မိုဝ်ႉ​ဝၼ်း​ၼၼ်ႉ တၵ်း​လၢတ်ႈ​တီႈ​ဝဵင်း​ ယေႇရူႉသလႅမ်ႇ ​လႄႈ​ဝႃႈ၊ ယႃႇ​ပေ​မႆႈ​ၸႂ်​ၶီ​ၸႂ်၊ ဝႃႈ​ၼင်ႇ​ၼႆ​လႄႈ လၢတ်ႈ​တီႈ​လွႆ​ ၸီႉဢုၼ်ႇ ​လႄႈ​ဝႃႈ၊ ယႃႇ​ပေ​ႁႂ်ႈ ႁႅင်း​မိုဝ်း​မႂ်း​လႆႈ​ဢူၼ်ႈ လႃး​လႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ မီး​ယူႇ​ၵႃႈ​ၼႂ်း​ၵၢင်​မႂ်း​လႄႈ ၽြႃး​ဢၼ်​မီး​တၼ်း​ၶူဝ်း​ၼၼ်ႉ တၵ်း​ၵႄႇ​သႄႇ​ၶျွတ်ႈ​ဢဝ်​မႂ်း​ဢေႃႈ။ မၼ်း​ၸဝ်ႈ တၵ်း​ၶိုတ်း​ၸႂ်​ပဵင်း​ၸႂ်​သေ​လႄႈ ၸူမ်း​သိူဝ်း လူၺ်ႈ​လွင်ႈ​မႂ်း​ဢေႃႈ။ မၼ်း​ၸဝ်ႈ တၵ်း​ၵိင်း​ဝၢပ်ႈ​ယူႇ​ၵႃႈ​ၼႂ်း​တၢင်း​ႁၵ်ႉ​မႅတ်ႈ​တႃႇ​မၼ်း​ၸဝ်ႈ​လႄႈ ပႃး​တင်း​တၢင်း​ဢၼ် ႁဵတ်း​ၵႂၢမ်း​သေ​လႄႈ ၸူမ်း​သိူဝ်း လူၺ်ႈ​လွင်ႈ​မႂ်း​ဢေႃႈ။-</verse>
				<verse number="18">ၵဝ်​တၵ်း ႁႂ်ႈ​ၶဝ်​ၸိူဝ်း​ဢၼ် ၸဵပ်း​ၸႂ်​လႄႈ ဢမ်ႇ​လႆႈ​ၶၢမ်ႇ​ပွႆး​ထမ်ႇမႃႉ ဢၼ်​ဝႃႈ ၶဝ်​ၸိူဝ်း​ဢၼ်​ပႃး ၵႃႈ​ၼႂ်း​မႂ်း​လႄႈ ႁၢပ်ႇ​ၶူဝ်း​ႁၢပ်ႇ တၢင်း​ဢၼ်​သႄႉ​သွမ်း ၸိူဝ်း​ၼၼ်ႉ ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="19">တူၺ်း​လူး။ ၶိင်ႇ​မိူဝ်ႈ​ၼၼ်ႉ ၵဝ်​တၵ်း​ၸီႇ​ယၢင်ႇ​ၶဝ် ၵႃႈ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​မႂ်း ၼၼ်ႉ​ဢေႃႈ။ ၵဝ်​တၵ်း​ပၼ်​ၵတ်း​ယဵၼ်​ၶျၢမ်း​သႃႇ တီႈ​ၶဝ်​ၸိူဝ်း​ဢၼ် မီး​တၢင်း​ၶႆႈ​တၢင်း​ပဵၼ်​ၼၼ်ႉ​လႄႈ ႁႂ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ တၢင်း​ဢၼ်​ႁေႃႈ​ဢွၵ်ႇ​ပႅတ်ႈ​ၼၼ်ႉ ၸူႉ​ၵၼ်​တုမ်​ၵၼ်​ဢေႃႈ။ ၵဝ်​တၵ်း​ပၼ် မုၼ်​သရေႇ တၢင်း​ဢၼ်​ယွင်ႈ​ယေႃး ဢိၵ်ႇ​တင်း ၼႃႇ​မႃႉ​ၸိုဝ်ႈ​သဵင် တီႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ဢူၵ်း ဢၼ်​ဢၢႆ ၵႃႈ​ၼိူဝ်​ၼႃႈ​လိၼ်​မိူင်း တင်း​သဵင်ႈ​တင်း​မူတ်း​ၼၼ်ႉ​ဢေႃႈ။-</verse>
				<verse number="20">ၼႂ်း​ၶိင်ႇ​မိူဝ်ႈ​ၼၼ်ႉ ၵဝ်​တၵ်း​သမ်ႉ​ၶိုၼ်း ဢဝ်​သူ​မႃး​လႄႈ ႁႂ်ႈ​သူ​ၸူႉ​ၵၼ်​တုမ်​ၵၼ် သေ​ယဝ်ႉ၊ မိူဝ်ႈ​ဢၼ်​ၵဝ် သမ်ႉ​ၶိုၼ်း​ဢဝ်​ၶဝ် ၸိူဝ်း​ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ​ၼၼ်ႉ ၶိုၼ်း​မႃး သိုဝ်ႈ​ၼႃႈ​တႂ်ႈ​တႃ​မႂ်း ၼၼ်ႉ​ၸိုင်၊ ၵဝ်​တၵ်း​ပၼ် မုၼ်​သရေႇ တၢင်း​ဢၼ်​ယွင်ႈ​ယေႃး ဢိၵ်ႇ​တင်း ၼႃႇ​မႃႉ​ၸိုဝ်ႈ​သဵင် ၵႃႈ​ၼႂ်း​ၵူၼ်း​လိၼ်​မိူင်း ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ၵျၢမ်း​ဢၼႃႇၵၢတ်ႈ​တီႉ​ၸေႇၽၼီႉ ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="37">
			<chapter number="1">
				<verse number="1">ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ဢဝ်​တင်း​ပရေႃးၽႅတ်ႈ ႁၵ်ႉၵႄး ​ႁွတ်ႈ​မႃး​တီႈ​ ၸေႇရူႉပႃႉပေႇလႃႉ ​လုၵ်ႈ​ၸၢႆး​ သႃႇလႃႉသေးလႃႉ ၶုၼ်​ဢၼ်​ဢုပ်ႉ​ပိူင်ႇ မိူင်း​ ယူႉတႃႉ ဢိၵ်ႇ​တင်း ယေႃးသူႉ ​လုၵ်ႈ​ၸၢႆး​ ယေႃးၸတိၵ်ႉ ၶုၼ်​ယိတ်ႈပရေႃးႁဵၵ်ႈ​ၼၼ်ႉ ၼႂ်း​ၶူပ်ႇ​ပီႊ ဢၼ်​ၶုၼ်​လူင်​ တႃႇရီႉ ၸၢမ်ႇ​ႁၢင်ႈ​ၸၢမ်ႇ​ႁေႃ သွင်​ပီႊ၊ လိူၼ်​သႃႉထမႃႉ ဝၼ်း​ၼိုင်ႈ​ၼၼ်ႉ​လႄႈ​-</verse>
				<verse number="2">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵူၼ်း​တင်း​လၢႆ​ၸိူဝ်း​ၼႆႉ လၢတ်ႈ​လႄႈ​ဝႃႈ၊ ၶိင်ႇ​မၼ်း​ၶႃႇ​မၼ်း ဢမ်ႇ​ပႆႇ​ႁွတ်ႈ​ပႆႇ​ထိုင်၊ ၶိင်ႇ​ဢၼ်​တၵ်း​လႆႈ တႄႇ​ႁဵတ်း​ႁိူၼ်း​ထႃႇဝရႃႉ​ၽြႃး​ၼၼ်ႉ ဢမ်ႇ​ပႆႇ​ႁွတ်ႈ​ပႆႇ​ထိုင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ဢဝ်​တင်း​ပရေႃးၽႅတ်ႈ ႁၵ်ႉၵႄး ႁွတ်ႈ​မႃး​ၼၼ်ႉ ဝႃႈ​ၸမ်ႉ၊-</verse>
				<verse number="4">ပဵၼ်​ၶိင်ႇ​ဢၼ် သူ​လီ​ယူႇ​ၵႃႈ​ၼႂ်း​ႁိူၼ်း​ဢၼ် ပျေႉ​ၸုမ်ႇ​ဝႆႉ တင်း​ဢၼ်​မုင်း​မၼ်း သွင်​ထၢပ်ႈ လႄႈ ႁိူၼ်း​ၸဝ်ႈ​လႆႈ မီး​တၢင်း​ဢၼ် လူႉ​လႅဝ်​ယူႇ​ႁိုဝ်။-</verse>
				<verse number="5">တေႃႈ​လဵဝ်​ၼႆႉ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ သဵၼ်ႈ​တၢင်း​ဢၼ်​သူ​ၵႂႃႇ ၸိူဝ်း​ၼၼ်ႉ​တႃႉ။-</verse>
				<verse number="6">သူ​ဝၢၼ်ႇ​ပိုၼ် ၸိူဝ်ႉ​ၽၼ်း​ၼမ်​ၼႃႇ​ယဝ်ႉ။ ၵူၺ်း​ၵႃႈ လႆႈ​မၢၵ်ႇ​မၼ်း​ႁူင်း​မၼ်း​ၵေႇ​ၼႃႇ​ဢေႃႈ။ သူ​လႆႈ​ၵိၼ်​လႄႈ ဢမ်ႇ​ဢိမ်ႇ​လီ​တဵမ်​လီ။ သူ​လႆႈ​သူတ်ႉ လႆႈ​ဢိုၵ်ႉ​လႄႈ ဢမ်ႇ​လႆႈ​သူတ်ႉ​ဢိုၵ်ႉ ဢိမ်ႇ​လီ​တဵမ်​လီ။ သူ​လႆႈ​ၼုင်ႈ​ၶူဝ်း​ၼုင်ႈ​လႄႈ ဢမ်ႇ​လႆႈ​ၼုင်ႈ​ဢုၼ်ႇ​ဢုၼ်ႇ​လီ​လီ။ ၵေႃႉ​ဢၼ်​ႁဵတ်း တၢင်း​ႁဵတ်း ႁႂ်ႈ​လႆႈ​ၶၢမ်ႇ​ဢဝ် ၵႃႈ​မၼ်း​ၶၼ်​မၼ်း သိမ်း​သႂ်ႇ​ဝႆႉ ၼႂ်း​ထူင်​ဢၼ်​လူင်ႉ ဢၼ်​ႁူဝ်ႈ​ၼၼ်ႉ​ဢေႃႈ။-</verse>
				<verse number="7">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဢွၼ်​ၵၼ်​ၶႆႈ​ၸႂ်​ဝူၼ်ႉ​ၸႂ် လူၺ်ႈ​သဵၼ်ႈ​တၢင်း​ဢၼ်​သူ​ၸွမ်း ၸိူဝ်း​ၼၼ်ႉ​တႃႉ။-</verse>
				<verse number="8">ဢွၼ်​ၵၼ်​ၶိုၼ်ႈ ၵႃႈ​ၼိူဝ်​လွႆ​လႄႈ ဢဝ်​မႆႉ​ၸိင်​မႃး သေ​လႄႈ တႄႇ​ႁဵတ်း​ႁိူၼ်း​ၸဝ်ႈ​တႃႉ။ ၵဝ်​ၵေႃႈ​တၵ်း​ထုၵ်ႇ​ၸႂ်​ၵျိူၵ်ႈ​ၸႂ် လူၺ်ႈ​မၼ်း​လႄႈ မုၼ်​ၽုင်း​ၵဝ် တၵ်း​ထၢင်ႇ​သႃး​မႃး​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="9">ပိၵ်ႉ​သမ်ႉ သူ​မုင်ႈ​မွင်း လွင်ႈ​ဢၼ် တၵ်း​လႆႈ ၼမ်​ၼႃႇ​ၼၼ်ႉ သေ​ၵေႃႈ၊ ဢုၵ်ႉ​ၸႃႇ ဢၼ်​လႆႈ​ၼၼ်ႉ ပဵၼ်​ဢၼ် ၵေႇ​ၼႃႇ​ဢေႃႈ။ မိူဝ်ႈ​ဢၼ်​သူ ဢဝ်​မႃး​ႁွတ်ႈ​ထိုင် ၵႃႈ​တီႈ​ႁိူၼ်း​ယဝ်ႉ ၼၼ်ႉ​ၸိုင် ၵဝ်​ပဝ်ႇ​ပႅတ်ႈ ဢေႃႈ။ ပဵၼ်​ၵွပ်ႈ​ပိူဝ်ႈ ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ထၢမ်​ဢေႃႈ။ ပဵၼ်​ၵွပ်ႈ​ပိူဝ်ႈ​ဢၼ်​ႁိူၼ်း​ၵဝ် လူႉ​လႅဝ်​ယူႇ​လႄႈ သူ​ၵႂႃႇ​ၸူး ၵႃႈ​တီႈ​ႁိူၼ်း​သူ ႁင်း​ၽႂ်​ႁင်း​မၼ်း​ၵူၺ်း ၼၼ်ႉ​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ ၽႃႉ​ၵၢင်​ႁၢဝ် ဢမ်ႇ​ပၼ် ၼမ်ႉ​ၼၢႆး။ လိၼ်​ၵေႃႈ​ဢမ်ႇ​လႆႈ​ပၼ် မၢၵ်ႇ​မၼ်း​ႁူင်း​မၼ်း ၵွပ်ႈ​ပိူဝ်ႈ​သူ​ယဝ်ႉ။-</verse>
				<verse number="11">ၵဝ်​သင်ႇ​လၢတ်ႈ​ၽေး ဢၼ်​ႁႅင်ႈ​ဢၼ်​ႁွင်​ၼၼ်ႉ ၸူး​ၵႃႈ​ၼိူဝ်​လိၼ်၊ ၵႃႈ​ၼိူဝ်​လွႆ၊ ၵႃႈ​ၼိူဝ်​ၶဝ်ႈ​ပိူၵ်ႇ​၊ၶဝ်ႈ​သၢၼ်၊ ၵႃႈ​ၼိူဝ်​ၼမ်ႉ​ၸပိတ်ႈ ဢၼ်​ဝၢၼ်၊ ၵႃႈ​ၼိူဝ်​ၼမ်ႉ​မၼ်း၊ ၵႃႈ​ၼိူဝ်​ၵႃႈ​ဢၼ်​ဢွၵ်ႇ​မႃး ၵႃႈ​ၼႂ်း​လိၼ်၊ ၵႃႈ​ၼိူဝ်​ၵူၼ်း​သတ်ႉတဝႃႇ၊ ၵႃႈ​ၼိူဝ်​တရိၵ်ႈသၢၼ်ႇ၊ ၵႃႈ​ၼိူဝ်​ၵႃႈ​ဢၼ်​ဢဝ်​မိုဝ်း​သၢင်ႈ​ႁဵတ်း ၼၼ်ႉ​ယဝ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မိူဝ်ႈ​ၼၼ်ႉ ၸေႇရူႉပႃႉပေႇလႃႉ လုၵ်ႈ​ၸၢႆး​ သႃလႃႉသေးလႃႉ ဢိၵ်ႇ​တင်း ယေႃးသူႉ လုၵ်ႈ​ၸၢႆး​ ယေႃးၸတိၵ်ႉ ၶုၼ်​ယိတ်ႈပရေႃးႁဵၵ်ႈ တင်း​ၶဝ်​ၵႃႈ​ဢၼ်​ၵိုတ်း ဢၼ်​ၵျၢၼ်ႇ​ၸိူဝ်း​ၼၼ်ႉ ထွမ်ႇ​ဢဝ် ဢမိင်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် ဢိၵ်ႇ​တင်း ၵႂၢမ်း​ပရေႃးၽႅတ်ႈ​ ႁၵ်ႉၵႄး ​ဢၼ် ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၶဝ်​ပွႆႇ​ၸႂ်ႉ​ၼၼ်ႉ​လႄႈ ၵူၼ်း​တင်း​လၢႆ ဢွၼ်​ၵၼ်​ၵူဝ်​ႁႄ ထႃႇဝရႃႉ​ၽြႃး​ဢေႃႈ။-</verse>
				<verse number="13">မိူဝ်ႈ​ၼၼ်ႉ တမၢၼ်ႇ ထႃႇဝရႃႉ​ၽြႃး ႁၵ်ႉၵႄး မွၵ်ႇ​လၢတ်ႈ ၸွမ်း​ၵႃႈ​ၼင်ႇ​ဢၼ် ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ ၼၼ်ႉ တီႈ​ၵူၼ်း​တင်း​လၢႆ လႄႈ​ဝႃႈ၊ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​မီး​ယူႇ​လူၺ်ႈ​ၵၼ်​တင်း​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ထႃႇဝရႃႉ​ၽြႃး တိုၵ်း​ယူင်း​ၸႂ်​ၸေႇတၼႃႇ ၸေႇရူႉပႃႉပေႇလႃႉ လုၵ်ႈ​ၸၢႆး သႃလႃႉသေးလႃႉ ၶုၼ်​ဢၼ်​ဢုပ်ႉ​ပိူင်ႇ​မိူင်း​ ယူႉတႃႉ ဢိၵ်ႇ​တင်း ၸႂ်​ၸေႇတၼႃႇ​ ယေႃးသူႉ လုၵ်ႈ​ၸၢႆး​ ယေႃးၸတိၵ်ႉ ၶုၼ်​ယိတ်ႈပရေႃးႁဵၵ်ႈ တင်း ၸႂ်​ၸေႇတၼႃႇ​ၶဝ် ၵႃႈ​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ လႄႈ ၶဝ်​ၼၼ်ႉ​ဢွၼ်​ၵၼ်​မႃး​လႄႈ ႁဵတ်း​တၢင်း​ႁဵတ်း ၵႃႈ​တီႈ​ႁိူၼ်း ၽြႃး​ပဵၼ်​ၸဝ်ႈ​ၶဝ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး၊-</verse>
				<verse number="15">ၼႂ်း​ၶူပ်ႇ​ပီႊ​ဢၼ်​ၶုၼ်​လူင်​ တႃႇရီႉ ၸၢမ်ႇ​ႁၢင်ႈ​ၸၢမ်ႇ​ႁေႃ သွင်​ပီႊ၊ လိူၼ်​သႃႉထမႃႉ၊ သိပ်း​ပၢႆ​သီႇ​ဝၼ်း ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">ၼႂ်း​ဝၼ်း လိူၼ်​သတ်ႉတမႃႉ သၢဝ်း​ပၢႆ​ဢဵတ်း​ဝၼ်း ၼၼ်ႉ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ဢဝ်​ပရေႃးၽႅတ်ႈ ႁၵ်ႉၵႄး ႁွတ်ႈ​မႃး​လႄႈ လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">မႂ်း​လၢတ်ႈ​တီႈ ၸေႇရူႉပႃႉပေႇလႃႉ လုၵ်ႈ​ၸၢႆး သႃလႃႉသေးလႃႉ ၶုၼ်​ဢၼ်​ဢုပ်ႉ​ပိူင်ႇ​မိူင်း​ ယူႉတႃႉ ဢိၵ်ႇ​တင်း ယေႃးသူႉ လုၵ်ႈ​ၸၢႆး​ ယေႃးၸတိၵ်ႉ ၶုၼ်​ယိတ်ႈပရေႃးႁဵၵ်ႈ တင်း​ၵူၼ်း​တင်း​လၢႆ ဢၼ်​ၵိုတ်း​ဢၼ်​ၵျၢၼ်ႇ ၸိူဝ်း​ၼၼ်ႉ လႄႈ​ဝႃႈ၊-</verse>
				<verse number="3">ၵေႃႉ​ဢၼ် ယၢမ်ႈ​ႁၼ်​ႁိူၼ်း​ၸဝ်ႈ​ၼႆႉ ပျေႉ​ၸုမ်ႇ​ဝႆႉ တင်း​မုၼ်​ၽုင်း မိူဝ်ႈ​ဢွၼ်​တၢင်း​ၼၼ်ႉ လႄႈ ၵိုတ်း​ၵျၢၼ်ႇ​ဝႆႉ​ယူႇ ၵႃႈ​ၼႂ်း​သူ​ၸမ်ႉ၊ ပဵၼ်​ၽူႈ​လႂ်။ မိူဝ်ႈ​လဵဝ်​ၼႆႉ ႁၼ်​ပဵၼ်​ၸိူဝ်ႉ​ၼင်ႇ​ႁိုဝ်​ဝႆႉ။ ပဵၼ်​ၸိူဝ်ႉ​ၼင်ႇ​ဢၼ် ဢမ်ႇ​ၸႂ်ႈ​ၵႃႈ​သင်​လႃး​လႃး ၼၼ်ႉ သိုဝ်ႈ​ၼႃႈ​တႂ်ႈ​တႃ​သူ ဢမ်ႇ​ၸႂ်ႈ​ႁိုဝ်။-</verse>
				<verse number="4">ၼႂ်း​ဝႃႈ​ၼၼ်​သေ​ၵေႃႈ ၸေႇရူႉပႃႉပေႇလႃႉ ​ဢိူၺ်း၊ ဢဝ်​ႁႅင်း​ဢွၵ်ႇ​တႃႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ယေႃးသူႉ လုၵ်ႈ​ၸၢႆး​ ယေႃးၸတိၵ်ႉ ၶုၼ်​ယိတ်ႈပရေႃးႁဵၵ်ႈ​ဢိူၺ်း၊ ဢဝ်​ႁႅင်း​ဢွၵ်ႇ​တႃႉ။ ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင်​ၶဝ်​ဢိူၺ်း၊ ဢဝ်​ႁႅင်း​ဢွၵ်ႇ​လႄႈ ႁဵတ်း​တႃႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="5">ၵဝ်​မီး​ယူႇ​လူၺ်ႈ​ၵၼ်​တင်း​သူ မႅၼ်ႈ​ၸွမ်း​ၼင်ႇ ၵႂၢမ်း​ပတီႉၺိၺ်ႇ ဢၼ်​ၵဝ်​ႁဵတ်း လူၺ်ႈ​ၵၼ်​တင်း​သူ ၼႂ်း​မိူဝ်ႈ​ဢၼ်​သူ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​လႄႈ ဝီႉၺိၺ်ႇ​ၵဝ် တူၵ်း​တီႈ​တူၵ်း​လႅၼ်​ယူႇ​ၵႃႈ​ၼႂ်း​သူ ၼၼ်ႉ​ဢေႃႈ။ ယႃႇ​ပေ​မႆႈ​ၸႂ်​ၶီ​ၸႂ်၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="6">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ထႅင်ႈ​ၵမ်း​ဢွၼ်ႇ​ၼိုင်ႈ၊ ၸူဝ်ႈ​ဢၼ်​ဢမ်ႇ​ပႆႇ​ႁိုင် ပႆႇ​ၼၢၼ်း​ၼၼ်ႉ၊ ၵဝ်​တၵ်း​သၼ်ႇ​ၶွၼ်း ၽႃႉ​ၵၢင်​ႁၢဝ်၊ လိၼ်​မိူင်း၊ ပၢင်ႇ​လၢႆႇ၊ တီႈ​ၵုင်း​တင်း​လၢႆ​ဢေႃႈ။-</verse>
				<verse number="7">ၵဝ်​တၵ်း​သၼ်ႇ​ၶွၼ်း ၵူၼ်း​ၵူႈ​ၸိူဝ်ႉ​ၵူႈ​မဵဝ်း​လႄႈ လွင်ႈ​တၢင်း​ဢၼ် ၵူၼ်း​ၵူႈ​ၸိူဝ်ႉ​ၵူႈ​မဵဝ်း လီ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ တၵ်း​ႁွတ်ႈ​ထိုင်​လႄႈ ၵဝ်​တၵ်း​ႁႂ်ႈ​ႁိူၼ်း​ၼႆႉ ပျေႉ​ၸုမ်ႇ​တဵမ်​ဝႆႉ​တင်း မုၼ်​ၽုင်း​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="8">ငိုၼ်း​ပဵၼ်​ၶွင်​ၵဝ်​ဢေႃႈ။ ၶမ်း​ပဵၼ်​ၶွင်​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="9">မုၼ်​ၽုင်း​ႁိူၼ်း​ၸဝ်ႈ ဢၼ်​တႄႇ​ႁဵတ်း​ၵမ်း​လိုၼ်း​ၼႆႉ တၵ်း​ယဵင်ႈ​ၶႅၼ်း​ယႂ်ႇ​ၼႃႇ​သေ ႁိူၼ်း​ၸဝ်ႈ​ၵမ်း​ဢွၼ်​တၢင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ၵႃႈ​ၼႂ်း​တီႈ​ၼႆႈ​ၵေႃႈ ၵဝ်​တၵ်း​ပၼ် တၢင်း​ဢၼ်​ၼိမ်​ဢၼ်​လီ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ၼႂ်း​ၶူပ်ႇ​ပီႊ ဢၼ်​ၶုၼ်​လူင်​ တႃႇရီႉ ၸၢမ်ႇ​ႁၢင်ႈ​ၸၢမ်ႇ​ႁေႃ သွင်​ပီႊ၊ လိူၼ်​ၼဝမႃႉ၊ သၢဝ်း​ပၢႆ​သီႇ​ဝၼ်း ၼၼ်ႉ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ဢဝ်​တင်း​ပရေႃးၽႅတ်ႈ ႁၵ်ႉၵႄး ႁွတ်ႈ​မႃး​လႄႈ လၢတ်ႈ​လႄႈ​ဝႃႈ၊-</verse>
				<verse number="11">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တွင်ႈ​ထၢမ်​လူၺ်ႈ​လွင်ႈ​တြႃး တီႈ​ယိတ်ႈပရေႃးႁဵၵ်ႈ တင်း​လၢႆ လႄႈ​ဝႃႈ၊-</verse>
				<verse number="12">ပေႃး​သေ​ၵေႃႉ​သေ​ၵူၼ်း ဢဝ်​ၼိူဝ်ႉ​ဢၼ်​မူတ်း​ၸၢင်ႇ​ၼၼ်ႉ ပူၵ်ႉ​ႁေႃႇ ၵႃႈ​တီႈ​ၶူဝ်း​ၼုင်ႈ​မၼ်း​မႃး​လႄႈ ဢဝ်​တင်း​ၶူဝ်း​ၼုင်ႈ​ၼၼ်ႉ တိူဝ်ႉ​ထုၵ်ႇ​သႂ်ႇ​ၶဝ်ႈ​မုၼ်း၊ ၽၵ်း၊ ၼမ်ႉ​ၸပိတ်ႈ၊ ၼမ်ႉ​မၼ်း၊ တၢင်း​ၵိၼ်​တၢင်း​ၶူပ်း သေ​ၸိူဝ်ႉ​သေ​ပိူင်​ၸိုင် တၢင်း​ၵိၼ်​တၢင်း​ၶူပ်း​ၼၼ်ႉ တၵ်း​မူတ်း​ၸၢင်ႇ​ႁိုဝ်။ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ ယိတ်ႈပရေႃးႁဵၵ်ႈ​တင်း​လၢႆ ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​မူတ်း​ၸၢင်ႇ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ႁၵ်ႉၵႄး ၵေႃႈ ၶိုၼ်း​တွင်ႈ​ထၢမ်​လႄႈ​ဝႃႈ၊ ပေႃး​ၵေႃႉ​ဢၼ် ဢမ်ႇ​မူတ်း​သႂ် ၵွပ်ႈ​ပိူဝ်ႈ​တူဝ်​တၢႆ​ၼၼ်ႉ တိူဝ်ႉ​ထုၵ်ႇ​သႂ်ႇ လွင်ႈ​တၢင်း​ၼၼ်ႉ သေ​ၸိူဝ်ႉ​သေ​ပိူင်​ၸိုင် တၵ်း​မီး​တၢင်း​ဢၼ် ၵူဝ်ႈ​ၵိူၵ်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ၶိုၼ်း​လၢတ်ႈ​လႄႈ​ဝႃႈ၊ ပဵၼ်​ဢၼ်​ၵူဝ်ႈ ဢၼ်​ၵိူၵ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ႁၵ်ႉၵႄး ​ၵေႃႈ သမ်ႉ​ၶိုၼ်း​လၢတ်ႈ​ထႅင်ႈ​လႄႈ​ဝႃႈ၊ မဵဝ်း​ၵူၼ်း​ၼႆႉ၊ ၵူၼ်း​မိူင်း​ၼႆႉ​ၸိူဝ်း​ၼႆႉ ပဵၼ်​မိူၼ်​ၸိူဝ်ႉ​ၼင်ႇ​ၼၼ် ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ၵႃႈ​ဢၼ်​ၶဝ် ဢဝ်​မိုဝ်း​ၶဝ် သၢင်ႈ​ႁဵတ်း​ၼၼ်ႉ​ၵေႃႈ ပဵၼ်​မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။ ၶိူင်ႈ​ပိူင်​ဢၼ်​ၶဝ် ပုၵ်ႈ​ၸေႃႇ​တီႈ​ၵဝ်​ၵေႃႈ ပဵၼ်​ဢၼ်​ၵူဝ်ႈ​ၵိူၵ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
				<verse number="15">မိူဝ်ႈ​လဵဝ်​ၼႆႉ သူ​ဢွၼ်​ၵၼ် ၶႆႈ​ၸႂ်​ဝူၼ်ႉ​ၸႂ် လွင်ႈ​တၢင်း​ၸႃႉ​ၸဵမ်​ဝၼ်း​မိူဝ်ႈ​ၼႆႉ ၶိုၼ်း​မိူဝ်း​ပႃႈ​လင် ၸူဝ်ႈ​ဢၼ်​ဢမ်ႇ​ပႆႇ​ဢဝ် မၢၵ်ႇ​ႁိၼ်​လုၵ်ႈ​ၼိုင်ႈ တၢင်ႇ​သႂ်ႇ​ၵႃႈ​ၼိူဝ်​မၢၵ်ႇ​ႁိၼ်​လုၵ်ႈ​ၼိုင်ႈ တီႈ​ပိၵ်ႈ​မၢၼ်ႇ ထႃႇဝရႃႉ​ၽြႃး​ၼၼ်ႉ သေ​ၵမ်း။-</verse>
				<verse number="16">ၸႃႉ​ၸဵမ် ၶိင်ႇ​မိုဝ်ႉ​ဝၼ်း​ၼၼ်ႉ​လႄႈ ယၢမ်း​မိူဝ်ႈ​ဢၼ်​ၵူၼ်း မႃး​ၸူး​ၵႃႈ​တီႈ​ၵွင်​ၶဝ်ႈ​ပိူၵ်ႇ ဢၼ်​လႆႈ​ဢွၵ်ႇ သၢဝ်း​တၢင် ၼၼ်ႉ​ၸိုင်၊ လႆႈ​သိပ်း​ၼိုင်ႈ ၵူၺ်း​ဢေႃႈ။ ယၢမ်း​မိူဝ်ႈ​ဢၼ် မႃး​ၸူး​ၵႃႈ​တီႈ​ႁၢင်း​ၼူတ်ႈ​မၢၵ်ႇ​ၸပိတ်ႈ ႁႂ်ႈ​လႆႈ​ဢဝ်​မေႃႈ​ၼမ်ႉ​ၸပိတ်ႈ​ႁႃႈ​သိပ်း ၼၼ်ႉ​ၸိုင်၊ လႆႈ​သၢဝ်း​ၼိုင်ႈ ၵူၺ်း​ဢေႃႈ။-</verse>
				<verse number="17">ၵဝ်​ဢဝ်​ၽေး​တၢင်း​ဢၼ် လူမ်း​တိူဝ်ႉ​ထုၵ်ႇ​လႄႈ တူၼ်ႈ​မၼ်း​တၢႆ၊ ၽေး​တၢင်း​ဢၼ်​သႃး​လႄႈ တူၼ်ႈ​မၼ်း​တၢႆ ဢိၵ်ႇ​တင်း​ၽေး​မၢၵ်ႇ​ႁဵပ်း​ပၼ်​တၢမ်ႇ​တီႈ​သူ ၼႂ်း​ၵႃႈ​ဢၼ်​သူ ဢဝ်​မိုဝ်း​သူ​သၢင်ႈ​ႁဵတ်း​ၼၼ်ႉ မႃး​ယဝ်ႉ။ ၵူၺ်း​ၵႃႈ သူ​ဢမ်ႇ​ဢွၼ်​ၵၼ် ၶိုၼ်း​မႃး​ၵႃႈ​တီႈ​ၵဝ်၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="18">သူ​ဢွၼ်​ၵၼ်​ၶႆႈ​ၸႂ်​ဝူၼ်ႉ​ၸႂ် လွင်ႈ​တၢင်း​ၸႃႉ​ၸဵမ်​ဝၼ်း​မိူဝ်ႈ​ၼႆႉ ၶိုၼ်း​မိူဝ်း​ပႃႈ​လင်​ၼၼ်ႉ ဢၼ်​ပဵၼ် လိူၼ်​ၼဝမႃႉ၊ သၢဝ်း​ပၢႆ​သီႇ​ဝၼ်း၊ ဝၼ်း​ဢၼ်​ၶျႃး​ငဝ်ႈ​ႁၢၵ်ႈ​တိူၵ်ႈ​ပိၵ်ႈ​မၢၼ်ႇ​ထႃႇဝရႃႉ​ၽြႃး ၼၼ်ႉ​သေ​ၵမ်း။ လွင်ႈ​တၢင်း​ဢၼ် တၵ်း​လႆႈ​ၶႆႈ​ၸႂ်​ဝူၼ်ႉ​ၸႂ်​ၸမ်ႉ၊-</verse>
				<verse number="19">ၵႃႈ​ၼႂ်း​ယွင်​ၶဝ်ႈ​ယေး​ၶဝ်ႈ ယင်း​မီး​ၶဝ်ႈ​ပိူၵ်ႇ​ယူႇ လူး​ၵွၼ်ႇ​ႁိုဝ်။ ၶိူဝ်း​တူၼ်ႈ​ၸပိတ်ႈ၊ တူၼ်ႈ​မၢၵ်ႇ​လိူဝ်ႇ​သၢင်း​ၽေႃး၊ တူၼ်ႈ​မၢၵ်ႇ​ၸင်ႈ၊ တူၼ်ႈ​ သၢၼ်ႇလုၼ်ႇ ​ၸိူဝ်း​ၼၼ်ႉ ဢမ်ႇ​ပႆႇ​တိၼ်ႇ​၊ပႆႇ​မၢၵ်ႇ။ ၵူၺ်း​ၵႃႈ ဢဝ်​ၵႃႈ​တီႈ ၸႃႉ​ၸဵမ်​ဝၼ်း​မိူဝ်ႈ​ၼႆႉ​ၵႂႃႇ​လႄႈ ၵဝ်​တၵ်း​ပၼ်​တၢင်း​လီ တီႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ၼႂ်း​လိူၼ်​ၼၼ်ႉ လႆႈ သၢဝ်း​ပၢႆ​သီႇ​ဝၼ်း ၼၼ်ႉ၊ ၼုၵ်ႈၵပၢတ်ႈ ထႃႇဝရႃႉ​ၽြႃး သမ်ႉ​ႁွတ်ႈ​မႃး​တီႈ ႁၵ်ႉၵႄး ​လႄႈ​ဝႃႈ​ၸမ်ႉ၊-</verse>
				<verse number="21">မႂ်း​လၢတ်ႈ​တီႈ ၸေႇရူႉပႃႉပေႇလႃႉ ၶုၼ်​ဢၼ်​ဢုပ်ႉ​ပိူင်ႇ​မိူင်း​ ယူႉတႃႉ ​ၼၼ်ႉ လႄႈ​ဝႃႈ၊ ၵဝ်​တၵ်း​သၼ်ႇ​ၶွၼ်း ၽႃႉ​ၵၢင်​ႁၢဝ် ဢိၵ်ႇ​တင်း လိၼ်​မိူင်း​ဢေႃႈ။-</verse>
				<verse number="22">ၵဝ်​တၵ်း​ၶႂမ်ႈ​ပိၼ်ႈ ရႃႇၸႃႉ​ပလၢင်ႇ သိုင်ႇ​ၸိုင်ႈ​ဝၢၼ်ႈ​မိူင်း​တင်း​လၢႆ​ပႅတ်ႈ​လႄႈ ယႃႉ​ၽဵဝ်ႈ တၼ်း​ၶူဝ်း​သိုင်ႇ​ၸိုင်ႈ​ဝၢၼ်ႈ​မိူင်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ပႅတ်ႈ​ဢေႃႈ။ လေႃႉ​ရထႃး​တင်း​လၢႆ ဢိၵ်ႇ​တင်း ၶဝ်​ၸိူဝ်း​ဢၼ်​ၶီႇ​လေႃႉ​ရထႃး​ၸိူဝ်း​ၼၼ်ႉ ၵေႃႈ ၵဝ်​တၵ်း​ၶႂမ်ႈ​ပိၼ်ႈ​ပႅတ်ႈ လႄႈ မႃႉ​တင်း​ၵူၼ်း​သိုၵ်း​ၶီႇ​မႃႉ ၸိူဝ်း​ၼၼ်ႉ ပီႈ​ၼွင်ႉ​ၵၼ် ၼင်ႇ​ၵၼ်​ၵၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ဢဝ်​လၢပ်ႇ​ၶႃႈ​ၵၼ်​၊ၽၼ်း​ၵၼ်​လႄႈ လူမ်ႉ​တၢႆ​ဢေႃႈ။-</verse>
				<verse number="23">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶႃႈ​ၵဝ် ၸေႇရူႉပႃႉပေႇလႃႉ လုၵ်ႈ​ၸၢႆး​ သႃလႃႉသေးလႃႉ ​ဢိူၺ်း၊ ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ဢဝ်​မႂ်း​လႄႈ ၶၢၼ်း​ဝႆႉ မိူၼ်​ၸိူဝ်ႉ​ၼင်ႇ မွင်း​ၵူၺ်း တၼ်း​သိၵ်ႈ ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ၵျၢမ်း​ဢၼႃႇၵၢတ်ႈ​တီႉ​ႁၵ်ႉၵႄး ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="38">
			<chapter number="1">
				<verse number="1">ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ပရေႃးၽႅတ်ႈ​ ၸႃႇၶရီႉ ၊ လုၵ်ႈ​ၸၢႆး​ ပႃႇရၶီႉ ၊ လုၵ်ႈ​ၸၢႆး​ ဢီႉတေႃႇ ​ၼႂ်း​ၶူပ်ႇ​ပီႊ​ဢၼ်​ၶုၼ်​လူင်​ တႃႇရီႉ ၸၢမ်ႇ​ႁၢင်ႈ​ၸၢမ်ႇ​ႁေႃ သွင်​ပီႊ၊ လိူၼ်​ဢႃႉထမႃႉ​ၼၼ်ႉ လႄႈ​ဝႃႈ​ၸမ်ႉ၊-</verse>
				<verse number="2">ထႃႇဝရႃႉ​ၽြႃး​ၸႂ်​မႆႈ​ၶႆႈ​ၸႃႉ​တေႃႇ ပူႇ​မႂ်း​မွၼ်ႇ​မႂ်း ၼႃႇ​လူင်​လၢင်​ယဝ်ႉ။-</verse>
				<verse number="3">ၼႂ်း​ဝႃႈ​ၼၼ်​သေ​ၵေႃႈ မႂ်း​လၢတ်ႈ​တီႈ​ၶဝ်​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ ဢွၼ်​ၵၼ်​ၶိုၼ်း​မႃး​ၸူး ၵႃႈ​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ၵဝ်​ၵေႃႈ တၵ်း​ၶိုၼ်း​မႃး​ၸူး ၵႃႈ​တီႈ​သူ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="4">ယႃႇ​ပေ​ဢွၼ်​ၵၼ်​ႁဵတ်း​ၸိူဝ်ႉ​ၼင် ပူႇ​သူ​မွၼ်ႇ​သူ ဢၼ်​ပရေႃးၽႅတ်ႈ မိူဝ်ႈ​ၵွၼ်ႇ​ဢွၼ်​ၼႆႉ​ၸိူဝ်း​ၼၼ်ႉ ဢွၼ်​ၵၼ်​ႁွင်ႉ​မွၵ်ႇ၊​ႁွင်ႉ​လၢတ်ႈ တီႈ​ၶဝ်​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူဝ်ႈ​လဵဝ်​ၼႆႉ ဢွၼ်​ၵၼ်​ပႄႇ​ပႅတ်ႈ သဵၼ်ႈ​တၢင်း​ဢၼ်​ဢမ်ႇ​လီ ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ ဢၼ်​ဢမ်ႇ​လီ​သူ ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ၵေႃႈ ၶဝ်​ဢမ်ႇ​ငိၼ်း၊ ၶဝ်​ဢမ်ႇ​ထွမ်ႇ​ဢဝ် ၵႂၢမ်း​ၵဝ် ၸိူဝ်း​ၼၼ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="5">ပူႇ​သူ​မွၼ်ႇ​သူ​ၼၼ်ႉ မီး​ၵႃႈ​လႂ်။ ပရေႃးၽႅတ်ႈ​ၸိူဝ်း​ၼၼ်ႉ ၸၢင်ႈ​ဢသၢၵ်ႈ​လိပ်း​ယူႇ တႃႇ​သေႇ​ႁိုဝ်။-</verse>
				<verse number="6">ၵႂၢမ်း​ၵဝ်​တင်း​လၢႆ ဢိၵ်ႇ​တင်း ပိင်း​ၺၢပ်ႈ​ၵဝ် ဢၼ်​ၵဝ်​သင်ႇ​လၢတ်ႈ​ဝႆႉ တီႈ​ၶႃႈ​ၵဝ် ပရေႃးၽႅတ်ႈ​ၸိူဝ်း​ၼၼ်ႉ ၶိုတ်း​ထိုင်​ပူႇ​သူ​မွၼ်ႇ​သူ ၸိူဝ်း​ၼၼ်ႉ​ယဝ်ႉ ဢမ်ႇ​ၸႂ်ႈ​ႁိုဝ်။ ၶဝ်​ၼၼ်ႉ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လႄႈ လၢတ်ႈ​လႄႈ​ဝႃႈ၊ မိူၼ်​ၸိူဝ်ႉ​ၼင်ႇ​ဢၼ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​တၢင်း​ၵျၢမ်ႇ​တၢင်း​ပွင် တၵ်း​ႁဵတ်း​တီႈ​ႁဝ်း ၸွမ်း​ၵႃႈ​ၼင်ႇ​သဵၼ်ႈ​တၢင်း​ဢၼ်​ႁဝ်း​ၵႂႃႇ​တင်း​လၢႆ ဢိၵ်ႇ​တင်း ၸွမ်း​ၵႃႈ​ၼင်ႇ​တၢင်း​ၵမ်​တၢင်း​ၵျၢင်ႉ​ႁဝ်း​ၸိူဝ်း​ၼၼ်ႉ ၼၼ်ႉ​သေ​လႄႈ မၼ်း​ၸဝ်ႈ​ႁဵတ်း​တီႈ​ႁဝ်း​ယဝ်ႉ၊ ဝႃႈ​ၼင်ႇ​ၼႆ ဢမ်ႇ​ၸႂ်ႈ​ႁိုဝ်​ဝႃႈ​ၼႆ၊ မၼ်း​ၸဝ်ႈ​မီး​ဢမိင်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၼႂ်း​ၶူပ်ႇ​ပီႊ​ဢၼ် ၶုၼ်​လူင်​ တႃႇရီႉ ၸၢမ်ႇ​ႁၢင်ႈ​၊ၸၢမ်ႇ​ႁေႃ သွင်​ပီႊ၊ လိူၼ် ဢေႇၵႃႉတႃႉသမႃႉ ဢၼ်​ဝႃႈ လိူၼ်​ သေးပတ်ႉ ၊ သၢဝ်း​ပၢႆ သီႇ​ဝၼ်း​ၼၼ်ႉ ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ပရေႃးၽႅတ်ႈ ၸႃႇၶရီႉ ၊ လုၵ်ႈ​ၸၢႆး​ ပႃႇရၶီႉ ၊ လုၵ်ႈ​ၸၢႆး​ ဢီႉတေႃႇ ​ၼၼ်ႉ​လႄႈ၊-</verse>
				<verse number="8">ရူႇပႃႇရူင်ႇ ဢၼ်​ၵဝ်​လႆႈ​ႁၼ် ၶိင်ႇ​ၵၢင်​ၶိုၼ်း​ၼၼ်ႉ​ၸမ်ႉ၊ ၵူၼ်း​ၵေႃႉ​ၼိုင်ႈ ဢၼ်​ၶီႇ​မႃႉ​လႅင်​ၼၼ်ႉ ပေႃႇ​မႃး​လႄႈ ၸုၵ်း​ယူႇ​ၵႃႈ​ၼႂ်း​ၵၢင်​တူၼ်ႈ​ မူႉရတူႉ ဢၼ်​မီး​ၵႃႈ​ၼႂ်း​ၶူင်ႈ​ႁူၺ်ႈ​ၼၼ်ႉ​ၸိူဝ်း​ၼၼ်ႉ​ဢေႃႈ။ ၵႃႈ​တီႈ​ၽၢႆႇ​လင်​မၼ်း​ၼၼ်ႉ မီး​မႃႉ​ဢၼ်​လႅင်၊ မႃႉ​ဢၼ်​ၵမ်ႇ၊ မႃႉ​ဢၼ်​ၽိူၵ်ႇ​ဢေႃႈ။-</verse>
				<verse number="9">မိူဝ်ႈ​ၼၼ်ႉ ၵဝ်​ထၢမ်​လႄႈ​ဝႃႈ၊ ၸဝ်ႈ​ၵဝ်​ၶႃႈ​ဢိူၺ်း၊ ၶဝ်​ၼၼ်ႉ​ၸမ်ႉ၊ ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ တမၢၼ်ႇ​ၵၢင်​ႁၢဝ် ဢၼ်​လၢတ်ႈ​ၵႂၢမ်း​တေႃႇ​ၵၼ်​တင်း​ၵဝ်​ၼၼ်ႉ ၶိုၼ်း​လၢတ်ႈ​လႄႈ​ဝႃႈ၊ ၵဝ်​တၵ်း​ၼႄ​ပျႃး လွင်ႈ​ဢၼ်​ၶဝ်​ၼၼ်ႉ ပဵၼ်​ၽူႈ​လႂ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">ၵေႃႉ​ဢၼ်​ၸုၵ်း​ယူႇ ၵႃႈ​ၼႂ်း​ၵၢင်​တူၼ်ႈ မူႉရတူႉ ​ၸိူဝ်း​ၼၼ်ႉ​ၼၼ်ႉ ၶိုၼ်း​လၢတ်ႈ​လႄႈ​ဝႃႈ၊ ၶဝ်​ၼႆႉ​ပဵၼ်​ၵေႃႉ​ဢၼ် ထႃႇဝရႃႉ​ၽြႃး​ပွႆႇ​ၸႂ်ႉ ႁႂ်ႈ​လႆႈ​လႄႇ​ၵႂႃႇ ၵႃႈ​ၼိူဝ်​လိၼ်​မိူင်း ၵူႈ​တီႈ​ၵူႈ​လႅၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၶဝ်​ၼၼ်ႉ​ၵေႃႈ ၶိုၼ်း​လဝ်ႊ​လၢတ်ႈ​တီႈ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ဢၼ်​ၸုၵ်း​ယူႇ ၵႃႈ​ၼႂ်း​ၵၢင်​တူၼ်ႈ မူႉရတူႉ ​ၸိူဝ်း​ၼၼ်ႉ ၼၼ်ႉ​လႄႈ​ဝႃႈ၊ ႁဝ်း​ၶႃႈ​လႄႇ​ၵႂႃႇ ၵႃႈ​ၼိူဝ်​လိၼ်​မိူင်း ၵူႈ​တီႈ​ၵူႈ​လႅၼ်​ယဝ်ႉ​ၶႃႈ​ယဝ်ႉ။ တူၺ်း​ၶႃႈ​လူး၊ လိၼ်​မိူင်း​တင်း​သဵင်ႈ​တင်း​မူတ်း တႄႇ​ၼိမ်​ယူႇ၊ မီး​တၢင်း​ဢၼ်​တဵတ်ႇ​လီ​၊ၼိမ်​လီ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">လႆႈ​သမ်ႉ တမၢၼ်ႇ​ၵၢင်​ႁၢဝ် ထႃႇဝရႃႉ​ၽြႃး​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​တီႈ​ၶႃႈ၊ ၸဝ်ႈ​ႁဝ်း​ယင်း​ဢမ်ႇ ဢဵတ်း​လူ​ဝဵင်း​ ယေႇရူႉသလႅမ်ႇ ဢိၵ်ႇ​တင်း​ဝဵင်း​ ယူႉတႃႉ ​တင်း​လၢႆ ဢၼ်​ၸဝ်ႈ​ႁဝ်း ၸႂ်​မႆႈ​ၶႆႈ​ၸႃႉ တေႃႇ​ၸဵတ်း​သိပ်း​ပီႊ​တဵမ်​တဵမ်​ၼၼ်ႉ​လႄႈ တၵ်း​ယူႇ​ၶိင်ႇ​ၵႃႇလႃႉ ႁိုင်​ၵႃႈ​ႁိုဝ်​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">ထႃႇဝရႃႉ​ၽြႃး​ဢဝ်​တင်း​ၵႂၢမ်း​ဢၼ်​လီ၊ ၵႂၢမ်း​ဢၼ်​ႁႂ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ ၶိုၼ်း​လၢတ်ႈ​တမၢၼ်ႇ​ၵၢင်​ႁၢဝ် ဢၼ်​လၢတ်ႈ​တေႃႇ​ၵၼ်​တင်း​ၵဝ် ၼၼ်ႉ​ဢေႃႈ။-</verse>
				<verse number="14">တမၢၼ်ႇ​ၵၢင်​ႁၢဝ် ဢၼ်​လၢတ်ႈ​တေႃႇ​ၵၼ်​တင်း​ၵဝ်​ၼၼ်ႉ​ၵေႃႈ လၢတ်ႈ​တီႈ​ၵဝ်​လႄႈ​ဝႃႈ၊ မႂ်း​ႁွင်ႉ​မွၵ်ႇ​ႁွင်ႉ​လၢတ်ႈ​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ ၵဝ်​မီး​ၸႂ်​ဢၼ်​ႁၵ်ႉ​ပႅင်း​ၶႅၼ်​ဝႆႉ ႁႅင်း​ယႂ်ႇ​ၼႃႇ​လူင်​လၢင်​သေ​လႄႈ ႁၵ်ႉ​ပႅင်း​ၶႅၼ်​ဝႆႉ ပုၼ်ႈ​ဝဵင်း​ ယေႇရူႉသလႅမ်ႇ ဢိၵ်ႇ​တင်း​လွႆ​ ၸီႉဢုၼ်ႇ ​ဢေႃႈ။-</verse>
				<verse number="15">ၵဝ်​ၸႂ်​မႆႈ​ၶႆႈ​ၸႃႉ​တေႃႇ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ယူႇ​ၼိမ်​ၼိမ်​လီ​လီ​ၸိူဝ်း​ၼၼ်ႉ ၼႃႇ​လူင်​လၢင်​ဢေႃႈ။ လွင်ႈ​မၼ်း​ၸမ်ႉ မိူဝ်ႈ​ဢၼ်​ၵဝ်​ၸႂ်​မႆႈ​ၶႆႈ​ၸႃႉ​တေႃႇ ဢိတ်း​ၼိုင်ႈ​ၼၼ်ႉ​ၸိုင်၊ ၶဝ်​ၽွမ်ႉ​ၵၼ် ၼိၵ်ႈ​ၸၢၵ်ႈ​ငႅၼ်း​သႄး​မၼ်း​ယဝ်ႉ။-</verse>
				<verse number="16">ပိူဝ်ႈ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​မီး​တင်း​ၸႂ်​ဢၼ်​ၶႂ်ႈ​ႁဵတ်း​ၵျေး​ၸူး​သေ​လႄႈ ၶိုၼ်း​မႃး​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ယဝ်ႉ။ တၵ်း​လႆႈ​တႄႇ​ႁဵတ်း​ႁိူၼ်း​ၵဝ် ၵႃႈ​ၼႂ်း​ဝဵင်း​ၼႆႉ​လႄႈ တၵ်း​လႆႈ​ဢဝ်​ၸိူၵ်ႈ တႅၵ်ႈ​ၶိုပ်ႈ​ၵႃႈ​ၼိူဝ်​ဝဵင်း​ ယေႇရူႉသလႅမ်ႇ ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="17">လႆႈ​သမ်ႉ မႂ်း​ႁွင်ႉ​မွၵ်ႇ​၊ႁွင်ႉ​လၢတ်ႈ​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ဝၢၼ်ႈ​ဝဵင်း​ၵဝ်​ၸိူဝ်း​ၼၼ်ႉ တၵ်း​သတ်ႉ​၊တၵ်း​တဵမ်​ဝႆႉ​တင်း တၢင်း​ဢၼ်​လႆႈ​လီ​လႆႈ​ပဵၼ်​ဢေႃႈ။ ထႃႇဝရႃႉ​ၽြႃး​တၵ်း​ႁႂ်ႈ​လွႆ​ ၸီႉဢုၼ်ႇ ​ၼၼ်ႉ မီး​တၢင်း​ဢၼ်​ပေႇ​ၸႂ် ၼိမ်​ၸႂ်​လႄႈ မၼ်း​ၸဝ်ႈ​တၵ်း​လိူၵ်ႈ​ၵဵပ်း​ဢဝ်​လုမ်း​လႃး​ဝဵင်း​ ယေႇရူႉသလႅမ်ႇ လူး​ၵွၼ်ႇ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">လႆႈ​သမ်ႉ ၵဝ်​ဢဝ်​တႃ​ၵဝ်​ႁႅၼ်​တူၺ်း​လႄႈ ႁၼ်​ၶဝ်​လႅမ် သီႇ​လႅမ်ႈ​ဢေႃႈ။-</verse>
				<verse number="19">ၵဝ်​တွင်ႈ​ထၢမ်​တီႈ​တမၢၼ်ႇ​ၵၢင်​ႁၢဝ် ဢၼ်​လၢတ်ႈ​တေႃႇ​ၵၼ်​တင်း​ၵဝ်​ၼၼ်ႉ​လႄႈ​ဝႃႈ၊ ဢၼ်​ၸိူဝ်း​ၼႆႉ ၼႆႉ​ၸမ်ႉ၊ ပဵၼ်​ၵႃႈ​သင်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ဢၼ်​ၸိူဝ်း​ၼႆႉ ပဵၼ်​ၶဝ်​လႅမ် ဢၼ်​ႁႂ်ႈ​မိူင်း​ ယူႉတႃႉ ၊ မိူင်း​ ဢီႉသရေႇလႃႉ ၊ ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ၽၢတ်ႇ​ၽႄ​ၵၼ်​ၵႂႃႇ ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ထႃႇဝရႃႉ​ၽြႃး​ၵေႃႈ ၼႄ​ပျႃး​ၵူၼ်း ဢၼ်​ၸၢင်ႈ​ႁဵတ်း၊​မေႃ​ႁဵတ်း သီႇ​ၵေႃႉ တီႈ​ၵဝ်​ဢေႃႈ။-</verse>
				<verse number="21">ၵဝ်​ၵေႃႈ လဝ်ႊ​ထၢမ်​လႄႈ​ဝႃႈ၊ ၶဝ်​ၼႆႉ​မႃး​ႁႂ်ႈ​လႆႈ ႁဵတ်း​ၵႃႈ​သင်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​လၢတ်ႈ​လႄႈ​ဝႃႈ၊ ၶဝ်​လႅမ်​ၸိူဝ်း​ၼၼ်ႉ ပဵၼ်​ၶဝ်​လႅမ် ဢၼ်​ႁႂ်ႈ​ၵူၼ်း​မိူင်း​ ယူႉတႃႉ ​တင်း​လၢႆ ၽၢတ်ႇ​ၽႄ​ၵၼ်​ၵႂႃႇ ထၼ်ႈ​ပေႃး ၽူႈ​လႂ်​ဢမ်ႇ​ႁတ်း​ငွၵ်ႈ​ႁူဝ်​၊ႁႅၼ်​ႁူဝ်​တူၺ်း​ဢေႃႈ။ ၵူၼ်း​ၸိူဝ်း​ၼႆႉ​ၸမ်ႉ၊ ပဵၼ်​ၵေႃႉ​ဢၼ်​မႃး​ႁႂ်ႈ​လႆႈ လွၵ်ႇ​ငိုတ်ႈ​ၶဝ်​ၼၼ်ႉ​လႄႈ ၶျႃး​ၶဝ်​လႅမ်​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ပတ်ႉ​သၢႆႇ တိုၵ်း​တေႃး​မိူင်း​ ယူႉတႃႉ ႁႂ်ႈ​ၽၢတ်ႇ​ၽႄ​ၵၼ်​ၵႂႃႇ ၸိူဝ်း​ၼၼ်ႉ တူၵ်း​တီႈ​တႅမ်ႇ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="2">
				<verse number="1">လႆႈ​သမ်ႉ ၵဝ်​ဢဝ်​တႃ​ၵဝ်​ႁႅၼ်​တူၺ်း​လႄႈ ႁၼ်​ၵူၼ်း​ဢၼ်​ယိပ်း​ၵမ်​ၸိူၵ်ႈ ပုၼ်ႈ​ဢၼ်​တၵ်း​တႅၵ်ႈ​၊တၵ်း​ၶိုပ်ႈ​ၼၼ်ႉ ၵေႃႉ​ၼိုင်ႈ​လႄႈ၊-</verse>
				<verse number="2">တွင်ႈ​ထၢမ်​တီႈ​ၵေႃႉ​ၼၼ်ႉ​လႄႈ​ဝႃႈ၊ တၵ်း​ၵႂႃႇ​ၵႃႈ​တီႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လၢတ်ႈ​တီႈ​ၵဝ်​လႄႈ​ဝႃႈ၊ တၵ်း​ၵႂႃႇ​ႁႂ်ႈ​လႆႈ​တႅၵ်ႈ​တူၺ်း​၊ၶိုပ်ႈ​တူၺ်း ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ႁူႉ ၼႃႈ​ယၢဝ်း​မၼ်း ၼႃႈ​ပွတ်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">တမၢၼ်ႇ​ၵၢင်​ႁၢဝ် ဢၼ်​လၢတ်ႈ​တေႃႇ​ၵၼ်​တင်း​ၵဝ်​ၼၼ်ႉ ဢွၵ်ႇ​ၵႂႃႇ​လႄႈ တမၢၼ်ႇ​ၵၢင်​ႁၢဝ်​တၢင်ႇ​ပႃး ႁႄႉ​ႁပ်ႉ​ႁူဝ်​တၢင်း​မၼ်း​ယူႇ​သေ​လႄႈ လၢတ်ႈ​လႄႈ​ဝႃႈ၊-</verse>
				<verse number="4">ၶုၼ်ႇ​လႅၼ်ႈ​ၵႂႃႇ​သေ​လႄႈ လၢတ်ႈ​တီႈ​ၵူၼ်း​ဢွၼ်ႇ​ၼၼ်ႉ​လႄႈ​ဝႃႈ၊ ဝဵင်း​ ယေႇရူႉသလႅမ်ႇ တၵ်း​မီး​ၽူႈ​မီး​ၵူၼ်း မိူၼ်​ၸိူဝ်ႉ​ၼင်ႇ ဝၢၼ်ႈ​ဢၼ်​ဢမ်ႇ​မီး​လမ်း​တပ်ႉ​၊လမ်း​ႁူဝ်ႉ​ၸိူဝ်း​ၼၼ်ႉ ၵွပ်ႈ​ပိူဝ်ႈ ဢၼ်​ၵူၼ်း​သတ်ႉတဝႃႇ ဢိၵ်ႇ​တင်း​တရိၵ်ႈသၢၼ်ႇ ပဵၼ်​ဢၼ်​ၼမ်​ၼႃႇ​လူင်​လၢင် ၵႃႈ​ၼႂ်း​မၼ်း​ၼၼ်ႉ​ဢေႃႈ။-</verse>
				<verse number="5">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ပဵၼ်​လမ်း​ဝဵင်း​ၽႆး လွမ်ႉ​လဵပ်ႈ​ႁွပ်ႈ​မၼ်း​ယူႇ​လႄႈ ပဵၼ်​မုၼ်​သရေႇ​ယူႇ ၵႃႈ​ၼႂ်း​ၶိုင်ႈ​ၵၢင်​မၼ်း​ဢေႃႈ။</verse>
				<verse number="6">ဢိူၺ်း၊ ဢိူၺ်း၊ ဢွၼ်​ၵၼ်​ဢွၵ်ႇ​ပၢႆႈ သေ​ၵႃႈ​တီႈ မိူင်း​ၼႃႈ​တၢင်း​ႁွင်ႇ​မႃး​တႃႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။ ၵဝ်​ႁႂ်ႈ​သူ ၽၢတ်ႇ​ၽႄ​ၵၼ်​ၵႂႃႇ မိူၼ်​ၸိူဝ်ႉ​ၼင်ႇ​လူမ်း ဢၼ်​မီး​ၵႃႈ​တီႈ သီႇ​ၼႃႈ​တႂ်ႈ​ၽႃႉ​ၵၢင်​ႁၢဝ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="7">ၸီႉဢုၼ်ႇ ဢၼ်​ယူႇ​လူၺ်ႈ​ၵၼ်​တင်း လုၵ်ႈ​ယိင်း​ဝဵင်း​ ပႃႇပူႉလုၼ်ႇ ​ဢိူၺ်း၊ ဢွၵ်ႇ​ပၢႆႈ​ႁႂ်ႈ​လွတ်ႈ​တႃႉ။-</verse>
				<verse number="8">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မုၼ်​ၽုင်း​ၼၼ်ႉ ပေႃႇ​မႃး​သေ​ယဝ်ႉ၊ မၼ်း​ၸဝ်ႈ​ပွႆႇ​ၸႂ်ႉ​ၵဝ်​ၸူး​ၵႃႈ​တီႈ မဵဝ်း​ၵူၼ်း​ဢၼ်​ယႃႉ​သူ​ပႅတ်ႈ ၸိူဝ်း​ၼၼ်ႉ​ဢေႃႈ။ ၵေႃႉ​ဢၼ်​တိူဝ်ႉ​ထုၵ်ႇ​သူ​ၼၼ်ႉ ပဵၼ်​ၵေႃႉ​ဢၼ်​တိူဝ်ႉ​ထုၵ်ႇ လုၵ်ႈ​ဝၢၵ်ႇ​မၢၵ်ႇ​တႃ​မၼ်း​ၸဝ်ႈ​ဢေႃႈ။-</verse>
				<verse number="9">တူၺ်း​လူး။ ၵဝ်​တၵ်း​ဢဝ်​တႃ​မိုဝ်း​ၵဝ် ငႃ​သႂ်ႇ​ၶဝ်​လႄႈ ၶဝ်​ၼၼ်ႉ​တၵ်း​ပဵၼ် တီႈ​ဢၼ်​ၶႃႈ​ၶဝ် ႁိမ်​ဢဝ်​ယႃႉ​ပႅတ်ႈ​ဢေႃႈ။ သူ​တၵ်း​လႆႈ​ႁူႉ​လွင်ႈ​ဢၼ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ပွႆႇ​ၸႂ်ႉ​ၵဝ် ၼၼ်ႉ​ဢေႃႈ။-</verse>
				<verse number="10">လုၵ်ႈ​ယိင်း​ ၸီႉဢုၼ်ႇ ​ဢိူၺ်း၊ ႁဵတ်း​ၵႂၢမ်း​လႄႈ သႂၢင်ႇ​သိူဝ်း​တႃႉ။ ၵဝ်​တၵ်း​မႃး​လႄႈ ယူႇ​ၵႃႈ​ၼႂ်း​ၵၢင်​မႂ်း​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="11">ၼႂ်း​မိုဝ်ႉ​ဝၼ်း​ၼၼ်ႉ မဵဝ်း​ၵူၼ်း​ၼမ်​ၼႃႇ တၵ်း​ဢွၼ်​ၵၼ်​ၶဝ်ႈ​ယူႇ​ၽၢႆႇ ထႃႇဝရႃႉ​ၽြႃး​လႄႈ ပဵၼ်​ၵူၼ်း​ၵဝ်​ဢေႃႈ။ ၵဝ်​တၵ်း​ၶဝ်ႈ​ယူႇ​ၵႃႈ​ၼႂ်း ၵၢင်​မႂ်း​လႄႈ မႂ်း​တၵ်း​လႆႈ​ႁူႉ​လွင်ႈ​ဢၼ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ပွႆႇ​ၸႂ်ႉ​ၵဝ်​ၸူး​တီႈ​မႂ်း ၼၼ်ႉ​ဢေႃႈ။-</verse>
				<verse number="12">ထႃႇဝရႃႉ​ၽြႃး​တၵ်း​လႆႈ​ၶၢမ်ႇ​ဢဝ်​ဢမူၺ်ႇ​မိူင်း​ ယူႉတႃႉ ​ဝႆႉ​ပုၼ်ႈ​ဝႆႉ​တႃႇ​မၼ်း​ၸဝ်ႈ ၵႃႈ​ၼႂ်း​မိူင်း​ဢၼ်​မူတ်း​ၸၢင်ႇ​ၼၼ်ႉ​လႄႈ တၵ်း​သမ်ႉ​ၶိုၼ်း​လိူၵ်ႈ​ၵဵပ်း​ဢဝ် ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="13">ၵူၼ်း​သတ်ႉတဝႃႇ တင်း​သဵင်ႈ​တင်း​လူင်​ၶဝ်​ဢိူၺ်း၊ ဢွၼ်​ၵၼ်​ယူႇ​တဵတ်ႇ​တဵတ်ႇ​ၼိမ်​ၼိမ် ၵႃႈ​တီႈ​ၽၢႆႇ​ၼႃႈ ထႃႇဝရႃႉ​ၽြႃး​တႃႉ။ မၼ်း​ၸဝ်ႈ လုၵ်ႉ ၵႃႈ​တီႈ​ထႃႇၼႃႉ​ၸဝ်ႈ တီႈ​ဢၼ်​မၼ်း​ၸဝ်ႈ​ၵိင်း​ဝၢပ်ႈ​ယူႇ ဢၼ်​မူတ်း​ၸၢင်ႇ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="3">
				<verse number="1">မၼ်း​ၸဝ်ႈ​ၼႄ​ပျႃး ၶုၼ်​ယိတ်ႈပရေႃးႁဵၵ်ႈ ယေႃးသူႉ ၸုၵ်း​ယူႇ​ၵႃႈ​တီႈ ၽၢႆႇ​ၼႃႈ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ဢိၵ်ႇ​တင်း ၸႃႇတၢၼ်ႇ ၸုၵ်း​ယူႇ ၵႃႈ​တီႈ​ၽၢႆႇ​ၶႂႃ​မၼ်း ႁႂ်ႈ​လႆႈ​ႁဵတ်း​ရၢၼ်ႇ​၊တၢင်း​ၽိတ်း​တေႃႇ​မၼ်း​ၼၼ်ႉ တီႈ​ၵဝ်​ဢေႃႈ။-</verse>
				<verse number="2">ထႃႇဝရႃႉ​ၽြႃး​လၢတ်ႈ​တီႈ​ ၸႃႇတၢၼ်ႇ ​ၼၼ်ႉ​လႄႈ​ဝႃႈ၊ ၸႃႇတၢၼ်ႇ ​ဢိူၺ်း၊ ႁႂ်ႈ​ထႃႇဝရႃႉ​ၽြႃး​သင်ႇ​သွၼ်​သုင်း​မႃႉ​မႂ်း သေ​ၵမ်း​လူၺ်ႈ။ ႁႂ်ႈ​ထႃႇဝရႃႉ​ၽြႃး ဢၼ်​လိူၵ်ႈ​ၵဵပ်း​ဢဝ်​ဝဵင်း​ ယေႇရူႉသလႅမ်ႇ ယဝ်ႉ​ၼၼ်ႉ သင်ႇ​သွၼ်​သုင်း​မႃႉ​မႂ်း သေ​ၵမ်း​လူၺ်ႈ။ ၵေႃႉ​ၼႆႉ​ပဵၼ်​လိုၼ်ႈ​ၽႆး ဢၼ်​ၼုၵ်ႈ​ထွၼ်​ဢဝ် ဢွၵ်ႇ​သေ​ၵႃႈ​ၼႂ်း​ၽႆး ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ယေႃးသူႉ ​ၼၼ်ႉ ၼုင်ႈ​ၶူဝ်း​ၼုင်ႈ ဢၼ်​ၵူဝ်ႈ​ၵိူၵ်ႇ​ယူႇ​သေ​လႄႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​တမၢၼ်ႇ​ၵၢင်​ႁၢဝ်​ၼၼ်ႉ​လႄႈ၊-</verse>
				<verse number="4">မၼ်း​ၼၼ်ႉ လၢတ်ႈ​တီႈ​ၶဝ်​ၸိူဝ်း​ဢၼ်​ၸုၵ်း​ယူႇ ၵႃႈ​တီႈ​ၽၢႆႇ​ၼႃႈ​မၼ်း​ၼၼ်ႉ​လႄႈ​ဝႃႈ၊ ဢွၼ်​ၵၼ်​ထွတ်ႇ​ၶူဝ်း​ၼုင်ႈ​မၼ်း ဢၼ်​ၵူဝ်ႈ​ၵိူၵ်ႇ​ၼၼ်ႉ ပႅတ်ႈ​သေ​တႃႉ၊ ဝႃႈ​ၼင်ႇ​ၼႆ​ဢေႃႈ။ တီႈ​ ယေႃးသူႉ ​ၵေႃႈ လၢတ်ႈ​လႄႈ​ဝႃႈ၊ တူၺ်း​လူး။ ၵဝ်​ၽေႇ​ဢပႅတ်ႈ​မႂ်း​ပႅတ်ႈ​ယဝ်ႉ။ ၵဝ်​တၵ်း​ႁႂ်ႈ​မႂ်း​ၼုင်ႈ​ၶူဝ်း​ၼုင်ႈ ဢၼ်​ႁၢင်ႈ​လီ​ႁၢင်ႈ​ငၢမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၵဝ်​ၵေႃႈ လၢတ်ႈ​လႄႈ​ဝႃႈ၊ ႁႂ်ႈ​ဢွၼ်​ၵၼ်​ဢဝ် မွၵ်ႇ​ႁူဝ်​သရၽူႇ ဢၼ်​မူတ်း​သႂ်​ၼၼ်ႉ တိုဝ်း​သႂ်ႇ​ပၼ်​ၵႃႈ​ၼိူဝ်​ႁူဝ်​မၼ်း​သေ၊ ဝႃႈ​ၼင်ႇ​ၼႆ​လႄႈ ၶဝ်​ဢွၼ်​ၵၼ်​ဢဝ်​မွၵ်ႇ​ႁူဝ်​သရၽူႇ ဢၼ်​မူတ်း​သႂ်​ၼၼ်ႉ တိုဝ်း​သႂ်ႇ​ပၼ်​ၵႃႈ​ၼိူဝ်​ႁူဝ်​မၼ်း ၸွမ်း​ၵႃႈ​ၼင်ႇ​ဢၼ်​ဝႃႈ​ၼၼ်ႉ​လႄႈ ဢဝ်​ၶူဝ်း​ၼုင်ႈ ၼုင်ႈ​ပၼ်​ဢေႃႈ။ တမၢၼ်ႇ​ၵၢင်​ႁၢဝ် ထႃႇဝရႃႉ​ၽြႃး​ၵေႃႈ ၸုၵ်း​ယူႇ​ၵႃႈ​တီႈ​ႁိမ်း​ၼၼ်ႉ​ဢေႃႈ။-</verse>
				<verse number="6">လႆႈ​သမ်ႉ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ ပိင်း​ၺၢပ်ႈ​ဝႆႉ​တီႈ ယေႃးသူႉ ​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊-</verse>
				<verse number="7">ပေႃး​မႂ်း​တၵ်း​ၸွမ်း​သဵၼ်ႈ​တၢင်း​ၵဝ်​တင်း​လၢႆ​လႄႈ ပႂ်ႉ​ၵမ်​ပႂ်ႉ​ၵျၢင်ႉ​ပိင်း​ၺၢပ်ႈ​တြႃး​ၵဝ်​ၸိုင်၊ မႂ်း​တၵ်း​မီး​ဢၶႂၢင်ႉ ဢၼ်​လႆႈ​ၸီႇ​ယၢင်ႇ​ႁိူၼ်း​ၵဝ်၊ ဢၶႂၢင်ႉ​ဢၼ်​လႆႈ​ပႂ်ႉ​တမ်ႇ​တိူင်း​ၵဝ် ၸိူဝ်း​ၼၼ်ႉ​လႄႈ ၵဝ်​တၵ်း​ၶၢၼ်း​ၶဝ်​ၸိူဝ်း​ဢၼ် ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ၼႆႉ​ၵမ်ႈ​ၽွင်ႈ​ဝႆႉ ႁႂ်ႈ​ၶဝ်​ပဵၼ်​ၵေႃႉ​ဢၼ်​လႆႈ​ၼႄ​ပျႃး သဵၼ်ႈ​တၢင်း​တီႈ​မႂ်း​ဢေႃႈ။-</verse>
				<verse number="8">ၶုၼ်​ယိတ်ႈပရေႃးႁဵၵ်ႈ ယေႃးသူႉ ​ဢိူၺ်း၊ မႂ်း​ဢိၵ်ႇ​လူၺ်ႈ​ၵၼ်​တင်း ၵေႃႉ​သေႈ​မႂ်း ဢၼ်​ၼင်ႈ​ယူႇ​ၵႃႈ​တီႈ​ၽၢႆႇ​ၼႃႈ​မႂ်း ၸိူဝ်း​ၼႆႉ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။ ၶဝ်​ၼၼ်ႉ ပဵၼ်​ၵေႃႉ​ဢၼ်​ၵိုင်ႇ​ၵၼ်​တင်း ၼီႉမိၵ်ႈ​လၢၵ်ႈၶၼႃႇ​ဢေႃႈ။ တူၺ်း​လူး။ ၵဝ်​တၵ်း​ႁႂ်ႈ​ယွတ်ႈ ဢၼ်​ဝႃႈ​ၶႃႈ​ၵဝ်​ၼၼ်ႉ ပေႃႇ​ပႂၢင်ႉ​မႃး​ဢေႃႈ။-</verse>
				<verse number="9">လူ​တူၺ်း​မၢၵ်ႇ​ႁိၼ် ဢၼ်​ၵဝ်​ဝႆႉ ၵႃႈ​တီႈ​ၽၢႆႇ​ၼႃႈ​ ယေႃးသူႉ ​ၼၼ်ႉ​တႃႉ။ ၵႃႈ​ၼိူဝ်​မၢၵ်ႇ​ႁိၼ် လုၵ်ႈ​ၼိုင်ႈ​ၼၼ်ႉ မီး​မၢၵ်ႇ​တႃ ၸဵတ်း​ႁူၺ်ႇ ဢေႃႈ။ တူၺ်း​လူး။ ၵဝ်​တၵ်း​တွင်ႈ​ႁဵတ်း​ၶၵ်း​ႁဵတ်း မၢၵ်ႇ​ႁိၼ်​ၼၼ်ႉ​လႄႈ ၼႂ်း​ဝၼ်း​ၼိုင်ႈ​ၵူၺ်း ၵဝ်​တၵ်း​ပႄႇ​ဢပႅတ်ႈ​မိူင်း​ၼႆႉ ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="10">ၼႂ်း​မိုဝ်ႉ​ဝၼ်း​ၼၼ်ႉ သူ​ၼႆႉ ၵူၼ်း​ႁိူၼ်း​ၸမ်​ၵၼ် ၼင်ႇ​ၵၼ်​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ႁွင်ႉ​ပၢင်း​ဢဝ်​ၵၼ် ၸူး​ၵႃႈ​တီႈ တႂ်ႈ​တူၼ်ႈ​မၢၵ်ႇ​ၸပိတ်ႈ၊ တႂ်ႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="4">
				<verse number="1">တမၢၼ်ႇ​ၵၢင်​ႁၢဝ် ဢၼ်​လၢတ်ႈ​ၵႂၢမ်း​တေႃႇ​ၵၼ် တင်း​ၵဝ်​ၼၼ်ႉ ၶိုၼ်း​မႃး​လႄႈ ပူၵ်း​ၵဝ်​မိူၼ်​ၸိူဝ်ႉ​ၼင်ႇ ဢၼ်​ပူၵ်း​ၵေႃႉ​ဢၼ်​ၼွၼ်း​လပ်း​ၼၼ်ႉ သေ​လႄႈ​-</verse>
				<verse number="2">ထၢမ်​တီႈ​ၵဝ်​လႄႈ​ဝႃႈ၊ မႂ်း​ႁၼ်​ၵႃႈ​သင်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵဝ်​လၢတ်ႈ​လႄႈ​ဝႃႈ၊ ၵဝ်​ၶႃႈ​လူ​တူၺ်း​လႄႈ​ႁၼ် ၶူင်ႇ​တီႈ​တႆႈ​ၽႆး ဢၼ်​ပဵၼ်​ၶမ်း​လွၼ်ႉ​လွၼ်ႉ​ၶႃႈ​ဢေႃႈ။ ၵႃႈ​တီႈ​ပၢႆ​ၶူင်ႇ​တီႈ တႆႈ​ၽႆး​ၼၼ်ႉ မီး​မေႃႈ​ၼမ်ႉ​မၼ်း မေႃႈ​ၼိုင်ႈ ဢိၵ်ႇ​တင်း ဝၢၼ်ႇ​တႆႈ​ၽႆး ၸဵတ်း​မႂ် တင်း​လွတ်ႇ​ၵွင်ႈ​လေႃႇ ဢၼ်​သိုပ်ႇ​ၸပ်း​မေႃႈ​ၼမ်ႉ​မၼ်း တင်း​ဝၢၼ်ႇ​တႆႈ​ၽႆး ၸဵတ်း​မႂ် ၼၼ်ႉ​ဝႆႉ​ၼၼ်ႉ ၸဵတ်း​လွတ်ႇ ၶႃႈ​ဢေႃႈ။-</verse>
				<verse number="3">ၵႃႈ​ႁိမ်း​မၼ်း မီး​တူၼ်ႈ​ သၢၼ်ႇလုၼ်ႇ ​သွင်​တူၼ်ႈ၊ ၵႃႈ​တီႈ​ၽၢႆႇ​တၢင်း​ၶႂႃ မေႃႈ​ၼမ်ႉ​မၼ်း​ၼၼ်ႉ တူၼ်ႈ​ သၢၼ်ႇလုၼ်ႇ ​တူၼ်ႈ​ၼိုင်ႈ၊ ၵႃႈ​တီႈ​ၽၢႆႇ တၢင်း​သၢႆႉ​မၼ်း​ၼၼ်ႉ တူၼ်ႈ​ၼိုင်ႈ ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="4">ၵဝ်​ထၢမ်​တီႈ​တမၢၼ်ႇ​ၵၢင်​ႁၢဝ် ဢၼ်​လၢတ်ႈ​တေႃႇ​ၵၼ် တင်း​ၵဝ်​ၼၼ်ႉ လႄႈ​ဝႃႈ၊ ၸဝ်ႈ​ၵဝ်​ၶႃႈ​ဢိူၺ်း၊ ဢၼ်​ၸိူဝ်း​ၼႆႉ​ၸမ်ႉ၊ ပဵၼ်​ၵႃႈ​သင်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">တမၢၼ်ႇ​ၵၢင်​ႁၢဝ် ဢၼ်​လၢတ်ႈ​တေႃႇ​ၵၼ်​တင်း​ၵဝ်​ၼၼ်ႉ ထၢမ်​တီႈ​ၵဝ်​လႄႈ​ဝႃႈ၊ မႂ်း​ဢမ်ႇ​ႁူႉ​လွင်ႈ ဢၼ်​ၸိူဝ်း​ၼႆႉ ပဵၼ်​ၵႃႈ​သင်​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ၵဝ်​လဝ်ႊ​လၢတ်ႈ​လႄႈ​ဝႃႈ၊ ဢမ်ႇ​ႁူႉ​ၶႃႈ​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မၼ်း​ၼၼ်ႉ​ၵေႃႈ ၶိုၼ်း​လၢတ်ႈ​တီႈ​ၵဝ်​လႄႈ​ဝႃႈ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ႁွတ်ႈ​မႃး​တီႈ​ ၸေႇရူႉပႃႉပေႇလႃႉ ​ၸမ်ႉ၊ လွင်ႈ​တၢင်း​ၼႆႉ တၵ်း​ပဵၼ်​ၵွပ်ႈ​ပိူဝ်ႈ ႁႅင်း​ပလႃႉ ဢမ်ႇ​ၸႂ်ႈ၊ တၵ်း​ပဵၼ်​ၵွပ်ႈ​ပိူဝ်ႈ ႁႅင်း​တၼ်း​ၶူဝ်း ဢမ်ႇ​ၸႂ်ႈ၊ တၵ်း​ပဵၼ်​ၵွပ်ႈ​ပိူဝ်ႈ ဝီႉၺိၺ်ႇ​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="7">လွႆ​လူင်​ဢိူၺ်း၊ မႂ်း​ပဵၼ်​ၵႃႈ​သင်။ မႂ်း​တၵ်း​လႆႈ​ပဵၼ် တီႈ​ဢၼ်​ပၢင်ႇ​လီ​ပဵင်း​လီ ၵႃႈ​တီႈ​ၽၢႆႇ​ၼႃႈ ၸေႇရူႉပႃႉပေႇလႃႉ ​ဢေႃႈ။ မၼ်း​တၵ်း​လႆႈ​ႁဵတ်း တၢင်း​ဢၼ် ႁွင်ႉ​ပၢဝ်ႇ​ႁွင်ႉ​လၢတ်ႈ လႄႈ​ဝႃႈ၊ ႁႂ်ႈ​ၵျေး​ၸူး​ၸဝ်ႈ မီး​တီႈ​မၼ်း​သေ​ၵမ်း​လူၺ်ႈ။ ႁႂ်ႈ​ၵျေး​ၸူး​ၸဝ်ႈ မီး​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ ယူႇ​သေ​လႄႈ ဢဝ်​မၢၵ်ႇ​ႁိၼ် ႁူဝ်​ၸဵင်ႇ​တိူၵ်ႈ တၢင်ႇ​သႂ်ႇ​ဝႆႉ​ဢေႃႈ။-</verse>
				<verse number="8">လႆႈ​သမ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ ဝႃႈ​ၸမ်ႉ၊-</verse>
				<verse number="9">မိုဝ်း​ ၸေႇရူႉပႃႉပေႇလႃႉ ​ၼၼ်ႉ ၶျႃး​ငဝ်ႈ​ႁၢၵ်ႈ တိူၵ်ႈ​ႁိူၼ်း​ၸဝ်ႈ​ၼႆႉ ဝႆႉ​ယဝ်ႉ။ မိုဝ်း​မၼ်း​ၼၼ်ႉ တၵ်း​လႆႈ​ၵွႆ​ႁႂ်ႈ​ယဝ်ႉ​၊ႁႂ်ႈ​တူဝ်ႈ​ဢေႃႈ။ မႂ်း​တၵ်း​လႆႈ​ႁူႉ​လွင်ႈ​ဢၼ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ပွႆႇ​ၸႂ်ႉ​ၵဝ်​ၸူး တီႈ​သူ​ၼၼ်ႉ​ဢေႃႈ။-</verse>
				<verse number="10">ၽူႈ​လႂ်​လႆႈ​ႁဵတ်း ဢမ်ႇ​ပေႃး​ၼင်ႇ​ႁိုဝ် တီႈ​မိုဝ်ႉ​ဝၼ်း ဢၼ်​ႁဵတ်း​လွင်ႈ​တၢင်း​ဢၼ်​လဵၵ်ႉ​၊ဢၼ်​ၼွႆႉ ၸိူဝ်း​ၼၼ်ႉ။ မၢၵ်ႇ​တႃ​ထႃႇဝရႃႉ​ၽြႃး ဢၼ်​ၸၢင်ႈ​ၶုၼ်ႇ​လႅၼ်ႈ​ၵႂႃႇ ၶုၼ်ႇ​လႅၼ်ႈ​မႃး ၵႃႈ​ၼိူဝ်​ၼႃႈ​လိၼ် ၵူႈ​တီႈ​ၵူႈ​လႅၼ် ၸဵတ်း​ပႃး ၼၼ်ႉ ဢွၼ်​ၵၼ်​ႁၼ်​ၸိူၵ်ႈ ဢၼ်​ၶပ်ႉ၊​ဢၼ်​တႅၵ်ႈ မီး​ယူႇ​ၵႃႈ​ၼႂ်း​မိုဝ်း ၸေႇရူႉပႃႉပေႇလႃႉ ​ၼၼ်ႉ​လႄႈ ၸူမ်း​သိူဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၵဝ်​ၵေႃႈ လဝ်ႊ​ထၢမ်​လႄႈ​ဝႃႈ၊ တူၼ်ႈ​ သၢၼ်ႇလုၼ်ႇ ​သွင်​တူၼ်ႈ ဢၼ်​မီး​ၵႃႈ​တီႈ ၽၢႆႇ​ၶႂႃ​ၽၢႆႇ​သၢႆႉ ၶူင်ႇ​တီႈ​တႆႈ​ၽႆး​ၼၼ်ႉ​ၸမ်ႉ၊ ပဵၼ်​ၵႃႈ​သင်​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="12">ၵဝ်​သမ်ႉ လဝ်ႊ​ထၢမ်​ထႅင်ႈ​လႄႈ​ဝႃႈ၊ ၵိင်ႇ​ သၢၼ်ႇလုၼ်ႇ ​သွင်​ၵိင်ႇ ဢၼ်​ဢဝ် တင်း​လွတ်ႇ​ၵွင်ႈ​လေႃႇ​ၶမ်း သွၼ်း​လေႃႇ​ၼမ်ႉ​မၼ်း တူဝ်​ၸဝ်ႈ​ၵဝ်ႇ​ယူႇ​ၼၼ်ႉ​ၸမ်ႉ၊ ပဵၼ်​ၵႃႈ​သင်​ၶႃႈ၊ မိူဝ်ႈ​ဢၼ်၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="13">မၼ်း​ၼၼ်ႉ ထၢမ်​တီႈ​ၵဝ်​လႄႈ​ဝႃႈ၊ မႂ်း​ဢမ်ႇ​ႁူႉ​လွင်ႈ​ဢၼ် ၵိင်ႇ​ၸိူဝ်း​ၼၼ်ႉ ပဵၼ်​ၵႃႈ​သင်​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ ၵဝ်​လဝ်ႊ​လၢတ်ႈ​လႄႈ​ဝႃႈ၊ ဢမ်ႇ​ႁူႉ​ၶႃႈ​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မၼ်း​ၼၼ်ႉ လၢတ်ႈ​လႄႈ​ဝႃႈ၊ ၵိင်ႇ​ၸိူဝ်း​ၼႆႉ ပဵၼ်​ၵေႃႉ​ဢၼ် ၶၢမ်ႇ​ၽိၵ်ႈ​သိၵ်ႈ သွင်​ပႃး ဢၼ်​ၸုၵ်း​ယူႇ ၵႃႈ​တီႈ​ၽၢႆႇ​ၼႃႈ​ၸဝ်ႈ ဢၼ်​ဢုပ်ႉ​ပိူင်ႇ​လိၼ်​မိူင်း တင်း​သဵင်ႈ​တင်း​မူတ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="5">
				<verse number="1">လႆႈ​သမ်ႉ ၵဝ်​ဢဝ်​တႃ​ၵဝ် ႁႅၼ်​တူၺ်း​လႄႈ ႁၼ်​ၽိုၼ်​လိၵ်ႈ ဢၼ်​မိၼ်​ဢႅၼ်ႇ​ယူႇ​ၼၼ်ႉ​ဢေႃႈ။-</verse>
				<verse number="2">မၼ်း​ၼၼ်ႉ ထၢမ်​တီႈ​ၵဝ်​လႄႈ​ဝႃႈ၊ မႂ်း​ႁၼ်​ၵႃႈ​သင်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵဝ်​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​ႁၼ်​ၽိုၼ်​လိၵ်ႈ ဢၼ်​မိၼ်​ဢႅၼ်ႇ​ယူႇ​ၶႃႈ​ဢေႃႈ။ ၼႃႈ​ယၢဝ်း​မၼ်း မီး​သၢဝ်း​သွၵ်ႇ၊ ၼႃႈ​ပွတ်း​မၼ်း မီး​သိပ်း​သွၵ်ႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မၼ်း​ၼၼ်ႉ​ၵေႃႈ လၢတ်ႈ​တီႈ​ၵဝ်​လႄႈ​ဝႃႈ၊ ဢၼ်​ၼၼ်ႉ ပဵၼ်​တၢင်း​ၵိၼ်ႇ​တၢင်း​ဝႃႈ ဢၼ်​ၸွတ်ႇ​တူဝ်ႈ​ၵႂႃႇ ၵႃႈ​ၼႂ်း​မိူင်း​တင်း​မိူင်း​ဢေႃႈ။ ၶဝ်​ၸိူဝ်း​ဢၼ် ၸၢင်ႈ​လၵ်ႉ​ၸၢင်ႈ​လိူတ်ႈ​ၵႃႈ​မီး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ၽဵဝ်ႈ​ပႅတ်ႈ ၸွမ်း​ၵႃႈ​ၼင်ႇ​ဢၼ် ပႃး​ၵႃႈ​ၼႂ်း​ၽိုၼ်​လိၵ်ႈ​ၼၼ်ႉ ၽၢႆႇ​ၼိုင်ႈ ၼၼ်ႉ​ဢေႃႈ။ ၶဝ်​ၸိူဝ်း​ဢၼ် ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ ၵႃႈ​မီး​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ၽဵဝ်ႈ​ပႅတ်ႈ ၸွမ်း​ၵႃႈ​ၼင်ႇ​ဢၼ် ပႃး​ၵႃႈ​ၼႂ်း​ၽိုၼ်​လိၵ်ႈ​ၼၼ်ႉ ၽၢႆႇ​ၼိုင်ႈ ၼၼ်ႉ​ဢေႃႈ။-</verse>
				<verse number="4">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​တၵ်း​ဢဝ်​ၽိုၼ်​လိၵ်ႈ​ၼၼ်ႉ​ဢွၵ်ႇ၊ မၼ်း​တၵ်း​ၶဝ်ႈ​ၵႂႃႇ​ၵႃႈ​ၼႂ်း ႁိူၼ်း​ၵေႃႉ​ဢၼ်​ၸၢင်ႈ​လၵ်ႉ​ၸၢင်ႈ​လိူတ်ႈ​ၼၼ်ႉ ဢိၵ်ႇ​တင်း ၵႃႈ​ၼႂ်း​ႁိူၼ်း​ၵေႃႉ​ဢၼ် ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ် ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ ဢၼ်​ဢမ်ႇ​ၸိုဝ်ႈ​၊ဢမ်ႇ​ၸႂ်ႈ ၼၼ်ႉ​သေ​လႄႈ ၵိၼ်​ႁိူၼ်း​ၼၼ်ႉ ဢိၵ်ႇ​လူၺ်ႈ​ၵၼ်​တင်း​မႆႉ​ၸိင်​မၼ်း တင်း​မၢၵ်ႇ​ႁိၼ်​မၼ်း ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">လႆႈ​သမ်ႉ တမၢၼ်ႇ​ၵၢင်​ႁၢဝ် ဢၼ်​လၢတ်ႈ​တေႃႇ​ၵၼ်​တင်း​ၵဝ်​ၼၼ်ႉ ဢွၵ်ႇ​သေ​လႄႈ လၢတ်ႈ​တီႈ​ၵဝ်​လႄႈ​ဝႃႈ၊ မိူဝ်ႈ​လဵဝ်​ၼႆႉ ဢဝ်​တႃ​မႂ်း​ႁႅၼ်​တူၺ်း လွင်ႈ​တၢင်း​ဢၼ်​ဢွၵ်ႇ​ၼႆႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ၵဝ်​ထၢမ်​လႄႈ​ဝႃႈ၊ ဢၼ်​ၼၼ်ႉ​ၸမ်ႉ ပဵၼ်​ၵႃႈ​သင်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၼၼ်ႉ လၢတ်ႈ​လႄႈ​ဝႃႈ၊ ဢၼ်​ၼၼ်ႉ ပဵၼ်​ ဢေးၽႃႇ ဢၼ်​ဢွၵ်ႇ​မႃး​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ဢၼ်​ၼႆႉ​ပဵၼ်​ပုင်ႇ​ႁၢင်ႈ​ၶဝ် ၵႃႈ​ၼႂ်း​မိူင်း​တင်း​မိူင်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၵဝ်​သမ်ႉ​ႁၼ်​ၶႅပ်း​ၸိုၼ်း ဢၼ်​မူၼ်း​ဝႆႉ​လႄႈ မီး​ တလၢၼ်ႇတၢၼ်ႇ ​ၼိုင်ႈ​ၼၼ်ႉ ယွင်ႈ​ၶိုၼ်ႈ​ၵႂႃႇ​ၵႃႈ​ၼိူဝ်​လႄႈ မႄႈ​ယိင်း​ၵေႃႉ​ၼိုင်ႈ ၼင်ႈ​ယူႇ​ၵႃႈ​ၼႂ်း​ၵၢင်​ၵွၵ်း​ ဢေးၽႃႇ ​ၼၼ်ႉ​ဢေႃႈ။-</verse>
				<verse number="8">မၼ်း​လၢတ်ႈ​လႄႈ​ဝႃႈ၊ မႄႈ​ယိင်း​ၼႆႉ ပဵၼ်​တူႉ​ၸရိူၵ်ႈ​ဢပႅတ်ႈ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ ဢဝ်​မၼ်း​ၼၼ်ႉ ၶျႃး​သႂ်ႇ​ဝႆႉ ၵႃႈ​ၼႂ်း​ၵၢင်​ ဢေးၽႃႇ ​ၼၼ်ႉ​လႄႈ ဢဝ်​ၶႅပ်း​ၸိုၼ်း​ၼၼ်ႉ တၢင်ႇ​ႁူမ်ႇ​သႂ်ႇ​ဝႆႉ ၵႃႈ​ၼိူဝ်​ပၢၵ်ႇ​ ဢေးၽႃႇ ​ၼၼ်ႉ​ဢေႃႈ။-</verse>
				<verse number="9">လႆႈ​သမ်ႉ ၵဝ်​ဢဝ်​တႃ​ၵဝ် ႁႅၼ်​တူၺ်း​လႄႈ ႁၼ်​မႄႈ​ယိင်း​သွင်​ၵေႃႉ ဢွၵ်ႇ​မႃး​လႄႈ မီး​လူမ်း​ၵႃႈ​ၼႂ်း​ပိၵ်ႇ​ၶဝ်​ယူႇ သေ​လႄႈ ပိၵ်ႇ​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ ပိၵ်ႇ​ၼူၵ်ႉ​ၵွၼ်ႇ​ၼၼ်ႉ ဝႆႉ​လႄႈ သွင်​ၶႃ​ၼၼ်ႉ ဢွၼ်​ၵၼ်​ဢုမ်ႈ​ႁွပ်ႇ​ဢဝ် ဢေးၽႃႇ ​ၼၼ်ႉ ၶိုၼ်ႈ​ၵႂႃႇ​ၵႃႈ​ၼႂ်း ၵႄႈ​ဝူင်ႈ​ၵၢင်​လိၼ်​မိူင်း တင်း​ၽႃႉ​ၵၢင်​ႁၢဝ်​ဢေႃႈ။-</verse>
				<verse number="10">ၵဝ်​ထၢမ်​တီႈ​တမၢၼ်ႇ​ၵၢင်​ႁၢဝ် ဢၼ်​လၢတ်ႈ​တေႃႇ​ၵၼ်​တင်း​ၵဝ်​ၼၼ်ႉ​လႄႈ​ဝႃႈ၊ သွင်​ၶႃ​ၼၼ်ႉ ဢွၼ်​ၵၼ်​ဢုမ်ႈ​ႁွပ်ႇ​ဢဝ် ဢေးၽႃႇ ​ၼၼ်ႉ ၵႂႃႇ​ၵႃႈ​တီႈ​လႂ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">မၼ်း​ၵေႃႈ လၢတ်ႈ​တီႈ​ၵဝ်​လႄႈ​ဝႃႈ၊ သွင်​ၶႃ​ၼၼ်ႉ ဢွၼ်​ၵၼ်​ႁွပ်ႇ​ဢဝ်​ၵႂႃႇ ႁႂ်ႈ​လႆႈ​ႁဵတ်း​ႁိူၼ်း ပုၼ်ႈ​မၼ်း​ၵႃႈ​ၼႂ်း​မိူင်း​ သီႉၼႃႉ ​ပုၼ်ႉ​ဢေႃႈ။ မိူဝ်ႈ​ဢၼ် တႄႇ​ႁဵတ်း​ႁိူၼ်း​ၼၼ်ႉ ယဝ်ႉ​ၼၼ်ႉ​ၸိုင်၊ တၵ်း​လႆႈ​ဢဝ်​မႄႈ​ယိင်း​ၼၼ်ႉ ၶျႃး​တီႈ​ယူႇ​ဝႆႉ ၵႃႈ​ၼိူဝ်​ၶူင်ႇ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="6">
				<verse number="1">လႆႈ​သမ်ႉ ၵဝ်​ဢဝ်​တႃ​ၵဝ် ႁႅၼ်​တူၺ်း​လႄႈ ႁၼ်​လေႃႉ​ရထႃး သီႇ​လင် ဢွၵ်ႇ​သေ​ၵႃႈ​ၼႂ်း ၵႄႈ​လွႆ သွင်​လုၵ်ႈ မႃး​လႄႈ လွႆ​ၸိူဝ်း​ၼၼ်ႉ ပဵၼ်​လွႆ​တွင်း​လိူင်​ဢေႃႈ။-</verse>
				<verse number="2">တီႈ​လေႃႉ​ရထႃး​ပထမႃႉ မီး​မႃႉ​လႅင်၊ တီႈ​လေႃႉ​ရထႃး​တူႉတီႉယႃႉ မီး​မႃႉ​ၵႃ၊-</verse>
				<verse number="3">တီႈ​လေႃႉ​ရထႃး​တႃႉတီႉယႃႉ မီး​မႃႉ​ၽိူၵ်ႇ၊ တီႈ​လေႃႉ​ရထႃး​ၸတုၵ်ႉထႃႉ မီး​မႃႉ​လၢႆး ဢၼ်​ႁႅင်း​ယႂ်ႇ​ၼႃႇ​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="4">ၵဝ်​ထၢမ်​တီႈ​တမၢၼ်ႇ​ၵၢင်​ႁၢဝ် ဢၼ်​လၢတ်ႈ​တေႃႇ​ၵၼ်​တင်း​ၵဝ်​ၼၼ်ႉ​လႄႈ​ဝႃႈ၊ ၸဝ်ႈ​ၵဝ်​ၶႃႈ​ဢိူၺ်း၊ ဢၼ်​ၸိူဝ်း​ၼႆႉ​ၸမ်ႉ၊ ပဵၼ်​ၵႃႈ​သင်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">တမၢၼ်ႇ​ၵၢင်​ႁၢဝ်​ၼၼ်ႉ ၶိုၼ်း​လၢတ်ႈ​လႄႈ​ဝႃႈ၊ ဢၼ်​ၸိူဝ်း​ၼႆႉ ပဵၼ်​ဝီႉၺိၺ်ႇ​ၵၢင်​ႁၢဝ် သီႇ​ပႃး ဢၼ်​ဢွၵ်ႇ​သေ​ၵႃႈ​တီႈ​ဢၼ်​ၸုၵ်း​ယူႇ ၵႃႈ​တီႈ​ၽၢႆႇ​ၼႃႈ​ၸဝ်ႈ ဢၼ်​ဢုပ်ႉ​ပိူင်ႇ​ၼႃႈ​လိၼ်​မိူင်း​တင်း​ၼႃႈ ၼၼ်ႉ​မႃး​ဢေႃႈ။-</verse>
				<verse number="6">မႃႉ​ၵႃႈ ဢၼ်​ႁၢင်ႈ​သႂ်ႇ​ဝႆႉ​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ၸူး ၵႃႈ​တီႈ​မိူင်း​ၼႃႈ​တၢင်း​ႁွင်ႇ​လႄႈ၊ မႃႉ​ၽိူၵ်ႇ​ၸိူဝ်း​ၼၼ်ႉ ဢွၼ်​ၵၼ်​ၸွမ်း​လင်​မႃႉ​ၵႃႈ ၸိူဝ်း​ၼၼ်ႉ​ဢေႃႈ။ မႃႉ​လၢႆး​ၸိူဝ်း​ၼၼ်ႉ ဢွၼ်​ၵၼ်​ဢွၵ်ႇ​ၸူး ၵႃႈ​တီႈ​မိူင်း​ၼႃႈ​တၢင်း​ၸၢၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မႃႉ​ဢၼ်​ႁႅင်း​ယႂ်ႇ​ၼႃႇ​ၸိူဝ်း​ၼၼ်ႉ ဢွၵ်ႇ​လႄႈ​ယွၼ်း​ဢၶႂၢင်ႉ ဢၼ်​လႆႈ​လႄႇ​ၵႂႃႇ​လႄႇ​မႃး ၵႃႈ​ၼိူဝ်​လိၼ်​မိူင်း ၵူႈ​တီႈ​ၵူႈ​လႅၼ်​ဢေႃႈ။ မၼ်း​ၼၼ်ႉ သင်ႇ​လၢတ်ႈ​လႄႈ​ဝႃႈ၊ လႄႇ​ၵႂႃႇ​လႄႇ​မႃး ၵႃႈ​ၼိူဝ်​လိၼ်​မိူင်း ၵူႈ​တီႈ​ၵူႈ​လႅၼ် ၸွမ်း​ၵႃႈ​ၼင်ႇ​ဢၼ် သင်ႇ​လၢတ်ႈ​ၼၼ်ႉ​ဢေႃႈ။-</verse>
				<verse number="8">မၼ်း​ၼၼ်ႉ ႁွင်ႉ​ဢဝ်​ၵဝ်​လႄႈ လၢတ်ႈ​လႄႈ​ဝႃႈ၊ တူၺ်း​လူး။ မႃႉ​ဢၼ်​ၵႂႃႇ ၵႃႈ​တီႈ​မိူင်း​ၼႃႈ​တၢင်း​ႁွင်ႇ ၸိူဝ်း​ၼၼ်ႉ ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ​ၵဝ် တႄႇ​ယူႇ​ၵႃႈ​တီႈ​မိူင်း​ၼႃႈ​တၢင်း​ႁွင်ႇ ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">လႆႈ​သမ်ႉ ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ် လႄႈ​ဝႃႈ​ၸမ်ႉ၊-</verse>
				<verse number="10">မႂ်း​ႁွင်ႉ​ဢဝ်​မဵဝ်း​ ႁေႇလတေး ၊ မဵဝ်း​ တေႃႇၽီႉယႃႉ ၊ မဵဝ်း​ ယေႇတႃႇယႃႉ ဢၼ်​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ မိူဝ်ႈ​ၼၼ်ႉ​ၼၼ်ႉ​လႄႈ မိူဝ်ႈ​လဵဝ်​ၼႆႉ လုၵ်ႉ​သေ​ၵႃႈ​တီႈ​ဝဵင်း​ ပႃႇပူႉလုၼ်ႇ ၶိုၼ်း​မႃး​ၼၼ်ႉ​ၵမ်ႈ​ၽွင်ႈ​လႄႈ ၼႂ်း​ဝၼ်း​လဵဝ်​ၵူၺ်း ၵႂႃႇ​ၶဝ်ႈ ၵႃႈ​ၼႂ်း​ႁိူၼ်း ယူဝ်းသီႉယႃႉ လုၵ်ႈ​ၸၢႆး​ ၸေႇၽၼီႉ ​ၼၼ်ႉ​သေ​လႄႈ၊-</verse>
				<verse number="11">ဢဝ်​ငိုၼ်း​ၶမ်း​လႄႈ ႁဵတ်း​မွၵ်ႇ​ႁူဝ်​သရၽူႇ သေ​ယဝ်ႉ၊ ဢဝ်​တိုဝ်း​သႂ်ႇ​ပၼ် ၵႃႈ​ၼိူဝ်​ႁူဝ်​ၶုၼ်​ယိတ်ႈပရေႃးႁဵၵ်ႈ ယေႃးသူႉ လုၵ်ႈ​ၸၢႆး​ ယေႃးၸတိၵ်ႉ ​ၼၼ်ႉ​တႃႉ။-</verse>
				<verse number="12">လၢတ်ႈ​တီႈ​မၼ်း​လႄႈ​ဝႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ လူ​တူၺ်း​ၵေႃႉ​ဢၼ်​လႆႈ​ၸိုဝ်ႈ ယွတ်ႈ ၼၼ်ႉ​တႃႉ။ မၼ်း​တၵ်း​ယႂ်ႇ​မႃး​ၵႃႈ​ၼႂ်း​ထႃႇၼႃႉ​တီႈ​မၼ်း​လႄႈ တႄႇ​ႁဵတ်း​ပိၵ်ႈ​မၢၼ်ႇ​ထႃႇဝရႃႉ​ၽြႃး​ဢေႃႈ။-</verse>
				<verse number="13">မၼ်း​တၵ်း တႄႇ​ႁဵတ်း​ပိၵ်ႈ​မၢၼ်ႇ ထႃႇဝရႃႉ​ၽြႃး​သေ​လႄႈ မုၼ်​ၽုင်း​မၼ်း​ယႂ်ႇ​လႄႈ ၼင်ႈ​ၵႃႈ​ၼိူဝ် ရႃႇၸႃႉ​ပလၢင်ႇ​မၼ်း​ယူႇ သေ​လႄႈ ဢုပ်ႉ​ပိူင်ႇ​ၸၢမ်ႇ​ၸႃး​ဢေႃႈ။ ယိတ်ႈပရေႃးႁဵၵ်ႈ ၵႃႈ​ၼိူဝ်​ရႃႇၸႃႉ​ပလၢင်ႇ​ၸဝ်ႈ​ၵေႃႈ မၼ်း​တၵ်း​ပဵၼ်​လႄႈ တင်း​သွင်​ၸိူဝ်ႉ​သွင်​မဵဝ်း တၵ်း​ႁဵတ်း​ပတီႉၺိၺ်ႇ မိၵ်ႉသႃႇႁႃယႃႉ​လူၺ်ႈ​ၵၼ်​ဢေႃႈ။-</verse>
				<verse number="14">မွၵ်ႇ​ႁူဝ်​သရၽူႇ ၸိူဝ်း​ၼၼ်ႉ တၵ်း​လႆႈ​ပဵၼ် ပုၼ်ႈ​သၢၵ်ႈ​သေႇ​ဝႆႉ ၵႃႈ​ၼႂ်း​ပိၵ်ႈ​မၢၼ်ႇ ထႃႇဝရႃႉ​ၽြႃး တီႈ​ ႁေႇလိမ်ႇ၊ တေႃႇၽီႉယႃႉ၊ ယေႇတႃႇယႃႉ တင်း​ ႁႅၼ်ႇ ​လုၵ်ႈ​ၸၢႆး ၸေႇၽၼီႉ ​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="15">ၶဝ်​ၸိူဝ်း​ဢၼ် မီး​တီႈ​ၵႆ​ၸိူဝ်း​ၼၼ်ႉ​ၵေႃႈ တၵ်း​ဢွၼ်​ၵၼ်​မႃး​လႄႈ တႄႇ​ႁဵတ်း ၵႃႈ​ၼႂ်း​ပိၵ်ႈ​မၢၼ်ႇ ထႃႇဝရႃႉ​ၽြႃး​လႄႈ သူ​တၵ်း​လႆႈ​ႁူႉ လွင်ႈ​ဢၼ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ပွႆႇ​ၸႂ်ႉ​ၵဝ်​မႃး​ၸူး တီႈ​သူ​ၼၼ်ႉ​ဢေႃႈ။ ပေႃး​သူ​ထွမ်ႇ​ဢဝ်​ဢမိင်ႉ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​သူ ၸေး​ၸေး​ၸွတ်ႇ​ၸွတ်ႇ​ၸိုင်၊ တၵ်း​ပဵၼ်​ၸိူဝ်ႉ​ၼႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="7">
				<verse number="1">ၼႂ်း​ၶူပ်ႇ​ပီႊ​ဢၼ်​ၶုၼ်​လူင်​ တႃႇရီႉ ၼင်ႈ​ႁၢင်ႈ​၊ၼင်ႈ​ႁေႃ သီႇ​ပီႊ၊ လိူၼ်​ၼဝမႃႉ ဢၼ်​လႆႈ​ၸိုဝ်ႈ​ ၶီႉသလူႉ ၊ သီႇ​ဝၼ်း ၼၼ်ႉ ၼုၵ်ႈၵပၢတ်ႈ​ထႃႇဝရႃႉ​ၽြႃး ႁွတ်ႈ​မႃး​တီႈ​ ၸႃႇၶရီႉ ​ဢေႃႈ။-</verse>
				<verse number="2">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ယူႇ ၵႃႈ​တီႈ​ဝဵင်း​ ပေႇသလႃႉ ​ၼၼ်ႉ ပွႆႇ​ၸႂ်ႉ​ သရေႇၸႃႇ ဢိၵ်ႇ​တင်း​ ရေႇၵိမ်ႇမေႇလိၵ်ႉ ၊ တင်း​ၵူၼ်း​ၶဝ်​တင်း​လၢႆ ၵႂႃႇ​ႁႂ်ႈ​လႆႈ ႁဵတ်း​တၢင်း​ဢၼ်​သူး​တွင်း ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး၊-</verse>
				<verse number="3">ဢိၵ်ႇ​တင်း ႁႂ်ႈ​လႆႈ​လဝ်ႊ​ထၢမ်​တီႈ​ယိတ်ႈပရေႃးႁဵၵ်ႈ ႁိူၼ်း​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​တင်း​လၢႆ ဢိၵ်ႇ​တင်း ပရေႃးၽႅတ်ႈ​ၸိူဝ်း​ၼၼ်ႉ လႄႈ​ဝႃႈ၊ ၼႂ်း​လိူၼ်​ပိၼ်ႇၸမႃႉ ၵဝ်​ၶႃႈ​တၵ်း​လႆႈ​ႁႆႈ​ႁွင်ႉ​သေ​လႄႈ ၵမ်​ၵျၢင်ႉ ၵႅၼ်ႇ​ၵႅၼ်ႇ​ၶႅင်​ၶႅင် မိူၼ်​ၸိူဝ်ႉ​ၼင်ႇ ဢၼ်​ႁဵတ်း​မႃး ပီႊ​မိူင်း​ၼမ်​ၼႃႇ ၼၼ်ႉ ၶႃႈ​ႁိုဝ်။ ဝႃႈ​ၼင်ႇ​ၼႆ ၼၼ်ႉ​ဢေႃႈ။-</verse>
				<verse number="4">မိူဝ်ႈ​ၼၼ်ႉ ၼုၵ်ႈၵပၢတ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ် လႄႈ​ဝႃႈ​ၸမ်ႉ၊ မႂ်း​လၢတ်ႈ​တီႈ ယိတ်ႈပရေႃးႁဵၵ်ႈ​တင်း​လၢႆ ဢိၵ်ႇ​တင်း ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင်​လႄႈ​ဝႃႈ၊-</verse>
				<verse number="5">ယၢမ်း​မိူဝ်ႈ​ဢၼ် သူ​ၵမ်​တၢင်း​ၵိၼ်​လႄႈ ႁွင်ႉ​ႁႆႈ​ပွင်ႉ​ၶၢင်း​ယူႇ ၼႂ်း​လိူၼ်​ပိၼ်ႇၸမႃႉ တင်း​လိူၼ်​သတ်ႉတမႃႉ ၸဵတ်း​သိပ်း​ပီႊ တဵမ်​တဵမ်​ၼၼ်ႉ​ၸိုင်၊ သူ​ဢွၼ်​ၵၼ် ၵမ်​တၢင်း​ၵိၼ်​တီႈ​ၵဝ် ဢၼ်​ဝႃႈ​တီႈ​ၵဝ်​ၼႆႉ ဢမၢၼ်ႇ​ၶၼ်​ပဵၼ်​ႁိုဝ်။-</verse>
				<verse number="6">ယၢမ်း​မိူဝ်ႈ​ဢၼ်​သူ ၵိၼ်​ၶူပ်း​လႄႈ သူတ်ႉ​ဢိုၵ်ႉ​ၼၼ်ႉ၊ သူ​ဢွၼ်​ၵၼ်​ၵိၼ်​ၶူပ်း ၸွမ်း​ၼင်ႇ​ဢလူဝ်ႇ​သူ ဢမ်ႇ​ၸႂ်ႈ​ႁိုဝ်။-</verse>
				<verse number="7">ဢမိင်ႉ​ဢၼ် ထႃႇဝရႃႉ​ၽြႃး ဢဝ်​ပရေႃးၽႅတ်ႈ မိူဝ်ႈ​ၵွၼ်ႇ​ဢွၼ်​ၼႆႉ ၸိူဝ်း​ၼၼ်ႉ မွၵ်ႇ​လၢတ်ႈ​ဝႆႉ ၼႂ်း​မိူဝ်ႈ​ဢၼ် ဝဵင်း​ ယေႇရူႉသလႅမ်ႇ ယင်း​မီး​ၽူႈ​မီး​ၵူၼ်း​ၼမ်​ၼႃႇ​ၵိုၼ်း​ၼႃႇ လႆႈ​လီ​လႆႈ​ပဵၼ်​လႄႈ ဝဵင်း​ဢၼ်​မီး​ၵႃႈ​တီႈ လဵပ်ႈ​ႁွပ်ႈ​မၼ်း​တင်း​လၢႆ ဢိၵ်ႇ​တင်း မိူင်း​ပွတ်း​တၢင်း​ၸၢၼ်း တင်း​ၵႃႈ​တီႈ​တႂ်ႈ​တီႈ​ပၢင်ႇ​တီႈ​ပဵင်း မီး​ၽူႈ​မီး​ၵူၼ်း​ၼမ်​ၵိုၼ်း​ၼႃႇ​ၼၼ်ႉ ၸိူဝ်း​ၼၼ်ႉ ပျေႉ​ၸုမ်ႇ​ယဝ်ႉ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">မိူဝ်ႈ​ၼၼ်ႉ ၼုၵ်ႈၵပၢတ်ႈ ထႃႇဝရႃႉ​ၽြႃး ႁွတ်ႈ​မႃး​တီႈ​ ၸႃႇၶရီႉ ​လႄႈ ဝႃႈ​ၸမ်ႉ၊-</verse>
				<verse number="9">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊ ဢွၼ်​ၵၼ်​ၸီႇ​ယၢင်ႇ​တြႃး မႅၼ်ႈ​ၸွမ်း​ၼင်ႇ​တြႃး​တႃႉ။ ဢွၼ်​ၵၼ်​မီး​ၸႂ်​ၵရူႉၼႃႇ တၢင်း​ဢၼ် ဢဵတ်း​လူ​ႁၵ်ႉ​ပႅင်း​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ႁဵတ်း​ၵျေး​ၸူး​တီႈ​ၵၼ်​တႃႉ။-</verse>
				<verse number="10">ယႃႇ​ပေ​ၼိၵ်ႈ​ၸၢၵ်ႈ​ငႅၼ်း​သႄး မႄႈ​မူၵ်း​မႄႈ​မၢႆႈ၊ ၵေႃႉ​ဢၼ်​ၽၢၼ်​ပေႃႈ​ၽၢၼ်​မႄႈ၊ ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း၊ ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ ၸိူဝ်း​ၼၼ်ႉ။ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယႃႇ​ပေ​ၵျၢမ်ႇ​ပွင် တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​တီႈ​ၵၼ်၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="11">ၶဝ်​ဢမ်ႇ​မီး​ဢလူဝ်ႇ ၶႂ်ႈ​ထွမ်ႇ​ဢဝ်​လႄႈ ဢွၼ်​ၵၼ်​ဝၢႆႇ​လင်​၊ၵွင်​လင်​ပၼ်​လႄႈ ႁဵတ်း​ၶတ်း​ႁဵတ်း​တႃႉ ယူႇ​ဢေႃႈ။ ဢွၼ်​ၵၼ် ဢိုတ်း​ႁူ​ၶဝ်​ဝႆႉ ႁႂ်ႈ​ၶဝ်​ဢမ်ႇ​ငိၼ်း​ဢေႃႈ။-</verse>
				<verse number="12">ဢွၼ်​ၵၼ်​ႁႂ်ႈ​ႁူဝ်​ၸႂ်​ၶဝ် ၵႅၼ်ႇ​ၶႅင်​မိူၼ်​ၸိူဝ်ႉ​ၼင်ႇ သႅင်​ၸိင်ႇ​ၼၼ်ႉ ႁႂ်ႈ​ဢမ်ႇ​လႆႈ​ငိၼ်း ၵႂၢမ်း​တြႃး ဢိၵ်ႇ​တင်း ၵႂၢမ်း​ဢၼ်​ဝီႉၺိၺ်ႇ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ဢဝ်​ပရေႃးၽႅတ်ႈ မိူဝ်ႈ​ၵွၼ်ႇ​ဢွၼ်​ၼႆႉ ၸိူဝ်း​ၼၼ်ႉ လၢတ်ႈ​ဝႆႉ​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ တၢင်း​ၸႂ်​မႆႈ​ၶႆႈ​ၸႃႉ ဢၼ်​ႁႅင်း​ယႂ်ႇ​ၼႃႇ​လူင်​လၢင် ဢွၵ်ႇ​သေ​ၵႃႈ​တီႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မႃး​ဢေႃႈ။-</verse>
				<verse number="13">မိူၼ်​ၸိူဝ်ႉ​ၼင်ႇ​ဢၼ် မၼ်း​ႁွင်ႉ​သႅၼ်ႇ​လႄႈ ၶဝ်​ဢမ်ႇ​ထွမ်ႇ​ငိၼ်း​ၼၼ်ႉ၊ လႆႈ​သမ်ႉ ၶဝ်​တၵ်း​ႁွင်ႉ​သႅၼ်ႇ​လႄႈ ၵဝ်​ၵေႃႈ​ယင်း​ဢမ်ႇ​ထွမ်ႇ​၊ဢမ်ႇ​ငိၼ်း​လႄႈ တၵ်း​ယူႇ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="14">ၵဝ်​တၵ်း ဢဝ်​လူမ်း​ၽိဝ်ႇ​ႁုင် ပတ်ႉ​ထူဝ်း​ဢဝ်​ၶဝ် ၸၢတ်ႇ​ပိုၼ်​ပႅတ်ႈ ၵႃႈ​ၼႂ်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း ဢၼ်​ၶဝ်​ဢမ်ႇ​ႁူႉ ၸိူဝ်း​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ မိူင်း​ၶဝ်​ၼၼ်ႉ မီး​တၢင်း​ဢၼ် သဵတ်ႇ​ၵူၼ်း၊​ယဵၼ်​ၵူၼ်း​ယူႇ သေ​လႄႈ ၽူႈ​လႂ်​ဢမ်ႇ​ၵႂႃႇ၊​ဢမ်ႇ​မႃး ၵႃႈ​ၼႂ်း​မၼ်း သေ​ၵေႃႉ​သေ​ၵူၼ်း။ ၶဝ်​ႁႂ်ႈ​မိူင်း​ဢၼ်​သႃႇ​ယႃႇ​လီ​ငၢမ်း​ၼၼ်ႉ ပဵၼ်​တီႈ​ဢၼ် ပႄႇ​ၽဵဝ်ႈ​ပႅတ်ႈ​ယဝ်ႉ လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="8">
				<verse number="1">လႆႈ​သမ်ႉ ၼုၵ်ႈၵပၢတ်ႈ​ၸဝ်ႈ ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="2">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​မီး​ၸႂ်​ဢၼ်​ႁၵ်ႉ​ပႅင်း​ၶႅၼ်​ဝႆႉ ႁႅင်း​ယႂ်ႇ​ၼႃႇ​လူင်​လၢင်​လႄႈ ႁၵ်ႉ​ပႅင်း​ၶႅၼ်​ဝႆႉ​ပုၼ်ႈ​လွႆ​ ၸီႉဢုၼ်ႇ ​ယဝ်ႉ။ ၵဝ်​မီး​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ ႁႅင်း​ယႂ်ႇ​ၼႃႇ​လူင်​လၢင် သေ​လႄႈ ႁၵ်ႉ​ပႅင်း​ၶႅၼ်​ဝႆႉ​ပုၼ်ႈ​မၼ်း​ယဝ်ႉ။-</verse>
				<verse number="3">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵဝ်​ၶိုၼ်း​မႃး​ၵႃႈ​တီႈ​လွႆ​ ၸီႉဢုၼ်ႇ ​ယဝ်ႉ။ ၵဝ်​တၵ်း​ယူႇ ၵႃႈ​ၼႂ်း​ၵၢင်​ဝဵင်း​ ယေႇရူႉသလႅမ်ႇ ​ဢေႃႈ။ ဝဵင်း​ ယေႇရူႉသလႅမ်ႇ တၵ်း​လႆႈ​ၶၢမ်ႇ တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ ဝဵင်း​သမ်ႇမႃႇ​လႄႈ၊ လွႆ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ ၸိုဝ်ႈ လွႆ​ဢၼ်​မူတ်း​ၸၢင်ႇ​ဢေႃႈ။-</verse>
				<verse number="4">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ ၵူၼ်း​ထဝ်ႈ​ယိင်း​၊ၵူၼ်း​ထဝ်ႈ​ၸၢႆး၊ ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​ၼႃႇ​လႄႈ ယိပ်း​ၵမ်​ၶွၼ်ႉ​တဝ်ႉ ႁင်း​ၽႂ်​ႁင်း​မၼ်း​ၼၼ်ႉ တၵ်း​လႆႈ​ယူႇ​လႆႈ​သဝ်း ၵႃႈ​ၼႂ်း​သဵၼ်ႈ​တၢင်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ထႅင်ႈ​လူး​ၵွၼ်ႇ​ဢေႃႈ။-</verse>
				<verse number="5">သဵၼ်ႈ​တၢင်း​ဝဵင်း​ၸိူဝ်း​ၼၼ်ႉ​ၵေႃႈ တၵ်း​မီး​တဵမ်​ဝႆႉ​တင်း လုၵ်ႈ​ဢွၼ်ႇ​ၸၢႆး​၊လုၵ်ႈ​ဢွၼ်ႇ​ယိင်း ဢၼ်​လဵၼ်ႈ​ၵၼ်​လေႃႈ​ၵၼ်​ယူႇ ၵႃႈ​ၼႂ်း​သဵၼ်ႈ​တၢင်း​ၸိူဝ်း​ၼၼ်ႉ​ဢေႃႈ။-</verse>
				<verse number="6">လႆႈ​သမ်ႉ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပိၵ်ႉ​သမ်ႉ လွင်ႈ​တၢင်း​ၼၼ်ႉ ပဵၼ်​တီႈ​ဢၼ်​လီ​ဢၢမ်း သိုဝ်ႈ​ၼႃႈ​တႂ်ႈ​တႃ ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ ၵႃႈ​ၼႂ်း​ၵူၼ်း​မဵဝ်း​ၼႆႉ ၼႂ်း​ၶိင်ႇ​မိူဝ်ႈ​လဵဝ်​ၼႆႉ ၸိူဝ်း​ၼၼ်ႉ​သေ​ၵေႃႈ တၵ်း​လႆႈ​ပဵၼ် တီႈ​ဢၼ်​လီ​ဢၢမ်း သိုဝ်ႈ​ၼႃႈ​တႂ်ႈ​တႃ ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ ၵႃႈ​ၼႂ်း​ၵူၼ်း​မဵဝ်း​ၼႆႉ ၼႂ်း​ၶိင်ႇ​မိူဝ်ႈ​လဵဝ်​ၼႆႉ ၸိူဝ်း​ၼၼ်ႉ သေ​ၵေႃႈ တၵ်း​လႆႈ​ပဵၼ် တီႈ​ဢၼ်​လီ​ဢၢမ်း သိုဝ်ႈ​ၼႃႈ​တႂ်ႈ​တႃ​ၵဝ်​ႁိုဝ်။ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="7">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တူၺ်း​လူး။ ၵဝ်​တၵ်း ၵႄႇ​သႄႇ​ၶျွတ်ႈ​ဢဝ်​ၵူၼ်း​ၵဝ်​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း ၽၢႆႇ​ၼႃႈ​ဝၼ်း​ဢွၵ်ႇ ဢိၵ်ႇ​တင်း​ၵႃႈ​ၼႂ်း​မိူင်း​ၽၢႆႇ​ၼႃႈ​ဝၼ်း​တူၵ်း ၸိူဝ်း​ၼၼ်ႉ​မႃး​လႄႈ၊-</verse>
				<verse number="8">ဢဝ်​မႃး​သေ​ယဝ်ႉ၊ ၶဝ်​ၼၼ်ႉ တၵ်း​လႆႈ​ယူႇ​ၵႃႈ​ၼႂ်း​ၵၢင်​ဝဵင်း​ ယေႇရူႉသလႅမ်ႇ ​လႄႈ ၶဝ်​ၼၼ်ႉ တၵ်း​ပဵၼ်​ၵူၼ်း​ၵဝ်​လႄႈ ၵဝ်​ၵေႃႈ​တၵ်း​ပဵၼ် ၽြႃး​ပဵၼ်​ၸဝ်ႈ​ၶဝ် ၸွမ်း​လူၺ်ႈ​တြႃး​သဵတ်ႈ​ၸႃႇ ဢိၵ်ႇ​တင်း တြႃး​တၢင်း​ဢၼ်​သိုဝ်ႈ​တေႃႇ​ဢေႃႈ။-</verse>
				<verse number="9">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ သူ​ၸိူဝ်း​ဢၼ်​ငိၼ်း​ၵႂၢမ်း​ၼႆႉ ဢၼ်​ပဵၼ်​ၵႂၢမ်း​ဢၼ် ပရေႃးၽႅတ်ႈ​တင်း​လၢႆ ဢၼ်​မီး​ၼႂ်း​ၶိင်ႇ​မိူဝ်ႈ​ဢၼ် ၶျႃး​ငဝ်ႈ​ႁၢၵ်ႈ​တိူၵ်ႈ​ႁိူၼ်း ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ႁႂ်ႈ​လႆႈ​တႄႇ​ႁဵတ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ ၼႂ်း​ၶိင်ႇ​မိူဝ်ႈ​လဵဝ်​ၼႆႉ​ၶဝ်​ဢိူၺ်း၊ ဢွၼ်​ၵၼ်​ႁႂ်ႈ​မိုဝ်း​သူ​ႁႅင်း​ယႂ်ႇ​တႃႉ။-</verse>
				<verse number="10">မိူဝ်ႈ​ဢွၼ်​တၢင်း ၶိင်ႇ​မိူဝ်ႈ​ၼၼ်ႉ​ၼၼ်ႉ၊ ဢမ်ႇ​မီး​ၵႃႈ​ၶၼ် ဢၼ်​ၵူၼ်း​လႆႈ​ၶၢမ်ႇ​ဢဝ်။ ဢမ်ႇ​မီး​ၵႃႈ​ၶၼ် ဢၼ်​တရိၵ်ႈသၢၼ်ႇ​လႆႈ​ၶၢမ်ႇ​ဢဝ်။ ၶဝ်​ၸိူဝ်း​ဢၼ်​ၶဝ်ႈ​ၶဝ်ႈ ဢွၵ်ႇ​ဢွၵ်ႇ​ၼၼ်ႉ၊ ၵွပ်ႈ​ပိူဝ်ႈ​ဢၼ်​မီး​ရၢၼ်ႇ​သူႇ​လႄႈ ဢမ်ႇ​လႆႈ​ၵတ်း​ယဵၼ်​ၶျၢမ်း​သႃႇ။ ၵဝ်​ၼႆႉ​ႁႂ်ႈ​ၵူၼ်း​တင်း​သဵင်ႈ​တင်း​လူင် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ပဵၼ်​ရၢၼ်ႇ​၊တၢင်း​ၽိတ်း​ၵၼ်​ဢေႃႈ။-</verse>
				<verse number="11">တေႃႈ​လဵဝ်​ၼႆႉ​ၸမ်ႉ ၵဝ်​တၵ်း​ဢမ်ႇ​ႁဵတ်း​ၸိူဝ်ႉ​ၼင်ႇ မိူဝ်ႈ​ၵမ်း​ဢွၼ်​တၢင်း​ၼၼ်ႉ တီႈ​ၵူၼ်း​မဵဝ်း​ၼႆႉ ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ​ၸိူဝ်း​ၼႆႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="12">တၵ်း​လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၼိမ်​ၼိမ်​လီ​လီ​လႄႈ တူၼ်ႈ​ၶိူဝ်း​မၢၵ်ႇ​ၸပိတ်ႈ တၵ်း​လႆႈ​ပၼ်​တိၼ်ႇ​မၼ်း၊​မၢၵ်ႇ​မၼ်း​ဢေႃႈ။ လိၼ်​တၵ်း​လႆႈ​ပၼ်​လွင်ႈ​တၢင်း​ဢၼ် ပဵၼ်​တိုၼ်း​ပဵၼ်​ႁွၼ်း​မၼ်း​လႄႈ ၽႃႉ​ၵၢင်​ႁၢဝ် တၵ်း​လႆႈ​ပၼ် ၼမ်ႉ​ၼၢႆး​မၼ်း​ဢေႃႈ။ ၵဝ်​တၵ်း​ႁဵတ်း​ႁႂ်ႈ ၵူၼ်း​မဵဝ်း​ၼႆႉ ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ ၸိူဝ်း​ၼႆႉ လႆႈ​ၶၢမ်ႇ​ဢမူၺ်ႇ​လွင်ႈ​တၢင်း​ၸိူဝ်း​ၼႆႉ​ဢေႃႈ။-</verse>
				<verse number="13">မဵဝ်း​ ယူႉတႃႉ ဢိၵ်ႇ​တင်း မဵဝ်း​ ဢီႉသရေႇလႃႉ ​ၶဝ်​ဢိူၺ်း၊ မိူၼ်​ၸိူဝ်ႉ​ၼင်ႇ​ဢၼ် သူ​လႆႈ​ပဵၼ် တီႈ​ဢၼ်​ၵိၼ်ႇ​လႃႇ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ ၼၼ်ႉ၊ ၵဝ်​တၵ်း​ၵႄႇ​သႄႇ​ၶျွတ်ႈ​ဢဝ်​သူ​လႄႈ သူ​တၵ်း​လႆႈ​ၶၢမ်ႇ​ဢဝ် တၢင်း​လီ​ဢေႃႈ။ ယင်း​ဢမ်ႇ​မႆႈ​ၸႂ်​လႄႈ ဢွၼ်​ၵၼ်​မီး​တၢင်း​ဢၼ် ႁႅင်း​မိုဝ်း​ယႂ်ႇ​တႃႉ။-</verse>
				<verse number="14">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ​ဢၼ် ၵဝ်​ယင်း​ဢမ်ႇ​ၶုၵ်း​ၸႂ်​လႆႈ​မႆႈ​ၸႂ်​လႄႈ ၵျၢမ်ႇ​ပွင်​တၵ်း​ပၼ်​တၢမ်ႇ​တီႈ​သူ ၼႂ်း​မိူဝ်ႈ​ဢၼ်​ပူႇ​သူ​မွၼ်ႇ​သူ တိုၵ်း​ယူင်း​တၢင်း​ၸႂ်​မႆႈ​ၶႆႈ​ၸႃႉ​ၵဝ်​ၼၼ်ႉ၊-</verse>
				<verse number="15">လႆႈ​သမ်ႉ ၼႂ်း​ၶိင်ႇ​မိူဝ်ႈ​လဵဝ်​ၼႆႉ ၵဝ်​သမ်ႉ​ၶိုၼ်း​ၵျၢမ်ႇ​ပွင် တၵ်း​ႁဵတ်း​ၵျေး​ၸူး​တီႈ ဝဵင်း​ ယေႇရူႉသလႅမ်ႇ ဢိၵ်ႇ​တင်း မဵဝ်း​ ယူႉတႃႉ ​ဢေႃႈ။ ယႃႇ​ပေ​မႆႈ​ၸႂ်၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="16">တၢင်း​ၵမ်​တၢင်း​ၵျၢင်ႉ ဢၼ်​သူ​တၵ်း​လႆႈ ၵမ်​ၵျၢင်ႉ​ၸမ်ႉ၊ သူ​ၵႃႈ​မီး​ၵေႃႉ​ၼိုင်ႈ​လႄႈ ၵေႃႉ​ၼိုင်ႈ လၢတ်ႈ​ၵႂၢမ်း​ဢၼ်​ၸိုဝ်ႈ၊​ဢၼ်​ၸႂ်ႈ​တေႃႇ​ၵၼ်​တႃႉ၊ ဢွၼ်​ၵၼ်​ႁဵတ်း​တၢင်း​ဢၼ်​ၸီႇ​ယၢင်ႇ သိုဝ်ႈ​သိုဝ်ႈ​တေႃႇ​တေႃႇ ဢိၵ်ႇ​တင်း တၢင်း​ဢၼ်​ႁႂ်ႈ​ဢမူႉ​၊ ဢၼ်​ထူပ်း​တြႃး​ၵၼ်​ထၢတ်ႇ​ယဵၼ်​ၼၼ်ႉ ဢွၼ်​ၵၼ် တႅပ်း​တတ်း ၵႃႈ​ၼႂ်း​ႁူး​ၽၵ်း​တူ​ဝဵင်း​သူ တင်း​လၢႆ​တႃႉ။-</verse>
				<verse number="17">ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယႃႇ​ပေ​ၵျၢမ်ႇ​ပွင်​တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​တီႈ​ၵၼ်။ ယႃႇ​ပေ​ဢွၼ်​ၵၼ်​ထုၵ်ႇ​ၸႂ်​ၵျိူၵ်ႈ​ၸႂ် တၢင်း​ဢၼ်​တိူင်ႇ​ဝႃႈ​ၵိၼ်ႇ​ဝႃႈ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ။ ၵဝ်​ၸင်း​လွင်ႈ​တၢင်း​ဢၼ် ၸိူဝ်ႉ​ၼင်ႇ​ၼၼ်​ၵႃႈ​မီး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။</verse>
				<verse number="18">လႆႈ​သမ်ႉ ၼုၵ်ႈၵပၢတ်ႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ႁွတ်ႈ​မႃး​တီႈ​ၵဝ်​လႄႈ​ဝႃႈ၊-</verse>
				<verse number="19">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ တၢင်း​ဢၼ်​ၵမ်​တၢင်း​ၵိၼ် ၼႂ်း​လိူၼ်​ၸတုၵ်ႉထႃႉ၊ တၢင်း​ဢၼ်​ၵမ်​တၢင်း​ၵိၼ် ၼႂ်း​လိူၼ်​ပိၼ်ႇၸမႃႉ၊ တၢင်း​ဢၼ်​ၵမ်​တၢင်း​ၵိၼ် ၼႂ်း​လိူၼ်​သတ်ႉတမႃႉ၊ တၢင်း​ဢၼ်​ၵမ်​တၢင်း​ၵိၼ် ၼႂ်း​လိူၼ်တႃႉသမႃႉ ၸိူဝ်း​ၼၼ်ႉ တၵ်း​ပဵၼ်​ၶိင်ႇ​မိူဝ်ႈ​ဢၼ် မဵဝ်း​ ယူႉတႃႉ ၸူမ်း​သိူဝ်း​၊သႂၢင်ႇ​ၸႂ်​လႄႈ ႁဵတ်း​ပွႆး​ဢၼ်​မူၼ်ႈ​ပျေႃႇ​ဢေႃႈ။ ပိူဝ်ႈ​ၼႆ​လႄႈ ဢွၼ်​ၵၼ် ထုၵ်ႇ​ၸႂ်​ၵျိူၵ်ႈ​ၸႂ် တြႃး​တၢင်း​ဢၼ်​သိုဝ်ႈ​တေႃႇ၊ တြႃး​တၢင်း​ဢၼ်​တဵတ်ႇ​လီ​ၼိမ်​လီ​တႃႉ။-</verse>
				<verse number="20">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ မဵဝ်း​ၵူၼ်း​တင်း​လၢႆ ဢိၵ်ႇ​တင်း​ၵူၼ်း​ဝဵင်း​ၵႃႈ​ၼႂ်း​ဝဵင်း​ၼမ်​ၼႃႇ တၵ်း​ဢွၼ်​ၵၼ်​မႃး​ဢေႃႈ။-</verse>
				<verse number="21">ၵူၼ်း​ဢၼ် ယူႇ​ၵႃႈ​ၼႂ်း​ဝဵင်း ဝဵင်း​ၼိုင်ႈ တၵ်း​ၵႂႃႇ​ၸူး​ၵႃႈ​တီႈ ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း ဝဵင်း​တၢင်ႇ​တီႈ​တၢင်ႇ​ဝဵင်း​လႄႈ ႁွင်ႉ​ၸူဝ်း​ဢဝ်​လႄႈ​ဝႃႈ၊ ဢွၼ်​ၵၼ်​ၼႅတ်ႈ​ၵႂႃႇ​ႁႂ်ႈ​လႆႈ​ႁႃ​ဢဝ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​တႃႉ​ႁဝ်း၊ ၵဝ်​ၵေႃႈ​တၵ်း​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">မဵဝ်း​ၵူၼ်း​ၼမ်​ၼႃႇ ဢိၵ်ႇ​တင်း ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ႁႅင်း​ယႂ်ႇ​ၼႃႇ ၸိူဝ်း​ၼၼ်ႉ တၵ်း​ဢွၼ်​ၵၼ်​မႃး ႁႂ်ႈ​လႆႈ​ႁႃ​ဢဝ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ သူး​တွင်း ယွၼ်း​ၶၢမ်ႇ​ဢဝ်​ၵျေး​ၸူး တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="23">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၵူၼ်း​သိပ်း​ၵေႃႉ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ၸၢင်ႈ​လၢတ်ႈ​ၵႂၢမ်း​ၽႃႇသႃႇ ႁင်း​ၽႂ်​ႁင်း​မၼ်း​ၸိူဝ်း​ၼၼ်ႉ တၵ်း​ဢွၼ်​ၵၼ်​ယိပ်း​ၵမ်​ၸဵင်ႇ​ၶူဝ်း​ၼုင်ႈ ၵေႃႉ​ဢၼ် ပဵၼ်​ၵူၼ်း​ ယူႉတႃႉ ​ၼၼ်ႉ ယူႇ​သေ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ် ႁဝ်း​ၶႃႈ​လႆႈ​ႁူႉ​လႆႈ​ငိၼ်း လွင်ႈ​ဢၼ်​ၽြႃး​ပဵၼ်​ၸဝ်ႈ မီး​ယူႇ​လူၺ်ႈ​ၵၼ်​တင်း​သူ​ၸဝ်ႈ​လႄႈ ႁဝ်း​ၶႃႈ​တၵ်း​ၸွမ်း​လူၺ်ႈ​ၵၼ်​တင်း​သူ​ၸဝ်ႈ ၶႃႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="9">
				<verse number="1">ၼုၵ်ႈၵပၢတ်ႈ ပျႃႇ​တိၵ်ႈ ထႃႇဝရႃႉ​ၽြႃး တူၵ်း​ႁွတ်ႈ​ၵႃႈ​ၼိူဝ် မိူင်း​ ႁႃႇတရၵ်ႉ ​လႄႈ ဝဵင်း​ ထမ်ႇမသႅတ်ႉ တၵ်း​လႆႈ​ပဵၼ် တီႈ​ဢၼ်​မၼ်း​လိုဝ်ႈ​မၼ်း​သဝ်း​ဢေႃႈ။ မၢၵ်ႇ​တႃ​ၵူၼ်း​တင်း​လၢႆ ဢိၵ်ႇ​တင်း မဵဝ်း​ ဢီႉသရေႇလႃႉ ၵူႈ​မဵဝ်း လူ​တူၺ်း ထႃႇဝရႃႉ​ၽြႃး​ယူႇ​ဢေႃႈ။-</verse>
				<verse number="2">တၵ်း​တူၵ်း​ႁွတ်ႈ​တီႈ​မိူင်း​ ႁႃႇမတ်ႉ ဢၼ်​ၸပ်း​ၵၼ်​၊ၸမ်​ၵၼ်​တင်း​မိူင်း​ၼၼ်ႉ ဢိၵ်ႇ​တင်း တီႈ​ဝဵင်း​ တူႉရူႉ တင်း​ဝဵင်း​ ၸီႉတုမ်ႇ ၵွပ်ႈ​ပိူဝ်ႈ​ဢၼ် မၼ်း​လၵ်း​လႅမ်​ၼၼ်ႉ ၼၼ်ႉ​ဢေႃႈ။-</verse>
				<verse number="3">ပိၵ်ႉ​သမ်ႉ ဝဵင်း​ တူႉရူႉ ​ၼၼ်ႉ တႄႇ​ႁဵတ်း​တိူၵ်ႈ တီႈ​တိုၵ်း​သိုၵ်း​ဝႆႉ​ပုၼ်ႈ​မၼ်း​လႄႈ ဢဝ်​ငိုၼ်း​ၵွင်​ဝႆႉ မိူၼ်​ၸိူဝ်ႉ​ၼင်ႇ​မုၼ်ႈ​လိၼ်​လႄႈ ဢဝ်​ၶမ်း​လွတ်ႈ​ငၢၼ်ႇ​ၵွင်​ဝႆႉ မိူၼ်​ၸိူဝ်ႉ​ၼင်ႇ​ၵူမ်ႇ ဢၼ်​မီး​ၵႃႈ​ၼႂ်း​သဵၼ်ႈ​တၢင်း​ၼၼ်ႉ​သေ​ၵေႃႈ၊-</verse>
				<verse number="4">ထႃႇဝရႃႉ​ၽြႃး တၵ်း​ဢဝ်​မၼ်း​ဢၢပ်ႈ​ပၼ် ၵႃႈ​ၼႂ်း​မိုဝ်း​ပိူၼ်ႈ​လႄႈ ဢဝ်​ႁႅင်း​မၼ်း​ၶျႃး​တူၵ်း​ပႅတ်ႈ​ၵႃႈ​ၼႂ်း​ပၢင်ႇ​လၢႆႇ​သေ​လႄႈ ဝဵင်း​တၵ်း​မႆႈ​သုတ်း​ပႅတ်ႈ လူၺ်ႈ​ၽႆး​ဢေႃႈ။-</verse>
				<verse number="5">ဝဵင်း​ ဢႃႇသၵေႇလုၼ်ႇ တၵ်း​ႁၼ် လွင်ႈ​တၢင်း​ၼၼ်ႉ​လႄႈ ၵူဝ်​ႁႄ​ဢေႃႈ။ ဝဵင်း​ ၵႃႇၸႃႉ ​တၵ်း​ႁၼ်​လႄႈ သၼ်ႇ​သၢႆ​ၼႃႇ​လူင်​လၢင်​ဢေႃႈ။ ဝဵင်း​ ဢေႇၵြုၼ်ႇ ​ၵေႃႈ တၵ်း​ပဵၼ် မိူၼ်​ၸိူဝ်ႉ​ၼင်ႇ​ၼၼ် ၵွပ်ႈ​ပိူဝ်ႈ​ဢၼ်​တၢင်း​ဢၼ် မၼ်း​မုင်ႈ​မွင်း​ၼၼ်ႉ ပဵၼ်​တၢင်း​ဢၼ် ဢူၵ်း​ဢၢႆ​ၵႂႃႇ​ၼၼ်ႉ​ဢေႃႈ။ ၶုၼ်​လူင်​တၵ်း​ႁၢႆ​သေ ၵႃႈ​တီႈ ၵႃႇၸႃႉ ​လႄႈ ဝဵင်း​ ဢႃႇသၵေႇလုၼ်ႇ ​ၵေႃႈ တၵ်း​ပဵၼ်​ဢၼ်​သဵတ်ႇ​ၵူၼ်း​ယဵၼ်​ၵူၼ်း​ဢေႃႈ။-</verse>
				<verse number="6">ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း တၵ်း​ဢွၼ်​ၵၼ် ယူႇ​ၵႃႈ​ၼႂ်း​ဝဵင်း​ ဢႃႇၸုတ်ႉ ​လႄႈ ၵဝ်​တၵ်း​ပႄႇ​ၽဵဝ်ႈ​မႃႇၼႃႉ​ၸႂ်​သုင် မဵဝ်း​ ၽီႉလိတ်ႉတီႉ ​ပႅတ်ႈ​ဢေႃႈ။-</verse>
				<verse number="7">ၵဝ်​တၵ်း​ၼုၵ်ႈ​လိူတ်ႈ​ဢွၵ်ႇ​သေ ၵႃႈ​ၼႂ်း​သူပ်း​မၼ်း ဢိၵ်ႇ​တင်း လွင်ႈ​တၢင်း​ဢၼ်​လီ​ႁင်ႈ ဢဵတ်ႇ​သဵတ်ႇ ဢွၵ်ႇ​သေ​ၵႃႈ​ၼႂ်း​ၵႄႈ​ၶဵဝ်ႈ​မၼ်း​ပႅတ်ႈ​ဢေႃႈ။ ၵေႃႉ​ဢၼ်​ၵိုတ်း​ဢၼ်​ၵျၢၼ်ႇ​ၵေႃႈ တၵ်း​ၵိုတ်း​ၵျၢၼ်ႇ ပုၼ်ႈ​ၽြႃး​ပဵၼ်​ၸဝ်ႈ​ႁဝ်း​လႄႈ ယူႇ​မိူၼ်​ၸိူဝ်ႉ​ၼင်ႇ ၶုၼ်​ၵႃႈ​ၼႂ်း​မိူင်း​ ယူႉတႃႉ ​ၼၼ်ႉ​ဢေႃႈ။ ၵူၼ်း​ဝဵင်း​ ဢေႇၵြုၼ်ႇ ​ၵေႃႈ တၵ်း​ပဵၼ် ၸိူဝ်ႉ​ၼင်ႇ​ၵူၼ်း​ ယေႇပူႉသီႉ ​ဢေႃႈ။-</verse>
				<verse number="8">ၵဝ်​တၵ်း​ၶျႃး​တပ်ႉ ယူႇ​ၵႃႈ​တီႈ​လဵပ်ႈ​ႁွပ်ႈ​ႁိူၼ်း​ၵဝ် ယူႇ​ၽၢႆႇ​ၼိုင်ႈ​တင်း​တပ်ႉ​ရၢၼ်ႇ​သူႇ ႁႂ်ႈ​ၽူႈ​လႂ်​ထၼ်ႈ​ပေႃး ဢမ်ႇ​လႆႈ​ၶဝ်ႈ​လႆႈ​ဢွၵ်ႇ​ဢေႃႈ။ ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ ၵမ်း​လိုၼ်း​ဢမ်ႇ​လႆႈ​လႄႇ​ၵႂႃႇ​လႄႇ​မႃး ၵႃႈ​ၼႂ်း​ၶဝ်​ၼၼ်ႉ။ လွင်ႈ​မၼ်း​ၸမ်ႉ မိူဝ်ႈ​လဵဝ်​ၼႆႉ ၵဝ်​ဢဝ်​တႃ​ၵဝ် တူၺ်း​ႁၼ်​ယဝ်ႉ။</verse>
				<verse number="9">လုၵ်ႈ​ယိင်း ၸီႉဢုၼ်ႇ ​ဢိူၺ်း၊ ၸူမ်း​သိူဝ်း​ၼႃႇ​လူင်​လၢင်​တႃႉ။ လုၵ်ႈ​ယိင်း ဝဵင်း​ ယေႇရူႉသလႅမ်ႇ ​ဢိူၺ်း၊ ႁွင်ႉ​ပၢဝ်ႇ​ႁွင်ႉ​လၢတ်ႈ​တႃႉ။ တူၺ်း​လူး။ ၶုၼ်​လူင်​မႂ်း ဢၼ်​ဝႃႈ ၸဝ်ႈ​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ မီး​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​ၼၼ်ႉ မီး​တင်း​ၸႂ်​ဢၼ်​ဢူၼ်ႈ​ဢၼ်​ဢွၼ်ႇ ၶီႇ​လီႈ တင်း​လီႈ​ဢွၼ်ႇ​သေ​လႄႈ မႃး​ၸူး​ၵႃႈ​တီႈ​မႂ်း​ဢေႃႈ။-</verse>
				<verse number="10">ၵဝ်​တၵ်း​ပႄႇ​ၽဵဝ်ႈ လေႃႉ​ရထႃး​ပႅတ်ႈ​လႄႈ ၵႃႈ​ၼႂ်း​မိူင်း ဢေႇၽရိမ်ႇ ဢိၵ်ႇ​တင်း​မႃႉ ပႅတ်ႈ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။ ၵၢင်ႇ​တိုၵ်း​သိုၵ်း​ၵေႃႈ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​တႅပ်း​ပႅတ်ႈ​ဢေႃႈ။ ၸဝ်ႈ​ၼၼ်ႉ​တၵ်း​မီး​ဢမိင်ႉ ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ လႆႈ​ထၢတ်ႇ​သိုၵ်း​၊ယဵၼ်​သိုၵ်း​လႄႈ၊ ဢႃႇၼႃႇ​ၸဝ်ႈ တၵ်း​တႄႇ​ယူႇ ဢဝ်​ၵႃႈ​တီႈ​ပၢင်ႇ​လၢႆႇ​မႄႈ​ၼိုင်ႈ တေႃႇ​ထိုင်​ႁွတ်ႈ​ပၢင်ႇ​လၢႆႇ​မႄႈ​ၼိုင်ႈ ဢိၵ်ႇ​တင်း ဢဝ်​ၵႃႈ​တီႈ​ၼမ်ႉ​ႁွင်ႈ​လူင် တေႃႇ​ထိုင်​ႁွတ်ႈ​ႁိမ်း​လႅၼ်​သုတ်း လိၼ်​မိူင်း ဢေႃႈ။</verse>
				<verse number="11">မႂ်း​ၸမ်ႉ၊ ၵဝ်​တၵ်း​ဢဝ်​ၵူၼ်း​မႂ်း ဢၼ်​လႆႈ​ၶၢမ်ႇ တၢင်း​ဢၼ်​ၶျုၵ်ႈ​ဝႆႉ​ယူႇ​ၸိူဝ်း​ၼၼ်ႉ ပွႆႇ​ဢွၵ်ႇ​သေ ၵႃႈ​ၼႂ်း​ႁူး​လိၼ် တီႈ​ဢၼ်​ဢမ်ႇ​မီး​ၼမ်ႉ ၼၼ်ႉ​ၵႂႃႇ ၵွပ်ႈ​ပိူဝ်ႈ​လိူတ်ႈ​ပတီႉၺိၺ်ႇ​မႂ်း​ဢေႃႈ။-</verse>
				<verse number="12">သူ​ၸိူဝ်း​ဢၼ်​လႆႈ​ၶၢမ်ႇ တၢင်း​ဢၼ်​ၶျုၵ်ႈ​ဝႆႉ​လႄႈ မုင်ႈ​မွင်း​ၶဝ်​ဢိူၺ်း၊ ဢွၼ်​ၵၼ်​ၶိုၼ်း​မႃး​ၸူး​ၵႃႈ​တီႈ တိူၵ်ႈ​တီႈ​တိုၵ်း​သိုၵ်း​တႃႉ။ ၵဝ်​လၢတ်ႈ​ၸႃႉ​ၸဵမ်​ဝၼ်း​မိူဝ်ႈ​ၼႆႉ​ဝႆႉ လႄႈ​ဝႃႈ၊ ၵဝ်​တၵ်း​ႁဵတ်း​ၵျေး​ၸူး​သွင်​ပုၼ်ႈ တီႈ​မႂ်း​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵဝ်​ဝူတ်ႈ​ၵၢင်ႇ​ ယူႉတႃႉ ​လႄႈ တိုတ်ႉ​ၸၼ် ၵၢင်ႇ ဢေႇၽရိမ်ႇ ​ယူႇ​သေ​လႄႈ တိုၵ်း​ယူင်း​ၵူၼ်း​ ၸီႉဢုၼ်ႇ ​တင်း​လၢႆ ယူႇ​ၽၢႆႇ​ၼိုင်ႈ တင်း​ၵူၼ်း ႁေႇလသႃႉ ​တင်း​လၢႆ​လႄႈ ႁႂ်ႈ​မႂ်း​ပဵၼ်​ၸိူဝ်ႉ​ၼင်ႇ​လၢပ်ႇ​လႅဝ်း ၵူၼ်း​သိုၵ်း ဢၼ်​ႁႅင်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="14">ထႃႇဝရႃႉ​ၽြႃး တၵ်း​ထၢင်ႇ​သႃး​ပေႃႇ​မႃး ၵႃႈ​ၼိူဝ်​ၶဝ်​လႄႈ ပိုၼ်​မၼ်း​ၸဝ်ႈ ၸိူဝ်း​ၼၼ်ႉ တၵ်း​ပုင်ႈ​လႅၼ်ႈ​မိူၼ်​ၸိူဝ်ႉ​ၼင်ႇ​ၽႃႉ​မႅပ်ႈ​ၼၼ်ႉ ဢေႃႈ။ ၸဝ်ႈ​ထႃႇဝရႃႉ​ၽြႃး​ၼၼ်ႉ တၵ်း​ပဝ်ႇ​ၼႄးၶရႃႇ​လႄႈ ၵႂႃႇ​လူၺ်ႈ​ၵၼ်​တင်း လူမ်း​ၽိဝ်ႇ​ႁုင် ၽၢႆႇ​တၢင်း​ၸၢၼ်း​ဢေႃႈ။-</verse>
				<verse number="15">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး တၵ်း​ႁႄႉ​ၵင်ႈ​ႁႄႉ​လပ်ႉ​ၶဝ်​ဝႆႉ​လႄႈ ၶဝ်​ၼၼ်ႉ​တၵ်း​ဢွၼ်​ၵၼ် ၶူပ်း​ၵိၼ်​လႄႈ ယဵပ်ႇ​ယမ်ႈ​မၢၵ်ႇ​ႁိၼ် ဢၼ်​ထိမ်ႈ​ဢၼ်​သိုင်း ၸိူဝ်း​ၼၼ်ႉ​ဢေႃႈ။ ၶဝ်​ၼၼ်ႉ တၵ်း​ဢွၼ်​ၵၼ်​သူတ်ႉ​ၵိၼ်​လႄႈ ႁွင်ႉ​သႅၼ်ႇ​မိူၼ်​ၸိူဝ်ႉ​ၼင်ႇ ၶဝ်​ၸိူဝ်း​ဢၼ် ဢိမ်ႇ​တဵမ်​ၼမ်ႉ​ၸပိတ်ႈ​ၼၼ်ႉ​ဢေႃႈ။ ၶဝ်​ၼၼ်ႉ တၵ်း​မီး​တၢင်း​ဢၼ်​ဢိမ်ႇ​တဵမ်​ဝႆႉ မိူၼ်​ၸိူဝ်ႉ​ၼင်ႇ မေႃႈ​လူင် ဢိၵ်ႇ​တင်း​ၸိူဝ်ႉ​ၼင်ႇ ၸဵင်ႇ​ယိတ်ႈပလၢင်ႇ ၼၼ်ႉ​ဢေႃႈ။-</verse>
				<verse number="16">ၼႂ်း​မိုဝ်ႉ​ဝၼ်း​ၼၼ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် တၵ်း​ၵႄႇ​သႄႇ​ၶျွတ်ႈ​ဢဝ်​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ ၽုင်​သူဝ်း​ဢၼ်​ဝႃႈ ၵူၼ်း​မၼ်း​ၸဝ်ႈ​တင်း​လၢႆ​ၼၼ်ႉ​လႄႈ ၶဝ်​ၼၼ်ႉ​တၵ်း​ပဵၼ် ၸိူဝ်ႉ​ၼင်ႇ​သႅင်​လီ​သႅင်​မျၢတ်ႈ ၵႃႈ​တီႈ​မွၵ်ႇ​ႁူဝ်​သရၽူႇ ဢၼ်​ထၢင်ႇ​သႃး​ႁူင်​ႁၢင်း ၵႃႈ​ၼႂ်း​ၼမ်ႉ​ၸဝ်ႈ၊​လိၼ်​ၸဝ်ႈ​ဢေႃႈ။-</verse>
				<verse number="17">ၵျေး​ၸူး​မၼ်း​ၸဝ်ႈ​ၼၼ်ႉ ယႂ်ႇ​ၼႃႇ​လူင်​လၢင်​လူင်​ပႄႇ။ မုၼ်​သရေႇ​မၼ်း​ၸဝ်ႈ​ၵေႃႈ ယႂ်ႇ​ၼႃႇ​လူင်​လၢင်​လူင်​ပႄႇ။ ၶဝ်ႈ​ပိူၵ်ႇ​ၶဝ်ႈ​သၢၼ် တၵ်း​ႁႂ်ႈ​ၵူၼ်း​ၼုမ်ႇ​ၵူၼ်း​ၵမ်​တင်း​လၢႆ ယႂ်ႇ​လီ​ၽူၵ်ႈ​လီ​လႄႈ၊ ၼမ်ႉ​ၸပိတ်ႈ​ဢၼ်​မႂ်ႇ တၵ်း​ႁႂ်ႈ​မႄႈ​ယိင်း​သၢဝ်​တင်း​လၢႆ ယႂ်ႇ​လီ​ၽူၵ်ႈ​လီ​ဢေႃႈ။</verse>
			</chapter>
			<chapter number="10">
				<verse number="1">ဢွၼ်​ၵၼ်​သူး​တွင်း ယွၼ်း​ဢဝ်​တီႈ ထႃႇဝရႃႉ​ၽြႃး ႁႂ်ႈ​ၽူၼ်​တူၵ်း ၼႂ်း​ၶိင်ႇ​မိူဝ်ႈ​ဢၼ် ၽူၼ်​ႁၢင်​ပီႊ​တူၵ်း​ၼၼ်ႉ​တႃႉ။ ထႃႇဝရႃႉ​ၽြႃး​ပွင်​မႄး၊​ပွင်​ႁဵတ်း​ၽႃႉ​မႅပ်ႈ​လႄႈ ႁႂ်ႈ​ႁႃႇ​ၽူၼ်​တူၵ်း​သေ​လႄႈ ႁႂ်ႈ​တူၼ်ႈ​ယိူဝ်ႈ​၊တူၼ်ႈ​ယႃႈ ဢွၵ်ႇ​မႃး​ၵႃႈ​တီႈ​ပၢင်ႇ​တူင်ႈ​ၼႃး ပုၼ်ႈ​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="2">ရုၵ်ႈ​ထူႉ​ တေႇရပ်ႉ ​ၸိူဝ်း​ၼၼ်ႉ လၢတ်ႈ​ၵႂၢမ်း ဢၼတ်ႉတႃႉ လႄႈ ၶဝ်​ၸိူဝ်း​ဢၼ်​ႁဵတ်း ပရေႃးၽႅတ်ႈ​ၼၼ်ႉ ႁၼ်​ရူႇပႃႇရူင်ႇ​မူႉ​သႃႇ​လႄႈ ႁေႃး​လၢတ်ႈ​တၢင်း​ဢၼ် ၼွၼ်း​ၽၼ်​ႁၼ် ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ​ဢေႃႈ။ ၶဝ်​ဢဝ်​ဢၢႆ​ဢဝ်​ၵႂၼ်း​သေ​လႄႈ ႁႂ်ႈ​ပေႇ​ၸႂ်​ၼိမ်​ၸႂ်​ဢေႃႈ။ ပိူဝ်ႈ​ၼႆ​လႄႈ ၶဝ်​ၵႂႃႇ​မႃး​မိူၼ်​ၸိူဝ်ႉ​ၼင်ႇ မုၵ်ႉ​သူဝ်း​ၽုင်​သူဝ်း​ၼၼ်ႉ​လႄႈ ၶၢမ်ႇ​တုၵ်ႉ​ၶႃႉ​တၢင်း​ၽၢၼ် ၵွပ်ႈ​ပိူဝ်ႈ​ဢၼ် ဢမ်ႇ​မီး​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း​ၼၼ်ႉ​ဢေႃႈ။-</verse>
				<verse number="3">ၵဝ်​တၵ်း​ၸႂ်​မႆႈ​ၶႆႈ​ၸႃႉ​တေႃႇ ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း​ၼၼ်ႉ​လႄႈ ပၼ်​တၢမ်ႇ​တီႈ​ပႄႉ​ပေႃႈ တင်း​လၢႆ ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မႃး​လူ​မႃး​တူၺ်း ၽုင်​သူဝ်း​မၼ်း​ၸဝ်ႈ မဵဝ်း​ ယူႉတႃႉ ​ၼၼ်ႉ​လႄႈ ႁႂ်ႈ​ၶဝ်​ပဵၼ်​ၸိူဝ်ႉ​ၼင်ႇ​မႃႉ​တိုၵ်း​သိုၵ်း ဢၼ်​ပႃး​ဢဝ်​မုၼ်​ၽုင်း​ၸဝ်ႈ ၼၼ်ႉ​ဢေႃႈ။-</verse>
				<verse number="4">ၵႃႈ​ၼႂ်း​မဵဝ်း​ၼၼ်ႉ၊ မၢၵ်ႇ​ႁိၼ်​ငဝ်ႈ​ႁၢၵ်ႈ​ၸဵင်ႇ​တိူၵ်ႈ၊ မႆႉ​သဵပ်ႇ​ၼိူဝ်ႉ၊ ၵၢင်ႇ​တိုၵ်း​သိုၵ်း၊ ၵူၼ်း​ဢၼ်​ပဵၼ်​ၶုၼ်​ပဵၼ်​ၵႂၢၼ်​ၵႃႈ​မီး တၵ်း​ပေႃႇ​ဢွၵ်ႇ​မႃး​ဢေႃႈ။-</verse>
				<verse number="5">ၶဝ်​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ ဢၼ်​ယဵပ်ႇ​ယမ်ႈ​ရၢၼ်ႇ​သူႇ ၵႃႈ​ၼႂ်း​ၵူမ်ႇ ၵႃႈ​တီႈ​သဵၼ်ႈ​တၢင်း​တီႈ​ဢၼ်​တိုၵ်း​သိုၵ်း​ၼၼ်ႉ​ဢေႃႈ။ ၶဝ်​တၵ်း​တိုၵ်း​သိုၵ်း​တိုၵ်း​သိူဝ် ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး မီး​ယူႇ​လူၺ်ႈ​ၵၼ်​တင်း​ၶဝ်​ၼၼ်ႉ​လႄႈ ႁႂ်ႈ​ၵူၼ်း​သိုၵ်း​ၶီႇ​မႃႉ တင်း​လၢႆ​ဢူၵ်း​ဢၢႆ​ဢေႃႈ။-</verse>
				<verse number="6">ၵဝ်​တၵ်း​ႁႂ်ႈ​မဵဝ်း​ ယူႉတႃႉ ​မၼ်ႈ​ၶိူင်ႇ​လႄႈ ၵႄႇ​သႄႇ​ၶျွတ်ႈ​ဢဝ် မဵဝ်း​ ယူဝ်းသႅပ်ႈ ​ဢေႃႈ။ ၵွပ်ႈ​ပိူဝ်ႈ​ဢၼ်​ၵဝ် ဢဵတ်း​လူ​ႁၵ်ႉ​ပႅင်း​ၶဝ်​လႄႈ ၵဝ်​တၵ်း​ၶျႃး​တီႈ​ယူႇ​ၶဝ်​ပၼ်​လႄႈ ၶဝ်​ၼၼ်ႉ​တၵ်း​ပဵၼ်​ၸိူဝ်ႉ​ၼင်ႇ ဢၼ်​ၵဝ်​ဢမ်ႇ​တွၼ်ႉ ႁေႃႈ​ၶဝ်​ဢွၵ်ႇ​ပႅတ်ႈ ၼၼ်ႉ​ဢေႃႈ။ ၵဝ်​ပဵၼ်​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ်​လႄႈ ထွမ်ႇ​ဢဝ်​ၵႂၢမ်း​ၶဝ်​ဢေႃႈ။-</verse>
				<verse number="7">ၵူၼ်း​မဵဝ်း ဢေႇၽရိမ်ႇ ​ၸိူဝ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ ၵူၼ်း​သိုၵ်း​ဢၼ်​ႁႅင်း​ယႂ်ႇ​ၼႃႇ​လႄႈ ႁူဝ်​ၸႂ်​ၶဝ်​တၵ်း​ၸူမ်း​သိူဝ်း မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ဢိမ်ႇ​တဵမ်​ဝႆႉ တင်း​ၼမ်ႉ​ၸပိတ်ႈ​ၼၼ်ႉ​ဢေႃႈ။ လုၵ်ႈ​ၶဝ်​လၢၼ်​ၶဝ်​ၼၼ်ႉ တၵ်း​ႁၼ်​သေ​လႄႈ မူၼ်ႈ​ပျေႃႇ​လႄႈ ႁူဝ်​ၸႂ်​ၶဝ်​သိူဝ်း​သႂၢင်ႇ​ယူႇ ၼႂ်း​ထႃႇဝရႃႉ​ၽြႃး​ဢေႃႈ။-</verse>
				<verse number="8">ၵဝ်​တၵ်း​ၵိဝ်​သဵင်​ၵႂႃႇ​ၸူး တီႈ​ၶဝ်​လႄႈ ႁႂ်ႈ​ၶဝ်​ၸူႉ​ၵၼ်​တုမ်​ၵၼ်​ဢေႃႈ။ ၵွပ်ႈ​ပိူဝ်ႈ​ဢၼ်​ၵဝ် ထုၵ်ႈ​ၼုၵ်ႈ​ဢဝ်​ၶဝ်​ယဝ်ႉ​လႄႈ ၶဝ်​ၼၼ်ႉ​တၵ်း​ၼမ်​ၵိုၼ်း မိူၼ်​ၸိူဝ်ႉ​ၼင်ႇ​ဢၼ်​ၼမ်​ၵိုၼ်း မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="9">ပိၵ်ႉ​သမ်ႉ ၵဝ်​တၵ်း​ဢဝ်​ၶဝ်​ဝၢၼ်ႇ​ပိုၼ် ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ မိူၼ်​ၸိူဝ်ႉ​ၼင်ႇ ၸိူဝ်ႉ​ၽၼ်း​သေ​ၵေႃႈ၊ ၶဝ်​တၵ်း​ယူႇ​ၵႃႈ​တီႈ​မိူင်း ဢၼ်​ၵႆ​ၼၼ်ႉ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ်​လႄႈ ဢသၢၵ်ႈ​လိပ်း​ယူႇ လူၺ်ႈ​ၵၼ်​တင်း​လုၵ်ႈ​ၶဝ်​လၢၼ်​ၶဝ် သေ​လႄႈ ၶိုၼ်း​မႃး​ဢေႃႈ။-</verse>
				<verse number="10">ၵဝ်​တၵ်း​သမ်ႉ​ဢဝ်​ၶဝ်​ဢွၵ်ႇ​သေ ၵႃႈ​ၼႂ်း​မိူင်း ဢေႇၵိပ်ႉတူႉ ၶိုၼ်း​မႃး​လႄႈ ႁွင်ႉ​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​မိူင်း ဢႃႇသူႉရီႉ ​သေ​လႄႈ ႁႂ်ႈ​ၸူႉ​ၵၼ်​တုမ်​ၵၼ်​ဢေႃႈ။ ၵဝ်​တၵ်း​ဢဝ်​ၶဝ်​မႃး​ၵႃႈ​တီႈ​မိူင်း​ ၵီႉလတ်ႉ ဢိၵ်ႇ​တင်း မိူင်း​ လေႇပၼုၼ်ႇ ​လႄႈ လိၼ်​တၵ်း​ဢမ်ႇ​ၵုမ်ႇ​ဢမ်ႇ​ပေႃး ပုၼ်ႈ​ဢၼ်​ၶဝ်​တၵ်း​ယူႇ တၵ်း​သဝ်း​ၼၼ်ႉ​လႆႈ။-</verse>
				<verse number="11">မၼ်း​ၸဝ်ႈ​တၵ်း​လႆႈ​လတ်း​ၵႂႃႇ ၵႃႈ​ၼႂ်း​ၵၢင်​ပၢင်ႇ​လၢႆႇ တုၵ်ႉ​ၶႃႉ​တၢင်း​ၽၢၼ်​လႄႈ ပေႃႉ​ယႅၼ်ႉ​လႅင်း​ၼမ်ႉ၊​ပိူပ်ႈ​ၼမ်ႉ​ပၢင်ႇ​လၢႆႇ​ဢေႃႈ။ တီႈ​ဢၼ်​လိုၵ်ႉ​၊ဢၼ်​လမ်ႇ​ၼမ်ႉ​ႁွင်ႈ ၼီႉလႃႉ ​ၵႃႈ​မီး​ၼၼ်ႉ တၵ်း​ယူတ်း​ႁႅင်ႈ​ၵႂႃႇ​ဢေႃႈ။ မႃႇၼႃႉ​ၸႂ်​သုင် မိူင်း​ ဢႃႇသူႉရီႉ တၵ်း​လႆႈ ၶၢမ်ႇ​တၢင်း​ဢၼ်​ၶျႃး​တူၵ်း တီႈ​တႅမ်ႇ​လႄႈ ၵၼ်း​ႁွၵ်ႇ​ရႃႇ​ၸႃႉ​မိူင်း​ ဢေႇၵိပ်ႉတူႉ ​ၼၼ်ႉ​ၵေႃႈ တၵ်း​လပ်ႉ​ႁၢႆ​ၵႂႃႇ​ဢေႃႈ။-</verse>
				<verse number="12">ၵဝ်​တၵ်း​ႁႂ်ႈ​ၶဝ်​မၼ်ႈ​ၶိူင်ႇ ၼႂ်း​ထႃႇဝရႃႉ​ၽြႃး​လႄႈ ၶဝ်​တၵ်း​ဢိင်​ပိုင်ႈ​ၼႃႇ​မႃႉ ၸိုဝ်ႈ​သဵင်​ထႃႇဝရႃႉ​ၽြႃး​သေ​လႄႈ ဢွၼ်​ၵၼ်​ၵႂႃႇ​မႃး​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။</verse>
			</chapter>
			<chapter number="11">
				<verse number="1">လွႆ​ လေႇပၼုၼ်ႇ ​ဢိူၺ်း၊ ၽုၺ်ႇ​ပိုတ်ႇ ၽၵ်း​တူ​မႂ်း​တင်း​လၢႆ ႁႂ်ႈ​ၽႆး​လႆႈ​မႆႈ​တူၼ်ႈ​ ဢႃႇရိတ်ႉ ​မႂ်း ၸိူဝ်း​ၼၼ်ႉ​တႃႉ။-</verse>
				<verse number="2">တူၼ်ႈ​မႆႉ​ပႅၵ်ႇ​ၶဝ်​ဢိူၺ်း၊ ပွင်ႉ​ၶၢင်း​ပွင်ႉ​မိူၼ်ႇ ၵွပ်ႈ​ပိူဝ်ႈ​ဢၼ်​တူၼ်ႈ​ ဢႃႇရိတ်ႉ ​လူမ်ႉ​တူၵ်း ၼၼ်ႉ​တႃႉ။ တူၼ်ႈ​ဢၼ်​မျၢတ်ႈ​ၸိူဝ်း​ၼၼ်ႉ လူႉ​ၵႂႃႇ​လႅဝ်​ၵႂႃႇ​ယဝ်ႉ။ တူၼ်ႈ​မႆႉ​ၼိမ်​မိူင်း​ ပႃႇသၢၼ်ႇ ​ၶဝ်​ဢိူၺ်း၊ ဢွၼ်​ၵၼ်​ပွင်ႉ​ၶၢင်း​ပွင်ႉ​မိူၼ်ႇ ၵွပ်ႈ​ပိူဝ်ႈ​ဢၼ် ပႃႇ​မႆႉ​ပႃႇ​ၸိင် ဢၼ်​မၼ်ႈ​ၶိူင်ႇ​ၼၼ်ႉ လႆႈ​ၶၢမ်ႇ​တၢင်း​ဢၼ်​ပမ်ႈ​လူမ်ႉ​ပႅတ်ႈ ၼၼ်ႉ​တႃႉ။-</verse>
				<verse number="3">လႆႈ​ငိၼ်း​သဵင် ၶဝ်​ၸိူဝ်း​ဢၼ်​လဵင်ႉ​သူဝ်း​ထိင်း​သူဝ်း​ၼၼ်ႉ ပွင်ႉ​ၶၢင်း​ပွင်ႉ​မိူၼ်ႇ ၵွပ်ႈ​ပိူဝ်ႈ​ဢၼ် သရေႇ​ၶဝ်​လူႉ​ၼၼ်ႉ​ဢေႃႈ။ လႆႈ​ငိၼ်း​သဵင် သၢင်ႇ​သီႈ တူဝ်​ၼုမ်ႇ​တူဝ်​ႁၢတ်ႈ တင်း​လၢႆ​ႁွင်ႉ​ၶၢင်း ၵွပ်ႈ​ပိူဝ်ႈ​ဢၼ် မုၼ်​သရေႇ​ၼမ်ႉ​ႁွင်ႈ​ ယေႃးတၢၼ်ႇ လူႉ​ၵႂႃႇ​ၼၼ်ႉ​ဢေႃႈ။</verse>
				<verse number="4">ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ် မီး​ဢမိင်ႉ​ၸမ်ႉ၊ လဵင်ႉ​လူ​မုၵ်ႉ​သူဝ်း၊​ၽုင်​သူဝ်း ဢၼ်​ဝႆႉ​ပုၼ်ႈ ဢၼ်​တၵ်း​ဢဝ်​တၢႆ​ၼႆႉ​တႃႉ။-</verse>
				<verse number="5">ၶဝ်​ၸိူဝ်း​ဢၼ်​ပိူင်ႇ​ၶဝ်​ၼၼ်ႉ ဢဝ်​ၶဝ်​တၢႆ​လႄႈ ဢမ်ႇ​မၢတ်ႈ​တူဝ်​ၸဝ်ႈ​ၵဝ်ႇ မီး​ဢပႅတ်ႈ။ ၶဝ်​ၸိူဝ်း​ဢၼ် ဢဝ်​ၶဝ်​ၶၢႆ​ၵိၼ်​ၼၼ်ႉ​ၵေႃႈ လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ် မၢၵ်ႈ​မီး​လႄႈ ႁႂ်ႈ​ထႃႇဝရႃႉ​ၽြႃး​မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၸိူဝ်း​ဢၼ် လဵင်ႉ​သူဝ်း​ထိင်း​သူဝ်း​ၶဝ်​ၼၼ်ႉ​ၵေႃႈ ဢမ်ႇ​မီး​ၵရူႉၼႃႇ တၢင်း​ဢၼ်​ဢဵတ်း​လူ။-</verse>
				<verse number="6">ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ ၵမ်း​လိုၼ်း​ၵဝ်​ယင်း ဢမ်ႇ​ဢဵတ်း​လူ​သေ​လၢႆ ၵူၼ်း​ဝၢၼ်ႈ​ၵူၼ်း​မိူင်း​လႄႈ တၵ်း​ဢဝ်​ၶဝ်​ၵႃႈ​မီး ဢၢပ်ႈ​ပၼ်​ၵႃႈ​ၼႂ်း​မိုဝ်း ၵူၼ်း​ႁိူၼ်း​ၸမ်​ၵၼ်​တင်း​ၶဝ် ဢိၵ်ႇ​တင်း​ၵႃႈ​ၼႂ်း​မိုဝ်း​ၶုၼ်​ႁေႃ​ၶမ်း​ၶဝ် သေ​လႄႈ ၶဝ်​ၼၼ်ႉ​တၵ်း​ၼိၵ်ႈ​ၸၢၵ်ႈ​၊ငႅၼ်း​သႄး​မိူင်း တင်း​မိူင်း​ဢေႃႈ။ ၵဝ်​တၵ်း​ဢမ်ႇ​ပွႆႇ​ၶဝ်​လွတ်ႈ ဢွၵ်ႇ​သေ​ၵႃႈ​ၼႂ်း​မိုဝ်း​ၶဝ်​ၼၼ်ႉ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၼင်ႇ​ၼၼ်​လႄႈ ၵဝ်​လႆႈ​လဵင်ႉ​လူ​ၽုင်​သူဝ်း ဢၼ်​ဝႆႉ​ပုၼ်ႈ ဢၼ်​တၵ်း​ဢဝ်​တၢႆ ဢၼ်​ဝႃႈ​သူဝ်း​ဢၼ်​ယၢၵ်ႈ​ဢၼ်​ၽၢၼ် ၸိူဝ်း​ၼၼ်ႉ​ဢေႃႈ။ ၵဝ်​ဢဝ်​ၶွၼ်ႉ​ၵွမ်း ဢၼ်​လဵင်ႉ​ထိင်း​သူဝ်း သွင်​လႅမ်ႈ လႄႈ ႁွင်ႉ​ႁဵၵ်ႈ​ၸိုဝ်ႈ လႅမ်ႈ​ၼိုင်ႈ တၢင်း​ဢၼ်​ႁဵတ်း​ၵျေး​ၸူး ဢိၵ်ႇ​တင်း​လႅမ်ႈ​ၼိုင်ႈ တၢင်း​ဢၼ်​မတ်ႉ​ဢၼ်​ၽုၵ်ႇ သေ​လႄႈ လႆႈ​လဵင်ႉ​လူ မုၵ်ႉ​သူဝ်း​ၽုင်​သူဝ်း​ဢေႃႈ။-</verse>
				<verse number="8">ၵဝ်​ပႄႇ​တႅပ်း ၵူၼ်း​လဵင်ႉ​သူဝ်း​ထိင်း​သူဝ်း သၢမ်​ၵေႃႉ ၼၼ်ႉ ပႅတ်ႈ​ၼႂ်း​လိူၼ်​ၼိုင်ႈ​ၵူၺ်း ၵွပ်ႈ​ပိူဝ်ႈ​ဢၼ်​ႁူဝ်​ၸႂ်​ၵဝ် ဢုၵ်း​ဢဝ်ႇ​မႆႈ​ႁွၼ်ႉ​ၶဝ်​လႄႈ ၶဝ်​ၵေႃႈ​လီ​ႁင်ႈ​ဢဵတ်ႇ​သဵတ်ႇ​ၵဝ် ၼၼ်ႉ​ဢေႃႈ။-</verse>
				<verse number="9">ၵဝ်​လၢတ်ႈ​လႄႈ​ဝႃႈ၊ ၵမ်း​လိုၼ်း ၵဝ်​ဢၼ်​ဝႃႈ​ၵဝ်​ၼႆႉ ဢမ်ႇ​လဵင်ႉ​ဢမ်ႇ​လူ​သူ။ ႁႂ်ႈ​တူဝ်​ဢၼ်​တၢႆ​ၼၼ်ႉ တၢႆ​သေ​ၵမ်း​လူၺ်ႈ။ ႁႂ်ႈ​တူဝ်​ဢၼ်​လႆႈ​ၶၢမ်ႇ တၢင်း​ဢၼ်​ဢဝ်​တၢႆ​ၼၼ်ႉ လႆႈ​ၶၢမ်ႇ​သေ​ၵမ်း​လူၺ်ႈ။ ႁႂ်ႈ​တူဝ်​ဢၼ် ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ တူဝ်​ၼိုင်ႈ​လႄႈ​တူဝ်​ၼိုင်ႈ ၶူပ်း​ၵိၼ်​ၵၼ် သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="10">ဢဝ်​ၶွၼ်ႉ​ၵွမ်း​ၵဝ် ဢၼ်​လႆႈ​ၸိုဝ်ႈ တၢင်း​ဢၼ်​ႁဵတ်း​ၵျေး​ၸူး​ၼၼ်ႉ ႁၵ်း​ပႅတ်ႈ ႁႂ်ႈ​လႆႈ​ယႃႉ ပတီႉၺိၺ်ႇ ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​မဵဝ်း​ၵူၼ်း တင်း​သဵင်ႈ​တင်း​လူင် မိူဝ်ႈ​ၵွၼ်ႇ​ဢွၼ်​ၼႆႉ ၼၼ်ႉ​ဢေႃႈ။-</verse>
				<verse number="11">ၵွပ်ႈ​ပိူဝ်ႈ​ဢၼ် ပတီႉၺိၺ်ႇ​ၼၼ်ႉ လူႉ​ၼႂ်း​မိုဝ်ႉ​ဝၼ်း​ၼၼ်ႉ​လႄႈ သူဝ်း​ဢၼ်​ယၢၵ်ႈ​၊ဢၼ်​ၽၢၼ် ဢၼ်​ပိုင်ႈ​ဢိင်​ၵဝ်​ယူႇ​ၸိူဝ်း​ၼၼ်ႉ ႁူႉ​ၸႅင်ႈ​လွင်ႈ​ဢၼ်​ပဵၼ် ၼုၵ်ႈၵပၢတ်ႈ​ထႃႇဝရႃႉ​ၽြႃး ၼၼ်ႉ​ဢေႃႈ။-</verse>
				<verse number="12">လႆႈ​သမ်ႉ ၵဝ်​လၢတ်ႈ​တီႈ​ၶဝ်​လႄႈ​ဝႃႈ၊ ပေႃး​လီ​ပၼ် ၵႃႈ​ၶၼ်​ဢၼ်​ၵဝ်​ထုၵ်ႇ​လႆႈ​ၼၼ်ႉ သိုဝ်ႈ​ၼႃႈ​တႂ်ႈ​တႃ​သူ​ၸိုင်၊ ဢွၼ်​ၵၼ်​ပၼ်​တႃႉ။ ပေႃး​ဢမ်ႇ​လီ​ပၼ်​ၸိုင်၊ ယႃႇ​ပေ​ပၼ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ဢွၼ်​ၵၼ် ၸင်ႈ​ႁိဝ်ႈ​ငိုၼ်း သၢမ်​သိပ်း​ၵျၢပ်ႈ ႁႂ်ႈ​လႆႈ​ပၼ် ၵႃႈ​ၶၼ်​ၵဝ်​ဢေႃႈ။-</verse>
				<verse number="13">ထႃႇဝရႃႉ​ၽြႃး​ၵေႃႈ မီး​ဢမိင်ႉ​လႄႈ​ဝႃႈ၊ ဢဝ်​ငိုၼ်း​ၼၼ်ႉ ဢၼ်​ဝႃႈ ၵႃႈ​ၶၼ် ဢၼ်​ယႂ်ႇ​ၼမ်​ၼႃႇ​လႄႈ ၶဝ်​ပျၢတ်ႈ​ၵႃႈ​ၶၼ်​ၵဝ်​ၼၼ်ႉ ထိမ်ႈ​တူၵ်း​သႂ်ႇ​ဝႆႉ ၵႃႈ​တီႈ​ၽၢႆႇ​ၼႃႈ ၵေႃႉ​ဢၼ်​ႁဵတ်း​မေႃႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵဝ်​ဢဝ်​ငိုၼ်း သၢမ်​သိပ်း​ၵျၢပ်ႈ ၼၼ်ႉ​လႄႈ ထိမ်ႈ​တူၵ်း​သႂ်ႇ​ဝႆႉ​ၵႃႈ​တီႈ​ၽၢႆႇ​ၼႃႈ ၵေႃႉ​ဢၼ်​ႁဵတ်း​မေႃႈ​ၼၼ်ႉ ၵႃႈ​ၼႂ်း​ပိၵ်ႈ​မၢၼ်ႇ ထႃႇဝရႃႉ​ၽြႃး​ဢေႃႈ။-</verse>
				<verse number="14">မိူဝ်ႈ​ၼၼ်ႉ ၵဝ်​ဢဝ်​ၶွၼ်ႉ​ၵွမ်း​ၵဝ် တၢင်ႇ​လႅမ်ႈ ဢၼ်​လႆႈ​ၸိုဝ်ႈ တၢင်း​ဢၼ်​မတ်ႉ​ဢၼ်​ၽုၵ်ႇ​ၼၼ်ႉ ႁၵ်း​ပႅတ်ႈ ႁႂ်ႈ​ယႃႉ​မိၵ်ႉသႃႇႁႃယႃႉ ဢၼ်​မဵဝ်း​ ယူႉတႃႉ ဢိၵ်ႇ​တင်း မဵဝ်း​ ဢီႉသရေႇလႃႉ ႁဵတ်း​လူၺ်ႈ​ၵၼ်​ၼၼ်ႉ ပႅတ်ႈ​ဢေႃႈ။-</verse>
				<verse number="15">လႆႈ​သမ်ႉ ထႃႇဝရႃႉ​ၽြႃး မီး​ဢမိင်ႉ​လႄႈ​ဝႃႈ၊ သမ်ႉ​ၶိုၼ်း​သိမ်း​ဢဝ် ၶိူင်ႈ​ပိူင်​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း ဢၼ်​မိူၵ်ႈ​ၼၼ်ႉ ထႅင်ႈ​တႃႉ။-</verse>
				<verse number="16">လွင်ႈ​မၼ်း​ၸမ်ႉ ၵဝ်​တၵ်း​ႁႂ်ႈ​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း ၵေႃႉ​ၼိုင်ႈ ပေႃႇ​မႃး​ၵႃႈ​ၼႂ်း မိူင်း​ၼႆႉ​ဢေႃႈ။ မၼ်း​ၼၼ်ႉ တၵ်း​ဢမ်ႇ​လူ​ဢမ်ႇ​တူၺ်း တူဝ်​ဢၼ်​လႆႈ​ၶၢမ်ႇ တၢင်း​ဢၼ်​ဢဝ်​တၢႆ​ၼၼ်ႉ။ တၵ်း​ဢမ်ႇ​ႁႃ​တူဝ် ဢၼ်​ၽိတ်း​တၢင်း​ပိူင်ႈ​တၢင်း ၵႂႃႇ​ၼၼ်ႉ။ တၵ်း​ဢမ်ႇ​ႁဵတ်း​ႁႂ်ႈ တၢင်း​ၸဵပ်း​တၢင်း​သႅပ်ႇ တူဝ်​ဢၼ်​ၸဵပ်း​သႅပ်ႇ​ၼၼ်ႉ ႁၢႆ​ၼၼ်ႉ။ တၵ်း​ဢမ်ႇ​ၸွႆႈ​ထႅမ် လဵင်ႉ​လူ​တူဝ်​ဢၼ်​ၸုၵ်း​ယူႇ​ၼၼ်ႉ။ တၵ်း​ၵိၼ်​တူဝ် ဢၼ်​ပီး​လီ​မၼ်း​လီ​ၼၼ်ႉ​လႄႈ ႁၵ်း​ႁဵၵ်း​ၵိပ်ႇ​ၶဝ် ပႅတ်ႈ​ဢေႃႈ။-</verse>
				<verse number="17">ႁႂ်ႈ​ၵေႃႉ​ဢၼ်​လဵင်ႉ​ထိင်း​သူဝ်း ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်၊ ဢၼ်​ၸုၼ်ႉ​ပႅတ်ႈ ၽုင်​သူဝ်း​ၼၼ်ႉ မီး​ဢႃႉ​မင်ႇၵလႃႇ သေ​ၵမ်း​လူၺ်ႈ။ ၽေး​လၢပ်ႇ​ၽေး​လႅဝ်း တၵ်း​ႁွတ်ႈ​ထိုင် ၵႃႈ​တီႈ​ၶႅၼ်​မိုဝ်း​မၼ်း ဢိၵ်ႇ​တင်း မၢၵ်ႇ​တႃ​ၶွၼ်​ၶႂႃ​မၼ်း​ဢေႃႈ။ ၶႅၼ်​မိုဝ်း​မၼ်း​ၼၼ်ႉ တၵ်း​ႁဵဝ်ႇ​ႁႅင်ႈ​ၵႂႃႇ တင်း​သဵင်ႈ​တင်း​မူတ်း​လႄႈ မၢၵ်ႇ​တႃ​ၶွၼ်​ၶႂႃ​မၼ်း​ၼၼ်ႉ တၵ်း​လပ်း​သိင်ႇ​ၵႂႃႇ တင်း​သဵင်ႈ​တင်း​မူတ်း ဢေႃႈ။</verse>
			</chapter>
			<chapter number="12">
				<verse number="1">ၼုၵ်ႈၵပၢတ်ႈ ပျႃႇ​တိၵ်ႈ ထႃႇဝရႃႉ​ၽြႃး ဢၼ်​ၸၢပ်ႈ​သႅင်ႇ​လူၺ်ႈ​လွင်ႈ မဵဝ်း​ ဢီႉသရေႇလႃႉ ဢၼ်​ဝႃႈ ဢမိင်ႉ ဢၼ်​ထႃႇဝရႃႉ​ၽြႃး ဢၼ်​ဢဝ်​ၽႃႉ​ၵၢင်​ႁၢဝ်​ၶဵင်ႈ​ဝႆႉ​လႄႈ ၶျႃး​ငဝ်ႈ​ႁၢၵ်ႈ​တိူၵ်ႈ​လိၼ်​မိူင်း၊ ဢၼ်​ႁဵတ်း​ပဵၼ် ဝီႉၺိၺ်ႇ​ၵူၼ်း ၵႃႈ​ၼႂ်း​ၵူၼ်း​ၼၼ်ႉ မီး​ဝႆႉ​ၸမ်ႉ၊-</verse>
				<verse number="2">ၵဝ်​တၵ်း ႁႂ်ႈ​ဝဵင်း​ ယေႇရူႉသလႅမ်ႇ ပဵၼ်​ၵွၵ်း​ဢၼ်​ဝၢင်ႇ​ဝီႈ​ဝၢင်ႇ​ဝိူဝ်ႈ​ယူႇ တီႈ​မဵဝ်း​ၵူၼ်း တင်း​သဵင်ႈ​တင်း​လူင် ဢၼ်​မီး​ၵႃႈ​တီႈ​ႁိမ်း​ႁွမ်း လဵပ်ႈ​ႁွပ်ႈ​မၼ်း ၸိူဝ်း​ၼၼ်ႉ​ဢေႃႈ။ ၵႃႈ​တီႈ​မိူင်း​ ယူႉတႃႉ ​ၵေႃႈ ၵဝ်​တၵ်း​ႁႂ်ႈ​ပဵၼ် မိူၼ်​ၸိူဝ်ႉ​ၼင်ႇ​ၼၼ် ၼႂ်း​မိူဝ်ႈ​ဢၼ် ယင်း​တိုၵ်ႉ​လွမ်ႉ​လဵပ်ႈ​ႁွပ်ႈ​ဝဵင်း​ ယေႇရူႉသလႅမ်ႇ ဝႆႉ​ယူႇ​ၼၼ်ႉ​ဢေႃႈ။-</verse>
				<verse number="3">ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ႁႂ်ႈ​ဝဵင်း​ ယေႇရူႉသလႅမ်ႇ ​ၼၼ်ႉ ပဵၼ်​မၢၵ်ႇ​ႁိၼ် ဢၼ်​ၼၵ်း​ၼႃႇ တီႈ​မဵဝ်း​ၵူၼ်း တင်း​သဵင်ႈ​တင်း​လူင် လႄႈ ၶဝ်​ၵႃႈ​ဢၼ်​ယုၵ်ႉ​ယွင်ႈ မၢၵ်ႇ​ႁိၼ်​ၼၼ်ႉ​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ႁၵ်း​ႁဵၵ်း လူႉ​လႅဝ်​ပႅတ်ႈ​ဢေႃႈ။ ၵူၼ်း​လေႃးၵီႇ​ၵူႈ​ၸိူဝ်ႉ ၵူႈ​မဵဝ်း​ၼၼ်ႉ တၵ်း​ဢွၼ်​ၵၼ်​ၸူႉ​ၵၼ်​တုမ်​ၵၼ် ယူႇ​ၽၢႆႇ​ၼိုင်ႈ​တင်း​ဝဵင်း​ၼၼ်ႉ​ဢေႃႈ။-</verse>
				<verse number="4">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ပၼ်​တၢမ်ႇ ႁႂ်ႈ​မႃႉ​ၵႃႈ​မီး​ၼၼ်ႉ မဝ်း​မိင်း ၵႂင်​ၸႂ်​ယုင်ႈ​ၸႂ် ဢိၵ်ႇ​တင်း​ႁႂ်ႈ​ၵူၼ်း​သိုၵ်း​ၶီႇ​မႃႉ တင်း​လၢႆ ပဵၼ်​ၵူၼ်း​ယွင်ႇ​၊ၵူၼ်း​မႃႈ​ၵႂႃႇ​ဢေႃႈ။ ၵဝ်​တၵ်း​ၽုၺ်ႇ​တႃ​၊ မိုၼ်း​တႃ​ၵဝ်​ၸူး​မဵဝ်း​ ယူႉတႃႉ ​လႄႈ ပၼ်​တၢမ်ႇ ႁႂ်ႈ​မႃႉ ၵႃႈ​ဢၼ်​မီး တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ​ၼၼ်ႉ တႃ​မွတ်ႇ​ၵႂႃႇ​ဢေႃႈ။-</verse>
				<verse number="5">ၶုၼ်​ ယူႉတႃႉ ​တင်း​လၢႆ တၵ်း​ဢွၼ်​ၵၼ် လၢတ်ႈ​ၼႂ်း​ၸႂ်​လႄႈ​ဝႃႈ၊ ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ပဵၼ်​ဢဵၼ်​ၵဝ်​၊ႁႅင်း​ၵဝ် ၵွပ်ႈ​ပိူဝ်ႈ​ၽြႃး​ပဵၼ်​ၸဝ်ႈ​ၶဝ်၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ႁႂ်ႈ​ၶုၼ်​ ယူႉတႃႉ ​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ မေႃႈ​ၽႆး ၽၢင်​ၽႆး ၵႃႈ​ၼႂ်း​ၵွင်​ၽိုၼ်း ဢိၵ်ႇ​တင်း​ၸိူဝ်ႉ​ၼင်ႇ ၵၢၼ်ႈ​ၽႆး ၵႃႈ​ၼႂ်း​လိုၼ်ႈ​ၶဝ်ႈ ၼၼ်ႉ​လႄႈ ၶဝ်​ၼၼ်ႉ​တၵ်း​မႆႈ မဵဝ်း​ၵူၼ်း​တင်း​သဵင်ႈ​တင်း​လူင် ဢၼ်​မီး​ၵႃႈ​တီႈ​ႁိမ်း​ႁွမ်း လဵပ်ႈ​ႁွပ်ႈ ၽၢႆႇ​ၶႂႃ​ၽၢႆႇ​သၢႆႉ​ၶဝ် ၼၼ်ႉ​ဢေႃႈ။ ဝဵင်း​ ယေႇရူႉသလႅမ်ႇ ​ၵေႃႈ တၵ်း​သမ်ႉ​ၶိုၼ်း မီး​တၢင်း​ဢၼ်​တႄႇ​ယူႇ သေႇ​သေႇ ၵႃႈ​ၼႂ်း​တီႈ​ဢၼ်​မၼ်း​တႄႇ​ယူႇ​ၵဝ်ႇ​ၵဝ်ႇ ဢၼ်​ဝႃႈ၊ ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။-</verse>
				<verse number="7">ထႃႇဝရႃႉ​ၽြႃး တၵ်း​ၵႄႇ​သႄႇ​ၶျွတ်ႈ​ဢဝ် မူဝ်းၵႃႇ​ ယူႉတႃႉ ​တင်း​လၢႆ ဢွၼ်​တၢင်း​ပိူၼ်ႈ ႁႂ်ႈ​မုၼ်​ၽုင်း မဵဝ်း​ၶုၼ်​ တႃႇဝိတ်ႈ ဢိၵ်ႇ​တင်း မုၼ်​ၽုင်း​ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ဢမ်ႇ​လႆႈ​ဢုပ်ႇ​ဢၢတ်ႇ​ယူႇ ၽၢႆႇ​ၼိုင်ႈ​တင်း​မိူင်း​ ယူႉတႃႉ ​ဢေႃႈ။-</verse>
				<verse number="8">ၼႂ်း​မိုဝ်ႉ​ဝၼ်း​ၼၼ်ႉ ထႃႇဝရႃႉ​ၽြႃး တၵ်း​ႁႄႉ​ၵင်ႈ​ပႂ်ႉ​ၸွႆႈ​ပႂ်ႉ​ထႅမ် ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ယူႇ​လႄႈ၊ ၵေႃႉ​ဢၼ်​ႁႅင်း​လဵၵ်ႉ​ႁႅင်း​ၵေႇ ၼႂ်း​မိုဝ်ႉ​ဝၼ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ ၶုၼ်​ တႃႇဝိတ်ႈ ​လႄႈ မဵဝ်း​ၶုၼ်​ တႃႇဝိတ်ႈ ​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ ၽြႃး​ပဵၼ်​ၸဝ်ႈ ဢိၵ်ႇ​တင်း ၸိူဝ်ႉ​ၼင်ႇ တမၢၼ်ႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ ၵႃႈ​တီႈ​ၽၢႆႇ​ၼႃႈ​ၶဝ် ၼၼ်ႉ​ဢေႃႈ။-</verse>
				<verse number="9">ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ဢဝ်​ႁႅင်း​ဢွၵ်ႇ ႁႂ်ႈ​လႆႈ​ယႃႉ​ၵူၼ်း ၵူႈ​ၸိူဝ်ႉ​ၵူႈ​မဵဝ်း ဢၼ်​မႃး​တိုၵ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ပႅတ်ႈ​ဢေႃႈ။-</verse>
				<verse number="10">ၵဝ်​တၵ်း​ဢဝ် သၽေႃး​တၢင်း​ဢၼ်​ၶၢမ်ႇ​ဢဝ်​ၵျေး​ၸူး​ၸဝ်ႈ၊ သၽေႃး​တၢင်း​ဢၼ်​ႁဵတ်း​သူး​တွင်း​ပထၼႃႇ​ၼၼ်ႉ သွၼ်း​လေႃႇ​သႂ်ႇ​ပၼ် ၵႃႈ​ၼိူဝ်​မဵဝ်း​ၶုၼ်​ တႃႇဝိတ်ႈ ဢိၵ်ႇ​တင်း ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​လႄႈ ၶဝ်​ၼၼ်ႉ တၵ်း​လႆႈ​ဢွၼ်​ၵၼ်​တူၺ်း​ႁၼ်​ၵဝ် ဢၼ်​ၶဝ်​တႅင်း​ပွင်ႇ ၼႆႉ​ဢေႃႈ။ ၶဝ်​တၵ်း​ဢွၼ်​ၵၼ် ႁႆႈ​ႁွင်ႉ​ပွင်ႉ​ၶၢင်း ၵွပ်ႈ​ပိူဝ်ႈ​မၼ်း​မိူၼ်​ၸိူဝ်ႉ​ၼင်ႇ ဢၼ်​ပေႃႈ​ႁႆႈ​ႁွင်ႉ​ပွင်ႉ​ၶၢင်း ၵွပ်ႈ​ပိူဝ်ႈ​လုၵ်ႈ​ၸၢႆး​ၵေႃႉ​လဵဝ်​ၵူၺ်း ၼၼ်ႉ​လႄႈ ၶဝ်​တၵ်း​ဢွၼ်​ၵၼ်​ၸဵပ်း​ၸႂ်​၊ၶူမ်​ၸႂ် ၵွပ်ႈ​ပိူဝ်ႈ​မၼ်း မိူၼ်​ၸိူဝ်ႉ​ၼင်ႇ​ဢၼ် ပေႃႈ​ၸဵပ်း​ၸႂ်​ၶူမ်​ၸႂ် ၵွပ်ႈ​ပိူဝ်ႈ​လုၵ်ႈ​ၸၢႆး​တူၼ်ႈ​မၼ်း ၼၼ်ႉ​ဢေႃႈ။-</verse>
				<verse number="11">ၼႂ်း​မိုဝ်ႉ​ဝၼ်း​ၼၼ်ႉ တၵ်း​မီး​တၢင်း​ဢၼ်​ႁႆႈ​ႁွင်ႉ ပွင်ႉ​ၶၢင်း ဢၼ်​ယႂ်ႇ​ၼႃႇ​လူင်​လၢင် ၵႃႈ​ၼႂ်း​ဝဵင်း​ ယေႇရူႉသလႅမ်ႇ မိူၼ်​ၸိူဝ်ႉ​ၼင်ႇ ဢၼ်​ႁႆႈ​ႁွင်ႉ​ပွင်ႉ​ၶၢင်း ၵႃႈ​တီႈ​ဝဵင်း​ ႁႃႇတတြိမ်ႇမုၼ်ႇ ၵႃႈ​ၼႂ်း​ပၢင်ႇ​ႁူၺ်ႈ​ မေႇၵိတ်ႉတေႃႇ ​ၼၼ်ႉ​ဢေႃႈ။-</verse>
				<verse number="12">မိူင်း​တင်း​မိူင်း တၵ်း​ႁႆႈ​ႁွင်ႉ ပွင်ႉ​ၶၢင်း​ၸွမ်း​လူၺ်ႈ မဵဝ်း​ၽႂ်​မဵဝ်း​မၼ်း ယေႈ​မဵဝ်း​ယေႈ​တီႈ​ဢေႃႈ။ ပီႈ​ၼွင်ႉ​ၸိူဝ်ႉ​ၶိူဝ်း​ၶုၼ်​ တႃႇဝိတ်ႈ တီႈ​ၼိုင်ႈ၊ မႄႈ​ယိင်း​ၶဝ် တီႈ​ၼိုင်ႈ၊ ပီႈ​ၼွင်ႉ​ၸိူဝ်ႉ​ၶိူဝ်း​ ၼႃႇသၼ်ႇ ​တီႈ​ၼိုင်ႈ၊ မႄႈ​ယိင်း​ၶဝ်​တီႈ​ၼိုင်ႈ၊-</verse>
				<verse number="13">ပီႈ​ၼွင်ႉ​ၸိူဝ်ႉ​ၶိူဝ်း​ လေႇဝီႉ ​တီႈ​ၼိုင်ႈ၊ မႄႈ​ယိင်း​ၶဝ် တီႈ​ၼိုင်ႈ၊ ပီႈ​ၼွင်ႉ​ၸိူဝ်ႉ​ၶိူဝ်း​ သီႉမီႉ ​တီႈ​ၼိုင်ႈ၊ မႄႈ​ယိင်း​ၶဝ် တီႈ​ၼိုင်ႈ၊-</verse>
				<verse number="14">ပီႈ​ၼွင်ႉ​ၸိူဝ်ႉ​ၶိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၵႃႈ​မီး​ၼၼ်ႉ ယေႈ​မဵဝ်း ယေႈ​တီႈ၊ မႄႈ​ယိင်း​ၶဝ် ယေႈ​မဵဝ်း ယေႈ​တီႈ တၵ်း​ဢွၼ်​ၵၼ်​ႁႆႈ​ႁွင်ႉ ပွင်ႉ​ၶၢင်း ႁင်း​ၽႂ်​ႁင်း​မၼ်း​ဢေႃႈ။</verse>
			</chapter>
			<chapter number="13">
				<verse number="1">ၼႂ်း​မိုဝ်ႉ​ဝၼ်း​ၼၼ်ႉ ၼမ်ႉ​မေႃႇ ဢွၵ်ႇ​ႁူး တၵ်း​မီး​တၢင်း​ဢၼ် ၽုၺ်ႇ​ပိုတ်ႇ​ဝႆႉ တီႈ​မဵဝ်း​ တႃႇဝိတ်ႈ ဢိၵ်ႇ​တင်း ၵူၼ်း​ဝဵင်း ယေႇရူႉသလႅမ်ႇ ​ၸိူဝ်း​ၼၼ်ႉ ပုၼ်ႈ​တူႉ​ၸရိူၵ်ႈ​ဢပႅတ်ႈ ဢိၵ်ႇ​တင်း တၢင်း​ဢၼ်​ၵူဝ်ႈ​ၵိူၵ်ႇ၊ ဝူၺ်ႇ​ႁင်ႈ​ၼၼ်ႉ​ဢေႃႈ။-</verse>
				<verse number="2">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၼႂ်း​မိုဝ်ႉ​ဝၼ်း​ၼၼ်ႉ ၵဝ်​တၵ်း​ပႄႇ​ၽဵဝ်ႈ ၼႃႇ​မႃႉ​ၸိုဝ်ႈ​သဵင်​ရုၵ်ႈ​ထူႉ တင်း​လၢႆ ပႅတ်ႈ​သေ​ၵႃႈ​ၼႂ်း​မိူင်း​ၸဝ်ႈ ႁႂ်ႈ​ထၼ်ႈ​ပေႃး ၽူႈ​လႂ်​ဢမ်ႇ​မၢတ်ႈ​ဢမ်ႇ​တွင်း ၼႂ်း​ၶိင်ႇ​မိူဝ်ႈ​ၵမ်း​လိုၼ်း ၼၼ်ႉ​ဢေႃႈ။ ၵဝ်​တၵ်း ႁေႃႈ​ၶဝ်​ၸိူဝ်း​ဢၼ် ႁဵတ်း​ပရေႃးၽႅတ်ႈ ဢိၵ်ႇ​တင်း ဝီႉၺိၺ်ႇ​ဢၼ်​ၵူဝ်ႈ​ၵိူၵ်ႇ​ၼၼ်ႉ ဢွၵ်ႇ​သေ​ၵႃႈ​ၼႂ်း​မိူင်း​ၸဝ်ႈ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ပေႃး​ၵူၼ်း သေ​ၵေႃႉ​သေ​ၵူၼ်း​ယင်း ႁဵတ်း​ပရေႃးၽႅတ်ႈ ယူႇ​ၸိုင်၊ ပေႃႈ​မႄႈ ဢၼ်​ၵိူတ်ႇ​လဵင်ႉ​မၼ်း​မႃး​ၼၼ်ႉ တၵ်း​လၢတ်ႈ​တီႈ​မၼ်း​လႄႈ​ဝႃႈ၊ မႂ်း​ၼႆႉ​တၵ်း​လႆႈ​ၶၢမ်ႇ​တၢႆ ၵွပ်ႈ​ပိူဝ်ႈ​ဢၼ် မႂ်း​ဢိင်​ၼႃႇ​မႃႉ​ၸိုဝ်ႈ​သဵင် ထႃႇဝရႃႉ​ၽြႃး​သေ​လႄႈ ႁေႃး​လၢတ်ႈ​ၵႂၢမ်း​မူႉ​သႃႇ ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ ပေႃႈ​မႄႈ​မၼ်း ဢၼ်​ၵိူတ်ႇ​လဵင်ႉ​မၼ်း​မႃး​ၼၼ်ႉ တၵ်း​ဢွၼ်​ၵၼ် တႅင်း​မၼ်း​ပွင်ႇ​ပဵဝ်​ၵႂႃႇ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ ႁဵတ်း​ပရေႃးၽႅတ်ႈ​ယူႇ ၼၼ်ႉ​ဢေႃႈ။-</verse>
				<verse number="4">ၼႂ်း​မိုဝ်ႉ​ဝၼ်း​ၼၼ်ႉ ပရေႃးၽႅတ်ႈ​တင်း​လၢႆ တၵ်း​ဢွၼ်​ၵၼ် ဢူၵ်း​ဢၢႆ ၵွပ်ႈ​ပိူဝ်ႈ ရူႇပႃႇရူင်ႇ​ဢၼ်​ၶဝ်​ႁၼ်​ၼၼ်ႉ ၼႂ်း​မိူဝ်ႈ​ဢၼ်​ၶဝ် ႁေႃး​လၢတ်ႈ​ယူႇ​ၼၼ်ႉ ႁင်း​ၽႂ်​ႁင်း​မၼ်း​လႄႈ၊ ၶဝ်​တၵ်း​ဢမ်ႇ​ၼုင်ႈ​ဢမ်ႇ​မႆ ၶူဝ်း​ၼုင်ႈ ဢၼ်​ၶူၼ်​ႁူဝ်​ယၢဝ်း​ၼႃႇ​ၼၼ်ႉ ႁႂ်ႈ​လႆႈ​ပႅတ်ႉ​လႅၼ်​ပိူၼ်ႈ။-</verse>
				<verse number="5">မၼ်း​တၵ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ ဢမ်ႇ​ၸႂ်ႈ ပရေႃးၽႅတ်ႈ​ၶႃႈ​ၵူၺ်ႉ။ ပဵၼ်​ၵေႃႉ​ဢၼ် ႁဵတ်း​ႁႆႊ​ႁဵတ်း​ၼႃး​ဢေႃႈ။ ၵဝ်​ၶႃႈ​ပဵၼ်​ၵေႃႉ​ဢၼ် လႆႈ​ၶၢမ်ႇ​ႁဵတ်း​ၶႃႈ​တီႈ​ပိူၼ်ႈ ၸႃႉ​ၸဵမ်​မိူဝ်ႈ​ဢၼ် ယင်း​လဵၵ်ႉ​ယင်း​ဢွၼ်ႇ​ၼၼ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ပိူၼ်ႈ​တၵ်း​ထၢမ် တီႈ​မၼ်း​လႄႈ​ဝႃႈ၊ ႁွႆး​တၢမ်ႇ ဢၼ်​ပေႃႇ​ဢွၵ်ႇ​မႃး ၵႃႈ​ၼႂ်း​မိုဝ်း​မႂ်း​ၸိူဝ်း​ၼၼ်ႉ​ၸမ်ႉ၊ ပဵၼ်​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​တၵ်း ၶိုၼ်း​လၢတ်ႈ​လႄႈ​ဝႃႈ၊ ႁွႆး​တၢမ်ႇ​ၼႆႉ​ၸမ်ႉ၊ ပဵၼ်​ႁွႆး​တၢမ်ႇ ဢၼ်​ၵဝ်​ၶႃႈ လႆႈ​ၶၢမ်ႇ ၵႃႈ​ၼႂ်း​ႁိူၼ်း​ၵေႃႉ​သေႈ​ၵဝ်​ၶႃႈ ၸိူဝ်း​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ လၢပ်ႇ​လႅဝ်း​ဢိူၺ်း၊ တိုၼ်ႇ​မႃး ယူႇ​ၽၢႆႇ​ၼိုင်ႈ တင်း​ၵေႃႉ​ဢၼ် လဵင်ႉ​သူဝ်း​ထိင်း​သူဝ်း​ၵဝ်၊ ၵေႃႉ​ဢၼ်​ပဵၼ်​ဢၼ်​ႁူမ်ႈ​ဢၼ်​ပွင်း လူၺ်ႈ​ၵၼ်​တင်း​ၵဝ်​ၼၼ်ႉ​တႃႉ။ ပေႃႉ​ယႅၼ်ႉ​ၵေႃႉ​ဢၼ် လဵင်ႉ​သူဝ်း​ထိင်း​သူဝ်း​ၼၼ်ႉ တၢႆ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် သူဝ်း​တင်း​လၢႆ​ၼၼ်ႉ တၵ်း​လႆႈ​ၽၢတ်ႇ​ၽႄ​ၵၼ် မၢၵ်ႇ​မိူဝ်​ၵႂႃႇ​ဢေႃႈ။ ၵႃႈ​ၼိူဝ်​သူဝ်း​ဢွၼ်ႇ တင်း​လၢႆ​ၵေႃႈ ၵဝ်​တၵ်း​ဢဝ်​မိုဝ်း​ၵဝ် တၢင်ႇ​သႂ်ႇ​လူး​ၵွၼ်ႇ​ဢေႃႈ။-</verse>
				<verse number="8">ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၵႃႈ​ၼႂ်း​မိူင်း​ၸဝ်ႈ တင်း​မိူင်း​ၼၼ်ႉ၊ သွင်​ပုၼ်ႈ တၵ်း​လႆႈ ၶၢမ်ႇ​တၢင်း​ဢၼ် ပႄႇ​တႅပ်း​ပႅတ်ႈ​သေ​လႄႈ ဢဝ်​တၢႆ​ပႅတ်ႈ​လႄႈ ပုၼ်ႈ​ၼိုင်ႈ​ၵူၺ်း တၵ်း​လႆႈ ၵိုတ်း​ၵျၢၼ်ႇ​ဝႆႉ​ဢေႃႈ။-</verse>
				<verse number="9">ၵဝ်​တၵ်း​ႁႂ်ႈ​ပုၼ်ႈ တႃႉတီႉယႃႉ​ၼၼ်ႉ ပႆ​လတ်း​ၵႂႃႇ ၵႃႈ​ၼႂ်း​ၵၢင်​ၽႆး​ဢေႃႈ။ ၵဝ်​တၵ်း​ၶႃႇ​ၶဝ် မိူၼ်​ၸိူဝ်ႉ​ၼင်ႇ​ဢၼ် ၶႃႇ​ငိုၼ်း​ၼၼ်ႉ​လႄႈ ၸၢမ်း​တူၺ်း​ၶဝ် မိူၼ်​ၸိူဝ်ႉ​ၼင်ႇ​ဢၼ်​ၸၢမ်း​တူၺ်း​ၶမ်း ၼၼ်ႉ​ဢေႃႈ။ ၶဝ်​ၼၼ်ႉ တၵ်း​ႁဵတ်း​ပထၼႃႇ တီႈ​ၼႃႇ​မႃႉ​ၸိုဝ်ႈ​သဵင်​ၵဝ်​လႄႈ ၵဝ်​တၵ်း​ထွမ်ႇ​ဢဝ်​ၵႂၢမ်း​ၶဝ်​ဢေႃႈ။ ၵဝ်​တၵ်း​ႁွင်ႉ​ႁဵၵ်ႈ​ၶဝ် မဵဝ်း​ၵူၼ်း​ၵဝ်​လႄႈ ၶဝ်​ၵေႃႈ တၵ်း​ဢွၼ်​ၵၼ်​ႁပ်ႉ​တုင်း​ဢဝ်​လႄႈ​ဝႃႈ၊ ထႃႇဝရႃႉ​ၽြႃး​ၼၼ်ႉ ပဵၼ်​ၽြႃး​ပဵၼ်​ၸဝ်ႈ​ႁဝ်း ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="14">
				<verse number="1">တူၺ်း​လူး။ မိုဝ်ႉ​ဝၼ်း ထႃႇဝရႃႉ​ၽြႃး ဢၼ်​ဢုၵ်ႉ​ၸႃႇ​မႂ်း တၵ်း​လႆႈ​ၶၢမ်ႇ တၢင်း​ဢၼ်​ႁိမ်​ႁူင်ႇ​ဢဝ် သေ​လႄႈ ၽႄ​မႅင်ႇ​ၵၼ် ၵႃႈ​ၼႂ်း​ၵၢင်​မႂ်း​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="2">လွင်ႈ​မၼ်း​ၸမ်ႉ ၵဝ်​တၵ်း​ႁႂ်ႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸူႉ​ၵၼ်​တုမ်​ၵၼ် ယူႇ​ၽၢႆႇ​ၼိုင်ႈ​တင်း ဝဵင်း​ ယေႇရူႉသလႅမ်ႇ ႁႂ်ႈ​လႆႈ တိုၵ်း​တေႃး​ဝဵင်း​ၼၼ်ႉ​ဢေႃႈ။ တိုၵ်း​ဢဝ်​ဝဵင်း​သေ​ယဝ်ႉ၊ တၵ်း​ဢွၼ်​ၵၼ် ႁိမ်​ႁူင်ႇ​ႁိူၼ်း တင်း​လၢႆ​လႄႈ ႁဵတ်း​ဢႃႉထမ်ႇမႃႉ တီႈ​မႄႈ​ယိင်း​တင်း​လၢႆ​ဢေႃႈ။ ၵူၼ်း​ဝဵင်း​ၶိုင်ႈ​ၼိုင်ႈ တၵ်း​လႆႈ​ၶၢမ်ႇ တၢင်း​ဢၼ်​သိမ်း​ဢဝ်​ၵႂႃႇ​လႄႈ ၶိုင်ႈ​ၼိုင်ႈ ဢၼ်​ၵိုတ်း​ဢၼ်​ၵျၢၼ်ႇ​ဝႆႉ​ၼၼ်ႉ တၵ်း​ဢမ်ႇ​လႆႈ​ၶၢမ်ႇ တၢင်း​ဢၼ်​ပႄႇ​ၽဵဝ်ႈ​ပႅတ်ႈ သေ​ၵႃႈ​ၼႂ်း​ဝဵင်း​ၼၼ်ႉ။-</verse>
				<verse number="3">မိူဝ်ႈ​ၼၼ်ႉ ထႃႇဝရႃႉ​ၽြႃး​တၵ်း​ဢွၵ်ႇ​လႄႈ တိုၵ်း​တေႃး​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် မၼ်း​ၸဝ်ႈ​တိုၵ်း ၼႂ်း​မိုဝ်ႉ​ဝၼ်း ဢၼ်​တိုၵ်း​သိုၵ်း​ၼၼ်ႉ​ဢေႃႈ။-</verse>
				<verse number="4">ၼႂ်း​မိုဝ်ႉ​ဝၼ်း​ၼၼ်ႉ တိၼ်​မၼ်း​ၸဝ်ႈ တၵ်း​ၸုၵ်း​ယူႇ ၵႃႈ​ၼိူဝ်​လွႆ​ သၢၼ်ႇလုၼ်ႇ ဢၼ်​မီး ၵႃႈ​တီႈ​ၽၢႆႇ​ၼႃႈ ဝဵင်း​ ယေႇရူႉသလႅမ်ႇ ၽၢႆႇ​ဝၼ်း​ဢွၵ်ႇ ၼၼ်ႉ​လႄႈ လွႆ​ သၢၼ်ႇလုၼ်ႇ ​ၼၼ်ႉ တၵ်း​တႅၵ်ႇ​ဢႃႈ ၵႃႈ​တီႈ​ၶိုင်ႈ​ၵၢင်​မၼ်း ဢဝ်​ၵႃႈ​တီႈ​ၸႃႉ​ၸဵမ် ၽၢႆႇ​ဝၼ်း​ဢွၵ်ႇ တေႃႇ​ထိုင်​ႁွတ်ႈ ၽၢႆႇ​ဝၼ်း​တူၵ်း​လႄႈ ပဵၼ်​ၶူင်ႈ​ႁူၺ်ႈ​လူင် ဢၼ်​ယႂ်ႇ​ၼႃႇ​ဝႆႉ​ဢေႃႈ။ လွႆ​ၶိုင်ႈ​ၼိုင်ႈ​ၼၼ်ႉ တၵ်း​လႆႈ​ၶၢႆႉ​တီႈ​ၵႂႃႇ ၽၢႆႇ​တၢင်း​ႁွင်ႇ၊ ၶိုင်ႈ​ၼိုင်ႈ​ၼၼ်ႉ တၵ်း​လႆႈ​ၶၢႆႉ​တီႈ​ၵႂႃႇ ၽၢႆႇ​တၢင်း​ၸၢၼ်း​ဢေႃႈ။-</verse>
				<verse number="5">သူ​တၵ်း​ဢွၼ်​ၵၼ် ဢွၵ်ႇ​ပၢႆႈ ၸွမ်း​သဵၼ်ႈ​တၢင်း​ၶူင်ႈ​ႁူၺ်ႈ​ၵႄႈ​လွႆ​ၵဝ်​ၼၼ်ႉ ၵႂႃႇ​လႄႈ ၶူင်ႈ​ႁူၺ်ႈ​ၼၼ်ႉ တၵ်း​ၶိုတ်း​ထိုင် ၵႃႈ​တီႈ​ဝဵင်း​ ဢႃႇၸလႃႉ ​ပုၼ်ႉ​ဢေႃႈ။ သူ​တၵ်း​ဢွၼ်​ၵၼ် ဢွၵ်ႇ​ပၢႆႈ မိူၼ်​ၸိူဝ်ႉ​ၼင်ႇ​ဢၼ် သူ​ဢွၵ်ႇ​ပၢႆႈ ဢိင်ႇ​သၼ်ႇ​လူင် ၼႂ်း​ၸူဝ်ႈ​ပၢၼ် ၶုၼ်​ ဢူဝ်းၸီႉယႃႉ ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​ဢေႃႈ။ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵဝ် တၵ်း​မႃး​လႄႈ ၵူၼ်း​ဢၼ်​မူတ်း​ၸၢင်ႇ​မၼ်း​ၸဝ်ႈ တင်း​သဵင်ႈ​တင်း​လူင် တၵ်း​ဢွၼ်​ၵၼ် ပႃး​မႃး​ဢေႃႈ။-</verse>
				<verse number="6">ၼႂ်း​မိုဝ်ႉ​ဝၼ်း​ၼၼ်ႉ တၵ်း​ဢမ်ႇ​မီး​ဢၼ်​လႅင်း။ လွင်ႈ​တၢင်း​ဢၼ် ႁိူဝ်ႈ​လႅင်း​တင်း​လၢႆ တၵ်း​သုတ်ႈ​ၵႂႃႇ ယွမ်း​ၵႂႃႇ​ဢေႃႈ။-</verse>
				<verse number="7">ဢမ်ႇ​ၸႂ်ႈ​ၵႃ​ဝၼ်း၊ ဢမ်ႇ​ၸႂ်ႈ​ၵႃ​ၶိုၼ်း၊ တၵ်း​ပဵၼ်​ဝၼ်း ဢၼ်​ထႃႇဝရႃႉ​ၽြႃး​ႁူႉ​ၼၼ်ႉ ဝၼ်း​ၼိုင်ႈ လႄႈ ႁွတ်ႈ​ထိုင်​ၶိင်ႇ​ႁူဝ်​ၶမ်ႈ သေ​ယဝ်ႉ ၸင်ႇ​တၵ်း​မီး ဢၼ်​လႅင်း​ဢေႃႈ။-</verse>
				<verse number="8">ၼႂ်း​မိုဝ်ႉ​ဝၼ်း​ၼၼ်ႉ ၼမ်ႉ​ဢသၢၵ်ႈ တၵ်း​လႆ​ဢွၵ်ႇ​သေ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ ပဵၼ်​ၶိင်ႇ​မႆႈ သေ​ဢမ်ႇ​ဝႃႈ၊ ပဵၼ်​ၶိင်ႇ​ၵတ်း​သေ​ဢမ်ႇ​ဝႃႈ၊ ၶိုင်ႈ​ၼိုင်ႈ တၵ်း​လႆ​ၵႂႃႇ​ၵႃႈ​တီႈ​ပၢင်ႇ​လၢႆႇ တၢင်း​ဝၼ်း​တူၵ်း​ယူႇ​ဢေႃႈ။-</verse>
				<verse number="9">ထႃႇဝရႃႉ​ၽြႃး တၵ်း​ပဵၼ်​ၶုၼ်​ႁေႃ​ၶမ်း လိၼ်​မိူင်း တင်း​သဵင်ႈ​တင်း​မူတ်း​ဢေႃႈ။ ၼႂ်း​မိုဝ်ႉ​ဝၼ်း​ၼၼ်ႉ တၵ်း​ပဵၼ်​ထႃႇဝရႃႉ​ၽြႃး ပႃး​လဵဝ်​ၵူၺ်း၊ ၼႃႇ​မႃႉ​ၸိုဝ်ႈ​သဵင်​ၸဝ်ႈ ပႃး​လဵဝ်​ၵူၺ်း​ဢေႃႈ။-</verse>
				<verse number="10">မိူင်း​ၸဝ်ႈ​တင်း​မိူင်း တၵ်း​လႆႈ​ပဵၼ် ဢၼ်​ၽဵၼ်ႈ​လီ ပဵင်း​လီ မိူၼ်​ၸိူဝ်ႉ​ၼင်ႇ​ပၢင်ႇ​ ဢႃႇရၽႃႉ ဢဝ်​ၵႃႈ​တီႈ ၸႃႉ​ၸဵမ်​ဝဵင်း​ ၵေႇပႃႉ တေႃႇ​ထိုင်​ႁွတ်ႈ​ဝဵင်း​ ရိမ်ႇမုၼ်ႇ ၽၢႆႇ​တၢင်း​ၸၢၼ်း ဝဵင်း​ ယေႇရူႉသလႅမ်ႇ ​ၼၼ်ႉ​ဢေႃႈ။ ဝဵင်း​ၵေႃႈ တၵ်း​လႆႈ​ၶၢမ်ႇ တၢင်း​ဢၼ်​ယုၵ်ႉ​ယွင်ႈ​လႄႈ သမ်ႉ​ၶိုၼ်း​တႄႇ​ပဵၼ် ၼႂ်း​တီႈ​ဝဵင်း​ၵဝ်ႇ​ၵဝ်ႇ​ၼၼ်ႉ ဢဝ်​ၵႃႈ​တီႈ ၸႃႉ​ၸဵမ်​ၽၵ်း​တူ ပိၼ်ႇယႃႇမိၼ်ႇ ​တေႃႇ​ထိုင်​ႁွတ်ႈ ၽၵ်း​တူ မိူဝ်ႈ​ဢွၼ်​တၢင်း​ၼၼ်ႉ၊ တင်း​ၽၵ်း​တူ ၸဵင်ႇ​ဝဵင်း​ၼၼ်ႉ ဢိၵ်ႇ​တင်း ဢဝ်​ၵႃႈ​တီႈ ၸႃႉ​ၸဵမ်​တိူၵ်ႈ​တီႈ​တိုၵ်း​သိုၵ်း ႁႃႇၼၼေႇလႃႉ တေႃႇ​ထိုင်​ႁွတ်ႈ ၶိူင်ႈ​ၼူတ်ႈ မၢၵ်ႇ​ၸပိတ်ႈ ၶုၼ်​ႁေႃ​ၶမ်း​ၼၼ်ႉ ၸိူဝ်း​ၼၼ်ႉ​ဢေႃႈ။-</verse>
				<verse number="11">ၵမ်း​လိုၼ်း ၵူၼ်း​တၵ်း တူၵ်း​တီႈ​တူၵ်း​လႅၼ် ယူႇ​ၵႃႈ​ၼႂ်း​မၼ်း​လႄႈ မၼ်း​ယင်း​ဢမ်ႇ​လႆႈ​ၶၢမ်ႇ​ၽေး တၢင်း​ဢၼ်​ၵိၼ်ႇ​ဢၼ်​ဝႃႈ​လႄႈ ဝဵင်း​ ယေႇရူႉသလႅမ်ႇ တၵ်း​လႆႈ​ယူႇ လူင်ႉ​လီ လွတ်ႈ​လီ​ဢေႃႈ။-</verse>
				<verse number="12">ၽေး​တၢမ်ႇ​ဢၼ်​ထႃႇဝရႃႉ​ၽြႃး ပၼ်​တီႈ​မဵဝ်း​ၵူၼ်း တင်း​သဵင်ႈ​တင်း​လူင် ဢၼ်​မႃး​တိုၵ်း​တေႃး ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ၸမ်ႉ၊ ၼိူဝ်ႉ​ၶဝ်​ၼင်​ၶဝ် တၵ်း​သုတ်ႈ​ယွမ်း လူႉ​လႅဝ်​ၵႂႃႇ ၼႂ်း​မိူဝ်ႈ​ဢၼ်​ၶဝ် ဢဝ်​တိၼ်​ၶဝ် ၸုၵ်း​ယူႇ​ၼၼ်ႉ​ဢေႃႈ။ မၢၵ်ႇ​တႃ​ၶဝ် တၵ်း​သုတ်ႈ​ယွမ်း လူႉ​လႅဝ်​ၵႂႃႇ ၵႃႈ​ၼႂ်း​လွၵ်း​တႃ​ၶဝ်​လႄႈ လိၼ်ႉ​ၶဝ်​ၵေႃႈ တၵ်း​သုတ်ႈ​ယွမ်း လူႉ​လႅဝ်​ၵႂႃႇ ၵႃႈ​ၼႂ်း​သူပ်း​ၶဝ်​ဢေႃႈ။-</verse>
				<verse number="13">ၼႂ်း​မိုဝ်ႉ​ဝၼ်း​ၼၼ်ႉ တၢင်း​ဢၼ်​ၶဝ် ႁဵတ်း​တၢင်း​ဢၼ်​ႁုၼ်ႉ​ႁၼ်ႉ ဢူၼ်​ဢဵၼ်​မေႃး​မႄး ၼၼ်ႉ တၵ်း​ဢွၵ်ႇ​ပဵၼ်​မႃး တီႈ​ထႃႇဝရႃႉ​ၽြႃး​လႄႈ ၶဝ်​ၵေႃႉ​ၼိုင်ႈ​လႄႈ ၵေႃႉ​ၼိုင်ႈ ၵူၼ်း​ႁိူၼ်း​ၸမ်​ၵၼ် ၼင်ႇ​ၵၼ်​ၵၼ် တၵ်း​ယိပ်း​ၵမ်​မိုဝ်း​ၵၼ် သေ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၵူၼ်း​ႁိူၼ်း​ၸမ်​ၵၼ် ၼင်ႇ​ၵၼ်​ၵၼ် တၵ်း​ယဵတ်ႇ​မိုဝ်း​ၸူး​ၵၼ် ဢေႃႈ။-</verse>
				<verse number="14">မဵဝ်း​ ယူႉတႃႉ ​ၵေႃႈ တၵ်း​တိုၵ်း​တေႃး ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​လႄႈ ဢုၵ်ႉ​ၸႃႇ​ၸေး​ၸိမ်ႇ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ယူႇ​ၵႃႈ​တီႈ ႁိမ်း​ႁွမ်း​လဵပ်ႈ​ႁွပ်ႈ ၸိူဝ်း​ၼၼ်ႉ ဢၼ်​ဝႃႈ ငိုၼ်း ၶမ်း ၶူဝ်း​ၼုင်ႈ​တၢင်း​မႆ တၵ်း​မီး​တၢင်း​ဢၼ်​ၸူႉ​ၵွင်​ဝႆႉ ၼမ်​ၼႃႇ​ဢေႃႈ။-</verse>
				<verse number="15">ၽေး​တၢမ်ႇ​ဢၼ် ပၼ်​တီႈ​မႃႉ၊ လေႃႈ​လႃး၊ ၵလႃးဢုၵ်ႉ၊ လီႈ၊ တရိၵ်ႈသၢၼ်ႇ ၵႃႈ​ဢၼ်​မီး​ၵႃႈ​ၼႂ်း​တပ်ႉ​ရၢၼ်ႇ​သူႇ ၸိူဝ်း​ၼၼ်ႉ ၼၼ်ႉ​ၵေႃႈ တၵ်း​မိူၼ်​ၸိူဝ်ႉ​ၼင်ႇ ၽေး​တၢမ်ႇ ဢၼ်​ဝႃႈ​မႃး​ယဝ်ႉ​ၼၼ်ႉ​ဢေႃႈ။-</verse>
				<verse number="16">ၶဝ်​ၵႃႈ​ဢၼ်​ၵိုတ်း ဢၼ်​ၵျၢၼ်ႇ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​မႃး​တိုၵ်း​တေႃး​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ တၵ်း​ဢွၼ်​ၵၼ်​ၶိုၼ်ႈ​ၸူး ၵႃႈ​တီႈ​ဝဵင်း​ၸဝ်ႈ ၵူႈ​ပီႊ​တႃႇ​သေႇ​ဢမ်ႇ​ထၢတ်ႇ ႁႂ်ႈ​လႆႈ​ၵူဝ်း​ၵႂၢႆႇ ၶုၼ်​ႁေႃ​ၶမ်း​ဢၼ်​ဝႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၼၼ်ႉ​လႄႈ ၶၢမ်ႇ​ပွႆး​ႁဵတ်း​သုမ်ႉ​ထဵင် ၼၼ်ႉ​ဢေႃႈ။-</verse>
				<verse number="17">ၵႃႈ​ၼိူဝ်​မဵဝ်း ၸိူဝ်ႉ​ၶိူဝ်း​ၵူၼ်း လိၼ်​မိူင်း​ၵႃႈ​မီး ဢၼ်​ဢမ်ႇ​ၶိုၼ်ႈ​ၸူး ၵႃႈ​တီႈ​ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ၵူဝ်း​ၵႂၢႆႇ ၶုၼ်​ႁေႃ​ၶမ်း ဢၼ်​ဝႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ၊ ၽူၼ်​ဢမ်ႇ​လႆႈ​တူၵ်း​သႂ်ႇ။-</verse>
				<verse number="18">ပေႃး​မဵဝ်း ၸိူဝ်ႉ​ၶိူဝ်း ၵူၼ်း​မိူင်း ဢေႇၵိပ်ႉတူႉ ​ၼၼ်ႉ ဢမ်ႇ​ၶိုၼ်ႈ​ၸူး ဢမ်ႇ​မႃး​ၸိုင် ၽူၼ်​ယင်း​ဢမ်ႇ​တူၵ်း​သႂ်ႇ​ၵႃႈ​ၼိူဝ်​ၶဝ်​လႄႈ ၶဝ်​တၵ်း​လႆႈ​ၶၢမ်ႇ ၽေး​တၢမ်ႇ ဢၼ်​ထႃႇဝရႃႉ​ၽြႃး ပၼ်​တီႈ​ၵူၼ်း ၵူႈ​ၸိူဝ်ႉ​ၵူႈ​မဵဝ်း ဢၼ်​ဢမ်ႇ​ၶိုၼ်ႈ​ၸူး ႁႂ်ႈ​လႆႈ​ၶၢမ်ႇ​ပွႆး ႁဵတ်း​သုမ်ႉ​ထဵင်​ၼၼ်ႉ​ဢေႃႈ။-</verse>
				<verse number="19">ဢၼ်​ၼႆႉ​ၸမ်ႉ၊ ပဵၼ်​တၢမ်ႇ​ဢပႅတ်ႈ ဢၼ်​ၵူၼ်း​မိူင်း​ ဢေႇၵိပ်ႉတူႉ ​လႆႈ​ၶၢမ်ႇ ဢိၵ်ႇ​တင်း​တၢမ်ႇ​ဢပႅတ်ႈ ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ဢမ်ႇ​ၶိုၼ်ႈ​ၸူး​ႁႂ်ႈ​လႆႈ​ၶၢမ်ႇ​ပွႆး ႁဵတ်း​သုမ်ႉ​ထဵင် ၸိူဝ်း​ၼၼ်ႉ လႆႈ​ၶၢမ်ႇ​ဢေႃႈ။-</verse>
				<verse number="20">ၼႂ်း​မိုဝ်ႉ​ဝၼ်း​ၼၼ်ႉ တၵ်း​လႆႈ​ဢဝ် တူဝ်​လိၵ်ႈ​ဢႅၵ်ႉၶရႃႇ တႅမ်ႈ​တၢင်ႇ​သႂ်ႇ​ဝႆႉ ၵႃႈ​ၼိူဝ်​ႁိင်ႇ ဢၼ်​ႁွႆႈ ၵႃႈ​တီႈ​မႃႉ​တင်း​လၢႆ​ၼၼ်ႉ လႄႈ​ဝႃႈ၊ တၢင်း​ဢၼ် မူတ်း​ၸၢင်ႇ​တီႈ ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မေႃႈ​ၵႃႈ​တီႈ ႁိူၼ်း​ထႃႇဝရႃႉ​ၽြႃး ၸိူဝ်း​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ ဝၢၼ်ႇ​ဢၼ်​မီး​ၵႃႈ​တီႈ ၽၢႆႇ​ၼႃႈ​ယိတ်ႈပလၢင်ႇ ၸိူဝ်း​ၼၼ်ႉ​ဢေႃႈ။-</verse>
				<verse number="21">လိူဝ်​သေ​ၼၼ်ႉ ဢမ်ႇ​ၵႃး၊ မေႃႈ​ၵႃႈ​ဢၼ်​မီး​ၵႃႈ​ၼႂ်း ဝဵင်း​ ယေႇရူႉသလႅမ်ႇ တင်း​မိူင်း​ ယူႉတႃႉ ​ၸိူဝ်း​ၼၼ်ႉ တၵ်း​မူတ်း​ၸၢင်ႇ တီႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ၼၼ်ႉ​ဢေႃႈ။ ၶဝ်​ၵႃႈ​ဢၼ် ပုၵ်ႈ​ၸေႃႇ​ယိတ်ႈ​ၸိူဝ်း​ၼၼ်ႉ တၵ်း​မႃး​လႄႈ ဢဝ်​မေႃႈ​ၸိူဝ်း​ၼၼ်ႉ သေ​လႄႈ ဢွၼ်​ၵၼ်​တူမ်ႈ​ႁုင်​ဢေႃႈ။ ဢဝ်​ၸႃႉ​ၸဵမ် မိုဝ်ႉ​ဝၼ်း​ၼၼ်ႉ​ၵႂႃႇ​လႄႈ ၵူၼ်း​ ၶႃႇၼၼီႉ ဢမ်ႇ​လႆႈ​မီး ၵႃႈ​ၼႂ်း​ႁိူၼ်း​ၸဝ်ႈ ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ။ ၵျၢမ်း​ဢၼႃႇၵၢတ်ႈ​တီႉ​ၸႃႇၶရီႉ ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="39">
			<chapter number="1">
				<verse number="1">ၼုၵ်ႈၵပၢတ်ႈ၊ ပျႃႇ​တိၵ်ႈ ဢၼ်​ထႃႇဝရႃႉ​ၽြႃး ဢဝ်​ မႃႇလၶီႉ ​သေ​လႄႈ ပၼ်​တီႈ​မဵဝ်း​ ဢီႉသရေႇလႃႉ ​ၸမ်ႉ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ၊</verse>
				<verse number="2">ၵဝ်​ႁၵ်ႉ​သူ​ယဝ်ႉ။ ၵူၺ်း​ၵႃႈ သူ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ႁၵ်ႉ​ၶႃႈ​ၸဝ်ႈ​ႁဝ်း​ၶဝ် ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ ဢေးသေႃး ​ၼၼ်ႉ ပဵၼ်​ပီႈ​ၸၢႆး ယႃႇၵုပ်ႈ ဢမ်ႇ​ၸႂ်ႈ​ႁိုဝ်။ ၼႂ်း​ဝႃႈ​ၼၼ်​သေ​ၵေႃႈ ၵဝ်​ႁၵ်ႉ​ ယႃႇၵုပ်ႈ ​ဢေႃႈ။-</verse>
				<verse number="3">ၵဝ်​ၸင်း ဢေးသေႃး ​လႄႈ ႁႂ်ႈ​လွႆ တီႈ​ယူႇ​မၼ်း​ၸိူဝ်း​ၼၼ်ႉ ပဵၼ်​တီႈ​ဢၼ်​လူႉ​လႅဝ်​ပႅတ်ႈ​ယဝ်ႉ။ ၵဝ်​ဢဝ်​လိၼ် တီႈ​ဢၼ်​မၼ်း​ၶၢမ်ႇ​ဢမူၺ်ႇ​ၼၼ်ႉ ဢၢပ်ႈ​ပၼ်​တီႈ​မႃ​လိၼ် ၵႃႈ​ၼႂ်း​ထိူၼ်ႇ​တင်း​လၢႆ​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="4">ပိၵ်ႉ​သမ်ႉ​ၵူၼ်း​မဵဝ်း​ ဢေႇတုမ်ႇ ​တင်း​လၢႆ​လၢတ်ႈ​လႄႈ​ဝႃႈ၊ ႁဝ်း​လႆႈ​လူႉ​လႅဝ်​ယဝ်ႉ။ ၵူၺ်း​ၵႃႈ ႁဝ်း​သမ်ႉ​တၵ်း​ၶိုၼ်း​တႄႇ​ႁဵတ်း တီႈ​ဢၼ်​လူႉ​လႅဝ်​ၸိူဝ်း​ၼၼ်ႉ ထႅင်ႈ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ပိၵ်ႉ​သမ်ႉ​ၶဝ်​တႄႇ​ႁဵတ်း​သေ​ၵေႃႈ ၵဝ်​တၵ်း​ၵိူၼ်ႇ​ယႃႉ​ပႅတ်ႈ​ဢေႃႈ။ ၵူၼ်း​တၵ်း ဢွၼ်​ၵၼ်​ႁွင်ႉ​ႁဵၵ်ႈ​ၶဝ်​ၼၼ်ႉ​လႄႈ​ဝႃႈ၊ ၶွပ်ႇ​ၼမ်ႉ​လႅၼ်​လိၼ်​မိူင်း​တူႉ​ၸရိူၵ်ႈ ဢိၵ်ႇ​တင်း​မဵဝ်း​ၵူၼ်း​ဢၼ် ထႃႇဝရႃႉ​ၽြႃး​ၸႂ်​မႆႈ​ၶႆႈ​ၸႃႉ​တေႃႇ ယူႇ​သေႇ​သေႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မၢၵ်ႇ​တႃ​သူ တၵ်း​ႁၼ်​လွင်ႈ​တၢင်း​ၼၼ်ႉ​လႄႈ သူ​တၵ်း​လၢတ်ႈ​လႄႈ​ဝႃႈ၊ ႁႂ်ႈ​ထႃႇဝရႃႉ​ၽြႃး မုၼ်​ၽုင်း​တၼ်း​ၶူဝ်း​ယႂ်ႇ​ၼႃႇ ၵႃႈ​ၼွၵ်ႈ​ၶွပ်ႇ​ၼမ်ႉ​လိၼ်​လႅၼ်​မိူင်း​ ဢီႉသရေႇလႃႉ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">လုၵ်ႈ​ၸၢႆး​ၸၢင်ႈ​ရူဝ်ႇ​သေႇ​ၵူဝ်​ယမ် ပေႃႈ​မၼ်း​ဢေႃႈ။ ၶႃႈ​ၸၢင်ႈ​ၵူဝ်​ႁႄ ၸဝ်ႈ​မၼ်း​ဢေႃႈ။ ပေႃး​ၵဝ်​ၼႆႉ ၸႂ်ႈ​ပေႃႈ​ၸိုင်၊ ၽူႈ​လႂ်​ရူဝ်ႇ​သေႇ​ၵူဝ်​ယမ်​ၵဝ်။ ပေႃး​ၵဝ်​ၼႆႉ ၸႂ်ႈ​ၸဝ်ႈ​ၸိုင် ၽူႈ​လႂ်​ၵူဝ်​ႁႄ​ၵဝ်၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး ထၢမ်​တီႈ​သူ​ဢၼ်​ပဵၼ် ယိတ်ႈပရေႃးႁဵၵ်ႈ ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၼၼ်ႉ ၸိူဝ်း​ၼႆႉ​ဢေႃႈ။ ၵူၺ်း​ၵႃႈ သူ​ထၢမ်​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ် ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း ၸိူဝ်ႉ​ၼင်ႇ​ႁိုဝ်​ယဝ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">သူ​ဢွၼ်​ၵၼ်​ဢဝ်​တၢင်း​ၵိၼ် ဢၼ်​ၵူဝ်ႈ​ၵိူၵ်ႇ​ၼၼ်ႉ ပုၵ်ႈ​ၸေႃႇ​ၵႃႈ​ၼိူဝ်​ယိတ်ႈပလၢင်ႇ​ၵဝ်​ယဝ်ႉ လူင်​ပႄႇ။ သူ​ထၢမ်​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ် ၶျႃး​ၸဝ်ႈ​ႁဝ်း​တူၵ်း​တီႈ​တႅမ်ႇ ၸိူဝ်ႉ​ၼင်ႇ​ႁိုဝ်​ယဝ်ႉ တီႈ​ၶႃႈ၊ ဝႃႈ​ၼင်ႇ​ၼႆ​လႄႈ ၸၢင်ႈ​ပဵၼ် ၵွပ်ႈ​ပိူဝ်ႈ​ဢၼ်​သူ​ဝႃႈ၊ ၶူင်ႇ​တီႈ​ၵိၼ်​ထႃႇဝရႃႉ​ၽြႃး​ၼၼ်ႉ ယုတ်ႈ​ယွၵ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ။-</verse>
				<verse number="8">ပေႃး​သူ​ဢဝ် တူဝ်​ဢၼ်​တႃ​မွတ်ႇ​ၼၼ်ႉ ပုၵ်ႈ​ၸေႃႇ​ယိတ်ႈ​ၸိုင်၊ မီး​ဢပႅတ်ႈ​ဢမ်ႇ​ၸႂ်ႈ​ႁိုဝ်။ ပေႃး​သူ​ဢဝ် တူဝ်​ဢၼ်​တိၼ်​ၵႅင်ႉ ဢိၵ်ႇ​တင်း တူဝ်​ဢၼ်​မီး​တၢင်း​ၶႆႈ​တၢင်း​ပဵၼ်​ၼၼ်ႉ ပုၵ်ႈ​ၸေႃႇ​ယိတ်ႈ​ၸိုင်၊ မီး​ဢပႅတ်ႈ​ဢမ်ႇ​ၸႂ်ႈ​ႁိုဝ်။ ဢဝ်​သၢၵ်ႈ​ပၼ်​တီႈ ၶုၼ်​မဵဝ်ႉ​ဝုၼ်ႇ​မႂ်း​သေ​ၵမ်း။ မၼ်း​တၵ်း​ထုၵ်ႇ​ၸႂ်​ၵျိူၵ်ႈ​ၸႂ် တီႈ​မႂ်း​ႁိုဝ်။ တၵ်း​ထွၵ်ႈ​လူၺ်ႈ​ၼႃႈ​မႂ်း​ႁိုဝ်။ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="9">မိူဝ်ႈ​လဵဝ်​ၼႆႉ သူ​ဢွၼ်​ၵၼ်​သူး​တွင်း ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ႁႂ်ႈ​မၼ်း​ၸဝ်ႈ​မီး​တၢင်း​ဢၼ် ဢဵတ်း​လူ​ႁဝ်း​သေ​ၵမ်း။ လွင်ႈ​တၢင်း​ၼႆႉ ပဵၼ်​မႃး​ၵွပ်ႈ​ပိူဝ်ႈ​သူ​ဢေႃႈ။ မၼ်း​ၸဝ်ႈ​တၵ်း​ထွၵ်ႈ​လူၺ်ႈ​ၼႃႈ​သူ သေ​ၵေႃႉ​သေ​ၵူၼ်း​ႁိုဝ်။ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="10">ၼႂ်း​သူ​ၼႆႉ ၽူႈ​လႂ်​တၵ်း​ဢိုတ်း​ၽၵ်း​တူ​ၵဝ်​ၸိူဝ်း​ၼၼ်ႉ ႁႂ်ႈ​သူ​ဢမ်ႇ​လႆႈ​သႂ်ႇ​ၽႆး ၵႃႈ​ၼိူဝ်​ယိတ်ႈပလၢင်ႇ​ၵဝ် လၢႆ​လၢႆ​လွၵ်ႇ​လွၵ်ႇ။ ၵဝ်​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​တီႈ​သူ။ ၵဝ်​ဢမ်ႇ​ႁပ်ႉ​တုင်း​ဢဝ် ၶိူင်ႈ​ပုၵ်ႈ​ၸေႃႇ​ၵႃႈ​တီႈ​မိုဝ်း​သူ​ၼၼ်ႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="11">ၼႃႇ​မႃႉ​ၸိုဝ်ႈ​သဵင်​ၵဝ် တၵ်း​လႆႈ​ယႂ်ႇ​မျၢတ်ႈ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢဝ်​ၵႃႈ​တီႈ​ၸႃႉ​ၸဵမ် တီႈ​ဢၼ်​ၵၢင်​ဝၼ်း​ဢွၵ်ႇ​တေႃႇ​ထိုင်​ႁွတ်ႈ တီႈ​ဢၼ်​ၵၢင်​ဝၼ်း​တူၵ်း​ၼၼ်ႉ​ဢေႃႈ။ တၵ်း​လႆႈ​မီး​တၢင်း​ဢၼ် ဢဝ်​ၼၢမ်ႇ​သႃႇ​တုတ်ႇ​ၽႆး တီႈ​ၼႃႇ​မႃႉ​ၸိုဝ်ႈ​သဵင်​ၵဝ် ဢိၵ်ႇ​တင်း တၢင်း​ဢၼ်​သၢၵ်ႈ​ၵၢပ်ႈ​ၶိူင်ႈ​ပုၵ်ႈ​ၸေႃႇ ဢၼ်​မူတ်း​သႂ်​ၼၼ်ႉ ၵူႈ​တီႈ​ၵူႈ​လႅၼ်​ဢေႃႈ။ ၼႃႇ​မႃႉ​ၸိုဝ်ႈ​သဵင်​ၵဝ် တၵ်း​လႆႈ​ယႂ်ႇ​မျၢတ်ႈ​ၼႃႇ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="12">ၵူၺ်း​ၵႃႈ ၵွပ်ႈ​ပိူဝ်ႈ​ဢၼ်​သူ​လၢတ်ႈ​လႄႈ​ဝႃႈ၊ ၶူင်ႇ​တီႈ​ၵိၼ်​ထႃႇဝရႃႉ​ၽြႃး ၼၼ်ႉ ပဵၼ်​ဢၼ်​ၵူဝ်ႈ​၊ဢၼ်​ၵိူၵ်ႇ​လႄႈ မၢၵ်ႇ​မၼ်း​ႁူင်း​မၼ်း ဢၼ်​ဝႃႈ​တၢင်း​ၵိၼ်​မၼ်း​ၸဝ်ႈ​ၼၼ်ႉ ယုတ်ႈ​ယွၵ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ သူ​ၶျႃး​ၶူင်ႇ​တီႈ​ၵိၼ်​မၼ်း​ၸဝ်ႈ တူၵ်း​တီႈ​တႅမ်ႇ​ယဝ်ႉ။-</verse>
				<verse number="13">လႆႈ​သမ်ႉ သူ​လၢတ်ႈ​လႄႈ​ဝႃႈ၊ လွင်ႈ​တၢင်း​ၼႆႉ ပဵၼ်​ဢၼ်​ယၢပ်ႇ​ၸႂ်​ၽိုတ်ႇ​ၸႂ် ၼႃႇ​လူင်​လၢင်​လူင်​ပႄႇ၊ ဝႃႈ​ၼင်ႇ​ၼႆ​သေ​လႄႈ ၸၢင်ႈ​ဢွၼ်​ၵၼ်​ႁဵတ်း သဵင်​ဢၼ်​ပၢဝ်ႇ​သူပ်း ႁဵတ်း​ပျၢၵ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။ သူ​ဢွၼ်​ၵၼ်​ဢဝ် တူဝ်​ဢၼ်​ႁိမ်​ဢဝ်​ႁူင်ႇ​ဢဝ်၊ တူဝ်​ဢၼ်​တိၼ်​ၵႅင်ႉ၊ တူဝ်​ဢၼ်​မီး​တၢင်း​ၶႆႈ​တၢင်း​ပဵၼ်​ၼၼ်ႉ မႃး​ယဝ်ႉ။ သူ​ဢွၼ်​ၵၼ်​ဢဝ် ၶိူင်ႈ​ပုၵ်ႈ​ၸေႃႇ​ဢၼ်​ၸိူဝ်ႉ​ၼင်ႇ​ၼၼ်​ၼၼ်ႉ မႃး​ယဝ်ႉ​လူင်​ပႄႇ။ ၵဝ်​တၵ်း​လႆႈ​ၶၢမ်ႇ​ဢဝ် ၵႃႈ​တီႈ​မိုဝ်း​သူ​ႁိုဝ်။ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​ထၢမ်​ဢေႃႈ။-</verse>
				<verse number="14">ႁႂ်ႈ​ၵေႃႉ​ဢၼ် ပႅတ်ႉ​လႅၼ်​လႄႈ မီး​သူဝ်း​ပေႃႈ ၵႃႈ​ၼႂ်း​ၽုင်​သူဝ်း​မၼ်း​ယူႇ​သေ​ၵေႃႈ ဝႆႉ​ၵတီႉ​သဵတ်ႈ​ၸႃႇ​သေ​လႄႈ ဢဝ်​တူဝ်​ဢၼ်​ဢၢင်ႇ​ၵႃႇ​လူႉ​ၼၼ်ႉ ပုၵ်ႈ​ၸေႃႇ​ယိတ်ႈ​တီႈ​ထႃႇဝရႃႉ​ၽြႃး​ၼၼ်ႉ မီး​ဢႃႉ​မင်ႇၵလႃႇ သေ​ၵမ်း​လူၺ်ႈ။ ၵဝ်​ၼႆႉ​ပဵၼ်​ၶုၼ်​ႁေႃ​ၶမ်း ဢၼ်​ယႂ်ႇ​မျၢတ်ႈ​ၼႃႇ​ဢေႃႈ။ ၼႃႇ​မႃႉ​ၸိုဝ်ႈ​သဵင်​ၵဝ်​ၼႆႉ ပဵၼ်​တီႈ​ဢၼ်​လီ​ၵူဝ်​လီ​ႁႄ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢေႃႈ။</verse>
			</chapter>
			<chapter number="2">
				<verse number="1">ယိတ်ႈပရေႃးႁဵၵ်ႈ​ၶဝ်​ဢိူၺ်း၊ ၵႂၢမ်း​ပိင်း​ၺၢပ်ႈ​ၼႆႉ ၸၢပ်ႈ​သႅင်ႇ​ၵၼ်​တင်း​သူ​ဢေႃႈ။-</verse>
				<verse number="2">ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ၸမ်ႉ၊ ပေႃး​သူ​ယင်း​ဢမ်ႇ​ထွမ်ႇ​ဢမ်ႇ​ဢဝ်၊ ယင်း​ဢမ်ႇ​ဢဝ်​သႂၢင်း​သႂ်ႇ​ဝႆႉ ၵႃႈ​ၼႂ်း​ၸႂ် ႁႂ်ႈ​လႆႈ​ယွင်ႈ​ယေႃးၼႃႇ​မႃႉ​ၸိုဝ်ႈ​သဵင်​ၵဝ်​လႄႈ ယူႇ​ၸိုင်၊ ၵဝ်​တၵ်း​ပွႆႇ​ၽေး တၢင်း​ဢၼ်​ၵိၼ်ႇ​ဝႃႈ​ၸူး ၵႃႈ​ၼိူဝ်​သူ​လႄႈ ႁႂ်ႈ​မင်ႇၵလႃႇ​သူ​ၸိူဝ်း​ၼၼ်ႉ ပဵၼ်​ဢႃႉ​မင်ႇၵလႃႇ ၵႂႃႇ​ဢေႃႈ။ လိူဝ်​သေ​ၼၼ်ႉ​ဢမ်ႇ​ၵႃး၊ ၵွပ်ႈ​ပိူဝ်ႈ​ဢၼ်​သူ ယင်း​ဢမ်ႇ​ဢဝ်​သႂၢင်း​သႂ်ႇ​ဝႆႉ​ၵႃႈ​ၼႂ်း​ၸႂ်​လႄႈ ယူႇ​ၼၼ်ႉ​လႄႈ ၵဝ်​ႁႂ်ႈ​ပဵၼ်​ဢႃႉ​မင်ႇၵလႃႇ​ၵႂႃႇ ၸႃႉ​ၸဵမ်​မိူဝ်ႈ​လဵဝ်​ၼႆႉ​ယဝ်ႉ။-</verse>
				<verse number="3">တူၺ်း​လူး။ ၵဝ်​တၵ်း​ယႃႉ​ၽဵဝ်ႈ ၸိူဝ်ႉ​ၽၼ်း​သူ​ပႅတ်ႈ​လႄႈ ဢဝ်​ၶီႈ​၊ဢဝ်​ဢႃႇ ဢၼ်​ဝႃႈ​ၶီႈ​ဢႃႇ​တရိၵ်ႈသၢၼ်ႇ ပွႆး​ထမ်ႇမႃႉ​သူ​ၸိူဝ်း​ၼၼ်ႉ ပိုၼ်​သႂ်ႇ​ၼႃႈ၊ သႂ်ႇ​တႃ​သူ​ဢေႃႈ။ သူ​တၵ်း​လႆႈ​ၶၢမ်ႇ​တၢင်း​ဢၼ် ဢဝ်​ၵႂႃႇ​လူၺ်ႈ​ၵၼ်​တင်း​ၶီႈ​၊တင်း​ဢႃႇ​ၼၼ်ႉ​ဢေႃႈ။-</verse>
				<verse number="4">သူ​တၵ်း​လႆႈ​ႁူႉ​လွင်ႈ​ဢၼ် ၵဝ်​ဢဝ်​ၵႂၢမ်း​ပိင်း​ၺၢပ်ႈ​ၼႆႉ ပၼ်​မႃး​တီႈ​သူ ႁႂ်ႈ​ပတီႉၺိၺ်ႇ​ၵဝ် လႆႈ​တႄႇ​ယူႇ​တီႈ မဵဝ်း​ လေႇဝီႉ ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="5">ပတီႉၺိၺ်ႇ ဢၼ်​ၵဝ်​ႁဵတ်း​ဝႆႉ​တီႈ​မဵဝ်း​ၼၼ်ႉ ပဵၼ်​ဢသၢၵ်ႈ ဢိၵ်ႇ​တင်း တၢင်း​ဢၼ်​ၼိမ်​ဢၼ်​လီ​ဢေႃႈ။ ၵဝ်​ႁဵတ်း​ဝႆႉ တီႈ​မဵဝ်း​ၼၼ်ႉ ႁႂ်ႈ​မၼ်း​လႆႈ မီး​တၢင်း​ဢၼ်​ၵူဝ်​ဢၼ်​ႁႄ​လႄႈ မၼ်း​ၼၼ်ႉ​ၵူဝ်​ႁႄ​ၵဝ်​ယူႇ​သေ​လႄႈ တူၵ်း​ၸႂ် ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ​ဢေႃႈ။-</verse>
				<verse number="6">သဵတ်ႈ​ၸႃႇ​တြႃး တႄႇ​ယူႇ​ၵႃႈ​ၼႂ်း​သူပ်း​မၼ်း​လႄႈ ဢမ်ႇ​ထူပ်း​ဢမ်ႇ​ႁၼ်​ဢပႅတ်ႈ ၵႃႈ​ၼႂ်း​သီႇ​သူပ်း​မၼ်း​ၼၼ်ႉ။ မၼ်း​ၵႂႃႇ​မႃး​လူၺ်ႈ​ၵၼ်​တင်း​ၵဝ် ၸွမ်း​ၵႃႈ​ၼင်ႇ​တြႃး တၢင်း​ဢၼ်​ၼိမ်​ဢၼ်​လီ တြႃး​တၢင်း​ဢၼ်​သိုဝ်ႈ​တေႃႇ မီး​ၼၼ်ႉ​လႄႈ ၸၢင်ႈ​ႁႂ်ႈ​ၵူၼ်း​ၼမ်​ၼႃႇ ဝႄႈ​ပိူင်ႈ​သေ ဢပႅတ်ႈ​တူႉ​ၸရိူၵ်ႈ​ဢေႃႈ။-</verse>
				<verse number="7">သီႇ​သူပ်း​ယိတ်ႈပရေႃးႁဵၵ်ႈ​ၼၼ်ႉ တၵ်း​လႆႈ​ပႂ်ႉ​ပိင်ႇ​ၺႃႇ​လႄႈ ၵူၼ်း​တင်း​လၢႆ တၵ်း​လႆႈ​ဢွၼ်​ၵၼ်​ႁႃ​ဢဝ်​တြႃး​ၸဝ်ႈ​တီႈ​သူပ်း​မၼ်း ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ၼၼ်ႉ ပဵၼ်​တမၢၼ်ႇ ဢၼ်​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး ပွႆႇ​ၸႂ်ႉ​ဢေႃႈ။-</verse>
				<verse number="8">သူ​ၸမ်ႉ၊ ဢွၼ်​ၵၼ်​ၽိတ်း​တၢင်း​ပိူင်ႈ​တၢင်း​ယဝ်ႉ။ သူ​ဢွၼ်​ၵၼ်​ႁဵတ်း​ႁႂ်ႈ ၵူၼ်း​ၼမ်​ၼႃႇ တိူဝ်ႉ​မႅၼ်ႈ​တြႃး​ၸဝ်ႈ သေ​လႄႈ​လူမ်ႉ​ယဝ်ႉ။ သူ​ဢွၼ်​ၵၼ်​ယႃႉ​ပတီႉၺိၺ်ႇ ဢၼ်​ႁဵတ်း​ဝႆႉ လူၺ်ႈ​ၵၼ်​တင်း​မဵဝ်း​ လေႇဝီႉ ​ၼၼ်ႉ ပႅတ်ႈ​ယဝ်ႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="9">ပိူဝ်ႈ​ၼႆ​ၸင်ႇ၊ ၵွပ်ႈ​ပိူဝ်ႈ​ဢၼ်​သူ ဢမ်ႇ​ၸွမ်း​သဵၼ်ႈ​တၢင်း​ၵဝ်​တင်း​လၢႆ​လႄႈ ထွၵ်ႈ​လူၺ်ႈ​ၼႃႈ​ၵူၼ်း ၼႂ်း​ဢမူႉ​တြႃး​ၼၼ်ႉ​လႄႈ၊ ၵဝ်​ၸီႇ​ယၢင်ႇ ႁႂ်ႈ​သူ​ပဵၼ်​တီႈ​ဢၼ်​ပိူၼ်ႈ​ႁဵတ်း ဢမ်ႇ​ပေႃး​ၼင်ႇ​ႁိုဝ် ဢိၵ်ႇ​တင်း တီႈ​ဢၼ်​ပိူၼ်ႈ​ၶျႃး​တူၵ်း​တီႈ​တႅမ်ႇ​ယဝ်ႉ။</verse>
				<verse number="10">ႁဝ်း​တင်း​သဵင်ႈ​တင်း​လူင်​ၼႆႉ မီး​ပေႃႈ​သူႇ​လဵဝ်​ပႃး​လဵဝ်​ၵူၺ်း ဢမ်ႇ​ၸႂ်ႈ​ႁိုဝ်။ ၽြႃး​ပဵၼ်​ၸဝ်ႈ သူႇ​လဵဝ်​ပႃး​လဵဝ်​ၵူၺ်း​ၼၼ်ႉ ၽၢၼ်ႇ​သၢင်း​ႁဵတ်း​ပဵၼ်​ႁဝ်း ဢမ်ႇ​ၸႂ်ႈ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁဝ်း​ဢွၼ်​ၵၼ် ၶျႃး​ပတီႉၺိၺ်ႇ ဢၼ်​မၼ်း​ၸဝ်ႈ​ႁဵတ်း​ဝႆႉ လူၺ်ႈ​ၵၼ်​တင်း​ပူႇ​ႁဝ်း​မွၼ်ႇ​ႁဝ်း​ၸိူဝ်း​ၼၼ်ႉ တူၵ်း​တီႈ​တႅမ်ႇ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ယႃႉ သဵတ်ႈ​ၸႃႇ​ၵၼ်​ၼင်ႇ​ႁိုဝ်။-</verse>
				<verse number="11">မဵဝ်း​ ယူႉတႃႉ ​ၼၼ်ႉ သဵတ်ႈ​ၸႃႇ​လူႉ​လႄႈ မဵဝ်း​ ဢီႉသရေႇလႃႉ ဢိၵ်ႇ​တင်း ဝဵင်း​ ယေႇရူႉသလႅမ်ႇ ​ၼၼ်ႉ ႁဵတ်း​လွင်ႈ​တၢင်း​ဢၼ် လီ​ႁင်ႈ​ဢဵတ်ႇ​သဵတ်ႇ​ယဝ်ႉ။ မဵဝ်း​ ယူႉတႃႉ ​ၼၼ်ႉ ၶျႃး​တြႃး​တၢင်း​ဢၼ်​မူတ်း​ၸၢင်ႇ ဢၼ်​ထႃႇဝရႃႉ​ၽြႃး​ႁၵ်ႉ​ၼၼ်ႉ တူၵ်း​တီႈ​တႅမ်ႇ​လႄႈ သွင်ႇ​မင်ႇၵလႃႇ​ဢဝ်​ၵၼ်​တင်း လုၵ်ႈ​ယိင်း​ၽြႃး ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​လူင်​ပႄႇ။-</verse>
				<verse number="12">ထႃႇဝရႃႉ​ၽြႃး​တၵ်း​ပႄႇ​တႅပ်း ၵေႃႉ​ဢၼ်​ႁဵတ်း​ၸိူဝ်ႉ​ၼင်ႇ​ၼၼ် ဢၼ်​ဝႃႈ​ၵေႃႉ​ဢၼ်​ပႂ်ႉ ဢိၵ်ႇ​တင်း ၵေႃႉ​ဢၼ်​ၶိုၼ်း​ဢိူဝ် တင်း​ၵေႃႉ​ဢၼ်​ဢဝ်​ၶိူင်ႈ​ပုၵ်ႈ​ၸေႃႇ မႃး​ၸူး​တီႈ​ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ ပႅတ်ႈ​သေ​ၵႃႈ​ၼႂ်း​မူဝ်းၵႃႇ ယႃႇၵုပ်ႈ ​ၸိူဝ်း​ၼၼ်ႉ​ဢေႃႈ။-</verse>
				<verse number="13">လႆႈ​သမ်ႉ လွင်ႈ​တၢင်း​ဢၼ်​သူ​သမ်ႉ ႁဵတ်း​ထႅင်ႈ​ၸမ်ႉ၊ သူ​ဢွၼ်​ၵၼ်​ဢဝ်​တၢင်း​ဢၼ် ၼမ်ႉ​တႃ​တူၵ်း၊ တၢင်း​ဢၼ်​ႁႆႈ​ႁွင်ႉ ပွင်ႉ​ၶၢင်း​ၼၼ်ႉ​သေ​လႄႈ ႁူမ်ႇ​သုမ်ႇ​ယိတ်ႈပလၢင်ႇ ထႃႇဝရႃႉ​ၽြႃး​ယဝ်ႉ။ ပိူဝ်ႈ​ၼႆ​လႄႈ မၼ်း​ၸဝ်ႈ​ဢမ်ႇ​မၢတ်ႈ ၶိူင်ႈ​ပုၵ်ႈ​ၸေႃႇ​ထႅင်ႈ​လႄႈ ဢမ်ႇ​မီး​တၢင်း​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ် ၶၢမ်ႇ​ဢဝ်​တီႈ​မိုဝ်း​သူ​ၼၼ်ႉ။-</verse>
				<verse number="14">ၵူၺ်း​ၵႃႈ သူ​ထၢမ်​လႄႈ​ဝႃႈ၊ ပဵၼ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ပဵၼ်​ၵွပ်ႈ​ပိူဝ်ႈ​ဢၼ် ထႃႇဝရႃႉ​ၽြႃး​ပဵၼ်​သၢၵ်ႈ​သေႇ ယူႇ​ၵႄႈ​ဝူင်ႈ​ၵၢင်​မႂ်း တင်း​မေး​မႂ်း​ဢၼ်​မႂ်း​သွင်ႇ​မင်ႇၵလႃႇ​ဢဝ်​ၵၼ်​တင်း​မႂ်း ၼႂ်း​မိူဝ်ႈ​ဢၼ် မႂ်း​ယင်း​လဵၵ်ႉ​ယင်း​ၼုမ်ႇ​ၼၼ်ႉ​လႄႈ ပိၵ်ႉ​သမ်ႉ​မၼ်း​ပဵၼ်​ၵေႃႉ​သေႈ​မႂ်း၊ မေး​မႂ်း​ဢၼ်​ၸၢပ်ႈ​သႅင်ႇ​ၵၼ်​တင်း ပတီႉၺိၺ်ႇ ဢၼ်​မႂ်း​ႁဵတ်း​ဝႆႉ​ၼၼ်ႉ​သေ​ၵေႃႈ မႂ်း​ယင်း​ဢမ်ႇ​ပႂ်ႉ​သဵတ်ႈ​ၸႃႇ​လႄႈ ၽိတ်း​ပိူင်ႈ​ၼၼ်ႉ​ဢေႃႈ။-</verse>
				<verse number="15">မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ် ၵေႃႉ​လဵဝ်​ၵူၺ်း​ဢမ်ႇ​ၸႂ်ႈ​ႁိုဝ်။ ၼႂ်း​ဝႃႈ​ၼၼ် သေ​ၵေႃႈ၊ တီႈ​မၼ်း​ၸဝ်ႈ​ၼၼ်ႉ မီး​ဝီႉၺိၺ်ႇ​ၸဝ်ႈ ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၽၢၼ်ႇ​သၢင်း​ႁဵတ်း​ပဵၼ်​ၵေႃႉ​လဵဝ်​ၵူၺ်း ၼင်ႇ​ႁိုဝ်။ ဝႃႈ​ၼႆ​ၸမ်ႉ၊ မၼ်း​ၸဝ်ႈ​ႁႃ​မဵဝ်း​ဢၼ် ထိူၵ်ႈ​တၢၼ်ႇ​ၵၼ်​တင်း​ၽြႃး​ပဵၼ်​ၸဝ်ႈ ဢေႃႈ။ ပိူဝ်ႈ​ၼႆ​လႄႈ ဢွၼ်​ၵၼ်​ၶျုၵ်ႈ​လဵင်ႉ​ၸႂ်​သၽေႃး​သူ​ဝႆႉ​တႃႉ။ ယႃႇ​ပေ​ဢွၼ်​ၵၼ်​ယႃႉ​သဵတ်ႈ​ၸႃႇ​မေး​ဢၼ်​သွင်ႇ​မင်ႇၵလႃႇ ဢဝ်​ၵၼ်​တင်း​မႂ်း ၼႂ်း​မိူဝ်ႈ​ဢၼ် မႂ်း​ယင်း​လဵၵ်ႉ​ယင်း​ၼုမ်ႇ​ၼၼ်ႉ​သေ​လႄႈ ၽိတ်း​ပိူင်ႈ။-</verse>
				<verse number="16">ၵဝ်​ၸင်း​ဢမူႉ တၢင်း​ဢၼ်​ပႅတ်ႈ​မေး၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​မဵဝ်း​ ဢီႉသရေႇလႃႉ မီး​ဢမိင်ႉ​ဢေႃႈ။ ၵဝ်​ၸင်း​ၵေႃႉ​ဢၼ် ဢဝ်​တၢင်း​ဢၼ်​ႁဵတ်း​ဢႃႉထမ်ႇမႃႉ ႁူမ်ႇ​သုမ်ႇ​ၶူဝ်း​ၼုင်ႈ​မၼ်း​ဝႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။ ပိူဝ်ႈ​ၼႆ​လႄႈ ဢွၼ်​ၵၼ်​ၶျုၵ်ႈ​လဵင်ႉ​ၸႂ်​သၽေႃး​သူ​ဝႆႉ​တႃႉ။ ယႃႇ​ပေ​ဢွၼ်​ၵၼ်​ယႃႉ​သဵတ်ႈ​ၸႃႇ။</verse>
				<verse number="17">သူ​ၼႆႉ ဢွၼ်​ၵၼ်​သူပ်း​ၼမ်​ၵႂၢမ်း​ၼမ် တေႃႇ​ထိုင်​ႁွတ်ႈ​ထၼ်ႈ​ပေႃး ႁူ​ထႃႇဝရႃႉ​ၽြႃး လၵ်ႉ​လႆႈ​ဢေႃႈ။ ၵူၺ်း​ၵႃႈ သူ​ထၢမ်​လႄႈ​ဝႃႈ၊ ႁဝ်း​ႁဵတ်း​မႅၼ်ႈ တေႃႇ​ထိုင်​ႁွတ်ႈ​ထၼ်ႈ​ပေႃး ႁႂ်ႈ​ႁူ​မၼ်း​ၸဝ်ႈ လၵ်ႉ​လႆႈ​ၼၼ်ႉ ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ပဵၼ်​လွင်ႈ​တၢင်း​ဢၼ် သူ​ၸၢင်ႈ​ဢွၼ်​ၵၼ် လၢတ်ႈ​လႄႈ​ဝႃႈ၊ ၵႃႈ​ပဵၼ်​ၵေႃႉ​ဢၼ်​ႁဵတ်း​တူႉ​ၸရိူၵ်ႈ​ၼၼ်ႉ ပဵၼ်​ဢၼ်​လီ​ဢၼ်​ငၢမ်း ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​လႄႈ၊ မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ၵူၼ်း ၸိူဝ်ႉ​ၼင်ႇ​ၼၼ်​ယဝ်ႉ၊ ဝႃႈ​ၼင်ႇ​ၼႆ​လႄႈ သမ်ႉ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ ဢၼ်​ၸႅတ်ႈ​ထၢမ်​ၸီႇ​ယၢင်ႇ​ၼၼ်ႉ​ၸမ်ႉ၊ မီး​ၵႃႈ​လႂ်၊ ဝႃႈ​ၼင်ႇ​ၼႆ​ၼၼ်ႉ​လူင်​ပႄႇ။</verse>
			</chapter>
			<chapter number="3">
				<verse number="1">တူၺ်း​လူး။ ၵဝ်​တၵ်း​ပွႆႇ​ၸႂ်ႉ​တမၢၼ်ႇ​ၵဝ် ဢၼ်​တၵ်း​မႄး​သဵၼ်ႈ​တၢင်း​ဢၼ်​ၵဝ်​ၵႂႃႇ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ၸဝ်ႈ​ဢၼ်​သူ​ႁႃ​ၼၼ်ႉ တၵ်း​ၽုတ်း​ၽၢတ်း​ႁွတ်ႈ​မႃး ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ ၵမ်း​လဵဝ်​ဢေႃႈ။ တမၢၼ်ႇ​ပတီႉၺိၺ်ႇ​ၸဝ်ႈ ဢၼ်​သူ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ၊ တူၺ်း​လူး။ ၸဝ်ႈ​ၼၼ်ႉ တၵ်း​ႁွတ်ႈ​မႃး​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="2">ၽူႈ​လႂ်​တၵ်း​ၵိုတ်း​ၶၢမ်ႇ မိုဝ်ႉ​ဝၼ်း​ဢၼ်​မၼ်း​ၸဝ်ႈ​ႁွတ်ႈ​မႃး​ၼၼ်ႉ​လႆႈ။ ၽူႈ​လႂ်​တၵ်း​ၸုၵ်း​ၶၢမ်ႇ​ၼႂ်း မိူဝ်ႈ​ဢၼ်​မၼ်း​ၸဝ်ႈ​ပေႃႇ​ပႂၢင်ႉ​ၼၼ်ႉ​လႆႈ။ ၸဝ်ႈ​ၼၼ်ႉ တၵ်း​ပဵၼ်​မိူၼ်​ၸိူဝ်ႉ​ၼင်ႇ​ၽႆး ၵေႃႉ​ဢၼ် ၶႃႇ​ငိုၼ်း၊ သပ်ႉ​ပျႃႇ​ဢၼ်​ၵူၼ်း သၵ်ႉ​ၶူဝ်း​သုင်း​သွင်ႇ​ၼၼ်ႉ​ဢေႃႈ။-</verse>
				<verse number="3">မၼ်း​ၸဝ်ႈ​တၵ်း​ၼင်ႈ​ယူႇ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ၶႃႇ​ငိုၼ်း​လႄႈ ႁႂ်ႈ​မူတ်း​သႂ်​ၼၼ်ႉ သေ​လႄႈ ၶႃႇ​ၵူၼ်း​မဵဝ်း​ လေႇဝီႉ ​တင်း​လၢႆ မိူၼ်​ၸိူဝ်ႉ​ၼင်ႇ​ဢၼ် ၶႃႇ​ငိုၼ်း​ၶႃႇ​ၶမ်း​လႄႈ ႁႂ်ႈ​မူတ်း​သႂ်​ၼၼ်ႉ​လႄႈ ၶဝ်​ၼၼ်ႉ တၵ်း​ပုၵ်ႈ​ၸေႃႇ​ၶိူင်ႈ​ပုၵ်ႈ​ၸေႃႇ ၸွမ်း​လူၺ်ႈ​တၢင်း​ဢၼ်​သိုဝ်ႈ​တေႃႇ​ၼၼ်ႉ တီႈ​ထႃႇဝရႃႉ​ၽြႃး​ဢေႃႈ။-</verse>
				<verse number="4">မိူဝ်ႈ​ၼၼ်ႉ ၶိူင်ႈ​ပုၵ်ႈ​ၸေႃႇ​မဵဝ်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ တၵ်း​ပဵၼ်​တီႈ​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ် ထႃႇဝရႃႉ​ၽြႃး မိူၼ်​ၸိူဝ်ႉ​ၼင်ႇ​ဢၼ်​ပဵၼ်​ၼႂ်း​ၶိင်ႇ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ ၶူပ်ႇ​ပီႊ​မိူဝ်ႈ​မိုၼ်ႉ​ၸိုၼ်ႉ​သိုၼ်း​ၼၼ်ႉ​ဢေႃႈ။-</verse>
				<verse number="5">ၵဝ်​တၵ်း​သုတ်ႉ​ၸပ်း​သုတ်ႉ​ၸူး​တီႈ​သူ ႁႂ်ႈ​လႆႈ​ၸႅတ်ႈ​ထၢမ်​ၸီႇ​ယၢင်ႇ​သူ​ဢေႃႈ။ ၵဝ်​တၵ်း​ပဵၼ်​သၢၵ်ႈ​သေႇ ဢၼ်​ၶၼ်​ဢၼ်​ၽႂ်း​ယူႇ​ၽၢႆႇ​ၼိုင်ႈ တင်း​ၵေႃႉ​ဢၼ်​ၸၢင်ႈ​ၸေႃႉ​ၸၢင်ႈ​ႁဵတ်း၊ ၵေႃႉ​ဢၼ်​ၽိတ်း​ပိူင်ႈ​မေး​ပိူၼ်ႈ၊ ၵေႃႉ​ဢၼ်​ႁဵတ်း​တၢင်း​ဢၼ်​ၵိၼ်ႇ​ဝႃႈ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ၊ ၵေႃႉ​ဢၼ်​ယင်း​ဢမ်ႇ​ပၼ်​ၵႃႈ​ၸၢင်ႈ​ၶၼ်​ငႃ ၵူၼ်း​ဢၼ်​ၵိၼ်​ၸၢင်ႈ​ၵိၼ်​ငႃ​ၼၼ်ႉ​လႄႈ ၼိၵ်ႈ​ၸၢၵ်ႈ​ငႅၼ်း​သႄး၊ ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး မႄႈ​မူၵ်း​မႄႈ​မၢႆႈ ဢိၵ်ႇ​တင်း​လုၵ်ႈ​ဢွၼ်ႇ​ဢၼ် ၽၢၼ်​ပေႃႈ​ၽၢၼ်​မႄႈ၊ ၵေႃႉ​ဢၼ် ၸီႇ​ယၢင်ႇ​ဢမ်ႇ​ၸွမ်း​ၼင်ႇ​တြႃး တီႈ​ၶႅၵ်ႇ​ဢႃႇၵၼ်ႇတူႉ၊ ၵေႃႉ​ဢၼ်​ဢမ်ႇ​ၵူဝ်​ဢမ်ႇ​ႁႄ​ၵဝ် ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။</verse>
				<verse number="6">ၵဝ်​ၼႆႉ​ပဵၼ်​ထႃႇဝရႃႉ​ၽြႃး​လႄႈ ဢမ်ႇ​မီး​တၢင်း​ဢၼ်​ၶၢႆႉ​ဢၼ်​ပုတ်ႈ။ ပိူဝ်ႈ​ၼႆ​လႄႈ ၵူၼ်း​မဵဝ်း​ ယႃႇၵုပ်ႈ ​တင်း​လၢႆ​ၶဝ်​ဢိူၺ်း၊ သူ​ဢမ်ႇ​ႁွတ်ႈ​ထိုင်​တၢင်း​ဢၼ်​သုမ်း​ဢၼ်​ၸွမ်း​ၵူၺ်ႉ။-</verse>
				<verse number="7">ဢဝ်​ၵႃႈ​တီႈ​ၸႃႉ​ၸဵမ်​ၸူဝ်ႈ​ပၢၼ်​ပူႇ​သူ​မွၼ်ႇ​သူ​ၼၼ်ႉ​လႄႈ သူ​ဢွၼ်​ၵၼ်​ဝႄႈ​ပႅတ်ႈ ထုင်း​ၽိင်ႈ​တြႃး ဢၼ်​ၵဝ်​ၸီႇ​ယၢင်ႇ​ဝႆႉ ၸိူဝ်း​ၼၼ်ႉ​လႄႈ ဢမ်ႇ​ပႂ်ႉ​ၵမ်​ပႂ်ႉ​ၸွမ်း၊ ဢွၼ်​ၵၼ်​ၶိုၼ်း​မႃး​ၸူး​တီႈ​ၵဝ်​တႃႉ။ ၵဝ်​ၵေႃႈ​တၵ်း​ၶိုၼ်း​မႃး​ၸူး​တီႈ​သူ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="8">ၵူၺ်း​ၵႃႈ သူ​ဢွၼ်​ၵၼ်​ထၢမ်​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ် တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ် ၶိုၼ်း​မႃး​ၸူး​တီႈ​ၶႃႈ၊ ဝႃႈ​ၼင်ႇ​ၼႆ​လူင်​ပႄႇ။ ၵူၼ်း​ၸိုင် တၵ်း​လႆႈ​ႁိမ်​ႁူင်ႇ​ဢဝ်​ဢုၵ်ႉ​ၸႃႇ​ၽြႃး​ပဵၼ်​ၸဝ်ႈ​ႁိုဝ်။ ၵူၺ်း​ၵႃႈ သူ​ဢွၼ်​ၵၼ်​ႁိမ်​ႁူင်ႇ​ဢဝ် ဢုၵ်ႉ​ၸႃႇ​ၵဝ်​ယဝ်ႉ။ ၼႂ်း​ဝႃႈ​ၼၼ်​သေ​ၵေႃႈ သူ​ဢွၼ်​ၵၼ်​ထၢမ်​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ် ႁဵတ်း​ၸိူဝ်ႉ​ၼင်ႇ​ႁိုဝ် ႁိမ်​ႁူင်ႇ​ဢဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ သူ​ဢွၼ်​ၵၼ်​ႁိမ်​ႁူင်ႇ​ဢဝ် သိပ်း​ပုၼ်ႈ​ပုၼ်ႈ​ၼိုင်ႈ ၸိူဝ်း​ၼၼ်ႉ ဢိၵ်ႇ​တင်း ၶိူင်ႈ​ပုၵ်ႈ​ၸေႃႇ​ၸိူဝ်း​ၼၼ်ႉ​ယဝ်ႉ။-</verse>
				<verse number="9">သူ​လႆႈ​ၶၢမ်ႇ​ဢႃႉ​မင်ႇၵလႃႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ယဝ်ႉ။ လွင်ႈ​မၼ်း​ၸမ်ႉ သူ​ၵႃႈ​ပဵၼ်​ၵူၼ်း​ဝၢၼ်ႈ​ၵူၼ်း​မိူင်း​ၼႆႉ ဢွၼ်​ၵၼ်​ႁိမ်​ႁူင်ႇ​ဢဝ် ဢုၵ်ႉ​ၸႃႇ​ၵဝ်​ယဝ်ႉ။-</verse>
				<verse number="10">ဢွၼ်​ၵၼ်​ဢဝ် သိပ်း​ပုၼ်ႈ​ပုၼ်ႈ​ၼိုင်ႈ​ၵႃႈ​မီး​ၼၼ်ႉ သႂၢင်း​ၶဝ်ႈ​ၵႃႈ​ၼႂ်း​တိူၵ်ႈ​ၽၼ်ႇတႃႇ ႁႂ်ႈ​တၢင်း​ၵိၼ်​တၢင်း​ၶူပ်း လႆႈ​မီး​ၵႃႈ​ၼႂ်း​ႁိူၼ်း​ၵဝ်​တႃႉ။ ဢွၼ်​ၵၼ်​ၸၢမ်း​တူၺ်း ၸိူဝ်ႉ​ၼင်ႇ​ၼၼ် ႁႂ်ႈ​လႆႈ​ႁူႉ​လွင်ႈ​ဢၼ်​ၵဝ်​တၵ်း​ၽုၺ်ႇ ႁူး​လၢင်း​တဵၼ် ၽႃႉ​ၵၢင်​ႁၢဝ်​တင်း​လၢႆ သေ​လႄႈ ဢဝ်​တၢင်း​လီ​မင်ႇၵလႃႇ သွၼ်း​လေႃႇ ထၼ်ႈ​ပေႃး​လူၼ်ႉ​၊ပေႃး​လိူဝ်​ႁိုဝ်။ တၵ်း​ဢမ်ႇ​ၽုၺ်ႇ​ႁိုဝ် ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="11">ၵဝ်​တၵ်း​သင်ႇ​သွၼ်​သုင်း​မႃႉ တူဝ်​ဢၼ်​ၸၢင်ႈ​ၶူပ်း​ၵိၼ်​ၼၼ်ႉ ပုၼ်ႈ​သူ​လႄႈ မၼ်း​ၼၼ်ႉ ဢမ်ႇ​လႆႈ​ယႃႉ​မၢၵ်ႇ​လိၼ်​၊ႁူင်း​လိၼ်​သူ​ပႅတ်ႈ။ တိၼ်ႇ​မၢၵ်ႇ​တူၼ်ႈ​ၶိူဝ်း​မၢၵ်ႇ​ၸပိတ်ႈ​သူ​ၼၼ်ႉ တၵ်း​ဢမ်ႇ​လူၼ်ႇ​တူၵ်း​ႁူင်ႈ​တူၵ်း​ၵႃႈ​ၼႂ်း သူၼ်​ဢူးယဵၼ်ႇ​ၸပိတ်ႈ​သူ ၸူဝ်ႈ​ဢၼ်​မၼ်း​ဢမ်ႇ​ပႆႇ​ၵႄႇ၊​ပႆႇ​သုၵ်း​ၼၼ်ႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး မီး​ဢမိင်ႉ​ဢေႃႈ။-</verse>
				<verse number="12">ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​ဢွၼ်​ၵၼ်​ႁွင်ႉ​ႁဵၵ်ႈ​သူ ၵေႃႉ​ဢၼ်​မီး​မင်ႇၵလႃႇ​လႄႈ မိူင်း​သူ​ၵေႃႈ တၵ်း​ပဵၼ်​မိူင်း​ဢၼ်​လီ ထုၵ်ႇ​ၸႂ်​ၵျိူၵ်ႈ​ၸႂ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။</verse>
				<verse number="13">သူ​ဢွၼ်​ၵၼ်​လၢတ်ႈ​ၵႂၢမ်း ႁတ်း​ႁတ်း​ႁၢၼ်​ႁၢၼ် ၼႃႇ​လူင်​လၢင်​ယူႇ​ၽၢႆႇ​ၼိုင်ႈ​တင်း​ၵဝ်​ယဝ်ႉ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။ ၵူၺ်း​ၵႃႈ သူ​ထၢမ်​လႄႈ​ဝႃႈ၊ ၶႃႈ​ၸဝ်ႈ​ႁဝ်း​ၶဝ် ဢွၼ်​ၵၼ်​လၢတ်ႈ​ၸိူဝ်ႉ​ၼင်ႇ​ႁိုဝ် ယူႇ​ၽၢႆႇ​ၼိုင်ႈ တင်း​ၸဝ်ႈ​ႁဝ်း​မႅၼ်ႈ တီႈ​ၶႃႈ၊ ဝႃႈ​ၼင်ႇ​ၼႆ​လူင်​ပႄႇ။-</verse>
				<verse number="14">သူ​ဢွၼ်​ၵၼ်​လၢတ်ႈ​လႄႈ​ဝႃႈ၊ တၢင်း​ဢၼ်​ၵိုတ်ႉ​ႁၢပ်ႇ ပွင်​ႁဵတ်း​ဢမူႉ ထႃႇဝရႃႉ​ၽြႃး​ၼၼ်ႉ ဢမ်ႇ​မီး​ဢၵျူဝ်း။ ၵွပ်ႈ​ပိူဝ်ႈ​ဢၼ်​ႁဝ်း ပႂ်ႉ​ၵမ်​ပႂ်ႉ​ၸွမ်း လွင်ႈ​တၢင်း​ဢၼ် မၼ်း​ၸဝ်ႈ​ၸီႇ​ယၢင်ႇ​ႁဵတ်း​ထုင်း​ဝႆႉ​ၼၼ်ႉ​သေ​လႄႈ ၵႂႃႇ​မႃး​တမ်ႇ​ၼွႆႉ မွင်​ၸႂ်​ယူႇ ၵႃႈ​တီႈ​ၽၢႆႇ​ၼႃႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ၼၼ်ႉ​လႄႈ မီး​ၵျေး​ၸူး​ၵႃႈ​သင်။-</verse>
				<verse number="15">မိူဝ်ႈ​လဵဝ်​ၼႆႉ ႁဝ်း​ဢွၼ်​ၵၼ် ႁွင်ႉ​ႁဵၵ်ႈ​ၵေႃႉ​ဢၼ်​မႃႇၼႃႉ​ပူၵ်း​ပႅၼ်​ၼၼ်ႉ ၵေႃႉ​ဢၼ်​မီး​မင်ႇၵလႃႇ​ဢေႃႈ။ ၶဝ်​ၸိူဝ်း​ဢၼ် ႁဵတ်း​တူႉ​ၸရိူၵ်ႈ​ၼၼ်ႉ ၸၢင်ႈ​ႁဵတ်း​လႆႈ​ပဵၼ်​လႆႈ ဢမၢၼ်ႇ​ၶၼ်​ပဵၼ်​ဢေႃႈ။ ပိၵ်ႉ​သမ်ႉ​ၶဝ်​ႁဵတ်း​တၢင်း​ဢၼ်​ၸၢမ်း​တူၺ်း ၽြႃး​ပဵၼ်​ၸဝ်ႈ​ယူႇ​သေ​ၵေႃႈ ၶဝ်​ၸၢင်ႈ​လႆႈ ၵတ်း​ယဵၼ်​ၶျၢမ်း​သႃႇ​ယူႇ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ယဝ်ႉ။-</verse>
				<verse number="16">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​ၸႃ​ၵၼ်​ဢေႃႈ။ ထႃႇဝရႃႉ​ၽြႃး​ထွမ်ႇ​ငိၼ်း​ဢေႃႈ။ လိၵ်ႈ​ဢၼ်​မၢတ်ႈ​ဝႆႉ​၊တွင်း​ဝႆႉ​ၼၼ်ႉ မီး​တၢင်း​ဢၼ်​တႅမ်ႈ​မၢႆ​ဝႆႉ​ယူႇ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ ပုၼ်ႈ​ၶဝ်​ၸိူဝ်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="17">ၶဝ်​ၼၼ်ႉ​တၵ်း​ပဵၼ်​ဢုၵ်ႉ​ၸႃႇ​ၵဝ် ၼႂ်း​မိုဝ်ႉ​ဝၼ်း​ဢၼ် ၵဝ်​ၸီႇ​ယၢင်ႇ​ၽၼ်ႇတႃႇ ဢၼ်​ၵဝ်​ထိူၵ်ႈ​ပိူင်ႇ​ၼၼ်ႉ​ဝႆႉ ၼၼ်ႉ​ဢေႃႈ။ ၵဝ်​တၵ်း​သေ​လၢႆ​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ပေႃႈ​သေ​လၢႆ​လုၵ်ႈ​ၸၢႆး ဢၼ်​ႁဵတ်း​ပွင်​ဢမူႉ​ပေႃႈ​ယူႇ ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="18">မိူဝ်ႈ​ၼၼ်ႉ သူ​တၵ်း​သမ်ႉ​ဢွၼ်​ၵၼ်​ၸၵ်း​ၽႄ​လႄႈ ႁူႉ​ၵေႃႉ​ဢၼ်​သိုဝ်ႈ​တေႃႇ၊ ၵေႃႉ​ဢၼ်​ဢမ်ႇ​သိုဝ်ႈ​တေႃႇ၊ ၵေႃႉ​ဢၼ်​ပွင်​ႁဵတ်း​ဢမူႉ ၽြႃး​ပဵၼ်​ၸဝ်ႈ၊ ၵေႃႉ​ဢၼ်​ဢမ်ႇ​ပွင်​ႁဵတ်း​ၼၼ်ႉ​ဢေႃႈ။</verse>
			</chapter>
			<chapter number="4">
				<verse number="1">တူၺ်း​လူး။ မိုဝ်ႉ​ဝၼ်း​ဢၼ်​မႆႈ မိူၼ်​ၸိူဝ်ႉ​ၼင်ႇ ဢၼ်​ၽႆး​မႆႈ​ၵႃႈ​ၼႂ်း​ၽီး​ၽႆး​ၼၼ်ႉ တၵ်း​ႁွတ်ႈ​ထိုင်​ဢေႃႈ။ ၶဝ်​ၵႃႈ​ဢၼ်​မႃႇၼႃႉ​ယႂ်ႇ ဢိၵ်ႇ​တင်း ၶဝ်​ၵႃႈ​ဢၼ်​ႁဵတ်း​တူႉ​ၸရိူၵ်ႈ​ၼၼ်ႉ တၵ်း​ပဵၼ်​ယိူဝ်ႈ​ယႃႈ​၊ယိူဝ်ႈ​ယုၵ်း ဢၼ်​ႁႅင်ႈ​ဢၼ်​ႁွင်​လႄႈ မိုဝ်ႉ​ဝၼ်း​ဢၼ်​တၵ်း​ႁွတ်ႈ​ထိုင်​ၼၼ်ႉ တၵ်း​မႆႈ​ၶဝ်​ပႅတ်ႈ ထၼ်ႈ​ပေႃး​ႁႂ်ႈ​ငဝ်ႈ​ၶဝ်​ပၢႆ​ၶဝ် ဢမ်ႇ​လႆႈ​ၵိုတ်း​လႆႈ​ၵျၢၼ်ႇ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="2">တီႈ​သူ​ၸိူဝ်း​ဢၼ် ၵူဝ်​ႁႄ​ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ​ၸမ်ႉ၊ ၶုၼ်​ၵၢင်​ဝၼ်း​တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ တၵ်း​ပႃး​တင်း​ပိၵ်ႇ ဢၼ်​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​ၸိူဝ်း​ၼၼ်ႉ ပေႃႇ​ပႂၢင်ႉ​မႃး​ဢေႃႈ။ သူ​တၵ်း​ဢွၼ်​ၵၼ်​ဢွၵ်ႇ​လႄႈ ၵျွၵ်း​ဝႅၼ်​မိူၼ်​ၸိူဝ်ႉ​ၼင်ႇ​ဝူဝ်း​ဢွၼ်ႇ ၵႃႈ​ၼႂ်း​သိုင်ႇ​ၼႂ်း​ၶွၵ်ႈ​ၼၼ်ႉ​ဢေႃႈ။-</verse>
				<verse number="3">သူ​တၵ်း​ဢွၼ်​ၵၼ်​ယဵပ်ႇ​ယမ်ႈ ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ဢေႃႈ။ ၼင်ႇ​ၼၼ်​လႄႈ ၶဝ်​တၵ်း​ပဵၼ်​ၸိူဝ်ႉ​ၼင်ႇ မုၼ်ႈ​လိၼ်​ၵႃႈ​တႂ်ႈ​ၽႃႇ​တိၼ်​သူ ၼႂ်း​မိုဝ်ႉ​ဝၼ်း​ဢၼ် ၵဝ်​ၸီႇ​ယၢင်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="4">သူ​ဢွၼ်​ၵၼ် ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ထုင်း​ၽိင်ႈ​တြႃး​တင်း​လၢႆ ဢိၵ်ႇ​တင်း​လွင်ႈ​တၢင်း​ဢၼ် ၵဝ်​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ ဢၼ်​ဝႃႈ​တြႃး​ၶႃႈ​ၵဝ် မူဝ်းသေႇ ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​မၼ်း ၵႃႈ​ၼႂ်း​ ႁေႃးရပ်ႉ ပုၼ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​ၼၼ်ႉ​တႃႉ။-</verse>
				<verse number="5">တူၺ်း​လူး။ ၸူဝ်ႈ​ဢၼ်​မိုဝ်ႉ​ဝၼ်း​ယႂ်ႇ​ဝၼ်း​လူင် ထႃႇဝရႃႉ​ၽြႃး ဢၼ်​လီ​ၵူဝ်​လီ​ႁႄ​ၼၼ်ႉ ဢမ်ႇ​ပႆႇ​ႁွတ်ႈ​ပႆႇ​ထိုင်​ၼၼ်ႉ​ၸိုင် ၵဝ်​တၵ်း​ပွႆႇ​ၸႂ်ႉ​ပရေႃးၽႅတ်ႈ ဢေးလီႉယႃႉ ​မႃး​ၸူး​တီႈ​သူ​ဢေႃႈ။-</verse>
				<verse number="6">လွင်ႈ​ၼင်ႇ​ႁိုဝ် ၵဝ်​တၵ်း​ဢမ်ႇ​မႃး​လႄႈ ဢဝ်​ၽေး​တၢင်း​ဢၼ်​ၵိၼ်ႇ​ဢၼ်​ဝႃႈ ပၼ်​တၢမ်ႇ​တီႈ​မိူင်း​ၸဝ်ႈ​ၸိုင်၊ မၼ်း​ၼၼ်ႉ တၵ်း​ႁႂ်ႈ​ပေႃႈ ဢိၵ်ႇ​တင်း​လုၵ်ႈ​လၢင်း၊ လုၵ်ႈ​လၢင်း ဢိၵ်ႇ​တင်း​ပေႃႈ ပဵၼ်​ဢၼ်​ထုၵ်ႇ​မေႃ​ပေႃး​ၵႂၢမ်း​ၵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵျၢမ်း​ဢၼႃႇၵၢတ်ႈ​တီႉ​မႃႇလၶီႉ ယဝ်ႉ​ယဝ်ႉ​ဢေႃႈ။ ထမ်ႇမႃႉ​ၵျၢမ်း​လိၵ်ႈ​ဢၼ်​ၵဝ်ႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
	</testament>
	<testament name="New">
		<book number="40">
			<chapter number="1">
				<verse number="1">ၸရၢင်း​ၸိူဝ်ႉ​ၶိူဝ်း ၸဝ်ႈ​ ယေႇသူႉ​ၶရိၸ်ႈ ဢၼ်​သိုပ်ႇ​လူင်း​မႃး ၵႃႈ​တီႈ​ ဢႃႇပြႃႇႁၢမ်ႇ တင်း​ တႃႇဝိတ်ႈ ​ၼၼ်ႉ​ၸမ်ႉ၊-</verse>
				<verse number="2">ဢႃႇပြႃႇႁၢမ်ႇ မီး​လုၵ်ႈ ဢီႉၸၢၵ်ႈ ။ ဢီႉၸၢၵ်ႈ ​မီး​လုၵ်ႈ ယႃႇၵုပ်ႈ ။ ယႃႇၵုပ်ႈ မီး​လုၵ်ႈ ၸႃႉ​ၸဵမ်​ ယူႉတႃႉ ​တင်း​ပီႈ​ၼွင်ႉ​မၼ်း​တင်း​လၢႆ။-</verse>
				<verse number="3">ယူႉတႃႉ ​မီး​လုၵ်ႈ ၽေးရိတ်ႉ ​တင်း​ ၸႃႇရႃႉ ဢၼ်​လႆႈ​ၵႃႈ​တီႈ​မေး​မၼ်း​ တႃႇမႃႇ ။ ၽေးရိတ်ႉ မီး​လုၵ်ႈ ႁေႇၸရုၼ်ႇ ။ ႁေႇၸရုၼ်ႇ ​မီး​လုၵ်ႈ​ ဢႃႇရမ်ႇ ။-</verse>
				<verse number="4">ဢႃႇရမ်ႇ ​မီး​လုၵ်ႈ ဢမီႉၼတပ်ႉ ။ ဢမီႉၼတပ်ႉ ​မီး​လုၵ်ႈ ၼႃႇသုၼ်ႇ ။ ၼႃႇသုၼ်ႇ ​မီး​လုၵ်ႈ သႃႇလမုၼ်ႇ ။-</verse>
				<verse number="5">သႃႇလမုၼ်ႇ ​မီး​လုၵ်ႈ ပေႃးၸႃႉ ​ဢၼ်​လႆႈ​ၵႃႈ​တီႈ​မေး​မၼ်း​ ရႃႇၶပ်ႉ ။ ပေႃးၸႃႉ မီး​လုၵ်ႈ​ ဢူဝ်းပိတ်ႉ ဢၼ်​လႆႈ​ၵႃႈ​တီႈ​မေး​မၼ်း​ ရူႉထႃႉ ။ ဢူဝ်းပိတ်ႉ ​မီး​လုၵ်ႈ ယေႇသႄး။ ယေႇသႄး ​မီး​လုၵ်ႈ ၶုၼ်​လူင်​ တႃႇဝိတ်ႈ ။</verse>
				<verse number="6">ၶုၼ်​လူင် တႃႇဝိတ်ႈ ​မီး​လုၵ်ႈ သေႃးလမုၼ်ႇ ဢၼ်​လႆႈ​ၵႃႈ​တီႈ​ၵေႃႉ​ဢၼ် ယၢမ်ႈ​ပဵၼ်​မေး​ ဢူႉရီႉယႃႉ ယဝ်ႉ​ၼၼ်ႉ။-</verse>
				<verse number="7">သေႃးလမုၼ်ႇ ​မီး​လုၵ်ႈ​ ရူဝ်းပုမ်ႇ။ ရူဝ်းပုမ်ႇ ​မီး​လုၵ်ႈ ဢၽီႉယႃႉ။ ဢၽီႉယႃႉ ​မီး​လုၵ်ႈ ဢႃႇသႃႉ ။-</verse>
				<verse number="8">ဢႃႇသႃႉ ​မီး​လုၵ်ႈ ယူဝ်းသၽတ်ႉ။ ယူဝ်းသၽတ်ႉ ​မီး​လုၵ်ႈ ယူဝ်းရမ်ႇ။ ယူဝ်းရမ်ႇ ​မီး​လုၵ်ႈ ဢူဝ်းၸီႉယႃႉ ။-</verse>
				<verse number="9">ဢူဝ်းၸီႉယႃႉ ​မီး​လုၵ်ႈ ယူဝ်းထမ်ႇ။ ယူဝ်းထမ်ႇ ​မီး​လုၵ်ႈ ဢႃႇၶတ်ႉ။ ဢႃႇၶတ်ႉ ​မီး​လုၵ်ႈ ႁေႇၸၵီႉယႃႉ။</verse>
				<verse number="10">ႁေႇၸၵီႉယႃႉ မီး​လုၵ်ႈ မၼႃႇ​သေႇ။ မၼႃႇ​သေႇ ​မီး​လုၵ်ႈ ဢႃႇမုၼ်ႇ။ ဢႃႇမုၼ်ႇ ​မီး​လုၵ်ႈ ယူဝ်းသီႉယႃႉ ။-</verse>
				<verse number="11">ၼႂ်း​မိူဝ်ႈ​ဢၼ်​ၸမ်​တၵ်း​ၶၢႆႉ​ၵႂႃႇ ၵႃႈ​တီႈ​ဝဵင်း​ ပႃႇပူႉလုၼ်ႇ ​ပုၼ်ႉ​ၸိုင်၊ ယူဝ်းသီႉယႃႉ ​မီး​လုၵ်ႈ ၸႃႉ​ၸဵမ်​ ယေႇၶေႃးၼီႉယႃႉ တင်း​ပီႈ​ၼွင်ႉ​မၼ်း​တင်း​လၢႆ။</verse>
				<verse number="12">ဝၢႆး​သေ​ၶၢႆႉ​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ပုၼ်ႉ​ယဝ်ႉ​ၼၼ်ႉ၊ ယေႇၶေႃးၼီႉယႃႉ မီး​လုၵ်ႈ သႃလႃႉသေးလႃႉ။ သႃလႃႉသေးလႃႉ ​မီး​လုၵ်ႈ ၸေႇရူႉပႃႉပေႇလႃႉ ။-</verse>
				<verse number="13">ၸေႇရူႉပႃႉပေႇလႃႉ ​မီး​လုၵ်ႈ ဢပျုတ်ႉ။ ဢပျုတ်ႉ ​မီး​လုၵ်ႈ ဢေးလျႃႇၵိမ်ႇ။ ဢေးလျႃႇၵိမ်ႇ ​မီး​လုၵ်ႈ​ ဢႃၸေႃႇ ။-</verse>
				<verse number="14">ဢႃၸေႃႇ ​မီး​လုၵ်ႈ ၸႃႇတုတ်ႉ။ ၸႃႇတုတ်ႉ ​မီး​လုၵ်ႈ​ ဢၶိမ်ႇ။ ဢၶိမ်ႇ ​မီး​လုၵ်ႈ ဢေးလျုတ်ႉ ။-</verse>
				<verse number="15">ဢေးလျုတ်ႉ ​မီး​လုၵ်ႈ ဢေးလႃႇၸႃႇ။ ဢေးလႃႇၸႃႇ ​မီး​လုၵ်ႈ မတ်ႉထၼ်ႇ။ မတ်ႉထၼ်ႇ ​မီး​လုၵ်ႈ ယႃႇၵုပ်ႈ ။-</verse>
				<verse number="16">ယႃႇၵုပ်ႈ ​မီး​လုၵ်ႈ ယူဝ်းသႅပ်ႈ ဢၼ်​ပဵၼ်​ၽူဝ်​ မႃႇရီႉ ​ဢေႃႈ။ ၵႃႈ​တီႈ​ မႃႇရီႉ ​ၼၼ်ႉ ၵိူတ်ႇ​လဵင်ႉ​မႃး ယေႇသူႉ ​ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ​ ၶရိၸ်ႈ ​ဢေႃႈ။-</verse>
				<verse number="17">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ၸိူဝ်ႉ​ၶိူဝ်း​သိုပ်ႇ​သိုပ်ႇ​တၢမ်း​တၢမ်း တင်း​သဵင်ႈ​တင်း​လူင်​ၸမ်ႉ၊ ၸႃႉ​ၸဵမ်​ ဢႃႇပြႃႇႁၢမ်ႇ ​တေႃႇ​ထိုင်​ႁွတ်ႈ တႃႇဝိတ်ႈ ​ပဵၼ် သိပ်း​သီႇ​သိုပ်ႇ​ဢေႃႈ။ ၸႃႉ​ၸဵမ်​ တႃႇဝိတ်ႈ ​တေႃႇ​ထိုင်​ႁွတ်ႈ ၶၢႆႉ​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ပုၼ်ႉ ပဵၼ်​သိပ်း​သီႇ​သိုပ်ႇ​ဢေႃႈ။ ၸႃႉ​ၸဵမ်​ၶၢႆႉ​ၵႂႃႇ​ၵႃႈ​တီႈ​ဝဵင်း​ ပႃႇပူႉလုၼ်ႇ ​ပုၼ်ႉ​ယဝ်ႉ တေႃႇ​ထိုင်​ႁွတ်ႈ ၸဝ်ႈ​ၶရိၸ်ႈ ပဵၼ်​သိပ်း​သီႇ​သိုပ်ႇ​ဢေႃႈ။</verse>
				<verse number="18">လွင်ႈ​တၢင်း​ဢၼ် ၸဝ်ႈ​ ယေႇသူႉ ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​ၸမ်ႉ၊ မႄႈ​ၸဝ်ႈ​ မႃႇရီႉ ​ၼၼ်ႉ မၢႆ​ၵၼ်​ဝႆႉ​တင်း​ ယူဝ်းသႅပ်ႈ ​လႄႈ ၸူဝ်ႈ​ဢၼ်​ဢမ်ႇ​ပႆႇ​တိူဝ်ႉ​ပႆႇ​ထုၵ်ႇ​ၼၼ်ႉ ၵွပ်ႈ​ပိူဝ်ႈ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​လႄႈ ပႃး​ပတိၵ်ႉသၼ်ႇထေႇ​ၼႂ်း​တွင်ႉ​ဢေႃႈ။-</verse>
				<verse number="19">ၽူဝ်​မၼ်း ယူဝ်းသႅပ်ႈ ​ၼၼ်ႉ ပဵၼ်​ၵူၼ်း​ဢၼ်​လီ​လႄႈ ပိူဝ်ႈ​ဢၼ်​ဢမ်ႇ​ၶႂ်ႈ​ႁႂ်ႈ​သရေႇ မႃႇရီႉ ​လူႉ​လႄႈ မီး​ၸႂ်​ဢၼ်​ၶႂ်ႈ​တဵတ်ႇ​တဵတ်ႇ​ပႅတ်ႈ​ဝႆႉ​ဢေႃႈ။-</verse>
				<verse number="20">မိူဝ်ႈ​ဢၼ်​မၼ်း​ၵျၢမ်ႇ​ပွင်​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင်၊ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ပေႃႇ​မႃး​တီႈ​မၼ်း​ၼႂ်း​တၢင်း​ဢၼ်​ၼွၼ်း​ၽၼ်​လႄႈ​ဝႃႈ၊ ယူဝ်းသႅပ်ႈ ​လုၵ်ႈ​ တႃႇဝိတ်ႈ ​ဢိူၺ်း ယႃႇ​ပေ​ၵူဝ်​လွင်ႈ​ဢၼ် တၵ်း​သိမ်း​ဢဝ်​မေး​မႂ်း​ မႃႇရီႉ ​ၼၼ်ႉ။ ဢၼ်​တႄႇ​ပတိၵ်ႉသၼ်ႇထေႇ​ၼႂ်း​မၼ်း​ၼၼ်ႉ ပဵၼ်​ၵွပ်ႈ​ပိူဝ်ႈ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ။-</verse>
				<verse number="21">မၼ်း​ၼၼ်ႉ တၵ်း​ၵိူတ်ႇ​လဵင်ႉ​မႃး​လုၵ်ႈ​ၸၢႆး​ဢေႃႈ။ လုၵ်ႈ​ၼၼ်ႉ​ၸိုင် ပိူဝ်ႈ​ဢၼ်​ပဵၼ်​ၵေႃႉ​ဢၼ် တၵ်း​ၵႄႇ​ၶျွတ်ႈ​ဢဝ်​ၵူၼ်း​မဵဝ်း​တူဝ်​ၸဝ်ႈ​ၵဝ်ႇ​တင်း​လၢႆ​ၵႃႈ​ၼႂ်း​ဢပႅတ်ႈ​လႄႈ တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ ယေႇသူႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">လွင်ႈ​တၢင်း​ၸိူဝ်း​ၼႆႉ​ၸမ်ႉ၊ ၼင်ႇ​ႁိုဝ်​ပျႃႇ​တိၵ်ႈ​ဢၼ်​ၽြႃး​ပဵၼ်​ၸဝ်ႈ ဢဝ်​တင်း​ပရေႃးၽႅတ်ႈ​လၢတ်ႈ​ဝႆႉ​ၼၼ်ႉ တၵ်း​ပျေႉ​ၸုမ်ႇ​ၸိုင်၊ ၸင်ႇ​ပဵၼ်​ဢေႃႈ။-</verse>
				<verse number="23">ပျႃႇ​တိၵ်ႈ​ၸဝ်ႈ​ၼၼ်ႉ​ၸမ်ႉ၊ တူၺ်း​လူး၊ ၵၼ်ႇ​ၺႃႇ​လုၵ်ႈ​ယိင်း​သၢဝ်​တၵ်း​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​မႃး​လုၵ်ႈ​ၸၢႆး​ဢေႃႈ။ လုၵ်ႈ​ၸၢႆး​ၼၼ်ႉ​ၸိုင် တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ ဢေႇမႃႇၼူၺ်ႇလႃႉ ​ဢေႃႈ၊ ဝႃႈ​ၼႆ မီး​မႃး​ၼင်ႇ​ၼႆ​ဢေႃႈ။ ဢၼ်​ဝႃႈ ဢေႇမႃႇၼူၺ်ႇလႃႉ ​ၸမ်ႉ၊ ၶႂ်ႈ​ဝႃႈ ၽြႃး​ပဵၼ်​ၸဝ်ႈ ဢၼ်​မီး​ယူႇ​လူၺ်ႈ​ၵၼ်​တင်း​ႁဝ်း​ဢေႃႈ။</verse>
				<verse number="24">ယူဝ်းသႅပ်ႈ ​ၼၼ်ႉ တိုၼ်ႇ​မႃး​ၵႃႈ​တီႈ​တၢင်း​ဢၼ်​ၼွၼ်း​လပ်း​ၼၼ်ႉ​သေ​ယဝ်ႉ၊ ႁဵတ်း​ၸွမ်း​ၸိူဝ်ႉ​ၼင်ႇ​ဢၼ် တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး သင်ႇ​လၢတ်ႈ​ဝႆႉ​ၼၼ်ႉ​လႄႈ ၸင်ႇ​သိမ်း​ဢဝ်​မေး​ၸဝ်ႈ​ၵဝ်ႇ​ဢေႃႈ။-</verse>
				<verse number="25">ၼႂ်း​ဝႃႈ​ၼၼ်​သေ​ၵေႃႈ ၸူဝ်ႈ​ဢၼ်​ဢမ်ႇ​ပႆႇ​ၵိူတ်ႇ​လဵင်ႉ​မႃး​လုၵ်ႈ​ႁူဝ်​သၢဝ်​ၼၼ်ႉ​ၸိုင် ယင်း​ဢမ်ႇ​တိူဝ်ႉ​ဢမ်ႇ​ထုၵ်ႇ​လႄႈ​ယူႇ​ဢေႃႈ။ လုၵ်ႈ​ၸၢႆး​ၼၼ်ႉ​ၵေႃႈ ႁွင်ႉ​ႁဵၵ်ႈ​ၸိုဝ်ႈ​ ယေႇသူႉ ​ဢေႃႈ။</verse>
			</chapter>
			<chapter number="2">
				<verse number="1">ၼႂ်း​ၸူဝ်ႈ​ပၢၼ်​ၶုၼ်​ႁေႃ​ၶမ်း ႁေႇရူတ်ႈ ​ၼၼ်ႉ၊ ယေႇသူႉ ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ ၵႃႈ​တီႈ​ၼႂ်း​ဝဵင်း​ ပႅတ်ႉလႁႅမ်ႇ မိူင်း​ ယူႉတႃႉ ​ယဝ်ႉ​ၸင်ႇ၊ မႃႇ​ၵူႉ​ပိင်ႇ​ၺႃႇ​သီႉ​ၶဝ် လုၵ်ႉ​သေ​ၵႃႈ​တီႈ​မိူင်း​တၢင်း​ဝၼ်း​ဢွၵ်ႇ ႁွတ်ႈ​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ တွင်ႈ​ထၢမ်​ဝႃႈ၊-</verse>
				<verse number="2">ၶုၼ်​ႁေႃ​ၶမ်း​ ယူႉတႃႉ ဢၼ်​ၵိူတ်ႇ​လဵင်ႉ​မႃး​ၼၼ်ႉ မီး​ၵႃႈ​တီႈ​လႂ်​ၶႃႈ။ ပိူဝ်ႈ​ဢၼ်​ႁဝ်း​ၶႃႈ​လႆႈ​ႁၼ် လၢဝ်​မၼ်း​ၸဝ်ႈ ၵႃႈ​တီႈ​မိူင်း​တၢင်း​ဝၼ်း​ဢွၵ်ႇ​ပုၼ်ႉ​လႄႈ ႁဝ်း​ၶႃႈ​ႁွတ်ႈ​မႃး​ႁႂ်ႈ​လႆႈ​ဝႆႈ​ပုၵ်ႈ​ၸေႃႇ တီႈ​မၼ်း​ၸဝ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ဢၼ်​ငိၼ်း​ၵႂၢမ်း​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ ၶုၼ်​ႁေႃ​ၶမ်း​ ႁေႇရူတ်ႈ ဢိၵ်ႇ​တင်း​ၵူၼ်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင် ယၢပ်ႇ​ၸႂ်​ယုင်ႈ​ၸႂ်​လႄႈ၊-</verse>
				<verse number="4">ႁႂ်ႈ​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​ၵႃႈ​မီး​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​ယဝ်ႉ၊ တွင်ႈ​ထၢမ်​လႄႈ​ဝႃႈ၊ ၸဝ်ႈ​ၶရိၸ်ႈ​ၸိုင် တၵ်း​ၵိူတ်ႇ​လဵင်ႉ​မႃး​ၵႃႈ​တီႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶဝ်​ၸိူဝ်း​ၼၼ်ႉ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ တၵ်း​ၵိူတ်ႇ​လဵင်ႉ​မႃး ၵႃႈ​တီႈ​ၼႂ်း​ဝဵင်း​ ပႅတ်ႉလႁႅမ်ႇ မိူင်း​ ယူႉတႃႉ တီႈ​ၶႃႈ​ဢေႃႈ။ ဢၼ်​ပရေႃးၽႅတ်ႈ​တႅမ်ႈ​ဝႆႉ​ၸမ်ႉ၊-</verse>
				<verse number="6">ဝဵင်း​ ပႅတ်ႉလႁႅမ်ႇ ​မိူင်း​ ယူႉတႃႉ ​ဢိူၺ်း၊ မႂ်း​ၼႆႉ​ပဵၼ်​ဝဵင်း​လဵၵ်ႉ​ဝဵင်း​ၼွႆႉ ၼႂ်း​ၶဝ်​ၸိူဝ်း​ဢၼ်​လႆႈ​ဢုပ်ႉ​ပိူင်ႇ​မိူင်း​ ယူႉတႃႉ ​ၼၼ်ႉ​ဢမ်ႇ​ၸႂ်ႈ။ လွင်ႈ​မၼ်း​ၸမ်ႉ ၸဝ်ႈ​ဢၼ်​လႆႈ​ဢုပ်ႉ​ပိူင်ႇ​မုၵ်ႉ​ၸိူဝ်း​ၵူၼ်း​ၵဝ် မဵဝ်း​ ဢီႉသရေႇလႃႉ ​ၼၼ်ႉ တၵ်း​ပေႃႇ​မႃး​ၵႃႈ​ၼႂ်း​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">မိူဝ်ႈ​ၼၼ်ႉ ၶုၼ်​ႁေႃ​ၶမ်း​ ႁေႇရူတ်ႈ ႁွင်ႉ​ဢဝ်​ မႃႇ​ၵူႉ ​ပိင်ႇ​ၺႃႇ​သီႉ​ၸိူဝ်း​ၼၼ်ႉ​မႃး​တဵတ်ႇ​တဵတ်ႇ​လႄႈ ထၢမ်​တူၺ်း​လွင်ႈ​ၶိင်ႇ​ၵႃႇလႃႉ​ဢၼ်​လၢဝ်​ပေႃႇ​မႃး​ၼၼ်ႉ သေႇ​ၶျႃႇ​လီ​ငၢမ်း​ယဝ်ႉ​ၸင်ႇ၊-</verse>
				<verse number="8">ပွႆႇ​ၸႂ်ႉ​ၶဝ်​ၵႂႃႇ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ပုၼ်ႉ​လႄႈ သင်ႇ​လၢတ်ႈ​ဝႃႈ၊ သူ​ၵႂႃႇ​လႄႈ ၵျူဝ်း​ၸႃး​ႁႃ​လုၵ်ႈ​ဢွၼ်ႇ​ၼၼ်ႉ​သေ​ၵမ်း​တႃႉ။ ပေႃး​ထူပ်း​ႁၼ်​ယဝ်ႉ၊ ၼင်ႇ​ႁိုဝ်​ၵဝ်​တၵ်း​လႆႈ​ဝႆႈ​ပုၵ်ႈ​ၸေႃႇ တီႈ​မၼ်း​ၸိုင် ၶိုၼ်း​မႃး​လၢတ်ႈ​တီႈ​ၵဝ်​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၶဝ်​ၸိူဝ်း​ၼၼ်ႉ ထွမ်ႇ​ဢဝ်​ၵႂၢမ်း​ၶုၼ်​ႁေႃ​ၶမ်း​သေ​ယဝ်ႉ၊ ဢွၵ်ႇ​ၵႂႃႇ​ဢေႃႈ။ လၢဝ်​ဢၼ်​ၶဝ်​လႆႈ​ႁၼ်​ၼႂ်း​မိူင်း​တၢင်း​ဝၼ်း​ဢွၵ်ႇ​ၼၼ်ႉ ၵႂႃႇ​ပႃႈ​ၼႃႈ​ၶဝ်​သေ​လႄႈ ၵိုတ်း​ၼိမ်​ယူႇ​ၵႃႈ​တီႈ​ၼိူဝ်​တီႈ​ဢၼ် လုၵ်ႈ​ဢွၼ်ႇ​မီး​ၼၼ်ႉ​ဢေႃႈ။-</verse>
				<verse number="10">ၶဝ်​ၸိူဝ်း​ၼၼ်ႉ မိူဝ်ႈ​ဢၼ်​ႁၼ်​လၢဝ်​ၼၼ်ႉ​ၸိုင် သိူဝ်း​ၸူမ်း​ၼႃႇ​လူင်​လၢင်​လႄႈ၊-</verse>
				<verse number="11">ၶဝ်ႈ​ၵႂႃႇ​ၵႃႈ​ၼႂ်း​ႁိူၼ်း​လႄႈ ထူပ်း​ႁၼ်​လုၵ်ႈ​ဢွၼ်ႇ​တင်း​မႄႈ​ၸဝ်ႈ​ မႃႇရီႉ ​သေ​ယဝ်ႉ၊ ၶုပ်ႉ​မူပ်ႇ​ဝႆႈ​လႄႈ ဢဝ်​ၽၼ်ႇတႃႇ ဢုၵ်ႉ​ၸႃႇ​ၶဝ်​ဢွၵ်ႇ​ယဝ်ႉ​ၸင်ႇ၊ ဢဝ်​ၶမ်း ဢိၵ်ႇ​တင်း လေႃႇပၢၼ်ႇ တင်း​ မူႉရၼ်ႇ ၵၢပ်ႈ​ပုၵ်ႈ​ၸေႃႇ​ဢေႃႈ။-</verse>
				<verse number="12">လိုၼ်း​ၼၼ်ႉ လွင်ႈ​ၼင်ႇ​ႁိုဝ်​တၵ်း​ဢမ်ႇ​လႆႈ​ၶိုၼ်း​မိူဝ်း​ၸူး​ၵႃႈ​တီႈ​ၶုၼ်​ႁေႃ​ၶမ်း ႁေႇရူတ်ႈ ​ၸိုင်၊ ၶဝ်​လႆႈ​ပျႃႇ​တိၵ်ႈ​ၸဝ်ႈ ၼႂ်း​တၢင်း​ဢၼ်​ၼွၼ်း​ၽၼ်​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ၶဝ်​ပုၼ်ႉ သဵၼ်ႈ​တၢင်း​တၢင်ႇ​သဵၼ်ႈ​သေ​ဢေႃႈ။</verse>
				<verse number="13">ဝၢႆး​သေ​ၶဝ်​ၸိူဝ်း​ၼၼ်ႉ​မိူဝ်း​ၵႂႃႇ​ယဝ်ႉ၊ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ပေႃႇ​မႃး​တီႈ​ ယူဝ်းသႅပ်ႈ ၼႂ်း​တၢင်း​ဢၼ်​ၼွၼ်း​ၽၼ်​လႄႈ​ဝႃႈ၊ လုၵ်ႉ​တႃႉ။ ဢဝ်​လုၵ်ႈ​ဢွၼ်ႇ​တင်း​မႄႈ​ၸဝ်ႈ ပၢႆႈ​ၵႂႃႇ​ၵႃႈ​တီႈ​မိူင်း ဢေႇၵိပ်ႉတူႉ ​ပုၼ်ႉ​လႄႈ ယူႇ​ၵႃႈ​တီႈ​ၼၼ်ႈ တေႃႇ​ထိုင်​ႁွတ်ႈ​ၸူဝ်ႈ​ဢၼ်​ၵဝ်​ဢမ်ႇ​ပႆႇ​ၶိုၼ်း​လၢတ်ႈ​တီႈ​မႂ်း​ၼၼ်ႉ​တႃႉ။ ၶုၼ်​ႁေႃ​ၶမ်း ႁေႇရူတ်ႈ ​တၵ်း​ႁႃ​လုၵ်ႈ​ဢွၼ်ႇ​ၼႆႉ ႁႂ်ႈ​လႆႈ​ဢဝ်​တၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မိူဝ်ႈ​ၼၼ်ႉ ယူဝ်းသႅပ်ႈ ​လုၵ်ႉ​လႄႈ ဢဝ်​လုၵ်ႈ​ဢွၼ်ႇ​တင်း​မႄႈ​ၸဝ်ႈ ၶိင်ႇ​ၵၢင်​ၶိုၼ်း ပၢႆႈ​ၵႂႃႇ​ၵႃႈ​တီႈ​မိူင်း ဢေႇၵိပ်ႉတူႉ ​ပုၼ်ႉ​သေ​ယဝ်ႉ၊ ယူႇ​ၵႃႈ​တီႈ​ၼၼ်ႈ တေႃႇ​ထိုင်​ႁွတ်ႈ​ၶုၼ် ႁေႇရူတ်ႈ ထၼ်ႈ​ပေႃး​တၢႆ​ၼၼ်ႉ​ဢေႃႈ။-</verse>
				<verse number="15">လွင်ႈ​တၢင်း​ၼႆႉ​ၸမ်ႉ၊ ၼင်ႇ​ႁိုဝ်​ပျႃႇ​တိၵ်ႈ ဢၼ်​ၽြႃး​ပဵၼ်​ၸဝ်ႈ​ဢဝ်​တင်း ပရေႃးၽႅတ်ႈ​လၢတ်ႈ​ဝႆႉ​လႄႈ​ဝႃႈ၊ ၵဝ်​ႁွင်ႉ​ဢဝ်​လုၵ်ႈ​ၸၢႆး​ၵဝ် ဢွၵ်ႇ​သေ​ၵႃႈ​ၼႂ်း​မိူင်း ဢေႇၵိပ်ႉတူႉ ​မႃး​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ တၵ်း​ပျေႉ​ၸုမ်ႇ​ၸိုင်၊ ၸင်ႇ​ပဵၼ်​ဢေႃႈ။</verse>
				<verse number="16">ၶုၼ်​ႁေႃ​ၶမ်း​ ႁေႇရူတ်ႈ ​ၼၼ်ႉ မိူဝ်ႈ​ဢၼ်​ႁူႉ​လွင်ႈ​ဢၼ် မႃႇ​ၵူႉ​ပိင်ႇ​ၺႃႇ​သီႉ​ၸိူဝ်း​ၼၼ်ႉ ပႅတ်ႉ​လႅၼ်​ၼၼ်ႉ​ၸိုင် ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​လႄႈ ထွၵ်ႈ​လူၺ်ႈ​ၶိင်ႇ​ၵႃႇလႃႉ လၢဝ်​ဢၼ်​လႆႈ​ထၢမ်​ဝႆႉ​ၵႃႈ​တီႈ​မႃႇ​ၵူႉ​ပိင်ႇ​ၺႃႇ​သီႉ​ၶဝ် သေႇ​ၶျႃႇ​လီ​ငၢမ်း​ၼၼ်ႉ​ယဝ်ႉ​ၸင်ႇ၊ ပွႆႇ​ၸႂ်ႉ​ၵူၼ်း​ၵႂႃႇ​လႄႈ ဢဝ်​ၽူႈ​ၸၢႆး​ဢွၼ်ႇ ဢၼ်​ဢသၢၵ်ႈ​လႆႈ​သွင်​ပီႊ​လူင်း​လုမ်ႈ တင်း​သဵင်ႈ​တင်း​လူင်​ၼၼ်ႉ​တၢႆ ၸႃႉ​ၸဵမ်​ၼႂ်း​ဝဵင်း​ ပႅတ်ႉလႁႅမ်ႇ ဝၢၼ်ႈ​ၼွၵ်ႈ​ၼႃး​ပၢင်ႇ တင်း​သဵင်ႈ​တင်း​လူင်​ဢေႃႈ။-</verse>
				<verse number="17">ၵႂၢမ်း​ဢၼ်​ပရေႃးၽႅတ်ႈ​ ယေႇရမီႉ ႁေႃး​ဝႆႉ​ၼၼ်ႉ​ၸိုင် ပျေႉ​ၸုမ်ႇ​မိူဝ်ႈ​ၼၼ်ႉ​ဢေႃႈ။-</verse>
				<verse number="18">ၵႂၢမ်း​ၼၼ်ႉ​ၸမ်ႉ၊ ၵႃႈ​ၼႂ်း​တီႈ​ ရႃႇမႃႉ လႆႈ​ငိၼ်း​သဵင်​ပွင်ႉ​သဵင်​ၶၢင်း သဵင်​ႁွင်ႉ​သဵင်​ႁႆႈ​လႄႈ ရႃႇၶေႇလႃႉ ပိူဝ်ႈ​ဢၼ်​လုၵ်ႈ​လၢင်း​တူဝ်​ၸဝ်ႈ​ၵဝ်ႇ​တင်း​လၢႆ​ဢမ်ႇ​မီး​လႄႈ ႁႆႈ​ယူႇ​ဢမ်ႇ​ပေႇ​ၸႂ်​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ဝၢႆး​သေ​ၶုၼ်​ႁေႃ​ၶမ်း​ ႁေႇရူတ်ႈ ​ၼၼ်ႉ​တၢႆ​ယဝ်ႉ၊ တမၢၼ်ႇ​ၵၢင်​ႁၢဝ် ထႃႇဝရႃႉ​ၽြႃး​သမ်ႉ ပေႃႇ​မႃး​ၵႃႈ​တီႈ​ ယူဝ်းသႅပ်ႈ ၼႂ်း​တၢင်း​ဢၼ် ၼွၼ်း​ၽၼ် ၵႃႈ​တီႈ​မိူင်း ဢေႇၵိပ်ႉတူႉ ပုၼ်ႉ​လႄႈ​ဝႃႈ၊-</verse>
				<verse number="20">လုၵ်ႉ​တႃႉ၊ ဢဝ်​လုၵ်ႈ​ဢွၼ်ႇ​တင်း​မႄႈ​ၸဝ်ႈ မိူဝ်ႈ​ၵႂႃႇ​ၵႃႈ​တီႈ​မိူင်း ဢီႉသရေႇလႃႉ ​ပုၼ်ႉ​တႃႉ။ ၶဝ်​ၸိူဝ်း​ဢၼ်​ႁႃ​ႁႂ်ႈ​လႆႈ​ဢဝ်​လုၵ်ႈ​ဢွၼ်ႇ​တၢႆ​တင်း​လၢႆ​ၼၼ်ႉ တၢႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မိူဝ်ႈ​ၼၼ်ႉ ယူဝ်းသႅပ်ႈ ​လုၵ်ႉ​လႄႈ ဢဝ်​လုၵ်ႈ​ဢွၼ်ႇ​တင်း မႄႈ​ၸဝ်ႈ​သေ​ယဝ်ႉ၊ မိူဝ်း​ၵႂႃႇ​ၵႃႈ​တီႈ​မိူင်း ဢီႉသရေႇလႃႉ ​ဢေႃႈ။-</verse>
				<verse number="22">မိူဝ်ႈ​ဢၼ်​ငိၼ်း​လွင်ႈ​ဢၼ် ဢႃႇၶေႇလႃႉ ​လႆႈ​ဢရႃႇ​ပေႃႈ​မၼ်း​ၸဝ်ႈ ၶုၼ်​ႁေႃ​ၶမ်း​ ႁေႇရူတ်ႈ ၵႃႈ​တီႈ​မိူင်း​ ယူႉတႃႉ ​ၼၼ်ႉ​ၸိုင်၊ ဢမ်ႇ​ႁတ်း​ၵႂႃႇ​ႁွတ်ႈ​ၵႃႈ​တီႈ​ပုၼ်ႉ​လႄႈ သမ်ႉ​လႆႈ​ပျႃႇ​တိၵ်ႈ​ၸဝ်ႈ ၼႂ်း​တၢင်း​ဢၼ်​ၼွၼ်း​ၽၼ်​ယဝ်ႉ​ၸင်ႇ၊ ငႅၵ်း​ၵႂႃႇ​ၵႃႈ​တီႈ​မိူင်း​ ၵႃႇလီႉလႄး ​ပုၼ်ႉ​လႄႈ၊-</verse>
				<verse number="23">ႁွတ်ႈ​ထိုင်​သေ​ယဝ်ႉ၊ ယူႇ​ၵႃႈ​ၼႂ်း​ဝဵင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ ၼႃႇၸရႅတ်ႈ ​ၼၼ်ႉ​ဢေႃႈ။ ဢၼ်​ပရေႃးၽႅတ်ႈ​တင်း​လၢႆ​လၢတ်ႈ​ဝႆႉ​လႄႈ​ဝႃႈ၊ ၸဝ်ႈ​ၶရိၸ်ႈ​ၸိုင် တၵ်း​လႆႈ​ႁွင်ႉ​ႁဵၵ်ႈ​ၵူၼ်း​ ၼႃႇၸရႅတ်ႈ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပျေႉ​ၸုမ်ႇ​ယဝ်ႉ​ဢေႃႈ။</verse>
			</chapter>
			<chapter number="3">
				<verse number="1">မိူဝ်ႈ​ၵႃႇလႃႉ​ယၢမ်း​ၼၼ်ႉ၊ ယူဝ်းႁၢၼ်ႇ ​ဢၼ်​ပၼ်​ ပပ်ႉတီႉၸမ်ႇ ​ၼၼ်ႉ ပေႃႇ​မႃး​သေ​ယဝ်ႉ၊ ႁေႃး​လၢတ်ႈ​ၵႃႈ​တီႈ​ၼႂ်း​ထိူၼ်ႇ​မိူင်း​ ယူႉတႃႉ ​လႄႈ​ဝႃႈ၊-</verse>
				<verse number="2">ပိူဝ်ႈ​ဢၼ် မိူင်း​ၵၢင်​ႁၢဝ်​ၸမ်​တၵ်း​တႄႇ​ပဵၼ်​ယဝ်ႉ​လႄႈ ၶုၵ်း​ၸႂ်​လႆႈ​မႆႈ​ၸႂ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ပရေႃးၽႅတ်ႈ ဢီႉသႃႇယႃႉ ​ႁေႃး​လၢတ်ႈ​ဝႆႉ​ၸမ်ႉ၊ သဵင်​ၵေႃႉ​ဢၼ်​ႁွင်ႉ​သႅၼ်ႇ​ၵႃႈ​ၼႂ်း​ထိူၼ်ႇ​လႄႈ​ဝႃႈ၊ မႄး​သဵၼ်ႈ​တၢင်း​ထႃႇဝရႃႉ​ၽြႃး​တႃႉ။ ႁႂ်ႈ​သဵၼ်ႈ​တၢင်း​မၼ်း​ၸဝ်ႈ​သိုဝ်ႈ​တႃႉ၊ ဝႃႈ​ၼင်ႇ​ၼႆ​ၼၼ်ႉ ၶႂ်ႈ​ဝႃႈ​ ယူဝ်းႁၢၼ်ႇ ​ၼၼ်ႉ​ဢေႃႈ။-</verse>
				<verse number="4">ယူဝ်းႁၢၼ်ႇ ​ၼၼ်ႉ ၼုင်ႈ​ၶူဝ်း​ဢၼ်​ဢဝ်​ၶူၼ်​ၵလႃးဢုၵ်ႉ​တေႃး​ႁဵတ်း​ၼၼ်ႉ၊ ၵႃႈ​တီႈ​ဢႅဝ် ႁတ်ႉ​တင်း​သၢႆ​ၼင်​သေ​လႄႈ ၵိၼ်​မႅင်း​ၵႅင်း​တင်း​ၼမ်ႉ​ၽိုင်ႈ ဢၼ်​မီး​ၵႃႈ​ၼႂ်း​ထိူၼ်ႇ​ဢေႃႈ။-</verse>
				<verse number="5">မိူဝ်ႈ​ၼၼ်ႉ ၸႃႉ​ၸဵမ်​ၵူၼ်း​ဝဵင်း ယေႇရူႉသလႅမ်ႇ ၊ ၵူၼ်း​မိူင်း​ ယူႉတႃႉ ၊ ၵူၼ်း​ဢၼ်​ယူႇ​ႁိမ်း​ႁွမ်း​ၼမ်ႉ​ႁွင်ႈ​ ယေႃးတၢၼ်ႇ တင်း​သဵင်ႈ​တင်း​လူင်​ၸိူဝ်း​ၼၼ်ႉ ဢွၵ်ႇ​ၵႂႃႇ​ၸူး​ၵႃႈ​တီႈ​ ယူဝ်းႁၢၼ်ႇ ​ပုၼ်ႉ​လႄႈ၊-</verse>
				<verse number="6">ၽုၺ်ႇ​ၼႄ​ဢပႅတ်ႈ တူဝ်​ၸဝ်ႈ​ၵဝ်ႇ​တင်း​လၢႆ​သေ​ယဝ်ႉ၊ ၶၢမ်ႇ​ ပပ်ႉတီႉၸမ်ႇ ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။</verse>
				<verse number="7">ယူဝ်းႁၢၼ်ႇ ​ၼၼ်ႉ မိူဝ်ႈ​ဢၼ်​ႁၼ် ၽႃႇရီႉသႄး ဢိၵ်ႇ​တင်း​ ၸတ်ႉတူႉၵႄး ၼမ်​ၼႃႇ ၶႂ်ႈ​ၶၢမ်ႇ​ ပပ်ႉတီႉၸမ်ႇ ​လႄႈ​မႃး​ၼၼ်ႉ​ၸိုင်၊ လၢတ်ႈ​လႄႈ​ဝႃႈ၊ ၸိူဝ်ႉ​ၶိူဝ်း​ငူး​ႁၢႆႉ​ၶဝ်​ဢိူၺ်း၊ ၼင်ႇ​ႁိုဝ်​သူ​တၵ်း​လႅၼ်ႈ​ပၢႆႈ​သေ​ၵႃႈ​တီႈ​ၽေး​တၢမ်ႇ ဢၼ်​တၵ်း​ႁွတ်ႈ​မႃး​ၼၼ်ႉ​ၸိုင်၊ ၽူႈ​လႂ်​ပၼ်​သတီႉ​တီႈ​သူ။-</verse>
				<verse number="8">မၢၵ်ႇ​ဢၼ်​ၵိုင်ႇ​ၵၼ်​တင်း တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၸိုင် မၢၵ်ႇ​တႃႉ။-</verse>
				<verse number="9">ဢႃႇပြႃႇႁၢမ်ႇ ပဵၼ်​ပေႃႈ​ၵဝ်​ဝႃႈ​ၼႆ ယႃႇ​ပေ​ထၢင်ႇ​ပေ​ဝႃႈ​ၼႂ်း​ၸႂ်။ ၽြႃး​ပဵၼ်​ၸဝ်ႈ ဢဝ်​ၼႂ်း​မၢၵ်ႇ​ႁိၼ်​ၸိူဝ်း​ၼႆႉ ဢွၵ်ႇ​ၽၢၼ်ႇ​သၢင်း​ႁဵတ်း​ပဵၼ် လုၵ်ႈ​ ဢႃႇပြႃႇႁၢမ်ႇ လႆႈ​ယူႇ​ဢေႃႈ။-</verse>
				<verse number="10">တေႃႈ​လဵဝ်​ၼႆႉ ဢဝ်​တင်း​တႃ​မၢတ်ႇ​ဝႆႉ ၵႃႈ​တီႈ​ႁိမ်း​ႁၢၵ်ႈ​တူၼ်ႈ​မႆႉ​ယူႇ​လႄႈ တူၼ်ႈ​ဢၼ်​ဢမ်ႇ​မၢၵ်ႇ​မၢၵ်ႇ​ဢၼ်​လီ ၵႃႈ​မီး​တင်း​သဵင်ႈ​တင်း​လူင်​ၸိုင် ၽၼ်း​လူမ်ႉ​လႄႈ ၶျႃး​သႂ်ႇ​ၵႃႈ​ၼႂ်း​ၽႆး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၵဝ်​ဢဝ်​သူ​ပၼ် ပပ်ႉတီႉၸမ်ႇ ​ၼႂ်း​ၼမ်ႉ ပုၼ်ႈ​လွင်ႈ​ၼင်ႇ​ႁိုဝ် တၵ်း​ၶုၵ်း​ၸႂ်​လႆႈ မႆႈ​ၸႂ်​ဢေႃႈ။ ၵေႃႉ​ဢၼ်​မႃး​လိုၼ်း​ၵဝ်​ၼၼ်ႉ ယႂ်ႇ​မျၢတ်ႈ​ၼႃႇ​သေ​ၵဝ်​ဢေႃႈ။ ၵဝ်​ၼႆႉ ယင်း​ဢမ်ႇ​ထိူၵ်ႈ​ပႃး​ထိူၵ်ႈ​ဢဝ် ၶႅပ်း​တိၼ်​ၵေႃႉ​ၼၼ်ႉ။ ၵေႃႉ​ၼၼ်ႉ ၼႂ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​လႄႈ​သင်၊ ၼႂ်း​ၽႆး​လႄႈ​သင်၊ တၵ်း​ဢဝ်​သူ​ပၼ် ပပ်ႉတီႉၸမ်ႇ ​ဢေႃႈ။-</verse>
				<verse number="12">ၼႂ်း​မိုဝ်း​မၼ်း​ၸဝ်ႈ​ၼၼ်ႉ မီး​လူင်ႈ​ၽတ်း​ယူႇ​သေ​လႄႈ တၵ်း​ႁႂ်ႈ တလၢင်း​ယဵပ်ႇ​ၶဝ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​ဢေႃႈ။ ၶဝ်ႈ​ၵျုင်ႇ​တူဝ်​ၸဝ်ႈ​ၵဝ်ႇ​ၸမ်ႉ၊ တၵ်း​ဢဝ်​ၸူႉ​ဢဝ်​သိမ်း​ဝႆႉ​ၼႂ်း​ယွင်​ၼႂ်း​ယေး​လႄႈ ၶဝ်ႈ​လိပ်ႈ​ၸမ်ႉ၊ တၵ်း​ဢဝ်​တင်း​ၽႆး ဢၼ်​ဢမ်ႇ​မွတ်ႇ​လႆႈ​ၼၼ်ႉ တုတ်ႇ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">မိူဝ်ႈ​ၼၼ်ႉ ယေႇသူႉ ​လုၵ်ႉ​သေ​ၵႃႈ​တီႈ​မိူင်း​ ၵႃႇလီႉလႄး လူင်း​မႃး​ၸူး​ၵႃႈ​တီႈ​ ယူဝ်းႁၢၼ်ႇ ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ႁႂ်ႈ​လႆႈ​ၶၢမ်ႇ​ ပပ်ႉတီႉၸမ်ႇ ​ဢေႃႈ။-</verse>
				<verse number="14">ယူဝ်းႁၢၼ်ႇ ​ၵေႃႈ ႁၢမ်ႈ​တၢပ်ႈ​ႁႄႉ​ၶႅၼ် ယေႇသူႉ ​လႄႈ​ဝႃႈ၊ ၵဝ်​ၶႃႈ​မီး​လွင်ႈ​ဢၼ် တၵ်း​လႆႈ​ၶၢမ်ႇ​ ပပ်ႉတီႉၸမ်ႇ ​ၵႃႈ​တီႈ​ၸဝ်ႈ​ႁဝ်း​လႄႈ ၸဝ်ႈ​ႁဝ်း​မႃး​ၵႃႈ​တီႈ​ၵဝ်​ၶႃႈ​ၼႆႉ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​ထုၵ်ႇ​လီ​ၵမ်​ၵျၢင်ႉ​တြႃး တင်း​သဵင်ႈ​တင်း​မူတ်း​လႄႈ တေႃႈ​လဵဝ်​ၼႆႉ ပၼ်​ဢၶႂၢင်ႉ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ ယူဝ်းႁၢၼ်ႇ ႁပ်ႉ​တုင်း​ဢဝ်​မၼ်း​ၸဝ်ႈ​ဢေႃႈ။-</verse>
				<verse number="16">ယေႇသူႉ ​ၶၢမ်ႇ​ ပပ်ႉတီႉၸမ်ႇ ​သေ​ယဝ်ႉ၊ ၼႂ်း​မိူဝ်ႈ​ဢၼ်​လုၵ်ႉ​သေ​ၵႃႈ​ၼႂ်း​ၼမ်ႉ ဢွၵ်ႇ​မႃး​ၵမ်း​လဵဝ်​ယူႇ​ၼၼ်ႉ၊ ၵၢင်​ႁၢဝ်​ၽုၺ်ႇ​ပိုတ်ႇ​သေ​လႄႈ လႆႈ​ႁၼ်​ဝီႉၺိၺ်ႇ ၽြႃး​ပဵၼ်​ၸဝ်ႈ​လူင်း​မႃး​ၸပ်း​ၵႃႈ​ၼိူဝ်​မၼ်း​ၸဝ်ႈ​ၸိူဝ်ႉ​ၼင်ႇ​ၼူၵ်ႉ​တူႈ​လႄႈ သဵင်​ၸဝ်ႈ​ပဵၼ်​မႃး​ၵႃႈ​ၼိူဝ်​ၵၢင်​ႁၢဝ်​လႄႈ​ဝႃႈ၊-</verse>
				<verse number="17">ၵေႃႉ​ၼႆႉ​ၸမ်ႉ၊ ပဵၼ်​လုၵ်ႈ​ဢၼ်​ၵဝ်​ႁၵ်ႉ​ၼႃႇ၊ တီႈ​ဢၼ်​ၵဝ်​ထုၵ်ႇ​ၸႂ်​ၵျိူၵ်ႈ​ၸႂ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="4">
				<verse number="1">မိူဝ်ႈ​ၼၼ်ႉ ဝီႉၺိၺ်ႇ​ၸဝ်ႈ ဢဝ်​ ယေႇသူႉ ​ၵႂႃႇ​သူင်ႇ​ၵႃႈ​တီႈ​ၼႂ်း​ထိူၼ်ႇ ႁႂ်ႈ​မၼ်း​ၸဝ်ႈ​လႆႈ​ၶၢမ်ႇ​တၢင်း​ဢၼ် မႃႇၼၢတ်ႈ​ၸၢမ်း​တူၺ်း​ၸူဝ်း​ဢဝ်​လႄႈ၊-</verse>
				<verse number="2">မၼ်း​ၸဝ်ႈ​ၼၼ်ႉ ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​လႆႈ သီႇ​သိပ်း​ဝၼ်း​သီႇ​သိပ်း​ၶိုၼ်း​တဵမ်​တဵမ်​ယဝ်ႉ​ၸင်ႇ၊ တွင်ႉ​မႆႈ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ၵေႃႉ​ဢၼ်​ၸၢမ်း​တူၺ်း ၸူဝ်း​ဢဝ်​ၼၼ်ႉ သုတ်ႉ​ၸမ်​လႄႈ​လဝ်ႊ​ဝႃႈ၊ ပေႃး​ၸဝ်ႈ​ႁဝ်း​ၸႂ်ႈ​လုၵ်ႈ​ၽြႃး​ပဵၼ်​ၸဝ်ႈ​ၸိုင်၊ မီး​ဢမိင်ႉ​ႁႂ်ႈ​မၢၵ်ႇ​ႁိၼ်​ၸိူဝ်း​ၼႆႉ ပဵၼ်​ၶဝ်ႈ​မုၼ်း​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="4">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၵူၼ်း​တၵ်း​လႆႈ​ဢဝ်​ၶဝ်ႈ​မုၼ်း​ၵူၺ်း လဵင်ႉ​ၸႂ်​ဢမ်ႇ​ၸႂ်ႈ၊ တၵ်း​လႆႈ​ဢဝ်​တင်း​ၵႃႈ​ဢၼ်​ၽြႃး​ပဵၼ်​ၸဝ်ႈ​လၢတ်ႈ​ဝႆႉ​ၼၼ်ႉ လဵင်ႉ​ၸႂ်​ဢေႃႈ၊ မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ၼၼ်ႉ မႃႇၼၢတ်ႈ​သမ်ႉ​ဢဝ်​မၼ်း​ၸဝ်ႈ​ၵႂႃႇ​သူင်ႇ​ၵႃႈ​တီႈ ဝဵင်း​ဢၼ်​မူတ်း​ၸၢင်ႇ​ပုၼ်ႉ​လႄႈ တၢင်ႇ​ဝႆႉ​ၵႃႈ​ၼိူဝ်​ပၢႆ​ၸိၵ်း​ၸွမ်​ပိၵ်ႈ​မၢၼ်ႇ​ၸဝ်ႈ​ယဝ်ႉ​ၸင်ႇ၊ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="6">ပေႃး​ၸဝ်ႈ​ႁဝ်း​ၸႂ်ႈ​လုၵ်ႈ​ၽြႃး​ပဵၼ်​ၸဝ်ႈ​ၸိုင်၊ ၸဝ်ႈ​ႁဝ်း​ဢဝ်​တူဝ်​ၸဝ်ႈ​ၵဝ်ႇ ပွႆႇ​တူၵ်း​ၵႃႈ​တႂ်ႈ​သေ​ၵမ်း။ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ မၼ်း​ၸဝ်ႈ​တၵ်း​သင်ႇ​လၢတ်ႈ​လွင်ႈ​မႂ်း​ဝႆႉ တီႈ​တမၢၼ်ႇ​ၵၢင်​ႁၢဝ်​တင်း​လၢႆ​လႄႈ၊ ၼင်ႇ​ႁိုဝ်​ၶဝ်​တၵ်း​ဢမ်ႇ​ပၼ်​ႁႂ်ႈ​တိၼ်​မႂ်း​တိူဝ်ႉ​မၢၵ်ႇ​ႁိၼ်​ၸိုင်၊ ၶဝ်​တၵ်း​ဢဝ်​တင်း​မိုဝ်း​ႁႄႉ​ႁပ်ႉ ယွင်ႈ​ဢဝ်​မႂ်း​ဢေႃႈ၊ မႃး​ၼင်ႇ​ၼႆ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="7">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ဢၼ်​သမ်ႉ​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ထႅင်ႈ​ၸမ်ႉ၊ မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၸၢမ်း​တူၺ်း ၽြႃး​ပဵၼ်​ၸဝ်ႈ​မႂ်း ထႃႇဝရႃႉ​ၽြႃး မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵမ်း​ၼၼ်ႉ မႃႇၼၢတ်ႈ​သမ်ႉ ဢဝ်​ ယေႇသူႉ ​ၵႂႃႇ ၵႃႈ​တီႈ​ၼိူဝ်​လွႆ​ဢၼ်​သုင်​ၼႃႇ​လႄႈ ၼႄ​ပျႃး​မိူင်း​တင်း​သဵင်ႈ​တင်း​လူင် ၵႃႈ​မီး​ၼႂ်း​လေႃးၵႃႉ​ၼႆႉ ဢိၵ်ႇ​တင်း​မုၼ်​ၸေး​ၸိမ်ႇ​မိူင်း​ၸိူဝ်း​ၼၼ်ႉ​တီႈ​မၼ်း​ၸဝ်ႈ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="9">ပေႃး​ၸဝ်ႈ​ႁဝ်း​ၶုပ်ႉ​မူပ်ႇ​ဝႆႈ​ၵဝ်​ၸိုင်၊ ၵဝ်​တၵ်း​ပၼ် ၵႃႈ​ဢၼ်​ၼႄ​ပျႃး​ၸိူဝ်း​ၼႆႉ​တီႈ​ၸဝ်ႈ​ႁဝ်း​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ၸႃႇတၢၼ်ႇ ​ဢိူၺ်း၊ သုတ်ႉ​ပႃႈ​လင်​ၵဝ်​တႃႉ။ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ မႂ်း​တၵ်း​လႆႈ​ၵူဝ်း​ၵႂၢႆႇ ၽြႃး​ပဵၼ်​ၸဝ်ႈ​မႂ်း ထႃႇဝရႃႉ​ၽြႃး​ဢေႃႈ။ တၵ်း​လႆႈ​ႁဵတ်း​ဝၢတ်ႈ​တီႈ​မၼ်း​ၸဝ်ႈ​ၼၼ်ႉ​ၵူၺ်း၊ မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​ၼၼ်ႉ မႃႇၼၢတ်ႈ​ၸင်ႇ ဢွၵ်ႇ​ၵႂႃႇ​သေ​ၵႃႈ​တီႈ​မၼ်း​ၸဝ်ႈ​လႄႈ တမၢၼ်ႇ​ၵၢင်​ႁၢဝ်​တင်း​လၢႆ မႃး​ႁဵတ်း​လဵင်ႉ​ႁဵတ်း​လူ​မၼ်း​ၸဝ်ႈ​ဢေႃႈ။</verse>
				<verse number="12">ယေႇသူႉ ​ၼၼ်ႉ မိူဝ်ႈ​ဢၼ်​ငိၼ်း​လွင်ႈ​ဢၼ်​ ယူဝ်းႁၢၼ်ႇ ​တူၵ်း​ထွင်ႇ​ၸိုင်၊ ၸင်ႇ​ၵႂႃႇ​ၵႃႈ​တီႈ​မိူင်း​ ၵႃႇလီႉလႄး ​ပုၼ်ႉ​လႄႈ၊-</verse>
				<verse number="13">ပႅတ်ႈ​ဝႆႉ​ဝဵင်း​ ၼႃႇၸရႅတ်ႈ ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ဝဵင်း ၵပိူဝ်ႇၼေႇဢုမ်ႇ ​ဢၼ်​မီး​ၸပ်း​ႁိမ်း​ၼွင် ၵႃႈ​တီႈ​ၶိုင်ႈ​ၵၢင်​ဢိူင်ႇ​ ၸေႇပူႉလုၼ်ႇ တင်း​ဢိူင်ႇ ၼပ်ႉထလီႉ ​ၼၼ်ႉ​လႄႈ ယူႇ​ၵႃႈ​တီႈ​ဝဵင်း​ၼၼ်ႉ​ဢေႃႈ။-</verse>
				<verse number="14">လွင်ႈ​တၢင်း​ၸိူဝ်း​ၼႆႉ​ၸမ်ႉ၊ ၼင်ႇ​ႁိုဝ်​ၵႂၢမ်း​ဢၼ်​ပရေႃးၽႅတ်ႈ​ ဢီႉသႃႇယႃႉ ႁေႃး​လၢတ်ႈ​ဝႆႉ​ၼၼ်ႉ တၵ်း​ပျေႉ​ၸုမ်ႇ​ၸိုင် ၸင်ႇ​ပဵၼ်​ဢေႃႈ။-</verse>
				<verse number="15">ၵႂၢမ်း​ၸိူဝ်း​ၼၼ်ႉ​ဝႃႈ​ၸမ်ႉ၊ ဢိူင်ႇ​ ၸေႇပူႉလုၼ်ႇ ​တင်း​ဢိူင်ႇ​ ၼပ်ႉထလီႉ ၊ သဵၼ်ႈ​တၢင်း​ဢၼ်​တႆႇ​ၸွမ်း​ႁိမ်း​ၼွင်​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​မိူင်း​ ၵႃႇလီႉလႄး တီႈ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ယူႇ​ၼၼ်ႉ၊-</verse>
				<verse number="16">ၵူၼ်း​ဢၼ်​မီး​ယူႇ​ၼႂ်း​လပ်း​သိင်ႇ​တင်း​လၢႆ လႆႈ​ႁၼ်​ဢၼ်​လႅင်း ဢၼ်​ယႂ်ႇ​ၼႃႇ​လူင်​လၢင်​လႄႈ ဢၼ်​လႅင်း​ပေႃႇ​မႃး​ႁိူဝ်ႈ​လႅင်း​ၵႃႈ​တီႈ​ၶဝ်​ၸိူဝ်း​ဢၼ် မီး​ယူႇ​ၼႂ်း​ႁူမ်ႈ​တၢင်း​တၢႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၸႃႉ​ၸဵမ်​မိူဝ်ႈ​ၼၼ်ႉ ယေႇသူႉ ၸင်ႇ​ၸႃႉ​ႁေႃး​ၸႃႉ​လၢတ်ႈ​လႄႈ​ဝႃႈ၊ ၶုၵ်း​ၸႂ်​လႆႈ​မႆႈ​ၸႂ်​တႃႉ။ မိူင်း​ၵၢင်​ႁၢဝ်​ၸဝ်ႈ ၸမ်​တၵ်း​တႄႇ​ပဵၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ၼႂ်း​မိူဝ်ႈ​ဢၼ်​ ယေႇသူႉ ၸွမ်း​ႁိမ်း​ၼွင်​ ၵႃႇလီႉလႄး ​ၵႂႃႇ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ထူပ်း​ႁၼ် ပေႇတရူႉ ​ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ​ သီႉမုၼ်ႇ တင်း​ၼွင်ႉ​ၸၢႆး​မၼ်း ဢၼ်ႇတရေႇ ​ၶဝ်​ပီႈ​ၼွင်ႉ​သွင်​ၵေႃႉ ဝၢၼ်ႇ​ၶႄ​တူၵ်း​ၼႂ်း​ၼွင်​ယူႇ​ဢေႃႈ။-</verse>
				<verse number="19">ၶဝ်​ၸိူဝ်း​ၼၼ်ႉ​ၸမ်ႉ၊ ပဵၼ်​တမ်ႇ​ငႃႈ​ဢေႃႈ။ မၼ်း​ၸဝ်ႈ​လၢတ်ႈ​တီႈ​ၶဝ်​လႄႈ​ဝႃႈ၊ ၸွမ်း​ပႃႈ​လင်​ၵဝ်​တႃႉ။ ၵဝ်​တၵ်း​ႁႂ်ႈ​သူ​ပဵၼ်​တမ်ႇ​ငႃႈ​ဢၼ်​မဵတ်း​ၵူၼ်း​ဢေႃႈ၊-</verse>
				<verse number="20">မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ ပႅတ်ႈ​ဝႆႉ​ၶႄ​ၶဝ်​ၵမ်း​လဵဝ်​သေ​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။-</verse>
				<verse number="21">မၼ်း​ၸဝ်ႈ​ပူၼ်ႉ​သေ​တီႈ​ၼၼ်ႈ​ၵႂႃႇ​ယဝ်ႉ​ၸင်ႇ၊ ထူပ်း​ႁၼ်​ပီႈ​ၼွင်ႉ​သွင်​ၵေႃႉ​တၢင်ႇ​တီႈ​ဢၼ်​ဝႃႈ ယႃႇၵုပ်ႈ ​လုၵ်ႈ​ၸၢႆး​ ၸေႇပေႇတႄး တင်း​ၼွင်ႉ​ၸၢႆး​မၼ်း​ ယူဝ်းႁၢၼ်ႇ မႄး​ၽုင်​ၶႄ​ၶဝ်​ယူႇ​ၵႃႈ​ၼိူဝ်​ႁိူဝ်း လူၺ်ႈ​ၵၼ်​တင်း​ပေႃႈ​ၶဝ်​လႄႈ ႁွင်ႉ​ဢဝ်​ၶဝ်​ၼၼ်ႉ​ဢေႃႈ။-</verse>
				<verse number="22">ၶဝ်​ၼၼ်ႉ​ၵေႃႈ ပႅတ်ႈ​ဝႆႉ​ပေႃႈ​ၶဝ် တင်း​ႁိူဝ်း​ၵမ်း​လဵဝ်​သေ​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။</verse>
				<verse number="23">ယေႇသူႉ ​တေႇသႃႉၸႃႇရီႇ​လႄႇ​လဵပ်ႈ​ၼႂ်း​မိူင်း ၵႃႇလီႉလႄး ​တင်း​သဵင်ႈ​တင်း​လူင်​လႄႈ သင်ႇ​သွၼ်​သုင်း​မႃႉ​ပၼ်​ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ​ယူႇ၊ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​မိူင်း​ၸဝ်ႈ​ယူႇ​သေ​လႄႈ ႁႂ်ႈ​တၢင်း​ၶႆႈ​တၢင်း​ပဵၼ်​ၵူႈ​ၸိူဝ်ႉ​ၵူႈ​ပိူင် ၼႂ်း​ၵူၼ်း​ၸိူဝ်း​ၼၼ်ႉ​ႁၢႆ​ယူႇ​ဢေႃႈ။-</verse>
				<verse number="24">ပိူဝ်ႈ​ဢၼ်​သတၢင်း​သဵင်​ၶၢဝ်ႇ​မၼ်း​ၸဝ်ႈ သႃႈ​ႁူင်​ၸွတ်ႇ​ၸႅတ်ႇ​ၵႃႈ​ၼႂ်း​မိူင်း သူႉရီႉ ​လႄႈ ၶဝ်​ဢဝ်​ၸႃႉ​ၸဵမ်​ၵူၼ်း​ဢၼ်​ဢမ်ႇ​ယူႇ​လီ​၊ ၵူၼ်း​ဢၼ်​မီး​တၢင်း​ၶႆႈ​တၢင်း​ပဵၼ်​ၵူႈ​ၸိူဝ်ႉ​ၵူႈ​ပိူင်၊ ၵူၼ်း​ဢၼ်​ၽီ​ႁၢႆႉ​ၶဝ်ႈ၊ ၵူၼ်း​ဢၼ်​ပဵၼ်​မႃႈ​မူ၊ ၵူၼ်း​ဢၼ်​တိၼ်​တၢႆ​မိုဝ်း​တၢႆ တင်း​သဵင်ႈ​တင်း​လူင်​ၵႃႈ​မီး​ၸိူဝ်း​ၼၼ်ႉ မႃး​တီႈ​မၼ်း​ၸဝ်ႈ​ဢေႃႈ။ မၼ်း​ၸဝ်ႈ​ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ၸိူဝ်း​ၼၼ်ႉ​ႁၢႆ​ဢေႃႈ။-</verse>
				<verse number="25">ၵူၼ်း​ၸိူဝ်း​ဢၼ်​လုၵ်ႉ​သေ​ၵႃႈ​တီႈ​မိူင်း ၵႃႇလီႉလႄး တင်း​မိူင်း တေႇၵႃႇပေႃးလီႉ တင်း​ဝဵင်း​ ယေႇရူႉသလႅမ်ႇ တင်း​မိူင်း ယူႉတႃႉ ဢိၵ်ႇ​တင်း​ၽၢႆႇ​ပုၼ်ႉ​ၼမ်ႉ​ႁွင်ႈ ယေႃးတၢၼ်ႇ ၼမ်​ၼႃႇ​ၸွမ်း​ပႃႈ​လင်​မၼ်း​ၸဝ်ႈ​ဢေႃႈ။</verse>
			</chapter>
			<chapter number="5">
				<verse number="1">မိူဝ်ႈ​ဢၼ်​ႁၼ်​ၵူၼ်း​ဢၼ်​ၸူႉ​ဢၼ်​တုမ်​ၵၼ်​တင်း​လၢႆ​ၼၼ်ႉ​ၸိုင်၊ မၼ်း​ၸဝ်ႈ​ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​သေ​ယဝ်ႉ၊ ၼင်ႈ​ယူႇ​လႄႈ တပႄး​ၸဝ်ႈ​တင်း​လၢႆ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​မၼ်း​ၸဝ်ႈ​ဢေႃႈ။-</verse>
				<verse number="2">မိူဝ်ႈ​ၼၼ်ႉ မၼ်း​ၸဝ်ႈ​ပိုတ်ႇ​ပၢၵ်ႇ​သင်ႇ​သွၼ်​သုင်း​မႃႉ​ပၼ်​တီႈ​တပႄး​ၸဝ်ႈ​ၸိူဝ်း​ၼၼ်ႉ​လႄႈ​ဝႃႈ၊</verse>
				<verse number="3">ၶဝ်​ၸိူဝ်း​ဢၼ် ႁူဝ်​ၸႂ်​ၶျႃး​တႅမ်ႇ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ မိူင်း​ၵၢင်​ႁၢဝ်​ၸဝ်ႈ​ပဵၼ်​မိူင်း​ၶဝ်​ၼၼ်ႉ​ဢေႃႈ။-</verse>
				<verse number="4">ၶဝ်​ၸိူဝ်း​ဢၼ်​ႁူဝ်​ၸႂ်​ဢမ်ႇ​သႃႇ​လႄႈ မႆႈ​ၸႂ်​ၶီ​ၸႂ်​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ တၵ်း​ႁွတ်ႈ​တၢင်း​ဢၼ်​သၢၵ်ႈ​သႃႇ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ် ႁူဝ်​ၸႂ်​ၼိမ်​သိမ်ႇ​ဢူၼ်ႈ​ဢွၼ်ႇ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​တၵ်း​ၶၢမ်ႇ ဢမူၺ်ႇ​မိူင်း​ၸဝ်ႈ​ဢေႃႈ။-</verse>
				<verse number="6">ၶဝ်​ၸိူဝ်း​ဢၼ် ဢိုပ်း​ယၢၵ်ႈ​တွင်ႉ​မႆႈ​ပႃႇရမီႇ တၢင်း​သိုဝ်ႈ​တေႃႇ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ တၵ်း​ႁွတ်ႈ​တၢင်း​ဢၼ် လိူင်ႇ​ၸႂ်​ဢေႃႈ။-</verse>
				<verse number="7">ၶဝ်​ၸိူဝ်း​ဢၼ်​ၸၢင်ႈ​ႁၵ်ႉ​ဢဵတ်း​လူ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ တၵ်း​ၶၢမ်ႇ​တၢင်း​ဢၼ် ႁၵ်ႉ​ဢဵတ်း​လူ​ဢေႃႈ။-</verse>
				<verse number="8">ၶဝ်​ၸိူဝ်း​ဢၼ် ႁူဝ်​ၸႂ်​ၶၢဝ်​ၸၢင်ႇ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ တၵ်း​ႁၼ်​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="9">ၶဝ်​ၸိူဝ်း​ဢၼ်​ႁႂ်ႈ​တၢင်း​ဢၼ်​ပိူၼ်ႈ​တၢင်ႇ​ၵေႃႉ​ၽိတ်း​ၵၼ် ယဵၼ်​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​တၵ်း​ၶၢမ်ႇ​တၢင်း​ႁွင်ႉ​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="10">ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး ၵွပ်ႈ​ပိူဝ်ႈ​တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ မိူင်း​ၵၢင်​ႁၢဝ်​ၸဝ်ႈ​ပဵၼ်​မိူင်း​ၶဝ်​ၼၼ်ႉ​ဢေႃႈ။-</verse>
				<verse number="11">ၵွပ်ႈ​ပိူဝ်ႈ​ၵဝ်​ၼႆႉ​လႄႈ မိူဝ်ႈ​ဢၼ်​ပိူၼ်ႈ​သႄႉ​သွမ်း ၼိၵ်ႈ​ၸၢၵ်ႈ​ငႅၼ်း​သႄး​သူ​လႄႈ တၢင်ႇ​ဢပႅတ်ႈ​ၵူႈ​ၸိူဝ်ႉ​ၵူႈ​ပိူင် ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​တီႈ​သူ​ၼၼ်ႉ​ၸိုင်၊ သူ​မီး​မင်ႇၵလႃႇ​ဢေႃႈ။-</verse>
				<verse number="12">သိူဝ်း​ၸူမ်း​မူၼ်ႈ​ပျေႃႇ​တႃႉ။ လွင်ႈ​မၼ်း​ၸမ်ႉ ဢၵျူဝ်း​သူ​ယႂ်ႇ​ၼႃႇ ၵႃႈ​ၼႂ်း​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ၶဝ်​ၼၼ်ႉ ၼိၵ်ႈ​ၸၢၵ်ႈ​ငႅၼ်း​သႄး ပရေႃးၽႅတ်ႈ ဢၼ်​ပေႃႇ​မႃး​ဢွၼ်​တၢင်း​သူ​တင်း​လၢႆ​ၼၼ်ႉ မိူၼ်​ၸိူဝ်ႉ​ၼင်ႇ​ၼႆ​ယဝ်ႉ။</verse>
				<verse number="13">သူ​ပဵၼ်​ၵိူဝ်​လေႃးၵႃႉ​ၼႆႉ​ဢေႃႈ။ ၵိူဝ်​ၸမ်ႉ၊ ပေႃး​ဢၼ်​ၸဵမ်း​မၼ်း​ႁၢႆ​ၵႂႃႇ​ၸိုင်၊ တၵ်း​ၶိုၼ်း​လႆႈ​ဢၼ်​ၸဵမ်း​မၼ်း​ၸိူဝ်ႉ​ၼင်ႇ​ႁိုဝ်။ လိူဝ်​သေ​တၢင်း​ဢၼ်​ထိမ်ႈ​ပႅတ်ႈ​ၵႃႈ​ၼွၵ်ႈ​လႄႈ ပိူၼ်ႈ​ယဵပ်ႇ​ပိူၼ်ႈ​ၶၢမ်ႈ​ၼၼ်ႉ၊ ဢမ်ႇ​ပွင်ႇ​လွင်ႈ​ၵႃႈ​သင်​သေ​ဢိတ်း။</verse>
				<verse number="14">သူ​ပဵၼ်​ဢၼ်​လႅင်း​လေႃးၵႃႉ​ၼႆႉ​ဢေႃႈ။ ဝဵင်း​ဢၼ်​တႄႇ​ဝႆႉ​ၵႃႈ​ၼိူဝ်​ပၢႆ​ၸိၵ်း​လွႆ​ၸိုင် ဢမ်ႇ​လပ်ႉ​ဝႆႉ​လႆႈ။-</verse>
				<verse number="15">ၵူၼ်း​ႁဝ်း​ၼႆႉ တႆႈ​ဝၢၼ်ႇ​ၽႆး​တဵၼ်း​သေ​လႄႈ ဢဝ်​ႁူမ်ႇ​ဝႆႉ​ၵႃႈ​တႂ်ႈ​ပဵတ်ႈ​ဢမ်ႇ​ၸႂ်ႈ။ ၼင်ႇ​ႁိုဝ်​ၵူၼ်း​ႁိူၼ်း​ၵူၼ်း​ယေး​တင်း​သဵင်ႈ​တင်း​လူင် တၵ်း​လႆႈ​ႁၼ်​ဢၼ်​လႅင်း​မၼ်း​ၸိုင်၊ ယၢမ်ႈ​ဢဝ်​တၢင်ႇ​ဝႆႉ​ၵႃႈ​ၼိူဝ်​ၶူင်ႇ​တီႈ​တႆႈ​ၽႆး​ဢေႃႈ။-</verse>
				<verse number="16">ပိူင်​လဵဝ်​ၵၼ်၊ ၼင်ႇ​ႁိုဝ်​ပိူၼ်ႈ​တၵ်း​ႁၼ်​တၢင်း​ၵမ်​တၢင်း​ၵျၢင်ႉ​သူ ဢၼ်​လီ​ၼၼ်ႉ​လႄႈ ယွင်ႈ​ယေႃး​ပေႃႈ​သူ ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ၸိုင်၊ ႁႂ်ႈ​ဢၼ်​လႅင်း​သူ​လႅင်း​ပႃႈ​ၼႃႈ​ပိူၼ်ႈ​တႃႉ။</verse>
				<verse number="17">ၵဝ်​မႃး​ႁႂ်ႈ​လႆႈ​ယႃႉ​ၵျၢမ်း​ပိင်း​ၺၢပ်ႈ​တီႉ​၊ ၵျၢမ်း​ဢၼႃႇၵၢတ်ႈတီႉ​ဝႃႈ​ၼႆ ယႃႇ​ပေ​ထၢင်ႇ​ပေ​ထိူမ်။ ၵဝ်​မႃး​ႁႂ်ႈ​လႆႈ​ယႃႉ​ဢမ်ႇ​ၸႂ်ႈ။ ၵဝ်​မႃး​ႁႂ်ႈ​လႆႈ​ပျေႉ​ၸုမ်ႇ​ဢေႃႈ။-</verse>
				<verse number="18">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ တေႃႇ​ထိုင်​ႁွတ်ႈ​ၸူဝ်ႈ​ဢၼ်​ၵၢင်​ႁၢဝ် တင်း​လိၼ်​မိူင်း​ၼႆႉ​ဢမ်ႇ​ပႆႇ​လူႉ​ၼၼ်ႉ​ၸိုင်၊ ၼႂ်း​ၵျၢမ်း​ပိင်း​ၺၢပ်ႈ​တီႉ တူဝ်​လိၵ်ႈ​ဢၼ်​လဵၵ်ႉ​သေ​ပိူၼ်ႈ ၸမ်ႈ​မၼ်း​ပဵင်ႇ​တူႉ​သေ​ႁူၺ်ႇ ၸူဝ်ႈ​ဢၼ်​ဢမ်ႇ​ပႆႇ​ပျေႉ​ၸုမ်ႇ​ၼၼ်ႉ၊ ဢမ်ႇ​လႆႈ​လူႉ။-</verse>
				<verse number="19">ပိူဝ်ႈ​ၼႆ​လႄႈ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​တူဝ်​ၸဝ်ႈ​ၵဝ်ႇ ပူၼ်ႉ​လိူဝ်​ပိင်း​ၺၢပ်ႈ ဢၼ်​လဵၵ်ႉ​သေ​ပိူၼ်ႈ​ပႃး​ၼိုင်ႈ​လႄႈ သင်ႇ​သွၼ်​ပၼ်​ပိူၼ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ႁွင်ႉ​ၵေႃႉ​ဢၼ်​လဵၵ်ႉ​သေ​ပိူၼ်ႈ​ၵႃႈ​ၼႂ်း​မိူင်း​ၵၢင်​ႁၢဝ်​ၸဝ်ႈ​ပုၼ်ႉ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​တူဝ်​ၸဝ်ႈ​ၵဝ်ႇ ၵမ်​ၵျၢင်ႉ​လႄႈ သင်ႇ​သွၼ်​ပၼ်​ပိူၼ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ႁွင်ႉ ၵေႃႉ​ဢၼ်​ယႂ်ႇ​ၵႃႈ​ၼႂ်း​မိူင်း​ၵၢင်​ႁၢဝ်​ၸဝ်ႈ​ပုၼ်ႉ​ဢေႃႈ။</verse>
				<verse number="20">ၵဝ်​ဝႃႈ​တီႈ​သူ​ၸမ်ႉ၊ ပေႃး​တၢင်း​သိုဝ်ႈ​တေႃႇ​သူ ဢမ်ႇ​ပူၼ်ႉ​ဢမ်ႇ​လိူဝ်​တၢင်း​သိုဝ်ႈ​တေႃႇ ၽႃႇရီႉသႄး ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ​ၸိုင်၊ သူ​တၵ်း​ဢမ်ႇ​လႆႈ​ၶဝ်ႈ ၵႃႈ​ၼႂ်း​မိူင်း​ၵၢင်​ႁၢဝ်​ၸဝ်ႈ​ပုၼ်ႉ။</verse>
				<verse number="21">သူ​လႆႈ​ငိၼ်း​လွင်ႈ​ဢၼ်​ပိင်း​ၺၢပ်ႈ​ဝႆႉ ၵႃႈ​တီႈ​ၵူၼ်း​မိူဝ်ႈ​ၵွၼ်ႇ​ဢွၼ်​ၼႆႉ တင်း​လၢႆ​ၼၼ်ႉ​လႄႈ​ဝႃႈ၊ ယႃႇ​ပေ​ဢဝ်​ဢသၢၵ်ႈ​ၵူၼ်း​တၢႆ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢဝ်​တၢႆ​ၼၼ်ႉ တၵ်း​ထိူၵ်ႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဝႆႉ​ယဝ်ႉ။-</verse>
				<verse number="22">ၵဝ်​ပိင်း​ၺၢပ်ႈ​ၸမ်ႉ၊ လွင်ႈ​တီႈ​ၸႂ်​မႆႈ​ၶႆႈ​ၸႃႉ​ယင်း​ဢမ်ႇ​မီး​လႄႈ ၵေႃႉ​ဢၼ်​ၸႂ်​မႆႈ​ၶႆႈ​ၸႃႉ​တီႈ​ပီႈ​ၼွင်ႉ​မၼ်း​ၼၼ်ႉ တၵ်း​ထိူၵ်ႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​လၢတ်ႈ​တီႈ​ပီႈ​ၼွင်ႉ​မၼ်း​လႄႈ​ဝႃႈ၊ ရႃႇၵႃႇ ၊ ဝႃႈ​ၼင်ႇ​ၼႆ​ၼၼ်ႉ တၵ်း​ထိူၵ်ႈ​ၶၢမ်ႇ တၢင်း​ဢၼ်​ၸီႇ​ယၢင်ႇ​ၵႃႈ​တီႈ​လုမ်း​လူင်​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​လၢတ်ႈ​လႄႈ​ဝႃႈ၊ မႂ်း​မိူၵ်ႈ၊ ဝႃႈ​ၼင်ႇ​ၼႆ​ၼၼ်ႉ တၵ်း​ထိူၵ်ႈ​ၶၢမ်ႇ ၽႆး​ငရၢႆး​ဢေႃႈ။-</verse>
				<verse number="23">ပိူဝ်ႈ​ၼႆ​လႄႈ ပေႃး​မႂ်း​ဢဝ်​တၢင်း​ပုၵ်ႈ​ၸေႃႇ မႃး​ၵႃႈ​တီႈ​ယိတ်ႈပလၢင်ႇ​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ပီႈ​ၼွင်ႉ​မႂ်း မီး​တီႈ​တၢင်ႇ​ဢပႅတ်ႈ​ၵႃႈ​ၼိူဝ်​မႂ်း​သေ​ဢိတ်း​ၸိုင်၊-</verse>
				<verse number="24">ဝႆႉ​တၢင်း​ပုၵ်ႈ​ၸေႃႇ​မႂ်း​ၼၼ်ႉ ၵႃႈ​တီႈ​ၽၢႆႇ​ၼႃႈ ယိတ်ႈပလၢင်ႇ သေ​လႄႈ​ၵႂႃႇ​တႃႉ။ ထုၵ်ႇ​ၵၼ်​တင်း ပီႈ​ၼွင်ႉ​မႂ်း​ယဝ်ႉ​ၸင်ႇ၊ ၶိုၼ်း​မႃး​လႄႈ ဢဝ်​တၢင်း​ပုၵ်ႈ​ၸေႃႇ​မႂ်း​တၢင်ႇ​တႃႉ။</verse>
				<verse number="25">ၼႂ်း​မိူဝ်ႈ​ဢၼ်​မႂ်း ၵႂႃႇ​တၢင်း​လူၺ်ႈ​ၵၼ်​တင်း​ၵေႃႉ​ဢၼ် ႁဵတ်း​ဢမူႉ​တီႈ​မႂ်း​ယူႇ​ၼၼ်ႉ ၼင်ႇ​ႁိုဝ်​တၵ်း​ႁႂ်ႈ​မၼ်း​ပေႇ​ၸႂ်​ၸိုင်၊ ၸဵဝ်း​ႁဵတ်း​ၶၼ်​ၶၼ်​ၽႂ်း​ၽႂ်း​တႃႉ။ ပေႃး​ဢမ်ႇ​ၼၼ် ၵေႃႉ​ဢၼ်​ႁဵတ်း​ဢမူႉ​ၼၼ်ႉ တၵ်း​ဢဝ်​မႂ်း​ဢၢပ်ႈ​ပၼ်​တီႈ​ၶုၼ်​ဢေႃႈ။ ၶုၼ်​ၵေႃႈ​တၵ်း​ဢဝ်​မႂ်း​ဢၢပ်ႈ​ပၼ်​တီႈ​ၵႄႇ​ဢွၼ်ႇ​ၸၢႆး​လႄႈ ၶင်​ဝႆႉ​ၵႃႈ​ၼႂ်း​ထွင်ႇ​ဢေႃႈ။-</verse>
				<verse number="26">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၸူဝ်ႈ​ဢၼ်​မႂ်း​ဢမ်ႇ​ပႆႇ​ယေႃႇ​ငိုၼ်း တေႃႇ​ထိုင်​ႁွတ်ႈ ပႅၵ်ႉသၢၼ်ႇ​ဢမ်ႇ​ၵိုတ်း​ဝႆႉ​သေ​ၶႅပ်း​ၼၼ်ႉ​ၸိုင် ဢမ်ႇ​လႆႈ​ဢွၵ်ႇ​ၵႃႈ​ၼႂ်း​ထွင်ႇ။</verse>
				<verse number="27">သူ​လႆႈ​ငိၼ်း​လွင်ႈ​ဢၼ်​ပိင်း​ၺၢပ်ႈ​ဝႆႉ​လႄႈ​ဝႃႈ၊ ယႃႇ​ပေ​ၽိတ်း​မေး​ပိူၼ်ႈ၊ ဝႃႈ​ၼင်ႇ​ၼႆ​ၼၼ်ႉ​ဝႆႉ​ယဝ်ႉ။-</verse>
				<verse number="28">ၵဝ်​ပိင်း​ၺၢပ်ႈ​ၸမ်ႉ၊ ၵေႃႉ​ဢၼ်​ပႃး​တင်း​ၸႂ်​ၵီႉလေႇသႃႇ​သေ​လႄႈ တူၺ်း​မေး​ပိူၼ်ႈ​ၼၼ်ႉ၊ ၵႃႈ​ၼႂ်း​ႁူဝ်​ၸႂ်​မၼ်း ၽိတ်း​ပိူင်ႈ​တင်း​မႄႈ​ယိင်း​ၼၼ်ႉ​ယဝ်ႉ။-</verse>
				<verse number="29">ပေႃး​မၢၵ်ႇ​တႃ​ၶွၼ်​ၶႂႃ​မႂ်း ႁႂ်ႈ​ၽိတ်း​ပိူင်ႈ​ၸိုင်၊ ၶွၵ်း​ဢွၵ်ႇ​ပႅတ်ႈ​သေ​တႃႉ။ တၢင်း​ဢၼ် ဢၢင်ႇ​ၵႃႇ​ဢၼ်​ၼိုင်ႈ​လူႉ​ၼၼ်ႉ ယဵင်ႈ​ၶႅၼ်း​တၵ်း​လီ​သေ တၢင်း​ဢၼ် တူၵ်း​ငရၢႆး​တင်း​တူဝ်​ဢေႃႈ။-</verse>
				<verse number="30">မိူၼ်​ၵၼ် ပေႃး​မိုဝ်း​ၶွၼ်​ၶႂႃ​ႁႂ်ႈ​မႂ်း ၽိတ်း​ပိူင်ႈ​ၸိုင်၊ တႅပ်း​ပႅတ်ႈ​သေ​တႃႉ။ ဢၢင်ႇ​ၵႃႇ​ဢၼ်​ၼိုင်ႈ​လူႉ​ၼၼ်ႉ ယဵင်ႈ​ၶႅၼ်း​တၵ်း​လီ​သေ​တူၵ်း​ငရၢႆး​တင်း​တူဝ်​ဢေႃႈ။</verse>
				<verse number="31">လႆႈ​သမ်ႉ ၵႂၢမ်း​ပိင်း​ၺၢပ်ႈ​မီး​ဝႆႉ​လႄႈ​ဝႃႈ​ၸမ်ႉ၊ ပေႃး​ၶႂ်ႈ​ပႅတ်ႈ​မေး​ၸိုင် ႁႂ်ႈ​ဢၢပ်ႈ​ပၼ်​လိၵ်ႈ​ဢၼ်​ပုတ်း​ဢၼ်​ၶၢတ်ႇ​တီႈ​မၼ်း​တႃႉ၊ ဝႃႈ​ၼင်ႇ​ၼႆ​ၼၼ်ႉ ဝႆႉ​ယဝ်ႉ။-</verse>
				<verse number="32">ၵဝ်​ပိင်း​ၺၢပ်ႈ​ၸမ်ႉ၊ လိူဝ်​သေ​ၵွပ်ႈ​ပိူဝ်ႈ​တၢင်း​ဢၼ်​ၽိတ်း​ပိူင်ႈ​ၼၼ်ႉ​ၵူၺ်း၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ပႅတ်ႈ​မေး​မၼ်း​ၼၼ်ႉ ႁႂ်ႈ​မေး​မၼ်း​ၽိတ်း​ပိူင်ႈ​ဢေႃႈ။ ၵေႃႉ​ဢၼ်​ဢဝ်​မႄႈ​ယိင်း​ဢၼ်​ပႅတ်ႈ​ၼၼ်ႉ​ၵေႃႈ ၽိတ်း​ပိူင်ႈ​မေး​ပိူၼ်ႈ​ဢေႃႈ။</verse>
				<verse number="33">လႆႈ​သမ်ႉ သူ​လႆႈ​ငိၼ်း​လွင်ႈ​ဢၼ် ပိင်း​ၺၢပ်ႈ​ဝႆႉ​ၵႃႈ​တီႈ​ၵူၼ်း​မိူဝ်ႈ​ၵွၼ်ႇ​ဢွၼ်​ၼႆႉ​တင်း​လၢႆ​ၼၼ်ႉ​လႄႈ​ဝႃႈ၊ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ​ၸိုင် ဢမ်ႇ​လႆႈ​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ။ ၵႃႈ​ၼင်ႇ​ဢၼ်​ႁဵတ်း တၢင်း​ဢၼ်​ၵိၼ်ႇ​ဢၼ်​ဝႃႈ​ၼၼ်ႉ၊ ႁႂ်ႈ​မၼ်ႈ​ၶိူင်ႇ​ပႃႈ​ၼႃႈ​ၽြႃး​ပဵၼ်​ၸဝ်ႈ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ဝႆႉ​ယဝ်ႉ။-</verse>
				<verse number="34">ၵဝ်​ပိင်း​ၺၢပ်ႈ​ၸမ်ႉ၊ ဢမ်ႇ​လႆႈ​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ​သေ​ဢိတ်း။ မိူင်း​ၵၢင်​ႁၢဝ်​ၸိုင် ဢမ်ႇ​လႆႈ​ဢဝ်​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ။ မိူင်း​ၵၢင်​ႁၢဝ်​ၸမ်ႉ၊ ပဵၼ်​ပလၢင်ႇ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="35">လိၼ်​မိူင်း​ၸိုင် ဢမ်ႇ​လႆႈ​ဢဝ်​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ။ လိၼ်​မိူင်း​ၸမ်ႉ၊ ပဵၼ်​တီႈ​တၢင်ႇ​တိၼ်​ၽြႃး​ပဵၼ်​ၸဝ်ႈ​ဢေႃႈ။ ဝဵင်း​ ယေႇရူႉသလႅမ်ႇ ​ၸိုင် ဢမ်ႇ​လႆႈ​ဢဝ်​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ။ ပဵၼ်​ဝဵင်း​မႁႃႇ​ၶုၼ်​လူင်​ဢေႃႈ။-</verse>
				<verse number="36">ႁူဝ်​တူဝ်​ၸဝ်ႈ​ၵဝ်ႇ​ၸိုင် ဢမ်ႇ​လႆႈ​ဢဝ်​ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ။ လွင်ႈ​မၼ်း​ၸမ်ႉ ဢမ်ႇ​ႁဵတ်း​ႁႂ်ႈ​ၶူၼ်​ႁူဝ်​သေ​သဵၼ်ႈ ၽိူၵ်ႇ​လႆႈ​လမ်​လႆႈ။-</verse>
				<verse number="37">ၵႂၢမ်း​မႂ်း​ၸမ်ႉ၊ ဢၼ်​ၸႂ်ႈ​ၼၼ်ႉ​ၸိုင် ႁႂ်ႈ​ပဵၼ်​ဢၼ်​ၸႂ်ႈ​တႃႉ။ ဢၼ်​ဢမ်ႇ​ၸႂ်ႈ​ၼၼ်ႉ​ၸိုင် ႁႂ်ႈ​ပဵၼ်​ဢၼ်​ဢမ်ႇ​ၸႂ်ႈ​တႃႉ။ ၵႂၢမ်း​ဢၼ်​လိူဝ်​ပႅၼ်​သေ​ၼႆႉ​ၸမ်ႉ၊ ၸၢပ်ႈ​သႅင်ႇ​ၵၼ်​တင်း လွင်ႈ​တၢင်း​ဢၼ်​ဢမ်ႇ​လီ​ဢေႃႈ။</verse>
				<verse number="38">သူ​လႆႈ​ငိၼ်း​လွင်ႈ​ဢၼ်​ပိင်း​ၺၢပ်ႈ​ဝႆႉ​လႄႈ​ဝႃႈ၊ မၢၵ်ႇ​တႃ​ပုၼ်ႈ​မၢၵ်ႇ​တႃ​လႄႈ​သင်၊ ၶဵဝ်ႈ​ပုၼ်ႈ​ၶဵဝ်ႈ​လႄႈ​သင်၊ တၵ်း​လႆႈ​ၶၢမ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဝႆႉ​ယဝ်ႉ။-</verse>
				<verse number="39">ၵဝ်​ပိင်း​ၺၢပ်ႈ​ၸမ်ႉ၊ ယႃႇ​ပေ​ႁၢမ်ႈ​တၢပ်ႈ​ႁႄႉ​ၶႅၼ်​ၵေႃႉ​ဢၼ်​ဢမ်ႇ​လီ​ၼၼ်ႉ။ ပေႃး​ပိူၼ်ႈ​တူပ်း​ၵႅမ်ႈ​မႂ်း​ၽၢၵ်ႇ​ၼိုင်ႈ​ၸိုင်၊ ဝၢႆႇ​ပၼ်​ၵႅမ်ႈ​မႂ်း​ၽၢၵ်ႇ​ၼိုင်ႈ​ထႅင်ႈ​လူး​ၵွၼ်ႇ​တႃႉ။-</verse>
				<verse number="40">ၵေႃႉ​ဢၼ်​ၶႂ်ႈ​ႁဵတ်း​ဢမူႉ​တီႈ​မႂ်း​လႄႈ ဢဝ်​သိူဝ်ႈ​မႂ်း​ၼၼ်ႉ​ၸိုင်၊ ပၼ်​ဢဝ်​တင်း​ၽႃႈ​ဝႆ​မႂ်း​တႃႉ။-</verse>
				<verse number="41">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁဵတ်း​ပႄႉ​ႁဵတ်း​ၼႅင်ႇ​လႄႈ ႁႂ်ႈ​မႂ်း​ၵႂႃႇ​ၸွမ်း​လၵ်း​ၼိုင်ႈ​ၼၼ်ႉ၊ ဢိၵ်ႇ​တင်း​ၵေႃႉ​ၼၼ်ႉ​သမ်ႉ ၵႂႃႇ​ၸွမ်း​ထႅင်ႈ​သွင်​လၵ်း​လူး​ၵွၼ်ႇ​တႃႉ။-</verse>
				<verse number="42">တီႈ​ၵေႃႉ​ဢၼ်​ယွၼ်း​တီႈ​မႂ်း​ၼၼ်ႉ​ၸိုင် ပၼ်​တႃႉ။ ၵေႃႉ​ဢၼ်​ၶႂ်ႈ​ၵူႈ​ၶႂ်ႈ​ယိုမ်​ၼၼ်ႉ​ၵေႃႈ ယႃႇ​ပေ​ပိုၼ်ႉ​ပေ​ပႅတ်ႈ။</verse>
				<verse number="43">သူ​လႆႈ​ငိၼ်း​လွင်ႈ​ဢၼ်​ပိင်း​ၺၢပ်ႈ​ဝႆႉ​လႄႈ​ဝႃႈ၊ ႁၵ်ႉ​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​မႂ်း​ၼၼ်ႉ​တႃႉ။ ၸင်း​ရၢၼ်ႇ​သူႇ​မႂ်း​တႃႉ၊ ဝႃႈ​ၼင်ႇ​ၼႆ​ၼၼ်ႉ​ဝႆႉ​ယဝ်ႉ။-</verse>
				<verse number="44">ၵဝ်​ပိင်း​ၺၢပ်ႈ​ၸမ်ႉ၊ ႁၵ်ႉ​ရၢၼ်ႇ​သူႇ​သူ​တႃႉ။ သူး​တွင်း​ပုၼ်ႈ​ၶဝ်​ၸိူဝ်း​ဢၼ်​ယႃႉ​ယူၵ်ႉ​သူ​ၼၼ်ႉ​တႃႉ။-</verse>
				<verse number="45">ပေႃး​ႁဵတ်း​ၸိူဝ်ႉ​ၼင်ႇ​ၼၼ်ႉ​ၸိုင်၊ သူ​တၵ်း​ပဵၼ်​လုၵ်ႈ​ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။ လွင်ႈ​မၼ်း​ၸမ်ႉ ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ၼၼ်ႉ ႁႂ်ႈ​ၵၢင်​ဝၼ်း​ဢွၵ်ႇ​ၵႃႈ​ၼိူဝ်​ၵူၼ်း​ဢၼ်​လီ ၵူၼ်း​ဢၼ်​ဢမ်ႇ​လီ​တင်း​လၢႆ​ဢေႃႈ။ မၼ်း​ၸဝ်ႈ​ႁႂ်ႈ​ၽူၼ်​တူၵ်း ၵႃႈ​ၼိူဝ်​ၵူၼ်း​ဢၼ်​သိုဝ်ႈ​တေႃႇ ၵူၼ်း​ဢၼ်​ဢမ်ႇ​သိုဝ်ႈ​တေႃႇ​တင်း​လၢႆ​ဢေႃႈ။-</verse>
				<verse number="46">ပေႃး​သူ​ႁၵ်ႉ​ၶဝ်​ၸိူဝ်း​ဢၼ်​ႁၵ်ႉ​သူ​ၼၼ်ႉ​ၵူၺ်း​ၸိုင်၊ တၵ်း​မီး​ဢၵျူဝ်း​ၸိူဝ်ႉ​ၼင်ႇ​ႁိုဝ်။ ၶဝ်​ၸိူဝ်း​ဢၼ်​ၵဵပ်း​ၶွၼ်ႇ​တင်း​လၢႆ​ၼၼ်ႉ ႁဵတ်း​ထၢၼ်ႇ​ၼႆႉ​ယူႇ ဢမ်ႇ​ၸႂ်ႈ​ႁိုဝ်။-</verse>
				<verse number="47">ပေႃး​တၵ်ႉ​ၼၢႆ​လၢတ်ႈ​တေႃႇ​ပီႈ​ၼွင်ႉ​သူ​ၵူၺ်း​ၸိုင်၊ တၵ်း​မျၢတ်ႈ​တွၼ်း​လိူဝ်​ၸိူဝ်ႉ​ၼင်ႇ​ႁိုဝ်။ ၵူၼ်း​သႃႇသၼႃႇပႃႉ​တင်း​လၢႆ​ၼၼ်ႉ ႁဵတ်း​ထၢၼ်ႇ​ၼႆႉ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="48">ပိူဝ်ႈ​ၼႆ​လႄႈ ၸိူဝ်ႉ​ၼင်ႇ​ဢၼ် ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ ၸေး​ၸုမ်ႇ​ၼၼ်ႉ၊ သူ​ၵေႃႈ ၸေး​ၸုမ်ႇ​တႃႉ။</verse>
			</chapter>
			<chapter number="6">
				<verse number="1">လွင်ႈ​ၼင်ႇ​ႁိုဝ် သူ​တၵ်း​ဢမ်ႇ​ႁဵတ်း​သီႇ​လႃႉ​တၢင်း​သိုဝ်ႈ​တေႃႇ​သူ ၵႃႈ​တီႈ​ၽၢႆႇ​ၼႃႈ​ပိူၼ်ႈ​တၢင်ႇ​ၵေႃႉ ႁႂ်ႈ​ၵူၼ်း​တင်း​လၢႆ​လႆႈ​ႁၼ်​ၼၼ်ႉ​ၸိုင်၊ ႁဵတ်း​သတီႉ​တႃႉ။ ပေႃး​ဢမ်ႇ​ၼၼ် သူ​ဢမ်ႇ​လႆႈ​ၶၢမ်ႇ​ဢၵျူဝ်း ၵႃႈ​တီႈ​ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ။-</verse>
				<verse number="2">ပိူဝ်ႈ​ၼႆ​လႄႈ မိူဝ်ႈ​ဢၼ်​မႂ်း​ႁဵတ်း​တႃႇ​ၼႃႉ​တၢင်း​ဢၼ် ၽႄ​ၸွၼ်း​ယိုၼ်ႈ​မႅင်ႇ​ၼၼ်ႉ​ၸိုင်၊ ယႃႇ​ပေ​ပဝ်ႇ​ပီႇ​ပဝ်ႇ​ၼႄး​ၵႃႈ​တီႈ​ၽၢႆႇ​ၼႃႈ​မႂ်း မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​ၸိူဝ်း​ဢၼ် ၸၢင်ႈ​ထိမ်ႇ​ၸၢင်ႈ​မႅပ်း​တင်း​လၢႆ ၶႂ်ႈ​ႁႂ်ႈ​ပိူၼ်ႈ​ယွင်ႈ​ယေႃး​လႄႈ​ႁဵတ်း​ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ ဢိၵ်ႇ​တင်း​ၵႃႈ​ၼႂ်း​သဵၼ်ႈ​တၢင်း​သၢႆ​တႃႈ​တင်း​လၢႆ​ၼၼ်ႉ။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၶဝ်​ၼၼ်ႉ​လႆႈ​ဢၵျူဝ်း​ၶဝ်​ယဝ်ႉ။-</verse>
				<verse number="3">မိူဝ်ႈ​ဢၼ်​မႂ်း​ႁဵတ်း​တႃႇ​ၼႃႉ​တၢင်း​ဢၼ် ၽႄ​ၸွၼ်း​ယိုၼ်ႈ​မႅင်ႇ​ၼၼ်ႉ ၼင်ႇ​ႁိုဝ်​တၢင်း​ဢၼ်​မႂ်း​ၽႄ​ၸွၼ်း​ယိုၼ်ႈ​မႅင်ႇ​ၼၼ်ႉ တၵ်း​ပဵၼ်​ဢၼ်​တဵတ်ႇ​တဵတ်ႇ​ယဵၼ်​ယဵၼ် ဢမ်ႇ​ထၢင်ႇ​ဢမ်ႇ​သႃး​ၸိုင်၊ လွင်ႈ​ဢၼ်​ၶွၼ်​ၶႂႃ​ႁဵတ်း​ၼၼ်ႉ ယႃႇ​ပေ​ႁႂ်ႈ​ၶွၼ်​သၢႆႉ​လႆႈ​ႁူႉ။-</verse>
				<verse number="4">ပေႃႈ​မႂ်း​ဢၼ်​ႁၼ်​လွင်ႈ​ဢၼ်​ဢမ်ႇ​ထၢင်ႇ​ဢမ်ႇ​သႃး​ၼၼ်ႉ တၵ်း​ပၼ်​ဢၵျူဝ်း ဢေႃႈ။</verse>
				<verse number="5">မိူဝ်ႈ​ဢၼ်​မႂ်း​သူး​တွင်း​ၸိုင်၊ ယႃႇ​ပေ​ႁဵတ်း​ၸိူဝ်ႉ​ၼင်ႇ​ၵူၼ်း​ၸိူဝ်း​ဢၼ် ၸၢင်ႈ​ထိမ်ႇ​ၸၢင်ႈ​မႅပ်း​တင်း​လၢႆ​ၼၼ်ႉ။ ၶဝ်​ၼၼ်ႉ ၼင်ႇ​ႁိုဝ်​တၵ်း​ႁႂ်ႈ​ပိူၼ်ႈ​ႁၼ်​ၸိုင်၊ မီး​ဢလူဝ်ႇ​ၶႂ်ႈ​ၸုၵ်း​ယူႇ​ၵႃႈ​ၼႂ်း​ၸရွပ်ႈ​ႁေႃး​တြႃး၊ ၵႃႈ​ၼႂ်း​တၢင်း​ၶႂၢႆႈ​တၢင်း​ႁွမ်း​တင်း​လၢႆ​လႄႈ​သူး​တွင်း​ဢေႃႈ။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၶဝ်​ၼၼ်ႉ လႆႈ​ဢၵျူဝ်း​ၶဝ်​ယဝ်ႉ။-</verse>
				<verse number="6">မိူဝ်ႈ​ဢၼ်​မႂ်း​သူး​တွင်း​ၸိုင် ၶဝ်ႈ​ၵႃႈ​ၼႂ်း​လုၵ်း​တၢင်း​ၼႂ်း​လႄႈ ဢိုတ်း​ၽၵ်း​တူ​ယဝ်ႉ​ၸင်ႇ၊ သူး​တွင်း​တီႈ​ပေႃႈ​မႂ်း ဢၼ်​မီး​ယူႇ​ၵႃႈ​တီႈ​ဢၼ်​ဢမ်ႇ​ထၢင်ႇ​ဢမ်ႇ​သႃး​ၼၼ်ႉ​တႃႉ။ ပေႃႈ​မႂ်း​ဢၼ်​ႁၼ်​လွင်ႈ​တၢင်း​ဢၼ်​ဢမ်ႇ​ထၢင်ႇ​ဢမ်ႇ​သႃး​ၼၼ်ႉ တၵ်း​ပၼ်​ဢၵျူဝ်း​ဢေႃႈ။</verse>
				<verse number="7">မိူဝ်ႈ​ဢၼ်​သူ​သူး​တွင်း​ၸိုင်၊ ယႃႇ​ပေ​ရွတ်ႈ​ၵႂၢမ်း​ဢၼ်​လၢႆ​လၢႆ​ယူႇ​ၶိူဝ်း​ၶိူဝ်း​ယႂ်း​ယႂ်း မိူၼ်​ၸိူဝ်ႉ​ၼင်ႇ​ၵူၼ်း​သႃႇသၼႃႇပႃႉ​တင်း​လၢႆ​ၼၼ်ႉ။ ၶဝ်​ၼၼ်ႉ ၵွပ်ႈ​ပိူဝ်ႈ​ဢၼ်​ပႃး​ၵႂၢမ်း​ၼမ်​ၼႃႇ​ၼၼ်ႉ​လႄႈ ထၢင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​တၵ်း​ပျေႉ​ၸုမ်ႇ​ဢေႃႈ။-</verse>
				<verse number="8">ယႃႇ​ပေ​ႁဵတ်း​ၸိူဝ်ႉ​ၼင်ႇ​ၶဝ်​ၼၼ်ႉ။ လွင်ႈ​မၼ်း​ၸမ်ႉ ၸူဝ်ႈ​ဢၼ်​သူ​ဢမ်ႇ​ပႆႇ​ယွၼ်း​ၼၼ်ႉ ပေႃႈ​သူ​ႁူႉ​လွင်ႈ​ဢၼ် သူ​လူဝ်ႇ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ယူႇ​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ သူ​တၵ်း​လႆႈ​သူး​တွင်း​လႄႈ​ဝႃႈ​ၸမ်ႉ၊ ပေႃႈ​ႁဝ်း​ၶႃႈ ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ၊ ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း မီး​တၢင်း​ဢၼ်​ရူဝ်ႇ​သေႇ​ၵူဝ်​ယမ်​သေ​ၵမ်း​လူၺ်ႈ​တီႈ​ၶႃႈ။-</verse>
				<verse number="10">ႁႂ်ႈ​မိူင်း​ၸဝ်ႈ​ႁဝ်း​တႄႇ​ပဵၼ်​သေ​ၵမ်း​လူၺ်ႈ​တီႈ​ၶႃႈ။ ၸိူဝ်ႉ​ၼင်ႇ​ဢၼ်​ဢလူဝ်ႇ​ၸဝ်ႈ​ႁဝ်း​ပျေႉ​ၸုမ်ႇ​ဝႆႉ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ၼၼ်ႉ၊ ၵႃႈ​ၼိူဝ်​လိၼ်​မိူင်း​ၼႆႉ​ၵေႃႈ ႁႂ်ႈ​ပျေႉ​ၸုမ်ႇ​သေ​ၵမ်း​လူၺ်ႈ​တီႈ​ၶႃႈ။-</verse>
				<verse number="11">ၶႅၼ်း​တေႃႈ​ပၼ်​တၢင်း​ၵိၼ် ဢၼ်​ပေႃး​ၵုမ်ႇ​လဵင်ႉ​ၸႂ်​ၼၼ်ႉ တီႈ​ႁဝ်း​ၶႃႈ ဝၼ်း​မိူဝ်ႈ​ၼႆႉ​သေ​ၵမ်း​တီႈ​ၶႃႈ။-</verse>
				<verse number="12">ၸိူဝ်ႉ​ၼင်ႇ​ဢၼ်​ႁဝ်း​ၶႃႈ​ပွႆႇ​လွတ်ႈ​ဢပႅတ်ႈ​ပိူၼ်ႈ တၢင်ႇ​ၵေႃႉ​ဢၼ်​ၽိတ်း​ႁဝ်း​ၶႃႈ​ၼၼ်ႉ၊ ၶႅၼ်း​တေႃႈ​ပွႆႇ​လွတ်ႈ​ဢပႅတ်ႈ​ႁဝ်း​ၶႃႈ​သေ​ၵမ်း​တီႈ​ၶႃႈ။-</verse>
				<verse number="13">ယင်း​ဢမ်ႇ​ႁႂ်ႈ​လႆႈ​ၸွမ်း​ၵႂႃႇ​ၵႃႈ​တီႈ​ဢပႅတ်ႈ​တၢင်း​ဢၼ်​ၸူဝ်ႈ​ၵႂႃႇ​ၸူဝ်ႈ​ပႆ​ၼၼ်ႉ​လႄႈ ၶႅၼ်း​တေႃႈ​ၵႄႇ​သႄႇ​ထွတ်ႇ​ထူၺ်ႈ​ဢဝ်​ၵႃႈ​ၼႂ်း​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​သေ​ၵမ်း​တီႈ​ၶႃႈ၊ ဝႃႈ​ၼႆ၊ သူး​တွင်း​တႃႉ။</verse>
				<verse number="14">ပေႃး​သူ​ပွႆႇ​လွတ်ႈ​ဢပႅတ်ႈ​ပိူၼ်ႈ​တၢင်ႇ​ၵေႃႉ​ၸိုင်၊ ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ တၵ်း​ပွႆႇ​လွတ်ႈ​ဢပႅတ်ႈ​သူ​ဢေႃႈ။-</verse>
				<verse number="15">ပေႃး​သူ​ဢမ်ႇ​ပွႆႇ​လွတ်ႈ​ဢပႅတ်ႈ​ပိူၼ်ႈ​တၢင်ႇ​ၵေႃႉ​ၸိုင်၊ ပေႃႈ​သူ​ၼၼ်ႉ တၵ်း​ဢမ်ႇ​ပွႆႇ​လွတ်ႈ​ဢပႅတ်ႈ​သူ။</verse>
				<verse number="16">မိူဝ်ႈ​ဢၼ်​သူ​ၵမ်​တၢင်း​ၵိၼ်​ၼၼ်ႉ​ၸိုင်၊ ယႃႇ​ႁႂ်ႈ​မီး​တၢင်း​ဢၼ် ၼႃႈ​ဢူၼ်ႈ​ၼႃႈ​ငဝ် မိူၼ်​ၸိူဝ်ႉ​ၼင်ႇ​ၵူၼ်း​ၸိူဝ်း​ဢၼ် ၸၢင်ႈ​ထိမ်ႇ​ၸၢင်ႈ​မႅပ်း​တင်း​လၢႆ​ၼၼ်ႉ။ ၶဝ်​ၼၼ်ႉ ၼင်ႇ​ႁိုဝ်​ပိူၼ်ႈ​တၵ်း​ႁၼ်​လွင်ႈ​ဢၼ်​ၶဝ်​ၵမ်​တၢင်း​ၵိၼ်​ၼၼ်ႉ​ၸိုင်၊ ၸၢင်ႈ​ယႃႉ​ၼႃႈ​ယႃႉ​တႃ​ၶဝ်​ဢေႃႈ။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၶဝ်​ၼၼ်ႉ​လႆႈ​ဢၵျူဝ်း​ၶဝ်​ယဝ်ႉ။-</verse>
				<verse number="17">မိူဝ်ႈ​ဢၼ်​မႂ်း​ၵမ်​တၢင်း​ၵိၼ်​ၼၼ်ႉ၊ ၼင်ႇ​ႁိုဝ်​ပိူၼ်ႈ​တၵ်း​ဢမ်ႇ​ႁၼ် လွင်ႈ​ဢၼ်​မႂ်း​ၵမ်​တၢင်း​ၵိၼ်​ၼၼ်ႉ​လႄႈ ပေႃႈ​မႂ်း​ဢၼ်​မီး​ယူႇ​ၵႃႈ​တီႈ​ဢၼ်​ဢမ်ႇ​ထၢင်ႇ​ဢမ်ႇ​သႃး​ၼၼ်ႉ တၵ်း​ႁၼ်​ၸိုင်၊ တႃး​ႁူဝ်​လႄႈ​သုၵ်ႈ​ၼႃႈ​မႂ်း​တႃႉ။-</verse>
				<verse number="18">ပေႃႈ​မႂ်း​ဢၼ်​ႁၼ် လွင်ႈ​တၢင်း​ဢၼ်​ဢမ်ႇ​ထၢင်ႇ​ဢမ်ႇ​သႃး​ၼၼ်ႉ တၵ်း​ပၼ်​ဢၵျူဝ်း​ဢေႃႈ။</verse>
				<verse number="19">ယႃႇ​ပေ​သိမ်း​ပႅင်း​ၽၼ်ႇတႃႇ​ဢုၵ်ႉ​ၸႃႇ​ၵႃႈ​ၼိူဝ်​လိၼ်​မိူင်း တီႈ​ဢၼ်​ႁေႃ​တင်း​မႅင်း​ၸၢင်ႈ​ယႃႉ၊ ဢၼ်​ၽူႈ​လၵ်ႉ​ၸၢင်ႈ​မူင်ႇ​လႄႈ​လၵ်ႉ​ဢဝ်​လႆႈ​ၼႆႉ။-</verse>
				<verse number="20">သိမ်း​ပႅင်း​ၽၼ်ႇတႃႇ​ဢုၵ်ႉ​ၸႃႇ ၵႃႈ​ၼိူဝ်​မိူင်း​ၵၢင်​ႁၢဝ် တီႈ​ဢၼ်​ႁေႃ​တင်း​မႅင်း​ဢမ်ႇ​ၸၢင်ႈ​ယႃႉ၊ ဢၼ်​ၽူႈ​လၵ်ႉ​ဢမ်ႇ​ၸၢင်ႈ​မူင်ႇ​လႄႈ လၵ်ႉ​ဢဝ်​လႆႈ​ၼၼ်ႉ​တႃႉ။-</verse>
				<verse number="21">လွင်ႈ​မၼ်း​ၸမ်ႉ ႁူဝ်​ၸႂ်​သူ​ၸၢင်ႈ​မီး​ၵႃႈ​တီႈ​ဢၼ်​ၽၼ်ႇတႃႇ​ဢုၵ်ႉ​ၸႃႇ​သူ​မီး​ၼၼ်ႉ​ဢေႃႈ။</verse>
				<verse number="22">ဝၢၼ်ႇ​ၽႆး​တဵၼ်း​တူဝ်​ၵႃႇ​ယႃႉ​ၸမ်ႉ၊ ပဵၼ်​မၢၵ်ႇ​တႃ​ဢေႃႈ။ ပိူဝ်ႈ​ၼႆ​လႄႈ ပေႃး​မၢၵ်ႇ​တႃ​မႂ်း​သႂ်​လႅင်း​ၸိုင် တၵ်း​လႅင်း​တင်း​တူဝ်​ဢေႃႈ။-</verse>
				<verse number="23">ပေႃး​မၢၵ်ႇ​တႃ​မႂ်း​ဢမ်ႇ​လီ​ၸိုင် တၵ်း​လပ်း​သိင်ႇ​တင်း​တူဝ်​ဢေႃႈ။ ပေႃး​ဢၼ်​လႅင်း​ဢၼ်​မီး​ၼႂ်း​မႂ်း​ၼၼ်ႉ ပဵၼ်​ဢၼ်​လပ်း​သိင်ႇ​ၸိုင် ဢၼ်​လပ်း​သိင်ႇ​ၼၼ်ႉ လပ်း​သိင်ႇ​ၼႃႇ​လူင်​လၢင်​ဢေႃႈ။</verse>
				<verse number="24">ၽူႈ​လႂ်​ဢမ်ႇ​ၶၢမ်ႇ​တၢင်း​ဢၼ် ၸဝ်ႈ​သွင်​ၵေႃႉ​ၸႂ်ႉ​သွႆ​ၼၼ်ႉ​လႆႈ။ တၵ်း​ၸင်း​ၸဝ်ႈ​ၵေႃႉ​ၼိုင်ႈ​လႄႈ ႁၵ်ႉ​ၸဝ်ႈ​ၵေႃႉ​ၼိုင်ႈ​ဢေႃႈ။ တၵ်း​ဢိင်​ပိုင်ႈ​ၸဝ်ႈ​ၵေႃႉ​ၼိုင်ႈ​လႄႈ ဢမ်ႇ​ၼပ်ႉ​ဢမ်ႇ​ၶၢၼ်း​ၸဝ်ႈ​ၵေႃႉ​ၼိုင်ႈ​ဢေႃႈ။ သူ​ဢမ်ႇ​ၶၢမ်ႇ​တၢင်း​ဢၼ် ၽြႃး​ပဵၼ်​ၸဝ်ႈ​ၸႂ်ႉ​သွႆ​ဢိၵ်ႇ​တင်း​တၢင်း​ဢၼ်​ၸေး​ၸိမ်ႇ​လေႃးၵီႇ​ၸႂ်ႉ​သွႆ​ၼၼ်ႉ​လႆႈ။-</verse>
				<verse number="25">ပိူဝ်ႈ​ၼႆ​လႄႈ ၵဝ်​ဝႃႈ​တီႈ​သူ​ၸမ်ႉ၊ တၵ်း​လႆႈ​ၵိၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ ပုၼ်ႈ​ဢသၢၵ်ႈ​လႄႈ​သင်၊ တၵ်း​လႆႈ​ၼုင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ ပုၼ်ႈ​တူဝ်​ၵႃႇ​ယႃႉ​လႄႈ​သင်၊ ယႃႇ​ပေ​မႆႈ​ၸႂ်။ ဢသၢၵ်ႈ​မျၢတ်ႈ​သေ​တၢင်း​ၵိၼ်​ဢမ်ႇ​ၸႂ်ႈ​ႁိုဝ်။ တူဝ်​ၵႃႇ​ယႃႉ​မျၢတ်ႈ​သေ​တင်း​ၼုင်ႈ​ဢမ်ႇ​ၸႂ်ႈ​ႁိုဝ်။-</verse>
				<verse number="26">တူၺ်း​ၼူၵ်ႉ​ဢၼ်​မိၼ်​ၵႃႈ​ၼိူဝ်​ၵၢင်​ႁၢဝ်​ၸိူဝ်း​ၼၼ်ႉ​တႃႉ။ ၼူၵ်ႉ​ၸိူဝ်း​ၼၼ်ႉ ဢမ်ႇ​ဝၢၼ်ႇ​ဢမ်ႇ​သွမ်ႈ​ၸိူဝ်ႉ​ၽၼ်း။ ၶဝ်ႈ​ၵေႃႈ​ဢမ်ႇ​ပၢတ်ႇ​ဢမ်ႇ​ထိူဝ်။ ဢမ်ႇ​ၸူႉ​ဢမ်ႇ​သိမ်း​ဝႆႉ​ၵႃႈ​ၼႂ်း​ယွင်​ၼႂ်း​ယေး။ ၼႂ်း​ဝႃႈ​ၼၼ်​သေ​ၵေႃႈ ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ၼၼ်ႉ လဵင်ႉ​လူ​ၶဝ်​ယူႇ​ဢေႃႈ။ သူ​မျၢတ်ႈ​သေ​ၼူၵ်ႉ​ၸိူဝ်း​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="27">ၵွပ်ႈ​ပိူဝ်ႈ​တၢင်း​ဢၼ်​မႆႈ​ၸႂ်​ၶီ​ၸႂ်​လႄႈ ၼႂ်း​သူ​ၽူႈ​လႂ် တၵ်း​ႁႂ်ႈ​ၸူဝ်ႈ​တႃႇ​ဢသၢၵ်ႈ​တူဝ်​ၸဝ်ႈ​ၵဝ်ႇ ယၢဝ်း​မႃး​ထႅင်ႈ​သေ​သွၵ်ႇ​ၼိုင်ႈ​လႆႈ။-</verse>
				<verse number="28">ႁဵတ်း​ႁိုဝ်​လႄႈ လႆႈ​မႆႈ​ၸႂ်​ပုၼ်ႈ​တင်း​ၼုင်ႈ​တင်း​မႆ​ၸိူဝ်ႉ​ၼင်ႇ​ႁိုဝ်။ ၶႆႈ​ၸႂ်​တူၺ်း​တူၼ်ႈ​မွၵ်ႇ​ၼႂ်း​ထိူၼ်ႇ​တင်း​လၢႆ​ၼၼ်ႉ ယႂ်ႇ​မႃး​ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​တႃႉ။ တူၼ်ႈ​ၸိူဝ်း​ၼၼ်ႉ ဢမ်ႇ​ႁဵတ်း​တၢင်း​ႁဵတ်း၊ ဢမ်ႇ​ပၼ်ႇ​ဢမ်ႇ​တေႃး။-</verse>
				<verse number="29">ၼႂ်း​ဝႃႈ​ၼၼ်​သေ​ၵေႃႈ ၵဝ်​ဝႃႈ​တီႈ​သူ​ၸမ်ႉ၊ တၢင်း​ၼုင်ႈ​တၢင်း​မႆ ၶုၼ်​လူင်​ သေႃးလမုၼ်ႇ ဢၼ်​မီး​မုၼ်​ယႂ်ႇ​ၼႃႇ​ၼၼ်ႉ ဢမ်ႇ​ၶိုတ်း​တူၼ်ႈ​ၸိူဝ်း​ၼၼ်ႉ​သေ​တူၼ်ႈ။-</verse>
				<verse number="30">သူ​ၸိူဝ်း​ဢၼ်​ယုမ်ႇ​မၢတ်ႈ​ၵေႇ​တင်း​လၢႆ​ၼႆႉ​ဢိူၺ်း၊ ပေႃး​ၽြႃး​ပဵၼ်​ၸဝ်ႈ ဢဝ်​တၢင်း​ၼုင်ႈ​တၢင်း​မႆ​ႁူမ်ႇ​လူမ်ႈ​တူၼ်ႈ​ယိူဝ်ႈ​တူၼ်ႈ​ယႃႈ​ၵႃႈ​ၼႂ်း​ထိူၼ်ႇ ဢၼ်​ဝၼ်း​မိူဝ်ႈ​ၼႆႉ​ဢသၢၵ်ႈ​လိပ်း​ယူႇ​လႄႈ ဝၼ်း​မိူဝ်ႈ​ၽုၵ်ႈ​ဢဝ်​ၶျႃး​သႂ်ႇ​ၵႃႈ​ၼႂ်း​မုၵ်ႉ​ၽႆး​ၼၼ်ႉ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ မၼ်း​ၸဝ်ႈ​ယဵင်ႈ​ၶႅၼ်း​တၵ်း​ဢဝ်​တၢင်း​ၼုင်ႈ​တၢင်း​မႆ ႁူမ်ႇ​လူမ်ႈ​သူ​လိူဝ်​တွၼ်း​ၼႃႇ​သေ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="31">ပိူဝ်ႈ​ၼႆ​လႄႈ တၵ်း​လႆႈ​ၵိၼ်​ၸိူဝ်ႉ​ၼင်ႇ​ႁိုဝ်။ တၵ်း​လႆႈ​ၼုင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ယႃႇ​ပေ​မႆႈ​ၸႂ်။-</verse>
				<verse number="32">ၵူၼ်း​လေႃးၵီႇ​တင်း​လၢႆ ၸၢင်ႈ​ႁႃ​ဢဝ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ဢေႃႈ။ ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ၼၼ်ႉ ႁူႉ​လွင်ႈ​ဢၼ်​သူ​လူဝ်ႇ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ဢေႃႈ။-</verse>
				<verse number="33">ႁႃ​မိူင်း​ၽြႃး​ပဵၼ်​ၸဝ်ႈ တင်း​တြႃး​တၢင်း​ဢၼ်​သိုဝ်ႈ​တေႃႇ ဢွၼ်​တၢင်း​တႃႉ။ လိုၼ်း​ၼၼ်ႉ​ၸင်ႇ၊ မၼ်း​ၸဝ်ႈ​တၵ်း​ပၼ် လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ၸိူဝ်း​ၼႆႉ​ထႅင်ႈ​ဢေႃႈ။-</verse>
				<verse number="34">ပိူဝ်ႈ​ၼႆ​လႄႈ ပုၼ်ႈ​တႃႇ​ဝၼ်း​မိူဝ်ႈ​ၽုၵ်ႈ​ၸိုင် ယႃႇ​ပေ​မႆႈ​ၸႂ်။ ဝၼ်း​မိူဝ်ႈ​ၽုၵ်ႈ​ၼၼ်ႉ တၵ်း​မႆႈ​ၸႂ်​ပုၼ်ႈ​တူဝ်​ၸဝ်ႈ​ၵဝ်ႇ​ဢေႃႈ။ လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ထုၵ်ႇ​ၼႂ်း​ဝၼ်း​မိူဝ်ႈ​ၼႆႉ​ၼၼ်ႉ ပေႃး​ၵုမ်ႇ​ပုၼ်ႈ​ဝၼ်း​မိူဝ်ႈ​ၼႆႉ​ယဝ်ႉ။</verse>
			</chapter>
			<chapter number="7">
				<verse number="1">ၼင်ႇ​ႁိုဝ်​သူ​တၵ်း​ၵၢင်း​လွတ်ႈ​တင်း တၢင်း​ဢၼ်​ၸီႇ​ယၢင်ႇ​ၸိုင်၊ ယႃႇ​ပေ​ၸီႇ​ယၢင်ႇ​ပိူၼ်ႈ။-</verse>
				<verse number="2">သူ​ၸီႇ​ယၢင်ႇ​ပိူၼ်ႈ​ၸွမ်း​ၼင်ႇ​တြႃး​ဢၼ်​လႂ်​သေ​ဢမ်ႇ​ဝႃႈ၊ တၵ်း​လႆႈ​ၶၢမ်ႇ​တၢင်း​ဢၼ် ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​ဢေႃႈ။ သူ​ပၼ်​တီႈ​ပိူၼ်ႈ​ဢၼ်​တူင်​ဢၼ်​တႅၵ်ႈ​ၵႃႈ​ႁိုဝ်​သေ​ဢမ်ႇ​ဝႃႈ၊ တၵ်း​လႆႈ​ၶၢမ်ႇ​ၵႃႈ​ၼင်ႇ​ဢၼ်​တူင်​ဢၼ်​တႅၵ်ႈ​ၼၼ်ႉ​ဢေႃႈ။-</verse>
				<verse number="3">မႂ်း​ယင်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​သဵၼ်ႈ​ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​မႂ်း​လႄႈ၊ ႁဵတ်း​သင်​လႄႈ တူၺ်း​မုၼ်ႈ​ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​ပီႈ​ၼွင်ႉ​မႂ်း​ၼၼ်ႉ​ၼင်ႇ​ႁိုဝ်။-</verse>
				<verse number="4">သဵၼ်ႈ​ယင်း​မီး​ယူႇ​ၵႃႈ​ၼႂ်း​မၢၵ်ႇ​တႃ​မႂ်း​လႄႈ၊ ႁဵတ်း​သင်​လႄႈ​လၢတ်ႈ​တီႈ ပီႈ​ၼွင်ႉ​မႂ်း​လႄႈ​ဝႃႈ၊ ႁႂ်ႈ​ၵဝ်​လႆႈ​ဢဝ်​မုၼ်ႈ ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​မႂ်း​ၼၼ်ႉ​ဢွၵ်ႇ​သေ​ၵမ်း၊ ဝႃႈ​ၼင်ႇ​ၼႆ​ၼင်ႇ​ႁိုဝ်။-</verse>
				<verse number="5">ၵူၼ်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ၼႆႉ​ဢိူၺ်း၊ ဢဝ်​သဵၼ်ႈ​ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​မႂ်း ဢွၵ်ႇ​ပႅတ်ႈ​သေ​ဢွၼ်​တၢင်း​တႃႉ။ လိုၼ်း​ၼၼ်ႉ​ၸင်ႇ၊ ၼင်ႇ​ႁိုဝ်​တၵ်း​လႆႈ​ဢဝ်​မုၼ်ႈ ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​ပီႈ​ၼွင်ႉ​မႂ်း​ၼၼ်ႉ​ဢွၵ်ႇ​ၸိုင်၊ ၸင်ႇ​တၵ်း​ႁၼ်​လီ​လီ​ဢေႃႈ။</verse>
				<verse number="6">ယႃႇ​ပေ​ဢဝ်​ၶိူင်ႈ​ပိူင်​ဢၼ်​မူတ်း​ၸၢင်ႇ​ပၼ်​တီႈ​မႃ။ ယႃႇ​ပေ​ဢဝ်​ပူး​လႄး​ရတၼႃႇ ၶျႃး​ဝႆႉ​ၵႃႈ​တီႈ​ၽၢႆႇ​ၼႃႈ​မူ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶဝ်​တၵ်း​ယဵပ်ႇ​ၶၢမ်ႈ​ၶိူင်ႈ​ပိူင်​ၸိူဝ်း​ၼၼ်ႉ​လႄႈ ဝၢႆႇ​ၶိုၼ်း​ၶူပ်း​ငၢၼ်ႈ​သိၵ်ႇ​ၶၢတ်ႇ​သူ​ဢေႃႈ။</verse>
				<verse number="7">ယွၼ်း​တႃႉ။ ပေႃး​ယွၼ်း​ၸိုင် တၵ်း​လႆႈ​ဢေႃႈ။ ႁႃ​တႃႉ။ ပေႃး​ႁႃ​ၸိုင် တၵ်း​ထူပ်း​ဢေႃႈ။ တွႆႇ​ၽၵ်း​တူ​တႃႉ။ ပေႃး​တွႆႇ​ၸိုင် တၵ်း​ၽုၺ်ႇ​ဢေႃႈ။-</verse>
				<verse number="8">ၵူၼ်း​လႂ်​သေ​ဢမ်ႇ​ဝႃႈ ၵေႃႉ​ဢၼ်​ယွၼ်း​ၸမ်ႉ၊ လႆႈ​ဢေႃႈ။ ၵေႃႉ​ဢၼ်​ႁႃ​ၵေႃႈ ထူပ်း​ဢေႃႈ။ တီႈ​ၵေႃႉ​ဢၼ်​တွႆႇ​ၽၵ်း​တူ​ၼၼ်ႉ​ၵေႃႈ ၽုၺ်ႇ​ပၼ်​ဢေႃႈ။-</verse>
				<verse number="9">ပေႃး​လုၵ်ႈ​လၢင်း​ယွၼ်း​ၶဝ်ႈ​မုၼ်း​ၸိုင် ၵေႃႉ​ဢၼ်​တၵ်း​ဢဝ်​မၢၵ်ႇ​ႁိၼ်​ပၼ်၊-</verse>
				<verse number="10">ပေႃး​ယွၼ်း​ပႃ​ၸိုင် ၵေႃႉ​ဢၼ်​တၵ်း​ဢဝ်​ငူး​ပၼ်​ၼၼ်ႉ၊ ၵႃႈ​ၼႂ်း​သူ​မီး​သေ​ၵေႃႉ​သေ​ၵူၼ်း​ႁိုဝ်။-</verse>
				<verse number="11">ပိၵ်ႉ​သမ်ႉ​သူ​ပဵၼ်​ဢၼ်​ႁၢႆႉ​မိူၵ်ႈ​ယူႇ​သေ​ၵေႃႈ၊ ပေႃး​သူ​ၸၢင်ႈ​ပၼ်​ၶိူင်ႈ​ပိူင် ဢၼ်​လီ​ဢၼ်​ငၢမ်း တီႈ​လုၵ်ႈ​လၢင်း​သူ​ယူႇ​ၸိုင်၊ ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ ယဵင်ႈ​ၶႅၼ်း​တၵ်း​ပၼ် ၶိူင်ႈ​ပိူင်​ဢၼ်​လီ​ဢၼ်​ငၢမ်း တီႈ​ၶဝ်​ၸိူဝ်း​ဢၼ်​သူး​တွင်း​ယွၼ်း​ၼၼ်ႉ​ဢမ်ႇ​ၸႂ်ႈ​ႁိုဝ်။</verse>
				<verse number="12">ၼင်ႇ​ၵႃႈ​ဢၼ်​သူ ၶႂ်ႈ​ႁႂ်ႈ​ပိူၼ်ႈ​ႁဵတ်း​တီႈ​သူ​ၼၼ်ႉ ႁဵတ်း​တီႈ​ပိူၼ်ႈ​တႃႉ။ ပိင်း​ၺၢပ်ႈ​ၼႆႉ​ၸမ်ႉ၊ ပဵၼ်​ဢၼ်​ဢုပ်ႉ​ပိူင်ႇ​ၵျၢမ်း​ပိင်း​ၺၢပ်ႈ​တီႉ​တင်း​ၵျၢမ်း ဢၼႃႇၵၢတ်ႈတီႉ​ဢေႃႈ။</verse>
				<verse number="13">ၶဝ်ႈ​ၽၵ်း​တူ​ဢၼ်​ၵႅပ်ႈ​တႃႉ။ ၽၵ်း​တူ​ဢိၵ်ႇ​တင်း တၢင်း​ဢၼ်​ႁွတ်ႈ​ထိုင် တၢင်း​လူႉ​တၢင်း​လႅဝ်​ၼၼ်ႉ​ၸမ်ႉ၊ ပဵၼ်​ဢၼ်​ၵႂၢင်ႈ​ၼႃႇ​လူင်​လၢင်​လႄႈ ၶဝ်​ၸိူဝ်း​ဢၼ်​ၶဝ်ႈ​ၼၼ်ႉ ၼမ်​ၼႃႇ​ဢေႃႈ။-</verse>
				<verse number="14">ၽၵ်း​တူ​ဢိၵ်ႇ​တင်း သဵၼ်ႈ​တၢင်း​ဢၼ်​ႁွတ်ႈ​ထိုင် တၢင်း​ဢၼ်​ဢသၢၵ်ႈ​လိပ်း​ၼၼ်ႉ​ၸမ်ႉ၊ ပဵၼ်​ဢၼ်​ၵႅပ်ႈ​ၼႃႇ​လူင်​လၢင်​လႄႈ ၶဝ်​ၸိူဝ်း​ဢၼ်​ထူပ်း​ၼၼ်ႉ​ၵေႇ​ၼႃႇ​ဢေႃႈ။</verse>
				<verse number="15">မိၵ်ႉသႃႇ​ပရေႃးၽႅတ်ႈ​တင်း​လၢႆ ဢၼ်​ၵႃႈ​ၼႂ်း​မၼ်း​ပဵၼ်​မႃ​ၼႆး ဢၼ်​လိူင်း​ၵျၢမ်း​ၼႃႇ​လႄႈ ဢဝ်​တင်း​ၼင်​သူဝ်း​သုမ်ႇ​မႆ​ယူႇ​သေ​လႄႈ မႃး​ၵႃႈ​တီႈ​သူ​ၼၼ်ႉ​ၸိုင်၊ ႁဵတ်း​သတီႉ​သေ​လႄႈ​ဝႄႈ​ပႅတ်ႈ​တႃႉ။-</verse>
				<verse number="16">တူၺ်း​မၢၵ်ႇ​ၶဝ်​ၼၼ်ႉ​လႄႈ တၵ်း​ႁူႉ​သၽေႃး​ၶဝ်​ဢေႃႈ။ ၸၢင်ႈ​ဝိတ်း​ဢဝ်​မၢၵ်ႇ​ၸပိတ်ႈ​ၵႃႈ​တီႈ​တူၼ်ႈ​ၼၢမ်​ႁိုဝ်။ ၸၢင်ႈ​ဝိတ်း​ဢဝ်​မၢၵ်ႇ​လိူဝ်ႇ​သၢင်း​ၽေႃး​ၵႃႈ​တီႈ​တူၼ်ႈ​ၼၢမ်​လိၼ်​ႁိုဝ်။-</verse>
				<verse number="17">တူၼ်ႈ​ဢၼ်​လီ​ၼၼ်ႉ ၸၢင်ႈ​မၢၵ်ႇ​မၢၵ်ႇ​ဢၼ်​လီ​ဢေႃႈ။ တူၼ်ႈ​ဢၼ်​ဢမ်ႇ​လီ​ၼၼ်ႉ ၸၢင်ႈ​မၢၵ်ႇ​မၢၵ်ႇ​ဢၼ်​ဢမ်ႇ​လီ​ဢေႃႈ။-</verse>
				<verse number="18">တူၼ်ႈ​ဢၼ်​လီ​ၼၼ်ႉ ဢမ်ႇ​ၸၢင်ႈ​မၢၵ်ႇ​မၢၵ်ႇ​ဢၼ်​ဢမ်ႇ​လီ​လႆႈ။ တူၼ်ႈ​ဢၼ်​ဢမ်ႇ​လီ​ၼၼ်ႉ ဢမ်ႇ​ၸၢင်ႈ​မၢၵ်ႇ​မၢၵ်ႇ​ဢၼ်​လီ​လႆႈ။-</verse>
				<verse number="19">တူၼ်ႈ​ဢၼ်​မၢၵ်ႇ​မၢၵ်ႇ​ဢၼ်​ဢမ်ႇ​လီ​ၵႃႈ​မီး​ၸိူဝ်း​ၼၼ်ႉ​ၸိုင် ၸၢင်ႈ​ၽၼ်း​လူမ်ႉ​သေ​လႄႈ ၶျႃး​သႂ်ႇ​ၵႃႈ​ၼႂ်း​ၽႆး​ဢေႃႈ။-</verse>
				<verse number="20">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ တူၺ်း​မၢၵ်ႇ​ၶဝ်​ၼၼ်ႉ​လႄႈ တၵ်း​ႁူႉ​သၽေႃး​ၶဝ်​ဢေႃႈ။</verse>
				<verse number="21">ၶဝ်​ၸိူဝ်း​ဢၼ် လဝ်ႊ​လၢတ်ႈ​ၵႃႈ​တီႈ​ၵဝ်​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း၊ ဝႃႈ​ၼင်ႇ​ၼႆ​ၼၼ်ႉ တၵ်း​လႆႈ​ၶဝ်ႈ​ၼႂ်း​မိူင်း​ၵၢင်​ႁၢဝ်​ၸဝ်ႈ​ၵူႈ​ၵေႃႉ​ဢမ်ႇ​ၸႂ်ႈ။ ၵေႃႉ​ဢၼ်​ႁဵတ်း​ၸွမ်း​ၼင်ႇ​ဢလူဝ်ႇ​ပေႃႈ​ၵဝ်​ဢၼ် မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ၼၼ်ႉ​ၵူၺ်း တၵ်း​လႆႈ​ၶဝ်ႈ​ဢေႃႈ။-</verse>
				<verse number="22">ဝၼ်း​ၼၼ်ႉ​ၸမ်ႉ၊ ၵူၼ်း​ၼမ်​ၼႃႇ တၵ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း၊ ႁဝ်း​ၶႃႈ​ၼႆႉ ဢိင်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ​သင်ႇ​သွၼ်​သုင်း​မႃႉ​ပၼ်​ယဝ်ႉ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ႁဝ်း​ၶႃႈ​ၼႆႉ ဢိင်​ၼႃႇ​မႃႉ​ၸိုဝ်ႈ​သဵင် ၸဝ်ႈ​ႁဝ်း​သေ​လႄႈ ႁေႃႈ​ၽီ​ႁၢႆႉ​တင်း​လၢႆ​ဢွၵ်ႇ​ပႅတ်ႈ​ယဝ်ႉ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ႁဝ်း​ၶႃႈ​ၼႆႉ ဢိင်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ ၼႄ​ပျႃး​တၼ်း​ၶူဝ်း​ၼမ်​ၼႃႇ​ယဝ်ႉ​ဢမ်ႇ​ၸႂ်ႈ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၵဝ်​သမ်ႉ​တၵ်း​လၢတ်ႈ​တီႈ​ၶဝ်​ၸိူဝ်း​ၼၼ်ႉ​လႅင်း​လႅင်း​လႄႈ​ဝႃႈ၊ ၵဝ်​ဢမ်ႇ​ႁူႉ​ၸၵ်း​သူ။ သူ​ၸိူဝ်း​ဢၼ်​ႁဵတ်း​ဢမ်ႇ​တြႃး​တင်း​လၢႆ​ၼႆႉ​ဢိူၺ်း၊ ဝႄႈ​သေ​ၵႃႈ​တီႈ​ၵဝ်​လႄႈ​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ငိၼ်း​ၵႂၢမ်း​ဢၼ်​ၵဝ်​ႁေႃး​လၢတ်ႈ​လႄႈ ထွမ်ႇ​ဢဝ်​ၼၼ်ႉ၊ လွင်ႈ​ဢၼ်​ၵေႃႉ​ၼၼ်ႉ မိူၼ်​ၸိူဝ်ႉ​ၼင်ႇ​ၵူၼ်း​ပိင်ႇ​ၺႃႇ​သီႉ ဢၼ်​မႄး​ႁဵတ်း​ႁိူၼ်း​ၵႃႈ​ၼိူဝ်​မၢၵ်ႇ​ႁိၼ်​ၼၼ်ႉ​ၸိုင်၊ ၵဝ်​တၵ်း​ၼႄ​ပုင်ႇ​ပမႃႇ​မၼ်း​ဢေႃႈ။-</verse>
				<verse number="25">မိူဝ်ႈ​ဢၼ်​ၽူၼ်​တူၵ်း​လႄႈ​ၼမ်ႉ​ၼွင်း ဢိၵ်ႇ​တင်း​လူမ်း​မႃး​ထူဝ်း​ႁိူၼ်း​ၼၼ်ႉ​ၸိုင်၊ ပိူဝ်ႈ​ဢၼ်​တႄႇ​ဝႆႉ​ၵႃႈ​ၼိူဝ်​မၢၵ်ႇ​ႁိၼ်​လႄႈ ဢမ်ႇ​လူမ်ႉ​ဢမ်ႇ​ပင်း။-</verse>
				<verse number="26">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ငိၼ်း​ၵႂၢမ်း​ဢၼ်​ၵဝ်​ႁေႃး​လၢတ်ႈ​လႄႈ ဢမ်ႇ​ထွမ်ႇ​ဢဝ်​ၼၼ်ႉ လွင်ႈ​ဢၼ်​ၵေႃႉ​ၼၼ်ႉ မိူၼ်​ၸိူဝ်ႉ​ၼင်ႇ​ၵူၼ်း​မိူၵ်ႈ ဢၼ်​မႄး​ႁဵတ်း​ႁိူၼ်း​ၵႃႈ​ၼိူဝ်​သၢႆး​ၼၼ်ႉ​ၸိုင်၊ ၵဝ်​တၵ်း​ၼႄ​ပုင်ႇ​ပမႃႇ​မၼ်း​ဢေႃႈ။-</verse>
				<verse number="27">မိူဝ်ႈ​ဢၼ်​ၽူၼ်​တူၵ်း​လႄႈ​ၼမ်ႉ​ၼွင်း ဢိၵ်ႇ​တင်း​လူမ်း​မႃး​ထူဝ်း​ႁိူၼ်း​ၼၼ်ႉ​ၸိုင် လူမ်ႉ​ပင်း​ဢေႃႈ။ တၢင်း​ဢၼ်​လူမ်ႉ​ဢၼ်​ပင်း​မၼ်း​ယႂ်ႇ​ၼႃႇ​ဝႃႈ​ၼႆ၊ မၼ်း​ၸဝ်ႈ​ႁေႃး​လၢတ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">မိူဝ်ႈ​ဢၼ် ယေႇသူႉ ​ႁေႃး​လၢတ်ႈ​တေႇသၼႃႇ​ၸဝ်ႈ သုတ်း​ထၢတ်ႇ​ၼၼ်ႉ​ၸိုင်၊ ပရဵၵ်ႈသၢတ်ႈ​တင်း​သဵင်ႈ​တင်း​လူင်​ဢၢမ်း​လွင်ႈ​တၢင်း​ဢၼ် မၼ်း​ၸဝ်ႈ​သင်ႇ​သွၼ်​သုင်း​မႃႉ​ပၼ်​ၼၼ်ႉ ၼႃႇ​လူင်​လၢင်​ဢေႃႈ။-</verse>
				<verse number="29">လွင်ႈ​မၼ်း​ၸမ်ႉ မၼ်း​ၸဝ်ႈ​သင်ႇ​သွၼ်​ပၼ် မိူၼ်​ၸိူဝ်ႉ​ၼင်ႇ​ၵူၼ်း​ထုတ်ႇ​ၵျၢမ်း​ဢမ်ႇ​ၸႂ်ႈ၊ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ဢုပ်ႉ​ပိူင်ႇ​ၼၼ်ႉ​ဢေႃႈ။</verse>
			</chapter>
			<chapter number="8">
				<verse number="1">မိူဝ်ႈ​ဢၼ်​မၼ်း​ၸဝ်ႈ လုၵ်ႉ​သေ​ၵႃႈ​ၼိူဝ်​လွႆ​မႃး​ၼၼ်ႉ​ၸိုင်၊ ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ၸွမ်း​ပႃႈ​လင်​မၼ်း​ၸဝ်ႈ​ဢေႃႈ၊-</verse>
				<verse number="2">မိူဝ်ႈ​ၼၼ်ႉ ၵူၼ်း​ဢၼ်​ပဵၼ်​တုတ်ႈ​ၵေႃႉ​ၼိုင်ႈ မႃး​ၵႃႈ​တီႈ​မၼ်း​ၸဝ်ႈ​လႄႈ ၶုပ်ႉ​မူပ်ႇ​ယူႇ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ပေႃး​ၸဝ်ႈ​ႁဝ်း​မီး​ဢလူဝ်ႇ​ၸိုင် ႁႂ်ႈ​ၵဝ်​ၶႃႈ​မူတ်း​သႂ်​လႆႈ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မၼ်း​ၸဝ်ႈ​ၵေႃႈ ယိုၼ်ႈ​မိုဝ်း​မၼ်း​ၸဝ်ႈ​တိူဝ်ႉ​ၵေႃႉ​ၼၼ်ႉ​သေ​လႄႈ လၢတ်ႈ​ဝႃႈ၊ ၵဝ်​မီး​ဢလူဝ်ႇ​ယူႇ​ဢေႃႈ။ ႁႂ်ႈ​မူတ်း​သႂ်​တႃႉ၊ ဝႃႈ​ၼင်ႇ​ၼႆ​လႄႈ တုတ်ႈ​မၼ်း​ၼၼ်ႉ​ႁွတ်ႈ​တၢင်း​ဢၼ်​မူတ်း​သႂ်​ၵမ်း​လဵဝ်​ဢေႃႈ။-</verse>
				<verse number="4">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မႂ်း​ႁဵတ်း​သတီႉ​တႃႉ။ လွင်ႈ​ၼႆႉ​ၸိုင် ယႃႇ​ပေ​လၢတ်ႈ​တီႈ​ၽူႈ​လႂ်။ၵူၺ်း​ၵႃႈ ၵႂႃႇ​ၼႄ​ပျႃး​တူဝ်​မႂ်း ၵႃႈ​တီႈ​ယိတ်ႈပရေႃးႁဵၵ်ႈ​ပုၼ်ႉ​တႃႉ။ ၼင်ႇ​ႁိုဝ်​တၵ်း​ပဵၼ်​သၢၵ်ႈ​သေႇ တီႈ​ပိူၼ်ႈ​တၢင်ႇ​ၵေႃႉ​ၸိုင်၊ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢၼ် မူဝ်းသေႇ ၸီႇ​ယၢင်ႇ​သင်ႇ​လၢတ်ႈ​ဝႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">လိုၼ်း​ၼၼ်ႉ​ၸင်ႇ၊ မိူဝ်ႈ​ဢၼ်​မၼ်း​ၸဝ်ႈ​ၵႂႃႇ​ၶဝ်ႈ​ၵႃႈ​ၼႂ်း ဝဵင်း​ ၵပိူဝ်ႇၼေႇဢုမ်ႇ ​ၼၼ်ႉ​ၸိုင်၊ တပ်ႉ​မူး​ၵေႃႉ​ၼိုင်ႈ မႃး​ၵႃႈ​တီႈ​မၼ်း​ၸဝ်ႈ​သေ​လႄႈ၊-</verse>
				<verse number="6">လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵူၼ်း​ဢွၼ်ႇ​ၵဝ်​ၶႃႈ ဢၼ်​တိၼ်​တၢႆ​မိုဝ်း​တၢႆ​ၵေႃႉ​ၼိုင်ႈ ၼွၼ်း​ယူႇ​ၵႃႈ​ၼႂ်း​ႁိူၼ်း​လႄႈ လႆႈ​ၶၢမ်ႇ​တၢင်း​ဢၼ်​ၸဵပ်း​ၼႃႇ​လူင်​လၢင်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">မၼ်း​ၸဝ်ႈ​ၵေႃႈ လၢတ်ႈ​လႄႈ​ဝႃႈ၊ ၵဝ်​တၵ်း​မႃး​ပၼ်​ၵတ်း​ယဵၼ်​ၶျၢမ်း​သႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">တပ်ႉ​မူး​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​ဢမ်ႇ​ထိူၵ်ႈ​ၶၢမ်ႇ​တၢင်း​ဢၼ်​ၸဝ်ႈ​ႁဝ်း တၵ်း​မႃး​ၶဝ်ႈ​ၵႃႈ​တႂ်ႈ​ႁူမ်ႈ​ႁိူၼ်း​ၵဝ်​ၶႃႈ​တီႈ​ၶႃႈ။ ပေႃး​ၸဝ်ႈ​ႁဝ်း​မီး​ဢမိင်ႉ​ၵမ်း​ၼိုင်ႈ​ၵူၺ်း​ၸိုင်၊ ၵူၼ်း​ဢွၼ်ႇ​ၵဝ်​ၶႃႈ​ၼၼ်ႉ တၵ်း​လႆႈ​ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ဢေႃႈ။-</verse>
				<verse number="9">ၵဝ်​ၶႃႈ​ၼႆႉ၊ ပိၵ်ႉ​သမ်ႉ​ပဵၼ်​ၶႃႈ​တႂ်ႈ​ၶုၼ်​သေ​ၵေႃႈ ဢုပ်ႉ​ပိူင်ႇ​ၵူၼ်း​သိုၵ်း​တင်း​လၢႆ​လႄႈ ပေႃး​လၢတ်ႈ​တီႈ​ၵေႃႉ​ၼိုင်ႈ​လႄႈ​ဝႃႈ၊ ၵႂႃႇ​တႃႉ​၊ ဝႃႈ​ၼင်ႇ​ၼႆ​ၸိုင်၊ ၵႂႃႇ​တီႈ​ၶႃႈ​ဢေႃႈ။ ပေႃး​လၢတ်ႈ​တီႈ​ၵေႃႉ​ၼိုင်ႈ​လႄႈ​ဝႃႈ၊ မႃး​တႃႉ​၊ ဝႃႈ​ၼင်ႇ​ၼႆ​ၸိုင်၊ မႃး​တီႈ​ၶႃႈ​ဢေႃႈ။ တီႈ​ၶႃႈ​ၵဝ်​ၶႃႈ​ၵေႃႈ ပေႃး​လၢတ်ႈ​လႄႈ​ဝႃႈ၊ ႁဵတ်း​ဢၼ်​ၼႆႉ​တႃႉ၊ ဝႃႈ​ၼင်ႇ​ၼႆ​ၸိုင်၊ ႁဵတ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ယေႇသူႉ ​ၼၼ်ႉ မိူဝ်ႈ​ဢၼ်​ငိၼ်း​ၵႂၢမ်း​ၼၼ်ႉ​ၸိုင်၊ ဢၢမ်း​ၼႃႇ​လူင်​လၢင်​လႄႈ လၢတ်ႈ​တီႈ​ၶဝ်​ၸိူဝ်း​ဢၼ် ၸွမ်း​ပႃႈ​လင်​မၼ်း​ၸဝ်ႈ​တင်း​လၢႆ​ၼၼ်ႉ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ တၢင်း​ယုမ်ႇ​မၢတ်ႈ​ထၢၼ်ႇ​ၼႆႉ​ၸိုင်၊ ၵႃႈ​ၼႂ်း​ၸိူဝ်ႉ​ၶိူဝ်း ဢီႉသရေႇလႃႉ ၼႆႉ ၵဝ်​ဢမ်ႇ​ပႆႇ​တွၼ်ႉ​ထူပ်း​သေ​ပွၵ်ႈ။-</verse>
				<verse number="11">ၵဝ်​သမ်ႉ​ဝႃႈ​ထႅင်ႈ​ၸမ်ႉ၊ ၵူၼ်း​ၼမ်​ၼႃႇ တၵ်း​လုၵ်ႉ​သေ​ၵႃႈ​တီႈ​တၢင်း​ဢွၵ်ႇ၊ တၢင်း​တူၵ်း​မႃး​လႄႈ ဢိင်​ယူႇ​လူၺ်ႈ​ၵၼ်​တင်း​ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၶဝ်​ၼၼ်ႉ ၵႃႈ​ၼႂ်း​မိူင်း​ၵၢင်​ႁၢဝ်​ၸဝ်ႈ​ပုၼ်ႉ​ဢေႃႈ။-</verse>
				<verse number="12">ၵူၼ်း​မိူင်း​ၵၢင်​ႁၢဝ်​တင်း​လၢႆ​ၵေႃႈ တၵ်း​လႆႈ​ၶၢမ်ႇ​တၢင်း​ဢၼ် ႁေႃႈ​ဢွၵ်ႇ​ပႅတ်ႈ​ၵႃႈ​တီႈ​ၼွၵ်ႈ​ၵႃႈ​ၼႂ်း​လပ်း​သိင်ႇ၊ တီႈ​ဢၼ်​လႆႈ​ႁႆႈ​လႆႈ​ႁွင်ႉ၊ တီႈ​ဢၼ်​လႆႈ​ၵတ်း​ၶဵဝ်ႈ​ၵတ်း​ၽၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="13">မၼ်း​ၸဝ်ႈ​လၢတ်ႈ​တီႈ​တပ်ႉ​မူး​ၼၼ်ႉ​လႄႈ​ဝႃႈ၊ မႂ်း​ၵႂႃႇ​တႃႉ။ ၵႃႈ​ၼင်ႇ​ဢၼ်​မႂ်း​ယုမ်ႇ​မၢတ်ႈ​ၼႆႉ ႁႂ်ႈ​ပဵၼ်​တီႈ​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵူၼ်း​ဢွၼ်ႇ​မၼ်း​ၼၼ်ႉ ၶႅၼ်း​မႃး​ၵမ်း​လဵဝ်​ဢေႃႈ။</verse>
				<verse number="14">လိုၼ်း​ၼၼ်ႉ​ၸင်ႇ၊ ယေႇသူႉ ​ၵႂႃႇ​ၶဝ်ႈ​ၵႃႈ​ၼႂ်း​ႁိူၼ်း​ ပေႇတရူႉ ​လႄႈ ထူပ်း​ႁၼ်​ဢွၵ်ႇ​ၼၢႆး​ ပေႇတရူႉ ​ၼၢဝ်​လႄႈ ၼွၼ်း​ယူႇ​ဢေႃႈ။-</verse>
				<verse number="15">မၼ်း​ၸဝ်ႈ​တိူဝ်ႉ​မိုဝ်း​မႄႈ​ယိင်း​ၼၼ်ႉ​သေ​ယဝ်ႉ၊ ၼၢဝ်​မၼ်း​ၼၼ်ႉ ႁၢႆ​လႄႈ မၼ်း​လုၵ်ႉ​ႁဵတ်း​ဝၢတ်ႈ​ၶႅၵ်ႇ​ဢေႃႈ။-</verse>
				<verse number="16">မိူဝ်ႈ​ဢၼ်​ႁွတ်ႈ​ထိုင်​ၵၢင်​ၶမ်ႈ​ၸိုင် ၶဝ်​ဢဝ်​ၵူၼ်း​ဢၼ်​ၽီ​ႁၢႆႉ​ၶဝ်ႈ​ၼၼ်ႉ မႃး​ၵႃႈ​တီႈ​မၼ်း​ၸဝ်ႈ​ၼမ်​ၼႃႇ​လႄႈ မၼ်း​ၸဝ်ႈ​ဢဝ်​တင်း​ၵႂၢမ်း​ၵမ်း​ၼိုင်ႈ​ၵူၺ်း ႁေႃႈ​ၽီ​ႁၢႆႉ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​ဢေႃႈ။ ၵူၼ်း​ၶႆႈ​ၵူၼ်း​ပဵၼ်​ၵႃႈ​မီး​ၸိူဝ်း​ၼၼ်ႉ​ၵေႃႈ မၼ်း​ၸဝ်ႈ​ႁႂ်ႈ​ၶႅၼ်း​မႃး​ဢေႃႈ၊-</verse>
				<verse number="17">လွင်ႈ​တၢင်း​ၸိူဝ်း​ၼႆႉ​ၸမ်ႉ၊ ၼင်ႇ​ႁိုဝ်​ၵႂၢမ်း​ဢၼ်​ပရေႃးၽႅတ်ႈ ဢီႉသႃႇယႃႉ ႁေႃး​လၢတ်ႈ​ဝႆႉ​လႄႈ​ဝႃႈ၊ မၼ်း​ၼၼ်ႉ ႁၢပ်ႇ​ပႃး​ဢဝ်​တၢင်း​ၶႆႈ​တၢင်း​ပဵၼ် ဝူၺ်ႇတၼႃႇ​ႁဝ်း​ၶႃႈ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ တၵ်း​ပျေႉ​ၸုမ်ႇ​ၸိုင်၊ ၸင်ႇ​ပဵၼ်​ဢေႃႈ။</verse>
				<verse number="18">မိူဝ်ႈ​ဢၼ်​မၼ်း​ၸဝ်ႈ ႁၼ်​ၵူၼ်း​ၼမ်​ၼႃႇ လွမ်ႉ​ႁွပ်ႈ​မၼ်း​ၸဝ်ႈ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​မီး​ဢမိင်ႉ ႁႂ်ႈ​လႆႈ​ၶၢမ်ႈ​ၵႂႃႇ​ၵႃႈ​တီႈ​ၽင်ႇ​ၼမ်ႉ​ၽၢႆႇ​ပုၼ်ႉ​ဢေႃႈ။-</verse>
				<verse number="19">မိူဝ်ႈ​ၼၼ်ႉ ၵူၼ်း​ထုတ်ႇ​ၵျၢမ်း​ၵေႃႉ​ၼိုင်ႈ မႃး​လႄႈ​လဝ်ႊ​လၢတ်ႈ​တီႈ​မၼ်း​ၸဝ်ႈ​လႄႈ​ဝႃႈ၊ သြႃႇ​ၸဝ်ႈ၊ ၵဝ်​ၶႃႈ​တၵ်း​ၸွမ်း​ၸဝ်ႈ​ႁဝ်း​ၵႂႃႇ ၵႃႈ​တီႈ​ၵႃႈ​ဢၼ်​ၸဝ်ႈ​ႁဝ်း​ၵႂႃႇ​ၵူႈ​တီႈ​ၵူႈ​လႅၼ်​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ယေႇသူႉ ​ၵေႃႈ လၢတ်ႈ​တီႈ​မၼ်း​လႄႈ​ဝႃႈ၊ မႃ​လိၼ်​တင်း​လၢႆ ယင်း​မီး​ႁူး​လိၼ်​ဢေႃႈ။ ၼူၵ်ႉ​ဢၼ်​မိၼ်​ၵႃႈ​ၼိူဝ်​ၵၢင်​ႁၢဝ်​တင်း​လၢႆ ယင်း​မီး​ႁင်း​ဢေႃႈ။ လုၵ်ႈ​ၵူၼ်း​ၸမ်ႉ၊ တီႈ​ဢၼ်​တၵ်း​ဝၢင်း​ႁူဝ်​ၵေႃႈ​ဢမ်ႇ​မီး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">တပႄး​ၸဝ်ႈ​တၢင်ႇ​ၵေႃႉ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၶႅၼ်း​တေႃႈ​ပၼ်​ဢၶႂၢင်ႉ​ႁႂ်ႈ​ၵဝ်​ၶႃႈ လႆႈ​ၵႂႃႇ​လႄႈ​သၢင်း​ၵျူဝ်ႇ​ပေႃႈ​ၵဝ်​ၶႃႈ​ဢွၼ်​တၢင်း​လူး​ၵွၼ်ႇ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ၸွမ်း​ပႃႈ​လင်​ၵဝ်​တႃႉ။ ႁႂ်ႈ​ၵူၼ်း​တၢႆ​တင်း​လၢႆ သၢင်း​ၵျူဝ်ႇ​ၵူၼ်း​တၢႆ​ၶဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">မိူဝ်ႈ​ၼၼ်ႉ မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ႁိူဝ်း​လႄႈ တပႄး​ၸဝ်ႈ​တင်း​လၢႆ​ၵေႃႈ ၸွမ်း​ဢေႃႈ။-</verse>
				<verse number="24">ၵႃႈ​ၼႂ်း​ၼွင်​ၼၼ်ႉ၊ လႅင်း​ၼမ်ႉ​ပိူပ်ႈ​ၼမ်ႉ လုၵ်ႉ​ၶိုၼ်ႈ​ယႂ်ႇ​ၼႃႇ​လူင်​လၢင် ထၼ်ႈ​ပေႃး​မုင်း​ႁူမ်ႇ​ႁိူဝ်း​ဝႆႉ​ဢေႃႈ။ မၼ်း​ၸဝ်ႈ​ၸမ်ႉ၊ ၵိင်း​ၼွၼ်း​ယူႇ​ဢေႃႈ။-</verse>
				<verse number="25">ၶဝ်​ၼၼ်ႉ သုတ်ႉ​ၸပ်း​သုတ်ႉ​ၸူး​သေ​လႄႈ ပူၵ်း​မၼ်း​ၸဝ်ႈ​ယဝ်ႉ​ၸင်ႇ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ႁဝ်း​ၶႃႈ​တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ၶႃႈ​ယဝ်ႉ။ ၸဝ်ႈ​ႁဝ်း​ၶႅၼ်း​တေႃႈ​ၶျွတ်ႈ​ဢဝ်​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ၊-</verse>
				<verse number="26">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ သူ​ၸိူဝ်း​ဢၼ်​ယုမ်ႇ​မၢတ်ႈ​ၵေႇ​တင်း​လၢႆ​ၼႆႉ​ဢိူၺ်း၊ ႁဵတ်း​သင်​လႄႈ​သူ​ၵူဝ်​ၼင်ႇ​ႁိုဝ်​၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ လုၵ်ႉ​လႄႈ​သင်ႇ​သွၼ်​လူမ်း​တင်း​ပၢင်ႇ​လၢႆႇ​သေ​ယဝ်ႉ၊ ပၢင်ႇ​ၸိုၼ်ႈ​ၼိမ်​လီ​မႃး​ၼႃႇ​လူင်​လၢင်​ဢေႃႈ။-</verse>
				<verse number="27">ၵူၼ်း​တင်း​လၢႆ​ၸိူဝ်း​ၼၼ်ႉ​ၵေႃႈ ဢၢမ်း​လႄႈ​ဝႃႈ၊ ၵေႃႉ​ၼႆႉ​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်။ လူမ်း​တင်း​ပၢင်ႇ​လၢႆႇ ထွမ်ႇ​ဢဝ်​ၵႂၢမ်း​မၼ်း​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">မိူဝ်ႈ​ဢၼ်​မၼ်း​ၸဝ်ႈ​ႁွတ်ႈ​ထိုင် မိူင်း​ ၵႃႇတရႃႉ ​ၵႃႈ​တီႈ​ၽင်ႇ​ၼမ်ႉ ၽၢႆႇ​ပုၼ်ႉ​ၼၼ်ႉ​ၸိုင်၊ ၵူၼ်း​ဢၼ်​ၽီ​ႁၢႆႉ​ၶဝ်ႈ​ဢၼ်​ႁဵတ်း​မိူၵ်ႈ​ႁဵတ်း​လိူင်း​ၼႃႇ တေႃႇ​ထိုင်​ႁွတ်ႈ​ထၼ်ႈ​ပေႃး ၽူႈ​လႂ်​ဢမ်ႇ​ၵႂႃႇ​တၢင်း​ၼၼ်ႉ​လႆႈ​ၼၼ်ႉ သွင်​ၵေႃႉ​ဢွၵ်ႇ​သေ​ၵႃႈ​ၼႂ်း​သၢင်း​ၶႅင်း​မႃး​ႁပ်ႉ​ႁူဝ်​တၢင်း​မၼ်း​ၸဝ်ႈ​လႄႈ ႁွင်ႉ​သႅၼ်ႇ​လႄႈ​ဝႃႈ၊-</verse>
				<verse number="29">ယေႇသူႉ ​လုၵ်ႈ​ၽြႃး​ပဵၼ်​ၸဝ်ႈ​တီႈ​ၶႃႈ၊ ၸဝ်ႈ​ႁဝ်း​ၸၢပ်ႈ​သႅင်ႇ​ၵၼ်​တင်း​ႁဝ်း​ၶႃႈ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ၸူဝ်ႈ​ဢၼ်​ၶိင်ႇ​မၼ်း​ယင်း​ဢမ်ႇ​ပႆႇ​ႁွတ်ႈ​ပႆႇ​ထိုင်​ၼၼ်ႉ၊ ၸဝ်ႈ​ႁဝ်း​မႃး​ႁႂ်ႈ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ႁဝ်း​ၶႃႈ​တီႈ​ၶႃႈ​ႁိုဝ်​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ၵႃႈ​တီႈ​ဢၼ်​ၵႆ​ၵၼ်​တင်း​ၶဝ်​ၼၼ်ႉ မီး​ၽုင်​မူ​ၼမ်​ၼႃႇ​ၵိၼ်​ယူႇ​ဢေႃႈ။-</verse>
				<verse number="31">ၽီ​ႁၢႆႉ​ၸိူဝ်း​ၼၼ်ႉ​ၵေႃႈ တွင်း​ပၢၼ်ႇ​လႄႈ​ဝႃႈ၊ ပေႃး​ၸဝ်ႈ​ႁဝ်း​ႁေႃႈ​ႁဝ်း​ၶႃႈ​ဢွၵ်ႇ​ပႅတ်ႈ​ၸိုင် ပၼ်​ဢၶႂၢင်ႉ​ႁႂ်ႈ​ႁဝ်း​ၶႃႈ​လႆႈ​ၶဝ်ႈ​ၵႃႈ​ၼႂ်း​ၽုင်​မူ​ပုၼ်ႉ​သေ​ၵမ်း​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="32">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵႂႃႇ​တႃႉ​၊ ဝႃႈ​ၼင်ႇ​ၼႆ​ဢေႃႈ။ ၽီ​ႁၢႆႉ​ၸိူဝ်း​ၼၼ်ႉ ဢွၵ်ႇ​ၵႂႃႇ​လႄႈ​ၶဝ်ႈ​ၵႃႈ​ၼႂ်း​ၽုင်​မူ​သေ​ယဝ်ႉ၊ ၽုင်​မူ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ၶုၼ်ႇ​လႅၼ်ႈ​လူင်း​ၽင်ႇ​ၸၼ်း​ၸူး​ၵႃႈ​ၼႂ်း​ၼွင်​လႄႈ တၢႆ​ၵႃႈ​ၼႂ်း​ၼမ်ႉ​ၼၼ်ႉ​ဢေႃႈ။-</verse>
				<verse number="33">ၵူၼ်း​လဵင်ႉ​မူ​တင်း​လၢႆ​ၵေႃႈ လႅၼ်ႈ​ၵႂႃႇ​လႄႈ ၶဝ်ႈ​ၵႃႈ​ၼႂ်း​ဝဵင်း​ယဝ်ႉ​ၸင်ႇ၊ မွၵ်ႇ​လၢတ်ႈ​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် ဢိၵ်ႇ​တင်း​လွင်ႈ​တၢင်း​ဢၼ်​ပဵၼ်​မႃး​တီႈ​ၵူၼ်း​ဢၼ်​ၽီ​ႁၢႆႉ​ၶဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="34">တင်း​ဝဵင်း​ၼၼ်ႉ ဢွၵ်ႇ​မႃး​ႁႂ်ႈ​လႆႈ​ထူပ်း​လႆႈ​ႁၼ် ယေႇသူႉ ​ဢေႃႈ။ မိူဝ်ႈ​ဢၼ်​ၶဝ်​ထူပ်း​ႁၼ်​မၼ်း​ၸဝ်ႈ​ယဝ်ႉ၊ ၶဝ်​တွင်း​ပၢၼ်ႇ​လဝ်ႊ​လၢတ်ႈ ႁႂ်ႈ​မၼ်း​ၸဝ်ႈ​ဢွၵ်ႇ​ၵႃႈ​ၼႂ်း​မိူင်း​ၶဝ်​ၼၼ်ႉ​ၵႂႃႇ​သေ​ဢေႃႈ။</verse>
			</chapter>
			<chapter number="9">
				<verse number="1">မိူဝ်ႈ​ၼၼ်ႉ မၼ်း​ၸဝ်ႈ ၸင်ႇ​ၶီႇ​ႁိူဝ်း​လႄႈ ၶိုၼ်း​ၶၢမ်ႈ​ၵႂႃႇ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ဝဵင်း​တူဝ်​ၸဝ်ႈ​ၵဝ်ႇ​ပုၼ်ႉ​ဢေႃႈ။-</verse>
				<verse number="2">ၶဝ်​ဢဝ်​ၵူၼ်း​ဢၼ်​တိၼ်​တၢႆ​မိုဝ်း​တၢႆ​လႄႈ ၼွၼ်း​ယူႇ​ၵႃႈ​ၼိူဝ်​တီႈ​ၼွၼ်း​ၼၼ်ႉ​ၵေႃႉ​ၼိုင်ႈ မႃး​သူင်ႇ​ၵႃႈ​တီႈ​မၼ်း​ၸဝ်ႈ​ဢေႃႈ။ ယေႇသူႉ ​ႁၼ် တၢင်း​ဢၼ်​ယုမ်ႇ​မၢတ်ႈ​ၶဝ်​သေ​ယဝ်ႉ၊ လၢတ်ႈ​တီႈ​ၵေႃႉ​ဢၼ်​တိၼ်​တၢႆ​မိုဝ်း​တၢႆ​ၼၼ်ႉ​လႄႈ​ဝႃႈ၊ လုၵ်ႈ​ၵဝ်​ဢိူၺ်း၊ ယႃႇ​ပေ​မႆႈ​ၸႂ်။ ဢပႅတ်ႈ​မႂ်း​ၸိုင်​ပွႆႇ​လွတ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵူၼ်း​ထုတ်ႇ​ၵျၢမ်း​ၵမ်ႈ​ၽွင်ႈ ထၢင်ႇ​ၼႂ်း​ၸႂ်​လႄႈ​ဝႃႈ၊ ၵေႃႉ​ၼႆႉ လၢတ်ႈ​ပူၼ်ႉ​လၢတ်ႈ​လိူဝ် ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ယေႇသူႉ ​ႁူႉ​ႁၼ်​တၢင်း​ၵျၢမ်ႇ​တၢင်း​ပွင်​ၶဝ်​သေ​ယဝ်ႉ၊ လၢတ်ႈ​လႄႈ​ဝႃႈ၊ ၼႂ်း​ၸႂ်​သူ​ႁဵတ်း​သင်​လႄႈ ၵျၢမ်ႇ​ပွင်​ဢၼ်​ဢမ်ႇ​လီ​ၼင်ႇ​ႁိုဝ်။-</verse>
				<verse number="5">ၵႂၢမ်း​ဢၼ်​လႂ်​ယဵင်ႈ​ၶႅၼ်း​လၢတ်ႈ​ငၢႆႈ။ ဢပႅတ်ႈ​မႂ်း​ၸိုင်​ပွႆႇ​လွတ်ႈ​ယဝ်ႉ၊ ဢၼ်​ဝႃႈ​ၼင်ႇ​ၼႆ​ၼၼ်ႉ လၢတ်ႈ​ငၢႆႈ​ႁိုဝ်။ မႂ်း​လုၵ်ႉ​လႄႈ​ပႆ​တၢင်း​ၵႂႃႇ​တႃႉ၊ ဢၼ်​ဝႃႈ​ၼင်ႇ​ၼႆ​ၼၼ်ႉ လၢတ်ႈ​ငၢႆႈ​ႁိုဝ်။-</verse>
				<verse number="6">ၼင်ႇ​ႁိုဝ်​သူ​တၵ်း​ႁူႉ​လွင်ႈ​ဢၼ် လုၵ်ႈ​ၵူၼ်း​ပိူင်ႇ​ပွႆႇ​လွတ်ႈ​ဢပႅတ်ႈ ၵႃႈ​ၼိူဝ်​လိၼ်​မိူင်း ဝႃႈ​ၼႆ၊ မၼ်း​ၸဝ်ႈ​သမ်ႉ​လၢတ်ႈ​တီႈ​ၵေႃႉ​ဢၼ် တိၼ်​တၢႆ​မိုဝ်း​တၢႆ​ၼၼ်ႉ​ထႅင်ႈ​လႄႈ​ဝႃႈ၊ လုၵ်ႉ​ဢဝ်​တီႈ​ၼွၼ်း​မႂ်း​လႄႈ မိူဝ်း​ၵႂႃႇ​ၵႃႈ​တီႈ​ႁိူၼ်း​မႂ်း​ပုၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၵေႃႉ​ၼၼ်ႉ​ၵေႃႈ လုၵ်ႉ​လႄႈ​မိူဝ်း​ၵႂႃႇ ၵႃႈ​တီႈ​ႁိူၼ်း​မၼ်း​ပုၼ်ႉ​သေ​ဢေႃႈ။-</verse>
				<verse number="8">ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ၊ မိူဝ်ႈ​ဢၼ်​ႁၼ် ၸိူဝ်ႉ​ၼင်ႇ​ၼၼ် ၼၼ်ႉ​ၸိုင်၊ ဢၢမ်း​ၼႃႇ​လူင်​လၢင်​လႄႈ ယွင်ႈ​ယေႃး​ၽြႃး​ပဵၼ်​ၸဝ်ႈ ဢၼ်​ဢဝ်​တၼ်း​ၶူဝ်း​ၸိူဝ်ႉ​ၼင်ႇ​ၼၼ် ဢၢပ်ႈ​ပၼ် တီႈ​ၵူၼ်း​ၼၼ်ႉ​ဢေႃႈ။</verse>
				<verse number="9">ယေႇသူႉ ​ၼၼ်ႉ မိူဝ်ႈ​ဢၼ်​လုၵ်ႉ​သေ ၵႃႈ​တီႈ​ၼၼ်ႈ​ၵႂႃႇ​ၼၼ်ႉ​ၸိုင်၊ ထူပ်း​ႁၼ်​ၵေႃႉ​ၼိုင်ႈ ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ​ မၢတ်ႈထႄႇ ​ၼၼ်ႉ ၼင်ႈ​ယူႇ​ၵႃႈ​တီႈ​သုမ်ႉ​ထဵင်​ၵဵပ်း​ၶွၼ်ႇ​လႄႈ​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ၵေႃႉ​ၼၼ်ႉ​ၵေႃႈ လုၵ်ႉ​ၸွမ်း​ပႃႈ​လင်​မၼ်း​ၸဝ်ႈ​ဢေႃႈ။</verse>
				<verse number="10">လိုၼ်း​ၼၼ်ႉ​ၸင်ႇ၊ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ဢိင်​ယူႇ ႁိမ်း​တီႈ​ၵိၼ်​ၵႃႈ​ၼႂ်း​ႁိူၼ်း​ယူႇ​ၼၼ်ႉ​ၸိုင်၊ ၵူၼ်း​ၵဵပ်း​ၶွၼ်ႇ​တင်း​ၵူၼ်း​ႁၢႆႉ​ၼမ်​ၼႃႇ မႃး​လႄႈ​ဢိင်​လူၺ်ႈ​ၵၼ်​တင်း​မၼ်း​ၸဝ်ႈ​ဢိၵ်ႇ​တင်း တပႄး​ၸဝ်ႈ​တင်း​လၢႆ ၵႃႈ​ႁိမ်း​တီႈ​ၵိၼ်​ၼၼ်ႉ​ဢေႃႈ။-</verse>
				<verse number="11">ၽႃႇရီႉသႄး ​ၸိူဝ်း​ၼၼ်ႉ​ႁၼ်​သေ​ယဝ်ႉ၊ လၢတ်ႈ​တီႈ​တပႄး​ၸဝ်ႈ​တင်း​လၢႆ လႄႈ​ဝႃႈ၊ ႁဵတ်း​ႁိုဝ်​လႄႈ​သြႃႇ​သူ ၵိၼ်​လူၺ်ႈ​ၵၼ်​တင်း​ၵူၼ်း​ၵဵပ်း​ၶွၼ်ႇ​တင်း ၵူၼ်း​ႁၢႆႉ​တင်း​လၢႆ​ယူႇ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ၊-</verse>
				<verse number="12">မၼ်း​ၸဝ်ႈ​ၼၼ်ႉ မိူဝ်ႈ​ဢၼ်​ငိၼ်း​ၸိုင်​လၢတ်ႈ​လႄႈ​ဝႃႈ၊ ၶဝ်​ၸိူဝ်း​ဢၼ် ယူႇ​လီ​ၼၼ်ႉ ဢမ်ႇ​လူဝ်ႇ​မေႃ​ယႃ။ ၶဝ်​ၸိူဝ်း​ဢၼ်​မီး တၢင်း​ၶႆႈ​တၢင်း​ပဵၼ်​ၼၼ်ႉ​ၵူၺ်း လူဝ်ႇ​မေႃ​ယႃ​ဢေႃႈ။-</verse>
				<verse number="13">ၼင်ႇ​ႁိုဝ်​သူ​တၵ်း ႁူႉ​လွင်ႈ​ဢၼ်​ၵႂၢမ်း​ၵျၢမ်း​လိၵ်ႈ​ဢၼ်​ဝႃႈ ၵဝ်​ၵျိူၵ်ႈ တၢင်း​ႁၵ်ႉ​ၵရူႉၼႃႇ လိူဝ်​တွၼ်း​သေ တၢင်း​ဢၼ်​ပုၵ်ႈ​ၸေႃႇ​ယိတ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင်၊ သူ​ၵႂႃႇ​လႄႈ သွၼ်​ဢဝ်​တႃႉ။ ၵဝ်​မႃး​ႁႂ်ႈ​လႆႈ ႁွင်ႉ​ဢဝ် ၵူၼ်း​သိုဝ်ႈ​တေႃႇ​တင်း​လၢႆ ဢမ်ႇ​ၸႂ်ႈ။ ၵဝ်​မႃး​ႁႂ်ႈ​လႆႈ​ႁွင်ႉ​ဢဝ်​ၵူၼ်း​ႁၢႆႉ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ၼၼ်ႉ​တပႄး​ၸဝ်ႈ​ ယူဝ်းႁၢၼ်ႇ ​တင်း​လၢႆ မႃး​တီႈ​မၼ်း​ၸဝ်ႈ​လႄႈ လဝ်ႊ​ဝႃႈ၊ ႁဝ်း​ၶႃႈ​တင်း​ ၽႃႇရီႉသႄး ​တင်း​လၢႆ ၵမ်​တၢင်း​ၵိၼ် ၶိူဝ်း​ၶိူဝ်း​ယႂ်း​ယႂ်း​ယူႇ​ဢေႃႈ။ ႁဵတ်း​သင်​လႄႈ တပႄး​ၸဝ်ႈ​ႁဝ်း​ၸိူဝ်း​ၼႆႉ ဢမ်ႇ​ၵမ်​တၢင်း​ၵိၼ် ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​ၵေႃႉ​ဢၼ် သွင်ႇ​မင်ႇၵလႃႇ မီး​ယူႇ​လူၺ်ႈ​ၵၼ်​တင်း​ၵေႃႉ​သေႈ​မၼ်း​တင်း​လၢႆ​ၼၼ်ႉ​ၸိုင်၊ ၶဝ်​ၼၼ်ႉ​ၸၢင်ႈ​မႆႈ​ၸႂ်​ၶီ​ၸႂ်​ပွင်ႉ​ၶၢင်း​ႁိုဝ်။ ၶိင်ႇ​ၵႃႇလႃႉ​ဢၼ်​တၵ်း​လႆႈ​ဢဝ်​ၵေႃႉ​ဢၼ်​သွင်ႇ​မင်ႇၵလႃႇ​ၼၼ်ႉ ၽၢတ်ႇ​ၵၼ်​တင်း​ၵေႃႉ​သေႈ​မၼ်း​တင်း​လၢႆ​ၼၼ်ႉ​ၸိုင် တၵ်း​ႁွတ်ႈ​မႃး​ဢေႃႈ။ ၶိင်ႇ​မိူဝ်ႈ​ၼၼ်ႉ ၶဝ်​တၵ်း​ၵမ်​တၢင်း​ၵိၼ်​ဢေႃႈ။-</verse>
				<verse number="16">ၽူႈ​လႂ်​ဢမ်ႇ​ဢဝ်​ၶူဝ်း​မႂ်ႇ ၽုင်​ၵုပ်း​ၶူဝ်း​ၵဝ်ႇ။ လွင်ႈ​မၼ်း​ၸမ်ႉ ၶူဝ်း​ဢၼ်​ၽုင်​ၵုပ်း​ၼၼ်ႉ တၵ်း​ႁုတ်ႉ​ၸၼ် ၶူဝ်း​ၵဝ်ႇ​လႄႈ ႁူး​မၼ်း​ယဵင်ႈ​ၶႅၼ်း​တၵ်း​ႁၢႆႉ​ဢေႃႈ။-</verse>
				<verse number="17">ပိူင်​လဵဝ်​ၵၼ်၊ ဢမ်ႇ​ဢဝ်​ၼမ်ႉ​ၸပိတ်ႈ ဢၼ်​မႂ်ႇ​သႂ်ႇ​ၼႂ်း ထူင်​ၼင်​ဢၼ်​ၵဝ်ႇ။ ပေႃး​သႂ်ႇ​ၸိုင်၊ ထူင်​ၼင်​ၼၼ်ႉ တၵ်း​တႅၵ်ႇ​ဢေႃႈ။ ၼမ်ႉ​ၸပိတ်ႈ​တၵ်း​ႁူဝ်ႈ​လႄႈ ထူင်​ၼင်​ၵေႃႈ တၵ်း​လူႉ​တၵ်း​လႅဝ်​ဢေႃႈ။ ၼမ်ႉ​ၸပိတ်ႈ ဢၼ်​မႂ်ႇ​ၼၼ်ႉ​ၸိုင်၊ ၸၢင်ႈ​သႂ်ႇ​ၼႂ်း​ထူင်​ၼင် ဢၼ်​မႂ်ႇ​ဢေႃႈ။ ပေႃး​သႂ်ႇ​ၸိုင်၊ တင်း​သွင်​ၸိူဝ်ႉ​သွင်​ပိူင် ဢမ်ႇ​လူႉ​ဢမ်ႇ​လႅဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ၼႂ်း​မိူဝ်ႈ​ဢၼ် မၼ်း​ၸဝ်ႈ​လၢတ်ႈ​ၵႂၢမ်း​ၼႆႉ ယူႇ​ၼၼ်ႉ​ၸိုင်၊ ၵူၼ်း​ဢၼ် ပဵၼ်​ၵႄႇ​ပဵၼ်​ႁူဝ် ၵေႃႉ​ၼိုင်ႈ​မႃး ၶုပ်ႉ​မူပ်ႇ​ယူႇ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ လုၵ်ႈ​ယိင်း​ၵဝ်​ၶႃႈ​ၵေႃႉ​ၼိုင်ႈ တၢႆ​တေႃႈ​လဵဝ်​ၼႆႉ​ယဝ်ႉ​ၶႃႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပေႃး​ၸဝ်ႈ​ႁဝ်း​ၵႂႃႇ​လႄႈ ဢဝ်​မိုဝ်း​တၢင်ႇ​ၵႃႈ​ၼိူဝ်​မၼ်း​ၸိုင်၊ ဢသၢၵ်ႈ​မၼ်း တၵ်း​ၶိုၼ်း​လိပ်း​မႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ယေႇသူႉ ​လုၵ်ႉ​လႄႈ ဢိၵ်ႇ​တင်း​တပႄး​ၸဝ်ႈ​တင်း​လၢႆ ၸွမ်း​ပႃႈ​လင်​ၵေႃႉ​ၼၼ်ႉ​ၵႂႃႇ​ဢေႃႈ။</verse>
				<verse number="20">မိူဝ်ႈ​ၼၼ်ႉ မႄႈ​ယိင်း​ဢၼ်​ၸပ်း​တၢင်း​ပဵၼ် ဢၼ်​ထွၵ်ႇ​လိူတ်ႈ​လႆႈ​သိပ်း​သွင်​ပီႊ​တဵမ်​တဵမ် ယဝ်ႉ​ၼၼ်ႉ​ၵေႃႉ​ၼိုင်ႈ မႃး​ၵႃႈ​တီႈ​ၽၢႆႇ တၢင်း​လင်​မၼ်း​ၸဝ်ႈ​သေ​လႄႈ တိူဝ်ႉ​ယိပ်း​ပူႈၶူဝ်း​မၼ်း​ၸဝ်ႈ​ဢေႃႈ။-</verse>
				<verse number="21">လွင်ႈ​မၼ်း​ၸမ်ႉ မၼ်း​ထၢင်ႇ​ၼႂ်း​ၸႂ်​လႄႈ​ဝႃႈ၊ ပေႃး​ၵဝ်​လႆႈ​တိူဝ်ႉ​လႆႈ​ယိပ်း​ၶူဝ်း​လဵင်း​မၼ်း​ၸဝ်ႈ​ၼၼ်ႉ​ၵူၺ်း​ၸိုင်၊ တၢင်း​ပဵၼ်​တၵ်း​ႁၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ယေႇသူႉ ​ဝၢႆႇ​တူၺ်း​လႄႈ ႁၼ်​မႄႈ​ယိင်း​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ လုၵ်ႈ​ယိင်း​ၵဝ်​ဢိူၺ်း၊ ယႃႇ​ပေ​မႆႈ​ၸႂ်။ တၢင်း​ယုမ်ႇ​မၢတ်ႈ​မႂ်း​ႁႂ်ႈ​တၢင်း​ပဵၼ်​မႂ်း​ႁၢႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၸႃႉ​ၸဵမ်​ၶိင်ႇ ၼႃႇရီႇ​ၼၼ်ႉ​လႄႈ မႄႈ​ယိင်း​ၼၼ်ႉ​ၶႅၼ်း​မႃး​ဢေႃႈ။</verse>
				<verse number="23">မိူဝ်ႈ​ဢၼ်​ ယေႇသူႉ ​ႁွတ်ႈ​ထိုင် ၵႃႈ​ၼႂ်း​ႁိူၼ်း​ၵူၼ်း​ဢၼ် ပဵၼ်​ၵႄႇ​ပဵၼ်​ႁူဝ်​ၼၼ်ႉ​လႄႈ ႁၼ်​ၶဝ်​ၸိူဝ်း​ဢၼ် ပဝ်ႇ​ပီႇ​ပဝ်ႇ​ၼႄး​ဢိၵ်ႇ​တင်း ၶဝ်​ၸိူဝ်း​ဢၼ် ဢူၼ်​ဢဵၼ်​မေႃး​မႄး​ၵၼ်​ယူႇ တင်း​လၢႆ​ၸိူဝ်း​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊-</verse>
				<verse number="24">ဝႄႈ​ပၼ်​တၢင်း​တႃႉ။ မႄႈ​ယိင်း​ဢွၼ်ႇ​ၼႆႉ​တၢႆ​ယဝ်ႉ​ဢမ်ႇ​ၸႂ်ႈ။ မၼ်း​ၼွၼ်း​လပ်း​ယူႇ​လႆ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ ႁဵတ်း​ပျၢၵ်ႈ​ၶူဝ်​မၼ်း​ၸဝ်ႈ​သေ​ဢေႃႈ။-</verse>
				<verse number="25">မၼ်း​ၸဝ်ႈ​ႁႂ်ႈ​ၶဝ်​ၼၼ်ႉ ဢွၵ်ႇ​ၵႂႃႇ​ၵႃႈ​ၼွၵ်ႈ​သေ​ယဝ်ႉ​ၸင်ႇ၊ ၶဝ်ႈ​ၵႂႃႇ​ၵႃႈ​ၼႂ်း​လႄႈ ယိပ်း​မိုဝ်း​မၼ်း​သေ​ယဝ်ႉ၊ မႄႈ​ယိင်း​ဢွၼ်ႇ​ၼၼ်ႉ လုၵ်ႉ​ၵမ်း​လဵဝ်​ဢေႃႈ။-</verse>
				<verse number="26">သတၢင်း​သဵင်​ၶၢဝ်ႇ​ၼၼ်ႉ သႃႈ​ႁူင်​ၸွတ်ႇ​ဝၢၼ်ႈ​ၸွတ်ႇ​မိူင်း​ၵႂႃႇ​ဢေႃႈ။</verse>
				<verse number="27">ၼႂ်း​မိူဝ်ႈ​ဢၼ် ယေႇသူႉ ​လုၵ်ႉ​သေ​ၵႃႈ​တီႈ​ၼၼ်ႈ ၵႂႃႇ​ယူႇ​ၼၼ်ႉ​ၸိုင်၊ ၵူၼ်း​တႃ​မွတ်ႇ​သွင်​ၵေႃႉ​ၸွမ်း​ပႃႈ​လင်​မၼ်း​ၸဝ်ႈ​သေ​လႄႈ ႁွင်ႉ​ဝႃႈ၊ လုၵ်ႈ​ တႃႇဝိတ်ႈ ​ၶႃႈ​ဢိူၺ်း၊ ဢဵတ်း​လူ​ႁဝ်း​ၶႃႈ သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">မိူဝ်ႈ​ဢၼ်​မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ႁိူၼ်း​ၸိုင်၊ ၵူၼ်း​တႃ​မွတ်ႇ​သွင်​ၵေႃႉ​ၼၼ်ႉ သုတ်ႉ​ၸပ်း​သုတ်ႉ​ၸူး တီႈ​မၼ်း​ၸဝ်ႈ​ဢေႃႈ။ မၼ်း​ၸဝ်ႈ​ၵေႃႈ ထၢမ်​လႄႈ​ဝႃႈ၊ လွင်ႈ​ဢၼ်​ၵဝ်​တၢတ်ႈ​ၼိူင်ႇ​လႆႈ တီႈ​ႁဵင်း​ၼႆႉ​ၸိုင် သူ​ယုမ်ႇ​ႁိုဝ်​၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ယုမ်ႇ​ၶႃႈ​ဢေႃႈ​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မိူဝ်ႈ​ၼၼ်ႉ မၼ်း​ၸဝ်ႈ​တိူဝ်ႉ​မၢၵ်ႇ​တႃ​ၶဝ်​သေ​လႄႈ​ဝႃႈ၊ ၵႃႈ​ၼင်ႇ​ဢၼ်​တၢင်း​ယုမ်ႇ​မၢတ်ႈ​သူ​မီး​ၼႆႉ ႁႂ်ႈ​ပဵၼ်​တီႈ​သူ​တႃႉ။-</verse>
				<verse number="30">မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၢၵ်ႇ​တႃ​ၶဝ် ၽုၺ်ႇ​လႅင်း​မႃး​ဢေႃႈ။ ယေႇသူႉ ​ၵေႃႈ ႁႄႉ​ၶဝ်​ႁၢမ်ႈ​ၶဝ်​လႄႈ​ဝႃႈ၊ ႁဵတ်း​သတီႉ​တႃႉ။ ယႃႇ​ႁႂ်ႈ​ၽူႈ​လႂ်​ႁူႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ၼႂ်း​ဝႃႈ​ၼၼ်​သေ​ၵေႃႈ ၶဝ်​ၼၼ်ႉ​ၵႂႃႇ​လႄႈ ႁႂ်ႈ​သတၢင်း​သဵင်​ၶၢဝ်ႇ​မၼ်း​ၸဝ်ႈ​သႃႈ​ႁူင်​ၸွတ်ႇ​ၵႂႃႇ​တင်း​ဝၢၼ်ႈ​တင်း​မိူင်း​ဢေႃႈ။</verse>
				<verse number="32">ဝၢႆး​လင်​ၶဝ်​ၼၼ်ႉ​ဢွၵ်ႇ​ၵႂႃႇ​သေ​ယဝ်ႉ၊ ပိူၼ်ႈ​ဢဝ်​ၵူၼ်း​ဢႃႉ ဢၼ်​ၽီ​ႁၢႆႉ​ၶဝ်ႈ​ၼၼ်ႉ​ၵေႃႉ​ၼိုင်ႈ မႃး​တီႈ​မၼ်း​ၸဝ်ႈ​ဢေႃႈ။-</verse>
				<verse number="33">မိူဝ်ႈ​ဢၼ်​မၼ်း​ၸဝ်ႈ​ႁေႃႈ​ၽီ​ႁၢႆႉ​ၼၼ်ႉ ဢွၵ်ႇ​ပႅတ်ႈ​ယဝ်ႉ​ၼၼ်ႉ​ၸိုင်၊ ၵူၼ်း​ဢႃႉ​ၼၼ်ႉ လၢတ်ႈ​ၵႂၢမ်း​မႃး​ဢေႃႈ။ ၶဝ်​ၸိူဝ်း​ဢၼ်​ၸူႉ​ဢၼ်​တုမ်​ၼၼ်ႉ​ၵေႃႈ ဢၢမ်း​လႄႈ​ဝႃႈ၊ ၵႃႈ​ၼႂ်း​ၸိူဝ်ႉ​ၶိူဝ်း​ ဢီႉသရေႇလႃႉ ​ၼႆႉ ဢမ်ႇ​ပႆႇ​တွၼ်ႉ​လႆႈ​ႁၼ်​ၸိူဝ်ႉ​ၼင်ႇ​ၼႆ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ၽႃႇရီႉသႄး ​တင်း​လၢႆ​ၵေႃႈ​လၢတ်ႈ​လႄႈ​ဝႃႈ၊ မၼ်း​ဢိင်​ပိုင်ႈ ၶုၼ်​ၽီ​ႁၢႆႉ​သေ​လႄႈ ႁေႃႈ​ၽီ​ႁၢႆႉ​တင်း​လၢႆ ဢွၵ်ႇ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="35">ယေႇသူႉ ​တေႇသႃႉၸႃႇရီႇ​လႄႇ​လဵပ်ႈ​ၵူႈ​ဝၢၼ်ႈ​ၵူႈ​ဝဵင်း ၵႃႈ​မီး​တင်း​သဵင်ႈ​တင်း​လူင်​သေ​လႄႈ သင်ႇ​သွၼ်​သုင်း​မႃႉ​ပၼ်​ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ​ယူႇ၊ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​မိူင်း​ၸဝ်​ယူႇ​သေ​လႄႈ ႁႂ်ႈ​တၢင်း​ၶႆႈ​တၢင်း​ပဵၼ် ၵူႈ​ၸိူဝ်ႉ​ၵူႈ​ပိူင်​ႁၢႆ​ယူႇ​ဢေႃႈ။-</verse>
				<verse number="36">မိူဝ်ႈ​ဢၼ်​မၼ်း​ၸဝ်ႈ ႁၼ်​ၶဝ်​ၸိူဝ်း​ဢၼ်​ၸူႉ​ဢၼ်​တုမ်​ၼၼ်ႉ​ၸိုင်၊ မၼ်း​ၸဝ်ႈ​မီး​ၸႂ်​ဢၼ်​ဢဵတ်း​လူ​ၶဝ်​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ ပဵၼ်​ဢၼ်​ယၢပ်ႇ​ၸႂ်​ၶၢၼ်​ၸႂ်​လႄႈ ၶၢမ်ႇ​တၢင်း​ဢၼ်​ပႅတ်ႈ​ဝႆႉ​ၸိူဝ်ႉ​ၼင်ႇ သူဝ်း​ဢၼ်​ဢမ်ႇ​မီး​ၵေႃႉ​ဢၼ်​လဵင်ႉ​ဢၼ်​လူ​ၼၼ်ႉ​ဢေႃႈ။-</verse>
				<verse number="37">မိူဝ်ႈ​ၼၼ်ႉ မၼ်း​ၸဝ်ႈ​လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊ ၶဝ်ႈ​ဢၼ်​လီ​ပၢတ်ႇ​မီး​ၼမ်​ၼႃႇ​ဢေႃႈ။ ၵူၼ်း​ၸိူဝ်း​ဢၼ်​ပၢတ်ႇ​ၸိုင် မီး​ၵေႇ​ဢေႃႈ။-</verse>
				<verse number="38">ပိူဝ်ႈ​ၼႆ​လႄႈ ၼင်ႇ​ႁိုဝ်​တၵ်း​ပွႆႇ​ၸႂ်ႉ​ၵူၼ်း​ၸိူဝ်း​ဢၼ် တၵ်း​ပၢတ်ႇ​ၶဝ်ႈ​မႃး ပုၼ်ႈ​ဢၼ်​တၵ်း​ပၢတ်ႇ​ၶဝ်ႈ​ၼၼ်ႉ​ၸိုင် သူး​တွင်း​တီႈ​ၸဝ်ႈ​ၶဝ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="10">
				<verse number="1">မၼ်း​ၸဝ်ႈ​ႁွင်ႉ​ဢဝ်​တပႄး​ၸဝ်ႈ သိပ်း​သွင်​ပႃး​ယဝ်ႉ​ၸင်ႇ၊ ဢၢပ်ႈ​ပၼ်​တၼ်း​ၶူဝ်း​တီႈ​ၶဝ် ႁႂ်ႈ​ၶဝ်​လႆႈ​ႁေႃႈ​ၽီ​ႁၢႆႉ​တင်း​လၢႆ​ဢွၵ်ႇ​ပႅတ်ႈ ဢိၵ်ႇ​တင်း​ႁႂ်ႈ​ၶဝ်​လႆႈ​ႁႂ်ႈ​တၢင်း​ၶႆႈ​တၢင်း​ပဵၼ်​ၵူႈ​ၸိူဝ်ႉ​ၵူႈ​ပိူင်​ႁၢႆ​ဢေႃႈ။</verse>
				<verse number="2">ၸိုဝ်ႈ​သဵင်​တပႄး​ၸဝ်ႈ​သိပ်း​သွင်​ပႃး​ၼၼ်ႉ​ၸမ်ႉ၊ ပထမႃႉ ပဵၼ်​ သီႉမုၼ်ႇ ​ဢၼ်​လႆႈ​ႁွင်ႉ ပေႇတရူႉ တင်း​ၼွင်ႉ​ၸၢႆး​မၼ်း ဢၼ်ႇတရေႇ ၊-</verse>
				<verse number="3">ယႃႇၵုပ်ႈ လုၵ်ႈ​ၸၢႆး​ ၸေႇပေႇတႄး တင်း​ၼွင်ႉ​ၸၢႆး​မၼ်း ယူဝ်းႁၢၼ်ႇ၊ ၽီႉလိပ်ႉပူႉ တင်း​ ပႃႇထေႃးလမႄး၊ ထူဝ်းမႃႉ တင်း​ၵူၼ်း​ၵဵပ်း​ၶွၼ်ႇ​ မၢတ်ႈထႄႇ၊ ယႃႇၵုပ်ႈ ​လုၵ်ႈ​ၸၢႆး ဢႃႇလၽႄး တင်း​ လေႇပေႇ ဢၼ်​လႆႈ​ၸိုဝ်ႈ​ဢၼ်​မႂ်ႇ ထတ်ႉတေႇ ၊-</verse>
				<verse number="4">သီႉမုၼ်ႇ ၵူၼ်း​ ၵႃႇၼၼိတ်ႉ တင်း​ ယူႉတႃႉ​ဢီႉသၵႃႇရေႇဢုတ်ႈ ဢၼ်​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ​ဢေႃႈ။</verse>
				<verse number="5">ယေႇသူႉ ​ပွႆႇ​ၸႂ်ႉ​သိပ်း​သွင်​ပႃး​ၸိူဝ်း​ၼၼ်ႉ ၵႂႃႇ​လႄႈ​သင်ႇ​လၢတ်ႈ​လႄႈ​ဝႃႈ၊ သူ​ယႃႇ​ပေ​ၵႂႃႇ​ၵႃႈ​တီႈ​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​မီး​ပုၼ်ႉ။ ယႃႇ​ပေ​ၶဝ်ႈ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ၵူၼ်း​ သမႃႇရီႉ ပုၼ်ႉ။-</verse>
				<verse number="6">ၵႂႃႇ​ၵႃႈ​တီႈ​ဢၼ်​သူဝ်း​ဢၼ်​ႁၢႆ​ၵႂႃႇ ဢၼ်​ဝႃႈ​ၸိူဝ်ႉ​ၶိူဝ်း​ ဢီႉသရေႇလႃႉ မီး​ၼၼ်ႉ​ဢွၼ်​တၢင်း​တႃႉ။-</verse>
				<verse number="7">ၼႂ်း​မိူဝ်ႈ​ဢၼ်​သူ​ယင်း​တိုၵ်ႉ​ၵႂႃႇ​ယူႇ​ၼၼ်ႉ​ၸိုင်၊ မိူင်း​ၵၢင်​ႁၢဝ်​ၸဝ်ႈ ၸမ်​တၵ်း​တႄႇ​ပဵၼ်​ယဝ်ႉ​ဝႃႈ​ၼႆ မွၵ်ႇ​လၢတ်ႈ​တႃႉ။-</verse>
				<verse number="8">ႁႂ်ႈ​ၶဝ်​ၸိူဝ်း​ဢၼ်​ၸဵပ်း​ဢၼ်​သႅပ်ႇ​ၼၼ်ႉ ၶႅၼ်း​မႃး​တႃႉ။ ႁႂ်ႈ​ၶဝ်​ၸိူဝ်း​ဢၼ်​ပဵၼ်​တုတ်ႈ​ၼၼ်ႉ မူတ်း​သႂ်​တႃႉ။ ႁႂ်ႈ​ၶဝ်​ၸိူဝ်း​ဢၼ်​တၢႆ​ၼၼ်ႉ လုၵ်ႉ​ၶိုၼ်း​တႃႉ။ ႁေႃႈ​ၽီ​ႁၢႆႉ​တင်း​လၢႆ​ဢွၵ်ႇ​ပႅတ်ႈ​တႃႉ။ သူ​ယင်း​ဢမ်ႇ​ပၼ် ၵႃႈ​မၼ်း​ၶၼ်​မၼ်း​လႄႈ လႆႈ​ၶၢမ်ႇ​ဢဝ်​ယဝ်ႉ။ ယင်း​ဢမ်ႇ​ဢဝ်​ၵႃႈ​မၼ်း​ၶၼ်​မၼ်း​လႄႈ​ပၼ်​တႃႉ။-</verse>
				<verse number="9">ယႃႇ​ပေ​ဢဝ်​ၶမ်း၊ ငိုၼ်း၊ တွင်း သႂ်ႇ​ၼႂ်း​သၢႆ​ဢႅဝ်။-</verse>
				<verse number="10">ပုၼ်ႈ​ဢၼ်​တၵ်း​ၵႂႃႇ​တၢင်း​ၸိုင်၊ ယႃႇ​ပေ​ဢဝ်​ထူင်​ပႃး၊ သိူဝ်ႈ​သွင်​ၽိုၼ်၊ သွၵ်း​တိၼ်၊ ၶွၼ်ႉ​တဝ်ႉ​တင်း​လၢႆ​ၵႂႃႇ။ လွင်ႈ​မၼ်း​ၸမ်ႉ ၵေႃႉ​ဢၼ်​ႁဵတ်း​တၢင်း​ႁဵတ်း​ၼၼ်ႉ ထိူၵ်ႈ​ၶၢမ်ႇ​တၢင်း​ဢၼ်​လဵင်ႉ​ဢၼ်​လူ​ဢေႃႈ။</verse>
				<verse number="11">မိူဝ်ႈ​ဢၼ်​သူ​ၶဝ်ႈ​ၵႃႈ​ၼႂ်း​ဝၢၼ်ႈ​လႂ် ဝဵင်း​လႂ်​သေ​ဢမ်ႇ​ဝႃႈ၊ ၵႃႈ​ၼႂ်း​ဝၢၼ်ႈ ၼႂ်း​ဝဵင်း​ၼၼ်ႉ ၽူႈ​လႂ်​တၵ်း​ၵိုင်ႇ​တၵ်း​ထိူၵ်ႈ​ဝႃႈ​ၼႆ၊ တွင်ႈ​ထၢမ်​လႄႈ၊ ၸူဝ်ႈ​ဢၼ်​ဢမ်ႇ​ပႆႇ​ဢွၵ်ႇ​ၵႂႃႇ​သေ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ၼၼ်ႉ​ၸိုင်၊ ယူႇ​ၵႃႈ​တီႈ​ၵေႃႉ​ၼၼ်ႉ​တႃႉ။-</verse>
				<verse number="12">မိူဝ်ႈ​ဢၼ်​ၶဝ်ႈ​ၵႃႈ​ၼႂ်း​ႁိူၼ်း​ၸိုင် တၵ်ႉ​လၢတ်ႈ​တႃႉ။-</verse>
				<verse number="13">ပေႃး​ႁိူၼ်း​ၼၼ်ႉ​ၵိုင်ႇ​ထိူၵ်ႈ​ၸိုင် ႁႂ်ႈ​မင်ႇၵလႃႇ​ဢၼ်​သူ​ဝႃႈ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​မၼ်း​တႃႉ။ ပေႃး​ဢမ်ႇ​ၵိုင်ႇ​ဢမ်ႇ​ထိူၵ်ႈ​ၸိုင် ႁႂ်ႈ​မင်ႇၵလႃႇ​ဢၼ်​သူ​ဝႃႈ​ၼၼ်ႉ ၶိုၼ်း​မႃး​တီႈ​သူ​တႃႉ။-</verse>
				<verse number="14">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ႁပ်ႉ​တုင်း​ဢဝ်​သူ၊ ဢမ်ႇ​ထွမ်ႇ​ဢဝ်​ၵႂၢမ်း​သူ​ၼၼ်ႉ၊ ၼႂ်း​မိူဝ်ႈ​ဢၼ်​သူ​ယင်း​တိုၵ်ႉ​ဢွၵ်ႇ​ၵႃႈ​တီႈ​ႁိူၼ်း​ၵေႃႉ​ၼၼ်ႉ ဢိၵ်ႇ​တင်း​ၵႃႈ​တီႈ​ဝဵင်း​ၼၼ်ႉ​ၵႂႃႇ​ယူႇ​ၼၼ်ႉ​ၸိုင်၊ သၼ်ႇ​မုၼ်ႈ​လိၼ်​ဢၼ်​ၸပ်း​တိၼ်​သူ​ၼၼ်ႉ​ပႅတ်ႈ​သေ​တႃႉ။-</verse>
				<verse number="15">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၼႂ်း​ဝၼ်း​ဢၼ်​ၸီႇ​ယၢင်ႇ​တြႃး​ၼၼ်ႉ ဝဵင်း​ၼၼ်ႉ တၵ်း​လႆႈ​ၶၢမ်ႇ​ၼႃႇ​သေ​ဝဵင်း​ သေႃးတုမ်ႇ ​တင်း​ဝဵင်း ၵေႃးမေႃးရႃႉ ​ဢေႃႈ။</verse>
				<verse number="16">ၵဝ်​ပွႆႇ​ၸႂ်ႉ​သူ​ၵႂႃႇ​ၸိူဝ်ႉ​ၼင်ႇ​ဢၼ် ပွႆႇ​ၸႂ်ႉ​သူဝ်း​ၵႂႃႇ​ၵႃႈ​ၼႂ်း​ၽုင်​မႃ​ထိူၼ်ႇ​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ သူ​မီး​တၢင်း​ဢၼ် လၵ်း​လႅမ်​ၸိူဝ်ႉ​ၼင်ႇ​ငူး​တႃႉ။ မီး​တၢင်း​ဢၼ် ၸႂ်​မူတ်း​သႂ် ၸိူဝ်ႉ​ၼင်ႇ​ၼူၵ်ႉ​တူႈ​တႃႉ။-</verse>
				<verse number="17">ႁဵတ်း​သတီႉ​လွင်ႈ​ၵူၼ်း​တင်း​လၢႆ​တႃႉ။ လွင်ႈ​မၼ်း​ၸမ်ႉ ၶဝ်​တၵ်း​ဢဝ်​သူ ဢၢပ်ႈ​ၵႃႈ​တီႈ​လုမ်း​လူင်​ဢေႃႈ။ တၵ်း​ပေႃႉ​ယႅၼ်ႉ​သူ ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ​ဢေႃႈ။-</verse>
				<verse number="18">ၵွပ်ႈ​ပိူဝ်ႈ​ၵဝ်​လႄႈ တၵ်း​ဢဝ်​သူ​ၵႂႃႇ​သူင်ႇ​ၵႃႈ​တီႈ​ၶုၼ်​လူင်​တင်း​ၶုၼ်​ႁေႃ​ၶမ်း​တင်း​လၢႆ ႁႂ်ႈ​ပဵၼ်​သၢၵ်ႈ​သေႇ​ဝႆႉ​တီႈ​ၶဝ် တင်း​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ဢေႃႈ။-</verse>
				<verse number="19">မိူဝ်ႈ​ဢၼ်​ၶဝ်​ဢဝ်​သူ​ဢၢပ်ႈ​ၼၼ်ႉ၊ တၵ်း​လႆႈ​ၶိုၼ်း​လၢတ်ႈ​ၸိူဝ်ႉ​ၼင်ႇ​ႁိုဝ်။ တၵ်း​လႆႈ​လၢတ်ႈ​ၵႃႈ​သင်​ဝႃႈ​ၼႆ၊ ယႃႇ​ပေ​မႆႈ​ၸႂ်။ ၵႂၢမ်း​ဢၼ်​တၵ်း​လႆႈ​လၢတ်ႈ​ၼၼ်ႉ​ၸိုင် တၵ်း​လႆႈ​မိူဝ်ႈ​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="20">လွင်ႈ​မၼ်း​ၸမ်ႉ ပဵၼ်​သူ​လၢတ်ႈ​ၵူၺ်း​ဢမ်ႇ​ၸႂ်ႈ၊ ပဵၼ်​ဝီႉၺိၺ်ႇ​ပေႃႈ​သူ​လၢတ်ႈ​ၵႃႈ​ၼႂ်း​သူ​ဢေႃႈ။-</verse>
				<verse number="21">မိူဝ်ႈ​ၼၼ်ႉ ပီႈ​ၼွင်ႉ​ၵၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ဢဝ်​ၵၼ်​ဢၢပ်ႈ​ႁႂ်ႈ​လႆႈ​တၢႆ​ဢေႃႈ။ ပေႃႈ​ၵေႃႈ​တၵ်း​ဢဝ်​လုၵ်ႈ​လၢင်း ဢၢပ်ႈ​ဢေႃႈ။ လုၵ်ႈ​လၢင်း​တင်း​လၢႆ​ၵေႃႈ တၵ်း​ႁဵတ်း​တၢင်း​ၽိတ်း​သႂ်ႇ တီႈ​ပေႃႈ​မႄႈ​လႄႈ ႁႂ်ႈ​တၢႆ​ဢေႃႈ။-</verse>
				<verse number="22">ၵူၼ်း​တင်း​သဵင်ႈ​တင်း​လူင်​ၵေႃႈ တၵ်း​ၸင်း​သူ​ၵွပ်ႈ​ပိူဝ်ႈ ၼႃႇ​မႃႉ​ၸိုဝ်ႈ​သဵင်​ၵဝ်​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ် မၼ်ႈ​ၶိူင်ႇ​တေႃႇ​ထိုင်​ႁွတ်ႈ​တီႈ​သုတ်း​ပုၼ်ႉ​ၼၼ်ႉ၊ ၵေႃႉ​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။</verse>
				<verse number="23">ပေႃး​ၶဝ်​ၼိၵ်ႈ​ၸၢၵ်ႈ​ငႅၼ်း​သႄး​သူ ၵႃႈ​ၼႂ်း​ဝဵင်း ဝဵင်း​ၼိုင်ႈ​ၸိုင်၊ ပၢႆႈ​ၵႂႃႇ​ၵႃႈ​တီႈ​တၢင်ႇ​ဝဵင်း​သေ​တႃႉ။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၸူဝ်ႈ​ဢၼ်​သူ​လႄႇ​လဵပ်ႈ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း ဢီႉသရေႇလႃႉ ​ၵႃႈ​မီး​တင်း​သဵင်ႈ​တင်း​လူင်​ဢမ်ႇ​ပႆႇ​ၸေး ပႆႇ​ၸွတ်ႇ​ၼၼ်ႉ​ၸိုင်၊ လုၵ်ႈ​ၵူၼ်း​တၵ်း​မႃး​ဢေႃႈ။</verse>
				<verse number="24">တပႄး​ဢမ်ႇ​ပူၼ်ႉ​လိူဝ်​သေ​သြႃႇ။ ၶႃႈ​ဢမ်ႇ​ပူၼ်ႉ​လိူဝ်​သေ​ၸဝ်ႈ။-</verse>
				<verse number="25">ပေႃး​တပႄး​ပဵၼ်​ၸိူဝ်ႉ​ၼင်ႇ​သြႃႇ၊ ၶႃႈ​ပဵၼ်​ၸိူဝ်ႉ​ၼင်ႇ​ၸဝ်ႈ​ၸိုင်၊ တိုၵ်ႉ​ပေႃး​တိုၵ်ႉ​ထုၵ်ႇ​ယဝ်ႉ​ဢေႃႈ။ ပေႃး​ႁွင်ႉ​ၸဝ်ႈ​ႁိူၼ်း​လႄႈ​ဝႃႈ ပေႇလႃႉၸေႇပူႉလႃႉ ၊ ဝႃႈ​ၼင်ႇ​ၼႆ​ၸိုင်၊ ယဵင်ႈ​ၶႅၼ်း​တၵ်း​ႁွင်ႉ​ၵူၼ်း​ႁိူၼ်း​ၵူၼ်း​ယေး​မၼ်း တင်း​လၢႆ​ဢေႃႈ။</verse>
				<verse number="26">ပိူဝ်ႈ​ၼႆ​လႄႈ ယႃႇ​ပေ​ၵူဝ်​ၶဝ်။ လွင်ႈ​တၢင်း​ဢၼ်​ႁူမ်ႇ​ဝႆႉ​ယဝ်ႉ တင်း​သဵင်ႈ​တင်း​လူင် ဢၼ်​တၵ်း​ဢမ်ႇ​လႆႈ​ၶၢမ်ႇ တၢင်း​ဢၼ် ပိုတ်ႇ​ဢွၵ်ႇ​ၼႄ​ပျႃး​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။ လွင်ႈ​တၢင်း​ဢၼ်​သိူင်ႇ​ဝႆႉ လပ်ႉ​ဝႆႉ​ယဝ်ႉ​တင်း​သဵင်ႈ​တင်း​လူင် ဢၼ်​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ် လႆႈ​ႁူႉ​လႆႈ​ႁၼ်​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်၊-</verse>
				<verse number="27">လွင်ႈ​ဢၼ်​ၵဝ်​လၢတ်ႈ​တီႈ​သူ​ၵႃႈ​ၼႂ်း ဢၼ်​လပ်း​သိင်ႇ​ၼၼ်ႉ​ၸိုင်၊ ၵႂႃႇ​လၢတ်ႈ​ၵႃႈ​တီႈ​ၼႂ်း​ဢၼ်​လႅင်း​တႃႉ။ လွင်ႈ​တၢင်း​ဢၼ်​သူ​ငိၼ်း​ႁိမ်း​ႁူ​ၼၼ်ႉ​ၸိုင်​ႁွင်ႉ​သႅၼ်ႇ​ၵႃႈ​ၼိူဝ်​ၸွမ်​ႁိူၼ်း​တႃႉ။</verse>
				<verse number="28">ပိူင်​ၼိုင်ႈ​ၸမ်ႉ၊ ၶဝ်​ၸိူဝ်း​ဢၼ်​ဢဝ်​တူဝ်​ၶၼ်ႇ​ထႃႇ​တၢႆ​ၵူၺ်း​လႄႈ ဢမ်ႇ​ဢဝ်​ၸႂ်​ဝီႉၺိၺ်ႇ​တၢႆ​လႆႈ​ၼၼ်ႉ​ၸိုင် ယႃႇ​ပေ​ၵူဝ်။ ၵူဝ်​ၵေႃႉ​ဢၼ် ယႃႉ​ပႅတ်ႈ​ၸႂ်​ဝီႉၺိၺ်ႇ​တင်း​တူဝ်​ၶၼ်ႇ​ထႃႇ ၵႃႈ​ၼႂ်း​ငရၢႆး​လႆႈ​ၼၼ်ႉ​တႃႉ။-</verse>
				<verse number="29">ဢဝ်​တင်း​ၵႃႈ​မၼ်း​ၶၼ်​မၼ်း ဢႃႇသရီႉ ​ၶႅပ်း​ၼိုင်ႈ​သိုဝ်ႉ​ဢဝ် ၼူၵ်ႉ​ဢႅၼ်ႇ​ၽႃႉ​လႆႈ​သွင်​တူဝ်​ဢမ်ႇ​ၸႂ်ႈ​ႁိုဝ်။ ပေႃး​ဢၶႂၢင်ႉ​ပေႃႈ​သူ ဢမ်ႇ​မီး​ၸိုင်၊ ၼူၵ်ႉ​ၸိူဝ်း​ၼၼ်ႉ​ဢမ်ႇ​လႆႈ​တူၵ်း​ၵႃႈ​ၼိူဝ်​လိၼ်​သေ​တူဝ်။-</verse>
				<verse number="30">ၶူၼ်​ႁူဝ်​သူ​ၵေႃႈ​ၼပ်ႉ​ဢၢၼ်ႇ​ဝႆႉ​တင်း​သဵင်ႈ​တင်း​လူင်​ယဝ်ႉ​ဢေႃႈ။-</verse>
				<verse number="31">ပိူဝ်ႈ​ၼႆ​လႄႈ ယႃႇ​ပေ​ၵူဝ်။ သူ​ယဵင်ႈ​ၶႅၼ်း​မျၢတ်ႈ​ၼႃႇ​သေ​ၼူၵ်ႉ​ဢႅၼ်ႇ​ၽႃႉ​တင်း​လၢႆ​ၼၼ်ႉ ၼမ်​ၼႃႇ​ဢေႃႈ။</verse>
				<verse number="32">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁပ်ႉ​တုင်း​ဢဝ် ၵဝ်​ၵႃႈ​တီႈ​ၽၢႆႇ​ၼႃႈ ၵူၼ်း​တင်း​လၢႆ​ၼၼ်ႉ၊ ၵေႃႉ​ၼၼ်ႉ​ၸိုင်​ၵဝ်​တၵ်း​ႁပ်ႉ​တုင်း​ဢဝ်​ၵႃႈ​တီႈ​ၽၢႆႇ​ၼႃႈ​ပေႃႈ​ၵဝ် ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။-</verse>
				<verse number="33">ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ထဵင်​ပႅတ်ႈ​ၵဝ် ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ၼၼ်ႉ၊ ၵေႃႉ​ၼၼ်ႉ​ၸိုင်​ၵဝ်​တၵ်း​ထဵင်​ပႅတ်ႈ ၵႃႈ​တီႈ​ၽၢႆႇ​ၼႃႈ​ပေႃႈ​ၵဝ် ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။</verse>
				<verse number="34">သူ​ယႃႇ​ပေ​ထၢင်ႇ​ၵဝ်​မႃး ႁႂ်ႈ​လႆႈ​ပွႆႇ​ၸႂ်ႉ​တၢင်း​ၼိမ်​ၵႃႈ​ၼိူဝ်​လိၼ်​မိူင်း​ၼႆႉ။ ၵဝ်​မႃး​ႁႂ်ႈ​လႆႈ​ပွႆႇ​ၸႂ်ႉ​တၢင်း​ၼိမ်​ဢမ်ႇ​ၸႂ်ႈ။ ၵဝ်​မႃး​ႁႂ်ႈ​လႆႈ​ပွႆႇ​ၸႂ်ႉ​လၢပ်ႇ​ၸႂ်ႉ​လႅဝ်း​ဢေႃႈ။-</verse>
				<verse number="35">ၵဝ်​မႃး​ႁႂ်ႈ​ပေႃႈ​တင်း​လုၵ်ႈ​ၸၢႆး၊ မႄႈ​တင်း​လုၵ်ႈ​ယိင်း၊ ဢွၵ်ႇ​ၼၢႆး​တင်း​လုၵ်ႈ​ပႂ်ႉ ၽၢတ်ႇ​ၵၼ်​ၽႄ​ၵၼ်​ဢေႃႈ။-</verse>
				<verse number="36">ရၢၼ်ႇ​သူႇ​တူဝ်​ၸဝ်ႈ​ၵဝ်ႇ​တင်း​လၢႆ​ၼၼ်ႉ တၵ်း​ပဵၼ်​ၶဝ်​ၸိူဝ်း​ဢၼ် ပဵၼ်​ၵူၼ်း​ႁိူၼ်း​ၵူၼ်း​ယေး​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="37">ၵေႃႉ​ဢၼ်​ႁၵ်ႉ​ပေႃႈ​မႄႈ​မၼ်း​ၼႃႇ​သေ​ၵဝ်​ၼၼ်ႉ ဢမ်ႇ​ၵိုင်ႇ​ထိူၵ်ႈ​ၵၼ်​တင်း​ၵဝ်။ ၵေႃႉ​ဢၼ်​ႁၵ်ႉ​လုၵ်ႈ​ႁၵ်ႉ​လၢင်း ၼႃႇ​သေ​ၵဝ်​ၼၼ်ႉ ဢမ်ႇ​ၵိုင်ႇ​ထိူၵ်ႈ​ၵၼ်​တင်း​ၵဝ်။-</verse>
				<verse number="38">ၵေႃႉ​ဢၼ်​ဢမ်ႇ​ႁၢပ်ႇ​ပႃး​ဢဝ် သဝ်​လၵ်း​ဝႃး​ၵၢပ်ႈ​တူဝ်​ၸဝ်ႈ​ၵဝ်ႇ​သေ​လႄႈ ၸွမ်း​ပႃႈ​လင်​ၵဝ်​ၼၼ်ႉ ဢမ်ႇ​ၵိုင်ႇ​ထိူၵ်ႈ​ၵၼ်​တင်း​ၵဝ်။-</verse>
				<verse number="39">ၵေႃႉ​ဢၼ်​ထူပ်း​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ တၵ်း​ၶၢမ်ႇ​တၢင်း​ဢၼ် ဢသၢၵ်ႈ​သုမ်း​ဢေႃႈ။ ၵေႃႉ​ဢၼ်​ၶၢမ်ႇ​တၢင်း​ဢၼ် ဢသၢၵ်ႈ​တူဝ်​ၸဝ်ႈ​ၵဝ်ႇ​သုမ်း​ၵွပ်ႈ​ပိူဝ်ႈ​ၵဝ်​ၼၼ်ႉ​ၸမ်ႉ၊ တၵ်း​ထူပ်း​ဢသၢၵ်ႈ​ဢေႃႈ။</verse>
				<verse number="40">ၵေႃႉ​ဢၼ်​ႁပ်ႉ​တုင်း​ဢဝ်​သူ​ၼၼ်ႉ ႁပ်ႉ​တုင်း​ဢဝ်​ၵဝ်​ဢေႃႈ။ ၵေႃႉ​ဢၼ်​ႁပ်ႉ​တုင်း​ဢဝ်​ၵဝ်​ၼၼ်ႉ ႁပ်ႉ​တုင်း​ဢဝ်​ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။-</verse>
				<verse number="41">ၵေႃႉ​ဢၼ်​ဢိင်​ၸိုဝ်ႈ​သဵင်​ပရေႃးၽႅတ်ႈ​သေ​လႄႈ ႁပ်ႉ​တုင်း​ဢဝ်​ပရေႃးၽႅတ်ႈ​ၼၼ်ႉ တၵ်း​ၶၢမ်ႇ​ဢၵျူဝ်း​ပရေႃးၽႅတ်ႈ​ဢေႃႈ။ ၵေႃႉ​ဢၼ် ဢိင်​ၸိုဝ်ႈ​သဵင်​ၵူၼ်း​သိုဝ်ႈ​တေႃႇ​သေ​လႄႈ ႁပ်ႉ​တုင်း​ဢဝ်​ၵူၼ်း​သိုဝ်ႈ​တေႃႇ​ၼၼ်ႉ တၵ်း​ၶၢမ်ႇ​ဢၵျူဝ်း​ၵူၼ်း​သိုဝ်ႈ​တေႃႇ​ဢေႃႈ။-</verse>
				<verse number="42">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢိင်​ၸိုဝ်ႈ​သဵင် တပႄး​ၸဝ်ႈ​သေ​လႄႈ​ပၼ်​ၼမ်ႉ​ၵတ်း ၵွၵ်း​ၼိုင်ႈ​ၵူၺ်း တီႈ​ၵူၼ်း​ဢွၼ်ႇ​ၸိူဝ်း​ၼႆႉ​သေ​ၵေႃႉ​သေ​ၵူၼ်း​ၼၼ်ႉ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵေႃႉ​ၼၼ်ႉ ယင်း​ဢမ်ႇ​လႆႈ​ၶၢမ်ႇ​ဢၵျူဝ်း​လႄႈ​တၵ်း​ဢမ်ႇ​လႆႈ​ယူႇ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="11">
				<verse number="1">မၼ်း​ၸဝ်ႈ​သင်ႇ​လၢတ်ႈ​ဝႆႉ​တင်း​သဵင်ႈ​တင်း​မူတ်း တီႈ​တပႄး​ၸဝ်ႈ​သိပ်း​သွင်​ပႃး​ၸိူဝ်း​ၼၼ်ႉ​ယဝ်ႉ​ၸင်ႇ၊ ဢွၵ်ႇ​သေ​ၵႃႈ​တီႈ​ၼၼ်ႈ​ၵႂႃႇ ႁႂ်ႈ​လႆႈ​သင်ႇ​သွၼ်​သုင်း​မႃႉ​ပၼ်​လႄႈ ႁေႃး​လၢတ်ႈ​တြႃး ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ၶဝ်​တင်း​လၢႆ​ၼၼ်ႉ​ဢေႃႈ။</verse>
				<verse number="2">မိူဝ်ႈ​ဢၼ်​ ယူဝ်းႁၢၼ်ႇ ယူႇ​ၵႃႈ​တီႈ​ၼႂ်း​ထွင်ႇ​လႄႈ လႆႈ​ငိၼ်း​လွင်ႈ​ဢၼ်​ၸဝ်ႈ​ၶရိၸ်ႈ​ႁဵတ်း​ၸိူဝ်း​ၼၼ်ႉ​ၸိုင် မၼ်း​ပွႆႇ​ၸႂ်ႉ​တပႄး​မၼ်း​တင်း​လၢႆ​ၵႂႃႇ​လႄႈ၊-</verse>
				<verse number="3">ႁႂ်ႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၸဝ်ႈ​ဢၼ် တၵ်း​မႃး​ၼၼ်ႉ​ၶႃႈ​ႁိုဝ်။ ဢမ်ႇ​ၼၼ်​လႄႈ တၵ်း​လႆႈ​မုင်ႈ​ထႃႈ​မွင်း​ထႃႈ​တၢင်ႇ​ၵေႃႉ​လူး​ၵွၼ်ႇ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ယေႇသူႉ ​ၵေႃႈ ၶိုၼ်း​လၢတ်ႈ​ဝႃႈ၊ သူ​ၵႂႃႇ​လႄႈ လဝ်ႊ​လၢတ်ႈ​တီႈ​ ယူဝ်းႁၢၼ်ႇ ၵႃႈ​ဢၼ်​သူ​လႆႈ​ငိၼ်း၊ ၵႃႈ​ဢၼ်​သူ​လႆႈ​ႁၼ်​တင်း​လၢႆ​ၼႆႉ​တႃႉ။-</verse>
				<verse number="5">ၶဝ်​ၸိူဝ်း​ဢၼ်​တႃ​မွတ်ႇ​ၼၼ်ႉ လႆႈ​ႁၼ်​မႃး​ဢေႃႈ။ ၶဝ်​ၸိူဝ်း​ဢၼ်​တိၼ်​လူႉ​ၼၼ်ႉ​လႆႈ​ပႆ​တၢင်း​ၵႂႃႇ​ဢေႃႈ။ ၶဝ်​ၸိူဝ်း​ဢၼ်​ပဵၼ်​တုတ်ႈ​ၼၼ်ႉ လႆႈ​ႁွတ်ႈ​တၢင်း​ဢၼ်​မူတ်း​သႂ်​ဢေႃႈ။ ၶဝ်​ၸိူဝ်း​ဢၼ်​ႁူ​ၼူၵ်ႇ​ၼၼ်ႉ လႆႈ​ငိၼ်း​မႃး​ဢေႃႈ။ ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ လႆႈ​ႁွတ်ႈ​ထိုင်​တၢင်း​ဢၼ်​လုၵ်ႉ​ၶိုၼ်း​ဢေႃႈ။ ၶဝ်​ၸိူဝ်း​ဢၼ်​ၽၢၼ်​ၼၼ်ႉ​ၵေႃႈ လႆႈ​ငိၼ်း​သတၢင်း​သိူဝ်း​ပျေႃႇ​ဢေႃႈ။-</verse>
				<verse number="6">ၵွပ်ႈ​ပိူဝ်ႈ​ၵဝ်​လႄႈ ၵေႃႉ​ဢၼ်​ၸႂ်​ဢမ်ႇ​လူႉ​ၼၼ်ႉ မီး​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ဝၢႆး​လင်​ၶဝ်​ၸိူဝ်း​ၼၼ်ႉ​ၵႂႃႇ​သေ​ယဝ်ႉ၊ ယေႇသူႉ ​ဢဝ်​လွင်ႈ ယူဝ်းႁၢၼ်ႇ လၢတ်ႈ​တီႈ​ပရဵၵ်ႈသၢတ်ႈ​တင်း​လၢႆ​လႄႈ​ဝႃႈ၊ သူ​ဢွၵ်ႇ​ၵႂႃႇ​ၵႃႈ​တီႈ​ၼႂ်း​ထိူၼ်ႇ​ပုၼ်ႉ ႁႂ်ႈ​လႆႈ​လူ​လႆႈ​တူၺ်း​လွင်ႈ​ၸိူဝ်ႉ​ႁိုဝ်။ ဢွၵ်ႇ​ၵႂႃႇ​ႁႂ်ႈ​လႆႈ​လူ​လႆႈ​တူၺ်း မႆႉ​ဢေႃႈ​ဢၼ်​လူမ်း​ထူဝ်း​ႁိုဝ်။-</verse>
				<verse number="8">ဢမ်ႇ​ၼၼ်​လႄႈ သူ​ဢွၵ်ႇ​ၵႂႃႇ​ႁႂ်ႈ​လႆႈ​လူ​လႆႈ​တူၺ်း​လွင်ႈ​ၸိူဝ်ႉ​ႁိုဝ်။ ဢွၵ်ႇ​ၵႂႃႇ​ႁႂ်ႈ​လႆႈ​လူ​လႆႈ​တူၺ်း​ၶဝ်​ၸိူဝ်း​ဢၼ် ၼုင်ႈ​မႆ​ၶူဝ်း​လဵင်း​ဢၼ်​ဢူၼ်ႈ​ဢၼ်​ဢွၼ်ႇ​ႁိုဝ်။ ၶဝ်​ၸိူဝ်း​ဢၼ် ၼုင်ႈ​မႆ​ၶူဝ်း​လဵင်း​ဢၼ်​ဢူၼ်ႈ​ဢၼ်​ဢွၼ်ႇ​ၼၼ်ႉ ၸၢင်ႈ​ယူႇ​ၵႃႈ​ၼႂ်း​ႁိူၼ်း​ၶုၼ်​ဢေႃႈ။-</verse>
				<verse number="9">ဢမ်ႇ​ၼၼ်​လႄႈ သူ​ဢွၵ်ႇ​ၵႂႃႇ​ႁႂ်ႈ​လႆႈ​လူ​လႆႈ​တူၺ်း​လွင်ႈ​ၸိူဝ်ႉ​ႁိုဝ်။ ဢွၵ်ႇ​ၵႂႃႇ​ႁႂ်ႈ​လႆႈ​လူ​လႆႈ​တူၺ်း​ပရေႃးၽႅတ်ႈ​ႁိုဝ်။ ၸႂ်ႈ​ယဝ်ႉ။ ၵဝ်​ဝႃႈ​ၸမ်ႉ၊ ပဵၼ်​ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​သေ​ပရေႃးၽႅတ်ႈ​ဢေႃႈ။-</verse>
				<verse number="10">ဢၼ်​မႃး​ၼႂ်း​ၵျၢမ်း​လိၵ်ႈ​ၸမ်ႉ၊ တူၺ်း​လူး၊ ၵဝ်​တၵ်း​ပွႆႇ​ၸႂ်ႉ​တမၢၼ်ႇ​ၵဝ်​ဢၼ်​တၵ်း​မႄး​တၢင်း​ဢၼ်​မႂ်း​ၵႂႃႇ​ၼၼ်ႉ ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ၊ ဢၼ်​ဝႃႈ​ၼင်ႇ​ၼႆ​ၼၼ်ႉ​ၶႂ်ႈ​ဝႃႈ​ၵေႃႉ​ၼၼ်ႉ​ဢေႃႈ။</verse>
				<verse number="11">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၼႂ်း​ၶဝ်​ၸိူဝ်း​ဢၼ်​ၵိူတ်ႇ​လဵင်ႉ​မႃး​ၵႃႈ​တီႈ​မႄႈ​ယိင်း​တင်း​လၢႆ​ၼၼ်ႉ၊ ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​သေ​ ယူဝ်းႁၢၼ်ႇ ​ဢၼ်​ပၼ်​ ပပ်ႉတီႉၸမ်ႇ ​ၼၼ်ႉ ဢမ်ႇ​ပႆႇ​ပေႃႇ​မႃး​သေ​ၵေႃႉ​သေ​ၵူၼ်း။ ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​လဵၵ်ႉ​သေ​ပိူၼ်ႈ​ၵႃႈ​ၼႂ်း​မိူင်း​ၵၢင်​ႁၢဝ်​ၸဝ်ႈ​ၼၼ်ႉ ယႂ်ႇ​မျၢတ်ႈ​ၼႃႇ​သေ​ၵေႃႉ​ၼၼ်ႉ​ဢေႃႈ။-</verse>
				<verse number="12">ၸႃႉ​ၸဵမ်​ၸူဝ်ႈ​ပၢၼ်​ ယူဝ်းႁၢၼ်ႇ ​ဢၼ်​ပၼ် ပပ်ႉတီႉၸမ်ႇ ​ၼၼ်ႉ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ၊ မိူင်း​ၵၢင်​ႁၢဝ်​ၸဝ်ႈ လႆႈ​ၶၢမ်ႇ​တၢင်း​ဢၼ်​ႁဵတ်း​ပႄႉ​ႁဵတ်း​ၼႅင်ႇ​ဢေႃႈ။ ၶဝ်​ၸိူဝ်း​ဢၼ် ႁဵတ်း​ပႄႉ​ႁဵတ်း​ၼႅင်ႇ​ၼၼ်ႉ​ၵေႃႈ လႆႈ​ႁိမ်​ဢဝ်​လႄႈ​ၶဝ်ႈ​ယူႇ​ဢေႃႈ။-</verse>
				<verse number="13">ၸူဝ်ႈ​ဢၼ် ယူဝ်းႁၢၼ်ႇ ​ဢမ်ႇ​ပႆႇ​ၽႅဝ်​မႃး​ၼၼ်ႉ​ၸိုင်၊ ၵျၢမ်း​ပိင်း​ၺၢပ်ႈ​တီႉ တင်း​ၵျၢမ်း​ဢၼႃႇၵၢတ်ႈတီႉ​ၵႃႈ​မီး တင်း​သဵင်ႈ​တင်း​လူင် သင်ႇ​သွၼ်​သုင်း​မႃႉ​ပၼ်​ယူႇ​ဢေႃႈ။-</verse>
				<verse number="14">ပေႃး​သူ​ၶႂ်ႈ​ၶၢမ်ႇ​ဢဝ်​ၵႂၢမ်း​ၼႆႉ​ၸိုင်၊ ၵေႃႉ​ၼၼ်ႉ​ၸမ်ႉ၊ ပဵၼ်​ ဢေးလီႉယႃႉ ဢၼ်​တၵ်း​မႃး​ၼၼ်ႉ​ဢေႃႈ။-</verse>
				<verse number="15">ၵေႃႉ​ဢၼ်​မီး​ႁူ​ဢၼ်​လီ​ငိၼ်း​ၼၼ်ႉ​ၸမ်ႉ၊ ႁႂ်ႈ​ငိၼ်း​တႃႉ။-</verse>
				<verse number="16">ၵူၼ်း​မဵဝ်း​ၼႆႉ​ၸိုင် တၵ်း​လႆႈ​ၼႄ​ပျႃး​ဢူႉပမႃႇ​ပုင်ႇ​မၼ်း​ၸိူဝ်ႉ​ၼင်ႇ​ႁိုဝ်။ မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​တင်း​လၢႆ ဢၼ်​ၼင်ႈ​ယူႇ​ၵႃႈ​ၼႂ်း​ၵၢတ်ႇ​သေ​လႄႈ ႁွင်ႉ​သႅၼ်ႇ​တီႈ​ၵေႃႉ​သေႈ​ၶဝ်​လႄႈ​ဝႃႈ၊-</verse>
				<verse number="17">ပိၵ်ႉ​သမ်ႉ​ႁဝ်း​ပဝ်ႇ​ပီႇ​ပဝ်ႇ​ၼႄး​တီႈ​သူ​သေ​ၵေႃႈ သူ​ဢမ်ႇ​ၵႃႈ​ဢမ်ႇ​ဝႅၼ်။ ပိၵ်ႉ​သမ်ႉ​ႁဝ်း​ထိုင်​ၸႂ်​ပွင်ႉ​ၶၢင်း​သေ​ၵေႃႈ၊ သူ​ဢမ်ႇ​တူပ်း​ဢူၵ်း၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="18">လွင်ႈ​မၼ်း​ၸမ်ႉ ယူဝ်းႁၢၼ်ႇ ​ယင်း​ဢမ်ႇ​ၵိၼ်​ဢမ်ႇ​သူတ်ႉ​ယူႇ​လႄႈ မႃး​သေ​ၵေႃႈ၊ ၶဝ်​ဝႃႈ၊ ၵေႃႉ​ၼႆႉ​ပဵၼ်​ၵူၼ်း​ဢၼ်​ၽီ​ႁၢႆႉ​ၶဝ်ႈ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">လုၵ်ႈ​ၵူၼ်း​ယင်း​ၵိၼ်​ယင်း​သူတ်ႉ​ယူႇ​လႄႈ​မႃး​သေ​ၵေႃႈ ၶဝ်​သမ်ႉ​ဝႃႈ၊ တူၺ်း​လူး၊ ၵေႃႉ​ၼႆႉ​ပဵၼ်​ၵူၼ်း​ဢၼ်​ၵိၼ်​ပူၼ်ႉ​ၵိၼ်​လိူဝ်၊ ၵူၼ်း​ဢၼ်​သူတ်ႉ​ၼမ်ႉ​ၸပိတ်ႈ ပူၼ်ႉ​လိူဝ်၊ ၵူၼ်း​ဢၼ်​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း ၵူၼ်း​ၵဵပ်း​ၶွၼ်ႇ ဢိၵ်ႇ​တင်း​ၵူၼ်း​ႁၢႆႉ​တင်း​လၢႆ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပိင်ႇ​ၺႃႇ​တြႃး လႆႈ​ၶၢမ်ႇ​တၢင်း​ဢၼ်​သိုဝ်ႈ​တေႃႇ ၼႂ်း​လုၵ်ႈ​လၢင်း​တူဝ်​ၸဝ်ႈ​ၵဝ်ႇ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">မိူဝ်ႈ​ၼၼ်ႉ ပိူဝ်ႈ​ဢၼ်​ဝဵင်း​တင်း​လၢႆ ဢၼ်​မၼ်း​ၸဝ်ႈ​ၼႄ​ပျႃး​တၼ်း​ၶူဝ်း​ၼမ်​ၼႃႇ​ၼၼ်ႉ ဢမ်ႇ​ၶုၵ်း​ၸႂ်​လႆႈ​မႆႈ​ၸႂ်​လႄႈ မၼ်း​ၸဝ်ႈ​သႄႉ​သွမ်း​တၢင်ႇ​ဢပႅတ်ႈ​တီႈ​ဝဵင်း​ၸိူဝ်း​ၼၼ်ႉ​ဢေႃႈ။-</verse>
				<verse number="21">ဝဵင်း​ ၶေႃးရၸႅၼ်ႇ ​ဢိူၺ်း၊ မႂ်း​မီး​ဢႃႉ​မင်ႇၵလႃႇ​ဢေႃႈ။ ဝဵင်း​ ပႅတ်ႉၸေးတႃႉ ​ဢိူၺ်း၊ မႂ်း​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ တၼ်း​ၶူဝ်း​တင်း​လၢႆ​ဢၼ်​ၼႄ​ပျႃး​ၼႂ်း​သူ​ၼႆႉ၊ သင်​ယၢမ်ႈ​လႆႈ​ၼႄ​ပျႃး​ၵႃႈ​ၼႂ်း​ဝဵင်း​ တူႉရူႉ ​တင်း​ဝဵင်း​ ၸီႉတုမ်ႇ ​ၸိုင်၊ ဝဵင်း​ၸိူဝ်း​ၼၼ်ႉ တၵ်း​ၶုၵ်း​ၸႂ်​လႆႈ​မႆႈ​ၸႂ်​ၼႂ်း​ၼင်​ပေႃ တင်း​တဝ်ႈ​မိူဝ်ႈ​ၵႃႇလႃႉ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="22">ၵဝ်​ဝႃႈ​ၸမ်ႉ၊ ၼႂ်း​ဝၼ်း​ဢၼ်​ၸီႇ​ယၢင်ႇ​တြႃး​ၼၼ်ႉ၊ သူ​ယဵင်ႈ​ၶႅၼ်း​တၵ်း​လႆႈ​ၶၢမ်ႇ​ၼႃႇ​သေ​ဝဵင်း​ တူႉရူႉ တင်း​ဝဵင်း​ ၸီႉတုမ်ႇ ​ၼၼ်ႉ​ဢေႃႈ။-</verse>
				<verse number="23">ဝဵင်း​ ၵပိူဝ်ႇၼေႇဢုမ်ႇ ​ဢိူၺ်း၊ မႂ်း​ၼႆႉ ပိၵ်ႉ​သမ်ႉ​လႆႈ​ၶၢမ်ႇ​တၢင်း​ဢၼ် ယုၵ်ႉ​ယွင်ႈ​တေႃႇ​ထိုင်​ႁွတ်ႈ​ၼိူဝ်​ၽႃႉ​ၵၢင်​ႁၢဝ်​ပုၼ်ႉ​သေ​ၵေႃႈ၊ တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ တေႃႇ​ထိုင်​ႁွတ်ႈ​မိူင်း​မရၼႃႉ​ပုၼ်ႉ​ဢေႃႈ။ လွင်ႈ​မၼ်း​ၸမ်ႉ တၼ်း​ၶူဝ်း​တင်း​လၢႆ ဢၼ်​ၼႄ​ပျႃး​ၼႂ်း​မႂ်း​ၼႆႉ၊ သင်​ယၢမ်ႈ​လႆႈ​ၼႄ​ပျႃး​ၵႃႈ​ၼႂ်း​ဝဵင်း​ သေႃးတုမ်ႇ ​ၸိုင်၊ ဝဵင်း​ၼၼ်ႉ​တၵ်း​မီး​ယူႇ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ဢေႃႈ။-</verse>
				<verse number="24">ၵဝ်​ဝႃႈ​ၸမ်ႉ၊ ၼႂ်း​ဝၼ်း​ဢၼ်​ၸီႇ​ယၢင်ႇ​တြႃး​ၼၼ်ႉ၊ မႂ်း​ၼႆႉ​ယဵင်ႈ​ၶႅၼ်း​တၵ်း​လႆႈ​ၶၢမ်ႇ​ၼႃႇ​သေ ဝဵင်း​ သေႃးတုမ်ႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">မိူဝ်ႈ​ၼၼ်ႉ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ဢူဝ်း​ပေႃႈ၊ ၸဝ်ႈ​ၵၢင်​ႁၢဝ်​တင်း​လိၼ်​မိူင်း​တီႈ​ၶႃႈ၊ လွင်ႈ​တၢင်း​ၸိူဝ်း​ၼႆႉ​ၸိုင်၊ ပိူဝ်ႈ​ဢၼ်​ၸဝ်ႈ​ႁဝ်း​သိူင်ႇ​ဝႆႉ​လပ်ႉ​ဝႆႉ​တီႈ​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ တၢင်း​လၵ်း​တၢင်း​လႅမ်​တင်း​လၢႆ​ၼၼ်ႉ​သေ​ယဝ်ႉ၊ ၽုၺ်ႇ​ဢွၵ်ႇ​ၼႄ​ပျႃး​တီႈ​လုၵ်ႈ​ဢွၼ်ႇ​တင်း​လၢႆ​ၵူၺ်း​လႄႈ ၵဝ်​ၶႃႈ​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="26">ပိူဝ်ႈ​ဢၼ်​ၸဝ်ႈ​ႁဝ်း​မီး​ဢလူဝ်ႇ​ၸိူဝ်ႉ​ၼင်ႇ​ၼၼ်ႉ​လႄႈ၊ ၸႂ်ႈ​တီႈ​ၶႃႈ​ယဝ်ႉ၊ ပေႃႈ။-</verse>
				<verse number="27">ၸဝ်ႈ​ပေႃႈ​ၵဝ်​ၼၼ်ႉ ဢဝ်​ၵႃႈ​မီး​တင်း​သဵင်ႈ​တင်း​လူင် ဢၢပ်ႈ​ပၼ်​တီႈ​ၵဝ်​ယဝ်ႉ။ လိူဝ်​သေ​ၸဝ်ႈ​ပေႃႈ​ၼၼ်ႉ၊ ၽူႈ​လႂ်​ဢမ်ႇ​ႁူႉ​လုၵ်ႈ​ၸဝ်ႈ။ လိူဝ်​သေ​လုၵ်ႈ​ၸဝ်ႈ ဢိၵ်ႇ​တင်း​ၵေႃႉ​ဢၼ်​လုၵ်ႈ​ၸဝ်ႈ​မီး​ဢလူဝ်ႇ​ၶႂ်ႈ​ၽုၺ်ႇ​ဢွၵ်ႇ​ၼႄ​ပျႃး​ၼၼ်ႉ၊ ၽူႈ​လႂ်​ဢမ်ႇ​ႁူႉ​ပေႃႈ​ၸဝ်ႈ။</verse>
				<verse number="28">သူ​ၸိူဝ်း​ဢၼ်​ယၢပ်ႇ​ၸႂ်​လႄႈ ၶူဝ်း​ၼၵ်း​ၼႃႇ​တင်း​သဵင်ႈ​တင်း​လူင်​ၶဝ်​ဢိူၺ်း၊ မႃး​တီႈ​ၵဝ်​တႃႉ။ ၵဝ်​တၵ်း​ပၼ်​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="29">ဢဝ်​ၵၢၼ်း​ၵဝ်​တၢင်ႇ​သေ​လႄႈ​ႁၢပ်ႇ​တႃႉ။ ၶၢမ်ႇ​ဢဝ်​ၼႄး​တီႈ​ၵဝ်​တႃႉ။ ၵဝ်​မီး​ၸႂ်​ဢၼ်​ၼိမ်​သိမ်ႇ​ၶျႃး​တႅမ်ႇ​ဢေႃႈ။ ႁူဝ်​ၸႂ်​သူ​တၵ်း​လႆႈ​တၢင်း​ဢၼ်​သၢၵ်ႈ​သႃႇ​ဢေႃႈ။-</verse>
				<verse number="30">လွင်ႈ​မၼ်း​ၸမ်ႉ ၵၢၼ်း​ၵဝ်​ၼႆႉ ႁၢပ်ႇ​ငၢႆႈ​ဢေႃႈ။ ၶူဝ်း​ၵဝ်​ၼႆႉ​ၵေႃႈ​မဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="12">
				<verse number="1">ၶိင်ႇ​ၵႃႇလႃႉ​ၼၼ်ႉ၊ ယေႇသူႉ ၽႃႇ​လတ်း​ၵႂႃႇ ၵႃႈ​ၼႂ်း​ႁႆႊ​ၶဝ်ႈ​ၵျုင်ႇ​ဝၼ်း​ၵမ်​သိၼ်​လႄႈ တပႄး​ၸဝ်ႈ​တင်း​လၢႆ ပိူဝ်ႈ​ဢၼ်​တွင်ႉ​မႆႈ​လႄႈ ယၵ်း​ဢဝ်​ႁူင်း​ၶဝ်ႈ​ၵျုင်ႇ​သေ​လႄႈ​ၵိၼ်​ဢေႃႈ။-</verse>
				<verse number="2">ၽႃႇရီႉသႄး ​တင်း​လၢႆ​ႁၼ်​သေ​ယဝ်ႉ၊ လဝ်ႊ​လၢတ်ႈ​လႄႈ​ဝႃႈ၊ တူၺ်း​လူး၊ လွင်ႈ​ဢၼ်​ဢမ်ႇ​ထုၵ်ႇ​လီ​ႁဵတ်း​ၼႂ်း​ဝၼ်း​ၵမ်​သိၼ်​ၸိုင်၊ တပႄး​ၸဝ်ႈ​ႁဝ်း​ၸိူဝ်း​ၼႆႉ ႁဵတ်း​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ လွင်ႈ​ဢၼ်​ တႃႇဝိတ်ႈ ​ႁဵတ်း​ၼႂ်း​မိူဝ်ႈ​ဢၼ် မၼ်း​ဢိၵ်ႇ​တင်း​ၶဝ်​ၸိူဝ်း​ဢၼ်​မီး​လူၺ်ႈ​ၵၼ်​တင်း​မၼ်း​တင်း​လၢႆ ဢိုပ်း​တၢင်း​ၵိၼ်​ၼၼ်ႉ၊-</verse>
				<verse number="4">ဢၼ်​ဝႃႈ​လွင်ႈ​ဢၼ်​မၼ်း​ၶဝ်ႈ​ၵႂႃႇ​ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​သေ​လႄႈ ဢဝ်​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ ဢၼ်​မၼ်း​ဢမ်ႇ​ထုၵ်ႇ​လီ​ၵိၼ်၊ ဢၼ်​ၶဝ်​ၸိူဝ်း​ဢၼ်​မီး​လူၺ်ႈ​ၵၼ်​တင်း​မၼ်း ဢမ်ႇ​ထုၵ်ႇ​လီ​ၵိၼ်၊ ဢၼ်​ယိတ်ႈပရေႃးႁဵၵ်ႈ​ၵူၺ်း​ၵူၺ်း​ထုၵ်ႇ​လီ​ၵိၼ်​ၼၼ်ႉ ၵိၼ်​ၼၼ်ႉ​ၸိုင်၊ သူ​ဢမ်ႇ​ယၢမ်ႈ​လႆႈ​ၽတ်း​ႁိုဝ်။-</verse>
				<verse number="5">လွင်ႈ​ဢၼ်​ယိတ်ႈပရေႃးႁဵၵ်ႈ​တင်း​လၢႆ၊ ပိၵ်ႉ​သမ်ႉ​သိၼ်​လူႉ​ၼႂ်း​ပိၵ်ႈ​မၢၼ်ႇ​ၸဝ်ႈ​ဝၼ်း​ၵမ်​သိၼ်​သေ​ၵေႃႈ၊ ဢမ်ႇ​ထုၵ်ႇ​ဢပႅတ်ႈ​ၼၼ်ႉ​ၸိုင်၊ သူ​ဢမ်ႇ​ယၢမ်ႈ​လႆႈ​ၽတ်း​ၼႂ်း​ၵျၢမ်း​ပိင်း​ၺၢပ်ႈ​တီႉ​ႁိုဝ်။-</verse>
				<verse number="6">ၵဝ်​ဝႃႈ​ၸမ်ႉ၊ ဢၼ်​ယႂ်ႇ​မျၢတ်ႈ​ၼႃႇ​သေ​ပိၵ်ႈ​မၢၼ်ႇ​ၸဝ်ႈ​ၼၼ်ႉ မီး​ၵႃႈ​တီႈ​ၼႆႈ​ဢေႃႈ။-</verse>
				<verse number="7">ပေႃး​သူ​ႁူႉ​လွင်ႈ​ဢၼ် ၵႂၢမ်း​ၵျၢမ်း​လိၵ်ႈ​ဢၼ်​ဝႃႈ ၵဝ်​ၵျိူၵ်ႈ​တၢင်း​ႁၵ်ႉ​ၵရူႉၼႃႇ​လိူဝ်​တွၼ်း​သေ​တၢင်း​ဢၼ် ပုၵ်ႈ​ၸေႃႇ​ယိတ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ၸိူဝ်ႉ​ႁိုဝ်​ၼၼ်ႉ​ၸိုင်၊ သူ​တၵ်း​ဢမ်ႇ​ၸီႇ​ယၢင်ႇ​ၶဝ်​ၸိူဝ်း​ဢၼ်​ဢမ်ႇ​မီး​ဢပႅတ်ႈ​ၼၼ်ႉ​ယဝ်ႉ။-</verse>
				<verse number="8">လွင်ႈ​မၼ်း​ၸမ်ႉ လုၵ်ႈ​ၵူၼ်း​ပဵၼ်​ၸဝ်ႈ​ဝၼ်း​ၵမ်​သိၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မၼ်း​ၸဝ်ႈ​ၵႂႃႇ​သေ​ၵႃႈ​တီႈ​ၼၼ်ႈ​လႄႈ ၶဝ်ႈ​ၵႃႈ​ၼႂ်း​ၸရွပ်ႈ​ႁေႃး​တြႃး​ဢေႃႈ။-</verse>
				<verse number="10">မိူဝ်ႈ​ၼၼ်ႉ မီး​ၵူၼ်း​ဢၼ်​မိုဝ်း​ႁဵဝ်ႇ​ၵေႃႉ​ၼိုင်ႈ​လႄႈ၊ ၶဝ်​ၼၼ်ႉ​ၵေႃႈ​ႁႃ​တီႈ​တၢင်ႇ​ဢပႅတ်ႈ​ၵႃႈ​ၼိူဝ်​မၼ်း​ၸဝ်ႈ​လႄႈ လဝ်ႊ​ထၢမ်​ဝႃႈ၊ ၼႂ်း​ဝၼ်း​ၵမ်​သိၼ်​ထုၵ်ႇ​လီ​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵေႃႉ​ဢၼ်​ၵႃႈ​တီႈ​တူဝ်​ၸဝ်ႈ​ၵဝ်ႇ​မီး​သူဝ်း​တူဝ်​ၼိုင်ႈ​ၵူၺ်း​လႄႈ၊ ပေႃး​သူဝ်း​ၼၼ်ႉ တူၵ်း​ၵႃႈ​ၼႂ်း​ထၢင်​ဝၼ်း​ၵမ်​သိၼ်​ၸိုင်၊ ယင်း​ဢမ်ႇ​ယိပ်း​ၵမ်​တိုတ်ႉ​ၸၼ်​ဢဝ်​ဢွၵ်ႇ​လႄႈ​ယူႇ​ၼၼ်ႉ ၼႂ်း​သူ​မီး​သေ​ၵေႃႉ​သေ​ၵူၼ်း​ႁိုဝ်။-</verse>
				<verse number="12">ၵူၼ်း​ယဵင်ႈ​ၶႅၼ်း​မျၢတ်ႈ​ၼႃႇ​သေ​သူဝ်း​ဢေႃႈ။ ပိူဝ်ႈ​ၼႆ​လႄႈ ဝၼ်း​ၵမ်​သိၼ်​ထုၵ်ႇ​လီ​ႁဵတ်း​ၵျေး​ၸူး​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ မၼ်း​ၸဝ်ႈ​လၢတ်ႈ​တီႈ​ၵေႃႉ​ၼၼ်ႉ​လႄႈ​ဝႃႈ၊ ယဵတ်ႇ​မိုဝ်း​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မၼ်း​ယဵတ်ႇ​မိုဝ်း​မၼ်း​လႄႈ မိုဝ်း​မၼ်း​ၼၼ်ႉ ပဵၼ်​ဢၼ်​လီ​မႃး​ၸိူဝ်ႉ​ၼင်ႇ​တၢင်ႇ​ၶွၼ်​ဢေႃႈ။</verse>
				<verse number="14">မိူဝ်ႈ​ၼၼ်ႉ ၽႃႇရီႉသႄး ​ၸိူဝ်း​ၼၼ်ႉ ဢွၵ်ႇ​ၵႂႃႇ​သေ​လႄႈ၊ တၵ်း​လႆႈ​ယႃႉ​မၼ်း​ၸဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ တိူင်ႇ​ပၢင်ႇ​လၢတ်ႈ​ၸႃ​ၵၼ်​ဢေႃႈ။</verse>
				<verse number="15">ယေႇသူႉ ​ၼၼ်ႉ​ႁူႉ​သေ​ယဝ်ႉ ၶၢႆႉ​ၵႂႃႇ​တၢင်ႇ​တီႈ​တၢင်ႇ​လႅၼ်​သေ​လႄႈ ၵူၼ်း​ၼမ်​ၼႃႇ​ၵေႃႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​လႄႈ မၼ်း​ၸဝ်ႈ​ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ၵႃႈ​မီး​တင်း​သဵင်ႈ​တင်း​လူင်​ႁၢႆ​ဢေႃႈ။-</verse>
				<verse number="16">လွင်ႈ​ၼင်ႇ​ႁိုဝ်​ၶဝ်​ၼၼ်ႉ တၵ်း​ဢမ်ႇ​လႆႈ​ႁႂ်ႈ​သတၢင်း​သဵင်​ၶၢဝ်ႇ​မၼ်း​ၸဝ်ႈ​ဢွၵ်ႇ​ၸိုင် မၼ်း​ၸဝ်ႈ​သင်ႇ​လၢတ်ႈ​ပၼ်​တီႈ​ၶဝ်​ၼႃႇ​လူင်​လၢင်​ဢေႃႈ။-</verse>
				<verse number="17">လွင်ႈ​တၢင်း​ၼႆႉ​ၸမ်ႉ၊ ၼင်ႇ​ႁိုဝ်​ၵႂၢမ်း​ဢၼ်​ဢွၵ်ႇ​သူပ်း​ပရေႃးၽႅတ်ႈ ဢီႉသႃႇယႃႉ ​ၼၼ်ႉ တၵ်း​ပျေႉ​ၸုမ်ႇ​ၸိုင် ၸင်ႇ​ပဵၼ်​ဢေႃႈ။-</verse>
				<verse number="18">ၵႂၢမ်း​ၼၼ်ႉ​ၸမ်ႉ၊ တူၺ်း​ၶႃႈ​ၵဝ်​ဢၼ်​ၵဝ်​လိူၵ်ႈ​ၵဵပ်း၊ ၵေႃႉ​ဢၼ်​ၵဝ်​ႁၵ်ႉ​ၼႃႇ​လႄႈ​ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်​ၼၼ်ႉ​တႃႉ။ ၵဝ်​တၵ်း​ႁႂ်ႈ​ဝီႉၺိၺ်ႇ​ၵဝ်​တႄႇ​ယူႇ​ၵႃႈ​တီႈ​ၼိူဝ်​မၼ်း​ဢေႃႈ။ မၼ်း​ၼၼ်ႉ​တၵ်း​ပၼ်​တြႃး​ၵႃႈ​တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​တင်း​လၢႆ​ဢေႃႈ။-</verse>
				<verse number="19">မၼ်း​တၵ်း​ဢမ်ႇ​တွပ်ႇ​ဢမ်ႇ​ထဵင်။ တၵ်း​ဢမ်ႇ​ႁွင်ႉ​ဢမ်ႇ​သႅၼ်ႇ။ ၽူႈ​လႂ်​တၵ်း​ဢမ်ႇ​လႆႈ​ငိၼ်း​သဵင်​မၼ်း​ၵႃႈ​တီႈ​ၼႂ်း​သဵၼ်ႈ​တၢင်း​တင်း​လၢႆ။-</verse>
				<verse number="20">မႆႉ​ဢေႃႈ​ဢၼ်​ယဵပ်ႇ​တူပ်ႉ​ၼၼ်ႉ​ၸိုင် မၼ်း​တၵ်း​ဢမ်ႇ​ႁၵ်း။ တဵၼ်း​ၵႃႈ​ဢၼ်​ၵႂၼ်း​ၽႆး​ၼမ်​ၼႃႇ​ၼၼ်ႉ​ၸိုင် မၼ်း​တၵ်း​ဢမ်ႇ​မွတ်ႇ​တေႃႇ​ထိုင်​ႁွတ်ႈ​မၼ်း​တၵ်း​ပွႆႇ​တၢင်း​ဢၼ် ၸီႇ​ယၢင်ႇ​တြႃး​ၼၼ်ႉ​ႁႂ်ႈ​ပႄႉ​ႁႂ်ႈ​ၼႅင်ႇ​ၵႂႃႇ​ဢေႃႈ။-</verse>
				<verse number="21">ၼႃႇ​မႃႉ​ၸိုဝ်ႈ​သဵင်​မၼ်း​ၼၼ်ႉ​ၵေႃႈ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တၵ်း​ဢိင်​ပိုင်ႈ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">မိူဝ်ႈ​ၼၼ်ႉ ၶဝ်​ဢဝ်​ၵူၼ်း​ဢၼ်​ၽီ​ႁၢႆႉ​ၶဝ်ႈ​လႄႈ ဢႃႉ၊ တႃ​မွတ်ႇ​ၵေႃႉ​ၼိုင်ႈ မႃး​ၵႃႈ​တီႈ​မၼ်း​ၸဝ်ႈ​လႄႈ၊ မၼ်း​ၸဝ်ႈ​ပၼ်​ၵတ်း​ယဵၼ်​ၶျၢမ်း​သႃႇ တီႈ​ၵူၼ်း​ဢႃႉ​၊ တႃ​မွတ်ႇ​ၼၼ်ႉ ႁႂ်ႈ​တႃ​ႁၼ်​လႄႈ​လၢတ်ႈ​ၵႂၢမ်း​လႆႈ​ဢေႃႈ။-</verse>
				<verse number="23">ၵူၼ်း​ဢၼ်​ၸူႉ​ဢၼ်​တုမ်​တင်း​သဵင်ႈ​တင်း​လူင် ၵႂင်​ၸႂ်​ယုင်ႈ​ၸႂ်​လႄႈ​ထၢမ်​ဝႃႈ၊ ၵေႃႉ​ၼႆႉ​ပဵၼ်​လုၵ်ႈ​ တႃႇဝိတ်ႈ ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မိူဝ်ႈ​ဢၼ်​ ၽႃႇရီႉသႄး ​တင်း​လၢႆ​ငိၼ်း​ၸိုင် ၶဝ်​လၢတ်ႈ​လႄႈ​ဝႃႈ၊ ၵေႃႉ​ၼႆႉ​ဢိင်​ပိုင်ႈ​ၶုၼ်​ၽီ​ႁၢႆႉ​ ပေႇလႃႉၸေႇပူႉလႃႉ ​သေ​လႄႈ ႁေႃႈ​ၽီ​ႁၢႆႉ​တင်း​လၢႆ​ဢွၵ်ႇ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မၼ်း​ၸဝ်ႈ​ႁူႉ​ၸႅင်ႈ​တၢင်း​ၵျၢမ်ႇ​တၢင်း​ပွင်​ၶဝ်​ၼၼ်ႉ​ယူႇ​သေ​လႄႈ လၢတ်ႈ​လႄႈ​ဝႃႈ၊ မိူင်း​လႂ်​သေ​ဢမ်ႇ​ဝႃႈ ပေႃး​ဢမ်ႇ​ထုၵ်ႇ​ဢမ်ႇ​ပေႃး​ၵၼ် ၽၢတ်ႇ​ၽႄ​ၵၼ်​တင်း​တူဝ်​ၸဝ်ႈ​ၵဝ်ႇ​ယူႇ​ၸိုင်၊ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ။ မိူင်း​လႄႈ​သင်၊ ႁိူၼ်း​လႄႈ​သင်၊ ပေႃး​ဢမ်ႇ​ထုၵ်ႇ​ဢမ်ႇ​ပေႃး​ၵၼ်၊ ၽၢတ်ႇ​ၽႄ​ၵၼ်​တင်း​တူဝ်​ၸဝ်ႈ​ၵဝ်ႇ​ယူႇ​ၸိုင် ဢမ်ႇ​မၼ်ႈ​ဢမ်ႇ​ၶိူင်ႇ​လႆႈ။-</verse>
				<verse number="26">ၸႃႇတၢၼ်ႇ ​ၵေႃႈ ပေႃး​ႁေႃႈ ၸႃႇတၢၼ်ႇ ​ဢွၵ်ႇ​ပႅတ်ႈ​ၸိုင် တၵ်း​ပႅၵ်ႇ​ပိူင်ႈ​ၵၼ်၊ ၽၢတ်ႇ​ၽႄ​ၵၼ်​တင်း​တူဝ်​ၸဝ်ႈ​ၵဝ်ႇ​လႄႈ၊ မိူင်း​မၼ်း​ၼၼ်ႉ တၵ်း​မၼ်ႈ​ၶိူင်ႇ​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="27">ပေႃး​ၵဝ်​ဢိင်​ပိုင်ႈ​ ပေႇလႃႉၸေႇပူႉလႃႉ ​သေ​လႄႈ ႁေႃႈ​ၽီ​ႁၢႆႉ​ဢွၵ်ႇ​ပႅတ်ႈ​ၸိုင်၊ လုၵ်ႈ​လၢင်း​သူ​ဢိင်​ပိုင်ႈ​ၽူႈ​လႂ်​သေ​လႄႈ ႁေႃႈ​ၽီ​ႁၢႆႉ​ဢွၵ်ႇ​ပႅတ်ႈ။ ပိူဝ်ႈ​ၼႆ​လႄႈ ၶဝ်​ၼၼ်ႉ တၵ်း​ပဵၼ်​ၵေႃႉ​ဢၼ်​ၸီႇ​ယၢင်ႇ​တြႃး​တီႈ​သူ​ဢေႃႈ။-</verse>
				<verse number="28">ပေႃး​ၵဝ်​ဢိင်​ပိုင်ႈ​ဝီႉၺိၺ်ႇ​ၽြႃး​ပဵၼ်​ၸဝ်ႈ​သေ​လႄႈ ႁေႃႈ​ၽီ​ႁၢႆႉ​တင်း​လၢႆ​ဢွၵ်ႇ​ပႅတ်ႈ​ၸိုင် မိူင်း​ၽြႃး​ပဵၼ်​ၸဝ်ႈ ႁွတ်ႈ​မႃး​ၵႃႈ​တီႈ​သူ ဢမၢၼ်ႇ​ၶၼ်​ပဵၼ်​ယဝ်ႉ။-</verse>
				<verse number="29">ပေႃး​ဢမ်ႇ​မတ်ႉ​ၽုၵ်ႇ​ၵူၼ်း​ႁႅင်း​ဝႆႉ​ဢွၼ်​တၢင်း​ၸိုင်၊ ၽူႈ​လႂ်​တၵ်း​ၶဝ်ႈ​ၵႃႈ​ၼႂ်း​ႁိူၼ်း​ၵူၼ်း​ႁႅင်း​ၼၼ်ႉ​သေ​လႄႈ ႁိမ်​ဢဝ်​ၶူဝ်း​လဵင်း​မၼ်း​လႆႈ။ မတ်ႉ​ၽုၵ်ႇ​ၵူၼ်း​ႁႅင်း​ဝႆႉ​ယဝ်ႉ​ၸင်ႇ၊ ႁိမ်​ဢဝ်​ႁိူၼ်း​မၼ်း​ၼၼ်ႉ​လႆႈ​ဢေႃႈ။-</verse>
				<verse number="30">ၵေႃႉ​ဢၼ်​ဢမ်ႇ​ယူႇ​ၽၢႆႇ​ၵဝ်​ၼၼ်ႉ ပဵၼ်​ရၢၼ်ႇ​သူႇ​ၵဝ်​ဢေႃႈ။ ၵေႃႉ​ဢၼ်​ဢမ်ႇ​ၸူႉ​ဢမ်ႇ​သိမ်း​လူၺ်ႈ​ၵၼ်​တင်း​ၵဝ်​ၼၼ်ႉ ပဵၼ်​ၵေႃႉ​ဢၼ်​ပိုၼ်​မိူၵ်ႇ​ပိုၼ်​မိူဝ်​ပႅတ်ႈ​ဢေႃႈ။</verse>
				<verse number="31">ပိူဝ်ႈ​ၼႆ​လႄႈ ၵဝ်​ဝႃႈ​ၸမ်ႉ၊ ၵူၼ်း​တင်း​လၢႆ​ႁွတ်ႈ​ထိုင်​တၢင်း​ဢၼ်​ပွႆႇ​လွတ်ႈ​ဢပႅတ်ႈ​ဢၼ်​ၽိတ်း​ပိူင်ႈ ဢိၵ်ႇ​တင်း​ဢပႅတ်ႈ​ဢၼ်​သႄႉ​သွမ်း​ၽြႃး​ပဵၼ်​ၸဝ်ႈ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​လႆႈ​ယူႇ​ဢေႃႈ။ ၵူၼ်း​တင်း​လၢႆ​ဢမ်ႇ​ႁွတ်ႈ​ထိုင်​တၢင်း​ဢၼ် ပွႆႇ​လွတ်ႈ​ဢပႅတ်ႈ​ဢၼ်​သႄႉ​သွမ်း​ဝီႉၺိၺ်ႇ​ၸဝ်ႈ​လႆႈ။-</verse>
				<verse number="32">ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ၽိတ်း​သူပ်း​ၽိတ်း​ၵႂၢမ်း​တီႈ​လုၵ်ႈ​ၵူၼ်း​ၼၼ်ႉ​ၵေႃႈ ႁွတ်ႈ​ထိုင်​တၢင်း​ဢၼ် ပွႆႇ​လွတ်ႈ​လႆႈ​ယူႇ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၽိတ်း​သူပ်း​ၽိတ်း​ၵႂၢမ်း တီႈ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ၼၼ်ႉ​ၸိုင်၊ ၸၢတ်ႈ​ၼႆႉ​ၸၢတ်ႈ​ၼႃႈ ဢမ်ႇ​ႁွတ်ႈ​ထိုင်​တၢင်း​ဢၼ်​ပွႆႇ​လွတ်ႈ​လႆႈ။</verse>
				<verse number="33">ႁႂ်ႈ​တူၼ်ႈ​ပဵၼ်​ဢၼ်​လီ​လႄႈ မၢၵ်ႇ​မၼ်း​ပဵၼ်​ဢၼ်​လီ​တႃႉ။ ဢမ်ႇ​ၼၼ် ႁႂ်ႈ​တူၼ်ႈ​ပဵၼ်​ဢၼ်​ဢမ်ႇ​လီ​လႄႈ မၢၵ်ႇ​မၼ်း​ပဵၼ်​ဢၼ်​ဢမ်ႇ​လီ​တႃႉ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​မၢၵ်ႇ​လႄႈ ႁူႉ​လွင်ႈ​တူၼ်ႈ​ဢေႃႈ။</verse>
				<verse number="34">ၸိူဝ်ႉ​ၶိူဝ်း​ငူး​ႁၢႆႉ​ၸိူဝ်း​ၼႆႉ​ဢိူၺ်း၊ သူ​ၼႆႉ​ပဵၼ်​ဢၼ်​ႁၢႆႉ​ယူႇ​လႄႈ လၢတ်ႈ​ၵႂၢမ်း​ဢၼ်​လီ​လႆႈ​ၸိူဝ်ႉ​ၼင်ႇ​ႁိုဝ်။ သူပ်း​ၸၢင်ႈ​မွၵ်ႇ​လၢတ်ႈ​ၸွမ်း​ၵႃႈ​ၼင်ႇ​ဢၼ် မီး​တဵမ်​ဝႆႉ​ၵႃႈ​ၼႂ်း​ႁူဝ်​ၸႂ်​ၼၼ်ႉ​ဢေႃႈ။-</verse>
				<verse number="35">ၵေႃႉ​ဢၼ်​လီ​ၼၼ်ႉ​ၸိုင်၊ ၸၢင်ႈ​ဢဝ်​လွင်ႈ​တၢင်း​ဢၼ်​လီ​ၵႃႈ​ၼႂ်း​တိူၵ်ႈ​ၽၼ်ႇတႃႇ ႁူဝ်​ၸႂ်​ဢၼ်​လီ​မၼ်း​ၼၼ်ႉ ဢွၵ်ႇ​လႄႈ​ၼႄ​ပျႃး​ဢေႃႈ။ ၵေႃႉ​ဢၼ်​ႁၢႆႉ​ၼၼ်ႉ​ၸိုင် ၸၢင်ႈ​ဢဝ်​လွင်ႈ​ဢၼ်​ႁၢႆႉ​ၵႃႈ​ၼႂ်း​တိူၵ်ႈ​ၽၼ်ႇတႃႇ ႁူဝ်​ၸႂ်​ဢၼ်​ႁၢႆႉ​မၼ်း​ၼၼ်ႉ​ဢွၵ်ႇ​လႄႈ ၼႄ​ပျႃး​ဢေႃႈ။-</verse>
				<verse number="36">ၵဝ်​ဝႃႈ​တီႈ​သူ​ၸမ်ႉ၊ ၵႂၢမ်း​ဢၼ်​မဝ်​မၢင်​လၢႆ​လၢႆ​လွၵ်ႇ​လွၵ်ႇ ဢၼ်​ၵူၼ်း​တင်း​လၢႆ​လၢတ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင် တၵ်း​လႆႈ​မွၵ်ႇ​လၢတ်ႈ​ၽုၺ်ႇ​ၼႄ​ၼႂ်း​ဝၼ်း​ဢၼ်​ၸီႇ​ယၢင်ႇ​တြႃး​ၼၼ်ႉ​ဢေႃႈ။-</verse>
				<verse number="37">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ၵႂၢမ်း​မႂ်း​လႄႈ တၵ်း​လႆႈ​ၶၢမ်ႇ​တၢင်း​ဢၼ်​သိုဝ်ႈ​တေႃႇ​ဢေႃႈ။ ၵွပ်ႈ​ပိူဝ်ႈ​ၵႂၢမ်း​မႂ်း​လႄႈ တၵ်း​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="38">မိူဝ်ႈ​ၼၼ်ႉ ၵူၼ်း​ထုတ်ႇ​ၵျၢမ်း​ဢိၵ်ႇ​တင်း ၽႃႇရီႉသႄး ၵမ်ႈ​ၽွင်ႈ​လဝ်ႊ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ၊ ႁဝ်း​ၶႃႈ​ၶႂ်ႈ​ႁၼ်​ၼီႉမိၵ်ႈ​လၢၵ်ႈၶၼႃႇ ဢၼ်​ၸဝ်ႈ​ႁဝ်း​ၼႄ​ပျႃး​သေ​ၸိူဝ်ႉ​သေ​ပိူင်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="39">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵူၼ်း​မဵဝ်း​ဢၼ်​ႁၢႆႉ​မိူၵ်ႈ​လႄႈ လဵၼ်ႈ​ၽူဝ်​ဢွၼ်ႇ​ၼႆႉ ယွၼ်း​ၼီႉမိၵ်ႈ​လၢၵ်ႈၶၼႃႇ​လႄႈ၊ လိူဝ်​သေ​ၼီႉမိၵ်ႈ​လၢၵ်ႈၶၼႃႇ ပရေႃးၽႅတ်ႈ​ ယူဝ်းၼႃႉ ​ၼၼ်ႉ ဢမ်ႇ​လႆႈ​ၼႄ​ပျႃး ၼီႉမိၵ်ႈ​လၢၵ်ႈၶၼႃႇ​ဢၼ်​လႂ်​တီႈ​ၶဝ်။-</verse>
				<verse number="40">ၸိူဝ်ႉ​ၼင်ႇ​ဢၼ်​ ယူဝ်းၼႃႉ လႆႈ​ယူႇ​ၵႃႈ​ၼႂ်း​တွင်ႉ​ပႃ​လူင်​သၢမ်​ဝၼ်း​တင်း​သၢမ်​ၶိုၼ်း​ၼၼ်ႉ၊ လုၵ်ႈ​ၵူၼ်း​တၵ်း​လႆႈ​ယူႇ​ၵႃႈ​ၼႂ်း​လိၼ် သၢမ်​ဝၼ်း​တင်း​သၢမ်​ၶိုၼ်း​ဢေႃႈ။-</verse>
				<verse number="41">ၶိင်ႇ​မိူဝ်ႈ​ဢၼ်​ၸီႇ​ယၢင်ႇ​တြႃး​ပုၼ်ႉ​ၸိုင်၊ ၵူၼ်း​ဝဵင်း​ ၼီႉၼေႇဝူၺ်ႇ ​တင်း​လၢႆ​ၼၼ်ႉ တၵ်း​လုၵ်ႉ​ယူႇ​ၽၢႆႇ​ၼိုင်ႈ​သေ​လႄႈ ႁႂ်ႈ​ၵူၼ်း​မဵဝ်း​ၼႆႉ လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ ၵွပ်ႈ​ပိူဝ်ႈ​ၵႂၢမ်း​ဢၼ်​ ယူဝ်းၼႃႉ ႁေႃး​လၢတ်ႈ​ၼၼ်ႉ​လႄႈ ၶုၵ်း​ၸႂ်​လႆႈ​မႆႈ​ၸႂ်​ဢေႃႈ။ ၵႃႈ​တီႈ​ၼႆႈ​ၸမ်ႉ၊ မီး​ၵေႃႉ​ဢၼ် ယႂ်ႇ​မျၢတ်ႈ​ၼႃႇ​သေ​ ယူဝ်းၼႃႉ ​ၼၼ်ႉ​ဢေႃႈ။-</verse>
				<verse number="42">ၶိင်ႇ​မိူဝ်ႈ​ဢၼ် ၸီႇ​ယၢင်ႇ​တြႃး​ပုၼ်ႉ၊ ၼၢင်း​ႁေႃ​ၶမ်း​မိူင်း​တၢင်း​ၸၢၼ်း တၵ်း​လုၵ်ႉ​ယူႇ​ၽၢႆႇ​ၼိုင်ႈ​သေ​လႄႈ ႁႂ်ႈ​ၵူၼ်း​မဵဝ်း​ၼႆႉ လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ဢေႃႈ။ လွင်ႈ​မၼ်း​ၸမ်ႉ ၼၢင်း​ႁေႃ​ၶမ်း​ၼၼ်ႉ လုၵ်ႉ​သေ​ၵႃႈ​တီႈ​ႁိမ်း​လႅၼ်​သုတ်း​လိၼ်​မိူင်း​ပုၼ်ႉ​မႃး ႁႂ်ႈ​လႆႈ​ထွမ်ႇ​လႆႈ​ငိၼ်း​ၵႂၢမ်း​ပိင်ႇ​ၺႃႇ​ၶုၼ်​လူင်​ သေႃးလမုၼ်ႇ ​ၼၼ်ႉ​ဢေႃႈ။ ၵႃႈ​တီႈ​ၼႆႈ​ၸမ်ႉ၊ မီး​ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​သေ သေႃးလမုၼ်ႇ ​ၼၼ်ႉ​ဢေႃႈ။</verse>
				<verse number="43">ၽီ​ဢၼ်​ၵူဝ်ႈ​ၵိူၵ်ႇ​ၼၼ်ႉ၊ မိူဝ်ႈ​ဢၼ်​ဢွၵ်ႇ​သေ​ၵႃႈ​ၼႂ်း​ၵူၼ်း​ၵႂႃႇ​ၸိုင်၊ ၸၢင်ႈ​ၵႂႃႇ​လႄႇ​ၵႃႈ​ၼႂ်း​တီႈ​ဢၼ်​ႁႅင်ႈ​ဢၼ်​ႁွင်​တင်း​လၢႆ​လႄႈ ႁႃ​တၢင်း​ၼိမ်​သေ​ၵေႃႈ ဢမ်ႇ​ထူပ်း​ဢမ်ႇ​ႁၼ်။-</verse>
				<verse number="44">ၵမ်း​ၼၼ်ႉ​မၼ်း​ဝႃႈ၊ ၵဝ်​တၵ်း​ၶိုၼ်း​မိူဝ်း​ၵႃႈ​တီႈ​ႁိူၼ်း​ဢၼ်​ၵဝ်​ဢွၵ်ႇ​မႃး​သေ​ယဝ်ႉ​ၼၼ်ႉ​လူး​ၵွၼ်ႇ​၊ ဝႃႈ​ၼင်ႇ​ၼႆ​သေ​ယဝ်ႉ၊ မိူဝ်ႈ​ဢၼ်​မိူဝ်း​ႁွတ်ႈ​မိူဝ်း​ထိုင်​ၸိုင်၊ ထူပ်း​ႁၼ်​ႁိူၼ်း​ၼၼ်ႉ မီး​တၢင်း​ဢၼ်​ပဝ်ႇ​ဝႆႉ၊ မႄး​ပတ်း​ဝႆႉ၊ မႄး​ၽဵဝ်ႈ​ဝႆႉ​ယူႇ​လႄႈ၊-</verse>
				<verse number="45">သမ်ႉ​ၵႂႃႇ​ႁွင်ႉ​ဢဝ်​ၽီ​ဢၼ်​ႁၢႆႉ​မိူၵ်ႈ​ၼႃႇ​သေ​မၼ်း ၸဵတ်း​ၵေႃႉ​ယဝ်ႉ​ၸင်ႇ၊ ၶဝ်ႈ​ၵႃႈ​ၼႂ်း​ၵူၼ်း​ၼၼ်ႉ​သေ​လႄႈ​ယူႇ​ဢေႃႈ။ ၵေႃႉ​ၼၼ်ႉ​ၸမ်ႉ၊ ဢၼ်​ပဵၼ်​ၵမ်း​လိုၼ်း​ၼၼ်ႉ ယဵင်ႈ​ၶႅၼ်း​ႁၢႆႉ​ၼႃႇ​သေ ဢၼ်​ပဵၼ်​ဢွၼ်​တၢင်း​ၼၼ်ႉ​ဢေႃႈ။ တီႈ​ၵူၼ်း​မဵဝ်း​ဢၼ်​ႁၢႆႉ​မိူၵ်ႈ​ၼႆႉ တၵ်း​ပဵၼ်​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="46">ၼႂ်း​မိူဝ်ႈ​ဢၼ်​မၼ်း​ၸဝ်ႈ​ယင်း​တိုၵ်ႉ​ႁေႃး​လၢတ်ႈ​တီႈ​ပရဵၵ်ႈသၢတ်ႈ​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင် မႄႈ​ၸဝ်ႈ ဢိၵ်ႇ​တင်း​ၼွင်ႉ​ၸဝ်ႈ​တင်း​လၢႆ ၶႂ်ႈ​တၵ်ႉ​ၶႂ်ႈ​လၢတ်ႈ​လႄႈ ၸုၵ်း​ယူႇ​ၵႃႈ​ၼွၵ်ႈ​ဢေႃႈ။-</verse>
				<verse number="47">ၵူၼ်း​ၵေႃႉ​ၼိုင်ႈ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ မႄႈ​ၸဝ်ႈ​ႁဝ်း​ဢိၵ်ႇ​တင်း​ၼွင်ႉ​ၸဝ်ႈ​ႁဝ်း​ၸိူဝ်း​ၼၼ်ႉ ၶႂ်ႈ​တၵ်ႉ​ၶႂ်ႈ​လၢတ်ႈ​ၸဝ်ႈ​ႁဝ်း​လႄႈ ၸုၵ်း​ယူႇ​ၵႃႈ​ၼွၵ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="48">မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ မႄႈ​ၵဝ်​ၸမ်ႉ ပဵၼ်​ၽူႈ​လႂ်။ ၼွင်ႉ​ၵဝ်​တင်း​လၢႆ​ၸမ်ႉ ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="49">ယိုၼ်ႈ​မိုဝ်း​မၼ်း​ၸဝ်ႈ ၸီႉ​ၼႄ​တပႄး​ၸဝ်ႈ​တင်း​လၢႆ​သေ​လႄႈ​လၢတ်ႈ​လႄႈ​ဝႃႈ၊ ၶဝ်​ၸိူဝ်း​ၼႆႉ​ပဵၼ်​မႄႈ​ၵဝ်၊ ၼွင်ႉ​ၵဝ်​ဢေႃႈ။-</verse>
				<verse number="50">ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ႁဵတ်း​ၸွမ်း​ဢလူဝ်ႇ​ပေႃႈ​ၵဝ် ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ၼၼ်ႉ ၵေႃႉ​ၼၼ်ႉ ပဵၼ်​ၼွင်ႉ​ၸၢႆး​ၵဝ်၊ ၼွင်ႉ​ယိင်း​ၵဝ်၊ မႄႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="13">
				<verse number="1">ဝၼ်း​ၼၼ်ႉ ယေႇသူႉ ​ဢွၵ်ႇ​သေ​ၵႃႈ​ၼႂ်း​ႁိူၼ်း​ၵႂႃႇ​လႄႈ ၼင်ႈ​ယူႇ​ၵႃႈ​တီႈ​ႁိမ်း​ၼမ်ႉ​ၼွင်​ဢေႃႈ။-</verse>
				<verse number="2">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ၸူႉ​ၵၼ်​တုမ်​ၵၼ်​တီႈ​မၼ်း​ၸဝ်ႈ ထၼ်ႈ​ပေႃး​ႁႂ်ႈ​မၼ်း​ၸဝ်ႈ​ၶဝ်ႈ​ၼင်ႈ​ယူႇ​ၵႃႈ​ၼႂ်း​ႁိူဝ်း​ဢေႃႈ။ ပရဵၵ်ႈသၢတ်ႈ​တင်း​သဵင်ႈ​တင်း​လူင် ၸုၵ်း​ယူႇ​ၵႃႈ​ၼိူဝ်​ၽင်ႇ​ၼမ်ႉ​ဢေႃႈ။-</verse>
				<verse number="3">မိူဝ်ႈ​ၼၼ်ႉ မၼ်း​ၸဝ်ႈ​လၢတ်ႈ​ၵႂၢမ်း​ဢူႉပမႃႇ​ၼမ်​ၼႃႇ တီႈ​ၶဝ်​ၼၼ်ႉ​လႄႈ​ဝႃႈ၊ တူၺ်း​လူး၊ ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼၼ်ႉ ဢွၵ်ႇ​ၵႂႃႇ​ႁႂ်ႈ​လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ဢေႃႈ။</verse>
				<verse number="4">ၼႂ်း​တၢင်း​ဢၼ်​မၼ်း​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ယူႇ​ၼၼ်ႉ၊ မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​တီႈ​ႁိမ်း​တၢင်း​လႄႈ ၼူၵ်ႉ​တင်း​လၢႆ​မႃး​ၵဵပ်း​ၵိၼ်​သေ​ဢေႃႈ။-</verse>
				<verse number="5">မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​ၼႂ်း​တီႈ​ဢၼ် မၢၵ်ႇ​ႁိၼ်​ၼမ်​ၼႃႇ လိၼ်​ၵေႇ​ၼၼ်ႉ​လႄႈ၊ ၵွပ်ႈ​ပိူဝ်ႈ​ဢၼ်​ဢမ်ႇ​မီး​လိၼ်​ဢၼ်​လိုၵ်ႉ​ၼၼ်ႉ ပိၵ်ႉ​သမ်ႉ​ဢွၵ်ႇ​တူၼ်ႈ​ၵမ်း​လဵဝ်​သေ​ၵေႃႈ၊-</verse>
				<verse number="6">မိူဝ်ႈ​ဢၼ်​ၵၢင်​ဝၼ်း​ဢွၵ်ႇ​မႃး​ၸိုင် မႆႈ​ၼႃႇ​လူင်​လၢင်​လႄႈ ၵွပ်ႈ​ပိူဝ်ႈ​ဢၼ်​ႁၢၵ်ႈ​မၼ်း​ဢမ်ႇ​ပေႃး​မီး​ၼၼ်ႉ ႁဵဝ်ႇ​ႁႅင်ႈ​ၵႂႃႇ​သေ​ဢေႃႈ။-</verse>
				<verse number="7">မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​ၼႂ်း​တူၼ်ႈ​ၼၢမ်​လႄႈ တူၼ်ႈ​ၼၢမ်​ၸိူဝ်း​ၼၼ်ႉ ယႂ်ႇ​မႃး​ႁူမ်ႈ​မုင်း​ငႅၼ်း​သႄး​ယူႇ​ဢေႃႈ။-</verse>
				<verse number="8">မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​ၼႂ်း​တီႈ​ဢၼ်​လိၼ်​လီ​လႄႈ မၢၵ်ႇ​မၢၵ်ႇ​မၼ်း​မႃး​ၵမ်ႈ​ၽွင်ႈ​ပၢၵ်ႇ​ပုၼ်ႈ၊ ၵမ်ႈ​ၽွင်ႈ​ႁူၵ်း​သိပ်း​ပုၼ်ႈ၊ ၵမ်ႈ​ၽွင်ႈ​သၢမ်​သိပ်း​ပုၼ်ႈ​ဢေႃႈ။-</verse>
				<verse number="9">ၵေႃႉ​ဢၼ်​မီး​ႁူ​ဢၼ်​လီ​ငိၼ်း​ၼၼ်ႉ​ၸမ်ႉ၊ ႁႂ်ႈ​ငိၼ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">တပႄး​ၸဝ်ႈ​တင်း​လၢႆ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ လဝ်ႊ​ထၢမ်​လႄႈ​ဝႃႈ၊ ႁဵတ်း​သင်​လႄႈ​ၸဝ်ႈ​ႁဝ်း ဢဝ်​ၵႂၢမ်း​ဢူႉပမႃႇ​ႁေႃး​လၢတ်ႈ​တီႈ​ၵူၼ်း​ၸိူဝ်း​ၼႆႉ​ၸိူဝ်ႉ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သူ​မီး​ဢၶႂၢင်ႉ​ဢၼ်​လႆႈ​ႁူႉ​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ မိူင်း​ၵၢင်​ႁၢဝ်​ၸဝ်ႈ​ဢေႃႈ။ ၶဝ်​ၼၼ်ႉ​ၸမ်ႉ ဢမ်ႇ​မီး​ဢၶႂၢင်ႉ။-</verse>
				<verse number="12">ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ၸၢင်ႈ​မီး​ၼၼ်ႉ၊ တီႈ​ၵေႃႉ​ၼၼ်ႉ၊ ၼင်ႇ​ႁိုဝ်​မၼ်း​တၵ်း​ပျေႉ​ၸုမ်ႇ​လိူင်ႇ​ၸႂ်​ၸိုင် တၵ်း​ပၼ်​ထႅင်ႈ​လူး​ၵွၼ်ႇ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ဢမ်ႇ​ၸၢင်ႈ​မီး​ၵႃႈ​သင်​ၼၼ်ႉ၊ ၵႃႈ​တီႈ​ၵေႃႉ​ၼၼ်ႉ၊ တၵ်း​ၼုၵ်ႈ​ဢဝ်​ၵႃႈ​ဢၼ်​မၼ်း​မီး​တင်း​သဵင်ႈ​တင်း​လူင်​ၼၼ်ႉ​လူး​ၵွၼ်ႇ​ဢေႃႈ။-</verse>
				<verse number="13">ၵွပ်ႈ​ႁွႆး​ၼႆႉ၊ ပိူဝ်ႈ​ဢၼ်​ၶဝ်​ႁၼ်​ယူႇ​သေ​ၵေႃႈ​ဢမ်ႇ​ႁၼ်၊ ငိၼ်း​ယူႇ​သေ​ၵေႃႈ​ဢမ်ႇ​ငိၼ်း၊ ဢမ်ႇ​ႁူႉ​ဢမ်ႇ​ၸႅင်ႈ​လႄႈ၊ ၵဝ်​ဢဝ်​တင်း​ၵႂၢမ်း​ဢူႉပမႃႇ ႁေႃး​လၢတ်ႈ​တီႈ​ၶဝ်​ဢေႃႈ။-</verse>
				<verse number="14">ၵႂၢမ်း​ဢၼႃႇၵၢတ်ႈတီႉ​ဢၼ်​ပရေႃးၽႅတ်ႈ​ ဢီႉသႃႇယႃႉ ႁေႃး​လၢတ်ႈ​ဝႆႉ​ၼၼ်ႉ​ၸမ်ႉ၊ သူ​ငိၼ်း​ယူႇ​သေ​ၵေႃႈ တၵ်း​ငိၼ်း​တၢင်း​ဢမ်ႇ​ႁူႉ​ဢမ်ႇ​ၸႅင်ႈ​ဢေႃႈ။ ႁၼ်​ယူႇ​သေ​ၵေႃႈ တၵ်း​ႁၼ်​တၢင်း​ဢမ်ႇ​မၢတ်ႈ​ဢမ်ႇ​တွင်း​ဝႆႉ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ၵူဝ်​တႃ​ၶဝ်​တၵ်း​ႁၼ်၊ ႁူ​ၶဝ်​တၵ်း​ငိၼ်း၊ ႁူဝ်​ၸႂ်​ၶဝ်​တၵ်း​ႁူႉ​ၸႅင်ႈ၊ တၢင်း​ၵျၢမ်ႇ​တၢင်း​ပွင်​ၶဝ်​တၵ်း​ၶၢႆႉ​ပုတ်ႈ၊ ၵဝ်​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ႁၢႆ​ၼၼ်ႉ​လႄႈ၊ ၵူၼ်း​မဵဝ်း​ၼႆႉ ႁူဝ်​ၸႂ်​ၶဝ်​ၼၵ်း​ၼႃ​ယူႇ၊ ႁူ​ၶဝ်​ဢမ်ႇ​ငိၼ်း​ယူႇ၊ မၢၵ်ႇ​တႃ​ၶဝ်​လပ်း​ယူႇ​ဢေႃႈ ဝႃႈ​ၼႆ၊ ၵႂၢမ်း​ၼၼ်ႉ​ပျေႉ​ၸုမ်ႇ​ၼႂ်း ၵူၼ်း​ၸိူဝ်း​ၼႆႉ​ယဝ်ႉ​ဢေႃႈ။-</verse>
				<verse number="16">မၢၵ်ႇ​တႃ​သူ​ၼၼ်ႉ ပိူဝ်ႈ​ဢၼ်​ႁၼ်​လႄႈ ႁူ​သူ​ၼၼ်ႉ​ၵေႃႈ ပိူဝ်ႈ​ဢၼ်​ငိၼ်း​လႄႈ မီး​မင်ႇၵလႃႇ​ဢေႃႈ။-</verse>
				<verse number="17">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ လွင်ႈ​တၢင်း​ဢၼ်​သူ​လႆႈ​ႁၼ်​ၸိူဝ်း​ၼႆႉ​ၸိုင်၊ ပိၵ်ႉ​သမ်ႉ ပရေႃးၽႅတ်ႈ ဢိၵ်ႇ​တင်း​ၵူၼ်း​ဢၼ်​သိုဝ်ႈ​တေႃႇ​တင်း​လၢႆ မီး​ဢလူဝ်ႇ​ၶႂ်ႈ​ႁၼ်​သေ​ၵေႃႈ ဢမ်ႇ​လႆႈ​ႁၼ်။ လွင်ႈ​တၢင်း​ဢၼ်​သူ​လႆႈ​ငိၼ်း​ၸိူဝ်း​ၼႆႉ​ၸိုင်၊ပိၵ်ႉ​သမ်ႉ​ၶဝ်​မီး​ဢလူဝ်ႇ​ၶႂ်ႈ​ငိၼ်း​သေ​ၵေႃႈ ဢမ်ႇ​လႆႈ​ငိၼ်း။</verse>
				<verse number="18">ထွမ်ႇ​လွင်ႈ​ၵႂၢမ်း​ဢူႉပမႃႇ​ၵူၼ်း​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼၼ်ႉ​တႃႉ။-</verse>
				<verse number="19">ၽူႈ​လႂ်​သေ​ဢမ်ႇ​ဝႃႈ၊ မိူဝ်ႈ​ဢၼ်​ငိၼ်း​ၵႂၢမ်း​တြႃး​မိူင်း​ၸဝ်ႈ​လႄႈ ဢမ်ႇ​လူင်ႉ​ဢမ်ႇ​လႅင်း​ၼၼ်ႉ​ၸိုင် ၵေႃႉ​ဢၼ်​ႁၢႆႉ​ၼၼ်ႉ​မႃး​လႄႈ ႁိမ်​ႁူင်ႇ​ထူၺ်ႈ​ထွၼ်​ဢဝ်​မဵတ်ႉ​ဢၼ်​ဝၢၼ်ႇ​ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ ဢွၵ်ႇ​ပႅတ်ႈ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​လွင်ႈ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​တီႈ​ႁိမ်း​တၢင်း​ဢေႃႈ။-</verse>
				<verse number="20">လွင်ႈ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၵႃႈ​ၼႂ်း​တီႈ​ဢၼ်​မၢၵ်ႇ​ႁိၼ်​ၼမ်​ၼႃႇ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ ပိၵ်ႉ​သမ်ႉ​မီး​တင်း​ၸႂ်​ဢၼ်​သိူဝ်း​ၸူမ်း​ၼႃႇ​ႁပ်ႉ​တုင်း​ဢဝ်​ၵမ်း​လဵဝ်​သေ​ၵေႃႈ၊-</verse>
				<verse number="21">ဢမ်ႇ​မီး​ႁၢၵ်ႈ​မၼ်း​ၵႃႈ​ၼႂ်း​ႁူဝ်​ၸႂ်​မၼ်း​လႄႈ တႄႇ​ယူႇ​ၵမ်း​ဢွၼ်ႇ​ၼိုင်ႈ​ၵူၺ်း​သေ​ယဝ်ႉ၊ မိူဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၵွပ်ႈ​ပိူဝ်ႈ​ၵႂၢမ်း​တြႃး​ၼၼ်ႉ​ၸိုင် ၸႂ်​လူႉ​ၵမ်း​လဵဝ်၊ ၶႂ်ႈ​ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">လွင်ႈ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၼႂ်း​တူၼ်ႈ​ၼၢမ်​ၸိူဝ်း​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ တၢင်း​ဢၼ်​မႆႈ​ၸႂ်​ၶီ​ၸႂ်​လူၺ်ႈ​လွင်ႈ​လေႃးၵီႇ၊ တၢင်း​ဢၼ်​ဢုၵ်ႉ​ၸႃႇ​ၸေး​ၸိမ်ႇ ပႅတ်ႉ​လႅၼ်​တင်း​လၢႆ​ၼၼ်ႉ ႁူမ်ႇ​မုင်း​ငႅၼ်း​သႄး​ၵႂၢမ်း​တြႃး​ယူႇ​လႄႈ ဢမ်ႇ​မၢၵ်ႇ​မၢၵ်ႇ​မၼ်း​လႆႈ၊ ၶႂ်ႈ​ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">လွင်ႈ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​ၼႂ်း​တီႈ​ဢၼ်​လိၼ်​လီ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ လူင်ႉ​လႅင်း​သေ​ယဝ်ႉ၊ မၢၵ်ႇ​မႃး​မၢၵ်ႇ​မၼ်း​ၵမ်ႈ​ၽွင်ႈ ပၢၵ်ႇ​ပုၼ်ႈ၊ ၵမ်ႈ​ၽွင်ႈ​ႁူၵ်း​သိပ်း​ပုၼ်ႈ၊ ၵမ်ႈ​ၽွင်ႈ​သၢမ်​သိပ်း​ပုၼ်ႈ​ၼၼ်ႉ၊ ၶႂ်ႈ​ဝႃႈ​ၼင်ႇ​ၼႆ​ဝႃႈ​ၼႆ၊ မၼ်း​ၸဝ်ႈ​ႁေႃး​လၢတ်ႈ​ဢေႃႈ။</verse>
				<verse number="24">မၼ်း​ၸဝ်ႈ​ႁေႃး​လၢတ်ႈ​ၵႂၢမ်း​ဢူႉပမႃႇ တၢင်ႇ​ၸိူဝ်ႉ​တၢင်ႇ​ဢၼ်​လႄႈ​ဝႃႈ​ၸမ်ႉ၊ မိူင်း​ၵၢင်​ႁၢဝ်​ၸဝ်ႈ​မိူၼ်​ၸိူဝ်ႉ​ၼင်ႇ​ၵေႃႉ​ဢၼ် ဝၢၼ်ႇ​မဵတ်ႉ​ဢၼ်​လီ​ၵႃႈ​ၼႂ်း​ၼႃး​ဢေႃႈ။-</verse>
				<verse number="25">ၼႂ်း​မိူဝ်ႈ​ဢၼ်​ၵူၼ်း​မၼ်း​တင်း​လၢႆ​ယင်း​တိုၵ်ႉ​ၼွၼ်း​လပ်း​ယူႇ​ၼၼ်ႉ​ၸိုင် ရၢၼ်ႇ​သူႇ​မၼ်း​မႃး​လႄႈ ဝၢၼ်ႇ​မဵတ်ႉ​ၶဝ်ႈ​ၽီ ၵႃႈ​ၼႂ်း​ၶဝ်ႈ​ၵျုင်ႇ​မၼ်း​လႄႈ​ဢွၵ်ႇ​ၵႂႃႇ​သေ​ဢေႃႈ။-</verse>
				<verse number="26">မိူဝ်ႈ​ဢၼ်​ဢွၵ်ႇ​တူၼ်ႈ​လႄႈ​ပဵၼ်​ႁူင်း​မႃး​ၸိုင်၊ တူၼ်ႈ​ၶဝ်ႈ​ၽီ​ၼၼ်ႉ​ၵေႃႈ​ပေႃႇ​မႃး​ဢေႃႈ။-</verse>
				<verse number="27">ၶႃႈ​ၸဝ်ႈ​ႁိူၼ်း​တင်း​လၢႆ​ၵႂႃႇ​တီႈ​မၼ်း​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ဝၢၼ်ႇ​မဵတ်ႉ​ဢၼ်​လီ ၵႃႈ​ၼႂ်း​ၼႃး​ဢမ်ႇ​ၸႂ်ႈ​ၶႃႈ​ႁိုဝ်။ တူၼ်ႈ​ၶဝ်ႈ​ၽီ​ၼၼ်ႉ ပဵၼ်​မႃး​ၵႃႈ​လႂ်​ၶႃႈ၊-</verse>
				<verse number="28">မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် မၼ်း​ၵေႃႈ​လၢတ်ႈ​လႄႈ​ဝႃႈ၊ လွင်ႈ​ဢၼ်​ၼႆႉ​ၸမ်ႉ၊ ပဵၼ်​လွင်ႈ​ဢၼ်​ရၢၼ်ႇ​သူႇ​ႁဵတ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၶႃႈ​ၸိူဝ်း​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​မီး​ဢလူဝ်ႇ​ၶႂ်ႈ​ႁႂ်ႈ​ႁဝ်း​ၶႃႈ​ၵႂႃႇ​လႄႈ လိူၵ်ႈ​ထူၺ်ႈ​တူၼ်ႈ​ၶဝ်ႈ​ၽီ​ၼၼ်ႉ ပႅတ်ႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">မၼ်း​ၵေႃႈ​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ။ ပေႃး​သူ​လိူၵ်ႈ​ထူၺ်ႈ​တူၼ်ႈ​ၶဝ်ႈ​ၽီ​ၼၼ်ႉ​ပႅတ်ႈ​ၸိုင် ၵူဝ်​သူ​တၵ်း​ထူၺ်ႈ​မႅၼ်ႈ တူၼ်ႈ​ၶဝ်ႈ​ၵျုင်ႇ​ဢေႃႈ။-</verse>
				<verse number="30">ႁႂ်ႈ​တူၼ်ႈ​သွင်​ၸိူဝ်ႉ​သွင်​ပိူင်​ၼၼ်ႉ ယႂ်ႇ​မႃး​လူၺ်ႈ​ၵၼ်​တေႃႇ​ထိုင်​ႁွတ်ႈ​ၶိင်ႇ​ဢၼ်​တၵ်း​ပၢတ်ႇ​ၶဝ်ႈ​ပုၼ်ႉ​တႃႉ။ ၼႂ်း​ၶိင်ႇ​ဢၼ်​တၵ်း​ပၢတ်ႇ​ၶဝ်ႈ​ၼၼ်ႉ၊ ၵဝ်​တၵ်း​လၢတ်ႈ​တီႈ​ၶဝ်​ၸိူဝ်း​ဢၼ်​ပၢတ်ႇ​ၼၼ်ႉ​လႄႈ​ဝႃႈ၊ သူ​လိူၵ်ႈ​ထူၺ်ႈ​တူၼ်ႈ​ၶဝ်ႈ​ၽီ​တင်း​လၢႆ​ၼၼ်ႉ​ဢွၼ်​တၢင်း​လႄႈ မတ်ႉ​ဝႆႉ​ႁႂ်ႈ​လႆႈ​တုတ်ႇ​ၽႆး​ပႅတ်ႈ​တႃႉ။ ၶဝ်ႈ​ၵျုင်ႇ​ၸမ်ႉ၊ ဢဝ်​သိမ်း​ဝႆႉ​ၵႃႈ​ၼႂ်း​ယွင်​ၼႂ်း​ယေး​တႃႉ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼႆ၊ မၼ်း​ၸဝ်ႈ​ႁေႃး​လၢတ်ႈ​ဢေႃႈ။</verse>
				<verse number="31">မၼ်း​ၸဝ်ႈ​လၢတ်ႈ​ၵႂၢမ်း​ဢူႉပမႃႇ​တၢင်ႇ​ၸိူဝ်ႉ​တၢင်ႇ​ဢၼ်​လႄႈ​ဝႃႈ​ၸမ်ႉ၊ မိူင်း​ၵၢင်​ႁၢဝ်​ၸဝ်ႈ​မိူၼ်​ၸိူဝ်ႉ​ၼင်ႇ ၽၼ်း​ၽၵ်း​ၵၢတ်ႇ​မဵတ်ႉ​ၼိုင်ႈ ဢၼ်​ၵူၼ်း​ၵေႃႉ​ၼိုင်ႈ ဢဝ်​ၽုၵ်ႇ​သႂ်ႇ​ၵႃႈ​ၼႂ်း​သူၼ်​ၼၼ်ႉ​ဢေႃႈ။-</verse>
				<verse number="32">ၽၼ်း​ၽၵ်း​ၵၢတ်ႇ​ၼၼ်ႉ ပိၵ်ႉ​သမ်ႉ​လဵၵ်ႉ​ၼႃႇ​သေ​မဵတ်ႉ​တင်း​လၢႆ​သေ​ၵေႃႈ မိူဝ်ႈ​ဢၼ်​ယႂ်ႇ​မႃး​ၸိုင် ယႂ်ႇ​သေ​တူၼ်ႈ​ယိူဝ်ႈ​တူၼ်ႈ​ယႃႈ​တင်း​လၢႆ​လႄႈ ၸၢင်ႈ​ပဵၼ်​တူၼ်ႈ​ဢၼ်​ၼူၵ်ႉ​ၵၢင်​ႁၢဝ်​တင်း​လၢႆ​မႃး​လိုဝ်ႈ​မႃး​သဝ်း​ယူႇ ၵႃႈ​တီႈ​ၵိင်ႇ​မၼ်း​ၶႃႊ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">မၼ်း​ၸဝ်ႈ​လၢတ်ႈ​ၵႂၢမ်း​ဢူႉပမႃႇ​တၢင်ႇ​ၸိူဝ်ႉ တၢင်ႇ​ဢၼ်​လႄႈ​ဝႃႈ​ၸမ်ႉ၊ မိူင်း​ၵၢင်​ႁၢဝ်​ၸဝ်ႈ​မိူၼ်​ၸိူဝ်ႉ​ၼင်ႇ​ၸိူဝ်ႉ​ပႅင်ႈ ဢၼ်​မႄႈ​ယိင်း​ၵေႃႉ​ၼိုင်ႈ ဢဝ်​သႂ်ႇ​ၵႃႈ​ၼႂ်း​ၽွင်​ၶဝ်ႈ​မုၼ်း​သၢမ်​တၢင် တေႃႇ​ထိုင်​ႁွတ်ႈ​ထၼ်ႈ​ပေႃး​ၸိူဝ်ႉ​ပႅင်ႈ​ၼၼ်ႉ ႁႂ်ႈ​တင်း​သဵင်ႈ​တင်း​လူင်​ပွင်း​ၶိုၼ်ႈ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="34">ယေႇသူႉ ​ဢဝ်​တင်း​ၵႂၢမ်း​ဢူႉပမႃႇ​ႁေႃး​လၢတ်ႈ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ တီႈ​ပရဵၵ်ႈသၢတ်ႈ​တင်း​လၢႆ​ဢေႃႈ။ မၼ်း​ၸဝ်ႈ​ဢမ်ႇ​ႁေႃး​ဢမ်ႇ​လၢတ်ႈ​ၵႂၢမ်း ဢၼ်​ၵၢင်း​လွတ်ႈ​တင်း​ဢူႉပမႃႇ​ၼၼ်ႉ​တီႈ​ၶဝ်။-</verse>
				<verse number="35">ဢၼ်​ၵႂၢမ်း​ပရေႃးၽႅတ်ႈ​လၢတ်ႈ​ဝႆႉ​လႄႈ​ဝႃႈ​ၼၼ်ႉ​ၸမ်ႉ၊ ၵဝ်​တၵ်း​ပိုတ်ႇ​ပၢၵ်ႇ​လႄႈ​မွၵ်ႇ​လၢတ်ႈ​ၵႂၢမ်း​ဢူႉပမႃႇ​ဢေႃႈ။ ၵဝ်​တၵ်း​ၽုၺ်ႇ​ၼႄ​လွင်ႈ​တၢင်း​ဢၼ်​သိူင်ႇ​ဝႆႉ​လပ်ႉ​ဝႆႉ ၸႃႉ​ၸဵမ်​မိူဝ်ႈ​ၵမ်ႇ​ၽႃႇ ၸႃႉ​တႄႇ​ၼၼ်ႉ​ဢေႃႈ​ဝႃႈ​ၼႆ၊ ၵႂၢမ်း​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ ပျေႉ​ၸုမ်ႇ​ယဝ်ႉ​ဢေႃႈ။</verse>
				<verse number="36">လိုၼ်း​ၼၼ်ႉ မၼ်း​ၸဝ်ႈ​ပွႆႇ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​သေ​လႄႈ ၶဝ်ႈ​ၵႃႈ​ၼႂ်း​ႁိူၼ်း​ယဝ်ႉ​ၸင်ႇ၊ တပႄး​ၸဝ်ႈ​တင်း​လၢႆ​သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၽုၺ်ႇ​ဢွၵ်ႇ​ၼႄ​ပျႃး​ဢထိၵ်ႈပႄႇ​ၵႂၢမ်း​ဢူႉပမႃႇ​မဵတ်ႉ​ၶဝ်ႈ​ၽီ ဢၼ်​ဝၢၼ်ႇ​ၵႃႈ​ၼႂ်း​ၼႃး​ၼၼ်ႉ​တီႈ​ႁဝ်း​ၶႃႈ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="37">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ဢၼ်​လီ​ၼၼ်ႉ ပဵၼ်​လုၵ်ႈ​ၵူၼ်း​ဢေႃႈ။-</verse>
				<verse number="38">ၼႃး​ၸမ်ႉ ပဵၼ်​လေႃးၵႃႉ​ၼႆႉ​ဢေႃႈ။ မဵတ်ႉ​ဢၼ်​လီ​ၸမ်ႉ ပဵၼ်​လုၵ်ႈ​မိူင်း​ၸဝ်ႈ​တင်း​လၢႆ​ဢေႃႈ။ မဵတ်ႉ​ၶဝ်ႈ​ၽီ​ၸမ်ႉ ပဵၼ်​လုၵ်ႈ​ၵေႃႉ​ဢၼ်​ႁၢႆႉ​တင်း​လၢႆ​ဢေႃႈ။-</verse>
				<verse number="39">ရၢၼ်ႇ​သူႇ​ဢၼ်​ဝၢၼ်ႇ​မဵတ်ႉ​ၶဝ်ႈ​ၽီ​ၸမ်ႉ ပဵၼ်​မႃႇၼၢတ်ႈ​ဢေႃႈ။ ၶိင်ႇ​ဢၼ်​ပၢတ်ႇ​ၶဝ်ႈ​ၸမ်ႉ ပဵၼ်​ၶိင်ႇ​ဢၼ်​ၸၢတ်ႈ​ၼႆႉ တၵ်း​သုတ်း​တၵ်း​သဵင်ႈ​ဢေႃႈ။ ၶဝ်​ၸိူဝ်း​ဢၼ်​ပၢတ်ႇ​ၶဝ်ႈ​ၸမ်ႉ ပဵၼ်​တမၢၼ်ႇ​ၵၢင်​ႁၢဝ်​တင်း​လၢႆ​ဢေႃႈ။-</verse>
				<verse number="40">ၸိူဝ်ႉ​ၼင်ႇ​ဢၼ်​လိူၵ်ႈ​ထူၺ်ႈ​ဢဝ်​တူၼ်ႈ​ၶဝ်ႈ​ၽီ​သေ​လႄႈ တုတ်ႇ​ၽႆး​ၼၼ်ႉ တၵ်း​ပဵၼ်​ၵႃႈ​ၼႂ်း​တီႈ​သုတ်း​ၸၢတ်ႈ​ၼႆႉ​ၼၼ်ႉ​ဢေႃႈ။-</verse>
				<verse number="41">လုၵ်ႈ​ၵူၼ်း​တၵ်း​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​တူဝ်​ၸဝ်ႈ​ၵဝ်ႇ​တင်း​လၢႆ​မႃး​သေ​ယဝ်ႉ၊ ၶဝ်​ၼၼ်ႉ​တၵ်း​လိူၵ်ႈ​ထူၺ်ႈ​ဢဝ်​လွင်ႈ​တၢင်း​ဢၼ် ႁႂ်ႈ​ၽိတ်း​ပိူင်ႈ​ဢိၵ်ႇ​တင်း​ၵူၼ်း​ဢၼ်​ႁဵတ်း​ဢမ်ႇ​တြႃး​ၵႃႈ​မီး​တင်း​သဵင်ႈ​တင်း​လူင် ၵႃႈ​ၼႂ်း​မိူင်း​ၸဝ်ႈ​လႄႈ၊-</verse>
				<verse number="42">ၶျႃး​တူၵ်း​သႂ်ႇ​ၵႃႈ​ၼႂ်း​မုၵ်ႉ​ၽႆး၊ တီႈ​ဢၼ်​လႆႈ​ႁႆႈ​လႆႈ​ႁွင်ႉ၊ တီႈ​ဢၼ်​လႆႈ​ၵတ်း​ၶဵဝ်ႈ​ၵတ်း​ၽၼ်း​ၼၼ်ႉ​ဢေႃႈ။-</verse>
				<verse number="43">မိူဝ်ႈ​ၼၼ်ႉ ၵူၼ်း​ဢၼ်​သိုဝ်ႈ​တေႃႇ​တင်း​လၢႆ တၵ်း​ႁိူဝ်ႈ​လႅင်း​ၸိူဝ်ႉ​ၼင်ႇ​ၵၢင်​ဝၼ်း​ၼၼ်ႉ ၵႃႈ​ၼႂ်း​မိူင်း​ပေႃႈ​ၸဝ်ႈ​ၶဝ်​ပုၼ်ႉ​ဢေႃႈ။ ၵေႃႉ​ဢၼ်​မီး​ႁူ​ဢၼ်​လီ​ငိၼ်း​ၼၼ်ႉ​ၸမ်ႉ၊ ႁႂ်ႈ​ငိၼ်း​သေ​ၵမ်း​လူၺ်ႈ။</verse>
				<verse number="44">ၼႄး​ၼိုင်ႈ​ၸမ်ႉ၊ မိူင်း​ၵၢင်​ႁၢဝ်​ၸဝ်ႈ မိူၼ်​ၸိူဝ်ႉ​ၼင်ႇ​ၽၼ်ႇတႃႇ​ဢၼ်​သိူင်ႇ​ဝႆႉ​လပ်ႉ​ဝႆႉ ၵႃႈ​ၼႂ်း​တူင်ႈ​ၼႃး​ၼၼ်ႉ​ဢေႃႈ။ ၵေႃႉ​ဢၼ်​ထူပ်း​ႁၼ်​ၽၼ်ႇတႃႇ​ၼၼ်ႉ သမ်ႉ​ၶိုၼ်း​ႁူမ်ႇ​ဝႆႉ​သေ​လႄႈ မီး​တင်း​ၸႂ်​ဢၼ်​သိူဝ်း​ၸူမ်း​ၼႃႇ​ၵႂႃႇ​ယဝ်ႉ​ၸင်ႇ၊ ၶၢႆ​ပႅတ်ႈ​ၵႃႈ​ဢၼ်​မၼ်း​မီး​ၼၼ်ႉ​သေ​လႄႈ သိုဝ်ႉ​ဢဝ်​တူင်ႈ​ၼႃး​ၼၼ်ႉ​ဢေႃႈ။</verse>
				<verse number="45">ၼႄး​ၼိုင်ႈ​ၸမ်ႉ၊ မိူင်း​ၵၢင်​ႁၢဝ်​ၸဝ်ႈ မိူၼ်​ၸိူဝ်ႉ​ၼင်ႇ​ၵူၼ်း​ၵႃႉ​ၵေႃႉ​ၼိုင်ႈ ဢၼ်​ႁႃ​ဢဝ်​ပူး​လႄး ဢၼ်​မျၢတ်ႈ​တင်း​လၢႆ​ၼၼ်ႉ​ဢေႃႈ။-</verse>
				<verse number="46">မၼ်း​ၼၼ်ႉ မိူဝ်ႈ​ဢၼ်​ထူပ်း​ႁၼ်​ပူး​လႄး​ဢၼ်​ထိူၵ်ႈ​ၵႃႈ​ယႂ်ႇ​ၼႃႇ​ၸိုင်၊ ၵႂႃႇ​လႄႈ​ၶၢႆ​ပႅတ်ႈ​ၵႃႈ​ဢၼ်​မၼ်း​မီး​ၼၼ်ႉ​သေ​လႄႈ သိုဝ်ႉ​ဢဝ်​ပူး​လႄး​ၼၼ်ႉ​ဢေႃႈ။</verse>
				<verse number="47">ၼႄး​ၼိုင်ႈ​ၸမ်ႉ၊ မိူင်း​ၵၢင်​ႁၢဝ်​ၸဝ်ႈ​မိူၼ်​ၸိူဝ်ႉ​ၼင်ႇ​ၶႄ ဢၼ်​ဝၢၼ်ႇ​တူၵ်း​ၵႃႈ​ၼႂ်း​ပၢင်ႇ​လၢႆႇ​လႄႈ ႁူမ်ႇ​မႅၼ်ႈ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="48">မိူဝ်ႈ​ဢၼ်​တဵမ်​ဝႆႉ​ယဝ်ႉ​ၼၼ်ႉ ၶဝ်​တိုတ်ႉ​ၸၼ်​ဢဝ်​တၢင်ႇ​ၵႃႈ​ၼိူဝ်​ၵုင်း​လႄႈ​ၼင်ႈ​သေ​ယဝ်ႉ လိူၵ်ႈ​ၵဵပ်း​ဢဝ်​ဢၼ်​လီ​တင်း​လၢႆ သႂ်ႇ​ဝႆႉ​ၵႃႈ​ၼႂ်း​ပဵတ်ႈ​ၼႂ်း​မူင်​လႄႈ ဢဝ်​ဢၼ်​ဢမ်ႇ​လီ​တင်း​လၢႆ ထိမ်ႈ​ဢွၵ်ႇ​ပႅတ်ႈ​ၵႃႈ​ၼွၵ်ႈ​သေ​ဢေႃႈ။-</verse>
				<verse number="49">မိူၼ်​ၸိူဝ်ႉ​ၼင်ႇ​ၼၼ်၊ ၼႂ်း​တီႈ​သုတ်း​ၸၢတ်ႈ​ၼႆႉ​ၼၼ်ႉ တမၢၼ်ႇ​ၵၢင်​ႁၢဝ်​တင်း​လၢႆ​လူင်း​မႃး​သေ​ယဝ်ႉ တၵ်း​လိူၵ်ႈ​ၵဵပ်း​ၽႄ​ဢဝ်​ၵူၼ်း​ဢၼ်​ႁၢႆႉ​တင်း​လၢႆ ဢွၵ်ႇ​သေ​ၵႃႈ​ၼႂ်း​ၵူၼ်း​ဢၼ်​သိုဝ်ႈ​တေႃႇ​တင်း​လၢႆ​လႄႈ၊-</verse>
				<verse number="50">ၶျႃး​တူၵ်း​သႂ်ႇ​ၵႃႈ​ၼႂ်း​မုၵ်ႉ​ၽႆး၊ တီႈ​ဢၼ်​လႆႈ​ႁႆႈ​လႆႈ​ႁွင်ႉ၊ တီႈ​ဢၼ်​လႆႈ​ၵတ်း​ၶဵဝ်ႈ​ၵတ်း​ၽၼ်း​ၼၼ်ႉ​ဢေႃႈ။</verse>
				<verse number="51">လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ၸိုင်၊ သူ​ႁူႉ​ႁိုဝ်​ဝႃႈ​ၼႆ၊ မိူဝ်ႈ​ဢၼ်​မၼ်း​ၸဝ်ႈ​ထၢမ်​ၶဝ်​ၸိုင် ၶဝ်​လဝ်ႊ​လၢတ်ႈ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="52">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပိူဝ်ႈ​ၼႆ​လႄႈ ၵူၼ်း​ထုတ်ႇ​ၵျၢမ်း​တင်း​လၢႆ ဢၼ်​သွၼ်​ဢဝ်​လွင်ႈ​မိူင်း​ၵၢင်​ႁၢဝ်​ၸဝ်ႈ​ယဝ်ႉ​ၼၼ်ႉ မိူၼ်​ၸိူဝ်ႉ​ၼင်ႇ​ၸဝ်ႈ​ႁိူၼ်း​ဢၼ်​ဢဝ်​ဢၼ်​မႂ်ႇ​ဢၼ်​ၵဝ်ႇ​တင်း​လၢႆ ဢွၵ်ႇ​သေ​ၵႃႈ​ၼႂ်း​ၽၼ်ႇတႃႇ ဢုၵ်ႉ​ၸႃႇ​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="53">မၼ်း​ၸဝ်ႈ​ႁေႃး​လၢတ်ႈ​ၵႂၢမ်း​ဢူႉပမႃႇ​ၸိူဝ်း​ၼႆႉ​ယဝ်ႉ​ၸင်ႇ ဢွၵ်ႇ​ၵႂႃႇ​သေ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="54">မၼ်း​ၸဝ်ႈ​ႁွတ်ႈ​ထိုင်​ၵႃႈ​တီႈ​ဝဵင်း​တူဝ်​ၸဝ်ႈ​ၵဝ်ႇ​လႄႈ​သင်ႇ​သွၼ်​သုင်း​မႃႉ​ပၼ် ၵႃႈ​ၼႂ်း​ၸရွပ်ႈ​ႁေႃး​တြႃး​ထၼ်ႈ​ပေႃး​ႁႂ်ႈ​ၶဝ်​ၼၼ်ႉ ၵႂင်​ၸႂ်​ယုင်ႈ​ၸႂ်​လႄႈ​ဝႃႈ၊ ၵေႃႉ​ၼႆႉ​လႆႈ​ပိင်ႇ​ၺႃႇ​ၼႆႉ ဢိၵ်ႇ​တင်း​တၼ်း​ၶူဝ်း​တင်း​လၢႆ​ၼႆႉ ၵႃႈ​တီႈ​လႂ်။-</verse>
				<verse number="55">မၼ်း​ၼႆႉ ပဵၼ်​လုၵ်ႈ​ၸၢႆး လၢၵ်ႈသမႃး​ဢမ်ႇ​ၸႂ်ႈ​ႁိုဝ်။ မႄႈ​မၼ်း​ၸမ်ႉ၊ လႆႈ​ႁွင်ႉ​ႁဵၵ်ႈ​ၸိုဝ်ႈ​ မႃႇရီႉ ​ဢမ်ႇ​ၸႂ်ႈ​ႁိုဝ်။ ၼွင်ႉ​ၸၢႆး​မၼ်း​တင်း​လၢႆ​ၸမ်ႉ၊ ပဵၼ်​ ယႃႇၵုပ်ႈ ဢိၵ်ႇ​တင်း ယူဝ်းသႅပ်ႈ တင်း​ သီႉမုၼ်ႇ ​တင်း ယူႉတႃႉ ဢမ်ႇ​ၸႂ်ႈ​ႁိုဝ်။-</verse>
				<verse number="56">ၼွင်ႉ​ယိင်း​မၼ်း​တင်း​လၢႆ​ၵေႃႈ ယူႇ​ၸမ်​ၵၼ်​တင်း​ႁဝ်း​ယူႇ​ဢမ်ႇ​ၸႂ်ႈ​ႁိုဝ်။ ပိူဝ်ႈ​ၼႆ​လႄႈ ၵူၼ်း​ၵေႃႉ​ၼႆႉ လႆႈ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ၵႃႈ​တီႈ​လႂ်​၊ ဝႃႈ​ၼင်ႇ​ၼႆ​လႄႈ၊-</verse>
				<verse number="57">ၸႂ်​လူႉ​ဢေႃႈ။ ယေႇသူႉ ​ၵေႃႈ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ပရေႃးၽႅတ်ႈ​ၸိုင် လိူဝ်​သေ​ၵႃႈ​တီႈ​ဝဵင်း​တူဝ်​ၸဝ်ႈ​ၵဝ်ႇ ၵႃႈ​တီႈ​ႁိူၼ်း​တူဝ်​ၸဝ်ႈ​ၵဝ်ႇ​ၼၼ်ႉ ဢမ်ႇ​ၵၢင်း​လွတ်ႈ​တင်း​သရေႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="58">ပိူဝ်ႈ​ဢၼ်​ၶဝ်​ၼၼ်ႉ ဢမ်ႇ​ယုမ်ႇ​မၢတ်ႈ​လႄႈ မၼ်း​ၸဝ်ႈ​ဢမ်ႇ​ၼႄ​ပျႃး​တၼ်း​ၶူဝ်း​ၼမ်​ၼႃႇ ၵႃႈ​တီႈ​ၼၼ်ႈ။</verse>
			</chapter>
			<chapter number="14">
				<verse number="1">မိူဝ်ႈ​ၼၼ်ႉ ၸဝ်ႈ​ၽႃႉ​ ႁေႇရူတ်ႈ ​ငိၼ်း​သတၢင်း​သဵင်​ၶၢဝ်ႇ​လွင်ႈ​ ယေႇသူႉ ​လႄႈ လၢတ်ႈ​တီႈ​ၵူၼ်း​ဢွၼ်ႇ​တူဝ်​ၸဝ်ႈ​ၵဝ်ႇ​တင်း​လၢႆ​လႄႈ​ဝႃႈ၊-</verse>
				<verse number="2">ၵေႃႉ​ၼႆႉ​ၸမ်ႉ၊ ပဵၼ်​ ယူဝ်းႁၢၼ်ႇ ​ဢၼ်​ပၼ် ပပ်ႉတီႉၸမ်ႇ ​ၼၼ်ႉ​ဢေႃႈ။ မၼ်း​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ယဝ်ႉ။ ပိူဝ်ႈ​ၼႆ​ၸင်ႇ တၼ်း​ၶူဝ်း​ၼမ်​ၼႃႇ​ၼႆႉ ၸၢင်ႈ​ႁဵတ်း​ပွင်​ယူႇ​ၵႃႈ​ၼႂ်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ဢွၼ်​တၢင်း​ၼၼ်ႉ ၶုၼ်​လူင်​ ႁေႇရူတ်ႈ ​ၼၼ်ႉ တီႉ​မတ်ႉ​ဢဝ်​ ယူဝ်းႁၢၼ်ႇ ​ၵွပ်ႈ​ပိူဝ်ႈ ႁေႇရူဝ်းတီႉ မေး​ၼွင်ႉ​ၸၢႆး​မၼ်း ၽီႉလိပ်ႉပူႉ ​ၼၼ်ႉ​လႄႈ ၶင်​ဝႆႉ​ၵႃႈ​ၼႂ်း​ထွင်ႇ​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ ယူဝ်းႁၢၼ်ႇ ​လၢတ်ႈ​တီႈ​ၶုၼ်​လူင်​ ႁေႇရူတ်ႈ ​လႄႈ​ဝႃႈ၊ ၸဝ်ႈ​ႁဝ်း​ဢမ်ႇ​လီ​သိမ်း​ဢဝ်​မႄႈ​ယိင်း​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ။-</verse>
				<verse number="5">ပိၵ်ႉ​သမ်ႉ​မၼ်း​ၸဝ်ႈ​မီး​ဢလူဝ်ႇ​ၶႂ်ႈ​ဢဝ်​ ယူဝ်းႁၢၼ်ႇ ​တၢႆ​သေ​ၵေႃႈ မၼ်း​ၸဝ်ႈ​ၵူဝ်​ၵူၼ်း​တင်း​သဵင်ႈ​တင်း​လူင်​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ ထၢင်ႇ​ ယူဝ်းႁၢၼ်ႇ ​ပဵၼ်​ၸိူဝ်ႉ​ၼင်ႇ​ပရေႃးၽႅတ်ႈ​ဢေႃႈ။</verse>
				<verse number="6">ၼႂ်း​မိူဝ်ႈ​ဢၼ်​ၶၢမ်ႇ​ပွႆး​ဢၸႅၼ်ႇ ဝၼ်း​ဢၼ်​ပဵၼ်​ဝၼ်း​ၶုၼ်​လူင်​ ႁေႇရူတ်ႈ ​ၵိူတ်ႇ​လဵင်ႉ​မႃး​ၼၼ်ႉ​ယူႇ​ၼၼ်ႉ​ၸိုင် လုၵ်ႈ​ယိင်း​ ႁေႇရူဝ်းတီႉ ၵႃႈ​ယူႇ​ၵႃႈ​ၼႂ်း​ၵၢင်​ပွႆး​လႄႈ ၶုၼ်​လူင်​ ႁေႇရူတ်ႈ ထုၵ်ႇ​ၸႂ်​ၵျိူၵ်ႈ​ၸႂ်​ၼႃႇ​ဢေႃႈ။-</verse>
				<verse number="7">ၵွပ်ႈ​ႁွႆး​ၼႆႉ​လႄႈ မၼ်း​ၸဝ်ႈ​ၵိၼ်ႇ​လၢတ်ႈ​လႄႈ​ဝႃႈ၊ ၵဝ်​တၵ်း​ပၼ်​ၵႃႈ​ဢၼ်​မႂ်း​ယွၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မႄႈ​ယိင်း​ဢွၼ်ႇ​ၵေႃႈ လဝ်ႊ​လၢတ်ႈ​ၸွမ်း​ၵႃႈ​ၼင်ႇ​ဢၼ် မႄႈ​မၼ်း​တိုၵ်း​ယူင်း​ၼၼ်ႉ​လႄႈ​ဝႃႈ၊ ဢဝ်​ႁူဝ်​ ယူဝ်းႁၢၼ်ႇ ဢၼ်​ပၼ်​ ပပ်ႉတီႉၸမ်ႇ ​ၼၼ်ႉ သႂ်ႇ​ၼႂ်း​လၢင်ႇ​ပၢၼ်း ​သေ​လႄႈ ပၼ်​တီႈ​ၵဝ်​ၶႃႈ​ၵႃႈ​တီႈ​ၼႆႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၶုၼ်​လူင်​ၼၼ်ႉ ပိၵ်ႉ​သမ်ႉ​ၸႂ်​လဵၵ်ႉ​ၼႃႇ​သေ​ၵေႃႈ ၵွပ်ႈ​ပိူဝ်ႈ​တၢင်း​ဢၼ်​မၼ်း​ၸဝ်ႈ လႆႈ​ၵိၼ်ႇ​လႆႈ​ဝႃႈ ဢိၵ်ႇ​တင်း​ၵွပ်ႈ​ပိူဝ်ႈ​ၶဝ်​ၸိူဝ်း​ဢၼ် ဢိင်​ယူႇ​ၵႃႈ​တီႈ​ႁိမ်း​တီႈ​ၵိၼ်​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​လႄႈ မီး​ဢမိင်ႉ​ႁႂ်ႈ​ပၼ်​လႄႈ​-</verse>
				<verse number="10">ပွႆႇ​ၸႂ်ႉ​ၵႂႃႇ​တႅပ်း​ဢဝ်​ႁူဝ်​ ယူဝ်းႁၢၼ်ႇ ၵႃႈ​ၼႂ်း​ထွင်ႇ​ဢေႃႈ။-</verse>
				<verse number="11">ၶဝ်​ဢဝ်​ႁူဝ်​မၼ်း​သႂ်ႇ ၵႃႈ​ၼႂ်း​လၢင်ႇ​ပၢၼ်း​မႃး​လႄႈ ပၼ်​တီႈ​မႄႈ​ယိင်း​ဢွၼ်ႇ​ယဝ်ႉ​ၸင်ႇ မၼ်း​ၵေႃႈ​ဢဝ်​ၵႂႃႇ​ၸူး​ၵႃႈ​တီႈ​မႄႈ​မၼ်း​ဢေႃႈ။-</verse>
				<verse number="12">တပႄး​ ယူဝ်းႁၢၼ်ႇ ​တင်း​လၢႆ​ၵေႃႈ မႃး​ဢဝ်​တူဝ်​တၢႆ​မၼ်း​လႄႈ သၢင်း​ၵျူဝ်ႇ​ယဝ်ႉ​ၸင်ႇ ၵႂႃႇ​လဝ်ႊ​လၢတ်ႈ​တီႈ​ ယေႇသူႉ ​ဢေႃႈ။</verse>
				<verse number="13">ယေႇသူႉ ​ႁူႉ​ငိၼ်း​သေ​ယဝ်ႉ ဢွၵ်ႇ​သေ​ၵႃႈ​တီႈ​ၼၼ်ႈ​လႄႈ ၶီႇ​ႁိူဝ်း​ၵႂႃႇ​ၵႃႈ​တီႈ​ၼႂ်း​ထိူၼ်ႇ တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​ဢေႃႈ။ မိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​ငိၼ်း​ၸိုင် ၶဝ်​ဢွၵ်ႇ​သေ​ၵႃႈ​တီႈ​ၼႂ်း​ဝဵင်း​ၸိူဝ်း​ၼၼ်ႉ​လႄႈ ပႆ​တိၼ်​ၸွမ်း​မၼ်း​ၸဝ်ႈ​ၵႂႃႇ​ဢေႃႈ။</verse>
				<verse number="14">မၼ်း​ၸဝ်ႈ​ဢွၵ်ႇ​ၵႂႃႇ​လႄႈ ထူပ်း​ႁၼ်​ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ၸိူဝ်း​ၼၼ်ႉ​သေ​ယဝ်ႉ၊ မီး​ၸႂ်​ဢၼ်​ဢဵတ်း​လူ​ၶဝ်​လႄႈ ႁႂ်ႈ​ၵူၼ်း​ၶႆႈ​ၵူၼ်း​ပဵၼ် ၵႃႈ​မီး​တင်း​သဵင်ႈ​တင်း​လူင်​ၶႅၼ်း​မႃး​ဢေႃႈ။</verse>
				<verse number="15">မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ႁူဝ်​ၶမ်ႈ​ၸိုင် တပႄး​ၸဝ်ႈ​တင်း​လၢႆ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​လႄႈ လဝ်ႊ​လၢတ်ႈ​ဝႃႈ၊ ၵႃႈ​တီႈ​ၼႆႈ​ပဵၼ်​တီႈ​ထိူၼ်ႇ​ၶႃႈ​ဢေႃႈ။ ၶိင်ႇ​ၵေႃႈ​သဵင်ႈ​တေႃႈ​လဵဝ်​ၶႃႈ​ယဝ်ႉ။ ၼင်ႇ​ႁိုဝ်​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼႆႉ တၵ်း​လႆႈ​ၵႂႃႇ​ၵႃႈ​တီႈ​ဝၢၼ်ႈ​တင်း​လၢႆ​လႄႈ သိုဝ်ႉ​ဢဝ်​တၢင်း​ၵိၼ်​ၸိုင်၊ ၸဝ်ႈ​ႁဝ်း​ပွႆႇ​ၵႂႃႇ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ လွင်ႈ​ဢၼ်​တၵ်း​လႆႈ​ၵႂႃႇ​ဢမ်ႇ​မီး။ သူ​ပၼ်​ပုၼ်ႈ​ဢၼ်​ၶဝ်​တၵ်း​ၵိၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၶဝ်​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ တီႈ​ႁဝ်း​ၶႃႈ​ၵႃႈ​တီႈ​ၼႆႈ၊ လိူဝ်​သေ​ၶဝ်ႈ​မုၼ်း​ႁႃႈ​ႁူၺ်ႇ တင်း​ပႃ​သွင်​တူဝ်​ၵူၺ်း ဢမ်ႇ​မီး​ၵႃႈ​သင်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ဢဝ်​ၸိူဝ်း​ၼၼ်ႉ​မႃး​ၵႃႈ​တီႈ​ၼႆႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မိူဝ်ႈ​ၼၼ်ႉ မၼ်း​ၸဝ်ႈ​ပၼ်​ဢမိင်ႉ​ႁႂ်ႈ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ ဢိင်​ယူႇ​ၵႃႈ​ၼိူဝ်​ယိူဝ်ႈ​ယႃႈ​သေ​ယဝ်ႉ ဢဝ်​ၶဝ်ႈ​မုၼ်း​ႁႃႈ​ႁူၺ်ႇ တင်း​ပႃ​သွင်​တူဝ်​ၼၼ်ႉ ႁႅၼ်​တူၺ်း​ၵႃႈ​ၼိူဝ်​ၵၢင်​ႁၢဝ်​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ ဝိတ်း​ၶဝ်ႈ​မုၼ်း​လႄႈ ပၼ်​တီႈ​တပႄး​ၸဝ်ႈ​တင်း​လၢႆ​ဢေႃႈ။ တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ ပၼ်​တီႈ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ဢေႃႈ။-</verse>
				<verse number="20">ၵူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၵိၼ်​လႄႈ​ဢိမ်ႇ​ယဝ်ႉ​ၸင်ႇ ၵဵပ်း​သိမ်း​ဢဝ် ဢၼ်​ၵိုတ်း​ဢၼ်​ႁၵ်း​ဢၼ်​ႁဵၵ်း​မၼ်း​လႄႈ လႆႈ​တဵမ်​သိပ်း​သွင်​ပဵတ်ႈ​ဢေႃႈ။-</verse>
				<verse number="21">ၵူၼ်း​ဢၼ်​ၵိၼ်​ၸိူဝ်း​ၼၼ်ႉ​ၸမ်ႉ၊ မႄႈ​ယိင်း​တင်း​လုၵ်ႈ​ဢွၼ်ႇ​ဢမ်ႇ​ဝႃႈ၊ ၵူၼ်း​ၸၢႆး​မီး​သေ ႁႃႈ​ႁဵင်​ၼိုင်ႈ​ၸမ်​ၸမ်​ဢေႃႈ။</verse>
				<verse number="22">မၼ်း​ၸဝ်ႈ​ၼၼ်ႉ၊ ၼႂ်း​မိူဝ်ႈ​ဢၼ်​ပွႆႇ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊ တိုၵ်း​ယူင်း​တပႄး​ၸဝ်ႈ​တင်း​လၢႆ ႁႂ်ႈ​ၶီႇ​ႁိူဝ်း​ၵႂႃႇ​ၵႃႈ​တီႈ​ၽင်ႇ​ၼမ်ႉ​ၽၢႆႇ​ပုၼ်ႉ​ဢွၼ်​တၢင်း​မၼ်း​ၸဝ်ႈ​ၵမ်း​လဵဝ်​ဢေႃႈ၊-</verse>
				<verse number="23">မၼ်း​ၸဝ်ႈ​ပွႆႇ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ယဝ်ႉ​ၸင်ႇ ၶိုၼ်ႈ​ၵႂႃႇ​ၵႃႈ​ၼိူဝ်​လွႆ တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ ႁႂ်ႈ​လႆႈ​သူး​တွင်း​ႁဵတ်း​ပထၼႃႇ​လႄႈ မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ၵၢင်​ၶိုၼ်း​ၸိုင် မီး​ယူႇ​ပႃး​လဵဝ်​ၵူၺ်း​မၼ်း​ၸဝ်ႈ​ဢေႃႈ။-</verse>
				<verse number="24">ႁိူဝ်း​ၼၼ်ႉ​ၸမ်ႉ မီး​ယူႇ​ၵႃႈ​ၼႂ်း​ၵၢင်​ၼွင်​လႄႈ ၵွပ်ႈ​ပိူဝ်ႈ​ဢၼ် လူမ်း​ဢမ်ႇ​ထုၵ်ႇ​ၼၼ်ႉ လႆႈ​ၶၢမ်ႇ​တၢင်း​ဢၼ်​လႅင်း​ၼမ်ႉ​ပိူပ်ႈ​ၼမ်ႉ ၶွၼ်း​ၶႅၼ်း​လွၵ်း​လႅၵ်း​ၼႃႇ​လူင်​လၢင်​ဢေႃႈ။-</verse>
				<verse number="25">ၵၢင်​ၶိုၼ်း​ၶိင်ႇ​ဢၼ်​ႁႆႇ​သၢမ်​မွင်း​လိူဝ်​ၼၼ်ႉ မၼ်း​ၸဝ်ႈ​ပႆ​ၵႃႈ​ၼိူဝ်​ၼမ်ႉ​ၼွင် ၵႂႃႇ​ၵႃႈ​တီႈ​ဢၼ်​တပႄး​ၸဝ်ႈ​တင်း​လၢႆ​မီး​ၼၼ်ႉ​ဢေႃႈ။-</verse>
				<verse number="26">မိူဝ်ႈ​ဢၼ်​တပႄး​ၸဝ်ႈ​တင်း​လၢႆ​ႁၼ်​မၼ်း​ၸဝ်ႈ ပႆ​ၵႃႈ​ၼိူဝ်​ၼမ်ႉ​ၼွင်​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ၶဝ်​တူၵ်း​ၸႂ်​လႄႈ​ဝႃႈ ပဵၼ်​ၽဵတ်ႇ​၊ ဝႃႈ​ၼင်ႇ​ၼႆ​လႄႈ မီး​တင်း​ၸႂ်​ဢၼ်​ၵူဝ်​ၼႃႇ​ႁွင်ႉ​သႅၼ်ႇ​ဢေႃႈ။-</verse>
				<verse number="27">ယေႇသူႉ ​တၵ်ႉ​လၢတ်ႈ​ၶဝ် ၵမ်း​လဵဝ်​လႄႈ​ဝႃႈ၊ ႁႂ်ႈ​မီး​ၸႂ်​ဢၼ်​မၼ်ႈ​ၶိူင်ႇ​တႃႉ။ ပဵၼ်​ၵဝ်​လႆ။ ယႃႇ​ပေ​ၵူဝ်​ပေ​ႁႄ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ပေႇတရူႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ပေႃး​ပဵၼ်​ၸဝ်ႈ​ႁဝ်း​ၸိုင်၊ ၸဝ်ႈ​ႁဝ်း​မီး​ဢမိင်ႉ​ႁႂ်ႈ​ၵဝ်​ၶႃႈ​လႆႈ​ပႆ​ၵႃႈ​ၼိူဝ်​ၼမ်ႉ ၵႂႃႇ​ၸူး​ၵႃႈ​တီႈ​ၸဝ်ႈ​ႁဝ်း​ၼၼ်ႉ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ မႃး​တႃႉ​၊ ဝႃႈ​ၼင်ႇ​ၼႆ​ဢေႃႈ။ ပေႇတရူႉ ​လူင်း​သေ​ၵႃႈ​ၼိူဝ်​ႁိူဝ်း​လႄႈ ပႆ​ၵႃႈ​ၼိူဝ်​ၼမ်ႉ​ၵႂႃႇ ႁႂ်ႈ​လႆႈ​ႁွတ်ႈ​ထိုင်​ၵႃႈ​တီႈ​ ယေႇသူႉ ​ဢေႃႈ။-</verse>
				<verse number="30">မၼ်း​ၼၼ်ႉ မိူဝ်ႈ​ဢၼ်​ႁၼ်​လူမ်း​ႁႅင်း​ယႂ်ႇ​ၼႃႇ​လူင်​လၢင်​ၼၼ်ႉ​ၸိုင်၊ ၵူဝ်​လႄႈ​ၸႃႉ​ငႃ​တၵ်း​ၸူမ်​ၶဝ်ႈ​ၵႃႈ​ၼႂ်း​ၼမ်ႉ​သေ​ယဝ်ႉ၊ ႁွင်ႉ​သႅၼ်ႇ​လႄႈ​ဝႃႈ၊ ၶႅၼ်း​တေႃႈ​ၵႄႇ​သႄႇ​ဢဝ်​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ယေႇသူႉ ​ယိုၼ်ႈ​မိုဝ်း​ၵမ်း​လဵဝ်​လႄႈ ယိပ်း​ၵမ်​ဢဝ်​မၼ်း​ယဝ်ႉ​ၸင်ႇ၊ ထၢမ်​လႄႈ​ဝႃႈ၊ ၵေႃႉ​ဢၼ်​ယုမ်ႇ​မၢတ်ႈ​ၵေႇ​ၼႆႉ​ဢိူၺ်း၊ ႁဵတ်း​သင်​လႄႈ​ယုမ်ႇ​ၶိုင်ႈ​ၼိုင်ႈ ဢမ်ႇ​ယုမ်ႇ​ၶိုင်ႈ​ၼိုင်ႈ​ယူႇ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​ၼိူဝ်​ႁိူဝ်း​ၸိုင်၊ လူမ်း​ၼၼ်ႉ​ယဵၼ်​ၵႂႃႇ​ဢေႃႈ။-</verse>
				<verse number="33">ၶဝ်​ၸိူဝ်း​ဢၼ် မီး​ယူႇ​ၵႃႈ​ၼႂ်း​ႁိူဝ်း​ၼၼ်ႉ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ ၶုပ်ႉ​မူပ်ႇ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၼႆႉ ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢမၢၼ်ႇ​ၶၼ်​ပဵၼ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="34">ၶဝ်​ၼၼ်ႉ ၶၢမ်ႈ​ၵႂႃႇ​ၵႃႈ​တီႈ​ၽင်ႇ​ၼမ်ႉ​ၽၢႆႇ​ပုၼ်ႉ​သေ​ယဝ်ႉ ႁွတ်ႈ​ထိုင်​ၵႃႈ​တီႈ​မိူင်း ၵိၼ်ႇၼီႇသရႅတ်ႉ ​ဢေႃႈ။-</verse>
				<verse number="35">ၵူၼ်း​ဢၼ်​ယူႇ​ၵႃႈ​တီႈ​ၼၼ်ႈ​တင်း​လၢႆ မိူဝ်ႈ​ဢၼ်​ႁူႉ​ပဵၼ်​မၼ်း​ၸဝ်ႈ​ၸိုင်၊ ပွႆႇ​ၸႂ်ႉ​ၵူၼ်း​ၵႂႃႇ​ၵႃႈ​တီႈ​ႁိမ်း​ႁွမ်း​ၸိူဝ်း​ၼၼ်ႉ ၵူႈ​တီႈ​ၵူႈ​လႅၼ် ဢဝ်​ၵူၼ်း​ၶႆႈ​ၵူၼ်း​ပဵၼ်​ၵႃႈ​မီး​တင်း​သဵင်ႈ​တင်း​လူင် မႃး​တီႈ​မၼ်း​ၸဝ်ႈ​လႄႈ၊-</verse>
				<verse number="36">ဢွၼ်​ၵၼ်​ယွၼ်း​ဢၶႂၢင်ႉ ႁႂ်ႈ​ၶဝ်​လႆႈ​တိူဝ်ႉ​လႆႈ​ယိပ်း​ပူႈၶူဝ်း မၼ်း​ၸဝ်ႈ​ၵူၺ်း​ဢေႃႈ။ ၵူၼ်း​ဢၼ်​လႆႈ​တိူဝ်ႉ​လႆႈ​ယိပ်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၵေႃႈ လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။</verse>
			</chapter>
			<chapter number="15">
				<verse number="1">မိူဝ်ႈ​ၼၼ်ႉ ၽႃႇရီႉသႄး ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ လုၵ်ႉ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ​မႃး​တီႈ​ ယေႇသူႉ ​လႄႈ၊-</verse>
				<verse number="2">လဝ်ႊ​လၢတ်ႈ​လႄႈ​ဝႃႈ၊ ႁဵတ်း​သင်​လႄႈ တပႄး​ၸဝ်ႈ​ႁဝ်း​တင်း​လၢႆ ပူၼ်ႉ​လိူဝ်​ၼႄး​ဢူႉပတေႇ ဢၼ်​သိုပ်ႇ​လူင်း​မႃး​ၵႃႈ​တီႈ​ၵူၼ်း မိူဝ်ႈ​ၵွၼ်ႇ​တင်း​လၢႆ​ၼၼ်ႉ​ၼင်ႇ​ႁိုဝ်။ ၶဝ်​ၼၼ်ႉ​မိူဝ်ႈ​ဢၼ်​ၵိၼ်​တၢင်း​ၵိၼ်​ၸိုင် ဢမ်ႇ​သုၵ်ႈ​မိုဝ်း​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="3">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ႁဵတ်း​သင်​လႄႈ သူ​ပူၼ်ႉ​လိူဝ်​ပိင်း​ၺၢပ်ႈ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ၼႄး​ဢူႉပတေႇ​မိူဝ်ႈ​ၵွၼ်ႇ​ဢၼ်​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ၼင်ႇ​ႁိုဝ်။-</verse>
				<verse number="4">ၽြႃး​ပဵၼ်​ၸဝ်ႈ​ပိင်း​ၺၢပ်ႈ​လႄႈ​ဝႃႈ​ဝႆႉ​ၸမ်ႉ၊ ႁဵတ်း​ရူဝ်ႇ​သေႇ​ၵူဝ်​ယမ်​ပေႃႈ​မႄႈ​မႂ်း​တႃႉ။ ႁႂ်ႈ​ၵေႃႉ​ဢၼ်​ၵိၼ်ႇ​လႃႇ​ပေႃႈ​မႄႈ​မၼ်း​ၼၼ်ႉ ၶၢမ်ႇ​တၢင်း​ဢၼ်​ဢဝ်​တၢႆ​တႃႉ ဝႃႈ​ၼႆ၊ မီး​မႃး​ၼင်ႇ​ၼႆ​ဢေႃႈ။-</verse>
				<verse number="5">ဢၼ်​သူ​ဝႃႈ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​လၢတ်ႈ​တီႈ​ပေႃႈ​မႄႈ​မၼ်း​လႄႈ​ဝႃႈ၊ ႁႂ်ႈ​ဢုၵ်ႉ​ၸႃႇ​ၵဝ်​ၵႃႈ​ဢၼ်​သူ​ဢဝ်​သုင်း​ဢဝ်​သွင်ႇ​လႆႈ​ၼၼ်ႉ​ပဵၼ်​တႃႇ​ၼႃႉ​တၢင်း​လူႇ​တႃႉ၊ ဝႃႈ​ၼင်ႇ​ၼႆ​ၼၼ်ႉ၊ ၵေႃႉ​ၼၼ်ႉ ဢမ်ႇ​လႆႈ​ႁဵတ်း​ရူဝ်ႇ​သေႇ​ၵူဝ်​ယမ်​ပေႃႈ​မႄႈ​မၼ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">သူ​ပႄႇ​ပႅတ်ႈ​ပိင်း​ၺၢပ်ႈ​ၽြႃး​ပဵၼ်​ၸဝ်ႈ​ၵွပ်ႈ​ပိူဝ်ႈ​ၼႄး​ဢူႉပတေႇ မိူဝ်ႈ​ၵွၼ်ႇ​ဢၼ်​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ဢေႃႈ။</verse>
				<verse number="7">သူ​ၸိူဝ်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​တင်း​လၢႆ​ၼႆႉ​ဢိူၺ်း၊ ဢၼ်​ ဢီႉသႃႇယႃႉ ​ႁေႃး​လၢတ်ႈ​လွင်ႈ​သူ​လီ​လီ​ငၢမ်း​ငၢမ်း​ဝႆႉ​လႄႈ​ဝႃႈ​ၸမ်ႉ၊-</verse>
				<verse number="8">ၵူၼ်း​မဵဝ်း​ၼႆႉ ဢဝ်​တင်း​သူပ်း​ရူဝ်ႇ​သေႇ​ၵူဝ်​ယမ်​ၵဝ်​ဢေႃႈ။ ၵူၺ်း​ၵႃႈ ႁူဝ်​ၸႂ်​ၶဝ်​ၵႆ​ၵၼ်​တင်း​ၵဝ်​ဢေႃႈ။-</verse>
				<verse number="9">ၶဝ်​ဢဝ်​ၼႄး​ဢူႉပတေႇ​ဢၼ်​ၵူၼ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ သင်ႇ​သွၼ်​သုင်း​မႃႉ​ပၼ်​ၸိူဝ်ႉ​ၼင်ႇ​ပိင်း​ၺၢပ်ႈ​တေႇသၼႃႇ​ၸဝ်ႈ​သေ​လႄႈ ၵူဝ်း​ၵႂၢႆႇ​ၵဝ်​လၢႆ​လၢႆ​လွၵ်ႇ​လွၵ်ႇ​ၵူၺ်း ဝႃႈ​ၼႆ၊ မီး​မႃး​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">မိူဝ်ႈ​ၼၼ်ႉ​မၼ်း​ၸဝ်ႈ​ႁွင်ႉ​ဢဝ်​ၵူၼ်း​ဢၼ်​ၸူႉ​ဢၼ်​တုမ် မႃး​တီႈ​မၼ်း​ၸဝ်ႈ​သေ​လႄႈ​လၢတ်ႈ​လႄႈ​ဝႃႈ၊ သူ​ထွမ်ႇ​ငိၼ်း​လႄႈ​ႁူႉ​တႃႉ။-</verse>
				<verse number="11">ဢၼ်​ၶဝ်ႈ​ၵႃႈ​ၼႂ်း​သူပ်း​ၼၼ်ႉ ႁႂ်ႈ​ၵူၼ်း​ၵူဝ်ႈ​ၵိူၵ်ႇ​ဢမ်ႇ​ၸႂ်ႈ။ ဢၼ်​ဢွၵ်ႇ​ၵႃႈ​ၼႂ်း​သူပ်း​ၼၼ်ႉ​ၸိုင် ပဵၼ်​ဢၼ်​ႁႂ်ႈ​ၵူၼ်း​ၵူဝ်ႈ​ၵိူၵ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မိူဝ်ႈ​ၼၼ်ႉ တပႄး​ၸဝ်ႈ​တင်း​လၢႆ သုတ်ႉ​ၸပ်း​သုတ်ႉ​ၸူး​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ လွင်ႈ​ဢၼ်​ ၽႃႇရီႉသႄး ​တင်း​လၢႆ ၸႂ်​လူႉ​ၼႂ်း​မိူဝ်ႈ​ဢၼ်​ငိၼ်း​ၵႂၢမ်း​ဢၼ်​ၸဝ်ႈ​ႁဝ်း​လၢတ်ႈ​ၼၼ်ႉ​ၸိုင်၊ ၸဝ်ႈ​ႁဝ်း​ႁူႉ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မၼ်း​ၸဝ်ႈ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ တူၼ်ႈ​ဢၼ်​ပေႃႈ​ၵဝ်​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ ဢမ်ႇ​ၽုၵ်ႇ​ဢမ်ႇ​သွမ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင်၊ တၵ်း​လႆႈ​ၶၢမ်ႇ​တၢင်း​ဢၼ်​ထူၺ်ႈ​ပႅတ်ႈ​ဢေႃႈ။-</verse>
				<verse number="14">ယႃႇ​ၶဝ်​တႃႉ။ ၶဝ်​ပဵၼ်​ၵူၼ်း​တႃ​မွတ်ႇ​ဢၼ်​ၼႄ​တၢင်း​တီႈ​ၵူၼ်း​တႃ​မွတ်ႇ​ဢေႃႈ။ ပေႃး​ၵူၼ်း​တႃ​မွတ်ႇ​ၼႄ​တၢင်း​တီႈ​ၵူၼ်း​တႃ​မွတ်ႇ​ၸိုင်၊ တင်း​သွင်​ၵေႃႉ တၵ်း​တူၵ်း​ၵႃႈ​ၼႂ်း​လုၵ်း​ၼႂ်း​ၶုမ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ပေႇတရူႉ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၽုၺ်ႇ​ဢူႉပမႃႇ​ၼၼ်ႉ​ၼႄ​ပၼ်​တီႈ​ႁဝ်း​ၶႃႈ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ သူ​ယင်း​ဢမ်ႇ​ပႆႇ​မီး​ပိင်ႇ​ၺႃႇ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​လူး​ၵွၼ်ႇ​ႁိုဝ်။-</verse>
				<verse number="17">လွင်ႈ​ဢၼ်​ၵႃႈ​ဢၼ်​ၶဝ်ႈ​ၵႃႈ​ၼႂ်း​သူပ်း​ၼၼ်ႉ လူင်း​ၵႂႃႇ​ၵႃႈ​ၼႂ်း​တွင်ႉ​လႄႈ ပႅတ်ႈ​ၵႃႈ​ၼႂ်း​ထၢင်​ယေႇ​ဢဵင်ႇ ​ၼၼ်ႉ​ၸိုင်၊ သူ​ဢမ်ႇ​ပႆႇ​ႁူႉ​လူး​ၵွၼ်ႇ​ႁိုဝ်။-</verse>
				<verse number="18">ဢၼ်​ဢွၵ်ႇ​ၵႃႈ​ၼႂ်း​သူပ်း​ၸမ်ႉ၊ ဢွၵ်ႇ​သေ​ၵႃႈ​ၼႂ်း​ႁူဝ်​ၸႂ်​မႃး​လႄႈ ပဵၼ်​ဢၼ်​ႁႂ်ႈ​ၵူၼ်း​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="19">လွင်ႈ​မၼ်း​ၸမ်ႉ တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​လႂ်၊ တၢင်း​ဢၼ်​ဢဝ်​ဢသၢၵ်ႈ​ၵူၼ်း​တၢႆ​လႂ်၊ တၢင်း​ဢၼ်​ၵူတ်ႉ​မေး​ပိူၼ်ႈ​လႂ်၊ တၢင်း​ဢၼ်​ၽိတ်း​ပိူင်ႈ​မႄႈ​ယိင်း​ဢၼ်​လွတ်ႈ​ဢၼ်​လႅဝ်း​လႂ်၊ တၢင်း​ဢၼ်​လၵ်ႉ​ဢုၵ်ႉ​ၸႃႇ​ၶူဝ်း​လဵင်း​ပိူၼ်ႈ​လႂ်၊ တၢင်း​ဢၼ်​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​လႂ်၊ တၢင်း​ဢၼ်​သႄႉ​သွမ်း​ၽြႃး​ပဵၼ်​ၸဝ်ႈ​လႂ် ၸိူဝ်း​ၼၼ်ႉ ဢွၵ်ႇ​ၵႃႈ​ၼႂ်း​ႁူဝ်​ၸႂ်​မႃး​လႄႈ၊-</verse>
				<verse number="20">ပဵၼ်​ဢၼ်​ႁႂ်ႈ​ၵူၼ်း​ၵူဝ်ႈ​ၵိူၵ်ႇ​ဢေႃႈ။ ၵူၺ်း​ၵႃႈ​လွင်ႈ​ဢၼ်​ဢမ်ႇ​သုၵ်ႈ​မိုဝ်း​လႄႈ​ၵိၼ်​တၢင်း​ၵိၼ်​ၼၼ်ႉ​ၸမ်ႉ၊ ႁႂ်ႈ​ၵူၼ်း​ၵူဝ်ႈ​ၵိူၵ်ႇ​ဢမ်ႇ​ၸႂ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">ယေႇသူႉ ​ဢွၵ်ႇ​သေ​ၵႃႈ​တီႈ​ၼၼ်ႈ​လႄႈ ၵႂႃႇ​ၸူး​ၵႃႈ​တီႈ​ဝၢၼ်ႈ​ၼွၵ်ႈ​ၼႃး​ပၢင်ႇ ဝဵင်း​ တူႉရူႉ ​တင်း​ဝဵင်း​ ၸီႉတုမ်ႇ ပုၼ်ႉ​သေ​ယဝ်ႉ၊-</verse>
				<verse number="22">မႄႈ​ယိင်း​ၵေႃႉ​ၼိုင်ႈ ဢၼ်​ပဵၼ်​ၸိူဝ်ႉ​ၶိူဝ်း​ၵူၼ်း​ ၶႃႇၼၢၼ်ႇ ​ၼၼ်ႉ ဢွၵ်ႇ​သေ​ၵႃႈ​ၼႂ်း​လႅၼ်​လိၼ်​ၼၼ်ႉ​မႃး​လႄႈ ႁွင်ႉ​သႅၼ်ႇ​လႄႈ​ဝႃႈ၊ ၸဝ်ႈ​ႁဝ်း၊ လုၵ်ႈ​ တႃႇဝိတ်ႈ ​တီႈ​ၶႃႈ၊ ဢဵတ်း​လူ​ၵဝ်​ၶႃႈ​သေ​ၵမ်း​ၶႃႈ။ လုၵ်ႈ​ယိင်း​ၵဝ်​ၶႃႈ လႆႈ​ၶၢမ်ႇ​တၢင်း​ဢၼ်​ၽီ​ႁၢႆႉ​ၶဝ်ႈ​ၼၼ်ႉ​ၼႃႇ​လူင်​လၢင်​ၶႃႈ​ဢေႃႈ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="23">မၼ်း​ၸဝ်ႈ​ဢမ်ႇ​ၶိုၼ်း​လၢတ်ႈ​ၵႂၢမ်း​သေ​ၶေႃႈ​သေ​ၵမ်း။ တပႄး​ၸဝ်ႈ​တင်း​လၢႆ​သုတ်ႉ​ၸပ်း​သုတ်ႉ​ၸူး တီႈ​မၼ်း​ၸဝ်ႈ​သေ​လႄႈ တွင်း​ပၢၼ်ႇ​လဝ်ႊ​လၢတ်ႈ​လႄႈ​ဝႃႈ၊ ႁႂ်ႈ​မႄႈ​ယိင်း​ၼၼ်ႉ ၶိုၼ်း​မိူဝ်း​ၵႂႃႇ​သေ​ၵမ်း​ၶႃႈ။ မၼ်း​ႁွင်ႉ​သႅၼ်ႇ​လႄႈ​ၸွမ်း​ပႃႈ​လင်​ႁဝ်း​ၶႃႈ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ လိူဝ်​သေ​ၵႃႈ​တီႈ​သူဝ်း​ဢၼ်​ႁၢႆ​ၵႂႃႇ ဢၼ်​ဝႃႈ​ၸိူဝ်ႉ​ၶိူဝ်း​ ဢီႉသရေႇလႃႉ ​ၼၼ်ႉ၊ ၵဝ်​ဢမ်ႇ​ၶၢမ်ႇ​တၢင်း​ဢၼ်​ပွႆႇ​ၸႂ်ႉ​မႃး​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မႄႈ​ယိင်း​ၼၼ်ႉ​ၵေႃႈ သုတ်ႉ​ၸပ်း​သုတ်ႉ​ၸူး​လႄႈ ၶုပ်ႉ​မူပ်ႇ​သေ​ယဝ်ႉ၊ လဝ်ႊ​လၢတ်ႈ​လႄႈ​ဝႃႈ၊ ၸွႆႈ​ထႅမ်​မႃႉ​ၸႃႉ​ၵဝ်​ၶႃႈ​သေ​ၵမ်း​ၶႃႈ၊-</verse>
				<verse number="26">မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​လီ​ဢဝ်​တၢင်း​ၵိၼ်​လုၵ်ႈ​လၢင်း​ၶျႃး​ပၼ်​တီႈ​မႃ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မႄႈ​ယိင်း​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ​ၸဝ်ႈ။ မႃ​ဢၼ်​ဝႃႈ​ၸမ်ႉ၊ ၸၢင်ႈ​ၵိၼ်​ဢၼ်​ယွႆႈ​ဢၼ်​ယႅမ်း ဢၼ်​တူၵ်း​ၵႃႈ​တီႈ​ၶူင်ႇ​တီႈ​ၵိၼ် ၸဝ်ႈ​ၶဝ်​ၼၼ်ႉ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="28">ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ မႄႈ​ယိင်း​ဢိူၺ်း၊ တၢင်း​ယုမ်ႇ​မၢတ်ႈ​မႂ်း​ယႂ်ႇ​ၼႃႇ​ယဝ်ႉ။ ၵႃႈ​ၼင်ႇ​ဢၼ်​မႂ်း​မီး​ဢလူဝ်ႇ​ၼၼ်ႉ ႁႂ်ႈ​ပဵၼ်​တီႈ​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။ ၸႃႉ​ၸဵမ်​ၶိင်ႇ​ၼႃႇရီႇ​ၼၼ်ႉ​လႄႈ လုၵ်ႈ​ယိင်း​မႄႈ​ယိင်း​ၼၼ်ႉ ၶႅၼ်း​မႃး​ဢေႃႈ။</verse>
				<verse number="29">ယေႇသူႉ ​ၸင်ႇ​လုၵ်ႉ​သေ​ၵႃႈ​တီႈ​ၼၼ်ႈ​ၵႂႃႇ​လႄႈ ႁွတ်ႈ​ထိုင်​ၵႃႈ​ႁိမ်း​ၼွင်​ ၵႃႇလီႉလႄး ​ပုၼ်ႉ​သေ​ယဝ်ႉ၊ ၶိုၼ်ႈ​ၵႃႈ​ၼိူဝ်​လွႆ​လႄႈ ၼင်ႈ​ယူႇ​ဢေႃႈ။-</verse>
				<verse number="30">ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ မႃး​ၵႃႈ​တီႈ​မၼ်း​ၸဝ်ႈ​လႄႈ ဢဝ်​ၶဝ်​ၸိူဝ်း​ဢၼ်​တိၼ်​ဢမ်ႇ​လီ​လႂ်၊ ၶဝ်​ၸိူဝ်း​ဢၼ်​တႃ​မွတ်ႇ​လႂ်၊ ၶဝ်​ၸိူဝ်း​ဢၼ်​ဢႃႉ​လႂ်၊ ၶဝ်​ၸိူဝ်း​ဢၼ်​ဢၢင်ႇ​ၵႃႇ​လူႉ​လႂ်၊ ဢိၵ်ႇ​တင်း​တၢင်ႇ​ၵေႃႉ​တၢင်ႇ​ၵူၼ်း​တင်း​လၢႆ​မႃး​လႄႈ ၶျႃး​ဝႆႉ​ၵႃႈ​တီႈ​ႁိမ်း​တိၼ်​မၼ်း​ၸဝ်ႈ​ဢေႃႈ။ မၼ်း​ၸဝ်ႈ​ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ႁၢႆ​ဢေႃႈ။-</verse>
				<verse number="31">ပိူဝ်ႈ​ၼႆ​လႄႈ မိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ ႁၼ်​ၶဝ်​ၸိူဝ်း​ဢၼ် ဢႃႉ​လႆႈ​လၢတ်ႈ​ၵႂၢမ်း၊ ၶဝ်​ၸိူဝ်း​ဢၼ်​ဢၢင်ႇ​ၵႃႇ​လူႉ လႆႈ​လီ​မႃး၊ ၶဝ်​ၸိူဝ်း​ဢၼ်​တိၼ်​ဢမ်ႇ​လီ လႆႈ​ပႆ​တၢင်း​ၵႂႃႇ၊ ၶဝ်​ၸိူဝ်း​ဢၼ်​တႃ​မွတ်ႇ လႆႈ​ႁၼ်​မႃး​ၼၼ်ႉ​ၸိုင်၊ ၶဝ်​ဢၢမ်း​ၼႃႇ​လႄႈ ယွင်ႈ​ယေႃး​မုၼ်​ၽြႃး​ပဵၼ်​ၸဝ်ႈ ၸိူဝ်ႉ​ၶိူဝ်း​ ဢီႉသရေႇလႃႉ ​ဢေႃႈ။</verse>
				<verse number="32">မိူဝ်ႈ​ၼၼ်ႉ ယေႇသူႉ ​ႁွင်ႉ​ဢဝ် တပႄး​ၸဝ်ႈ​တင်း​လၢႆ​မႃး​လႄႈ​ဝႃႈ၊ ၵဝ်​ဢဵတ်း​လူ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼႆႉ​ဢေႃႈ။ ၶဝ်​မီး​ယူႇ​လူၺ်ႈ​ၵၼ်​တင်း​ၵဝ် လႆႈ​သၢမ်​ဝၼ်း​တဵမ်​တဵမ်​ယဝ်ႉ။ ၶဝ်​ဢမ်ႇ​မီး​တၢင်း​ၵိၼ်​ၵႃႈ​သင်​သေ​ဢိတ်း။ ပိူဝ်ႈ​ဢၼ်​ၵူဝ်​ၶဝ်​တၵ်း​ႁိူဝ်ႉ တၵ်း​ဢူၼ်ႈ​ၵႃႈ​တၢင်း​လႄႈ၊ ၸူဝ်ႈ​ဢၼ်​ၶဝ်​ဢမ်ႇ​ပႆႇ​ၵိၼ်​တၢင်း​ၵိၼ်​ၼၼ်ႉ၊ ၵဝ်​ဢမ်ႇ​မီး​ဢလူဝ်ႇ​ၶႂ်ႈ​ပွႆႇ​ၶဝ်​ၵႂႃႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="33">တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၵႃႈ​တီႈ​ၼႂ်း​ထိူၼ်ႇ​ႁဝ်း​ၶႃႈ​တၵ်း​လႆႈ​တၢင်း​ၵိၼ်​ဢၼ် တၵ်း​ႁႂ်ႈ​ၵူၼ်း​ၼမ်​ၼႃႇ​ထၢၼ်ႇ​ၼႆႉ ပေႃး​ၵိၼ်​ဢိမ်ႇ​ၵိၼ်​တဵမ်​ၼၼ်ႉ​ၵႃႈ​တီႈ​လႂ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ယေႇသူႉ ​ၵေႃႈ​ထၢမ်​လႄႈ​ဝႃႈ၊ သူ​မီး​ၶဝ်ႈ​မုၼ်း​လၢႆ​ႁူၺ်ႇ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ မီး​ၶဝ်ႈ​မုၼ်း​ၸဵတ်း​ႁူၺ်ႇ တင်း​ပႃ​ဢွၼ်ႇ​ဢိတ်း​ၼိုင်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">မိူဝ်ႈ​ၼၼ်ႉ မၼ်း​ၸဝ်ႈ​မီး​ဢမိင်ႉ ႁႂ်ႈ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ ဢိင်​ယူႇ​ၵႃႈ​ၼိူဝ်​လိၼ်​ဢေႃႈ။-</verse>
				<verse number="36">မၼ်း​ၸဝ်ႈ ဢဝ်​ၶဝ်ႈ​မုၼ်း​ၸဵတ်း​ႁူၺ်ႇ တင်း​ပႃ​ၼၼ်ႉ ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ဝိတ်း​ၶဝ်ႈ​မုၼ်း​လႄႈ ပၼ်​တီႈ​တပႄး​ၸဝ်ႈ​တင်း​လၢႆ​ဢေႃႈ။ တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ ပၼ်​တီႈ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ဢေႃႈ။-</verse>
				<verse number="37">ၵူၼ်း​တင်း​သဵင်ႈ​တင်း​လူင်​ၵိၼ်​လႄႈ ဢိမ်ႇ​ယဝ်ႉ​ၸင်ႇ၊ ၵဵပ်း​သိမ်း​ဢဝ်​ဢၼ်​ၵိုတ်း ဢၼ်​ႁၵ်း​ဢၼ်​ႁဵၵ်း​ၸိူဝ်း​ၼၼ်ႉ​လႄႈ လႆႈ​တဵမ်​ၸဵတ်း​ပဵတ်ႈ​ဢေႃႈ။-</verse>
				<verse number="38">ၵူၼ်း​ဢၼ်​ၵိၼ်​ၸိူဝ်း​ၼၼ်ႉ​ၸမ်ႉ၊ မႄႈ​ယိင်း​တင်း​လုၵ်ႈ​ဢွၼ်ႇ ဢမ်ႇ​ပႃး၊ ၵူၼ်း​ၸၢႆး​မီး​သီႇ​ႁဵင်​ဢေႃႈ။-</verse>
				<verse number="39">မၼ်း​ၸဝ်ႈ ပွႆႇ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ယဝ်ႉ​ၸင်ႇ၊ ၶီႇ​ႁိူဝ်း​လႄႈ​ၵႂႃႇ​ႁွတ်ႈ​ထိုင်​ၵႃႈ​တီႈ​ဝၢၼ်ႈ​ၼွၵ်ႈ​ၼႃး​ပၢင်ႇ​ မႃႇၵတလႃႉ ပုၼ်ႉ​ဢေႃႈ။</verse>
			</chapter>
			<chapter number="16">
				<verse number="1">မိူဝ်ႈ​ၼၼ်ႉ ၽႃႇရီႉသႄး ဢိၵ်ႇ​တင်း ၸတ်ႉတူႉၵႄး ​တင်း​လၢႆ သုတ်ႉ​ၸပ်း​သုတ်ႉ​ၸူး​ႁႂ်ႈ​လႆႈ​ၸၢမ်း​တူၺ်း​ယႃႉ​ယူၵ်ႉ​မၼ်း​ၸဝ်ႈ​လႄႈ၊ ယွၼ်း​ႁႂ်ႈ​မၼ်း​ၸဝ်ႈ​ၼႄ​ပျႃး ၼီႉမိၵ်ႈ​လၢၵ်ႈၶၼႃႇ​ၵႃႈ​ၼိူဝ်​ၽႃႉ​ၵၢင်​ႁၢဝ်​ဢေႃႈ။-</verse>
				<verse number="2">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သူ​ၸၢင်ႈ​လၢတ်ႈ​ၸၢင်ႈ​ဝႃႈ၊ ႁူဝ်​ၶမ်ႈ​ၸမ်ႉ ပိူဝ်ႈ​ဢၼ်​ၼႃႈ​ၽႃႉ​ၵၢင်​ႁၢဝ်​လႅင်​ၶွင်ႇ​ဝႆႉ​လႄႈ ၽူၼ်​တၵ်း​ပၢင်ႇ​လႅင်း​သႂ်​ဢေႃႈ။-</verse>
				<verse number="3">ၵၢင်​ၼႂ်​ၸမ်ႉ၊ ပိူဝ်ႈ​ဢၼ်​ၽႃႈ​ၽူၼ်​ဢုမ်ႈ ဢိၵ်ႇ​တင်း​ၼႃႈ​ၽႃႉ​ၵၢင်​ႁၢဝ်​လႅင်​ၵမ်​ဝႆႉ​လႄႈ၊ မိူဝ်ႈ​ၼႆႉ​ၽူၼ်​လူင်​လူမ်း​လူင်​တၵ်း​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၼႃႈ​ၽႃႉ​ၵၢင်​ႁၢဝ်​ၼၼ်ႉ​ၸိုင် သူ​ၸၢင်ႈ​ၶႆႈ​ၸႂ်​လႄႈ​ႁူႉ​ဢေႃႈ။ ၼီႉမိၵ်ႈ​လၢၵ်ႈၶၼႃႇ​ၵၢပ်ႈ​ၵႃႇလႃႉ​တင်း​လၢႆ​ၼႆႉ​ၸိုင်၊ သူ​ဢမ်ႇ​ၸၢင်ႈ​ၶႆႈ​ၸႂ်​လႄႈ​ႁူႉ​ႁိုဝ်။-</verse>
				<verse number="4">ၵူၼ်း​မဵဝ်း​ဢၼ်​ႁၢႆႉ​မိူၵ်ႈ​လႄႈ ၸၢင်ႈ​လဵၼ်ႈ​ၽူဝ်​ဢွၼ်ႇ​ၼႆႉ ယွၼ်း​ၼီႉမိၵ်ႈ​လၢၵ်ႈၶၼႃႇ​လႄႈ လိူဝ်​သေ​ၼီႉမိၵ်ႈ​လၢၵ်ႈၶၼႃႇ ယူဝ်းၼႃႉ ​ၼၼ်ႉ၊ ဢမ်ႇ​လႆႈ​ၼႄ​ပျႃး ၼီႉမိၵ်ႈ​လၢၵ်ႈၶၼႃႇ​ဢၼ်​လႂ်​တီႈ​ၶဝ်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​ဢွၵ်ႇ​သေ​ၵႃႈ​တီႈ​ဢၼ်​ၶဝ်​မီး​ၼၼ်ႉ​လႄႈ​ၵႂႃႇ​သေ​ဢေႃႈ။</verse>
				<verse number="5">မိူဝ်ႈ​ဢၼ်​တပႄး​ၸဝ်ႈ​တင်း​လၢႆ ၵႂႃႇ​ၵႃႈ​တီႈ​ၽင်ႇ​ၼမ်ႉ​ၽၢႆႇ​ပုၼ်ႉ​ၼၼ်ႉ​ၸိုင်၊ ၶဝ်​လိုမ်း​ပႃး​ဢဝ်​ၶဝ်ႈ​မုၼ်း​ၵႂႃႇ​ဢေႃႈ။-</verse>
				<verse number="6">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ႁဵတ်း​သတီႉ​လႄႈ​ဝႄႈ​ပႅတ်ႈ​ၸိူဝ်ႉ​ပႅင်ႈ​ ၽႃႇရီႉသႄး ဢိၵ်ႇ​တင်း​ ၸတ်ႉတူႉၵႄး ​တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၶဝ်​ၵေႃႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တွင်ႈ​ထၢမ်​လၢတ်ႈ​ၸႃ​ၵၼ်​လႄႈ​ဝႃႈ၊ ပိူဝ်ႈ​ဢၼ်​ႁဝ်း​ဢမ်ႇ​ပႃး​ၶဝ်ႈ​မုၼ်း​မႃး​လႄႈ မၼ်း​ၸဝ်ႈ​ၸင်ႇ​ဝႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ယေႇသူႉ ​ႁူႉ​သေ​ယဝ်ႉ လၢတ်ႈ​လႄႈ​ဝႃႈ၊ သူ​ၸိူဝ်း​ဢၼ်​ယုမ်ႇ​မၢတ်ႈ​ၵေႇ​တင်း​လၢႆ​ၼႆႉ​ဢိူၺ်း၊ ႁဵတ်း​သင်​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တွင်ႈ​ထၢမ်​လၢတ်ႈ​ၸႃ​ၵၼ် ၵွပ်ႈ​ပိူဝ်ႈ​ဢၼ်​ဢမ်ႇ​ပႃး​ၶဝ်ႈ​မုၼ်း​မႃး​ၼၼ်ႉ​ၼင်ႇ​ႁိုဝ်။-</verse>
				<verse number="9">သူ​ယင်း​ဢမ်ႇ​ဢဝ်​သႂ်ႇ​ၼႂ်း​ၸႂ်​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​ၵူၼ်း​ႁႃႈ​ႁဵင်​ၵိၼ်​ၶဝ်ႈ​မုၼ်း​ႁႃႈ​ႁူၺ်ႇ​လႄႈ သူ​ၵဵပ်း​ဢဝ်​ဢၼ်​ၵိုတ်း​ဢၼ်​ၵျၢၼ်ႇ လႆႈ​လၢႆ​ပဵတ်ႈ​ၼၼ်ႉ၊-</verse>
				<verse number="10">ဢိၵ်ႇ​တင်း​လွင်ႈ​ဢၼ် ၵူၼ်း​သီႇ​ႁဵင်​ၵိၼ်​ၶဝ်ႈ​မုၼ်း​ၸဵတ်း​ႁူၺ်ႇ​လႄႈ သူ​ၵဵပ်း​ဢဝ်​ဢၼ်​ၵိုတ်း​ဢၼ်​ၵျၢၼ်ႇ​လႆႈ​လၢႆ​ပဵတ်ႈ​ၼၼ်ႉ​လႄႈ ယူႇ​လူး​ၵွၼ်ႇ​ႁိုဝ်။-</verse>
				<verse number="11">ႁဵတ်း​ႁိုဝ်​လႄႈ သူ​ဢမ်ႇ​ႁူႉ​လွင်ႈ​ဢၼ် ၵဝ်​ဢမ်ႇ​ဢဝ်​လွင်ႈ​ၶဝ်ႈ​မုၼ်း​လၢတ်ႈ​တီႈ​သူ​ၼၼ်ႉ​လႄႈ​ယူႇ​ၼင်ႇ​ႁိုဝ်။ ၵူၺ်း​ၵႃႈ ဝႄႈ​ပႅတ်ႈ​ၸိူဝ်ႉ​ပႅင်ႈ ၽႃႇရီႉသႄး ဢိၵ်ႇ​တင်း​ ၸတ်ႉတူႉၵႄး ​တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မိူဝ်ႈ​ၼၼ်ႉ တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ ႁူႉ​လွင်ႈ​ဢၼ်​မၼ်း​ၸဝ်ႈ​ဝႃႈ တၵ်း​လႆႈ​ဝႄႈ​ပႅတ်ႈ​ၸိူဝ်ႉ​ပႅင်ႈ​ၶဝ်ႈ​မုၼ်း​ဢမ်ႇ​ၸႂ်ႈ၊ တၵ်း​လႆႈ​ဝႄႈ​ပႅတ်ႈ​တၢင်း​ဢၼ် ၽႃႇရီႉသႄး ဢိၵ်ႇ​တင်း​ ၸတ်ႉတူႉၵႄး ​တင်း​လၢႆ သင်ႇ​သွၼ်​ၼၼ်ႉ​ၵူၺ်း ၼၼ်ႉ​ဢေႃႈ။</verse>
				<verse number="13">မိူဝ်ႈ​ဢၼ်​ ယေႇသူႉ ​ၵႂႃႇ​ၵႃႈ​တီႈ​ဝၢၼ်ႈ​ၼွၵ်ႈ​ၼႃး​ပၢင်ႇ ဝဵင်း​ ၵေႇသရီႉ​ၽီႉလိပ်ႉပူႉ ​ၼၼ်ႉ​ၸိုင်၊ မၼ်း​ၸဝ်ႈ​ထၢမ်​တပႄး​မၼ်း​ၸဝ်ႈ​ၸိူဝ်း​ၼၼ်ႉ​လႄႈ​ဝႃႈ၊ ၵူၼ်း​တင်း​လၢႆ​ဝႃႈ လုၵ်ႈ​ၵူၼ်း​ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">ၶဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၵမ်ႈ​ၽွင်ႈ​ဝႃႈ ပဵၼ်​ ယူဝ်းႁၢၼ်ႇ ​ဢၼ်​ပၼ်​ ပပ်ႉတီႉၸမ်ႇ ​ၼၼ်ႉ၊ ဝႃႈ​ၼင်ႇ​ၼႆ​ၶႃႈ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ ပဵၼ်​ ဢေးလီႉယႃႉ ၊ ဝႃႈ​ၼင်ႇ​ၼႆ​ၶႃႈ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ ပဵၼ်​ ယေႇရမီႉ ၊ ဢမ်ႇ​ၼၼ်​ၵေႃႈ ပဵၼ်​ပရေႃးၽႅတ်ႈ​သေ​ပႃး​ပႃး၊ ဝႃႈ​ၼင်ႇ​ၼႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">မၼ်း​ၸဝ်ႈ​သမ်ႉ​ထၢမ်​ထႅင်ႈ​လႄႈ​ဝႃႈ၊ သူ​ၸိုင် ဝႃႈ​ၵဝ်​ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">သီႉမုၼ်ႇ​ပေႇတရူႉ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၸဝ်ႈ​ၶရိၸ်ႈ လုၵ်ႈ​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သီႉမုၼ်ႇ​ပႃႇ​ယူဝ်းၼႃႉ ​ဢိူၺ်း၊ မႂ်း​မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၼိူဝ်ႉ​လိူတ်ႈ​ၽုၺ်ႇ​ၼႄ​လွင်ႈ​တၢင်း​ၼႆႉ​ဢမ်ႇ​ၸႂ်ႈ၊ ပေႃႈ​ၵဝ်​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ၼၼ်ႉ ၽုၺ်ႇ​ၼႄ​ဢေႃႈ။-</verse>
				<verse number="18">ၵဝ်​သမ်ႉ​ဝႃႈ​တီႈ​မႂ်း​ထႅင်ႈ​ၸမ်ႉ၊ မႂ်း​ပဵၼ်​ ပေႇတရူႉ ​ဢေႃႈ။ ၵႃႈ​ၼိူဝ်​မၢၵ်ႇ​ႁိၼ်​ၼႆႉ ၵဝ်​တၵ်း​ႁႂ်ႈ​ၸိူဝ်း​ၸဝ်ႈ​တႄႇ​ပဵၼ်​ဢေႃႈ။ ၸိူဝ်း​ၸဝ်ႈ​ၼၼ်ႉ​ၸိုင်၊ ၽၵ်း​တူ​မိူင်း​မရၼႃႉ​တင်း​လၢႆ ဢမ်ႇ​ပႄႉ​ဢမ်ႇ​ၼႅင်ႇ​လႆႈ။-</verse>
				<verse number="19">သေႃး​မိူင်း​ၵၢင်​ႁၢဝ်​တင်း​လၢႆ​ၵေႃႈ ၵဝ်​တၵ်း​ပၼ်​တီႈ​မႂ်း​ဢေႃႈ။ ၵႃႈ​ဢၼ်​မႂ်း​မတ်ႉ​ၽုၵ်ႇ​ဝႆႉ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ၊ တၵ်း​မတ်ႉ​ၽုၵ်ႇ​ဝႆႉ​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ၵႃႈ​ဢၼ်​မႂ်း​ပွႆႇ​လွတ်ႈ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ၊ တၵ်း​ပွႆႇ​လွတ်ႈ​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="20">ၼင်ႇ​ႁိုဝ်​တၵ်း​ဢမ်ႇ​မွၵ်ႇ​လၢတ်ႈ​လွင်ႈ​ဢၼ် မၼ်း​ၸဝ်ႈ​ပဵၼ်​ၸဝ်ႈ​ၶရိၸ်ႈ​ၼၼ်ႉ တီႈ​ၽူႈ​လႂ်​သေ​ၵေႃႉ​သေ​ၵူၼ်း​ၸိုင် မၼ်း​ၸဝ်ႈ​ပိင်း​ၺၢပ်ႈ​ဝႆႉ​တီႈ​တပႄး​ၸဝ်ႈ​ၸိူဝ်း​ၼၼ်ႉ​ဢေႃႈ။</verse>
				<verse number="21">ၸႃႉ​ၸဵမ်​မိူဝ်ႈ​ၼၼ်ႉ​လႄႈ မၼ်း​ၸဝ်ႈ​ၸႃႉ​ၼႄ​ပျႃး​လွင်ႈ​ဢၼ် တၵ်း​လႆႈ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ၊ လွင်ႈ​ဢၼ်​တၵ်း​လႆႈ​ၶၢမ်ႇ​ၼမ်​ၼႃႇ​လူင်​လၢင် ၵႃႈ​ၼႂ်း​မိုဝ်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်၊ ယိတ်ႈပရေႃးႁဵၵ်ႈ​လူင်​တင်း​ၵူၼ်း​ထုတ်ႇ​ၵျၢမ်း​တင်း​လၢႆ၊ လွင်ႈ​ဢၼ်​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ၊ လွင်ႈ​ဢၼ်​တၵ်း​လုၵ်ႉ​ၶိုၼ်း​လိပ်း ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ တီႈ​တပႄး​ၸဝ်ႈ​ၸိူဝ်း​ၼၼ်ႉ​ဢေႃႈ။</verse>
				<verse number="22">မိူဝ်ႈ​ၼၼ်ႉ ပေႇတရူႉ ​ႁွင်ႉ​ဢဝ်​မၼ်း​ၸဝ်ႈ ၵႂႃႇ​ႁူမ်ႈ​ၵၼ်​တင်း​မၼ်း​လႄႈ တၢင်ႇ​ဢပႅတ်ႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ႁႂ်ႈ​လွင်ႈ​တၢင်း​ၼႆႉ​ၵႆ​ၵၼ်​တင်း​ၸဝ်ႈ​ႁဝ်း​သေ​ၵမ်း​ၶႃႈ။ ႁႂ်ႈ​လွင်ႈ​တၢင်း​ၼႆႉ​တၵ်း​ဢမ်ႇ​လႆႈ​ပဵၼ်​တီႈ​ၸဝ်ႈ​ႁဝ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​ၸဝ်ႈ​ဝၢႆႇ​ၼႃႈ​ၸူး​သေ​လႄႈ​ဝႃႈ၊ ၸႃႇတၢၼ်ႇ ​ဢိူၺ်း၊ သုတ်ႉ​ပႃႈ​လင်​ၵဝ်​တႃႉ။ မႂ်း​ပဵၼ်​လွင်ႈ​ဢၼ်​ၵဝ်​တၵ်း​ၶီႈ​လိုတ်း​လႄႈ​လူမ်ႉ​ဢေႃႈ။ မႂ်း​ၸႂ်​ဢမ်ႇ​ၸပ်း​ဢမ်ႇ​ၸွႆး လွင်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ၊ ၸႂ်​ၸပ်း​ၸႂ်​ၸွႆး​လွင်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၵူၼ်း​တင်း​လၢႆ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">မိူဝ်ႈ​ၼၼ်ႉ ယေႇသူႉ ​ၵေႃႈ လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊ ပေႃး​သေ​ၵေႃႉ​သေ​ၵူၼ်း မီး​ဢလူဝ်ႇ​ၶႂ်ႈ​ၸပ်း​မႃး​ပႃႈ​လင်​ၵဝ်​ၸိုင်၊ ႁႂ်ႈ​မၼ်း​ပႄႇ​ပႅတ်ႈ​တူဝ်​ၸဝ်ႈ​ၵဝ်ႇ​သေ​လႄႈ ႁၢပ်ႇ​ဢဝ်​သဝ်​လၵ်း​ဝႃး​ၵၢပ်ႈ တူဝ်​ၸဝ်ႈ​ၵဝ်ႇ​ၸွမ်း​ပႃႈ​လင်​ၵဝ်​တႃႉ။-</verse>
				<verse number="25">လွင်ႈ​မၼ်း​ၸမ်ႉ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မီး​ဢလူဝ်ႇ​ၶႂ်ႈ​ၵႄႇ​သႄႇ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ၊ ၵေႃႉ​ၼၼ်ႉ​တၵ်း​သုမ်း​ဢသၢၵ်ႈ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​သုမ်း​ဢသၢၵ်ႈ​ၵွပ်ႈ​ပိူဝ်ႈ​ၵဝ်​ၼၼ်ႉ၊ ၵေႃႉ​ၼၼ်ႉ​တၵ်း​ထူပ်း​ဢသၢၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="26">ၵူၼ်း​သေ​ၵေႃႉ​သေ​ၵူၼ်း ပေႃး​လႆႈ​ဢုပ်ႉ​ပိူင်ႇ​လေႃးၵႃႉ​ၼႆႉ​တင်း​သဵင်ႈ​တင်း​လူင်​လႄႈ ဝီႉၺိၺ်ႇ​တူဝ်​ၸဝ်ႈ​ၵဝ်ႇ​သုမ်း​ၸိုင် တၵ်း​မီး​ၵျေး​ၸူး​ၵႃႈ​သင်။ တၵ်း​ဢဝ်​တင်း​ဢုၵ်ႉ​ၸႃႇ ဢၼ်​လႂ်​ထုတ်ႇ​ဢဝ်​ၸႂ်​ဝီႉၺိၺ်ႇ​တူဝ်​ၸဝ်ႈ​ၵဝ်ႇ။-</verse>
				<verse number="27">လုၵ်ႈ​ၵူၼ်း​တၵ်း​မႃး​လူၺ်ႈ​ၵၼ်​တင်း​ၽုင်း​ဢႃႇၼူႉၽေႃႇ​ပေႃႈ​ၸဝ်ႈ ဢိၵ်ႇ​တင်း​တမၢၼ်ႇ​ၵၢင်​ႁၢဝ်​တင်း​လၢႆ​ဢေႃႈ။ မိူဝ်ႈ​ၼၼ်ႉ မၼ်း​ၸဝ်ႈ​တၵ်း​တႅၼ်း​ပၼ်​တီႈ​ၵူႈ​ၵေႃႉ​ၵူႈ​ၵူၼ်း​ႁင်း​ၽႂ်​ႁင်း​မၼ်း ၸွမ်း​ၵႃႈ​ၼင်ႇ​ဢၼ်​တၢင်း​ၵမ်​တၢင်း​ၵျၢင်ႉ​ၶဝ်​မီး​ၼၼ်ႉ​ဢေႃႈ။-</verse>
				<verse number="28">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵူၼ်း​ၵမ်ႈ​ၽွင်ႈ ဢၼ်​ၸုၵ်း​ယူႇ​ၵႃႈ​တီႈ​ၼႆႈ​ၼႆႉ၊ ၸူဝ်ႈ​ဢၼ်​ၶဝ်​ဢမ်ႇ​ပႆႇ​လႆႈ​ႁၼ်​လုၵ်ႈ​ၵူၼ်း မႃး​တႄႇ​မိူင်း​ၸဝ်ႈ​ၼၼ်ႉ​ၸိုင်၊ တၵ်း​ဢမ်ႇ​လႆႈ​ႁွတ်ႈ​ထိုင်​တၢင်း​တၢႆ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="17">
				<verse number="1">မိူဝ်ႈ​ဢၼ်​ပူၼ်ႉ​ႁူၵ်း​ဝၼ်း​ယဝ်ႉ၊ ယေႇသူႉ ​ႁွင်ႉ​ဢဝ်​ ပေႇတရူႉ၊ ယႃႇၵုပ်ႈ ​တင်း​ ယူဝ်းႁၢၼ်ႇ ဢၼ်​ပဵၼ်​ၼွင်ႉ​ၸၢႆး ယႃႇၵုပ်ႈ ​ၼၼ်ႉ​လႄႈ ၵႂႃႇ​ၵႃႈ​ၼိူဝ်​လွႆ​ဢၼ်​သုင်​ၵႃႈ​တီႈ​ဢၼ် ပိူၼ်ႈ​ဢမ်ႇ​မီး​ၼၼ်ႉ​ဢေႃႈ။-</verse>
				<verse number="2">ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ မၼ်း​ၸဝ်ႈ​မီး​တင်း​ႁၢင်ႈ​ၽၢင်​ဢၼ်​လၢၵ်ႇ​လၢႆး​လႄႈ ၼႃႈ​မၼ်း​ၸဝ်ႈ​ႁိူဝ်ႈ​လႅင်း​ၸိူဝ်ႉ​ၼင်ႇ​ၵၢင်​ဝၼ်း​ဢေႃႈ။ ၶူဝ်း​ၼုင်ႈ​မၼ်း​ၸဝ်ႈ​ၵေႃႈ ၽိူၵ်ႇ​ၶၢဝ်​ၸိူဝ်ႉ​ၼင်ႇ​ဢၼ်​လႅင်း​ဢေႃႈ။-</verse>
				<verse number="3">မူဝ်းသေႇ ​တင်း​ ဢေးလီႉယႃႉ ထၢင်ႇ​သႃး​ပေႃႇ​မႃး​တီႈ​ၶဝ်​လႄႈ လၢတ်ႈ​ၵႂၢမ်း​တေႃႇ​ၵၼ်​တင်း​မၼ်း​ၸဝ်ႈ​ယူႇ​ဢေႃႈ။-</verse>
				<verse number="4">မိူဝ်ႈ​ၼၼ်ႉ ပေႇတရူႉ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵႃႈ​တီႈ​ၼႆႈ ပုၼ်ႈ​ဢၼ်​ႁဝ်း​ၶႃႈ​တၵ်း​ယူႇ​ၸိုင်၊ လီ​ၶႃႈ​ဢေႃႈ။ ပေႃး​ၸဝ်ႈ​ႁဝ်း​မီး​ဢလူဝ်ႇ​ၸိုင်၊ ၵဝ်​ၶႃႈ​တၵ်း​ႁဵတ်း​သုမ်ႉ​သၢမ်​လင်၊ ပုၼ်ႈ​ၸဝ်ႈ​ႁဝ်း​လင်​ၼိုင်ႈ၊ ပုၼ်ႈ​ မူဝ်းသေႇ ​လင်​ၼိုင်ႈ၊ ပုၼ်ႈ​ ဢေးလီႉယႃႉ ​လင်​ၼိုင်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ၊ မွၵ်ႇ​ၵုမ်ႈ​ဢၼ်​ႁိူဝ်ႈ​လႅင်း​ၼၼ်ႉ မုင်း​ႁူမ်ႇ​ၶဝ်​လႄႈ၊ သဵင်​ပဵၼ်​မႃး​ၵႃႈ​ၼႂ်း​မွၵ်ႇ​ၵုမ်ႈ​ၼၼ်ႉ​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ ပဵၼ်​လုၵ်ႈ​ဢၼ်​ၵဝ်​ႁၵ်ႉ​ၼႃႇ၊ တီႈ​ဢၼ်​ၵဝ်​ထုၵ်ႇ​ၸႂ်​ၵျိူၵ်ႈ​ၸႂ်​ၼႃႇ​ဢေႃႈ။ ထွမ်ႇ​ဢဝ်​ၵႂၢမ်း​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">တပႄး​ၸဝ်ႈ​ၸိူဝ်း​ၼၼ်ႉ ငိၼ်း​သေ​ယဝ်ႉ၊ လူမ်ႉ​ဢူပ်ႇ​ပူပ်ႇ​သေ​လႄႈ မီး​ၸႂ်​ဢၼ်​ၵူဝ်​ႁႄ​ၼႃႇ​လူင်​လၢင်​ဢေႃႈ။-</verse>
				<verse number="7">ယေႇသူႉ ​မႃး​သေ​လႄႈ ဢဝ်​မိုဝ်း​တိူဝ်ႉ​ၶဝ်​လႄႈ​ဝႃႈ၊ လုၵ်ႉ​တႃႉ။ ယႃႇ​ပေ​ၵူဝ်​ပေ​ႁႄ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၶဝ်​ႁႅၼ်​တူၺ်း​လႄႈ၊ လိူဝ်​သေ​ ယေႇသူႉ ​ပႃး​လဵဝ်​ၵူၺ်း၊ ဢမ်ႇ​ႁၼ်​ၽူႈ​လႂ်​သေ​ၵေႃႉ​သေ​ၵူၼ်း။</verse>
				<verse number="9">ၼႂ်း​မိူဝ်ႈ​ဢၼ်​ၶဝ်​လူင်း​သေ​ၵႃႈ​ၼိူဝ်​လွႆ​မႃး​ယူႇ​ၼၼ်ႉ​ၸိုင်၊ ယေႇသူႉ ​ပိင်း​ၺၢပ်ႈ​ဝႆႉ​တီႈ​ၶဝ်​လႄႈ​ဝႃႈ၊ ၸူဝ်ႈ​ဢၼ်​လုၵ်ႈ​ၵူၼ်း ဢမ်ႇ​ပႆႇ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ၸိုင် ယႃႇ​ပေ​လၢတ်ႈ​ရူႇပႃႇရူင်ႇ​ဢၼ်​သူ​လႆႈ​ႁၼ်​ၼႆႉ တီႈ​ၽူႈ​လႂ်​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">မိူဝ်ႈ​ၼၼ်ႉ တပႄး​ၸဝ်ႈ​ၸိူဝ်း​ၼၼ်ႉ လဝ်ႊ​ထၢမ်​လႄႈ​ဝႃႈ၊ ဢေးလီႉယႃႉ တၵ်း​လႆႈ​မႃး​ဢွၼ်​တၢင်း​ဝႃႈ​ၼႆ၊ ႁဵတ်း​သင်​လႄႈ ၵူၼ်း​ထုတ်ႇ​ၵျၢမ်း​တင်း​လၢႆ ဝႃႈ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ဢေးလီႉယႃႉ ​တၵ်း​လႆႈ​မႃး​လႄႈ မႄး​ႁဵတ်း​ဝႆႉ​တင်း​သဵင်ႈ​တင်း​လူင် ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="12">ၵဝ်​ဝႃႈ​တီႈ​သူ​ၸမ်ႉ ဢေးလီႉယႃႉ ​ႁွတ်ႈ​မႃး​ယဝ်ႉ။ ၵူၼ်း​တင်း​လၢႆ​ဢမ်ႇ​ႁူႉ​ၸၵ်း​မၼ်း​လႄႈ ႁဵတ်း​တီႈ​မၼ်း​ၵႃႈ​ၼင်ႇ​ဢၼ် ၶဝ်​ၶႂ်ႈ​ႁဵတ်း​ၼၼ်ႉ​ယဝ်ႉ။ မိူၼ်​ၼင်ႇ​ၼၼ် လုၵ်ႈ​ၵူၼ်း​ၵေႃႈ တၵ်း​လႆႈ​ၶၢမ်ႇ​ၼႂ်း​မိုဝ်း​ၵူၼ်း​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵမ်း​ၼၼ်ႉ တပႄး​ၸဝ်ႈ​ၸိူဝ်း​ၼၼ်ႉ ႁူႉ​လွင်ႈ​ဢၼ်​မၼ်း​ၸဝ်ႈ​လၢတ်ႈ​လွင်ႈ ယူဝ်းႁၢၼ်ႇ ​ဢၼ်​ပၼ်​ ပပ်ႉတီႉၸမ်ႇ ​ၼၼ်ႉ​ဢေႃႈ။</verse>
				<verse number="14">မိူဝ်ႈ​ဢၼ် ၶဝ်​ႁွတ်ႈ​ထိုင်​ၵႃႈ​တီႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​မီး​ယူႇ​ၼၼ်ႉ​ၸိုင်၊ ၵူၼ်း​ၵေႃႉ​ၼိုင်ႈ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ ၶုပ်ႉ​ၶဝ်ႇ​လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="15">ၸဝ်ႈ​ႁဝ်း​ဢဵတ်း​လူ​လုၵ်ႈ​ၸၢႆး​ၵဝ်​ၶႃႈ​သေ​ၵမ်း​ၶႃႈ။ မၼ်း​ၸပ်း​တၢင်း​ပဵၼ်​မႃႈ​မူ​လႄႈ လႆႈ​ၶၢမ်ႇ​ၼႃႇ​လူင်​လၢင်​ၶႃႈ​ဢေႃႈ။ ၸၢင်ႈ​လူမ်ႉ​တူၵ်း​ၵႃႈ​ၼႂ်း​ၽႆး​လႂ်၊ ၵႃႈ​ၼႂ်း​ၼမ်ႉ​လႂ် ၶိူဝ်း​ၶိူဝ်း​ယႂ်း​ယႂ်း​ၶႃႈ​ဢေႃႈ။-</verse>
				<verse number="16">ၵဝ်​ၶႃႈ​ဢဝ်​မၼ်း​မႃး​တီႈ​တပႄး​ၸဝ်ႈ​ႁဝ်း​တင်း​လၢႆ​လႄႈ ၶဝ်​ဢမ်ႇ​ပၼ်​ၵတ်း​ယဵၼ်​ၶျၢမ်း​သႃႇ​လႆႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="17">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵူၼ်း​မဵဝ်း​ဢၼ်​ဢမ်ႇ​မီး​တၢင်း​ဢၼ်​ယုမ်ႇ​မၢတ်ႈ​လႄႈ ၸၢင်ႈ​ၶၢႆႉ​ပုတ်ႈ​ၼႆႉ​ဢိူၺ်း၊ ၵဝ်​တၵ်း​လႆႈ​မီး​ယူႇ​လူၺ်ႈ​ၵၼ်​တင်း​သူ​လၢႆ​ၶိင်ႇ​လၢႆ​မိူဝ်ႈ။ တၵ်း​လႆႈ​ယိူၼ်ႉ​ၶၢမ်ႇ​သူ လၢႆ​ၶိင်ႇ​လၢႆ​မိူဝ်ႈ။ ဢဝ်​လုၵ်ႈ​ဢွၼ်ႇ​ၼၼ်ႉ မႃး​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ယေႇသူႉ ​သင်ႇ​သွၼ်​မၼ်း​သေ​ယဝ်ႉ၊ ၽီ​ႁၢႆႉ​ၼၼ်ႉ​ဢွၵ်ႇ​သေ​ၵႃႈ​ၼႂ်း​မၼ်း​လႄႈ လုၵ်ႈ​ဢွၼ်ႇ​ၼၼ်ႉ ၶႅၼ်း​မႃး​ၸႃႉ​ၸဵမ်​ၶိင်ႇ​ၼႃႇရီႇ​ၼၼ်ႉ​ဢေႃႈ။</verse>
				<verse number="19">မိူဝ်ႈ​ၼၼ်ႉ တပႄး​ၸဝ်ႈ​ၸိူဝ်း​ၼၼ်ႉ သုတ်ႉ​ၸပ်း​သုတ်ႉ​ၸူး​တီႈ ယေႇသူႉ ​ၼႂ်း​တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ႁဵတ်း​သင်​လႄႈ ႁဝ်း​ၶႃႈ​ဢမ်ႇ​ႁေႃႈ​ၽီ​ႁၢႆႉ​ၼၼ်ႉ​ဢွၵ်ႇ​ပႅတ်ႈ​လႆႈ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="20">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​သူ​ဢမ်ႇ​မီး​တၢင်း​ဢၼ်​ယုမ်ႇ​မၢတ်ႈ​လႄႈ သူ​ဢမ်ႇ​ႁေႃႈ​ပႅတ်ႈ​လႆႈ။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ပေႃး​သူ​မီး​တၢင်း​ဢၼ်​ယုမ်ႇ​မၢတ်ႈ ထၢၼ်ႇ​ၽၼ်း​ၽၵ်း​ၵၢတ်ႇ​မဵတ်ႉ​ၼိုင်ႈ​ၸိုင်၊ မိူဝ်ႈ​ဢၼ်​သူ​လၢတ်ႈ​တီႈ​လွႆ​ၼႆႉ​လႄႈ​ဝႃႈ၊ ၶၢႆႉ​တီႈ​မႂ်း​တႃႉ၊ ဝႃႈ​ၼင်ႇ​ၼႆ​ၼၼ်ႉ၊ မၼ်း​တၵ်း​ၶၢႆႉ​ဢေႃႈ။ ဢၼ်​သူ​ႁဵတ်း​လႄႈ ဢမ်ႇ​ပဵၼ်​လႆႈ​ၼၼ်ႉ ဢမ်ႇ​မီး​ၵႃႈ​သင်​သေ​ၸိူဝ်ႉ​သေ​ပိူင်။-</verse>
				<verse number="21">ၼႂ်း​ဝႃႈ​ၼၼ်​သေ​ၵေႃႈ လိူဝ်​သေ​ၵွပ်ႈ​ပိူဝ်ႈ​တၢင်း​ဢၼ်​သူး​တွင်း​လႄႈ ၵမ်​တၢင်း​ၵိၼ်​ၼၼ်ႉ​ၵူၺ်း၊ ၵွပ်ႈ​ပိူဝ်ႈ​ၵႃႈ​သင်​သေ​ဢမ်ႇ​ဝႃႈ၊ မဵဝ်း​ၼၼ်ႉ​ဢမ်ႇ​ၸၢင်ႈ​ဢွၵ်ႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၼႂ်း​မိူဝ်ႈ​ဢၼ် ၶဝ်​ယူႇ​ၵႃႈ​ၼႂ်း​မိူင်း​ ၵႃႇလီႉလႄး ​ယူႇ​ၼၼ်ႉ​ၸိုင်၊ ယေႇသူႉ ​လၢတ်ႈ​တီႈ​ၶဝ်​လႄႈ​ဝႃႈ၊ လုၵ်ႈ​ၵူၼ်း​ၸမ်​တၵ်း​လႆႈ​ၶၢမ်ႇ တၢင်း​ဢၼ်​ဢၢပ်ႈ​ၵႃႈ​ၼႂ်း​မိုဝ်း​ၵူၼ်း​တင်း​လၢႆ​ဢေႃႈ။-</verse>
				<verse number="23">ၶဝ်​တၵ်း​ဢဝ်​တၢႆ​ဢေႃႈ။ မၼ်း​တၵ်း​လုၵ်ႉ​ၶိုၼ်း​ၼႂ်း​ဝၼ်း​ဢၼ် ထူၼ်ႈ​ထိုင်​သၢမ်​ဝၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၼၼ်ႉ​ၵေႃႈ မီး​ၸႂ်​ဢၼ်​လဵၵ်ႉ​ၼႃႇ​လူင်​လၢင်​ဢေႃႈ။</verse>
				<verse number="24">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​ဝဵင်း ၵပိူဝ်ႇၼေႇဢုမ်ႇ ​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​ၵဵပ်း​ငိုၼ်း တီႉတြၵ်ႈမႃႉ ​ၼၼ်ႉ​မႃး​တီႈ​ ပေႇတရူႉ ​လႄႈ​ထၢမ်​ဝႃႈ၊ သြႃႇ​မႂ်း​ဢမ်ႇ​ပၼ်​ငိုၼ်း​ တီႉတြၵ်ႈမႃႉ ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="25">မၼ်း​ၵေႃႈ​လၢတ်ႈ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ဢၼ်​မၼ်း​ၶဝ်ႈ​ၵႂႃႇ​ၵႃႈ​ၼႂ်း​ႁိူၼ်း​ၸိုင်၊ ယေႇသူႉ ​ႁႄႉ​လၢတ်ႈ​လႄႈ​ဝႃႈ၊ သီႉမုၼ်ႇ ​ဢိူၺ်း၊ မႂ်း​ထၢင်ႇ​ၸိူဝ်ႉ​ၼင်ႇ​ႁိုဝ်။ ၶုၼ်​ႁေႃ​ၶမ်း​လေႃးၵီႇ​တင်း​လၢႆ ၵဵပ်း​ဢဝ်​ၶွၼ်ႇ​တီႈ​ၽူႈ​လႂ်။ ၵဵပ်း​ဢဝ်​တီႈ​လုၵ်ႈ​လၢင်း​ၶဝ်​ႁိုဝ်။ ၵဵပ်း​ဢဝ်​တီႈ​ပိူၼ်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="26">မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၵဵပ်း​ဢဝ်​တီႈ​ပိူၼ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ယေႇသူႉ ​ၵေႃႈ လၢတ်ႈ​တီႈ​မၼ်း​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ လုၵ်ႈ​လၢင်း​တင်း​လၢႆ​ၸမ်ႉ၊ လႆႈ​လွတ်ႈ​ဢေႃႈ။-</verse>
				<verse number="27">ၼႂ်း​ဝႃႈ​ၼၼ်​သေ​ၵေႃႈ လွင်ႈ​ၼင်ႇ​ႁိုဝ် ၶဝ်​တၵ်း​ဢမ်ႇ​လႆႈ​ၽိတ်း​ပိူင်ႈ​ၵွပ်ႈ​ပိူဝ်ႈ​ႁဝ်း​ၸိုင်၊ ၵႂႃႇ​ၵႃႈ​တီႈ​ၼွင်​ပုၼ်ႉ​သေ​ယဝ်ႉ၊ ၶျႃး​မဵတ်း​လႄႈ ဢဝ်​ပႃ​ဢၼ်​လႆႈ​ဢွၼ်​တၢင်း​ၼၼ်ႉ​တႃႉ။ ပေႃး​ၽုၺ်ႇ​ဢႃႈ​သူပ်း​မၼ်း​ၸိုင်၊ တၵ်း​ထူပ်း​ သတႃႇတႄႇ ​ၶႅပ်း​ၼိုင်ႈ​ဢေႃႈ။​ဢဝ်​ဢၼ်​ၼၼ်ႉ​လႄႈ ပၼ်​ပုၼ်ႈ​ၵဝ် တင်း​ပုၼ်ႈ​မႂ်း​တီႈ​ၶဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">မိူဝ်ႈ​ၼၼ်ႉ တပႄး​ၸဝ်ႈ​တင်း​လၢႆ သုတ်ႉ​ၸပ်း​သုတ်ႉ​ၸူး​တီႈ​ ယေႇသူႉ ​လႄႈ​လဝ်ႊ​ထၢမ်​ဝႃႈ၊ ၽူႈ​လႂ်​တၵ်း​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ပိူၼ်ႈ ၵႃႈ​ၼႂ်း​မိူင်း​ၵၢင်​ႁၢဝ်​ၸဝ်ႈ​ၼၼ်ႉ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="2">မၼ်း​ၸဝ်ႈ​ႁွင်ႉ​ဢဝ်​လုၵ်ႈ​ဢွၼ်ႇ​ၵေႃႉ​ၼိုင်ႈ​မႃး​လႄႈ ဝႆႉ​ၵႃႈ​ၼႂ်း​ၵၢင်​ၶဝ်​ယဝ်ႉ​ၸင်ႇ လၢတ်ႈ​လႄႈ​ဝႃႈ၊-</verse>
				<verse number="3">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ပေႃး​သူ​ဢမ်ႇ​ၶၢႆႉ​ပုတ်ႈ​သေ​လႄႈ ပဵၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ၼႆႉ​ၸိုင်၊ သူ​ဢမ်ႇ​လႆႈ​ၶဝ်ႈ​ၵႃႈ​ၼႂ်း​မိူင်း​ၵၢင်​ႁၢဝ်​ၸဝ်ႈ​ၼၼ်ႉ။-</verse>
				<verse number="4">ပိူဝ်ႈ​ၼႆ​လႄႈ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၶျႃး​တႅမ်ႇ​တူဝ်​ၸဝ်ႈ​ၵဝ်ႇ​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ၼႆႉ​ၼၼ်ႉ၊ ၵေႃႉ​ၼၼ်ႉ​တၵ်း​ပဵၼ်​ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​သေ​ပိူၼ်ႈ ၵႃႈ​ၼႂ်း​မိူင်း​ၵၢင်​ႁၢဝ်​ၸဝ်ႈ​ဢေႃႈ။-</verse>
				<verse number="5">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ ႁပ်ႉ​တုင်း​ဢဝ်​လုၵ်ႈ​ဢွၼ်ႇ​ၸိူဝ်ႉ​ၼင်ႇ​ၼႆ​သေ​ၵေႃႉ​သေ​ၵူၼ်း​ၼၼ်ႉ၊ ၵေႃႉ​ၼၼ်ႉ ႁပ်ႉ​တုင်း​ဢဝ်​ၵဝ်​ဢေႃႈ။</verse>
				<verse number="6">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁႂ်ႈ​လုၵ်ႈ​ဢွၼ်ႇ​ဢၼ်​ယုမ်ႇ​မၢတ်ႈ​ၵဝ်​သေ​ၵေႃႉ​သေ​ၵူၼ်း​ၼႆႉ ၶီႈ​လိုတ်း​လႄႈ​လူမ်ႉ​ၼၼ်ႉ၊ တီႈ​ၵေႃႉ​ၼၼ်ႉ၊ ပေႃး​မၼ်း​လႆႈ​ၶၢမ်ႇ​တၢင်း​ဢၼ် ဢဝ်​မၢၵ်ႇ​ႁိၼ်​လူၺ်​ႁွႆႈ​သႂ်ႇ​ၵႃႈ​တီႈ​ၶေႃႈ​သေ​လႄႈ ပွႆႇ​ၸူမ်​လူင်း​ၵႃႈ​ၼႂ်း​ၼမ်ႉ​ပၢင်ႇ​လၢႆႇ တီႈ​ဢၼ်​လိုၵ်ႉ​ၼၼ်ႉ​ၸိုင်၊ ယဵင်ႈ​ၶႅၼ်း​တၵ်း​လီ​ဢေႃႈ။</verse>
				<verse number="7">ၵွပ်ႈ​ပိူဝ်ႈ​ဢၼ်​မီး​လွင်ႈ​တၢင်း​ဢၼ်​ၶီႈ​လိုတ်း​လႄႈ လူမ်ႉ​ၼမ်​ၼႃႇ​လႄႈ လေႃးၵႃႉ​ၼႆႉ မီး​ဢႃႉ​မင်ႇၵလႃႇ​ဢေႃႈ။ လွင်ႈ​တၢင်း​ဢၼ် ၶီႈ​လိုတ်း​လႄႈ​လူမ်ႉ​ၼမ်​ၼႃႇ​ၼၼ်ႉ တၵ်း​လႆႈ​မီး​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​ႁႂ်ႈ​လွင်ႈ​တၢင်း​ဢၼ်​ၶီႈ​လိုတ်း​လႄႈ​လူမ်ႉ​ပိၼ်ႈ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။</verse>
				<verse number="8">တိၼ်​မႂ်း​မိုဝ်း​မႂ်း​ၼၼ်ႉ၊ ပေႃး​ႁႂ်ႈ​မႂ်း​ၶီႈ​လိုတ်း​လႄႈ​လူမ်ႉ​ၸိုင်၊ တႅပ်း​ပႅတ်ႈ​သေ​တႃႉ။ တၢင်း​ဢၼ်​တိၼ်​မိုဝ်း​လူႉ​လႄႈ လႆႈ​ၶဝ်ႈ​ၵႃႈ​ၼႂ်း​တၢင်း​ဢၼ် ဢသၢၵ်ႈ​လိပ်း​ပုၼ်ႉ​ၼၼ်ႉ ယဵင်ႈ​ၶႅၼ်း​တၵ်း​လီ​သေ​တၢင်း​ဢၼ် မီး​တိၼ်​သွင်​ၶွၼ် မိုဝ်း​သွင်​ၶွၼ်​လႄႈ​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​သႂ်ႇ ၵႃႈ​ၼႂ်း​ၽႆး​ထႃႇဝရႃႉ​ပုၼ်ႉ​ဢေႃႈ။-</verse>
				<verse number="9">မၢၵ်ႇ​တႃ​မႂ်း​ၵေႃႈ ပေႃး​ႁႂ်ႈ​မႂ်း​ၶီႈ​လိုတ်း​လႄႈ​လူမ်ႉ​ၸိုင်၊ ၶွၵ်း​ဢွၵ်ႇ​ပႅတ်ႈ​သေ​တႃႉ။ တၢင်း​ဢၼ်​မီး​တႃ​ၶွၼ်​ၼိုင်ႈ​လႄႈ လႆႈ​ၶဝ်ႈ​ၵႃႈ​ၼႂ်း​တၢင်း​ဢၼ် ဢသၢၵ်ႈ​လိပ်း​ပုၼ်ႉ​ၼၼ်ႉ၊ ယဵင်ႈ​ၶႅၼ်း​တၵ်း​လီ​သေ​တၢင်း​ဢၼ် မီး​တႃ​သွင်​ၶွၼ်​လႄႈ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​သႂ်ႇ ၵႃႈ​ၼႂ်း​ၽႆး​ငရၢႆး​ပုၼ်ႉ​ဢေႃႈ။</verse>
				<verse number="10">လွင်ႈ​ၼင်ႇ​ႁိုဝ် သူ​တၵ်း​ဢမ်ႇ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​လုၵ်ႈ​ဢွၼ်ႇ ၸိူဝ်း​ၼႆႉ​သေ​ၵေႃႉ​သေ​ၵူၼ်း​ၸိုင်၊ ႁဵတ်း​သတီႉ​တႃႉ။ ၵဝ်​ဝႃႈ​တီႈ​သူ​ၸမ်ႉ၊ တမၢၼ်ႇ​ၵၢင်​ႁၢဝ်​လုၵ်ႈ​ဢွၼ်ႇ​တင်း​လၢႆ​ၸိူဝ်း​ၼႆႉ လႆႈ​တူၺ်း​လႆႈ​ႁၼ်​ၼႃႈ​ပေႃႈ​ၵဝ် ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="11">လွင်ႈ​မၼ်း​ၸမ်ႉ လုၵ်ႈ​ၵူၼ်း​မႃး​ႁႂ်ႈ​လႆႈ​ၵႄႇ​ၶျွတ်ႈ​ဢဝ် ၶဝ်​ၸိူဝ်း​ဢၼ်​ႁၢႆ​ၵႂႃႇ​ၼၼ်ႉ​ဢေႃႈ။</verse>
				<verse number="12">သူ​ထၢင်ႇ​ၸိူဝ်ႉ​ၼင်ႇ​ႁိုဝ်။ တီႈ​ၵေႃႉ​ဢၼ်​မီး​သူဝ်း​ပၢၵ်ႇ​ၼိုင်ႈ​ၼၼ်ႉ၊ ပေႃး​တူဝ်​ၼိုင်ႈ​ၽိတ်း​တၢင်း​လႄႈ​ႁၢႆ​ၵႂႃႇ​ၸိုင်၊ မၼ်း​ၸၢင်ႈ​ဢဝ်​သူဝ်း​ၵဝ်ႈ​သိပ်း​ပၢႆ​ၵဝ်ႈ​တူဝ် ဝႆႉ​ၵႃႈ​ၼိူဝ်​လွႆ​ယဝ်ႉ​ၸင်ႇ၊ ၵႂႃႇ​ႁႃ​သူဝ်း​ဢၼ်​ၽိတ်း​တၢင်း​လႄႈ​ႁၢႆ​ၵႂႃႇ တူဝ်​ၼိုင်ႈ​ၼၼ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="13">ပေႃး​ထူပ်း​ႁၼ်​ယဝ်ႉ​ၸိုင်၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ မၼ်း​ယဵင်ႈ​ၶႅၼ်း​သိူဝ်း​ၸူမ်း​လွင်ႈ​တူဝ်​ၼၼ်ႉ ၼႃႇ​သေ​လွင်ႈ​သူဝ်း​ဢၼ်​ဢမ်ႇ​ၽိတ်း​တၢင်း​လႄႈ ဢမ်ႇ​ႁၢႆ​ၵႂႃႇ​ၵဝ်ႈ​သိပ်း​ပၢႆ​ၵဝ်ႈ​တူဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="14">မိူၼ်​ၼင်ႇ​ၼၼ် ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ ဢမ်ႇ​မီး​ဢလူဝ်ႇ​ၶႂ်ႈ​ႁႂ်ႈ​လုၵ်ႈ​ဢွၼ်ႇ​ၸိူဝ်း​ၼႆႉ လူႉ​လႅဝ်​သေ​ၵေႃႉ​သေ​ၵူၼ်း။</verse>
				<verse number="15">ပေႃး​ပီႈ​ၼွင်ႉ​မႂ်း​ၽိတ်း​ပိူင်ႈ​မႂ်း​ၸိုင်၊ ၵႂႃႇ​လႄႈ ၽုၺ်ႇ​ဢွၵ်ႇ​ၼႄ​ပျႃး ဢပႅတ်ႈ​မၼ်း ဝူင်ႈ​ၵၢင်​မႂ်း​တင်း​မၼ်း​ၵူၺ်း​တႃႉ။ ပေႃး​မၼ်း​ထွမ်ႇ​မႂ်း​ၸိုင်၊ မႂ်း​လႆႈ​ပီႈ​ၼွင်ႉ​မႂ်း​ယဝ်ႉ။-</verse>
				<verse number="16">ဢမ်ႇ​ၼၼ် ပေႃး​မၼ်း​ဢမ်ႇ​ထွမ်ႇ​မႂ်း​ၸိုင်၊ ႁွင်ႉ​ဢဝ်​ၵူၼ်း​သွင်​ၵေႃႉ​သၢမ်​ၵေႃႉ ၵႂႃႇ​လူၺ်ႈ​ၵၼ်​တင်း​မႂ်း ႁႂ်ႈ​ၵႂၢမ်း​ၵႃႈ​မီး​တင်း​သဵင်ႈ​တင်း​လူင် တႄႇ​ပဵၼ်​တီႈ​သူပ်း​ၵူၼ်း​သွင်​ၵေႃႉ​သၢမ်​ၵေႃႉ​ၼၼ်ႉ​ထႅင်ႈ​လူး​ၵွၼ်ႇ​တႃႉ။-</verse>
				<verse number="17">ပေႃး​မၼ်း​ဢမ်ႇ​ထွမ်ႇ​ၵႂၢမ်း​ၶဝ်​ၼၼ်ႉ​ၸိုင်၊ လၢတ်ႈ​တီႈ​ၸိူဝ်း​ၸဝ်ႈ​တႃႉ။ ပေႃး​မၼ်း​ဢမ်ႇ​ထွမ်ႇ​ၸိူဝ်း​ၸဝ်ႈ​ၸိုင်၊ ႁႂ်ႈ​မၼ်း​ပဵၼ်​ၸိူဝ်ႉ​ၼင်ႇ​ၵူၼ်း​သႃႇသၼႃႇပႃႉ ဢိၵ်ႇ​တင်း​ၵူၼ်း​ၵဵပ်း​ၶွၼ်ႇ​ၼၼ်ႉ​တီႈ​မႂ်း​တႃႉ။</verse>
				<verse number="18">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵႃႈ​ဢၼ်​သူ​မတ်ႉ​ၽုၵ်ႇ​ဝႆႉ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ တၵ်း​မတ်ႉ​ၽုၵ်ႇ​ဝႆႉ​ယူႇ ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ၵႃႈ​ဢၼ်​သူ ပွႆႇ​လွတ်ႈ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ တၵ်း​ပွႆႇ​လွတ်ႈ​ယူႇ ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။</verse>
				<verse number="19">လႆႈ​သမ်ႉ ၵဝ်​ဝႃႈ​တီႈ​သူ​ထႅင်ႈ​ၵမ်း​ၼိုင်ႈ​ၸမ်ႉ၊ ၼႂ်း​သူ ပေႃး​သွင်​ၵေႃႉ​ၸႂ်​မိူၼ်​ၵၼ်​ၵႃႈ​ၼိူဝ်​လိၼ်​မိူင်း​ၼႆႉ​ၼႂ်း​လွင်ႈ​တၢင်း​ဢၼ် ၶဝ်​တၵ်း​ယွၼ်း​ဢဝ်​သေ​ၸိူဝ်ႉ​သေ​ပိူင်​ၼၼ်ႉ​ၸိုင်၊ ပေႃႈ​ၵဝ်​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ တၵ်း​ပၼ်​တီႈ​ၶဝ်​ဢေႃႈ။-</verse>
				<verse number="20">လွင်ႈ​မၼ်း​ၸမ်ႉ တီႈ​လႂ်​တၼ်း​လႂ်​သေ​ဢမ်ႇ​ဝႃႈ၊ ပေႃး​ၵူၼ်း သွင်​ၵေႃႉ​သၢမ်​ၵေႃႉ ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ ၸူႉ​ၵၼ်​တုမ်​ၵၼ်​ၸိုင်၊ ၵဝ်​မီး​ယူႇ​ၵႃႈ​ၼႂ်း​ၵၢင်​ၶဝ်​ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">မိူဝ်ႈ​ၼၼ်ႉ ပေႇတရူႉ ​ၸင်ႇ​သုတ်ႉ​ၸပ်း​သုတ်ႉ​ၸူး​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ပီႈ​ၼွင်ႉ​ၵဝ်​ၶႃႈ ၽိတ်း​ပိူင်ႈ​ၵဝ်​ၶႃႈ​လႄႈ ၵဝ်​ၶႃႈ​တၵ်း​လႆႈ​ပွႆႇ​လွတ်ႈ​ဢပႅတ်ႈ​မၼ်း​လၢႆ​ပွၵ်ႈ​ၶႃႈ။ ႁႂ်ႈ​ထိုင်​ႁွတ်ႈ​ၸဵတ်း​ပွၵ်ႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​ဝႃႈ ႁႂ်ႈ​ထိုင်​ႁွတ်ႈ​ၸဵတ်း​ပွၵ်ႈ။ ၵဝ်​ဝႃႈ​ႁႂ်ႈ​ထိုင်​ႁွတ်ႈ ၸဵတ်း​သိပ်း ၸဵတ်း​ပွၵ်ႈ​ဢေႃႈ။-</verse>
				<verse number="23">ပိူဝ်ႈ​ၼႆ​လႄႈ မိူင်း​ၵၢင်​ႁၢဝ်​ၸဝ်ႈ မိူၼ်​ၸိူဝ်ႉ​ၼင်ႇ​ၶုၼ်​လူင်​ၵေႃႉ​ၼိုင်ႈ ဢၼ်​မီး​ဢလူဝ်ႇ​ၶႂ်ႈ​ဢဝ် ၸရၢင်း​ၶႃႈ​ၵူၼ်း​တူဝ်​ၸဝ်ႈ​ၵဝ်ႇ​တင်း​လၢႆ​ၼၼ်ႉ​ဢေႃႈ။-</verse>
				<verse number="24">ၼႂ်း​မိူဝ်ႈ​ဢၼ်​ယင်း​တိုၵ်ႉ​ၸႃႉ​ဢဝ်​ၸရၢင်း​ယူႇ​ၼၼ်ႉ​ၸိုင်၊ ၶဝ်​ဢဝ်​ၵူၼ်း​ဢၼ်​ထုၵ်ႇ​ၼီႈ တလၢၼ်ႇတၢၼ်ႇ ​သႅၼ်​ၼိုင်ႈ​ၼၼ်ႉ​ၵေႃႉ​ၼိုင်ႈ မႃး​တီႈ​ၸဝ်ႈ​ၼၼ်ႉ​ဢေႃႈ။-</verse>
				<verse number="25">ၵွပ်ႈ​ပိူဝ်ႈ​ဢၼ်​ၵေႃႉ​ၼၼ်ႉ ဢမ်ႇ​မီး​တီႈ​ဢၼ်​တၵ်း​တႅၼ်း​ၼီႈ​ၼၼ်ႉ​လႄႈ၊ ၸဝ်ႈ​မၼ်း​ၸီႇ​ယၢင်ႇ​ႁႂ်ႈ​ဢဝ်​ၸႃႉ​ၸဵမ်​တူဝ်​မၼ်း​၊ လုၵ်ႈ​လၢင်း​မၼ်း၊ မေး​မၼ်း တင်း​ဢုၵ်ႉ​ၸႃႇ​ၶူဝ်း​လဵင်း​မၼ်း ၵႃႈ​မီး​တင်း​သဵင်ႈ​တင်း​လူင် ၶၢႆ​ပႅတ်ႈ​သေ​လႄႈ တႅၼ်း​ၼီႈ​ၼၼ်ႉ​ဢေႃႈ။-</verse>
				<verse number="26">ၶႃႈ​ၼၼ်ႉ ၶုပ်ႉ​မူပ်ႇ​ၵူမ်ႈ​ၵွမ်း​ယူႇ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ယိူၼ်ႉ​ၶၢမ်ႇ​ၵဝ်​ၶႃႈ​သေ​ၵမ်း​တီႈ​ၶႃႈ၊ ၼီႈ​ၵႃႈ​မီး​ၼၼ်ႉ​ၸိုင် တၵ်း​တႅၼ်း​ယူႇ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="27">ၸဝ်ႈ​ၶႃႈ​ၼၼ်ႉ မီး​ၸႂ်​ဢၼ်​ဢဵတ်း​လူ​သေ​ယဝ်ႉ၊ ပၼ်​ၵတ်း​ယဵၼ်​ၶျၢမ်း​သႃႇ​တီႈ​မၼ်း​လႄႈ ပွႆႇ​လွတ်ႈ​ၼီႈ​မၼ်း​ၵႃႈ​မီး​တင်း​သဵင်ႈ​တင်း​လူင်​ဢေႃႈ။</verse>
				<verse number="28">ၶႃႈ​ၼၼ်ႉ​ဢွၵ်ႇ​ၵႂႃႇ​လႄႈ ထူပ်း​ႁၼ်​ၶႃႈ​ၼင်ႇ​ၵၼ် ဢၼ်​ထုၵ်ႇ​ၼီႈ​တီႈ​မၼ်း​ တေႇၼႃႇရီႇ ​ပၢၵ်ႇ​ၼိုင်ႈ​ၼၼ်ႉ​ၵေႃႉ​ၼိုင်ႈ​သေ​ယဝ်ႉ၊ ယိပ်း​ငႅၼ်း​ၶေႃး​မၼ်း​သေ​လႄႈ လၢတ်ႈ​လႄႈ​ဝႃႈ၊ တႅၼ်း​ပၼ်​ဢၼ်​မႂ်း​ထုၵ်ႇ​ပၼ်​တီႈ​ၵဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ၵေႃႉ​ဢၼ်​ပဵၼ်​ၶႃႈ​ၼင်ႇ​ၵၼ်​ၼၼ်ႉ ၶုပ်ႉ​မူပ်ႇ​သေ​လႄႈ​တွင်း​ပၢၼ်ႇ​လႄႈ​ဝႃႈ၊ ယိူၼ်ႉ​ၶၢမ်ႇ​ၵဝ်​ၶႃႈ​သေ​ၵမ်း​ၶႃႈ။ ၼီႈ​ၵႃႈ​မီး​ၼၼ်ႉ​ၸိုင်၊ တၵ်း​တႅၼ်း​ယူႇ​ၶႃႈ​ဢေႃႈ၊ ဝႃႈ​ၼႆ၊-</verse>
				<verse number="30">ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ မၼ်း​ယင်း​ဢမ်ႇ​ထွမ်ႇ​လႄႈ ၵႂႃႇ​သေ​ယဝ်ႉ၊ ဢဝ်​မၼ်း​ၶင်​ဝႆႉ​ၵႃႈ​ၼႂ်း​ထွင်ႇ တေႃႇ​ထိုင်​ႁွတ်ႈ​တႅၼ်း​ပၼ်​ၼီႈ​ၼၼ်ႉ​ဢေႃႈ။-</verse>
				<verse number="31">မိူဝ်ႈ​ဢၼ်​ၶႃႈ​ၼင်ႇ​ၵၼ် တၢင်ႇ​ၵေႃႉ​တင်း​လၢႆ​ႁၼ်​လွင်ႈ​တၢင်း​ၼၼ်ႉ​ၸိုင်၊ ၶဝ်​ၸဵပ်း​ၸႂ်​ၼႃႇ​လူင်​လၢင်​လႄႈ ၵႂႃႇ​လဝ်ႊ​လၢတ်ႈ​ၼႄ​ပျႃး​လွင်ႈ​ၵႃႈ​ဢၼ် မၼ်း​ႁဵတ်း​တီႈ​ၵေႃႉ​ၼၼ်ႉ တင်း​သဵင်ႈ​တင်း​လူင်​တီႈ​ၸဝ်ႈ​ၶဝ်​ၼၼ်ႉ​ဢေႃႈ။-</verse>
				<verse number="32">မိူဝ်ႈ​ၼၼ်ႉ ၸဝ်ႈ​မၼ်း​ႁွင်ႉ​မၼ်း​မႃး​သေ​လႄႈ လၢတ်ႈ​လႄႈ​ဝႃႈ၊ ၶႃႈ​ဢၼ်​ႁၢႆႉ​မိူၵ်ႈ​ၼႆႉ​ဢိူၺ်း၊ ပိူဝ်ႈ​ဢၼ်​မႂ်း​တွင်း​ပၢၼ်ႇ​ၵဝ်​လႄႈ ၵဝ်​ပွႆႇ​လွတ်ႈ​ၼီႈ​တီႈ​မႂ်း​တင်း​သဵင်ႈ​တင်း​မူတ်း​ဢေႃႈ။-</verse>
				<verse number="33">ၸိူဝ်ႉ​ၼင်ႇ​ဢၼ်​ၵဝ်​ဢဵတ်း​လူ​မႂ်း​ၼၼ်ႉ၊ မႂ်း​ၵေႃႈ​ဢမ်ႇ​ထုၵ်ႇ​လီ​ဢဵတ်း​လူ​ၵေႃႉ​ဢၼ်​ပဵၼ်​ၶႃႈ​ၼင်ႇ​ၵၼ်​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="34">ၸႂ်​မႆႈ​ၶႆႈ​ၸႃႉ​လႄႈ ဢဝ်​မၼ်း​ဢၢပ်ႈ​ပၼ်​ၼႂ်း​မိုဝ်း​ထွင်ႇ​မူး​တင်း​လၢႆ တေႃႇ​ထိုင်​ႁွတ်ႈ​ၸူဝ်ႈ​ဢၼ်​မၼ်း​ဢမ်ႇ​ပႆႇ​တႅၼ်း​ပၼ်​ၼီႈ​တင်း​သဵင်ႈ​တင်း​မူတ်း​ၼၼ်ႉ​ဢေႃႈ။-</verse>
				<verse number="35">မိူၼ်​ၼင်ႇ​ၼၼ် ပေႃး​သူ​ဢမ်ႇ​ပႃး​ႁူဝ်​ၸႂ်​သေ​လႄႈ ပွႆႇ​လွတ်ႈ​ဢပႅတ်ႈ​တီႈ​ပီႈ​ၼွင်ႉ​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼၼ်ႉ​ၸိုင်၊ ပေႃႈ​ၵဝ်​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ တၵ်း​ၸီႇ​ယၢင်ႇ​သူ​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="19">
				<verse number="1">ယေႇသူႉ ​ၼၼ်ႉ မိူဝ်ႈ​ဢၼ်​ႁေႃး​လၢတ်ႈ​တေႇသၼႃႇ​ၼၼ်ႉ တင်း​သဵင်ႈ​တင်း​မူတ်း​ယဝ်ႉ​ၸိုင်၊ ၸင်ႇ​ၽၢတ်ႇ​သေ​မိူင်း​ ၵႃႇလီႉလႄး ​လႄႈ ၵႂႃႇ​ၵႃႈ​တီႈ​လႅၼ်​လိၼ်​မိူင်း​ ယူႉတႃႉ ၊ ၽၢၵ်ႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။-</verse>
				<verse number="2">ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​လႄႈ မၼ်း​ၸဝ်ႈ​ႁႂ်ႈ​ၶဝ်​ၸိုၼ်ႈ​ၶဝ်​ၶႅၼ်း​ၵႃႈ​တီႈ​ၼၼ်ႈ​ဢေႃႈ။</verse>
				<verse number="3">ၵမ်း​ၼၼ်ႉ ၽႃႇရီႉသႄး ​တင်း​လၢႆ မႃး​တီႈ​မၼ်း​ၸဝ်ႈ​သေ​လႄႈ ၼင်ႇ​ႁိုဝ်​တၵ်း​လႆႈ​ၸၢမ်း​တူၺ်း​ယႃႉ​ယူၵ်ႉ​မၼ်း​ၸဝ်ႈ​ၸိုင် လဝ်ႊ​ထၢမ်​လႄႈ​ဝႃႈ၊ ၵူၼ်း​ထုၵ်ႇ​လီ​ပႅတ်ႈ​မေး​မၼ်း​ၵွပ်ႈ​ပိူဝ်ႈ​တၢင်း​ဢၼ်​ၽိတ်း​ပိူင်ႈ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="4">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သူ​ဢမ်ႇ​ယၢမ်ႈ​လႆႈ​ၽတ်း​ၵျၢမ်း​လိၵ်ႈ​ဢၼ်​ဝႃႈ၊ မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ၊ ၸဝ်ႈ​ဢၼ်​ၽၢၼ်ႇ​သၢင်း ႁဵတ်း​ပဵၼ်​ၼၼ်ႉ ၽၢၼ်ႇ​သၢင်း​ႁဵတ်း​ပဵၼ်​ၵူၼ်း​ၸၢႆး တင်း​ၵူၼ်း​ယိင်း သွင်​ၵေႃႉ​ၵူၺ်း​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ၵူၼ်း​ၸၢႆး​တၵ်း​လႆႈ​ၽၢတ်ႇ​ၵၼ်​တင်း ပေႃႈ​မႄႈ​မၼ်း​သေ​လႄႈ ၸပ်း​ၸွမ်း​ၽၢႆႇ​မေး​မၼ်း​သေ​ယဝ်ႉ၊ ၶဝ်​သွင်​ၵေႃႉ​ၼၼ်ႉ တၵ်း​လႆႈ​ပဵၼ်​ၼိူဝ်ႉ​ပဵၼ်​လိူတ်ႈ ဢၼ်​လဵဝ်​ၵၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။-</verse>
				<verse number="6">ပိူဝ်ႈ​ၼႆ​လႄႈ ၶဝ်​ၼၼ်ႉ ပဵၼ်​သွင်​ၵေႃႉ​ဢမ်ႇ​ၸႂ်ႈ၊ ပဵၼ်​ၵေႃႉ​လဵဝ်​ၵူၺ်း​ဢေႃႈ။ ၵူၼ်း​ယႃႇ​ပေ​ႁႂ်ႈ​ဢဝ်​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ ဢဝ်​ၽၢၵ်ႈ​ဢဝ်​ႁွမ်း​ၵၼ်​ၼၼ်ႉ ၽၢတ်ႇ​ၵၼ်​ယၢၼ်​ၵၼ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၶဝ်​ၼၼ်ႉ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ႁဵတ်း​သင်​လႄႈ မူဝ်းသေႇ ​ၸီႇ​ယၢင်ႇ​ဝႆႉ​ႁႂ်ႈ​ပၼ်​လိၵ်ႈ ဢၼ်​ပုတ်း​ဢၼ်​ၶၢတ်ႇ​သေ​လႄႈ ပႅတ်ႈ​မေး​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​ႁူဝ်​ၸႂ်​သူ ၵႅၼ်ႇ​ၶႅင်​လႄႈ မူဝ်းသေႇ ​ၸီႇ​ယၢင်ႇ​ဝႆႉ ဢၶႂၢင်ႉ​ဢၼ်​လႆႈ ပႅတ်ႈ​မေး​ဢေႃႈ။ မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။-</verse>
				<verse number="9">ၵဝ်​ပိင်း​ၺၢပ်ႈ​ဝႆႉ​တီႈ​သူ​ၸမ်ႉ၊ လိူဝ်​သေ​ၵွပ်ႈ​ပိူဝ်ႈ​တၢင်း​ဢၼ် ၽိတ်း​ပိူင်ႈ​ၼၼ်ႉ​ၵူၺ်း၊ ၵေႃႉ​ဢၼ်​ပႅတ်ႈ​မေး​မၼ်း​သေ​လႄႈ သမ်ႉ​ဢဝ်​တၢင်ႇ​ၵေႃႉ​ထႅင်ႈ​ၼၼ်ႉ ၽိတ်း​ပိူင်ႈ​မေး​မၼ်း​ဢေႃႈ။ ၵေႃႉ​ဢၼ်​ဢဝ်​မေး​ဢၼ်​ပႅတ်ႈ​ၼၼ်ႉ​ၵေႃႈ ၽိတ်း​ပိူင်ႈ​မေး​ပိူၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">တပႄး​ၸဝ်ႈ​တင်း​လၢႆ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ပေႃး​လွင်ႈ​ၽူဝ်​လွင်ႈ​မေး​ပဵၼ်​ၸိူဝ်ႉ​ၼင်ႇ​ၼၼ်​ၸိုင် ဢမ်ႇ​လီ​ဢဝ်​ၵၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵႂၢမ်း​ၼႆႉ​ၸိုင် ၵူၼ်း​ၵူႈ​ၵေႃႉ​ဢမ်ႇ​ႁပ်ႉ​တုင်း​ဢဝ်​လႆႈ။ ၶဝ်​ၸိူဝ်း​ဢၼ်​လႆႈ​ဢၶႂၢင်ႉ​ၼၼ်ႉ​ၵူၺ်း ႁပ်ႉ​တုင်း​ဢဝ်​လႆႈ​ဢေႃႈ။-</verse>
				<verse number="12">မီး​ၶဝ်​ၸိူဝ်း​ဢၼ် ပဵၼ်​ၵူၼ်း​တွၼ်​ၵႃႈ​ၼႂ်း​တွင်ႉ​မႄႈ​မႃး​ဢေႃႈ။ ၶဝ်​ၸိူဝ်း​ဢၼ် ပိူၼ်ႈ​မႄး​ႁဵတ်း​ဢဝ်​လႄႈ ပဵၼ်​ၵူၼ်း​တွၼ်​ၼၼ်ႉ​ၵေႃႈ မီး​ဢေႃႈ။ ၶဝ်​ၸိူဝ်း​ဢၼ်​သင်ႇ​သွၼ်​တူဝ်​ၸဝ်ႈ​ၵဝ်ႇ​လႄႈ ပဵၼ်​ၵူၼ်း​တွၼ်​ပုၼ်ႈ​မိူင်း​ၵၢင်​ႁၢဝ်​ၸဝ်ႈ​ၼၼ်ႉ​ၵေႃႈ မီး​ဢေႃႈ။ ၵႂၢမ်း​ၼႆႉ​ၸိုင် ႁႂ်ႈ​ၵေႃႉ​ဢၼ်​ႁပ်ႉ​တုင်း​ဢဝ်​လႆႈ​ၼၼ်ႉ ႁပ်ႉ​တုင်း​ဢဝ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">မိူဝ်ႈ​ၼၼ်ႉ ၼင်ႇ​ႁိုဝ်​မၼ်း​ၸဝ်ႈ​တၵ်း​ဢဝ်​မိုဝ်း​တၢင်ႇ​လႄႈ ပၼ်​တၢင်း​လီ​ၸိုင် ၶဝ်​ဢဝ်​လုၵ်ႈ​ဢွၼ်ႇ​တင်း​လၢႆ မႃး​တီႈ​မၼ်း​ၸဝ်ႈ​ဢေႃႈ။ ၵူၺ်း​ၵႃႈ တပႄး​ၸဝ်ႈ​တင်း​လၢႆ တၢင်ႇ​ဢပႅတ်ႈ​တီႈ​ၶဝ်​ၼၼ်ႉ​ဢေႃႈ။-</verse>
				<verse number="14">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ပၼ်​ဢၶႂၢင်ႉ​တီႈ​လုၵ်ႈ​ဢွၼ်ႇ​ၸိူဝ်း​ၼၼ်ႉ​တႃႉ။ ယႃႇ​ပေ​ႁၢမ်ႈ​တၢပ်ႈ​ႁႄႉ​ၶႅၼ် လွင်ႈ​ဢၼ်​ၶဝ်​တၵ်း​မႃး​တီႈ​ၵဝ်​ၼၼ်ႉ။ မိူင်း​ၵၢင်​ႁၢဝ်​ၸဝ်ႈ​ပဵၼ်​မိူင်း​ၶဝ်​ၸိူဝ်ႉ​ၼင်ႇ​ၼႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မၼ်း​ၸဝ်ႈ​ဢဝ်​မိုဝ်း​တၢင်ႇ​ၵႃႈ​ၼိူဝ်​လုၵ်ႈ​ဢွၼ်ႇ​ၸိူဝ်း​ၼၼ်ႉ​ယဝ်ႉ​ၸင်ႇ၊ ၵႂႃႇ​သေ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="16">လိုၼ်း​ၼၼ်ႉ ၵူၼ်း​ၵေႃႉ​ၼိုင်ႈ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ လဝ်ႊ​ထၢမ်​လႄႈ​ဝႃႈ၊ သြႃႇ​ၸဝ်ႈ၊ ၼင်ႇ​ႁိုဝ်​တၵ်း​လႆႈ​ထႃႇဝရႃႉ​ဢသၢၵ်ႈ​ၸိုင်​ၵဝ်​ၶႃႈ​တၵ်း​လႆႈ​ႁဵတ်း​တၢင်း​လီ​ဢၼ်​လႂ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ႁဵတ်း​သင်​လႄႈ​မႂ်း​ထၢမ်​လွင်ႈ​ဢၼ်​မျၢတ်ႈ​ဢၼ်​လီ​ၼၼ်ႉ တီႈ​ၵဝ်​ၼင်ႇ​ႁိုဝ်။ ဢၼ်​မျၢတ်ႈ​ဢၼ်​လီ​ၼၼ်ႉ မီး​သူႇ​လဵဝ်​ပႃး​လဵဝ်​ၵူၺ်း​ဢေႃႈ။ ပေႃး​မႂ်း​ၶႂ်ႈ​ၶဝ်ႈ​ၼႂ်း​တၢင်း​ဢၼ် ဢသၢၵ်ႈ​လိပ်း​ၼၼ်ႉ​ၸိုင်၊ ၵမ်​ၵျၢင်ႉ​ပိင်း​ၺၢပ်ႈ​ၸဝ်ႈ​တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မၼ်း​သမ်ႉ​ၶိုၼ်း​လဝ်ႊ​ထၢမ်​လႄႈ​ဝႃႈ၊ ပိင်း​ၺၢပ်ႈ​ဢၼ်​လႂ်​ၶႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ယႃႇ​ပေ​ဢဝ် ဢသၢၵ်ႈ​ၵူၼ်း​တၢႆ။ ယႃႇ​ပေ​ၽိတ်း​မေး​ပိူၼ်ႈ။ ယႃႇ​ပေ​လၵ်ႉ​ဢုၵ်ႉ​ၸႃႇ​ၶူဝ်း​လဵင်း​ပိူၼ်ႈ။ ယႃႇ​ပေ​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ။-</verse>
				<verse number="19">ႁဵတ်း​ရူဝ်ႇ​သေႇ​ၵူဝ်​ယမ်​ပေႃႈ​မႄႈ​တႃႉ။ ႁၵ်ႉ​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ မိူၼ်​ၸိူဝ်ႉ​ၼင်ႇ​တူဝ်​ၸဝ်ႈ​ၵဝ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၵူၼ်း​ၼုမ်ႇ​ၼၼ်ႉ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ပိင်း​ၺၢပ်ႈ​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၸိုင် ၵဝ်​ၶႃႈ​ၵမ်​ၵျၢင်ႉ​ၶႃႈ​ယဝ်ႉ။ ယင်း​လူဝ်ႇ​ထႅင်ႈ​ဢၼ်​လႂ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ပေႃး​မႂ်း​ၶႂ်ႈ​ပဵၼ်​ဢၼ်​ၸေး​ၸုမ်ႇ​ၸိုင် ၵႂႃႇ​ၶၢႆ​ဢုၵ်ႉ​ၸႃႇ​ၶူဝ်း​လဵင်း​မႂ်း​သေ​လႄႈ ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်ႉ​ၸိုင် တၵ်း​လႆႈ​ၽၼ်ႇတႃႇ ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ႁဵတ်း​ၸိူဝ်ႉ​ၼင်ႇ​ၼၼ်ႉ​ယဝ်ႉ​ၸင်ႇ၊ မႃး​လႄႈ​ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၵူၼ်း​ၼုမ်ႇ​ၼၼ်ႉ ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ပိူဝ်ႈ​ဢၼ်​မၼ်း​ပဵၼ်​ၵေႃႉ​ဢၼ်​ၸၢင်ႈ​မီး​ဢုၵ်ႉ​ၸႃႇ​ၶူဝ်း​လဵင်း​ၼမ်​ၼႃႇ​လႄႈ မီး​တင်း​ၸႂ်​ဢၼ်​ဢမ်ႇ​သိူဝ်း​ဢမ်ႇ​ပျေႃႇ​ဢွၵ်ႇ​ၵႂႃႇ​သေ​ဢေႃႈ။</verse>
				<verse number="23">ယေႇသူႉ ​လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵူၼ်း​မၢၵ်ႈ​ၵူၼ်း​မီး​ၶဝ်ႈ​ၼႂ်း​မိူင်း​ၵၢင်​ႁၢဝ်​ၸဝ်ႈ ယၢပ်ႇ​လူင်​ယၢပ်ႇ​လၢင်​ဢေႃႈ။-</verse>
				<verse number="24">ၵဝ်​သမ်ႉ​ဝႃႈ​တီႈ​သူ​ၵမ်း​ၼိုင်ႈ​ၸမ်ႉ၊ ၵလႃးဢုၵ်ႉ​လၼ်ႈ​ႁူး​ၶဵမ်​ငၢႆႈ​သေ ၵူၼ်း​မၢၵ်ႈ​ၵူၼ်း​မီး​ၶဝ်ႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">တပႄး​ၸဝ်ႈ​ၸိူဝ်း​ၼၼ်ႉ ငိၼ်း​သေ​ယဝ်ႉ၊ ၵႂင်​ၸႂ်​ယုင်ႈ​ၸႂ်​ၼႃႇ​လူင်​လၢင်​လႄႈ​ဝႃႈ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် ၽူႈ​လႂ်​တၵ်း​ႁွတ်ႈ​ထိုင် တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ​လႆႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ယေႇသူႉ ​ၵေႃႈ​တူၺ်း​ၶဝ်​ၼၼ်ႉ​သေ​လႄႈ လၢတ်ႈ​လႄႈ​ဝႃႈ၊ လွင်ႈ​တၢင်း​ၼႆႉ​ၸိုင် ၵူၼ်း​ဢမ်ႇ​တၢတ်ႈ​ၼိူင်ႇ​လႆႈ။ ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​တၢတ်ႈ​ၼိူင်ႇ​လွင်ႈ​တၢင်း တင်း​သဵင်ႈ​တင်း​လူင်​လႆႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">မိူဝ်ႈ​ၼၼ်ႉ ပေႇတရူႉ ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​ၼႆႉ ၸုၼ်ႉ​ပႅတ်ႈ​ၵႃႈ​ဢၼ်​မီး​တင်း​သဵင်ႈ​တင်း​လူင်​သေ​လႄႈ ၸွမ်း​ပႃႈ​လင်​ၸဝ်ႈ​ႁဝ်း​ၶႃႈ​ယဝ်ႉ။ တၵ်း​လႆႈ​ဢၵျူဝ်း​ဢၼ်​လႂ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="28">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၼႂ်း​ၶိင်ႇ​ၵႃႇလႃႉ​ဢၼ်​မႄး​ႁဵတ်း​ဢၼ်​မႂ်ႇ တင်း​သဵင်ႈ​တင်း​လူင် မိူဝ်ႈ​ဢၼ်​လုၵ်ႈ​ၵူၼ်း​ၼင်ႈ​ၵႃႈ​ၼိူဝ်​ပလၢင်ႇ ဢၼ်​မီး​မုၼ်​ၽုင်း​ၼၼ်ႉ၊ သူ​ၸိူဝ်း​ဢၼ်​ၸွမ်း​ပႃႈ​လင်​ၵဝ်​ၼႆႉ တၵ်း​လႆႈ​ၼင်ႈ​ၵႃႈ​ၼိူဝ် ပလၢင်ႇ​သိပ်း​သွင်​ဢၼ်​သေ​လႄႈ ၸီႇ​ယၢင်ႇ​ၵူၼ်း​ ဢီႉသရေႇလႃႉ သိပ်း​သွင်​မဵဝ်း​ဢေႃႈ။-</verse>
				<verse number="29">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၸုၼ်ႉ​ပႅတ်ႈ​ႁိူၼ်း၊ ပီႈ​ၼွင်ႉ​ၸဵမ်​ယိင်း​ၸဵမ်​ၸၢႆး၊ ပေႃႈ​မႄႈ၊ လုၵ်ႈ​မေး၊ ႁႆႊ​ၼႃး​တင်း​လၢႆ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ၊ ၵေႃႉ​ၼၼ်ႉ​တၵ်း​လႆႈ​ဢၵျူဝ်း​ပဵၼ်​ပုၼ်ႈ​ၼမ်​ၼႃႇ​လႄႈ ၶၢမ်ႇ​ဢမူၺ်ႇ​ထႃႇဝရႃႉ​ဢသၢၵ်ႈ​ဢေႃႈ။-</verse>
				<verse number="30">ၶဝ်​ၸိူဝ်း​ဢၼ် တူၵ်း​ဢွၼ်​တၢင်း​ၼမ်​ၼႃႇ တၵ်း​တူၵ်း​လိုၼ်း​ဢေႃႈ။ ၶဝ်​ၸိူဝ်း​ဢၼ်​တူၵ်း​လိုၼ်း​ၼမ်​ၼႃႇ တၵ်း​တူၵ်း​ဢွၼ်​တၢင်း​ဢေႃႈ။</verse>
			</chapter>
			<chapter number="20">
				<verse number="1">ဢူႉပမႃႇ​ၸမ်ႉ၊ မိူင်း​ၵၢင်​ႁၢဝ်​ၸဝ်ႈ မိူၼ်​ၸိူဝ်ႉ​ၼင်ႇ​ၸဝ်ႈ​ႁိူၼ်း​ဢၼ်​ဢွၵ်ႇ​ၵႂႃႇ ၵၢင်​ၼႂ်​ၸဝ်ႉ​ၸဝ်ႉ ႁႂ်ႈ​လႆႈ​ၸၢင်ႈ​ဢဝ်​ၵူၼ်း​ၸိူဝ်း​ဢၼ် တၵ်း​ႁဵတ်း​သူၼ်​ၸပိတ်ႈ​မၼ်း​ၼၼ်ႉ​ဢေႃႈ။-</verse>
				<verse number="2">မၼ်း​ၼၼ်ႉ ယေႈ​ဝၼ်း​တၵ်း​ပၼ်​ တေႇၼႃႇရီႇ ယေႈ​ၶႅပ်း​ဝႃႈ​ၼႆ ႁပ်ႉ​တုင်း​ဢဝ်​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် တၵ်း​ႁဵတ်း​တၵ်း​သၢင်ႈ​ၼၼ်ႉ​ယဝ်ႉ​ၸင်ႇ၊ ပွႆႇ​ၸႂ်ႉ​ၶဝ်​ၵႂႃႇ​ၵႃႈ​တီႈ​သူၼ် ၸပိတ်ႈ​မၼ်း​ပုၼ်ႉ​ဢေႃႈ။-</verse>
				<verse number="3">သၢမ်​ၼႃႇရီႇ​ၸမ်​ၸမ်၊ မၼ်း​သမ်ႉ​ဢွၵ်ႇ​ၵႂႃႇ​လႄႈ ထူပ်း​ႁၼ်​ၵူၼ်း​တၢင်ႇ​တီႈ​ဢၼ်​ဢမ်ႇ​ႁဵတ်း​တၢင်း​ႁဵတ်း​တင်း​လၢႆ ၸုၵ်း​ယူႇ​ၼႂ်း​ၵၢတ်ႇ​လႄႈ လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊-</verse>
				<verse number="4">သူ​ၼႆႉ​ၵေႃႈ ၵႂႃႇ​ၵႃႈ​တီႈ​သူၼ်​ၸပိတ်ႈ​ၵဝ်​ပုၼ်ႉ​တႃႉ။ ၵဝ်​တၵ်း​ပၼ်​ထုၵ်ႇ​ထုၵ်ႇ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ၵေႃႈ​ၵႂႃႇ​ဢေႃႈ။-</verse>
				<verse number="5">ၵမ်း​ၼိုင်ႈ ၶိင်ႇ​ႁူၵ်း​ၼႃႇရီႇ​ၸမ်​ၸမ်၊ ၵမ်း​ၼိုင်ႈ​ၶိင်ႇ​ၵဝ်ႈ​ၼႃႇရီႇ​ၸမ်​ၸမ်၊ မၼ်း​သမ်ႉ​ဢွၵ်ႇ​ၵႂႃႇ​လႄႈ ႁဵတ်း​ၸိူဝ်ႉ​ၼင်ႇ ၵမ်း​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="6">သိပ်း​ဢဵတ်း​ၼႃႇရီႇ​ၸမ်​ၸမ်​ၵေႃႈ၊ မၼ်း​သမ်ႉ​ဢွၵ်ႇ​ၵႂႃႇ​လႄႈ ထူပ်း​ႁၼ်​ၵူၼ်​တၢင်ႇ​တီႈ​တင်း​လၢႆ ၸုၵ်း​ယူႇ​လႄႈ​ထၢမ်​တီႈ​ၶဝ်​လႄႈ​ဝႃႈ၊ ႁဵတ်း​သင်​လႄႈ​သူ​ၼႆႉ ယင်း​ဢမ်ႇ​ႁဵတ်း​တၢင်း​ႁဵတ်း​လႄႈ ၸုၵ်း​ယူႇ​ၵႃႈ​တီႈ​ၼႆႈ​တင်း​ဝၼ်း​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="7">ၶဝ်​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၸၢင်ႈ​ဢဝ်​ႁဝ်း​ၶႃႈ​ၼႆႉ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​လၢတ်ႈ​လႄႈ​ဝႃႈ၊ သူ​ၼႆႉ​ၵေႃႈ ၵႂႃႇ​ၵႃႈ​တီႈ​သူၼ်​ၸပိတ်ႈ​ၵဝ်​ပုၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">မိူဝ်ႈ​ဢၼ်​ထိုင်​ၶိင်ႇ​ႁူဝ်​ၶမ်ႈ​ၸိုင်၊ ၸဝ်ႈ​သူၼ်​ၸပိတ်ႈ​ၼၼ်ႉ လၢတ်ႈ​တီႈ​ၸရေး​မၼ်း​လႄႈ​ဝႃႈ၊ ႁွင်ႉ​ၶဝ်​ၸိူဝ်း​ဢၼ်​ႁဵတ်း​ဢၼ်​သၢင်ႈ​ၼၼ်ႉ​မႃး​တႃႉ။ ပၼ်​ၵႃႈ​မၼ်း​ၶၼ်​မၼ်း​ၵႃႈ​တီႈ ၸႃႉ​ၸဵမ်​ၶဝ်​ၸိူဝ်း​ဢၼ်​ၶဝ်ႈ​ႁဵတ်း​လိုၼ်း​ၼၼ်ႉ တေႃႇ​ထိုင်​ႁွတ်ႈ​ၶဝ်​ၸိူဝ်း​ဢၼ်​ၶဝ်ႈ​ႁဵတ်း​ဢွၼ်​တၢင်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ ၶဝ်​ၸိူဝ်း​ဢၼ်​ၶဝ်ႈ​ႁဵတ်း​သိပ်း​ဢဵတ်း​ၼႃႇရီႇ​ၸမ်​ၸမ်​ၼၼ်ႉ မႃး​လႄႈ​ၶၢမ်ႇ​ဢဝ်​ယေႈ​ၵေႃႉ​ တေႇၼႃႇရီႇ ယေႈ​ၶႅပ်း​ဢေႃႈ။-</verse>
				<verse number="10">မိူဝ်ႈ​ဢၼ် ၶဝ်​ၸိူဝ်း​ဢၼ်​ၶဝ်ႈ​ႁဵတ်း​ဢွၼ်​တၢင်း​ၼၼ်ႉ​မႃး​ၸိုင်၊ ပိၵ်ႉ​သမ်ႉ​ၶဝ်​ထၢင်ႇ​ၼႂ်း​ၸႂ်​လႄႈ​ဝႃႈ၊ ႁဝ်း​ၼႆႉ​ယဵင်ႈ​ၶႅၼ်း​တၵ်း​လႆႈ​လိူဝ်​လႆႈ​တွၼ်း​ဢေႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ လႆႈ​ယေႈ​ၵေႃႉ တေႇၼႃႇရီႇ ယေႈ​ၶႅပ်း​ဢေႃႈ။-</verse>
				<verse number="11">မိူဝ်ႈ​ဢၼ်​လႆႈ​ၶၢမ်ႇ​ဢဝ်​ၸိူဝ်ႉ​ၼင်ႇ​ၼၼ်ႉ​ယဝ်ႉ​ၸိုင် ၶဝ်​သႄႉ​သွမ်း​တၢင်ႇ​ဢပႅတ်ႈ​တီႈ​ၸဝ်ႈ​ႁိူၼ်း​လႄႈ​ဝႃႈ၊-</verse>
				<verse number="12">ၶဝ်​ၸိူဝ်း​ဢၼ်​ၶဝ်ႈ​ႁဵတ်း​လိုၼ်း​ၼၼ်ႉ ပိၵ်ႉ​သမ်ႉ​ႁဵတ်း​ၼႃႇရီႇ​ၼိုင်ႈ​ၵူၺ်း​သေ​ၵေႃႈ၊ ၸဝ်ႈ​ႁဝ်း​ၸီႇ​ယၢင်ႇ​ႁႂ်ႈ​ပဵၼ်​မိူၼ်​ၵၼ်​တင်း​ႁဝ်း​ၸိူဝ်း​ဢၼ်​ႁၢပ်ႇ​ၼၵ်း​တင်း​ဝၼ်း​လႄႈ လႆႈ​ၶၢမ်ႇ​တၢင်း​ဢၼ်​လႅတ်ႇ​မႆႈ​ၼႆႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၸဝ်ႈ​ႁိူၼ်း​ၵေႃႈ ၶိုၼ်း​လၢတ်ႈ​တီႈ​ၵေႃႉ​ၼိုင်ႈ​လႄႈ​ဝႃႈ၊ ပီႈ​ၼွင်ႉ​ဢိူၺ်း၊ ၵဝ်​ဢမ်ႇ​ႁဵတ်း​လွင်ႈ​တၢင်း​ဢၼ်​ဢမ်ႇ​သိုဝ်ႈ​ဢမ်ႇ​တေႃႇ​တီႈ​မႂ်း။ ပုၼ်ႈ​ တေႇၼႃႇရီႇ ​ၶႅပ်း​ၼိုင်ႈ ဝႃႈ​ၼႆ​မႂ်း​ႁပ်ႉ​တုင်း​ဢဝ်​တီႈ​ၵဝ်​ယဝ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="14">ဢဝ်​ၶွင်​မႂ်း​လႄႈ​ၵႂႃႇ​တႃႉ။ ၵဝ်​မီး​ဢလူဝ်ႇ​ၶႂ်ႈ​ပၼ်​တီႈ​ၶဝ်​ၸိူဝ်း​ဢၼ်​ႁဵတ်း​လိုၼ်း​ၼၼ်ႉ မိူၼ်​ၵၼ်​တင်း​မႂ်း​ဢေႃႈ။-</verse>
				<verse number="15">ၵႃႈ​ၼင်ႇ​ဢၼ် ၵဝ်​ၶႂ်ႈ​ဢဝ်​ၶွင်​တူဝ်​ၸဝ်ႈ​ၵဝ်ႇ​ႁဵတ်း​ၼၼ်ႉ၊ ၵဝ်​ဢမ်ႇ​လႆႈ​ႁဵတ်း​ႁိုဝ်။ ပိူဝ်ႈ​ဢၼ်​ၵဝ်​လီ​လႄႈ ဢမ်ႇ​ထုၵ်ႇ​တႃ​မႂ်း​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မိူၼ်​ၼင်ႇ​ၼၼ် ၶဝ်​ၸိူဝ်း​ဢၼ်​တူၵ်း​လိုၼ်း​တၵ်း​တူၵ်း​ဢွၼ်​တၢင်း​ဢေႃႈ။ ၶဝ်​ၸိူဝ်း​ဢၼ်​တူၵ်း​ဢွၼ်​တၢင်း တၵ်း​တူၵ်း​လိုၼ်း​ဢေႃႈ။ ပိၵ်ႉ​သမ်ႉ​ၶဝ်​ၸိူဝ်း​ဢၼ် မၼ်း​ၸဝ်ႈ​ႁွင်ႉ​ဢဝ်​ၼၼ်ႉ ၼမ်​ၼႃႇ​သေ​ၵေႃႈ၊ ၶဝ်​ၸိူဝ်း​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ ၵေႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ၼႂ်း​မိူဝ်ႈ​ဢၼ်​ ယေႇသူႉ ​ၶိုၼ်ႈ​ၵႂႃႇ ၵႃႈ​တီႈ​ဝဵင်း​ ယေႇရူႉသလႅမ်ႇ ​ယူႇ​ၼၼ်ႉ​ၸိုင်၊ ၵႃႈ​တီႈ​ၵၢင်​တၢင်း မၼ်း​ၸဝ်ႈ​ႁွင်ႉ​ဢဝ်​တပႄး​ၸဝ်ႈ သိပ်း​သွင်​ပႃး ၵႂႃႇ​ၵႃႈ​တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​သေ​လႄႈ လၢတ်ႈ​လႄႈ​ဝႃႈ၊-</verse>
				<verse number="18">တူၺ်း​လူး၊ ႁဝ်း​ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ယူႇ​ဢေႃႈ။ လုၵ်ႈ​ၵူၼ်း​တၵ်း​ၶၢမ်ႇ​တၢင်း​ဢၼ် ဢၢပ်ႈ​တီႈ​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ​ဢေႃႈ။ ၶဝ်​ၼၼ်ႉ တၵ်း​ၸီႇ​ယၢင်ႇ​ႁႂ်ႈ​တၢႆ​ဢေႃႈ။-</verse>
				<verse number="19">ၶဝ်​တၵ်း​ဢဝ်​မၼ်း​ဢၢပ်ႈ​ပၼ် တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ႁႂ်ႈ​ၶဝ်​လႆႈ​ႁဵတ်း​ပျၢၵ်ႈ​ယႅၼ်ႉ​တူပ်ႇ​ဢဝ်​တွၵ်ႇ​ဝႆႉ ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ဢေႃႈ။ ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ မၼ်း​တၵ်း​လုၵ်ႉ​ၶိုၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">မိူဝ်ႈ​ၼၼ်ႉ မေး​ ၸေႇပေႇတႄး ဢိၵ်ႇ​တင်း​လုၵ်ႈ​ၸၢႆး​မၼ်း​တင်း​လၢႆ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​လႄႈ ၶုပ်ႉ​မူပ်ႇ​ယူႇ​သေ​လႄႈ ယွၼ်း​သေ​ၸိူဝ်ႉ​သေ​ပိူင် တီႈ​မၼ်း​ၸဝ်ႈ​ဢေႃႈ။-</verse>
				<verse number="21">မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ မႂ်း​ၶႂ်ႈ​ယွၼ်း​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႅၼ်း​တေႃႈ​ပၼ်​ဢၶႂၢင်ႉ​ႁႂ်ႈ​လုၵ်ႈ​ၸၢႆး​ၵဝ်​ၶႃႈ​သွင်​ၵေႃႉ​ၼႆႉ လႆႈ​ၼင်ႈ​ၵႃႈ​တီႈ​ၽၢႆႇ​ၶႂႃ​ၸဝ်ႈ​ႁဝ်း​ၵေႃႉ​ၼိုင်ႈ ၵႃႈ​တီႈ​ၽၢႆႇ​သၢႆႉ​ၸဝ်ႈ​ႁဝ်း​ၵေႃႉ​ၼိုင်ႈ ၵႃႈ​ၼႂ်း​မိူင်း​ၸဝ်ႈ​ႁဝ်း​ပုၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ သူ​ၼႆႉ​ဢမ်ႇ​ႁူႉ​လွင်ႈ​ဢၼ်​သူ​ယွၼ်း​ၼၼ်ႉ။ သူ​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ၵိၼ်​ၵွၵ်း​ဢၼ်​ၵဝ်​ၸမ်​တၵ်း​လႆႈ​ၵိၼ်​ၼၼ်ႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​တၢတ်ႈ​ၼိူင်ႇ​လႆႈ​ယူႇ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵွၵ်း​ၵဝ်​ၸိုင် သူ​တၵ်း​လႆႈ​ၵိၼ်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ လွင်ႈ​ဢၼ်​တၵ်း​လႆႈ​ၼင်ႈ​ၵႃႈ​တီႈ​ၽၢႆႇ​ၶႂႃ​ၵဝ်၊ ၵႃႈ​တီႈ​ၽၢႆႇ​သၢႆႉ​ၵဝ်​ၼၼ်ႉ​ၸမ်ႉ၊ ၵဝ်​ဢမ်ႇ​ပိူင်ႇ​ပၼ်။ ပုၼ်ႈ​ႁင်း​ၽူႈ​လႂ်​သေ​ဢမ်ႇ​ဝႃႈ၊ ဢၼ်​ပေႃႈ​ၵဝ်​မႄး​ဝႆႉ​ၼၼ်ႉ​ၸိုင် တၵ်း​ပဵၼ်​ပုၼ်ႈ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">တပႄး​ၸဝ်ႈ​သိပ်း​ပႃး​ၼၼ်ႉ​ငိၼ်း​သေ​ယဝ်ႉ ၸႂ်​မႆႈ​ၶႆႈ​ၸႃႉ​တီႈ​ပီႈ​ၼွင်ႉ​သွင်​ၵေႃႉ​ၼၼ်ႉ​ဢေႃႈ။-</verse>
				<verse number="25">ယေႇသူႉ ​ႁွင်ႉ​ဢဝ်​ၶဝ်​လႄႈ​လၢတ်ႈ​ဝႃႈ၊ ၶဝ်​ၸိူဝ်း​ဢၼ်​ပဵၼ်​ၶုၼ်​ၼႂ်း​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ ၸၢင်ႈ​ဢုပ်ႉ​ၸၢင်ႈ​ပိူင်ႇ​ဢေႃႈ။ ၶဝ်​ၸိူဝ်း​ဢၼ်​ပဵၼ်​ၵူၼ်း​ယႂ်ႇ​ၵူၼ်း​လူင်​တင်း​လၢႆ​ၵေႃႈ ၸၢင်ႈ​ဝႆႉ​ဢႃႇၼႃႇ ဝႃႈ​ၼႆ​သူ​ႁူႉ​ယူႇ​ဢေႃႈ။-</verse>
				<verse number="26">ၼႂ်း​သူ​ၸမ်ႉ၊ ဢမ်ႇ​လႆႈ​ပဵၼ်​ၸိူဝ်ႉ​ၼင်ႇ​ၼၼ်။ ၼႂ်း​သူ​ၼႆႉ ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ၶႂ်ႈ​ပဵၼ်​ၵူၼ်း​ယႂ်ႇ​သူ​ၼၼ်ႉ ႁႂ်ႈ​ၵေႃႉ​ၼၼ်ႉ ပဵၼ်​ၵူၼ်း​ၸႂ်ႉ​ၵူၼ်း​သွႆ​သူ​တႃႉ။-</verse>
				<verse number="27">ၼႂ်း​သူ​ၼႆႉ ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ၶႂ်ႈ​ပဵၼ်​ႁူဝ်​သူ​ၼၼ်ႉ​ၵေႃႈ ႁႂ်ႈ​ၵေႃႉ​ၼၼ်ႉ ပဵၼ်​ၶႃႈ​သူ​တႃႉ။-</verse>
				<verse number="28">မိူၼ်​ၼင်ႇ​ၼၼ် လုၵ်ႈ​ၵူၼ်း​မႃး ႁႂ်ႈ​လႆႈ​ၸႂ်ႉ​ၵိၼ်​ပိူၼ်ႈ​ဢမ်ႇ​ၸႂ်ႈ။ မႃး​ႁႂ်ႈ​လႆႈ​ၶၢမ်ႇ​တၢင်း​ဢၼ်​ပိူၼ်ႈ​ၸႂ်ႉ ဢိၵ်ႇ​တင်း​ႁႂ်ႈ​လႆႈ​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ​သေ​လႄႈ ထုတ်ႇ​ဢဝ်​ၵူၼ်း​ၼမ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">ၼႂ်း​မိူဝ်ႈ​ဢၼ် ၶဝ်​ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရီႉၶူဝ်း ၵႂႃႇ​ယူႇ​ၼၼ်ႉ​ၸိုင်၊ ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ၸွမ်း​ပႃႈ​လင်​မၼ်း​ၸဝ်ႈ​ယူႇ​ဢေႃႈ။-</verse>
				<verse number="30">ၵူၼ်း​တႃ​မွတ်ႇ​သွင်​ၵေႃႉ ဢၼ်​ၼင်ႈ​ယူႇ​ၵႃႈ​တီႈ​ႁိမ်း​တၢင်း​ၼၼ်ႉ၊ မိူဝ်ႈ​ဢၼ်​လႆႈ​ငိၼ်း​လွင်ႈ​ဢၼ်​ ယေႇသူႉ ၸွမ်း​တၢင်း​ၵႂႃႇ​ယူႇ​ၼၼ်ႉ​ၸိုင်၊ ႁွင်ႉ​သႅၼ်ႇ​လႄႈ​ဝႃႈ၊ ၸဝ်ႈ​ႁဝ်း၊ လုၵ်ႈ​ တႃႇဝိတ်ႈ ​တီႈ​ၶႃႈ၊ ဢဵတ်း​လူ​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ယူႇ​ဢေႃႈ၊-</verse>
				<verse number="31">ပိၵ်ႉ​သမ်ႉ​ၵူၼ်း​ဢၼ်​ၸူႉ​ဢၼ်​တုမ်​ႁိုတ်း​ဝႃႈ ႁႂ်ႈ​ၶဝ်​ယူႇ​တဵတ်ႇ​တဵတ်ႇ​ယဵၼ်​ယဵၼ်​သေ​ၵေႃႈ ၶဝ်​ၼၼ်ႉ ယဵင်ႈ​ၶႅၼ်း​ႁွင်ႉ​သႅၼ်ႇ​လႄႈ​ဝႃႈ၊ ၸဝ်ႈ​ႁဝ်း၊ လုၵ်ႈ​ တႃႇဝိတ်ႈ ​တီႈ​ၶႃႈ၊ ဢဵတ်း​လူ​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ယူႇ​ဢေႃႈ။-</verse>
				<verse number="32">ယေႇသူႉ ​ၸင်ႇ ၸုၵ်း​ၵိုတ်း​ယူႇ​သေ​ယဝ်ႉ ႁွင်ႉ​ၶဝ်​လႄႈ​ထၢမ်​ဝႃႈ၊ ၶႂ်ႈ​ႁႂ်ႈ​ၵဝ်​ႁဵတ်း​တီႈ​သူ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="33">ၶဝ်​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ႁဵတ်း​ႁႂ်ႈ​မၢၵ်ႇ​တႃ​ႁဝ်း​ၶႃႈ​ႁၼ်​မႃး​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ယေႇသူႉ ​မီး​ၸႂ်​ဢၼ်​ဢဵတ်း​လူ​လႄႈ တိူဝ်ႉ​သႂ်ႇ​မၢၵ်ႇ​တႃ​ၶဝ်​ၼၼ်ႉ​ဢေႃႈ။ ၶဝ်​ၼၼ်ႉ မၢၵ်ႇ​တႃ​ႁၼ်​မႃး​ၵမ်း​လဵဝ်​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။</verse>
			</chapter>
			<chapter number="21">
				<verse number="1">မိူဝ်ႈ​ဢၼ် ၶဝ်​ႁွတ်ႈ​ၸမ် ဝဵင်း​ ယေႇရူႉသလႅမ်ႇ တီႈ​ဝၢၼ်ႈ​ ပႅတ်ႉၽႃႇၵေး ၵႃႈ​တီႈ​ လွႆ​သၢၼ်ႇလုၼ်ႇ ​ၼၼ်ႉ​ၸိုင်၊ ယေႇသူႉ ​ပွႆႇ​ၸႂ်ႉ​တပႄး​ၸဝ်ႈ​သွင်​ၵေႃႉ​ၵႂႃႇ​လႄႈ သင်ႇ​လၢတ်ႈ​ဝႃႈ၊-</verse>
				<verse number="2">ၵႂႃႇ​ၵႃႈ​တီႈ​ဝၢၼ်ႈ​ဢၼ်​မီး​ပႃႈ​ၼႃႈ​သူ​ပုၼ်ႉ​တႃႉ။ သူ​တၵ်း​ထူပ်း​ႁၼ်​လီႈ​မႄႈ ဢၼ်​မတ်ႉ​ဝႆႉ​ဢိၵ်ႇ​တင်း​လီႈ​ဢွၼ်ႇ​ဢၼ်​မီး​လူၺ်ႈ​ၵၼ်​တင်း​မၼ်း​ၼၼ်ႉ​ၵမ်း​လဵဝ်​ဢေႃႈ။ ၵႄႈ​လႄႈ​ဢဝ်​မႃး​တီႈ​ၵဝ်​တႃႉ။-</verse>
				<verse number="3">ပေႃး​ပိူၼ်ႈ​ဝႃႈ​တီႈ​သူ​သေ​ၸိူဝ်ႉ​သေ​ပိူင်​ၸိုင် ၶိုၼ်း​လၢတ်ႈ​လႄႈ​ဝႃႈ၊ ၸဝ်ႈ​မီး​ဢလူဝ်ႇ​၊ ဝႃႈ​ၼင်ႇ​ၼႆ​တႃႉ။ ၵေႃႉ​ၼၼ်ႉ​တၵ်း​ပၼ်​မႃး​ၵမ်း​လဵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">လွင်ႈ​တၢင်း​ၼႆႉ​ၸမ်ႉ၊ ၼင်ႇ​ႁိုဝ်​ၵႂၢမ်း​ဢၼ်​ဢွၵ်ႇ​သူပ်း​ပရေႃးၽႅတ်ႈ​ၼၼ်ႉ တၵ်း​ပျေႉ​ၸုမ်ႇ​ၸိုင်၊ ၸင်ႇ​ပဵၼ်​ဢေႃႈ။-</verse>
				<verse number="5">ၵႂၢမ်း​ၼၼ်ႉ​ၸမ်ႉ၊ တူၺ်း​လူး၊ လၢတ်ႈ​တီႈ​လုၵ်ႈ​ယိင်း​သၢဝ် ၸီႉဢုၼ်ႇ ​လႄႈ​ဝႃႈ၊ ၶုၼ်​လူင်​မႂ်း​ၼၼ်ႉ မီး​တင်း​ၸႂ်​ဢၼ်​ဢူၼ်ႈ​ဢၼ်​ဢွၼ်ႇ ၶီႇ​လီႈ​တင်း​လီႈ​ဢွၼ်ႇ​လႄႈ မႃး​ၵႃႈ​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">တပႄး​ၸဝ်ႈ​ၸိူဝ်း​ၼၼ်ႉ​ၵႂႃႇ​လႄႈ​ႁဵတ်း​ၸွမ်း​ၵႃႈ​ၼင်ႇ​ဢၼ် မၼ်း​ၸဝ်ႈ​သင်ႇ​လၢတ်ႈ​ၼၼ်ႉ​သေ​ယဝ်ႉ၊-</verse>
				<verse number="7">ဢဝ်​လီႈ​တင်း​လီႈ​ဢွၼ်ႇ​မႃး​လႄႈ ဢဝ်​ၶူဝ်း​ၼုင်ႈ​ၶဝ် တၢင်ႇ​ၵႃႈ​ၼိူဝ်​လင်​လီႈ​ယဝ်ႉ​ၸင်ႇ၊ မၼ်း​ၸဝ်ႈ​ၼင်ႈ​ၵႃႈ​ၼိူဝ်​ၼၼ်ႉ​ဢေႃႈ။-</verse>
				<verse number="8">ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ဢဝ်​ၶူဝ်း​ၼုင်ႈ​ၶဝ်​သိူဝ်ႇ​ဝႆႉ​ပူ​ဝႆႉ ၵႃႈ​ၼႂ်း​သဵၼ်ႈ​တၢင်း​ဢေႃႈ။ ၵမ်ႈ​ၽွင်ႈ​ၵေႃႈ ၽၼ်း​ၵိင်ႇ​မႆႉ​ၶူဝ်ႈ​မႆႉ​သေ​လႄႈ သိူဝ်ႇ​ဝႆႉ​ပူ​ဝႆႉ​ၵႃႈ​ၼႂ်း​သဵၼ်ႈ​တၢင်း​ဢေႃႈ။-</verse>
				<verse number="9">ၵူၼ်း​ဢၼ်​ၸူႉ​ဢၼ်​တုမ်​ဢၼ်​ၵႂႃႇ​ပႃႈ​ၼႃႈ​လႂ်၊ ဢၼ်​ၸွမ်း​ပႃႈ​လင်​လႂ် ၸိူဝ်း​ၼၼ်ႉ​ၵေႃႈ ႁွင်ႉ​သႅၼ်ႇ​လႄႈ​ဝႃႈ၊ ႁႂ်ႈ​ပဵၼ်​ ႁူဝ်းသၼ်ႇၼႃႉ တီႈ​လုၵ်ႈ​ တႃႇဝိတ်ႈ ​ၼႆႉ​သေ​ၵမ်း​လူၺ်ႈ။ ႁႂ်ႈ​ၸဝ်ႈ​ဢၼ်​ပႃး​တင်း​ဢၶႂၢင်ႉ​ၽြႃး​ပဵၼ်​ၸဝ်ႈ​မႃး​ၼႆႉ မီး​မင်ႇၵလႃႇ​သေ​ၵမ်း​လူၺ်ႈ။ ႁႂ်ႈ​ပဵၼ်​ ႁူဝ်းသၼ်ႇၼႃႉ ၵႃႈ​ၼိူဝ်​ၸိၵ်း​ၸွမ်​ၵၢင်​ႁၢဝ်​ပုၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ဢၼ်​မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင်၊ တင်း​ဝဵင်း ပဵၼ်​တၢင်း​ဢၼ်​မေႃး​မႄး​ဢူၼ်​ဢဵၼ် ၵႂင်​ၸႂ်​ယုင်ႈ​ၸႂ်​လႄႈ တွင်ႈ​ထၢမ်​လႄႈ​ဝႃႈ၊ ၵေႃႉ​ၼႆႉ​ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="11">ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ၵေႃႈ လၢတ်ႈ​လႄႈ​ဝႃႈ၊ ၵေႃႉ​ၼႆႉ​ပဵၼ်​ပရေႃးၽႅတ်ႈ​ ယေႇသူႉ ဢၼ်​ပေႃႇ​ပႂၢင်ႉ​မႃး ၵႃႈ​ၼႂ်း​ဝဵင်း ၼႃႇၸရႅတ်ႈ ​မိူင်း​ ၵႃႇလီႉလႄး ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ယေႇသူႉ ​ၶဝ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​သေ​ယဝ်ႉ၊ ႁေႃႈ​ၶဝ်​ၸိူဝ်း​ဢၼ်​သိုဝ်ႉ​ဢၼ်​ၶၢႆ ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​တင်း​လၢႆ​ၼၼ်ႉ​ဢွၵ်ႇ​ပႅတ်ႈ​လႄႈ ဢီး​လူမ်ႉ​ၶူင်ႇ​ၶဝ်​ၸိူဝ်း​ဢၼ် လႅၵ်ႈ​ငိုၼ်း ဢိၵ်ႇ​တင်း​တီႈ​ၼင်ႈ​ၶဝ်​ၸိူဝ်း​ဢၼ် ၶၢႆ​ၼူၵ်ႉ​တူႈ​ၸိူဝ်း​ၼၼ်ႉ​ပႅတ်ႈ​သေ​လႄႈ​ဝႃႈ၊-</verse>
				<verse number="13">ႁိူၼ်း​ၵဝ်​ၸိုင် တၵ်း​လႆႈ​ၶၢမ်ႇ​တၢင်း​ဢၼ် ႁွင်ႉ​ႁဵၵ်ႈ​ႁိူၼ်း​တီႈ​ဢၼ်​သူး​တွင်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ သူ​ဢွၼ်​ၵၼ်​ႁႂ်ႈ​မၼ်း​ပဵၼ် ထမ်ႈ​ၸူၼ်​ယူႇ​လူင်​ပႄႇ​ဝႃႈ​ၼႆ၊ တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​ၸိူဝ်ႉ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​တႃ​မွတ်ႇ ဢိၵ်ႇ​တင်း​ၶဝ်​ၸိူဝ်း​ဢၼ် တိၼ်​ဢမ်ႇ​လီ​တင်း​လၢႆ မႃး​တီႈ​မၼ်း​ၸဝ်ႈ ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​လႄႈ မၼ်း​ၸဝ်ႈ​ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ၼၼ်ႉ​ႁၢႆ​ဢေႃႈ။-</verse>
				<verse number="15">မိူဝ်ႈ​ဢၼ်​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ ႁူႉ​ႁၼ်​လွင်ႈ​တၢင်း​ဢၼ်​လီ​ဢၢမ်း ဢၼ်​မၼ်း​ၸဝ်ႈ​ႁဵတ်း​ၸိူဝ်း​ၼၼ်ႉ ဢိၵ်ႇ​တင်း​လွင်ႈ​ဢၼ် လုၵ်ႈ​ဢွၼ်ႇ​တင်း​လၢႆ​ႁွင်ႉ​သႅၼ်ႇ​ၵႃႈ​ၼႂ်း ပိၵ်ႈ​မၢၼ်ႇ​ၸဝ်ႈ​လႄႈ​ဝႃႈ၊ ႁႂ်ႈ​ပဵၼ်​ ႁူဝ်းသၼ်ႇၼႃႉ တီႈ​လုၵ်ႈ​ တႃႇဝိတ်ႈ ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၶဝ်​ၸႂ်​မႆႈ​ၶႆႈ​ၸႃႉ​လႄႈ ထၢမ်​တီႈ​မၼ်း​ၸဝ်ႈ​လႄႈ​ဝႃႈ၊-</verse>
				<verse number="16">လွင်ႈ​ဢၼ်​ၶဝ်​လၢတ်ႈ​ဝႃႈ ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင် ငိၼ်း​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၸႂ်ႈ​ယဝ်ႉ။ သူ​ဢမ်ႇ​ယၢမ်ႈ​လႆႈ​ၽတ်း​ၵႂၢမ်း​ဢၼ်​မီး​မႃး​လႄႈ​ဝႃႈ၊ ၸဝ်ႈ​ႁဝ်း​မႄး​ဝႆႉ​တၢင်း​ဢၼ် ယွင်ႈ​ယေႃး​ၵႃႈ​ၼႂ်း​သူပ်း​လုၵ်ႈ​ဢွၼ်ႇ​တင်း​ၶဝ်​ၸိူဝ်း​ဢၼ် ၵိၼ်​ၼူမ်း​တင်း​လၢႆ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မိူဝ်ႈ​ၼၼ်ႉ မၼ်း​ၸဝ်ႈ​ပႅတ်ႈ​ဝႆႉ​ၶဝ်​ၼၼ်ႉ​သေ​လႄႈ ဢွၵ်ႇ​ၵႂႃႇ​ၵႃႈ​ၼွၵ်ႈ​ဝဵင်း​ယဝ်ႉ​ၸင်ႇ၊ ႁွတ်ႈ​ထိုင်​ၵႃႈ​တီႈ​ဝၢၼ်ႈ ပေႇထၼီႉ ​ပုၼ်ႉ​လႄႈ ၵိင်း​ၼွၼ်း​ယူႇ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="18">ၶိင်ႇ​ၵၢင်​ၼႂ်၊ ၼႂ်း​မိူဝ်ႈ​ဢၼ်​မၼ်း​ၸဝ်ႈ ယင်း​တိုၵ်ႉ​ၶိုၼ်း​မိူဝ်း​ၵႃႈ​တီႈ​ဝဵင်း​ယူႇ​ၼၼ်ႉ​ၸိုင် မၼ်း​ၸဝ်ႈ​တွင်ႉ​မႆႈ​ဢေႃႈ။-</verse>
				<verse number="19">မၼ်း​ၸဝ်ႈ​ႁၼ်​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​တူၼ်ႈ​ၼိုင်ႈ ၵႃႈ​တီႈ​ႁိမ်း​တၢင်း​ၼၼ်ႉ​သေ​ယဝ်ႉ၊ ၵႂႃႇ​ၵႃႈ​တီႈ​တူၼ်ႈ​ၼၼ်ႉ​လႄႈ ထူပ်း​ႁၼ်​မႂ်​မၼ်း​ၵူၺ်း​ၵူၺ်း​ယဝ်ႉ​ၸင်ႇ၊ လၢတ်ႈ​လႄႈ​ဝႃႈ၊ ၸႃႉ​ၸဵမ်​မိူဝ်ႈ​လဵဝ်​ၼႆႉ​လႄႈ ယႃႇ​ႁႂ်ႈ​မႂ်း​လႆႈ​မၢၵ်ႇ​မၢၵ်ႇ​သေ​ပွၵ်ႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ယဝ်ႉ​ၼၼ်ႉ၊ တူၼ်ႈ​ၼၼ်ႉ ႁဵဝ်ႇ​ႁႅင်ႈ​ၵႂႃႇ​ၵမ်း​လဵဝ်​ဢေႃႈ။-</verse>
				<verse number="20">တပႄး​ၸဝ်ႈ​တင်း​လၢႆ​ႁၼ်​သေ​ယဝ်ႉ၊ ဢွၼ်​ၵၼ်​ဢၢမ်း​လႄႈ​ဝႃႈ၊ တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ၼၼ်ႉ ႁဵဝ်ႇ​ႁႅင်ႈ​ၵႂႃႇ​ၵမ်း​လဵဝ်​ယဝ်ႉ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ပေႃး​သူ​မီး​တၢင်း​ယုမ်ႇ​မၢတ်ႈ​လႄႈ ၵၢင်း​လွတ်ႈ​တင်း တၢင်း​ဢၼ်​ယုမ်ႇ​ၶိုင်ႈ​ၼိုင်ႈ ဢမ်ႇ​ယုမ်ႇ​ၶိုင်ႈ​ၼိုင်ႈ​ၸိုင်၊ သူ​ႁဵတ်း​ၸိူဝ်ႉ​ၼင်ႇ​ဢၼ် ႁဵတ်း​တီႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ၼၼ်ႉ​လႆႈ​ဢမ်ႇ​ၵႃး၊ ပေႃး​လၢတ်ႈ​တီႈ​လွႆ​ၼႆႉ​လႄႈ​ဝႃႈ၊ ၶၢႆႉ​တီႈ​မႂ်း​တႃႉ။ တူၵ်း​ၵႃႈ​ၼႂ်း​ပၢင်ႇ​လၢႆႇ​ပုၼ်ႉ​တႃႉ၊ ဝႃႈ​ၼင်ႇ​ၼႆ​ၸိုင်၊ တၵ်း​ပဵၼ်​ဢေႃႈ။-</verse>
				<verse number="22">ၵႃႈ​ဢၼ်​သူ​မီး​တၢင်း​ဢၼ်​ယုမ်ႇ​မၢတ်ႈ​သေ​လႄႈ သူး​တွင်း​ယွၼ်း​တင်း​သဵင်ႈ​တင်း​လူင်​ၼၼ်ႉ​ၸိုင် သူ​တၵ်း​လႆႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">မိူဝ်ႈ​ဢၼ်​မၼ်း​ၸဝ်ႈ​ၶိုၼ်း​ၶဝ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​လႄႈ သင်ႇ​သွၼ်​သုင်း​မႃႉ​ပၼ်​ယူႇ​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ဢဝ်​တင်း​ဢၶႂၢင်ႉ​ဢၼ်​လႂ် ႁဵတ်း​လွင်ႈ​တၢင်း​ၸိူဝ်း​ၼႆႉ​ၶႃႈ။ ၽူႈ​လႂ်​ပၼ်​ဢၶႂၢင်ႉ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်။-</verse>
				<verse number="24">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​တၵ်း​ထၢမ်​သေ​ၸိူဝ်ႉ​သေ​ပိူင်​တီႈ​သူ​လူး​ၵွၼ်ႇ​ဢေႃႈ။ ပေႃး​သူ​ၶိုၼ်း​လၢတ်ႈ​ပၼ်​ၸိုင်၊ ၵဝ်​တၵ်း​လၢတ်ႈ​ပၼ် လွင်ႈ​ဢၼ်​ၵဝ်​ဢဝ်​တင်း​ဢၶႂၢင်ႉ ဢၼ်​လႂ်​ႁဵတ်း​လွင်ႈ​တၢင်း​ၸိူဝ်း​ၼႆႉ​ၼၼ်ႉ​တီႈ​သူ​ဢေႃႈ။-</verse>
				<verse number="25">ပပ်ႉတီႉၸမ်ႇ​ယူဝ်းႁၢၼ်ႇ ​ၼၼ်ႉ ပဵၼ်​မႃး​ၵႃႈ​တီႈ​လႂ်၊ ပဵၼ်​မႃး​ၵႃႈ​တီႈ​ၵၢင်​ႁၢဝ်​ႁိုဝ်။ ပဵၼ်​မႃး​ၵႃႈ​တီႈ​ၵူၼ်း​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ ၼင်ႇ​ၵၼ်​ၵၼ် ၽွမ်ႉ​ၵၼ်​ၶႆႈ​ၸႂ်​လႄႈ​ဝႃႈ၊ ပေႃး​ႁဝ်း​ဝႃႈ၊ ပဵၼ်​မႃး​ၵႃႈ​တီႈ​ၵၢင်​ႁၢဝ်၊ ဝႃႈ​ၼင်ႇ​ၼႆ​ၸိုင် မၼ်း​ၸဝ်ႈ​တၵ်း​ထၢမ်​လႄႈ​ဝႃႈ၊ ႁဵတ်း​သင်​လႄႈ သူ​ဢမ်ႇ​ယုမ်ႇ​မၢတ်ႈ​မၼ်း​ၼၼ်ႉ ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ပေႃး​ႁဝ်း​ဝႃႈ ပဵၼ်​မႃး​ၵႃႈ​တီႈ​ၵူၼ်း၊ ဝႃႈ​ၼင်ႇ​ၼႆ​ၸိုင်၊ ႁဝ်း​ၵူဝ်​ၵူၼ်း ဢၼ်​ၸူႉ​ဢၼ်​တုမ်​ၸိူဝ်း​ၼႆႉ​ဢေႃႈ။ လွင်ႈ​မၼ်း​ၸမ်ႉ ၵူၼ်း​တင်း​သဵင်ႈ​တင်း​လူင် ထၢင်ႇ​ ယူဝ်းႁၢၼ်ႇ ​ၼၼ်ႉ ပဵၼ်​ၸိူဝ်ႉ​ၼင်ႇ​ပရေႃးၽႅတ်ႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="27">ၶိုၼ်း​လၢတ်ႈ​တီႈ​ ယေႇသူႉ ​လႄႈ​ဝႃႈ၊ ႁဝ်း​ၶႃႈ​ဢမ်ႇ​ႁူႉ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​လၢတ်ႈ​ပၼ် လွင်ႈ​ဢၼ်​ၵဝ်​ဢဝ်​တင်း​ဢၶႂၢင်ႉ ဢၼ်​လႂ်​ႁဵတ်း​လွင်ႈ​တၢင်း​ၸိူဝ်း​ၼႆႉ​ၼၼ်ႉ​တီႈ​သူ။</verse>
				<verse number="28">သူ​ထၢင်ႇ​ၸိူဝ်ႉ​ၼင်ႇ​ႁိုဝ်။ ၵူၼ်း​ၵေႃႉ​ၼိုင်ႈ မီး​လုၵ်ႈ​ၸၢႆး​သွင်​ၵေႃႉ​ဢေႃႈ။ မၼ်း​ၵႂႃႇ​ၵႃႈ​တီႈ​လုၵ်ႈ​တူၼ်ႈ​မၼ်း​သေ​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ မိူဝ်ႈ​ၼႆႉ​ၵႂႃႇ​ႁဵတ်း​ၵႂႃႇ​သၢင်ႈ ၵႃႈ​ၼႂ်း​သူၼ်​ၸပိတ်ႈ​ပုၼ်ႉ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">ၵေႃႉ​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဢမ်ႇ​ၵႂႃႇ​ၵူၺ်ႉ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​ယဝ်ႉ​သေ​ၵေႃႈ၊ လိုၼ်း​ၼၼ်ႉ မၼ်း​ၶုၵ်း​ၸႂ်​လႆႈ​မႆႈ​ၸႂ်​လႄႈ ၵႂႃႇ​ဢေႃႈ။-</verse>
				<verse number="30">မၼ်း​ၼၼ်ႉ ၵႂႃႇ​ၵႃႈ​တီႈ​လုၵ်ႈ​ၸၢႆး​မၼ်း​ၵေႃႉ​လဵၵ်ႉ​လႄႈ​လၢတ်ႈ​ဝႃႈ ၸိူဝ်ႉ​ၼင်ႇ​ၵမ်း​ဢွၼ်​တၢင်း​ၼၼ်ႉ ယဝ်ႉ​ၸင်ႇ၊ ၵေႃႉ​ၼၼ်ႉ​လၢတ်ႈ​လႄႈ​ဝႃႈ၊ တၵ်း​ၵႂႃႇ​ၶႃႈ​ဢေႃႈ​ၸဝ်ႈ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​ယဝ်ႉ​သေ​ၵေႃႈ ယင်း​ဢမ်ႇ​ၵႂႃႇ​လႄႈ​ယူႇ​ဢေႃႈ။-</verse>
				<verse number="31">ၼႂ်း​လုၵ်ႈ​ၸၢႆး​သွင်​ၵေႃႉ​ၼၼ်ႉ၊ ၵေႃႉ​လႂ်​ႁဵတ်း​ၸွမ်း​ဢလူဝ်ႇ​ပေႃႈ​ၶဝ်၊ မိူဝ်ႈ​ဢၼ်​မၼ်း​ၸဝ်ႈ​ထၢမ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ လုၵ်ႈ​တူၼ်ႈ​ႁဵတ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵူၼ်း​ၵဵပ်း​ၶွၼ်ႇ ဢိၵ်ႇ​တင်း​မႄႈ​မွၵ်ႇ​ယႃႈ​တင်း​လၢႆ ၸၢင်ႈ​ၶဝ်ႈ​ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ ဢွၼ်​တၢင်း​သူ​ဢေႃႈ။-</verse>
				<verse number="32">လွင်ႈ​မၼ်း​ၸမ်ႉ ပိၵ်ႉ​သမ်ႉ​ ယူဝ်းႁၢၼ်ႇ ​ၸွမ်း​သဵၼ်ႈ​တၢင်း​ဢၼ်​သိုဝ်ႈ​ဢၼ်​တေႃႇ​လႄႈ မႃး​တီႈ​သူ​သေ​ၵေႃႈ၊ သူ​ဢမ်ႇ​ယုမ်ႇ​မၢတ်ႈ​မၼ်း။ ၵူၼ်း​ၵဵပ်း​ၶွၼ်ႇ ဢိၵ်ႇ​တင်း​မႄႈ​မွၵ်ႇ​ယႃႈ​တင်း​လၢႆ​ၸမ်ႉ၊ ယုမ်ႇ​မၢတ်ႈ​မၼ်း​ဢေႃႈ။ ပိၵ်ႉ​သမ်ႉ​သူ​ႁၼ်​လွင်ႈ​တၢင်း​ၼၼ်ႉ​သေ​ၵေႃႈ၊ လိုၼ်း​သေ​ၼၼ်ႉ သူ​ဢမ်ႇ​ၶုၵ်း​ၸႂ်​လႆႈ​မႆႈ​ၸႂ် ႁႂ်ႈ​လႆႈ​ယုမ်ႇ​မၢတ်ႈ။</verse>
				<verse number="33">ထွမ်ႇ​ၵႂၢမ်း​ဢူႉပမႃႇ​တၢင်ႇ​ၸိူဝ်ႉ​တၢင်ႇ​ဢၼ်​တႃႉ။ ၸဝ်ႈ​ႁိူၼ်း​ၵေႃႉ​ၼိုင်ႈ ၽုၵ်ႇ​သူၼ်​မၢၵ်ႇ​ၸပိတ်ႈ​လႄႈ ႁဵတ်း​ႁူဝ်ႉ​လွမ်ႉ​ႁွပ်ႈ​ဝႆႉ၊ ၶုတ်း​ႁၢင်း​တီႈ​ဢၼ်​တၵ်း​ယဵပ်ႇ​မၢၵ်ႇ​ၸပိတ်ႈ​လႄႈ ပူၵ်း​ထဵင်​လၢင်း​ဝႆႉ​ယဝ်ႉ​ၸင်ႇ၊ ၶၢတ်ႈ​ပၼ်​သူၼ်​ၼၼ်ႉ တီႈ​ၶဝ်​ၸိူဝ်း​ဢၼ်​ႁဵတ်း​သူၼ်​တင်း​လၢႆ​လႄႈ ၵႂႃႇ​တၢင်ႇ​ဝၢၼ်ႈ​တၢင်ႇ​မိူင်း​သေ​ဢေႃႈ။-</verse>
				<verse number="34">မိူဝ်ႈ​ဢၼ်​ၸမ်​တၵ်း​ႁွတ်ႈ​ထိုင်​ၶိင်ႇ​ဢၼ်​မၢၵ်ႇ​မၼ်း​မီး​ၼၼ်ႉ​ၸိုင်၊ မၼ်း​ပွႆႇ​ၸႂ်ႉ​ၵူၼ်း​ဢွၼ်ႇ​တင်း​လၢႆ ၵႂႃႇ​ၵႃႈ​တီႈ​ဢၼ်​ၶဝ်​ၸိူဝ်း​ဢၼ် ႁဵတ်း​သူၼ်​မီး​ၼၼ်ႉ ႁႂ်ႈ​လႆႈ​ၶၢမ်ႇ​ဢဝ်​မၢၵ်ႇ​ၸပိတ်ႈ​ဢေႃႈ။-</verse>
				<verse number="35">ၶဝ်​ၼၼ်ႉ တီႉ​ဢဝ်​ၵူၼ်း​ဢွၼ်ႇ​မၼ်း​ၸိူဝ်း​ၼၼ်ႉ​သေ​လႄႈ ပေႃႉ​ယႅၼ်ႉ​ၵေႃႉ​ၼိုင်ႈ​ဢေႃႈ။ ဢဝ်​တၢႆ​ၵေႃႉ​ၼိုင်ႈ​ဢေႃႈ။ ဢဝ်​မၢၵ်ႇ​ႁိၼ်​ထိမ်ႈ​ၵေႃႉ​ၼိုင်ႈ​ဢေႃႈ။-</verse>
				<verse number="36">လိုၼ်း​ၼၼ်ႉ မၼ်း​ပွႆႇ​ၸႂ်ႉ​ၵူၼ်း​ဢွၼ်ႇ​တၢင်ႇ​ၵေႃႉ ၼမ်​ၼႃႇ​သေ​ၵမ်း​ဢွၼ်​တၢင်း​ၼၼ်ႉ​ၵႂႃႇ​သေ​ယဝ်ႉ၊ ၶဝ်​ၸိူဝ်း​ဢၼ်​ႁဵတ်း​သူၼ်​ၼၼ်ႉ ႁဵတ်း​ၸိူဝ်ႉ​ၼင်ႇ​ၵမ်း​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="37">ပွၵ်ႈ​လိုၼ်း​လင်​သုတ်း မၼ်း​ၵေႃႈ ပွႆႇ​ၸႂ်ႉ​လုၵ်ႈ​ၸၢႆး​တူဝ်​ၸဝ်ႈ​ၵဝ်ႇ​ၵႂႃႇ​လႄႈ​ဝႃႈ၊ ၶဝ်​ၼၼ်ႉ​တၵ်း​ဢႃး​ၼႃႇ​လုၵ်ႈ​ၸၢႆး​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="38">ၶဝ်​ၸိူဝ်း​ဢၼ်​ႁဵတ်း​သူၼ်​ၼၼ်ႉ မိူဝ်ႈ​ဢၼ်​ႁၼ်​လုၵ်ႈ​ၸၢႆး​မၼ်း​ၼၼ်ႉ​မႃး​ၸိုင်၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တိူင်ႇ​ပၢင်ႇ​လၢတ်ႈ​ၸႃ​ၵၼ်​လႄႈ​ဝႃႈ၊ ၵေႃႉ​ၼႆႉ​ပဵၼ်​ၵေႃႉ​ဢၼ်​ၶၢမ်ႇ​ဢမူၺ်ႇ​ဢေႃႈ။ မႃး​မႃး​ဢိူၺ်း၊ ဢဝ်​မၼ်း​တၢႆ​လႄႈ ဢဝ်​ဢမူၺ်ႇ​မၼ်း​တႃႉ​ႁဝ်း၊ ဝႃႈ​ၼင်ႇ​ၼႆ​သေ​လႄႈ​-</verse>
				<verse number="39">တီႉ​ဢဝ်​မၼ်း​ယဝ်ႉ​ၸင်ႇ၊ ႁေႃႈ​ဢွၵ်ႇ​ၵႃႈ​တီႈ​ၼွၵ်ႈ​သူၼ်​သေ​လႄႈ ဢဝ်​တၢႆ​ပႅတ်ႈ​သေ​ဢေႃႈ။-</verse>
				<verse number="40">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် မိူဝ်ႈ​ဢၼ်​ၸဝ်ႈ​သူၼ်​မႃး​ၼၼ်ႉ မၼ်း​တၵ်း​ႁဵတ်း​တီႈ​ၶဝ်​ၸိူဝ်း​ဢၼ်​ႁဵတ်း​သူၼ်​ၼၼ်ႉ ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="41">ပရဵၵ်ႈသၢတ်ႈ​တင်း​လၢႆ​ၸိူဝ်း​ၼၼ်ႉ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ မၼ်း​တၵ်း​ႁႂ်ႈ​ၵူၼ်း​ႁၢႆႉ​ၸိူဝ်း​ၼၼ်ႉ ႁွတ်ႈ​ထိုင်​တၢင်း​ဢၼ်​ယႃႉ​ပႅတ်ႈ​ဢၼ်​ႁၢႆႉ​ဢၼ်​ႁုၵ်း​ၼၼ်ႉ​ၶႃႈ​ဢေႃႈ။ တၵ်း​ဢဝ်​သူၼ်​ၸပိတ်ႈ​ၼၼ်ႉ ၶၢတ်ႈ​ပၼ်​တီႈ​ၵူၼ်း​တၢင်ႇ​ၵေႃႉ​တင်း​လၢႆ ဢၼ်​တၵ်း​ပၼ်​မၢၵ်ႇ​မၼ်း​ၼႂ်း​ၶိင်ႇ​မိူဝ်ႈ​ဢၼ် မၼ်း​မၢၵ်ႇ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="42">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ သူ​ဢမ်ႇ​ယၢမ်ႈ​လႆႈ​ၽတ်း​ၵႂၢမ်း​ၼႂ်း​ၵျၢမ်း​လိၵ်ႈ​ဢၼ်​ဝႃႈ၊ မၢၵ်ႇ​ႁိၼ်​ဢၼ်​ၶဝ်​ၸိူဝ်း​ဢၼ်​ႁဵတ်း​တိူၵ်ႈ ပႅတ်ႈ​ဝႆႉ​ၼၼ်ႉ ၵမ်း​လိုၼ်း​ပဵၼ်​ႁူဝ်​ၸဵင်ႇ​တိူၵ်ႈ​ဢေႃႈ။ လွင်ႈ​တီႈ​ႁဵင်း​ၼႆႉ ပဵၼ်​တီႈ​ဢၼ် ထႃႇဝရႃႉ​ၽြႃး ႁဵတ်း​ဝႆႉ​ဢေႃႈ။ ၵႃႈ​တႂ်ႈ​တႃ​ႁဝ်း​ၼႆႉ​ၵေႃႈ ပဵၼ်​ဢၼ်​လီ​ဢၢမ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။-</verse>
				<verse number="43">ပိူဝ်ႈ​ၼႆ​လႄႈ ၵဝ်​ဝႃႈ​တီႈ​သူ​ၸမ်ႉ၊ တၵ်း​ၼုၵ်ႈ​ဢဝ်​မိူင်း​ၽြႃး​ပဵၼ်​ၸဝ်ႈ​တီႈ​သူ​သေ​လႄႈ ပၼ်​တီႈ​မဵဝ်း​ၵူၼ်း​ဢၼ် တၵ်း​မၢၵ်ႇ​မၢၵ်ႇ မိူင်း​ၸဝ်ႈ​ၼၼ်ႉ​ဢေႃႈ။-</verse>
				<verse number="44">ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​တူၵ်း​သႂ်ႇ​ၵႃႈ​ၼိူဝ်​မၢၵ်ႇ​ႁိၼ်​ၼႆႉ​ၼၼ်ႉ၊ ၵေႃႉ​ၼၼ်ႉ​တၵ်း​ႁၵ်း​ဢေႃႈ။ ၵႃႈ​ၼိူဝ်​ၽူႈ​လႂ်​သေ​ဢမ်ႇ​ဝႃႈ ဢၼ်​မၢၵ်ႇ​ႁိၼ်​ၼႆႉ​တူၵ်း​သႂ်ႇ​ၼၼ်ႉ၊ ၵေႃႉ​ၼၼ်ႉ​တၵ်း​လႅဝ်​ပဵၼ်​မုၼ်ႈ​ပဵၼ်​ၽွင်​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="45">မိူဝ်ႈ​ဢၼ်​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ ၽႃႇရီႉသႄး ​တင်း​လၢႆ​ငိၼ်း​ၵႂၢမ်း​ဢူႉပမႃႇ​ၼၼ်ႉ​ၸိုင် ၶဝ်​ႁူႉ​လွင်ႈ​ဢၼ် မၼ်း​ၸဝ်ႈ​ႁေႃး​လၢတ်ႈ​လူၺ်ႈ လွင်ႈ​ၶဝ်​ၼၼ်ႉ​ဢေႃႈ။-</verse>
				<verse number="46">မိူဝ်ႈ​ဢၼ်​ၶဝ်​ႁႃ ႁႂ်ႈ​လႆႈ​တီႉ​ဢဝ်​မၼ်း​ၸဝ်ႈ​ၼၼ်ႉ​ၸိုင် ၶဝ်​ၵူဝ်​ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵူၼ်း​တင်း​လၢႆ​ၼၼ်ႉ ထၢင်ႇ​မၼ်း​ၸဝ်ႈ​ပဵၼ်​ၸိူဝ်ႉ​ၼင်ႇ​ပရေႃးၽႅတ်ႈ​ဢေႃႈ။</verse>
			</chapter>
			<chapter number="22">
				<verse number="1">ၵမ်း​ၼၼ်ႉ ယေႇသူႉ ​သမ်ႉ​ဢဝ်​ၵႂၢမ်း​ဢူႉပမႃႇ​သေ​လႄႈ ႁေႃး​လၢတ်ႈ​တီႈ​ပရဵၵ်ႈသၢတ်ႈ​တင်း​လၢႆ​လႄႈ​ဝႃႈ​ၸမ်ႉ၊-</verse>
				<verse number="2">မိူင်း​ၵၢင်​ႁၢဝ်​ၸဝ်ႈ မိူၼ်​ၸိူဝ်ႉ​ၼင်ႇ​ၶုၼ်​လူင်​ပႃး​ၼိုင်ႈ ဢၼ်​ႁဵတ်း​ပွႆး​သွင်ႇ​မင်ႇၵလႃႇ ပုၼ်ႈ​လုၵ်ႈ​ၸၢႆး​တူဝ်​ၸဝ်ႈ​ၵဝ်ႇ​ၼၼ်ႉ​လႄႈ၊-</verse>
				<verse number="3">ပွႆႇ​ၸႂ်ႉ​ၵူၼ်း​ဢွၼ်ႇ​မၼ်း​တင်း​လၢႆ​ၵႂႃႇ ႁႂ်ႈ​လႆႈ​ႁွင်ႉ​ဢဝ်​ၶဝ်​ၸိူဝ်း​ဢၼ် ၽိတ်ႈ​ပၢင်း​ယဝ်ႉ​ၼၼ်ႉ​မႃး​သေ​ၵေႃႈ ၶဝ်​ဢမ်ႇ​မီး​ဢလူဝ်ႇ​ၶႂ်ႈ​မႃး​ၼၼ်ႉ​ဢေႃႈ။-</verse>
				<verse number="4">လိုၼ်း​ၼၼ်ႉ​သမ်ႉ ပွႆႇ​ၸႂ်ႉ​ၵူၼ်း​ဢွၼ်​တၢင်ႇ​ၵေႃႉ​တင်း​လၢႆ​ၵႂႃႇ​လႄႈ​သင်ႇ​လၢတ်ႈ​ဝႃႈ၊ ၵဝ်​မႄး​ႁႅၼ်း​ပွႆး​ၵဝ်​ဝႆႉ​ယဝ်ႉ။ ဢဝ်​ၸႃႉ​ၸဵမ်​ဝူဝ်း​လႂ်၊ တရိၵ်ႈသၢၼ်ႇ​ဢၼ်​ပီး​လီ​မၼ်း​လီ​လႂ် တၢႆ​ယဝ်ႉ​ယဝ်ႉ။ မႄး​ႁႅၼ်း​ၵူႈ​ၸိူဝ်ႉ​ၵူႈ​ပိူင်​ဝႆႉ​ယဝ်ႉ။ လၢတ်ႈ​တီႈ​ၶဝ်​ၸိူဝ်း​ဢၼ် ၽိတ်ႈ​ပၢင်း​ၼၼ်ႉ​လႄႈ​ဝႃႈ၊ မႃး​ၵႃႈ​တီႈ​ပွႆး​သွင်ႇ​မင်ႇၵလႃႇ​ၼႆႉ​သေ​ၵမ်း၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၵူၺ်း​ၵႃႈ ၶဝ်​ၼၼ်ႉ ႁဵတ်း​ဢမ်ႇ​ပေႃး​ၼင်ႇ​ႁိုဝ်​လႄႈ​ၵႂႃႇ​ပႅတ်ႈ​သေ​ဢေႃႈ။ ၵေႃႉ​ၼိုင်ႈ ၵႂႃႇ​ၵႃႈ​တီႈ​တူင်ႈ​ၼႃး​မၼ်း​ဢေႃႈ။ ၵေႃႉ​ၼိုင်ႈ ၵႂႃႇ​ၵႃႈ​တီႈ​ဢၼ်​မၼ်း​သိုဝ်ႉ​မၼ်း​ၶၢႆ​ၼၼ်ႉ​ဢေႃႈ။-</verse>
				<verse number="6">ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ၵေႃႈ တီႉ​ဢဝ်​ၵူၼ်း​ဢွၼ်ႇ​ၸိူဝ်း​ၼၼ်ႉ​သေ​ယဝ်ႉ၊ ၼိၵ်ႈ​ၸၢၵ်ႈ​ငႅၼ်း​သႄး​ဢဝ်​တၢႆ​ဢေႃႈ။-</verse>
				<verse number="7">ၶုၼ်​လူင်​ၼၼ်ႉ ငိၼ်း​သေ​ယဝ်ႉ၊ ၸႂ်​မႆႈ​ၶႆႈ​ၸႃႉ​လႄႈ ႁႂ်ႈ​ၶီႇ​သိုၵ်း​ၵႂႃႇ​ယႃႉ​ပႅတ်ႈ​ၶဝ်​ၸိူဝ်း​ဢၼ် ဢဝ်​ဢသၢၵ်ႈ​ၵူၼ်း​တၢႆ​ၸိူဝ်း​ၼၼ်ႉ​လႄႈ ဢဝ်​ၽႆး​တုတ်ႇ​ဝဵင်း​ၶဝ်​ပႅတ်ႈ​ဢေႃႈ။</verse>
				<verse number="8">လိုၼ်း​ၼၼ်ႉ​ၸင်ႇ ၶုၼ်​လူင်​ၼၼ်ႉ ႁွင်ႉ​ဢဝ်​ၵူၼ်း​ဢွၼ်ႇ​မၼ်း​တင်း​လၢႆ​လႄႈ​ဝႃႈ၊ ပွႆး​သွင်ႇ​မင်ႇၵလႃႇ​ၵဝ်​ၸိုင် မႄး​ႁႅၼ်း​ဝႆႉ​ယဝ်ႉ။ ပိူဝ်ႈ​ဢၼ်​ၶဝ်​ၸိူဝ်း​ဢၼ် ၽိတ်ႈ​ပၢင်း​ယဝ်ႉ​ၼၼ်ႉ ဢမ်ႇ​ထိူၵ်ႈ​ဢမ်ႇ​တၢၼ်ႇ​လႄႈ၊-</verse>
				<verse number="9">ၵႂႃႇ​ၵႃႈ​တီႈ​ႁူဝ်​တႃႈ​ႁူဝ်​တၢင်း​သေ​လႄႈ ၽိတ်ႈ​ပၢင်း​ၵူၼ်း​ၵႃႈ​ဢၼ်​ထူပ်း​ဢၼ်​ႁၼ်​ၼၼ်ႉ​မႃး​ၵႃႈ​တီႈ​ပွႆး​ၼႆႉ​တႃႉ​ဝႃႈ​ၼႆ၊-</verse>
				<verse number="10">ၵႃႈ​ၼင်ႇ​ဢၼ်​ဝႃႈ​ၼၼ်ႉ ၵူၼ်း​ဢွၼ်ႇ​ၸိူဝ်း​ၼၼ်ႉ ၵႂႃႇ​ၵႃႈ​တီႈ​သဵၼ်ႈ​တၢင်း​သၢႆ​တႃႈ​လႄႈ ႁႂ်ႈ​ၵူၼ်း​ဢၼ်​လီ​ဢၼ်​ၸႃႉ ၵႃႈ​ဢၼ်​ထူပ်း​ႁၼ်​ၼၼ်ႉ ၸူႉ​ၵၼ်​တုမ်​ၵၼ်​လႄႈ ပွႆး​ၼၼ်ႉ​တဵမ်​ဝႆႉ​တင်း​ၵူၼ်း​ဢၼ်​ဢိင်​ယူႇ​ဢေႃႈ။-</verse>
				<verse number="11">မိူဝ်ႈ​ဢၼ်​ၶုၼ်​လူင်​ၶဝ်ႈ​မႃး ႁႂ်ႈ​လႆႈ​တူၺ်း​ၶဝ်​ၸိူဝ်း​ဢၼ်​ဢိင်​ယူႇ​ၼႂ်း​ပွႆး​ၼၼ်ႉ​ၸိုင်၊ မၼ်း​ၸဝ်ႈ​ထူပ်း​ႁၼ်​ၵူၼ်း​ဢၼ်​ဢမ်ႇ​ၼုင်ႈ​ၶူဝ်း​ပွႆး​သွင်ႇ​မင်ႇၵလႃႇ​ၼၼ်ႉ​ၵေႃႉ​ၼိုင်ႈ​လႄႈ၊-</verse>
				<verse number="12">ထၢမ်​လႄႈ​ဝႃႈ၊ ပီႈ​ၼွင်ႉ​ဢိူၺ်း၊ ယင်း​ဢမ်ႇ​ပႃး​ၶူဝ်း​ပွႆး​သွင်ႇ​မင်ႇၵလႃႇ​လႄႈ၊ ႁဵတ်း​သင်​လႄႈ ၶဝ်ႈ​ၼႂ်း​ပွႆး​ၼႆႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ဢမ်ႇ​လၢတ်ႈ​ၵႂၢမ်း​ၵႃႈ​သင်​လႆႈ​လႄႈ​ယူႇ​ဢေႃႈ။-</verse>
				<verse number="13">မိူဝ်ႈ​ၼၼ်ႉ ၶုၼ်​လူင်​မီး​ဢမိင်ႉ​တီႈ​ၵူၼ်း​ၸႂ်ႉ​ၵူၼ်း​သွႆ​မၼ်း​တင်း​လၢႆ​လႄႈ​ဝႃႈ၊ မတ်ႉ​တိၼ်​မတ်ႉ​မိုဝ်း​ၵေႃႉ​ၼၼ်ႉ​တႃႉ။ ဢဝ်​မၼ်း​ၶျႃး​တူၵ်း​ၵႃႈ​ၼႂ်း​လပ်း​သိင်ႇ​ၵႃႈ​တီႈ​ၼွၵ်ႈ​တီႈ​ဢၼ်​လႆႈ​ႁႆႈ​လႆႈ​ႁွင်ႉ၊ တီႈ​ဢၼ်​လႆႈ​ၵတ်း​ၶဵဝ်ႈ​ၵတ်း​ၽၼ်း​ပုၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ပိၵ်ႉ​သမ်ႉ​ၶဝ်​ၸိူဝ်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၼၼ်ႉ ၼမ်​ၼႃႇ​သေ​ၵေႃႈ၊ ၶဝ်​ၸိူဝ်း​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ ၵေႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">မိူဝ်ႈ​ၼၼ်ႉ ၽႃႇရီႉသႄး ​တင်း​လၢႆ ဢွၵ်ႇ​ၵႂႃႇ​သေ​ယဝ်ႉ၊ တိူင်ႇ​ပၢင်ႇ​တွင်ႈ​ထၢမ်​ၵၼ်​လႄႈ​ဝႃႈ၊ တၵ်း​ဢဝ်​တင်း​ၵႂၢမ်း​ၵၢင်​ဢဝ်​မၼ်း​ၸဝ်ႈ​လႆႈ​ၸိူဝ်ႉ​ၼင်ႇ​ႁိုဝ် ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="16">ပွႆႇ​ၸႂ်ႉ​တပႄး​ၶဝ် ဢိၵ်ႇ​တင်း​တပႄး​ ႁေႇရူတ်ႈ ​တင်း​လၢႆ ၵႂႃႇ​တီႈ​မၼ်း​ၸဝ်ႈ​လႄႈ ႁႂ်ႈ​လဝ်ႊ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ၊ ပိူဝ်ႈ​ဢၼ်​ၸဝ်ႈ​ႁဝ်း​ဢမ်ႇ​ထွၵ်ႈ​လူၺ်ႈ​ၼႃႈ​ၵူၼ်း​လႄႈ ႁဝ်း​ၶႃႈ​ႁူႉ​လွင်ႈ​ဢၼ်​ၸဝ်ႈ​ႁဝ်း​မီး​သဵတ်ႈ​ၸႃႇ၊ လွင်ႈ​ဢၼ်​ၸဝ်ႈ​ႁဝ်း​ၼႄ​ပျႃး​သဵၼ်ႈ​တၢင်း​ၽြႃး​ပဵၼ်​ၸဝ်ႈ ၸိုဝ်ႈ​ၸိုဝ်ႈ​ၸႂ်ႈ​ၸႂ်ႈ၊ လွင်ႈ​ဢၼ်​ၸဝ်ႈ​ႁဝ်း​ဢမ်ႇ​ၵူဝ်​ၽူႈ​လႂ်​သေ​ၵေႃႉ​သေ​ၵူၼ်း​ၼၼ်ႉ​ၶႃႈ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ ၸဝ်ႈ​ႁဝ်း​ထၢင်ႇ​ၸိူဝ်ႉ​ၼင်ႇ​ႁိုဝ်​ၶႃႈ။ ထုၵ်ႇ​လီ​ပၼ်​ၶွၼ်ႇ​တီႈ ၶုၼ်​ႁေႃ​ၶမ်း​ ၵေႇသႃႇ ​ၶႃႈ​ႁိုဝ်။ ဢမ်ႇ​ထုၵ်ႇ​လီ​ပၼ်​ၶႃႈ​ႁိုဝ်။ လၢတ်ႈ​ပၼ်​တီႈ​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ၊-</verse>
				<verse number="18">ယေႇသူႉ ​ႁူႉ​ႁၼ်​လွင်ႈ​ဢၼ်​ၸႂ်​ၶဝ်​ႁၢႆႉ​မိူၵ်ႈ​ၼၼ်ႉ​ယူႇ​လႄႈ​လၢတ်ႈ​ဝႃႈ သူ​ၸိူဝ်း​ဢၼ် ၸၢင်ႈ​ထိမ်ႇ​ၸၢင်ႈ​မႅပ်း​ၼႆႉ​ဢိူၺ်း၊ ႁဵတ်း​သင်​လႄႈ သူ​ၸၢမ်း​တူၺ်း​ယႃႉ​ယူၵ်ႉ​ၵဝ်​ၼင်ႇ​ႁိုဝ်။-</verse>
				<verse number="19">ၼႄ​ပျႃး​ငိုၼ်း​ၵဵပ်း​ၶွၼ်ႇ​ၶႅပ်း​ၼိုင်ႈ တီႈ​ၵဝ်​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ဢဝ်​ တေႇၼႃႇရီႇ ​ၶႅပ်း​ၼိုင်ႈ မႃး​တီႈ​မၼ်း​ၸဝ်ႈ​ဢေႃႈ။-</verse>
				<verse number="20">မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ ႁၢင်ႈ​ၼႆႉ​လိၵ်ႈ​ၼႆႉ​ၸမ်ႉ ပဵၼ်​ႁၢင်ႈ​ၽူႈ​လႂ်၊ ပဵၼ်​လိၵ်ႈ​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="21">ပဵၼ်​ႁၢင်ႈ​ပဵၼ်​လိၵ်ႈ​ၶုၼ်​ႁေႃ​ၶမ်း​ ၵေႇသႃႇ ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ဢဝ်​ၶွင်​ၶုၼ်​ႁေႃ​ၶမ်း​ ၵေႇသႃႇ ပၼ်​တီႈ​ၶုၼ်​ႁေႃ​ၶမ်း​ ၵေႇသႃႇ ​တႃႉ။ ၶွင်​ၽြႃး​ပဵၼ်​ၸဝ်ႈ​ၵေႃႈ ဢဝ်​ပၼ်​တီႈ​ၽြႃး​ပဵၼ်​ၸဝ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၶဝ်​ၼၼ်ႉ​ငိၼ်း​သေ​ယဝ်ႉ၊ ဢၢမ်း​ၼႃႇ​လူင်​လၢင်​လႄႈ​ၸင်ႇ ဢွၵ်ႇ​ၵႃႈ​တီႈ​မၼ်း​ၸဝ်ႈ​ၵႂႃႇ​သေ​ဢေႃႈ။</verse>
				<verse number="23">ဝၼ်း​ၼၼ်ႉ ၸတ်ႉတူႉၵႄး ဢၼ်​ဝႃႈ​တၢင်း​ဢၼ်​လုၵ်ႉ​ၶိုၼ်း​လိပ်း​ဢမ်ႇ​မီး၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ​လဝ်ႊ​ထၢမ်​လႄႈ​ဝႃႈ၊-</verse>
				<verse number="24">သြႃႇ​ၸဝ်ႈ၊ မူဝ်းသေႇ ​ၸီႇ​ယၢင်ႇ​ဝႆႉ​လႄႈ​ဝႃႈ၊ ပေႃး​သေ​ၵေႃႉ​သေ​ၵူၼ်း​ယင်း​ဢမ်ႇ​မီး​လုၵ်ႈ​မီး​လၢင်း​လႄႈ​တၢႆ​ၵႂႃႇ​ၸိုင် ၼွင်ႉ​ၸၢႆး​မၼ်း​တၵ်း​လႆႈ​သိမ်း​ဢဝ်​မေး​မၼ်း​ၼၼ်ႉ​လႄႈ ႁႂ်ႈ​ၸိူဝ်ႉ​ၶိူဝ်း​ပီႈ​ၸၢႆး​မၼ်း​သိုပ်ႇ​ၵႂႃႇ​ဢမ်ႇ​ၶၢတ်ႇ၊ ဝႃႈ​ၼင်ႇ​ၼႆ​ဝႆႉ​ယဝ်ႉ​ၶႃႈ​ယဝ်ႉ။-</verse>
				<verse number="25">ၵႃႈ​တီႈ​ႁဝ်း​ၶႃႈ မီး​ပီႈ​ၼွင်ႉ​ၸဵတ်း​ၵေႃႉ​ၶႃႈ​ဢေႃႈ။ ပီႈ​ၸၢႆး​ၵေႃႉ​ယႂ်ႇ ဢဝ်​မေး​လႄႈ​တၢႆ​ၵႂႃႇ​ၶႃႈ​ဢေႃႈ။ မၼ်း​ယင်း​ဢမ်ႇ​မီး​လုၵ်ႈ​မီး​လၢင်း​လႄႈ ႁႂ်ႈ​မေး​မၼ်း​ၵိုတ်း​ဝႆႉ တီႈ​ၼွင်ႉ​ၸၢႆး​မၼ်း​ၶႃႈ​ဢေႃႈ။-</verse>
				<verse number="26">မိူၼ်​ၼင်ႇ​ၼၼ် ၸႃႉ​ၸဵမ်​ၵေႃႉ​တူႉတီႉယႃႉ၊ ၵေႃႉ​တႃႉတီႉယႃႉ၊ ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ ၶဝ်​ပီႈ​ၼွင်ႉ​ၸဵတ်း​ၵေႃႉ လႆႈ​ဢဝ်​မႄႈ​ယိင်း​ၼၼ်ႉ​ယဝ်ႉ​ၸင်ႇ၊ တၢႆ​ၵႂႃႇ​ၶႃႈ​ဢေႃႈ။-</verse>
				<verse number="27">လိုၼ်း​ၶဝ်​တင်း​သဵင်ႈ​တင်း​လူင်​ၼၼ်ႉ၊ မႄႈ​ယိင်း​ၼၼ်ႉ​ၵေႃႈ​တၢႆ​ၵႂႃႇ​ၶႃႈ​ဢေႃႈ။-</verse>
				<verse number="28">ပိူဝ်ႈ​ၼႆ​လႄႈ ၼႂ်း​ၶိင်ႇ​ၵႃႇလႃႉ​ဢၼ်​တၵ်း​လႆႈ​လုၵ်ႉ​ၶိုၼ်း​ၼၼ်ႉ၊ ၼႂ်း​ၶဝ်​ပီႈ​ၼွင်ႉ​ၸဵတ်း​ၵေႃႉ​ၼၼ်ႉ၊ မႄႈ​ယိင်း​ၼၼ်ႉ တၵ်း​လႆႈ​ပဵၼ်​မေး​ၽူႈ​လႂ်​ၶႃႈ။ ၶဝ်​ပီႈ​ၼွင်ႉ​တင်း​သဵင်ႈ​တင်း​လူင် လႆႈ​ဢဝ်​မႄႈ​ယိင်း​ၼၼ်ႉ​ယဝ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​သူ​ဢမ်ႇ​ႁူႉ​ၵျၢမ်း​လိၵ်ႈ ဢိၵ်ႇ​တင်း​တၼ်း​ၶူဝ်း​ၽြႃး​ပဵၼ်​ၸဝ်ႈ​လႄႈ သူ​ၽိတ်း​ပိူင်ႈ​ဢေႃႈ။-</verse>
				<verse number="30">ၶိင်ႇ​ၵႃႇလႃႉ​ဢၼ်​တၵ်း​လႆႈ​လုၵ်ႉ​ၶိုၼ်း​ၼၼ်ႉ ယင်း​ဢမ်ႇ​ၸၢင်ႈ​ႁဵတ်း​တၢင်း​ဢၼ် ဢဝ်​မေး၊ တၢင်း​ဢၼ်​ဢဝ်​ဢၢပ်ႈ​ပၼ်​ၵၼ်​လႄႈ ပဵၼ်​ၸိူဝ်ႉ​ၼင်ႇ​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ တင်း​လၢႆ​ယူႇ​ဢေႃႈ။-</verse>
				<verse number="31">လိူဝ်​သေ​ၼၼ်ႉ လွင်ႈ​ဢၼ်​ၶဝ်​ၸိူဝ်း​ဢၼ်​တၢႆ​ယဝ်ႉ​တင်း​လၢႆ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ၸိုင် သူ​ဢမ်ႇ​ယၢမ်ႈ​လႆႈ​ၽတ်း ၵႂၢမ်း​ဢၼ်​ၽြႃး​ပဵၼ်​ၸဝ်ႈ မီး​ဢမိင်ႉ​တီႈ​သူ​လႄႈ​ဝႃႈ၊-</verse>
				<verse number="32">ၵဝ်​ပဵၼ်​ၽြႃး​ ဢႃႇပြႃႇႁၢမ်ႇ ၊ ၽြႃး​ ဢီႉၸၢၵ်ႈ ၊ ၽြႃး​ ယႃႇၵုပ်ႈ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။ ၽြႃး​ပဵၼ်​ၸဝ်ႈ ပဵၼ်​ၽြႃး​ၶဝ်​ၸိူဝ်း​ဢၼ်​တၢႆ​ယဝ်ႉ​ဢမ်ႇ​ၸႂ်ႈ၊ ပဵၼ်​ၽြႃး​ၶဝ်​ၸိူဝ်း​ဢၼ် ဢသၢၵ်ႈ​လိပ်း​ယူႇ​ဢေႃႈ၊ မၼ်း​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ပရဵၵ်ႈသၢတ်ႈ​တင်း​လၢႆ ငိၼ်း​မၼ်း​ၸဝ်ႈ​သင်ႇ​သွၼ်​သုင်း​မႃႉ​ပၼ်​ၼၼ်ႉ​သေ​ယဝ်ႉ၊ ဢၢမ်း​ၼႃႇ​လူင်​လၢင်​ဢေႃႈ။</verse>
				<verse number="34">ၽႃႇရီႉသႄး ​တင်း​လၢႆ ငိၼ်း​လွင်ႈ​ဢၼ်​မၼ်း​ၸဝ်ႈ ၵႄႈ​လိတ်ႈ​ၵႂၢမ်း​ ၸတ်ႉတူႉၵႄး ​ၸိူဝ်း​ၼၼ်ႉ​သေ​ယဝ်ႉ၊ ၸူႉ​ၵၼ်​တုမ်​ၵၼ်​တီႈ​မၼ်း​ၸဝ်ႈ​ဢေႃႈ။-</verse>
				<verse number="35">ၵူၼ်း​မေႃ​ၵျၢမ်း​ဢၼ်​ပႃး​ၼႂ်း​ၶဝ်​ၼၼ်ႉ​ၵေႃႉ​ၼိုင်ႈ၊ ၼင်ႇ​ႁိုဝ်​တၵ်း​လႆႈ ၸၢမ်း​တူၺ်း​ယႃႉ​ယူၵ်ႉ​မၼ်း​ၸဝ်ႈ​ၸိုင် လဝ်ႊ​ထၢမ်​လႄႈ​ဝႃႈ၊-</verse>
				<verse number="36">သြႃႇ​ၸဝ်ႈ၊ ၼႂ်း​ၵျၢမ်း​ပိင်း​ၺၢပ်ႈ​တီႉ​ၼၼ်ႉ ပိင်း​ၺၢပ်ႈ​ဢၼ်​လႂ် ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ပိူၼ်ႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="37">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​မႂ်း ထႃႇဝရႃႉ​ၽြႃး​ၸိုင် မႂ်း​တၵ်း​လႆႈ​ပႃး​တင်း​ၸႂ်​သဵင်ႈ​သဵင်ႈ၊ တင်း​ႁူဝ်​ၸႂ်​သဵင်ႈ​သဵင်ႈ၊ တင်း​ၺၢၼ်ႇ​ၵႃႈ​မီး​တင်း​သဵင်ႈ​တင်း​လူင်​သေ​လႄႈ ႁၵ်ႉ​ဢေႃႈ​ဝႃႈ​ၼႆ၊-</verse>
				<verse number="38">ပိင်း​ၺၢပ်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ ပဵၼ်​ပထမႃႉ​ပိင်း​ၺၢပ်ႈ​ဢေႃႈ။ ပိင်း​ၺၢပ်ႈ​ဢၼ်​ယႂ်ႇ​ၵေႃႈ​ပဵၼ်​ဢေႃႈ။-</verse>
				<verse number="39">လိူဝ်​သေ​ၼၼ်ႉ တူႉတီႉယႃႉ​ပိင်း​ၺၢပ်ႈ​ဢၼ်​ဝႃႈ၊ ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ​ၸိုင်၊ မႂ်း​တၵ်း​လႆႈ​ႁၵ်ႉ​မိူၼ်​ၸိူဝ်ႉ​ၼင်ႇ တူဝ်​ၸဝ်ႈ​ၵဝ်ႇ​ဢေႃႈ​၊ ဝႃႈ​ၼင်ႇ​ၼႆ​ၼၼ်ႉ မိူၼ်​ၸိူဝ်ႉ​ၼင်ႇ ပထမႃႉ​ပိင်း​ၺၢပ်ႈ​ၼၼ်ႉ​ဢေႃႈ။-</verse>
				<verse number="40">ပိင်း​ၺၢပ်ႈ​သွင်​ပႃး​ၼႆႉ​ၸမ်ႉ၊ ပဵၼ်​ဢၼ်​ဢုပ်ႉ​ပိူင်ႇ ၵျၢမ်း​ပိင်း​ၺၢပ်ႈ​တီႉ​တင်း​ၵျၢမ်း​ဢၼႃႇၵၢတ်ႈတီႉ​ၵႃႈ​မီး​တင်း​သဵင်ႈ​တင်း​လူင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">ၼႂ်း​မိူဝ်ႈ​ဢၼ် ၽႃႇရီႉသႄး ​တင်း​လၢႆ ၸူႉ​ၵၼ်​တုမ်​ၵၼ်​ယူႇ​ၼၼ်ႉ​ၸိုင် ယေႇသူႉ ​ၵေႃႈ​ထၢမ်​လႄႈ​ဝႃႈ၊ သူ​ထၢင်ႇ​ၸဝ်ႈ​ၶရိၸ်ႈ​ပဵၼ်​ၸိူဝ်ႉ​ၼင်ႇ​ႁိုဝ်။-</verse>
				<verse number="42">ပဵၼ်​လုၵ်ႈ​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ ပဵၼ်​လုၵ်ႈ​ တႃႇဝိတ်ႈ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="43">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ႁဵတ်း​သင်​ တႃႇဝိတ်ႈ ​ပႃး​တင်း​ဝီႉၺိၺ်ႇ​ၸဝ်ႈ​သေ​လႄႈ ႁွင်ႉ​ၸဝ်ႈ​ၶရိၸ်ႈ​လႄႈ​ဝႃႈ၊ ၸဝ်ႈ​ႁဝ်း၊ ဝႃႈ​ၼင်ႇ​ၼႆ​ၼင်ႇ​ႁိုဝ်။-</verse>
				<verse number="44">ၵႂၢမ်း​ဢၼ်​ တႃႇဝိတ်ႈ ​ဝႃႈ​ၼၼ်ႉ​ၸမ်ႉ၊ ထႃႇဝရႃႉ​ၽြႃး​လၢတ်ႈ​တီႈ​ၸဝ်ႈ​ၵဝ်​ၶႃႈ​လႄႈ​ဝႃႈ၊ ၸူဝ်ႈ​ဢၼ်​ၵဝ်​ဢမ်ႇ​ပႆႇ​ဢဝ်​ရၢၼ်ႇ​သူႇ​မႂ်း​တင်း​လၢႆ ၶျႃး​ဝႆႉ​ႁႂ်ႈ​ပဵၼ်​တီႈ​တၢင်ႇ​တိၼ်​မႂ်း​ၼၼ်ႉ​ၸိုင်၊ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="45">ပိူဝ်ႈ​ၼႆ​လႄႈ ၸဝ်ႈ​ၶရိၸ်ႈ​ၼၼ်ႉ၊ ပေႃး​ တႃႇဝိတ်ႈ ​ႁွင်ႉ​ဝႃႈ ၸဝ်ႈ​ႁဝ်း၊ ဝႃႈ​ၼင်ႇ​ၼႆ​ၸိုင်၊ ပဵၼ်​လုၵ်ႈ​မၼ်း​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​မၼ်း​ၸဝ်ႈ ထၢမ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊-</verse>
				<verse number="46">ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၶိုၼ်း​လဝ်ႊ​လၢတ်ႈ​ၵႂၢမ်း​သေ​ၵမ်း​လႆႈ။ ၸႃႉ​ၸဵမ်​မိုဝ်ႉ​ဝၼ်း​ၼၼ်ႉ​လႄႈ​ၵမ်း​လိုၼ်း ၽူႈ​လႂ်​ဢမ်ႇ​ႁတ်း​လဝ်ႊ​ႁတ်း​ထၢမ်​တီႈ​မၼ်း​ၸဝ်ႈ သေ​ၵေႃႉ​သေ​ၵူၼ်း။</verse>
			</chapter>
			<chapter number="23">
				<verse number="1">မိူဝ်ႈ​ၼၼ်ႉ ယေႇသူႉ ​ၵေႃႈ ႁေႃး​လၢတ်ႈ​တီႈ​ၵူၼ်း​ဢၼ်​ၸူႉ​ဢၼ်​တုမ် ဢိၵ်ႇ​တင်း​တပႄး​ၸဝ်ႈ​တင်း​လၢႆ​လႄႈ​ဝႃႈ​ၸမ်ႉ၊-</verse>
				<verse number="2">ၵူၼ်း​ထုတ်ႇ​ၵျၢမ်း ဢိၵ်ႇ​တင်း​ ၽႃႇရီႉသႄး ​တင်း​လၢႆ ၼင်ႈ​ၵႃႈ​ၼိူဝ်​ပလၢင်ႇ တီႈ​ၼင်ႈ​ မူဝ်းသေႇ ​ၼၼ်ႉ​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ ၸွမ်း​ၵႃႈ​ဢၼ်​ၶဝ်​ၸီႇ​ယၢင်ႇ​တင်း​သဵင်ႈ​တင်း​လူင်​ၼၼ်ႉ​လႄႈ ၵမ်​ၵျၢင်ႉ​တႃႉ။ ယႃႇ​ပေ​ၵမ်​ပေ​ၵျၢင်ႉ ၸိူဝ်ႉ​ၼင်ႇ​တၢင်း​ၵမ်​တၢင်း​ၵျၢင်ႉ​ၶဝ်​ၼၼ်ႉ။ လွင်ႈ​မၼ်း​ၸမ်ႉ ပိၵ်ႉ​သမ်ႉ​ၶဝ်​ၸီႇ​ယၢင်ႇ​ဝႆႉ​သေ​ၵေႃႈ၊ တူဝ်​ၶဝ်​ဢမ်ႇ​ၵမ်​ဢမ်ႇ​ၵျၢင်ႉ။-</verse>
				<verse number="4">ၶဝ်​ၸၢင်ႈ​မတ်ႉ​ၶၢတ်ႈ​ၶူဝ်း​ဢၼ်​ၼၵ်း​ၼႃႇ​လႄႈ ႁၢပ်ႇ​ယၢပ်ႇ​တင်း​လၢႆ​ၼၼ်ႉ​သေ​လႄႈ ဢဝ်​တၢင်ႇ​သႂ်ႇ​ၵႃႈ​ၼိူဝ်​ႁူဝ်​မႃႇ​ပိူၼ်ႈ​တၢင်ႇ​ၵေႃႉ​ဢေႃႈ။ တူဝ်​ၶဝ်​ၸမ်ႉ ဢမ်ႇ​ၶႂ်ႈ​ဢဝ်​တင်း​ၼိဝ်ႉ​မိုဝ်း​ၶၢႆႉ။-</verse>
				<verse number="5">ၶဝ်​ၼၼ်ႉ​ႁဵတ်း​ႁႂ်ႈ​လွင်ႈ​တၢင်း​ၵႃႈ​ဢၼ်​ၶဝ်​ႁဵတ်း တင်း​သဵင်ႈ​တင်း​လူင်​ၼၼ်ႉ ထၢင်ႇ​သႃး​ၵႃႈ​တီႈ​ၽၢႆႇ​ၼႃႈ​ပိူၼ်ႈ​ဢေႃႈ။ ၸၢင်ႈ​ႁဵတ်း​ႁႂ်ႈ​လၢၵ်ႈ​ၽွႆႉ​တင်း​လၢႆ​ၵႂၢင်ႈ​လႄႈ ႁႂ်ႈ​ပူႈၶူဝ်း​တင်း​လၢႆ​ယႂ်ႇ​ဢေႃႈ။-</verse>
				<verse number="6">ၸၢင်ႈ​ထုၵ်ႇ​ၸႂ်​ၵျိူၵ်ႈ​ၸႂ်​တီႈ​ဢိင်​ဢၼ်​လီ​ဢၼ်​မျၢတ်ႈ​သေ​ပိူၼ်ႈ​ၵႃႈ​ၼႂ်း​ပၢင်​ပွႆး တီႈ​ၼင်ႈ​ဢၼ်​သုင်​သေ​ပိူၼ်ႈ ၵႃႈ​ၼႂ်း​ၸရွပ်ႈ​ႁေႃး​တြႃး​လႂ်၊-</verse>
				<verse number="7">တၢင်း​ဢၼ်​ပိူၼ်ႈ​ႁဵတ်း ရူဝ်ႇ​သေႇ​ၵူဝ်​ယမ်​လႄႈ တၵ်ႉ​လၢတ်ႈ​ၵႃႈ​ၼႂ်း​ၵၢတ်ႇ​လႂ်၊ တၢင်း​ဢၼ်​ပိူၼ်ႈ​ႁွင်ႉ​ၶဝ်​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း၊ ဝႃႈ​ၼင်ႇ​ၼႆ​လႂ်​ၸိူဝ်း​ၼၼ်ႉ​ဢေႃႈ။</verse>
				<verse number="8">သူ​ၼႆႉ​ၸမ်ႉ၊ ယႃႇ​ပေ​ၶၢမ်ႇ​တၢင်း​ဢၼ်​ပိူၼ်ႈ​ႁွင်ႉ​ဝႃႈ ၸဝ်ႈ​ႁဝ်း။ လွင်ႈ​မၼ်း​ၸမ်ႉ ၸဝ်ႈ​ၶရိၸ်ႈ ဢၼ်​ဢွၼ်​ႁူဝ်​သူ မီး​ပႃး​လဵဝ်​ၵူၺ်း​ဢေႃႈ။ သူ​တင်း​သဵင်ႈ​တင်း​လူင်​ပဵၼ်​ပီႈ​ၼွင်ႉ​ၵၼ်​ဢေႃႈ။-</verse>
				<verse number="9">ၵႃႈ​ၼိူဝ်​လိၼ်​မိူင်း​ၼႆႉ ယႃႇ​ပေ​ႁွင်ႉ​ၽူႈ​လႂ်​သေ​ၵေႃႉ​သေ​ၵူၼ်း​ဝႃႈ ပေႃႈ။ လွင်ႈ​မၼ်း​ၸမ်ႉ ပေႃႈ​သူ​မီး​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ပႃး​လဵဝ်​ၵူၺ်း​ဢေႃႈ။-</verse>
				<verse number="10">ယႃႇ​ပေ​ၶၢမ်ႇ​တၢင်း​ဢၼ်​ပိူၼ်ႈ​ႁွင်ႉ​ဝႃႈ ၵူၼ်း​ဢွၼ်​ႁူဝ်​ပိူၼ်ႈ။ ဢၼ်​ပဵၼ်​ဢွၼ်​ႁူဝ်​သူ မီး​ၸဝ်ႈ​ၶရိၸ်ႈ​ပႃး​လဵဝ်​ၵူၺ်း​ဢေႃႈ။-</verse>
				<verse number="11">ၼႂ်း​သူ​ၵေႃႉ​ဢၼ် ၶႂ်ႈ​ပဵၼ်​ဢၼ်​ယႂ်ႇ​သေ​ပိူၼ်ႈ​ၼၼ်ႉ တၵ်း​လႆႈ​ပဵၼ်​ၵူၼ်း​ၸႂ်ႉ​ၵူၼ်း​သွႆ​သူ​ဢေႃႈ။-</verse>
				<verse number="12">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ယုၵ်ႉ​ယွင်ႈ​တူဝ်​ၸဝ်ႈ​ၵဝ်ႇ​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ၶျႃး​တႅမ်ႇ​တူဝ်​ၸဝ်ႈ​ၵဝ်ႇ​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ယုၵ်ႉ​ယွင်ႈ​ဢေႃႈ။</verse>
				<verse number="13">ၵူၼ်း​ထုတ်ႇ​ၵျၢမ်း ဢိၵ်ႇ​တင်း​ၽႃႇရီႉသႄး ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​ဢိုတ်း​ဝႆႉ​မိူင်း​ၵၢင်​ႁၢဝ်​ၸဝ်ႈ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​သေ​လႄႈ တူဝ်​သူ​ၵေႃႈ ဢမ်ႇ​ၶဝ်ႈ။ တီႈ​ၶဝ်​ၸိူဝ်း​ဢၼ်​ၶႂ်ႈ​ၶဝ်ႈ​ၼၼ်ႉ​ၵေႃႈ သူ​ႁႄႉ​သူ​ၶႅၼ်​ဝႆႉ​ဢေႃႈ။-</verse>
				<verse number="14"></verse>
				<verse number="15">ၵူၼ်း​ထုတ်ႇ​ၵျၢမ်း ဢိၵ်ႇ​တင်း​ ၽႃႇရီႉသႄး ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​ၵႂႃႇ​လႄႇ​ၵႂႃႇ​လဵပ်ႈ ၵႃႈ​တီႈ​တၢင်း​လွႆ​တၢင်း​ၼမ်ႉ ႁႂ်ႈ​ၵူၼ်း​ၵေႃႉ​ၼိုင်ႈ လႆႈ​ၶဝ်ႈ​ၼႂ်း​ၽႃႇသႃႇ​လႄႈ ၵေႃႉ​ဢၼ်​ၶဝ်ႈ​ၼႂ်း​ၽႃႇသႃႇ​ယဝ်ႉ​ၼၼ်ႉ​ၵေႃႈ၊ သူ​ႁႂ်ႈ​ပဵၼ်​ၵူၼ်း​မိူင်း​ငရၢႆး​ၼႃႇ​သေ တူဝ်​ၸဝ်ႈ​ၵဝ်ႇ​သွင်​ပုၼ်ႈ​ဢေႃႈ။</verse>
				<verse number="16">ၵူၼ်း​တႃ​မွတ်ႇ​ဢၼ်​ၼႄ​တၢင်း​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ သူ​ဝႃႈ၊ ၽူႈ​လႂ်​သေ​ဢမ်ႇ​ဝႃႈ၊ ပေႃး​ဢဝ်​ပိၵ်ႈ​မၢၼ်ႇ​ၸဝ်ႈ​ၵိၼ်ႇ​ဝႃႈ​ၸိုင်၊ ဢမ်ႇ​ပဵၼ်​ၵႃႈ​သင်။ ၵူၺ်း​ၵႃႈ ၽူႈ​လႂ်​သေ​ဢမ်ႇ​ဝႃႈ၊ ပေႃး​ဢဝ်​ၶမ်း​ႁိူၼ်း​ပိၵ်ႈ​မၢၼ်ႇ​ၸဝ်ႈ​ၵိၼ်ႇ​ဝႃႈ​ၸိုင် ပဵၼ်​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၵူၼ်း​မိူၵ်ႈ​ၵူၼ်း​တႃ​မွတ်ႇ​တင်း​လၢႆ​ၶဝ်​ဢိူၺ်း၊ ၶိူင်ႈ​ပိူင်​ဢၼ်​လႂ် ယဵင်ႈ​ၶႅၼ်း​မျၢတ်ႈ​ၼႃႇ။ ၶမ်း​ၼၼ်ႉ​မျၢတ်ႈ​ႁိုဝ်။ ႁိူၼ်း​ပိၵ်ႈ​မၢၼ်ႇ​ၸဝ်ႈ ဢၼ်​ႁႂ်ႈ​ၶမ်း​မူတ်း​ၸၢင်ႇ​ၼၼ်ႉ​မျၢတ်ႈ​ႁိုဝ်။-</verse>
				<verse number="18">ၼႄး​ၼိုင်ႈ​ၸမ်ႉ၊ သူ​ဝႃႈ၊ ၽူႈ​လႂ်​သေ​ဢမ်ႇ​ဝႃႈ၊ ပေႃး​ဢဝ်​ယိတ်ႈ​ပလၢင်ႇ​လႄႈ ၵိၼ်ႇ​ဝႃႈ​ၸိုင်၊ ဢမ်ႇ​ပဵၼ်​ၵႃႈ​သင်။ ၵူၺ်း​ၵႃႈ ၽူႈ​လႂ်​သေ​ဢမ်ႇ​ဝႃႈ၊ ပေႃး​ဢဝ်​တင်း​ပုၵ်ႈ​ၸေႃႇ ဢၼ်​မီး​ၵႃႈ​ၼိူဝ်​ယိတ်ႈ​ပလၢင်ႇ​ၼၼ်ႉ ၵိၼ်ႇ​ဝႃႈ​ၸိုင်၊ ပဵၼ်​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၵူၼ်း​မိူၵ်ႈ​ၵူၼ်း​တႃ​မွတ်ႇ​ၶဝ်​ဢိူၺ်း၊ ၶိူင်ႈ​ပိူင်​ဢၼ်​လႂ်​ယဵင်ႈ​ၶႅၼ်း​မျၢတ်ႈ။ တၢင်း​ပုၵ်ႈ​ၸေႃႇ​ၼၼ်ႉ မျၢတ်ႈ​ႁိုဝ်။ ယိတ်ႈပလၢင်ႇ ဢၼ်​ႁႂ်ႈ​တင်း​ပုၵ်ႈ​ၸေႃႇ မူတ်း​ၸၢင်ႇ​ၼၼ်ႉ မျၢတ်ႈ​ႁိုဝ်။</verse>
				<verse number="20">ပိူဝ်ႈ​ၼႆ​ၸင်ႇ၊ ၵေႃႉ​ဢၼ်​ဢဝ်​ယိတ်ႈပလၢင်ႇ​ၵိၼ်ႇ​ဝႃႈ​ၼၼ်ႉ ဢဝ်​ၸႃႉ​ၸဵမ် ယိတ်ႈပလၢင်ႇ ဢိၵ်ႇ​တင်း​ၵႃႈ​ဢၼ်​မီး​ၵႃႈ​ၼိူဝ်​ယိတ်ႈပလၢင်ႇ တင်း​သဵင်ႈ​တင်း​လူင်​ၼၼ်ႉ​ၵိၼ်ႇ​ဝႃႈ​ဢေႃႈ။-</verse>
				<verse number="21">ၵေႃႉ​ဢၼ်​ဢဝ်​ႁိူၼ်း​ပိၵ်ႈ​မၢၼ်ႇ​ၸဝ်ႈ​ၵိၼ်ႇ​ဝႃႈ​ၼၼ်ႉ ဢဝ်​ၸႃႉ​ၸဵမ်​ႁိူၼ်း​ပိၵ်ႈ​မၢၼ်ႇ​ၸဝ်ႈ ဢိၵ်ႇ​တင်း​ၵေႃႉ​ဢၼ်​ၵိင်း​ဝၢပ်ႈ​ယူႇ​ၵႃႈ​ၼႂ်း​ႁိူၼ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ ၵိၼ်ႇ​ဝႃႈ​ဢေႃႈ။-</verse>
				<verse number="22">ၵေႃႉ​ဢၼ်​ဢဝ်​မိူင်း​ၵၢင်​ႁၢဝ်​ၵိၼ်ႇ​ဝႃႈ​ၼၼ်ႉ ဢဝ်​ၸႃႉ​ၸဵမ်​ပလၢင်ႇ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵေႃႉ​ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၼၼ်ႉ ၵိၼ်ႇ​ဝႃႈ​ဢေႃႈ။</verse>
				<verse number="23">ၵူၼ်း​ထုတ်ႇ​ၵျၢမ်း ဢိၵ်ႇ​တင်း​ ၽႃႇရီႉသႄး ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ပိၵ်ႉ​သမ်ႉ​သူ​လူႇ​တၢၼ်း ဢိမ်​ၶိမ်း၊ ၸမုတ်ႉ၊ ၸီႇယႃႇ သိပ်း​ပုၼ်ႈ​ပုၼ်ႈ​ၼိုင်ႈ ယူႇ​သေ​ၵေႃႈ သူ​ဝႆႉ​ၵိုတ်း​ပႅတ်ႈ လွင်ႈ​တၢင်း​ဢၼ်​ၼၵ်း​ၵႃႈ​ၼႂ်း​ပိင်း​ၺၢပ်ႈ​တြႃး​ဢၼ်​ဝႃႈ တၢင်း​ဢၼ်​ၸီႇ​ယၢင်ႇ ၸွမ်း​ၼင်ႇ​တြႃး၊ တၢင်း​ဢၼ်​ဢဵတ်း​လူ​ပိူၼ်ႈ၊ တၢင်း​ဢၼ်​ပႂ်ႉ​သဵတ်ႈ​ၸႃႇ ၸိူဝ်း​ၼႆႉ​ဢေႃႈ။ တၵ်း​လႆႈ​ၵမ်​ၵျၢင်ႉ​လွင်ႈ​တၢင်း​ၸိူဝ်း​ၼႆႉ​ဢေႃႈ လွင်ႈ​တၢင်း​ဢၼ်​ဝႃႈ​ဝႆႉ​ဢွၼ်​တၢင်း​ၸိူဝ်း​ၼၼ်ႉ​ၵေႃႈ ဢမ်ႇ​လႆႈ​ဝႆႉ​ၵိုတ်း။</verse>
				<verse number="24">ၵူၼ်း​တႃ​မွတ်ႇ​ဢၼ်​ၼႄ​တၢင်း​ၶဝ်​ဢိူၺ်း၊ သူ​ၸႅတ်ႈ​ၼမ်ႉ ဢဝ်​မႅင်း​လဵတ်း​ဢွၼ်ႇ ဢွၵ်ႇ​ပႅတ်ႈ​သေ​လႄႈ ဢိုၼ်​ၵိၼ်​ၵလႃးဢုၵ်ႉ​ဢေႃႈ။</verse>
				<verse number="25">ၵူၼ်း​ထုတ်ႇ​ၵျၢမ်း ဢိၵ်ႇ​တင်း​ ၽႃႇရီႉသႄး ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​သုၵ်ႈ​လၢင်ႉ​ၵွၵ်း ဢိၵ်ႇ​တင်း​လၢင်ႇ​ပၢၼ်း​တင်း​လၢႆ​ၽၢႆႇ​တၢင်း​ၼွၵ်ႈ​မၼ်း​ဢေႃႈ။ ၽၢႆႇ​တၢင်း​ၼႂ်း​မၼ်း​ၸမ်ႉ၊ မီး​တဵမ်​ဝႆႉ​တင်း တၢင်း​ဢၼ်​ႁိမ်​ဢဝ် ဢိၵ်ႇ​တင်း​တၢင်း​ဢၼ်​ႁၢႆႉ​မိူၵ်ႈ​ယူႇ​ဢေႃႈ။-</verse>
				<verse number="26">ၽႃႇရီႉသႄး ဢၼ်​တႃ​မွတ်ႇ​ၼႆႉ​ဢိူၺ်း၊ သုၵ်ႈ​လၢင်ႉ​ၵွၵ်း ဢိၵ်ႇ​တင်း လၢင်ႇ​ပၢၼ်း​ၼၼ်ႉ ၽၢႆႇ​တၢင်း​ၼႂ်း​မၼ်း​ဢွၼ်​တၢင်း​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်ႉ​ၸိုင် ၽၢႆႇ​တၢင်း​ၼွၵ်ႈ​မၼ်း​တၵ်း​မူတ်း​သႂ်​ဢေႃႈ။</verse>
				<verse number="27">ၵူၼ်း​ထုတ်ႇ​ၵျၢမ်း ဢိၵ်ႇ​တင်း​ ၽႃႇရီႉသႄး ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​မိူၼ်​ၸိူဝ်ႉ​ၼင်ႇ သၢင်း​ၶႅင်း​ဢၼ်​တႃး ဢၼ်​ၽိူၵ်ႇ​ဢၼ်​ၶၢဝ်​ၼၼ်ႉ​ဢေႃႈ။ ၽၢႆႇ​တၢင်း​ၼွၵ်ႈ​မၼ်း​ၸမ်ႉ၊ ႁၢင်ႈ​လီ​ဢေႃႈ။ ၽၢႆႇ​တၢင်း​ၼႂ်း​မၼ်း​ၸမ်ႉ၊ မီး​တဵမ်​ဝႆႉ တင်း​လုပ်ႇ​ၵူၼ်း​တၢႆ ဢိၵ်ႇ​တင်း ဢၼ်​ဝူၺ်ႇ​ဢၼ်​ႁင်ႈ ၵူႈ​ၸိူဝ်ႉ​ၵူႈ​ပိူင်​ဢေႃႈ။-</verse>
				<verse number="28">မိူၼ်​ၼင်ႇ​ၼၼ်ႉ၊ သူ​မိူၼ်​ၼင်ႇ​ႁၢင်ႈ​သိုဝ်ႈ​တေႃႇ​ၽၢႆႇ​တၢင်း​ၼွၵ်ႈ​ၵႃႈ​တီႈ​ၽၢႆႇ​ၼႃႈ​ပိူၼ်ႈ​ဢေႃႈ။ ၽၢႆႇ​တၢင်း​ၼႂ်း​ၸမ်ႉ၊ မီး​တဵမ်​ဝႆႉ​တင်း​တၢင်း​ဢၼ် ၸၢင်ႈ​ထိမ်ႇ​ၸၢင်ႈ​မႅပ်း ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​တြႃး​ဢေႃႈ။</verse>
				<verse number="29">ၵူၼ်း​ထုတ်ႇ​ၵျၢမ်း ဢိၵ်ႇ​တင်း​ ၽႃႇရီႉသႄး ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​မႄး​တႄႇ​မႄး​ႁဵတ်း ပႃႇ​ႁဵဝ်ႈ​ပရေႃးၽႅတ်ႈ​တင်း​လၢႆ​လႄႈ ႁၢင်ႈ​ၶိူင်ႈ​သၢင်း​ၶႅင်း ၵူၼ်း​ဢၼ်​သိုဝ်ႈ​တေႃႇ ၸိူဝ်း​ၼၼ်ႉ​ဝႆႉ​သေ​ယဝ်ႉ၊ လၢတ်ႈ​လႄႈ​ဝႃႈ၊-</verse>
				<verse number="30">သင်​ႁဝ်း​မီး​ၼႂ်း​ၸူဝ်ႈ​ပူႇ​ပၢၼ်​ပေႃႈ​ႁဝ်း​ၼၼ်ႉ​ၸိုင်၊ ႁဝ်း​ဢမ်ႇ​ပဵၼ်​ၶဝ်​ၸိူဝ်း​ဢၼ်​ႁပ်ႉ​တုင်း​ဢဝ်​လွင်ႈ​တၢင်း​ဢၼ် ထွၵ်ႇ​လိူတ်ႈ​ပရေႃးၽႅတ်ႈ​လူၺ်ႈ​ၵၼ်​တင်း​ၶဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် သူ​ပဵၼ်​ၸိူဝ်ႉ​ၶိူဝ်း ၶဝ်​ၸိူဝ်း​ဢၼ်​ဢဝ်​ပရေႃးၽႅတ်ႈ​တင်း​လၢႆ တၢႆ​ၼၼ်ႉ​ဝႃႈ​ၼႆ၊ တူဝ်​သူ​ၶၢမ်ႇ​သၢၵ်ႈ​သေႇ​တူဝ်​သူ​ယူႇ​ဢေႃႈ။-</verse>
				<verse number="32">ပိူဝ်ႈ​ၼႆ​လႄႈ ႁႂ်ႈ​ပမႃႇၼႃႉ တၢင်း​ၵမ်​တၢင်း​ၵျၢင်ႉ​ပူႇ​ပေႃႈ​သူ ဢၼ်​ဢမ်ႇ​ပႆႇ​ထူၼ်ႈ​ပႆႇ​တဵမ်​ၼၼ်ႉ ထူၼ်ႈ​တဵမ်​တႃႉ။</verse>
				<verse number="33">ၶိူဝ်း​ငူး​ႁၢႆႉ​ၶဝ်​ဢိူၺ်း၊ သူ​တၵ်း​ၵၢင်း​လွတ်ႈ​တင်း​ဢပႅတ်ႈ​ငရၢႆး​ၼၼ်ႉ​လႆႈ ၸိူဝ်ႉ​ၼင်ႇ​ႁိုဝ်။</verse>
				<verse number="34">ပိူဝ်ႈ​ဢၼ်​မီး​ၼင်ႇ​ၼႆ​လႄႈ တူၺ်း​လူး၊ ၵဝ်​ပွႆႇ​ၸႂ်ႉ​ပရေႃးၽႅတ်ႈ ဢိၵ်ႇ​တင်း​ပိင်ႇ​ၺႃႇ​သီႉ တင်း​ၵူၼ်း​ထုတ်ႇ​ၵျၢမ်း​တင်း​လၢႆ မႃး​တီႈ​သူ​ဢေႃႈ။ ၼႂ်း​ၶဝ်​ၼၼ်ႉ သူ​တၵ်း​ဢဝ်​ၵမ်ႈ​ၽွင်ႈ​တၢႆ​လႄႈ တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ဢေႃႈ။ တၵ်း​ဢဝ်​ၵမ်ႈ​ၽွင်ႈ ပေႃႉ​ယႅၼ်ႉ​ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ​လႄႈ တၵ်း​ၼိၵ်ႈ​ၸၢၵ်ႈ​ငႅၼ်း​သႄး ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ဝဵင်း​ၼိုင်ႈ​ယဝ်ႉ​ဝဵင်း​ၼိုင်ႈ​ဢေႃႈ။-</verse>
				<verse number="35">ပိူဝ်ႈ​ၼႆ​လႄႈ လိူတ်ႈ​ၵူၼ်း​ဢၼ်​သိုဝ်ႈ​တေႃႇ ၵႃႈ​ဢၼ်​ထွၵ်ႇ​ပႅတ်ႈ​ယဝ်ႉ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင်​ဢၼ်​ဝႃႈ ၸႃႉ​ၸဵမ်​လိူတ်ႈ ဢႃႇပေႇလႃႉ ဢၼ်​သိုဝ်ႈ​တေႃႇ​ၼၼ်ႉ တေႃႇ​ထိုင်​ႁွတ်ႈ လိူတ်ႈ​ ၸႃႇၶရီႉ လုၵ်ႈ​ၸၢႆး​ ပႃႇရၵီႉ ဢၼ်​သူ​ဢဝ်​တၢႆ ၼႂ်း​ၵႄႈ​ဝူင်ႈ​ၵၢင်​ႁိူၼ်း​ပိၵ်ႈ​မၢၼ်ႇ​ၸဝ်ႈ တင်း​ယိတ်ႈ​ပလၢင်ႇ​ၼၼ်ႉ တၵ်း​ႁွတ်ႈ​ၽႅဝ် ၵႃႈ​ၼိူဝ်​ႁူဝ်​သူ​ဢေႃႈ။-</verse>
				<verse number="36">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ တၵ်း​ႁွတ်ႈ​ၽႅဝ် ၵႃႈ​ၼိူဝ်​ၵူၼ်း​တင်း​လၢႆ ဢၼ်​မီး​ယူႇ​တေႃႈ​လဵဝ်​ၸိူဝ်း​ၼႆႉ​ဢေႃႈ။</verse>
				<verse number="37">ဢူဝ်း ဝဵင်း​ ယေႇရူႉသလႅမ်ႇ ၊ ဝဵင်း​ ယေႇရူႉသလႅမ်ႇ ၊ ဢၼ်​ဢဝ်​ပရေႃးၽႅတ်ႈ​တင်း​လၢႆ​တၢႆ​လႄႈ ဢဝ်​မၢၵ်ႇ​ႁိၼ်​ထိမ်ႈ​ၶဝ်​ၸိူဝ်း​ဢၼ် ပွႆႇ​ၸႂ်ႉ​မႃး​ၵႃႈ​တီႈ​မႂ်း​တင်း​လၢႆ​ၼၼ်ႉ​ၼႆႉ​ဢိူၺ်း၊ ၸိူဝ်ႉ​ၼင်ႇ​ဢၼ်​ၵႆႇ​မႄႈ ႁႂ်ႈ​လုၵ်ႈ​ဢွၼ်ႇ​မၼ်း​ၸူႉ​ၵၼ်​တုမ်​ၵၼ်​တႂ်ႈ​ပိၵ်ႇ​မၼ်း​ၼၼ်ႉ ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​လုၵ်ႈ​ဢွၼ်ႇ​မႂ်း​လႆႈ​ၸူႉ​ၵၼ်​တုမ်​ၵၼ်​ယူႇ ဢမ်ႇ​ႁူႉ​လၢႆ​ၽဝ်ႇ​လၢႆ​ပွၵ်ႈ​ယဝ်ႉ။ မႂ်း​ၸမ်ႉ၊ ဢမ်ႇ​မီး​ဢလူဝ်ႇ။-</verse>
				<verse number="38">တူၺ်း​လူး၊ ႁိူၼ်း​သူ​ၼၼ်ႉ ၵိုတ်း​ဝႆႉ​တီႈ​သူ​လႄႈ ပဵၼ်​တီႈ​ဢၼ်​ၽိတ်ႇ​ၵူၼ်း​ငႅဝ်​ၵူၼ်း​ဢေႃႈ။-</verse>
				<verse number="39">ၵဝ်​ဝႃႈ​တီႈ​သူ​ၸမ်ႉ၊ တေႃႇ​ထိုင်​ႁွတ်ႈ​ၸူဝ်ႈ​ဢၼ်​သူ​ဢမ်ႇ​ပႆႇ​လၢတ်ႈ​လႄႈ​ဝႃႈ၊ ႁႂ်ႈ​ၵေႃႉ​ဢၼ်​ပႃး​တင်း​ဢၶႂၢင်ႉ ထႃႇဝရႃႉ​ၽြႃး​မႃး​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၸႃႉ​ၸဵမ်​တေႃႈ​လဵဝ်​ၼႆႉ သူ​တၵ်း​ဢမ်ႇ​လႆႈ​ႁၼ်​ၼႃႈ​ၵဝ်၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="24">
				<verse number="1">မိူဝ်ႈ​ဢၼ်​ ယေႇသူႉ ​ဢွၵ်ႇ​သေ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​လႄႈ ၵႂႃႇ​ယူႇ​ၼၼ်ႉ​ၸိုင် တပႄး​ၸဝ်ႈ​တင်း​လၢႆ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ ႁႂ်ႈ​လႆႈ​ၼႄ​ပျႃး​တိူၵ်ႈ​ပိၵ်ႈ​မၢၼ်ႇ​ၸဝ်ႈ​ၸိူဝ်း​ၼၼ်ႉ တီႈ​မၼ်း​ၸဝ်ႈ​ဢေႃႈ။-</verse>
				<verse number="2">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သူ​ႁၼ်​ၶိူင်ႈ​ပိူင်​တင်း​သဵင်ႈ​တင်း​လူင်​ၸိူဝ်း​ၼႆႉ​ယူႇ ဢမ်ႇ​ၸႂ်ႈ​ႁိုဝ်။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵႃႈ​တီႈ​ၼႆႈ ၵႃႈ​ၼိူဝ်​မၢၵ်ႇ​ႁိၼ်​လုၵ်း​ၼိုင်ႈ ဢမ်ႇ​လႆႈ​ၵိုတ်း​လႆႈ​ၵျၢၼ်ႇ​ဝႆႉ မၢၵ်ႇ​ႁိၼ်​ဢၼ်​ယင်း​ဢမ်ႇ​လႆႈ​ၶၢမ်ႇ​တၢင်း​ဢၼ် ၶျႃး​တူၵ်း​လႄႈ​မီး​ယူႇ​ၼၼ်ႉ​သေ​လုၵ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">လိုၼ်း​ၼၼ်ႉ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ၼင်ႈ​ယူႇ​ၵႃႈ​ၼိူဝ်​လွႆ​ သၢၼ်ႇလုၼ်ႇ ​ယူႇ​ၼၼ်ႉ​ၸိုင်၊ တပႄး​ၸဝ်ႈ​တင်း​လၢႆ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ ၼႂ်း​တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ လွင်ႈ​တၢင်း​ၸိူဝ်း​ၼႆႉ တၵ်း​ပဵၼ်​မႃး​ၶိင်ႇ​မိူဝ်ႈ​လႂ်​ၶႃႈ။ လွင်ႈ​တၢင်း​ဢၼ်​ၸဝ်ႈ​ႁဝ်း​တၵ်း​မႃး​လႄႈ​ၵမ်ႇ​ၽႃႇ​ၼႆႉ တၵ်း​သဵင်ႈ​ၼၼ်ႉ​ၸိုင်၊ တၵ်း​မီး​ၼီႉမိၵ်ႈ​လၢၵ်ႈၶၼႃႇ​ဢၼ်​လႂ်​ၶႃႈ။ ၸဝ်ႈ​ႁဝ်း​ၶႅၼ်း​တေႃႈ​လၢတ်ႈ​ပၼ်​တီႈ​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၼင်ႇ​ႁိုဝ်​ၽူႈ​လႂ်​တၵ်း​ဢမ်ႇ​လႆႈ​ပႅတ်ႉ​လႆႈ​လႅၼ်​သူ​ၸိုင် ႁဵတ်း​သတီႉ​တႃႉ။-</verse>
				<verse number="5">ၵူၼ်း​ၼမ်​ၼႃႇ တၵ်း​ႁိမ်​ဢဝ်​ၸိုဝ်ႈ​သဵင်​ၵဝ်​သေ​လႄႈ ပေႃႇ​မႃး​လႄႈ​လၢတ်ႈ​ဝႃႈ၊ ၵဝ်​ၼႆႉ​ပဵၼ်​ၸဝ်ႈ​ၶရိၸ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ပႅတ်ႉ​လႅၼ်​ၵူၼ်း​ၼမ်​ၼႃႇ​ဢေႃႈ။-</verse>
				<verse number="6">သူ​တၵ်း​လႆႈ​ငိၼ်း​လွင်ႈ​ဢၼ်​တိုၵ်း​သိုၵ်း​လႂ်၊ သတၢင်း​သဵင်​ၶၢဝ်ႇ​လွင်ႈ​ဢၼ် တၵ်း​တိုၵ်း​သိုၵ်း​လႂ်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၼင်ႇ​ႁိုဝ်​တၵ်း​ဢမ်ႇ​မႆႈ​ၸႂ်​ၶီ​ၸႂ်​ၸိုင်၊ ႁဵတ်း​သတီႉ​တႃႉ။ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ တၵ်း​လႆႈ​ပဵၼ်​မႃး​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ဢမ်ႇ​ပႆႇ​ပဵၼ်​တီႈ​သုတ်း​တီႈ​ၵွႆ။-</verse>
				<verse number="7">ၵူၼ်း​မဵဝ်း​ၼိုင်ႈ​လႄႈ​မဵဝ်း​ၼိုင်ႈ မိူင်း​ၼိုင်ႈ​လႄႈ​မိူင်း​ၼိုင်ႈ တၵ်း​ၶတ်း​တႃႉ​ၵၼ်​ဢေႃႈ။ တၢင်း​ဢၼ်​ဢိုပ်း​တၢင်း​ၵိၼ်​လႂ်၊ တၢင်း​ဢၼ်​ပဵၼ်​ၵႃႇလႃႉ​ႁႃႈ​လႅင်​မိူင်း​လႂ်၊ တၢင်း​ဢၼ်​ဢိင်ႇ​သၼ်ႇ​လႂ် တၵ်း​ပဵၼ်​ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="8">လွင်ႈ​တၢင်း​ၸိူဝ်း​ၼႆႉ တၵ်း​ပဵၼ်​ၵေႃႇၸႃႉ​ငဝ်ႈ​ႁၢၵ်ႈ​တုၵ်ႉ​ၶႃႉ​တၢင်း​ၶီ​တၢင်း​မႆႈ​ဢေႃႈ။-</verse>
				<verse number="9">ၶိင်ႇ​မိူဝ်ႈ​ၼၼ်ႉ​ၸမ်ႉ၊ ၶဝ်​တၵ်း​ဢဝ်​သူ​ဢၢပ်ႈ​ၵႃႈ​တီႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​သေ​လႄႈ ဢဝ်​တၢႆ​ဢေႃႈ။ မဵဝ်း​ၵူၼ်း​တင်း​သဵင်ႈ​တင်း​လူင် တၵ်း​ၸင်း​သူ ၵွပ်ႈ​ပိူဝ်ႈ​ၸိုဝ်ႈ​သဵင်​ၵဝ်​ဢေႃႈ။-</verse>
				<verse number="10">ၶိင်ႇ​မိူဝ်ႈ​ၼၼ်ႉ​ၸမ်ႉ၊ ၵူၼ်း​ၼမ်​ၼႃႇ ၸႂ်​တၵ်း​လူႉ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ် တၵ်း​ၸင်း​ၵၼ်​ဢေႃႈ။-</verse>
				<verse number="11">မိၵ်ႉသႃႇ​ပရေႃးၽႅတ်ႈ​ၼမ်​ၼႃႇ တၵ်း​ပေႃႇ​မႃး​လႄႈ ပႅတ်ႉ​လႅၼ်​ၵူၼ်း​ၼမ်​ၼႃႇ​ဢေႃႈ။-</verse>
				<verse number="12">ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ဢမ်ႇ​တြႃး​ၼမ်​မႃး​ၵိုၼ်း​မႃး​လႄႈ တၢင်း​ႁၵ်ႉ​မႅတ်ႈ​တႃႇ​ၵူၼ်း​ၼမ်​ၼႃႇ တၵ်း​ၵေႇ​မၢင်​ၵႂႃႇ​ဢေႃႈ။-</verse>
				<verse number="13">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မၼ်ႈ​ၶိူင်ႇ​တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ၼၼ်ႉ၊ ၵေႃႉ​ၼၼ်ႉ​တၵ်း​ႁွတ်ႈ​ထိုင် တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။-</verse>
				<verse number="14">တြႃး​သတၢင်း​သိူဝ်း​ပျေႃႇ​မိူင်း​ၸဝ်ႈ​ၼႆႉ တၵ်း​လႆႈ​ၶၢမ်ႇ​တၢင်း​ဢၼ် ႁေႃး​လၢတ်ႈ​ၵႃႈ​ၼႂ်း​မိူင်း​လေႃးၵီႇ​ၵူႈ​တီႈ​ၵူႈ​လႅၼ် ပုၼ်ႈ​ဢၼ်​တၵ်း​ပဵၼ်​သၢၵ်ႈ​သေႇ တီႈ​ၵူၼ်း​မဵဝ်း​တင်း​သဵင်ႈ​တင်း​လူင်​ဢေႃႈ။ ၼင်ႇ​ၼၼ်​ယဝ်ႉ​ၸင်ႇ၊ တၵ်း​ပဵၼ်​တီႈ​သုတ်း​တီႈ​ၵွႆ​ဢေႃႈ။</verse>
				<verse number="15">ပိူဝ်ႈ​ၼႆ​လႄႈ မိူဝ်ႈ​ဢၼ် သူ​လႆႈ​ႁၼ်​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​လႄႈ ၸၢင်ႈ​ယႃႉ​ၸၢင်ႈ​ယူၵ်ႉ၊ ဢၼ်​ပရေႃးၽႅတ်ႈ တၢၼ်ႇယေႇလႃႉ ဢဝ်​လွင်ႈ​မၼ်း​ႁေႃး​လၢတ်ႈ​ဝႆႉ​ၼၼ်ႉ ၸုၵ်း​ယူႇ​ၵႃႈ​ၼႂ်း​တီႈ​ဢၼ်​မူတ်း​ၸၢင်ႇ​ၼၼ်ႉ​ၸိုင်၊ ႁႂ်ႈ​ၵေႃႉ​ဢၼ် လူ​တူၺ်း​ၵျၢမ်း​လိၵ်ႈ​ၼၼ်ႉ ႁူႉ​တႃႉ။-</verse>
				<verse number="16">မိူဝ်ႈ​ဢၼ်​ႁၼ်​ၸိူဝ်ႉ​ၼင်ႇ​ၼၼ်​ၸိုင်၊ ႁႂ်ႈ​ၶဝ်​ၸိူဝ်း​ဢၼ်​မီး​ၼႂ်း​မိူင်း​ ယူႉတႃႉ ​ၼႆႉ ပၢႆႈ​ၶိုၼ်ႈ​ၵႂႃႇ​ၵႃႈ​တီႈ​ၼိူဝ်​လွႆ​ပုၼ်ႉ​သေ။-</verse>
				<verse number="17">ယႃႇ​ႁႂ်ႈ​ၵေႃႉ​ဢၼ်​မီး​ယူႇ​ၵႃႈ​ၼိူဝ်​ၸွမ်​ႁိူၼ်း​ၼၼ်ႉ လူင်း​ႁႂ်ႈ​လႆႈ​ဢဝ်​ၶူဝ်း​ဢဝ်​လဵင်း​ၼႂ်း​ႁိူၼ်း။-</verse>
				<verse number="18">ၵေႃႉ​ဢၼ်​မီး​ယူႇ​ၵႃႈ​ၼႂ်း​တူင်ႈ​ၼႃး​ၵေႃႈ၊ ယႃႇ​ႁႂ်ႈ​ၶိုၼ်း​မိူဝ်း​တၢင်း​လင်​ႁႂ်ႈ​လႆႈ​ဢဝ်​ၶူဝ်း​ၼုင်ႈ​တၢင်း​မႆ​မၼ်း။-</verse>
				<verse number="19">ဝၼ်း​မိူဝ်ႈ​ၼၼ်ႉ တီႈ​မႄႈ​ယိင်း​ဢၼ်​တူဝ်​ဢမ်ႇ​သႃႇ ဢိၵ်ႇ​တင်း​မႄႈ​ယိင်း​ဢၼ်​မီး​လုၵ်ႈ​ဢွၼ်ႇ ဢၼ်​ဢမ်ႇ​ၽၢတ်ႇ​ၼူမ်း​တင်း​လၢႆ​ၼၼ်ႉ တၵ်း​မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="20">လွင်ႈ​ၼင်ႇ​ႁိုဝ်​ၶိင်ႇ​မိူဝ်ႈ​ဢၼ် သူ​လႆႈ​ပၢႆႈ​လႆႈ​ၵႂႃႇ​ၼၼ်ႉ တၵ်း​ဢမ်ႇ​လႆႈ​တူၵ်း​မိူဝ်ႈ​ၶိင်ႇ​ၵတ်း ဢိၵ်ႇ​တင်း​မိုဝ်ႉ​ဝၼ်း​ၵမ်​သိၼ်​ၸိုင် သူး​တွင်း​တႃႉ။-</verse>
				<verse number="21">လွင်ႈ​မၼ်း​ၸမ်ႉ တုၵ်ႉ​ၶႃႉ​လူင်​ဢၼ်​ဢမ်ႇ​ပႆႇ​တွၼ်ႉ​ပဵၼ်​သေ​ပွၵ်ႈ ၸႃႉ​ၸဵမ်​မိူဝ်ႈ​ၵမ်ႇ​ၽႃႇ​ၸႃႉ​တႄႇ​ၼၼ်ႉ ႁၢၼ်ႉ​တေႃႇ​မိူဝ်ႈ​လဵဝ်​ၼႆႉ​လႄႈ ၵမ်း​လိုၼ်း​ၵေႃႈ​တၵ်း​ဢမ်ႇ​ပဵၼ်​ၼၼ်ႉ တၵ်း​ပဵၼ်​ၼႂ်း​ၶိင်ႇ​ၵႃႇလႃႉ​ၼၼ်ႉ​ဢေႃႈ။-</verse>
				<verse number="22">ပေႃး​ဢမ်ႇ​ႁႂ်ႈ​ၶိင်ႇ​ၵႃႇလႃႉ​ၼၼ်ႉ​ပွတ်း​သေ​ၸိုင်၊ ၽူႈ​လႂ်​ဢမ်ႇ​လွတ်ႈ​လႆႈ​သေ​ၵေႃႉ​သေ​ၵူၼ်း။ ၵွပ်ႈ​ပိူဝ်ႈ​ၶဝ်​ၸိူဝ်း​ဢၼ် လိူၵ်ႈ​ၵဵပ်း​ဢဝ်​ၼၼ်ႉ​လႄႈ ၶိင်ႇ​ၵႃႇလႃႉ​ၼၼ်ႉ တၵ်း​ပွတ်း​ဢေႃႈ။</verse>
				<verse number="23">မိူဝ်ႈ​ၼၼ်ႉ ပေႃး​သေ​ၵေႃႉ​သေ​ၵူၼ်း လၢတ်ႈ​လႄႈ​ဝႃႈ၊ တူၺ်း​လူး၊ ၸဝ်ႈ​ၶရိၸ်ႈ​မီး​ၵႃႈ​ၼႆႈ​ဢေႃႈ။ မီး​ၵႃႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ၸိုင် ယႃႇ​ပေ​ယုမ်ႇ။-</verse>
				<verse number="24">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ႁဵတ်း​မိူၼ်​ၼင်ႇ​ႁၢင်ႈ ၸဝ်ႈ​ၶရိၸ်ႈ​ဢိၵ်ႇ​တင်း​မိၵ်ႉသႃႇ​ပရေႃးၽႅတ်ႈ​တင်း​လၢႆ​ၼၼ်ႉ​တၵ်း​ပေႃႇ​မႃး​လႄႈ ပေႃး​ပႅတ်ႉ​လႅၼ်​လႆႈ​ၸိုင်၊ ၶဝ်​တၵ်း​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​ဢၼ်​ယႂ်ႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ႁႂ်ႈ​လႆႈ​ပႅတ်ႉ​လႅၼ်​ၶဝ်​ၸိူဝ်း​ဢၼ် လိူၵ်ႈ​ၵဵပ်း​ဢဝ်​ၼၼ်ႉ​ဢေႃႈ။-</verse>
				<verse number="25">တူၺ်း​လူး၊ ၵဝ်​လၢတ်ႈ​လွင်ႈ​တၢင်း​ၸိူဝ်း​ၼၼ်ႉ​ဝႆႉ ဢွၼ်​တၢင်း​ယဝ်ႉ။</verse>
				<verse number="26">ပိူဝ်ႈ​ၼႆ​လႄႈ ပေႃး​ၶဝ်​လၢတ်ႈ​လႄႈ​ဝႃႈ၊ မၼ်း​ၸဝ်ႈ​မီး​ၼႂ်း​ထိူၼ်ႇ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ယႃႇ​ပေ​ဢွၵ်ႇ​ၵႂႃႇ​ၸူး၊ ပေႃး​ဝႃႈ၊ မီး​ၵႃႈ​ၼႂ်း​လုၵ်း​တၢင်း​ၼႂ်း​ပုၼ်ႉ၊ ဝႃႈ​ၼင်ႇ​ၼႆ​ၵေႃႈ၊ ယႃႇ​ပေ​ယုမ်ႇ။-</verse>
				<verse number="27">လုၵ်ႈ​ၵူၼ်း​တၵ်း​မႃး​ၸိူဝ်ႉ​ၼင်ႇ​ဢၼ်​ၽႃႉ​မႅပ်ႈ​ၽုတ်း​မႃး​တၢင်း​ဝၼ်း​ဢွၵ်ႇ လႅင်း​ၽႅဝ်​ႁွတ်ႈ​တၢင်း​ဝၼ်း​တူၵ်း​ၼၼ်ႉ​ဢေႃႈ။-</verse>
				<verse number="28">တီႈ​ဢၼ်​တူဝ်​တၢႆ​မီး​ၼၼ်ႉ၊ လၢင်း​တႃႉ​ၶမ်း​တင်း​လၢႆ တၵ်း​ၸူႉ​ၵၼ်​တုမ်​ၵၼ်​ဢေႃႈ။</verse>
				<verse number="29">ဝၢႆး​လင်​တုၵ်ႉ​ၶႃႉ​တၢင်း​ၽၢၼ် ၶိင်ႇ​ၵႃႇလႃႉ​ၼၼ်ႉ​ၵမ်း​လဵဝ်၊ ၵၢင်​ဝၼ်း​တၵ်း​လပ်း​သိင်ႇ​ဢေႃႈ။ လိူၼ်​တၵ်း​ဢမ်ႇ​ပၼ်​ဢၼ်​လႅင်း​မၼ်း။ လၢဝ်​တင်း​လၢႆ​တၵ်း​တူၵ်း​သေ​ၵႃႈ​ၼိူဝ်​ၵၢင်​ႁၢဝ်​ဢေႃႈ။ တၼ်း​ၶူဝ်း​ၵၢင်​ႁၢဝ်​တင်း​လၢႆ​ၵေႃႈ တၵ်း​သၼ်ႇ​ၶွၼ်း​ဝႆ​ဢေႃႈ။-</verse>
				<verse number="30">မိူဝ်ႈ​ၼၼ်ႉ ၼီႉမိၵ်ႈ​လၢၵ်ႈၶၼႃႇ​လုၵ်ႈ​ၵူၼ်း တၵ်း​ထၢင်ႇ​သႃး​မႃး​ၵႃႈ​ၼိူဝ်​ၵၢင်​ႁၢဝ်​ဢေႃႈ။ ၵူၼ်း​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင် တၵ်း​လႆႈ​ႁွင်ႉ​ႁႆႈ​ပွင်ႉ​ၶၢင်း​လႄႈ ႁၼ်​လုၵ်ႈ​ၵူၼ်း​ပႃး​တင်း​မုၼ်​တၼ်း​ၶူဝ်း ဢႃႇၼူႉၽေႃႇ​မၼ်း​ၸဝ်ႈ​သေ​လႄႈ မႃး​ၵႃႈ​ၼိူဝ်​မွၵ်ႇ​ၵုမ်ႈ​ဢေႃႈ။-</verse>
				<verse number="31">မၼ်း​ၸဝ်ႈ​တၵ်း​ပွႆႇ​ၸႂ်ႉ​တမၢၼ်ႇ​မၼ်း​ၸဝ်ႈ​တင်း​လၢႆ​မႃး ဢိၵ်ႇ​လူၺ်ႈ​ၵၼ်​တင်း​သဵင်​ၶရႃႇ​ဢၼ်​ယႂ်ႇ​ၼႃႇ​လႄႈ ၶဝ်​ၼၼ်ႉ​ၵေႃႈ တၵ်း​ႁႂ်ႈ​ၶဝ်​ၸိူဝ်း​ဢၼ် လိူၵ်ႈ​ၵဵပ်း​ဢဝ်​ၼၼ်ႉ လုၵ်ႉ​သေ​ၵႃႈ​တီႈ သီႇ​ၸဵင်ႇ​ပႅတ်ႇ​ၼႃႈ တႂ်ႈ​ၽႃႉ​ၵၢင်​ႁၢဝ်​ၸူႉ​ၵၼ်​တုမ်​ၵၼ်​ဢေႃႈ။</verse>
				<verse number="32">ဢဝ်​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ႁဵတ်း​ဢူႉပမႃႇ​ပုင်ႇ​သေ​လႄႈ​သွၼ်​ဢဝ်​တႃႉ။ မိူဝ်ႈ​ဢၼ်​ၵိင်ႇ​မၼ်း​ၶႃႊ​မၼ်း​ၼုမ်ႇ​လႄႈ ဢွၵ်ႇ​မႂ်​မၼ်း​ယူႇ​ၼၼ်ႉ​ၸိုင်၊ သူ​ႁူႉ​လွင်ႈ​ဢၼ်​ၸမ်​တၵ်း​ႁွတ်ႈ​ထိုင်​ၶိင်ႇ​ႁႅင်ႈ​ဢေႃႈ။-</verse>
				<verse number="33">မိူၼ်​ၼင်ႇ​ၼၼ် မိူဝ်ႈ​ဢၼ်​သူ​လႆႈ​ႁၼ် လွင်ႈ​တၢင်း​တင်း​သဵင်ႈ​တင်း​လူင်​ၸိူဝ်း​ၼႆႉ​ၼၼ်ႉ​ၸိုင်၊ ႁူႉ​လွင်ႈ​ဢၼ်​ၶိင်ႇ​လုၵ်ႈ​ၵူၼ်း​ႁွတ်ႈ​ၸမ်​မႃး​ၵႃႈ​တီႈ​ႁိမ်း​ၽၵ်း​တူ​ယဝ်ႉ​ၼၼ်ႉ​တႃႉ။</verse>
				<verse number="34">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ လွင်ႈ​တၢင်း​တင်း​သဵင်ႈ​တင်း​လူင်​ၸိူဝ်း​ၼႆႉ တၵ်း​ပဵၼ်​မႃး ၸူဝ်ႈ​ဢၼ်​ၵူၼ်း​ဢၼ်​မီး​ယူႇ​တေႃႈ​လဵဝ်​ၸိူဝ်း​ၼႆႉ ဢမ်ႇ​ပႆႇ​သဵင်ႈ​ပႆႇ​မူတ်း​ဢေႃႈ။-</verse>
				<verse number="35">ပိၵ်ႉ​သမ်ႉ​ၽႃႉ​ၵၢင်​ႁၢဝ်​တင်း​လိၼ်​မိူင်း​ၼႆႉ တၵ်း​ႁၢႆ​လၢႆ​သေ​ၵေႃႈ၊ ၵႂၢမ်း​ၵဝ်​ၼႆႉ တၵ်း​ဢမ်ႇ​ႁၢႆ​လၢႆ။</verse>
				<verse number="36">ၶိင်ႇ​ၼႃႇရီႇ​ဝၼ်း​ၼၼ်ႉ​ၸမ်ႉ၊ ၽူႈ​လႂ်​ဢမ်ႇ​ႁူႉ၊ တမၢၼ်ႇ​ၵၢင်​ႁၢဝ်​တင်း​လၢႆ ဢမ်ႇ​ႁူႉ၊ ၸဝ်ႈ​ပေႃႈ​ၵဝ်​ပႃး​လဵဝ်​ၵူၺ်း​ႁူႉ​ဢေႃႈ။-</verse>
				<verse number="37">တၢင်း​ဢၼ်​လုၵ်ႈ​ၵူၼ်း​မႃး​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ဢၼ်​ပဵၼ်​ၼႂ်း​ၸူဝ်ႈ​ပၢၼ် ၼူဝ်းဢႃႇ​ၼၼ်ႉ​ဢေႃႈ။-</verse>
				<verse number="38">ၸိူဝ်ႉ​ၼင်ႇ​ဢၼ် ၵူၼ်း​တင်း​လၢႆ​ၵိၼ်​ယူႇ၊ ဢဝ်​ၽူဝ်​ဢဝ်​မေး​ယူႇ၊ ဢၢပ်ႈ​ပၼ်​ၵၼ်​ယူႇ​ၼႂ်း​ၶိင်ႇ​မိူဝ်ႈ​ဢၼ် တၢင်း​ဢၼ်​ၼမ်ႉ​ထူမ်ႈ​မိူင်း ဢမ်ႇ​ပႆႇ​ပဵၼ်​တေႃႇ​ထိုင်​ႁွတ်ႈ ဝၼ်း​ဢၼ်​ ၼူဝ်းဢႃႇ ​ၶဝ်ႈ​ၵႃႈ​ၼႂ်း​ႁိူဝ်း​သၢင်း​ၽေႃး​ၼၼ်ႉ​လႄႈ၊-</verse>
				<verse number="39">ဢမ်ႇ​မီး​သတီႉ​တေႃႇ​ထိုင်​ႁွတ်ႈ​တၢင်း​ဢၼ်​ၼမ်ႉ​ထူမ်ႈ​မိူင်း​မႃး ပႄႇ​ၽဵဝ်ႈ​ပႅတ်ႈ​ၵူၼ်း​တင်း​သဵင်ႈ​တင်း​လူင်​ၼၼ်ႉ၊ တၵ်း​ပဵၼ်​ၼႂ်း​တၢင်း​ဢၼ် လုၵ်ႈ​ၵူၼ်း​မႃး​ၼၼ်ႉ​ဢေႃႈ။-</verse>
				<verse number="40">မိူဝ်ႈ​ၼၼ်ႉ ၵူၼ်း​သွင်​ၵေႃႉ တၵ်း​မီး​ယူႇ​ၵႃႈ​ၼႂ်း​တူင်ႈ​ၼႃး​ဢေႃႈ။ တၵ်း​သိမ်း​ဢဝ်​ၵေႃႉ​ၼိုင်ႈ​လႄႈ၊ ၵေႃႉ​ၼိုင်ႈ​ၸမ်ႉ၊ တၵ်း​လႆႈ​ၵိုတ်း​ဝႆႉ​ယူႇ​ဢေႃႈ။-</verse>
				<verse number="41">ၵူၼ်း​ယိင်း​သွင်​ၵေႃႉ တၵ်း​ၶိုတ်ႈ​ၶဝ်ႈ​ယူႇ​တီႈ​လူၺ်​ဢေႃႈ။ တၵ်း​သိမ်း​ဢဝ်​ၵေႃႉ​ၼိုင်ႈ​လႄႈ၊ ၵေႃႉ​ၼိုင်ႈ​ၸမ်ႉ၊ တၵ်း​လႆႈ​ၵိုတ်း​ဝႆႉ​ယူႇ​ဢေႃႈ။</verse>
				<verse number="42">ပိူဝ်ႈ​ဢၼ်​သူ​ဢမ်ႇ​ႁူႉ​လွင်ႈ​ဢၼ် ၸဝ်ႈ​သူ​တၵ်း​ႁွတ်ႈ​မႃး​ၶိင်ႇ​ၼႃႇရီႇ​လႂ်​ၼၼ်ႉ​လႄႈ ပႂ်ႉ​ထႃႈ​ယူႇ​တႃႉ။-</verse>
				<verse number="43">ပေႃး​ၸဝ်ႈ​ႁိူၼ်း​ႁူႉ​ၶိင်ႇ​ၼႃႇရီႇ ဢၼ်​ၽူႈ​လၵ်ႉ​တၵ်း​မႃး​ၸိုင်၊ မၼ်း​တၵ်း​ပႂ်ႉ​ယူႇ​ဢမ်ႇ​ႁႂ်ႈ​လႆႈ​ယႃႉ​လႆႈ​မူင်ႇ​ႁိူၼ်း​မၼ်း​ဝႃႈ​ၼႆ၊ သူ​ႁူႉ​ယူႇ​ဢေႃႈ။-</verse>
				<verse number="44">ပိူဝ်ႈ​ၼႆ​လႄႈ သူ​မႄး​ႁႅၼ်း​ဝႆႉ​တႃႉ။ လွင်ႈ​မၼ်း​ၸမ်ႉ လုၵ်ႈ​ၵူၼ်း​တၵ်း​မႃး​ၶိင်ႇ​ၼႃႇရီႇ​ဢၼ်​သူ​ဢမ်ႇ​ထၢင်ႇ​ဢမ်ႇ​ထိူမ် ၼၼ်ႉ​ဢေႃႈ။</verse>
				<verse number="45">ၶႃႈ​ဢၼ်​မီး​သဵတ်ႈ​ၸႃႇ​တင်း​သတီႉ​လႄႈ ၸဝ်ႈ​မၼ်း​ၶၢၼ်း​ဝႆႉ​ၵႃႈ​ၼိူဝ်​ၵူၼ်း​ႁိူၼ်း​ၵူၼ်း​ယေး​တင်း​လၢႆ ႁႂ်ႈ​လႆႈ​ၽႄ​မႅင်ႇ​ပၼ် တၢင်း​ၵိၼ်​တၢင်း​ၶူပ်း​တီႈ​ၶဝ်​ၼႂ်း​မိူဝ်ႈ​ဢၼ် ၶိင်ႇ​မၼ်း​ထုၵ်ႇ​ၼၼ်ႉ​ၸမ်ႉ ပဵၼ်​ၽူႈ​လႂ်။-</verse>
				<verse number="46">ၶႃႈ​ဢၼ်​ၸဝ်ႈ​မၼ်း​ၶိုၼ်း​မႃး​လႄႈ ထူပ်း​ႁၼ်​မၼ်း​ႁဵတ်း​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="47">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၸဝ်ႈ​မၼ်း​တၵ်း​ၶၢၼ်း​မၼ်း​ဝႆႉ ၵႃႈ​ၼိူဝ်​ဢုၵ်ႉ​ၸႃႇ​ၶူဝ်း​လဵင်း​တူဝ်​ၸဝ်ႈ​ၵဝ်ႇ ၵႃႈ​မီး​တင်း​သဵင်ႈ​တင်း​လူင်​ဢေႃႈ။-</verse>
				<verse number="48">ပေႃး​ဢမ်ႇ​ၼၼ်​ၸမ်ႉ၊ ပေႃး​ၶႃႈ​ဢၼ်​ႁၢႆႉ​ၼၼ်ႉ ထၢင်ႇ​ၼႂ်း​ၸႂ်​လႄႈ​ဝႃႈ၊ ၸဝ်ႈ​ၵဝ်​တၵ်း​ၼၢၼ်း​မႃး​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="49">ယႅၼ်ႉ​ထုပ်ႉ​ၶႃႈ​ၼင်ႇ​ၵၼ်​ယူႇ၊ ၵိၼ်​ႁူမ်ႈ​ၵၼ်​တင်း​ၵူၼ်း​ဢၼ်​ၵိၼ်​လဝ်ႈ​မဝ်း​ၵမ်​တင်း​လၢႆ​ယူႇ​ၸိုင်၊-</verse>
				<verse number="50">ၸဝ်ႈ​မၼ်း​တၵ်း​ႁွတ်ႈ​ၽႅဝ်​မႃး ၼႂ်း​ၶိင်ႇ​ဝၼ်း​ဢၼ်​မၼ်း​ဢမ်ႇ​မုင်ႈ​ဢမ်ႇ​တူၺ်း၊ ၶိင်ႇ​ၼႃႇရီႇ​ဢၼ်​မၼ်း ဢမ်ႇ​ႁူႉ​ဢမ်ႇ​ငိၼ်း​ၼၼ်ႉ​လႄႈ၊-</verse>
				<verse number="51">တႅပ်း​မၼ်း​ႁဵတ်း​သွင်​ပွတ်း​သေ​ယဝ်ႉ၊ ဢဝ်​မၼ်း​ဝႆႉ​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​တင်း​လၢႆ​ၼၼ်ႉ​ဢေႃႈ။ တီႈ​ၼၼ်ႈ​ၸမ်ႉ၊ တၵ်း​မီး​တၢင်း​ဢၼ်​လႆႈ​ႁႆႈ​လႆႈ​ႁွင်ႉ၊ တၢင်း​ဢၼ်​လႆႈ​ၵတ်း​ၶဵဝ်ႈ​ၵတ်း​ၽၼ်း​ဢေႃႈ။</verse>
			</chapter>
			<chapter number="25">
				<verse number="1">မိူဝ်ႈ​ၼၼ်ႉ မိူင်း​ၵၢင်​ႁၢဝ်​ၸဝ်ႈ​ၸမ်ႉ၊ မိူၼ်​ၸိူဝ်ႉ​ၼင်ႇ​လုၵ်ႈ​ယိင်း​သၢဝ်​သိပ်း​ၼိုင်ႈ၊ ဢၼ်​ယိပ်း​ၵမ်​ဢဝ်​ဝၢၼ်ႇ​ၽႆး​တဵၼ်း​သေ​လႄႈ ဢွၵ်ႇ​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း ၵူၼ်း​သွင်ႇ​မင်ႇၵလႃႇ​ၼၼ်ႉ​ဢေႃႈ။-</verse>
				<verse number="2">ၼႂ်း​လုၵ်ႈ​ယိင်း​သၢဝ်​ၸိူဝ်း​ၼၼ်ႉ၊ ႁႃႈ​ၵေႃႉ​ပဵၼ်​ဢၼ်​မိူၵ်ႈ​ဢေႃႈ။ ႁႃႈ​ၵေႃႉ​ၸမ်ႉ၊ မီး​ပိင်ႇ​ၺႃႇ​သတီႉ​ဢေႃႈ။-</verse>
				<verse number="3">ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ၊ ဢဝ်​ဝၢၼ်ႇ​ၽႆး​တဵၼ်း​ၵူၺ်း​လႄႈ ဢမ်ႇ​ပႃး​ၼမ်ႉ​မၼ်း။-</verse>
				<verse number="4">ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​သတီႉ​ၼၼ်ႉ​ၸမ်ႉ၊ ဢဝ်​ဝၢၼ်ႇ​ၽႆး​တဵၼ်း​ဢိၵ်ႇ​တင်း​ၼမ်ႉ​မၼ်း​ၵႃႈ​တီႈ​ၼႂ်း​မူၵ်ႇ​ဢေႃႈ။-</verse>
				<verse number="5">ၼႂ်း​မိူဝ်ႈ​ဢၼ်​ၵူၼ်း​သွင်ႇ​မင်ႇၵလႃႇ​ၼၼ်ႉ ၼၢၼ်း​မႃး​လႄႈ​ယူႇ​ၼၼ်ႉ​ၸိုင်၊ ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ငဝ်​ၼွၼ်း​လႄႈ​လပ်း​ၵႂႃႇ​ဢေႃႈ။</verse>
				<verse number="6">ၼႂ်း​ၶိင်ႇ​တဵင်ႈ​ၶိုၼ်း မီး​သဵင်​ဢၼ်​ႁွင်ႉ​သႅၼ်ႇ​လႄႈ​ဝႃႈ၊ တူၺ်း​လူး၊ ၵူၼ်း​သွင်ႇ​မင်ႇၵလႃႇ​မႃး​ယဝ်ႉ။ ဢွၵ်ႇ​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​တႃႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="7">လုၵ်ႈ​ယိင်း​သၢဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ လုၵ်ႉ​လႄႈ မႄး​ႁႅၼ်း​ဝၢၼ်ႇ​ၽႆး​တဵၼ်း​ၶဝ်​ဢေႃႈ။-</verse>
				<verse number="8">ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ ယွၼ်း​တီႈ​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​သတီႉ​ၼၼ်ႉ​လႄႈ​ဝႃႈ၊ ၽႆး​တဵၼ်း​ႁဝ်း​မွတ်ႇ​ၵႂႃႇ​ယဝ်ႉ။ ပၼ်​ၼမ်ႉ​မၼ်း​သူ​သေ​ဢိတ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​သတီႉ​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ၊ ၼမ်ႉ​မၼ်း​ဢမ်ႇ​ပေႃး​ဢမ်ႇ​ၵုမ်ႇ​ပုၼ်ႈ​သူ ဢိၵ်ႇ​တင်း​ပုၼ်ႈ​ႁဝ်း။ ပိူဝ်ႈ​ၼႆ​လႄႈ ပေႃး​သူ​ၵႂႃႇ​ၵႃႈ​တီႈ​ၶဝ်​ၸိူဝ်း​ဢၼ်​ၶၢႆ​ၼမ်ႉ​မၼ်း​ၼၼ်ႉ​လႄႈ သိုဝ်ႉ​ဢဝ်​ပုၼ်ႈ​သူ​ၸိုင်၊ ယဵင်ႈ​ၶႅၼ်း​တၵ်း​လီ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၼႂ်း​မိူဝ်ႈ​ဢၼ်​ၶဝ်​ၵႂႃႇ​ႁႂ်ႈ​လႆႈ​သိုဝ်ႉ​ၼမ်ႉ​မၼ်း​ယူႇ​ၼၼ်ႉ​ၸိုင်၊ ၵူၼ်း​သွင်ႇ​မင်ႇၵလႃႇ​ၼၼ်ႉ​ႁွတ်ႈ​မႃး​လႄႈ လုၵ်ႈ​ယိင်း​သၢဝ် ဢၼ်​မႄး​ႁႅၼ်း​ဝႆႉ​လီ​လီ​ငၢမ်း​ငၢမ်း​ၸိူဝ်း​ၼၼ်ႉ ၶဝ်ႈ​ပွႆး​လူၺ်ႈ​ၵၼ်​တင်း​မၼ်း​ယဝ်ႉ​ၸင်ႇ၊ ဢိုတ်း​ၽၵ်း​တူ​ဝႆႉ​သေ​ဢေႃႈ။-</verse>
				<verse number="11">လိုၼ်း​ၼၼ်ႉ​လုၵ်ႈ​ယိင်း​သၢဝ် ဢၼ်​ၵိုတ်း​ဝႆႉ​ၸိူဝ်း​ၼၼ်ႉ​မႃး​လႄႈ​လဝ်ႊ​လၢတ်ႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း ၽုၺ်ႇ​ၽၵ်း​တူ​ပၼ်​တီႈ​ႁဝ်း​ၶႃႈ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵဝ်​ဢမ်ႇ​ႁူႉ​ၸၵ်း​သူ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵွပ်ႈ​ႁွႆး​ၼႆႉ ပိူဝ်ႈ​ဢၼ်​သူ​ဢမ်ႇ​ႁူႉ​ၶိင်ႇ​ဝၼ်း​ၼႃႇရီႇ​လႄႈ ပႂ်ႉ​ထႃႈ​ယူႇ​တႃႉ။</verse>
				<verse number="14">ဢူႉပမႃႇ​ၸမ်ႉ၊ ၵူၼ်း​ၵေႃႉ​ၼိုင်ႈ တၵ်း​ၵႂႃႇ​တၢင်ႇ​ဝၢၼ်ႈ​တၢင်ႇ​မိူင်း​ဝႃႈ​ၼႆ၊ ႁွင်ႉ​ဢဝ်​ၵူၼ်း​ဢွၼ်ႇ​မၼ်း​တင်း​လၢႆ​သေ​လႄႈ ဢဝ်​ဢုၵ်ႉ​ၸႃႇ​ၶူဝ်း​လဵင်း​မၼ်း ဢၢပ်ႈ​ပၼ်​ဝႆႉ​ဢေႃႈ။-</verse>
				<verse number="15">ၸွမ်း​ၼင်ႇ​ဢၼ် ၶဝ်​မီး​ၺၢၼ်ႇ​ႁင်း​ၽႂ်​ႁင်း​မၼ်း​ၼၼ်ႉ မၼ်း​ဢၢပ်ႈ​ပၼ်​တီႈ​ၵေႃႉ​ၼိုင်ႈ ငိုၼ်း​ တလၢၼ်ႇတၢၼ်ႇ ​ႁႃႈ​ဢၼ်၊ တီႈ​ၵေႃႉ​ၼိုင်ႈ တလၢၼ်ႇတၢၼ်ႇ ​သွင်​ဢၼ်၊ တီႈ​ၵေႃႉ​ၼိုင်ႈ တလၢၼ်ႇတၢၼ်ႇ ​ဢၼ်​ၼိုင်ႈ​ယဝ်ႉ​ၸင်ႇ၊ ဢွၵ်ႇ​ၵႂႃႇ​သေ​ၵမ်း​လဵဝ်​ဢေႃႈ။-</verse>
				<verse number="16">ၵေႃႉ​ဢၼ် ၶၢမ်ႇ​ဢဝ်​ တလၢၼ်ႇတၢၼ်ႇ ​ႁႃႈ​ဢၼ်​ၼၼ်ႉ ၵႂႃႇ​ႁဵတ်း​တၢင်း​ၵႃႉ​တၢင်း​ၶၢႆ​လႄႈ လႆႈ​ဢမျၢတ်ႈ​မၼ်း တလၢၼ်ႇတၢၼ်ႇ တၢင်ႇ​တီႈ​တၢင်ႇ​ဢၼ် ႁႃႈ​ဢၼ်​ဢေႃႈ။-</verse>
				<verse number="17">မိူၼ်​ၼင်ႇ​ၼၼ် ၵေႃႉ​ဢၼ် ၶၢမ်ႇ​ဢဝ်​ တလၢၼ်ႇတၢၼ်ႇ ​သွင်​ဢၼ်​ၼၼ်ႉ​ၵေႃႈ၊ လႆႈ​ဢမျၢတ်ႈ​မၼ်း တလၢၼ်ႇတၢၼ်ႇ တၢင်ႇ​တီႈ​တၢင်ႇ​ဢၼ် သွင်​ဢၼ်​ဢေႃႈ။-</verse>
				<verse number="18">ၵေႃႉ​ဢၼ် ၶၢမ်ႇ​ဢဝ်​ တလၢၼ်ႇတၢၼ်ႇ ​ဢၼ်​ၼိုင်ႈ​ၼၼ်ႉ​ၸမ်ႉ၊ ၵႂႃႇ​လႄႈ​ၶုတ်း​ၶုမ်​ၼႂ်း​လိၼ်​ယဝ်ႉ​ၸင်ႇ၊ ဢဝ်​ငိုၼ်း​ၸဝ်ႈ​မၼ်း​ၼၼ်ႉ သိူင်ႇ​ဝႆႉ​ဢေႃႈ။</verse>
				<verse number="19">ၶိင်ႇ​ၵႃႇလႃႉ​ႁိုင်​ယဝ်ႉ​ၸင်ႇ၊ ၸဝ်ႈ​ၵူၼ်း​ဢွၼ်ႇ​တင်း​လၢႆ​ၼၼ်ႉ ႁွတ်ႈ​မႃး​လႄႈ ဢဝ်​ၸရၢင်း​ၶဝ်​ဢေႃႈ။-</verse>
				<verse number="20">ၵေႃႉ​ဢၼ်​ၶၢမ်ႇ​ဢဝ်​ တလၢၼ်ႇတၢၼ်ႇ ​ႁႃႈ​ဢၼ်​ၼၼ်ႉ သုတ်ႉ​ၸပ်း​သုတ်ႉ​ၸူး​လႄႈ ဢဝ်​ တလၢၼ်ႇတၢၼ်ႇ တၢင်ႇ​တီႈ​ႁႃႈ​ဢၼ်​ၼၼ်ႉ သၢၵ်ႈ​ပၼ်​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း​ဢၢပ်ႈ​ပၼ်​တီႈ​ၵဝ်​ၶႃႈ တလၢၼ်ႇတၢၼ်ႇ ႁႃႈ​ဢၼ်​ၶႃႈ​ဢေႃႈ။ တူၺ်း​လူး၊ ၵဝ်​ၶႃႈ​လႆႈ​ဢမျၢတ်ႈ​မၼ်း တလၢၼ်ႇတၢၼ်ႇ တၢင်ႇ​တီႈ​တၢင်ႇ​ဢၼ် ႁႃႈ​ဢၼ်​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၸဝ်ႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ လီ​ယဝ်ႉ။ ၵူၼ်း​ဢွၼ်ႇ​ဢၼ်​လီ​လႄႈ​မီး​သဵတ်ႈ​ၸႃႇ​ၼႆႉ​ဢိူၺ်း၊ မႂ်း​ၼႆႉ ႁဵတ်း​သဵတ်ႈ​ၸႃႇ​ၵႃႈ​တီႈ​ၶိူင်ႈ​ပိူင်​ဢၼ်​လဵၵ်ႉ​ဢၼ်​ၵေႇ​ၼႆႉ​ယဝ်ႉ။ ၵဝ်​တၵ်း​ၶၢၼ်း​မႂ်း​ဝႆႉ ၵႃႈ​ၼိူဝ်​ၶိူင်ႈ​ပိူင်​ဢၼ်​ၼမ်​ၼႃႇ​ဢေႃႈ။ ၶဝ်ႈ​လႄႈ​ၸၢမ်ႇ​ၸႃး​တၢင်း​သိူဝ်း​ပျေႃႇ​ၸဝ်ႈ​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၵေႃႉ​ဢၼ်​ၶၢမ်ႇ​ဢဝ်​ တလၢၼ်ႇတၢၼ်ႇ ​သွင်​ဢၼ်​ၼၼ်ႉ​ၵေႃႈ၊ သုတ်ႉ​ၸပ်း​သုတ်ႉ​ၸူး​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း​ဢၢပ်ႈ​ပၼ်​တီႈ​ၵဝ်​ၶႃႈ တလၢၼ်ႇတၢၼ်ႇ သွင်​ဢၼ်​ၶႃႈ​ဢေႃႈ။ တူၺ်း​လူး၊ ၵဝ်​ၶႃႈ​လႆႈ​ဢမျၢတ်ႈ​မၼ်း တလၢၼ်ႇတၢၼ်ႇ တၢင်ႇ​တီႈ​တၢင်ႇ​ဢၼ် သွင်​ဢၼ်​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၸဝ်ႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ လီ​ယဝ်ႉ။ ၵူၼ်း​ဢွၼ်ႇ​ဢၼ်​လီ​လႄႈ​မီး​သဵတ်ႈ​ၸႃႇ​ၼႆႉ​ဢိူၺ်း၊ မႂ်း​ၼႆႉ​ႁဵတ်း​သဵတ်ႈ​ၸႃႇ ၵႃႈ​တီႈ​ၶိူင်ႈ​ပိူင်​ဢၼ်​လဵၵ်ႉ​ဢၼ်​ၵေႇ​ၼႆႉ​ယဝ်ႉ။ ၵဝ်​တၵ်း​ၶၢၼ်း​မႂ်း​ဝႆႉ ၵႃႈ​ၼိူဝ်​ၶိူင်ႈ​ပိူင်​ဢၼ်​ၼမ်​ၼႃႇ​ဢေႃႈ။ ၶဝ်ႈ​လႄႈ​ၸၢမ်ႇ​ၸႃး​တၢင်း​သိူဝ်း​ပျေႃႇ​ၸဝ်ႈ​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">ၵေႃႉ​ဢၼ်​ၶၢမ်ႇ​ဢဝ်​ တလၢၼ်ႇတၢၼ်ႇ ​ဢၼ်​ၼိုင်ႈ​ၼၼ်ႉ​ၵေႃႈ၊ သုတ်ႉ​ၸပ်း​သုတ်ႉ​ၸူး​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵဝ်​ၶႃႈ​ႁူႉ​လွင်ႈ​ဢၼ် ၸဝ်ႈ​ႁဝ်း​ပဵၼ်​ၵေႃႉ​ဢၼ် ၸၢင်ႈ​ႁဵတ်း​ယၢပ်ႇ​ႁဵတ်း​ယဵၼ်း၊ ၸၢင်ႈ​ပၢတ်ႇ​ဢဝ်​ၵႃႈ​ၼႂ်း​တီႈ​ဢၼ်​တူဝ်​ၸဝ်ႈ​ၵဝ်ႇ ဢမ်ႇ​ၽုၵ်ႇ​ဢမ်ႇ​သွမ်ႈ၊ ၸၢင်ႈ​ၸူႉ​ၸၢင်ႈ​သိမ်း​ဢဝ် ၵႃႈ​ၼႂ်း​တီႈ​ဢၼ်​တူဝ်​ၸဝ်ႈ​ၵဝ်ႇ ဢမ်ႇ​ဝၢၼ်ႇ​ဢမ်ႇ​ပိုၼ်​ၼၼ်ႉ​ယူႇ​ၶႃႈ​ဢေႃႈ။-</verse>
				<verse number="25">ပိူဝ်ႈ​ဢၼ်​ၵဝ်​ၶႃႈ​ၵူဝ်​လႄႈ၊ ၵဝ်​ၶႃႈ​ဢဝ် တလၢၼ်ႇတၢၼ်ႇ ​ၸဝ်ႈ​ႁဝ်း​ၼၼ်ႉ ၵႂႃႇ​သိူင်ႇ​ဝႆႉ ၵႃႈ​ၼႂ်း​လိၼ်​ၶႃႈ​ယဝ်ႉ။ တူၺ်း​လူး၊ တေႃႈ​လဵဝ်​ၼႆႉ ဢၼ်​ၸဝ်ႈ​ႁဝ်း​ပိူင်​ၼၼ်ႉ မီး​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၸဝ်ႈ​မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵူၼ်း​ဢွၼ်ႇ​ဢၼ်​ၶၢၼ်ႉ​ဢိူၼ်​လႄႈ ႁၢႆႉ​မိူၵ်ႈ​ၼႆႉ​ဢိူၺ်း၊ မႂ်း​ႁူႉ​လွင်ႈ​ဢၼ် ၵဝ်​ပဵၼ်​ၵေႃႉ​ဢၼ် ၸၢင်ႈ​ပၢတ်ႇ​ဢဝ်​ၵႃႈ​ၼႂ်း တီႈ​ဢၼ်​ၵဝ်​ဢမ်ႇ​ၽုၵ်ႇ​ဢမ်ႇ​သွမ်ႈ​လႄႈ ၸၢင်ႈ​ၸူႉ​ၸၢင်ႈ​သိမ်း​ဢဝ်​ၵႃႈ​ၼႂ်း​တီႈ​ဢၼ်​ၵဝ် ဢမ်ႇ​ဝၢၼ်ႇ​ဢမ်ႇ​ပိုၼ်​ၼၼ်ႉ​ယူႇ​ဢေႃႈ။-</verse>
				<verse number="27">ပိူဝ်ႈ​ၼႆ​လႄႈ မႂ်း​လီ​ဢဝ်​ငိုၼ်း​ၵဝ်​ၼႆႉ ဢၢပ်ႈ​ပၼ်​ၵႃႈ​တီႈ​ၶဝ်​ၸိူဝ်း​ဢၼ် လႅၵ်ႈ​ငိုၼ်း​ၼၼ်ႉ​ဢေႃႈ။ ပေႃး​ဢၢပ်ႈ​ပၼ်​ၸိူဝ်ႉ​ၼင်ႇ​ၼၼ်​ၸိုင်၊ မိူဝ်ႈ​ဢၼ်​ၵဝ်​ၶိုၼ်း​မႃး​ၼႆႉ တၵ်း​လႆႈ​ဢရၢင်း​မၼ်း​တင်း​ၶီႈ​မၼ်း​ဢေႃႈ။-</verse>
				<verse number="28">ပိူဝ်ႈ​ၼႆ​လႄႈ ၼုၵ်ႈ​ဢဝ် တလၢၼ်ႇတၢၼ်ႇ ​ဢၼ်​ၼိုင်ႈ​ၼႆႉ ၵႃႈ​တီႈ​ၵေႃႉ​ၼႆႉ​လႄႈ ပၼ်​တီႈ​ၵေႃႉ​ဢၼ်​မီး တလၢၼ်ႇတၢၼ်ႇ သိပ်း​ၼိုင်ႈ​ၼၼ်ႉ​ထႅင်ႈ​တႃႉ။-</verse>
				<verse number="29">လွင်ႈ​မၼ်း​ၸမ်ႉ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၸၢင်ႈ​မီး​ၼၼ်ႉ တီႈ​ၵေႃႉ​ၼၼ်ႉ​တၵ်း​ပၼ်​ထႅင်ႈ​လူး​ၵွၼ်ႇ​လႄႈ၊ မၼ်း​တၵ်း​ပျေႉ​ၸုမ်ႇ​လိူင်ႇ​ၸႂ်​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ၸၢင်ႈ​မီး​ၼၼ်ႉ ၵႃႈ​တီႈ​ၵေႃႉ​ၼၼ်ႉ တၵ်း​ၼုၵ်ႈ​ဢဝ်​ၵႃႈ​ဢၼ်​မၼ်း​မီး​တင်း​သဵင်ႈ​တင်း​လူင်​ၼၼ်ႉ​လူး​ၵွၼ်ႇ​ဢေႃႈ။-</verse>
				<verse number="30">ဢဝ်​ၵူၼ်း​ဢွၼ်ႇ​ဢၼ်​ဢမ်ႇ​လႆႈ​လွင်ႈ​ၼႆႉ ႁေႃႈ​ဢွၵ်ႇ​ပႅတ်ႈ​သေ​ၵႃႈ​ၼွၵ်ႈ ၵႃႈ​ၼႂ်း​လပ်း​သိင်ႇ​ပုၼ်ႉ​တႃႉ။ တီႈ​ၼၼ်ႈ​ၸမ်ႉ၊ တၵ်း​လႆႈ​မီး​တီႈ​ဢၼ် လႆႈ​ႁႆႈ​လႆႈ​ႁွင်ႉ၊ တီႈ​ဢၼ်​လႆႈ​ၵတ်း​ၶဵဝ်ႈ​ၵတ်း​ၽၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">မိူဝ်ႈ​ဢၼ်​လုၵ်ႈ​ၵူၼ်း ပႃး​တင်း​မုၼ်​ၽုင်း​ဢႃႇၼူႉၽေႃႇ ဢိၵ်ႇ​တင်း​တမၢၼ်ႇ​ၵၢင်​ႁၢဝ်​တင်း​လၢႆ​မႃး​ၼၼ်ႉ​ၸိုင်၊ မၼ်း​ၸဝ်ႈ​တၵ်း​ၼင်ႈ​ၵႃႈ​ၼိူဝ်​ပလၢင်ႇ​မၼ်း​ၸဝ်ႈ​ဢၼ်​မီး​မုၼ်​ၽုင်း​ၼၼ်ႉ​သေ​လႄႈ၊-</verse>
				<verse number="32">ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၸူႉ​ၵၼ်​တုမ်​ၵၼ်​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​သေ​ယဝ်ႉ၊ တၵ်း​ၽႄ​ၶဝ်​ဝႆႉ ႁင်း​ၽႂ်​ႁင်း​မၼ်း ၸိူဝ်ႉ​ၼင်ႇ​ဢၼ် ၵူၼ်း​ဢၼ်​လဵင်ႉ​ထိင်း​သူဝ်း​ၽႄ​ဢဝ် သူဝ်း​တင်း​လၢႆ​ၽၢတ်ႇ​ယၢၼ်​ၵၼ်​တင်း​ပႄႉ​တင်း​လၢႆ​ၼၼ်ႉ​လႄႈ၊-</verse>
				<verse number="33">ဢဝ်​သူဝ်း​ၸိူဝ်း​ၼၼ်ႉ​ဝႆႉ​ၵႃႈ​တီႈ​ၽၢႆႇ​ၶႂႃ​ၸဝ်ႈ၊ ဢဝ်​ပႄႉ​ၸိူဝ်း​ၼၼ်ႉ​ဝႆႉ​ၵႃႈ​တီႈ​ၽၢႆႇ​သၢႆႉ​ၸဝ်ႈ​ဢေႃႈ။</verse>
				<verse number="34">မိူဝ်ႈ​ၼၼ်ႉ ၶုၼ်​လူင်​တၵ်း​လၢတ်ႈ​တီႈ​ၶဝ်​ဢၼ်​မီး​ၵႃႈ​တီႈ​ၽၢႆႇ​ၶႂႃ​ၸဝ်ႈ​ၼၼ်ႉ​လႄႈ​ဝႃႈ၊ သူ​ၸိူဝ်း​ဢၼ်​ၶၢမ်ႇ​ဢဝ် တၢင်း​လီ​မင်ႇၵလႃႇ ၵႃႈ​တီႈ​ပေႃႈ​ၵဝ်​တင်း​လၢႆ​ၼႆႉ​ဢိူၺ်း၊ မႃး​လႄႈ​ၶၢမ်ႇ​ဢဝ်​ဢမူၺ်ႇ မိူင်း​ၸဝ်ႈ​ဢၼ်​မႄး​ႁႅၼ်း​ဝႆႉ​ပုၼ်ႈ​သူ ၸႃႉ​ၸဵမ်​မိူဝ်ႈ​ၵမ်ႇ​ၽႃႇ​ၸႃႉ​တႄႇ​ၼၼ်ႉ​တႃႉ။-</verse>
				<verse number="35">လွင်ႈ​မၼ်း​ၸမ်ႉ မိူဝ်ႈ​ဢၼ်​ၵဝ်​တွင်ႉ​မႆႈ​ၼၼ်ႉ​ၸိုင်၊ သူ​လဵင်ႉ​လူ​ဢေႃႈ။ မိူဝ်ႈ​ဢၼ်​ၵဝ်​ယၢၵ်ႇ​ၼမ်ႉ​ၼၼ်ႉ​ၸိုင်၊ သူ​ပၼ်​ၵိၼ်​ဢေႃႈ။ မိူဝ်ႈ​ဢၼ်​ၵဝ်​ပဵၼ်​ၶႅၵ်ႇ​ၼၼ်ႉ​ၸိုင်၊ သူ​ႁဵတ်း​ဝၢတ်ႈ​ၶႅၵ်ႇ​ဢေႃႈ။-</verse>
				<verse number="36">မိူဝ်ႈ​ဢၼ်​ၵဝ်​ဢမ်ႇ​မီး​ၶူဝ်း​ၼုင်ႈ​ၼၼ်ႉ​ၸိုင်၊ သူ​ပၼ်​ၼုင်ႈ​ဢေႃႈ။ မိူဝ်ႈ​ဢၼ်​ၵဝ်​မီး​တၢင်း​ၶႆႈ​တၢင်း​ပဵၼ်​ၼၼ်ႉ​ၸိုင်၊ သူ​လူ​တူၺ်း​ဢေႃႈ။ မိူဝ်ႈ​ဢၼ်​ၵဝ်​မီး​ၼႂ်း​ထွင်ႇ​ၼၼ်ႉ​ၸိုင်၊ သူ​မႃး​တီႈ​ၵဝ်​ဢေႃႈ။ မိူဝ်ႈ​ဢၼ်​မၼ်း​ၸဝ်ႈ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="37">ၶဝ်​ၸိူဝ်း​ဢၼ်​သိုဝ်ႈ​တေႃႇ​တင်း​လၢႆ​ၼၼ်ႉ တၵ်း​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၼႂ်း​ၶိင်ႇ​မိူဝ်ႈ​လႂ်​ၼၼ်ႉ ႁဝ်း​ၶႃႈ​ႁၼ်​ၸဝ်ႈ​ႁဝ်း​တွင်ႉ​မႆႈ​လႄႈ ႁဵတ်း​လဵင်ႉ​ႁဵတ်း​လူ​တီႈ​ၸဝ်ႈ​ႁဝ်း​ၶႃႈ။ ၼႂ်း​ၶိင်ႇ​မိူဝ်ႈ​လႂ်​ၼၼ်ႉ ႁဝ်း​ၶႃႈ​ႁၼ်​ၸဝ်ႈ​ႁဝ်း​ယၢၵ်ႇ​ၼမ်ႉ​လႄႈ ပၼ်​ၵိၼ်​တီႈ​ၸဝ်ႈ​ႁဝ်း​ၶႃႈ။-</verse>
				<verse number="38">ၼႂ်း​ၶိင်ႇ​မိူဝ်ႈ​လႂ်​ၼၼ်ႉ ႁဝ်း​ၶႃႈ​ႁၼ်​ၸဝ်ႈ​ႁဝ်း​ပဵၼ်​ၶႅၵ်ႇ​လႄႈ ႁဵတ်း​ဝၢတ်ႈ​ၶႅၵ်ႇ​တီႈ​ၸဝ်ႈ​ႁဝ်း​ၶႃႈ။ ၼႂ်း​ၶိင်ႇ​မိူဝ်ႈ​လႂ်​ၼၼ်ႉ ႁဝ်း​ၶႃႈ​ႁၼ်​ၸဝ်ႈ​ႁဝ်း​ဢမ်ႇ​မီး​ၶူဝ်း​ၼုင်ႈ​လႄႈ ပၼ်​ၼုင်ႈ​တီႈ​ၸဝ်ႈ​ႁဝ်း​ၶႃႈ။-</verse>
				<verse number="39">ၼႂ်း​ၶိင်ႇ​မိူဝ်ႈ​လႂ်​ၼၼ်ႉ ႁဝ်း​ၶႃႈ​ႁၼ်​ၸဝ်ႈ​ႁဝ်း​မီး​တၢင်း​ၶႆႈ​တၢင်း​ပဵၼ်​လႂ်၊ ၸဝ်ႈ​ႁဝ်း​မီး​ၼႂ်း​ထွင်ႇ​လႂ်​လႄႈ မႃး​တီႈ​ၸဝ်ႈ​ႁဝ်း​ၶႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="40">ၶုၼ်​လူင်​ၵေႃႈ တၵ်း​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵႃႈ​ဢၼ်​သူ​ႁဵတ်း​တီႈ​သေ​ၵေႃႉ​သေ​ၵူၼ်း ဢၼ်​လဵၵ်ႉ​သေ​ပိူၼ်ႈ​ၼႂ်း​ၼွင်ႉ​ၵဝ်​ၸိူဝ်း​ၼၼ်ႉ​ၸိုင်၊ သူ​ႁဵတ်း​တီႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">မိူဝ်ႈ​ၼၼ်ႉ ၶုၼ်​လူင်​တၵ်း​လၢတ်ႈ​တီႈ​ၶဝ်​ၸိူဝ်း​ဢၼ်​မီး​ၵႃႈ​တီႈ​ၽၢႆႇ​သၢႆႉ​မၼ်း​ၸဝ်ႈ​ၼၼ်ႉ​လႄႈ​ဝႃႈ၊ သူ​ၸိူဝ်း​ဢၼ်​လႆႈ​ၶၢမ်ႇ​တၢင်း​ၵိၼ်ႇ​တၢင်း​ဝႃ​တင်း​လၢႆ​ၼႆႉ​ဢိူၺ်း၊ ဢွၵ်ႇ​သေ​ၵႃႈ​တီႈ​ၵဝ်​လႄႈ ၵႂႃႇ​ၵႃႈ​ၼႂ်း​ၽႆး​ထႃႇဝရႃႉ ဢၼ်​မႄး​ႁႅၼ်း​ဝႆႉ ပုၼ်ႈ​မႃႇၼၢတ်ႈ ဢိၵ်ႇ​တင်း​တမၢၼ်ႇ​မၼ်း​တင်း​လၢႆ​ၼၼ်ႉ​တႃႉ။-</verse>
				<verse number="42">လွင်ႈ​မၼ်း​ၸမ်ႉ မိူဝ်ႈ​ဢၼ်​ၵဝ်​တွင်ႉ​မႆႈ​ၼၼ်ႉ​ၸိုင်၊ သူ​ဢမ်ႇ​လဵင်ႉ​ဢမ်ႇ​လူ။ မိူဝ်ႈ​ဢၼ်​ၵဝ်​ယၢၵ်ႇ​ၼမ်ႉ​ၼၼ်ႉ​ၸိုင်၊ သူ​ဢမ်ႇ​ပၼ်​ၵိၼ်။-</verse>
				<verse number="43">မိူဝ်ႈ​ဢၼ်​ၵဝ်​ပဵၼ်​ၶႅၵ်ႇ​ၼၼ်ႉ​ၸိုင်၊ သူ​ဢမ်ႇ​ႁဵတ်း​ဝၢတ်ႈ​ၶႅၵ်ႇ။ မိူဝ်ႈ​ဢၼ်​ၵဝ်​ဢမ်ႇ​မီး​ၶူဝ်း​ၼုင်ႈ​ၼၼ်ႉ​ၸိုင်၊ သူ​ဢမ်ႇ​ပၼ်​ၼုင်ႈ။ မိူဝ်ႈ​ဢၼ်​ၵဝ်​မီး​တၢင်း​ၶႆႈ​တၢင်း​ပဵၼ်​ၼၼ်ႉ​လႄႈ​သင်၊ မိူဝ်ႈ​ဢၼ်​ၵဝ်​မီး​ၼႂ်း​ထွင်ႇ​ၼၼ်ႉ​လႄႈ​သင် သူ​ဢမ်ႇ​လူ​ဢမ်ႇ​တူၺ်း။ မိူဝ်ႈ​ဢၼ်​မၼ်း​ၸဝ်ႈ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="44">ၶဝ်​ၼၼ်ႉ​ၵေႃႈ တၵ်း​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၼႂ်း​ၶိင်ႇ​မိူဝ်ႈ​လႂ်​ၼၼ်ႉ ႁဝ်း​ၶႃႈ​ႁၼ် တၢင်း​ဢၼ်​ၸဝ်ႈ​ႁဝ်း​တွင်ႉ​မႆႈ၊ တၢင်း​ဢၼ်​ၸဝ်ႈ​ႁဝ်း​ယၢၵ်ႇ​ၼမ်ႉ၊ တၢင်း​ဢၼ်​ၸဝ်ႈ​ႁဝ်း​ပဵၼ်​ၶႅၵ်ႇ၊ တၢင်း​ဢၼ်​ၸဝ်ႈ​ႁဝ်း​ဢမ်ႇ​မီး​ၶူဝ်း​ၼုင်ႈ၊ တၢင်း​ဢၼ်​ၸဝ်ႈ​ႁဝ်း​မီး​တၢင်း​ၶႆႈ​တၢင်း​ပဵၼ်၊ တၢင်း​ဢၼ်​ၸဝ်ႈ​ႁဝ်း​မီး​ၼႂ်း​ထွင်ႇ​ၸိူဝ်း​ၼၼ်ႉ​လႄႈ ဢမ်ႇ​ႁဵတ်း​လဵင်ႉ​ႁဵတ်း​လူ​တီႈ​ၸဝ်ႈ​ႁဝ်း​ၶႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="45">မၼ်း​ၸဝ်ႈ​ၵေႃႈ တၵ်း​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵႃႈ​ဢၼ်​သူ​ဢမ်ႇ​ႁဵတ်း​တီႈ​ၵေႃႉ​ဢၼ် လဵၵ်ႉ​သေ​ပိူၼ်ႈ​ၼႂ်း​ၶဝ်​ၸိူဝ်း​ၼႆႉ​ၼၼ်ႉ​ၸိုင်၊ သူ​ဢမ်ႇ​ႁဵတ်း​တီႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="46">ၶဝ်​ၼၼ်ႉ တၵ်း​လႆႈ​ၵႂႃႇ​ၵႃႈ​တီႈ​ဢၼ် လႆႈ​ၶၢမ်ႇ​ဢပႅတ်ႈ​တၢမ်ႇ ထႃႇဝရႃႉ​ပုၼ်ႉ​ဢေႃႈ။ ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ တၵ်း​လႆႈ​ၵႂႃႇ​ၵႃႈ​တီႈ​ဢၼ်​ထႃႇဝရႃႉ​ဢသၢၵ်ႈ​လိပ်း​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="26">
				<verse number="1">ယေႇသူႉ ​ႁေႃး​လၢတ်ႈ​တေႇသၼႃႇ​ၼၼ်ႉ​တင်း​သဵင်ႈ​တင်း​မူတ်း​သေ​ယဝ်ႉ၊ လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊-</verse>
				<verse number="2">သူ​ႁူႉ​လွင်ႈ​ဢၼ် ပေႃး​ပူၼ်ႉ​သေ​သွင်​ဝၼ်း​ယဝ်ႉ​ၸိုင်၊ ဝၼ်း​ပွႆး​ ပႃႉသၶႃႇ ​တၵ်း​ႁွတ်ႈ​မႃး​ၼၼ်ႉ​ယူႇ​ဢေႃႈ။ မိူဝ်ႈ​ၼၼ်ႉ လုၵ်ႈ​ၵူၼ်း​တၵ်း​ၶၢမ်ႇ​တၢင်း​ဢၼ်​ဢၢပ်ႈ ႁႂ်ႈ​လႆႈ​ၶၢမ်ႇ​တၢင်း​ဢၼ်​ဢဝ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">မိူဝ်ႈ​ၼၼ်ႉ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ ၸူႉ​ၵၼ်​တုမ်​ၵၼ်​ၵႃႈ​ၼႂ်း​တလၢင်း ဢၼ်​မီး​ၵႄႈ​ႁိူၼ်း​ၶုၼ်​ယိတ်ႈပရေႃးႁဵၵ်ႈ ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ ၵႃႇယၽႃႉ ​ၼၼ်ႉ​ယဝ်ႉ​ၸင်ႇ၊-</verse>
				<verse number="4">တိူင်ႇ​ပၢင်ႇ​ၵၼ် ႁႂ်ႈ​လႆႈ​ႁဵတ်း​တင်း​ပရီႉယႄႇ တီႉ​ဢဝ်​ ယေႇသူႉ ​သေ​လႄႈ ဢဝ်​တၢႆ​ဢေႃႈ။-</verse>
				<verse number="5">ၼႂ်း​ဝႃႈ​ၼၼ်​သေ​ၵေႃႈ ၶဝ်​ၼၼ်ႉ​လၢတ်ႈ​ၵၼ်​လႄႈ​ဝႃႈ၊ ၵူဝ်​ၵူၼ်း​တင်း​လၢႆ​တၵ်း​တူင်ႉ​တၵ်း​တိုၼ်ႇ​လႄႈ၊ ၼႂ်း​ဝၼ်း​ပွႆး​ၼႆႉ​ၸိုင် ယႃႇ​ပေ​ၽူမ်ႈ​ႁဵတ်း​လူး​ၵွၼ်ႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၼႂ်း​မိူဝ်ႈ​ဢၼ်​ ယေႇသူႉ မီး​ယူႇ​ၼႂ်း​ဝၢၼ်ႈ​ ပေႇထၼီႉ တီႈ​ႁိူၼ်း​ၵူၼ်း​တုတ်ႈ​ဢၼ်​လႆႈ​ၸိုဝ်ႈ သီႉမုၼ်ႇ ​ၼၼ်ႉ​ယူႇ​ၼၼ်ႉ​ၸိုင်၊-</verse>
				<verse number="7">မႄႈ​ယိင်း​ၵေႃႉ​ၼိုင်ႈ ဢဝ်​တဝ်ႈ​ၼမ်ႉ​မၼ်း​ႁွမ်​လုၵ်ႈ​ၼိုင်ႈ ဢၼ်​ပဵၼ်​မၢၵ်ႇ​ႁိၼ်​ၽိူၵ်ႇ ဢၼ်​ထိူၵ်ႈ​ၵႃႈ​ယႂ်ႇ​ၼႃႇ​ၼၼ်ႉ မႃး​တီႈ​မၼ်း​ၸဝ်ႈ​လႄႈ ဢဝ်​ထွၵ်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​ၸဝ်ႈ​ၼႂ်း​မိူဝ်ႈ​ဢၼ်​မၼ်း​ၸဝ်ႈ​ဢိင်​ယူႇ​ၵႃႈ​ႁိမ်း ၶူင်ႇ​တီႈ​ၵိၼ်​ၼၼ်ႉ​ဢေႃႈ။-</verse>
				<verse number="8">တပႄး​ၸဝ်ႈ​တင်း​လၢႆ​ႁၼ်​သေ​ယဝ်ႉ၊ ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​လႄႈ​လၢတ်ႈ​ဝႃႈ၊ ႁဵတ်း​ႁိုဝ်​လႄႈ ႁႂ်ႈ​သုမ်း​ပႅတ်ႈ​လၢႆ​လၢႆ​ၼင်ႇ​ႁိုဝ်။-</verse>
				<verse number="9">ၼမ်ႉ​မၼ်း​ႁွမ်​ၼႆႉ ထုၵ်ႇ​လီ​ၶၢႆ​ဢဝ်​တင်း​ၵႃႈ​မၼ်း​ၶၼ်​မၼ်း​ဢၼ်​ယႂ်ႇ​ၼႃႇ​သေ​လႄႈ ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ယေႇသူႉ ​ႁူႉ​ႁၼ်​သေ​ယဝ်ႉ၊ လၢတ်ႈ​လႄႈ​ဝႃႈ ႁဵတ်း​သင်​လႄႈ​သူ​ယႃႉ​ယူၵ်ႉ​မႄႈ​ယိင်း​ၼႆႉ​ၼင်ႇ​ႁိုဝ်။ မၼ်း​ႁဵတ်း​လွင်ႈ​တၢင်း​ဢၼ်​လီ​ဢၼ်​ငၢမ်း​တီႈ​ၵဝ်​ယဝ်ႉ။-</verse>
				<verse number="11">ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ မီး​ယူႇ​တီႈ​သူ​တႃႇ​သေႇ​ဢေႃႈ။ ၵဝ်​ၸမ်ႉ၊ မီး​ယူႇ​တီႈ​သူ​တႃႇ​သေႇ​ဢမ်ႇ​ၸႂ်ႈ။-</verse>
				<verse number="12">လွင်ႈ​ဢၼ်​မၼ်း​ထွၵ်ႇ​ၼမ်ႉ​မၼ်း​ႁွမ်​သႂ်ႇ​ၵႃႈ​ၼိူဝ်​တူဝ်​ၵဝ်​ၼႆႉ​ၸမ်ႉ၊ မၼ်း​ႁဵတ်း​ႁႂ်ႈ​လႆႈ​မႄး​ႁႅၼ်း​ဝႆႉ ပုၼ်ႈ​ဢၼ်​တၵ်း​သၢင်း​ၵျူဝ်ႇ​ၵဝ်​ၼၼ်ႉ​ဢေႃႈ။-</verse>
				<verse number="13">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵႃႈ​တီႈ​ဢၼ်​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ ၵႃႈ​ၼိူဝ်​လိၼ်​မိူင်း ၵူႈ​တီႈ​ၵူႈ​လႅၼ်​ၼၼ်ႉ၊ တၵ်း​လႆႈ​မွၵ်ႇ​လၢတ်ႈ​လွင်ႈ​ဢၼ်​မၼ်း​ႁဵတ်း​ၼႆႉ ပုၼ်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ၼၼ်ႉ ဢၼ်​ပဵၼ်​ၼႂ်း​သိပ်း​သွင်​ပႃး ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ ယူႉတႃႉ​ဢီႉသၵႃႇရေႇဢုတ်ႈ ​ၵေႃႉ​ၼိုင်ႈ​ၼၼ်ႉ ၵႂႃႇ​ၵႃႈ​တီႈ​ယိတ်ႈပရေႃးႁဵၵ်ႈ​လူင်​တင်း​လၢႆ​သေ​လႄႈ၊-</verse>
				<verse number="15">လဝ်ႊ​လၢတ်ႈ​လႄႈ​ဝႃႈ၊ ပေႃး​ၵဝ်​ၶႃႈ​ဢဝ်​မၼ်း​ၸဝ်ႈ​ဢၢပ်ႈ​ပၼ်​ၼႂ်း​မိုဝ်း​သူ​ၸဝ်ႈ​ၸိုင်၊ သူ​ၸဝ်ႈ​တၵ်း​ပၼ်​ၵႃႈ​ႁိုဝ်​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၼၼ်ႉ​ၸင်ႈ​ႁိဝ်ႈ​ပၼ်​ငိုၼ်း​သၢမ်​သိပ်း​ၵျၢပ်ႈ​ဢေႃႈ။-</verse>
				<verse number="16">ၸႃႉ​ၸဵမ်​မိူဝ်ႈ​ၼၼ်ႉ​လႄႈ၊ မၼ်း​ႁႃ​ၶိင်ႇ​ၵႃႇလႃႉ ဢၼ်​ထုၵ်ႇ​ႁႂ်ႈ​လႆႈ​ဢဝ်​မၼ်း​ၸဝ်ႈ​ဢၢပ်ႈ​ယူႇ​ဢေႃႈ။</verse>
				<verse number="17">ဝၼ်း​ပထမႃႉ ပွႆး​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၼၼ်ႉ၊ တပႄး​ၸဝ်ႈ​တင်း​လၢႆ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​မီး​ဢလူဝ်ႇ​ၶႂ်ႈ​ႁႂ်ႈ​ႁဝ်း​ၶႃႈ​မႄး​ႁႅၼ်း​ဝႆႉ ပုၼ်ႈ​ဢၼ်​ၸဝ်ႈ​ႁဝ်း တၵ်း​လႆႈ​ၵိၼ်​ပွႆး ပႃႉသၶႃႇ ​ၼၼ်ႉ ၵႃႈ​တီႈ​လႂ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ ၵႂႃႇ​ၵႃႈ​ၼႂ်း​ဝဵင်း​ၸူး​ၵႃႈ​တီႈ​ႁိူၼ်း​ၵေႃႉ​ၼိုင်ႈ​လႄႈ လၢတ်ႈ​တီႈ​ၵေႃႉ​ၼၼ်ႉ​လႄႈ​ဝႃႈ သြႃႇ​သင်ႇ​လၢတ်ႈ​လႄႈ​ဝႃႈ၊ ၶိင်ႇ​ၵဝ်​ၸမ်​မႃး​ယဝ်ႉ။ ၵဝ်​ဢိၵ်ႇ​တင်း တပႄး​ၵဝ်​တင်း​လၢႆ တၵ်း​ၶၢမ်ႇ​ပွႆး​ ပႃႉသၶႃႇ ၵႃႈ​တီႈ​ၼႂ်း​ႁိူၼ်း​မႂ်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">တပႄး​ၸဝ်ႈ​ၸိူဝ်း​ၼၼ်ႉ ႁဵတ်း​ၸွမ်း​ၼင်ႇ​ဢၼ်​မၼ်း​ၸဝ်ႈ​ၸီႇ​ယၢင်ႇ​ၼၼ်ႉ​လႄႈ မႄး​ႁႅၼ်း​ပွႆး​ ပႃႉသၶႃႇ ​ဝႆႉ​ဢေႃႈ။</verse>
				<verse number="20">မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ႁူဝ်​ၶမ်ႈ​ၸိုင်၊ မၼ်း​ၸဝ်ႈ​ဢိၵ်ႇ​တင်း​တပႄး​ၸဝ်ႈ​သိပ်း​သွင်​ပႃး ဢိင်​ယူႇ​ၵႃႈ​ႁိမ်း​ၶူင်ႇ​တီႈ​ၵိၼ်​ဢေႃႈ။-</verse>
				<verse number="21">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ၵိၼ်​ယူႇ​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၼႂ်း​သူ​ၼႆႉ​ၵေႃႉ​ၼိုင်ႈ တၵ်း​ဢဝ်​ၵဝ်​ဢၢပ်ႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ၶဝ်​ၼၼ်ႉ ၸႂ်​လဵၵ်ႉ​ၸႂ်​ဢူၼ်ႈ​ၼႃႇ​လူင်​လၢင်​လႄႈ ႁင်း​ၽႂ်​ႁင်း​မၼ်း လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊ ပဵၼ်​ၵဝ်​ၶႃႈ ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵေႃႉ​ဢၼ်​ဢဝ်​မိုဝ်း​ၸူၵ်း​ၵႃႈ​ၼႂ်း​ဝၢၼ်ႇ​ႁူမ်ႈ​ၵၼ်​တင်း​ၵဝ်​ၼၼ်ႉ တၵ်း​ဢဝ်​ၵဝ်​ဢၢပ်ႈ​ဢေႃႈ။-</verse>
				<verse number="24">လုၵ်ႈ​ၵူၼ်း တၵ်း​လႆႈ​ၵႂႃႇ​ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​ၼၼ်ႉ​ဢေႃႈ။-</verse>
				<verse number="25">ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​ဢဝ်​လုၵ်ႈ​ၵူၼ်း​ဢၢပ်ႈ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ ပေႃး​ၵေႃႉ​ၼၼ်ႉ ဢမ်ႇ​လႆႈ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး​ၸိုင်၊ ယဵင်ႈ​ၶႅၼ်း​တၵ်း​လီ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ယူႉတႃႉ​ဢီႉသၵႃႇရေႇဢုတ်ႈ ဢၼ်​တၵ်း​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ​ၵေႃႈ လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း ပဵၼ်​ၵဝ်​ၶႃႈ ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​လၢတ်ႈ​လႄႈ​ဝႃႈ၊ မႅၼ်ႈ​ၼင်ႇ​ဢၼ်​မႂ်း​လၢတ်ႈ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ၵိၼ်​ယူႇ​ၼၼ်ႉ​ၸိုင်၊ ယေႇသူႉ ​ဢဝ်​ၶဝ်ႈ​မုၼ်း​လႄႈ​ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ဝိတ်း​ၶဝ်ႈ​မုၼ်း​ပၼ်​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊ ၶဝ်ႈ​မုၼ်း​ၼႆႉ​ၸမ်ႉ၊ ပဵၼ်​တူဝ်​ၵဝ်​ဢေႃႈ။ ဢွၼ်​ၵၼ်​ဢဝ်​လႄႈ​ၵိၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ၵွၵ်း​ၵေႃႈ မၼ်း​ၸဝ်ႈ​ဢဝ်​လႄႈ​ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ပၼ်​တီႈ​ၶဝ်​ၼၼ်ႉ​လႄႈ​ဝႃႈ၊ သူ​ၵႃႈ​မီး​တင်း​သဵင်ႈ​တင်း​လူင်​ဢွၼ်​ၵၼ်​ၵိၼ်​တႃႉ။-</verse>
				<verse number="28">ၵွၵ်း​ၼႆႉ​ၸမ်ႉ၊ ပဵၼ်​လိူတ်ႈ​ၵဝ်​ဢၼ်​ၸၢပ်ႈ​သႅင်ႇ​ၵၼ်​တင်း​ပတီႉၺိၺ်ႇ​တြႃး​ဢၼ်​မႂ်ႇ​လႄႈ သွၼ်း​လေႃႇ​ပုၼ်ႈ​လွင်ႈ​ၼင်ႇ​ႁိုဝ် တၵ်း​လႆႈ​ပွႆႇ​လွတ်ႈ​ဢပႅတ်ႈ​ၵူၼ်း​ၼမ်​ၼႃႇ​ဢေႃႈ။-</verse>
				<verse number="29">ၵဝ်​ဝႃႈ​တီႈ​သူ​ၸမ်ႉ၊ ၵဝ်​တၵ်း​ဢမ်ႇ​ၵိၼ်​ၼမ်ႉ​မၢၵ်ႇ​ၸပိတ်ႈ​ၼႆႉ ၸႃႉ​ၸဵမ်​တေႃႈ​လဵဝ်​ၼႆႉ​လႄႈ တေႃႇ​ထိုင်​ႁွတ်ႈ​ဝၼ်း​ဢၼ်​ၵဝ်​တၵ်း​ၵိၼ်​မဵဝ်း​ဢၼ်​မႂ်ႇ​လူၺ်ႈ​ၵၼ်​တင်း​သူ ၼႂ်း​မိူင်း​ပေႃႈ​ၵဝ်​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">လိုၼ်း​ၼၼ်ႉ ၶဝ်​ႁဵတ်း​ၵႂၢမ်း​ယဝ်ႉ​ၸင်ႇ၊ ဢွၵ်ႇ​ၵႂႃႇ​ၸူး​ၵႃႈ​တီႈ​ လွႆ​သၢၼ်ႇလုၼ်ႇ ​ပုၼ်ႉ​သေ​ဢေႃႈ။</verse>
				<verse number="31">မိူဝ်ႈ​ၼၼ်ႉ ယေႇသူႉ ​လၢတ်ႈ​လႄႈ​ဝႃႈ၊ ၼႂ်း​ၶိုၼ်း​ၼႆႉ၊ သူ​ၵႃႈ​မီး​တင်း​သဵင်ႈ​တင်း​လူင် ၸႂ်​တၵ်း​လူႉ​ၵွပ်ႈ​ပိူဝ်ႈ​ၵဝ်​ဢေႃႈ။ လွင်ႈ​ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၵဝ်​တၵ်း​ပေႃႉ​ယႅၼ်ႉ​ၵေႃႉ​ဢၼ်​လဵင်ႉ​ဢၼ်​ထိင်း​သူဝ်း​ၼၼ်ႉ​တၢႆ​လႄႈ သူဝ်း​တင်း​လၢႆ​ၼၼ်ႉ တၵ်း​လႆႈ​ၽၢတ်ႇ​ၽႄ​ၵၼ်​ဢေႃႈ၊ ဝႃႈ​ၼႆ၊ မီး​မႃး​ၼင်ႇ​ၼႆ​ဢေႃႈ။-</verse>
				<verse number="32">ၼႂ်း​ဝႃႈ​ၼၼ်​သေ​ၵေႃႈ ၵဝ်​လုၵ်ႉ​ၶိုၼ်း​ယဝ်ႉ​ၸင်ႇ၊ တၵ်း​ၵႂႃႇ​ၵႃႈ​တီႈ​မိူင်း ၵႃႇလီႉလႄး ​ပုၼ်ႉ ဢွၼ်​တၢင်း​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ပေႇတရူႉ ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ၸဝ်ႈ​ႁဝ်း​လႄႈ ပိၵ်ႉ​သမ်ႉ​ၶဝ်​ၸိူဝ်း​ၼႆႉ​တင်း​သဵင်ႈ​တင်း​လူင် ၸႂ်​တၵ်း​လူႉ​သေ​ၵေႃႈ၊ ၵဝ်​ၶႃႈ​ၸႂ်​တၵ်း​ဢမ်ႇ​လူႉ​သေ​ဢိတ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၼႂ်း​ၶိုၼ်း​ၼႆႉ​ၸူဝ်ႈ​ဢၼ်​ၵႆႇ​ဢမ်ႇ​ပႆႇ​ၶၼ်​ၼၼ်ႉ​ၸိုင် မႂ်း​တၵ်း​ထဵင်​ပႅတ်ႈ​ၵဝ် ထူၼ်ႈ​ထိုင်​သၢမ်​ပွၵ်ႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="35">ပေႇတရူႉ ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ပိၵ်ႉ​သမ်ႉ​ၵဝ်​ၶႃႈ​လႆႈ​တၢႆ​လူၺ်ႈ​ၵၼ်​တင်း​ၸဝ်ႈ​ႁဝ်း​သေ​ၵေႃႈ၊ ၵဝ်​ၶႃႈ​တၵ်း​ဢမ်ႇ​ထဵင်​ပႅတ်ႈ​ၸဝ်ႈ​ႁဝ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။ တပႄး​ၸဝ်ႈ​တင်း​သဵင်ႈ​တင်း​လူင်​ၵေႃႈ၊ လဝ်ႊ​လၢတ်ႈ​မိူၼ်​မိူၼ်​ၵၼ်​ဢေႃႈ။</verse>
				<verse number="36">ယေႇသူႉ ဢိၵ်ႇ​တင်း​ၶဝ်​ၼၼ်ႉ ႁွတ်ႈ​ထိုင်​ၵႃႈ​တီႈ​ဢၼ်​လႆႈ​ႁွင်ႉ​ႁဵၵ်ႈ ၵေႇသႃႉ​သေႇမၼီႉ ​ၼၼ်ႉ​ယဝ်ႉ​ၸင်ႇ၊ လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊ ၼႂ်း​မိူဝ်ႈ​ဢၼ်​ၵဝ်​ၵႂႃႇ​ၵႃႈ​တီႈ​ပုၼ်ႉ​လႄႈ သူး​တွင်း​ယူႇ​ၼၼ်ႉ​ၸိုင်၊ ၼင်ႈ​ယူႇ​ၵႃႈ​တီႈ​ၼႆႈ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="37">ႁွင်ႉ​ဢဝ်​ ပေႇတရူႉ တင်း​လုၵ်ႈ​ ၸေႇပေႇတႄး သွင်​ၵေႃႉ​ၵႂႃႇ​လႄႈ မၼ်း​ၸဝ်ႈ​ႁွတ်ႈ​ထိုင်​တၢင်း​ဢၼ်​မႆႈ​ၸႂ်​ၶီ​ၸႂ်၊ တၢင်း​ဢၼ်​ယၢပ်ႇ​ၸႂ်​ၵိၼ်း​ၸႂ်​ၼႃႇ​လူင်​လၢင်​ဢေႃႈ။-</verse>
				<verse number="38">မိူဝ်ႈ​ၼၼ်ႉ မၼ်း​ၸဝ်ႈ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ၼႆႉ​ႁူဝ်​ၸႂ်​လဵၵ်ႉ​ၼႃႇ ထၼ်ႈ​ပေႃး​ၸမ်​တၵ်း​တၢႆ​ဢေႃႈ၊ ယူႇ​ၵႃႈ​တီႈ​ၼႆႈ​လႄႈ​ပႂ်ႉ​ထႃႈ​ယူႇ​လူၺ်ႈ​ၵၼ်​တင်း​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="39">မၼ်း​ၸဝ်ႈ​ပူၼ်ႉ​သေ​ၵႃႈ​တီႈ​ၼၼ်ႈ ဢိတ်း​ဢွၼ်ႇ​ၼိုင်ႈ​သေ​ယဝ်ႉ၊ ၶုပ်ႉ​မူပ်ႇ​လႄႈ​သူး​တွင်း​ဝႃႈ၊ ဢူဝ်း​ပေႃႈ​ၵဝ်​ၶႃႈ၊ ပေႃး​ၵွၵ်း​ဢၼ်​ၼႆႉ​ပိူင်ႈ​သေ​ၵဝ်​ၶႃႈ​လႆႈ​ၸိုင်၊ ႁႂ်ႈ​ပိူင်ႈ​သေ​ၵမ်း​တီႈ​ၶႃႈ၊ ၼႂ်း​ဝႃႈ​ၼၼ်​သေ​ၵေႃႈ ယႃႇ​ႁႂ်ႈ​ပဵၼ်​ၵႃႈ​ၼင်ႇ​ဢလူဝ်ႇ​ၵဝ်​ၶႃႈ​မီး​သေ​ၵမ်း​တီႈ​ၶႃႈ၊ ႁႂ်ႈ​ပဵၼ်​ၵႃႈ​ၼင်ႇ​ဢၼ်​ဢလူဝ်ႇ​ၸဝ်ႈ​ႁဝ်း​မီး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="40">မၼ်း​ၸဝ်ႈ​ၶိုၼ်း​မႃး​ၵႃႈ​တီႈ​တပႄး​ၸဝ်ႈ​ၸိူဝ်း​ၼၼ်ႉ​လႄႈ ထူပ်း​ႁၼ်​ၶဝ်​ၼွၼ်း​လပ်း​ယူႇ​သေ​ယဝ်ႉ၊ လၢတ်ႈ​တီႈ​ ပေႇတရူႉ ​လႄႈ​ဝႃႈ၊ ၼင်ႇ​ႁိုဝ်​တၵ်း​လႆႈ​ပႂ်ႉ​ယူႇ​လူၺ်ႈ​ၵၼ်​တင်း​ၵဝ်​သေ​ၼႃႇရီႇ​ၼိုင်ႈ​ၵူၺ်း​ၸိုင်၊ သူ​ဢမ်ႇ​တၢတ်ႈ​ၼိူင်ႇ​လႆႈ​ႁိုဝ်။-</verse>
				<verse number="41">လွင်ႈ​ၼင်ႇ​ႁိုဝ်​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ၸိုင်၊ သူး​တွင်း​လႄႈ​ပႂ်ႉ​ထႃႈ​ယူႇ​တႃႉ။ ပိၵ်ႉ​သမ်ႉ​ၸႂ်​ဝီႉၺိၺ်ႇ​မီး​တင်း​ၸေႇတၼႃႇ​သေ​ၵေႃႈ တူဝ်​ၸမ်ႉ၊ ဢမ်ႇ​မီး​ႁႅင်း၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="42">သမ်ႉ​ၵႂႃႇ​ထႅင်ႈ​ၵမ်း​ၼိုင်ႈ​လႄႈ​သူး​တွင်း​လႄႈ​ဝႃႈ၊ ဢူဝ်း​ပေႃႈ​ၵဝ်​ၶႃႈ၊ ပေႃး​ၵဝ်​ၶႃႈ​ဢမ်ႇ​ၵိၼ်၊ ပေႃး​ၵွၵ်း​ၼႆႉ​ဢမ်ႇ​ပိူင်ႈ​သေ​ၵဝ်​ၶႃႈ​လႆႈ​ၸိုင်၊ ႁႂ်ႈ​ပဵၼ်​ၵႃႈ​ၼင်ႇ​ဢၼ်​ဢလူဝ်ႇ​ၸဝ်ႈ​ႁဝ်း​မီး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="43">လိုၼ်း​ၼၼ်ႉ မၼ်း​ၸဝ်ႈ​သမ်ႉ​ၶိုၼ်း​မႃး ၵႃႈ​တီႈ​ဢၼ်​ၶဝ်​မီး​ၼၼ်ႉ​လႄႈ ထူပ်း​ႁၼ်​ၶဝ်​ၼွၼ်း​လပ်း​ယူႇ ၵွပ်ႈ​ပိူဝ်ႈ​ဢၼ်​မၢၵ်ႇ​တႃ​ၶဝ် ၼၵ်း​ၼႃႇ​လူင်​လၢင်​ၼၼ်ႉ​သေ​ယဝ်ႉ၊-</verse>
				<verse number="44">ပႅတ်ႈ​ဝႆႉ​ၶဝ်​လႄႈ သမ်ႉ​ၵႂႃႇ​ထႅင်ႈ​ယဝ်ႉ​ၸင်ႇ၊ ပွၵ်ႈ​တႃႉတီႉယႃႉ​ၼႆႉ​ၵေႃႈ သူး​တွင်း​ၵႃႈ​ၼင်ႇ​ၵႂၢမ်း​ဢၼ်​ဝႃႈ ၵမ်း​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="45">လိုၼ်း​ၼၼ်ႉ မၼ်း​ၸဝ်ႈ​သမ်ႉ​ၶိုၼ်း​မႃး​တီႈ​ဢၼ် တပႄး​ၸဝ်ႈ​တင်း​လၢႆ မီး​ၼၼ်ႉ​လႄႈ​လၢတ်ႈ​ဝႃႈ၊ မိူဝ်ႈ​လဵဝ်​ၼႆႉ၊ သူ​ၼွၼ်း​လပ်း​လႄႈ​ယူႇ​ၼိမ်​ၼိမ်​တႃႉ။ တူၺ်း​လူး၊ ၶိင်ႇ​ၼႃႇရီႇ​ၸမ်​မႃး​ယဝ်ႉ​လႄႈ လုၵ်ႈ​ၵူၼ်း​တၵ်း​လႆႈ​ၶၢမ်ႇ​တၢင်း​ဢၼ် ဢၢပ်ႈ​ၼႂ်း​မိုဝ်း​ၵူၼ်း​ႁၢႆႉ​တင်း​လၢႆ​ဢေႃႈ။-</verse>
				<verse number="46">ဢွၼ်​ၵၼ်​လုၵ်ႉ​တႃႉ။ ၵႂႃႇ​တႃႉ​ႁဝ်း။ ၵေႃႉ​ဢၼ်​ဢဝ်​ၵဝ်​ဢၢပ်ႈ​ၼၼ်ႉ​ႁွတ်ႈ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="47">ၼႂ်း​မိူဝ်ႈ​ဢၼ်​မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင်၊ ယူႉတႃႉ​ဢီႉသၵႃႇရေႇဢုတ်ႈ ၊ ဢၼ်​ပႃး​ၼႂ်း​သိပ်း​သွင်​ပႃး​ၼၼ်ႉ မႃး​ဢေႃႈ။ ၵူၼ်း​ဢၼ်​ၸူႉ​ဢၼ်​တုမ် ဢၼ်​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ ပွႆႇ​ၸႂ်ႉ​မႃး​ၸိူဝ်း​ၼၼ်ႉ​ၵေႃႈ ၸွမ်း​မၼ်း​မႃး​လႄႈ ပႃး​တင်း​ၶွၼ်ႉ​တင်း​လၢပ်ႇ​ယူႇ​ဢေႃႈ။-</verse>
				<verse number="48">ၵေႃႉ​ဢၼ်​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ ႁဵတ်း​တီႈ​မၢတ်ႈ​တီႈ​တွင်း​ဝႆႉ​တီႈ​ၶဝ်​လႄႈ​ဝႃႈ၊ ၵေႃႉ​ဢၼ်​ၵဝ်​ၼူမ်​ၼၼ်ႉ ပဵၼ်​မၼ်း​ဢေႃႈ။ တီႉ​ဢဝ်​မၼ်း​တႃႉ၊ ဝႃႈ​ၼႆ၊ ၵႃႈ​ၼင်ႇ​ဢၼ်​ဝႃႈ​ၼၼ်ႉ၊-</verse>
				<verse number="49">သုတ်ႉ​ၸပ်း​သုတ်ႉ​ၸူး​တီႈ​ ယေႇသူႉ ၵမ်း​လဵဝ်​လႄႈ​ဝႃႈ၊ ၸဝ်ႈ​ႁဝ်း၊ ႁႂ်ႈ​မီး​မင်ႇၵလႃႇ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​လႄႈ ၼူမ်​မၼ်း​ၸဝ်ႈ​ဢေႃႈ။-</verse>
				<verse number="50">ယေႇသူႉ ​ၵေႃႈ​ထၢမ်​လႄႈ​ဝႃႈ၊ ပီႈ​ၼွင်ႉ​ဢိူၺ်း၊ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​လႄႈ​မႃး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​မႃး​လႄႈ​ယိပ်း​ၵမ်​တီႉ​ဢဝ်​မၼ်း​ၸဝ်ႈ​ဢေႃႈ။</verse>
				<verse number="51">မိူဝ်ႈ​ၼၼ်ႉ ၵူၼ်း​ဢၼ်​ပႃး​လူၺ်ႈ​ၵၼ်​တင်း​ ယေႇသူႉ ၵေႃႉ​ၼိုင်ႈ​ၼၼ်ႉ ယိုၼ်ႈ​မိုဝ်း​လႄႈ ထွတ်ႇ​ဢဝ်​လၢပ်ႇ​မၼ်း​ဢွၵ်ႇ​ယဝ်ႉ​ၸင်ႇ၊ ၽၼ်း​ၶႃႈ​ယိတ်ႈပရေႃးႁဵၵ်ႈ​ၵေႃႉ​ၼိုင်ႈ​လႄႈ ဝၢၼ်​ႁူ​မၼ်း​ၶၢတ်ႇ​ၵႂႃႇ​ဢေႃႈ။-</verse>
				<verse number="52">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ဢဝ်​လၢပ်ႇ​မႂ်း​ၼၼ်ႉ ၶိုၼ်း​ဝႆႉ​ၼႂ်း​တီႈ​မၼ်း​သေ။ ၶဝ်​ၸိူဝ်း​ဢၼ်​ယိပ်း​ၵမ်​လၢပ်ႇ​ၵႃႈ​မီး​တင်း​သဵင်ႈ​တင်း​လူင် တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​လူၺ်ႈ​လၢပ်ႇ​ဢေႃႈ။-</verse>
				<verse number="53">မႂ်း​ထၢင်ႇ​ၵဝ်​ဢမ်ႇ​တၢတ်ႈ​ၼိူင်ႇ​လႆႈ​လွင်ႈ​ဢၼ်​ယွၼ်း​ဢဝ်​တီႈ​ပေႃႈ​ၵဝ်​လႄႈ မၼ်း​ၸဝ်ႈ​တၵ်း​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​သိပ်း​သွင်​တပ်ႉ​ဢမ်ႇ​ၵႃး မႃး​ၵႃႈ​တီႈ​ၵဝ်​မိူဝ်ႈ​လဵဝ်​ၼႆႉ​ယူႇ​ၼၼ်ႉ​ႁိုဝ်။-</verse>
				<verse number="54">ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ တီႈ​ဢၼ်​ၵျၢမ်း​လိၵ်ႈ​မီး​မႃး​လႄႈ​ဝႃႈ၊ လွင်ႈ​တၢင်း​ၸိူဝ်း​ၼႆႉ တၵ်း​လႆႈ​ပဵၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ တၵ်း​ပျေႉ​ၸုမ်ႇ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="55">ၼႂ်း​ၶိင်ႇ​ၼႃႇရီႇ​ၼၼ်ႉ၊ ယေႇသူႉ ​လၢတ်ႈ​တီႈ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​လႄႈ​ဝႃႈ၊ သူ​ပႃး​ဢဝ်​တင်း​လၢပ်ႇ​တင်း​ၶွၼ်ႉ​သေ​လႄႈ မႃး​ႁႂ်ႈ​လႆႈ​တီႉ​ဢဝ်​ၵဝ် မိူၼ်​ၸိူဝ်ႉ​ၼင်ႇ​ဢၼ် တီႉ​ဢဝ်​ၸူၼ်​ၼၼ်ႉ​လူင်​ပႄႇ။ မိူဝ်ႈ​ဢၼ်​ၵဝ်​ယူႇ​လူၺ်ႈ​ၵၼ်​တင်း​သူ​ၵူႈ​ဝၼ်း​လႄႈ သင်ႇ​သွၼ်​ပၼ်​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ယူႇ​ၼၼ်ႉ​ၸိုင် သူ​ဢမ်ႇ​တီႉ​ဢဝ်​ၵဝ်။-</verse>
				<verse number="56">လွင်ႈ​တၢင်း​ၸိူဝ်း​ၼႆႉ​ၸမ်ႉ၊ ၼင်ႇ​ႁိုဝ်​ၵျၢမ်း​လိၵ်ႈ​ဢၼႃႇၵၢတ်ႈတီႉ​ၼၼ်ႉ တၵ်း​ပျေႉ​ၸုမ်ႇ​ၸိုင် ၸင်ႇ​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ​တပႄး​ၸဝ်ႈ​တင်း​သဵင်ႈ​တင်း​လူင်​ပႅတ်ႈ​ဝႆႉ​မၼ်း​ၸဝ်ႈ​သေ​လႄႈ ဢွၼ်​ၵၼ်​လႅၼ်ႈ​ပၢႆႈ​ဢေႃႈ။</verse>
				<verse number="57">ၶဝ်​ၸိူဝ်း​ဢၼ် တီႉ​ၵမ်​ဢဝ်​မၼ်း​ၸဝ်ႈ​တင်း​လၢႆ​ၼၼ်ႉ ဢဝ်​ၵႂႃႇ​သူင်ႇ ၵႃႈ​တီႈ​ၶုၼ်​ယိတ်ႈပရေႃးႁဵၵ်ႈ​ ၵႃႇယၽႃႉ ၊ တီႈ​ဢၼ်​ၵူၼ်း​ထုတ်ႇ​ၵျၢမ်း ဢိၵ်ႇ​တင်း ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ ၸူႉ​ၵၼ်​တုမ်​ၵၼ်​ၼၼ်ႉ​ဢေႃႈ။-</verse>
				<verse number="58">ပေႇတရူႉ ​ၵေႃႈ ယူႇ​ၵႆ​ၵႆ​ၸွမ်း​မၼ်း​ၸဝ်ႈ​ၵႂႃႇ ထိုင်​ႁွတ်ႈ​တီႈ​တလၢင်း​ဢၼ်​မီး​ၵႄႈ​ႁိူၼ်း​ၶုၼ်​ယိတ်ႈပရေႃးႁဵၵ်ႈ​ၼၼ်ႉ​လႄႈ ၶဝ်ႈ​ၵႃႈ​ၼႂ်း​ယဝ်ႉ​ၸင်ႇ၊ ၼင်ႈ​ယူႇ​လူၺ်ႈ​ၵၼ်​တင်း​လုၵ်ႈ​ဢွၼ်ႇ​ၶုၼ်​တင်း​လၢႆ ႁႂ်ႈ​လႆႈ​ႁူႉ​ႁၼ်​တီႈ​သုတ်း​တီႈ​ၵွႆ​ဢမူႉ​ၼၼ်ႉ​ဢေႃႈ။</verse>
				<verse number="59">ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​ၶုၼ်​တီႈ​လုမ်း​လူင်​ၼၼ်ႉ ႁႃ​သၢၵ်ႈ​သေႇ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ ႁႂ်ႈ​လႆႈ​ဢဝ်​ ယေႇသူႉ ​တၢႆ​သေ​ၵေႃႈ ဢမ်ႇ​ထူပ်း​ဢမ်ႇ​လႆႈ။-</verse>
				<verse number="60">ပိၵ်ႉ​သမ်ႉ​ၶဝ်​ၸိူဝ်း​ဢၼ်​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ​မႃး​ၼမ်​ၼႃႇ​သေ​ၵေႃႈ၊ ဢမ်ႇ​ထူပ်း​ဢမ်ႇ​လႆႈ​သၢၵ်ႈ​သေႇ။ လိုၼ်း​ၼၼ်ႉ ၵူၼ်း​ဢၼ်​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​သွင်​ၵေႃႉ မႃး​သေ​လႄႈ​လၢတ်ႈ​ဝႃႈ၊-</verse>
				<verse number="61">ၵေႃႉ​ၼႆႉ​လၢတ်ႈ​လႄႈ​ဝႃႈ၊ ၵဝ်​ယႃႉ​ပႅတ်ႈ​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​သေ​လႄႈ ၼႂ်း​သၢမ်​ဝၼ်း​ၶိုၼ်း​မႄး​ႁဵတ်း​လႆႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="62">ၶုၼ်​ယိတ်ႈပရေႃးႁဵၵ်ႈ လုၵ်ႉ​ၸုၵ်း​ယူႇ​သေ​လႄႈ ထၢမ်​တီႈ​မၼ်း​ၸဝ်ႈ​လႄႈ​ဝႃႈ၊ မႂ်း​ဢမ်ႇ​ၶိုၼ်း​လၢတ်ႈ​ၵႃႈ​သင်​သေ​ဢိတ်း​ႁိုဝ်။ ၶဝ်​ၼႆႉ​ယူႇ​ၽၢႆႇ​ၼိုင်ႈ​တင်း​မႂ်း​သေ​လႄႈ ၶၢမ်ႇ​သၢၵ်ႈ​သေႇ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊-</verse>
				<verse number="63">ယေႇသူႉ ​ယူႇ​တဵတ်ႇ​တဵတ်ႇ​ယူႇ​ဢေႃႈ။ ၶုၼ်​ယိတ်ႈပရေႃးႁဵၵ်ႈ​ၵေႃႈ​ထၢမ်​လႄႈ​ဝႃႈ၊ ၼင်ႇ​ႁိုဝ်​မႂ်း​တၵ်း​လႆႈ​လၢတ်ႈ လွင်ႈ​ဢၼ်​မႂ်း​ပဵၼ်​ၸဝ်ႈ​ၶရိၸ်ႈ လုၵ်ႈ​ၽြႃး​ပဵၼ်​ၸဝ်ႈ​ၸႂ်ႈ​ႁိုဝ်။ ဢမ်ႇ​ၸႂ်ႈ​ႁိုဝ်​ၼၼ်ႉ တီႈ​ႁဝ်း​ၸိုင်၊ ၵဝ်​တိူင်ႇ​ၽြႃး​ပဵၼ်​ၸဝ်ႈ​ဢၼ် ဢသၢၵ်ႈ​လိပ်း​ယူႇ​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="64">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ပဵၼ်​ၵႃႈ​ၼင်ႇ​ဢၼ်​မႂ်း​ဝႃႈ​ၼႆႉ​ယဝ်ႉ။ ၵူၺ်း​ၵႃႈ ၵဝ်​ဝႃႈ​တီႈ​သူ​ၸမ်ႉ၊ မိူဝ်း​ၼႃႈ​ထႃႈ​လိုၼ်း​သူ​ၼႆႉ တၵ်း​လႆႈ​ႁၼ်​လုၵ်ႈ​ၵူၼ်း ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​တၼ်း​ၶူဝ်း​ၸဝ်ႈ​သေ​လႄႈ မႃး​ၵႃႈ​ၼိူဝ်​မွၵ်ႇ​ၵုမ်ႈ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="65">မိူဝ်ႈ​ၼၼ်ႉ ၶုၼ်​ယိတ်ႈပရေႃးႁဵၵ်ႈ ၸၵ်ႉ​သိၵ်ႇ​ၶူဝ်း​ၼုင်ႈ တူဝ်​ၸဝ်ႈ​ၵဝ်ႇ​သေ​လႄႈ​လၢတ်ႈ​ဝႃႈ၊ ၵေႃႉ​ၼႆႉ​လၢတ်ႈ​ပူၼ်ႉ​လၢတ်ႈ​လိူဝ်​ၽြႃး​ပဵၼ်​ၸဝ်ႈ​ယဝ်ႉ။ ႁဝ်း​တၵ်း​လူဝ်ႇ​သၢၵ်ႈ​သေႇ​ဢၼ်​လႂ်​ထႅင်ႈ​လူး​ၵွၼ်ႇ။ သူ​လႆႈ​ငိၼ်း​ၵႂၢမ်း​ဢၼ် လၢတ်ႈ​ပူၼ်ႉ​လၢတ်ႈ​လိူဝ်​ၽြႃး​ပဵၼ်​ၸဝ်ႈ​ၼႆႉ​ယဝ်ႉ။-</verse>
				<verse number="66">သူ​ထၢင်ႇ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ၵေႃႉ​ၼႆႉ​ထိူၵ်ႈ​ၶၢမ်ႇ​တၢင်း​တၢႆ​ယဝ်ႉ၊ ဝႃႈ​ၼင်ႇ​ၼႆ​လႄႈ ၽွမ်ႉ​ၵၼ်​ၸီႇ​ယၢင်ႇ​ဢေႃႈ။-</verse>
				<verse number="67">မိူဝ်ႈ​ၼၼ်ႉ ၶဝ်​ထူမ်ႇ​ၼမ်ႉ​လၢႆး​သႂ်ႇ​ၼႃႈ​မၼ်း​ၸဝ်ႈ​ဢေႃႈ။ ဢဝ်​တႃ​မိုဝ်း​တမ်​သႂ်ႇ​မၼ်း​ၸဝ်ႈ​ဢေႃႈ။ ၵမ်ႈ​ၽွင်ႈ​ၵေႃႈ ဢဝ်​ၶွၼ်ႉ​ပေႃႉ​ယႅၼ်ႉ​လႄႈ​ဝႃႈ၊-</verse>
				<verse number="68">ၸဝ်ႈ​ၶရိၸ်ႈ​တီႈ​ၶႃႈ​ဢိူၺ်း၊ ၶႅၼ်း​တေႃႈ​ႁဵတ်း​ပရေႃးၽႅတ်ႈ​သေ​လႄႈ ႁေႃး​လၢတ်ႈ​လွင်ႈ​ဢၼ်​ၽူႈ​လႂ်​ပေႃႉ​ယႅၼ်ႉ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="69">ၼႂ်း​မိူဝ်ႈ​ဢၼ်​ ပေႇတရူႉ ၼင်ႈ​ယူႇ​ၵႃႈ​ၼွၵ်ႈ​ၼႂ်း​တလၢင်း​ဢၼ်​မီး​ၵႄႈ​ႁိူၼ်း​ၼၼ်ႉ​ယူႇ​ၼၼ်ႉ​ၸိုင်၊ မႄႈ​ယိင်း​ဢၼ်​ပဵၼ်​ၵူၼ်း​ၸႂ်ႉ​ၵူၼ်း​သွႆ​ၵေႃႉ​ၼိုင်ႈ မႃး​တီႈ​မၼ်း​လႄႈ​ဝႃႈ၊ မႂ်း​ၼႆႉ​ၵေႃႈ​လႆႈ​ယူႇ​လူၺ်ႈ​ၵၼ်​တင်း​ ယေႇသူႉ ၵူၼ်း​မိူင်း​ ၵႃႇလီႉလႄး ​ၼၼ်ႉ​ယဝ်ႉ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="70">မၼ်း​ၵေႃႈ​ထဵင်​ပႅတ်ႈ​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ ၵဝ်​ဢမ်ႇ​ႁူႉ​လွင်ႈ​ဢၼ်​မႂ်း​လၢတ်ႈ​ၼႆႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="71">လိုၼ်း​ၼၼ်ႉ မၼ်း​ဢွၵ်ႇ​ၵႂႃႇ​ၸူး​ၵႃႈ​တီႈ​ၽၵ်း​တူ​တလၢင်း​ႁိူၼ်း​ၼၼ်ႉ​ယဝ်ႉ​ၸင်ႇ၊ မႄႈ​ယိင်း​တၢင်ႇ​ၵေႃႉ​ႁၼ်​မၼ်း​လႄႈ လၢတ်ႈ​တီႈ​ၶဝ်​ၸိူဝ်း​ဢၼ်​မီး​တီႈ​ၼၼ်ႈ​လႄႈ​ဝႃႈ၊ ၵေႃႉ​ၼႆႉ​လႆႈ​ယူႇ​လူၺ်ႈ​ၵၼ်​တင်း​ ယေႇသူႉ ၊ ၵူၼ်း​ဝဵင်း​ ၼႃႇၸရႅတ်ႈ ​ၼၼ်ႉ​ယဝ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="72">မၼ်း​ၵေႃႈ သမ်ႉ​ထဵင်​ပႅတ်ႈ​လႄႈ ၵိၼ်ႇ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​ႁူႉ​ၵေႃႉ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="73">လိုၼ်း​ၼၼ်ႉ​ဢမ်ႇ​ပေႃး​ႁိုင်၊ ၶဝ်​ၸိူဝ်း​ဢၼ်​ၸုၵ်း​ယူႇ​ၵႃႈ​တီႈ​ႁိမ်း​ၼၼ်ႈ​မႃး​တီႈ​ ပေႇတရူႉ ​လႄႈ​ဝႃႈ၊ ၸႂ်ႈ​တႄႉ။ မႂ်း​ၼႆႉ ၶဝ်ႈ​ပႃး​ၼႂ်း​ၶဝ်​ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵႂၢမ်း​မႂ်း​ႁႂ်ႈ​ပိူၼ်ႈ​ႁူႉ​လွင်ႈ​မႂ်း​ယူႇ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="74">မၼ်း​ၵေႃႈ​တိူင်ႇ​လႄႈ​ၵိၼ်ႇ​လၢတ်ႈ​ဝႃႈ၊ ၵဝ်​ဢမ်ႇ​ႁူႉ​ၵေႃႉ​ၼၼ်ႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ၵႆႇ​ၶၼ်​ၵမ်း​လဵဝ်​ဢေႃႈ။-</verse>
				<verse number="75">ပေႇတရူႉ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵႂၢမ်း​ဢၼ်​ ယေႇသူႉ လၢတ်ႈ​ဝႆႉ​လႄႈ​ဝႃႈ၊ ၸူဝ်ႈ​ဢၼ်​ၵႆႇ​ဢမ်ႇ​ပႆႇ​ၶၼ်​ၼၼ်ႉ​ၸိုင်၊ မႂ်း​တၵ်း​ထဵင်​ပႅတ်ႈ​ၵဝ်​ထူၼ်ႈ​ထိုင်​သၢမ်​ပွၵ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ယဝ်ႉ၊ ဢွၵ်ႇ​ၵႂႃႇ​ၵႃႈ​ၼွၵ်ႈ​လႄႈ ႁွင်ႉ​ႁႆႈ​ၼႃႇ​လူင်​လၢင်​ဢေႃႈ။</verse>
			</chapter>
			<chapter number="27">
				<verse number="1">မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ၵၢင်​ၼႂ်​ၸိုင်၊ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​တင်း​လၢႆ​တင်း​သဵင်ႈ​တင်း​လူင်​ၼၼ်ႉ တိူင်ႇ​ပၢင်ႇ​ၵၼ်​ႁႂ်ႈ​လႆႈ​ဢဝ်​ ယေႇသူႉ ​တၢႆ​လႄႈ​-</verse>
				<verse number="2">မတ်ႉ​ၽုၵ်ႇ​မၼ်း​ၸဝ်ႈ​ယဝ်ႉ​ၸင်ႇ၊ ဢဝ်​ၵႂႃႇ​ဢၢပ်ႈ​ပၼ်​တီႈ ၶုၼ်​ ပွၼ်ႇတီႉ​ပီႉလတ်ႉ ​ဢေႃႈ။</verse>
				<verse number="3">မိူဝ်ႈ​ၼၼ်ႉ ယူႉတႃႉ​ဢီႉသၵႃႇရေႇဢုတ်ႈ ဢၼ်​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ ႁူႉ​ႁၼ်​လွင်ႈ​ဢၼ်​ၶဝ်​ၸီႇ​ယၢင်ႇ​ႁႂ်ႈ​မၼ်း​ၸဝ်ႈ​တၢႆ​ၼၼ်ႉ​သေ​ယဝ်ႉ၊ ၶုၵ်း​ၸႂ်​လႆႈ​မႆႈ​ၸႂ်​လႄႈ ဢဝ်​ငိုၼ်း​သၢမ်​သိပ်း​ၵျၢပ်ႈ​ၼၼ်ႉ​ၶိုၼ်း​ပၼ်​တီႈ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ​သေ​လႄႈ လၢတ်ႈ​လႄႈ​ဝႃႈ၊-</verse>
				<verse number="4">ၵဝ်​ၶႃႈ​ၽိတ်း​ပိူင်ႈ​ၶႃႈ​ယဝ်ႉ။ ၵဝ်​ၶႃႈ​လႆႈ​ဢဝ်​လိူတ်ႈ​ၵေႃႉ​ဢၼ်​ဢမ်ႇ​မီး​ဢပႅတ်ႈ​ၼၼ်ႉ ဢၢပ်ႈ​မႅၼ်ႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၸၢပ်ႈ​သႅင်ႇ​ၵၼ်​တင်း​ႁဝ်း​ၸိူဝ်ႉ​ၼင်ႇ​ႁိုဝ်။ မႂ်း​တူၺ်း​လွင်ႈ​ဢၼ်​မႂ်း​ႁဵတ်း​ၼၼ်ႉ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">မၼ်း​ၵေႃႈ ဢဝ်​ငိုၼ်း​ထိမ်ႈ​ၶျႃး​တူၵ်း​ပႅတ်ႈ​ဝႆႉ​ၵႃႈ​ၼႂ်း​ႁိူၼ်း​ပိၵ်ႈ​မၢၼ်ႇ​ၸဝ်ႈ​သေ​လႄႈ ၵႂႃႇ​တၢင်ႇ​တီႈ​တၢင်ႇ​လႅၼ်​သေ​ယဝ်ႉ ၵႅၼ်​ၶေႃး​မၼ်း​တၢႆ​သေ​ဢေႃႈ။-</verse>
				<verse number="6">ယိတ်ႈပရေႃးႁဵၵ်ႈ​လူင်​ၸိူဝ်း​ၼၼ်ႉ​ဢဝ်​ငိုၼ်း​ၼၼ်ႉ​သေ​လႄႈ​လၢတ်ႈ​ဝႃႈ၊ ပိူဝ်ႈ​ဢၼ်​ပဵၼ်​ၵႃႈ​လိူတ်ႈ​လႄႈ ဢမ်ႇ​လီ​ဢဝ်​သႂ်ႇ​ၼႂ်း​တိူၵ်ႈ​ၽၼ်ႇတႃႇၸူဝ်း၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="7">တိူင်ႇ​ပၢင်ႇ​ၵၼ်​လႄႈ ဢဝ်​ငိုၼ်း​ၼၼ်ႉ​သိုဝ်ႉ​ဢဝ်​ၵႂၢၵ်ႈ​လိၼ်​ၸၢင်ႈ​မေႃႈ ပုၼ်ႈ​ဢၼ်​တၵ်း​ႁႂ်ႈ​ပဵၼ်​ပႃႇ​ႁဵဝ်ႈ​သၢင်း​ၶႅင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ဢေႃႈ။-</verse>
				<verse number="8">ပိူဝ်ႈ​ၼႆ​ၸင်ႇ၊ ၵႂၢၵ်ႈ​လိၼ်​ၼၼ်ႉ၊ လႆႈ​ႁွင်ႉ​ႁဵၵ်ႈ​ၵႂၢၵ်ႈ​လိၼ်​လိူတ်ႈ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ဢေႃႈ။-</verse>
				<verse number="9">ၵႂၢမ်း​ဢၼ်​ပရေႃးၽႅတ်ႈ ယေႇရမီႉ ႁေႃး​လၢတ်ႈ​ဝႆႉ​လႄႈ​ဝႃႈ​ၸမ်ႉ၊ ၶဝ်​ဢဝ်​ငိုၼ်း​သၢမ်​သိပ်း​ၵျၢပ်ႈ​ဢၼ်​ပဵၼ်​ၵႃႈ​တူဝ်​ၶၼ်​တူဝ်​ၵေႃႉ​ဢၼ် လႆႈ​ၶၢမ်ႇ​တၢင်း​ဢၼ်​ပျၢတ်ႈ​ၵႃႈ​ပျၢတ်ႈ​ၶၼ် ဢၼ်​ၵူၼ်း​ ဢီႉသရေႇလႃႉ ​တင်း​လၢႆ ပျၢတ်ႈ​ၵႃႈ​ပျၢတ်ႈ​ၶၼ်​မၼ်း​ဝႆႉ​ၼၼ်ႉ၊-</verse>
				<verse number="10">သိုဝ်ႉ​ဢဝ်​ၵႂၢၵ်ႈ​လိၼ်​ၸၢင်ႈ​မေႃႈ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး​သင်ႇ​လၢတ်ႈ​ဝႆႉ​တီႈ​ၵဝ်​ၼႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပျေႉ​ၸုမ်ႇ​ဝႆႉ​ယဝ်ႉ မိူဝ်ႈ​ၼၼ်ႉ​ဢေႃႈ။</verse>
				<verse number="11">ယေႇသူႉ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၶုၼ်​ၼၼ်ႉ​လႄႈ ၶုၼ်​ၼၼ်ႉ​ၵေႃႈ​ထၢမ်​လႄႈ​ဝႃႈ၊ မႂ်း​ၸႂ်ႈ​ၶုၼ်​ႁေႃ​ၶမ်း​ ယူႉတႃႉ ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မႅၼ်ႈ​ၵႃႈ​ၼင်ႇ​ဢၼ်​ၸဝ်ႈ​ဝႃႈ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">မိူဝ်ႈ​ဢၼ်​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ တၢင်ႇ​ဢပႅတ်ႈ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ဢမ်ႇ​ၶိုၼ်း​လၢတ်ႈ​ၵႂၢမ်း​သေ​ၶေႃႈ​သေ​ၵမ်း။-</verse>
				<verse number="13">ၶုၼ်​ ပီႉလတ်ႉ ​ၵေႃႈ​ထၢမ်​လႄႈ​ဝႃႈ၊ မႂ်း​ဢမ်ႇ​ငိၼ်း​ၶဝ်​ယူႇ​ၽၢႆႇ​ၼိုင်ႈ​တင်း​မႂ်း​သေ​လႄႈ​ၶၢမ်ႇ​သၢၵ်ႈ​သေႇ ဢမ်ႇ​ႁူႉ​ၼမ်​လႂ်​ၼၼ်ႉ​ႁိုဝ်။-</verse>
				<verse number="14">ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ မၼ်း​ၸဝ်ႈ​ဢမ်ႇ​ၶိုၼ်း​လၢတ်ႈ​ၵႂၢမ်း သေ​ၶေႃႈ​သေ​ၵမ်း တေႃႇ​ထိုင်​ႁွတ်ႈ​ထၼ်ႈ​ပေႃး ၶုၼ်​ ပီႉလတ်ႉ ​ဢၢမ်း​ၼႃႇ​လူင်​လၢင်​ဢေႃႈ။</verse>
				<verse number="15">ၼႂ်း​ပွႆး​ၼၼ်ႉ ၶုၼ်​မီး​ထုင်း​ၸၢမ်ႇ​ဢၼ်​ပွႆႇ​လွတ်ႈ​ၵူၼ်း​ဢၼ်​တူၵ်း​ၵိၼ်း​ၵေႃႉ​ၼိုင်ႈ ပၼ်​တီႈ​ၵူၼ်း​တင်း​လၢႆ ၸွမ်း​ၼင်ႇ​ဢၼ်​ၶဝ်​ၶႂ်ႈ​ႁႂ်ႈ​ပွႆႇ​ၼၼ်ႉ​ဢေႃႈ။-</verse>
				<verse number="16">မိူဝ်ႈ​ၼၼ်ႉ ၶဝ်​မီး​ၵူၼ်း​တူၵ်း​ၵိၼ်း​ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ ပႃႇရပ်ႉပႃႉ ၊ ဢၼ်​ၸိုဝ်ႈ​ဢွၵ်ႇ​သဵင်​ဢွၵ်ႇ​ၼၼ်ႉ ၵေႃႉ​ၼိုင်ႈ​ဢေႃႈ။-</verse>
				<verse number="17">မိူဝ်ႈ​ဢၼ်​ၶဝ်​ၸူႉ​ၵၼ်​တုမ်​ၵၼ်​ယူႇ​ၼၼ်ႉ​ၸိုင်၊ ၶုၼ်​ ပီႉလတ်ႉ ​ထၢမ်​တီႈ​ၶဝ်​လႄႈ​ဝႃႈ၊ သူ​ၶႂ်ႈ​ႁႂ်ႈ​ၵဝ်​ပွႆႇ​လွတ်ႈ​ၽူႈ​လႂ်။ ၶႂ်ႈ​ႁႂ်ႈ​ပွႆႇ​လွတ်ႈ ပႃႇရပ်ႉပႃႉ ​ႁိုဝ်။ ၶႂ်ႈ​ႁႂ်ႈ​ပွႆႇ​လွတ်ႈ ယေႇသူႉ ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ​ ၶရိၸ်ႈ ​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ႁဵတ်း​ႁိုဝ်​လႄႈ​ထၢမ်​ဝႃႈ ၸိူဝ်ႉ​ၼင်ႇ​ၼၼ်​ၸမ်ႉ၊ ၶုၼ်​ၼၼ်ႉ ႁူႉ​လွင်ႈ​ဢၼ် ၶဝ်​ဢဝ်​မၼ်း​ၸဝ်ႈ​ဢၢပ်ႈ ၵွပ်ႈ​ပိူဝ်ႈ​ဢၼ်​ၸႂ်ႈ​ဢၼ်​သီႈ​ၵေႉ​ႁေႈ​တႃ​မၼ်း​ၸဝ်ႈ​ၼၼ်ႉ​ယူႇ​ဢေႃႈ။</verse>
				<verse number="19">လိူဝ်​သေ​ၼၼ်ႉ ၼႂ်း​မိူဝ်ႈ​ဢၼ်​ၶုၼ်​ၼၼ်ႉ ၼင်ႈ​ၵႃႈ​ၼိူဝ်​ပလၢင်ႇ​တြႃး​ယူႇ​ၼၼ်ႉ​ၸိုင်၊ မေး​မၼ်း​ၸဝ်ႈ​ပွႆႇ​ၸႂ်ႉ​ၵေႃႉ​ၼိုင်ႈ မႃး​တီႈ​မၼ်း​ၸဝ်ႈ​လႄႈ သင်ႇ​လၢတ်ႈ​လႄႈ​ဝႃႈ၊ ယႃႇ​ပေ​ႁဵတ်း​ၵႃႈ​သင်​တီႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​သေ​ၵမ်း။ မိူဝ်ႈ​ၼႆႉ ၵွပ်ႈ​ပိူဝ်ႈ​မၼ်း​ၼၼ်ႉ​လႄႈ၊ ၵဝ်​ၶႃႈ​လႆႈ​ၶၢမ်ႇ​ၼမ်​ၼႃႇ​လူင်​လၢင် ၼႂ်း​တၢင်း​ဢၼ်​ၼွၼ်း​ၽၼ်​ႁၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ယိတ်ႈပရေႃးႁဵၵ်ႈ​လူင် ဢိၵ်ႇ​တင်း ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ​ၼၼ်ႉ တိုၵ်း​ယူင်း​ၵူၼ်း​ဢၼ်​ၸူႉ​ဢၼ်​တုမ် ႁႂ်ႈ​ယွၼ်း​ဢဝ် ပႃႇရပ်ႉပႃႉ ​လႄႈ ႁႂ်ႈ​ဢဝ်​ ယေႇသူႉ ​တၢႆ​ဢေႃႈ။-</verse>
				<verse number="21">ပိူဝ်ႈ​ၼႆ​လႄႈ ၶုၼ်​ၵေႃႈ​သမ်ႉ​ထၢမ်​တီႈ​ၶဝ်​ၼၼ်ႉ​လႄႈ​ဝႃႈ၊ ၼႂ်း​ၵူၼ်း​သွင်​ၵေႃႉ​ၼၼ်ႉ သူ​ၶႂ်ႈ​ႁႂ်ႈ​ၵဝ်​ပွႆႇ​လွတ်ႈ​ၵေႃႉ​လႂ် မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႂ်ႈ​ႁႂ်ႈ​ပွႆႇ​လွတ်ႈ ပႃႇရပ်ႉပႃႉ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၶုၼ်​ ပီႉလတ်ႉ ​ၵေႃႈ သမ်ႉ​ထၢမ်​တီႈ​ၶဝ်​ထႅင်ႈ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၵဝ်​တၵ်း​လႆႈ​ႁဵတ်း​တီႈ​ ယေႇသူႉ ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ​ ၶရိၸ်ႈ ​ၼၼ်ႉ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​တင်း​သဵင်ႈ​တင်း​လူင်​ၵေႃႈ ႁွင်ႉ​လႄႈ​ဝႃႈ၊ ႁႂ်ႈ​မၼ်း​ၶၢမ်ႇ​တၢင်း​ဢၼ် တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၶုၼ်​ၵေႃႈ​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်။ မၼ်း​ႁဵတ်း​ဢပႅတ်ႈ​ၵႃႈ​သင်​ယဝ်ႉ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ၵေႃႈ ယဵင်ႈ​ၶႅၼ်း​ႁွင်ႉ​သႅၼ်ႇ​လႄႈ​ဝႃႈ၊ ႁႂ်ႈ​မၼ်း​ၶၢမ်ႇ​တၢင်း​ဢၼ် တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">ၶုၼ်​ ပီႉလတ်ႉ ​ၼၼ်ႉ၊ မိူဝ်ႈ​ဢၼ်​ႁၼ်​လွင်ႈ​ဢၼ်​တူဝ်​ၸဝ်ႈ​ၵဝ်ႇ ဢမ်ႇ​ပႄႉ​ဢမ်ႇ​ၼႅင်ႇ​လႆႈ​လႄႈ ၸႃႉ​ပဵၼ်​တၢင်း​ဢၼ်​တူင်ႉ​တိုၼ်ႇ​ဢူၼ်​ဢဵၼ်​မေႃး​မႄး​မႃး​ၼၼ်ႉ​ၸိုင်၊ ဢဝ်​ၼမ်ႉ​သုၵ်ႈ​မိုဝ်း​တူဝ်​ၸဝ်ႈ​ၵဝ်ႇ​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​သေ​လႄႈ​လၢတ်ႈ​ဝႃႈ၊ ၵဝ်​ၵၢင်း​လွတ်ႈ​တင်း​လိူတ်ႈ​ၵေႃႉ​ဢၼ်​သိုဝ်ႈ​တေႃႇ​ၼႆႉ​ယဝ်ႉ​ဢေႃႈ။ သူ​တူၺ်း​လွင်ႈ​တၢင်း​ၼႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ၵူၼ်း​တင်း​သဵင်ႈ​တင်း​လူင်​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ႁႂ်ႈ​လိူတ်ႈ​မၼ်း​မီး​ၵႃႈ​ၼိူဝ်​ႁူဝ်​ႁဝ်း​ၶႃႈ ဢိၵ်ႇ​တင်း​ၵႃႈ​ၼိူဝ်​ႁူဝ်​လုၵ်ႈ​လၢၼ်​ႁဝ်း​ၶႃႈ​သေ​ၵမ်း​ၶႃႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၶုၼ်​ ပီႉလတ်ႉ ​ၵေႃႈ ပွႆႇ​လွတ်ႈ​ ပႃႇရပ်ႉပႃႉ ​ၼၼ်ႉ ပၼ်​တီႈ​ၶဝ်​ဢေႃႈ။ ယေႇသူႉ ​ၸမ်ႉ၊ ပေႃႉ​ယႅၼ်ႉ​ယဝ်ႉ​ၸင်ႇ၊ ဢဝ်​ဢၢပ်ႈ​ပၼ်​ၵႂႃႇ​ႁႂ်ႈ​လႆႈ​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ဢေႃႈ။</verse>
				<verse number="27">မိူဝ်ႈ​ၼၼ်ႉ ၵူၼ်း​သိုၵ်း​ၶုၼ်​တင်း​လၢႆ ဢဝ်​ ယေႇသူႉ ​ၵႂႃႇ​ၵႃႈ​ၼႂ်း​တပ်ႉ​သေ​လႄႈ ႁႂ်ႈ​ၵူၼ်း​သိုၵ်း​တင်း​တပ်ႉ ၸူႉ​ၵၼ်​တုမ်​ၵၼ်​တီႈ​မၼ်း​ၸဝ်ႈ​ယဝ်ႉ​ၸင်ႇ၊-</verse>
				<verse number="28">ထွတ်ႇ​ၶူဝ်း​ၼုင်ႈ​မၼ်း​ၸဝ်ႈ​ပႅတ်ႈ​လႄႈ ဢဝ်​ၶူဝ်း​ၼုင်ႈ​ဢၼ်​လႅင်​ၼုင်ႈ​ပၼ်​ဢေႃႈ။-</verse>
				<verse number="29">ၶဝ်​ဢဝ်​ၼၢမ် သၢၼ်​ႁဵတ်း​ပၢၼ်း​ၵုမ်း​သေ​ယဝ်ႉ၊ တၢင်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​ၸဝ်ႈ​ဢေႃႈ။ ၶွၼ်ႉ​မႆႉ​ဢေႃႈ​လႅမ်ႈ​ၼိုင်ႈ​ၵေႃႈ ၶဝ်​ႁႂ်ႈ​မၼ်း​ၸဝ်ႈ ဢဝ်​မိုဝ်း​ၶွၼ်​ၶႂႃ ယိပ်း​ၵမ်​ယဝ်ႉ​ၸင်ႇ၊ ၶုပ်ႉ​ၶဝ်ႇ​ပႃႈ​ၼႃႈ​မၼ်း​ၸဝ်ႈ​သေ​လႄႈ ႁဵတ်း​ပျၢၵ်ႈ​လႄႈ​ဝႃႈ၊ ၶုၼ်​ႁေႃ​ၶမ်း​ ယူႉတႃႉ ​တီႈ​ၶႃႈ​ဢိူၺ်း၊ ႁႂ်ႈ​ၸဝ်ႈ​ႁဝ်း​မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ၶဝ်​ထူမ်ႇ​ၼမ်ႉ​လၢႆး​သႂ်ႇ​တီႈ​မၼ်း​ၸဝ်ႈ​ဢေႃႈ။ ၶဝ်​ဢဝ်​မႆႉ​ဢေႃႈ ပေႃႉ​ယႅၼ်ႉ​ႁူဝ်​မၼ်း​ၸဝ်ႈ​ဢေႃႈ။-</verse>
				<verse number="31">လိုၼ်း​သေ ႁဵတ်း​ပျၢၵ်ႈ​တီႈ​မၼ်း​ၸဝ်ႈ​ယဝ်ႉ​ၼၼ်ႉ၊ ၶဝ်​ထွတ်ႇ​ဢဝ် ၶူဝ်း​ၼုင်ႈ​ၶုၼ်​ၼၼ်ႉ​သေ​လႄႈ သမ်ႉ​ၶိုၼ်း​ဢဝ်​ၶူဝ်း​ၼုင်ႈ​မၼ်း​ၸဝ်ႈ ၼုင်ႈ​ပၼ်​ယဝ်ႉ​ၸင်ႇ၊ ဢဝ်​ဢွၵ်ႇ​ၵႂႃႇ ႁႂ်ႈ​လႆႈ​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ဢေႃႈ။</verse>
				<verse number="32">ၼႂ်း​မိူဝ်ႈ​ဢၼ်​ၶဝ်​ဢွၵ်ႇ​ၵႂႃႇ​ယူႇ​ၼၼ်ႉ​ၸိုင်၊ ၶဝ်​ထူပ်း​ႁၼ်​ၵူၼ်း​ဢၼ်​လႆႈ​ၸိုဝ်ႈ သီႉမုၼ်ႇ ၊ ၵူၼ်း​မိူင်း ၵူႉရေႇၼေႇ ​ၵေႃႉ​ၼိုင်ႈ​လႄႈ ႁဵတ်း​ပႄႉ​ႁဵတ်း​ၼႅင်ႇ ႁႂ်ႈ​မၼ်း​ႁၢပ်ႇ​ဢဝ်​သဝ်​လၵ်း​ဝႃး​ၵၢပ်ႈ​မၼ်း​ၸဝ်ႈ​ၵႂႃႇ​ဢေႃႈ။-</verse>
				<verse number="33">မိူဝ်ႈ​ဢၼ်​ၶဝ်​ႁွတ်ႈ​ထိုင် ၵႃႈ​တီႈ​ဢၼ်​လႆႈ​ႁွင်ႉ​ႁဵၵ်ႈ ၵေႃးလႃႉၵေႃးထႃႉ ဢၼ်​ၶႂ်ႈ​ဝႃႈ တီႈ​ၵွၵ်း​ႁူဝ်​ၼၼ်ႉ​ၸိုင်၊-</verse>
				<verse number="34">ၶဝ်​ဢဝ်​ၼမ်ႉ​ပုင်းယေႇ ဢၼ်​လေႃး​ၵၼ်​တင်း​ယႃႈ​ၶူမ်​ၼၼ်ႉ ပၼ်​တီႈ​မၼ်း​ၸဝ်ႈ ႁႂ်ႈ​မၼ်း​ၸဝ်ႈ​ၵိၼ်​ဢေႃႈ။ မၼ်း​ၸဝ်ႈ​ၸိမ်း​တူၺ်း​သေ​ယဝ်ႉ၊ ဢမ်ႇ​ၶႂ်ႈ​ၵိၼ်​လႄႈ​ယူႇ​သေ​ဢေႃႈ။-</verse>
				<verse number="35">ၶဝ်​ဢဝ်​မၼ်း​ၸဝ်ႈ​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ယဝ်ႉ​ၸင်ႇ၊ ဢဝ်​ၶူဝ်း​ၼုင်ႈ​မၼ်း​ၸဝ်ႈ တူၵ်း​ၸႃႇ​ၵွၵ်ႈ​သေ​လႄႈ ၽႄ​မႅင်ႇ​ပၼ်​ၵၼ်​ဢေႃႈ။-</verse>
				<verse number="36">ၵႃႈ​တီႈ​ၼၼ်ႈ​ၵေႃႈ ၶဝ်​ၼင်ႈ​လႄႈ​ပႂ်ႉ​ယူႇ​ဢေႃႈ။-</verse>
				<verse number="37">ၶဝ်​ဢဝ်​လိၵ်ႈ​ဢၼ် ၽုၺ်ႇ​ၼႄ​ဢပႅတ်ႈ​မၼ်း​ၸဝ်ႈ ဢၼ်​တႅမ်ႈ​ဝႆႉ​လႄႈ​ဝႃႈ၊ ၵေႃႉ​ၼႆႉ​ပဵၼ် ယေႇသူႉ ၶုၼ်​ႁေႃ​ၶမ်း​ ယူႉတႃႉ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ တွၵ်ႇ​ဝႆႉ​ၵႃႈ​ၼိူဝ်​ႁူဝ်​မၼ်း​ၸဝ်ႈ​ဢေႃႈ။-</verse>
				<verse number="38">မိူဝ်ႈ​ၼၼ်ႉ ၶဝ်​ဢဝ်​ၸူၼ်​သွင်​ၵေႃႉ တွၵ်ႇ​ဝႆႉ​ၵႃႈ​တီႈ​ၽၢႆႇ​ၶႂႃ​ၸဝ်ႈ​ၵေႃႉ​ၼိုင်ႈ၊ ၵႃႈ​တီႈ​ၽၢႆႇ​သၢႆႉ​ၸဝ်ႈ​ၵေႃႉ​ၼိုင်ႈ၊ ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ လူၺ်ႈ​ၵၼ်​တင်း​မၼ်း​ၸဝ်ႈ​ဢေႃႈ။</verse>
				<verse number="39">ၶဝ်​ၸိူဝ်း​ဢၼ်​ၵႂႃႇ​ဢၼ်​မႃး ၵႃႈ​တီႈ​ႁိမ်း​မၼ်း​ၸဝ်ႈ​တင်း​လၢႆ​ၵေႃႈ သႄႉ​သွမ်း​တၢင်ႇ​ဢပႅတ်ႈ​တီႈ​မၼ်း​ၸဝ်ႈ​လႄႈ ဝႆ​ႁူဝ်​ၶွၼ်း​ႁူဝ်​တူဝ်​ၸဝ်ႈ​ၵဝ်ႇ​ယူႇ​သေ​လႄႈ လၢတ်ႈ​လႄႈ​ဝႃႈ၊-</verse>
				<verse number="40">ၵေႃႉ​ဢၼ်​ယႃႉ​ပႅတ်ႈ​ပိၵ်ႈ​မၢၼ်ႇ​ၸဝ်ႈ​သေ​လႄႈ ၼႂ်း​သၢမ်​ဝၼ်း​ၵူၺ်း တၵ်း​ၶိုၼ်း​မႄး​ႁဵတ်း​ၼႆႉ​ဢိူၺ်း၊ တူဝ်​ၸဝ်ႈ​ၵဝ်ႇ​ၵႄႇ​ၶျွတ်ႈ​ဢဝ်​တူဝ်​ၸဝ်ႈ​ၵဝ်ႇ​သေ​ၵမ်း​တႃႉ။ ပေႃး​ၸႂ်ႈ​လုၵ်ႈ​ၽြႃး​ပဵၼ်​ၸဝ်ႈ​ၸိုင်၊ လူင်း​သေ​ၵႃႈ​တီႈ​သဝ်​လၵ်း​ဝႃး​ၵၢပ်ႈ​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="41">မိူၼ်​ၼင်ႇ​ၼၼ် ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ​ၵေႃႈ၊ ႁဵတ်း​ပျၢၵ်ႈ​ၶူဝ်​တီႈ​မၼ်း​ၸဝ်ႈ​လႄႈ​ဝႃႈ၊-</verse>
				<verse number="42">ၵေႃႉ​ၼႆႉ ၸၢင်ႈ​ၵႄႇ​ၶျွတ်ႈ​ဢဝ်​ပိူၼ်ႈ​ဢေႃႈ။ တူဝ်​ၸဝ်ႈ​ၵဝ်ႇ ဢမ်ႇ​ၵႄႇ​ၶျွတ်ႈ​ဢဝ်​တူဝ်​ၸဝ်ႈ​ၵဝ်ႇ​လႆႈ​လူင်​ပႄႇ။​ပေႃး​ၸႂ်ႈ​ၶုၼ်​ႁေႃ​ၶမ်း​ ဢီႉသရေႇလႃႉ ​ၸိုင်၊ တေႃႈ​လဵဝ်​ၼႆႉ ႁႂ်ႈ​မၼ်း​လူင်း​သေ​ၵႃႈ​တီႈ​သဝ်​လၵ်း​ဝႃး​ၵၢပ်ႈ​ၼၼ်ႉ​သေ​ၵမ်း​တႃႉ။ ပေႃး​လူင်း​ၸိုင် ႁဝ်း​တၵ်း​ယုမ်ႇ​မၢတ်ႈ​မၼ်း​ဢေႃႈ။-</verse>
				<verse number="43">မၼ်း​ဢိင်​ပိုင်ႈ​ၽြႃး​ပဵၼ်​ၸဝ်ႈ​ယဝ်ႉ။ ပိူဝ်ႈ​ဢၼ်​မၼ်း​ဝႃႈ ၵဝ်​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ ပေႃး​ၽြႃး​ပဵၼ်​ၸဝ်ႈ​မီး​ဢလူဝ်ႇ​တီႈ​မၼ်း​ၸိုင်၊ တေႃႈ​လဵဝ်​ၼႆႉ ႁႂ်ႈ​မၼ်း​ၸဝ်ႈ​ၵႄႇ​ၶျွတ်ႈ​ဢဝ်​မၼ်း​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ၊-</verse>
				<verse number="44">မိူၼ်​ၼင်ႇ​ၼၼ် ၸူၼ်​ဢၼ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ လူၺ်ႈ​ၵၼ်​တင်း​မၼ်း​ၸဝ်ႈ​ၸိူဝ်း​ၼၼ်ႉ​ၵေႃႈ သႄႉ​သွမ်း​တၢင်ႇ​ဢပႅတ်ႈ​တီႈ​မၼ်း​ၸဝ်ႈ​ဢေႃႈ။</verse>
				<verse number="45">ၸႃႉ​ၸဵမ်​ၶိင်ႇ​ႁူၵ်း​ၼႃႇရီႇ တေႃႇ​ထိုင်​ႁွတ်ႈ​ၵဝ်ႈ​ၼႃႇရီႇ​လႄႈ ပဵၼ်​ဢၼ်​လပ်း​သိင်ႇ​ၵႂႃႇ ၽိတ်း​ၽိတ်း​တင်း​မိူင်း​ဢေႃႈ။-</verse>
				<verse number="46">ၶိင်ႇ​ၵဝ်ႈ​ၼႃႇရီႇ​ၸမ်​ၸမ်​ၼၼ်ႉ၊ ယေႇသူႉ ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​လႄႈ​ဝႃႈ၊ ဢေးလီႉ၊ ဢေးလီႉ၊ လႃႇမႃႉ၊ သႃႇပၵ်ႉသၼီႉ ၊ ဝႃႈ​ၼင်ႇ​ၼႆ​ဢေႃႈ။ ဢၼ်​မၼ်း​ၸဝ်ႈ​ဝႃႈ​ၼၼ်ႉ​ၸမ်ႉ၊ ၽြႃး​ၵဝ်​ၶႃႈ၊ ၽြႃး​ၵဝ်​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸုၼ်ႉ​ပႅတ်ႈ​ၵဝ်​ၶႃႈ ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="47">ၵူၼ်း​ၵမ်ႈ​ၽွင်ႈ ဢၼ်​ၸုၵ်း​ယူႇ​ၵႃႈ​တီႈ​ၼၼ်ႈ​ၸိူဝ်း​ၼၼ်ႉ ငိၼ်း​သေ​ယဝ်ႉ၊ လၢတ်ႈ​လႄႈ​ဝႃႈ၊ မၼ်း​ႁွင်ႉ​ႁႃ​ ဢေးလီႉယႃႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="48">ၵူၼ်း​ၵေႃႉ​ၼိုင်ႈ ၶုၼ်ႇ​လႅၼ်ႈ​ၵႂႃႇ​ၵမ်း​လဵဝ်​လႄႈ ဢဝ်​ႁိပ်ႇ​ၼမ်ႉ​ဢၼ်​ၼိုင်ႈ​ႁႂ်ႈ​တဵမ်​တင်း​ၼမ်ႉ​ပုင်းယေႇ​ယဝ်ႉ​ၸင်ႇ၊ သႂ်ႇ​ပၢႆ​မႆႉ​ဢေႃႈ​ယဝ်ႉ​လႄႈ၊ ပၼ်​ႁႂ်ႈ​မၼ်း​ၸဝ်ႈ​ၵိၼ်​ဢေႃႈ။-</verse>
				<verse number="49">ၶဝ်​ၸိူဝ်း​ဢၼ်​ယင်း​ၵိုတ်း​ယူႇ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ယႃႇ​မၼ်း​တႃႉ။ ဢေးလီႉယႃႉ တၵ်း​မႃး​ပွႆႇ​မၼ်း​လွတ်ႈ​ႁိုဝ်။ တၵ်း​ဢမ်ႇ​မႃး​ႁိုဝ်။ တူၺ်း​လူး​ၵွၼ်ႇ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="50">ယေႇသူႉ ​သမ်ႉ​ၶိုၼ်း ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​လႄႈ တိုတ်ႉ​ၸႂ်​မၼ်း​ၸဝ်ႈ​ၶၢတ်ႇ​သေ​ဢေႃႈ။</verse>
				<verse number="51">မိူဝ်ႈ​ၼၼ်ႉ ၽႃႈ​ၵင်ႈ​ႁိူၼ်း​ပိၵ်ႈ​မၢၼ်ႇ​ၸဝ်ႈ သိၵ်ႇ​ၶၢတ်ႇ​ၵႂႃႇ​ၸႃႉ​ၸဵမ် ၵႃႈ​ၼိူဝ်​တေႃႇ​ထိုင်​ႁွတ်ႈ​ၵႃႈ​တႂ်ႈ​ဢေႃႈ။ ဢိင်ႇ​ၵေႃႈ​သၼ်ႇ​ဢေႃႈ။ မၢၵ်ႇ​ႁိၼ်​တင်း​လၢႆ​ၵေႃႈ​တႅၵ်ႇ​ဢေႃႈ။-</verse>
				<verse number="52">ၶုမ်​သၢင်း​ၶႅင်း​တင်း​လၢႆ​ၵေႃႈ ၽုၺ်ႇ​ပိုတ်ႇ​လႄႈ၊ တူဝ်​တၢႆ​ၵူၼ်း​ဢၼ်​မူတ်း​ၸၢင်ႇ ဢၼ်​ၵိင်း​ၼွၼ်း​ယူႇ​ၼမ်​ၼႃႇ​ၼၼ်ႉ လုၵ်ႉ​ၶိုၼ်း​လႄႈ၊-</verse>
				<verse number="53">ဝၢႆး​သေ​မၼ်း​ၸဝ်ႈ​လုၵ်ႉ​ၶိုၼ်း​ယဝ်ႉ​ၼၼ်ႉ၊ ၶဝ်​ဢွၵ်ႇ​သေ​ၵႃႈ​ၼႂ်း​ၶုမ်​သၢင်း​ၶႅင်း​လႄႈ ၶဝ်ႈ​ၵႃႈ​ၼႂ်း​ဝဵင်း​ဢၼ်​မူတ်း​ၸၢင်ႇ​ယဝ်ႉ​ၸင်ႇ၊ ထၢင်ႇ​သႃး​ပေႃႇ​မႃး​တီႈ​ၵူၼ်း​ၼမ်​ၼႃႇ​ဢေႃႈ။</verse>
				<verse number="54">ၸႃႉ​ၸဵမ်​တပ်ႉ​မူး​လႄႈ ၶဝ်​ၸိူဝ်း​ဢၼ်​ပႂ်ႉ​ ယေႇသူႉ ​ယူႇ​ၼၼ်ႉ ႁၼ်​လွင်ႈ​တၢင်း​ဢၼ်​ဢိင်ႇ​သၼ်ႇ ဢိၵ်ႇ​တင်း​လွင်ႈ​တၢင်း​ဢၼ်​ပဵၼ်​မႃး ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ​သေ​ယဝ်ႉ၊ တူၵ်း​ၸႂ်​ၼႃႇ​လူင်​လၢင်​လႄႈ​ဝႃႈ၊ ၸႂ်ႈ​တႄႉ၊ ၵေႃႉ​ၼႆႉ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​တႄႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="55">မႄႈ​ယိင်း​ဢၼ် လုၵ်ႉ​သေ​ၵႃႈ​တီႈ​မိူင်း​ ၵႃႇလီႉလႄး ၸွမ်း​ပႃႈ​လင်​ ယေႇသူႉ ​မႃး​လႄႈ ႁဵတ်း​လဵင်ႉ​ႁဵတ်း​လူ​မၼ်း​ၸဝ်ႈ​ၼမ်​ၼႃႇ​ၸိူဝ်း​ၼၼ်ႉ​ၵေႃႈ၊ ယူႇ​တီႈ​ဢၼ်​ၵႆ​ၼႂ်း​တီႈ​ၼၼ်ႈ​လႄႈ လွမ်​တူၺ်း​ယူႇ​ဢေႃႈ။-</verse>
				<verse number="56">ၼႂ်း​ၶဝ်​ၸိူဝ်း​ၼၼ်ႉ၊ ပႃး​ မႃႇရီႉ​မႃႇၵတလႃႉ၊ မႃႇရီႉ ဢၼ်​ပဵၼ်​မႄႈ​ ယႃႇၵုပ်ႈ ​တင်း​ ယူဝ်းသေႇ ၊ ဢိၵ်ႇ​တင်း မႄႈ​လုၵ်ႈ​ၸၢႆး ၸေႇပေႇတႄး ​ၸိူဝ်း​ၼၼ်ႉ​ဢေႃႈ။</verse>
				<verse number="57">မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ၵၢင်​ၶမ်ႈ​ၸိုင်၊ သထေး​ၵေႃႉ​ၼိုင်ႈ​ဢၼ်​ပဵၼ်​ၵူၼ်း​ဝဵင်း ဢရီႉမသႄး ဢၼ်​လႆႈ​ၸိုဝ်ႈ ယူဝ်းသႅပ်ႈ ၊ ဢၼ်​ပဵၼ်​တပႄး​ၸဝ်ႈ​ ယေႇသူႉ ​ၼၼ်ႉ၊-</verse>
				<verse number="58">ၶဝ်ႈ​ၸူး​တီႈ​ၶုၼ်​ ပီႉလတ်ႉ ​လႄႈ ယွၼ်း​ဢဝ်​တူဝ်​တၢႆ​ ယေႇသူႉ ​ဢေႃႈ။ မိူဝ်ႈ​ၼၼ်ႉ ၶုၼ်​ ပီႉလတ်ႉ ​မီး​ဢမိင်ႉ ႁႂ်ႈ​ပၼ်​တူဝ်​တၢႆ​မၼ်း​ၸဝ်ႈ​သေ​ယဝ်ႉ၊-</verse>
				<verse number="59">ယူဝ်းသႅပ်ႈ ဢဝ်​တူဝ်​တၢႆ​မၼ်း​ၸဝ်ႈ​လႄႈ ဢဝ်​တင်း​ပိၵ်ႈ​ၶျေႃး ဢၼ်​မူတ်း​သႂ်​ၶဵၼ်း​ႁေႃႇ​ယဝ်ႉ​ၸင်ႇ၊-</verse>
				<verse number="60">ဢဝ်​သႂၢင်း​သႂ်ႇ​ဝႆႉ​ၵႃႈ​ၼႂ်း ၶုမ်​သၢင်း​ၶႅင်း​မၼ်း​ဢၼ်​မႂ်ႇ ဢၼ်​မၼ်း​ၶုတ်း​မူင်ႇ​ဝႆႉ​ၵႃႈ​ၼႂ်း​မၢၵ်ႇ​ႁိၼ်​ၼၼ်ႉ​ဢေႃႈ။ မၢၵ်ႇ​ႁိၼ်​ဢၼ်​ယႂ်ႇ​ၼႃႇ​ၵေႃႈ မၼ်း​ၵိင်ႈ​ဝႆႉ​ၵႃႈ​ၼိူဝ်​ႁူး​ၶုမ်​သၢင်း​ၶႅင်း​ၼၼ်ႉ​ယဝ်ႉ​ၸင်ႇ၊ ၵႂႃႇ​ဢေႃႈ။-</verse>
				<verse number="61">မႃႇရီႉ​မႃႇၵတလႃႉ ​တင်း မႃႇရီႉ ​တၢင်ႇ​ၵေႃႉ မီး​ယူႇ​ၵႃႈ​ၼၼ်ႈ​လႄႈ ၼင်ႈ​ယူႇ​ၵႃႈ​တီႈ​ၽၢႆႇ​ၼႃႈ သၢင်း​ၶႅင်း​မၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="62">မိူဝ်ႈ​ဢၼ်​ပူၼ်ႉ​ဝၼ်း​ၽိတ်ႈ​လႄႈ ႁွတ်ႈ​ထိုင်​ဝၼ်း​မိူဝ်ႈ​ၽုၵ်ႈ​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ ၽႃႇရီႉသႄး ​တင်း​လၢႆ ၸူႉ​ၵၼ်​တုမ်​ၵၼ် တီႈ​ၶုၼ်​ ပီႉလတ်ႉ ​သေ​လႄႈ​-</verse>
				<verse number="63">လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​တီႈ​ၶႃႈ၊ ႁဝ်း​ၶႃႈ​တွင်း​ဝႆႉ လွင်ႈ​ဢၼ်​ၵေႃႉ​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​လၢတ်ႈ ၸူဝ်ႈ​ဢၼ်​မၼ်း​ဢမ်ႇ​ပႆႇ​တၢႆ​ၼၼ်ႉ​လႄႈ​ဝႃႈ၊ ၵဝ်​ၼႆႉ ပေႃး​လႆႈ​သၢမ်​ဝၼ်း​ၸိုင်၊ တၵ်း​လုၵ်ႉ​ၶိုၼ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယူႇ​ၶႃႈ​ဢေႃႈ။-</verse>
				<verse number="64">ၵွပ်ႈ​ႁွႆး​ၼႆႉ၊ ၼင်ႇ​ႁိုဝ်​တၵ်း​ပႂ်ႉ​ၶုမ်​သၢင်း​ၶႅင်း​ၼၼ်ႉ​လီ​လီ​ငၢမ်း​ငၢမ်း တေႃႇ​ထိုင်​ႁွတ်ႈ​လႆႈ​သၢမ်​ဝၼ်း​ၸိုင် ၶႅၼ်း​တေႃႈ ၸဝ်ႈ​ႁဝ်း​မီး​ဢမိင်ႉ​သေ​ၵမ်း​တီႈ​ၶႃႈ၊ ႁဝ်း​ၶႃႈ​ၵူဝ်​တပႄး​မၼ်း​တင်း​လၢႆ တၵ်း​မႃး​ၶိင်ႇ​ၵၢင်​ၶိုၼ်း​လႄႈ လၵ်ႉ​ဢဝ်​တူဝ်​တၢႆ​မၼ်း​ယဝ်ႉ​ၸင်ႇ၊ လၢတ်ႈ​တီႈ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊ မၼ်း​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ယဝ်ႉ၊ ဝႃႈ​ၼင်ႇ​ၼႆ​ၶႃႈ​ဢေႃႈ။ ပိူဝ်ႈ​ၼႆ​လႄႈ တၢင်း​ဢၼ်​ၽိတ်း​ၵမ်း​လိုၼ်း တၵ်း​ယဵင်ႈ​ၶႅၼ်း​ႁၢႆႉ​ၼႃႇ​သေ ဢၼ်​ၽိတ်း​ၵမ်း​ဢွၼ်​တၢင်း​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="65">ၶုၼ်​ ပီႉလတ်ႉ ​ၵေႃႈ​လၢတ်ႈ​လႄႈ​ဝႃႈ၊ ၵႃႈ​တီႈ​သူ​မီး​ၵူၼ်း​ပႂ်ႉ​ၸိူဝ်း​ၼိုင်ႈ​ယူႇ​ဢေႃႈ။ ၵႂႃႇ​တႃႉ။ ၵႃႈ​ၼင်ႇ​ဢၼ် တၢတ်ႈ​ၼိူင်ႇ​လႆႈ​ၼၼ်ႉ​ၸိုင်၊ ႁႂ်ႈ​ပႂ်ႉ​လီ​လီ​ငၢမ်း​ငၢမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="66">ၶဝ်​ၼၼ်ႉ ဢိၵ်ႇ​တင်း​ၵူၼ်း​ပႂ်ႉ​ၸိူဝ်း​ၼိုင်ႈ၊ ၵႂႃႇ​လႄႈ တွၵ်ႇ​တၼ်း​သိၵ်ႈ​တီႈ​မၢၵ်ႇ​ႁိၼ်​ၼၼ်ႉ​သေ​ယဝ်ႉ၊ ႁႂ်ႈ​ပႂ်ႉ​သၢင်း​ၶႅင်း​မၼ်း​ၸဝ်ႈ​လီ​လီ​ငၢမ်း​ငၢမ်း​ဢေႃႈ။</verse>
			</chapter>
			<chapter number="28">
				<verse number="1">ပူၼ်ႉ​ဝၼ်း​ၵမ်​သိၼ်​လႄႈ၊ ဝၼ်း​ဢၼ်​ပဵၼ်​ဝၼ်း​ပထမႃႉ ၼႂ်း​ၸဵတ်း​ဝၼ်း၊ ၶိင်ႇ​ဢၼ်​မိူင်း​ၸမ်​တၵ်း​လႅင်း​ၼၼ်ႉ၊ မႃႇရီႉ​မႃႇၵတလႃႉ တင်း​ မႃႇရီႉ ​တၢင်ႇ​ၵေႃႉ ၵႂႃႇ​ၵႃႈ​တီႈ​သၢင်း​ၶႅင်း​မၼ်း​ၸဝ်ႈ ႁႂ်ႈ​လႆႈ​လူ​လႆႈ​တူၺ်း​ဢေႃႈ။-</verse>
				<verse number="2">မိူဝ်ႈ​ၼၼ်ႉ ဢိင်ႇ​သၼ်ႇ​ၼႃႇ​လူင်​လၢင်​ဢေႃႈ။ လွင်ႈ​မၼ်း​ၸမ်ႉ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး လုၵ်ႉ​သေ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ လူင်း​မႃး​လႄႈ ၵိင်ႈ​ပိၼ်ႈ​မၢၵ်ႇ​ႁိၼ်​ၼၼ်ႉ​ပႅတ်ႈ​ယဝ်ႉ​ၸင်ႇ၊ ၼင်ႈ​ယူႇ​ၵႃႈ​ၼိူဝ်​မၢၵ်ႇ​ႁိၼ်​ၼၼ်ႉ​ဢေႃႈ။-</verse>
				<verse number="3">ႁၢင်ႈ​ၽၢင်​မၼ်း​ၵေႃႈ ႁိူဝ်ႈ​လႅင်း​ၸိူဝ်ႉ​ၼင်ႇ​ၽႃႉ​မႅပ်ႈ​ဢေႃႈ။ ၶူဝ်း​ၼုင်ႈ​မၼ်း​ၵေႃႈ ၽိူၵ်ႇ​ၶၢဝ်​ၸိူဝ်ႉ​ၼင်ႇ​မူၺ်​ႁႃႇ​ဢေႃႈ။-</verse>
				<verse number="4">ၵူၼ်း​ပႂ်ႉ​ၸိူဝ်း​ၼၼ်ႉ ပိူဝ်ႈ​ဢၼ်​ၵူဝ်​ႁႄ​မၼ်း​လႄႈ သၼ်ႇ​ဝႆ​ၼႃႇ​လူင်​လၢင် မိူၼ်​ၸိူဝ်ႉ​ၼင်ႇ​ႁၢင်ႈ​တၵ်း​တၢႆ​ဢေႃႈ။-</verse>
				<verse number="5">တမၢၼ်ႇ​ၵၢင်​ႁၢဝ်​ၵေႃႈ ၶိုၼ်း​လၢတ်ႈ​တီႈ​မႄႈ​ယိင်း​ၸိူဝ်း​ၼၼ်ႉ​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ။ ၵဝ်​ႁူႉ​လွင်ႈ​ဢၼ်​သူ​ႁႃ​ ယေႇသူႉ ဢၼ်​လႆႈ​ၶၢမ်ႇ​တၢင်း​ဢၼ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​ယူႇ​ဢေႃႈ။-</verse>
				<verse number="6">မၼ်း​ၸဝ်ႈ​ဢမ်ႇ​မီး​ၵႃႈ​တီႈ​ၼႆႈ။ ၵႃႈ​ၼင်ႇ​ဢၼ်​မၼ်း​ၸဝ်ႈ​လၢတ်ႈ​ဝႆႉ​ၼၼ်ႉ၊ မၼ်း​ၸဝ်ႈ​လုၵ်ႉ​ၶိုၼ်း​ယဝ်ႉ။ မႃး​လႄႈ​တူၺ်း​တီႈ​ဢၼ်​မၼ်း​ၸဝ်ႈ​ၵိင်း​ၼွၼ်း​ယူႇ​ၼႆႉ​တႃႉ။-</verse>
				<verse number="7">ၵႂႃႇ​ၶၼ်​ၶၼ်​ၽႂ်း​ၽႂ်း​လႄႈ​မွၵ်ႇ​လၢတ်ႈ​လွင်ႈ​ဢၼ် မၼ်း​ၸဝ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ တီႈ​တပႄး​ၸဝ်ႈ​တင်း​လၢႆ​တႃႉ။ တူၺ်း​လူး၊ မၼ်း​ၸဝ်ႈ​ၵႂႃႇ​ၵႃႈ​တီႈ​မိူင်း ၵႃႇလီႉလႄး ​ပုၼ်ႉ ဢွၼ်​တၢင်း​သူ​ယူႇ​ဢေႃႈ။ သူ​တၵ်း​ထူပ်း​ႁၼ်​မၼ်း​ၸဝ်ႈ ၵႃႈ​တီႈ​မိူင်း​ပုၼ်ႉ​ဢေႃႈ။ တူၺ်း​လူး၊ ၵဝ်​မွၵ်ႇ​လၢတ်ႈ​တီႈ​သူ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၶဝ်​ၼၼ်ႉ​ၵေႃႈ မီး​တင်း​ၸႂ်​ဢၼ်​ၵူဝ်​ၼႃႇ ဢိၵ်ႇ​တင်း​ၸႂ်​ဢၼ်​သိူဝ်း​ၸူမ်း​ၼႃႇ​ယူႇ​သေ​လႄႈ လုၵ်ႉ​သေ​ၵႃႈ​တီႈ​သၢင်း​ၶႅင်း​မၼ်း​ၸဝ်ႈ​ၼၼ်ႉ ၶၼ်​ၶၼ်​ၽႂ်း​ၽႂ်း​လႄႈ​လႅၼ်ႈ​ၵႂႃႇ ႁႂ်ႈ​လႆႈ​မွၵ်ႇ​လၢတ်ႈ​ပၼ်​သတၢင်း​ၼၼ်ႉ တီႈ​တပႄး​ၸဝ်ႈ​တင်း​လၢႆ​ဢေႃႈ။-</verse>
				<verse number="9">ယေႇသူႉ ​မႃး​ႁပ်ႉ​ႁူဝ်​တၢင်း​ၶဝ်​လႄႈ​လၢတ်ႈ​ဝႃႈ၊ ႁႂ်ႈ​မင်ႇၵလႃႇ​မီး​တီႈ​သူ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​ယဝ်ႉ၊ ၵွတ်ႇ​တိၼ်​မၼ်း​ၸဝ်ႈ​လႄႈ ၶုပ်ႉ​မူပ်ႇ​ၵူဝ်း​ၵႂၢႆႇ​မၼ်း​ၸဝ်ႈ​ဢေႃႈ။-</verse>
				<verse number="10">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ။ ၵႂႃႇ​တႃႉ။ ၼင်ႇ​ႁိုဝ်​ၼွင်ႉ​ၵဝ်​တင်း​လၢႆ တၵ်း​ၵႂႃႇ​ၵႃႈ​တီႈ​မိူင်း​ ၵႃႇလီႉလႄး ပုၼ်ႉ​ၸိုင်၊ မွၵ်ႇ​လၢတ်ႈ​ပၼ်​တီႈ​ၶဝ်​တႃႉ။ ၶဝ်​တၵ်း​ထူပ်း​ႁၼ်​ၵဝ် ၵႃႈ​တီႈ​မိူင်း​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ၼႂ်း​မိူဝ်ႈ​ဢၼ် ၶဝ်​ယင်း​တိုၵ်ႉ​ၵႂႃႇ​ယူႇ​ၼၼ်ႉ​ၸိုင်၊ ၵူၼ်း​ဢၼ်​ပႂ်ႉ​ၸိူဝ်း​ၼၼ်ႉ​ၵမ်ႈ​ၽွင်ႈ​ၶဝ်ႈ​ၵႃႈ​ၼႂ်း​ဝဵင်း​သေ​လႄႈ မွၵ်ႇ​လၢတ်ႈ​လွင်ႈ​တၢင်း​ဢၼ်​ပဵၼ်​မႃး​တင်း​သဵင်ႈ​တင်း​လူင်​ၼၼ်ႉ တီႈ​ယိတ်ႈပရေႃးႁဵၵ်ႈ​လူင်​တင်း​လၢႆ​ဢေႃႈ။-</verse>
				<verse number="12">ယိတ်ႈပရေႃးႁဵၵ်ႈ​လူင်​ၸိူဝ်း​ၼၼ်ႉ ၸူႉ​တုမ်​လူၺ်ႈ​ၵၼ်​တင်း ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ​သေ​လႄႈ တိူင်ႇ​ပၢင်ႇ​ၵၼ်​ယဝ်ႉ​ၸင်ႇ၊ ပၼ်​ငိုၼ်း​ၼမ်​ၼႃႇ​တီႈ​ၵူၼ်း​သိုၵ်း​ၸိူဝ်း​ၼၼ်ႉ​လႄႈ၊-</verse>
				<verse number="13">သင်ႇ​လၢတ်ႈ​လႄႈ​ဝႃႈ၊ သူ​လၢတ်ႈ​လႄႈ​ဝႃႈ၊ တပႄး​မၼ်း​တင်း​လၢႆ​မႃး​ၶိင်ႇ​ၵၢင်​ၶိုၼ်း​လႄႈ လၵ်ႉ​ဢဝ်​တူဝ်​တၢႆ​မၼ်း​ၵႂႃႇ ၼႂ်း​မိူဝ်ႈ​ဢၼ်​ႁဝ်း​ၶႃႈ​ၼွၼ်း​လပ်း​ယူႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="14">ပေႃး​ၵႂၢမ်း​ၼႆႉ​ထိုင်​ႁူ​ၶုၼ်​ၸိုင်၊ ႁဝ်း​တၵ်း​ၶျေႃး​မၼ်း​ၸဝ်ႈ​လႄႈ ႁဵတ်း​ႁႂ်ႈ​သူ​ၵၢင်း​လွတ်ႈ​တင်း​ဢမူႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၵူၼ်း​သိုၵ်း​ၸိူဝ်း​ၼၼ်ႉ​ၵေႃႈ ဢဝ်​ငိုၼ်း​လႄႈ ႁဵတ်း​ၸွမ်း​ၵႃႈ​ၼင်ႇ​ဢၼ် ၶဝ်​သင်ႇ​သွၼ်​ပၼ်​ၼၼ်ႉ​ဢေႃႈ။ ၵႂၢမ်း​ၶဝ်​ၼၼ်ႉ​ၵေႃႈ ၸွတ်ႇ​တူဝ်ႈ​ၵႂႃႇ​ၵႃႈ​ၼႂ်း​ၵူၼ်း​ ယူႉတႃႉ ​တင်း​လၢႆ ၵူႈ​တီႈ​ၵူႈ​လႅၼ် တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။</verse>
				<verse number="16">တပႄး​ၸဝ်ႈ​သိပ်း​ဢိတ်း​ပႃး​ၵႂႃႇ​ၵႃႈ​တီႈ​မိူင်း ၵႃႇလီႉလႄး ​ပုၼ်ႉ​လႄႈ ၶိုၼ်ႈ​ၵႃႈ​ၼိူဝ်​လွႆ​ဢၼ်​ ယေႇသူႉ သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။-</verse>
				<verse number="17">မိူဝ်ႈ​ဢၼ်​ၶဝ်​ထူပ်း​ႁၼ်​မၼ်း​ၸဝ်ႈ​ၸိုင်၊ ၶဝ်​ၶုပ်ႉ​မူပ်ႇ​ၵူဝ်း​ၵႂၢႆႇ​မၼ်း​ၸဝ်ႈ​ဢေႃႈ။ ၵူၺ်း​ၵႃႈ ၵမ်ႈ​ၽွင်ႈ​ဢမ်ႇ​ပေႃး​ယုမ်ႇ။-</verse>
				<verse number="18">ယေႇသူႉ ​မႃး​ၸူး​တီႈ​ၶဝ်​သေ​ယဝ်ႉ၊ လၢတ်ႈ​လႄႈ​ဝႃႈ၊ ၵဝ်​လႆႈ​ၶၢမ်ႇ​ဢၶႂၢင်ႉ​တၼ်း​ၶူဝ်း​ဢၼ်​လႆႈ​ဢုပ်ႉ​ပိူင်ႇ​ၵႃႈ​မီး​တင်း​သဵင်ႈ​တင်း​လူင် ၵႃႈ​ၼိူဝ်​ၵၢင်​ႁၢဝ် ဢိၵ်ႇ​တင်း​ၵႃႈ​ၼိူဝ်​လိၼ်​မိူင်း​ယဝ်ႉ။-</verse>
				<verse number="19">ပိူဝ်ႈ​ၼႆ​ၸင်ႇ၊ သူ​ၵႂႃႇ​လႄႈ ႁႂ်ႈ​ၵူၼ်း​မဵဝ်း​ၵႃႈ​မီး​တင်း​သဵင်ႈ​တင်း​လူင် ပဵၼ်​တပႄး​ၵဝ်​သေ​ယဝ်ႉ၊ ပၼ်​ ပပ်ႉတီႉၸမ်ႇ ၼႂ်း​ၼႃႇ​မႃႉ​ၸိုဝ်ႈ​သဵင်​ပေႃႈ​ၸဝ်ႈ၊ လုၵ်ႈ​ၸဝ်ႈ တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​တႃႉ။-</verse>
				<verse number="20">သင်ႇ​သွၼ်​သုင်း​မႃႉ​ပၼ် ႁႂ်ႈ​ၶဝ်​လႆႈ​ၵမ်​လႆႈ​ၵျၢင်ႉ​ပိင်း​ၺၢပ်ႈ​ၵႃႈ​ဢၼ်​ၵဝ်​ပၼ်​တီႈ​သူ​ၼၼ်ႉ​တႃႉ။ ၵဝ်​ၵေႃႈ​မီး​ယူႇ​လူၺ်ႈ​ၵၼ်​တင်း​သူ​တႃႇ​သေႇ​ဢမ်ႇ​ထၢတ်ႇ​တေႃႇ​ထိုင်​ႁွတ်ႈ​ၵမ်ႇ​ၽႃႇ​ၼႆႉ သုတ်း​သဵင်ႈ​ပုၼ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၶရိၸ်ႈ​ဝၢင်ႇ​ၸဝ်ႈ​မၢတ်ႈထႄႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="41">
			<chapter number="1">
				<verse number="1">ငဝ်ႈ​ႁၢၵ်ႈ​တြႃး​သတၢင်း​သိူဝ်း​ပျေႃႇ ယေႇသူႉ​ၶရိၸ်ႈ​ ​လုၵ်ႈ​ၽြႃး​ပဵၼ်​ၸဝ်ႈ​ၼၼ်ႉ​ၸိုင် တၵ်း​ဝႃႈ​လူး​ၵွၼ်ႇ​ဢေႃႈ။-</verse>
				<verse number="2">ဢၼ်​တႅမ်ႈ​ဝႆႉ​ၼႂ်း​ၵျၢမ်း​ပရေႃးၽႅတ်ႈ​ ဢီႉသႃႇယႃႉ ​လႄႈ​ဝႃႈ​ၸမ်ႉ၊ တူၺ်း​လူး၊ ၵဝ်​ပွႆႇ​ၸႂ်ႉ​တမၢၼ်ႇ​ၵဝ် ဢၼ်​တၵ်း​မႄး​သဵၼ်ႈ​တၢင်း​ဢၼ်​မႂ်း​ၵႂႃႇ​ၼၼ်ႉ ၵႂႃႇ​ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ။-</verse>
				<verse number="3">သဵင်​ၵေႃႉ​ဢၼ်​ႁွင်ႉ​သႅၼ်ႇ​ၵႃႈ​တီႈ​ၼႂ်း​ထိူၼ်ႇ​လႄႈ​ဝႃႈ၊ မႄး​သဵၼ်ႈ​တၢင်း​ထႃႇဝရႃႉ​ၽြႃး​တႃႉ။ ႁႂ်ႈ​သဵၼ်ႈ​တၢင်း​မၼ်း​ၸဝ်ႈ​သိုဝ်ႈ​တႃႉ။ ဝႃႈ​ၼႆ၊ ၵႃႈ​ၼင်ႇ​ဢၼ်​မႃး​ၼၼ်ႉ၊-</verse>
				<verse number="4">ယူဝ်းႁၢၼ်ႇ ​ပေႃႇ​မႃး​ပၼ်​ ပပ်ႉတီႉၸမ်ႇ ၵႃႈ​တီႈ​ၼႂ်း​ထိူၼ်ႇ​လႄႈ ႁေႃး​လၢတ်ႈ​တြႃး​ ပပ်ႉတီႉၸမ်ႇ ​ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ် ပုၼ်ႈ​လွင်ႈ​ၼင်ႇ​ႁိုဝ်​တၵ်း​လွတ်ႈ​ဢပႅတ်ႈ​ဢေႃႈ။-</verse>
				<verse number="5">ၸႃႉ​ၸဵမ်​ၵူၼ်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်​ဢိၵ်ႇ​တင်း​ၵူၼ်း​မိူင်း​ ယူႉတႃႉ ၵႃႈ​မီး​ၼၼ်ႉ ဢွၵ်ႇ​ၵႂႃႇ​ၸူး​ၵႃႈ​တီႈ ယူဝ်းႁၢၼ်ႇ ​လႄႈ ၽုၺ်ႇ​ၼႄ​ဢပႅတ်ႈ​တူဝ်​ၸဝ်ႈ​ၵဝ်ႇ​တင်း​လၢႆ​သေ​ယဝ်ႉ၊ ၶၢမ်ႇ​ ပပ်ႉတီႉၸမ်ႇ ​ၼႂ်း​ၼမ်ႉ​ႁွင်ႈ ယေႃးတၢၼ်ႇ ​ဢေႃႈ။</verse>
				<verse number="6">ယူဝ်းႁၢၼ်ႇ ​ၼၼ်ႉ ၼုင်ႈ​ၶူဝ်း​ဢၼ်​ဢဝ်​ၶူၼ်​ၵလႃးဢုၵ်ႉ​တေႃး​ႁဵတ်း​ၼၼ်ႉ၊ ၵႃႈ​တီႈ​ဢႅဝ်​ႁတ်ႉ​တင်း​သၢႆ​ၼင်​သေ​လႄႈ ၵိၼ်​မႅင်း​ၵႅင်း​တင်း​ၼမ်ႉ​ၽိုင်ႈ ဢၼ်​မီး​ၵႃႈ​ၼႂ်း​ထိူၼ်ႇ​ဢေႃႈ။-</verse>
				<verse number="7">ဢၼ်​မၼ်း​ႁေႃး​လၢတ်ႈ​လႄႈ​ဝႃႈ​ၸမ်ႉ၊ ၵေႃႉ​ဢၼ် ယႂ်ႇ​မျၢတ်ႈ​ၼႃႇ​သေ​ၵဝ်​ၼၼ်ႉ မႃး​လိုၼ်း​ၵဝ်​ဢေႃႈ။ ၵဝ်​ၼႆႉ ယင်း​ဢမ်ႇ​ထိူၵ်ႈ​ၵူမ်ႈ​လႄႈ​ၵႄႈ​ဢဝ်​သၢႆ​ၶႅပ်း​တိၼ်​ၵေႃႉ​ၼၼ်ႉ၊-</verse>
				<verse number="8">ၵဝ်​ဢဝ်​သူ​ပၼ်​ ပပ်ႉတီႉၸမ်ႇ ​ၼႂ်း​ၼမ်ႉ​ဢေႃႈ။ ၵေႃႉ​ၼၼ်ႉ​တၵ်း​ဢဝ်​သူ​ပၼ် ပပ်ႉတီႉၸမ်ႇ ၼႂ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မိူဝ်ႈ​ၼၼ်ႉ ယေႇသူႉ လုၵ်ႉ​သေ​ၵႃႈ​တီႈ​မိူင်း ၵႃႇလီႉလႄး ​ဝဵင်း​ ၼႃႇၸရႅတ်ႈ ​မႃး​လႄႈ ၶၢမ်ႇ​ ပပ်ႉတီႉၸမ်ႇ ​ၼႂ်း​မိုဝ်း​ ယူဝ်းႁၢၼ်ႇ ၵႃႈ​ၼႂ်း​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။-</verse>
				<verse number="10">ၼႂ်း​မိူဝ်ႈ​ဢၼ်​လုၵ်ႉ​သေ​ၵႃႈ​ၼႂ်း​ၼမ်ႉ​ဢွၵ်ႇ​မႃး​ၵမ်း​လဵဝ်​ယူႇ​ၼၼ်ႉ​ၸိုင် လႆ​ႁၼ်​ၵၢင်​ႁၢဝ်​တႅၵ်ႇ​ဢႃႈ​ဝႆႉ​သေ​လႄႈ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ လူင်း​မႃး​ၵႃႈ​တီႈ​ၼိူဝ်​မၼ်း​ၸဝ်ႈ ၸိူဝ်ႉ​ၼင်ႇ​ၼူၵ်ႉ​တူႈ​လႄႈ၊-</verse>
				<verse number="11">သဵင်​ၸဝ်ႈ​ပဵၼ်​မႃး​ၵႃႈ​ၼိူဝ်​ၵၢင်​ႁၢဝ်​လႄႈ​ဝႃႈ၊ မႂ်း​ၼႆႉ​ၸမ်ႉ၊ ပဵၼ်​လုၵ်ႈ​ဢၼ်​ၵဝ်​ႁၵ်ႉ​ၼႃႇ၊ တီႈ​ဢၼ်​ၵဝ်​ထုၵ်ႇ​ၸႂ်​ၵျိူၵ်ႈ​ၸႂ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မိူဝ်ႈ​ၼၼ်ႉ ၵမ်း​လဵဝ် ဝီႉၺိၺ်ႇ​ၸဝ်ႈ​ႁႂ်ႈ ယေႇသူႉ ၵႂႃႇ​ၵႃႈ​ၼႂ်း​ထိူၼ်ႇ​ဢေႃႈ။-</verse>
				<verse number="13">သီႇ​သိပ်း​ဝၼ်း​တဵမ်​တဵမ် မၼ်း​ၸဝ်ႈ​ယူႇ​ၵႃႈ​တီႈ​ၼႂ်း​ထိူၼ်ႇ​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ် ၸႃႇတၢၼ်ႇ ၸၢမ်း​တူၺ်း​ၸူဝ်း​ဢဝ်​ဢေႃႈ။ မီး​ယူႇ​လူၺ်ႈ​ၵၼ်​တင်း​တူဝ်​ထိူၼ်ႇ​တင်း​လၢႆ​ဢေႃႈ။ တမၢၼ်ႇ​ၵၢင်​ႁၢဝ်​တင်း​လၢႆ​ၵေႃႈ ႁဵတ်း​လဵင်ႉ​ႁဵတ်း​လူ​တီႈ​မၼ်း​ၸဝ်ႈ​ဢေႃႈ။</verse>
				<verse number="14">ဝၢႆး​သေ​ ယူဝ်းႁၢၼ်ႇ ၶၢမ်ႇ​တၢင်း​ဢၼ် ဢၢပ်ႈ​ၵႃႈ​ၼႂ်း​ထွင်ႇ​ယဝ်ႉ​ၼၼ်ႉ၊ ယေႇသူႉ ​ၵႂႃႇ​ၸူး​ၵႃႈ​တီႈ​မိူင်း ၵႃႇလီႉလႄး ပုၼ်ႉ​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ ဢၼ်​ၸၢပ်ႈ​သႅင်ႇ​ၵၼ်​တၢင်း​မိူင်း​ၽြႃး​ပဵၼ်​ၸဝ်ႈ​လႄႈ​ဝႃႈ၊-</verse>
				<verse number="15">ၶိင်ႇ​မၼ်း​ပျေႉ​ၸုမ်ႇ​ယဝ်ႉ၊ မိူင်း​ၽြႃး​ပဵၼ်​ၸဝ်ႈ​ၸမ်​တၵ်း​တႄႇ​ပဵၼ်​ယဝ်ႉ။ ၶုၵ်း​ၸႂ်​လႆႈ​မႆႈ​ၸႂ်​တႃႉ။ ယုမ်ႇ​မၢတ်ႈ​တြႃး​သတၢင်း​သိူဝ်း​ပျေႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၼႂ်း​မိူဝ်ႈ​ဢၼ် မၼ်း​ၸဝ်ႈ​ၸွမ်း​ႁိမ်း​ၼွင် ၵႃႇလီႉလႄး ၵႂႃႇ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ထူပ်း​ႁၼ် သီႉမုၼ်ႇ ​တင်း​ၼွင်ႉ​ၸၢႆး​မၼ်း ဢၼ်ႇတရေႇ ဝၢၼ်ႇ​ၶႄ​တူၵ်း​ၵႃႈ​ၼႂ်း​ၼွင်​ယူႇ​ဢေႃႈ။ ၶဝ်​ၸိူဝ်း​ၼၼ်ႉ​ၸမ်ႉ ပဵၼ်​တမ်ႇ​ငႃႈ​ဢေႃႈ။-</verse>
				<verse number="17">ယေႇသူႉ လၢတ်ႈ​တီႈ​ၶဝ်​လႄႈ​ဝႃႈ၊ ၸွမ်း​ပႃႈ​လင်​ၵဝ်​တႃႉ။ ၵဝ်​တၵ်း​ႁႂ်ႈ​သူ​ပဵၼ်​တမ်ႇ​ငႃႈ​ဢၼ်​မဵတ်း​ၵူၼ်း​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်-</verse>
				<verse number="18">ၶဝ်​ၼၼ်ႉ ပႅတ်ႈ​ဝႆႉ​ၶႄ​ၶဝ်​ၵမ်း​လဵဝ်​သေ​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။</verse>
				<verse number="19">မၼ်း​ၸဝ်ႈ​ပူၼ်ႉ​သေ​တီႈ​ၼၼ်ႈ​ၵႂႃႇ​ဢိတ်း​ၼိုင်ႈ​ယဝ်ႉ​ၸင်ႇ၊ ထူပ်း​ႁၼ်​ ယႃႇၵုပ်ႈ လုၵ်ႈ​ၸၢႆး ၸေႇပေႇတႄး တင်း​ၼွင်ႉ​ၸၢႆး​မၼ်း ယူဝ်းႁၢၼ်ႇ မႄး​ၽုင်​ၶႄ​ၶဝ်​ယူႇ​ၵႃႈ​ၼိူဝ်​ႁိူဝ်း​လႄႈ ႁွင်ႉ​ဢဝ်​ၶဝ်​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="20">ၶဝ်​ၼၼ်ႉ​ၵေႃႈ ပႅတ်ႈ​ဝႆႉ​ပေႃႈ​ၶဝ်​ ၸေႇပေႇတႄး ​ၵႃႈ​ၼိူဝ်​ႁိူဝ်း ဢိၵ်ႇ​တင်း​ၵူၼ်း​ၵိၼ်​ၸၢင်ႈ​ၵိၼ်​ငႃ​တင်း​လၢႆ​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။</verse>
				<verse number="21">ၶဝ်​ၼၼ်ႉ ၵႂႃႇ​ၵႃႈ​ၼႂ်း​ဝဵင်း​ ၵပိူဝ်ႇၼေႇဢုမ်ႇ ​ယဝ်ႉ​ၸင်ႇ၊ ဝၼ်း​ၵမ်​သိၼ်​ၸိုင်၊ မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ၸရွပ်ႈ​ႁေႃး​တြႃး​သေ​လႄႈ သင်ႇ​သွၼ်​ပၼ်​ဢေႃႈ။-</verse>
				<verse number="22">ပရဵၵ်ႈသၢတ်ႈ ​တင်း​လၢႆ​ၵေႃႈ ဢၢမ်း​လွင်ႈ​တၢင်း​ဢၼ်​မၼ်း​ၸဝ်ႈ သင်ႇ​သွၼ်​ပၼ်​ၼၼ်ႉ​ၼႃႇ​လူင်​လၢင်​ဢေႃႈ။ လွင်ႈ​မၼ်း​ၸမ်ႉ မၼ်း​ၸဝ်ႈ​သင်ႇ​သွၼ်​ပၼ်​ၶဝ်​မိူၼ်​ၸိူဝ်ႉ​ၼင်ႇ​ၵူၼ်း​ထုတ်ႇ​ၵျၢမ်း​ဢမ်ႇ​ၸႂ်ႈ။ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ဢုပ်ႉ​ပိူင်ႇ​ၼၼ်ႉ​ဢေႃႈ။</verse>
				<verse number="23">ၼႂ်း​ၸရွပ်ႈ​ႁေႃး​တြႃး​ၶဝ်​ၼၼ်ႉ မီး​ၵူၼ်း​ဢၼ်​ၽီ​ၵူဝ်ႈ​ၵိူၵ်ႇ​ၶဝ်ႈ​ၵေႃႉ​ၼိုင်ႈ​လႄႈ​မၼ်း​ႁွင်ႉ​သႅၼ်ႇ​လႄႈ​ဝႃႈ၊-</verse>
				<verse number="24">ဢူဝ်း​ ယေႇသူႉ ​ၵူၼ်း​ဝဵင်း​ ၼႃႇၸရႅတ်ႈ ၊ ၸဝ်ႈ​ႁဝ်း​ၸၢပ်ႈ​သႅင်ႇ​ၵၼ်​တင်း​ႁဝ်း​ၶႃႈ ၸိူဝ်ႉ​ၼင်ႇ​ႁိုဝ်​ၶႃႈ။ ၸဝ်ႈ​ႁဝ်း​မႃး​ႁႂ်ႈ​လႆႈ​ယႃႉ​ပႅတ်ႈ​ႁဝ်း​ၶႃႈ​ႁိုဝ်။ လွင်ႈ​ဢၼ်​ၸဝ်ႈ​ႁဝ်း​ပဵၼ်​ၽူႈ​လႂ်​ၸိုင် ၵဝ်​ၶႃႈ​ႁူႉ​ယူႇ​ၶႃႈ​ဢေႃႈ။ ပဵၼ်​ၵူၼ်း​မူတ်း​ၸၢင်ႇ​ၽြႃး​ပဵၼ်​ၸဝ်ႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ယေႇသူႉ ၵေႃႈ သင်ႇ​လၢတ်ႈ​တီႈ​မၼ်း​လႄႈ​ဝႃႈ၊ ယူႇ​တဵတ်ႇ​တဵတ်ႇ​တႃႉ။ ဢွၵ်ႇ​သေ​ၵႃႈ​ၼႂ်း​မၼ်း​ၵႂႃႇ​တႃႉ၊ မိူဝ်ႈ​ဢၼ် ဝႃႈ​ၼင်ႇ​ၼႆ​ၸိုင်၊-</verse>
				<verse number="26">ၽီ​ဢၼ်​ၵူဝ်ႈ​ၵိူၵ်ႇ​ၼၼ်ႉ​ၵေႃႈ ႁႂ်ႈ​ၵေႃႉ​ၼၼ်ႉ​ၵႅၼ်ႇ​ၵႂႃႇ​ၶႅင်​ၵႂႃႇ​ယဝ်ႉ​ၸင်ႇ၊ ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​လႄႈ ဢွၵ်ႇ​ၵႂႃႇ​သေ​ဢေႃႈ။-</verse>
				<verse number="27">ၵူၼ်း​တင်း​သဵင်ႈ​တင်း​လူင်​ၼၼ်ႉ ၵႂင်​ၸႂ်​ယုင်ႈ​ၸႂ် တေႃႇ​ထိုင်​ႁွတ်ႈ​ထၼ်ႈ​ပေႃး​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တွင်ႈ​ထၢမ်​လၢတ်ႈ​ၸႃ​ၵၼ်​လႄႈ​ဝႃႈ၊ လွင်ႈ​ၼႆႉ​ပဵၼ်​ၸိူဝ်ႉ​ၼင်ႇ​ႁိုဝ်။ ပဵၼ်​တၢင်း​ဢၼ်​သင်ႇ​သွၼ်​ပၼ်​ဢၼ်​မႂ်ႇ​လႄႈ ပႃး​တင်း​ဢႃႇၼႃႇ​တၼ်း​ၶူဝ်း​လူင်​ပႄႇ။ မၼ်း​ၸဝ်ႈ​သင်ႇ​လၢတ်ႈ​တီႈ​ၽီ​ဢၼ်​ၵူဝ်ႈ​ၵိူၵ်ႇ​တင်း​လၢႆ​လႄႈ ၶဝ်​ထွမ်ႇ​ဢဝ်​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">သတၢင်း​သဵင်​ၶၢဝ်ႇ​မၼ်း​ၸဝ်ႈ​ၼၼ်ႉ​ၵေႃႈ ၸွတ်ႇ​ၸႅတ်ႇ​ၵႂႃႇ​ၵူႈ​တီႈ​ၵူႈ​လႅၼ် ၵႃႈ​ၼႂ်း​မိူင်း ၵႃႇလီႉလႄး ​ၼၼ်ႉ​ၵမ်း​လဵဝ်​ဢေႃႈ။</verse>
				<verse number="29">မိူဝ်ႈ​ဢၼ်​ဢွၵ်ႇ​သေ​ၵႃႈ​ၼႂ်း​ၸရွပ်ႈ​ႁေႃး​တြႃး​ၼၼ်ႉ​ၸိုင်၊ ၶဝ်​ၸိူဝ်း​ၼၼ်ႉ ဢိၵ်ႇ​တင်း ယႃႇၵုပ်ႈ ​တင်း​ ယူဝ်းႁၢၼ်ႇ ​ၵႂႃႇ​ၶဝ်ႈ​ၵႃႈ​ၼႂ်း​ႁိူၼ်း​ သီႉမုၼ်ႇ တင်း​ ဢၼ်ႇတရေႇ ​ဢေႃႈ။-</verse>
				<verse number="30">ဢွၵ်ႇ​ၼၢႆး ပေႇတရူႉ ​ၼၼ်ႉ​ၼၢဝ်​လႄႈ ၼွၼ်း​လိူၼ်း​ယူႇ​ဢေႃႈ။ ၶဝ်​လဝ်ႊ​လၢတ်ႈ​လွင်ႈ​မၼ်း​ၼၼ်ႉ တီႈ​မၼ်း​ၸဝ်ႈ​ၵမ်း​လဵဝ်​ဢေႃႈ။-</verse>
				<verse number="31">မၼ်း​ၸဝ်ႈ​ၵေႃႈ မႃး​လႄႈ​ယိပ်း​မိုဝ်း​မႄႈ​ယိင်း​ၼၼ်ႉ​ယဝ်ႉ​ၸင်ႇ၊ ယုၵ်ႉ​ယွင်ႈ​ဢဝ်​မၼ်း​ဢေႃႈ။ ၼၢဝ်​မၼ်း​ၼၼ်ႉ​ႁၢႆ​ၵမ်း​လဵဝ်​လႄႈ မၼ်း​ႁဵတ်း​ဝၢတ်ႈ​ၶႅၵ်ႇ​တီႈ​ၶဝ်​ဢေႃႈ။</verse>
				<verse number="32">မိူဝ်ႈ​ဢၼ်​ၵၢင်​ဝၼ်း​တူၵ်း​ယဝ်ႉ​လႄႈ ႁွတ်ႈ​ထိုင်​ၶိင်ႇ​ၵၢင်​ၶမ်ႈ​ၸိုင်၊ ၶဝ်​ဢဝ်​ၵူၼ်း​ၶႆႈ​ၵူၼ်း​ပဵၼ် ဢိၵ်ႇ​တင်း​ၵူၼ်း​ဢၼ်​ၽီ​ႁၢႆႉ​ၶဝ်ႈ​ၵႃႈ​မီး တင်း​သဵင်ႈ​တင်း​လူင်​မႃး​တီႈ​မၼ်း​ၸဝ်ႈ​သေ​လႄႈ၊-</verse>
				<verse number="33">တင်း​ဝဵင်း​ၼၼ်ႉ ၸူႉ​ၵၼ်​တုမ်​ၵၼ်​ယူႇ​ၵႃႈ​တီႈ​ႁိမ်း​ၽၵ်း​တူ​ဢေႃႈ။-</verse>
				<verse number="34">မၼ်း​ၸဝ်ႈ​ၵေႃႈ ႁႂ်ႈ​ၵူၼ်း​ၼမ်​ၼႃႇ ဢၼ်​မီး​တၢင်း​ၶႆႈ​တၢင်း​ပဵၼ် ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ​ၶႅၼ်း​မႃး​လႄႈ ၽီ​ႁၢႆႉ​ၼမ်​ၼႃႇ​ၵေႃႈ မၼ်း​ၸဝ်ႈ​ႁေႃႈ​ဢွၵ်ႇ​ပႅတ်ႈ​သေ​ဢေႃႈ။ ပိူဝ်ႈ​ဢၼ်​ၽီ​ႁၢႆႉ​ၸိူဝ်း​ၼၼ်ႉ ႁူႉ​မၼ်း​ၸဝ်ႈ​ယူႇ​လႄႈ မၼ်း​ၸဝ်ႈ​ဢမ်ႇ​ပၼ်​ၶဝ်​လၢတ်ႈ​ၵႂၢမ်း​သေ​ၶေႃႈ​သေ​ၵမ်း။</verse>
				<verse number="35">ၶိင်ႇ​ၵၢင်​ၼႂ် ၸူဝ်ႈ​ဢၼ်​မိူင်း​ဢမ်ႇ​ပႆႇ​လႅင်း​ၸိုင်၊ မၼ်း​ၸဝ်ႈ​လုၵ်ႉ​ယဝ်ႉ​ၸင်ႇ၊ ဢွၵ်ႇ​ၵႂႃႇ​ၶဝ်ႈ​ၵႃႈ​တီႈ​ၼႂ်း​ထိူၼ်ႇ​သေ​လႄႈ သူး​တွင်း​ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="36">သီႉမုၼ်ႇ ​တင်း ၶဝ်​ၸိူဝ်း​ဢၼ်​မီး​ယူႇ​လူၺ်ႈ​ၵၼ်​တင်း​မၼ်း​ၼၼ်ႉ ၸွမ်း​ႁႃ​မၼ်း​ၸဝ်ႈ​လႄႈ၊-</verse>
				<verse number="37">မိူဝ်ႈ​ဢၼ်​ထူပ်း​ႁၼ်​မၼ်း​ၸဝ်ႈ​ၸိုင်​လဝ်ႊ​လၢတ်ႈ​လႄႈ​ဝႃႈ၊ ၵူၼ်း​တင်း​သဵင်ႈ​တင်း​လူင်​ႁႃ​ၸဝ်ႈ​ႁဝ်း​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="38">မၼ်း​ၸဝ်ႈ​ၵေႃႈ လၢတ်ႈ​တီႈ​ၶဝ်​လႄႈ​ဝႃႈ၊ ၼင်ႇ​ႁိုဝ်​တၵ်း​လႆႈ​ႁေႃး​လၢတ်ႈ​တြႃး​ၸိုင်၊ ၵႂႃႇ​ၼႂ်း​ဝၢၼ်ႈ ဢၼ်​မီး​ၸမ်​ၵႃႈ​တီႈ​ႁိမ်း​ၼႆႈ​တႃႉ​ႁဝ်း။ ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ၼႆ​ၸိုင် ၵဝ်​မႃး​ယဝ်ႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="39">ႁေႃး​လၢတ်ႈ​တြႃး​ၵႃႈ​တီႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ ၼႂ်း​မိူင်း ၵႃႇလီႉလႄး ​ၵူႈ​တီႈ​ၵူႈ​လႅၼ်​လႄႈ ႁေႃႈ​ၽီ​ႁၢႆႉ​တင်း​လၢႆ ဢွၵ်ႇ​ပႅတ်ႈ​ယူႇ​ဢေႃႈ။</verse>
				<verse number="40">ၵူၼ်း​ဢၼ်​ပဵၼ်​တုတ်ႈ​ၵေႃႉ​ၼိုင်ႈ မႃး​တီႈ​မၼ်း​ၸဝ်ႈ​လႄႈ ၶုပ်ႉ​ၶဝ်ႇ​ယူႇ​သေ​လႄႈ တွင်း​ပၢၼ်ႇ​လဝ်ႊ​လၢတ်ႈ​လႄႈ​ဝႃႈ၊ ပေႃး​ၸဝ်ႈ​ႁဝ်း​မီး​ဢလူဝ်ႇ​ၸိုင်၊ ႁႂ်ႈ​ၵဝ်​ၶႃႈ မူတ်း​သႂ်​လႆႈ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="41">ယေႇသူႉ ​ၵေႃႈ မီး​ၸႂ်​ဢၼ်​ဢဵတ်း​လူ​လႄႈ ယိုၼ်ႈ​မိုဝ်း​မၼ်း​ၸဝ်ႈ​တိူဝ်ႉ​ၵေႃႉ​ၼၼ်ႉ​သေ​လႄႈ​လၢတ်ႈ​လႄႈ​ဝႃႈ၊ ၵဝ်​မီး​ဢလူဝ်ႇ​ယူႇ​ဢေႃႈ။ ႁႂ်ႈ​မူတ်း​သႂ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="42">တုတ်ႈ​မၼ်း​ၼၼ်ႉ ႁၢႆ​ၵမ်း​လဵဝ်​လႄႈ ႁွတ်ႈ​ထိုင်​တၢင်း​ဢၼ်​မူတ်း​သႂ်​မႃး​ဢေႃႈ။-</verse>
				<verse number="43">မၼ်း​ၸဝ်ႈ​ၵေႃႈ ႁၢမ်ႈ​တၢပ်ႈ​ႁႄႉ​ၶႅၼ်​မၼ်း​ၼႃႇ​လူင်​လၢင်​လႄႈ​ဝႃႈ၊-</verse>
				<verse number="44">မႂ်း​ႁဵတ်း​သတီႉ​တႃႉ။ လွင်ႈ​ၼႆႉ​ၸိုင် ယႃႇ​ပေ​လၢတ်ႈ​တီႈ​ၽူႈ​လႂ်​သေ​ဢိတ်း။ ၵူၺ်း​ၵႃႈ ၵႂႃႇ​ၼႄ​ပျႃး​တူဝ်​ၸဝ်ႈ​ၵဝ်ႇ ၵႃႈ​တီႈ​ယိတ်ႈပရေႃးႁဵၵ်ႈ​ပုၼ်ႉ​တႃႉ။ ၼင်ႇ​ႁိုဝ်​တၵ်း​ပဵၼ်​သၢၵ်ႈ​သေႇ​တီႈ​ပိူၼ်ႈ​တၢင်ႇ​ၵေႃႉ​ၸိုင်၊ ၵွပ်ႈ​ပိူဝ်ႈ​ဢၼ်​ႁွတ်ႈ​ထိုင်​တၢင်း​ဢၼ်​မူတ်း​သႂ်​လႄႈ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ ဢၼ်​ မူဝ်းသေႇ ​ၸီႇ​ယၢင်ႇ​သင်ႇ​လၢတ်ႈ​ဝႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ ပွႆႇ​မၼ်း​ၵႂႃႇ​ၵမ်း​လဵဝ်​ဢေႃႈ။-</verse>
				<verse number="45">ၵူၺ်း​ၵႃႈ ၵေႃႉ​ၼၼ်ႉ ဢွၵ်ႇ​ၵႂႃႇ လၢတ်ႈ​ၵႂၢမ်း​ၼမ်​ၼႃႇ​လႄႈ ႁႂ်ႈ​လွင်ႈ​တီႈ​ႁဵင်း​ ​ၼၼ်ႉ ၸွတ်ႇ​တူဝ်​ၵႂႃႇ ၵူႈ​တီႈ​ၵူႈ​လႅၼ်​ဢေႃႈ။ ပိူဝ်ႈ​ၼႆ​လႄႈ လိုၼ်း​ၼၼ်ႉ မၼ်း​ၸဝ်ႈ​ဢမ်ႇ​လႆႈ​ၶဝ်ႈ ထၢင်ႇ​ထၢင်ႇ​သႃး​သႃး​ၵႃႈ​ၼႂ်း​ဝဵင်း​လႄႈ လႆႈ​ယူႇ​ၵႃႈ​ၼွၵ်ႈ ၼႂ်း​ထိူၼ်ႇ​ၵူၺ်း​ဢေႃႈ။ ၶဝ်​လုၵ်ႉ​သေ​ၵူႈ​တီႈ​ၵူႈ​လႅၼ် မႃး​ၵႃႈ​တီႈ​မၼ်း​ၸဝ်ႈ​ဢေႃႈ။</verse>
			</chapter>
			<chapter number="2">
				<verse number="1">ဝၼ်း​ၼိုင်ႈ၊ လိုၼ်း​ၼၼ်ႉ မၼ်း​ၸဝ်ႈ​ၶိုၼ်း​ၶဝ်ႈ​ၵႂႃႇ​ၵႃႈ​ၼႂ်း​ဝဵင်း​ ၵပိူဝ်ႇၼေႇဢုမ်ႇ ​လႄႈ၊ မိူဝ်ႈ​ဢၼ်​ၶဝ်​ငိၼ်း​လွင်ႈ​ဢၼ်​မၼ်း​ၸဝ်ႈ မီး​ယူႇ​ၵႃႈ​ၼႂ်း​ႁိူၼ်း ႁိူၼ်း​ၼိုင်ႈ​ၸိုင်၊-</verse>
				<verse number="2">ၵူၼ်း​ၼမ်​ၼႃႇ ၸူႉ​ၵၼ်​တုမ်​ၵၼ်​ၵမ်း​လဵဝ် တေႃႇ​ထိုင်​ႁွတ်ႈ​ႁိမ်း​ၼႃႈ​ၽၵ်း​တူ​ထၼ်ႈ​ပေႃး​ဢမ်ႇ​မီး​တီႈ​ယူႇ​လႆႈ​လႄႈ မၼ်း​ၸဝ်ႈ​ႁေႃး​လၢတ်ႈ​တြႃး​တီႈ​ၶဝ်​ဢေႃႈ။</verse>
				<verse number="3">မိူဝ်ႈ​ၼၼ်ႉ ၶဝ်​ဢဝ်​ၵူၼ်း​ဢၼ်​တိၼ်​တၢႆ​မိုဝ်း​တၢႆ​ၵေႃႉ​ၼိုင်ႈ ဢၼ်​ၵူၼ်း​သီႇ​ၵေႃႉ​ႁၢပ်ႇ​ၼၼ်ႉ မႃး​သူင်ႇ​ၵႃႈ​တီႈ​မၼ်း​ၸဝ်ႈ​ဢေႃႈ။-</verse>
				<verse number="4">ၵွပ်ႈ​ပိူဝ်ႈ​ဢၼ် မီး​ၵူၼ်း ဢၼ်​ၸူႉ​ဢၼ်​တုမ်​ၼမ်​ၼႃႇ​လႄႈ ၶဝ်​ဢမ်ႇ​သုတ်ႉ​မႃး​တီႈ​မၼ်း​ၸဝ်ႈ​လႆႈ​လႄႈ ၶုတ်း​ယႃႉ​ဢၼ်​မုင်း​ႁိူၼ်း ဢၼ်​မီး​ၵႃႈ​ၼိူဝ်​မၼ်း​ၸဝ်ႈ​ၼၼ်ႉ​ယဝ်ႉ​ၸင်ႇ၊ ဢဝ်​ၵူႇ​တီႈ​ၼွၼ်း တင်း​ၵေႃႉ​ဢၼ် တိၼ်​တၢႆ​မိုဝ်း​တၢႆ​ၼၼ်ႉ ယွၼ်ႇ​တူၵ်း​ၵူပ်ႉ​ၵၼ်​ဢေႃႈ။-</verse>
				<verse number="5">ယေႇသူႉ ​ႁၼ်​တၢင်း​ဢၼ်​ယုမ်ႇ​မၢတ်ႈ​ၶဝ်​သေ​ယဝ်ႉ၊ လၢတ်ႈ​တီႈ​ၵေႃႉ​ဢၼ်​တိၼ်​တၢႆ​မိုဝ်း​တၢႆ​ၼၼ်ႉ​လႄႈ​ဝႃႈ၊ လုၵ်ႈ​ၵဝ်​ဢိူၺ်း၊ ဢပႅတ်ႈ​မႂ်း​ၸိုင် ပွႆႇ​လွတ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၵူၼ်း​ထုတ်ႇ​ၵျၢမ်း​ၵမ်ႈ​ၽွင်ႈ ဢၼ်​ၼင်ႈ​ယူႇ​ၵႃႈ​တီႈ​ၼၼ်ႈ​ၼၼ်ႉ ထၢင်ႇ​ၼႂ်း​ၸႂ်​လႄႈ​ဝႃႈ၊-</verse>
				<verse number="7">ႁဵတ်း​သင်​လႄႈ​ၵေႃႉ​ၼႆႉ လၢတ်ႈ​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။ မၼ်း​လၢတ်ႈ​ပူၼ်ႉ​လၢတ်ႈ​လိူဝ်​ၽြႃး​ပဵၼ်​ၸဝ်ႈ​ဢေႃႈ။ လိူဝ်​သေ​ၽြႃး​ပဵၼ်​ၸဝ်ႈ​သူႇ​လဵဝ်​ၵူၺ်း ၽူႈ​လႂ်​ၸၢင်ႈ​ပွႆႇ​လွတ်ႈ​ဢပႅတ်ႈ​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ယေႇသူႉ ​ႁူႉ​ႁၼ်​လွင်ႈ​ဢၼ် ၶဝ်​ထၢင်ႇ​ၼႂ်း​ၸႂ်​လႄႈ ဝႃႈ​ၼၼ်ႉ​ၵႃႈ​ၼႂ်း​ၸႂ်​တူဝ်​ၸဝ်ႈ​ၵဝ်​ၵမ်း​လဵဝ်​သေ​ယဝ်ႉ၊ လၢတ်ႈ​တီႈ​ၶဝ်​လႄႈ​ဝႃႈ၊ ၼႂ်း​ၸႂ်​သူ ႁဵတ်း​သင်​လႄႈ​ထၢင်ႇ​ဝႃႈ ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။-</verse>
				<verse number="9">ၵႂၢမ်း​ဢၼ်​လႂ်​ယဵင်ႈ​ၶႅၼ်း​လၢတ်ႈ​ငၢႆႈ တီႈ​ၵေႃႉ​ဢၼ်​တိၼ်​တၢႆ​မိုဝ်း​တၢႆ​ၼၼ်ႉ။ ဢပႅတ်ႈ​မႂ်း​ၸိုင်​ပွႆႇ​လွတ်ႈ​ယဝ်ႉ၊ ဢၼ်​ဝႃႈ​ၼင်ႇ​ၼႆ​ၼၼ်ႉ​လၢတ်ႈ​ငၢႆႈ​ႁိုဝ်။ မႂ်း​လုၵ်ႉ​ဢဝ်​တီႈ​ၼွၼ်း​မႂ်း​လႄႈ ပႆ​တၢင်း​ၵႂႃႇ​တႃႉ၊ ဢၼ်​ဝႃႈ​ၼင်ႇ​ၼႆ​ၼၼ်ႉ၊ လၢတ်ႈ​ငၢႆႈ​ႁိုဝ်။-</verse>
				<verse number="10">ၼင်ႇ​ႁိုဝ်​သူ​တၵ်း​ႁူႉ​လွင်ႈ​ဢၼ် လုၵ်ႈ​ၵူၼ်း​ပိူင်ႇ​ပွႆႇ​လွတ်ႈ​ဢပႅတ်ႈ ၵႃႈ​ၼိူဝ်​လိၼ်​မိူင်း​ဝႃႈ​ၼႆ၊ မၼ်း​ၸဝ်ႈ​သမ်ႉ​လၢတ်ႈ​တီႈ​ၵေႃႉ​ဢၼ် တိၼ်​တၢႆ​မိုဝ်း​တၢႆ​ၼၼ်ႉ​ထႅင်ႈ​လႄႈ​ဝႃႈ၊-</verse>
				<verse number="11">ၵဝ်​ဝႃႈ​တီႈ​မႂ်း၊ လုၵ်ႉ​ဢဝ်​တီႈ​ၼွၼ်း​မႂ်း​လႄႈ မိူဝ်း​ၵႂႃႇ​ၵႃႈ​တီႈ​ႁိူၼ်း​မႂ်း​ပုၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵေႃႉ​ၼၼ်ႉ​ၵေႃႈ လုၵ်ႉ​ဢဝ်​တီႈ​ၼွၼ်း​မၼ်း ဢွၵ်ႇ​ၵႂႃႇ​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင်​ၵမ်း​လဵဝ်​လႄႈ ၵူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ ထၼ်ႈ​ပေႃး​ၵႂင်​ၸႂ်​ယုင်ႈ​ၸႂ်​သေ​လႄႈ ယွင်ႈ​ယေႃး​ၽြႃး​ပဵၼ်​ၸဝ်ႈ​လႄႈ​ဝႃႈ၊ ဢမ်ႇ​တွၼ်ႉ​ႁၼ်​ၸိူဝ်ႉ​ၼင်ႇ​ၼႆ​သေ​ပွၵ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">လိုၼ်း​ၼၼ်ႉ မၼ်း​ၸဝ်ႈ​သမ်ႉ ၵႂႃႇ​ၵႃႈ​တီႈ​ႁိမ်း​ၽင်ႇ​ၼွင်​ထႅင်ႈ​လႄႈ ၵူၼ်း​ဢၼ်​ၸူႉ​ဢၼ်​တုမ်​ၵႃႈ​မီး​တင်း​သဵင်ႈ​တင်း​လူင် မႃး​တီႈ​မၼ်း​ၸဝ်ႈ​လႄႈ မၼ်း​ၸဝ်ႈ​သင်ႇ​သွၼ်​ပၼ်​ၶဝ်​ဢေႃႈ။</verse>
				<verse number="14">ၼႂ်း​မိူဝ်ႈ​ဢၼ် မၼ်း​ၸဝ်ႈ​ၸွမ်း​တၢင်း​ၵႂႃႇ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ထူပ်း​ႁၼ် လေႇဝီႉ လုၵ်ႈ​ၸၢႆး ဢႃႇလၽႄး ​ၼၼ်ႉ ၼင်ႈ​ယူႇ​ၵႃႈ​တီႈ​သုမ်ႉ​ထဵင်​ၵဵပ်း​ၶွၼ်ႇ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ၸွမ်း​ပႃႈ​လင်​ၵဝ်​တႃႉ။ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ၵေႃႉ​ၼၼ်ႉ​ၵေႃႈ လုၵ်ႉ​ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။-</verse>
				<verse number="15">လိုၼ်း​ၼၼ်ႉ​ၸင်ႇ၊ ၼႂ်း​မိူဝ်ႈ​ဢၼ် မၼ်း​ၸဝ်ႈ​ဢိင်​ယူႇ​ႁိမ်း​တီႈ​ၵိၼ်​ၵႃႈ​ၼႂ်း​ႁိူၼ်း ၵေႃႉ​ၼၼ်ႉ​ၸိုင် ၵူၼ်း​ၵဵပ်း​ၶွၼ်ႇ​တင်း​ၵူၼ်း​ႁၢႆႉ​ၼမ်​ၼႃႇ ဢိင်​ယူႇ​လူၺ်ႈ​ၵၼ်​တင်း​မၼ်း​ၸဝ်ႈ တင်း​တပႄး​ၸဝ်ႈ​တင်း​လၢႆ ႁိမ်း​တီႈ​ၵိၼ်​ၼၼ်ႉ​ဢေႃႈ။ ၶဝ်​ၼၼ်ႉ ၼမ်​ၼႃႇ​လႄႈ ဢွၼ်​ၵၼ်​ၸွမ်း​ပႃႈ​လင်​မၼ်း​ၸဝ်ႈ​ယူႇ​ဢေႃႈ။-</verse>
				<verse number="16">ၵူၼ်း​ထုတ်ႇ​ၵျၢမ်း ဢိၵ်ႇ​တင်း ၽႃႇရီႉသႄး ​တင်း​လၢႆ၊ မိူဝ်ႈ​ဢၼ်​ႁၼ်​မၼ်း​ၸဝ်ႈ ၵိၼ်​လူၺ်ႈ​ၵၼ်​တင်း ၵူၼ်း​ၵဵပ်း​ၶွၼ်ႇ​တင်း​ၵူၼ်း​ႁၢႆႉ​ၸိူဝ်း​ၼၼ်ႉ​ၸိုင် လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊ ႁဵတ်း​သင်​လႄႈ​မၼ်း​ၼၼ်ႉ ၵိၼ်​လူၺ်ႈ​ၵၼ်​တင်း​ၵူၼ်း​ႁၢႆႉ တင်း​ၵူၼ်း​ၵဵပ်း​ၶွၼ်ႇ တင်း​လၢႆ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ယေႇသူႉ ​ၼၼ်ႉ မိူဝ်ႈ​ဢၼ်​ငိၼ်း​ၸိုင် လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၶဝ်​ၸိူဝ်း​ဢၼ်​ယူႇ​လီ​ၼၼ်ႉ ဢမ်ႇ​လူဝ်ႇ​မေႃ​ယႃ​ဢေႃႈ။ ၶဝ်​ၸိူဝ်း​ဢၼ်​မီး​တၢင်း​ၶႆႈ​တၢင်း​ပဵၼ်​ၼၼ်ႉ​ၵူၺ်း လူဝ်ႇ​မေႃ​ယႃ​ဢေႃႈ။ ၵဝ်​မႃး​ႁႂ်ႈ​လႆႈ​ႁွင်ႉ​ဢဝ် ၵူၼ်း​သိုဝ်ႈ​တေႃႇ​တင်း​လၢႆ​ဢမ်ႇ​ၸႂ်ႈ။ ၵဝ်​မႃး​ႁႂ်ႈ​လႆႈ​ႁွင်ႉ​ဢဝ်​ၵူၼ်း​ႁၢႆႉ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">မိူဝ်ႈ​ၼၼ်ႉ တပႄး​ၸဝ်ႈ​ ယူဝ်းႁၢၼ်ႇ ဢိၵ်ႇ​တင်း​ ၽႃႇရီႉသႄး ​တင်း​လၢႆ ယင်း​တိုၵ်ႉ​ၵမ်​တၢင်း​ၵိၼ်​ယူႇ​လႄႈ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ လဝ်ႊ​ထၢမ်​လႄႈ​ဝႃႈ၊ တပႄး​ ယူဝ်းႁၢၼ်ႇ ဢိၵ်ႇ​တင်း ၽႃႇရီႉသႄး ​တင်း​လၢႆ ၵမ်​တၢင်း​ၵိၼ်​ယူႇ​ဢေႃႈ။ ႁဵတ်း​သင်​လႄႈ တပႄး​ၸဝ်ႈ​ႁဝ်း​ၸိူဝ်း​ၼႆႉ ဢမ်ႇ​ၵမ်​တၢင်း​ၵိၼ်​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​ၵေႃႉ​ဢၼ်​သွင်ႇ​မင်ႇၵလႃႇ မီး​ယူႇ​လူၺ်ႈ​ၵၼ်​တင်း​ၵေႃႉ​သေႈ​မၼ်း​တင်း​လၢႆ​ၼၼ်ႉ​ၸိုင်၊ ၶဝ်​ၼၼ်ႉ​ၸၢင်ႈ​ၵမ်​တၢင်း​ၵိၼ်​ႁိုဝ်။ ၸူဝ်ႈ​ဢၼ်​မၼ်း​မီး​ယူႇ​လူၺ်ႈ​ၵၼ်​တင်း​ၶဝ်​ၸိုင် ၶဝ်​ဢမ်ႇ​ၸၢင်ႈ​ၵမ်​တၢင်း​ၵိၼ်။-</verse>
				<verse number="20">ၶိင်ႇ​ၵႃႇလႃႉ​ဢၼ်​တၵ်း​လႆႈ​ဢဝ်​ၵေႃႉ​ဢၼ် သွင်ႇ​မင်ႇၵလႃႇ​ၼၼ်ႉ ၽၢတ်ႇ​ၵၼ်​တင်း​ၵေႃႉ​သေႈ​မၼ်း​တင်း​လၢႆ​ၼၼ်ႉ​ၸိုင် တၵ်း​ႁွတ်ႈ​မႃး​ဢေႃႈ။ ၶိင်ႇ​မိူဝ်ႈ​ၼၼ်ႉ ၶဝ်​တၵ်း​ၵမ်​တၢင်း​ၵိၼ်​ဢေႃႈ။-</verse>
				<verse number="21">ၽူႈ​လႂ်​ဢမ်ႇ​ဢဝ် ၶူဝ်း​မႂ်ႇ​ၽုင်​ၵုပ်း​ၶူဝ်း​ၵဝ်ႇ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် ၶူဝ်း​မႂ်ႇ ဢၼ်​ၽုင်​ၵုပ်း​ၼၼ်ႉ တၵ်း​ႁုတ်ႉ​ၸၼ် ၶူဝ်း​ၵဝ်ႇ​လႄႈ ႁူး​မၼ်း​ယဵင်ႈ​ၶႅၼ်း​တၵ်း​ႁၢႆႉ​ဢေႃႈ။-</verse>
				<verse number="22">ပိူင်​လဵဝ်​ၵၼ်၊ ၽူႈ​လႂ် ဢမ်ႇ​ဢဝ်​ၼမ်ႉ​ၸပိတ်ႈ​ဢၼ်​မႂ်ႇ သႂ်ႇ​ၼႂ်း​ထူင်​ၼင်​ဢၼ်​ၵဝ်ႇ။ ပေႃး​သႂ်ႇ​ၸိုင်၊ ၼမ်ႉ​ၸပိတ်ႈ​ဢၼ်​မႂ်ႇ​ၼၼ်ႉ တၵ်း​ႁႂ်ႈ​ထူင်​ၼင်​တႅၵ်ႇ​လႄႈ ၼမ်ႉ​ၸပိတ်ႈ​တင်း​ထူင်​ၼင်​ၼၼ်ႉ​ၵေႃႈ တၵ်း​လူႉ​တၵ်း​လႅဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ၼႂ်း​ဝၼ်း​ၵမ်​သိၼ်​ဝၼ်း​ၼိုင်ႈ၊ မိူဝ်ႈ​ဢၼ်​မၼ်း​ၸဝ်ႈ​ၽႃႇ​လတ်း​ၵႂႃႇ ၵႃႈ​ၼႂ်း​ႁႆႊ​ၶဝ်ႈ​ၵျုင်ႇ​ယူႇ​ၼၼ်ႉ​ၸိုင်၊ တပႄး​ၸဝ်ႈ​တင်း​လၢႆ ပႆ​တၢင်း​ၵႂႃႇ​ယူႇ​သေ​လႄႈ ယၵ်း​ဢဝ် ႁူင်း​ၶဝ်ႈ​ၵျုင်ႇ​ဢေႃႈ။-</verse>
				<verse number="24">ၽႃႇရီႉသႄး ​တင်း​လၢႆ​ၵေႃႈ လဝ်ႊ​လၢတ်ႈ​တီႈ​မၼ်း​ၸဝ်ႈ​လႄႈ​ဝႃႈ၊ တူၺ်း​လူး၊ လွင်ႈ​ဢၼ်​ဢမ်ႇ​ထုၵ်ႇ​လီ​ႁဵတ်း​ၼႂ်း​ဝၼ်း​ၵမ်​သိၼ်​ၸိုင် ႁဵတ်း​သင်​လႄႈ ၶဝ်​ၸိူဝ်း​ၼႆႉ​ႁဵတ်း​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မၼ်း​ၸဝ်ႈ​ၵေႃႈ လၢတ်ႈ​လႄႈ​ဝႃႈ၊ လွင်ႈ​ဢၼ် တႃႇဝိတ်ႈ ​ႁဵတ်း​ၼႂ်း​မိူဝ်ႈ​ဢၼ်​မၼ်း ဢိၵ်ႇ​တင်း ၶဝ်​ၸိူဝ်း​ဢၼ် မီး​လူၺ်ႈ​ၵၼ်​တင်း​မၼ်း​တင်း​လၢႆ ဢိုပ်း​တၢင်း​ၵိၼ်​လႄႈ ဢမ်ႇ​ယူႇ​လႆႈ ၼၼ်ႉ၊-</verse>
				<verse number="26">ဢၼ်​ဝႃႈ​လွင်ႈ​ဢၼ်​မၼ်း​ၶဝ်ႈ​ၵႂႃႇ ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​သေ​လႄႈ ၵိၼ်​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ ဢၼ်​ယိတ်ႈပရေႃးႁဵၵ်ႈ​ၵူၺ်း​ၵူၺ်း ထုၵ်ႇ​လီ​ၵိၼ်​ၼၼ်ႉ​လႄႈ သမ်ႉ​ဢဝ်​ပၼ်​တီႈ​ၶဝ်​ၸိူဝ်း​ဢၼ် မီး​လူၺ်ႈ​ၵၼ်​တင်း​မၼ်း ၼႂ်း​ၸူဝ်ႈ​ပၢၼ် ယိတ်ႈပရေႃးႁဵၵ်ႈ​လူင် ဢႃႇပျႃႇထႃႇ ​ၼၼ်ႉ​ၸိုင်၊ သူ​ဢမ်ႇ​ယၢမ်ႈ​လႆႈ​ၽတ်း​ႁိုဝ်။-</verse>
				<verse number="27">လိူဝ်​သေ​ၼၼ်ႉ၊ ဝၼ်း​ၵမ်​သိၼ်​ပဵၼ်​ပုၼ်ႈ​ၵူၼ်း​ဢေႃႈ။ ၵူၼ်း​ပဵၼ်​ပုၼ်ႈ​ဝၼ်း​ၵမ်​သိၼ်​ဢမ်ႇ​ၸႂ်ႈ။-</verse>
				<verse number="28">ပိူဝ်ႈ​ၼႆ​လႄႈ လုၵ်ႈ​ၵူၼ်း​ပဵၼ်​ၸဝ်ႈ​ဝၼ်း​ၵမ်​သိၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="3">
				<verse number="1">မၼ်း​ၸဝ်ႈ​သမ်ႉ​ၶိုၼ်း​ၶဝ်ႈ​ၵႂႃႇ ၵႃႈ​ၼႂ်း​ၸရွပ်ႈ​ႁေႃး​တြႃး​လႄႈ ၼႂ်း​တီႈ​ၼၼ်ႈ မီး​ၵူၼ်း​ဢၼ်​မိုဝ်း​ႁဵဝ်ႇ​ၶွၼ်​ၼိုင်ႈ​ၵေႃႉ​ၼိုင်ႈ​ဢေႃႈ။-</verse>
				<verse number="2">ၼႂ်း​ဝၼ်း​ၵမ်​သိၼ် မၼ်း​ၸဝ်ႈ​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​မၼ်း​ၼၼ်ႉ​ႁၢႆ​ႁိုဝ်။ တၵ်း​ဢမ်ႇ​ႁႂ်ႈ​ႁၢႆ​ႁိုဝ်​ဝႃႈ​ၼႆ၊ ၶဝ်​ၼၼ်ႉ ၼင်ႇ​ႁိုဝ်​တၵ်း​မီး​တီႈ​တၢင်ႇ​ဢပႅတ်ႈ ၵႃႈ​ၼိူဝ်​မၼ်း​ၸဝ်ႈ​ၸိုင် လွမ်​တူၺ်း​မၼ်း​ၸဝ်ႈ​ယူႇ​ဢေႃႈ။-</verse>
				<verse number="3">မၼ်း​ၸဝ်ႈ​ၵေႃႈ လၢတ်ႈ​တီႈ​ၵူၼ်း​ဢၼ်​မိုဝ်း​ႁဵဝ်ႇ​ၶွၼ်​ၼိုင်ႈ​ၼၼ်ႉ​လႄႈ​ဝႃႈ၊ လုၵ်ႉ​ၸုၵ်း​ယူႇ​ၼႂ်း​ၶိုင်ႈ​ၵၢင်​ၼႆႉ​တႃႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="4">မၼ်း​ၸဝ်ႈ သမ်ႉ​ထၢမ်​ၶဝ်​ၼၼ်ႉ​လႄႈ​ဝႃႈ၊ ဝၼ်း​ၵမ်​သိၼ်​ထုၵ်ႇ​လီ​ႁဵတ်း​ၵျေး​ၸူး​ႁိုဝ်။ ထုၵ်ႇ​လီ​ယႃႉ တၢင်း​လီ​ပိူၼ်ႈ​ႁိုဝ်။ ထုၵ်ႇ​လီ​ၶျွတ်ႈ​ဢဝ်​ဢသၢၵ်ႈ​ႁိုဝ်။ ထုၵ်ႇ​လီ​ဢဝ်​တၢႆ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ ယူႇ​တဵတ်ႇ​တဵတ်ႇ​ယူႇ​ဢေႃႈ။-</verse>
				<verse number="5">မိူဝ်ႈ​ၼၼ်ႉ မၼ်း​ၸဝ်ႈ ပႃး​တင်း တၢင်း​ၸႂ်​မႆႈ​ၶႆႈ​ၸႃႉ လူ​တူၺ်း​လဵပ်ႈ​ႁွပ်ႈ​သေ​လႄႈ မီး​တၢင်း​ဢၼ်​မႆႈ​ၸႂ် ၵွပ်ႈ​ပိူဝ်ႈ​ဢၼ် ႁူဝ်​ၸႂ်​ၶဝ်​ၵႅၼ်ႇ​ၶႅင်​ၼႃႇ​ၼၼ်ႉ​လႄႈ လၢတ်ႈ​တီႈ​ၵေႃႉ​ၼၼ်ႉ​လႄႈ​ဝႃႈ၊ ယဵတ်ႇ​မိုဝ်း​မႂ်း​တႃႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ၵေႃႉ​ၼၼ်ႉ​ယဵတ်ႇ​မိုဝ်း​မၼ်း​လႄႈ မိုဝ်း​မၼ်း​ၼၼ်ႉ လီ​မႃး​ဢေႃႈ။</verse>
				<verse number="6">မိူဝ်ႈ​ၼၼ်ႉ ၽႃႇရီႉသႄး ​ၸိူဝ်း​ၼၼ်ႉ ဢွၵ်ႇ​ၵႂႃႇ​သေ​လႄႈ၊ လွင်ႈ​ဢၼ်​တၵ်း​လႆႈ​ယႃႉ​မၼ်း​ၸဝ်ႈ​ၸိူဝ်ႉ​ၼင်ႇ​ႁိုဝ်​ၸိုင် တိူင်ႇ​ပၢင်ႇ​လၢတ်ႈ​ၸႃ​ၵၼ်​တင်း တပႄး​ ႁေႇရူတ်ႈ ​တင်း​လၢႆ​ၵမ်း​လဵဝ်​ဢေႃႈ။</verse>
				<verse number="7">ယေႇသူႉ ဢိၵ်ႇ​တင်း​တပႄး​ၸဝ်ႈ​တင်း​လၢႆ ၶၢႆႉ​ၵႂႃႇ​ၵႃႈ​တီႈ​ႁိမ်း​ၼွင်​ပုၼ်ႉ​လႄႈ ၵူၼ်း​ၼမ်​ၼႃႇ​ဢၼ်​လုၵ်ႉ​သေ​ၵႃႈ​တီႈ​မိူင်း ၵႃႇလီႉလႄး ​မႃး​ၼၼ်ႉ ၸွမ်း​မၼ်း​ၸဝ်ႈ​ယူႇ​လႄႈ၊-</verse>
				<verse number="8">ၸႃႉ​ၸဵမ်​ၵႃႈ​တီႈ​မိူင်း​ ယူႉတႃႉ ၊ ၵႃႈ​တီႈ​ဝဵင်း​ ယေႇရူႉသလႅမ်ႇ ၊ ၵႃႈ​တီႈ​မိူင်း​ ဢီႉတူႉမေႇ ၊ ၵႃႈ​တီႈ​တၢင်း​ၽၢႆႇ​ပုၼ်ႉ​ၼမ်ႉ​ႁွင်ႈ ယေႃးတၢၼ်ႇ ၊ ၵႃႈ​တီႈ​ႁိမ်း ဝဵင်း​ တူႉရူႉ တင်း​ဝဵင်း​ ၸီႉတုမ်ႇ ​တင်း​လၢႆ​ၸိူဝ်း​ၼၼ်ႉ ၵူၼ်း​ၼမ်​ၼႃႇ​ငိၼ်း​လွင်ႈ​ဢၼ် မၼ်း​ၸဝ်ႈ​ႁဵတ်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​လႄႈ မႃး​ၸူး​မၼ်း​ၸဝ်ႈ​ဢေႃႈ။-</verse>
				<verse number="9">ၵွပ်ႈ​ပိူဝ်ႈ​ၵူၼ်း​ဢၼ်​ၸူႉ​ဢၼ်​တုမ်​ၼၼ်ႉ​လႄႈ လွင်ႈ​ၼင်ႇ​ႁိုဝ် ၶဝ်​တၵ်း​ဢမ်ႇ​လႆႈ​ၽိုတ်ႉ​လႆႈ​ဢီး​မၼ်း​ၸဝ်ႈ​ၸိုင် မၼ်း​ၸဝ်ႈ​မီး​ဢမိင်ႉ​တီႈ​တပႄး​ၸဝ်ႈ​တင်း​လၢႆ ႁႂ်ႈ​ႁိူဝ်း​ဢွၼ်ႇ​လမ်း​ၼိုင်ႈ ပႂ်ႉ​ယူႇ​ႁိမ်း​မၼ်း​ၸဝ်ႈ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ ပိူဝ်ႈ​ဢၼ်​မၼ်း​ၸဝ်ႈ​ပၼ် ၵတ်း​ယဵၼ်​ၶျၢမ်း​သႃႇ​တီႈ​ၵူၼ်း​ၼမ်​ၼႃႇ​လႄႈ ၶဝ်​ၸိူဝ်း​ဢၼ်​မီး​တၢင်း​ၶႆႈ​တၢင်း​ပဵၼ်​ၵႃႈ​မီး​တင်း​သဵင်ႈ​တင်း​လူင် ၽိုတ်ႉ​ဢီး​ၸူး​မၼ်း​ၸဝ်ႈ ႁႂ်ႈ​လႆႈ​တိူဝ်ႉ​မၼ်း​ၸဝ်ႈ​ဢေႃႈ။-</verse>
				<verse number="11">ၽီ​ႁၢႆႉ​ဢၼ်​ၵူဝ်ႈ​ၵိူၵ်ႇ​တင်း​လၢႆ​ၵေႃႈ မိူဝ်ႈ​ဢၼ်​ႁၼ်​မၼ်း​ၸဝ်ႈ​ၸိုင်၊ ၶုပ်ႉ​မူပ်ႇ​သေ​လႄႈ ႁွင်ႉ​သႅၼ်ႇ​လႄႈ​ဝႃႈ၊ ၸဝ်ႈ​ႁဝ်း​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">လွင်ႈ​ၼင်ႇ​ႁိုဝ် ၶဝ်​ၼၼ်ႉ တၵ်း​ဢမ်ႇ​လႆႈ​ႁႂ်ႈ​သတၢင်း​သဵင်​ၶၢဝ်ႇ​မၼ်း​ၸဝ်ႈ​ဢွၵ်ႇ​ၸိုင်၊ မၼ်း​ၸဝ်ႈ​သင်ႇ​လၢတ်ႈ​ပၼ်​တီႈ​ၶဝ်​ၼႃႇ​လူင်​လၢင်​ဢေႃႈ။</verse>
				<verse number="13">မိူဝ်ႈ​ၼၼ်ႉ မၼ်း​ၸဝ်ႈ​ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ပုၼ်ႉ​သေ​ယဝ်ႉ၊ ႁွင်ႉ​ဢဝ်​ၶဝ်​ၸိူဝ်း​ဢၼ် မၼ်း​ၸဝ်ႈ​မီး​ဢလူဝ်ႇ​တင်း​လၢႆ​ၼၼ်ႉ​လႄႈ၊ ၶဝ်​ၼၼ်ႉ​ၵေႃႈ မႃး​ၵႃႈ​တီႈ မၼ်း​ၸဝ်ႈ​ဢေႃႈ။-</verse>
				<verse number="14">မၼ်း​ၸဝ်ႈ​ၶၢၼ်း​ဝႆႉ​ၶဝ် သိပ်း​သွင်​ပႃး လွင်ႈ​ၼင်ႇ​ႁိုဝ် ၶဝ်​တၵ်း​မီး​ယူႇ​လူၺ်ႈ​ၵၼ်​တင်း​မၼ်း​ၸဝ်ႈ ဢိၵ်ႇ​တင်း​လွင်ႈ​ၼင်ႇ​ႁိုဝ်​တၵ်း​ပွႆႇ​ၸႂ်ႉ​ၶဝ်​ၵႂႃႇ ႁႂ်ႈ​လႆႈ​ႁေႃး​လၢတ်ႈ​တြႃး​လႄႈ၊-</verse>
				<verse number="15">မီး​ဢၶႂၢင်ႉ​ဢၼ်​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​လႄႈ ႁေႃႈ​ၽီ​ႁၢႆႉ​တင်း​လၢႆ ဢွၵ်ႇ​ပႅတ်ႈ​ဢေႃႈ။-</verse>
				<verse number="16">သိပ်း​သွင်​ပႃး​ၼၼ်ႉ​ၸမ်ႉ၊ ပဵၼ်​ သီႉမုၼ်ႇ ဢၼ်​မၼ်း​ၸဝ်ႈ​ပၼ်​ၸိုဝ်ႈ​မႂ်ႇ ပေႇတရူႉ ၊-</verse>
				<verse number="17">တင်း​ ယႃႇၵုပ်ႈ လုၵ်ႈ​ၸၢႆး ၸေႇပေႇတႄး တင်း​ၼွင်ႉ​ၸၢႆး​မၼ်း ယူဝ်းႁၢၼ်ႇ ​သွင်​ၶႃ၊ ဢၼ်​မၼ်း​ၸဝ်ႈ​ပၼ်​ၸိုဝ်ႈ​မႂ်ႇ ၽူဝ်ႇဢၢၼ်ၼိူဝ်ႇၵိတ်ႉ ​ဢၼ်​ဝႃႈ​လုၵ်ႈ​ၽႃႉ​လင် ဝႃႈ​ၼႆ၊-</verse>
				<verse number="18">တင်း​ ဢၼ်ႇတရေႇ တင်း​ ၽီႉလိပ်ႉပူႉ တင်း​ ပႃႇထေႃးလမႄး တင်း​ မၢတ်ႈထႄႇ တင်း​ ထူဝ်းမႃႉ တင်း​ ယႃႇၵုပ်ႈ လုၵ်ႈ​ၸၢႆး ဢႃႇလၽႄး တင်း​ ထတ်ႉတေႇ တင်း​ သီႉမုၼ်ႇ ၵူၼ်း​ ၵႃႇၼၼီႉ -</verse>
				<verse number="19">တင်း ယူႉတႃႉ ဢီႉသၵႃႇရေႇဢုတ်ႈ ဢၼ်​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ​ဢေႃႈ။</verse>
				<verse number="20">ၶဝ်​ၼၼ်ႉ ၶဝ်ႈ​ၵႂႃႇ​ၵႃႈ​ၼႂ်း​ႁိူၼ်း ႁိူၼ်း​ၼိုင်ႈ​လႄႈ ၵူၼ်း​ၼမ်​ၼႃႇ သမ်ႉ​ၸူႉ​ၵၼ်​တုမ်​ၵၼ်​ထႅင်ႈ တေႃႇ​ထိုင်​ႁွတ်ႈ​ၶဝ်​ထၼ်ႈ​ပေႃး ဢမ်ႇ​ၵိၼ်​တၢင်း​ၵိၼ်​လႆႈ​ဢေႃႈ။-</verse>
				<verse number="21">မိူဝ်ႈ​ဢၼ်​ပီႈ​ၼွင်ႉ​မၼ်း​ၸဝ်ႈ​တင်း​လၢႆ ငိၼ်း​ၼၼ်ႉ​ၸိုင်၊ ၶဝ်​ဢွၵ်ႇ​ၵႂႃႇ​ႁႂ်ႈ​လႆႈ​တီႉ​ဢဝ်​မၼ်း​ၸဝ်ႈ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​ဝႃႈ၊ မၼ်း​ယွင်ႇ​ၵႂႃႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၵူၼ်း​ထုတ်ႇ​ၵျၢမ်း​ဢၼ်​လုၵ်ႉ​သေ​ၵႃႈ​တီႈ ဝဵင်း​ ယေႇရူႉသလႅမ်ႇ မႃး​ၸိူဝ်း​ၼၼ်ႉ​ၵေႃႈ​ဝႃႈ၊ မၼ်း​မီး ပေႇလႃႉၸေႇပူႉလႃႉ ​ဢေႃႈ။ မၼ်း​ဢိင်​ပိုင်ႈ​ၶုၼ်​ၽီ​ႁၢႆႉ​ၼၼ်ႉ​သေ​လႄႈ ႁေႃႈ​ၽီ​ႁၢႆႉ​တင်း​လၢႆ​ဢွၵ်ႇ​ပႅတ်ႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​ၸဝ်ႈ​ႁွင်ႉ​ၶဝ်​မႃး​သေ​လႄႈ ဢဝ်​ၵႂၢမ်း​ဢူႉပမႃႇ​လၢတ်ႈ​လႄႈ​ဝႃႈ၊ ၸႃႇတၢၼ်ႇ ​ႁေႃႈ ၸႃႇတၢၼ်ႇ ​ပႅတ်ႈ​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="24">ပေႃး​မိူင်း​ဢမ်ႇ​ထုၵ်ႇ​ဢမ်ႇ​ပေႃး​ၵၼ် ၽၢတ်ႇ​ၽႄ​ၵၼ်​တင်း​တူဝ်​ၸဝ်ႈ​ၵဝ်​ယူႇ​ၸိုင် မိူင်း​ၼၼ်ႉ ဢမ်ႇ​မၼ်ႈ​ဢမ်ႇ​ၶိူင်ႇ​လႆႈ။-</verse>
				<verse number="25">ႁိူၼ်း​ၵေႃႈ​ပေႃး​ဢမ်ႇ​ထုၵ်ႇ​ဢမ်ႇ​ပေႃး​ၵၼ် ၽၢတ်ႇ​ၽႄ​ၵၼ်​တင်း​တူဝ်​ၸဝ်ႈ​ၵဝ်​ယူႇ​ၸိုင် ႁိူၼ်း​ၼၼ်ႉ ဢမ်ႇ​မၼ်ႈ​ဢမ်ႇ​ၶိူင်ႇ​လႆႈ။-</verse>
				<verse number="26">ၸႃႇတၢၼ်ႇ ​ၼၼ်ႉ ပေႃး​လုၵ်ႉ​ယူႇ​ၽၢႆႇ​ၼိုင်ႈ​လႄႈ ဢမ်ႇ​ထုၵ်ႇ​ဢမ်ႇ​ပေႃး​ၵၼ် ၽၢတ်ႇ​ၽႄ​ၵၼ်​တင်း​တူဝ်​ၸဝ်ႈ​ၵဝ်ႇ​ယူႇ​ၸိုင်၊ ဢမ်ႇ​မၼ်ႈ​ဢမ်ႇ​ၶိူင်ႇ​လႆႈ။ တၵ်း​ႁွတ်ႈ​ထိုင်​တၢင်း​ဢၼ်​သုတ်း​ဢၼ်​သုမ်း​ဢေႃႈ။-</verse>
				<verse number="27">ပေႃး​ဢမ်ႇ​မတ်ႉ​ၽုၵ်ႇ​ၵူၼ်း​ႁႅင်း​ဝႆႉ​ဢွၼ်​တၢင်း​ၸိုင်၊ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၶဝ်ႈ​ၵႃႈ​ၼႂ်း​ႁိူၼ်း​ၵူၼ်း​ႁႅင်း​ၼၼ်ႉ​သေ​လႄႈ ႁိမ်​ဢဝ်​ၶူဝ်း​လဵင်း​မၼ်း​လႆႈ။ မတ်ႉ​ၽုၵ်ႇ​ၵူၼ်း​ႁႅင်း​ဝႆႉ​ယဝ်ႉ​ၸင်ႇ၊ ႁိမ်​ဢဝ်​ႁိူၼ်း​မၼ်း​ၼၼ်ႉ​လႆႈ​ဢေႃႈ။-</verse>
				<verse number="28">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ လုၵ်ႈ​ၵူၼ်း​တင်း​လၢႆ တၵ်း​ႁွတ်ႈ​ထိုင် တၢင်း​ဢၼ်​ပွႆႇ​လွတ်ႈ​ဢပႅတ်ႈ ဢၼ်​ၽိတ်း​ပိူင်ႈ​ၵူႈ​ၸိူဝ်ႉ​ၵူႈ​ပိူင် တင်း​ဢပႅတ်ႈ​ဢၼ်​သႄႉ​သွမ်း​ၽြႃး​ပဵၼ်​ၸဝ်ႈ ၵူႈ​ၸိူဝ်ႉ​ၵူႈ​ပိူင်​ၵႃႈ​မီး​ၸိူဝ်း​ၼၼ်ႉ​လႆႈ​ယူႇ​ဢေႃႈ။-</verse>
				<verse number="29">ၵူၺ်း​ၵႃႈ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​သႄႉ​သွမ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ၼၼ်ႉ၊ ၵေႃႉ​ၼၼ်ႉ ၶိင်ႇ​လႂ်​သေ​ဢမ်ႇ​ဝႃႈ၊ တၵ်း​ဢမ်ႇ ႁွတ်ႈ​ထိုင်​တၢင်း​ဢၼ် ပွႆႇ​လွတ်ႈ​ဢပႅတ်ႈ​လႆႈ။ ပဵၼ်​ၵေႃႉ​ဢၼ်​လႆႈ​ၶၢမ်ႇ​ဢပႅတ်ႈ​တၢမ်ႇ​ထႃႇဝရႃႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ႁဵတ်း​ႁိုဝ်​လႄႈ၊ မၼ်း​ၸဝ်ႈ​ဝႃႈ​ၼင်ႇ​ၼႆ​ၸမ်ႉ၊ ၶဝ်​ၼၼ်ႉ​ဝႃႈ၊ မၼ်း​ၸဝ်ႈ​ပဵၼ်​ၵေႃႉ​ဢၼ်​ၽီ​ၵူဝ်ႈ​ၵိူၵ်ႇ​ၶဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">ၵမ်း​ၼၼ်ႉ မႄႈ​ၸဝ်ႈ​ဢိၵ်ႇ​တင်း​ၼွင်ႉ​ၸဝ်ႈ​တင်း​လၢႆ​မႃး​လႄႈ ၸုၵ်း​ယူႇ​ၵႃႈ​ၼွၵ်ႈ​သေ​ယဝ်ႉ၊ ပွႆႇ​ၸႂ်ႉ​ၵူၼ်း​ၵႂႃႇ​ၵႃႈ​တီႈ​မၼ်း​ၸဝ်ႈ​လႄႈ ႁွင်ႉ​ဢေႃႈ။-</verse>
				<verse number="32">ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ ၼင်ႈ​လွမ်ႉ​ႁွပ်ႈ​မၼ်း​ၸဝ်ႈ​ယူႇ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ တူၺ်း​လူး၊ မႄႈ​ၸဝ်ႈ​ႁဝ်း ဢိၵ်ႇ​တင်း​ၼွင်ႉ​ၸဝ်ႈ​ႁဝ်း​တင်း​လၢႆ​ၼၼ်ႉ မီး​ယူႇ​ၵႃႈ​ၼွၵ်ႈ​လႄႈ ႁႃ​ၸဝ်ႈ​ႁဝ်း​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="33">မၼ်း​ၸဝ်ႈ​ၵေႃႈ ထၢမ်​လႄႈ​ဝႃႈ၊ မႄႈ​ၵဝ်၊ ၼွင်ႉ​ၵဝ်​တင်း​လၢႆ​ၸမ်ႉ၊ ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="34">တူၺ်း​လဵပ်ႈ​ႁွပ်ႈ​ၶဝ်​ၸိူဝ်း​ဢၼ် ၼင်ႈ​လွမ်ႉ​မၼ်း​ၸဝ်ႈ​ယူႇ​ၼၼ်ႉ​သေ​လႄႈ သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ၶဝ်​ၸိူဝ်း​ၼႆႉ ပဵၼ်​မႄႈ​ၵဝ်၊ ၼွင်ႉ​ၵဝ်​ဢေႃႈ။-</verse>
				<verse number="35">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁဵတ်း​ၸွမ်း​ဢလူဝ်ႇ​ၽြႃး​ပဵၼ်​ၸဝ်ႈ​ၼၼ်ႉ၊ ၵေႃႉ​ၼၼ်ႉ ပဵၼ်​ၼွင်ႉ​ၸၢႆး​ၵဝ်၊ ၼွင်ႉ​ယိင်း​ၵဝ်၊ မႄႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="4">
				<verse number="1">လိုၼ်း​ၼၼ်ႉ မၼ်း​ၸဝ်ႈ​သင်ႇ​သွၼ်​ပၼ်​ယူႇ ၵႃႈ​တီႈ​ႁိမ်း​ၼမ်ႉ​ၼွင်​ဢေႃႈ။ ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ၸူႉ​ၵၼ်​တုမ်​ၵၼ်​တီႈ​မၼ်း​ၸဝ်ႈ​ထၼ်ႈ​ပေႃး ႁႂ်ႈ​မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ႁိူဝ်း​လႄႈ ၼင်ႈ​ယူႇ​ၵႃႈ​တီႈ​ၼႂ်း​ၼွင်​ၼၼ်ႉ​ဢေႃႈ။ ပရဵၵ်ႈသၢတ်ႈ တင်း​သဵင်ႈ​တင်း​လူင် ယူႇ​ၼိူဝ်​ၵုင်း​ၵႃႈ​ႁိမ်း​ၼွင်​ၼၼ်ႉ​ဢေႃႈ။-</verse>
				<verse number="2">မိူဝ်ႈ​ၼၼ်ႉ မၼ်း​ၸဝ်ႈ​ဢဝ်​ၵႂၢမ်း​ဢူႉပမႃႇ​သင်ႇ​သွၼ်​ပၼ်​ၼမ်​ၼႃႇ​လႄႈ မွၵ်ႇ​လၢတ်ႈ​လႄႈ​ဝႃႈ​ၸမ်ႉ၊-</verse>
				<verse number="3">ထွမ်ႇ​သေ​ၵမ်း။ တူၺ်း​လူး၊ ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼၼ်ႉ ဢွၵ်ႇ​ၵႂႃႇ​ႁႂ်ႈ​လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ဢေႃႈ။-</verse>
				<verse number="4">ၼႂ်း​တၢင်း​ဢၼ်​မၼ်း ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ယူႇ​ၼၼ်ႉ၊ မဵတ်ႉ​ၵမ်ႈ​ၽွင်ႈ တူၵ်း​ၵႃႈ​တီ ႁိမ်း​တၢင်း​လႄႈ ၼူၵ်ႉ​တင်း​လၢႆ မႃး​ၵဵပ်း​ၵိၼ်​သေ​ဢေႃႈ။-</verse>
				<verse number="5">မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​ၼႂ်း​တီႈ​ဢၼ်​မၢၵ်ႇ​ႁိၼ်​ၼမ်​ၼႃႇ လိၼ်​ၵေႇ​ၼၼ်ႉ​လႄႈ ၵွပ်ႈ​ပိူဝ်ႈ​ဢၼ်​ဢမ်ႇ​မီး​လိၼ်​ဢၼ်​လိုၵ်ႉ​ၼၼ်ႉ၊ ပိၵ်ႉ​သမ်ႉ​ဢွၵ်ႇ​တူၼ်ႈ​ၵမ်း​လဵဝ်​သေ​ၵေႃႈ၊-</verse>
				<verse number="6">မိူဝ်ႈ​ဢၼ်​ၵၢင်​ဝၼ်း​ဢွၵ်ႇ​မႃး​ၸိုင် မႆႈ​ၼႃႇ​လူင်​လၢင်​လႄႈ၊ ၵွပ်ႈ​ပိူဝ်ႈ​ဢၼ်​ႁၢၵ်ႈ​မၼ်း​ဢမ်ႇ​ပေႃး​မီး​ၼၼ်ႉ၊ ႁဵဝ်ႇ​ႁႅင်ႈ​ၵႂႃႇ​သေ​ဢေႃႈ။-</verse>
				<verse number="7">မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​ၼႂ်း​တူၼ်ႈ​ၼၢမ်​လႄႈ တူၼ်ႈ​ၼၢမ်​ၸိူဝ်း​ၼၼ်ႉ ယႂ်ႇ​မႃး​ႁူမ်ႇ​မုင်း ငႅၼ်း​သႄး​လႄႈ ဢမ်ႇ​မၢၵ်ႇ​မၢၵ်ႇ​မၼ်း။-</verse>
				<verse number="8">မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​ၼႂ်း တီႈ​ဢၼ်​လိၼ်​လီ​လႄႈ ဢွၵ်ႇ​တူၼ်ႈ​သေ​ယဝ်ႉ ယႂ်ႇ​မႃး​ယူႇ​သေ​လႄႈ မၢၵ်ႇ​မၢၵ်ႇ​မၼ်း​မႃး​သၢမ်​သိပ်း​ပုၼ်ႈ၊ ႁူၵ်း​သိပ်း​ပုၼ်ႈ၊ ပၢၵ်ႇ​ပုၼ်ႈ​ဢေႃႈ။-</verse>
				<verse number="9">ၵေႃႉ​ဢၼ်​မီး​ႁူ​ဢၼ်​လီ​ငိၼ်း​ၼၼ်ႉ​ၸမ်ႉ၊ ႁႂ်ႈ​ငိၼ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">မိူဝ်ႈ​ဢၼ်​မၼ်း​ၸဝ်ႈ​မီး​ယူႇ တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​လွမ်ႉ​ႁွပ်ႈ​မၼ်း​ၸဝ်ႈ ဢိၵ်ႇ​တင်း​သိပ်း​သွင်​ပႃး​တင်း​လၢႆ​ၼၼ်ႉ လဝ်ႊ​ထၢမ်​လွင်ႈ ဢူႉပမႃႇ​ၼၼ်ႉ​လႄႈ၊-</verse>
				<verse number="11">မၼ်း​ၸဝ်ႈ​ၵေႃႈ လၢတ်ႈ​တီႈ​ၶဝ်​လႄႈ​ဝႃႈ၊ သူ​မီး​ဢၶႂၢင်ႉ ဢၼ်​တၵ်း​လႆႈ​ႁူႉ​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ မိူင်း​ၽြႃး​ပဵၼ်​ၸဝ်ႈ​ဢေႃႈ။ ၶဝ်​ၸိူဝ်း​ဢၼ်​မီး​ၵႃႈ​ၼွၵ်ႈ​ၼၼ်ႉ​ၸမ်ႉ၊-</verse>
				<verse number="12">ၵွပ်ႈ​ပိူဝ်ႈ​ဢၼ်​ၵူဝ် တၢင်း​ၵမ်​တၢင်း​ၵျၢင်ႉ​ၶဝ် တၵ်း​ၶၢႆႉ​ပုတ်ႈ၊ ဢပႅတ်ႈ​ၶဝ်​တၵ်း​လွတ်ႈ​ၼၼ်ႉ၊ ၶဝ်​ႁၼ်​ယူႇ​သေ​ၵေႃႈ ၼင်ႇ​ႁိုဝ်​တၵ်း​ႁၼ် တၢင်း​ဢမ်ႇ​မၢတ်ႈ​ဢမ်ႇ​တွင်း၊ ၶဝ်​ငိၼ်း​ယူႇ​သေ​ၵေႃႈ တၵ်း​ငိၼ်း​တၢင်း​ဢမ်ႇ​ႁူႉ​ဢမ်ႇ​ၸႅင်ႈ​ၸိုင်၊ ၵႃႈ​ဢၼ်​ႁေႃး​လၢတ်ႈ​တီႈ​ၶဝ်​ၼၼ်ႉ လႆႈ​ဢဝ်​တင်း​ဢူႉပမႃႇ ႁေႃး​လၢတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">မၼ်း​ၸဝ်ႈ​သမ်ႉ​လၢတ်ႈ​တီႈ​ၶဝ်​ထႅင်ႈ​လႄႈ​ဝႃႈ​ၸမ်ႉ၊ ပေႃး​သူ​ဢမ်ႇ​ႁူႉ​ဢူႉပမႃႇ​ၼႆႉ​ၸိုင်၊ သူ​တၵ်း​ႁူႉ​ဢူႉပမႃႇ​ၵႃႈ​မီး​တင်း​သဵင်ႈ​တင်း​လူင်​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="14">ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼၼ်ႉ ဝၢၼ်ႇ​ၵႂၢမ်း​တြႃး​ဢေႃႈ။-</verse>
				<verse number="15">လွင်ႈ​တၢင်း​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​တီႈ​ႁိမ်း​တၢင်း ၼႂ်း​တီႈ​ဢၼ်​ဝၢၼ်ႇ​ၵႂၢမ်း​တြႃး​ၼၼ်ႉ​ၸမ်ႉ၊ မိူဝ်ႈ​ဢၼ်​ၶဝ်​ငိၼ်း​ယဝ်ႉ​ၼၼ်ႉ၊ ၸႃႇတၢၼ်ႇ ​မႃး ၵမ်း​လဵဝ်​လႄႈ ထူၺ်ႈ​ဢဝ်​ၵႂၢမ်း​တြႃး​ဢၼ်​ဝၢၼ်ႇ​ၵႃႈ​ၼႂ်း​ၶဝ်​ၼၼ်ႉ​ဢွၵ်ႇ​ပႅတ်ႈ​ဢေႃႈ၊ ၶႂ်ႈ​ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">လွင်ႈ​တၢင်း​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​ၼႂ်း​တီႈ​ဢၼ်​မၢၵ်ႇ​ႁိၼ်​ၼမ်​ၼႃႇ​ၼၼ်ႉ​ၸမ်ႉ၊ မိူဝ်ႈ​ဢၼ်​ၶဝ်​ငိၼ်း​ၵႂၢမ်း​တြႃး​ယဝ်ႉ​ၼၼ်ႉ၊ ပိၵ်ႉ​သမ်ႉ​မီး​တင်း​ၸႂ်​ဢၼ်​သိူဝ်း​ၸူမ်း​ၼႃႇ ႁပ်ႉ​တုင်း​ဢဝ်​ၵမ်း​လဵဝ်​သေ​ၵေႃႈ၊-</verse>
				<verse number="17">ဢမ်ႇ​မီး​ႁၢၵ်ႈ​မၼ်း​ၵႃႈ​ၼႂ်း​ႁူဝ်​ၸႂ်​ၶဝ်​လႄႈ တႄႇ​ယူႇ​ၵမ်း​ဢွၼ်ႇ​ၼိုင်ႈ​ၵူၺ်း​သေ​ယဝ်ႉ၊ မိူဝ်ႈ​ဢၼ်​လႆႈ ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ၵွပ်ႈ​ပိူဝ်ႈ​တြႃး​ၼၼ်ႉ​ၸိုင်၊ ၸႂ်​လူႉ​ၵမ်း​လဵဝ်​ဢေႃႈ၊ ၶႂ်ႈ​ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">လွင်ႈ​တၢင်း​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​ၼႂ်း​တူၼ်ႈ​ၼၢမ်​ၼၼ်ႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ် လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ၊-</verse>
				<verse number="19">တၢင်း​ဢၼ်​မႆႈ​ၸႂ်​ၶီ​ၸႂ်​လူၺ်ႈ​လွင်ႈ​လေႃးၵီႇ​တင်း​လၢႆ၊ တၢင်း​ဢၼ်​ဢုၵ်ႉ​ၸႃႇ​ၸေး​ၸိမ်ႇ​ပႅတ်ႉ​လႅၼ်၊ တၢင်း​ဢၼ် ၸႂ်​ဢၼ်​ၸပ်း​ဢၼ်​ၸွႆး လွင်ႈ​ဢၼ်​ၵိုတ်း​ဢၼ်​ၵျၢၼ်ႇ​တင်း​လၢႆ​ၸိူဝ်း​ၼၼ်ႉ ၶဝ်ႈ​ၵႃႈ​ၼႂ်း​သေ​ယဝ်ႉ၊ ႁူမ်ႇ​မုင်း​ငႅၼ်း​သႄး​ၵႂၢမ်း​တြႃး​ယူႇ​လႄႈ ဢမ်ႇ​မၢၵ်ႇ​မၢၵ်ႇ​မၼ်း​လႆႈ၊ ၶႂ်ႈ​ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">လွင်ႈ​တၢင်း​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​ၼႂ်း​တီႈ​ဢၼ်​လိၼ်​လီ​ၼၼ်ႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ် လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ ႁပ်ႉ​တုင်း​ဢဝ်​သေ​ယဝ်ႉ၊ မၢၵ်ႇ​မၢၵ်ႇ​မၼ်း​မႃး သၢမ်​သိပ်း​ပုၼ်ႈ၊ ႁူၵ်း​သိပ်း​ပုၼ်ႈ၊ ပၢၵ်ႇ​ပုၼ်ႈ​ဢေႃႈ၊ ၶႂ်ႈ​ဝႃႈ​ၼင်ႇ​ၼႆ​ဢေႃႈ။</verse>
				<verse number="21">လိူဝ်​သေ​ၼၼ်ႉ၊ ၸၢင်ႈ​ဢဝ်​ဝၢၼ်ႇ​ၽႆး​တဵၼ်း​မႃး ႁႂ်ႈ​လႆႈ​ႁူမ်ႇ​ဝႆႉ​တႂ်ႈ​ပဵတ်ႈ​တႂ်ႈ​ၵူႇ​တီႈ​ၼွၼ်း​ႁိုဝ်။ ၸၢင်ႈ​ဢဝ်​မႃး ႁႂ်ႈ​လႆႈ​တၢင်ႇ​ဝႆႉ​ၵႃႈ​ၼိူဝ်​ၶူင်ႇ တီႈ​တႆႈ​ၽႆး​ဢမ်ႇ​ၸႂ်ႈ​ႁိုဝ်။-</verse>
				<verse number="22">လွင်ႈ​တၢင်း​ဢၼ် မီး​ၼႂ်း​တီႈ​ဢၼ်​လပ်ႉ​ဢၼ်​သိူင်ႇ ဢၼ်​တၵ်း​ဢမ်ႇ​ထၢင်ႇ​ဢမ်ႇ​သႃး​မႃး​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။ လွင်ႈ​တၢင်း​ဢၼ်​ပဵၼ်​မႃး​လႄႈ သိူင်ႇ​ဝႆႉ​မႅပ်ႉ​ဝႆႉ ဢၼ်​တၵ်း​ဢမ်ႇ​ၶၢမ်ႇ​တၢင်း​ဢၼ်​ပိုတ်ႇ​ၼႄ​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။-</verse>
				<verse number="23">ပေႃး​သေ​ၵေႃႉ​သေ​ၵူၼ်း မီး​ႁူ​ဢၼ်​လီ​ငိၼ်း​ၸိုင်၊ ႁႂ်ႈ​ငိၼ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">မၼ်း​ၸဝ်ႈ​သမ်ႉ လၢတ်ႈ​တီႈ​ၶဝ်​ထႅင်ႈ​လႄႈ​ဝႃႈ​ၸမ်ႉ၊ လွင်ႈ​ဢၼ်​သူ​လႆႈ​ထွမ်ႇ​လႆႈ​ငိၼ်း​ၸိူဝ်ႉ​ၼင်ႇ​ႁိုဝ်​ၸိုင် ႁဵတ်း​သတီႉ​တႃႉ။ သူ​ပၼ်​တီႈ​ပိူၼ်ႈ ဢၼ်​တူင်​ဢၼ်​တႅၵ်ႈ​ၵႃႈ​ႁိုဝ်​သေ​ဢမ်ႇ​ဝႃႈ၊ တၵ်း​လႆႈ​ၶၢမ်ႇ​ၵႃႈ​ၼင်ႇ​ဢၼ်​တူင်​ဢၼ်​တႅၵ်ႈ​ၼၼ်ႉ​ဢေႃႈ။ တၵ်း​လႆႈ​ၶၢမ်ႇ ၸိူဝ်ႉ​ၼင်ႇ​ၼၼ်​ဢမ်ႇ​ၵႃး၊ တၵ်း​လႆႈ​ၶၢမ်ႇ​တၢင်း​ဢၼ် ထၢပ်ႈ​ထႅင်ႈ​လိူဝ်​တွၼ်း​သေ​ၼၼ်ႉ​ဢေႃႈ။-</verse>
				<verse number="25">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၸၢင်ႈ​မီး​ၼၼ်ႉ၊ ၵႃႈ​တီႈ​ၵေႃႉ​ၼၼ်ႉ၊ တၵ်း​ပၼ်​ထႅင်ႈ​လူး​ၵွၼ်ႇ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ၸၢင်ႈ​မီး​ၵႃႈ​သင်​ၼၼ်ႉ၊ ၵႃႈ​တီႈ​ၵေႃႉ​ၼၼ်ႉ တၵ်း​ၼုၵ်ႈ​ဢဝ်​ၵႃႈ​ဢၼ်​မၼ်း​မီး​တင်း​သဵင်ႈ​တင်း​လူင်​ၼၼ်ႉ​လူး​ၵွၼ်ႇ​ဢေႃႈ။</verse>
				<verse number="26">လိူဝ်​သေ​ၼၼ်ႉ မိူင်း​ၽြႃး​ပဵၼ်​ၸဝ်ႈ မိူၼ်​ၸိူဝ်ႉ​ၼင်ႇ​ၵူၼ်း​ၵေႃႉ​ၼိုင်ႈ ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​ၼႂ်း​ၼႃး​ယဝ်ႉ​ၸင်ႇ၊-</verse>
				<verse number="27">လိုၼ်း​ၼၼ်ႉ ပိၵ်ႉ​သမ်ႉ​တင်း​ဝၼ်း​တင်း​ၶိုၼ်း ၼွၼ်း​ယူႇ​တိုၼ်ႇ​ယူႇ​သေ​ၵေႃႈ၊ လွင်ႈ​ဢၼ်​မဵတ်ႉ​ၸိူဝ်း​ၼၼ်ႉ ဢွၵ်ႇ​တူၼ်ႈ​လႄႈ​ယႂ်ႇ​မႃး​ၸိူဝ်ႉ​ၼင်ႇ​ႁိုဝ်​ၸိုင် မၼ်း​ဢမ်ႇ​ႁူႉ။-</verse>
				<verse number="28">လိၼ်​မိူင်း​ၸွမ်း​ၼင်ႇ ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ​ၸၢင်ႈ​ႁႂ်ႈ​မၢၵ်ႇ​မၼ်း​မၢၵ်ႇ​မႃး​လႄႈ၊ မိူဝ်ႈ​ဢွၼ်​တၢင်း ႁႂ်ႈ​ပဵၼ်​ငူင်း​မၼ်း၊ ၵမ်း​လိုၼ်း​ႁႂ်ႈ​ပဵၼ်​ႁူင်း​မၼ်း၊ ၵမ်း​လိုၼ်း​ၼၼ်ႉ​ႁႂ်ႈ​ပဵၼ်​မဵတ်ႉ​ဢၼ်​မၢၵ်ႇ​ၵႃႈ​ၼႂ်း​ႁူင်း​မၼ်း​ဢေႃႈ။-</verse>
				<verse number="29">မိူဝ်ႈ​ဢၼ်​မၢၵ်ႇ​မၼ်း​သုၵ်း​ယဝ်ႉ​ၸိုင် ပိူဝ်ႈ​ဢၼ်​ၶိင်ႇ​ဢၼ်​လီ​ပၢတ်ႇ​ထိုင်​မႃး​လႄႈ ၸဝ်ႈ​ၼႃး​ၸင်ႇ​ႁႂ်ႈ​ဢဝ်​ၶဵဝ်း​ပၢတ်ႇ​ၵမ်း​လဵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">လိူဝ်​သေ​ၼၼ်ႉ မိူင်း​ၽြႃး​ပဵၼ်​ၸဝ်ႈ​ၸိုင် တၵ်း​လႆႈ​ၼႄ​ပျႃး​ပုင်ႇ​မၼ်း​ၸိူဝ်ႉ​ၼင်ႇ​ႁိုဝ်။ တၵ်း​လႆႈ​ဢဝ်​ဢူႉပမႃႇ ဢၼ်​လႂ်​တႅၵ်ႈ​ဝႃႈ​ၼႆ​ၸမ်ႉ၊ မိူၼ်​ၸိူဝ်ႉ​ၼင်ႇ​ၽၼ်း​ၽၵ်း​ၵၢတ်ႇ မဵတ်ႉ​ၼိုင်ႈ​ဢေႃႈ။-</verse>
				<verse number="31">ၽၼ်း​ၽၵ်း​ၵၢတ်ႇ​ၼၼ်ႉ မိူဝ်ႈ​ဢၼ်​ၽုၵ်ႇ​သႂ်ႇ ၵႃႈ​ၼႂ်း​လိၼ်​ၸိုင်၊ ပိၵ်ႉ​သမ်ႉ​လဵၵ်ႉ​ၼႃႇ​သေ​မဵတ်ႉ​တင်း​သဵင်ႈ​တင်း​လူင် ဢၼ်​မီး​ၵႃႈ​တီႈ​လိၼ်​သေ​ၵေႃႈ၊-</verse>
				<verse number="32">ၽုၵ်ႇ​သႂ်ႇ​ယဝ်ႉ​ၸင်ႇ၊ ဢွၵ်ႇ​တူၼ်ႈ​လႄႈ ယႂ်ႇ​မႃး​သေ​တူၼ်ႈ​ယိူဝ်ႈ​တူၼ်ႈ​ယႃႈ​တင်း​သဵင်ႈ​တင်း​လူင် ၸင်ႇ​ပဵၼ်​ၵိင်ႇ​လူင်​ၶႃႊ​လူင် ဢၼ်​ၼူၵ်ႉ​ၵၢင်​ႁၢဝ်​တင်း​လၢႆ ထၼ်ႈ​ပေႃး​လိုဝ်ႈ​ပေႃး​သဝ်း​ယူႇ​ၵႃႈ​ၼႂ်း​ႁူမ်ႈ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">ၵႃႈ​ၼင်ႇ​ဢၼ် ပရဵၵ်ႈသၢတ်ႈ​တင်း​လၢႆ လႆႈ​ထွမ်ႇ​လႆႈ​ငိၼ်း​လႆႈ​ၼၼ်ႉ၊ မၼ်း​ၸဝ်ႈ​ဢဝ်​ၵႂၢမ်း​ဢူႉပမႃႇ​ၸိူဝ်ႉ​ၼင်ႇ​ၼၼ်ႉ​သေ​လႄႈ ႁေႃး​လၢတ်ႈ​တြႃး​ၸဝ်ႈ​ဢေႃႈ။-</verse>
				<verse number="34">ၵူၺ်း​ၵႃႈ မၼ်း​ၸဝ်ႈ​ဢမ်ႇ​ႁေႃး​ဢမ်ႇ​လၢတ်ႈ​ၵႂၢမ်း​ဢၼ် ၵၢင်း​လွတ်ႈ​တင်း ဢူႉပမႃႇ​မၼ်း​ၸဝ်ႈ ၽုၺ်ႇ​ၼႄ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ တီႈ​တပႄး​ၸဝ်ႈ​တင်း​လၢႆ ၼႂ်း​တီႈ​ဢၼ်​ပိူၼ်ႈ ဢမ်ႇ​မီး​ၼၼ်ႉ​ဢေႃႈ။</verse>
				<verse number="35">ဝၼ်း​ၼၼ်ႉ မိူဝ်ႈ​ဢၼ်​ၵၢင်​ဝၼ်း​ၶမ်ႈ​ယဝ်ႉ​ၸိုင်၊ မၼ်း​ၸဝ်ႈ​လၢတ်ႈ​တီႈ​ၶဝ်​လႄႈ​ဝႃႈ၊ ၶၢမ်ႈ​ၵႂႃႇ​ၵႃႈ​တီႈ​ၽင်ႇ​ၼမ်ႉ​ၽၢႆႇ​ပုၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="36">ၶဝ်​ၼၼ်ႉ ပွႆႇ​ၵူၼ်း​ဢၼ်​ၸူႉ​ဢၼ်​တုမ်​သေ​လႄႈ ပႃး​ဢဝ်​မၼ်း​ၸဝ်ႈ ဢၼ်​မီး​ယူႇ​ၵႃႈ​ၼႂ်း​ႁိူဝ်း​ၼၼ်ႉ​ၵႂႃႇ​ဢေႃႈ။ ႁိူဝ်း​တၢင်ႇ​တီႈ​တၢင်ႇ​ဢၼ်​တင်း​လၢႆ​ၵေႃႈ​ပႃး​ဢေႃႈ။-</verse>
				<verse number="37">ၵမ်း​ၼၼ်ႉ ပဵၼ်​ၽူၼ်​လူင်​လူမ်း​လူင်​လႄႈ လႅင်း​ၼမ်ႉ​ပိူပ်ႈ​ၼမ်ႉ ထိပ်ႇ​ၽၢင်ႈ​သႂ်ႇ ၼႂ်း​ႁိူဝ်း​ၼႃႇ​လူင်​လၢင်​ထၼ်ႈ​ပေႃး​ႁိူဝ်း​ၼၼ်ႉ ၼမ်ႉ​ယင်း​တိုၵ်ႉ​တဵမ်​ၶိုၼ်ႈ​မႃး​ယူႇ​ဢေႃႈ။-</verse>
				<verse number="38">မၼ်း​ၸဝ်ႈ​ၵိင်း​ၼွၼ်း​ယူႇ​ၼိူဝ်​မွၼ်​ႁူဝ်​ၵႃႈ​တီႈ​ႁၢင်​ႁိူဝ်း​ဢေႃႈ။ ၶဝ်​ၼၼ်ႉ​ပူၵ်း​မၼ်း​ၸဝ်ႈ​ယဝ်ႉ​ၸင်ႇ၊ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ လွင်ႈ​ဢၼ်​ႁဝ်း​ၶႃႈ တၵ်း​ႁွတ်ႈ​ထိုင် တၢင်း​လူႉ​တၢင်း​လႅဝ်​ၼႆႉ​ၸိုင်၊ ဢမ်ႇ​မီး​ၸႂ်​ဢၼ်​ဢဵတ်း​လူ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="39">မၼ်း​ၸဝ်ႈ​လုၵ်ႉ​သေ​လႄႈ​သင်ႇ​သွၼ်​လူမ်း​သေ​ယဝ်ႉ၊ လၢတ်ႈ​တီႈ​ပၢင်ႇ​လၢႆႇ​လႄႈ​ဝႃႈ၊ ယူႇ​တဵတ်ႇ​တဵတ်ႇ​တႃႉ။ ယူႇ​ၼိမ်​ၼိမ်​တႃႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ လူမ်း​ယဵၼ်​ၵႂႃႇ​လႄႈ၊ ပၢင်ႇ​လၢႆႇ​ပၢင်ႇ​ၸိုၼ်ႈ​ၼိမ်​လီ​မႃး​ၼႃႇ​လူင်​လၢင်​ဢေႃႈ။-</verse>
				<verse number="40">မၼ်း​ၸဝ်ႈ​ၵေႃႈ ထၢမ်​လႄႈ​ဝႃႈ၊ ႁဵတ်း​သင်​လႄႈ သူ​ၵူဝ်​ၼႃႇ​လူင်​လၢင်​ထၢၼ်ႇ​ၼႆႉ​ၼင်ႇ​ႁိုဝ်။ ႁဵတ်း​သင်​လႄႈ​သူ​ဢမ်ႇ​မီး​ၸႂ် ဢၼ်​ယုမ်ႇ​မၢတ်ႈ​ၼင်ႇ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="41">ၶဝ်​ၼၼ်ႉ​ၵေႃႈ ၵူဝ်​ၼႃႇ​လူင်​လၢင်​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ ပဵၼ်​ၽူႈ​လႂ်၊ လူမ်း​တင်း​ပၢင်ႇ​လၢႆႇ ထွမ်ႇ​ဢဝ်​ၵႂၢမ်း​မၼ်း​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="5">
				<verse number="1">ၶဝ်​ၼၼ်ႉ​ႁွတ်ႈ​ထိုင်​ၽင်ႇ​ၼမ်ႉ​ၽၢႆႇ​ပုၼ်ႉ ၵႃႈ​တီႈ​မိူင်း​ ၵႃႇတရႃႉ ယဝ်ႉ​ၸင်ႇ၊</verse>
				<verse number="2">မိူဝ်ႈ​ဢၼ်​မၼ်း​ၸဝ်ႈ​ဢွၵ်ႇ​သေ​ၵႃႈ​ၼႂ်း​ႁိူဝ်း​ၼၼ်ႉ​ၵႂႃႇ​ၸိုင်၊ ၵေႃႉ​ဢၼ်​ၽီ​ၵူဝ်ႈ​ၵိူၵ်ႇ​ၶဝ်ႈ​ၵေႃႉ​ၼိုင်ႈ ဢွၵ်ႇ​သေ​ၵႃႈ​ၼႂ်း​သၢင်း​ၶႅင်း​မႃး​လႄႈ ႁပ်ႉ​ႁူဝ်​တၢင်း​မၼ်း​ၸဝ်ႈ​ၵမ်း​လဵဝ်​ဢေႃႈ။-</verse>
				<verse number="3">ၵေႃႉ​ၼၼ်ႉ ၸၢင်ႈ​ယူႇ​ၵႃႈ​ၼႂ်း​သၢင်း​ၶႅင်း​ၵူၺ်း​ဢေႃႈ။ ၽူႈ​လႂ်​ဢမ်ႇ​ဢဝ်​တင်း​ၸိူၵ်ႈ​လဵၵ်း မတ်ႉ​ၽုၵ်ႇ​မၼ်း​ဝႆႉ​လႆႈ။-</verse>
				<verse number="4">ပိၵ်ႉ​သမ်ႉ​ဢဝ်​ၶူၺ်ႇ​တိၼ် တင်း​ၸိူၵ်ႈ​လဵၵ်း မတ်ႉ​ၽုၵ်ႇ​ဝႆႉ​ၶိူဝ်း​ၶိူဝ်း​ယႂ်း​ယႂ်း​သေ​ၵေႃႈ၊ မၼ်း​ၸၢင်ႈ​တိုတ်ႉ​ၸိူၵ်ႈ​လဵၵ်း​ၶၢတ်ႇ​လႄႈ ႁၵ်း​ၶူၺ်ႇ​တိၼ်​ပႅတ်ႈ​ဢေႃႈ။ ၽူႈ​လႂ်​ဢမ်ႇ​ပႄႉ​ဢမ်ႇ​ၼႅင်ႇ ႁႂ်ႈ​မၼ်း​ယဵၼ်ႇ​မႃး​ငႄႈ​မႃး​လႆႈ။-</verse>
				<verse number="5">ဢမ်ႇ​ထၢတ်ႇ​သေ​ဝၼ်း​သေ​ၶိုၼ်း၊ ၵႃႈ​ၼႂ်း​သၢင်း​ၶႅင်း​လႄႈ​သင်၊ ၵႃႈ​ၼိူဝ်​လွႆ​လႄႈ​သင်၊ မၼ်း​ၸၢင်ႈ​ႁွင်ႉ​သႅၼ်ႇ​ယူႇ​သေ​လႄႈ ဢဝ်​တင်း​မၢၵ်ႇ​ႁိၼ် ထိူဝ်​ၼိူဝ်ႉ​ထိူဝ်​ၼင်​တူဝ်​ၸဝ်ႈ​ၵဝ်ႇ​ယူႇ​ဢေႃႈ။-</verse>
				<verse number="6">မိူဝ်ႈ​ဢၼ်​မၼ်း​ႁၼ်​ ယေႇသူႉ ယင်း​မီး​ယူႇ​တီႈ​ၵႆ​ၼၼ်ႉ​ၸိုင်၊ မၼ်း​လႅၼ်ႈ​မႃး​ၵႃႈ​တီႈ​မၼ်း​ၸဝ်ႈ​သေ​လႄႈ ၶုပ်ႉ​မူပ်ႇ-</verse>
				<verse number="7">ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​လဝ်ႊ​လၢတ်ႈ​လႄႈ​ဝႃႈ၊ ယေႇသူႉ လုၵ်ႈ​ၽြႃး​ပဵၼ်​ၸဝ်ႈ ဢၼ်​သုင်​မျၢတ်ႈ​ၼႃႇ​သေ​ပိူၼ်ႈ​တီႈ​ၶႃႈ၊ ၸဝ်ႈ​ႁဝ်း​ၸၢပ်ႈ​သႅင်ႇ​ၵၼ်​တင်း​ႁဝ်း​ၶႃႈ​ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ၼင်ႇ​ႁိုဝ်​ၸဝ်ႈ​ႁဝ်း​တၵ်း​ဢမ်ႇ​ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​ၶႃႈ​ၸိုင်၊ ၵဝ်​ၶႃႈ​တိူင်ႇ​ၽြႃး​ပဵၼ်​ၸဝ်ႈ​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">လွင်ႈ​ဢၼ်​လဝ်ႊ​လၢတ်ႈ​ၼၼ်ႉ​ၸမ်ႉ၊ မၼ်း​ၸဝ်ႈ​လႆႈ​မီး​ဢမိင်ႉ​လႄႈ​ဝႃႈ၊ ၽီ​ဢၼ်​ၵူဝ်ႈ​ၵိူၵ်ႇ​ဢိူၺ်း၊ ဢွၵ်ႇ​သေ​ၵႃႈ​ၼႂ်း​ၵေႃႉ​ၼႆႉ​ၵႂႃႇ​တႃႉ၊ ဝႃႈ​ၼင်ႇ​ၼႆ​ယဝ်ႉ​ဢေႃႈ။-</verse>
				<verse number="9">မၼ်း​ၸဝ်ႈ​ၵေႃႈ ထၢမ်​တီႈ​မၼ်း​လႄႈ​ဝႃႈ၊ မႂ်း​မီး​ၸိုဝ်ႈ​သဵင်​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸိုဝ်ႈ​သဵင်​ၵဝ်​ၶႃႈ​ၸမ်ႉ ၵွပ်ႈ​ပိူဝ်ႈ​ဢၼ်​ႁဝ်း​ၶႃႈ​ပဵၼ်​ဢၼ်​ၼမ်​ၼႃႇ​လႄႈ လႆႈ​ႁွင်ႉ​ႁဵၵ်း​ၸိုဝ်ႈ လေႇၵျုင်ႇ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="10">ၼင်ႇ​ႁိုဝ်​တၵ်း​ဢမ်ႇ​ႁေႃႈ​ဢွၵ်ႇ​သေ​ၵႃႈ​ၼႂ်း​မိူင်း​ၼၼ်ႉ​ၸိုင်၊ တွင်း​ပၢၼ်ႇ​ၼမ်​ၼႃႇ​လူင်​လၢင်​ဢေႃႈ။</verse>
				<verse number="11">ၼႂ်း​တီႈ​ၼၼ်ႈ မီး​ၽုင်​မူ​ၼမ်​ၼႃႇ ၵိၼ်​ယူႇ​ၵႃႈ​တီႈ​ပဵမ်ႉ​လွႆ​ဢေႃႈ။-</verse>
				<verse number="12">ၽီ​ႁၢႆႉ​ၸိူဝ်း​ၼၼ်ႉ​ၵေႃႈ တွင်း​ပၢၼ်ႇ​လႄႈ​ဝႃႈ၊ ပွႆႇ​ႁဝ်း​ၶႃႈ​ၵႂႃႇ​ႁႂ်ႈ​လႆႈ​ၶဝ်ႈ​ၵႃႈ​ၼႂ်း​မူ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="13">မၼ်း​ၸဝ်ႈ​ပၼ်​ဢၶႂၢင်ႉ​ၵမ်း​လဵဝ်​ဢေႃႈ။ ၽီ​ၵူဝ်ႈ​ၵိူၵ်ႇ​ၸိူဝ်း​ၼၼ်ႉ ဢွၵ်ႇ​ၵႂႃႇ​ၶဝ်ႈ​ၵႃႈ​ၼႂ်း​မူ​တင်း​လၢႆ​ၸိူဝ်း​ၼၼ်ႉ​လႄႈ ၽုင်​မူ​ၼၼ်ႉ ၶုၼ်ႇ​လႅၼ်ႈ​လူင်း​ၽင်ႇ​ၸၼ်း​လႄႈ ၵႅၼ်ႉ​ၼမ်ႉ​ၵႃႈ​ၼႂ်း​ၼွင်​ၼၼ်ႉ တၢႆ​ဢေႃႈ။ ပေႃး​ၼပ်ႉ​ဢၢၼ်ႇ​ၸိုင်၊ မီး​သေ​သွင်​ႁဵင်​ၸမ်​ၸမ်​ဢေႃႈ။-</verse>
				<verse number="14">ၵူၼ်း​လဵင်ႉ​မူ​ၸိူဝ်း​ၼၼ်ႉ လႅၼ်ႈ​ၵႂႃႇ​သေ​လႄႈ မွၵ်ႇ​လၢတ်ႈ​သတၢင်း​သဵင်​ၶၢဝ်ႇ ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​တင်း​လၢႆ​ယဝ်ႉ​ၸင်ႇ၊ ၵူၼ်း​ၼမ်​ၼႃႇ ဢွၵ်ႇ​မႃး​ႁႂ်ႈ​လႆႈ​တူၺ်း​လႆႈ​ႁၼ် လွင်ႈ​တၢင်း​ဢၼ်​ပဵၼ်​မႃး​ၼၼ်ႉ​ဢေႃႈ။-</verse>
				<verse number="15">မိူဝ်ႈ​ဢၼ်​ၶဝ်​ၽႅဝ်​ၵႃႈ​တီႈ​ ယေႇသူႉ ​လႄႈ လႆႈ​ႁၼ်​ၵေႃႉ​ဢၼ်​ၽီ​ႁၢႆႉ​ၶဝ်ႈ ဢၼ်​ဝႃႈ​ၵေႃႉ​ဢၼ်​မီး​ၽီ​ လေႇၵျုင်ႇ ၼၼ်ႉ ၼုင်ႈ​ၶူဝ်း​ၼုင်ႈ​လဵင်း​ယူႇ၊ မီး​တင်း​ၸႂ်​ဢၼ်​လီ​ဢၼ်​ငၢမ်း​ၼင်ႈ​ယူႇ​ၼၼ်ႉ​ၸိုင်၊ ၶဝ်​ၵူဝ်​ႁႄ​ဢေႃႈ။-</verse>
				<verse number="16">ၶဝ်​ၸိူဝ်း​ဢၼ်​လႆႈ​ႁူႉ​လႆႈ​ႁၼ်​ယဝ်ႉ​ၼၼ်ႉ​သမ်ႉ မွၵ်ႇ​လၢတ်ႈ​လွင်ႈ​ဢၼ်​လႆႈ​ပဵၼ်​မႃး ၵႃႈ​တီႈ​ၵေႃႉ​ဢၼ်​ၽီ​ႁၢႆႉ​ၶဝ်ႈ ဢိၵ်ႇ​တင်း​ၵႃႈ​တီႈ​မူ​တင်း​လၢႆ​ၸိူဝ်ႉ​ၼင်ႇ​ႁိုဝ်​ၼၼ်ႉ တီႈ​ၶဝ်​ၸိူဝ်း​ဢၼ်​မႃး​တူၵ်း​လိုၼ်း​တင်း​လၢႆ​ယဝ်ႉ​ၸင်ႇ၊-</verse>
				<verse number="17">တွင်း​ပၢၼ်ႇ​လဝ်ႊ​လၢတ်ႈ ႁႂ်ႈ​မၼ်း​ၸဝ်ႈ​ဢွၵ်ႇ​ၵႃႈ​ၼႂ်း​မိူင်း​ၶဝ်​ၼၼ်ႉ​ၵႂႃႇ​သေ​ဢေႃႈ။</verse>
				<verse number="18">မိူဝ်ႈ​ဢၼ် မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ႁိူဝ်း​ၸိုင်၊ ၵေႃႉ​ဢၼ်​ၽီ​ႁၢႆႉ​ၶဝ်ႈ​ၼၼ်ႉ တွင်း​ပၢၼ်ႇ ယွၼ်း​ဢၶႂၢင်ႉ ႁႂ်ႈ​လႆႈ​မီး​ယူႇ​လူၺ်ႈ​ၵၼ်​တင်း​မၼ်း​ၸဝ်ႈ​ဢေႃႈ။-</verse>
				<verse number="19">မၼ်း​ၸဝ်ႈ​ၵေႃႈ ဢမ်ႇ​ပၼ်​ဢၶႂၢင်ႉ​လႄႈ မီး​ဢမိင်ႉ​လႄႈ​ဝႃႈ၊ မႂ်း​ၵႂႃႇ​ၵႃႈ​တီႈ​ႁိူၼ်း​မႂ်း ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​ၼၼ်ႉ​တႃႉ။ ၶႆႈ​ပၼ်​လၢတ်ႈ​ပၼ်​လွင်ႈ​ဢၼ် ထႃႇဝရႃႉ​ၽြႃး​ဢဵတ်း​လူ​လႄႈ ႁဵတ်း​ၵျေး​ၸူး​တီႈ​မႂ်း​ယႂ်ႇ​ၼႃႇ​ထၢၼ်ႇ​ႁိုဝ်​ၼၼ်ႉ​တီႈ​ၶဝ်​တႃႉ။ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="20">ၵေႃႉ​ၼၼ်ႉ ဢွၵ်ႇ​သေ​ၵႃႈ​တီႈ​ၼၼ်ႈ​ၵႂႃႇ​လႄႈ မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​လွင်ႈ​ဢၼ် ယေႇသူႉ ​ႁဵတ်း​ၵျေး​ၸူး​တီႈ​မၼ်း​ယႂ်ႇ​ၼႃႇ ထၢၼ်ႇ​ႁိုဝ်​ၼၼ်ႉ ၼႂ်း​မိူင်း​ တေႇၵႃႇပေႃးလီႉ ​လႄႈ ၵူၼ်း​တင်း​သဵင်ႈ​တင်း​လူင် ဢၢမ်း​ၼႃႇ​ဢေႃႈ။</verse>
				<verse number="21">ယေႇသူႉ ၶိုၼ်း​ၶၢမ်ႈ​ၵႂႃႇ ၵႃႈ​တီႈ​ၽင်ႇ​ၼမ်ႉ​ၽၢႆႇ​ပုၼ်ႉ​လႄႈ ၼႂ်း​မိူဝ်ႈ​ဢၼ် မီး​ယူႇ​ၵႃႈ​တီႈ​ႁိမ်း​ၼွင်​ၼၼ်ႉ​ၸိုင်၊ ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ၸူႉ​ၵၼ်​တုမ်​ၵၼ်​တီႈ​မၼ်း​ၸဝ်ႈ​ဢေႃႈ။-</verse>
				<verse number="22">ၵမ်း​ၼၼ်ႉ ၵႄႇ​ၸရွပ်ႈ​ႁေႃး​တြႃး ဢၼ်​လႆႈ​ၸိုဝ်ႈ ယႃႇဢီႉရူႉ ​ၼၼ်ႉ မႃး​လႄႈ မိူဝ်ႈ​ဢၼ်​ႁၼ်​မၼ်း​ၸဝ်ႈ​ၸိုင် ၶုပ်ႉ​မူပ်ႇ​ၵႃႈ​တီႈ​ႁိမ်း​တိၼ်​မၼ်း​ၸဝ်ႈ​ယူႇ​သေ​လႄႈ၊-</verse>
				<verse number="23">တွင်း​ပၢၼ်ႇ​ၼမ်​ၼႃႇ​လူင်​လၢင်​လႄႈ​ဝႃႈ၊ လုၵ်ႈ​ယိင်း​ဢွၼ်ႇ​ၵဝ်​ၶႃႈ​ၸမ်ႉ တၵ်း​တၢႆ​ၶႃႈ​ယဝ်ႉ။ ၼႂ်း​ဝႃႈ​ၼၼ်​သေ​ၵေႃႈ ၶႅၼ်း​တေႃႈ​မႃး​လႄႈ ဢဝ်​မိုဝ်း​ၸဝ်ႈ​ႁဝ်း​တၢင်ႇ​ၵႃႈ​ၼိူဝ်​မၼ်း ႁႂ်ႈ​မၼ်း​ၶႅၼ်း​မႃး​လႄႈ ဢသၢၵ်ႈ​လိပ်း​ယူႇ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မၼ်း​ၸဝ်ႈ​ၵႂႃႇ​လူၺ်ႈ​ၵၼ်​တင်း​မၼ်း​ၼၼ်ႉ​လႄႈ ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ဢုမ်ႇ​ၸွမ်း​ၽိုတ်ႉ​ဢီး​ၸူး မၼ်း​ၸဝ်ႈ​ဢေႃႈ။</verse>
				<verse number="25">ၵမ်း​ၼၼ်ႉ မႄႈ​ယိင်း​ဢၼ်​ၸပ်း​တၢင်း​ပဵၼ် ဢၼ်​ထွၵ်ႇ​လိူတ်ႈ​လႆႈ သိပ်း​သွင်​ပီႊ​တဵမ်​တဵမ်​ယဝ်ႉ​လႄႈ၊-</verse>
				<verse number="26">လႆႈ​ၶၢမ်ႇ​ၼႃႇ​လူင်​လၢင် ၼႂ်း​မိုဝ်း​မေႃ​ယႃ​ၼမ်​ၼႃႇ ထၼ်ႈ​ပေႃး​ဢုၵ်ႉ​ၸႃႇ​ၵႃႈ​မီး​တင်း​သဵင်ႈ​တင်း​လူင် သဵင်ႈ​မူတ်း​ၵႂႃႇ​သေ​ၵေႃႈ တၢင်း​ပဵၼ်​မၼ်း​ဢမ်ႇ​ႁၢႆ​ယဝ်ႉ​ဢမ်ႇ​ၵႃး၊ ယဵင်ႈ​ၶႅၼ်း​ၼႃႇ​မႃး​ထႅင်ႈ​ၼၼ်ႉ​ၵေႃႉ​ၼိုင်ႈ၊-</verse>
				<verse number="27">မိူဝ်ႈ​ဢၼ်​မၼ်း​ငိၼ်း​လွင်ႈ​ ယေႇသူႉ ​ၸိုင်၊ မႃး​ၵႃႈ​တီႈ​ၽၢႆႇ​တၢင်း​လင်​မၼ်း​ၸဝ်ႈ ၵႃႈ​ၼႂ်း​ၵူၼ်း​ဢၼ်​ၸူႉ​ဢၼ်​တုမ်​ၼၼ်ႉ​သေ​လႄႈ တိူဝ်ႉ​ယိပ်း​ၶူဝ်း​မၼ်း​ၸဝ်ႈ​ဢေႃႈ။-</verse>
				<verse number="28">လွင်ႈ​မၼ်း​ၸမ်ႉ မၼ်း​ထၢင်ႇ​လႄႈ​ဝႃႈ၊ ပေႃး​ၵဝ်​လႆႈ​တိူဝ်ႉ​လႆႈ​ယိပ်း​ၶူဝ်း​လဵင်း မၼ်း​ၸဝ်ႈ​ၼၼ်ႉ​ၵူၺ်း​ၸိုင် တၢင်း​ပဵၼ်​တၵ်း​ႁၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မိူဝ်ႈ​ၼၼ်ႉ​ၵမ်း​လဵဝ်၊ တီႈ​ဢၼ်​လိူတ်ႈ​ဢွၵ်ႇ​ၼၼ်ႉ ပဵၼ်​ဢၼ်​ယူတ်း​ႁႅင်ႈ​ၵႂႃႇ​လႄႈ မၼ်း​ႁူႉ​လွင်ႈ​ဢၼ် မၼ်း​ၵၢင်း​လွတ်ႈ​တင်း တၢင်း​ၶႆႈ​တၢင်း​ပဵၼ်​ယဝ်ႉ​ၼၼ်ႉ ၵႃႈ​ၼႂ်း​တူဝ်​မၼ်း​ဢေႃႈ။-</verse>
				<verse number="30">ယေႇသူႉ ႁူႉ​လွင်ႈ​ဢၼ်​တၼ်း​ၶူဝ်း​ဢွၵ်ႇ​ၵႃႈ​ၼႂ်း​မၼ်း​ၸဝ်ႈ​ၼၼ်ႉ​ၵမ်း​လဵဝ်​သေ​ယဝ်ႉ၊ ဝၢႆႇ​တူၺ်း​တၢင်း​လင်​ၵႃႈ​ၼႂ်း​ၵူၼ်း​ဢၼ်​ၸူႉ​ဢၼ်​တုမ် တင်း​လၢႆ​ၼၼ်ႉ​သေ​လႄႈ​ထၢမ်​ဝႃႈ၊ ၽူႈ​လႂ်​တိူဝ်ႉ​ယိပ်း​ၶူဝ်း​ၵဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">တပႄး​ၸဝ်ႈ​တင်း​လၢႆ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ႁၼ်​လွင်ႈ​ဢၼ် ၵူၼ်း​ဢၼ်​ၸူႉ​ဢၼ်​တုမ်​ၼႆႉ ၽိုတ်ႉ​ဢီး​ၸူး​ၸဝ်ႈ​ႁဝ်း​ယူႇ​ၼၼ်ႉ​လႄႈ ၸဝ်ႈ​ႁဝ်း​ထၢမ်​လႄႈ​ဝႃႈ ၽူႈ​လႂ်​တိူဝ်ႉ​ၵဝ်​ယိပ်း​ၵဝ်၊ ဝႃႈ​ၼင်ႇ​ၼႆ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">ၵူၺ်း​ၵႃႈ မၼ်း​ၸဝ်ႈ​လွမ်​တူၺ်း​လဵပ်ႈ​ႁွပ်ႈ​ႁႂ်ႈ​လႆႈ​ႁၼ်​ၵေႃႉ​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​ယူႇ​ဢေႃႈ။-</verse>
				<verse number="33">မႄႈ​ယိင်း​ၼၼ်ႉ၊ ၵွပ်ႈ​ပိူဝ်ႈ​ဢၼ်​ႁူႉ​လွင်ႈ​တၢင်း​ဢၼ်​ပဵၼ်​မႃး ၵႃႈ​တီႈ​မၼ်း​ၼၼ်ႉ​ယူႇ​လႄႈ ၵူဝ်​ႁႄ​သၼ်ႇ​ဝႆ​ယူႇ​သေ​လႄႈ မႃး​တီႈ​မၼ်း​ၸဝ်ႈ ယဝ်ႉ​ၸင်ႇ၊ ၶုပ်ႉ​မူပ်ႇ​လႄႈ လဝ်ႊ​လၢတ်ႈ​ဢၼ်​ၸိုဝ်ႈ​ဢၼ်​ၸႂ်ႈ လွင်ႈ​တီႈ​ႁဵင်း​ၼၼ်ႉ ၵႃႈ​မီး​တင်း​သဵင်ႈ​တင်း​လူင်​ဢေႃႈ။-</verse>
				<verse number="34">မၼ်း​ၸဝ်ႈ​ၵေႃႈ လၢတ်ႈ​တီႈ​မၼ်း​လႄႈ​ဝႃႈ၊ လုၵ်ႈ​ယိင်း​ၵဝ်​ဢိူၺ်း၊ တၢင်း​ယုမ်ႇ​မၢတ်ႈ​မႂ်း ႁႂ်ႈ​တၢင်း​ပဵၼ်​မႂ်း​ႁၢႆ​ယဝ်ႉ။ ၵႂႃႇ​ၼိမ်​ၼိမ်​တႃႉ။ ႁႂ်ႈ​ၵၢင်း​လွတ်ႈ​တင်း တၢင်း​ၶႆႈ​တၢင်း​ပဵၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="35">ၼႂ်း​မိူဝ်ႈ​ဢၼ်​မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင်၊ ၵူၼ်း​လုၵ်ႉ​သေ​ၵႃႈ​တီႈ​ႁိူၼ်း​ၵႄႇ​ၸရွပ်ႈ​ႁေႃး​တြႃး​ၼၼ်ႉ မႃး​လၢတ်ႈ​လႄႈ​ဝႃႈ၊ လုၵ်ႈ​ယိင်း​ၸဝ်ႈ​ႁဝ်း​တၢႆ​ယဝ်ႉ​ၶႃႈ​ဢေႃႈ။ ႁဵတ်း​ႁိုဝ်​လႄႈ​ယင်း​ယႃႉ​ယူၵ်ႉ​သြႃႇ​ယူႇ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">မိူဝ်ႈ​ဢၼ် ယေႇသူႉ ငိၼ်း​ၵႂၢမ်း​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​တီႈ​ၵႄႇ​ၸရွပ်ႈ​ႁေႃး​တြႃး​ၼၼ်ႉ​လႄႈ​ဝႃႈ၊ ယႃႇ​ပေ​မႆႈ​ၸႂ်။ ႁႂ်ႈ​မီး​ၸႂ်​ဢၼ် ယုမ်ႇ​မၢတ်ႈ​ၵူၺ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">လိူဝ်​သေ ပေႇတရူႉ ဢိၵ်ႇ​တင်း ယႃႇၵုပ်ႈ တင်း​ ယူဝ်းႁၢၼ်ႇ ၼွင်ႉ​ၸၢႆး ယႃႇၵုပ်ႈ ​ၼၼ်ႉ၊ မၼ်း​ၸဝ်ႈ​ဢမ်ႇ​ပၼ်​ၽူႈ​လႂ်​ၵႂႃႇ​ၸွမ်း​သေ​ၵေႃႉ​သေ​ၵူၼ်း။-</verse>
				<verse number="38">ၶဝ်​ၼၼ်ႉ ႁွတ်ႈ​ထိုင်​ၵႃႈ​တီႈ​ႁိူၼ်း​ၵႄႇ​ၸရွပ်ႈ​ႁေႃး​တြႃး​ၼၼ်ႉ​လႄႈ မၼ်း​ၸဝ်ႈ​ႁၼ်​တၢင်း​ဢၼ်​ႁဵတ်း​ႁုၼ်ႉ​ႁၼ်ႉ ဢူၼ်​ဢဵၼ်​မေႃး​မႄး​ၵၼ်​ယူႇ ဢိၵ်ႇ​တင်း​ၶဝ်​ၸိူဝ်း​ဢၼ်​ႁဵတ်း​သဵင်​ႁႆႈ​သဵင်​ႁွင်ႉ​ၼမ်​ၼႃႇ​ၼၼ်ႉ​သေ​ယဝ်ႉ၊-</verse>
				<verse number="39">ၶဝ်ႈ​ၵႂႃႇ​ၵႃႈ​ၼႂ်း​လႄႈ လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ႁဵတ်း​သင်​လႄႈ သူ​ႁဵတ်း​ဢူၼ်​ဢဵၼ်​မေႃး​မႄး​ႁွင်ႉ​ႁႆႈ ယူႇ​ၼင်ႇ​ႁိုဝ်။ လုၵ်ႈ​ဢွၼ်ႇ​ၼႆႉ တၢႆ​ယဝ်ႉ​ဢမ်ႇ​ၸႂ်ႈ၊ မၼ်း​ၼွၼ်း​လပ်း​ယူႇ​လႆ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ၶဝ်​ၼၼ်ႉ ႁဵတ်း​ပျၢၵ်ႈ​ၶူဝ်​မၼ်း​ၸဝ်ႈ​သေ​ဢေႃႈ။-</verse>
				<verse number="40">မၼ်း​ၸဝ်ႈ​ႁႂ်ႈ​ၶဝ်​တင်း​သဵင်ႈ​တင်း​လူင် ၵႃႈ​မီး​ၸိူဝ်း​ၼၼ်ႉ​ဢွၵ်ႇ​ၵႂႃႇ​သေ​လႄႈ ႁွင်ႉ​ဢဝ်​ပေႃႈ​မႄႈ​လုၵ်ႈ​ဢွၼ်ႇ ဢိၵ်ႇ​တင်း​ၶဝ်​ၸိူဝ်း​ဢၼ်​ပႃး​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​ယဝ်ႉ​ၸင်ႇ၊ ၶဝ်ႈ​ၸူး​ၵႃႈ​တီႈ​ဢၼ်​လုၵ်ႈ​ဢွၼ်ႇ​မီး​ၼၼ်ႉ​လႄႈ၊-</verse>
				<verse number="41">ယိပ်း​မိုဝ်း​လုၵ်ႈ​ဢွၼ်ႇ​သေ​ယဝ်ႉ၊ လၢတ်ႈ​လႄႈ​ဝႃႈ၊ တလီႉတႃႉၵူႉမီႉ ၊ ဝႃႈ​ၼင်ႇ​ၼႆ​ဢေႃႈ။ ဢထိၵ်ႈပႄႇ​ၸမ်ႉ၊ မႄႈ​ယိင်း​ဢွၼ်ႇ​ဢိူၺ်း၊ လုၵ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="42">ၵမ်း​ၼၼ်ႉ​ၵမ်း​လဵဝ် မႄႈ​ယိင်း​ဢွၼ်ႇ​ၼၼ်ႉ လုၵ်ႉ​လႄႈ ပႆ​တၢင်း​ၵႂႃႇ​ဢေႃႈ။ မၼ်း​ၼၼ်ႉ ဢသၢၵ်ႈ​လႆႈ​သိပ်း​သွင်​ပီႊ​ဢေႃႈ။ ၶဝ်​ၼၼ်ႉ​ၵေႃႈ ၵႂင်​ၸႂ်​ယုင်ႈ​ၸႂ်​ၼႃႇ​လူင်​လၢင်​ဢေႃႈ။-</verse>
				<verse number="43">ၼင်ႇ​ႁိုဝ်​ၽူႈ​လႂ် တၵ်း​ဢမ်ႇ​ႁူႉ​လွင်ႈ​တီႈ​ႁဵင်း​ၼၼ်ႉ​ၸိုင်၊ မၼ်း​ၸဝ်ႈ​ပိင်း​ၺၢပ်ႈ​ဝႆႉ​တီႈ​ၶဝ်​ၼႃႇ လူင်​လၢင်​လႄႈ သမ်ႉ​မီး​ဢမိင်ႉ​လႄႈ​ဝႃႈ၊ ပၼ်​တၢင်း​ၵိၼ်​တီႈ​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="6">
				<verse number="1">မၼ်း​ၸဝ်ႈ​ဢွၵ်ႇ​သေ​ၵႃႈ​တီႈ​ၼၼ်ႈ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း တူဝ်​ၸဝ်ႈ​ၵဝ်ႇ​ပုၼ်ႉ​ဢေႃႈ။ တပႄး​ၸဝ်ႈ​တင်း​လၢႆ​ၵေႃႈ ၸွမ်း​မၼ်း​ၸဝ်ႈ​ၵႂႃႇ​ဢေႃႈ။-</verse>
				<verse number="2">မိူဝ်ႈ​ဢၼ်​ႁွတ်ႈ​ထိုင်​ဝၼ်း​ၵမ်​သိၼ်​ၸိုင်၊ မၼ်း​ၸဝ်ႈ​သင်ႇ​သွၼ်​သုင်း​မႃႉ​ပၼ် ၵႃႈ​ၼႂ်း​ၸရွပ်ႈ​ႁေႃး​တြႃး​ယူႇ​ဢေႃႈ။ ၵူၼ်း​ၼမ်​ၼႃႇ​လႆႈ​ငိၼ်း​သေ​ယဝ်ႉ၊ ၵႂင်​ၸႂ်​ယုင်ႈ​ၸႂ်​လႄႈ လၢတ်ႈ​လႄႈ​ဝႃႈ၊ ၵူၼ်း​ၵေႃႉ​ၼႆႉ လႆႈ​လွင်ႈ​တၢင်း​ၸိူဝ်း​ၼႆႉ​ၵႃႈ​တီႈ​လႂ်။ ပိင်ႇ​ၺႃႇ ဢၼ်​မၼ်း​လႆႈ​ၼႆႉ​ၸမ်ႉ၊ ပဵၼ်​ပိင်ႇ​ၺႃႇ​ဢၼ်​လႂ်။ တၼ်း​ၶူဝ်း​ၸိူဝ်း​ၼႆႉ ပဵၼ်​မႃး​ၼႂ်း​မိုဝ်း​မၼ်း​ၸိူဝ်ႉ​ၼင်ႇ​ႁိုဝ်။-</verse>
				<verse number="3">မၼ်း​ၼႆႉ ပဵၼ်​လၢၵ်ႈသမႃး​ဢမ်ႇ​ၸႂ်ႈ​ႁိုဝ်။ ပဵၼ်​လုၵ်ႈ​ၸၢႆး​ မႃႇရီႉ ဢမ်ႇ​ၸႂ်ႈ​ႁိုဝ်။ ပဵၼ်​ပီႈ​ၸၢႆး​ ယႃႇၵုပ်ႈ၊ ယူဝ်းသေႇ၊ ယူႉတႃႉ၊ သီႉမုၼ်ႇ ၶဝ်​ၼၼ်ႉ​ဢမ်ႇ​ၸႂ်ႈ​ႁိုဝ်။ ၼွင်ႉ​ယိင်း​မၼ်း​တင်း​လၢႆ​ၵေႃႈ မီး​ယူႇ​လူၺ်ႈ​ၵၼ်​တင်း​ႁဝ်း​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​လႄႈ ၸႂ်​လူႉ​ၵွပ်ႈ​ပိူဝ်ႈ​မၼ်း​ၸဝ်ႈ​ဢေႃႈ။-</verse>
				<verse number="4">ယေႇသူႉ ​ၵေႃႈ လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ပရေႃးၽႅတ်ႈ​ၸိုင်၊ လိူဝ်​သေ​ၵႃႈ​တီႈ​ဝဵင်း​တူဝ်​ၸဝ်ႈ​ၵဝ်ႇ၊ ၵႃႈ​တီႈ​ဢၼ်​ပီႈ​ၼွင်ႉ​တူဝ်​ၸဝ်ႈ​ၵဝ်ႇ​ယူႇ၊ ၵႃႈ​တီႈ​ႁိူၼ်း​တူဝ်​ၸဝ်ႈ​ၵဝ်ႇ​ၼၼ်ႉ၊ ဢမ်ႇ​ၵၢင်း​လွတ်ႈ​တင်း​သရေႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၵႃႈ​တီႈ​ၼၼ်ႈ လိူဝ်​သေ​တၢင်း​ဢၼ်​ဢဝ်​မိုဝ်း​တၢင်ႇ​ၵႃႈ​ၼိူဝ်​ၵူၼ်း​ဢၼ်​ဢမ်ႇ​ယူႇ​လီ ၵမ်ႈ​ၽွင်ႈ​လႄႈ ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ႁၢႆ​ၼၼ်ႉ​ၵူၺ်း၊ မၼ်း​ၸဝ်ႈ​ဢမ်ႇ​ၼႄ​ပျႃး တၼ်း​ၶူဝ်း​ဢၼ်​လႂ်​လႆႈ။-</verse>
				<verse number="6">ပိူဝ်ႈ​ဢၼ် ၶဝ်​ဢမ်ႇ​ယုမ်ႇ​မၢတ်ႈ​လႄႈ မၼ်း​ၸဝ်ႈ​မီး​ၸႂ် ဢၼ်​ဢၢမ်း​ၼႃႇ​လူင်​လၢင်​ဢေႃႈ။ မၼ်း​ၸဝ်ႈ​တေႇသႃႉၸႃႇရီႇ​လႄႇ​လဵပ်ႈ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း ဢၼ်​မီး​ၵႃႈ​တီႈ​ႁိမ်း​ႁွမ်း​ၸိူဝ်း​ၼၼ်ႉ​လႄႈ သင်ႇ​သွၼ်​သုင်း​မႃႉ​ပၼ်​ယူႇ​ဢေႃႈ။</verse>
				<verse number="7">မၼ်း​ၸဝ်ႈ​ႁွင်ႉ​ဢဝ် သိပ်း​သွင်​ပႃး​တင်း​လၢႆ​ယဝ်ႉ​ၸင်ႇ၊ ပၼ်​ဢၶႂၢင်ႉ​ႁႂ်ႈ​ၶဝ်​လႆႈ​ပႄႉ​ၼႅင်ႇ​ၽီ​ဢၼ်​ၵူဝ်ႈ​ၵိူၵ်ႇ​တင်း​လၢႆ​ယူႇ​သေ​လႄႈ ပွႆႇ​ၸႂ်ႉ​ၶဝ်​ၵႂႃႇ​သွင်​ၵေႃႉ သွင်​ၵေႃႉ ႁင်း​ၽႂ်​ႁင်း​မၼ်း​လႄႈ၊-</verse>
				<verse number="8">သင်ႇ​လၢတ်ႈ​လႄႈ​ဝႃႈ၊ လိူဝ်​သေ​ၶွၼ်ႉ​တဝ်ႉ​ဢၼ်​ၼိုင်ႈ​ပုၼ်ႈ​ဢၼ်​တၵ်း​ၵႂႃႇ​တၢင်း​ၼၼ်ႉ၊ သူ​ယႃႇ​ပေ​ဢဝ်​ၵႃႈ​သင်​ၵႂႃႇ။ ယႃႇ​ပေ​ဢဝ် ၸႃႉ​ၸဵမ်​ထူင်​ပႃး၊ ၶဝ်ႈ​မုၼ်း ဢိၵ်ႇ​တင်း​ငိုၼ်း​တွင်း​ၵႃႈ​ၼႂ်း​သၢႆ​ဢႅဝ်​ၵႂႃႇ။-</verse>
				<verse number="9">တိုဝ်း​ၶႅပ်း​တိၼ်​တႃႉ။ ယႃႇ​ပေ​ၼုင်ႈ​သိူဝ်ႈ​သွင်​ၽိုၼ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">လိူဝ်​သေ​ၼၼ်ႉ၊ မၼ်း​ၸဝ်ႈ​မီး​ဢမိင်ႉ​တီႈ​ၶဝ်​ၼၼ်ႉ​လႄႈ​ဝႃႈ၊ မိူဝ်ႈ​ဢၼ်​သူ​ၶဝ်ႈ​ၵႃႈ​ၼႂ်း​ႁိူၼ်း​ဢၼ်​လႂ်​သေ​ဢမ်ႇ​ဝႃႈ၊ ၸူဝ်ႈ​ဢၼ်​ဢမ်ႇ​ပႆႇ​ဢွၵ်ႇ​ၵႂႃႇ​သေ​ၵႃႈ​တီႈ​ၼၼ်ႈ​ၸိုင် ယူႇ​ၵႃႈ​တီႈ​ၼႂ်း​ႁိူၼ်း​ၼၼ်ႉ​တႃႉ။-</verse>
				<verse number="11">တီႈ​လႂ်​သေ​ဢမ်ႇ​ဝႃႈ၊ ဢၼ်​ဢမ်ႇ​ႁပ်ႉ​တုင်း​ဢဝ်​သူ၊ ဢမ်ႇ​ထွမ်ႇ​ဢဝ်​ၵႂၢမ်း​သူ​ၼၼ်ႉ၊ ၼႂ်း​မိူဝ်ႈ​ဢၼ်​သူ​ယင်း​တိုၵ်ႉ​ဢွၵ်ႇ​ၵႂႃႇ​သေ​ၵႃႈ​တီႈ​ၼၼ်ႈ​ယူႇ​ၼၼ်ႉ​ၸိုင် သၼ်ႇ​မုၼ်ႈ​လိၼ်​ဢၼ်​ၸပ်း​ၵႃႈ​တီႈ​တိၼ်​သူ​ၼၼ်ႉ​ပႅတ်ႈ ႁႂ်ႈ​ပဵၼ်​သၢၵ်ႈ​သေႇ​တီႈ​ၶဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ၶဝ်​ၼၼ်ႉ ဢွၵ်ႇ​ၵႂႃႇ​လႄႈ ႁေႃး​လၢတ်ႈ​လွင်ႈ​တၢင်း​ဢၼ်​တၵ်း​လႆႈ ၶုၵ်း​ၸႂ်​လႆႈ​မႆႈ​ၸႂ်​ဢေႃႈ။-</verse>
				<verse number="13">ၶဝ်​ႁေႃႈ​ၽီ​ႁၢႆႉ​ၼမ်​ၼႃႇ​ဢွၵ်ႇ​ပႅတ်ႈ​ဢေႃႈ။ ၶဝ်​ဢဝ်​ၼမ်ႉ​မၼ်း​တႃး​ၶဝ်​ၸိူဝ်း​ဢၼ်​ဢမ်ႇ​ယူႇ​လီ​ၼၼ်ႉ​လႄႈ ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​ဢေႃႈ။</verse>
				<verse number="14">မိူဝ်ႈ​ၼၼ်ႉ ပိူဝ်ႈ​ဢၼ်​ၸိုဝ်ႈ​သဵင်​မၼ်း​ၸဝ်ႈ ႁူင်​ႁၢင်း​သႃႈ​ၸွတ်ႇ​ၵႂႃႇ​လႄႈ၊ ၶုၼ်​လူင် ႁေႇရူတ်ႈ ငိၼ်း​လႄႈ လၢတ်ႈ​ဝႃႈ၊ ယူဝ်းႁၢၼ်ႇ ဢၼ်​ပၼ်​ ပပ်ႉတီႉၸမ်ႇ ​ၼၼ်ႉ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ယဝ်ႉ။ ပိူဝ်ႈ​ၼႆ​ၸင်ႇ၊ တၼ်း​ၶူဝ်း​ၼမ်​ၼႃႇ​ၼႆႉ ၸၢင်ႈ​ႁဵတ်း​ပွင်​ယူႇ​ၵႃႈ​ၼႂ်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၵူၼ်း​ၵမ်ႈ​ၽွင်ႈ​ၵေႃႈ​ဝႃႈ၊ မၼ်း​ပဵၼ် ဢေးလီႉယႃႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ၊ ပဵၼ်​ပရေႃးၽႅတ်ႈ​မိူၼ်​ၸိူဝ်ႉ​ၼင်ႇ ပရေႃးၽႅတ်ႈ​ဢွၼ်​တၢင်း​မိူဝ်ႈ​ၼၼ်ႉ​ၸိူဝ်း​ၼၼ်ႉ သေ​ပႃး​ပႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၵူၺ်း​ၵႃႈ ၶုၼ်​လူင် ႁေႇရူတ်ႈ ​ၼၼ်ႉ ငိၼ်း​သေ​ယဝ်ႉ၊ လၢတ်ႈ​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ ပဵၼ်​ ယူဝ်းႁၢၼ်ႇ ဢၼ်​ၵဝ်​ႁႂ်ႈ​တႅပ်း​ႁူဝ်​မၼ်း​ၼၼ်ႉ​ဢေႃႈ။ မၼ်း​လုၵ်ႉ​ၵႃႈ​တၢင်း​တၢႆ ၶိုၼ်း​လိပ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မိူဝ်ႈ​ဢွၼ်​တၢင်း​ၼၼ်ႉ ၶုၼ်​လူင် ႁေႇရူတ်ႈ ​ၼၼ်ႉ လႆႈ​သိမ်း​ဢဝ် ႁေႇရူဝ်းတီႉ မေး​ၼွင်ႉ​ၸၢႆး​မၼ်း ၽီႉလိပ်ႉပူႉ ​ၼၼ်ႉ​သေ​ယဝ်ႉ၊ ၵွပ်ႈ​ပိူဝ်ႈ​မႄႈ​ယိင်း​ၼၼ်ႉ​လႄႈ ပွႆႇ​ၸႂ်ႉ​ၵူၼ်း​ၵႂႃႇ​တီႉ​ဢဝ် ယူဝ်းႁၢၼ်ႇ ​သေ​လႄႈ မတ်ႉ​ၶင်​ဝႆႉ​ၵႃႈ​ၼႂ်း​ထွင်ႇ​ဢေႃႈ။-</verse>
				<verse number="18">လွင်ႈ​မၼ်း​ၸမ်ႉ ယူဝ်းႁၢၼ်ႇ ​ၼၼ်ႉ လႆႈ​လၢတ်ႈ​တီႈ​ၶုၼ်​လူင် ႁေႇရူတ်ႈ ​လႄႈ​ဝႃႈ၊ ၸဝ်ႈ​ႁဝ်း​ဢမ်ႇ​လီ​သိမ်း​ဢဝ်​မေး​ၼွင်ႉ​ၸၢႆး​ၸဝ်ႈ​ၵဝ်ႇ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="19">ပိူဝ်ႈ​ၼႆ​လႄႈ ႁေႇရူဝ်းတီႉ ​ၼၼ်ႉ ဝႆႉ​ၸႂ်​တီႈ​ ယူဝ်းႁၢၼ်ႇ ​လႄႈ မီး​ဢလူဝ်ႇ​ၶႂ်ႈ​ဢဝ်​မၼ်း​တၢႆ​သေ​ၵေႃႈ ဢမ်ႇ​ပဵၼ်​လႆႈ။-</verse>
				<verse number="20">လွင်ႈ​မၼ်း​ၸမ်ႉ ၶုၼ်​လူင်​ ႁေႇရူတ်ႈ ႁူႉ​လွင်ႈ​ဢၼ် ယူဝ်းႁၢၼ်ႇ ​ပဵၼ်​ၵေႃႉ​ဢၼ်​မူတ်း​ၸၢင်ႇ၊ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​လႄႈ ၵူဝ်​မၼ်း​ဢေႃႈ။ ပႂ်ႉ​လူ​ပႂ်ႉ​တူၺ်း​မၼ်း​ယူႇ​ဢေႃႈ။ မိူဝ်ႈ​ဢၼ် ထွမ်ႇ​ၵႂၢမ်း​မၼ်း​ၼၼ်ႉ​ၸိုင်၊ ႁဵတ်း​ၸွမ်း​လွင်ႈ​တၢင်း​ၼမ်​ၼႃႇ​ယူႇ​လႄႈ ၸင်ႇ​မီး​တင်း​ၸႂ်​ဢၼ်​သိူဝ်း​ၸူမ်း​ၼႃႇ​လူင်​လၢင်​ထွမ်ႇ​ငိၼ်း​မၼ်း​ဢေႃႈ။</verse>
				<verse number="21">လိုၼ်း​ၼၼ်ႉ ၶိင်ႇ​မၼ်း​ထုၵ်ႇ​ယဝ်ႉ​ၸင်ႇ၊ ၼႂ်း​မိူဝ်ႈ​ဢၼ် ၶုၼ်​လူင်​ ႁေႇရူတ်ႈ ၶၢမ်ႇ​ပွႆး​ဢၸႅၼ်ႇ ဝၼ်း​ဢၼ်​ပဵၼ်​ဝၼ်း​မၼ်း​ၸဝ်ႈ​ၵိူတ်ႇ​လဵင်ႉ​မႃး​ၼၼ်ႉ​လႄႈ ႁဵတ်း​လဵင်ႉ​ႁဵတ်း​လူ​တီႈ​မူး​မၢတ်ႈ​ၽွင်း​မိူင်း ဢိၵ်ႇ​တင်း​ၵႄႇ​ၵူၼ်း​သိုၵ်း တင်း​ၶဝ်​ၸိူဝ်း​ဢၼ် ပဵၼ်​ၵူၼ်း​ယႂ်ႇ​ၵူၼ်း​လူင် ၵႃႈ​ၼႂ်း​မိူင်း ၵႃႇလီႉလႄး ​ၼၼ်ႉ ယူႇ​ၼၼ်ႉ​ၸိုင်၊-</verse>
				<verse number="22">လုၵ်ႈ​ယိင်း ႁေႇရူဝ်းတီႉ ၶဝ်ႈ​လႄႈ ၵႃႈ​ယဝ်ႉ​ၸင်ႇ၊ ၸႃႉ​ၸဵမ်​ၶုၼ်​လူင်​ ႁေႇရူတ်ႈ ဢိၵ်ႇ​တင်း​ၶဝ်​ၸိူဝ်း​ဢၼ် ဢိင်​ယူႇ​လူၺ်ႈ​ၵၼ်​တင်း​မၼ်း​ၸဝ်ႈ ၵႃႈ​တီႈ​ႁိမ်း​ၶူင်ႇ​တီႈ​ၵိၼ်​ၼၼ်ႉ ထုၵ်ႇ​ၸႂ်​ၵျိူၵ်ႈ​ၸႂ်​ၼႃႇ​လႄႈ ၶုၼ်​လူင်​ၵေႃႈ မီး​ဢမိင်ႉ​လၢတ်ႈ​တီႈ​မႄႈ​ယိင်း​ဢွၼ်ႇ​ၼၼ်ႉ​လႄႈ​ဝႃႈ၊ ၵႃႈ​ဢၼ်​မႂ်း​ၶႂ်ႈ​လႆႈ​ၼၼ်ႉ​ၸိုင်၊ ယွၼ်း​တႃႉ။ ၵဝ်​တၵ်း​ပၼ်​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​ၸဝ်ႈ​သမ်ႉ ၵိၼ်ႇ​လၢတ်ႈ​သေ​လႄႈ​ဝႃႈ၊ ၵႃႈ​ဢၼ်​မႂ်း​ယွၼ်း တေႃႇ​ထိုင်​ႁွတ်ႈ​မိူင်း​ၽၢၵ်ႇ​ၼိုင်ႈ​ၸိုင်၊ ၵဝ်​တၵ်း​ပၼ်​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မႄႈ​ယိင်း​ဢွၼ်ႇ​ၼၼ်ႉ ဢွၵ်ႇ​ၵႂႃႇ​လႄႈ ထၢမ်​တီႈ​မႄႈ​မၼ်း​လႄႈ​ဝႃႈ၊ တၵ်း​လႆႈ​ယွၼ်း​ဢဝ်​ၵႃႈ​သင်၊ ဝႃႈ​ၼင်ႇ​ၼႆ သေ​ယဝ်ႉ၊ မႄႈ​မၼ်း​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ယွၼ်း​ဢဝ်​ႁူဝ်​ ယူဝ်းႁၢၼ်ႇ ဢၼ်​ပၼ်​ ပပ်ႉတီႉၸမ်ႇ ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="25">မႄႈ​ယိင်း​ဢွၼ်ႇ​ၼၼ်ႉ ၶဝ်ႈ​ၵႃႈ​တီႈ​ၶုၼ်​လူင်​ၶၼ်​ၶၼ်​ၽႂ်း​ၽႂ်း ၵမ်း​လဵဝ်​သေ​လႄႈ လဝ်ႊ​ယွၼ်း​လႄႈ​ဝႃႈ၊ ၵဝ်​ၶႃႈ​မီး​ဢလူဝ်ႇ​ၶႂ်ႈ​ႁႂ်ႈ​ဢဝ်​ႁူဝ် ယူဝ်းႁၢၼ်ႇ ဢၼ်​ပၼ်​ ပပ်ႉတီႉၸမ်ႇ ​ၼၼ်ႉ သႂ်ႇ​ၵႃႈ​ၼႂ်း​လၢင်ႇ​ပၢၼ်း​မႃး ၶၼ်​ၶၼ်​ၽႂ်း​ၽႂ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၶုၼ်​လူင်​ၼၼ်ႉ၊ ပိၵ်ႉ​သမ်ႉ​ၸႂ်​လဵၵ်ႉ​ၼႃႇ​သေ​ၵေႃႈ၊ ၵွပ်ႈ​ပိူဝ်ႈ တၢင်း​ဢၼ်​မၼ်း​ၸဝ်ႈ​လႆႈ​ၵိၼ်ႇ​လႆႈ​ဝႃႈ ဢိၵ်ႇ​တင်း​ၵွပ်ႈ​ပိူဝ်ႈ​ၶဝ်​ၸိူဝ်း​ဢၼ် ဢိင်​ယူႇ​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​လႄႈ၊ ဢမ်ႇ​ၶႂ်ႈ​ထဵင်​ပႅတ်ႈ​မႄႈ​ယိင်း​ဢွၼ်ႇ​ၼၼ်ႉ​လႄႈ၊-</verse>
				<verse number="27">ပွႆႇ​ၸႂ်ႉ​ၵူၼ်း​ပႂ်ႉ​ၵေႃႉ​ၼိုင်ႈ​ၵႂႃႇ​ၵမ်း​လဵဝ်​ယူႇ​သေ​လႄႈ မီး​ဢမိင်ႉ​လႄႈ​ဝႃႈ၊ ဢဝ်​ႁူဝ်​မၼ်း​မႃး​တႃႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="28">ၵူၼ်း​ပႂ်ႉ​ၼၼ်ႉ ၵႂႃႇ​တႅပ်း​ဢဝ်​ႁူဝ်​ ယူဝ်းႁၢၼ်ႇ ၵႃႈ​ၼႂ်း​ထွင်ႇ​ဢေႃႈ။ ဢဝ်​ႁူဝ်​မၼ်း​သႂ်ႇ​ၵႃႈ​ၼႂ်း​လၢင်ႇ​ပၢၼ်း​မႃး​လႄႈ ပၼ်​တီႈ​မႄႈ​ယိင်း​ဢွၼ်ႇ​ၼၼ်ႉ​ယဝ်ႉ​ၸင်ႇ၊ မၼ်း​ၵေႃႈ ပၼ်​တီႈ​မႄႈ​မၼ်း​ဢေႃႈ။-</verse>
				<verse number="29">တပႄး​ ယူဝ်းႁၢၼ်ႇ ​တင်း​လၢႆ​ၵေႃႈ၊ မိူဝ်ႈ​ဢၼ်​ငိၼ်း​ၸိုင်၊ မႃး​ဢဝ်​တူဝ်​တၢႆ​မၼ်း​လႄႈ သၢင်း​ၵျူဝ်ႇ​ၵႃႈ​ၼႂ်း​သၢင်း​ၶႅင်း​ဢေႃႈ။</verse>
				<verse number="30">တမၢၼ်ႇ​ၸဝ်ႈ​တင်း​လၢႆ မႃး​ၸူႉ​ၵၼ်​တုမ်​ၵၼ်​တီႈ​ ယေႇသူႉ ​လႄႈ လဝ်ႊ​လၢတ်ႈ​လွင်ႈ​တၢင်း​ၵႃႈ​ဢၼ်​ၶဝ်​ႁဵတ်း ဢိၵ်ႇ​တင်း​လွင်ႈ​တၢင်း​ၵႃႈ​ဢၼ်​ၶဝ်​သင်ႇ​သွၼ်​ပၼ်​ၸိူဝ်း​ၼၼ်ႉ တီႈ​မၼ်း​ၸဝ်ႈ​ဢေႃႈ။-</verse>
				<verse number="31">မၼ်း​ၸဝ်ႈ​ၵေႃႈ လၢတ်ႈ​လႄႈ​ဝႃႈ၊ သူ​မႃး​ၵႃႈ​တီႈ​ၼႂ်း​ထိူၼ်ႇ တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​လႄႈ လိုဝ်ႈ​ၵမ်း​ဢွၼ်ႇ​ၼိုင်ႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ ၵူၼ်း​ၼမ်​ၼႃႇ ၵႂႃႇ​ၵႂႃႇ​မႃး​မႃး​ယူႇ​လႄႈ တမၢၼ်ႇ​ၸဝ်ႈ​တင်း​လၢႆ​ၸိူဝ်း​ၼၼ်ႉ ထၼ်ႈ​ပေႃး​ဢမ်ႇ​တၼ်း​ၵိၼ်​တၢင်း​ၵိၼ် တၢင်း​ၶူပ်း​လႆႈ။-</verse>
				<verse number="32">ပိူဝ်ႈ​ၼႆ​လႄႈ ၶဝ်​ၶီႇ​ႁိူဝ်း​ၵႂႃႇ​ၵႃႈ​တီႈ​ၼႂ်း​ထိူၼ်ႇ တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​ဢေႃႈ။-</verse>
				<verse number="33">ၵူၼ်း​ၼမ်​ၼႃႇ မိူဝ်ႈ​ဢၼ်​ႁၼ်​ၶဝ်​ၵႂႃႇ​လႄႈ ႁူႉ​လွင်ႈ​ဢၼ် ပဵၼ်​ၶဝ်​ၸိုင် ဢွၵ်ႇ​သေ​ၵႃႈ​ၼႂ်း​ၵူႈ​ဝၢၼ်ႈ​ၵူႈ​ဝဵင်း​တင်း​သဵင်ႈ​တင်း​လူင် ပႆ​တိၼ်​လႅၼ်ႈ​ၵႂႃႇ​ၵႃႈ​တီႈ​ၼၼ်ႈ​လႄႈ ႁွတ်ႈ​ထိုင်​ဢွၼ်​တၢင်း​ၶဝ်​ၼၼ်ႉ​ဢေႃႈ။-</verse>
				<verse number="34">မၼ်း​ၸဝ်ႈ​ဢွၵ်ႇ​ၵႂႃႇ​လႄႈ ထူပ်း​ႁၼ်​ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ​သေ​ယဝ်ႉ၊ မီး​ၸႂ်​ဢၼ်​ဢဵတ်း​လူ​ၶဝ် ၵွပ်ႈ​ပိူဝ်ႈ​ဢၼ် ၶဝ်​ပဵၼ်​ၼင်ႇ​သူဝ်း​တင်း​လၢႆ ဢၼ်​ဢမ်ႇ​မီး​ၵေႃႉ​ဢၼ်​လဵင်ႉ​ဢၼ်​လူ​ၼၼ်ႉ​လႄႈ သင်ႇ​သွၼ်​သုင်း​မႃႉ​ပၼ်​ၼမ်​ၼႃႇ တီႈ​ၶဝ်​ၼၼ်ႉ​ဢေႃႈ။</verse>
				<verse number="35">မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ႁူဝ်​ၶမ်ႈ​ၸိုင်၊ တပႄး​ၸဝ်ႈ​တင်း​လၢႆ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၵႃႈ​တီႈ​ၼႆႈ ပဵၼ်​တီႈ​ထိူၼ်ႇ ၶႃႈ​ဢေႃႈ။ ၶိင်ႇ​ၵေႃႈ​သဵင်ႈ​တေႃႈ​လဵဝ်​ၶႃႈ​ယဝ်ႉ။-</verse>
				<verse number="36">ၼင်ႇ​ႁိုဝ်​ၵူၼ်း​ၸိူဝ်း​ၼႆႉ တၵ်း​လႆႈ​ၵႂႃႇ​ၵႃႈ​တီႈ ဝၢၼ်ႈ​ၵၢင်​ပၢင်ႇ​ႁိမ်း​ႁွမ်း​တီႈ​ၼႆႈ​လႄႈ သိုဝ်ႉ​ဢဝ်​တၢင်း​ၵိၼ်​ၸိုင်၊ ၸဝ်ႈ​ႁဝ်း​ပွႆႇ​ၵႂႃႇ​သေ​ၵမ်း​ၶႃႈ။ ၶဝ်​ဢမ်ႇ​မီး​ပုၼ်ႈ​ဢၼ်​တၵ်း​ၵိၼ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="37">မၼ်း​ၸဝ်ႈ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ သူ​ပၼ်​ပုၼ်ႈ​ဢၼ်​ၶဝ်​တၵ်း​ၵိၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​တၵ်း​လႆႈ​ဢဝ် တေႇၼႃႇရီႇ သွင်​ပၢၵ်ႇ​ၶႅပ်း ၵႂႃႇ​သိုဝ်ႉ​ဢဝ်​ၶဝ်ႈ​မုၼ်း​လႄႈ ပၼ်​ပုၼ်ႈ​ဢၼ်​ၶဝ်​တၵ်း​ၵိၼ်​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="38">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵႃႈ​တီႈ​သူ​ၼႆႉ မီး​ၶဝ်ႈ​မုၼ်း​လၢႆ​ႁူၺ်ႇ။ ၵႂႃႇ​လႄႈ​တူၺ်း​လူး၊ ဝႃႈ​ၼႆ၊ ၵႃႈ​ၼင်ႇ​ဢၼ် မၼ်း​ၸဝ်ႈ​ဝႃႈ​ၼၼ်ႉ၊ ၶဝ်​ႁူႉ​ယဝ်ႉ​ၸင်ႇ၊ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ မီး​ၶဝ်ႈ​မုၼ်း​ႁႃႈ​ႁူၺ်ႇ တင်း​ပႃ​သွင်​တူဝ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="39">ၵမ်း​ၼၼ်ႉ မၼ်း​ၸဝ်ႈ​မီး​ဢမိင်ႉ ႁႂ်ႈ​ၵူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ ႁဵတ်း​ပဵၼ်​မုၵ်ႉ​ပဵၼ်​မုၵ်ႉ​သေ​လႄႈ ဢိင်​ယူႇ​ၵႃႈ​ၼိူဝ်​ယိူဝ်ႈ​လိပ်း​ယိူဝ်ႈ​ၶဵဝ်​ဢေႃႈ။-</verse>
				<verse number="40">ၶဝ်​ၼၼ်ႉ ယေႈ​မုၵ်ႉ​ယေႈ​ပၢၵ်ႇ၊ ယေႈ​မုၵ်ႉ​ႁႃႈ​သိပ်း၊ ပဵၼ်​မုၵ်ႉ​ပဵၼ်​မုၵ်ႉ ဢိင်​ယူႇ​ဢေႃႈ။-</verse>
				<verse number="41">မၼ်း​ၸဝ်ႈ​ဢဝ်​ၶဝ်ႈ​မုၼ်း​ႁႃႈ​ႁူၺ်ႇ​တင်း​ပႃ​သွင်​တူဝ် ႁႅၼ်​တူၺ်း​ၵႃႈ​ၼိူဝ်​ၵၢင်​ႁၢဝ်​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ဝိတ်း​ၶဝ်ႈ​မုၼ်း​လႄႈ ပၼ်​တီႈ​တပႄး​ၸဝ်ႈ​တင်း​လၢႆ ႁႂ်ႈ​သႂ်ႇ​တမ်း​ပၼ် ၵႃႈ​တီႈ​ၽၢႆႇ​ၼႃႈ ၵူၼ်း​ၸိူဝ်း​ၼၼ်ႉ​ဢေႃႈ။ ပႃ​သွင်​တူဝ်​ၵေႃႈ မၼ်း​ၸဝ်ႈ​မႅင်ႇ​ပၼ်​တီႈ​ၶဝ် တင်း​သဵင်ႈ​တင်း​လူင်​ၸိူဝ်း​ၼၼ်ႉ​ဢေႃႈ။-</verse>
				<verse number="42">ၵူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၵိၼ်​လႄႈ ဢိမ်ႇ​ယဝ်ႉ​ၸင်ႇ၊-</verse>
				<verse number="43">ၵဵပ်း​သိမ်း​ဢဝ်​ၶဝ်ႈ​မုၼ်း တင်း​ပႃ​ဢၼ်​ႁၵ်း​ဢၼ်​ႁဵၵ်း​မၼ်း​လႄႈ လႆႈ​တဵမ်​သိပ်း​သွင်​ပဵတ်ႈ​ဢေႃႈ။-</verse>
				<verse number="44">ၵူၼ်း​ၸၢႆး​ဢၼ်​ၵိၼ်​ၶဝ်ႈ​မုၼ်း​ၸိူဝ်း​ၼၼ်ႉ​ၸမ်ႉ၊ မီး​သေ​ႁႃႈ​ႁဵင်​ၼိုင်ႈ​ဢေႃႈ။</verse>
				<verse number="45">မၼ်း​ၸဝ်ႈ​ၼၼ်ႉ၊ ၼႂ်း​မိူဝ်ႈ​ဢၼ်​ပွႆႇ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊ တိုၵ်း​ယူင်း​တပႄး​ၸဝ်ႈ​တင်း​လၢႆ ႁႂ်ႈ​ၶီႇ​ႁိူဝ်း​ၵႂႃႇ ၵႃႈ​တီႈ​ၽင်ႇ​ၼမ်ႉ​ၽၢႆႇ​ပုၼ်ႉ တီႈ​ဝဵင်း​ ပႅတ်ႉၸေးတႃႉ ​ၼၼ်ႉ ဢွၼ်​တၢင်း​မၼ်း​ၸဝ်ႈ​ၵမ်း​လဵဝ်​ဢေႃႈ။-</verse>
				<verse number="46">မၼ်း​ၸဝ်ႈ ပွႆႇ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ယဝ်ႉ​ၸင်ႇ၊ ၶိုၼ်ႈ​ၵႂႃႇ​ၵႃႈ​ၼိူဝ်​လွႆ ႁႂ်ႈ​လႆႈ​သူး​တွင်း​ႁဵတ်း​ပထၼႃႇ​ဢေႃႈ။</verse>
				<verse number="47">မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ၵၢင်​ၶိုၼ်း​ၸိုင်၊ ႁိူဝ်း​ၼၼ်ႉ မီး​ယူႇ​ၼႂ်း​ၵၢင်​ၼွင်​ဢေႃႈ။ မၼ်း​ၸဝ်ႈ​ၸမ်ႉ မီး​ယူႇ​ၼိူဝ်​လွႆ​ပႃး​လဵဝ်​ၵူၺ်း​ဢေႃႈ။-</verse>
				<verse number="48">မၼ်း​ၸဝ်ႈ​ႁၼ်​တပႄး​ၸဝ်ႈ​တင်း​လၢႆ ၽၢႆး​ႁိူဝ်း​လႄႈ ယၢပ်ႇ​ၸႂ်​ၼႃႇ​လူင်​လၢင် ၵွပ်ႈ​ပိူဝ်ႈ​ဢၼ် လူမ်း​ဢမ်ႇ​ထုၵ်ႇ​ၼၼ်ႉ​သေ​ယဝ်ႉ၊-</verse>
				<verse number="49">ၵၢင်​ၶိုၼ်း​ၶိင်ႇ​ဢၼ်​ႁႆႇ​သၢမ်​မွင်း​ၼၼ်ႉ၊ မၼ်း​ၸဝ်ႈ ပႆ​ၵႃႈ​ၼိူဝ်​ၼမ်ႉ​ၼွင်​ၵႂႃႇ ၵႃႈ​တီႈ​ဢၼ်​ၶဝ်​ၼၼ်ႉ​မီး​ၼၼ်ႉ​လႄႈ ႁဵတ်း​မိူၼ်​ၼင်ႇ​ႁၢင်ႈ တၵ်း​ပူၼ်ႉ​ၶဝ်​ၵႂႃႇ​ဢေႃႈ။-</verse>
				<verse number="50">ၶဝ်​ၼၼ်ႉ မိူဝ်ႈ​ဢၼ်​ႁၼ်​မၼ်း​ၸဝ်ႈ​ပႆ​ၵႃႈ​ၼိူဝ်​ၼမ်ႉ​ၼွင်​ၵႂႃႇ​ၸိူဝ်ႉ​ၼင်ႇ​ၼၼ် ၼၼ်ႉ​ၸိုင် ထၢင်ႇ​ၼႂ်း​ၸႂ်​လႄႈ​ဝႃႈ၊ ပဵၼ်​ၽဵတ်ႇ၊ ဝႃႈ​ၼင်ႇ​ၼႆ​လႄႈ ႁွင်ႉ​သႅၼ်ႇ​ဢေႃႈ။ ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ႁၼ်​မၼ်း​ၸဝ်ႈ​လႄႈ တူၵ်း​ၸႂ်​ဢေႃႈ။ မၼ်း​ၸဝ်ႈ​တၵ်ႉ​လၢတ်ႈ​ၶဝ်​ၵမ်း​လဵဝ်​လႄႈ​ဝႃႈ၊ ႁႂ်ႈ​မီး​ၸႂ်​ဢၼ်​မၼ်ႈ​ၶိူင်ႇ​တႃႉ။ ပဵၼ်​ၵဝ်​လႆ။ ယႃႇ​ပေ​ၵူဝ်​ပေ​ႁႄ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="51">မိူဝ်ႈ​ဢၼ် မၼ်း​ၸဝ်ႈ​ၶိုၼ်ႈ​ၵႃႈ​ၼိူဝ်​ႁိူဝ်း တီႈ​ဢၼ်​ၶဝ်​မီး​ၼၼ်ႉ​ၸိုင်၊ လူမ်း​ၼၼ်ႉ ယဵၼ်​ၵႂႃႇ​ဢေႃႈ။ ၶဝ်​ၼၼ်ႉ ၵႂင်​ၸႂ်​ယုင်ႈ​ၸႂ်​လႄႈ ဢၢမ်း​ၼႃႇ​လူင်​လၢင် ထၼ်ႈ​ပေႃး​ဢမ်ႇ​မီး​တီႈ​ဢၼ် တၵ်း​တႅၵ်ႈ​တၵ်း​တိူင်း​လႆႈ​ဢေႃႈ။-</verse>
				<verse number="52">လွင်ႈ​မၼ်း​ၸမ်ႉ ပိူဝ်ႈ​ဢၼ်​ႁူဝ်​ၸႂ်​ၶဝ်​ၵႅၼ်ႇ​ၶႅင်​လႄႈ ဢမ်ႇ​မၢတ်ႈ​ဝႆႉ​တွင်း​ဝႆႉ လွင်ႈ​ၶဝ်ႈ​မုၼ်း​ၼၼ်ႉ။</verse>
				<verse number="53">ၶဝ်​ၼၼ်ႉ ၶၢမ်ႈ​ၵႂႃႇ​ၵႃႈ​တီႈ ၽင်ႇ​ၼမ်ႉ​ၽၢႆႇ​ပုၼ်ႉ​သေ​ယဝ်ႉ၊ ႁွတ်ႈ​ထိုင် ၵႃႈ​တီႈ​မိူင်း ၵိၼ်ႇၼီႇသရႅတ်ႉ ​လႄႈ သိူၵ်ႈ​ႁိူဝ်း​ဢေႃႈ။-</verse>
				<verse number="54">မိူဝ်ႈ​ဢၼ် လူင်း​သေ​ၵႃႈ​ၼႂ်း​ႁိူဝ်း​ၼၼ်ႉ​ၸိုင်၊ ၵူၼ်း​တင်း​လၢႆ ႁူႉ​ပဵၼ်​မၼ်း​ၸဝ်ႈ​ၵမ်း​လဵဝ်​သေ​ယဝ်ႉ၊-</verse>
				<verse number="55">လႅၼ်ႈ​ၵႂႃႇ​ၵႃႈ​တီႈ​ႁိမ်း​ႁွမ်း​ၼၼ်ႉ ၵူႈ​တီႈ​ၵူႈ​လႅၼ်​လႄႈ၊ ပေႃး​ၶဝ်​ငိၼ်း​လွင်ႈ​ဢၼ်​မၼ်း​ၸဝ်ႈ မီး​ၵႃႈ​တီႈ​လႂ်​သေ​ဢမ်ႇ​ဝႃႈ၊ ၶဝ်​ဢဝ်​ၵူၼ်း​ၶႆႈ​ၵူၼ်း​ပဵၼ်​ၶဝ်​တင်း​လၢႆ သႂ်ႇ​ၵႃႈ​ၼိူဝ်​တီႈ​ၼွၼ်း​ၵႂႃႇ​ၸူး​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="56">မိူဝ်ႈ​ဢၼ်​မၼ်း​ၸဝ်ႈ ၶဝ်ႈ​ၵႃႈ​ၼႂ်း​ဝၢၼ်ႈ​ၼွၵ်ႈ​ၼႃး​ပၢင်ႇ​တင်း​လၢႆ ၵႃႈ​ၼႂ်း​ဝဵင်း​တင်း​လၢႆ တီႈ​လႂ်​သေ​ဢမ်ႇ​ဝႃႈ၊ ၵႃႈ​တီႈ​ၼၼ်ႈ ၶဝ်​ဢဝ်​ၵူၼ်း​ၶႆႈ​ၵူၼ်း​ပဵၼ်​ၶဝ်​တင်း​လၢႆ ဝႆႉ​ၵႃႈ​ၼႂ်း​ၵၢတ်ႇ​လႄႈ ဢွၼ်​ၵၼ်​ယွၼ်း​ဢၶႂၢင်ႉ ႁႂ်ႈ​ၶဝ်​လႆႈ​တိူဝ်ႉ​ယိပ်း​ပူႈၶူဝ်း​မၼ်း​ၸဝ်ႈ​ၵူၺ်း​ဢေႃႈ။ ၵူၼ်း​ဢၼ်​လႆႈ​တိူဝ်ႉ​လႆႈ​ယိပ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၵေႃႈ လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။</verse>
			</chapter>
			<chapter number="7">
				<verse number="1">မိူဝ်ႈ​ၼၼ်ႉ ၽႃႇရီႉသႄး ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ ဢၼ်​လုၵ်ႉ​သေ​ၵႃႈ​တီႈ ဝဵင်း​ ယေႇရူႉသလႅမ်ႇ ​မႃး​ၵမ်ႈ​ၽွင်ႈ​ၸူႉ​ၵၼ်​တုမ်​ၵၼ် တီႈ​မၼ်း​ၸဝ်ႈ​သေ​လႄႈ၊-</verse>
				<verse number="2">မိူဝ်ႈ​ဢၼ်​ႁၼ်​တပႄး​ၸဝ်ႈ​ၵမ်ႈ​ၽွင်ႈ ဢဝ်​တင်း​မိုဝ်း ဢၼ်​ၵူဝ်ႈ​ၵိူၵ်ႇ​ဢၼ်​ဝႃႈ ဢမ်ႇ​သုၵ်ႈ​ၼမ်ႉ​ၼၼ်ႉ ၵိၼ်​တၢင်း​ၵိၼ်​ယူႇ​ၼၼ်ႉ​ၸိုင်၊ တၢင်ႇ​ဢပႅတ်ႈ​ဢေႃႈ။-</verse>
				<verse number="3">လွင်ႈ​မၼ်း​ၸမ်ႉ ၸႃႉ​ၸဵမ်​ ၽႃႇရီႉသႄး ​တင်း​လၢႆ​လႄႈ ၵူၼ်း​ ယူႉတႃႉ တင်း​သဵင်ႈ​တင်း​လူင် ဢၼ်​ၶၢမ်ႇ​ဢဝ်​ၼႄး​ဢူႉပတေႇ ဢၼ်​သိုပ်ႇ​လူင်း​မႃး ၵႃႈ​တီႈ​ၵူၼ်း​မိူဝ်ႈ​ၵွၼ်ႇ​ၸိူဝ်း​ၼၼ်ႉ၊ ပေႃး​ဢမ်ႇ​သုၵ်ႈ​မိုဝ်း​ၸိုင်၊ ထုင်း​ၸၢမ်ႇ​ဢၼ်​ၵိၼ်​တၢင်း​ၵိၼ်​ဢမ်ႇ​မီး။-</verse>
				<verse number="4">မိူဝ်ႈ​ဢၼ်​ၶဝ်​လုၵ်ႉ​သေ​ၵႃႈ​တီႈ​ၵၢတ်ႇ​မႃး​ၼၼ်ႉ၊ ပေႃး​ဢမ်ႇ​လႆႈ​ၶၢမ်ႇ​တၢင်း​ဢၼ်​ၸုမ်ႇ​ၸိုင်၊ ထုင်း​ၸၢမ်ႇ​ဢၼ်​ၵိၼ်​တၢင်း​ၵိၼ်​ဢမ်ႇ​မီး။ လိူဝ်​သေ​ၼၼ်ႉ၊ ၶဝ်​ၶၢမ်ႇ​ဢဝ်​ထုင်း​ၸၢမ်ႇ တၢင်ႇ​ၸိူဝ်ႉ​တၢင်ႇ​ဢၼ်​ၼမ်​ၼႃႇ ဢၼ်​ဝႃႈ​တၢင်း​ဢၼ် ဢဝ်​ၵွၵ်း​လႂ်၊ ဢႅင်ႇ​လႂ်၊ ဝၢၼ်ႇ​တွင်း​လိူင်​လႂ်၊ ၵူႇ​လႂ် ၸုမ်ႇ​ၼၼ်ႉ​သေ​လႄႈ​ၵမ်​ၵျၢင်ႉ​ဢေႃႈ။-</verse>
				<verse number="5">ၵမ်း​ၼၼ်ႉ ၽႃႇရီႉသႄး ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ​ၸိူဝ်း​ၼၼ်ႉ​ၵေႃႈ လဝ်ႊ​ထၢမ်​လႄႈ​ဝႃႈ ႁဵတ်း​သင်​လႄႈ တပႄး​ၸဝ်ႈ​ႁဝ်း​တင်း​လၢႆ ဢမ်ႇ​ၵမ်​ဢမ်ႇ​ၵျၢင်ႉ​ၸွမ်း​ၼင်ႇ​ၼႄး​ဢူႉပတေႇ ဢၼ်​သိုပ်ႇ​လူင်း​မႃး​ၵႃႈ​တီႈ​ၵူၼ်း​မိူဝ်ႈ​ၵွၼ်ႇ​တင်း​လၢႆ​ၼၼ်ႉ​လႄႈ ဢဝ်​တင်း​မိုဝ်း​ဢၼ်​ၵူဝ်ႈ​ၵိူၵ်ႇ​ၵိၼ်​တၢင်း​ၵိၼ်​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="6">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ဢၼ်​ ဢီႉသႃႇယႃႉ ႁေႃး​လၢတ်ႈ​ဝႆႉ လွင်ႈ​သူ​ၸိူဝ်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ၸိူဝ်း​ၼႆႉ လီ​လီ​ငၢမ်း​ငၢမ်း​လႄႈ​ဝႃႈ​ၸမ်ႉ၊ ၵူၼ်း​မဵဝ်း​ၼႆႉ ဢဝ်​တင်း​သူပ်း​ရူဝ်ႇ​သေႇ​ၵူဝ်​ယမ်​ၵဝ်​ဢေႃႈ​၊ ၵူၺ်း​ၵႃႈ​ႁူဝ်​ၸႂ်​ၶဝ်​ၵႆ​ၵၼ်​တင်း​ၵဝ်​ဢေႃႈ။-</verse>
				<verse number="7">ၶဝ်​ဢဝ်​ၼႄး​ဢူႉပတေႇ ဢၼ်​ၵူၼ်း​ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ သင်ႇ​သွၼ်​သုင်း​မႃႉ​ပၼ်​ၸိူဝ်ႉ​ၼင်ႇ​ပိင်း​ၺၢပ်ႈ​တေႇသၼႃႇ​ၸဝ်ႈ​သေ​လႄႈ ၵူဝ်း​ၵႂၢႆႇ​ၵဝ်​လၢႆ​လၢႆ​လွၵ်ႇ​လွၵ်ႇ​ၵူၺ်း​ဝႃႈ​ၼႆ၊ မီး​မႃး​ၼင်ႇ​ၼႆ​ဢေႃႈ။-</verse>
				<verse number="8">လွင်ႈ​မၼ်း​ၸမ်ႉ သူ​ပႄႇ​ပႅတ်ႈ​ပိင်း​ၺၢပ်ႈ​ၽြႃး​ပဵၼ်​ၸဝ်ႈ​သေ​လႄႈ ၶၢမ်ႇ​ဢဝ်​ၼႄး​ဢူႉပတေႇ ဢၼ်​သိုပ်ႇ​လူင်း​မႃး​ၵႃႈ​တီႈ​ၵူၼ်း ဢၼ်​ဝႃႈ​တၢင်း​ဢၼ်​ဢဝ်​ၵွၵ်း​လႂ်​၊ ဢႅင်ႇ​လႂ် ၸုမ်ႇ​ၼၼ်ႉ​လႄႈ ၵမ်​ၵျၢင်ႉ​ၸွမ်း​ထုင်း​ၸၢမ်ႇ​တၢင်ႇ​ၸိူဝ်ႉ​တၢင်ႇ​ဢၼ် ၸိူဝ်ႉ​ၼင်ႇ​ၼၼ်​ၼၼ်ႉ​ၼမ်​ၼႃႇ​ဢေႃႈ။-</verse>
				<verse number="9">ၼင်ႇ​ႁိုဝ်​သူ​တၵ်း​လႆႈ​ၵမ်​ၵျၢင်ႉ​ၼႄး​ဢူႉပတေႇ​မိူဝ်ႈ​ၵွၼ်ႇ ဢၼ်​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ၸိုင်၊ သူ​ပႄႇ​ပႅတ်ႈ​ပိင်း​ၺၢပ်ႈ​ၽြႃး​ပဵၼ်​ၸဝ်ႈ​လီ​လီ​ငၢမ်း​ငၢမ်း​လူင်​ပႄႇ။-</verse>
				<verse number="10">မူဝ်းသေႇ ​ဝႃႈ​ဝႆႉ​ၸမ်ႉ၊ ႁဵတ်း​ရူဝ်ႇ​သေႇ​ၵူဝ်​ယမ်​ပေႃႈ​မႄႈ​မႂ်း​တႃႉ။ ႁႂ်ႈ​ၵေႃႉ​ဢၼ်​ၵိၼ်ႇ​လႃႇ​ပေႃႈ​မႄႈ​မၼ်း​ၼၼ်ႉ ၶၢမ်ႇ​တၢင်း​ဢၼ်​ဢဝ်​တၢႆ​တႃႉ ဝႃႈ​ၼႆ၊ မီး​မႃး​ၼင်ႇ​ၼႆ​ဢေႃႈ။-</verse>
				<verse number="11">ဢၼ်​သူ​ဝႃႈ​ၸမ်ႉ၊ ပေႃး​ၵေႃႉ​ၼိုင်ႈ​လၢတ်ႈ​တီႈ​ပေႃႈ​မႄႈ​မၼ်း​လႄႈ​ဝႃႈ၊ ႁႂ်ႈ​ဢုၵ်ႉ​ၸႃႇ​ၵဝ် ၵႃႈ​ဢၼ်​သူ​ဢဝ်​သုင်း​ဢဝ်​သွင်ႇ​လႆႈ​ၼၼ်ႉ ပဵၼ်​ ၵေႃႇ​ပၢၼ်ႇ ဢၼ်​ဝႃႈ​တႃႇ​ၼႃႉ​တၢင်း​လူႇ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၵေႃႉ​ၼၼ်ႉ ၵၢင်း​လွတ်ႈ​တင်း​ပေႃႈ​မႄႈ​မၼ်း​ယဝ်ႉ။-</verse>
				<verse number="12">မၼ်း​ၼၼ်ႉ​ၸိုင် သူ​ႁႄႉ​ၶႅၼ်​လႄႈ​ဝႃႈ၊ မၼ်း​ဢမ်ႇ​လႆႈ​ႁဵတ်း​ဝၢတ်ႈ​တီႈ​ပေႃႈ​မႄႈ​မၼ်း​သေ​ဢိတ်း၊ ဝႃႈ​ၼင်ႇ​ၼႆ​လႄႈ၊-</verse>
				<verse number="13">ပႄႇ​ပႅတ်ႈ​ၼုၵ်ႈၵပၢတ်ႈ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ၼႄး​ဢူႉပတေႇ ဢၼ်​ၶၢမ်ႇ​ဢဝ် သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ဢေႃႈ။ သူ​ၵမ်​ၵျၢင်ႉ​ထုင်း​ၸၢမ်ႇ​ၸိူဝ်ႉ​ၼင်ႇ​ၼၼ် ၼမ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ၼၼ်ႉ မၼ်း​ၸဝ်ႈ​ႁွင်ႉ​ဢဝ်​ၵူၼ်း​ဢၼ်​ၸူႉ​ဢၼ်​တုမ် မႃး​တီႈ​မၼ်း​ၸဝ်ႈ​သေ​လႄႈ​လၢတ်ႈ​လႄႈ​ဝႃႈ၊ သူ​ၵႃႈ​မီး​တင်း​သဵင်ႈ​တင်း​လူင် ထွမ်ႇ​ငိၼ်း​လႄႈ​ႁူႉ​တႃႉ။-</verse>
				<verse number="15">ဢၼ်​လုၵ်ႉ​သေ​ၵႃႈ​ၼွၵ်ႈ​ၵူၼ်း​လႄႈ​ၶဝ်​ၵႃႈ​ၼႂ်း​ၵူၼ်း ႁႂ်ႈ​ၵူၼ်း​ၵူဝ်ႈ​ၵိူၵ်ႇ​လႆႈ​ၼၼ်ႉ ဢမ်ႇ​မီး​ၵႃႈ​သင်​သေ​ၸိူဝ်ႉ​သေ​ပိူင်။ ဢၼ်​ဢွၵ်ႇ​ၵႃႈ​ၼႂ်း​ၵူၼ်း​မႃး​ၸိုင်၊ ပဵၼ်​ဢၼ်​ႁႂ်ႈ​ၵူၼ်း​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="16">ပေႃး​မီး​ႁူ​ဢၼ်​လီ​ငိၼ်း​ၸိုင် ႁႂ်ႈ​ငိၼ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">မိူဝ်ႈ​ဢၼ်​မၼ်း​ၸဝ်ႈ ဢွၵ်ႇ​သေ​ၵႃႈ​တီႈ​ၵူၼ်း​ဢၼ်​ၸူႉ​ဢၼ်​တုမ်​ၼၼ်ႉ​လႄႈ ၶဝ်ႈ​ၼႂ်း​ႁိူၼ်း​ယဝ်ႉ​ၸိုင်၊ တပႄး​ၸဝ်ႈ​တင်း​လၢႆ လဝ်ႊ​ထၢမ်​လွင်ႈ​ဢူႉပမႃႇ​ၼၼ်ႉ​ဢေႃႈ။-</verse>
				<verse number="18">မၼ်း​ၸဝ်ႈ​ၵေႃႈ လၢတ်ႈ​တီႈ​ၶဝ်​လႄႈ​ဝႃႈ၊ သူ​ဢမ်ႇ​မီး​ပိင်ႇ​ၺႃႇ​ထၢၼ်ႇ​ၼႆႉ​လူး​ၵွၼ်ႇ​ႁိုဝ်။ ဢၼ်​လုၵ်ႉ​သေ​ၵႃႈ​ၼွၵ်ႈ​ၵူၼ်း​မႃး​လႄႈ ၶဝ်ႈ​ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ၊-</verse>
				<verse number="19">ၵွပ်ႈ​ပိူဝ်ႈ​ဢၼ်​ဢမ်ႇ​ၶဝ်ႈ​ၵႃႈ​ၼႂ်း​ႁူဝ်​ၸႂ်၊ ၶဝ်ႈ​ၵႃႈ​ၼႂ်း​တွင်ႉ​ၵူၺ်း​ႁႂ်ႈ​တၢင်း​ၵိၼ်​ၵႃႈ​မီး​မူတ်း​သႂ်​ယူႇ​သေ​လႄႈ သမ်ႉ​လူင်း​ၵႂႃႇ​ၵႃႈ​ၼႂ်း​ထၢင်​ယေႇ​ဢဵင်ႇ​ၼၼ်ႉ​လႄႈ ဢမ်ႇ​ႁႂ်ႈ​ၵူၼ်း​ၵူဝ်ႈ​ၵိူၵ်ႇ​ၸိုင်၊ သူ​ဢမ်ႇ​ႁူႉ​ႁိုဝ်။-</verse>
				<verse number="20">ဢၼ်​ဢွၵ်ႇ​ၵႃႈ​ၼႂ်း​ၵူၼ်း​ၸမ်ႉ၊ ပဵၼ်​ဢၼ်​ႁႂ်ႈ​ၵူၼ်း​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="21">လွင်ႈ​မၼ်း​ၸမ်ႉ တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​လႂ်၊ တၢင်း​ဢၼ်​ၵူတ်ႉ​မေး​ပိူၼ်ႈ​လႂ်၊ တၢင်း​ဢၼ်​ၽိတ်း​ပိူင်ႈ​မႄႈ​ယိင်း​ဢၼ်​လွတ်ႈ​ဢၼ်​လႅဝ်း​လႂ်၊ တၢင်း​ဢၼ်​ဢဝ်​တၢႆ​ဢသၢၵ်ႈ​ၵူၼ်း​လႂ်၊-</verse>
				<verse number="22">တၢင်း​ဢၼ်​လၵ်ႉ​ၶူဝ်း​ပိူၼ်ႈ​လႂ်၊ တၢင်း​ဢၼ်​ၸႂ်​လေႃး​ၽႃႉ​ပူၼ်ႉ​လိူဝ်​လႂ်၊ တၢင်း​ဢၼ်​ၸႂ်​ႁၢႆႉ​ၸႂ်​မိူၵ်ႈ​လႂ်၊ တၢင်း​ဢၼ်​ပႅတ်ႉ​လႅၼ်​ပိူၼ်ႈ​လႂ်၊ တၢင်း​ဢၼ်​ၵူဝ်ႈ​ၵိူၵ်ႇ​လႂ်၊ တၢင်း​ဢၼ်​သီႈ​ၵေႉ​ႁေႈ​တႃ​ပိူၼ်ႈ​လႂ်၊ တၢင်း​ဢၼ်​သႄႉ​သွမ်း​ၽြႃး​ပဵၼ်​ၸဝ်ႈ​လႂ်၊ တၢင်း​ဢၼ်​ႁူဝ်​ၸႂ်​သုင်​လႂ်၊ တၢင်း​ဢၼ်​ၸႂ်​မဝ်​မၢင်​လႂ်​ၸိူဝ်း​ၼၼ်ႉ ဢွၵ်ႇ​ၵႃႈ​ၼႂ်း​ၵူၼ်း ၵႃႈ​တီႈ​ၼႂ်း​ႁူဝ်​ၸႂ်​မႃး​ဢေႃႈ။-</verse>
				<verse number="23">ဢၼ်​ႁၢႆႉ​ဢၼ်​မိူၵ်ႈ ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ ဢွၵ်ႇ​ၵႃႈ​ၼႂ်း​မႃး​လႄႈ ႁႂ်ႈ​ၵူၼ်း​ၵူဝ်ႈ​ၵိူၵ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">မၼ်း​ၸဝ်ႈ​လုၵ်ႉ​သေ​ၵႃႈ​တီႈ​ၼၼ်ႈ​လႄႈ ၵႂႃႇ​ၸူး​ၵႃႈ​တီႈ​ဝၢၼ်ႈ​ၼွၵ်ႈ​ၼႃး​ပၢင်ႇ ဝဵင်း​ တူႉရူႉ တင်း​ဝဵင်း​ ၸီႉတုမ်ႇ ​ပုၼ်ႉ​သေ​ယဝ်ႉ၊ ၶဝ်ႈ​ၵႃႈ​ၼႂ်း​ႁိူၼ်း ႁိူၼ်း​ၼိုင်ႈ​လႄႈ၊ ပိၵ်ႉ​သမ်ႉ​မီး​ဢလူဝ်ႇ​ဢမ်ႇ​ၶႂ်ႈ​ႁႂ်ႈ​ၽူႈ​လႂ်​ႁူႉ​သေ​ၵေႃႈ၊ ဢမ်ႇ​တဵတ်ႇ​ဢမ်ႇ​မႅပ်ႉ​ယူႇ​လႆႈ။-</verse>
				<verse number="25">လွင်ႈ​မၼ်း​ၸမ်ႉ၊ မႄႈ​ယိင်း​ဢၼ်​မီး​လုၵ်ႈ​ယိင်း​ဢွၼ်ႇ ဢၼ်​ၽီ​ၵူဝ်ႈ​ၵိူၵ်ႇ ၶဝ်ႈ​ၼၼ်ႉ​ၵေႃႉ​ၼိုင်ႈ ငိၼ်း​သတၢင်း​သဵင်​ၶၢဝ်ႇ​မၼ်း​ၸဝ်ႈ​သေ​ယဝ်ႉ၊ မႃး​ၶုပ်ႉ​မူပ်ႇ​ၵႃႈ​တီႈ​တိၼ်​မၼ်း​ၸဝ်ႈ​သေ​လႄႈ​-</verse>
				<verse number="26">တွင်း​ပၢၼ်ႇ​ႁႂ်ႈ​မၼ်း​ၸဝ်ႈ​ႁေႃႈ​ၽီ​ႁၢႆႉ ၵႃႈ​ၼႂ်း​လုၵ်ႈ​ယိင်း​မၼ်း​ၼၼ်ႉ ဢွၵ်ႇ​ပႅတ်ႈ​ယူႇ​ဢေႃႈ။ မႄႈ​ယိင်း​ၼၼ်ႉ​ၸမ်ႉ၊ ပဵၼ်​မဵဝ်း​ၵူၼ်း​ ႁေႇလသႃႉ ၊ ၵူၼ်း​မိူင်း သူႉရီႉၽီႉၼိတ်ႉ ​ဢေႃႈ။-</verse>
				<verse number="27">မၼ်း​ၸဝ်ႈ​ၵေႃႈ လၢတ်ႈ​လႄႈ​ဝႃႈ၊ ႁႂ်ႈ​လုၵ်ႈ​လၢင်း​လႆႈ​ၵိၼ်​ဢိမ်ႇ​ၵိၼ်​တဵမ် ဢွၼ်​တၢင်း​တႃႉ။ ဢမ်ႇ​လီ​ဢဝ်​တၢင်း​ၵိၼ်​လုၵ်ႈ​လၢင်း ၶျႃး​ပၼ်​တီႈ​မႃ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">မႄႈ​ယိင်း​ၼၼ်ႉ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ​ၸဝ်ႈ။ မႃ​ဢၼ်​ဝႃႈ​ၸမ်ႉ ၸၢင်ႈ​ၵိၼ်​ဢၼ်​ယွႆႈ​ဢၼ်​ယႅမ်း တၢင်း​ၵိၼ်​လုၵ်ႈ​လၢင်း​ၼၼ်ႉ ၵႃႈ​တႂ်ႈ​ၶူင်ႇ​တီႈ​ၵိၼ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="29">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ၵႂၢမ်း​ၼႆႉ​လႄႈ မႂ်း​ၵႂႃႇ​တႃႉ။ ၽီ​ႁၢႆႉ​ဢွၵ်ႇ​ၵႃႈ​ၼႂ်း​လုၵ်ႈ​ယိင်း​မႂ်း​ၼၼ်ႉ​ၵႂႃႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">မႄႈ​ယိင်း​ၼၼ်ႉ​ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း​မၼ်း​လႄႈ ထူပ်း​ႁၼ်​လုၵ်ႈ​ယိင်း​မၼ်း ၼွၼ်း​ယူႇ​ၵႃႈ​ၼိူဝ်​တီႈ​ၼွၼ်း​လႄႈ ၽီ​ႁၢႆႉ​ဢွၵ်ႇ​ၵႂႃႇ​ယဝ်ႉ​ၼၼ်ႉ​ဢေႃႈ။</verse>
				<verse number="31">လိုၼ်း​ၼၼ်ႉ မၼ်း​ၸဝ်ႈ​ဢွၵ်ႇ​သေ​ၵႃႈ​ၼႂ်း​ဝၢၼ်ႈ​ၼွၵ်ႈ​ၼႃး​ပၢင်ႇ​ဝဵင်း​ တူႉရူႉ ​လႄႈ လတ်း​ၵႃႈ​ၼႂ်း​မိူင်း​ ၸီႉတုမ်ႇ ​ၵႂႃႇ​ပွင်ႇ​ၵႃႈ​ၼႂ်း​မိူင်း​ တေႇၵႃႇပေႃးလီႉ ​လႄႈ​ႁွတ်ႈ​ထိုင်​ၵႃႈ​တီႈ​ၼွင် ၵႃႇလီႉလႄး ​ဢေႃႈ။-</verse>
				<verse number="32">ၵမ်း​ၼၼ်ႉ ၶဝ်​ဢဝ်​ၵူၼ်း​ဢၼ်​ႁူ​ၼူၵ်ႇ​လႄႈ လၢတ်ႈ​ၵႂၢမ်း​ၵၵ်း​ၵေႃႉ​ၼိုင်ႈ မႃး​တီႈ​မၼ်း​ၸဝ်ႈ​လႄႈ တွင်း​ပၢၼ်ႇ​ႁႂ်ႈ​မၼ်း​ၸဝ်ႈ ဢဝ်​မိုဝ်း​တၢင်ႇ​ၵႃႈ​ၼိူဝ်​မၼ်း​ၼၼ်ႉ​ဢေႃႈ။-</verse>
				<verse number="33">မၼ်း​ၸဝ်ႈ​ႁွင်ႉ​ဢဝ်​ၵေႃႉ​ၼၼ်ႉ ဢွၵ်ႇ​သေ​ၵႃႈ​ၼႂ်း​ၵူၼ်း​ဢၼ်​ၸူႉ​ဢၼ်​တုမ်​လႄႈ ၵႂႃႇ​တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​ယဝ်ႉ​ၸင်ႇ၊ ဢဝ်​ၼိဝ်ႉ​မိုဝ်း​မၼ်း​ၸဝ်ႈ သႂ်ႇ​ၵႃႈ​ၼႂ်း​ႁူ​ၵေႃႉ​ၼၼ်ႉ​ဢေႃႈ။ ထူမ်ႇ​ၼမ်ႉ​လၢႆး​လႄႈ တိူဝ်ႉ​ၵႃႈ​တီႈ​လိၼ်ႉ​မၼ်း​ဢေႃႈ။-</verse>
				<verse number="34">ၵမ်း​ၼၼ်ႉ ႁႅၼ်​တူၺ်း​ၵႃႈ​ၼိူဝ်​ၵၢင်​ႁၢဝ်​လႄႈ ထူၺ်ႈ​ၸႂ်​လူင်​သေ​ယဝ်ႉ၊ လၢတ်ႈ​တီႈ​မၼ်း​လႄႈ​ဝႃႈ၊ ဢေးၽထႃႉ ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​ဢၼ်​ဝႃႈ​ၼၼ်ႉ​ၸမ်ႉ၊ ႁႂ်ႈ​ၽုၺ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">မိူဝ်ႈ​ၼၼ်ႉ​ၵမ်း​လဵဝ်၊ ႁူ​မၼ်း​ၽုၺ်ႇ​လႄႈ ဢဵၼ်​လိၼ်ႉ​မၼ်း​ၵေႃႈ လိတ်ႈ​ယဝ်ႉ​ၸင်ႇ၊ လၢတ်ႈ​ၵႂၢမ်း​လႆႈ​မႃး ပီႇ​ပီႇ​လီ​လီ​ဢေႃႈ။-</verse>
				<verse number="36">ၼင်ႇ​ႁိုဝ်​ၶဝ်​တၵ်း​ဢမ်ႇ​မွၵ်ႇ​လၢတ်ႈ​လွင်ႈ​တၢင်း​ၼၼ်ႉ တီႈ​ၽူႈ​လႂ်​သေ​ၵေႃႉ​သေ​ၵူၼ်း​ၸိုင်၊ မၼ်း​ၸဝ်ႈ​ပိင်း​ၺၢပ်ႈ​ဝႆႉ​တီႈ​ၶဝ်​ဢေႃႈ။- ပိၵ်ႉ​သမ်ႉ​မၼ်း​ၸဝ်ႈ​ပိင်း​ၺၢပ်ႈ​ဝႆႉ ၼမ်​ၼႃႇ​သေ​ၵေႃႈ၊ ၶဝ်​ၼၼ်ႉ ယဵင်ႈ​ၶႅၼ်း​ပွႆႇ​သတၢင်း​သဵင်​ၶၢဝ်ႇ​ၼမ်​ၼႃႇ​ဢေႃႈ။-</verse>
				<verse number="37">ၶဝ်​ၼၼ်ႉ ၵႂင်​ၸႂ်​ယုင်ႈ​ၸႂ်​ထၼ်ႈ​ပေႃး ဢမ်ႇ​မီး​တီႈ​ဢၼ် တၵ်း​တႅၵ်ႈ​တၵ်း​တိူင်း​လႆႈ​လႄႈ​လၢတ်ႈ​လႄႈ​ဝႃႈ၊ မၼ်း​ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် လီ​လီ​ငၢမ်း​ငၢမ်း​ယဝ်ႉ။ ႁႂ်ႈ​ၶဝ်​ၸိူဝ်း​ဢၼ်​ႁူ​ၼူၵ်ႇ​ၼၼ်ႉ ငိၼ်း​ယဝ်ႉ။ ႁႂ်ႈ​ၶဝ်​ၸိူဝ်း​ဢၼ် ဢႃႉ​ၼၼ်ႉ​လၢတ်ႈ​ၵႂၢမ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="8">
				<verse number="1">မိူဝ်ႈ​ၼၼ်ႉ ပိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ မီး​ၼမ်​ၼႃႇ​လူင်​လၢင်​လႄႈ ဢမ်ႇ​မီး​တၢင်း​ၵိၼ်​တၢင်း​ၶူပ်း​ၼၼ်ႉ​လႄႈ မၼ်း​ၸဝ်ႈ​ႁွင်ႉ​ဢဝ်​တပႄး​ၸဝ်ႈ​မႃး​လႄႈ​လၢတ်ႈ​ဝႃႈ၊-</verse>
				<verse number="2">ၵဝ်​ဢဵတ်း​လူ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼႆႉ​ဢေႃႈ။ ၶဝ်​မီး​ယူႇ​လူၺ်ႈ​ၵၼ်​တင်း​ၵဝ်​လႆႈ​သၢမ်​ဝၼ်း​တဵမ်​တဵမ်​ယဝ်ႉ။ ၶဝ်​ဢမ်ႇ​မီး​တၢင်း​ၵိၼ်​ၵႃႈ​သင်​သေ​ဢိတ်း။-</verse>
				<verse number="3">ပိူဝ်ႈ​ဢၼ် ၵမ်ႈ​ၽွင်ႈ​လုၵ်ႉ​သေ​ၵႃႈ​တီႈ​ဢၼ်​ၵႆ​မႃး​လႄႈ၊ ၸူဝ်ႈ​ဢၼ်​ၶဝ်​ဢမ်ႇ​ပႆႇ​ၵိၼ်​တၢင်း​ၵိၼ်​ၼၼ်ႉ၊ ပေႃး​ၵဝ်​ပွႆႇ​ၶဝ်​မိူဝ်း​ၵႂႃႇ​ၵႃႈ​တီႈ​ႁိူၼ်း​ၸိုင်၊ ၶဝ်​တၵ်း​ႁိူဝ်ႉ​တၵ်း​ဢူၼ်ႈ​ၵႃႈ​တၢင်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">တပႄး​ၸဝ်ႈ​တင်း​လၢႆ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၵႃႈ​ၼႂ်း​ထိူၼ်ႇ၊ တၵ်း​လႆႈ​တၢင်း​ၵိၼ်​ႁႂ်ႈ​ၵူၼ်း​ၸိူဝ်း​ၼႆႉ ပေႃး​ၵိၼ်​ဢိမ်ႇ​ၵိၼ်​တဵမ်​ၼၼ်ႉ​ၵႃႈ​တီႈ​လႂ်​လႆႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ သူ​မီး​ၶဝ်ႈ​မုၼ်း​လၢႆ​ႁူၺ်ႇ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ၶဝ်​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ မီး​ၶဝ်ႈ​မုၼ်း​ၸဵတ်း​ႁူၺ်ႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ၼၼ်ႉ မၼ်း​ၸဝ်ႈ​မီး​ဢမိင်ႉ ႁႂ်ႈ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ ဢိင်​ယူႇ​ၵႃႈ​ၼိူဝ်​လိၼ်​ဢေႃႈ။ မၼ်း​ၸဝ်ႈ​ဢဝ်​ၶဝ်ႈ​မုၼ်း ၸဵတ်း​ႁူၺ်ႇ​ၼၼ်ႉ ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ဝိတ်း​ၶဝ်ႈ​မုၼ်း​လႄႈ ပၼ်​တီႈ​တပႄး​ၸဝ်ႈ​တင်း​လၢႆ ႁႂ်ႈ​သႂ်ႇ​တမ်း​ပၼ်​ၵႃႈ​တီႈ​ၽၢႆႇ​ၼႃႈ​ၵူၼ်း​ၸိူဝ်း​ၼၼ်ႉ​ဢေႃႈ။ တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ ဢဝ်​သႂ်ႇ​တမ်း​ပၼ်​ၵႃႈ​တီႈ​ၽၢႆႇ​ၼႃႈ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ဢေႃႈ။-</verse>
				<verse number="7">တူဝ်​ပႃ​ဢွၼ်ႇ​ၵေႃႈ ၶဝ်​မီး​ဢိတ်း​ၼိုင်ႈ​လႄႈ၊ မၼ်း​ၸဝ်ႈ​ယွင်ႈ​ယေႃး ၵျေး​ၸူး​ၸဝ်ႈ​ယဝ်ႉ​ၸင်ႇ၊ မီး​ဢမိင်ႉ​ႁႂ်ႈ​သႂ်ႇ​တမ်း​ပၼ်​ၵႃႈ​တီႈ​ၽၢႆႇ​ၼႃႈ​ၵူၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="8">ၶဝ်​ၼၼ်ႉ​ၵိၼ်​လႄႈ ဢိမ်ႇ​ယဝ်ႉ​ၸင်ႇ၊ ၵဵပ်း​သိမ်း​ဢဝ်​ဢၼ်​ၵိုတ်း​ဢၼ်​ႁၵ်း​ဢၼ်​ႁဵၵ်း​ၸိူဝ်း​ၼၼ်ႉ​လႄႈ လႆႈ​ၸဵတ်း​ပဵတ်ႈ​ဢေႃႈ။-</verse>
				<verse number="9">ၶဝ်​ၸိူဝ်း​ဢၼ်​ၵိၼ်​ၼၼ်ႉ​ၸမ်ႉ၊ မီး​သီႇ​ႁဵင်​ၸမ်​ၸမ်​ဢေႃႈ။</verse>
				<verse number="10">မၼ်း​ၸဝ်ႈ​ပွႆႇ​ၶဝ်​ၼၼ်ႉ​ယဝ်ႉ​ၸင်ႇ၊ ဢိၵ်ႇ​တင်း​တပႄး​ၸဝ်ႈ​တင်း​လၢႆ ၶဝ်ႈ​ၵႃႈ​ၼႂ်း​ႁိူဝ်း​ၵမ်း​လဵဝ်​လႄႈ ႁွတ်ႈ​ထိုင်​ၵႃႈ​တီႈ​ဝၢၼ်ႈ​ၼွၵ်ႈ​ၼႃး​ပၢင်ႇ တႃႇလမႃႉၼူႉထႃႉ ပုၼ်ႉ​ဢေႃႈ။</verse>
				<verse number="11">မိူဝ်ႈ​ၼၼ်ႉ ၽႃႇရီႉသႄး ​တင်း​လၢႆ ဢွၵ်ႇ​မႃး​လႄႈ​တွင်ႈ​ထၢမ်​ထဵင်​ၵၼ်​တင်း​မၼ်း​ၸဝ်ႈ​ယူႇ​သေ​လႄႈ ယွၼ်း​ၼီႉမိၵ်ႈ​လၢၵ်ႈၶၼႃႇ ဢၼ်​ပဵၼ်​မႃး​ၵႃႈ​ၼိူဝ်​ၽႃႉ​ၵၢင်​ႁၢဝ် ႁႂ်ႈ​လႆႈ​ၸၢမ်း​တူၺ်း​ယႃႉ​ယူၵ်ႉ​မၼ်း​ၸဝ်ႈ​ယူႇ​ဢေႃႈ။-</verse>
				<verse number="12">မၼ်း​ၸဝ်ႈ​ထူၺ်ႈ​ၸႂ်​လူင်​ၼႂ်း​ႁူဝ်​ၸႂ်​ၼႃႇ​လူင်​လၢင်​သေ​လႄႈ​လၢတ်ႈ​ဝႃႈ၊ ႁဵတ်း​ႁိုဝ်​လႄႈ​ၵူၼ်း​မဵဝ်း​ၼႆႉ ယွၼ်း​ၼီႉမိၵ်ႈ​လၢၵ်ႈၶၼႃႇ​ၼင်ႇ​ႁိုဝ်။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ဢမ်ႇ​လႆႈ​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​တီႈ​ၵူၼ်း​မဵဝ်း​ၼႆႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">ဢွၵ်ႇ​သေ​ၵႃႈ​ၼႂ်း​တီႈ​ဢၼ်​ၶဝ်​မီး​ၼၼ်ႉ ၵႂႃႇ​လႄႈ​သမ်ႉ​ၶိုၼ်း​ၶဝ်ႈ​ၵႃႈ​ၼႂ်း​ႁိူဝ်း​ယဝ်ႉ​ၸင်ႇ၊ ၶိုၼ်း​မိူဝ်း​ၵႂႃႇ​ၵႃႈ​တီႈ​ၽင်ႇ​ၼမ်ႉ​ၽၢႆႇ​ပုၼ်ႉ​ဢေႃႈ။</verse>
				<verse number="14">တပႄး​ၸဝ်ႈ​တင်း​လၢႆ လိုမ်း​ပႃး​ဢဝ်​ၶဝ်ႈ​မုၼ်း​ၵႂႃႇ​လႄႈ၊ ၵႃႈ​ၼိူဝ်​ႁိူဝ်း​ၼၼ်ႉ၊ တီႈ​ၶဝ်​မီး​ၶဝ်ႈ​မုၼ်း​ႁူၺ်ႇ​လဵဝ်​ၵူၺ်း​ဢေႃႈ။-</verse>
				<verse number="15">မၼ်း​ၸဝ်ႈ​ၵေႃႈ ပိင်း​ၺၢပ်ႈ​လႄႈ​ဝႃႈ၊ ႁဵတ်း​သတီႉ​လႄႈ ဝႄႈ​ပႅတ်ႈ​ၸိူဝ်ႉ​ပႅင်ႈ​ ၽႃႇရီႉသႄး ​တင်း​လၢႆ ဢိၵ်ႇ​တင်း​ၸိူဝ်ႉ​ပႅင်ႈ​ ႁေႇရူတ်ႈ ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၶဝ်​ၵေႃႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တွင်ႈ​ထၢမ်​လၢတ်ႈ​ၸႃ​ၵၼ်​လႄႈ​ဝႃႈ၊ ပိူဝ်ႈ​ဢၼ်​ႁဝ်း​ဢမ်ႇ​ပႃး​ၶဝ်ႈ​မုၼ်း​မႃး​လႄႈ မၼ်း​ၸဝ်ႈ​ၸင်ႇ​ဝႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ယေႇသူႉ ​ႁူႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ ႁဵတ်း​သင်​လႄႈ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တွင်ႈ​ထၢမ်​လၢတ်ႈ​ၸႃ​ၵၼ် ၵွပ်ႈ​ပိူဝ်ႈ​ဢၼ်​ဢမ်ႇ​ပႃး​ၶဝ်ႈ​မုၼ်း​မႃး​ၼၼ်ႉ​ၼင်ႇ​ႁိုဝ်။ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​လႄႈ သူ​ယင်း​ဢမ်ႇ​ပႆႇ​ဢဝ်​သႂ်ႇ​ၸႂ်​လႄႈ ႁူႉ​လူး​ၵွၼ်ႇ​ႁိုဝ်။ ႁူဝ်​ၸႂ်​သူ​ယင်း​ၵႅၼ်ႇ​ၶႅင်​ယူႇ​လူး​ၵွၼ်ႇ​ႁိုဝ်။-</verse>
				<verse number="18">မီး​တႃ​သေ​ၵေႃႈ ဢမ်ႇ​ႁၼ်​ႁိုဝ်၊ မီး​ႁူ​သေ​ၵေႃႈ​ဢမ်ႇ​ငိၼ်း​ႁိုဝ်၊ ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လႄႈ​ယူႇ​လူး​ၵွၼ်ႇ​ႁိုဝ်။-</verse>
				<verse number="19">မိူဝ်ႈ​ဢၼ်​ၵဝ်​ဢဝ်​ၶဝ်ႈ​မုၼ်း​ႁႃႈ​ႁူၺ်ႇ ဝိတ်း​ပၼ်​တီႈ​ၵူၼ်း​ႁႃႈ​ႁဵင်​ၼၼ်ႉ​ၸိုင် သူ​ၵဵပ်း​သိမ်း​ဢဝ်​ဢၼ်​ႁၵ်း​ဢၼ်​ႁဵၵ်း​မၼ်း​လႄႈ လႆႈ​လၢႆ​ပဵတ်ႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ၶဝ်​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ လႆႈ​သိပ်း​သွင်​ပဵတ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မၼ်း​ၸဝ်ႈ​ၵေႃႈ​သမ်ႉ​ထၢမ်​ထႅင်ႈ​လႄႈ​ဝႃႈ၊ မိူဝ်ႈ​ဢၼ် ၵဝ်​ဢဝ်​ၶဝ်ႈ​မုၼ်း​ၸဵတ်း​ႁူၺ်ႇ ဝိတ်း​ပၼ်​တီႈ​ၵူၼ်း​သီႇ​ႁဵင်​ၼၼ်ႉ​ၸိုင်၊ ၵဵပ်း​သိမ်း​ဢဝ် ဢၼ်​ႁၵ်း​ဢၼ်​ႁဵၵ်း​မၼ်း​လႄႈ လႆႈ​လၢႆ​ပဵတ်ႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ၶဝ်​ၼၼ်ႉ လဝ်ႊ​လၢတ်ႈ​လႄႈ​ဝႃႈ၊ လႆႈ​ၸဵတ်း​ပဵတ်ႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ႁဵတ်း​သင်​လႄႈ သူ​ယင်း​ဢမ်ႇ​ႁူႉ​လႄႈ​ယူႇ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၶဝ်​ၼၼ်ႉ ႁွတ်ႈ​ထိုင်​ၵႃႈ​တီႈ​ဝဵင်း ပႅတ်ႉၸေးတႃႉ ​ပုၼ်ႉ​သေ​ယဝ်ႉ၊ ပိူၼ်ႈ​ဢဝ်​ၵူၼ်း​တႃ​မွတ်ႇ​ၵေႃႉ​ၼိုင်ႈ မႃး​တီႈ​မၼ်း​ၸဝ်ႈ​လႄႈ တွင်း​ပၢၼ်ႇ​ႁႂ်ႈ​မၼ်း​ၸဝ်ႈ တိူဝ်ႉ​ၵေႃႉ​ၼၼ်ႉ​ဢေႃႈ။-</verse>
				<verse number="23">မၼ်း​ၸဝ်ႈ​ၸုင်​ဢဝ်​မိုဝ်း​ၵူၼ်း​တႃ​မွတ်ႇ​ၼၼ်ႉ​လႄႈ ဢွၵ်ႇ​ၵႂႃႇ​ၵႃႈ​ၼွၵ်ႈ​ဝဵင်း​ယဝ်ႉ​ၸင်ႇ၊ ထူမ်ႇ​ၼမ်ႉ​လၢႆး​သႂ်ႇ​ၼႂ်း​မၢၵ်ႇ​တႃ​မၼ်း​လႄႈ ဢဝ်​မိုဝ်း​မၼ်း​ၸဝ်ႈ တၢင်ႇ​ၵႃႈ​ၼိူဝ်​မၼ်း​ယူႇ​သေ​လႄႈ ထၢမ်​လႄႈ​ဝႃႈ၊ မႂ်း​ႁၼ်​သေ​ၸိူဝ်ႉ​သေ​ပိူင်​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၵေႃႉ​ၼၼ်ႉ​မုင်ႈ​တူၺ်း​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​ႁၼ်​ၵူၼ်း​တင်း​လၢႆ​ၶႃႈ​ဢေႃႈ။ ၵဝ်​ၶႃႈ​ႁၼ်​ၵူၼ်း​ၸိူဝ်း​ၼၼ်ႉ ပဵၼ်​ၸိူဝ်ႉ​ၼင်ႇ တူၼ်ႈ​မႆႉ​လႄႈ ပႆ​တၢင်း​ၵႂႃႇ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">လိုၼ်း​ၼၼ်ႉ မၼ်း​ၸဝ်ႈ​ဢဝ်​မိုဝ်း​တၢင်ႇ​ၵႃႈ​ၼိူဝ်​မၢၵ်ႇ​တႃ​မၼ်း​ယဝ်ႉ​ၸင်ႇ၊ မၼ်း​ၼၼ်ႉ​ႁၼ်​ၸႅင်ႈ​ၸႅင်ႈ​လႅင်း​လႅင်း​လႄႈ ပဵၼ်​ၸိူဝ်ႉ​ၼင်ႇ​ပၵ်း​ၵဝ်ႇ​ပိူင်​ၵဝ်ႇ​ယူႇ​သေ​လႄႈ လႆႈ​ႁၼ်​တင်း​သဵင်ႈ​တင်း​လူင်​လီ​လီ​ငၢမ်း​ငၢမ်း​ဢေႃႈ။-</verse>
				<verse number="26">မၼ်း​ၸဝ်ႈ​ၵေႃႈ ပွႆႇ​မၼ်း​ၵႂႃႇ​ၵႃႈ​တီႈ​ႁိူၼ်း​မၼ်း​သေ​လႄႈ လၢတ်ႈ​လႄႈ​ဝႃႈ၊ ယႃႇ​ပေ​ၶဝ်ႈ​ၵႃႈ​ၼႂ်း​ဝၢၼ်ႈ​ပုၼ်ႉ၊ ယႃႇ​ပေ​လၢတ်ႈ​တီႈ ၽူႈ​လႂ်​သေ​ၵေႃႉ​သေ​ၵူၼ်း ၵႃႈ​ၼႂ်း​ဝၢၼ်ႈ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">ၼႂ်း​မိူဝ်ႈ​ဢၼ်​ ယေႇသူႉ ဢိၵ်ႇ​တင်း​တပႄး​ၸဝ်ႈ​တင်း​လၢႆ ၵႂႃႇ​ၵႃႈ​တီႈ​ဝၢၼ်ႈ​ၼွၵ်ႈ​ၼႃး​ပၢင်ႇ ဝဵင်း​ ၵေႇသရီႉ​ၽီႉလိပ်ႉပူႉ ယူႇ​ၼၼ်ႉ​ၸိုင်၊ မၼ်း​ၸဝ်ႈ​ထၢမ်​တီႈ​တပႄး​မၼ်း​ၸဝ်ႈ​ၸိူဝ်း​ၼၼ်ႉ​လႄႈ​ဝႃႈ၊ ၵူၼ်း​တင်း​လၢႆ​ဝႃႈ၊ ၵဝ်​ၼႆႉ​ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="28">ၶဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၵမ်ႈ​ၽွင်ႈ​ဝႃႈ ၸဝ်ႈ​ႁဝ်း​ပဵၼ်​ ယူဝ်းႁၢၼ်ႇ ဢၼ်​ပၼ်​ ပပ်ႉတီႉၸမ်ႇ ​ၼၼ်ႉ၊ ဝႃႈ​ၼင်ႇ​ၼႆ​ၶႃႈ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ ပဵၼ်​ ဢေးလီႉယႃႉ ၊ ဝႃႈ​ၼင်ႇ​ၼႆ​ၶႃႈ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ ပဵၼ်​ပရေႃးၽႅတ်ႈ​သေ​ပႃး​ပႃး၊ ဝႃႈ​ၼင်ႇ​ၼႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မၼ်း​ၸဝ်ႈ​သမ်ႉ​ထၢမ်​ထႅင်ႈ​လႄႈ​ဝႃႈ၊ သူ​ၸိုင်​ဝႃႈ​ၵဝ်​ၼႆႉ​ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ၊ ပေႇတရူႉ ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ပဵၼ် ၸဝ်ႈ​ၶရိၸ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ၼင်ႇ​ႁိုဝ်​တၵ်း​ဢမ်ႇ​မွၵ်ႇ​လၢတ်ႈ​လွင်ႈ​မၼ်း​ၸဝ်ႈ​ၼၼ်ႉ တီႈ​ၽူႈ​လႂ်​သေ​ၵေႃႉ​သေ​ၵူၼ်း​ၸိုင်၊ မၼ်း​ၸဝ်ႈ​ပိင်း​ၺၢပ်ႈ​ဝႆႉ တီႈ​တပႄး​ၸဝ်ႈ​ၸိူဝ်း​ၼၼ်ႉ​ဢေႃႈ။</verse>
				<verse number="31">လိူဝ်​သေ​ၼၼ်ႉ မၼ်း​ၸဝ်ႈ​ၸႃႉ​ၼႄ​ပျႃး​လွင်ႈ​ဢၼ် လုၵ်ႈ​ၵူၼ်း​တၵ်း​လႆႈ​ၶၢမ်ႇ​ၼမ်​ၼႃႇ​လူင်​လၢင်၊ လွင်ႈ​ဢၼ်​တၵ်း​လႆႈ​ၶၢမ်ႇ​တၢင်း​ဢၼ် ပႄႇ​ပႅတ်ႈ​ၵႃႈ​ၼႂ်း​ၵူၼ်း ဢၼ်​ပဵၼ်​ၵႄႇ​ပဵၼ်​ႁူဝ်၊ ယိတ်ႈပရေႃးႁဵၵ်ႈ​လူင် တင်း​ၵူၼ်း​ထုတ်ႇ​ၵျၢမ်း​တင်း​လၢႆ၊ လွင်ႈ​ဢၼ်​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ၊ လွင်ႈ​ဢၼ်​တၵ်း​လုၵ်ႉ​ၶိုၼ်း​လိပ်း ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ တီႈ​တပႄး​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="32">မၼ်း​ၸဝ်ႈ​လၢတ်ႈ​ၵႂၢမ်း​ၼၼ်ႉ​လႅင်း​လႅင်း​ဢေႃႈ။ ပေႇတရူႉ ​ႁွင်ႉ​ဢဝ်​မၼ်း​ၸဝ်ႈ​ၵႂႃႇ​ႁူမ်ႈ​ၵၼ်​တင်း​မၼ်း​လႄႈ လၢတ်ႈ​ၵႂၢမ်း​ဢၼ်​တၢင်ႇ​ဢပႅတ်ႈ​ယဝ်ႉ​ၸင်ႇ၊-</verse>
				<verse number="33">မၼ်း​ၸဝ်ႈ​ဝၢႆႇ​ၼႃႈ​တူၺ်း​တပႄး​ၸဝ်ႈ​တင်း​လၢႆ​သေ​လႄႈ သင်ႇ​သွၼ်​သုင်း​မႃႉ​ပၼ်​တီႈ ပေႇတရူႉ ​လႄႈ​ဝႃႈ၊ ၸႃႇတၢၼ်ႇ ​ဢိူၺ်း၊ သုတ်ႉ​ပႃႈ​လင်​ၵဝ်​တႃႉ။ မႂ်း​ၸႂ်​ဢမ်ႇ​ၸပ်း​ဢမ်ႇ​ၸွႆး​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ၊ ၸႂ်​ၸပ်း​ၸႂ်​ၸွႆး​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ၵူၼ်း​တင်း​လၢႆ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="34">ၵမ်း​ၼၼ်ႉ မၼ်း​ၸဝ်ႈ​ႁွင်ႉ​ဢဝ်​ပရဵၵ်ႈသၢတ်ႈ ဢိၵ်ႇ​တင်း​တပႄး​ၸဝ်ႈ​တင်း​လၢႆ​ယဝ်ႉ​ၸင်ႇ၊ လၢတ်ႈ​လႄႈ​ဝႃႈ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မီး​ဢလူဝ်ႇ ၶႂ်ႈ​ၸပ်း​မႃး​ပႃႈ​လင်​ၵဝ်​ၼၼ်ႉ၊ ႁႂ်ႈ​ၵေႃႉ​ၼၼ်ႉ​ပႄႇ​ပႅတ်ႈ​တူဝ်​ၸဝ်ႈ​ၵဝ်ႇ​သေ​လႄႈ ႁၢပ်ႇ​ဢဝ် သဝ်​လၵ်း​ဝႃး​ၵၢပ်ႈ​တူဝ်​ၸဝ်ႈ​ၵဝ်ႇ​လႄႈ ၸွမ်း​ပႃႈ​လင်​ၵဝ်​တႃႉ။-</verse>
				<verse number="35">လွင်ႈ​မၼ်း​ၸမ်ႉ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မီး​ဢလူဝ်ႇ ၶႂ်ႈ​ၵႄႇ​သႄႇ​ဢဝ်​တူဝ်​ၸဝ်ႈ​ၵဝ်ႇ​ၼၼ်ႉ၊ ၵေႃႉ​ၼၼ်ႉ တၵ်း​သုမ်း​ဢသၢၵ်ႈ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​သုမ်း​ဢသၢၵ်ႈ​ၵွပ်ႈ​ပိူဝ်ႈ​ၵဝ် ဢိၵ်ႇ​တင်း​ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​ၼၼ်ႉ၊ ၵေႃႉ​ၼၼ်ႉ တၵ်း​ၵႄႇ​သႄႇ​ဢဝ် ဢသၢၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="36">ၵူၼ်း​သေ​ၵေႃႉ​သေ​ၵူၼ်း၊ ပေႃး​လႆႈ​ဢုပ်ႉ​ပိူင်ႇ​လေႃးၵႃႉ​ၼႆႉ တင်း​သဵင်ႈ​တင်း​လူင်​လႄႈ ဝီႉၺိၺ်ႇ​တူဝ်​ၸဝ်ႈ​ၵဝ်ႇ​သုမ်း​ၸိုင်၊ တၵ်း​မီး​ၵျေး​ၸူး​ၵႃႈ​သင်။-</verse>
				<verse number="37">ၵေႃႉ​ၼၼ်ႉ တၵ်း​ဢဝ်​ဢုၵ်ႉ​ၸႃႇ​ဢၼ်​လႂ်​ထုတ်ႇ​ဢဝ် ဝီႉၺိၺ်ႇ​တူဝ်​ၸဝ်ႈ​ၵဝ်ႇ။-</verse>
				<verse number="38">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢူၵ်း​ဢၢႆ ၵွပ်ႈ​ပိူဝ်ႈ​ၵဝ် ဢိၵ်ႇ​တင်း​ၵွပ်ႈ​ပိူဝ်ႈ​ၵႂၢမ်း​ၵဝ် ၵႃႈ​ၼႂ်း​ၵူၼ်း​မဵဝ်း​ဢၼ်​ႁၢႆႉ​မိူၵ်ႈ​လႄႈ လဵၼ်ႈ​ၽူဝ်​ဢွၼ်ႇ​ၼႆႉ​ၼၼ်ႉ၊ ၵေႃႉ​ၼၼ်ႉ​ၸိုင် လုၵ်ႈ​ၵူၼ်း​တၵ်း​ဢူၵ်း​ဢၢႆ မိူဝ်ႈ​ဢၼ်​ပႃး​တင်း​မုၼ်​ၽုင်း​ဢႃႇၼူႉၽေႃႇ​ပေႃႈ​ၸဝ်ႈ ဢိၵ်ႇ​တင်း​တမၢၼ်ႇ​ၵၢင်​ႁၢဝ်​ဢၼ်​မူတ်း​ၸၢင်ႇ​တင်း​လၢႆ​မႃး​ၼၼ်ႉ​ဢေႃႈ။</verse>
			</chapter>
			<chapter number="9">
				<verse number="1">ၵဝ်​ဝႃႈ တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵူၼ်း​ၵမ်ႈ​ၽွင်ႈ ဢၼ်​ၸုၵ်း​ယူႇ​ၵႃႈ​တီႈ​ၼႆႈ ၼႆႉ၊ ၸူဝ်ႈ​ဢၼ်​ၶဝ်​ဢမ်ႇ​ပႆႇ​လႆႈ​ႁၼ်​မိူင်း​ၽြႃး​ပဵၼ်​ၸဝ်ႈ​တႄႇ​ပဵၼ် ဢိၵ်ႇ​တင်း​တၼ်း​ၶူဝ်း​ၼၼ်ႉ​ၸိုင်၊ တၵ်း​ဢမ်ႇ​လႆႈ​ႁွတ်ႈ​ထိုင်​တၢင်း​တၢႆ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="2">မိူဝ်ႈ​ဢၼ် ပူၼ်ႉ​ႁူၵ်း​ဝၼ်း​ယဝ်ႉ၊ ယေႇသူႉ ​ႁွင်ႉ​ဢဝ် ပေႇတရူႉ၊ ယႃႇၵုပ်ႈ ​တင်း ယူဝ်းႁၢၼ်ႇ ​လႄႈ ဢဝ်​ၵႂႃႇ​ၵႃႈ​ၼိူဝ်​လွႆ ဢၼ်​သုင်၊ ၵႃႈ​တီႈ​ဢၼ်​တၵ်း​မီး​ၶဝ်​ၵူၺ်း​ၼၼ်ႉ​ဢေႃႈ။ ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ၼၼ်ႉ မၼ်း​ၸဝ်ႈ​မီး​တင်း​ႁၢင်ႈ​ၽၢင်​ဢၼ်​လၢၵ်ႇ​လၢႆး​လႄႈ၊-</verse>
				<verse number="3">ၶူဝ်း​ၼုင်ႈ​မၼ်း​ၸဝ်ႈ​ၵေႃႈ ႁိူဝ်ႈ​ႁိူင်း​ၽိူၵ်ႇ​ၶၢဝ်​ၼႃႇ တေႃႇ​ထိုင်​ႁွတ်ႈ​ထၼ်ႈ​ပေႃး ၵူၼ်း​သၵ်ႉ​ၶူဝ်း​ၵႃႈ​ၼိူဝ်​လိၼ်​မိူင်း​ၼႆႉ​သေ​ၵေႃႉ​သေ​ၵူၼ်း ဢမ်ႇ​ႁႂ်ႈ​ၽိူၵ်ႇ​ၶၢဝ်​လႆႈ မိူၼ်​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ။-</verse>
				<verse number="4">မူဝ်းသေႇ ​တင်း ဢေးလီႉယႃႉ ထၢင်ႇ​သႃး​ပေႃႇ​မႃး တီႈ​ၶဝ်​လႄႈ လၢတ်ႈ​ၵႂၢမ်း​တေႃႇ​ၵၼ်​တင်း​ ယေႇသူႉ ​ယူႇ​ဢေႃႈ။-</verse>
				<verse number="5">မိူဝ်ႈ​ၼၼ်ႉ ပေႇတရူႉ ​ၵေႃႈ လဝ်ႊ​လၢတ်ႈ​တီႈ​ ယေႇသူႉ ​လႄႈ​ဝႃႈ၊ ၸဝ်ႈ​ႁဝ်း၊ ၵႃႈ​တီႈ​ၼႆႈ ပုၼ်ႈ​ဢၼ်​ႁဝ်း​ၶႃႈ တၵ်း​ယူႇ​ၸိုင်၊ လီ​ၶႃႈ​ဢေႃႈ။ ႁႂ်ႈ​ႁဝ်း​ၶႃႈ​လႆႈ ႁဵတ်း​သုမ်ႉ​သၢမ်​လင်၊ ပုၼ်ႈ​ၸဝ်ႈ​ႁဝ်း​လင်​ၼိုင်ႈ၊ ပုၼ်ႈ​ မူဝ်းသေႇ ​လင်​ၼိုင်ႈ၊ ပုၼ်ႈ​ ဢေးလီႉယႃႉ ​လင်​ၼိုင်ႈ သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ပိူဝ်ႈ​ဢၼ်​ၵူဝ်​ၼႃႇ​ၵႂင်​ၵႂႃႇ​လႄႈ မၼ်း​ၸင်ႇ​လဝ်ႊ​လၢတ်ႈ​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="7">မိူဝ်ႈ​ၼၼ်ႉ မွၵ်ႇ​ၵုမ်ႈ​မုင်း​ႁူမ်ႇ​ၶဝ်​လႄႈ သဵင်​ပဵၼ်​မႃး​ၵႃႈ​ၼႂ်း​မွၵ်ႇ​ၵုမ်ႈ​ၼၼ်ႉ​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ ပဵၼ်​လုၵ်ႈ ဢၼ်​ၵဝ်​ႁၵ်ႉ​ၼႃႇ​ဢေႃႈ။ ထွမ်ႇ​ဢဝ်​ၵႂၢမ်း​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မိူဝ်ႈ​ၼၼ်ႉ​ၵမ်း​လဵဝ်၊ ၶဝ်​တူၺ်း​လဵပ်ႈ​ႁွပ်ႈ ၵႃႈ​တီႈ​ႁိမ်း​ၼၼ်ႉ​လႄႈ လိူဝ်​သေ​ ယေႇသူႉ ​ပႃး​လဵဝ် ဢိၵ်ႇ​တင်း​တူဝ်​ၶဝ်​ၼၼ်ႉ​ၵူၺ်း၊ ဢမ်ႇ​ႁၼ်​ၽူႈ​လႂ် သေ​ၵေႃႉ​သေ​ၵူၼ်း။</verse>
				<verse number="9">ၼႂ်း​မိူဝ်ႈ​ဢၼ် ၶဝ်​လူင်း​သေ​ၵႃႈ​ၼိူဝ်​လွႆ​မႃး​ယူႇ​ၼၼ်ႉ၊ ၼင်ႇ​ႁိုဝ်​ၶဝ်​တၵ်း ဢမ်ႇ​မွၵ်ႇ​လၢတ်ႈ​လွင်ႈ​တၢင်း​ဢၼ်​ၶဝ်​လႆႈ​ႁၼ်​ၸိူဝ်း​ၼၼ်ႉ တီႈ​ၽူႈ​လႂ်​သေ​ၵေႃႉ​သေ​ၵူၼ်း ၸူဝ်ႈ​ဢၼ်​လုၵ်ႈ​ၵူၼ်း​ဢမ်ႇ​ပႆႇ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ၸိုင် မၼ်း​ၸဝ်ႈ​ပိင်း​ၺၢပ်ႈ​ဝႆႉ​တီႈ​ၶဝ်​ဢေႃႈ။-</verse>
				<verse number="10">ၶဝ်​တွင်း​ဝႆႉ​ၵႂၢမ်း​ၼၼ်ႉ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တွင်ႈ​ထၢမ်​လၢတ်ႈ​ၵၼ်​လႄႈ​ဝႃႈ၊ တၢင်း​ဢၼ်​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ၵမ်း​ၼၼ်ႉ ၶဝ်​လဝ်ႊ​ထၢမ်​လႄႈ​ဝႃႈ၊ ဢေးလီႉယႃႉ တၵ်း​လႆႈ မႃး​ဢွၼ်​တၢင်း​ဝႃႈ​ၼႆ၊ ႁဵတ်း​သင်​လႄႈ ၵူၼ်း​ထုတ်ႇ​ၵျၢမ်း​တင်း​လၢႆ​ဝႃႈ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">မၼ်း​ၸဝ်ႈ​ၵေႃႈ ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ဢေးလီႉယႃႉ တၵ်း​လႆႈ​မႃး​ဢွၼ်​တၢင်း​လႄႈ မႄး​ႁဵတ်း​ဝႆႉ​တင်း​သဵင်ႈ​တင်း​လူင် ဢမၢၼ်ႇ​ၶၼ်​ပဵၼ်​ဢေႃႈ။ လွင်ႈ​လုၵ်ႈ​ၵူၼ်း​ၸိုင် တႅမ်ႈ​ဝႆႉ​ၵႃႈ​ၼႂ်း​ၵျၢမ်း​လိၵ်ႈ​ၸိူဝ်ႉ​ၼင်ႇ​ႁိုဝ် ဝႃႈ​ၼႆ​ၸမ်ႉ၊ တၵ်း​လႆႈ​ၶၢမ်ႇ​တုၵ်ႉ​ၶႃႉ​ၼမ်​ၼႃႇ ဢိၵ်ႇ​တင်း​တၢင်း​ဢၼ်​ပိူၼ်ႈ​သႄႉ​သွမ်း​ပႄႇ​ပႅတ်ႈ​ဢေႃႈ၊ မီး​မႃး​ၼင်ႇ​ၼႆ​ဢေႃႈ။-</verse>
				<verse number="13">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ဢေးလီႉယႃႉ ႁွတ်ႈ​မႃး​ယဝ်ႉ။ မႅၼ်ႈ​ၼင်ႇ​ဢၼ်​တႅမ်ႈ​ဝႆႉ​လွင်ႈ​မၼ်း ၼႂ်း​ၵျၢမ်း​လိၵ်ႈ​ၼၼ်ႉ၊ ၵူၼ်း​တင်း​လၢႆ ႁဵတ်း​တီႈ​မၼ်း​ၵႃႈ​ဢၼ်​ၶဝ်​ၶႂ်ႈ​ႁဵတ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​ဢၼ် တပႄး​ၸဝ်ႈ​တင်း​လၢႆ မီး​ယူႇ​ၼၼ်ႉ​ၸိုင်၊ ၶဝ်​ႁၼ်​ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ လွမ်ႉ​ႁွပ်ႈ​ၶဝ်​ၼၼ်ႉ​ယူႇ​သေ​လႄႈ ၵူၼ်း​ထုတ်ႇ​ၵျၢမ်း​တင်း​လၢႆ တွင်ႈ​ထၢမ်​လၢတ်ႈ​ၸႃ​ၵၼ်​တင်း​ၶဝ်​ယူႇ​ဢေႃႈ။-</verse>
				<verse number="15">ၵူၼ်း​ဢၼ်​ၸူႉ​ဢၼ်​တုမ် တင်း​သဵင်ႈ​တင်း​လူင်​ၼၼ်ႉ၊ မိူဝ်ႈ​ဢၼ်​ႁၼ်​မၼ်း​ၸဝ်ႈ​ၸိုင်၊ ဢၢမ်း​ၼႃႇ​လူင်​လၢင်​ၵမ်း​လဵဝ်​လႄႈ လႅၼ်ႈ​မႃး​တီႈ​မၼ်း​ၸဝ်ႈ​သေ​လႄႈ တၵ်ႉ​လၢတ်ႈ​ဢေႃႈ။-</verse>
				<verse number="16">မၼ်း​ၸဝ်ႈ​ၵေႃႈ ထၢမ်​တီႈ​ၵူၼ်း​ထုတ်ႇ​ၵျၢမ်း​ၸိူဝ်း​ၼၼ်ႉ​လႄႈ​ဝႃႈ၊ သူ​တွင်ႈ​ထၢမ်​လၢတ်ႈ​ၸႃ​ၵၼ်​တင်း​ၶဝ်​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="17">ၵူၼ်း​ဢၼ်​ပႃး​ၼႂ်း​ၶဝ်​ၸိူဝ်း​ဢၼ်​ၸူႉ​ဢၼ်​တုမ်​ၼၼ်ႉ ၵေႃႉ​ၼိုင်ႈ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ၊ ၵဝ်​ၶႃႈ​ဢဝ်​လုၵ်ႈ​ၸၢႆး​ၵဝ်​ၶႃႈ ဢၼ်​လႆႈ​ၶၢမ်ႇ​တၢင်း​ဢၼ်​ၽီ​ဢႃႉ​ၶဝ်ႈ​ၼၼ်ႉ မႃး​တီႈ​ၸဝ်ႈ​ႁဝ်း​ၶႃႈ​ဢေႃႈ။-</verse>
				<verse number="18">ၽီ​ၼၼ်ႉ တီႉ​ဢဝ်​မၼ်း တီႈ​လႂ်​တၼ်း​လႂ်​သေ​ဢမ်ႇ​ဝႃႈ၊ ႁႂ်ႈ​မၼ်း​လူမ်ႉ​ၵႃႈ​ၼိူဝ်​လိၼ်​သေ​လႄႈ၊ မၼ်း​ၵေႃႈ​ပူၵ်ႇ​ဢွၵ်ႇ​ၵႃႈ​ၼႂ်း​သူပ်း​ယူႇ၊ ၵတ်း​ၶဵဝ်ႈ​ၵတ်း​ၽၼ်း​ယူႇ​သေ​လႄႈ ယွမ်​ၵႂႃႇ​ယူႇ​ၶႃႈ​ဢေႃႈ။ ၵဝ်​ၶႃႈ​လဝ်ႊ​လၢတ်ႈ​တီႈ​တပႄး​ၸဝ်ႈ​တင်း​လၢႆ ႁႂ်ႈ​ၶဝ်​ႁေႃႈ​ၽီ​ႁၢႆႉ​ၼၼ်ႉ​ဢွၵ်ႇ​ပႅတ်ႈ​လႄႈ ၶဝ်​ဢမ်ႇ​တၢတ်ႈ​ၼိူင်ႇ​လႆႈ​ၶႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="19">မၼ်း​ၸဝ်ႈ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ၵူၼ်း​မဵဝ်း​ဢၼ်​ဢမ်ႇ​မီး​တၢင်း​ဢၼ်​ယုမ်ႇ​မၢတ်ႈ​ၼႆႉ​ဢိူၺ်း၊ ၵဝ်​တၵ်း​လႆႈ​ယူႇ​လူၺ်ႈ​ၵၼ်​တင်း​သူ​လၢႆ​ၶိင်ႇ​လၢႆ​မိူဝ်ႈ။ တၵ်း​လႆႈ​ယိူၼ်ႉ​ၶၢမ်ႇ​သူ​လၢႆ​ၶိင်ႇ​လၢႆ​မိူဝ်ႈ။ ဢဝ်​လုၵ်ႈ​ဢွၼ်ႇ​ၼၼ်ႉ မႃး​တီႈ​ၵဝ်​တႃႉ​၊ ဝႃႈ​ၼႆ၊ ၵႃႈ​ၼင်ႇ​ဢၼ်​ဝႃႈ​ၼၼ်ႉ၊-</verse>
				<verse number="20">ၶဝ်​ဢဝ်​မႃး တီႈ​မၼ်း​ၸဝ်ႈ​ဢေႃႈ။ ၽီ​ၼၼ်ႉ​ႁၼ်​မၼ်း​ၸဝ်ႈ​သေ​ယဝ်ႉ၊ ႁႂ်ႈ​လုၵ်ႈ​ဢွၼ်ႇ​ၼၼ်ႉ ၵႅၼ်ႇ​ၶႅင်​ၵႂႃႇ​ၵမ်း​လဵဝ်​လႄႈ၊ လုၵ်ႈ​ဢွၼ်ႇ​ၵေႃႈ လူမ်ႉ​ၵႃႈ​ၼိူဝ်​လိၼ်​လႄႈ ပူၵ်ႇ​ဢွၵ်ႇ​သူပ်း​ယူႇ​သေ​လႄႈ ၵိင်ႈ​ၵႂႃႇ​ၵိင်ႈ​မႃး​ယူႇ​ဢေႃႈ။-</verse>
				<verse number="21">မၼ်း​ၸဝ်ႈ​ၵေႃႈ ထၢမ်​တီႈ​ပေႃႈ​မၼ်း​လႄႈ​ဝႃႈ၊ လွင်ႈ​ဢၼ်​ပဵၼ်​တီႈ​မၼ်း​ၼႆႉ​ၸမ်ႉ ႁိုင်​ၵႃႈ​ႁိုဝ်​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပေႃႈ​မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ပဵၼ်​မႃး​ၸႃႉ​ၸဵမ်​မိူဝ်ႈ​ဢၼ်​မၼ်း​ယင်း​လဵၵ်ႉ​ၶႃႈ​ဢေႃႈ။-</verse>
				<verse number="22">ၼင်ႇ​ႁိုဝ်​တၵ်း​ႁႂ်ႈ​မၼ်း​လႆႈ​ႁွတ်ႈ​ထိုင်​တၢင်း​လူႉ​တၢင်း​တၢႆ​ၸိုင်၊ ႁႂ်ႈ​မၼ်း လူမ်ႉ​တူၵ်း​ၵႃႈ​ၼႂ်း​ၽႆး​လႂ်၊ ၵႃႈ​ၼႂ်း​ၼမ်ႉ​လႂ်၊ ၶိူဝ်း​ၶိူဝ်း​ယႂ်း​ယႂ်း​ၶႃႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပေႃး​ၸဝ်ႈ​ႁဝ်း​တၢတ်ႈ​ၼိူင်ႇ​လႆႈ​သေ​ဢိတ်း​သေ​ဢီႈ​ၸိုင်၊ ဢဵတ်း​လူ​ႁဝ်း​ၶႃႈ​လႄႈ ၸွႆႈ​ထႅမ်​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ မႂ်း​ဝႃႈ၊ ပေႃး​တၢတ်ႈ​ၼိူင်ႇ​လႆႈ၊ ဝႃႈ​ၼင်ႇ​ၼႆ​လူင်​ပႄႇ။ တီႈ​ၵေႃႉ​ဢၼ်​ယုမ်ႇ​မၢတ်ႈ​ၼၼ်ႉ​ၸမ်ႉ၊ တၢတ်ႈ​ၼိူင်ႇ​လႆႈ​ယူႇ​ၵူႈ​ၸိူဝ်ႉ​ၵူႈ​ပိူင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ပေႃႈ​လုၵ်ႈ​ဢွၼ်ႇ​ၼၼ်ႉ​ၵေႃႈ ႁွင်ႉ​သႅၼ်ႇ​ၵမ်း​လဵဝ်​လႄႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​ယုမ်ႇ​မၢတ်ႈ​ယူႇ​ၶႃႈ​ဢေႃႈ။ ၸွႆႈ​ထႅမ်​တၢင်း​ဢၼ်​ၵဝ်​ၶႃႈ ဢမ်ႇ​ယုမ်ႇ​မၢတ်ႈ​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ယေႇသူႉ ​ႁၼ်​ၵူၼ်း​ၼမ်​ၼႃႇ လႅၼ်ႈ​မႃး​ၸူႉ​ၵၼ်​တုမ်​ၵၼ်​ၼၼ်ႉ​သေ​ယဝ်ႉ၊ သင်ႇ​သွၼ်​ၽီ​ဢၼ်​ၵူဝ်ႈ​ၵိူၵ်ႇ​ၼၼ်ႉ​လႄႈ​ဝႃႈ၊ ၽီ​ဢၼ်​ဢႃႉ​လႄႈ ႁူ​ၼူၵ်ႇ​ၼႆႉ​ဢိူၺ်း၊ ဢွၵ်ႇ​သေ​ၵႃႈ​ၼႂ်း လုၵ်ႈ​ဢွၼ်ႇ​ၼႆႉ​ၵႂႃႇ​တႃႉ။ ၵမ်း​လိုၼ်း​ယႃႇ​ပေ​ၶဝ်ႈ​ၼႂ်း​မၼ်း၊ ၵဝ်​မီး​ဢမိင်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="26">ၽီ​ၼၼ်ႉ ႁွင်ႉ​သႅၼ်ႇ​လႄႈ ႁႂ်ႈ​မၼ်း​ၵႅၼ်ႇ​ၶႅင်​ၵႂႃႇ​ၼႃႇ​လူင်​လၢင်​ယဝ်ႉ​ၸင်ႇ၊ ဢွၵ်ႇ​ၵႂႃႇ​သေ​ဢေႃႈ။ လုၵ်ႈ​ဢွၼ်ႇ​ၼၼ်ႉ ပဵၼ်​ၸိူဝ်ႉ​ၼင်ႇ​ဢၼ်​တၢႆ​ယဝ်ႉ​ၼၼ်ႉ တေႃႇ​ထိုင်​ႁွတ်ႈ​ထၼ်ႈ​ပေႃး​ၵူၼ်း​ၼမ်​ၼႃႇ​လၢတ်ႈ​လႄႈ​ဝႃႈ၊ မၼ်း​တၢႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ယေႇသူႉ ယိပ်း​ဢဝ်​မိုဝ်း​မၼ်း​သေ​ယဝ်ႉ၊ ယုၵ်ႉ​ယွင်ႈ​လႄႈ မၼ်း​လုၵ်ႉ​မႃး​ဢေႃႈ။-</verse>
				<verse number="28">မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ႁိူၼ်း​ယဝ်ႉ​ၸင်ႇ၊ တပႄး​ၸဝ်ႈ​ၸိူဝ်း​ၼၼ်ႉ တဵတ်ႇ​တဵတ်ႇ​လဝ်ႊ​ထၢမ်​လႄႈ​ဝႃႈ၊ ႁဵတ်း​သင်​လႄႈ ႁဝ်း​ၶႃႈ ဢမ်ႇ​ႁေႃႈ​ၽီ​ၼၼ်ႉ ဢွၵ်ႇ​ပႅတ်ႈ​လႆႈ​ၼင်ႇ​ႁိုဝ်​ၶႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ လိူဝ်​သေ​ၵွပ်ႈ​ပိူဝ်ႈ​တၢင်း​ဢၼ် သူး​တွင်း​လႄႈ ၵမ်​တၢင်း​ၵိၼ်​ၼၼ်ႉ​ၵူၺ်း၊ ၵွပ်ႈ​ပိူဝ်ႈ​ၵႃႈ​သင်​သေ​ဢမ်ႇ​ဝႃႈ၊ မဵဝ်း​ၼၼ်ႉ​ဢမ်ႇ​ဢွၵ်ႇ​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">ၼႂ်း​မိူဝ်ႈ​ဢၼ် ၶဝ်​ဢွၵ်ႇ​သေ​ၵႃႈ​တီႈ​ၼၼ်ႈ​လႄႈ ၸွမ်း​တၢင်း​လတ်း​ၵႂႃႇ ၼႂ်း​မိူင်း​ ၵႃႇလီႉလႄး ​ယူႇ​ၼၼ်ႉ၊ မၼ်း​ၸဝ်ႈ​ဢမ်ႇ​မီး​ဢလူဝ်ႇ ၶႂ်ႈ​ႁႂ်ႈ​ၽူႈ​လႂ်​သေ​ၵေႃႉ​သေ​ၵူၼ်း​လႆႈ​ႁူႉ။-</verse>
				<verse number="31">လွင်ႈ​မၼ်း​ၸမ်ႉ မၼ်း​ၸဝ်ႈ​သင်ႇ​သွၼ်​ပၼ်​တပႄး​ၸဝ်ႈ တင်း​လၢႆ​လႄႈ​ဝႃႈ၊ လုၵ်ႈ​ၵူၼ်း​တၵ်း​လႆႈ​ၶၢမ်ႇ​တၢင်း​ဢၼ် ဢၢပ်ႈ​ၵႃႈ​ၼႂ်း​မိုဝ်း​ၵူၼ်း​တင်း​လၢႆ​ဢေႃႈ။ ၶဝ်​တၵ်း​ဢဝ်​တၢႆ​ဢေႃႈ။ ၶၢမ်ႇ​ယဝ်ႉ​ၸင်ႇ၊ တၵ်း​လုၵ်ႉ​ၶိုၼ်း​လိပ်း​ၼႂ်း​ဝၼ်း​ဢၼ် ထူၼ်ႈ​ထိုင်​သၢမ်​ဝၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">ၶဝ်​ၼၼ်ႉ ပိၵ်ႉ​သမ်ႉ​ဢမ်ႇ​ႁူႉ​ဢထိၵ်ႈပႄႇ​ၵႂၢမ်း​ၼၼ်ႉ​သေ​ၵေႃႈ၊ ဢမ်ႇ​ႁတ်း​လဝ်ႊ​ႁတ်း​ထၢမ် တီႈ​မၼ်း​ၸဝ်ႈ။</verse>
				<verse number="33">ၶဝ်​ႁွတ်ႈ​ထိုင်​ၵႃႈ​တီႈ​ဝဵင်း ၵပိူဝ်ႇၼေႇဢုမ်ႇ ​ၼၼ်ႉ​သေ​ယဝ်ႉ၊ မိူဝ်ႈ​ဢၼ်​မၼ်း​ၸဝ်ႈ မီး​ယူႇ​ၵႃႈ​ၼႂ်း​ႁိူၼ်း​ၸိုင်၊ မၼ်း​ၸဝ်ႈ​ထၢမ်​တီႈ​ၶဝ်​လႄႈ​ဝႃႈ၊ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​ထဵင်​ၵၼ် ၵႃႈ​တၢင်း​ၼၼ်ႉ​လွင်ႈ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="34">ၶဝ်​ၼၼ်ႉ ဢမ်ႇ​တၵ်း​သဵင်​လႄႈ​ယူႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​ထဵင်​ၵၼ် လူၺ်ႈ​လွင်ႈ​ဢၼ် ၽူႈ​လႂ်​တၵ်း​ပဵၼ်​ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​သေ​ပိူၼ်ႈ​ၼၼ်ႉ ၵႃႈ​တီႈ​ၵၢင်​တၢင်း​ၼၼ်ႉ​ဢေႃႈ။-</verse>
				<verse number="35">မိူဝ်ႈ​ၼၼ်ႉ မၼ်း​ၸဝ်ႈ​ၼင်ႈ​ယူႇ​သေ​ယဝ်ႉ၊ ႁွင်ႉ​သိပ်း​သွင်​ပႃး​မႃး​လႄႈ လၢတ်ႈ​လႄႈ​ဝႃႈ၊ ပေႃး​သေ​ၵေႃႉ​သေ​ၵူၼ်း ၶႂ်ႈ​ပဵၼ်​ႁူဝ်​ပိူၼ်ႈ​ၸိုင်၊ မၼ်း​တၵ်း​လႆႈ​ပဵၼ် ၵေႃႉ​ဢၼ် လိုၼ်း​လင်​သုတ်း​ပိူၼ်ႈ​ဢေႃႈ။ တၵ်း​လႆႈ​ပဵၼ် ၵူၼ်း​ၸႂ်ႉ​ၵူၼ်း​သွႆ တီႈ​ၵူၼ်း​တင်း​သဵင်ႈ​တင်း​လူင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">မၼ်း​ၸဝ်ႈ​သမ်ႉ​ဢဝ်​လုၵ်ႈ​ဢွၼ်ႇ​ၵေႃႉ​ၼိုင်ႈ​လႄႈ ဝႆႉ​ၵႃႈ​ၼႂ်း​ၵၢင်​ၶဝ်​ယဝ်ႉ​ၸင်ႇ၊ ဢဝ်​တင်း​မိုဝ်း​မၼ်း​ၸဝ်ႈ​ႁွပ်ႇ​ဢုမ်ႈ​သေ​လႄႈ​ဝႃႈ၊-</verse>
				<verse number="37">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ ႁပ်ႉ​တုင်း​ဢဝ်​လုၵ်ႈ​ဢွၼ်ႇ​ၸိူဝ်ႉ​ၼင်ႇ​ၼႆ သေ​ၵေႃႉ​သေ​ၵူၼ်း​ၼၼ်ႉ၊ ၵေႃႉ​ၼၼ်ႉ ႁပ်ႉ​တုင်း​ဢဝ်​ၵဝ်​ဢေႃႈ။ ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ႁပ်ႉ​တုင်း​ဢဝ်​ၵဝ်​ၼၼ်ႉ​ၵေႃႈ ၵေႃႉ​ၼၼ်ႉ ႁပ်ႉ​တုင်း​ဢဝ်​ၵဝ်​ၵူၺ်း​ဢမ်ႇ​ၸႂ်ႈ၊ ႁပ်ႉ​တုင်း​ဢဝ်​ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="38">ယူဝ်းႁၢၼ်ႇ ​ၵေႃႈ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ​ႁဝ်း​ၶႃႈ လႆႈ​ထူပ်း​ၵူၼ်း​ဢၼ်​ဢိင်​ပိုင်ႈ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ ႁေႃႈ​ၽီ​ႁၢႆႉ​ဢွၵ်ႇ​ပႅတ်ႈ​ယူႇ​လႄႈ ဢမ်ႇ​ၸွမ်း​လူၺ်ႈ​ၵၼ်​တင်း​ႁဝ်း​ၶႃႈ​ၼၼ်ႉ ၵေႃႉ​ၼိုင်ႈ​ၶႃႈ​ဢေႃႈ။ ပိူဝ်ႈ​ဢၼ်​မၼ်း ဢမ်ႇ​ၸွမ်း​လူၺ်ႈ​ၵၼ်​တင်း​ႁဝ်း​ၶႃႈ​လႄႈ၊ ႁဝ်း​ၶႃႈ​ႁႄႉ​ၶႅၼ်​မၼ်း​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="39">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ယႃ​ပေ​ႁႄႉ​ပေ​ၶႅၼ်​မၼ်း။ လွင်ႈ​မၼ်း​ၸမ်ႉ ၵူၼ်း​ဢၼ်​ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ ၼႄ​ပျႃး​တၼ်း​ၶူဝ်း​ယူႇ​လႄႈ သႄႉ​သွမ်း​ၵဝ်​ငၢႆႈ​ငၢႆႈ​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။-</verse>
				<verse number="40">ၵေႃႉ​ဢၼ်​ဢမ်ႇ​မီး​ၽၢႆႇ​ရၢၼ်ႇ​သူႇ​ႁဝ်း​ၼၼ်ႉ မီး​ၽၢႆႇ​ႁဝ်း​ဢေႃႈ။-</verse>
				<verse number="41">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ် ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ​ဝႃႈ၊ သူ​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ၶရိၸ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ပၼ်​ၼမ်ႉ​ၵွၵ်း​ၼိုင်ႈ​တီႈ​သူ​ၼၼ်ႉ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵေႃႉ​ၼၼ်ႉ​ဢမ်ႇ​လႆႈ​ဢၵျူဝ်း​လႄႈ တၵ်း​ဢမ်ႇ​လႆႈ​ယူႇ။</verse>
				<verse number="42">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁႂ်ႈ​လုၵ်ႈ​ဢွၼ်ႇ​ဢၼ်​ယုမ်ႇ​မၢတ်ႈ​ၵဝ် သေ​ၵေႃႉ​သေ​ၵူၼ်း​ၼႆႉ ၶီႈ​လိုတ်း​လႄႈ​လူမ်ႉ​ၼၼ်ႉ၊ တီႈ​ၵေႃႉ​ၼၼ်ႉ၊ ပေႃး​မၼ်း​လႆႈ​ၶၢမ်ႇ​တၢင်း​ဢၼ် ဢဝ်​မၢၵ်ႇ​ႁိၼ်​လူၺ် ႁွႆႈ​သႂ်ႇ​ၵႃႈ​တီႈ​ၶေႃး​သေ​လႄႈ ၶျႃး​တူၵ်း​ၵႃႈ​ၼႂ်း​ၼမ်ႉ​ပၢင်ႇ​လၢႆႇ​ၼၼ်ႉ​ၸိုင်၊ ယဵင်ႈ​ၶႅၼ်း​တၵ်း​လီ​ဢေႃႈ။-</verse>
				<verse number="43">မိုဝ်း​မႂ်း​ၼၼ်ႉ၊ ပေႃး​ႁႂ်ႈ​မႂ်း​ၶီႈ​လိုတ်း​လႄႈ​လူမ်ႉ​ၸိုင်၊ တႅပ်း​ပႅတ်ႈ​သေ​တႃႉ။ တၢင်း​ဢၼ်​မိုဝ်း​လူႉ​လႄႈ လႆႈ​ၶဝ်ႈ​ၵႃႈ​ၼႂ်း​တၢင်း​ဢၼ်​ဢသၢၵ်ႈ​လိပ်း​ပုၼ်ႉ​ၼၼ်ႉ ယဵင်ႈ​ၶႅၼ်း​တၵ်း​လီ​သေ​တၢင်း​ဢၼ်​မီး​မိုဝ်း​သွင်​ၶွၼ်​လႄႈ လႆႈ​ၶၢမ်ႇ​တၢင်း​ဢၼ် ၶျႃး​တူၵ်း​သႂ်ႇ​ၵႃႈ​ၼႂ်း​ငရၢႆး ၵႃႈ​ၼႂ်း​ၽႆး​ဢၼ်​ဢမ်ႇ​ထၢတ်ႇ​ဢမ်ႇ​ယဵၼ်​လႆႈ၊-</verse>
				<verse number="44">တီႈ​ဢၼ်​မူင်ႈ​ဢမ်ႇ​တၢႆ၊ ၽႆး​ဢမ်ႇ​မွတ်ႇ​ၼၼ်ႉ​ဢေႃႈ။-</verse>
				<verse number="45">တိၼ်​မႂ်း​ၵေႃႈ၊ ပေႃး​ႁႂ်ႈ​မႂ်း​ၶီႈ​လိုတ်း​လႄႈ​လူမ်ႉ​ၸိုင်၊ တႅပ်း​ပႅတ်ႈ​သေ​တႃႉ။ တၢင်း​ဢၼ်​တိၼ်​လူႉ​လႄႈ လႆႈ​ၶဝ်ႈ​ၵႃႈ​ၼႂ်း​တၢင်း​ဢၼ် ဢသၢၵ်ႈ​လိပ်း​ပုၼ်ႉ​ၼၼ်ႉ ယဵင်ႈ​ၶႅၼ်း​တၵ်း​လီ​သေ တၢင်း​ဢၼ်​မီး​တိၼ်​သွင်​ၶွၼ်​လႄႈ လႆႈ​ၶၢမ်ႇ​တၢင်း​ဢၼ် ၶျႃး​တူၵ်း​သႂ်ႇ​ၵႃႈ​ၼႂ်း​ငရၢႆး ၵႃႈ​ၼႂ်း​ၽႆး​ဢၼ်​ဢမ်ႇ​ထၢတ်ႇ​ဢမ်ႇ​ယဵၼ်​လႆႈ၊-</verse>
				<verse number="46">တီႈ​ဢၼ် မူင်ႈ​ဢမ်ႇ​တၢႆ၊ ၽႆး​ဢမ်ႇ​မွတ်ႇ​ၼၼ်ႉ​ဢေႃႈ။-</verse>
				<verse number="47">မၢၵ်ႇ​တႃ​မႂ်း​ၵေႃႈ၊ ပေႃး​ႁႂ်ႈ​မႂ်း​ၶီႈ​လိုတ်း​လႄႈ​လူမ်ႉ​ၸိုင်၊ ၶွၵ်း​ဢွၵ်ႇ​ပႅတ်ႈ​သေ​တႃႉ။ တၢင်း​ဢၼ်​မီး​တႃ​ၶွၼ်​ၼိုင်ႈ​လႄႈ လႆႈ​ၶဝ်ႈ​ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ပုၼ်ႉ​ၼၼ်ႉ ယဵင်ႈ​ၶႅၼ်း​တၵ်း​လီ​သေ​တၢင်း​ဢၼ် မီး​တႃ​သွင်​ၶွၼ်​လႄႈ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​သႂ်ႇ​ၵႃႈ​ၼႂ်း​ငရၢႆး၊-</verse>
				<verse number="48">တီႈ​ဢၼ်​မူင်ႈ​ဢမ်ႇ​တၢႆ၊ ၽႆး​ဢမ်ႇ​မွတ်ႇ​ၼၼ်ႉ​ဢေႃႈ။-</verse>
				<verse number="49">ၵူၼ်း​ၵႃႈ​မီး​တင်း​သဵင်ႈ​တင်း​လူင် တၵ်း​လႆႈ​ၶၢမ်ႇ​တၢင်း​ဢၼ် ဢဝ်​ၵိူဝ်​ၽႆး​သႂ်ႇ​ဢေႃႈ။ တူဝ်​ယိတ်ႈ​ဢၼ်​ပုၵ်ႈ​ၸေႃႇ​ၵႃႈ​မီး​တင်း​သဵင်ႈ​တင်း​လူင်​ၵေႃႈ၊ တၵ်း​လႆႈ​ၶၢမ်ႇ​တၢင်း​ဢၼ် ဢဝ်​ၵိူဝ်​သႂ်ႇ​ဢေႃႈ။-</verse>
				<verse number="50">ၵိူဝ်​ၸိုင်​လီ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပေႃး​ဢၼ်​ၸဵမ်း​မၼ်း​ၼၼ်ႉ​ႁၢႆ​ၵႂႃႇ​ယဝ်ႉ​ၸိုင်၊ တၵ်း​ၶိုၼ်း​လႆႈ​ဢၼ်​ၸဵမ်း​မၼ်း​ၸိူဝ်ႉ​ၼင်ႇ​ႁိုဝ်။ ၵႃႈ​ၼႂ်း​သူ ႁႂ်ႈ​မီး​ၵိူဝ်​တႃႉ။ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယူႇ​ထုၵ်ႇ​ထုၵ်ႇ​ၵၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="10">
				<verse number="1">မၼ်း​ၸဝ်ႈ​လုၵ်ႉ​သေ​ၵႃႈ​တီႈ​ၼၼ်ႈ​လႄႈ ၵႂႃႇ​ၵႃႈ​တီႈ​လႅၼ်​လိၼ်မိူင်း​ ယူႉတႃႉ ဢိၵ်ႇ​တင်း​ၵႃႈ​တီႈ​ၽၢၵ်ႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​ဢေႃႈ။ ၵူၼ်း​ၼမ်​ၼႃႇ သမ်ႉ​ၶိုၼ်း​ၸူႉ​ၵၼ်​တုမ်​ၵၼ်​ၵႃႈ​တီႈ​မၼ်း​ၸဝ်ႈ​လႄႈ မၼ်း​ၸဝ်ႈ​သမ်ႉ ၶိုၼ်း​သင်ႇ​သွၼ်​သုင်း​မႃႉ​ပၼ် တီႈ​ၶဝ်​ၵႃႈ​ၼင်ႇ​ဢၼ် ထုင်း​ၸၢမ်ႇ​ၸဝ်ႈ​မီး​ၼၼ်ႉ​ထႅင်ႈ​ဢေႃႈ။</verse>
				<verse number="2">ၽႃႇရီႉသႄး ​တင်း​လၢႆ မႃး​တီႈ​မၼ်း​ၸဝ်ႈ​သေ​လႄႈ၊ ၼင်ႇ​ႁိုဝ်​တၵ်း​လႆႈ​ၸၢမ်း​တူၺ်း​ယႃႉ​ယူၵ်ႉ​မၼ်း​ၸဝ်ႈ​ၸိုင်၊ လဝ်ႊ​ထၢမ်​လႄႈ​ဝႃႈ၊ ၵူၼ်း​ထုၵ်ႇ​လီ​ပႅတ်ႈ​မေး​မၼ်း​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="3">မၼ်း​ၸဝ်ႈ​ၵေႃႈ ၶိုၼ်း​ထၢမ်​လႄႈ​ဝႃႈ၊ မူဝ်းသေႇ ​ၸီႇ​ယၢင်ႇ​ဝႆႉ​တီႈ​သူ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="4">ၶဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ မူဝ်းသေႇ ပၼ်​ဢၶႂၢင်ႉ​ဝႆႉ​ႁႂ်ႈ​တႅမ်ႈ​လိၵ်ႈ​ဢၼ်​ပုတ်း​ဢၼ်​ၶၢတ်ႇ​ပၼ်​သေ​လႄႈ ပႅတ်ႈ​မေး​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​ႁူဝ်​ၸႂ်​သူ​ၵႅၼ်ႇ​ၶႅင်​လႄႈ၊ မူဝ်းသေႇ ​ၸင်ႇ​တႅမ်ႈ​ပိင်း​ၺၢပ်ႈ​ၼၼ်ႉ​ဝႆႉ​ဢေႃႈ။-</verse>
				<verse number="6">မိူဝ်ႈ​ၵေႃႇၸႃႉ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ၊ ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ် ၵူၼ်း​ၸၢႆး​တင်း​ၵူၼ်း​ယိင်း​သွင်​ၵေႃႉ​ၵူၺ်း​ဢေႃႈ။-</verse>
				<verse number="7">ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ၊ ၵူၼ်း​ၸၢႆး​တၵ်း​လႆႈ​ၽၢတ်ႇ​ၵၼ်​တင်း​ပေႃႈ​မႄႈ​မၼ်း​သေ​လႄႈ ၸပ်း​ၸွမ်း​ၽၢႆႇ​မေး​မၼ်း​ဢေႃႈ။-</verse>
				<verse number="8">ၶဝ်​သွင်​ၵေႃႉ​ၼၼ်ႉ ပဵၼ်​ၼိူဝ်ႉ​ပဵၼ်​လိူတ်ႈ​ဢၼ်​လဵဝ်​ၵၼ်​ဢေႃႈ။ ပိူဝ်ႈ​ၼႆ​လႄႈ ၽူဝ်​တင်း​မေး ပဵၼ်​သွင်​ၵေႃႉ​ဢမ်ႇ​ၸႂ်ႈ၊ ပဵၼ်​ၵေႃႉ​လဵဝ်​ၵူၺ်း​ဢေႃႈ။-</verse>
				<verse number="9">ၵူၼ်း​ယႃႇ​ပေ​ႁႂ်ႈ​ဢဝ်​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ ဢဝ်​ၽၢၵ်ႈ​ဢဝ်​ႁွမ်း​ၵၼ်​ၼၼ်ႉ ၽၢတ်ႇ​ၵၼ်​ယၢၼ်​ၵၼ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">လိုၼ်း​ၼၼ်ႉ ၼႂ်း​မိူဝ်ႈ​ဢၼ် မီး​ယူႇ​ၵႃႈ​ၼႂ်း​ႁိူၼ်း​ၼၼ်ႉ​ၸိုင်၊ တပႄး​ၸဝ်ႈ​တင်း​လၢႆ ၶိုၼ်း​လဝ်ႊ​ထၢမ်​လွင်ႈ​တီႈ​ႁဵင်း​ၼၼ်ႉ​ထႅင်ႈ​ဢေႃႈ။-</verse>
				<verse number="11">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵေႃႉ​ဢၼ်​ပႅတ်ႈ​မေး​မၼ်း​သေ​လႄႈ သမ်ႉ​ဢဝ်​တၢင်ႇ​ၵေႃႉ​ထႅင်ႈ​ၼၼ်ႉ ၽိတ်း​ပိူင်ႈ​မေး​မၼ်း​ဢေႃႈ။-</verse>
				<verse number="12">မႄႈ​ယိင်း​ၵေႃႈ ပေႃး​ပႅတ်ႈ​ၽူဝ်​မၼ်း​သေ​လႄႈ သမ်ႉ​ဢဝ်​တၢင်ႇ​ၵေႃႉ​ထႅင်ႈ​ၸိုင်၊ ႁွတ်ႈ​ထိုင်​တၢင်း​ဢၼ်​ၽိတ်း​ပိူင်ႈ​ဢေႃႈ။</verse>
				<verse number="13">မိူဝ်ႈ​ၼၼ်ႉ ၼင်ႇ​ႁိုဝ်​မၼ်း​ၸဝ်ႈ​တၵ်း​ဢဝ်​မိုဝ်း​တိူဝ်ႉ​ၸိုင်၊ ၶဝ်​ဢဝ်​လုၵ်ႈ​ဢွၼ်ႇ​တင်း​လၢႆ မႃး​တီႈ​မၼ်း​ၸဝ်ႈ​ဢေႃႈ။ ၵူၺ်း​ၵႃႈ တပႄး​ၸဝ်ႈ​တင်း​လၢႆ တၢင်ႇ​ဢပႅတ်ႈ​တီႈ​ၶဝ်​ၸိူဝ်း​ဢၼ် ဢဝ်​မႃး​ၼၼ်ႉ​ဢေႃႈ။-</verse>
				<verse number="14">ယေႇသူႉ ​ႁၼ်​သေ​ယဝ်ႉ၊ ၸႂ်​မႆႈ​ၶႆႈ​ၸႃႉ​လႄႈ​လၢတ်ႈ​ဝႃႈ၊ ပၼ်​လုၵ်ႈ​ဢွၼ်ႇ​ၸိူဝ်း​ၼၼ်ႉ မႃး​တီႈ​ၵဝ်​တႃႉ။ ယႃႇ​ပေ​ႁၢမ်ႈ​တၢပ်ႈ​ႁႄႉ​ၶႅၼ်​ၶဝ်။ မိူင်း​ၽြႃး​ပဵၼ်​ၸဝ်ႈ ပဵၼ်​မိူင်း​ၶဝ်​ၸိူဝ်ႉ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="15">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ၶၢမ်ႇ​ဢဝ် မိူင်း​ၽြႃး​ပဵၼ်​ၸဝ်ႈ မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ၼႆႉ​ၼၼ်ႉ၊ ၵေႃႉ​ၼၼ်ႉ ဢမ်ႇ​လႆႈ​ၶဝ်ႈ​ၵႃႈ​ၼႂ်း​မိူင်း​ၸဝ်ႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="16">ႁွပ်ႇ​ဢဝ်​လုၵ်ႈ​ဢွၼ်ႇ​ၸိူဝ်း​ၼၼ်ႉ​သေ​လႄႈ ဢဝ်​မိုဝ်း​မၼ်း​ၸဝ်ႈ တၢင်ႇ​ၵႃႈ​ၼိူဝ်​ၶဝ်​သေ​ယဝ်ႉ၊ ပၼ်​တၢင်း​လီ​ဢေႃႈ။</verse>
				<verse number="17">ၼႂ်း​မိူဝ်ႈ​ဢၼ်​မၼ်း​ၸဝ်ႈ ၸွမ်း​တၢင်း​ၵႂႃႇ​ယူႇ​ၼၼ်ႉ​ၸိုင်၊ ၵူၼ်း​ၵေႃႉ​ၼိုင်ႈ​လႅၼ်ႈ​မႃး​ၸူး​တီႈ​မၼ်း​ၸဝ်ႈ​လႄႈ ၶုပ်ႉ​ၶဝ်ႇ​သေ​ယဝ်ႉ၊ လဝ်ႊ​ထၢမ်​လႄႈ​ဝႃႈ၊ သြႃႇ​ဢၼ်​မျၢတ်ႈ​လီ​ၶႃႈ​ဢိူၺ်း၊ ၼင်ႇ​ႁိုဝ်​တၵ်း​လႆႈ​ၶၢမ်ႇ​ဢမူၺ်ႇ ထႃႇဝရႃႉ​ဢသၢၵ်ႈ​ၸိုင်၊ ၵဝ်​ၶႃႈ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ႁဵတ်း​ႁိုဝ်​လႄႈ​မႂ်း​ႁွင်ႉ​ဝႃႈ​ၵဝ်​ၼႆႉ မျၢတ်ႈ​လီ​ၼင်ႇ​ႁိုဝ်။ လိူဝ်​သေ​ၽြႃး​ပဵၼ်​ၸဝ်ႈ​သူႇ​လဵဝ်​ၼၼ်ႉ​ၵူၺ်း ၽူႈ​လႂ်​ဢမ်ႇ​မျၢတ်ႈ​ဢမ်ႇ​လီ​သေ​ၵေႃႉ။-</verse>
				<verse number="19">မႂ်း​ႁူႉ​ပိင်း​ၺၢပ်ႈ​ၸဝ်ႈ​တင်း​လၢႆ​ယူႇ​ဢမ်ႇ​ၸႂ်ႈ​ႁိုဝ်။ ယႃႇ​ပေ​ၽိတ်း​ပိူင်ႈ​မေး​ပိူၼ်ႈ။ ယႃႇ​ပေ​ဢဝ်​ဢသၢၵ်ႈ​ၵူၼ်း​တၢႆ။ ယႃႇ​ပေ​လၵ်ႉ​ဢုၵ်ႉ​ၸႃႇ​ၶူဝ်း​လဵင်း​ပိူၼ်ႈ။ ယႃႇ​ပေ​ၶၢမ်ႇ​သၢၵ်ႈ​သေႇ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ။ ယႃႇ​ပေ​ႁဵတ်း​တၢင်း​ဢၼ်​ဢမ်ႇ​တြႃး​သေ​လႄႈ သိမ်း​ဢဝ်​ၶွင်​ပိူၼ်ႈ။ ႁဵတ်း​ရူဝ်ႇ​သေႇ​ၵူဝ်​ယမ်​ပေႃႈ​မႄႈ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="20">ၵေႃႉ​ၼၼ်ႉ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ၊ ပိင်း​ၺၢပ်ႈ​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၸိုင်၊ ၵဝ်​ၶႃႈ​ၵမ်​ၵျၢင်ႉ​ၸႃႉ​ၸဵမ်​မိူဝ်ႈ​ဢၼ် ယင်း​လဵၵ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ယေႇသူႉ ​တူၺ်း​ၵေႃႉ​ၼၼ်ႉ​သေ​ယဝ်ႉ၊ မီး​ၸႂ်​ဢၼ်​ႁၵ်ႉ​လႄႈ​ဝႃႈ၊ မႂ်း​လူဝ်ႇ​ထႅင်ႈ​ဢၼ်​ၼိုင်ႈ​ဢေႃႈ။ ၵႂႃႇ​ၶၢႆ​ဢုၵ်ႉ​ၸႃႇ​ၶူဝ်း​လဵင်း​မႂ်း ၵႃႈ​မီး​တင်း​သဵင်ႈ​တင်း​လူင်​သေ​လႄႈ ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၵ်း​လႆႈ​ၽၼ်ႇတႃႇ ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ႁဵတ်း​ၸိူဝ်ႉ​ၼင်ႇ​ၼၼ်​ယဝ်ႉ​ၸင်ႇ၊ မႃး​ႁၢပ်ႇ​သဝ်​လၵ်း​ဝႃး​ၵၢပ်ႈ​သေ​လႄႈ ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၵေႃႉ​ၼၼ်ႉ​ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ပိူဝ်ႈ​ဢၼ်​မၼ်း​ပဵၼ်​ၵေႃႉ​ဢၼ်​ၸၢင်ႈ​မီး​ဢုၵ်ႉ​ၸႃႇ​ၼမ်​ၼႃႇ​လႄႈ၊ ၼႃႈ​လူႉ​လႄႈ​မီး​တင်း​ၸႂ်​ဢၼ် ဢမ်ႇ​သိူဝ်း​ဢမ်ႇ​ပျေႃႇ​ဢွၵ်ႇ​ၵႂႃႇ​သေ​ဢေႃႈ။</verse>
				<verse number="23">ယေႇသူႉ ​ၵေႃႈ တူၺ်း​လဵပ်ႈ​ႁွပ်ႈ​ႁိမ်း​ၼၼ်ႉ​ယူႇ​သေ​လႄႈ လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊ ၶဝ်​ၸိူဝ်း​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ ၶဝ်ႈ​ၼႂ်း​မိူင်း​ၽြႃး​ပဵၼ်​ၸဝ်ႈ ယၢပ်ႇ​လူင်​ယၢပ်ႇ​လၢင်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="24">တပႄး​ၸဝ်ႈ​ၸိူဝ်း​ၼၼ်ႉ ဢၢမ်း​လွင်ႈ​ၵႂၢမ်း​ၸိူဝ်း​ၼၼ်ႉ​ဢေႃႈ။ ယေႇသူႉ ​သမ်ႉ​ၶိုၼ်း​လၢတ်ႈ​လႄႈ​ဝႃႈ၊ လုၵ်ႈ​ၵဝ်​တင်း​လၢႆ​ဢိူၺ်း၊ ၶဝ်​ၸိူဝ်း​ဢၼ် ဢိင်​ပိုင်ႈ ဢုၵ်ႉ​ၸႃႇ​ၶူဝ်း​လဵင်း​တူဝ်​ၸဝ်ႈ​ၵဝ်ႇ​ၼၼ်ႉ ၶဝ်ႈ​ၼႂ်း​မိူင်း​ၽြႃး​ပဵၼ်​ၸဝ်ႈ ယၢပ်ႇ​လူင်​ယၢပ်ႇ​လၢင်​ဢေႃႈ။-</verse>
				<verse number="25">ၵလႃးဢုၵ်ႉ​လၼ်ႈ​ႁူး​ၶဵမ် ငၢႆႈ​သေ​ၵူၼ်း​မၢၵ်ႈ​ၵူၼ်း​မီး ၶဝ်ႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၶဝ်​ၼၼ်ႉ ၵႂင်​ၸႂ်​ယုင်ႈ​ၸႂ်​ၼႃႇ​လူင်​လၢင်​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​လႄႈ​ဝႃႈ၊ ၽူႈ​လႂ်​တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ယေႇသူႉ ​ၵေႃႈ​တူၺ်း​ၶဝ်​သေ​လႄႈ​လၢတ်ႈ​လႄႈ​ဝႃႈ၊ လွင်ႈ​တၢင်း​ၼႆႉ​ၸိုင် ၵူၼ်း​ဢမ်ႇ​တၢတ်ႈ​ၼိူင်ႇ​လႆႈ။ ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​ဢမ်ႇ​တၢတ်ႈ​ၼိူင်ႇ​လႆႈ​ဢမ်ႇ​ၸႂ်ႈ၊ ၽြႃး​ပဵၼ်​ၸဝ်ႈ​တၢတ်ႈ​ၼိူင်ႇ​လွင်ႈ​တၢင်း​တင်း​သဵင်ႈ​တင်း​လူင်​လႆႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">မိူဝ်ႈ​ၼၼ်ႉ ပေႇတရူႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​ၼႆႉ ၸုၼ်ႉ​ပႅတ်ႈ​ၵႃႈ​ဢၼ်​မီး​တင်း​သဵင်ႈ​တင်း​လူင်​သေ​လႄႈ ၸွမ်း​ပႃႈ​လင်​ၸဝ်ႈ​ႁဝ်း​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၸုၼ်ႉ​ပႅတ်ႈ​ႁိူၼ်း၊ ပီႈ​ၼွင်ႉ​ၸဵမ်​ယိင်း​ၸဵမ်​ၸၢႆး၊ ပေႃႈ​မႄႈ၊ မေး၊ လုၵ်ႈ၊ ႁႆႊ​ၼႃး​တင်း​လၢႆ ၵွပ်ႈ​ပိူဝ်ႈ​ၵဝ်​လႂ်၊ ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​လႂ်​ၼၼ်ႉ၊-</verse>
				<verse number="30">ၵေႃႉ​ၼၼ်ႉ တၵ်း​လႆႈ​ၶၢမ်ႇ​ဢၵျူဝ်း​ပၢၵ်ႇ​ပုၼ်ႈ၊ ဢၼ်​ဝႃႈ​ၼႂ်း​ၶိင်ႇ​တေႃႈ​လဵဝ်​ၼႆႉ ႁိူၼ်း၊ ပီႈ​ၼွင်ႉ ၸဵမ်​ယိင်း​ၸဵမ်​ၸၢႆး၊ မႄႈ​၊ လုၵ်ႈ၊ ႁႆႊ​ၼႃး ဢိၵ်ႇ​တင်း​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​လႂ် ၼႂ်း​ၸၢတ်ႈ​ၼႃႈ​ၼၼ်ႉ ဢသၢၵ်ႈ​ထႃႇဝရႃႉ​လႂ်​ၼၼ်ႉ​ဢေႃႈ။-</verse>
				<verse number="31">ၶဝ်​ၸိူဝ်း​ဢၼ်​တူၵ်း​ဢွၼ်​တၢင်း​ၼမ်​ၼႃႇ တၵ်း​တူၵ်း​လိုၼ်း​ဢေႃႈ။ ၶဝ်​ၸိူဝ်း​ဢၼ်​တူၵ်း​လိုၼ်း​ၼမ်​ၼႃႇ တၵ်း​တူၵ်း​ဢွၼ်​တၢင်း​ဢေႃႈ။</verse>
				<verse number="32">ၼႂ်း​မိူဝ်ႈ​ဢၼ်​ၶဝ်​ၸွမ်း​တၢင်း​ၶိုၼ်ႈ​ၵႂႃႇ ၵႃႈ​တီႈ​ဝဵင်း​ ယေႇရူႉသလႅမ်ႇ ​ယူႇ​ၼၼ်ႉ​ၸိုင်၊ ယေႇသူႉ ဢွၼ်​ႁူဝ်​ၶဝ်​ၵႂႃႇ​ဢွၼ်​တၢင်း​လႄႈ၊ ၶဝ်​ၼၼ်ႉ ၵႂင်​ၸႂ်​ယုင်ႈ​ၸႂ်​ယူႇ​သေ​လႄႈ မီး​တင်း​ၸႂ်​ဢၼ်​ၵူဝ်​ၼႃႇ​ၸွမ်း​ၵႂႃႇ​ဢေႃႈ။ မိူဝ်ႈ​ၼၼ်ႉ မၼ်း​ၸဝ်ႈ​သမ်ႉ​ၶိုၼ်း​ႁွင်ႉ​ဢဝ်​သိပ်း​သွင်​ပႃး​ၼၼ်ႉ​သေ​ယဝ်ႉ၊ လၢတ်ႈ​ပၼ်​လွင်ႈ​တၢင်း​ဢၼ် တၵ်း​လႆႈ​ပဵၼ်​မႃး​ၵႃႈ​တီႈ​တူဝ်​ၸဝ်ႈ​ၵဝ်ႇ​ၼၼ်ႉ​လႄႈ​ဝႃႈ၊-</verse>
				<verse number="33">တေႃႈ​လဵဝ်​ၼႆႉ ႁဝ်း​ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ယူႇ​ဢေႃႈ။ လုၵ်ႈ​ၵူၼ်း တၵ်း​ၶၢမ်ႇ​တၢင်း​ဢၼ်​ဢၢပ်ႈ​တီႈ​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း ၵူၼ်း​ထုတ်ႇ​ၵျၢမ်း​တင်း​လၢႆ​ဢေႃႈ။ ၶဝ်​ၼၼ်ႉ တၵ်း​ၸီႇ​ယၢင်ႇ​ႁႂ်ႈ​တၢႆ​ဢေႃႈ။ ၶဝ်​တၵ်း​ဢဝ်​ဢၢပ်ႈ​ပၼ်​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ​ဢေႃႈ။-</verse>
				<verse number="34">ၶဝ်​ၸိူဝ်း​ၼၼ်ႉ​ၵေႃႈ တၵ်း​ႁဵတ်း​ပျၢၵ်ႈ​တီႈ​မၼ်း၊ တၵ်း​ယႅၼ်ႉ​တူပ်ႇ​မၼ်း၊ တၵ်း​ဢဝ်​တင်း​ၼမ်ႉ​လၢႆး​ထူမ်ႇ​သႂ်ႇ​မၼ်း​လႄႈ တၵ်း​ဢဝ်​မၼ်း​တၢႆ​ဢေႃႈ။ ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ မၼ်း​တၵ်း​လုၵ်ႉ​ၶိုၼ်း​လိပ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="35">မိူဝ်ႈ​ၼၼ်ႉ ယႃႇၵုပ်ႈ ​တင်း​ ယူဝ်းႁၢၼ်ႇ လုၵ်ႈ​ၸၢႆး ၸေႇပေႇတႄး သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​ၶႂ်ႈ​ႁႂ်ႈ​ၸဝ်ႈ​ႁဝ်း ႁဵတ်း​ၵႃႈ​ဢၼ်​ႁဝ်း​ၶႃႈ​ယွၼ်း​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ ၶႂ်ႈ​ႁႂ်ႈ​ၵဝ်​ႁဵတ်း​တီႈ​သူ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="37">ၶဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း ၶႅၼ်း​တေႃႈ ပၼ်​ဢၶႂၢင်ႉ ႁႂ်ႈ​ႁဝ်း​ၶႃႈ​ၼႆႉ​လႆႈ​ၼင်ႈ​ၵႃႈ​တီႈ​ၽၢႆႇ​ၶႂႃ​ၸဝ်ႈ​ႁဝ်း​ၵေႃႉ​ၼိုင်ႈ၊ ၵႃႈ​တီႈ​ၽၢႆႇ​သၢႆႉ​ၸဝ်ႈ​ႁဝ်း​ၵေႃႉ​ၼိုင်ႈ ၵႃႈ​ၼႂ်း​မုၼ်​ၽုင်း​ၸဝ်ႈ​ႁဝ်း​ပုၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="38">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ သူ​ဢမ်ႇ​ႁူႉ​လွင်ႈ​ဢၼ် သူ​ယွၼ်း​ၼၼ်ႉ။ သူ​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ၵိၼ်​ၵွၵ်း​ဢၼ်​ၵဝ်​ၵိၼ်​ၼၼ်ႉ​ႁိုဝ်။ သူ​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ၶၢမ်ႇ​ ပပ်ႉတီႉၸမ်ႇ ဢၼ်​ၵဝ်​ၶၢမ်ႇ​ၼၼ်ႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="39">ၶဝ်​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​တၢတ်ႈ​ၼိူင်ႇ​လႆႈ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ၵွၵ်း​ဢၼ်​ၵဝ်​ၵိၼ်​ၼၼ်ႉ​ၸိုင်၊ သူ​တၵ်း​လႆႈ​ၵိၼ်​ဢေႃႈ။ ပပ်ႉတီႉၸမ်ႇ ဢၼ်​ၵဝ်​ၶၢမ်ႇ​ၼၼ်ႉ​ၵေႃႈ၊ သူ​တၵ်း​လႆႈ​ၶၢမ်ႇ​ဢေႃႈ။-</verse>
				<verse number="40">ၼႂ်း​ဝႃႈ​ၼၼ်​သေ​ၵေႃႈ လွင်ႈ​ဢၼ်​တၵ်း​လႆႈ​ၼင်ႈ ၵႃႈ​တီႈ​ၽၢႆႇ​ၶႂႃ​ၵဝ် ၵႃႈ​တီႈ​ၽၢႆႇ​သၢႆႉ​ၵဝ်​ၼၼ်ႉ​ၸမ်ႉ၊ ၵဝ်​ဢမ်ႇ​ပိူင်ႇ​ပၼ်။ ၵူၺ်း​ၵႃႈ ပုၼ်ႈ​ႁင်း​ၽူႈ​လႂ်​သေ​ဢမ်ႇ​ဝႃႈ၊ ဢၼ်​မႄး​ဝႆႉ​ယဝ်ႉ​ၼၼ်ႉ တၵ်း​ပဵၼ်​ပုၼ်ႈ​ႁင်း​ၶဝ်​ၼၼ်ႉ​ဢေႃႈ။</verse>
				<verse number="41">တပႄး​ၸဝ်ႈ​သိပ်း​ပႃး​ၼၼ်ႉ ငိၼ်း​သေ​ယဝ်ႉ၊ ၸႂ်​မႆႈ​ၶႆႈ​ၸႃႉ တီႈ​ ယႃႇၵုပ်ႈ တင်း​ ယူဝ်းႁၢၼ်ႇ ​ၼၼ်ႉ​ဢေႃႈ။-</verse>
				<verse number="42">ယေႇသူႉ ​ႁွင်ႉ​ဢဝ်​ၶဝ်​လႄႈ​လၢတ်ႈ​ဝႃႈ၊ ၶဝ်​ၸိူဝ်း​ဢၼ်​ပိူၼ်ႈ​ႁွင်ႉ​ဝႃႈ ၶုၼ်​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ ၸၢင်ႈ​ဢုပ်ႉ​ၸၢင်ႈ​ပိူင်ႇ​ဢေႃႈ။ ၶဝ်​ၸိူဝ်း​ဢၼ်​ပဵၼ်​ၵူၼ်း​ယႂ်ႇ​ၵူၼ်း​လူင်​တင်း​လၢႆ​ၵေႃႈ ၸၢင်ႈ​ဝႆႉ​ဢႃႇၼႃႇ​ဝႃႈ​ၼႆ၊ သူ​ႁူႉ​ယူႇ​ဢေႃႈ။-</verse>
				<verse number="43">ၼႂ်း​သူ​ၸမ်ႉ၊ ဢမ်ႇ​လႆႈ​ပဵၼ်​ၸိူဝ်ႉ​ၼင်ႇ​ၼၼ်။ ၼႂ်း​သူ​ၼႆႉ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၶႂ်ႈ​ပဵၼ်​ၵူၼ်း​ယႂ်ႇ​သူ​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ပဵၼ်​ၵူၼ်း​ၸႂ်ႉ​ၵူၼ်း​သွႆ​သူ​ဢေႃႈ။-</verse>
				<verse number="44">ၼႂ်း​သူ​ၼႆႉ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၶႂ်ႈ​ပဵၼ်​ႁူဝ်​သူ​ၼၼ်ႉ​ၵေႃႈ၊ ၵေႃႉ​ၼၼ်ႉ တၵ်း​လႆႈ​ပဵၼ်​ၶႃႈ​သူ တင်း​သဵင်ႈ​တင်း​လူင်​ဢေႃႈ။-</verse>
				<verse number="45">လွင်ႈ​မၼ်း​ၸမ်ႉ လုၵ်ႈ​ၵူၼ်း​မႃး ႁႂ်ႈ​လႆႈ​ၸႂ်ႉ​ၵိၼ်​ပိူၼ်ႈ​ဢမ်ႇ​ၸႂ်ႈ၊ မႃး​ႁႂ်ႈ​လႆႈ​ၶၢမ်ႇ​တၢင်း​ဢၼ်​ပိူၼ်ႈ​ၸႂ်ႉ ဢိၵ်ႇ​တင်း​ႁႂ်ႈ​လႆႈ​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ​သေ​လႄႈ ထုတ်ႇ​ဢဝ်​ၵူၼ်း​ၼမ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="46">ၶဝ်​ႁွတ်ႈ​ထိုင်​ၵႃႈ​တီႈ​ဝဵင်း ယေႇရီႉၶူဝ်း ​သေ​ယဝ်ႉ၊ ၼႂ်း​မိူဝ်ႈ​ဢၼ် မၼ်း​ၸဝ်ႈ ဢိၵ်ႇ​တင်း​တပႄး​ၸဝ်ႈ​တင်း​လၢႆ တင်း​ၵူၼ်း​ဢၼ်​ၸူႉ​ဢၼ်​တုမ် ၼမ်​ၼႃႇ​ဢွၵ်ႇ​သေ​ၵႃႈ​ၼႂ်း​ဝဵင်း​ၼၼ်ႉ​ၵႂႃႇ​ယူႇ​ၼၼ်ႉ​ၸိုင်၊ ပႃႇတီႉမေး ၊ ဢၼ်​ပဵၼ်​လုၵ်ႈ​ၸၢႆး တီႉမေး ​လႄႈ​တႃ​မွတ်ႇ​ၼၼ်ႉ ၵေႃႉ​ၼိုင်ႈ ၼင်ႈ​ယူႇ​ၵႃႈ​တီႈ​ႁိမ်း​တၢင်း​လႄႈ ယွၼ်း​ၵိၼ်​ယူႇ​ဢေႃႈ။-</verse>
				<verse number="47">ၵေႃႉ​ၼၼ်ႉ၊ မိူဝ်ႈ​ဢၼ်​လႆႈ​ငိၼ်း​လွင်ႈ​ဢၼ် ယေႇသူႉ ​ၵူၼ်း​ဝဵင်း​ ၼႃႇၸရႅတ်ႈ မီး​ၼၼ်ႉ​ၸိုင်၊ ႁွင်ႉ​သႅၼ်ႇ​လႄႈ​ဝႃႈ၊ ယေႇသူႉ ​လုၵ်ႈ​ တႃႇဝိတ်ႈ ​တီႈ​ၶႃႈ၊ ဢဵတ်း​လူ​ၵဝ်​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ယူႇ​ဢေႃႈ။-</verse>
				<verse number="48">ပိၵ်ႉ​သမ်ႉ​ၵူၼ်း​ၼမ်​ၼႃႇ​ႁိုတ်း​ဝႃႈ၊ ႁႂ်ႈ​ၵေႃႉ​ၼၼ်ႉ ယူႇ​တဵတ်ႇ​တဵတ်ႇ​ယဵၼ်​ယဵၼ်​သေ​ၵေႃႈ၊ ၵေႃႉ​ၼၼ်ႉ​ယဵင်ႈ​ၶႅၼ်း​ႁွင်ႉ​သႅၼ်ႇ​ထႅင်ႈ​လႄႈ​ဝႃႈ၊ လုၵ်ႈ​ တႃႇဝိတ်ႈ ​တီႈ​ၶႃႈ၊ ဢဵတ်း​လူ​ၵဝ်​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ယူႇ​ဢေႃႈ။-</verse>
				<verse number="49">ယေႇသူႉ ​ၸင်ႇ ၸုၵ်း​ၵိုတ်း​ယူႇ​သေ​လႄႈ မီး​ဢမိင်ႉ​လႄႈ​ဝႃႈ၊ ႁွင်ႉ​မၼ်း​ၼၼ်ႉ​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ ႁွင်ႉ​ၵူၼ်း​တႃ​မွတ်ႇ​ၼၼ်ႉ​လႄႈ​ဝႃႈ၊ ပျေႃႇ​ၸႂ်​လႄႈ​လုၵ်ႉ​တႃႉ။ မၼ်း​ၸဝ်ႈ​ႁွင်ႉ​မႂ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="50">ၵေႃႉ​ၼၼ်ႉ​ပႅတ်ႈ​ဝႆႉ ၽႃႈ​ဝႆ​မၼ်း​သေ​ယဝ်ႉ၊ ၽုတ်း​လုၵ်ႉ​လႄႈ​ၵႂႃႇ​ၸူး​ၵႃႈ​တီႈ ယေႇသူႉ ​ဢေႃႈ။-</verse>
				<verse number="51">ယေႇသူႉ ​ၵေႃႈ​ထၢမ်​လႄႈ​ဝႃႈ၊ ၶႂ်ႈ​ႁႂ်ႈ​ၵဝ်​ႁဵတ်း​တီႈ​မႂ်း​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵူၼ်း​တႃ​မွတ်ႇ​ၼၼ်ႉ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ႁဵတ်း​ႁႂ်ႈ​မၢၵ်ႇ​တႃ​ၵဝ်​ၶႃႈ ႁၼ်​မႃး​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="52">ယေႇသူႉ ​ၵေႃႈ မီး​ဢမိင်ႉ​လႄႈ​ဝႃႈ၊ ၵႂႃႇ​တႃႉ။ တၢင်း​ယုမ်ႇ​မၢတ်ႈ​မႂ်း ၵႄႇ​ၶျွတ်ႈ​ဢဝ်​မႂ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ​ၵမ်း​လဵဝ်၊ ၵေႃႉ​ၼၼ်ႉ မၢၵ်ႇ​တႃ​ႁၼ်​မႃး​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ ၵႃႈ​တီႈ​ၼႂ်း​သဵၼ်ႈ​တၢင်း​ၼၼ်ႉ​ဢေႃႈ။</verse>
			</chapter>
			<chapter number="11">
				<verse number="1">မိူဝ်ႈ​ဢၼ်​ၶဝ်​ႁွတ်ႈ​ၸမ်​ဝဵင်း​ ယေႇရူႉသလႅမ်ႇ တီႈ​ဝၢၼ်ႈ​ ပႅတ်ႉၽႃႇၵေး တင်း​ဝၢၼ်ႈ​ ပေႇထၼီႉ ၵႃႈ​တီႈ​လွႆ​ သၢၼ်ႇလုၼ်ႇ ​ၼၼ်ႉ​ၸိုင်၊ မၼ်း​ၸဝ်ႈ​ပွႆႇ​ၸႂ်ႉ​တပႄး​ၸဝ်ႈ​သွင်​ၵေႃႉ ၵႂႃႇ​လႄႈ​သင်ႇ​လၢတ်ႈ​ဝႃႈ၊-</verse>
				<verse number="2">ၵႂႃႇ​ၵႃႈ​တီႈ​ဝၢၼ်ႈ​ဢၼ်​မီး​ပႃႈ​ၼႃႈ​သူ​ပုၼ်ႉ​တႃႉ။ မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​ဝၢၼ်ႈ​ၼၼ်ႉ​ၸိုင်၊ သူ​တၵ်း​ထူပ်း​ႁၼ်​လီႈ​ဢွၼ်ႇ ဢၼ်​ၽူႈ​လႂ်​ဢမ်ႇ​ပႆႇ​ၶီႇ​သေ​ပွၵ်ႈ​ၼၼ်ႉ မတ်ႉ​ဝႆႉ​လႄႈ မီး​ယူႇ​ၼၼ်ႉ​ၵမ်း​လဵဝ်​ဢေႃႈ။ ၵႄႈ​လႄႈ​ဢဝ်​မႃး​တႃႉ။-</verse>
				<verse number="3">ပေႃး​ပိူၼ်ႈ​ထၢမ်​တီႈ​သူ​လႄႈ​ဝႃႈ၊ ႁဵတ်း​သင်​လႄႈ​ႁဵတ်း​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၸိုင်၊ ၶိုၼ်း​လၢတ်ႈ​လႄႈ​ဝႃႈ၊ ၸဝ်ႈ​မီး​ဢလူဝ်ႇ​ဢေႃႈ၊ ဝႃႈ​ၼင်ႇ​ၼႆ​တႃႉ။ ၵေႃႉ​ၼၼ်ႉ​တၵ်း​ပၼ်​မႃး​ၵႃႈ​တီႈ​ၼႆႈ​ၵမ်း​လဵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">ၶဝ်​ၼၼ်ႉ​ၵႂႃႇ​လႄႈ ထူပ်း​ႁၼ်​လီႈ​ဢွၼ်ႇ​ဢၼ်​မတ်ႉ​ဝႆႉ ၽၢႆႇ​ၼွၵ်ႈ​ၽၵ်း​တူ ၵႃႈ​တီႈ​ၵၢင်​တၢင်း​ၼၼ်ႉ​သေ​ယဝ်ႉ၊ ၵႄႈ​ဢဝ်​လီႈ​ဢွၼ်ႇ​ၼၼ်ႉ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​ၸုၵ်း​ယူႇ​ၵႃႈ​တီႈ​ၼၼ်ႈ​ၵမ်ႈ​ၽွင်ႈ​ထၢမ်​လႄႈ​ဝႃႈ၊ ႁဵတ်း​ၸိူဝ်ႉ​ႁိုဝ်​လႄႈ ၵႄႈ​လီႈ​ဢွၼ်ႇ​ၼႆႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">တပႄး​ၸဝ်ႈ​ၸိူဝ်း​ၼၼ်ႉ ၶိုၼ်း​လၢတ်ႈ​ၸိူဝ်ႉ​ၼင်ႇ​ဢၼ်​ ယေႇသူႉ သင်ႇ​လၢတ်ႈ​ဝႆႉ​ၼၼ်ႉ​ယဝ်ႉ​ၸင်ႇ၊ ၶဝ်​ၼၼ်ႉ​ပၼ်​ဢၶႂၢင်ႉ​ဢေႃႈ။-</verse>
				<verse number="7">ၶဝ်​ဢဝ်​လီႈ​ဢွၼ်ႇ​ၼၼ်ႉ မႃး​တီႈ​ ယေႇသူႉ ​လႄႈ ဢဝ်​ၶူဝ်း​ၼုင်ႈ​ၶဝ်​တၢင်ႇ​သႂ်ႇ​ၵႃႈ​ၼိူဝ်​လင်​မၼ်း​ယဝ်ႉ​ၸင်ႇ၊ မၼ်း​ၸဝ်ႈ​ၼင်ႈ​ယူႇ​ၵႃႈ​ၼိူဝ်​မၼ်း​ၼၼ်ႉ​ဢေႃႈ။-</verse>
				<verse number="8">ၵူၼ်း​ၼမ်​ၼႃႇ ဢဝ်​ၶူဝ်း​ၼုင်ႈ​ၶဝ် သိူဝ်ႇ​ဝႆႉ​ပူ​ဝႆႉ ၵႃႈ​ၼႂ်း​သဵၼ်ႈ​တၢင်း​ဢေႃႈ။ ၵမ်ႈ​ၽွင်ႈ​ၵေႃႈ​ဢွၵ်ႇ​ၵႃႈ​ၼွၵ်ႈ​တၢင်း​သေ​လႄႈ ၽၼ်း​ၵိင်ႇ​မႆႉ​ၶူဝ်ႈ​မႆႉ​လႄႈ ဢဝ်​သိူဝ်ႇ​ဝႆႉ​ပူ​ဝႆႉ​ၵႃႈ​ၼႂ်း​သဵၼ်ႈ​တၢင်း​ဢေႃႈ။-</verse>
				<verse number="9">ၵူၼ်း​ဢၼ်​ၵႂႃႇ​ပႃႈ​ၼႃႈ​လႂ် ၵူၼ်း​ဢၼ်​ၸွမ်း​ပႃႈ​လင်​လႂ် ၸိူဝ်း​ၼၼ်ႉ​ၵေႃႈ​ႁွင်ႉ​သႅၼ်ႇ​လႄႈ​ဝႃႈ၊ ႁႂ်ႈ​ပဵၼ် ႁူဝ်းသၼ်ႇၼႃႉ သေ​ၵမ်း​လူၺ်ႈ။ ႁႂ်ႈ​ၸဝ်ႈ​ဢၼ် ပႃး​တင်း​ဢၶႂၢင်ႉ​ထႃႇဝရႃႉ​ၽြႃး​မႃး​ၼႆႉ မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="10">ႁႂ်ႈ​မိူင်း​ပေႃႈ​ႁဝ်း​ တႃႇဝိတ်ႈ ဢၼ်​တႄႇ​ပဵၼ်​မႃး​ယူႇ​ၼႆႉ မီး​မင်ႇၵလႃႇ​သေ​ၵမ်း​လူၺ်ႈ။ ႁႂ်ႈ​ပဵၼ် ႁူဝ်းသၼ်ႇၼႃႉ ၵႃႈ​ၼိူဝ်​ၸိၵ်း​ၸွမ်​ၵၢင်​ႁၢဝ်​ပုၼ်ႉ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မၼ်း​ၸဝ်ႈ​ၶဝ်ႈ​ၼႂ်း ဝဵင်း​ ယေႇရူႉသလႅမ်ႇ ၵႃႈ​တီႈ​ၼႂ်း ပိၵ်ႈ​မၢၼ်ႇ​ၸဝ်ႈ​လႄႈ လူ​တူၺ်း​ၵူႈ​ၸိူဝ်ႉ​ၵူႈ​ပိူင်​ယဝ်ႉ​ၸင်ႇ၊ ပိူဝ်ႈ​ဢၼ်​ၵၢင်​ဝၼ်း​တူၵ်း​လႄႈ ဢိၵ်ႇ​လူၺ်ႈ​ၵၼ်​တင်း​သိပ်း​သွင်​ပႃး ဢွၵ်ႇ​ၵႂႃႇ​ၵႃႈ​တီႈ ဝၢၼ်ႈ​ ပေႇထၼီႉ ပုၼ်ႉ​သေ​ဢေႃႈ။</verse>
				<verse number="12">ဝၼ်း​မိူဝ်ႈ​ၽုၵ်ႈ မိူဝ်ႈ​ဢၼ်​ၶဝ်​ဢွၵ်ႇ​သေ​ၵႃႈ​ၼႂ်း ဝၢၼ်ႈ​ ပေႇထၼီႉ မႃး​ယူႇ​ၼၼ်ႉ​ၸိုင်၊ မၼ်း​ၸဝ်ႈ​တွင်ႉ​မႆႈ​ဢေႃႈ။-</verse>
				<verse number="13">မၼ်း​ၸဝ်ႈ​ယူႇ​တီႈ​ဢၼ်​ၵႆ​လႄႈ မုင်ႈ​ႁၼ်​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​တူၼ်ႈ​ၼိုင်ႈ ဢၼ်​မႂ်​မၼ်း တဵမ်​ဝႆႉ​ယူႇ​ၼၼ်ႉ​သေ​ယဝ်ႉ၊ ၸၢင်ႈ​ၶႄး​တၵ်း​ထူပ်း​မၢၵ်ႇ​မၼ်း ၵႃႈ​တီႈ​တူၼ်ႈ​ၼၼ်ႉ ဝႃႈ​ၼႆ၊ ၵႂႃႇ​ၸူး​လႄႈ​မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​တူၼ်ႈ​ၼၼ်ႉ​ၸိုင်၊ ပိူဝ်ႈ​ဢၼ်​ၶိင်ႇ​မၢၵ်ႇ​လိူဝ်ႇ​သၢင်း​ၽေႃး ဢမ်ႇ​ပႆႇ​ႁွတ်ႈ​ပႆႇ​ထိုင်​လႄႈ လႆႈ​ထူပ်း​ႁၼ်​မႂ်​မၼ်း​ၵူၺ်း​ၵူၺ်း​သေ​ယဝ်ႉ၊-</verse>
				<verse number="14">လၢတ်ႈ​တီႈ​တူၼ်ႈ​ၼၼ်ႉ​လႄႈ​ဝႃႈ၊ ၸႃႉ​ၸဵမ်​မိူဝ်ႈ​လဵဝ်​ၼႆႉ​ၵႂႃႇ​တႃႇ​သေႇ​ဢမ်ႇ​ထၢတ်ႇ၊ ယႃႇ​ပေ​ႁႂ်ႈ​ၽူႈ​လႂ်​သေ​ၵေႃႉ​သေ​ၵူၼ်း လႆႈ​ၵိၼ်​မၢၵ်ႇ​မႂ်း၊ ဝႃႈ​ၼင်ႇ​ၼႆ​ဢေႃႈ။ တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ ငိၼ်း​ဢေႃႈ။</verse>
				<verse number="15">မိူဝ်ႈ​ဢၼ်​ၶဝ်​ႁွတ်ႈ​ထိုင် ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင်၊ မၼ်း​ၸဝ်ႈ​ၶဝ်​ၼႂ်း​ပိၵ်ႈ​မၢၼ်ႇ​ၸဝ်ႈ​သေ​ယဝ်ႉ၊ ႁေႃႈ​ၶဝ်​ၸိူဝ်း​ဢၼ်​သိုဝ်ႉ​ဢၼ်​ၶၢႆ ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​ဢွၵ်ႇ​ပႅတ်ႈ​လႄႈ ဢီး​လူမ်ႉ​ၶူင်ႇ​ၶဝ်​ၸိူဝ်း​ဢၼ်​လႅၵ်ႈ​ငိုၼ်း ဢိၵ်ႇ​တင်း​တီႈ​ၼင်ႈ​ၶဝ်​ၸိူဝ်း​ဢၼ် ၶၢႆ​ၼူၵ်ႉ​တူႈ​ၸိူဝ်း​ၼၼ်ႉ​ပႅတ်ႈ​သေ​လႄႈ၊-</verse>
				<verse number="16">ႁၢမ်ႈ​တၢပ်ႈ​ႁႄႉ​ၶႅၼ် ဢမ်ႇ​ႁႂ်ႈ​ၽူႈ​လႂ်​သေ​ၵေႃႉ​သေ​ၵူၼ်း လႆႈ​ဢဝ်​ၶိူင်ႈ​ပိူင်​သေ​ၸိူဝ်ႉ​သေ​ပိူင် ၽႃႇ​လတ်း​ၵႂႃႇ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​လႄႈ၊-</verse>
				<verse number="17">သင်ႇ​သွၼ်​ပၼ်​လႄႈ​ဝႃႈ၊ ႁိူၼ်း​ၵဝ်​ၸိုင် တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ ႁိူၼ်း​တီႈ​ဢၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​သူး​တွင်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ သူ​ႁႂ်ႈ​မၼ်း​ပဵၼ်​ထမ်ႈ​ၸူၼ် ယူႇ​လူင်​ပႄႇ ဝႃႈ​ၼႆ၊ တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​ၸိူဝ်ႉ​ၼင်ႇ​ၼႆ​ယဝ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ ငိၼ်း​လႄႈ ၵျၢမ်ႇ​ႁႃ ႁႂ်ႈ​လႆႈ​ဢဝ်​မၼ်း​ၸဝ်ႈ​တၢႆ​ဢေႃႈ။ ပိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ် တင်း​သဵင်ႈ​တင်း​လူင် ၵႂင်​ၸႂ်​ယုင်ႈ​ၸႂ် ဢၢမ်း​လူၺ်ႈ​လွင်ႈ​တၢင်း​ဢၼ်​မၼ်း​ၸဝ်ႈ​သင်ႇ​သွၼ်​ပၼ်​ၼၼ်ႉ ယူႇ​လႄႈ ၶဝ်​ၼၼ်ႉ ၵူဝ်​မၼ်း​ၸဝ်ႈ​ဢေႃႈ။-</verse>
				<verse number="19">မိူဝ်ႈ​ဢၼ် ႁွတ်ႈ​ထိုင် ၶိင်ႇ​ၵၢင်​ၶမ်ႈ​ၸိုင်၊ မၼ်း​ၸဝ်ႈ​ဢွၵ်ႇ​ၵႂႃႇ ၵႃႈ​ၼွၵ်ႈ​ဝဵင်း​သေ​ဢေႃႈ။</verse>
				<verse number="20">ၶိင်ႇ​ၵၢင်​ၼႂ်၊ ၼႂ်း​မိူဝ်ႈ​ဢၼ် ၶဝ်​ၵႂႃႇ​တၢင်း​ယူႇ​ၼၼ်ႉ​ၸိုင်၊ ၶဝ်​လႆႈ​ႁၼ် တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ၼၼ်ႉ ၸႃႉ​ၸဵမ်​ႁၢၵ်ႈ​မၼ်း​လႄႈ ႁဵဝ်ႇ​ႁႅင်ႈ​ၵႂႃႇ​ယဝ်ႉ​ၼၼ်ႉ​ဢေႃႈ။-</verse>
				<verse number="21">ပေႇတရူႉ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လႄႈ လဝ်ႊ​လၢတ်ႈ​ဝႃႈ၊ ၸဝ်ႈ​ႁဝ်း၊ တူၺ်း​သေ​ၵမ်း​ၶႃႈ။ တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ဢၼ်​ၸဝ်ႈ​ႁဝ်း​ၵိၼ်ႇ​ဝႃႈ​ၼၼ်ႉ ႁဵဝ်ႇ​ႁႅင်ႈ​ၵႂႃႇ​ယဝ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ သူ​မီး​တၢင်း​ဢၼ်​ယုမ်ႇ​မၢတ်ႈ ၵႃႈ​ၼႂ်း​ၽြႃး​ပဵၼ်​ၸဝ်ႈ​တႃႉ။-</verse>
				<verse number="23">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​လၢတ်ႈ​တီႈ​လွႆ​ၼႆႉ​လႄႈ​ဝႃႈ၊ ၶၢႆႉ​တီႈ​မႂ်း​တႃႉ။ တူၵ်း​ၵႃႈ​ၼႂ်း​ပၢင်ႇ​လၢႆႇ​ပုၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ​လႄႈ ၵၢင်း​လွတ်ႈ​တင်း​ၸႂ်​ဢၼ် ယုမ်ႇ​ၶိုင်ႈ​ၼိုင်ႈ​ဢမ်ႇ​ယုမ်ႇ​ၶိုင်ႈ​ၼိုင်ႈ​သေ​လႄႈ ယုမ်ႇ​မၢတ်ႈ​တၵ်း​ပဵၼ်​ၸိူဝ်ႉ​ၼင်ႇ​ဢၼ်​တူဝ်​ၸဝ်ႈ​ၵဝ်ႇ​ဝႃႈ​ၼၼ်ႉ​ၸိုင်၊ တီႈ​ၵေႃႉ​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ဢၼ်​မၼ်း​ဝႃႈ​ၼၼ်ႉ​ဢေႃႈ။-</verse>
				<verse number="24">ပိူဝ်ႈ​ၼႆ​လႄႈ ၵဝ်​ဝႃႈ​တီႈ​သူ​ၸမ်ႉ၊ ၵႃႈ​ဢၼ်​သူ သူး​တွင်း​ယွၼ်း​တင်း​သဵင်ႈ​တင်း​လူင်​ၼၼ်ႉ ပေႃး​သူ​ယုမ်ႇ​မၢတ်ႈ​လႄႈ​ဝႃႈ၊ တၵ်း​လႆႈ​ဢေႃႈ၊ ဝႃႈ​ၼင်ႇ​ၼႆ​ၸိုင်၊ သူ​တၵ်း​လႆႈ​ဢေႃႈ။</verse>
				<verse number="25">မိူဝ်ႈ​ဢၼ်​သူ​ၸုၵ်း​ယူႇ​သေ​လႄႈ​သူး​တွင်း​ၼၼ်ႉ၊ ပေႃး​သူ​မီး​တီႈ​ဢၼ် တၵ်း​တၢင်ႇ​ဢပႅတ်ႈ တီႈ​ပိူၼ်ႈ​တၢင်ႇ​ၵေႃႉ​ၸိုင်၊ ပွႆႇ​လွတ်ႈ​ဢပႅတ်ႈ​မၼ်း​ၼၼ်ႉ​တႃႉ။ ပေႃး​သူ​ပွႆႇ​လွတ်ႈ​ၸိုင်၊ ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ တၵ်း​ပွႆႇ​လွတ်ႈ​ဢပႅတ်ႈ​သူ​ဢေႃႈ။-</verse>
				<verse number="26">ပေႃး​သူ​ဢမ်ႇ​ပွႆႇ​လွတ်ႈ​ဢပႅတ်ႈ​ပိူၼ်ႈ​တၢင်ႇ​ၵေႃႉ​ၸိုင်၊ ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ တၵ်း​ဢမ်ႇ​ပွႆႇ​လွတ်ႈ​ဢပႅတ်ႈ​သူ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">ၶဝ်​သမ်ႉ​ၶိုၼ်း​ႁွတ်ႈ​ထိုင်​ၵႃႈ​တီႈ​ဝဵင်း ယေႇရူႉသလႅမ်ႇ ယဝ်ႉ​ၸင်ႇ၊ ၼႂ်း​မိူဝ်ႈ​ဢၼ် မၼ်း​ၸဝ်ႈ​ၽၢႆႈ​သၢင်း​ၵျၢၼ်ႇ ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ယူႇ​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ထုတ်ႇ​ၵျၢမ်း တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် တင်း​လၢႆ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ၊-</verse>
				<verse number="28">လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ဢဝ်​တင်း​ဢၶႂၢင်ႉ​ဢၼ်​လႂ် ႁဵတ်း​လွင်ႈ​တၢင်း​ၸိူဝ်း​ၼႆႉ​ၶႃႈ။ ၽူႈ​လႂ် ပၼ်​ဢၶႂၢင်ႉ ႁႂ်ႈ​လႆႈ​ႁဵတ်း​လွင်ႈ​တၢင်း​ၸိူဝ်း​ၼႆႉ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ၵဝ်​တၵ်း​ထၢမ်​သေ​ၸိူဝ်ႉ​သေ​ပိူင် တီႈ​သူ လူး​ၵွၼ်ႇ​ဢေႃႈ။ သူ​ၶိုၼ်း​လၢတ်ႈ​ပၼ်​တႃႉ။ ပေႃး​သူ​ၶိုၼ်း​လၢတ်ႈ​ပၼ်​ၸိုင်၊ ၵဝ်​တၵ်း​လၢတ်ႈ​ပၼ်​လွင်ႈ​ဢၼ် ၵဝ်​ဢဝ်​တင်း​ဢၶႂၢင်ႉ​ဢၼ်​လႂ် ႁဵတ်း​လွင်ႈ​တၢင်း​ၸိူဝ်း​ၼႆႉ​ၼၼ်ႉ တီႈ​သူ​ဢေႃႈ။-</verse>
				<verse number="30">ပပ်ႉတီႉၸမ်ႇ​ယူဝ်းႁၢၼ်ႇ ​ၼၼ်ႉ ပဵၼ်​မႃး​ၵႃႈ​တီႈ​ၵၢင်​ႁၢဝ်​ႁိုဝ်။ ပဵၼ်​မႃး​ၵႃႈ​တီႈ​ၵူၼ်း​ႁိုဝ်။ သူ​ၶိုၼ်း​လၢတ်ႈ​ပၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ၶဝ်​ၼၼ်ႉ ၼင်ႇ​ၵၼ်​ၵၼ် ၽွမ်ႉ​ၵၼ်​ၶႆႈ​ၸႂ်​လႄႈ​ဝႃႈ၊ ပေႃး​ႁဝ်း​ဝႃႈ၊ ပဵၼ်​မႃး​ၵႃႈ​တီႈ​ၵၢင်​ႁၢဝ်​ဢေႃႈ၊ ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​တၵ်း​ထၢမ်​လႄႈ​ဝႃႈ၊ ႁဵတ်း​သင်​လႄႈ သူ​ဢမ်ႇ​ယုမ်ႇ​မၢတ်ႈ​မၼ်း​ၼၼ်ႉ ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">ပဵၼ်​မႃး ၵႃႈ​တီႈ​ၵူၼ်း​ဝႃႈ​ၼႆ၊ ႁဝ်း​တၵ်း​လႆႈ​ဝႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ ၵူဝ်​ၵူၼ်း​တင်း​လၢႆ​ယူႇ​ဢေႃႈ။ လွင်ႈ​မၼ်း​ၸမ်ႉ ၵူၼ်း​တင်း​သဵင်ႈ​တင်း​လူင် ထၢင်ႇ ယူဝ်းႁၢၼ်ႇ ပဵၼ်​ပရေႃးၽႅတ်ႈ​ဢေႃႈ။-</verse>
				<verse number="33">ၶဝ်​ၼၼ်ႉ ၶိုၼ်း​လဝ်ႊ​လၢတ်ႈ​တီႈ​ ယေႇသူႉ ​လႄႈ​ဝႃႈ၊ ႁဝ်း​ၶႃႈ​ဢမ်ႇ​ႁူႉ​ၶႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ၵဝ်​ဢမ်ႇ​လၢတ်ႈ​ပၼ် လွင်ႈ​ဢၼ်​ၵဝ်​ဢဝ်​တင်း​ဢၶႂၢင်ႉ​ဢၼ်​လႂ် ႁဵတ်း​လွင်ႈ​တၢင်း​ၸိူဝ်း​ၼႆႉ​ၼၼ်ႉ​တီႈ​သူ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="12">
				<verse number="1">မိူဝ်ႈ​ၼၼ်ႉ မၼ်း​ၸဝ်ႈ ဢဝ်​ၵႂၢမ်း​ဢူႉပမႃႇ လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ​ၸမ်ႉ၊ ၵူၼ်း​ၵေႃႉ​ၼိုင်ႈ ၽုၵ်ႇ​သူၼ်​မၢၵ်ႇ​ၸပိတ်ႈ​လႄႈ ႁဵတ်း​ႁူဝ်ႉ​လွမ်ႉ​ႁွပ်ႈ​ဝႆႉ၊ ၶုတ်း​ႁၢင်း​တီႈ​ဢၼ်​တၵ်း​ယဵပ်ႇ​မၢၵ်ႇ​ၸပိတ်ႈ​လႄႈ ပူၵ်း​ထဵင်​လၢင်း​ဝႆႉ​ယဝ်ႉ​ၸင်ႇ၊ ၶၢတ်ႈ​ပၼ်​သူၼ်​ၼၼ်ႉ တီႈ​ၶဝ်​ၸိူဝ်း​ဢၼ်​ႁဵတ်း​သူၼ်​တင်း​လၢႆ​လႄႈ ၵႂႃႇ​တၢင်ႇ​ဝၢၼ်ႈ​တၢင်ႇ​မိူင်း​သေ​ဢေႃႈ။-</verse>
				<verse number="2">မိူဝ်ႈ​ဢၼ်​ၶိင်ႇ​မၼ်း​ႁွတ်ႈ​ထိုင်​ၸိုင်၊ မၼ်း​ပွႆႇ​ၸႂ်ႉ​ၵူၼ်း​ဢွၼ်ႇ​ၵႂႃႇ​ၵႃႈ​တီႈ​ဢၼ် ၶဝ်​ၸိူဝ်း​ဢၼ်​ႁဵတ်း​သူၼ်​ၼၼ်ႉ မီး​ၼၼ်ႉ​ႁႂ်ႈ​လႆႈ​ၶၢမ်ႇ​ဢဝ်​မၢၵ်ႇ​ၸပိတ်ႈ​ၵႃႈ​ၼႂ်း​သူၼ်​ၼၼ်ႉ ၵႃႈ​တီႈ​ၶဝ်​ၸိူဝ်း​ဢၼ် ႁဵတ်း​သူၼ်​ၼၼ်ႉ​ဢေႃႈ။-</verse>
				<verse number="3">ၶဝ်​ၼၼ်ႉ တီႉ​ဢဝ်​ၵူၼ်း​ဢွၼ်ႇ​ၼၼ်ႉ​လႄႈ ပေႃႉ​ယႅၼ်ႉ​ယဝ်ႉ​ၸင်ႇ၊ ပွႆႇ​ပႅတ်ႈ​တိၼ်​လၢႆ​မိုဝ်း​ပဝ်ႇ​သေ​ဢေႃႈ။-</verse>
				<verse number="4">လိုၼ်း​ၼၼ်ႉ မၼ်း​သမ်ႉ​ပွႆႇ​ၸႂ်ႉ​ၵူၼ်း​ဢွၼ်ႇ​တၢင်ႇ​ၵေႃႉ ၵႂႃႇ​ၵႃႈ​တီႈ ဢၼ်​ၶဝ်​မီး​ၼၼ်ႉ​ထႅင်ႈ​သေ​ယဝ်ႉ၊ ၶဝ်​ၼၼ်ႉ ဢဝ်​မၢၵ်ႇ​ႁိၼ်​ထိမ်ႈ​ၸပ်း​ႁူဝ်​မၼ်း​လႄႈ ယႃႉ​သရေႇ​မၼ်း​ယဝ်ႉ​ၸင်ႇ၊ ပွႆႇ​ပႅတ်ႈ​သေ​ဢေႃႈ။-</verse>
				<verse number="5">မၼ်း​သမ်ႉ​ပွႆႇ​ၸႂ်ႉ​ၵူၼ်း​ဢွၼ်ႇ​တၢင်ႇ​ၵေႃႉ ၵႂႃႇ​ထႅင်ႈ​သေ​ယဝ်ႉ၊ ၶဝ်​ဢဝ်​မၼ်း​တၢႆ​သေ​ဢေႃႈ။ ၼႂ်း​ၵူၼ်း​ဢွၼ်ႇ​တၢင်ႇ​ၵေႃႉ​ၼမ်​ၼႃႇ၊ ၶဝ်​ပေႃႉ​ယႅၼ်ႉ​ၵမ်ႈ​ၽွင်ႈ​ဢေႃႈ။ ၶဝ်​ဢဝ်​တၢႆ​ၵမ်ႈ​ၽွင်ႈ​ဢေႃႈ။-</verse>
				<verse number="6">ပိူဝ်ႈ​ဢၼ် မၼ်း​ယင်း​မီး​လုၵ်ႈ​ၸၢႆး​ဢၼ်​ႁၵ်ႉ​ၼႃႇ တီႈ​တူဝ်​ၸဝ်ႈ​ၵဝ်ႇ​ၼၼ်ႉ ၵေႃႉ​ၼိုင်ႈ​ၵူၺ်း​လႄႈ မၼ်း​ပွႆႇ​ၸႂ်ႉ​လုၵ်ႈ​ၸၢႆး​တူဝ်​ၸဝ်ႈ​ၵဝ်ႇ​ၼၼ်ႉ​ၵႂႃႇ ပွၵ်ႈ​လိုၼ်း​လင်​သုတ်း​လႄႈ​ဝႃႈ၊ ၶဝ်​ၼၼ်ႉ တၵ်း​ဢႃး​ၼႃႇ​လုၵ်ႈ​ၸၢႆး​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၶဝ်​ၸိူဝ်း​ဢၼ် ႁဵတ်း​သူၼ်​ၼၼ်ႉ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တိူင်ႇ​ပၢင်ႇ​လၢတ်ႈ​ၸႃ​ၵၼ်​လႄႈ​ဝႃႈ၊ ၵေႃႉ​ၼႆႉ​ပဵၼ်​ၵေႃႉ​ဢၼ်​ၶၢမ်ႇ​ဢမူၺ်ႇ​ဢေႃႈ။ မႃး​လႄႈ ဢဝ်​မၼ်း​တၢႆ​တႃႉ​ႁဝ်း။ ႁဝ်း​တၵ်း​လႆႈ​ဢမူၺ်ႇ​မၼ်း​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="8">တီႉ​ဢဝ်​မၼ်း ယဝ်ႉ​ၸင်ႇ၊ ဢဝ်​တၢႆ​လႄႈ ဢဝ်​ဢွၵ်ႇ​ပႅတ်ႈ​ၵႃႈ​ၼွၵ်ႈ​သူၼ်​သေ​ဢေႃႈ။-</verse>
				<verse number="9">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၸဝ်ႈ​သူၼ်​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်။ မၼ်း​တၵ်း​မႃး​လႄႈ ယႃႉ​ပႅတ်ႈ​ၽဵဝ်ႈ​ပႅတ်ႈ​ၶဝ်​ၸိူဝ်း​ဢၼ် ႁဵတ်း​သူၼ်​ၼၼ်ႉ​ယဝ်ႉ​ၸင်ႇ၊ တၵ်း​ဢဝ်​သူၼ်​ၼၼ်ႉ ပၼ်​တီႈ​ပိူၼ်ႈ​တၢင်ႇ​ၵေႃႉ​ဢေႃႈ။-</verse>
				<verse number="10">သူ​ဢမ်ႇ​ယၢမ်ႈ​လႆႈ​ၽတ်း​ၵႂၢမ်း​ၼႂ်း​ၵျၢမ်း​လိၵ်ႈ​ဢၼ်​ဝႃႈ မၢၵ်ႇ​ႁိၼ်​ဢၼ်​ၶဝ်​ၸိူဝ်း​ဢၼ် ႁဵတ်း​တိူၵ်ႈ​ပႅတ်ႈ​ဝႆႉ​ၼၼ်ႉ ၵမ်း​လိုၼ်း ပဵၼ်​ႁူဝ်​ၸဵင်ႇ​တိူၵ်ႈ​ဢေႃႈ။-</verse>
				<verse number="11">လွင်ႈ​တီႈ​ႁဵင်း​ၼႆႉ ပဵၼ်​တီႈ​ဢၼ် ထႃႇဝရႃႉ​ၽြႃး​ႁဵတ်း​ဝႆႉ​ဢေႃႈ။ ၵႃႈ​တႂ်ႈ​တႃ​ႁဝ်း​ၼႆႉ​ၵေႃႈ ပဵၼ်​ဢၼ်​လီ​ဢၢမ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။-</verse>
				<verse number="12">ၶဝ်​ၼၼ်ႉ ပိူဝ်ႈ​ဢၼ်​ႁူႉ​လွင်ႈ​ဢၼ်​မၼ်း​ၸဝ်ႈ​ႁေႃး​လၢတ်ႈ ၵႂၢမ်း​ဢူႉပမႃႇ တႅၵ်ႈ​ၶဝ်​ၼၼ်ႉ​လႄႈ ၵျၢမ်ႇ​ႁႃ​ႁႂ်ႈ​လႆႈ​တီႉ​ဢဝ်​မၼ်း​ၸဝ်ႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပိူဝ်ႈ​ဢၼ်​ၶဝ်​ၵူဝ်​ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ​လႄႈ၊ ဢွၵ်ႇ​ၵႂႃႇ​သေ​ၵႃႈ​တီႈ​မၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="13">လိုၼ်း​ၼၼ်ႉ​ၸင်ႇ၊ ၶဝ်​ပွႆႇ​ၸႂ်ႉ ၽႃႇရီႉသႄး ဢိၵ်ႇ​တင်း​တပႄး​ ႁေႇရူတ်ႈ ​ၵမ်ႈ​ၽွင်ႈ ၵႂႃႇ​တီႈ​မၼ်း​ၸဝ်ႈ ႁႂ်ႈ​လႆႈ​ဢဝ်​တင်း​ၵႂၢမ်း​ၵၢင်​ဢဝ်​မၼ်း​ၸဝ်ႈ​ဢေႃႈ။-</verse>
				<verse number="14">ၶဝ်​ၼၼ်ႉ သုတ်ႉ​ၸပ်း​သုတ်ႉ​ၸူး​သေ​လႄႈ လဝ်ႊ​ထၢမ်​လႄႈ​ဝႃႈ၊ သြႃႇ​ၸဝ်ႈ၊ ႁဝ်း​ၶႃႈ​ႁူႉ​လွင်ႈ​ဢၼ် ၸဝ်ႈ​ႁဝ်း​မီး​သဵတ်ႈ​ၸႃႇ​ယူႇ၊ လွင်ႈ​ဢၼ်​ၸဝ်ႈ​ႁဝ်း ဢမ်ႇ​ၵူဝ်​ၽူႈ​လႂ်​သေ​ၵေႃႉ​သေ​ၵူၼ်း၊ လွင်ႈ​ဢၼ်​ၸဝ်ႈ​ႁဝ်း​ယင်း​ဢမ်ႇ​ထွၵ်ႈ​လူၺ်ႈ​ၼႃႈ​ၵူၼ်း​လႄႈ ၼႄ​ပျႃး​သဵၼ်ႈ​တၢင်း​ၽြႃး​ပဵၼ်​ၸဝ်ႈ ၸိုဝ်ႈ​ၸိုဝ်ႈ​ၸႂ်ႈ​ၸႂ်ႈ​ၼၼ်ႉ​ယူႇ​ၶႃႈ​ဢေႃႈ။ ထုၵ်ႇ​လီ​ပၼ်​ၶွၼ်ႇ​တီႈ​ၶုၼ်​ႁေႃ​ၶမ်း​ ၵေႇသႃႇ ၶႃႈ​ႁိုဝ်။ ဢမ်ႇ​ထုၵ်ႇ​လီ​ပၼ်​ၶႃႈ​ႁိုဝ်။ တၵ်း​လႆႈ​ပၼ်​ၶႃႈ​ႁိုဝ်။ တၵ်း​ဢမ်ႇ​လႆႈ​ပၼ်​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မၼ်း​ၸဝ်ႈ​ႁူႉ​ႁၼ် တၢင်း​ဢၼ်​ၵူတ်ႉ​ဢၼ်​လိင်ႇ​ၶဝ်​ၼၼ်ႉ ယူႇ​လႄႈ​လၢတ်ႈ​ဝႃႈ၊ ႁဵတ်း​သင်​လႄႈ သူ​ၸၢမ်း​တူၺ်း​ယႃႉ​ယူၵ်ႉ​ၵဝ်​ၼင်ႇ​ႁိုဝ်။ ပုၼ်ႈ​ဢၼ်​ၵဝ်​တၵ်း​လႆႈ​တူၺ်း​ၸိုင်၊ ဢဝ်​ တေႇၼႃႇရီႇ ​ၶႅပ်း​ၼိုင်ႈ​မႃး​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">ၶဝ်​ၼၼ်ႉ ဢဝ်​မႃး​ဢေႃႈ။ မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ ႁၢင်ႈ​ၼႆႉ၊ လိၵ်ႈ​ၼႆႉ​ၸမ်ႉ ပဵၼ်​ႁၢင်ႈ​ၽူႈ​လႂ်၊ ပဵၼ်​လိၵ်ႈ​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ လဝ်ႊ​လၢတ်ႈ​လႄႈ​ဝႃႈ၊ ပဵၼ်​ႁၢင်ႈ​ပဵၼ်​လိၵ်ႈ​ၶုၼ်​ႁေႃ​ၶမ်း​ ၵေႇသႃႇ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ဢဝ်​ၶွင်​ၶုၼ်​ႁေႃ​ၶမ်း​ ၵေႇသႃႇ ပၼ်​တီႈ​ၶုၼ်​ႁေႃ​ၶမ်း​ ၵေႇသႃႇ ​တႃႉ။ ၶွင်​ၽြႃး​ပဵၼ်​ၸဝ်ႈ​ၵေႃႈ ဢဝ်​ပၼ်​တီႈ​ၽြႃး​ပဵၼ်​ၸဝ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ဢၢမ်း​မၼ်း​ၸဝ်ႈ​ၼႃႇ​လူင်​လၢင်​ဢေႃႈ။</verse>
				<verse number="18">ၸတ်ႉတူႉၵႄး ​ဢၼ်​ဝႃႈ၊ တၢင်း​ဢၼ်​လုၵ်ႉ​ၶိုၼ်း​လိပ်း​ဢမ်ႇ​မီး၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ လဝ်ႊ​ထၢမ်​လႄႈ​ဝႃႈ၊-</verse>
				<verse number="19">သြႃႇ​ၸဝ်ႈ၊ မူဝ်းသေႇ ၸီႇ​ယၢင်ႇ​တႅမ်ႈ​ဝႆႉ​တီႈ​ႁဝ်း​ၶႃႈ​လႄႈ​ဝႃႈ၊ ပေႃး​ပီႈ​ၸၢႆး​ယင်း​ဢမ်ႇ​မီး​လုၵ်ႈ​မီး​လၢင်း​တၢႆ​ၵႂႃႇ​လႄႈ မေး​မၼ်း​ၵိုတ်း​ဝႆႉ​ယူႇ​ၸိုင်၊ ၼွင်ႉ​ၸၢႆး​မၼ်း​တၵ်း​လႆႈ​သိမ်း​ဢဝ် မေး​မၼ်း​ၼၼ်ႉ​သေ​လႄႈ ႁႂ်ႈ​ၸိူဝ်ႉ​ၶိူဝ်း​ပီႈ​ၸၢႆး​မၼ်း သိုပ်ႇ​ၵႂႃႇ​ဢမ်ႇ​ၶၢတ်ႇ၊ ဝႃႈ​ၼင်ႇ​ၼႆ​ဝႆႉ​တီႈ​ႁဝ်း​ၶႃႈ​ယဝ်ႉ​ၶႃႈ​ယဝ်ႉ။-</verse>
				<verse number="20">မီး​ပီႈ​ၼွင်ႉ​ၸဵတ်း​ၵေႃႉ​ၶႃႈ​ဢေႃႈ။ ပီႈ​ၸၢႆး​ၵေႃႉ​ယႂ်ႇ​ဢဝ်​မေး​လႄႈ ယင်း​ဢမ်ႇ​မီး​လုၵ်ႈ​မီး​လၢင်း​၊ တၢႆ​ၵႂႃႇ​ၶႃႈ​ဢေႃႈ။-</verse>
				<verse number="21">ၼွင်ႉ​ၸၢႆး​မၼ်း​ၵေႃႉ​ယႂ်ႇ သိမ်း​ဢဝ်​မေး​မၼ်း​ၼၼ်ႉ​လႄႈ ယင်း​ဢမ်ႇ​မီး​လုၵ်ႈ​မီး​လၢင်း သမ်ႉ​တၢႆ​ၵႂႃႇ​ၶႃႈ​ဢေႃႈ။-</verse>
				<verse number="22">မိူၼ်​ၼင်ႇ​ၼၼ် ၸႃႉ​ၸဵမ်​ၵေႃႉ​တႃႉတီႉယႃႉ​ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ ၶဝ်​ပီႈ​ၼွင်ႉ​ၸဵတ်း​ၵေႃႉ ဢဝ်​မႄႈ​ယိင်း​ၼၼ်ႉ​လႄႈ လုၵ်ႈ​လၢင်း​ဢမ်ႇ​ၵိုတ်း​ဝႆႉ​ၶႃႈ။ လိုၼ်း​ၼၼ်ႉ မႄႈ​ယိင်း​ၼၼ်ႉ​ၵေႃႈ တၢႆ​ၵႂႃႇ​ၶႃႈ​ဢေႃႈ။-</verse>
				<verse number="23">ပိူဝ်ႈ​ၼႆ​လႄႈ ၼႂ်း​ၶိင်ႇ​ၵႃႇလႃႉ​ဢၼ်​တၵ်း​လႆႈ​လုၵ်ႉ​ၶိုၼ်း​ၼၼ်ႉ၊ မိူဝ်ႈ​ဢၼ်​ၶဝ်​လုၵ်ႉ​မႃး​ၸိုင်၊ မႄႈ​ယိင်း​ၼၼ်ႉ တၵ်း​ပဵၼ်​မေး​ၽူႈ​လႂ်​ၶႃႈ။ ၶဝ်​ၸဵတ်း​ၵေႃႉ လႆႈ​ဢဝ်​မႄႈ​ယိင်း​ၼၼ်ႉ ၼင်ႇ​ၵၼ်​ယဝ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​သူ​ဢမ်ႇ​ႁူႉ​ၵျၢမ်း​လိၵ်ႈ ဢိၵ်ႇ​တင်း​တၼ်း​ၶူဝ်း​ၽြႃး​ပဵၼ်​ၸဝ်ႈ​လႄႈ သူ​ၽိတ်း​ပိူင်ႈ​ဢမ်ႇ​ၸႂ်ႈ​ႁိုဝ်။-</verse>
				<verse number="25">လွင်ႈ​မၼ်း​ၸမ်ႉ မိူဝ်ႈ​ဢၼ်​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ၸိုင်၊ ဢမ်ႇ​ၸၢင်ႈ​ႁဵတ်း​တၢင်း​ဢၼ်​ဢဝ်​မေး၊ တၢင်း​ဢၼ်​ဢဝ်​ဢၢပ်ႈ​ပၼ်​ၵၼ်​လႄႈ ပဵၼ်​ၸိူဝ်ႉ​ၼင်ႇ​တမၢၼ်ႇ​ၵၢင်​ႁၢဝ်​တင်း​လၢႆ​ၼၼ်ႉ​ဢေႃႈ။-</verse>
				<verse number="26">လိူဝ်​သေ​ၼၼ်ႉ၊ လွင်ႈ​ဢၼ်​ၶဝ်​ၸိူဝ်း​ဢၼ်​တၢႆ​ယဝ်ႉ​တင်း​လၢႆ တၵ်း​လုၵ်ႉ​ၶိုၼ်း​ၼၼ်ႉ​ၸိုင်၊ သူ​ဢမ်ႇ​ယၢမ်ႈ​လႆႈ​ၽတ်း​ၼႂ်း ၵျၢမ်း​ မူဝ်းသေႇ ​ၵႃႈ​တီႈ​ပုၵ်ႈ​ဢၼ် လၢတ်ႈ​လူၺ်ႈ​လွင်ႈ​ယုမ်း​မႆႉ​ၼၼ်ႉ ဢၼ်​ဝႃႈ လွင်ႈ​ဢၼ်​ၽြႃး​ပဵၼ်​ၸဝ်ႈ​မီး​ဢမိင်ႉ​တီႈ​မၼ်း​လႄႈ​ဝႃႈ၊ ၵဝ်​ပဵၼ်​ၽြႃး​ ဢႃႇပြႃႇႁၢမ်ႇ ၊ ၽြႃး​ ဢီႉၸၢၵ်ႈ ၊ ၽြႃး​ ယႃႇၵုပ်ႈ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။-</verse>
				<verse number="27">ၽြႃး​ပဵၼ်​ၸဝ်ႈ ပဵၼ်​ၽြႃး​ၶဝ်​ၸိူဝ်း​ဢၼ် တၢႆ​ယဝ်ႉ​ဢမ်ႇ​ၸႂ်ႈ၊ ပဵၼ်​ၽြႃး​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ​ဢေႃႈ။ ပိူဝ်ႈ​ၼႆ​လႄႈ သူ​ၽိတ်း​ပိူင်ႈ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">ၵူၼ်း​ထုတ်ႇ​ၵျၢမ်း​ၵေႃႉ​ၼိုင်ႈ မိူဝ်ႈ​ဢၼ်​ငိၼ်း​ၶဝ်​လၢတ်ႈ​ၸႃ ထဵင်​ၵၼ်​ယူႇ​ၸိူဝ်ႉ​ၼင်ႇ​ၼၼ်ႉ​လႄႈ ႁူႉ​ႁၼ်​လွင်ႈ​ဢၼ် မၼ်း​ၸဝ်ႈ​ၶိုၼ်း​လၢတ်ႈ​ပၼ် လီ​လီ​ငၢမ်း​ငၢမ်း​ၼၼ်ႉ​ၸိုင်၊ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ လဝ်ႊ​ထၢမ်​လႄႈ​ဝႃႈ၊ ၼႂ်း​ပိင်း​ၺၢပ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ၊ ပိင်း​ၺၢပ်ႈ​ဢၼ်​လႂ် ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ပိူၼ်ႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">ယေႇသူႉ ​ၶိုၼ်း​လၢတ်ႈ​လႄႈ​ဝႃႈ၊ ၼႂ်း​ပိင်း​ၺၢပ်ႈ​ၵႃႈ​မီး တင်း​သဵင်ႈ​တင်း​လူင်​ၼၼ်ႉ၊ ပိင်း​ၺၢပ်ႈ​ဢၼ်​ယႂ်ႇ​မျၢတ်ႈ​ၼႃႇ​သေ​ပိူၼ်ႈ​ၸမ်ႉ၊ မဵဝ်း​ ဢီႉသရေႇလႃႉ ​ဢိူၺ်း၊ ထွမ်ႇ​ငိၼ်း​တႃႉ။ ထႃႇဝရႃႉ​ၽြႃး ပဵၼ်​ၽြႃး​ပဵၼ်​ၸဝ်ႈ​ႁဝ်း​ဢေႃႈ။ ထႃႇဝရႃႉ​ၽြႃး ပဵၼ်​သူႇ​လဵဝ်​ၵူၺ်း​ဢေႃႈ။-</verse>
				<verse number="30">ၽြႃး​ပဵၼ်​ၸဝ်ႈ​မႂ်း ထႃႇဝရႃႉ​ၽြႃး​ၸိုင်၊ မႂ်း​တၵ်း​လႆႈ​ပႃး​တင်း​ႁူဝ်​ၸႂ်​သဵင်ႈ​သဵင်ႈ၊ တင်း​ဝီႉၺိၺ်ႇ​သဵင်ႈ​သဵင်ႈ၊ တင်း​ၺၢၼ်ႇ​ၵႃႈ​ဢၼ်​မီး​တင်း​သဵင်ႈ​တင်း​လူင်၊ တင်း​ၵႃႈ​ဢၼ်​ၵတ်ႉ​ဢၼ်​ၶၼ် တင်း​သဵင်ႈ​တင်း​လူင်​သေ​လႄႈ ႁၵ်ႉ​ဢေႃႈ​ဝႃႈ​ၼႆ၊ ပိင်း​ၺၢပ်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ ပဵၼ်​ပထမႃႉ ပိင်း​ၺၢပ်ႈ​ဢေႃႈ။-</verse>
				<verse number="31">လိူဝ်​သေ​ၼၼ်ႉ တူႉတီႉယႃႉ​ပိင်း​ၺၢပ်ႈ​ဢၼ်​ဝႃႈ၊ ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း တူဝ်​ၸဝ်ႈ​ၵဝ်ႇ​ၼၼ်ႉ​ၸိုင် မႂ်း​တၵ်း​လႆႈ​ႁၵ်ႉ​မိူၼ်​ၸိူဝ်ႉ​ၼင်ႇ တူဝ်​ၸဝ်ႈ​ၵဝ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ မိူၼ်​ၸိူဝ်ႉ​ၼင်ႇ ပထမႃႉ​ပိင်း​ၺၢပ်ႈ​ဢေႃႈ။ ပိင်း​ၺၢပ်ႈ​ဢၼ်​ယႂ်ႇ​မျၢတ်ႈ​ၼႃႇ​သေ​ပိင်း​ၺၢပ်ႈ​ၸိူဝ်း​ၼႆႉ ဢမ်ႇ​မီး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">ၵူၼ်း​ထုတ်ႇ​ၵျၢမ်း​ၼၼ်ႉ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ လီ​ၶႃႈ​ယဝ်ႉ။ သြႃႇ​ၸဝ်ႈ၊ ၸဝ်ႈ​ႁဝ်း​လၢတ်ႈ​ပၼ် ၸိုဝ်ႈ​ၸိုဝ်ႈ​ၸႂ်ႈ​ၸႂ်ႈ​ၶႃႈ​ယဝ်ႉ။ ၽြႃး​ပဵၼ်​ၸဝ်ႈ မီး​သူႇ​လဵဝ်​ၵူၺ်း​ၶႃႈ​ဢေႃႈ။ လိူဝ်​သေ​မၼ်း​ၸဝ်ႈ​ၼၼ်ႉ၊ ၽြႃး​ပဵၼ်​ၸဝ်ႈ တၢင်ႇ​တီႈ​တၢင်ႇ​ပႃး ဢမ်ႇ​မီး​ၶႃႈ။-</verse>
				<verse number="33">တၢင်း​ဢၼ်​ပႃး​တင်း ႁူဝ်​ၸႂ်​သဵင်ႈ​သဵင်ႈ၊ တင်း​ၺၢၼ်ႇ​ၵႃႈ​ဢၼ်​မီး တင်း​သဵင်ႈ​တင်း​လူင်၊ တင်း​ဝီႉၺိၺ်ႇ​သဵင်ႈ​သဵင်ႈ၊ တင်း​ၵႃႈ​ဢၼ်​ၵတ်ႉ​ဢၼ်​ၶၼ် တင်း​သဵင်ႈ​တင်း​လူင်​သေ​လႄႈ ႁၵ်ႉ​မၼ်း​ၸဝ်ႈ၊ ဢိၵ်ႇ​တင်း​တၢင်း​ဢၼ်​ႁၵ်ႉ ၵေႃႉ​ဢၼ် ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ မိူၼ်​ၸိူဝ်ႉ​ၼင်ႇ​တူဝ်​ၸဝ်ႈ​ၵဝ်ႇ​ၼၼ်ႉ ယဵင်ႈ​ၶႅၼ်း​မျၢတ်ႈ​လီ​ၼႃႇ​သေ တၢင်း​ဢၼ်​ပုၵ်ႈ​ၸေႃႇ ၸႃႉ​ၸဵမ်​တူဝ်​ယိတ်ႈ​တင်း​လၢႆ ဢၼ်​ဢဝ်​ၽႆး​တုတ်ႇ ဢိၵ်ႇ​တင်း​ယိတ်ႈ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">မိူဝ်ႈ​ဢၼ် ယေႇသူႉ ႁူႉ​ႁၼ် လွင်ႈ​ဢၼ်​မၼ်း​ဢဝ်​တင်း ပိင်ႇ​ၺႃႇ​သတီႉ ၶိုၼ်း​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် မၼ်း​ၸဝ်ႈ​လၢတ်ႈ​လႄႈ​ဝႃႈ၊ မႂ်း​ၼႆႉ ဢမ်ႇ​ၵႆ​ၵၼ်​တင်း​မိူင်း​ၽြႃး​ပဵၼ်​ၸဝ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ လိုၼ်း​ၼၼ်ႉ ၽူႈ​လႂ်​ဢမ်ႇ​ႁတ်း​လဝ်ႊ​ႁတ်း​ထၢမ်​တီႈ​မၼ်း​ၸဝ်ႈ သေ​ၵေႃႉ​သေ​ၵူၼ်း။</verse>
				<verse number="35">မိူဝ်ႈ​ၼၼ်ႉ ၼႂ်း​မိူဝ်ႈ​ဢၼ် ယေႇသူႉ ​သင်ႇ​သွၼ်​သုင်း​မႃႉ​ပၼ် ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​လႄႈ​ဝႃႈ၊ ၸဝ်ႈ​ၶရိၸ်ႈ ပဵၼ်​လုၵ်ႈ တႃႇဝိတ်ႈ ​ဢေႃႈ​ဝႃႈ​ၼႆ၊ ႁဵတ်း​ႁိုဝ်​လႄႈ ၵူၼ်း​ထုတ်ႇ​ၵျၢမ်း​တင်း​လၢႆ ဝႃႈ​ၼင်ႇ​ႁိုဝ်။-</verse>
				<verse number="36">တႃႇဝိတ်ႈ ​ၼၼ်ႉ ပႃး​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​သေ​လႄႈ​ဝႃႈ​ၸမ်ႉ၊ ထႃႇဝရႃႉ​ၽြႃး လၢတ်ႈ​တီႈ​ၸဝ်ႈ​ၵဝ်​ၶႃႈ​လႄႈ​ဝႃႈ၊ ၸူဝ်ႈ​ဢၼ်​ၵဝ် ဢမ်ႇ​ပႆႇ​ဢဝ်​ရၢၼ်ႇ​သူႇ​မႂ်း​တင်း​လၢႆ ၶျႃး​ဝႆႉ​ႁႂ်ႈ​ပဵၼ်​တီႈ​တၢင်ႇ​တိၼ်​မႂ်း​ၼၼ်ႉ​ၸိုင်၊ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ပိူဝ်ႈ​ၼႆ​လႄႈ ၸဝ်ႈ​ၶရိၸ်ႈ​ၼၼ်ႉ၊ ပေႃး​ တႃႇဝိတ်ႈ ​ႁွင်ႉ​ဝႃႈ၊ ၸဝ်ႈ​ႁဝ်း၊ ဝႃႈ​ၼင်ႇ​ၼႆ​ၸိုင်၊ ပဵၼ်​လုၵ်ႈ​မၼ်း​ၸိူဝ်ႉ​ၼင်ႇ​ႁိုဝ်။ မၼ်း​ၸဝ်ႈ ဝႃႈ​ၼင်ႇ​ၼႆ​ဢေႃႈ။ ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ မီး​တင်း​ၸႂ်​ဢၼ်​သိူဝ်း​ဢၼ်​ပျေႃႇ ထွမ်ႇ​ငိၼ်း​ၵႂၢမ်း​မၼ်း​ၸဝ်ႈ​ဢေႃႈ။</verse>
				<verse number="38">ၼႂ်း​မိူဝ်ႈ​ဢၼ် မၼ်း​ၸဝ်ႈ​သင်ႇ​သွၼ်​သုင်း​မႃႉ​ပၼ်​ယူႇ ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ မၼ်း​ၸဝ်ႈ​သမ်ႉ​လၢတ်ႈ​ထႅင်ႈ​လႄႈ​ဝႃႈ​ၸမ်ႉ၊ ဝႄႈ​ပႅတ်ႈ ၵူၼ်း​ထုတ်ႇ​ၵျၢမ်း​တင်း​လၢႆ​တႃႉ။ ၶဝ်​ၼၼ်ႉ ထုၵ်ႇ​ၸႂ်​ၵျိူၵ်ႈ​ၸႂ်​တၢင်း​ဢၼ် ၼုင်ႈ​သိူဝ်ႈ​ဢၼ်​ယၢဝ်း​သေ​လႄႈ ၵႂႃႇ​လႄႇ​ၵႂႃႇ​လၢဝ်း​လႂ်၊ တၢင်း​ဢၼ်​ပိူၼ်ႈ​ႁဵတ်း​ရူဝ်ႇ​သေႇ​ၵူဝ်​ယမ်​လႄႈ တၵ်ႉ​လၢတ်ႈ​ၵႃႈ​ၼႂ်း​ၵၢတ်ႇ​လႂ်၊-</verse>
				<verse number="39">တီႈ​ၼင်ႈ​ဢၼ်​သုင်​ဢၼ်​မျၢတ်ႈ ၼႂ်း​ၸရွပ်ႈ​ႁေႃး​တြႃး​လႂ်၊ တီႈ​ဢိင်​ဢၼ်​လီ​ဢၼ်​မျၢတ်ႈ ၵႃႈ​ႁိမ်း​တီႈ​ၵိၼ်​ၵႃႈ​ၼႂ်း​ပွႆး​လႂ် ၸိူဝ်း​ၼၼ်ႉ​ဢေႃႈ။-</verse>
				<verse number="40">ၶဝ်​ၼၼ်ႉ ၸၢင်ႈ​ႁိမ်​ႁူင်ႇ​သိမ်း​ပႅင်း​ၵိၼ်​ႁိူၼ်း​မႄႈ​မူၵ်း​မႄႈ​မၢႆႈ​တင်း​လၢႆ​လႄႈ ႁဵတ်း​ၼင်ႇ​ႁၢင်ႈ ပဵၼ်​ဢၼ်​လီ​ဢၼ်​ငၢမ်း​သေ​လႄႈ ဢဝ်​တင်း​ၵႂၢမ်း​ဢၼ်​ယၢဝ်း​ၼႃႇ​လူင်​လၢင် သူး​တွင်း​ဢေႃႈ။ ၶဝ်​ၼၼ်ႉ ယဵင်ႈ​ၶႅၼ်း​တၵ်း​လႆႈ​ၶၢမ်ႇ​တၢမ်ႇ​ဢၼ်​ယႂ်ႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">လိုၼ်း​ၼၼ်ႉ မၼ်း​ၸဝ်ႈ​ၼင်ႈ​ယူႇ ၵႃႈ​တီႈ​ၽၢႆႇ​ပႃႈ​ၼႃႈ တိူၵ်ႈ​ၽၼ်ႇတႃႇ​ၸဝ်ႈ​သေ​ယဝ်ႉ၊ တူၺ်း​ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ ဢဝ်​ငိုၼ်း​ဢဝ်​တွင်း သႂ်ႇ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ၸဝ်ႈ​ယူႇ​ၼၼ်ႉ​ဢေႃႈ။ ၵူၼ်း​မၢၵ်ႈ​ၵူၼ်း​မီး​ၼမ်​ၼႃႇ ဢဝ်​သႂ်ႇ ၼမ်​ၼႃႇ​ဢေႃႈ။-</verse>
				<verse number="42">မႄႈ​မူၵ်း​မႄႈ​မၢႆႈ​ဢၼ်​ၽၢၼ်​ၵေႃႉ​ၼိုင်ႈ​မႃး​လႄႈ ဢဝ်​တွင်း​လႅင်​သွင်​ၶႅပ်း ဢၼ်​ၵႃႈ​မၼ်း တူၵ်း​ပႅၵ်ႉသၢၼ်ႇ ၶႅပ်း​ၼိုင်ႈ​ၸမ်​ၸမ်​ၼၼ်ႉ သႂ်ႇ​ဢေႃႈ။-</verse>
				<verse number="43">မၼ်း​ၸဝ်ႈ​ႁွင်ႉ​ဢဝ်​တပႄး​ၸဝ်ႈ​တင်း​လၢႆ​လႄႈ​လၢတ်ႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ မႄႈ​မူၵ်း​မႄႈ​မၢႆႈ​ဢၼ်​ၽၢၼ်​ၼႆႉ ယဵင်ႈ​ၶႅၼ်း​သႂ်ႇ​ၼမ်​ၼႃႇ​သေ ၶဝ်​ၸိူဝ်း​ဢၼ် သႂ်ႇ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ၸဝ်ႈ တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="44">လွင်ႈ​မၼ်း​ၸမ်ႉ ၶဝ်​တင်း​သဵင်ႈ​တင်း​လူင် ၸိူဝ်း​ၼၼ်ႉ ၼုၵ်ႈ​ဢဝ်​ၵႃႈ​ၼႂ်း​ၸေး​ၸိမ်ႇ​ဢၼ် ၶဝ်​မီး​ၼမ်​ၼႃႇ​ၼၼ်ႉ​သေ​လႄႈ သႂ်ႇ​ဢေႃႈ။ မႄႈ​ယိင်း​ၼႆႉ​ၸမ်ႉ၊ ၼုၵ်ႈ​ဢဝ် ၵႃႈ​ၼႂ်း​တၢင်း​ၽၢၼ်​မၼ်း​သေ​လႄႈ ဢဝ်​ပုၼ်ႈ​ဢၼ်​တၵ်း​လဵင်ႉ​ဢသၢၵ်ႈ ၵႃႈ​ဢၼ်​မၼ်း​မီး​ၼၼ်ႉ သႂ်ႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="13">
				<verse number="1">ၼႂ်း​မိူဝ်ႈ​ဢၼ် မၼ်း​ၸဝ်ႈ​ယင်း​တိုၵ်ႉ​ဢွၵ်ႇ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​ယူႇ​ၼၼ်ႉ​ၸိုင်၊ တပႄး​ၸဝ်ႈ​ၵေႃႉ​ၼိုင်ႈ လဝ်ႊ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ၊ တူၺ်း​လူ​သေ​ၵမ်း​ၶႃႈ။ မၢၵ်ႇ​ႁိၼ်​ၸိူဝ်း​ၼႆႉ ယႂ်ႇ​လူင်​ယႂ်ႇ​လၢင်​ၶႃႈ​ဢေႃႈ။ ႁိူၼ်း​တိူၵ်ႈ​ၸိူဝ်း​ၼႆႉ ယႂ်ႇ​လူင်​ယႂ်ႇ​လၢင်​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="2">ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ မႂ်း​ႁၼ်​တိူၵ်ႈ​ဢၼ်​ယႂ်ႇ​ၼႃႇ​ၸိူဝ်း​ၼႆႉ​ယူႇ​ဢမ်ႇ​ၸႂ်ႈ​ႁိုဝ်။ ၵႃႈ​ၼိူဝ်​မၢၵ်ႇ​ႁိၼ်​လုၵ်း​ၼိုင်ႈ၊ ဢမ်ႇ​လႆႈ​ၵိုတ်း​လႆႈ​ၵျၢၼ်ႇ​ဝႆႉ မၢၵ်ႇ​ႁိၼ်​ဢၼ်​ယင်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​လႄႈ မီး​ယူႇ​ၼၼ်ႉ​သေ​လုၵ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">လိုၼ်း​ၼၼ်ႉ ၼႂ်း​မိူဝ်ႈ​ဢၼ် မၼ်း​ၸဝ်ႈ​ၼင်ႈ​ယူႇ​ၵႃႈ​ၼိူဝ်​လွႆ​ သၢၼ်ႇလုၼ်ႇ ​လႄႈ ဝၢႆႇ​ၼႃႈ​တေႃႇ​ပိၵ်ႈ​မၢၼ်ႇ​ၸဝ်ႈ​ယူႇ​ၼၼ်ႉ​ၸိုင်၊ ပေႇတရူႉ၊ ယႃႇၵုပ်ႈ၊ ယူဝ်းႁၢၼ်ႇ တင်း​ ဢၼ်ႇတရေႇ လဝ်ႊ​ထၢမ် တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​လႄႈ​ဝႃႈ၊-</verse>
				<verse number="4">လွင်ႈ​တၢင်း​ၸိူဝ်း​ၼႆႉ တၵ်း​ပဵၼ်​မႃး​ၶိင်ႇ​မိူဝ်ႈ​လႂ်​ၶႃႈ။ မိူဝ်ႈ​ဢၼ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ ၸမ်​ၶိင်ႇ​ဢၼ် တၵ်း​ပျေႉ​ၸုမ်ႇ​ၼၼ်ႉ​ၸိုင်၊ တၵ်း​မီး​ၼီႉမိၵ်ႈ​လၢၵ်ႈၶၼႃႇ​ဢၼ်​လႂ်​ၶႃႈ၊ ၸဝ်ႈ​ႁဝ်း​ၶႅၼ်း​တေႃႈ​လၢတ်ႈ​ပၼ်​တီႈ​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၼင်ႇ​ႁိုဝ်​ၽူႈ​လႂ်​တၵ်း​ဢမ်ႇ​လႆႈ​ပႅတ်ႉ​လႆႈ​လႅၼ်​သူ​ၸိုင် ႁဵတ်း​သတီႉ​တႃႉ၊-</verse>
				<verse number="6">ၵူၼ်း​ၼမ်​ၼႃႇ တၵ်း​ႁိမ်​ဢဝ်​ၸိုဝ်ႈ​သဵင်​ၵဝ်​သေ​လႄႈ ပေႃႇ​မႃး​လႄႈ​လၢတ်ႈ​ဝႃႈ၊ ၵဝ်​ၼႆႉ​ပဵၼ်​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ပႅတ်ႉ​လႅၼ်​ၵူၼ်း​ၼမ်​ၼႃႇ​ဢေႃႈ။-</verse>
				<verse number="7">မိူဝ်ႈ​ဢၼ်​သူ​ငိၼ်း လွင်ႈ​ဢၼ်​တိုၵ်း​သိုၵ်း​လႂ်၊ သတၢင်း​သဵင်​ၶၢဝ်ႇ လွင်ႈ​ဢၼ်​တၵ်း​တိုၵ်း​သိုၵ်း​လႂ်​ၼၼ်ႉ​ၸိုင်၊ ယႃႇ​ပေ​မႆႈ​ၸႂ်​ၶီ​ၸႂ်။ လွင်ႈ​တၢင်း​ၸိူဝ်း​ၼႆႉ တၵ်း​လႆႈ​ပဵၼ်​မႃး​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ဢမ်ႇ​ပႆႇ​ပဵၼ်​တီႈ​သုတ်း​တီႈ​ၵွႆ။</verse>
				<verse number="8">ၵူၼ်း​မဵဝ်း​ၼိုင်ႈ​လႄႈ​မဵဝ်း​ၼိုင်ႈ မိူင်း​ၼိုင်ႈ​လႄႈ​မိူင်း​ၼိုင်ႈ တၵ်း​ၶတ်း​တႃႉ​ၵၼ်​ဢေႃႈ။ တၵ်း​ပဵၼ်​တၢင်း​ဢၼ် ဢိင်ႇ​သၼ်ႇ​ၵူႈ​တီႈ​ၵူႈ​လႅၼ်​ဢေႃႈ။ တၢင်း​ဢၼ်​ဢိုပ်း​တၢင်း​ၵိၼ်​လႂ်၊ တၢင်း​ဢၼ်​ဢမ်ႇ​တႄႇ​ဢမ်ႇ​ၼိမ်​လႂ်​ၵေႃႈ တၵ်း​ပဵၼ်​ဢေႃႈ။-</verse>
				<verse number="9">လွင်ႈ​တၢင်း​ၸိူဝ်း​ၼႆႉ ပဵၼ်​ၵေႃႇၸႃႉ​ငဝ်ႈ​ႁၢၵ်ႈ​တုၵ်ႉ​ၶႃႉ တၢင်း​ၶီ​တၢင်း​မႆႈ​ဢေႃႈ။ သူ​ႁဵတ်း​သတီႉ​တီႈ​တူဝ်​သူ​တႃႉ။ လွင်ႈ​မၼ်း​ၸမ်ႉ ၶဝ်​တၵ်း​ဢဝ်​သူ​ဢၢပ်ႈ​ၵႃႈ​ၼိူဝ်​လုမ်း​လူင်​ဢေႃႈ။ တၵ်း​ပေႃႉ​ယႅၼ်ႉ​ၵႃႈ​ၼႂ်း​ၸရွပ်ႈ​ႁေႃး​တြႃး​လႂ်​ဢေႃႈ။ ၼင်ႇ​ႁိုဝ်​သူ​တၵ်း​ပဵၼ်​သၢၵ်ႈ​သေႇ​တီႈ​ၶဝ်​ၼၼ်ႉ​ၸိုင်၊ ၵွပ်ႈ​ပိူဝ်ႈ​ၵဝ်​လႄႈ သူ​တၵ်း​ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ ဢမၢတ်ႈ​ၽွင်း​မိူင်း​လႂ် ဢိၵ်ႇ​တင်း​ၶုၼ်​ႁေႃ​ၶမ်း​လႂ်​ဢေႃႈ။-</verse>
				<verse number="10">တၵ်း​လႆႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ တီႈ​ၵူၼ်း​မဵဝ်း​တင်း​သဵင်ႈ​တင်း​လူင် ဢွၼ်​တၢင်း​ဢေႃႈ။</verse>
				<verse number="11">မိူဝ်ႈ​ဢၼ်​ၶဝ်​ဢဝ်​သူ​ၵႂႃႇ ႁႂ်ႈ​လႆႈ​ဢၢပ်ႈ​ၼၼ်ႉ​ၸိုင်၊ တၵ်း​လႆႈ​လၢတ်ႈ​ဝႃႈ ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ယႃႇ​ပေ​မႆႈ​ၸႂ်။ ယႃႇ​ပေ​ၶႆႈ​ၸႂ်​ဝူၼ်ႉ​ၸႂ်​ဝႆႉ​ဢွၼ်​တၢင်း။ လၢတ်ႈ​ၵႂၢမ်း​ဢၼ်​သူ​လႆႈ​မိူဝ်ႈ​ၶိင်ႇ​ၼၼ်ႉ​ၵူၺ်း​ၼၼ်ႉ​တႃႉ။ လွင်ႈ​မၼ်း​ၸမ်ႉ သူ​လၢတ်ႈ​ဢမ်ႇ​ၸႂ်ႈ။ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ လၢတ်ႈ​ဢေႃႈ။-</verse>
				<verse number="12">ၶိင်ႇ​ၵႃႇလႃႉ​မိူဝ်ႈ​ၼၼ်ႉ ပီႈ​ၼွင်ႉ​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ဢဝ်​ၵၼ်​ဢၢပ်ႈ​ႁႂ်ႈ​လႆႈ​တၢႆ​ဢေႃႈ။ ပေႃႈ​ၵေႃႈ​တၵ်း​ဢဝ်​လုၵ်ႈ​လၢင်း​ဢၢပ်ႈ​ဢေႃႈ။ လုၵ်ႈ​လၢင်း​ၵေႃႈ တၵ်း​လုၵ်ႉ​ယူႇ​ၽၢႆႇ​ၼိုင်ႈ တင်း​ပေႃႈ​မႄႈ​သေ​လႄႈ ႁႂ်ႈ​တၢႆ​ဢေႃႈ။-</verse>
				<verse number="13">ၵူၼ်း​တင်း​သဵင်ႈ​တင်း​လူင်​ၵေႃႈ တၵ်း​ၸင်း​သူ ၵွပ်ႈ​ပိူဝ်ႈ​ၸိုဝ်ႈ​သဵင်​ၵဝ်​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မၼ်ႈ​ၶိူင်ႇ​တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ၼၼ်ႉ၊ ၵေႃႉ​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ် ၵႄႇ​ၶျွတ်ႈ​ဢဝ်​ဢေႃႈ။</verse>
				<verse number="14">မိူဝ်ႈ​ဢၼ်​သူ​လႆႈ​ႁၼ် လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ ဢၼ်​ၸၢင်ႈ​ယႃႉ​ၸၢင်ႈ​ယူၵ်ႉ​ၼၼ်ႉ ၸုၵ်း​ယူႇ​ၵႃႈ​ၼႂ်း တီႈ​ဢၼ်​ဢမ်ႇ​ထုၵ်ႇ​လီ​ယူႇ​ၼၼ်ႉ​ၸိုင်၊ ႁႂ်ႈ​ၵေႃႉ​ဢၼ်​လူ​တူၺ်း​ၵျၢမ်း​လိၵ်ႈ​ၼၼ်ႉ​ႁူႉ​တႃႉ။ မိူဝ်ႈ​ဢၼ်​လႆႈ​ႁၼ်​ၸိူဝ်ႉ​ၼင်ႇ​ၼၼ်​ၸိုင်၊ ႁႂ်ႈ​ၶဝ်​ၸိူဝ်း​ဢၼ် မီး​ၼႂ်း​မိူင်း ယူႉတႃႉ ​ၼႆႉ ပၢႆႈ​ၶိုၼ်ႈ​ၵႂႃႇ​ၵႃႈ​တီႈ​ၼိူဝ်​လွႆ​ပုၼ်ႉ​သေ။-</verse>
				<verse number="15">ယႃႇ​ႁႂ်ႈ​ၵေႃႉ​ဢၼ်​မီး​ယူႇ​ၵႃႈ​ၼိူဝ်​ၸွမ်​ႁိူၼ်း​ၼၼ်ႉ လူင်း​ၵႂႃႇ​ၵႃႈ​ၼႂ်း​ႁိူၼ်း။ ယႃႇ​ႁႂ်ႈ​ၶဝ်ႈ​ၵႃႈ​ၼႂ်း ႁႂ်ႈ​လႆႈ​ဢဝ်​သေ​ၸိူဝ်ႉ​သေ​ပိူင်​ၵႃႈ​ၼႂ်း​ႁိူၼ်း။-</verse>
				<verse number="16">ၵေႃႉ​ဢၼ်​မီး​ၵႃႈ​ၼႂ်း​တူင်ႈ​ၼႃး​ၵေႃႈ၊ ယႃႇ​ႁႂ်ႈ​ၶိုၼ်း​မိူဝ်း​တၢင်း​လင် ႁႂ်ႈ​လႆႈ​ဢဝ်​ၶူဝ်း​ၼုင်ႈ​တၢင်း​မႆ​မၼ်း။</verse>
				<verse number="17">ဝၼ်း​မိူဝ်ႈ​ၼၼ်ႉ တီႈ​မႄႈ​ယိင်း​ဢၼ်​တူဝ်​ဢမ်ႇ​သႃႇ ဢိၵ်ႇ​တင်း​မႄႈ​ယိင်း ဢၼ်​မီး​လုၵ်ႈ​ဢွၼ်ႇ ဢၼ်​ဢမ်ႇ​ပႆႇ​ၽၢတ်ႇ​ၼူမ်း​တင်း​လၢႆ​ၼၼ်ႉ တၵ်း​မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="18">လွင်ႈ​ၼင်ႇ​ႁိုဝ် မိူဝ်ႈ​ၶိင်ႇ​ၼၼ်ႉ တၵ်း​ဢမ်ႇ​လႆႈ​တူၵ်း​မိူဝ်ႈ​ၶိင်ႇ​ၵတ်း​ၸိုင်၊ သူး​တွင်း​တႃႉ။-</verse>
				<verse number="19">လွင်ႈ​မၼ်း​ၸမ်ႉ တုၵ်ႉ​ၶႃႉ​ဢၼ်​ဢမ်ႇ​တွၼ်ႉ​ပဵၼ်​သေ​ပွၵ်ႈ ၸႃႉ​ၸဵမ်​မိူဝ်ႈ​ၵေႃႇၸႃႉ​ၵမ်ႇ​ၽႃႇ ဢၼ်​ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ ႁၢၼ်ႉ​တေႃႇ​မိူဝ်ႈ​လဵဝ်​ၼႆႉ​လႄႈ ၵမ်း​လိုၼ်း​ၵေႃႈ တၵ်း​ဢမ်ႇ​ပဵၼ်​ၼၼ်ႉ တၵ်း​ပဵၼ်​ၼႂ်း​ၶိင်ႇ​ၵႃႇလႃႉ​ၼၼ်ႉ​ဢေႃႈ။-</verse>
				<verse number="20">ပေႃး​ၽြႃး​ပဵၼ်​ၸဝ်ႈ ဢမ်ႇ​ႁႂ်ႈ​ၶိင်ႇ​ၵႃႇလႃႉ​ၼၼ်ႉ​ပွတ်း​သေ​ၸိုင်၊ ၽူႈ​လႂ်​ဢမ်ႇ​လွတ်ႈ​လႆႈ​သေ​ၵေႃႉ​သေ​ၵူၼ်း။ ၵွပ်ႈ​ပိူဝ်ႈ​ၶဝ်​ၸိူဝ်း​ဢၼ် မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ​လႄႈ မၼ်း​ၸဝ်ႈ​ႁႂ်ႈ​ၶိင်ႇ​ၵႃႇလႃႉ​ၼၼ်ႉ ပွတ်း​ဢေႃႈ။</verse>
				<verse number="21">မိူဝ်ႈ​ၼၼ်ႉ ပေႃး​သေ​ၵေႃႉ​သေ​ၵူၼ်း​လၢတ်ႈ​လႄႈ​ဝႃႈ၊ တူၺ်း​လူး၊ ၸဝ်ႈ​ၶရိၸ်ႈ​မီး​ၵႃႈ​ၼႆႈ​ဢေႃႈ။ မီး​ၵႃႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ယႃႇ​ပေ​ယုမ်ႇ။-</verse>
				<verse number="22">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ႁဵတ်း မိူၼ်​ၼင်ႇ​ႁၢင်ႈ​ၸဝ်ႈ​ၶရိၸ်ႈ ဢိၵ်ႇ​တင်း မိၵ်ႉသႃႇ​ပရေႃးၽႅတ်ႈ​တင်း​လၢႆ​ၼၼ်ႉ တၵ်း​ပေႃႇ​မႃး​လႄႈ ပေႃး​ပႅတ်ႉ​လႅၼ်​လႆႈ​ၸိုင်၊ တၵ်း​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ႁႂ်ႈ​လႆႈ​ပႅတ်ႉ​လႅၼ်​ၶဝ်​ၸိူဝ်း​ဢၼ် လိူၵ်ႈ​ၵဵပ်း​ဢဝ်​တင်း​လၢႆ​ဢေႃႈ။-</verse>
				<verse number="23">သူ​ႁဵတ်း​သတီႉ​တႃႉ။ တူၺ်း​လူး၊ ၵဝ်​လၢတ်ႈ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ ဝႆႉ ဢွၼ်​တၢင်း​ယဝ်ႉ။</verse>
				<verse number="24">ၼႂ်း​ၶိင်ႇ​ၵႃႇလႃႉ​ဢၼ်​ပဵၼ်​ဝၢႆး​လင် တုၵ်ႉ​ၶႃႉ​တၢင်း​ၽၢၼ်​ၼၼ်ႉ၊ ၵၢင်​ဝၼ်း​တၵ်း​လပ်း​သိင်ႇ​ဢေႃႈ။ လိူၼ်​တၵ်း​ဢမ်ႇ​ပၼ်​ဢၼ်​လႅင်း​မၼ်း။-</verse>
				<verse number="25">လၢဝ်​ၵၢင်​ႁၢဝ်​တင်း​လၢႆ တၵ်း​တူၵ်း​သေ​ၵႃႈ​ၼိူဝ်​ၵၢင်​ႁၢဝ်​ဢေႃႈ။ တၼ်း​ၶူဝ်း​ၵၢင်​ႁၢဝ်​တင်း​လၢႆ​ၵေႃႈ တၵ်း​သၼ်ႇ​ၶွၼ်း​ဝႆ​ဢေႃႈ။-</verse>
				<verse number="26">မိူဝ်ႈ​ၼၼ်ႉ ၵူၼ်း​တင်း​လၢႆ တၵ်း​လႆႈ​ႁၼ်​လုၵ်ႈ​ၵူၼ်း​ပႃး​တင်း​မုၼ်​တၼ်း​ၶူဝ်း ဢႃႇၼူႉၽေႃႇ​မၼ်း​ၸဝ်ႈ ဢၼ်​ယႂ်ႇ​ၼႃႇ​ၼၼ်ႉ​သေ​လႄႈ မႃး​ၵႃႈ​ၼိူဝ်​မွၵ်ႇ​ၵုမ်ႈ​ဢေႃႈ။-</verse>
				<verse number="27">မိူဝ်ႈ​ၼၼ်ႉ မၼ်း​ၸဝ်ႈ​တၵ်း​ပွႆႇ​ၸႂ်ႉ​တမၢၼ်ႇ​မၼ်း​ၸဝ်ႈ​တင်း​လၢႆ​မႃး​လႄႈ ႁႂ်ႈ​ၶဝ်​ၸိူဝ်း​ဢၼ်​လိူၵ်ႈ​ၵဵပ်း​ဢဝ်​ၼၼ်ႉ လုၵ်ႉ​သေ​ၵႃႈ​တီႈ​သီႇ​ၸဵင်ႇ​ပႅတ်ႇ​ၼႃႈ ၵူႈ​တီႈ​ၵူႈ​လႅၼ် တႂ်ႈ​ၽႃႉ​ၵၢင်​ႁၢဝ် ၸူႉ​ၵၼ်​တုမ်​ၵၼ်​ဢေႃႈ။</verse>
				<verse number="28">ဢဝ်​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ႁဵတ်း​ဢူႉပမႃႇ​လႄႈ သွၼ်​ဢဝ်​တႃႉ။ မိူဝ်ႈ​ဢၼ် ၵိင်ႇ​မၼ်း​ၶႃႊ​မၼ်း​ၼုမ်ႇ​လႄႈ​ဢွၵ်ႇ​မႂ်​ယူႇ​ၼၼ်ႉ​ၸိုင် သူ​ႁူႉ​လွင်ႈ​ဢၼ် ၸမ်​တၵ်း​ႁွတ်ႈ​ထိုင်​ၶိင်ႇ​ႁႅင်ႈ​ဢေႃႈ။-</verse>
				<verse number="29">မိူၼ်​ၼင်ႇ​ၼၼ် မိူဝ်ႈ​ဢၼ်​သူ​လႆႈ​ႁၼ်​လွင်ႈ​တၢင်း​ၸိူဝ်း​ၼႆႉ​ပဵၼ်​မႃး​ယူႇ​ၼၼ်ႉ​ၸိုင်၊ ႁူႉ​လွင်ႈ​ဢၼ် ၶိင်ႇ​လုၵ်ႈ​ၵူၼ်း​ႁွတ်ႈ​ၸမ်​မႃး ၵႃႈ​တီႈ​ႁိမ်း​ၽၵ်း​တူ​ယဝ်ႉ​ၼၼ်ႉ​တႃႉ။-</verse>
				<verse number="30">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ လွင်ႈ​တင်း​သဵင်ႈ​တင်း​လူင်​ၸိူဝ်း​ၼႆႉ တၵ်း​ပဵၼ်​မႃး ၸူဝ်ႈ​ဢၼ်​ၵူၼ်း​ဢၼ်​မီး​ယူႇ​တေႃႈ​လဵဝ်​ၸိူဝ်း​ၼႆႉ ဢမ်ႇ​ပႆႇ​သဵင်ႈ​ပႆႇ​မူတ်း​ဢေႃႈ။-</verse>
				<verse number="31">ပိၵ်ႉ​သမ်ႉ​ၽႃႉ​ၵၢင်​ႁၢဝ်​တင်း​လိၼ်​မိူင်း​ၼႆႉ တၵ်း​ႁၢႆ​လၢႆ​သေ​ၵေႃႈ၊ ၵႂၢမ်း​ၵဝ်​ၼႆႉ တၵ်း​ဢမ်ႇ​ႁၢႆ​လၢႆ။</verse>
				<verse number="32">ၶိင်ႇ​ၼႃႇရီႇ​ဝၼ်း​ၼၼ်ႉ​ၸမ်ႉ၊ ၽူႈ​လႂ်​ဢမ်ႇ​ႁူႉ။ တမၢၼ်ႇ​ၵၢင်​ႁၢဝ်​တင်း​လၢႆ ဢမ်ႇ​ႁူႉ။ လုၵ်ႈ​ၸဝ်ႈ​ၵေႃႈ​ဢမ်ႇ​ႁူႉ။ ပေႃႈ​ၸဝ်ႈ​ၵူၺ်း​ႁူႉ​ဢေႃႈ။-</verse>
				<verse number="33">ပိူဝ်ႈ​ဢၼ်​သူ​ဢမ်ႇ​ႁူႉ​လွင်ႈ​ဢၼ်​ၶိင်ႇ​ၵႃႇလႃႉ​ၼၼ်ႉ တၵ်း​ႁွတ်ႈ​ထိုင်​မိူဝ်ႈ​လႂ်​ၼၼ်ႉ​လႄႈ ႁဵတ်း​သတီႉ​လႄႈ ပႂ်ႉ​ထႃႈ​ယူႇ​တႃႉ။-</verse>
				<verse number="34">ဢူႉပမႃႇ​ၸမ်ႉ၊ လုၵ်ႈ​ၵူၼ်း​မိူၼ်​ၸိူဝ်ႉ​ၼင်ႇ​ၵူၼ်း​ၵေႃႉ​ၼိုင်ႈ ဢၼ်​ဢဝ်​တၼ်း​ၶူဝ်း ဢၢပ်ႈ​ပၼ်​တီႈ​ၵူၼ်း​ဢွၼ်ႇ​တူဝ်​ၸဝ်ႈ​ၵဝ်ႇ​တင်း​လၢႆ​လႄႈ ၶၢၼ်း​ဝႆႉ​ပုၼ်ႈ​ဢၼ်​ၶဝ်​တၵ်း​လႆႈ​ႁဵတ်း ႁင်း​ၽႂ်​ႁင်း​မၼ်း​သေ​လႄႈ သင်ႇ​လၢတ်ႈ​ဝႆႉ​တီႈ​ၵေႃႉ​ဢၼ်​ပႂ်ႉ​ၽၵ်း​တူ​လႄႈ​ဝႃႈ၊ ပႂ်ႉ​ယူႇ​တႃႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ၵႂႃႇ​ယူႇ​တၢင်ႇ​ဝၢၼ်ႈ​တၢင်ႇ​မိူင်း​သေ​ၼၼ်ႉ​ဢေႃႈ။-</verse>
				<verse number="35">ပိူဝ်ႈ​ၼႆ​လႄႈ ပိူဝ်ႈ​ဢၼ်​သူ ဢမ်ႇ​ႁူႉ​လွင်ႈ ဢၼ်​ၸဝ်ႈ​ႁိူၼ်း​ၼၼ်ႉ တၵ်း​ႁွတ်ႈ​မႃး​ၶိင်ႇ​လႂ်၊ တၵ်း​ပဵၼ်​ၶိင်ႇ​ႁူဝ်​ၶမ်ႈ​ႁိုဝ်။ တၵ်း​ပဵၼ်​ၶိင်ႇ​တဵင်ႈ​ၶိုၼ်း​ႁိုဝ်။ တၵ်း​ပဵၼ်​ၶိင်ႇ​ၵႆႇ​ၶၼ်​ႁိုဝ်။ တၵ်း​ပဵၼ်​ၶိင်ႇ​ၵၢင်​ၼႂ်​ႁိုဝ်​ၼၼ်ႉ​လႄႈ ပႂ်ႉ​ထႃႈ​ယူႇ​တႃႉ။-</verse>
				<verse number="36">ပေႃး​ဢမ်ႇ​ၼၼ်​ၸိုင် တၵ်း​ၽုတ်း​ၽၢတ်း​ပေႃႇ​မႃး​လႄႈ ထူပ်း​ႁၼ်​သူ​ၼွၼ်း​လပ်း​ယူႇ​ဢေႃႈ။-</verse>
				<verse number="37">ဢၼ်​ၵဝ်​လၢတ်ႈ​တီႈ​သူ​လႄႈ​ဝႃႈ၊ ပႂ်ႉ​ထႃႈ​ယူႇ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၵဝ်​ဝႃႈ​တီႈ​ၵူၼ်း​တင်း​သဵင်ႈ​တင်း​လူင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="14">
				<verse number="1">လိုၼ်း​ၼၼ်ႉ ပူၼ်ႉ​သေ​သွင်​ဝၼ်း​ယဝ်ႉ​ၸင်ႇ၊ မီး​ပွႆး​ ပႃႉသၶႃႇ ဢၼ်​ဝႃႈ ပွႆး​ၶဝ်ႈ​မုၼ်း ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၼၼ်ႉ​ဢေႃႈ။ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ ၵျၢမ်ႇ​ႁႃ​ႁႂ်ႈ​လႆႈ​ႁဵတ်း​တင်း​ပရီႉယႄႇ တီႉ​ဢဝ်​မၼ်း​ၸဝ်ႈ​သေ​လႄႈ ဢဝ်​တၢႆ​ဢေႃႈ။-</verse>
				<verse number="2">ၼႂ်း​ဝႃႈ​ၼၼ်​သေ​ၵေႃႈ ၶဝ်​ၼၼ်ႉ လၢတ်ႈ​ၵၼ်​လႄႈ​ဝႃႈ၊ ၵူဝ်​ၵူၼ်း​တင်း​လၢႆ တၵ်း​တူင်ႉ​တၵ်း​တိုၼ်ႇ​လႄႈ ၼႂ်း​ဝၼ်း​ပွႆး​ၼႆႉ​ၸိုင် ယႃႇ​ပေ​ၽူမ်ႈ​ႁဵတ်း​လူး​ၵွၼ်ႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">ၼႂ်း​မိူဝ်ႈ​ဢၼ်​မၼ်း​ၸဝ်ႈ​မီး​ယူႇ​ၼႂ်း​ဝၢၼ်ႈ​ ပေႇထၼီႉ တီႈ​ႁိူၼ်း​ၵူၼ်း​တုတ်ႈ​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ သီႉမုၼ်ႇ ​ၼၼ်ႉ​လႄႈ ဢိင်​ယူႇ​ၵႃႈ​ႁိမ်း​ၶူင်ႇ​တီႈ​ၵိၼ်​ၼၼ်ႉ​ၸိုင်၊ မႄႈ​ယိင်း​ၵေႃႉ​ၼိုင်ႈ ဢဝ်​တဝ်ႈ​မၢၵ်ႇ​ႁိၼ်​ၽိူၵ်ႇ​လုၵ်း​ၼိုင်ႈ ဢၼ်​တဵမ်​ဝႆႉ​တင်း​ၼမ်ႉ​မၼ်း​ႁွမ် ၼႃႇတူႉ ၸႅတ်ႈ​ၸႅတ်ႈ ဢၼ်​ထိူၵ်ႈ​ၵႃႈ​ယႂ်ႇ​ၼႃႇ​ၼၼ်ႉ မႃး​တီႈ​မၼ်း​ၸဝ်ႈ​လႄႈ ဢဝ်​တဝ်ႈ​မၢၵ်ႇ​ႁိၼ်​ၽိူၵ်ႇ​ၼၼ်ႉ​တႅၵ်ႇ​ယဝ်ႉ​ၸင်ႇ၊ ထွၵ်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​ၸဝ်ႈ​ဢေႃႈ။-</verse>
				<verse number="4">ၵမ်ႈ​ၽွင်ႈ​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​လႄႈ​လၢတ်ႈ​ဝႃႈ၊ ႁဵတ်း​ႁိုဝ်​လႄႈ ႁႂ်ႈ​ၼမ်ႉ​မၼ်း​ႁွမ်​ၼႆႉ သုမ်း​ပႅတ်ႈ​လၢႆ​လၢႆ​ၼင်ႇ​ႁိုဝ်။-</verse>
				<verse number="5">ၼမ်ႉ​မၼ်း​ႁွမ်​ၼႆႉ ထုၵ်ႇ​လီ​ၶၢႆ​ဢဝ် တင်း​ၵႃႈ​မၼ်း​ၶၼ်​မၼ်း ဢၼ်​တူၵ်း တေႇၼႃႇရီႇ သၢမ်​ပၢၵ်ႇ​ၶႅပ်း​လိူဝ်​လိူဝ်​ၼၼ်ႉ​သေ​လႄႈ ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ တၢင်ႇ​ဢပႅတ်ႈ​တီႈ မႄႈ​ယိင်း​ၼၼ်ႉ​ဢေႃႈ။-</verse>
				<verse number="6">ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ယႃႇ​မၼ်း​တႃႉ၊ ႁဵတ်း​သင်​လႄႈ သူ​ယႃႉ​ယူၵ်ႉ​မၼ်း​ၼင်ႇ​ႁိုဝ်။ မၼ်း​ႁဵတ်း​လွင်ႈ​တၢင်း​ဢၼ်​လီ​ဢၼ်​ငၢမ်း​တီႈ​ၵဝ်​ယဝ်ႉ။-</verse>
				<verse number="7">ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ မီး​ယူႇ​တီႈ​သူ​တႃႇ​သေႇ​ဢေႃႈ။ ၵႃႈ​ၼင်ႇ​ဢၼ် သူ​မီး​ဢလူဝ်ႇ​ၼၼ်ႉ၊ သူ​ႁဵတ်း​ၵျေး​ၸူး​တီႈ​ၶဝ်​ၼၼ်ႉ လႆႈ​ယူႇ​ဢေႃႈ။ ၵဝ်​ၸမ်ႉ၊ မီး​ယူႇ​တီႈ​သူ​တႃႇ​သေႇ​ဢမ်ႇ​ၸႂ်ႈ။-</verse>
				<verse number="8">မၼ်း​ၼႆႉ ႁဵတ်း​ၵႃႈ​ဢၼ် မၼ်း​တၢတ်ႈ​ၼိူင်ႇ​လႆႈ​ၼၼ်ႉ​ယဝ်ႉ။ မၼ်း​ဢဝ်​ၼမ်ႉ​မၼ်း​တႃး​တူဝ်​ၵဝ် ႁႂ်ႈ​လႆႈ​မႄး​ႁႅၼ်း​ပုၼ်ႈ​ဢၼ်​တၵ်း​သၢင်း​ၵျူဝ်ႇ​ၵဝ်​ၼၼ်ႉ​ဝႆႉ ဢွၼ်​တၢင်း​ဢေႃႈ။-</verse>
				<verse number="9">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵႃႈ​တီႈ​ဢၼ် ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ ၵႃႈ​ၼိူဝ်​လိၼ်​မိူင်း ၵူႈ​တီႈ​ၵူႈ​လႅၼ်​ၼၼ်ႉ၊ တၵ်း​လႆႈ​မွၵ်ႇ​လၢတ်ႈ လွင်ႈ​ဢၼ်​မၼ်း​ႁဵတ်း​ၼႆႉ ပုၼ်ႈ​ဢၼ် တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">မိူဝ်ႈ​ၼၼ်ႉ ယူႉတႃႉ​ဢီႉသၵႃႇရေႇဢုတ်ႈ ဢၼ်​ပဵၼ်​ၼႂ်း​သိပ်း​သွင်​ပႃး​ၼၼ်ႉ ၵႂႃႇ​တီႈ​ယိတ်ႈပရေႃးႁဵၵ်ႈ​လူင်​တင်း​လၢႆ ႁႂ်ႈ​လႆႈ​ဢဝ်​မၼ်း​ၸဝ်ႈ​ဢၢပ်ႈ​ဢေႃႈ။-</verse>
				<verse number="11">ၶဝ်​ၼၼ်ႉ ငိၼ်း​သေ​ယဝ်ႉ၊ သိူဝ်း​ၸူမ်း​လႄႈ တၵ်း​ပၼ်​ငိုၼ်း ဝႃႈ​ၼႆ ႁပ်ႉ​တုင်း​ဢဝ်​ဢေႃႈ။ လိုၼ်း​ၼၼ်ႉ မၼ်း​ၵျၢမ်ႇ​ႁႃ​လွင်ႈ​ဢၼ်​တၵ်း​လႆႈ​ဢဝ်​မၼ်း​ၸဝ်ႈ ဢၢပ်ႈ​တီႈ​ၶဝ် ၼႂ်း​ၶိင်ႇ​ၵႃႇလႃႉ​ဢၼ်​ထုၵ်ႇ​ၼၼ်ႉ​ၸိူဝ်ႉ​ၼင်ႇ​ႁိုဝ်​ၼၼ်ႉ​ယူႇ​ဢေႃႈ။</verse>
				<verse number="12">ဝၼ်း​ပထမႃႉ ပွႆး​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ၊ ဝၼ်း​မိူဝ်ႈ​ဢၼ် ဢဝ်​သူဝ်း​ ပႃႉသၶႃႇ ​တၢႆ​ၼၼ်ႉ၊ တပႄး​ၸဝ်ႈ​တင်း​လၢႆ သုတ်ႉ​ၸပ်း​သုတ်ႉ​ၸူး တီႈ​မၼ်း​ၸဝ်ႈ​သေ​လႄႈ လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​မီး​ဢလူဝ်ႇ​ၶႂ်ႈ​ႁႂ်ႈ​ႁဝ်း​ၶႃႈ​ၵႂႃႇ​လႄႈ မႄး​ႁႅၼ်း​ဝႆႉ​ပုၼ်ႈ​ဢၼ်​ၸဝ်ႈ​ႁဝ်း တၵ်း​လႆႈ​ၵိၼ်​ပွႆး​ ပႃႉသၶႃႇ ​ၼၼ်ႉ ၵႃႈ​တီႈ​လႂ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">မၼ်း​ၸဝ်ႈ​ပွႆႇ​ၸႂ်ႉ​တပႄး​ၸဝ်ႈ​သွင်​ၵေႃႉ ၵႂႃႇ​လႄႈ​သင်ႇ​လၢတ်ႈ​ဝႃႈ၊ သူ​ၶဝ်ႈ​ၵႂႃႇ​ၵႃႈ​ၼႂ်း​ဝဵင်း​ပုၼ်ႉ​တႃႉ၊ သူ​တၵ်း​ထူပ်း​ႁၼ် ၵေႃႉ​ဢၼ်​ပႃး​မေႃႈ​ၼမ်ႉ​ယူႇ​ဢေႃႈ။ ၸွမ်း​ပႃႈ​လင်​ၵေႃႉ​ၼၼ်ႉ​ၵႂႃႇ​လႄႈ၊-</verse>
				<verse number="14">လၢတ်ႈ​တီႈ​ၸဝ်ႈ​ႁိူၼ်း ၼႂ်း​တီႈ​ဢၼ်​မၼ်း​ၶဝ်ႈ​ၼၼ်ႉ​လႄႈ​ဝႃႈ၊ သြႃႇ​ထၢမ်​ဝႃႈ၊ လုၵ်း​ၶႅၵ်ႇ​ဢၼ်​ၵဝ် ဢိၵ်ႇ​တင်း​တပႄး​ၵဝ်​တင်း​လၢႆ တၵ်း​ၵိၼ်​ပွႆး​ ပႃႉသၶႃႇ ​ၼၼ်ႉ​ၸမ်ႉ၊ မီး​ၵႃႈ​လႂ်၊ ဝႃႈ​ၼင်ႇ​ၼႆ​တႃႉ။-</verse>
				<verse number="15">ၵေႃႉ​ၼၼ်ႉ​တၵ်း​ၼႄ​ပၼ် လုၵ်း​လူင်​ႁၢၼ်ႉ​ၼိူဝ် ဢၼ်​မႄး​ႁႅၼ်း​ဝႆႉ​ယဝ်ႉ​ၼၼ်ႉ​ဢေႃႈ။ သူ​မႄး​ႁႅၼ်း​ဝႆႉ ၵႃႈ​တီႈ​လုၵ်း​ၼၼ်ႉ​ပုၼ်ႈ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">တပႄး​ၸဝ်ႈ​ၸိူဝ်း​ၼၼ်ႉ ဢွၵ်ႇ​ၵႂႃႇ​လႄႈ ၶဝ်ႈ​ၵႃႈ​ၼႂ်း​ဝဵင်း​ယဝ်ႉ​ၸင်ႇ၊ ထူပ်း​ႁၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​လၢတ်ႈ​ၼၼ်ႉ​လႄႈ မႄး​ႁႅၼ်း​ပွႆး ပႃႉသၶႃႇ ​ဝႆႉ​ဢေႃႈ။</verse>
				<verse number="17">မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ႁူဝ်​ၶမ်ႈ​ၸိုင်၊ မၼ်း​ၸဝ်ႈ ဢိၵ်ႇ​တင်း​သိပ်း​သွင်​ပႃး​မႃး​လႄႈ၊-</verse>
				<verse number="18">ၼႂ်း​မိူဝ်ႈ​ဢၼ် ၶဝ်​ဢိင်​ယူႇ​ၵႃႈ​တီႈ​ႁိမ်း​ၶူင်ႇ​တီႈ​ၵိၼ်​သေ​လႄႈ ၵိၼ်​ယူႇ​ၼၼ်ႉ​ၸိုင် ယေႇသူႉ ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၼႂ်း​သူ​ၼႆႉ ၵေႃႉ​ဢၼ်​ၵိၼ်​ယူႇ​လူၺ်ႈ​ၵၼ်​တင်း​ၵဝ်​ၵေႃႉ​ၼိုင်ႈ တၵ်း​ဢဝ်​ၵဝ်​ဢၢပ်ႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">ၶဝ်​ၼၼ်ႉ ၸႂ်​လဵၵ်ႉ​ၸႂ်​ဢူၼ်ႈ​လႄႈ ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ ႁင်း​ၽႂ်​ႁင်း​မၼ်း​လဝ်ႊ​ထၢမ်​လႄႈ​ဝႃႈ၊ ပဵၼ်​ၵဝ်​ၶႃႈ​ၶႃႈ​ႁိုဝ်။ ပဵၼ်​ၵဝ်​ၶႃႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မၼ်း​ၸဝ်ႈ​ၵေႃႈ လၢတ်ႈ​လႄႈ​ဝႃႈ၊ ၵေႃႉ​ဢၼ်​ပႃး​ၼႂ်း​သိပ်း​သွင်​ပႃး ဢၼ်​ၸူၵ်း​ၵႃႈ​ၼႂ်း​ဝၢၼ်ႇ ႁူမ်ႈ​ၵၼ်​တင်း​ၵဝ်​ၼႆႉ​ၼၼ်ႉ တၵ်း​ဢဝ်​ၵဝ်​ဢၢပ်ႈ​ဢေႃႈ။-</verse>
				<verse number="21">လုၵ်ႈ​ၵူၼ်း​တၵ်း​လႆႈ​ၵႂႃႇ ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​ဢဝ်​လုၵ်ႈ​ၵူၼ်း​ဢၢပ်ႈ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ။ ပေႃး​ၵေႃႉ​ၼၼ်ႉ ဢမ်ႇ​လႆႈ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး​ၸိုင်၊ ယဵင်ႈ​ၶႅၼ်း​တၵ်း​လီ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၼႂ်း​မိူဝ်ႈ​ဢၼ်​ၶဝ်​ၵိၼ်​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ဢဝ်​ၶဝ်ႈ​မုၼ်း​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ဝိတ်း​ၶဝ်ႈ​မုၼ်း​ပၼ်​တီႈ​ၶဝ်​ၼၼ်ႉ​လႄႈ လၢတ်ႈ​ဝႃႈ၊ ဢွၼ်​ၵၼ်​ဢဝ်​တႃႉ။ ၶဝ်ႈ​မုၼ်း​ၼႆႉ​ၸမ်ႉ ပဵၼ်​တူဝ်​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၵွၵ်း​ၵေႃႈ​မၼ်း​ၸဝ်ႈ​ဢဝ်​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ပၼ်​တီႈ​ၶဝ်​ၼၼ်ႉ​လႄႈ ၶဝ်​ၵႃႈ​မီး​တင်း​သဵင်ႈ​တင်း​လူင် ဢွၼ်​ၵၼ်​ၵိၼ်​ဢေႃႈ။-</verse>
				<verse number="24">မၼ်း​ၸဝ်ႈ​သမ်ႉ​လၢတ်ႈ​လႄႈ​ဝႃႈ၊ ၵွၵ်း​ၼႆႉ​ၸမ်ႉ၊ ပဵၼ်​လိူတ်ႈ​ၵဝ် ဢၼ်​ၸၢပ်ႈ​သႅင်ႇ​ၵၼ်​တင်း​ပတီႉၺိၺ်ႇ​တြႃး​ဢၼ်​မႂ်ႇ​လႄႈ သွၼ်း​လေႃႇ​ပုၼ်ႈ​ၵူၼ်း​ၼမ်​ၼႃႇ​ဢေႃႈ။-</verse>
				<verse number="25">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵဝ်​တၵ်း​ဢမ်ႇ​ၵိၼ်​ၼမ်ႉ​မၢၵ်ႇ​ၸပိတ်ႈ တေႃႇ​ထိုင်​ႁွတ်ႈ​ဝၼ်း​ဢၼ်​ၵဝ်​တၵ်း​ၵိၼ်​မဵဝ်း​ဢၼ်​မႂ်ႇ ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">လိုၼ်း​ၼၼ်ႉ ၶဝ်​ႁဵတ်း​ၵႂၢမ်း​ယဝ်ႉ​ၸင်ႇ၊ ဢွၵ်ႇ​ၵႂႃႇ​ၸူး​ၵႃႈ​တီႈ​လွႆ​ သၢၼ်ႇလုၼ်ႇ ​ပုၼ်ႉ​သေ​ဢေႃႈ။</verse>
				<verse number="27">မိူဝ်ႈ​ၼၼ်ႉ ယေႇသူႉ ​လၢတ်ႈ​လႄႈ​ဝႃႈ၊ သူ​ၵႃႈ​မီး​တင်း​သဵင်ႈ​တင်း​လူင် ၸႂ်​တၵ်း​လူႉ​ၵွပ်ႈ​ပိူဝ်ႈ​ၵဝ်​ဢေႃႈ။ လွင်ႈ​ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၵဝ်​တၵ်း​ပေႃႉ​ယႅၼ်ႉ ၵေႃႉ​ဢၼ်​လဵင်ႉ​ဢၼ်​ထိင်း​သူဝ်း​ၼၼ်ႉ​တၢႆ​လႄႈ သူဝ်း​တင်း​လၢႆ​ၼၼ်ႉ တၵ်း​လႆႈ​ၽၢတ်ႇ​ၽႄ​ၵၼ်​ဢေႃႈ​ဝႃႈ​ၼႆ၊ မီး​မႃး​ၼင်ႇ​ၼႆ​ဢေႃႈ။-</verse>
				<verse number="28">ၼႂ်း​ဝႃႈ​ၼၼ်​သေ​ၵေႃႈ ၵဝ်​လုၵ်ႉ​ၶိုၼ်း​ယဝ်ႉ​ၸင်ႇ တၵ်း​ၵႂႃႇ​ၵႃႈ​တီႈ​မိူင်း​ ၵႃႇလီႉလႄး ​ပုၼ်ႉ​ဢွၼ်​တၢင်း​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">ပေႇတရူႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ပိၵ်ႉ​သမ်ႉ​ၶဝ်​ၸိူဝ်း​ၼႆႉ တင်း​သဵင်ႈ​တင်း​လူင် ၸႂ်​လူႉ​သေ​ၵေႃႈ၊ ၵဝ်​ၶႃႈ​ၸႂ်​တၵ်း​ဢမ်ႇ​လူႉ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="30">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၼႂ်း​ဝၼ်း​မိူဝ်ႈ​ၼႆႉ ၶိုၼ်း​ၸူဝ်ႈ၊ ၸူဝ်ႈ​ဢၼ်​ၵႆႇ​ဢမ်ႇ​ပႆႇ​ၶၼ်​သွင်​ပွၵ်ႈ​ၼၼ်ႉ​ၸိုင်၊ မႂ်း​တၵ်း​ထဵင်​ပႅတ်ႈ​ၵဝ် ထူၼ်ႈ​ထိုင်​သၢမ်​ပွၵ်ႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="31">မၼ်း​ၵေႃႈ ယဵင်ႈ​ၶႅၼ်း​ၶိုၼ်း​လဝ်ႊ​လၢတ်ႈ​ၵႂၢမ်း​ၵႅၼ်ႇ​ၶႅင်​ၼႃႇ​လူင်​လၢင်​လႄႈ​ဝႃႈ၊ ပိၵ်ႉ​သမ်ႉ​ၵဝ်​ၶႃႈ​တၵ်း​လႆႈ​တၢႆ​လူၺ်ႈ​ၵၼ်​တင်း​ၸဝ်ႈ​ႁဝ်း​သေ​ၵေႃႈ၊ ၵဝ်​ၶႃႈ​တၵ်း​ဢမ်ႇ ပႄႇ​ပႅတ်ႈ​ၸဝ်ႈ​ႁဝ်း​ၶႃႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​တင်း​သဵင်ႈ​တင်း​လူင်​ၼၼ်ႉ​ၵေႃႈ လဝ်ႊ​လၢတ်ႈ​မိူၼ်​မိူၼ်​ၵၼ်​ဢေႃႈ။</verse>
				<verse number="32">မိူဝ်ႈ​ၼၼ်ႉ ၶဝ်​ႁွတ်ႈ​ထိုင်​ၵႃႈ​တီႈ​ဢၼ်​လႆႈ​ၸိုဝ်ႈ​ ၵေႇသႃႉသေႇမၼီႉ ​ၼၼ်ႉ​ယဝ်ႉ​ၸင်ႇ၊ မၼ်း​ၸဝ်ႈ​သင်ႇ​လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊ ၼႂ်း​မိူဝ်ႈ​ဢၼ် ၵဝ်​ယင်း​တိုၵ်ႉ​သူး​တွင်း​ယူႇ​ၼၼ်ႉ​ၸိုင်၊ သူ​ၼင်ႈ​ယူႇ​ၵႃႈ​တီႈ​ၼႆႈ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="33">ႁွင်ႉ​ဢဝ်​ ပေႇတရူႉ၊ ယႃႇၵုပ်ႈ တင်း​ ယူဝ်းႁၢၼ်ႇ ​ၵႂႃႇ​လႄႈ မၼ်း​ၸဝ်ႈ​ႁွတ်ႈ​ထိုင်​တၢင်း​ဢၼ်​ၵႂင်​ၸႂ်​ယုင်ႈ​ၸႂ်၊ တၢင်း​ဢၼ်​ယၢပ်ႇ​ၸႂ်​ၵိၼ်း​ၸႂ်​ၼႃႇ​လူင်​လၢင်​ဢေႃႈ။-</verse>
				<verse number="34">ၵမ်း​ၼၼ်ႉ မၼ်း​ၸဝ်ႈ​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ၼႆႉ ႁူဝ်​ၸႂ်​လဵၵ်ႉ​ၼႃႇ​ထၼ်ႈ​ပေႃး​ၸမ်​တၵ်း​တၢႆ​ဢေႃႈ။ ယူႇ​ၵႃႈ​တီႈ​ၼႆႈ​လႄႈ​ပႂ်ႉ​ထႃႈ​ယူႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">မၼ်း​ၸဝ်ႈ​ပူၼ်ႉ​သေ​ၵႃႈ​တီႈ​ၼၼ်ႈ​ၵႂႃႇ ဢိတ်း​ဢွၼ်ႇ​ၼိုင်ႈ​ယဝ်ႉ​ၸင်ႇ၊ ၶုပ်ႉ​မူပ်ႇ​ၵႃႈ​ၼိူဝ်​လိၼ်​လႄႈ၊ ပေႃး​ၶိင်ႇ​ၼႃႇရီႇ​ၼၼ်ႉ​ပူၼ်ႉ​မၼ်း​ၸဝ်ႈ​ၵႂႃႇ​လႆႈ၊ ၼင်ႇ​ႁိုဝ်​တၵ်း​ပူၼ်ႉ​ၵႂႃႇ​ၸိုင်၊ သူး​တွင်း​လႄႈ​ဝႃႈ၊-</verse>
				<verse number="36">ဢပ်ႉပႃႉ ​ပေႃႈ​ၸဝ်ႈ၊ ၸဝ်ႈ​ႁဝ်း​တၢတ်ႈ​ၼိူင်ႇ​လႆႈ​ၵူႈ​ၸိူဝ်ႉ​ၵူႈ​ပိူင်​တီႈ​ၶႃႈ​ဢေႃႈ။ ႁႂ်ႈ​ၵွၵ်း​ၼႆႉ​ပိူင်ႈ​သေ​ၵဝ်​ၶႃႈ​သေ​ၵမ်း​တီႈ​ၶႃႈ။ ၼႂ်း​ဝႃႈ​ၼၼ်​သေ​ၵေႃႈ ယႃႇ​ႁႂ်ႈ​ပဵၼ်​ၵႃႈ​ၼင်ႇ​ဢၼ်​ဢလူဝ်ႇ​ၵဝ်​ၶႃႈ​မီး​သေ​ၵမ်း​တီႈ​ၶႃႈ၊ ႁႂ်ႈ​ပဵၼ်​ၵႃႈ​ၼင်ႇ​ဢၼ်​ဢလူဝ်ႇ​ၸဝ်ႈ​ႁဝ်း​မီး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="37">မၼ်း​ၸဝ်ႈ​ၶိုၼ်း​မႃး​လႄႈ ထူပ်း​ႁၼ်​ၶဝ်​ၼွၼ်း​လပ်း​ယူႇ​သေ​ယဝ်ႉ၊ လၢတ်ႈ​တီႈ​ ပေႇတရူႉ ​လႄႈ​ဝႃႈ၊ မႂ်း​ၼွၼ်း​လပ်း​ယူႇ​ႁိုဝ်။ ၼင်ႇ​ႁိုဝ်​တၵ်း​လႆႈ​ပႂ်ႉ​ယူႇ​သေ​ၼႃႇရီႇ​ၼိုင်ႈ​ၵူၺ်း​ၸိုင်၊ မႂ်း​ဢမ်ႇ​တၢတ်ႈ​ၼိူင်ႇ​လႆႈ​ႁိုဝ်။-</verse>
				<verse number="38">လွင်ႈ​ၼင်ႇ​ႁိုဝ် တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ၸိုင်၊ သူး​တွင်း​လႄႈ​ပႂ်ႉ​ထႃႈ​ယူႇ​တႃႉ။ ပိၵ်ႉ​သမ်ႉ​ၸႂ်​ဝီႉၺိၺ်ႇ​မီး​တင်း​ၸေႇတၼႃႇ​သေ​ၵေႃႈ၊ တူဝ်​ၸမ်ႉ၊ ဢမ်ႇ​မီး​ႁႅင်း၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="39">သမ်ႉ​ၵႂႃႇ​ထႅင်ႈ​လႄႈ​သူး​တွင်း ၸိူဝ်ႉ​ၼင်ႇ​ၵႂၢမ်း​ဢၼ်​ဝႃႈ ၵမ်း​ဢွၼ်​တၢင်း​ၼၼ်ႉ​ယူႇ​ဢေႃႈ။-</verse>
				<verse number="40">လိုၼ်း​ၼၼ်ႉ မၼ်း​ၸဝ်ႈ​သမ်ႉ​ၶိုၼ်း​မႃး​တီႈ​ဢၼ် ၶဝ်​မီး​ၼၼ်ႉ​ထႅင်ႈ​လႄႈ ထူပ်း​ႁၼ်​ၶဝ်​ၼွၼ်း​လပ်း​ၵွပ်ႈ​ပိူဝ်ႈ​ဢၼ် မၢၵ်ႇ​တႃ​ၶဝ်​ၼၵ်း​ၼႃႇ လူင်​လၢင်​ၼၼ်ႉ​ဢေႃႈ။ ၶဝ်​ဢမ်ႇ​ႁူႉ​လွင်ႈ​ဢၼ် ၶဝ်​တၵ်း​ၶိုၼ်း​လဝ်ႊ​လၢတ်ႈ​တီႈ​မၼ်း​ၸဝ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ။</verse>
				<verse number="41">လိုၼ်း​ၼၼ်ႉ မၼ်း​ၸဝ်ႈ​သမ်ႉ​ၶိုၼ်း​မႃး​ၵႃႈ​တီႈ​ဢၼ် ၶဝ်​မီး​ၼၼ်ႉ​ထူၼ်ႈ​ထိုင်​သၢမ်​ပွၵ်ႈ​လႄႈ​လၢတ်ႈ​ဝႃႈ၊ မိူဝ်ႈ​လဵဝ်​ၼႆႉ သူ​ၼွၼ်း​လပ်း​ယူႇ​ၼိမ်​ၼိမ်​တႃႉ။ ပေႃး​ယဝ်ႉ။ ၶိင်ႇ​ႁွတ်ႈ​မႃး​ယဝ်ႉ။ တူၺ်း​လူး၊ လုၵ်ႈ​ၵူၼ်း​လႆႈ​ၶၢမ်ႇ​တၢင်း​ဢၼ် ဢၢပ်ႈ​ၵႃႈ​ၼႂ်း​မိုဝ်း​ၵူၼ်း​ႁၢႆႉ​တင်း​လၢႆ​ဢေႃႈ။-</verse>
				<verse number="42">ဢွၼ်​ၵၼ်​လုၵ်ႉ​တႃႉ။ ၵႂႃႇ​တႃႉ​ႁဝ်း။ ၵေႃႉ​ဢၼ်​ဢဝ်​ၵဝ်​ဢၢပ်ႈ​ၼၼ်ႉ ႁွတ်ႈ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="43">ၼႂ်း​မိူဝ်ႈ​ဢၼ်​မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင်၊ ယူႉတႃႉ ဢီႉသၵႃႇရေႇဢုတ်ႈ ဢၼ်​ပႃး​ၼႂ်း​သိပ်း​သွင်​ပႃး​ၼၼ်ႉ မႃး​ၵမ်း​လဵဝ်​ဢေႃႈ။ ၵူၼ်း​ဢၼ်​ၸူႉ​ဢၼ်​တုမ် ဢၼ်​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ထုတ်ႇ​ၵျၢမ်း တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ ပွႆႇ​ၸႂ်ႉ​မႃး​ၸိူဝ်း​ၼၼ်ႉ​ၵေႃႈ ၸွမ်း​မၼ်း​မႃး​လႄႈ ပႃး​တင်း​ၶွၼ်ႉ​တင်း​လၢပ်ႇ​ယူႇ​ဢေႃႈ။-</verse>
				<verse number="44">ၵေႃႉ​ဢၼ်​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ ႁဵတ်း​တီႈ​မၢတ်ႈ​တီႈ​တွင်း​ဝႆႉ​တီႈ​ၶဝ်​ၼၼ်ႉ​လႄႈ​ဝႃႈ၊ ၵေႃႉ​ဢၼ်​ၵဝ်​ၼူမ်​ၼၼ်ႉ ပဵၼ်​မၼ်း​ဢေႃႈ။ တီႉ​ဢဝ်​မၼ်း​လႄႈ​ႁဵတ်း​တင်း​သတီႉ​ဢဝ်​ၵႂႃႇ​တႃႉ​ဝႃႈ​ၼႆ၊ ၵႃႈ​ၼင်ႇ​ဢၼ်​ဝႃႈ​ၼၼ်ႉ၊-</verse>
				<verse number="45">မိူဝ်ႈ​ဢၼ်​မၼ်း​ႁွတ်ႈ​ထိုင်​ၸိုင်၊ သုတ်ႉ​ၸပ်း​သုတ်ႉ​ၸူး တီႈ​မၼ်း​ၸဝ်ႈ​ၵမ်း​လဵဝ်​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း၊ ဝႃႈ​ၼင်ႇ​ၼႆ​သေ​လႄႈ ၼူမ်​မၼ်း​ၸဝ်ႈ​ဢေႃႈ။-</verse>
				<verse number="46">ၶဝ်​ၼၼ်ႉ​ယိပ်း​ၵမ်​တီႉ​ဢဝ်​မၼ်း​ၸဝ်ႈ​ဢေႃႈ။-</verse>
				<verse number="47">ၵူၼ်း​ဢၼ်​ၸုၵ်း​ယူႇ​ႁိမ်း​ၼၼ်ႉ​ၵေႃႉ​ၼိုင်ႈ ထွတ်ႇ​ဢဝ်​လၢပ်ႇ​မၼ်း​ဢွၵ်ႇ​ယဝ်ႉ​ၸင်ႇ၊ ၽၼ်း​ၶႃႈ​ယိတ်ႈပရေႃးႁဵၵ်ႈ​လူင်​ၵေႃႉ​ၼိုင်ႈ​လႄႈ ဝၢၼ်​ႁူ​မၼ်း​ၶၢတ်ႇ​ၵႂႃႇ​ဢေႃႈ။-</verse>
				<verse number="48">ယေႇသူႉ ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ သူ​ပႃး​ဢဝ်​တင်း​လၢပ်ႇ​တင်း​ၶွၼ်ႉ​သေ​လႄႈ မႃး​ႁႂ်ႈ​လႆႈ​တီႉ​ဢဝ်​ၵဝ်​မိူၼ်​ၸိူဝ်ႉ​ၼင်ႇ​ဢၼ် တီႉ​ဢဝ်​ၸူၼ်​ၼၼ်ႉ​လူင်​ပႄႇ။-</verse>
				<verse number="49">မိူဝ်ႈ​ဢၼ်​ၵဝ်​မီး​ယူႇ​လူၺ်ႈ​ၵၼ်​တင်း​သူ ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ၵူႈ​ဝၼ်း​လႄႈ သင်ႇ​သွၼ်​ပၼ်​ယူႇ​ၼၼ်ႉ​ၸိုင်၊ သူ​ဢမ်ႇ​တီႉ​ဢဝ်​ၵဝ်။ လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​ၵျၢမ်း​လိၵ်ႈ​တၵ်း​ပျေႉ​ၸုမ်ႇ​ၸိုင်၊ ၸင်ႇ​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="50">မိူဝ်ႈ​ၼၼ်ႉ တပႄး​ၸဝ်ႈ​တင်း​သဵင်ႈ​တင်း​လူင် ပႅတ်ႈ​ဝႆႉ​မၼ်း​ၸဝ်ႈ​သေ​လႄႈ ဢွၼ်​ၵၼ်​လႅၼ်ႈ​ပၢႆႈ​ဢေႃႈ။</verse>
				<verse number="51">ၵူၼ်း​ၼုမ်ႇ​ဢၼ်​တူဝ်​ပူၺ်​လႄႈ သုမ်ႇ​ဝႆႉ​ၽႃႈ​ဝႆ​ၽိုၼ်​ၼိုင်ႈ​ယူႇ​ၼၼ်ႉ​ၵေႃႉ​ၼိုင်ႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​လႄႈ၊ ၵူၼ်း​ဢွၼ်ႇ​ၶုၼ်​ၸိူဝ်း​ၼၼ်ႉ တီႉ​ဢဝ်​မၼ်း​ၼၼ်ႉ​ဢေႃႈ။-</verse>
				<verse number="52">မၼ်း​ၵေႃႈ ပႅတ်ႈ​ဝႆႉ​ၽႃႈ​ဝႆ​သေ​လႄႈ ယူႇ​တူဝ်​ပူၺ်​ဢွၵ်ႇ​ပၢႆႈ​ၵႂႃႇ​သေ​ၵႃႈ​ၼႂ်း​မိုဝ်း​ၶဝ်​ၼၼ်ႉ​ဢေႃႈ။</verse>
				<verse number="53">ၶဝ်​ၼၼ်ႉ ဢဝ်​ ယေႇသူႉ ​ၵႂႃႇ​သူင်ႇ​ၵႃႈ​တီႈ​ၶုၼ်​ယိတ်ႈပရေႃးႁဵၵ်ႈ​ဢေႃႈ။ ၵႃႈ​တီႈ​ၶုၼ်​ၼၼ်ႉ၊ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် တင်း​ၵူၼ်း​ထုတ်ႇ​ၵျၢမ်း​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​ယူႇ​ဢေႃႈ။-</verse>
				<verse number="54">ပေႇတရူႉ ​ၵေႃႈ ယူႇ​ၵႆ​ၵႆ​ၸွမ်း​မၼ်း​ၸဝ်ႈ ၵႂႃႇ​ထိုင်​ႁွတ်ႈ​ၵႃႈ​ၼႂ်း​တလၢင်း ဢၼ်​မီး​ၵႄႈ​ႁိူၼ်း​ၶုၼ်​ယိတ်ႈပရေႃးႁဵၵ်ႈ​ၼၼ်ႉ​ယဝ်ႉ​ၸင်ႇ၊ ၼင်ႈ​ယူႇ​လူၺ်ႈ​ၵၼ်​တင်း​လုၵ်ႈ​ဢွၼ်ႇ​ၶုၼ်​တင်း​လၢႆ​သေ​လႄႈ ဢွမ်ႇ​ၽႆး​ယူႇ​ဢေႃႈ။</verse>
				<verse number="55">ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၶုၼ်​တီႈ​လုမ်း​လူင် တင်း​သဵင်ႈ​တင်း​လူင်​ၼၼ်ႉ ႁႃ​သၢၵ်ႈ​သေႇ​ႁႂ်ႈ​လႆႈ​ဢဝ်​ ယေႇသူႉ ​တၢႆ​သေ​ၵေႃႈ၊ ဢမ်ႇ​ထူပ်း​ဢမ်ႇ​လႆႈ။-</verse>
				<verse number="56">ပိၵ်ႉ​သမ်ႉ​ၵူၼ်း​ၼမ်​ၼႃႇ ယူႇ​ၽၢႆႇ​ၼိုင်ႈ​တင်း​မၼ်း​ၸဝ်ႈ​သေ​လႄႈ ၶၢမ်ႇ​သၢၵ်ႈ​သေႇ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​သေ​ၵေႃႈ၊ လွင်ႈ​ဢၼ်​ၶဝ်​ၶၢမ်ႇ​သၢၵ်ႈ​သေႇ​ၼၼ်ႉ ဢမ်ႇ​မႅၼ်ႈ​ၵၼ်။-</verse>
				<verse number="57">ၵမ်ႈ​ၽွင်ႈ​လုၵ်ႉ​လႄႈ ၶၢမ်ႇ​သၢၵ်ႈ​သေႇ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ​သေ​လႄႈ​လၢတ်ႈ​ဝႃႈ၊-</verse>
				<verse number="58">ႁဝ်း​ၶႃႈ​လႆႈ​ငိၼ်း​ၵေႃႉ​ၼႆႉ​လၢတ်ႈ​လႄႈ​ဝႃႈ၊ ၵဝ်​တၵ်း​ယႃႉ​ပႅတ်ႈ​ပိၵ်ႈ​မၢၼ်ႇ​ၸဝ်ႈ ဢၼ်​ဢဝ်​မိုဝ်း​ၵူၼ်း​ႁဵတ်း​ၼႆႉ​သေ​လႄႈ၊ ၼႂ်း​သၢမ်​ဝၼ်း တၵ်း​မႄး​ႁဵတ်း​ပိၵ်ႈ​မၢၼ်ႇ​ၸဝ်ႈ​လင်​ၼိုင်ႈ ဢၼ်​ဢမ်ႇ​ဢဝ်​မိုဝ်း​ၵူၼ်း​ႁဵတ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="59">ၼႂ်း​ဝႃႈ​ၼၼ်​သေ​ၵေႃႈ လွင်ႈ​ဢၼ်​ၶဝ်​ၶၢမ်ႇ​သၢၵ်ႈ​သေႇ​ၼၼ်ႉ ဢမ်ႇ​မႅၼ်ႈ​ၵၼ်။</verse>
				<verse number="60">ၶုၼ်​ယိတ်ႈပရေႃးႁဵၵ်ႈ​ၼၼ်ႉ၊ လုၵ်ႉ​ၸုၵ်း​ယူႇ​ၵႃႈ​ၼႂ်း​ၶိုင်ႈ​ၵၢင်​ၶဝ်​သေ​လႄႈ ထၢမ်​တီႈ​ ယေႇသူႉ ​လႄႈ​ဝႃႈ၊ မႂ်း​ဢမ်ႇ​ၶိုၼ်း​လၢတ်ႈ​ၵႃႈ​သင်​သေ​ဢိတ်း​ႁိုဝ်။ ၶဝ်​ၼႆႉ​ယူႇ​ၽၢႆႇ​ၼိုင်ႈ​တင်း​မႂ်း​သေ​လႄႈ ၶၢမ်ႇ​သၢၵ်ႈ​သေႇ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="61">မၼ်း​ၸဝ်ႈ​ယူႇ​တဵတ်ႇ​တဵတ်ႇ​ယူႇ​လႄႈ ဢမ်ႇ​ၶိုၼ်း​လၢတ်ႈ​ၵႂၢမ်း​သေ​ၶေႃႈ​သေ​ၵမ်း။ ၶုၼ်​ယိတ်ႈပရေႃးႁဵၵ်ႈ​ၵေႃႈ သမ်ႉ​ၶိုၼ်း​ထၢမ်​ထႅင်ႈ​လႄႈ​ဝႃႈ၊ မႂ်း​ပဵၼ်​ၸဝ်ႈ​ၶရိၸ်ႈ လုၵ်ႈ​ၽြႃး​ပဵၼ်​ၸဝ်ႈ​ဢၼ်​မီး​မင်ႇၵလႃႇ​ၼၼ်ႉ၊ ၸႂ်ႈ​ႁိုဝ်။ ဢမ်ႇ​ၸႂ်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="62">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ပဵၼ်​ဢေႃႈ။ မိူဝ်း​ၼႃႈ​ထႃႈ​လိုၼ်း​သူ​တၵ်း​လႆႈ​ႁၼ်​လုၵ်ႈ​ၵူၼ်း​ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​တၼ်း​ၶူဝ်း​ၸဝ်ႈ​သေ​လႄႈ မႃး​ၵႃႈ​ၼိူဝ်​မွၵ်ႇ​ၵုမ်ႈ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="63">မိူဝ်ႈ​ၼၼ်ႉ ၶုၼ်​ယိတ်ႈပရေႃးႁဵၵ်ႈ ၸၵ်ႉ​သိၵ်ႇ​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ​သေ​လႄႈ သမ်ႉ​ၶိုၼ်း​ထၢမ်​လႄႈ​ဝႃႈ၊ ႁဝ်း​တၵ်း​လူဝ်ႇ​သၢၵ်ႈ​သေႇ​ဢၼ်​လႂ်​ထႅင်ႈ​လူး​ၵွၼ်ႇ။-</verse>
				<verse number="64">သူ​လႆႈ​ငိၼ်း​ၵႂၢမ်း​ဢၼ်​လၢတ်ႈ​ပူၼ်ႉ​လၢတ်ႈ​လိူဝ် ၽြႃး​ပဵၼ်​ၸဝ်ႈ​ၼႆႉ​ယဝ်ႉ။ သူ​ထၢင်ႇ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​ထိူၵ်ႈ​ၶၢမ်ႇ​တၢင်း​တၢႆ​ယဝ်ႉ၊ ဝႃႈ​ၼႆ၊ ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၽွမ်ႉ​ၵၼ်​ၸီႇ​ယၢင်ႇ​ဢေႃႈ။-</verse>
				<verse number="65">မိူဝ်ႈ​ၼၼ်ႉ ၵမ်ႈ​ၽွင်ႈ​ထူမ်ႇ​ၼမ်ႉ​လၢႆး​သႂ်ႇ​တီႈ​မၼ်း​ၸဝ်ႈ​ဢေႃႈ။ ၶဝ်​ႁူမ်ႇ​သုမ်ႇ​ၼႃႈ​မၼ်း​ၸဝ်ႈ​ယဝ်ႉ​ၸင်ႇ၊ ဢဝ်​တႃ​မိုဝ်း​တမ်​သႂ်ႇ​မၼ်း​ၸဝ်ႈ​လႄႈ​လၢတ်ႈ​ဝႃႈ၊ ၶႅၼ်း​တေႃႈ​ႁဵတ်း​ပရေႃးၽႅတ်ႈ​သေ​လႄႈ ႁေႃး​လၢတ်ႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ လုၵ်ႈ​ဢွၼ်ႇ​ၶုၼ်​တင်း​လၢႆ​ၵေႃႈ ထုပ်ႉ​တဵင်ႉ​မၼ်း​ၸဝ်ႈ​သေ​လႄႈ ႁပ်ႉ​တုင်း​ဢဝ်​မၼ်း​ၸဝ်ႈ​ဢေႃႈ။</verse>
				<verse number="66">ၼႂ်း​မိူဝ်ႈ​ဢၼ်​ ပေႇတရူႉ ​မီး​ယူႇ​ၵႃႈ​တႂ်ႈ​ၼႂ်း​တလၢင်း ဢၼ်​မီး​ၵႄႈ​ႁိူၼ်း​ၼၼ်ႉ​ယူႇ​ၼၼ်ႉ​ၸိုင်၊ မႄႈ​ယိင်း​ဢၼ်​ပဵၼ်​ၵူၼ်း​ၸႂ်ႉ​ၵူၼ်း​သွႆ ၶုၼ်​ယိတ်ႈပရေႃးႁဵၵ်ႈ​ၵေႃႉ​ၼိုင်ႈ​မႃး​လႄႈ၊-</verse>
				<verse number="67">ႁၼ်​ ပေႇတရူႉ ဢွမ်ႇ​ၽႆး​ယူႇ​ၼၼ်ႉ​သေ​ယဝ်ႉ၊ ယႅၵ်ႉ​တူၺ်း​မၼ်း​ၸေး​ၸေး​ၸွတ်ႇ​ၸွတ်ႇ​သေ​လႄႈ​လၢတ်ႈ​ဝႃႈ၊ မႂ်း​ၼႆႉ​ၵေႃႈ​လႆႈ​ယူႇ​လူၺ်ႈ​ၵၼ်​တင်း ယေႇသူႉ ​ၵူၼ်း​ဝဵင်း​ ၼႃႇၸရႅတ်ႈ ​ၼၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="68">မၼ်း​ၵေႃႈ​ထဵင်​ပႅတ်ႈ​လႄႈ​ဝႃႈ၊ ၵဝ်​ဢမ်ႇ​ႁူႉ​ဢမ်ႇ​ၸႅင်ႈ လွင်ႈ​ဢၼ်​မႂ်း​လၢတ်ႈ​ၼႆႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ဢွၵ်ႇ​ၵႂႃႇ​ၵႃႈ​ၼွၵ်ႈ ၼႂ်း​တီႈ​ဢၼ်​မီး​ပႃႈ​ၼႃႈ​တလၢင်း ဢၼ်​မီး​ၵႄႈ​ႁိူၼ်း​ၼၼ်ႉ​လႄႈ​ၵႆႇ​ၶၼ်​ဢေႃႈ။</verse>
				<verse number="69">လိုၼ်း​ၼၼ်ႉ မႄႈ​ယိင်း​ၼၼ်ႉ ႁၼ်​မၼ်း​သေ​ယဝ်ႉ၊ သမ်ႉ​လၢတ်ႈ​တီႈ​ၶဝ်​ၸိူဝ်း​ဢၼ် ၸုၵ်း​ယူႇ​ၵႃႈ​တီႈ​ႁိမ်း​ၼၼ်ႉ​လႄႈ​ဝႃႈ၊ ၵေႃႉ​ၼႆႉ​ၶဝ်ႈ​ပႃး​ၼႂ်း​ၶဝ်​ၸိူဝ်း​ၼၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပေႇတရူႉ ​သမ်ႉ​ၶိုၼ်း​ထဵင်​ပႅတ်ႈ​ဢေႃႈ။</verse>
				<verse number="70">လိုၼ်း​ၼၼ်ႉ ဢမ်ႇ​ပေႃး​ႁိုင် ၶဝ်​ၸိူဝ်း​ဢၼ်​ၸုၵ်း​ယူႇ​ၵႃႈ​တီႈ​ႁိမ်း​ၼၼ်ႉ​ၵေႃႈ လၢတ်ႈ​တီႈ​ ပေႇတရူႉ ​လႄႈ​ဝႃႈ၊ ၸႂ်ႈ​တႄႉ၊ မႂ်း​ၼႆႉ ၶဝ်ႈ​ပႃး​ၼႂ်း​ၶဝ်​ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မႂ်း​ပဵၼ်​ၵူၼ်း​မိူင်း​ ၵႃႇလီႉလႄး ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="71">မၼ်း​ၵေႃႈ​တိူင်ႇ​လႄႈ​ၵိၼ်ႇ​လၢတ်ႈ​ဝႃႈ၊ ၵဝ်​ဢမ်ႇ​ႁူႉ​ၵေႃႉ​ဢၼ်​သူ​လၢတ်ႈ​ၼၼ်ႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="72">ၵႆႇ​သမ်ႉ​ၶၼ်​ထႅင်ႈ​ပွၵ်ႈ​ၼိုင်ႈ​ဢေႃႈ။ ပေႇတရူႉ ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႂၢမ်း​ဢၼ်​ ယေႇသူႉ လၢတ်ႈ​တီႈ​မၼ်း​လႄႈ​ဝႃႈ၊ ၸူဝ်ႈ​ဢၼ်​ၵႆႇ​ဢမ်ႇ​ပႆႇ​ၶၼ်​သွင်​ပွၵ်ႈ​ၼၼ်ႉ​ၸိုင် မႂ်း​တၵ်း​ထဵင်​ပႅတ်ႈ​ၵဝ် ထူၼ်ႈ​ထိုင်​သၢမ်​ပွၵ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊ မိူဝ်ႈ​ဢၼ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​မၼ်း​ယဝ်ႉ​ၼၼ်ႉ​ၸိုင် ႁွင်ႉ​ႁႆႈ​ဢေႃႈ။</verse>
			</chapter>
			<chapter number="15">
				<verse number="1">မိူဝ်ႈ​ၶိင်ႇ​ၵၢင်​ၼႂ်​ၼၼ်ႉ​ၵမ်း​လဵဝ်၊ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် တင်း​ၵူၼ်း​ထုတ်ႇ​ၵျၢမ်း တင်း​ၶုၼ်​တီႈ​လုမ်း​တင်း​လၢႆ​ၸိူဝ်း​ၼၼ်ႉ​တင်း​သဵင်ႈ​တင်း​လူင် ၸူႉ​တုမ်​တိူင်ႇ​ပၢင်ႇ​ၵၼ်​လႄႈ မတ်ႉ​ၽုၵ်ႇ​ ယေႇသူႉ ​ယဝ်ႉ​ၸင်ႇ၊ ဢဝ်​ၵႂႃႇ​ဢၢပ်ႈ​ပၼ်​တီႈ ၶုၼ်​ ပီႉလတ်ႉ ​ဢေႃႈ။-</verse>
				<verse number="2">ၶုၼ်​ ပီႉလတ်ႉ ​ထၢမ်​မၼ်း​ၸဝ်ႈ​လႄႈ​ဝႃႈ၊ မႂ်း​ၸႂ်ႈ​ၶုၼ်​ႁေႃ​ၶမ်း​ ယူႉတႃႉ ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မႅၼ်ႈ​ၵႃႈ​ၼင်ႇ​ဢၼ်​ၸဝ်ႈ​ထၢမ်​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ယိတ်ႈပရေႃးႁဵၵ်ႈ​လူင်​ၸိူဝ်း​ၼၼ်ႉ တၢင်ႇ​ဢပႅတ်ႈ​တီႈ​မၼ်း​ၸဝ်ႈ​ၼမ်​ၼႃႇ​ဢေႃႈ။</verse>
				<verse number="4">ၶုၼ်​ ပီႉလတ်ႉ ​သမ်ႉ​ၶိုၼ်း​ထၢမ်​တီႈ​မၼ်း​ၸဝ်ႈ​ထႅင်ႈ​လႄႈ​ဝႃႈ၊ မႂ်း​ဢမ်ႇ​ၶိုၼ်း​လၢတ်ႈ​ၵႂၢမ်း​သေ​ၶေႃႈ​သေ​ၵမ်း​ႁိုဝ်။ တူၺ်း​လူး၊ ၶဝ်​ယူႇ​ၽၢႆႇ​ၼိုင်ႈ​တင်း​မႂ်း​သေ​လႄႈ ၶၢမ်ႇ​သၢၵ်ႈ​သေႇ​ဢမ်ႇ​ႁူႉ​ၼမ်​လႂ်​ဢေႃႈ။ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="5">မၼ်း​ၸဝ်ႈ​ဢမ်ႇ​ၶိုၼ်း​လၢတ်ႈ​ၵႂၢမ်း​သေ​ၶေႃႈ​သေ​ၵမ်း တေႃႇ​ထိုင်​ႁွတ်ႈ​ထၼ်ႈ​ပေႃး ၶုၼ်​ ပီႉလတ်ႉ ​ဢၢမ်း​ၼႃႇ​လူင်​လၢင်​ဢေႃႈ။</verse>
				<verse number="6">ၼႂ်း​ပွႆး​ၼၼ်ႉ၊ ၶုၼ်​မီး​ထုင်း​ၸၢမ်ႇ​ဢၼ်​ပွႆႇ​လွတ်ႈ​ၵူၼ်း​ဢၼ်​တူၵ်း​ၵိၼ်း​ၵေႃႉ​ၼိုင်ႈ ပၼ်​တီႈ​ၵူၼ်း​တင်း​လၢႆ ၸွမ်း​ၼင်ႇ​ဢၼ်​ၶဝ်​ယွၼ်း​ဢဝ်​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ၼၼ်ႉ မီး​ၵူၼ်း​ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ ပႃႇရပ်ႉပႃႉ ဢၼ်​လႆႈ​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ ႁူမ်ႈ​လူၺ်ႈ​ၵၼ်​တင်း​ၵူၼ်း​ဢၼ်​ပုင်ႇ​ၵၢၼ်ႇ ​လႄႈ လႆႈ​ဢဝ်​ဢသၢၵ်ႈ​ပိူၼ်ႈ​တၢႆ ၼႂ်း​မိူဝ်ႈ​ဢၼ်​ၶဝ်​ပုင်ႇ​ၵၢၼ်ႇ​ၼၼ်ႉ ၵေႃႉ​ၼိုင်ႈ​ဢေႃႈ။-</verse>
				<verse number="8">မိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ ၶိုၼ်ႈ​ၸူး​လႄႈ တွင်း​ပၢၼ်ႇ​ႁႂ်ႈ​ႁဵတ်း​ၵႃႈ​ၼင်ႇ​ဢၼ် ယၢမ်ႈ​ႁဵတ်း​ၼၼ်ႉ​ယူႇ​ၼၼ်ႉ​ၸိုင်၊-</verse>
				<verse number="9">ၶုၼ်​ ပီႉလတ်ႉ ​ၵေႃႈ ၶိုၼ်း​ထၢမ်​လႄႈ​ဝႃႈ၊ သူ​ၶႂ်ႈ​ႁႂ်ႈ​ၵဝ်​ပွႆႇ​လွတ်ႈ​ၶုၼ်​ႁေႃ​ၶမ်း​ ယူႉတႃႉ ​ၼၼ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ႁဵတ်း​ႁိုဝ်​လႄႈ​ထၢမ်​ဝႃႈ ၸိူဝ်ႉ​ၼင်ႇ​ၼၼ်​ၸမ်ႉ၊ ၶုၼ်​ၼၼ်ႉ ႁူႉ​လွင်ႈ​ဢၼ် ယိတ်ႈပရေႃးႁဵၵ်ႈ​လူင်​ၸိူဝ်း​ၼၼ်ႉ ဢဝ်​မၼ်း​ၸဝ်ႈ​ဢၢပ်ႈ ၵွပ်ႈ​ပိူဝ်ႈ​ဢၼ်​ၶဝ်​မီး​ၸႂ်​ဢၼ်​သီႈ​ၵေႉ​ႁေႈ​တႃ​မၼ်း​ၸဝ်ႈ​ၼၼ်ႉ​ယူႇ​ဢေႃႈ။-</verse>
				<verse number="11">ယိတ်ႈပရေႃးႁဵၵ်ႈ​လူင်​ၸိူဝ်း​ၼၼ်ႉ တိုၵ်း​ယူင်း​ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ ႁႂ်ႈ​ၶုၼ်​ပွႆႇ​လွတ်ႈ ပႃႇရပ်ႉပႃႉ ​ၵူၺ်း ပၼ်​တီႈ​ၶဝ်​ဢေႃႈ။-</verse>
				<verse number="12">ၶုၼ်​ ပီႉလတ်ႉ ​ၵေႃႈ သမ်ႉ​ၶိုၼ်း​ထၢမ်​ထႅင်ႈ​လႄႈ​ဝႃႈ၊ ၵဝ်​တၵ်း​လႆႈ​ႁဵတ်း​တီႈ​ၵေႃႉ​ဢၼ်​သူ​ႁွင်ႉ​ႁဵၵ်ႈ ၶုၼ်​ႁေႃ​ၶမ်း​ ယူႉတႃႉ ​ၼႆႉ ၸိူဝ်ႉ​ၼင်ႇ​ႁိုဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">ၶဝ်​ၵေႃႈ​ၶိုၼ်း​ႁွင်ႉ​သႅၼ်ႇ​ထႅင်ႈ​လႄႈ​ဝႃႈ၊ ဢဝ်​မၼ်း​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၶုၼ်​ ပီႉလတ်ႉ ​ၵေႃႈ​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်။ မၼ်း​ႁဵတ်း​ဢပႅတ်ႈ​ၵႃႈ​သင်​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ယဵင်ႈ​ၶႅၼ်း​ႁွင်ႉ​သႅၼ်ႇ​လႄႈ​ဝႃႈ၊ ဢဝ်​မၼ်း​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၶုၼ်​ ပီႉလတ်ႉ ​ၵေႃႈ မီး​ဢလူဝ်ႇ​ၶႂ်ႈ​ႁႂ်ႈ​ၵူၼ်း​တင်း​လၢႆ​ပေႇ​ၸႂ်​လႄႈ ပွႆႇ​လွတ်ႈ ပႃႇရပ်ႉပႃႉ ​ၼၼ်ႉ ပၼ်​တီႈ​ၶဝ်​ဢေႃႈ။ ယေႇသူႉ ​ၸမ်ႉ၊ ပေႃႉ​ယႅၼ်ႉ​ယဝ်ႉ​ၸင်ႇ၊ ဢဝ်​ဢၢပ်ႈ​ပၼ်​ၵႂႃႇ ႁႂ်ႈ​လႆႈ​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ဢေႃႈ။</verse>
				<verse number="16">မိူဝ်ႈ​ၼၼ်ႉ ၵူၼ်း​သိုၵ်း​တင်း​လၢႆ ဢဝ်​မၼ်း​ၸဝ်ႈ​ၵႂႃႇ ၵႃႈ​ၼႂ်း​တလၢင်း​ဢၼ် မီး​ၵႄႈ​ႁိူၼ်း ဢၼ်​ပဵၼ်​တပ်ႉ​ၶုၼ်​ၼၼ်ႉ​လႄႈ ႁႂ်ႈ​ၵူၼ်း​သိုၵ်း​တင်း​တပ်ႉ ၸူႉ​ၵၼ်​တုမ်​ၵၼ်​ယဝ်ႉ​ၸင်ႇ၊-</verse>
				<verse number="17">ဢဝ်​ၶူဝ်း​ၼုင်ႈ​ဢၼ်​လႅင်​ၵမ်ႇ ၼုင်ႈ​ပၼ်​မၼ်း​ၸဝ်ႈ​ဢေႃႈ။ ၶဝ်​ဢဝ်​ၼၢမ် သၢၼ်​ႁဵတ်း​ပၢၼ်း​ၵုမ်း​သေ​ယဝ်ႉ၊ တၢင်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​ၸဝ်ႈ​သေ​လႄႈ​-</verse>
				<verse number="18">တၵ်ႉ​လၢတ်ႈ​လႄႈ​ဝႃႈ၊ ၶုၼ်​ႁေႃ​ၶမ်း​ ယူႉတႃႉ ​တီႈ​ၶႃႈ​ဢိူၺ်း၊ ႁႂ်ႈ​ၸဝ်ႈ​ႁဝ်း​မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၶဝ်​ဢဝ်​မႆႉ​ဢေႃႈ ပေႃႉ​ယႅၼ်ႉ​ႁူဝ်​မၼ်း​ၸဝ်ႈ​လႄႈ ထူမ်ႇ​ၼမ်ႉ​လၢႆး​သႂ်ႇ​တီႈ​မၼ်း​ၸဝ်ႈ​ယဝ်ႉ​ၸင်ႇ၊ ၶုပ်ႉ​ၶဝ်ႇ​သေ​လႄႈ ၵူမ်ႈ​မူပ်ႇ​ယူႇ​ဢေႃႈ။-</verse>
				<verse number="20">လိုၼ်း​သေ​ၶဝ်​ႁဵတ်း​ပျၢၵ်ႈ​တီႈ​မၼ်း​ၸဝ်ႈ​ယဝ်ႉ​ၼၼ်ႉ၊ ၶဝ်​ထွတ်ႇ​ဢဝ်​ၶူဝ်း​ၼုင်ႈ​ဢၼ်​လႅင်​ၵမ်ႇ တီႈ​မၼ်း​ၸဝ်ႈ​ၼၼ်ႉ​သေ​လႄႈ သမ်ႉ​ၶိုၼ်း​ဢဝ်​ၶူဝ်း​ၼုင်ႈ​မၼ်း​ၸဝ်ႈ ၼုင်ႈ​ပၼ်​ယဝ်ႉ​ၸင်ႇ၊ ဢဝ်​ဢွၵ်ႇ​ၵႂႃႇ ႁႂ်ႈ​လႆႈ​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ဢေႃႈ။</verse>
				<verse number="21">ၶဝ်​ၼၼ်ႉ ႁဵတ်း​ပႄႉ​ႁဵတ်း​ၼႅင်ႇ​ႁႂ်ႈ သီႉမုၼ်ႇ ​ၵူၼ်း​မိူင်း ၵူႉရေႇၼေႇ ဢၼ်​ပဵၼ်​ပေႃႈ​ ဢႃႇလေႇၸၼ်ႇတြႃႇ တင်း​ ရူႉၽူႉ ဢၼ်​လုၵ်ႉ​သေ​ၵႃႈ​တီႈ​ဝၢၼ်ႈ​ထိူၼ်ႇ​လႄႈ ပႆ​ၸွမ်း​တၢင်း​မႃး​ယူႇ​ၼၼ်ႉ ႁၢပ်ႇ​ဢဝ်​သဝ်​လၵ်း​ဝႃး​ၵၢပ်ႈ​မၼ်း​ၸဝ်ႈ​ၵႂႃႇ​ဢေႃႈ။-</verse>
				<verse number="22">ၶဝ်​ဢဝ်​မၼ်း​ၸဝ်ႈ​ၵႂႃႇ​ၵႃႈ​တီႈ ၵေႃးလႃႉၵေႃးထႃႉ ဢၼ်​ၶႂ်ႈ​ဝႃႈ တီႈ​ၵွၵ်း​ႁူဝ်​ၼၼ်ႉ​ယဝ်ႉ​ၸင်ႇ၊-</verse>
				<verse number="23">ဢဝ်​ၼမ်ႉ​ပုင်းယေႇ ဢၼ်​လေႃး​ၵၼ်​တင်း မူႉရၼ်ႇ ​ၼၼ်ႉ ပၼ်​တီႈ​မၼ်း​ၸဝ်ႈ​ဢေႃႈ။ မၼ်း​ၸဝ်ႈ​ဢမ်ႇ​ၶၢမ်ႇ​ဢဝ်​လႄႈ​ယူႇ​သေ​ဢေႃႈ။-</verse>
				<verse number="24">ၶဝ်​ဢဝ်​မၼ်း​ၸဝ်ႈ​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ယဝ်ႉ​ၸင်ႇ၊ ဢဝ်​ၶူဝ်း​ၼုင်ႈ​မၼ်း​ၸဝ်ႈ တူၵ်း​ၸႃႇ​ၵွၵ်ႈ လွင်ႈ​ဢၼ် ၽူႈ​လႂ်​တၵ်း​လႆႈ​ဢၼ်​လႂ် ၼၼ်ႉ​သေ​လႄႈ ၽႄ​မႅင်ႇ​ပၼ်​ၵၼ်​ဢေႃႈ။-</verse>
				<verse number="25">ၶိင်ႇ​ဢၼ်​ဢဝ်​မၼ်း​ၸဝ်ႈ​တွၵ်ႇ​ဝႆႉ ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​ၸမ်ႉ၊ ပဵၼ်​ၶိင်ႇ​သၢမ်​ၼႃႇရီႇ​ဢေႃႈ။-</verse>
				<verse number="26">လိၵ်ႈ​ဢၼ်​တႅမ်ႈ​လႄႈ ၽုၺ်ႇ​ၼႄ​ဢပႅတ်ႈ​မၼ်း​ၸဝ်ႈ​ၼၼ်ႉ​ဝႃႈ​ၸမ်ႉ၊ ၶုၼ်​ႁေႃ​ၶမ်း​ ယူႉတႃႉ ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မိူဝ်ႈ​ၼၼ်ႉ ၶဝ်​ဢဝ်​ၸူၼ်​သွင်​ၵေႃႉ တွၵ်ႇ​ဝႆႉ​ၵႃႈ​တီႈ​ၽၢႆႇ​ၶႂႃ​ၸဝ်ႈ​ၵေႃႉ​ၼိုင်ႈ ၵႃႈ​တီႈ​ၽၢႆႇ​သၢႆႉ​ၸဝ်ႈ​ၵေႃႉ​ၼိုင်ႈ ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​လူၺ်ႈ​ၵၼ်​တင်း​မၼ်း​ၸဝ်ႈ​ဢေႃႈ။-</verse>
				<verse number="28">ဢၼ်​မီး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ မၼ်း​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ပႃး​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ဢမ်ႇ​တြႃး​တင်း​လၢႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ လႆႈ​ပျေႉ​ၸုမ်ႇ​ဝႆႉ​ယဝ်ႉ​မိူဝ်ႈ​ၼၼ်ႉ​ဢေႃႈ။</verse>
				<verse number="29">ၶဝ်​ၸိူဝ်း​ဢၼ်​ၵႂႃႇ​ဢၼ်​မႃး ၵႃႈ​တီႈ​ႁိမ်း​မၼ်း​ၸဝ်ႈ​တင်း​လၢႆ​ၵေႃႈ သႄႉ​သွမ်း​တၢင်ႇ​ဢပႅတ်ႈ​တီႈ​မၼ်း​ၸဝ်ႈ​လႄႈ ဝႆ​ႁူဝ်​ၶွၼ်း​ႁူဝ်​တူဝ်​ၸဝ်ႈ​ၵဝ်ႇ​ယူႇ​သေ​လႄႈ လၢတ်ႈ​လႄႈ​ဝႃႈ၊ ႁႄႉ၊ ၵေႃႉ​ဢၼ်​ယႃႉ​ပႅတ်ႈ​ပိၵ်ႈ​မၢၼ်ႇ​ၸဝ်ႈ​သေ​လႄႈ ၼႂ်း​သၢမ်​ဝၼ်း​ၵူၺ်း တၵ်း​ၶိုၼ်း​မႄး​ႁဵတ်း​ၼႆႉ​ဢိူၺ်း၊-</verse>
				<verse number="30">တူဝ်​ၸဝ်ႈ​ၵဝ်ႇ ၵႄႇ​ၶျွတ်ႈ​ဢဝ် တူဝ်​ၸဝ်ႈ​ၵဝ်ႇ​တႃႉ။ လူင်း​သေ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">မိူၼ်​ၼင်ႇ​ၼၼ် ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ​ၵေႃႈ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ႁဵတ်း​ပျၢၵ်ႈ​ၶူဝ်​တေႃႇ​ၵၼ်​လႄႈ​ဝႃႈ၊ ၵေႃႉ​ၼႆႉ​ၸၢင်ႈ​ၵႄႇ​ၶျွတ်ႈ​ဢဝ်​ပိူၼ်ႈ​ဢေႃႈ။ တူဝ်​ၸဝ်ႈ​ၵဝ်ႇ​ဢမ်ႇ​ၵႄႇ​ၶျွတ်ႈ​ဢဝ် တူဝ်​ၸဝ်ႈ​ၵဝ်ႇ​လႆႈ​လူင်​ပႄႇ။-</verse>
				<verse number="32">ၼင်ႇ​ႁိုဝ်​ႁဝ်း​တၵ်း​လႆႈ​ႁၼ်​လႄႈ​ယုမ်ႇ​မၢတ်ႈ​ၸိုင်၊ တေႃႈ​လဵဝ်​ၼႆႉ ႁႂ်ႈ​ၸဝ်ႈ​ၶရိၸ်ႈ ၶုၼ်​ႁေႃ​ၶမ်း​ ဢီႉသရေႇလႃႉ လူင်း​သေ​ၵႃႈ​တီႈ သဝ်​လၵ်း​ဝႃး​ၵၢပ်ႈ​ၼၼ်ႉ​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​တွၵ်ႇ​ဝႆႉ ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​ၵေႃႈ သႄႉ​သွမ်း​တၢင်ႇ​ဢပႅတ်ႈ​တီႈ​မၼ်း​ၸဝ်ႈ​ဢေႃႈ။</verse>
				<verse number="33">မိူဝ်ႈ​ဢၼ်​ႁွတ်ႈ​ထိုင်​ႁူၵ်း​ၼႃႇရီႇ​ၸိုင် ၸႃႉ​ၸဵမ်​ၼႃႇရီႇ​ၼၼ်ႉ တေႃႇ​ထိုင်​ႁွတ်ႈ​ၵဝ်ႈ​ၼႃႇရီႇ​လႄႈ ပဵၼ်​ဢၼ်​လပ်း​သိင်ႇ​ၵႂႃႇ​ၽိတ်း​ၽိတ်း တင်း​မိူင်း​ဢေႃႈ။-</verse>
				<verse number="34">ၶိင်ႇ​ၵဝ်ႈ​ၼႃႇရီႇ​ၼၼ်ႉ၊ ယေႇသူႉ ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​လႄႈ​ဝႃႈ၊ ဢေးလီႉ၊ ဢေးလီႉ၊ လႃႇမႃႉ၊ သႃႇပၵ်ႉသၼီႉ ဝႃႈ​ၼင်ႇ​ၼႆ​ဢေႃႈ။ ဢၼ်​မၼ်း​ၸဝ်ႈ​ဝႃႈ​ၼၼ်ႉ​ၸမ်ႉ၊ ၽြႃး​ၵဝ်​ၶႃႈ၊ ၽြႃး​ၵဝ်​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ၸုၼ်ႉ​ပႅတ်ႈ​ၵဝ်​ၶႃႈ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ၵူၼ်း​ၵမ်ႈ​ၽွင်ႈ ဢၼ်​ၸုၵ်း​ယူႇ​ၵႃႈ​တီႈ​ႁိမ်း​ၼၼ်ႉ​ၸိူဝ်း​ၼၼ်ႉ ငိၼ်း​သေ​ယဝ်ႉ လၢတ်ႈ​လႄႈ​ဝႃႈ၊ တူၺ်း​လူး၊ မၼ်း​ႁွင်ႉ​ႁႃ​ ဢေးလီႉယႃႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="36">ၵူၼ်း​ၵေႃႉ​ၼိုင်ႈ​ၶုၼ်ႇ​လႅၼ်ႈ​ၵႂႃႇ​လႄႈ ဢဝ်​ႁိပ်ႇ​ၼမ်ႉ​ဢၼ်​ၼိုင်ႈ​တဵမ်​တင်း​ၼမ်ႉ​ပုင်းယေႇ​ယဝ်ႉ​ၸင်ႇ၊ သႂ်ႇ​ပၢႆ​မႆႉ​ဢေႃႈ​သေ​လႄႈ ပၼ်​ႁႂ်ႈ​မၼ်း​ၸဝ်ႈ​ၵိၼ်​လႄႈ​ဝႃႈ၊ ယႃႇ​မၼ်း​တႃႉ။ ဢေးလီႉယႃႉ တၵ်း​မႃး​ၶျႃး​မၼ်း​လူင်း​ႁိုဝ်။ တၵ်း​ဢမ်ႇ​မႃး ၶျႃး​မၼ်း​လူင်း​ႁိုဝ်။ တူၺ်း​လူး​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ယေႇသူႉ ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​လႄႈ ထွတ်ႇ​ၸႂ်​မၼ်း​ၸဝ်ႈ​သေ​ဢေႃႈ။</verse>
				<verse number="38">မိူဝ်ႈ​ၼၼ်ႉ ၽႃႈ​ၵင်ႈ​ႁိူၼ်း​ပိၵ်ႈ​မၢၼ်ႇ​ၸဝ်ႈ သိၵ်ႇ​ၶၢတ်ႇ​ၵႂႃႇ​ၸႃႉ​ၸဵမ် ၵႃႈ​ၼိူဝ်​တေႃႇ​ထိုင်​ႁွတ်ႈ​ၵႃႈ​တႂ်ႈ​ဢေႃႈ။-</verse>
				<verse number="39">တပ်ႉ​မူး​ဢၼ်​ၸုၵ်း​တေႃႇ​ၼႃႈ​ၵၼ်​တင်း​မၼ်း​ၸဝ်ႈ​ၼၼ်ႉ၊ မိူဝ်ႈ​ဢၼ်​ႁၼ်​မၼ်း​ၸဝ်ႈ​ႁွင်ႉ​သႅၼ်ႇ​သေ​လႄႈ ထွတ်ႇ​ၸႂ်​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ လၢတ်ႈ​လႄႈ​ဝႃႈ၊ ၸႂ်ႈ​တႄႉ၊ ၵေႃႉ​ၼႆႉ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​တႄႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="40">မႄႈ​ယိင်း​တင်း​လၢႆ​ၵေႃႈ ယူႇ​တီႈ​ဢၼ်​ၵႆ​သေ​လႄႈ လွမ်​တူၺ်း​ယူႇ​ဢေႃႈ။ ၼႂ်း​မႄႈ​ယိင်း​ၸိူဝ်း​ၼၼ်ႉ ပႃး​ၸႃႉ​ၸဵမ် မႃႇရီႉ​မႃႇၵတလႃႉ၊ မႃႇရီႉ ဢၼ်​ပဵၼ်​မႄႈ​ယႃႇၵုပ်ႈ​တင်း​ယူဝ်းသေႇ၊ သႃႇလုမ်ႇ ဢၼ်​ၸွမ်း​ပႃႈ​လင်​မၼ်း​ၸဝ်ႈ​သေ​လႄႈ ႁဵတ်း​လဵင်ႉ​ႁဵတ်း​လူ ၼႂ်း​မိူဝ်ႈ​ဢၼ် မၼ်း​ၸဝ်ႈ​မီး​ယူႇ​ၼႂ်း​မိူင်း​ၵႃႇလီႉလႄး​ၼၼ်ႉ ဢိၵ်ႇ​တင်း​မႄႈ​ယိင်း​တၢင်ႇ​ၵေႃႉ​ၼမ်​ၼႃႇ ဢၼ်​လုၵ်ႉ​သေ​ၵႃႈ​တီႈ​ဝဵင်း​ယေႇရူႉသလႅမ်ႇ ၸွမ်း​ပႃႈ​လင်​မၼ်း​ၸဝ်ႈ​ယူႇ​ၸိူဝ်း​ၼၼ်ႉ​ဢေႃႈ။</verse>
				<verse number="41"></verse>
				<verse number="42">ပိူဝ်ႈ​ဢၼ်​ဝၼ်း​ၼၼ်ႉ ပဵၼ်​ဝၼ်း​ဢၼ်​မႄး​ႁႅၼ်း​ဝႆႉ ဢၼ်​ဝႃႈ​ဝၼ်း​ၽိတ်ႈ​လႄႈ ႁွတ်ႈ​ထိုင်​ၶိင်ႇ​ၵၢင်​ၶမ်ႈ​ယဝ်ႉ​ၸင်ႇ၊-</verse>
				<verse number="43">ယူဝ်းသႅပ်ႈ ​ၵူၼ်း​ဝဵင်း ဢရီႉမသႄး ဢၼ်​ပဵၼ်​ၶုၼ်​တီႈ​လုမ်း​လူင် ဢၼ်​မီး​သရေႇ၊ ဢၼ်​ပဵၼ်​ၵေႃႉ​ဢၼ်​မုင်ႈ​ထႃႈ​မွင်း​ထႃႈ မိူင်း​ၽြႃး​ပဵၼ်​ၸဝ်ႈ​ယူႇ​ၼၼ်ႉ ၶဝ်ႈ​ၸူး​တီႈ​ၶုၼ်​ ပီႉလတ်ႉ ႁတ်း​ႁတ်း​ႁၢၼ်​ႁၢၼ်​သေ​လႄႈ ယွၼ်း​ဢဝ်​တူဝ်​တၢႆ​ ယေႇသူႉ ​ဢေႃႈ။-</verse>
				<verse number="44">မၼ်း​ၸဝ်ႈ​ၸင်ႇ​တၢႆ​ယဝ်ႉ​တေႃႈ​လဵဝ်​ၼႆႉ​ဝႃႈ​ၼႆ၊ ၶုၼ်​ ပီႉလတ်ႉ ​မီး​တၢင်း​ဢၼ် ဢၢမ်း​ၼႃႇ​လူင်​လၢင်​သေ​ယဝ်ႉ၊ ႁွင်ႉ​တပ်ႉ​မူး​ၼၼ်ႉ​မႃး​လႄႈ​ထၢမ်​ဝႃႈ၊ ဢၼ်​မၼ်း​တၢႆ​ၼၼ်ႉ​ၸမ်ႉ၊ ႁိုင်​ယဝ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="45">မိူဝ်ႈ​ဢၼ်​ႁူႉ​လွင်ႈ​ဢၼ်​တၢႆ​ယဝ်ႉ​ၼၼ်ႉ ၵႃႈ​တီႈ​ၵႂၢမ်း​တပ်ႉ​မူး​ၼၼ်ႉ​ၸိုင်၊ ဢၢပ်ႈ​တူဝ်​တၢႆ​မၼ်း​ၸဝ်ႈ ပၼ်​တီႈ​ ယူဝ်းသႅပ်ႈ ​ဢေႃႈ။-</verse>
				<verse number="46">မၼ်း​ၼၼ်ႉ သိုဝ်ႉ​ပိၵ်ႈ​ၶျေႃး​မႃး​လႄႈ ၶျႃး​မၼ်း​ၸဝ်ႈ​လူင်း​ယဝ်ႉ​ၸင်ႇ၊ ဢဝ်​တင်း​ပိၵ်ႈ​ၶျေႃး​ၶဵၼ်း​ႁေႃႇ​သေ​လႄႈ သႂၢင်း​သႂ်ႇ​ဝႆႉ​ၵႃႈ​ၼႂ်း​ၶုမ်​သၢင်း​ၶႅင်း ဢၼ်​ၶုတ်း​မူင်ႇ​ဝႆႉ​ၵႃႈ​ၼႂ်း​မၢၵ်ႇ​ႁိၼ်​ၼၼ်ႉ​ဢေႃႈ။ မၢၵ်ႇ​ႁိၼ်​ၵေႃႈ မၼ်း​ၵိင်ႈ​သႂ်ႇ​ဝႆႉ ၵႃႈ​ၼိူဝ်​ႁူး​ၶုမ်​သၢင်း​ၶႅင်း​ဢေႃႈ။-</verse>
				<verse number="47">မႃႇရီႉ​မႃႇၵတလႃႉ ​တင်း မႃႇရီႉ ​ဢၼ်​ပဵၼ် မႄႈ​ ယူဝ်းသေႇ ​ၼၼ်ႉ တူၺ်း​ႁၼ် တီႈ​ဢၼ်​ဢဝ်​တူဝ်​တၢႆ​မၼ်း​ၸဝ်ႈ​ဝႆႉ ၼၼ်ႉ​ဢေႃႈ။</verse>
			</chapter>
			<chapter number="16">
				<verse number="1">မိူဝ်ႈ​ဢၼ် ပူၼ်ႉ​ဝၼ်း​ၵမ်​သိၼ်​ယဝ်ႉ​ၸိုင်၊ မႃႇရီႉ​မႃႇၵတလႃႉ၊ မႃႇရီႉ ​ဢၼ်​ပဵၼ်​မႄႈ​ ယႃႇၵုပ်ႈ ဢိၵ်ႇ​တင်း​ သႃႇလုမ်ႇ ​ၸိူဝ်း​ၼၼ်ႉ သိုဝ်ႉ​ဢဝ်​မဵဝ်း​ၼၢမ်ႇ​သႃႇ ႁႂ်ႈ​လႆႈ​တႃး​တူဝ်​တၢႆ​မၼ်း​ၸဝ်ႈ​ၼၼ်ႉ​ယဝ်ႉ​ၸင်ႇ၊-</verse>
				<verse number="2">ဝၼ်း​ဢၼ်​ပဵၼ်​ဝၼ်း​ပထမႃႉ​ၼႂ်း​ၸဵတ်း​ဝၼ်း၊ ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ၊ ၶိင်ႇ​ဢၼ်​ၵၢင်​ဝၼ်း​ဢွၵ်ႇ​ၼၼ်ႉ ၵႂႃႇ​ၸူး​ၵႃႈ​တီႈ​သၢင်း​ၶႅင်း​မၼ်း​ၸဝ်ႈ​ဢေႃႈ။-</verse>
				<verse number="3">ၶဝ်​ၼၼ်ႉ ၼင်ႇ​ၵၼ်​ၵၼ် လၢတ်ႈ​ၵၼ်​လႄႈ​ဝႃႈ၊ ၽူႈ​လႂ်​တၵ်း​ၵိင်ႈ​မၢၵ်ႇ​ႁိၼ်​ၼၼ်ႉ​ဢွၵ်ႇ​သေ​ၵႃႈ​တီႈ​ႁူး​ၶုမ်​သၢင်း​ၶႅင်း​ၼၼ်ႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="4">မိူဝ်ႈ​ဢၼ်​လူ​တူၺ်း​ၸိုင်၊ လႆႈ​ႁၼ်​မၢၵ်ႇ​ႁိၼ်​ၼၼ်ႉ ၵိင်ႈ​ဢွၵ်ႇ​သေ​လႄႈ မီး​ဝႆႉ​ယူႇ​ဢေႃႈ။ မၢၵ်ႇ​ႁိၼ်​ၼၼ်ႉ​ၸမ်ႉ၊ ပဵၼ်​မၢၵ်ႇ​ႁိၼ် ဢၼ်​ယႂ်ႇ​ၼႃႇ​ဢေႃႈ။-</verse>
				<verse number="5">ၶဝ်​ၼၼ်ႉ ၶဝ်ႈ​ၵႂႃႇ​ၵႃႈ​ၼႂ်း​ၶုမ်​သၢင်း​ၶႅင်း​ၼၼ်ႉ​သေ​ယဝ်ႉ၊ ထူပ်း​ႁၼ်​ၵူၼ်း​ၼုမ်ႇ ဢၼ်​ၼုင်ႈ​သိူဝ်ႈ​ယၢဝ်း ဢၼ်​ၽိူၵ်ႇ​ဢၼ်​ၶၢဝ်​ၵေႃႉ​ၼိုင်ႈ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၼၼ်ႉ​လႄႈ ၶဝ်​တူၵ်း​ၸႂ်​ဢေႃႈ။-</verse>
				<verse number="6">ၵေႃႉ​ၼၼ်ႉ​ၵေႃႈ လၢတ်ႈ​လႄႈ​ဝႃႈ၊ ယႃႇ​ပေ​တူၵ်း​ၸႂ်၊ သူ​ႁႃ​ ယေႇသူႉ ၵူၼ်း​ဝဵင်း​ ၼႃႇၸရႅတ်ႈ ဢၼ်​လႆႈ​ၶၢမ်ႇ​တၢင်း​ဢၼ်​တွၵ်ႇ​ဝႆႉ ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​ဢေႃႈ။ မၼ်း​ၸဝ်ႈ​ၶိုၼ်း​လုၵ်ႉ​ယဝ်ႉ။ ဢမ်ႇ​မီး​ၵႃႈ​တီႈ​ၼႆႈ။ တူၺ်း​တီႈ​ဢၼ်​ဝႆႉ​တူဝ်​တၢႆ​မၼ်း​ၸဝ်ႈ​ၼႆႉ​တႃႉ။-</verse>
				<verse number="7">ၵႂႃႇ​လႄႈ​မွၵ်ႇ​လၢတ်ႈ​တီႈ​ ပေႇတရူႉ ဢိၵ်ႇ​တင်း တပႄး​ၸဝ်ႈ​တင်း​လၢႆ​လႄႈ​ဝႃႈ၊ မၼ်း​ၸဝ်ႈ​ၵႂႃႇ​ၵႃႈ​တီႈ မိူင်း​ ၵႃႇလီႉလႄး ​ပုၼ်ႉ ဢွၼ်​တၢင်း​သူ​ယူႇ​ဢေႃႈ၊ ဝႃႈ​ၼင်ႇ​ၼႆ​တႃႉ။ သူ​တၵ်း​ထူပ်း​ႁၼ်​မၼ်း​ၸဝ်ႈ ၵႃႈ​တီႈ​မိူင်း​ပုၼ်ႉ ၵႃႈ​ၼင်ႇ​ဢၼ်​မၼ်း​ၸဝ်ႈ​လၢတ်ႈ​ဝႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၶဝ်​ၼၼ်ႉ​ၵေႃႈ ဢွၵ်ႇ​သေ​ၵႃႈ​ၼႂ်း​ၶုမ်​သၢင်း​ၶႅင်း​ၸဝ်ႈ​ၼၼ်ႉ​လႄႈ သၼ်ႇ​ဝႆ​ယူႇ၊ ၵႂင်​ၸႂ်​ယုင်ႈ​ၸႂ်​ယူႇ​သေ​လႄႈ လႅၼ်ႈ​ပၢႆႈ​ၵႂႃႇ​ဢေႃႈ။ ပိူဝ်ႈ​ဢၼ် ၶဝ်​ၵူဝ်​ႁႄ​ၼႃႇ​လူင်​လၢင်​လႄႈ ၶဝ်​ဢမ်ႇ​လၢတ်ႈ​ၵႃႈ​သင်​တီႈ​ၽူႈ​လႂ်​သေ​ၵေႃႉ​သေ​ၵူၼ်း။</verse>
				<verse number="9">မၼ်း​ၸဝ်ႈ​ၼၼ်ႉ၊ ဝၼ်း​ဢၼ်​ပဵၼ်​ဝၼ်း​ပထမႃႉ ၼႂ်း​ၸဵတ်း​ဝၼ်း ၶိင်ႇ​မိူဝ်ႈ ၸဝ်ႉ​ၸဝ်ႉ​ၼၼ်ႉ လုၵ်ႉ​ၶိုၼ်း​ယဝ်ႉ​ၸင်ႇ၊ ၼႄ​ပျႃး​တူဝ်​မၼ်း​ၸဝ်ႈ တီႈ​ မႃႇရီႉ​မႃႇၵတလႃႉ ဢၼ်​မၼ်း​ၸဝ်ႈ ႁေႃႈ​ၽီ​ႁၢႆႉ ၸဵတ်း​ၵေႃႉ​ဢွၵ်ႇ​ပႅတ်ႈ​မိူဝ်ႈ​ၼၼ်​ၼၼ်ႉ​ဢွၼ်​တၢင်း​ဢေႃႈ။-</verse>
				<verse number="10">မၼ်း​ၼၼ်ႉ​ၵေႃႈ ၵႂႃႇ​လႄႈ​မွၵ်ႇ​လၢတ်ႈ​တီႈ​ၶဝ်​ၸိူဝ်း​ဢၼ် လႆႈ​ႁဵတ်း​ၵေႃႉ​ႁူမ်ႈ​လူၺ်ႈ​ၵၼ်​တင်း​မၼ်း​ၸဝ်ႈ ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​မႆႈ​ၸႂ်​ၶီ​ၸႂ် ႁႆႈ​ႁွင်ႉ​ယူႇ​ၼၼ်ႉ​ဢေႃႈ။-</verse>
				<verse number="11">မိူဝ်ႈ​ဢၼ်​ၶဝ်​ငိၼ်း​လွင်ႈ​ဢၼ် မၼ်း​ၸဝ်ႈ​ဢသၢၵ်ႈ​လိပ်း​ယူႇ ဢိၵ်ႇ​တင်း​လွင်ႈ​ဢၼ်​မၼ်း​ၼၼ်ႉ လႆႈ​ႁၼ်​မၼ်း​ၸဝ်ႈ​ယဝ်ႉ​ၼၼ်ႉ​ၸိုင်၊ ၶဝ်​ဢမ်ႇ​ယုမ်ႇ။</verse>
				<verse number="12">လိုၼ်း​သေ​ၼၼ်ႉ ၼႂ်း​မိူဝ်ႈ​ဢၼ် တပႄး​ၸဝ်ႈ​သွင်​ၵေႃႉ ၵႂႃႇ​ၵႃႈ​တီႈ​ဝၢၼ်ႈ​ၼွၵ်ႈ​ၼႃး​ပၢင်ႇ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ႁဵတ်း​ႁၢင်ႈ​ၽၢင်​ဢၼ်​ပႅၵ်ႇ​ပိူင်ႈ​သေ​လႄႈ ၼႄ​ပျႃး​တူဝ်​မၼ်း​ၸဝ်ႈ​တီႈ​ၶဝ်​ၼၼ်ႉ​ဢေႃႈ။-</verse>
				<verse number="13">ၶဝ်​ၼၼ်ႉ ၶိုၼ်း​မႃး​လႄႈ မွၵ်ႇ​လၢတ်ႈ​လွင်ႈ​တၢင်း​ၼၼ်ႉ တီႈ​ၶဝ်​ၸိူဝ်း​ဢၼ် ၵိုတ်း​ယူႇ​တင်း​လၢႆ​ၼၼ်ႉ​ဢေႃႈ။ ၶဝ်​ၼၼ်ႉ​ၵေႃႈ ဢမ်ႇ​ယုမ်ႇ​ၶဝ်​ၼၼ်ႉ​လႄႈ ယူႇ​ဢေႃႈ။</verse>
				<verse number="14">လိုၼ်း​သေ​ၼၼ်ႉ ၼႂ်း​မိူဝ်ႈ​ဢၼ် တပႄး​ၸဝ်ႈ​သိပ်း​ဢဵတ်း​ပႃး ဢိင်​ယူႇ​ၵႃႈ​တီႈ​ႁိမ်း​ၶူင်ႇ​တီႈ​ၵိၼ်​ၼၼ်ႉ​ၸိုင်၊ မၼ်း​ၸဝ်ႈ​ၼႄ​ပျႃး​တူဝ်​မၼ်း​ၸဝ်ႈ​တီႈ​ၶဝ်​လႄႈ တၢင်ႇ​ဢပႅတ်ႈ​သင်ႇ​သွၼ်​သုင်း​မႃႉ​ပၼ် တၢင်း​ဢၼ်​ၸႂ်​ၶဝ်​ဢမ်ႇ​ယုမ်ႇ​မၢတ်ႈ ဢိၵ်ႇ​တင်း​တၢင်း​ဢၼ်​ၸႂ်​ၶဝ်​ၵႅၼ်ႇ​ၶႅင် ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ယုမ်ႇ​ၵႂၢမ်း ၶဝ်​ၸိူဝ်း​ဢၼ် လႆႈ​ထူပ်း​လႆႈ​ႁၼ်​မၼ်း​ၸဝ်ႈ လိုၼ်း​သေ​မၼ်း​ၸဝ်ႈ​လုၵ်ႉ​ၶိုၼ်း​သေ​ယဝ်ႉ မီး​ဝႆႉ​ယူႇ​ၼၼ်ႉ​ယဝ်ႉ​ၸင်ႇ၊-</verse>
				<verse number="15">လၢတ်ႈ​တီႈ​ၶဝ်​လႄႈ​ဝႃႈ၊ သူ​ၵႂႃႇ​ၵႃႈ​တီႈ​မိူင်း လေႃးၵီႇ​ၵူႈ​တီႈ​ၵူႈ​လႅၼ် ၵႃႈ​မီး​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ တီႈ​ဝူၺ်ႇၼေႇယႃႉ သတ်ႉတဝႃႇ​တင်း​သဵင်ႈ​တင်း​လူင်​တႃႉ။-</verse>
				<verse number="16">ၵေႃႉ​ဢၼ်​ယုမ်ႇ​မၢတ်ႈ​လႄႈ ၶၢမ်ႇ​ ပပ်ႉတီႉၸမ်ႇ ​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ် ၵႄႇ​ၶျွတ်ႈ​ဢဝ်​ဢေႃႈ။ ၵေႃႉ​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ် ၸီႇ​ယၢင်ႇ​ဢပႅတ်ႈ​ဢေႃႈ။-</verse>
				<verse number="17">ၼီႉမိၵ်ႈ​လၢၵ်ႈၶၼႃႇ ဢၼ်​တၵ်း​ပဵၼ်​တီႈ​ၶဝ်​ၸိူဝ်း​ဢၼ် ယုမ်ႇ​မၢတ်ႈ​ၼၼ်ႉ​ၸမ်ႉ၊ ၶဝ်​တၵ်း​ဢိင်​ပိုင်ႈ ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ ႁေႃႈ​ၽီ​ႁၢႆႉ​တင်း​လၢႆ ဢွၵ်ႇ​ပႅတ်ႈ​ဢေႃႈ။ ၶဝ်​တၵ်း​လၢတ်ႈ​ၵႂၢမ်း​ၽႃႇသႃႇ​ဢၼ်​လၢၵ်ႇ​ပိူင်ႈ တင်း​လၢႆ​ဢေႃႈ။-</verse>
				<verse number="18">ၶဝ်​တၵ်း​ယိပ်း​ၵမ်​ငူး​ဢေႃႈ။ ပေႃး​ၵိၼ်​ငူၼ်ႉ​ဢၼ်​ၸၢင်ႈ​ႁႂ်ႈ​တၢႆ​ၼၼ်ႉ​ၸိုင် ၶဝ်​တၵ်း​ၵၢင်း​လွတ်ႈ​ၽေး​ဢူႉ​ပၢတ်ႈ​ဢေႃႈ။ ၶဝ်​တၵ်း​ဢဝ်​မိုဝ်း​တၢင်ႇ​ၵႃႈ​ၼိူဝ်​ၶဝ်​ၸိူဝ်း​ဢၼ် ဢမ်ႇ​ယူႇ​လီ​ၵိၼ်​ဝၢၼ်​တင်း​လၢႆ​ၼၼ်ႉ​သေ​လႄႈ ပၼ်​ၵတ်း​ယဵၼ်​ၶျၢမ်း​သႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ၸဝ်ႈ​ၽြႃး​လၢတ်ႈ​တီႈ​ၶဝ်​ၸိူဝ်ႉ​ၼင်ႇ​ၼႆ​ၼၼ်ႉ​ယဝ်ႉ​ၸင်ႇ၊ လႆႈ​ၶၢမ်ႇ​တၢင်း​ဢၼ် ဢဝ်​ၶိုၼ်ႈ​ၵႂႃႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​လႄႈ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="20">ၶဝ်​ၵေႃႈ ဢွၵ်ႇ​ၵႂႃႇ​လႄႈ ပႃး​တင်း​တၢင်း​ဢၼ်​ၸဝ်ႈ​ၽြႃး​ၸွႆႈ​ထႅမ်​မႃႉ​ၸႃႉ၊ ဢိၵ်ႇ​တင်း​တၢင်း​ဢၼ်​မၼ်း​ၸဝ်ႈ​ဢဝ်​ၼီႉမိၵ်ႈ​လၢၵ်ႈၶၼႃႇ ဢၼ်​ပၼ်​တီႈ​ၶဝ် ႁႂ်ႈ​ၼုၵ်ႈၵပၢတ်ႈ​တြႃး​ၸဝ်ႈ တႄႇ​ပဵၼ်​ဝႆႉ​ၼၼ်ႉ​ယူႇ​သေ​လႄႈ ႁေႃး​လၢတ်ႈ​တြႃး​ၸဝ်ႈ ၵူႈ​တီႈ​ၵူႈ​လႅၼ်​ဢေႃႈ။ ၶရိၸ်ႈ​ဝၢင်ႇ​ၸဝ်ႈ​မႃႇ​ၵူႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="42">
			<chapter number="1">
				<verse number="1">ၵွပ်ႈ​ပိူဝ်ႈ​ဢၼ်​ၵူၼ်း​ၼမ်​ၼႃႇ​ၸီႇ​ယၢင်ႇ​တႅမ်ႈ​ဝႆႉ လိၵ်ႈ​ဢၼ်​မၢတ်ႈ​မၢႆ​ဝႆႉ​လွင်ႈ​တၢင်း​ဢထုၵ်ႉပတ်ႈတီႉ ဢၼ်​လႆႈ​ပဵၼ်​မႃး​ယဝ်ႉ​ထၢင်ႇ​ထၢင်ႇ​သႃး​သႃး​ၵႃႈ​ၼႂ်း​ႁဝ်း​လႄႈ၊-</verse>
				<verse number="2">ၵႃႈ​ၼင်ႇ​ဢၼ်​ၶဝ်​ၸိူဝ်း​ဢၼ်​ပဵၼ်​သၢၵ်ႈ​သေႇ လွင်ႈ​တၢင်း​ဢၼ်​တူဝ်​ၸဝ်ႈ​ၵဝ်ႇ​လႆႈ​ႁၼ်​ၸႃႉ​ၸဵမ်​မိူဝ်ႈ​ၸႃႉ​မၼ်း​လႄႈ ပွင်​ႁဵတ်း​ဢမူႉ​ၼုၵ်ႈၵပၢတ်ႈ​ၸဝ်ႈ​ၸိူဝ်း​ၼၼ်ႉ​လၢတ်ႈ​ပၼ်​တီႈ​ႁဝ်း​ၼၼ်ႉ​ၸိုင်၊-</verse>
				<verse number="3">ၵဝ်​ၵေႃႈ​ၸွမ်း​ႁႃ​ၸႅတ်ႈ​တူၺ်း ဢထုၵ်ႉပတ်ႈတီႉ​ၵႃႈ​မီး​တင်း​သဵင်ႈ​တင်း​လူင် ၸႃႉ​ၸဵမ်​ငဝ်ႈ​ႁၢၵ်ႈ​မၼ်း​ၸေး​ၸေး​ၸွတ်ႇ​ၸွတ်ႇ​ယဝ်ႉ​ၸင်ႇ၊ ထေႃးၽီႉလူႉ ဢၼ်​မျၢတ်ႈ​ၼႃႇ​ၶႃႈ​ဢိူၺ်း၊-</verse>
				<verse number="4">ၼင်ႇ​ႁိုဝ်​ၸဝ်ႈ​ႁဝ်း​တၵ်း​ႁူႉ​လွင်ႈ​တၢင်း​ဢၼ်​ၸဝ်ႈ​ႁဝ်း​သွၼ်​ဢဝ်​ယဝ်ႉ​ၼၼ်ႉ ပဵၼ်​ဢၼ်​ၸိုဝ်ႈ​ဢၼ်​ၸႂ်ႈ​ၸိုင် မီး​တၢင်း​ၵျၢမ်ႇ​တၢင်း​ပွင်​တၵ်း​တႅမ်ႈ​ၸွမ်း​ၸႅၼ်ႇ​တၢမ်း​ၵၼ်​လႄႈ ပၼ်​ငိၼ်း​ၵႂႃႇ​ၶႃႈ​ဢေႃႈ။</verse>
				<verse number="5">ၼႂ်း​ၸူဝ်ႈ​ပၢၼ်​ၶုၼ်​လူင်​ ႁေႇရူတ်ႈ ဢၼ်​ဢုပ်ႉ​ပိူင်ႇ​မိူင်း​ ယူႉတႃႉ ​ၼၼ်ႉ မီး​ယိတ်ႈပရေႃးႁဵၵ်ႈ​ပႃး​ၼိုင်ႈ​ဢၼ်​လႆႈ​ၸိုဝ်ႈ​ ၸႃႇၶရီႉ ​ဢၼ်​ၸၢပ်ႈ​သႅင်ႇ​ၵၼ်​တင်း​မုၵ်ႉ​ၸိူဝ်း​ ဢၽီႉယႃႉ ​ဢေႃႈ။ မေး​မၼ်း​ပဵၼ်​ၸိူဝ်ႉ​ၶိူဝ်း​ ဢႃႇရုၼ်ႇ ​လႄႈ လႆႈ​ၸိုဝ်ႈ​ ဢေးလီႉသၽႅတ်ႈ ​ဢေႃႈ။-</verse>
				<verse number="6">သွင်​ၶႃ​ၼၼ်ႉ​ၵမ်​ၵျၢင်ႉ​ပိင်း​ၺၢပ်ႈ​ဢူႉပတေႇ​ထႃႇဝရႃႉ​ၽြႃး​ၵူႈ​ၸိူဝ်ႉ​ၵူႈ​ပိူင်​ယူႇ၊ ၵၢင်း​လွတ်ႈ​တင်း​တီႈ​တၢင်ႇ​ဢပႅတ်ႈ​ယူႇ​သေ​လႄႈ မီး​ပႃႇရမီႇ​တၢင်း​ဢၼ်​သိုဝ်ႈ​တေႃႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="7">ပိူဝ်ႈ​ဢၼ် ဢေးလီႉသၽႅတ်ႈ ပဵၼ်​မႄႈ​ယိင်း​ဢၼ်​မၼ်​လႄႈ ၶဝ်​ဢမ်ႇ​မီး​လုၵ်ႈ​မီး​လၢင်း သွင်​ၶႃ​ၼၼ်ႉ​ဢသၢၵ်ႈ​ၵႄႇ​ထဝ်ႈ​ၵႂႃႇ​ဢေႃႈ။-</verse>
				<verse number="8">ၸႃႇၶရီႉ ​ၼၼ်ႉ ၼႂ်း​မိူဝ်ႈ​ဢၼ်​တူၵ်း​လႄႉ​တူၵ်း​ၵမ်း​မုၵ်ႉ​ၸိူဝ်း​တူဝ်​ၸဝ်ႈ​ၵဝ်ႇ​လႄႈ ပွင်​ႁဵတ်း​ၵၢၼ်​ယိတ်ႈပရေႃးႁဵၵ်ႈ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ယူႇ​ၼၼ်ႉ​ၸိုင်၊-</verse>
				<verse number="9">ၵႃႈ​ၼင်ႇ​ဢၼ်​ထုင်း​ၸၢမ်ႇ​ဢရႃႇ​ယိတ်ႈပရေႃးႁဵၵ်ႈ​မီး​ၼၼ်ႉ ပိူဝ်ႈ​ဢၼ်​ၸႃႇ​ၵွၵ်ႈ​တူၵ်း​တီႈ​မၼ်း​လႄႈ မၼ်း​လႆႈ​ၶဝ်ႈ​ၵႃႈ​ၼႂ်း​ႁိူၼ်း​ပိၵ်ႈ​မၢၼ်ႇ​ထႃႇဝရႃႉ​ၽြႃး​လႄႈ ဢဝ်​ၽႆး​တုတ်ႇ​ၼၢမ်ႇ​သႃႇ​ဢေႃႈ။-</verse>
				<verse number="10">ၼႂ်း​ၶိင်ႇ​မိူဝ်ႈ​ဢၼ်​ဢဝ်​ၼၢမ်ႇ​သႃႇ​တုတ်ႇ​ၽႆး​ၼၼ်ႉ၊ ၵူၼ်း​တင်း​သဵင်ႈ​တင်း​လူင်​သူး​တွင်း​ယူႇ​ၵႃႈ​ၼွၵ်ႈ​ဢေႃႈ။-</verse>
				<verse number="11">မိူဝ်ႈ​ၼၼ်ႉ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ပေႃႇ​မႃး​တီႈ​မၼ်း​လႄႈ ၸုၵ်း​ယူႇ​ၵႃႈ​တီႈ​ၽၢႆႇ​ၶႂႃ​ယိတ်ႈပလၢင်ႇ ဢၼ်​တုတ်ႇ​ၽႆး​ၼၢမ်ႇ​သႃႇ​ၼၼ်ႉ​ဢေႃႈ။-</verse>
				<verse number="12">ၸႃႇၶရီႉ ​ၼၼ်ႉ မိူဝ်ႈ​ဢၼ်​ႁၼ်​ၼၼ်ႉ​ၸိုင်၊ မီး​တင်း​ၸႂ်​ဢၼ်​ဢမ်ႇ​တႄႇ​ဢမ်ႇ​ၼိမ်​လႄႈ တူၵ်း​ၸႂ်​ဢေႃႈ။-</verse>
				<verse number="13">တမၢၼ်ႇ​ၵၢင်​ႁၢဝ်​ၵေႃႈ လၢတ်ႈ​လႄႈ​ဝႃႈ၊ ၸႃႇၶရီႉ ​ဢိူၺ်း၊ ယႃႇ​ပေ​ၵူဝ်​ပေ​ႁႄ။ ပထၼႃႇ​ဢၼ်​မႂ်း​ႁဵတ်း​ၼၼ်ႉ​ၸိုင် မၼ်း​ၸဝ်ႈ​ထွမ်ႇ​ဢဝ်​ယဝ်ႉ။ မေး​မႂ်း​ ဢေးလီႉသၽႅတ်ႈ ​ၼၼ်ႉ တၵ်း​ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ၊ လုၵ်ႈ​ၸၢႆး​ၼၼ်ႉ​ၸိုင်​တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ​ ယူဝ်းႁၢၼ်ႇ ​ဢေႃႈ။-</verse>
				<verse number="14">မႂ်း​တၵ်း​မီး​တၢင်း​ဢၼ်​ၸူမ်း​သိူဝ်း​လႄႈ​မူၼ်ႈ​ပျေႃႇ​ဢေႃႈ။ ၵွပ်ႈ​ပိူဝ်ႈ​ဢၼ်​ၵိူတ်ႇ​လဵင်ႉ​မၼ်း​ၼၼ်ႉ​မႃး​လႄႈ ၵူၼ်း​ၼမ်​ၼႃႇ​ၵေႃႈ​တၵ်း​ႁွတ်ႈ​ထိုင်​တၢင်း​ဢၼ်​သိူဝ်း​ပျေႃႇ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ မၼ်း​ၼၼ်ႉ​တၵ်း​ပဵၼ်​ၵေႃႉ​ဢၼ်​ယႂ်ႇ​မျၢတ်ႈ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ဢေႃႈ။ တၵ်း​ဢမ်ႇ​ၵိၼ်​ၼမ်ႉ​ၸပိတ်ႈ​တင်း​လဝ်ႈ​လႄႈ​ယူႇ​ဢေႃႈ။ ၸႃႉ​ၸဵမ်​ၵႃႈ​ၼႂ်း​တွင်ႉ​မႄႈ​မၼ်း​ၼၼ်ႉ​လႄႈ တၵ်း​ပျေႉ​ၸုမ်ႇ​တဵမ်​ဝႆႉ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ။</verse>
				<verse number="16">တၵ်း​ႁႂ်ႈ​ၵူၼ်း​ၸိူဝ်ႉ​ၶိူဝ်း ဢီႉသရေႇလႃႉ ၼမ်​ၼႃႇ​ၶၢႆႉ​ပုတ်ႈ​မႃး​ၵႃႈ​တီႈ​ၽၢႆႇ​ၽြႃး​ပဵၼ်​ၸဝ်ႈ​ၶဝ်​ထႃႇဝရႃႉ​ၽြႃး​ဢေႃႈ။-</verse>
				<verse number="17">ၼင်ႇ​ႁိုဝ်​တၵ်း​ႁႂ်ႈ​ပေႃႈ​တင်း​လၢႆ တင်း​လုၵ်ႈ​လၢင်း​တင်း​လၢႆ ထုၵ်ႇ​ၵၼ်​ႁင်း​ၽႂ်​ႁင်း​မၼ်း​လႄႈ ၶဝ်​ၸိူဝ်း​ဢၼ်​ထဵင်​ပႅတ်ႈ​ၼၼ်ႉ ၶၢႆႉ​ပုတ်ႈ​မႃး​ၵႃႈ​တီႈ​သဵၼ်ႈ​တၢင်း​ပိင်ႇ​ၺႃႇ​သတီႉ​ၵူၼ်း​သိုဝ်ႈ​တေႃႇ​တင်း​လၢႆ​လႄႈ​သင်၊ ၼင်ႇ​ႁိုဝ်​တၵ်း​ႁႂ်ႈ​ပဵၼ်​မဵဝ်း​ၵူၼ်း​ဢၼ်​မႄး​ႁႅၼ်း​ဝႆႉ​ပုၼ်ႈ​ထႃႇဝရႃႉ​ၽြႃး​လႄႈ​သင်၊ မၼ်း​တၵ်း​ပျေႉ​ၸုမ်ႇ​တင်း​ၸႂ်​ဝီႉၺိၺ်ႇ ဢိၵ်ႇ​တင်း​တၼ်း​ၶူဝ်း ဢေးလီႉယႃႉ ​လႄႈ ၵႂႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ၸႃႇၶရီႉ ​ၵေႃႈ​လဝ်ႊ​လၢတ်ႈ​တီႈ​တမၢၼ်ႇ​ၵၢင်​ႁၢဝ်​လႄႈ​ဝႃႈ၊ လွင်ႈ​ဢၼ်​တၵ်း​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​ၶႃႈ​တၵ်း​လႆႈ​ႁူႉ​ၸိူဝ်ႉ​ၼင်ႇ​ႁိုဝ်​ၶႃႈ၊ ၵဝ်​ၶႃႈ​ပဵၼ်​ၵူၼ်း​ထဝ်ႈ​ယဝ်ႉ​ၶႃႈ​ဢေႃႈ၊ မေး​ၵဝ်​ၶႃႈ​ၵေႃႈ​ဢသၢၵ်ႈ​ၵႄႇ​လႄႈ​ထဝ်ႈ​ၵႂႃႇ​ယဝ်ႉ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">တမၢၼ်ႇ​ၵၢင်​ႁၢဝ်​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၼႆႉ​ပဵၼ်​ ၵေႇပျေႇလႃႉ ဢၼ်​ၸုၵ်း​ပႂ်ႉ​ယူႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။ မၼ်း​ၸဝ်ႈ​ပွႆႇ​ၸႂ်ႉ​ၵဝ်​မႃး​ႁႂ်ႈ​လႆႈ​တၵ်ႉ​လၢတ်ႈ​မႂ်း​လႄႈ​မွၵ်ႇ​လၢတ်ႈ​ပၼ်​သတၢင်း​သိူဝ်း​ပျေႃႇ​ၼႆႉ​ယဝ်ႉ။-</verse>
				<verse number="20">တူၺ်း​လူး၊ ၵွပ်ႈ​ပိူဝ်ႈ​ဢၼ်​မႂ်း​ဢမ်ႇ​ယုမ်ႇ​ၵႂၢမ်း​ၵဝ် ဢၼ်​တၵ်း​ပျေႉ​ၸုမ်ႇ​မိူဝ်ႈ​ဢၼ်​ၶိင်ႇ​မၼ်း​ႁွတ်ႈ​ထိုင်​ၼၼ်ႉ​လႄႈ ၸူဝ်ႈ​ဢၼ်​လွင်ႈ​တၢင်း​ၸိူဝ်း​ၼႆႉ​ဢမ်ႇ​ပႆႇ​ထိုင်​ႁွတ်ႈ​ဝၼ်း​ဢၼ်​တၵ်း​ပဵၼ်​ၼၼ်ႉ မႂ်း​ယင်း​ဢမ်ႇ​လၢတ်ႈ​ၵႂၢမ်း​လႆႈ​လႄႈ တၵ်း​ဢႃႉ​လႄႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">ၵူၼ်း​တင်း​လၢႆ​ၼၼ်ႉ ပႂ်ႉ​ထႃႈ​ ၸႃႇၶရီႉ ​ယူႇ​လႄႈ​ဢၢမ်း​လွင်ႈ​ဢၼ်​မၼ်း​ယူႇ​ႁိုင်​ၼႃႇ​ၵႃႈ​ၼႂ်း​ႁိူၼ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​ဢေႃႈ။-</verse>
				<verse number="22">မိူဝ်ႈ​ဢၼ်​မၼ်း​ဢွၵ်ႇ​မႃး​ၼၼ်ႉ​ၸိုင်၊ ပိူဝ်ႈ​ဢၼ်​မၼ်း​ဢမ်ႇ​လၢတ်ႈ​ၵႂၢမ်း​လႆႈ​လႄႈ ၶဝ်​ၼၼ်ႉ​ႁူႉ​လွင်ႈ​ဢၼ်​မၼ်း​လႆႈ​ႁၼ်​ပျႃႇ​တိၵ်ႈ​ရူႇပႃႇရူင်ႇ​ၼႂ်း​ႁိူၼ်း​ပိၵ်ႈ​မၢၼ်ႇ​ၸဝ်ႈ​ဢေႃႈ။ ၸႃႇၶရီႉ ႁဵတ်း​ၼႄ​လၢၵ်ႈၶၼႃႇ​ၵူၺ်း​တီႈ​ၶဝ်​ၼၼ်ႉ​လႄႈ ဢႃႉ​ယူႇ​ဢေႃႈ။</verse>
				<verse number="23">မိူဝ်ႈ​ဢၼ်​ၶိင်ႇ​ဢၼ်​ႁဵတ်း​ၵၢၼ်​ယိတ်ႈပရေႃးႁဵၵ်ႈ​ၼၼ်ႉ​သဵင်ႈ​ယဝ်ႉ​ၸိုင်၊ ၸႃႇၶရီႉ ​ၵႂႃႇ​ၵႃႈ​တီႈ​ႁိူၼ်း​တူဝ်​ၸဝ်ႈ​ၵဝ်ႇ​သေ​ဢေႃႈ။-</verse>
				<verse number="24">လိုၼ်း​ၼၼ်ႉ မေး​မၼ်း​ ဢေးလီႉသၽႅတ်ႈ ​ၼၼ်ႉ ပႃး​ပတိၵ်ႉသၼ်ႇထေႇ​လႄႈ၊ ႁႃႈ​လိူၼ်​တဵမ်​တဵမ်​ထင်​ယူႇ​ၵႃႈ​ၼႂ်း​ႁိူၼ်း​သေ​လႄႈ​ဝႃႈ၊-</verse>
				<verse number="25">ၼႂ်း​မိူဝ်ႈ​ဢၼ်​ထႃႇဝရႃႉ​ၽြႃး​လူ​တူၺ်း​ၵဝ်​ႁႂ်ႈ​လႆႈ​ပႄႇ​ပႅတ်ႈ​လွင်ႈ​တၢင်း​ဢၼ်​ၵဝ်​လႆႈ​ၶၢမ်ႇ​တၢင်း​ဢၼ်​သႄႉ​ဢၼ်​သွမ်း​ၵႃႈ​ၼႂ်း​ၵူၼ်း​တင်း​လၢႆ​ၼၼ်ႉ မၼ်း​ၸဝ်ႈ​ႁဵတ်း​ၵျေး​ၸူး​ၸိူဝ်ႉ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">မိူဝ်ႈ​ဢၼ်​ၶဝ်ႈ​ၼႂ်း​ႁူၵ်း​လိူၼ်​ၸိုင်၊ ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ် ၵေႇပျေႇလႃႉ မႃး​ၵႃႈ​တီႈ​ဝဵင်း​ဢၼ်​လႆႈ​ၸိုဝ်ႈ​ ၼႃႇၸရႅတ်ႈ ၼႂ်း​မိူင်း​ ၵႃႇလီႉလႄး ။-</verse>
				<verse number="27">ၸူး​ၵႃႈ​တီႈ​ၵၼ်ႇ​ၺႃႇ​လုၵ်ႈ​ယိင်း​သၢဝ် ဢၼ်​မၢႆ​ၵၼ်​ဝႆႉ​တင်း​ၵေႃႉ​ဢၼ်​လႆႈ​ၸိုဝ်ႈ​ ယူဝ်းသႅပ်ႈ ဢၼ်​ပဵၼ်​ၸိူဝ်ႉ​ၶိူဝ်း​ တႃႇဝိတ်ႈ ​ဢေႃႈ။ ၵၼ်ႇ​ၺႃႇ​လုၵ်ႈ​ယိင်း​သၢဝ်​ၼၼ်ႉ​ၸမ်ႉ၊ လႆႈ​ၸိုဝ်ႈ​ မႃႇရီႉ ​ဢေႃႈ။-</verse>
				<verse number="28">တမၢၼ်ႇ​ၵၢင်​ႁၢဝ်​ၼၼ်ႉ​ႁွတ်ႈ​မႃး​ၵႃႈ​တီႈ​မၼ်း​သေ​ယဝ်ႉ၊ လၢတ်ႈ​လႄႈ​ဝႃႈ၊ မႄႈ​ယိင်း​ဢၼ်​လႆႈ​ၶၢမ်ႇ​ၵျေး​ၸူး​ၸဝ်ႈ​ၼႆႉ​ဢိူၺ်း၊ ႁႂ်ႈ​မင်ႇၵလႃႇ​မီး​တီႈ​မႂ်း​သေ​ၵမ်း​လူၺ်ႈ။ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။ ၼႂ်း​မႄႈ​ယိင်း​တင်း​လၢႆ မႂ်း​ၼႆႉ​မီး​မင်ႇၵလႃႇ​ဢၼ်​မျၢတ်ႈ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မႃႇရီႉ ​မီး​ၸႂ်​ဢၼ်​ဢမ်ႇ​တႄႇ​ဢမ်ႇ​ၼိမ်​လႄႈ တၢင်း​ဢၼ်​တၵ်ႉ​ဢၼ်​လၢတ်ႈ​ၼႆႉ​ၸမ်ႉ၊ ပဵၼ်​တၢင်း​ဢၼ်​တၵ်ႉ​ဢၼ်​လၢတ်ႈ​ၸိူဝ်ႉ​ၼင်ႇ​ႁိုဝ်​၊ ဝႃႈ​ၼႆ၊ ၶႆႈ​ၸႂ်​ဝူၼ်ႉ​ၸႂ်​ယူႇ​ဢေႃႈ။-</verse>
				<verse number="30">တမၢၼ်ႇ​ၵၢင်​ႁၢဝ်​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ မႃႇရီႉ ​ဢိူၺ်း၊ ယႃႇ​ပေ​ၵူဝ်​ပေ​ႁႄ၊ မႂ်း​လႆႈ​ၼႃႈ​လႆႈ​တႃ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ယဝ်ႉ။-</verse>
				<verse number="31">မႂ်း​တၵ်း​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။ တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ​မၼ်း​ ယေႇသူႉ ​ဢေႃႈ။-</verse>
				<verse number="32">မၼ်း​ၸမ်ႉ၊ တၵ်း​ပဵၼ်​ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​ဢေႃႈ။ မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​လုၵ်ႈ​ၽြႃး​ပဵၼ်​ၸဝ်ႈ​ဢၼ်​သုင်​မျၢတ်ႈ​ၼႃႇ​သေ​ပိူၼ်ႈ​ဢေႃႈ။ ၽြႃး​ပဵၼ်​ၸဝ်ႈ​ထႃႇဝရႃႉ​ၽြႃး​တၵ်း​ပၼ်​ရႃႇၸႃႉ​ပလၢင်ႇ​ပေႃႈ​မၼ်း​ တႃႇဝိတ်ႈ ​ၼၼ်ႉ​တီႈ​မၼ်း​ဢေႃႈ။-</verse>
				<verse number="33">မၼ်း​တၵ်း​ဢုပ်ႉ​ပိူင်ႇ​ၸိူဝ်ႉ​ၶိူဝ်း​ ယႃႇၵုပ်ႈ ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။ မိူင်း​မၼ်း​ၵေႃႈ တၵ်း​ဢမ်ႇ​မီး​တီႈ​သုတ်း​တီႈ​သဵင်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">မႃႇရီႉ ​ၵေႃႈ ထၢမ်​တီႈ​တမၢၼ်ႇ​ၵၢင်​ႁၢဝ်​ၼၼ်ႉ​လႄႈ​ဝႃႈ၊ ပိူဝ်ႈ​ဢၼ်​ၵဝ်​ၶႃႈ​ဢမ်ႇ​လႆႈ​တိူဝ်ႉ​လႆႈ​ထုၵ်ႇ​ၵၼ်​တင်း​ၵူၼ်း​ၸၢႆး​လႄႈ လွင်ႈ​တီႈ​ႁဵင်း​ၼႆႉ တၵ်း​ပဵၼ်​ၸိူဝ်ႉ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">တမၢၼ်ႇ​ၵၢင်​ႁၢဝ်​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​တၵ်း​လူင်း​မႃး​ၵႃႈ​ၼိူဝ်​မႂ်း​လႄႈ မုၼ်​တၼ်း​ၶူဝ်း​ၽြႃး​ပဵၼ်​ၸဝ်ႈ​ဢၼ်​သုင်​မျၢတ်ႈ​ၼႃႇ​သေ​ပိူၼ်ႈ​ၼၼ်ႉ တၵ်း​ႁူမ်ႇ​လူမ်ႈ​မႂ်း​ဢေႃႈ။ ၵွပ်ႈ​ပိူဝ်ႈ​လွင်ႈ​တီႈ​ႁဵင်း​ၼႆႉ​လႄႈ လုၵ်ႈ​ဢၼ်​မူတ်း​ၸၢင်ႇ​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="36">တူၺ်း​လူး၊ ဢေးလီႉသၽႅတ်ႈ ပီႈ​ၼွင်ႉ​မႂ်း​ၼၼ်ႉ​ပႃး​ပတိၵ်ႉသၼ်ႇထေႇ​ယူႇ ၼႂ်း​မိူဝ်ႈ​ဢၼ်​မၼ်း​ထဝ်ႈ​လႄႈ တေႃႈ​လဵဝ်​ၼႆႉ ၵေႃႉ​ဢၼ်​လႆႈ​ႁွင်ႉ​ႁဵၵ်ႈ​မႄႈ​ယိင်း​ဢၼ်​မၼ်​ၼၼ်ႉ ၶဝ်ႈ​ၼႂ်း​ႁူၵ်း​လိူၼ်​ယဝ်ႉ။-</verse>
				<verse number="37">ၵႂၢမ်း​ၽြႃး​ပဵၼ်​ၸဝ်ႈ​ဢၼ်​ဢမ်ႇ​ပႃး​တၼ်း​ၶူဝ်း​ဢမ်ႇ​မီး​သေ​ၶေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="38">မႃႇရီႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​ၶႃႈ​ၸဝ်ႈ​ၽြႃး​ၶႃႈ​ဢေႃႈ။ ၵႃႈ​ၼင်ႇ​ဢၼ်​ၵႂၢမ်း​ၸဝ်ႈ​ႁဝ်း​မီး​ၼႆႉ​ၼၼ်ႉ ႁႂ်ႈ​ပဵၼ်​တီႈ​ၵဝ်​ၶႃႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ တမၢၼ်ႇ​ၵၢင်​ႁၢဝ်​ဢွၵ်ႇ​ၵႂႃႇ​သေ​ၵႃႈ​တီႈ​ဢၼ်​ မႃႇရီႉ ​မီး​ၼၼ်ႉ​ဢေႃႈ။</verse>
				<verse number="39">မိူဝ်ႈ​ၼၼ်ႉ မႃႇရီႉ လုၵ်ႉ​လႄႈ​ၵႂႃႇ​ၵႃႈ​တီႈ​ဢၼ်​ပဵၼ်​ႁူၺ်ႈ​ပဵၼ်​လွႆ ၸူး​ၵႃႈ​တီႈ​ဝဵင်း​ ယူႉတႃႉ ဝဵင်း​ၼိုင်ႈ​ၶၼ်​ၶၼ်​ၽႂ်း​ၽႂ်း​ယဝ်ႉ​ၸင်ႇ၊-</verse>
				<verse number="40">ၶဝ်ႈ​ၵႃႈ​ၼႂ်း​ႁိူၼ်း​ ၸႃႇၶရီႉ ​လႄႈ တၵ်ႉ​လၢတ်ႈ​ ဢေးလီႉသၽႅတ်ႈ ​ဢေႃႈ။-</verse>
				<verse number="41">ၼႂ်း​မိူဝ်ႈ​ဢၼ် ဢေးလီႉသၽႅတ်ႈ ငိၼ်း​ၵႂၢမ်း​ဢၼ်​တၵ်ႉ​လၢတ်ႈ​ယူႇ​ၼၼ်ႉ​ၸိုင်၊ လုၵ်ႈ​ဢွၼ်ႇ​ဢၼ်​မီး​ၼႂ်း​တွင်ႉ​မၼ်း​ၼၼ်ႉ​ၵျွၵ်း​ဝႅၼ်​ဢေႃႈ။ ဢေးလီႉသၽႅတ်ႈ ​ၼၼ်ႉ ပျေႉ​ၸုမ်ႇ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ယူႇ​သေ​လႄႈ၊-</verse>
				<verse number="42">ႁဵတ်း​တင်း​သဵင်​ဢၼ်​ယႂ်ႇ​ၼႃႇ​မွၵ်ႇ​လၢတ်ႈ​လႄႈ​ဝႃႈ၊ ၼႂ်း​မႄႈ​ယိင်း​တင်း​လၢႆ၊ မႂ်း​ၼၢင်း​ၼႆႉ မီး​မင်ႇၵလႃႇ​ဢၼ်​မျၢတ်ႈ​ၼႃႇ​ဢေႃႈ။ မၢၵ်ႇ​တွင်ႉ​မႂ်း​ၼၢင်း​ၵေႃႈ မီး​မင်ႇၵလႃႇ​ဢၼ်​မျၢတ်ႈ​ၼႃႇ​ဢေႃႈ။-</verse>
				<verse number="43">တၢင်း​ဢၼ်​မႄႈ​ၸဝ်ႈ​ၵဝ်​ၶႃႈ​မႃး​တီႈ​ၵဝ်​ၶႃႈ​ၼႆႉ​ၸိုင် ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​ၶႃႈ​လႆႈ​ၶၢမ်ႇ။-</verse>
				<verse number="44">တူၺ်း​လူး၊ ၼႂ်း​မိူဝ်ႈ​ဢၼ်​ၵဝ်​ၶႃႈ​ငိၼ်း​ၵႂၢမ်း​ဢၼ်​မႂ်း​ၼၢင်း​တၵ်ႉ​လၢတ်ႈ​ယူႇ​ၼၼ်ႉ​ၸိုင်၊ လုၵ်ႈ​ဢွၼ်ႇ​ဢၼ်​မီး​ၼႂ်း​တွင်ႉ​ၵဝ်​ၶႃႈ​ၼႆႉ မီး​ၸႂ်​ဢၼ်​သိူဝ်း​ၸူမ်း​လႄႈ​ၵျွၵ်း​ဝႅၼ်​ဢေႃႈ။-</verse>
				<verse number="45">မႄႈ​ယိင်း​ဢၼ်​လႆႈ​ယုမ်ႇ​မၢတ်ႈ​လွင်ႈ​ဢၼ်​ၵႂၢမ်း​ဢၼ်​ၸဝ်ႈ​ၽြႃး​မီး​ဢမိင်ႉ​ၵႃႈ​တီႈ​မၼ်း တၵ်း​ပျေႉ​ၸုမ်ႇ​ၼၼ်ႉ​ၼႆႉ မီး​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="46">မႃႇရီႉ​ၵေႃႈ​လၢတ်ႈ​လႄႈ​ဝႃႈ၊ ႁူဝ်​ၸႂ်​ၵဝ်​ၼႆႉ​ယွင်ႈ​ယေႃး​ၸဝ်ႈ​ၽြႃး​ဢေႃႈ။</verse>
				<verse number="47">ဝီႉၺိၺ်ႇ​ၵဝ်​ၼႆႉ မီး​တၢင်း​ဢၼ်​သိူဝ်း​ၸူမ်း​ၼႂ်း​ၽြႃး​ပဵၼ်​ၸဝ်ႈ၊ ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ၵဝ်​ၼၼ်ႉ​ဢေႃႈ။</verse>
				<verse number="48">လွင်ႈ​မၼ်း​ၸမ်ႉ မၼ်း​ၸဝ်ႈ​လူ​တူၺ်း​တၢင်း​ဢၼ်​ၶႃႈ​မၼ်း​ၸဝ်ႈ​ပဵၼ်​ဢၼ်​ၶျႃး​တႅမ်ႇ​ယူႇ​ၼႆႉ​ယဝ်ႉ။ တူၺ်း​လူး၊ ၸႃႉ​ၸဵမ်​မိူဝ်ႈ​လဵဝ်​ၼႆႉ​လႄႈ ၵူၼ်း​သိုပ်ႇ​သိုပ်ႇ​တၢမ်း​တၢမ်း​တင်း​သဵင်ႈ​တင်း​လူင် တၵ်း​ႁွင်ႉ​ႁဵၵ်ႈ​ၵဝ်​ၵေႃႉ​ဢၼ်​မီး​မင်ႇၵလႃႇ​ဢေႃႈ။</verse>
				<verse number="49">မၼ်း​ၸဝ်ႈ​ဢၼ်​ပျေႉ​ၸုမ်ႇ​တင်း​တၼ်း​ၶူဝ်း​ၼၼ်ႉ ႁဵတ်း​ပၼ်​လွင်ႈ​တၢင်း​ဢၼ်​ယႂ်ႇ​မျၢတ်ႈ​ၼႃႇ​တီႈ​ၵဝ်​ယဝ်ႉ။ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ ပဵၼ်​ဢၼ်​ထုၵ်ႇ​လီ​ရူဝ်ႇ​သေႇ​ၵူဝ်​ယမ်​ဢေႃႈ။</verse>
				<verse number="50">ၵျေး​ၸူး​တၢင်း​ဢၼ်​မၼ်း​ၸဝ်ႈ​ဢဵတ်း​လူ​ၼၼ်ႉ မီး​ယူႇ​တႃႇ​သေႇ​ဢမ်ႇ​ထၢတ်ႇ တီႈ​ၶဝ်​ၸိူဝ်း​ဢၼ်​ၵူဝ်​ႁႄ​မၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="51">မၼ်း​ၸဝ်ႈ​ဢဝ်​တင်း​ၶႅၼ်​မၼ်း​ၸဝ်ႈ​ၼႄ​ပျႃး​တၼ်း​ၶူဝ်း​ဢေႃႈ။ မၼ်း​ၸဝ်ႈ​ဢဝ်​ၶဝ်​ၸိူဝ်း​ဢၼ် မႃႇၼႃႉ​ၸႂ်​သုင်​ၼၼ်ႉ​ၸၢတ်ႇ​ပိုၼ်​ပႅတ်ႈ​ဢေႃႈ။</verse>
				<verse number="52">မၼ်း​ၸဝ်ႈ​ဢဝ်​ၶုၼ်​တင်း​လၢႆ​ၶျႃး​တူၵ်း​ၵႃႈ​ၼိူဝ်​ရႃႇၸႃႉ​ပလၢင်ႇ​လႄႈ ယုၵ်ႉ​ယွင်ႈ​ၶဝ်​ၸိူဝ်း​ဢၼ်​ၶျႃး​တႅမ်ႇ​ၼၼ်ႉ​ယဝ်ႉ။</verse>
				<verse number="53">မၼ်း​ၸဝ်ႈ​လဵင်ႉ​လူ ၶဝ်​ၸိူဝ်း​ဢၼ်​ဢိုပ်း​ယၢၵ်ႈ​ၼၼ်ႉ​လီ​လီ​ငၢမ်း​ငၢမ်း​လႄႈ ပွႆႇ​ပႅတ်ႈ​ၶဝ်​ၸိူဝ်း​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ​ၵႂႃႇ​တိၼ်​လၢႆ​မိုဝ်း​ပဝ်ႇ​ယဝ်ႉ။</verse>
				<verse number="54">ၵႃႈ​ၼင်ႇ​ဢၼ်​ဝႆႉ​ပျႃႇ​တိၵ်ႈ​ၸဝ်ႈ​ၵႃႈ​တီႈ​ပူႇ​ပေႃႈ​ႁဝ်း​ၼၼ်ႉ၊</verse>
				<verse number="55">ၼင်ႇ​ႁိုဝ်​တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ႁႂ်ႈ​လႆႈ​ႁဵတ်း​ၵျေး​ၸူး တၢင်း​ဢၼ်​ဢဵတ်း​လူ တီႈ​ ဢႃႇပြႃႇႁၢမ်ႇ တင်း​ၸိူဝ်ႉ​ၶိူဝ်း​မၼ်း​တႃႇ​သေႇ​ဢမ်ႇ​ထၢတ်ႇ​ၸိုင်၊ မၼ်း​ၸဝ်ႈ​ၸွႆႈ​ထႅမ်​မႃႉ​ၸႃႉ​ၶႃႈ​မၼ်း​ၸဝ်ႈ ဢီႉသရေႇလႃႉ ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="56">မႃႇရီႉ ​ၵေႃႈ ယူႇ​ၵႃႈ​တီႈ ဢေးလီႉသၽႅတ်ႈ ​ၼၼ်ႉ​သၢမ်​လိူၼ်​ၸမ်​ၸမ်​ယဝ်ႉ​ၸင်ႇ၊ ၶိုၼ်း​မိူဝ်း​ၵႃႈ​တီႈ​ႁိူၼ်း​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="57">ဢေးလီႉသၽႅတ်ႈ ​ၼၼ်ႉ မိူဝ်ႈ​ဢၼ်​ထိုင်​ၶိင်ႇ​ဢၼ်​မၼ်း​တၵ်း​လႆႈ​ၵိူတ်ႇ​လဵင်ႉ​ၸိုင်၊ ၵိူတ်ႇ​လဵင်ႉ​လုၵ်ႈ​ၸၢႆး​မႃး​ဢေႃႈ။-</verse>
				<verse number="58">လွင်ႈ​ဢၼ်​ၸဝ်ႈ​ၽြႃး​ႁဵတ်း​တၢင်း​ဢၼ်​ဢဵတ်း​လူ ဢၼ်​ယႂ်ႇ​ၼႃႇ​တီႈ ဢေးလီႉသၽႅတ်ႈ ​ၼၼ်ႉ​ၸိုင်၊ မိူဝ်ႈ​ဢၼ်​ၵူၼ်း​ႁိူၼ်း​ၸမ်​ၵၼ်​ဢိၵ်ႇ​တင်း​ၸိူဝ်ႉ​ၶိူဝ်း​မၼ်း​တင်း​လၢႆ လႆႈ​ႁူႉ​လႆႈ​ငိၼ်း​ၼၼ်ႉ၊ ၶဝ်​မီး​ၸႂ်​ဢၼ်​သိူဝ်း​ၸူမ်း​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="59">ၼႂ်း​ဝၼ်း​ဢၼ်​ထူၼ်ႈ​ထိုင်​ပႅတ်ႇ​ဝၼ်း​ၼၼ်ႉ ၶဝ်​ၼၼ်ႉ​မႃး​ႁႂ်ႈ​လႆႈ​ပၼ်​တၢင်း​ဢၼ်​ထိူဝ်​ႁိမ်း တီႈ​လုၵ်ႈ​ဢွၼ်ႇ​ၼၼ်ႉ​လႄႈ မိူဝ်ႈ​ဢၼ်​ဢၢင်ႈ​တၵ်း​ပၼ်​ၸိုဝ်ႈ​ ၸႃႇၶရီႉ ဢၼ်​ပဵၼ်​ၸိုဝ်ႈ​သဵင်​ပေႃႈ​မၼ်း​ၼၼ်ႉ​တီႈ​မၼ်း​ၸိုင်၊-</verse>
				<verse number="60">မႄႈ​မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ၊ တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ​မၼ်း ယူဝ်းႁၢၼ်ႇ ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="61">ၶဝ်​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၵႃႈ​ၼႂ်း​ၸိူဝ်ႉ​ၶိူဝ်း​မၼ်း ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ​သဵင်​ၸိူဝ်ႉ​ၼင်ႇ​ၼႆ​ၼၼ်ႉ၊ ဢမ်ႇ​မီး​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​လႄႈ၊-</verse>
				<verse number="62">လွင်ႈ​ဢၼ်​ပေႃႈ​မၼ်း​တၵ်း​ၶႂ်ႈ​ႁႂ်ႈ​ႁွင်ႉ​ႁဵၵ်ႈ​ၸိုဝ်ႈ​သဵင်​ၸိူဝ်ႉ​ၼင်ႇ​ႁိုဝ်​ၸိုင်၊ ႁဵတ်း​လၢၵ်ႈၶၼႃႇ​သေ​လႄႈ​ထၢမ်​ဢေႃႈ။-</verse>
				<verse number="63">ပေႃႈ​မၼ်း​ၼၼ်ႉ​ၵေႃႈ​ယွၼ်း​ဢဝ်​ပပ်ႉ​လႄႈ မိူဝ်ႈ​ဢၼ်​တႅမ်ႈ​လႄႈ​ဝႃႈ၊ ၸိုဝ်ႈ​သဵင်​မၼ်း​ၸမ်ႉ၊ ပဵၼ်​ ယူဝ်းႁၢၼ်ႇ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၶဝ်​တင်း​သဵင်ႈ​တင်း​လူင်​ဢၢမ်း​ၼႃႇ​ဢေႃႈ။-</verse>
				<verse number="64">မိူဝ်ႈ​ၼၼ်ႉ​ၵမ်း​လဵဝ် ၸႃႇၶရီႉ မီး​တၢင်း​ဢၼ်​ၽုၺ်ႇ​သူပ်း​မၼ်း၊ တၢင်း​ဢၼ်​ဢဵၼ်​လိၼ်ႉ​မၼ်း​လိတ်ႈ​မႃး​လႄႈ လၢတ်ႈ​ၵႂၢမ်း​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="65">ၵူၼ်း​ႁိူၼ်း​ၸမ်​ၵၼ်​ၵႃႈ​မီး​တင်း​သဵင်ႈ​တင်း​လူင် မီး​တၢင်း​ဢၼ်​ၵူဝ်​ဢၼ်​ႁႄ​ဢေႃႈ။ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ ၸွတ်ႇ​သႃႈ​ႁူင်​ႁၢင်း​တီႈ​ဢၼ်​ပဵၼ်​ႁူၺ်ႈ​ပဵၼ်​လွႆ​မိူင်း​ ယူႉတႃႉ ​ၼၼ်ႉ​ဢေႃႈ။-</verse>
				<verse number="66">ၶဝ်​ၸိူဝ်း​ဢၼ်​ငိၼ်း​တင်း​သဵင်ႈ​တင်း​လူင်​ၼၼ်ႉ မၢတ်ႈ​တွင်း​ဝႆႉ​ၼႂ်း​ႁူဝ်​ၸႂ်​လႄႈ​ဝႃႈ၊ လုၵ်ႈ​ဢွၼ်ႇ​ၵေႃႉ​ၼႆႉ တၵ်း​ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။ မိုဝ်း​ထႃႇဝရႃႉ​ၽြႃး​ၵေႃႈ မီး​ယူႇ​လူၺ်ႈ​ၵၼ်​တင်း​မၼ်း​ဢေႃႈ။</verse>
				<verse number="67">ပေႃႈ​မၼ်း​ ၸႃႇၶရီႉ ​ၼၼ်ႉ ပျေႉ​ၸုမ်ႇ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ယူႇ​သေ​လႄႈ ႁဵတ်း​ပရေႃးၽႅတ်ႈ​လႄႈ​ဝႃႈ၊-</verse>
				<verse number="68">ႁႂ်ႈ​ၽြႃး​ပဵၼ်​ၸဝ်ႈ​ၸိူဝ်ႉ​ၶိူဝ်း​ ဢီႉသရေႇလႃႉ ထႃႇဝရႃႉ​ၽြႃး​မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="69">လွင်ႈ​မၼ်း​ၸမ်ႉ မၼ်း​ၸဝ်ႈ​ၼၼ်ႉ၊-</verse>
				<verse number="70">ၵႃႈ​ၼင်ႇ​ဢၼ်​ဢဝ်​သူပ်း​ပရေႃးၽႅတ်ႈ​မၼ်း​ၸဝ်ႈ​ဢၼ်​မူတ်း​ၸၢင်ႇ ဢၼ်​ပေႃႇ​မႃး</verse>
				<verse number="71">ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​တင်း​လၢႆ​ၼၼ်ႉ​လႄႈ ဝႆႉ​ပျႃႇ​တိၵ်ႈ​ၸဝ်ႈ​ၼၼ်ႉ၊-</verse>
				<verse number="72">ၼင်ႇ​ႁိုဝ်​တၵ်း​လႆႈ​ႁဵတ်း​ၵျေး​ၸူး​တၢင်း​ဢၼ်​ဢဵတ်း​လူ</verse>
				<verse number="73">တီႈ​ပူႇ​ပေႃႈ​ႁဝ်း​လႄႈ​သင်ႇ၊-</verse>
				<verse number="74">ၼင်ႇ​ႁိုဝ်​တၵ်း​လႆႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ပတီႉၺိၺ်ႇ​တြႃး​ဢၼ်​မူတ်း​ၸၢင်ႇ​ဢၼ်​ဝႃႈ ၵတီႉ​ၸဝ်ႈ​ဢၼ်​မၼ်း​ၸဝ်ႈ​တိူင်ႇ​ဝႃႈ တီႈ​ပေႃႈ​ႁဝ်း​ ဢႃႇပြႃႇႁၢမ်ႇ ​လႄႈ​ဝႃႈ၊-</verse>
				<verse number="75">တၵ်း​ပၼ်​ဢၶႂၢင်ႉ​ဢၼ်​ႁဝ်း​လႆႈ​ၵၢင်း​လွတ်ႈ ၵႃႈ​ၼႂ်း​မိုဝ်း​ရၢၼ်ႇ​သူႇ​ႁဝ်း​တင်း​လၢႆ​လႄႈ ၸူဝ်ႈ​ဢသၢၵ်ႈ​မီး​တင်း​ပႃႇရမီႇ​တၢင်း​ဢၼ်​သိုဝ်ႈ​တေႃႇ လႆႈ​ႁဵတ်း​ဝၢတ်ႈ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ႁတ်း​ႁတ်း​ႁၢၼ်​ႁၢၼ်၊ ဝႃႈ​ၼင်ႇ​ၼႆ​ၼၼ်ႉ​လႄႈ​သင်၊ မႃး​လူ​မႃး​တူၺ်း​မဵဝ်း​ၵူၼ်း​မၼ်း​ၸဝ်ႈ​သေ​ယဝ်ႉ၊ ႁဵတ်း​ၵျေး​ၸူး​တၢင်း​ဢၼ်​ထုတ်ႇ​ဢဝ်​ၶဝ်​ၼၼ်ႉ​လႄႈ ႁႂ်ႈ​ၶဝ်​လႅမ်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢၼ်​ဝႃႈ တၢင်း​ဢၼ်​ၵႄႇ​ၶျွတ်ႈ​ဢဝ်​ႁဝ်း​ၵႃႈ​ၼႂ်း​မိုဝ်း​ရၢၼ်ႇ​သူႇ​ႁဝ်း​တင်း​လၢႆ တင်း​ၶဝ်​ၸိူဝ်း​ဢၼ်​ၸင်း​ႁဝ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပေႃႇ​မႃး​ပုၼ်ႈ​ႁဝ်း ၵႃႈ​ၼႂ်း​ၸိူဝ်ႉ​ၶိူဝ်း​ တႃႇဝိတ်ႈ ​ၶႃႈ​မၼ်း​ၸဝ်ႈ​ဢေႃႈ။-</verse>
				<verse number="76">လွင်ႈ​မၼ်း​ၸမ်ႉ၊ မႂ်း​ၼႆႉ​တၵ်း​လႆႈ​ၵႂႃႇ​ၵႃႈ​တီႈ​ၽၢႆႇ​ၼႃႈ​ထႃႇဝရႃႉ​ၽြႃး ႁႂ်ႈ​လႆႈ​မႄး​သဵၼ်ႈ​တၢင်း​မၼ်း​ၸဝ်ႈ​ဝႆႉ၊-</verse>
				<verse number="77">လွင်ႈ​ၼင်ႇ​ႁိုဝ်​တၵ်း​လႆႈ​ႁႂ်ႈ​မဵဝ်း​ၵူၼ်း​မၼ်း​ၸဝ်ႈ​ႁူႉ​ၸႅင်ႈ​လွင်ႈ​တၢင်း​ဢၼ်​လွတ်ႈ​ဢပႅတ်ႈ​လႄႈ ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​ၵျေး​ၸူး​တၢင်း​ဢၼ်​ဢဵတ်း​လူ​ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​ဢေႃႈ။-</verse>
				<verse number="78">ၵွပ်ႈ​ပိူဝ်ႈ​ၵျေး​ၸူး​တၢင်း​ဢၼ်​ဢဵတ်း​လူ​ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​လႄႈ ဢႃႇရူင်ႇ​သၢႆ​ဢရွင်ႇ​ၵၢင်​ဝၼ်း လုၵ်ႉ​သေ​ၵႃႈ​တီႈ​ၵၢင်​ႁၢဝ် ၶိုၼ်း​မႃး​ၵႃႈ​ၼိူဝ်​ႁဝ်း၊-</verse>
				<verse number="79">ႁႂ်ႈ​လႆႈ​ပၼ်​ဢၼ်​လႅင်း​တီႈ​ၶဝ်​ၸိူဝ်း​ဢၼ်​ယူႇ​ၼႂ်း​လပ်း​သိင်ႇ​တီႈ​ႁူမ်ႈ​တၢင်း​တၢႆ​တင်း​လၢႆ​ၼၼ်ႉ​လႄႈ ၼႄ​ပျႃး​သဵၼ်ႈ​တၢင်း​ဢၼ်​ၼိမ်​သိမ်ႇ​တီႈ​ႁဝ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="80">လုၵ်ႈ​ဢွၼ်ႇ​ၼၼ်ႉ​ၸမ်ႉ၊ ယႂ်ႇ​မႃး​လႄႈ တၢင်း​ႁူႉ​တၢင်း​ႁၼ်​ၽႄႈ​ၵႂၢင်ႈ​ၼမ်​မႃး​ယူႇ​ဢေႃႈ။ ၸူဝ်ႈ​ဢၼ်​ဢမ်ႇ​ပႆႇ​ထိုင်​ၶိင်ႇ​ဢၼ်​ၸိုဝ်ႈ​ဢွၵ်ႇ​သဵင်​ဢွၵ်ႇ ၵႃႈ​ၼႂ်း​ၵူၼ်း​ ဢီႉသရေႇလႃႉ ​တင်း​လၢႆ​ၼၼ်ႉ​ၸိုင်၊ ယူႇ​ၵႃႈ​တီႈ​ၼႂ်း​ထိူၼ်ႇ​ယူႇ​ဢေႃႈ။</verse>
			</chapter>
			<chapter number="2">
				<verse number="1">ၶိင်ႇ​မိူဝ်ႈ​ၼၼ်ႉ ၶုၼ်​ႁေႃ​ၶမ်း​ ၵေႇသႃႇ​ဢေႃးၵုတ်ႉတူႉ မီး​ဢမိင်ႉ​ႁႂ်ႈ​လႆႈ​ဢဝ်​ၸရၢင်း​တင်း​ဝၢၼ်ႈ​တင်း​မိူင်း​ဢေႃႈ။-</verse>
				<verse number="2">ၼႂ်း​မိူဝ်ႈ​ဢၼ်​ ၵူႉရေႇၼေႇ ပဵၼ်​ၶုၼ်​ၵႃႈ​ၼႂ်း​မိူင်း သူႉရီႉ ​ယူႇ​ၼၼ်ႉ​ၸိုင်၊ ပဵၼ်​တၢင်း​ဢၼ်​ဢဝ်​ၸရၢင်း​ပထမႃႉ​ၼႆႉ​ဢေႃႈ။-</verse>
				<verse number="3">ၵူၼ်း​တင်း​သဵင်ႈ​တင်း​လူင်​ၵႂႃႇ​ၵႃႈ​တီႈ​ဝၢၼ်ႈ​ဝဵင်း​တူဝ်​ၸဝ်ႈ​ၵဝ်ႇ​ႁင်း​ၽႂ်​ႁင်း​မၼ်း ႁႂ်ႈ​လႆႈ​ၶဝ်ႈ​ပႃး​ၼႂ်း​ၸရၢင်း​ၼၼ်ႉ​ဢေႃႈ။-</verse>
				<verse number="4">ယူဝ်းသႅပ်ႈ ​ၵေႃႈ လုၵ်ႉ​သေ​ၵႃႈ​တီႈ​မိူင်း​ ၵႃႇလီႉလႄး ဝဵင်း​ ၼႃႇၸရႅတ်ႈ ​လႄႈ ၵႂႃႇ​ၵႃႈ​တီႈ​မိူင်း​ ယူႉတႃႉ ဝဵင်း​ တႃႇဝိတ်ႈ ဢၼ်​ႁွင်ႉ​ႁဵၵ်ႈ​ၸိုဝ်ႈ ပႅတ်ႉလႁႅမ်ႇ ။-</verse>
				<verse number="5">ႁႂ်ႈ​လႆႈ​ၶဝ်ႈ​ပႃး​ၼႂ်း​ၸရၢင်း​လူၺ်ႈ​ၵၼ်​တင်း​မေး​မၼ်း​ မႃႇရီႉ ဢၼ်​မၢႆ​ၵၼ်​ဝႆႉ​ယဝ်ႉ​ၼၼ်ႉ​ဢေႃႈ။ မိူဝ်ႈ​ၼၼ်ႉ မႃႇရီႉ ​မီး​ပတိၵ်ႉသၼ်ႇထေႇ​ဢၼ်​ၵႄႇ​ထူၼ်ႈ​ယဝ်ႉ​ဢေႃႈ။-</verse>
				<verse number="6">ၼႂ်း​မိူဝ်ႈ​ဢၼ်​မၼ်း​မီး​ယူႇ​ၵႃႈ​ၼႂ်း​ဝဵင်း​ၼၼ်ႉ​ၸိုင်၊ ၶိင်ႇ​ဢၼ်​မၼ်း​တၵ်း​လႆႈ​ၵိူတ်ႇ​လဵင်ႉ​လုၵ်ႈ​ထိုင်​မႃး​ဢေႃႈ။-</verse>
				<verse number="7">မၼ်း​ၵိူတ်ႇ​လဵင်ႉ​လုၵ်ႈ​ၸၢႆး​မႃး​လႄႈ ဢဝ်​တင်း​ၶူဝ်း​လဵင်း​ပူၵ်ႉ​ႁေႃႇ​ဝႆႉ​ယဝ်ႉ​ၸင်ႇ၊ ပိူဝ်ႈ​ဢၼ်​ၵႃႈ​တီႈ​ၼႂ်း​ႁိူၼ်း​ၶႅၵ်ႇ​ၼၼ်ႉ​တီႈ​ယူႇ​ဢမ်ႇ​မီး​လႄႈ ဢဝ်​ၶျႃး​သႂ်ႇ​ဝႆႉ​ၵႃႈ​ၼႂ်း​ၵွၵ်း​ဝူဝ်း​ၵိၼ်​ဢေႃႈ။</verse>
				<verse number="8">ၼႂ်း​မိူင်း​ၼၼ်ႉ မီး​ၵူၼ်း​ၸိူဝ်း​ဢၼ်​လဵင်ႉ​ထိင်း​သူဝ်း​ဢၼ်​မီး​ယူႇ​ၵႃႈ​ၼႂ်း​ထိူၼ်ႇ​လႄႈ ပႂ်ႉ​ၽုင်​သူဝ်း​တူဝ်​ၸဝ်ႈ​ၵဝ်ႇ​ယူႇ​ၶိင်ႇ​ၵၢင်​ၶိုၼ်း​ဢေႃႈ။-</verse>
				<verse number="9">ၵမ်း​ၼၼ်ႉ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ပေႃႇ​မႃး​တီႈ​ၶဝ်​ၼၼ်ႉ​သေ​လႄႈ မုၼ်​ၽုင်း​ထႃႇဝရႃႉ​ၽြႃး​ၵေႃႈ​ႁိူဝ်ႈ​လႅင်း ၵႃႈ​တီႈ​ႁိမ်း​ႁွမ်း​ၶဝ်​ၼၼ်ႉ​လႄႈ ၶဝ်​ၵူဝ်​ႁႄ​ၼႃႇ​လူင်​လၢင်​ဢေႃႈ။-</verse>
				<verse number="10">တမၢၼ်ႇ​ၵၢင်​ႁၢဝ်​ၵေႃႈ​လၢတ်ႈ​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ၊ ၵဝ်​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ ဢၼ်​ၵူၼ်း​တင်း​သဵင်ႈ​တင်း​လူင်​တၵ်း​သိူဝ်း​ၸူမ်း​မူၼ်ႈ​ပျေႃႇ​ၼႃႇ​လူင်​လၢင်​ၼၼ်ႉ​တီႈ​သူ​ဢေႃႈ။-</verse>
				<verse number="11">ဝၼ်း​မိူဝ်ႈ​ၼႆႉ ၸဝ်ႈ​ဢၼ်​ၵႄႇ​ၶျွတ်ႈ​ဢၼ်​ဝႃႈ​ၸဝ်ႈ​ၶရိၸ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး​ပုၼ်ႈ​သူ ၵႃႈ​ၼႂ်း​ဝဵင်း​ တႃႇဝိတ်ႈ ​ၼၼ်ႉ​ယဝ်ႉ။-</verse>
				<verse number="12">ဢၼ်​တၵ်း​ပဵၼ်​ၼီႉမိၵ်ႈ​လၢၵ်ႈၶၼႃႇ​တီႈ​သူ​ၸမ်ႉ၊ သူ​တၵ်း​ထူပ်း​ႁၼ်​လုၵ်ႈ​ဢွၼ်ႇ​ၼၼ်ႉ​ပူၵ်ႉ​ႁေႃႇ​တင်း​ၶူဝ်း​လဵင်း​သေ​လႄႈ ၶျႃး​ဝႆႉ​မီး​ယူႇ​ၼႂ်း​ၵွၵ်း​ဝူဝ်း​ၵိၼ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="13">တပ်ႉ​ၵၢင်​ႁၢဝ်​ၼမ်​ၼႃႇ​ပေႃႇ​မႃး​ၵမ်း​လဵဝ်​လူၺ်ႈ​ၵၼ်​တင်း တမၢၼ်ႇ​ၵၢင်​ႁၢဝ်​ၼၼ်ႉ​လႄႈ ဢွၼ်​ၵၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ​လႄႈ​ဝႃႈ၊-</verse>
				<verse number="14">ၵႃႈ​ၼိူဝ်​ပၢႆ​ၸိၵ်း​ၸွမ်​ၵၢင်​ႁၢဝ်​ပုၼ်ႉ ႁႂ်ႈ​မုၼ်​ၽုင်း​ၽြႃး​ပဵၼ်​ၸဝ်ႈ​ယႂ်ႇ​ၼႃႇ​သေ​ၵမ်း​လူၺ်ႈ။ ၵႃႈ​ၼိူဝ်​လိၼ်​မိူင်း​ၼႆႉ​ၵေႃႈ ႁႂ်ႈ​တၢင်း​ၼိမ်​မီး​ၵႃႈ​တီႈ​ၼႂ်း​ၵူၼ်း​ၸိူဝ်း​ဢၼ်​မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​တင်း​လၢႆ​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">တမၢၼ်ႇ​ၵၢင်​ႁၢဝ်​ၸိူဝ်း​ၼၼ်ႉ ၶိုၼ်း​မိူဝ်း​ၵႂႃႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ယဝ်ႉ​ၸင်ႇ၊​ၵူၼ်း​ၸိူဝ်း​ဢၼ်​လဵင်ႉ​ထိင်း​သူဝ်း​တင်း​လၢႆ​ၼၼ်ႉ​ၵေႃႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​လၢတ်ႈ​ၸႃ​ၵၼ်​လႄႈ​ဝႃႈ၊​ၵႂႃႇ​ၵႃႈ​တီႈ​ဝဵင်း​ ပႅတ်ႉလႁႅမ်ႇ ​ပုၼ်ႉ​တႃႉ​ႁဝ်း၊တူၺ်း​လွင်ႈ​တၢင်း​ဢၼ်​ပဵၼ်​မႃး​ယဝ်ႉ​လႄႈ ထႃႇဝရႃႉ​ၽြႃး​လၢတ်ႈ​ၼႄ​တီႈ​ႁဝ်း​ၼႆႉ​ၼၼ်ႉ​တႃႉ​ႁဝ်း၊​ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="16">ၶဝ်​ၼၼ်ႉ​ဢွၼ်​ၵၼ်​ၵႂႃႇ​ၶၼ်​ၶၼ်​ၽႂ်း​ၽႂ်း​လႄႈ ထူပ်း​ႁၼ်​ မႃႇရီႉ ​တင်း​ ယူဝ်းသႅပ်ႈ တင်း​လုၵ်ႈ​ဢွၼ်ႇ ဢၼ်​ၼွၼ်း​ယူႇ​ၵႃႈ​ၼႂ်း ၵွၵ်း​ဝူဝ်း​ၵိၼ်​ၼၼ်ႉ​ဢေႃႈ။-</verse>
				<verse number="17">ၶဝ်​ထူပ်း​ႁၼ်​သေ​ယဝ်ႉ၊​လၢတ်ႈ​ၵႂၢမ်း​ဢၼ်​ၶဝ်​လႆႈ​ငိၼ်း​လွင်ႈ​လုၵ်ႈ​ဢွၼ်ႇ​ၼၼ်ႉ​ၸွတ်ႇ​ၸႅတ်ႇ​ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="18">ၶဝ်​ၸိူဝ်း​ဢၼ်​လႆႈ​ငိၼ်း​ၵႃႈ​မီး​တင်း​သဵင်ႈ​တင်း​လူင် ဢၢမ်း​လွင်ႈ​ၵႂၢမ်း​ဢၼ်​ၵူၼ်း​ၸိူဝ်း​ဢၼ်​လဵင်ႉ​ထိင်း​သူဝ်း​တင်း​လၢႆ​လၢတ်ႈ​တီႈ​ၶဝ်​ၼၼ်ႉ​ဢေႃႈ။-</verse>
				<verse number="19">မႃႇရီႉ ​မၢတ်ႈ​တွင်း​ဝႆႉ လွင်ႈ​တၢင်း​တင်း​သဵင်ႈ​တင်း​လူင်​ၸိူဝ်း​ၼႆႉ​လႄႈ ၶႆႈ​ၸႂ်​ဝူၼ်ႉ​ၸႂ်​ယူႇ​ဢေႃႈ။-</verse>
				<verse number="20">ၵူၼ်း​ၸိူဝ်း​ဢၼ်​လဵင်ႉ​ထိင်း​သူဝ်း​တင်း​လၢႆ​ၼၼ်ႉ​ၵေႃႈ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​လႆႈ​ငိၼ်း​လႆႈ​ႁၼ်​ၵႃႈ​မီး​တင်း​သဵင်ႈ​တင်း​လူင် မႅၼ်ႈ​ၸွမ်း​ၼင်ႇ​ၵႃႈ​ဢၼ်​လၢတ်ႈ​ဝႆႉ​တီႈ​တူဝ်​ၸဝ်ႈ​ၵဝ်ႇ​ၼၼ်ႉ​လႄႈ ဢွၼ်​ၵၼ်​ယွင်ႈ​ယေႃး ဢဝ်​ၵျေး​ၸူး​ၽြႃး​ပဵၼ်​ၸဝ်ႈ​တၢင်ႇ​သေ​လႄႈ ၶိုၼ်း​မိူဝ်း​ၵႂႃႇ​ဢေႃႈ။</verse>
				<verse number="21">မိူဝ်ႈ​ဢၼ် ထိုင်​ႁွတ်ႈ​ပႅတ်ႇ​ဝၼ်း​ဢၼ်​ဝႃႈ​ၶိင်ႇ​ဢၼ်​တၵ်း​လႆႈ​ပၼ်​တၢင်း​ဢၼ်​ထိူဝ်​ႁိမ်း​တီႈ​လုၵ်ႈ​ဢွၼ်ႇ​ၼၼ်ႉ​ၸိုင်၊ လႆႈ​ႁွင်ႉ​ႁဵၵ်ႈ​ၸိုဝ်ႈ ယေႇသူႉ ဢၼ်​တမၢၼ်ႇ​ၵၢင်​ႁၢဝ်​ႁွင်ႉ​ႁဵၵ်ႈ ၸဵမ်​မိူဝ်ႈ​ၸူဝ်ႈ​ဢၼ်​မၼ်း​ၸဝ်ႈ​ဢမ်ႇ​ပႆႇ​တႄႇ​ပတိၵ်ႉသၼ်ႇထေႇ​ၼၼ်ႉ​ဢေႃႈ။</verse>
				<verse number="22">လိုၼ်း​ၼၼ်ႉ မိူဝ်ႈ​ဢၼ်​ဝၼ်း​ဢၼ်​တၵ်း​လႆႈ​ႁဵတ်း​တၢင်း​ဢၼ်​မူတ်း​သႂ် ၸွမ်း​ၼင်ႇ​ပိင်း​ၺၢပ်ႈ​တြႃး မူဝ်းသေႇ ​ၼၼ်ႉ​ၸေး​သဵင်ႈ​ယဝ်ႉ​ၸိုင်၊ ပေႃႈ​မႄႈ​ဢဝ်​လုၵ်ႈ​ဢွၼ်ႇ​ၼၼ်ႉ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ၊-</verse>
				<verse number="23">ဢဝ်​သၢၵ်ႈ​ၵၢပ်ႈ​ၵႃႈ​တီႈ​ထႃႇဝရႃႉ​ၽြႃး ၸွမ်း​ၵႃႈ​ၼင်ႇ​ဢၼ်​ၵျၢမ်း​ပိင်း​ၺၢပ်ႈ​တီႉ ထႃႇဝရႃႉ​ၽြႃး​မႃး​လႄႈ​ဝႃႈ၊ လုၵ်ႈ​တူၼ်ႈ​ၵူၼ်း​ၸၢႆး​တင်း​သဵင်ႈ​တင်း​လူင်​တၵ်း​လႆႈ​မူတ်း​ၸၢင်ႇ ပုၼ်ႈ​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ​ၸင်ႇ၊-</verse>
				<verse number="24">ပုၵ်ႈ​ၸေႃႇ​ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​ပိင်း​ၺၢပ်ႈ​တီႉ​ထႃႇဝရႃႉ​ၽြႃး​လႄႈ​ဝႃႈ၊ တၵ်း​လႆႈ​ပုၵ်ႈ​ၸေႃႇ​ၵႃ​ၵႄ​သွင်​တူဝ်၊​ဢမ်ႇ​ၼၼ်​ၵေႃႈ ၼူၵ်ႉ​တူႈ​သွင်​တူဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="25">မိူဝ်ႈ​ၼၼ်ႉ ၼႂ်း​ဝဵင်း​ ယေႇရူႉသလႅမ်ႇ မီး​ၵူၼ်း​ဢၼ်​လႆႈ​ၸိုဝ်ႈ​ သူႉမွင်ႇ ၵေႃႉ​ၼိုင်ႈ​ဢေႃႈ။ မၼ်း​ၼၼ်ႉ​ပဵၼ်​ၵေႃႉ​ဢၼ်​သိုဝ်ႈ​တေႃႇ၊ ၵေႃႉ​ဢၼ်​ရူဝ်ႇ​သေႇ​ၵူဝ်​ယမ်​တြႃး၊ ၵေႃႉ​ဢၼ်​မုင်ႈ​ထႃႈ​မွင်း​ထႃႈ လွင်ႈ​တၢင်း​ဢၼ်​သၢၵ်ႈ​သႃႇ ၸိူဝ်ႉ​ၶိူဝ်း​ ဢီႉသရေႇလႃႉ ​လႄႈ ၵႃႈ​ၼိူဝ်​မၼ်း​ၵေႃႈ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​တႄႇ​ယူႇ​ဢေႃႈ။</verse>
				<verse number="26">ၸူဝ်ႈ​ဢၼ်​မၼ်း​ဢမ်ႇ​ပႆႇ​ႁၼ်​ၸဝ်ႈ​ၶရိၸ်ႈ​ထႃႇဝရႃႉ​ၽြႃး​ၸိုင် မၼ်း​ဢမ်ႇ​လႆႈ​တၢႆ​ဝႃႈ​ၼႆ မၼ်း​လႆႈ​ပျႃႇ​တိၵ်ႈ​ၵႃႈ​တီႈ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ။-</verse>
				<verse number="27">မိူဝ်ႈ​ၼၼ်ႉ မၼ်း​ၼၼ်ႉ​ၵႂႃႇ​ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ​ၵွပ်ႈ​ပိူဝ်ႈ​ဝီႉၺိၺ်ႇ​ၸဝ်ႈ​လႄႈ မိူဝ်ႈ​ဢၼ်​ပေႃႈ​မႄႈ​ၸဝ်ႈ​ယင်း​တိုၵ်ႉ​ဢဝ်​လုၵ်ႈ​ဢွၼ်ႇ ယေႇသူႉ ​ၶဝ်ႈ​ၵႂႃႇ ႁႂ်ႈ​လႆႈ​ႁဵတ်း​ၸွမ်း​ၼင်ႇ​ထုင်း​ၸၢမ်ႇ​တြႃး​ယူႇ​ၼၼ်ႉ​ၸိုင်၊-</verse>
				<verse number="28">သူႉမွင်ႇ ​ဢဝ်​တင်း​မိုဝ်း​မၼ်း​ဢုမ်ႈ​ႁွပ်ႇ​ ယေႇသူႉ ​သေ​လႄႈ ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ​လႄႈ​ဝႃႈ၊-</verse>
				<verse number="29">ၸဝ်ႈ​ဢၼ်​ဢုပ်ႉ​ပိူင်ႇ​တီႈ​ၶႃႈ၊ ၵႃႈ​ၼင်ႇ​ဢၼ်​ပျႃႇ​တိၵ်ႈ​ၸဝ်ႈ​ႁဝ်း​မီး​ၼၼ်ႉ၊တေႃႈ​လဵဝ်​ၼႆႉ​ၸဝ်ႈ​ႁဝ်း​ပၼ်​ဢၶႂၢင်ႉ ဢၼ်​ၶႃႈ​ၸဝ်ႈ​ႁဝ်း​တၵ်း​လႆႈ​တၢႆ​ၼိမ်​ၼိမ်​တီႈ​ၶႃႈ​ဢေႃႈ။-</verse>
				<verse number="30">လွင်ႈ​မၼ်း​ၸမ်ႉ ၶႃႈ​ၸဝ်ႈ​ၼႆႉ​ဢဝ်​တင်း​မၢၵ်ႇ​တႃ​တူဝ်​ၸဝ်ႈ​ၵဝ်ႇ လႆႈ​ႁၼ်​တၢင်း​ဢၼ်​ၵႄႇ​ၶျွတ်ႈ​ၸဝ်ႈ​ႁဝ်း၊-</verse>
				<verse number="31">ဢၼ်​ၸဝ်ႈ​ႁဝ်း​မႄး​ႁႅၼ်း​ဝႆႉ​သိုဝ်ႈ​ၼႃႈ​တႂ်ႈ​တႃ​ၵူၼ်း​မဵဝ်း​တင်း​သဵင်ႈ​တင်း​လူင်၊-</verse>
				<verse number="32">ဢၼ်​ဝႃႈ​ဢၼ်​လႅင်း​ဢၼ်​တၵ်း​ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႅင်း​ၼၼ်ႉ​လႄႈ ယုၵ်ႉ​ယွင်ႈ​ၸိူဝ်ႉ​ၶိူဝ်း ဢီႉသရေႇလႃႉ ၵူၼ်း​ၸဝ်ႈ​ႁဝ်း​တင်း​လၢႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">ပေႃႈ​မႄႈ​ၸဝ်ႈ​ၼၼ်ႉ ဢၢမ်း​လွင်ႈ​တၢင်း​ဢၼ်​လၢတ်ႈ​လွင်ႈ​မၼ်း​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="34">သူႉမွင်ႇ ​ၵေႃႈ ပၼ်​တၢင်း​လီ​တီႈ​ၶဝ်​လႄႈ​လၢတ်ႈ​တီႈ​မႄႈ​ၸဝ်ႈ​ မႃႇရီႉ ​လႄႈ​ဝႃႈ၊ လုၵ်ႈ​ဢွၼ်ႇ​ၼႆႉ​ၸမ်ႉ၊ လွင်ႈ​ၼင်ႇ​ႁိုဝ်​ၵူၼ်း ဢီႉသရေႇလႃႉ ၼမ်​ၼႃႇ​တၵ်း​လူမ်ႉ ဢိၵ်ႇ​တင်း​လွင်ႈ​ၼင်ႇ​ႁိုဝ်​ၵူၼ်း​ၼမ်​ၼႃႇ​တၵ်း​လုၵ်ႉ တင်း​လွင်ႈ​ၼင်ႇ​ႁိုဝ်​တၵ်း​ပဵၼ်​ၼီႉမိၵ်ႈ​ဢၼ်​ပိူၼ်ႈ​တၵ်း​တွပ်ႇ​ထဵင်​လႄႈ ႁႂ်ႈ​တၢင်း​ၵျၢမ်ႇ​တၢင်း​ပွင်​ၵူၼ်း​ၼမ်​ၼႃႇ​ထၢင်ႇ​သႃး​ၸိုင် ပဵၼ်​ၵေႃႉ​ဢၼ်​ၶၢၼ်း​ဝႆႉ​ဢေႃႈ။-</verse>
				<verse number="35">လိူဝ်​သေ​ၼၼ်ႉ​ဢမ်ႇ​ၵႃး၊လၢပ်ႇ​လႅဝ်း​တၵ်း​တႅင်း​ႁူဝ်​ၸႂ်​မႂ်း​ဢေႃႈ၊​ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ၵမ်း​ၼၼ်ႉ မီး​မႄႈ​ယိင်း​ပရေႃးၽႅတ်ႈ​ဢၼ်​လႆႈ​ၸိုဝ်ႈ​ ဢႃႇၼႃႉ လုၵ်ႈ​ယိင်း​ ၽၼူၺ်ႇလႃႉ ဢၼ်​ပဵၼ်​မဵဝ်း​ ဢႃႇသႃႇ ၵေႃႉ​ၼိုင်ႈ​ဢေႃႈ။ မၼ်း​ၼၼ်ႉ ၸႃႉ​ၸဵမ်​မိူဝ်ႈ​ပဵၼ်​သၢဝ်​လႄႈ ယူႇ​ႁူမ်ႈ​ၵၼ်​တင်း​ၽူဝ်​ၸဵတ်း​ပီႊ​ၵူၺ်း​သေ​ယဝ်ႉ၊-</verse>
				<verse number="37">ပဵၼ်​မႄႈ​မူၵ်း​မႄႈ​မၢႆႈ​ဢၼ်​ဢသၢၵ်ႈ​လႆႈ​ပႅတ်ႇ​သိပ်း​ပၢႆ​သီႇ​ပီႊ​ၸမ်​ၸမ်​လႄႈ ဢဝ်​တင်း​တၢင်း​ဢၼ်​သူး​တွင်း​ဢိၵ်ႇ​တင်း​တၢင်း​ဢၼ်​ၵမ်​တၢင်း​ၵိၼ် ႁဵတ်း​ဝၢတ်ႈ​ၽြႃး​ပဵၼ်​ၸဝ်ႈ​တင်း​ဝၼ်း​တင်း​ၶိုၼ်း​တႃႇ​သေႇ​ဢမ်ႇ​ထၢတ်ႇ​ယူႇ​လႄႈ ယင်း​ဢမ်ႇ​ၽၢတ်ႇ​ဢမ်ႇ​ယၢၼ်​ပိၵ်ႈ​မၢၼ်ႇ​ၸဝ်ႈ​လႄႈ​ယူႇ​ဢေႃႈ။-</verse>
				<verse number="38">မၼ်း​ၵေႃႈ ၶဝ်ႈ​ၵႂႃႇ​မိူဝ်ႈ​ၼၼ်ႉ​ၵမ်း​လဵဝ်​လႄႈ​ယွင်ႈ​ယေႃး​ၵျေး​ၸူး​ထႃႇဝရႃႉ​ၽြႃး​သေ​လႄႈ လၢတ်ႈ​လွင်ႈ​လုၵ်ႈ​ဢွၼ်ႇ​ၼၼ်ႉ​တီႈ​ၶဝ်​ၸိူဝ်း​ဢၼ်​မုင်ႈ​ထႃႈ​မွင်း​ထႃႈ​လွင်ႈ​တၢင်း​ဢၼ်​ထုတ်ႇ​ဢဝ်​ဝဵင်း​ ယေႇရူႉသလႅမ်ႇ ​တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="39">ပေႃႈ​မႄႈ​ၸဝ်ႈ​ၼၼ်ႉ​ႁဵတ်း​ၵႃႈ​ဢၼ်​တၵ်း​လႆႈ​ႁဵတ်း​ၸွမ်း​ၼင်ႇ​ပိင်း​ၺၢပ်ႈ​တြႃး​ၼၼ်ႉ​တင်း​သဵင်ႈ​တင်း​လူင်​ယဝ်ႉ​ၸင်ႇ၊​ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ ၵႃႇလီႉလႄး ​ၸူး​ၵႃႈ​တီႈ​ဝဵင်း​တူဝ်​ၸဝ်ႈ​ၵဝ်ႇ​ဢၼ်​လႆႈ​ၸိုဝ်ႈ ဝဵင်း​ ၼႃႇၸရႅတ်ႈ ​ၼၼ်ႉ​သေ​ဢေႃႈ။-</verse>
				<verse number="40">လုၵ်ႈ​ဢွၼ်ႇ​ၼၼ်ႉ​ၵေႃႈ​ယႂ်ႇ​မႃး​လႄႈ တၢင်း​ႁူႉ​တၢင်း​ႁၼ်​ၽႄႈ​ၵႂၢင်ႈ​ၼမ်​မႃး​ယူႇ​သေ​လႄႈ ပျေႉ​ၸုမ်ႇ​တင်း​ၺၢၼ်ႇ​ပိင်ႇ​ၺႃႇ​ဢေႃႈ။ ၵျေး​ၸူး​ၽြႃး​ပဵၼ်​ၸဝ်ႈ​ၵေႃႈ​တႄႇ​ယူႇ​ၵႃႈ​ၼိူဝ်​မၼ်း​ဢေႃႈ။</verse>
				<verse number="41">ၶိင်ႇ​ပွႆး​ ပႃႉသၶႃႇ ​ၸိုင် ပေႃႈ​မႄႈ​ၸဝ်ႈ​ၼၼ်ႉ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ၵူႈ​ပီႊ​ၵူႈ​ပီႊ​ဢေႃႈ။-</verse>
				<verse number="42">မိူဝ်ႈ​ဢၼ်​ ယေႇသူႉ ​လႆႈ​သိပ်း​သွင်​ပီႊ​ၼၼ်ႉ​ၸိုင်၊​ၸွမ်း​ၼင်ႇ​ထုင်း​ၸၢမ်ႇ ပွႆး​ ပႃႉသၶႃႇ ​ၼၼ်ႉ ၶဝ်​ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ၊-</verse>
				<verse number="43">ဝၼ်း​ပွႆး​ၼၼ်ႉ​ပူၼ်ႉ​ယဝ်ႉ​ၸင်ႇ၊​မိူဝ်ႈ​ဢၼ်​ၶိုၼ်း​မိူဝ်း​ၸိုင် လုၵ်ႈ​ဢွၼ်ႇ​ဢၼ်​ဝႃႈ ယေႇသူႉ ​ၼၼ်ႉ ၵိုတ်း​ယူႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ၊ပေႃႈ​မႄႈ​ၸဝ်ႈ​ဢမ်ႇ​ႁူႉ​လွင်ႈ​တီႈ​ႁဵင်း​ၼၼ်ႉ​လႄႈ၊-</verse>
				<verse number="44">ထၢင်ႇ​မၼ်း​ၸဝ်ႈ​ပႃး​မႃး​ၼႂ်း​မူႇ​ၼႂ်း​ၽုင်​ၵေႃႉ​သေႈ​တင်း​လၢႆ​ယူႇ၊​ဝႃႈ​ၼင်ႇ​ၼႆ​လႄႈ ၵႂႃႇ​ၶၢဝ်း​တၢင်း​လႆႈ​ဝၼ်း​ၼိုင်ႈ​ယဝ်ႉ​ၸင်ႇ၊ႁႃ​မၼ်း​ၸဝ်ႈ​ၵႃႈ​ၼႂ်း​ၸိူဝ်ႉ​ၶိူဝ်း​ပီႈ​ၼွင်ႉ​တင်း​ၵူၼ်း​ႁူႉ​ၸၵ်း​တင်း​လၢႆ​လႄႈ၊-</verse>
				<verse number="45">မိူဝ်ႈ​ဢၼ်​ဢမ်ႇ​ထူပ်း​ဢမ်ႇ​ႁၼ်​ၸိုင် ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ႁႃ​ဢေႃႈ။-</verse>
				<verse number="46">မိူဝ်ႈ​ဢၼ်​ပူၼ်ႉ​သၢမ်​ဝၼ်း​ၸိုင်၊ ၶဝ်​ထူပ်း​ႁၼ်​လုၵ်ႈ​ဢွၼ်ႇ​ၼၼ်ႉ​ၼင်ႈ​ယူႇ​ၵႃႈ​ၼႂ်း​ၵၢင်​သြႃႇ​တင်း​လၢႆ​သေ​လႄႈ တိူင်ႇ​ပၢင်ႇ​တွင်ႈ​ထၢမ်​လၢတ်ႈ​ၸႃ​ၵၼ်​တင်း​ၶဝ်​ၵႃႈ​တီႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ယူႇ​ဢေႃႈ။-</verse>
				<verse number="47">ၶဝ်​ၸိူဝ်း​ဢၼ်​ငိၼ်း​ၵႂၢမ်း​မၼ်း​ၸဝ်ႈ​တင်း​သဵင်ႈ​တင်း​လူင်​ၼၼ်ႉ ဢၢမ်း​လွင်ႈ​ပိင်ႇ​ၺႃႇ​မၼ်း​ၸဝ်ႈ​ဢိၵ်ႇ​တင်း​ၵႂၢမ်း​ဢၼ်​မၼ်း​ၸဝ်ႈ ၶိုၼ်း​လၢတ်ႈ​ၼၼ်ႉ​ၼႃႇ​လူင်​လၢင်​ဢေႃႈ။-</verse>
				<verse number="48">ပေႃႈ​မႄႈ​ၸဝ်ႈ​ၼၼ်ႉ မိူဝ်ႈ​ဢၼ်​ႁၼ်​မၼ်း​ၸဝ်ႈ​ၸိုင် ၵႂင်​ၸႂ်​ယုင်ႈ​ၸႂ်​လႄႈ မႄႈ​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊​လုၵ်ႈ​ၵဝ်​ဢိူၺ်း၊ ႁဵတ်း​ႁိုဝ်​လႄႈ​ႁဵတ်း​ၸိူဝ်ႉ​ၼင်ႇ​ၼႆ​တီႈ​ႁဝ်း​ၼင်ႇ​ႁိုဝ်။ တူၺ်း​လူး၊ ပေႃႈ​မႂ်း​တင်း​ၵဝ်​မီး​တၢင်း​ဢၼ်​မႆႈ​ၸႂ်​ၶီ​ၸႂ်​သေ​လႄႈ ႁႃ​မႂ်း​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="49">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊သူ​ၸဝ်ႈ​ႁဵတ်း​သင်​လႄႈ​လႆႈ​ႁႃ​ၵဝ်​ၶႃႈ​ၸိူဝ်ႉ​ၼင်ႇ​ႁိုဝ်​ၶႃႈ။ လွင်ႈ​ဢၼ်​ၵဝ်​ၶႃႈ​တၵ်း​လႆႈ​ယူႇ​ၼႂ်း​ႁိူၼ်း​ပေႃႈ​ၵဝ်​ၶႃႈ​ၸိုင် ဢမ်ႇ​ႁူႉ​ၶႃႈ​ႁိုဝ်။ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="50">ၶဝ်​ဢမ်ႇ​ႁူႉ​ၵႂၢမ်း​ဢၼ်​မၼ်း​ၸဝ်ႈ​လၢတ်ႈ​တီႈ​ၶဝ်​ၼၼ်ႉ​လႄႈ​ယူႇ​ဢေႃႈ။-</verse>
				<verse number="51">လိုၼ်း​ၼၼ်ႉ မၼ်း​ၸဝ်ႈ​ၵႂႃႇ​လူၺ်ႈ​ၵၼ်​တင်း​ၶဝ်​သေ​ယဝ်ႉ၊ ႁွတ်ႈ​ထိုင်​ဝဵင်း​ ၼႃႇၸရႅတ်ႈ ​လႄႈ ထွမ်ႇ​ဢဝ်​ၵႂၢမ်း​ၶဝ်​ယူႇ​ဢေႃႈ။ လွင်ႈ​တၢင်း​ၸိူဝ်း​ၼၼ်ႉ​တင်း​သဵင်ႈ​တင်း​လူင်​ၸိုင် မႄႈ​ၸဝ်ႈ​မၢတ်ႈ​တွင်း​ဝႆႉ​ၵႃႈ​ၼႂ်း​ႁူဝ်​ၸႂ်​ယူႇ​ဢေႃႈ။-</verse>
				<verse number="52">ယေႇသူႉ ​ၵေႃႈ​ယႂ်ႇ​မႃး​လႄႈ ပိင်ႇ​ၺႃႇ​ၼမ်​မႃး​ၵိုၼ်း​မႃး​ယူႇ​သေ​လႄႈ လႆႈ​ၼႃႈ​လႆႈ​တႃ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ဢေႃႈ။</verse>
			</chapter>
			<chapter number="3">
				<verse number="1">ၼႂ်း​မိူဝ်ႈ​ဢၼ် ၶုၼ်​ႁေႃ​ၶမ်း​ ၵေႇသႃႇ​တီႉပေႇရီႉ လႆႈ​ၸၢမ်ႇ​ႁၢင်ႈ​ၸၢမ်ႇ​ႁေႃ​သိပ်း​ႁႃႈ​ပီႊ၊ ပွၼ်ႇတီႉ​ပီႉလတ်ႉ ​လႆႈ​ဢရႃႇ​ၶုၼ်​မိူင်း​ ယူႉတႃႉ၊ ႁေႇရူတ်ႈ ​လႆႈ​ဢရႃႇ​ၸဝ်ႈ​ၽႃႉ ၼႂ်း​မိူင်း​ ၵႃႇလီႉလႄး၊ ၽီႉလိပ်ႉပူႉ ၼွင်ႉ​ၸၢႆး​မၼ်း​လႆႈ​ဢရႃႇ​ၸဝ်ႈ​ၽႃႉ ၼႂ်း​မိူင်း​ ဢီႉတူႉရေႇ တင်း​မိူင်း​ တြႃႇၶေႃးၼိတ်ႉ၊ လူႉသႃႇၼီႉ လႆႈ​ဢရႃႇ​ၸဝ်ႈ​ၽႃႉ ၼႂ်း​မိူင်း​ ဢႃႇၽီႉလီႉၼီႉ ၊-</verse>
				<verse number="2">ဢၼ်ႇၼၢတ်ႉ ​တင်း​ ၵႃႇယၽႃႉ လႆႈ​ဢရႃႇ ၶုၼ်​ယိတ်ႈပရေႃးႁဵၵ်ႈ​လႄႈ မီး​ယူႇ​ႁင်း​ၽႂ်​ႁင်း​မၼ်း​ၼၼ်ႉ ယူဝ်းႁၢၼ်ႇ ​လုၵ်ႈ​ၸၢႆး​ ၸႃႇၶရီႉ လႆႈ​ပျႃႇ​တိၵ်ႈ​ၽြႃး​ပဵၼ်​ၸဝ်ႈ ၵႃႈ​တီႈ​ၼႂ်း​ထိူၼ်ႇ​ဢေႃႈ။-</verse>
				<verse number="3">ယူဝ်းႁၢၼ်ႇ ​ၼၼ်ႉ လႄႇ​လဵပ်ႈ​ႁိမ်း​ႁွမ်း​ၼမ်ႉ​ႁွင်ႈ​ ယေႃးတၢၼ်ႇ ၵူႈ​တီႈ​ၵူႈ​လႅၼ်​လႄႈ ႁေႃး​လၢတ်ႈ​တြႃး​ ပပ်ႉတီႉၸမ်ႇ ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ် ပုၼ်ႈ​လွင်ႈ​ၼင်ႇ​ႁိုဝ်​တၵ်း​လွတ်ႈ​ဢပႅတ်ႈ​ဢေႃႈ။-</verse>
				<verse number="4">ၼႂ်း​ၵျၢမ်း​ပရေႃးၽႅတ်ႈ​ ဢီႉသႃႇယႃႉ ​မႃး​လႄႈ​ဝႃႈ​ၸမ်ႉ၊သဵင်​ၵေႃႉ​ဢၼ်​ႁွင်ႉ​သႅၼ်ႇ​ၵႃႈ​တီႈ​ၼႂ်း​ထိူၼ်ႇ​လႄႈ​ဝႃႈ၊မႄး​သဵၼ်ႈ​တၢင်း​ထႃႇဝရႃႉ​ၽြႃး​တႃႉ၊​ႁႂ်ႈ​သဵၼ်ႈ​တၢင်း​မၼ်း​ၸဝ်ႈ​သိုဝ်ႈ​တႃႉ။-</verse>
				<verse number="5">တီႈ​ဢၼ်​ၶူင်ႈ​ဢၼ်​ယၢၼ်း​ၵႃႈ​မီး​ၸိုင် တၵ်း​လႆႈ​ထူမ်​ဢေႃႈ။ လွႆ​လူင်​လွႆ​ဢွၼ်ႇ​ၵႃႈ​မီး​ၸိုင်၊ တၵ်း​လႆႈ​ၵိူၼ်ႇ​ႁႂ်ႈ​တဵမ်​ဢေႃႈ။ သဵၼ်ႈ​တၢင်း​ဢၼ်​ၵူတ်ႉ​ဢၼ်​ငွၵ်း​တင်း​လၢႆ​ၸိုင်၊ တၵ်း​လႆႈ​ႁႂ်ႈ​သိုဝ်ႈ​ဢေႃႈ။ တၢင်း​ဢၼ်​ႁူၵ်ႉ​ႁၵ်း​ၶုၵ်း​ၶီ​ၶုၵ်း​ၶၵ်း​တင်း​လၢႆ​ၵေႃႈ တၵ်း​လႆႈ​ၽဵဝ်ႈ​ႁႂ်ႈ​လိူမ်ႈ​ဢေႃႈ။-</verse>
				<verse number="6">ၵူၼ်း​တင်း​သဵင်ႈ​တင်း​လူင်​တၵ်း​လႆႈ​ႁၼ်​တၢင်း​ဢၼ်​ၵႄႇ​ၶျွတ်ႈ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">မိူဝ်ႈ​ၼၼ်ႉ ယူဝ်းႁၢၼ်ႇ ႁေႃး​လၢတ်ႈ​ၵႃႈ​တီႈ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​လႄႈ​ဝႃႈ​ၸမ်ႉ၊ ၸိူဝ်ႉ​ၶိူဝ်း​ငူး​ႁၢႆႉ​ၶဝ်​ဢိူၺ်း၊ ၼင်ႇ​ႁိုဝ်​သူ​တၵ်း​လႅၼ်ႈ​ပၢႆႈ​သေ​ၵႃႈ​တီႈ​ၽေး​တၢမ်ႇ​ဢၼ်​တၵ်း​ႁွတ်ႈ​မႃး​ၼၼ်ႉ​ၸိုင် ၽူႈ​လႂ်​ပၼ်​သတီႉ​တီႈ​သူ။-</verse>
				<verse number="8">မၢၵ်ႇ​ဢၼ်​ၵိုင်ႇ​ၵၼ်​တင်း​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၸိုင်​မၢၵ်ႇ​တႃႉ။ ဢႃႇပြႃႇႁၢမ်ႇ ​ပဵၼ်​ပေႃႈ​ႁဝ်း​ဝႃႈ​ၼႆ​ယႃႇ​ပေ​ထၢင်ႇ​ပေ​ဝႃႈ​ၼႂ်း​ၸႂ်။ ၵဝ်​ဝႃႈ​ၸမ်ႉ၊ ၼႂ်း​မၢၵ်ႇ​ႁိၼ်​တင်း​လၢႆ​ၼႆႉ​ၽြႃး​ပဵၼ်​ၸဝ်ႈ ဢဝ်​ဢွၵ်ႇ​ၽၢၼ်ႇ​သၢင်း​ႁဵတ်း​ပဵၼ်​လုၵ်ႈ ဢႃႇပြႃႇႁၢမ်ႇ ​တင်း​လၢႆ​လႆႈ​ယူႇ​ဢေႃႈ။-</verse>
				<verse number="9">တေႃႈ​လဵဝ်​ၼႆႉ ဢဝ်​တင်း​တႃ​မၢတ်ႇ​ဝႆႉ​ၵႃႈ​တီႈ​ႁိမ်း​ႁၢၵ်ႈ​တူၼ်ႈ​မႆႉ​ယူႇ​လႄႈ တူၼ်ႈ​ဢၼ်​ဢမ်ႇ​မၢၵ်ႇ​မၢၵ်ႇ​ဢၼ်​လီ​ၵႃႈ​မီး​တင်း​သဵင်ႈ​တင်း​လူင်​ၸိုင် ၽၼ်း​လူမ်ႉ​လႄႈ​ၶျႃး​သႂ်ႇ​ၼႂ်း​ၽႆး​ဢေႃႈ။</verse>
				<verse number="10">ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ၵေႃႈ လဝ်ႊ​ထၢမ်​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ႁဝ်း​ၶႃႈ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">ယူဝ်းႁၢၼ်ႇ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ႁႂ်ႈ​ၵေႃႉ​ဢၼ်​မီး​သိူဝ်ႈ​သွင်​ၽိုၼ်​ၼၼ်ႉ ပၼ်​တီႈ​ၵေႃႉ​ဢၼ်​ဢမ်ႇ​မီး​သိူဝ်ႈ​ၼၼ်ႉ​တႃႉ။ ၵေႃႉ​ဢၼ်​မီး​တၢင်း​ၵိၼ်​တၢင်း​ၶူပ်း​ၵေႃႈ ႁႂ်ႈ​ႁဵတ်း​ၸိူဝ်ႉ​ၼင်ႇ​ၼၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵူၼ်း​ၵဵပ်း​ၶွၼ်ႇ​တင်း​လၢႆ မႃး​ႁႂ်ႈ​လႆႈ​ၶၢမ်ႇ​ ပပ်ႉတီႉၸမ်ႇ ​လႄႈ​လဝ်ႊ​ထၢမ်​လႄႈ​ဝႃႈ၊ သြႃႇ​ၸဝ်ႈ၊ ႁဝ်း​ၶႃႈ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၶႃႈ၊​မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">မၼ်း​ၵေႃႈ​လၢတ်ႈ​လႄႈ​ဝႃႈ၊ သူ​ယႃႇ​ပေ​ဢဝ်​လိူဝ်​တွၼ်း​သေ​ဢၼ်​ၸဝ်ႈ​သူ​ၶၢၼ်း​ဝႆႉ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၵူၼ်း​သိုၵ်း​တင်း​လၢႆ​ၵေႃႈ​လဝ်ႊ​ထၢမ်​လႄႈ​ဝႃႈ၊​ႁဝ်း​ၶႃႈ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊​မၼ်း​ၵေႃႈ​လၢတ်ႈ​လႄႈ​ဝႃႈ၊ သူ​ယႃႇ​ပေ​ႁဵတ်း​ပႄႉ​ႁဵတ်း​ၼႅင်ႇ​ၵႃႈ​တီႈ​ပိူၼ်ႈ​တၢင်ႇ​ၵေႃႉ၊ယႃႇ​ပေ​မၢပ်ႇ​ၵိၼ်​မႂ်​ၵိၼ်​ပိူၼ်ႈ​တၢင်ႇ​ၵေႃႉ၊​မီး​ၸႂ်​ဢၼ်​ဢိမ်ႇ​ဢၼ်​တဵမ်​တင်း​ၵႃႈ​မၼ်း​ၶၼ်​မၼ်း ဢၼ်​တူဝ်​ၸဝ်ႈ​ၵဝ်ႇ​လႆႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ၼႂ်း​မိူဝ်ႈ​ဢၼ်​ၵူၼ်း​တင်း​လၢႆ​ၸိူဝ်း​ၼၼ်ႉ မုင်ႈ​ထႃႈ​မွင်း​ထႃႈ​လွင်ႈ​ ယူဝ်းႁၢၼ်ႇ ​လႄႈ ၶဝ်​တင်း​သဵင်ႈ​တင်း​လူင်​ၶႆႈ​ၸႂ်​ဝူၼ်ႉ​ၸႂ်​လႄႈ​ဝႃႈ၊ ယူဝ်းႁၢၼ်ႇ ​ၼၼ်ႉ​ပဵၼ်​ၸဝ်ႈ​ၶရိၸ်ႈ ၸႂ်ႈ​ႁိုဝ်​၊ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ယူႇ​ၼၼ်ႉ​ၸိုင်၊-</verse>
				<verse number="16">ယူဝ်းႁၢၼ်ႇ ၶိုၼ်း​လၢတ်ႈ​တီႈ​ၵူၼ်း​တင်း​သဵင်ႈ​တင်း​လူင်​ၼၼ်ႉ​လႄႈ​ဝႃႈ​ၸမ်ႉ၊ ၵဝ်​ဢဝ်​သူ​ပၼ်​ ပပ်ႉတီႉၸမ်ႇ ​ၼႂ်း​ၼမ်ႉ​ဢေႃႈ၊ ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​သေ​ၵဝ်​ၼႆႉ​မႃး​ယူႇ​ဢေႃႈ၊ ၵဝ်​ၼႆႉ​ယင်း​ဢမ်ႇ​ထိူၵ်ႈ​ၵႄႈ​ဢဝ်​သၢႆ​ၶႅပ်း​တိၼ်​ၵေႃႉ​ၼၼ်ႉ၊ ၵေႃႉ​ၼၼ်ႉ ၼႂ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​လႄႈ​သင်၊ ၼႂ်း​ၽႆး​လႄႈ​သင်၊ တၵ်း​ဢဝ်​သူ​ပၼ်​ ပပ်ႉတီႉၸမ်ႇ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၼႂ်း​မိုဝ်း​မၼ်း​ၸဝ်ႈ​ၼၼ်ႉ​မီး​လူင်ႈ​ၽတ်း​ယူႇ​လႄႈ​တၵ်း​ႁႂ်ႈ​တလၢင်း​ယဵပ်ႇ​ၶဝ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​ဢေႃႈ။ ၶဝ်ႈ​ၵျုင်ႇ​တူဝ်​ၸဝ်ႈ​ၵဝ်ႇ​ၸမ်ႉ၊ တၵ်း​ဢဝ်​ၸူႉ​ဢဝ်​သိမ်း​ဝႆႉ​ၼႂ်း​ယွင်​ၼႂ်း​ယေး​လႄႈ ၶဝ်ႈ​လိပ်ႈ​ၸမ်ႉ၊ တၵ်း​ဢဝ်​တင်း​ၽႆး​ဢၼ်​ဢမ်ႇ​မွတ်ႇ​လႆႈ​ၼၼ်ႉ​တုတ်ႇ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မၼ်း​ဢဝ်​တင်း​ၵႂၢမ်း​တၢင်ႇ​ၸိူဝ်ႉ​တၢင်ႇ​ဢၼ်​ၼမ်​ၼႃႇ တိုၵ်း​ယူင်း​ၸူဝ်း​ဢဝ်​လႄႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​တီႈ​ၵူၼ်း​ၸိူဝ်း​ၼၼ်ႉ​ဢေႃႈ။</verse>
				<verse number="19">ပိူဝ်ႈ​ဢၼ်​ ယူဝ်းႁၢၼ်ႇ ၽုၺ်ႇ​ၼႄ​သင်ႇ​သွၼ်​ပၼ်​တီႈ​ၸဝ်ႈ​ၽႃႉ​ ႁေႇရူတ်ႈ ၸႃႉ​ၸဵမ်​လွင်ႈ​ ႁေႇရူဝ်းတီႉ မေး​ၼွင်ႉ​ၸၢႆး​မၼ်း ဢိၵ်ႇ​တင်း​တူႉ​ၸရိူၵ်ႈ​ဢပႅတ်ႈ​ၵႃႈ​ဢၼ်​မၼ်း​လႆႈ​ႁဵတ်း​ၼၼ်ႉ​လႄႈ၊-</verse>
				<verse number="20">ႁေႇရူတ်ႈ ​ၼၼ်ႉ သမ်ႉ​ဢဝ်​ဢပႅတ်ႈ​ဢၼ်​မႂ်ႇ​သႂ်ႇ​ထၢပ်ႈ​ထႅင်ႈ​ၵႃႈ​ၼိူဝ်​ဢပႅတ်ႈ​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​သေ​လႄႈ ဢဝ်​ ယူဝ်းႁၢၼ်ႇ ၶင်​ဝႆႉ​ၵႃႈ​ၼႂ်း​ထွင်ႇ​ဢေႃႈ။</verse>
				<verse number="21">မိူဝ်ႈ​ဢၼ်​ၵူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၶၢမ်ႇ​ ပပ်ႉတီႉၸမ်ႇ ​ၸိုင်၊ ယေႇသူႉ ​ၵေႃႈ​ၶၢမ်ႇ​ ပပ်ႉတီႉၸမ်ႇ ​လႄႈ၊​ၼႂ်း​မိူဝ်ႈ​ဢၼ်​မၼ်း​ၸဝ်ႈ​သူး​တွင်း​ယူႇ​ၼၼ်ႉ၊ၵၢင်​ႁၢဝ်​ၽုၺ်ႇ​ပိုတ်ႇ​သေ​လႄႈ၊-</verse>
				<verse number="22">ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ပဵၼ်​ပုင်ႇ​ႁၢင်ႈ​ၸိူဝ်ႉ​ၼင်ႇ​ၼူၵ်ႉ​တူႈ​ၼၼ်ႉ​လူင်း​မႃး​ၵႃႈ​ၼိူဝ်​မၼ်း​ၸဝ်ႈ​လႄႈ သဵင်​ၸဝ်ႈ​ပဵၼ်​မႃး​ၵႃႈ​ၼိူဝ်​ၵၢင်​ႁၢဝ်​လႄႈ​ဝႃႈ၊​ၵေႃႉ​ၼႆႉ​ၸမ်ႉ၊ပဵၼ်​လုၵ်ႈ​ဢၼ်​ၵဝ်​ႁၵ်ႉ​ၼႃႇ၊​တီႈ​ဢၼ်​ၵဝ်​ထုၵ်ႇ​ၸႂ်​ၵျိူၵ်ႈ​ၸႂ်​ၼႃႇ​ဢေႃႈ၊​ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ယေႇသူႉ ​ၼၼ်ႉ မိူဝ်ႈ​ဢၼ်​ၸႃႉ​ႁေႃး​ၸႃႉ​လၢတ်ႈ​ၼၼ်ႉ​ၸိုင်၊ ဢသၢၵ်ႈ​လႆႈ​သၢမ်​သိပ်း​ၸမ်​ၸမ်​ဢေႃႈ။ ၵႃႈ​ၼင်ႇ​ဢၼ်​ၵူၼ်း​တင်း​လၢႆ​ထၢင်ႇ​ထိူမ်​ၼၼ်ႉ၊ မၼ်း​ၸဝ်ႈ​ပဵၼ်​လုၵ်ႈ​ ယူဝ်းသႅပ်ႈ၊ ယူဝ်းသႅပ်ႈ ​ပဵၼ်​လုၵ်ႈ​ ဢေးလီႉ ၊-</verse>
				<verse number="24">ဢေးလီႉ ​ပဵၼ်​လုၵ်ႈ မတ်ႈထတ်ႈ၊ မတ်ႈထတ်ႈ ​ပဵၼ်​လုၵ်ႈ​ လေႇဝီႉ၊ လေႇဝီႉ ပဵၼ်​လုၵ်ႈ​ မေႇလၶီႉ၊ မေႇလၶီႉ ​ပဵၼ်​လုၵ်ႈ​ ယၢၼ်ႇၼႃႉ၊ ယၢၼ်ႇၼႃႉ ​ပဵၼ်​လုၵ်ႈ​ ယူဝ်းသႅပ်ႈ ၊-</verse>
				<verse number="25">ယူဝ်းသႅပ်ႈ ​ပဵၼ်​လုၵ်ႈ​ မတ်ႉတထီႉ၊ မတ်ႉတထီႉ ​ပဵၼ်​လုၵ်ႈ​ ဢႃႇမုတ်ႉ၊ ဢႃႇမုတ်ႉ ​ပဵၼ်​လုၵ်ႈ​ ၼႃႇႁုမ်ႇ၊ ၼႃႇႁုမ်ႇ ​ပဵၼ်​လုၵ်ႈ​ ဢေးသလီႉ၊ ဢေးသလီႉ ပဵၼ်​လုၵ်ႈ​ ၼၵ်ႉၵေႇ ၊-</verse>
				<verse number="26">ၼၵ်ႉၵေႇ ​ပဵၼ်​လုၵ်ႈ​ မႃႇဢတ်ႈ၊ မႃႇဢတ်ႈ ​ပဵၼ်​လုၵ်ႈ​ မတ်ႉတထီႉ၊ မတ်ႉတထီႉ ​ပဵၼ်​လုၵ်ႈ​ သိမ်ႇမီႉ၊ သိမ်ႇမီႉ ​ပဵၼ်​လုၵ်ႈ​ ယူဝ်းသႅပ်ႈ၊ ယူဝ်းသႅပ်ႈ ​ပဵၼ်​လုၵ်ႈ​ ယူႉတႃႉ ၊-</verse>
				<verse number="27">ယူႉတႃႉ ​ပဵၼ်​လုၵ်ႈ​ ယူဝ်းႁၢၼ်ႇၼႃႉ၊ ယူဝ်းႁၢၼ်ႇၼႃႉ ​ပဵၼ်​လုၵ်ႈ​ ရေႇသႃႇ၊ ရေႇသႃႇ ​ပဵၼ်​လုၵ်ႈ​ ၸေႇရူႉပႃႉပေႇလႃႉ၊ ၸေႇရူႉပႃႉပေႇလႃႉ ​ပဵၼ်​လုၵ်ႈ​ သႃလထီႉဢေးလႃႉ၊ သႃလထီႉဢေးလႃႉ ​ပဵၼ်​လုၵ်ႈ​ ၼီႇရီႉ ၊-</verse>
				<verse number="28">ၼီႇရီႉ ​ပဵၼ်​လုၵ်ႈ​ မေႇလၶီႉ၊ မေႇလၶီႉ ​ပဵၼ်​လုၵ်ႈ​ ဢတ်ႉတီႉ၊ ဢတ်ႉတီႉ ​ပဵၼ်​လုၵ်ႈ​ ၵူဝ်းသမ်ႇ၊ ၵူဝ်းသမ်ႇ ​ပဵၼ်​လုၵ်ႈ​ ဢေးလမူဝ်းတမ်ႇ၊ ဢေးလမူဝ်းတမ်ႇ ​ပဵၼ်​လုၵ်ႈ​ ဢေးရႃႉ ၊-</verse>
				<verse number="29">ဢေးရႃႉ ​ပဵၼ်​လုၵ်ႈ​ ယူဝ်းသေႇ၊ ယူဝ်းသေႇ ​ပဵၼ်​လုၵ်ႈ​ ဢေးလျႃႇၸႃႇ၊ ဢေးလျႃႇၸႃႇ ​ပဵၼ်​လုၵ်ႈ​ ယူဝ်းရိမ်ႇ၊ ယူဝ်းရိမ်ႇ ​ပဵၼ်​လုၵ်ႈ​ မတ်ႈထတ်ႈ၊ မတ်ႈထတ်ႈ ​ပဵၼ်​လုၵ်ႈ​ လေႇဝီႉ ၊-</verse>
				<verse number="30">လေႇဝီႉ ​ပဵၼ်​လုၵ်ႈ​ သူႉမွင်ႇ၊ သူႉမွင်ႇ ပဵၼ်​လုၵ်ႈ​ ယူႉတႃႉ၊ ယူႉတႃႉ ​ပဵၼ်​လုၵ်ႈ​ ယူဝ်းသႅပ်ႈ၊ ယူဝ်းသႅပ်ႈ ​ပဵၼ်​လုၵ်ႈ​ ယူဝ်းႁၼ်ႇ၊ ယူဝ်းႁၼ်ႇ ​ပဵၼ်​လုၵ်ႈ​ ဢေးလျႃႇၵိမ်ႇ ၊-</verse>
				<verse number="31">ဢေးလျႃႇၵိမ်ႇ ​ပဵၼ်​လုၵ်ႈ​ မေႇလေႇ၊ မေႇလေႇ ​ပဵၼ်​လုၵ်ႈ​ မေးၼၼ်ႇ၊ မေးၼၼ်ႇ ​ပဵၼ်​လုၵ်ႈ​ မတ်ႉတထႃႉ၊ မတ်ႉတထႃႉ ​ပဵၼ်​လုၵ်ႈ​ ၼႃႇထၼ်ႇ၊ ၼႃႇထၼ်ႇ ​ပဵၼ်​လုၵ်ႈ​ တႃႇဝိတ်ႈ ၊-</verse>
				<verse number="32">တႃႇဝိတ်ႈ ​ပဵၼ်​လုၵ်ႈ​ ယေႇသႄး၊ ယေႇသႄး ​ပဵၼ်​လုၵ်ႈ​ ဢူဝ်းပိတ်ႉ၊ ဢူဝ်းပိတ်ႉ ​ပဵၼ်​လုၵ်ႈ​ ပေႃးၸႃႉ၊ ပေႃးၸႃႉ ​ပဵၼ်​လုၵ်ႈ​ ၸႃႇလမုၼ်ႇ၊ ၸႃႇလမုၼ်ႇ ​ပဵၼ်​လုၵ်ႈ​ ၼႃႇသုၼ်ႇ ၊-</verse>
				<verse number="33">ၼႃႇသုၼ်ႇ ​ပဵၼ်​လုၵ်ႈ​ ဢမီႉၼတပ်ႉ၊ ဢမီႉၼတပ်ႉ ​ပဵၼ်​လုၵ်ႈ​ ဢႃႇရမ်ႇ၊ ဢႃႇရမ်ႇ ​ပဵၼ်​လုၵ်ႈ​ ႁေႇၸရုၼ်ႇ၊ ႁေႇၸရုၼ်ႇ ​ပဵၼ်​လုၵ်ႈ​ ၽေးရိတ်ႉ၊ ၽေးရိတ်ႉ ​ပဵၼ်​လုၵ်ႈ​ ယူႉတႃႉ ၊-</verse>
				<verse number="34">ယူႉတႃႉ ​ပဵၼ်​လုၵ်ႈ​ ယႃႇၵုပ်ႈ၊ ယႃႇၵုပ်ႈ ​ပဵၼ်​လုၵ်ႈ​ ဢီႉၸၢၵ်ႈ၊ ဢီႉၸၢၵ်ႈ ​ပဵၼ်​လုၵ်ႈ​ ဢႃႇပြႃႇႁၢမ်ႇ၊ ဢႃႇပြႃႇႁၢမ်ႇ ​ပဵၼ်​လုၵ်ႈ​ တေႇရႃႉ၊ တေႇရႃႉ ​ပဵၼ်​လုၵ်ႈ​ ၼႃႇၶေႃႇ ၊-</verse>
				<verse number="35">ၼႃႇၶေႃႇ ​ပဵၼ်​လုၵ်ႈ​ ၸေႇရွၵ်ႉ၊ ၸေႇရွၵ်ႉ ​ပဵၼ်​လုၵ်ႈ​ ရႃႇၵေႃး၊ ရႃႇၵေႃး ​ပဵၼ်​လုၵ်ႈ​ ၽႃႇလိၵ်ႉ၊ ၽႃႇလိၵ်ႉ ​ပဵၼ်​လုၵ်ႈ​ ႁေႇပႃႇ၊ ႁေႇပႃႇ ​ပဵၼ်​လုၵ်ႈ​ သႃႇလႃႉ ၊-</verse>
				<verse number="36">သႃႇလႃႉ ​ပဵၼ်​လုၵ်ႈ​ ၵႃႇဢီႉၼၼ်ႇ၊ ၵႃႇဢီႉၼၼ်ႇ ​ပဵၼ်​လုၵ်ႈ​ ဢႃႇၽၵ်ႉၸတ်ႉ၊ ဢႃႇၽၵ်ႉၸတ်ႉ ​ပဵၼ်​လုၵ်ႈ​ သေႇမႃႉ၊ သေႇမႃႉ ​ပဵၼ်​လုၵ်ႈ​ ၼူဝ်းဢႃႇ၊ ၼူဝ်းဢႃႇ ​ပဵၼ်​လုၵ်ႈ​ လႃႇမႅၵ်ႈ ၊-</verse>
				<verse number="37">လႃႇမႅၵ်ႈ ​ပဵၼ်​လုၵ်ႈ​ မထူႉသလႃႉ၊ မထူႉသလႃႉ ​ပဵၼ်​လုၵ်ႈ​ ဢေးၼွၵ်ႉ၊ ဢေးၼွၵ်ႉ ​ပဵၼ်​လုၵ်ႈ​ ယႃႇရိတ်ႉ၊ ယႃႇရိတ်ႉ ​ပဵၼ်​လုၵ်ႈ​ မႁႃႇလေႇလေႇလႃႉ၊ မႁႃႇလေႇလေႇလႃႉ ​ပဵၼ်​လုၵ်ႈ​ ၵႃႇဢီႉၼၼ်ႇ ၊-</verse>
				<verse number="38">ၵႃႇဢီႉၼၼ်ႇ ​ပဵၼ်​လုၵ်ႈ​ ဢေးၼုတ်ႉ၊ ဢေးၼုတ်ႉ ​ပဵၼ်​လုၵ်ႈ​ သေႇထႃႉ၊ သေႇထႃႉ ​ပဵၼ်​လုၵ်ႈ​ ဢႃႇတၢမ်ႇ၊ ဢႃႇတၢမ်ႇ ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ။</verse>
			</chapter>
			<chapter number="4">
				<verse number="1">ယေႇသူႉ ပျေႉ​ၸုမ်ႇ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ယူႇ​သေ​လႄႈ ၼႂ်း​မိူဝ်ႈ​ဢၼ်​လုၵ်ႉ​သေ​ၵႃႈ​တီႈ​ၼမ်ႉ​ႁွင်ႈ​ ယေႃးတၢၼ်ႇ ၶိုၼ်း​မိူဝ်း​ယူႇ​ၼၼ်ႉ​ၸိုင်၊ ဝီႉၺိၺ်ႇ​ၸဝ်ႈ​ဢဝ်​ၵႂႃႇ​သူင်ႇ​ၵႃႈ​တီႈ​ၼႂ်း​ထိူၼ်ႇ​ဢေႃႈ။-</verse>
				<verse number="2">သီႇ​သိပ်း​ဝၼ်း​တဵမ်​တဵမ် မၼ်း​ၸဝ်ႈ​ၶၢမ်ႇ​တၢင်း​ဢၼ်​မႃႇၼၢတ်ႈ​ၸၢမ်း​တူၺ်း​ၸူဝ်း​ဢဝ်​ဢေႃႈ။ ၼႂ်း​ၶိင်ႇ​မိူဝ်ႈ​ၼၼ်ႉ​တဵမ်​တဵမ်​မၼ်း​ၸဝ်ႈ​ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း။ ပူၼ်ႉ​သေ​ၶိင်ႇ​ၼၼ်ႉ​ယဝ်ႉ​ၸင်ႇ၊ တွင်ႉ​မႆႈ​ဢေႃႈ။</verse>
				<verse number="3">မႃႇၼၢတ်ႈ​လဝ်ႊ​လၢတ်ႈ​လႄႈ​ဝႃႈ၊ ပေႃး​ၸဝ်ႈ​ႁဝ်း​ၸႂ်ႈ​လုၵ်ႈ​ၽြႃး​ပဵၼ်​ၸဝ်ႈ​ၸိုင်၊ မီး​ဢမိင်ႉ​တီႈ​မၢၵ်ႇ​ႁိၼ်​ၼႆႉ​ႁႂ်ႈ​ပဵၼ်​ၶဝ်ႈ​မုၼ်း​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="4">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၵူၼ်း​တၵ်း​လႆႈ​ဢဝ်​တင်း​ၶဝ်ႈ​မုၼ်း​ၵူၺ်း​လဵင်ႉ​ၸႂ်​ဢမ်ႇ​ၸႂ်ႈ၊ မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ၵမ်း​ၼၼ်ႉ မႃႇၼၢတ်ႈ​သမ်ႉ​ဢဝ်​မၼ်း​ၸဝ်ႈ​ၵႂႃႇ​ၵႃႈ​ၼိူဝ်​လွႆ​ဢၼ်​သုင်​လႄႈ ၼႄ​ပျႃး​မိူင်း​တင်း​သဵင်ႈ​တင်း​လူင် ၵႃႈ​ဢၼ်​မီး​ၵႃႈ​ၼႂ်း​လေႃးၵႃႉ​ၼႆႉ​တီႈ​မၼ်း​ၸဝ်ႈ​ၵမ်း​လဵဝ်​သေ​လႄႈ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="6">မုၼ်​တၼ်း​ၶူဝ်း​ဢႃႇၼူႉၽေႃႇ​ၵႃႈ​မီး​ၸိူဝ်း​ၼႆႉ​ၸိုင်၊ ၵွပ်ႈ​ပိူဝ်ႈ​ဢၼ်​ဢၢပ်ႈ​ဝႆႉ​တီႈ​ၵဝ်​ယဝ်ႉ​ဢိၵ်ႇ​တင်း ၵွပ်ႈ​ပိူဝ်ႈ​ဢၼ်​ၵဝ်​ပၼ်​တီႈ​ၵေႃႉ​ဢၼ်​ၵဝ်​ၶႂ်ႈ​ပၼ်​ၼၼ်ႉ​လႄႈ၊ ၵဝ်​တၵ်း​ပၼ်​တီႈ​ၸဝ်ႈ​ႁဝ်း​ဢေႃႈ။-</verse>
				<verse number="7">ပိူဝ်ႈ​ၼႆ​လႄႈ ပေႃး​ၸဝ်ႈ​ႁဝ်း​ၵူဝ်း​ၵႂၢႆႇ​ၵဝ်​ၸိုင်၊ ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​တၵ်း​ပဵၼ်​ၶွင်​ၸဝ်ႈ​ႁဝ်း​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ မႂ်း​တၵ်း​လႆႈ​ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​မႂ်း​ထႃႇဝရႃႉ​ၽြႃး​ဢေႃႈ။ တၵ်း​လႆႈ​ႁဵတ်း​ဝၢတ်ႈ​တီႈ​မၼ်း​ၸဝ်ႈ​ၼၼ်ႉ​ၵူၺ်း၊မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၵမ်း​ၼၼ်ႉ မႃႇၼၢတ်ႈ​သမ်ႉ​ဢဝ်​မၼ်း​ၸဝ်ႈ​ၵႂႃႇ​သူင်ႇ​ၵႃႈ​တီႈ ဝဵင်း​ ယေႇရူႉသလႅမ်ႇ ​လႄႈ တၢင်ႇ​ဝႆႉ​ၵႃႈ​ၼိူဝ်​ပၢႆ​ၸိၵ်း​ၸွမ်​ပိၵ်ႈ​မၢၼ်ႇ​ၸဝ်ႈ​ယဝ်ႉ​ၸင်ႇ၊ လဝ်ႊ​လၢတ်ႈ​လႄႈ​ဝႃႈ၊ ပေႃး​ၸဝ်ႈ​ႁဝ်း​ၸႂ်ႈ​လုၵ်ႈ​ၽြႃး​ပဵၼ်​ၸဝ်ႈ​ၸိုင်၊ ၸဝ်ႈ​ႁဝ်း​ဢဝ်​တူဝ်​ၸဝ်ႈ​ၵဝ်ႇ​ပွႆႇ​သေ​ၵႃႈ​တီႈ​ၼိူဝ်​ၼႆႉ​တူၵ်း​ၵႃႈ​တႂ်ႈ​သေ​ၵမ်း။-</verse>
				<verse number="10">ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၼင်ႇ​ႁိုဝ်​တၵ်း​ပႂ်ႉ​လူ​ပႂ်ႉ​တူၺ်း​မႂ်း​ၸိုင်၊ မၼ်း​ၸဝ်ႈ​တၵ်း​သင်ႇ​လၢတ်ႈ​လွင်ႈ​မႂ်း​ဝႆႉ တီႈ​တမၢၼ်ႇ​ၵၢင်​ႁၢဝ်​တင်း​လၢႆ​လႄႈ၊-</verse>
				<verse number="11">ၼင်ႇ​ႁိုဝ်​ၶဝ်​တၵ်း​ဢမ်ႇ​ပၼ်​ႁႂ်ႈ​တိၼ်​မႂ်း​တိူဝ်ႉ​မၢၵ်ႇ​ႁိၼ်​ၸိုင်၊ ၶဝ်​တၵ်း​ဢဝ်​တင်း​မိုဝ်း​ႁႄႉ​ႁွပ်ႇ​ယွင်ႈ​ဢဝ်​မႂ်း​ဢေႃႈ၊ မႃး​ၼင်ႇ​ၼႆ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="12">ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၸၢမ်း​တူၺ်း​ၽြႃး​ပဵၼ်​ၸဝ်ႈ​မႂ်း​ထႃႇဝရႃႉ​ၽြႃး မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မႃႇၼၢတ်ႈ​ၼၼ်ႉ မိူဝ်ႈ​ဢၼ်​ႁဵတ်း​တၢင်း​ဢၼ်​ၸၢမ်း​တူၺ်း​ၸူဝ်း​ဢဝ်​တင်း​သဵင်ႈ​တင်း​လူင်​ၼၼ်ႉ​ယဝ်ႉ​တူဝ်ႈ​ၸိုင်၊ ဢွၵ်ႇ​ၵႂႃႇ​သေ​ၵႃႈ​တီႈ​မၼ်း​ၸဝ်ႈ​လႄႈ ယူႇ​ၶိင်ႇ​ႁိုင်​တၢၼ်ႇ​တၢၼ်ႇ​ဢေႃႈ။</verse>
				<verse number="14">ယေႇသူႉ ​ၼၼ်ႉ ပႃး​တင်း​တၼ်း​ၶူဝ်း​ဝီႉၺိၺ်ႇ​ၸဝ်ႈ ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ ၵႃႇလီႉလႄး ​ပုၼ်ႉ​လႄႈ သတၢင်း​သဵင်​ၶၢဝ်ႇ​မၼ်း​ၸဝ်ႈ​ၸွတ်ႇ​တူဝ်ႈ​ၵႃႈ​တီႈ​ႁိမ်း​ႁွမ်း​ၼၼ်ႉ​ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="15">မၼ်း​ၸဝ်ႈ​သင်ႇ​သွၼ်​ပၼ်​ၵႃႈ​တီႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ​လႄႈ ၵူၼ်း​တင်း​သဵင်ႈ​တင်း​လူင်​ယွင်ႈ​ယေႃး​မၼ်း​ၸဝ်ႈ​ဢေႃႈ။</verse>
				<verse number="16">မိူဝ်ႈ​ဢၼ် ၶိုၼ်း​ႁွတ်ႈ​ထိုင်​ၵႃႈ​တီႈ​ဝဵင်း​ ၼႃႇၸရႅတ်ႈ တီႈ​ဢၼ်​မၼ်း​ၸဝ်ႈ​ယႂ်ႇ​မႃး​ၼၼ်ႉ​ၸိုင်၊ ၵႃႈ​ၼင်ႇ​ဢၼ်​ထုင်း​ၸၢမ်ႇ​ၸဝ်ႈ​မီး​ဝႆႉ​ၼၼ်ႉ၊ ၼႂ်း​ဝၼ်း​ၵမ်​သိၼ် မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ၸရွပ်ႈ​ႁေႃး​တြႃး​သေ​လႄႈ လုၵ်ႉ​ၸုၵ်း​ႁႂ်ႈ​လႆႈ​ၽတ်း​ၵျၢမ်း​လိၵ်ႈ​ဢေႃႈ။-</verse>
				<verse number="17">မၼ်း​ၸဝ်ႈ​ႁပ်ႉ​ၶၢမ်ႇ​ဢဝ်​ၵျၢမ်း​လိၵ်ႈ​ပရေႃးၽႅတ်ႈ ဢီႉသႃႇယႃႉ ၵႃႈ​တီႈ​ပိူၼ်ႈ​လႄႈ၊ မိူဝ်ႈ​ဢၼ်​ၽုၺ်ႇ​လိတ်ႈ​ၵျၢမ်း​လိၵ်ႈ​ၼၼ်ႉ​ၸိုင်၊ ၵႂၢမ်း​လိၵ်ႈ​တီႈ​ဢၼ်​ထူပ်း​ႁၼ်​ၼၼ်ႉ​ဝႃႈ​ၸမ်ႉ၊-</verse>
				<verse number="18">ဝီႉၺိၺ်ႇ​ထႃႇဝရႃႉ​ၽြႃး​ၼၼ်ႉ​တႄႇ​ယူႇ​ၼိူဝ်​ၵဝ်​ဢေႃႈ။ လွင်ႈ​မၼ်း​ၸမ်ႉ ၼင်ႇ​ႁိုဝ်​တၵ်း​လႆႈ​မွၵ်ႇ​လၢတ်ႈ​သတၢင်း​သိူဝ်း​ပျေႃႇ​တီႈ​ၵူၼ်း​ၽၢၼ်​တင်း​လၢႆ​ၼၼ်ႉ​ၸိုင်၊ မၼ်း​ၸဝ်ႈ​ပၼ်​ၽိၵ်ႈ​သိၵ်ႈ​တီႈ​ၵဝ်​ယဝ်ႉ။ ၼင်ႇ​ႁိုဝ်​တၵ်း​လႆႈ​ၼႄ​ပျႃး လွင်ႈ​တၢင်း​ဢၼ် ပွႆႇ​လွတ်ႈ​တီႈ​ၶဝ်​ၸိူဝ်း​ဢၼ်​တီႉ​ဢဝ်​ၶင်​ဝႆႉ​ယူႇ​ၼၼ်ႉ ဢိၵ်ႇ​တင်း​လွင်ႈ​တၢင်း​ဢၼ်​မၢၵ်ႇ​တႃ​ၶိုၼ်း​ႁၼ် တီႈ​ၶဝ်​ၸိူဝ်း​ဢၼ်​တႃ​မွတ်ႇ​တင်း​လၢႆ​ၼၼ်ႉ​လႄႈ​သင်၊ ၼင်ႇ​ႁိုဝ်​တၵ်း​လႆႈ​ၵႄႇ​သႄႇ​ဢဝ်​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​လႄႈ​သင်၊-</verse>
				<verse number="19">ၼင်ႇ​ႁိုဝ်​တၵ်း​လႆႈ​မွၵ်ႇ​လၢတ်ႈ​ၶိင်ႇ​ၵႃႇလႃႉ ပီႊ​မင်ႇၵလႃႇ​ထႃႇဝရႃႉ​ၽြႃး​လႄႈ​သင်၊ မၼ်း​ၸဝ်ႈ​ပွႆႇ​ၸႂ်ႉ​ၵဝ်​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မၼ်း​ၸဝ်ႈ​ဢဝ်​ၵျၢမ်း​လိၵ်ႈ​ၼၼ်ႉ​ႁမ်းၵဵၼ်​လႄႈ ပၼ်​တီႈ​ၵေႃႉ​ဢၼ်​ပႂ်ႉ​ၸရွပ်ႈ​ႁေႃး​တြႃး​ၼၼ်ႉ​ယဝ်ႉ​ၸင်ႇ၊ၼင်ႈ​ယူႇ​သေ​ဢေႃႈ။ ၶဝ်​ၸိူဝ်း​ဢၼ်​မီး​ယူႇ​ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​သဵင်ႈ​တင်း​လူင်​ၼၼ်ႉ ဢွၼ်​ၵၼ်​ယႅၵ်ႉ​တူၺ်း​မၼ်း​ၸဝ်ႈ​ၸေး​ၸေး​လႄႈ​ယူႇ​ဢေႃႈ။-</verse>
				<verse number="21">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ဝၼ်း​မိူဝ်ႈ​ၼႆႉ ၼႂ်း​ၵျၢမ်း​လိၵ်ႈ​တီႈ​ၼႆႈ ပျေႉ​ၸုမ်ႇ​ၵႃႈ​တီႈ​ႁူ​သူ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၶဝ်​တင်း​သဵင်ႈ​တင်း​လူင်​ႁပ်ႉ​တုင်း​ဢဝ်​မၼ်း​ၸဝ်ႈ​လႄႈ ဢၢမ်း​လွင်ႈ​ၵႂၢမ်း​လီ​ၵႂၢမ်း​ဝၢၼ်​ဢၼ်​ဢွၵ်ႇ​ၵႃႈ​ၼႂ်း​သူပ်း​မၼ်း​ၸဝ်ႈ​ၼၼ်ႉ​သေ​လႄႈ​လၢတ်ႈ​လႄႈ​ဝႃႈ၊ ၵေႃႉ​ၼႆႉ​ပဵၼ်​လုၵ်ႈ​ၸၢႆး​ ယူဝ်းသႅပ်ႈ ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ သူ​တၵ်း​လၢတ်ႈ​ဢူႉပမႃႇ​တီႈ​ၵဝ်​ဢမၢၼ်ႇ​ၶၼ်​ပဵၼ်​လႄႈ​ဝႃႈ၊ မေႃ​ယႃ​ဢိူၺ်း၊ ႁႂ်ႈ​တၢင်း​ၶႆႈ​တၢင်း​ပဵၼ်​တူဝ်​ၸဝ်ႈ​ၵဝ်ႇ​ႁၢႆ​တႃႉ။ ၵႃႈ​ဢၼ်​ႁဝ်း​လႆႈ​ငိၼ်း​လွင်ႈ​ဢၼ်​မႂ်း​ႁဵတ်း​ၵႃႈ​ၼႂ်း​ဝဵင်း​ ၵပိူဝ်ႇၼေႇဢုမ်ႇ ​ပုၼ်ႉ တင်း​သဵင်ႈ​တင်း​လူင်​ၼၼ်ႉ​ၸိုင်၊ ၵႃႈ​ၼႂ်း​ဝဵင်း​တူဝ်​ၸဝ်ႈ​ၵဝ်ႇ​ၼႆႉ​ၵေႃႈ​ႁဵတ်း​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၼႂ်း​ဝႃႈ​ၼၼ်​သေ​ၵေႃႈ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ပရေႃးၽႅတ်ႈ​ၵေႃႉ​လႂ်​သေ​ဢမ်ႇ​ဝႃႈ၊ ဢမ်ႇ​ၸၢင်ႈ​လႆႈ​ၼႃႈ​လႆႈ​တႃ​ၵႃႈ​တီႈ​မိူင်း​တူဝ်​ၸဝ်ႈ​ၵဝ်ႇ။-</verse>
				<verse number="25">ၵဝ်​သမ်ႉ​ဝႃႈ​တီႈ​ၸိုဝ်ႈ​တီႈ​ၸႂ်ႈ​ထႅင်ႈ​ၸမ်ႉ၊ ၼႂ်း​ၸူဝ်ႈ​ပၢၼ်​ပရေႃးၽႅတ်ႈ​ ဢေးလီႉယႃႉ ​ၼၼ်ႉ၊ မိူဝ်ႈ​ဢၼ်​ၽႃႉ​လႅင်ႉ​သၢမ်​ပီႊ​ပၢႆ​ႁူၵ်း​လိူၼ်​တဵမ်​တဵမ်​လႄႈ ၵႃႈ​တီႈ​မိူင်း​ၼႆႉ​တင်း​မိူင်း ပဵၼ်​လွင်ႈ​ဢၼ်​တၢင်း​ၵိၼ်​တၢင်း​ၶူပ်း​ၵႃႈ​ပႅင်း​ၼႃႇ​လူင်​လၢင်​ၼၼ်ႉ​ၸိုင်၊ ၼႂ်း​မိူင်း​ ဢီႉသရေႇလႃႉ ​ၼႆႉ မီး​မႄႈ​မူၵ်း​မႄႈ​မၢႆႈ​ၼမ်​ၼႃႇ​ဢေႃႈ။-</verse>
				<verse number="26">ၼႂ်း​ဝႃႈ​ၼၼ်​သေ​ၵေႃႈ ဢေးလီႉယႃႉ ဢမ်ႇ​လႆႈ​ၶၢမ်ႇ​တၢင်း​ဢၼ်​ပွႆႇ​ၸႂ်ႉ​ၵႂႃႇ​ၸူး​ၵႃႈ​တီႈ​မႄႈ​မူၵ်း​မႄႈ​မၢႆႈ​ၸိူဝ်း​ၼၼ်ႉ​သေ​ၵေႃႉ​သေ​ၵူၼ်း။ မၼ်း​လႆႈ​ၶၢမ်ႇ​တၢင်း​ဢၼ်​ပွႆႇ​ၸႂ်ႉ​ၵႂႃႇ​ၸူး​ၵႃႈ​တီႈ​မႄႈ​မူၵ်း​မႄႈ​မၢႆႈ​ဢၼ်​ပဵၼ်​ၵူၼ်း​ဝဵင်း​ ၸႃႇရိပ်ႉတႃႉ မိူင်း​ ၸီႉတုမ်ႇ ​ပုၼ်ႉ ၵေႃႉ​လဵဝ်​ၵူၺ်း​ဢေႃႈ။-</verse>
				<verse number="27">ၼႂ်း​ၸူဝ်ႈ​ပၢၼ်​ပရေႃးၽႅတ်ႈ​ ဢေးလီႉသႄး ​ၼၼ်ႉ​ၵေႃႈ၊ ၵႃႈ​တီႈ​မိူင်း​ ဢီႉသရေႇလႃႉ ​ၼႆႉ မီး​ၵူၼ်း​ပဵၼ်​တုတ်ႈ​ၼမ်​ၼႃႇ​ဢေႃႈ။ လိူဝ်​သေ​ၵူၼ်း​ သူႉရီႉ ဢၼ်​လႆႈ​ၸိုဝ်ႈ​ ၼေႇမၢၼ်ႇ ​ၼၼ်ႉ ၽူႈ​လႂ်​ဢမ်ႇ​ႁွတ်ႈ​ထိုင်​တၢင်း​ဢၼ်​မူတ်း​သႂ်​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၶဝ်​ၸိူဝ်း​ဢၼ်​မီး​ၼႂ်း​ၸရွပ်ႈ​ႁေႃး​တြႃး​တင်း​သဵင်ႈ​တင်း​လူင်​ၼၼ်ႉ၊ မိူဝ်ႈ​ဢၼ်​ငိၼ်း​ၵႂၢမ်း​မၼ်း​ၸဝ်ႈ​ၼၼ်ႉ​ၸိုင်၊ မီး​တၢင်း​ဢၼ်​ၸႂ်​မႆႈ​ၶႆႈ​ၸႃႉ​ၼႃႇ​လူင်​လၢင်​လႄႈ၊-</verse>
				<verse number="29">လုၵ်ႉ​ႁေႃႈ​မၼ်း​ၸဝ်ႈ​ဢွၵ်ႇ​ၵႂႃႇ​ၵႃႈ​တီႈ​ၼွၵ်ႈ​ဝဵင်း​ယဝ်ႉ​ၸင်ႇ၊ ၼင်ႇ​ႁိုဝ်​တၵ်း​လႆႈ​ဢီး​မၼ်း​ၸဝ်ႈ​တူၵ်း​ပႅတ်ႈ​ၸိုင် ဢဝ်​မၼ်း​ၸဝ်ႈ​ၵႂႃႇ​ၵႃႈ​တီႈ​ႁိမ်း​လႅၼ်​သုတ်း​ပၢႆ​လွႆ​တီႈ​ဢၼ်​ဝဵင်း​တႄႇ​ဝႆႉ​ၼၼ်ႉ​ဢေႃႈ။-</verse>
				<verse number="30">ၵူၺ်း​ၵႃႈ မၼ်း​ၸဝ်ႈ​လတ်း​ၵႃႈ​ၼႂ်း​ၶိုင်ႈ​ၵၢင်​ၶဝ်​လႄႈ​ဢွၵ်ႇ​ၵႂႃႇ​သေ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="31">မၼ်း​ၸဝ်ႈ​ၵႂႃႇ​ႁွတ်ႈ​ထိုင်​ၵႃႈ​တီႈ​ဝဵင်း​ ၵပိူဝ်ႇၼေႇဢုမ်ႇ မိူင်း​ ၵႃႇလီႉလႄး ​ပုၼ်ႉ​လႄႈ ၼႂ်း​ဝၼ်း​ၵမ်​သိၼ်​ၸိုင်၊ သင်ႇ​သွၼ်​ပၼ်​လႄႈ​ယူႇ​ဢေႃႈ။-</verse>
				<verse number="32">ပိူဝ်ႈ​ဢၼ်​ၵႂၢမ်း​မၼ်း​ၸဝ်ႈ​ပႃး​တင်း​ဢႃႇၼႃႇ​တၼ်း​ၶူဝ်း​လႄႈ ပရဵၵ်ႈသၢတ်ႈ​တင်း​လၢႆ​ဢၢမ်း လွင်ႈ​တၢင်း​ဢၼ်​မၼ်း​ၸဝ်ႈ​သင်ႇ​သွၼ်​ပၼ်​ၼၼ်ႉ​ၼႃႇ​လူင်​လၢင်​ဢေႃႈ။</verse>
				<verse number="33">ၵႃႈ​ၼႂ်း​ၸရွပ်ႈ​ႁေႃး​တြႃး​ၼၼ်ႉ မီး​ၵူၼ်း​ဢၼ်​ၽီ​ၵူဝ်ႈ​ၵိူၵ်ႇ​ၶဝ်ႈ​ၵေႃႉ​ၼိုင်ႈ​လႄႈ မၼ်း​ၼၼ်ႉ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​လႄႈ​ဝႃႈ၊-</verse>
				<verse number="34">ဢူဝ်း​ ယေႇသူႉ ၊ ၵူၼ်း​ဝဵင်း​ ၼႃႇၸရႅတ်ႈ ၊ ၸဝ်ႈ​ႁဝ်း​ၸၢပ်ႈ​သႅင်ႇ​ၵၼ်​တင်း​ႁဝ်း​ၶႃႈ​ၸိူဝ်ႉ​ၼင်ႇ​ႁိုဝ်​ၶႃႈ။ ၸဝ်ႈ​ႁဝ်း​မႃး​ႁႂ်ႈ​လႆႈ​ယႃႉ​ပႅတ်ႈ​ႁဝ်း​ၶႃႈ​ႁိုဝ်။ လွင်ႈ​ဢၼ်​ၸဝ်ႈ​ႁဝ်း​ပဵၼ်​ၽူႈ​လႂ်​ၸိုင်၊ ၵဝ်​ၶႃႈ​ႁူႉ​ယူႇ​ၶႃႈ​ဢေႃႈ။ ပဵၼ်​ၵူၼ်း​မူတ်း​ၸၢင်ႇ​ၽြႃး​ပဵၼ်​ၸဝ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ယေႇသူႉ ​ၵေႃႈ​သင်ႇ​လၢတ်ႈ​တီႈ​မၼ်း​လႄႈ​ဝႃႈ၊ ယူႇ​တဵတ်ႇ​တဵတ်ႇ​တႃႉ။ ဢွၵ်ႇ​သေ​ၵႃႈ​ၼႂ်း​မၼ်း​ၼႆႉ​ၵႂႃႇ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၽီ​ႁၢႆႉ​ၼၼ်ႉ​ႁႂ်ႈ​ၵေႃႉ​ၼၼ်ႉ​လူမ်ႉ​တူၵ်း​ၵႃႈ​ၼႂ်း​ၵၢင်​ၶဝ်​သေ​ယဝ်ႉ​ဢမ်ႇ​ႁဵတ်း​ၽေး​ဢူႉ​ပၢတ်ႈ​လႄႈ ဢွၵ်ႇ​ၵႂႃႇ​သေ​ဢေႃႈ။-</verse>
				<verse number="36">ၵူၼ်း​တင်း​သဵင်ႈ​တင်း​လူင်​ၵႂင်​ၸႂ်​ယုင်ႈ​ၸႂ်​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တွင်ႈ​ထၢမ်​လၢတ်ႈ​ၸႃ​ၵၼ်​လႄႈ​ဝႃႈ၊ ၵႂၢမ်း​ၼႆႉ​ပဵၼ်​ၵႂၢမ်း​ၸိူဝ်ႉ​ၼင်ႇ​ႁိုဝ်။ မၼ်း​ၸဝ်ႈ​ဢဝ်​တင်း​ဢႃႇၼႃႇ​တၼ်း​ၶူဝ်း​သင်ႇ​ဝႆႉ ၽီ​ဢၼ်​ၵူဝ်ႈ​ၵိူၵ်ႇ​တင်း​လၢႆ​လႄႈ ၶဝ်​ဢွၵ်ႇ​ၵႂႃႇ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">သတၢင်း​သဵင်​ၶၢဝ်ႇ​မၼ်း​ၸဝ်ႈ​ၼၼ်ႉ​ၵေႃႈ ၸွတ်ႇ​ၸႅတ်ႇ​ၵႂႃႇ​ၵႃႈ​တီႈ​ႁိမ်း​ၼၼ်ႉ​ၵူႈ​တီႈ​ၵူႈ​လႅၼ်​ဢေႃႈ။</verse>
				<verse number="38">မၼ်း​ၸဝ်ႈ​လုၵ်ႉ​သေ​ၵႃႈ​ၼႂ်း​ၸရွပ်ႈ​ႁေႃး​တြႃး​ဢွၵ်ႇ​ၵႂႃႇ​လႄႈ ၶဝ်ႈ​ၵႃႈ​ၼႂ်း​ႁိူၼ်း​ သီႉမုၼ်ႇ ​ဢေႃႈ။ ဢွၵ်ႇ​ၼၢႆး​ ပေႇတရူႉ ​ၼၼ်ႉ ၼၢဝ်​ၼႃႇ​လူင်​လၢင်​လႄႈ ၶဝ်​လဝ်ႊ​ယွၼ်း​ပုၼ်ႈ​မၼ်း​ၵႃႈ​တီႈ​မၼ်း​ၸဝ်ႈ​ဢေႃႈ။-</verse>
				<verse number="39">မၼ်း​ၸဝ်ႈ​ၸုၵ်း​ယူႇ​ၵႃႈ​တီႈ​ႁိမ်း​ၽူႈ​ယိင်း​ၼၼ်ႉ​လႄႈ သင်ႇ​သွၼ်​ပၼ်​တၢင်း​ၼၢဝ်​မၼ်း​သေ​ယဝ်ႉ၊ ၼၢဝ်​မၼ်း​ၼၼ်ႉ​ႁၢႆ​လႄႈ မၼ်း​လုၵ်ႉ​ႁဵတ်း​ဝၢတ်ႈ​ၶႅၵ်ႇ​ၵမ်း​လဵဝ်​ဢေႃႈ။-</verse>
				<verse number="40">ယၢမ်း​မိူဝ်ႈ​ဢၼ်​ၵၢင်​ဝၼ်း​တူၵ်း​ၸိုင်၊ ၵေႃႉ​သေႈ​ၶဝ်​ၸိူဝ်း​ဢၼ်​မီး​တၢင်း​ၶႆႈ​တၢင်း​ပဵၼ်​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​တင်း​သဵင်ႈ​တင်း​လူင် ဢဝ်​ၵူၼ်း​ၶႆႈ​ၵူၼ်း​ပဵၼ်​တင်း​လၢႆ​မႃး​ၵႃႈ​တီႈ​မၼ်း​ၸဝ်ႈ​ဢေႃႈ။ မၼ်း​ၸဝ်ႈ​ဢဝ်​မိုဝ်း​တၢင်ႇ​သႂ်ႇ​ၵႃႈ​ၼိူဝ်​ၵူၼ်း​ၸိူဝ်း​ၼၼ်ႉ​ႁင်း​ၽႂ်​ႁင်း​မၼ်း​လႄႈ ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ႁၢႆ​ဢေႃႈ။-</verse>
				<verse number="41">ၽီ​ႁၢႆႉ​တင်း​လၢႆ​ၵေႃႈ​ဢွၵ်ႇ​သေ​ၵႃႈ​ၼႂ်း​ၵူၼ်း​ၼမ်​ၼႃႇ​ၵႂႃႇ​လႄႈ ႁွင်ႉ​သႅၼ်ႇ​လႄႈ​ဝႃႈ၊ ၸဝ်ႈ​ႁဝ်း​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ဢၼ်​ၶဝ်​ႁူႉ​လွင်ႈ​ဢၼ်​မၼ်း​ၸဝ်ႈ​ပဵၼ်​ၸဝ်ႈ​ၶရိၸ်ႈ​လႄႈ လွင်ႈ​ၼင်ႇ​ႁိုဝ်​ၶဝ်​တၵ်း​ဢမ်ႇ​လႆႈ​လၢတ်ႈ​ၸိုင် မၼ်း​ၸဝ်ႈ​ႁႄႉ​ၶႅၼ်​သင်ႇ​သွၼ်​ၶဝ်​ၼၼ်ႉ​ဢေႃႈ။</verse>
				<verse number="42">မိူဝ်ႈ​ဢၼ်​မိူင်း​လႅင်း​မႃး​ၸိုင်၊ မၼ်း​ၸဝ်ႈ​ဢွၵ်ႇ​ၵႂႃႇ​ၸူး​ၵႃႈ​တီႈ​ထိူၼ်ႇ​ပုၼ်ႉ​လႄႈ ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ ႁႃ​မၼ်း​ၸဝ်ႈ​ဢေႃႈ။ မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​မၼ်း​ၸဝ်ႈ​ၼၼ်ႉ၊ ၼင်ႇ​ႁိုဝ်​မၼ်း​ၸဝ်ႈ​တၵ်း​ဢမ်ႇ​လႆႈ​ဢွၵ်ႇ​သေ​ၵႃႈ​တီႈ​ဢၼ်​ၶဝ်​မီး​ၼၼ်ႉ​ၵႂႃႇ​ၸိုင်၊ ႁၢမ်ႈ​တၢပ်ႈ​ႁႄႉ​ၶႅၼ်​ဢေႃႈ။-</verse>
				<verse number="43">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵဝ်​တၵ်း​လႆႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​မိူင်း​ၽြႃး​ပဵၼ်​ၸဝ်ႈ​ၼၼ်ႉ​ၼႂ်း​ဝၢၼ်ႈ​ၼႂ်း​ဝဵင်း​တၢင်ႇ​တီႈ​တၢင်ႇ​လႅၼ်​တင်း​လၢႆ​ဢေႃႈ။ ပုၼ်ႈ​ဢၼ်​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ၼႆ​ၸိုင်၊ ၵဝ်​လႆႈ​ၶၢမ်ႇ​တၢင်း​ဢၼ်​ပွႆႇ​ၸႂ်ႉ​မႃး​ယဝ်ႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ။-</verse>
				<verse number="44">ႁေႃး​လၢတ်ႈ​ၵႃႈ​တီႈ​ၼႂ်း​ၸရွပ်ႈ​ႁေႃး​တြႃး​မိူင်း​ ၵႃႇလီႉလႄး ​တင်း​လၢႆ​လႄႈ​ယူႇ​ဢေႃႈ။</verse>
			</chapter>
			<chapter number="5">
				<verse number="1">ၼႂ်း​မိူဝ်ႈ​ဢၼ်​မၼ်း​ၸဝ်ႈ​ၸုၵ်း​ယူႇ​ၵႃႈ​တီႈ​ႁိမ်း​ၼွင်​ ၵိၼ်ႇၼီႇသရႅတ်ႉ ​လႄႈ ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ​ၽိုတ်ႉ​ဢီး​ၸူး​မၼ်း​ၸဝ်ႈ ႁႂ်ႈ​လႆႈ​ထွမ်ႇ​လႆႈ​ငိၼ်း​ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ​ယူႇ​ၼၼ်ႉ​ၸိုင်၊-</verse>
				<verse number="2">မၼ်း​ၸဝ်ႈ​ႁၼ်​ႁိူဝ်း​ဢၼ်​သိူၵ်ႈ​ဝႆႉ​ၵႃႈ​တီႈ​ၽင်ႇ​ၼမ်ႉ​ၼၼ်ႉ​သွင်​လမ်း​ဢေႃႈ။ တမ်ႇ​ငႃႈ​တင်း​လၢႆ ဢွၵ်ႇ​သေ​ၵႃႈ​ၼႂ်း​ႁိူဝ်း​ၼၼ်ႉ​ယဝ်ႉ​လႄႈ​သုၵ်ႈ​လွႆး​ၶႄ​ၶဝ်​ယူႇ​ဢေႃႈ။-</verse>
				<verse number="3">ၼႂ်း​ႁိူဝ်း​ၸိူဝ်း​ၼၼ်ႉ၊​မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ႁိူဝ်း​ သီႉမုၼ်ႇ ​ယဝ်ႉ​ၸင်ႇ၊ ယွၼ်း​ဢၶႂၢင်ႉ​တီႈ​ သီႉမုၼ်ႇ ႁႂ်ႈ​ဢဝ်​ႁိူဝ်း​ၽၢတ်ႇ​ယၢၼ်​ဢွၵ်ႇ​သေ​ၵႃႈ​တီႈ​ၽင်ႇ​ၼမ်ႉ​ဢိတ်း​ၼိုင်ႈ​ဢေႃႈ။ မၼ်း​ၸဝ်ႈ​ၼင်ႈ​ယူႇ​ၵႃႈ​ၼိူဝ်​ႁိူဝ်း​ၼၼ်ႉ​လႄႈ သင်ႇ​သွၼ်​သုင်း​မႃႉ​ပၼ်​တီႈ​ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ​ၸိူဝ်း​ၼၼ်ႉ​ဢေႃႈ။</verse>
				<verse number="4">မိူဝ်ႈ​ဢၼ်​ၵႂၢမ်း​မၼ်း​ၸဝ်ႈ​ထၢတ်ႇ​ၸိုင် မၼ်း​ၸဝ်ႈ​လၢတ်ႈ​တီႈ​ သီႉမုၼ်ႇ ​လႄႈ​ဝႃႈ၊ ၶၢႆႉ​ၵႂႃႇ​ၵႃႈ​တီႈ​ဢၼ်​ၼမ်ႉ​လိုၵ်ႉ​ပုၼ်ႉ​လူး​ၵွၼ်ႇ​တႃႉ။ ဝၢၼ်ႇ​ၶႄ​သူ​တူၵ်း​ႁႂ်ႈ​လႆႈ​ပႃ​တႃႉ၊ မိူဝ်ႈ​ဢၼ်​မၼ်း​ၸဝ်ႈ​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">သီႉမုၼ်ႇ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ပိၵ်ႉ​သမ်ႉ​ႁဝ်း​ၶႃႈ​လႆႈ​ၵျူဝ်း​ၸႃး​ယဝ်ႉ​တင်း​ၶိုၼ်း​သေ​ၵေႃႈ ဢမ်ႇ​လႆႈ​သေ​တူဝ်​ၶႃႈ။ ၼႂ်း​ဝႃႈ​ၼၼ်​သေ​ၵေႃႈ၊ပေႃး​ၸဝ်ႈ​ႁဝ်း​မီး​ဢမိင်ႉ​ၸိုင် တၵ်း​ဝၢၼ်ႇ​ၶႄ​တူၵ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၶဝ်​ၼၼ်ႉ​ဝၢၼ်ႇ​တူၵ်း​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ႁူမ်ႇ​မႅၼ်ႈ​ပႃ​ၼမ်​ၼႃႇ​လႄႈ၊ ၶႄ​ၶဝ်​ၸႃႉ​သိၵ်ႇ​ၸႃႉ​လူႉ​မႃး​ဢေႃႈ။-</verse>
				<verse number="7">ၶဝ်​ႁဵတ်း​လၢၵ်ႈၶၼႃႇ​ၼႄ​တီႈ​ၵေႃႉ​သေႈ​ဢၼ်​မီး​ၼႂ်း​ႁိူဝ်း​တၢင်ႇ​လမ်း​ၸိူဝ်း​ၼၼ်ႉ ႁႂ်ႈ​မႃး​ၸွႆႈ​ၵမ်ႉ​ၸွႆႈ​ထႅမ်​လႄႈ၊ ၶဝ်​ၸိူဝ်း​ၼၼ်ႉ​ၵေႃႈ​မႃး​လႄႈ ႁႂ်ႈ​ႁိူဝ်း​တင်း​သွင်​လမ်း​တဵမ်​ဝႆႉ​တင်း​ပႃ​ထၼ်ႈ​ပေႃး​ၸမ်​တၵ်း​ၸူမ်​ဢေႃႈ။-</verse>
				<verse number="8">သီႉမုၼ်ႇ​ပေႇတရူႉ ​ႁၼ်​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ၶုပ်ႉ​မူပ်ႇ​ၵႃႈ​တီႈ​ႁူဝ်​ၶဝ်ႇ​ ယေႇသူႉ ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ပိူဝ်ႈ​ဢၼ်​ၵဝ်​ၶႃႈ​ပဵၼ်​ၵေႃႉ​ဢၼ်​ဢပႅတ်ႈ​ၼမ်​ၼႃႇ​လႄႈ ၸဝ်ႈ​ႁဝ်း​ဢွၵ်ႇ​ၵႂႃႇ​သေ​ၵႃႈ​တီႈ​ၵဝ်​ၶႃႈ​ၼႆႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ႁဵတ်း​ႁိုဝ်​လႄႈ​လဝ်ႊ​လၢတ်ႈ​ၸိူဝ်ႉ​ၼင်ႇ​ၼႆ​ၸမ်ႉ၊ ပိူဝ်ႈ​ဢၼ်​ၶႆႈ​ၸႂ်​လွင်ႈ​ဢၼ်​ႁူမ်ႇ​မႅၼ်ႈ​ပႃ​ၼၼ်ႉ​လႄႈ သီႉမုၼ်ႇ ​တင်း​ၵႃႈ​ဢၼ်​ပႃး​လူၺ်ႈ​ၵၼ်​တင်း​မၼ်း​တင်း​သဵင်ႈ​တင်း​လူင်၊-</verse>
				<verse number="10">ဢိၵ်ႇ​တင်း​ ယႃႇၵုပ်ႈ ​တင်း​ ယူဝ်းႁၢၼ်ႇ ​လုၵ်ႈ​ၸၢႆး​ ၸေႇပေႇတႄး ဢၼ်​ၽေႃႇ​ၽၢၵ်ႈ​ႁူမ်ႈ​ၵၼ်​တင်း​ သီႉမုၼ်ႇ ​ၸိူဝ်း​ၼၼ်ႉ မီး​တၢင်း​ဢၼ်​ၵႂင်​ၸႂ်​ယုင်ႈ​ၸႂ်​ယူႇ​ဢေႃႈ။ ယေႇသူႉ ​ၵေႃႈ​လၢတ်ႈ​တီႈ​ သီႉမုၼ်ႇ ​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ။ မႂ်း​ၼႆႉ ၸႃႉ​ၸဵမ်​တေႃႈ​လဵဝ်​ၼႆႉ​လႄႈ တၵ်း​ပဵၼ်​ၵေႃႉ​ဢၼ်​တီႉ​ဢဝ်​ၵူၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မိူဝ်ႈ​ဢၼ်​သိူၵ်ႈ​ႁိူဝ်း​ၵႃႈ​တီႈ​ၽင်ႇ​ၼမ်ႉ​ၼၼ်ႉ​ယဝ်ႉ​ၸိုင်၊ ၶဝ်​ၼၼ်ႉ​ၸုၼ်ႉ​ပႅတ်ႈ​သေ​ၵႃႈ​ဢၼ်​မီး​တင်း​သဵင်ႈ​တင်း​လူင်​ၼၼ်ႉ​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။</verse>
				<verse number="12">ၼႂ်း​မိူဝ်ႈ​ဢၼ်​မၼ်း​ၸဝ်ႈ​မီး​ယူႇ​ၵႃႈ​ၼႂ်း​ဝဵင်း​ဝဵင်း​ၼိုင်ႈ​ၼၼ်ႉ​ၸိုင်၊ ၵူၼ်း​ဢၼ်​ပဵၼ်​တုတ်ႈ​တင်း​တူဝ်​တင်း​ၶိင်း​ၵေႃႉ​ၼိုင်ႈ​ထူပ်း​ႁၼ်​မၼ်း​ၸဝ်ႈ​သေ​ယဝ်ႉ၊ ၶုပ်ႉ​မူပ်ႇ​လႄႈ​တွင်း​ပၢၼ်ႇ​လႄႈ​ဝႃႈ၊ ၸဝ်ႈ​ႁဝ်း၊ ပေႃး​ၸဝ်ႈ​ႁဝ်း​မီး​ဢလူဝ်ႇ​ၸိုင်၊ ႁႂ်ႈ​ၵဝ်​ၶႃႈ​မူတ်း​သႂ်​လႆႈ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">မၼ်း​ၸဝ်ႈ​ၵေႃႈ​ယိုၼ်ႈ​မိုဝ်း​မၼ်း​ၸဝ်ႈ​တိူဝ်ႉ​ၵေႃႉ​ၼၼ်ႉ​သေ​လႄႈ​လၢတ်ႈ​လႄႈ​ဝႃႈ၊ ၵဝ်​မီး​ဢလူဝ်ႇ​ယူႇ​ဢေႃႈ။ ႁႂ်ႈ​မူတ်း​သႂ်​တႃႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ တုတ်ႈ​မၼ်း​ၼၼ်ႉ​ႁၢႆ​ၵမ်း​လဵဝ်​ဢေႃႈ။-</verse>
				<verse number="14">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ လွင်ႈ​ၼႆႉ​ၸိုင် ယႃႇ​ပေ​လၢတ်ႈ​တီႈ​ၽူႈ​လႂ်​သေ​ၵေႃႉ​သေ​ၵူၼ်း။ ၵူၺ်း​ၵႃႈ ၵႂႃႇ​ၼႄ​ပျႃး​တူဝ်​ၸဝ်ႈ​ၵဝ်ႇ​တီႈ​ယိတ်ႈပရေႃးႁဵၵ်ႈ​ပုၼ်ႉ​တႃႉ။ ၼင်ႇ​ႁိုဝ်​တၵ်း​ပဵၼ်​သၢၵ်ႈ​သေႇ​တီႈ​ပိူၼ်ႈ​တၢင်ႇ​ၵေႃႉ​ၸိုင်၊ ၵွပ်ႈ​ပိူဝ်ႈ​ဢၼ်​ႁွတ်ႈ​ထိုင်​တၢင်း​ဢၼ်​မူတ်း​သႂ်​လႄႈ သၢၵ်ႈ​ၵၢပ်ႈ​တၢင်း​ပုၵ်ႈ​ၸေႃႇ​ဢၼ်​ မူဝ်းသေႇ ၸီႇ​ယၢင်ႇ​သင်ႇ​လၢတ်ႈ​ဝႆႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ သတၢင်း​သဵင်​ၶၢဝ်ႇ​မၼ်း​ၸဝ်ႈ​ၼၼ်ႉ​ယဵင်ႈ​ၶႅၼ်း​ၸွတ်ႇ​သႃႈ​ႁူင်​ႁၢင်း​လႄႈ ၵူၼ်း​ၼမ်​ၼႃႇ​တင်း​သဵင်ႈ​တင်း​လူင် ဢွၼ်​ၵၼ်​မႃး​ၸူႉ​ၵၼ်​တုမ်​ၵၼ်​ၵႃႈ​တီႈ​မၼ်း​ၸဝ်ႈ ႁႂ်ႈ​လႆႈ​ထွမ်ႇ​လႆႈ​ငိၼ်း​တြႃး​ဢိၵ်ႇ​တင်း ႁႂ်ႈ​လႆႈ​ၶၢမ်ႇ​တၢင်း​ဢၼ်​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​ဢေႃႈ။-</verse>
				<verse number="16">မၼ်း​ၸဝ်ႈ​ယၢမ်ႈ​ၵႂႃႇ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​သေ​လႄႈ သူး​တွင်း​ဢေႃႈ။</verse>
				<verse number="17">ဝၼ်း​ၼိုင်ႈ ၼႂ်း​မိူဝ်ႈ​ဢၼ်​မၼ်း​ၸဝ်ႈ​သင်ႇ​သွၼ်​သုင်း​မႃႉ​ပၼ်​ယူႇ​ၼၼ်ႉ​ၸိုင်၊ ၽႃႇရီႉသႄး ​တင်း​လၢႆ ဢိၵ်ႇ​တင်း​သြႃႇ​ဢၼ်​သွၼ်​ပၼ်​တြႃး​ၸဝ်ႈ​တင်း​လၢႆ ဢၼ်​လုၵ်ႉ​သေ​ၵႃႈ​တီႈ​ဝၢၼ်ႈ​တီႈ​ဝဵင်း​ဢၼ်​မီး​ၼႂ်း​မိူင်း​ ၵႃႇလီႉလႄး မိူင်း​ ယူႉတႃႉ တင်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်​မႃး​ၼၼ်ႉ​ဢွၼ်​ၵၼ်​ၼင်ႈ​ယူႇ​ၵႃႈ​တီႈ​ႁိမ်း​မၼ်း​ၸဝ်ႈ​လႄႈ၊ ပုၼ်ႈ​ဢၼ်​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​ၸိုင်၊ တၼ်း​ၶူဝ်း​ၸဝ်ႈ​ၽြႃး​မီး​ယူႇ​ၵႃႈ​တီႈ​မၼ်း​ၸဝ်ႈ​ဢေႃႈ။-</verse>
				<verse number="18">မိူဝ်ႈ​ၼၼ်ႉ ၵူၼ်း​တင်း​လၢႆ​ဢဝ်​ၵူၼ်း​ဢၼ်​တိၼ်​တၢႆ​မိုဝ်း​တၢႆ​ၵေႃႉ​ၼိုင်ႈ​ပႃး​ၵႃႈ​ၼိူဝ်​တီႈ​ၼွၼ်း​မၼ်း​မႃး​လႄႈ ၵျၢမ်ႇ​ႁႃ​ႁႂ်ႈ​လႆႈ​ဢဝ်​ၶဝ်ႈ​ၸူး​လႄႈ သႂ်ႇ​ဝႆႉ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ဢေႃႈ။-</verse>
				<verse number="19">ၵွပ်ႈ​ပိူဝ်ႈ​ဢၼ် မီး​ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ​လႄႈ ၶဝ်​ဢမ်ႇ​ထူပ်း​တၢင်း​ဢၼ်​တၵ်း​လႆႈ​ၶဝ်ႈ​ၸူး​လႄႈ ၶိုၼ်ႈ​ၵႂႃႇ​ၵႃႈ​ၼိူဝ်​မုင်း​ႁိူၼ်း​သေ​လႄႈ ယႃႉ​ဢုတ်ႇ​ဢၼ်​မုင်း​ဝႆႉ​ၼၼ်ႉ​ယဝ်ႉ​ၸင်ႇ၊ ဢဝ်​မၼ်း​တင်း​တီႈ​ၼွၼ်း​မၼ်း​ယွၼ်ႇ​တူၵ်း​ၵူပ်ႉ​ၵၼ်​ၼႂ်း​ၵၢင်​ၵူၼ်း ၵႃႈ​တီႈ​ၽၢႆႇ​ၼႃႈ ယေႇသူႉ ​ဢေႃႈ။-</verse>
				<verse number="20">မၼ်း​ၸဝ်ႈ​ႁၼ်​တၢင်း​ဢၼ်​ယုမ်ႇ​မၢတ်ႈ​ၶဝ်​ၼၼ်ႉ​သေ​ယဝ်ႉ၊ လၢတ်ႈ​တီႈ​ၵေႃႉ​ၼၼ်ႉ​လႄႈ​ဝႃႈ​ၸမ်ႉ၊ ၵူၼ်း​ၵေႃႉ​ၼႆႉ​ဢိူၺ်း၊ ဢပႅတ်ႈ​မႂ်း​ၸိုင်​ပွႆႇ​လွတ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၵူၼ်း​ထုတ်ႇ​ၵျၢမ်း​တင်း​လၢႆ​ဢိၵ်ႇ​တင်း ၽႃႇရီႉသႄး ​တင်း​လၢႆ​ထၢင်ႇ​လႄႈ​ဝႃႈ၊ ၵေႃႉ​ဢၼ်​လၢတ်ႈ​ပူၼ်ႉ​လၢတ်ႈ​လိူဝ်​ၽြႃး​ပဵၼ်​ၸဝ်ႈ​ၼႆႉ​ၸမ်ႉ၊ ပဵၼ်​ၽူႈ​လႂ်။ လိူဝ်​သေ​ၽြႃး​ပဵၼ်​ၸဝ်ႈ​ၵူၺ်း ၽူႈ​လႂ်​ၸၢင်ႈ​ပွႆႇ​လွတ်ႈ​ဢပႅတ်ႈ​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ယေႇသူႉ ​ႁူႉ​ႁၼ် လွင်ႈ​ဢၼ်​ၶဝ်​ထၢင်ႇ​ၼႂ်း​ၸႂ်​လႄႈ​ဝႃႈ​ၼၼ်ႉ​သေ​ယဝ်ႉ၊ လၢတ်ႈ​တီႈ​ၶဝ်​လႄႈ​ဝႃႈ၊ ၼႂ်း​ၸႂ်​သူ​ထၢင်ႇ​ဝႃႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="23">ၵႂၢမ်း​ဢၼ်​လႂ်​ယဵင်ႈ​ၶႅၼ်း​လၢတ်ႈ​ငၢႆႈ။ ဢပႅတ်ႈ​မႂ်း​ၸိုင်​ပွႆႇ​လွတ်ႈ​ယဝ်ႉ၊ ဢၼ်​ဝႃႈ​ၼင်ႇ​ၼႆ​ၼၼ်ႉ​လၢတ်ႈ​ငၢႆႈ​ႁိုဝ်။ မႂ်း​လုၵ်ႉ​လႄႈ​ပႆ​တၢင်း​ၵႂႃႇ​တႃႉ၊ ဢၼ်​ဝႃႈ​ၼင်ႇ​ၼႆ​ၼၼ်ႉ လၢတ်ႈ​ငၢႆႈ​ႁိုဝ်။-</verse>
				<verse number="24">ၼင်ႇ​ႁိုဝ်​သူ​တၵ်း​ႁူႉ​လွင်ႈ​ဢၼ်​လုၵ်ႈ​ၵူၼ်း ပိူင်ႇ​ပွႆႇ​လွတ်ႈ​ဢပႅတ်ႈ​ၵႃႈ​ၼိူဝ်​လိၼ်​မိူင်း​ၼႆႉ​ဝႃႈ​ၼႆ၊ မၼ်း​ၸဝ်ႈ​သမ်ႉ​လၢတ်ႈ​တီႈ​ၵေႃႉ​ဢၼ်​တိၼ်​တၢႆ​မိုဝ်း​တၢႆ​ၼၼ်ႉ​ထႅင်ႈ​လႄႈ​ဝႃႈ၊ ၵဝ်​ဝႃႈ​တီႈ​မႂ်း၊ လုၵ်ႉ​ဢဝ်​တီႈ​ၼွၼ်း​မႂ်း​လႄႈ မိူဝ်း​ၵႂႃႇ​ၵႃႈ​တီႈ​ႁိူၼ်း​မႂ်း​ပုၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ၵေႃႉ​ၼၼ်ႉ​ၵေႃႈ​လုၵ်ႉ​ၵမ်း​လဵဝ်​ၵႃႈ​တီႈ​ၽၢႆႇ​ၼႃႈ​ၶဝ်​လႄႈ ဢဝ်​တီႈ​ၼွၼ်း​မၼ်း​ယဝ်ႉ​ၸင်ႇ၊ယွင်ႈ​ယေႃး​ၽြႃး​ပဵၼ်​ၸဝ်ႈ​ယူႇ​သေ​လႄႈ မိူဝ်း​ၵႂႃႇ​ၵႃႈ​တီႈ​ႁိူၼ်း​မၼ်း​ပုၼ်ႉ​ဢေႃႈ။-</verse>
				<verse number="26">ၶဝ်​တင်း​သဵင်ႈ​တင်း​လူင် ၵႂင်​ၸႂ်​ယုင်ႈ​ၸႂ်​လႄႈ​ဢွၼ်​ၵၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ​ယူႇ​သေ​လႄႈ မီး​တၢင်း​ဢၼ်​ၵူဝ်​ဢၼ်​ႁႄ​ၼမ်​ၼႃႇ​လူင်​လၢင်​လႄႈ​လၢတ်ႈ​လႄႈ​ဝႃႈ၊ ဝၼ်း​မိူဝ်ႈ​ၼႆႉ ႁဝ်း​လႆႈ​ႁၼ်​လွင်ႈ​ဢၼ်​လီ​ဢၢမ်း​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">လိုၼ်း​ၼၼ်ႉ မၼ်း​ၸဝ်ႈ​ဢွၵ်ႇ​ၵႂႃႇ​လႄႈ​ထူပ်း​ႁၼ်​ၵူၼ်း​ၵဵပ်း​ၶွၼ်ႇ​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ လေႇဝီႉ ​ၼၼ်ႉ ၼင်ႈ​ယူႇ​ၵႃႈ​တီႈ​သုမ်ႉ​ထဵင်​ၵဵပ်း​ၶွၼ်ႇ​သေ​ယဝ်ႉ၊ လၢတ်ႈ​တီႈ​မၼ်း​လႄႈ​ဝႃႈ၊ ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="28">ၵေႃႉ​ၼၼ်ႉ​ၵေႃႈ ၸုၼ်ႉ​ပႅတ်ႈ​ၵႃႈ​မီး​တင်း​သဵင်ႈ​တင်း​လူင်​သေ​လႄႈ လုၵ်ႉ​ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။</verse>
				<verse number="29">လိုၼ်း​ၼၼ်ႉ​ၸင်ႇ၊ လေႇဝီႉ ​ၼၼ်ႉ ႁဵတ်း​ပွႆး​ဢၼ်​ယႂ်ႇ​ၼႃႇ​ၵႃႈ​ၼႂ်း​ႁိူၼ်း​တူဝ်​ၸဝ်ႈ​ၵဝ်ႇ​ပုၼ်ႈ​မၼ်း​ၸဝ်ႈ​လႄႈ၊ ၵူၼ်း​ၵဵပ်း​ၶွၼ်ႇ​ၼမ်​ၼႃႇ တင်း​ပိူၼ်ႈ​တၢင်ႇ​ၵေႃႉ​ဢၼ်​ဢိင်​ႁိမ်း​တီႈ​ၵိၼ်​လူၺ်ႈ​ၵၼ်​တင်း​ၶဝ်​ၸိူဝ်း​ၼၼ်ႉ​ၵေႃႈ​ပႃး​ဢေႃႈ။-</verse>
				<verse number="30">ၵူၼ်း​ထုတ်ႇ​ၵျၢမ်း ဢိၵ်ႇ​တင်း ၽႃႇရီႉသႄး ​တင်း​လၢႆ၊ သႄႉ​သွမ်း​တၢင်ႇ​ဢပႅတ်ႈ​တီႈ​တပႄး​ၸဝ်ႈ​ၸိူဝ်း​ၼၼ်ႉ​လႄႈ​ဝႃႈ၊ ႁဵတ်း​ႁိုဝ်​လႄႈ​သူ​ၵိၼ်​လူၺ်ႈ​ၵၼ်​တင်း​ၵူၼ်း​ၵဵပ်း​ၶွၼ်ႇ တင်း​ၵူၼ်း​ႁၢႆႉ​တင်း​လၢႆ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="31">ယေႇသူႉ ​ၵေႃႈ​ၶိုၼ်း​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၶဝ်​ၸိူဝ်း​ဢၼ်​ယူႇ​လီ​ၼၼ်ႉ ဢမ်ႇ​လူဝ်ႇ​မေႃ​ယႃ။ ၶဝ်​ၸိူဝ်း​ဢၼ်​မီး​တၢင်း​ၶႆႈ​တၢင်း​ပဵၼ်​ၼၼ်ႉ​ၵူၺ်း လူဝ်ႇ​မေႃ​ယႃ​ဢေႃႈ။-</verse>
				<verse number="32">ပုၼ်ႈ​လွင်ႈ​ၼင်ႇ​ႁိုဝ်​တၵ်း​ၶုၵ်း​ၸႂ်​လႆႈ​မႆႈ​ၸႂ်​ၸိုင်၊ ၵဝ်​မႃး​ႁႂ်ႈ​လႆႈ​ႁွင်ႉ​ဢဝ်​ၵူၼ်း​သိုဝ်ႈ​တေႃႇ​တင်း​လၢႆ​ဢမ်ႇ​ၸႂ်ႈ၊ ၵဝ်​မႃး​ႁႂ်ႈ​လႆႈ​ႁွင်ႉ​ဢဝ်​ၵူၼ်း​ႁၢႆႉ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">ၶဝ်​ၼၼ်ႉ​လဝ်ႊ​ထၢမ်​လႄႈ​ဝႃႈ၊ တပႄး​ ယူဝ်းႁၢၼ်ႇ ဢိၵ်ႇ​တင်း​ ၽႃႇရီႉသႄး ​တင်း​လၢႆ ၵမ်​တၢင်း​ၵိၼ်​လႄႈ​ႁဵတ်း​သူး​တွင်း​ပထၼႃႇ​ၶိူဝ်း​ၶိူဝ်း​ယႂ်း​ယႂ်း​ယူႇ​ဢေႃႈ။ ႁဵတ်း​သင်​လႄႈ​တပႄး​ၸဝ်ႈ​ႁဝ်း​ၸိူဝ်း​ၼႆႉ ၵိၼ်​ၶူပ်း​ယူႇ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ မိူဝ်ႈ​ဢၼ် ၵေႃႉ​ဢၼ်​သွင်ႇ​မင်ႇၵလႃႇ​မီး​ယူႇ​လူၺ်ႈ​ၵၼ်​တင်း​ၵေႃႉ​သေႈ​မၼ်း​တင်း​လၢႆ​ၼၼ်ႉ​ၸိုင်၊ သူ​ႁႂ်ႈ​ၶဝ်​ၼၼ်ႉ​ၵမ်​တၢင်း​ၵိၼ်​လႆႈ​ႁိုဝ်။-</verse>
				<verse number="35">ၶိင်ႇ​ၵႃႇလႃႉ​ဢၼ်​တၵ်း​လႆႈ​ဢဝ်​ၵေႃႉ​ဢၼ်​သွင်ႇ​မင်ႇၵလႃႇ​ၼၼ်ႉ ၽၢတ်ႇ​ၵၼ်​တင်း​ၵေႃႉ​သေႈ​မၼ်း​တင်း​လၢႆ​ၼၼ်ႉ​ၸိုင်၊ တၵ်း​ႁွတ်ႈ​မႃး​ဢေႃႈ။ ၶိင်ႇ​မိူဝ်ႈ​ၼၼ်ႉ ၶဝ်​တၵ်း​ၵမ်​တၢင်း​ၵိၼ်​ဢေႃႈ။-</verse>
				<verse number="36">ဢူႉပမႃႇ​ၸမ်ႉ၊ ၽူႈ​လႂ်​ဢမ်ႇ​ဢဝ်​ၶူဝ်း​မႂ်ႇ ၽုင်​ၵုပ်း​ၶူဝ်း​ၵဝ်ႇ၊ ပေႃး​ႁဵတ်း​ၸိူဝ်ႉ​ၼင်ႇ​ၼၼ်ႉ​ၸိုင်၊ ၶူဝ်း​မႂ်ႇ​ၸၢင်ႈ​ႁႂ်ႈ​ၶူဝ်း​ၵဝ်ႇ​သိၵ်ႇ​ဢေႃႈ။ ၶူဝ်း​မႂ်ႇ​ဢၼ်​ၵုပ်း​ၼၼ်ႉ ဢမ်ႇ​ၸၢင်ႈ​ထုၵ်ႇ​ၵၼ်​တင်း​ၶူဝ်း​ၵဝ်ႇ။-</verse>
				<verse number="37">ပိူင်​လဵဝ်​ၵၼ်၊ ၽူႈ​လႂ်​ဢမ်ႇ​ဢဝ်​ၼမ်ႉ​ၸပိတ်ႈ​ဢၼ်​မႂ်ႇ သႂ်ႇ​ၼႂ်း​ထူင်​ၼင်​ဢၼ်​ၵဝ်ႇ။ ပေႃး​သႂ်ႇ​ၸိုင်၊ ၼမ်ႉ​ၸပိတ်ႈ​ဢၼ်​မႂ်ႇ​ၼၼ်ႉ တၵ်း​ႁႂ်ႈ​ထူင်​ၼင်​တႅၵ်ႇ​ဢေႃႈ။ ၼမ်ႉ​ၸပိတ်ႈ​တၵ်း​ႁူဝ်ႈ​လႄႈ ထူင်​ၼင်​ၼၼ်ႉ​ၵေႃႈ​တၵ်း​လူႉ​တၵ်း​လဵဝ်​ဢေႃႈ။-</verse>
				<verse number="38">ၼမ်ႉ​ၸပိတ်ႈ​ဢၼ်​မႂ်ႇ​ၼၼ်ႉ​ၸိုင်၊ တၵ်း​လႆႈ​သႂ်ႇ​ၼႂ်း​ထူင်​ၼင်​ဢၼ်​မႂ်ႇ​ဢေႃႈ။ ပေႃး​သႂ်ႇ​ၸိုင် တင်း​သွင်​ၸိူဝ်ႉ​သွင်​ပိူင်​ဢမ်ႇ​လူႉ​ဢမ်ႇ​လႅဝ်။-</verse>
				<verse number="39">ၵေႃႉ​ဢၼ်​ၵိၼ်​ၼမ်ႉ​ၸပိတ်ႈ​ဢၼ်​ၵဝ်ႇ​ၼၼ်ႉ​ယဝ်ႉ​ၼၼ်ႉ ဢမ်ႇ​ၸၢင်ႈ​ၶႂ်ႈ​လႆႈ​ၼမ်ႉ​ၸပိတ်ႈ​ဢၼ်​မႂ်ႇ။ လွင်ႈ​ဢၼ်​ၼမ်ႉ​ၸပိတ်ႈ​ဢၼ်​ၵဝ်​ၼၼ်ႉ ယဵင်ႈ​ၶႅၼ်း​လီ​ၸိုင်​မၼ်း​ႁူႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="6">
				<verse number="1">လိုၼ်း​သေ​ဝၼ်း​ၵမ်​သိၼ်​ပထမႃႉ ၼႂ်း​ဝၼ်း​ၵမ်​သိၼ်​တူႉတီႉယႃႉ​ၼၼ်ႉ၊ မၼ်း​ၸဝ်ႈ​ၽႃႇ​လတ်း​ၵႂႃႇ​ၵႃႈ​ၼႂ်း​ႁႆႊ​ၶဝ်ႈ​ၵျုင်ႇ​လႄႈ တပႄး​ၸဝ်ႈ​တင်း​လၢႆ​ယၵ်း​ဢဝ်​ႁူင်း​ၶဝ်ႈ​ၵျုင်ႇ​သေ​ယဝ်ႉ၊ ဢဝ်​တင်း​မိုဝ်း​ၶိုတ်ႈ​ပွတ်ႈ​ၵိၼ်​ဢေႃႈ။-</verse>
				<verse number="2">ၽႃႇရီႉသႄး ၵမ်ႈ​ၽွင်ႈ​ၵေႃႈ​လၢတ်ႈ​လႄႈ​ဝႃႈ၊ လွင်ႈ​ဢၼ်​ဢမ်ႇ​ထုၵ်ႇ​လီ​ႁဵတ်း​ၼႂ်း​ဝၼ်း​ၵမ်​သိၼ်​ၸိုင်၊ ႁဵတ်း​သင်​လႄႈ​သူ​ႁဵတ်း​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="3">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ လွင်ႈ​ဢၼ် တႃႇဝိတ်ႈ ​ႁဵတ်း ၼႂ်း​မိူဝ်ႈ​ဢၼ်​မၼ်း​ဢိၵ်ႇ​တင်း​ၶဝ်​ၸိူဝ်း​ဢၼ်​မီး​လူၺ်ႈ​ၵၼ်​တင်း​မၼ်း​တင်း​လၢႆ​ဢိုပ်း​တၢင်း​ၵိၼ်​ၼၼ်ႉ၊-</verse>
				<verse number="4">ဢၼ်​ဝႃႈ​လွင်ႈ​ဢၼ်​မၼ်း​ၶဝ်ႈ​ၵႂႃႇ​ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​သေ​လႄႈ ၵိၼ်​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ ဢၼ်​ယိတ်ႈပရေႃးႁဵၵ်ႈ​ၵူၺ်း​ၵူၺ်း​ထုၵ်ႇ​လီ​ၵိၼ်​ၼၼ်ႉ​လႄႈ သမ်ႉ​ဢဝ်​ပၼ်​တီႈ​ၶဝ်​ၸိူဝ်း​ဢၼ်​မီး​လူၺ်ႈ​ၵၼ်​တင်း​မၼ်း​ၼၼ်ႉ​ၸိုင်၊ သူ​ဢမ်ႇ​ယၢမ်ႈ​လႆႈ​ၽတ်း​ႁိုဝ်။-</verse>
				<verse number="5">လိူဝ်​သေ​ၼၼ်ႉ လုၵ်ႈ​ၵူၼ်း​ပဵၼ်​ၸဝ်ႈ​ဝၼ်း​ၵမ်​သိၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၼႂ်း​ဝၼ်း​ၵမ်​သိၼ်​တၢင်ႇ​ဝၼ်း၊ မိူဝ်ႈ​ဢၼ်​မၼ်း​ၸဝ်ႈ​ၶဝ်ႈ​ၵႂႃႇ​ၵႃႈ​ၼႂ်း​ၸရွပ်ႈ​ႁေႃး​တြႃး​သေ​လႄႈ သင်ႇ​သွၼ်​သုင်း​မႃႉ​ပၼ်​ယူႇ​ၼၼ်ႉ​ၸိုင်၊ ၼႂ်း​တီႈ​ၼၼ်ႉ မီး​ၵူၼ်း​ဢၼ်​မိုဝ်း​ႁဵဝ်ႇ​ၶွၼ်​ၶႂႃ​ၵေႃႉ​ၼိုင်ႈ​ဢေႃႈ။-</verse>
				<verse number="7">ၼႂ်း​ဝၼ်း​ၵမ်​သိၼ် မၼ်း​ၸဝ်ႈ​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​မၼ်း​ၼၼ်ႉ​ႁၢႆ​ႁိုဝ်။ တၵ်း​ဢမ်ႇ​ႁႂ်ႈ​ႁၢႆ​ႁိုဝ်​ဝႃႈ​ၼႆ၊ ၵူၼ်း​ထုတ်ႇ​ၵျၢမ်း​ဢိၵ်ႇ​တင်း​ ၽႃႇရီႉသႄး ​တင်း​လၢႆ​ၸိူဝ်း​ၼၼ်ႉ၊ ၼင်ႇ​ႁိုဝ်​တၵ်း​မီး​တီႈ​ဢၼ်​တၵ်း​တၢင်ႇ​ဢပႅတ်ႈ​ၵႃႈ​ၼိူဝ်​မၼ်း​ၸဝ်ႈ​ၸိုင်၊ လွမ်​တူၺ်း​မၼ်း​ၸဝ်ႈ​ယူႇ​ဢေႃႈ။-</verse>
				<verse number="8">မၼ်း​ၸဝ်ႈ​ႁူႉ တၢင်း​ၵျၢမ်ႇ​တၢင်း​ပွင်​ၶဝ်​ၼၼ်ႉ​လႄႈ လၢတ်ႈ​တီႈ​ၵူၼ်း​ဢၼ်​မိုဝ်း​ႁဵဝ်ႇ​ၶွၼ်​ၼိုင်ႈ​ၼၼ်ႉ​လႄႈ​ဝႃႈ၊ လုၵ်ႉ​တႃႉ။ ၸုၵ်း​ယူႇ​ၼႂ်း​ၶိုင်ႈ​ၵၢင်​ၼႆႉ​တႃႉ၊ ဝႃႈ​ၼႆ၊ ၵႃႈ​ၼင်ႇ​ဢၼ်​ဝႃႈ​ၼၼ်ႉ၊ မၼ်း​လုၵ်ႉ​လႄႈ​ၸုၵ်း​ယူႇ​ဢေႃႈ။-</verse>
				<verse number="9">ယေႇသူႉ ​ၵေႃႈ​ထၢမ်​ၶဝ်​ၼၼ်ႉ​လႄႈ​ဝႃႈ၊ ၵဝ်​တၵ်း​ထၢမ်​သူ​လူး​ၵွၼ်ႇ​ဢေႃႈ။ ၼႂ်း​ဝၼ်း​ၵမ်​သိၼ်​ထုၵ်ႇ​လီ​ႁဵတ်း​ၸိူဝ်ႉ​ၼင်ႇ​ႁိုဝ်။ ထုၵ်ႇ​လီ​ႁဵတ်း​ၵျေး​ၸူး​ႁိုဝ်။ ထုၵ်ႇ​လီ​ယႃႉ​တၢင်း​လီ​ပိူၼ်ႈ​ႁိုဝ်။ ထုၵ်ႇ​လီ​ၶျွတ်ႈ​ဢဝ်​ဢသၢၵ်ႈ​ႁိုဝ်။ ထုၵ်ႇ​လီ​ဢဝ်​တၢႆ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">လူ​တူၺ်း​လဵပ်ႈ​ႁွပ်ႈ​ၶဝ်​တင်း​သဵင်ႈ​တင်း​လူင်​ယူႇ​သေ​လႄႈ​လၢတ်ႈ​တီႈ​ၵေႃႉ​ၼၼ်ႉ​လႄႈ​ဝႃႈ ယဵတ်ႇ​မိုဝ်း​မႂ်း​တႃႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ၵေႃႉ​ၼၼ်ႉ​ယဵတ်ႇ​မိုဝ်း​မၼ်း​လႄႈ၊ မိုဝ်း​မၼ်း​ၼၼ်ႉ လီ​မႃး​ပဵၼ်​ၸိူဝ်ႉ​ၼင်ႇ​မိုဝ်း​တၢင်ႇ​ၶွၼ်​ဢေႃႈ။-</verse>
				<verse number="11">ၶဝ်​ၼၼ်ႉ​တဵမ်​ဝႆႉ​တင်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​သေ​လႄႈ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​တီႈ ယေႇသူႉ ​ဝႃႈ​ၼႆ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တွင်ႈ​ထၢမ်​လၢတ်ႈ​ၸႃ​ၵၼ်​ဢေႃႈ။</verse>
				<verse number="12">ၼႂ်း​မိုဝ်ႉ​ဝၼ်း​ၶိင်ႇ​ၵႃႇလႃႉ​ၼၼ်ႉ ၼင်ႇ​ႁိုဝ်​တၵ်း​လႆႈ​ႁဵတ်း​သူး​တွင်း​ပထၼႃႇ​ၸိုင်၊ မၼ်း​ၸဝ်ႈ​ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ပုၼ်ႉ​လႄႈ ႁဵတ်း​သူး​တွင်း​ပထၼႃႇ​တီႈ​ၽြႃး​ပဵၼ်​ၸဝ်ႈ​ယူႇ​တင်း​ၶိုၼ်း​ဢေႃႈ။-</verse>
				<verse number="13">မိူဝ်ႈ​ဢၼ်​မိူင်း​လႅင်း​မႃး​ၸိုင်၊ မၼ်း​ၸဝ်ႈ​ႁွင်ႉ​ဢဝ်​တပႄး​ၸဝ်ႈ​တင်း​လၢႆ​လႄႈ လိူၵ်ႈ​ၵဵပ်း​ဢဝ်​သိပ်း​သွင်​ပႃး​ယဝ်ႉ​ၸင်ႇ၊ ႁွင်ႉ​ႁဵၵ်ႈ​ၶဝ်​ဝႃႈ တမၢၼ်ႇ​ၸဝ်ႈ​ဢေႃႈ။-</verse>
				<verse number="14">ၸိုဝ်ႈ​သဵင်​ၶဝ်​ၼၼ်ႉ​ၸမ်ႉ၊ ပဵၼ်​ သီႉမုၼ်ႇ ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ ပေႇတရူႉ ၊ တင်း​ၼွင်ႉ​ၸၢႆး​မၼ်း​ ဢၼ်ႇတရေႇ၊ ယႃႇၵုပ်ႈ ​တင်း​ ယူဝ်းႁၢၼ်ႇ၊ ၽီႉလိပ်ႉပူႉ တင်း​ ပႃႇထေႃးလမႄး ၊-</verse>
				<verse number="15">မၢတ်ႈထႄႇ ​တင်း​ ထူဝ်းမႃႉ၊ ယႃႇၵုပ်ႈ ​လုၵ်ႈ​ၸၢႆး​ ဢႃႇလၽႄး တင်း​ သီႉမုၼ်ႇ ဢၼ်​လႆႈ​ႁွင်ႉ​ ၸေႇလုတ်ႉ ၊-</verse>
				<verse number="16">ယူႉတႃႉ ၼွင်ႉ​ၸၢႆး​ ယႃႇၵုပ်ႈ တင်း​ ယူႉတႃႉ​ဢီႉသၵႃႇရေႇဢုတ်ႈ ဢၼ်​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ​ဢေႃႈ။</verse>
				<verse number="17">မၼ်း​ၸဝ်ႈ​ဢိၵ်ႇ​တင်း​ၶဝ်​ၼၼ်ႉ​လူင်း​သေ​ၵႃႈ​ၼိူဝ်​လွႆ​မႃး​လႄႈ ၸုၵ်း​ယူႇ​ၵႃႈ​တီႈ​လိၼ်​ပဵင်း​ဢေႃႈ။ မၼ်း​ၸဝ်ႈ​မီး​တင်း​တပႄး​ၸဝ်ႈ​ၼမ်​ၼႃႇ ဢိၵ်ႇ​တင်း​ၶဝ်​ၸိူဝ်း​ဢၼ်​လုၵ်ႉ​သေ​ၵႃႈ​တီႈ​ၸႃႉ​ၸဵမ် ဝဵင်း​ ယေႇရူႉသလႅမ်ႇ တင်း​မိူင်း​ ယူႉတႃႉ တင်း​ၵႃႈ​ႁိမ်း​ၽင်ႇ​ပၢင်ႇ​လၢႆႇ ဝဵင်း​ တူႉရူႉ တင်း​ဝဵင်း​ ၸီႉတုမ်ႇ ၵူႈ​တီႈ​ၵူႈ​လႅၼ် မႃး​ႁႂ်ႈ​လႆႈ​ထွမ်ႇ​လႆႈ​ငိၼ်း​တြႃး​လႄႈ ၶၢမ်ႇ​တၢင်း​ဢၼ်​တၢင်း​ၶႆႈ​တၢင်း​ပဵၼ်​ၶဝ်​ႁၢႆ​တင်း​လၢႆ​ၼၼ်ႉ​ဢေႃႈ။-</verse>
				<verse number="18">ၶဝ်​ၸိူဝ်း​ဢၼ်​ၽီ​ၵူဝ်ႈ​ၵိူၵ်ႇ​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ၵေႃႈ လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="19">ပိူဝ်ႈ​ဢၼ်​တၼ်း​ၶူဝ်း​ဢွၵ်ႇ​ၵႃႈ​ၼႂ်း​မၼ်း​ၸဝ်ႈ​ႁႂ်ႈ​ၵူၼ်း​တင်း​သဵင်ႈ​တင်း​လူင်​ၵတ်း​ယဵၼ်​ၶျၢမ်း​သႃႇ​လႄႈ ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ ၵျၢမ်ႇ​ႁႃ​ႁႂ်ႈ​လႆႈ​တိူဝ်ႉ​မၼ်း​ၸဝ်ႈ​ဢေႃႈ။</verse>
				<verse number="20">မိူဝ်ႈ​ၼၼ်ႉ မၼ်း​ၸဝ်ႈ​ႁႅၼ်​တူၺ်း​တပႄး​ၸဝ်ႈ​ၸိူဝ်း​ၼၼ်ႉ​လႄႈ​ဝႃႈ၊ သူ​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼႆႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ မိူင်း​ၽြႃး​ပဵၼ်​ၸဝ်ႈ​ပဵၼ်​မိူင်း​သူ​ဢေႃႈ။-</verse>
				<verse number="21">သူ​ၸိူဝ်း​ဢၼ်​ဢိုပ်း​ယၢၵ်ႈ​တေႃႈ​လဵဝ်​ၼႆႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​တၵ်း​ႁွတ်ႈ​ထိုင်​တၢင်း​ဢၼ်​လိူင်ႇ​ၸႂ်​ဢေႃႈ။ သူ​ၸိူဝ်း​ဢၼ်​ႁွင်ႉ​ႁႆႈ​တေႃႈ​လဵဝ်​ၼႆႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​တၵ်း​လႆႈ​ၶူဝ်​ဢေႃႈ။</verse>
				<verse number="22">ၵွပ်ႈ​ပိူဝ်ႈ​လုၵ်ႈ​ၵူၼ်း​လႄႈ မိူဝ်ႈ​ဢၼ်​ပိူၼ်ႈ​ၸင်း​သူ၊ မိူဝ်ႈ​ဢၼ်​ၶဝ်​ၽၢတ်ႇ​ၵၼ်​တင်း​သူ​လႄႈ သႄႉ​သွမ်း​ယႃႉ​သရေႇ​သူ​ၼၼ်ႉ​ၸိုင်၊ သူ​မီး​မင်ႇၵလႃႇ​ဢေႃႈ။-</verse>
				<verse number="23">ၼႂ်း​ဝၼ်း​မိူဝ်ႈ​ၼၼ်ႉ မီး​တၢင်း​ဢၼ်​သိူဝ်း​ပျေႃႇ​တႃႉ။ မီး​တင်း​ၸႂ်​ဢၼ်​သိူဝ်း​ၸူမ်း​လႄႈ​ၵျွၵ်း​ဝႅၼ်​တႃႉ။ လွင်ႈ​မၼ်း​ၸမ်ႉ ဢၵျူဝ်း​သူ​ယႂ်ႇ​ၼႃႇ​ၵႃႈ​တီႈ​ၼႂ်း​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ပူႇ​ပေႃႈ​ၶဝ်​ၼၼ်ႉ​ႁဵတ်း​တီႈ​ပရေႃးၽႅတ်ႈ​တင်း​လၢႆ မိူၼ်​ၸိူဝ်ႉ​ၼင်ႇ​ၼႆ​ဢေႃႈ။</verse>
				<verse number="24">သူ​ၸိူဝ်း​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼႆႉ မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​လႆႈ​ၶၢမ်ႇ​တၢင်း​ဢၼ်​သၢၵ်ႈ​သႃႇ​သူ​ဢေႃႈ။-</verse>
				<verse number="25">သူ​ၸိူဝ်း​ဢၼ်​လႆႈ​ၵိၼ်​ဢိမ်ႇ​ၵိၼ်​တဵမ်​ၼႆႉ မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​တၵ်း​ႁွတ်ႈ​ထိုင်​တၢင်း​ဢၼ်​ဢိုပ်း​ဢၼ်​ယၢၵ်ႈ​ဢေႃႈ။ သူ​ၸိူဝ်း​ဢၼ်​ၶူဝ်​တေႃႈ​လဵဝ်​ၼႆႉ မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​တၵ်း​ၶၢင်း​ၶီ​ၶၢင်း​ၽၢၼ်​လႄႈ​ႁွင်ႉ​ႁႆႈ​ဢေႃႈ။-</verse>
				<verse number="26">မိူဝ်ႈ​ဢၼ်​ၵူၼ်း​တင်း​လၢႆ​ယွင်ႈ​ယေႃး​သူ​ၸိုင် သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ပူႇ​ပေႃႈ​ၶဝ်​ၼၼ်ႉ ႁဵတ်း​တီႈ​မိၵ်ႉသႃႇ​ပရေႃးၽႅတ်ႈ​တင်း​လၢႆ​မိူၼ်​ၸိူဝ်ႉ​ၼင်ႇ​ၼႆ​ယဝ်ႉ။</verse>
				<verse number="27">ၵဝ်​ဝႃႈ​တီႈ​သူ​ၸိူဝ်း​ဢၼ်​ငိၼ်း​ၵႂၢမ်း​ၵဝ်​ၼႆႉ​ၸမ်ႉ၊ ႁၵ်ႉ​ရၢၼ်ႇ​သူႇ​သူ​တႃႉ။ ႁဵတ်း​ၵျေး​ၸူး​တီႈ​ၶဝ်​ၸိူဝ်း​ဢၼ်​ၸင်း​သူ​ၼၼ်ႉ​တႃႉ။-</verse>
				<verse number="28">ႁဵတ်း​မႅတ်ႈ​တႃႇ တီႈ​ၶဝ်​ၸိူဝ်း​ဢၼ်​ၵိၼ်ႇ​လႃႇ​သူ​ၼၼ်ႉ​တႃႉ။ သူး​တွင်း​ပုၼ်ႈ​ၶဝ်​ၸိူဝ်း​ဢၼ်​ယႃႉ​ယူၵ်ႉ​သူ​ၼၼ်ႉ​တႃႉ။-</verse>
				<verse number="29">တီႈ​ၵေႃႉ​ဢၼ်​တူပ်း​ၵႅမ်ႈ​မႂ်း​ၽၢၵ်ႇ​ၼိုင်ႈ​ၼၼ်ႉ၊ ပၼ်​ၵႅမ်ႈ​မႂ်း​ၽၢၵ်ႇ​ၼိုင်ႈ​ထႅင်ႈ​လူး​ၵွၼ်ႇ​တႃႉ။ တီႈ​ၵေႃႉ​ဢၼ်​သိမ်း​ဢဝ်​ၽႃႈ​ဝႆ​မႂ်း​ၼၼ်ႉ​ၵေႃႈ ယႃႇ​ပေ​ႁၢမ်ႈ​တၢပ်ႈ​ႁႄႉ​ၶႅၼ်​မၼ်း ဢဝ်​သိူဝ်ႈ​မႂ်း​ထႅင်ႈ​ၼၼ်ႉ။</verse>
				<verse number="30">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ယွၼ်း​တီႈ​မႂ်း​ၼၼ်ႉ​ၸိုင်၊ ပၼ်​တႃႉ။ တီႈ​ၶဝ်​ၸိူဝ်း​ဢၼ်​သိမ်း​ဢဝ်​ၶူဝ်း​လဵင်း​မႂ်း​ၼၼ်ႉ ယႃႇ​ပေ​ၶိုၼ်း​ယွၼ်း​ဢဝ်။-</verse>
				<verse number="31">ၵႃႈ​ၼင်ႇ​ဢၼ်​သူ​ၶႂ်ႈ​ႁႂ်ႈ​ပိူၼ်ႈ​ႁဵတ်း​တီႈ​သူ​ၼၼ်ႉ၊ သူ​ႁဵတ်း​တီႈ​ပိူၼ်ႈ​တႃႉ။</verse>
				<verse number="32">ပေႃး​သူ​ႁၵ်ႉ​ၶဝ်​ၸိူဝ်း​ဢၼ်​ႁၵ်ႉ​သူ​ၼၼ်ႉ​ၵူၺ်း​ၸိုင်၊ တၵ်း​မီး​ၵျေး​ၸူး​ဢၼ်​လႂ်။ ၶဝ်​ၸိူဝ်း​ဢၼ်​ႁၢႆႉ​ဢၼ်​ႁုၵ်း​ၼၼ်ႉ ႁၵ်ႉ​ၶဝ်​ၸိူဝ်း​ဢၼ်​ႁၵ်ႉ​ၶဝ်​ၼၼ်ႉ​ယူႇ ဢမ်ႇ​ၸႂ်ႈ​ႁိုဝ်။-</verse>
				<verse number="33">ပေႃး​သူ​ႁဵတ်း​ၵျေး​ၸူး​တီႈ​ၶဝ် ၸိူဝ်း​ဢၼ်​ႁဵတ်း​ၵျေး​ၸူး​တီႈ​သူ​ၼၼ်ႉ​ၵူၺ်း​ၸိုင်၊ တၵ်း​မီး​ၵျေး​ၸူး​ဢၼ်​လႂ်။ ၶဝ်​ၸိူဝ်း​ဢၼ်​ႁၢႆႉ​ဢၼ်​ႁုၵ်း​ၼၼ်ႉ ႁဵတ်း​ထၢၼ်ႇ​ၼႆႉ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="34">ပေႃး​သူ​ပၼ်​ၵူႈ​ပၼ်​ယိမ်​တီႈ​ပိူၼ်ႈ​တၢင်ႇ​ၵေႃႉ​လႄႈ​မုင်ႈ​ထႃႈ​မွင်း​ထႃႈ လွင်ႈ​ဢၼ်​ၶဝ်​တၵ်း​တႅၼ်း​ၶိုၼ်း​ၼၼ်ႉ​ယူႇ​ၸိုင်၊ တၵ်း​မီး​ၵျေး​ၸူး​ဢၼ်​လႂ်။ ၶဝ်​ၸိူဝ်း​ဢၼ်​ႁၢႆႉ​ဢၼ်​ႁုၵ်း​ၼၼ်ႉ​ၸၢင်ႈ​ပၼ်​ၵူႈ​ပၼ်​ယိမ် တီႈ​ၶဝ်​ၸိူဝ်း​ဢၼ်​ႁၢႆႉ​ဢၼ်​ႁုၵ်း​ၼင်ႇ​ၵၼ်​ၼၼ်ႉ ႁႂ်ႈ​လႆႈ​ၶၢမ်ႇ​ၵျေး​ၸူး​တၢင်း​ဢၼ်​တႅၼ်း​ၶိုၼ်း​ၼၼ်ႉ​ယူႇ​ဢေႃႈ။-</verse>
				<verse number="35">သူ​ၸမ်ႉ၊ ႁၵ်ႉ​ရၢၼ်ႇ​သူႇ​သူ​တႃႉ။ ႁဵတ်း​ၵျေး​ၸူး​တႃႉ။ ယင်း​ဢမ်ႇ​မီး​တီႈ​ဢၼ်​မုင်ႈ​ထႃႈ​မွင်း​ထႃႈ​သေ​ၸိူဝ်ႉ​သေ​ပိူင်​လႄႈ ပၼ်​ၵူႈ​ပၼ်​ယိမ်​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼႆ​ၸိုင် ဢၵျူဝ်း​သူ​တၵ်း​ယႂ်ႇ​ဢေႃႈ။ သူ​တၵ်း​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ၸဝ်ႈ​ႁဵတ်း​ၵျေး​ၸူး​တီႈ​ၶဝ်​ၸိူဝ်း​ဢၼ်​ဢမ်ႇ​ႁူႉ​ၵျေး​ၸူး​ၸဝ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​မီး​သၽေႃး​ဢၼ်​ႁၢႆႉ​ဢၼ်​ႁုၵ်း​တင်း​လၢႆ​ၼၼ်ႉ​ယူႇ​ဢေႃႈ။-</verse>
				<verse number="36">ပိူဝ်ႈ​ၼႆ​လႄႈ ၸိူဝ်ႉ​ၼင်ႇ​ဢၼ်​ပေႃႈ​သူ​မီး​ၸႂ်​ဢၼ်​ဢဵတ်း​လူ​ၼၼ်ႉ၊ သူ​ၵေႃႈ​မီး​ၸႂ်​ဢၼ်​ဢဵတ်း​လူ​တႃႉ။</verse>
				<verse number="37">ယႃႇ​ပေ​ၸီႇ​ယၢင်ႇ​ပိူၼ်ႈ။ ပေႃး​သူ​ဢမ်ႇ​ႁဵတ်း​ၸိုင်၊ သူ​တၵ်း​ၵၢင်း​လွတ်ႈ​တင်း​တၢင်း​ဢၼ်​ၸီႇ​ယၢင်ႇ​ဢေႃႈ။ ယႃႇ​ပေ​ၸီႇ​ယၢင်ႇ​ဢပႅတ်ႈ​တီႈ​ပိူၼ်ႈ။ ပေႃး​ဢမ်ႇ​ႁဵတ်း​ၸိုင် သူ​တၵ်း​ၵၢင်း​လွတ်ႈ​တင်း​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ဢေႃႈ။ ပွႆႇ​လွတ်ႈ​ဢပႅတ်ႈ​ပိူၼ်ႈ​တႃႉ။ ပေႃး​သူ​ပွႆႇ​လွတ်ႈ​ၸိုင် ဢပႅတ်ႈ​သူ​တၵ်း​လွတ်ႈ​ဢေႃႈ။</verse>
				<verse number="38">ပၼ်​တီႈ​ပိူၼ်ႈ​တၢင်ႇ​ၵေႃႉ​တႃႉ။ ပေႃး​သူ​ပၼ်​ၸိုင်၊ ပိူၼ်ႈ​တၢင်ႇ​ၵေႃႉ​ၼၼ်ႉ တၵ်း​ပၼ်​တီႈ​သူ​ဢေႃႈ။ တၢင်း​ဢၼ်​တူင်​ပဵင်း​တဵမ်​တဵမ်​ၵူၺ်း​ဢမ်ႇ​ၵႃး၊ တၢင်း​ဢၼ်​သတ်ႉ​ၼဵၵ်း​ယူႇ၊ သၼ်ႇ​ၶွၼ်း​ယူႇ၊ လူၼ်ႉ​လိူဝ်​ယူႇ​ၼၼ်ႉ​ၸိုင်၊ ၶဝ်​တၵ်း​ပၼ်​ၵႃႈ​ၼႂ်း​ႁူဝ်​ဢူၵ်း​သူ​ဢေႃႈ။ သူ​ပၼ်​တီႈ​ပိူၼ်ႈ​ဢၼ်​တူင်​ဢၼ်​တႅၵ်ႈ​ၵႃႈ​ႁိုဝ်​သေ​ဢမ်ႇ​ဝႃႈ၊ သူ​တၵ်း​လႆႈ​ၶၢမ်ႇ ၵႃႈ​ၼင်ႇ​ဢၼ်​တူင်​ဢၼ်​တႅၵ်ႈ​ၼၼ်ႉ​ဢေႃႈ။</verse>
				<verse number="39">ဢူႉပမႃႇ​ၸမ်ႉ၊ ၵူၼ်း​တႃ​မွတ်ႇ​တၵ်း​ၼႄ​ပၼ်​သဵၼ်ႈ​တၢင်း​တီႈ​ၵူၼ်း​တႃ​မွတ်ႇ​လႆႈ​ႁိုဝ်။ တင်း​သွင်​ၵေႃႉ​တၵ်း​တူၵ်း​ၵႃႈ​ၼႂ်း​လုၵ်း​ၼႂ်း​ၶုမ် ဢမ်ႇ​ၸႂ်ႈ​ႁိုဝ်။-</verse>
				<verse number="40">တပႄး​ဢမ်ႇ​ပူၼ်ႉ​လိူဝ်​သေ​သြႃႇ။ တပႄး​ဢၼ်​သင်ႇ​သွၼ်​ဢဝ်​မူတ်း​မူတ်း​သဵင်ႈ​သဵင်ႈ​ယဝ်ႉ​ၵူႈ​ၵေႃႉ​ၵူႈ​ၵူၼ်း တၵ်း​ပဵၼ်​ၸိူဝ်ႉ​ၼင်ႇ​သြႃႇ​မၼ်း​ဢေႃႈ။</verse>
				<verse number="41">မႂ်း​ယင်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း သဵၼ်ႈ​ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​မႂ်း​လႄႈ၊ ႁဵတ်း​သင်​လႄႈ​တူၺ်း​မုၼ်ႈ​ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​ပီႈ​ၼွင်ႉ​မႂ်း​ၼၼ်ႉ​ၼင်ႇ​ႁိုဝ်။-</verse>
				<verse number="42">ယင်း​ဢမ်ႇ​ႁၼ်​သဵၼ်ႈ​ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​မႂ်း​လႄႈ တၵ်း​လၢတ်ႈ​တီႈ​ပီႈ​ၼွင်ႉ​မႂ်း​လႄႈ​ဝႃႈ၊ ပီႈ​ၼွင်ႉ​ဢိူၺ်း၊ ႁႂ်ႈ​ၵဝ်​လႆႈ​ဢဝ်​မုၼ်ႈ​ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​မႂ်း​ၼၼ်ႉ​ဢွၵ်ႇ​သေ​ၵမ်း၊ ဝႃႈ​ၼင်ႇ​ၼႆ​ၼင်ႇ​ႁိုဝ်။ ၵူၼ်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ၼႆႉ​ဢိူၺ်း၊ ဢဝ်​သဵၼ်ႈ​ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​မႂ်း​ၼၼ်ႉ ဢွၵ်ႇ​ပႅတ်ႈ​သေ​ဢွၼ်​တၢင်း​တႃႉ။ လိုၼ်း​ၼၼ်ႉ​ၸင်ႇ၊ ၼင်ႇ​ႁိုဝ်​တၵ်း​လႆႈ​ဢဝ်​မုၼ်ႈ​ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​ပီႈ​ၼွင်ႉ​မႂ်း​ၼၼ်ႉ​ဢွၵ်ႇ​ၸိုင်၊ ၸင်ႇ​တၵ်း​ႁၼ်​လီ​လီ​ဢေႃႈ။</verse>
				<verse number="43">တူၼ်ႈ​ဢၼ်​လီ ဢၼ်​ၸၢင်ႈ​မၢၵ်ႇ​မၢၵ်ႇ​ဢၼ်​ဢမ်ႇ​လီ​ၼၼ်ႉ ဢမ်ႇ​မီး​သေ​တူၼ်ႈ။ တူၼ်ႈ​ဢၼ်​ဢမ်ႇ​လီ ဢၼ်​ၸၢင်ႈ​မၢၵ်ႇ​မၢၵ်ႇ​ဢၼ်​လီ​ၼၼ်ႉ ဢမ်ႇ​မီး​သေ​တူၼ်ႈ။-</verse>
				<verse number="44">တူၺ်း​မၢၵ်ႇ​တူၼ်ႈ​ၵူႈ​တူၼ်ႈ​လႄႈ တၵ်း​ႁူႉ​လွင်ႈ​သၽေႃး​တူၼ်ႈ​ၸိူဝ်း​ၼၼ်ႉ​ဢေႃႈ။ ဢမ်ႇ​ၸၢင်ႈ​ဝိတ်း​ဢဝ်​မၢၵ်ႇ​လိူဝ်ႇ​သၢင်း​ၽေႃး ၵႃႈ​တီႈ​တူၼ်ႈ​ၼၢမ်။ ဢမ်ႇ​ၸၢင်ႈ​ဝိတ်း​ဢဝ်​မၢၵ်ႇ​ၸပိတ်ႈ ၵႃႈ​တီႈ​တူၼ်ႈ​ၼၢမ်​လိၼ်။-</verse>
				<verse number="45">ၵေႃႉ​ဢၼ်​လီ​ၼၼ်ႉ​ၸိုင်၊ ၸၢင်ႈ​ဢဝ်​လွင်ႈ​တၢင်း​ဢၼ်​လီ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ႁူဝ်​ၸႂ်​ဢၼ်​လီ​မၼ်း​ၼၼ်ႉ​ဢွၵ်ႇ​လႄႈ ၼႄ​ပျႃး​ဢေႃႈ။ ၵေႃႉ​ဢၼ်​ႁၢႆႉ​ၼၼ်ႉ​ၸိုင်၊ ၸၢင်ႈ​ဢဝ်​လွင်ႈ​ဢၼ်​ႁၢႆႉ ၵႃႈ​ၼႂ်း​တိူၵ်ႈ​ၽၼ်ႇတႃႇ​ႁူဝ်​ၸႂ်​ဢၼ်​ႁၢႆႉ​မၼ်း​ၼၼ်ႉ​ဢွၵ်ႇ​လႄႈ ၼႄ​ပျႃး​ဢေႃႈ။ လွင်ႈ​မၼ်း​ၸမ်ႉ သူပ်း​ၸၢင်ႈ​မွၵ်ႇ​လၢတ်ႈ​ၸွမ်း ၵႃႈ​ၼင်ႇ​ဢၼ်​မီး​တဵမ်​ဝႆႉ​ၵႃႈ​ၼႂ်း​ႁူဝ်​ၸႂ်​ၼၼ်ႉ​ဢေႃႈ။</verse>
				<verse number="46">သူ​ယင်း​ဢမ်ႇ​ထွမ်ႇ​ဢဝ်​ၵႂၢမ်း​ၵဝ်​လႄႈ ႁဵတ်း​ႁိုဝ်​လႄႈ​ႁွင်ႉ​ၵဝ်​လႄႈ​ဝႃႈ၊​ၸဝ်ႈ​ႁဝ်း၊​ၸဝ်ႈ​ႁဝ်း၊ ဝႃႈ​ၼင်ႇ​ၼႆ​ၼင်ႇ​ႁိုဝ်။-</verse>
				<verse number="47">ၵေႃႉ​ဢၼ်​မႃး​ၵႃႈ​တီႈ​ၵဝ်​လႄႈ ငိၼ်း​ၵႂၢမ်း​ၵဝ်​သေ​ယဝ်ႉ​ထွမ်ႇ​ဢဝ်​ၼၼ်ႉ မိူၼ်​ၵၼ်​တင်း​ၵူၼ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​ဝႃႈ​ၼႆ​ၸမ်ႉ၊-</verse>
				<verse number="48">မိူၼ်​ၸိူဝ်ႉ​ၼင်ႇ ၵူၼ်း​ၵေႃႉ​ၼိုင်ႈ ဢၼ်​ယၢမ်း​မိူဝ်ႈ​ဢၼ်​မၼ်း​ႁဵတ်း​ႁိူၼ်း​တိူၵ်ႈ​ၼၼ်ႉ​ၸိုင်၊ ၶုတ်း​လိုၵ်ႉ​ၼႃႇ​လူင်​လၢင်​သေ​လႄႈ ၶျႃး​ဝႆႉ​ငဝ်ႈ​ႁၢၵ်ႈ​တိူၵ်ႈ​ၵႃႈ​ၼိူဝ်​မၢၵ်ႇ​ႁိၼ်​ၼၼ်ႉ​ဢေႃႈ။ မိူဝ်ႈ​ဢၼ်​ၼမ်ႉ​ၼွင်း​လႄႈ​မႃး​ထူဝ်း​ႁိူၼ်း​တိူၵ်ႈ​ၼၼ်ႉ​ၸိုင် ၵွပ်ႈ​ပိူဝ်ႈ​ဢၼ်​တႄႇ​ဝႆႉ​ၵႃႈ​ၼိူဝ်​မၢၵ်ႇ​ႁိၼ်​လႄႈ ဢမ်ႇ​တူင်ႉ​ဢမ်ႇ​ၶွၼ်း​လႆႈ။-</verse>
				<verse number="49">ၵေႃႉ​ဢၼ်​ငိၼ်း​ၵႂၢမ်း​ၵဝ်​လႄႈ ဢမ်ႇ​ထွမ်ႇ​ဢဝ်​ၼၼ်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ ၵေႃႉ​ဢၼ်​ႁဵတ်း​ႁိူၼ်း​တိူၵ်ႈ​ၵႃႈ​ၼိူဝ်​လိၼ်​လႄႈ ဢမ်ႇ​ပႃး​ငဝ်ႈ​ႁၢၵ်ႈ​မၼ်း​ၼၼ်ႉ​ဢေႃႈ။ မိူဝ်ႈ​ဢၼ်​ၼမ်ႉ​ၼွင်း​လႄႈ​မႃး​ထူဝ်း​ႁိူၼ်း​တိူၵ်ႈ​ၼၼ်ႉ​ၸိုင် လူမ်ႉ​ပင်း​ၵႂႃႇ​ၵမ်း​လဵဝ်​ဢေႃႈ။ တၢင်း​ဢၼ်​လူမ်ႉ​ဢၼ်​ပင်း​ႁိူၼ်း​တိူၵ်ႈ​ၼၼ်ႉ​ယႂ်ႇ​ၼႃႇ​ဢေႃႈ၊ ဝႃႈ​ၼႆ၊ မၼ်း​ၸဝ်ႈ​ႁေႃး​လၢတ်ႈ​ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="7">
				<verse number="1">မၼ်း​ၸဝ်ႈ​ႁေႃး​လၢတ်ႈ​ၵႂၢမ်း​တင်း​သဵင်ႈ​တင်း​မူတ်း​ၸိူဝ်း​ၼၼ်ႉ တီႈ​ပရဵၵ်ႈသၢတ်ႈ​တင်း​လၢႆ​ယဝ်ႉ​ၸင်ႇ၊ ၶဝ်ႈ​ၵႂႃႇ​ၵႃႈ​ၼႂ်း​ဝဵင်း​ ၵပိူဝ်ႇၼေႇဢုမ်ႇ ​ဢေႃႈ။-</verse>
				<verse number="2">ၵႃႈ​ၼႂ်း​ဝဵင်း​ၼၼ်ႉ ၶႃႈ​တပ်ႉ​မူး​ဢၼ်​ၸဝ်ႈ​မၼ်း​ႁၵ်ႉ​ၼႃႇ​ၼၼ်ႉ​ၵေႃႉ​ၼိုင်ႈ​ပဵၼ်​ၼႃႇ​လႄႈ​ၸမ်​တၵ်း​တၢႆ​ဢေႃႈ။-</verse>
				<verse number="3">တပ်ႉ​မူး​ၼၼ်ႉ မိူဝ်ႈ​ဢၼ်​ငိၼ်း​လွင်ႈ​ ယေႇသူႉ ​ၸိုင် ပွႆႇ​ၸႂ်ႉ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၸိူဝ်ႉ​ၶိူဝ်း​ ယူႉတႃႉ ​တင်း​လၢႆ​ၼၼ်ႉ ၵႂႃႇ​ၵႃႈ​တီႈ​မၼ်း​ၸဝ်ႈ​လႄႈ တွင်း​ပၢၼ်ႇ​ႁႂ်ႈ​မၼ်း​ၸဝ်ႈ​မႃး​ပၼ်​ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​မၼ်း​ဢေႃႈ။-</verse>
				<verse number="4">ၶဝ်​ၼၼ်ႉ​ႁွတ်ႈ​မႃး​ၵႃႈ​တီႈ​ ယေႇသူႉ ​သေ​ယဝ်ႉ၊ တွင်း​ပၢၼ်ႇ​ၼႃႇ​လူင်​လၢင်​လႄႈ​ဝႃႈ၊ ၵေႃႉ​ၼၼ်ႉ​ပဵၼ်​ၵေႃႉ​ဢၼ်​ထိူၵ်ႈ​ၶၢမ်ႇ လွင်ႈ​ဢၼ်​ၸဝ်ႈ​ႁဝ်း​ထုၵ်ႇ​လီ​ႁဵတ်း​ၵျေး​ၸူး​ၼႆ​ၶႃႈ​ဢေႃႈ။-</verse>
				<verse number="5">လွင်ႈ​မၼ်း​ၸမ်ႉ မၼ်း​ၼၼ်ႉ​ႁၵ်ႉ​ပႅင်း​ၵူၼ်း​မဵဝ်း​ႁဝ်း​ၶႃႈ​လႄႈ ပူၵ်း​ႁဵတ်း​ၸရွပ်ႈ​ႁေႃး​တြႃး​ပုၼ်ႈ​ႁဝ်း​ၶႃႈ​ဝႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ယေႇသူႉ ​ၵႂႃႇ​လူၺ်ႈ​ၵၼ်​တင်း​ၶဝ်​ၼၼ်ႉ​ဢေႃႈ။ မိူဝ်ႈ​ဢၼ်​မၼ်း​ၸဝ်ႈ​ႁွတ်ႈ​ထိုင်​တီႈ​ဢၼ်​ဢမ်ႇ​ပေႃး​ၵႆ​ၵၼ်​တင်း​ႁိူၼ်း​တပ်ႉ​မူး​ၼၼ်ႉ​ၸိုင်၊ တပ်ႉ​မူး​ပွႆႇ​ၸႂ်ႉ​ၵေႃႉ​သေႈ​ပီႈ​ၼွင်ႉ​မၼ်း​ၵႂႃႇ​လႄႈ ႁႂ်ႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ယႃႇ​ပေ​ယၢပ်ႇ​ၸႂ်​ၸဝ်ႈ​ႁဝ်း​သေ​ၵမ်း​တီႈ​ၶႃႈ၊ ၵဝ်​ၶႃႈ​ဢမ်ႇ​ထိူၵ်ႈ​ၶၢမ်ႇ​တၢင်း​ဢၼ်​ၸဝ်ႈ​ႁဝ်း​တၵ်း​မႃး​ၶဝ်ႈ​ၵႃႈ​တႂ်ႈ​ႁူမ်ႈ​ႁိူၼ်း​ၵဝ်​ၶႃႈ​ၼႆႉ​တီႈ​ၶႃႈ၊-</verse>
				<verse number="7">မိူၼ်​ၸိူဝ်ႉ​ၼင်ႇ​ၼၼ်၊ ၵဝ်​ၶႃႈ​ထၢင်ႇ​ၵဝ်​ၶႃႈ​ဢမ်ႇ​ပဵၼ်​ၵေႃႉ​ဢၼ်​ထိူၵ်ႈ​ႁွတ်ႈ​ထိုင် ၵႃႈ​တီႈ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။ ပေႃး​ၸဝ်ႈ​ႁဝ်း​မီး​ဢမိင်ႉ​ၵမ်း​ၼိုင်ႈ​ၵူၺ်း​ၸိုင်၊ ၵူၼ်း​ၵဝ်​ၶႃႈ​ၼႆႉ​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ဢေႃႈ။-</verse>
				<verse number="8">ၵဝ်​ၶႃႈ​ၼႆႉ ပိၵ်ႉ​သမ်ႉ​ပဵၼ်​ၶႃႈ​တႂ်ႈ​ၶုၼ်​သေ​ၵေႃႈ၊ ဢုပ်ႉ​ပိူင်ႇ​ၵူၼ်း​သိုၵ်း​တင်း​လၢႆ​လႄႈ၊ ပေႃး​လၢတ်ႈ​တီႈ​ၵေႃႉ​ၼိုင်ႈ​လႄႈ​ဝႃႈ၊ ၵႂႃႇ​တႃႉ၊ ဝႃႈ​ၼင်ႇ​ၼႆ​ၸိုင် ၵႂႃႇ​တီႈ​ၶႃႈ​ဢေႃႈ။ ပေႃး​လၢတ်ႈ​တီႈ​ၵေႃႉ​ၼိုင်ႈ​လႄႈ​ဝႃႈ၊ မႃး​တႃႉ၊ ဝႃႈ​ၼင်ႇ​ၼႆ​ၸိုင် မႃး​တီႈ​ၶႃႈ​ဢေႃႈ။ တီႈ​ၶႃႈ​ၵဝ်​ၶႃႈ​ၵေႃႈ ပေႃး​လၢတ်ႈ​လႄႈ​ဝႃႈ၊ ႁဵတ်း​ဢၼ်​ၼႆႉ​တႃႉ၊ ဝႃႈ​ၼင်ႇ​ၼႆ​ၸိုင် ႁဵတ်း​တီႈ​ၶႃႈ​ဢေႃႈ ဝႃႈ​ၼႆ၊ ၶဝ်​လဝ်ႊ​လၢတ်ႈ​ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ယေႇသူႉ ​ၼၼ်ႉ မိူဝ်ႈ​ဢၼ်​ငိၼ်း​ၵႂၢမ်း​ၼၼ်ႉ​ၸိုင်၊ ဢၢမ်း​ၼႃႇ​လႄႈ ဝၢႆႇ​တူၺ်း​ၶဝ်​ၸိူဝ်း​ဢၼ်​ၸွမ်း​ပႃႈ​လင်​မၼ်း​ၸဝ်ႈ​တင်း​လၢႆ​သေ​ယဝ်ႉ၊ လၢတ်ႈ​လႄႈ​ဝႃႈ၊ ၵဝ်​ဝႃႈ​ၸမ်ႉ၊ တၢင်း​ယုမ်ႇ​မၢတ်ႈ​ထၢၼ်ႇ​ၼႆႉ​ၸိုင်၊ ၵႃႈ​ၼႂ်း​ၸိူဝ်ႉ​ၶိူဝ်း ဢီႉသရေႇလႃႉ ​ၼႆႉ ၵဝ်​ဢမ်ႇ​ပႆႇ​တွၼ်ႉ​ထူပ်း​သေ​ပွၵ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၶဝ်​ၸိူဝ်း​ဢၼ်​တပ်ႉ​မူး​ပွႆႇ​ၸႂ်ႉ​မႃး​တင်း​လၢႆ​ၼၼ်ႉ၊ မိူဝ်ႈ​ဢၼ်​ၶဝ်​ၶိုၼ်း​မိူဝ်း​ႁွတ်ႈ​ထိုင်​ၵႃႈ​တီႈ​ႁိူၼ်း​ၸိုင်၊ ထူပ်း​ႁၼ်​ၶႃႈ​ဢၼ်​ၸပ်း​တၢင်း​ၶႆႈ​တၢင်း​ပဵၼ်​ယူႇ​ၼၼ်ႉ​ယူႇ​လီ​ယူႇ​ဢေႃႈ။</verse>
				<verse number="11">ဝၼ်း​မိူဝ်ႈ​ၽုၵ်ႈ မၼ်း​ၸဝ်ႈ​ၵႂႃႇ​ၵႃႈ​တီႈ​ဝဵင်း​ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ​ ၼႃႇဢီႉၼႃႉ ​ၼၼ်ႉ​လႄႈ တပႄး​ၸဝ်ႈ​တင်း​လၢႆ​ဢိၵ်ႇ​တင်း​ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။-</verse>
				<verse number="12">မိူဝ်ႈ​ဢၼ်​ႁွတ်ႈ​ၸမ်​ၵႃႈ​တီႈ​ႁိမ်း​ၽၵ်း​တူ​ဝဵင်း​ၼၼ်ႉ​ၸိုင်၊ ပိူၼ်ႈ​ဢဝ်​ၵူၼ်း​တၢႆ​ၵေႃႉ​ၼိုင်ႈ ဢၼ်​ပဵၼ်​လုၵ်ႈ​ၸၢႆး​ၵေႃႉ​လဵဝ်​ၵူၺ်း​တီႈ​မႄႈ​မၢႆႈ​ၼၼ်ႉ​ဢွၵ်ႇ​မႃး​လႄႈ ၵူၼ်း​ဝဵင်း​ၼမ်​ၼႃႇ​ၸွမ်း​မႃး​ဢေႃႈ။-</verse>
				<verse number="13">ၸဝ်ႈ​ၽြႃး​ၼၼ်ႉ မိူဝ်ႈ​ဢၼ်​ႁၼ်​မႄႈ​ယိင်း​ၼၼ်ႉ​ၸိုင်၊ မီး​ၸႂ်​ဢၼ်​ဢဵတ်း​လူ​လႄႈ​လၢတ်ႈ​လႄႈ​ဝႃႈ၊ ယႃႇ​ပေ​ႁွင်ႉ​ပေ​ႁႆႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="14">သုတ်ႉ​ၸမ်​လႄႈ ဢဝ်​မိုဝ်း​မၼ်း​ၸဝ်ႈ​တိူဝ်ႉ​သႂ်ႇ​ၸုင်း​ယဝ်ႉ​ၸင်ႇ၊ ၶဝ်​ၸိူဝ်း​ဢၼ်​ႁၢပ်ႇ​ၼၼ်ႉ​ၸုၵ်း​ၵိုတ်း​ယူႇ​ဢေႃႈ။ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ လုၵ်ႈ​ဢွၼ်ႇ​ၵေႃႉ​ၼႆႉ​ဢိူၺ်း၊ လုၵ်ႉ​တႃႉ။ ၵဝ်​မီး​ဢမိင်ႉ​တီႈ​မႂ်း​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="15">ၵေႃႉ​ဢၼ်​တၢႆ​ၼၼ်ႉ​လုၵ်ႉ​ၼင်ႈ​ယူႇ​သေ​လႄႈ လၢတ်ႈ​ၵႂၢမ်း​မႃး​ဢေႃႈ။ မၼ်း​ၸဝ်ႈ​ၵေႃႈ​ဢဝ်​မၼ်း​ဢၢပ်ႈ​ပၼ်​တီႈ​မႄႈ​မၼ်း​ဢေႃႈ။-</verse>
				<verse number="16">ၵူၼ်း​တင်း​သဵင်ႈ​တင်း​လူင် ႁွတ်ႈ​ထိုင်​တၢင်း​ဢၼ်​ၵူဝ်​ဢၼ်​ႁႄ​လႄႈ ဢွၼ်​ၵၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ​လႄႈ​ဝႃႈ၊ ပရေႃးၽႅတ်ႈ​ဢၼ်​ယႂ်ႇ​ၼႃႇ​ပေႃႇ​မႃး​ၵႃႈ​ၼႂ်း​ႁဝ်း​ယဝ်ႉ။ ၽြႃး​ပဵၼ်​ၸဝ်ႈ​မႃး​လူ​မႃး​တူၺ်း​ၵူၼ်း​မဵဝ်း​မၼ်း​ၸဝ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">သတၢင်း​သဵင်​ၶၢဝ်ႇ​မၼ်း​ၸဝ်ႈ​ၸွတ်ႇ​သႃႈ​ႁူင်​ႁၢင်း​ၵႂႃႇ ၸႃႉ​ၸဵမ်​မိူင်း​ ယူႉတႃႉ ​လႄႈ ၵႃႈ​တီႈ​ႁိမ်း​ႁွမ်း​တီႈ​ၼၼ်ႈ​ၵူႈ​တီႈ​ၵူႈ​လႅၼ်​ဢေႃႈ။</verse>
				<verse number="18">တပႄး​ ယူဝ်းႁၢၼ်ႇ ​တင်း​လၢႆ မွၵ်ႇ​လၢတ်ႈ​လွင်ႈ​တၢင်း တင်း​သဵင်ႈ​တင်း​လူင်​ၸိူဝ်း​ၼၼ်ႉ​တီႈ​သြႃႇ​ၶဝ်​ဢေႃႈ။-</verse>
				<verse number="19">ယူဝ်းႁၢၼ်ႇ ​ၼၼ်ႉ​ႁွင်ႉ​ဢဝ်​တပႄး​မၼ်း​သွင်​ၵေႃႉ​ယဝ်ႉ​ၸင်ႇ၊ ပွႆႇ​ၸႂ်ႉ​ၵႂႃႇ​ၸူး​ၵႃႈ​တီႈ ယေႇသူႉ ​လႄႈ ႁႂ်ႈ​ၶဝ်​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၸဝ်ႈ​ဢၼ်​တၵ်း​မႃး​ၼၼ်ႉ​ၶႃႈ​ႁိုဝ်။ ဢမ်ႇ​ၼၼ်​လႄႈ တၵ်း​လႆႈ​မုင်ႈ​ထႃႈ​မွင်း​ထႃႈ​တၢင်ႇ​ၵေႃႉ​လူး​ၵွၼ်ႇ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၶဝ်​ၼၼ်ႉ​ႁွတ်ႈ​ထိုင်​ၵႃႈ​တီႈ​မၼ်း​ၸဝ်ႈ​သေ​ယဝ်ႉ၊ လဝ်ႊ​လၢတ်ႈ​လႄႈ​ဝႃႈ၊ ယူဝ်းႁၢၼ်ႇ ​ဢၼ်​ပၼ် ပပ်ႉတီႉၸမ်ႇ ​ၼၼ်ႉ​ပွႆႇ​ၸႂ်ႉ​ႁဝ်း​ၶႃႈ​မႃး တီႈ​ၸဝ်ႈ​ႁဝ်း ႁႂ်ႈ​ႁဝ်း​ၶႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ပဵၼ် ၸဝ်ႈ​ဢၼ်​တၵ်း​မႃး​ၼၼ်ႉ​ၶႃႈ​ႁိုဝ်။ ဢမ်ႇ​ၼၼ်​လႄႈ တၵ်း​လႆႈ​မုင်ႈ​ထႃႈ​မွင်း​ထႃႈ​တၢင်ႇ​ၵေႃႉ​လူး​ၵွၼ်ႇ​ၶႃႈ​ႁိုဝ်။ ဝႃႈ​ၼင်ႇ​ၼႆ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မိူဝ်ႈ​ၶိင်ႇ​ၼႃႇရီႇ​ၼၼ်ႉ ယေႇသူႉ ​ႁႂ်ႈ​ၵူၼ်း​ၼမ်​ၼႃႇ ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ် ဢိၵ်ႇ​တင်း​တၢင်း​ဢၼ်​ၽီ​ႁၢႆႉ​ၶဝ်ႈ​တင်း​လၢႆ​ယူႇ​ဢေႃႈ။ တီႈ​ၶဝ်​ၸိူဝ်း​ဢၼ်​တႃ​မွတ်ႇ​ၵေႃႈ​မၼ်း​ၸဝ်ႈ​ႁဵတ်း​ၵျေး​ၸူး ႁႂ်ႈ​တႃ​ၶဝ်​ႁၼ်​မႃး​ဢေႃႈ။-</verse>
				<verse number="22">မိူဝ်ႈ​ၼၼ်ႉ​ ယေႇသူႉ ​ၵေႃႈ ၶိုၼ်း​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ သူ​ၵႂႃႇ​လႄႈ လဝ်ႊ​လၢတ်ႈ​တီႈ​ ယူဝ်းႁၢၼ်ႇ ၵႃႈ​ဢၼ်​သူ​လႆႈ​ငိၼ်း၊ ၵႃႈ​ဢၼ်​သူ​လႆႈ​ႁၼ်​တင်း​လၢႆ​ၼႆႉ​တႃႉ။ ၶဝ်​ၸိူဝ်း​ဢၼ်​တႃ​မွတ်ႇ​ၼၼ်ႉ​လႆႈ​ႁၼ်​မႃး​ဢေႃႈ။ ၶဝ်​ၸိူဝ်း​ဢၼ်​တိၼ်​လူႉ​ၼၼ်ႉ​လႆႈ​ပႆ​တၢင်း​ၵႂႃႇ​ဢေႃႈ။ ၶဝ်​ၸိူဝ်း​ဢၼ်​ပဵၼ်​တုတ်ႈ​ၼၼ်ႉ လႆႈ​ႁွတ်ႈ​ထိုင်​တၢင်း​ဢၼ်​မူတ်း​သႂ်​ဢေႃႈ။ ၶဝ်​ၸိူဝ်း​ဢၼ်​ႁူ​ၼူၵ်ႇ​ၼၼ်ႉ လႆႈ​ငိၼ်း​မႃး​ဢေႃႈ။ ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ လႆႈ​ႁွတ်ႈ​ထိုင်​တၢင်း​ဢၼ်​လုၵ်ႉ​ၶိုၼ်း​ဢေႃႈ။ ၶဝ်​ၸိူဝ်း​ဢၼ်​ၽၢၼ်​ၼၼ်ႉ​ၵေႃႈ လႆႈ​ငိၼ်း​သတၢင်း​သိူဝ်း​ပျေႃႇ​ဢေႃႈ။-</verse>
				<verse number="23">ၵွပ်ႈ​ပိူဝ်ႈ​ၵဝ်​လႄႈ ၵေႃႉ​ဢၼ်​ၸႂ်​ဢမ်ႇ​လူႉ​ၼၼ်ႉ​မီး​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">ဝၢႆး​လင်​ၶဝ်​ၸိူဝ်း​ဢၼ် ယူဝ်းႁၢၼ်ႇ ​ပွႆႇ​ၸႂ်ႉ​မႃး​ၼၼ်ႉ​ၵႂႃႇ​သေ​ယဝ်ႉ၊ ယေႇသူႉ ​ဢဝ်​လွင်ႈ​ ယူဝ်းႁၢၼ်ႇ ​ၼၼ်ႉ လၢတ်ႈ​တီႈ​ပရဵၵ်ႈသၢတ်ႈ​တင်း​လၢႆ​လႄႈ​ဝႃႈ၊ သူ​ဢွၵ်ႇ​ၵႂႃႇ ၵႃႈ​တီႈ​ၼႂ်း​ထိူၼ်ႇ​ပုၼ်ႉ​ႁႂ်ႈ​လႆႈ​လူ​လႆႈ​တူၺ်း​လွင်ႈ​ၸိူဝ်ႉ​ႁိုဝ်။ ဢွၵ်ႇ​ၵႂႃႇ​ႁႂ်ႈ​လႆႈ​လူ​လႆႈ​တူၺ်း​မႆႉ​ဢေႃႈ​ဢၼ်​လူမ်း​ထူဝ်း​ႁိုဝ်။-</verse>
				<verse number="25">ဢမ်ႇ​ၼၼ်​လႄႈ၊ သူ​ဢွၵ်ႇ​ၵႂႃႇ ႁႂ်ႈ​လႆႈ​လူ​လႆႈ​တူၺ်း​လွင်ႈ​ၸိူဝ်ႉ​ႁိုဝ်။ ဢွၵ်ႇ​ၵႂႃႇ​ႁႂ်ႈ​လႆႈ​လူ​လႆႈ​တူၺ်း ၶဝ်​ၸိူဝ်း​ဢၼ်​ၼုင်ႈ​မႆ​ၶူဝ်း​လဵင်း​ဢၼ်​ဢူၼ်ႈ​ဢၼ်​ဢွၼ်ႇ​ႁိုဝ်။ ၶဝ်​ၸိူဝ်း​ဢၼ်​ၼုင်ႈ​မႆ​ၶူဝ်း​လဵင်း​ဢၼ်​ႁၢင်ႈ​လီ​ၼႃႇ​လႄႈ ၵိၼ်​ၶူပ်း​ဢၼ်​လီ​ဢၼ်​ငၢမ်း​ၼၼ်ႉ ၸၢင်ႈ​ယူႇ​ၵႃႈ​ၼႂ်း​ႁိူၼ်း​ၶုၼ်​ဢေႃႈ။-</verse>
				<verse number="26">ဢမ်ႇ​ၼၼ်​လႄႈ သူ​ဢွၵ်ႇ​ၵႂႃႇ​ႁႂ်ႈ​လႆႈ​လူ​လႆႈ​တူၺ်း​လွင်ႈ​ၸိူဝ်ႉ​ႁိုဝ်။ ဢွၵ်ႇ​ၵႂႃႇ​ႁႂ်ႈ​လႆႈ​လူ​လႆႈ​တူၺ်း​ပရေႃးၽႅတ်ႈ​ႁိုဝ်။ ၸႂ်ႈ​ယဝ်ႉ။ ၵဝ်​ဝႃႈ​ၸမ်ႉ၊ ပဵၼ်​ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​သေ​ပရေႃးၽႅတ်ႈ​ဢေႃႈ။-</verse>
				<verse number="27">ဢၼ်​မႃး​ၼႂ်း​ၵျၢမ်း​လိၵ်ႈ​ၸမ်ႉ၊ တူၺ်း​လူး၊ ၵဝ်​တၵ်း​ပွႆႇ​ၸႂ်ႉ​တမၢၼ်ႇ​ၵဝ်​ဢၼ်​တၵ်း​မႄး​သဵၼ်ႈ​တၢင်း​ဢၼ်​မႂ်း​ၵႂႃႇ​ၼၼ်ႉ ၵႃႈ​တီႈ​ၽၢႆႇ​ၼႃႈ​မႂ်း​ဢေႃႈ၊ ဢၼ်​ဝႃႈ​ၼင်ႇ​ၼႆ​ၼၼ်ႉ ၶႂ်ႈ​ဝႃႈ​ၵေႃႉ​ၼၼ်ႉ​ဢေႃႈ။-</verse>
				<verse number="28">ၵဝ်​ဝႃႈ​ၸမ်ႉ၊ ၼႂ်း​ၶဝ်​ၸိူဝ်း​ဢၼ်​ၵိူတ်ႇ​လဵင်ႉ​မႃး​ၵႃႈ​တီႈ​မႄႈ​ယိင်း​တင်း​လၢႆ​ၼၼ်ႉ၊ ပရေႃးၽႅတ်ႈ​ဢၼ်​ယႂ်ႇ​မျၢတ်ႈ​ၼႃႇ​သေ ယူဝ်းႁၢၼ်ႇ ​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။ ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​လဵၵ်ႉ​သေ​ပိူၼ်ႈ​ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ၼၼ်ႉ ယႂ်ႇ​မျၢတ်ႈ​ၼႃႇ​သေ​ၵေႃႉ​ၼၼ်ႉ​ဢေႃႈ။</verse>
				<verse number="29">ၸႃႉ​ၸဵမ်​ၵူၼ်း​ၵဵပ်း​ၶွၼ်ႇ​တင်း​လၢႆ​လႄႈ​ၵူၼ်း​တင်း​သဵင်ႈ​တင်း​လူင် မိူဝ်ႈ​ဢၼ်​လႆႈ​ငိၼ်း​ၵႂၢမ်း​ၼႆႉ​ၸိုင်၊ ပိူဝ်ႈ​ဢၼ်​ၶဝ်​လႆႈ​ၶၢမ်ႇ ပပ်ႉတီႉၸမ်ႇ ဢၼ်​ ယူဝ်းႁၢၼ်ႇ ​ပၼ်​ၼၼ်ႉ​ယဝ်ႉ​လႄႈ ဢွၼ်​ၵၼ်​ယွင်ႈ​ယေႃး​ၵျေး​ၸူး​တၢင်း​ဢၼ်​သိုဝ်ႈ​တေႃႇ​တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="30">ၽႃႇရီႉသႄး ဢိၵ်ႇ​တင်း ၵူၼ်း​မေႃ​ၵျၢမ်း​တင်း​လၢႆ​ၸိုင် ပိူဝ်ႈ​ဢၼ်​ဢမ်ႇ​လႆႈ​ၶၢမ်ႇ ပပ်ႉတီႉၸမ်ႇ​ယူဝ်းႁၢၼ်ႇ ​လႄႈ ပႄႇ​ပႅတ်ႈ​ၵျေး​ၸူး​ဢၼ် ၽြႃး​ပဵၼ်​ၸဝ်ႈ​ၵျၢမ်ႇ​ႁဵတ်း​တီႈ​ၶဝ်​ၼၼ်ႉ​ဢေႃႈ။</verse>
				<verse number="31">ပိူဝ်ႈ​ၼႆ​လႄႈ ၵူၼ်း​မဵဝ်း​ၼႆႉ​ၸိုင် တၵ်း​လႆႈ​ၼႄ​ပျႃး​ဢူႉပမႃႇ ပုင်ႇ​မၼ်း​ၸိူဝ်ႉ​ၼင်ႇ​ႁိုဝ်။ တၵ်း​မိူၼ်​ၸိူဝ်ႉ​ၼင်ႇ​ဢၼ်​လႂ်။-</verse>
				<verse number="32">မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​တင်း​လၢႆ ဢၼ်​ၼင်ႈ​ယူႇ​ၵႃႈ​ၼႂ်း​ၵၢတ်ႇ​သေ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁွင်ႉ​သႅၼ်ႇ​တီႈ​ၵၼ်​လႄႈ​ဝႃႈ၊ ပိၵ်ႉ​သမ်ႉ​ႁဝ်း​ပဝ်ႇ​ပီႇ​ပဝ်ႇ​ၼႄး တီႈ​သူ​သေ​ၵေႃႈ​သူ​ဢမ်ႇ​ၵႃႈ​ဢမ်ႇ​ဝႅၼ်။ ပိၵ်ႉ​သမ်ႉ​ႁဝ်း​ထိုင်​ၸႂ်​ပွင်ႉ​ၶၢင်း​သေ​ၵေႃႈ သူ​ဢမ်ႇ​ႁွင်ႉ​ဢမ်ႇ​ႁႆႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="33">လွင်ႈ​မၼ်း​ၸမ်ႉ ယူဝ်းႁၢၼ်ႇ ဢၼ်​ပၼ်​ ပပ်ႉတီႉၸမ်ႇ ​ၼၼ်ႉ ယင်း​ဢမ်ႇ​ၵိၼ်​ၶဝ်ႈ​မုၼ်း​ဢမ်ႇ​သူတ်ႉ​ၼမ်ႉ​ၸပိတ်ႈ​ယူႇ​လႄႈ မႃး​သေ​ၵေႃႈ သူ​ဝႃႈ၊ ၵေႃႉ​ၼႆႉ​ပဵၼ်​ၵူၼ်း​ဢၼ်​ၽီ​ႁၢႆႉ​ၶဝ်ႈ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">လုၵ်ႈ​ၵူၼ်း ယင်း​ၵိၼ်​ယင်း​သူတ်ႉ​ယူႇ​လႄႈ မႃး​သေ​ၵေႃႈ၊ သူ​သမ်ႉ​ဝႃႈ၊ တူၺ်း​လူး၊ ၵေႃႉ​ၼႆႉ​ပဵၼ်​ၵူၼ်း​ဢၼ်​ၵိၼ်​ပူၼ်ႉ​ၵိၼ်​လိူဝ်၊ ၵူၼ်း​ဢၼ်​ၵိၼ်​ၼမ်ႉ​ၸပိတ်ႈ​ပူၼ်ႉ​လိူဝ်၊ ၵူၼ်း​ဢၼ်​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​ၵူၼ်း​ၵဵပ်း​ၶွၼ်ႇ ဢိၵ်ႇ​တင်း​ၵူၼ်း​ႁၢႆႉ​တင်း​လၢႆ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ၼႂ်း​ဝႃႈ​ၼၼ်​သေ​ၵေႃႈ ပိင်ႇ​ၺႃႇ​တြႃး​လႆႈ​ၶၢမ်ႇ​တၢင်း​ဢၼ်​သိုဝ်ႈ​တေႃႇ ၼႂ်း​လုၵ်ႈ​လၢင်း​တူဝ်​ၸဝ်ႈ​ၵဝ်ႇ​တင်း​သဵင်ႈ​တင်း​လူင်​ဝႃႈ​ၼႆ၊ မၼ်း​ၸဝ်ႈ​ဝႃႈ​ၼင်ႇ​ၼႆ​ဢေႃႈ။</verse>
				<verse number="36">ၽႃႇရီႉသႄး ​ၵေႃႉ​ၼိုင်ႈ ႁွင်ႉ​ပၢင်း​ဢဝ်​မၼ်း​ၸဝ်ႈ၊ ႁႂ်ႈ​မၼ်း​ၸဝ်ႈ​လႆႈ​ၵိၼ်​တၢင်း​ၵိၼ်​လူၺ်ႈ​ၵၼ်​တင်း​မၼ်း​သေ​ယဝ်ႉ၊ မၼ်း​ၸဝ်ႈ​ၵႂႃႇ​ၶဝ်ႈ​ၵႃႈ​ၼႂ်း​ႁိူၼ်း ၽႃႇရီႉသႄး ​ၼၼ်ႉ​လႄႈ ဢိင်​ယူႇ​ႁိမ်း​တီႈ​ၵိၼ်​ဢေႃႈ။-</verse>
				<verse number="37">ၵႃႈ​ၼႂ်း​ဝဵင်း​ၼၼ်ႉ မီး​မႄႈ​ယိင်း​ႁၢႆႉ​ၵေႃႉ​ၼိုင်ႈ​လႄႈ မိူဝ်ႈ​ဢၼ်​မၼ်း​ႁူႉ​လွင်ႈ​ဢၼ်​မၼ်း​ၸဝ်ႈ​ဢိင်​ယူႇ​ႁိမ်း​တီႈ​ၵိၼ် ၵႃႈ​ၼႂ်း​ႁိူၼ်း​ ၽႃႇရီႉသႄး ​ၼၼ်ႉ​ၸိုင်၊ ဢဝ်​တဝ်ႈ​ၼမ်ႉ​မၼ်း​ႁွမ်​မၢၵ်ႇ​ႁိၼ်​ၽိူၵ်ႇ​လုၵ်ႈ​ၼိုင်ႈ​မႃး​လႄႈ၊-</verse>
				<verse number="38">ၸုၵ်း​ၵႃႈ​တီႈ​ၽၢႆႇ​လင်​ႁိမ်း​တိၼ်​မၼ်း​ၸဝ်ႈ​ယူႇ​သေ​လႄႈ​ႁွင်ႉ​ႁႆႈ​လႄႈ ႁႂ်ႈ​ၼမ်ႉ​တႃ​တူၵ်း​သႂ်ႇ​ၵႃႈ​ၼိူဝ်​တိၼ်​မၼ်း​ၸဝ်ႈ​သေ​ယဝ်ႉ၊ ဢဝ်​တင်း​ၶူၼ်​ႁူဝ်​မၼ်း​ၸဵတ်ႉ​ဢေႃႈ။ တိၼ်​မၼ်း​ၸဝ်ႈ​ၵေႃႈ​မၼ်း​ၼူမ်​လႄႈ ဢဝ်​တင်း​ၼမ်ႉ​မၼ်း​ႁွမ်​တႃး​ယူႇ​ဢေႃႈ။</verse>
				<verse number="39">မိူဝ်ႈ​ဢၼ်​ ၽႃႇရီႉသႄး ဢၼ်​ႁွင်ႉ​ပၢင်း​မၼ်း​ၸဝ်ႈ​ၼၼ်ႉ​ႁၼ်​ၸိုင်၊ မၼ်း​ထၢင်ႇ​ၼႂ်း​ၸႂ်​လႄႈ​ဝႃႈ၊ ပေႃး​ၵေႃႉ​ၼႆႉ​ပဵၼ်​ပရေႃးၽႅတ်ႈ​ၸိုင် မၼ်း​တၵ်း​ႁူႉ​လွင်ႈ​ဢၼ်​မႄႈ​ယိင်း​ဢၼ်​တိူဝ်ႉ​တိၼ်​မၼ်း​ၸဝ်ႈ​ယူႇ​ၼႆႉ ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ။​မၼ်း​ၼႆႉ​ပဵၼ်​မႄႈ​ယိင်း​ဢၼ်​ႁၢႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="40">ၵမ်း​ၼၼ်ႉ ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သီႉမုၼ်ႇ ​ဢိူၺ်း၊ ၵဝ်​မီး​တီႈ​လၢတ်ႈ​လွင်ႈ​ပိူင်​ၼိုင်ႈ​တီႈ​မႂ်း​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ၊ လၢတ်ႈ​ပၼ်​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="41">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ တီႈ​ၸဝ်ႈ​ငိုၼ်း​ၵေႃႉ​ၼိုင်ႈ မီး​ၵူၼ်း​ဢၼ်​ၵူႈ​ငိုၼ်း​သွင်​ၵေႃႉ​ဢေႃႈ။ ၵေႃႉ​ၼိုင်ႈ​ၸမ်ႉ၊ ထုၵ်ႇ​ၼီႈ တေႇၼႃႇရီႇ ​ႁႃႈ​ပၢၵ်ႇ​ၶႅပ်း​ဢေႃႈ။ ၵေႃႉ​ၼိုင်ႈ​ၸမ်ႉ၊ ထုၵ်ႇ​ၼီႈ​ႁႃႈ​သိပ်း​ၶႅပ်း​ဢေႃႈ။-</verse>
				<verse number="42">ပိူဝ်ႈ​ဢၼ်​ၶဝ်​ၼၼ်ႉ ဢမ်ႇ​မီး​တီႈ​ဢၼ်​တၵ်း​တႅၼ်း​ပၼ်​ၼီႈ​ၼၼ်ႉ​လႄႈ၊ ၸဝ်ႈ​ငိုၼ်း​ပွႆႇ​လွတ်ႈ​သေ​လၢႆ​လၢႆ​တီႈ​ၶဝ်​သွင်​ၵေႃႉ​ၼၼ်ႉ​ဢေႃႈ။ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၼႂ်း​ၶဝ်​သွင်​ၵေႃႉ​ၼၼ်ႉ၊ ၵေႃႉ​လႂ်​ယဵင်ႈ​ၶႅၼ်း​တၵ်း​ႁၵ်ႉ​ၸဝ်ႈ​ငိုၼ်း​ၼၼ်ႉ​ၼႃႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="43">သီႉမုၼ်ႇ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​ထၢင်ႇ​ၵေႃႉ​ဢၼ်​မၼ်း​ပွႆႇ​လွတ်ႈ​ၼမ်​ၼႃႇ​ၼၼ်ႉ​ယဵင်ႈ​ၶႅၼ်း​တၵ်း​ႁၵ်ႉ​ၼႃႇ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​မႂ်း​ၸီႇ​ယၢင်ႇ​ၼႆႉ၊ ၸႂ်ႈ​ယဝ်ႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="44">ဝၢႆႇ​တူၺ်း​မႄႈ​ယိင်း​ၼၼ်ႉ​သေ​လႄႈ လၢတ်ႈ​တီႈ​ သီႉမုၼ်ႇ ​လႄႈ​ဝႃႈ၊ မႂ်း​ႁၼ်​မႄႈ​ယိင်း​ၼႆႉ​ႁိုဝ်။ မိူဝ်ႈ​ဢၼ်​ၵဝ်​ၶဝ်ႈ​မႃး​ၵႃႈ​ၼႂ်း​ႁိူၼ်း​မႂ်း​ၸိုင် မႂ်း​ဢမ်ႇ​ပၼ်​ၼမ်ႉ​သုၵ်ႈ​တိၼ်​တီႈ​ၵဝ်။ မႄႈ​ယိင်း​ၼႆႉ​ၸမ်ႉ၊ ၼမ်ႉ​တႃ​တူၵ်း​သႂ်ႇ​ၵႃႈ​ၼိူဝ်​တိၼ်​ၵဝ်​လႄႈ ဢဝ်​တင်း​ၶူၼ်​ႁူဝ်​မၼ်း​ၸဵတ်ႉ​ယဝ်ႉ။-</verse>
				<verse number="45">မႂ်း​ဢမ်ႇ​ၼူမ်​ၵဝ်။ မၼ်း​ၼႆႉ​ၸမ်ႉ၊ ၸႃႉ​ၸဵမ်​ၶိင်ႇ​မိူဝ်ႈ​ဢၼ်​ၵဝ်​ၶဝ်ႈ​ၵႃႈ​ၼႂ်း​ႁိူၼ်း​ၼၼ်ႉ​လႄႈ၊ ၼူမ်​တိၼ်​ၵဝ်​ယူႇ​ဢမ်ႇ​လိုဝ်ႈ​ဢမ်ႇ​သဝ်း​ဢေႃႈ။-</verse>
				<verse number="46">မႂ်း​ဢမ်ႇ​ဢဝ်​ၼမ်ႉ​မၼ်း​တႃး​ႁူဝ်​ၵဝ်။ မၼ်း​ၼႆႉ​ၸမ်ႉ၊ ဢဝ်​တင်း​ၼမ်ႉ​မၼ်း​ႁွမ်​တႃး​တိၼ်​ၵဝ်​ယဝ်ႉ။-</verse>
				<verse number="47">ပိူဝ်ႈ​ၼႆ​လႄႈ​ၵဝ်​ဝႃႈ​ၸမ်ႉ၊ မၼ်း​ၵၢင်း​လွတ်ႈ​တၢင်း​ဢပႅတ်ႈ​ၼမ်​ၼႃႇ​လႄႈ ၸၢင်ႈ​ႁၵ်ႉ​ၼမ်​ၼႃႇ​ဢေႃႈ။ ၵေႃႉ​ဢၼ်​ၵၢင်း​လွတ်ႈ​တၢင်း​ဢပႅတ်ႈ​ၵေႇ​ၵေႇ​ၼၼ်ႉ ၸၢင်ႈ​ႁၵ်ႉ​ၵေႇ​ၵေႇ​ၵူၺ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="48">တီႈ​မႄႈ​ယိင်း​ၼၼ်ႉ​ၵေႃႈ​မၼ်း​ၸဝ်ႈ​လၢတ်ႈ​လႄႈ​ဝႃႈ၊ ဢပႅတ်ႈ​မႂ်း​ၸိုင် ပွႆႇ​လွတ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="49">ၶဝ်​ၸိူဝ်း​ဢၼ် ဢိင်​ယူႇ​ႁိမ်း​တီႈ​ၵိၼ်​လူၺ်ႈ​ၵၼ်​တင်း​မၼ်း​ၸဝ်ႈ​တင်း​လၢႆ​ၼၼ်ႉ​ၵေႃႈ ထၢင်ႇ​ၼႂ်း​ၸႂ်​လႄႈ​ဝႃႈ၊ ၵေႃႉ​ဢၼ်​ပွႆႇ​လွတ်ႈ​ဢပႅတ်ႈ​ၼႆႉ​ၸမ်ႉ၊ ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="50">မၼ်း​ၸဝ်ႈ​ၵေႃႈ လၢတ်ႈ​တီႈ​မႄႈ​ယိင်း​ၼၼ်ႉ​လႄႈ​ဝႃႈ၊ တၢင်း​ဢၼ်​ယုမ်ႇ​မၢတ်ႈ​မႂ်း​ၵႄႇ​ၶျွတ်ႈ​ဢဝ်​မႂ်း​ယဝ်ႉ။ ၵႂႃႇ​ၼိမ်​ၼိမ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="8">
				<verse number="1">လိုၼ်း​ၼၼ်ႉ မၼ်း​ၸဝ်ႈ​တေႇသႃႉၸႃႇရီႇ လႄႇ​လဵပ်ႈ​ၵူႈ​ဝၢၼ်ႈ​ၵူႈ​ဝဵင်း​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ဢၼ်​ၸၢပ်ႈ​သႅင်ႇ​ၵၼ်​တင်း​မိူင်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="2">ၸႃႉ​ၸဵမ်​တပႄး​ၸဝ်ႈ​သိပ်း​သွင်​ပႃး​လႄႈ မႄႈ​ယိင်း​ၸိူဝ်း​ဢၼ်​မၼ်း​ၸဝ်ႈ​ႁႂ်ႈ​ၵၢင်း​လွတ်ႈ​တင်း​တၢင်း​ဢၼ်​ၽီ​ႁၢႆႉ​ၶဝ်ႈ ဢိၵ်ႇ​တင်း​တၢင်း​ၶႆႈ​တၢင်း​ပဵၼ်​တင်း​လၢႆ​ၼၼ်ႉ ၵမ်ႈ​ၽွင်ႈ​ဢၼ်​ဝႃႈ မႃႇရီႉ ဢၼ်​လႆႈ​ႁွင်ႉ​ႁဵၵ်ႈ​ မႃႇၵတလႃႉ ဢၼ်​ၽီ​ႁၢႆႉ​ၸဵတ်း​ၵေႃႉ​ဢွၵ်ႇ​သေ​ၵႃႈ​ၼႂ်း​မၼ်း​ၵႂႃႇ​ၼၼ်ႉ၊-</verse>
				<verse number="3">ဢိၵ်ႇ​တင်း​ ယူဝ်းႁၢၼ်ႇၼႃႉ မေး​ ၶူႉၸႃႉ ဢၼ်​ပဵၼ် ၸတေႃႇၵႄး ​ၶုၼ်​ ႁေႇရူတ်ႈ တင်း​ သူႉသၼ်ႇၼႃႉ တင်း​မႄႈ​ယိင်း​တၢင်ႇ​ၵေႃႉ​ၼမ်​ၼႃႇ ဢဝ်​ဢုၵ်ႉ​ၸႃႇ​ၶဝ်​ႁဵတ်း​လဵင်ႉ​ႁဵတ်း​လူ​မၼ်း​ၸဝ်ႈ​ၸိူဝ်း​ၼၼ်ႉ​ပႃး​လူၺ်ႈ​ၵၼ်​တင်း​မၼ်း​ၸဝ်ႈ​ယူႇ​ဢေႃႈ။</verse>
				<verse number="4">မိူဝ်ႈ​ဢၼ်​ၵူၼ်း​ၼမ်​ၼႃႇ လုၵ်ႉ​သေ​ၵႃႈ​တီႈ​ၵူႈ​ဝၢၼ်ႈ​ၵူႈ​ဝဵင်း​မႃး​ၵႃႈ​တီႈ​မၼ်း​ၸဝ်ႈ​လႄႈ ၸူႉ​ၵၼ်​တုမ်​ၵၼ်​ယူႇ​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​ၵႂၢမ်း​ဢူႉပမႃႇ​လႄႈ​ဝႃႈ​ၸမ်ႉ၊-</verse>
				<verse number="5">ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼၼ်ႉ ဢွၵ်ႇ​ၵႂႃႇ​ႁႂ်ႈ​လႆႈ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ဢေႃႈ။ ၼႂ်း​တၢင်း​ဢၼ်​မၼ်း​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ယူႇ​ၼၼ်ႉ၊ မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​တီႈ​ႁိမ်း​တၢင်း​လႄႈ လႆႈ​ၶၢမ်ႇ​တၢင်း​ဢၼ်​ယဵပ်ႇ​ဢၼ်​ၶၢမ်ႈ​သေ​ယဝ်ႉ၊ ၼူၵ်ႉ​ၵၢင်​ႁၢဝ်​တင်း​လၢႆ​ၵဵပ်း​ၵိၼ်​သေ​ဢေႃႈ။-</verse>
				<verse number="6">မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​ၼႂ်း​မၢၵ်ႇ​ႁိၼ်​လႄႈ​မိူဝ်ႈ​ဢၼ်​ဢွၵ်ႇ​တူၼ်ႈ​ၸိုင် ပိူဝ်ႈ​ဢၼ်​လိၼ်​ဢမ်ႇ​ယမ်း​ဢမ်ႇ​မိုၵ်း​လႄႈ ႁဵဝ်ႇ​ႁႅင်ႈ​ၵႂႃႇ​သေ​ဢေႃႈ။-</verse>
				<verse number="7">မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​ၼႂ်း​တူၼ်ႈ​ၼၢမ်​လႄႈ တူၼ်ႈ​ၼၢမ်​ၸိူဝ်း​ၼၼ်ႉ​ဢွၵ်ႇ​လူၺ်ႈ​ၵၼ်​တင်း​ၶဝ်​လႄႈ ႁူမ်ႇ​မုင်း​ငႅၼ်း​သႄး​ယူႇ​သေ​ဢေႃႈ။-</verse>
				<verse number="8">မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​ၼႂ်း​တီႈ​ဢၼ်​လိၼ်​လီ​လႄႈ မၢၵ်ႇ​မႃး​မၢၵ်ႇ​မၼ်း​ပၢၵ်ႇ​ပုၼ်ႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ႁွင်ႉ​သႅၼ်ႇ​သေ​လႄႈ​ဝႃႈ၊ ၵေႃႉ​ဢၼ်​မီး​ႁူ​ဢၼ်​လီ​ငိၼ်း​ၼၼ်ႉ​ၸမ်ႉ၊ ႁႂ်ႈ​ငိၼ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">တပႄး​ၸဝ်ႈ​တင်း​လၢႆ​ၵေႃႈ​လဝ်ႊ​ထၢမ်​လႄႈ​ဝႃႈ၊ ဢထိၵ်ႈပႄႇ​ဢူႉပမႃႇ​ၼႆႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ သူ​မီး​ဢၶႂၢင်ႉ​ဢၼ်​တၵ်း​လႆႈ​ႁူႉ​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​မိူင်း​ၽြႃး​ပဵၼ်​ၸဝ်ႈ​ဢေႃႈ။ ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ၸမ်ႉ၊ ႁၼ်​ယူႇ​သေ​ၵေႃႈ ၼင်ႇ​ႁိုဝ်​တၵ်း​ႁၼ်​တၢင်း​ဢမ်ႇ​မၢတ်ႈ​ဢမ်ႇ​တွင်း၊ ၶဝ်​ငိၼ်း​ယူႇ​သေ​ၵေႃႈ ၼင်ႇ​ႁိုဝ်​တၵ်း​ငိၼ်း​တၢင်း​ဢမ်ႇ​ႁူႉ​ဢမ်ႇ​ၸႅင်ႈ​ၸိုင်၊ လႆႈ​ဢဝ်​တင်း​ဢူႉပမႃႇ​ႁေႃး​လၢတ်ႈ​တီႈ​ၶဝ်​ဢေႃႈ။</verse>
				<verse number="11">ဢထိၵ်ႈပႄႇ​ဢူႉပမႃႇ​ၼၼ်ႉ​ၸမ်ႉ၊ မဵတ်ႉ​ၽၼ်း​ၼၼ်ႉ​ပဵၼ်​ၵႂၢမ်း​တြႃး​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="12">ၶဝ်​ၸိူဝ်း​ဢၼ်​မီး​ၵႃႈ​တီႈ​ႁိမ်း​တၢင်း​ၼၼ်ႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ ၼင်ႇ​ႁိုဝ်​ၶဝ်​တၵ်း​ဢမ်ႇ​လႆႈ​ယုမ်ႇ​မၢတ်ႈ​လႄႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၸိုင်၊ မႃႇၼၢတ်ႈ​မႃး​လႄႈ ထူၺ်ႈ​ဢဝ်​ၵႂၢမ်း​တြႃး​ၵႃႈ​ၼႂ်း​ႁူဝ်​ၸႂ်​ၶဝ်​ၼၼ်ႉ​ဢွၵ်ႇ​ပႅတ်ႈ​သေ​ဢေႃႈ။-</verse>
				<verse number="13">ၶဝ်ႈ​ၸိူဝ်း​ဢၼ်​မီး​ၵႃႈ​ၼိူဝ်​မၢၵ်ႇ​ႁိၼ်​ၼၼ်ႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ ပိၵ်ႉ​သမ်ႉ​မီး​တင်း​ၸႂ်​ဢၼ်​သိူဝ်း​ၸူမ်း​ၼႃႇ​ႁပ်ႉ​တုင်း​ဢဝ်​သေ​ၵေႃႈ ဢမ်ႇ​မီး​ႁၢၵ်ႈ​မၼ်း​ၵႃႈ​ၼႂ်း​ႁူဝ်​ၸႂ်​ၶဝ်​လႄႈ ယုမ်ႇ​မၢတ်ႈ​ၵမ်း​ဢွၼ်ႇ​ၼိုင်ႈ​ၵူၺ်း​သေ​ယဝ်ႉ၊ မိူဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၸိုင်၊ ၽွၵ်ႈ​ပျၢၼ်ႇ​ၶိုၼ်း​ၵႂႃႇ​ဢေႃႈ။-</verse>
				<verse number="14">ၶဝ်ႈ​ၸိူဝ်း​ဢၼ်​မီး​ၼႂ်း​တူၼ်ႈ​ၼၢမ်​ၼၼ်ႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ ၸူဝ်ႈ​ဢၼ်​ၶဝ်​ယင်း​တိုၵ်ႉ​ၵႂႃႇ​ယူႇ​ၼၼ်ႉ၊ လႆႈ​ၶၢမ်ႇ​လွင်ႈ​တၢင်း​ဢၼ်​မႆႈ​ၸႂ်​ၶီ​ၸႂ်၊ တၢင်း​ဢၼ်​ၸေး​ၸိမ်ႇ​လိူင်ႇ​ၸႂ်၊ တၢင်း​ဢၼ်​ၸၢမ်ႇ​ၸႃး​ၵႃႇမၵုင်ႇ​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​လေႃးၵႃႉ​ၼႆႉ​တင်း​လၢႆ ႁူမ်ႇ​မုင်း​ငႅၼ်း​သႄး​ၶဝ်​ယူႇ​ၼၼ်ႉ​လႄႈ ဢမ်ႇ​မၢၵ်ႇ​မၢၵ်ႇ​ဢၼ်​လီ​လႆႈ။-</verse>
				<verse number="15">ၶဝ်ႈ​ၸိူဝ်း​ဢၼ်​မီး​ၵႃႈ​တီႈ​လိၼ်​ဢၼ်​လီ​ၼၼ်ႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ်​မီး​ၸႂ်​ဢၼ်​မူတ်း​သႂ်​လႄႈ​သိုဝ်ႈ​တေႃႇ​ယူႇ​သေ​လႄႈ လႆႈ​ငိၼ်း​ၵႂၢမ်း​တြႃး​ယဝ်ႉ​ၸင်ႇ၊ ၸႂ်​ၸပ်း​ၸႂ်​ၸွႆး​လႄႈ မၢၵ်ႇ​မၢၵ်ႇ​မၼ်း​မႃး​မၼ်ႈ​မၼ်ႈ​ၶိူင်ႇ​ၶိူင်ႇ​ဢေႃႈ။</verse>
				<verse number="16">ၽူႈ​လႂ်​သေ​ဢမ်ႇ​ဝႃႈ၊ မိူဝ်ႈ​ဢၼ်​တႆႈ​ဝၢၼ်ႇ​ၽႆး​တဵၼ်း​ယဝ်ႉ​ၸိုင်၊ ဢမ်ႇ​ၸၢင်ႈ​ဢဝ်​မေႃႈ​ၵႂမ်ႈ​လႄႈ​ႁူမ်ႇ​ဝႆႉ ၵႃႈ​တႂ်ႈ​တီႈ​ၼွၼ်း​ၵေႃႈ​ဢမ်ႇ​ၸၢင်ႈ​ဢဝ်​သႂ်ႇ​ဝႆႉ။ ၸၢင်ႈ​ဢဝ်​တၢင်ႇ​ဝႆႉ​ၵႃႈ​ၼိူဝ်​ၶူင်ႇ​တီႈ​တႆႈ​ၽႆး ႁႂ်ႈ​ၶဝ်​ၸိူဝ်း​ဢၼ်​ၶဝ်ႈ​မႃး​ၼၼ်ႉ​လႆႈ​ႁၼ်​ဢၼ်​လႅင်း​မၼ်း​ဢေႃႈ။-</verse>
				<verse number="17">လွင်ႈ​တၢင်း​ဢၼ်​မီး​ၼႂ်း​တီႈ​ဢၼ်​လပ်ႉ​ဢၼ်​သိူင်ႇ​ဢၼ်​တၵ်း​ဢမ်ႇ​ထၢင်ႇ​ဢမ်ႇ​သႃး​မႃး​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။ လွင်ႈ​တၢင်း​ဢၼ်​သိူင်ႇ​ဝႆႉ​မႅပ်ႉ​ဝႆႉ ဢၼ်​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ပိုတ်ႇ​ၼႄ​လႄႈ​ထၢင်ႇ​သႃး​မႃး​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။-</verse>
				<verse number="18">ပိူဝ်ႈ​ၼႆ​လႄႈ လွင်ႈ​ဢၼ်​သူ​လႆႈ​ထွမ်ႇ​လႆႈ​ငိၼ်း​ၸိူဝ်ႉ​ၼင်ႇ​ႁိုဝ်​ၸိုင်၊ ႁဵတ်း​သတီႉ​တႃႉ။ လွင်ႈ​မၼ်း​ၸမ်ႉ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ၸၢင်ႈ​မီး​ၵႃႈ​သင်​ၼၼ်ႉ၊ ၵႃႈ​တီႈ​ၵေႃႉ​ၼၼ်ႉ၊ တၵ်း​ၼုၵ်ႈ​ဢဝ်​ၵႃႈ​ဢၼ်​မၼ်း​ႁဵတ်း​ၼင်ႇ​ႁၢင်ႈ​မီး တင်း​သဵင်ႈ​တင်း​လူင်​ၼၼ်ႉ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">မိူဝ်ႈ​ၼၼ်ႉ မႄႈ​ၸဝ်ႈ​ဢိၵ်ႇ​တင်း​ၼွင်ႉ​ၸဝ်ႈ​တင်း​လၢႆ မႃး​ၵႃႈ​တီႈ​မၼ်း​ၸဝ်ႈ​လႄႈ၊ ၵွပ်ႈ​ပိူဝ်ႈ​ၵူၼ်း​ဢၼ်​ၸူႉ​ၵၼ်​တုမ်​ၵၼ်​ၼမ်​ၼႃႇ​ၼၼ်ႉ၊ ယင်း​ဢမ်ႇ​ၵႂႃႇ​ၸမ်​တီႈ​မၼ်း​ၸဝ်ႈ​လႆႈ​လႄႈ​ယူႇ​ဢေႃႈ။-</verse>
				<verse number="20">ၵူၼ်း​ၵမ်ႈ​ၽွင်ႈ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ မႄႈ​ၸဝ်ႈ​ႁဝ်း​ဢိၵ်ႇ​တင်း​ၼွင်ႉ​ၸဝ်ႈ​ႁဝ်း​ၸိူဝ်း​ၼၼ်ႉ ၶႂ်ႈ​ထူပ်း​ၶႂ်ႈ​ႁၼ်​ၸဝ်ႈ​ႁဝ်း​လႄႈ ၸုၵ်း​ယူႇ​ၵႃႈ​တီႈ​ၼွၵ်ႈ​ပုၼ်ႉ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="21">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၶဝ်​ၸိူဝ်း​ဢၼ်​ထွမ်ႇ​ဢဝ်​ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ​လႄႈ​ၵမ်​ၵျၢင်ႉ​ၼၼ်ႉ ပဵၼ်​မႄႈ​ၵဝ်​ဢိၵ်ႇ​တင်း​ၼွင်ႉ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ဝၼ်း​ၼိုင်ႈ မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ႁိူဝ်း​လူၺ်ႈ​ၵၼ်​တင်း​တပႄး​ၸဝ်ႈ​တင်း​လၢႆ​သေ​လႄႈ လၢတ်ႈ​လႄႈ​ဝႃႈ၊ ၶၢမ်ႈ​ၵႂႃႇ​ၵႃႈ​တီႈ​ၽင်ႇ​ၼမ်ႉ​ၽၢႆႇ​ပုၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ပွႆႇ​ႁိူဝ်း​ၵႂႃႇ​ဢေႃႈ။-</verse>
				<verse number="23">ၼႂ်း​မိူဝ်ႈ​ဢၼ် ၶဝ်​ယင်း​တိုၵ်ႉ​ၶၢမ်ႈ​ၼွင်​ၼၼ်ႉ​ၵႂႃႇ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ၵိင်း​ၼွၼ်း​ယူႇ​ဢေႃႈ။ ၼႂ်း​ၼွင်​ၼၼ်ႉ​ပဵၼ်​ၽူၼ်​လူင်​လူမ်း​လူင်​လႄႈ ႁိူဝ်း​ၼၼ်ႉ​ၼမ်ႉ​ယင်း​တိုၵ်ႉ​တဵမ်​ၶိုၼ်ႈ​မႃး​ယူႇ​လႄႈ ၸမ်​တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ။-</verse>
				<verse number="24">ၶဝ်​ၼၼ်ႉ​သုတ်ႉ​ၸပ်း​သုတ်ႉ​ၸူး​လႄႈ ပူၵ်း​မၼ်း​ၸဝ်ႈ​ယဝ်ႉ​ၸင်ႇ၊ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း၊ ႁဝ်း​ၶႃႈ​ၸမ်​တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ​ၸိုင်၊ မၼ်း​ၸဝ်ႈ​လုၵ်ႉ​လႄႈ​သင်ႇ​သွၼ်​လူမ်း​ဢိၵ်ႇ​တင်း​တၢင်း​ဢၼ်​လႅင်း​ၼမ်ႉ​ပိူပ်ႈ​ၼမ်ႉ​လုၵ်ႉ​ၶိုၼ်ႈ​ၼၼ်ႉ​သေ​ယဝ်ႉ၊လူမ်း ဢိၵ်ႇ​တင်း​တၢင်း​ဢၼ်​လႅင်း​ၼမ်ႉ​ပိူပ်ႈ​ၼမ်ႉ​ၸိူဝ်း​ၼၼ်ႉ​ထၢတ်ႇ​ယဵၼ်​လႄႈ ပၢင်ႇ​ၸိုၼ်ႈ​ၼိမ်​လီ​မႃး​ဢေႃႈ။-</verse>
				<verse number="25">မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ တၢင်း​ဢၼ်​ယုမ်ႇ​မၢတ်ႈ​သူ​မီး​ၵႃႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၼၼ်ႉ​ၵူဝ်​ၼႃႇ​ဢၢမ်း​ၼႃႇ​လူင်​လၢင်​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ ပဵၼ်​ၽူႈ​လႂ်။ မၼ်း​သင်ႇ​သွၼ်​ၼမ်ႉ​တင်း​လူမ်း​လႄႈ ၶဝ်​ထွမ်ႇ​ဢဝ်​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">ၶဝ်​ၼၼ်ႉ ၶၢမ်ႈ​ၵႂႃႇ​ႁွတ်ႈ​ထိုင်​ၵႃႈ​တီႈ​မိူင်း​ ၵႃႇတရႃႉ ဢၼ်​ပဵၼ်​ၽင်ႇ​ၼမ်ႉ​ၽၢႆႇ​ၼိုင်ႈ တင်း​မိူင်း​ ၵႃႇလီႉလႄး ​ၼၼ်ႉ​သေ​ယဝ်ႉ၊-</verse>
				<verse number="27">မိူဝ်ႈ​ဢၼ်​မၼ်း​ၸဝ်ႈ​ၶိုၼ်ႈ​ၵႂႃႇ​ၵႃႈ​ၼိူဝ်​ၵုင်း​ၸိုင်၊ ၵူၼ်း​မိူင်း​ၼၼ်ႉ​ၵေႃႉ​ၼိုင်ႈ​ဢၼ်​ၽီ​ႁၢႆႉ​ၶဝ်ႈ​ႁိုင်​ၼႃႇ၊ ဢမ်ႇ​ၼုင်ႈ​ၶူဝ်း၊ ဢမ်ႇ​ယူႇ​ၼႂ်း​ႁိူၼ်း၊ ဢၼ်​ၸၢင်ႈ​ယူႇ​ၵႃႈ​ၼႂ်း​သၢင်း​ၶႅင်း​ၼၼ်ႉ​မႃး​လႄႈ ႁပ်ႉ​ႁူဝ်​တၢင်း​မၼ်း​ၸဝ်ႈ​ဢေႃႈ။-</verse>
				<verse number="28">မၼ်း​ၼၼ်ႉ မိူဝ်ႈ​ဢၼ်​ႁၼ်​ ယေႇသူႉ ​ၸိုင်၊ ၶုပ်ႉ​မူပ်ႇ​ႁွင်ႉ​သႅၼ်ႇ​သေ​လႄႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ လဝ်ႊ​လၢတ်ႈ​လႄႈ​ဝႃႈ၊ ယေႇသူႉ လုၵ်ႈ​ၽြႃး​ပဵၼ်​ၸဝ်ႈ​ဢၼ်​သုင်​မျၢတ်ႈ​ၼႃႇ​သေ​ပိူၼ်ႈ​တီႈ​ၶႃႈ၊ ၸဝ်ႈ​ႁဝ်း​ၸၢပ်ႈ​သႅင်ႇ​ၵၼ်​တင်း​ႁဝ်း​ၶႃႈ ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ၼင်ႇ​ႁိုဝ်​ၸဝ်ႈ​ႁဝ်း​တၵ်း​ဢမ်ႇ​ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​ၶႃႈ​ၸိုင်၊ ၵဝ်​ၶႃႈ​တွင်း​ပၢၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">လွင်ႈ​ဢၼ်​လဝ်ႊ​လၢတ်ႈ​ၼၼ်ႉ​ၸမ်ႉ၊ မၼ်း​ၸဝ်ႈ​လႆႈ​မီး​ဢမိင်ႉ ႁႂ်ႈ​ၽီ​ဢၼ်​ၵူဝ်ႈ​ၵိူၵ်ႇ​ၼၼ်ႉ​ဢွၵ်ႇ​သေ​ၵႃႈ​ၼႂ်း​ၵေႃႉ​ၼၼ်ႉ​ၵႂႃႇ​ဢေႃႈ။ လွင်ႈ​ဢမိင်ႉ​ၸဝ်ႈ​ၼၼ်ႉ​ၸမ်ႉ၊ ၽီ​ႁၢႆႉ​ၼၼ်ႉ​လႆႈ​တီႉ​ဢဝ်​မၼ်း​ပွၵ်ႈ​ၼမ်​ၼႃႇ​ယဝ်ႉ။ ပိၵ်ႉ​သမ်ႉ​ဢဝ်​ၸိူၵ်ႈ​လဵၵ်း​တင်း​ၶူၺ်ႇ​တိၼ်​မတ်ႉ​ၽုၵ်ႇ​ဝႆႉ​လႄႈ ႁႂ်ႈ​ၶၢမ်ႇ​တူၵ်း​ၵႅၼ်း​ယူႇ​သေ​ၵေႃႈ မၼ်း​တိုတ်ႉ​ၸိူၵ်ႈ​လဵၵ်း​ၶၢတ်ႇ​လႄႈ ၽီ​ႁၢႆႉ​ၼၼ်ႉ​ႁေႃႈ​မၼ်း​ၵႂႃႇ​ယူႇ​ၵႃႈ​ၼႂ်း​ထိူၼ်ႇ​ဢေႃႈ။</verse>
				<verse number="30">ယေႇသူႉ ​ၵေႃႈ​ထၢမ်​တီႈ​မၼ်း​လႄႈ​ဝႃႈ၊ မႂ်း​မီး​ၸိုဝ်ႈ​သဵင်​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပိူဝ်ႈ​ဢၼ်​ၽီ​ႁၢႆႉ​ၼမ်​ၼႃႇ​ၶဝ်ႈ​ၼႂ်း​မၼ်း​လႄႈ မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸိုဝ်ႈ​သဵင်​ၵဝ်​ၶႃႈ​ၸမ်ႉ၊ ပဵၼ်​ လေႇၵျုင်ႇ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="31">ၼင်ႇ​ႁိုဝ်​မၼ်း​ၸဝ်ႈ​တၵ်း​ဢမ်ႇ​ႁေႃႈ​ပႅတ်ႈ​လႄႈ ႁႂ်ႈ​ၵႂႃႇ​ၵႃႈ​တီႈ​ဢၼ်​လိုၵ်ႉ​ဢၼ်​လမ်ႇ​ၼႃႇ​သေ​ပိူၼ်ႈ​ၼၼ်ႉ​ၸိုင်၊ တွင်း​ပၢၼ်ႇ​ဢေႃႈ။</verse>
				<verse number="32">ၵႃႈ​တီႈ​ၼၼ်ႈ မီး​ၽုင်​မူ​ၼမ်​ၼႃႇ​ၵိၼ်​ယူႇ​ၵႃႈ​ၼိူဝ်​လွႆ​ဢေႃႈ။ ၽီ​ႁၢႆႉ​ၸိူဝ်း​ၼၼ်ႉ​သမ်ႉ​ၶိုၼ်း​တွင်း​ပၢၼ်ႇ​လႄႈ​ဝႃႈ၊ ပၼ်​ဢၶႂၢင်ႉ​ႁႂ်ႈ​လႆႈ​ၶဝ်ႈ​ၵႃႈ​ၼႂ်း​ၽုင်​မူ​ပုၼ်ႉ​သေ​ၵမ်း​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​ပၼ်​ဢၶႂၢင်ႉ​ဢေႃႈ။-</verse>
				<verse number="33">ၽီ​ႁၢႆႉ​ၸိူဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​ၵူၼ်း​ၵေႃႉ​ၼၼ်ႉ​ၵႂႃႇ​လႄႈ ၶဝ်ႈ​ၵႃႈ​ၼႂ်း​မူ​ၸိူဝ်း​ၼၼ်ႉ​လႄႈ ၽုင်​မူ​ၼၼ်ႉ​ၶုၼ်ႇ​လႅၼ်ႈ​လူင်း​ၽင်ႇ​ၸၼ်း​လႄႈ ၵႅၼ်ႉ​ၼမ်ႉ​ၵႃႈ​ၼႂ်း​ၼွင်​ၼၼ်ႉ​တၢႆ​ဢေႃႈ။-</verse>
				<verse number="34">မိူဝ်ႈ​ဢၼ်​ၵူၼ်း​လဵင်ႉ​မူ​တင်း​လၢႆ​ၼၼ်ႉ ႁၼ်​လွင်ႈ​ဢၼ်​ပဵၼ်​မႃး​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ၶဝ်​လႅၼ်ႈ​ၵႂႃႇ​လႄႈ​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​ၸိူဝ်း​ၼၼ်ႉ​ယဝ်ႉ​ၸင်ႇ၊-</verse>
				<verse number="35">ၵူၼ်း​ၼမ်​ၼႃႇ​ဢွၵ်ႇ​မႃး​ႁႂ်ႈ​လႆႈ​တူၺ်း​လႆႈ​ႁၼ် လွင်ႈ​တၢင်း​ဢၼ်​ပဵၼ်​မႃး​ၼၼ်ႉ​ဢေႃႈ။ မိူဝ်ႈ​ဢၼ်​ၶဝ်​ၽႅဝ်​ၵႃႈ​တီႈ​ ယေႇသူႉ ​လႄႈ လႆႈ​ႁၼ်​ၵေႃႉ​ဢၼ်​ၽီ​ႁၢႆႉ​ဢွၵ်ႇ​ၵႂႃႇ​သေ​ၵႃႈ​ၼႂ်း​မၼ်း​ၼၼ်ႉ ၼုင်ႈ​ၶူဝ်း​ၼုင်ႈ​လဵင်း​ယူႇ မီး​တင်း​ၸႂ်​ဢၼ်​လီ​ဢၼ်​ငၢမ်း ၼင်ႈ​ၵႃႈ​တီႈ​ႁိမ်း​တိၼ်​ ယေႇသူႉ ​ယူႇ​ၼၼ်ႉ​ၸိုင်၊ ၶဝ်​ၵူဝ်​ႁႄ​ဢေႃႈ။-</verse>
				<verse number="36">ၶဝ်​ၸိူဝ်း​ဢၼ်​လႆႈ​ႁူႉ​လႆႈ​ႁၼ်​ယဝ်ႉ​ၼၼ်ႉ​သမ်ႉ​မွၵ်ႇ​လၢတ်ႈ​လွင်ႈ​ဢၼ်​ၵေႃႉ​ဢၼ်​ၽီ​ႁၢႆႉ​ၶဝ်ႈ​ၼၼ်ႉ ပဵၼ်​ၵူၼ်း​လီ​ၵူၼ်း​ငၢမ်း​မႃး​ၸိူဝ်ႉ​ၼင်ႇ​ႁိုဝ်​ၼၼ်ႉ တီႈ​ၶဝ်​ၸိူဝ်း​ဢၼ်​မႃး​တူၵ်း​လိုၼ်း​ၼၼ်ႉ​ယဝ်ႉ​ၸင်ႇ၊-</verse>
				<verse number="37">ၵူၼ်း​မိူင်း​ ၵႃႇတရႃႉ တင်း​သဵင်ႈ​တင်း​လူင် ပိူဝ်ႈ​ဢၼ်​ၸႂ်​ၸပ်း​တၢင်း​ဢၼ်​ၵူဝ်​ဢၼ်​ႁႄ​ၼႃႇ​လူင်​လၢင်​လႄႈ တွင်း​ပၢၼ်ႇ​လဝ်ႊ​လၢတ်ႈ​ႁႂ်ႈ​မၼ်း​ၸဝ်ႈ​ဢွၵ်ႇ​ၵႂႃႇ​သေ ၵႃႈ​ၼႂ်း​မိူင်း​ၶဝ်​သေ​ယဝ်ႉ၊ မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ႁိူဝ်း​လႄႈ ၶိုၼ်း​မိူဝ်း​ၵႂႃႇ​ဢေႃႈ။</verse>
				<verse number="38">ၵေႃႉ​ဢၼ်​ၽီ​ႁၢႆႉ​ဢွၵ်ႇ​ၵႂႃႇ​သေ​ၵႃႈ​ၼႂ်း​မၼ်း​ၼၼ်ႉ တွင်း​ပၢၼ်ႇ​ယွၼ်း​ဢၶႂၢင်ႉ​ႁႂ်ႈ​လႆႈ​မီး​ယူႇ​လူၺ်ႈ​ၵၼ်​တင်း​မၼ်း​ၸဝ်ႈ​လႄႈ၊-</verse>
				<verse number="39">ယေႇသူႉ ​ၵေႃႈ​ပွႆႇ​မၼ်း​လႄႈ​ဝႃႈ၊ မႂ်း​ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း​မႂ်း​ၼၼ်ႉ​တႃႉ။ ၶႆႈ​ပၼ်​လၢတ်ႈ​ပၼ်​လွင်ႈ​ဢၼ်​ၽြႃး​ပဵၼ်​ၸဝ်ႈ​ႁဵတ်း​ၵျေး​ၸူး​တီႈ​မႂ်း​ယႂ်ႇ​ၼႃႇ​ထၢၼ်ႇ​ႁိုဝ်​ၼၼ်ႉ​တီႈ​ၶဝ်​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ဢွၵ်ႇ​သေ​ၵႃႈ​တီႈ​ၼၼ်ႈ​ၵႂႃႇ​လႄႈ​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ လွင်ႈ​ဢၼ်​ ယေႇသူႉ ​ႁဵတ်း​ၵျေး​ၸူး​တီႈ​မၼ်း​ယႂ်ႇ​ၼႃႇ​ထၢၼ်ႇ​ႁိုဝ်​ၼၼ်ႉ ၵႃႈ​ၼႂ်း​ဝဵင်း​တင်း​ဝဵင်း​ဢေႃႈ။</verse>
				<verse number="40">ယေႇသူႉ ​ၶိုၼ်း​မိူဝ်း​ၵႂႃႇ​သေ​ယဝ်ႉ၊ ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ ပိူဝ်ႈ​ဢၼ်​မုင်ႈ​ထႃႈ​မွင်း​ထႃႈ​မၼ်း​ၸဝ်ႈ​ယူႇ​လႄႈ မီး​တင်း​ၸႂ်​ဢၼ်​သိူဝ်း​ၸူမ်း​ၼႃႇ​ႁပ်ႉ​တုင်း​ဢဝ်​မၼ်း​ၸဝ်ႈ​ဢေႃႈ။-</verse>
				<verse number="41">မိူဝ်ႈ​ၼၼ်ႉ ၵူၼ်း​ၵေႃႉ​ၼိုင်ႈ​ဢၼ်​လႆႈ​ၸိုဝ်ႈ​ ယႃႇဢီႉရူႉ ဢၼ်​ပဵၼ်​ၵႄႇ​ၸရွပ်ႈ​ႁေႃး​တြႃး​ၼၼ်ႉ​မႃး​လႄႈ ၶုပ်ႉ​မူပ်ႇ​ၵႃႈ​တီႈ​ႁိမ်း​တိၼ်​ ယေႇသူႉ ​သေ​ယဝ်ႉ၊-</verse>
				<verse number="42">ပိူဝ်ႈ​ဢၼ်​မၼ်း​မီး​လုၵ်ႈ​ယိင်း​ၵေႃႉ​လဵဝ်​ၵူၺ်း ဢၼ်​ဢသၢၵ်ႈ​လႆႈ​သိပ်း​သွင်​ပီႊ​လႄႈ ယင်း​တိုၵ်ႉ​တၢႆ​ယူႇ​ၼၼ်ႉ​လႄႈ တွင်း​ပၢၼ်ႇ​ႁႂ်ႈ​မၼ်း​ၸဝ်ႈ​ၵႂႃႇ​ၵႃႈ​တီႈ​ႁိူၼ်း​မၼ်း​ၼၼ်ႉ​ဢေႃႈ။ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ၵႂႃႇ​ယူႇ​ၼၼ်ႉ​ၸိုင်၊ ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ ဢုမ်ႇ​ၸွမ်း​ၽိုတ်ႉ​ဢီး​ၸူး​မၼ်း​ၸဝ်ႈ​ဢေႃႈ။</verse>
				<verse number="43">ၵမ်း​ၼၼ်ႉ မႄႈ​ယိင်း​ဢၼ်​ၸပ်း​တၢင်း​ပဵၼ်​ဢၼ်​ထွၵ်ႇ​လိူတ်ႈ​လႆႈ​သိပ်း​သွင်​ပီႊ​တဵမ်​တဵမ်​ယဝ်ႉ​လႄႈ ပၼ်​ဢုၵ်ႉ​ၸႃႇ​မၼ်း​ၵႃႈ​မီး​တင်း​သဵင်ႈ​တင်း​လူင်​တီႈ​မေႃ​ယႃ​တင်း​လၢႆ ထၼ်ႈ​ပေႃး​သဵင်ႈ​မူတ်း​ၵႂႃႇ​သေ​ၵေႃႈ ဢမ်ႇ​ၵတ်း​ယဵၼ်​ၶျၢမ်း​သႃႇ​ၼႂ်း​မိုဝ်း​မေႃ​ယႃ​ၼၼ်ႉ​ၵေႃႉ​ၼိုင်ႈ၊-</verse>
				<verse number="44">မႃး​ၵႃႈ​တီႈ​ၽၢႆႇ​တၢင်း​လင်​မၼ်း​ၸဝ်ႈ​သေ​လႄႈ တိူဝ်ႉ​ယိပ်း​ပူႈ​ၶူဝ်း​မၼ်း​ၸဝ်ႈ​ယဝ်ႉ​ၸင်ႇ၊ မိူဝ်ႈ​ၼၼ်ႉ​ၵမ်း​လဵဝ် တၢင်း​ပဵၼ်​ဢၼ်​ထွၵ်ႇ​လိူတ်ႈ​မၼ်း​ၼၼ်ႉ​ႁၢႆ​ၵႂႃႇ​ဢေႃႈ။-</verse>
				<verse number="45">ယေႇသူႉ ​ၵေႃႈ​ထၢမ်​လႄႈ​ဝႃႈ၊ ၽူႈ​လႂ်​တိူဝ်ႉ​ၵဝ်​ယိပ်း​ၵဝ်၊ ဝႃႈ​ၼင်ႇ​ၼႆ​သေ​ယဝ်ႉ၊ မိူဝ်ႈ​ဢၼ်​ၵူၼ်း​တင်း​သဵင်ႈ​တင်း​လူင်​ၶိုၼ်း​တွပ်ႇ​လၢတ်ႈ​ႁႄႉ​ၵႂၢမ်း​မၼ်း​ၸဝ်ႈ​ယဝ်ႉ​ၼၼ်ႉ၊ ပေႇတရူႉ ​ဢိၵ်ႇ​တင်း​ၶဝ်​ၸိူဝ်း​ဢၼ်​မီး​လူၺ်ႈ​ၵၼ်​တင်း​မၼ်း​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ​ၼႆႉ ၽိုတ်ႉ​ၸူး​ဢီး​ၸူး​ၸဝ်ႈ​ႁဝ်း​ယူႇ​လႄႈ၊ ၸဝ်ႈ​ႁဝ်း​ထၢမ်​လႄႈ​ဝႃႈ၊ ၽူႈ​လႂ်​တိူဝ်ႉ​ၵဝ်​ယိပ်း​ၵဝ်၊ ဝႃႈ​ၼင်ႇ​ၼႆ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="46">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ သေ​ၵေႃႉ​သေ​ၵူၼ်း​တိူဝ်ႉ​ယိပ်း​ၵဝ်​ယဝ်ႉ။ ၵဝ်​ႁူႉ​လွင်ႈ​ဢၼ်​တၼ်း​ၶူဝ်း​ဢွၵ်ႇ​ၵႃႈ​ၼႂ်း​ၵဝ်​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="47">မႄႈ​ယိင်း​ၼၼ်ႉ မိူဝ်ႈ​ဢၼ်​မၼ်း​ႁူႉ​လွင်ႈ​ဢၼ်​မၼ်း​ဢမ်ႇ​တဵတ်ႇ​ဢမ်ႇ​မႅပ်ႉ​ယူႇ​လႆႈ​ၼၼ်ႉ​ၸိုင်၊ သၼ်ႇ​ဝႆ​ယူႇ​သေ​လႄႈ​မႃး​တီႈ​မၼ်း​ၸဝ်ႈ​ယဝ်ႉ​ၸင်ႇ၊ ၶုပ်ႉ​မူပ်ႇ​လႄႈ​လဝ်ႊ​လၢတ်ႈ​လွင်ႈ​ဢၼ်​မၼ်း​တိူဝ်ႉ​ယိပ်း​မၼ်း​ၸဝ်ႈ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ် ဢိၵ်ႇ​တင်း​လွင်ႈ​ဢၼ်​တၢင်း​ပဵၼ်​မၼ်း​ႁၢႆ​ၵမ်း​လဵဝ်​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="48">မၼ်း​ၸဝ်ႈ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ လုၵ်ႈ​ယိင်း​ၵဝ်​ဢိူၺ်း၊ ယႃႇ​ပေ​မႆႈ​ၸႂ်။ တၢင်း​ယုမ်ႇ​မၢတ်ႈ​မႂ်း​ႁႂ်ႈ​တၢင်း​ပဵၼ်​မႂ်း​ႁၢႆ​ယဝ်ႉ။ ၵႂႃႇ​ၼိမ်​ၼိမ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="49">ၼႂ်း​မိူဝ်ႈ​ဢၼ်​မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ ၵူၼ်း​ၵေႃႉ​ၼိုင်ႈ​လုၵ်ႉ​သေ​ၵႃႈ​တီႈ​ႁိူၼ်း​ၵႄႇ​ၸရွပ်ႈ​ႁေႃး​တြႃး​ၼၼ်ႉ​မႃး​လၢတ်ႈ​လႄႈ​ဝႃႈ၊ လုၵ်ႈ​ယိင်း​ၸဝ်ႈ​ႁဝ်း​တၢႆ​ယဝ်ႉ​ၶႃႈ​ဢေႃႈ။ ယႃႇ​ပေ​ယႃႉ​ယူၵ်ႉ​သြႃႇ​သေ​ၵမ်း​ၶႃႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="50">မိူဝ်ႈ​ဢၼ်​ ယေႇသူႉ ​ငိၼ်း​ၵႂၢမ်း​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​တီႈ​ၵႄႇ​ၸရွပ်ႈ​ႁေႃး​တြႃး​ၼၼ်ႉ​လႄႈ​ဝႃႈ၊ ယႃႇ​ပေ​မႆႈ​ၸႂ်။ ႁႂ်ႈ​မီး​ၸႂ်​ဢၼ်​ယုမ်ႇ​မၢတ်ႈ​ၵူၺ်း​တႃႉ။ ပေႃး​မီး​ၸိုင် မၼ်း​တၵ်း​ၵၢင်း​လွတ်ႈ​တင်း​ၽေး​တၢင်း​တၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="51">မိူဝ်ႈ​ဢၼ်​မၼ်း​ၸဝ်ႈ​ႁွတ်ႈ​ထိုင်​ၵႃႈ​တီႈ​ႁိူၼ်း​ၼၼ်ႉ​ၸိုင်၊ လိူဝ်​သေ​ ပေႇတရူႉ ​ဢိၵ်ႇ​တင်း​ ယူဝ်းႁၢၼ်ႇ တင်း​ ယႃႇၵုပ်ႈ ​တင်း​ပေႃႈ​မႄႈ​လုၵ်ႈ​ဢွၼ်ႇ​ၼၼ်ႉ​ၵူၺ်း၊ မၼ်း​ၸဝ်ႈ​ဢမ်ႇ​ပၼ်​ၽူႈ​လႂ်​ၶဝ်ႈ​ၵႂႃႇ​ၵႃႈ​ၼႂ်း​သေ​ၵေႃႉ​သေ​ၵူၼ်း။-</verse>
				<verse number="52">ၵူၼ်း​တင်း​သဵင်ႈ​တင်း​လူင်​ႁဵတ်း​သဵင်​ႁွင်ႉ​သဵင်​ႁႆႈ​ယူႇ​လႄႈ၊ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ယႃႇ​ပေ​ႁွင်ႉ​ပေ​ႁႆႈ။ လုၵ်ႈ​ဢွၼ်ႇ​ၼႆႉ​တၢႆ​ယဝ်ႉ​ဢမ်ႇ​ၸႂ်ႈ၊ မၼ်း​ၼွၼ်း​လပ်း​ယူႇ​လႆ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="53">ၶဝ်​ၼၼ်ႉ​ပိူဝ်ႈ​ဢၼ်​ၶဝ်​ႁူႉ​လွင်ႈ​ဢၼ်​လုၵ်ႈ​ဢွၼ်ႇ​တၢႆ​ယဝ်ႉ​ၼၼ်ႉ​လႄႈ ဢွၼ်​ၵၼ်​ႁဵတ်း​ပျၢၵ်ႈ​ၶူဝ်​မၼ်း​ၸဝ်ႈ​သေ​ဢေႃႈ။-</verse>
				<verse number="54">မၼ်း​ၸဝ်ႈ​ႁႂ်ႈ​ၶဝ်​ၵႃႈ​မီး​တင်း​သဵင်ႈ​တင်း​လူင်​ဢွၵ်ႇ​ၵႂႃႇ​ၵႃႈ​ၼွၵ်ႈ​သေ​ယဝ်ႉ၊ ယိပ်း​မိုဝ်း​လုၵ်ႈ​ဢွၼ်ႇ​ယူႇ​သေ​လႄႈ​ႁွင်ႉ​လႄႈ​ဝႃႈ၊ လုၵ်ႈ​ယိင်း​ဢွၼ်ႇ​ဢိူၺ်း၊ လုၵ်ႉ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="55">ၸႂ်​ဝီႉၺိၺ်ႇ​မၼ်း​ၶိုၼ်း​မႃး​လႄႈ မႄႈ​ယိင်း​ဢွၼ်ႇ​ၼၼ်ႉ​လုၵ်ႉ​ၵမ်း​လဵဝ်​ဢေႃႈ။ မၼ်း​ၸဝ်ႈ​ၵေႃႈ​မီး​ဢမိင်ႉ​လႄႈ​ဝႃႈ၊ ပၼ်​တၢင်း​ၵိၼ်​တီႈ​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="56">ပေႃႈ​မႄႈ​မၼ်း​ၵႂင်​ၸႂ်​ယုင်ႈ​ၸႂ်​ယူႇ​ဢေႃႈ။ ၼင်ႇ​ႁိုဝ်​တၵ်း​ဢမ်ႇ​မွၵ်ႇ​လၢတ်ႈ​လွင်ႈ​တီႈ​ႁဵင်း​ၼၼ်ႉ​တီႈ​ၽူႈ​လႂ်​သေ​ၵေႃႉ​သေ​ၵူၼ်း​ၸိုင်၊ မၼ်း​ၸဝ်ႈ​ပိင်း​ၺၢပ်ႈ​ဝႆႉ​တီႈ​ၶဝ်​ၼၼ်ႉ​ဢေႃႈ။</verse>
			</chapter>
			<chapter number="9">
				<verse number="1">မၼ်း​ၸဝ်ႈ​ႁႂ်ႈ​တပႄး​ၸဝ်ႈ​သိပ်း​သွင်​ပႃး​ၸူႉ​ၵၼ်​တုမ်​ၵၼ်​ယဝ်ႉ​ၸင်ႇ၊ ဢၢပ်ႈ​ပၼ်​တၼ်း​ၶူဝ်း​ဢၼ်​ပႄႉ​ၼႅင်ႇ​ၽီ​ႁၢႆႉ​တင်း​လၢႆ ဢိၵ်ႇ​တင်း​ဢၶႂၢင်ႉ​တၼ်း​ၶူဝ်း​ပုၼ်ႈ​လွင်ႈ​ၼင်ႇ​ႁိုဝ်​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​တင်း​လၢႆ​ႁၢႆ​ၼၼ်ႉ​တီႈ​ၶဝ်​ဢေႃႈ။-</verse>
				<verse number="2">မၼ်း​ၸဝ်ႈ​ပွႆႇ​ၸႂ်ႉ​ၶဝ်​ၵႂႃႇ​ႁႂ်ႈ​လႆႈ​ႁေႃး​လၢတ်ႈ​လွင်ႈ​မိူင်း​ၽြႃး​ပဵၼ်​ၸဝ်ႈ ဢိၵ်ႇ​တင်း​ႁႂ်ႈ​ၵူၼ်း​ၶႆႈ​ၵူၼ်း​ပဵၼ်​တင်း​လၢႆ​ၵတ်း​ယဵၼ်​ၶျၢမ်း​သႃႇ​လႄႈ သင်ႇ​လၢတ်ႈ​လႄႈ​ဝႃႈ၊-</verse>
				<verse number="3">ပုၼ်ႈ​ဢၼ်​တၵ်း​ၵႂႃႇ​တၢင်း​ၸိုင်၊ သူ​ယႃႇ​ပေ​ဢဝ်​ၵႃႈ​သင်​သေ​ၸိူဝ်ႉ​သေ​ပိူင်​ၵႂႃႇ။ ယႃႇ​ပေ​ဢဝ် ၶွၼ်ႉ​တဝ်ႉ၊ ထူင်​ပႃး၊ ၶဝ်ႈ​မုၼ်း၊ ငိုၼ်း​ၵႂႃႇ။ သိူဝ်ႈ​သွင်​ၽိုၼ်​ၵေႃႈ​ယႃႇ​ပေ​ပႃး။-</verse>
				<verse number="4">မိူဝ်ႈ​ဢၼ်​ၶဝ်ႈ​ၵႃႈ​ၼႂ်း​ႁိူၼ်း​လႂ်​သေ​ဢမ်ႇ​ဝႃႈ၊ ၸူဝ်ႈ​ဢၼ်​ဢမ်ႇ​ပႆႇ​ဢွၵ်ႇ​ၵႂႃႇ​သေ​တီႈ​ၼၼ်ႉ​ၸိုင်၊ ယူႇ​ၵႃႈ​တီႈ​ႁိူၼ်း​ၼၼ်ႉ​တႃႉ။-</verse>
				<verse number="5">ၽူႈ​လႂ်​သေ​ဢမ်ႇ​ဝႃႈ၊ ၶဝ်​ၸိူဝ်း​ဢၼ်​ဢမ်ႇ​ႁပ်ႉ​တုင်း​ဢဝ်​သူ​ၼၼ်ႉ၊ ၼႂ်း​မိူဝ်ႈ​ဢၼ်​သူ​ယင်း​တိုၵ်ႉ​ဢွၵ်ႇ​ၵႂႃႇ​သေ​ၵႃႈ​ၼႂ်း​ဝဵင်း​ၶဝ်​ၼၼ်ႉ​ယူႇ​ၼၼ်ႉ​ၸိုင်၊ သၼ်ႇ​မုၼ်ႈ​လိၼ်​ဢၼ်​ၸပ်း​ၵႃႈ​တီႈ​တိၼ်​သူ​ၼၼ်ႉ​ပႅတ်ႈ ႁႂ်ႈ​ပဵၼ်​သၢၵ်ႈ​သေႇ​တီႈ​ၶဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၶဝ်​ၼၼ်ႉ ဢွၵ်ႇ​ၵႂႃႇ​တေႇ​သႃႉၸႃႇရီႇ​လႄႇ​လဵပ်ႈ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​တင်း​လၢႆ​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ယူႇ​သေ​လႄႈ ႁႂ်ႈ​တၢင်း​ၶႆႈ​တၢင်း​ပဵၼ်​တင်း​လၢႆ​ႁၢႆ​ၵူႈ​တီႈ​ၵူႈ​လႅၼ်​ယူႇ​ဢေႃႈ။</verse>
				<verse number="7">ၸဝ်ႈ​ၽႃႉ​ ႁေႇရူတ်ႈ ငိၼ်း​လွင်ႈ​တၢင်း​ၵႃႈ​ဢၼ်​ပဵၼ်​မႃး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​လႄႈ မီး​တၢင်း​ဢၼ်​ၶႆႈ​ၸႂ်​ဝူၼ်ႉ​ၸႂ်​ယူႇ​ဢေႃႈ။ လွင်ႈ​မၼ်း​ၸမ်ႉ ၵူၼ်း​ၵမ်ႈ​ၽွင်ႈ​ဝႃႈ၊ ယူဝ်းႁၢၼ်ႇ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵမ်ႈ​ၽွင်ႈ​ၵေႃႈ​ဝႃႈ၊ ဢေးလီႉယႃႉ ​ပေႃႇ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ၊ ပရေႃးၽႅတ်ႈ​ဢွၼ်​တၢင်း မိူဝ်ႈ​ၼၼ်ႉ​ၸိူဝ်း​ၼၼ်ႉ​သေ​ပႃး​ပႃး​ၶိုၼ်း​လုၵ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၶုၼ်​ ႁေႇရူတ်ႈ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​လႆႈ​တႅပ်း​ႁူဝ်​ ယူဝ်းႁၢၼ်ႇ ​ယဝ်ႉ။ ၵေႃႉ​ဢၼ်​ၵဝ်​လႆႈ​ငိၼ်း​သတၢင်း​သဵင်​ၶၢဝ်ႇ​လွင်ႈ​မၼ်း​ထၢၼ်ႇ​ၼႆႉ​ၼၼ်ႉ​ၸမ်ႉ၊ ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​လႄႈ ၵျၢမ်ႇ​ႁႃ​ႁႂ်ႈ​လႆႈ​ထူပ်း​ႁၼ်​ ယေႇသူႉ ​ယူႇ​ဢေႃႈ။</verse>
				<verse number="10">တမၢၼ်ႇ​ၸဝ်ႈ​တင်း​လၢႆ​ၶိုၼ်း​မႃး​ၵႃႈ​တီႈ​မၼ်း​ၸဝ်ႈ​လႄႈ လဝ်ႊ​လၢတ်ႈ​လွင်ႈ​တၢင်း​ၵႃႈ​ဢၼ်​ၶဝ်​လႆႈ​ႁဵတ်း​တင်း​သဵင်ႈ​တင်း​လူင်​ၼၼ်ႉ​ဢေႃႈ။ မၼ်း​ၸဝ်ႈ​ႁွင်ႉ​ဢဝ်​ၶဝ်​လႄႈ တဵတ်ႇ​တဵတ်ႇ​ၵႂႃႇ​ၵႃႈ​တီႈ​ဝဵင်း​ဢၼ်​လႆႈ​ႁွင်ႉ​ႁဵၵ်ႈ​ ပႅတ်ႉၸေးတႃႉ ​ပုၼ်ႉ​ဢေႃႈ။-</verse>
				<verse number="11">မိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ​ႁူႉ​ၸိုင်၊ ၶဝ်​ၸွမ်း​မၼ်း​ၸဝ်ႈ​ၵႂႃႇ​ဢေႃႈ။ မၼ်း​ၸဝ်ႈ​ႁပ်ႉ​တုင်း​ဢဝ်​ၶဝ်​ၼၼ်ႉ​သေ​ယဝ်ႉ၊ ႁေႃး​လၢတ်ႈ​လွင်ႈ​မိူင်း​ၽြႃး​ပဵၼ်​ၸဝ်ႈ​လႄႈ ႁႂ်ႈ​ၶဝ်​ၸိူဝ်း​ဢၼ်​မီး​တၢင်း​ၶႆႈ​တၢင်း​ပဵၼ်​ၼၼ်ႉ​ၶႅၼ်း​မႃး​ဢေႃႈ။</verse>
				<verse number="12">မိူဝ်ႈ​ဢၼ် ႁွတ်ႈ​ထိုင်​ၶိင်ႇ​ႁူဝ်​ၶမ်ႈ​ၸိုင်၊ တပႄး​ၸဝ်ႈ​သိပ်း​သွင်​ပႃး​သုတ်ႉ​ၸပ်း​သုတ်ႉ​ၸူး​သေ​လႄႈ လဝ်ႊ​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​ၵႃႈ​တီႈ​ၼႆႈ​ပဵၼ်​ထိူၼ်ႇ​လႄႈ ၼင်ႇ​ႁိုဝ်​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼႆႉ တၵ်း​လႆႈ​ၵႂႃႇ​ၵႃႈ​တီႈ​ဝၢၼ်ႈ​ၼွၵ်ႈ​ၼႃး​ပၢင်ႇ​ပုၼ်ႉ​လႄႈ ႁႃ​တီႈ​ဢၼ်​တၵ်း​ၼွၼ်း​ဢိၵ်ႇ​တင်း​တၢင်း​ၵိၼ်​တၢင်း​ၶူပ်း​ၸိုင်၊ ၸဝ်ႈ​ႁဝ်း​ပွႆႇ​ၵႂႃႇ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သူ​ပၼ်​ပုၼ်ႈ​ဢၼ်​ၶဝ်​တၵ်း​ၵိၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ပေႃး​ႁဝ်း​ၶႃႈ​ဢမ်ႇ​ၵႂႃႇ​လႄႈ​သိုဝ်ႉ​ဢဝ်​တၢင်း​ၵိၼ်​ပုၼ်ႈ​ဢၼ်​ၵူၼ်း​တင်း​သဵင်ႈ​တင်း​လူင်​တၵ်း​ၵိၼ်​ၸိုင်၊ ၵႃႈ​တီႈ​ႁဝ်း​ၶႃႈ​ၼႆႉ​လိူဝ်​သေ​ၶဝ်ႈ​မုၼ်း​ႁႃႈ​ႁူၺ်ႇ​တင်း​ပႃ​သွင်​တူဝ်၊ ဢမ်ႇ​မီး​တၢင်း​ၵိၼ်​သေ​ၸိူဝ်ႉ​သေ​ပိူင်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ပိူဝ်ႈ​ဢၼ်​မီး​ၵူၼ်း​သေ ႁႃႈ​ႁဵင်​ၼိုင်ႈ​ၸမ်​ၸမ်​လႄႈ လဝ်ႊ​လၢတ်ႈ​ၼင်ႇ​ၼႆ​ဢေႃႈ။ ၵမ်း​ၼၼ်ႉ မၼ်း​ၸဝ်ႈ​မီး​ဢမိင်ႉ​တီႈ​တပႄး​ၸဝ်ႈ​တင်း​လၢႆ ႁႂ်ႈ​ၵူၼ်း​ၸိူဝ်း​ၼၼ်ႉ​ႁဵတ်း​ယေႈ​မုၵ်ႉ​ယေႈ​ႁႃႈ​သိပ်း​လႄႈ​ဢိင်​ယူႇ​ဢေႃႈ။-</verse>
				<verse number="15">ၶဝ်​ၼၼ်ႉ​ႁဵတ်း​ၸွမ်း​ၼင်ႇ​ဢမိင်ႉ​ၸဝ်ႈ​လႄႈ ႁႂ်ႈ​ၵူၼ်း​တင်း​သဵင်ႈ​တင်း​လူင်​ဢိင်​ယူႇ​ယဝ်ႉ​ၸင်ႇ၊-</verse>
				<verse number="16">မၼ်း​ၸဝ်ႈ​ဢဝ်​ၶဝ်ႈ​မုၼ်း​ႁႃႈ​ႁူၺ်ႇ​တင်း​ပႃ​သွင်​တူဝ် ႁႅၼ်​တူၺ်း​ၵႃႈ​ၼိူဝ်​ၵၢင်​ႁၢဝ်​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ဝိတ်း​ၶဝ်ႈ​မုၼ်း​လႄႈ​ပၼ်​တီႈ​တပႄး​ၸဝ်ႈ​တင်း​လၢႆ ႁႂ်ႈ​သႂ်ႇ​တမ်း​ပၼ်​ၵႃႈ​တီႈ​ၽၢႆႇ​ၼႃႈ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ဢေႃႈ။-</verse>
				<verse number="17">ၵူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၵိၼ်​လႄႈ​ဢိမ်ႇ​ယဝ်ႉ​ၸင်ႇ၊ ၵဵပ်း​သိမ်း​ဢဝ်​ဢၼ်​ၵိုတ်း​ဢၼ်​ႁၵ်း​ဢၼ်​ႁဵၵ်း​မၼ်း​လႄႈ လႆႈ​တဵမ်​သိပ်း​သွင်​ပဵတ်ႈ​ဢေႃႈ။</verse>
				<verse number="18">မိူဝ်ႈ​ဢၼ်​မၼ်း​ၸဝ်ႈ မီး​ယူႇ​လူၺ်ႈ​ၵၼ်​တင်း​တပႄး​ၸဝ်ႈ​တင်း​လၢႆ​လႄႈ သူး​တွင်း​ယူႇ​ၵႃႈ​တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​ၸိုင်၊ မၼ်း​ၸဝ်ႈ​ထၢမ်​တီႈ​ၶဝ်​ၼၼ်ႉ​လႄႈ​ဝႃႈ၊ ၵူၼ်း​တင်း​လၢႆ​ဝႃႈ၊​ၵဝ်​ၼႆႉ​ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">ၶဝ်​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၵမ်ႈ​ၽွင်ႈ​ဝႃႈ၊​ၸဝ်ႈ​ႁဝ်း​ပဵၼ်​ ယူဝ်းႁၢၼ်ႇ ဢၼ်​ပၼ်​ ပပ်ႉတီႉၸမ်ႇ ​ၼၼ်ႉ၊ ဝႃႈ​ၼင်ႇ​ၼႆ​ၶႃႈ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ၊ ပဵၼ်​ ဢေးလီႉယႃႉ ၊ ဝႃႈ​ၼင်ႇ​ၼႆ​ၶႃႈ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ၊ ပရေႃးၽႅတ်ႈ​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​သေ​ပႃး​ပႃး​လုၵ်ႉ​ၶိုၼ်း​မႃး​ယဝ်ႉ၊ ဝႃႈ​ၼင်ႇ​ၼႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မၼ်း​ၸဝ်ႈ​သမ်ႉ​ထၢမ်​ထႅင်ႈ​လႄႈ​ဝႃႈ၊ သူ​ၸိုင် ဝႃႈ​ၵဝ်​ၼႆႉ​ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပေႇတရူႉ ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၸဝ်ႈ​ၶရိၸ်ႈ လုၵ်ႈ​ၽြႃး​ပဵၼ်​ၸဝ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၼင်ႇ​ႁိုဝ်​တၵ်း​ဢမ်ႇ​မွၵ်ႇ​လၢတ်ႈ​လွင်ႈ​တီႈ​ႁဵင်း​ၼႆႉ​တီႈ​ၽူႈ​လႂ်​သေ​ၵေႃႉ​သေ​ၵူၼ်း​ၸိုင်၊ မၼ်း​ၸဝ်ႈ​ပိင်း​ၺၢပ်ႈ​ဝႆႉ​တီႈ​တပႄး​ၸဝ်ႈ​ၸိူဝ်း​ၼၼ်ႉ​ၼႃႇ​လူင်​လၢင်​လႄႈ၊-</verse>
				<verse number="22">သမ်ႉ​လၢတ်ႈ​လႄႈ​ဝႃႈ၊ လုၵ်ႈ​ၵူၼ်း​တၵ်း​လႆႈ​ၶၢမ်ႇ​ၼမ်​ၼႃႇ​လူင်​လၢင်​ဢေႃႈ။ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ​ၵႃႈ​ၼႂ်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်၊ ယိတ်ႈပရေႃးႁဵၵ်ႈ​လူင်​ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ​ဢေႃႈ။ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​ဢေႃႈ။ တၵ်း​လုၵ်ႉ​ၶိုၼ်း​လိပ်း​ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">လိူဝ်​သေ​ၼၼ်ႉ မၼ်း​ၸဝ်ႈ​လၢတ်ႈ​တီႈ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ​ၸမ်ႉ၊ ပေႃး​သေ​ၵေႃႉ​သေ​ၵူၼ်း​မီး​ဢလူဝ်ႇ​ၶႂ်ႈ​ၸပ်း​မႃး​ပႃႈ​လင်​ၵဝ်​ၸိုင်၊ ႁႂ်ႈ​မၼ်း​ပႄႇ​ပႅတ်ႈ​တူဝ်​ၸဝ်ႈ​ၵဝ်ႇ​သေ​လႄႈ ႁၢပ်ႇ​ဢဝ်​သဝ်​လၵ်း​ဝႃး​ၵၢပ်ႈ တူဝ်​ၸဝ်ႈ​ၵဝ်ႇ ၵူႈ​မိုဝ်ႉ​ၵူႈ​ဝၼ်း​လႄႈ​ၸွမ်း​ပႃႈ​လင်​ၵဝ်​တႃႉ။-</verse>
				<verse number="24">လွင်ႈ​မၼ်း​ၸမ်ႉ​ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မီး​ဢလူဝ်ႇ​ၶႂ်ႈ​ၵႄႇ​သႄႇ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ၊ ၵေႃႉ​ၼၼ်ႉ​တၵ်း​သုမ်း​ဢသၢၵ်ႈ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​သုမ်း​ဢသၢၵ်ႈ​ၵွပ်ႈ​ပိူဝ်ႈ​ၵဝ်​ၼၼ်ႉ၊ ၵေႃႉ​ၼၼ်ႉ​တၵ်း​ၵႄႇ​သႄႇ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="25">ၵေႃႉ​ဢၼ်​လႆႈ​ဢုပ်ႉ​ပိူင်ႇ​လေႃးၵႃႉ​ၼႆႉ​တင်း​သဵင်ႈ​တင်း​လူင်​လႄႈ တူဝ်​ၸဝ်ႈ​ၵဝ်ႇ​သုမ်း​ၼၼ်ႉ​တၵ်း​မီး​ၵျေး​ၸူး​ၵႃႈ​သင်။-</verse>
				<verse number="26">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢူၵ်း​ဢၢႆ​ၵွပ်ႈ​ပိူဝ်ႈ​ၵဝ် ဢိၵ်ႇ​တင်း​ၵွပ်ႈ​ပိူဝ်ႈ​ၵႂၢမ်း​ၵဝ်​ၼၼ်ႉ၊ ၵေႃႉ​ၼၼ်ႉ​ၸိုင်၊ လုၵ်ႈ​ၵူၼ်း​တၵ်း​ဢူၵ်း​ဢၢႆ မိူဝ်ႈ​ဢၼ်​ပႃး​တင်း​မုၼ်​ၽုင်း​တူဝ်​ၸဝ်ႈ​ၵဝ်ႇ၊ မုၼ်​ၽုင်း​ပေႃႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း​မုၼ်​ၽုင်း​တမၢၼ်ႇ​ၵၢင်​ႁၢဝ်​ဢၼ်​မူတ်း​ၸၢင်ႇ​တင်း​လၢႆ​ၸိူဝ်း​ၼၼ်ႉ​မႃး​ၼၼ်ႉ​ဢေႃႈ။-</verse>
				<verse number="27">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵူၼ်း​ၵမ်ႈ​ၽွင်ႈ​ဢၼ်​ၸုၵ်း​ယူႇ​ၵႃႈ​တီႈ​ၼႆႈ​ၼႆႉ၊ ၸူဝ်ႈ​ဢၼ်​ၶဝ်​ဢမ်ႇ​ပႆႇ​လႆႈ​ႁၼ်​မိူင်း​ၽြႃး​ပဵၼ်​ၸဝ်ႈ​ၼၼ်ႉ​ၸိုင်၊ တၵ်း​ဢမ်ႇ​လႆႈ​ႁွတ်ႈ​ထိုင်​တၢင်း​တၢႆ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">ဝၢႆး​သေ​မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼၼ်​ယဝ်ႉ​ၼၼ်ႉ မိူဝ်ႈ​ဢၼ်​ပူၼ်ႉ​ပႅတ်ႇ​ဝၼ်း​ၸမ်​ၸမ်​ၸိုင်၊ ယေႇသူႉ ​ႁွင်ႉ​ဢဝ်​ ပေႇတရူႉ၊ ယူဝ်းႁၢၼ်ႇ ​တင်း​ ယႃႇၵုပ်ႈ ​လႄႈ ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ႁႂ်ႈ​လႆႈ​သူး​တွင်း​ဢေႃႈ။-</verse>
				<verse number="29">ၼႂ်း​မိူဝ်ႈ​ဢၼ် မၼ်း​ၸဝ်ႈ​သူး​တွင်း​ယူႇ​ၼၼ်ႉ​ၸိုင်၊ ၼႃႈ​မၼ်း​ၸဝ်ႈ​မီး​ႁၢင်ႈ​ၽၢင်​ဢၼ်​လၢၵ်ႇ​လၢႆး​လႄႈ၊ ၶူဝ်း​ၼုင်ႈ​မၼ်း​ၸဝ်ႈ​ၵေႃႈ​ၽိူၵ်ႇ​ၶၢဝ်​လႄႈ​ႁိူဝ်ႈ​လႅင်း​ယူႇ​ဢေႃႈ။-</verse>
				<verse number="30">ၵူၼ်း​သွင်​ၵေႃႉ​ဢၼ်​ဝႃႈ မူဝ်းသေႇ ​တင်း ဢေးလီႉယႃႉ ပေႃႇ​မႃး​ဢိၵ်ႇ​လူၺ်ႈ​ၵၼ်​တင်း​မုၼ်​သရေႇ​သေ​ယဝ်ႉ၊-</verse>
				<verse number="31">တွင်ႈ​ထၢမ်​ၵၼ်​တင်း​မၼ်း​ၸဝ်ႈ​လႄႈ လၢတ်ႈ​လွင်ႈ​ဢၼ်​မၼ်း​ၸဝ်ႈ​ၸမ်​တၵ်း​လႆႈ​တၢႆ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ယူႇ​ဢေႃႈ။</verse>
				<verse number="32">ပေႇတရူႉ တင်း​ၶဝ်​ၸိူဝ်း​ဢၼ်​မီး​ယူႇ​လူၺ်ႈ​ၵၼ်​တင်း​မၼ်း​ၼၼ်ႉ မၢၵ်ႇ​တႃ​ၼၵ်း​ၼႃႇ​လႄႈ ငဝ်​ၼွၼ်း​ယူႇ​ဢေႃႈ။ မိူဝ်ႈ​ဢၼ်​တိုၼ်ႇ​ႁူႉ​တူဝ်​မႃး​ၸိုင်၊ ၶဝ်​လႆႈ​ႁၼ်​မုၼ်​သရေႇ​မၼ်း​ၸဝ်ႈ ဢိၵ်ႇ​တင်း​ၵူၼ်း​သွင်​ၵေႃႉ​ဢၼ်​ၸုၵ်း​ယူႇ​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="33">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ဢွၵ်ႇ​ၵႂႃႇ​သေ​ၵႃႈ​တီႈ​မၼ်း​ၸဝ်ႈ​ယူႇ​ၼၼ်ႉ​ၸိုင်၊ ပေႇတရူႉ ​ၵေႃႈ​လဝ်ႊ​လၢတ်ႈ​တီႈ​ ယေႇသူႉ ​လႄႈ​ဝႃႈ၊ ၸဝ်ႈ​ႁဝ်း၊ ၵႃႈ​တီႈ​ၼႆႈ​ပုၼ်ႈ​ဢၼ်​ႁဝ်း​ၶႃႈ​တၵ်း​ယူႇ​ၸိုင်​လီ​ၶႃႈ​ဢေႃႈ။ ႁႂ်ႈ​ႁဝ်း​ၶႃႈ​လႆႈ​ႁဵတ်း​သုမ်ႉ​သၢမ်​လင်၊ ပုၼ်ႈ​ၸဝ်ႈ​ႁဝ်း​လင်​ၼိုင်ႈ၊ ပုၼ်ႈ​ မူဝ်းသေႇ လင်​ၼိုင်ႈ၊ ပုၼ်ႈ​ ဢေးလီႉယႃႉ လင်​ၼိုင်ႈ​သေ​ၵမ်း​ၶႃႈ၊ ဝႃႈ​ၼႆ၊ ၵႂင်​ၵႂႃႇ​လႄႈ​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="34">ၼႂ်း​မိူဝ်ႈ​ဢၼ်​မၼ်း​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ၊ မွၵ်ႇ​ၵုမ်ႈ​မုင်း​ႁူမ်ႇ​ၶဝ်​လႄႈ ၶဝ်​ၵူဝ်​ႁႄ​တၢင်း​ဢၼ် မူဝ်းသေႇ ​ဢိၵ်ႇ​တင်း ဢေးလီႉယႃႉ ၶဝ်ႈ​ၵႂႃႇ​ၵႃႈ​ၼႂ်း​မွၵ်ႇ​ၵုမ်ႈ​ယူႇ​ၼၼ်ႉ​ဢေႃႈ။-</verse>
				<verse number="35">ၵမ်း​ၼၼ်ႉ သဵင်​ပဵၼ်​မႃး​ၵႃႈ​တီႈ​မွၵ်ႇ​ၵုမ်ႈ​ၼၼ်ႉ​လႄႈ​ဝႃႈ၊ ပဵၼ်​လုၵ်ႈ​ၵဝ်​ဢၼ်​ၵဝ်​လိူၵ်ႈ​ၵဵပ်း​ဢဝ်​ဢေႃႈ။ ထွမ်ႇ​ဢဝ်​ၵႂၢမ်း​မၼ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="36">မိူဝ်ႈ​ဢၼ်​သဵင်​ၸဝ်ႈ​ပဵၼ်​မႃး​ၼၼ်ႉ​ၵမ်း​လဵဝ်၊ ယေႇသူႉ ​မီး​ယူႇ​ပႃး​လဵဝ်​ၵူၺ်း​ဢေႃႈ။ ၶဝ်​ၼၼ်ႉ​ယူႇ​တဵတ်ႇ​တဵတ်ႇ​လႄႈ ၼႂ်း​မိူဝ်ႈ​ၶိင်ႇ​ဝၼ်း​ၼၼ်ႉ​ဢမ်ႇ​လၢတ်ႈ​လွင်ႈ​တၢင်း​ဢၼ်​ၶဝ်​လႆႈ​ႁၼ်​ၸိူဝ်း​ၼၼ်ႉ​သေ​ၸိူဝ်ႉ​သေ​ပိူင်​တီႈ​ၽူႈ​လႂ်​သေ​ၵေႃႉ​သေ​ၵူၼ်း။</verse>
				<verse number="37">ၼႂ်း​ဝၼ်း​မိူဝ်ႈ​ၽုၵ်ႈ မိူဝ်ႈ​ဢၼ်​ၶဝ်​လူင်း​သေ​ၵႃႈ​ၼိူဝ်​လွႆ​မႃး​ၼၼ်ႉ၊ ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ​မႃး​ႁပ်ႉ​ႁူဝ်​တၢင်း​မၼ်း​ၸဝ်ႈ​ဢေႃႈ။-</verse>
				<verse number="38">ၵူၼ်း​ဢၼ်​ပႃး​ၼႂ်း​ၶဝ်​ၸိူဝ်း​ဢၼ်​ၸူႉ​ဢၼ်​တုမ်​ၼၼ်ႉ ၵေႃႉ​ၼိုင်ႈ​ႁွင်ႉ​သႅၼ်ႇ​လႄႈ​လဝ်ႊ​ဝႃႈ၊ သြႃႇ​ၸဝ်ႈ၊ ၵဝ်​ၶႃႈ​တွင်း​ပၢၼ်ႇ ႁႂ်ႈ​ၸဝ်ႈ​ႁဝ်း​တူၺ်း​လုၵ်ႈ​ၸၢႆး​ၵဝ်​ၶႃႈ​ၶႃႈ​ဢေႃႈ။ တီႈ​ၵဝ်​ၶႃႈ​မီး​လုၵ်ႈ​ၸၢႆး​ၵေႃႉ​လဵဝ်​ၵူၺ်း​ၶႃႈ​ဢေႃႈ။-</verse>
				<verse number="39">ၽီ​တီႉ​ဢဝ်​မၼ်း​သေ​ယဝ်ႉ၊ မၼ်း​ၸၢင်ႈ​ႁွင်ႉ​သႅၼ်ႇ​ၵမ်း​လဵဝ်​လႄႈ ႁွတ်ႈ​တၢင်း​ဢၼ်​ၵႅၼ်ႇ​ၶႅင်​ၵႂႃႇ​တေႃႇ​ထိုင်​ႁွတ်ႈ​ထၼ်ႈ​ပေႃး​ပူၵ်ႇ​ဢွၵ်ႇ​ယူႇ​ၶႃႈ​ဢေႃႈ။ ၼိၵ်ႈ​ၸၢၵ်ႈ​ငႅၼ်း​သႄး​မၼ်း​ၼႃႇ​လူင်​လၢင်​ၸိူဝ်ႉ​ၼင်ႇ​ၼၼ်​ယဝ်ႉ​ၸင်ႇ၊ ၽီ​ၼၼ်ႉ​ဢွၵ်ႇ​ယၢပ်ႇ​ဢွၵ်ႇ​ယဵၼ်း​ၼႃႇ​ၶႃႈ​ဢေႃႈ။-</verse>
				<verse number="40">ပိၵ်ႉ​သမ်ႉ​ၵဝ်​ၶႃႈ​တွင်း​ပၢၼ်ႇ​တီႈ​တပႄး​ၸဝ်ႈ​တင်း​လၢႆ ႁႂ်ႈ​ၶဝ်​ႁေႃႈ​ၽီ​ႁၢႆႉ​ၼၼ်ႉ​ဢွၵ်ႇ​ပႅတ်ႈ​သေ​ၵေႃႈ၊ ၶဝ်​ဢမ်ႇ​တၢတ်ႈ​ၼိူင်ႇ​လႆႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ၵူၼ်း​မဵဝ်း​ဢၼ်​ဢမ်ႇ​မီး​တၢင်း​ဢၼ်​ယုမ်ႇ​မၢတ်ႈ​လႄႈ​ၸၢင်ႈ​ၶၢႆႉ​ပုတ်ႈ​ၼႆႉ​ဢိူၺ်း၊ ၵဝ်​တၵ်း​လႆႈ​ယူႇ​လူၺ်ႈ​ၵၼ်​တင်း​သူ​လၢႆ​ၶိင်ႇ​လၢႆ​မိူဝ်ႈ။ တၵ်း​လႆႈ​ယိူၼ်ႉ​ၶၢမ်ႇ​သူ​လၢႆ​ၶိင်ႇ​လၢႆ​မိူဝ်ႈ။ ဢဝ်​လုၵ်ႈ​ၸၢႆး​မႂ်း​ၼၼ်ႉ​မႃး​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="42">ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​မႃး​ယူႇ​ၼၼ်ႉ​ၸိုင်၊ ၽီ​ႁၢႆႉ​ၼၼ်ႉ​ႁႂ်ႈ​မၼ်း​လူမ်ႉ​ၵႃႈ​ၼိူဝ်​လိၼ်​လႄႈ ႁႂ်ႈ​ၵႅၼ်ႇ​ၶႅင်​ၵႂႃႇ​ဢေႃႈ။ ယေႇသူႉ သင်ႇ​သွၼ်​ပၼ်​ၽီ​ဢၼ်​ၵူဝ်ႈ​ၵိူၵ်ႇ​ၼၼ်ႉ​လႄႈ ႁႂ်ႈ​လုၵ်ႈ​ဢွၼ်ႇ​ၼၼ်ႉ​လႆႈ​ၵတ်း​ယဵၼ်​ၶျၢမ်း​သႃႇ​ယဝ်ႉ​ၸင်ႇ၊ ဢဝ်​မၼ်း​ဢၢပ်ႈ​ပၼ်​တီႈ​ပေႃႈ​မၼ်း​ဢေႃႈ။-</verse>
				<verse number="43">ၵူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ လႆႈ​ႁၼ်​မႁႃႇ​တၼ်း​ၶူဝ်း​ၽြႃး​ပဵၼ်​ၸဝ်ႈ​လႄႈ မီး​တၢင်း​ဢၼ်​ၵႂင်​ၸႂ်​ယုင်ႈ​ၸႂ် ၼႃႇ​လူင်​လၢင်​ယူႇ​ဢေႃႈ။ ၼႂ်း​မိူဝ်ႈ​ဢၼ်​ၵူၼ်း​တင်း​သဵင်ႈ​တင်း​လူင်​ဢၢမ်း​လွင်ႈ​တၢင်း​ဢၼ် ယေႇသူႉ ​ႁဵတ်း တင်း​သဵင်ႈ​တင်း​လူင်​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊-</verse>
				<verse number="44">သူ​ထွမ်ႇ​ၵႂၢမ်း​ၵဝ်​ၼႆႉ​လႄႈ​တွင်း​ဝႆႉ​တႃႉ။ လုၵ်ႈ​ၵူၼ်း​ၸမ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢၢပ်ႈ​ၵႃႈ​ၼႂ်း​မိုဝ်း​ၵူၼ်း​တင်း​လၢႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="45">ဢထိၵ်ႈပႄႇ​ၵႂၢမ်း​မၼ်း​ၸဝ်ႈ​ၼၼ်ႉ​ဢမ်ႇ​ပေႃႇ​ဢမ်ႇ​ဢွၵ်ႇ​လႄႈ သိူင်ႇ​ဝႆႉ​ဢမ်​ဝႆႉ​တီႈ​ၶဝ်​တေႃႇ​ထိုင်​ႁွတ်ႈ​ထၼ်ႈ​ပေႃး​ၶဝ်​ဢမ်ႇ​ႁူႉ​ဢမ်ႇ​ၸႅင်ႈ​ဢေႃႈ။ လွင်ႈ​ဢထိၵ်ႈပႄႇ​ၼၼ်ႉ​ၵေႃႈ ၶဝ်​ဢမ်ႇ​ႁတ်း​လဝ်ႊ​ႁတ်း​ထၢမ်။</verse>
				<verse number="46">မိူဝ်ႈ​ၼၼ်ႉ ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​လၢတ်ႈ​ၵၼ်​ထဵင်​ၵၼ်​လူၺ်ႈ​လွင်ႈ​ဢၼ်​ၵႃႈ​ၼႂ်း​ၶဝ်​ၼၼ်ႉ ၽူႈ​လႂ်​တၵ်း​ယႂ်ႇ​မျၢတ်ႈ​ၼႃႇ​သေ​ပိူၼ်ႈ​ၼၼ်ႉ​ယူႇ​ဢေႃႈ။-</verse>
				<verse number="47">ယေႇသူႉ ​ႁူႉ​ႁၼ်​တၢင်း​ၵျၢမ်ႇ​တၢင်း​ပွင်​ၶဝ်​ၼၼ်ႉ​သေ​ယဝ်ႉ၊ ဢဝ်​လုၵ်ႈ​ဢွၼ်ႇ​ၵေႃႉ​ၼိုင်ႈ​လႄႈ ဝႆႉ​ၵႃႈ​တီႈ​ႁိမ်း​မၼ်း​ၸဝ်ႈ​ယဝ်ႉ​ၸင်ႇ၊</verse>
				<verse number="48">လၢတ်ႈ​တီႈ​ၶဝ်​လႄႈ​ဝႃႈ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ ႁပ်ႉ​တုင်း​ဢဝ်​လုၵ်ႈ​ဢွၼ်ႇ​ၼႆႉ​ၼၼ်ႉ၊ ၵေႃႉ​ၼၼ်ႉ​ႁပ်ႉ​တုင်း​ဢဝ်​ၵဝ်​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁပ်ႉ​တုင်း​ဢဝ်​ၵဝ်​ၼၼ်ႉ​ၵေႃႈ၊ ၵေႃႉ​ၼၼ်ႉ​ႁပ်ႉ​တုင်း​ဢဝ် ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵေႃႉ​ဢၼ်​လဵၵ်ႉ​သေ​ပိူၼ်ႈ​ၵႃႈ​ၼႂ်း​သူ​ၼႆႉ​ၼၼ်ႉ ပဵၼ်​ၵေႃႉ​ဢၼ်​ယႂ်ႇ​မျၢတ်ႈ​သေ​ပိူၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="49">ယူဝ်းႁၢၼ်ႇ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊​ႁဝ်း​ၶႃႈ​လႆႈ​ထူပ်း​ၵူၼ်း​ဢၼ်​ဢိင်​ပိုင်ႈ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ ႁေႃႈ​ၽီ​ႁၢႆႉ​ဢွၵ်ႇ​ပႅတ်ႈ​ယူႇ​ၼၼ်ႉ​ၵေႃႉ​ၼိုင်ႈ​ၶႃႈ​ဢေႃႈ။ ပိူဝ်ႈ​ဢၼ်​မၼ်း​ဢမ်ႇ​ၸွမ်း​လူၺ်ႈ​ၵၼ်​တင်း​ႁဝ်း​ၶႃႈ​လႄႈ ႁဝ်း​ၶႃႈ​ႁႄႉ​ၶႅၼ်​မၼ်း​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="50">ယေႇသူႉ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ယႃႇ​ပေ​ႁႄႉ​ပေ​ၶႅၼ်။ ၵေႃႉ​ဢၼ်​ဢမ်ႇ​မီး​ၽၢႆႇ​ရၢၼ်ႇ​သူႇ​ၼၼ်ႉ မီး​ယူႇ​ၽၢႆႇ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="51">မၼ်း​ၸဝ်ႈ​ၼၼ်ႉ၊ မိူဝ်ႈ​ဢၼ်​ၸမ်​တၵ်း​ထိုင်​ႁွတ်ႈ​ၶိင်ႇ​ဢၼ်​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​ၶိုၼ်ႈ​ၵႂႃႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ၼၼ်ႉ​ၸိုင်၊ ဝၢႆႇ​ၼႃႈ​ႁႂ်ႈ​လႆႈ​ၵႂႃႇ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ သိုဝ်ႈ​သိုဝ်ႈ​ဢေႃႈ။-</verse>
				<verse number="52">မၼ်း​ၸဝ်ႈ​ပွႆႇ​ၸႂ်ႉ​ၵူၼ်း​ၵႂႃႇ​ဢွၼ်​တၢင်း​မၼ်း​ၸဝ်ႈ​လႄႈ ၶဝ်​ၼၼ်ႉ​ၵႂႃႇ​လႄႈ​ၶဝ်ႈ​ၵႃႈ​ၼႂ်း​ဝၢၼ်ႈ​ၵူၼ်း​ သမႃႇရီႉ ဝၢၼ်ႈ​ၼိုင်ႈ ႁႂ်ႈ​လႆႈ​မႄး​ႁႅၼ်း​ဝႆႉ​ပုၼ်ႈ​မၼ်း​ၸဝ်ႈ​ဢေႃႈ။-</verse>
				<verse number="53">ပိူဝ်ႈ​ဢၼ်​ၼႃႈ​မၼ်း​ၸဝ်ႈ​ဝၢႆႇ​ၵႂႃႇ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ သိုဝ်ႈ​သိုဝ်ႈ​ယူႇ​လႄႈ ၵူၼ်း​ဝၢၼ်ႈ​ၸိူဝ်း​ၼၼ်ႉ​ဢမ်ႇ​ႁပ်ႉ​တုင်း​ဢဝ်​မၼ်း​ၸဝ်ႈ။-</verse>
				<verse number="54">တပႄး​မၼ်း​ၸဝ်ႈ​ ယႃႇၵုပ်ႈ ​တင်း​ ယူဝ်းႁၢၼ်ႇ ​ၼၼ်ႉ ႁၼ်​လွင်ႈ​တၢင်း​ၼၼ်ႉ​သေ​ယဝ်ႉ၊ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၼင်ႇ​ႁိုဝ်​ႁဝ်း​ၶႃႈ​တၵ်း​လႆႈ​ႁႂ်ႈ​ၽႆး​တူၵ်း​သေ​ၵႃႈ​ၼိူဝ်​ၵၢင်​ႁၢဝ်​မႃး​လႄႈ မႆႈ​ၶဝ်​ၸိူဝ်း​ၼႆႉ မိူၼ်​ၸိူဝ်ႉ​ၼင်ႇ​ဢၼ် ဢေးလီႉယႃႉ ႁဵတ်း​ၼၼ်ႉ​ၸိုင်၊ ၸဝ်ႈ​ႁဝ်း​မီး​ဢလူဝ်ႇ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ၊-</verse>
				<verse number="55">ယေႇသူႉ ​ဝၢႆႇ​တူၺ်း​သေ​လႄႈ​သင်ႇ​သွၼ်​ပၼ်​လႄႈ​ဝႃႈ၊ သူ​ဢမ်ႇ​ႁူႉ​ၸႂ်​သၽေႃး​သူ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="56">ၵႂႃႇ​ၸူး​ၵႃႈ​တီႈ​ဝၢၼ်ႈ​တၢင်ႇ​တီႈ​ဢေႃႈ။</verse>
				<verse number="57">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ၵႂႃႇ​ၸွမ်း​တၢင်း​ယူႇ​ၼၼ်ႉ​ၸိုင်၊ ၵူၼ်း​ၵေႃႉ​ၼိုင်ႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵဝ်​ၶႃႈ​တၵ်း​ၸွမ်း​ၸဝ်ႈ​ႁဝ်း​ၵႂႃႇ ၵႃႈ​တီႈ​ၵႃႈ​ဢၼ်​ၸဝ်ႈ​ႁဝ်း​ၵႂႃႇ​ၵူႈ​တီႈ​ၵူႈ​လႅၼ်​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="58">ယေႇသူႉ ​ၵေႃႈ လၢတ်ႈ​တီႈ​မၼ်း​လႄႈ​ဝႃႈ၊ မႃ​လိၼ်​တင်း​လၢႆ​ယင်း​မီး​ႁူး​လိၼ်​ဢေႃႈ။ ၼူၵ်ႉ​ဢၼ်​မိၼ်​ၵႃႈ​ၼိူဝ်​ၵၢင်​ႁၢဝ်​တင်း​လၢႆ​ယင်း​မီး​ႁင်း​ဢေႃႈ။ လုၵ်ႈ​ၵူၼ်း​ၸမ်ႉ၊ တီႈ​ဢၼ်​တၵ်း​ဝၢင်း​ႁူဝ်​ၵေႃႈ၊​ဢမ်ႇ​မီး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="59">မၼ်း​ၸဝ်ႈ​လၢတ်ႈ​တီႈ​ၵူၼ်း​တၢင်ႇ​ၵေႃႉ​လႄႈ​ဝႃႈ၊ ၸွမ်း​ပႃႈ​လင်​ၵဝ်​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ။ ၸဝ်ႈ​ႁဝ်း၊ ၶႅၼ်း​တေႃႈ​ပၼ်​ဢၶႂၢင်ႉ​ႁႂ်ႈ​ၵဝ်​ၶႃႈ​လႆႈ​ၵႂႃႇ​လႄႈ သၢင်း​ၵျူဝ်ႇ​ပေႃႈ​ၵဝ်​ၶႃႈ ဢွၼ်​တၢင်း​လူး​ၵွၼ်ႇ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="60">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ႁႂ်ႈ​ၵူၼ်း​တၢႆ​တင်း​လၢႆ​သၢင်း​ၵျူဝ်ႇ​ၵူၼ်း​တၢႆ​ၶဝ်​တႃႉ။ မႂ်း​ၸမ်ႉ၊ ၵႂႃႇ​လႄႈ​မွၵ်ႇ​လၢတ်ႈ​လွင်ႈ​မိူင်း​ၽြႃး​ပဵၼ်​ၸဝ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="61">ပိူၼ်ႈ​တၢင်ႇ​ၵေႃႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵဝ်​ၶႃႈ​တၵ်း​ၸွမ်း​ပႃႈ​လင်​ၸဝ်ႈ​ႁဝ်း​ၶႃႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၶႅၼ်း​တေႃႈ​ပၼ်​ဢၶႂၢင်ႉ​ႁႂ်ႈ​ၵဝ်​ၶႃႈ​လႆႈ​ၵႂႃႇ​လႄႈ တၵ်ႉ​လၢတ်ႈ​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ယူႇ​ၵႃႈ​ၼႂ်း​ႁိူၼ်း​ၵဝ်​ၶႃႈ​ၼၼ်ႉ​ဢွၼ်​တၢင်း​လူး​ၵွၼ်ႇ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="62">ယေႇသူႉ ​ၵေႃႈ လၢတ်ႈ​တီႈ​မၼ်း​လႄႈ​ဝႃႈ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ယိပ်း​ၵၼ်း​ထိူၼ်ႇ​ယူႇ​လႄႈ ဝၢႆႇ​တူၺ်း​တၢင်း​လင်​ၼၼ်ႉ​ၸမ်ႉ၊ ၵေႃႉ​ၼၼ်ႉ​ဢမ်ႇ​ထိူၵ်ႈ​ဢမ်ႇ​တၢၼ်ႇ​ၵၼ်​တင်း​မိူင်း​ၽြႃး​ပဵၼ်​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="10">
				<verse number="1">လိုၼ်း​ၼၼ်ႉ ၸဝ်ႈ​ၽြႃး​ၶၢၼ်း​ဝႆႉ​တပႄး​ၸဝ်ႈ​တၢင်ႇ​ၵေႃႉ​ၸဵတ်း​သိပ်း​ၵေႃႉ​လႄႈ ပွႆႇ​ၸႂ်ႉ​သွင်​ၵေႃႉ​ယေႈ​ၸိူဝ်း သွင်​ၵေႃႉ​ယေႈ​ၸိူဝ်း ၵႂႃႇ​ဢွၼ်​တၢင်း​မၼ်း​ၸဝ်ႈ​ၸူး​ၵႃႈ​တီႈ​ဝၢၼ်ႈ​ဝဵင်း​ၸိူဝ်း​ဢၼ်​မၼ်း​ၸဝ်ႈ​တၵ်း​ၵႂႃႇ​ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။-</verse>
				<verse number="2">မၼ်း​ၸဝ်ႈ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ​ၸမ်ႉ၊ ၶဝ်ႈ​ဢၼ်​လီ​ပၢတ်ႇ​မီး​ၼမ်​ၼႃႇ​ဢေႃႈ။ ၵူၼ်း​ၸိူဝ်း​ဢၼ်​ပၢတ်ႇ​မီး​ၵေႇ​ဢေႃႈ။ ပိူဝ်ႈ​ၼႆ​လႄႈ ၼင်ႇ​ႁိုဝ်​တၵ်း​ပွႆႇ​ၸႂ်ႉ​ၵူၼ်း​ၸိူဝ်း​ဢၼ်​တၵ်း​ပၢတ်ႇ​ၼၼ်ႉ​မႃး​ပုၼ်ႈ​ဢၼ်​တၵ်း​လႆႈ​ပၢတ်ႇ​ၶဝ်ႈ​ၸိုင်၊ သူး​တွင်း​ယွၼ်း​တီႈ​ၸဝ်ႈ​ၶဝ်ႈ​တႃႉ။-</verse>
				<verse number="3">ၵႂႃႇ​ၸွမ်း​တၢင်း​သူ​ၼၼ်ႉ​တႃႉ။ ၵဝ်​ပွႆႇ​ၸႂ်ႉ​သူ​ၵႂႃႇ​ၸိူဝ်ႉ​ၼင်ႇ​ဢၼ်​ပွႆႇ​ၸႂ်ႉ​သူဝ်း​ၵႂႃႇ​ၵႃႈ​ၼႂ်း​ၽုင်​မႃ​ထိူၼ်ႇ​ၼၼ်ႉ​ဢေႃႈ။-</verse>
				<verse number="4">ယႃႇ​ပေ​ပႃး​ထူင်​ငိုၼ်း ထူင်​ပႃး ၶႅပ်း​တိၼ်။ ၼႂ်း​မိူဝ်ႈ​ဢၼ်​ယင်း​တိုၵ်ႉ​ၵႂႃႇ​ၸွမ်း​တၢင်း​ယူႇ​ၼၼ်ႉ​ၸိုင်၊ ယႃႇ​ပေ​တၵ်ႉ​လၢတ်ႈ​ၽူႈ​လႂ်​သေ​ၵေႃႉ။-</verse>
				<verse number="5">မိူဝ်ႈ​ဢၼ်​ၶဝ်ႈ​ၵႃႈ​ၼႂ်း​ႁိူၼ်း​လႂ်​သေ​ဢမ်ႇ​ဝႃႈ၊ လၢတ်ႈ​ဢွၼ်​တၢင်း​လႄႈ​ဝႃႈ၊ ႁႂ်ႈ​ၵႃႈ​တီႈ​ႁိူၼ်း​ၼၼ်ႉ​မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​တႃႉ။-</verse>
				<verse number="6">ပေႃး​မီး​ၵူၼ်း​မင်ႇၵလႃႇ​ၵႃႈ​တီႈ​ႁိူၼ်း​ၼၼ်ႉ​ၸိုင်၊ မင်ႇၵလႃႇ​ဢၼ်​သူ​ဝႃႈ​ၼၼ်ႉ​တၵ်း​တႄႇ​ယူႇ​ဢေႃႈ။ ဢမ်ႇ​ၼၼ်​ၵေႃႈ တၵ်း​ၶိုၼ်း​မႃး​တီႈ​သူ​ဢေႃႈ။-</verse>
				<verse number="7">ယူႇ​ၵႃႈ​ၼႂ်း​ႁိူၼ်း​ၼၼ်ႉ​သေ​လႄႈ ၵိၼ်​တၢင်း​ၵိၼ်​တၢင်း​ၶူပ်း​ဢၼ်​လႆႈ​ၼၼ်ႉ​တႃႉ။ လွင်ႈ​မၼ်း​ၸမ်ႉ ၵေႃႉ​ဢၼ်​ႁဵတ်း​တၢင်း​ႁဵတ်း​ၼၼ်ႉ​ထိူၵ်ႈ​ၶၢမ်ႇ​ဢဝ်​ၵႃႈ​မၼ်း​ၶၼ်​မၼ်း​ဢေႃႈ။ ယႃႇ​ပေ​လႄႇ​ၵႂႃႇ​ႁိူၼ်း​ၼိုင်ႈ​ယဝ်ႉ​ႁိူၼ်း​ၼိုင်ႈ။-</verse>
				<verse number="8">သူ​ၶဝ်ႈ​ၵႃႈ​ၼႂ်း​ဝဵင်း​လႂ်​သေ​ဢမ်ႇ​ဝႃႈ​လႄႈ ၵူၼ်း​ဝဵင်း​ၼၼ်ႉ​ႁပ်ႉ​တုင်း​ဢဝ်​သူ​ၸိုင်၊ ၵႃႈ​ၼႂ်း​ဝဵင်း​ၼၼ်ႉ၊ ၵိၼ်​တၢင်း​ၵိၼ်​ၵႃႈ​ဢၼ်​ၶဝ်​သႂ်ႇ​တမ်း​ပၼ်​ၵႃႈ​တီႈ​ၽၢႆႇ​ၼႃႈ​သူ​ၼၼ်ႉ​တႃႉ။-</verse>
				<verse number="9">ပၼ်​ၵတ်း​ယဵၼ်​ၶျၢမ်း​သႃႇ​တီႈ​ၵူၼ်း​ပဵၼ်​တင်း​လၢႆ​ဢၼ်​မီး​ၼႂ်း​တီႈ​ၼၼ်ႈ​ၼၼ်ႉ​တႃႉ။ မိူင်း​ၽြႃး​ပဵၼ်​ၸဝ်ႈ​ႁွတ်ႈ​မႃး​ႁိမ်း​သူ​ယဝ်ႉ၊ ဝႃႈ​ၼႆ​၊ မွၵ်ႇ​လၢတ်ႈ​တီႈ​ၶဝ်​ၼၼ်ႉ​တႃႉ။-</verse>
				<verse number="10">သူ​ၶဝ်ႈ​ၵႃႈ​ၼႂ်း​ဝဵင်း​လႂ်​သေ​ဢမ်ႇ​ဝႃႈ​လႄႈ ၵူၼ်း​ဝဵင်း​ၼၼ်ႉ​ဢမ်ႇ​ႁပ်ႉ​တုင်း​ဢဝ်​သူ​ၸိုင်၊ ဢွၵ်ႇ​ၵႂႃႇ​ၸူး​ၵႃႈ​ၼႂ်း​သဵၼ်ႈ​တၢင်း​ဝဵင်း​ၸိူဝ်း​ၼၼ်ႉ​ယဝ်ႉ​ၸင်ႇ၊ လၢတ်ႈ​လႄႈ​ဝႃႈ၊ ႁဝ်း​သၼ်ႇ​ပႅတ်ႈ​မုၼ်ႈ​လိၼ်​ဝဵင်း​သူ​ဢၼ်​ၸပ်း​ၵႃႈ​တီႈ​တိၼ်​ႁဝ်း​ၼႆႉ​ဢေႃႈ။-</verse>
				<verse number="11">ၼႂ်း​ဝႃႈ​ၼၼ်​သေ​ၵေႃႈ လွင်ႈ​ဢၼ်​မိူင်း​ၽြႃး​ပဵၼ်​ၸဝ်ႈ​ႁွတ်ႈ​မႃး​ႁိမ်း​သူ​ၸိုင် ႁူႉ​တႃႉ​ဝႃႈ​ၼႆ၊ လၢတ်ႈ​တီႈ​ၶဝ်​ၼၼ်ႉ​တႃႉ။-</verse>
				<verse number="12">ၵဝ်​ဝႃႈ​တီႈ​သူ​ၸမ်ႉ၊ ၼႂ်း​ဝၼ်း​ဢၼ်​သုတ်း​ပုၼ်ႉ​ၼၼ်ႉ၊ ဝဵင်း​ၼၼ်ႉ​ယဵင်ႈ​ၶႅၼ်း​တၵ်း​လႆႈ​ၶၢမ်ႇ​ၼႃႇ​သေ​ဝဵင်း​ သေႃးတုမ်ႇ ​ဢေႃႈ။</verse>
				<verse number="13">ဝဵင်း​ ၶေႃးရၸႅၼ်ႇ ​ဢိူၺ်း၊ မႂ်း​မီး​ဢႃႉ​မင်ႇၵလႃႇ​ဢေႃႈ။ ဝဵင်း​ ပႅတ်ႉၸေးတႃႉ ​ဢိူၺ်း၊ မႂ်း​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ တၼ်း​ၶူဝ်း​တင်း​လၢႆ​ဢၼ်​ၼႄ​ပျႃး​ၼႂ်း​သူ​ၼႆႉ၊ သင်​ယၢမ်ႈ​လႆႈ​ၼႄ​ပျႃး​ၵႃႈ​ၼႂ်း​ဝဵင်း​ တူႉရူႉ ​တင်း​ဝဵင်း​ ၸီႉတုမ်ႇ ​ၸိုင်၊ ဝဵင်း​ၸိူဝ်း​ၼၼ်ႉ​တၵ်း​ၼုင်ႈ​ၼင်ႇ​ပေႃ​လႄႈ ၼင်ႈ​ၵႃႈ​ၼႂ်း​တဝ်ႈ​ယူႇ​သေ​လႄႈ ၶုၵ်း​ၸႂ်​လႆႈ​မႆႈ​ၸႂ် မိူဝ်ႈ​ၵႃႇလႃႉ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="14">ဝၼ်း​ဢၼ်​ၸီႇ​ယၢင်ႇ​တြႃး​ၼၼ်ႉ၊ သူ​ယဵင်ႈ​ၶႅၼ်း​တၵ်း​လႆႈ​ၶၢမ်ႇ​ၼႃႇ​သေ​ဝဵင်း​ တူႉရူႉ တင်း​ဝဵင်း​ ၸီႉတုမ်ႇ ​ၼၼ်ႉ​ဢေႃႈ။-</verse>
				<verse number="15">ဝဵင်း​ ၵပိူဝ်ႇၼေႇဢုမ်ႇ ​ဢိူၺ်း၊ မႂ်း​ၼႆႉ​ပိၵ်ႉ​သမ်ႉ​လႆႈ​ၶၢမ်ႇ​တၢင်း​ဢၼ်​ယုၵ်ႉ​ယွင်ႈ​တေႃႇ​ထိုင်​ႁွတ်ႈ​ၼိူဝ်​ၽႃႉ​ၵၢင်​ႁၢဝ်​သေ​ၵေႃႈ၊ တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​တေႃႇ​ထိုင်​ႁွတ်ႈ​မိူင်း​ မရၼႃႉ ပုၼ်ႉ​ဢေႃႈ။-</verse>
				<verse number="16">ၵေႃႉ​ဢၼ်​ထွမ်ႇ​ဢဝ်​ၵႂၢမ်း​သူ​ၼၼ်ႉ ထွမ်ႇ​ဢဝ်​ၵႂၢမ်း​ၵဝ်​ဢေႃႈ။ ၵေႃႉ​ဢၼ်​ပႄႇ​ပႅတ်ႈ​သူ​ၼၼ်ႉ ပႄႇ​ပႅတ်ႈ​ၵဝ်​ဢေႃႈ။ ၵေႃႉ​ဢၼ်​ပႄႇ​ပႅတ်ႈ​ၵဝ်​ၼၼ်ႉ ပႄႇ​ပႅတ်ႈ​ၸဝ်ႈ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">တပႄး​ၸဝ်ႈ​ၸဵတ်း​သိပ်း​ၵေႃႉ​ၼၼ်ႉ မီး​ၸႂ်​ဢၼ်​သိူဝ်း​ပျေႃႇ​ၶိုၼ်း​မႃး​လႄႈ​လဝ်ႊ​လၢတ်ႈ​ဝႃႈ၊ ၸဝ်ႈ​ႁဝ်း၊ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​လႄႈ ႁဝ်း​ၶႃႈ​လႆႈ​ပႄႉ​လႆႈ​ၼႅင်ႇ​ၽီ​ႁၢႆႉ​တင်း​လၢႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">မၼ်း​ၸဝ်ႈ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ႁၼ်​ ၸႃႇတၢၼ်ႇ ​တူၵ်း​သေ​ၵႃႈ​ၼိူဝ်​ၵၢင်​ႁၢဝ်​မႃး မိူၼ်​ၸိူဝ်ႉ​ၼင်ႇ​ၽႃႉ​မႅပ်ႈ​ၼၼ်ႉ​ယဝ်ႉ။-</verse>
				<verse number="19">ၵဝ်​ပၼ်​ဢၶႂၢင်ႉ​ဢၼ်​သူ​ယိပ်း​ၵမ်​ငူး​လႂ်၊ မႅင်း​ငေႃး​လႂ်​လႆႈ ဢိၵ်ႇ​တင်း​တၼ်း​ၶူဝ်း​ဢၼ်​ပႄႉ​ၼႅင်ႇ​ရၢၼ်ႇ​သူႇ​လႆႈ​ၼၼ်ႉ​တီႈ​သူ​ယဝ်ႉ။ ၽေး​ဢၼ်​လႂ်​တၵ်း​ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​သူ။-</verse>
				<verse number="20">ၼႂ်း​ဝႃႈ​ၼၼ်​သေ​ၵေႃႈ ၵွပ်ႈ​ပိူဝ်ႈ​ဢၼ်​ပႄႉ​ၼႅင်ႇ​ၽီ​ႁၢႆႉ​လႆႈ​ၼၼ်ႉ​လႄႈ ယႃႇ​ပေ​မီး​တၢင်း​ဢၼ်​သိူဝ်း​ပျေႃႇ။ မီး​တၢင်း​ဢၼ်​သိူဝ်း​ပျေႃႇ​လူၺ်ႈ​လွင်ႈ​ဢၼ်​ၸိုဝ်ႈ​သဵင်​သူ တႅမ်ႈ​သႂ်ႇ​ဝႆႉ​ၵႃႈ​ၼႂ်း​ၸရၢင်း​ၵၢင်​ႁၢဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">မိူဝ်ႈ​ၼၼ်ႉ မၼ်း​ၸဝ်ႈ​မီး​တင်း​ၸႂ်​ဢၼ်​သိူဝ်း​ၸူမ်း​လႄႈ​ဝႃႈ၊ ဢူဝ်း​ပေႃႈ​ၸဝ်ႈ​ၵၢင်​ႁၢဝ်​တင်း​လိၼ်​မိူင်း​တီႈ​ၶႃႈ၊ လွင်ႈ​တၢင်း​ၸိူဝ်း​ၼႆႉ​ၸိုင်၊ ပိူဝ်ႈ​ဢၼ်​ၸဝ်ႈ​ႁဝ်း​သိူင်ႇ​ဝႆႉ​လပ်ႉ​ဝႆႉ​တီႈ​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​တၢင်း​လၵ်း​တၢင်း​လႅမ်​တင်း​လၢႆ​ၼၼ်ႉ​သေ​ယဝ်ႉ ၽုၺ်ႇ​ဢွၵ်ႇ​ၼႄ​ပျႃး​တီႈ​လုၵ်ႈ​ဢွၼ်ႇ​တင်း​လၢႆ​ၵူၺ်း​လႄႈ ၵဝ်​ၶႃႈ​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း​တီႈ​ၶႃႈ​ဢေႃႈ။ ပိူဝ်ႈ​ဢၼ်​ၸဝ်ႈ​ႁဝ်း​မီး​ဢလူဝ်ႇ​ၸိူဝ်ႉ​ၼင်ႇ​ၼၼ်​လႄႈ ၸႂ်ႈ​တီႈ​ၶႃႈ​ယဝ်ႉ​ပေႃႈ။-</verse>
				<verse number="22">ၸဝ်ႈ​ပေႃႈ​ၵဝ်​ၼၼ်ႉ​ဢဝ်​ၵႃႈ​ဢၼ်​မီး​တင်း​သဵင်ႈ​တင်း​လူင် ဢၢပ်ႈ​ပၼ်​တီႈ​ၵဝ်​ယဝ်ႉ။ လုၵ်ႈ​ၸဝ်ႈ​ၸမ်ႉ၊ ပဵၼ်​ၽူႈ​လႂ်​ဝႃႈ​ၼႆ၊ လိူဝ်​သေ​ပေႃႈ​ၸဝ်ႈ​ၵူၺ်း​ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ႁူႉ။ ပေႃႈ​ၸဝ်ႈ​ၸမ်ႉ၊ ပဵၼ်​ၽူႈ​လႂ်​ဝႃႈ​ၼႆ၊ လိူဝ်​သေ​လုၵ်ႈ​ၸဝ်ႈ​ဢိၵ်ႇ​တင်း​ၵေႃႉ​ဢၼ်​လုၵ်ႈ​ၸဝ်ႈ​ၶႂ်ႈ​ႁႂ်ႈ​လႅင်း​ၼၼ်ႉ​ၵူၺ်း ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ႁူႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">မိူဝ်ႈ​ၼၼ်ႉ မၼ်း​ၸဝ်ႈ​ဝၢႆႇ​တူၺ်း​တီႈ​တပႄး​ၸဝ်ႈ​တင်း​လၢႆ​သေ​လႄႈ တဵတ်ႇ​တဵတ်ႇ​လၢတ်ႈ​ပၼ်​လႄႈ​ဝႃႈ၊ မၢၵ်ႇ​တႃ​ဢၼ်​ႁၼ်​ၵႃႈ​ဢၼ်​သူ​လႆႈ​ႁၼ်​တင်း​သဵင်ႈ​တင်း​လူင်​ၸိူဝ်း​ၼႆႉ​ၼၼ်ႉ​မီး​မင်ႇၵလႃႇ​ဢေႃႈ။-</verse>
				<verse number="24">ၵဝ်​ဝႃႈ​တီႈ​သူ​ၸမ်ႉ၊ လွင်ႈ​ဢၼ်​သူ​လႆႈ​ႁၼ်​ၸိူဝ်း​ၼႆႉ​ၸိုင်၊ ပိၵ်ႉ​သမ်ႉ​ပရေႃးၽႅတ်ႈ​ဢိၵ်ႇ​တင်း​ၶုၼ်​ႁေႃ​ၶမ်း​တင်း​လၢႆ မီး​ဢလူဝ်ႇ​ၶႂ်ႈ​ႁၼ်​သေ​ၵေႃႈ၊ ဢမ်ႇ​လႆႈ​ႁၼ်။ လွင်ႈ​တၢင်း​ဢၼ်​သူ​လႆႈ​ငိၼ်း​ၸိူဝ်း​ၼႆႉ​ၸိုင်၊ ပိၵ်ႉ​သမ်ႉ​ၶဝ်​မီး​ဢလူဝ်ႇ​ၶႂ်ႈ​ငိၼ်း​သေ​ၵေႃႈ၊ ဢမ်ႇ​လႆႈ​ငိၼ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">မိူဝ်ႈ​ၼၼ်ႉ ၵူၼ်း​မေႃ​ၵျၢမ်း​ၵေႃႉ​ၼိုင်ႈ​လုၵ်ႉ​သေ​လႄႈ၊ ၼင်ႇ​ႁိုဝ်​တၵ်း​လႆႈ​ၸၢမ်း​တူၺ်း​ယႃႉ​ယူၵ်ႉ​မၼ်း​ၸဝ်ႈ​ၸိုင်၊ လဝ်ႊ​ထၢမ်​လႄႈ​ဝႃႈ၊ ၵဝ်​ၶႃႈ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ႁႂ်ႈ​လႆႈ​ၶၢမ်ႇ​ဢမူၺ်ႇ​ထႃႇဝရႃႉ​ဢသၢၵ်ႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="26">မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ ၼႂ်း​ၵျၢမ်း​ပိင်း​ၺၢပ်ႈ​တီႉ​မႃး​ၸိူဝ်ႉ​ၼင်ႇ​ႁိုဝ်။ မႂ်း​ၽတ်း​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ယဝ်ႉ​ၸင်ႇ၊-</verse>
				<verse number="27">ၵေႃႉ​ၼၼ်ႉ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​မႂ်း​ထႃႇဝရႃႉ​ၽြႃး​ၸိုင်၊ ပႃး​တင်း​ၸႂ်​သဵင်ႈ​သဵင်ႈ၊ တင်း​ႁူဝ်​ၸႂ်​သဵင်ႈ​သဵင်ႈ၊ တင်း​ၵႃႈ​ဢၼ်​ၵတ်ႉ​ဢၼ်​ၶၼ်​သဵင်ႈ​သဵင်ႈ၊ တင်း​ၺၢၼ်ႇ​ၵႃႈ​ဢၼ်​မီး​တင်း​သဵင်ႈ​တင်း​လူင်​သေ​လႄႈ​ႁၵ်ႉ​တႃႉ။ ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ​ၸိုင်၊ ႁၵ်ႉ​မိူၼ်​ၸိူဝ်ႉ​ၼင်ႇ​တူဝ်​ၸဝ်ႈ​ၵဝ်ႇ​တႃႉ၊ မီး​မႃး​ၼင်ႇ​ၼႆ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵႂၢမ်း​မႂ်း​ၼႆႉ​ၸႂ်ႈ​တႄႉ​တႄႉ​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼႆ​ၸိုင်၊ တၵ်း​လႆႈ​ဢသၢၵ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ၵေႃႉ​ၼၼ်ႉ​ၵေႃႈ မီး​ၸႂ်​ဢၼ်​ၶႂ်ႈ​ႁဵတ်း​ၸိူဝ်ႉ​ၼင်ႇ​ႁၢင်ႈ ဢၼ်​တူဝ်​ၸဝ်ႈ​ၵဝ်ႇ​ဢမ်ႇ​မီး​ဢပႅတ်ႈ​ၼၼ်ႉ​လႄႈ ၶိုၼ်း​လဝ်ႊ​လၢတ်ႈ​တီႈ​ ယေႇသူႉ ​လႄႈ​ဝႃႈ၊ ၽူႈ​လႂ်​ပဵၼ်​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​ၵဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵူၼ်း​ၵေႃႉ​ၼိုင်ႈ လုၵ်ႉ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ၵႂႃႇ​ၵႃႈ​တီႈ​ဝဵင်း​ ယေႇရီႉၶူဝ်း ​လႄႈ​ထူပ်း​ၸူၼ်​ဢေႃႈ။ ၶဝ်​ၼၼ်ႉ​ထွတ်ႇ​ဢဝ်​ၶူဝ်း​ၼုင်ႈ​ၵေႃႉ​ၼၼ်ႉ​သေ​လႄႈ ပေႃႉ​ယႅၼ်ႉ​ၸဵပ်း​ၼႃႇ​လူင်​လၢင်​ယဝ်ႉ​ၸင်ႇ၊ မိူဝ်ႈ​ဢၼ်​မၼ်း​ႁၢမ်ႉ​တၵ်း​တၢႆ​ၸိုင်၊ ပႅတ်ႈ​ဝႆႉ​လႄႈ​ၵႂႃႇ​သေ​ဢေႃႈ။-</verse>
				<verse number="31">ယိတ်ႈပရေႃးႁဵၵ်ႈ​ၵေႃႉ​ၼိုင်ႈ ယင်း​ဢမ်ႇ​ႁူႉ​ဢမ်ႇ​ႁၼ်​လွင်ႈ​တၢင်း​ၼၼ်ႉ​ၸွမ်း​သဵၼ်ႈ​တၢင်း​ၼၼ်ႉ​ၵႂႃႇ​လႄႈ ထူပ်း​ႁၼ်​ၵေႃႉ​ၼၼ်ႉ​သေ​ယဝ်ႉ၊ ဝႄႈ​ပႅတ်ႈ​လႄႈ​ၵႂႃႇ​သေ​ဢေႃႈ။-</verse>
				<verse number="32">မိူၼ်​ၼင်ႇ​ၼၼ် ၵူၼ်း​ လေႇဝီႉ ၵေႃႉ​ၼိုင်ႈ မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​ၼၼ်ႈ​ၼၼ်ႉ​ၸိုင်၊ မႃး​ထူပ်း​ႁၼ်​ၵေႃႉ​ၼၼ်ႉ​သေ​ယဝ်ႉ၊ ဝႄႈ​ပႅတ်ႈ​လႄႈ​ၵႂႃႇ​သေ​ဢေႃႈ။</verse>
				<verse number="33">ၵူၼ်း​ သမႃႇရီႉ ​ၵေႃႉ​ၼိုင်ႈ ၼႂ်း​မိူဝ်ႈ​ဢၼ်​ၸွမ်း​တၢင်း​ၵႂႃႇ​ယူႇ​ၼၼ်ႉ၊ ႁွတ်ႈ​ထိုင်​ၵႃႈ​တီႈ​ဢၼ်​ၵေႃႉ​ၼၼ်ႉ​မီး​ၼၼ်ႉ​လႄႈ မိူဝ်ႈ​ဢၼ်​ထူပ်း​ႁၼ်​မၼ်း​ၸိုင်၊ မီး​တင်း​ၸႂ်​ဢၼ်​ဢဵတ်း​လူ​လႄႈ၊-</verse>
				<verse number="34">သုတ်ႉ​ၸပ်း​သုတ်ႉ​ၸူး​တီႈ​မၼ်း​သေ​ယဝ်ႉ၊ ဢဝ်​ၼမ်ႉ​မၼ်း​တင်း​ၼမ်ႉ​ၸပိတ်ႈ ထွၵ်ႇ​သႂ်ႇ​ၵႃႈ​တီႈ​တၢင်း​ၸဵပ်း​မၼ်း​ၸိူဝ်း​ၼၼ်ႉ​လႄႈ​ဢဝ်​ၶူဝ်း​လဵင်း​ပူၵ်ႉ​ႁေႃႇ​ယဝ်ႉ​ၸင်ႇ၊ ဢဝ်​တၢင်ႇ​ၵႃႈ​ၼိူဝ်​တရိၵ်ႈသၢၼ်ႇ​မၼ်း​လႄႈ ၵႂႃႇ​သူင်ႇ​ၵႃႈ​တီႈ​ႁိူၼ်း​ဢၼ်​ၶႅၵ်ႇ​ယူႇ​ၼၼ်ႉ​ဢေႃႈ။-</verse>
				<verse number="35">ဝၼ်း​မိူဝ်ႈ​ၽုၵ်ႈ၊ မိူဝ်ႈ​ဢၼ်​မၼ်း​ဢွၵ်ႇ​ၵႂႃႇ​ၼၼ်ႉ၊ မၼ်း​ဢဝ်​ တေႇၼႃႇရီႇ ​သွင်​ၶႅပ်း​ဢွၵ်ႇ​လႄႈ​ပၼ်​တီႈ​ၸဝ်ႈ​ႁိူၼ်း​ၼၼ်ႉ​သေ​လႄႈ လၢတ်ႈ​ဝႃႈ၊ ပႂ်ႉ​လူ​ပႂ်ႉ​တူၺ်း​ၵေႃႉ​ၼႆႉ​သေ​ၵမ်း​ၶႃႈ၊ ၵႃႈ​ဢၼ်​သဵင်ႈ​ၼၼ်ႉ​ၸိုင်၊ မိူဝ်ႈ​ဢၼ်​ၵဝ်​ၶႃႈ​ၶိုၼ်း​မႃး​ၼၼ်ႉ၊ ၵဝ်​ၶႃႈ​တၵ်း​တႅၼ်း​ပၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">မႂ်း​ထၢင်ႇ​ၸိူဝ်ႉ​ၼင်ႇ​ႁိုဝ်။ ၼႂ်း​ၶဝ်​သၢမ်​ၵေႃႉ​ၼၼ်ႉ၊ ၽူႈ​လႂ်​ပဵၼ်​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​ၵေႃႉ​ဢၼ်​တူၵ်း​ၼႂ်း​မိုဝ်း​ၸူၼ်​ၼၼ်ႉ၊ မိူဝ်ႈ​ဢၼ်​မၼ်း​ၸဝ်ႈ​ထၢမ်၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="37">ၵူၼ်း​မေႃ​ၵျၢမ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ပဵၼ်​ၵေႃႉ​ဢၼ်​ဢဵတ်း​လူ​ၵူၼ်း​ၸဵပ်း​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ ယေႇသူႉ ၵေႃႈ​လၢတ်ႈ​လႄႈ​ဝႃႈ၊ မႂ်း​ၵႂႃႇ​လႄႈ ႁဵတ်း​ၸိူဝ်ႉ​ၼင်ႇ​ၼၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="38">ၼႂ်း​မိူဝ်ႈ​ဢၼ်​ၶဝ်​ၸွမ်း​တၢင်း​ၵႂႃႇ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ၶဝ်ႈ​ၵႂႃႇ​ၵႃႈ​ၼႂ်း​ဝၢၼ်ႈ​ဝၢၼ်ႈ​ၼိုင်ႈ​လႄႈ မႄႈ​ယိင်း​ၵေႃႉ​ၼိုင်ႈ​ဢၼ်​လႆႈ​ၸိုဝ်ႈ​ မႃႇထႃႉ ​ၼၼ်ႉ ႁပ်ႉ​တုင်း​ဢဝ်​မၼ်း​ၸဝ်ႈ​သေ​လႄႈ​ၶၢမ်ႇ​ၶႅၵ်ႇ​ၵႃႈ​ၼႂ်း​ႁိူၼ်း​မၼ်း​ဢေႃႈ။-</verse>
				<verse number="39">တီႈ​မႄႈ​ယိင်း​ၼၼ်ႉ​မီး​ၼွင်ႉ​ယိင်း​ၵေႃႉ​ၼိုင်ႈ​ဢၼ်​လႆႈ​ၸိုဝ်ႈ​ မႃႇရီႉ ​ဢေႃႈ။ မၼ်း​ၼၼ်ႉ​ၼင်ႈ​ယူႇ​ၵႃႈ​တီႈ​ႁိမ်း​တိၼ်​မၼ်း​ၸဝ်ႈ​သေ​လႄႈ ထွမ်ႇ​ၵႂၢမ်း​မၼ်း​ၸဝ်ႈ​ယူႇ​ဢေႃႈ။-</verse>
				<verse number="40">မႃႇထႃႉ ​ၸမ်ႉ၊ မီး​တၢင်း​ဢၼ်​မႆႈ​ၸႂ်​ၶီ​ၸႂ်​လူၺ်ႈ​လွင်ႈ​တၢင်း​ဢၼ်​ႁဵတ်း​လဵင်ႉ​ႁဵတ်း​လူ​ၼၼ်ႉ​လႄႈ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​ယဝ်ႉ၊ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း​ဢမ်ႇ​ၶႆႈ​ၸႂ်​လူၺ်ႈ​လွင်ႈ​ဢၼ်​ၼွင်ႉ​ယိင်း​ၵဝ်​ၶႃႈ​ပႅတ်ႈ​ဝႆႉ​ၵဝ်​ၶႃႈ ႁႂ်ႈ​ၵဝ်​ၶႃႈ​လႆႈ​ႁဵတ်း​လဵင်ႉ​ႁဵတ်း​လူ​ၵေႃႉ​လဵဝ်​ၵူၺ်း​ၼႆႉ​ၶႃႈ​ႁိုဝ်။ ၶႅၼ်း​တေႃႈ​မီး​ဢမိင်ႉ​ႁႂ်ႈ​မၼ်း​ၸွႆႈ​ၵမ်ႉ​ၸွႆႈ​ထွၵ်ႈ​ၵဝ်​ၶႃႈ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="41">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မႃႇထႃႉ၊ မႃႇထႃႉ ​ဢိူၺ်း၊ မႂ်း​ၼႆႉ​မႆႈ​ၸႂ်​ယၢပ်ႇ​ၸႂ်​လူၺ်ႈ​လွင်ႈ​တၢင်း​ၼမ်​ၼႃႇ​လႄႈ လႆႈ​ၶၢမ်ႇ​တၢင်း​ဢၼ်​ယႃႉ​ယူၵ်ႉ​ဢေႃႈ။ လွင်ႈ​ဢၼ်​လူဝ်ႇ​ထႅင်ႈ​ယင်း​မီး​ယူႇ​ဢၼ်​ၼိုင်ႈ​ဢေႃႈ။-</verse>
				<verse number="42">မႃႇရီႉ ​ၸမ်ႉ၊ လိူၵ်ႈ​ၵဵပ်း​ဢဝ်​ပုၼ်ႈ​ဢၼ်​လီ​ဝႆႉ​ယဝ်ႉ။ ပုၼ်ႈ​ၼၼ်ႉ​ၸိုင် ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ႁိမ်​ဢမ်ႇ​ဢဝ်​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="11">
				<verse number="1">မိူဝ်ႈ​ၼၼ်ႉ မၼ်း​ၸဝ်ႈ​သူး​တွင်း​ယူႇ​ၵႃႈ​ၼႂ်း​တီႈ​ၼိုင်ႈ​လႄႈ​မိူဝ်ႈ​ဢၼ်​ယဝ်ႉ​ၼၼ်ႉ​ၸိုင်၊ တပႄး​ၸဝ်ႈ​ၵေႃႉ​ၼိုင်ႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၶႅၼ်း​တေႃႈ​သွၼ်​ပၼ်​တီႈ​ႁဝ်း​ၶႃႈ ႁႂ်ႈ​ႁဝ်း​ၶႃႈ​လႆႈ​သူး​တွင်း​မိူၼ်​ၸိူဝ်ႉ​ၼင်ႇ​ဢၼ် ယူဝ်းႁၢၼ်ႇ သွၼ်​ပၼ်​တီႈ​တပႄး​မၼ်း​တင်း​လၢႆ​ၼၼ်ႉ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="2">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​သူ​သူး​တွင်း​ၸိုင်၊ လွင်ႈ​ဢၼ်​သူ​တၵ်း​လႆႈ​ဝႃႈ​ၸမ်ႉ၊ ဢူဝ်း​ပေႃႈ၊ ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​မီး​တၢင်း​ဢၼ်​ရူဝ်ႇ​သေႇ​ၵူဝ်​ယမ်​သေ​ၵမ်း​လူၺ်ႈ​တီႈ​ၶႃႈ၊ ႁႂ်ႈ​မိူင်း​ၸဝ်ႈ​ႁဝ်း​တႄႇ​ပဵၼ်​သေ​ၵမ်း​လူၺ်ႈ​တီႈ​ၶႃႈ၊-</verse>
				<verse number="3">ၶႅၼ်း​တေႃႈ​ပၼ်​တၢင်း​ၵိၼ်​ဢၼ်​ပေႃး​ၵုမ်ႇ​လဵင်ႉ​ၸႂ်​ၼၼ်ႉ​တီႈ​ႁဝ်း​ၶႃႈ ၵူႈ​မိုဝ်ႉ​ၵူႈ​ဝၼ်း​သေ​ၵမ်း​တီႈ​ၶႃႈ၊-</verse>
				<verse number="4">ပိူဝ်ႈ​ဢၼ်​ႁဝ်း​ၶႃႈ ပွႆႇ​လွတ်ႈ​ဢပႅတ်ႈ​ပိူၼ်ႈ​တၢင်ႇ​ၵေႃႉ​ၵႃႈ​ဢၼ်​ၽိတ်း​ပိူင်ႈ​ႁဝ်း​ၶႃႈ​ၼၼ်ႉ​လႄႈ၊ ၶႅၼ်း​တေႃႈ​ပွႆႇ​လွတ်ႈ​ဢပႅတ်ႈ​ႁဝ်း​ၶႃႈ​သေ​ၵမ်း​တီႈ​ၶႃႈ၊ ဝႃႈ​ၼႆ၊ သူး​တွင်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မၼ်း​ၸဝ်ႈ​သမ်ႉ​ဝႃႈ​ထႅင်ႈ​ၸမ်ႉ၊ ၼႂ်း​သူ​ၵေႃႉ​ၼိုင်ႈ​မီး​ၵေႃႉ​သေႈ​လႄႈ၊ ၶိင်ႇ​တဵင်ႈ​ၶိုၼ်း​မၼ်း​ၵႂႃႇ​ၵႃႈ​တီႈ​ႁိူၼ်း​ၵေႃႉ​သေႈ​မၼ်း​ၼၼ်ႉ​ယဝ်ႉ​ၸင်ႇ၊ လၢတ်ႈ​လႄႈ​ဝႃႈ၊-</verse>
				<verse number="6">ၵေႃႉ​သေႈ​ဢိူၺ်း၊ ပိူဝ်ႈ​ဢၼ်​ၵေႃႉ​သေႈ​ၵဝ်​ၶႃႈ​ၵေႃႉ​ၼိုင်ႈ လုၵ်ႉ​သေ​တၢင်ႇ​တီႈ​တၢင်ႇ​လႅၼ်​မႃး​လႄႈ​ႁွတ်ႈ​ထိုင်​ၵႃႈ​တီႈ​ၵဝ်​ၶႃႈ​ယဝ်ႉ၊ ၵဝ်​ၶႃႈ​ဢမ်ႇ​မီး​ၵႃႈ​သင်​ပုၼ်ႈ​ဢၼ်​တၵ်း​လဵင်ႉ​တၵ်း​လူ​မၼ်း​လႄႈ ပၼ်​ၵူႈ​ၶဝ်ႈ​မုၼ်း​သေ​သၢမ်​ႁူၺ်ႇ​ၼိုင်ႈ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="7">ၵေႃႉ​ၼၼ်ႉ​ၵေႃႈ ယူႇ​ၵႃႈ​ၼႂ်း​ႁိူၼ်း​သေ​လႄႈ​ၶိုၼ်း​လၢတ်ႈ​လႄႈ​ဝႃႈ၊ ယႃႇ​ပေ​ယႃႉ​ယူၵ်ႉ​ၵဝ်။ ဢိုတ်း​ၽၵ်း​တူ​ဝႆႉ​ယဝ်ႉ။ လုၵ်ႈ​လၢင်း​ၵဝ်​တင်း​လၢႆ​ဢိၵ်ႇ​တင်း​ၵဝ်​ၼွၼ်း​ယူႇ​ယဝ်ႉ။ ၵဝ်​ဢမ်ႇ​လုၵ်ႉ​ပၼ်​တီႈ​မႂ်း​လႆႈ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="8">ၵဝ်​ဝႃႈ​တီႈ​သူ​ၸမ်ႉ၊ ပိၵ်ႉ​သမ်ႉ​ၵေႃႉ​ၼၼ်ႉ​ဢမ်ႇ​လုၵ်ႉ​ဢမ်ႇ​ပၼ်​ၵွပ်ႈ​ပိူဝ်ႈ​ဢၼ်​ပဵၼ်​ၵေႃႉ​ပဵၼ်​သေႈ​ၼၼ်ႉ​သေ​ၵေႃႈ၊ တၵ်း​လုၵ်ႉ​ပၼ်​မၼ်း​ၵႃႈ​ဢၼ်​မၼ်း​လူဝ်ႇ​ၼၼ်ႉ​တီႈ​မၼ်း ၵွပ်ႈ​ပိူဝ်ႈ​ဢၼ်​မၼ်း​ၸႂ်​ဢမ်ႇ​လူႉ​လႄႈ ယွၼ်း​ယူႇ​တိၵ်ႈ​တိၵ်ႈ​ၼၼ်ႉ​ဢေႃႈ။-</verse>
				<verse number="9">ၵဝ်​သမ်ႉ​ဝႃႈ​ထႅင်ႈ​ၸမ်ႉ၊ ယွၼ်း​တႃႉ။ ပေႃး​ယွၼ်း​ၸိုင်​တၵ်း​လႆႈ​ဢေႃႈ။ ႁႃ​တႃႉ။ ပေႃး​ႁႃ​ၸိုင်​တၵ်း​ထူပ်း​ဢေႃႈ။ တွႆႇ​ၽၵ်း​တူ​တႃႉ။ ပေႃး​တွႆႇ​ၸိုင်​တၵ်း​ၽုၺ်ႇ​ဢေႃႈ။-</verse>
				<verse number="10">ၵေႃႉ​ဢၼ်​ယွၼ်း​ၸမ်ႉ၊ လႆႈ​ဢေႃႈ။ ၵေႃႉ​ဢၼ်​ႁႃ​ၵေႃႈ​ထူပ်း​ဢေႃႈ။ တီႈ​ၵေႃႉ​ဢၼ်​တွႆႇ​ၽၵ်း​တူ​ၵေႃႈ​တၵ်း​ၽုၺ်ႇ​ဢေႃႈ။</verse>
				<verse number="11">ၼႂ်း​သူ​ၼႆႉ ပေႃး​လုၵ်ႈ​ဢွၼ်ႇ​ယွၼ်း​ၶဝ်ႈ​မုၼ်း​တီႈ​ၵေႃႉ​ဢၼ်​ပဵၼ်​ပေႃႈ​ၼၼ်ႉ​ၸိုင်၊ ပေႃႈ​ၼၼ်ႉ​တၵ်း​ပၼ်​မၢၵ်ႇ​ႁိၼ်​ႁိုဝ်။ ပေႃး​ယွၼ်း​ပႃ​ၸိုင်၊ ပုၼ်ႈ​ပႃ​ၼၼ်ႉ၊ မၼ်း​တၵ်း​ပၼ်​ငူး​ႁိုဝ်။-</verse>
				<verse number="12">ပေႃး​ယွၼ်း​ၶႆႇ​ၸိုင်၊ မၼ်း​တၵ်း​ပၼ်​မႅင်း​ငေႃး​ႁိုဝ်။-</verse>
				<verse number="13">ပိၵ်ႉ​သမ်ႉ​သူ​ပဵၼ်​ဢၼ်​ႁၢႆႉ​မိူၵ်ႈ​ယူႇ​သေ​ၵေႃႈ၊ ပေႃး​သူ​ၸၢင်ႈ​ပၼ်​ၶိူင်ႈ​ပိူင်​ဢၼ်​လီ​ဢၼ်​ငၢမ်း​တီႈ​လုၵ်ႈ​လၢင်း​သူ​ယူႇ​ၸိုင်၊ ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ ယဵင်ႈ​ၶႅၼ်း​တၵ်း​ပၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​တီႈ​ၶဝ်​ၸိူဝ်း​ဢၼ်​သူး​တွင်း​ယွၼ်း​ၼၼ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ၼၼ်ႉ မၼ်း​ၸဝ်ႈ​ႁေႃႈ​ၽီ​ႁၢႆႉ​ဢၼ်​ဢႃႉ​ၼၼ်ႉ​ဢွၵ်ႇ​ပႅတ်ႈ​လႄႈ၊ ဝၢႆး​သေ​ၽီ​ႁၢႆႉ​ၼၼ်ႉ​ဢွၵ်ႇ​ၵႂႃႇ​သေ​ယဝ်ႉ၊ ၵေႃႉ​ဢၼ်​ဢႃႉ​ၼၼ်ႉ​လၢတ်ႈ​ၵႂၢမ်း​မႃး​ဢေႃႈ။ ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ​ၵေႃႈ​ဢၢမ်း​ၼႃႇ​ဢေႃႈ။</verse>
				<verse number="15">ၵမ်ႈ​ၽွင်ႈ​ဝႃႈ ၵေႃႉ​ၼႆႉ​ဢိင်​ပိုင်ႈ​ၶုၼ်​ၽီ​ႁၢႆႉ​ ပေႇလႃႉၸေႇပူႉလႃႉ ​သေ​လႄႈ ႁေႃႈ​ၽီ​ႁၢႆႉ​ဢွၵ်ႇ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၵမ်ႈ​ၽွင်ႈ​ၵေႃႈ​ၼင်ႇ​ႁိုဝ်​တၵ်း​လႆႈ​ၸၢမ်း​တူၺ်း​ယႃႉ​ယူၵ်ႉ​မၼ်း​ၸဝ်ႈ​ၸိုင်၊ ယွၼ်း​ၼီႉမိၵ်ႈ​လၢၵ်ႈၶၼႃႇ​ဢၼ်​ပဵၼ်​ၵႃႈ​ၼိူဝ်​ၽႃႉ​ၵၢင်​ႁၢဝ်​ဢေႃႈ။-</verse>
				<verse number="17">မၼ်း​ၸဝ်ႈ​ႁူႉ​ၸႅင်ႈ​တၢင်း​ၵျၢမ်ႇ​တၢင်း​ပွင်​ၶဝ်​ၼၼ်ႉ​ယူႇ​သေ​လႄႈ​လၢတ်ႈ​လႄႈ​ဝႃႈ၊ မိူင်း​လႂ်​သေ​ဢမ်ႇ​ဝႃႈ၊ ပေႃး​ဢမ်ႇ​ထုၵ်ႇ​ဢမ်ႇ​ပေႃး​ၵၼ် ၽၢတ်ႇ​ၽႄ​ၵၼ်​တင်း​တူဝ်​ၸဝ်ႈ​ၵဝ်ႇ​ယူႇ​ၸိုင်၊ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ။ ႁိူၼ်း​လႂ်​သေ​ဢမ်ႇ​ဝႃႈ၊ ပေႃး​ဢမ်ႇ​ထုၵ်ႇ​ဢမ်ႇ​ပေႃး​ၵၼ် ၽၢတ်ႇ​ၽႄ​ၵၼ်​တင်း​တူဝ်​ၸဝ်ႈ​ၵဝ်ႇ​ယူႇ​ၸိုင်၊ တၵ်း​လူမ်ႉ​တၵ်း​ပင်း​ဢေႃႈ။-</verse>
				<verse number="18">ၵႃႈ​ၼင်ႇ​ဢၼ်​သူ​ဝႃႈ၊ ၵဝ်​ဢိင်​ပိုင်ႈ​ ပေႇလႃႉၸေႇပူႉလႃႉ ​သေ​လႄႈ ႁေႃႈ​ၽီ​ႁၢႆႉ​ဢွၵ်ႇ​ပႅတ်ႈ၊ ဝႃႈ​ၼင်ႇ​ၼႆ​ၼၼ်ႉ၊ ပေႃး​ ၸႃႇတၢၼ်ႇ ဢမ်ႇ​ထုၵ်ႇ​ဢမ်ႇ​ပေႃး​ၵၼ် ၽၢတ်ႇ​ၽႄ​ၵၼ်​တင်း​တူဝ်​ၸဝ်ႈ​ၵဝ်ႇ​ယူႇ​ၸိုင်၊ မိူင်း​မၼ်း​ၼၼ်ႉ ႁဵတ်း​ႁိုဝ်​လႄႈ​တၵ်း​တႄႇ​ပဵၼ်​လႆႈ။-</verse>
				<verse number="19">ပေႃး​ၵဝ်​ဢိင်​ပိုင်ႈ​ ပေႇလႃႉၸေႇပူႉလႃႉ ​သေ​လႄႈ ႁေႃႈ​ၽီ​ႁၢႆႉ​ဢွၵ်ႇ​ပႅတ်ႈ​ၸိုင်၊ လုၵ်ႈ​လၢင်း​သူ​ဢိင်​ပိုင်ႈ​ၽူႈ​လႂ်​သေ​လႄႈ ႁေႃႈ​ၽီ​ႁၢႆႉ​ဢွၵ်ႇ​ပႅတ်ႈ။ ပိူဝ်ႈ​ၼႆ​လႄႈ ၶဝ်​ၼၼ်ႉ​တၵ်း​ပဵၼ်​ၵေႃႉ​ဢၼ်​ၸီႇ​ယၢင်ႇ​တြႃး​တီႈ​သူ​ဢေႃႈ။-</verse>
				<verse number="20">ပေႃး​ၵဝ်​ဢိင်​ပိုင်ႈ ၼိဝ်ႉ​မိုဝ်း​ၽြႃး​ပဵၼ်​ၸဝ်ႈ​သေ​လႄႈ ႁေႃႈ​ၽီ​ႁၢႆႉ​ဢွၵ်ႇ​ပႅတ်ႈ​ၸိုင်၊ မိူင်း​ၽြႃး​ပဵၼ်​ၸဝ်ႈ​ႁွတ်ႈ​မႃး​ၵႃႈ​တီႈ​သူ​ဢမၢၼ်ႇ​ၶၼ်​ပဵၼ်​ယဝ်ႉ။</verse>
				<verse number="21">ၼႂ်း​မိူဝ်ႈ​ဢၼ်​ၵူၼ်း​ႁႅင်း​ၵေႃႉ​ၼိုင်ႈ မီး​တင်း​လၢၵ်ႈ​ၼၢၵ်ႈ​ၸေး​ၸုမ်ႇ​ယူႇ​သေ​လႄႈ ပႂ်ႉ​ႁိူၼ်း​မၼ်း​ယူႇ​ၼၼ်ႉ​ၸိုင်၊ ၶူဝ်း​လဵင်း​မၼ်း​ၼၼ်ႉ​မီး​ယူႇ​လီ​လီ​ငၢမ်း​ငၢမ်း​ဢေႃႈ။-</verse>
				<verse number="22">ၵေႃႉ​ဢၼ်​ယဵင်ႈ​ၶႅၼ်း​ႁႅင်း​ယႂ်ႇ​ၼႃႇ​သေ​မၼ်း​ၼၼ်ႉ​မႃး​လႄႈ ပႄႉ​ၼႅင်ႇ​မၼ်း​ယဝ်ႉ​ၸင်ႇ၊ တၵ်း​သိမ်း​ဢဝ်​လၢၵ်ႈ​ၼၢၵ်ႈ​ၸေး​ၸုမ်ႇ​ဢၼ်​မၼ်း​ဢိင်​ပိုင်ႈ​ၼၼ်ႉ​သေ​လႄႈ ဢဝ်​ၶူဝ်း​ဢဝ်​လဵင်း​မၼ်း​မႅင်ႇ​ၵၼ်​ပၼ်​ၵၼ်​ဢေႃႈ။</verse>
				<verse number="23">ၵေႃႉ​ဢၼ်​ဢမ်ႇ​ယူႇ​ၽၢႆႇ​ၵဝ်​ၼၼ်ႉ ပဵၼ်​ၽၢႆႇ​ရၢၼ်ႇ​သူႇ​ၵဝ်​ဢေႃႈ။ ၵေႃႉ​ဢၼ်​ဢမ်ႇ​ၸူႉ​ဢမ်ႇ​သိမ်း​လူၺ်ႈ​ၵၼ်​တင်း​ၵဝ်​ၼၼ်ႉ ပဵၼ်​ၵေႃႉ​ဢၼ်​ပိုၼ်​မိူၵ်ႇ​ပိုၼ်​မိူဝ်​ပႅတ်ႈ​ဢေႃႈ။-</verse>
				<verse number="24">ၽီ​ဢၼ်​ၵူဝ်ႈ​ၵိူၵ်ႇ​ၼၼ်ႉ၊ မိူဝ်ႈ​ဢၼ်​ဢွၵ်ႇ​သေ​ၵႃႈ​ၼႂ်း​ၵူၼ်း​ၵႂႃႇ​ၸိုင်၊ ၸၢင်ႈ​ၵႂႃႇ​လႄႇ​ၵႃႈ​ၼႂ်း​တီႈ​ဢၼ်​ႁႅင်ႈ​ဢၼ်​ႁွင်​တင်း​လၢႆ​လႄႈ ႁႃ​တၢင်း​ၼိမ်​ဢေႃႈ။ မိူဝ်ႈ​ဢၼ်​ဢမ်ႇ​ထူပ်း​ဢမ်ႇ​ႁၼ်​ၸိုင်၊ မၼ်း​ဝႃႈ၊​ၵဝ်​တၵ်း​ၶိုၼ်း​မိူဝ်း ၵႃႈ​တီႈ​ႁိူၼ်း​ဢၼ်​ၵဝ်​ဢွၵ်ႇ​မႃး​သေ​ယဝ်ႉ​ၼၼ်ႉ​လူး​ၵွၼ်ႇ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="25">မိူဝ်ႈ​ဢၼ်​မိူဝ်း​ႁွတ်ႈ​မိူဝ်း​ထိုင်​ၸိုင်၊ ထူပ်း​ႁၼ်​ႁိူၼ်း​ၼၼ်ႉ မီး​တၢင်း​ဢၼ်​မႄး​ပတ်း​မႄး​ၽဵဝ်ႈ​ဝႆႉ​ယူႇ​လႄႈ၊-</verse>
				<verse number="26">သမ်ႉ​ၵႂႃႇ​ႁွင်ႉ​ဢဝ်​ၽီ​ဢၼ်​ႁၢႆႉ​မိူၵ်ႈ​ၼႃႇ​သေ​မၼ်း​ၸဵတ်း​ၵေႃႉ​ယဝ်ႉ​ၸင်ႇ၊ ၶဝ်ႈ​ၵႃႈ​ၼႂ်း​ၵူၼ်း​ၼၼ်ႉ​သေ​လႄႈ​ယူႇ​ဢေႃႈ။ ၵေႃႉ​ၼၼ်ႉ​ၸမ်ႉ၊ ဢၼ်​ပဵၼ်​ၵမ်း​လိုၼ်း​ၼၼ်ႉ​ယဵင်ႈ​ၶႅၼ်း​ႁၢႆႉ​ၼႃႇ​သေ ဢၼ်​ပဵၼ်​ဢွၼ်​တၢင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">ၼႂ်း​မိူဝ်ႈ​ဢၼ်​မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ မႄႈ​ယိင်း​ၵေႃႉ​ၼိုင်ႈ ယူႇ​ၵႃႈ​ၼႂ်း​ၵူၼ်း​ဢၼ်​ၸူႉ​ဢၼ်​တုမ်​ၼၼ်ႉ​သေ​လႄႈ ႁွင်ႉ​လဝ်ႊ​လၢတ်ႈ​လႄႈ​ဝႃႈ၊ တွင်ႉ​ဢၼ်​ပႃး​ၸဝ်ႈ​ႁဝ်း​ဢိၵ်ႇ​တင်း​ၼူမ်း​ဢၼ်​ၸဝ်ႈ​ႁဝ်း​ၸုပ်ႇ​ၵိၼ်​ၼၼ်ႉ မီး​မင်ႇၵလႃႇ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="28">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵေႃႉ​ဢၼ်​ထွမ်ႇ​ဢဝ်​ၼုၵ်ႈၵပၢတ်ႈ​တြႃး​ၸဝ်ႈ​လႄႈ​ၵမ်​ၵျၢင်ႉ​ၼၼ်ႉ မီး​မင်ႇၵလႃႇ​ဢၼ်​မျၢတ်ႈ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">မိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ​ၼၼ်ႉ ၼမ်​ၵိုၼ်း​မႃး​ၼႃႇ​လူင်​လၢင်​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵူၼ်း​မဵဝ်း​ၼႆႉ ပဵၼ်​မဵဝ်း​ဢၼ်​ႁၢႆႉ​မိူၵ်ႈ​ဢေႃႈ။ ၶဝ်​ယွၼ်း​ၼီႉမိၵ်ႈ​လၢၵ်ႈၶၼႃႇ​လႄႈ၊ လိူဝ်​သေ​ၼီႉမိၵ်ႈ​လၢၵ်ႈၶၼႃႇ ပရေႃးၽႅတ်ႈ​ ယူဝ်းၼႃႉ ​ၼၼ်ႉ ဢမ်ႇ​လႆႈ​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​ဢၼ်​လႂ်​တီႈ​ၶဝ်။-</verse>
				<verse number="30">ၸိူဝ်ႉ​ၼင်ႇ​ဢၼ်​ ယူဝ်းၼႃႉ ပဵၼ်​ၼီႉမိၵ်ႈ​လၢၵ်ႈၶၼႃႇ​တီႈ​ၵူၼ်း​ဝဵင်း​ ၼီႉၼေႇဝူၺ်ႇ ​တင်း​လၢႆ​ၼၼ်ႉ၊ လုၵ်ႈ​ၵူၼ်း​တၵ်း​ပဵၼ်​တီႈ​ၵူၼ်း​မဵဝ်း​ၼႆႉ​ဢေႃႈ။</verse>
				<verse number="31">ၶိင်ႇ​မိူဝ်ႈ​ဢၼ်​ၸီႇ​ယၢင်ႇ​တြႃး​ပုၼ်ႉ​ၸိုင်၊ ၼၢင်း​ႁေႃ​ၶမ်း​မိူင်း​တၢင်း​ၸၢၼ်း​တၵ်း​လုၵ်ႉ​ယူႇ​ၽၢႆႇ​ၼိုင်ႈ​သေ​လႄႈ ႁႂ်ႈ​ၵူၼ်း​မဵဝ်း​ၼႆႉ​လႆႈ​ၶၢမ်ႇ​တၢင်း​သုမ်း​ဢေႃႈ။ လွင်ႈ​မၼ်း​ၸမ်ႉ ၼၢင်း​ႁေႃ​ၶမ်း​ၼၼ်ႉ၊ လုၵ်ႉ​သေ​ၵႃႈ​တီႈ​ႁိမ်း​လိၼ်​သုတ်း​ပုၼ်ႉ​မႃး ႁႂ်ႈ​လႆႈ​ထွမ်ႇ​လႆႈ​ငိၼ်း​ၵႂၢမ်း​ပိင်ႇ​ၺႃႇ ၶုၼ်​လူင်​ သေႃးလမုၼ်ႇ ​ဢေႃႈ။ ၵႃႈ​တီႈ​ၼႆႈ​ၸမ်ႉ၊ မီး​ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​သေ သေႃးလမုၼ်ႇ ​ၼၼ်ႉ​ဢေႃႈ။-</verse>
				<verse number="32">ၶိင်ႇ​မိူဝ်ႈ​ဢၼ်​ၸီႇ​ယၢင်ႇ​တြႃး​ပုၼ်ႉ​ၸိုင်၊ ၵူၼ်း​ဝဵင်း​ ၼီႉၼေႇဝူၺ်ႇ ​ၸိူဝ်း​ၼၼ်ႉ တၵ်း​လုၵ်ႉ​ယူႇ​ၽၢႆႇ​ၼိုင်ႈ​သေ​လႄႈ ႁႂ်ႈ​ၵူၼ်း​မဵဝ်း​ၼႆႉ​လႆႈ​ၶၢမ်ႇ​တၢင်း​သုမ်း​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ ၵွပ်ႈ​ပိူဝ်ႈ​ၵႂၢမ်း​ဢၼ်​ ယူဝ်းၼႃႉ ႁေႃး​လၢတ်ႈ​ၼၼ်ႉ​လႄႈ ၶုၵ်း​ၸႂ်​လႆႈ​မႆႈ​ၸႂ်​ဢေႃႈ။ ၵႃႈ​တီႈ​ၼႆႈ​ၸမ်ႉ၊ မီး​ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​သေ​ ယူဝ်းၼႃႉ ​ၼၼ်ႉ​ဢေႃႈ။</verse>
				<verse number="33">ၵူၼ်း​ႁဝ်း​ၼႆႉ တႆႈ​ဝၢၼ်ႇ​ၽႆး​တဵၼ်း​သေ​လႄႈ ဢဝ်​ႁူမ်ႇ​ဝႆႉ​ၵႃႈ​ၼႂ်း​တီႈ​ဢၼ်​လပ်ႉ​ဢၼ်​သိူင်ႇ​ဢမ်ႇ​ၸႂ်ႈ။ တႂ်ႈ​ပဵတ်ႈ​တႂ်ႈ​ၶွင်ႈ​ၵေႃႈ​ဢဝ်​ႁူမ်ႇ​ဝႆႉ​ဢမ်ႇ​ၸႂ်ႈ။ ၼင်ႇ​ႁိုဝ်​ၶဝ်​ၸိူဝ်း​ဢၼ်​ၶဝ်ႈ​မႃး​တင်း​လၢႆ​ၼၼ်ႉ တၵ်း​လႆႈ​ဢၼ်​လႅင်း​မၼ်း​ၸိုင်၊ ၸၢင်ႈ​ဢဝ်​တၢင်ႇ​ဝႆႉ​ၵႃႈ​ၼိူဝ်​ၶူင်ႇ​တီႈ​တႆႈ​ၽႆး​ဢေႃႈ။-</verse>
				<verse number="34">ဝၢၼ်ႇ​ၽႆး​တဵၼ်း​တူဝ်​ၵႃႇ​ယႃႉ​ၸမ်ႉ၊ ပဵၼ်​မၢၵ်ႇ​တႃ​ဢေႃႈ။ ပိူဝ်ႈ​ၼႆ​လႄႈ မိူဝ်ႈ​ဢၼ်​မၢၵ်ႇ​တႃ​မႂ်း​ၼၼ်ႉ​သႂ်​လႅင်း​ၸိုင်၊ တၵ်း​လႅင်း​တင်း​တူဝ်​ဢေႃႈ။ မိူဝ်ႈ​ဢၼ်​မၢၵ်ႇ​တႃ​မႂ်း​ၼၼ်ႉ ဢမ်ႇ​လီ​ၸိုင်၊ တၵ်း​လပ်း​သိင်ႇ​တင်း​တူဝ်​ဢေႃႈ။-</verse>
				<verse number="35">ၼင်ႇ​ႁိုဝ်​ဢၼ်​လႅင်း​ၼႂ်း​မႂ်း​ၼၼ်ႉ​တၵ်း​ဢမ်ႇ​ပဵၼ်​ဢၼ်​လပ်း​သိင်ႇ​ၸိုင်၊ ႁဵတ်း​သတီႉ​တႃႉ။-</verse>
				<verse number="36">ပေႃး​ဢမ်ႇ​ပႃး​ဢၢင်ႇ​ၵႃႇ​ဢၼ်​လပ်း​သိင်ႇ​သေ​ဢၼ်​လႄႈ လႅင်း​ယူႇ​တင်း​တူဝ်​ၸိုင်၊ တၵ်း​လႅင်း​ယူႇ​တင်း​သဵင်ႈ​တင်း​မူတ်း​မိူၼ်​ၸိူဝ်ႉ​ၼင်ႇ​ဝၢၼ်ႇ​ၽႆး​တဵၼ်း​ဢၼ်​ႁိူဝ်ႈ​လႅင်း​ၼႃႇ ႁႂ်ႈ​မႂ်း​လႅင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="37">ၼႂ်း​မိူဝ်ႈ​ဢၼ်​မၼ်း​ၸဝ်ႈ​ယင်း​တိုၵ်ႉ​လၢတ်ႈ​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင်၊ ၽႃႇရီႉသႄး ၵေႃႉ​ၼိုင်ႈ ႁွင်ႉ​ပၢင်း​ဢဝ်​မၼ်း​ၸဝ်ႈ ႁႂ်ႈ​မၼ်း​ၸဝ်ႈ​ၵိၼ်​တၢင်း​ၵိၼ်​လူၺ်ႈ​ၵၼ်​တင်း​မၼ်း​သေ​ယဝ်ႉ၊ မၼ်း​ၸဝ်ႈ​ၵႂႃႇ​ၶဝ်ႈ​ၵႃႈ​တီႈ​ၼႂ်း​ႁိူၼ်း​မၼ်း​ၼၼ်ႉ​လႄႈ ဢိင်​ယူႇ​ၵႃႈ​တီႈ​ႁိမ်း​တီႈ​ၵိၼ်​ဢေႃႈ။-</verse>
				<verse number="38">မိူဝ်ႈ​ဢၼ် ၽႃႇရီႉသႄး ​ၼၼ်ႉ ႁၼ်​လွင်ႈ​ဢၼ်​မၼ်း​ၸဝ်ႈ​ဢမ်ႇ​ႁဵတ်း​တၢင်း​ၸုမ်ႇ​ၼမ်ႉ​ၸူဝ်ႈ​ဢၼ်​ဢမ်ႇ​ပႆႇ​ၵိၼ်​တၢင်း​ၵိၼ်​ၼၼ်ႉ​ၸိုင်၊ မီး​တၢင်း​ဢၼ်​ဢၢမ်း​ၼႃႇ​ဢေႃႈ။-</verse>
				<verse number="39">ၸဝ်ႈ​ၽြႃး​ၵေႃႈ​လၢတ်ႈ​လႄႈ​ဝႃႈ၊ သူ​ၸိူဝ်း​ဢၼ်​ပဵၼ်​ ၽႃႇရီႉသႄး ​ၼႆႉ သုၵ်ႈ​လၢင်ႉ​ၵွၵ်း​ဢိၵ်ႇ​တင်း​လၢင်ႇ​ပၢၼ်း​တင်း​လၢႆ ၽၢႆႇ​ပႃႈ​ၼွၵ်ႈ​ၵူၺ်း​ဢေႃႈ။ ၵႃႈ​ၼႂ်း​သူ​ၸမ်ႉ၊ မီး​တဵမ်​ဝႆႉ​တင်း​လွင်ႈ​တၢင်း​ဢၼ်​ႁိမ်​ဢဝ် ဢိၵ်ႇ​တင်း​လွင်ႈ​တၢင်း​ဢၼ်​ႁၢႆႉ​မိူၵ်ႈ​ယူႇ​ဢေႃႈ။-</verse>
				<verse number="40">ၵူၼ်း​မိူၵ်ႈ​တင်း​လၢႆ​ၶဝ်​ဢိူၺ်း၊ ၵေႃႉ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ၽၢႆႇ​ပႃႈ​ၼွၵ်ႈ​ၼၼ်ႉ၊ ၽၢႆႇ​ပႃႈ​ၼႂ်း​ၵေႃႈ​ၽၢၼ်ႇ​သၢင်း​ႁဵတ်း​ပဵၼ်​ဢမ်ႇ​ၸႂ်ႈ​ႁိုဝ်။-</verse>
				<verse number="41">လွင်ႈ​တၢင်း​ဢၼ်​ယဵင်ႈ​ၶႅၼ်း​လီ​ၸမ်ႉ၊ ဢဝ်​ၵႃႈ​ဢၼ်​သူ​မီး​တင်း​သဵင်ႈ​တင်း​လူင်​ၼၼ်ႉ ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼႆ​ၸိုင်၊ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် တၵ်း​မူတ်း​သႂ်​တီႈ​သူ​ဢေႃႈ။</verse>
				<verse number="42">ၽႃႇရီႉသႄး ​တင်း​လၢႆ​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​လူႇ​တၢၼ်း ၸႃႉ​ၸဵမ်​ဢိမ်​ၶိမ်း​လႄႈ ၽၵ်း​ႁၢၼ်ႈ​တူၼ်ႈ​ယိူဝ်ႈ​တူၼ်ႈ​ယႃႈ​ၵူႈ​ၸိူဝ်ႉ​ၵူႈ​ပိူင် သိပ်း​ပုၼ်ႈ​ပုၼ်ႈ​ၼိုင်ႈ​ယူႇ​လႄႈ ဝႆႉ​ၵိုတ်း​ပႅတ်ႈ​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​ဢိၵ်ႇ​တင်း​တၢင်း​ဢၼ်​ႁၵ်ႉ​ၽြႃး​ပဵၼ်​ၸဝ်ႈ​ဢေႃႈ။ လွင်ႈ​တၢင်း​ဢၼ်​ဝႃႈ​ၵမ်း​လိုၼ်း​ၸိူဝ်း​ၼႆႉ​ၸိုင်၊ သူ​တၵ်း​လႆႈ​ၵမ်​ၵျၢင်ႉ​ဢေႃႈ။ လွင်ႈ​တၢင်း​ဢၼ်​ဝႃႈ​ဢွၼ်​တၢင်း​ၸိူဝ်း​ၼၼ်ႉ​ၵေႃႈ ဢမ်ႇ​လႆႈ​ဝႆႉ​ၵိုတ်း​ပႅတ်ႈ။</verse>
				<verse number="43">ၽႃႇရီႉသႄး ​တင်း​လၢႆ​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​ထုၵ်ႇ​ၸႂ်​ၵျိူၵ်ႈ​ၸႂ်​တီႈ​ၼင်ႈ​ဢၼ်​သုင်​ဢၼ်​မျၢတ်ႈ​ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ ဢိၵ်ႇ​တင်း​တၢင်း​ဢၼ်​ပိူၼ်ႈ​ႁဵတ်း​ရူဝ်ႇ​သေႇ​ၵူဝ်​ယမ်​လႄႈ တၵ်ႉ​လၢတ်ႈ​ၵႃႈ​ၼႂ်း​ၵၢတ်ႇ​ၼၼ်ႉ​ဢေႃႈ။</verse>
				<verse number="44">သူ​တင်း​လၢႆ​ၸိူဝ်း​ၼႆႉ​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​မိူၼ်​ၸိူဝ်ႉ​ၼင်ႇ​ၶုမ်​သၢင်း​ၶႅင်း ဢၼ်​ဢမ်ႇ​ထၢင်ႇ​ဢမ်ႇ​သႃး​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​ၵႂႃႇ​မႃး​ၵႃႈ​ၼိူဝ်​ၶုမ်​သၢင်း​ၶႅင်း​တင်း​လၢႆ​ၼၼ်ႉ ဢမ်ႇ​ႁူႉ​လွင်ႈ ဢၼ်​ၶုမ်​သၢင်း​ၶႅင်း​မီး​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="45">ၵူၼ်း​မေႃ​ၵျၢမ်း​ၵေႃႉ​ၼိုင်ႈ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ပေႃး​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ ၸဝ်ႈ​ႁဝ်း​သႄႉ​သွမ်း​တၢင်ႇ​ဢပႅတ်ႈ​တီႈ​ႁဝ်း​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="46">မၼ်း​ၸဝ်ႈ​လၢတ်ႈ​လႄႈ​ဝႃႈ၊ ၵူၼ်း​မေႃ​ၵျၢမ်း​တင်း​လၢႆ​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​ၸၢင်ႈ​ဢဝ်​ၶူဝ်း​ဢၼ်​ႁၢပ်ႇ​ၼၵ်း​ၼႃႇ​တၢင်ႇ​သႂ်ႇ​ဝႆႉ​ၵႃႈ​ၼိူဝ်​ပိူၼ်ႈ​တၢင်ႇ​ၵေႃႉ​ဢေႃႈ။ သူ​ၸမ်ႉ၊ ဢမ်ႇ​ဢဝ်​တင်း​ၼိဝ်ႉ​မိုဝ်း​သူ​သေ​ၼိဝ်ႉ​တိူဝ်ႉ။-</verse>
				<verse number="47">သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​တႄႇ​ႁဵတ်း​သၢင်း​ၶႅင်း​ပရေႃးၽႅတ်ႈ​တင်း​လၢႆ​လႄႈ၊ ပူႇ​မွၼ်ႇ​သူ​ၼၼ်ႉ​ဢဝ်​ၶဝ်​တၢႆ​ဢေႃႈ။-</verse>
				<verse number="48">သူ​ၶၢမ်ႇ​သၢၵ်ႈ​သေႇ​လႄႈ ႁပ်ႉ​တုင်း​ဢဝ်​တၢင်း​ႁဵတ်း​တၢင်း​သၢင်ႈ​ပူႇ​မွၼ်ႇ​သူ​ၼၼ်ႉ​ဢမၢၼ်ႇ​ၶၼ်​ပဵၼ်​ဢေႃႈ။ ပူႇ​မွၼ်ႇ​သူ​ၼၼ်ႉ ဢဝ်​ပရေႃးၽႅတ်ႈ​ၸိူဝ်း​ၼၼ်ႉ​တၢႆ​ယဝ်ႉ။ သူ​ၸမ်ႉ၊ တႄႇ​ႁဵတ်း​သၢင်း​ၶႅင်း​ၶဝ်​ၼၼ်ႉ​ဢေႃႈ။-</verse>
				<verse number="49">ပိူဝ်ႈ​ၼႆ​လႄႈ ဢၼ်​ၺၢၼ်ႇ​ၽြႃး​ပဵၼ်​ၸဝ်ႈ ၸီႇ​ယၢင်ႇ​ဝႆႉ​ၼၼ်ႉ​ၸမ်ႉ၊ ၵဝ်​တၵ်း​ပွႆႇ​ၸႂ်ႉ​ပရေႃးၽႅတ်ႈ​ဢိၵ်ႇ​တင်း​တမၢၼ်ႇ​ၸဝ်ႈ​တင်း​လၢႆ ၵႂႃႇ​တီႈ​ဢၼ်​ၶဝ်​မီး​ယူႇ​ၼၼ်ႉ​ဢေႃႈ။ ၶဝ်​တၵ်း​ၼိၵ်ႈ​ၸၢၵ်ႈ​ငႅၼ်း​သႄး​ၵမ်ႈ​ၽွင်ႈ​ဢေႃႈ။ တၵ်း​ဢဝ်​တၢႆ​ၵမ်ႈ​ၽွင်ႈ​ဢေႃႈ။-</verse>
				<verse number="50">ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ​လိူတ်ႈ​ပရေႃးၽႅတ်ႈ​တင်း​သဵင်ႈ​တင်း​လူင်​ဢၼ်​ထွၵ်ႇ​ပႅတ်ႈ​ယဝ်ႉ ၸႃႉ​ၸဵမ်​မိူဝ်ႈ​ၵမ်ႇ​ၽႃႇ​ၸႃႉ​တႄႇ​ၼၼ်ႉ ဢၼ်​ဝႃႈ​ၸႃႉ​ၸဵမ် လိူတ်ႈ​ ဢႃႇပေႇလႃႉ ​တေႃႇ​ထိုင်​ႁွတ်ႈ​လိူတ်ႈ​ ၸႃႇၶရီႉ ဢၼ်​လႆႈ​ဢဝ်​တၢႆ​ယဝ်ႉ​ၼႂ်း​ၵႄႈ​ဝူင်ႈ​ၵၢင်​ႁိူၼ်း​ပိၵ်ႈ​မၢၼ်ႇ​ၸဝ်ႈ တင်း​ယိတ်ႈ​ပလၢင်ႇ​ၼၼ်ႉ​လႄႈ၊ ၵူၼ်း​ဢၼ်​မီး​ယူႇ​တေႃႈ​လဵဝ်​တင်း​လၢႆ​ၸိူဝ်း​ၼႆႉ တၵ်း​လႆႈ​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​ၸီႇ​ယၢင်ႇ​ဢေႃႈ။-</verse>
				<verse number="51">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵူၼ်း​ဢၼ်​မီး​ယူႇ​တေႃႈ​လဵဝ်​ၸိူဝ်း​ၼႆႉ တၵ်း​လႆႈ​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​ၸီႇ​ယၢင်ႇ​ဢေႃႈ။</verse>
				<verse number="52">ၵူၼ်း​မေႃ​ၵျၢမ်း​တင်း​လၢႆ​ၶဝ်​ဢိူၺ်း၊ သူ​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ သူ​သိမ်း​ဢဝ်​သေႃး​ဢၼ်​ၽုၺ်ႇ​ပိင်ႇ​ၺႃႇ​ၼၼ်ႉ​ဝႆႉ​ယဝ်ႉ။ သူ​ၵေႃႈ​ဢမ်ႇ​ၶဝ်ႈ။ တီႈ​ၶဝ်​ၸိူဝ်း​ဢၼ်​ၶႂ်ႈ​ၶဝ်ႈ​ၼၼ်ႉ​ၵေႃႈ၊ သူ​ႁႄႉ​သူ​ၶႅၼ်​ဝႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="53">ၼႂ်း​မိူဝ်ႈ​ဢၼ်​မၼ်း​ၸဝ်ႈ​လၢတ်ႈ​တီႈ​ပရဵၵ်ႈသၢတ်ႈ​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင်၊ ၵူၼ်း​ထုတ်ႇ​ၵျၢမ်း​ဢိၵ်ႇ​တင်း​ ၽႃႇရီႉသႄး ​တင်း​လၢႆ ၽိုတ်ႉ​ဢီး​ၸူး​တီႈ​မၼ်း​ၸဝ်ႈ​ၼႃႇ​လူင်​လၢင်​လႄႈ တိုၵ်း​ယူင်း​ၸူဝ်း​ဢဝ်​မၼ်း​ၸဝ်ႈ​ႁႂ်ႈ​မၼ်း​ၸဝ်ႈ​လၢတ်ႈ​လွင်ႈ​တၢင်း​ၼမ်​ၼႃႇ​လႄႈ၊-</verse>
				<verse number="54">ၼင်ႇ​ႁိုဝ်​တၵ်း​လႆႈ​မီး​လွင်ႈ​ဢၼ်​တၵ်း​တၢင်ႇ​ဢပႅတ်ႈ​တီႈ​မၼ်း​ၸဝ်ႈ​ၸိုင်၊ လွမ်​တူၺ်း​ၵျၢမ်ႇ​ႁႃ​ႁႂ်ႈ​လႆႈ​ၵမ်​ၵႂၢမ်း​မၼ်း​ၸဝ်ႈ​ၼၼ်ႉ​ယူႇ​ဢေႃႈ။</verse>
			</chapter>
			<chapter number="12">
				<verse number="1">မိူဝ်ႈ​ၼၼ်ႉ မိူဝ်ႈ​ဢၼ်​ၵူၼ်း​လၢႆ​မိုၼ်ႇ​လၢႆ​ႁဵင်​ၼမ်​ၼႃႇ​ၸူႉ​ၵၼ်​တုမ်​ၵၼ် ထၼ်ႈ​ပေႃး​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယဵပ်ႇ​ၵၼ်​ၶၢမ်ႈ​ၵၼ်​ယူႇ​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ​ၸမ်ႉ၊ ဝႄႈ​ပႅတ်ႈ​ၸိူဝ်ႉ​ပႅင်ႈ​ ၽႃႇရီႉသႄး ​တင်း​လၢႆ​ဢၼ်​ဝႃႈ တၢင်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ၼၼ်ႉ​တႃႉ။-</verse>
				<verse number="2">လွင်ႈ​တၢင်း​ဢၼ်​ႁူမ်ႇ​ဝႆႉ​ယဝ်ႉ​တင်း​သဵင်ႈ​တင်း​လူင် ဢၼ်​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ပိုတ်ႇ​ဢွၵ်ႇ​ၼႄ​ပျႃး​ၼၼ်ႉ​ဢမ်ႇ​မီး​သေ​ၸိူဝ်ႉ​သေ​ပိူင်။ လွင်ႈ​တၢင်း​ဢၼ်​သိူင်ႇ​ဝႆႉ​လပ်ႉ​ဝႆႉ​ယဝ်ႉ​တင်း​သဵင်ႈ​တင်း​လူင် ဢၼ်​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​လႆႈ​ႁူႉ​လႆႈ​ႁၼ်​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။-</verse>
				<verse number="3">ၵႃႈ​ဢၼ်​သူ​လၢတ်ႈ​ၵႃႈ​ၼႂ်း​တီႈ​ဢၼ်​လပ်း​သိင်ႇ​ၼၼ်ႉ​ၸိုင်၊ တၵ်း​ပဵၼ်​တၢင်း​ဢၼ်​လႆႈ​ငိၼ်း​ၵႃႈ​ၼႂ်း​တီႈ​ဢၼ်​လႅင်း​ဢေႃႈ။ ၵႃႈ​ဢၼ်​သူ​လၢတ်ႈ​ၵႃႈ​ႁိမ်း​ႁူ ၵႃႈ​တီႈ​ၼႂ်း​လုၵ်း​တၢင်း​ၼႂ်း​ၸိုင်၊ တၵ်း​ပဵၼ်​တၢင်း​ဢၼ်​ႁွင်ႉ​သႅၼ်ႇ​ၵႃႈ​ၼိူဝ်​ၸွမ်​ႁိူၼ်း​ဢေႃႈ။</verse>
				<verse number="4">ၵေႃႉ​သေႈ​ၵဝ်​တင်း​လၢႆ​ဢိူၺ်း၊ ၵဝ်​ဝႃႈ​တီႈ​သူ​ၸမ်ႉ၊ ၶဝ်​ၸိူဝ်း​ဢၼ်​ဢဝ်​တူဝ်​ၶၼ်ႇ​ထႃႇ​တၢႆ​လႄႈ ၵမ်း​လိုၼ်း​ဢမ်ႇ​ႁဵတ်း​ၵႃႈ​သင်​လႆႈ​ၼၼ်ႉ​ၸိုင်၊ ယႃႇ​ပေ​ၵူဝ်။-</verse>
				<verse number="5">တၵ်း​လႆႈ​ၵူဝ်​ၽူႈ​လႂ်​ဝႃႈ​ၼႆ​ၸမ်ႉ၊ ၵူဝ်​ၵေႃႉ​ဢၼ်​ဢဝ်​တူဝ်​ၶၼ်ႇ​ထႃႇ​တၢႆ​သေ​ယဝ်ႉ၊ ၶျႃး​တူၵ်း​သႂ်ႇ​ၵႃႈ​ၼႂ်း​ငရၢႆး​လႆႈ​ၼၼ်ႉ​တႃႉ။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵူဝ်​ၵေႃႉ​ၼၼ်ႉ​တႃႉ။-</verse>
				<verse number="6">ဢဝ်​တင်း​ၵႃႈ​မၼ်း​ၶၼ်​မၼ်း ဢႃႇသရီႉ ​သွင်​ၶႅပ်း သိုဝ်ႉ​ဢဝ်​ၼူၵ်ႉ​ဢႅၼ်ႇ​ၽႃႉ​လႆႈ​ႁႃႈ​တူဝ်​ဢမ်ႇ​ၸႂ်ႈ​ႁိုဝ်။ ၼူၵ်ႉ​ဢႅၼ်ႇ​ၽႃႉ​ၼၼ်ႉ​သေ​တူဝ်​ၵေႃႈ​ၽြႃး​ပဵၼ်​ၸဝ်ႈ​ဢမ်ႇ​လိုမ်း​ပႅတ်ႈ။-</verse>
				<verse number="7">ၶူၼ်​ႁူဝ်​သူ​ၵေႃႈ​ၼပ်ႉ​ဢၢၼ်ႇ​ဝႆႉ​တင်း​သဵင်ႈ​တင်း​လူင်​ယဝ်ႉ​ဢေႃႈ။ ပိူဝ်ႈ​ၼႆ​လႄႈ ယႃႇ​ပေ​ၵူဝ်။ သူ​ယဵင်ႈ​ၶႅၼ်း​မျၢတ်ႈ​ၼႃႇ​သေ​ၼူၵ်ႉ​ဢႅၼ်ႇ​ၽႃႉ​တင်း​လၢႆ​ၼၼ်ႉ​ၼမ်​ၼႃႇ​ဢေႃႈ။</verse>
				<verse number="8">ၵဝ်​ဝႃႈ​တီႈ​သူ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁပ်ႉ​တုင်း​ဢဝ်​ၵဝ်​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ၼၼ်ႉ၊ ၵေႃႉ​ၼၼ်ႉ​ၸိုင်၊ လုၵ်ႈ​ၵူၼ်း​တၵ်း​ႁပ်ႉ​တုင်း​ဢဝ်​ၵႃႈ​တီႈ​ၽၢႆႇ​ၼႃႈ​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​တင်း​လၢႆ​ဢေႃႈ။-</verse>
				<verse number="9">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ထဵင်​ပႅတ်ႈ​ၵဝ် ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ၼၼ်ႉ၊ ၵေႃႉ​ၼၼ်ႉ​ၸိုင်၊ ၵဝ်​တၵ်း​ထဵင်​ပႅတ်ႈ ၵႃႈ​တီႈ​ၽၢႆႇ​ၼႃႈ​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​တင်း​လၢႆ​ဢေႃႈ။-</verse>
				<verse number="10">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၽိတ်း​သူပ်း​ၽိတ်း​ၵႂၢမ်း​တီႈ​လုၵ်ႈ​ၵူၼ်း​ၼၼ်ႉ​ၸမ်ႉ၊ တၵ်း​ႁွတ်ႈ​ထိုင်​တၢင်း​ဢၼ်​ပွႆႇ​လွတ်ႈ​ဢပႅတ်ႈ​လႆႈ​ယူႇ​ဢေႃႈ။ ၵေႃႉ​ဢၼ်​သႄႉ​သွမ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ၼၼ်ႉ​ၸမ်ႉ၊ တၵ်း​ဢမ်ႇ​ႁွတ်ႈ​ထိုင်​တၢင်း​ဢၼ်​ပွႆႇ​လွတ်ႈ​ဢပႅတ်ႈ​လႆႈ။-</verse>
				<verse number="11">မိူဝ်ႈ​ဢၼ်​ၶဝ်​ဢဝ်​သူ​ၵႂႃႇ​သူင်ႇ​ၵႃႈ​တီႈ​ၸရွပ်ႈ​ႁေႃး​တြႃး​တင်း​လၢႆ ၵႃႈ​တီႈ​ၽၢႆႇ​ၼႃႈ​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် ဢိၵ်ႇ​တင်း​ၶုၼ်​တင်း​လၢႆ​ၼၼ်ႉ​ၸိုင်၊ တၵ်း​လႆႈ​ၶိုၼ်း​လၢတ်ႈ​ၸိူဝ်ႉ​ၼင်ႇ​ႁိုဝ်။ တၵ်း​လႆႈ​ၶိုၼ်း​လၢတ်ႈ​ၵႃႈ​သင်​ဝႃႈ​ၼႆ၊ ယႃႇ​ပေ​မႆႈ​ၸႂ်။-</verse>
				<verse number="12">လွင်ႈ​မၼ်း​ၸမ်ႉ လွင်ႈ​ဢၼ်​တၵ်း​လႆႈ​လၢတ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင် ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ တၵ်း​သင်ႇ​သွၼ်​ပၼ်​ၼႂ်း​ၶိင်ႇ​မိူဝ်ႈ​ၼႃႇရီႇ​ၼၼ်ႉ​ၵမ်း​လဵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ၵူၼ်း​ဢၼ်​ပႃး​ၼႂ်း ၵူၼ်း​ဢၼ်​ၸူႉ​ဢၼ်​တုမ်​ၼၼ်ႉ​ၵေႃႉ​ၼိုင်ႈ​လဝ်ႊ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ၊ ၶႅၼ်း​တေႃႈ​မီး​ဢမိင်ႉ​ႁႂ်ႈ​ပီႈ​ၸၢႆး​ၵဝ်​ၶႃႈ ၽႄ​မႅင်ႇ​ပၼ်​ဢမူၺ်ႇ​ဢုၵ်ႉ​ၸႃႇ​ၶူဝ်း​လဵင်း​တီႈ​ၵဝ်​ၶႃႈ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="14">မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ ၵူၼ်း​ၵေႃႉ​ၼႆႉ​ဢိူၺ်း၊ ၽူႈ​လႂ်​ၶၢၼ်း​ၵဝ်​ဝႆႉ​ႁႂ်ႈ​ပဵၼ်​ၵေႃႉ​ဢၼ်​လႆႈ​ၸီႇ​ယၢင်ႇ​လႄႈ ၽႄ​မႅင်ႇ​ပၼ်​ၶူဝ်း​လဵင်း​တီႈ​သူ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">လိူဝ်​သေ​ၼၼ်ႉ၊ မၼ်း​ၸဝ်ႈ​လၢတ်ႈ​တီႈ​ၶဝ်​လႄႈ​ဝႃႈ၊ ႁဵတ်း​သတီႉ​လႄႈ ဝႄႈ​ပႅတ်ႈ​လွင်ႈ​တၢင်း​ဢၼ်​ၸႂ်​လေႃး​ၽႃႉ​ပူၼ်ႉ​လိူဝ်​ၼၼ်ႉ​တႃႉ။ လွင်ႈ​မၼ်း​ၸမ်ႉ ပိၵ်ႉ​သမ်ႉ​မီး​ၸေး​ၸိမ်ႇ​သေ​ၵေႃႈ၊ ဢသၢၵ်ႈ​ဢမ်ႇ​တႄႇ​ယူႇ​ၵႃႈ​ၼႂ်း​ၸေး​ၸိမ်ႇ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">မၼ်း​ၸဝ်ႈ​သမ်ႉ​ၶိုၼ်း​လၢတ်ႈ​ၵႂၢမ်း​ဢူႉပမႃႇ​ထႅင်ႈ​လႄႈ​ဝႃႈ​ၸမ်ႉ၊ တီႈ​သထေး​ၵေႃႉ​ၼိုင်ႈ လိၼ်​မၼ်း​လီ​လႄႈ​မၢၵ်ႇ​ၶဝ်ႈ​မၢၵ်ႇ​ၼမ်ႉ​မၼ်း​ၼမ်​ၼႃႇ​ဢေႃႈ။-</verse>
				<verse number="17">သထေး​ၵေႃႉ​ၼၼ်ႉ မီး​တၢင်း​ၵျၢမ်ႇ​တၢင်း​ပွင်​လႄႈ​ဝႃႈ၊ ၵဝ်​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်။ တီႈ​ဢၼ်​တၵ်း​သိမ်း​မၢၵ်ႇ​ၶဝ်ႈ​မၢၵ်ႇ​ၼမ်ႉ​ၸိူဝ်း​ၼၼ်ႉ​ဝႆႉ​ဢမ်ႇ​မီး။-</verse>
				<verse number="18">တၢင်း​ၵျၢမ်ႇ​တၢင်း​ပွင်​ဢၼ်​ၵဝ်​တၵ်း​ႁဵတ်း​ၸမ်ႉ၊ ၵဝ်​ယႃႉ​ႁိူၼ်း​ယႃႉ​ယေး​ၵဝ်​သေ​လႄႈ မႄး​ႁဵတ်း​ႁိူၼ်း​ႁဵတ်း​ယေး​ဢၼ်​ယဵင်ႈ​ၶႅၼ်း​ယႂ်ႇ​ၼႃႇ​သေ​ၼႆႉ​ယဝ်ႉ​ၸင်ႇ တၵ်း​သိမ်း​ဢဝ်​မၢၵ်ႇ​ၶဝ်ႈ​မၢၵ်ႇ​ၼမ်ႉ​ဢုၵ်ႉ​ၸႃႇ​ၵဝ် ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ဝႆႉ​ဢေႃႈ။-</verse>
				<verse number="19">တီႈ​ဝီႉၺိၺ်ႇ​ၵဝ်​ၵေႃႈ ၵဝ်​တၵ်း​လၢတ်ႈ​လႄႈ​ဝႃႈ၊ ၸႂ်​ဝီႉၺိၺ်ႇ​ဢိူၺ်း၊ ပုၼ်ႈ​ဢၼ်​မႂ်း​တၵ်း​ယိပ်း​တၵ်း​ၵႅမ်း ပီႊ​မိူင်း​ၼမ်​ၼႃႇ​ၸိုင်၊ မႂ်း​မီး​ဢုၵ်ႉ​ၸႃႇ​ၶူဝ်း​လဵင်း​ၼမ်​ၼႃႇ​ဢၼ်​ၸူႉ​သိမ်း​ဝႆႉ​ယဝ်ႉ။ ယူႇ​ၼိမ်​ၼိမ်​တႃႉ။ ၵိၼ်​ၶူပ်း​တႃႉ။ မူၼ်ႈ​ပျေႃႇ​သိူဝ်း​သႂၢင်ႇ​တႃႉ​ဝႃႈ​ၼႆ၊ မၼ်း​မီး​တၢင်း​ၵျၢမ်ႇ​တၢင်း​ပွင်​ဢေႃႈ။-</verse>
				<verse number="20">ၵူၺ်း​ၵႃႈ ၽြႃး​ပဵၼ်​ၸဝ်ႈ​လၢတ်ႈ​တီႈ​မၼ်း​လႄႈ​ဝႃႈ၊ ၵူၼ်း​မိူၵ်ႈ​ဢိူၺ်း၊ ၼႂ်း​ၶိုၼ်း​ၼႆႉ၊ ၶိင်ႇ​ဢၼ်​သိမ်း​ဢဝ်​ဝီႉၺိၺ်ႇ​မႂ်း​ၼၼ်ႉ​တၵ်း​ႁွတ်ႈ​ထိုင်​ဢေႃႈ။ ပိူဝ်ႈ​ၼႆ​လႄႈ ဢုၵ်ႉ​ၸႃႇ​ၶူဝ်း​လဵင်း​ဢၼ်​မႂ်း​သိမ်း​ဝႆႉ​ၼၼ်ႉ​ၸိုင်၊ ၽူႈ​လႂ်​တၵ်း​ပိူင်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ပိူင်​လဵဝ်​ၵၼ်၊ ၵေႃႉ​ဢၼ်​သိမ်း​ပႅင်း​ၽၼ်ႇတႃႇ​ဢုၵ်ႉ​ၸႃႇ​ပုၼ်ႈ​မၼ်း​ဝႆႉ​လႄႈ ယၢၵ်ႈ​ၽၢၼ်​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ​သထေး​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">မၼ်း​ၸဝ်ႈ​သမ်ႉ​ၶိုၼ်း​လၢတ်ႈ​တီႈ​တပႄး​ၸဝ်ႈ​တင်း​လၢႆ​ထႅင်ႈ​လႄႈ​ဝႃႈ၊ ပိူဝ်ႈ​ၼႆ​လႄႈ ၵဝ်​ဝႃႈ​တီႈ​သူ​ၸမ်ႉ၊ တၵ်း​လႆႈ​ၵိၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ပုၼ်ႈ​ဢသၢၵ်ႈ​လႄႈ​သင်၊ တၵ်း​လႆႈ​ၼုင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ပုၼ်ႈ​တူဝ်​ၵႃႇ​ယႃႉ​လႄႈ​သင်၊ ယႃႇ​ပေ​မႆႈ​ၸႂ်၊ ၵဝ်​ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ဢသၢၵ်ႈ​မျၢတ်ႈ​သေ​တၢင်း​ၵိၼ်​ဢမ်ႇ​ၸႂ်ႈ​ႁိုဝ်။ တူဝ်​ၵႃႇ​ယႃႉ​မျၢတ်ႈ​သေ​တၢင်း​ၼုင်ႈ​ဢမ်ႇ​ၸႂ်ႈ​ႁိုဝ်။-</verse>
				<verse number="24">တူၺ်း​ၵႃ​လမ်​တင်း​လၢႆ​လႄႈ ၶႆႈ​ၸႂ်​ဝူၼ်ႉ​ၸႂ်​တႃႉ။ ၼူၵ်ႉ​ၸိူဝ်း​ၼၼ်ႉ​ဢမ်ႇ​ဝၢၼ်ႇ​ဢမ်ႇ​သွမ်ႈ​ၸိူဝ်ႉ​ၽၼ်း၊ ဢမ်ႇ​ပၢတ်ႇ​ၶဝ်ႈ​ထိူဝ်​ၶဝ်ႈ၊ ဢမ်ႇ​မီး​ယွင်​မီး​ယေး၊ ဢမ်ႇ​မီး​တိူၵ်ႈ​ၽၼ်ႇတႃႇ​ၶူဝ်း​လဵင်း။ ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​လဵင်ႉ​လူ​ၶဝ်​ယူႇ​ဢေႃႈ။ သူ​မျၢတ်ႈ​ၼႃႇ​သေ​ၼူၵ်ႉ​ၸိူဝ်း​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="25">ၵွပ်ႈ​ပိူဝ်ႈ​တၢင်း​ဢၼ်​မႆႈ​ၸႂ်​ၶီ​ၸႂ်​လႄႈ၊ ၼႂ်း​သူ​ၼႆႉ ၽူႈ​လႂ်​တၵ်း​ႁႂ်ႈ​ၸူဝ်ႈ​တႃႇ​ဢသၢၵ်ႈ​တူဝ်​ၸဝ်ႈ​ၵဝ်ႇ​ယၢဝ်း​မႃး​ထႅင်ႈ​သေ​သွၵ်ႇ​ၼိုင်ႈ​လႆႈ။-</verse>
				<verse number="26">ပေႃး​သူ​ဢမ်ႇ​တၢတ်ႈ​ၼိူင်ႇ​လႆႈ လွင်ႈ​တၢင်း​ဢၼ်​လဵၵ်ႉ​ဢၼ်​ၼွႆႉ​သေ​ပိူၼ်ႈ​ၼႆႉ​ၸိုင်၊ ႁဵတ်း​ႁိုဝ်​လႄႈ​မႆႈ​ၸႂ်​ၶီ​ၸႂ်​လူၺ်ႈ​လွင်ႈ ဢၼ်​ၵိုတ်း​ဢၼ်​ၵျၢၼ်ႇ​တင်း​လၢႆ​ၸိူဝ်း​ၼၼ်ႉ​ၼင်ႇ​ႁိုဝ်။</verse>
				<verse number="27">ၶႆႈ​ၸႂ်​တူၺ်း​တူၼ်ႈ​မွၵ်ႇ​ၼၢင်း​ပၢၼ်း​တင်း​လၢႆ​ၼၼ်ႉ ယႂ်ႇ​မႃး​ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​တႃႉ။ တူၼ်ႈ​ၸိူဝ်း​ၼၼ်ႉ​ဢမ်ႇ​ႁဵတ်း​တၢင်း​ႁဵတ်း၊ ဢမ်ႇ​ပၼ်ႇ၊ ဢမ်ႇ​တေႃး။ ၼႂ်း​ဝႃႈ​ၼၼ်​သေ​ၵေႃႈ ၵဝ်​ဝႃႈ​တီႈ​သူ​ၸမ်ႉ၊ တၢင်း​ၼုင်ႈ​တၢင်း​မႆ ၶုၼ်​လူင်​ သေႃးလမုၼ်ႇ ဢၼ်​မီး​မုၼ်​ယႂ်ႇ​ၼႃႇ​ၼၼ်ႉ ဢမ်ႇ​ၶိုတ်း​တူၼ်ႈ​ၸိူဝ်း​ၼၼ်ႉ​သေ​တူၼ်ႈ။-</verse>
				<verse number="28">သူ​ၸိူဝ်း​ဢၼ်​ယုမ်ႇ​မၢတ်ႈ​ၵေႇ​တင်း​လၢႆ​ၼႆႉ​ဢိူၺ်း၊ ပေႃး​ၽြႃး​ပဵၼ်​ၸဝ်ႈ​ဢဝ်​တၢင်း​ၼုင်ႈ​တၢင်း​မႆ ႁူမ်ႇ​လူမ်ႈ​တူၼ်ႈ​ယိူဝ်ႈ​တူၼ်ႈ​ယႃႈ​ၵႃႈ​ၼႂ်း​ထိူၼ်ႇ ဢၼ်​ဝၼ်း​မိူဝ်ႈ​ၼႆႉ​ဢသၢၵ်ႈ​လိပ်း​ယူႇ​လႄႈ ဝၼ်း​မိူဝ်ႈ​ၽုၵ်ႈ​ဢဝ်​ၶျႃး​သႂ်ႇ​ၵႃႈ​ၼႂ်း​မုၵ်ႉ​ၽႆး​ၼၼ်ႉ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ မၼ်း​ၸဝ်ႈ​ယဵင်ႈ​ၶႅၼ်း​တၵ်း​ဢဝ်​တၢင်း​ၼုင်ႈ​တၢင်း​မႆ​ႁူမ်ႇ​လူမ်ႈ​သူ​ၼႃႇ​သေ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="29">ပိူဝ်ႈ​ၼႆ​လႄႈ တၵ်း​လႆႈ​ၵိၼ်​လႆႈ​ၶူပ်း​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ ယႃႇ​ပေ​ႁႃ။ လွင်ႈ​တၢင်း​ဢၼ်​ၸႂ်​ၼမ်​ၸႂ်​ယုင်ႈ​ၵေႃႈ ယႃႇ​ပေ​ႁႂ်ႈ​မီး။-</verse>
				<verse number="30">ၵူၼ်း​လေႃးၵီႇ​ၵူႈ​ၸိူဝ်ႉ​ၵူႈ​မဵဝ်း ၸၢင်ႈ​ႁႃ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ဢေႃႈ။ ပေႃႈ​သူ​ၼၼ်ႉ ႁူႉ​လွင်ႈ​ဢၼ်​သူ​လူဝ်ႇ​လွင်ႈ​တၢင်း​ၸိူဝ်း​ၼႆႉ​ယူႇ​ဢေႃႈ။-</verse>
				<verse number="31">သူ​ၸမ်ႉ၊ ႁႃ​မိူင်း​ၽြႃး​ပဵၼ်​ၸဝ်ႈ​တႃႉ။ လိုၼ်း​ၼၼ်ႉ မၼ်း​ၸဝ်ႈ​တၵ်း​ပၼ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ထႅင်ႈ​ဢေႃႈ။</verse>
				<verse number="32">ၽုင်​သူဝ်း​ဢွၼ်ႇ​ၼႆႉ​ဢိူၺ်း၊ သူ​ယႃႇ​ပေ​ၵူဝ်။ ပေႃႈ​သူ​ၼၼ်ႉ​မီး​ဢလူဝ်ႇ​ၶႂ်ႈ​ပၼ်​မိူင်း​တီႈ​သူ​ဢေႃႈ။-</verse>
				<verse number="33">ဢဝ်​ဢုၵ်ႉ​ၸႃႇ​ၶူဝ်း​လဵင်း​သူ​ၶၢႆ​သေ​လႄႈ ၽႄ​ၸွၼ်း​ယိုၼ်ႈ​မႅင်ႇ​တီႈ​ၵူၼ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ​တႃႉ။ ႁဵတ်း​ထူင်​ပႃး​ဢၼ်​ဢမ်ႇ​ၸၢင်ႈ​ၵဝ်ႇ​ၸၢင်ႈ​မွင်​တင်း​လၢႆ​ဢၼ်​ဝႃႈ ၽၼ်ႇတႃႇ​ဢၼ်​ဢမ်ႇ​သုတ်း​ဢမ်ႇ​သဵင်ႈ​လႆႈ​ၵႃႈ​ၼိူဝ်​မိူင်း​ၵၢင်​ႁၢဝ်၊ တီႈ​ဢၼ်​ၽူႈ​လၵ်ႉ​ဢမ်ႇ​ႁွတ်ႈ​ဢမ်ႇ​ထိုင်၊ မူင်ႈ​တင်း​လၢႆ​ဢမ်ႇ​ယႃႉ​ပႅတ်ႈ​လႆႈ​ၼၼ်ႉ​ပုၼ်ႈ​သူ​တႃႉ။-</verse>
				<verse number="34">လွင်ႈ​မၼ်း​ၸမ်ႉ ႁူဝ်​ၸႂ်​သူ​ၸၢင်ႈ​မီး​ၵႃႈ​တီႈ​ဢၼ်​ၽၼ်ႇတႃႇ​ဢုၵ်ႉ​ၸႃႇ​သူ​မီး​ၼၼ်ႉ​ဢေႃႈ။</verse>
				<verse number="35">သူ​ႁတ်ႉ​သၢႆ​ဢႅဝ်​သူ​သေ​လႄႈ တႆႈ​ဝၢၼ်ႇ​ၽႆး​တဵၼ်း​ယူႇ​တႃႉ။-</verse>
				<verse number="36">ႁႂ်ႈ​ပဵၼ်​ၸိူဝ်ႉ​ၼင်ႇ​ၶႃႈ​တင်း​လၢႆ ဢၼ်​ပႂ်ႉ​လွင်ႈ​ဢၼ်​ၸဝ်ႈ​ၶဝ်​တၵ်း​လုၵ်ႉ​သေ​ၵႃႈ​တီႈ​ပွႆး​သွင်ႇ​မင်ႇၵလႃႇ​ၶိုၼ်း​မႃး​ၼၼ်ႉ ႁႂ်ႈ​လႆႈ​ၽုၺ်ႇ​ၽၵ်း​တူ​ပၼ်​တီႈ​မၼ်း​ၵမ်း​လဵဝ် မိူဝ်ႈ​ဢၼ်​မၼ်း​မႃး​လႄႈ တွႆႇ​ၽၵ်း​တူ​ၼၼ်ႉ​တႃႉ။-</verse>
				<verse number="37">ၶႃႈ​ၸိူဝ်း​ဢၼ်​ၸဝ်ႈ​ၶဝ်​ၶိုၼ်း​မႃး​လႄႈ ထူပ်း​ႁၼ်​ၶဝ်​ပႂ်ႉ​ယူႇ​ၼၼ်ႉ​မီး​မင်ႇၵလႃႇ​ဢေႃႈ။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၸဝ်ႈ​ၼၼ်ႉ ႁတ်ႉ​သၢႆ​ဢႅဝ်​သေ​လႄႈ ႁႂ်ႈ​ၶႃႈ​ၸိူဝ်း​ၼၼ်ႉ​ဢိင်​ယူႇ​ႁိမ်း​တီႈ​ၵိၼ်​သေ​ယဝ်ႉ၊ တူဝ်​မၼ်း​တၵ်း​မႃး​လႄႈ ႁဵတ်း​လဵင်ႉ​ႁဵတ်း​လူ​ၶဝ်​ဢေႃႈ။-</verse>
				<verse number="38">ၵၢင်​ၶိုၼ်း​ၶိင်ႇ​ဢၼ်​ႁႆႇ​သွင်​မွင်း​သေ​ဢမ်ႇ​ဝႃႈ၊ ၶိင်ႇ​ဢၼ်​ႁႆႇ​သၢမ်​မွင်း​သေ​ဢမ်ႇ​ဝႃႈ၊ ပေႃး​မၼ်း​မႃး​လႄႈ​ထူပ်း​ႁၼ်​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ ၶႃႈ​ၸိူဝ်း​ၼၼ်ႉ​မီး​မင်ႇၵလႃႇ​ဢေႃႈ။-</verse>
				<verse number="39">ပေႃး​ၸဝ်ႈ​ႁိူၼ်း​ႁူႉ​ၶိင်ႇ​ၼႃႇရီႇ​ဢၼ်​ၽူႈ​လၵ်ႉ​တၵ်း​မႃး​ၼၼ်ႉ၊ လွင်ႈ​ဢၼ်​မၼ်း​တၵ်း​ပႂ်ႉ​ယူႇ​လႄႈ ဢမ်ႇ​ပႅတ်ႈ​ပၼ်​ႁိူၼ်း​မၼ်း​ႁႂ်ႈ​လႆႈ​ၶၢမ်ႇ​တၢင်း​ဢၼ်​မူင်ႇ​ဢၼ်​ယႃႉ​ၼၼ်ႉ​ၸိုင်၊ သူ​ႁူႉ​ယူႇ​ဢေႃႈ။-</verse>
				<verse number="40">ပိူဝ်ႈ​ၼႆ​လႄႈ သူ​မႄး​ႁႅၼ်း​ဝႆႉ​သေ​လႄႈ​ယူႇ​တႃႉ။ လွင်ႈ​မၼ်း​ၸမ်ႉ ၶိင်ႇ​ၼႃႇရီႇ​ဢၼ်​သူ​ဢမ်ႇ​ထၢင်ႇ​ဢမ်ႇ​ထိူမ်​ၼၼ်ႉ၊ လုၵ်ႈ​ၵူၼ်း​တၵ်း​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">ပေႇတရူႉ ​ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊​ၸဝ်ႈ​ႁဝ်း​လၢတ်ႈ​ဢူႉပမႃႇ​ၼႆႉ​ပၼ်​တီႈ​ႁဝ်း​ၶႃႈ​ႁိုဝ်။ လၢတ်ႈ​ပၼ်​တီႈ​ၵူၼ်း​တင်း​သဵင်ႈ​တင်း​လူင်​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="42">ၸဝ်ႈ​ၽြႃး​ၵေႃႈ​လၢတ်ႈ​လႄႈ​ဝႃႈ၊ ၽၼ်ႇတႃႇၸူဝ်း ဢၼ်​မီး​သဵတ်ႈ​ၸႃႇ​တင်း​သတီႉ​ဢၼ်​ၸဝ်ႈ​မၼ်း​ၶၢၼ်း​ဝႆႉ​ၵႃႈ​ၼိူဝ်​ၵူၼ်း​ႁိူၼ်း​ၵူၼ်း​ယေး​တင်း​လၢႆ လွင်ႈ​ၼင်ႇ​ႁိုဝ်​ၼႂ်း​မိူဝ်ႈ​ဢၼ်​ၶိင်ႇ​ထုၵ်ႇ​ၼၼ်ႉ၊ မၼ်း​တၵ်း​လႆႈ​ၽႄ​မႅင်ႇ​ပၼ်​တၢင်း​ၵိၼ်​တၢင်း​ၶူပ်း​တီႈ​ၶဝ်​ၼၼ်ႉ​ၸမ်ႉ၊ ပဵၼ်​ၽူႈ​လႂ်။-</verse>
				<verse number="43">ၶႃႈ​ဢၼ်​ၸဝ်ႈ​မၼ်း​ၶိုၼ်း​မႃး​လႄႈ ထူပ်း​ႁၼ်​မၼ်း​ႁဵတ်း​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​မီး​မင်ႇၵလႃႇ​ဢေႃႈ။-</verse>
				<verse number="44">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၸဝ်ႈ​မၼ်း​တၵ်း​ၶၢၼ်း​ၶႃႈ​ၼၼ်ႉ​ဝႆႉ​ၵႃႈ​ၼိူဝ်​ဢုၵ်ႉ​ၸႃႇ​ၶူဝ်း​လဵင်း​မၼ်း ၵႃႈ​မီး​တင်း​သဵင်ႈ​တင်း​လူင်​ဢေႃႈ။</verse>
				<verse number="45">ပေႃး​ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်​ၸမ်ႉ၊ ပေႃး​ၶႃႈ​ၼၼ်ႉ​ထၢင်ႇ​ၼႂ်း​ၸႂ်​လႄႈ​ဝႃႈ၊ ၸဝ်ႈ​ၵဝ်​တၵ်း​ၼၢၼ်း​မႃး​ဢေႃႈ၊ ဝႃႈ​ၼင်ႇ​ၼႆ​ယူႇ​သေ​လႄႈ ယႅၼ်ႉ​ထုပ်ႉ​ၶႃႈ​ၼင်ႇ​ၵၼ်​ၵၼ်​ၸဵမ်​ယိင်း​ၸဵမ်​ၸၢႆး​လႄႈ ၵိၼ်​ၶူပ်း​မဝ်း​လဝ်ႈ​ယူႇ​ၸိုင်၊-</verse>
				<verse number="46">ၶိင်ႇ​ဝၼ်း​ဢၼ်​ၶႃႈ​ၼၼ်ႉ​ဢမ်ႇ​မုင်ႈ​ဢမ်ႇ​တူၺ်း၊ ၶိင်ႇ​ၼႃႇရီႇ​ဢၼ်​ဢမ်ႇ​ႁူႉ​ဢမ်ႇ​ငိၼ်း​ၼၼ်ႉ၊ ၸဝ်ႈ​မၼ်း​တၵ်း​ႁွတ်ႈ​ၽႅဝ်​မႃး​လႄႈ တႅပ်း​ၶႃႈ​ၼၼ်ႉ​ႁဵတ်း​သွင်​ပွတ်း​သေ​ယဝ်ႉ၊ ဢဝ်​မၼ်း​ဝႆႉ​လူၺ်ႈ​ၵၼ်​တင်း​ၶဝ် ၸိူဝ်း​ဢၼ်​ဢမ်ႇ​မီး​သဵတ်ႈ​ၸႃႇ​ၼၼ်ႉ​ဢေႃႈ။</verse>
				<verse number="47">ၶႃႈ​ဢၼ်​ႁူႉ​ဢလူဝ်ႇ​ၸဝ်ႈ​မၼ်း​ယူႇ​လႄႈ ဢမ်ႇ​မႄး​ႁႅၼ်း​ဝႆႉ​ဢမ်ႇ​ႁဵတ်း​ၸွမ်း​ဢလူဝ်ႇ​ၸဝ်ႈ​မၼ်း​ၼၼ်ႉ တၵ်း​လႆႈ​ၶၢမ်ႇ​တၢမ်ႇ​ၼမ်​ၼႃႇ​ဢေႃႈ။-</verse>
				<verse number="48">ၵေႃႉ​ဢၼ်​ဢမ်ႇ​ႁူႉ​ဢလူဝ်ႇ​ၸဝ်ႈ​မၼ်း​လႄႈ ႁဵတ်း​မႅၼ်ႈ​လွင်ႈ​တၢင်း​ဢၼ်​ထိူၵ်ႈ​ၶၢမ်ႇ​တၢမ်ႇ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢမ်ႇ​ၵေႇ​ၵေႇ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​လႆႈ​ၶၢမ်ႇ​ၵျေး​ၸူး​ၼမ်​ၼႃႇ​ၼၼ်ႉ၊ ၵေႃႉ​ၼၼ်ႉ​တၵ်း​လႆႈ​တႅၼ်း​ၼမ်​ၼႃႇ​ဢေႃႈ။ တီႈ​ၽူႈ​လႂ်​သေ​ဢမ်ႇ​ဝႃႈ၊ တီႈ​ၵေႃႉ​ဢၼ်​လႆႈ​ဢဝ်​ဢုၵ်ႉ​ၸႃႇ​ဢၢပ်ႈ​ဝႆႉ​ၼမ်​ၼႃႇ​ၼၼ်ႉ၊ တီႈ​ၵေႃႉ​ၼၼ်ႉ​တၵ်း​ယွၼ်း​ဢဝ်​ၼမ်​ၼႃႇ​ဢေႃႈ။</verse>
				<verse number="49">ၵဝ်​မႃး​ႁႂ်ႈ​လႆႈ​ပွႆႇ​ၽႆး ၵႃႈ​ၼိူဝ်​လိၼ်​မိူင်း​ၼႆႉ​ဢေႃႈ။ ၸူဝ်ႈ​ဢၼ်​ၽႆး​ၼၼ်ႉ​ဢမ်ႇ​ပႆႇ​ၸပ်း​ၸိုင်၊ ဢလူဝ်ႇ​ၵဝ် ဢမ်ႇ​ပႆႇ​ပျေႉ​ၸုမ်ႇ။-</verse>
				<verse number="50">ပပ်ႉတီႉၸမ်ႇ ​ဢၼ်​ၼိုင်ႈ​ၵေႃႈ ၵဝ်​မီး​လွင်ႈ​ဢၼ်​တၵ်း​လႆႈ​ၶၢမ်ႇ​ဢေႃႈ။ ၸူဝ်ႈ​ဢၼ်​ၵဝ်​ဢမ်ႇ​ပႆႇ​လႆႈ​ၶၢမ်ႇ​ ပပ်ႉတီႉၸမ်ႇ ​ၼၼ်ႉ​ၸိုင်၊ ၵဝ်​မီး​တၢင်း​ဢၼ်​ၵိတ်ႇ​ၸႂ်​ၵႅၼ်း​ၸႂ်​ၼႃႇ​ဢေႃႈ။-</verse>
				<verse number="51">သူ​ထၢင်ႇ​ၵဝ်​မႃး ႁႂ်ႈ​လႆႈ​ပၼ်​တၢင်း​ၼိမ်​ၵႃႈ​ၼိူဝ်​လိၼ်​မိူင်း​ၼႆႉ​ႁိုဝ်။ ၵဝ်​မႃး​ႁႂ်ႈ​လႆႈ​ပၼ်​ၸိူဝ်ႉ​ၼင်ႇ​ၼၼ်​ဢမ်ႇ​ၸႂ်ႈ။ ၵဝ်​မႃး​ႁႂ်ႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၽၢတ်ႇ​ၵၼ်​ယၢၼ်​ၵၼ်​ဢေႃႈ၊ ဝႃႈ​ၼႆ၊ ၵဝ်​ဝႃႈ​ဢေႃႈ။-</verse>
				<verse number="52">လွင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၸႃႉ​ၸဵမ်​တေႃႈ​လဵဝ်​ၼႆႉ​လႄႈ၊ ၵူၼ်း​ႁႃႈ​ၵေႃႉ ဢၼ်​ယူႇ​ၵႃႈ​ၼႂ်း​ႁိူၼ်း​လင်​ၼိုင်ႈ​ၼၼ်ႉ၊ သွင်​ၵေႃႉ​မုၵ်ႉ​ၼိုင်ႈ၊ သၢမ်​ၵေႃႉ​မုၵ်ႉ​ၼိုင်ႈ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ၽၢတ်ႇ​ၽႄ​ၵၼ်​ဢေႃႈ။-</verse>
				<verse number="53">ပေႃႈ​တင်း​လုၵ်ႈ​ၸၢႆး၊ မႄႈ​တင်း​လုၵ်ႈ​ယိင်း၊ လုၵ်ႈ​ယိင်း​တင်း​မႄႈ၊ ဢွၵ်ႇ​ၼၢႆး​တင်း​လုၵ်ႈ​ပႂ်ႉ၊ လုၵ်ႈ​ပႂ်ႉ​တင်း​ဢွၵ်ႇ​ၼၢႆး၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ၽၢတ်ႇ​ၽႄ​ၵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="54">မၼ်း​ၸဝ်ႈ​သမ်ႉ​ၶိုၼ်း​လၢတ်ႈ​တီႈ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ထႅင်ႈ​လႄႈ​ဝႃႈ​ၸမ်ႉ၊ မိူဝ်ႈ​ဢၼ်​သူ​ႁၼ်​ၽႃႈ​ၽူၼ် ၶိုၼ်ႈ​မႃး​ၵႃႈ​တီႈ ၼႃႈ​ၽႃႉ​တၢင်း​ဝၼ်း​တူၵ်း​ၸိုင်၊ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၸၢင်ႈ​လၢတ်ႈ​ၵၼ်​လႄႈ​ဝႃႈ၊ ၽူၼ်​တၵ်း​တူၵ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵႃႈ​ၼင်ႇ​ဢၼ်​ဝႃႈ​ၼၼ်ႉ​ၵေႃႈ ၸၢင်ႈ​ပဵၼ်​ဢေႃႈ။-</verse>
				<verse number="55">မိူဝ်ႈ​ဢၼ်​သူ​ႁၼ်​လူမ်း​ၼႃႈ​တၢင်း​ၸၢၼ်း​မႃး​ၼၼ်ႉ​ၸိုင်၊ သူ​ၸၢင်ႈ​လၢတ်ႈ​ၵၼ်​လႄႈ​ဝႃႈ၊ လႅတ်ႇ​တၵ်း​မႆႈ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵႃႈ​ၼင်ႇ​ဢၼ်​ဝႃႈ​ၼၼ်ႉ​ၵေႃႈ​ၸၢင်ႈ​ပဵၼ်​ဢေႃႈ။-</verse>
				<verse number="56">သူ​ၸိူဝ်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ၼႆႉ​ဢိူၺ်း၊ သူ​ၶႆႈ​ၸႂ်​ၼႃႈ​လိၼ်​မိူင်း​ဢိၵ်ႇ​တင်း ၼႃႈ​ၽႃႉ​ၵၢင်​ႁၢဝ်​လႄႈ​ႁူႉ​လႆႈ​ဢေႃႈ။ ႁဵတ်း​ၸိူဝ်ႉ​ႁိုဝ်​လႄႈ သူ​ၶႆႈ​ၸႂ်​လွင်ႈ​ၵၢပ်ႈ​ၵႃႇလႃႉ​ၶိင်ႇ​တေႃႈ​လဵဝ်​ၼႆႉ​လႄႈ ဢမ်ႇ​ႁူႉ​လႆႈ​ၼင်ႇ​ႁိုဝ်။-</verse>
				<verse number="57">လိူဝ်​သေ​ၼၼ်ႉ၊ သူ​ၶႆႈ​ၸႂ်​လူၺ်ႈ​လွင်ႈ​တြႃး​တၢင်း​ဢၼ်​သိုဝ်ႈ​တေႃႇ​လႄႈ​ဢမ်ႇ​ႁူႉ​လႆႈ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="58">မိူဝ်ႈ​ဢၼ်​မႂ်း​ၵႂႃႇ​လူၺ်ႈ​ၵၼ်​တင်း​ၵေႃႉ​ဢၼ်​ႁဵတ်း​ဢမူႉ​တီႈ​မႂ်း​ၼၼ်ႉ ၸူး​ၵႃႈ​တီႈ​ၶုၼ်​ၼၼ်ႉ​ၸိုင်၊ ၵျူဝ်း​ၸႃး​ႁႂ်ႈ​ဢမူႉ​ပေႇ ၵႃႈ​တီႈ​ၵၢင်​တၢင်း​တႃႉ။ ပေႃး​ဢမ်ႇ​ၼၼ်​ၸမ်ႉ၊​ၵေႃႉ​ဢၼ်​ႁဵတ်း​ဢမူႉ​ၼၼ်ႉ တၵ်း​တိုတ်ႉ​ၸၼ်​ဢဝ်​မႂ်း​ၵႂႃႇ​ၸူး​ၵႃႈ​တီႈ​ၶုၼ်​လူင်​ဢေႃႈ။ ၶုၼ်​လူင်​ၼၼ်ႉ တၵ်း​ဢဝ်​မႂ်း​ဢၢပ်ႈ​ပၼ်​တီႈ​ၵႄႇ​ဢွၼ်ႇ​ၸၢႆး​လႄႈ ၵႄႇ​ဢွၼ်ႇ​ၸၢႆး​ၼၼ်ႉ​တၵ်း​ဢဝ်​ၶင်​ဝႆႉ​ၵႃႈ​ၼႂ်း​ထွင်ႇ​ဢေႃႈ။-</verse>
				<verse number="59">ၵဝ်​ဝႃႈ​တီႈ​မႂ်း​ၸမ်ႉ၊ ၸူဝ်ႈ​ဢၼ်​မႂ်း​ဢမ်ႇ​ပႆႇ​ယေႃႇ​ငိုၼ်း တေႃႇ​ထိုင်​ႁွတ်ႈ​ပႅၵ်ႉသၢၼ်ႇ​ဢမ်ႇ​ၵိုတ်း​ဝႆႉ​သေ​ၶႅပ်း​ၼၼ်ႉ​ၸိုင်၊ ဢမ်ႇ​လႆႈ​ဢွၵ်ႇ​ၵႃႈ​ၼႂ်း​ထွင်ႇ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="13">
				<verse number="1">ၼႂ်း​ၶိင်ႇ​မိူဝ်ႈ​ၼၼ်ႉ မီး​ၵူၼ်း​ၵမ်ႈ​ၽွင်ႈ​ဢၼ်​မႃး​တီႈ​မၼ်း​ၸဝ်ႈ​သေ​လႄႈ လဝ်ႊ​လၢတ်ႈ​လွင်ႈ​ဢၼ်​ၶုၼ်​ ပီႉလတ်ႉ ​ဢဝ်​လိူတ်ႈ​ၵူၼ်း​ ၵႃႇလီႉလႄး ​ၵမ်ႈ​ၽွင်ႈ လေႃး​ၵၼ်​တင်း​တူဝ်​ယိတ်ႈ​ဢၼ်​ၶဝ်​ပုၵ်ႈ​ၸေႃႇ​ၼၼ်ႉ​ဢေႃႈ။-</verse>
				<verse number="2">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၵူၼ်း​ ၵႃႇလီႉလႄး ​ၸိူဝ်း​ၼၼ်ႉ ၵွပ်ႈ​ပိူဝ်ႈ​ဢၼ်​လႆႈ​ၶၢမ်ႇ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ သူ​ထၢင်ႇ​ယဵင်ႈ​ၶႅၼ်း​မီး​ဢပႅတ်ႈ​ယႂ်ႇ​ၼႃႇ​သေ​ၵူၼ်း​ ၵႃႇလီႉလႄး တၢင်ႇ​တီႈ​တၢင်ႇ​လႅၼ်​တင်း​သဵင်ႈ​တင်း​လူင်​ႁိုဝ်။-</verse>
				<verse number="3">ယဵင်ႈ​ၶႅၼ်း​မီး​ဢပႅတ်ႈ​ဢမ်ႇ​ၸႂ်ႈ။ သူ​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ၵေႃႈ၊ ပေႃး​ဢမ်ႇ​မီး​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၸိုင်၊ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​မိူၼ်​မိူၼ်​ၵၼ်​ဢေႃႈ ဝႃႈ​ၼႆ​ၵဝ်​ဝႃႈ​ဢေႃႈ။-</verse>
				<verse number="4">လိူဝ်​သေ​ၼၼ်ႉ၊ သူ​ထၢင်ႇ​ၶဝ်​သိပ်း​ပႅတ်ႇ​ၵေႃႉ ဢၼ်​ထဵင်​လၢင်း သီးလွင်ႇ ​လူမ်ႉ​တဵင်​လႄႈ​တၢႆ​ၸိူဝ်း​ၼၼ်ႉ ယဵင်ႈ​ၶႅၼ်း​မီး​ဢပႅတ်ႈ​ယႂ်ႇ​ၼႃႇ​သေ​ၵူၼ်း​ၵႃႈ​ဢၼ်​ယူႇ​ၼႂ်း​ဝဵင်း ယေႇရူႉသလႅမ်ႇ တင်း​သဵင်ႈ​တင်း​လူင်​ၼၼ်ႉ​ႁိုဝ်။-</verse>
				<verse number="5">ယဵင်ႈ​ၶႅၼ်း​မီး​ဢပႅတ်ႈ​ဢမ်ႇ​ၸႂ်ႈ၊ သူ​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ၵေႃႈ၊ ပေႃး​ဢမ်ႇ​မီး​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၸိုင်၊ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​မိူၼ်​မိူၼ်​ၵၼ်​ဢေႃႈ ဝႃႈ​ၼႆ၊ ၵဝ်​ဝႃႈ​ဢေႃႈ မၼ်း​ၸဝ်ႈ​ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၵမ်း​ၼၼ်ႉ မၼ်း​ၸဝ်ႈ​သမ်ႉ​ၶိုၼ်း​လၢတ်ႈ​ဢူႉပမႃႇ​ထႅင်ႈ​လႄႈ​ဝႃႈ​ၸမ်ႉ၊ တီႈ​ၵူၼ်း​ၵေႃႉ​ၼိုင်ႈ မီး​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​တူၼ်ႈ​ၼိုင်ႈ​ဢၼ်​ၽုၵ်ႇ​ဝႆႉ​ၵႃႈ​ၼႂ်း​သူၼ်​ဢူးယဵၼ်ႇ​မၼ်း​ဢေႃႈ။ ပိၵ်ႉ​သမ်ႉ​မၼ်း​ၵႂႃႇ​ၵႃႈ​တီႈ​တူၼ်ႈ​ၼၼ်ႉ​လႄႈ​ႁႃ​မၢၵ်ႇ​မၼ်း​သေ​ၵေႃႈ၊ ဢမ်ႇ​ထူပ်း​ဢမ်ႇ​ႁၼ်။-</verse>
				<verse number="7">မိူဝ်ႈ​ၼၼ်ႉ မၼ်း​လၢတ်ႈ​တီႈ​ၵေႃႉ​ဢၼ်​ပႂ်ႉ​သူၼ်​ဢူးယဵၼ်ႇ​ၼၼ်ႉ​လႄႈ​ဝႃႈ၊ သၢမ်​ပီႊ​တဵမ်​တဵမ်၊ ပိၵ်ႉ​သမ်ႉ​ၵဝ်​မႃး​တီႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ၼႆႉ​လႄႈ​ႁႃ​မၢၵ်ႇ​မၼ်း​သေ​ၵေႃႈ၊ ဢမ်ႇ​ထူပ်း​ဢမ်ႇ​ႁၼ်​ၵႃႈ​သင်။ ၽၼ်း​ပႅတ်ႈ​သေ​တႃႉ။ ႁဵတ်း​ႁိုဝ်​လႄႈ​ႁႂ်ႈ​မၼ်း​ႁူၵ်ႉ​လိၼ်​ၼႆႉ​ယူႇ​ၸိူဝ်ႉ​ၼင်ႇ​ႁိုဝ်၊ ဝႃႈ​ၼႆ၊ မိူဝ်ႈ​ဢၼ်​မီး​ဢမိင်ႉ​ၼၼ်ႉ​ၸိုင်၊-</verse>
				<verse number="8">ၵေႃႉ​ဢၼ်​ပႂ်ႉ​သူၼ်​ဢူးယဵၼ်ႇ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ပီႊ​ၼႆႉ​ၸိုင်၊ ယႃႇ​မၼ်း​လူး​ၵွၼ်ႇ​ၶႃႈ။ ၵဝ်​ၶႃႈ​တၵ်း​ၶုတ်း​ယူင်း​ႁိမ်း​ငဝ်ႈ​မၼ်း​သေ​လႄႈ သႂ်ႇ​ၽုၼ်ႇ​လူး​ၵွၼ်ႇ​ၶႃႈ​ဢေႃႈ။-</verse>
				<verse number="9">မၼ်း​ၸၢင်ႈ​ၶႄး​တၵ်း​မၢၵ်ႇ​မၢၵ်ႇ​မႃး​လူး​ၵွၼ်ႇ​ၶႃႈ​ဢေႃႈ။ ပေႃး​ဢမ်ႇ​ၼၼ် ၵမ်း​လိုၼ်း​ၸင်ႇ​ၽၼ်း​ပႅတ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼႆ၊ မၼ်း​ၸဝ်ႈ​ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ၼႂ်း​ဝၼ်း​ၵမ်​သိၼ်​ဝၼ်း​ၼိုင်ႈ၊ မိူဝ်ႈ​ဢၼ်​မၼ်း​ၸဝ်ႈ​သင်ႇ​သွၼ်​သုင်း​မႃႉ​ပၼ်​ၵႃႈ​ၼႂ်း​ၸရွပ်ႈ​ႁေႃး​တြႃး​ယူႇ​ၼၼ်ႉ​ၸိုင်၊-</verse>
				<verse number="11">မီး​မႄႈ​ယိင်း​ဢၼ်​ၽီ​ၶဝ်ႈ​သိပ်း​ပႅတ်ႇ​ပီႊ​တဵမ်​တဵမ်​လႄႈ လႆႈ​ၶၢမ်ႇ​တၢင်း​ဢၼ်​တၢင်း​ၶႆႈ​တၢင်း​ပဵၼ်​ၸပ်း​တူဝ်​ယူႇ​ၼၼ်ႉ​ၵေႃႉ​ၼိုင်ႈ​ဢေႃႈ။ မၼ်း​ၼၼ်ႉ​လင်​ၵွင်ႇ​လႄႈ ဢမ်ႇ​ယဵတ်ႇ​တူဝ်​မၼ်း​လႆႈ​သေ​ဢိတ်း။-</verse>
				<verse number="12">ယေႇသူႉ ​ႁၼ်​မၼ်း​ၼၼ်ႉ​သေ​ယဝ်ႉ၊ ႁွင်ႉ​မၼ်း​မႃး​တီႈ​မၼ်း​ၸဝ်ႈ​သေ​လႄႈ​လၢတ်ႈ​လႄႈ​ဝႃႈ၊ မႄႈ​ယိင်း​ဢိူၺ်း၊ မႂ်း​ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ်​မႂ်း​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ​ၸိုင်။-</verse>
				<verse number="13">မၼ်း​ၸဝ်ႈ​ဢဝ်​မိုဝ်း​တၢင်ႇ​ၵႃႈ​ၼိူဝ်​မၼ်း​လႄႈ မၼ်း​ၼၼ်ႉ​ႁွတ်ႈ​ထိုင်​တၢင်း​ဢၼ်​လုၵ်ႉ​ၸုၵ်း​သိုဝ်ႈ​သိုဝ်ႈ​လႄႈ ယွင်ႈ​ယေႃး​မုၼ်​ၵျေး​ၸူး​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="14">ပိူဝ်ႈ​ဢၼ်​ ယေႇသူႉ ႁႂ်ႈ​တၢင်း​ၶႆႈ​တၢင်း​ပဵၼ်​ၼၼ်ႉ​ႁၢႆ​ၼႂ်း​ဝၼ်း​ၵမ်​သိၼ်​လႄႈ၊ ၵႄႇ​ၸရွပ်ႈ​ႁေႃး​တြႃး မီး​တၢင်း​ဢၼ်​ၸႂ်​မႆႈ​ၶႆႈ​ၸႃႉ​လႄႈ​လၢတ်ႈ​တီႈ​ပရဵၵ်ႈသၢတ်ႈ​တင်း​လၢႆ​ၸိူဝ်း​ၼၼ်ႉ​လႄႈ​ဝႃႈ၊ ပုၼ်ႈ​ဢၼ်​ၵူၼ်း​တၵ်း​လႆႈ​ႁဵတ်း​တၢင်း​ႁဵတ်း​ၸိုင် မီး​ႁူၵ်း​ဝၼ်း​ဢေႃႈ။ ၵႃႈ​ၼႂ်း​ဝၼ်း​ၸိူဝ်း​ၼၼ်ႉ မႃး​လႄႈ​ၶၢမ်ႇ​ၵျေး​ၸူး​တၢင်း​ဢၼ်​ႁႂ်ႈ တၢင်း​ၶႆႈ​တၢင်း​ပဵၼ်​ႁၢႆ​တႃႉ။ ၼႂ်း​ဝၼ်း​ၵမ်​သိၼ်၊ ယႃႇ​ပေ​မႃး၊ ယႃႇ​ပေ​ၶၢမ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၸဝ်ႈ​ၽြႃး​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵူၼ်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​တင်း​လၢႆ​ၶဝ်​ဢိူၺ်း၊ ၼႂ်း​ဝၼ်း​ၵမ်​သိၼ် သူ​ၵႃႈ​မီး​တင်း​သဵင်ႈ​တင်း​လူင်​ၼႆႉ​ပွႆႇ​ဝူဝ်း​ဢိၵ်ႇ​တင်း​လီႈ​ဢွၵ်ႇ​သေ​ၵႃႈ​ၼႂ်း​ၶွၵ်ႈ​လႄႈ ဢဝ်​ၵႂႃႇ​ႁႂ်ႈ​လႆႈ​ပၼ်​ၵိၼ်​ၼမ်ႉ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="16">ၵေႃႉ​ဢၼ်​ပဵၼ်​လုၵ်ႈ​ယိင်း​ ဢႃႇပြႃႇႁၢမ်ႇ ​ဢၼ်​ ၸႃႇတၢၼ်ႇ ​မတ်ႉ​ၽုၵ်ႇ​ဝႆႉ သိပ်း​ပႅတ်ႇ​ပီႊ​တဵမ်​တဵမ်​ၼႆႉ ၼႂ်း​ဝၼ်း​ၵမ်​သိၼ်​ဢမ်ႇ​ထုၵ်ႇ​လီ​ၶၢမ်ႇ​တၢင်း​ဢၼ်​ပွႆႇ​လွတ်ႈ​ၵႃႈ​ၼႂ်း​တၢင်း​ဢၼ်​မတ်ႉ​ၽုၵ်ႇ​ဝႆႉ​ၼႆ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼႆ​သေ​ယဝ်ႉ၊ ၶဝ်​ၸိူဝ်း​ဢၼ်​ယူႇ​ၽၢႆႇ​ၼိုင်ႈ​တင်း​မၼ်း​ၸဝ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ မီး​တၢင်း​ဢၼ်​လီ​ဢူၵ်း​လီ​ဢၢႆ​လႄႈ ၵူၼ်း​ဢၼ်​ၸူႉ​ဢၼ်​တုမ်​တင်း​သဵင်ႈ​တင်း​လူင် သိူဝ်း​ၸူမ်း​မူၼ်ႈ​ပျေႃႇ​ၼႂ်း​လွင်ႈ​တၢင်း​ဢၼ်​လီ​ဢၢမ်း ဢၼ်​မၼ်း​ၸဝ်ႈ​ႁဵတ်း​ၼမ်​ၼႃႇ​ၼၼ်ႉ​ဢေႃႈ။</verse>
				<verse number="18">မၼ်း​ၸဝ်ႈ​သမ်ႉ​ၶိုၼ်း​ဝႃႈ​ထႅင်ႈ​ၸမ်ႉ၊ မိူင်း​ၽြႃး​ပဵၼ်​ၸဝ်ႈ မိူၼ်​လွင်ႈ​တၢင်း​ၸိူဝ်ႉ​ၼင်ႇ​ႁိုဝ်။ တၵ်း​လႆႈ​ၼႄ​ပျႃး​ဢူႉပမႃႇ​ပုင်ႇ​မၼ်း​ၸိူဝ်ႉ​ၼင်ႇ​ႁိုဝ်။-</verse>
				<verse number="19">မိူၼ်​ၸိူဝ်ႉ​ၼင်ႇ​ၽၼ်း​ၽၵ်း​ၵၢတ်ႇ​မဵတ်ႉ​ၼိုင်ႈ​ဢၼ်​ၵူၼ်း​ၵေႃႉ​ၼိုင်ႈ ဢဝ်​ၽုၵ်ႇ​သႂ်ႇ​ၵႃႈ​ၼႂ်း​သူၼ်​မၼ်း​ၼၼ်ႉ​ဢေႃႈ။ မဵတ်ႉ​ၼၼ်ႉ​ယႂ်ႇ​မႃး​လႄႈ​ပဵၼ်​တူၼ်ႈ​လူင်​ဢေႃႈ။ ၼူၵ်ႉ​ၵၢင်​ႁၢဝ်​တင်း​လၢႆ​ၵေႃႈ မႃး​လိုဝ်ႈ​မႃး​သဝ်း​ၵႃႈ​ၼႂ်း​ၵိင်ႇ​မၼ်း​ၶႃႊ​မၼ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">မၼ်း​ၸဝ်ႈ​သမ်ႉ​ၶိုၼ်း​ဝႃႈ​ထႅင်ႈ​ၸမ်ႉ၊ မိူင်း​ၽြႃး​ပဵၼ်​ၸဝ်ႈ တၵ်း​လႆႈ​ၼႄ​ပျႃး ဢူႉပမႃႇ​ပုင်ႇ​မၼ်း​ၸိူဝ်ႉ​ၼင်ႇ​ႁိုဝ်။-</verse>
				<verse number="21">မိူၼ်​ၸိူဝ်ႉ​ၼင်ႇ​ၸိူဝ်ႉ​ပႅင်ႈ​ဢၼ်​မႄႈ​ယိင်း​ၵေႃႉ​ၼိုင်ႈ​ဢဝ်​သႂ်ႇ​ၵႃႈ​ၼႂ်း​ၽွင်​ၶဝ်ႈ​မုၼ်း​သၢမ်​တၢင် တေႃႇ​ထိုင်​ႁွတ်ႈ​ၸိူဝ်ႉ​ပႅင်ႈ​ၼၼ်ႉ​ႁႂ်ႈ​တင်း​သဵင်ႈ​တင်း​လူင်​ပွင်း​ၶိုၼ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">မိူဝ်ႈ​ၼၼ်ႉ မၼ်း​ၸဝ်ႈ​တေႇသႃႉၸႃႇရီႇ​လႄႇ​လဵပ်ႈ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း​တင်း​လၢႆ​လႄႈ သင်ႇ​သွၼ်​သုင်း​မႃႉ​ပၼ်​ယူႇ၊ ၸွမ်း​တၢင်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ယူႇ​ဢေႃႈ။-</verse>
				<verse number="23">ၵူၼ်း​ၵေႃႉ​ၼိုင်ႈ​ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊ ၶဝ်​ၸိူဝ်း​ဢၼ်​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ မီး​ၵေႇ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="24">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵျူဝ်း​ၸႃး​ႁႂ်ႈ​လႆႈ​ၶဝ်ႈ​ၽၵ်း​တူ​ဢၼ်​ၵႅပ်ႈ​ၼၼ်ႉ​တႃႉ။ လွင်ႈ​မၼ်း​ၸမ်ႉ ပိၵ်ႉ​သမ်ႉ​ၵူၼ်း​ၼမ်​ၼႃႇ​မီး​ဢလူဝ်ႇ​ၶႂ်ႈ​ၶဝ်ႈ​သေ​ၵေႃႈ ၶဝ်​ဢမ်ႇ​တၢတ်ႈ​ၼိူင်ႇ​လႆႈ။-</verse>
				<verse number="25">ၸဝ်ႈ​ႁိူၼ်း​လုၵ်ႉ​လႄႈ ဢိုတ်း​ၽၵ်း​တူ​ဝႆႉ​သေ​ယဝ်ႉ၊ ပိၵ်ႉ​သမ်ႉ​သူ​ၸုၵ်း​ယူႇ​ၵႃႈ​ၼွၵ်ႈ​လႄႈ တွႆႇ​ၽၵ်း​တူ​ယူႇ​သေ​လႄႈ​လဝ်ႊ​ယွၼ်း​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း၊ ၽုၺ်ႇ​ပၼ်​တီႈ​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ မၼ်း​ၼၼ်ႉ​တၵ်း​ၶိုၼ်း​လၢတ်ႈ​လႄႈ​ဝႃႈ၊ လွင်ႈ​ဢၼ်​သူ​ၼႆႉ​လုၵ်ႉ​ၵႃႈ​လႂ်​မႃး​ၸိုင်၊ ၵဝ်​ဢမ်ႇ​ႁူႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">မိူဝ်ႈ​ၼၼ်ႉ သူ​ၵေႃႈ​တၵ်း​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​လႆႈ​ၵိၼ်​လႆႈ​ၶူပ်း​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ယဝ်ႉ​ၶႃႈ​ယဝ်ႉ။ ၼႂ်း​သဵၼ်ႈ​တၢင်း​ဝၢၼ်ႈ​ဝဵင်း​ႁဝ်း​ၶႃႈ​တင်း​လၢႆ​ၵေႃႈ၊ ၸဝ်ႈ​ႁဝ်း​လႆႈ​သင်ႇ​သွၼ်​သုင်း​မႃႉ​ပၼ်​ယဝ်ႉ​ၶႃႈ​ယဝ်ႉ။ ပိၵ်ႉ​သမ်ႉ​ၶိုၼ်း​ဝႃႈ​ၸိူဝ်ႉ​ၼင်ႇ​ၼႆ​သေ​ၵေႃႈ၊-</verse>
				<verse number="27">မၼ်း​ၼၼ်ႉ​တၵ်း​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​သူ​ၸမ်ႉ၊ လွင်ႈ​ဢၼ်​သူ​လုၵ်ႉ​ၵႃႈ​လႂ်​မႃး​ၸိုင်၊ ၵဝ်​ဢမ်ႇ​ႁူႉ။ ၵူၼ်း​ၸိူဝ်း​ဢၼ် ႁဵတ်း​လွင်ႈ​တၢင်း​ဢၼ်​ဢမ်ႇ​တြႃး​တင်း​သဵင်ႈ​တင်း​လူင်​ၼႆႉ​ဢိူၺ်း၊ ဝႄႈ​သေ​ၵႃႈ​တီႈ​ၵဝ်​လႄႈ​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">မိူဝ်ႈ​ၼၼ်ႉ မိူဝ်ႈ​ဢၼ်​သူ​ႁၼ်​ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ဢိၵ်ႇ​တင်း​ပရေႃးၽႅတ်ႈ​တင်း​သဵင်ႈ​တင်း​လူင် လႆႈ​ၶဝ်ႈ​ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ပုၼ်ႉ​လႄႈ သူ​လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႅတ်ႈ​ၵႃႈ​ၼွၵ်ႈ​ၼၼ်ႉ​ၸိုင်၊ တၵ်း​မီး​တၢင်း​ဢၼ်​ႁွင်ႉ​ႁႆႈ ဢိၵ်ႇ​တင်း​တၢင်း​ဢၼ်​ၵတ်း​ၶဵဝ်ႈ​ၵတ်း​ၽၼ်း​ဢေႃႈ။-</verse>
				<verse number="29">မိူဝ်ႈ​ၼၼ်ႉ ၵူၼ်း​တင်း​လၢႆ​တၵ်း​လုၵ်ႉ​သေ​ၵႃႈ​တီႈ​တၢင်း​ဝၼ်း​ဢွၵ်ႇ၊​တၢင်း​ဝၼ်း​တူၵ်း၊ တၢင်း​ႁွင်ႇ၊ တၢင်း​ၸၢၼ်း​မႃး​လႄႈ ဢိင်​ယူႇ​ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။-</verse>
				<verse number="30">ၶဝ်​ၸိူဝ်း​ဢၼ်​တူၵ်း​လိုၼ်း​ၵမ်ႈ​ၽွင်ႈ တၵ်း​တူၵ်း​ဢွၼ်​တၢင်း​ဢေႃႈ။ ၶဝ်​ၸိူဝ်း​ဢၼ်​တူၵ်း​ဢွၼ်​တၢင်း​ၵမ်ႈ​ၽွင်ႈ တၵ်း​တူၵ်း​လိုၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">မိူဝ်ႈ​ၼၼ်ႉ ၽႃႇရီႉသႄး ၵမ်ႈ​ၽွင်ႈ မႃး​ၵႃႈ​တီႈ​မၼ်း​ၸဝ်ႈ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ဢွၵ်ႇ​ၵႂႃႇ​သေ​ၵႃႈ​တီႈ​ၼႆႈ​သေ​ၵမ်း​ၶႃႈ။ ၶုၼ်​ ႁေႇရူတ်ႈ ​မီး​တၢင်း​ၵျၢမ်ႇ​တၢင်း​ပွင် တၵ်း​ဢဝ်​ၸဝ်ႈ​ႁဝ်း​တၢႆ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="32">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ဝၼ်း​မိူဝ်ႈ​ၼႆႉ​တင်း​ဝၼ်း​မိူဝ်ႈ​ၽုၵ်ႈ​ၸိုင်၊​ၵဝ်​ႁေႃႈ​ၽီ​ႁၢႆႉ​ဢွၵ်ႇ​ပႅတ်ႈ​လႄႈ ႁႂ်ႈ​တၢင်း​ၶႆႈ​တၢင်း​ပဵၼ်​တင်း​လၢႆ​ႁၢႆ​ယူႇ​ဢေႃႈ။ မိူဝ်ႈ​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ​ၸိုင်၊ ၵဝ်​တၵ်း​ႁွတ်ႈ​ထိုင်​တၢင်း​ဢၼ်​ပျေႉ​ၸုမ်ႇ​ဢေႃႈ ဝႃႈ​ၼႆ၊ သူ​ၵႂႃႇ​လႄႈ​လဝ်ႊ​လၢတ်ႈ​တီႈ​မႃ​လိၼ်​ၼၼ်ႉ​တႃႉ။-</verse>
				<verse number="33">ၼႂ်း​ဝႃႈ​ၼၼ်​သေ​ၵေႃႈ ၼႂ်း​ဝၼ်း​မိူဝ်ႈ​ၼႆႉ ဝၼ်း​မိူဝ်ႈ​ၽုၵ်ႈ၊ ဝၼ်း​မိူဝ်ႈ​ႁိုဝ်း ၵဝ်​တၵ်း​လႆႈ​ၵႂႃႇ​ယူႇ​လူး​ၵွၼ်ႇ​ဢေႃႈ။ လွင်ႈ​မၼ်း​ၸမ်ႉ လိူဝ်​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ၊ ပရေႃးၽႅတ်ႈ​ဢမ်ႇ​လႆႈ​လူႉ​လႆႈ​လႅဝ် ၵႃႈ​တီႈ​ၼႂ်း​တၢင်ႇ​တီႈ​တၢင်ႇ​လႅၼ်​သေ​ၵေႃႉ​သေ​ၵူၼ်း။-</verse>
				<verse number="34">ဢူဝ်း ဝဵင်း​ ယေႇရူႉသလႅမ်ႇ ၊ ဝဵင်း​ ယေႇရူႉသလႅမ်ႇ ဢၼ်​ဢဝ်​ပရေႃးၽႅတ်ႈ​တင်း​လၢႆ​တၢႆ​လႄႈ ဢဝ်​မၢၵ်ႇ​ႁိၼ်​ထိမ်ႈ​ၶဝ်​ၸိူဝ်း​ဢၼ်​ပွႆႇ​ၸႂ်ႉ​မႃး​ၵႃႈ​တီႈ​မႂ်း​တင်း​လၢႆ​ၼၼ်ႉ​သေႇ​သေႇ​ၼႆႉ​ဢိူၺ်း၊ ၸိူဝ်ႉ​ၼင်ႇ​ဢၼ်​ၵႆႇ​မႄႈ ႁႂ်ႈ​လုၵ်ႈ​ဢွၼ်ႇ​မၼ်း​ၸူႉ​ၵၼ်​တုမ်​ၵၼ်​တႂ်ႈ​ပိၵ်ႇ​မၼ်း​ၼၼ်ႉ ၵဝ်​မီး​ဢလူဝ်ႇ ၶႂ်ႈ​ႁႂ်ႈ​လုၵ်ႈ​ဢွၼ်ႇ​မႂ်း​လႆႈ​ၸူႉ​ၵၼ်​တုမ်​ၵၼ်​ယူႇ ဢမ်ႇ​ႁူႉ​လၢႆ​ၽဝ်ႇ​လၢႆ​ပွၵ်ႈ​ယဝ်ႉ။ မႂ်း​ၸမ်ႉ၊ ဢမ်ႇ​မီး​ဢလူဝ်ႇ။-</verse>
				<verse number="35">တူၺ်း​လူး၊ ႁိူၼ်း​သူ​ၼၼ်ႉ​ၵိုတ်း​ဝႆႉ​တီႈ​သူ​လႄႈ ပဵၼ်​တီႈ​ဢၼ်​ၽိတ်ႇ​ၵူၼ်း​ငႅဝ်​ၵူၼ်း​ဢေႃႈ။ ၵဝ်​ဝႃႈ​တီႈ​သူ​ၸမ်ႉ၊ တေႃႇ​ထိုင်​ႁွတ်ႈ​ၸူဝ်ႈ​ဢၼ်​သူ​ဢမ်ႇ​ပႆႇ​လၢတ်ႈ​လႄႈ​ဝႃႈ၊ ႁႂ်ႈ​ၵေႃႉ​ဢၼ်​ပႃး​တင်း​ဢၶႂၢင်ႉ ထႃႇဝရႃႉ​ၽြႃး​မႃး​ၼၼ်ႉ​မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၸႃႉ​ၸဵမ်​တေႃႈ​လဵဝ်​ၼႆႉ​လႄႈ သူ​တၵ်း​ဢမ်ႇ​လႆႈ​ႁၼ်​ၼႃႈ​ၵဝ်၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="14">
				<verse number="1">ဝၼ်း​ၵမ်​သိၼ်​ဝၼ်း​ၼိုင်ႈ၊ မိူဝ်ႈ​ဢၼ်​မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ႁိူၼ်း ၽႃႇရီႉသႄး ဢၼ်​ပဵၼ်​ဢရႃႇသီႉ​ၵေႃႉ​ၼိုင်ႈ​ႁႂ်ႈ​လႆႈ​ၵိၼ်​တၢင်း​ၵိၼ်​ၼၼ်ႉ​ၸိုင်၊ ၶဝ်​လွမ်​တူၺ်း​မၼ်း​ၸဝ်ႈ​ယူႇ​ဢေႃႈ။-</verse>
				<verse number="2">ၵူၼ်း​ဢၼ်​ပဵၼ်​ၵႂ်ႈ​လႄႈ​ၽေႃး​ၼၼ်ႉ​ၵေႃႉ​ၼိုင်ႈ မီး​ယူႇ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ဢေႃႈ။-</verse>
				<verse number="3">ယေႇသူႉ ​ထၢမ်​ ၽႃႇရီႉသႄး တင်း​ၵူၼ်း​မေႃ​ၵျၢမ်း​ၸိူဝ်း​ၼၼ်ႉ​လႄႈ​ဝႃႈ၊ ၼႂ်း​ဝၼ်း​ၵမ်​သိၼ် ထုၵ်ႇ​လီ​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​ႁိုဝ်။ ဢမ်ႇ​ထုၵ်ႇ​လီ​ႁႂ်ႈ​ႁၢႆ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ယူႇ​တဵတ်ႇ​တဵတ်ႇ​ယူႇ​ဢေႃႈ။-</verse>
				<verse number="4">မၼ်း​ၸဝ်ႈ​ဢဝ်​ၵေႃႉ​ၼၼ်ႉ​လႄႈ ႁႂ်ႈ​ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ်​ယဝ်ႉ​ၸင်ႇ​ပွႆႇ​ၵႂႃႇ​သေ​ဢေႃႈ။-</verse>
				<verse number="5">တီႈ​ပရဵၵ်ႈသၢတ်ႈ​ၸိူဝ်း​ၼၼ်ႉ​ၵေႃႈ မၼ်း​ၸဝ်ႈ​ထၢမ်​လႄႈ​ဝႃႈ၊ ပေႃး​လီႈ​သူ​လႂ်၊ ဝူဝ်း​သူ​လႂ် တူၵ်း​ၵႃႈ​ၼႂ်း​လုၵ်း​ၼႂ်း​ထၢင်​ဝၼ်း​ၵမ်​သိၼ်​ၸိုင်၊ ၼႂ်း​သူ​ၼႆႉ မီး​ၵေႃႉ​ဢၼ်​ဢမ်ႇ​တိုတ်ႉ​ၸၼ်​ဢဝ်​တၢင်ႇ​ၵမ်း​လဵဝ်​ၼၼ်ႉ​သေ​ၵေႃႉ​သေ​ၵူၼ်း​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ၶဝ်​ၼၼ်ႉ ဢမ်ႇ​ၶိုၼ်း​လၢတ်ႈ​ၵႂၢမ်း​သေ​ၵမ်း​လႆႈ။-</verse>
				<verse number="7">မိူဝ်ႈ​ဢၼ်​မၼ်း​ၸဝ်ႈ​ႁၼ်​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ပၢင်း​မႃး​ၼၼ်ႉ လိူၵ်ႈ​ၵဵပ်း​ဢဝ်​တီႈ​ယူႇ​တီႈ​ၼင်ႈ​ဢၼ်​သုင်​မျၢတ်ႈ​တင်း​လၢႆ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​ၵႂၢမ်း​ဢူႉပမႃႇ​တီႈ​ၶဝ်​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="8">မိူဝ်ႈ​ဢၼ်​ပိူၼ်ႈ​ႁွင်ႉ​ပၢင်း​မႂ်း​ၵႂႃႇ​ၵႃႈ​တီႈ​ပွႆး​မင်ႇၵလႃႇ​ၼၼ်ႉ​ၸိုင်၊ ယႃႇ​ပေ​ဢိင်​ယူႇ​ၵႃႈ​တီႈ​ဢၼ်​ပဵၼ်​တီႈ​ယူႇ​ဢၼ်​သုင်​ဢၼ်​မျၢတ်ႈ​ၼၼ်ႉ။ ပေႃး​ဢိင်​ယူႇ​ၸိူဝ်ႉ​ၼင်ႇ​ၼၼ်​ၸိုင်၊ မိူဝ်ႈ​ဢၼ်​ၵေႃႉ​ဢၼ်​ယဵင်ႈ​ၶႅၼ်း​မျၢတ်ႈ​ၼႃႇ​သေ​မႂ်း​မႃး​ၵႃႈ​တီႈ​ပွႆး​ၼၼ်ႉ၊-</verse>
				<verse number="9">ၵေႃႉ​ဢၼ်​ႁွင်ႉ​ပၢင်း​မႂ်း​ဢိၵ်ႇ​တင်း​ၵေႃႉ​ၼၼ်ႉ​ၼၼ်ႉ​တၵ်း​မႃး​သေ​လႄႈ လၢတ်ႈ​တီႈ​မႂ်း​လႄႈ​ဝႃႈ၊ ပၼ်​တီႈ​ယူႇ​ၼႆႉ​ၵႃႈ​တီႈ​ၵေႃႉ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ မႂ်း​တၵ်း​လႆႈ​မီး​လွင်ႈ​တၢင်း​ဢၼ်​လီ​ဢူၵ်း​လီ​ဢၢႆ​လႄႈ လူင်း​ၵႂႃႇ​ၸူး​ၵႃႈ​တီႈ​ယူႇ​ဢၼ်​တႅမ်ႇ​ပုၼ်ႉ​ဢေႃႈ။-</verse>
				<verse number="10">ၵူၺ်း​ၵႃႈ မိူဝ်ႈ​ဢၼ်​ပိူၼ်ႈ​ႁွင်ႉ​ပၢင်း​မႂ်း​ၼၼ်ႉ၊ ၵႂႃႇ​လႄႈ​ဢိင်​ယူႇ​ၵႃႈ​တီႈ​ဢၼ်​တႅမ်ႇ​တႃႉ။ ပေႃး​ဢိင်​ယူႇ​ၸိူဝ်ႉ​ၼင်ႇ​ၼၼ်​ၸိုင်၊ မိူဝ်ႈ​ဢၼ်​ၵေႃႉ​ဢၼ်​ႁွင်ႉ​ပၢင်း​မႂ်း​ၼၼ်ႉ​မႃး​ၼၼ်ႉ၊ မၼ်း​တၵ်း​လၢတ်ႈ​တီႈ​မႂ်း​လႄႈ​ဝႃႈ၊ ၵေႃႉ​သေႈ​ဢိူၺ်း၊ ၶိုၼ်ႈ​ၵႃႈ​တီႈ​ဢၼ်​သုင်​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ မႂ်း​တၵ်း​မီး​သရေႇ​ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ်​ဢိင်​ယူႇ​လူၺ်ႈ​ၵၼ်​တင်း​မႂ်း​ၸိူဝ်း​ၼၼ်ႉ​ဢေႃႈ။-</verse>
				<verse number="11">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ယုၵ်ႉ​ယွင်ႈ​တူဝ်​ၸဝ်ႈ​ၵဝ်ႇ​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၶျႃး​တႅမ်ႇ​တူဝ်​ၸဝ်ႈ​ၵဝ်ႇ​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ယုၵ်ႉ​ယွင်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မၼ်း​ၸဝ်ႈ​သမ်ႉ​လၢတ်ႈ​တီႈ ၵေႃႉ​ဢၼ်​ႁွင်ႉ​ပၢင်း​မၼ်း​ၸဝ်ႈ​မႃး​ၼၼ်ႉ​ထႅင်ႈ​လႄႈ​ဝႃႈ​ၸမ်ႉ၊ မိူဝ်ႈ​ဢၼ်​မႂ်း​ႁဵတ်း​လဵင်ႉ​ႁဵတ်း​လူ ၶဝ်ႈ​ၼႂ်​ၶဝ်ႈ​ၶမ်ႈ​ၸိုင်၊ မႂ်း​ယႃႇ​ပေ​ႁွင်ႉ​ပေ​ပၢင်း​ၵေႃႉ​သေႈ​မႂ်း၊ ပီႈ​ၼွင်ႉ​မႂ်း၊ ၸိူဝ်ႉ​ၶိူဝ်း​လဵဝ်​ၵၼ်​တင်း​မႂ်း၊ ၵူၼ်း​ႁိူၼ်း​ၸမ်​ၵၼ်​တင်း​မႂ်း ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၸိူဝ်း​ၼၼ်ႉ။ ပေႃး​ႁွင်ႉ​ပၢင်း​ၸိူဝ်ႉ​ၼင်ႇ​ၼၼ်​ၸိုင်၊ ၵမ်း​လိုၼ်း​ၶဝ်​ၼၼ်ႉ​တၵ်း​ႁွင်ႉ​ပၢင်း​မႂ်း​လႄႈ တွပ်ႇ​တႅၼ်း​ၶိုၼ်း​ၵျေး​ၸူး​တီႈ​မႂ်း​ဢေႃႈ။-</verse>
				<verse number="13">မိူဝ်ႈ​ဢၼ်​မႂ်း​ၶၢမ်ႇ​ပွႆး​ၸိုင်၊ ႁွင်ႉ​ပၢင်း​ဢဝ်​ၶဝ်​ၸိူဝ်း​ဢၼ်​ယၢၵ်ႈ​ၽၢၼ်၊ ၶဝ်​ၸိူဝ်း​ဢၼ်​ဢၢင်ႇ​ၵႃႇ​လူႉ၊ ၶဝ်​ၸိူဝ်း​ဢၼ်​တိၼ်​ပုတ်း၊ ၶဝ်​ၸိူဝ်း​ဢၼ်​တႃ​မွတ်ႇ​တင်း​လၢႆ​ၼၼ်ႉ​တႃႉ။-</verse>
				<verse number="14">ပေႃး​မႂ်း​ႁွင်ႉ​ပၢင်း​ၸိူဝ်ႉ​ၼင်ႇ​ၼၼ်​ၸိုင်၊ မႂ်း​တၵ်း​မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ပိူဝ်ႈ​ဢၼ်​ၶဝ်​ၼၼ်ႉ ဢမ်ႇ​တွပ်ႇ​တႅၼ်း​ၶိုၼ်း​ၵျေး​ၸူး​တီႈ​မႂ်း​လႆႈ​လႄႈ ၼႂ်း​ၶိင်ႇ​မိူဝ်ႈ​ဢၼ်​ၶဝ်​ၸိူဝ်း​ဢၼ်​သိုဝ်ႈ​တေႃႇ​တင်း​လၢႆ​လုၵ်ႉ​ၶိုၼ်း​ပုၼ်ႉ​ၼၼ်ႉ၊ မႂ်း​တၵ်း​လႆႈ​ၶၢမ်ႇ​ဢၵျူဝ်း တၢင်း​ဢၼ်​လႆႈ​တွပ်ႇ​တႅၼ်း​ၶိုၼ်း​ၵျေး​ၸူး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ၵူၼ်း​ဢၼ်​ဢိင်​ယူႇ​ၵႃႈ​တီႈ​ႁိမ်း​ၶူင်ႇ​တီႈ​ၵိၼ်​ၼၼ်ႉ​ၵေႃႉ​ၼိုင်ႈ ငိၼ်း​ၵႂၢမ်း​မၼ်း​ၸဝ်ႈ​သေ​ယဝ်ႉ၊ လဝ်ႊ​လၢတ်ႈ​လႄႈ​ဝႃႈ၊ ၵေႃႉ​ဢၼ်​ၵိၼ်​ၶဝ်ႈ​မုၼ်း​ၼႂ်း​မိူင်း​ၽြႃး​ပဵၼ်​ၸဝ်ႈ​ၼၼ်ႉ မီး​မင်ႇၵလႃႇ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵူၼ်း​ၵေႃႉ​ၼိုင်ႈ ႁဵတ်း​ပွႆး​လူင်​လႄႈ​ႁွင်ႉ​ပၢင်း​ၵူၼ်း​ၼမ်​ၼႃႇ​ဢေႃႈ။-</verse>
				<verse number="17">မိူဝ်ႈ​ဢၼ်​ထိုင်​ၶိင်ႇ​ဢၼ်​ၶၢမ်ႇ​ပွႆး​ၼၼ်ႉ​ၸိုင်၊ မၼ်း​ပွႆႇ​ၵူၼ်း​ၸႂ်ႉ​ၵူၼ်း​သွႆ​ၵႂႃႇ​လႄႈ ႁႂ်ႈ​လၢတ်ႈ​တီႈ​ၶဝ်​ၸိူဝ်း​ဢၼ်​မၼ်း​ႁွင်ႉ​ပၢင်း​ၼၼ်ႉ​လႄႈ​ဝႃႈ၊ မႃး​သေ​ၵမ်း​ၶႃႈ။ ႁႅၼ်း​ဝႆႉ​ၵႃႈ​မီး​ၵူႈ​ၸိူဝ်ႉ​ၵူႈ​ပိူင်​ယဝ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="18">ၶဝ်​တင်း​သဵင်ႈ​တင်း​လူင်​ၼၼ်ႉ မီး​ၸႂ်​ဢၼ်​မိူၼ်​မိူၼ်​ၵၼ်​သေ​လႄႈ ဢွၼ်​ၵၼ်​တွင်း​ပၢၼ်ႇ​ယွၼ်း​လွတ်ႈ​ဢေႃႈ။ ၵေႃႉ​ၼိုင်ႈ​တွင်း​ပၢၼ်ႇ​လႄႈ​ဝႃႈ ၵဝ်​ၶႃႈ​သိုဝ်ႉ​ဢဝ်​ၵႂၢၵ်ႈ​လိၼ်​ယဝ်ႉ​ၶႃႈ​ယဝ်ႉ။ ၵဝ်​ၶႃႈ​တၵ်း​လႆႈ​ၵႂႃႇ​တူၺ်း​ၶႃႈ​ဢေႃႈ။ ပွႆႇ​လွတ်ႈ​ၵဝ်​ၶႃႈ​သေ​ၵမ်း​ၶႃႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၵေႃႉ​ၼိုင်ႈ​ၵေႃႈ​တွင်း​ပၢၼ်ႇ​လႄႈ​ဝႃႈ၊ ၵဝ်​ၶႃႈ​သိုဝ်ႉ​ဢဝ်​ဝူဝ်း​ႁႃႈ​ၵူႈ​ယဝ်ႉ​ၶႃႈ​ယဝ်ႉ။ ၵဝ်​ၶႃႈ​ၵႂႃႇ​ႁႂ်ႈ​လႆႈ​ၸၢမ်း​တူၺ်း​ယူႇ​ၶႃႈ​ဢေႃႈ။ ပွႆႇ​လွတ်ႈ​ၵဝ်​ၶႃႈ​သေ​ၵမ်း​လူး​ၵွၼ်ႇ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၵေႃႉ​ၼိုင်ႈ​ၵေႃႈ​တွင်း​ပၢၼ်ႇ​လႄႈ​ဝႃႈ၊ ၵဝ်​ၶႃႈ​ဢဝ်​မေး​ယဝ်ႉ​ၶႃႈ​ယဝ်ႉ။ ပိူဝ်ႈ​ၼႆ​လႄႈ ၵဝ်​ၶႃႈ​ဢမ်ႇ​မႃး​လႆႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၵူၼ်း​ၸႂ်ႉ​ၵူၼ်း​သွႆ​ၼၼ်ႉ​ၶိုၼ်း​မႃး​လႄႈ​လဝ်ႊ​လၢတ်ႈ​လွင်ႈ​တၢင်း​ၸိူဝ်း​ၼၼ်ႉ​တီႈ​ၸဝ်ႈ​မၼ်း​ဢေႃႈ။ မိူဝ်ႈ​ၼၼ်ႉ ၸဝ်ႈ​ႁိူၼ်း​ၼၼ်ႉ​ၸႂ်​မႆႈ​ၶႆႈ​ၸႃႉ​လႄႈ လၢတ်ႈ​တီႈ​ၵူၼ်း​ၸႂ်ႉ​ၵူၼ်း​သွႆ​ၼၼ်ႉ​လႄႈ​ဝႃႈ၊ ၵႂႃႇ​ၵႃႈ​တီႈ​ၼႂ်း​သဵၼ်ႈ​တၢင်း​လူင် သဵၼ်ႈ​တၢင်း​ဢွၼ်ႇ​တင်း​လၢႆ ၵႃႈ​ၼႂ်း​ဝဵင်း​ၼႆႉ​ၼၼ်ႉ​ၶၼ်​ၶၼ်​ၽႂ်း​ၽႂ်း​တႃႉ။ ႁွင်ႉ​ဢဝ်​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်၊ ၶဝ်​ၸိူဝ်း​ဢၼ်​ဢၢင်ႇ​ၵႃႇ​လူႉ၊ ၶဝ်​ၸိူဝ်း​ဢၼ်​တိၼ်​ပုတ်း၊ ၶဝ်​ၸိူဝ်း​ဢၼ်​တႃ​မွတ်ႇ​တင်း​လၢႆ​ၸိူဝ်း​ၼၼ်ႉ​မႃး​ၵႃႈ​တီႈ​ၼႆႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၵူၼ်း​ၸႂ်ႉ​ၵူၼ်း​သွႆ​ၼၼ်ႉ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ႁဵတ်း​ၵႃႈ​ၼင်ႇ​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ၼၼ်ႉ​ယဝ်ႉ​ၶႃႈ​ယဝ်ႉ။ ၼႂ်း​ဝႃႈ​ၼၼ်​သေ​ၵေႃႈ တီႈ​ဢၼ်​ပဝ်ႇ​ဢၼ်​လၢပ်ႈ​ယင်း​မီး​ယူႇ​လူး​ၵွၼ်ႇ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="23">ၸဝ်ႈ​ၼၼ်ႉ​ၵေႃႈ​လၢတ်ႈ​တီႈ​ၵူၼ်း​ၸႂ်ႉ​ၵူၼ်း​သွႆ​မၼ်း​လႄႈ​ဝႃႈ၊ ဢွၵ်ႇ​ၵႂႃႇ​ၸူး​ၵႃႈ​တီႈ​ၼႂ်း​သဵၼ်ႈ​တၢင်း​လူင်​တင်း​လၢႆ၊ ၵႃႈ​တီႈ​ႁိမ်း​ႁူဝ်ႉ​ဝၢင်း​တင်း​လၢႆ​ပုၼ်ႉ​လူး​ၵွၼ်ႇ​တႃႉ။ တိုၵ်း​ၼိူင်ႇ​ႁွင်ႉ​ဢဝ်​ၶဝ်​မႃး​ႁႂ်ႈ​ႁိူၼ်း​ၵဝ်​ၼႆႉ​တဵမ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၵဝ်​ဝႃႈ​တီႈ​သူ​ၸမ်ႉ၊ ၶဝ်​ၸိူဝ်း​ဢၼ်​ႁွင်ႉ​ပၢင်း​မိူဝ်ႈ​ဢွၼ်​တၢင်း​ၼၼ်ႉ ဢမ်ႇ​လႆႈ​ၶဝ်ႈ​ပွႆး​ၵဝ်​သေ​ၵေႃႉ​သေ​ၵူၼ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ၸွမ်း​လူၺ်ႈ​ၵၼ်​တင်း​မၼ်း​ၸဝ်ႈ​ယူႇ​ဢေႃႈ။ မၼ်း​ၸဝ်ႈ​ဝၢႆႇ​ၶိုၼ်း​သေ​ယဝ်ႉ၊ လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊</verse>
				<verse number="26">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မႃး​ၵႃႈ​တီႈ​ၵဝ်​လႄႈ ဢမ်ႇ​ၸင်း​ပေႃႈ​မႄႈ၊ လုၵ်ႈ​လၢင်း၊ မေး၊ ပီႈ​ၼွင်ႉ​ၸဵမ်​ယိင်း​ၸဵမ်​ၸၢႆး ဢိၵ်ႇ​တင်း​ဢသၢၵ်ႈ​မၼ်း​ၼၼ်ႉ ၵေႃႉ​ၼၼ်ႉ ဢမ်ႇ​ပဵၼ်​တပႄး​ၵဝ်​လႆႈ။-</verse>
				<verse number="27">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ႁၢပ်ႇ​ပႃး​ဢဝ်​သဝ်​လၵ်း​ဝႃး​ၵၢပ်ႈ​တူဝ်​ၸဝ်ႈ​ၵဝ်ႇ​သေ​လႄႈ ၸွမ်း​ပႃႈ​လင်​ၵဝ်​ၼၼ်ႉ၊ ၵေႃႉ​ၼၼ်ႉ​ဢမ်ႇ​ပဵၼ်​တပႄး​ၵဝ်​လႆႈ။-</verse>
				<verse number="28">ၼႂ်း​သူ​ၼႆႉ ပေႃး​သေ​ၵေႃႉ​သေ​ၵူၼ်း​မီး​တၢင်း​ၵျၢမ်ႇ​တၢင်း​ပွင် တၵ်း​တႄႇ​ႁဵတ်း​သဝ်​လၢင်း​ၸိုင်၊ မၼ်း​ယင်း​ဢမ်ႇ​ၼင်ႈ​ယူႇ​ဢွၼ်​တၢင်း​သေ​လႄႈ ၼပ်ႉ​ဢၢၼ်ႇ​တူၺ်း​ၸရိပ်ႈ​ဢၼ်​တၵ်း​သဵင်ႈ​ၼၼ်ႉ ႁႂ်ႈ​လႆႈ​ႁူႉ​လွင်ႈ​ဢၼ်​ငိုၼ်း​တၵ်း​ၵုမ်ႇ​ႁႂ်ႈ​သဝ်​လၢင်း​ထၼ်ႈ​ပေႃး​ယဝ်ႉ​တူဝ်ႈ​ႁိုဝ်။ တၵ်း​ဢမ်ႇ​ၵုမ်ႇ​ႁိုဝ်​ၼၼ်ႉ​လႄႈ တၵ်း​ယူႇ​ႁိုဝ်။-</verse>
				<verse number="29">ပေႃး​ဢမ်ႇ​ၼၼ် ပေႃး​မၼ်း​တႄႇ​ႁဵတ်း​ငဝ်ႈ​ႁၢၵ်ႈ​သဝ်​လၢင်း​လႄႈ ဢမ်ႇ​ႁႂ်ႈ​ယဝ်ႉ​တူဝ်ႈ​လႆႈ​ၸိုင်၊ ၵူၼ်း​ဢၼ်​ႁူႉ​ဢၼ်​ႁၼ်​တင်း​သဵင်ႈ​တင်း​လူင်​တၵ်း​သႄႉ​သွမ်း​လႄႈ​ဝႃႈ၊-</verse>
				<verse number="30">ၵေႃႉ​ၼႆႉ​ႁဵတ်း​ၵေႃႇၸႃႉ​မၼ်း​ၵူၺ်း​လႄႈ ဢမ်ႇ​ႁဵတ်း​ႁႂ်ႈ​ယဝ်ႉ​ႁႂ်ႈ​တူဝ်ႈ​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ၼႄး​ၼိုင်ႈ​ၸမ်ႉ၊ ပေႃး​ၶုၼ်​ႁေႃ​ၶမ်း​သေ​ပႃး​ပႃး မီး​တၢင်း​ၵျၢမ်ႇ​တၢင်း​ပွင်​တၵ်း​တိုၵ်း​သိုၵ်း​ၵၼ်​တင်း​ၶုၼ်​ႁေႃ​ၶမ်း​တၢင်ႇ​ပႃး​ၸိုင်၊ မၼ်း​ယင်း​ဢမ်ႇ​ၼင်ႈ​ယူႇ​ဢွၼ်​တၢင်း​သေ​လႄႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ဢၼ်​မၼ်း​တၵ်း​ဢဝ်​ၵူၼ်း​မိုၼ်ႇ​ၼိုင်ႈ ႁပ်ႉ​ၶၢမ်ႇ​ၶုၼ်​ႁေႃ​ၶမ်း​ဢၼ်​ဢဝ်​ၵူၼ်း​သွင်​မိုၼ်ႇ​ၶီႇ​မႃး​ၼၼ်ႉ​လႆႈ​ႁိုဝ်။ တၵ်း​ဢမ်ႇ​ႁပ်ႉ​ၶၢမ်ႇ​လႆႈ​ႁိုဝ်​လႄႈ တၵ်း​ယူႇ​ႁိုဝ်။-</verse>
				<verse number="32">ပေႃး​ဢမ်ႇ​ႁပ်ႉ​ၶၢမ်ႇ​လႆႈ​ဢမၢၼ်ႇ​ၶၼ်​ပဵၼ်​ၸိုင်၊ မိူဝ်ႈ​ဢၼ်​ၶုၼ်​ႁေႃ​ၶမ်း​တၢင်ႇ​ပႃး​ၼၼ်ႉ ယင်း​မီး​ယူႇ​တီႈ​ဢၼ်​ၵႆ​ၼၼ်ႉ၊ မၼ်း​ၸၢင်ႈ​ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ​ၵႂႃႇ​လႄႈ တွင်း​ပၢၼ်ႇ​ႁႂ်ႈ​သိုၵ်း​ယဵၼ်​ဢမ်ႇ​ၸႂ်ႈ​ႁိုဝ်။</verse>
				<verse number="33">ပိူဝ်ႈ​ၼႆ​လႄႈ မိူၼ်​ၼင်ႇ​ၼၼ် ၼႂ်း​သူ​ၼႆႉ၊ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ပႄႇ​ပႅတ်ႈ ၵႃႈ​ဢၼ်​မီး​တီႈ​တူဝ်​ၸဝ်ႈ​ၵဝ်ႇ​တင်း​သဵင်ႈ​တင်း​လူင်​ၼၼ်ႉ​လႄႈ​ယူႇ​ၼၼ်ႉ၊ ၵေႃႉ​ၼၼ်ႉ ဢမ်ႇ​ပဵၼ်​တပႄး​ၵဝ်​လႆႈ။</verse>
				<verse number="34">ၵိူဝ်​ၸမ်ႉ၊ လီ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပေႃး​ဢၼ်​ၸဵမ်း​မၼ်း​ႁၢႆ​ၵႂႃႇ​ၸိုင်၊ တၵ်း​ၶိုၼ်း​လႆႈ​ဢၼ်​ၸဵမ်း​မၼ်း​ၸိူဝ်ႉ​ၼင်ႇ​ႁိုဝ်။-</verse>
				<verse number="35">ဢမ်ႇ​လီ​ပုၼ်ႈ​လိၼ်၊ ဢမ်ႇ​လီ​ပုၼ်ႈ​ၵွင်​ၽုၼ်ႇ။ ၵူၼ်း​တင်း​လၢႆ​ၸၢင်ႈ​ဢဝ်​ထိမ်ႈ​ပႅတ်ႈ​ၵႃႈ​ၼွၵ်ႈ​သေ​ဢေႃႈ။ ၵေႃႉ​ဢၼ်​မီး​ႁူ​ဢၼ်​လီ​ငိၼ်း​ၼၼ်ႉ​ၸမ်ႉ၊ ႁႂ်ႈ​ငိၼ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="15">
				<verse number="1">ၵူၼ်း​ၵဵပ်း​ၶွၼ်ႇ​ဢိၵ်ႇ​တင်း​ၵူၼ်း​ႁၢႆႉ​တင်း​သဵင်ႈ​တင်း​လူင် သုတ်ႉ​ၸမ်​တီႈ​မၼ်း​ၸဝ်ႈ​ႁႂ်ႈ​လႆႈ​ထွမ်ႇ​လႆႈ​ငိၼ်း​လႄႈ၊-</verse>
				<verse number="2">ၽႃႇရီႉသႄး ဢိၵ်ႇ​တင်း ၵူၼ်း​ထုတ်ႇ​ၵျၢမ်း​တင်း​လၢႆ​ၵေႃႈ​သႄႉ​သွမ်း​တၢင်ႇ​ဢပႅတ်ႈ​လႄႈ​ဝႃႈ၊ ၵေႃႉ​ၼႆႉ​ႁပ်ႉ​တုင်း​ဢဝ်​ၵူၼ်း​ႁၢႆႉ​တင်း​လၢႆ​လႄႈ ၵိၼ်​ၶူပ်း​လူၺ်ႈ​ၵၼ်​တင်း​ၶဝ်​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">မိူဝ်ႈ​ၼၼ်ႉ မၼ်း​ၸဝ်ႈ​လၢတ်ႈ​ၵႂၢမ်း​ဢူႉပမႃႇ​တီႈ​ၶဝ်​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="4">ၼႂ်း​သူ​ၼႆႉ၊ တီႈ​သေ​ၵေႃႉ​သေ​ၵူၼ်း​မီး​သူဝ်း​ပၢၵ်ႇ​ၼိုင်ႈ​လႄႈ၊ ပေႃး​သူဝ်း​တူဝ်​ၼိုင်ႈ​ႁၢႆ​ၵႂႃႇ​ၸိုင်၊ ယင်း​ဢမ်ႇ​ပႅတ်ႈ​ဝႆႉ​သူဝ်း ၵဝ်ႈ​သိပ်း​ပၢႆ​ၵဝ်ႈ​တူဝ်​ၼၼ်ႉ​ၵႃႈ​ၼႂ်း​ထိူၼ်ႇ​သေ​လႄႈ ၵႂႃႇ​ႁႃ​သူဝ်း​တူဝ်​ၼိုင်ႈ​ဢၼ်​ႁၢႆ​ၵႂႃႇ​ၼၼ်ႉ တေႃႇ​ထိုင်​ႁွတ်ႈ​ႁႂ်ႈ​ထၼ်ႈ​ပေႃး​ထူပ်း​ပေႃး​ႁၼ်​လႄႈ တၵ်း​ယူႇ​ႁိုဝ်။-</verse>
				<verse number="5">မၼ်း​ထူပ်း​ႁၼ်​သေ​ယဝ်ႉ၊ မီး​ၸႂ်​ဢၼ်​သိူဝ်း​ဢၼ်​ၸူမ်း​ႁၢပ်ႇ​တၢင်ႇ​ၵႃႈ​ၼိူဝ်​ႁူဝ်​ဝႃႇ​မႃး​လႄႈ၊-</verse>
				<verse number="6">မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​ႁိူၼ်း​မၼ်း​ၸိုင်၊ မၼ်း​ၸၢင်ႈ​ႁွင်ႉ​ဢဝ်​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း ဢိၵ်ႇ​တင်း​ၵူၼ်း​ႁိူၼ်း​ၸမ်​ၵၼ်​တင်း​လၢႆ​မႃး​လႄႈ​လၢတ်ႈ​ဝႃႈ၊ ၵဝ်​ထူပ်း​ႁၼ်​သူဝ်း​ဢၼ်​ႁၢႆ​ၵႂႃႇ​ၼၼ်ႉ​ယဝ်ႉ။ သိူဝ်း​ပျေႃႇ​လူၺ်ႈ​ၵၼ်​တင်း​ၵဝ်​တႃႉ၊ ဝႃႈ​ၼင်ႇ​ၼႆ ဢမ်ႇ​ၸႂ်ႈ​ႁိုဝ်။-</verse>
				<verse number="7">ၵဝ်​ဝႃႈ​တီႈ​သူ​ၸမ်ႉ၊ ၼႂ်း​မိူင်း​ၵၢင်​ႁၢဝ်​ပုၼ်ႉ တၢင်း​ဢၼ်​သိူဝ်း​ပျေႃႇ လူၺ်ႈ​လွင်ႈ​ၵူၼ်း​ႁၢႆႉ​ဢၼ်​လႆႈ​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၵေႃႉ​ၼိုင်ႈ​ၼၼ်ႉ ယဵင်ႈ​ၶႅၼ်း​တၵ်း​မီး​ၼႃႇ​သေ​တၢင်း​ဢၼ်​သိူဝ်း​ပျေႃႇ လူၺ်ႈ​လွင်ႈ​ၵူၼ်း​သိုဝ်ႈ​တေႃႇ ၵဝ်ႈ​သိပ်း​ပၢႆ​ၵဝ်ႈ​ၵေႃႉ​ဢၼ်​ဢမ်ႇ​မီး​လွင်ႈ​တၢင်း​ဢၼ်​တၵ်း​ၶုၵ်း​ၸႂ်​လႆႈ​မႆႈ​ၸႂ်​ၼၼ်ႉ​ဢေႃႈ။</verse>
				<verse number="8">ၼႄး​ၼိုင်ႈ​ၸမ်ႉ၊ တီႈ​မႄႈ​ယိင်း​သေ​ၵေႃႉ​သေ​ၵူၼ်း​မီး​ငိုၼ်း​သိပ်း​ၶႅပ်း​လႄႈ၊ ပေႃး​ၶႅပ်း​ၼိုင်ႈ​ႁၢႆ​ၵႂႃႇ​ၸိုင်၊ မၼ်း​ယင်း​ဢမ်ႇ​တႆႈ​ဝၢၼ်ႇ​ၽႆး​တဵၼ်း​သေ​လႄႈ ပတ်း​ၽဵဝ်ႈ​ႁိူၼ်း​တင်း​ႁိူၼ်း​ႁႃ​ၸေး​ၸေး​ၸွတ်ႇ​ၸွတ်ႇ​တေႃႇ​ထိုင်​ႁွတ်ႈ​ႁႂ်ႈ​ထၼ်ႈ​ပေႃး​ထူပ်း​ပေႃး​ႁၼ်​လႄႈ တၵ်း​ယူႇ​ႁိုဝ်။-</verse>
				<verse number="9">မိူဝ်ႈ​ဢၼ်​ထူပ်း​ႁၼ်​ယဝ်ႉ​ၸိုင်၊ မၼ်း​ၸၢင်ႈ​ႁွင်ႉ​ဢဝ်​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း ဢိၵ်ႇ​တင်း​ၵူၼ်း​ႁိူၼ်း​ၸမ်​ၵၼ်​တင်း​လၢႆ​မႃး​လႄႈ​လၢတ်ႈ​ဝႃႈ၊ ၵဝ်​ထူပ်း​ငိုၼ်း​ဢၼ်​ႁၢႆ​ၼၼ်ႉ​ယဝ်ႉ။ သိူဝ်း​ပျေႃႇ​လူၺ်ႈ​ၵၼ်​တင်း​ၵဝ်​တႃႉ၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​ႁိုဝ်။-</verse>
				<verse number="10">မိူၼ်​ၼင်ႇ​ၼၼ် ၵဝ်​ဝႃႈ​တီႈ​သူ​ၸမ်ႉ၊ ၵႃႈ​တီႈ​ၽၢႆႇ​ၼႃႈ​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​တင်း​လၢႆ​ၼၼ်ႉ၊ မီး​တၢင်း​ဢၼ်​သိူဝ်း​ပျေႃႇ​လူၺ်ႈ​လွင်ႈ​ၵူၼ်း​ႁၢႆႉ​ဢၼ်​လႆႈ​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၵေႃႉ​ၼိုင်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မၼ်း​ၸဝ်ႈ​သမ်ႉ​လၢတ်ႈ​ထႅင်ႈ​လႄႈ​ဝႃႈ​ၸမ်ႉ၊ တီႈ​သေ​ၵေႃႉ​သေ​ၵူၼ်း​မီး​လုၵ်ႈ​ၸၢႆး​သွင်​ၵေႃႉ​ဢေႃႈ။-</verse>
				<verse number="12">လုၵ်ႈ​ၸၢႆး​ၵေႃႉ​လဵၵ်ႉ​လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ ပေႃႈ​ဢိူၺ်း၊ ပၼ်​ဢုၵ်ႉ​ၸႃႇ​ၶူဝ်း​လဵင်း​ပုၼ်ႈ​ဢၼ်​ၵဝ်​ၶႃႈ​ထုၵ်ႇ​လႆႈ​ၼၼ်ႉ​တီႈ​ၵဝ်​ၶႃႈ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပေႃႈ​မၼ်း​ၽႄ​လႄႈ မႅင်ႇ​ပၼ်​ဢုၵ်ႉ​ၸႃႇ​ၶူဝ်း​လဵင်း​တင်း​လၢႆ​တီႈ​ၶဝ်​ၼၼ်ႉ​ဢေႃႈ။-</verse>
				<verse number="13">လိုၼ်း​ၼၼ်ႉ​ဢမ်ႇ​ပေႃး​ႁိုင်၊ လုၵ်ႈ​ၸၢႆး​ၵေႃႉ​လဵၵ်ႉ​ၼၼ်ႉ၊ သိမ်း​ဢဝ်​ဢုၵ်ႉ​ၸႃႇ​ၶူဝ်း​လဵင်း​မၼ်း​သေ​လႄႈ ၵႂႃႇ​ၵႃႈ​တီႈ​မိူင်း​ဢၼ်​ၵႆ​ၼႃႇ​ၼၼ်ႉ​သေ​ယဝ်ႉ၊ ႁဵတ်း​လူၺ်ႈ​ၵႃႇမၵုင်ႇ​ပူၼ်ႉ​လိူဝ်​လႄႈ ဢဝ်​ဢုၵ်ႉ​ၸႃႇ​ၶူဝ်း​လဵင်း​မၼ်း​သုမ်း​ၸွမ်း​ပႅတ်ႈ​ၵႃႈ​တီႈ​မိူင်း​ၼၼ်ႉ​ဢေႃႈ။-</verse>
				<verse number="14">မိူဝ်ႈ​ဢၼ်​သဵင်ႈ​မူတ်း ၵႃႈ​ဢၼ်​မၼ်း​မီး​တင်း​သဵင်ႈ​တင်း​လူင်​ၼၼ်ႉ​ၸိုင်၊ ၵႃႈ​ၼႂ်း​မိူင်း​ၼၼ်ႉ ပဵၼ်​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း​ၼႃႇ​လူင်​လၢင်​လႄႈ မၼ်း​ႁွတ်ႈ​ထိုင်​တၢင်း​ဢၼ်​ၽၢၼ်​ၼႃႇ​ဢေႃႈ။-</verse>
				<verse number="15">မိူဝ်ႈ​ၼၼ်ႉ မၼ်း​ၵႂႃႇ​ၵႃႈ​တီႈ​ၵူၼ်း​မိူင်း​ၼၼ်ႉ​ၵေႃႉ​ၼိုင်ႈ​သေ​လႄႈ ၶၢမ်ႇ​ႁဵတ်း​လုၵ်ႈ​လဵင်ႉ​လုၵ်ႈ​ၸၢင်ႈ​သေ​ယဝ်ႉ၊ ၸဝ်ႈ​မၼ်း​ပွႆႇ​မၼ်း​ၵႂႃႇ​ၵႃႈ​ၼႂ်း​ထိူၼ်ႇ​ပုၼ်ႉ ႁႂ်ႈ​မၼ်း​လႆႈ​လဵင်ႉ​လႆႈ​လူ​မူ​တင်း​လၢႆ​လႄႈ၊-</verse>
				<verse number="16">မၼ်း​မီး​ဢလူဝ်ႇ​ၶႂ်ႈ​ႁႂ်ႈ​တွင်ႉ​မၼ်း​တဵမ်​ဝႆႉ​တင်း​ၽၵ်း​ထူဝ်ႇ ဢၼ်​မူ​ၵိၼ်​ၼၼ်ႉ​ဢေႃႈ။ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လဵင်ႉ​ပၼ် တၢင်း​ၵိၼ်​တၢင်း​ၶူပ်း​တီႈ​မၼ်း။-</verse>
				<verse number="17">မိူဝ်ႈ​ၼၼ်ႉ မၼ်း​လႆႈ​သတီႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ ၶဝ်​ၸိူဝ်း​ဢၼ်​ၶၢမ်ႇ​ႁဵတ်း​လုၵ်ႈ​လဵင်ႉ​လုၵ်ႈ​ၸၢင်ႈ​တီႈ​ပေႃႈ​ၵဝ်​တင်း​လၢႆ​ၸိူဝ်း​ၼၼ်ႉ၊ လႆႈ​ၵိၼ်​ဢိမ်ႇ​ၵိၼ်​တဵမ်​ယူႇ​ဢေႃႈ။ ၵဝ်​ၸမ်ႉ၊​လႆႈ​ၶၢမ်ႇ​တၢင်း​ဢၼ်​ဢိုပ်း​ဢၼ်​ယၢၵ်ႈ တေႃႇ​ထိုင်​ႁွတ်ႈ​ထၼ်ႈ​ပေႃး​တၵ်း​တၢႆ​ၵႃႈ​တီႈ​ၼႆႈ​ဢေႃႈ။-</verse>
				<verse number="18">ၵဝ်​တၵ်း​လုၵ်ႉ​လႄႈ​ၵႂႃႇ​ၵႃႈ​တီႈ​ပေႃႈ​ၵဝ်​ပုၼ်ႉ​ဢေႃႈ။ ၵဝ်​တၵ်း​လၢတ်ႈ​တီႈ​မၼ်း​လႄႈ​ဝႃႈ၊ ပေႃႈ​ဢိူၺ်း၊ ၵဝ်​ၶႃႈ​ၼႆႉ၊ၽိတ်း​ပိူင်ႈ​မိူင်း​ၵၢင်​ႁၢဝ်​ၸဝ်ႈ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ယဝ်ႉ​ၶႃႈ​ယဝ်ႉ။-</verse>
				<verse number="19">ၸႃႉ​ၸဵမ်​မိူဝ်ႈ​လဵဝ်​ၼႆႉ​လႄႈ ၵဝ်​ၶႃႈ​ဢမ်ႇ​ထိူၵ်ႈ​လႆႈ​ၶၢမ်ႇ​တၢင်း​ဢၼ်​ႁွင်ႉ​လုၵ်ႈ​ၸဝ်ႈ​ႁဝ်း​ၶႃႈ​ယဝ်ႉ။ ၶႅၼ်း​တေႃႈ​ႁႂ်ႈ​ၵဝ်​ၶႃႈ လႆႈ​ပဵၼ်​ၸိူဝ်ႉ​ၼင်ႇ​လုၵ်ႈ​လဵင်ႉ​လုၵ်ႈ​ၸၢင်ႈ​ၸဝ်ႈ​ႁဝ်း​သေ​ၵေႃႉ​ၵေႃႉ​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">မိူဝ်ႈ​ၼၼ်ႉ မၼ်း​လုၵ်ႉ​လႄႈ​ၵႂႃႇ​ၵႃႈ​တီႈ​ပေႃႈ​မၼ်း​ပုၼ်ႉ​ဢေႃႈ။ မိူဝ်ႈ​ဢၼ်​ၵႂႃႇ​လႄႈ​ယင်း​တိုၵ်ႉ​မီး​ယူႇ​တီႈ​ဢၼ်​ၵႆ​ၼၼ်ႉ​ၸိုင်၊ ပေႃႈ​မၼ်း​ႁၼ်​မၼ်း​သေ​ယဝ်ႉ၊ မီး​ၸႂ်​ဢၼ်​ဢဵတ်း​လူ​လႄႈ လႅၼ်ႈ​ၵႂႃႇ​ၵွတ်ႇ​ၶေႃး​မၼ်း​ၸုပ်ႇ​ၼူမ်​ဢေႃႈ။-</verse>
				<verse number="21">လုၵ်ႈ​ၸၢႆး​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ပေႃႈ​ဢိူၺ်း၊ ၵဝ်​ၶႃႈ​ၼႆႉ၊ ၽိတ်း​ပိူင်ႈ​မိူင်း​ၵၢင်​ႁၢဝ်​ၸဝ်ႈ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ယဝ်ႉ​ၶႃႈ​ယဝ်ႉ။ ၸႃႉ​ၸဵမ်​မိူဝ်ႈ​လဵဝ်​ၼႆႉ​လႄႈ ၵဝ်​ၶႃႈ​ဢမ်ႇ​ထိူၵ်ႈ​လႆႈ​ၶၢမ်ႇ​တၢင်း​ဢၼ်​ႁွင်ႉ​လုၵ်ႈ​ၸဝ်ႈ​ႁဝ်း​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ပေႃႈ​မၼ်း​ၵေႃႈ​လၢတ်ႈ​တီႈ​ၵူၼ်း​ၸႂ်ႉ​ၵူၼ်း​သွႆ​တင်း​လၢႆ​လႄႈ​ဝႃႈ၊ ဢဝ်​တၢင်း​ၼုင်ႈ​တၢင်း​မႆ​ဢၼ်​မျၢတ်ႈ​ၼၼ်ႉ​မႃး​လႄႈ ႁႂ်ႈ​မၼ်း​ၼုင်ႈ​မႆ​တႃႉ။ ႁႂ်ႈ​မၼ်း​တိုဝ်း​ၶိူင်ႈ​မွင်း​ၵူၺ်း ၵႃႈ​တီႈ​မိုဝ်း​မၼ်း​တႃႉ။-</verse>
				<verse number="23">ၵႃႈ​တီႈ​တိၼ်​မၼ်း​ၵေႃႈ ႁႂ်ႈ​မၼ်း​တိုဝ်း​ၶႅပ်း​တိၼ်​တႃႉ။ ၵႂႃႇ​ဢဝ်​ဝူဝ်း​ၼုမ်ႇ​ဢွၼ်ႇ ဢၼ်​ပီး​လီ​မၼ်း​လီ​ၼၼ်ႉ​မႃး​လႄႈ ဢဝ်​တၢႆ​တႃႉ။ ၵိၼ်​လႄႈ​ႁဵတ်း​တၢင်း​ဢၼ်​မူၼ်ႈ​ဢၼ်​ပျေႃႇ​တႃႉ​ႁဝ်း။-</verse>
				<verse number="24">လုၵ်ႈ​ၸၢႆး​ၵဝ်​ၼႆႉ၊ မိူဝ်ႈ​ဢွၼ်​တၢင်း​ၼၼ်ႉ​တၢႆ​ၵႂႃႇ​ဢေႃႈ။ မိူဝ်ႈ​လဵဝ်​ၼႆႉ​ၶိုၼ်း​လိပ်း​ဢေႃႈ။ မိူဝ်ႈ​ဢွၼ်​တၢင်း​ၼၼ်ႉ​ႁၢႆ​ၵႂႃႇ​ဢေႃႈ။ မိူဝ်ႈ​လဵဝ်​ၼႆႉ​ၶိုၼ်း​ထူပ်း​ႁၼ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၼၼ်ႉ ႁဵတ်း​တၢင်း​ဢၼ်​မူၼ်ႈ​ဢၼ်​ပျေႃႇ​ဢေႃႈ။</verse>
				<verse number="25">လုၵ်ႈ​ၸၢႆး​ၵေႃႉ​ယႂ်ႇ​မီး​ယူႇ​ၵႃႈ​တီႈ​ႁႆႊ​ပုၼ်ႉ​လႄႈ၊ မိူဝ်ႈ​ဢၼ်​လုၵ်ႉ​သေ​ၵႃႈ​တီႈ​ၼၼ်ႈ​မႃး​ႁွတ်ႈ​ထိုင်​ၵႃႈ​တီႈ​ႁိမ်း​ႁိူၼ်း​ၼၼ်ႉ​ၸိုင်၊ ငိၼ်း​သဵင်​တၢင်း​ဢၼ်​ၵႃႈ​ဢၼ်​ဝႅၼ်၊ တၢင်း​ဢၼ်​ပဝ်ႇ​ဢၼ်​ႁႆႇ​ၼၼ်ႉ​သေ​ယဝ်ႉ၊-</verse>
				<verse number="26">ႁွင်ႉ​ဢဝ်​ၵူၼ်း​ဢွၼ်ႇ​ၵေႃႉ​ၼိုင်ႈ​သေ​လႄႈ​ထၢမ်​လႄႈ​ဝႃႈ၊ ပဵၼ်​လွင်ႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ၊-</verse>
				<verse number="27">ၵူၼ်း​ဢွၼ်ႇ​ၵေႃႈ​လၢတ်ႈ​လႄႈ​ဝႃႈ၊ ၼွင်ႉ​ၸၢႆး​ၸဝ်ႈ​ႁဝ်း​ႁွတ်ႈ​မႃး​ၶႃႈ​ယဝ်ႉ။ ပိူဝ်ႈ​ဢၼ်​ပေႃႈ​မၼ်း​ထူပ်း​ႁၼ်​မၼ်း ၵၢင်း​လွတ်ႈ​တင်း​ၽေး​ယူႇ​လႄႈ ဢဝ်​ဝူဝ်း​ၼုမ်ႇ​ဢွၼ်ႇ​ဢၼ်​ပီး​လီ​မၼ်း​လီ​ၼၼ်ႉ​တၢႆ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">လုၵ်ႈ​ၸၢႆး​ၵေႃႉ​ယႂ်ႇ​ၼၼ်ႉ ၸႂ်​မႆႈ​ၶႆႈ​ၸႃႉ​လႄႈ​ဢမ်ႇ​ၶဝ်ႈ​ၵႃႈ​ၼႂ်း​ႁိူၼ်း​လႄႈ​ယူႇ​ဢေႃႈ။ ပိူဝ်ႈ​ၼႆ​လႄႈ ပေႃႈ​မၼ်း​လႆႈ​ဢွၵ်ႇ​ၸူး​တီႈ​မၼ်း​လႄႈ ၶျေႃး​ဝွၼ်း​မၼ်း​ဢေႃႈ။-</verse>
				<verse number="29">လုၵ်ႈ​ၸၢႆး​ၵေႃႉ​ယႂ်ႇ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ပေႃႈ​ႁဝ်း ပီႊ​မိူင်း​ၼမ်​ၼႃႇ​ယဝ်ႉ​ၶႃႈ​ယဝ်ႉ။ ၵဝ်​ၶႃႈ​ဢမ်ႇ​ပူၼ်ႉ​ဢမ်ႇ​လိူဝ်​ဢမိင်ႉ​ပေႃႈ​ႁဝ်း​သေ​ပွၵ်ႈ​ၶႃႈ။ ၼႂ်း​ဝႃႈ​ၼၼ်​သေ​ၵေႃႈ ပေႃႈ​ႁဝ်း​ဢမ်ႇ​ပၼ်​ပႄႉ​ဢွၼ်ႇ​သေ​တူဝ်​တီႈ​ၵဝ်​ၶႃႈ ႁႂ်ႈ​ၵဝ်​ၶႃႈ​လႆႈ​ႁဵတ်း​တၢင်း​ဢၼ်​မူၼ်ႈ​ဢၼ်​ပျေႃႇ​လူၺ်ႈ​ၵၼ်​တင်း​ပီႈ​ၼွင်ႉ​ၵေႃႉ​သေႈ​ၵဝ်​ၶႃႈ​တင်း​လၢႆ​ၼၼ်ႉ​သေ​ပွၵ်ႈ။-</verse>
				<verse number="30">ၵူၺ်း​ၵႃႈ မိူဝ်ႈ​ဢၼ်​လုၵ်ႈ​ၸၢႆး​ၸဝ်ႈ​ႁဝ်း​ဢၼ်​ၵႂႃႇ​ယူႇ​လူၺ်ႈ​ၵၼ်​တင်း​မႄႈ​ယိင်း​ႁၢႆႉ​လႄႈ ယႃႉ​ဢုၵ်ႉ​ၸႃႇ​ၶူဝ်း​လဵင်း​ပေႃႈ​ႁဝ်း​ၼႆႉ​ႁွတ်ႈ​မႃး​ၼၼ်ႉ​ၸိုင်၊ ပေႃႈ​ႁဝ်း​ဢဝ်​ဝူဝ်း​ၼုမ်ႇ​ဢွၼ်ႇ​ဢၼ်​ပီး​လီ​မၼ်း​လီ​ၼၼ်ႉ​တၢႆ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ပေႃႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ မႂ်း​ၼႆႉ​ယူႇ​တီႈ​ၵဝ်​တႃႇ​သေႇ​ဢေႃႈ။ ဢုၵ်ႉ​ၸႃႇ​ၶူဝ်း​လဵင်း​ၵဝ်​ၵႃႈ​မီး​တင်း​သဵင်ႈ​တင်း​လူင် ပဵၼ်​ဢုၵ်ႉ​ၸႃႇ​ၶူဝ်း​လဵင်း​မႂ်း​ဢေႃႈ။-</verse>
				<verse number="32">ၼွင်ႉ​ၸၢႆး​မႂ်း​ၼၼ်ႉ​ၸမ်ႉ၊ မိူဝ်ႈ​ဢွၼ်​တၢင်း​ၼၼ်ႉ​တၢႆ​ၵႂႃႇ​ဢေႃႈ။ မိူဝ်ႈ​လဵဝ်​ၼႆႉ​ၶိုၼ်း​လိပ်း​ဢေႃႈ။ မိူဝ်ႈ​ဢွၼ်​တၢင်း​ၼၼ်ႉ​ႁၢႆ​ၵႂႃႇ​ဢေႃႈ။ မိူဝ်ႈ​လဵဝ်​ၼႆႉ​ၶိုၼ်း​ထူပ်း​ႁၼ်​ဢေႃႈ။ ပိူဝ်ႈ​ၼႆ​လႄႈ ထုၵ်ႇ​လီ​ႁဵတ်း​တၢင်း​ဢၼ်​မူၼ်ႈ​ဢၼ်​ပျေႃႇ​လႄႈ မီး​တၢင်း​ဢၼ်​ၸူမ်း​ဢၼ်​သိူဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="16">
				<verse number="1">မၼ်း​ၸဝ်ႈ​သမ်ႉ​လၢတ်ႈ​တီႈ​တပႄး​ၸဝ်ႈ​ၸိူဝ်း​ၼၼ်ႉ​ထႅင်ႈ​လႄႈ​ဝႃႈ​ၸမ်ႉ၊ တီႈ​ၵူၼ်း​မၢၵ်ႈ​ၵူၼ်း​မီး​ၵေႃႉ​ၼိုင်ႈ မီး​ၽၼ်ႇတႃႇၸူဝ်း​ဢေႃႈ။ မိူဝ်ႈ​ဢၼ်​ပိူၼ်ႈ​တၢင်ႇ​ဢပႅတ်ႈ​လွင်ႈ​ဢၼ်​မၼ်း​ယႃႉ​ဢုၵ်ႉ​ၸႃႇ​ၶူဝ်း​လဵင်း​ၸဝ်ႈ​မၼ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ၸဝ်ႈ​မၼ်း​ၸိုင်၊-</verse>
				<verse number="2">ၸဝ်ႈ​မၼ်း​ႁွင်ႉ​ဢဝ်​မၼ်း​ၼၼ်ႉ​သေ​လႄႈ​လၢတ်ႈ​လႄႈ​ဝႃႈ၊ ၵႂၢမ်း​ဢၼ်​ၵဝ်​ငိၼ်း​လွင်ႈ​မႂ်း​ၼႆႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ ပၼ်​ၸရၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ဢရႃႇ​ၽၼ်ႇတႃႇၸူဝ်း​ၼၼ်ႉ​တႃႉ။ ၸႃႉ​ၸဵမ်​မိူဝ်ႈ​လဵဝ်​ၼႆႉ​လႄႈ မႂ်း​ဢမ်ႇ​လႆႈ​ႁဵတ်း​ၽၼ်ႇတႃႇၸူဝ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ၽၼ်ႇတႃႇၸူဝ်း​ၼၼ်ႉ​ၵေႃႈ ၵျၢမ်ႇ​ပွင်​ၼႂ်း​ၸႂ်​လႄႈ​ဝႃႈ၊ ၵဝ်​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်။ ၸဝ်ႈ​ၵဝ်​တၵ်း​ၼုၵ်ႈ​ဢဝ်​ဢရႃႇ​တၢင်း​ဢၼ်​ႁဵတ်း​ၽၼ်ႇတႃႇၸူဝ်း​ၼႆႉ​ယဝ်ႉ။ ၵဝ်​ဢမ်ႇ​မီး​ႁႅင်း​ႁႂ်ႈ​လႆႈ​ႁဵတ်း​ၵူၼ်း​ဢၼ်​ဝဵၵ်ႉ​လိၼ်​ၶုတ်း​လိၼ်။ ႁႂ်ႈ​လႆႈ​ႁဵတ်း​ၵူၼ်း​ဢၼ်​ယွၼ်း​ၵိၼ်​ၵေႃႈ​ၵဝ်​လီ​ဢၢႆ​ပိူၼ်ႈ​ဢေႃႈ။-</verse>
				<verse number="4">ဝၢႆး​ဢၼ်​ၵဝ်​တူၵ်း​သေ​ၵႃႈ​တီႈ​ဢရႃႇ​ၽၼ်ႇတႃႇၸူဝ်း​ယဝ်ႉ​ၼၼ်ႉ၊ ၼင်ႇ​ႁိုဝ်​ပိူၼ်ႈ​တၵ်း​ႁပ်ႉ​တုင်း​ဢဝ်​ၵဝ်​ၵႃႈ​ၼႂ်း​ႁိူၼ်း​ၶဝ်​ၸိုင်၊ ၵဝ်​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ၵဝ်​ႁူႉ​ယဝ်ႉ​၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="5">ႁွင်ႉ​ဢဝ်​ၵူၼ်း​ဢၼ်​ထုၵ်ႇ​ၼီႈ​တီႈ​ၸဝ်ႈ​မၼ်း​ၵူႈ​ၵေႃႉ​ၵူႈ​ၵူၼ်း​မႃး​သေ​လႄႈ ထၢမ်​ၵေႃႉ​ၼိုင်ႈ​လႄႈ​ဝႃႈ၊ ၼီႈ​ဢၼ်​မႂ်း​တၵ်း​လႆႈ​တႅၼ်း​ပၼ်​တီႈ​ၸဝ်ႈ​ၵဝ်​ၼၼ်ႉ​မီး​ၼမ်​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ၵေႃႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ထုၵ်ႇ​လႆႈ​တႅၼ်း​ပၼ် ၼမ်ႉ​မၼ်း​ပၢၵ်ႇ​ၼိုင်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၽၼ်ႇတႃႇၸူဝ်း​ၵေႃႈ​လၢတ်ႈ​လႄႈ​ဝႃႈ၊ ဢဝ်​ၸရၢင်း​မႂ်း​သေ​လႄႈ ၼင်ႈ​ၶၼ်​ၶၼ်​ၽႂ်း​ၽႂ်း​သေ​ယဝ်ႉ၊ တႅမ်ႈ​ဝႆႉ​ႁႃႈ​သိပ်း​ၵူၺ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">လိုၼ်း​ၼၼ်ႉ မၼ်း​သမ်ႉ​ႁွင်ႉ​ဢဝ်​တၢင်ႇ​ၵေႃႉ​မႃး​သေ​လႄႈ​ထၢမ်​လႄႈ​ဝႃႈ၊ ၼီႈ​ဢၼ်​မႂ်း​တၵ်း​လႆႈ​တႅၼ်း​ပၼ်​တီႈ​ၸဝ်ႈ​ၵဝ်​ၼၼ်ႉ​မီး​ၼမ်​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ထုၵ်ႇ​လႆႈ​တႅၼ်း​ပၼ်​ၶဝ်ႈ​ၵျုင်ႇ​ပၢၵ်ႇ​တၢင်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၽၼ်ႇတႃႇၸူဝ်း​ၵေႃႈ​လၢတ်ႈ​လႄႈ​ဝႃႈ၊ ဢဝ်​ၸရၢင်း​မႂ်း​သေ​လႄႈ တႅမ်ႈ​ဝႆႉ​ပႅတ်ႇ​သိပ်း​တၢင်​ၵူၺ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵွပ်ႈ​ပိူဝ်ႈ​ဢၼ်​ၽၼ်ႇတႃႇ​ၸူဝ်း​ဢၼ်​ဢမ်ႇ​တြႃး​ၼၼ်ႉ ႁဵတ်း​တၢင်း​ဢၼ်​လၵ်း​လႅမ်​ၸိူဝ်ႉ​ၼင်ႇ​ၼႆ​ၼၼ်ႉ​လႄႈ ၸဝ်ႈ​မၼ်း​ယွင်ႈ​ယေႃး​မၼ်း​ယူႇ​ဢေႃႈ။ လွင်ႈ​မၼ်း​ၸမ်ႉ ၵူၼ်း​လေႃးၵီႇ​တင်း​လၢႆ​ၵႃႈ​ၼႂ်း​မဵဝ်း​ၶဝ်​ၼၼ်ႉ ယဵင်ႈ​ၶႅၼ်း​လၵ်း​လႅမ်​သေ​ၵူၼ်း​ဢၼ်​ႁွတ်ႈ​ထိုင်​ၵႃႈ​ၼႂ်း​ဢၼ်​လႅင်း​တင်း​လၢႆ​ဢေႃႈ။</verse>
				<verse number="9">ၵဝ်​သမ်ႉ​ဝႃႈ​ထႅင်ႈ​ၸမ်ႉ၊ မိူဝ်ႈ​ဢၼ်​ၸေး​ၸိမ်ႇ​လေႃးၵီႇ​ဢၼ်​ဢမ်ႇ​တြႃး​သဵင်ႈ​သုတ်း​ၼၼ်ႉ၊ ၼင်ႇ​ႁိုဝ်​သူ​တၵ်း​လႆႈ​မီး​ၵေႃႉ​သေႈ​ဢၼ်​တၵ်း​ႁပ်ႉ​တုင်း​ဢဝ်​သူ ၵႃႈ​ၼႂ်း​သုမ်ႉ​ထဵင်​ဢၼ်​တႄႇ​ယူႇ​သေႇ​သေႇ​ၼၼ်ႉ​ၸိုင်၊ ဢဝ်​ၸေး​ၸိမ်ႇ​လေႃးၵီႇ​ဢၼ်​ဢမ်ႇ​တြႃး​ၼၼ်ႉ ႁဵတ်း​ႁႂ်ႈ​ပဵၼ်​ၵေႃႉ​ပဵၼ်​သေႈ​ဝႆႉ​တႃႉ။-</verse>
				<verse number="10">ၵေႃႉ​ဢၼ်​မီး​သဵတ်ႈ​ၸႃႇ​ၵႃႈ​တီႈ​လွင်ႈ​တၢင်း​ဢၼ်​လဵၵ်ႉ​ဢၼ်​ၵေႇ​သေ​ပိူၼ်ႈ​ၼၼ်ႉ၊ ၵႃႈ​တီႈ​လွင်ႈ​တၢင်း​ဢၼ်​ယႂ်ႇ​ဢၼ်​လူင်​ၵေႃႈ​တၵ်း​မီး​သဵတ်ႈ​ၸႃႇ​ဢေႃႈ။ ၵေႃႉ​ဢၼ်​ဢမ်ႇ​မီး​သဵတ်ႈ​ၸႃႇ​ၵႃႈ​တီႈ​လွင်ႈ​တၢင်း​ဢၼ်​လဵၵ်ႉ​ဢၼ်​ၵေႇ​သေ​ပိူၼ်ႈ​ၼၼ်ႉ၊ ၵႃႈ​တီႈ​လွင်ႈ​တၢင်း​ဢၼ်​ယႂ်ႇ​ဢၼ်​လူင်​ၵေႃႈ တၵ်း​ဢမ်ႇ​မီး​သဵတ်ႈ​ၸႃႇ။-</verse>
				<verse number="11">ပိူဝ်ႈ​ၼႆ​လႄႈ ပေႃး​သူ​ဢမ်ႇ​မီး​သဵတ်ႈ​ၸႃႇ​ၵႃႈ​တီႈ​ၸေး​ၸိမ်ႇ​လေႃးၵီႇ​ဢၼ်​ဢမ်ႇ​တြႃး​ၼၼ်ႉ​ၸိုင်၊ ၽူႈ​လႂ်​တၵ်း​ဢဝ်​ၸေး​ၸိမ်ႇ ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ​ဢၢပ်ႈ​ပၼ်​တီႈ​သူ။-</verse>
				<verse number="12">ပေႃး​သူ​ဢမ်ႇ​မီး​သဵတ်ႈ​ၸႃႇ​ၵႃႈ​တီႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ပိူၼ်ႈ​တၢင်ႇ​ၵေႃႉ​ၼၼ်ႉ​ၸိုင်၊ ၽူႈ​လႂ်​တၵ်း​ဢဝ်​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​သူ​ၼၼ်ႉ​ပၼ်​တီႈ​သူ။-</verse>
				<verse number="13">ၵူၼ်း​ၸႂ်ႉ​ၵူၼ်း​သွႆ​ၵေႃႉ​လႂ်​သေ​ဢမ်ႇ​ဝႃႈ၊ ဢမ်ႇ​ၶၢမ်ႇ​တၢင်း​ဢၼ်​ၸဝ်ႈ​သွင်​ၵေႃႉ ၸႂ်ႉ​သွႆ​ၼၼ်ႉ​လႆႈ။ တၵ်း​ၸင်း​ၸဝ်ႈ​ၵေႃႉ​ၼိုင်ႈ​လႄႈ ႁၵ်ႉ​ၸဝ်ႈ​ၵေႃႉ​ၼိုင်ႈ​ဢေႃႈ။ တၵ်း​ဢိင်​ပိုင်ႈ​ၸဝ်ႈ​ၵေႃႉ​ၼိုင်ႈ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၸဝ်ႈ​ၵေႃႉ​ၼိုင်ႈ​ဢေႃႈ။ သူ​ဢမ်ႇ​ၶၢမ်ႇ​တၢင်း​ဢၼ်​ၽြႃး​ပဵၼ်​ၸဝ်ႈ​ၸႂ်ႉ​သွႆ​ဢိၵ်ႇ​တင်း​တၢင်း​ဢၼ်​ၸေး​ၸိမ်ႇ​လေႃးၵီႇ​ၸႂ်ႉ​သွႆ​ၼၼ်ႉ​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ၽႃႇရီႉသႄး ဢၼ်​ၸႂ်​ၸပ်း​ၸႂ်​ၸွႆး​ငိုၼ်း​ၸိူဝ်း​ၼၼ်ႉ၊ ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ႁဵတ်း​ပျၢၵ်ႈ​ၶူဝ်​မၼ်း​ၸဝ်ႈ​ဢေႃႈ။-</verse>
				<verse number="15">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပိၵ်ႉ​သမ်ႉ​သူ​ႁဵတ်း​ၸိူဝ်ႉ​ၼင်ႇ​ႁၢင်ႈ​သိုဝ်ႈ​တေႃႇ​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​သေ​ၵေႃႈ ၽြႃး​ပဵၼ်​ၸဝ်ႈ​ႁူႉ​ႁၼ်​ႁူဝ်​ၸႂ်​သူ​ယူႇ​ဢေႃႈ။ လွင်ႈ​တၢင်း​ဢၼ်​ၸွမ်း​ၼင်ႇ​သၽေႃး​ၵူၼ်း​ႁဝ်း​ဝႃႈ​ပဵၼ်​ဢၼ်​လီ​ဢၼ်​မျၢတ်ႈ​ၼၼ်ႉ ပဵၼ်​လွင်ႈ​တၢင်း​ဢၼ်​လီ​ႁင်ႈ​ဢဵတ်ႇ​သဵတ်ႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="16">ၸူဝ်ႈ​ဢၼ် ယူဝ်းႁၢၼ်ႇ ​ဢမ်ႇ​ပႆႇ​ၽႅဝ်​မႃး​ၼၼ်ႉ​ၸိုင်၊ မီး​ၵျၢမ်း​ပိင်း​ၺၢပ်ႈ​တီႉ တင်း​ၵျၢမ်း​ဢၼႃႇၵၢတ်ႈတီႉ​ယူႇ​ဢေႃႈ။ ၸႃႉ​ၸဵမ်​ၸူဝ်ႈ​ပၢၼ်​မၼ်း​ၼၼ်ႉ​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ဢၼ်​ၸၢပ်ႈ​သႅင်ႇ​ၵၼ်​တင်း​မိူင်း​ၽြႃး​ပဵၼ်​ၸဝ်ႈ​လႄႈ​ယူႇ​ဢေႃႈ။ ၵူၼ်း​တင်း​လၢႆ​ၵေႃႈ​ႁဵတ်း​ပႄႉ​ႁဵတ်း​ၼႅင်ႇ​သေ​လႄႈ ၶဝ်ႈ​ၵႃႈ​ၼႂ်း​မိူင်း​ၸဝ်ႈ​ဢေႃႈ။-</verse>
				<verse number="17">ၵၢင်​ႁၢဝ်​တင်း​လိၼ်​မိူင်း​ယဵင်ႈ​ၶႅၼ်း​လူႉ​လႅဝ်​ငၢႆႈ​သေ ၸမ်ႈ​မၼ်း​ပဵင်ႇ​တူႉ​ဢၼ်​လဵၵ်ႉ​သေ​ပိူၼ်ႈ​ၼႂ်း​ၵျၢမ်း​ပိင်း​ၺၢပ်ႈ​တီႉ​လူႉ​လႅဝ်​ၼၼ်ႉ​ဢေႃႈ။</verse>
				<verse number="18">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ပႅတ်ႈ​မေး​မၼ်း​သေ​လႄႈ သမ်ႉ​ဢဝ်​မႄႈ​ယိင်း​တၢင်ႇ​ၵေႃႉ​ထႅင်ႈ​ၼၼ်ႉ၊ ၵေႃႉ​ၼၼ်ႉ​ၽိတ်း​ပိူင်ႈ​မေး​မၼ်း​ဢေႃႈ။- ၵေႃႉ​ဢၼ်​ဢဝ်​မႄႈ​ယိင်း​ဢၼ်​ၽူဝ်​ပႅတ်ႈ​ၼၼ်ႉ​ၵေႃႈ ၽိတ်း​ပိူင်ႈ​မေး​ပိူၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">မၼ်း​ၸဝ်ႈ​သမ်ႉ​ဝႃႈ​ထႅင်ႈ​ၸမ်ႉ၊ မီး​သထေး​ၵေႃႉ​ၼိုင်ႈ​ဢေႃႈ။ မၼ်း​ၼၼ်ႉ​ၼုင်ႈ​မႆ​ၶူဝ်း​ၼုင်ႈ​ဢၼ်​လႅင်​ၵမ်ႇ​ဢိၵ်ႇ​တင်း​ပိၵ်ႈ​ၶျေႃး​သေ​လႄႈ မူၼ်ႈ​ပျေႃႇ​ယူႇ​ၵႃႈ​ၼႂ်း​ၵႃႇမၵုင်ႇ​ၵူႈ​ဝၼ်း​ဢေႃႈ။-</verse>
				<verse number="20">ၵူၼ်း​ၽၢၼ်​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ​ လႃႇၸရူႉ ​ၼၼ်ႉ ပဵၼ်​တုမ်ႇ​ၸဵပ်း​တင်း​တူဝ်​လႄႈ၊-</verse>
				<verse number="21">မီး​ၸႂ်​ဢၼ်​ၶႂ်ႈ​ၵိၼ်​ဢၼ်​ယွႆႈ​ဢၼ်​ယႅမ်း ဢၼ်​တူၵ်း​ၵႃႈ​တီႈ​ၶူင်ႇ​တီႈ​ၵိၼ်​သထေး​ၼၼ်ႉ​ယူႇ​သေ​လႄႈ ၼွၼ်း​ၶူတ်း​ယူႇ​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ႁိူၼ်း​သထေး​ၼၼ်ႉ​ဢေႃႈ။ မႃ​တင်း​လၢႆ​ၵေႃႈ​မႃး​လႄႈ လေး​ၵိၼ်​တုမ်ႇ​ၸဵပ်း​မၼ်း​ယူႇ​ဢေႃႈ။-</verse>
				<verse number="22">ဝၼ်း​ၼိုင်ႈ​ၵူၼ်း​ၽၢၼ်​ၼၼ်ႉ​တၢႆ​လႄႈ တမၢၼ်ႇ​ၵၢင်​ႁၢဝ်​တင်း​လၢႆ ဢဝ်​မၼ်း​ၵႂႃႇ​သူင်ႇ​ၵႃႈ​တီႈ​ၼႂ်း​ဝၢင်ႈ​ႁူဝ်​ဢူၵ်း ဢႃႇပြႃႇႁၢမ်ႇ ​ပုၼ်ႉ​ဢေႃႈ။ သထေး​ၼၼ်ႉ​ၵေႃႈ​တၢႆ​လႄႈ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ဢေႃႈ။-</verse>
				<verse number="23">မၼ်း​ၼၼ်ႉ​လႆႈ​ၶၢမ်ႇ​ဝူၺ်ႇတၼႃႇ​ၼမ်​ၼႃႇ​လူင်​လၢင် ၵႃႈ​ၼႂ်း​မိူင်း​မရၼႃႉ​ပုၼ်ႉ​ယူႇ​သေ​လႄႈ မုင်ႈ​တူၺ်း​လႄႈ​လႆႈ​ႁၼ်​ ဢႃႇပြႃႇႁၢမ်ႇ မီး​ယူႇ​တီႈ​ဢၼ်​ၵႆ​ၼႃႇ ဢိၵ်ႇ​တင်း လႃႇၸရူႉ ၵႃႈ​ၼႂ်း​ဝၢင်ႈ​ႁူဝ်​ဢူၵ်း​မၼ်း​ၼၼ်ႉ​သေ​ယဝ်ႉ၊-</verse>
				<verse number="24">ႁွင်ႉ​သႅၼ်ႇ​လႄႈ​ဝႃႈ၊ ပေႃႈ​ ဢႃႇပြႃႇႁၢမ်ႇ ​ၶႃႈ​ဢိူၺ်း၊ ဢဵတ်း​လူ​ၵဝ်​ၶႃႈ​သေ​ၵမ်း​ၶႃႈ။ ပိူဝ်ႈ​ဢၼ်​ၵဝ်​ၶႃႈ​လႆႈ​ၶၢမ်ႇ​ၼမ်​ၼႃႇ​လူင်​လၢင်​ၵႃႈ​ၼႂ်း​ၽႆး​လုၵ်ႉ​ၼႆႉ​လႄႈ၊ ၼင်ႇ​ႁိုဝ် လႃႇၸရူႉ တၵ်း​ဢဝ်​ပၢႆ​မိုဝ်း​မၼ်း​သႂ်ႇ​ၼႂ်း​ၼမ်ႉ​လႄႈ ႁႂ်ႈ​လိၼ်ႉ​ၵဝ်​ၶႃႈ​ၵတ်း​မႃး​ၸိုင်၊ ၶႅၼ်း​တေႃႈ​ပွႆႇ​မၼ်း​မႃး​ၵႃႈ​တီႈ​ဢၼ်​ၵဝ်​ၶႃႈ​မီး​ၼႆႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ဢႃႇပြႃႇႁၢမ်ႇ ​ၵေႃႈ​လၢတ်ႈ​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​မႂ်း​ၵတ်း​ယဵၼ်​ၶျၢမ်း​သႃႇ​ၼႂ်း​မိူဝ်ႈ​ဢၼ်​ဢသၢၵ်ႈ​မႂ်း​ယင်း​လိပ်း​ယူႇ​ၼၼ်ႉ ဢိၵ်ႇ​တင်း​လွင်ႈ​ဢၼ် လႃႇၸရူႉ ​လႆႈ​ၶၢမ်ႇ​တၢင်း​ယၢၵ်ႈ​တၢင်း​ၽၢၼ်​ၼၼ်ႉ​တႃႉ။ တေႃႈ​လဵဝ်​ၼႆႉ​ၸမ်ႉ၊ မၼ်း​မီး​လွင်ႈ​တၢင်း​ဢၼ်​သၢၵ်ႈ​သႃႇ​ၵႃႈ​တီႈ​ၼႆႈ​ဢေႃႈ။ မႂ်း​လႆႈ​ၶၢမ်ႇ​တုၵ်ႉ​ၶႃႉ​ဝူၺ်ႇတၼႃႇ​ဢေႃႈ။-</verse>
				<verse number="26">လိူဝ်​သေ​ၼၼ်ႉ​ဢမ်ႇ​ၵႃး၊ ၼႂ်း​ဝူင်ႈ​ၵၢင်​ႁဝ်း​တင်း​သူ မီး​ႁိုၵ်း​လူင်​ဢၼ်​လိုၵ်ႉ​ၼႃႇ​ဢေႃႈ။ ပိူဝ်ႈ​ၼႆ​လႄႈ ၶဝ်​ၸိူဝ်း​ဢၼ် ၶႂ်ႈ​လုၵ်ႉ​သေ​ၵႃႈ​တီႈ​ၼႆႈ ၶၢမ်ႈ​ၵႂႃႇ​ၸူး​ၵႃႈ​တီႈ​ဢၼ်​သူ​မီး​ပုၼ်ႉ​ၼၼ်ႉ​ဢမ်ႇ​ၶၢမ်ႈ​ၵႂႃႇ​လႆႈ။ ၶဝ်​ၸိူဝ်း​ဢၼ်​ၶႂ်ႈ​လုၵ်ႉ​သေ​ၵႃႈ​တီႈ​ၼၼ်ႈ ၶၢမ်ႈ​မႃး​ၵႃႈ​တီႈ​ဢၼ်​ႁဝ်း​မီး​ၼႆႉ​ၵေႃႈ၊ ဢမ်ႇ​ၶၢမ်ႈ​မႃး​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">သထေး​ၵေႃႈ​လၢတ်ႈ​လႄႈ​ဝႃႈ၊ ပေႃႈ​ဢိူၺ်း၊-</verse>
				<verse number="28">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ပိူဝ်ႈ​ဢၼ်​ၵဝ်​ၶႃႈ​မီး​ၼွင်ႉ​ၸၢႆး​ႁႃႈ​ၵေႃႉ​လႄႈ ၼင်ႇ​ႁိုဝ်​ၶဝ်​ၼၼ်ႉ​တၵ်း​ဢမ်ႇ​ႁွတ်ႈ​ထိုင်​ၵႃႈ​တီႈ​ဢၼ်​လႆႈ​ၶၢမ်ႇ​ၼမ်​ၼႃႇ​လူင်​လၢင်​ၼႆႉ​ၸိုင်၊ ၶႅၼ်း​တေႃႈ ၸဝ်ႈ​ႁဝ်း​ပွႆႇ​ လႃႇၸရူႉ ၵႂႃႇ​ၵႃႈ​တီႈ​ႁိူၼ်း​ပေႃႈ​ၵဝ်​ၶႃႈ​ပုၼ်ႉ ႁႂ်ႈ​လႆႈ​ၶၢမ်ႇ​သၢၵ်ႈ​သေႇ​တီႈ​ၶဝ်​ၼၼ်ႉ​သေ​ၵမ်း​ၶႃႈ၊ ၵဝ်​ၶႃႈ​တွင်း​ပၢၼ်ႇ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">ဢႃႇပြႃႇႁၢမ်ႇ ​ၵေႃႈ​လၢတ်ႈ​လႄႈ​ဝႃႈ၊ တီႈ​ၼွင်ႉ​ၸၢႆး​မႂ်း​ၸိူဝ်း​ၼၼ်ႉ မီး​ၸႃႉ​ၸဵမ်​ မူဝ်းသေႇ ဢိၵ်ႇ​တင်း​ပရေႃးၽႅတ်ႈ​တင်း​လၢႆ​ယူႇ​ဢေႃႈ။ ႁႂ်ႈ​ၶဝ်​ထွမ်ႇ​ဢဝ်​ၵႂၢမ်း​ပရေႃးၽႅတ်ႈ​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">မၼ်း​ၵေႃႈ​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၶႃႈ၊ ပေႃႈ​ ဢႃႇပြႃႇႁၢမ်ႇ ​ၶႃႈ​ဢိူၺ်း၊ ၼႂ်း​ၵူၼ်း​ဢၼ်​တၢႆ​ယဝ်ႉ​တင်း​လၢႆ​ၸိူဝ်း​ၼၼ်ႉ၊ ပေႃး​သေ​ၵေႃႉ​သေ​ၵူၼ်း​လုၵ်ႉ​ၶိုၼ်း​လႄႈ ၵႂႃႇ​ၵႃႈ​တီႈ​ဢၼ်​ၶဝ်​မီး​ၼၼ်ႉ​ၸိုင်၊ ၶဝ်​တၵ်း​ၶုၵ်း​ၸႂ်​လႆႈ​မႆႈ​ၸႂ်​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="31">ဢႃႇပြႃႇႁၢမ်ႇ ​ၵေႃႈ​လၢတ်ႈ​လႄႈ​ဝႃႈ၊ ပေႃး​ၶဝ်​ဢမ်ႇ​ထွမ်ႇ​ဢဝ်​ၵႂၢမ်း​ မူဝ်းသေႇ ​တင်း​ၵႂၢမ်း​ပရေႃးၽႅတ်ႈ​တင်း​လၢႆ​ၸိူဝ်း​ၼၼ်ႉ​ၸိုင်၊ ပိၵ်ႉ​သမ်ႉ​သေ​ၵေႃႉ​သေ​ၵူၼ်း လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​သေ​ၵေႃႈ၊ ၶဝ်​တၵ်း​ဢမ်ႇ​ယုမ်ႇ​မၢတ်ႈ​ၵူၺ်ႉ ဝႃႈ​ၼႆ၊ မၼ်း​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="17">
				<verse number="1">မၼ်း​ၸဝ်ႈ​သမ်ႉ​လၢတ်ႈ​တီႈ​တပႄး​ၸဝ်ႈ​တင်း​လၢႆ​ထႅင်ႈ​လႄႈ​ဝႃႈ​ၸမ်ႉ၊ လွင်ႈ​တၢင်း​ဢၼ်​ၶီႈ​လိုတ်း​လႄႈ လူမ်ႉ​တင်း​လၢႆ​ၼၼ်ႉ တၵ်း​လႆႈ​မီး​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​ႁႂ်ႈ​လွင်ႈ​တၢင်း​ဢၼ်​ၶီႈ​လိုတ်း​လႄႈ​လူမ်ႉ​ပဵၼ်​ၼၼ်ႉ​မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="2">ၵေႃႉ​ဢၼ်​ႁႂ်ႈ​လုၵ်ႈ​ဢွၼ်ႇ​ၸိူဝ်း​ၼႆႉ​သေ​ၵေႃႉ​သေ​ၵူၼ်း ၶီႈ​လိုတ်း​လႄႈ​လူမ်ႉ​ၼၼ်ႉ၊ တီႈ​ၵေႃႉ​ၼၼ်ႉ​ပေႃး​မၼ်း​လႆႈ​ၶၢမ်ႇ​တၢင်း​ဢၼ်​ဢဝ်​မၢၵ်ႇ​ႁိၼ်​လူၺ် ႁွႆႈ​သႂ်ႇ​ၵႃႈ​တီႈ​ၶေႃး​သေ​လႄႈ ပွႆႇ​ၸူမ်​လူင်း​ၵႃႈ​ၼႂ်း​ၼမ်ႉ​ပၢင်ႇ​လၢႆႇ​တီႈ​ဢၼ်​လိုၵ်ႉ​ၼၼ်ႉ​ၸိုင်၊ ယဵင်ႈ​ၶႅၼ်း​တၵ်း​လီ​ဢေႃႈ။</verse>
				<verse number="3">သူ​ႁဵတ်း​သတီႉ​တီႈ​တူဝ်​ၸဝ်ႈ​ၵဝ်ႇ​တႃႉ။ ပေႃး​ပီႈ​ၼွင်ႉ​မႂ်း​ၽိတ်း​ပိူင်ႈ​မႂ်း​ၸိုင်၊ သင်ႇ​သွၼ်​ပၼ်​မၼ်း​တႃႉ။ ပေႃး​မၼ်း​လႆႈ​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၸိုင်၊ ပွႆႇ​လွတ်ႈ​ဢပႅတ်ႈ​မၼ်း​တႃႉ။-</verse>
				<verse number="4">ၼႂ်း​ဝၼ်း​ၼိုင်ႈ ပေႃး​မၼ်း​ၽိတ်း​ပိူင်ႈ​မႂ်း တေႃႇ​ထိုင်​ႁွတ်ႈ​ၸဵတ်း​ပွၵ်ႈ​လႄႈ သမ်ႉ​ၶိုၼ်း​မႃး​တီႈ​မႂ်း​တေႃႇ​ထိုင်​ႁွတ်ႈ​ၸဵတ်း​ပွၵ်ႈ​လႄႈ​ဝႃႈ၊ ၵဝ်​ၶႃႈ​ၶုၵ်း​ၸႂ်​လႆႈ​မႆႈ​ၸႂ်​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ၸိုင်၊ ပွႆႇ​လွတ်ႈ​ဢပႅတ်ႈ​မၼ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">တမၢၼ်ႇ​ၸဝ်ႈ​တင်း​လၢႆ​ၵေႃႈ တွင်း​ပၢၼ်ႇ​တီႈ​ၸဝ်ႈ​ၽြႃး​လႄႈ​ဝႃႈ၊ ႁႂ်ႈ​တၢင်း​ယုမ်ႇ​မၢတ်ႈ​ႁဝ်း​ၶႃႈ​ယႂ်ႇ​မႃး​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ၸဝ်ႈ​ၽြႃး​ၵေႃႈ​လၢတ်ႈ​လႄႈ​ဝႃႈ၊ ပေႃး​သူ​မီး​တၢင်း​ဢၼ်​ယုမ်ႇ​မၢတ်ႈ​ထၢၼ်ႇ ၽၼ်း​ၽၵ်း​ၵၢတ်ႇ​မဵတ်ႉ​ၼိုင်ႈ​ၸိုင်၊ ၼႂ်း​လွင်ႈ​ဢၼ်​သူ​လၢတ်ႈ​တီႈ​တူၼ်ႈ​မၢၵ်ႇ​လိူဝ်ႇ​ၼႆႉ​လႄႈ​ဝႃႈ၊ မႂ်း​ထူၺ်ႈ​ဢဝ်​တင်း​ႁၢၵ်ႈ​မႂ်း​သေ​လႄႈ ပၵ်း​ယူႇ​ၵႃႈ​ၼႂ်း​ပၢင်ႇ​လၢႆႇ​ပုၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ၊ မၼ်း​တၵ်း​ထွမ်ႇ​ဢဝ်​ၵႂၢမ်း​သူ​ဢေႃႈ။-</verse>
				<verse number="7">ၼႂ်း​သူ​ၼႆႉ၊ ၽူႈ​လႂ်​မီး​ၵူၼ်း​ၸႂ်ႉ​ၵူၼ်း​သွႆ​ဢၼ်​ထိူၼ်ႇ​ၼႃး​လႂ်၊ ဢၼ်​လဵင်ႉ​သူဝ်း​လဵင်ႉ​ဝူဝ်း​လႂ်​လႄႈ မိူဝ်ႈ​ဢၼ်​မၼ်း​လုၵ်ႉ​သေ​ၵႃႈ​တီႈ​တူင်ႈ​ၼႃး​လႄႈ​မႃး​ၶဝ်ႈ​ၼႂ်း​ႁိူၼ်း​ၼၼ်ႉ​ၸိုင်၊ တၵ်း​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ မႃး​ၵမ်း​လဵဝ်​လႄႈ​ဢိင်​ယူႇ​ႁိမ်း​တီႈ​ၵိၼ်​တႃႉ၊ ဝႃႈ​ၼင်ႇ​ၼႆ။-</verse>
				<verse number="8">တၵ်း​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ မႄး​ႁႅၼ်း​ပုၼ်ႈ​ဢၼ်​ၵဝ်​တၵ်း​ၵိၼ်​တႃႉ။ ႁတ်ႉ​သၢႆ​ဢႅဝ်​သေ​လႄႈ ႁဵတ်း​လဵင်ႉ​ႁဵတ်း​လူ​ၵဝ် ႁႂ်ႈ​တေႃႇ​ထိုင်​ႁွတ်ႈ​ၵဝ်​ၵိၼ်​ယဝ်ႉ​ၶူပ်း​ယဝ်ႉ​ၼၼ်ႉ​တႃႉ။ လိုၼ်း​ၼၼ်ႉ မႂ်း​ၸင်ႇ​တၵ်း​လႆႈ​ၵိၼ်​ဢေႃႈ၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​ႁိုဝ်။-</verse>
				<verse number="9">ပိူဝ်ႈ​ဢၼ်​မၼ်း​ႁဵတ်း​ၸွမ်း​လွင်ႈ​တၢင်း​ဢၼ်​ၸဝ်ႈ​မၼ်း​ၸီႇ​ယၢင်ႇ​တင်း​လၢႆ​ၼၼ်ႉ​လႄႈ ၸဝ်ႈ​မၼ်း​တၵ်း​လၢတ်ႈ​တီႈ​ၵူၼ်း​ၸႂ်ႉ​ၵူၼ်း​သွႆ​ၼၼ်ႉ​လႄႈ​ဝႃႈ၊ ၵျေး​ၸူး​မႂ်း​ယႂ်ႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ႁိုဝ်။ ၵဝ်​ဢမ်ႇ​ထၢင်ႇ​ၵူၺ်ႉ။-</verse>
				<verse number="10">ၼႄး​လဵဝ်​ၵၼ်၊ သူ​ၵမ်​ၵျၢင်ႉ​လွင်ႈ​တၢင်း​ၵႃႈ​ဢၼ်​မၼ်း​ၸဝ်ႈ​ၸီႇ​ယၢင်ႇ​ဝႆႉ​တင်း​သဵင်ႈ​တင်း​လူင်​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ ႁဝ်း​ပဵၼ်​ၵူၼ်း​ၸႂ်ႉ​ၵူၼ်း​သွႆ​ဢၼ်​ႁဵတ်း​ၵျေး​ၸူး​တီႈ​ၸဝ်ႈ​ဢမ်ႇ​ၸႂ်ႈ။ ႁဝ်း​ႁဵတ်း​ဝၢတ်ႈ​ဢၼ်​ႁဝ်း​ထုၵ်ႇ​လီ​ႁဵတ်း​ၼၼ်ႉ​ၵူၺ်း​ဢေႃႈ၊ ဝႃႈ​ၼင်ႇ​ၼႆ​လႄႈ ႁပ်ႉ​တုင်း​ဢဝ်​တႃႉ၊ မၼ်း​ၸဝ်ႈ​ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မၼ်း​ၸဝ်ႈ​ၼၼ်ႉ၊ မိူဝ်ႈ​ဢၼ်​ယင်း​တိုၵ်ႉ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ယူႇ​ၼၼ်ႉ​ၸိုင်၊ လတ်း​ၵႃႈ​ၼႂ်း​ၶိုင်ႈ​ၵၢင် မိူင်း​ သမႃႇရီႉ တင်း​မိူင်း​ ၵႃႇလီႉလႄး ​သေ​လႄႈ ၵႂႃႇ​ဢေႃႈ။-</verse>
				<verse number="12">ၼႂ်း​မိူဝ်ႈ​ဢၼ်​မၼ်း​ၸဝ်ႈ​ၶဝ်ႈ​ၵႂႃႇ​ၵႃႈ​ၼႂ်း​ဝၢၼ်ႈ​ဝၢၼ်ႈ​ၼိုင်ႈ​ၼၼ်ႉ​ၸိုင်၊ ၵူၼ်း​ပဵၼ်​တုတ်ႈ​သိပ်း​ၼိုင်ႈ ဢၼ်​ၸုၵ်း​ယူႇ​ၵႃႈ​တီႈ​ဢၼ်​ၵႆ​ၼၼ်ႉ​ႁပ်ႉ​ႁူဝ်​တၢင်း​မၼ်း​ၸဝ်ႈ​သေ​လႄႈ၊-</verse>
				<verse number="13">ႁွင်ႉ​သႅၼ်ႇ​လႄႈ​ဝႃႈ၊ ယေႇသူႉ ၸဝ်ႈ​ႁဝ်း​တီႈ​ၶႃႈ၊ ၶႅၼ်း​တေႃႈ​ဢဵတ်း​လူ​ႁဝ်း​ၶႃႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မၼ်း​ၸဝ်ႈ​ႁၼ်​ၶဝ်​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ သူ​ၵႂႃႇ​လႄႈ​ၼႄ​ပျႃး​တူဝ်​ၸဝ်ႈ​ၵဝ်ႇ တီႈ​ယိတ်ႈပရေႃးႁဵၵ်ႈ​တင်း​လၢႆ​ပုၼ်ႉ​တႃႉ ဝႃႈ​ၼႆ၊ ၵႃႈ​ၼင်ႇ​ဢၼ်​မၼ်း​ၸဝ်ႈ​ဝႃႈ​ၼၼ်ႉ၊ ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ၵႂႃႇ​ယူႇ​ၼၼ်ႉ​ၸိုင်၊ ၶဝ်​လႆႈ​ႁွတ်ႈ​ထိုင်​တၢင်း​ဢၼ်​မူတ်း​သႂ်​ဢေႃႈ။-</verse>
				<verse number="15">ၼႂ်း​ၶဝ်​ၼၼ်ႉ​ၵူၼ်း​ၵေႃႉ​ၼိုင်ႈ လႆႈ​ႁၼ်​လွင်ႈ​ဢၼ်​တူဝ်​ၸဝ်ႈ​ၵဝ်ႇ​ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ်​ၼၼ်ႉ​သေ​ယဝ်ႉ၊ ၶိုၼ်း​မႃး​လႄႈ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ ယွင်ႈ​ယေႃး​မုၼ်​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="16">မၼ်း​ၶုပ်ႉ​မူပ်ႇ​ႁိမ်း​တိၼ်​မၼ်း​ၸဝ်ႈ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၵျေး​ၸူး​ၸဝ်ႈ​ႁဝ်း​ယႂ်ႇ​ၼႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵေႃႉ​ၼၼ်ႉ​ပဵၼ်​ၵူၼ်း​ သမႃႇရီႉ ​ဢေႃႈ။-</verse>
				<verse number="17">ယေႇသူႉ ​ၵေႃႈ​ထၢမ်​လႄႈ​ဝႃႈ၊ ၵူၼ်း​ဢၼ်​ႁွတ်ႈ​ထိုင်​တၢင်း​ဢၼ်​မူတ်း​သႂ်​မီး​သိပ်း​ၼိုင်ႈ ဢမ်ႇ​ၸႂ်ႈ​ႁိုဝ်။ ၶဝ်​ၵဝ်ႈ​ၵေႃႉ​ၼၼ်ႉ​မီး​ၵႃႈ​လႂ်။-</verse>
				<verse number="18">လိူဝ်​သေ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼႆႉ၊ ၵေႃႉ​ဢၼ်​ၶိုၼ်း​မႃး​ႁႂ်ႈ​လႆႈ​ယွင်ႈ​ယေႃးမုၼ်​ၽြႃး​ပဵၼ်​ၸဝ်ႈ​ဢမ်ႇ​မီး​သေ​ၵေႃႉ​သေ​ၵူၼ်း​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="19">မၼ်း​ၸဝ်ႈ​သမ်ႉ​လၢတ်ႈ​တီႈ​ၵေႃႉ​ၼၼ်ႉ​ထႅင်ႈ​လႄႈ​ဝႃႈ၊ မႂ်း​လုၵ်ႉ​လႄႈ​ၵႂႃႇ​တႃႉ။ တၢင်း​ယုမ်ႇ​မၢတ်ႈ​မႂ်း​ႁႂ်ႈ​တၢင်း​ၶႆႈ​တၢင်း​ပဵၼ်​မႂ်း​ႁၢႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ၵမ်း​ၼၼ်ႉ ၽႃႇရီႉသႄး ​တင်း​လၢႆ​လဝ်ႊ​ထၢမ်​လႄႈ​ဝႃႈ၊ မိူင်း​ၽြႃး​ပဵၼ်​ၸဝ်ႈ​တၵ်း​တႄႇ​ပဵၼ်​ၶိင်ႇ​ၵႃႇလႃႉ​မိူဝ်ႈ​လႂ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မိူင်း​ၵၢင်​ႁၢဝ်​ၸဝ်ႈ​ၼၼ်ႉ ဢမ်ႇ​တႄႇ​ၵႃႈ​တီႈ​ဢၼ်​တႃ​ၵူၼ်း​ႁၼ်။-</verse>
				<verse number="21">တူၺ်း​ၵႃႈ​တီႈ​ၼႆႈ​တႃႉ၊ တူၺ်း​ၵႃႈ​တီႈ​ၼၼ်ႈ​တႃႉ၊ ဝႃႈ​ၼႆ၊ တီႈ​ဢၼ်​တၵ်း​လၢတ်ႈ​ဢမ်ႇ​မီး။ လွင်ႈ​မၼ်း​ၸမ်ႉ မိူင်း​ၽြႃး​ပဵၼ်​ၸဝ်ႈ​မီး​ယူႇ​ၼႂ်း​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">မၼ်း​ၸဝ်ႈ​သမ်ႉ​လၢတ်ႈ​တီႈ​တပႄး​ၸဝ်ႈ​တင်း​လၢႆ​ထႅင်ႈ​လႄႈ​ဝႃႈ​ၸမ်ႉ၊ ၶိင်ႇ​ၵႃႇလႃႉ​ဢၼ်​သူ​တၵ်း​ၶႂ်ႈ​ထူပ်း​ၶႂ်ႈ​ႁၼ် ဝၼ်း​လုၵ်ႈ​ၵူၼ်း​ဝၼ်း​ၼိုင်ႈ​လႄႈ ဢမ်ႇ​လႆႈ​ထူပ်း​လႆႈ​ႁၼ်​ၼၼ်ႉ တၵ်း​ႁွတ်ႈ​မႃး​ဢေႃႈ။</verse>
				<verse number="23">ပိၵ်ႉ​သမ်ႉ​ၶဝ်​လၢတ်ႈ​တီႈ​သူ​လႄႈ​ဝႃႈ၊ တူၺ်း​ၵႃႈ​တီႈ​ၼႆႈ​တႃႉ၊ တူၺ်း​ၵႃႈ​တီႈ​ၼၼ်ႈ​တႃႉ၊ ဝႃႈ​ၼင်ႇ​ၼႆ​သေ​ၵေႃႈ၊ ယႃႇ​ပေ​ၸွမ်း၊ ယႃႇ​ပေ​ၵႂႃႇ။-</verse>
				<verse number="24">လုၵ်ႈ​ၵူၼ်း​တၵ်း​ပဵၼ်​ၼႂ်း​ဝၼ်း​တူဝ်​ၸဝ်ႈ​ၵဝ်ႇ မိူၼ်​ၸိူဝ်ႉ​ၼင်ႇ​ၽႃႉ​မႅပ်ႈ​ဢၼ်​လုၵ်ႉ​သေ​ၵႃႈ​တီႈ​ၽၢၵ်ႇ​ၼိုင်ႈ​ၼိူဝ်​ၽႃႉ​ၵၢင်​ႁၢဝ် ႁိူဝ်ႈ​လႅင်း​တေႃႇ​ထိုင်​ႁွတ်ႈ​ၽၢၵ်ႇ​ၼိုင်ႈ​ၼၼ်ႉ​ဢေႃႈ။-</verse>
				<verse number="25">ၸူဝ်ႈ​ဢၼ်​ဢမ်ႇ​ပႆႇ​ပဵၼ်​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ မၼ်း​ၸဝ်ႈ​တၵ်း​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼမ်​ၼႃႇ ဢိၵ်ႇ​တင်း​တၢင်း​ဢၼ်​ၵူၼ်း​မဵဝ်း​တေႃႈ​လဵဝ်​ၼႆႉ ပႄႇ​ပႅတ်ႈ​ၼၼ်ႉ​ဢေႃႈ။-</verse>
				<verse number="26">ၸိူဝ်ႉ​ၼင်ႇ​ဢၼ်​ပဵၼ်​ၼႂ်း​ၸူဝ်ႈ​ပၢၼ်​ ၼူဝ်းဢႃႇ ​ၼၼ်ႉ၊ တၵ်း​ပဵၼ်​ၼႂ်း​ၸူဝ်ႈ​ပၢၼ်​လုၵ်ႈ​ၵူၼ်း​ၼၼ်ႉ​ဢေႃႈ။-</verse>
				<verse number="27">ၶဝ်​ၼၼ်ႉ​ၵိၼ်​ယူႇ၊ ၶူပ်း​ယူႇ၊ ဢဝ်​ၽူဝ်​ယူႇ၊ ဢၢပ်ႈ​ပၼ်​ၵၼ်​ယူႇ​တေႃႇ​ထိုင်​ႁွတ်ႈ​ဝၼ်း​ဢၼ်​ ၼူဝ်းဢႃႇ ၶဝ်ႈ​ၵႃႈ​ၼႂ်း​ႁိူဝ်း​သၢင်း​ၽေႃး​လႄႈ၊ တၢင်း​ဢၼ်​ၼမ်ႉ​ထူမ်ႈ​မိူင်း မႃး​ၽဵဝ်ႈ​ပႅတ်ႈ​ၶဝ်​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="28">ပိူင်​လဵဝ်​ၵၼ် ၸိူဝ်ႉ​ၼင်ႇ​ဢၼ်​ပဵၼ်​မႃး​ၼႂ်း​ၸူဝ်ႈ​ပၢၼ်​ လေႃးတႃႉ ​ၼၼ်ႉ၊ ၶဝ်​ၼၼ်ႉ​ၵိၼ်​ယူႇ၊ ၶူပ်း​ယူႇ၊ သိုဝ်ႉ​ယူႇ၊ ၶၢႆ​ယူႇ၊ ၽုၵ်ႇ​သွမ်ႈ​ယူႇ၊ ႁဵတ်း​ႁိူၼ်း​ယူႇ​ဢေႃႈ။-</verse>
				<verse number="29">ၵူၺ်း​ၵႃႈ ၼႂ်း​ဝၼ်း​ဢၼ်​ လေႃးတႃႉ ဢွၵ်ႇ​သေ​ၵႃႈ​ၼႂ်း​ဝဵင်း​ သေႃးတုမ်ႇ ​ၼၼ်ႉ ၽူၼ်​ၽႆး​ဢၼ်​လေႃး​ၵၼ်​တင်း​ၵၢၼ်ႉ တူၵ်း​သေ​ၵႃႈ​ၼိူဝ်​ၽႃႉ​ၵၢင်​ႁၢဝ်​မႃး​လႄႈ ၽဵဝ်ႈ​ပႅတ်ႈ​ၶဝ်​တင်း​သဵင်ႈ​တင်း​လူင်​ဢေႃႈ။-</verse>
				<verse number="30">မိူၼ်​ၸိူဝ်ႉ​ၼင်ႇ​ၼၼ်​တၵ်း​ပဵၼ်​ၼႂ်း​ဝၼ်း​ဢၼ်​လုၵ်ႈ​ၵူၼ်း​ပေႃႇ​မႃး​ၼၼ်ႉ​ဢေႃႈ။</verse>
				<verse number="31">ၼႂ်း​ဝၼ်း​ၼၼ်ႉ ယႃႇ​ပေ​ႁႂ်ႈ​ၵေႃႉ​ဢၼ်​မီး​ယူႇ​ၵႃႈ​ၼိူဝ်​ၸွမ်​ႁိူၼ်း​လႄႈ ဢုၵ်ႉ​ၸႃႇ​ၶူဝ်း​လဵင်း​မၼ်း​မီး​ၵႃႈ​ၼႂ်း​ႁိူၼ်း​ၼၼ်ႉ​လူင်း​ႁႂ်ႈ​လႆႈ​ဢဝ်​ၶူဝ်း​လဵင်း​မၼ်း​ၼၼ်ႉ​ၵႂႃႇ။ မိူၼ်​ၼင်ႇ​ၼၼ် ယႃႇ​ပေ​ႁႂ်ႈ​ၵေႃႉ​ဢၼ်​မီး​ယူႇ​ၵႃႈ​ၼႂ်း​တူင်ႈ​ၼႃး​ၼၼ်ႉ ဝၢႆႇ​ၶိုၼ်း​မိူဝ်း​တၢင်း​လင်။-</verse>
				<verse number="32">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မေး​ လေႃးတႃႉ ​ၼၼ်ႉ​တႃႉ။-</verse>
				<verse number="33">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၵျၢမ်ႇ​ႁႃ ႁႂ်ႈ​လႆႈ​ၵႄႇ​သႄႇ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ၊ ၵေႃႉ​ၼၼ်ႉ​တၵ်း​သုမ်း​ဢသၢၵ်ႈ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​သုမ်း​ဢသၢၵ်ႈ​ၼၼ်ႉ တၵ်း​ၵႄႇ​သႄႇ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="34">ၵဝ်​ဝႃႈ​တီႈ​သူ​ၸမ်ႉ၊ ၼႂ်း​ၶိုၼ်း​ၼၼ်ႉ ၵူၼ်း​သွင်​ၵေႃႉ တၵ်း​မီး​ယူႇ​ၵႃႈ​ၼိူဝ်​ၵူႇ​တီႈ​ၼွၼ်း​ဢၼ်​ၼိုင်ႈ​ဢေႃႈ။ တၵ်း​သိမ်း​ဢဝ်​ၵေႃႉ​ၼိုင်ႈ​လႄႈ၊ ၵေႃႉ​ၼိုင်ႈ​ၸမ်ႉ တၵ်း​လႆႈ​ၵိုတ်း​ဝႆႉ​ယူႇ​ဢေႃႈ။-</verse>
				<verse number="35">ၵူၼ်း​ယိင်း​သွင်​ၵေႃႉ​တၵ်း​လူၺ်​ၶဝ်ႈ​ယူႇ​ဢေႃႈ။ တၵ်း​သိမ်း​ဢဝ်​ၵေႃႉ​ၼိုင်ႈ​လႄႈ၊ ၵေႃႉ​ၼိုင်ႈ​ၸမ်ႉ တၵ်း​လႆႈ​ၵိုတ်း​ဝႆႉ​ယူႇ​ဢေႃႈ၊ မိူဝ်ႈ​ဢၼ်​မၼ်း​ၸဝ်ႈ​ဝႃႈ​ၼင်ႇ​ၼႆ​ၸိုင်၊-</verse>
			</chapter>
			<chapter number="18">
				<verse number="1">လွင်ႈ​ၼင်ႇ​ႁိုဝ်​ၵူၼ်း​တင်း​လၢႆ​ႁႅင်း​ယင်း​ဢမ်ႇ​ဢူၼ်ႈ​လႄႈ တၵ်း​လႆႈ​ၵျူဝ်း​ၸႃး​သူး​တွင်း​ယူႇ​သေႇ​သေႇ​ၸိုင်၊ မၼ်း​ၸဝ်ႈ​လၢတ်ႈ​ၵႂၢမ်း​ဢူႉပမႃႇ​လႄႈ​ဝႃႈ​ၸမ်ႉ၊-</verse>
				<verse number="2">ၼႂ်း​ဝဵင်း​ၼိုင်ႈ​မီး​ၶုၼ်​ဢၼ်​ၸီႇ​ယၢင်ႇ​တြႃး၊ ဢၼ်​ဢမ်ႇ​ၵူဝ်​ၽြႃး​ပဵၼ်​ၸဝ်ႈ​လႄႈ ဢမ်ႇ​ၸၢင်ႈ​ဢႃး​ၼႃႇ​ၵူၼ်း​ၼၼ်ႉ​ၵေႃႉ​ၼိုင်ႈ​ဢေႃႈ။-</verse>
				<verse number="3">မႄႈ​မူၵ်း​မႄႈ​မၢႆႈ​ဢၼ်​မီး​ယူႇ​ၵႃႈ​ၼႂ်း​ဝဵင်း​ၼၼ်ႉ​ၵေႃႉ​ၼိုင်ႈ​ၵႂႃႇ​တီႈ​ၶုၼ်​ဢၼ်​ၸီႇ​ယၢင်ႇ​တြႃး​ၼၼ်ႉ​လႄႈ တွင်း​ပၢၼ်ႇ​ဝႃႈ၊ ၶႅၼ်း​တေႃႈ​ယူႇ​ၽၢႆႇ​ၶႃႈ​ၸဝ်ႈ​ႁဝ်း​ၸီႇ​ယၢင်ႇ​တြႃး ႁႂ်ႈ​လွင်ႈ​ဢၼ်​ၵေႃႉ​ဢၼ်​ၽိတ်း​ၶႃႈ​ၸဝ်ႈ​ႁဝ်း​ၼၼ်ႉ​ယဝ်ႉ​တူဝ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ၵေႃႈ၊-</verse>
				<verse number="4">မၼ်း​ၼၼ်ႉ​ယင်း​ဢမ်ႇ​ၸီႇ​ယၢင်ႇ​တြႃး​လႄႈ​ယူႇ​ႁိုင်​ၼႃႇ​ဢေႃႈ။ လိုၼ်း​ၼၼ်ႉ မၼ်း​မီး​တၢင်း​ၵျၢမ်ႇ​တၢင်း​ပွင်​ၼႂ်း​ၸႂ်​လႄႈ​ဝႃႈ၊ ပိၵ်ႉ​သမ်ႉ​ၵဝ်​ဢမ်ႇ​ၵူဝ်​ၽြႃး​ပဵၼ်​ၸဝ်ႈ​လႄႈ ပဵၼ်​ၵေႃႉ​ဢၼ်​ဢမ်ႇ​ၸၢင်ႈ​ဢႃး​ၼႃႇ​ၵူၼ်း​သေ​ၵေႃႈ၊-</verse>
				<verse number="5">ပိူဝ်ႈ​ဢၼ်​မႄႈ​မူၵ်း​မႄႈ​မၢႆႈ​ၼႆႉ မႃး​ယႃႉ​ယူၵ်ႉ​ၵဝ်​ယူႇ​လႄႈ​ၵဝ်​တၵ်း​ၸီႇ​ယၢင်ႇ​တြႃး​ၽၢႆႇ​မၼ်း​ဢေႃႈ။ ပေႃး​ဢမ်ႇ​ၼၼ် မၼ်း​တၵ်း​မႃး​ၶိူဝ်း​ၶိူဝ်း​ယႂ်း​ယႂ်း​လႄႈ ႁႂ်ႈ​ၵဝ်​ယၢပ်ႇ​ၸႂ်​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မၢတ်ႈ​တွင်း​တၢင်း​ၵျၢမ်ႇ​တၢင်း​ပွင် ၶုၼ်​ဢၼ်​ဢမ်ႇ​တြႃး​ဢၼ်​ၸီႇ​ယၢင်ႇ​တြႃး​ၼၼ်ႉ​တႃႉ။-</verse>
				<verse number="7">တီႈ​ၶဝ်​ၸိူဝ်း​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်၊ ဢၼ်​ႁွင်ႉ​သႅၼ်ႇ​လႄႈ​ယွၼ်း​တီႈ​မၼ်း​ၸဝ်ႈ​ယူႇ​တင်း​ဝၼ်း​တင်း​ၶိုၼ်း​ၼၼ်ႉ၊ ပိၵ်ႉ​သမ်ႉ​ၽြႃး​ပဵၼ်​ၸဝ်ႈ​ယိူၼ်ႉ​ၶၢမ်ႇ​ၶဝ်​ႁိုင်​ၼႃႇ​သေ​ၵေႃႈ၊ မၼ်း​ၸဝ်ႈ​ယင်း​ဢမ်ႇ​ၸီႇ​ယၢင်ႇ​တြႃး​လႄႈ​တၵ်း​ယူႇ​ႁိုဝ်။-</verse>
				<verse number="8">ၵဝ်​ဝႃႈ​တီႈ​သူ​ၸမ်ႉ၊ မၼ်း​ၸဝ်ႈ​တၵ်း​ၸီႇ​ယၢင်ႇ​တြႃး​ၽၢႆႇ​ၶဝ်​ၼၼ်ႉ​ၶၼ်​ၶၼ်​ၽႂ်း​ၽႂ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မိူဝ်ႈ​ဢၼ်​လုၵ်ႈ​ၵူၼ်း​မႃး​ၼၼ်ႉ၊ တၵ်း​ထူပ်း​တၢင်း​ဢၼ်​ယုမ်ႇ​မၢတ်ႈ​ၵႃႈ​ၼိူဝ်​လိၼ်​မိူင်း​ၼႆႉ​ႁိုဝ် ဝႃႈ​ၼႆ၊ ၸဝ်ႈ​ၽြႃး​ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မၼ်း​ၸဝ်ႈ​လၢတ်ႈ​ၵႂၢမ်း​ဢူႉပမႃႇ တီႈ​ၶဝ်​ၸိူဝ်း​ဢၼ်​ဢိင်​ပိုင်ႈ​ၵူႉ​သူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ပိူၼ်ႈ​ၵမ်ႈ​ၽွင်ႈ​ၸိူဝ်း​ၼၼ်ႉ​လႄႈ​ဝႃႈ​ၸမ်ႉ၊-</verse>
				<verse number="10">ၵူၼ်း​သွင်​ၵေႃႉ ၶိုၼ်ႈ​ၵႂႃႇ​ၵႃႈ​ၼိူဝ်​ပိၵ်ႈ​မၢၼ်ႇ​ၸဝ်ႈ​ႁႂ်ႈ​လႆႈ​ႁဵတ်း​သူး​တွင်း​ပထၼႃႇ​ဢေႃႈ။ ၵေႃႉ​ၼိုင်ႈ​ၸမ်ႉ၊ ပဵၼ်​ ၽႃႇရီႉသႄး ​ဢေႃႈ။ ၵေႃႉ​ၼိုင်ႈ​ၸမ်ႉ၊ ပဵၼ်​ၵူၼ်း​ၵဵပ်း​ၶွၼ်ႇ​ဢေႃႈ။-</verse>
				<verse number="11">ၽႃႇရီႉသႄး ​ၼၼ်ႉ ၸုၵ်း​ယူႇ​သေ​လႄႈ သူး​တွင်း​ႁဵတ်း​ပထၼႃႇ​ၵူၺ်း​မၼ်း​လႄႈ​ဝႃႈ၊ ဢူဝ်း​ၽြႃး​ပဵၼ်​ၸဝ်ႈ၊ ၵွပ်ႈ​ပိူဝ်ႈ​ဢၼ်​ၵဝ်​ၶႃႈ​ဢမ်ႇ​ပဵၼ်​ၸိူဝ်ႉ​ၼင်ႇ​ပိူၼ်ႈ​တင်း​လၢႆ ဢၼ်​ႁဵတ်း​ပႄႉ​ႁဵတ်း​ၼႅင်ႇ​ႁိမ်​ဢဝ်၊ ဢၼ်​ၵမ်​ၵျၢင်ႉ​ဢၼ်​ဢမ်ႇ​တြႃး၊ ဢၼ်​ၽိတ်း​ပိူင်ႈ​မေး​ပိူၼ်ႈ​ၸိူဝ်း​ၼၼ်ႉ​ယဝ်ႉ​ဢမ်ႇ​ၵႃး၊ ဢမ်ႇ​ပဵၼ်​ၸိူဝ်ႉ​ၼင်ႇ​ၵူၼ်း​ၵဵပ်း​ၶွၼ်ႇ​ၼႆႉ​လႄႈ ၵျေး​ၸူး​ၸဝ်ႈ​ႁဝ်း​ယႂ်ႇ​ၼႃႇ​တီႈ​ၶႃႈ​ဢေႃႈ။-</verse>
				<verse number="12">ၵဝ်​ၶႃႈ​ၼႆႉ ၼႂ်း​ၸဵတ်း​ဝၼ်း​ၵမ်​တၢင်း​ၵိၼ်​သွင်​ဝၼ်း​တီႈ​ၶႃႈ​ဢေႃႈ။ ၵဝ်​ၶႃႈ​ဢဝ်​ဢုၵ်ႉ​ၸႃႇ​ၶူဝ်း​လဵင်း​ၵႃႈ​မီး​တင်း​သဵင်ႈ​တင်း​လူင် သိပ်း​ပုၼ်ႈ​ပုၼ်ႈ​ၼိုင်ႈ​လူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵူၼ်း​ၵဵပ်း​ၶွၼ်ႇ​ၼၼ်ႉ​ၸမ်ႉ၊ ၸုၵ်း​ယူႇ​တီႈ​ဢၼ်​ၵႆ​လႄႈ ယင်း​ဢမ်ႇ​ႁတ်း​ႁႅၼ်​တူၺ်း​ၼိူဝ်​ၽႃႉ​ၵၢင်​ႁၢဝ်၊ တူပ်း​ဢူၵ်း​ယူႇ​သေ​လႄႈ​သူး​တွင်း​လႄႈ​ဝႃႈ၊ ဢူဝ်း​ၽြႃး​ပဵၼ်​ၸဝ်ႈ၊ ၶႅၼ်း​တေႃႈ​မီး​ၵရူႉၼႃႇ တၢင်း​ဢၼ်​ဢဵတ်း​လူ​ၵဝ်​ၶႃႈ​ဢၼ်​ဢပႅတ်ႈ​ၼမ်​ၼႃႇ​ၼႆႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၵဝ်​ဝႃႈ​တီႈ​သူ​ၸမ်ႉ၊ မၼ်း​ၼၼ်ႉ​လႆႈ​ၶၢမ်ႇ​တၢင်း​ဢၼ် မၢတ်ႈ​ပဵၼ်​ၵူၼ်း​ဢၼ်​သိုဝ်ႈ​တေႃႇ​ၼႃႇ​သေ​ၵေႃႉ​ၼၼ်ႉ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း​မၼ်း​ပုၼ်ႉ​ဢေႃႈ။ လွင်ႈ​မၼ်း​ၸမ်ႉ ၵေႃႉ​ဢၼ်​ယုၵ်ႉ​ယွင်ႈ​တူဝ်​ၸဝ်ႈ​ၵဝ်ႇ​ၼၼ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ဢေႃႈ။ ၵေႃႉ​ဢၼ်​ၶျႃး​တႅမ်ႇ​တူဝ်​ၸဝ်ႈ​ၵဝ်ႇ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ယုၵ်ႉ​ယွင်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">မိူဝ်ႈ​ၼၼ်ႉ ၼင်ႇ​ႁိုဝ်​မၼ်း​ၸဝ်ႈ​တၵ်း​ဢဝ်​မိုဝ်း​တိူဝ်ႉ​ၸိုင်၊ ၶဝ်​ဢဝ်​လုၵ်ႈ​ဢွၼ်ႇ​တင်း​လၢႆ​မႃး​တီႈ​မၼ်း​ၸဝ်ႈ​ဢေႃႈ။ ၵူၺ်း​ၵႃႈ တပႄး​ၸဝ်ႈ​တင်း​လၢႆ​ႁၼ်​လႄႈ​တၢင်ႇ​ဢပႅတ်ႈ​ဢေႃႈ။-</verse>
				<verse number="16">ယေႇသူႉ ​ႁွင်ႉ​ဢဝ်​လုၵ်ႈ​ဢွၼ်ႇ​ၸိူဝ်း​ၼၼ်ႉ​လႄႈ​ဝႃႈ၊ ပၼ်​လုၵ်ႈ​ဢွၼ်ႇ​ၸိူဝ်း​ၼၼ်ႉ​မႃး​ၵႃႈ​တီႈ​ၵဝ်​တႃႉ။ ယႃႇ​ပေ​ႁၢမ်ႈ​တၢပ်ႈ​ႁႄႉ​ၶႅၼ်​ၶဝ်။ မိူင်း​ၽြႃး​ပဵၼ်​ၸဝ်ႈ​ပဵၼ်​မိူင်း​ၶဝ်​ၸိူဝ်ႉ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="17">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ၶၢမ်ႇ​ဢဝ်​မိူင်း​ၽြႃး​ပဵၼ်​ၸဝ်ႈ မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ၼႆႉ​ၼၼ်ႉ၊ ၵေႃႉ​ၼၼ်ႉ​ဢမ်ႇ​လႆႈ​ၶဝ်ႈ​ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ၶုၼ်​ၵေႃႉ​ၼိုင်ႈ လဝ်ႊ​ထၢမ်​လႄႈ​ဝႃႈ၊ သြႃႇ​ဢၼ်​မျၢတ်ႈ​လီ​ၶႃႈ​ဢိူၺ်း၊ ၼင်ႇ​ႁိုဝ်​တၵ်း​လႆႈ​ၶၢမ်ႇ​ဢမူၺ်ႇ ထႃႇဝရႃႉ​ဢသၢၵ်ႈ​ၸိုင်၊ ၵဝ်​ၶႃႈ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ႁဵတ်း​ႁိုဝ်​လႄႈ​မႂ်း​ႁွင်ႉ​ဝႃႈ၊ ၵဝ်​ၼႆႉ​မျၢတ်ႈ​လီ​ၼင်ႇ​ႁိုဝ်။ လိူဝ်​သေ​ၽြႃး​ပဵၼ်​ၸဝ်ႈ​သူႇ​လဵဝ်​ၼၼ်ႉ​ၵူၺ်း၊ ၽူႈ​လႂ်​ဢမ်ႇ​မျၢတ်ႈ​ဢမ်ႇ​လီ​သေ​ၵေႃႉ။-</verse>
				<verse number="20">မႂ်း​ႁူႉ​ပိင်း​ၺၢပ်ႈ​ၸဝ်ႈ​တင်း​လၢႆ​ယူႇ​ဢမ်ႇ​ၸႂ်ႈ​ႁိုဝ်။ ယႃႇ​ပေ​ၽိတ်း​ပိူင်ႈ​မေး​ပိူၼ်ႈ။ ယႃႇ​ပေ​ဢဝ်​ဢသၢၵ်ႈ​ၵူၼ်း​တၢႆ၊ ယႃႇ​ပေ​လၵ်ႉ​ဢုၵ်ႉ​ၸႃႇ​ၶူဝ်း​လဵင်း​ပိူၼ်ႈ။ ယႃႇ​ပေ​ၶၢမ်ႇ​သၢၵ်ႈ​သေႇ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၼၼ်ႉ။ ႁဵတ်း​ရူဝ်ႇ​သေႇ​ၵူဝ်​ယမ်​ပေႃႈ​မႄႈ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="21">ၵေႃႉ​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပိင်း​ၺၢပ်ႈ​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၸိုင်၊ ၵဝ်​ၶႃႈ​ၵမ်​ၵျၢင်ႉ​ၸႃႉ​ၸဵမ်​မိူဝ်ႈ​ဢၼ်​ယင်း​လဵၵ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ယေႇသူႉ ​ငိၼ်း​သေ​ယဝ်ႉ၊ လၢတ်ႈ​လႄႈ​ဝႃႈ၊ မႂ်း​လူဝ်ႇ​ထႅင်ႈ​ဢၼ်​ၼိုင်ႈ​ဢေႃႈ။ ၶၢႆ​ဢုၵ်ႉ​ၸႃႇ​ၶူဝ်း​လဵင်း​မႂ်း​ၵႃႈ​မီး​တင်း​သဵင်ႈ​တင်း​လူင်​သေ​လႄႈ ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼႆ​ၸိုင် တၵ်း​လႆႈ​ၽၼ်ႇတႃႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ႁဵတ်း​ၸိူဝ်ႉ​ၼင်ႇ​ၼႆ​သေ​ယဝ်ႉ​ၸင်ႇ၊ မႃး​လႄႈ​ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၵေႃႉ​ၼၼ်ႉ​ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ပိူဝ်ႈ​ဢၼ်​မၼ်း​ပဵၼ်​ၵေႃႉ​ဢၼ်​ၸၢင်ႈ​မီး​ဢုၵ်ႉ​ၸႃႇ​ၶူဝ်း​လဵင်း​ၼမ်​ၼႃႇ​လႄႈ ႁွတ်ႈ​ထိုင်​တၢင်း​ဢၼ်​ၸႂ်​လဵၵ်ႉ​ၼႃႇ​လူင်​လၢင်​ဢေႃႈ။</verse>
				<verse number="24">ယေႇသူႉ ​ႁၼ်​ၵေႃႉ​ၼၼ်ႉ ႁွတ်ႈ​ထိုင်​တၢင်း​ဢၼ်​ၸႂ်​လဵၵ်ႉ​ၸိူဝ်ႉ​ၼင်ႇ​ၼၼ်​သေ​ယဝ်ႉ လၢတ်ႈ​လႄႈ​ဝႃႈ၊ ၶဝ်​ၸိူဝ်း​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ ၶဝ်ႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ယၢပ်ႇ​ၼႃႇ​လူင်​လၢင်​ဢေႃႈ။-</verse>
				<verse number="25">ၵလႃးဢုၵ်ႉ​လၼ်ႈ​ႁူး​ၶဵမ်​ငၢႆႈ​သေ ၵူၼ်း​မၢၵ်ႈ​ၵူၼ်း​မီး​ၶဝ်ႈ​ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၶဝ်​ၸိူဝ်း​ဢၼ်​ငိၼ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၽူႈ​လႂ်​တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ​လႆႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ လွင်ႈ​တၢင်း​ဢၼ်​ၵူၼ်း​ႁဝ်း ဢမ်ႇ​တၢတ်ႈ​ၼိူင်ႇ​လႆႈ​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​တၢတ်ႈ​ၼိူင်ႇ​လႆႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">မိူဝ်ႈ​ၼၼ်ႉ ပေႇတရူႉ ​လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​ၼႆႉ ၸုၼ်ႉ​ပႅတ်ႈ​ၵႃႈ​ဢၼ်​မီး​တင်း​သဵင်ႈ​တင်း​လူင်​သေ​လႄႈ ၸွမ်း​ပႃႈ​လင်​ၸဝ်ႈ​ႁဝ်း​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၸုၼ်ႉ​ပႅတ်ႈ​ႁိူၼ်း၊ ပေႃႈ​မႄႈ၊ ပီႈ​ၼွင်ႉ၊ မေး​လုၵ်ႈ​လၢင်း​တင်း​လၢႆ ၵွပ်ႈ​ပိူဝ်ႈ​မိူင်း​ၽြႃး​ပဵၼ်​ၸဝ်ႈ​ၼၼ်ႉ၊-</verse>
				<verse number="30">ၵေႃႉ​ၼၼ်ႉ တၵ်း​လႆႈ​ၶၢမ်ႇ​ၼႂ်း​ၶိင်ႇ​တေႃႈ​လဵဝ်​ၼႆႉ ဢၵျူဝ်း​ပုၼ်ႈ​ၼမ်​ၼႃႇ​လႂ်၊ ၼႂ်း​ၸၢတ်ႈ​ၼႃႈ​ၼၼ်ႉ​ထႃႇဝရႃႉ​ဢသၢၵ်ႈ​လႂ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">မိူဝ်ႈ​ၼၼ်ႉ မၼ်း​ၸဝ်ႈ​ႁွင်ႉ​ဢဝ်​သိပ်း​သွင်​ပႃး​ၼၼ်ႉ​သေ​လႄႈ လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ​ႁဝ်း​ၵႂႃႇ​ၵႃႈ​တီႈ​ဝဵင်း ယေႇရူႉသလႅမ်ႇ ​ယူႇ​ဢေႃႈ။ ၵႃႈ​ဢၼ်​ပရေႃးၽႅတ်ႈ​တင်း​လၢႆ​တႅမ်ႈ​ဝႆႉ​ၼၼ်ႉ တၵ်း​လႆႈ​ပျေႉ​ၸုမ်ႇ​တီႈ​လုၵ်ႈ​ၵူၼ်း​ဢေႃႈ။-</verse>
				<verse number="32">မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ဢၢပ်ႈ​ၵႃႈ​ၼႂ်း​မိုဝ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​လႂ်၊ တၢင်း​ဢၼ်​ႁဵတ်း​ပျၢၵ်ႈ​လႂ်၊ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​လႂ်၊ တၢင်း​ဢၼ်​ဢဝ်​တင်း​ၼမ်ႉ​လၢႆး ထူမ်ႇ​သႂ်ႇ​လႂ်​ဢေႃႈ။-</verse>
				<verse number="33">ၶဝ်​ၼၼ်ႉ​တၵ်း​ယႅၼ်ႉ​ထုပ်ႉ​မၼ်း​လႄႈ ဢဝ်​မၼ်း​တၢႆ​ဢေႃႈ။ ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ မၼ်း​တၵ်း​လုၵ်ႉ​ၶိုၼ်း​လိပ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">တပႄး​ၸဝ်ႈ​တင်း​လၢႆ ဢမ်ႇ​ႁူႉ​လွင်ႈ​တၢင်း​ၸိူဝ်း​ၼၼ်ႉ​သေ​ဢိတ်း။ ပိူဝ်ႈ​ဢၼ်​လပ်ႉ​ဝႆႉ​သိူင်ႇ​ဝႆႉ​ၵႃႈ​တီႈ​ၶဝ်​လႄႈ ၶဝ်​ဢမ်ႇ​ႁူႉ​ဢမ်ႇ​ၸႅင်ႈ​လွင်ႈ​ဢၼ်​မၼ်း​ၸဝ်ႈ​ဝႃႈ​ၼၼ်ႉ။</verse>
				<verse number="35">ၼႂ်း​မိူဝ်ႈ​ဢၼ်​မၼ်း​ၸဝ်ႈ​မီး​ၸမ်​ၵႃႈ​တီႈ​ႁိမ်း ဝဵင်း​ ယေႇရီႉၶူဝ်း ​ယူႇ​ၼၼ်ႉ​ၸိုင်၊ ၵူၼ်း​တႃ​မွတ်ႇ​ၵေႃႉ​ၼိုင်ႈ ၼင်ႈ​ယူႇ​ၵႃႈ​ႁိမ်း​တၢင်း​လႄႈ​ယွၼ်း​ၵိၼ်​ယူႇ​ဢေႃႈ။-</verse>
				<verse number="36">မၼ်း​ၼၼ်ႉ မိူဝ်ႈ​ဢၼ်​ငိၼ်း​သဵင်​ၵူၼ်း​ၼမ်​ၼႃႇ ၵႂႃႇ​ၵႃႈ​တီႈ​ၼႂ်း​သဵၼ်ႈ​တၢင်း​ယူႇ​ၼၼ်ႉ​ၸိုင်​ထၢမ်​လႄႈ​ဝႃႈ၊ ပဵၼ်​ၵႃႈ​သင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ပိူၼ်ႈ​လၢတ်ႈ​လွင်ႈ​ဢၼ်​ ယေႇသူႉ ​ၵူၼ်း​ဝဵင်း​ ၼႃႇၸရႅတ်ႈ ၸွမ်း​တၢင်း​ၵႂႃႇ​ႁိမ်း​မၼ်း​ၼၼ်ႉ​တီႈ​မၼ်း​လႄႈ၊-</verse>
				<verse number="38">မၼ်း​ၼၼ်ႉ​ႁွင်ႉ​သႅၼ်ႇ​လႄႈ​ဝႃႈ၊ ယေႇသူႉ ​လုၵ်ႈ​ တႃႇဝိတ်ႈ ​တီႈ​ၶႃႈ၊ ဢဵတ်း​လူ​ၵဝ်​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ယူႇ​ဢေႃႈ။-</verse>
				<verse number="39">ပိၵ်ႉ​သမ်ႉ​ၶဝ်​ၸိူဝ်း​ဢၼ်​ၵႂႃႇ​ပႃႈ​ၼႃႈ​မၼ်း​ၸဝ်ႈ​ၼၼ်ႉ ႁိုတ်း​ဝႃႈ၊ ႁႂ်ႈ​မၼ်း​ယူႇ​တဵတ်ႇ​တဵတ်ႇ​ယဵၼ်​ယဵၼ်​သေ​ၵေႃႈ၊ မၼ်း​ၼၼ်ႉ​ယဵင်ႈ​ၶႅၼ်း​ႁွင်ႉ​သႅၼ်ႇ​လႄႈ​ဝႃႈ၊ လုၵ်ႈ​ တႃႇဝိတ်ႈ ​တီႈ​ၶႃႈ၊ ဢဵတ်း​လူ​ၵဝ်​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ယူႇ​ဢေႃႈ။-</verse>
				<verse number="40">ယေႇသူႉ ​ၵေႃႈ​ၸုၵ်း​ၵိုတ်း​ယူႇ​သေ​လႄႈ မီး​ဢမိင်ႉ​ႁႂ်ႈ​ဢဝ်​မၼ်း​မႃး​ၵႃႈ​တီႈ​ႁိမ်း​မၼ်း​ၸဝ်ႈ​ဢေႃႈ။ မၼ်း​ၼၼ်ႉ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​မၼ်း​ၸဝ်ႈ​သေ​ယဝ်ႉ၊ မၼ်း​ၸဝ်ႈ​ၵေႃႈ​ထၢမ်​မၼ်း​လႄႈ​ဝႃႈ၊ ၶႂ်ႈ​ႁႂ်ႈ​ၵဝ်​ႁဵတ်း​တီႈ​မႂ်း​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="41">မၼ်း​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ႁဵတ်း​ႁႂ်ႈ​မၢၵ်ႇ​တႃ​ၵဝ်​ၶႃႈ ႁၼ်​မႃး​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="42">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ႁႂ်ႈ​မၢၵ်ႇ​တႃ​မႂ်း​ႁၼ်​တႃႉ။ တၢင်း​ယုမ်ႇ​မၢတ်ႈ​မႂ်း​ၼႆႉ​ၵႄႇ​ၶျွတ်ႈ​ဢဝ်​မႂ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="43">မိူဝ်ႈ​ၼၼ်ႉ​ၵမ်း​လဵဝ်၊ မၼ်း​ၼၼ်ႉ​မၢၵ်ႇ​တႃ​ႁၼ်​မႃး​သေ​ယဝ်ႉ၊ ယွင်ႈ​ယေႃး​မုၼ်​ၽြႃး​ပဵၼ်​ၸဝ်ႈ​ယူႇ​သေ​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။ ၵူၼ်း​တင်း​သဵင်ႈ​တင်း​လူင်​ႁၼ်​သေ​ယဝ်ႉ၊ ဢွၼ်​ၵၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ​ဢေႃႈ။</verse>
			</chapter>
			<chapter number="19">
				<verse number="1">မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ဝဵင်း​ ယေႇရီႉၶူဝ်း ​လႄႈ ၸွမ်း​တၢင်း​ၵႂႃႇ​ယူႇ​ဢေႃႈ။-</verse>
				<verse number="2">မိူဝ်ႈ​ၼၼ်ႉ​မီး​ၵူၼ်း​ဢၼ်​လႆႈ​ၸိုဝ်ႈ​ ၸၢၵ်ႈ​ၶႄး ​ၼၼ်ႉ​ၵေႃႉ​ၼိုင်ႈ​ဢေႃႈ။ မၼ်း​ၼၼ်ႉ​ပဵၼ်​ၵႄႇ​ၵူၼ်း​ၵဵပ်း​ၶွၼ်ႇ​လႄႈ ၸၢင်ႈ​မၢၵ်ႈ​ၸၢင်ႈ​မီး​ဢေႃႈ။-</verse>
				<verse number="3">မၼ်း​ၶႂ်ႈ​တူၺ်း​ၶႂ်ႈ​ႁၼ်​လွင်ႈ​ဢၼ် ယေႇသူႉ ​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​လႄႈ၊ ပိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ၊ မၼ်း​ၵေႃႈ​ပဵၼ်​ၵူၼ်း​ဢၼ်​ပွၵ်း​ဢၼ်​ဢႅၵ်း​ၼၼ်ႉ​လႄႈ​ဢမ်ႇ​ႁၼ်​လႆႈ။-</verse>
				<verse number="4">ၵွပ်ႈ​ႁွႆး​ၼႆႉ ပိူဝ်ႈ​ဢၼ်​မၼ်း​ၸဝ်ႈ​ၸမ်​တၵ်း​မႃး​သဵၼ်ႈ​တၢင်း​ၼၼ်ႉ​လႄႈ မၼ်း​လႅၼ်ႈ​ၵႂႃႇ​ၵႃႈ​တီႈ​ၽၢႆႇ​ၼႃႈ​သေ​ယဝ်ႉ၊ ၶိုၼ်ႈ​ယူႇ​ၵႃႈ​ၼိူဝ်​တူၼ်ႈ​မၢၵ်ႇ​လိူဝ်ႇ​တူၼ်ႈ​ၼိုင်ႈ ႁႂ်ႈ​လႆႈ​ႁၼ်​မၼ်း​ၸဝ်ႈ​ဢေႃႈ။-</verse>
				<verse number="5">မိူဝ်ႈ​ဢၼ်​ ယေႇသူႉ ​ႁွတ်ႈ​ထိုင်​ၵႃႈ​တီႈ​ၼၼ်ႈ​ၸိုင်၊ မၼ်း​ၸဝ်ႈ​ႁႅၼ်​တူၺ်း​လႄႈ​ႁၼ်​မၼ်း​သေ​ယဝ်ႉ၊ လၢတ်ႈ​လႄႈ​ဝႃႈ၊-</verse>
				<verse number="6">ၸၢၵ်ႈ​ၶႄး ​ဢိူၺ်း၊ လူင်း​ၶၼ်​ၶၼ်​ၽႂ်း​ၽႂ်း​တႃႉ။ ဝၼ်း​မိူဝ်ႈ​ၼႆႉ ၵဝ်​တၵ်း​ၵိုတ်း​သဝ်း​ယူႇ​ၵႃႈ​တီႈ​ႁိူၼ်း​မႂ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၼၼ်ႉ​လူင်း​ၶၼ်​ၶၼ်​ၽႂ်း​ၽႂ်း​သေ​လႄႈ မီး​ၸႂ်​ဢၼ်​သိူဝ်း​ပျေႃႇ​ၼႃႇ​ႁပ်ႉ​ၶၢမ်ႇ​ၶႅၵ်ႇ​မၼ်း​ၸဝ်ႈ​ၵႃႈ​ၼႂ်း​ႁိူၼ်း​မၼ်း​ဢေႃႈ။-</verse>
				<verse number="7">ၵူၼ်း​တင်း​သဵင်ႈ​တင်း​လူင် ႁၼ်​လွင်ႈ​တီႈ​ႁဵင်း​ၼၼ်ႉ​သေ​ယဝ်ႉ၊ သႄႉ​သွမ်း​တၢင်ႇ​ဢပႅတ်ႈ​လႄႈ​ဝႃႈ၊ မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ႁိူၼ်း​ၵေႃႉ​ဢၼ်​ႁုၵ်း​ဢၼ်​ႁၢႆႉ​သေ​လႄႈ ၶၢမ်ႇ​တၢင်း​ႁဵတ်း​လဵင်ႉ​ႁဵတ်း​လူ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၸၢၵ်ႈ​ၶႄး ​ၵေႃႈ​ၸုၵ်း​ယူႇ​သေ​လႄႈ လဝ်ႊ​လၢတ်ႈ​တီႈ​ၸဝ်ႈ​ၽြႃး​လႄႈ​ဝႃႈ၊ ၸဝ်ႈ​ႁဝ်း၊ ၵဝ်​ၶႃႈ​ဢဝ်​ဢုၵ်ႉ​ၸႃႇ​ၶူဝ်း​လဵင်း​ၵဝ်​ၶႃႈ​ၶိုင်ႈ​ၼိုင်ႈ ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ​ၼၼ်ႉ​ၶႃႈ​ဢေႃႈ။ ဢုၵ်ႉ​ၸႃႇ​ၶူဝ်း​လဵင်း​ၽူႈ​လႂ်​သေ​ဢမ်ႇ​ဝႃႈ၊ ပေႃး​ၵဝ်​ၶႃႈ​လႆႈ​ဢဝ်​မႅၼ်ႈ​သေ​ဢိတ်း​ၸိုင်၊ ၵဝ်​ၶႃႈ​သမ်ႉ​ၶိုၼ်း​ပၼ်​သီႇ​ပုၼ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ယေႇသူႉ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ပိူဝ်ႈ​ဢၼ်​ၵေႃႉ​ၼႆႉ​ပဵၼ်​လုၵ်ႈ​ ဢႃႇပြႃႇႁၢမ်ႇ ​လႄႈ၊ ၼႂ်း​ဝၼ်း​မိူဝ်ႈ​ၼႆႉ​ၵျေး​ၸူး​တၢင်း​ဢၼ်​ၵႄႇ​ၶျွတ်ႈ​ဢဝ် ႁွတ်ႈ​ထိုင်​ၵႃႈ​ၼိူဝ်​ႁိူၼ်း​ၼႆႉ​ဢေႃႈ။-</verse>
				<verse number="10">လုၵ်ႈ​ၵူၼ်း​မႃး ႁႂ်ႈ​လႆႈ​ႁႃ​လႄႈ​ၵႄႇ​ၶျွတ်ႈ​ဢဝ်​ၶဝ်​ၸိူဝ်း​ဢၼ်​ႁၢႆ​ၵႂႃႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မိူဝ်ႈ​ဢၼ်​ၶဝ်​လႆႈ​ငိၼ်း​လွင်ႈ​တၢင်း​ၸိူဝ်း​ၼၼ်ႉ​ယဝ်ႉ​ၼၼ်ႉ​ၸိုင်၊ ပိူဝ်ႈ​ဢၼ်​မၼ်း​ၸဝ်ႈ​ႁွတ်ႈ​ၸမ်​ၵႃႈ​တီႈ​ႁိမ်း​ဝဵင်း​ ယေႇရူႉသလႅမ်ႇ ဢိၵ်ႇ​တင်း​ပိူဝ်ႈ​ဢၼ်​ၵူၼ်း​တင်း​လၢႆ​ထၢင်ႇ​လႄႈ​ဝႃႈ၊ မိူင်း​ၽြႃး​ပဵၼ်​ၸဝ်ႈ​တၵ်း​ပေႃႇ​မႃး​ၵမ်း​လဵဝ်၊ ဝႃႈ​ၼင်ႇ​ၼႆ​ၼၼ်ႉ​လႄႈ၊ မၼ်း​ၸဝ်ႈ​သမ်ႉ​လၢတ်ႈ​ၵႂၢမ်း​ဢူႉပမႃႇ ၵႃႈ​ၼႂ်း​ပရဵၵ်ႈသၢတ်ႈ​ၸိူဝ်း​ၼၼ်ႉ​ထႅင်ႈ​လႄႈ​ဝႃႈ​ၸမ်ႉ၊-</verse>
				<verse number="12">ဢမၢတ်ႈ​ၵေႃႉ​ၼိုင်ႈ မီး​တၢင်း​ၵျၢမ်ႇ​တၢင်း​ပွင်​တၵ်း​ၵႂႃႇ​ၵႃႈ​တီႈ​မိူင်း​ဢၼ်​ၵႆ​ပုၼ်ႉ​သေ​လႄႈ ၶၢမ်ႇ​ဢဝ်​ဢရႃႇ​ၶုၼ်​လူင်​ယဝ်ႉ​ၸင်ႇ သမ်ႉ​ၶိုၼ်း​မႃး​ၵႃႈ​တီႈ​မိူင်း​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="13">မၼ်း​ၼၼ်ႉ​ႁွင်ႉ​ဢဝ်​ၵူၼ်း​ဢွၼ်ႇ​တူဝ်​ၸဝ်ႈ​ၵဝ်ႇ​သိပ်း​ၼိုင်ႈ​သေ​ယဝ်ႉ၊ ဢဝ်​ငိုၼ်း​ဢၢပ်ႈ​ပၼ်​ယေႈ​ၵေႃႉ​ယေႈ​ၸွႆႉ​လႄႈ သင်ႇ​လၢတ်ႈ​ဝႆႉ​လႄႈ​ဝႃႈ၊ ၸူဝ်ႈ​ဢၼ်​ၵဝ်​ဢမ်ႇ​ပႆႇ​ၶိုၼ်း​မႃး​ၼၼ်ႉ​ၸိုင်၊ ဢဝ်​ႁဵတ်း​တၢင်း​ၵႃႉ​တၢင်း​ၶၢႆ​ထႃႈ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ၵူၺ်း​ၵႃႈ ၵူၼ်း​မိူင်း​မၼ်း​တင်း​လၢႆ​ၼၼ်ႉ၊ ၵွပ်ႈ​ပိူဝ်ႈ​ဢၼ်​သီႈ​ၵေႉ​ႁေႈ​တႃ​မၼ်း​လႄႈ ပွႆႇ​ၸႂ်ႉ​ၵူၼ်း​ၸႂ်ႉ​ၵူၼ်း​သွႆ​ၵႂႃႇ​ၸွမ်း​ပႃႈ​လင်​မၼ်း​သေ​လႄႈ​ဝႃႈ၊ ႁဝ်း​ဢမ်ႇ​ၶႂ်ႈ​ၶၢမ်ႇ​လွင်ႈ​တၢင်း​ဢၼ်​မၼ်း​ဢုပ်ႉ​ပိူင်ႇ​ႁဵတ်း​ႁူဝ်​ႁဝ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">မၼ်း​ၼၼ်ႉ ၶၢမ်ႇ​ဢဝ်​ဢရႃႇ​ၶုၼ်​လူင်​သေ​ယဝ်ႉ၊ မိူဝ်ႈ​ဢၼ်​ၶိုၼ်း​မႃး​ၼၼ်ႉ​ၸိုင်၊ မီး​ဢမိင်ႉ ႁႂ်ႈ​ႁွင်ႉ​ဢဝ်​ၵူၼ်း​ဢွၼ်ႇ​ဢၼ်​ၶၢမ်ႇ​ဢဝ်​ငိုၼ်း​ၸိူဝ်း​ၼၼ်ႉ​မႃး​ႁင်း​ၽႂ်​ႁင်း​မၼ်း ႁႂ်ႈ​လႆႈ​ႁူႉ​လွင်ႈ​ဢၼ်​ၶဝ်​လႆႈ​ဢမျၢတ်ႈ​မၼ်း​ထၢၼ်ႇ​ႁိုဝ်​ယဝ်ႉ​ၼၼ်ႉ​ဢေႃႈ။</verse>
				<verse number="16">ၵေႃႉ​ပထမႃႉ​မႃး​လႄႈ​လဝ်ႊ​လၢတ်ႈ​ဝႃႈ၊ ၸဝ်ႈ​ႁဝ်း၊ ငိုၼ်း​ၸွႆႉ​ၼိုင်ႈ​ဢၼ်​ၸဝ်ႈ​ႁဝ်း​ပၼ်​ၼၼ်ႉ လႆႈ​ဢမျၢတ်ႈ​မၼ်း​သိပ်း​ၸွႆႉ​ယဝ်ႉ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="17">ၸဝ်ႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ လီ​ယဝ်ႉ၊ ၵူၼ်း​ဢွၼ်ႇ ဢၼ်​လီ​ၼႆႉ​ဢိူၺ်း၊ ၵွပ်ႈ​ပိူဝ်ႈ​ဢၼ်​မႂ်း​ႁဵတ်း​သဵတ်ႈ​ၸႃႇ​ၵႃႈ​တီႈ​ၶိူင်ႈ​ပိူင်​ဢၼ်​လဵၵ်ႉ​ဢၼ်​ၵေႇ​ၼႆႉ​လႄႈ၊ ဢုပ်ႉ​ပိူင်ႇ​ဝဵင်း​သိပ်း​ၼိုင်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ၵေႃႉ​တူႉတီႉယႃႉ​မႃး​လႄႈ​လဝ်ႊ​လၢတ်ႈ​ဝႃႈ၊ ၸဝ်ႈ​ႁဝ်း၊ ငိုၼ်း​ၸွႆႉ​ၼိုင်ႈ​ဢၼ်​ၸဝ်ႈ​ႁဝ်း​ပၼ်​ၼၼ်ႉ လႆႈ​ဢမျၢတ်ႈ​မၼ်း​ႁႃႈ​ၸွႆႉ​ယဝ်ႉ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="19">ၸဝ်ႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ မႂ်း​ၼႆႉ​ဢုပ်ႉ​ပိူင်ႇ​ဝဵင်း​ႁႃႈ​လုၵ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">တၢင်ႇ​ၵေႃႉ​မႃး​လႄႈ​လဝ်ႊ​လၢတ်ႈ​ဝႃႈ၊ ၸဝ်ႈ​ႁဝ်း၊ တူၺ်း​လူး၊ ငိုၼ်း​ၸဝ်ႈ​ႁဝ်း​ဢၼ်​ၵဝ်​ၶႃႈ​ပူၵ်ႉ​ဝႆႉ​ၼႂ်း​ၽႃႈ​ၸဵတ်ႉ ၸွႆႉ​ၼိုင်ႈ​ၼႆႉ​မီး​ယူႇ​ၶႃႈ​ဢေႃႈ။-</verse>
				<verse number="21">လွင်ႈ​မၼ်း​ၸမ်ႉ ပိူဝ်ႈ​ဢၼ်​ၵဝ်​ၶႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၸဝ်ႈ​ႁဝ်း​ပဵၼ်​ၵေႃႉ​ဢၼ်​ၸၢင်ႈ​ႁဵတ်း​ယၢပ်ႇ​ႁဵတ်း​ယဵၼ်း၊ ၸၢင်ႈ​ၸူႉ​ၸၢင်ႈ​သိမ်း​ဢဝ် ဢၼ်​တူဝ်​ၸဝ်ႈ​ၵဝ်ႇ​ဢမ်ႇ​ၸူႉ​ဢမ်ႇ​သိမ်း၊ ၸၢင်ႈ​ပၢတ်ႇ​ဢဝ်​ဢၼ်​တူဝ်​ၸဝ်ႈ​ၵဝ်ႇ ဢမ်ႇ​ဝၢၼ်ႇ​ဢမ်ႇ​သွမ်ႈ​ၼၼ်ႉ​လႄႈ၊ ၵဝ်​ၶႃႈ​ၵူဝ်​ၸဝ်ႈ​ႁဝ်း​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ၸဝ်ႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ ၵူၼ်း​ဢွၼ်ႇ​ဢၼ်​ႁၢႆႉ​မိူၵ်ႈ​ၼႆႉ​ဢိူၺ်း၊ ၵဝ်​တၵ်း​ၸွမ်း​ဢဝ်​ၵႂၢမ်း​မႂ်း​ၵူၺ်း​လႄႈ ၸီႇ​ယၢင်ႇ​ဢမူႉ​မႂ်း​ဢေႃႈ။ ပေႃး​မႂ်း​ႁူႉ​လွင်ႈ​ဢၼ်​ၵဝ်​ပဵၼ်​ၵေႃႉ​ဢၼ်​ၸၢင်ႈ​ႁဵတ်း​ယၢပ်ႇ​ႁဵတ်း​ယဵၼ်း၊ ၸၢင်ႈ​ၸူႉ​ၸၢင်ႈ​သိမ်း​ဢဝ် ဢၼ်​တူဝ်​ၸဝ်ႈ​ၵဝ်ႇ​ဢမ်ႇ​ၸူႉ​ဢမ်ႇ​သိမ်း၊ ၸၢင်ႈ​ပၢတ်ႇ​ဢဝ် ဢၼ်​တူဝ်​ၸဝ်ႈ​ၵဝ်ႇ​ဢမ်ႇ​ဝၢၼ်ႇ​ဢမ်ႇ​သွမ်ႈ​ၼၼ်ႉ​ၸိုင်၊-</verse>
				<verse number="23">ႁဵတ်း​ႁိုဝ်​လႄႈ ဢမ်ႇ​ဢဝ်​ငိုၼ်း​ၵဝ်​ၼႆႉ ဢၢပ်ႈ​ပၼ်​ၼႂ်း​မိုဝ်း​ၶဝ်​ၸိူဝ်း​ဢၼ်​လႅၵ်ႈ​ငိုၼ်း​တင်း​လၢႆ​ၼၼ်ႉ​ၼင်ႇ​ႁိုဝ်။ ပေႃး​ဢဝ်​ဢၢပ်ႈ​ပၼ်​ၸိူဝ်ႉ​ၼင်ႇ​ၼၼ်​ၸိုင်၊ မိူဝ်ႈ​ဢၼ်​ၵဝ်​ၶိုၼ်း​မႃး​ၼႆႉ၊ ၵဝ်​တၵ်း​လႆႈ​ဢရၢင်း​မၼ်း​တင်း​ၶီႈ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">သမ်ႉ​လၢတ်ႈ​တီႈ​ၶဝ်​ၸိူဝ်း​ဢၼ်​ၸုၵ်း​ယူႇ​ၵႃႈ​တီႈ​ႁိမ်း​မၼ်း​တင်း​လၢႆ​ၼၼ်ႉ​လႄႈ​ဝႃႈ၊ ၼုၵ်ႈ​ဢဝ်​ငိုၼ်း​ၸွႆႉ​ၼိုင်ႈ​ဢၼ်​မီး​ၼႂ်း​မိုဝ်း​မၼ်း​ၼၼ်ႉ​တႃႉ။ ပၼ်​တီႈ​ၵေႃႉ​ဢၼ်​မီး​သိပ်း​ၼိုင်ႈ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ၶဝ်​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵႃႈ​တီႈ​ၵေႃႉ​ၼၼ်ႉ​မီး​သိပ်း​ၸွႆႉ​ယဝ်ႉ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="26">ၸဝ်ႈ​ၼၼ်ႉ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​သူ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၸၢင်ႈ​မီး​ၼၼ်ႉ၊ တီႈ​ၵေႃႉ​ၼၼ်ႉ​တၵ်း​ပၼ်​ထႅင်ႈ​လူး​ၵွၼ်ႇ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​မီး​ၵႃႈ​သင်​ၼၼ်ႉ၊ တီႈ​ၵေႃႉ​ၼၼ်ႉ​တၵ်း​ၼုၵ်ႈ​ဢဝ်​ၵႃႈ​ဢၼ်​မၼ်း​မီး​တင်း​သဵင်ႈ​တင်း​လူင်​ၼၼ်ႉ​လူး​ၵွၼ်ႇ​ဢေႃႈ။-</verse>
				<verse number="27">လိူဝ်​သေ​ၼၼ်ႉ ႁွင်ႉ​ဢဝ်​ရၢၼ်ႇ​သူႇ​ၵဝ်​ဢၼ်​ဢမ်ႇ​ၶႂ်ႈ​ၶၢမ်ႇ​တၢင်း​ဢၼ်​ၵဝ်​ဢုပ်ႉ​ပိူင်ႇ​တင်း​လၢႆ​ၸိူဝ်း​ၼၼ်ႉ​မႃး​တႃႉ။ ဢဝ်​ၶဝ်​တၢႆ​ၵႃႈ​တီႈ​ၽၢႆႇ​ၼႃႈ​ၵဝ်​ၼႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">မၼ်း​ၸဝ်ႈ​ဝႃႈ​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ဢွၼ်​ႁူဝ်​ၵႂႃႇ​ဢွၼ်​တၢင်း​တပႄး​ၸဝ်ႈ​တင်း​လၢႆ​လႄႈ ၸွမ်း​တၢင်း​ၵႂႃႇ​ၸူး ၵႃႈ​တီႈ​ဝဵင်း​ ယေႇရူႉသလႅမ်ႇ ပုၼ်ႉ​ယူႇ​ဢေႃႈ။-</verse>
				<verse number="29">မိူဝ်ႈ​ဢၼ်​မၼ်း​ၸဝ်ႈ​ႁွတ်ႈ​ၸမ် ၵႃႈ​တီႈ​ဝၢၼ်ႈ​ ပႅတ်ႉၽႃႇၵေး တင်း​ဝၢၼ်ႈ​ ပေႇထၼီႉ ၵႃႈ​တီႈ​လွႆ ဢၼ်​လႆႈ​ႁွင်ႉ​ႁဵၵ်ႈ​လွႆ​ သၢၼ်ႇလုၼ်ႇ ​ၼၼ်ႉ​ၸိုင်၊ မၼ်း​ၸဝ်ႈ​ပွႆႇ​ၸႂ်ႉ​တပႄး​ၸဝ်ႈ​သွင်​ၵေႃႉ​ၵႂႃႇ​လႄႈ၊-</verse>
				<verse number="30">သင်ႇ​လၢတ်ႈ​ဝႃႈ၊ သူ​ၵႂႃႇ​ၵႃႈ​တီႈ​ဝၢၼ်ႈ​ဢၼ်​မီး​ပႃႈ​ၼႃႈ​သူ​ပုၼ်ႉ​တႃႉ။ မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​ဝၢၼ်ႈ​ၼၼ်ႉ​ၸိုင်၊ သူ​တၵ်း​ထူပ်း​ႁၼ်​လီႈ​ဢွၼ်ႇ ဢၼ်​ၽူႈ​လႂ်​ဢမ်ႇ​ပႆႇ​ၶီႇ​သေ​ပွၵ်ႈ​ၼၼ်ႉ​မတ်ႉ​ဝႆႉ​လႄႈ​မီး​ယူႇ​ၼၼ်ႉ​ဢေႃႈ။ ၵႄႈ​လႄႈ​ဢဝ်​မႃး​တႃႉ။-</verse>
				<verse number="31">ပေႃး​ပိူၼ်ႈ​ထၢမ်​သူ​လႄႈ​ဝႃႈ၊ ႁဵတ်း​ႁိုဝ်​လႄႈ​ၵႄႈ​ဢဝ်​လီႈ​ဢွၼ်ႇ​ၼႆႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၸိုင်၊ ၶိုၼ်း​လၢတ်ႈ​လႄႈ​ဝႃႈ၊ ၸဝ်ႈ​မီး​ဢလူဝ်ႇ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">ၶဝ်​ၸိူဝ်း​ဢၼ်​မၼ်း​ၸဝ်ႈ​ပွႆႇ​ၸႂ်ႉ​ၵႂႃႇ​ၼၼ်ႉ​ၵႂႃႇ​လႄႈ ထူပ်း​ႁၼ်​ၸိူဝ်ႉ​ၼင်ႇ​ၵႂၢမ်း​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="33">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ၵႄႈ​လီႈ​ဢွၼ်ႇ​ယူႇ​ၼၼ်ႉ​ၸိုင်၊ ၸဝ်ႈ​လီႈ​ဢွၼ်ႇ​ၼၼ်ႉ​ဢွၼ်​ၵၼ်​ထၢမ်​လႄႈ​ဝႃႈ၊ ႁဵတ်း​ႁိုဝ်​လႄႈ​ၵႄႈ​လီႈ​ဢွၼ်ႇ​ၼႆႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="34">ၶဝ်​ၶိုၼ်း​လၢတ်ႈ​လႄႈ​ဝႃႈ၊ ၸဝ်ႈ​မီး​ဢလူဝ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ဢဝ်​လီႈ​ဢွၼ်ႇ​ၼၼ်ႉ​ၵႂႃႇ​ၵႃႈ​တီႈ​ ယေႇသူႉ ​လႄႈ၊-</verse>
				<verse number="35">ဢဝ်​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ​တၢင်ႇ​သႂ်ႇ​ၵႃႈ​ၼိူဝ်​လင်​မၼ်း​ယဝ်ႉ​ၸင်ႇ ႁႂ်ႈ​မၼ်း​ၸဝ်ႈ​ၶီႇ​ဢေႃႈ။-</verse>
				<verse number="36">ၼႂ်း​မိူဝ်ႈ​ဢၼ်​မၼ်း​ၸဝ်ႈ​ယင်း​တိုၵ်ႉ​ၵႂႃႇ​တၢင်း​ယူႇ​ၼၼ်ႉ​ၸိုင် ၵူၼ်း​တင်း​လၢႆ​ဢဝ်​ၶူဝ်း​ၼုင်ႈ​ၶဝ်​သိူဝ်ႇ​ဝႆႉ​ပူ​ဝႆႉ​ၵႃႈ​ၼႂ်း​သဵၼ်ႈ​တၢင်း​ဢေႃႈ။-</verse>
				<verse number="37">မိူဝ်ႈ​ဢၼ်​မၼ်း​ၸဝ်ႈ​ႁွတ်ႈ​ၸမ် ၵႃႈ​တီႈ​ႁိမ်း​တီႈ​ဢၼ်​လူင်း​ၵႃႈ​ၼိူဝ်​လွႆ​ သၢၼ်ႇလုၼ်ႇ ​မႃး​ၼၼ်ႉ​ၸိုင်၊ တပႄး​ၸဝ်ႈ​တင်း​သဵင်ႈ​တင်း​လူင်​ၼၼ်ႉ ၵွပ်ႈ​ပိူဝ်ႈ​တၼ်း​ၶူဝ်း​ၸဝ်ႈ​ဢၼ်​ၶဝ်​လႆႈ​ႁၼ်​မႃး​ယဝ်ႉ​တင်း​လၢႆ​ၼၼ်ႉ​လႄႈ မီး​တင်း​ၸႂ်​ဢၼ်​သိူဝ်း​သႂၢင်ႇ​ဢွၼ်​ၵၼ် ႁွင်ႉ​သႅၼ်ႇ​ႁဵတ်း​ထေႃးပၼႃႇ တီႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊-</verse>
				<verse number="38">ႁႂ်ႈ​ၸဝ်ႈ​ဢၼ်​ပႃး​တင်း​ဢၶႂၢင်ႉ​ၽြႃး​ပဵၼ်​ၸဝ်ႈ​သေ​လႄႈ​မႃး​ၼႆႉ မီး​မင်ႇၵလႃႇ​သေ​ၵမ်း​လူၺ်ႈ။ ႁႂ်ႈ​တၢင်း​ၼိမ် မီး​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​သေ​ၵမ်း​လူၺ်ႈ။ ႁႂ်ႈ​မုၼ်​ၽုင်း​ယႂ်ႇ​ၵႃႈ​ၼိူဝ်​ၸိၵ်း​ၸွမ်​ၵၢင်​ႁၢဝ်​ပုၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="39">ၽႃႇရီႉသႄး ဢၼ်​ပႃး​ၼႂ်း​ၵူၼ်း​ဢၼ်​ၸူႉ​ဢၼ်​တုမ်​ၼၼ်ႉ​ၵမ်ႈ​ၽွင်ႈ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ၊ သင်ႇ​သွၼ်​တပႄး​ၸဝ်ႈ​ႁဝ်း​ၸိူဝ်း​ၼႆႉ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="40">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​သူ​ၸမ်ႉ၊ ပေႃး​ၶဝ်​ၸိူဝ်း​ၼႆႉ​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​ၸိုင်၊ မၢၵ်ႇ​ႁိၼ်​တင်း​လၢႆ​တၵ်း​ႁွင်ႉ​သႅၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">မိူဝ်ႈ​ဢၼ်​မၼ်း​ၸဝ်ႈ​ႁွတ်ႈ​ၸမ်​ၵႃႈ​တီႈ​ႁိမ်း​ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင်၊ မၼ်း​ၸဝ်ႈ​မုင်ႈ​ႁၼ်​ဝဵင်း​ၼၼ်ႉ​သေ​ယဝ်ႉ၊ ႁွင်ႉ​ႁႆႈ​လူၺ်ႈ​လွင်ႈ​မၼ်း​လႄႈ​ဝႃႈ၊-</verse>
				<verse number="42">ၼႂ်း​ၸူဝ်ႈ​ပၢၼ်​မႂ်း​ၶိင်ႇ​ၵႃႇလႃႉ​တေႃႈ​လဵဝ်​ၼႆႉ ပေႃး​မႂ်း​လႆႈ​ႁူႉ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ၼိမ်​မႂ်း​တင်း​လၢႆ​ၼၼ်ႉ​ၸိုင်၊ မႂ်း​မီး​မင်ႇၵလႃႇ​ဢေႃႈ။ တေႃႈ​လဵဝ်​ၼႆႉ​ၸမ်ႉ၊ လွင်ႈ​တၢင်း​ၸိူဝ်း​ၼၼ်ႉ သိူင်ႇ​ဝႆႉ​လပ်ႉ​ဝႆႉ​ၵႃႈ​တီႈ​မၢၵ်ႇ​တႃ​မႂ်း​ယဝ်ႉ။-</verse>
				<verse number="43">လွင်ႈ​မၼ်း​ၸမ်ႉ ပိူဝ်ႈ​ဢၼ်​မႂ်း​ဢမ်ႇ​ႁူႉ​ဢမ်ႇ​တွင်း ၵျေး​ၸူး​ဢၼ်​မၼ်း​ၸဝ်ႈ​ပႂ်ႉ​လူ​ပႂ်ႉ​တူၺ်း​ပွင်​ႁဵတ်း​တီႈ​မႂ်း​ယူႇ​ၼၼ်ႉ​လႄႈ၊ ၶိင်ႇ​ၵႃႇလႃႉ​ဢၼ်​ရၢၼ်ႇ​သူႇ​မႂ်း တၵ်း​တႄႇ​တပ်ႉ​တင်ႈ​တပ်ႉ​ၵႃႈ​တီႈ​ႁိမ်း​ႁွမ်း​မႂ်း​သေ​လႄႈ လွမ်ႉ​ႁွပ်ႈ​သီႇ​ၼႃႈ​သီႇ​ၽၢႆႇ​လႄႈ​ၶင်​ဝႆႉ​သေ​ယဝ်ႉ၊-</verse>
				<verse number="44">တၵ်း​ႁႂ်ႈ​မႂ်း​ဢိၵ်ႇ​တင်း​လုၵ်ႈ​လၢင်း​ၵႃႈ​တီႈ​ၼႂ်း​မႂ်း​တင်း​လၢႆ တူၵ်း​လူင်း​ပဵင်း​ၵၼ်​တင်း​လိၼ်​လႄႈ ၵႃႈ​တီႈ​မႂ်း​ၼိူဝ်​မၢၵ်ႇ​ႁိၼ်​လုၵ်ႈ​ၼိုင်ႈ ဢမ်ႇ​ပၼ်​သေ​လုၵ်ႈ​ၵိုတ်း​ၵျၢၼ်ႇ​ဝႆႉ​ၼၼ်ႉ၊ တၵ်း​ႁွတ်ႈ​မႃး​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="45">မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​သေ​ယဝ်ႉ၊ ႁေႃႈ​ၶဝ်​ၸိူဝ်း​ဢၼ်​သိုဝ်ႉ​ဢၼ်​ၶၢႆ ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​တင်း​လၢႆ​ၼၼ်ႉ​ဢွၵ်ႇ​ပႅတ်ႈ​လႄႈ၊-</verse>
				<verse number="46">လၢတ်ႈ​ဝႃႈ၊ ႁိူၼ်း​ၵဝ်​ၸိုင် ပဵၼ်​ႁိူၼ်း​တီႈ​ဢၼ်​သူး​တွင်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ သူ​ႁႂ်ႈ​မၼ်း​ပဵၼ်​ထမ်ႈ​ၸူၼ်​ယူႇ​လူင်​ပႄႇ​ဝႃႈ​ၼႆ၊ တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​ၸိူဝ်ႉ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="47">မၼ်း​ၸဝ်ႈ​သင်ႇ​သွၼ်​သုင်း​မႃႉ​ပၼ် ၼႂ်း​ပိၵ်ႈ​မၢၼ်ႇ​ၸဝ်ႈ​ယူႇ​ၵူႈ​ဝၼ်း​ဢေႃႈ။ ပိၵ်ႉ​သမ်ႉ ယိတ်ႈပရေႃးႁဵၵ်ႈ​လူင်​ဢိၵ်ႇ​တင်း​ၵူၼ်း​ထုတ်ႇ​ၵျၢမ်း တင်း​ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​တင်း​လၢႆ​ၸိူဝ်း​ၼၼ်ႉ ၵျၢမ်ႇ​ႁႃ​ႁႂ်ႈ​လႆႈ​ဢဝ်​မၼ်း​ၸဝ်ႈ​တၢႆ​သေ​ၵေႃႈ၊-</verse>
				<verse number="48">ပိူဝ်ႈ​ဢၼ်​ၵူၼ်း​တင်း​သဵင်ႈ​တင်း​လူင်​ထွမ်ႇ​ၵႂၢမ်း​မၼ်း​ၸဝ်ႈ​ၸေး​ၸေး​ယူႇ​လႄႈ ၶဝ်​ဢမ်ႇ​ထူပ်း​ဢမ်ႇ​လႆႈ​ဢၶႂၢင်ႉ​ဢၼ်​တၵ်း​လႆႈ​ဢဝ်​မၼ်း​ၸဝ်ႈ​တၢႆ​ၼၼ်ႉ။</verse>
			</chapter>
			<chapter number="20">
				<verse number="1">ၼႂ်း​ဝၼ်း​ဝၼ်း​ၼိုင်ႈ မိူဝ်ႈ​ဢၼ်​မၼ်း​ၸဝ်ႈ​သင်ႇ​သွၼ်​သုင်း​မႃႉ​ပၼ်​တီႈ​ၵူၼ်း​တင်း​လၢႆ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ယူႇ​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ​လူင်​ဢိင်​တင်း​ၵူၼ်း​ထုတ်ႇ​ၵျၢမ်း တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ​မႃး​တီႈ​မၼ်း​ၸဝ်ႈ​လႄႈ၊-</verse>
				<verse number="2">လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ဢဝ်​တင်း​ဢၶႂၢင်ႉ​ဢၼ်​လႂ်​ႁဵတ်း လွင်ႈ​တၢင်း​ၸိူဝ်း​ၼႆႉ​ၶႃႈ။ ၽူႈ​လႂ်​ပၼ်​ဢၶႂၢင်ႉ​ၶႃႈ။ ၶႅၼ်း​တေႃႈ​လၢတ်ႈ​ပၼ်​တီႈ​ႁဝ်း​ၶႃႈ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="3">မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​တၵ်း​ထၢမ်​သေ​ၸိူဝ်ႉ​သေ​ပိူင်​တီႈ​သူ​လူး​ၵွၼ်ႇ​ဢေႃႈ။ သူ​ၶိုၼ်း​လၢတ်ႈ​ပၼ်​တႃႉ။-</verse>
				<verse number="4">ပပ်ႉတီႉၸမ်ႇ​ယူဝ်းႁၢၼ်ႇ ​ၼၼ်ႉ ပဵၼ်​မႃး​ၵႃႈ​တီႈ​ၵၢင်​ႁၢဝ်​ႁိုဝ်။ ပဵၼ်​မႃး​ၵႃႈ​တီႈ​ၵူၼ်း​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶဝ်​ၼၼ်ႉ​ၼင်ႇ​ၵၼ်​ၵၼ်​ၽွမ်ႉ​ၵၼ်​ၶႆႈ​ၸႂ်​လႄႈ​ဝႃႈ၊ ပေႃး​ႁဝ်း​ဝႃႈ၊ ပဵၼ်​မႃး​ၵႃႈ​တီႈ​ၵၢင်​ႁၢဝ်​ဢေႃႈ၊ ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​တၵ်း​ထၢမ်​လႄႈ​ဝႃႈ။ ႁဵတ်း​သင်​လႄႈ​သူ​ဢမ်ႇ​ယုမ်ႇ​မၢတ်ႈ​မၼ်း​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ပေႃး​ႁဝ်း​ဝႃႈ ပဵၼ်​မႃး​ၵႃႈ​တီႈ​ၵူၼ်း​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ၵူၼ်း​တင်း​သဵင်ႈ​တင်း​လူင်​တၵ်း​ဢဝ်​မၢၵ်ႇ​ႁိၼ်​ထိမ်ႈ​ႁဝ်း​ဢေႃႈ။ လွင်ႈ​မၼ်း​ၸမ်ႉ ၵူၼ်း​တင်း​လၢႆ​ယုမ်ႇ​လွင်ႈ​ဢၼ် ယူဝ်းႁၢၼ်ႇ ​ၼၼ်ႉ​ပဵၼ်​ပရေႃးၽႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၶဝ်​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ လွင်ႈ​ဢၼ်​ပဵၼ်​မႃး​ၵႃႈ​တီႈ​လႂ်​ၸိုင်​ႁဝ်း​ၶႃႈ​ဢမ်ႇ​ႁူႉ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​လၢတ်ႈ​ပၼ်​လွင်ႈ​ဢၼ်​ၵဝ်​ဢဝ်​တင်း​ဢၶႂၢင်ႉ​ဢၼ်​လႂ်​ႁဵတ်း လွင်ႈ​တၢင်း​ၸိူဝ်း​ၼႆႉ​ၼၼ်ႉ​တီႈ​သူ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မိူဝ်ႈ​ၼၼ်ႉ မၼ်း​ၸဝ်ႈ​လၢတ်ႈ​ၵႂၢမ်း​ဢူႉပမႃႇ​တီႈ​ပရဵၵ်ႈသၢတ်ႈ​တင်း​လၢႆ​လႄႈ​ဝႃႈ​ၸမ်ႉ၊ ၵူၼ်း​ၵေႃႉ​ၼိုင်ႈ​ၽုၵ်ႇ​သူၼ်​မၢၵ်ႇ​ၸပိတ်ႈ​သေ​ယဝ်ႉ ၶၢတ်ႈ​ပၼ်​သူၼ်​ၼၼ်ႉ​တီႈ​ၶဝ်​ၸိူဝ်း​ဢၼ်​ႁဵတ်း​သူၼ်​တင်း​လၢႆ​သေ​လႄႈ ၵႂႃႇ​ယူႇ​တၢင်ႇ​ဝၢၼ်ႈ​တၢင်ႇ​မိူင်း​ႁိုင်​ၼႃႇ​ဢေႃႈ။-</verse>
				<verse number="10">မိူဝ်ႈ​ဢၼ်​ၶိင်ႇ​မၼ်း​ႁွတ်ႈ​ထိုင်​ၸိုင်၊ မၼ်း​ပွႆႇ​ၸႂ်ႉ​ၵူၼ်း​ဢွၼ်ႇ​ၵႂႃႇ​ၵႃႈ​တီႈ​ဢၼ်​ၶဝ်​ၸိူဝ်း​ဢၼ်​ႁဵတ်း​သူၼ်​မီး​ၼၼ်ႉ ႁႂ်ႈ​ၶဝ်​လႆႈ​ပၼ်​မၢၵ်ႇ​ၸပိတ်ႈ​ၵမ်ႈ​ၽွင်ႈ​ဢေႃႈ။ ၵူၺ်း​ၵႃႈ​ၶဝ်​ၸိူဝ်း​ဢၼ်​ႁဵတ်း​သူၼ်​ၼၼ်ႉ ပေႃႉ​ယႅၼ်ႉ​ၵူၼ်း​ဢွၼ်ႇ​ၼၼ်ႉ​သေ​လႄႈ ပွႆႇ​ပႅတ်ႈ​တိၼ်​လၢႆ​မိုဝ်း​ပဝ်ႇ​သေ​ဢေႃႈ။-</verse>
				<verse number="11">လိုၼ်း​ၼၼ်ႉ မၼ်း​သမ်ႉ​ပွႆႇ​ၸႂ်ႉ​ၵူၼ်း​ဢွၼ်ႇ​တၢင်ႇ​ၵေႃႉ​ၵႂႃႇ​သေ​ယဝ်ႉ၊ ၶဝ်​ၸိူဝ်း​ဢၼ်​ႁဵတ်း​သူၼ်​ၼၼ်ႉ​ပေႃႉ​ယႅၼ်ႉ​မၼ်း​လႄႈ ယႃႉ​သရေႇ​မၼ်း​ယဝ်ႉ​ၸင်ႇ၊ ပွႆႇ​ပႅတ်ႈ​တိၼ်​လၢႆ​မိုဝ်း​ပဝ်ႇ​သေ​ဢေႃႈ။-</verse>
				<verse number="12">လိုၼ်း​ၼၼ်ႉ၊​မၼ်း​သမ်ႉ​ပွႆႇ​ၸႂ်ႉ​ၵူၼ်း​ဢွၼ်ႇ​တၢင်ႇ​ၵေႃႉ​ၵႂႃႇ​သေ​ယဝ်ႉ၊ ၶဝ်​ၼၼ်ႉ​ပေႃႉ​ယႅၼ်ႉ​မၼ်း​လႄႈ ႁႂ်ႈ​ႁွႆး​တၢမ်ႇ​ႁွႆး​ၶွၼ်ႉ​မီး​ၼမ်​ၼႃႇ​သေ​ယဝ်ႉ၊ ႁေႃႈ​မၼ်း​ဢွၵ်ႇ​ပႅတ်ႈ​သေ​ဢေႃႈ။</verse>
				<verse number="13">မိူဝ်ႈ​ၼၼ်ႉ ၸဝ်ႈ​သူၼ်​ၵေႃႈ​လၢတ်ႈ​လႄႈ​ဝႃႈ၊ ၵဝ်​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်။ ၵဝ်​တၵ်း​ပွႆႇ​ၸႂ်ႉ​လုၵ်ႈ​ၸၢႆး​ဢၼ်​ၵဝ်​ႁၵ်ႉ​ၼႃႇ​ၼၼ်ႉ​ၵႂႃႇ​ဢေႃႈ။ မိူဝ်ႈ​ဢၼ်​ၶဝ်​ႁၼ်​မၼ်း​ၸိုင် ၶဝ်​ၸၢင်ႈ​ၶႄး​တၵ်း​ဢႃး​ၼႃႇ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ်​ႁဵတ်း​သူၼ်​ၼၼ်ႉ မိူဝ်ႈ​ဢၼ်​ႁၼ်​မၼ်း​ၼၼ်ႉ​မႃး​ၸိုင် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တိူင်ႇ​ပၢင်ႇ​လၢတ်ႈ​ၸႃ​ၵၼ်​လႄႈ​ဝႃႈ၊ ၵေႃႉ​ၼႆႉ​ပဵၼ်​ၵေႃႉ​ဢၼ်​ၶၢမ်ႇ​ဢမူၺ်ႇ​ဢေႃႈ။ မႃး​လႄႈ​ဢဝ်​မၼ်း​တၢႆ​တႃႉ​ႁဝ်း။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် ႁဝ်း​တၵ်း​လႆႈ​ဢမူၺ်ႇ​မၼ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="15">ဢဝ်​မၼ်း​ၼၼ်ႉ​ႁေႃႈ​ဢွၵ်ႇ​ၵႃႈ​တီႈ​ၼွၵ်ႈ​သူၼ်​သေ​လႄႈ ဢဝ်​တၢႆ​ပႅတ်ႈ​သေ​ဢေႃႈ။ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၸဝ်ႈ​သူၼ်​တၵ်း​ႁဵတ်း​တီႈ​ၶဝ်​ၸိူဝ်း​ဢၼ်​ႁဵတ်း​သူၼ်​ၼၼ်ႉ​ၸိူဝ်ႉ​ၼင်ႇ​ႁိုဝ်။-</verse>
				<verse number="16">မၼ်း​တၵ်း​မႃး​လႄႈ​ယႃႉ​ပႅတ်ႈ​ၽဵဝ်ႈ​ပႅတ်ႈ ၶဝ်​ၸိူဝ်း​ဢၼ်​ႁဵတ်း​သူၼ်​ၼၼ်ႉ​သေ​ယဝ်ႉ၊ တၵ်း​ဢဝ်​သူၼ်​ၼၼ်ႉ ပၼ်​တီႈ​ပိူၼ်ႈ​တၢင်ႇ​ၵေႃႉ​ဢေႃႈ၊ မၼ်း​ၸဝ်ႈ​ဝႃႈ​ၼင်ႇ​ၼႆ​ဢေႃႈ။ ပရဵၵ်ႈသၢတ်ႈ​ၼၼ်ႉ​ငိၼ်း​သေ​ယဝ်ႉ၊ လဝ်ႊ​လၢတ်ႈ​လႄႈ​ဝႃႈ၊ ယႃႇ​ႁႂ်ႈ​ပဵၼ်​ၸိူဝ်ႉ​ၼင်ႇ​ၼၼ်​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="17">မၼ်း​ၸဝ်ႈ​တူၺ်း​ၶဝ်​သေ​လႄႈ​လၢတ်ႈ​ဝႃႈ၊ ၵျၢမ်း​လိၵ်ႈ​ဢၼ်​ဝႃႈ မၢၵ်ႇ​ႁိၼ် ဢၼ်​ၶဝ်​ၸိူဝ်း​ဢၼ်​ႁဵတ်း​တိူၵ်ႈ​ပႅတ်ႈ​ဝႆႉ​ၼၼ်ႉ ၵမ်း​လိုၼ်း​ပဵၼ်​ႁူဝ်​ၸဵင်ႇ​တိူၵ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၶႂ်ႈ​ဝႃႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="18">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​တူၵ်း​သႂ်ႇ​ၵႃႈ​ၼိူဝ်​မၢၵ်ႇ​ႁိၼ်​ၼႆႉ​ၼၼ်ႉ၊ ၵေႃႉ​ၼၼ်ႉ​တၵ်း​ႁၵ်း​ဢေႃႈ။ ၵႃႈ​ၼိူဝ်​ၽူႈ​လႂ်​သေ​ဢမ်ႇ​ဝႃႈ၊ ဢၼ်​မၢၵ်ႇ​ႁိၼ်​ၼႆႉ​တူၵ်း​သႂ်ႇ​ၼၼ်ႉ၊ ၵေႃႉ​ၼၼ်ႉ​တၵ်း​လႅဝ်​ပဵၼ်​မုၼ်ႈ​ပဵၼ်​ၽွင်​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">မိူဝ်ႈ​ၼၼ်ႉ ယိတ်ႈပရေႃးႁဵၵ်ႈ​လူင်​ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ​ၼၼ်ႉ ၵွပ်ႈ​ပိူဝ်ႈ​ဢၼ်​ၶဝ်​ႁူႉ​လွင်ႈ​ဢၼ်​မၼ်း​ၸဝ်ႈ​ဢဝ်​ၵႂၢမ်း​ဢူႉပမႃႇ​ၼႆႉ​ႁေႃး​လၢတ်ႈ​ၶိတ်ႈ​ၶဝ်​ၼၼ်ႉ​လႄႈ ၵျၢမ်ႇ​ႁႃ​ႁႂ်ႈ​လႆႈ​တီႉ​ဢဝ်​မၼ်း​ၸဝ်ႈ​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၶဝ်​ၵူဝ်​ၵူၼ်း​တင်း​လၢႆ​လႄႈ​ယူႇ​ဢေႃႈ။-</verse>
				<verse number="20">မိူဝ်ႈ​ၼၼ်ႉ ၶဝ်​လွမ်​တူၺ်း​မၼ်း​ၸဝ်ႈ​ယူႇ​လႄႈ ပွႆႇ​ၸႂ်ႉ​ၵူၼ်း​ၽၢႆႇ​ၼႂ်း​ဢၼ်​ႁဵတ်း​ၼင်ႇ​ႁၢင်ႈ​ပဵၼ်​ၵူၼ်း​သိုဝ်ႈ​တေႃႇ​တင်း​လၢႆ​ၼၼ်ႉ ၵႂႃႇ​တီႈ​မၼ်း​ၸဝ်ႈ​ႁႂ်ႈ​လႆႈ​ႁႃ​ဢပႅတ်ႈ​ၼႂ်း​ၵႂၢမ်း​မၼ်း​ၸဝ်ႈ​လႄႈ ဢဝ်​မၼ်း​ၸဝ်ႈ​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶုၼ်​ဝဵင်း​တင်း​ၶုၼ်​မိူင်း​တင်း​လၢႆ​ၼၼ်ႉ​ဢေႃႈ။-</verse>
				<verse number="21">ၶဝ်​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ သြႃႇ​ၸဝ်ႈ။ ႁဝ်း​ၶႃႈ​ႁူႉ​လွင်ႈ​ဢၼ်​ၸဝ်ႈ​ႁဝ်း​သင်ႇ​သွၼ်​သုင်း​မႃႉ​ပၼ်​သိုဝ်ႈ​သိုဝ်ႈ​တေႃႇ​တေႃႇ လွင်ႈ​ဢၼ်​ၸဝ်ႈ​ႁဝ်း​ယင်း​ဢမ်ႇ​ထွၵ်ႈ​လူၺ်ႈ​ၼႃႈ​ၵူၼ်း​လႄႈ ၼႄ​ပျႃး​သဵၼ်ႈ​တၢင်း​ၽြႃး​ပဵၼ်​ၸဝ်ႈ​ၸိုဝ်ႈ​ၸိုဝ်ႈ​ၸႂ်ႈ​ၸႂ်ႈ​ၼၼ်ႉ​ယူႇ​ၶႃႈ​ဢေႃႈ။-</verse>
				<verse number="22">ႁဝ်း​ၶႃႈ​ထုၵ်ႇ​လီ​ပၼ်​ၶွၼ်ႇ​တီႈ​ၶုၼ်​ႁေႃ​ၶမ်း​ ၵေႇသႃႇ ​ၶႃႈ​ႁိုဝ်။ ဢမ်ႇ​ထုၵ်ႇ​လီ​ပၼ်​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​ၸဝ်ႈ​ႁူႉ​ႁၼ်​ပရီႉယႄႇ​ၶဝ်​ၼၼ်ႉ​ယူႇ​လႄႈ​လၢတ်ႈ​လႄႈ​ဝႃႈ၊ ႁဵတ်း​သင်​လႄႈ သူ​ၸၢမ်း​တူၺ်း​ယႃႉ​ယူၵ်ႉ​ၵဝ်​ၼင်ႇ​ႁိုဝ်။-</verse>
				<verse number="24">ၼႄ​ပျႃး​ တေႇၼႃႇရီႇ ၶႅပ်း​ၼိုင်ႈ​တႃႉ။ ႁၢင်ႈ​ၼႆႉ၊လိၵ်ႈ​ၼႆႉ​ၸမ်ႉ​ပဵၼ်​ႁၢင်ႈ​ၽူႈ​လႂ်။ ပဵၼ်​လိၵ်ႈ​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ ပဵၼ်​ႁၢင်ႈ​ပဵၼ်​လိၵ်ႈ ၶုၼ်​ႁေႃ​ၶမ်း​ ၵေႇသႃႇ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ဢဝ်​ၶွင်​ၶုၼ်​ႁေႃ​ၶမ်း​ ၵေႇသႃႇ ပၼ်​တီႈ​ၶုၼ်​ႁေႃ​ၶမ်း ၵေႇသႃႇ ​တႃႉ။ ၶွင်​ၽြႃး​ပဵၼ်​ၸဝ်ႈ​ၵေႃႈ​ဢဝ်​ပၼ်​တီႈ​ၽြႃး​ပဵၼ်​ၸဝ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၶဝ်​ၼၼ်ႉ ဢမ်ႇ​ထူပ်း​ဢပႅတ်ႈ​ၼႂ်း​ၵႂၢမ်း​မၼ်း​ၸဝ်ႈ​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ၼၼ်ႉ​လႆႈ​လႄႈ၊ ဢၢမ်း​လွင်ႈ​ၵႂၢမ်း​ဢၼ်​မၼ်း​ၸဝ်ႈ ၶိုၼ်း​လၢတ်ႈ​ၼၼ်ႉ​သေ​လႄႈ ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​ဢေႃႈ။</verse>
				<verse number="27">ၸတ်ႉတူႉၵႄး ဢၼ်​ၸၢင်ႈ​ထဵင်​လႄႈ​ဝႃႈ၊ တၢင်း​ဢၼ်​လုၵ်ႉ​ၶိုၼ်း​လိပ်း​ဢမ်ႇ​မီး၊ ဝႃႈ​ၼင်ႇ​ၼႆ​ၼၼ်ႉ ၵမ်ႈ​ၽွင်ႈ​ၵေႃႈ သုတ်ႉ​ၸပ်း​သုတ်ႉ​ၸူး​တီႈ​မၼ်း​ၸဝ်ႈ​သေ​လႄႈ၊-</verse>
				<verse number="28">လဝ်ႊ​ထၢမ်​လႄႈ​ဝႃႈ၊ သြႃႇ​ၸဝ်ႈ၊ မူဝ်းသေႇ ၸီႇ​ယၢင်ႇ​တႅမ်ႈ​ဝႆႉ​တီႈ​ႁဝ်း​ၶႃႈ​လႄႈ​ဝႃႈ၊ ပေႃး​ၵေႃႉ​ဢၼ်​ပဵၼ်​ပီႈ​ၸၢႆး​မီး​မေး​လႄႈ ဢမ်ႇ​မီး​လုၵ်ႈ​မီး​လၢင်း​တၢႆ​ၵႂႃႇ​ၸိုင်၊ ၼွင်ႉ​ၸၢႆး​မၼ်း​တၵ်း​လႆႈ​သိမ်း​ဢဝ်​မေး​မၼ်း​ၼၼ်ႉ​သေ​လႄႈ ႁႂ်ႈ​ၸိူဝ်ႉ​ၶိူဝ်း​ပီႈ​ၸၢႆး​မၼ်း​သိုပ်ႇ​ၵႂႃႇ​ဢမ်ႇ​ၶၢတ်ႇ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ​ၶႃႈ​ယဝ်ႉ။-</verse>
				<verse number="29">မီး​ပီႈ​ၼွင်ႉ​ၸဵတ်း​ၵေႃႉ​ၶႃႈ​ဢေႃႈ။ ပီႈ​ၸၢႆး​ၵေႃႉ​ယႂ်ႇ​ဢဝ်​မေး​လႄႈ ဢမ်ႇ​မီး​လုၵ်ႈ​မီး​လၢင်း​တၢႆ​ၵႂႃႇ​ၶႃႈ​ဢေႃႈ။-</verse>
				<verse number="30">ၼွင်ႉ​ၸၢႆး​မၼ်း​ၵေႃႉ​ယႂ်ႇ သိမ်း​ဢဝ်​မေး​မၼ်း​ၼၼ်ႉ​လႄႈ​ဢမ်ႇ​မီး​လုၵ်ႈ​မီး​လၢင်း​သမ်ႉ​တၢႆ​ၵႂႃႇ​ၶႃႈ​ဢေႃႈ။-</verse>
				<verse number="31">မိူၼ်​ၼင်ႇ​ၼၼ် ၸႃႉ​ၸဵမ်​ၵေႃႉ​တႃႉတီႉယႃႉ​လႄႈ​ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ ၶဝ်​ပီႈ​ၼွင်ႉ​ၸဵတ်း​ၵေႃႉ​ဢဝ်​မႄႈ​ယိင်း​ၼၼ်ႉ​လႄႈ လုၵ်ႈ​လၢင်း​ယင်း​ဢမ်ႇ​ၵိုတ်း​ဝႆႉ​လႄႈ တၢႆ​ၵႂႃႇ​ၶႃႈ​ဢေႃႈ။-</verse>
				<verse number="32">လိုၼ်း​ၼၼ်ႉ မႄႈ​ယိင်း​ၼၼ်ႉ​ၵေႃႈ​တၢႆ​ၵႂႃႇ​ၶႃႈ​ဢေႃႈ။-</verse>
				<verse number="33">ပိူဝ်ႈ​ၼႆ​လႄႈ ၼႂ်း​ၶိင်ႇ​ၵႃႇလႃႉ​ဢၼ်​လုၵ်ႉ​ၶိုၼ်း​ၼၼ်ႉ၊ မႄႈ​ယိင်း​ၼၼ်ႉ​တၵ်း​ပဵၼ်​မေး​ၽူႈ​လႂ်​ၶႃႈ။ ၶဝ်​ၸဵတ်း​ၵေႃႉ​ၼၼ်ႉ​လႆႈ​ဢဝ်​မႄႈ​ယိင်း​ၼၼ်ႉ​ယဝ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="34">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵူၼ်း​ၽဝႃႉ​တေႃႈ​လဵဝ်​ၸိူဝ်း​ၼႆႉ ၸၢင်ႈ​ႁဵတ်း​တၢင်း​ဢၼ်​ဢဝ်​မေး၊ တၢင်း​ဢၼ်​ဢဝ်​ဢၢပ်ႈ​ပၼ်​ၵၼ်​ဢေႃႈ။-</verse>
				<verse number="35">ၶဝ်​ၸိူဝ်း​ဢၼ်​ထိူၵ်ႈ​လႆႈ​ၶၢမ်ႇ​ၸၢတ်ႈ​ၼႃႈ ဢိၵ်ႇ​တင်း​တၢင်း​ဢၼ်​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၸိူဝ်း​ၼၼ်ႉ ဢမ်ႇ​ၸၢင်ႈ​ႁဵတ်း​တၢင်း​ဢၼ်​ဢဝ်​မေး၊ တၢင်း​ဢၼ်​ဢဝ်​ဢၢပ်ႈ​ပၼ်​ၵၼ်။-</verse>
				<verse number="36">ၶဝ်​ၼၼ်ႉ​ၵၢင်း​လွတ်ႈ​တင်း​တၢင်း​တၢႆ​ယူႇ​တႃႇ​သေႇ​လႄႈ ပဵၼ်​ၸိူဝ်ႉ​ၼင်ႇ​တမၢၼ်ႇ​ၵၢင်​ႁၢဝ်​ဢမ်ႇ​ၵႃး ပိူဝ်ႈ​ဢၼ်​ပဵၼ်​ၵူၼ်း​တၢင်း​ဢၼ်​လုၵ်ႉ​ၶိုၼ်း​ၼၼ်ႉ​လႄႈ၊ ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="37">လိူဝ်​သေ​ၼၼ်ႉ၊ လွင်ႈ​ဢၼ်​ၶဝ်​ၸိူဝ်း​ဢၼ်​တၢႆ​ယဝ်ႉ​တင်း​လၢႆ တၵ်း​လုၵ်ႉ​ၶိုၼ်း​ၼၼ်ႉ​ၸိုင်၊ မူဝ်းသေႇ ​ၽုၺ်ႇ​ဢွၵ်ႇ​ၼႄ​ပျႃး​ၼႂ်း​ပုၵ်ႈ​လွင်ႈ​ဢၼ်​လၢတ်ႈ​လူၺ်ႈ​ယုမ်း​မႆႉ တီႈ​ဢၼ်​မၼ်း​ႁွင်ႉ​ထႃႇဝရႃႉ​ၽြႃး​လႄႈ​ဝႃႈ၊ ၽြႃး​ ဢႃႇပြႃႇႁၢမ်ႇ ၊ ၽြႃး​ ဢီႉၸၢၵ်ႈ ၊ ၽြႃး​ ယႃႇၵုပ်ႈ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​မႃး​ယဝ်ႉ။-</verse>
				<verse number="38">မၼ်း​ၸဝ်ႈ​ပဵၼ်​ၽြႃး​ၶဝ်​ၸိူဝ်း​ဢၼ်​တၢႆ​ယဝ်ႉ​ဢမ်ႇ​ၸႂ်ႈ၊ ပဵၼ်​ၽြႃး​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ယူႇ​ဢေႃႈ။ ၵူၼ်း​တင်း​သဵင်ႈ​တင်း​လူင်​ဢသၢၵ်ႈ​လိပ်း​ယူႇ တီႈ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="39">ၵူၼ်း​ထုတ်ႇ​ၵျၢမ်း​ၵမ်ႈ​ၽွင်ႈ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ။ ၵႂၢမ်း​ၸဝ်ႈ​ႁဝ်း​ၼႆႉ​လီ​ၼႃႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="40">ၵမ်း​လိုၼ်း ၶဝ်​ဢမ်ႇ​ႁတ်း​လဝ်ႊ​ႁတ်း​ထၢမ်​တီႈ​မၼ်း​ၸဝ်ႈ​သေ​ၸိူဝ်ႉ​သေ​ပိူင်။</verse>
				<verse number="41">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၸဝ်ႈ​ၶရိၸ်ႈ​ပဵၼ်​လုၵ်ႈ တႃႇဝိတ်ႈ ​ဢေႃႈ​ဝႃႈ​ၼႆ၊ ႁဵတ်း​ႁိုဝ်​လႄႈ ၶဝ်​ဝႃႈ​ၼင်ႇ​ႁိုဝ်။-</verse>
				<verse number="42">တႃႇဝိတ်ႈ ​လၢတ်ႈ ၼႂ်း​ၵျၢမ်း​သႃႇလၢမ်ႇ​လႄႈ​ဝႃႈ​ၸမ်ႉ၊ ထႃႇဝရႃႉ​ၽြႃး​လၢတ်ႈ​တီႈ​ၸဝ်ႈ​ၵဝ်​ၶႃႈ​လႄႈ​ဝႃႈ၊-</verse>
				<verse number="43">ၸူဝ်ႈ​ဢၼ်​ၵဝ်​ဢမ်ႇ​ပႆႇ​ဢဝ်​ရၢၼ်ႇ​သူႇ​မႂ်း​တင်း​လၢႆ​ၶျႃး​ဝႆႉ ႁႂ်ႈ​ပဵၼ်​တီႈ​တၢင်ႇ​တိၼ်​မႂ်း​ၼၼ်ႉ​ၸိုင်။ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="44">ပိူဝ်ႈ​ၼႆ​လႄႈ ၸဝ်ႈ​ၶရိၸ်ႈ​ၼၼ်ႉ၊ ပေႃး​ တႃႇဝိတ်ႈ ​ႁွင်ႉ​ဝႃႈ၊ ၸဝ်ႈ​ႁဝ်း၊ ဝႃႈ​ၼင်ႇ​ၼႆ​ၸိုင်၊ ပဵၼ်​လုၵ်ႈ​မၼ်း​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="45">ၼႂ်း​မိူဝ်ႈ​ဢၼ် ပရဵၵ်ႈသၢတ်ႈ​ၸိူဝ်း​ၼၼ်ႉ​ယင်း​တိုၵ်ႉ​ထွမ်ႇ​ငိၼ်း​ယူႇ​ၼၼ်ႉ​ၸိုင်၊ မၼ်း​ၸဝ်ႈ​သမ်ႉ​လၢတ်ႈ​တီႈ​တပႄး​ၸဝ်ႈ​တင်း​လၢႆ​ထႅင်ႈ​လႄႈ​ဝႃႈ​ၸမ်ႉ၊-</verse>
				<verse number="46">ဝႄႈ​ပႅတ်ႈ​ၵူၼ်း​ထုတ်ႇ​ၵျၢမ်း​တင်း​လၢႆ​တႃႉ။ ၶဝ်​ၼၼ်ႉ​မီး​ဢလူဝ်ႇ​ၶႂ်ႈ​ၼုင်ႈ​သိူဝ်ႈ​ဢၼ်​ယၢဝ်း​သေ​လႄႈ ၵႂႃႇ​လႄႇ​ၵႂႃႇ​လၢဝ်း​လႄႈ၊ ထုၵ်ႇ​ၸႂ်​ၵျိူၵ်ႈ​ၸႂ်​တၢင်း​ဢၼ်​ပိူၼ်ႈ​ႁဵတ်း​ရူဝ်ႇ​သေႇ​ၵူဝ်​ယမ်​လႄႈ တၵ်ႉ​လၢတ်ႈ​ၵႃႈ​ၼႂ်း​ၵၢတ်ႇ​လႂ်၊ တီႈ​ၼင်ႈ​ဢၼ်​သုင်​ဢၼ်​မျၢတ်ႈ ၼႂ်း​ၸရွပ်ႈ​ႁေႃး​တြႃး​လႂ်၊ တီႈ​ဢိင်​ဢၼ်​လီ​ဢၼ်​မျၢတ်ႈ ၵႃႈ​ႁိမ်း​တီႈ​ၵိၼ်​ၵႃႈ​ၼႂ်း​ပွႆး​လႂ်​ၸိူဝ်း​ၼၼ်ႉ​ဢေႃႈ။-</verse>
				<verse number="47">ၶဝ်​ၼၼ်ႉ ၸၢင်ႈ​ႁိမ်​ႁူင်​သိမ်း​ပႅင်း​ၵိၼ်​ႁိူၼ်း​မႄႈ​မူၵ်း​မႄႈ​မၢႆႈ​တင်း​လၢႆ ႁဵတ်း​ၼင်ႇ​ႁၢင်ႈ​ပဵၼ်​ဢၼ်​လီ​ဢၼ်​ငၢမ်း​သေ​လႄႈ ဢဝ်​တင်း​ၵႂၢမ်း​ဢၼ်​ယၢဝ်း​ၼႃႇ​လူင်​လၢင်​သူး​တွင်း​ဢေႃႈ။ ၶဝ်​ၼၼ်ႉ​ယဵင်ႈ​ၶႅၼ်း​တၵ်း​လႆႈ​ၶၢမ်ႇ​တၢမ်ႇ​ဢၼ်​ယႂ်ႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="21">
				<verse number="1">လိုၼ်း​ၼၼ်ႉ မၼ်း​ၸဝ်ႈ​မုင်ႈ​တူၺ်း​လႄႈ​ႁၼ်​ၶဝ်​ၸိူဝ်း​ဢၼ်​ၸၢင်ႈ​မၢၵ်ႈ​ၸၢင်ႈ​မီး​တင်း​လၢႆ ဢဝ်​တႃႇ​ၼႃႉ​တၢင်း​လူႇ​သႂ်ႇ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ၸဝ်ႈ​ၼၼ်ႉ​ယူႇ​ဢေႃႈ။-</verse>
				<verse number="2">မၼ်း​ၸဝ်ႈ​ႁၼ်​မႄႈ​မူၵ်း​မႄႈ​မၢႆႈ​ဢၼ်​ၽၢၼ်​ၵေႃႉ​ၼိုင်ႈ ဢဝ်​တွင်း​လႅင်​သွင်​ၶႅပ်း​သႂ်ႇ​ၼၼ်ႉ​လႄႈ၊-</verse>
				<verse number="3">လၢတ်ႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ မႄႈ​မူၵ်း​မႄႈ​မၢႆႈ​ဢၼ်​ၽၢၼ်​ၼႆႉ ယဵင်ႈ​ၶႅၼ်း​သႂ်ႇ​ၼမ်​ၼႃႇ​သေ​ပိူၼ်ႈ​တၢင်ႇ​ၵေႃႉ​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ယဝ်ႉ။-</verse>
				<verse number="4">လွင်ႈ​မၼ်း​ၸမ်ႉ ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၼုၵ်ႈ​ဢဝ်​ၵႃႈ​ၼႂ်း​ၸေး​ၸိမ်ႇ​ဢၼ်​ၶဝ်​မီး​ၼမ်​ၼႃႇ​ၼၼ်ႉ​သေ​လႄႈ သႂ်ႇ​ၵႃႈ​ၼႂ်း​တၢင်း​လူႇ​ၽြႃး​ပဵၼ်​ၸဝ်ႈ​ဢေႃႈ။ မႄႈ​ယိင်း​ၼႆႉ​ၸမ်ႉ၊ ၼုၵ်ႈ​ဢဝ်​ၵႃႈ​ၼႂ်း​တၢင်း​ၽၢၼ်​မၼ်း​သေ​လႄႈ ဢဝ်​ပုၼ်ႈ​ဢၼ်​တၵ်း​လဵင်ႉ​ဢသၢၵ်ႈ​ၵႃႈ​ဢၼ်​မၼ်း​မီး​ၼၼ်ႉ​သႂ်ႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ၼႂ်း​မိူဝ်ႈ​ဢၼ် ၵူၼ်း​ၵမ်ႈ​ၽွင်ႈ​လၢတ်ႈ​လွင်ႈ​ပိၵ်ႈ​မၢၼ်ႇ​ၸဝ်ႈ​သေ​လႄႈ​လဝ်ႊ​ဝႃႈ၊ ပိၵ်ႈ​မၢၼ်ႇ​ၸဝ်ႈ​ၼႆႉ မီး​တၢင်း​ဢၼ်​ဢဝ်​မၢၵ်ႇ​ႁိၼ်​ၽႅပ်ႉ​ဢၼ်​ႁၢင်ႈ​လီ​တင်း​လၢႆ ဢိၵ်ႇ​တင်း​တၢင်း​ပုၵ်ႈ​ၸေႃႇ​တင်း​လၢႆ ႁၢင်ႈ​ၶိူင်ႈ​မႄး​ဝႆႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယူႇ​ၼၼ်ႉ​ၸိုင်။-</verse>
				<verse number="6">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ သူ​လႆႈ​ႁၼ်​ၶိူင်ႈ​ပိူင်​ၸိူဝ်း​ၼႆ​ဢေႃႈ။ ၶိင်ႇ​ၵႃႇလႃႉ​ဢၼ်​ၵႃႈ​ၼိူဝ်​မၢၵ်ႇ​ႁိၼ်​လုၵ်ႈ​ၼိုင်ႈ​ဢမ်ႇ​လႆႈ​ၵိုတ်း​လႆႈ​ၵျၢၼ်ႇ​ဝႆႉ မၢၵ်ႇ​ႁိၼ်​ဢၼ်​ယင်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​လႄႈ​မီး​ယူႇ​ၼၼ်ႉ​သေ​လုၵ်ႉ​ၼၼ်ႉ တၵ်း​ႁွတ်ႈ​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၶဝ်​ၼၼ်ႉ​ၵေႃႈ​လဝ်ႊ​ထၢမ်​လႄႈ​ဝႃႈ၊ သြႃႇ​ၸဝ်ႈ၊ လွင်ႈ​တၢင်း​ၸိူဝ်း​ၼႆႉ​တၵ်း​ပဵၼ်​မႃး​ၶိင်ႇ​မိူဝ်ႈ​လႂ်​ၶႃႈ၊ မိူဝ်ႈ​ဢၼ်​လွင်ႈ​တၢင်း​ၸိူဝ်း​ၼႆႉ​ၸမ်ႉ ၶိင်ႇ​ဢၼ်​တၵ်း​ပဵၼ်​မႃး​ၼၼ်ႉ​ၸိုင်၊ တၵ်း​မီး​ၼီႉမိၵ်ႈ​လၢၵ်ႈၶၼႃႇ​ဢၼ်​လႂ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၼင်ႇ​ႁိုဝ်​သူ​တၵ်း​ဢမ်ႇ​လႆႈ​ၵႂႃႇ​လႆႈ​ၸွမ်း​တၢင်း​ဢၼ်​ပႅတ်ႉ​ဢၼ်​လႅၼ်​ၸိုင်၊ ႁဵတ်း​သတီႉ​တႃႉ။ ၵူၼ်း​ၼမ်​ၼႃႇ​တၵ်း​ႁိမ်​ဢဝ်​ၸိုဝ်ႈ​သဵင်​ၵဝ်​သေ​လႄႈ ပေႃႇ​မႃး​လႄႈ​လၢတ်ႈ​ဝႃႈ၊ ၵဝ်​ၼႆႉ​ပဵၼ်​ၸဝ်ႈ​ၼၼ်ႉ​ဢေႃႈ။ ၶိင်ႇ​ၵႃႇလႃႉ​ၵေႃႈ​ႁွတ်ႈ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ယႃႇ​ပေ​ၸွမ်း​ပႃႈ​လင်​ၶဝ်​ၼၼ်ႉ။-</verse>
				<verse number="9">မိူဝ်ႈ​ဢၼ်​သူ​လႆႈ​ငိၼ်း​လွင်ႈ​ဢၼ်​တိုၵ်း​သိုၵ်း​လႂ်၊ လွင်ႈ​ဢၼ်​ပုင်ႇ​ၵၢၼ်ႇ​လႂ်​ၼၼ်ႉ​ၸိုင်၊ ယႃႇ​ပေ​မီး​ၸႂ်​ဢၼ်​ၶွၼ်း​ၶႅၼ်း။ လွင်ႈ​တၢင်း​ၸိူဝ်း​ၼႆႉ​တၵ်း​ပဵၼ်​မႃး​ဢွၼ်​တၢင်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ဢမ်ႇ​ပႆႇ​ပဵၼ်​တီႈ​သုတ်း​တီႈ​ၵွႆ​ၵမ်း​လဵဝ်။</verse>
				<verse number="10">လိူဝ်​သေ​ၼၼ်ႉ ၵူၼ်း​မဵဝ်း​ၼိုင်ႈ​လႄႈ​မဵဝ်း​ၼိုင်ႈ၊ မိူင်း​ၼိုင်ႈ​လႄႈ​မိူင်း​ၼိုင်ႈ​တၵ်း​ၶတ်း​တႃႉ​ၵၼ်​ဢေႃႈ။-</verse>
				<verse number="11">တၢင်း​ဢၼ်​ဢိင်ႇ​သၼ်ႇ​လူင်​လႂ်၊ တၢင်း​ဢၼ်​ဢိုပ်း​တၢင်း​ၵိၼ်​လႂ်၊ တၢင်း​ဢၼ်​ပဵၼ်​ၵႃႇလႃႉ​ႁႃႈ​လႅင်​မိူင်း​လႂ်၊ တၵ်း​ပဵၼ်​ၵူႈ​တီႈ​ၵူႈ​လႅၼ်​ဢေႃႈ။ ၵႃႈ​ၼိူဝ်​ၽႃႉ​ၵၢင်​ႁၢဝ်​ၵေႃႈ၊ လွင်ႈ​တၢင်း​ဢၼ်​လီ​ၵူဝ်​လီ​ႁႄ​လႂ်၊ ၼီႉမိၵ်ႈ​လၢၵ်ႈၶၼႃႇ​ဢၼ်​ယႂ်ႇ​ၼႃႇ​လႂ် တၵ်း​ပေႃႇ​မႃး​ဢေႃႈ။-</verse>
				<verse number="12">ၸူဝ်ႈ​ဢၼ်​လွင်ႈ​တၢင်း​ၸိူဝ်း​ၼႆႉ​ဢမ်ႇ​ပႆႇ​ပဵၼ်​မႃး​ၼၼ်ႉ​ၸိုင်၊ ၵွပ်ႈ​ပိူဝ်ႈ​ၸိုဝ်ႈ​သဵင်​ၵဝ်​လႄႈ ၶဝ်​တၵ်း​တီႉ​ဢဝ်​သူ​ၼိၵ်ႈ​ၸၢၵ်ႈ​ငႅၼ်း​သႄး​လႄႈ ဢၢပ်ႈ​ပၼ်​ၵႃႈ​တီႈ​ၼႂ်း​ၸရွပ်ႈ​ႁေႃး​တြႃး​လႂ်၊ ၵႃႈ​တီႈ​ၼႂ်း​ထွင်ႇ​လႂ်​ဢေႃႈ။ တီႈ​ၶုၼ်​ႁေႃ​ၶမ်း​လႂ်​ဢိၵ်ႇ​တင်း​ဢမၢတ်ႈ​ၽွင်း​မိူင်း​လႂ်​ၵေႃႈ တၵ်း​ဢဝ်​ၵႂႃႇ​သူင်ႇ​ဢေႃႈ။-</verse>
				<verse number="13">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼၼ်​လႄႈ တီႈ​သူ​တၵ်း​မီး​ဢၶႂၢင်ႉ​တၢင်း​ဢၼ်​လႆႈ​ၶၢမ်ႇ​သၢၵ်ႈ​သေႇ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ ၼင်ႇ​ႁိုဝ်​သူ​တၵ်း​ဢမ်ႇ​လႆႈ​ၶႆႈ​ၸႂ်​ဝူၼ်ႉ​ၸႂ်​ဢွၼ်​တၢင်း လွင်ႈ​ဢၼ်​တၵ်း​လႆႈ​ၶိုၼ်း​လၢတ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင်​ဝႆႉ​သတီႉ​တႃႉ။-</verse>
				<verse number="15">လွင်ႈ​မၼ်း​ၸမ်ႉ ၵဝ်​တၵ်း​ပၼ်​သူပ်း​ၵႂၢမ်း​တင်း​ၺၢၼ်ႇ​ပိင်ႇ​ၺႃႇ​ဢၼ်​ရၢၼ်ႇ​သူႇ​သူ​တင်း​သဵင်ႈ​တင်း​လူင် ဢမ်ႇ​လၢတ်ႈ​ဢမ်ႇ​ထဵင်​၊ ဢမ်ႇ​ႁႄႉ​ဢမ်ႇ​ၶႅၼ်​လႆႈ​ၼၼ်ႉ​တီႈ​သူ​ဢေႃႈ။-</verse>
				<verse number="16">ပေႃႈ​မႄႈ၊ ပီႈ​ၼွင်ႉ​ၵေႃႉ​သေႈ၊ ၸိူဝ်ႉ​ၶိူဝ်း​သူ​တၵ်း​ဢဝ်​သူ​ဢၢပ်ႈ​ဢေႃႈ။ ၵမ်ႈ​ၽွင်ႈ​ၵေႃႈ​တၵ်း​ဢဝ်​သူ​တၢႆ​ဢေႃႈ။-</verse>
				<verse number="17">ၵူၼ်း​တင်း​သဵင်ႈ​တင်း​လူင်​ၵေႃႈ​တၵ်း​ၸင်း​သူ ၵွပ်ႈ​ပိူဝ်ႈ​ၸိုဝ်ႈ​သဵင်​ၵဝ်​ဢေႃႈ။-</verse>
				<verse number="18">ၼႂ်း​ဝႃႈ​ၼၼ်​သေ​ၵေႃႈ ၶူၼ်​ႁူဝ်​သူ​သေ​သဵၼ်ႈ​ဢမ်ႇ​လႆႈ​လူႉ​လႆႈ​လႅဝ်။-</verse>
				<verse number="19">ၵွပ်ႈ​ပိူဝ်ႈ​တၢင်း​ဢၼ်​သူ​ယိူၼ်ႉ​ၶၢမ်ႇ​မၼ်ႈ​မၼ်ႈ​ၶိူင်ႇ​ၶိူင်ႇ​လႄႈ သူ​တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ႁူဝ်​ၸႂ်​သူ​ဢေႃႈ။</verse>
				<verse number="20">မိူဝ်ႈ​ဢၼ်​သူ​ႁၼ်​ၵူၼ်း​သိုၵ်း​တင်း​လၢႆ လွမ်ႉ​ႁွပ်ႈ​ဝဵင်း​ ယေႇရူႉသလႅမ်ႇ ​သေ​လႄႈ မီး​ယူႇ​ၼၼ်ႉ​ၸိုင်၊ ဝဵင်း​ၼၼ်ႉ​ၸမ်ႉ တၵ်း​လူႉ​တၵ်း​လႅဝ်​ယဝ်ႉ၊ ဝႃႈ​ၼႆ၊ ႁူႉ​တႃႉ။-</verse>
				<verse number="21">မိူဝ်ႈ​ၼၼ်ႉ ႁႂ်ႈ​ၶဝ်​ၸိူဝ်း​ဢၼ်​မီး​ၼႂ်း​မိူင်း ယူႉတႃႉ ​ၼႆႉ ပၢႆႈ​ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ပုၼ်ႉ​တႃႉ။ ႁႂ်ႈ​ၶဝ်​ၸိူဝ်း​ဢၼ်​မီး​ၼႂ်း​ဝဵင်း​ၼႆႉ​ဢွၵ်ႇ​ၵႂႃႇ​ၵႃႈ​ၼွၵ်ႈ​ဝဵင်း​သေ။ ယႃႇ​ႁႂ်ႈ​ၶဝ်​ၸိူဝ်း​ဢၼ်​မီး​ၼႂ်း​ထိူၼ်ႇ​ၼႂ်း​ၶိူဝ်း​တင်း​လၢႆ​ၼၼ်ႉ​ၶဝ်ႈ​ၵႃႈ​ၼႂ်း​ဝဵင်း။-</verse>
				<verse number="22">လွင်ႈ​မၼ်း​ၸမ်ႉ ၶိင်ႇ​မိုဝ်ႉ​ဝၼ်း​ၼၼ်ႉ​ပဵၼ်​ၶိင်ႇ​ဝၼ်း​တၢင်း​ဢၼ်​ၸီႇ​ယၢင်ႇ​တၢမ်ႇ ႁႂ်ႈ​ၵႃႈ​ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​လႆႈ​ပျေႉ​ၸုမ်ႇ​ဢေႃႈ။-</verse>
				<verse number="23">ဝၼ်း​မိူဝ်ႈ​ၼၼ်ႉ တီႈ​မႄႈ​ယိင်း​ဢၼ်​တူဝ်​ဢမ်ႇ​သႃႇ ဢိၵ်ႇ​တင်း​မႄႈ​ယိင်း​ဢၼ်​မီး​လုၵ်ႈ​ဢွၼ်ႇ​ဢၼ်​ဢမ်ႇ​ပႆႇ​ၽၢတ်ႇ​ၼူမ်း​တင်း​လၢႆ​ၼၼ်ႉ တၵ်း​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ တုၵ်ႉ​ၶႃႉ​တၢင်း​ၽၢၼ်​ဢၼ်​ယႂ်ႇ​ၼႃႇ​တၵ်း​ပဵၼ်​ၵႃႈ​ၼိူဝ်​လိၼ်​မိူင်း​ၼႆႉ​လႄႈ တေႃး​သႃႉ​တၢင်း​ၸႂ်​မႆႈ​တၵ်း​ႁွတ်ႈ​မႃး​ၵႃႈ​ၼိူဝ်​ၵူၼ်း​မဵဝ်း​ၼႆႉ​ဢေႃႈ။-</verse>
				<verse number="24">ၶဝ်​တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​လူၺ်ႈ​ၽေး​လၢပ်ႇ​ၽေး​လႅဝ်း​ဢေႃႈ။ တၵ်း​တီႉ​ဢဝ်​ၶဝ်​ၵႂႃႇ​ၵႃႈ​တီႈ​တၢင်ႇ​ဝၢၼ်ႈ​တၢင်ႇ​မိူင်း​ၵူႈ​တီႈ​ၵူႈ​လႅၼ်​ပုၼ်ႉ​ဢေႃႈ။ ၸူဝ်ႈ​ဢၼ်​ၶိင်ႇ​ၵႃႇလႃႉ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢမ်ႇ​ပႆႇ​ပျေႉ​ၸုမ်ႇ​ၼၼ်ႉ​ၸိုင် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ တၵ်း​ဢဝ်​တိၼ်​ယဵပ်ႇ​ယမ်ႈ​ဝဵင်း​ ယေႇရူႉသလႅမ်ႇ ​ဢေႃႈ။</verse>
				<verse number="25">မိူဝ်ႈ​ၼၼ်ႉ ပုၵ်ႉ​ပႃႉ​ၼီႉမိၵ်ႈ​လၢၵ်ႈၶၼႃႇ တၵ်း​ပေႃႇ​မႃး​ၼႂ်း​ၵၢင်​ဝၼ်း၊ လိူၼ်၊ လၢဝ်​တင်း​လၢႆ​ဢေႃႈ။ ၵႃႈ​ၼိူဝ်​လိၼ်​မိူင်း​ၼႆႉ​ၵေႃႈ တၵ်း​ပဵၼ်​တၢင်း​ဢၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢမ်ႇ​တႄႇ​ဢမ်ႇ​ၼိမ်​လႄႈ မႆႈ​ၸႂ်​ၶီ​ၸႂ်၊ တၢင်း​ဢၼ်​သဵင်​လႅင်း​ၼမ်ႉ​ပိူပ်ႈ​ၼမ်ႉ​သမ်ႇ​မုၵ်ႉ​တြႃႇ​ဢူၼ်​ဢဵၼ်​မေႃး​မႄး​ၼႃႇ​လူင်​လၢင်၊-</verse>
				<verse number="26">တၢင်း​ဢၼ်​ၵူၼ်း​တင်း​လၢႆ​ၸႂ်​လူႉ ၵွပ်ႈ​ပိူဝ်ႈ​ဢၼ်​ၵူဝ်​ႁႄ​လႄႈ​မုင်ႈ​တူၺ်း​ၽေး​ဢၼ်​တၵ်း​ပဵၼ်​မႃး​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ​ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ တၼ်း​ၶူဝ်း​ၵၢင်​ႁၢဝ်​တင်း​လၢႆ​တၵ်း​သၼ်ႇ​ၶွၼ်း​ဝႆ​ဢေႃႈ။-</verse>
				<verse number="27">မိူဝ်ႈ​ၼၼ်ႉ ၵူၼ်း​တင်း​လၢႆ​တၵ်း​လႆႈ​ႁၼ်​လုၵ်ႈ​ၵူၼ်း​ပႃး​တင်း​မုၼ်​တၼ်း​ၶူဝ်း​ဢႃႇၼူႉၽေႃႇ​မၼ်း​ၸဝ်ႈ​ဢၼ်​ယႂ်ႇ​ၼႃႇ​ၼၼ်ႉ​သေ​လႄႈ မႃး​ၵႃႈ​ၼိူဝ်​မွၵ်ႇ​ၵုမ်ႈ​ဢေႃႈ။-</verse>
				<verse number="28">မိူဝ်ႈ​ဢၼ်​လွင်ႈ​တၢင်း​ၸိူဝ်း​ၼႆႉ​ၸႃႉ​ပဵၼ်​မႃး​ၼၼ်ႉ​ၸိုင်၊ ၵွပ်ႈ​ပိူဝ်ႈ​ၶိင်ႇ​ဢၼ်​တၵ်း​ထုတ်ႇ​ဢဝ်​သူ​ၼၼ်ႉ​ၸမ်​တၵ်း​ႁွတ်ႈ​မႃး​ယဝ်ႉ​လႄႈ၊ မုင်ႈ​တူၺ်း​လႄႈ​ငွၵ်ႈ​ႁူဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">မၼ်း​ၸဝ်ႈ​သမ်ႉ ဢဝ်​ၵႂၢမ်း​ဢူႉပမႃႇ​လၢတ်ႈ​ထႅင်ႈ​လႄႈ​ဝႃႈ​ၸမ်ႉ၊ တူၺ်း​ၸႃႉ​ၸဵမ်​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ဢိၵ်ႇ​တင်း​တူၼ်ႈ​မႆႉ​တင်း​သဵင်ႈ​တင်း​လူင်​တႃႉ။-</verse>
				<verse number="30">မိူဝ်ႈ​ဢၼ်​မႂ်​မၼ်း​ဢွၵ်ႇ​မႃး​ၼၼ်ႉ​ၸိုင် သူ​ႁူႉ​ႁၼ်​လွင်ႈ​ဢၼ်​ၸမ်​တၵ်း​ႁွတ်ႈ​ထိုင်​ၶိင်ႇ​ႁႅင်ႈ​ဢေႃႈ။-</verse>
				<verse number="31">မိူၼ်​ၼင်ႇ​ၼၼ် မိူဝ်ႈ​ဢၼ်​သူ​လႆႈ​ႁၼ်​လွင်ႈ​တၢင်း​ၸိူဝ်း​ၼႆႉ​ပဵၼ်​မႃး​ယူႇ​ၼၼ်ႉ​ၸိုင်၊ ႁူႉ​လွင်ႈ​ဢၼ်​မိူင်း​ၽြႃး​ပဵၼ်​ၸဝ်ႈ​ၸမ်​တၵ်း​တႄႇ​ပဵၼ်​ယဝ်ႉ​ၼၼ်ႉ​တႃႉ။-</verse>
				<verse number="32">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ လွင်ႈ​တၢင်း​တင်း​သဵင်ႈ​တင်း​လူင်​ၸိူဝ်း​ၼႆႉ​တၵ်း​ပဵၼ်​မႃး ၸူဝ်ႈ​ဢၼ်​ၵူၼ်း​ဢၼ်​မီး​ယူႇ​တေႃႈ​လဵဝ်​ၸိူဝ်း​ၼႆႉ​ဢမ်ႇ​ပႆႇ​သဵင်ႈ​ပႆႇ​မူတ်း​ဢေႃႈ။-</verse>
				<verse number="33">ပိၵ်ႉ​သမ်ႉ​ၽႃႉ​ၵၢင်​ႁၢဝ်​တင်း​လိၼ်​မိူင်း​ၼႆႉ တၵ်း​ႁၢႆ​လၢႆ​သေ​ၵေႃႈ၊ ၵႂၢမ်း​ၵဝ်​ၼႆႉ​တၵ်း​ဢမ်ႇ​ႁၢႆ​လၢႆ။-</verse>
				<verse number="34">သူ​ႁဵတ်း​သတီႉ​တီႈ​တူဝ်​သူ​တႃႉ။ ပေႃး​ဢမ်ႇ​ၼၼ် ၼႂ်း​မိူဝ်ႈ​ဢၼ်​ႁူဝ်​ၸႂ်​ယင်း​တိုၵ်ႉ​ယၢပ်ႇ​ၸႂ်​ယုင်ႈ​ၸႂ် ၵွပ်ႈ​ပိူဝ်ႈ​တၢင်း​ဢၼ်​ၵိၼ်​ဢၼ်​ၶူပ်း​ပူၼ်ႉ​လိူဝ်၊ တၢင်း​ဢၼ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​လေႃးၵီႇ​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊ သူ​ယင်း​ဢမ်ႇ​ႁူႉ​ဢမ်ႇ​ႁၼ်​လႄႈ ဝၼ်း​ၼၼ်ႉ​တၵ်း​ထူပ်း​မႅၼ်ႈ​သူ​ဢေႃႈ။-</verse>
				<verse number="35">ဝၼ်း​ၼၼ်ႉ​တၵ်း​ႁူမ်ႇ​မႅၼ်ႈ​ၶဝ်​ၸိူဝ်း​ဢၼ် ယူႇ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင် မိူၼ်​ၸိူဝ်ႉ​ၼင်ႇ​ၶႄ​တမ်ႇ​ငႃႈ​ၼၼ်ႉ​ဢေႃႈ။-</verse>
				<verse number="36">ၼင်ႇ​ႁိုဝ်​သူ​တၵ်း​ပႄႉ​ၼႅင်ႇ ႁႂ်ႈ​လႆႈ​မီး​တၢင်း​ဢၼ်​ၵၢင်း​လွတ်ႈ​တင်း​လွင်ႈ​တၢင်း​ဢၼ်​တၵ်း​ပဵၼ်​မႃး​ၸိူဝ်း​ၼၼ်ႉ​လႄႈ ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​လုၵ်ႈ​ၵူၼ်း​ၸိုင် သူး​တွင်း​တႃႇ​သေႇ​လႄႈ ပႂ်ႉ​ထႃႈ​ယူႇ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="37">မၼ်း​ၸဝ်ႈ​ၼၼ်ႉ၊ ၶိင်ႇ​ၵၢင်​ဝၼ်း​သင်ႇ​သွၼ်​သုင်း​မႃႉ​ပၼ်​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ယူႇ​ဢေႃႈ။ မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ၵၢင်​ၶမ်ႈ​ၸိုင်၊ မၼ်း​ၸဝ်ႈ​ၵႂႃႇ​ၵႃႈ​တီႈ​လွႆ​ဢၼ်​လႆႈ​ၸိုဝ်ႈ​ သၢၼ်ႇလုၼ်ႇ ​ၼၼ်ႉ​လႄႈ ႁႂ်ႈ​ပူၼ်ႉ​ၶိုၼ်း​ဢေႃႈ။-</verse>
				<verse number="38">ၵၢင်​ၼႂ်​ၸဝ်ႉ​ၸဝ်ႉ ၵူၼ်း​တင်း​သဵင်ႈ​တင်း​လူင်​ၵႂႃႇ​ၸူး​တီႈ​မၼ်း​ၸဝ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ ႁႂ်ႈ​လႆႈ​ထွမ်ႇ​လႆႈ​ငိၼ်း​ၵႂၢမ်း​မၼ်း​ၸဝ်ႈ​ဢေႃႈ။</verse>
			</chapter>
			<chapter number="22">
				<verse number="1">မိူဝ်ႈ​ၼၼ်ႉ​ၸမ်​ၶိင်ႇ​ဢၼ်​တၵ်း​ၶၢမ်ႇ​ပွႆး​ၶဝ်ႈ​မုၼ်း ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ဢၼ်​လႆႈ​ၸိုဝ်ႈ ပႃႉသၶႃႇ ​ၼၼ်ႉ​ဢေႃႈ။-</verse>
				<verse number="2">ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ ၵျၢမ်ႇ​ႁႃ​လွင်ႈ​ဢၼ်​တၵ်း​လႆႈ​ဢဝ်​မၼ်း​ၸဝ်ႈ​တၢႆ​ၸိူဝ်ႉ​ၼင်ႇ​ႁိုဝ်​ၼၼ်ႉ​ယူႇ​ဢေႃႈ။ ႁဵတ်း​သင်​လႄႈ​ၶဝ်​ၵျၢမ်ႇ​ႁႃ​လွင်ႈ​မၼ်း​ယူႇ​ဝႃႈ​ၼႆ​ၸမ်ႉ၊ ၶဝ်​ၵူဝ်​ၵူၼ်း​တင်း​လၢႆ​ဢေႃႈ။-</verse>
				<verse number="3">မိူဝ်ႈ​ၼၼ်ႉ ၸႃႇတၢၼ်ႇ ၶဝ်ႈ​ၼႂ်း​ ယူႉတႃႉ ဢၼ်​ႁွင်ႉ​ႁဵၵ်ႈ​ ဢီႉသၵႃႇရေႇဢုတ်ႈ ဢၼ်​ပႃး​ၼႂ်း​သိပ်း​သွင်​ပႃး​ၼၼ်ႉ​ဢေႃႈ။-</verse>
				<verse number="4">မၼ်း​ၼၼ်ႉ​ၵႂႃႇ​ၵႃႈ​တီႈ​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵႄႇ​ပိၵ်ႈ​မၢၼ်ႇ​ၸဝ်ႈ​တင်း​လၢႆ​သေ​ယဝ်ႉ၊ တိူင်ႇ​ပၢင်ႇ​လၢတ်ႈ​ၸႃ​ၵၼ် လူၺ်ႈ​လွင်ႈ​ဢၼ်​တၵ်း​လႆႈ​ဢဝ်​ ယေႇသူႉ ​ဢၢပ်ႈ​ပၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ​တီႈ​ၶဝ်​ၼၼ်ႉ​ဢေႃႈ။-</verse>
				<verse number="5">ၶဝ်​ၼၼ်ႉ​ၸူမ်း​သိူဝ်း​လႄႈ​တၵ်း​ပၼ်​ငိုၼ်း​ဝႃႈ​ၼႆ ႁပ်ႉ​တုင်း​ဢဝ်​ဢေႃႈ။-</verse>
				<verse number="6">မၼ်း​ၵေႃႈ​ႁပ်ႉ​တုင်း​ဢဝ်​ယဝ်ႉ​ၸင်ႇ ၵျၢမ်ႇ​ႁႃ​ၶိင်ႇ​ၵႃႇလႃႉ​ဢၼ်​ထုၵ်ႇ​ႁႂ်ႈ​လႆႈ​ဢဝ်​မၼ်း​ၸဝ်ႈ​ဢၢပ်ႈ​ပၼ်​တီႈ​ၶဝ် ၼႂ်း​ၶိင်ႇ​မိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​ဢမ်ႇ​မီး​ၼၼ်ႉ​ယူႇ​ဢေႃႈ။</verse>
				<verse number="7">ဝၼ်း​ပွႆး​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ၊ ဝၼ်း​ဢၼ်​တၵ်း​လႆႈ​ဢဝ်​သူဝ်း​ဢွၼ်ႇ​ ပႃႉသၶႃႇ ​တၢႆ​ၼၼ်ႉ​ႁွတ်ႈ​ထိုင်​မႃး​သေ​ယဝ်ႉ၊-</verse>
				<verse number="8">မၼ်း​ၸဝ်ႈ​ပွႆႇ​ၸႂ်ႉ ပေႇတရူႉ ​တင်း​ ယူဝ်းႁၢၼ်ႇ ​လႄႈ​ဝႃႈ၊ သူ​ၵႂႃႇ​လႄႈ​မႄး​ႁႅၼ်း​ဝႆႉ​ပွႆး​ ပႃႉသၶႃႇ ​ပုၼ်ႈ​ဢၼ်​ႁဝ်း​တၵ်း​ၵိၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၶဝ်​ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​မီး​ဢလူဝ်ႇ​ၶႂ်ႈ​ႁႂ်ႈ​ႁဝ်း​ၶႃႈ​မႄး​ႁႅၼ်း​ဝႆႉ​ၵႃႈ​တီႈ​လႂ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ တူၺ်း​လူး၊ မိူဝ်ႈ​ဢၼ်​သူ​ၶဝ်ႈ​ၵႂႃႇ​ၵႃႈ​ၼႂ်း​ဝဵင်း​ပုၼ်ႉ​ၼၼ်ႉ၊ သူ​တၵ်း​ထူပ်း​ႁၼ်​ၵေႃႉ​ဢၼ်​ပႃး​မေႃႈ​ၼမ်ႉ​ယူႇ​ဢေႃႈ။ ၸွမ်း​ပႃႈ​လင်​ၵေႃႉ​ၼၼ်ႉ​ၵႂႃႇ​လႄႈ ၶဝ်ႈ​ၵႃႈ​ၼႂ်း​ႁိူၼ်း​ဢၼ်​မၼ်း​ၶဝ်ႈ​ၼၼ်ႉ​သေ​ယဝ်ႉ၊ လၢတ်ႈ​တီႈ​ၸဝ်ႈ​ႁိူၼ်း​ၼၼ်ႉ​လႄႈ​ဝႃႈ၊ သြႃႇ​ထၢမ်​ဝႃႈ၊-</verse>
				<verse number="11">လုၵ်း​ၶႅၵ်ႇ​ဢၼ်​ၵဝ်​ဢိၵ်ႇ​တင်း​တပႄး​ၵဝ်​တင်း​လၢႆ​တၵ်း​ၵိၼ်​ပွႆး​ ပႃႉသၶႃႇ ​ၼၼ်ႉ​ၸမ်ႉ၊ မီး​ၵႃႈ​လႂ်၊ ဝႃႈ​ၼင်ႇ​ၼႆ​တႃႉ။-</verse>
				<verse number="12">ၵေႃႉ​ၼၼ်ႉ​တၵ်း​ၼႄ​ပၼ်​လုၵ်း​လူင်​ႁၢၼ်ႉ​ၼိူဝ် ဢၼ်​မႄး​ႁႅၼ်း​ဝႆႉ​ယဝ်ႉ​ၼၼ်ႉ​ဢေႃႈ။ မႄး​ႁႅၼ်း​ဝႆႉ​ၵႃႈ​တီႈ​ၼၼ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">တပႄး​ၸဝ်ႈ​ၸိူဝ်း​ၼၼ်ႉ ၵႂႃႇ​သေ​ယဝ်ႉ၊ ထူပ်း​ႁၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​လၢတ်ႈ​ၼၼ်ႉ​လႄႈ မႄး​ႁႅၼ်း​ပွႆး ပႃႉသၶႃႇ ​ဝႆႉ​ဢေႃႈ။</verse>
				<verse number="14">မိူဝ်ႈ​ဢၼ်​ၶိင်ႇ​မၼ်း​ထိုင်​ၸိုင်၊ မၼ်း​ၸဝ်ႈ​ဢိင်​ယူႇ​လူၺ်ႈ​ၵၼ်​တင်း​တမၢၼ်ႇ​ၸဝ်ႈ​သိပ်း​သွင်​ပႃး​လႄႈ၊-</verse>
				<verse number="15">လၢတ်ႈ​ဝႃႈ၊ ၸူဝ်ႈ​ဢၼ်​ၵဝ်​ဢမ်ႇ​ပႆႇ​လႆႈ​ၶၢမ်ႇ​တၢင်း​တၢႆ​ၼၼ်ႉ​ၸိုင်၊ ၵဝ်​မီး​ဢလူဝ်ႇ​ၶႂ်ႈ​ၵိၼ်​ပွႆး​ ပႃႉသၶႃႇ ​ၼႆႉ​လူၺ်ႈ​ၵၼ်​တင်း​သူ​ၼမ်​ၼႃႇ​လူင်​လၢင်​ဢေႃႈ။-</verse>
				<verse number="16">ၵဝ်​ဝႃႈ​တီႈ​သူ​ၸမ်ႉ၊ ၸူဝ်ႈ​ဢၼ်​ပွႆး​ ပႃႉသၶႃႇ ​ၼႆႉ ဢမ်ႇ​ပႆႇ​ပျေႉ​ၸုမ်ႇ​ၼႂ်း​မိူင်း​ၽြႃး​ပဵၼ်​ၸဝ်ႈ​ပုၼ်ႉ​ၸိုင်၊ ၵဝ်​တၵ်း​ဢမ်ႇ​ၵိၼ်​ထႅင်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="17">ႁပ်ႉ​ၶၢမ်ႇ​ဢဝ်​ၵွၵ်း​လႄႈ​ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ​လၢတ်ႈ​လႄႈ​ဝႃႈ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ဢဝ်​ၵွၵ်း​ၼႆႉ​မႅင်ႇ​ပၼ်​ၵၼ်​တႃႉ။-</verse>
				<verse number="18">ၵဝ်​ဝႃႈ​တီႈ​သူ​ၸမ်ႉ၊ ၸႃႉ​ၸဵမ်​တေႃႈ​လဵဝ်​ၼႆႉ​လႄႈ​တေႃႇ​ထိုင်​ႁွတ်ႈ​ၸူဝ်ႈ​ဢၼ်​မိူင်း​ၽြႃး​ပဵၼ်​ၸဝ်ႈ​ဢမ်ႇ​ပႆႇ​ႁွတ်ႈ​ထိုင်​ယဝ်ႉ​ၼၼ်ႉ​ၸိုင်၊ ၵဝ်​တၵ်း​ဢမ်ႇ​ၵိၼ်​ၼမ်ႉ​မၢၵ်ႇ​ၸပိတ်ႈ​ထႅင်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">မိူဝ်ႈ​ၼၼ်ႉ မၼ်း​ၸဝ်ႈ​ဢဝ်​ၶဝ်ႈ​မုၼ်း​လႄႈ​ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ဝိတ်း​ၶဝ်ႈ​မုၼ်း​လႄႈ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၶဝ်ႈ​မုၼ်း​ၼႆႉ​ၸမ်ႉ၊ ပဵၼ်​တူဝ်​ၵဝ်​ဢၼ်​ၸုၼ်ႉ​ပႅတ်ႈ​ပုၼ်ႈ​သူ​ဢေႃႈ။ ပုၼ်ႈ​ဢၼ်​တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ်​ၸိုင်၊ ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ပိူင်​လဵဝ်​ၵၼ်၊ ၵိၼ်​ၶဝ်ႈ​ၶမ်ႈ​သေ​ယဝ်ႉ၊ ၵွၵ်း​ၵေႃႈ​မၼ်း​ၸဝ်ႈ​ဢဝ်​လႄႈ​လၢတ်ႈ​ဝႃႈ၊ ၵွၵ်း​ၼႆႉ​ၸမ်ႉ၊ ပဵၼ်​ပတီႉၺိၺ်ႇ​တြႃး​ဢၼ်​မႂ်ႇ ဢၼ်​တႄႇ​ယူႇ​ၼႂ်း​လိူတ်ႈ​ၵဝ် ဢၼ်​သွၼ်း​လေႃႇ​ပုၼ်ႈ​သူ​ဢေႃႈ။-</verse>
				<verse number="21">ၼႂ်း​ဝႃႈ​ၼၼ်​သေ​ၵေႃႈ တူၺ်း​လူး၊ မိုဝ်း​ၵေႃႉ​ဢၼ်​ဢဝ်​ၵဝ်​ဢၢပ်ႈ​ၼၼ်ႉ​မီး​ယူႇ​လူၺ်ႈ​ၵၼ်​တင်း​ၵဝ်​ၵႃႈ​ၼိူဝ်​ၶူင်ႇ​တီႈ​ၵိၼ်​ၼႆႉ​ဢေႃႈ။-</verse>
				<verse number="22">လုၵ်ႈ​ၵူၼ်း​တၵ်း​လႆႈ​ၵႂႃႇ​ၵႃႈ​ၼင်ႇ​ဢၼ်​မၼ်း​ၸဝ်ႈ​မၵ်း​ၶၢၼ်း​ဝႆႉ​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​ဢဝ်​လုၵ်ႈ​ၵူၼ်း​ဢၢပ်ႈ​ၼၼ်ႉ မီး​ဢႃႉ​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၶဝ်​ၵေႃႈ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တွင်ႈ​ထၢမ်​ၵၼ်​လွင်ႈ​ဢၼ်​ၼႂ်း​ၶဝ်​ၼၼ်ႉ ၽူႈ​လႂ်​တၵ်း​ႁဵတ်း​လွင်ႈ​တီႈ​ႁဵင်း​ၼႆႉ​ၼၼ်ႉ​ဢေႃႈ။</verse>
				<verse number="24">လိူဝ်​သေ​ၼၼ်ႉ၊ ၵွပ်ႈ​ပိူဝ်ႈ​ဢၼ်​ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ မီး​တၢင်း​ဢၼ်​လၢတ်ႈ​ၵၼ်​ထဵင်​ၵၼ်​လူၺ်ႈ​လွင်ႈ​ဢၼ်​ၼႂ်း​ၶဝ်​ၼၼ်ႉ ၽူႈ​လႂ်​တၵ်း​ပဵၼ်​ၵေႃႉ​ဢၼ်​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​ၼၼ်ႉ​ယူႇ​လႄႈ၊-</verse>
				<verse number="25">မၼ်း​ၸဝ်ႈ​လၢတ်ႈ​လႄႈ​ဝႃႈ၊ ၶုၼ်​ႁေႃ​ၶမ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ ၸၢင်ႈ​ဢုပ်ႉ​ၸၢင်ႈ​ပိူင်ႇ​ဢေႃႈ။ ၶဝ်​ၸိူဝ်း​ဢၼ်​ဝႆႉ​ဢႃႇၼႃႇ​တင်း​လၢႆ​ၼၼ်ႉ​ၵေႃႈ လႆႈ​ၶၢမ်ႇ​တၢင်း​ဢၼ်​ပိူၼ်ႈ​ႁွင်ႉ​ဝႃႈ​ၸဝ်ႈ​ၵျေး​ၸူး​ဢေႃႈ။-</verse>
				<verse number="26">သူ​ၸမ်ႉ၊​ဢမ်ႇ​လႆႈ​ႁဵတ်း​ၸိူဝ်ႉ​ၼင်ႇ​ၼၼ်။ ၼႂ်း​သူ​ၼႆႉ​ႁႂ်ႈ​ၵေႃႉ​ဢၼ်​ႁဵတ်း​ၵူၼ်း​ယႂ်ႇ​ပိူၼ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​ၵူၼ်း​ဢွၼ်ႇ​တႃႉ။ ၵေႃႉ​ဢၼ်​ဢုပ်ႉ​ပိူင်ႇ​ၵေႃႈ ႁႂ်ႈ​ပဵၼ်​ၸိူဝ်ႉ​ၼင်ႇ​ၵူၼ်း​ၸႂ်ႉ​ၵူၼ်း​သွႆ​တႃႉ။-</verse>
				<verse number="27">ၽူႈ​လႂ်​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ပိူၼ်ႈ။ ၵေႃႉ​ဢၼ်​ဢိင်​ယူႇ​ၵႃႈ​တီႈ​ႁိမ်း​ၶူင်ႇ​တီႈ​ၵိၼ်​ယႂ်ႇ​မျၢတ်ႈ​ႁိုဝ်။ ၵေႃႉ​ဢၼ်​ႁဵတ်း​လဵင်ႉ​ႁဵတ်း​လူ​ယႂ်ႇ​မျၢတ်ႈ​ႁိုဝ်။ ၵေႃႉ​ဢၼ်​ဢိင်​ယူႇ​ၵႃႈ​ႁိမ်း​ၶူင်ႇ​တီႈ​ၵိၼ်​ယႂ်ႇ​မျၢတ်ႈ​ဢမ်ႇ​ၸႂ်ႈ​ႁိုဝ်။ ၼႂ်း​ဝႃႈ​ၼၼ်​သေ​ၵေႃႈ ၵဝ်​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ႁဵတ်း​လဵင်ႉ​ႁဵတ်း​လူ​ၼၼ်ႉ​ၵႃႈ​တီႈ​ၼႂ်း​သူ​ၼႆႉ​ဢေႃႈ။-</verse>
				<verse number="28">သူ​ပဵၼ်​ၵေႃႉ​ဢၼ်​ႁူမ်ႈ​လူၺ်ႈ​ၵၼ်​တင်း​ၵဝ်​ယူႇ ၼႂ်း​မိူဝ်ႈ​ဢၼ်​ၵဝ်​လႆႈ​ၶၢမ်ႇ​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ၼၼ်ႉ​ဢေႃႈ။-</verse>
				<verse number="29">ၸိူဝ်ႉ​ၼင်ႇ​ဢၼ်​ၸဝ်ႈ​ပေႃႈ​ၵဝ်​ပၼ်​မိူင်း​တီႈ​ၵဝ်​ၼၼ်ႉ၊-</verse>
				<verse number="30">ၵဝ်​တၵ်း​ပၼ်​ဢၶႂၢင်ႉ​ဢၼ်​သူ​တၵ်း​လႆႈ​ၵိၼ်​ၵႃႈ​တီႈ​ၶူင်ႇ​တီႈ​ၵိၼ်​ၵဝ်​ၼႂ်း​မိူင်း​ၵဝ်​ၼၼ်ႉ ဢိၵ်ႇ​တင်း​ဢၶႂၢင်ႉ​ဢၼ်​တၵ်း​လႆႈ​ၼင်ႈ​ၵႃႈ​ၼိူဝ်​ပလၢင်ႇ​တြႃး​သေ​လႄႈ ၸီႇ​ယၢင်ႇ​ၵူၼ်း​ ဢီႉသရေႇလႃႉ ​သိပ်း​သွင်​မဵဝ်း​ၼၼ်ႉ​တီႈ​သူ​ဢေႃႈ။</verse>
				<verse number="31">သီႉမုၼ်ႇ ​ဢိူၺ်း၊ သီႉမုၼ်ႇ ​ဢိူၺ်း၊ ပိူဝ်ႈ​ဢၼ်​ ၸႃႇတၢၼ်ႇ ယွၼ်း​ဢၶႂၢင်ႉ​ႁႂ်ႈ​လႆႈ​ၶိုင်​သူ​တူၵ်း ၸိူဝ်ႉ​ၼင်ႇ​ဢၼ်​ၶိုင်​သၢၼ်​ၶဝ်ႈ​ၵျုင်ႇ​တူၵ်း​ၼၼ်ႉ​လႄႈ၊-</verse>
				<verse number="32">ၼင်ႇ​ႁိုဝ်​တၢင်း​ယုမ်ႇ​မၢတ်ႈ​မႂ်း​တၵ်း​ဢမ်ႇ​လူႉ​ၸိုင်၊ ၵဝ်​သူး​တွင်း​ပုၼ်ႈ​မႂ်း​ယဝ်ႉ။ မိူဝ်ႈ​ဢၼ်​မႂ်း​ၶိုၼ်း​လႆႈ​သတီႉ​ၼၼ်ႉ၊ ႁႂ်ႈ​ပီႈ​ၼွင်ႉ​မႂ်း​တင်း​လၢႆ​မၼ်ႈ​ၶိူင်ႇ​တႃႉ၊ မိူဝ်ႈ​ဢၼ်​မၼ်း​ၸဝ်ႈ​ဝႃႈ​ၼင်ႇ​ၼႆ​ၸိုင်၊-</verse>
				<verse number="33">မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵဝ်​ၶႃႈ​ၼႆႉ၊ ၼင်ႇ​ႁိုဝ်​တၵ်း​လႆႈ​ၸွမ်း​လူၺ်ႈ​ၵၼ်​တင်း​ၸဝ်ႈ​ႁဝ်း​ၵႂႃႇ ၵႃႈ​တီႈ​ထွင်ႇ​လႂ်၊ ၵႃႈ​တီႈ​တၢင်း​ဢၼ်​ဢဝ်​တၢႆ​လႂ်​ၼၼ်ႉ​ၸိုင်၊ တၼ်း​ဝႆႉ​ယဝ်ႉ​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="34">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပေႇတရူႉ ​ဢိူၺ်း၊ ၵဝ်​ဝႃႈ​တီႈ​မႂ်း​ၸမ်ႉ၊ ၼႂ်း​ဝၼ်း​မိူဝ်ႈ​ၼႆႉ ၸူဝ်ႈ​ဢၼ်​ၵႆႇ​ဢမ်ႇ​ပႆႇ​ၶၼ်​ၼၼ်ႉ​ၸိုင်၊ မႂ်း​တၵ်း​တွပ်ႇ​ထဵင်​လွင်ႈ​ဢၼ်​မႂ်း​ႁူႉ​ၵဝ်​ၼၼ်ႉ​ပႅတ်ႈ ထူၼ်ႈ​ထိုင်​သၢမ်​ပွၵ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">မၼ်း​ၸဝ်ႈ​သမ်ႉ​လၢတ်ႈ​ထႅင်ႈ​လႄႈ​ဝႃႈ​ၸမ်ႉ၊ မိူဝ်ႈ​ဢွၼ်​တၢင်း​ၼၼ်ႉ၊ မိူဝ်ႈ​ဢၼ်​ၵဝ်​ပွႆႇ​ၸႂ်ႉ​သူ ယင်း​ဢမ်ႇ​ပႃး​ထူင်​ငိုၼ်း၊ ထူင်​ပႃး၊ ၶႅပ်း​တိၼ်​လႄႈ​ၵႂႃႇ​ၼၼ်ႉ​ၸိုင်၊ သူ​လူဝ်ႇ​ထႅင်ႈ​သေ​ၸိူဝ်ႉ​သေ​ပိူင်​ႁိုဝ်။ မိူဝ်ႈ​ဢၼ်​ထၢမ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ဢမ်ႇ​လူဝ်ႇ​သေ​ၸိူဝ်ႉ​သေ​ပိူင်​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="36">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ​ၸမ်ႉ၊ ႁႂ်ႈ​ၵေႃႉ​ဢၼ်​မီး​ထူင်​ငိုၼ်း​ၼၼ်ႉ ပႃး​ဢဝ်​သေ​ၵမ်း​လူၺ်ႈ။ ႁႂ်ႈ​ၵေႃႉ​ဢၼ်​မီး​ထူင်​ပႃး​ၼၼ်ႉ ပႃး​ဢဝ်​သေ​ၵမ်း​လူၺ်ႈ။ ႁႂ်ႈ​ၵေႃႉ​ဢၼ်​ဢမ်ႇ​မီး​လၢပ်ႇ​ၼၼ်ႉ ၶၢႆ​ၶူဝ်း​ၼုင်ႈ​တၢင်း​မႆ​မၼ်း​သေ​လႄႈ သိုဝ်ႉ​ဢဝ်​သေ​ၵမ်း​လူၺ်ႈ။-</verse>
				<verse number="37">လွင်ႈ​မၼ်း​ၸမ်ႉ တီႈ​ၼႂ်း​ၵျၢမ်း​လိၵ်ႈ​ဢၼ်​ဝႃႈ၊ ၵေႃႉ​ၼၼ်ႉ​လႆႈ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ​ၶဝ်ႈ​ပႃး​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ တၵ်း​လႆႈ​ပျေႉ​ၸုမ်ႇ​ၵႃႈ​တီႈ​ၵဝ်​တေႃႈ​လဵဝ်​ၼႆႉ​ဢေႃႈ။ လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၵဝ်​ၸိုင်၊ ႁွတ်ႈ​ထိုင်​တၢင်း​ဢၼ်​ယဝ်ႉ​တူဝ်ႈ​ယဝ်ႉ​ဢေႃႈ၊ မၼ်း​ၸဝ်ႈ​ဝႃႈ​ၼင်ႇ​ၼႆ​ဢေႃႈ။-</verse>
				<verse number="38">ၶဝ်​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​တူၺ်း​လူ​သေ​ၵမ်း​ၶႃႈ။ လၢပ်ႇ​မီး​သွင်​မၢၵ်ႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပေႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="39">လိုၼ်း​ၼၼ်ႉ မၼ်း​ၸဝ်ႈ​ဢွၵ်ႇ​သေ​ယဝ်ႉ၊ ၵႂႃႇ​ၸူး​ၵႃႈ​တီႈ​လွႆ​ သၢၼ်ႇလုၼ်ႇ ၵႃႈ​ၼင်ႇ​ဢၼ်​ထုင်း​ၸၢမ်ႇ​မၼ်း​ၸဝ်ႈ​မီး​ၼၼ်ႉ​လႄႈ တပႄး​ၸဝ်ႈ​တင်း​လၢႆ​ၸွမ်း​ပႃႈ​လင်​မၼ်း​ၸဝ်ႈ​ယူႇ​ဢေႃႈ။-</verse>
				<verse number="40">မၼ်း​ၸဝ်ႈ​ႁွတ်ႈ​ထိုင်​ၵႃႈ​တီႈ​ၼၼ်ႈ​သေ​ယဝ်ႉ၊ လၢတ်ႈ​လႄႈ​ဝႃႈ၊ ၼင်ႇ​ႁိုဝ်​သူ​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ၸိုင်၊ ဢွၼ်​ၵၼ်​သူး​တွင်း​တႃႉ၊ ဝႃႈ​ၼင်ႇ​ၼႆ​ယဝ်ႉ၊-</verse>
				<verse number="41">ၸင်ႇ​ၽၢတ်ႇ​ယၢၼ်​ၵၼ်​တင်း​ၶဝ်​ၼၼ်ႉ​ၵႂႃႇ​သေ ၸူဝ်ႈ​မၢၵ်ႇ​ႁိၼ်​ထိမ်ႈ​ၼိုင်ႈ​လႄႈ ၶုပ်ႉ​ၶဝ်ႇ​သေ​ယဝ်ႉ၊သူး​တွင်း​လႄႈ​ဝႃႈ၊-</verse>
				<verse number="42">ဢူဝ်း​ပေႃႈ၊ ပေႃး​ဢလူဝ်ႇ​ၸဝ်ႈ​ႁဝ်း​မီး​ၸိုင်၊ ႁႂ်ႈ​ၵွၵ်း​ၼႆႉ​ပိူင်ႈ​သေ​ၵဝ်​ၶႃႈ​သေ​ၵမ်း​ၶႃႈ။ ၼႂ်း​ဝႃႈ​ၼၼ်​သေ​ၵေႃႈ ယႃႇ​ႁႂ်ႈ​ပဵၼ်​ၵႃႈ​ၼင်ႇ​ဢၼ်​ဢလူဝ်ႇ​ၵဝ်​ၶႃႈ​မီး​သေ​ၵမ်း​တီႈ​ၶႃႈ၊ ႁႂ်ႈ​ပဵၼ်​ၵႃႈ​ၼင်ႇ​ဢၼ်​ဢလူဝ်ႇ​ၸဝ်ႈ​ႁဝ်း​မီး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="43">မိူဝ်ႈ​ၼၼ်ႉ တမၢၼ်ႇ​ၵၢင်​ႁၢဝ်​ပေႃႇ​မႃး​လႄႈ လႆႈ​ပၼ်​ႁႅင်း​တီႈ​မၼ်း​ၸဝ်ႈ​ဢေႃႈ။-</verse>
				<verse number="44">မၼ်း​ၸဝ်ႈ​ၶၢမ်ႇ​ဝူၺ်ႇတၼႃႇ​ၼမ်​ၼႃႇ​လူင်​လၢင်​သေ​လႄႈ ယဵင်ႈ​ၶႅၼ်း​ၵျူဝ်း​ၸႃး​သူး​တွင်း​ယူႇ​ဢေႃႈ။ ႁိူဝ်ႇ​မၼ်း​ၸဝ်ႈ​ဢၼ်​ဢွၵ်ႇ​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ယွတ်ႇ​လိူတ်ႈ​လူင်​ဢၼ်​တူၵ်း​ၵႃႈ​ၼိူဝ်​လိၼ်​ၼၼ်ႉ​ဢေႃႈ။-</verse>
				<verse number="45">သူး​တွင်း​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ မၼ်း​ၸဝ်ႈ​လုၵ်ႉ​သေ​လႄႈ မိူဝ်ႈ​ဢၼ်​ၶိုၼ်း​မႃး​ၸူး​ၵႃႈ​တီႈ​ဢၼ်​တပႄး​ၸဝ်ႈ​တင်း​လၢႆ​မီး​ၼၼ်ႉ​ၸိုင်၊ ထူပ်း​ႁၼ်​ၶဝ်​ၼွၼ်း​လပ်း​ယူႇ ၵွပ်ႈ​ပိူဝ်ႈ​ဢၼ်​ၶဝ်​မီး​တၢင်း​ၸႂ်​ဢၼ်​လဵၵ်ႉ​ဢၼ်​ဢူၼ်ႈ​ၼႃႇ​ၼၼ်ႉ​လႄႈ၊-</verse>
				<verse number="46">လၢတ်ႈ​တီႈ​ၶဝ်​လႄႈ​ဝႃႈ၊ ႁဵတ်း​ႁိုဝ်​လႄႈ​သူ​ၼွၼ်း​လပ်း​ယူႇ​ၼင်ႇ​ႁိုဝ်။ ၼင်ႇ​ႁိုဝ်​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ၸိုင်၊ လုၵ်ႉ​လႄႈ​ဢွၼ်​ၵၼ်​သူး​တွင်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="47">ၼႂ်း​မိူဝ်ႈ​ဢၼ်​မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင်၊ ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ​မႃး​လႄႈ ယူႉတႃႉ​ဢီႉသၵႃႇရေႇဢုတ်ႈ ဢၼ်​ပႃး​ၼႂ်း​သိပ်း​သွင်​ပႃး​ၼၼ်ႉ​ဢွၼ်​ႁူဝ်​ၶဝ်​ယူႇ​သေ​လႄႈ သုတ်ႉ​ၸပ်း​သုတ်ႉ​ၸူး​တီႈ​ ယေႇသူႉ ​လႄႈ ႁႂ်ႈ​လႆႈ​ၼူမ်​မၼ်း​ၸဝ်ႈ​ဢေႃႈ။-</verse>
				<verse number="48">ယေႇသူႉ ​ၵေႃႈ​ထၢမ်​လႄႈ​ဝႃႈ၊ ယူႉတႃႉ ​ဢိူၺ်း၊ မႂ်း​ႁဵတ်း​တၢင်း​ဢၼ်​ၼူမ်​သေ​လႄႈ​ဢဝ်​လုၵ်ႈ​ၵူၼ်း​ဢၢပ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="49">ၶဝ်​ၸိူဝ်း​ဢၼ်​ပႃး​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ ႁၼ်​လွင်ႈ​တၢင်း​ဢၼ်​တၵ်း​ပဵၼ်​မႃး​ၼၼ်ႉ​သေ​ယဝ်ႉ၊ လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊ ႁဝ်း​ၶႃႈ​တၵ်း​လႆႈ​ဢဝ်​လၢပ်ႇ​ၽၼ်း​ၶႃႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="50">ၵေႃႉ​ၼိုင်ႈ​ၽၼ်း​ၶႃႈ​ယိတ်ႈပရေႃးႁဵၵ်ႈ​လူင်​လႄႈ ဝၢၼ်​ႁူ​မၼ်း​ၽၢႆႇ​ၶႂႃ​ၶၢတ်ႇ​ၵႂႃႇ​ဢေႃႈ။-</verse>
				<verse number="51">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပေႃး​တႃႉ၊ ဝႃႈ​ၼင်ႇ​ၼႆ​လႄႈ ဢဝ်​မိုဝ်း​မၼ်း​ၸဝ်ႈ​တိူဝ်ႉ​သႂ်ႇ​ဝၢၼ်​ႁူ​မၼ်း​ၼၼ်ႉ​သေ​ယဝ်ႉ၊ ႁႂ်ႈ​ၶိုၼ်း​လီ​မႃး​သေ​ဢေႃႈ။-</verse>
				<verse number="52">မိူဝ်ႈ​ၼၼ်ႉ ယေႇသူႉ ​လၢတ်ႈ​တီႈ​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵႄႇ​ပိၵ်ႈ​မၢၼ်ႇ​ၸဝ်ႈ​တင်း​ၵူၼ်း​ပဵၼ်​ၵႄႇ​ပဵၼ်​ႁူဝ် ဢၼ်​ႁွတ်ႈ​မႃး​ၵႃႈ​တီႈ​မၼ်း​ၸဝ်ႈ​တင်း​လၢႆ​ၸိူဝ်း​ၼၼ်ႉ​လႄႈ​ဝႃႈ၊ သူ​ပႃး​ဢဝ်​တင်း​လၢပ်ႇ​တင်း​ၶွၼ်ႉ​မႃး ႁႂ်ႈ​လႆႈ​တီႉ​ဢဝ်​ၵဝ်​မိူၼ်​ၸိူဝ်ႉ​ၼင်ႇ​ဢၼ်​တီႉ​ဢဝ်​ၸူၼ်​ၼၼ်ႉ​လူင်​ပႄႇ။-</verse>
				<verse number="53">မိူဝ်ႈ​ဢၼ်​ၵဝ်​မီး​ယူႇ​လူၺ်ႈ​ၵၼ်​တင်း​သူ​ၵႃႈ​ၼႂ်း ပိၵ်ႈ​မၢၼ်ႇ​ၸဝ်ႈ​ၵူႈ​ဝၼ်း​ၼၼ်ႉ​ၸိုင်၊ သူ​ဢမ်ႇ​ယိုၼ်ႈ​မိုဝ်း​လႄႈ​တီႉ​ၵဝ်​ယိပ်း​ၵဝ်။ ၼႂ်း​ဝႃႈ​ၼၼ်​သေ​ၵေႃႈ ၶိင်ႇ​တေႃႈ​လဵဝ်​ၼႆႉ​ၸမ်ႉ၊ ပဵၼ်​ၶိင်ႇ​သူ​ဢေႃႈ။ တၼ်း​ၶူဝ်း​ဢၼ်​လပ်း​သိင်ႇ​ၵေႃႈ​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="54">ၶဝ်​ၼၼ်ႉ​တီႉ​ၵမ်​ဢဝ်​မၼ်း​ၸဝ်ႈ​သေ​လႄႈ ဢဝ်​ၵႂႃႇ​သူင်ႇ​ၵႃႈ​တီႈ​ႁိူၼ်း​ၶုၼ်​ယိတ်ႈပရေႃးႁဵၵ်ႈ​ဢေႃႈ။- ပေႇတရူႉ ​ၵေႃႈ​ယူႇ​ၵႆ​ၵႆ​ၸွမ်း​ၵႂႃႇ​ဢေႃႈ။-</verse>
				<verse number="55">ၶဝ်​သႂ်ႇ​ၽႆး​ၵႃႈ​ၼႂ်း​ၵၢင်​တလၢင်း ဢၼ်​မီး​ၵႄႈ​ႁိူၼ်း​ၼၼ်ႉ​လႄႈ ၸူႉ​ၵၼ်​တုမ်​ၵၼ်​ၼင်ႈ​ယူႇ​လူၺ်ႈ​ၵၼ်​သေ​ယဝ်ႉ၊ ပေႇတရူႉ ​ၵေႃႈ​ၼင်ႈ​ယူႇ​ၵႃႈ​ၼႂ်း​ၶဝ်​ၼၼ်ႉ​ဢေႃႈ။-</verse>
				<verse number="56">မႄႈ​ယိင်း​ဢၼ်​ပဵၼ်​ၵူၼ်း​ၸႂ်ႉ​ၵူၼ်း​သွႆ​ၵေႃႉ​ၼိုင်ႈ ႁၼ်​မၼ်း​ၼင်ႈ​ယူႇ​ၵႃႈ​တီႈ​ႁိမ်း​ၽႆး​ၼၼ်ႉ​သေ​ယဝ်ႉ၊ ယႅၵ်ႉ​တူၺ်း​မၼ်း ၸေး​ၸေး​ၸွတ်ႇ​ၸွတ်ႇ​သေ​လႄႈ​လၢတ်ႈ​ဝႃႈ၊ ၵေႃႉ​ၼႆႉ​ပဵၼ်​ၵေႃႉ​ဢၼ်​လႆႈ​ယူႇ​လူၺ်ႈ​ၵၼ်​တင်း ယေႇသူႉ ​ၼၼ်ႉ​ယဝ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="57">မၼ်း​ၵေႃႈ​ထဵင်​ပႅတ်ႈ​လႄႈ​ဝႃႈ၊ မႄႈ​ယိင်း​ဢိူၺ်း၊ ၵဝ်​ဢမ်ႇ​ႁူႉ​ၵေႃႉ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="58">လိုၼ်း​ၼၼ်ႉ ဢမ်ႇ​ပေႃး​ႁိုင်၊ ၵူၼ်း​တၢင်ႇ​ၵေႃႉ​ႁၼ်​မၼ်း​သေ​ယဝ်ႉ၊ လၢတ်ႈ​လႄႈ​ဝႃႈ၊ မႂ်း​ၼႆႉ​ၵေႃႈ​ၶဝ်ႈ​ပႃး​ၼႂ်း​ၶဝ်​ၼၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပေႇတရူႉ ​ၵေႃႈ​လၢတ်ႈ​လႄႈ​ဝႃႈ၊ ၵူၼ်း​ဢိူၺ်း၊ ၵဝ်​ဢမ်ႇ​ပႃး​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="59">လိုၼ်း​ၼၼ်ႉ ႁိုင်​သေ​ၼႃႇရီႇ​ၼိုင်ႈ​ယဝ်ႉ၊ ၵူၼ်း​တၢင်ႇ​ၵေႃႉ​ၵေႃႈ​လၢတ်ႈ​တႄႉ​တႄႉ​ဝႃႈ​ဝႃႈ​လႄႈ​ဝႃႈ၊ ၸႂ်ႈ​တႄႉ၊ ၵေႃႉ​ၼႆႉ​ပဵၼ်​ၵေႃႉ​ဢၼ်​လႆႈ​ယူႇ​လူၺ်ႈ​ၵၼ်​တင်း​ၵေႃႉ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ပဵၼ်​ၵူၼ်း ၵႃႇလီႉလႄး ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="60">ပေႇတရူႉ ​ၵေႃႈ​လၢတ်ႈ​လႄႈ​ဝႃႈ၊ ၵူၼ်း​ဢိူၺ်း၊ ၵဝ်​ဢမ်ႇ​ႁူႉ​လွင်ႈ​ဢၼ်​မႂ်း​လၢတ်ႈ​ၼႆႉ၊ ဝႃႈ​ၼင်ႇ​ၼႆ​ဢေႃႈ။ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​လၢတ်ႈ​ၵႂၢမ်း​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင်၊ ၵႆႇ​ၶၼ်​ၵမ်း​လဵဝ်​ဢေႃႈ။-</verse>
				<verse number="61">မိူဝ်ႈ​ၼၼ်ႉ ၸဝ်ႈ​ၽြႃး​ဝၢႆႇ​ၶိုၼ်း​လႄႈ​တူၺ်း​ ပေႇတရူႉ ​ဢေႃႈ။ ပေႇတရူႉ ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႂၢမ်း​ဢၼ်​မၼ်း​ၸဝ်ႈ​လၢတ်ႈ​ဝႆႉ​လႄႈ​ဝႃႈ၊ ၸူဝ်ႈ​ဢၼ်​ၵႆႇ​ဢမ်ႇ​ပႆႇ​ၶၼ်​ၼၼ်ႉ​ၸိုင်၊ မႂ်း​တၵ်း​ထဵင်​ပႅတ်ႈ​ၵဝ် ထူၼ်ႈ​ထိုင်​သၢမ်​ပွၵ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ယဝ်ႉ၊-</verse>
				<verse number="62">ဢွၵ်ႇ​ၵႂႃႇ​ၵႃႈ​ၼွၵ်ႈ​လႄႈ ႁွင်ႉ​ႁႆႈ​ၼႃႇ​လူင်​လၢင်​ဢေႃႈ။</verse>
				<verse number="63">ၶဝ်​ၸိူဝ်း​ဢၼ်​ယိပ်း​ၵမ်​မၼ်း​ၸဝ်ႈ​ယူႇ​ၼၼ်ႉ ႁဵတ်း​ပျၢၵ်ႈ​ၶူဝ်​မၼ်း​ၸဝ်ႈ​သေ​လႄႈ ယႅၼ်ႉ​တူပ်ႇ​မၼ်း​ၸဝ်ႈ​ဢေႃႈ။-</verse>
				<verse number="64">ၶဝ်​ႁူမ်ႇ​သုမ်ႇ​ၼႃႈ​မၼ်း​ၸဝ်ႈ​သေ​ယဝ်ႉ၊ လၢတ်ႈ​လႄႈ​ဝႃႈ၊ ၶႅၼ်း​တေႃႈ​ႁဵတ်း​ပရေႃးၽႅတ်ႈ​သေ​လႄႈ ႁေႃး​လၢတ်ႈ​လွင်ႈ​ဢၼ်​ၽူႈ​လႂ်​ပေႃႉ​ယႅၼ်ႉ​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="65">လိူဝ်​သေ​ၼၼ်ႉ ၶဝ်​ဢဝ်​တင်း​ၵႂၢမ်း​တၢင်ႇ​ၸိူဝ်ႉ​တၢင်ႇ​ဢၼ်​ၼမ်​ၼႃႇ သႄႉ​သွမ်း​မၼ်း​ၸဝ်ႈ​သေ​လႄႈ​လၢတ်ႈ​ဝႃႈ​ဢေႃႈ။</verse>
				<verse number="66">မိူဝ်ႈ​ဢၼ်​မိူင်း​လႅင်း​ၸိုင်၊ ၶဝ်​ၸိူဝ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၼႂ်း​ၵူၼ်း​တင်း​လၢႆ ဢိၵ်ႇ​တင်း​ယိတ်ႈပရေႃးႁဵၵ်ႈ​လူင်​တင်း​ၵူၼ်း​ထုတ်ႇ​ၵျၢမ်း​တင်း​လၢႆ​ၸူႉ​ၵၼ်​တုမ်​ၵၼ်​လႄႈ ဢဝ်​မၼ်း​ၸဝ်ႈ​ၵႂႃႇ​ၵႃႈ​တီႈ​လုမ်း​လူင်​ယဝ်ႉ​ၸင်ႇ​လၢတ်ႈ​လႄႈ​ဝႃႈ၊-</verse>
				<verse number="67">ပေႃး​မႂ်း​ပဵၼ်​ၸဝ်ႈ​ၶရိၸ်ႈ​ၸိုင်၊ လၢတ်ႈ​ပၼ်​တီႈ​ႁဝ်း​တႃႉ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပေႃး​ၵဝ်​လၢတ်ႈ​ၸိုင်၊ သူ​ဢမ်ႇ​ယုမ်ႇ။-</verse>
				<verse number="68">ပေႃး​ၵဝ်​ထၢမ်​ၸိုင်၊ သူ​ဢမ်ႇ​ၶိုၼ်း​လၢတ်ႈ။-</verse>
				<verse number="69">ၸႃႉ​ၸဵမ်​တေႃႈ​လဵဝ်​ၼႆႉ​လႄႈ လုၵ်ႈ​ၵူၼ်း​တၵ်း​ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​တၼ်း​ၶူဝ်း​ၽြႃး​ပဵၼ်​ၸဝ်ႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="70">ၶဝ်​တင်း​သဵင်ႈ​တင်း​လူင်​ၵေႃႈ​လၢတ်ႈ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ မႂ်း​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ သူ​လၢတ်ႈ​ၸွမ်း​ၵႃႈ​ၼင်ႇ​ဢၼ်​ၵဝ်​ပဵၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="71">ၶဝ်​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ႁဝ်း​တၵ်း​လူဝ်ႇ​သၢၵ်ႈ​သေႇ​ဢၼ်​လႂ်​ထႅင်ႈ​လူး​ၵွၼ်ႇ။ ႁဝ်း​ၼႆႉ​တူဝ်​ၸဝ်ႈ​ၵဝ်ႇ​လႆႈ​ငိၼ်း​ၵႂၢမ်း​ဢၼ်​ဢွၵ်ႇ​သူပ်း​မၼ်း​ယဝ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="23">
				<verse number="1">မိူဝ်ႈ​ၼၼ်ႉ ၶဝ်​တင်း​သဵင်ႈ​တင်း​လူင်​လုၵ်ႉ​လႄႈ​ဢဝ်​မၼ်း​ၸဝ်ႈ​ၵႂႃႇ​ၵႃႈ​တီႈ ၶုၼ်​ ပီႉလတ်ႉ ​သေ​ယဝ်ႉ၊-</verse>
				<verse number="2">တၢင်ႇ​ဢပႅတ်ႈ​လႄႈ​ဝႃႈ၊ ႁဝ်း​ၶႃႈ​ထူပ်း​ႁၼ်​လွင်ႈ​ဢၼ်​ၵေႃႉ​ၼႆႉ ပႅတ်ႉ​လႅၼ်​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​လႄႈ ႁၢမ်ႈ​တၢပ်ႈ​ႁႄႉ​ၶႅၼ်​လွင်ႈ​ဢၼ်​တၵ်း​လႆႈ​သၢၵ်ႈ​ၶွၼ်ႇ​တီႈ​ၶုၼ်​ႁေႃ​ၶမ်း​ ၵေႇသႃႇ ​လႄႈ​ဝႃႈ၊ ၵဝ်​ပဵၼ်​ၸဝ်ႈ​ၶရိၸ်ႈ​ဢၼ်​ဝႃႈ ၶုၼ်​ႁေႃ​ၶမ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၶုၼ်​ ပီႉလတ်ႉ ​ၵေႃႈ​ထၢမ်​တီႈ​မၼ်း​ၸဝ်ႈ​လႄႈ​ဝႃႈ၊ မႂ်း​ၸႂ်ႈ​ၶုၼ်​ႁေႃ​ၶမ်း​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မႅၼ်ႈ​ၵႃႈ​ၼင်ႇ​ဢၼ်​ၸဝ်ႈ​ထၢမ်​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၶုၼ်​ ပီႉလတ်ႉ ​ၵေႃႈ​လၢတ်ႈ​တီႈ ယိတ်ႈပရေႃးႁဵၵ်ႈ​လူင်​ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ​လႄႈ​ဝႃႈ၊ ၵဝ်​ဢမ်ႇ​ထူပ်း​ဢပႅတ်ႈ​ၼႂ်း​ၵေႃႉ​ၼႆႉ​သေ​ၸိူဝ်ႉ​သေ​ပိူင်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">ၶဝ်​ၼၼ်ႉ​ယဵင်ႈ​ၶႅၼ်း​ႁဵတ်း​တင်း​သဵင်​ဢၼ်​ႁႅင်း​ၼႃႇ​လူင်​လၢင်​ႁွင်ႉ​သႅၼ်ႇ​လႄႈ​ဝႃႈ၊ ၵေႃႉ​ၼႆႉ​သင်ႇ​သွၼ်​သုင်း​မႃႉ​ပၼ်​ၸႃႉ​ၸဵမ်​မိူင်း​ ၵႃႇလီႉလႄး ​ပုၼ်ႉ​လႄႈ တေႃႇ​ထိုင်​ႁွတ်ႈ​ၵႃႈ​တီႈ​ၼႆႈ ၸွတ်ႇ​တူဝ်ႈ​ၵႃႈ​ၼႂ်း​မိူင်း​ ယူႉတႃႉ ၵူႈ​တီႈ​ၵူႈ​လႅၼ်​လႄႈ ပဵၼ်​ၵေႃႉ​ဢၼ်​တိုၵ်း​ယူင်း​ၸူဝ်း​ဢဝ်​ၵူၼ်း​တင်း​လၢႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၶုၼ်​ ပီႉလတ်ႉ ​ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ထၢမ်​လႄႈ​ဝႃႈ၊ ၵေႃႉ​ၼႆႉ​ပဵၼ်​ၵူၼ်း​ ၵႃႇလီႉလႄး ​ႁိုဝ်။ ဝႃႈ​ၼင်ႇ​ၼႆ​လႄႈ၊-</verse>
				<verse number="7">မိူဝ်ႈ​ဢၼ်​ႁူႉ ပဵၼ်​ၵူၼ်း​ဢၼ်​ၶုၼ်​ ႁေႇရူတ်ႈ ​ဢုပ်ႉ​ပိူင်ႇ​ၸိုင်၊ ႁႂ်ႈ​ဢဝ်​မၼ်း​ၸဝ်ႈ​ၵႂႃႇ​သူင်ႇ​ၵႃႈ​တီႈ​ၶုၼ်​ ႁေႇရူတ်ႈ ဢၼ်​မႃး​မီး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၼႂ်း​ၶိင်ႇ​မိူဝ်ႈ​ၼၼ်ႉ​ၼၼ်ႉ​ဢေႃႈ။</verse>
				<verse number="8">ၶုၼ်​ ႁေႇရူတ်ႈ ​ၼၼ်ႉ ႁၼ်​ ယေႇသူႉ ​သေ​ယဝ်ႉ၊ မီး​ၸႂ်​ဢၼ်​သိူဝ်း​ပျေႃႇ​ၼႃႇ​လူင်​လၢင်​ဢေႃႈ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ငိၼ်း​သတၢင်း​သဵင်​ၶၢဝ်ႇ​လွင်ႈ​မၼ်း​ၸဝ်ႈ​လႄႈ မီး​ဢလူဝ်ႇ​ၶႂ်ႈ​ႁၼ်​မၼ်း​ၸဝ်ႈ​ႁိုင်​ၼႃႇ​လႄႈ မုင်ႈ​ထႃႈ​မွင်း​ထႃႈ​လွင်ႈ​ဢၼ်​တၵ်း​လႆႈ​ႁၼ်​မၼ်း​ၸဝ်ႈ​ၼႄ​ပျႃး ၼီႉမိၵ်ႈ​လၢၵ်ႈၶၼႃႇ​သေ​ၸိူဝ်ႉ​သေ​ပိူင်​ယူႇ​ဢေႃႈ။-</verse>
				<verse number="9">မိူဝ်ႈ​ၼၼ်ႉ​ပိၵ်ႉ​သမ်ႉ​ၶုၼ်​ၼၼ်ႉ​တွင်ႈ​ထၢမ်​မၼ်း​ၸဝ်ႈ​ၼမ်​ၼႃႇ​သေ​ၵေႃႈ၊ မၼ်း​ၸဝ်ႈ​ဢမ်ႇ​ၶိုၼ်း​လၢတ်ႈ​ၵႂၢမ်း​သေ​ၶေႃႈ​သေ​ၵမ်း။-</verse>
				<verse number="10">ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ထုတ်ႇ​ၵျၢမ်း​တင်း​လၢႆ​လုၵ်ႉ​လႄႈ တၢင်ႇ​ဢပႅတ်ႈ​တီႈ​မၼ်း​ၸဝ်ႈ​ႁႅင်း​ယႂ်ႇ​ၼႃႇ​ဢေႃႈ။-</verse>
				<verse number="11">ၶုၼ်​ ႁေႇရူတ်ႈ ​ဢိၵ်ႇ​တင်း​ၵူၼ်း​သိုၵ်း​တင်း​လၢႆ ယင်း​ဢမ်ႇ​ၼပ်ႉ​ဢမ်ႇ​ၶၢၼ်း​ႁဵတ်း​ပျၢၵ်ႈ​တီႈ​မၼ်း​ၸဝ်ႈ​လႄႈ ႁႂ်ႈ​မၼ်း​ၸဝ်ႈ​ၼုင်ႈ​ၶူဝ်း​ဢၼ်​ႁၢင်ႈ​လီ​ႁၢင်ႈ​ငၢမ်း​ၼၼ်ႉ​သေ​ယဝ်ႉ၊ ႁႂ်ႈ​ဢဝ်​ၶိုၼ်း​မိူဝ်း​သူင်ႇ​ပၼ်​တီႈ​ၶုၼ်​ ပီႉလတ်ႉ ​ဢေႃႈ။-</verse>
				<verse number="12">ဝၼ်း​ၼၼ်ႉ ၶုၼ်​ ပီႉလတ်ႉ တင်း​ၶုၼ်​ ႁေႇရူတ်ႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၶိုၼ်း​ႁဵတ်း​ၵေႃႉ​ႁဵတ်း​သေႈ​ၵၼ်​ဢေႃႈ။ မိူဝ်ႈ​ဢွၼ်​တၢင်း​ၼၼ်ႉ၊ ၶဝ်​ဢမ်ႇ​ထုၵ်ႇ​ဢမ်ႇ​ပေႃး​ၵၼ်။-</verse>
				<verse number="13">ၵမ်း​ၼၼ်ႉ ၶုၼ်​ ပီႉလတ်ႉ ​ႁွင်ႉ​ဢဝ်​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၶုၼ်​တီႈ​လုမ်း​လူင်​တင်း​ၵူၼ်း​တင်း​လၢႆ​ၸိူဝ်း​ၼၼ်ႉ​မႃး​လႄႈ၊-</verse>
				<verse number="14">လၢတ်ႈ​ဝႃႈ၊ သူ​ဢဝ်​ၵေႃႉ​ၼႆႉ​မႃး​သူင်ႇ​ပၼ်​တီႈ​ၵဝ်​ၸိူဝ်ႉ​ၼင်ႇ ၵေႃႉ​ဢၼ် ႁႂ်ႈ​ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ​ပုင်ႇ​ၵၢၼ်ႇ​ၼၼ်ႉ​ဢေႃႈ။ တူၺ်း​လူး၊ ပိၵ်ႉ​သမ်ႉ​ၵဝ်​ၸႅတ်ႈ​ထၢမ်​မၼ်း​ၵႃႈ​တီႈ​ၽၢႆႇ​ၼႃႈ​သူ​သေ​ၵေႃႈ၊ ၵဝ်​ဢမ်ႇ​ထူပ်း​ဢမ်ႇ​ႁၼ်​ဢပႅတ်ႈ​ဢၼ်​သူ​တၢင်ႇ​တီႈ​မၼ်း​ၼၼ်ႉ ၵႃႈ​ၼႂ်း​မၼ်း​ၼႆႉ​သေ​ၸိူဝ်ႉ​သေ​ပိူင်။-</verse>
				<verse number="15">ၶုၼ်​ ႁေႇရူတ်ႈ ​ၵေႃႈ​ဢမ်ႇ​ထူပ်း။ ၵဝ်​ႁႂ်ႈ​သူ​ဢဝ်​ၵႂႃႇ​သူင်ႇ​ၵႃႈ​တီႈ​ၶုၼ်​ၼၼ်ႉ​ယဝ်ႉ။ တူၺ်း​လူး၊ ၵေႃႉ​ၼႆႉ​ဢမ်ႇ​ႁဵတ်း​လွင်ႈ​တၢင်း​ဢၼ်​ထိူၵ်ႈ​ၶၢမ်ႇ​တၢင်း​တၢႆ​ၼၼ်ႉ​သေ​ၸိူဝ်ႉ​သေ​ပိူင်။-</verse>
				<verse number="16">ပိူဝ်ႈ​ၼႆ​လႄႈ ၵဝ်​တၵ်း​သင်ႇ​သွၼ်​မၼ်း​လႄႈ​ပွႆႇ​လွတ်ႈ​သေ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၼႂ်း​ပွႆး​ၼၼ်ႉ၊ ပေႃး​ဢမ်ႇ​ပွႆႇ​လွတ်ႈ​ၵူၼ်း​ၵေႃႉ​ၼိုင်ႈ​တီႈ​ၵူၼ်း​တင်း​လၢႆ​ၸိုင်၊ ဢမ်ႇ​လႆႈ​ယူႇ။-</verse>
				<verse number="18">ၵူၼ်း​တင်း​သဵင်ႈ​တင်း​လူင်​ၵေႃႈ​ၽွမ်ႉ​ၵၼ်​ႁွင်ႉ​သႅၼ်ႇ​လႄႈ​ဝႃႈ၊ ဢဝ်​ၵေႃႉ​ၼႆႉ​ဢွၵ်ႇ​ပႅတ်ႈ​သေ​ၵမ်း​ၶႃႈ။ ပွႆႇ​လွတ်ႈ​ပၼ်​ ပႃႇရပ်ႉပႃႉ ​ၼၼ်ႉ​တီႈ​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ပႃႇရပ်ႉပႃႉ ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​ၶင်​ဝႆႉ​ၵႃႈ​ၼႂ်း​ထွင်ႇ ၵွပ်ႈ​ပိူဝ်ႈ​လွင်ႈ​ဢၼ်​မၼ်း​ပုင်ႇ​ၵၢၼ်ႇ​ၵႃႈ​ၼႂ်း​ဝဵင်း ဢိၵ်ႇ​တင်း​လွင်ႈ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​ဢေႃႈ။</verse>
				<verse number="20">ၶုၼ်​ ပီႉလတ်ႉ ​ၼၼ်ႉ ပိူဝ်ႈ​ဢၼ်​ၶႂ်ႈ​ပွႆႇ​လွတ်ႈ​ ယေႇသူႉ ​လႄႈ သမ်ႉ​ၶိုၼ်း​လၢတ်ႈ​တီႈ​ၶဝ်​ထႅင်ႈ​ဢေႃႈ။-</verse>
				<verse number="21">ၶဝ်​ၵေႃႈ​ႁွင်ႉ​သႅၼ်ႇ​လႄႈ​ဝႃႈ၊ ၵေႃႉ​ၼႆႉ​ၸိုင်​ဢဝ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​သေ​ၵမ်း​ၶႃႈ။ ဢဝ်​တွၵ်ႇ​ဝႆႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၶုၼ်​ ပီႉလတ်ႉ ​ၵေႃႈ​လၢတ်ႈ​တီႈ​ၶဝ်​ထူၼ်ႈ​ထိုင်​သၢမ်​ပွၵ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်။ ၵေႃႉ​ၼႆႉ​လႆႈ​ႁဵတ်း​ဢပႅတ်ႈ​ဢၼ်​လႂ်​ယဝ်ႉ။ ၵဝ်​ဢမ်ႇ​ထူပ်း​ဢမ်ႇ​ႁၼ်​ဢပႅတ်ႈ​ဢၼ်​ထိူၵ်ႈ​ၶၢမ်ႇ​တၢႆ​ၼၼ်ႉ​တီႈ​မၼ်း​သေ​ၸိူဝ်ႉ​သေ​ပိူင်။ ပိူဝ်ႈ​ၼႆ​လႄႈ ၵဝ်​တၵ်း​သင်ႇ​သွၼ်​မၼ်း​လႄႈ​ပွႆႇ​လွတ်ႈ​သေ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="23">ၶဝ်​ၼၼ်ႉ​ၵျူဝ်း​ၸႃး​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​ယွၼ်း​ဢဝ် ႁႂ်ႈ​ဢဝ်​မၼ်း​ၸဝ်ႈ​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​လႄႈ သဵင်​ၶဝ်​ဢိၵ်ႇ​တင်း​သဵင်​ယိတ်ႈပရေႃးႁဵၵ်ႈ​လူင်​ၸိူဝ်း​ၼၼ်ႉ​ပႄႉ​ၼႅင်ႇ​သေ​ဢေႃႈ။-</verse>
				<verse number="24">ၶုၼ်​ ပီႉလတ်ႉ ​ၵေႃႈ ၸီႇ​ယၢင်ႇ​ႁႂ်ႈ​ပဵၼ်​ၸိူဝ်ႉ​ၼင်ႇ​ဢၼ်​ၶဝ်​ယွၼ်း​ဢဝ်​ၼၼ်ႉ​လႄႈ၊-</verse>
				<verse number="25">ပွႆႇ​လွတ်ႈ​ၵေႃႉ​ဢၼ်​ၶင်​ဝႆႉ​ၵႃႈ​ၼႂ်း​ထွင်ႇ ၵွပ်ႈ​ပိူဝ်ႈ​လွင်ႈ​ဢၼ်​မၼ်း​ပုင်ႇ​ၵၢၼ်ႇ​ဢိၵ်ႇ​တင်း​လွင်ႈ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​ၼၼ်ႉ ၸွမ်း​ၼင်ႇ​ဢၼ်​ၶဝ်​ယွၼ်း​ဢဝ်​ၼၼ်ႉ​သေ​ယဝ်ႉ၊ ဢဝ်​ ယေႇသူႉ ​ဢၢပ်ႈ​ပၼ်​ၸွမ်း​ၼင်ႇ​ဢလူဝ်ႇ​ၶဝ်​ၼၼ်ႉ​ဢေႃႈ။</verse>
				<verse number="26">ၼႂ်း​မိူဝ်ႈ​ဢၼ်​ၶဝ်​ဢဝ်​မၼ်း​ၸဝ်ႈ​ဢွၵ်ႇ​ၵႂႃႇ​ယူႇ​ၼၼ်ႉ​ၸိုင်၊ ၶဝ်​တီႉ​ၵမ်​ဢဝ် သီႉမုၼ်ႇ ​ၵူၼ်း​မိူင်း ၵူႉရေႇၼေႇ ဢၼ်​လုၵ်ႉ​သေ​ၵႃႈ​တီႈ​ဝၢၼ်ႈ​ထိူၼ်ႇ​မႃး​ၼၼ်ႉ​ၵေႃႉ​ၼိုင်ႈ​လႄႈ ဢဝ်​သဝ်​လၵ်း​ဝႃး​ၵၢပ်ႈ​တၢင်ႇ​သႂ်ႇ​ၵႃႈ​ၼိူဝ်​မၼ်း ႁႂ်ႈ​မၼ်း​ႁၢပ်ႇ​ဢဝ်​ၸွမ်း​ပႃႈ​လင် ယေႇသူႉ ​ၵႂႃႇ​ဢေႃႈ။</verse>
				<verse number="27">ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ​ဢိၵ်ႇ​တင်း​မႄႈ​ယိင်း​ဢၼ်​ႁွင်ႉ​ႁႆႈ​မေႃး​မႄး ၵွပ်ႈ​ပိူဝ်ႈ​မၼ်း​ၸဝ်ႈ​တင်း​လၢႆ​ၼၼ်ႉ ဢွၼ်​ၵၼ်​ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။-</verse>
				<verse number="28">ယေႇသူႉ ​ဝၢႆႇ​တူၺ်း​ၶဝ်​သေ​လႄႈ​လၢတ်ႈ​ဝႃႈ၊ လုၵ်ႈ​ယိင်း​ဝဵင်း​ ယေႇရူႉသလႅမ်ႇ ​တင်း​လၢႆ​ၶဝ်​ဢိူၺ်း၊ ယႃႇ​ပေ​ႁွင်ႉ​ပေ​ႁႆႈ​ၵွပ်ႈ​ပိူဝ်ႈ​ၵဝ်။ ဢွၼ်​ၵၼ်​ႁွင်ႉ​ႁႆႈ​ၵွပ်ႈ​ပိူဝ်ႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ၵွပ်ႈ​ပိူဝ်ႈ​လုၵ်ႈ​လၢင်း​တူဝ်​ၸဝ်ႈ​ၵဝ်ႇ​တင်း​လၢႆ​တႃႉ။-</verse>
				<verse number="29">လွင်ႈ​မၼ်း​ၸမ်ႉ ၶိင်ႇ​ၵႃႇလႃႉ​ဝၼ်း​ဢၼ်​တၵ်း​လႆႈ​လၢတ်ႈ​လႄႈ​ဝႃႈ၊ မႄႈ​ယိင်း​ဢၼ်​မၼ်​လႄႈ​ဢမ်ႇ​မီး​လုၵ်ႈ​ၼၼ်ႉ​မီး​မင်ႇၵလႃႇ​ဢေႃႈ။ တွင်ႉ​ဢၼ်​ဢမ်ႇ​ပႆႇ​တွၼ်ႉ​ပႃး​ပတိၵ်ႉသၼ်ႇထေႇ​သေ​ပွၵ်ႈ ဢိၵ်ႇ​တင်း​ၼူမ်း​ဢၼ်​လုၵ်ႈ​ဢွၼ်ႇ​ဢမ်ႇ​ပႆႇ​တွၼ်ႉ​ၸုပ်ႇ​ၵိၼ်​သေ​ပွၵ်ႈ​ၼၼ်ႉ​မီး​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တၵ်း​ႁွတ်ႈ​မႃး​ဢေႃႈ။-</verse>
				<verse number="30">မိူဝ်ႈ​ၼၼ်ႉ ၶဝ်​တၵ်း​ႁွင်ႉ​တီႈ​လွႆ​တင်း​လၢႆ​လႄႈ​ဝႃႈ၊ ၶႅၼ်း​တေႃႈ​တူၵ်း​မႃး​သႂ်ႇ​ၵႃႈ​ၼိူဝ်​ႁဝ်း​ၶႃႈ​သေ​ၵမ်း​ၶႃႈ၊ တၵ်း​ႁွင်ႉ​တီႈ​ၵုင်း​တင်း​လၢႆ​လႄႈ​ဝႃႈ၊ ၶႅၼ်း​တေႃႈ​ႁူမ်ႇ​သုမ်ႇ​ႁဝ်း​ၶႃႈ​ဝႆႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">လွင်ႈ​မၼ်း​ၸမ်ႉ ပေႃး​ႁဵတ်း​ၸိူဝ်ႉ​ၼင်ႇ​ၼႆ​ၵႃႈ​ၼႂ်း​တူၼ်ႈ​ဢၼ်​လိပ်း​ၸိုင်၊ ၵႃႈ​ၼႂ်း​တူၼ်ႈ​ဢၼ်​ႁႅင်ႈ​ၼၼ်ႉ​တၵ်း​ပဵၼ်​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="32">မိူဝ်ႈ​ၼၼ်ႉ ၵေႃႉ​ဢၼ်​ပဵၼ်​ၵူၼ်း​ႁၢႆႉ​သွင်​ၵေႃႉ​ၵေႃႈ၊ ၶဝ်​ၼၼ်ႉ​ဢဝ်​ဢွၵ်ႇ​ၵႂႃႇ​လူၺ်ႈ​ၵၼ်​တင်း​မၼ်း​ၸဝ်ႈ​ႁႂ်ႈ​လႆႈ​ဢဝ်​တၢႆ​ဢေႃႈ။</verse>
				<verse number="33">မိူဝ်ႈ​ဢၼ်​ၶဝ်​ႁွတ်ႈ​ထိုင်​တီႈ​ဢၼ်​လႆႈ​ၸိုဝ်ႈ​ ၵွၵ်း​ႁူဝ် ​ၼၼ်ႉ​ၸိုင်၊ ၶဝ်​ဢဝ်​ၵူၼ်း​ႁၢႆႉ​ၸိူဝ်း​ၼၼ်ႉ တွၵ်ႇ​ဝႆႉ​ၵႃႈ​တီႈ​ၽၢႆႇ​ၶႂႃ​ၸဝ်ႈ​ၵေႃႉ​ၼိုင်ႈ ၵႃႈ​တီႈ​ၽၢႆႇ​သၢႆႉ​ၸဝ်ႈ​ၵေႃႉ​ၼိုင်ႈ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​လူၺ်ႈ​ၵၼ်​တင်း​မၼ်း​ၸဝ်ႈ​ဢေႃႈ။-</verse>
				<verse number="34">ယေႇသူႉ ​ၵေႃႈ​ဝႃႈ၊ ဢူဝ်း​ပေႃႈ၊ ပွႆႇ​လွတ်ႈ​ဢပႅတ်ႈ​ၶဝ်​ၼႆႉ​သေ​ၵမ်း​တီႈ​ၶႃႈ၊ ၶဝ်​ၼႆႉ​ဢမ်ႇ​ႁူႉ​လွင်ႈ​ဢၼ်​ၶဝ်​ႁဵတ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ဢဝ်​ၶူဝ်း​ၼုင်ႈ​မၼ်း​ၸဝ်ႈ​တူၵ်း​ၸႃႇ​ၵွၵ်ႈ ​သေ​လႄႈ ၽႄ​မႅင်ႇ​ပၼ်​ၵၼ်​ဢေႃႈ။-</verse>
				<verse number="35">ၵူၼ်း​တင်း​လၢႆ​ၵေႃႈ ၸုၵ်း​လႄႈ​တူၺ်း​ယူႇ​ဢေႃႈ။ ၶုၼ်​တီႈ​လုမ်း​လူင်​တင်း​လၢႆ​ၵေႃႈ ႁဵတ်း​ပျၢၵ်ႈ​တီႈ​မၼ်း​ၸဝ်ႈ​လႄႈ​ဝႃႈ၊ ၵေႃႉ​ၼႆႉ​ၸၢင်ႈ​ၵႄႇ​ၶျွတ်ႈ​ဢဝ်​ပိူၼ်ႈ​ဢေႃႈ။ ပေႃး​ပဵၼ်​ၸဝ်ႈ​ၶရိၸ်ႈ​ၵေႃႉ​ဢၼ်​ၽြႃး​ပဵၼ်​ၸဝ်ႈ​လိူၵ်ႈ​ၵဵပ်း​ဢဝ်​ၸိုင်၊ ႁႂ်ႈ​တူဝ်​ၸဝ်ႈ​ၵဝ်ႇ ၵႄႇ​ၶျွတ်ႈ​ဢဝ်​တူဝ်​ၸဝ်ႈ​ၵဝ်ႇ​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ၵူၼ်း​သိုၵ်း​တင်း​လၢႆ​ၵေႃႈ​မႃး​တီႈ​မၼ်း​ၸဝ်ႈ​လႄႈ ႁဵတ်း​ပျၢၵ်ႈ​ၶူဝ်​မၼ်း​ၸဝ်ႈ​ယူႇ၊ ဢဝ်​ၼမ်ႉ​ပုင်းယေႇ​ပၼ်​တီႈ​မၼ်း​ၸဝ်ႈ​ယူႇ​သေ​လႄႈ ဢွၼ်​ၵၼ်​လၢတ်ႈ​လႄႈ​ဝႃႈ၊-</verse>
				<verse number="37">ပေႃး​မႂ်း​ၸႂ်ႈ​ၶုၼ်​ႁေႃ​ၶမ်း​ ယူႉတႃႉ ​ၸိုင်၊ တူဝ်​ၸဝ်ႈ​ၵဝ်ႇ ၵႄႇ​ၶျွတ်ႈ​ဢဝ်​တူဝ်​ၸဝ်ႈ​ၵဝ်ႇ​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="38">လိၵ်ႈ​ဢၼ်​ဢဝ်​တင်း​ၵႂၢမ်း ႁေႇပြႄး တင်း​ၵႂၢမ်း​ ႁေႇလသႃႉ တင်း​ၵႂၢမ်း​ ရူဝ်းမႃႉ ၽုၺ်ႇ​ၼႄ​ဢပႅတ်ႈ​မၼ်း​ၸဝ်ႈ​လႄႈ​ဝႃႈ၊ ၵေႃႉ​ၼႆႉ ပဵၼ်​ၶုၼ်​ႁေႃ​ၶမ်း​ ယူႉတႃႉ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၵေႃႈ​မီး​ဝႆႉ​ၵႃႈ​ၼိူဝ်​ႁူဝ်​မၼ်း​ၸဝ်ႈ​ဢေႃႈ။-</verse>
				<verse number="39">ၼႂ်း​ၵူၼ်း​ႁၢႆႉ​သွင်​ၵေႃႉ​ဢၼ်​ႁွႆႈ​ဝႆႉ​ၼၼ်ႉ၊ ၵေႃႉ​ၼိုင်ႈ​သႄႉ​သွမ်း​မၼ်း​ၸဝ်ႈ​လႄႈ​ဝႃႈ၊ ပေႃး​မႂ်း​ၸႂ်ႈ​ၸဝ်ႈ​ၶရိၸ်ႈ​ၸိုင်၊ ၵႄႇ​ၶျွတ်ႈ​ဢဝ်​တူဝ်​ၸဝ်ႈ​ၵဝ်ႇ​ဢိၵ်ႇ​တင်း​ႁဝ်း​ၼႆႉ​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="40">ၵေႃႉ​ၼိုင်ႈ​ၸမ်ႉ၊ သင်ႇ​သွၼ်​မၼ်း​ၼၼ်ႉ​လႄႈ​ဝႃႈ၊ မႂ်း​ၶၢမ်ႇ​တၢမ်ႇ​ဢပႅတ်ႈ​မိူၼ်​ၸိူဝ်ႉ​ၼင်ႇ​မၼ်း​ယူႇ​လႄႈ မႂ်း​ဢမ်ႇ​ၵူဝ်​ၽြႃး​ပဵၼ်​ၸဝ်ႈ​ႁိုဝ်။-</verse>
				<verse number="41">ႁဝ်း​ၼႆႉ​ပိူဝ်ႈ​ဢၼ်​လႆႈ​ၶၢမ်ႇ​တၢမ်ႇ​ဢၼ်​ထိူၵ်ႈ​တၢၼ်ႇ​ၵၼ်​တင်း​လွင်ႈ​တၢင်း​ဢၼ်​ႁဝ်း​ႁဵတ်း​မႅၼ်ႈ​ၼၼ်ႉ​လႄႈ လႆႈ​ၶၢမ်ႇ​ၸွမ်း​ၼင်ႇ​တြႃး​ဢေႃႈ။ ၵေႃႉ​ၼႆႉ​ၸမ်ႉ၊ ဢမ်ႇ​ႁဵတ်း​ဢပႅတ်ႈ​သေ​ၸိူဝ်ႉ​သေ​ပိူင်၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="42">လဝ်ႊ​လၢတ်ႈ​တီႈ​ ယေႇသူႉ ​လႄႈ​ဝႃႈ၊ ၸဝ်ႈ​ႁဝ်း၊ မိူဝ်ႈ​ဢၼ်​မိူင်း​ၸဝ်ႈ​ႁဝ်း​တႄႇ​ပဵၼ်​ယူႇ​သေ​လႄႈ​ၸဝ်ႈ​ႁဝ်း​မႃး​ၼၼ်ႉ​ၸိုင်၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ်​ၶႃႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="43">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ဝၼ်း​မိူဝ်ႈ​ၼႆႉ​မႂ်း​တၵ်း​မီး​လူၺ်ႈ​ၵၼ်​တင်း​ၵဝ် ၼႂ်း​ၽုင်ႇ ပႃႇရတီႉသူႉ ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="44">ၶိင်ႇ​ၼၼ်ႉ​ပဵၼ်​ႁူၵ်း​ၼႃႇရီႇ​ၸမ်​ၸမ်​လႄႈ၊ ပဵၼ်​ဢၼ်​လပ်း​သိင်ႇ​ၵႂႃႇ​ၽိတ်း​ၽိတ်း​တင်း​မိူင်း တေႃႇ​ထိုင်​ႁွတ်ႈ​ၵဝ်ႈ​ၼႃႇရီႇ​ဢေႃႈ။-</verse>
				<verse number="45">ဢရွင်ႇ​ၵၢင်​ဝၼ်း​လပ်ႉ​ႁၢႆ​ၵႂႃႇ​ဢေႃႈ။ ၽႃႈ​ၵင်ႈ​ၼႂ်း​ႁိူၼ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​သိၵ်ႇ​ၶၢတ်ႇ​ၵႂႃႇ​ဢေႃႈ။-</verse>
				<verse number="46">ယေႇသူႉ ​ၵေႃႈ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​သေ​ယဝ်ႉ​ဝႃႈ၊ ဢူဝ်း​ပေႃႈ၊ ၵဝ်​ၶႃႈ​ဢဝ်​ၸႂ်​ဝီႉၺိၺ်ႇ​ၵဝ်​ၶႃႈ ဢၢပ်ႈ​ၼႂ်း​မိုဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ​၊ ဝႃႈ​ၼင်ႇ​ၼႆ​လႄႈ​ထွတ်ႇ​ၸႂ်​မၼ်း​ၸဝ်ႈ​သေ​ဢေႃႈ။</verse>
				<verse number="47">တပ်ႉ​မူး​ၵေႃႉ​ၼိုင်ႈ​ႁၼ်​လွင်ႈ​တၢင်း​ဢၼ်​ပဵၼ်​မႃး​ၼၼ်ႉ​သေ​ယဝ်ႉ၊ ယွင်ႈ​ယေႃး​ၽြႃး​ပဵၼ်​ၸဝ်ႈ​လႄႈ​ဝႃႈ၊ ၸႂ်ႈ​တႄႉ၊ ၵေႃႉ​ၼႆႉ​ပဵၼ်​ၵေႃႉ​ဢၼ်​သိုဝ်ႈ​တေႃႇ​တႄႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="48">ၶဝ်​ၸိူဝ်း​ဢၼ်​မႃး​လူ​မႃး​တူၺ်း လွင်ႈ​တၢင်း​ၼၼ်ႉ​တင်း​သဵင်ႈ​တင်း​လူင်၊ မိူဝ်ႈ​ဢၼ်​ႁၼ်​လွင်ႈ​တၢင်း​ၸိူဝ်း​ၼၼ်ႉ​ယဝ်ႉ​ၸိုင်၊ ဢွၼ်​ၵၼ်​တူပ်း​ႁူဝ်​ဢူၵ်း​သေ​လႄႈ​ၶိုၼ်း​မိူဝ်း​ၵႂႃႇ​ဢေႃႈ။-</verse>
				<verse number="49">ၶဝ်​ၸိူဝ်း​ဢၼ်​မိုတ်ႈ​ဢၼ်​ၵိုဝ်း​မၼ်း​ၸဝ်ႈ ဢိၵ်ႇ​တင်း​မႄႈ​ယိင်း​ဢၼ်​လုၵ်ႉ​သေ​ၵႃႈ​တီႈ​မိူင်း​ ၵႃႇလီႉလႄး ၸွမ်း​ပႃႈ​လင်​မၼ်း​ၸဝ်ႈ​မႃး​ၸိူဝ်း​ၼၼ်ႉ ၸုၵ်း​ယူႇ​တီႈ​ဢၼ်​ၵႆ​သေ​လႄႈ​တူၺ်း​ယူႇ​ဢေႃႈ။</verse>
				<verse number="50">မိူဝ်ႈ​ၼၼ်ႉ ၵူၼ်း​ဢၼ်​လႆႈ​ၸိုဝ်ႈ ယူဝ်းသႅပ်ႈ ဢၼ်​ပဵၼ်​ၶုၼ်​တီႈ​လုမ်း​လူင် ဢၼ်​ပဵၼ်​ၵူၼ်း​လီ​မျၢတ်ႈ​ၵူၼ်း​သိုဝ်ႈ​တေႃႇ၊-</verse>
				<verse number="51">ဢၼ်​ပဵၼ်​ၵေႃႉ​ဢၼ်​ဢမ်ႇ​ႁပ်ႉ​တုင်း​ဢဝ်​လွင်ႈ​ဢၼ်​ၶုၼ်​တီႈ​လုမ်း​လူင်​တၢင်ႇ​ၵေႃႉ​ၸိူဝ်း​ၼၼ်ႉ တိူင်ႇ​ပၢင်ႇ​လႄႈ​ၸီႇ​ယၢင်ႇ၊ ဢၼ်​ပဵၼ်​ၵူၼ်း​ဝဵင်း​ ဢရီႉမသႄး မိူင်း​ ယူႉတႃႉ ​လႄႈ ပဵၼ်​ၵေႃႉ​ဢၼ်​မုင်ႈ​ထႃႈ​မွင်း​ထႃႈ​မိူင်း​ၽြႃး​ပဵၼ်​ၸဝ်ႈ​ယူႇ​ၼၼ်ႉ၊-</verse>
				<verse number="52">ၶဝ်ႈ​ၸူး​တီႈ​ၶုၼ်​ ပီႉလတ်ႉ ​သေ​လႄႈ​ယွၼ်း​ဢဝ် တူဝ်​တၢႆ​ ယေႇသူႉ ​ဢေႃႈ။-</verse>
				<verse number="53">မၼ်း​ၶျႃး​တူဝ်​တၢႆ​မၼ်း​ၸဝ်ႈ​လူင်း​ယဝ်ႉ​ၸင်ႇ ဢဝ်​တင်း​ပိၵ်ႈ​ၶျေႃး​ၶဵၼ်း​ႁေႃႇ​သေ​လႄႈ​ဢဝ်​သႂၢင်း​သႂ်ႇ​ဝႆႉ​ၵႃႈ​ၼႂ်း​ၶုမ်​သၢင်း​ၶႅင်း​မၢၵ်ႇ​ႁိၼ် ဢၼ်​ဢမ်ႇ​ပႆႇ​တွၼ်ႉ​သၢင်း​ၵျူဝ်ႇ​ပိူၼ်ႈ​သေ​ပွၵ်ႈ​ၼၼ်ႉ​ဢေႃႈ။-</verse>
				<verse number="54">ဝၼ်း​ၼၼ်ႉ​ၸမ်ႉ၊ ပဵၼ်​ဝၼ်း​ၽိတ်ႈ​လႄႈ ၸမ်​ၶိင်ႇ​ဝၼ်း​ၵမ်​သိၼ်​ဢေႃႈ။-</verse>
				<verse number="55">မႄႈ​ယိင်း​ဢၼ်​လုၵ်ႉ​သေ​ၵႃႈ​တီႈ​မိူင်း​ ၵႃႇလီႉလႄး မႃး​လူၺ်ႈ​ၵၼ်​တင်း​မၼ်း​ၸဝ်ႈ​ၸိူဝ်း​ၼၼ်ႉ ၸွမ်း​လႄႈ​လူ​တူၺ်း​သၢင်း​ၶႅင်း​မၼ်း​ၸဝ်ႈ ဢိၵ်ႇ​တင်း​လွင်ႈ​ဢၼ်​ဢဝ်​တူဝ်​တၢႆ​မၼ်း​ၸဝ်ႈ​ဝႆႉ​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ။-</verse>
				<verse number="56">ၶဝ်​ၼၼ်ႉ​ၶိုၼ်း​မိူဝ်း​ၵႂႃႇ​သေ​ယဝ်ႉ၊ မႄး​ႁႅၼ်း​ၼမ်ႉ​မၼ်း​ႁွမ်​တင်း​ၼၢမ်ႇ​သႃႇ​ဝႆႉ​လႄႈ ၵႃႈ​ၼင်ႇ​ဢၼ်​ပိင်း​ၺၢပ်ႈ​ၸဝ်ႈ​မီး​ဝႆႉ​ၼၼ်ႉ ၼႂ်း​ဝၼ်း​ၵမ်​သိၼ်​ယင်း​ဢမ်ႇ​ႁဵတ်း​တၢင်း​ႁဵတ်း​လႄႈ​ယူႇ​ဢေႃႈ။</verse>
			</chapter>
			<chapter number="24">
				<verse number="1">ဝၼ်း​ဢၼ်​ပဵၼ်​ဝၼ်း​ပထမႃႉ ၼႂ်း​ၸဵတ်း​ဝၼ်း၊ မိူဝ်ႈ​ၶိင်ႇ​ႁူဝ်​မိူင်း​သႂ်​ၼၼ်ႉ၊ ၶဝ်​ၼၼ်ႉ​ဢိၵ်ႇ​တင်း​မႄႈ​ယိင်း​တၢင်ႇ​ၵေႃႉ​တင်း​လၢႆ ပႃး​ဢဝ်​တင်း​ၼၢမ်ႇ​သႃႇ​ဢၼ်​ၶဝ်​မႄး​ႁႅၼ်း​ဝႆႉ​ၼၼ်ႉ​ၵႂႃႇ​ၸူး​ၵႃႈ​တီႈ​သၢင်း​ၶႅင်း​မၼ်း​ၸဝ်ႈ​ဢေႃႈ။-</verse>
				<verse number="2">ၶဝ်​ၼၼ်ႉ​ထူပ်း​ႁၼ်​မၢၵ်ႇ​ႁိၼ်​ၼၼ်ႉ ၵိင်ႈ​ဢွၵ်ႇ​သေ​ၵႃႈ​တီႈ​ၶုမ်​သၢင်း​ၶႅင်း​ၼၼ်ႉ​မီး​ဝႆႉ​ယူႇ​လႄႈ၊-</verse>
				<verse number="3">မိူဝ်ႈ​ဢၼ်​ၶဝ်​ၶဝ်ႈ​ၵႂႃႇ​ၵႃႈ​ၼႂ်း​ၸိုင်၊ ၶဝ်​ဢမ်ႇ​ထူပ်း​ဢမ်ႇ​ႁၼ်​တူဝ်​တၢႆ​ၸဝ်ႈ​ ယေႇသူႉ ​ၼၼ်ႉ။-</verse>
				<verse number="4">ၼႂ်း​မိူဝ်ႈ​ဢၼ်​ၶဝ်​မီး​တၢင်း​ဢၼ်​ၵႂင်​ၸႂ်​ယုင်ႈ​ၸႂ် ၵွပ်ႈ​ပိူဝ်ႈ​လွင်ႈ​တီႈ​ႁဵင်း​ၼၼ်ႉ​ယူႇ​ၼၼ်ႉ​ၸိုင်၊ ၵူၼ်း​သွင်​ၵေႃႉ​ဢၼ်​ၼုင်ႈ​ၶူဝ်း​ၼုင်ႈ​ဢၼ်​ႁိူဝ်ႈ​ႁိူင်း​ၼၼ်ႉ ပေႃႇ​မႃး​ၸုၵ်း​ယူႇ​ၵႃႈ​တီႈ​ႁိမ်း​ၶဝ်​ဢေႃႈ။-</verse>
				<verse number="5">ၼႂ်း​မိူဝ်ႈ​ဢၼ်​ၶဝ်​ၼၼ်ႉ​မီး​ၸႂ်​ဢၼ်​ၵူဝ်​ဢၼ်​ႁႄ​လႄႈ ၵူမ်ႈ​ဢဝ်​ၼႃႈ​ငူပ်ႉ​ၸပ်း​လိၼ်​ယူႇ​ၼၼ်ႉ​ၸိုင်၊ သွင်​ၶႃ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ၼႆႉ​ႁႃ​ၵေႃႉ​ဢၼ်​ဢသၢၵ်ႈ​လိပ်း ၵႃႈ​ၼႂ်း​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​ၼင်ႇ​ႁိုဝ်။-</verse>
				<verse number="6">မၼ်း​ၸဝ်ႈ​ဢမ်ႇ​မီး​ၵႃႈ​တီႈ​ၼႆႈ။ မၼ်း​ၸဝ်ႈ​လုၵ်ႉ​ၶိုၼ်း​ယဝ်ႉ။ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​မၼ်း​ၸဝ်ႈ​လၢတ်ႈ​တီႈ​သူ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ယင်း​တိုၵ်ႉ​မီး​ယူႇ​ၼႂ်း​မိူင်း​ ၵႃႇလီႉလႄး ​ပုၼ်ႉ​လႄႈ​ဝႃႈ၊-</verse>
				<verse number="7">လုၵ်ႈ​ၵူၼ်း​တၵ်း​လႆႈ​ၶၢမ်ႇ​တၢင်း​ဢၼ်​ဢၢပ်ႈ​ၼႂ်း​မိုဝ်း​ၵူၼ်း​ႁၢႆႉ​တင်း​လၢႆ ဢိၵ်ႇ​တင်း​တၢင်း​ဢၼ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ဢေႃႈ။ ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ မၼ်း​တၵ်း​လုၵ်ႉ​ၶိုၼ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လူး​ၵွၼ်ႇ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">ၶဝ်​ၼၼ်ႉ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵႂၢမ်း​မၼ်း​ၸဝ်ႈ​လႄႈ၊-</verse>
				<verse number="9">လုၵ်ႉ​သေ​ၵႃႈ​တီႈ​သၢင်း​ၶႅင်း​မၼ်း​ၸဝ်ႈ​သေ​ယဝ်ႉ၊ လႅၼ်ႈ​ၵႂႃႇ​လႄႈ​မွၵ်ႇ​လၢတ်ႈ​လွင်ႈ​တၢင်း​ၼၼ်ႉ ၵူႈ​ၸိူဝ်ႉ​ၵူႈ​ပိူင်​တီႈ​သိပ်း​ဢဵတ်း​ပႃး​ဢိၵ်ႇ​တင်း​ၶဝ်​ၸိူဝ်း​ဢၼ်​ၵိုတ်း​ယူႇ​တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="10">ၶဝ်​ၸိူဝ်း​ဢၼ်​မွၵ်ႇ​လၢတ်ႈ​လွင်ႈ​တၢင်း​ၸိူဝ်း​ၼၼ်ႉ​တီႈ​တမၢၼ်ႇ​ၸဝ်ႈ​တင်း​လၢႆ​ၼၼ်ႉ​ၸမ်ႉ၊ ပဵၼ်​ မႃႇရီႉ​မႃႇၵတလႃႉ၊ ယူဝ်းႁၢၼ်ႇၼႃႉ၊ မႃႇရီႉ ဢၼ်​ပဵၼ်​မႄႈ​ ယႃႇၵုပ်ႈ ဢိၵ်ႇ​တင်း​မႄႈ​ယိင်း​တၢင်ႇ​ၵေႃႉ​တင်း​လၢႆ ဢၼ်​ပႃး​လူၺ်ႈ​ၵၼ်​တင်း​ၶဝ်​ဢေႃႈ။-</verse>
				<verse number="11">တမၢၼ်ႇ​ၸဝ်ႈ​ၸိူဝ်း​ၼၼ်ႉ ယဵဝ်​ၵႂၢမ်း​ၶဝ်​ၼၼ်ႉ​ပဵၼ်​ၵႂၢမ်း​ဢၼ်​လၢႆ​လၢႆ​လွၵ်ႇ​လွၵ်ႇ​လႄႈ​ဢမ်ႇ​ယုမ်ႇ​ၶဝ်။-</verse>
				<verse number="12">ၼႂ်း​ဝႃႈ​ၼၼ်​သေ​ၵေႃႈ ပေႇတရူႉ လုၵ်ႉ​လႄႈ လႅၼ်ႈ​ၵႂႃႇ​ၸူး​ၵႃႈ​တီႈ​သၢင်း​ၶႅင်း​မၼ်း​ၸဝ်ႈ​ဢေႃႈ။ မိူဝ်ႈ​ဢၼ်​ႁွတ်ႈ​ထိုင်​ၼၼ်ႉ​ၸိုင်၊ မၼ်း​ၵူမ်ႈ​တူၺ်း​လႄႈ​ႁၼ်​ၽႃႈ​ပိၵ်ႈ​ၵိုတ်း​ၵျၢၼ်ႇ​ဝႆႉ​ၵူၺ်း​သေ​ယဝ်ႉ၊ ဢၢမ်း​လွင်ႈ​တီႈ​ႁဵင်း​ၼၼ်ႉ​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း​မၼ်း​သေ​ဢေႃႈ။</verse>
				<verse number="13">လိူဝ်​သေ​ၼၼ်ႉ၊ ၼႂ်း​ဝၼ်း​ၼၼ်ႉ၊တပႄး​ၸဝ်ႈ​သွင်​ၵေႃႉ ၵႂႃႇ​ၵႃႈ​တီႈ​ဝၢၼ်ႈ​ဢၼ်​လႆႈ​ၸိုဝ်ႈ​ ဢေးမွၵ်ႉ ဢၼ်​ယၢၼ်​ၵၼ်​တင်း​ဝဵင်း​ ယေႇရူႉသလႅမ်ႇ သီႇ​လၵ်း​ၼၼ်ႉ​ယူႇ​သေ​လႄႈ၊-</verse>
				<verse number="14">ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တွင်ႈ​ထၢမ်​လၢတ်ႈ​ၸႃ​ၵၼ်​လူၺ်ႈ​လွင်ႈ​တၢင်း​ဢၼ်​ပဵၼ်​မႃး​ယဝ်ႉ​တင်း​သဵင်ႈ​တင်း​လူင်​ၼၼ်ႉ​ယူႇ​ဢေႃႈ။-</verse>
				<verse number="15">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​တွင်ႈ​ထၢမ်​လၢတ်ႈ​ၸႃ​ၵၼ်​ယူႇ​ၼၼ်ႉ​ၸိုင်၊ ယေႇသူႉ ​သုတ်ႉ​ၸမ်​လႄႈ​ၵႂႃႇ​လူၺ်ႈ​ၵၼ်​တင်း​ၶဝ်​ဢေႃႈ။-</verse>
				<verse number="16">မီး​တၢင်း​ဢၼ် ဢမ်​တႃ​ၶဝ်​ၼၼ်ႉ​ဝႆႉ​ယူႇ​လႄႈ​ၶဝ်​ဢမ်ႇ​ႁူႉ​လွင်ႈ​ဢၼ်​ပဵၼ်​မၼ်း​ၸဝ်ႈ။</verse>
				<verse number="17">မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ ၵႂၢမ်း​ဢၼ်​သူ​မီး​တၢင်း​ဢၼ်​ၼႃႈ​လူႉ​တႃ​မႃႇ​ပႆ​တၢင်း​ၵႂႃႇ​ယူႇ​သေ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တွင်ႈ​ထၢမ်​လၢတ်ႈ​ၸႃ​ၵၼ်​ယူႇ​ၼႆႉ​ၸမ်ႉ၊ ပဵၼ်​ၵႂၢမ်း​လွင်ႈ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="18">ၼႂ်း​သွင်​ၶႃ​ၼၼ်ႉ​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ ၵလေႃး​ၽႃႉ ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ မႂ်း​ပဵၼ်​ၶႅၵ်ႇ​ၼႂ်း​ဝဵင်း​ ယေႇရူႉသလႅမ်ႇ ​ၵူၺ်း​လႄႈ ဢမ်ႇ​ႁူႉ​လွင်ႈ​တၢင်း​ၸိူဝ်း​ဢၼ်​ပဵၼ်​မႃး​ၼႂ်း​ဝဵင်း​ၼၼ်ႉ​ၶိင်ႇ​တေႃႈ​လဵဝ်​ၼႆႉ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ ပဵၼ်​လွင်ႈ​တၢင်း​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ သွင်​ၶႃ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ပဵၼ်​လွင်ႈ​ ယေႇသူႉ ​ၵူၼ်း​ဝဵင်း​ ၼႃႇၸရႅတ်ႈ ​ဢေႃႈ။ မၼ်း​ၼၼ်ႉ​ပဵၼ်​ပရေႃးၽႅတ်ႈ ဢၼ်​ပျေႉ​ၸုမ်ႇ​တင်း​ၵႂၢမ်း​ဢၼ်​မီး​ႁႅင်း​တၼ်း​ၶူဝ်း ဢိၵ်ႇ​တင်း​မိုဝ်း​ဢၼ်​မီး​ႁႅင်း​တၼ်း​ၶူဝ်း​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="20">ၵေႃႉ​ၼၼ်ႉ​ၸိုင် ယိတ်ႈပရေႃးႁဵၵ်ႈ​လူင်​ဢိၵ်ႇ​တင်း​ၶုၼ်​ႁဝ်း​တင်း​လၢႆ ဢဝ်​ဢၢပ်ႈ​ႁႂ်ႈ​လႆႈ​ၶၢမ်ႇ​တၢင်း​တၢႆ​လႄႈ​ဢဝ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ယဝ်ႉ။-</verse>
				<verse number="21">ၵူၺ်း​ၵႃႈ မိူဝ်ႈ​ဢွၼ်​ၼႆႉ​ၼၼ်ႉ​ႁဝ်း​လႆႈ​ဢွၼ်​ၵၼ်​မုင်ႈ​ထႃႈ​မွင်း​ထႃႈ​လွင်ႈ​ဢၼ်​ၵေႃႉ​ၼၼ်ႉ ပဵၼ်​ၵေႃႉ​ဢၼ်​တၵ်း​လႆႈ​ထုတ်ႇ​ဢဝ်​မဵဝ်း​ၵူၼ်း​ ဢီႉသရေႇလႃႉ မႃး​ယဝ်ႉ။ လိူဝ်​သေ​ၼၼ်ႉ​ဢမ်ႇ​ၵႃး လွင်ႈ​တၢင်း​ၼႆႉ​ပဵၼ်​မႃး​လႄႈ​တေႃႈ​လဵဝ်​ၼႆႉ​လႆႈ​သၢမ်​ဝၼ်း​ယဝ်ႉ။-</verse>
				<verse number="22">မႄႈ​ယိင်း​ဢၼ်​ပဵၼ်​ၵေႃႉ​ပဵၼ်​သေႈ​ၵၼ်​တင်း​ႁဝ်း​ၼၼ်ႉ​ၵမ်ႈ​ၽွင်ႈ​ၵေႃႈ ၵႂႃႇ​ၸူး​ၵႃႈ​တီႈ​သၢင်း​ၶႅင်း​မၼ်း​ၸဝ်ႈ​ပုၼ်ႉ​ၸဝ်ႉ​ၸဝ်ႉ​လႄႈ၊-</verse>
				<verse number="23">မိူဝ်ႈ​ဢၼ်​ဢမ်ႇ​ထူပ်း​ဢမ်ႇ​ႁၼ်​တူဝ်​တၢႆ​မၼ်း​ၸဝ်ႈ​ၼၼ်ႉ​ၸိုင်၊ ၶိုၼ်း​မႃး​မွၵ်ႇ​လၢတ်ႈ​လွင်ႈ​ဢၼ်​ၶဝ်​လႆႈ​ႁၼ်​ရူႇပႃႇရူင်ႇ ဢၼ်​တမၢၼ်ႇ​ၵၢင်​ႁၢဝ်​တင်း​လၢႆ​ပေႃႇ​မႃး​လႄႈ​ဝႃႈ၊ မၼ်း​ၸဝ်ႈ​ဢသၢၵ်ႈ​လိပ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ ႁဝ်း​မီး​တၢင်း​ဢၼ်​ၵႂင်​ၸႂ်​ယုင်ႈ​ၸႂ်​ယူႇ​ဢေႃႈ။-</verse>
				<verse number="24">မိူဝ်ႈ​ၼၼ်ႉ ၵူၼ်း​ၼႂ်း​ႁဝ်း​ၼႆႉ​ၵမ်ႈ​ၽွင်ႈ ၵႂႃႇ​ၸူး​ၵႃႈ​တီႈ​သၢင်း​ၶႅင်း​မၼ်း​ၸဝ်ႈ​ပုၼ်ႉ​လႄႈ၊ ပိၵ်ႉ​သမ်ႉ​ထူပ်း​ႁၼ်​ၸိူဝ်ႉ​ၼင်ႇ​ဢၼ်​မႄႈ​ယိင်း​ၸိူဝ်း​ၼၼ်ႉ​မွၵ်ႇ​လၢတ်ႈ​ၼၼ်ႉ​သေ​ၵေႃႈ ဢမ်ႇ​လႆႈ​ထူပ်း​ႁၼ်​မၼ်း​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">မၼ်း​ၸဝ်ႈ​ၵေႃႈ​လၢတ်ႈ​တီႈ​သွင်​ၶႃ​ၼၼ်ႉ​လႄႈ​ဝႃႈ၊ သူ​ၸိူဝ်း​ဢၼ်​ႁူဝ်​ၸႂ်​ၼိုၵ်း​ၼႃ​လႄႈ​ဢမ်ႇ​မီး​ၺၢၼ်ႇ ဢၼ်​တၢၼ်ႇ​ပေႃး​ယုမ်ႇ​ၵႂၢမ်း​ဢၼ်​ပရေႃးၽႅတ်ႈ​တင်း​လၢႆ​ႁေႃး​လၢတ်ႈ​ဝႆႉ​ၼၼ်ႉ​ၼႆႉ​ဢိူၺ်း၊-</verse>
				<verse number="26">ၸဝ်ႈ​ၶရိၸ်ႈ၊​တၵ်း​လႆႈ​ၶၢမ်ႇ​လွင်ႈ​တၢင်း​ၸိူဝ်ႉ​ၼင်ႇ​ၼၼ်​သေ​လႄႈ ၶဝ်ႈ​ၸၢမ်ႇ​ၸႃး​မုၼ်​ၸေး​ၸိမ်ႇ​မၼ်း​ၸဝ်ႈ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မိူဝ်ႈ​ၼၼ်ႉ မၼ်း​ၸဝ်ႈ​ဢဝ်​ၸႃႉ​ၸဵမ်​ၵျၢမ်း​လိၵ်ႈ​ မူဝ်းသေႇ ဢိၵ်ႇ​တင်း​ၵျၢမ်း​လိၵ်ႈ​ပရေႃးၽႅတ်ႈ​တင်း​လၢႆ​ၽုၺ်ႇ​ဢွၵ်ႇ​ၼႄ​ပျႃး​ဢထိၵ်ႈပႄႇ​ၵျၢမ်း​လိၵ်ႈ ဢၼ်​လၢတ်ႈ​လူၺ်ႈ​လွင်ႈ​မၼ်း​ၸဝ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="28">ၵမ်း​ၼၼ်ႉ ၶဝ်​ႁွတ်ႈ​ထိုင်​ၵႃႈ​တီႈ​ဢၼ်​ၸမ်​ႁိမ်း​ဝၢၼ်ႈ​ဢၼ်​ၶဝ်​တၵ်း​ၵႂႃႇ​ၼၼ်ႉ​လႄႈ မၼ်း​ၸဝ်ႈ​ႁဵတ်း​ၸိူဝ်ႉ​ၼင်ႇ​ႁၢင်ႈ​တၵ်း​ပူၼ်ႉ​ဝၢၼ်ႈ​ၼၼ်ႉ​ၵႂႃႇ​သေ​ဢေႃႈ။-</verse>
				<verse number="29">သွင်​ၶႃ​ၼၼ်ႉ​ၵေႃႈ​ၸူဝ်း​ဢဝ်​မၼ်း​ၸဝ်ႈ​ၼႃႇ​လူင်​လၢင်​လႄႈ​ဝႃႈ၊ ၶဝ်ႈ​ယူႇ​လူၺ်ႈ​ၵၼ်​တင်း​ႁဝ်း​ၶႃႈ​သေ​ၵမ်း​ၶႃႈ။ ပဵၼ်​ၶိင်ႇ​ႁူဝ်​ၶမ်ႈ​ၶႃႈ​ယဝ်ႉ။ ၵၢင်​ဝၼ်း​ၵေႃႈ​တူၵ်း​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ မၼ်း​ၸဝ်ႈ​ၶဝ်ႈ​ႁႂ်ႈ​လႆႈ​ယူႇ​လူၺ်ႈ​ၵၼ်​တင်း​သွင်​ၶႃ​ၼၼ်ႉ​ဢေႃႈ။</verse>
				<verse number="30">ၼႂ်း​မိူဝ်ႈ​ဢၼ်​မၼ်း​ၸဝ်ႈ​ဢိင်​ၵႃႈ​တီႈ​ႁိမ်း​ၶူင်ႇ​တီႈ​ၵိၼ် လူၺ်ႈ​ၵၼ်​တင်း​သွင်​ၶႃ​ၼၼ်ႉ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ဢဝ်​ၶဝ်ႈ​မုၼ်း​လႄႈ​ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ဝိတ်း​ၶဝ်ႈ​မုၼ်း​လႄႈ​ပၼ်​တီႈ​သွင်​ၶႃ​ၼၼ်ႉ​ဢေႃႈ။-</verse>
				<verse number="31">သွင်​ၶႃ​ၼၼ်ႉ​မၢၵ်ႇ​တႃ​ၽုၺ်ႇ​လႅင်း​လႄႈ လႆႈ​ႁူႉ​လွင်ႈ​ဢၼ်​ပဵၼ်​မၼ်း​ၸဝ်ႈ​ဢေႃႈ။ မိူဝ်ႈ​ၼၼ်ႉ မၼ်း​ၸဝ်ႈ​လပ်ႉ​ႁၢႆ​ၵႂႃႇ​သေ​ဢေႃႈ။-</verse>
				<verse number="32">သွင်​ၶႃ​ၼၼ်ႉ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​လၢတ်ႈ​ၵၼ်​လႄႈ​ဝႃႈ၊ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ႁေႃး​လၢတ်ႈ​ပၼ်​တီႈ​ႁႃး​လႄႈ​ၽုၺ်ႇ​ဢွၵ်ႇ​ၼႄ​ပျႃး ဢထိၵ်ႈပႄႇ​ၵျၢမ်း​လိၵ်ႈ​တီႈ​ႁႃး​ၵႃႈ​ၼႂ်း​ၵၢင်​တၢင်း​ၼၼ်ႉ​ၸိုင်၊ ႁူဝ်​ၸႂ်​ႁႃး​ဢူၼ်ႈ​ဢွၼ်​မႃး​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">သွင်​ၶႃ​ၼၼ်ႉ​လုၵ်ႉ​ၵမ်း​လဵဝ်​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ယဝ်ႉ၊ လႆႈ​ထူပ်း​ႁၼ်​သိပ်း​ဢဵတ်း​ပႃး ဢိၵ်ႇ​တင်း​ၵေႃႉ​သေႈ​ၶဝ်​ၼၼ်ႉ​ၸူႉ​ၵၼ်​တုမ်​ၵၼ်​မီး​ဝႆႉ​ယူႇ​လႄႈ၊-</verse>
				<verse number="34">လၢတ်ႈ​ၵၼ်​ယူႇ​လႄႈ​ဝႃႈ၊ ၸဝ်ႈ​ၽြႃး​လုၵ်ႉ​ၶိုၼ်း​ဢမၢၼ်ႇ​ၶၼ်​ပဵၼ်​ယဝ်ႉ။ မၼ်း​ၸဝ်ႈ​ၼႄ​ပျႃး​တူဝ်​မၼ်း​ၸဝ်ႈ​တီႈ သီႉမုၼ်ႇ ​ယဝ်ႉ၊ မိူဝ်ႈ​ဢၼ်​ယင်း​တိုၵ်ႉ​ဝႃႈ​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင်၊-</verse>
				<verse number="35">သွင်​ၶႃ​ၵေႃႈ​မွၵ်ႇ​လၢတ်ႈ​လွင်ႈ​ဢၼ်​ပဵၼ်​မႃး​ၵႃႈ​ၼႂ်း​ၵၢင်​တၢင်း​ဢိၵ်ႇ​တင်း​လွင်ႈ​ဢၼ်​ၶဝ်​လႆႈ​ႁူႉ​ပဵၼ်​မၼ်း​ၸဝ်ႈ ၼႂ်း​မိူဝ်ႈ​ဢၼ်​ဝိတ်း​ၶဝ်ႈ​မုၼ်း​ၼၼ်ႉ​ဢေႃႈ။</verse>
				<verse number="36">ၼႂ်း​မိူဝ်ႈ​ဢၼ်​ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ၸုၵ်း​ယူႇ​ၵႃႈ​ၼႂ်း​ၶိုင်ႈ​ၵၢင်​ၶဝ်​သေ​လႄႈ​လၢတ်ႈ​လႄႈ​ဝႃႈ၊ ႁႂ်ႈ​တၢင်း​ၼိမ်​ပဵၼ်​တီႈ​သူ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ၶဝ်​ၼၼ်ႉ​တူၵ်း​ၸႂ်​လႄႈ​ႁွတ်ႈ​ထိုင်​တၢင်း​ဢၼ်​ၵူဝ်​ဢၼ်​ႁႄ​သေ​လႄႈ ထၢင်ႇ​ဝႃႈ​လႆႈ​ႁၼ်​ၽဵတ်ႇ​ဢေႃႈ။-</verse>
				<verse number="38">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​လႄႈ မီး​တၢင်း​ဢၼ်​သၼ်ႇ​ၶွၼ်း​ဝႆ​ၼင်ႇ​ႁိုဝ်။ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​လႄႈ တၢင်း​ဢၼ်​ၶႆႈ​ၸႂ်​ဝူၼ်ႉ​ၸႂ်​ၵူႈ​ၸိူဝ်ႉ​ၵူႈ​ပိူင်​ဢွၵ်ႇ​မႃး​ၵႃႈ​ၼႂ်း​ႁူဝ်​ၸႂ်​သူ​ၼင်ႇ​ႁိုဝ်။-</verse>
				<verse number="39">တူၺ်း​မိုဝ်း​ၵဝ်​တင်း​တိၼ်​ၵဝ်​လူး​ၵွၼ်ႇ​တႃႉ။ ပဵၼ်​တူဝ်​ၵဝ်​ဢေႃႈ။ ယိပ်း​ၵမ်​တူၺ်း​ၵဝ်​လူး​ၵွၼ်ႇ​တႃႉ။ ၽဵတ်ႇ​ဢမ်ႇ​ပျေႉ​ၸုမ်ႇ​တင်း​လုပ်ႇ​တင်း​ၼိူဝ်ႉ မိူၼ်​ၸိူဝ်ႉ​ၼင်ႇ​ဢၼ်​သူ​ႁၼ်​ၵဝ်​ပျေႉ​ၸုမ်ႇ​ၼႆႉ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="40">ၼႄ​ပျႃး​မိုဝ်း​ၸဝ်ႈ တင်း​တိၼ်​ၸဝ်ႈ​တီႈ​ၶဝ်​ၼၼ်ႉ​ဢေႃႈ။-</verse>
				<verse number="41">ၼႂ်း​မိူဝ်ႈ​ဢၼ်​ၶဝ်​ဢမ်ႇ​ယုမ်ႇ​လႆႈ ၵွပ်ႈ​ပိူဝ်ႈ​ဢၼ်​မီး​တၢင်း​ဢၼ်​သိူဝ်း​ပျေႃႇ​ၼၼ်ႉ​လႄႈ​ဢၢမ်း​ၼႃႇ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ တီႈ​သူ​မီး​တၢင်း​ၵိၼ်​သေ​ၸိူဝ်ႉ​သေ​ပိူင်​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="42">ၶဝ်​ၼၼ်ႉ​ပၼ်​ပႃ​ပိင်ႈ​ပွတ်း​ၼိုင်ႈ ဢိၵ်ႇ​တင်း​ႁင်း​ၽိုင်ႈ​တီႈ​မၼ်း​ၸဝ်ႈ​ဢေႃႈ။-</verse>
				<verse number="43">မၼ်း​ၸဝ်ႈ​ဢဝ်​လႄႈ​ၵိၼ်​ၵႃႈ​တီႈ​ၽၢႆႇ​ၼႃႈ​ၶဝ်​ဢေႃႈ။</verse>
				<verse number="44">မၼ်း​ၸဝ်ႈ​သမ်ႉ​လၢတ်ႈ​ထႅင်ႈ​လႄႈ​ဝႃႈ​ၸမ်ႉ၊ ၵႂၢမ်း​ဢၼ်​ၵဝ်​ႁေႃး​လၢတ်ႈ​တီႈ​သူ ၼႂ်း​ၶိင်ႇ​မိူဝ်ႈ​ဢၼ်​ၵဝ်​ယင်း​တိုၵ်ႉ​မီး​ယူႇ​လူၺ်ႈ​ၵၼ်​တင်း​သူ​ၼၼ်ႉ​လႄႈ​ဝႃႈ၊ ၵႃႈ​ဢၼ်​တႅမ်ႈ​ဝႆႉ​လူၺ်ႈ​လွင်ႈ​ၵဝ်​ၵႃႈ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​ မူဝ်းသေႇ ၊ ၵႃႈ​ၼႂ်း​ၵျၢမ်း​လိၵ်ႈ​ပရေႃးၽႅတ်ႈ​တင်း​လၢႆ၊ ၵႃႈ​ၼႂ်း​ၵျၢမ်း​လိၵ်ႈ​သႃႇလၢမ်ႇ​ၼၼ်ႉ​တင်း​သဵင်ႈ​တင်း​လူင်​တၵ်း​လႆႈ​ပျေႉ​ၸုမ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ပဵၼ်​တီႈ​ႁဵင်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="45">မိူဝ်ႈ​ၼၼ်ႉ မၼ်း​ၸဝ်ႈ ၽုၺ်ႇ​ႁူဝ်​ၸႂ်​ၶဝ်​ႁႂ်ႈ​ၶဝ်​လႆႈ​ႁူႉ​ၵျၢမ်း​လိၵ်ႈ​သေ​ယဝ်ႉ၊-</verse>
				<verse number="46">လၢတ်ႈ​လႄႈ​ဝႃႈ၊ ၵျၢမ်း​လိၵ်ႈ​မႃး​ၸိူဝ်ႉ​ၼင်ႇ​ၼႆ​ဢေႃႈ။ ၸဝ်ႈ​ၶရိၸ်ႈ​တၵ်း​လႆႈ​ၶၢမ်ႇ​တၢင်း​တၢႆ​လႄႈ ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ တၵ်း​လႆႈ​လုၵ်ႉ​သေ​ၵႃႈ​တီႈ​တၢင်း​တၢႆ​ၼၼ်ႉ​ဢေႃႈ။-</verse>
				<verse number="47">ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​သေ​လႄႈ​တၵ်း​လႆႈ​ႁေႃး​လၢတ်ႈ​တြႃး​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ် ဢိၵ်ႇ​တင်း​တြႃး​တၢင်း​ဢၼ်​ပွႆႇ​လွတ်ႈ​ဢပႅတ်ႈ​ၼၼ်ႉ ၵႃႈ​တီႈ​ၸႃႉ​ၸဵမ်​ဝဵင်း​ ယေႇရူႉသလႅမ်ႇ ဢိၵ်ႇ​တင်း​ၵူၼ်း​မဵဝ်း​ၵႃႈ​မီး​တင်း​သဵင်ႈ​တင်း​လူင်​ဢေႃႈ။-</verse>
				<verse number="48">သူ​ၵေႃႈ​ပဵၼ်​သၢၵ်ႈ​သေႇ​လွင်ႈ​တီႈ​ႁဵင်း​ၸိူဝ်း​ၼႆႉ​ဢေႃႈ။-</verse>
				<verse number="49">ၵႃႈ​ၼင်ႇ​ဢၼ်​ၵတီႉ​ပေႃႈ​ၵဝ်​မီး​ၼၼ်ႉ ၵဝ်​တၵ်း​ႁဵတ်း​တီႈ​သူ​လူး​ၵွၼ်ႇ​ဢေႃႈ။ ပိူဝ်ႈ​ၼႆ​လႄႈ ၸူဝ်ႈ​ဢၼ်​သူ​ဢမ်ႇ​ပႆႇ​ၶၢမ်ႇ​ဢဝ်​တၼ်း​ၶူဝ်း​ၵႃႈ​တီႈ​ၵၢင်​ႁၢဝ်​ၼၼ်ႉ​ၸိုင်၊ သူ​ယူႇ​ၵႃႈ​ၼႂ်း​ဝဵင်း​ၼႆႉ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="50">လိုၼ်း​ၼၼ်ႉ မၼ်း​ၸဝ်ႈ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​ဝဵင်း​ၵႂႃႇ​ထိုင်​ႁွတ်ႈ​ဝၢၼ်ႈ​ ပေႇထၼီႉ ​ယဝ်ႉ​ၸင်ႇ ယုၵ်ႉ​မိုဝ်း​မၼ်း​ၸဝ်ႈ​လႄႈ​ပၼ်​တၢင်း​လီ​တီႈ​ၶဝ်​ဢေႃႈ။-</verse>
				<verse number="51">ၼႂ်း​မိူဝ်ႈ​ဢၼ်​မၼ်း​ၸဝ်ႈ​ပၼ်​တၢင်း​လီ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ၽၢတ်ႇ​ယၢၼ်​ၵၼ်​တင်း​ၶဝ်​လႄႈ ၶၢမ်ႇ​တၢင်း​ဢၼ်​ဢဝ်​ၶိုၼ်ႈ​ၵႂႃႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​သေ​ဢေႃႈ။-</verse>
				<verse number="52">ၶဝ်​ၼၼ်ႉ​ၶုပ်ႉ​မူပ်ႇ​ၵူဝ်း​ၵႂၢႆႇ​မၼ်း​ၸဝ်ႈ​သေ​ယဝ်ႉ၊ မီး​ၸႂ်​ဢၼ်​သိူဝ်း​ပျေႃႇ​ၼႃႇ​လူင်​လၢင်​လႄႈ ၶိုၼ်း​မိူဝ်း​ၵႃႈ​တီႈ​ဝဵင်း​ ယေႇရူႉသလႅမ်ႇ သေ​ဢေႃႈ။-</verse>
				<verse number="53">ၶဝ်​ၼၼ်ႉ​ဢဝ်​ၵျေး​ၸူး​ၸဝ်ႈ​တၢင်ႇ​လႄႈ ယွင်ႈ​ယေႃး​ၽြႃး​ပဵၼ်​ၸဝ်ႈ​ယူႇ​သေ​လႄႈ မီး​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ယူႇ​တႃႇ​သေႇ​ဢေႃႈ။ ၶရိၸ်ႈ​ဝၢင်ႇ​ၸဝ်ႈ​လူႉၵႃႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="43">
			<chapter number="1">
				<verse number="1">မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ မီး​ၼုၵ်ႈၵပၢတ်ႈ​ၸဝ်ႈ​ဢေႃႈ။ ၼုၵ်ႈၵပၢတ်ႈ​ၸဝ်ႈ​ၼၼ်ႉ မီး​ယူႇ​လူၺ်ႈ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။ ၼုၵ်ႈၵပၢတ်ႈ​ၸဝ်ႈ​ၼၼ်ႉ​ၵေႃႈ​ပဵၼ်​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="2">မၼ်း​ၸဝ်ႈ​ၼၼ်ႉ မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ မီး​ယူႇ​လူၺ်ႈ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="3">မၼ်း​ၸဝ်ႈ​ၼၼ်ႉ ၽၢၼ်ႇ​သၢင်း​ႁဵတ်း​ပဵၼ်​ၶိူင်ႈ​ပိူင်​တင်း​သဵင်ႈ​တင်း​လူင်​ဢေႃႈ။ ၶိူင်ႈ​ပိူင်​ဢၼ်​ၵၢင်း​လွတ်ႈ​သေ​တၢင်း​ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ​ဢမ်ႇ​မီး​သေ​ၸိူဝ်ႉ​သေ​ပိူင်။-</verse>
				<verse number="4">ၵႃႈ​ၼႂ်း​မၼ်း​ၸဝ်ႈ​ၼၼ်ႉ​မီး​ဢသၢၵ်ႈ​ဢေႃႈ။ ဢသၢၵ်ႈ​ၼၼ်ႉ​ၵေႃႈ​ပဵၼ်​ဢၼ်​လႅင်း​တီႈ​ၵူၼ်း​တင်း​လၢႆ​ဢေႃႈ။-</verse>
				<verse number="5">ဢၼ်​လႅင်း​ၼၼ်ႉ​ႁိူဝ်ႈ​လႅင်း​ၼႂ်း​ဢၼ်​လပ်း​သိင်ႇ​လႄႈ ဢၼ်​လပ်း​သိင်ႇ​ဢမ်ႇ​ၶၢမ်ႇ​ဢမ်ႇ​ဢဝ်။</verse>
				<verse number="6">ၽြႃး​ပဵၼ်​ၸဝ်ႈ​ပွႆႇ​ၸႂ်ႉ ၵူၼ်း​ၵေႃႉ​ၼိုင်ႈ​ဢၼ်​လႆႈ​ၸိုဝ်ႈ​ ယူဝ်းႁၢၼ်ႇ မႃး​ဢေႃႈ။-</verse>
				<verse number="7">မၼ်း​ၼၼ်ႉ မႃး​ႁႂ်ႈ​လႆႈ​ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​လႄႈ ၶၢမ်ႇ​သၢၵ်ႈ​သေႇ​လွင်ႈ​ဢၼ်​လႅင်း​ၸဝ်ႈ​ၼၼ်ႉ ႁႂ်ႈ​ၵူၼ်း​တင်း​သဵင်ႈ​တင်း​လူင်​လႆႈ​ဢိင်​ပိုင်ႈ​မၼ်း​ၸဝ်ႈ​သေ​လႄႈ ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​ဢေႃႈ။-</verse>
				<verse number="8">မၼ်း​ၼၼ်ႉ ပဵၼ်​ဢၼ်​လႅင်း​ၸဝ်ႈ​ဢမ်ႇ​ၸႂ်ႈ။ မၼ်း​မႃး​ႁႂ်ႈ​လႆႈ​ၶၢမ်ႇ​သၢၵ်ႈ​သေႇ​လွင်ႈ​ဢၼ်​လႅင်း​ၸဝ်ႈ​ၵူၺ်း​ဢေႃႈ။-</verse>
				<verse number="9">ဢၼ်​လႅင်း​ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ​ၸမ်ႉ မႃး​ၼႂ်း​လေႃးၵႃႉ​ၼႆႉ​ယူႇ​သေ​လႄႈ ပဵၼ်​ၵေႃႉ​ဢၼ်​ပၼ်​ဢၼ်​လႅင်း တီႈ​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="10">မၼ်း​ၼၼ်ႉ​မႃး​ၼႂ်း​လေႃးၵႃႉ​ၼႆႉ​ယဝ်ႉ။ လေႃးၵႃႉ​ၼႆႉ​ၵေႃႈ​မၼ်း​ၽၢၼ်ႇ​သၢင်း​ႁဵတ်း​ပဵၼ်​ယဝ်ႉ၊ ၼႂ်း​ဝႃႈ​ၼၼ်​သေ​ၵေႃႈ လေႃးၵႃႉ​ၼႆႉ​ဢမ်ႇ​ႁူႉ​မၼ်း​ၼၼ်ႉ။-</verse>
				<verse number="11">ပိၵ်ႉ​သမ်ႉ​မၼ်း​မႃး​ၸူး​တီႈ​ယူႇ​မၼ်း​သေ​ၵေႃႈ၊ ၵူၼ်း​မဵဝ်း​မၼ်း​တင်း​လၢႆ ယင်း​ဢမ်ႇ​ႁပ်ႉ​တုင်း​ဢဝ်​မၼ်း​လႄႈ​ယူႇ​ဢေႃႈ။-</verse>
				<verse number="12">တီႈ​ၶဝ်​ၸိူဝ်း​ဢၼ်​ႁပ်ႉ​တုင်း​ဢဝ်​မၼ်း​ၼၼ်ႉ ၵႃႈ​မီး​တင်း​သဵင်ႈ​တင်း​လူင်​ဢၼ်​ဝႃႈ ၶဝ်​ၸိူဝ်း​ဢၼ်​ယုမ်ႇ​မၢတ်ႈ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တင်း​လၢႆ​ၼၼ်ႉ၊ မၼ်း​ၸဝ်ႈ​ပၼ်​ဢၶႂၢင်ႉ ဢၼ်​လႆႈ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="13">လုၵ်ႈ​ၸိူဝ်း​ၼၼ်ႉ​ၸမ်ႉ၊ ပဵၼ်​လုၵ်ႈ​ဢၼ် ၸၢပ်ႈ​သႅင်ႇ​ၵၼ်​တင်း​လိူတ်ႈ​ၵူၼ်း​လႄႈ​ၵိူတ်ႇ​လဵင်ႉ​မႃး​ဢမ်ႇ​ၸႂ်ႈ။ ပဵၼ်​လုၵ်ႈ​ဢၼ်​ၵိူတ်ႇ​လဵင်ႉ​မႃး​ၵွပ်ႈ​ပိူဝ်ႈ ဢလူဝ်ႇ​ၼိူဝ်ႉ​ၵူၼ်း​ဢမ်ႇ​ၸႂ်ႈ။ ပဵၼ်​လုၵ်ႈ​ဢၼ်​ၵိူတ်ႇ​လဵင်ႉ​မႃး ၸွမ်း​ၼင်ႇ​ဢလူဝ်ႇ​ၵူၼ်း​ဢမ်ႇ​ၸႂ်ႈ။ ပဵၼ်​လုၵ်ႈ​ဢၼ်​ၵိူတ်ႇ​လဵင်ႉ​မႃး ၵွပ်ႈ​ပိူဝ်ႈ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="14">ၼုၵ်ႈၵပၢတ်ႈ​ၸဝ်ႈ​ၼၼ်ႉ​ၵေႃႈ ၶၢမ်ႇ​ဢဝ်​ၸႃႇ​တီႉ​ၵူၼ်း​လႄႈ ပျေႉ​ၸုမ်ႇ​တင်း​ၵျေး​ၸူး​ၸဝ်ႈ ဢိၵ်ႇ​တင်း​သဵတ်ႈ​ၸႃႇ​ၸဝ်ႈ​ယူႇ​သေ​လႄႈ တႄႇ​ယူႇ​ၼႂ်း​ႁဝ်း​လႄႈ ႁဝ်း​ၼႆႉ​လႆႈ​ႁၼ်​မုၼ်​ၽုင်း​မၼ်း​ပဵၼ်​ၸိူဝ်ႉ​ၼင်ႇ​မုၼ်​ၽုင်း​လုၵ်ႈ​ၸဝ်ႈ ဢၼ်​မီး​ယူႇ​တီႈ​ပေႃႈ​ၸဝ်ႈ​ပႃး​လဵဝ်​ၵူၺ်း​ၼၼ်ႉ​ယဝ်ႉ။</verse>
				<verse number="15">ယူဝ်းႁၢၼ်ႇ ၶၢမ်ႇ​သၢၵ်ႈ​သေႇ​လွင်ႈ​မၼ်း​ၸဝ်ႈ​ၼၼ်ႉ​သေ​လႄႈ ႁွင်ႉ​ပၢဝ်ႇ​ႁွင်ႉ​လၢတ်ႈ​လႄႈ​ဝႃႈ​ၸမ်ႉ၊ ဢၼ်​ၵဝ်​လၢတ်ႈ​လႄႈ​ဝႃႈ၊ ၵေႃႉ​ဢၼ်​မႃး​လိုၼ်း​ၵဝ်​ၼၼ်ႉ၊ ပိူဝ်ႈ​ဢၼ်​မီး​ဝႆႉ​ယူႇ​ယဝ်ႉ ၸူဝ်ႈ​ဢၼ်​ၵဝ်​ဢမ်ႇ​ပႆႇ​မီး​ၼၼ်ႉ​လႄႈ ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ၵဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ၶႂ်ႈ​ဝႃႈ​ၵေႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၵႃႈ​ၼႂ်း​တၢင်း​ဢၼ်​ပျေႉ​ၸုမ်ႇ​မၼ်း​ၸဝ်ႈ​ၼၼ်ႉ​ၵေႃႈ ႁဝ်း​ၵႃႈ​မီး​တင်း​သဵင်ႈ​တင်း​လူင်​လႆႈ​ၶၢမ်ႇ​ဢဝ် တၢင်း​ဢၼ်​ဢဝ်​ၵျေး​ၸူး​ပႃး​ၼိုင်ႈ သမ်ႉ​ထၢပ်ႈ​သႂ်ႇ​ထႅင်ႈ​ၵျေး​ၸူး​ပႃး​ၼိုင်ႈ​ယဝ်ႉ။-</verse>
				<verse number="17">လွင်ႈ​မၼ်း​ၸမ်ႉ ပိင်း​ၺၢပ်ႈ​တြႃး​ၸိုင်၊ မၼ်း​ၸဝ်ႈ​ပၼ်​ၼႂ်း​မိုဝ်း​ မူဝ်းသေႇ ​ၼၼ်ႉ​ဢေႃႈ။ ၵျေး​ၸူး​တြႃး​တင်း​သဵတ်ႈ​ၸႃႇ​တြႃး​ၸမ်ႉ ပဵၼ်​မႃး​ၼႂ်း ယေႇသူႉ​ၶရိၸ်ႈ ​ဢေႃႈ။-</verse>
				<verse number="18">ပိၵ်ႉ​သမ်ႉ​ၽူႈ​လႂ်​ဢမ်ႇ​ပႆႇ​တွၼ်ႉ​လႆႈ​ႁၼ်​ၽြႃး​ပဵၼ်​ၸဝ်ႈ​သေ​ၵေႃႈ၊ လုၵ်ႈ​ၸဝ်ႈ​ပႃး​လဵဝ်​ၵူၺ်း ဢၼ်​မီး​ၼႂ်း​ဝၢင်ႈ​ႁူဝ်​ဢူၵ်း​ပေႃႈ​ၸဝ်ႈ​ၼၼ်ႉ ႁႂ်ႈ​မၼ်း​ၸဝ်ႈ​ထၢင်ႇ​သႃး​မႃး​ယဝ်ႉ။</verse>
				<verse number="19">မိူဝ်ႈ​ဢၼ်​ၵူၼ်း​ ယူႉတႃႉ ​တင်း​လၢႆ ပွႆႇ​ၸႂ်ႉ​ယိတ်ႈပရေႃးႁဵၵ်ႈ​လူင်​ဢိၵ်ႇ​တင်း ၵူၼ်း​ လေႇဝီႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵႂႃႇ​ၸူး​ၵႃႈ​တီႈ ယူဝ်းႁၢၼ်ႇ ​ႁႂ်ႈ​လႆႈ​ထၢမ်​မၼ်း​လႄႈ​ဝႃႈ၊ မႂ်း​ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ယူဝ်းႁၢၼ်ႇ ​ၶၢမ်ႇ​သၢၵ်ႈ​သေႇ​လႄႈ​ဝႃႈ​ၸမ်ႉ၊-</verse>
				<verse number="20">ၵဝ်​ဢမ်ႇ​ၸႂ်ႈ​ၸဝ်ႈ​ၶရိၸ်ႈ​ၵူၺ်ႉ ဝႃႈ​ၼႆ၊ ယင်း​ဢမ်ႇ​သိူင်ႇ​ဝႆႉ​မႅပ်ႉ​ဝႆႉ​လႄႈ လၢတ်ႈ​ဝႃႈ​လႅင်း​လႅင်း​ဢေႃႈ။-</verse>
				<verse number="21">ၶဝ်​ၼၼ်ႉ​ၵေႃႈ သမ်ႉ​ၶိုၼ်း​ထၢမ်​လႄႈ​ဝႃႈ၊ ပေႃး​ပဵၼ်​ၼင်ႇ​ၼႆ​ၸိုင်၊ မႂ်း​ပဵၼ်​ၽူႈ​လႂ်၊ ပဵၼ်​ ဢေးလီႉယႃႉ ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။ ယူဝ်းႁၢၼ်ႇ ​ၵေႃႈ လၢတ်ႈ​လႄႈ​ဝႃႈ၊ ၵဝ်​ဢမ်ႇ​ၸႂ်ႈ ဢေးလီႉယႃႉ ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​ၵေႃႈ သမ်ႉ​ၶိုၼ်း​ထၢမ်​လႄႈ​ဝႃႈ၊ ပဵၼ်​ပရေႃးၽႅတ်ႈ​ဢၼ်​ဝႃႈ​ၼၼ်ႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် မၼ်း​သမ်ႉ​ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​ၸႂ်ႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၶဝ်​ၼၼ်ႉ​ၵေႃႈ​သမ်ႉ​ၶိုၼ်း​ထၢမ်​လႄႈ​ဝႃႈ၊ မႂ်း​ပဵၼ်​ၽူႈ​လႂ်၊ ၼင်ႇ​ႁိုဝ်​တၵ်း​မီး​လွင်ႈ​ဢၼ်​တၵ်း​ၶိုၼ်း​လၢတ်ႈ​တီႈ​ၶဝ်​ၸိူဝ်း​ဢၼ် ပွႆႇ​ၸႂ်ႉ​ႁဝ်း​မႃး​ၸိူဝ်း​ၼၼ်ႉ​ၸိုင်​မႂ်း​ၶႂ်ႈ​ဝႃႈ လွင်ႈ​တူဝ်​ၸဝ်ႈ​ၵဝ်ႇ​ၸိူဝ်ႉ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​ၵေႃႈ​လၢတ်ႈ​လႄႈ​ဝႃႈ၊ ၵႃႈ​ၼင်ႇ​ဢၼ်​ပရေႃးၽႅတ်ႈ​ ဢီႉသႃႇယႃႉ ႁေႃး​လၢတ်ႈ​ဝႆႉ​ၼၼ်ႉ၊ ၵဝ်​ပဵၼ်​သဵင်​ၵေႃႉ​ဢၼ်​ႁွင်ႉ​သႅၼ်ႇ​ၵႃႈ​တီႈ​ၼႂ်း​ထိူၼ်ႇ​လႄႈ​ဝႃႈ၊ ႁႂ်ႈ​သဵၼ်ႈ​တၢင်း​ထႃႇဝရႃႉ​ၽြႃး​သိုဝ်ႈ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ပွႆႇ​ၸႂ်ႉ​မႃး​ၼၼ်ႉ​ၸမ်ႉ၊ ပဵၼ်​ ၽႃႇရီႉသႄး ​ဢေႃႈ။-</verse>
				<verse number="25">ၶဝ်​ၼၼ်ႉ​သမ်ႉ​ၶိုၼ်း​ထၢမ်​တီႈ​မၼ်း​လႄႈ​ဝႃႈ၊ ပေႃး​မႂ်း​ဢမ်ႇ​ၸႂ်ႈ​ၸဝ်ႈ​ၶရိၸ်ႈ၊ ဢမ်ႇ​ၸႂ်ႈ ဢေးလီႉယႃႉ ၊ ဢမ်ႇ​ၸႂ်ႈ​ပရေႃးၽႅတ်ႈ​ဢၼ်​ဝႃႈ​ၼၼ်ႉ​ၸိုင်၊ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​လႄႈ မႂ်း​ပၼ်​ ပပ်ႉတီႉၸမ်ႇ ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ယူဝ်းႁၢၼ်ႇ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ၵဝ်​ပၼ် ပပ်ႉတီႉၸမ်ႇ ​ၼႂ်း​ၼမ်ႉ​ဢေႃႈ။ ၼႂ်း​ၵၢင်​သူ​မီး​ၵေႃႉ​ၼိုင်ႈ​ဢၼ်​သူ​ဢမ်ႇ​ႁူႉ​ဢေႃႈ။-</verse>
				<verse number="27">ၵေႃႉ​ၼၼ်ႉ​ပိၵ်ႉ​သမ်ႉ​မႃး​လိုၼ်း​ၵဝ်​သေ​ၵေႃႈ​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ၵဝ်​ဢေႃႈ၊ ၵဝ်​ၼႆႉ​ယင်း​ဢမ်ႇ​ထိူၵ်ႈ​ၵႄႈ​ဢဝ်​သၢႆ​ၶႅပ်း​တိၼ်​ၵေႃႉ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">လွင်ႈ​တၢင်း​ၸိူဝ်း​ၼႆႉ​ပဵၼ်​ၼႂ်း​ဝၢၼ်ႈ​ ပေႇထၼီႉ ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ တီႈ​ဢၼ် ယူဝ်းႁၢၼ်ႇ ပၼ်​ ပပ်ႉတီႉၸမ်ႇ ​ၼၼ်ႉ​ဢေႃႈ။</verse>
				<verse number="29">ဝၼ်း​မိူဝ်ႈ​ၽုၵ်ႈ ယူဝ်းႁၢၼ်ႇ ​ၼၼ်ႉ ႁၼ်​ ယေႇသူႉ ​မႃး​လႄႈ လၢတ်ႈ​လႄႈ​ဝႃႈ၊ တူၺ်း​သူဝ်း​ဢွၼ်ႇ​ၽြႃး​ပဵၼ်​ၸဝ်ႈ​ဢၼ်​ဢဝ်​ဢပႅတ်ႈ​လေႃးၵႃႉ​ၼႆႉ​ၵႂႃႇ​ၼၼ်ႉ​တႃႉ။-</verse>
				<verse number="30">ဢၼ်​ၵဝ်​လၢတ်ႈ​လႄႈ​ဝႃႈ၊ ၵေႃႉ​ဢၼ်​မႃး​လိုၼ်း​ၵဝ်​ၼၼ်ႉ၊ ပိူဝ်ႈ​ဢၼ်​မီး​ဝႆႉ​ယူႇ​ယဝ်ႉ ၸူဝ်ႈ​ဢၼ်​ၵဝ်​ဢမ်ႇ​ပႆႇ​မီး​ၼၼ်ႉ​လႄႈ ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ၵဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ၶႂ်ႈ​ဝႃႈ​ၵေႃႉ​ၼၼ်ႉ​ဢေႃႈ။-</verse>
				<verse number="31">မိူဝ်ႈ​ၸႃႉ​မၼ်း​ၵဝ်​ဢမ်ႇ​ႁူႉ​ၵေႃႉ​ၼၼ်ႉ၊ ၼႂ်း​ဝႃႈ​ၼၼ်​သေ​ၵေႃႈ ၼင်ႇ​ႁိုဝ်​ၵေႃႉ​ၼၼ်ႉ​တၵ်း​လႆႈ​ထၢင်ႇ​သႃး​တီႈ​ၵူၼ်း ဢီႉသရေႇလႃႉ ​တင်း​လၢႆ​ၸိုင်၊ ၵဝ်​ၸင်ႇ​မႃး​ပၼ်​ ပပ်ႉတီႉၸမ်ႇ ​ၼႂ်း​ၼမ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">လိူဝ်​သေ​ၼၼ်ႉ၊ ယူဝ်းႁၢၼ်ႇ ​ၶၢမ်ႇ​သၢၵ်ႈ​သေႇ​လႄႈ​ဝႃႈ၊ ၵဝ်​လႆႈ​ႁၼ်​ဝီႉၺိၺ်ႇ​ၸဝ်ႈ​လူင်း​သေ​ၵႃႈ​ၼိူဝ်​ၵၢင်​ႁၢဝ်​ပုၼ်ႉ​မႃး​ၸိူဝ်ႉ​ၼင်ႇ​ႁၢင်ႈ​ၼူၵ်ႉ​တူႈ​လႄႈ ၸပ်း​ယူႇ​ၵႃႈ​ၼိူဝ်​မၼ်း​ၼၼ်ႉ​ယဝ်ႉ။-</verse>
				<verse number="33">မိူဝ်ႈ​ၸႃႉ​မၼ်း​ၵဝ်​ဢမ်ႇ​ႁူႉ​ၵေႃႉ​ၼၼ်ႉ၊ ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ႁႂ်ႈ​လႆႈ​ပၼ်​ ပပ်ႉတီႉၸမ်ႇ ​ၼႂ်း​ၼမ်ႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၵႃႈ​ၼိူဝ်​ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မႂ်း​လႆႈ​ႁၼ်​ဝီႉၺိၺ်ႇ​ၸဝ်ႈ​လူင်း​မႃး​လႄႈ​ၸပ်း​ယူႇ​ၼၼ်ႉ၊ ၵေႃႉ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​ပၼ်​ ပပ်ႉတီႉၸမ်ႇ ​ၼႂ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ ဝႃႈ​ၼႆ၊ ၵႃႈ​ၼင်ႇ​ဢၼ်​မၼ်း​ၸဝ်ႈ​ဝႃႈ​ၼၼ်ႉ၊-</verse>
				<verse number="34">ၵဝ်​ႁၼ်​လႄႈ​ၶၢမ်ႇ​သၢၵ်ႈ​သေႇ လွင်ႈ​ဢၼ်​ၵေႃႉ​ၼၼ်ႉ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="35">လိုၼ်း​ၼၼ်ႉ ၼႂ်း​ဝၼ်း​မိူဝ်ႈ​ၽုၵ်ႈ ယူဝ်းႁၢၼ်ႇ ​ၸုၵ်း​ယူႇ​လူၺ်ႈ​ၵၼ်​တင်း​တပႄး​မၼ်း​သွင်​ၵေႃႉ​လႄႈ၊-</verse>
				<verse number="36">မိူဝ်ႈ​ဢၼ်​ႁၼ်​ ယေႇသူႉ ၵၢႆ​ၵႂႃႇ​ၵၢႆ​မႃး​ၸိုင် လၢတ်ႈ​လႄႈ​ဝႃႈ၊ တူၺ်း​သူဝ်း​ဢွၼ်ႇ​ၽြႃး​ပဵၼ်​ၸဝ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">တပႄး​သွင်​ၵေႃႉ​ၼၼ်ႉ​ငိၼ်း​ၵႂၢမ်း​မၼ်း​လႄႈ ၸွမ်း​ပႃႈ​လင်​ ယေႇသူႉ ​ၵႂႃႇ​ဢေႃႈ။-</verse>
				<verse number="38">ယေႇသူႉ ​ဝၢႆႇ​တူၺ်း​လႄႈ မိူဝ်ႈ​ဢၼ်​ႁၼ်​ၶဝ်​ၸွမ်း​ယူႇ​ၼၼ်ႉ​ၸိုင် ထၢမ်​လႄႈ​ဝႃႈ၊ သူ​ႁႃ​ၵႃႈ​သင်၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​ၵေႃႈ​လဝ်ႊ​ထၢမ်​လႄႈ​ဝႃႈ၊ ရပ်ႉၽီႉ ၊ ၸဝ်ႈ​ႁဝ်း​ယူႇ​ၵႃႈ​လႂ်​ၶႃႈ၊ ဝႃႈ​ၼင်ႇ​ၼႆ​ဢေႃႈ၊ ဢထိၵ်ႈပႄႇ ရပ်ႉၽီႉ ​ၸမ်ႉ၊ ၶႂ်ႈ​ဝႃႈ သြႃႇ​ၸဝ်ႈ​ဢေႃႈ။-</verse>
				<verse number="39">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ မႃး​တူၺ်း​တႃႉ၊ ဝႃႈ​ၼင်ႇ​ၼႆ​ဢေႃႈ၊ ၶဝ်​ၼၼ်ႉ​ၵႂႃႇ​လႄႈ​လူ​တူၺ်း​တီႈ​ဢၼ်​မၼ်း​ၸဝ်ႈ​ယူႇ​ၼၼ်ႉ​ဢေႃႈ။ ပိူဝ်ႈ​ဢၼ်​ၶိင်ႇ​ၼၼ်ႉ​ပဵၼ်​ၶိင်ႇ​သိပ်း​ၼႃႇရီႇ​လႄႈ၊ ဝၼ်း​ၼၼ်ႉ​ၸိုင် ၶဝ်​ၼၼ်ႉ​ယူႇ​ၵႃႈ​တီႈ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="40">ၼႂ်း​ၶဝ်​သွင်​ၵေႃႉ​ဢၼ်​ငိၼ်း​ၵႂၢမ်း ယူဝ်းႁၢၼ်ႇ ​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ၼၼ်ႉ၊ ၵေႃႉ​ၼိုင်ႈ​ၸမ်ႉ၊ ပဵၼ်​ ဢၼ်ႇတရေႇ ၼွင်ႉ​ၸၢႆး သီႉမုၼ်ႇ ပေႇတရူႉ ​ဢေႃႈ။-</verse>
				<verse number="41">မၼ်း​ၼၼ်ႉ​ထူပ်း​ႁၼ်​ပီႈ​ၸၢႆး​မၼ်း သီႉမုၼ်ႇ ​ဢွၼ်​တၢင်း​ပိူၼ်ႈ​လႄႈ လၢတ်ႈ​လႄႈ​ဝႃႈ၊ ႁဝ်း​လႆႈ​ထူပ်း​ႁၼ် မေသီႉ ​ယဝ်ႉ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="42">ဢဝ်​မၼ်း​ၵႂႃႇ​သူင်ႇ​ၵႃႈ​တီႈ​ ယေႇသူႉ ​ဢေႃႈ။ ဢထိၵ်ႈပႄႇ မေသီႉ ​ၸမ်ႉ၊ ၶႂ်ႈ​ဝႃႈ​ၸဝ်ႈ​ၶရိၸ်ႈ​ဢေႃႈ။ ယေႇသူႉ ​လူ​တူၺ်း​မၼ်း​ၼၼ်ႉ​သေ​လႄႈ​လၢတ်ႈ​လႄႈ​ဝႃႈ၊ မႂ်း​ပဵၼ် သီႉမုၼ်ႇ ​လုၵ်ႈ​ၸၢႆး​ ယူဝ်းၼႃႉ ​ဢေႃႈ။ ၸိုဝ်ႈ​သဵင်​မႂ်း​ၸိုင်​တၵ်း​လႆႈ​ႁွင်ႉ​ႁဵၵ်ႈ ၵေႇၽႃႉ ​ဢေႃႈ။ ဢထိၵ်ႈပႄႇ ၵေႇၽႃႉ ​ၸမ်ႉ၊ ၶႂ်ႈ​ဝႃႈ ပေႇတရူႉ ​ဢေႃႈ။</verse>
				<verse number="43">ၼႂ်း​ဝၼ်း​မိူဝ်ႈ​ၽုၵ်ႈ မၼ်း​ၸဝ်ႈ​ၼၼ်ႉ​မီး​ဢလူဝ်ႇ​ၶႂ်ႈ​ၵႂႃႇ​ၵႃႈ​တီႈ မိူင်း​ ၵႃႇလီႉလႄး ​သေ​ယဝ်ႉ၊ ထူပ်း​ႁၼ်​ ၽီႉလိပ်ႉပူႉ ​လႄႈ​လၢတ်ႈ​ဝႃႈ၊ ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="44">ၽီႉလိပ်ႉပူႉ ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​လုၵ်ႉ​သေ​ၵႃႈ​တီႈ ဝဵင်း​ ပႅတ်ႉၸေးတႃႉ တီႈ​ဢၼ် ဢၼ်ႇတရေႇ တင်း​ ပေႇတရူႉ ၵိူတ်ႇ​လဵင်ႉ​မႃး​ၼၼ်ႉ မႃး​ဢေႃႈ။-</verse>
				<verse number="45">ၽီႉလိပ်ႉပူႉ ထူပ်း​ႁၼ် ၼႃႇသၼေႇလႃႉ ​လႄႈ​လၢတ်ႈ​ဝႃႈ၊ ႁဝ်း​လႆႈ​ထူပ်း​ႁၼ် ၵေႃႉ​ဢၼ်​ မူဝ်းသေႇ တႅမ်ႈ​ဝႆႉ​လွင်ႈ​မၼ်း​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ ဢိၵ်ႇ​တင်း​ပရေႃးၽႅတ်ႈ​တင်း​လၢႆ​တႅမ်ႈ​ဝႆႉ​လွင်ႈ​မၼ်း​ၼႂ်း​ၵျၢမ်း​လိၵ်ႈ​ၶဝ် ဢၼ်​ဝႃႈ​ ယေႇသူႉ လုၵ်ႈ​ ယူဝ်းသႅပ်ႈ ၵူၼ်း​ဝဵင်း​ ၼႃႇၸရႅတ်ႈ ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="46">ၼႃႇသၼေႇလႃႉ ​ၵေႃႈ ထၢမ်​လႄႈ​ဝႃႈ၊ လွင်ႈ​တၢင်း​ဢၼ်​လီ​ဢၼ်​ငၢမ်း​ဢွၵ်ႇ​ၵႃႈ​ၼႂ်း ဝဵင်း​ ၼႃႇၸရႅတ်ႈ ​ၼၼ်ႉ မႃး​လႆႈ​သေ​ၸိူဝ်ႉ​သေ​ပိူင်​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၽီႉလိပ်ႉပူႉ ​ၵေႃႈ လၢတ်ႈ​လႄႈ​ဝႃႈ၊ မႃး​လႄႈ​တူၺ်း​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="47">ယေႇသူႉ ႁၼ်​ ၼႃႇသၼေႇလႃႉ မႃး​တီႈ​မၼ်း​ၸဝ်ႈ​သေ​ယဝ်ႉ၊ လၢတ်ႈ​လွင်ႈ​မၼ်း​လႄႈ​ဝႃႈ၊ တူၺ်း​ၵူၼ်း ဢီႉသရေႇလႃႉ ၸႅတ်ႈ​ၸႅတ်ႈ​ဢၼ်​ၵၢင်း​လွတ်ႈ​တင်း​တၢင်း​ဢၼ်​ပႅတ်ႉ​ဢၼ်​လႅၼ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="48">ၼႃႇသၼေႇလႃႉ ​ၵေႃႈ လဝ်ႊ​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ႁူႉ​ၵဝ်​ၶႃႈ​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယေႇသူႉ ​ၶိုၼ်း​လၢတ်ႈ​လႄႈ​ဝႃႈ ၸူဝ်ႈ​ဢၼ် ၽီႉလိပ်ႉပူႉ ဢမ်ႇ​ပႆႇ​ႁွင်ႉ​မႂ်း​မႃး​ၼၼ်ႉ ၵဝ်​ႁၼ်​မႂ်း​မီး​ယူႇ​ၵႃႈ​တီႈ​တႂ်ႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ပုၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="49">ၼႃႇသၼေႇလႃႉ ​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊​ၸဝ်ႈ​ႁဝ်း၊ ၸဝ်ႈ​ႁဝ်း​ၼႆႉ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​တီႈ​ၶႃႈ​ဢေႃႈ။ ၶုၼ်​ႁေႃ​ၶမ်း ၵူၼ်း​ ဢီႉသရေႇလႃႉ ​တင်း​လၢႆ​ၵေႃႈ​ပဵၼ်​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="50">ယေႇသူႉ ​ၵေႃႈ သမ်ႉ​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​ၵဝ်​ဝႃႈ၊ ၵဝ်​လႆႈ​ႁၼ်​မႂ်း​ၵႃႈ​တီႈ​တႂ်ႈ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး​ပုၼ်ႉ၊ ဝႃႈ​ၼင်ႇ​ၼႆ​လႄႈ မႂ်း​ၸင်ႇ​ယုမ်ႇ​ႁိုဝ်။ လိူဝ်​သေ​ၼၼ်ႉ​ဢမ်ႇ​ၵႃး မႂ်း​တၵ်း​လႆႈ​ႁၼ်​လွင်ႈ​တၢင်း​ဢၼ် ယဵင်ႈ​ၶႅၼ်း​ယႂ်ႇ​ၼႃႇ​သေ​ဢၼ်​ၼႆႉ​လူး​ၵွၼ်ႇ​ဢေႃႈ။-</verse>
				<verse number="51">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၶိင်ႇ​ၵႃႇလႃႉ​ၵမ်း​လိုၼ်း သူ​တၵ်း​လႆႈ​ႁၼ်​ၵၢင်​ႁၢဝ်​ၽုၺ်ႇ​ပိုတ်ႇ​ဝႆႉ ဢိၵ်ႇ​တင်း​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​တင်း​လၢႆ ၶိုၼ်ႈ​ယူႇ​လူင်း​ယူႇ​ၵႃႈ​ၼိူဝ်​လုၵ်ႈ​ၵူၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="2">
				<verse number="1">မိူဝ်ႈ​ဢၼ်​ထိုင်​ႁွတ်ႈ​သၢမ်​ဝၼ်း​ၸိုင်၊ ၶဝ်​ၶၢမ်ႇ​ပွႆး​သွင်ႇ​မင်ႇၵလႃႇ ၵႃႈ​ၼႂ်း​ဝဵင်း​ ၵႃႇၼႃႉ မိူင်း​ ၵႃႇလီႉလႄး ​ယူႇ​လႄႈ ၵႃႈ​တီႈ​ပွႆး​ၼၼ်ႉ မီး​မႄႈ​ၸဝ်ႈ ယေႇသူႉ ​ဢေႃႈ။-</verse>
				<verse number="2">ယေႇသူႉ ​တင်း​တပႄး​ၸဝ်ႈ​တင်း​လၢႆ​ၵေႃႈ ၶဝ်​ႁွင်ႉ​ပၢင်း​ၵႂႃႇ​ၵႃႈ​တီႈ​ပွႆး​ၼၼ်ႉ​ဢေႃႈ။-</verse>
				<verse number="3">မိူဝ်ႈ​ဢၼ်​ၼမ်ႉ​ၸပိတ်ႈ​သဵင်ႈ​ၵႂႃႇ​ၸိုင်၊ မႄႈ​ၸဝ်ႈ​ ယေႇသူႉ ​ၵေႃႈ​မွၵ်ႇ​လၢတ်ႈ​တီႈ​မၼ်း​ၸဝ်ႈ​လႄႈ​ဝႃႈ၊ ၶဝ်​ဢမ်ႇ​မီး​ၼမ်ႉ​ၸပိတ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မႄႈ​ယိင်း​ဢိူၺ်း၊ မႂ်း​ၸၢပ်ႈ​သႅင်ႇ​ၵၼ်​တင်း​ၵဝ်​ၸိူဝ်ႉ​ၼင်ႇ​ႁိုဝ်။ ၶိင်ႇ​ၼႃႇရီႇ​ၵဝ်​ဢမ်ႇ​ပႆႇ​ႁွတ်ႈ​ပႆႇ​ထိုင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မႄႈ​ၸဝ်ႈ​ၵေႃႈ​လၢတ်ႈ​တီႈ​ၵူၼ်း​ၸႂ်ႉ​ၵူၼ်း​သွႆ​ၸိူဝ်း​ၼၼ်ႉ​လႄႈ​ဝႃႈ၊ သူ​ႁဵတ်း​ၸွမ်း​ၵႃႈ​ဢၼ်​မၼ်း​ၼႆႉ​ၸႂ်ႉ​ႁဵတ်း​တင်း​သဵင်ႈ​တင်း​လူင်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၵႃႈ​တီႈ​ၼၼ်ႈ မီး​မေႃႈ​မၢၵ်ႇ​ႁိၼ်​ႁူၵ်း​လုၵ်ႈ ဢၼ်​ၶဝ်ႈ​သေ​သွင်​သၢမ်​တၢင်​ၸမ်​ၸမ်​ၼၼ်ႉ တမ်း​ဝႆႉ​ယူႇ​ပုၼ်ႈ​လွင်ႈ​ၼင်ႇ​ႁိုဝ် တၵ်း​ႁႂ်ႈ​မူတ်း​သႂ်​ၸွမ်း​ၼင်ႇ​ထုင်း​ၸၢမ်ႇ ၽႃႇသႃႇ​ ယူႉတႃႉ ​ၼၼ်ႉ​ဢေႃႈ။-</verse>
				<verse number="7">ယေႇသူႉ ​ၵေႃႈ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ဢဝ်​ၼမ်ႉ​သႂ်ႇ​ၼႂ်း​မေႃႈ​ၼမ်ႉ​ၸိူဝ်း​ၼႆႉ​ႁႂ်ႈ​တဵမ်​ဝႆႉ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် ၶဝ်​ၼၼ်ႉ​ဢွၼ်​ၵၼ်​ဢဝ်​သႂ်ႇ​ထၼ်ႈ​ပေႃး​ၸမ်​တၵ်း​လူၼ်ႉ​ဢေႃႈ။-</verse>
				<verse number="8">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ​တဵၵ်း​လႄႈ ဢဝ်​ၵႂႃႇ​ၵႃႈ​တီႈ​ၵေႃႉ​ဢၼ်​ဢုပ်ႉ​ၼိူဝ်​ပွႆး​ပုၼ်ႉ​တႃႉ​ဝႃႈ​ၼႆ၊ ၵႃႈ​ၼင်ႇ​ဢၼ်​ဝႃႈ​ၼၼ်ႉ၊ ၶဝ်​ဢဝ်​ၵႂႃႇ​ဢေႃႈ။-</verse>
				<verse number="9">ၵေႃႉ​ဢၼ်​ဢုပ်ႉ​ၼိူဝ်​ပွႆး​ၼၼ်ႉ​ၸိမ်း​တူၺ်း​ၼမ်ႉ​ဢၼ် ႁႂ်ႈ​ပဵၼ်​ၼမ်ႉ​ၸပိတ်ႈ​ၼၼ်ႉ​လႄႈ ပိၵ်ႉ​သမ်ႉ​ၵူၼ်း​ၸႂ်ႉ​ၵူၼ်း​သွႆ​ဢၼ်​တဵၵ်း​ၼမ်ႉ​ၸိူဝ်း​ၼၼ်ႉ​ႁူႉ​လွင်ႈ​ဢၼ်​လႆႈ​ၼမ်ႉ​ၸပိတ်ႈ​ၼၼ်ႉ​ၵႃႈ​တီႈ​လႂ်​ၼၼ်ႉ​သေ​ၵေႃႈ၊ ပိူဝ်ႈ​ဢၼ်​ၵေႃႉ​ဢၼ်​ဢုပ်ႉ​ၼိူဝ်​ပွႆး​ၼၼ်ႉ ဢမ်ႇ​ႁူႉ​လႄႈ​မၼ်း​ႁွင်ႉ​လၢတ်ႈ​တီႈ​ၵေႃႉ​ဢၼ်​သွင်ႇ​မင်ႇၵလႃႇ​ၼၼ်ႉ​လႄႈ​ဝႃႈ၊-</verse>
				<verse number="10">ပိူၼ်ႈ​တၢင်ႇ​ၵေႃႉ​တၢင်ႇ​ၵူၼ်း​ၸမ်ႉ၊ ၵေႃႉ​လႂ်​သေ​ဢမ်ႇ​ဝႃႈ ၸၢင်ႈ​သႂ်ႇ​တမ်း​ပၼ်​ၼမ်ႉ​ၸပိတ်ႈ​ဢၼ်​လီ​ဢွၼ်​တၢင်း​လႄႈ ၵိၼ်​ဢိမ်ႇ​ယဝ်ႉ​ၸင်ႇ သႂ်ႇ​တမ်း​ပၼ်​ၼမ်ႉ​ၸပိတ်ႈ​ဢၼ်​ဢမ်ႇ​လီ​ဢေႃႈ။ မႂ်း​ၸမ်ႉ၊ ဢဝ်​ၼမ်ႉ​ၸပိတ်ႈ​ဢၼ်​လီ​သိမ်း​ဝႆႉ​ႁၢၼ်ႉ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၼင်ႇ​ၼၼ်​လႄႈ ယေႇသူႉ ​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​ဢၼ်​ၼႆႉ​ဢၼ်​ပဵၼ်​ဢွၼ်​တၢင်း​ပိူၼ်ႈ​ၵႃႈ​ၼႂ်း​ဝဵင်း​ ၵႃႇၼႃႉ မိူင်း​ ၵႃႇလီႉလႄး ​လႄႈ​ႁႂ်ႈ​မုၼ်​ၽုင်း​ၸဝ်ႈ​ထၢင်ႇ​သႃး​ဢေႃႈ။ တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ​ယုမ်ႇ​မၢတ်ႈ​မၼ်း​ၸဝ်ႈ​ဢေႃႈ။</verse>
				<verse number="12">လိုၼ်း​ၼၼ်ႉ ၸႃႉ​ၸဵမ်​မၼ်း​ၸဝ်ႈ​လႄႈ မႄႈ​ၸဝ်ႈ၊ ၼွင်ႉ​ၸၢႆး​ၸဝ်ႈ​တင်း​လၢႆ​ဢိၵ်ႇ​တင်း​တပႄး​ၸဝ်ႈ​ၸိူဝ်း​ၼၼ်ႉ​လူင်း​ၵႂႃႇ​ၵႃႈ​တီႈ​ဝဵင်း​ ၵပိူဝ်ႇၼေႇဢုမ်ႇ ​ဢေႃႈ။ ၶဝ်​ဢမ်ႇ​ယူႇ​ၵႃႈ​တီႈ​ဝဵင်း​ၼၼ်ႉ​ႁိုင်​ၼႃႇ​လူင်​လၢင်​လႄႈ၊-</verse>
				<verse number="13">မိူဝ်ႈ​ဢၼ်​ၸမ်​တၵ်း​ထိုင်​ၶိင်ႇ​ပွႆး​ ပႃႉသၶႃႇ​ယူႉတႃႉ ​ၸိုင်​ ယေႇသူႉ ​ၶိုၼ်ႈ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="14">မၼ်း​ၸဝ်ႈ​ထူပ်း​ႁၼ်​ၶဝ်​ၸိူဝ်း​ဢၼ်​ၶၢႆ​သူဝ်း​ဝူဝ်း ၼူၵ်ႉ​တူႈ ဢိၵ်ႇ​တင်း​ၵူၼ်း​ဢၼ်​လႅၵ်ႈ​ငိုၼ်း​တင်း​လၢႆ​ၼင်ႈ​လႄႈ မီး​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​သေ​ယဝ်ႉ၊-</verse>
				<verse number="15">ဢဝ်​ၸိူၵ်ႈ​ဢွၼ်ႇ​ႁွမ်း​ၵၼ် မႄး​ႁဵတ်း​ၶိူင်ႈ​ပိူင်​ဢၼ်​တၵ်း​လႆႈ​ယႅၼ်ႉ​ၽတ်ႉ​ၶဝ်​ၼၼ်ႉ​ယဝ်ႉ​ၸင်ႇ ႁေႃႈ​ၶဝ်​တင်း​သဵင်ႈ​တင်း​လူင် ဢိၵ်ႇ​တင်း​သူဝ်း​ဝူဝ်း​တင်း​လၢႆ​ဢွၵ်ႇ​သေ​ၵႃႈ​တီႈ ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​လႄႈ ဢဝ်​ငိုၼ်း​ၵူၼ်း​လႅၵ်ႈ​ငိုၼ်း​ၸိူဝ်း​ၼၼ်ႉ ထွၵ်ႇ​ပႅတ်ႈ​သေ​လႄႈ​ဢီး​ၶူင်ႇ​တၢင်ႇ​ငိုၼ်း​ၶဝ်​ၼၼ်ႉ​ၶႂမ်ႈ​ပိၼ်ႈ​ပႅတ်ႈ​ဢေႃႈ။-</verse>
				<verse number="16">တီႈ​ၶဝ်​ၸိူဝ်း​ဢၼ်​ၶၢႆ​ၼူၵ်ႉ​တူႈ​ၸိူဝ်း​ၼၼ်ႉ​ၵေႃႈ၊ မၼ်း​ၸဝ်ႈ​လၢတ်ႈ​လႄႈ​ဝႃႈ၊ ဢဝ်​ဢုၵ်ႉ​ၸႃႇ​ၶွင်​ၸိူဝ်း​ၼႆႉ​ၵႂႃႇ​သေ​တႃႉ။ ယႃႇ​ပေ​ဢဝ်​ႁိူၼ်း​ပေႃႈ​ၵဝ်​ႁဵတ်း​ႁိူၼ်း​ၶူဝ်း​ၵုၼ်ႇ​ၶူဝ်း​သိၼ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မိူဝ်ႈ​ၼၼ်ႉ တပႄး​ၸဝ်ႈ​ၸိူဝ်း​ၼၼ်ႉ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​ၵျၢမ်း​လိၵ်ႈ​မီး​မႃး​လႄႈ​ဝႃႈ၊ ၸႂ်​ဢၼ်​ၸပ်း​ဢၼ်​ၸွႆး​ယၢပ်ႇ​ၸႂ်​လူၺ်ႈ​လွင်ႈ​ႁိူၼ်း​ၸဝ်ႈ​ႁဝ်း​ၼႆႉ​ၵိၼ်​ၵဝ်​ၶႃႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="18">ၵူၼ်း​ ယူႉတႃႉ ​တင်း​လၢႆ​ၵေႃႈ​လၢတ်ႈ​လႄႈ​ဝႃႈ၊ ပေႃး​တၵ်း​ႁဵတ်း​ၸိူဝ်ႉ​ၼင်ႇ​ၼႆ​ၸိုင်၊ မႂ်း​တၵ်း​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​ဢၼ်​လႂ်​တီႈ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပိၵ်ႈ​မၢၼ်ႇ​ၸဝ်ႈ​ၼႆႉ​ၸိုင်​သူ​ၵိူၼ်ႇ​ယႃႉ​ပႅတ်ႈ​သေ​တႃႉ။ ၼႂ်း​သၢမ်​ဝၼ်း​ၵဝ်​တၵ်း​မႄး​ႁဵတ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ လႆႈ​ႁဵတ်း​ပိၵ်ႈ​မၢၼ်ႇ​ၸဝ်ႈ​ၼႆႉ​သီႇ​သိပ်း​ပၢႆ​ႁူၵ်း​ပီႊ​တဵမ်​တဵမ်​ဢေႃႈ။ မႂ်း​ၸမ်ႉ​တၵ်း​မႄး​ႁဵတ်း​ၼႂ်း​သၢမ်​ဝၼ်း​ၵူၺ်း​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၵူၺ်း​ၵႃႈ​မၼ်း​ၸဝ်ႈ​ဢဝ်​လွင်ႈ​တူဝ်​မၼ်း​ၸဝ်ႈ​ဢၼ်​ဝႃႈ​ပိၵ်ႈ​မၢၼ်ႇ​ၼၼ်ႉ​လၢတ်ႈ​ဝႃႈ​ဢေႃႈ။-</verse>
				<verse number="22">ပိူဝ်ႈ​ၼႆ​လႄႈ ဝၢႆး​သေ​မၼ်း​ၸဝ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ယဝ်ႉ​ၼၼ်ႉ၊ တပႄး​ၸဝ်ႈ​ၸိူဝ်း​ၼၼ်ႉ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵႂၢမ်း​မၼ်း​ၸဝ်ႈ​လၢတ်ႈ​ဝႆႉ​ၼၼ်ႉ​လႄႈ​ယုမ်ႇ​ဢဝ်​ၵျၢမ်း​လိၵ်ႈ​ဢိၵ်ႇ​တင်း​ၼုၵ်ႈၵပၢတ်ႈ​ ယေႇသူႉ ​ဢေႃႈ။</verse>
				<verse number="23">မိူဝ်ႈ​ဢၼ် ယေႇသူႉ မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၊ ၼႂ်း​ပွႆး​ ပႃႉသၶႃႇ ​ၼၼ်ႉ​ၸိုင် ၵူၼ်း​ၼမ်​ၼႃႇ​လႆႈ​ႁၼ်​ၼီႉမိၵ်ႈ​လၢၵ်ႈၶၼႃႇ​ဢၼ်​မၼ်း​ၸဝ်ႈ​ၼႄ​ပျႃး​ၸိူဝ်း​ၼၼ်ႉ​သေ​ယဝ်ႉ၊ ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​မၼ်း​ၸဝ်ႈ​ဢေႃႈ။-</verse>
				<verse number="24">ၼႂ်း​ဝႃႈ​ၼၼ်​သေ​ၵေႃႈ၊​ ယေႇသူႉ ​ဢမ်ႇ​ဢၢပ်ႈ​တူဝ်​ၸဝ်ႈ​ၵဝ်ႇ​တီႈ​ၶဝ်။ လွင်ႈ​မၼ်း​ၸမ်ႉ မၼ်း​ၸဝ်ႈ​ႁူႉ​ၵူၼ်း​တင်း​သဵင်ႈ​တင်း​လူင်​ယူႇ​ဢေႃႈ။-</verse>
				<verse number="25">ပိူဝ်ႈ​ဢၼ်​မၼ်း​ၸဝ်ႈ​ႁူႉ​ၵႃႈ​ဢၼ်​မီး​ၵႃႈ​ၼႂ်း​ၵူၼ်း​ယူႇ​လႄႈ မၼ်း​ၸဝ်ႈ​ဢမ်ႇ​လူဝ်ႇ​ၽူႈ​လႂ်​သေ​ၵေႃႉ​သေ​ၵူၼ်း​ပုၼ်ႈ​ဢၼ်​တၵ်း​ၶၢမ်ႇ​သၢၵ်ႈ​သေႇ​လွင်ႈ​ၵူၼ်း။</verse>
			</chapter>
			<chapter number="3">
				<verse number="1">မိူဝ်ႈ​ၼၼ်ႉ​မီး​ ၽႃႇရီႉသႄး ​ဢၼ်​လႆႈ​ၸိုဝ်ႈ​ ၼီႉၵေႃးတိၼ်ႇ ဢၼ်​ပဵၼ်​ၶုၼ်​တီႈ​လုမ်း​လူင်​ၼႂ်း​ၵူၼ်း​ ယူႉတႃႉ ​တင်း​လၢႆ ၵေႃႉ​ၼိုင်ႈ​ဢေႃႈ။-</verse>
				<verse number="2">မၼ်း​ၼၼ်ႉ​မႃး​ၵႃႈ​တီႈ​ ယေႇသူႉ ၶိင်ႇ​ၵၢင်​ၶိုၼ်း​လႄႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၼီႉမိၵ်ႈ​လၢၵ်ႈၶၼႃႇ​ဢၼ်​ၸဝ်ႈ​ႁဝ်း​ၼႄ​ပျႃး​ၸိူဝ်း​ၼႆႉ၊ ပေႃး​ဢၶႂၢင်ႉ​ၽြႃး​ပဵၼ်​ၸဝ်ႈ​ဢမ်ႇ​မီး​ၸိုင်၊ ပိူဝ်ႈ​ဢၼ်​ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ၼႄ​ပျႃး​လႆႈ​လႄႈ၊ ႁဝ်း​ၶႃႈ​ႁူႉ​လွင်ႈ​ဢၼ်​ၸဝ်ႈ​ႁဝ်း​ပဵၼ်​သြႃႇ ဢၼ်​လုၵ်ႉ​သေ​ၵႃႈ​တီႈ​ၽြႃး​ပဵၼ်​ၸဝ်ႈ​မႃး​ၶႃႈ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="3">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵေႃႉ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ၶိုၼ်း​ၵိူတ်ႇ​လဵင်ႉ​ၼၼ်ႉ​ၸိုင်၊​ဢမ်ႇ​လႆႈ​ႁၼ်​မိူင်း​ၽြႃး​ပဵၼ်​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၼီႉၵေႃးတိၼ်ႇ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၵေႃႉ​ဢၼ်​ဢသၢၵ်ႈ​ယႂ်ႇ​ယဝ်ႉ​ၼၼ်ႉ တၵ်း​ၶၢမ်ႇ​တၢင်း​ဢၼ်​ၶိုၼ်း​ၵိူတ်ႇ​လဵင်ႉ​လႆႈ​ၸိူဝ်ႉ​ၼင်ႇ​ႁိုဝ်​ၶႃႈ။ တၵ်း​သမ်ႉ​ၶိုၼ်း​ၶဝ်ႈ​ၵႃႈ​ၼႂ်း​တွင်ႉ​မႄႈ​မၼ်း​ၼၼ်ႉ​လႄႈ ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​လႆႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​မႂ်း​ၸမ်ႉ၊ ၵေႃႉ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ သေ​ၵႃႈ​ၼႂ်း​ၼမ်ႉ​တင်း​ဝီႉၺိၺ်ႇ​ၸဝ်ႈ​ၼၼ်ႉ​ၸိုင်၊ ဢမ်ႇ​လႆႈ​ၶဝ်ႈ​ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ဢၼ်​ၶၢမ်ႇ​တၢင်း​ဢၼ် ၵိူတ်ႇ​လဵင်ႉ​သေ​ၵႃႈ​ၼႂ်း​ၼိူဝ်ႉ​လိူတ်ႈ​ၼၼ်ႉ ပဵၼ်​ၼိူဝ်ႉ​လိူတ်ႈ​ဢေႃႈ။ ဢၼ်​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​သေ​ၵႃႈ​ၼႂ်း​ဝီႉၺိၺ်ႇ​ၸဝ်ႈ​ၼၼ်ႉ ပဵၼ်​ဝီႉၺိၺ်ႇ​ဢေႃႈ။-</verse>
				<verse number="7">ယႃႇ​ပေ​မီး​တၢင်း​ဢၼ်​လီ​ဢၢမ်း လွင်ႈ​ဢၼ်​ၵဝ်​ႁေႃး​လၢတ်ႈ​လႄႈ​ဝႃႈ၊ တၵ်း​လႆႈ​ၶၢမ်ႇ​တၢင်း​ဢၼ်​ၶိုၼ်း​ၵိူတ်ႇ​လဵင်ႉ၊ ဝႃႈ​ၼင်ႇ​ၼႆ​ၼၼ်ႉ။</verse>
				<verse number="8">လူမ်း​ၸိုင် ၵႂႃႇ​မႃး​ၵႃႈ​ၼင်ႇ​ဢၼ်​ဢလူဝ်ႇ​မၼ်း​မီး​ၼၼ်ႉ​ဢေႃႈ။ ပိၵ်ႉ​သမ်ႉ​မႂ်း​လႆႈ​ငိၼ်း​သဵင်​မၼ်း​သေ​ၵေႃႈ၊ မႂ်း​ဢမ်ႇ​ႁူႉ​လွင်ႈ​ဢၼ်​ပဵၼ်​မႃး​ၵႃႈ​တီႈ​လႂ်၊ ၵႂႃႇ​ၵႃႈ​တီႈ​လႂ်​ၼၼ်ႉ​လႆႈ။ ပိူင်​လဵဝ်​ၵၼ်၊ ၵေႃႉ​ဢၼ်​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​သေ​ၵႃႈ​ၼႂ်း​ဝီႉၺိၺ်ႇ​ၸဝ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၼီႉၵေႃးတိၼ်ႇ ​ၵေႃႈ​ၶိုၼ်း​လဝ်ႊ​ထၢမ်​လႄႈ​ဝႃႈ၊ လွင်ႈ​တီႈ​ႁဵင်း​ၼႆႉ​တၵ်း​ပဵၼ်​လႆႈ​ၸိူဝ်ႉ​ၼင်ႇ​ႁိုဝ်​ၶႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="10">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မႂ်း​ပဵၼ်​ထမ်ႇမႃႉ​သြႃႇ​ၼႂ်း​ၵူၼ်း​ ဢီႉသရေႇလႃႉ ​တင်း​လၢႆ​ယူႇ​လႄႈ​ဢမ်ႇ​ႁူႉ​လွင်ႈ​တီႈ​ႁဵင်း​ၼႆႉ​ႁိုဝ်။-</verse>
				<verse number="11">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ႁဝ်း​ၼႆႉ​လၢတ်ႈ​လွင်ႈ​တၢင်း​ဢၼ်​တူဝ်​ၸဝ်ႈ​ၵဝ်ႇ​ႁူႉ​ဢေႃႈ။ ၶၢမ်ႇ​သၢၵ်ႈ​သေႇ​လွင်ႈ​တၢင်း​ဢၼ် တူဝ်​ၸဝ်ႈ​ၵဝ်ႇ​ႁၼ်​ဢေႃႈ၊ ၼႂ်း​ဝႃႈ​ၼၼ်​သေ​ၵေႃႈ လွင်ႈ​တၢင်း​ဢၼ်​ႁဝ်း​ၶၢမ်ႇ​သၢၵ်ႈ​သေႇ​ၼၼ်ႉ​ၸိုင် သူ​ဢမ်ႇ​ႁပ်ႉ​ဢမ်ႇ​ဢဝ်။-</verse>
				<verse number="12">ပေႃး​ၵဝ်​လၢတ်ႈ​လွင်ႈ​ၶိူင်ႈ​ပိူင်​လိၼ်​မိူင်း​ၼႆႉ​တီႈ​သူ​လႄႈ သူ​ယင်း​ဢမ်ႇ​ယုမ်ႇ​ၸိုင်၊ မိူဝ်ႈ​ဢၼ်​ၵဝ်​လၢတ်ႈ​လွင်ႈ​ၶိူင်ႈ​ပိူင်​ၵၢင်​ႁၢဝ်​တီႈ​သူ​ၼၼ်ႉ၊ သူ​တၵ်း​ယုမ်ႇ​ၸိူဝ်ႉ​ၼင်ႇ​ႁိုဝ်။-</verse>
				<verse number="13">လိူဝ်​သေ​လုၵ်ႈ​ၵူၼ်း​ဢၼ်​လုၵ်ႉ​သေ​ၵႃႈ​တီႈ​မိူင်း​ၵၢင်​ႁၢဝ်​မႃး​လႄႈ မီး​ယူႇ​ၵႃႈ​ၼႂ်း​မိူင်း​ၵၢင်​ႁၢဝ်​ၼၼ်ႉ၊ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၶိုၼ်ႈ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ယဝ်ႉ။-</verse>
				<verse number="14">ၸိူဝ်ႉ​ၼင်ႇ​ဢၼ်​ မူဝ်းသေႇ ယုၵ်ႉ​ငူး​ဝႆႉ​ၵႃႈ​ၼႂ်း​ထိူၼ်ႇ​ၼၼ်ႉ၊ လုၵ်ႈ​ၵူၼ်း​တၵ်း​လႆႈ​ၶၢမ်ႇ​တၢင်း​ဢၼ်​ယုၵ်ႉ​ဝႆႉ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ ၼင်ႇ​ႁိုဝ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​လုၵ်ႈ​ၸဝ်ႈ​တင်း​သဵင်ႈ​တင်း​လူင်​ၼၼ်ႉ​တၵ်း​ဢမ်ႇ​လႆႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​လႄႈ​တၵ်း​လႆႈ​ဢသၢၵ်ႈ​ထႃႇဝရႃႉ​ၸိုင်၊ ၸင်ႇ​ပဵၼ်​ဢေႃႈ။-</verse>
				<verse number="16">ၼင်ႇ​ႁိုဝ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​လုၵ်ႈ​ၽြႃး​ပဵၼ်​ၸဝ်ႈ​တင်း​သဵင်ႈ​တင်း​လူင်​ၼၼ်ႉ တၵ်း​ဢမ်ႇ​လႆႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​လႄႈ​တၵ်း​လႆႈ​ဢသၢၵ်ႈ​ထႃႇဝရႃႉ​ၸိုင်၊ ၽြႃး​ပဵၼ်​ၸဝ်ႈ​ႁၵ်ႉ​ၵူၼ်း​လေႃးၵီႇ​တင်း​လၢႆ တေႃႇ​ထိုင်​ႁွတ်ႈ​ထၼ်ႈ​ပေႃး​ၸုၼ်ႉ​ပႅတ်ႈ​လုၵ်ႈ​ၸဝ်ႈ ဢၼ်​မီး​ပႃး​လဵဝ်​ၵူၺ်း တီႈ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="17">ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​လုၵ်ႈ​ၸဝ်ႈ​မႃး​ၼႂ်း​လေႃးၵႃႉ​ၼႆႉ ႁႂ်ႈ​လႆႈ​ၸီႇ​ယၢင်ႇ​ဢပႅတ်ႈ​တီႈ​ၵူၼ်း​လေႃးၵီႇ​တင်း​လၢႆ​ဢမ်ႇ​ၸႂ်ႈ။ ပွႆႇ​ၸႂ်ႉ​မႃး​ႁႂ်ႈ​ၶဝ်​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၵွပ်ႈ​ပိူဝ်ႈ​မၼ်း​ၸဝ်ႈ​ဢေႃႈ။-</verse>
				<verse number="18">ၵေႃႉ​ဢၼ်​ယုမ်ႇ​မၢတ်ႈ​လုၵ်ႈ​ၸဝ်ႈ​ၼၼ်ႉ​ဢမ်ႇ​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ၊ ၵေႃႉ​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​ၸမ်ႉ၊ ပိူဝ်ႈ​ဢၼ်​ဢမ်ႇ​ယုမ်ႇ​မၢတ်ႈ​လုၵ်ႈ​ၸဝ်ႈ ဢၼ်​မီး​ပႃး​လဵဝ်​ၵူၺ်း​တီႈ​ၽြႃး​ပဵၼ်​ၸဝ်ႈ​လႄႈ ၸႃႉ​ၸဵမ်​ၶိင်ႇ​တေႃႈ​လဵဝ်​ၼႆႉ​လႄႈ လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ယူႇ​ဢေႃႈ။-</verse>
				<verse number="19">လွင်ႈ​ဢၼ်​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ၼၼ်ႉ​ၸမ်ႉ၊ ဢၼ်​လႅင်း​ၶဝ်ႈ​မႃး​ၵႃႈ​ၼႂ်း​လေႃးၵႃႉ​ၼႆႉ​ယူႇ​လႄႈ ၵူၼ်း​တင်း​လၢႆ​ၵွပ်ႈ​ပိူဝ်ႈ​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​လီ​လႄႈ ယဵင်ႈ​ၶႅၼ်း​ၵျိူၵ်ႈ​ဢၼ်​လပ်း​သိင်ႇ​ၼႃႇ​သေ​ဢၼ်​လႅင်း​ဢေႃႈ။-</verse>
				<verse number="20">ၶဝ်​ၸိူဝ်း​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​ႁၢႆႉ​မိူၵ်ႈ​တင်း​သဵင်ႈ​တင်း​လူင်​ၼၼ်ႉ ၶၢၼ်ႉ​ႁၼ်​ဢၼ်​လႅင်း​လႄႈ ၼင်ႇ​ႁိုဝ်​တၢင်း​ၵမ်​တၢင်း​ၵျၢင်ႉ​တူဝ်​ၸဝ်ႈ​ၵဝ်ႇ​ၸိူဝ်း​ၼၼ်ႉ တၵ်း​ဢမ်ႇ​လႆႈ​ပေႃႇ​လႆႈ​ဢွၵ်ႇ​ၸိုင် ဢမ်ႇ​သုတ်ႉ​ဢမ်ႇ​မႃး​ၵႃႈ​တီႈ​ဢၼ်​လႅင်း၊၊-</verse>
				<verse number="21">ၵေႃႉ​ဢၼ်​ၵမ်​ၵျၢင်ႉ​သမ်ႇမႃႇ​တြႃး​ၼၼ်ႉ​ၸမ်ႉ၊ ၼင်ႇ​ႁိုဝ်​လွင်ႈ​ဢၼ်​တၢင်း​ၵမ်​တၢင်း​ၵျၢင်ႉ​တူဝ်​ၸဝ်ႈ​ၵဝ်ႇ​ဢၼ်​မႅၼ်ႈ​ၵၼ်​တင်း​ဢလူဝ်ႇ​ၽြႃး​ပဵၼ်​ၸဝ်ႈ​ၼၼ်ႉ တၵ်း​လႆႈ​ပေႃႇ​လႆႈ​ဢွၵ်ႇ​ၸိုင်၊ သုတ်ႉ​မႃး​ၵႃႈ​တီႈ​ဢၼ်​လႅင်း​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">လိုၼ်း​ၼၼ်ႉ​ ယေႇသူႉ ဢိၵ်ႇ​တင်း​တပႄး​ၸဝ်ႈ​တင်း​လၢႆ ၵႂႃႇ​ဝၢၼ်ႈ​ၼွၵ်ႈ​ၼႃး​ပၢင်ႇ မိူင်း​ ယူႉတႃႉ ​ယဝ်ႉ​ၸင်ႇ ယူႇ​လူၺ်ႈ​ၵၼ်​တင်း​ၶဝ်​ၵႃႈ​တီႈ​ၼၼ်ႈ​လႄႈ​ပၼ်​ ပပ်ႉတီႉၸမ်ႇ ​ဢေႃႈ။-</verse>
				<verse number="23">ယူဝ်းႁၢၼ်ႇ ​ၵေႃႈ​ပၼ်​ ပပ်ႉတီႉၸမ်ႇ ​ၵႃႈ​တီႈ​ ဢေႇၼုၼ်ႇ ​ဢၼ်​ၸမ်​ၵၼ်​တင်း ဝဵင်း​ သႃႇလိမ်း ​ၼၼ်ႉ​ယူႇ ၵွပ်ႈ​ပိူဝ်ႈ​ဢၼ်​ၼမ်ႉ​မီး​ၼမ်​ၼႃႇ​ၵႃႈ​တီႈ​ၼၼ်ႈ​ဢေႃႈ။ ၵူၼ်း​တင်း​လၢႆ​မႃး​လႄႈ ၶၢမ်ႇ​ ပပ်ႉတီႉၸမ်ႇ ​ဢေႃႈ။-</verse>
				<verse number="24">ယူဝ်းႁၢၼ်ႇ ​ဢမ်ႇ​ပႆႇ​တူၵ်း​ၵႃႈ​ၼႂ်း​ထွင်ႇ။</verse>
				<verse number="25">မိူဝ်ႈ​ၼၼ်ႉ​တပႄး​ ယူဝ်းႁၢၼ်ႇ ​တင်း​လၢႆ မီး​တီႈ​ဢၼ်​တွင်ႈ​ထၢမ်​ထဵင်​ၵၼ်​တင်း​ၵူၼ်း​ ယူႉတႃႉ ​တင်း​လၢႆ လူၺ်ႈ​လွင်ႈ​တၢင်း​ဢၼ်​မူတ်း​သႂ်​သေ​ယဝ်ႉ၊-</verse>
				<verse number="26">မႃး​ၵႃႈ​တီႈ​ ယူဝ်းႁၢၼ်ႇ ​လႄႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵေႃႉ​ဢၼ်​မီး​ယူႇ​လူၺ်ႈ​ၵၼ်​တင်း​ၸဝ်ႈ​ႁဝ်း ၵႃႈ​တီႈ​ၽၢႆႇ​ပုၼ်ႉ​ၼမ်ႉ​ႁွင်ႈ​ ယေႃးတၢၼ်ႇ ​လႄႈ ၸဝ်ႈ​ႁဝ်း​ပၼ်​သၢၵ်ႈ​သေႇ​ၼၼ်ႉ ပၼ်​ ပပ်ႉတီႉၸမ်ႇ ​ယူႇ​ၶႃႈ​ဢေႃႈ။ ၵူၼ်း​တင်း​သဵင်ႈ​တင်း​လူင် ႁွတ်ႈ​မႃး​ၵႃႈ​တီႈ​ၵေႃႉ​ၼၼ်ႉ​ၶႃႈ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="27">ယူဝ်းႁၢၼ်ႇ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ပေႃး​ဢမ်ႇ​ၶၢမ်ႇ​တၢင်း​ဢၼ်​ပၼ်​မႃး​ၵႃႈ​တီႈ​မိူင်း​ၵၢင်​ႁၢဝ်​ပုၼ်ႉ​ၸိုင်၊ ၵူၼ်း​ဢမ်ႇ​ၶၢမ်ႇ​ဢဝ်​သေ​ၸိူဝ်ႉ​သေ​ပိူင်​လႆႈ။-</verse>
				<verse number="28">လွင်ႈ​ဢၼ်​ၵဝ်​လၢတ်ႈ​လႄႈ​ဝႃႈ၊ ၵဝ်​ၼႆႉ​ဢမ်ႇ​ၸႂ်ႈ​ၸဝ်ႈ​ၶရိၸ်ႈ၊ ပဵၼ်​ၵေႃႉ​ဢၼ်​ၶၢမ်ႇ​တၢင်း​ဢၼ်​ပွႆႇ​ၸႂ်ႉ​မႃး​ဢွၼ်​တၢင်း​ၸဝ်ႈ​ၶရိၸ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ သူ​ပဵၼ်​သၢၵ်ႈ​သေႇ​ၵဝ်​ဢေႃႈ။-</verse>
				<verse number="29">ၵေႃႉ​ဢၼ်​လႆႈ​လုၵ်ႈ​ယိင်း​သၢဝ်​ဢၼ်​သွင်ႇ​မင်ႇၵလႃႇ​ၼၼ်ႉ ပဵၼ်​ၵေႃႉ​ဢၼ်​သွင်ႇ​မင်ႇၵလႃႇ​ဢေႃႈ။ ၵေႃႉ​သေႈ​ဢၼ်​ယူႇ​ၸမ်​ႁိမ်း​ၵေႃႉ​ဢၼ်​သွင်ႇ​မင်ႇၵလႃႇ​လႄႈ​ငိၼ်း​ၵႂၢမ်း​မၼ်း​ၼၼ်ႉ ပိူဝ်ႈ​ဢၼ်​လႆႈ​ငိၼ်း​ၵႂၢမ်း​မၼ်း​လႄႈ မီး​ၸႂ်​ဢၼ်​သိူဝ်း​ပျေႃႇ​ၼႃႇ​လူင်​လၢင်​ဢေႃႈ။ မိူၼ်​ၼင်ႇ​ၼၼ် တၢင်း​ဢၼ်​သိူဝ်း​ပျေႃႇ​ၵဝ်​ၼႆႉ​ပျေႉ​ၸုမ်ႇ​ဝႆႉ​ဢေႃႈ။-</verse>
				<verse number="30">ၸဝ်ႈ​ၼၼ်ႉ​တၵ်း​လႆႈ​မီး​တၢင်း​ဢၼ်​ယႂ်ႇ​ၵႂၢင်ႈ​မႃး​ဢေႃႈ။ ၵဝ်​ၸမ်ႉ၊​တၵ်း​လႆႈ​မီး​တၢင်း​ဢၼ်​သုတ်ႉ​ယွမ်း​ၵႂႃႇ​ဢေႃႈ။</verse>
				<verse number="31">ၵေႃႉ​ဢၼ်​လုၵ်ႉ​သေ​ၵႃႈ​တီႈ​ၼိူဝ်​မႃး​ၸိုင်၊ ပဵၼ်​ၸိၵ်း​ပဵၼ်​ၸွမ်​ပိူၼ်ႈ​တင်း​သဵင်ႈ​တင်း​လူင်​ဢေႃႈ။ ၵေႃႉ​ဢၼ်​ပဵၼ်​မႃး​ၵႃႈ​တီႈ​လိၼ်​မိူင်း​ၼႆႉ​ၸိုင် ၸၢပ်ႈ​သႅင်ႇ​ၵၼ်​တင်း​လိၼ်​မိူင်း​လႄႈ ၸၢင်ႈ​လၢတ်ႈ​လွင်ႈ​တၢင်း​လိၼ်​မိူင်း​ဢေႃႈ။ ၵေႃႉ​ဢၼ်​လုၵ်ႉ​သေ​ၵႃႈ​တီႈ​ၼိူဝ်​မိူင်း​ၵၢင်​ႁၢဝ်​မႃး​ၸိုင် ပဵၼ်​ၸိၵ်း​ပဵၼ်​ၸွမ်​ပိူၼ်ႈ​တင်း​သဵင်ႈ​တင်း​လူင်​ဢေႃႈ။-</verse>
				<verse number="32">ၵႃႈ​ဢၼ်​မၼ်း​ၸဝ်ႈ​လႆႈ​ႁၼ်၊ ၵႃႈ​ဢၼ်​မၼ်း​ၸဝ်ႈ​လႆႈ​ငိၼ်း​ၸိူဝ်း​ၼၼ်ႉ​ၵေႃႈ မၼ်း​ၸဝ်ႈ​ၶၢမ်ႇ​သၢၵ်ႈ​သေႇ​ဢေႃႈ။ လွင်ႈ​တၢင်း​ဢၼ်​မၼ်း​ၸဝ်ႈ​ၶၢမ်ႇ​သၢၵ်ႈ​သေႇ​ၼၼ်ႉ​ၸိုင်၊ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ၶၢမ်ႇ​ဢမ်ႇ​ဢဝ်။-</verse>
				<verse number="33">ၵေႃႉ​ဢၼ်​ၶၢမ်ႇ​ဢဝ်​လွင်ႈ​ဢၼ်​မၼ်း​ၸဝ်ႈ​ၶၢမ်ႇ​သၢၵ်ႈ​သေႇ​ၼၼ်ႉ​ၸမ်ႉ၊ ၽြႃး​ပဵၼ်​ၸဝ်ႈ​ပႂ်ႉ​သဵတ်ႈ​ၸႃႇ​ဢေႃႈ ဝႃႈ​ၼႆ၊ တွၵ်ႈ​တၼ်း​သိၵ်ႈ​ဢေႃႈ။-</verse>
				<verse number="34">ၵေႃႉ​ဢၼ်​ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​မႃး​ၼၼ်ႉ​ၸၢင်ႈ​လၢတ်ႈ​ၸၢင်ႈ​ဝႃႈ​ၵႂၢမ်း​ၽြႃး​ပဵၼ်​ၸဝ်ႈ​ဢေႃႈ။ လွင်ႈ​မၼ်း​ၸမ်ႉ တီႈ​တႅၵ်ႈ​တီႈ​တိူင်း​ယင်း​ဢမ်ႇ​မီး​လႄႈ ၽြႃး​ပဵၼ်​ၸဝ်ႈ​ပၼ်​ဝီႉၺိၺ်ႇ​ၸဝ်ႈ​ဢေႃႈ။-</verse>
				<verse number="35">ပေႃႈ​ၸဝ်ႈ​ႁၵ်ႉ​လုၵ်ႈ​ၸဝ်ႈ​လႄႈ ဢဝ်​ၵႃႈ​မီး​တင်း​သဵင်ႈ​တင်း​လူင်​ဢၢပ်ႈ​ပၼ်​ၼႂ်း​မိုဝ်း​မၼ်း​ၸဝ်ႈ​ယဝ်ႉ။-</verse>
				<verse number="36">ၵေႃႉ​ဢၼ်​ယုမ်ႇ​မၢတ်ႈ​လုၵ်ႈ​ၸဝ်ႈ​ၼၼ်ႉ​လႆႈ​ထႃႇဝရႃႉ​ဢသၢၵ်ႈ​ဢေႃႈ။ ၵေႃႉ​ဢၼ်​ဢမ်ႇ​ယုမ်ႇ​မၢတ်ႈ​လုၵ်ႈ​ၸဝ်ႈ​ၼၼ်ႉ​ၸမ်ႉ၊ ဢမ်ႇ​လႆႈ​ထူပ်း​ဢသၢၵ်ႈ။ ၵႃႈ​ၼိူဝ်​ၵေႃႉ​ၼၼ်ႉ တၢင်း​ၸႂ်​မႆႈ​ၶႆႈ​ၸႃႉ​ၽြႃး​ပဵၼ်​ၸဝ်ႈ​တႄႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="4">
				<verse number="1">မိူဝ်ႈ​ဢၼ်​ၸဝ်ႈ​ၽြႃး​ႁူႉ​လွင်ႈ​ဢၼ် ၽႃႇရီႉသႄး ​တင်း​လၢႆ လႆႈ​ငိၼ်း​လွင်ႈ​ဢၼ်​ ယေႇသူႉ ပိၵ်ႉ​သမ်ႉ​တူဝ်​ၸဝ်ႈ​ၵဝ်ႇ ဢမ်ႇ​ပၼ်​ ပပ်ႉတီႉၸမ်ႇ ​လႄႈ တပႄး​ၸဝ်ႈ​တင်း​လၢႆ​ၵူၺ်း​ပၼ်​သေ​ၵေႃႈ၊-</verse>
				<verse number="2">ႁႂ်ႈ​ၵူၼ်း​ၶဝ်ႈ​ပဵၼ်​တပႄး​တပၢၼ်း ယဵင်ႈ​ၶႅၼ်း​ၼမ်​ၼႃႇ​သေ​ ယူဝ်းႁၢၼ်ႇ ​ၼၼ်ႉ​လႄႈ ပၼ်​ ပပ်ႉတီႉၸမ်ႇ ​ၼၼ်ႉ​ၸိုင်၊-</verse>
				<verse number="3">မၼ်း​ၸဝ်ႈ​ဢွၵ်ႇ​သေ​ၵႃႈ​ၼႂ်း မိူင်း​ ယူႉတႃႉ ​လႄႈ ၼႂ်း​မိူဝ်ႈ​ဢၼ်​သမ်ႉ​ၵႂႃႇ​ၵႃႈ​တီႈ​မိူင်း​ ၵႃႇလီႉလႄး ​ထႅင်ႈ​ယူႇ​ၼၼ်ႉ၊-</verse>
				<verse number="4">မၼ်း​ၸဝ်ႈ​လႆႈ​လတ်း​ၵႃႈ​ၼႂ်း​ၶိုင်ႈ​ၵၢင်​မိူင်း​ သမႃႇရီႉ ​ၵႂႃႇ​ဢေႃႈ။-</verse>
				<verse number="5">ပိူဝ်ႈ​ၼႆ​လႄႈ မၼ်း​ၸဝ်ႈ​ၸင်ႇ​ႁွတ်ႈ​ထိုင် ၵႃႈ​တီႈ​ဝဵင်း​ဢၼ်​လႆႈ​ၸိုဝ်ႈ​ သူႉၶႃႇ ၼႂ်း​ၼႄႇ​ သမႃႇရီႉ ဢၼ်​ၸမ်​တီႈ​လိၼ်​ၵႂၢၵ်ႈ​ၼိုင်ႈ ဢၼ်​ ယႃႇၵုပ်ႈ ပၼ်​တီႈ​လုၵ်ႈ​ၸၢႆး​မၼ်း ယူဝ်းသႅပ်ႈ ​ၼၼ်ႉ​ဢေႃႈ။-</verse>
				<verse number="6">ၵႃႈ​တီႈ​ၼၼ်ႈ မီး​ၼမ်ႉ​မေႃႇ​ ယႃႇၵုပ်ႈ ​ဢေႃႈ။ ယေႇသူႉ ​ပိူဝ်ႈ​ဢၼ်​ၵႂႃႇ​တၢင်း​ႁိူဝ်ႉ​ၼႃႇ​လႄႈ ၼင်ႈ​ယူႇ​ၵႃႈ​တီႈ​ႁိမ်း​ၼမ်ႉ​မေႃႇ​ၼၼ်ႉ​ဢေႃႈ။ မိူဝ်ႈ​ၶိင်ႇ​ၼၼ်ႉ​ပဵၼ်​ၶိင်ႇ​ႁူၵ်း​ၼႃႇရီႇ​ဢေႃႈ။</verse>
				<verse number="7">မႄႈ​ယိင်း​ သမႃႇရီႉ ​ၵေႃႉ​ၼိုင်ႈ မႃး​ႁႂ်ႈ​လႆႈ​တဵၵ်း​ၼမ်ႉ​လႄႈ ယေႇသူႉ ​ၵေႃႈ​လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ ပၼ်​ၼမ်ႉ​ပုၼ်ႈ​ဢၼ်​ၵဝ်​တၵ်း​ၵိၼ်​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">လွင်ႈ​မၼ်း​ၸမ်ႉ တပႄး​ၸဝ်ႈ​တင်း​လၢႆ​ယင်း​တိုၵ်ႉ​ၶဝ်ႈ​ၵႂႃႇ​ၵႃႈ​ၼႂ်း​ဝဵင်း ႁႂ်ႈ​လႆႈ​သိုဝ်ႉ​ဢဝ်​တၢင်း​ၵိၼ်​တၢင်း​ၶူပ်း​ယူႇ​ဢေႃႈ။-</verse>
				<verse number="9">မႄႈ​ယိင်း​ သမႃႇရီႉ ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၸဝ်ႈ​ပဵၼ်​ၵူၼ်း​ ယူႉတႃႉ ​လူင်​လၢင်​လႄႈ လွင်ႈ​ၼင်ႇ​ႁိုဝ်​လႄႈ ယွၼ်း​ၼမ်ႉ​ပုၼ်ႈ​ဢၼ်​တၵ်း​ၵိၼ်​တီႈ​ၵဝ်​ၶႃႈ ဢၼ်​ပဵၼ်​မႄႈ​ယိင်း​ သမႃႇရီႉ ​ၼႆႉ ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​ဢၼ်​ဝႃႈ​ၼၼ်ႉ​ၸမ်ႉ၊ ၵူၼ်း​ ယူႉတႃႉ ​တင်း​လၢႆ လွင်ႈ​တၢင်း​ဢၼ်​တၵ်း​လႆႈ​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​ၵူၼ်း​ သမႃႇရီႉ ဢမ်ႇ​မီး။-</verse>
				<verse number="10">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပေႃး​မႂ်း​ႁူႉ​ၵျေး​ၸူး​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵေႃႉ​ဢၼ်​ယွၼ်း​တီႈ​မႂ်း​လႄႈ​ဝႃႈ ပၼ်​ၼမ်ႉ​ပုၼ်ႈ​ဢၼ်​ၵဝ်​တၵ်း​ၵိၼ်​သေ​ၵမ်း​၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ၽူႈ​လႂ်​ၸိုင်​မႂ်း​တၵ်း​ယွၼ်း​ၵႃႈ​တီႈ​မၼ်း​ၼၼ်ႉ​ဢေႃႈ။ မၼ်း​ၼၼ်ႉ​ၵေႃႈ​တၵ်း​ပၼ်​ၼမ်ႉ​ဢသၢၵ်ႈ​တီႈ​မႂ်း​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">မႄႈ​ယိင်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၸဝ်ႈ၊ တီႈ​ၸဝ်ႈ​ႁဝ်း​ၼႆႉ ပုၼ်ႈ​ဢၼ်​တၵ်း​တဵၵ်း​ဢဝ်​ၼမ်ႉ​ၸိုင်​ဢမ်ႇ​မီး​ၵႃႈ​သင်၊ ၼမ်ႉ​မေႃႇ​ၼႆႉ​ၵေႃႈ​ပဵၼ်​ဢၼ်​လိုၵ်ႉ​ၼႃႇ​ၶႃႈ​ဢေႃႈ။ တၵ်း​လႆႈ​ၼမ်ႉ​ဢသၢၵ်ႈ​ၵႃႈ​တီႈ​လႂ်​ၶႃႈ။-</verse>
				<verse number="12">ၸဝ်ႈ​ႁဝ်း​ၼႆႉ​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ပေႃႈ​ႁဝ်း​ၶႃႈ ယႃႇၵုပ်ႈ ဢၼ်​ပၼ်​ၼမ်ႉ​မေႃႇ​ၼႆႉ တီႈ​ႁဝ်း​ၶႃႈ​လႄႈ ၸႃႉ​ၸဵမ်​တူဝ်​မၼ်း​ဢိၵ်ႇ​တင်း​လုၵ်ႈ​လၢင်း​မၼ်း တင်း​တရိၵ်ႈသၢၼ်ႇ​မၼ်း​တင်း​လၢႆ ၵိၼ်​ၼမ်ႉ​ၵႃႈ​တီႈ​မေႃႇ​ၼႆႉ​ၼၼ်ႉ​ၶႃႈ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵေႃႉ​ဢၼ်​ၵိၼ်​ၼမ်ႉ​ၼႆႉ​ၼၼ်ႉ ၵမ်း​လိုၼ်း​တၵ်း​လႆႈ​ယၢၵ်ႇ​ၼမ်ႉ​လူး​ၵွၼ်ႇ​ဢေႃႈ။-</verse>
				<verse number="14">ၵေႃႉ​ဢၼ်​ၵိၼ်​ၼမ်ႉ​ဢၼ်​ၵဝ်​ပၼ်​ၼၼ်ႉ​ၸမ်ႉ၊ တၵ်း​ၵၢင်း​လွတ်ႈ​တင်း​တၢင်း​ဢၼ်​ယၢၵ်ႇ​ၼမ်ႉ​ၵူႈ​ၶိင်ႇ​ၵူႈ​ၶႃႇ​ဢေႃႈ။ ၼမ်ႉ​ဢၼ်​ၵဝ်​ပၼ်​ၼၼ်ႉ တၵ်း​ပဵၼ်​ၼမ်ႉ​မေႃႇ​ဢၼ်​ၸိုမ်း​ဢွၵ်ႇ​ယူႇ​ၵႃႈ​တီႈ​ၼႂ်း​ၵေႃႉ​ၼၼ်ႉ ပုၼ်ႈ​လွင်ႈ​ၼင်ႇ​ႁိုဝ်​တၵ်း​ပဵၼ်​ထႃႇဝရႃႉ​ဢသၢၵ်ႈ​လိပ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မႄႈ​ယိင်း​ၼၼ်ႉ​ၵေႃႈ​ယွၼ်း​လႄႈ​ဝႃႈ၊ ၸဝ်ႈ၊ ၼင်ႇ​ႁိုဝ်​ၵဝ်​ၶႃႈ​တၵ်း​ၵၢင်း​လွတ်ႈ​တင်း​တၢင်း​ဢၼ်​ယၢၵ်ႇ​ၼမ်ႉ ဢိၵ်ႇ​တင်း​တၢင်း​ဢၼ်​မႃး​ၵႃႈ​တီႈ​ၼႆႈ​လႄႈ တဵၵ်း​ဢဝ်​ၼမ်ႉ​ၼၼ်ႉ​ၸိုင်၊ ၶႅၼ်း​တေႃႈ​ပၼ်​ၼမ်ႉ​ၼၼ်ႉ တီႈ​ၵဝ်​ၶႃႈ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="16">ယေႇသူႉ ​ၵေႃႈ​လၢတ်ႈ​လႄႈ​ဝႃႈ ၵႂႃႇ​တႃႉ။ ႁွင်ႉ​ဢဝ်​ၽူဝ်​မႂ်း​လႄႈ​မႃး​ၵႃႈ​တီႈ​ၼႆႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မႄႈ​ယိင်း​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​ဢမ်ႇ​မီး​ၽူဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵႂၢမ်း​ဢၼ်​မႂ်း​ဝႃႈ ဢမ်ႇ​မီး​ၽူဝ်​၊ ဝႃႈ​ၼင်ႇ​ၼႆ​ၼၼ်ႉ​မႅၼ်ႈ​တႄႉ​တႄႉ​ဢေႃႈ။-</verse>
				<verse number="18">လွင်ႈ​မၼ်း​ၸမ်ႉ ၵႃႈ​တီႈ​မႂ်း​လႆႈ​မီး​ၽူဝ်​ႁႃႈ​ၵေႃႉ​ယဝ်ႉ။ ၵေႃႉ​ဢၼ်​ယူႇ​လူၺ်ႈ​ၵၼ်​တင်း​မႂ်း​တေႃႈ​လဵဝ်​ၼႆႉ​ၼၼ်ႉ​ၵေႃႈ၊ ပဵၼ်​ၽူဝ်​မႂ်း​ဢမ်ႇ​ၸႂ်ႈ။ ၼႂ်း​တီႈ​ႁဵင်း​ၼႆႉ မႂ်း​လၢတ်ႈ​ၵႂၢမ်း​ဢၼ်​မၢၼ်ႇ​ဢၼ်​မႅၼ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">မႄႈ​ယိင်း​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ၊ လွင်ႈ​ဢၼ်​ၸဝ်ႈ​ႁဝ်း​ပဵၼ်​ပရေႃးၽႅတ်ႈ​ၸိုင်၊ ၵဝ်​ၶႃႈ​ႁူႉ​ၶႃႈ​ဢေႃႈ။-</verse>
				<verse number="20">ပူႇ​မွၼ်​ႁဝ်း​ၶႃႈ​တင်း​လၢႆ ယၢမ်ႈ​ၵူဝ်း​ၵႂၢႆႇ​ၵႃႈ​ၼိူဝ်​လွႆ​ၼႆႉ​ယူႇ​ၶႃႈ​ဢေႃႈ။ သူ​ၸဝ်ႈ​ၸၢင်ႈ​ဝႃႈ၊ တၵ်း​လႆႈ​ၵူဝ်း​ၵႂၢႆႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ပုၼ်ႉ​ၵူၺ်း၊ ဝႃႈ​ၼင်ႇ​ၼႆ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="21">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မႄႈ​ယိင်း​ဢိူၺ်း၊ ယုမ်ႇ​ၵႂၢမ်း​ၵဝ်​တႃႉ၊ ၶိင်ႇ​ၵႃႇလႃႉ​ဢၼ်​သူ​တၵ်း​လႆႈ​ၵူဝ်း​ၵႂၢႆႇ ပေႃႈ​ၸဝ်ႈ​ၵႃႈ​တီႈ​ၼိူဝ်​လွႆ​ၼႆႉ​ၵူၺ်း​ဢမ်ႇ​ၸႂ်ႈ။ ၵႃႈ​တီႈ​ၼႂ်း​ဝဵင်း​ ယေႇရူႉသလႅမ်ႇ ​ပုၼ်ႉ​ၵူၺ်း​ဢမ်ႇ​ၸႂ်ႈ​ၼၼ်ႉ ယင်း​တိုၵ်ႉ​ႁွတ်ႈ​မႃး​ယူႇ​ဢေႃႈ။-</verse>
				<verse number="22">သူ​ၵူဝ်း​ၵႂၢႆႇ​လွင်ႈ​တၢင်း​ဢၼ် တူဝ်​ၸဝ်ႈ​ၵဝ်ႇ​ဢမ်ႇ​ႁူႉ​ဢေႃႈ။ ႁဝ်း​ၵူဝ်း​ၵႂၢႆႇ​လွင်ႈ​တၢင်း​ဢၼ်​တူဝ်​ၸဝ်ႈ​ၵဝ်ႇ​ႁူႉ​ဢေႃႈ။ လွင်ႈ​မၼ်း​ၸမ်ႉ လွင်ႈ​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ မီး​ၵႃႈ​တီႈ​ၵူၼ်း​ ယူႉတႃႉ ​တင်း​လၢႆ​ဢေႃႈ။-</verse>
				<verse number="23">ၶိင်ႇ​ၵႃႇလႃႉ ဢၼ်​ၶဝ်​ၸိူဝ်း​ဢၼ်​ၵူဝ်း​ၵႂၢႆႇ ၸိုဝ်ႈ​ၸိုဝ်ႈ​ၸႂ်ႈ​ၸႂ်ႈ​တင်း​လၢႆ တၵ်း​ပႃး​ဢဝ်​တင်း​ၸႂ်​ဝီႉၺိၺ်ႇ​တင်း​သဵတ်ႈ​ၸႃႇ​တြႃး ၵူဝ်း​ၵႂၢႆႇ​ပေႃႈ​ၸဝ်ႈ​ၼၼ်ႉ​မႃး​ယူႇ​လႄႈ ၼႂ်း​တေႃႈ​လဵဝ်​ၼႆႉ​ၵေႃႈ​ႁွတ်ႈ​ဝႆႉ​မီး​ယူႇ​ဢေႃႈ၊ လွင်ႈ​မၼ်း​ၸမ်ႉ ပေႃႈ​ၸဝ်ႈ​ႁႃ​ၶဝ်​ၸိူဝ်း​ဢၼ်​ၵူဝ်း​ၵႂၢႆႇ​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ။-</verse>
				<verse number="24">ၽြႃး​ပဵၼ်​ၸဝ်ႈ ပဵၼ်​ၸႂ်​ဝီႉၺိၺ်ႇ​ဢေႃႈ။ ၶဝ်​ၸိူဝ်း​ဢၼ်​ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​ၼၼ်ႉ တၵ်း​လႆႈ​ပႃး​ဢဝ်​တင်း​ၸႂ်​ဝီႉၺိၺ်ႇ​တင်း​သဵတ်ႈ​ၸႃႇ​ၵူဝ်း​ၵႂၢႆႇ​မၼ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မႄႈ​ယိင်း​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၸဝ်ႈ​ မေသီႉ တၵ်း​မႃး​ဢေႃႈ ဝႃႈ​ၼႆ​ၵဝ်​ၶႃႈ​ႁူႉ​ယူႇ​ၶႃႈ​ဢေႃႈ။ မိူဝ်ႈ​ဢၼ်​မၼ်း​ၸဝ်ႈ​ႁွတ်ႈ​ထိုင်​ၸိုင် မၼ်း​ၸဝ်ႈ​တၵ်း​ၽုၺ်ႇ​ဢွၵ်ႇ​ၼႄ​ပျႃး​တင်း​သဵင်ႈ​တင်း​လူင်​တီႈ​ႁဝ်း​ၶႃႈ ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မေသီႉ ဢၼ်​ဝႃႈ​ၸမ်ႉ ၶႂ်ႈ​ဝႃႈ​ၸဝ်ႈ​ၶရိၸ်ႈ​ဢေႃႈ။-</verse>
				<verse number="26">ယေႇသူႉ ​ၵေႃႈ​လၢတ်ႈ​လႄႈ​ဝႃႈ ၵဝ်​ဢၼ်​လၢတ်ႈ​ၵႂၢမ်း​တေႃႇ​ၵၼ်​တင်း​မႂ်း​ယူႇ​ၼႆႉ ပဵၼ်​ မေသီႉ ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">မိူဝ်ႈ​ၼၼ်ႉ တပႄး​ၸဝ်ႈ​ၸိူဝ်း​ၼၼ်ႉ​ႁွတ်ႈ​မႃး​လႄႈ မီး​တၢင်း​ဢၼ်​ဢၢမ်း​လွင်ႈ​ဢၼ်​မၼ်း​ၸဝ်ႈ​လၢတ်ႈ​ၵႂၢမ်း​တေႃႇ​ၵၼ်​တင်း မႄႈ​ယိင်း​ၼၼ်ႉ​ယူႇ​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ဢလူဝ်ႇ​မၼ်း​ၸဝ်ႈ​မီး​ၸိူဝ်ႉ​ၼင်ႇ​ႁိုဝ်။ ႁဵတ်း​ႁိုဝ်​လႄႈ မၼ်း​ၸဝ်ႈ​လၢတ်ႈ​ၵႂၢမ်း​တေႃႇ​ၵၼ်​တင်း​မႄႈ​ယိင်း​ၼၼ်ႉ​ယူႇ​ၼင်ႇ​ႁိုဝ်​ဝႃႈ​ၼႆ၊ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လဝ်ႊ​ဢမ်ႇ​ထၢမ်။-</verse>
				<verse number="28">မႄႈ​ယိင်း​ၼၼ်ႉ​ၵေႃႈ​ပႅတ်ႈ​ဝႆႉ​မေႃႈ​ၼမ်ႉ​မၼ်း​သေ​လႄႈ​ၶဝ်ႈ​ၵႂႃႇ​ၵႃႈ​ၼႂ်း​ဝဵင်း​သေ​ယဝ်ႉ၊ လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊-</verse>
				<verse number="29">မႃး​လႄႈ​တူၺ်း​ၵေႃႉ​ဢၼ်​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း ၵႃႈ​ဢၼ်​ၵဝ်​ၶႃႈ​လႆႈ​ႁဵတ်း​မႃး​ယဝ်ႉ​တင်း​သဵင်ႈ​တင်း​လူင်​ၼၼ်ႉ သေ​ၵမ်း​ၶႃႈ။ ၵေႃႉ​ၼႆႉ​ပဵၼ်​ၸဝ်ႈ​ၶရိၸ်ႈ ဢမ်ႇ​ၸႂ်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="30">ၶဝ်​ၼၼ်ႉ​ဢွၵ်ႇ​သေ​ၵႃႈ​ၼႂ်း​ဝဵင်း​လႄႈ ၵႂႃႇ​ၸူး​ၵႃႈ​တီႈ​မၼ်း​ၸဝ်ႈ​ဢေႃႈ။</verse>
				<verse number="31">ၸူဝ်ႈ​ဢၼ်​ၶဝ်​ဢမ်ႇ​ပႆႇ​ႁွတ်ႈ​ထိုင်​ၼၼ်ႉ​ၸိုင် တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ တွင်း​ပၢၼ်ႇ​လႄႈ​ဝႃႈ၊ ၸဝ်ႈ​ႁဝ်း​ၶႅၼ်း​တေႃႈ​ၵိၼ်​တၢင်း​ၵိၼ်​သေ​ၵမ်း​တီႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="32">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ တၢင်း​ၵိၼ်​ဢၼ်​သူ​ဢမ်ႇ​ႁူႉ​ၼၼ်ႉ မီး​ယူႇ​ၵႃႈ​တီႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ပိူဝ်ႈ​ၼႆ​လႄႈ တပႄး​ၸဝ်ႈ​ၸိူဝ်း​ၼၼ်ႉ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တွင်ႈ​ထၢမ်​ၵၼ်​လႄႈ​ဝႃႈ၊ သေ​ၵေႃႉ​သေ​ၵူၼ်း​ဢဝ်​တၢင်း​ၵိၼ်​မႃး​သူင်ႇ​ပၼ်​ယဝ်ႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="34">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ တၢင်း​ၵိၼ်​ၵဝ်​ၸမ်ႉ၊ ပဵၼ်​တၢင်း​ဢၼ်​ၵမ်​ၵျၢင်ႉ​ဢလူဝ်ႇ​ၸဝ်ႈ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ ဢိၵ်ႇ​တင်း​တၢင်း​ဢၼ်​ႁႂ်ႈ​တၢင်း​ႁဵတ်း​မၼ်း​ၸဝ်ႈ​ယဝ်ႉ​တူဝ်ႈ​ၼၼ်ႉ​ဢေႃႈ။-</verse>
				<verse number="35">ၸႃႉ​ၸဵမ်​တေႃႈ​လဵဝ်​ၼႆႉ​ၵႂႃႇ​လႄႈ ပေႃး​ပူၼ်ႉ​သီႇ​လိူၼ်​ယဝ်ႉ​ၸိုင်၊ တၵ်း​ပဵၼ်​ၶိင်ႇ​ၵႃႇလႃႉ​ဢၼ် တၵ်း​ပၢတ်ႇ​ၶဝ်ႈ​ဢေႃႈ​ဝႃႈ​ၼႆ၊ သူ​ၸၢင်ႈ​ဝႃႈ​ဢမ်ႇ​ၸႂ်ႈ​ႁိုဝ်။ ၵဝ်​ဝႃႈ​တီႈ​သူ​ၸမ်ႉ၊ မုင်ႈ​လႄႈ​လူ​တူၺ်း​တူင်ႈ​ၼႃး​တင်း​လၢႆ ဢၼ်​ၽိူၵ်ႇ​ၽိူၵ်ႇ​ၶၢဝ်​ၶၢဝ်​ၼႂ်း​ၶိင်ႇ​တေႃႈ​လဵဝ်​ၼႆႉ ပုၼ်ႈ​ဢၼ်​တၵ်း​လႆႈ​ပၢတ်ႇ​ၶဝ်ႈ​ၼၼ်ႉ​တႃႉ။-</verse>
				<verse number="36">ၵေႃႉ​ဢၼ်​ပၢတ်ႇ​ၶဝ်ႈ​ၼၼ်ႉ လႆႈ​ၶၢမ်ႇ​ဢဝ်​ၵႃႈ​မၼ်း​ၶၼ်​မၼ်း​လႄႈ ၸူႉ​ဝႆႉ​သိမ်း​ဝႆႉ​မၢၵ်ႇ​မၼ်း​ႁူင်း​မၼ်း ပုၼ်ႈ​လွင်ႈ​ၼင်ႇ​ႁိုဝ် တၵ်း​ပဵၼ်​ထႃႇဝရႃႉ​ဢသၢၵ်ႈ​လိပ်း​ယူႇ​ဢေႃႈ။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵေႃႉ​ဢၼ်​ဝၢၼ်ႇ​ဢၼ်​ပိုၼ် ဢိၵ်ႇ​တင်း​ၵေႃႉ​ဢၼ်​ပၢတ်ႇ​ဢၼ်​ထိူဝ်​ၼၼ်ႉ တၵ်း​သိူဝ်း​ပျေႃႇ​လူၺ်ႈ​ၵၼ်​ဢေႃႈ။-</verse>
				<verse number="37">ၵႂၢမ်း​ဢၼ်​ဝႃႈ ၵေႃႉ​ၼိုင်ႈ​ၸမ်ႉ၊ ဝၢၼ်ႇ​ပိုၼ်​ဢေႃႈ။ ၵေႃႉ​ၼိုင်ႈ​ၸမ်ႉ၊ ပၢတ်ႇ​ထိူဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ တူၵ်း​ၼႂ်း​တီႈ​ႁဵင်း​ၼႆႉ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="38">ၵဝ်​ပွႆႇ​ၸႂ်ႉ​သူ​မႃး​ႁႂ်ႈ​သူ​လႆႈ​ပၢတ်ႇ​ၶဝ်ႈ တီႈ​ဢၼ်​သူ​ဢမ်ႇ​ႁဵတ်း​ၼၼ်ႉ​ဢေႃႈ။ ပိူၼ်ႈ​တၢင်ႇ​ၵေႃႉ​ႁဵတ်း​ၵၢၼ်​ႁဵတ်း​ငၢၼ်း​လႄႈ​သူ​လႆႈ​ၶဝ်ႈ​ၵႃႈ​ၼႂ်း​တၢင်း​ႁဵတ်း​ၶဝ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="39">ၵွပ်ႈ​ပိူဝ်ႈ​ၵႂၢမ်း​ဢၼ်​မႄႈ​ယိင်း​ၼၼ်ႉ ၶၢမ်ႇ​သၢၵ်ႈ​သေႇ​လႄႈ​ဝႃႈ၊ မၼ်း​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း​ၵႃႈ​ဢၼ်​ၵဝ်​ၶႃႈ​လႆႈ​ႁဵတ်း​မႃး​ယဝ်ႉ တင်း​သဵင်ႈ​တင်း​လူင်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊ ၵူၼ်း​ သမႃႇရီႉ ဢၼ်​ယူႇ​ၼႂ်း​ဝဵင်း​ၼၼ်ႉ​ၼမ်​ၼႃႇ၊ ယုမ်ႇ​မၢတ်ႈ​မၼ်း​ၸဝ်ႈ​ဢေႃႈ။-</verse>
				<verse number="40">ပိူဝ်ႈ​ၼႆ​လႄႈ မိူဝ်ႈ​ဢၼ်​ၵူၼ်း​ သမႃႇရီႉ ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​မၼ်း​ၸဝ်ႈ​ၼၼ်ႉ​ၸိုင် ၶဝ်​တွင်း​ပၢၼ်ႇ​ႁႂ်ႈ​မၼ်း​ၸဝ်ႈ​ယူႇ​ၵႃႈ​တီႈ​ၶဝ်​ၼၼ်ႉ​ဢေႃႈ။ မၼ်း​ၸဝ်ႈ​ယူႇ​ၵႃႈ​တီႈ​ၼၼ်ႈ​သွင်​ဝၼ်း​ဢေႃႈ။-</verse>
				<verse number="41">ပိူၼ်ႈ​တၢင်ႇ​ၵေႃႉ​ၼမ်​ၼႃႇ​ၵေႃႈ ယုမ်ႇ​မၢတ်ႈ​ၵွပ်ႈ​ပိူဝ်ႈ​ၼုၵ်ႈၵပၢတ်ႈ​ၵႂၢမ်း​မၼ်း​ၸဝ်ႈ​ၼၼ်ႉ​လႄႈ၊-</verse>
				<verse number="42">လၢတ်ႈ​တီႈ​မႄႈ​ယိင်း​ၼၼ်ႉ​လႄႈ​ဝႃႈ၊ တေႃႈ​လဵဝ်​ၼႆႉ ႁဝ်း​ယုမ်ႇ​မၢတ်ႈ​ၵွပ်ႈ​ပိူဝ်ႈ​ၵႂၢမ်း​မႂ်း​ၵူၺ်း​ဢမ်ႇ​ၸႂ်ႈ၊ ႁဝ်း​တူဝ်​ၸဝ်ႈ​ၵဝ်ႇ​လႆႈ​ထွမ်ႇ​လႆႈ​ငိၼ်း​ၵႂၢမ်း​မၼ်း​လႄႈ​ႁူႉ​လွင်ႈ​ဢၼ်​မၼ်း​ၼႆႉ​ပဵၼ်​ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ၵူၼ်း​လေႃးၵီႇ​တင်း​လၢႆ ဢမၢၼ်ႇ​ၶၼ်​ပဵၼ်​ဢၼ်​ဝႃႈ​ၸဝ်ႈ​ၶရိၸ်ႈ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="43">မိူဝ်ႈ​ဢၼ်​ပူၼ်ႉ​သွင်​ဝၼ်း​ယဝ်ႉ​ၸိုင်၊ မၼ်း​ၸဝ်ႈ​ဢွၵ်ႇ​သေ​ၵႃႈ​တီႈ​ၼၼ်ႈ​လႄႈ ၵႂႃႇ​ၵႃႈ​တီႈ​မိူင်း​ ၵႃႇလီႉလႄး ​ဢေႃႈ။-</verse>
				<verse number="44">လွင်ႈ​မၼ်း​ၸမ်ႉ ယေႇသူႉ ​တူဝ်​ၸဝ်ႈ​ၵဝ်ႇ​ၶၢမ်ႇ​သၢၵ်ႈ​သေႇ​လႄႈ​ဝႃႈ၊ ပရေႃးၽႅတ်ႈ​ဢမ်ႇ​မီး​သရေႇ​ၵႃႈ​ၼႂ်း​မိူင်း​ဢၼ်​တူဝ်​ၸဝ်ႈ​ၵဝ်ႇ​ယူႇ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="45">မိူဝ်ႈ​ဢၼ်​မၼ်း​ၸဝ်ႈ​ႁွတ်ႈ​ထိုင်​ၵႃႈ​တီႈ​မိူင်း​ ၵႃႇလီႉလႄး ​ၼၼ်ႉ​ၸိုင်၊ ၵူၼ်း​ ၵႃႇလီႉလႄး ​တင်း​လၢႆ ႁပ်ႉ​တုင်း​ဢဝ်​မၼ်း​ၸဝ်ႈ​ဢေႃႈ။ လွင်ႈ​မၼ်း​ၸမ်ႉ ပိူဝ်ႈ​ဢၼ်​ၶဝ်​ၼၼ်ႉ​ၸၢင်ႈ​ၵႂႃႇ​ၵႃႈ​တီႈ​ပွႆး​ဢၼ်​ၶၢမ်ႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ မႃး​လႄႈ ၶဝ်​လႆႈ​ႁၼ်​လွင်ႈ​တၢင်း ၵႃႈ​ဢၼ်​မၼ်း​ၸဝ်ႈ​ႁဵတ်း​ၼႂ်း​ပွႆး​ၼၼ်ႉ တင်း​သဵင်ႈ​တင်း​လူင်​ၼၼ်ႉ​မႃး​ယဝ်ႉ။</verse>
				<verse number="46">မၼ်း​ၸဝ်ႈ​သမ်ႉ​ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ ၵႃႇၼႃႉ ၼႂ်း​မိူင်း​ ၵႃႇလီႉလႄး တီႈ​ဢၼ်​မၼ်း​ၸဝ်ႈ​ႁႂ်ႈ​ၼမ်ႉ​ပဵၼ်​ၼမ်ႉ​ၸပိတ်ႈ​ၼၼ်ႉ​ဢေႃႈ။ မိူဝ်ႈ​ၼၼ်ႉ မီး​ဢမၢတ်ႈ​ၵေႃႉ​ၼိုင်ႈ​ဢၼ်​လုၵ်ႈ​ၸၢႆး​မၼ်း​ၸပ်း​တၢင်း​ၶႆႈ​တၢင်း​ပဵၼ် ယူႇ​ၵႃႈ​ၼႂ်း​ဝဵင်း ၵပိူဝ်ႇၼေႇဢုမ်ႇ ​ဢေႃႈ။-</verse>
				<verse number="47">မိူဝ်ႈ​ဢၼ်​မၼ်း​ၼၼ်ႉ​ငိၼ်း​လွင်ႈ​ဢၼ်​ ယေႇသူႉ လုၵ်ႉ​သေ​ၵႃႈ​တီႈ​မိူင်း​ ယူႉတႃႉ ​ပုၼ်ႉ ႁွတ်ႈ​မႃး​ၵႃႈ​တီႈ​မိူင်း​ ၵႃႇလီႉလႄး ​ၼၼ်ႉ​ၸိုင်၊ မၼ်း​ၵႂႃႇ​ၸူး​ၵႃႈ​တီႈ​မၼ်း​ၸဝ်ႈ​လႄႈ ၼင်ႇ​ႁိုဝ်​မၼ်း​ၸဝ်ႈ​တၵ်း​လူင်း​ၸူး​ၵႃႈ​တီႈ​လုၵ်ႈ​ၸၢႆး​မၼ်း ဢၼ်​ၸမ်​တၵ်း​တၢႆ​ၼၼ်ႉ​လႄႈ ႁႂ်ႈ​တၢင်း​ၶႆႈ​တၢင်း​ပဵၼ်​မၼ်း​ႁၢႆ​ၸိုင် တွင်း​ပၢၼ်ႇ​ဢေႃႈ။-</verse>
				<verse number="48">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ပေႃး​သူ​ဢမ်ႇ​လႆႈ​ႁၼ်​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ​ၸိုင်၊ သူ​ဢမ်ႇ​မီး​တၢင်း​ဢၼ်​ယုမ်ႇ​ၵူၺ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="49">ဢမၢတ်ႈ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၶႅၼ်း​တေႃႈ​ၸဝ်ႈ​ႁဝ်း​လူင်း​မႃး​ၸူဝ်ႈ​ဢၼ်​လုၵ်ႈ​ၸၢႆး​ၵဝ်​ၶႃႈ​ဢမ်ႇ​ပႆႇ​တၢႆ​ၼၼ်ႉ၊ သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="50">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵႂႃႇ​တႃႉ၊ လုၵ်ႈ​ၸၢႆး​မႂ်း​ၼၼ်ႉ​ဢသၢၵ်ႈ​လႆႈ​ၵတ်း​ယဵၼ်​ၶျၢမ်း​သႃႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ဢမၢတ်ႈ​ၼၼ်ႉ ယုမ်ႇ​ဢဝ်​ၵႂၢမ်း​ဢၼ်​ ယေႇသူႉ ​ဝႃႈ​ၼၼ်ႉ​လႄႈ ၵႂႃႇ​ဢေႃႈ။-</verse>
				<verse number="51">ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ၸွမ်း​တၢင်း​ၵႂႃႇ​ယူႇ​ၼၼ်ႉ​ၸိုင်၊ ၵူၼ်း​ဢွၼ်ႇ​မၼ်း​တင်း​လၢႆ​မႃး​ႁပ်ႉ​ႁူဝ်​တၢင်း​မၼ်း​လႄႈ​လဝ်ႊ​လၢတ်ႈ​ဝႃႈ၊ လုၵ်ႈ​ၸၢႆး​ၸဝ်ႈ​ႁဝ်း​ဢသၢၵ်ႈ​လႆႈ​ၵတ်း​ယဵၼ်​ၶျၢမ်း​သႃႇ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="52">မၼ်း​ထၢမ်​လႄႈ​ဝႃႈ၊ ႁွတ်ႈ​ထိုင်​တၢင်း​ဢၼ်​သၢၵ်ႈ​သႃႇ​ၶႅၼ်း​မႃး​ၶိင်ႇ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​လဝ်ႊ​လၢတ်ႈ​လႄႈ​ဝႃႈ၊ ၼၢဝ်​မၼ်း​ၼၼ်ႉ​ႁၢႆ​မိူဝ်ႈ​ဝႃး​ၶိင်ႇ​ၸဵတ်း​ၼႃႇရီႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="53">ပိူဝ်ႈ​ၼႆ​လႄႈ​ပေႃႈ​မၼ်း​ၼၼ်ႉ ႁူႉ​ၶိင်ႇ​ၼၼ်ႉ​ပဵၼ်​ၶိင်ႇ​ၼႃႇရီႇ​ဢၼ် ယေႇသူႉ ​လၢတ်ႈ​လႄႈ​ဝႃႈ လုၵ်ႈ​ၸၢႆး​မႂ်း​ၼၼ်ႉ​ဢသၢၵ်ႈ​လႆႈ​ၵတ်း​ယဵၼ်​ၶျၢမ်း​သႃႇ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​လႄႈ ၸႃႉ​ၸဵမ်​တူဝ်​ၸဝ်ႈ​ၵဝ်ႇ​ဢိၵ်ႇ​တင်း ၵူၼ်း​ႁိူၼ်း​ၵူၼ်း​ယေး​တူဝ်​ၸဝ်ႈ​ၵဝ်ႇ တင်း​သဵင်ႈ​တင်း​လူင် ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​ဢေႃႈ။-</verse>
				<verse number="54">ၼီႉမိၵ်ႈ​လၢၵ်ႈၶၼႃႇ​ၸဝ်ႈ​ဢၼ်​ၼႆႉ​ၸမ်ႉ၊ ပဵၼ်​ၼီႉမိၵ်ႈ​လၢၵ်ႈၶၼႃႇ​တူႉတီႉယႃႉ ဢၼ်​ ယေႇသူႉ ​ၼႄ​ပျႃး​လိုၼ်း​သေ​မၼ်း​ၸဝ်ႈ လုၵ်ႉ​သေ​ၵႃႈ​တီႈ​မိူင်း​ ယူႉတႃႉ ၵႂႃႇ​ၵႃႈ​တီႈ​မိူင်း​ ၵႃႇလီႉလႄး ​ယဝ်ႉ​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">လိုၼ်း​ၼၼ်ႉ​ၸင်ႇ​မီး​ပွႆး​ဢၼ်​ၵူၼ်း​မဵဝ်း​ ယူႉတႃႉ ​ၶၢမ်ႇ​လႄႈ ယေႇသူႉ ​ၵႂႃႇ ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="2">ၼႂ်း​ဝဵင်း​ ယေႇရူႉသလႅမ်ႇ ၵႃႈ​တီႈ​ႁိမ်း​ၽၵ်း​တူ​သူဝ်း​ၼၼ်ႉ မီး​ၼမ်ႉ​ၼွင်​ဢၼ်​ၸွမ်း​ၼင်ႇ​ၵႂၢမ်း​ၽႃႇသႃႇ​ ႁေႇပြႄး လႆႈ​ၸိုဝ်ႈ ပေႇသေႇသတႃႉ ​ဢေႃႈ။ ၼမ်ႉ​ၼွင်​ၼၼ်ႉ​မီး​ၸၢၼ်း​ႁႃႈ​လင်​ဢေႃႈ။-</verse>
				<verse number="3">ၵႃႈ​တီႈ​ၸၢၼ်း​ၸိူဝ်း​ၼၼ်ႉ ၶဝ်​ၸိူဝ်း​ဢၼ်​ၸပ်း​တၢင်း​ၶႆႈ​တၢင်း​ပဵၼ်​လႂ်၊ ဢၼ်​တႃ​မွတ်ႇ​လႂ်၊ ဢၼ်​တိၼ်​ပုတ်း​လႂ်၊ ဢၼ်​တူဝ်​ယွမ်​ႁႅင်ႈ​လႂ် ၼွၼ်း​ယူႇ​လႄႈ ပႂ်ႉ​တူၺ်း​တၢင်း​ဢၼ်​ၼမ်ႉ​တူင်ႉ​ၼမ်ႉ​ၼိုင်​ယူႇ​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ မိူဝ်ႈ​ဢၼ်​ၶိင်ႇ​မၼ်း​ထုၵ်ႇ​ၸိုင်၊ တမၢၼ်ႇ​ၵၢင်​ႁၢဝ် ၸၢင်ႈ​လူင်း​မႃး​ၵႃႈ​တီႈ​ၼမ်ႉ​ၼွင်​ၼၼ်ႉ​လႄႈ ႁႂ်ႈ​ၼမ်ႉ​ၼၼ်ႉ​တူင်ႉ​ၼိုင်​ဢေႃႈ။ ဝၢႆး​သေ​ၼမ်ႉ​တူင်ႉ​ၼိုင်​ၸိူဝ်ႉ​ၼင်ႇ​ၼၼ်​ယဝ်ႉ​ၼၼ်ႉ၊ ၵေႃႉ​ဢၼ်​ၶဝ်ႈ​ဢွၼ်​တၢင်း​ပိူၼ်ႈ​ၼၼ်ႉ ၸၢင်ႈ​ႁွတ်ႈ​ထိုင်​တၢင်း​ဢၼ်​ၵၢင်း​လွတ်ႈ​တင်း တၢင်း​ၶႆႈ​တၢင်း​ပဵၼ်​ၵႃႈ​ဢၼ်​ၸပ်း​တီႈ​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="5">မိူဝ်ႈ​ၼၼ်ႉ ၵူၼ်း​ဢၼ်​ၸပ်း​တၢင်း​ၶႆႈ​တၢင်း​ပဵၼ်​သၢမ်​သိပ်း​ပၢႆ​ပႅတ်ႇ​ပီႊ​တဵမ်​တဵမ်​ယဝ်ႉ​ၼၼ်ႉ​ၵေႃႉ​ၼိုင်ႈ မီး​ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="6">မိူဝ်ႈ​ဢၼ်​ ယေႇသူႉ ​ႁၼ်​ၵေႃႉ​ၼၼ်ႉ​ၼွၼ်း​ယူႇ​လႄႈ ႁူႉ​လွင်ႈ​ဢၼ်​မၼ်း​ပဵၼ်​ႁိုင်​ၼႃႇ​ယဝ်ႉ​ၼၼ်ႉ​ၸိုင် မၼ်း​ၸဝ်ႈ​ထၢမ်​လႄႈ​ဝႃႈ၊ မႂ်း​ၶႂ်ႈ​ႁွတ်ႈ​ထိုင်​တၢင်း​ဢၼ်​ယူႇ​လီ​ၵိၼ်​ဝၢၼ်​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၵေႃႉ​ဢၼ်​ပဵၼ်​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ယၢမ်း​မိူဝ်ႈ​ဢၼ်​ၼမ်ႉ​တူင်ႉ​ၼမ်ႉ​ၼိုင်​ၼၼ်ႉ​ၸိုင် ၵဝ်​ၶႃႈ​ဢမ်ႇ​မီး​ၵေႃႉ​ဢၼ်​တၵ်း​ဢဝ်​ၵဝ်​ၶႃႈ​သႂၢင်း​သႂ်ႇ​ဝႆႉ ၵႃႈ​ၼႂ်း​ၼမ်ႉ​ၼွင်​ၼႆႉ​ၶႃႈ။ ၼႂ်း​မိူဝ်ႈ​ဢၼ်​ၵဝ်​ၶႃႈ​ယင်း​တိုၵ်ႉ​ၵႂႃႇ​ယူႇ​ၼၼ်ႉ​ၸိုင်၊ ပိူၼ်ႈ​တၢင်ႇ​ၵေႃႉ​ၸၢင်ႈ​လူင်း​ၵႂႃႇ​သေ​ဢွၼ်​တၢင်း​ၵဝ်​ၶႃႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ လုၵ်ႉ​တႃႉ။ ဢဝ်​တီႈ​ၼွၼ်း​မႂ်း​လႄႈ ပႆ​တၢင်း​ၵႂႃႇ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">ၵေႃႉ​ၼၼ်ႉ​ပဵၼ်​ၵူၼ်း​လီ​မႃး​ၵမ်း​လဵဝ်​လႄႈ ဢဝ်​တီႈ​ၼွၼ်း​မၼ်း​ပႆ​တၢင်း​ၵႂႃႇ​ဢေႃႈ။</verse>
				<verse number="10">ဝၼ်း​ၼၼ်ႉ ပဵၼ်​ဝၼ်း​ၵမ်​သိၼ်​ဢေႃႈ။ ပိူဝ်ႈ​ၼႆ​လႄႈ​ၵူၼ်း​ ယူႉတႃႉ ​တင်း​လၢႆ​ၵေႃႈ​လၢတ်ႈ​တီႈ​ၵေႃႉ​ဢၼ် ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ်​ၼၼ်ႉ​လႄႈ​ဝႃႈ၊ ပဵၼ်​ဝၼ်း​ၵမ်​သိၼ်​ဢေႃႈ။ မႂ်း​ဢမ်ႇ​ထုၵ်ႇ​လီ​ဢဝ်​တီႈ​ၼွၼ်း​မႂ်း​ၵႂႃႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵေႃႉ​ဢၼ်​ႁႂ်ႈ​ၵဝ်​ၶႃႈ​လီ​မႃး​ၼၼ်ႉ​လၢတ်ႈ​လႄႈ​ဝႃႈ၊ ဢဝ်​တီႈ​ၼွၼ်း​မႂ်း​လႄႈ ပႆ​တၢင်း​ၵႂႃႇ​တႃႉ၊ ဝႃႈ​ၼင်ႇ​ၼႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၶဝ်​ၼၼ်ႉ​ၵေႃႈ​ထၢမ်​လႄႈ​ဝႃႈ၊ ၵေႃႉ​ဢၼ်​လၢတ်ႈ​တီႈ​မႂ်း​လႄႈ​ဝႃႈ၊ ဢဝ်​တီႈ​ၼွၼ်း​မႂ်း​လႄႈ ပႆ​တၢင်း​ၵႂႃႇ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊ ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵေႃႉ​ၼၼ်ႉ​ပဵၼ်​ၽူႈ​လႂ်​ဝႃႈ​ၼႆ၊ ၵေႃႉ​ဢၼ်​ၵၢင်း​လွတ်ႈ​တင်း တၢင်း​ၶႆႈ​တၢင်း​ပဵၼ်​ၼၼ်ႉ​ဢမ်ႇ​ႁူႉ၊ လွင်ႈ​မၼ်း​ၸမ်ႉ ပိူဝ်ႈ​ဢၼ်​မီး​တၢင်း​ဢၼ်​ၵူၼ်း​ၸူႉ​ၵၼ်​တုမ်​ၵၼ်​ယူႇ​ၵႃႈ​တီႈ​ၼၼ်ႈ​လႄႈ ယေႇသူႉ ​တဵတ်ႇ​တဵတ်ႇ​ဢွၵ်ႇ​ၵႂႃႇ​သေ​ဢေႃႈ။</verse>
				<verse number="14">လိုၼ်း​ၼၼ်ႉ ယေႇသူႉ ထူပ်း​ႁၼ် ၵေႃႉ​ၼၼ်ႉ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​လႄႈ​လၢတ်ႈ​ဝႃႈ၊ မႂ်း​မီး​တၢင်း​ဢၼ်​ယူႇ​လီ​ၵိၼ်​ဝၢၼ်​ဢေႃႈ။ ၼင်ႇ​ႁိုဝ်​တၵ်း​လႆႈ​ၵၢင်း​လွတ်ႈ​တင်း​ၽေး ဢၼ်​ယဵင်ႈ​ၶႅၼ်း​ႁၢႆႉ​ၼႃႇ​ၸိုင်၊ ၵမ်း​လိုၼ်း ယႃႇ​ပေ​ၶိုၼ်း​ႁဵတ်း​တူႉ​ၸရိူၵ်ႈ​ဢပႅတ်ႈ​ထႅင်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၵေႃႉ​ၼၼ်ႉ​ၵႂႃႇ​သေ​လႄႈ​မွၵ်ႇ​လၢတ်ႈ​လွင်ႈ​ဢၼ် ၵေႃႉ​ဢၼ်​ႁႂ်ႈ​မၼ်း​ယူႇ​လီ​ၵိၼ်​ဝၢၼ်​မႃး​ၼၼ်ႉ ပဵၼ်​ ယေႇသူႉ ​ၼၼ်ႉ တီႈ​ၵူၼ်း​ ယူႉတႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="16">ပိူဝ်ႈ​ဢၼ်​ ယေႇသူႉ ႁဵတ်း​လွင်ႈ​တၢင်း​ၸိူဝ်း​ၼၼ်ႉ​ၼႂ်း​ဝၼ်း​ၵမ်​သိၼ်​လႄႈ၊ ၵူၼ်း​ ယူႉတႃႉ ​ၸိူဝ်း​ၼၼ်ႉ​ၼိၵ်ႈ​ၸၢၵ်ႈ​ငႅၼ်း​သႄး​မၼ်း​ၸဝ်ႈ​ဢေႃႈ။-</verse>
				<verse number="17">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပေႃႈ​ၵဝ်​ၼၼ်ႉ​ႁဵတ်း​တၢင်း​ႁဵတ်း​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ယူႇ​လႄႈ ၵဝ်​ၵေႃႈ​ႁဵတ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၵွပ်ႈ​ႁွႆး​ၼႆႉ​လႄႈ၊ ပိူဝ်ႈ​ဢၼ်​မၼ်း​ၸဝ်ႈ​ယႃႉ​ဝၼ်း​ၵမ်​သိၼ်​ဢမ်ႇ​ၵႃး၊ ပိူဝ်ႈ​ဢၼ်​မၼ်း​ၸဝ်ႈ ႁွင်ႉ​ၽြႃး​ပဵၼ်​ၸဝ်ႈ​ဝႃႈ​ပေႃႈ​မၼ်း​ၸဝ်ႈ​သေ​လႄႈ ဢဝ်​တူဝ်​ၸဝ်ႈ​ၵဝ်ႇ​တႅၵ်ႈ​တိူင်း​ၵၼ်​တင်း​ၽြႃး​ပဵၼ်​ၸဝ်ႈ​ၼၼ်ႉ​လႄႈ၊ ၵူၼ်း​ ယူႉတႃႉ ​ၸိူဝ်း​ၼၼ်ႉ ယဵင်ႈ​ၶႅၼ်း ၵျၢမ်ႇ​ႁႃ​ႁႂ်ႈ​လႆႈ​ဢဝ်​မၼ်း​ၸဝ်ႈ​တၢႆ​ဢေႃႈ။</verse>
				<verse number="19">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ၵူၺ်း​လႄႈ လုၵ်ႈ​ၸဝ်ႈ​ဢမ်ႇ​ႁဵတ်း​သေ​ၸိူဝ်ႉ​သေ​ပိူင်​လႆႈ။ ႁဵတ်း​ၸွမ်း​လွင်ႈ​တၢင်း​ဢၼ်​ႁၼ်​ပေႃႈ​ၸဝ်ႈ​ႁဵတ်း​ၼၼ်ႉ​ၵူၺ်း​ဢေႃႈ။ ၵႃႈ​ဢၼ်​ပေႃႈ​ၸဝ်ႈ​ႁဵတ်း​တင်း​သဵင်ႈ​တင်း​လူင်​ၼၼ်ႉ​ၸိုင်၊ လုၵ်ႈ​ၸဝ်ႈ​ၵေႃႈ​ႁဵတ်း​ၸွမ်း​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="20">ပေႃႈ​ၸဝ်ႈ​ႁၵ်ႉ​လုၵ်ႈ​ၸဝ်ႈ​လႄႈ ၼႄ​ပျႃး​ၵႃႈ​ဢၼ်​မၼ်း​ၸဝ်ႈ​ႁဵတ်း​တင်း​သဵင်ႈ​တင်း​လူင် တီႈ​လုၵ်ႈ​ၸဝ်ႈ​ဢေႃႈ။ ၼင်ႇ​ႁိုဝ်​သူ​တၵ်း​မီး​လွင်ႈ​တၢင်း​ဢၼ်​လီ​ဢၢမ်း​ၸိုင်၊ မၼ်း​ၸဝ်ႈ​တၵ်း​ၼႄ​ပျႃး​လွင်ႈ​တၢင်း​ဢၼ် ယဵင်ႈ​ၶႅၼ်း​ယႂ်ႇ​ၼႃႇ​သေ​လွင်ႈ​တၢင်း​ၸိူဝ်း​ၼႆႉ တီႈ​လုၵ်ႈ​ၸဝ်ႈ​ဢေႃႈ။-</verse>
				<verse number="21">ၸိူဝ်ႉ​ၼင်ႇ​ဢၼ်​ပေႃႈ​ၸဝ်ႈ​ႁႂ်ႈ​ၶဝ်​ၸိူဝ်း​ဢၼ်​တၢႆ​ၵႂႃႇ​ယဝ်ႉ လုၵ်ႉ​ၶိုၼ်း​လိပ်း​ၼၼ်ႉ၊ မိူၼ်​ၼင်ႇ​ၼၼ် လုၵ်ႈ​ၸဝ်ႈ​ၵေႃႈ ႁႂ်ႈ​ၶဝ်​ၸိူဝ်း​ဢၼ်​မၼ်း​ၸဝ်ႈ​မီး​ဢလူဝ်ႇ တင်း​သဵင်ႈ​တင်း​လူင်​ၼၼ်ႉ​လိပ်း​ဢေႃႈ။-</verse>
				<verse number="22">ၼင်ႇ​ႁိုဝ်​ၵူၼ်း​တင်း​သဵင်ႈ​တင်း​လူင်​တၵ်း​ရူဝ်ႇ​သေႇ​ၵူဝ်​ယမ်​လုၵ်ႈ​ၸဝ်ႈ၊ ၸိူဝ်ႉ​ၼင်ႇ​ဢၼ် ၶဝ်​ရူဝ်ႇ​သေႇ​ၵူဝ်​ယမ် ပေႃႈ​ၸဝ်ႈ​ၼၼ်ႉ​ၸိုင်၊-</verse>
				<verse number="23">ပေႃႈ​ၸဝ်ႈ​ဢမ်ႇ​ၸီႇ​ယၢင်ႇ​တြႃး​တီႈ​ၽူႈ​လႂ်​သေ​ၵေႃႉ​သေ​ၵူၼ်း။ မၼ်း​ၸဝ်ႈ​ဢၢပ်ႈ​ပၼ်​ဢၶႂၢင်ႉ​တၢင်း​ဢၼ်​ၸီႇ​ယၢင်ႇ​တြႃး​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တီႈ​လုၵ်ႈ​ၸဝ်ႈ​ဢေႃႈ။ ၵေႃႉ​ဢၼ်​ဢမ်ႇ​ရူဝ်ႇ​သေႇ​ၵူဝ်​ယမ်​လုၵ်ႈ​ၸဝ်ႈ​ၸမ်ႉ၊ ပဵၼ်​ၵေႃႉ​ဢၼ်​ဢမ်ႇ​ရူဝ်ႇ​သေႇ​ၵူဝ်​ယမ်​ပေႃႈ​ၸဝ်ႈ ဢၼ်​ပွႆႇ​ၸႂ်ႉ​လုၵ်ႈ​ၸဝ်ႈ​မႃး​ၼၼ်ႉ​ဢေႃႈ။-</verse>
				<verse number="24">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၵေႃႉ​ဢၼ်​ထွမ်ႇ​ဢဝ်​ၵႂၢမ်း​ၵဝ်​လႄႈ ယုမ်ႇ​မၢတ်ႈ​ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​လႆႈ​ထႃႇဝရႃႉ​ဢသၢၵ်ႈ​လႄႈ ဢမ်ႇ​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ၊ ပဵၼ်​ၵေႃႉ​ဢၼ်​လုၵ်ႉ​ၵႃႈ​တၢင်း​တၢႆ ၶၢမ်ႈ​ၵႂႃႇ​ၵႃႈ​တီႈ​တၢင်း​ဢၼ်​ဢသၢၵ်ႈ​လိပ်း​ပုၼ်ႉ​ဢေႃႈ။</verse>
				<verse number="25">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၶိင်ႇ​ၵႃႇလႃႉ​ဢၼ်​ၶဝ်​ၸိူဝ်း​ဢၼ်​တၢႆ​ၵႂႃႇ​ယဝ်ႉ တၵ်း​လႆႈ​ငိၼ်း​သဵင်​ၵႂၢမ်း​လုၵ်ႈ​ၽြႃး​ပဵၼ်​ၸဝ်ႈ​လႄႈ ၶဝ်​ၸိူဝ်း​ဢၼ်​ငိၼ်း​ၵေႃႈ တၵ်း​လႆႈ​ဢသၢၵ်ႈ​လိပ်း​ၼၼ်ႉ​မႃး​ယူႇ​လႄႈ တေႃႈ​လဵဝ်​ၼႆႈ​ၵေႃႈ​ႁွတ်ႈ​ဝႆႉ​မီး​ယူႇ​ဢေႃႈ။-</verse>
				<verse number="26">လွင်ႈ​မၼ်း​ၸမ်ႉ ၵႃႈ​ၼင်ႇ​ဢၼ်​ပေႃႈ​ၸဝ်ႈ​မီး​ဢသၢၵ်ႈ ၼႂ်း​တူဝ်​ၸဝ်ႈ​ၵဝ်ႇ​ယူႇ​ၼၼ်ႉ​ၸိုင် မၼ်း​ၸဝ်ႈ​ပၼ်​ဢၶႂၢင်ႉ​ဢၼ် လုၵ်ႈ​ၸဝ်ႈ​တၵ်း​လႆႈ​မီး​ဢသၢၵ်ႈ ၼႂ်း​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="27">တီႈ​လုၵ်ႈ​ၸဝ်ႈ​ၼၼ်ႉ ပိူဝ်ႈ​ဢၼ်​ပဵၼ်​လုၵ်ႈ​ၵူၼ်း​လႄႈ မၼ်း​ၸဝ်ႈ​ဢၢပ်ႈ​ပၼ်​ဢၶႂၢင်ႉ​တၢင်း​ဢၼ်​ၸီႇ​ယၢင်ႇ​တြႃး​ဢေႃႈ။-</verse>
				<verse number="28">လွင်ႈ​တီႈ​ႁဵင်း​ၼႆႉ​ၸိုင် ယႃႇ​ပေ​မီး​တၢင်း​ဢၼ်​လီ​ဢၢမ်း။ ၶိင်ႇ​ၵႃႇလႃႉ​ဢၼ်​ၶဝ်​ၸိူဝ်း​ဢၼ် မီး​ၼႂ်း​သၢင်း​ၶႅင်း​တင်း​သဵင်ႈ​တင်း​လူင်​တၵ်း​လႆႈ​ငိၼ်း​သဵင်​ၵႂၢမ်း​လုၵ်ႈ​ၸဝ်ႈ​လႄႈ ဢွၵ်ႇ​မႃး​ၼၼ်ႉ​ႁွတ်ႈ​မႃး​ဢေႃႈ။-</verse>
				<verse number="29">ၶဝ်​ၸိူဝ်း​ဢၼ် ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ၼၼ်ႉ၊ တၵ်း​လႆႈ​ဢွၵ်ႇ​မႃး​ၸူး​ၵႃႈ​တီႈ​တၢင်း​ဢၼ်​လုၵ်ႉ​ၶိုၼ်း​တီႈ​ဢၼ်​ဢသၢၵ်ႈ​လိပ်း​လႄႈ၊ ၶဝ်​ၸိူဝ်း​ဢၼ် ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ႁၢႆႉ​မိူၵ်ႈ​ၼၼ်ႉ တၵ်း​လႆႈ​ဢွၵ်ႇ​မႃး​ၸူး​ၵႃႈ​တီႈ​တၢင်း​ဢၼ်​လုၵ်ႉ​ၶိုၼ်း​တီႈ​ဢၼ်​ၸီႇ​ယၢင်ႇ​ဢပႅတ်ႈ​ဢေႃႈ။</verse>
				<verse number="30">ၵဝ်​ၼႆႉ ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​လႄႈ ဢမ်ႇ​ႁဵတ်း​သေ​ၸိူဝ်ႉ​သေ​ပိူင်​လႆႈ၊ ၵဝ်​ၼႆႉ ၵႃႈ​ၼင်ႇ​ဢၼ်​ငိၼ်း​ၼၼ်ႉ​ၸီႇ​ယၢင်ႇ​တြႃး​ဢေႃႈ။ တၢင်း​ဢၼ်​ၵဝ်​ၸီႇ​ယၢင်ႇ​ၵေႃႈ​မႅၼ်ႈ​ၵၼ်​တင်း​တြႃး​ၸဝ်ႈ​ဢေႃႈ။ လွင်ႈ​မၼ်း​ၸမ်ႉ ၵဝ်​ဢမ်ႇ​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ။ ၵဝ်​ၸွမ်း​ဢလူဝ်ႇ​ပေႃႈ​ၸဝ်ႈ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။-</verse>
				<verse number="31">ပေႃး​ၵဝ်​ၶၢမ်ႇ​သၢၵ်ႈ​သေႇ လွင်ႈ​တူဝ်​ၸဝ်ႈ​ၵဝ်ႇ​ၸိုင် သၢၵ်ႈ​သေႇ​ၵဝ်​ဢမ်ႇ​တႄႇ။-</verse>
				<verse number="32">ၵေႃႉ​ဢၼ်​ၶၢမ်ႇ​သၢၵ်ႈ​သေႇ​လွင်ႈ​ၵဝ် ယင်း​မီး​ယူႇ​ပႃး​ၼိုင်ႈ​ဢေႃႈ။ လွင်ႈ​ဢၼ်​သၢၵ်ႈ​သေႇ​မၼ်း​ၼၼ်ႉ​တႄႇ​ၸိုင်​ၵဝ်​ႁူႉ​ဢေႃႈ။-</verse>
				<verse number="33">သူ​လႆႈ​ပွႆႇ​ၸႂ်ႉ​ၵႂႃႇ​ၵႃႈ​တီႈ ယူဝ်းႁၢၼ်ႇ ​ပုၼ်ႉ​လႄႈ မၼ်း​ၼၼ်ႉ​ၵေႃႈ လႆႈ​ၶၢမ်ႇ​သၢၵ်ႈ​သေႇ​ၽၢႆႇ​သမ်ႇမႃႇ​တြႃး​ဢေႃႈ။-</verse>
				<verse number="34">ၼႂ်း​ဝႃႈ​ၼၼ်​သေ​ၵေႃႈ သၢၵ်ႈ​သေႇ​ဢၼ်​ၵူၼ်း​ပၼ်​ၸိုင်​ၵဝ်​ဢမ်ႇ​မၢတ်ႈ​ပဵၼ်​ၵႃႈ​သင်။ ၼင်ႇ​ႁိုဝ်​သူ​တၵ်း​ႁွတ်ႈ​ထိုင်​တၢင်း​ဢၼ် ၵႄႇ​ၶျွတ်ႈ​ဢဝ်​ၸိုင်​ၵဝ်​ၸင်ႇ​လၢတ်ႈ​ၵႂၢမ်း​ၼႆႉ​ဢေႃႈ။-</verse>
				<verse number="35">ၵေႃႉ​ၼၼ်ႉ​ပဵၼ်​ဝၢၼ်ႇ​ၽႆး​တဵၼ်း​ဢၼ်​တႆႈ​လႄႈ​လႅင်း​ဢေႃႈ သူ​မီး​ဢလူဝ်ႇ​ၶႂ်ႈ​မူၼ်ႈ​ပျေႃႇ​ၼႂ်း​ဢၼ်​လႅင်း​မၼ်း​ၵမ်း​ဢွၼ်ႇ​ၼိုင်ႈ​ၵူၺ်း​ဢေႃႈ။</verse>
				<verse number="36">သၢၵ်ႈ​သေႇ​ဢၼ်​ယဵင်ႈ​ၶႅၼ်း​ယႂ်ႇ​ၼႃႇ​သေ သၢၵ်ႈ​သေႇ​ ယူဝ်းႁၢၼ်ႇ ​ၼၼ်ႉ​မီး​တီႈ​ၵဝ်​ဢေႃႈ။ လွင်ႈ​တၢင်း​ဢၼ်​ပေႃႈ​ၸဝ်ႈ​ဢၢပ်ႈ​ပၼ်​ၼႂ်း​မိုဝ်း​ၵဝ် ႁႂ်ႈ​ၵဝ်​လႆႈ​ႁဵတ်း ႁႂ်ႈ​ယဝ်ႉ​ႁႂ်ႈ​တူဝ်ႈ​ဢၼ်​ဝႃႈ လွင်ႈ​တၢင်း​ဢၼ်​ၵဝ်​ႁဵတ်း​ၸိူဝ်း​ၼၼ်ႉ ယူႇ​ၽၢႆႇ​ၵဝ်​သေ​လႄႈ ၶၢမ်ႇ​သၢၵ်ႈ​သေႇ​လွင်ႈ​ဢၼ်​ပေႃႈ​ၸဝ်ႈ​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။-</verse>
				<verse number="37">ပေႃႈ​ၸဝ်ႈ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ၵေႃႈ ယူႇ​ၽၢႆႇ​ၵဝ်​သေ​လႄႈ​ၶၢမ်ႇ​သၢၵ်ႈ​သေႇ​ယူႇ​ဢေႃႈ။ သဵင်​ၵႂၢမ်း​ပေႃႈ​ၸဝ်ႈ​ၼၼ်ႉ​ၸိုင် သူ​ဢမ်ႇ​ငိၼ်း၊ ႁၢင်ႈ​ၽၢင်​မၼ်း​ၸဝ်ႈ​ၼၼ်ႉ​ၵေႃႈ​သူ​ဢမ်ႇ​ႁၼ်၊-</verse>
				<verse number="38">ၼုၵ်ႈၵပၢတ်ႈ​ၸဝ်ႈ​ၵေႃႈ ဢမ်ႇ​တႄႇ​ယူႇ​ၼႂ်း​သူ။ လွင်ႈ​မၼ်း​ၸမ်ႉ သူ​ယင်း​ဢမ်ႇ​ယုမ်ႇ​မၢတ်ႈ ၵေႃႉ​ဢၼ်​မၼ်း​ၸဝ်ႈ​ပွႆႇ​ၸႂ်ႉ​မႃး​ၼၼ်ႉ​လႄႈ​ယူႇ​ဢေႃႈ။</verse>
				<verse number="39">သူ​သွၵ်ႈ​သူ​ႁႃ​ၼႂ်း​ၵျၢမ်း​လိၵ်ႈ ၵွပ်ႈ​ပိူဝ်ႈ​ဢၼ်​သူ​ထၢင်ႇ​တၵ်း​လႆႈ​ထႃႇဝရႃႉ​ဢသၢၵ်ႈ​ၵႃႈ​ၼႂ်း​ၵျၢမ်း​လိၵ်ႈ​ၼၼ်ႉ​ဢေႃႈ။ ၵျၢမ်း​လိၵ်ႈ​ၼၼ်ႉ ပဵၼ်​သၢၵ်ႈ​သေႇ​ၵဝ်​ဢေႃႈ။-</verse>
				<verse number="40">ၼင်ႇ​ႁိုဝ် သူ​တၵ်း​လႆႈ​ဢသၢၵ်ႈ​ၸိုင် သူ​ဢမ်ႇ​မီး​ဢလူဝ်ႇ​ၶႂ်ႈ​မႃး​ၸူး​ၵႃႈ​တီႈ​ၵဝ်။-</verse>
				<verse number="41">ၵဝ်​ဢမ်ႇ​ၶၢမ်ႇ​ဢဝ်​မုၼ်​သရေႇ​ဢၼ်​ၵူၼ်း​ပၼ်။-</verse>
				<verse number="42">ၼႂ်း​ဝႃႈ​ၼၼ်​သေ​ၵေႃႈ လွင်ႈ​ဢၼ်​မႅတ်ႈ​တႃႇ​တၢင်း​ဢၼ်​ႁၵ်ႉ ၽြႃး​ပဵၼ်​ၸဝ်ႈ ဢမ်ႇ​မီး​ၵႃႈ​ၼႂ်း​သူ​ၸိုင်​ၵဝ်​ႁူႉ​ယူႇ​ဢေႃႈ။-</verse>
				<verse number="43">ပိၵ်ႉ​သမ်ႉ​ၵဝ်​ပႃး​တင်း​ဢၶႂၢင်ႉ​ပေႃႈ​ၸဝ်ႈ​ႁွတ်ႈ​မႃး​သေ​ၵေႃႈ သူ​ဢမ်ႇ​ႁပ်ႉ​တုင်း​ဢဝ်​ၵဝ် ပေႃး​ပိူၼ်ႈ​တၢင်ႇ​ၵေႃႉ​ပႃး​တင်း ဢၶႂၢင်ႉ​တူဝ်​ၸဝ်ႈ​ၵဝ်ႇ​ႁွတ်ႈ​မႃး​ၸိုင်၊ သူ​တၵ်း​ႁပ်ႉ​တုင်း​ဢဝ်​ၵေႃႉ​ၼၼ်ႉ​ဢေႃႈ။-</verse>
				<verse number="44">သူ​ဢၼ်​ၶၢမ်ႇ​ဢဝ်​မုၼ်​သရေႇ ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ပၼ်​ၵၼ်​ၵူၺ်း​လႄႈ ဢမ်ႇ​ႁႃ​ဢဝ်​မုၼ်​သရေႇ ဢၼ်​ၽြႃး​ပဵၼ်​ၸဝ်ႈ​ၵူၺ်း ၸၢင်ႈ​ပၼ်​ၼၼ်ႉ​ၸိူဝ်း​ၼႆႉ တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ​ယုမ်ႇ​မၢတ်ႈ​လႆႈ။-</verse>
				<verse number="45">ယႃႇ​ပေ​ထၢင်ႇ ၵဝ်​တၵ်း​ဢဝ်​ဢပႅတ်ႈ​တၢင်ႇ​သႂ်ႇ​တီႈ​သူ​ၵႃႈ​တီႈ​ၽၢႆႇ​ၼႃႈ​ပေႃႈ​ၸဝ်ႈ​ၼၼ်ႉ။ ၵေႃႉ​ဢၼ်​ဢဝ်​ဢပႅတ်ႈ​တၢင်ႇ​သႂ်ႇ​တီႈ​သူ​ၼၼ်ႉ ယင်း​မီး​ယူႇ​ပႃး​ၼိုင်ႈ​ဢေႃႈ။ ၵေႃႉ​ၼၼ်ႉ​ၸမ်ႉ၊ ပဵၼ်​ မူဝ်းသေႇ ​ဢၼ်​သူ​ဢိင်​ပိုင်ႈ​ၼၼ်ႉ​ဢေႃႈ။-</verse>
				<verse number="46">ပေႃး​သူ​ယုမ်ႇ​ၵႂၢမ်း​ မူဝ်းသေႇ ​ၼၼ်ႉ​ၸိုင်၊ သူ​ယင်း​ဢမ်ႇ​ယုမ်ႇ​ၵႂၢမ်း​ၵဝ်​လႄႈ တၵ်း​ဢမ်ႇ​ယူႇ​လႆႈ။ လွင်ႈ​မၼ်း​ၸမ်ႉ မူဝ်းသေႇ ​ၼၼ်ႉ တႅမ်ႈ​ဝႆႉ​လွင်ႈ​ၵဝ်​ဢေႃႈ။-</verse>
				<verse number="47">ပေႃး​သူ​ဢမ်ႇ​ယုမ်ႇ​ၵႂၢမ်း​ဢၼ်​မၼ်း​တႅမ်ႈ​ဝႆႉ​ၼၼ်ႉ​ၸိုင်၊ သူ​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ ယုမ်ႇ​ၵႂၢမ်း​ၵဝ်​ၼႆႉ​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="6">
				<verse number="1">လိုၼ်း​ၼၼ်ႉ ယေႇသူႉ ၶၢမ်ႈ​ၵႂႃႇ​ၵႃႈ​တီႈ​ၽၢႆႇ​ပုၼ်ႉ​ၼွင်​ ၵႃႇလီႉလႄး ​ဢၼ်​ဝႃႈ ၼွင်​ တီႉပေႇရီႉ ​ၼၼ်ႉ​ဢေႃႈ။-</verse>
				<verse number="2">ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ​ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ ၵွပ်ႈ​ပိူဝ်ႈ​ဢၼ်​ၶဝ်​လႆႈ​ႁၼ်​ၼီႉမိၵ်ႈ​လၢၵ်ႈၶၼႃႇ​ဢၼ်​မၼ်း​ၸဝ်ႈ​ၼႄ​ပျႃး တီႈ​ၶဝ်​ၸိူဝ်း​ဢၼ်​ၸပ်း​တၢင်း​ၶႆႈ​တၢင်း​ပဵၼ်​ၸိူဝ်း​ၼၼ်ႉ​ဢေႃႈ။-</verse>
				<verse number="3">ယေႇသူႉ ​ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​လႄႈ ၼင်ႈ​ယူႇ​လူၺ်ႈ​ၵၼ်​တင်း​တပႄး​ၸဝ်ႈ​တင်း​လၢႆ​ဢေႃႈ။-</verse>
				<verse number="4">မိူဝ်ႈ​ၼၼ်ႉ​ၸမ်​တၵ်း​ႁွတ်ႈ​ထိုင်​ၶိင်ႇ ဢၼ်​ၶၢမ်ႇ​ပွႆး​ ပႃႉသၶႃႇ ၵူၼ်း​ ယူႉတႃႉ ​ဢေႃႈ။-</verse>
				<verse number="5">ယေႇသူႉ ​မုင်ႈ​တူၺ်း​လႄႈ​ႁၼ် ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ​ၸိူဝ်း​ၼၼ်ႉ မႃး​ၵႃႈ​တီႈ​မၼ်း​ၸဝ်ႈ​ၼၼ်ႉ​သေ​ယဝ်ႉ၊ ထၢမ်​တီႈ​ ၽီႉလိပ်ႉပူႉ ​လႄႈ​ဝႃႈ၊ ၼင်ႇ​ႁိုဝ်​ၶဝ်​ၼႆႉ​တၵ်း​လႆႈ​ၵိၼ်​လႆႈ​ၶူပ်း​ၸိုင် တၵ်း​သိုဝ်ႉ​ဢဝ်​ၶဝ်ႈ​မုၼ်း​ၵႃႈ​တီႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ပိၵ်ႉ​သမ်ႉ​မၼ်း​ၸဝ်ႈ​ႁူႉ​လွင်ႈ​ဢၼ်​တူဝ်​ၸဝ်ႈ​ၵဝ်ႇ တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​ယူႇ​သေ​ၵေႃႈ ၼင်ႇ​ႁိုဝ်​တၵ်း​လႆႈ​ၸၢမ်း​တူၺ်း​မၼ်း​ၸိုင် မၼ်း​ၸဝ်ႈ​ၸင်ႇ​ထၢမ်​ဝႃႈ​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="7">ၽီႉလိပ်ႉပူႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၼင်ႇ​ႁိုဝ်​ၶဝ်​ၼႆႉ​တၵ်း​လႆႈ​ယေႈ​ၵေႃႉ​ယေႈ​ဢိတ်း​ၸိုင်၊ ၶဝ်ႈ​မုၼ်း​ဢၼ်​ထိူၵ်ႈ​ၵႃႈ တေႇၼႃႇရီႇ သွင်​ပၢၵ်ႇ​ၶႅပ်း​ၼိုင်ႈ​ဢမ်ႇ​ပေႃး​ဢမ်ႇ​ၵုမ်ႇ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၼႂ်း​တပႄး​ၸဝ်ႈ​ၸိူဝ်း​ၼၼ်ႉ​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ ဢၼ်ႇတရေႇ ​ဢၼ်​ပဵၼ်​ၼွင်ႉ​ၸၢႆး​ သီႉမုၼ်ႇ​ပေႇတရူႉ ​ၼၼ်ႉ ၵေႃႈ​လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="9">မီး​လုၵ်ႈ​ဢွၼ်ႇ​ဢၼ်​ပႃး​ၶဝ်ႈ​မုၼ်း​မူႉ​ယေႃး​ႁႃႈ​လုၵ်ႈ​တင်း​ပႃ​ဢွၼ်ႇ​သွင်​တူဝ် ၵေႃႉ​ၼိုင်ႈ​ၶႃႈ​ဢေႃႈ၊ ၼႂ်း​ဝႃႈ​ၼၼ်​သေ​ၵေႃႈ ပိူဝ်ႈ​ဢၼ်​ၵူၼ်း​မီး​ၼမ်​ၼႃႇ​ထၢၼ်ႇ​ၼႆႉ​လႄႈ တၢင်း​ၵိၼ်​ၼႆႉ​တၵ်း​ပွင်ႇ​လွင်ႈ​ၵႃႈ​သင်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ႁႂ်ႈ​ၵူၼ်း​ၸိူဝ်း​ၼႆႉ​ဢိင်​ယူႇ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵႃႈ​တီႈ​ၼၼ်ႈ မီး​တူၼ်ႈ​ယိူဝ်ႈ​တူၼ်ႈ​ယႃႈ​ၼမ်​ၼႃႇ​ဢေႃႈ။ ၵႃႈ​ၼင်ႇ​ဢၼ်​ၼပ်ႉ​ဢၢၼ်ႇ​ၼၼ်ႉ​ၵူၼ်း​သေ​ႁႃႈ​ႁဵင်​ၼိုင်ႈ​ၸမ်​ၸမ်​ဢိင်​ယူႇ​ဢေႃႈ။-</verse>
				<verse number="11">ယေႇသူႉ ​ဢဝ်​ၶဝ်ႈ​မုၼ်း​လႄႈ​ယွင်ႈ​ယေႃး​ၵျေး​ၸူး​ၸဝ်ႈ​သေ​ယဝ်ႉ၊ ၽႄ​မႅင်ႇ​ပၼ်​တီႈ​ၶဝ်​ၸိူဝ်း​ဢၼ်​ဢိင်​ယူႇ​ၼၼ်ႉ​ဢေႃႈ။ မိူၼ်​ၼင်ႇ​ၼၼ် မၼ်း​ၸဝ်ႈ​ဢဝ်​ပႃ​ၸိူဝ်း​ၼၼ်ႉ ၽႄ​မႅင်ႇ​ၵႃႈ​ၼင်ႇ​ဢၼ် ၶဝ်​မီး​ဢလူဝ်ႇ​ၶႂ်ႈ​လႆႈ​ၼၼ်ႉ​ဢေႃႈ။-</verse>
				<verse number="12">ၶဝ်​ၼၼ်ႉ​ဢိမ်ႇ​ယဝ်ႉ၊ မၼ်း​ၸဝ်ႈ​ၵေႃႈ​လၢတ်ႈ​တီႈ​တပႄး​ၸဝ်ႈ​ၸိူဝ်း​ၼၼ်ႉ​လႄႈ​ဝႃႈ၊ ၼင်ႇ​ႁိုဝ်​တၵ်း​ဢမ်ႇ​လႆႈ​ႁၢႆ​သေ​ၸိူဝ်ႉ​သေ​ပိူင်​ၸိုင် ၵဵပ်း​သိမ်း​ဢဝ်​ဢၼ်​ၵိုတ်း​ဢၼ်​ၵျၢၼ်ႇ​ဢၼ်​ႁၵ်း​ဢၼ်​ႁဵၵ်း​တင်း​လၢႆ​ၸိူဝ်း​ၼႆႉ​ဝႆႉ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="13">ၶဝ်​ၼၼ်ႉ​ၵဵပ်း​သိမ်း​ဢဝ်​ဢၼ်​ပွတ်း​ဢၼ်​ႁၵ်း​ၶဝ်ႈ​မုၼ်း​မူႉ​ယေႃး​ဢၼ်​ၵိုတ်း​ဢၼ်​ၵျၢၼ်ႇ တီႈ​ၶဝ်​ၸိူဝ်း​ဢၼ်​ၵိၼ်​ၸိူဝ်း​ၼၼ်ႉ​ဝႆႉ​လႄႈ လႆႈ​တဵမ်​သိပ်း​သွင်​ပဵတ်ႈ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ မိူဝ်ႈ​ဢၼ်​ၵူၼ်း​ၸိူဝ်း​ၼၼ်ႉ ႁၼ်​ၼီႉမိၵ်ႈ​လၢၵ်ႈၶၼႃႇ​ဢၼ်​မၼ်း​ၸဝ်ႈ​ၼႄ​ပျႃး​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် ၶဝ်​လၢတ်ႈ​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ ပဵၼ်​ပရေႃးၽႅတ်ႈ ဢၼ်​မႃး​ၼႂ်း​လေႃးၵႃႉ​ၼႆႉ​ၸႂ်ႈ​တႄႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ယေႇသူႉ ​ႁူႉ​လွင်ႈ​ဢၼ် ၶဝ်​ၼၼ်ႉ​တၵ်း​မႃး​လႄႈ ႁဵတ်း​ပႄႉ​ႁဵတ်း​ၼႅင်ႇ ႁႂ်ႈ​လႆႈ​ဢဝ်​မၼ်း​ၸဝ်ႈ​ယုၵ်ႉ​ယွင်ႈ​ဝႆႉ​ၵႃႈ​ၼႂ်း​ဢရႃႇ ၶုၼ်​ႁေႃ​ၶမ်း​ၼၼ်ႉ​သေ​ယဝ်ႉ၊ ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ပႃး​လဵဝ်​ၵူၺ်း​မၼ်း​ၸဝ်ႈ​ဢေႃႈ။</verse>
				<verse number="16">မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ၵၢင်​ၶမ်ႈ​ၸိုင် တပႄး​ၸဝ်ႈ​ၸိူဝ်း​ၼၼ်ႉ​လူင်း​ၵႂႃႇ​ၸူး​ၵႃႈ​တီႈ​ၼွင်​လႄႈ၊-</verse>
				<verse number="17">ၶဝ်ႈ​ၼႂ်း​ႁိူဝ်း​ယဝ်ႉ​ၸင်ႇ ၶၢမ်ႈ​ၼွင်​ၼၼ်ႉ​ၵႂႃႇ​ႁႂ်ႈ​လႆႈ​ႁွတ်ႈ​ထိုင် ၵႃႈ​တီႈ​ဝဵင်း​ ၵပိူဝ်ႇၼေႇဢုမ်ႇ ​ဢေႃႈ။ မိူဝ်ႈ​ၼၼ်ႉ​ပဵၼ်​ဢၼ်​လပ်း​သိင်ႇ​လႄႈ ယေႇသူႉ ​ဢမ်ႇ​ပႆႇ​ႁွတ်ႈ​ထိုင်​ၵႃႈ​တီႈ​ဢၼ်​ၶဝ်​မီး​ၼၼ်ႉ။-</verse>
				<verse number="18">ပိူဝ်ႈ​ဢၼ်​လူမ်း​လူင်​မႃး​လႄႈ​လႅင်း​ၼမ်ႉ​ပိူပ်ႈ​ၼမ်ႉ​လုၵ်ႉ​ၶိုၼ်ႈ​ယႂ်ႇ​မႃး​ယူႇ​ဢေႃႈ။-</verse>
				<verse number="19">မိူဝ်ႈ​ဢၼ်​ၶဝ်​ၽၢႆး​ႁိူဝ်း​လႄႈ​ႁွတ်ႈ​သေ​လၵ်း​ပၢႆ​ၶိုင်ႈ​သေ​သွင်​လၵ်း​ၸမ်​ၸမ်​ၸိုင်၊ ၶဝ်​ႁၼ်​ ယေႇသူႉ ​ပႆ​ၵႃႈ​ၼိူဝ်​ၼမ်ႉ​ၼွင်​ၼၼ်ႉ​သုတ်ႉ​မႃး​ၸမ်​ၵႃႈ​တီႈ​ႁိမ်း​ႁိူဝ်း​လႄႈ ၶဝ်​မီး​တၢင်း​ဢၼ်​တူၵ်း​ၸႂ်​ၵူဝ်​ႁႄ​ဢေႃႈ။-</verse>
				<verse number="20">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပဵၼ်​ၵဝ်​လႆ၊ ယႃႇ​ပေ​ၵူဝ်​ပေ​ႁႄ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="21">ၶဝ်​မီး​တင်း​ၸႂ်​ဢၼ်​သိူဝ်း​ပျေႃႇ​ႁပ်ႉ​ဢဝ်​မၼ်း​ၸဝ်ႈ ၶဝ်ႈ​ၵႃႈ​ၼႂ်း​ႁိူဝ်း​ၼၼ်ႉ​ဢေႃႈ။ ႁိူဝ်း​ၵေႃႈ​သိူၵ်ႈ​ၵႃႈ​တီႈ​ဢၼ်​ၶဝ်​ၶႂ်ႈ​ၵႂႃႇ​ႁွတ်ႈ​ၼၼ်ႉ​ၵမ်း​လဵဝ်​ဢေႃႈ။-</verse>
				<verse number="22">ဝၼ်း​မိူဝ်ႈ​ၽုၵ်ႈ​မိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​ဢၼ်​ၸုၵ်း​ယူႇ ၵႃႈ​တီႈ​ၽင်ႇ​ၼမ်ႉ​ၽၢႆႇ​ပုၼ်ႉ​ၸိူဝ်း​ၼၼ်ႉ​လႆႈ​ႁၼ်​လွင်ႈ​ဢၼ်​လိူဝ်​သေ​ႁိူဝ်း​ဢွၼ်ႇ​လမ်း​ၼိုင်ႈ​ၵူၺ်း ဢမ်ႇ​မီး​ႁိူဝ်း​ဢွၼ်ႇ​ဢၼ်​လႂ်​ၵႃႈ​တီႈ​ၼၼ်ႈ ဢိၵ်ႇ​တင်း​လွင်ႈ​ဢၼ်​ ယေႇသူႉ ဢမ်ႇ​ၶဝ်ႈ​လူၺ်ႈ​ၵၼ်​တင်း​တပႄး​ၸဝ်ႈ​ၸိူဝ်း​ၼၼ်ႉ ၵႃႈ​ၼႂ်း​ႁိူဝ်း​ၼၼ်ႉ​လႄႈ တပႄး​ၸဝ်ႈ​ၸိူဝ်း​ၼၼ်ႉ​ၵူၺ်း​ၵႂႃႇ​ၼၼ်ႉ၊-</verse>
				<verse number="23">ပိၵ်ႉ​သမ်ႉ​ႁိူဝ်း​ဢွၼ်ႇ​တၢင်ႇ​တီႈ​ၼမ်​ၼႃႇ လုၵ်ႉ​သေ​ၵႃႈ​တီႈ​ဝဵင်း​ တီႉပေႇရီႉ မႃး​ၸမ်​ၵႃႈ​တီႈ​ႁိမ်း​တီႈ​ဢၼ်​မိူဝ်ႈ​ၼၼ်ႉ ၸဝ်ႈ​ၽြႃး​ယွင်ႈ​ယေႃး​ၵျေး​ၸူး​ၸဝ်ႈ​သေ​ယဝ်ႉ၊ ၵူၼ်း​တင်း​လၢႆ ၵိၼ်​ၶဝ်ႈ​မုၼ်း​ၼၼ်ႉ​သေ​ၵေႃႈ၊-</verse>
				<verse number="24">မိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ လႆႈ​ႁၼ်​လွင်ႈ​ဢၼ်​ ယေႇသူႉ ဢိၵ်ႇ​တင်း​တပႄး​ၸဝ်ႈ​ၸိူဝ်း​ၼၼ်ႉ​ဢမ်ႇ​မီး​ၵႃႈ​တီႈ​ၼၼ်ႈ​ၼၼ်ႉ​ၸိုင်၊ ၶဝ်​ဢွၼ်​ၵၼ်​ၶဝ်ႈ​ၵႃႈ​ၼႂ်း​ႁိူဝ်း​သေ​လႄႈ ၵႂႃႇ​ၸူး​ၵႃႈ​တီႈ​ဝဵင်း​ ၵပိူဝ်ႇၼေႇဢုမ်ႇ ႁႂ်ႈ​လႆႈ​ႁႃ​ ယေႇသူႉ ​ဢေႃႈ။</verse>
				<verse number="25">မိူဝ်ႈ​ဢၼ်​ၶဝ်​ထူပ်း​ႁၼ်​မၼ်း​ၸဝ်ႈ​ၵႃႈ​တီႈ​ၽင်ႇ​ၼမ်ႉ​ၽၢႆႇ​ပုၼ်ႉ​ၸိုင် ၶဝ်​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း​မႃး​ၵႃႈ​တီႈ​ၼႆႈ​ၶိင်ႇ​မိူဝ်ႈ​လႂ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ သူ​ၸွမ်း​ႁႃ​ၵဝ်​ၵွပ်ႈ​ပိူဝ်ႈ​ဢၼ် သူ​ႁၼ်​ၼီႉမိၵ်ႈ​လၢၵ်ႈၶၼႃႇ​တင်း​လၢႆ​ၼၼ်ႉ​ဢမ်ႇ​ၸႂ်ႈ။ သူ​ၸွမ်း​ႁႃ​ၵွပ်ႈ​ပိူဝ်ႈ​ဢၼ် သူ​လႆႈ​ၵိၼ်​ၶဝ်ႈ​မုၼ်း​လႄႈ​ဢိမ်ႇ​တဵမ်​ၼၼ်ႉ​ၵူၺ်း​ဢေႃႈ။-</verse>
				<verse number="27">ယႃႇ​ပေ​ၵျူဝ်း​ၸႃး ႁႂ်ႈ​လႆႈ​တၢင်း​ၵိၼ်​ဢၼ်​ၸၢင်ႈ​လူႉ​ၸၢင်ႈ​လႅဝ်​ၼၼ်ႉ။ ၵျူဝ်း​ၸႃး ႁႂ်ႈ​လႆႈ​တၢင်း​ၵိၼ်​ဢၼ်​ၸၢင်ႈ​တႄႇ​ယူႇ​ထူၼ်ႈ​ၸူဝ်ႈ​ထႃႇဝရႃႉ​ဢသၢၵ်ႈ​လႄႈ လုၵ်ႈ​ၵူၼ်း​တၵ်း​ပၼ်​တီႈ​သူ​ၼၼ်ႉ​တႃႉ။ လုၵ်ႈ​ၼၼ်ႉ​ပဵၼ်​ၵေႃႉ​ဢၼ်​ၶၢမ်ႇ​တၢင်း​ဢၼ် ပေႃႈ​ၸဝ်ႈ​တွၵ်ႇ​တၼ်း​သိၵ်ႈ​ဢေႃႈ၊ မၼ်း​ၸဝ်ႈ​ဝႃႈ​ၼင်ႇ​ၼႆ​ဢေႃႈ။</verse>
				<verse number="28">ၶဝ်​ၼၼ်ႉ​ၵေႃႈ​လဝ်ႊ​ထၢမ်​လႄႈ​ဝႃႈ၊ ၼင်ႇ​ႁိုဝ်​ႁဝ်း​ၶႃႈ တၵ်း​လႆႈ​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ် မႅၼ်ႈ​ၵၼ်​တင်း​ဢလူဝ်ႇ​ၽြႃး​ပဵၼ်​ၸဝ်ႈ​ၸိုင် ႁဝ်း​ၶႃႈ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ တၢင်း​ၵမ်​တၢင်း​ၵျၢင်ႉ​ဢၼ်​မႅၼ်ႈ​ၵၼ်​တင်း​ဢလူဝ်ႇ​ၽြႃး​ပဵၼ်​ၸဝ်ႈ​ၼၼ်ႉ​ၸမ်ႉ၊ ပဵၼ်​တၢင်း​ၵမ်​တၢင်း​ၵျၢင်ႉ​တၢင်း​ဢၼ်​ယုမ်ႇ​မၢတ်ႈ ၵေႃႉ​ဢၼ်​မၼ်း​ၸဝ်ႈ​ပွႆႇ​ၸႂ်ႉ​မႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">ၶဝ်​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၼင်ႇ​ႁိုဝ်​ႁဝ်း​ၶႃႈ တၵ်း​လႆႈ​ႁၼ်​သေ​လႄႈ​ယုမ်ႇ​မၢတ်ႈ​ၸဝ်ႈ​ႁဝ်း​ၸိုင်၊ ၸဝ်ႈ​ႁဝ်း​တၵ်း​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​ဢၼ်​လႂ်​ၶႃႈ။ ၸဝ်ႈ​ႁဝ်း​တၵ်း​ႁဵတ်း​လွင်ႈ​တၢင်း​ဢၼ်​လႂ်​ၶႃႈ။-</verse>
				<verse number="31">ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ပုၼ်ႈ​ဢၼ်​ၶဝ်​တၵ်း​ၵိၼ်​ၸိုင် မၼ်း​ၸဝ်ႈ​ဢဝ်​ၶဝ်ႈ​မုၼ်း ၵႃႈ​ၼိူဝ်​ၵၢင်​ႁၢဝ်​ပၼ်​မႃး​တီႈ​ၶဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ ပူႇ​မွၼ်ႇ​ႁဝ်း​ၸိူဝ်း​ၼၼ်ႉ​လႆႈ​ၵိၼ် မၼ်ႇၼႃႉ ​ၼၼ်ႉ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="32">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ မူဝ်းသေႇ ​ဢမ်ႇ​ဢဝ်​ၶဝ်ႈ​မုၼ်း​ၵႃႈ​ၼိူဝ်​ၵၢင်​ႁၢဝ် ပၼ်​မႃး​တီႈ​သူ။ ပေႃႈ​ၸဝ်ႈ​ဢဝ်​ၶဝ်ႈ​မုၼ်း​ဢၼ်​ၸိုဝ်ႈ​ဢၼ်​ၸႂ်ႈ​ၵႃႈ​ၼိူဝ်​ၵၢင်​ႁၢဝ်​ပၼ်​မႃး​တီႈ​သူ​ဢေႃႈ။-</verse>
				<verse number="33">ၶဝ်ႈ​မုၼ်း​ၽြႃး​ပဵၼ်​ၸဝ်ႈ​ၸမ်ႉ၊ ပဵၼ်​ၶဝ်ႈ​မုၼ်း​ဢၼ်​လုၵ်ႉ​သေ​ၵႃႈ​ၼိူဝ်​ၵၢင်​ႁၢဝ်​ပုၼ်ႉ​လူင်း​မႃး​လႄႈ ပၼ်​ဢသၢၵ်ႈ​တီႈ​ၵူၼ်း​လေႃးၵီႇ​တင်း​လၢႆ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="34">ၶဝ်​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၶႅၼ်း​တေႃႈ​ပၼ်​ၶဝ်ႈ​မုၼ်း​ၼၼ်ႉ​တီႈ​ႁဝ်း​ၶႃႈ​ၵူႈ​ၶိင်ႇ​ၵူႈ​ၶႃႇ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ပဵၼ်​ၶဝ်ႈ​မုၼ်း​ဢသၢၵ်ႈ​ဢေႃႈ။ ၵေႃႉ​ဢၼ်​မႃး​ၵႃႈ​တီႈ​ၵဝ်​ၼႆႉ​ၼၼ်ႉ၊ ၵမ်း​လိုၼ်း​တၵ်း​ဢမ်ႇ​လႆႈ​ဢိုပ်း​တၢင်း​ၵိၼ်။ ၵေႃႉ​ဢၼ်​ယုမ်ႇ​မၢတ်ႈ​ၵဝ်​ၼႆႉ​ၼၼ်ႉ ၵမ်း​လိုၼ်း​တၵ်း​ဢမ်ႇ​လႆႈ​ယၢၵ်ႇ​ၼမ်ႉ။-</verse>
				<verse number="36">ၵူၺ်း​ၵႃႈ သူ​ၼႆႉ​ပိၵ်ႉ​သမ်ႉ​ႁၼ်​ၵဝ်​ယူႇ​သေ​ၵေႃႈ ဢမ်ႇ​ယုမ်ႇ​မၢတ်ႈ​ဝႃႈ​ၼႆ၊​ၵဝ်​ဝႃႈ​မႃး​ယဝ်ႉ။-</verse>
				<verse number="37">ၶဝ်​ၸိူဝ်း​ဢၼ် ပေႃႈ​ၸဝ်ႈ​ပၼ်​တီႈ​ၵဝ်​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တၵ်း​မႃး​ၵႃႈ​တီႈ​ၵဝ်​ဢေႃႈ။ ၵေႃႉ​ဢၼ်​မႃး​ၵႃႈ​တီႈ​ၵဝ်​ၸိုင်​ၵဝ်​ဢမ်ႇ​ပႄႇ​ဢမ်ႇ​ပႅတ်ႈ​လႃး​လႃး။-</verse>
				<verse number="38">လွင်ႈ​မၼ်း​ၸမ်ႉ ၵဝ်​ၼႆႉ​လုၵ်ႉ​သေ​ၵႃႈ​ၼိူဝ်​ၵၢင်​ႁၢဝ်​လူင်း​မႃး ႁႂ်ႈ​လႆႈ​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ၊ လူင်း​မႃး ႁႂ်ႈ​လႆႈ​ၸွမ်း​ဢလူဝ်ႇ​ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။-</verse>
				<verse number="39">ဢလူဝ်ႇ​ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​ၵဝ်​တၵ်း​ဢမ်ႇ​လႆႈ​ႁႂ်ႈ​ၶဝ်​ၸိူဝ်း​ဢၼ်​မၼ်း​ၸဝ်ႈ​ပၼ်​တီႈ​ၵဝ်​ၼၼ်ႉ ႁၢႆ​ၵႂႃႇ​သေ​ၵေႃႉ​သေ​ၵူၼ်း​လႄႈ တၵ်း​လႆႈ​ႁႂ်ႈ​ၶဝ်​တင်း​သဵင်ႈ​တင်း​လူင် လုၵ်ႉ​ၶိုၼ်း​ၼႂ်း​ဝၼ်း​ဢၼ်​သုတ်း​ပုၼ်ႉ​ဢေႃႈ။-</verse>
				<verse number="40">လွင်ႈ​မၼ်း​ၸမ်ႉ ဢလူဝ်ႇ​ၸဝ်ႈ​ပေႃႈ​ၵဝ်​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​ၶႂ်ႈ​ႁႂ်ႈ ၶဝ်​ၸိူဝ်း​ဢၼ် တူၺ်း​ႁၼ်​လုၵ်ႈ​ၸဝ်ႈ​လႄႈ​ယုမ်ႇ​မၢတ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​လႆႈ​ထႃႇဝရႃႉ​ဢသၢၵ်ႈ​ဢေႃႈ။ ၵဝ်​ၵေႃႈ​တၵ်း​ႁႂ်ႈ​ၶဝ်​လုၵ်ႉ​ၶိုၼ်း​ၼႂ်း​ဝၼ်း​ဢၼ်​သုတ်း​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​လၢတ်ႈ​လႄႈ​ဝႃႈ၊ ၵဝ်​ပဵၼ်​ၶဝ်ႈ​မုၼ်း​ဢၼ်​လုၵ်ႉ​သေ​ၵႃႈ​ၼိူဝ်​ၵၢင်​ႁၢဝ်​ပုၼ်ႉ​လူင်း​မႃး​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊ ၵူၼ်း​ ယူႉတႃႉ သႄႉ​သွမ်း​တၢင်ႇ​ဢပႅတ်ႈ​လႄႈ​ဝႃႈ၊-</verse>
				<verse number="42">ၵေႃႉ​ၼႆႉ​ပဵၼ်​ ယေႇသူႉ လုၵ်ႈ​ၸၢႆး​ ယူဝ်းသႅပ်ႈ ဢမ်ႇ​ၸႂ်ႈ​ႁိုဝ်။ ပေႃႈ​မႄႈ​မၼ်း​ၸိုင်​ႁဝ်း​ႁူႉ​ယူႇ​ဢမ်ႇ​ၸႂ်ႈ​ႁိုဝ်။ ႁဵတ်း​ႁိုဝ်​လႄႈ​မၼ်း​လၢတ်ႈ​လႄႈ​ဝႃႈ ၵဝ်​လုၵ်ႉ​သေ​ၵႃႈ​ၼိူဝ်​ၵၢင်​ႁၢဝ်​ပုၼ်ႉ​လူင်း​မႃး​ဢေႃႈ၊ ဝႃႈ​ၼင်ႇ​ၼႆ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="43">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယႃႇ​ပေ​သႄႉ​သွမ်း​တၢင်ႇ​ဢပႅတ်ႈ​တီႈ​ၵၼ်။-</verse>
				<verse number="44">သင်​ပေႃႈ​ၸဝ်ႈ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ ဢမ်ႇ​တိုၵ်း​ယူင်း​ၸိုင်​ၽူႈ​လႂ်​ဢမ်ႇ​မႃး ၵႃႈ​တီႈ​ၵဝ်​လႆႈ သေ​ၵေႃႉ​သေ​ၵူၼ်း။ ၵေႃႉ​ဢၼ်​မႃး​ၼၼ်ႉ​ၸိုင်၊ ၵဝ်​တၵ်း​ႁႂ်ႈ​လုၵ်ႉ​ၶိုၼ်း​ၼႂ်း​ဝၼ်း​ဢၼ်​သုတ်း​ပုၼ်ႉ​ဢေႃႈ။-</verse>
				<verse number="45">ၵႃႈ​ၼင်ႇ​ဢၼ်​မီး​မႃး​ၼႂ်း​ၵျၢမ်း​လိၵ်ႈ ဢၼႃႇၵၢတ်ႈတီႉ​ၼၼ်ႉ​လႄႈ​ဝႃႈ၊ ၶဝ်​တင်း​သဵင်ႈ​တင်း​လူင်​တၵ်း​ပဵၼ်​ၵေႃႉ​ဢၼ်​ၽြႃး​ပဵၼ်​ၸဝ်ႈ​သင်ႇ​သွၼ်​သုင်း​မႃႉ​ပၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ ၵေႃႉ​ဢၼ်​ထွမ်ႇ​ငိၼ်း​တီႈ​ပေႃႈ​ၸဝ်ႈ​လႄႈ​ၶၢမ်ႇ​ဢဝ်​ၼႄး ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင်၊ မႃး​ၵႃႈ​တီႈ​ၵဝ်​ဢေႃႈ။-</verse>
				<verse number="46">မိူဝ်ႈ​ဢၼ်​ၵဝ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ လိူဝ်​သေ​ၵေႃႉ​ဢၼ်​လုၵ်ႉ​သေ​ၵႃႈ​တီႈ​ၽြႃး​ပဵၼ်​ၸဝ်ႈ​မႃး​ပႃး​လဵဝ်​ၵူၺ်း​ၼၼ်ႉ၊ သေ​ၵေႃႉ​သေ​ၵူၼ်း​လႆႈ​ႁၼ်​ပေႃႈ​ၸဝ်ႈ​ၼၼ်ႉ​မႃး​ယဝ်ႉ​ဝႃႈ​ၼႆ​ဢမ်ႇ​ၶႂ်ႈ​ဝႃႈ၊ ၵေႃႉ​ဢၼ်​မႃး​ၼၼ်ႉ​ၸမ်ႉ၊ လႆႈ​ႁၼ်​ပေႃႈ​ၸဝ်ႈ​မႃး​ယဝ်ႉ။</verse>
				<verse number="47">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵေႃႉ​ဢၼ်​ယုမ်ႇ​မၢတ်ႈ​ၵဝ်​ၼႆႉ​ၼၼ်ႉ လႆႈ​ထႃႇဝရႃႉ​ဢသၢၵ်ႈ​ဢေႃႈ။-</verse>
				<verse number="48">ၵဝ်​ပဵၼ်​ၶဝ်ႈ​မုၼ်း​ဢသၢၵ်ႈ​ဢေႃႈ။-</verse>
				<verse number="49">ပူႇ​မွၼ်ႇ​သူ​ၸိူဝ်း​ၼၼ်ႉ ၵိၼ်​ မၼ်ႇၼႃႉ ၵႃႈ​ၼႂ်း​ထိူၼ်ႇ​ၼၼ်ႉ​ယူႇ​သေ​လႄႈ​လႆႈ​တၢႆ​ဢေႃႈ။-</verse>
				<verse number="50">ၶဝ်ႈ​မုၼ်း​ၼႆႉ​ၸမ်ႉ ပဵၼ်​ၶဝ်ႈ​မုၼ်း​ဢၼ်​လုၵ်ႉ​သေ​ၵႃႈ​ၼိူဝ်​ၵၢင်​ႁၢဝ်​မႃး ပုၼ်ႈ​လွင်ႈ​ၼင်ႇ​ႁိုဝ်​ၵူၼ်း​တၵ်း​ၵိၼ်​လႄႈ​ဢမ်ႇ​လႆႈ​တၢႆ​ဢေႃႈ။-</verse>
				<verse number="51">ၵဝ်​ၼႆႉ​ပဵၼ်​ၶဝ်ႈ​မုၼ်း​ဢသၢၵ်ႈ ဢၼ်​လုၵ်ႉ​သေ​ၵႃႈ​ၼိူဝ်​ၵၢင်​ႁၢဝ်​ပုၼ်ႉ​လူင်း​မႃး​ဢေႃႈ။ ၵေႃႉ​ဢၼ်​ၵိၼ်​ၶဝ်ႈ​မုၼ်း​ၼႆႉ​ၸမ်ႉ၊ ဢသၢၵ်ႈ​တၵ်း​လိပ်း​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။ ၶဝ်ႈ​မုၼ်း​ဢၼ်​ၵဝ်​ပၼ်​ၸမ်ႉ၊ ပဵၼ်​ၼိူဝ်ႉ​ၵဝ် ဢၼ်​ၵဝ်​ၸုၼ်ႉ​ပႅတ်ႈ​ပုၼ်ႈ​ဢသၢၵ်ႈ​ၵူၼ်း​လေႃးၵီႇ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="52">မိူဝ်ႈ​ၼၼ်ႉ ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ထဵင်​ၵၼ်​လႄႈ​ဝႃႈ၊ မၼ်း​ၼႆႉ​တၵ်း​ပၼ်​ၼိူဝ်ႉ​မၼ်း ပုၼ်ႈ​ဢၼ်​ႁဝ်း​တၵ်း​ၵိၼ်​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="53">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ပေႃး​သူ​ဢမ်ႇ​ၵိၼ်​ၼိူဝ်ႉ ဢမ်ႇ​သူတ်ႉ​လိူတ်ႈ​လုၵ်ႈ​ၵူၼ်း​ၸိုင်၊ ဢသၢၵ်ႈ​ဢမ်ႇ​မီး​ၼႂ်း​သူ။-</verse>
				<verse number="54">ၵေႃႉ​ဢၼ်​ၵိၼ်​ၼိူဝ်ႉ​သူတ်ႉ​လိူတ်ႈ​ၵဝ်​ၼႆႉ​ၼၼ်ႉ​လႆႈ​ထႃႇဝရႃႉ​ဢသၢၵ်ႈ​ဢေႃႈ။ ၵေႃႉ​ၼၼ်ႉ​ၸိုင်​ၵဝ်​တၵ်း​ႁႂ်ႈ လုၵ်ႉ​ၶိုၼ်း​ၼႂ်း​ဝၼ်း​ဢၼ်​သုတ်း​ပုၼ်ႉ​ဢေႃႈ။-</verse>
				<verse number="55">ၼိူဝ်ႉ​ၵဝ်​ၼႆႉ​ပဵၼ်​ဢၼ်​လီ​ၵိၼ်​ဢေႃႈ၊ လိူတ်ႈ​ၵဝ်​ၼႆႉ​ပဵၼ်​ဢၼ်​လီ​သူတ်ႉ​ဢေႃႈ။-</verse>
				<verse number="56">ၵေႃႉ​ဢၼ်​ၵိၼ်​ၼိူဝ်ႉ သူတ်ႉ​လိူတ်ႈ​ၵဝ်​ၼႆႉ​ၼၼ်ႉ​တႄႇ​ယူႇ​ၼႂ်း​ၵဝ်​ဢေႃႈ။ ၵႃႈ​ၼႂ်း​ၵေႃႉ​ၼၼ်ႉ​ၵေႃႈ​ၵဝ်​တႄႇ​ယူႇ​ဢေႃႈ။-</verse>
				<verse number="57">ၸိူဝ်ႉ​ၼင်ႇ​ဢၼ် ပေႃႈ​ၸဝ်ႈ​ဢၼ်​ဢသၢၵ်ႈ​လိပ်း​ယူႇ ပွႆႇ​ၸႂ်ႉ​ၵဝ်​မႃး​လႄႈ ၵဝ်​ၵေႃႈ​ဢသၢၵ်ႈ​လိပ်း​ယူႇ​ၵွပ်ႈ​ပိူဝ်ႈ​ပေႃႈ​ၸဝ်ႈ​ၼၼ်ႉ၊ ၵေႃႉ​ဢၼ်​ၵိၼ်​ၵဝ်​ၼႆႉ​ၼၼ်ႉ ဢသၢၵ်ႈ​တၵ်း​လိပ်း​ၵွပ်ႈ​ပိူဝ်ႈ​ၵဝ်​ဢေႃႈ။-</verse>
				<verse number="58">ၶဝ်ႈ​မုၼ်း​ၼႆႉ​ၸမ်ႉ၊ ပဵၼ်​ၶဝ်ႈ​မုၼ်း​ဢၼ်​လုၵ်ႉ​သေ​ၵႃႈ​ၼိူဝ်​ၵၢင်​ႁၢဝ်​ပုၼ်ႉ​လူင်း​မႃး​ဢေႃႈ။ ၸိူဝ်ႉ​ၼင်ႇ​ဢၼ်​ပူႇ​မွၼ်ႇ​သူ​ၸိူဝ်း​ၼၼ်ႉ ၵိၼ်​ မၼ်ႇၼႃႉ ယူႇ​သေ​လႄႈ လႆႈ​တၢႆ​ၼၼ်ႉ​ဢမ်ႇ​ၸႂ်ႈ၊ ၵေႃႉ​ဢၼ်​ၵိၼ်​ၶဝ်ႈ​မုၼ်း​ၼႆႉ​ၼၼ်ႉ ဢသၢၵ်ႈ​တၵ်း​လိပ်း​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ ဝႃႈ​ၼႆ၊-</verse>
				<verse number="59">ၼႂ်း​မိူဝ်ႈ​ဢၼ်​မၼ်း​ၸဝ်ႈ​သင်ႇ​သွၼ်​ပၼ်​ယူႇ​ၼႂ်း​ၸရွပ်ႈ​ႁေႃး​တြႃး​ၵႃႈ​တီႈ​ဝဵင်း​ ၵပိူဝ်ႇၼေႇဢုမ်ႇ ​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​ဝႃႈ ၸိူဝ်ႉ​ၼင်ႇ​ၼႆ​ဢေႃႈ။</verse>
				<verse number="60">တပႄး​ၸဝ်ႈ​ၼမ်​ၼႃႇ​ငိၼ်း​သေ​ယဝ်ႉ၊ ဢွၼ်​ၵၼ်​လၢတ်ႈ​လႄႈ​ဝႃႈ၊ ၵႂၢမ်း​ၼႆႉ​ယၢပ်ႇ​ၼႃႇ​ဢေႃႈ။ ႁူ​ၽူႈ​လႂ်​တၵ်း​ၶၢမ်ႇ​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="61">လွင်ႈ​ဢၼ်​တပႄး​ၸဝ်ႈ​ၸိူဝ်း​ၼၼ်ႉ သႄႉ​သွမ်း​တၢင်ႇ​ဢပႅတ်ႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ ယေႇသူႉ ​ႁူႉ​ဢဝ်​ၵူၺ်း​လႄႈ​လၢတ်ႈ​ဝႃႈ၊ ၵွပ်ႈ​ပိူဝ်ႈ​ၵႂၢမ်း​ၼႆႉ​လႄႈ သူ​ၸႂ်​လူႉ​ႁိုဝ်။-</verse>
				<verse number="62">ပေႃး​သူ​လႆႈ​ႁၼ်​လုၵ်ႈ​ၵူၼ်း ၶိုၼ်ႈ​ၵႂႃႇ​ၵႃႈ​တီႈ​ဢၼ်​ယူႇ​ဢွၼ်​တၢင်း​ပုၼ်ႉ​ၸိုင်၊ သူ​တၵ်း​ထၢင်ႇ​ၸိူဝ်ႉ​ၼင်ႇ​ႁိုဝ်။-</verse>
				<verse number="63">ဝီႉၺိၺ်ႇ​ၵူၺ်း​ႁႂ်ႈ​ဢသၢၵ်ႈ​လိပ်း​ဢေႃႈ။ ၼိူဝ်ႉ​ၸမ်ႉ၊ ဢမ်ႇ​တၢတ်ႈ​ၼိူင်ႇ​လႆႈ​လႃး​လႃး။ ၵႂၢမ်း​ဢၼ်​ၵဝ်​လၢတ်ႈ​ၼႆႉ ပဵၼ်​ဝီႉၺိၺ်ႇ​ဢေႃႈ။ ဢသၢၵ်ႈ​ၵေႃႈ​ပဵၼ်​ဢေႃႈ။-</verse>
				<verse number="64">ၼႂ်း​ဝႃႈ​ၼၼ်​သေ​ၵေႃႈ ၼႂ်း​သူ​ၼႆႉ ၶဝ်​ၸိူဝ်း​ဢၼ်​ဢမ်ႇ​ယုမ်ႇ​မၢတ်ႈ​မီး​ၵမ်ႈ​ၽွင်ႈ​ဢေႃႈ။ လွင်ႈ​မၼ်း​ၸမ်ႉ ယေႇသူႉ ​ႁူႉ​လွင်ႈ​ဢၼ် ၽူႈ​လႂ်​တၵ်း​ဢမ်ႇ​ယုမ်ႇ​မၢတ်ႈ ဢိၵ်ႇ​တင်း​လွင်ႈ​ဢၼ်​ၽူႈ​လႂ် တၵ်း​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ​ယူႇ​ၸႃႉ​ၸဵမ်​မိူဝ်ႈ​ၵေႃႇၸႃႉ​ႁူဝ်​ပိုင်း​ဢေႃႈ။-</verse>
				<verse number="65">မၼ်း​ၸဝ်ႈ​လၢတ်ႈ​လႄႈ​ဝႃႈ၊ ၵွပ်ႈ​ႁွႆး​ၼႆႉ ပေႃး​ပေႃႈ​ၸဝ်ႈ​ဢမ်ႇ​ပၼ်​ဢၶႂၢင်ႉ​ၸိုင်၊ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​မႃး​ၵႃႈ​တီႈ​ၵဝ်​လႆႈ၊ ဝႃႈ​ၼင်ႇ​ၼႆ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="66">ၸႃႉ​ၸဵမ်​မိူဝ်ႈ​ၼၼ်ႉ​လႄႈ​တပႄး​ၸဝ်ႈ​ၼမ်​ၼႃႇ ဢမ်ႇ​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​မၼ်း​ၸဝ်ႈ​လႄႈ ဢွၼ်​ၵၼ်​သုတ်ႉ​ယိုတ်း​ၶိုၼ်း​မိူဝ်း​ၵႂႃႇ​သေ​ဢေႃႈ။</verse>
				<verse number="67">ပိူဝ်ႈ​ၼႆ​လႄႈ ယေႇသူႉ ​လၢတ်ႈ​တီႈ​သိပ်း​သွင်​ပႃး​လႄႈ​ဝႃႈ၊ သူ​ၵေႃႈ​မီး​ဢလူဝ်ႇ​ၶႂ်ႈ​ဢွၵ်ႇ​ၵႂႃႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="68">သီႉမုၼ်ႇ​ပေႇတရူႉ ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ႁဝ်း​ၶႃႈ​တၵ်း​လႆႈ​ၵႂႃႇ​ၵႃႈ​တီႈ​ၽူႈ​လႂ်​ၶႃႈ။ ၵႂၢမ်း​ထႃႇဝရႃႉ​ဢသၢၵ်ႈ​ၸိုင် တႄႇ​ယူႇ​ၼႂ်း​ၸဝ်ႈ​ႁဝ်း​ၶႃႈ​ဢေႃႈ။-</verse>
				<verse number="69">ႁဝ်း​ၶႃႈ​ယုမ်ႇ​မၢတ်ႈ​လႄႈ ႁူႉ​လွင်ႈ​ဢၼ်​ၸဝ်ႈ​ႁဝ်း​ၶႃႈ​ပဵၼ်​ၵေႃႉ​ဢၼ် မူတ်း​ၸၢင်ႇ​ၽြႃး​ပဵၼ်​ၸဝ်ႈ​ၼၼ်ႉ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="70">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​လိူၵ်ႈ​ၵဵပ်း​ဢဝ်​သူ​သိပ်း​သွင်​ပႃး​ၼႆႉ​ဢမ်ႇ​ၸႂ်ႈ​ႁိုဝ်။ ၼႂ်း​ဝႃႈ​ၼၼ်​သေ​ၵေႃႈ ၼႂ်း​သူ​ၼႆႉ​ပႃး​မႃႇၼၢတ်ႈ​ၵေႃႉ​ၼိုင်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="71">မၼ်း​ၸဝ်ႈ ဢဝ်​လွင်ႈ ယူႉတႃႉ​ဢီႉသၵႃႇရေႇဢုတ်ႈ လုၵ်ႈ​ၸၢႆး​ သီႉမုၼ်ႇ ​ၼၼ်ႉ​လၢတ်ႈ​ဢေႃႈ။ လွင်ႈ​မၼ်း​ၸမ်ႉ မၼ်း​ၼၼ်ႉ​ၶဝ်ႈ​ပႃး​ၼႂ်း​သိပ်း​သွင်​ပႃး​ၼၼ်ႉ​ယူႇ​သေ​လႄႈ ပဵၼ်​ၵေႃႉ​ဢၼ်​တၵ်း​ဢဝ်​မၼ်း​ၸဝ်ႈ​ဢၢပ်ႈ​ဢေႃႈ။</verse>
			</chapter>
			<chapter number="7">
				<verse number="1">လိုၼ်း​ၼၼ်ႉ ယေႇသူႉ ​လႄႇ​လဵပ်ႈ​ၵႃႈ​ၼႂ်း​မိူင်း​ ၵႃႇလီႉလႄး ​ၼၼ်ႉ​ယူႇ​ဢေႃႈ။ ၵွပ်ႈ​ပိူဝ်ႈ​ဢၼ် ၵူၼ်း​ ယူႉတႃႉ ​တင်း​လၢႆ ၵျၢမ်ႇ​ႁႃ​ႁႂ်ႈ​လႆႈ​ဢဝ်​မၼ်း​ၸဝ်ႈ​တၢႆ​ယူႇ​လႄႈ မၼ်း​ၸဝ်ႈ​ဢမ်ႇ​မီး​ဢလူဝ်ႇ​ၶႂ်ႈ​လႄႇ​လဵပ်ႈ ၵႃႈ​ၼႂ်း​မိူင်း​ ယူႉတႃႉ ။</verse>
				<verse number="2">မိူဝ်ႈ​ၼၼ်ႉ ပွႆး​ဢၼ်​ၵူၼ်း​မဵဝ်း​ ယူႉတႃႉ ​ၶၢမ်ႇ​ဢၼ်​ဝႃႈ ပွႆး​ႁဵတ်း​သုမ်ႉ​ထဵင်​ၼၼ်ႉ​ၸမ်​တၵ်း​ပဵၼ်​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ​ၼွင်ႉ​ၸၢႆး​ၸဝ်ႈ​တင်း​လၢႆ လၢတ်ႈ​တီႈ​မၼ်း​ၸဝ်ႈ​လႄႈ​ဝႃႈ၊ ၼင်ႇ​ႁိုဝ်​တပႄး​တပၢၼ်း​မႂ်း​တင်း​လၢႆ တၵ်း​လႆႈ​ႁၼ်​လွင်ႈ​တၢင်း​ဢၼ်​မႂ်း​ႁဵတ်း​ၸိူဝ်း​ၼၼ်ႉ​ၸိုင်၊ ဢွၵ်ႇ​သေ​ၵႃႈ​တီႈ​ၼႆႈ​လႄႈ ၵႂႃႇ​ၵႃႈ​တီႈ​မိူင်း​ ယူႉတႃႉ ​ပုၼ်ႉ​သေ​ၵမ်း။-</verse>
				<verse number="4">ၵေႃႉ​ဢၼ်​မီး​ဢလူဝ်ႇ​ၶႂ်ႈ​ႁူင်​ႁၢင်း​သႃႈ​ၸွတ်ႇ​ၼၼ်ႉ​ၸမ်ႉ၊ ဢမ်ႇ​ၸၢင်ႈ​ႁဵတ်း​သေ​ၸိူဝ်ႉ​သေ​ပိူင် ၵႃႈ​ၼႂ်း​တီႈ​ဢၼ်​လပ်ႉ​ဢၼ်​သိူင်ႇ၊ ပေႃး​မႂ်း​ႁဵတ်း​လွင်ႈ​တၢင်း​ၸိူဝ်း​ၼႆႉ​ၸိုင် ၼႄ​ပျႃး​တူဝ်​ၸဝ်ႈ​ၵဝ်ႇ​ထၢင်ႇ​ထၢင်ႇ​သႃး​သႃး ၵႃႈ​ၼႂ်း​လေႃးၵႃႉ​ၼႆ​သေ​ၵမ်း​ဝႃႈ​ၼႆ၊-</verse>
				<verse number="5">ပိူဝ်ႈ​ဢၼ်​ၼွင်ႉ​ၸၢႆး​ၸဝ်ႈ​ၸိူဝ်း​ၼၼ်ႉ​ဢမ်ႇ​ယုမ်ႇ​မၢတ်ႈ​မၼ်း​ၸဝ်ႈ​လႄႈ ၶဝ်​ၸင်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၶိင်ႇ​ၵဝ်​ဢမ်ႇ​ပႆႇ​ႁွတ်ႈ​ပႆႇ​ထိုင်။ ၶိင်ႇ​သူ​ၸမ်ႉ၊ ထုၵ်ႇ​ဝႆႉ​မီး​ယူႇ​ၵူႈ​ၶိင်ႇ​ၵူႈ​ၶႃႈ​ဢေႃႈ။-</verse>
				<verse number="7">ၵူၼ်း​လေႃးၵီႇ​တင်း​လၢႆ​ဢမ်ႇ​ၸင်း​သူ​လႆႈ၊ ၸင်း​ၵဝ်​ဢေႃႈ။ လွင်ႈ​မၼ်း​ၸမ်ႉ ၵဝ်​ၶၢမ်ႇ​သၢၵ်ႈ​သေႇ​လွင်ႈ​ဢၼ်​တၢင်း​ၵမ်​တၢင်း​ၵျၢင်ႉ​ၶဝ်​ႁၢႆႉ​မိူၵ်ႈ​ၼၼ်ႉ​ဢေႃႈ။-</verse>
				<verse number="8">သူ​ၵႂႃႇ​ၵႃႈ​တီႈ​ပွႆး​ပုၼ်ႉ​တႃႉ။ ပိူဝ်ႈ​ဢၼ်​ၶိင်ႇ​ၵဝ်​ဢမ်ႇ​ပႆႇ​ပျေႉ​ၸုမ်ႇ​လႄႈ ၵဝ်​ဢမ်ႇ​ၵႂႃႇ​ၵႃႈ​တီႈ​ပွႆး​ၼၼ်ႉ၊-</verse>
				<verse number="9">ဝႃႈ​ၼင်ႇ​ၼႆ​သေ​ယဝ်ႉ၊ ယူႇ​ၵႃႈ​ၼႂ်း​မိူင်း​ ၵႃႇလီႉလႄး ​ၼၼ်ႉ​ဢေႃႈ။-</verse>
				<verse number="10">ၼွင်ႉ​ၸၢႆး​ၸဝ်ႈ​ၸိူဝ်း​ၼၼ်ႉ ၵႂႃႇ​ၵႃႈ​တီႈ​ပွႆး​ၼၼ်ႉ​သေ​ယဝ်ႉ၊ မၼ်း​ၸဝ်ႈ​ၸင်ႇ​ၵႂႃႇ​ဢမ်ႇ​ထၢင်ႇ​ဢမ်ႇ​သႃး​မိူၼ်​ၸိူဝ်ႉ​ၼင်ႇ​ဢၼ်​ၵႂႃႇ​တဵတ်ႇ​တဵတ်ႇ​ဢေႃႈ။</verse>
				<verse number="11">ၵူၼ်း​ ယူႉတႃႉ ​တင်း​လၢႆ ႁႃ​မၼ်း​ၸဝ်ႈ​ၵႃႈ​ၼႂ်း​ပွႆး​ၼၼ်ႉ​လႄႈ​တွင်ႈ​ထၢမ်​ဝႃႈ၊ မၼ်း​မီး​ၵႃႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ၊ ဢဝ်​လွင်ႈ​မၼ်း​ၸဝ်ႈ​သေ​လႄႈ ပဵၼ်​ဢုၵ်း​ဢုၵ်း​ဢၢင်ႇ​ဢၢင်ႇ​ၵၼ်​ယူႇ​ဢေႃႈ။ ၵမ်ႈ​ၽွင်ႈ​ဝႃႈ၊ မၼ်း​ပဵၼ်​ၵူၼ်း​လီ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ၊ ဢမ်ႇ​ၸႂ်ႈ​ၵူၼ်း​လီ။ မၼ်း​ပႅတ်ႉ​လႅၼ်​ၵူၼ်း​တင်း​လၢႆ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၼႂ်း​ဝႃႈ​ၼၼ်​သေ​ၵေႃႈ ပိူဝ်ႈ​ဢၼ်​ၵူဝ်​ၵူၼ်း ယူႉတႃႉ ​ၸိူဝ်း​ၼၼ်ႉ​လႄႈ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ႁတ်း​လၢတ်ႈ​လွင်ႈ​မၼ်း​ၸဝ်ႈ​လႅင်း​လႅင်း။</verse>
				<verse number="14">မိူဝ်ႈ​ဢၼ်​ယင်း​တိုၵ်ႉ​ၶၢမ်ႇ​ပွႆး​ၼၼ်ႉ ယူႇ​ၼၼ်ႉ​ၸိုင် ယေႇသူႉ ​ၵႂႃႇ​ၶိုၼ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​သေ​လႄႈ သင်ႇ​သွၼ်​သုင်း​မႃႉ​ပၼ်​ဢေႃႈ။-</verse>
				<verse number="15">ၵူၼ်း​ ယူႉတႃႉ ​ၸိူဝ်း​ၼၼ်ႉ​ဢၢမ်း​လႄႈ​ဝႃႈ၊ ၵေႃႉ​ၼႆႉ​ယင်း​ဢမ်ႇ​သွၼ်​လိၵ်ႈ​လႄႈ ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ မၼ်း​မေႃ​လိၵ်ႈ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ တေႇသၼႃႇ​ဢၼ်​ၵဝ်​ႁေႃး​လၢတ်ႈ​ၼႆႉ ပဵၼ်​တေႇသၼႃႇ​ၵဝ်​ဢမ်ႇ​ၸႂ်ႈ။ ပဵၼ်​တေႇသၼႃႇ ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။-</verse>
				<verse number="17">ပေႃး​သေ​ၵေႃႉ​သေ​ၵူၼ်း​မီး​ဢလူဝ်ႇ​ၶႂ်ႈ​ၸွမ်း​ဢလူဝ်ႇ​ၸဝ်ႈ​ၸိုင်၊ တေႇသၼႃႇ​ၼႆႉ​ပဵၼ်​တေႇသၼႃႇ​ၽြႃး​ပဵၼ်​ၸဝ်ႈ​ႁိုဝ်။ ၵဝ်​ၼႆႉ​ႁေႃး​လၢတ်ႈ​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ႁိုဝ် ဝႃႈ​ၼႆ၊ တၵ်း​ႁူႉ​ဢေႃႈ။-</verse>
				<verse number="18">ၵေႃႉ​ဢၼ်​ႁေႃး​လၢတ်ႈ​ၸွမ်း​ၼင်ႇ ဢလူဝ်ႇ​တူဝ်​ၸဝ်ႈ​ၵဝ်ႇ​ၼၼ်ႉ ၸၢင်ႈ​ႁႃ​မုၼ်​သရေႇ​တူဝ်​ၸဝ်ႈ​ၵဝ်ႇ​ဢေႃႈ။ ၵေႃႉ​ဢၼ်​ႁႃ​မုၼ်​သရေႇ​ၵေႃႉ​ဢၼ်​ပွႆႇ​ၸႂ်ႉ​တူဝ်​ၸဝ်ႈ​ၵဝ်ႇ​မႃး​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​လီ​ယုမ်ႇ​ဢေႃႈ။ ၼႂ်း​ၵေႃႉ​ၼၼ်ႉ​ဢမ်ႇ​မီး​တၢင်း​ဢၼ်​ဢမ်ႇ​တြႃး။</verse>
				<verse number="19">မူဝ်းသေႇ ​ပၼ်​ပိင်း​ၺၢပ်ႈ​တြႃး​တီႈ​သူ​ဢမ်ႇ​ၸႂ်ႈ​ႁိုဝ်။ တြႃး​ၼၼ်ႉ​ၸိုင်၊ ၼႂ်း​သူ​ၼႆႉ​ၽူႈ​လႂ်​ဢမ်ႇ​ၵမ်​ဢမ်ႇ​ၵျၢင်ႉ​သေ​ၵေႃႉ​သေ​ၵူၼ်း။ ႁဵတ်း​ႁိုဝ်​လႄႈ​သူ​ၵျၢမ်ႇ​ႁႃ​ႁႂ်ႈ​လႆႈ​ဢဝ်​ၵဝ်​တၢႆ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ မႂ်း​ပဵၼ်​ၵေႃႉ​ဢၼ်​ၽီ​ႁၢႆႉ​ၶဝ်ႈ​ဢေႃႈ။ ၽူႈ​လႂ်​ၵျၢမ်ႇ​ႁႃ​ႁႂ်ႈ​လႆႈ​ဢဝ်​မႂ်း​တၢႆ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ႁဵတ်း​လွင်ႈ​တၢင်း​ဢၼ်​ၼိုင်ႈ​ၵူၺ်း​လႄႈ သူ​ၵႃႈ​မီး​တင်း​သဵင်ႈ​တင်း​လူင် မီး​တၢင်း​ဢၼ်​ဢၢမ်း​ၼႃႇ​ဢေႃႈ။-</verse>
				<verse number="22">မူဝ်းသေႇ ​ၼၼ်ႉ​ပၼ်​တြႃး​တၢင်း​ဢၼ်​ထိူဝ်​ႁိမ်း​တီႈ​သူ​ဢေႃႈ။ မိူဝ်ႈ​ဢၼ်​ၵဝ်​ဝႃႈ​ၼင်ႇ​ၼႆ​ၸိုင်၊ လႆႈ​ပဵၼ်​မႃး​ၵႃႈ​တီႈ​ မူဝ်းသေႇ ​ၼၼ်ႉ ဝႃႈ​ၼႆ ၵဝ်​ဢမ်ႇ​ၶႂ်ႈ​ဝႃႈ၊ လႆႈ​သိုပ်ႇ​လူင်း​မႃး​ၵႃႈ​တီႈ​ပူႇ​မွၼ်ႇ​ၸိူဝ်း​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ သူ​ပၼ်​တၢင်း​ဢၼ်​ထိူဝ်​ႁိမ်း​ၼႂ်း​ဝၼ်း​ၵမ်​သိၼ်​ဢေႃႈ။-</verse>
				<verse number="23">ပေႃး​ၵူၼ်း​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼႂ်း​ဝၼ်း​ၵမ်​သိၼ် လွင်ႈ​ၼင်ႇ​ႁိုဝ်​တြႃး​ မူဝ်းသေႇ ​တၵ်း​ဢမ်ႇ​လႆႈ​လူႉ​ၸိုင်၊ ပိူဝ်ႈ​ဢၼ်​ၵဝ်​ႁႂ်ႈ ၵူၼ်း​တင်း​တူဝ်​တင်း​ၶိင်း​လီ​မႃး​ၼႂ်း​ဝၼ်း​ၵမ်​သိၼ်​လႄႈ သူ​တၵ်း​လႆႈ​မီး​တၢင်း​ဢၼ်​ၸႂ်​မႆႈ​ၶႆႈ​ၸႃႉ​တီႈ​ၵဝ်​လူး​ၵွၼ်ႇ​ႁိုဝ်။-</verse>
				<verse number="24">ယႃႇ​ပေ​ၸီႇ​ယၢင်ႇ​ၸွမ်း​ႁၢင်ႈ​ၸွမ်း​ၽၢင်။ ၸီႇ​ယၢင်ႇ​ၸွမ်း​ၼင်ႇ​တြႃး​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">မိူဝ်ႈ​ၼၼ်ႉ ၵူၼ်း​ဝဵင်း​ ယေႇရူႉသလႅမ်ႇ ​ၵမ်ႈ​ၽွင်ႈ​ၵေႃႈ လၢတ်ႈ​လႄႈ​ဝႃႈ၊ ၵေႃႉ​ၼႆႉ​ပဵၼ်​ၵေႃႉ​ဢၼ် ၶဝ်​ႁႃ​ႁႂ်ႈ​လႆႈ​ဢဝ်​တၢႆ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="26">တူၺ်း​လူး၊ မၼ်း​ႁေႃး​လၢတ်ႈ​ထၢင်ႇ​ထၢင်ႇ​သႃး​သႃး​လႄႈ ၶဝ်​ယင်း​ဢမ်ႇ​လၢတ်ႈ​ႁႄႉ​လၢတ်ႈ​ၶႅၼ်​ၵႃႈ​သင်​တီႈ​မၼ်း​လူင်​ပႄႇ။ ၶုၼ်​တင်း​လၢႆ​ႁူႉ​လွင်ႈ​ဢၼ်​မၼ်း​ၼႆႉ​ပဵၼ်​ၸဝ်ႈ​ၶရိၸ်ႈ​ယဝ်ႉ ဢမၢၼ်ႇ​ၶၼ်​ပဵၼ်​ႁိုဝ်။-</verse>
				<verse number="27">ၼႂ်း​ဝႃႈ​ၼၼ်​သေ​ၵေႃႈ ႁဝ်း​ႁူႉ​လွင်ႈ​ဢၼ်​မၼ်း​ၼႆႉ ပဵၼ်​ၵႃႈ​တီႈ​လႂ်​မႃး​ၼၼ်ႉ​ယူႇ​ဢေႃႈ။ မိူဝ်ႈ​ဢၼ်​ၸဝ်ႈ​ၶရိၸ်ႈ​မႃး​ၼၼ်ႉ​ၸိုင် မၼ်း​ၸဝ်ႈ​ပဵၼ်​ၵႃႈ​တီႈ​လႂ်​မႃး​ဝႃႈ​ၼႆ၊ ၽူႈ​လႂ်​သေ​ၵေႃႉ​သေ​ၵူၼ်း​တၵ်း​ဢမ်ႇ​လႆႈ​ႁူႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">ၼႂ်း​မိူဝ်ႈ​ဢၼ်​ ယေႇသူႉ ​သင်ႇ​သွၼ်​သုင်း​မႃႉ​ပၼ်​ၼႂ်း​ပိၵ်ႈ​မၢၼ်ႇ​ၸဝ်ႈ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ႁွင်ႉ​သႅၼ်ႇ​လႄႈ​ဝႃႈ၊ သူ​ႁူႉ​ၵဝ်​ယူႇ​ဢေႃႈ။ ၵဝ်​ပဵၼ်​ၵႃႈ​တီႈ​လႂ်​မႃး​ၵေႃႈ​သူ​ႁူႉ​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​မႃး​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ။ ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ ပျေႉ​ၸုမ်ႇ​တင်း​သဵတ်ႈ​ၸႃႇ​ဢေႃႈ။ ၵေႃႉ​ၼၼ်ႉ​ၸိုင်​သူ​ဢမ်ႇ​ႁူႉ။-</verse>
				<verse number="29">ၵဝ်​ၸမ်ႉ၊ ႁူႉ​ဢေႃႈ။ လွင်ႈ​မၼ်း​ၸမ်ႉ ၵဝ်​လုၵ်ႉ​သေ​ၵႃႈ​တီႈ​ၵေႃႉ​ၼၼ်ႉ​မႃး​ဢေႃႈ။ ၵေႃႉ​ၼၼ်ႉ​ၵေႃႈ​ပွႆႇ​ၸႂ်ႉ​ၵဝ်​မႃး​ဢေႃႈ။ မိူဝ်ႈ​ဢၼ်​မၼ်း​ၸဝ်ႈ​ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="30">ၶဝ်​ႁႃ​ႁႂ်ႈ​လႆႈ​တီႉ​ဢဝ်​မၼ်း​ၸဝ်ႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပိူဝ်ႈ​ဢၼ်​ၶိင်ႇ​မၼ်း​ၸဝ်ႈ​ဢမ်ႇ​ပႆႇ​ႁွတ်ႈ​ပႆႇ​ထိုင်​လႄႈ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​တီႉ​ဢမ်ႇ​ဢဝ်။-</verse>
				<verse number="31">ၶဝ်​ၸိူဝ်း​ဢၼ်​ပႃး​ၼႂ်း​ၵူၼ်း​ဢၼ်​ၸူႉ​ဢၼ်​တုမ်​ၼၼ်ႉ​ၵမ်ႈ​ၽွင်ႈ​ယုမ်ႇ​မၢတ်ႈ​မၼ်း​ၸဝ်ႈ​လႄႈ လၢတ်ႈ​ဝႃႈ၊ မိူဝ်ႈ​ဢၼ်​ၸဝ်ႈ​ၶရိၸ်ႈ​မႃး​ၼၼ်ႉ​ၸိုင်၊ မၼ်း​ၸဝ်ႈ​ၼၼ်ႉ​တၵ်း​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ ဢၼ်​ယဵင်ႈ​ၶႅၼ်း​ၼမ်​ၼႃႇ​သေ​ၼီႉမိၵ်ႈ​လၢၵ်ႈၶၼႃႇ ဢၼ်​ၵေႃႉ​ၼႆႉ​ၼႄ​ပျႃး​ၸိူဝ်း​ၼႆႉ​လူး​ၵွၼ်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="32">မိူဝ်ႈ​ဢၼ်​ ၽႃႇရီႉသႄး ​တင်း​လၢႆ ငိၼ်း​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ ပဵၼ်​ဢုၵ်း​ဢုၵ်း​ဢၢင်ႇ​ဢၢင်ႇ​ၵၼ်​ယူႇ ၵွပ်ႈ​ပိူဝ်ႈ​မၼ်း​ၸဝ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ ၽႃႇရီႉသႄး ​ၸိူဝ်း​ၼၼ်ႉ ပွႆႇ​ၸႂ်ႉ​ၵူၼ်း​ဢွၼ်ႇ​တင်း​လၢႆ ၵႂႃႇ​ႁႂ်ႈ​လႆႈ​တီႉ​ဢဝ်​မၼ်း​ၸဝ်ႈ​ဢေႃႈ။-</verse>
				<verse number="33">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၼႆႉ​ယူႇ​လူၺ်ႈ​ၵၼ်​တင်း​သူ​ႁိုင်​ၵမ်း​ဢွၼ်ႇ​ၼိုင်ႈ​ၵူၺ်း​သေ​ယဝ်ႉ၊ တၵ်း​လႆႈ​ၵႂႃႇ​ၵႃႈ​တီႈ​ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။-</verse>
				<verse number="34">သူ​တၵ်း​ႁႃ​ၵဝ်​ဢေႃႈ။ ပိၵ်ႉ​သမ်ႉ​ႁႃ​သေ​ၵေႃႈ ဢမ်ႇ​လႆႈ​ထူပ်း​လႆႈ​ႁၼ်၊ တီႈ​ဢၼ်​ၵဝ်​မီး​ၼၼ်ႉ။ သူ​ဢမ်ႇ​ႁွတ်ႈ​ဢမ်ႇ​ထိုင်​လႆႈ၊ မိူဝ်ႈ​ဢၼ်​မၼ်း​ၸဝ်ႈ​ဝႃႈ​ၼင်ႇ​ၼႆ​ၸိုင်၊-</verse>
				<verse number="35">ၵူၼ်း​ ယူႉတႃႉ ​ၸိူဝ်း​ၼၼ်ႉ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​လႄႈ​ဝႃႈ၊ ၼင်ႇ​ႁိုဝ်​ႁဝ်း​တၵ်း​ဢမ်ႇ​ထူပ်း​ဢမ်ႇ​ႁၼ်​ၸိုင်၊ မၼ်း​တၵ်း​ၵႂႃႇ​ၵႃႈ​တီႈ​လႂ်။ တၵ်း​ၵႂႃႇ​ၵႃႈ​တီႈ​ၶဝ်​ၸိူဝ်း​ဢၼ်​ၽၢတ်ႇ​ၽႄ​ၵၼ်​ယူႇ​ၵူႈ​တီႈ​ၵူႈ​လႅၼ် ၼႂ်း​ၵူၼ်း​ ႁေႇလသႃႉ ​တင်း​လၢႆ​သေ​လႄႈ ႁေႃး​လၢတ်ႈ​တြႃး​တီႈ​ၵူၼ်း​ ႁေႇလသႃႉ ​ၸိူဝ်း​ၼၼ်ႉ​ယူႇ​ႁိုဝ်။-</verse>
				<verse number="36">ၵႂၢမ်း​ဢၼ်​မၼ်း​လၢတ်ႈ​လႄႈ​ဝႃႈ၊ သူ​တၵ်း​ႁႃ​ၵဝ်​ဢေႃႈ။ ပိၵ်ႉ​သမ်ႉ​ႁႃ​သေ​ၵေႃႈ​ဢမ်ႇ​လႆႈ​ထူပ်း​လႆႈ​ႁၼ်။ ၵႃႈ​တီႈ​ဢၼ်​ၵဝ်​မီး​ၼၼ်ႉ​သူ​ဢမ်ႇ​ႁွတ်ႈ​ဢမ်ႇ​ထိုင်​လႆႈ၊ ဝႃႈ​ၼင်ႇ​ၼႆ​ၼၼ်ႉ ၶႂ်ႈ​ဝႃႈ​ၸိူဝ်ႉ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="37">ၼႂ်း​ဝၼ်း​ဢၼ်​ယႂ်ႇ​မျၢတ်ႈ ဢၼ်​ပဵၼ်​ဝၼ်း​လိုၼ်း​လင်​သုတ်း​ပွႆး​ၼၼ်ႉ၊ ယေႇသူႉ ​ၸုၵ်း​ယူႇ​သေ​လႄႈ ႁွင်ႉ​လၢတ်ႈ​လႄႈ​ဝႃႈ​ၸမ်ႉ၊ ပေႃး​သေ​ၵေႃႉ​သေ​ၵူၼ်း​ယၢၵ်ႇ​ၼမ်ႉ​ၸိုင်​မႃး​တီႈ​ၵဝ်​လႄႈ​ၵိၼ်​တႃႉ။-</verse>
				<verse number="38">ၵေႃႉ​ဢၼ်​ယုမ်ႇ​မၢတ်ႈ​ၵဝ်​ၼၼ်ႉ​ၸမ်ႉ၊ ၵႃႈ​ၼင်ႇ​ဢၼ်​ၵျၢမ်း​လိၵ်ႈ​မႃး​ၼၼ်ႉ၊ ၼမ်ႉ​ႁွင်ႈ​ဢသၢၵ်ႈ​တင်း​လၢႆ တၵ်း​ဢွၵ်ႇ​သေ​ၵႃႈ​ၼႂ်း​တွင်ႉ​မၼ်း​လႄႈ လႆ​ၵႂႃႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="39">မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ မၼ်း​ၸဝ်ႈ​ဢဝ်​လွင်ႈ​ဝီႉၺိၺ်ႇ​ၸဝ်ႈ​ဢၼ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​တင်း​လၢႆ၊ တၵ်း​လႆႈ​ၶၢမ်ႇ​ၼၼ်ႉ​လႄႈ​ဝႃႈ​ဢေႃႈ။ ပိူဝ်ႈ​ဢၼ်​မုၼ်​ၽုင်း​ ယေႇသူႉ ဢမ်ႇ​ပႆႇ​ပေႃႇ​ပႆႇ​ဢွၵ်ႇ​လႄႈ တီႈ​ဢၼ်​တၵ်း​ပၼ် ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢမ်ႇ​ပႆႇ​မီး။</verse>
				<verse number="40">ၶဝ်​ၸိူဝ်း​ဢၼ်​ငိၼ်း​ၵႂၢမ်း​မၼ်း​ၸဝ်ႈ​ၸိူဝ်း​ၼၼ်ႉ ၵမ်ႈ​ၽွင်ႈ​ၵေႃႈ​ဝႃႈ၊ ၵေႃႉ​ၼႆႉ​ပဵၼ်​ပရေႃးၽႅတ်ႈ​ဢၼ်​တၵ်း​မႃး​ၼၼ်ႉ​ၸႂ်ႈ​တႄႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="41">ၵမ်ႈ​ၽွင်ႈ​ၵေႃႈ​ဝႃႈ၊ ၵေႃႉ​ၼႆႉ​ပဵၼ်​ၸဝ်ႈ​ၶရိၸ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ၊ ၸဝ်ႈ​ၶရိၸ်ႈ​တၵ်း​ပေႃႇ​ဢွၵ်ႇ​မႃး ၵႃႈ​ၼႂ်း​မိူင်း​ ၵႃႇလီႉလႄး ​ႁိုဝ်။-</verse>
				<verse number="42">ၵျၢမ်း​လိၵ်ႈ​မီး​မႃး​လႄႈ​ဝႃႈ၊ ၸဝ်ႈ​ၶရိၸ်ႈ​ၼၼ်ႉ​တၵ်း​လႆႈ​ပေႃႇ​ဢွၵ်ႇ​မႃး ၵႃႈ​ၼႂ်း​ၸိူဝ်ႉ​ၶိူဝ်း​ တႃႇဝိတ်ႈ တီႈ​ဢၼ်​ တႃႇဝိတ်ႈ ​ယူႇ​ဝၢၼ်ႈ​ ပႅတ်ႉလႁႅမ်ႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="43">ၼင်ႇ​ၼၼ်​လႄႈ​ၵူၼ်း​ၸိူဝ်း​ၼၼ်ႉ​ၽၢတ်ႇ​ၽႄ​ၵၼ်​ၵွပ်ႈ​ပိူဝ်ႈ​မၼ်း​ၸဝ်ႈ​ဢေႃႈ။-</verse>
				<verse number="44">ၵူၼ်း​ၵမ်ႈ​ၽွင်ႈ​မီး​ဢလူဝ်ႇ​ၶႂ်ႈ​တီႉ​ဢဝ်​မၼ်း​ၸဝ်ႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​တီႉ​ဢမ်ႇ​ဢဝ်။</verse>
				<verse number="45">မိူဝ်ႈ​ၼၼ်ႉ​ၵူၼ်း​ဢွၼ်ႇ​ၸိူဝ်း​ၼၼ်ႉ ၶိုၼ်း​မိူဝ်း​ၸူး​ၵႃႈ​တီႈ​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ ၽႃႇရီႉသႄး ​ၸိူဝ်း​ၼၼ်ႉ​လႄႈ ၶုၼ်​ၸိူဝ်း​ၼၼ်ႉ​ၵေႃႈ​တွင်ႈ​ထၢမ်​လႄႈ​ဝႃႈ၊ ႁဵတ်း​ႁိုဝ်​လႄႈ သူ​ဢမ်ႇ​ဢဝ်​မၼ်း​မႃး​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="46">ၵူၼ်း​ဢွၼ်ႇ​ၸိူဝ်း​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ပႆႇ​တွၼ်ႉ​ႁေႃး​တွၼ်ႉ​လၢတ်ႈ​ၸိူဝ်ႉ​ၼင်ႇ​ဢၼ်​ၵေႃႉ​ၼၼ်ႉ​ႁေႃး​လၢတ်ႈ​ၼၼ်ႉ​သေ​ပွၵ်ႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="47">ၽႃႇရီႉသႄး ​ၸိူဝ်း​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သူ​ၵေႃႈ​ၶၢမ်ႇ​တၢင်း​ဢၼ်​ပႅတ်ႉ​ဢၼ်​လႅၼ်​ယဝ်ႉ​ႁိုဝ်။-</verse>
				<verse number="48">ၼႂ်း​ၶုၼ်​ဢိၵ်ႇ​တင်း​ ၽႃႇရီႉသႄး ​တင်း​လၢႆ ၵေႃႉ​ဢၼ်​ယုမ်ႇ​မၢတ်ႈ​မၼ်း​ၼၼ်ႉ​မီး​သေ​ၵေႃႉ​သေ​ၵူၼ်း​ႁိုဝ်။-</verse>
				<verse number="49">ၵူၺ်း​ၵႃႈ​ၵူၼ်း​ဢၼ်​ဢမ်ႇ​ႁူႉ​တြႃး​ၼမ်​ၼႃႇ​ၸိူဝ်း​ၼႆႉ ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ၵိၼ်ႇ​တၢင်း​ဝႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="50">ၼီႉၵေႃးတိၼ်ႇ ​ဢၼ် မႃး​ၵႃႈ​တီႈ​မၼ်း​ၸဝ်ႈ​ၼႂ်း​ၶိင်ႇ​ၵၢင်​ၶိုၼ်း ဢၼ်​ၶဝ်ႈ​ပႃး​ၵႃႈ​ၼႂ်း​ၶုၼ်​ၸိူဝ်း​ၼၼ်ႉ​ၵေႃႈ လၢတ်ႈ​လႄႈ​ဝႃႈ၊-</verse>
				<verse number="51">တြႃး​ႁဝ်း​ၼႆႉ၊ ၸူဝ်ႈ​ဢၼ်​ဢမ်ႇ​ပႆႇ​ၸႅတ်ႈ​တူၺ်း​ၵူၼ်း​လႄႈ ႁူႉ​ဢမူႉ​မၼ်း​ယဝ်ႉ​ၼၼ်ႉ ၸၢင်ႈ​ၸီႇ​ယၢင်ႇ​ဢွၼ်​တၢင်း​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="52">ၶဝ်​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မႂ်း​ၵေႃႈ​ပဵၼ်​ၵူၼ်း​မိူင်း​ ၵႃႇလီႉလႄး ႁိုဝ်။ လွင်ႈ​ဢၼ်​ပရေႃးၽႅတ်ႈ သေ​ၸဝ်ႈ​သေ​ပႃး ဢမ်ႇ​ပေႃႇ​ဢမ်ႇ​ဢွၵ်ႇ​မႃး​ၵႃႈ​ၼႂ်း​မိူင်း​ ၵႃႇလီႉလႄး ​ၼၼ်ႉ​ၸိုင်၊ ၸႅတ်ႈ​ထၢမ်​ႁႃ​တူၺ်း​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="53">ၵူႈ​ၵေႃႉ​ၵူႈ​ၵူၼ်း ၵႂႃႇ​ၵႃႈ​တီႈ​ႁိူၼ်း​တူဝ်​ၸဝ်ႈ​ၵဝ်ႇ ႁင်း​ၽႂ်​ႁင်း​မၼ်း​သေ​ဢေႃႈ။</verse>
			</chapter>
			<chapter number="8">
				<verse number="1">ယေႇသူႉ ​ၵေႃႈ​ၵႂႃႇ​ၵႃႈ​တီႈ​လွႆ​ သၢၼ်ႇလုၼ်ႇ ​ၼၼ်ႉ​သေ​ဢေႃႈ။-</verse>
				<verse number="2">ၵၢင်​ၼႂ်​ၸဝ်ႉ​ၸဝ်ႉ၊ မၼ်း​ၸဝ်ႈ​သမ်ႉ​ၶိုၼ်း​ၶဝ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​လႄႈ ၵူၼ်း​တင်း​သဵင်ႈ​တင်း​လူင်​မႃး​ၵႃႈ​တီႈ​မၼ်း​ၸဝ်ႈ​ဢေႃႈ။ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ယင်း​တိုၵ်ႉ​ၼင်ႈ​လႄႈ​သင်ႇ​သွၼ်​သုင်း​မႃႉ​ပၼ်​ယူႇ​ၼၼ်ႉ​ၸိုင်၊-</verse>
				<verse number="3">ၵူၼ်း​ထုတ်ႇ​ၵျၢမ်း ဢိၵ်ႇ​တင်း​ ၽႃႇရီႉသႄး ​တင်း​လၢႆ ဢဝ်​မႄႈ​ယိင်း​ဢၼ်​ထူပ်း​ၼႂ်း​ဢမူႉ​တၢင်း​ဢၼ်​ၽိတ်း​ပိူင်ႈ​ၼၼ်ႉ ၵေႃႉ​ၼိုင်ႈ​မႃး​လႄႈ ဢဝ်​ဝႆႉ​ၵႃႈ​တီႈ​ၼႂ်း​ၶိုင်ႈ​ၵၢင်​သေ​ယဝ်ႉ၊-</verse>
				<verse number="4">လဝ်ႊ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ။ လႆႈ​ထူပ်း​မႅၼ်ႈ​မႄႈ​ယိင်း​ၼႆႉ​ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​ႁဵတ်း​ဢမူႉ တၢင်း​ဢၼ်​ၽိတ်း​ပိူင်ႈ​ယူႇ​ၼၼ်ႉ​ၶႃႈ​ယဝ်ႉ။-</verse>
				<verse number="5">မႄႈ​ယိင်း​ၸိူဝ်ႉ​ၼင်ႇ​ၼႆ​ၸိုင် တၵ်း​လႆႈ​ဢဝ်​တင်း​မၢၵ်ႇ​ႁိၼ်​ထိမ်ႈ​ဝႃႈ​ၼႆ မူဝ်းသေႇ ​ၸီႇ​ယၢင်ႇ​ဝႆႉ ၼႂ်း​ပိင်း​ၺၢပ်ႈ​တြႃး​တီႈ​ႁဝ်း​ၶႃႈ​ယဝ်ႉ​ၶႃႈ​ယဝ်ႉ။ ၼႂ်း​ဝႃႈ​ၼၼ်​သေ​ၵေႃႈ ၸဝ်ႈ​ႁဝ်း​တၵ်း​ဝႃႈ​လွင်ႈ​မၼ်း​ၸိူဝ်ႉ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">လွင်ႈ​ဢၼ်​ၶဝ်​လဝ်ႊ​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸမ်ႉ၊ ၼင်ႇ​ႁိုဝ်​တၵ်း​မီး​တီႈ​ဢၼ်​တၵ်း​တၢင်ႇ​ဢပႅတ်ႈ​တီႈ​မၼ်း​ၸဝ်ႈ​ၸိုင်၊ ၶဝ်​ၼၼ်ႉ​ၸၢမ်း​တူၺ်း​ယႃႉ​ယူၵ်ႉ​မၼ်း​ၸဝ်ႈ​လႄႈ လဝ်ႈ​ဝႃႈ​ဢေႃႈ၊ ယေႇသူႉ ​ၵူမ်ႈ​ယူႇ​သေ​လႄႈ ဢဝ်​တင်း​ၼိဝ်ႉ​မိုဝ်း​မၼ်း​ၸဝ်ႈ​ၶိတ်ႇ​တႅမ်ႈ​ၵႃႈ​တီႈ​လိၼ်​ယူႇ​ဢေႃႈ။-</verse>
				<verse number="7">မိူဝ်ႈ​ဢၼ်​ၶဝ်​ၼၼ်ႉ လဝ်ႊ​ထၢမ်​ၶိူဝ်း​ၶိူဝ်း​ယႂ်း​ယႂ်း​ယူႇ​ၼၼ်ႉ​ၸိုင်၊ မၼ်း​ၸဝ်ႈ​လုၵ်ႉ​ငွၵ်ႈ​သေ​လႄႈ​လၢတ်ႈ​ဝႃႈ၊ ၼႂ်း​သူ​ၼႆႉ​ႁႂ်ႈ​ၵေႃႉ​ဢၼ်​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ ဢဝ်​တင်း​မၢၵ်ႇ​ႁိၼ်​ထိမ်ႈ​ဢွၼ်​တၢင်း​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">သမ်ႉ​ၶိုၼ်း​ၵူမ်ႈ​လႄႈ​ၶိတ်ႇ​တႅမ်ႈ​ၵႃႈ​တီႈ​လိၼ်​ယူႇ​ဢေႃႈ။-</verse>
				<verse number="9">ၶဝ်​ၼၼ်ႉ​လႆႈ​ငိၼ်း​သေ​ယဝ်ႉ၊ ပိူဝ်ႈ​ဢၼ်​ႁူဝ်​ၸႂ်​တူဝ်​ၸဝ်ႈ​ၵဝ်ႇ​ၽုၺ်ႇ​ၼႄ​ဢပႅတ်ႈ​တူဝ်​ၸဝ်ႈ​ၵဝ်ႇ​လႄႈ ၸႃႉ​ၸဵမ်​ၵေႃႉ​ဢၼ်​ဢသၢၵ်ႈ​ယႂ်ႇ တေႃႇ​ထိုင်​ႁွတ်ႈ​ၵေႃႉ​ဢၼ်​ဢသၢၵ်ႈ​လဵၵ်ႉ​သေ​ပိူၼ်ႈ​ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ ဢွၵ်ႇ​ၵႂႃႇ​သေ​ဢေႃႈ။ ယေႇသူႉ ​ၵိုတ်း​ၵျၢၼ်ႇ​ယူႇ​ပႃး​လဵဝ်​ၵူၺ်း​လႄႈ မႄႈ​ယိင်း​ၼၼ်ႉ​ၸုၵ်း​ယူႇ​ၵႃႈ​တီႈ​ၶိုင်ႈ​ၵၢင်​ၼၼ်ႉ​ဢေႃႈ။</verse>
				<verse number="10">မိူဝ်ႈ​ၼၼ်ႉ​ ယေႇသူႉ ​ၶိုၼ်း​လုၵ်ႉ​ငွၵ်ႈ​လႄႈ လိူဝ်​သေ​မႄႈ​ယိင်း​ၼၼ်ႉ​ၵေႃႉ​လဵဝ်​ၵူၺ်း၊ မိူဝ်ႈ​ဢၼ်​ဢမ်ႇ​ႁၼ်​ၽူႈ​လႂ်​သေ​ၵေႃႉ​သေ​ၵူၼ်း​ၼၼ်ႉ​ၸိုင် ထၢမ်​လႄႈ​ဝႃႈ၊ မႄႈ​ယိင်း​ဢိူၺ်း၊ ၶဝ်​ၸိူဝ်း​ဢၼ်​တၢင်ႇ​ဢပႅတ်ႈ​တီႈ​မႂ်း​ၸိူဝ်း​ၼၼ်ႉ​မီး​ၵႃႈ​လႂ်။ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ၸီႇ​ယၢင်ႇ​ဢမူႉ​မႂ်း​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ၸီႇ​ယၢင်ႇ​ၶႃႈ​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၵေႃႈ​ဢမ်ႇ​ၸီႇ​ယၢင်ႇ​ဢမူႉ​မႂ်း။ ၵႂႃႇ​တႃႉ။ ၵမ်း​လိုၼ်း​ယႃႇ​ပေ​ႁဵတ်း​တူႉ​ၸရိူၵ်ႈ​ဢပႅတ်ႈ​ထႅင်ႈ၊ ဝႃႈ​ၼင်ႇ​ၼႆ​သေ​ဢေႃႈ။</verse>
				<verse number="12">လႆႈ​သမ်ႉ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ပဵၼ်​ဢၼ်​လႅင်း​လေႃးၵႃႉ​ၼႆႉ​ဢေႃႈ။ ၵေႃႉ​ဢၼ်​ၸွမ်း​ပႃႈ​လင်​ၵဝ်​ၼႆႉ​ၼၼ်ႉ​ဢမ်ႇ​ၵႂႃႇ​ဢမ်ႇ​မႃး​ၵႃႈ​ၼႂ်း​လပ်း​သိင်ႇ။ တၵ်း​လႆႈ​ဢၼ်​လႅင်း​ဢသၢၵ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၽႃႇရီႉသႄး ​တင်း​လၢႆ​ၵေႃႈ​လၢတ်ႈ​လႄႈ​ဝႃႈ၊ မႂ်း​ၶၢမ်ႇ​သၢၵ်ႈ​သေႇ​လွင်ႈ​တူဝ်​ၸဝ်ႈ​ၵဝ်ႇ​ဢေႃႈ။ သၢၵ်ႈ​သေႇ​မႂ်း​ၼႆႉ​ဢမ်ႇ​တႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပိၵ်ႉ​သမ်ႉ​ၵဝ်​ၶၢမ်ႇ​သၢၵ်ႈ​သေႇ​လွင်ႈ​တူဝ်​ၸဝ်ႈ​ၵဝ်ႇ​သေ​ၵေႃႈ၊ သၢၵ်ႈ​သေႇ​ၵဝ်​ၼႆႉ​တႄႇ​ယူႇ​ဢေႃႈ။ လွင်ႈ​မၼ်း​ၸမ်ႉ ၵဝ်​လုၵ်ႉ​ၵႃႈ​တီႈ​လႂ်​မႃး​ဝႃႈ​ၼႆ​လႄႈ​သင်၊ ၵဝ်​ၵႂႃႇ​ၵႃႈ​တီႈ​လႂ်​ပုၼ်ႉ​ဝႃႈ​ၼႆ​လႄႈ​သင်၊ ၵဝ်​ႁူႉ​ယူႇ​ဢေႃႈ။ ၵဝ်​လုၵ်ႉ​ၵႃႈ​တီႈ​လႂ်​မႃး​ဝႃႈ​ၼႆ​လႄႈ​သင်၊ ၵဝ်​ၵႂႃႇ​ၵႃႈ​တီႈ​လႂ်​ဝႃႈ​ၼႆ​လႄႈ​သင်၊ သူ​ၸမ်ႉ၊ ဢမ်ႇ​ႁူႉ။-</verse>
				<verse number="15">သူ​ၸၢင်ႈ​ၸီႇ​ယၢင်ႇ​ၸွမ်း​ၼင်ႇ​ၸႃႇ​တီႉ​ပၵတီႉ​ဢေႃႈ။ ၵဝ်​ၸမ်ႉ၊ ဢမ်ႇ​ၸီႇ​ယၢင်ႇ​ၽူႈ​လႂ်​သေ​ၵေႃႉ​သေ​ၵူၼ်း။-</verse>
				<verse number="16">ၵူၺ်း​ၵႃႈ သင်​ၵဝ်​ၸီႇ​ယၢင်ႇ​ၸိုင်၊ တၢင်း​ဢၼ်​ၵဝ်​ၸီႇ​ယၢင်ႇ​ၼၼ်ႉ​တႄႇ​ယူႇ​ဢေႃႈ။ လွင်ႈ​မၼ်း​ၸမ်ႉ ၵဝ်​ၼႆႉ​ယူႇ​ၵေႃႉ​လဵဝ်​ၵူၺ်း​ဢမ်ႇ​ၸႂ်ႈ။ ပေႃႈ​ၸဝ်ႈ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ယူႇ​ၽၢႆႇ​ၵဝ်​ယူႇ​ဢေႃႈ။-</verse>
				<verse number="17">ၵႂၢမ်း​ၵူၼ်း​ၶၢမ်ႇ​သၢၵ်ႈ​သေႇ​သွင်​ၵေႃႉ​တၵ်း​လႆႈ​တႄႇ​ဢေႃႈ​ဝႃႈ​ၼႆ တႅမ်ႈ​ဝႆႉ​မီး​ယူႇ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​သူ​ၼၼ်ႉ​ဢေႃႈ။-</verse>
				<verse number="18">ၵဝ်​ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​လွင်ႈ​တူဝ်​ၸဝ်ႈ​ၵဝ်ႇ​ဢေႃႈ။ ပေႃႈ​ၸဝ်ႈ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ၵေႃႈ၊ ၶၢမ်ႇ​သၢၵ်ႈ​သေႇ​လွင်ႈ​ၵဝ်​ယူႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၶဝ်​ၼၼ်ႉ​ၵေႃႈ​ထၢမ်​လႄႈ​ဝႃႈ၊ ပေႃႈ​မႂ်း​မီး​ၵႃႈ​လႂ်၊ ဝႃႈ​ၼင်ႇ​ၼႆ​ဢေႃႈ။ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ သူ​ဢမ်ႇ​ႁူႉ​ၵဝ်၊ ပေႃႈ​ၸဝ်ႈ​ၼၼ်ႉ​ၵေႃႈ​သူ​ဢမ်ႇ​ႁူႉ၊ ပေႃး​သူ​ႁူႉ​ၵဝ်​ၸိုင် ၸဝ်ႈ​ပေႃႈ​ၵဝ်​ၼၼ်ႉ​ၵေႃႈ​သူ​တၵ်း​ႁူႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ၼႂ်း​မိူဝ်ႈ​ဢၼ်​ယင်း​တိုၵ်ႉ​သင်ႇ​သွၼ်​သုင်း​မႃႉ​ပၼ်​ၼႂ်း​ပိၵ်ႈ​မၢၼ်ႇ​ၸဝ်ႈ​ယူႇ​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​ၵႂၢမ်း​ၼႆႉ ၼႂ်း​တိူၵ်ႈ​ၽၼ်ႇတႃႇ​ၼၼ်ႉ​ဢေႃႈ။ ပိူဝ်ႈ​ဢၼ်​ၶိင်ႇ​မၼ်း​ၸဝ်ႈ​ဢမ်ႇ​ပႆႇ​ႁွတ်ႈ​ပႆႇ​ထိုင်​လႄႈ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​တီႉ​ဢမ်ႇ​ဢဝ်​မၼ်း​ၸဝ်ႈ။</verse>
				<verse number="21">လႆႈ​သမ်ႉ မၼ်း​ၸဝ်ႈ​သမ်ႉ​လၢတ်ႈ​လႄႈ​ဝႃႈ၊ ၵဝ်​တၵ်း​လႆႈ​ၵႂႃႇ​ဢေႃႈ။ သူ​တၵ်း​ႁႃ​ၵဝ်​ဢေႃႈ။ သူ​တၵ်း​တၢႆ​ၵႃႈ​တီႈ​ၼႂ်း​ဢပႅတ်ႈ​သူ​ဢေႃႈ။ တီႈ​ဢၼ်​ၵဝ်​ၵႂႃႇ​ပုၼ်ႉ​ၸိုင်၊ သူ​ဢမ်ႇ​ႁွတ်ႈ​ထိုင်​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၵူၼ်း​ ယူႉတႃႉ ​တင်း​လၢႆ​ၵေႃႈ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​မၼ်း​ဝႃႈ၊ တီႈ​ဢၼ်​ၵဝ်​ၵႂႃႇ​ပုၼ်ႉ​ၸိုင်၊ သူ​ဢမ်ႇ​ႁွတ်ႈ​ထိုင်​လႆႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ မၼ်း​တၵ်း​ဢဝ်​ဢသၢၵ်ႈ​မၼ်း​တၢႆ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ သူ​ပဵၼ်​ၵူၼ်း​ၵႃႈ​တႂ်ႈ​ဢေႃႈ။ ၵဝ်​ၸမ်ႉ၊ ပဵၼ်​ၵူၼ်း​ၵႃႈ​ၼိူဝ်​ဢေႃႈ၊ သူ​ပဵၼ်​ၵူၼ်း​လေႃးၵီႇ​ဢေႃႈ။ ၵဝ်​ၸမ်ႉ၊ ဢမ်ႇ​ၸႂ်ႈ​ၵူၼ်း​လေႃးၵီႇ။-</verse>
				<verse number="24">ပိူဝ်ႈ​ၼႆ​လႄႈ​သူ​တၵ်း​တၢႆ​ၵႃႈ​တီႈ​ၼႂ်း​ဢပႅတ်ႈ​သူ​ဢေႃႈ ဝႃႈ​ၼႆ၊ ၵဝ်​ဝႃႈ​ဢေႃႈ။ ပေႃး​သူ​ဢမ်ႇ​ယုမ်ႇ​လွင်ႈ​ဢၼ်​ၵဝ်​ပဵၼ် ၵေႃႉ​ၼၼ်ႉ​ၸိုင်၊ သူ​တၵ်း​တၢႆ​ၵႃႈ​တီႈ​ၼႂ်း​ဢပႅတ်ႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ၶဝ်​ၼၼ်ႉ​ၵေႃႈ​ထၢမ်​လႄႈ​ဝႃႈ၊ မႂ်း​ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယေႇသူႉ ​ၵေႃႈ​လၢတ်ႈ​လႄႈ​ဝႃႈ ၵဝ်​ပဵၼ်​ယူႇ​ၵႃႈ​ၼင်ႇ​ဢၼ်​ၵဝ်​လၢတ်ႈ​တီႈ​သူ ၸဵမ်​မိူဝ်ႈ​ၵေႃႇၸႃႉ​မၼ်း​ၼၼ်ႉ​ဢေႃႈ။-</verse>
				<verse number="26">တီႈ​ဢၼ် ၵဝ်​လီ​လၢတ်ႈ​လီ​ဝႃႈ​လႄႈ ၸီႇ​ယၢင်ႇ​လွင်ႈ​သူ​ၸိုင်​မီး​ၼမ်​ၼႃႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ပျေႉ​ၸုမ်ႇ​တင်း​သဵတ်ႈ​ၸႃႇ​ဢေႃႈ။ ၵဝ်​ႁေႃး​လၢတ်ႈ ၵႃႈ​ဢၼ်​ၵဝ်​လႆႈ​ငိၼ်း​တီႈ​မၼ်း​ၸဝ်ႈ​ၼၼ်ႉ​ၵူၺ်း ၼႂ်း​လေႃးၵႃႉ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">လွင်ႈ​ဢၼ်​မၼ်း​ၸဝ်ႈ ဢဝ်​လွင်ႈ​ပေႃႈ​ၸဝ်ႈ​သေ​လႄႈ ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်​ၶဝ်​ၼၼ်ႉ​ဢမ်ႇ​ႁူႉ။</verse>
				<verse number="28">ပိူဝ်ႈ​ၼႆ​လႄႈ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​သူ​ယုၵ်ႉ​လုၵ်ႈ​ၵူၼ်း​ဝႆႉ​ၼၼ်ႉ​ၸိုင်၊ သူ​တၵ်း​လႆႈ​ႁူႉ​လွင်ႈ​ဢၼ်​ၵဝ်​ပဵၼ်​ၵေႃႉ​ၼၼ်ႉ ဢိၵ်ႇ​တင်း​လွင်ႈ​ဢၼ်​ၵဝ်​ဢမ်ႇ​ႁဵတ်း​ၵႃႈ​သင် ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​လႄႈ ၵဝ်​ႁေႃး​လၢတ်ႈ​ၵႃႈ​ၼင်ႇ​ဢၼ် ပေႃႈ​ၵဝ်​သွၼ်​ပၼ်​တီႈ​ၵဝ်​ၼၼ်ႉ​ၵူၺ်း​ၼၼ်ႉ​ဢေႃႈ။-</verse>
				<verse number="29">ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​မီး​ယူႇ​လူၺ်ႈ​ၵၼ်​တင်း​ၵဝ်​ဢေႃႈ။ မၼ်း​ၸဝ်ႈ​ဢမ်ႇ​ၸုၼ်ႉ​ပႅတ်ႈ​ၵဝ် ႁႂ်ႈ​ၵဝ်​လႆႈ​ယူႇ​ၵေႃႉ​လဵဝ်​ၵူၺ်း။ လွင်ႈ​မၼ်း​ၸမ်ႉ ၵဝ်​ႁဵတ်း​လွင်ႈ​တၢင်း​ဢၼ် ထုၵ်ႇ​ၸႂ်​မၼ်း​ၸဝ်ႈ​ၼၼ်ႉ ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ၼႂ်း​မိူဝ်ႈ​ဢၼ် မၼ်း​ၸဝ်ႈ​ယင်း​တိုၵ်ႉ​လၢတ်ႈ​ၵႂၢမ်း​ၼႆႉ​ယူႇ​ၼၼ်ႉ​ၸိုင်၊ ၵူၼ်း​ၼမ်​ၼႃႇ ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​ဢေႃႈ။</verse>
				<verse number="31">မိူဝ်ႈ​ၼၼ်ႉ ယေႇသူႉ ​ၵေႃႈ​လၢတ်ႈ တီႈ​ၵူၼ်း​ ယူႉတႃႉ ​ဢၼ်​ယုမ်ႇ​မၢတ်ႈ​ၸိူဝ်း​ၼၼ်ႉ​လႄႈ​ဝႃႈ၊ ပေႃး​သူ​တႄႇ​ယူႇ​ၼႂ်း​တေႇသၼႃႇ​ၵဝ်​ၸိုင်၊ သူ​ပဵၼ်​တပႄး​ၵဝ်​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="32">သမ်ႇမႃႇ​တြႃး​ၵေႃႈ​သူ​တၵ်း​ႁူႉ​ဢေႃႈ။ တြႃး​ၼႆႉ​တၵ်း​ပွႆႇ​သူ​လွတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ၶဝ်​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ပဵၼ်​ၸိူဝ်ႉ​ၶိူဝ်း​ ဢႃႇပြႃႇႁၢမ်ႇ ​ဢေႃႈ။ ဢမ်ႇ​ပႆႇ​လႆႈ​ၶၢမ်ႇ​ႁဵတ်း​ၶႃႈ​တီႈ​ၽူႈ​လႂ်​သေ​ၵေႃႉ​သေ​ၵူၼ်း​သေ​ပွၵ်ႈ။ တၵ်း​ပွႆႇ​သူ​လွတ်ႈ​ဢေႃႈ၊ ဝႃႈ​ၼႆ​မႂ်း​ၼႆႉ​လၢတ်ႈ​ဝႃႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၶဝ်​ၸိူဝ်း​ဢၼ်​ႁဵတ်း​တူႉ​ၸရိူၵ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပဵၼ်​ၶႃႈ​တူႉ​ၸရိူၵ်ႈ​ဢေႃႈ။-</verse>
				<verse number="35">ၶႃႈ​ၸမ်ႉ၊ ယူႇ​ၼႂ်း​ႁိူၼ်း​ၵူႈ​ၶိင်ႇ​ၵူႈ​ၶႃႇ​တႃႇ​သေႇ​ဢမ်ႇ​ၸႂ်ႈ။ လုၵ်ႈ​ၸမ်ႉ၊ ယူႇ​ၵူႈ​ၶိင်ႇ​ၵူႈ​ၶႃႇ​တႃႇ​သေႇ​ဢေႃႈ။-</verse>
				<verse number="36">ပိူဝ်ႈ​ၼႆ​လႄႈ ပေႃး​လုၵ်ႈ​ပွႆႇ​သူ​လွတ်ႈ​ၸိုင် သူ​တၵ်း​လွတ်ႈ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="37">ၵဝ်​ႁူႉ​လွင်ႈ​ဢၼ်​သူ​ပဵၼ် ၸိူဝ်ႉ​ၶိူဝ်း​ ဢႃႇပြႃႇႁၢမ်ႇ ​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပိူဝ်ႈ​ဢၼ်​တေႇသၼႃႇ​ၵဝ် ဢမ်ႇ​လႆႈ​တီႈ​ဢၼ်​တၵ်း​တႄႇ​ယူႇ​ၼႂ်း​သူ​လႄႈ သူ​ၵျၢမ်ႇ​ႁႃ​ႁႂ်ႈ​လႆႈ​ဢဝ်​ၵဝ်​တၢႆ​ယူႇ​ဢေႃႈ။-</verse>
				<verse number="38">ၵဝ်​ႁေႃး​လၢတ်ႈ ၵႃႈ​ၼင်ႇ​ဢၼ် ၵဝ်​လႆႈ​ႁၼ်​တီႈ​ပေႃႈ​ၸဝ်ႈ​ယဝ်ႉ​ၼၼ်ႉ​ဢေႃႈ။ သူ​ႁဵတ်း​ၵႃႈ​ၼင်ႇ​ဢၼ်​သူ​လႆႈ​ႁၼ် တီႈ​ပေႃႈ​သူ​ယဝ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="39">ၶဝ်​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ဢႃႇပြႃႇႁၢမ်ႇ ​ၼၼ်ႉ​ပဵၼ်​ပေႃႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ပေႃး​သူ​ၸႂ်ႈ​လုၵ်ႈ​ ဢႃႇပြႃႇႁၢမ်ႇ ​ၸိုင် သူ​တၵ်း​ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ ဢႃႇပြႃႇႁၢမ်ႇ ​ဢေႃႈ။-</verse>
				<verse number="40">တေႃႈ​လဵဝ်​ၼႆႉ​သူ​ၵျၢမ်ႇ​ႁႃ​ႁႂ်ႈ​လႆႈ​ဢဝ်​ၵဝ် ဢၼ်​ပဵၼ်​ၵေႃႉ​ဢၼ်​ႁေႃး​လၢတ်ႈ​တြႃး​သဵတ်ႈ​ၸႃႇ ဢၼ်​လႆႈ​ငိၼ်း​တီႈ​ၽြႃး​ပဵၼ်​ၸဝ်ႈ​ၼၼ်ႉ​တီႈ​သူ​ၼႆႉ​တၢႆ​ယူႇ​ဢေႃႈ။ ဢႃႇပြႃႇႁၢမ်ႇ ၵမ်​ၵျၢင်ႉ​ၸိူဝ်ႉ​ၼင်ႇ​ၼႆ​ဢမ်ႇ​ၸႂ်ႈ။-</verse>
				<verse number="41">သူ​ၼႆႉ ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ​ပေႃႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ႁဝ်း​ပဵၼ်​ၸိူဝ်ႉ​ၶိူဝ်း​မႄႈ​မွၵ်ႇ​ယႃႈ​ဢမ်ႇ​ၸႂ်ႈ၊ ပေႃႈ​ႁဝ်း​ဢၼ်​ဝႃႈ​ၽြႃး​ပဵၼ်​ၸဝ်ႈ​ၼၼ်ႉ​မီး​ယူႇ​ပႃး​လဵဝ်​ၵူၺ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="42">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ပေႃး​ၽြႃး​ပဵၼ်​ၸဝ်ႈ​ၸႂ်ႈ​ပေႃႈ​သူ​ၸိုင်၊ သူ​တၵ်း​ႁၵ်ႉ​ၵဝ်​ဢေႃႈ လွင်ႈ​မၼ်း​ၸမ်ႉ ၵဝ်​ဢွၵ်ႇ​သေ​ၵႃႈ​တီႈ​ၽြႃး​ပဵၼ်​ၸဝ်ႈ​လႄႈ​ႁွတ်ႈ​မႃး​ဢေႃႈ။ မႃး​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ။ ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​ၵဝ်​မႃး​ဢေႃႈ။-</verse>
				<verse number="43">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢမ်ႇ​ႁူႉ​ၵႂၢမ်း​ၵဝ်​ၼင်ႇ​ႁိုဝ်။ ပိူဝ်ႈ​ဢၼ်​သူ​ဢမ်ႇ​ထွမ်ႇ​ဢမ်ႇ​ဢဝ်​တေႇသၼႃႇ​ၵဝ်​လႆႈ​လႄႈ သူ​ဢမ်ႇ​ႁူႉ​ၵႂၢမ်း​ၵဝ်။-</verse>
				<verse number="44">သူ​သိုပ်ႇ​လူင်း​မႃး​ၵႃႈ​တီႈ​ပေႃႈ​သူ​ဢၼ်​ဝႃႈ မႃႇၼၢတ်ႈ​ၼၼ်ႉ​ဢေႃႈ။ ဢလူဝ်ႇ​ပေႃႈ​သူ​ၵေႃႈ သူ​ၸၢင်ႈ​ထွမ်ႇ​ဢဝ်​ဢေႃႈ။ မၼ်း​ၼၼ်ႉ​ပဵၼ်​ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ ၸႃႉ​ၸဵမ်​မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ​ဢေႃႈ။ ပိူဝ်ႈ​ဢၼ်​သဵတ်ႈ​ၸႃႇ​တြႃး​ဢမ်ႇ​မီး​ၼႂ်း​မၼ်း​လႄႈ မၼ်း​ဢမ်ႇ​တႄႇ​ဢမ်ႇ​ယူႇ ၵႃႈ​ၼႂ်း​သဵတ်ႈ​ၸႃႇ​တြႃး​ၼၼ်ႉ။ မိူဝ်ႈ​ဢၼ်​မၼ်း​လၢတ်ႈ​ၵႂၢမ်း​မူႉ​သႃႇ​ၸိုင် မၼ်း​လၢတ်ႈ​ၸွမ်း​ၼင်ႇ​ပၵတီႉ​တူဝ်​ၸဝ်ႈ​ၵဝ်ႇ​ဢေႃႈ။ လွင်ႈ​မၼ်း​ၸမ်ႉ မၼ်း​ၸၢင်ႈ​လၢတ်ႈ​ၵႂၢမ်း​မူႉ​သႃႇ​ဢေႃႈ။ ပေႃႈ​မူႉ​သႃႇ​ၵေႃႈ​ပဵၼ်​ဢေႃႈ။-</verse>
				<verse number="45">ပိူဝ်ႈ​ဢၼ်​ၵဝ်​လၢတ်ႈ​ၵႂၢမ်း​သဵတ်ႈ​ၸႃႇ​လႄႈ သူ​ဢမ်ႇ​ယုမ်ႇ​ၵဝ်။</verse>
				<verse number="46">ၼႂ်း​သူ​ၼႆႉ​ၽူႈ​လႂ်​တၵ်း​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​ဢၼ်​ဢပႅတ်ႈ​မီး​ၵႃႈ​တီႈ​ၵဝ်။ ပေႃး​ၵဝ်​လၢတ်ႈ​ၵႂၢမ်း​သဵတ်ႈ​ၸႃႇ​ယူႇ​ၸိုင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ဢမ်ႇ​ယုမ်ႇ​မၢတ်ႈ​ၼင်ႇ​ႁိုဝ်။-</verse>
				<verse number="47">ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ၼၼ်ႉ ၸၢင်ႈ​ထွမ်ႇ​ဢဝ်​ၵႂၢမ်း​ၽြႃး​ပဵၼ်​ၸဝ်ႈ​ဢေႃႈ။ ပိူဝ်ႈ​ဢၼ်​သူ​ဢမ်ႇ​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​လႄႈ သူ​ဢမ်ႇ​ထွမ်ႇ​ဢမ်ႇ​ဢဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="48">ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵႂၢမ်း​ဢၼ်​ႁဝ်း​လၢတ်ႈ​လႄႈ​ဝႃႈ၊ မႂ်း​ပဵၼ်​ၵူၼ်း​ သမႃႇရီႉ ​ဢေႃႈ။ ၵေႃႉ​ဢၼ်​ၽီ​ႁၢႆႉ​ၶဝ်ႈ​ၵေႃႈ​ပဵၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​မႅၼ်ႈ​ယူႇ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="49">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ပဵၼ်​ၵေႃႉ​ဢၼ်​ၽီ​ႁၢႆႉ​ၶဝ်ႈ​ဢမ်ႇ​ၸႂ်ႈ။ ၵဝ်​ယွင်ႈ​ယေႃး​ပေႃႈ​ၵဝ်​ဢေႃႈ။ သူ​ယႃႉ​သရေႇ​ၵဝ်​ဢေႃႈ။-</verse>
				<verse number="50">ၵဝ်​ဢမ်ႇ​ႁႃ​ဢဝ်​မုၼ်​သရေႇ​တူဝ်​ၸဝ်ႈ​ၵဝ်ႇ။ ၵေႃႉ​ဢၼ်​ႁႃ​မုၼ်​သရေႇ​ၵဝ်​လႄႈ​ၸီႇ​ယၢင်ႇ​ၼၼ်ႉ ယင်း​မီး​ယူႇ​လူး​ၵွၼ်ႇ​ဢေႃႈ။-</verse>
				<verse number="51">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၵေႃႉ​ဢၼ်​ထွမ်ႇ​ဢဝ်​ၵႂၢမ်း​ၵဝ်​ၼႆႉ​ၼၼ်ႉ တၵ်း​ၵၢင်း​လွတ်ႈ​တင်း တၢင်း​တၢႆ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="52">ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ ႁဝ်း​ႁူႉ​လွင်ႈ​ဢၼ် ၽီ​ႁၢႆႉ​ၶဝ်ႈ​ၼႂ်း​မႂ်း​ဢေႃႈ။ ၸႃႉ​ၸဵမ်​ ဢႃႇပြႃႇႁၢမ်ႇ ​လႄႈ ပရေႃးၽႅတ်ႈ​ၸိူဝ်း​ၼၼ်ႉ​လႆႈ​တၢႆ​ၵႂႃႇ​ယဝ်ႉ။ ဢၼ်​မႂ်း​လၢတ်ႈ​လႄႈ​ဝႃႈ​ၼႆႉ​ၸမ်ႉ၊ ၵေႃႉ​ဢၼ်​ထွမ်ႇ​ဢဝ်​ၵႂၢမ်း​ၵဝ်​ၼႆႉ​ၼၼ်ႉ တၵ်း​ၵၢင်း​လွတ်ႈ​တင်း​တၢင်း​တၢႆ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​လူင်​ပႄႇ။-</verse>
				<verse number="53">မႂ်း​ၼႆႉ​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ ပေႃႈ​ႁဝ်း​ ဢႃႇပြႃႇႁၢမ်ႇ ​ၼၼ်ႉ​လူး​ၵွၼ်ႇ​ႁိုဝ်။ မၼ်း​ၼၼ်ႉ​လႆႈ​တၢႆ​ၵႂႃႇ​ယဝ်ႉ။ ပရေႃးၽႅတ်ႈ​ၸိူဝ်း​ၼၼ်ႉ​ၵေႃႈ​လႆႈ​တၢႆ​ၵႂႃႇ​ယဝ်ႉ။ မႂ်း​ႁဵတ်း​ပုင်ႇ​ႁၢင်ႈ​ၽူႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="54">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သင်​ၵဝ်​ၼႄ​ပျႃး​မုၼ်​ၽုင်း​တူဝ်​ၸဝ်ႈ​ၵဝ်ႇ​ၸိုင် ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ဢေႃႈ။ ၸဝ်ႈ​ပေႃႈ​ၵဝ်​ၼၼ်ႉ ပဵၼ်​ၵေႃႉ​ဢၼ် ႁႂ်ႈ​မုၼ်​ၽုင်း​ၵဝ်​ထၢင်ႇ​သႃး​မႃး​ဢေႃႈ။ မၼ်း​ၸဝ်ႈ​ၼၼ်ႉ​ၸိုင်၊ သူ​ၸၢင်ႈ​ႁွင်ႉ​ဝႃႈ ၽြႃး​ပဵၼ်​ၸဝ်ႈ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="55">ၼႂ်း​ဝႃႈ​ၼၼ်​သေ​ၵေႃႈ သူ​ဢမ်ႇ​ႁူႉ​မၼ်း​ၸဝ်ႈ​ၼၼ်ႉ။ ၵဝ်​ၸမ်ႉ၊ ႁူႉ​မၼ်း​ၸဝ်ႈ​ဢေႃႈ။ သင်​ၵဝ်​ဝႃႈ၊ ၵဝ်​ဢမ်ႇ​ႁူႉ၊ ဝႃႈ​ၼင်ႇ​ၼႆ​ၸိုင်၊ ၵဝ်​တၵ်း​ပဵၼ်​ၵေႃႉ​ဢၼ်​လၢတ်ႈ​မူႉ​သႃႇ မိူၼ်​ၸိူဝ်ႉ​ၼင်ႇ​သူ​ဢေႃႈ။ မၼ်း​ၸဝ်ႈ​ၸိုင်​ၵဝ်​ႁူႉ​ယူႇ​ဢေႃႈ။ ၵႂၢမ်း​မၼ်း​ၸဝ်ႈ​ၵေႃႈ ၵဝ်​ထွမ်ႇ​ဢဝ်​ဢေႃႈ။-</verse>
				<verse number="56">ပေႃႈ​သူ​ ဢႃႇပြႃႇႁၢမ်ႇ ​ၼၼ်ႉ မီး​ဢလူဝ်ႇ​ၶႂ်ႈ​ထူပ်း​ႁၼ် ၶိင်ႇ​ၵႃႇလႃႉ​ဝၼ်း​ၵဝ်​ၼႆႉ​ဢေႃႈ။ မိူဝ်ႈ​ဢၼ်​မၼ်း​လႆႈ​ထူပ်း​ႁၼ်​ၸိုင်၊ မၼ်း​ႁွတ်ႈ​ထိုင်​တၢင်း​ဢၼ်​သိူဝ်း​ပျေႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="57">ပိူဝ်ႈ​ၼႆ​လႄႈ ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ဢသၢၵ်ႈ​မႂ်း​ဢမ်ႇ​ပႆႇ​လႆႈ​ႁႃႈ​သိပ်း​ပီႊ​လႄႈ မႂ်း​လႆႈ​ႁၼ်​ ဢႃႇပြႃႇႁၢမ်ႇ ​ၼၼ်ႉ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="58">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၵဝ်​ပဵၼ်​ၸူဝ်ႈ​ဢၼ် ဢႃႇပြႃႇႁၢမ်ႇ ​ဢမ်ႇ​ပႆႇ​ပဵၼ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="59">မိူဝ်ႈ​ၼၼ်ႉ​ၶဝ်​ဢွၼ်​ၵၼ် ၵဵပ်း​ဢဝ်​မၢၵ်ႇ​ႁိၼ်​ႁႂ်ႈ​လႆႈ​ထိမ်ႈ​မၼ်း​ၸဝ်ႈ​ဢေႃႈ။ ယေႇသူႉ ​လပ်ႉ​ဝႄႈ လတ်း​ၶိုင်ႈ​ၵၢင်​ၶဝ်​ၼၼ်ႉ​သေ​ယဝ်ႉ၊ ဢွၵ်ႇ​ၵႂႃႇ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​သေ​ဢေႃႈ။</verse>
			</chapter>
			<chapter number="9">
				<verse number="1">ၼႂ်း​မိူဝ်ႈ​ဢၼ်​မၼ်း​ၸဝ်ႈ ယင်း​တိုၵ်ႉ​ၵႂႃႇ​ၸွမ်း​တၢင်း​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ထူပ်း​ႁၼ်​ၵူၼ်း​ဢၼ်​တႃ​မွတ်ႇ ၸႃႉ​ၸဵမ်​မိူဝ်ႈ​ၼႂ်း​တွင်ႉ​မႄႈ​မၼ်း​မႃး​ၼၼ်ႉ ၵေႃႉ​ၼိုင်ႈ​ဢေႃႈ။-</verse>
				<verse number="2">တပႄး​ၸဝ်ႈ​တင်း​လၢႆ​ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊ ၵေႃႉ​ၼႆႉ​တႃ​မွတ်ႇ​ၵွပ်ႈ​ပိူဝ်ႈ​ဢပႅတ်ႈ​ၽူႈ​လႂ်​ၶႃႈ။ မွတ်ႇ​ၵွပ်ႈ​ပိူဝ်ႈ​ဢပႅတ်ႈ​မၼ်း​ၶႃႈ​ႁိုဝ်။ မွတ်ႇ​ၵွပ်ႈ​ပိူဝ်ႈ​ဢပႅတ်ႈ​ပေႃႈ​မႄႈ​မၼ်း​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မၼ်း​ဢမ်ႇ​ႁဵတ်း​ဢပႅတ်ႈ။ ပေႃႈ​မႄႈ​မၼ်း​ၵေႃႈ​ဢမ်ႇ​ႁဵတ်း​ဢပႅတ်ႈ။ ၼင်ႇ​ႁိုဝ်​ၵၢၼ်​တၢင်း​ႁဵတ်း​ၽြႃး​ပဵၼ်​ၸဝ်ႈ တၵ်း​ထၢင်ႇ​သႃး​မႃး​ၵႃႈ​ၼႂ်း​မၼ်း​ၸိုင်​ၸင်ႇ​ပဵၼ်​ဢေႃႈ။-</verse>
				<verse number="4">ၵဝ်​တၵ်း​လႆႈ​ႁဵတ်း​ၵၢၼ်​တၢင်း​ႁဵတ်း ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ ၼႂ်း​မိူဝ်ႈ​ဢၼ်​ၶိင်ႇ​ၵၢင်​ဝၼ်း​ယင်း​မီး​ယူႇ​ဢေႃႈ။ ၶိင်ႇ​ၵၢင်​ၶိုၼ်း​ဢၼ်​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁဵတ်း​သေ​ၸိူဝ်ႉ​သေ​ပိူင်​လႆႈ​ၼၼ်ႉ ယင်း​မႃး​ယူႇ​လူး​ၵွၼ်ႇ​ဢေႃႈ။-</verse>
				<verse number="5">မိူဝ်ႈ​ဢၼ်​ၵဝ်​ယင်း​မီး​ယူႇ​ၼႂ်း​လေႃးၵႃႉ​ၼႆႉ​ၸိုင်၊ ၵဝ်​ပဵၼ်​ဢၼ်​လႅင်း​လေႃးၵႃႉ​ၼႆႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="6">ထူမ်ႇ​သႂ်ႇ​ၵႃႈ​ၼိူဝ်​လိၼ်​လႄႈ​ဢဝ်​ၼမ်ႉ​လၢႆး​ႁဵတ်း​ၵူမ်ႇ​ယဝ်ႉ​ၸင်ႇ ဢဝ်​ၵူမ်ႇ​ၼၼ်ႉ​တႃး​တႃ​ၵေႃႉ​ဢၼ်​တႃ​မွတ်ႇ​ၼၼ်ႉ​သေ​လႄႈ လၢတ်ႈ​လႄႈ​ဝႃႈ၊-</verse>
				<verse number="7">ၵႂႃႇ​လႄႈ​သုၵ်ႈ​ၵႃႈ​တီႈ​ၼမ်ႉ​ၼွင်​ သီးလွင်ႇ ​ပုၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။ ဢၼ်​ဝႃႈ​ သီးလွင်ႇ ​ၸမ်ႉ၊ ၶႂ်ႈ​ဝႃႈ​ပွႆႇ​ၸႂ်ႉ​ၵႂႃႇ​ဢေႃႈ။ ၵေႃႉ​ၼၼ်ႉ​ၵႂႃႇ​လႄႈ သုၵ်ႈ​သေ​ယဝ်ႉ၊ မၢၵ်ႇ​တႃ​မၼ်း​ႁၼ်​လႄႈ မၼ်း​သမ်ႉ​ၶိုၼ်း​မႃး​ဢေႃႈ။-</verse>
				<verse number="8">ၸႃႉ​ၸဵမ်​ၵူၼ်း​ႁိူၼ်း​ၸမ်​ၵၼ်​တင်း​မၼ်း​လႄႈ ၶဝ်​ၸိူဝ်း​ဢၼ်​လႆႈ​ႁၼ်​မၼ်း ပဵၼ်​ၵူၼ်း​ဢၼ်​ယွၼ်း​ၵိၼ်​ယူႇ​ၸိူဝ်း​ၼၼ်ႉ​ၵေႃႈ လၢတ်ႈ​လႄႈ​ဝႃႈ၊ ၵေႃႉ​ၼႆႉ​ပဵၼ်​ၵေႃႉ​ဢၼ်​ၼင်ႈ​လႄႈ​ယွၼ်း​ၵိၼ်​ယူႇ​ၼၼ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၵမ်ႈ​ၽွင်ႈ​ၵေႃႈ​ဝႃႈ၊ ၸႂ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ၊ မိူၼ်​ၵၼ်​တင်း​ၵေႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​ဝႃႈ၊ ၵဝ်​ၶႃႈ​ပဵၼ်​ၵေႃႉ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၶဝ်​ၵေႃႈ​ထၢမ်​လႄႈ​ဝႃႈ၊ ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ​မၢၵ်ႇ​တႃ​မႂ်း​ၽုၺ်ႇ​မႃး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">ၵေႃႉ​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵေႃႉ​ၼိုင်ႈ​ဢၼ်​လႆႈ​ၸိုဝ်ႈ​ ယေႇသူႉ ​ၼၼ်ႉ​ႁဵတ်း​ၵူမ်ႇ​လႄႈ​တႃး​တႃ​ၵဝ်​ၶႃႈ​ယဝ်ႉ၊ လၢတ်ႈ​လႄႈ​ဝႃႈ၊ ၵႂႃႇ​ၵႃႈ​တီႈ​ၼွင်​ သီးလွင်ႇ ​ပုၼ်ႉ​လႄႈ​သုၵ်ႈ​တႃႉ ဝႃႈ​ၼႆ၊ ၵႃႈ​ၼင်ႇ​ဢၼ်​ဝႃႈ​ၼၼ်ႉ၊ မိူဝ်ႈ​ဢၼ်​ၵဝ်​ၶႃႈ​ၵႂႃႇ​လႄႈ​သုၵ်ႈ​ၸိုင် တႃ​ၵဝ်​ၶႃႈ​ႁၼ်​မႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၶဝ်​ၼၼ်ႉ​ၵေႃႈ​ထၢမ်​လႄႈ​ဝႃႈ၊ ၵေႃႉ​ၼၼ်ႉ​မီး​ၵႃႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​ဢမ်ႇ​ႁူႉ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ၶဝ်​ၸိူဝ်း​ၼၼ်ႉ​ၵေႃႈ ဢဝ်​ၵေႃႉ​ဢၼ်​တႃ​မွတ်ႇ​ယဝ်ႉ​ပွၵ်ႈ​ၼိုင်ႈ​ၼၼ်ႉ​ၵႂႃႇ သူင်ႇ​ၵႃႈ​တီႈ ၽႃႇရီႉသႄး ​ၶဝ်​ဢေႃႈ။-</verse>
				<verse number="14">ဝၼ်း​ဢၼ်​ ယေႇသူႉ ႁဵတ်း​ၵူမ်ႇ​လႄႈ​ၽုၺ်ႇ​မၢၵ်ႇ​တႃ​မၼ်း​ၼၼ်ႉ ပဵၼ်​ဝၼ်း​ၵမ်​သိၼ်​ဢေႃႈ။-</verse>
				<verse number="15">လႆႈ​သမ်ႉ​ ၽႃႇရီႉသႄး ​ၸိူဝ်း​ၼၼ်ႉ​ၵေႃႈ​ထၢမ်​လႄႈ​ဝႃႈ၊ ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ​မၢၵ်ႇ​တႃ​မႂ်း​ႁၼ်​မႃး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​လၢတ်ႈ​လႄႈ​ဝႃႈ၊ ၵေႃႉ​ၼၼ်ႉ​ဢဝ်​ၵူမ်ႇ​သႂ်ႇ​ၵႃႈ​တီႈ​မၢၵ်ႇ​တႃ​ၵဝ်​ၶႃႈ​လႄႈ မိူဝ်ႈ​ဢၼ်​ၵဝ်​ၶႃႈ​သုၵ်ႈ​ၸိုင်၊ မၢၵ်ႇ​တႃ​ႁၼ်​မႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၽႃႇရီႉသႄး ​ၵမ်ႈ​ၽွင်ႈ​ၵေႃႈ​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​ၵေႃႉ​ၼၼ်ႉ​ဢမ်ႇ​ၵမ်​ဝၼ်း​ၵမ်​သိၼ်​လႄႈ ပဵၼ်​ၵေႃႉ​ဢၼ်​ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​မႃး​ဢမ်ႇ​ၸႂ်ႈ၊ ဝႃႈ​ၼင်ႇ​ၼႆ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ၊ ၵေႃႉ​ဢၼ်​ႁၢႆႉ​ၸိုင် တၵ်း​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​ၸိူဝ်ႉ​ၼင်ႇ​ၼႆ​လႆႈ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။ ၼင်ႇ​ၼၼ်​လႄႈ ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ႁွတ်ႈ​ထိုင်​တၢင်း​ဢၼ်​ဢမ်ႇ​ထုၵ်ႇ​ဢမ်ႇ​ပေႃး​ၵၼ် ၽၢတ်ႇ​ၽႄ​ၵၼ်​ဢေႃႈ။-</verse>
				<verse number="17">ၶဝ်​ၼၼ်ႉ​သမ်ႉ​ၶိုၼ်း​ထၢမ်​ၵေႃႉ​ဢၼ်​မၢၵ်ႇ​တႃ​မွတ်ႇ​ယဝ်ႉ​ပွၵ်ႈ​ၼိုင်ႈ​ၼၼ်ႉ​ထႅင်ႈ​လႄႈ​ဝႃႈ၊ ၵေႃႉ​ဢၼ်​ၽုၺ်ႇ​မၢၵ်ႇ​တႃ​မႂ်း​ၼၼ်ႉ ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ပဵၼ်​ပရေႃးၽႅတ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">ၵူၼ်း​ ယူႉတႃႉ ​ၸိူဝ်း​ၼၼ်ႉ ၸူဝ်ႈ​ဢၼ်​ၶဝ်​ဢမ်ႇ​ပႆႇ​ႁွင်ႉ​ဢဝ်​ပေႃႈ​မႄႈ ၵေႃႉ​ဢၼ်​မၢၵ်ႇ​တႃ​လႆႈ​ႁၼ်​မႃး​ၼၼ်ႉ​မႃး​ၸိုင် ဢမ်ႇ​ယုမ်ႇ​လွင်ႈ​ဢၼ်​ၵေႃႉ​ၼၼ်ႉ မိူဝ်ႈ​ဢွၼ်​တၢင်း​မၢၵ်ႇ​တႃ​ဢမ်ႇ​ႁၼ် ၵမ်း​လိုၼ်း​မၢၵ်ႇ​တႃ​ၸင်ႇ​ႁၼ်​ၼၼ်ႉ​လႄႈ၊-</verse>
				<verse number="19">ထၢမ်​တီႈ​ပေႃႈ​မႄႈ​မၼ်း​လႄႈ​ဝႃႈ၊ ၵေႃႉ​ၼႆႉ​ပဵၼ်​လုၵ်ႈ​ၸၢႆး​သူ ဢၼ်​သူ​ဝႃႈ၊ တႃ​မွတ်ႇ​မႃး​ၸႃႉ​ၸဵမ်​မိူဝ်ႈ​ၼႂ်း​တွင်ႉ​မႄႈ​ၼၼ်ႉ​ၸႂ်ႈ​တႄႉ​ႁိုဝ်။ ပေႃး​ၸႂ်ႈ​ၸိုင်၊ တေႃႈ​လဵဝ်​ၼႆႉ ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ မၢၵ်ႇ​တႃ​မၼ်း​ႁၼ်​မႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ပေႃႈ​မႄႈ​မၼ်း​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၶႃႈ​ႁူႉ​လွင်ႈ​ဢၼ်​ၵေႃႉ​ၼႆႉ ပဵၼ်​လုၵ်ႈ​ၸၢႆး​ႁဝ်း​ၶႃႈ ဢိၵ်ႇ​တင်း​လွင်ႈ​ဢၼ်​တႃ​မၼ်း​မွတ်ႇ​မႃး​ၸႃႉ​ၸဵမ်​မိူဝ်ႈ​ၼႂ်း​တွင်ႉ​မႄႈ​ၼၼ်ႉ​ၶႃႈ​ဢေႃႈ။-</verse>
				<verse number="21">ၵူၺ်း​ၵႃႈ ႁဝ်း​ၶႃႈ​ဢမ်ႇ​ႁူႉ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တေႃႈ​လဵဝ်​ၼႆႉ​မၢၵ်ႇ​တႃ​မၼ်း​ႁၼ်​မႃး​ၼၼ်ႉ​ၶႃႈ။ ႁဝ်း​ၶႃႈ​ဢမ်ႇ​ႁူႉ လွင်ႈ​ဢၼ်​ၽူႈ​လႂ်​ၽုၺ်ႇ​မၢၵ်ႇ​တႃ​မၼ်း​ၼၼ်ႉ​ၶႃႈ။ ထၢမ်​တီႈ​မၼ်း​သေ​ၵမ်း​ၶႃႈ။ မၼ်း​ၼႆႉ​ဢသၢၵ်ႈ​ဢရွႆႇ​ၵေႃႈ​ထူၼ်ႈ​ၶႃႈ​ယဝ်ႉ။ မၼ်း​တၵ်း​လၢတ်ႈ​လွင်ႈ​တူဝ်​ၸဝ်ႈ​ၵဝ်ႇ​ၶႃႈ​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ပေႃႈ​မႄႈ​မၼ်း​ၼၼ်ႉ ၵွပ်ႈ​ပိူဝ်ႈ​ဢၼ်​ၵူဝ် ၵူၼ်း​ ယူႉတႃႉ ​တင်း​လၢႆ​လႄႈ ဝႃႈ​ၸိူဝ်ႉ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ ပေႃး​သေ​ၵေႃႉ​သေ​ၵူၼ်း​ႁပ်ႉ​တုင်း​ဢဝ်​လႄႈ​ဝႃႈ၊ ယေႇသူႉ ​ပဵၼ်​ၸဝ်ႈ​ၶရိၸ်ႈ​ဢေႃႈ၊ ဝႃႈ​ၼင်ႇ​ၼႆ​ၸိုင် တၵ်း​လႆႈ​ဢဝ်​ၵေႃႉ​ၼၼ်ႉ​ႁေႃႈ​ဢွၵ်ႇ​သေ​ၵႃႈ​ၼႂ်း​ၸရွပ်ႈ​ႁေႃး​တြႃး​ဝႃႈ​ၼႆ၊ ၵူၼ်း​ ယူႉတႃႉ ​ၸိူဝ်း​ၼၼ်ႉ တိူင်ႇ​ပၢင်ႇ​ၸီႇ​ယၢင်ႇ​ဝႆႉ​ယဝ်ႉ။-</verse>
				<verse number="23">ပိူဝ်ႈ​ၼႆ​လႄႈ ပေႃႈ​မႄႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ မၼ်း​ၼႆႉ​ဢသၢၵ်ႈ​ဢရွႆႇ​ထူၼ်ႈ​ၶႃႈ​ယဝ်ႉ။ ထၢမ်​တီႈ​မၼ်း​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ဢေႃႈ။</verse>
				<verse number="24">ပိူဝ်ႈ​ၼႆ​လႄႈ ပွၵ်ႈ​တူႉတီႉယႃႉ ၶဝ်​ၼၼ်ႉ​ႁွင်ႉ​ဢဝ်​ၵေႃႉ​ဢၼ်​တႃ​မွတ်ႇ​ယဝ်ႉ​ပွၵ်ႈ​ၼိုင်ႈ​ၼၼ်ႉ​မႃး​လႄႈ​လၢတ်ႈ​ဝႃႈ၊ ယွင်ႈ​ယေႃး​ၽြႃး​ပဵၼ်​ၸဝ်ႈ​တႃႉ။ လွင်ႈ​ဢၼ်​ၵေႃႉ​ၼၼ်ႉ​ပဵၼ်​ၵူၼ်း​ႁၢႆႉ​ၸိုင် ႁဝ်း​ႁူႉ​ယူႇ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="25">မၼ်း​ၶိုၼ်း​လၢတ်ႈ​လႄႈ​ဝႃႈ၊ လွင်ႈ​ဢၼ်​ပဵၼ်​ၵူၼ်း​ႁၢႆႉ​ႁိုဝ်။ ဢမ်ႇ​ပဵၼ်​ႁိုဝ်​ၸိုင်၊ ၵဝ်​ၶႃႈ​ဢမ်ႇ​ႁူႉ​ၶႃႈ။ ၵဝ်​ၶႃႈ​ႁူႉ​လွင်ႈ​ဢၼ်​ၵဝ်​ၶႃႈ မိူဝ်ႈ​ဢွၼ်​ၼႆႉ​ၼၼ်ႉ​မၢၵ်ႇ​တႃ​မွတ်ႇ​ယူႇ​လႄႈ တေႃႈ​လဵဝ်​ၼႆႉ မၢၵ်ႇ​တႃ​ႁၼ်​မႃး လွင်ႈ​ၼိုင်ႈ​ၼႆႉ​ၵူၺ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၶဝ်​ၼၼ်ႉ​ၵေႃႈ​ၶိုၼ်း​ထၢမ်​ၵေႃႉ​ၼၼ်ႉ​လႄႈ​ဝႃႈ၊ မၼ်း​ႁဵတ်း​တီႈ​မႂ်း​ၸိူဝ်ႉ​ၼင်ႇ​ႁိုဝ်။ မၼ်း​ၽုၺ်ႇ​မၢၵ်ႇ​တႃ​မႂ်း​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="27">ၵေႃႉ​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၶႃႈ​လၢတ်ႈ​ပွၵ်ႈ​ၼိုင်ႈ​ယဝ်ႉ။ သူ​ၸဝ်ႈ​ဢမ်ႇ​ငိၼ်း။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ၸဝ်ႈ​ၶႂ်ႈ​ငိၼ်း​ထႅင်ႈ​ပွၵ်ႈ​ၼိုင်ႈ​ၼင်ႇ​ႁိုဝ်။ သူ​ၸဝ်ႈ​မီး​ဢလူဝ်ႇ​ၶႂ်ႈ​ပဵၼ်​တပႄး​မၼ်း​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၶဝ်​ၼၼ်ႉ​ၵေႃႈ​သႄႉ​သွမ်း​ၵေႃႉ​ၼၼ်ႉ​လႄႈ​ဝႃႈ၊ မႂ်း​ပဵၼ်​တပႄး​မၼ်း​ဢေႃႈ။ ႁဝ်း​ၸမ်ႉ၊ ပဵၼ်​တပႄး​ မူဝ်းသေႇ ​ဢေႃႈ။-</verse>
				<verse number="29">လွင်ႈ​ဢၼ်​ၽြႃး​ပဵၼ်​ၸဝ်ႈ​ဝႆႉ​ပျႃႇ​တိၵ်ႈ​ၵႃႈ​တီႈ မူဝ်းသေႇ ​ၼၼ်ႉ​ၸိုင် ႁဝ်း​ႁူႉ​ဢေႃႈ။ ၵေႃႉ​ၼၼ်ႉ​ၸိုင်​ပဵၼ်​မႃး​ၵႃႈ​တီႈ​လႂ်​ဝႃႈ​ၼႆ ႁဝ်း​ဢမ်ႇ​ႁူႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="30">ၵေႃႉ​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပိၵ်ႉ​သမ်ႉ​မၼ်း​ၽုၺ်ႇ​မၢၵ်ႇ​တႃ​ၵဝ်​ၶႃႈ​သေ​ၵေႃႈ၊ လွင်ႈ​ဢၼ်​သူ​ၸဝ်ႈ ဢမ်ႇ​ႁူႉ​လွင်ႈ​ဢၼ်​မၼ်း​ပဵၼ်​မႃး ၵႃႈ​တီႈ​လႂ်​ၼၼ်ႉ​ၸိုင် မီး​တီႈ​လီ​ဢၢမ်း​ၼႃႇ​ဢေႃႈ။</verse>
				<verse number="31">ႁဝ်း​ႁူႉ​လွင်ႈ​ဢၼ် ၽြႃး​ပဵၼ်​ၸဝ်ႈ​ဢမ်ႇ​ထွမ်ႇ​ဢဝ်​ၵႂၢမ်း ၵူၼ်း​ႁၢႆႉ​ၼၼ်ႉ​ယူႇ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ပေႃး​ပဵၼ်​ၵေႃႉ​ဢၼ် ရူဝ်ႇ​သေႇ​ၵူဝ်​ယမ် ၽြႃး​ပဵၼ်​ၸဝ်ႈ​လႄႈ ၸွမ်း​ဢဝ်​ဢလူဝ်ႇ​မၼ်း​ၸဝ်ႈ​ၸိုင် မၼ်း​ၸဝ်ႈ​တၵ်း​ထွမ်ႇ​ဢဝ်​ၵႂၢမ်း​ၵေႃႉ​ၼၼ်ႉ​ဢေႃႈ။-</verse>
				<verse number="32">ၼင်ႇ​ဢၼ်​ၽူႈ​လႂ်​သေ​ၵေႃႉ​သေ​ၵူၼ်း တၢတ်ႈ​ၼိူင်ႇ​လႆႈ​ႁႂ်ႈ​လႆႈ​ၽုၺ်ႇ​မၢၵ်ႇ​တႃ​ၵေႃႉ​ဢၼ်​တႃ​မွတ်ႇ​ၸႃႉ​ၸဵမ်​မိူဝ်ႈ​ၼႂ်း​တွင်ႉ​မႄႈ​မၼ်း​မႃး​ၼၼ်ႉ​ၸိုင်၊ ၸႃႉ​ၸဵမ်​ၵမ်ႇ​ၽႃႇ​ၸႃႉ​တႄႇ​ၼၼ်ႉ​လႄႈ ဢမ်ႇ​ပႆႇ​တွၼ်ႉ​ငိၼ်း​သေ​ပွၵ်ႈ။-</verse>
				<verse number="33">ပေႃး​ၵေႃႉ​ၼၼ်ႉ ဢမ်ႇ​ၸႂ်ႈ​ၵေႃႉ​ဢၼ် ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​မႃး​ၸိုင် မၼ်း​ဢမ်ႇ​တၢတ်ႈ​ၼိူင်ႇ​သေ​ၸိူဝ်ႉ​သေ​ပိူင်​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ၶဝ်​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မႂ်း​ၼႆႉ​ပဵၼ်​ၵေႃႉ​ဢၼ်​ၸပ်း​တူႉ​ၸရိူၵ်ႈ​ဢပႅတ်ႈ တင်း​တူဝ်​တင်း​ၶိင်း​ယူႇ​ၸႃႉ​ၸဵမ်​မိူဝ်ႈ​ဢၼ်​ၵိူတ်ႇ​လဵင်ႉ​မႃး​ၼၼ်ႉ​လႄႈ သင်ႇ​သွၼ်​သုင်း​မႃႉ​ပၼ်​တီႈ​ႁဝ်း​လူင်​ပႄႇ၊ ဝႃႈ​ၼင်ႇ​ၼႆ​သေ​ယဝ်ႉ၊ ႁေႃႈ​ၵေႃႉ​ၼၼ်ႉ​ဢွၵ်ႇ​ၵႃႈ​ၼႂ်း​ၸရွပ်ႈ​ႁေႃး​တြႃး​ပႅတ်ႈ​သေ​ဢေႃႈ။</verse>
				<verse number="35">ယေႇသူႉ ​ငိၼ်း​လွင်ႈ​ဢၼ်​ၶဝ်​ႁေႃႈ​ၵေႃႉ​ၼၼ်ႉ ဢွၵ်ႇ​ပႅတ်ႈ​သေ​ယဝ်ႉ၊ ထူပ်း​ႁၼ်​မၼ်း​လႄႈ​ထၢမ်​ဝႃႈ၊ မႂ်း​ယုမ်ႇ​မၢတ်ႈ​လုၵ်ႈ​ၽြႃး​ပဵၼ်​ၸဝ်ႈ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ၵေႃႉ​ၼၼ်ႉ​ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊ ၼင်ႇ​ႁိုဝ်​ၵဝ်​ၶႃႈ​တၵ်း​လႆႈ​ယုမ်ႇ​မၢတ်ႈ​မၼ်း​ၸဝ်ႈ​ၸိုင်၊ မၼ်း​ၸဝ်ႈ​ၼၼ်ႉ​ၸမ်ႉ၊ ပဵၼ်​ၽူႈ​လႂ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="37">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မၼ်း​ၸဝ်ႈ​ၼၼ်ႉ​ၸိုင် မႂ်း​လႆႈ​ႁၼ်​မႃး​ယဝ်ႉ​ဢမ်ႇ​ၵႃး၊ ၵေႃႉ​ဢၼ်​လၢတ်ႈ​ၵႂၢမ်း​တေႃႇ​ၵၼ်​တင်း​မႂ်း​ယူႇ​တေႃႈ​လဵဝ်​ၼႆႉ ပဵၼ်​မၼ်း​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="38">ၵေႃႉ​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵဝ်​ၶႃႈ​ယုမ်ႇ​မၢတ်ႈ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​လႄႈ၊ ၶုပ်ႉ​မူပ်ႇ​ၵူဝ်း​ၵႂၢႆႇ​ဢေႃႈ။-</verse>
				<verse number="39">မိူဝ်ႈ​ၼၼ်ႉ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ႁွတ်ႈ​မႃး​ၼႂ်း​လေႃးၵႃႉ​ၼႆႉ ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​ၸီႇ​ယၢင်ႇ​တြႃး ႁႂ်ႈ​ၶဝ်​ၸိူဝ်း​ဢၼ် မၢၵ်ႇ​တႃ​ဢမ်ႇ​ႁၼ်​ၼၼ်ႉ မၢၵ်ႇ​တႃ​ႁၼ်​မႃး​လႄႈ ႁႂ်ႈ​ၶဝ်​ၸိူဝ်း​ဢၼ်​မၢၵ်ႇ​တႃ​ႁၼ်​ၼၼ်ႉ မၢၵ်ႇ​တႃ​မွတ်ႇ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="40">ၽႃႇရီႉသႄး ​ဢၼ်​မီး ၵႃႈ​တီႈ​မၼ်း​ၸဝ်ႈ​ၵမ်ႈ​ၽွင်ႈ​ၸိူဝ်း​ၼၼ်ႉ ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ထၢမ်​လႄႈ​ဝႃႈ၊ ႁဝ်း​ၼႆႉ​မၢၵ်ႇ​တႃ​မွတ်ႇ​ယဝ်ႉ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="41">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ပေႃး​မၢၵ်ႇ​တႃ​သူ​မွတ်ႇ​ယဝ်ႉ​ဢမၢၼ်ႇ​ၶၼ်​ပဵၼ်​ၸိုင်၊ သူ​ဢမ်ႇ​မီး​ဢပႅတ်ႈ။ ၵူၺ်း​ၵႃႈ​တေႃႈ​လဵဝ်​ၼႆႉ​သူ​ဝႃႈ၊ မၢၵ်ႇ​တႃ​ႁဝ်း​ၼႆႉ​ႁၼ်​ယူႇ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ​ဢပႅတ်ႈ​တႄႇ​ယူႇ​ၼႂ်း​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="10">
				<verse number="1">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၵေႃႉ​ဢၼ်​ယင်း​ဢမ်ႇ​ၸူး​ႁူး​ၽၵ်း​တူ ၶဝ်ႈ​ၵႃႈ​ၼႂ်း​ၶွၵ်ႈ​သူဝ်း​လႄႈ ၶၢမ်ႈ​ၶဝ်ႈ​ၵႂႃႇ​တၢင်ႇ​တၢင်း​ၼၼ်ႉ ပဵၼ်​ၽူႈ​လၵ်ႉ​ၵူၼ်း​ၸူၼ်​ဢေႃႈ။-</verse>
				<verse number="2">ၵေႃႉ​ဢၼ်​ၸၢင်ႈ​ၸူး​ႁူး​ၽၵ်း​တူ​ၶဝ်ႈ​ၵႂႃႇ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း​ဢေႃႈ။-</verse>
				<verse number="3">တီႈ​ၵေႃႉ​ၼၼ်ႉ​ၸိုင်၊ ၵေႃႉ​ဢၼ်​ပႂ်ႉ​ၽၵ်း​တူ​ၵေႃႈ ၸၢင်ႈ​ၽုၺ်ႇ​ပၼ်​ဢေႃႈ။ သူဝ်း​တင်း​လၢႆ​ၵေႃႈ​ၸၢင်ႈ​ထွမ်ႇ​သဵင်​မၼ်း​ဢေႃႈ။ မၼ်း​ၸၢင်ႈ​ႁွင်ႉ​ၸိုဝ်ႈ​ႁွင်ႉ​သဵင်​သူဝ်း​မၼ်း​လႄႈ ဢဝ်​ဢွၵ်ႇ​ၵႂႃႇ​ဢေႃႈ။-</verse>
				<verse number="4">မိူဝ်ႈ​ဢၼ်​မၼ်း​ဢဝ်​သူဝ်း​မၼ်း​ဢွၵ်ႇ​ၵႂႃႇ​ၼၼ်ႉ​ၸိုင်၊ မၼ်း​ၸၢင်ႈ​ၵႂႃႇ​ပႃႈ​ၼႃႈ​သူဝ်း​လႄႈ သူဝ်း​ၸိူဝ်း​ၼၼ်ႉ ပိူဝ်ႈ​ဢၼ်​ႁူႉ​ၸၵ်း​သဵင်​မၼ်း​လႄႈ ၸၢင်ႈ​ၸွမ်း​မၼ်း​ၵႂႃႇ​ဢေႃႈ။-</verse>
				<verse number="5">ပိူဝ်ႈ​ဢၼ် ၶဝ်​ဢမ်ႇ​ႁူႉ​ၸၵ်း​သဵင်​ၵေႃႉ​ဢၼ်​ဢမ်ႇ​ၸၢပ်ႈ​ဢမ်ႇ​သႅင်ႇ​ၼၼ်ႉ​လႄႈ၊ ပႃႈ​လင်​ၵေႃႉ​ဢၼ်​ဢမ်ႇ​ၸၢပ်ႈ​ဢမ်ႇ​သႅင်ႇ​ၼၼ်ႉ ၶဝ်​ယင်း​ဢမ်ႇ​ၸွမ်း​လႄႈ ၸၢင်ႈ​ၶုၼ်ႇ​လႅၼ်ႈ​ပၢႆႈ​ၵႂႃႇ​သေ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ဢၼ်​ ယေႇသူႉ ​ႁေႃး​လၢတ်ႈ​ဢူႉပမႃႇ​ပုင်ႇ​ၼႆႉ​ယူႇ​ၼၼ်ႉ​ၸိုင်၊ ပရဵၵ်ႈသၢတ်ႈ​ၸိူဝ်း​ၼၼ်ႉ ဢမ်ႇ​ႁူႉ​လွင်ႈ​ဢၼၢၵ်ႈ​ဢထိၵ်ႈပႄႇ​ၵႂၢမ်း​ဢၼ်​မၼ်း​ၸဝ်ႈ​ဝႃႈ​ၼၼ်ႉ။</verse>
				<verse number="7">ပိူဝ်ႈ​ၼႆ​လႄႈ​ ယေႇသူႉ ​ၵေႃႈ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၵဝ်​ပဵၼ်​ႁူး​ၽၵ်း​တူ​ဢၼ်​သူဝ်း​ၶဝ်ႈ​ဢေႃႈ။-</verse>
				<verse number="8">ၶဝ်​ၸိူဝ်း​ဢၼ်​ပေႃႇ​မႃး​ဢွၼ်​တၢင်း​ၵဝ်​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပဵၼ်​ၽူႈ​လၵ်ႉ​ၵူၼ်း​ၸူၼ်​ဢေႃႈ။ သူဝ်း​တင်း​လၢႆ​ဢမ်ႇ​ထွမ်ႇ​ဢဝ်​သဵင်​ၵႂၢမ်း​ၶဝ်​ၼၼ်ႉ။-</verse>
				<verse number="9">ၵဝ်​ပဵၼ်​ႁူး​ၽၵ်း​တူ​ဢေႃႈ။ ၵေႃႉ​ဢၼ်​ၸူး​တီႈ​ၵဝ်​ၶဝ်ႈ​ၵႂႃႇ​ၼၼ်ႉ တၵ်း​ၵၢင်း​လွတ်ႈ​တင်း​ၽေး​လႄႈ ၶဝ်ႈ​ၶဝ်ႈ​ဢွၵ်ႇ​ဢွၵ်ႇ ၵႂႃႇ​ၵႂႃႇ​မႃး​မႃး ထူပ်း​တီႈ​ဢၼ်​ၵိၼ်​ယူႇ​သေႇ​သေႇ​ဢေႃႈ။-</verse>
				<verse number="10">ၽူႈ​လၵ်ႉ​ၸိုင် မႃး​ႁႂ်ႈ​လႆႈ​လၵ်ႉ​ႁႂ်ႈ​လႆႈ​ဢဝ်​တၢႆ ႁႂ်ႈ​လႆႈ​ယႃႉ​ပႅတ်ႈ​ၵူၺ်း​ဢေႃႈ။ ၵဝ်​ၸမ်ႉ၊ မႃး​ႁႂ်ႈ​သူဝ်း​တင်း​လၢႆ လႆႈ​ဢသၢၵ်ႈ​ၵူၺ်း​ဢမ်ႇ​ၵႃး၊ ႁႂ်ႈ​လႆႈ​ပျေႉ​ၸုမ်ႇ​ဝႆႉ​တင်း​ဢသၢၵ်ႈ​ဢေႃႈ။</verse>
				<verse number="11">ၵဝ်​ပဵၼ်​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း​ဢၼ်​လီ​ဢေႃႈ။ ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း​ဢၼ်​လီ​ၼၼ်ႉ ၸၢင်ႈ​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ ပုၼ်ႈ​သူဝ်း​တင်း​လၢႆ​ဢေႃႈ။-</verse>
				<verse number="12">ၵေႃႉ​ဢၼ်​လဵင်ႉ​သူဝ်း​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ ဢၼ်​ဢမ်ႇ​ပိူင်ႇ​သူဝ်း ဢၼ်​ပဵၼ်​ၵူၼ်း​ၵိၼ်​ၸၢင်ႈ​ၵိၼ်​ငႃ​ၼၼ်ႉ​ၸမ်ႉ၊ မိူဝ်ႈ​ဢၼ်​ႁၼ်​မႃ​ထိူၼ်ႇ​မႃး​ၸိုင်၊ ၸၢင်ႈ​ပႅတ်ႈ​ဝႆႉ​သူဝ်း​တင်း​လၢႆ​သေ​လႄႈ​ဢွၵ်ႇ​ပၢႆႈ​ဢေႃႈ။ မႃ​ထိူၼ်ႇ​ၵေႃႈ​ႁိမ်​ဢဝ်​သူဝ်း​ၸိူဝ်း​ၼၼ်ႉ​လႄႈ ႁႂ်ႈ​မိူၵ်ႇ​မိူဝ်​ၵႂႃႇ​ဢေႃႈ။-</verse>
				<verse number="13">ၵေႃႉ​ၼၼ်ႉ ပိူဝ်ႈ​ဢၼ်​ပဵၼ်​ၵူၼ်း​ဢၼ်​ၵိၼ်​ၸၢင်ႈ​ၵိၼ်​ငႃ​လႄႈ ယင်း​ဢမ်ႇ​ၶႆႈ​ၸႂ်​လူၺ်ႈ​လွင်ႈ သူဝ်း​တင်း​လၢႆ​လႄႈ ၸၢင်ႈ​ဢွၵ်ႇ​ပၢႆႈ​သေ​ဢေႃႈ။-</verse>
				<verse number="14">ၵဝ်​ပဵၼ်​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း​ဢၼ်​လီ​ဢေႃႈ။ ၸိူဝ်ႉ​ၼင်ႇ​ဢၼ်​ပေႃႈ​ၸဝ်ႈ​ႁူႉ​ၵဝ်​လႄႈ၊ ၵဝ်​ၵေႃႈ​ႁူႉ​ပေႃႈ​ၸဝ်ႈ​ၼၼ်ႉ၊ ၵဝ်​ႁူႉ​သူဝ်း​ၵဝ်​တင်း​လၢႆ​ယူႇ​ဢေႃႈ။ သူဝ်း​ၵဝ်​တင်း​လၢႆ​ၸိူဝ်း​ၼၼ်ႉ​ၵေႃႈ​ႁူႉ​ၵဝ်​ယူႇ​ဢေႃႈ။-</verse>
				<verse number="15">ၵဝ်​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ ပုၼ်ႈ​သူဝ်း​ၸိူဝ်း​ၼၼ်ႉ​ဢေႃႈ။-</verse>
				<verse number="16">သူဝ်း​တၢင်ႇ​တီႈ​တၢင်ႇ​လႅၼ် ဢၼ်​ဢမ်ႇ​ၶဝ်ႈ​ၵႃႈ​ၼႂ်း​ၶွၵ်ႈ​ၼႆႉ​ၵေႃႈ ၵဝ်​ပိူင်ႇ​ယူႇ​လူး​ၵွၼ်ႇ​ဢေႃႈ။ ၵဝ်​တၵ်း​လႆႈ​ဢဝ်​သူဝ်း​ၸိူဝ်း​ၼၼ်ႉ​မႃး​ဢေႃႈ။ ၶဝ်​ၵေႃႈ​တၵ်း​ထွမ်ႇ​သဵင်​ၵဝ်​လႄႈ၊ တၵ်း​လႆႈ​မီး​ၶွၵ်ႈ​သူဝ်း​ဢၼ်​ၼိုင်ႈ ဢိၵ်ႇ​တင်း​ၵေႃႉ​လဵင်ႉ​သူဝ်း​ထိင်း​သူဝ်း​ၵေႃႉ​လဵဝ်​ၵူၺ်း​ဢေႃႈ။-</verse>
				<verse number="17">ပိူဝ်ႈ​ဢၼ်​ၵဝ်​ၸုၼ်ႉ​ဢသၢၵ်ႈ တူဝ်​ၸဝ်ႈ​ၵဝ်ႇ​ႁႂ်ႈ​လႆႈ​ၶိုၼ်း​ဢဝ် ထႅင်ႈ​ၵမ်း​လိုၼ်း​လူး​ၵွၼ်ႇ​လႄႈ ပေႃႈ​ၸဝ်ႈ​ႁၵ်ႉ​ၵဝ်​ဢေႃႈ။-</verse>
				<verse number="18">ၽူႈ​လႂ်​ဢမ်ႇ​ႁိမ်​ဢမ်ႇ​ဢဝ်​ဢသၢၵ်ႈ​ၵဝ်။ ၵဝ်​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ၸုၼ်ႉ​ဢေႃႈ။ ဢၶႂၢင်ႉ​ဢၼ်​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ မီး​တီႈ​ၵဝ်​ဢေႃႈ။ ဢၶႂၢင်ႉ​ဢၼ်​တၵ်း​ၶိုၼ်း​ဢဝ်​ဢသၢၵ်ႈ​ထႅင်ႈ​ၵမ်း​လိုၼ်း​ၼၼ်ႉ မီး​တီႈ​ၵဝ်​ဢေႃႈ။ ပေႃႈ​ၸဝ်ႈ​ပၼ်​ဢၶႂၢင်ႉ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ၵွပ်ႈ​ပိူဝ်ႈ​ၵႂၢမ်း​မၼ်း​ၸဝ်ႈ​ၼၼ်ႉ​လႄႈ ၵူၼ်း​ ယူႉတႃႉ ​ၸိူဝ်း​ၼၼ်ႉ မီး​တၢင်း​ဢၼ်​ဢမ်ႇ​ထုၵ်ႇ​ဢမ်ႇ​ပေႃး​ၵၼ် ၽၢတ်ႇ​ၽႄ​ၵၼ်​ထႅင်ႈ​ဢေႃႈ။-</verse>
				<verse number="20">ၵူၼ်း​ၼမ်​ၼႃႇ​ဝႃႈ၊ မၼ်း​ၼႆႉ​ၽီ​ႁၢႆႉ​ၶဝ်ႈ​လႄႈ​ပဵၼ်​ၵူၼ်း​ယွင်ႇ​ဢေႃႈ။ ႁဵတ်း​ႁိုဝ်​လႄႈ ထွမ်ႇ​ဢဝ်​ၵႂၢမ်း​မၼ်း​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၵမ်ႈ​ၽွင်ႈ​ၵေႃႈ​ဝႃႈ၊ ၵႂၢမ်း​မၼ်း​ၼႆႉ​ပဵၼ်​ၵႂၢမ်း ၵူၼ်း​ဢၼ်​ၽီ​ႁၢႆႉ​ၶဝ်ႈ​ဢမ်ႇ​ၸႂ်ႈ၊ ၽီ​ႁၢႆႉ​တၢတ်ႈ​ၼိူင်ႇ​ႁႂ်ႈ​လႆႈ ၽုၺ်ႇ​မၢၵ်ႇ​တႃ​ၶဝ်​ၸိူဝ်း​ဢၼ်​တႃ​မွတ်ႇ​ၼၼ်ႉ​လႆႈ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">မိူဝ်ႈ​ၼၼ်ႉ ပဵၼ်​ၶိင်ႇ​ၵတ်း​လႄႈ၊ ပဵၼ်​ၶိင်ႇ​ဢၼ် ၶဝ်​ၶၢမ်ႇ​ပွႆး​ဢၸႅၼ်ႇ ဢၼ်​ႁဵတ်း​ဢၼူႉ​မေႃးတၼႃႇ​ပိၵ်ႈ​မၢၼ်ႇ​ၸဝ်ႈ ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ယူႇ​ဢေႃႈ။-</verse>
				<verse number="23">ယေႇသူႉ ​ၵေႃႈ ပႆ​သၢင်း​ၵျၢၼ်ႇ​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ ၵႃႈ​တီႈ​ၸၢၼ်း​ သေႃးလမုၼ်ႇ ​ဢေႃႈ။-</verse>
				<verse number="24">ပိူဝ်ႈ​ၼႆ​လႄႈ ၵူၼ်း​ ယူႉတႃႉ ​ၸိူဝ်း​ၼၼ်ႉ ဝႅင်း​ႁွပ်ႈ​မၼ်း​ၸဝ်ႈ​သေ​လႄႈ​လၢတ်ႈ​ဝႃႈ၊ မႂ်း​ႁႂ်ႈ​ႁဝ်း​ယုမ်ႇ​ၶိုင်ႈ​ၼိုင်ႈ ဢမ်ႇ​ယုမ်ႇ​ၶိုင်ႈ​ၼိုင်ႈ ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ပေႃး​မႂ်း​ၸႂ်ႈ​ၸဝ်ႈ​ၶရိၸ်ႈ​ၸိုင် ၶႅၼ်း​တေႃႈ​လၢတ်ႈ​လႅင်း​လႅင်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​လၢတ်ႈ​ယဝ်ႉ။ သူ​ဢမ်ႇ​ယုမ်ႇ။ လွင်ႈ​တၢင်း​ဢၼ်​ၵဝ်​ပႃး​တင်း​ဢၶႂၢင်ႉ​ၸဝ်ႈ​ပေႃႈ​ၵဝ်​သေ​လႄႈ​ႁဵတ်း​ၸိူဝ်း​ၼၼ်ႉ ပဵၼ်​သၢၵ်ႈ​သေႇ​ၵဝ်​ယူႇ​ဢေႃႈ။-</verse>
				<verse number="26">ၼႂ်း​ဝႃႈ​ၼၼ်​သေ​ၵေႃႈ သူ​ဢမ်ႇ​ယုမ်ႇ။ လွင်ႈ​မၼ်း​ၸမ်ႉ ၸိူဝ်ႉ​ၼင်ႇ​ဢၼ်​ၵဝ်​လၢတ်ႈ​ဝႆႉ​ဢွၼ်​တၢင်း​ၼၼ်ႉ သူ​ဢမ်ႇ​ၶဝ်ႈ​ပႃး ၼႂ်း​သူဝ်း​ၵဝ်​ၼၼ်ႉ။-</verse>
				<verse number="27">သူဝ်း​ၵဝ်​ၸိူဝ်း​ၼၼ်ႉ​ထွမ်ႇ​သဵင်​ၵဝ်​လႄႈ ၸွမ်း​ပႃႈ​လင်​ၵဝ်​ဢေႃႈ။ သူဝ်း​ၸိူဝ်း​ၼၼ်ႉ​ၸိုင်​ၵဝ်​ႁူႉ​ဢေႃႈ။-</verse>
				<verse number="28">ထႃႇဝရႃႉ​ဢသၢၵ်ႈ​ၵေႃႈ​ၵဝ်​ပၼ်​တီႈ​ၶဝ်​ဢေႃႈ။ ၶဝ်​ၼၼ်ႉ​တၵ်း​ၵၢင်း​လွတ်ႈ​တင်း​တၢင်း​လူႉ​တၢင်း​လႅဝ် တႃႇ​သေႇ​ဢမ်ႇ​ထၢတ်ႇ​ဢေႃႈ။ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၼုၵ်ႈ​ဢဝ်​ၵႃႈ​ၼႂ်း​မိုဝ်း​ၵဝ်​လႆႈ။-</verse>
				<verse number="29">ၸဝ်ႈ​ပေႃႈ​ၵဝ်​ဢၼ်​ဢဝ်​သူဝ်း​ၸိူဝ်း​ၼၼ်ႉ ဢၢပ်ႈ​ပၼ်​တီႈ​ၵဝ်​ၼၼ်ႉ ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ပိူၼ်ႈ တင်း​သဵင်ႈ​တင်း​လူင်​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၼုၵ်ႈ​ဢဝ်​ၶဝ်​ၵႃႈ​ၼႂ်း​မိုဝ်း​ပေႃႈ​ၸဝ်ႈ​လႆႈ။-</verse>
				<verse number="30">ၵဝ်​ဢိၵ်ႇ​တင်း​ပေႃႈ​ၸဝ်ႈ​ပဵၼ်​ဢၼ်​လဵဝ်​ၵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">မိူဝ်ႈ​ၼၼ်ႉ ၵူၼ်း​ ယူႉတႃႉ ​ၸိူဝ်း​ၼၼ်ႉ သမ်ႉ​ၵဵပ်း​ဢဝ်​မၢၵ်ႇ​ႁိၼ် ႁႂ်ႈ​လႆႈ​ထိမ်ႈ​မၼ်း​ၸဝ်ႈ​ဢေႃႈ။-</verse>
				<verse number="32">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ၼႆႉ​ပႃး​တင်း​ဢၶႂၢင်ႉ​ပေႃႈ​ၸဝ်ႈ​သေ​လႄႈ ၼႄ​ပျႃး​လွင်ႈ​တၢင်း​ဢၼ်​လီ​ဢၼ်​ငၢမ်း​ၼမ်​ၼႃႇ​တီႈ​သူ​ယဝ်ႉ။ ၼႂ်း​လွင်ႈ​တၢင်း​ၸိူဝ်း​ၼၼ်ႉ၊ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​လႂ်​လႄႈ သူ​ဢဝ်​မၢၵ်ႇ​ႁိၼ်​တၵ်း​ထိမ်ႈ​ၵဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="33">ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​လီ​ဢၼ်​ငၢမ်း​လႄႈ ႁဝ်း​ဢဝ်​မၢၵ်ႇ​ႁိၼ်​တၵ်း​ထိမ်ႈ​ဢမ်ႇ​ၸႂ်ႈ။ ၵွပ်ႈ​ပိူဝ်ႈ​ၵႂၢမ်း​ဢၼ်​သႄႉ​သွမ်း​ၽြႃး​ပဵၼ်​ၸဝ်ႈ​ဢိၵ်ႇ​တင်း ၵွပ်ႈ​ပိူဝ်ႈ​ဢၼ်​မႂ်း​ပဵၼ်​ၵူၼ်း​ယူႇ​လႄႈ ႁဵတ်း​ၸိူဝ်ႉ​ၼင်ႇ​ၽြႃး​ပဵၼ်​ၸဝ်ႈ​လႄႈ ႁဝ်း​ဢဝ်​မၢၵ်ႇ​ႁိၼ်​တၵ်း​ထိမ်ႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​သူ​ၼၼ်ႉ​မီး​မႃး​လႄႈ​ဝႃႈ၊ ၵဝ်​ဝႃႈ၊ သူ​ပဵၼ်​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ​ႁိုဝ်။-</verse>
				<verse number="35">ပေႃး​လႆႈ​ႁွင်ႉ​ၶဝ်​ၸိူဝ်း​ဢၼ် လႆႈ​ၶၢမ်ႇ​ပျႃႇ​တိၵ်ႈ​ၽြႃး​ပဵၼ်​ၸဝ်ႈ​ၼၼ်ႉ​လႄႈ​ဝႃႈ၊ ၽြႃး​ဝႃႈ​ၼင်ႇ​ၼႆ​လႄႈ​သင်၊ ပေႃး​ဢမ်ႇ​လႆႈ​ပႄႇ​ပႅတ်ႈ ၵႂၢမ်း​ၵျၢမ်း​လိၵ်ႈ​ၼၼ်ႉ​လႄႈ​သင်၊-</verse>
				<verse number="36">ၵွပ်ႈ​ပိူဝ်ႈ​ဢၼ် ၵေႃႉ​ဢၼ်​ပေႃႈ​ၸဝ်ႈ​ႁႂ်ႈ​မူတ်း​ၸၢင်ႇ​လႄႈ ပွႆႇ​ၸႂ်ႉ​မႃး​ၼႂ်း​လေႃးၵႃႉ​ၼႆႉ​ၼၼ်ႉ​လၢတ်ႈ​လႄႈ​ဝႃႈ၊ ၵဝ်​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ သူ​တၵ်း​လႆႈ​လၢတ်ႈ​တီႈ ၵေႃႉ​ၼၼ်ႉ​လႄႈ​ဝႃႈ၊ မႂ်း​သႄႉ​သွမ်း ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ႁိုဝ်။-</verse>
				<verse number="37">သင်​ၵဝ်​ဢမ်ႇ​ႁဵတ်း​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ပေႃႈ​ၸဝ်ႈ​ၸိူဝ်း​ၼၼ်ႉ​ၸိုင် ယႃႇ​ပေ​ယုမ်ႇ​မၢတ်ႈ​ၵဝ်။-</verse>
				<verse number="38">ၵူၺ်း​ၵႃႈ ပေႃး​ၵဝ်​ႁဵတ်း​ၸိုင် ပိၵ်ႉ​သမ်ႉ​သူ​ဢမ်ႇ​ယုမ်ႇ​မၢတ်ႈ​ၵဝ်​သေ​ၵေႃႈ၊ ယုမ်ႇ​မၢတ်ႈ​လွင်ႈ​တၢင်း​ၸိူဝ်း​ၼၼ်ႉ​တႃႉ။ ပေႃး​ယုမ်ႇ​ၸိူဝ်ႉ​ၼင်ႇ​ၼၼ်​ၸိုင်၊ သူ​တၵ်း​ႁူႉ​ၸႅင်ႈ​လွင်ႈ​ဢၼ် ပေႃႈ​ၸဝ်ႈ​မီး​ယူႇ​ၼႂ်း​ၵဝ် ဢိၵ်ႇ​တင်း​လွင်ႈ​ဢၼ်​ၵဝ်​မီး​ယူႇ​ၼႂ်း​ပေႃႈ​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="39">မိူဝ်ႈ​ၼၼ်ႉ ၶဝ်​သမ်ႉ​ၶိုၼ်း​ႁႃ​ႁႂ်ႈ​လႆႈ တီႉ​ဢဝ်​မၼ်း​ၸဝ်ႈ​ထႅင်ႈ​လႄႈ မၼ်း​ၸဝ်ႈ​ဢွၵ်ႇ​ၵႂႃႇ​သေ​ၵႃႈ​ၼႂ်း​မိုဝ်း​ၶဝ်​ၼၼ်ႉ​ဢေႃႈ။-</verse>
				<verse number="40">မၼ်း​ၸဝ်ႈ​သမ်ႉ​ၵႂႃႇ​ၵႃႈ​တီႈ ၽၢႆႇ​ပုၼ်ႉ​ၼမ်ႉ​ႁွင်ႈ ယေႃးတၢၼ်ႇ တီႈ​ဢၼ်​ ယူဝ်းႁၢၼ်ႇ ပၼ်​ ပပ်ႉတီႉၸမ်ႇ မိူဝ်ႈ​ဢွၼ်​တၢင်း​ၼၼ်ႉ​လႄႈ ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="41">ၵူၼ်း​ၼမ်​ၼႃႇ​ႁွတ်ႈ​ထိုင်​ၵႃႈ​တီႈ​မၼ်း​ၸဝ်ႈ​လႄႈ​လၢတ်ႈ​ဝႃႈ၊ ယူဝ်းႁၢၼ်ႇ ​ၸိုင် ဢမ်ႇ​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ၊ ၼႂ်း​ဝႃႈ​ၼၼ်​သေ​ၵေႃႈ ၵႃႈ​ဢၼ်​ ယူဝ်းႁၢၼ်ႇ လၢတ်ႈ​လွင်ႈ​ၵေႃႉ​ၼႆႉ ဝႆႉ​ၼၼ်ႉ​ၸႂ်ႈ​တႄႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="42">ၵႃႈ​တီႈ​ၼၼ်ႈ​ၵူၼ်း​ၼမ်​ၼႃႇ​ယုမ်ႇ​မၢတ်ႈ​မၼ်း​ၸဝ်ႈ​ဢေႃႈ။</verse>
			</chapter>
			<chapter number="11">
				<verse number="1">ၵူၼ်း​ဢၼ်​လႆႈ​ၸိုဝ်ႈ​ လႃႇၸရူႉ ဢၼ်​ပဵၼ်​ၵူၼ်း​ဝၢၼ်ႈ​ ပေႇထၼီႉ တီႈ​ဢၼ် မႃႇထႃႉ တင်း​ၼွင်ႉ​ယိင်း​မၼ်း မႃႇရီႉ ယူႇ​ၼၼ်ႉ​ၵေႃႉ​ၼိုင်ႈ မီး​တၢင်း​ၶႆႈ​တၢင်း​ပဵၼ်​ယူႇ​ဢေႃႈ။-</verse>
				<verse number="2">မႃႇရီႉ ၼွင်ႉ​ယိင်း လႃႇၸရူႉ ​ဢၼ်​မီး​တၢင်း​ၶႆႈ​တၢင်း​ပဵၼ်​ယူႇ​ၼၼ်ႉ​ၸမ်ႉ၊ ပဵၼ်​ မႃႇရီႉ ​ဢၼ်​ဢဝ်​တင်း​ၼမ်ႉ​မၼ်း​ႁွမ်​တႃး​ၸဝ်ႈ​ၽြႃး​လႄႈ သမ်ႉ​ဢဝ်​တင်း​ၶူၼ်​ႁူဝ်​မၼ်း​ၸဵတ်ႉ​တိၼ်​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="3">မႄႈ​ယိင်း​သွင်​ၵေႃႉ​ပီႈ​ၼွင်ႉ​ၼၼ်ႉ ပွႆႇ​ၸႂ်ႉ​ၵူၼ်း​ၵႂႃႇ​ၵႃႈ​တီႈ​မၼ်း​ၸဝ်ႈ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵေႃႉ​ဢၼ်​ၸဝ်ႈ​ႁဝ်း​ႁၵ်ႉ​ၼၼ်ႉ မီး​တၢင်း​ၶႆႈ​တၢင်း​ပဵၼ်​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ယေႇသူႉ ​ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ တၢင်း​ၶႆႈ​တၢင်း​ပဵၼ်​ၼၼ်ႉ ဢမ်ႇ​ၸႂ်ႈ​တၢင်း​ၶႆႈ​တၢင်း​ပဵၼ်​ဢၼ်​တၢႆ။ ပဵၼ်​တၢင်း​ၶႆႈ​တၢင်း​ပဵၼ်​ဢၼ်​ႁႂ်ႈ​မုၼ်​ၽုင်း​ၽြႃး​ပဵၼ်​ၸဝ်ႈ​ထၢင်ႇ​သႃး​မႃး​ၼၼ်ႉ​ၵူၺ်း​ဢေႃႈ။ ၵွပ်ႈ​ပိူဝ်ႈ​တၢင်း​ၶႆႈ​တၢင်း​ပဵၼ်​ၼၼ်ႉ​လႄႈ လုၵ်ႈ​ၽြႃး​ပဵၼ်​ၸဝ်ႈ​တၵ်း​မီး​တၢင်း​ဢၼ်​မုၼ်​ၽုင်း​ၸဝ်ႈ​ထၢင်ႇ​သႃး​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ယေႇသူႉ ​ႁၵ်ႉ​ မႃႇထႃႉ ဢိၵ်ႇ​တင်း​ၼွင်ႉ​ယိင်း​မၼ်း တင်း​ လႃႇၸရူႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="6">မိူဝ်ႈ​ဢၼ်​မၼ်း​ၸဝ်ႈ​ငိၼ်း​လွင်ႈ​ဢၼ် လႃႇၸရူႉ ​ပဵၼ်​ယူႇ​ၼၼ်ႉ​ၸိုင် မၼ်း​ၸဝ်ႈ​ယင်း​ဢမ်ႇ​မႃး​လႄႈ​ယူႇ​ၵႃႈ​တီႈ​ၼၼ်ႈ​သွင်​ဝၼ်း​ဢေႃႈ။-</verse>
				<verse number="7">လိုၼ်း​ၼၼ်ႉ မၼ်း​ၸဝ်ႈ​သမ်ႉ​လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊ ၵႂႃႇ​ၵႃႈ​တီႈ​မိူင်း​ ယူႉတႃႉ ​ပုၼ်ႉ​တႃႉ​ႁဝ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵူၼ်း​ ယူႉတႃႉ ​တင်း​လၢႆ ၸၢင်ႈ​တၵ်း​ၵျၢမ်ႇ​ႁႃ​ႁႂ်ႈ​လႆႈ​ဢဝ်​မၢၵ်ႇ​ႁိၼ်​ထိမ်ႈ​ၸဝ်ႈ​ႁဝ်း​ယဝ်ႉ​လႄႈ ၸဝ်ႈ​ႁဝ်း​တၵ်း​ၵႂႃႇ​ၵႃႈ​တီႈ​ပုၼ်ႉ​ထႅင်ႈ​လူး​ၵွၼ်ႇ​ၶႃႈ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၼႂ်း​ဝၼ်း​ၼိုင်ႈ​မီး​သိပ်း​သွင်​ၼႃႇရီႇ​ဢမ်ႇ​ၸႂ်ႈ​ႁိုဝ်။ ပေႃး​ၵူၼ်း​ၵႂႃႇ​မႃး​ၼႂ်း​ၶိင်ႇ​ၵၢင်​ဝၼ်း​ၸိုင်၊ ပိူဝ်ႈ​ဢၼ်​လႆႈ​ႁၼ်​ဢရွင်ႇ​ဢၼ်​လႅင်း​ၵၢင်​ဝၼ်း​ယူႇ​လႄႈ ဢမ်ႇ​ၸၢင်ႈ​တိူဝ်ႉ​မႅၼ်ႈ​လႄႈ​လူမ်ႉ။-</verse>
				<verse number="10">ပေႃး​ၵႂႃႇ​မႃး​ၼႂ်း​ၶိင်ႇ​ၵၢင်​ၶိုၼ်း​ၸမ်ႉ၊ ပိူဝ်ႈ​ဢၼ်​ဢၼ်​လႅင်း​ဢမ်ႇ​မီး​လႄႈ ၸၢင်ႈ​တိူဝ်ႉ​မႅၼ်ႈ​လႄႈ​လူမ်ႉ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊-</verse>
				<verse number="11">သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ၵေႃႉ​သေႈ​ႁဝ်း​ လႃႇၸရူႉ ​ၼၼ်ႉ ၼွၼ်း​လပ်း​ယူႇ​ဢေႃႈ။ ၵဝ်​တၵ်း​ၵႂႃႇ​ႁႂ်ႈ​လႆႈ​ပူၵ်း​မၼ်း​တိုၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ပေႃး​မၼ်း​ၼွၼ်း​လပ်း​ယူႇ​ၸိုင်၊ မၼ်း​တၵ်း​လႆႈ​တၢင်း​ဢၼ်​သၢၵ်ႈ​သႃႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ပိၵ်ႉ​သမ်ႉ ယေႇသူႉ ​ဢဝ်​လွင်ႈ​ဢၼ်​မၼ်း​တၢႆ​ၼၼ်ႉ​လႄႈ ဝႃႈ​သေ​ၵေႃႈ၊ တပႄး​ၸဝ်ႈ​ၸိူဝ်း​ၼၼ်ႉ ထၢင်ႇ​မၼ်း​ၸဝ်ႈ​လၢတ်ႈ​ပၼ် လွင်ႈ​ဢၼ်​မၼ်း​ၼွၼ်း​လပ်း​ယူႇ​ၵူၺ်း​ၼၼ်ႉ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ ယေႇသူႉ ​ၵေႃႈ​လၢတ်ႈ​လႅင်း​လႅင်း​လႄႈ​ဝႃႈ၊ လႃႇၸရူႉ ​တၢႆ​ယဝ်ႉ။-</verse>
				<verse number="15">လွင်ႈ​ၼင်ႇ​ႁိုဝ်​သူ​တၵ်း​လႆႈ​ယုမ်ႇ​မၢတ်ႈ​ၸိုင်၊ ၵဝ်​မီး​တၢင်း​ဢၼ်​သိူဝ်း​ပျေႃႇ​ၵွပ်ႈ​ပိူဝ်ႈ​သူ ၼႂ်း​လွင်ႈ​ဢၼ်​ၵဝ်​ဢမ်ႇ​မီး​ၵႃႈ​တီႈ​ၼၼ်ႈ ၼၼ်ႉ​ဢေႃႈ။ တေႃႈ​လဵဝ်​ၼႆႉ​ၵႂႃႇ​ၵႃႈ​တီႈ​မၼ်း​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ထူဝ်းမႃႉ ဢၼ်​လႆႈ​ၸိုဝ်ႈ တီႉတူႉမူႉ ​ၵေႃႈ လၢတ်ႈ​တီႈ​တပႄး​ၸဝ်ႈ​ၼင်ႇ​ၵၼ်​ၸိူဝ်း​ၼၼ်ႉ​လႄႈ​ဝႃႈ၊ ႁဝ်း​ၶႃႈ​ၵေႃႈ​ၸွမ်း​ၵႂႃႇ​လႄႈ ၶၢမ်ႇ​တၢႆ​လူၺ်ႈ​ၵၼ်​တင်း​မၼ်း​ၸဝ်ႈ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ယေႇသူႉ ​ႁွတ်ႈ​ထိုင်​သေ​ယဝ်ႉ၊ ထူပ်း​ႁၼ်​လွင်ႈ​ဢၼ်​သၢင်း​ၵျူဝ်ႇ​မၼ်း​လႄႈ ႁွတ်ႈ​ထိုင်​ၵႃႈ​ၼႂ်း​ၶုမ်​သၢင်း​ၶႅင်း လႆႈ​သီႇ​ဝၼ်း​ယဝ်ႉ​ၼၼ်ႉ​ဢေႃႈ။-</verse>
				<verse number="18">ဝၢၼ်ႈ​ ပေႇထၼီႉ ​ၼၼ်ႉ ၵႆ​ၵၼ်​တင်း ဝဵင်း​ ယေႇရူႉသလႅမ်ႇ ​သေ​လၵ်း​ၼိုင်ႈ​ၵူၺ်း​လႄႈ၊-</verse>
				<verse number="19">ၵူၼ်း​ ယူႉတႃႉ ​ၼမ်​ၼႃႇ​မႃး ႁႂ်ႈ မႃႇထႃႉ တင်း​ မႃႇရီႉ လႆႈ​ပေႇ​ၸႂ်​ၼိမ်​ၸႂ်​ၼႂ်း​လွင်ႈ​ဢၼ် ပီႈ​ၸၢႆး​ၶဝ်​တၢႆ​ၼၼ်ႉ​ဢေႃႈ။</verse>
				<verse number="20">မိူဝ်ႈ​ဢၼ်​ မႃႇထႃႉ ငိၼ်း​လွင်ႈ​ဢၼ် ယေႇသူႉ ​မႃး​ၼၼ်ႉ​ၸိုင် မၼ်း​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​ၸဝ်ႈ​ဢေႃႈ။ မႃႇရီႉ ​ၸမ်ႉ၊ ၼင်ႈ​ၵိုတ်း​ယူႇ​ၵႃႈ​ၼႂ်း​ႁိူၼ်း​ဢေႃႈ။-</verse>
				<verse number="21">မႃႇထႃႉ ​ၵေႃႈ​လဝ်ႊ​လၢတ်ႈ​တီႈ​ ယေႇသူႉ ​လႄႈ​ဝႃႈ၊ ၸဝ်ႈ​ႁဝ်း၊ သင်​ၸဝ်ႈ​ႁဝ်း​လႆႈ​မီး​ယူႇ​ၵႃႈ​တီႈ​ၼႆႈ​ၸိုင်၊ ပီႈ​ၸၢႆး​ၵဝ်​ၶႃႈ​ဢမ်ႇ​လႆႈ​တၢႆ​ၶႃႈ။</verse>
				<verse number="22">ၵူၺ်း​ၵႃႈ တေႃႈ​လဵဝ်​ၼႆႉ​သေ​ၵေႃႈ ၶႃႈ​ၸဝ်ႈ​ႁူႉ​လွင်ႈ​ဢၼ်​ၽြႃး​ပဵၼ်​ၸဝ်ႈ တၵ်း​ပၼ်​ၵႃႈ​ၼင်ႇ​ဢၼ်​ၸဝ်ႈ​ႁဝ်း​သူး​တွင်း တီႈ​ၽြႃး​ပဵၼ်​ၸဝ်ႈ​ၼၼ်ႉ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ပီႈ​ၸၢႆး​မႂ်း​ၼၼ်ႉ​တၵ်း​လုၵ်ႉ​ၶိုၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">မႃႇထႃႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁူႉ​လွင်ႈ​ဢၼ်​မၼ်း တၵ်း​လုၵ်ႉ​ၶိုၼ်း​ၼႂ်း​ဝၼ်း​ဢၼ်​သုတ်း​ဢၼ်​ၵွႆ ဢၼ်​ဝႃႈ ၶိင်ႇ​ၵႃႇလႃႉ​ဢၼ်​လုၵ်ႉ​ၶိုၼ်း​ၼၼ်ႉ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ပဵၼ်​လွင်ႈ​တၢင်း​ဢၼ်​လုၵ်ႉ​ၶိုၼ်း​ဢိၵ်ႇ​တင်း လွင်ႈ​တၢင်း​ဢၼ်​ဢသၢၵ်ႈ​လိပ်း​ဢေႃႈ။ ၵေႃႉ​ဢၼ်​ယုမ်ႇ​မၢတ်ႈ​ၵဝ်​ၼၼ်ႉ ပိၵ်ႉ​သမ်ႉ​တၢႆ​ၵႂႃႇ​ယဝ်ႉ​သေ​ၵေႃႈ၊ တၵ်း​လိပ်း​ဢေႃႈ။-</verse>
				<verse number="26">ၶဝ်​ၸိူဝ်း​ဢၼ်​ဢသၢၵ်ႈ​လိပ်း​လႄႈ ယုမ်ႇ​မၢတ်ႈ​ၵဝ်​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၵေႃႈ တၵ်း​ၵၢင်း​လွတ်ႈ​တင်း​တၢင်း​တၢႆ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။ ယုမ်ႇ​ၵႂၢမ်း​ၵဝ်​ၼႆႉ​ႁိုဝ်​ဝႃႈ​ၼႆ၊ မိူဝ်ႈ​ဢၼ်​မၼ်း​ၸဝ်ႈ​ထၢမ်​ၼၼ်ႉ​ၸိုင်၊ မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ​ၸဝ်ႈ။-</verse>
				<verse number="27">ၶႃႈ​ၸဝ်ႈ​ယုမ်ႇ​လွင်ႈ​ဢၼ်​ၸဝ်ႈ​ႁဝ်း​ပဵၼ်​ၸဝ်ႈ​ၶရိၸ်ႈ လုၵ်ႈ​ၽြႃး​ပဵၼ်​ၸဝ်ႈ ဢၼ်​မႃး​ၼႂ်း​လေႃးၵႃႉ​ၼႆႉ​ၼၼ်ႉ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">မၼ်း​လဝ်ႊ​လၢတ်ႈ​ၸိူဝ်ႉ​ၼင်ႇ​ၼႆ​ယဝ်ႉ​ၸင်ႇ ၵႂႃႇ​လႄႈ​ႁွင်ႉ​ဢဝ်​ၼွင်ႉ​ယိင်း​မၼ်း​ မႃႇရီႉ တဵတ်ႇ​တဵတ်ႇ​လႄႈ​လၢတ်ႈ​ဝႃႈ၊ သြႃႇ​ၸဝ်ႈ​ႁွတ်ႈ​မႃး​ယဝ်ႉ။ မၼ်း​ၸဝ်ႈ​ႁွင်ႉ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မႃႇရီႉ ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ လုၵ်ႉ​ၶၼ်​ၶၼ်​ၽႂ်း​ၽႂ်း​လႄႈ ၵႂႃႇ​ၸူး​ၵႃႈ​တီႈ​မၼ်း​ၸဝ်ႈ​ဢေႃႈ။</verse>
				<verse number="30">မိူဝ်ႈ​ၼၼ်ႉ​ ယေႇသူႉ ဢမ်ႇ​ပႆႇ​ၶဝ်ႈ​ၵႃႈ​ၼႂ်း​ဝၢၼ်ႈ​လႄႈ မီး​ယူႇ​ၵႃႈ​တီႈ​ဢၼ် မႃႇထႃႉ ​မႃး​ႁပ်ႉ​ႁူဝ်​တၢင်း​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="31">ပိူဝ်ႈ​ၼႆ​လႄႈ ၵူၼ်း​ ယူႉတႃႉ ဢၼ်​မီး​ယူႇ​လူၺ်ႈ​ၵၼ်​တင်း​ မႃႇရီႉ ၵႃႈ​ၼႂ်း​ႁိူၼ်း​လႄႈ​လၢတ်ႈ​ၵႂၢမ်း ဢၼ်​ႁႂ်ႈ​ပေႇ​ၸႂ်​ၼိမ်​ၸႂ်​ယူႇ​ၸိူဝ်း​ၼၼ်ႉ လႆႈ​ႁၼ်​ မႃႇရီႉ လုၵ်ႉ​ၶၼ်​ၶၼ်​ၽႂ်း​ၽႂ်း​လႄႈ​ဢွၵ်ႇ​ၵႂႃႇ​ၼၼ်ႉ​သေ​ယဝ်ႉ၊ ၸွမ်း​ပႃႈ​လင်​မၼ်း​ၵႂႃႇ​သေ​လႄႈ ထၢင်ႇ​မၼ်း​ၵႂႃႇ​ၵႃႈ​တီႈ​သၢင်း​ၶႅင်း​ႁႂ်ႈ​လႆႈ​ႁွင်ႉ​ႁႆႈ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="32">မႃႇရီႉ ​ၼၼ်ႉ​ႁွတ်ႈ​ထိုင်​ၵႃႈ​တီႈ ဢၼ်​ ယေႇသူႉ ​မီး​ၼၼ်ႉ​လႄႈ ႁၼ်​မၼ်း​ၸဝ်ႈ​သေ​ယဝ်ႉ၊ ၶုပ်ႉ​မူပ်ႇ​ႁိမ်း​တိၼ်​မၼ်း​ၸဝ်ႈ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ သင်​ၸဝ်ႈ​ႁဝ်း​လႆႈ​မီး​ယူႇ​ၵႃႈ​တီႈ​ၼႆႈ​ၸိုင်၊ ပီႈ​ၸၢႆး​ၶႃႈ​ၸဝ်ႈ​ဢမ်ႇ​လႆႈ​တၢႆ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">မိူဝ်ႈ​ဢၼ်​ ယေႇသူႉ ​ႁၼ် မႃႇရီႉ ​ဢိၵ်ႇ​တင်း ၵူၼ်း​ ယူႉတႃႉ ဢၼ်​ၸွမ်း​လူၺ်ႈ​ၵၼ်​တင်း​မၼ်း​မႃး​ၸိူဝ်း​ၼၼ်ႉ ႁွင်ႉ​ႁႆႈ​ယူႇ​ၼၼ်ႉ​ၸိုင် မၼ်း​ၸဝ်ႈ​ၸႂ်​လဵၵ်ႉ​ၸႂ်​ဢူၼ်ႈ​ၼႃႇ​လူင်​လၢင်​သေ​လႄႈ မီး​တၢင်း​ဢၼ်​မႆႈ​ၸႂ်​ၶီ​ၸႂ်​လႄႈ​ထၢမ်​ဝႃႈ၊-</verse>
				<verse number="34">သူ​ဢဝ်​တူဝ်​တၢႆ​မၼ်း​ဝႆႉ​ၵႃႈ​တီႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ မႃး​လႄႈ​တူၺ်း​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ယေႇသူႉ ​ၵေႃႈ​ၼမ်ႉ​တႃ​တူၵ်း​ယူႇ​ဢေႃႈ။</verse>
				<verse number="36">ပိူဝ်ႈ​ၼႆ​လႄႈ ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ တူၺ်း​လူး၊ မၼ်း​ၸဝ်ႈ​ႁၵ်ႉ​ လႃႇၸရူႉ ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ၵမ်ႈ​ၽွင်ႈ​ၵေႃႈ​ဝႃႈ၊ ၵေႃႉ​ဢၼ်​ၽုၺ်ႇ​မၢၵ်ႇ​တႃ​ၵူၼ်း​တႃ​မွတ်ႇ​ၼၼ်ႉ​ၼႆႉ၊ ၼင်ႇ​ႁိုဝ်​ လႃႇၸရူႉ ​တၵ်း​ဢမ်ႇ​တၢႆ​ၸိုင်၊ ဢမ်ႇ​တၢတ်ႈ​ၼိူင်ႇ​လႆႈ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="38">ပိူဝ်ႈ​ၼႆ​လႄႈ​ ယေႇသူႉ သမ်ႉ​ၸႂ်​လဵၵ်ႉ​ၸႂ်​ဢူၼ်ႈ​ၼႃႇ​လူင်​လၢင်​လႄႈ ႁွတ်ႈ​ထိုင်​ၵႃႈ​တီႈ​ၶုမ်​သၢင်း​ၶႅင်း​ဢေႃႈ။ ၶုမ်​သၢင်း​ၶႅင်း​ၼၼ်ႉ​ပဵၼ်​ႁူး​ထမ်ႈ​လႄႈ ဢဝ်​မၢၵ်ႇ​ႁိၼ်​ဢိုတ်း​ဝႆႉ​ဢေႃႈ။-</verse>
				<verse number="39">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၶၢႆႉ​မၢၵ်ႇ​ႁိၼ်​ၼၼ်ႉ​ပႅတ်ႈ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မႃႇထႃႉ ၼွင်ႉ​ယိင်း​ၵေႃႉ​ဢၼ်​တၢႆ​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ တေႃႈ​လဵဝ်​ၼႆႉ​မၼ်း​တၵ်း​မဵၼ်​တူႇ​ၶႃႈ​ဢေႃႈ။ လႆႈ​သီႇ​ဝၼ်း​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="40">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​လၢတ်ႈ​ဝႆႉ​လႄႈ​ဝႃႈ၊ ပေႃး​မႂ်း​ယုမ်ႇ​ၸိုင်၊ မႂ်း​တၵ်း​လႆႈ​ႁၼ်​မုၼ်​ၽုင်း​ဢႃႇၼူႉၽေႃႇ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ဢမ်ႇ​ၸႂ်ႈ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">မိူဝ်ႈ​ၼၼ်ႉ ၶဝ်​ၶၢႆႉ​မၢၵ်ႇ​ႁိၼ်​ၵႃႈ​တီႈ​ၶုမ်​သၢင်း​ၶႅင်း​ၼၼ်ႉ​ဢေႃႈ။ ယေႇသူႉ ​ၵေႃႈ​ႁႅၼ်​တူၺ်း​ၵႃႈ​ၼိူဝ်​သေ​လႄႈ​ဝႃႈ၊ ပေႃႈ​ၸဝ်ႈ​တီႈ​ၶႃႈ၊ ၵျေး​ၸူး​ၸဝ်ႈ​ႁဝ်း​ဢၼ် ထွမ်ႇ​ဢဝ်​ၵႂၢမ်း​ၵဝ်​ၶႃႈ​ၼၼ်ႉ ယႂ်ႇ​ၼႃႇ​တီႈ​ၶႃႈ​ဢေႃႈ။-</verse>
				<verse number="42">ၵဝ်​ၶႃႈ​ႁူႉ​လွင်ႈ​ဢၼ် ၸဝ်ႈ​ႁဝ်း​ထွမ်ႇ​ဢဝ်​ၵႂၢမ်း​ၵဝ်​ၶႃႈ​တႃႇ​သေႇ​ဢမ်ႇ​ထၢတ်ႇ​ၼၼ်ႉ ယူႇ​တီႈ​ၶႃႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၼင်ႇ​ႁိုဝ်​ၵူၼ်း​တင်း​သဵင်ႈ​တင်း​လူင် ဢၼ်​လွမ်ႉ​ႁွပ်ႈ​ယူႇ​ၸိူဝ်း​ၼႆႉ တၵ်း​ယုမ်ႇ​မၢတ်ႈ​လွင်ႈ​ဢၼ် ၸဝ်ႈ​ႁဝ်း​ပွႆႇ​ၸႂ်ႉ​ၵဝ်​ၶႃႈ​မႃး​ၼၼ်ႉ​ၸိုင်၊ ၵဝ်​ၶႃႈ​ထွၵ်ႈ​လူၺ်ႈ​ဢၵျူဝ်း​ၶဝ်​လႄႈ လဝ်ႊ​လၢတ်ႈ​ၸိူဝ်ႉ​ၼင်ႇ​ၼႆ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊-</verse>
				<verse number="43">ၸင်ႇ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​လႄႈ​ဝႃႈ၊ လႃႇၸရူႉ ​ဢိူၺ်း၊ ဢွၵ်ႇ​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="44">မိူဝ်ႈ​ၼၼ်ႉ ၵေႃႉ​ဢၼ်​တၢႆ​ယဝ်ႉ​ၼၼ်ႉ၊ ၵႃႈ​တီႈ​တိၼ်​တင်း​မိုဝ်း​မၼ်း​မီး​တင်း​ၽႃႈ​ဝဵၼ်း​ႁေႃႇ​ဝႆႉ​ယူႇ၊ ၵႃႈ​တီႈ​ၼႃႈ​မၼ်း​ၵေႃႈ မီး​တင်း​ၽႃႈ​ၸဵတ်ႉ​မတ်ႉ​ဝႆႉ​ယူႇ​သေ​လႄႈ ဢွၵ်ႇ​မႃး​ဢေႃႈ။ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵႄႈ​မၼ်း​သေ​လႄႈ​ပွႆႇ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="45">မိူဝ်ႈ​ၼၼ်ႉ ၵူၼ်း​ ယူႉတႃႉ ​ဢၼ်​မႃး​ၵႃႈ​တီႈ​ မႃႇရီႉ ​လႄႈ လႆႈ​ႁၼ်​လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​ၼၼ်ႉ ၼမ်​ၼႃႇ​ၸိူဝ်း​ၼၼ်ႉ​ယုမ်ႇ​မၢတ်ႈ​မၼ်း​ၸဝ်ႈ​ဢေႃႈ။-</verse>
				<verse number="46">ၵမ်ႈ​ၽွင်ႈ​ၸမ်ႉ၊ ၵႂႃႇ​ၵႃႈ​တီႈ ၽႃႇရီႉသႄး ​တင်း​လၢႆ​လႄႈ လၢတ်ႈ​ပၼ်​လွင်ႈ​တၢင်း​ဢၼ် ယေႇသူႉ ​ႁဵတ်း​ၸိူဝ်း​ၼၼ်ႉ​ဢေႃႈ။-</verse>
				<verse number="47">မိူဝ်ႈ​ၼၼ်ႉ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ ၽႃႇရီႉသႄး ​ၸိူဝ်း​ၼၼ်ႉ ႁႂ်ႈ​ၶုၼ်​တီႈ​လုမ်း​လူင်​တင်း​လၢႆ​ၸူႉ​ၵၼ်​တုမ်​ၵၼ်​သေ​ယဝ်ႉ၊ လၢတ်ႈ​လႄႈ​ဝႃႈ၊ ႁဝ်း​ႁဵတ်း​ၸိူဝ်ႉ​ၼင်ႇ​ႁိုဝ်​ယူႇ။ ၵေႃႉ​ၼၼ်ႉ​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​ၼမ်​ၼႃႇ​ဢေႃႈ။-</verse>
				<verse number="48">ပေႃး​ပွႆႇ​မၼ်း​ဝႆႉ​ၸိူဝ်ႉ​ၼင်ႇ​ၼႆ​ၸိုင်၊ ၵူၼ်း​တင်း​သဵင်ႈ​တင်း​လူင်​တၵ်း​ယုမ်ႇ​မၼ်း​ဢေႃႈ။ ၵူၼ်း​ ရူဝ်းမႃႉ ​တင်း​လၢႆ​ၵေႃႈ တၵ်း​မႃး​လႄႈ ယႃႉ​ၽဵဝ်ႈ​ပႅတ်ႈ​တီႈ​ထႃႇၼႃႉ​ႁဝ်း၊ ဢိၵ်ႇ​တင်း​မဵဝ်း​ႁဝ်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="49">ဢၼ်​ၶဝ်ႈ​ပႃး​ၼႂ်း​ၶဝ်​ၼၼ်ႉ ဢၼ်​လႆႈ​ၸိုဝ်ႈ ၵႃႇယၽႃႉ ၊ ဢၼ်​ပဵၼ်​ၶုၼ်​ယိတ်ႈပရေႃးႁဵၵ်ႈ ၼႂ်း​ပီႊ​ၼၼ်ႉ​ၵေႃႉ​ၼိုင်ႈ​ၵေႃႈ​လၢတ်ႈ​လႄႈ​ဝႃႈ၊ သူ​ၼႆႉ​ဢမ်ႇ​ႁူႉ​ၵႃႈ​သင်​လႃး​လႃး။-</verse>
				<verse number="50">သူ​ဢမ်ႇ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ ဢၼ်​ၵူၼ်း​ၵေႃႉ​ၼိုင်ႈ​တၢႆ​ပုၼ်ႈ​ၵူၼ်း​တင်း​လၢႆ ယဵင်ႈ​ၶႅၼ်း​လီ​ၼႃႇ​သေ​မဵဝ်း​ၵူၼ်း​ ယူႉတႃႉ လူႉ​လႅဝ်​ပႅတ်ႈ​တင်း​သဵင်ႈ​တင်း​လူင်​ၼၼ်ႉ တီႈ​ႁဝ်း​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="51">ၵႂၢမ်း​ၼၼ်ႉ​ၸိုင်​မၼ်း​လၢတ်ႈ​ဝႃႈ​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ။ မၼ်း​ပဵၼ်​ၶုၼ်​ယိတ်ႈပရေႃးႁဵၵ်ႈ​ၼႂ်း​ပီႊ​ၼၼ်ႉ​ယူႇ​လႄႈ ပႃး​တင်း​ၺၢၼ်ႇ​ပရေႃးၽႅတ်ႈ ႁေႃး​လၢတ်ႈ​လွင်ႈ​ဢၼ်​ ယေႇသူႉ တၵ်း​လႆႈ​တၢႆ​ပုၼ်ႈ​ၵူၼ်း​မဵဝ်း​ၼၼ်ႉ၊-</verse>
				<verse number="52">ဢိၵ်ႇ​တင်း​လွင်ႈ​ဢၼ် တၵ်း​လႆႈ​တၢႆ​ပုၼ်ႈ​ၵူၼ်း​မဵဝ်း​ၼၼ်ႉ​ၵူၺ်း​ဢမ်ႇ​ၵႃး တၵ်း​လႆႈ​တၢႆ ႁႂ်ႈ​လုၵ်ႈ​ၽြႃး​ပဵၼ်​ၸဝ်ႈ ဢၼ်​ၽၢတ်ႇ​ၽႄ​ၵၼ် မီး​ယူႇ​ၵူႈ​တီႈ​ၵူႈ​လႅၼ်​ၸိူဝ်း​ၼၼ်ႉ လႆႈ​ၸူႉ​တုမ်​လူၺ်ႈ​ၵၼ်​ၼၼ်ႉ​ဢေႃႈ။</verse>
				<verse number="53">ၸႃႉ​ၸဵမ်​ဝၼ်း​ၼၼ်ႉ​လႄႈ ၶဝ်​တိူင်ႇ​ပၢင်ႇ​ၵၼ် ၵျၢမ်ႇ​ႁႃ​ႁႂ်ႈ​လႆႈ​ဢဝ်​ဢသၢၵ်ႈ​မၼ်း​ၸဝ်ႈ​တၢႆ​ယူႇ​ဢေႃႈ။-</verse>
				<verse number="54">ပိူဝ်ႈ​ၼႆ​လႄႈ၊​လိုၼ်း​ၼၼ်ႉ ယေႇသူႉ ဢမ်ႇ​လႄႇ​လဵပ်ႈ​ထၢင်ႇ​ထၢင်ႇ​သႃး​သႃး ၵႃႈ​ၼႂ်း​ၵူၼ်း​ ယူႉတႃႉ ​တင်း​လၢႆ​လႄႈ ဢွၵ်ႇ​သေ​ၵႃႈ​တီႈ​ၼၼ်ႈ​ၵႂႃႇ​ၵႃႈ​တီႈ​ဢၼ် ၸမ်​ၵၼ်​တင်း​ထိူၼ်ႇ၊ ၵႃႈ​တီႈ​ဝဵင်း​ဢၼ်​လႆႈ​ၸိုဝ်ႈ​ ဢေႇၽရိမ်ႇ ​ၼၼ်ႉ​လႄႈ၊ ယူႇ​လူၺ်ႈ​ၵၼ်​တင်း​တပႄး​ၸဝ်ႈ​တင်း​လၢႆ​ဢေႃႈ။</verse>
				<verse number="55">မိူဝ်ႈ​ၼၼ်ႉ​ပွႆး​ ပႃႉသၶႃႇ ၵူၼ်း​ ယူႉတႃႉ ၸမ်​တၵ်း​ပဵၼ်​လႄႈ၊ ၵူၼ်း​ၼမ်​ၼႃႇ၊ ၼင်ႇ​ႁိုဝ် တၵ်း​လႆႈ​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​သႂ်​ၸိုင်၊ ဢွၼ်​ၵၼ်​လုၵ်ႉ​သေ​ၵႃႈ​တီႈ​ဝၢၼ်ႈ​ၼွၵ်ႈ​ၼႃး​ပၢင်ႇ မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ၸူဝ်ႈ​ဢၼ်​ဢမ်ႇ​ပႆႇ​ၶၢမ်ႇ​ပွႆး​ၼၼ်ႉ​ဢေႃႈ။-</verse>
				<verse number="56">ၶဝ်​ၼၼ်ႉ​ႁႃ​ ယေႇသူႉ ​လႄႈ ၸုၵ်း​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ယူႇ​သေ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တွင်ႈ​ထၢမ်​ၵၼ်​လႄႈ​ဝႃႈ၊ သူ​ထၢင်ႇ​ၸိူဝ်ႉ​ၼင်ႇ​ႁိုဝ်။ မၼ်း​ၼၼ်ႉ ဢမ်ႇ​မႃး​ၵႃႈ​တီႈ​ပွႆး​ၼႆႉ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="57">မိူဝ်ႈ​ၼၼ်ႉ ယိတ်ႈပရေႃးႁဵၵ်ႈ​လူင်​ဢိၵ်ႇ​တင်း​ ၽႃႇရီႉသႄး ​ၸိူဝ်း​ၼၼ်ႉ သင်ႇ​လၢတ်ႈ​လွင်ႈ​ဢၼ် ပေႃး​ၽူႈ​လႂ်​ႁူႉ​တီႈ​ဢၼ်​မၼ်း​ၸဝ်ႈ​မီး​ၸိုင် တၵ်း​လႆႈ​ၸီႉ​ၼႄ​ႁႂ်ႈ​ၶဝ်​လႆႈ​တီႉ​ဢဝ်​မၼ်း​ၸဝ်ႈ​ၼၼ်ႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ။</verse>
			</chapter>
			<chapter number="12">
				<verse number="1">မိူဝ်ႈ​ဢၼ်​ၶိင်ႇ ဢၼ်​တၵ်း​ၶၢမ်ႇ​ပွႆး​ ပႃႉသၶႃႇ ​ၼၼ်ႉ ယင်း​လူဝ်ႇ​ထႅင်ႈ​ႁူၵ်း​ဝၼ်း​ၸိုင်၊ ယေႇသူႉ ​ႁွတ်ႈ​ထိုင်​ၵႃႈ​တီႈ ဝၢၼ်ႈ​ ပေႇထၼီႉ ဢၼ်​ပဵၼ်​တီႈ​ယူႇ​ လႃႇၸရူႉ ဢၼ်​တၢႆ​ၵႂႃႇ​မိူဝ်ႈ​ၼၼ်ႉ​ၼၼ်ႉ​လႄႈ ယေႇသူႉ ​ႁႂ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ဢေႃႈ။-</verse>
				<verse number="2">ပိူဝ်ႈ​ၼႆ​လႄႈ ၵႃႈ​တီႈ​ၼၼ်ႈ ၶဝ်​ႁဵတ်း​ပွႆး​လႄႈ မႃႇထႃႉ ​ႁဵတ်း​လွင်ႈ​တၢင်း​ဢၼ် ႁဵတ်း​လဵင်ႉ​ႁဵတ်း​လူ​ဢေႃႈ။ လႃႇၸရူႉ ​ၸမ်ႉ၊ ၶဝ်ႈ​ပႃး​ၼႂ်း​ၶဝ်​ၸိူဝ်း​ဢၼ်​ဢိင်​ယူႇ​လူၺ်ႈ​ၵၼ်​တင်း​မၼ်း​ၸဝ်ႈ​ဢေႃႈ။</verse>
				<verse number="3">မိူဝ်ႈ​ၼၼ်ႉ​ မႃႇရီႉ ဢဝ်​ၼမ်ႉ​မၼ်း​ႁွမ်​ ၼႃႇတူႉ ​ၸႅတ်ႈ​ၸႅတ်ႈ​သၢမ်​ၶၼ် ဢၼ်​ထိူၵ်ႈ​ၵႃႈ​ယႂ်ႇ​ၼႃႇ​ၼၼ်ႉ​လႄႈ​တႃး​တိၼ်​ ယေႇသူႉ ​သေ​ယဝ်ႉ၊ ဢဝ်​ၶူၼ်​ႁူဝ်​မၼ်း​ၸဵတ်ႉ​လႄႈ ဢၢႆ​ႁွမ်​ၼမ်ႉ​မၼ်း​ၼၼ်ႉ​ၸွတ်ႇ​တူဝ်ႈ​ၵႂႃႇ​တင်း​ႁိူၼ်း​ဢေႃႈ။-</verse>
				<verse number="4">ယူႉတႃႉ​ဢီႉသၵႃႇရေႇဢုတ်ႈ လုၵ်ႈ​ၸၢႆး​ သီႉမုၼ်ႇ ဢၼ်​ၶဝ်ႈ​ပႃး​ၼႂ်း​တပႄး​ၸဝ်ႈ​တင်း​လၢႆ၊ ၵေႃႉ​ဢၼ်​တၵ်း​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ ၵေႃႈ​လၢတ်ႈ​လႄႈ​ဝႃႈ၊-</verse>
				<verse number="5">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ဢမ်ႇ​ဢဝ်​ၼမ်ႉ​မၼ်း​ႁွမ်​ၼႆႉ ၶၢႆ​ဢဝ်​တင်း​ၵႃႈ​မၼ်း​ၶၼ်​မၼ်း တေႇၼႃႇရီႇ ​သၢမ်​ပၢၵ်ႇ​ၶႅပ်း​သေ​လႄႈ ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ မၼ်း​ထွၵ်ႈ​လူၺ်ႈ​ဢၵျူဝ်း​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​လႄႈ​ဝႃႈ၊ ဢမ်ႇ​ၸႂ်ႈ။ ပိူဝ်ႈ​ဢၼ်​မၼ်း​ပဵၼ်​ၽူႈ​လၵ်ႉ​ယူႇ၊ ပႃး​ထူင်​ငိုၼ်း​ယူႇ​သေ​လႄႈ ပႃး​ဢဝ်​ၵႂႃႇ​ၵႃႈ​ဢၼ် သႂ်ႇ​ဝႆႉ​ၵႃႈ​ၼႂ်း​ထူင်​ၼၼ်ႉ​လႄႈ ၸင်ႇ​ဝႃႈ​ဢေႃႈ။-</verse>
				<verse number="7">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ယႃႇ​မၼ်း​တႃႉ။ မၼ်း​ဢဝ်​ၼမ်ႉ​မၼ်း​ႁွမ်​ၼႆႉ​သိမ်း​ဝႆႉ တေႃႇ​ထိုင်​ႁွတ်ႈ​ဝၼ်း​ဢၼ် တၵ်း​မႄး​ႁႅၼ်း​ပုၼ်ႈ​ဢၼ်​တၵ်း​သၢင်း​ၵျူဝ်ႇ​တူဝ်​တၢႆ​ၵဝ်​ၼၼ်ႉ​ယဝ်ႉ။-</verse>
				<verse number="8">ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၸမ်ႉ၊ မီး​ယူႇ​တီႈ​သူ​တႃႇ​သေႇ​ဢေႃႈ။ ၵဝ်​ၸမ်ႉ၊ မီး​ယူႇ​တီႈ​သူ​တႃႇ​သေႇ​ဢမ်ႇ​ၸႂ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ပိူဝ်ႈ​ၼႆ​လႄႈ ၵူၼ်း​ ယူႉတႃႉ ဢၼ်​ၸူႉ​ဢၼ်​တုမ်​ၼမ်​ၼႃႇ ႁူႉ​လွင်ႈ​ဢၼ် ယေႇသူႉ မီး​ယူႇ​ၵႃႈ​တီႈ​ၼၼ်ႈ​လႄႈ မႃး​ၵွပ်ႈ​ပိူဝ်ႈ​မၼ်း​ၸဝ်ႈ​ၵူၺ်း​ဢမ်ႇ​ၸႂ်ႈ။ မႃး​ႁႂ်ႈ​လႆႈ​ႁၼ် လႃႇၸရူႉ ဢၼ်​မၼ်း​ၸဝ်ႈ​ႁႂ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ဢေႃႈ။</verse>
				<verse number="10">ပိူဝ်ႈ​ဢၼ်​ၵူၼ်း​ ယူႉတႃႉ ​ၼမ်​ၼႃႇ​ဢွၵ်ႇ​ၵႂႃႇ​လႄႈ ယုမ်ႇ​မၢတ်ႈ​ ယေႇသူႉ ​ၵွပ်ႈ​ပိူဝ်ႈ​လွင်ႈ​ လႃႇၸရူႉ ​ၼၼ်ႉ​လႄႈ</verse>
				<verse number="11">ယိတ်ႈပရေႃးႁဵၵ်ႈ​လူင်​တင်း​လၢႆ​တိူင်ႇ​ပၢင်ႇ ၸီႇ​ယၢင်ႇ​ၵၼ်​ႁႂ်ႈ​လႆႈ​ဢဝ်​ လႃႇၸရူႉ ​တၢႆ​ဢေႃႈ။</verse>
				<verse number="12">ၼႂ်း​ဝၼ်း​မိူဝ်ႈ​ၽုၵ်ႈ ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ ဢၼ်​မႃး​ၵႃႈ​တီႈ​ပွႆး​ၼၼ်ႉ မိူဝ်ႈ​ဢၼ်​ငိၼ်း​လွင်ႈ​ဢၼ်​ ယေႇသူႉ မႃး​ၵႃႈ​တီႈ ဝဵင်း​ ယေႇရူႉသလႅမ်ႇ ယူႇ​ၼၼ်ႉ​ၸိုင်၊-</verse>
				<verse number="13">ယိပ်း​ၵမ်​ၵၢၼ်ႈ​မႂ်​ၸုၼ်ႇပလုၼ်ႇ​သေ​လႄႈ ဢွၵ်ႇ​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​ၸဝ်ႈ​လႄႈ​ႁွင်ႉ​သႅၼ်ႇ​ဝႃႈ၊ ႁႂ်ႈ​ပဵၼ်​ ႁူဝ်းသၼ်ႇၼႃႉ သေ​ၵမ်း​လူၺ်ႈ။ ႁႂ်ႈ​ၶုၼ်​ႁေႃ​ၶမ်း​ ဢီႉသရေႇလႃႉ ဢၼ်​ပႃး​တင်း​ဢၶႂၢင်ႉ​ၽြႃး​ပဵၼ်​ၸဝ်ႈ​မႃး​ၼႆႉ မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မႅၼ်ႈ​ၵႃႈ​ၼင်ႇ​ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ လုၵ်ႈ​ယိင်း​သၢဝ်​ ၸီႉဢုၼ်ႇ ​ဢိူၺ်း၊-</verse>
				<verse number="15">ယႃႇ​ပေ​မႆႈ​ၸႂ်။ တူၺ်း​လူး၊ ၶုၼ်​လူင်​မႂ်း​ၼၼ်ႉ ၶီႇ​လီႈ​ဢွၼ်ႇ​သေ​လႄႈ​မႃး ၵႃႈ​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ ယေႇသူႉ ​ထူပ်း​လီႈ​ဢွၼ်ႇ​လႄႈ​ၶီႇ​ဢေႃႈ။-</verse>
				<verse number="16">လွင်ႈ​တၢင်း​ၸိူဝ်း​ၼၼ်ႉ​ၸိုင်၊ မိူဝ်ႈ​ၵေႃႇၸႃႉ​မၼ်း၊ ပိၵ်ႉ​သမ်ႉ​တပႄး​ၸဝ်ႈ​တင်း​လၢႆ ဢမ်ႇ​ႁူႉ​သေ​ၵေႃႈ၊ ဝၢႆး​သေ​မုၼ်​ၽုင်း​မၼ်း​ၸဝ်ႈ​ၵီႈ​မႃး​ယဝ်ႉ​ၼၼ်ႉ၊ ၶဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ် လွင်ႈ​တၢင်း​ၸိူဝ်း​ၼၼ်ႉ​တႅမ်ႈ​ဝႆႉ လွင်ႈ​မၼ်း​ၸဝ်ႈ​ဢိၵ်ႇ​တင်း လွင်ႈ​ဢၼ်​ၶဝ်​လႆႈ​ႁဵတ်း လွင်ႈ​တၢင်း​ၸိူဝ်း​ၼၼ်ႉ​တီႈ​မၼ်း​ၸဝ်ႈ​ယဝ်ႉ​ၼၼ်ႉ​ဢေႃႈ။</verse>
				<verse number="17">ၵူၼ်း​ဢၼ်​ၸူႉ​ဢၼ်​တုမ် ဢၼ်​ပႃး​လူၺ်ႈ​ၵၼ်​တင်း​မၼ်း​ၸဝ်ႈ၊ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ႁွင်ႉ​ဢဝ်​ လႃႇၸရူႉ ဢွၵ်ႇ​သေ ၵႃႈ​ၼႂ်း​ၶုမ်​သၢင်း​ၶႅင်း​လႄႈ ႁႂ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ ၸိူဝ်း​ၼၼ်ႉ​ၸမ်ႉ၊​ဢွၼ်​ၵၼ်​ၶၢမ်ႇ​သၢၵ်ႈ​သေႇ​ဢေႃႈ။-</verse>
				<verse number="18">ၵူၼ်း​ဢၼ်​ၸူႉ​ဢၼ်​တုမ်​တင်း​လၢႆ ၵွပ်ႈ​ပိူဝ်ႈ​ဢၼ်​ငိၼ်း​သတၢင်း​သဵင်​ၶၢဝ်ႇ လွင်ႈ​ဢၼ်​မၼ်း​ၸဝ်ႈ​ၼႄ​ပျႃး ၼီႉမိၵ်ႈ​လၢၵ်ႈၶၼႃႇ​ၼၼ်ႉ​လႄႈ ဢွၵ်ႇ​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​ၸဝ်ႈ​ဢေႃႈ။-</verse>
				<verse number="19">ပိူဝ်ႈ​ၼႆ​လႄႈ​ ၽႃႇရီႉသႄး ​တင်း​လၢႆ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​လႄႈ​ဝႃႈ၊ သူ​ဢမ်ႇ​တၢတ်ႈ​ၼိူင်ႇ​လႆႈ​လႃး​လႃး။ လေႃးၵႃႉ​ၼႆႉ​ၸွမ်း​ပႃႈ​လင်​ၵေႃႉ​ၼၼ်ႉ​ၵႂႃႇ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ၼႂ်း​ၶဝ်​ၸိူဝ်း​ဢၼ်​ႁွတ်ႈ​မႃး​ၵႃႈ​တီႈ​ပွႆး ႁႂ်ႈ​လႆႈ​ၵူဝ်း​ၵႂၢႆႇ​ၼၼ်ႉ ပႃး​ၵူၼ်း​ ႁေႇလသႃႉ ​ၵမ်ႈ​ၽွင်ႈ​ဢေႃႈ။-</verse>
				<verse number="21">ၶဝ်​ၼၼ်ႉ​ၵႂႃႇ​ၸူး​ၵႃႈ​တီႈ​ ၽီႉလိပ်ႉပူႉ ဢၼ်​ပဵၼ် ၵူၼ်း​ဝဵင်း​ ပႅတ်ႉၸေးတႃႉ ၊ မိူင်း​ ၵႃႇလီႉလႄး ​ၼၼ်ႉ​လႄႈ တွင်း​ပၢၼ်ႇ​ဝႃႈ၊ ႁဝ်း​ၶႃႈ​ၶႂ်ႈ​ႁၼ်​ ယေႇသူႉ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၽီႉလိပ်ႉပူႉ ​ၵေႃႈ ၵႂႃႇ​လႄႈ​လၢတ်ႈ​တီႈ ဢၼ်ႇတရေႇ ​သေ​ယဝ်ႉ၊ သွင်​ၶႃ​လဝ်ႊ​လၢတ်ႈ​တီႈ​ ယေႇသူႉ ​ဢေႃႈ။</verse>
				<verse number="23">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၶိင်ႇ​ၼႃႇရီႇ​ဢၼ်​မုၼ်​ၽုင်း​လုၵ်ႈ​ၵူၼ်း၊ တၵ်း​လႆႈ​ၵီႈ​မႃး​ၼၼ်ႉ​ႁွတ်ႈ​ထိုင်​ယဝ်ႉ။-</verse>
				<verse number="24">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ပေႃး​မဵတ်ႉ​ၶဝ်ႈ​ပိူၵ်ႇ​ဢၼ်​တူၵ်း​ၵႃႈ​တီႈ​လိၼ်​ၼၼ်ႉ ဢမ်ႇ​လူႉ​ၸိုင်၊ တၵ်း​လႆႈ​ယူႇ​ဢၼ်​လဵဝ်​ၵူၺ်း​မၼ်း​ဢေႃႈ။ ပေႃး​လူႉ​ၸမ်ႉ၊ ၸၢင်ႈ​မၢၵ်ႇ​မၢၵ်ႇ​မၼ်း​ၼမ်​ၼႃႇ​ဢေႃႈ။-</verse>
				<verse number="25">ၵေႃႉ​ဢၼ်​ႁၵ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ ဢသၢၵ်ႈ​တၵ်း​သုမ်း​ဢေႃႈ။ ၵေႃႉ​ဢၼ်​ၸင်း​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼႂ်း​လေႃးၵႃႉ​ၼႆႉ​ၼၼ်ႉ​ၸမ်ႉ၊ ပႂ်ႉ​ပုၼ်ႈ​ထႃႇဝရႃႉ​ဢသၢၵ်ႈ​ယူႇ​ဢေႃႈ။-</verse>
				<verse number="26">ၽူႈ​လႂ်​သေ​ဢမ်ႇ​ဝႃႈ၊ ပေႃး​ပဵၼ်​ၵေႃႉ​ဢၼ်​ႁဵတ်း​ၵူၼ်း​ၸႂ်ႉ​ၵူၼ်း​သွႆ​ၵဝ်​ၸိုင် တၵ်း​လႆႈ​ၸွမ်း​ပႃႈ​လင်​ၵဝ်​ဢေႃႈ။ ၵေႃႉ​ဢၼ်​ႁဵတ်း​ၵူၼ်း​ၸႂ်ႉ​ၵူၼ်း​သွႆ​ၵဝ်​ၼၼ်ႉ​ၵေႃႈ တၵ်း​မီး​ၵႃႈ​တီႈ​ဢၼ်​ၵဝ်​မီး​ၼၼ်ႉ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ပေႃး​ပဵၼ်​ၵေႃႉ​ဢၼ်​ႁဵတ်း​ၵူၼ်း​ၸႂ်ႉ​ၵူၼ်း​သွႆ​ၵဝ်​ၸိုင်၊ ပေႃႈ​ၸဝ်ႈ​တၵ်း​ယုၵ်ႉ​ယွင်ႈ​ၵေႃႉ​ၼၼ်ႉ​ဢေႃႈ။</verse>
				<verse number="27">တေႃႈ​လဵဝ်​ၼႆႉ ၵဝ်​မီး​တၢင်း​ဢၼ်​ယၢပ်ႇ​ၸႂ်​မႆႈ​ၸႂ်​ယူႇ​ဢေႃႈ။ ၵဝ်​တၵ်း​လႆႈ​လဝ်ႊ​လၢတ်ႈ​ၸိူဝ်ႉ​ၼင်ႇ​ႁိုဝ်။ တၵ်း​လႆႈ​လဝ်ႊ​လၢတ်ႈ​လႄႈ​ဝႃႈ ၵႃႈ​တီႈ​ၶိင်ႇ​ၼႃႇရီႇ​ၼၼ်ႉ​ၶႅၼ်း​တေႃႈ ၵႄႇ​ၶျွတ်ႈ​ဢဝ်​ၵဝ်​ၶႃႈ​သေ​ၵမ်း​တီႈ​ၶႃႈ​ပေႃႈ၊ ဝႃႈ​ၼင်ႇ​ၼႆ​ႁိုဝ်။ မီး​လွင်ႈ​ၼၼ်ႉ​ၵူၺ်း​လႄႈ ၸင်ႇ​ႁွတ်ႈ​ထိုင် ၶိင်ႇ​ၼႃႇရီႇ​ၼၼ်ႉ​ယဝ်ႉ။-</verse>
				<verse number="28">ဢူဝ်း​ပေႃႈ၊ ၶႅၼ်း​တေႃႈ​ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ​သဵင်​ၵႂၢမ်း​ပဵၼ်​မႃး ၵႃႈ​တီႈ​ၼိူဝ်​ၵၢင်​ႁၢဝ်​ၸမ်ႉ၊ ၵဝ်​ယွင်ႈ​ယေႃး​မႃး​ယဝ်ႉ။ တၵ်း​ယွင်ႈ​ယေႃး​ထႅင်ႈ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">ၵူၼ်း​ဢၼ်​ၸူႉ​ဢၼ်​တုမ် ဢၼ်​လွမ်ႉ​ႁွပ်ႈ​ယူႇ​လႄႈ​လႆႈ​ငိၼ်း​ၸိူဝ်း​ၼၼ်ႉ ဢွၼ်​ၵၼ်​ဝႃႈ၊ ၽႃႉ​လင်​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ၊ တမၢၼ်ႇ​ၵၢင်​ႁၢဝ်​လၢတ်ႈ​တေႃႇ​မၼ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="30">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သဵင်​ၵႂၢမ်း​ၼၼ်ႉ​ပဵၼ်​မႃး ပုၼ်ႈ​ၵဝ်​ဢမ်ႇ​ၸႂ်ႈ။ ပဵၼ်​မႃး​ပုၼ်ႈ​သူ​ဢေႃႈ။</verse>
				<verse number="31">တေႃႈ​လဵဝ်​ၼႆႉ လေႃးၵႃႉ​ၼႆႉ​လႆႈ​ၶၢမ်ႇ​တၢင်း​ဢၼ် ၸီႇ​ယၢင်ႇ​တြႃး​ဢေႃႈ။ တေႃႈ​လဵဝ်​ၼႆႉ ၶုၼ်​ဢၼ်​လႆႈ​ဢုပ်ႉ​ပိူင်ႇ​လေႃးၵႃႉ​ၼႆႉ တၵ်း​လႆႈ​ၶၢမ်ႇ​တၢင်း​ဢၼ် ႁေႃႈ​ဢွၵ်ႇ​ပႅတ်ႈ​ဢေႃႈ။-</verse>
				<verse number="32">ၵဝ်​ၵေႃႈ​ပေႃး​လႆႈ​ၽၢတ်ႇ​ယၢၼ်​ၵၼ်​တင်း​လိၼ်​မိူင်း​လႄႈ ၶၢမ်ႇ​တၢင်း​ဢၼ်​ယုၵ်ႉ​ဝႆႉ​ၸိုင် တၵ်း​တိုတ်ႉ​ၸၼ်​ဢဝ်​ၵူၼ်း​တင်း​သဵင်ႈ​တင်း​လူင်​မႃး​ၵႃႈ​တီႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">မိူဝ်ႈ​ဢၼ်​မၼ်း​ၸဝ်ႈ​ဝႃႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် မၼ်း​ၸဝ်ႈ​ၼႄ​ပျႃး လွင်ႈ​ဢၼ်​မၼ်း​ၸဝ်ႈ​တၵ်း​လႆႈ​တၢႆ​ၸိူဝ်ႉ​ၼင်ႇ​ႁိုဝ်​ၼၼ်ႉ​ယူႇ​ဢေႃႈ။</verse>
				<verse number="34">ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ လွင်ႈ​ဢၼ်​မႃး​ၼႂ်း​ၵျၢမ်း​ပိင်း​ၺၢပ်ႈ​တီႉ​လႄႈ​ဝႃႈ၊ ၸဝ်ႈ​ၶရိၸ်ႈ​မီး​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်​ႁဝ်း​ၶႃႈ​လႆႈ​ငိၼ်း​ယဝ်ႉ​ၶႃႈ​ယဝ်ႉ။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင် လုၵ်ႈ​ၵူၼ်း​တၵ်း​လႆႈ​ၶၢမ်ႇ​တၢင်း​ဢၼ်​ယုၵ်ႉ​ဝႆႉ​ဢေႃႈ​ဝႃႈ​ၼႆ၊ ႁဵတ်း​ႁိုဝ်​လႄႈ​ၸဝ်ႈ​ဝႃႈ​ၼင်ႇ​ႁိုဝ်။ လုၵ်ႈ​ၵူၼ်း​ၼၼ်ႉ​ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ဢၼ်​လႅင်း​မီး​ယူႇ​ၵႃႈ​တီႈ​သူ​ၵမ်း​ဢွၼ်ႇ​ၼိုင်ႈ​ၵူၺ်း​ဢေႃႈ။ ၵႂႃႇ​မႃး​ၼႂ်း​မိူဝ်ႈ​ဢၼ်​ဢၼ်​လႅင်း​ယင်း​တိုၵ်ႉ​မီး​ယူႇ​ၼၼ်ႉ​တႃႉ။ ပေႃး​ဢမ်ႇ​ၼၼ်​ၸိုင်​လပ်း​သိင်ႇ တၵ်း​ၶိုတ်း​သူ​ဢေႃႈ။ ၵေႃႉ​ဢၼ်​ၵႂႃႇ​မႃး​ၼႂ်း​ဢၼ်​လပ်း​သိင်ႇ​ၼၼ်ႉ ဢမ်ႇ​ႁူႉ​လွင်ႈ​ဢၼ်​တူဝ်​ၸဝ်ႈ​ၵဝ်ႇ​ၵႂႃႇ​ၵႃႈ​တီႈ​လႂ်​ၼၼ်ႉ။-</verse>
				<verse number="36">ၼႂ်း​မိူဝ်ႈ​ဢၼ် ဢၼ်​လႅင်း​ယင်း​တိုၵ်ႉ​မီး​ယူႇ​ၼၼ်ႉ​ၸိုင်၊ ယုမ်ႇ​မၢတ်ႈ​ဢၼ်​လႅင်း​ႁႂ်ႈ​လႆႈ​ပဵၼ်​ၵူၼ်း​ဢၼ်​လႅင်း​တႃႉ၊ ဝႃႈ​ၼင်ႇ​ၼႆ​ဢေႃႈ။ ယေႇသူႉ ​ဝႃႈ​ၸိူဝ်ႉ​ၼင်ႇ​ၼၼ်​ယဝ်ႉ​ၸင်ႇ​ဢွၵ်ႇ​ၵႂႃႇ​လႄႈ လပ်ႉ​တဵတ်ႇ​ၶဝ်​ၼၼ်ႉ ယူႇ​သေ​ဢေႃႈ။</verse>
				<verse number="37">ပိၵ်ႉ​သမ်ႉ​မၼ်း​ၸဝ်ႈ​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​ဢၼ်​ယႂ်ႇ​ၼႃႇ​ထၢၼ်ႇ​ၼၼ်ႉ​သိုဝ်ႈ​ၼႃႈ​တႂ်ႈ​တႃ​ၶဝ်​သေ​ၵေႃႈ၊ ၶဝ်​ၼၼ်ႉ​ဢမ်ႇ​ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ။-</verse>
				<verse number="38">လွင်ႈ​မၼ်း​ၸမ်ႉ ၼင်ႇ​ႁိုဝ်​ၵႂၢမ်း​ဢၼ် ပရေႃးၽႅတ်ႈ ဢီႉသႃႇယႃႉ ႁေႃး​ဝႆႉ​လႄႈ​ဝႃႈ၊ ဢူဝ်း​ထႃႇဝရႃႉ​ၽြႃး၊ ၵႂၢမ်း​သတၢင်း​သဵင်​ၶၢဝ်ႇ ဢၼ်​ႁဝ်း​ၶႃႈ​ႁေႃး​လၢတ်ႈ​ၼႆႉ​ၸိုင် ၽူႈ​လႂ်​ယုမ်ႇ​တီႈ​ၶႃႈ။ ၶႅၼ်​မိုဝ်း​ထႃႇဝရႃႉ​ၽြႃး​ၼၼ်ႉ​ၸိုင် ထၢင်ႇ​သႃး​ၵႃႈ​တီႈ​ၽူႈ​လႂ်​တီႈ​ၶႃႈ၊ ဝႃႈ​ၼင်ႇ​ၼႆ​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ် ပျေႉ​ၸုမ်ႇ​ၸိုင်​ၸင်ႇ​ပဵၼ်​ဢေႃႈ။-</verse>
				<verse number="39">ၵွပ်ႈ​ႁွႆး​ၼႆႉ​ပိူဝ်ႈ​ဢၼ် ပရေႃးၽႅတ်ႈ​ ဢီႉသႃႇယႃႉ သမ်ႉ​ႁေႃး​လၢတ်ႈ​ထႅင်ႈ​လႄႈ​ဝႃႈ၊-</verse>
				<verse number="40">ၼင်ႇ​ႁိုဝ်​တႃ​ၶဝ်​တၵ်း​ဢမ်ႇ​ႁၼ်၊ ႁူဝ်​ၸႂ်​ၶဝ်​တၵ်း​ဢမ်ႇ​ႁူႉ​ဢမ်ႇ​ၸႅင်ႈ၊ တၢင်း​ၵမ်​တၢင်း​ၵျၢင်ႉ​ၶဝ် တၵ်း​ဢမ်ႇ​ၶၢႆႉ​ဢမ်ႇ​ပုတ်ႈ၊ ၵဝ်​တၵ်း​ဢမ်ႇ​ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ႁၢႆ​ၼၼ်ႉ​ၸိုင်၊ မၼ်း​ၸဝ်ႈ​ႁႂ်ႈ​တႃ​ၶဝ်​လပ်ႉ​ဢေႃႈ။ ႁူဝ်​ၸႂ်​ၶဝ်​ၵေႃႈ​မၼ်း​ၸဝ်ႈ​ႁႂ်ႈ​ၵႅၼ်ႇ​ၶႅင်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ ၶဝ်​ၼၼ်ႉ​ဢမ်ႇ​ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​လႆႈ။-</verse>
				<verse number="41">ဢီႉသႃႇယႃႉ ​ၼၼ်ႉ ႁေႃး​လၢတ်ႈ​ၵႂၢမ်း​ၼၼ်ႉ ၵွပ်ႈ​ပိူဝ်ႈ​ဢၼ်​လႆႈ​ႁၼ်​မုၼ်​ၽုင်း​ဢႃႇၼူႉၽေႃႇ​ၸဝ်ႈ​လႄႈ ၶိုၼ်း​လၢတ်ႈ​လွင်ႈ​မၼ်း​တၢင်း​မၼ်း​ဢေႃႈ။-</verse>
				<verse number="42">ၼႂ်း​ဝႃႈ​ၼၼ်​သေ​ၵေႃႈ ၶုၼ်​တီႈ​လုမ်း​လူင်​ၼမ်​ၼႃႇ ယုမ်ႇ​မၢတ်ႈ​မၼ်း​ၸဝ်ႈ​ဢေႃႈ။ ပိူဝ်ႈ​ဢၼ် ၵူဝ်​ ၽႃႇရီႉသႄး ​တင်း​လၢႆ တၵ်း​ႁေႃႈ​ၶဝ်​ဢွၵ်ႇ​သေ​ၵႃႈ​ၼႂ်း​ၸရွပ်ႈ​ႁေႃး​တြႃး​လႄႈ ၶဝ်​ဢမ်ႇ​ႁပ်ႉ​တုင်း​ဢဝ်​ထၢင်ႇ​ထၢင်ႇ​သႃး​သႃး။-</verse>
				<verse number="43">လွင်ႈ​မၼ်း​ၸမ်ႉ ၶဝ်​ၵျိူၵ်ႈ​မုၼ်​သရေႇ ဢၼ်​ၵူၼ်း​တင်း​လၢႆ​ပၼ်​ၼၼ်ႉ ယဵင်ႈ​ၶႅၼ်း​ၼႃႇ​သေ​မုၼ်​သရေႇ ဢၼ်​ၽြႃး​ပဵၼ်​ၸဝ်ႈ​ပၼ်​ဢေႃႈ။</verse>
				<verse number="44">ယေႇသူႉ ​ၵေႃႈ​ႁွင်ႉ​သႅၼ်ႇ​သေ​လႄႈ​ဝႃႈ၊ ၵေႃႉ​ဢၼ်​ယုမ်ႇ​မၢတ်ႈ​ၵဝ်​ၼႆႉ​ၼၼ်ႉ ယုမ်ႇ​မၢတ်ႈ​ၵဝ်​ၵူၺ်း​ဢမ်ႇ​ၸႂ်ႈ။ ယုမ်ႇ​မၢတ်ႈ​ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။-</verse>
				<verse number="45">ၵေႃႉ​ဢၼ် တူၺ်း​ႁၼ်​ၵဝ်​ၼႆႉ​ၼၼ်ႉ တူၺ်း​ႁၼ်​ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။-</verse>
				<verse number="46">ၼင်ႇ​ႁိုဝ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၵဝ် ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တၵ်း​ဢမ်ႇ​လႆႈ​ယူႇ​ၵႃႈ​တီႈ​ၼႂ်း​ဢၼ်​လပ်း​သိင်ႇ​ၸိုင်၊ ၵဝ်​ပဵၼ်​ဢၼ်​လႅင်း​သေ​လႄႈ​မႃး​ၼႂ်း​လေႃးၵႃႉ​ၼႆႉ​ယဝ်ႉ။-</verse>
				<verse number="47">ၽူႈ​လႂ်​သေ​ဢမ်ႇ​ဝႃႈ၊ ပေႃး​ငိၼ်း​ၵႂၢမ်း​ၵဝ်​လႄႈ ဢမ်ႇ​ယုမ်ႇ​မၢတ်ႈ​ၵႂၢမ်း​ၼၼ်ႉ​ၸိုင်၊ ၵဝ်​ဢမ်ႇ​ၸီႇ​ယၢင်ႇ​ဢပႅတ်ႈ​တီႈ​ၵေႃႉ​ၼၼ်ႉ။ ၵဝ်​မႃး​ႁႂ်ႈ​လႆႈ​ၸီႇ​ယၢင်ႇ​ဢပႅတ်ႈ​လေႃးၵႃႉ​ၼႆႉ​ဢမ်ႇ​ၸႂ်ႈ။ ၵဝ်​မႃး​ႁႂ်ႈ​လႆႈ​ၵႄႇ​ၶျွတ်ႈ​ဢဝ်​လေႃးၵႃႉ​ၼႆႉ​ဢေႃႈ။-</verse>
				<verse number="48">တီႈ​ၵေႃႉ​ဢၼ်​ပႄႇ​ပႅတ်ႈ​ၵဝ်​လႄႈ ဢမ်ႇ​ထွမ်ႇ​ဢဝ်​ၵႂၢမ်း​ၵဝ်​ၼၼ်ႉ၊ ၵေႃႉ​ဢၼ်​ၸီႇ​ယၢင်ႇ​ဢပႅတ်ႈ​ယင်း​မီး​ယူႇ​လူး​ၵွၼ်ႇ​ဢေႃႈ။ ၵႂၢမ်း​ဢၼ်​ၵဝ်​ႁေႃး​လၢတ်ႈ​ၼႆႉ တၵ်း​ၸီႇ​ယၢင်ႇ​ဢပႅတ်ႈ​တီႈ​ၵေႃႉ​ၼၼ်ႉ ၼႂ်း​ဝၼ်း​ဢၼ်​သုတ်း​ဢၼ်​ၵွႆ​ပုၼ်ႉ​ဢေႃႈ။-</verse>
				<verse number="49">လွင်ႈ​မၼ်း​ၸမ်ႉ ၵဝ်​ႁေႃး​လၢတ်ႈ​ၸွမ်း​ၼင်ႇ​ဢလူဝ်ႇ တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ။ ၵဝ်​တၵ်း​လႆႈ​ဝႃႈ​ၸိူဝ်ႉ​ၼင်ႇ​ႁိုဝ်။ ၵဝ်​တၵ်း​လႆႈ​ႁေႃး​လၢတ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ပေႃႈ​ၸဝ်ႈ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ ပၼ်​ပိင်း​ၺၢပ်ႈ​ဝႆႉ​ယဝ်ႉ။-</verse>
				<verse number="50">လွင်ႈ​ဢၼ်​ပိင်း​ၺၢပ်ႈ​ပေႃႈ​ၸဝ်ႈ​ၼၼ်ႉ​ပဵၼ်​ထႃႇဝရႃႉ​ဢသၢၵ်ႈ​ၸိုင်​ၵဝ်​ႁူႉ​ဢေႃႈ။ ပိူဝ်ႈ​ၼႆ​လႄႈ ၵႃႈ​ဢၼ်​ၵဝ် ႁေႃး​လၢတ်ႈ​ၸိူဝ်း​ၼႆႉ​ၸိုင်၊ ၵဝ်​ႁေႃး​လၢတ်ႈ​ၸွမ်း​ၼင်ႇ​ဢၼ် ပေႃႈ​ၸဝ်ႈ​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="13">
				<verse number="1">ၸူဝ်ႈ​ဢၼ်​ဢမ်ႇ​ပႆႇ​ၶၢမ်ႇ ပွႆး​ ပႃႉသၶႃႇ ​ၼၼ်ႉ​ၸိုင်၊ ယေႇသူႉ ​ၼၼ်ႉ​ပိူဝ်ႈ​ဢၼ်​ႁူႉ​လွင်ႈ​ၶိင်ႇ​မိူဝ်ႈ​ဢၼ် မၼ်း​ၸဝ်ႈ​တၵ်း​လႆႈ​လုၵ်ႉ​သေ​ၵႃႈ​တီႈ​လေႃးၵႃႉ​ၼႆႉ ၶၢႆႉ​ၵႂႃႇ​ၵႃႈ​တီႈ​ပေႃႈ​ၸဝ်ႈ​ပုၼ်ႉ​ၼၼ်ႉ​ႁွတ်ႈ​မႃး​ယဝ်ႉ​ၼၼ်ႉ​လႄႈ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ ႁၵ်ႉ​ၵူၼ်း​မၼ်း​ၸဝ်ႈ​ဢၼ် မီး​ယူႇ​ၵႃႈ​ၼႂ်း​လေႃးၵႃႉ​ၼႆႉ​လႄႈ၊ မၼ်း​ၸဝ်ႈ​ႁၵ်ႉ​တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ဢေႃႈ။-</verse>
				<verse number="2">မႃႇၼၢတ်ႈ​သႂ်ႇ​ပၼ်​တၢင်း​ၵျၢမ်ႇ​တၢင်း​ပွင် လွင်ႈ​ဢၼ်​တၵ်း​လႆႈ​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ ၵႃႈ​ၼႂ်း​ႁူဝ်​ၸႂ်​ ယူႉတႃႉ​ဢီႉသၵႃႇရေႇဢုတ်ႈ လုၵ်ႈ​ၸၢႆး​ သီႉမုၼ်ႇ ​ၼၼ်ႉ​သေ​ယဝ်ႉ၊ ၼႂ်း​မိူဝ်ႈ​ဢၼ် ယင်း​တိုၵ်ႉ​ၵိၼ်​ၶဝ်ႈ​ၶမ်ႈ​ယူႇ​ၼၼ်ႉ​ၸိုင်၊-</verse>
				<verse number="3">ယေႇသူႉ ​ႁူႉ​လွင်ႈ​ဢၼ်​ပေႃႈ​ၸဝ်ႈ ဢၢပ်ႈ​ပၼ် တင်း​သဵင်ႈ​တင်း​လူင်​ၵႃႈ​တီႈ​ၼႂ်း​မိုဝ်း​မၼ်း​ၸဝ်ႈ ဢိၵ်ႇ​တင်း​လွင်ႈ​ဢၼ်​မၼ်း​ၸဝ်ႈ ဢွၵ်ႇ​သေ​ၵႃႈ​တီႈ​ၽြႃး​ပဵၼ်​ၸဝ်ႈ​မႃး တင်း​လွင်ႈ​ဢၼ်​မၼ်း​ၸဝ်ႈ​တၵ်း​ၵႂႃႇ​ၵႃႈ​တီႈ​ၽြႃး​ပဵၼ်​ၸဝ်ႈ​ပုၼ်ႉ​ၼၼ်ႉ​ယူႇ​သေ​လႄႈ၊-</verse>
				<verse number="4">လုၵ်ႉ​သေ​ၵႃႈ​တီႈ​ၶူင်ႇ​တီႈ​ၵိၼ်​ၼၼ်ႉ​လႄႈ ထွတ်ႇ​ဢဝ်​ၶူဝ်း​မၼ်း​ၸဝ်ႈ​သေ​ယဝ်ႉ၊ ဢဝ်​ၽႃႈ​ၸဵတ်ႉ​လႄႈ ႁတ်ႉ​ဢႅဝ်​မၼ်း​ၸဝ်ႈ​ဢေႃႈ။-</verse>
				<verse number="5">လိုၼ်း​ၼၼ်ႉ မၼ်း​ၸဝ်ႈ​ဢဝ်​ၼမ်ႉ​ထွၵ်ႇ​သႂ်ႇ​ၵႃႈ​ၼႂ်း​ဢႅင်ႇ​သေ​လႄႈ သုၵ်ႈ​တိၼ်​တပႄး​ၸဝ်ႈ​တင်း​လၢႆ​ယဝ်ႉ​ၸင်ႇ ဢဝ်​တင်း​ၽႃႈ​ၸဵတ်ႉ​ဢၼ်​ႁတ်ႉ​ဢႅဝ်​မၼ်း​ၸဝ်ႈ​ၼၼ်ႉ​ၸဵတ်ႉ​ဢေႃႈ။</verse>
				<verse number="6">မိူဝ်ႈ​ဢၼ်​မၼ်း​ၸဝ်ႈ​ႁွတ်ႈ​ထိုင် ၵႃႈ​တီႈ​ သီႉမုၼ်ႇ​ပေႇတရူႉ ​ၸိုင်၊ မၼ်း​ၼၼ်ႉ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊​ၸဝ်ႈ​ႁဝ်း​တၵ်း​သုၵ်ႈ​တိၼ်​ၵဝ်​ၶႃႈ​ၶႃႈ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ လွင်ႈ​ဢၼ်​ၵဝ်​ႁဵတ်း​ၼႆ​ၸိုင် တေႃႈ​လဵဝ်​ၼႆႉ​မႂ်း​ဢမ်ႇ​ပႆႇ​ႁူႉ။ ၵမ်း​လိုၼ်း​မႂ်း​တၵ်း​ႁူႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ပေႇတရူႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​တၵ်း​ဢမ်ႇ​လႆႈ​သုၵ်ႈ​တိၼ်​ၵဝ်​ၶႃႈ​လႃး​လႃး​ၶႃႈ၊ ဝႃႈ​ၼင်ႇ​ၼႆ​ဢေႃႈ။ ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ပေႃး​ၵဝ်​ဢမ်ႇ​လႆႈ​သုၵ်ႈ​မႂ်း​ၸိုင်၊ မႂ်း​ဢမ်ႇ​သိူၵ်ႈ​သမ်ႇ​ၵၼ်​တင်း​ၵဝ်​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">သီႉမုၼ်ႇ​ပေႇတရူႉ ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ယႃႇ​ပေ​သုၵ်ႈ​တိၼ်​ၵဝ်​ၶႃႈ​ၵူၺ်ႉ၊ သုၵ်ႈ​မိုဝ်း​ၵဝ်​ၶႃႈ ဢိၵ်ႇ​တင်း​ႁူဝ်​ၵဝ်​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵေႃႉ​ဢၼ်​ဢၢပ်ႇ​ၼမ်ႉ​ယဝ်ႉ​ၼၼ်ႉ​ၸမ်ႉ၊ လိူဝ်​သေ​တၢင်း​ဢၼ်​သုၵ်ႈ​တိၼ်​ၵူၺ်း၊ လွင်ႈ​ဢၼ်​တၵ်း​လႆႈ​သုၵ်ႈ​ဢမ်ႇ​မီး။ မူတ်း​သႂ်​ယူႇ​တင်း​တူဝ်​တင်း​ၶိင်း​ဢေႃႈ။ သူ​ၼႆႉ​မူတ်း​သႂ်​ဢေႃႈ။ ၵူၺ်း​ၵႃႈ ၵမ်ႈ​ၽွင်ႈ​ဢမ်ႇ​မူတ်း​သႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">လွင်ႈ​မၼ်း​ၸမ်ႉ ပိူဝ်ႈ​ဢၼ်​မၼ်း​ၸဝ်ႈ​ႁူႉ​ၵေႃႉ​ဢၼ် တၵ်း​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ​ယူႇ​လႄႈ မၼ်း​ၸဝ်ႈ​ၸင်ႇ​လၢတ်ႈ​လႄႈ​ဝႃႈ၊ ၼႂ်း​သူ​ၼႆႉ​ၵမ်ႈ​ၽွင်ႈ​ဢမ်ႇ​မူတ်း​သႂ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မၼ်း​ၸဝ်ႈ​သုၵ်ႈ​တိၼ်​ၶဝ်​ၼၼ်ႉ​ယဝ်ႉ​ၸင်ႇ သမ်ႉ​ၶိုၼ်း​ၼုင်ႈ​ၶူဝ်း​လႄႈ ဢိင်​ယူႇ​ၵႃႈ​တီႈ​ႁိမ်း​ၶူင်ႇ​တီႈ​ၵိၼ်​သေ​လႄႈ​ဝႃႈ၊ သူ​ႁူႉ​လွင်ႈ​တၢင်း​ဢၼ် ၵဝ်​ႁဵတ်း​မႃး​ယဝ်ႉ​တီႈ​သူ​ၼႆႉ​ၼၼ်ႉ​ႁိုဝ်။-</verse>
				<verse number="13">သူ​ၼႆႉ ၸၢင်ႈ​ႁွင်ႉ​ၵဝ်​လႄႈ​ဝႃႈ သြႃႇ​ၸဝ်ႈ​ႁဝ်း၊ ၸဝ်ႈ​ၽြႃး​ႁဝ်း၊ ဝႃႈ​ၼင်ႇ​ၼႆ​ဢေႃႈ။ ၵႂၢမ်း​ဢၼ်​သူ​လၢတ်ႈ​ၼၼ်ႉ​ၵေႃႈ ပဵၼ်​ၵႂၢမ်း​ဢၼ်​ၸိုဝ်ႈ​ဢၼ်​ၸႂ်ႈ​ဢေႃႈ။ လွင်ႈ​မၼ်း​ၸမ်ႉ ၵႃႈ​ၼင်ႇ​ဢၼ်​သူ​ႁွင်ႉ​ၼၼ်ႉ​ၵဝ်​ပဵၼ်​ဢေႃႈ။-</verse>
				<verse number="14">ပေႃး​ၵဝ်​ဢၼ်​ပဵၼ်​ၸဝ်ႈ​ၽြႃး​သူ ပဵၼ်​သြႃႇ​သူ​ၼႆႉ​သုၵ်ႈ​တိၼ်​သူ​ၸိုင် သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တၵ်း​လႆႈ​သုၵ်ႈ​တိၼ်​ၵၼ်​ဢေႃႈ။-</verse>
				<verse number="15">ၼင်ႇ​ႁိုဝ်​သူ​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ် ၵဝ်​ႁဵတ်း​ၼႂ်း​သူ​ၼႆႉ​ၼၼ်ႉ​ၸိုင်၊ ၵဝ်​ၼႄ​ပျႃး​ပုင်ႇ​သၢၵ်ႈ​သေႇ​ဝႆႉ​ယဝ်ႉ။-</verse>
				<verse number="16">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၶႃႈ​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ၸဝ်ႈ​မၼ်း​ဢမ်ႇ​ၸႂ်ႈ။ ၵေႃႉ​ဢၼ်​ၶၢမ်ႇ​တၢင်း​ဢၼ်​ပွႆႇ​ၸႂ်ႉ ၼၼ်ႉ​ၵေႃႈ​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ ၵေႃႉ​ဢၼ်​ပွႆႇ​ၸႂ်ႉ​မၼ်း​ၼၼ်ႉ​ဢမ်ႇ​ၸႂ်ႈ။-</verse>
				<verse number="17">ပေႃး​သူ​ႁူႉ​လွင်ႈ​တၢင်း​ၸိူဝ်း​ၼႆႉ​လႄႈ ၵမ်​ၵျၢင်ႉ​ၸွမ်း​ၸိုင် သူ​မီး​မင်ႇၵလႃႇ​ဢေႃႈ။</verse>
				<verse number="18">ၵဝ်​ဢဝ်​လွင်ႈ​သူ​ၵႃႈ​မီး​ၼႆႉ​လႄႈ ဝႃႈ​ဢမ်ႇ​ၸႂ်ႈ။ ၵဝ်​ႁူႉ​ၶဝ်​ၸိူဝ်း​ဢၼ် ၵဝ်​လိူၵ်ႈ​ၵဵပ်း​ဢဝ်​ၼၼ်ႉ​ယူႇ​ဢေႃႈ။ ၵူၺ်း​ၵႃႈ လွင်ႈ​ၼင်ႇ​ႁိုဝ် တၵ်း​ႁႂ်ႈ​ၵျၢမ်း​လိၵ်ႈ​ဢၼ်​ဝႃႈ၊ ၵေႃႉ​ဢၼ်​ၵိၼ် ၶဝ်ႈ​မုၼ်း​ၵဝ်​ၼၼ်ႉ ဢဝ်​တိၼ်​ပိတ်ႉ​ၵဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပျေႉ​ၸုမ်ႇ​ၸိုင်​ၸင်ႇ​ပဵၼ်​ဢေႃႈ။-</verse>
				<verse number="19">လွင်ႈ​ၼင်ႇ​ႁိုဝ်​သူ​တၵ်း​ယုမ်ႇ​မၢတ်ႈ လွင်ႈ​ဢၼ်​ၵဝ်​ပဵၼ်​ၵေႃႉ​ၼၼ်ႉ ၼႂ်း​မိူဝ်ႈ​ဢၼ်​လွင်ႈ​တၢင်း​ၼၼ်ႉ​ႁွတ်ႈ​မႃး​ၼၼ်ႉ​ၸိုင် တေႃႈ​လဵဝ်​ၼႆႉ ၵဝ်​လၢတ်ႈ​ဝႆႉ​တီႈ​သူ ၸူဝ်ႈ​ဢၼ်​လွင်ႈ​တၢင်း​ၼၼ်ႉ​ဢမ်ႇ​ပႆႇ​ႁွတ်ႈ​ထိုင်​ၼၼ်ႉ​ယဝ်ႉ။-</verse>
				<verse number="20">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၵေႃႉ​ဢၼ်​ႁပ်ႉ​တုင်း​ဢဝ်​ၵေႃႉ​ဢၼ်​ၵဝ်​ပွႆႇ​ၸႂ်ႉ​ၼၼ်ႉ​ႁပ်ႉ​တုင်း​ဢဝ်​ၵဝ်​ဢေႃႈ။ ၵေႃႉ​ဢၼ်​ႁပ်ႉ​တုင်း​ဢဝ်​ၵဝ်​ၼၼ်ႉ ႁပ်ႉ​တုင်း​ဢဝ်​ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">ယေႇသူႉ ​လၢတ်ႈ​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ႁူဝ်​ၸႂ်​မၼ်း​ၸဝ်ႈ​မီး​တၢင်း​ဢၼ် ယၢပ်ႇ​ၸႂ်​ယုင်ႈ​ၸႂ်​ၼႃႇ​လူင်​လၢင်​လႄႈ ၶၢမ်ႇ​သၢၵ်ႈ​သေႇ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၼႂ်း​သူ​ၼႆႉ​ၵေႃႉ​ၼိုင်ႈ​တၵ်း​ဢဝ်​ၵဝ်​ဢၢပ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">တပႄး​ၸဝ်ႈ​ၸိူဝ်း​ၼၼ်ႉ မီး​တၢင်း​ဢၼ်​ၵႂင်​ၸႂ်​ယုင်ႈ​ၸႂ် လွင်ႈ​ဢၼ်​မၼ်း​ၸဝ်ႈ​ဢဝ်​လွင်ႈ​ၽူႈ​လႂ်​ဝႃႈ​ၼၼ်ႉ​လႄႈ၊ ႁင်း​ၽႂ်​ႁင်း​မၼ်း​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တူၺ်း​ၵၼ်​ယူႇ​ဢေႃႈ။-</verse>
				<verse number="23">တပႄး​ၸဝ်ႈ​ဢၼ်​ ယေႇသူႉ ​ႁၵ်ႉ​ၼႃႇ​ၼၼ်ႉ​ဢိင်​ယူႇ​ၵႃႈ​တီႈ​ႁိမ်း ဝၢင်ႈ​ႁူဝ်​ဢူၵ်း​မၼ်း​ၸဝ်ႈ​လႄႈ၊-</verse>
				<verse number="24">သီႉမုၼ်ႇ​ပေႇတရူႉ ဢဝ်​မိုဝ်း​ၼႄ​တီႈ​မၼ်း​ၼၼ်ႉ​သေ​လႄႈ​ဝႃႈ၊ လၢတ်ႈ​ပၼ်​လွင်ႈ​ဢၼ်​မၼ်း​ၸဝ်ႈ လၢတ်ႈ​ဝႃႈ​လွင်ႈ​ၽူႈ​လႂ်​ၼၼ်ႉ​တီႈ​ႁဝ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ၵေႃႉ​ၼၼ်ႉ ဢိင်​ၸပ်း​ႁူဝ်​ဢူၵ်း​ ယေႇသူႉ ​သေ​လႄႈ လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊ မၼ်း​ပဵၼ်​ၽူႈ​လႂ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပဵၼ်​ၵေႃႉ​ဢၼ်​ၵဝ်​ဢဝ်​ၶဝ်ႈ​မုၼ်း​ၵမ်း​ၼိုင်ႈ​ၸုမ်ႇ​သေ​လႄႈ​ပၼ်​ၼၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ ဢဝ်​ၶဝ်ႈ​မုၼ်း​ၵမ်း​ၼိုင်ႈ​ၸုမ်ႇ​သေ​ယဝ်ႉ၊ ပၼ်​တီႈ ယူႉတႃႉ​ဢီႉသၵႃႇရေႇဢုတ်ႈ ​လုၵ်ႈ​ၸၢႆး​ သီႉမုၼ်ႇ ​ဢေႃႈ။-</verse>
				<verse number="27">ၵေႃႉ​ၼၼ်ႉ​ၶၢမ်ႇ​ဢဝ်​ၶဝ်ႈ​မုၼ်း​ၵမ်း​ၼိုင်ႈ​ၼၼ်ႉ​ယဝ်ႉ၊ ၸႃႇတၢၼ်ႇ ​ၶဝ်ႈ​ၵႃႈ​ၼႂ်း​မၼ်း​ဢေႃႈ။ ယေႇသူႉ ​ၵေႃႈ လၢတ်ႈ​တီႈ​မၼ်း​လႄႈ​ဝႃႈ၊ ႁဵတ်း​လွင်ႈ​ဢၼ်​မႂ်း​တၵ်း​လႆႈ​ႁဵတ်း​ၼၼ်ႉ ၶၼ်​ၶၼ်​ၽႂ်း​ၽႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">ၼႂ်း​ၶဝ်​ၸိူဝ်း​ဢၼ်​ဢိင်​ယူႇ​ၵႃႈ​တီႈ​ႁိမ်း​ၶူင်ႇ​တီႈ​ၵိၼ်​ၼၼ်ႉ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁူႉ​လွင်ႈ​ဢၼ်​မၼ်း​ၸဝ်ႈ လၢတ်ႈ​ဝႃႈ​ၸိူဝ်ႉ​ၼင်ႇ​ၼႆ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ။-</verse>
				<verse number="29">ၵမ်ႈ​ၽွင်ႈ​ၵေႃႈ​ထၢင်ႇ ပိူဝ်ႈ​ဢၼ်​ ယူႉတႃႉ ​ပႃး ထူင်​ငိုၼ်း​ယူႇ​လႄႈ ယေႇသူႉ ​မီး​ဢမိင်ႉ​ဝႃႈ၊ သိုဝ်ႉ​ပုၼ်ႈ​ဢၼ်​ႁဝ်း​တၵ်း​လူဝ်ႇ​ၼႂ်း​ပွႆး​ၼႆႉ​တႃႉ ဝႃႈ​ၼႆ​လႄႈ​သင်၊ ဢမ်ႇ​ၼၼ်​ၵေႃႈ ပၼ်​သေ​ၸိူဝ်ႉ​သေ​ပိူင် တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="30">ၵေႃႉ​ၼၼ်ႉ​ၶၢမ်ႇ​ဢဝ်​ၶဝ်ႈ​မုၼ်း​ၵမ်း​ၼိုင်ႈ​ၼၼ်ႉ​သေ​ယဝ်ႉ၊ ဢွၵ်ႇ​ၵႂႃႇ​ၵမ်း​လဵဝ်​ဢေႃႈ။ ၶိင်ႇ​ၼၼ်ႉ​ၸမ်ႉ ပဵၼ်​ၶိင်ႇ​ၵၢင်​ၶမ်ႈ​ဢေႃႈ။</verse>
				<verse number="31">ဝၢႆး​လင်​ၵေႃႉ​ၼၼ်ႉ​ဢွၵ်ႇ​ၵႂႃႇ​သေ​ယဝ်ႉ၊ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ​လုၵ်ႈ​ၵူၼ်း​မီး​တၢင်း​ဢၼ်​မုၼ်​ၽုင်း ထၢင်ႇ​သႃး​မႃး​လႄႈ ၽြႃး​ပဵၼ်​ၸဝ်ႈ​ၵေႃႈ​မီး​တၢင်း​ဢၼ်​မုၼ်​ၽုင်း​ထၢင်ႇ​သႃး​မႃး​ၵွပ်ႈ​ပိူဝ်ႈ​လုၵ်ႈ​ၵူၼ်း​ၼၼ်ႉ​ဢေႃႈ။-</verse>
				<verse number="32">ပေႃး​ၽြႃး​ပဵၼ်​ၸဝ်ႈ မီး​တၢင်း​ဢၼ်​မုၼ်​ၽုင်း​ထၢင်ႇ​သႃး​မႃး​ၵွပ်ႈ​ပိူဝ်ႈ​လုၵ်ႈ​ၵူၼ်း​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​ၼၼ်ႉ​တၵ်း​ႁႂ်ႈ​မုၼ်​ၽုင်း​မၼ်း​ၼၼ်ႉ ထၢင်ႇ​သႃး​မႃး​ၵွပ်ႈ​ပိူဝ်ႈ​တူဝ်​ၸဝ်ႈ​ၵဝ်ႇ​ဢေႃႈ။ ၶိင်ႇ​ၵႃႇလႃႉ​ဢမ်ႇ​ပေႃး​ႁိုင် မၼ်း​ၸဝ်ႈ​တၵ်း​ႁႂ်ႈ​မုၼ်​ၽုင်း​မၼ်း​ၼၼ်ႉ ထၢင်ႇ​သႃး​မႃး​ဢေႃႈ။-</verse>
				<verse number="33">လုၵ်ႈ​လၢင်း​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ၵဝ်​ယူႇ​လူၺ်ႈ​ၵၼ်​တင်း​သူ​ထႅင်ႈ​ၵမ်း​ဢွၼ်ႇ​ၼိုင်ႈ​ၵူၺ်း​ဢေႃႈ။ သူ​တၵ်း​ႁႃ​ၵဝ်​ဢေႃႈ။ ၸိူဝ်ႉ​ၼင်ႇ​ဢၼ် ၵဝ်​လၢတ်ႈ​ဝႆႉ​တီႈ​ၵူၼ်း​ ယူႉတႃႉ ​ၸိူဝ်း​ၼၼ်ႉ​လႄႈ​ဝႃႈ၊ တီႈ​ဢၼ်​ၵဝ်​ၵႂႃႇ​ၼၼ်ႉ​ၸိုင်​သူ​ဢမ်ႇ​ႁွတ်ႈ​ထိုင်​လႆႈ၊ ဝႃႈ​ၼင်ႇ​ၼႆ​ၼၼ်ႉ၊ တေႃႈ​လဵဝ်​ၼႆႉ​ၵဝ်​လၢတ်ႈ​တီႈ​သူ​ဢေႃႈ။-</verse>
				<verse number="34">ၵဝ်​ပၼ်​ပိင်း​ၺၢပ်ႈ​ဢၼ်​မႂ်ႇ​ဝႆႉ​တီႈ​သူ​လႄႈ​ဝႃႈ၊ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​တႃႉ၊ ၸိူဝ်ႉ​ၼင်ႇ​ဢၼ်​ၵဝ်​ႁၵ်ႉ​သူ​ၼၼ်ႉ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ပေႃး​သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​ၸိုင် ၵူၼ်း​တင်း​သဵင်ႈ​တင်း​လူင်​တၵ်း​ထွၵ်ႈ​လူၺ်ႈ တၢင်း​ႁၵ်ႉ​ၼၼ်ႉ​သေ​လႄႈ ႁူႉ​လွင်ႈ​ဢၼ် သူ​ပဵၼ်​တပႄး​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="36">သီႉမုၼ်ႇ​ပေႇတရူႉ ​ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း​တၵ်း​ၵႂႃႇ​ၵႃႈ​တီႈ​လႂ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ တီႈ​ဢၼ်​ၵဝ်​တၵ်း​ၵႂႃႇ​ပုၼ်ႉ​ၸိုင် တေႃႈ​လဵဝ်​ၼႆႉ​မႂ်း​ဢမ်ႇ​ၸွမ်း​လႆႈ။ ၵမ်း​လိုၼ်း​ၸင်ႇ​တၵ်း​လႆႈ​ၸွမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ပေႇတရူႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၵဝ်​ၶႃႈ​ဢမ်ႇ​ၸွမ်း​လူၺ်ႈ​ၵၼ်​တင်း​ၸဝ်ႈ​ႁဝ်း​တေႃႈ​လဵဝ်​ၼႆႉ​လႆႈ​ၼင်ႇ​ႁိုဝ်​ၶႃႈ။ ၵဝ်​ၶႃႈ​တၵ်း​ၸုၼ်ႉ​ဢသၢၵ်ႈ​ၵဝ်​ၶႃႈ​ပုၼ်ႈ​ၸဝ်ႈ​ႁဝ်း​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="38">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၸွင်ႇ​မႂ်း​တၵ်း​ၸုၼ်ႉ​ဢသၢၵ်ႈ​မႂ်း​ပုၼ်ႈ​ၵဝ်​ႁိုဝ်။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​မႂ်း​ၸမ်ႉ၊ ၸူဝ်ႈ​ဢၼ်​ၵႆႇ​ဢမ်ႇ​ပႆႇ​ၶၼ်​ၼၼ်ႉ​ၸိုင် မႂ်း​တၵ်း​ထဵင်​ပႅတ်ႈ​ၵဝ်​တေႃႇ​ထိုင်​ႁွတ်ႈ​သၢမ်​ပွၵ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="14">
				<verse number="1">ယေႇသူႉ ​သမ်ႉ​လၢတ်ႈ​လႄႈ​ဝႃႈ၊ ယႃႇ​ႁႂ်ႈ​ႁူဝ်​ၸႂ်​သူ​မီး​တၢင်း​ဢၼ်​မႆႈ​ၸႂ်​ၶီ​ၸႂ်။ ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ​တႃႉ။ ၵဝ်​ၼႆႉ​ၵေႃႈ​ယုမ်ႇ​မၢတ်ႈ​တႃႉ။-</verse>
				<verse number="2">ၼႂ်း​ႁိူၼ်း​ၸဝ်ႈ​ပေႃႈ​ၵဝ်​ၼၼ်ႉ မီး​လုၵ်း​ပုၼ်ႈ​ဢၼ်​တၵ်း​ယူႇ​ၼမ်​ၼႃႇ​ဢေႃႈ။ ပေႃး​ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​ယင်း​ဢမ်ႇ​လၢတ်ႈ​တီႈ​သူ​လႄႈ တၵ်း​ဢမ်ႇ​ယူႇ။ ၵဝ်​ၵႂႃႇ​ႁႂ်ႈ​လႆႈ​မႄး​ႁႅၼ်း​ဝႆႉ​တီႈ​ဢၼ်​သူ​တၵ်း​ယူႇ​ၼၼ်ႉ​ဢေႃႈ။-</verse>
				<verse number="3">ပေႃး​ၵဝ်​ၵႂႃႇ​လႄႈ မႄး​ႁႅၼ်း​ဝႆႉ​တီႈ​ဢၼ်​သူ​တၵ်း​ယူႇ​ၸိုင်၊ ၵဝ်​တၵ်း​သမ်ႉ​ၶိုၼ်း​မႃး​ထႅင်ႈ​လႄႈ သိမ်း​ဢဝ်​သူ​ၵႂႃႇ​ၵႃႈ​တီႈ​ၵဝ်​ပုၼ်ႉ​ႁႂ်ႈ​သူ​လႆႈ​မီး​ၵႃႈ​တီႈ​ဢၼ်​ၵဝ်​မီး​ၼၼ်ႉ​ဢေႃႈ။-</verse>
				<verse number="4">ၵဝ်​ၵႂႃႇ​ၵႃႈ​တီႈ​ပုၼ်ႉ​ဝႃႈ​ၼႆ​သူ​ႁူႉ​သဵၼ်ႈ​တၢင်း​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ထူဝ်းမႃႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ပိူဝ်ႈ​ဢၼ်​ႁဝ်း​ၶႃႈ​ဢမ်ႇ​ႁူႉ​လွင်ႈ​ဢၼ် ၸဝ်ႈ​ႁဝ်း​တၵ်း​ၵႂႃႇ​ၵႃႈ​တီႈ​လႂ်​ပုၼ်ႉ​လႄႈ၊ ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ တၵ်း​ႁူႉ​သဵၼ်ႈ​တၢင်း​ၼၼ်ႉ​လႆႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="6">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၼႆႉ​ပဵၼ်​သဵၼ်ႈ​တၢင်း​ဢေႃႈ။ သမ်ႇမႃႇ​တြႃး​ၵေႃႈ​ပဵၼ်​ဢေႃႈ။ ဢသၢၵ်ႈ​ၵေႃႈ​ပဵၼ်​ဢေႃႈ။ ပေႃး​ဢမ်ႇ​ဢိင်​ပိုင်ႈ​ၵဝ်​ၸိုင်၊ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁွတ်ႈ​ထိုင်​ၵႃႈ​တီႈ​ၸဝ်ႈ​ပေႃႈ​ၵဝ်​ၼၼ်ႉ​လႆႈ။-</verse>
				<verse number="7">ပေႃး​သူ​ႁူႉ​ၵဝ်​ၸိုင်၊ သူ​ယင်း​ဢမ်ႇ​ႁူႉ​ၸဝ်ႈ​ပေႃႈ​ၵဝ်​လႄႈ​တၵ်း​ဢမ်ႇ​လႆႈ​ယူႇ။ ၸႃႉ​ၸဵမ်​တေႃႈ​လဵဝ်​ၼႆႉ​လႄႈ​သူ လႆႈ​ႁူႉ​လႆႈ​ႁၼ်​မၼ်း​ၸဝ်ႈ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၽီႉလိပ်ႉပူႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၶႅၼ်း​တေႃႈ​ၼႄ​ပျႃး​ပေႃႈ​ၸဝ်ႈ​ႁဝ်း​ၼၼ်ႉ​တီႈ​ႁဝ်း​ၶႃႈ​သေ​ၵမ်း​ၶႃႈ။ ပေႃး​ၼႄ​ပျႃး​ၸိူဝ်ႉ​ၼင်ႇ​ၼၼ်​ၸိုင်၊ ဢလူဝ်ႇ​ႁဝ်း​ၶႃႈ​တၵ်း​ပျေႉ​ၸုမ်ႇ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="9">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၽီႉလိပ်ႉပူႉ ​ဢိူၺ်း၊ ၵဝ်​မီး​ယူႇ​လူၺ်ႈ​ၵၼ်​တင်း​သူ ၶိင်ႇ​ၵႃႇလႃႉ​ႁိုင်​ထၢၼ်ႇ​ၼႆႉ​ယဝ်ႉ​လႄႈ၊ မႂ်း​ဢမ်ႇ​ပႆႇ​ႁူႉ​ၵဝ်​လူး​ၵွၼ်ႇ​ႁိုဝ်။ ၵေႃႉ​ဢၼ်​ႁၼ်​ၵဝ်​ၼၼ်ႉ​ႁၼ်​ပေႃႈ​ၸဝ်ႈ​ဢေႃႈ။ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ မႂ်း​လၢတ်ႈ​လႄႈ​ဝႃႈ၊ ၶႅၼ်း​တေႃႈ​ၼႄ​ပျႃး​ပေႃႈ​ၸဝ်ႈ​ၼၼ်ႉ​တီႈ​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ၼင်ႇ​ႁိုဝ်။-</verse>
				<verse number="10">မႂ်း​ဢမ်ႇ​ယုမ်ႇ​လွင်ႈ​ဢၼ် ၵဝ်​မီး​ယူႇ​ၼႂ်း​ပေႃႈ​ၸဝ်ႈ ဢိၵ်ႇ​တင်း​လွင်ႈ​ဢၼ်​ပေႃႈ​ၸဝ်ႈ​မီး​ယူႇ​ၼႂ်း​ၵဝ်​ၼၼ်ႉ​ႁိုဝ်။ ၵႂၢမ်း​ဢၼ်​ၵဝ်​ႁေႃး​လၢတ်ႈ​ၼၼ်ႉ​ၸိုင်၊ ၵဝ်​ႁေႃး​လၢတ်ႈ​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ။ လွင်ႈ​တၢင်း​ဢၼ်​ၵဝ်​ႁဵတ်း​ၸိူဝ်း​ၼၼ်ႉ​ၸမ်ႉ၊ ပေႃႈ​ၸဝ်ႈ​ဢၼ်​တႄႇ​ယူႇ​ၼႂ်း​ၵဝ်​ၼၼ်ႉ​ႁဵတ်း​ဢေႃႈ။-</verse>
				<verse number="11">ယုမ်ႇ​လွင်ႈ​ဢၼ်​ၵဝ်​မီး​ယူႇ​ၼႂ်း​ပေႃႈ​ၸဝ်ႈ ဢိၵ်ႇ​တင်း​လွင်ႈ​ဢၼ် ပေႃႈ​ၸဝ်ႈ​မီး​ယူႇ​ၼႂ်း​ၵဝ်​ၼၼ်ႉ​တႃႉ။ ပေႃး​ဢမ်ႇ​ယုမ်ႇ​ၵႂၢမ်း​ၵဝ်​ၸိုင်၊ ထွၵ်ႈ​လူၺ်ႈ​လွင်ႈ​တၢင်း​ဢၼ်​ၵဝ်​ႁဵတ်း​ၸိူဝ်း​ၼၼ်ႉ​သေ​လႄႈ​ယုမ်ႇ​တႃႉ။</verse>
				<verse number="12">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၵေႃႉ​ဢၼ်​ယုမ်ႇ​မၢတ်ႈ​ၵဝ်​ၼႆႉ​ၼၼ်ႉ တၵ်း​ႁဵတ်း​လွင်ႈ​တၢင်း​ဢၼ်​ၵဝ်​ႁဵတ်း​ၸိူဝ်း​ၼၼ်ႉ​ဢေႃႈ။ လွင်ႈ​တၢင်း​ဢၼ်​ယဵင်ႈ​ၶႅၼ်း​ယႂ်ႇ​သေ​လွင်ႈ​တၢင်း​ၸိူဝ်း​ၼၼ်ႉ​ၵေႃႈ​မၼ်း​တၵ်း​ႁဵတ်း​ဢေႃႈ။ လွင်ႈ​မၼ်း​ၸမ်ႉ ၵဝ်​ၵႂႃႇ​ၵႃႈ​တီႈ​ပေႃႈ​ၸဝ်ႈ​ပုၼ်ႉ​သေ​လႄႈ၊-</verse>
				<verse number="13">တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​သူ​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ သူး​တွင်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ပေႃႈ​ၸဝ်ႈ​တၵ်း​လႆႈ​မီး​တၢင်း​ဢၼ်​မုၼ်​ၽုင်း​ထၢင်ႇ​သႃး​မႃး ၵွပ်ႈ​ပိူဝ်ႈ​လုၵ်ႈ​ၸဝ်ႈ​ဢေႃႈ။-</verse>
				<verse number="14">ပေႃး​သူ​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ ယွၼ်း​သူး​သေ​ၸိူဝ်ႉ​သေ​ပိူင်​ၸိုင်​ၵဝ်​တၵ်း​ႁဵတ်း​ဢေႃႈ။</verse>
				<verse number="15">ပေႃး​သူ​ႁၵ်ႉ​ၵဝ်​ၸိုင် ပႂ်ႉ​ၸွမ်း​ပိင်း​ၺၢပ်ႈ​ၵဝ်​တင်း​လၢႆ​တႃႉ။ ၵဝ်​တၵ်း​ယွၼ်း​ဢဝ်​တီႈ​ပေႃႈ​ၸဝ်ႈ​လႄႈ၊-</verse>
				<verse number="16">မၼ်း​ၸဝ်ႈ​ၵေႃႈ​တၵ်း​ပၼ် သြႃႇ​ဢူႉပိတ်ႉသေႇ​တၢင်ႇ​ပႃး ဢၼ်​ဝႃႈ​ဝီႉၺိၺ်ႇ​ၸဝ်ႈ ဢၼ်​ၼႄ​ပျႃး​သမ်ႇမႃႇ​တြႃး​ၼၼ်ႉ​တီႈ​သူ​လွင်ႈ​ၼင်ႇ​ႁိုဝ်​တၵ်း​လႆႈ​မီး​ယူႇ​လူၺ်ႈ​ၵၼ်​တင်း​သူ တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="17">ဝီႉၺိၺ်ႇ​ၸဝ်ႈ​ၼၼ်ႉ​ၸိုင်၊ ပိူဝ်ႈ​ဢၼ်​လေႃးၵႃႉ​ၼႆႉ​ဢမ်ႇ​ႁူႉ​ဢမ်ႇ​ႁၼ်​လႄႈ ဢမ်ႇ​ၶၢမ်ႇ​ဢမ်ႇ​ဢဝ်​လႆႈ။ ပိူဝ်ႈ​ဢၼ်​ဝီႉၺိၺ်ႇ​ၸဝ်ႈ​ၼၼ်ႉ တႄႇ​ယူႇ​လူၺ်ႈ​ၵၼ်​တင်း​သူ မီး​ယူႇ​ၼႂ်း​သူ​လႄႈ၊ သူ​လႆႈ​ႁူႉ​ဢေႃႈ။-</verse>
				<verse number="18">ၵဝ်​တၵ်း​ၸုၼ်ႉ​ပႅတ်ႈ​သူ​ႁႂ်ႈ​သူ​လႆႈ​ပဵၼ်​ၵေႃႉ​ဢၼ် ၽၢၼ်​ပေႃႈ​ၽၢၼ်​မႄႈ​ယူႇ​ဢမ်ႇ​ၸႂ်ႈ။ ၵဝ်​တၵ်း​ၶိုၼ်း​မႃး​တီႈ​သူ​ထႅင်ႈ​လူး​ၵွၼ်ႇ​ဢေႃႈ။</verse>
				<verse number="19">ႁိုင်​ၵမ်း​ဢွၼ်ႇ​ၼိုင်ႈ​ၵူၺ်း​သေ​ယဝ်ႉ၊ လေႃးၵႃႉ​ၼႆႉ​တၵ်း​ဢမ်ႇ​လႆႈ​ႁၼ်​ၵဝ်။ သူ​ၸမ်ႉ၊ တၵ်း​လႆႈ​ႁၼ်​ၵဝ်​ဢေႃႈ။ ပိူဝ်ႈ​ဢၼ်​ၵဝ်​ဢသၢၵ်ႈ​လိပ်း​ယူႇ​လႄႈ၊ သူ​ၵေႃႈ​ဢသၢၵ်ႈ​တၵ်း​လႆႈ​လိပ်း​ယူႇ​ဢေႃႈ။-</verse>
				<verse number="20">ၼႂ်း​ဝၼ်း​ၼၼ်ႉ သူ​တၵ်း​လႆႈ​ႁူႉ​လွင်ႈ​ဢၼ်​ၵဝ်​မီး​ယူႇ​ၼႂ်း​ၸဝ်ႈ​ပေႃႈ​ၵဝ်၊ လွင်ႈ​ဢၼ်​သူ​မီး​ယူႇ​ၼႂ်း​ၵဝ်၊ လွင်ႈ​ဢၼ်​ၵဝ်​မီး​ယူႇ​ၼႂ်း​သူ​ၼၼ်ႉ​ဢေႃႈ။-</verse>
				<verse number="21">ၵေႃႉ​ဢၼ်​လႆႈ​ပိင်း​ၺၢပ်ႈ​ၵဝ်​တင်း​လၢႆ​လႄႈ ပႂ်ႉ​ၸွမ်း​ၼၼ်ႉ ပဵၼ်​ၵေႃႉ​ဢၼ်​ႁၵ်ႉ​ၵဝ်​ဢေႃႈ။ ၵေႃႉ​ဢၼ်​ႁၵ်ႉ​ၵဝ်​ၼၼ်ႉ​ၸိုင် ၸဝ်ႈ​ပေႃႈ​ၵဝ်​တၵ်း​ႁၵ်ႉ​ဢေႃႈ။ ၵဝ်​ၵေႃႈ​တၵ်း​ႁၵ်ႉ​ၵေႃႉ​ၼၼ်ႉ​လႄႈ ၼႄ​ပျႃး​တူဝ်​ၸဝ်ႈ​ၵဝ်ႇ​ထၢင်ႇ​သႃး​တီႈ​ၵေႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ယူႉတႃႉ​ဢီႉသၵႃႇရေႇဢုတ်ႈ ​ဢမ်ႇ​ၸႂ်ႈ၊ ယူႉတႃႉ ​တၢင်ႇ​ၵေႃႉ ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း​ယင်း​ဢမ်ႇ​ထၢင်ႇ​သႃး​မႃး​တီႈ​လေႃးၵႃႉ​ၼႆႉ​လႄႈ တၵ်း​ထၢင်ႇ​သႃး​မႃး​တီႈ​ႁဝ်း​ၶႃႈ ၸိူဝ်ႉ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵေႃႉ​ဢၼ်​ႁၵ်ႉ​ၵဝ်​ၼၼ်ႉ တၵ်း​ထွမ်ႇ​ဢဝ်​ၵႂၢမ်း​ၵဝ်​ဢေႃႈ။ ၸဝ်ႈ​ပေႃႈ​ၵဝ်​ၼၼ်ႉ​တၵ်း​ႁၵ်ႉ​ၵေႃႉ​ၼၼ်ႉ​ဢေႃႈ။ ႁဝ်း​ၵေႃႈ​တၵ်း​မႃး​တီႈ​မၼ်း​လႄႈ ၶျႃး​တီႈ​ယူႇ​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="24">ၵေႃႉ​ဢၼ်​ဢမ်ႇ​ႁၵ်ႉ​ၵဝ်​ၼၼ်ႉ ဢမ်ႇ​ထွမ်ႇ​ဢဝ်​ၵႂၢမ်း​ၵဝ်။ ၵႂၢမ်း​ဢၼ်​သူ​ငိၼ်း​ၼႆႉ​ပဵၼ်​ၵႂၢမ်း​ၵဝ်​ဢမ်ႇ​ၸႂ်ႈ။ ပဵၼ်​ၵႂၢမ်း​ပေႃႈ​ၸဝ်ႈ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။</verse>
				<verse number="25">ၵဝ်​လၢတ်ႈ​ၵႂၢမ်း​ၼႆႉ​ဝႆႉ ၼႂ်း​မိူဝ်ႈ​ဢၼ်​ၵဝ်​ယင်း​မီး​ယူႇ​လူၺ်ႈ​ၵၼ်​တင်း​သူ​ၼႆႉ​ယဝ်ႉ။-</verse>
				<verse number="26">သြႃႇ​ဢူႉပိတ်ႉသေႇ ဢၼ်​ဝႃႈ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ၊ ဢၼ်​ပေႃႈ​ၸဝ်ႈ တၵ်း​ဢဝ်​တင်း​ဢၶႂၢင်ႉ​ၵဝ်​ပွႆႇ​ၸႂ်ႉ​မႃး​ၼၼ်ႉ တၵ်း​ၼႄ​ပျႃး​သင်ႇ​သွၼ်​လွင်ႈ​တၢင်း တင်း​သဵင်ႈ​တင်း​လူင်​ၵူႈ​ၸိူဝ်ႉ​ၵူႈ​ပိူင်​တီႈ​သူ​လႄႈ ႁႂ်ႈ​သူ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႂၢမ်း​ၵႃႈ​ဢၼ်​ၵဝ်​လၢတ်ႈ​ဝႆႉ​ယဝ်ႉ တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="27">ၵဝ်​ဢဝ်​တၢင်း​ၼိမ်​ဝႆႉ​တီႈ​သူ​ဢေႃႈ။ တၢင်း​ၼိမ်​ၵဝ်​ၸိုင်​ၵဝ်​ပၼ်​တီႈ​သူ​ဢေႃႈ။ ၵဝ်​ပၼ်​ၸိူဝ်ႉ​ၼင်ႇ​ဢၼ်​လေႃးၵႃႉ​ပၼ်​ၼၼ်ႉ​ဢမ်ႇ​ၸႂ်ႈ။ ယႃႇ​ပေ​ႁႂ်ႈ​ႁူဝ်​ၸႂ်​သူ မီး​တၢင်း​ဢၼ်​ယၢပ်ႇ​ၸႂ်​မႆႈ​ၸႂ်​လႄႈ သၼ်ႇ​ဝႆ​ၵူဝ်​ႁႄ။-</verse>
				<verse number="28">သူ​လႆႈ​ငိၼ်း​ၵႂၢမ်း​ဢၼ်​ၵဝ်​လၢတ်ႈ​လႄႈ​ဝႃႈ၊​ပိၵ်ႉ​သမ်ႉ​ၵဝ်​ၵႂႃႇ​တေႃႈ​လဵဝ်​ၼႆႉ​သေ​ၵေႃႈ၊ ၵဝ်​တၵ်း​မႃး​တီႈ​သူ​ထႅင်ႈ​လူး​ၵွၼ်ႇ၊ ဝႃႈ​ၼင်ႇ​ၼႆ​ၼၼ်ႉ​ဝႆႉ​ယဝ်ႉ။ ပေႃး​သူ​ႁၵ်ႉ​ၵဝ်​ၸိုင်​သူ​တၵ်း​သိူဝ်း​ပျေႃႇ​လူၺ်ႈ​လွင်ႈ​ဢၼ်​ၵဝ်​တၵ်း​ၵႂႃႇ​ၵႃႈ​တီႈ​ပေႃႈ​ၸဝ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ပေႃႈ​ၵဝ်​ၼၼ်ႉ​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ၵဝ်​ဢေႃႈ။-</verse>
				<verse number="29">ၼင်ႇ​ႁိုဝ်​သူ​တၵ်း​လႆႈ​ယုမ်ႇ​မၢတ်ႈ ၼႂ်း​မိူဝ်ႈ​ဢၼ်​လွင်ႈ​တၢင်း​ၼၼ်ႉ​ႁွတ်ႈ​ထိုင်​ၼၼ်ႉ​ၸိုင် တေႃႈ​လဵဝ်​ၼႆႉ ၵဝ်​လၢတ်ႈ​ဝႆႉ​တီႈ​သူ ၸူဝ်ႈ​ဢၼ်​လွင်ႈ​တၢင်း​ၼၼ်ႉ ဢမ်ႇ​ပႆႇ​ႁွတ်ႈ​ထိုင်​ၼၼ်ႉ​ယဝ်ႉ။</verse>
				<verse number="30">ၸႃႉ​ၸဵမ်​တေႃႈ​လဵဝ်​ၼႆႉ​လႄႈ ၵဝ်​တၵ်း​ဢမ်ႇ​လၢတ်ႈ​ၼမ်​ၼမ်​တေႃႇ​သူ။ လွင်ႈ​မၼ်း​ၸမ်ႉ ၶုၼ်​ဢၼ်​ဢုပ်ႉ​ပိူင်ႇ​လေႃးၵႃႉ​ၼႆႉ​ၼၼ်ႉ မႃး​ယူႇ​ဢေႃႈ။ ပိၵ်ႉ​သမ်ႉ​မၼ်း​မႃး​သေ​ၵေႃႈ၊ မၼ်း​ဢမ်ႇ​ထူပ်း​ဢၶႂၢင်ႉ လွင်ႈ​တၢင်း​ဢၼ်​လႂ်​သေ​ၸိူဝ်ႉ​သေ​ပိူင် ၵႃႈ​ၼႂ်း​ၵဝ်​ၼႆႉ။-</verse>
				<verse number="31">ၵူၺ်း​ၵႃႈ လွင်ႈ​ၼင်ႇ​ႁိုဝ်​လေႃးၵႃႉ​ၼႆႉ တၵ်း​ႁူႉ​လွင်ႈ​ဢၼ်​ၵဝ်​ႁၵ်ႉ​ပေႃႈ​ၸဝ်ႈ ဢိၵ်ႇ​တင်း လွင်ႈ​ဢၼ်​ၵဝ်​ႁဵတ်း​ၵႃႈ​ၼင်ႇ​ဢၼ်​ပေႃႈ​ၸဝ်ႈ​သင်ႇ​လၢတ်ႈ​ဝႆႉ​ၼၼ်ႉ​ၸိုင် ၸင်ႇ​ပဵၼ်​ဢေႃႈ၊ လုၵ်ႉ​သေ​ၵႃႈ​တီႈ​ၼႆႈ​လႄႈ​ၵႂႃႇ​တႃႉ​ႁဝ်း။</verse>
			</chapter>
			<chapter number="15">
				<verse number="1">ၵဝ်​ပဵၼ်​ၶိူဝ်း​မၢၵ်ႇ​ၸပိတ်ႈ​ဢၼ်​ၸိုဝ်ႈ​ဢၼ်​ၸႂ်ႈ​ဢေႃႈ။ ၸဝ်ႈ​ပေႃႈ​ၵဝ်​ၼၼ်ႉ​ၵေႃႈ ပဵၼ်​ၵေႃႉ​ဢၼ်​ပႂ်ႉ​သူၼ်​ဢူးယဵၼ်ႇ​ဢေႃႈ။-</verse>
				<verse number="2">ဢၼ်​ပဵၼ်​ၵိင်ႇ​ပဵၼ်​ၶႃႊ​တီႈ​ၵဝ်​ဢၼ်​ဢမ်ႇ​မၢၵ်ႇ​မၢၵ်ႇ​မၼ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင်၊ မၼ်း​ၸဝ်ႈ​ၽၼ်း​ပႅတ်ႈ​ဢေႃႈ။ ဢၼ်​ပဵၼ်​ၵိင်ႇ​ပဵၼ်​ၶႃႊ ဢၼ်​မၢၵ်ႇ​မၢၵ်ႇ​မၼ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင် မၼ်း​ၸဝ်ႈ​မႄး​ၽဵဝ်ႈ​ႁႂ်ႈ​မူတ်း​သႂ် ႁႂ်ႈ​ယဵင်ႈ​ၶႅၼ်း​လႆႈ​မၢၵ်ႇ​မၢၵ်ႇ​ထႅင်ႈ​ဢေႃႈ။-</verse>
				<verse number="3">တေႃႈ​လဵဝ်​ၼႆႉ​ၵေႃႈ သူ​ပဵၼ်​ဢၼ်​မူတ်း​သႂ် ၵွပ်ႈ​ပိူဝ်ႈ​ၵႂၢမ်း​ဢၼ်​ၵဝ်​ႁေႃး​လၢတ်ႈ​ၼႆႉ​ယူႇ​ဢေႃႈ။</verse>
				<verse number="4">တႄႇ​ယူႇ​ၵႃႈ​ၼႂ်း​ၵဝ်​တႃႉ။ ၵဝ်​ၵေႃႈ​တၵ်း​တႄႇ​ယူႇ​ၵႃႈ​ၼႂ်း​သူ​ဢေႃႈ။ ၸိူဝ်ႉ​ၼင်ႇ​ဢၼ်​ပေႃး​ၵိင်ႇ​မၢၵ်ႇ​ၸပိတ်ႈ​ဢမ်ႇ​တႄႇ​ယူႇ​ၵႃႈ​ၼႂ်း​တူၼ်ႈ​မၼ်း​ၸိုင်၊ မၼ်း​ဢမ်ႇ​မၢၵ်ႇ​မၢၵ်ႇ​မၼ်း​လႆႈ​ၼၼ်ႉ၊ ပေႃး​သူ​ဢမ်ႇ​တႄႇ​ယူႇ​ၵႃႈ​ၼႂ်း​ၵဝ်​ၸိုင်၊ သူ​ဢမ်ႇ​မၢၵ်ႇ​မၢၵ်ႇ​လႆႈ။-</verse>
				<verse number="5">ၵဝ်​ပဵၼ်​ၶိူဝ်း​မၢၵ်ႇ​ၸပိတ်ႈ​ဢေႃႈ။ သူ​ပဵၼ်​ၵိင်ႇ​မၼ်း​ၶႃႊ​မၼ်း​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​တႄႇ​ယူႇ​ၵႃႈ​ၼႂ်း​ၵဝ်​လႄႈ​ၵဝ်​ၵေႃႈ​တႄႇ​ယူႇ​ၵႃႈ​ၼႂ်း​မၼ်း​ၼၼ်ႉ ၵေႃႉ​ၼၼ်ႉ​ၸၢင်ႈ​မၢၵ်ႇ​မၢၵ်ႇ​မၼ်း​ၼမ်​ၼႃႇ​ဢေႃႈ။ ပေႃး​သူ​ၽၢတ်ႇ​ယၢၼ်​ၵၼ်​တင်း​ၵဝ်​ၸိုင် သူ​ဢမ်ႇ​တၢတ်ႈ​ၼိူင်ႇ​လႆႈ​သေ​ၸိူဝ်ႉ​သေ​ပိူင်။-</verse>
				<verse number="6">ၵေႃႉ​ဢၼ်​ဢမ်ႇ​တႄႇ​ယူႇ​ၵႃႈ​ၼႂ်း​ၵဝ်​ၼႆႉ​ၼၼ်ႉ လႆႈ​ၶၢမ်ႇ​တၢင်း​ဢၼ်​ထိမ်ႈ​ဢွၵ်ႇ​ပႅတ်ႈ​ၸိူဝ်ႉ​ၼင်ႇ​ၵိင်ႇ​ၼင်ႇ​ၶႃႊ​ၼၼ်ႉ​လႄႈ ႁဵဝ်ႇ​ႁႅင်ႈ​ၵႂႃႇ​ဢေႃႈ။ ၵိင်ႇ​ၶႃႊ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် ၵူၼ်း​ၵဵပ်း​သိမ်း​ဢဝ်​သႂ်ႇ​ၵႃႈ​ၼႂ်း​ၽႆး​လႄႈ လႆႈ​ၶၢမ်ႇ​တၢင်း​ဢၼ်​ၽႆး​မႆႈ​ဢေႃႈ။-</verse>
				<verse number="7">ပေႃး​သူ​တႄႇ​ယူႇ​ၵႃႈ​ၼႂ်း​ၵဝ်​လႄႈ၊ ၵႂၢမ်း​ၵဝ်​ၼႆႉ​တႄႇ​ယူႇ​ၵႃႈ​ၼႂ်း​သူ​ၸိုင် ယွၼ်း​ၵႃႈ​ဢၼ်​သူ​ၶႂ်ႈ​ယွၼ်း တင်း​သဵင်ႈ​တင်း​လူင်​ၼၼ်ႉ​လႄႈ တၵ်း​လႆႈ​ဢေႃႈ။</verse>
				<verse number="8">မုၼ်​ၽုင်း​ၸဝ်ႈ​ပေႃႈ​ၵဝ် ထၢင်ႇ​သႃး​မႃး​ၵွပ်ႈ​ပိူဝ်ႈ​ဢၼ်​သူ​မၢၵ်ႇ​မၢၵ်ႇ​ၼမ်​ၼႃႇ​ၼၼ်ႉ​လႄႈ၊ သူ​ၵေႃႈ​တၵ်း​ပဵၼ်​တပႄး​ၵဝ်​ဢေႃႈ။-</verse>
				<verse number="9">ၸိူဝ်ႉ​ၼင်ႇ​ဢၼ်​ပေႃႈ​ၸဝ်ႈ​ႁၵ်ႉ​ၵဝ်​ၼၼ်ႉ၊ ၵဝ်​ႁၵ်ႉ​သူ​ဢေႃႈ။ တႄႇ​ယူႇ​ၵႃႈ​ၼႂ်း​တၢင်း​ႁၵ်ႉ​မႅတ်ႈ​တႃႇ​ၵဝ်​တႃႉ။-</verse>
				<verse number="10">ၸိူဝ်ႉ​ၼင်ႇ​ဢၼ်​ၵဝ်​ပႂ်ႉ​ၸွမ်း​ပိင်း​ၺၢပ်ႈ​ၸဝ်ႈ​ပေႃႈ​ၵဝ်​တင်း​လၢႆ​လႄႈ တႄႇ​ယူႇ​ၵႃႈ​ၼႂ်း​တၢင်း​ႁၵ်ႉ​မႅတ်ႈ​တႃႇ​မၼ်း​ၸဝ်ႈ​ယူႇ​ၼၼ်ႉ၊ ပေႃး​သူ​ပႂ်ႉ​ၸွမ်း​ပိင်း​ၺၢပ်ႈ​ၵဝ်​တင်း​လၢႆ​ၸိုင်၊ သူ​တၵ်း​တႄႇ​ယူႇ​ၵႃႈ​ၼႂ်း​တၢင်း​ႁၵ်ႉ​မႅတ်ႈ​တႃႇ​ၵဝ်​ဢေႃႈ။-</verse>
				<verse number="11">ၼင်ႇ​ႁိုဝ်​လွင်ႈ​တၢင်း​ဢၼ်​သိူဝ်း​ပျေႃႇ​ၵဝ်​ၼႆႉ တၵ်း​မီး​ယူႇ​ၵႃႈ​ၼႂ်း​သူ​လႄႈ​သင်၊ ၼင်ႇ​ႁိုဝ်​လွင်ႈ​တၢင်း​ဢၼ်​သိူဝ်း​ပျေႃႇ​သူ​ၼၼ်ႉ​တၵ်း​ၸေး​ၸုမ်ႇ​လႄႈ​သင်၊ ၵဝ်​ႁေႃး​လၢတ်ႈ​ၵႂၢမ်း​ၼႆႉ​တီႈ​သူ​ဢေႃႈ။</verse>
				<verse number="12">ဢၼ်​ၵဝ်​ပိင်း​ၺၢပ်ႈ​ၸမ်ႉ၊ ၸိူဝ်ႉ​ၼင်ႇ​ဢၼ်​ၵဝ်​ႁၵ်ႉ​သူ​ၼၼ်ႉ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​တႃႉ။-</verse>
				<verse number="13">မႅတ်ႈ​တႃႇ​ဢၼ်​ယဵင်ႈ​ၶႅၼ်း​ယႂ်ႇ​သေ​မႅတ်ႈ​တႃႇ တၢင်း​ဢၼ်​ၵူၼ်း​လႆႈ​ၸုၼ်ႉ ဢသၢၵ်ႈ​တူဝ်​ၸဝ်ႈ​ၵဝ်ႇ ပုၼ်ႈ​တၢင်​တူဝ်​ၵေႃႉ​သေႈ​တူဝ်​ၸဝ်ႈ​ၵဝ်ႇ​တင်း​လၢႆ​ၼၼ်ႉ ဢမ်ႇ​မီး​တီႈ​ၽူႈ​လႂ်​သေ​ၵေႃႉ​သေ​ၵူၼ်း။-</verse>
				<verse number="14">ပေႃး​သူ​ၵမ်​ၵျၢင်ႉ​ၵႃႈ​ဢၼ်​ၵဝ်​ပိင်း​ၺၢပ်ႈ​ဝႆႉ​ၼၼ်ႉ​ၸိုင်၊ သူ​ပဵၼ်​ၵေႃႉ​သေႈ​ၵဝ်​ဢေႃႈ။</verse>
				<verse number="15">ၸႃႉ​ၸဵမ်​တေႃႈ​လဵဝ်​ၼႆႉ​လႄႈ ၵဝ်​ဢမ်ႇ​ႁွင်ႉ​သူ​ဝႃႈ​ၶႃႈ။ ၶႃႈ​ဢၼ်​ဝႃႈ​ၸမ်ႉ၊ ဢမ်ႇ​ႁူႉ​လွင်ႈ​တၢင်း​ဢၼ်​ၸဝ်ႈ​မၼ်း​ႁဵတ်း​ၼၼ်ႉ။ ၵဝ်​ႁွင်ႉ​သူ​ဝႃႈ​ၵေႃႉ​သေႈ​ဢေႃႈ။ လွင်ႈ​မၼ်း​ၸမ်ႉ ၵဝ်​ၼႄ​ပျႃး​ၵႃႈ​ဢၼ်​ၵဝ်​လႆႈ​ငိၼ်း​တီႈ​ၸဝ်ႈ​ပေႃႈ​ၵဝ်​တင်း​သဵင်ႈ​တင်း​လူင်​ၼၼ်ႉ​တီႈ​သူ​ဢေႃႈ။-</verse>
				<verse number="16">သူ​လိူၵ်ႈ​ၵဵပ်း​ဢဝ်​ၵဝ်​ဢမ်ႇ​ၸႂ်ႈ။ ၵဝ်​လိူၵ်ႈ​ၵဵပ်း​ဢဝ်​သူ​လႄႈ ၶၢၼ်း​သူ​ဝႆႉ​ႁႂ်ႈ​သူ​လႆႈ​ၵႂႃႇ​လႄႈ​မၢၵ်ႇ​မၢၵ်ႇ ႁႂ်ႈ​မၢၵ်ႇ​သူ​ၸိူဝ်း​ၼၼ်ႉ​လႆႈ​မၼ်ႈ​ၶိူင်ႇ ႁႂ်ႈ​သူ​လႆႈ​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ လႆႈ​ၵႃႈ​ဢၼ်​ယွၼ်း​တီႈ​ပေႃႈ​ၸဝ်ႈ​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="17">လွင်ႈ​ၼင်ႇ​ႁိုဝ် သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ႁၵ်ႉ​ၵၼ်​ၸိုင်၊ ၵဝ်​ပၼ်​ပိင်း​ၺၢပ်ႈ​ၸိူဝ်း​ၼႆႉ တီႈ​သူ​ဢေႃႈ။</verse>
				<verse number="18">ပေႃး​လေႃးၵႃႉ​ၼႆႉ​ၸင်း​သူ​ၸိုင်၊ သူ​ႁူႉ​လွင်ႈ​ဢၼ်​ၸင်း​ၵဝ်​ၸူဝ်ႈ​ဢၼ်​ဢမ်ႇ​ပႆႇ​ၸင်း​သူ​ၼၼ်ႉ​ဢေႃႈ။-</verse>
				<verse number="19">ပေႃး​သူ​သိူၵ်ႈ​သမ်ႇ​ၵၼ်​တင်း​လေႃးၵႃႉ​ၸိုင်၊ လေႃးၵႃႉ​ၼႆႉ​တၵ်း​ႁၵ်ႉ​သူ​ၸိူဝ်း​ဢၼ် သိူၵ်ႈ​သမ်ႇ​ၵၼ်​တင်း​မၼ်း​ၼၼ်ႉ​ဢေႃႈ။ ပိူဝ်ႈ​ဢၼ်​သူ​ဢမ်ႇ​သိူၵ်ႈ​သမ်ႇ​ၵၼ်​တင်း​လေႃးၵႃႉ၊ ပဵၼ်​ၵေႃႉ​ဢၼ်​ၵဝ်​လိူၵ်ႈ​ၵဵပ်း​ဢဝ်​ၵႃႈ​ၼႂ်း​လေႃးၵႃႉ​ၼႆႉ​လႄႈ လေႃးၵႃႉ​ၼႆႉ​ၸင်း​သူ​ဢေႃႈ။-</verse>
				<verse number="20">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵႂၢမ်း​ဢၼ်​ၵဝ်​လၢတ်ႈ​ဝႆႉ​လႄႈ​ဝႃႈ၊ ၶႃႈ​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ၸဝ်ႈ​မၼ်း​ဢမ်ႇ​ၸႂ်ႈ၊ ဝႃႈ​ၼင်ႇ​ၼႆ​ၼၼ်ႉ​တႃႉ။ ပေႃး​ၶဝ်​ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​ၸိုင်၊ ၶဝ်​တၵ်း​ၼိၵ်ႈ​ၸၢၵ်ႈ​ငႅၼ်း​သႄး​သူ​ဢေႃႈ။ ပေႃး​ၶဝ်​ထွမ်ႇ​ဢဝ်​ၵႂၢမ်း​ၵဝ်​ၸိုင်၊ ၶဝ်​တၵ်း​ထွမ်ႇ​ဢဝ်​ၵႂၢမ်း​သူ​ဢေႃႈ။-</verse>
				<verse number="21">ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ႁူႉ ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​လႄႈ၊ ၶဝ်​တၵ်း​ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​တီႈ​သူ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ဢေႃႈ။-</verse>
				<verse number="22">ပေႃး​ၵဝ်​ဢမ်ႇ​မႃး​လႄႈ​ဢမ်ႇ​ႁေႃး​လၢတ်ႈ​တီႈ​ၶဝ်​ၸိုင်၊ ၶဝ်​ၼၼ်ႉ​ဢမ်ႇ​မီး​ဢပႅတ်ႈ။ တေႃႈ​လဵဝ်​ၼႆႉ​ၸမ်ႉ၊ ၶဝ်​ဢမ်ႇ​ႁူမ်ႇ​ဢပႅတ်ႈ​ၶဝ်​ဝႆႉ​လႆႈ။-</verse>
				<verse number="23">ၵေႃႉ​ဢၼ်​ၸင်း​ၵဝ်​ၼႆႉ​ၼၼ်ႉ​ၸင်း​ၸဝ်ႈ​ပေႃႈ​ၵဝ်​ဢေႃႈ။-</verse>
				<verse number="24">သင်​ၵဝ်​ဢမ်ႇ​ႁဵတ်း​လွင်ႈ​တၢင်း​ဢၼ်​ပိူၼ်ႈ​တၢင်ႇ​ၵေႃႉ ဢမ်ႇ​ပႆႇ​တွၼ်ႉ​ႁဵတ်း​သေ​ပွၵ်ႈ​ၼၼ်ႉ ၵႃႈ​ၼႂ်း​ၶဝ်​ၸိုင် ၶဝ်​ၼၼ်ႉ​ဢမ်ႇ​မီး​ဢပႅတ်ႈ။ တေႃႈ​လဵဝ်​ၼႆႉ​ၸမ်ႉ၊ ၶဝ်​လႆႈ​ႁၼ်​လႄႈ ၸင်း​ၵဝ်​ဢိၵ်ႇ​တင်း​ၸဝ်ႈ​ပေႃႈ​ၵဝ်​ဢေႃႈ။-</verse>
				<verse number="25">ၵူၺ်း​ၵႃႈ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ လွင်ႈ​ၼင်ႇ​ႁိုဝ်​ၵႂၢမ်း​ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ​လႄႈ​ဝႃႈ၊ လွင်ႈ​မၼ်း​ယင်း​ဢမ်ႇ​မီး​လႄႈ​ၶဝ်​ၸင်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တၵ်း​ပျေႉ​ၸုမ်ႇ​ၸိုင် ၸင်ႇ​ပဵၼ်​ဢေႃႈ။</verse>
				<verse number="26">မိူဝ်ႈ​ဢၼ်​သြႃႇ​ဢူႉပိတ်ႉသေႇ ဢၼ်​ၵဝ်​တၵ်း​ပွႆႇ​ၸႂ်ႉ​သေ​ၵႃႈ​တီႈ​ပေႃႈ​ၸဝ်ႈ​မႃး​ၵႃႈ​တီႈ​သူ ဢၼ်​ဝႃႈ​ဝီႉၺိၺ်ႇ​ၸဝ်ႈ​ဢၼ်​ပျေႉ​ၸုမ်ႇ​တင်း​သမ်ႇမႃႇ​တြႃး​လႄႈ ဢွၵ်ႇ​ၵႃႈ​တီႈ​ပေႃႈ​ၸဝ်ႈ​မႃး​ၼၼ်ႉ​ႁွတ်ႈ​မႃး​ၸိုင်၊ မၼ်း​တၵ်း​ၶၢမ်ႇ​သၢၵ်ႈ​သေႇ​လွင်ႈ​ၵဝ်​ဢေႃႈ။-</verse>
				<verse number="27">သူ​ၵေႃႈ​ပိူဝ်ႈ​ဢၼ် မီး​ယူႇ​လူၺ်ႈ​ၵၼ်​တင်း​ၵဝ် ၸႃႉ​ၸဵမ်​မိူဝ်ႈ​ၵေႃႇၸႃႉ​မၼ်း​ၼၼ်ႉ​လႄႈ တၵ်း​လႆႈ​ၶၢမ်ႇ​သၢၵ်ႈ​သေႇ​ဢေႃႈ။</verse>
			</chapter>
			<chapter number="16">
				<verse number="1">ၼင်ႇ​ႁိုဝ်​ၸႂ်​သူ​တၵ်း​ဢမ်ႇ​လူႉ​ၸိုင်​ၵဝ်​ႁေႃး​လၢတ်ႈ​ၵႂၢမ်း​ၼႆႉ​ဢေႃႈ။-</verse>
				<verse number="2">ၶဝ်​တၵ်း​ႁေႃႈ​သူ​ဢွၵ်ႇ​သေ​ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ​ပႅတ်ႈ​ဢေႃႈ။ ၶိင်ႇ​ၵႃႇလႃႉ​ဢၼ် ၵေႃႉ​ဢၼ်​ဢဝ်​သူ​တၢႆ​ၼၼ်ႉ တၵ်း​ထၢင်ႇ​လႄႈ​ဝႃႈ၊ ၵဝ်​ႁဵတ်း​ဝၢတ်ႈ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တၵ်း​ႁွတ်ႈ​ထိုင်​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​ဢၼ်​ၶဝ်​ဢမ်ႇ​ႁူႉ​ပေႃႈ​ၸဝ်ႈ ဢိၵ်ႇ​တင်း​ၵဝ်​လႄႈ ၶဝ်​တၵ်း​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။ လွင်ႈ​ၼင်ႇ​ႁိုဝ်​သူ​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၵဝ်​လၢတ်ႈ​ဝႆႉ​ယဝ်ႉ​ၸိူဝ်ႉ​ၼင်ႇ​ၼႆ ဢွၼ်​တၢင်း၊-</verse>
				<verse number="4">ၼႂ်း​မိူဝ်ႈ​ဢၼ်​ၶိင်ႇ​ၵႃႇလႃႉ​ၼၼ်ႉ ႁွတ်ႈ​ထိုင်​ၼၼ်ႉ​ၸိုင်၊ ၵဝ်​ႁေႃး​လၢတ်ႈ​ၸိူဝ်ႉ​ၼင်ႇ​ၼႆ​ဝႆႉ​တီႈ​သူ​ဢေႃႈ။ ပိူဝ်ႈ​ဢၼ်​ၵဝ်​မီး​ယူႇ​လူၺ်ႈ​ၵၼ်​တင်း​သူ​လႄႈ ၸႃႉ​ၸဵမ်​မိူဝ်ႈ​ၵေႃႇၸႃႉ​မၼ်း​ၼၼ်ႉ ၵဝ်​ဢမ်ႇ​ပႆႇ​တွၼ်ႉ​လၢတ်ႈ​ၸိူဝ်ႉ​ၼင်ႇ​ၼႆ​သေ​ပွၵ်ႈ။</verse>
				<verse number="5">တေႃႈ​လဵဝ်​ၼႆႉ​ၸိုင်၊ ၵဝ်​တၵ်း​လႆႈ​ၵႂႃႇ​ၵႃႈ​တီႈ​ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ပုၼ်ႉ​လႄႈ​တၵ်း​ၵႂႃႇ​ၵႃႈ​တီႈ​လႂ်​ဝႃႈ​ၼႆ သူ​ဢမ်ႇ​လဝ်ႊ​ဢမ်ႇ​ထၢမ်။-</verse>
				<verse number="6">ပိူဝ်ႈ​ဢၼ်​ၵဝ်​ႁေႃး​လၢတ်ႈ​လွင်ႈ​တၢင်း​ၸိူဝ်း​ၼႆႉ​တီႈ​သူ​လႄႈ သူ​ႁွတ်ႈ​ထိုင်​တၢင်း​ဢၼ်​ၸႂ်​လဵၵ်ႉ​ၼႃႇ​ဢေႃႈ။</verse>
				<verse number="7">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ပေႃး​ၵဝ်​ၵႂႃႇ​ၸိုင်​သူ​တၵ်း​မီး​ဢၵျူဝ်း​ဢေႃႈ။ လွင်ႈ​မၼ်း​ၸမ်ႉ ပေႃး​ၵဝ်​ဢမ်ႇ​ၵႂႃႇ​ၸိုင်၊ သြႃႇ​ဢူႉပိတ်ႉသေႇ​ဢမ်ႇ​မႃး​တီႈ​သူ။ ပေႃး​ၵဝ်​ၵႂႃႇ​ၸိုင်​ၵဝ်​တၵ်း​ပွႆႇ​ၸႂ်ႉ​မၼ်း​မႃး​တီႈ​သူ​ဢေႃႈ။-</verse>
				<verse number="8">မိူဝ်ႈ​ဢၼ်​မၼ်း​ႁွတ်ႈ​မႃး​ၸိုင် မၼ်း​တၵ်း​ၽုၺ်ႇ​ဢွၵ်ႇ​ၼႄ​ပျႃး​တူႉ​ၸရိူၵ်ႈ​ဢပႅတ်ႈ ဢိၵ်ႇ​တင်း​လွင်ႈ​တၢင်း​ဢၼ်​ၵၢင်း​လွတ်ႈ​တင်း​ဢပႅတ်ႈ တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​လႅင်း​လႅင်း​တီႈ​လေႃးၵႃႉ​ၼႆႉ​ဢေႃႈ။-</verse>
				<verse number="9">ပိူဝ်ႈ​ဢၼ်​ၶဝ်​ဢမ်ႇ​ယုမ်ႇ​မၢတ်ႈ​ၵဝ်​လႄႈ မၼ်း​တၵ်း​ၽုၺ်ႇ​ဢွၵ်ႇ​ၼႄ​ပျႃး​တူႉ​ၸရိူၵ်ႈ​ဢပႅတ်ႈ​ဢေႃႈ။-</verse>
				<verse number="10">ပိူဝ်ႈ​ဢၼ်​ၵဝ်​တၵ်း​ၵႂႃႇ​ၵႃႈ​တီႈ​ပေႃႈ​ၸဝ်ႈ​ပုၼ်ႉ​သေ​လႄႈ ၵမ်း​လိုၼ်း​သူ​တၵ်း​ဢမ်ႇ​လႆႈ​ထူပ်း​လႆႈ​ႁၼ်​ၵဝ်​ၼၼ်ႉ​လႄႈ မၼ်း​တၵ်း​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​ၵၢင်း​လွတ်ႈ​တင်း​ဢပႅတ်ႈ​ဢေႃႈ။-</verse>
				<verse number="11">ပိူဝ်ႈ​ဢၼ်​ၶုၼ်​ဢၼ်​လႆႈ​ဢုပ်ႉ​ပိူင်ႇ​လေႃးၵႃႉ​ၼႆႉ လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​လႄႈ မၼ်း​တၵ်း​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ဢေႃႈ။</verse>
				<verse number="12">ပိၵ်ႉ​သမ်ႉ​ၵဝ်​မီး​ၵႂၢမ်း​ဢၼ်​လီ​လၢတ်ႈ​လီ​ဝႃႈ​ၼမ်​ၼႃႇ​တီႈ​သူ​သေ​ၵေႃႈ၊ တေႃႈ​လဵဝ်​ၼႆႉ သူ​ဢမ်ႇ​ၶၢမ်ႇ​ဢမ်ႇ​ဢဝ်​လႆႈ။-</verse>
				<verse number="13">ၵူၺ်း​ၵႃႈ​မိူဝ်ႈ​ဢၼ်​ဝီႉၺိၺ်ႇ​ၸဝ်ႈ​ဢၼ် ပျေႉ​ၸုမ်ႇ​တင်း​သမ်ႇမႃႇ​တြႃး​ၼၼ်ႉ​ႁွတ်ႈ​မႃး​ၸိုင်၊ မၼ်း​တၵ်း​ဢဝ်​သူ​ၵႂႃႇ​သူင်ႇ​ၵႃႈ​ၼႂ်း​သမ်ႇမႃႇ​တြႃး​တင်း​သဵင်ႈ​တင်း​လူင်​ဢေႃႈ။ မၼ်း​တၵ်း​ႁေႃး​လၢတ်ႈ​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ။ မၼ်း​တၵ်း​ႁေႃး​လၢတ်ႈ ၵႃႈ​ဢၼ်​ငိၼ်း​တင်း​သဵင်ႈ​တင်း​လူင်​ၼၼ်ႉ​ဢေႃႈ။ လွင်ႈ​တၢင်း​ဢၼ်​တၵ်း​မႃး​ၵမ်း​လိုၼ်း ၸိူဝ်း​ၼၼ်ႉ​ၵေႃႈ မၼ်း​တၵ်း​လၢတ်ႈ​ပၼ်​တီႈ​သူ​ဢေႃႈ။-</verse>
				<verse number="14">မၼ်း​ၼၼ်ႉ​တၵ်း​ႁႂ်ႈ​မုၼ်​ၽုင်း​ၵဝ်​ထၢင်ႇ​သႃး​မႃး​ဢေႃႈ။ လွင်ႈ​မၼ်း​ၸမ်ႉ မၼ်း​တၵ်း​ဢဝ်​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၵဝ်​ၼၼ်ႉ​လႄႈ လၢတ်ႈ​ပၼ်​တီႈ​သူ​ဢေႃႈ။-</verse>
				<verse number="15">ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ပေႃႈ​ၸဝ်ႈ တင်း​သဵင်ႈ​တင်း​လူင်​ၸိူဝ်း​ၼၼ်ႉ ၸၢပ်ႈ​သႅင်ႇ​ၵၼ်​တင်း​ၵဝ်​ဢေႃႈ။ ပိူဝ်ႈ​ၼႆ​လႄႈ ၵဝ်​လၢတ်ႈ​လႄႈ​ဝႃႈ၊ မၼ်း​တၵ်း​ဢဝ်​လွင်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၵဝ်​ၼၼ်ႉ​လႄႈ လၢတ်ႈ​ပၼ်​တီႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ႁိုင်​ၵမ်း​ဢွၼ်ႇ​ၼိုင်ႈ​ၵူၺ်း​ယဝ်ႉ၊ သူ​တၵ်း​ဢမ်ႇ​လႆႈ​ႁၼ်​ၵဝ်။ သမ်ႉ​ႁိုင်​ၵမ်း​ဢွၼ်ႇ​ၼိုင်ႈ​ၵူၺ်း​ယဝ်ႉ၊ သူ​တၵ်း​ၶိုၼ်း​ႁၼ်​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">တပႄး​ၸဝ်ႈ​ၵမ်ႈ​ၽွင်ႈ​ၵေႃႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​လၢတ်ႈ​ၵၼ်​လႄႈ​ဝႃႈ၊ ၵႂၢမ်း​ဢၼ်​မၼ်း​ၸဝ်ႈ​ဝႃႈ ႁိုင်​ၵမ်း​ဢွၼ်ႇ​ၼိုင်ႈ​ၵူၺ်း​ယဝ်ႉ၊ သူ​တၵ်း​ဢမ်ႇ​လႆႈ​ႁၼ်​ၵဝ်။ သမ်ႉ​ႁိုင်​ၵမ်း​ဢွၼ်ႇ​ၼိုင်ႈ​ၵူၺ်း​ယဝ်ႉ၊ သူ​တၵ်း​ၶိုၼ်း​ႁၼ်​ၵဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ဢိၵ်ႇ​တင်း​ၵႂၢမ်း​ဢၼ်​မၼ်း​ၸဝ်ႈ​သမ်ႉ​ဝႃႈ၊ လွင်ႈ​မၼ်း​ၸမ်ႉ ၵဝ်​တၵ်း​ၵႂႃႇ​ၵႃႈ​တီႈ​ပေႃႈ​ၸဝ်ႈ​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။-</verse>
				<verse number="18">ဢၼ်​မၼ်း​ၸဝ်ႈ​ဝႃႈ ႁိုင်​ၵမ်း​ဢွၼ်ႇ​ၼိုင်ႈ​ၵူၺ်း၊ ဝႃႈ​ၼင်ႇ​ၼႆ​ၼၼ်ႉ ၶႂ်ႈ​ဝႃႈ​ၸိူဝ်ႉ​ၼင်ႇ​ႁိုဝ်။ ႁဝ်း​ၶႃႈ​ဢမ်ႇ​ႁူႉ ၵႂၢမ်း​ဢၼ်​မၼ်း​ၸဝ်ႈ​လၢတ်ႈ​ၼႆႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">မိူဝ်ႈ​ဢၼ်​ ယေႇသူႉ ​ႁူႉ​လွင်ႈ​ဢၼ် တပႄး​ၸဝ်ႈ​ၸိူဝ်း​ၼၼ်ႉ​ၶႂ်ႈ​လဝ်ႊ​ထၢမ်​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​လႄႈ​ဝႃႈ၊ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ ၵႂၢမ်း​ဢၼ်​ၵဝ်​လၢတ်ႈ​လႄႈ​ဝႃႈ၊ ႁိုင်​ၵမ်း​ဢွၼ်ႇ​ၼိုင်ႈ​ၵူၺ်း​ယဝ်ႉ၊ သူ​တၵ်း​ဢမ်ႇ​လႆႈ​ႁၼ်​ၵဝ်။ သမ်ႉ​ႁိုင်​ၵမ်း​ဢွၼ်ႇ​ၼိုင်ႈ​ၵူၺ်း​ယဝ်ႉ၊ သူ​တၵ်း​ၶိုၼ်း​ႁၼ်​ၵဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။-</verse>
				<verse number="20">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ သူ​တၵ်း​လႆႈ​မီး​တၢင်း​ဢၼ်​ႁႆႈ​ႁွင်ႉ​ပွင်ႉ​ၶၢင်း​ဢေႃႈ။ လေႃးၵႃႉ​ၼႆႉ တၵ်း​မီး​တၢင်း​ဢၼ် သိူဝ်း​ပျေႃႇ​ဢေႃႈ။ သူ​ၸမ်ႉ၊ ပိၵ်ႉ​သမ်ႉ​မီး​တၢင်း​ဢၼ် ၸႂ်​လဵၵ်ႉ​သေ​ၵေႃႈ၊ တၢင်း​ဢၼ်​ၸႂ်​လဵၵ်ႉ​ၼၼ်ႉ ၵမ်း​လိုၼ်း​တၵ်း​ပဵၼ်​တၢင်း​ဢၼ်​သိူဝ်း​ပျေႃႇ​ဢေႃႈ။-</verse>
				<verse number="21">ၽူႈ​ယိင်း​ၸိုင် ၼႂ်း​မိူဝ်ႈ​ဢၼ်​ယင်း​တိုၵ်ႉ​ၵိူတ်ႇ​လဵင်ႉ​လုၵ်ႈ​ယူႇ​ၼၼ်ႉ၊ ပိူဝ်ႈ​ဢၼ်​ထိုင်​ၶိင်ႇ​ဢၼ်​လႆႈ​ၵိူတ်ႇ​လဵင်ႉ​လႄႈ မီး​တၢင်း​ဢၼ်​ၸႂ်​လဵၵ်ႉ​ၼႃႇ​ဢေႃႈ။ ၵိူတ်ႇ​လဵင်ႉ​မႃး​သေ​ယဝ်ႉ၊ ပိူဝ်ႈ​ဢၼ်​ၵိူတ်ႇ​လဵင်ႉ​မႃး ၵူၼ်း​ၵေႃႉ​ၼိုင်ႈ​ၵႃႈ​ၼႂ်း​လေႃးၵႃႉ​ၼႆႉ​လႄႈ မၼ်း​ၸၢင်ႈ​မီး​တၢင်း​ဢၼ်​သိူဝ်း​ပျေႃႇ​လႄႈ လိုမ်း​ပႅတ်ႈ​ဝူၺ်ႇတၼႃႇ ဢၼ်​လႆႈ​ၶၢမ်ႇ မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="22">မိူၼ်​ၸိူဝ်ႉ​ၼင်ႇ​ၼၼ်၊ မိူဝ်ႈ​လဵဝ်​ၼႆႉ ပိၵ်ႉ​သမ်ႉ​သူ​မီး​တၢင်း​ဢၼ်​ၸႂ်​လဵၵ်ႉ​သေ​ၵေႃႈ၊ ၵမ်း​လိုၼ်း​ၵဝ်​တၵ်း​ထူပ်း​ႁၼ်​သူ​လႄႈ သူ​တၵ်း​မီး​တၢင်း​ဢၼ်​ႁူဝ်​ၸႂ်​သိူဝ်း​ပျေႃႇ​ဢေႃႈ။ ၼင်ႇ​ႁိုဝ်​တၵ်း​လႆႈ​ႁိမ်​ဢဝ်​တၢင်း​ဢၼ်​သိူဝ်း​ပျေႃႇ​သူ​ၼၼ်ႉ​ၸိုင် ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​တၢတ်ႈ​ၼိူင်ႇ​လႆႈ။</verse>
				<verse number="23">ၼႂ်း​ဝၼ်း​ၼၼ်ႉ သူ​တၵ်း​ဢမ်ႇ​တွင်ႈ​ဢမ်ႇ​ထၢမ်​ၵဝ်​သေ​ၸိူဝ်ႉ​သေ​ပိူင်။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၵႃႈ​ဢၼ်​သူ​ဢိင်​ပိုင်ႈ ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ​ယွၼ်း​တီႈ​ပေႃႈ​ၸဝ်ႈ​တင်း​သဵင်ႈ​တင်း​လူင်​ၼၼ်ႉ​ၸိုင် ပေႃႈ​ၵဝ်​တၵ်း​ပၼ်​ဢေႃႈ။-</verse>
				<verse number="24">တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ သူ​ဢမ်ႇ​ပႆႇ​ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ​ယွၼ်း​သေ​ၸိူဝ်ႉ​သေ​ပိူင်။ ၼင်ႇ​ႁိုဝ်​လွင်ႈ​တၢင်း​ဢၼ်​သူ​သိူဝ်း​ပျေႃႇ​ၼၼ်ႉ တၵ်း​ၸေး​ၸုမ်ႇ​ၸိုင်၊ ယွၼ်း​တႃႉ။ ပေႃး​ယွၼ်း​ၸိူဝ်ႉ​ၼင်ႇ​ၼၼ်​ၸိုင် တၵ်း​လႆႈ​ဢေႃႈ။</verse>
				<verse number="25">ၵဝ်​ဢဝ်​တင်း​ပုင်ႇ​ဢူႉပမႃႇ​ႁေႃး​လၢတ်ႈ​လွင်ႈ​တၢင်း​ၸိူဝ်း​ၼႆႉ​ဢေႃႈ။ ၶိင်ႇ​ၵႃႇလႃႉ​ဢၼ် တၵ်း​ဢမ်ႇ​ဢဝ်​တင်း​ပုင်ႇ​ဢူႉပမႃႇ​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​ပေႃႈ​ၸဝ်ႈ တီႈ​သူ​လႅင်း​လႅင်း​ၼၼ်ႉ​တၵ်း​ႁွတ်ႈ​မႃး​ဢေႃႈ။-</verse>
				<verse number="26">မိူဝ်ႈ​ၶိင်ႇ​ၵႃႇလႃႉ​ၼၼ်ႉ သူ​တၵ်း​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ​သူး​တွင်း​ဢေႃႈ။ ၵဝ်​တၵ်း​ယွၼ်း​တီႈ​ပေႃႈ​ၸဝ်ႈ​ပုၼ်ႈ​သူ​ဝႃႈ​ၼႆ​ၵဝ်​ဢမ်ႇ​ဝႃႈ။-</verse>
				<verse number="27">လွင်ႈ​မၼ်း​ၸမ်ႉ ပိူဝ်ႈ​ဢၼ်​သူ​ႁၵ်ႉ​ၵဝ်​လႄႈ ယုမ်ႇ​လွင်ႈ​ဢၼ်​ၵဝ်​လုၵ်ႉ​သေ​ၵႃႈ​တီႈ​ၽြႃး​ပဵၼ်​ၸဝ်ႈ​မႃး​ၼၼ်ႉ​လႄႈ ပေႃႈ​ၸဝ်ႈ​ၼၼ်ႉ တူဝ်​ၸဝ်ႈ​ၵဝ်ႇ​ႁၵ်ႉ​သူ​ဢေႃႈ။-</verse>
				<verse number="28">ၵဝ်​ဢွၵ်ႇ​သေ​ၵႃႈ​တီႈ​ပေႃႈ​ၸဝ်ႈ​ပုၼ်ႉ​လႄႈ မႃး​ၼႂ်း​လေႃးၵႃႉ​ၼႆႉ​ယဝ်ႉ။ ၵဝ်​သမ်ႉ​တၵ်း​ဢွၵ်ႇ​သေ​ၵႃႈ​ၼႂ်း​လေႃးၵႃႉ​ၼႆႉ​လႄႈ ၵႂႃႇ​ၵႃႈ​တီႈ​ပေႃႈ​ၸဝ်ႈ​ပုၼ်ႉ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ တေႃႈ​လဵဝ်​ၼႆႉ ၸဝ်ႈ​ႁဝ်း​ယင်း​ဢမ်ႇ​လၢတ်ႈ​တင်း​ပုင်ႇ​ဢူႉပမႃႇ​လႄႈ ႁေႃး​လၢတ်ႈ​လႅင်း​လႅင်း​ဢေႃႈ။-</verse>
				<verse number="30">တေႃႈ​လဵဝ်​ၼႆႉ​ႁဝ်း​ၶႃႈ​ႁူႉ​လွင်ႈ​ဢၼ် ၸဝ်ႈ​ႁဝ်း​ႁူႉ​ၸႅင်ႈ​တင်း​သဵင်ႈ​တင်း​မူတ်း ဢိၵ်ႇ​တင်း​လွင်ႈ​ဢၼ် ၸဝ်ႈ​ႁဝ်း​ဢမ်ႇ​လူဝ်ႇ​ၽူႈ​လႂ်​သေ​ၵေႃႉ​သေ​ၵူၼ်း ႁႂ်ႈ​လႆႈ​တွင်ႈ​ထၢမ်​တီႈ​ၸဝ်ႈ​ႁဝ်း​ၶႃႈ​ဢေႃႈ။ ႁဝ်း​ၶႃႈ​ထွၵ်ႈ​လူၺ်ႈ​လွင်ႈ​တီႈ​ႁဵင်း​ၼႆႉ​လႄႈ ယုမ်ႇ​လွင်ႈ​ဢၼ်​ၸဝ်ႈ​ႁဝ်း​လုၵ်ႉ​သေ​ၵႃႈ​တီႈ​ၽြႃး​ပဵၼ်​ၸဝ်ႈ​မႃး​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ​သူ​ယုမ်ႇ​ယဝ်ႉ​ႁိုဝ်။-</verse>
				<verse number="32">တူၺ်း​လူး၊ ၶိင်ႇ​ၵႃႇလႃႉ​ဢၼ်​သူ​တၵ်း​လႆႈ​ၽၢတ်ႇ​ၽႄ​ၵၼ် လႅၼ်ႈ​ပၢႆႈ​ၵႂႃႇ​ၵႃႈ​တီႈ တီႈ​ယူႇ​တူဝ်​ၸဝ်ႈ​ၵဝ်ႇ​ႁင်း​ၽႂ်​ႁင်း​မၼ်း​လႄႈ ၸုၼ်ႉ​ပႅတ်ႈ​ႁႂ်ႈ​ၵဝ်​ၵိုတ်း​ၵျၢၼ်ႇ​ယူႇ​ၵေႃႉ​လဵဝ်​ၵူၺ်း​ၼၼ်ႉ​တၵ်း​ႁွတ်ႈ​မႃး​လႄႈ တေႃႈ​လဵဝ်​ၼႆႉ​ၵေႃႈ​ႁွတ်ႈ​မႃး​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ။ ၵဝ်​ယူႇ​ၵေႃႉ​လဵဝ်​ၵူၺ်း​ဢမ်ႇ​ၸႂ်ႈ။ ပေႃႈ​ၸဝ်ႈ​ၼၼ်ႉ​မီး​ယူႇ​လူၺ်ႈ​ၵၼ်​တင်း​ၵဝ်​ဢေႃႈ။</verse>
				<verse number="33">ၼင်ႇ​ႁိုဝ် သူ​တၵ်း​မီး​တၢင်း​ၼိမ် ၼႂ်း​ၵဝ်​ၸိုင်၊ ၵဝ်​ႁေႃး​လၢတ်ႈ​ၵႂၢမ်း​ၼႆႉ​မႃး​ယဝ်ႉ။ သူ​တၵ်း​လႆႈ​ၶၢမ်ႇ​တုၵ်ႉ​ၶႃႉ​ၼႂ်း​လေႃးၵႃႉ​ၼႆႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ယႃႇ​ပေ​မႆႈ​ၸႂ်​ၶီ​ၸႂ်။ ၵဝ်​ပႄႉ​ၼႅင်ႇ​လေႃးၵႃႉ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="17">
				<verse number="1">ယေႇသူႉ ​ဝႃႈ​ၸိူဝ်ႉ​ၼင်ႇ​ၼၼ်​ယဝ်ႉ​ၸင်ႇ ႁႅၼ်​တူၺ်း​ၵႃႈ​ၼိူဝ်​ၵၢင်​ႁၢဝ်​သေ​လႄႈ​ဝႃႈ၊ ဢူဝ်း​ပေႃႈ​တီႈ​ၶႃႈ၊ ၶိင်ႇ​ၵႃႇလႃႉ​ႁွတ်ႈ​မႃး​တီႈ​ၶႃႈ​ယဝ်ႉ။-</verse>
				<verse number="2">ၼင်ႇ​ႁိုဝ်​လုၵ်ႈ​ၸဝ်ႈ​တၵ်း​ႁႂ်ႈ​မုၼ်​ၽုင်း​ၸဝ်ႈ​ႁဝ်း​ထၢင်ႇ​သႃး​မႃး ၵႃႈ​ၼင်ႇ​ဢၼ်​ၸဝ်ႈ​ႁဝ်း​ပၼ်​ဢၶႂၢင်ႉ​တၼ်း​ၶူဝ်း ဢၼ်​လႆႈ​ဢုပ်ႉ​ပိူင်ႇ​ၵူၼ်း​မဵဝ်း​တင်း​သဵင်ႈ​တင်း​လူင်​တီႈ​လုၵ်ႈ​ၸဝ်ႈ ႁႂ်ႈ​လုၵ်ႈ​ၸဝ်ႈ​လႆႈ​ပၼ်​ဢသၢၵ်ႈ​ထႃႇဝရႃႉ တီႈ​ၶဝ်​ၸိူဝ်း​ဢၼ်​ၸဝ်ႈ​ႁဝ်း​ဢၢပ်ႈ​ပၼ်​ၼႂ်း​မိုဝ်း​လုၵ်ႈ​ၸဝ်ႈ​ၵႃႈ​မီး​ၸိူဝ်း​ၼၼ်ႉ​ၸိုင်၊ ႁႂ်ႈ​မုၼ်​ၽုင်း​လုၵ်ႈ​ၸဝ်ႈ​ထၢင်ႇ​သႃး​မႃး​သေ​ၵမ်း​တီႈ​ၶႃႈ။-</verse>
				<verse number="3">ထႃႇဝရႃႉ​ဢသၢၵ်ႈ​ဢၼ်​ဝႃႈ​ၸမ်ႉ၊ ပဵၼ်​တၢင်း​ဢၼ်​ႁူႉ​ၸၵ်း​ၸဝ်ႈ​ႁဝ်း ဢၼ်​ပဵၼ်​ၽြႃး​ပဵၼ်​ၸဝ်ႈ​ဢၼ်​ၸိုဝ်ႈ​ဢၼ်​ၸႂ်ႈ​သူႇ​လဵဝ်​ၵူၺ်း ဢိၵ်ႇ​တင်း ယေႇသူႉ​ၶရိၸ်ႈ ဢၼ်​ၸဝ်ႈ​ႁဝ်း​ပွႆႇ​ၸႂ်ႉ​မႃး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="4">ၵဝ်​ၶႃႈ​ႁႂ်ႈ​မုၼ်​ၽုင်း​ၸဝ်ႈ​ႁဝ်း​ထၢင်ႇ​သႃး​မႃး​ၵႃႈ​ၼိူဝ်​လိၼ်​မိူင်း​တီႈ​ၶႃႈ​ယဝ်ႉ။ ၵဝ်​ၶႃႈ​ႁဵတ်း​လွင်ႈ​တၢင်း​ဢၼ်​ၸဝ်ႈ​ႁဝ်း​ဢၢပ်ႈ​ဝႆႉ​တီႈ​ၵဝ်​ၶႃႈ ပုၼ်ႈ​ဢၼ်​ၵဝ်​ၶႃႈ​တၵ်း​လႆႈ​ႁဵတ်း​ၼၼ်ႉ​လႄႈ ယဝ်ႉ​တူဝ်ႈ​တီႈ​ၶႃႈ​ယဝ်ႉ။-</verse>
				<verse number="5">ဢူဝ်း​ပေႃႈ​တီႈ​ၶႃႈ၊ တေႃႈ​လဵဝ်​ၼႆႉ​ၵေႃႈ၊ ၶႅၼ်း​တေႃႈ​ဢဝ်​တင်း မုၼ်​ၽုင်း​သရေႇ​ဢၼ်​ၵဝ်​ၶႃႈ ၸၢမ်ႇ​ၸႃး​ယူႇ​ၵႃႈ​တီႈ​ၸဝ်ႈ​ႁဝ်း ၸူဝ်ႈ​ဢၼ်​ၵမ်ႇ​ၽႃႇ​ၼႆႉ​ဢမ်ႇ​ပႆႇ​တႄႇ​ၼၼ်ႉ ယုၵ်ႉ​ယွင်ႈ​ၵဝ်​ၶႃႈ​ဝႆႉ လူၺ်ႈ​ၵၼ်​တင်း​ၸဝ်ႈ​ႁဝ်း​သေ​ၵမ်း​တီႈ​ၶႃႈ။</verse>
				<verse number="6">ၵဝ်​ၶႃႈ​ၼႄ​ပျႃး ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၶဝ်​ၸိူဝ်း​ဢၼ်​ၸဝ်ႈ​ႁဝ်း ဢဝ်​ၵႃႈ​ၼႂ်း​လေႃးၵႃႉ​ၼႆႉ​လႄႈ ဢၢပ်ႈ​ပၼ်​တီႈ​ၵဝ်​ၶႃႈ​ၸိူဝ်း​ၼၼ်ႉ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ဢုပ်ႉ​ပိူင်ႇ​ၶဝ်​လႄႈ ဢဝ်​ၶဝ်​ဢၢပ်ႈ​ပၼ်​တီႈ​ၵဝ်​ၶႃႈ​တီႈ​ၶႃႈ​ဢေႃႈ။ ၶဝ်​ၼၼ်ႉ​ပႂ်ႉ​ၸွမ်း​ၵႂၢမ်း​ၼုၵ်ႈၵပၢတ်ႈ​တြႃး​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="7">တေႃႈ​လဵဝ်​ၼႆႉ​ၶဝ်​ႁူႉ​လွင်ႈ ၵႃႈ​ဢၼ်​ၸဝ်ႈ​ႁဝ်း ပၼ်​တီႈ​ၵဝ်​ၶႃႈ​တင်း​သဵင်ႈ​တင်း​လူင်​ၼၼ်ႉ ပဵၼ်​မႃး​ၵႃႈ​တီႈ​ၸဝ်ႈ​ႁဝ်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="8">လွင်ႈ​မၼ်း​ၸမ်ႉ ပိူဝ်ႈ​ဢၼ်​ၵဝ်​ၶႃႈ​ဢဝ်​ၵႂၢမ်း​ၵႃႈ​ဢၼ်​ၸဝ်ႈ​ႁဝ်း ပၼ်​တီႈ​ၵဝ်​ၶႃႈ​တင်း​သဵင်ႈ​တင်း​လူင်​ၼၼ်ႉ​ပၼ်​တီႈ​ၶဝ်​လႄႈ ၶဝ်​ၶၢမ်ႇ​ဢဝ်​ၼၼ်ႉ​လႄႈ ၶဝ်​ႁူႉ​လွင်ႈ​ဢၼ်​ၵဝ်​ၶႃႈ​လုၵ်ႉ​သေ​ၵႃႈ​တီႈ​ၸဝ်ႈ​ႁဝ်း​ပုၼ်ႉ​မႃး​ၼၼ်ႉ ဢမၢၼ်ႇ​ၶၼ်​ပဵၼ်​လႄႈ ယုမ်ႇ​လွင်ႈ​ဢၼ်​ၸဝ်ႈ​ႁဝ်း​ပွႆႇ​ၸႂ်ႉ​ၵဝ်​ၶႃႈ​မႃး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="9">ၵဝ်​ၶႃႈ​သူး​တွင်း​ပုၼ်ႈ​ၶဝ်​ယူႇ​တီႈ​ၶႃႈ​ဢေႃႈ။ ၵဝ်​ၶႃႈ​သူး​တွင်း​ပုၼ်ႈ​လေႃးၵႃႉ​ၼႆႉ​ဢမ်ႇ​ၸႂ်ႈ​တီႈ​ၶႃႈ။ ၵွပ်ႈ​ပိူဝ်ႈ​ဢၼ် ၶဝ်​ၸိူဝ်း​ဢၼ်​ၸဝ်ႈ​ႁဝ်း​ပၼ်​တီႈ​ၵဝ်​ၶႃႈ​ၼၼ်ႉ ပဵၼ်​ၵူၼ်း​ၸဝ်ႈ​ႁဝ်း​လႄႈ ၵဝ်​ၶႃႈ​သူး​တွင်း​ပုၼ်ႈ​ၶဝ်​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="10">လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ၵဝ်​ၶႃႈ ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၸၢပ်ႈ​သႅင်ႇ​ၵၼ်​တင်း​ၸဝ်ႈ​ႁဝ်း​တီႈ​ၶႃႈ​ဢေႃႈ။ လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ၸဝ်ႈ​ႁဝ်း ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၵေႃႈ၊ ၸၢပ်ႈ​သႅင်ႇ​ၵၼ်​တင်း​ၵဝ်​ၶႃႈ​လႄႈ မုၼ်​ၽုင်း​ၵဝ်​ၶႃႈ​ထၢင်ႇ​သႃး​မႃး​ၵွပ်ႈ​ပိူဝ်ႈ​လွင်ႈ​တၢင်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။</verse>
				<verse number="11">ၸႃႉ​ၸဵမ်​တေႃႈ​လဵဝ်​ၼႆႉ​ၵႂႃႇ​လႄႈ ၵဝ်​ၶႃႈ​ဢမ်ႇ​မီး​ၼႂ်း​လေႃးၵႃႉ​ၼႆႉ​တီႈ​ၶႃႈ။ ၶဝ်​ၸမ်ႉ၊ မီး​ယူႇ​ၼႂ်း​လေႃးၵႃႉ​ၼႆႉ​လူး​ၵွၼ်ႇ​တီႈ​ၶႃႈ​ဢေႃႈ။ ၵဝ်​ၶႃႈ​တၵ်း​လႆႈ​ၵႂႃႇ​ၵႃႈ​တီႈ​ၸဝ်ႈ​ႁဝ်း​ပုၼ်ႉ​တီႈ​ၶႃႈ​ဢေႃႈ။ ဢူဝ်း​ပေႃႈ​ဢၼ်​မူတ်း​ၸၢင်ႇ​တီႈ​ၶႃႈ၊ ၼင်ႇ​ႁိုဝ်​ၶဝ်​ၸိူဝ်း​ဢၼ်​ၸဝ်ႈ​ႁဝ်း​ပၼ်​တီႈ​ၵဝ်​ၶႃႈ​တင်း​လၢႆ​ၼၼ်ႉ တၵ်း​ပဵၼ်​ဢၼ်​လဵဝ်​ၵၼ် ၸိူဝ်ႉ​ၼင်ႇ​ဢၼ် ၸဝ်ႈ​ႁဝ်း​တင်း​ၵဝ်​ၶႃႈ​ပဵၼ်​ၼၼ်ႉ​ၸိုင် ႁႂ်ႈ​ၶဝ်​တႄႇ​ယူႇ​ၼႂ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​ၵမ်း​တီႈ​ၶႃႈ။-</verse>
				<verse number="12">မိူဝ်ႈ​ဢၼ်​ၵဝ်​ၶႃႈ​ယင်း​မီး​ယူႇ​လူၺ်ႈ​ၵၼ်​တင်း​ၶဝ်​ၼႂ်း​လေႃးၵႃႉ​ၼႆႉ​ၼၼ်ႉ​ၸိုင်​ၵဝ်​ၶႃႈ​ႁႂ်ႈ​ၶဝ်​တႄႇ​ယူႇ​ၼႂ်း ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၶႃႈ​ယဝ်ႉ။ ၵဝ်​ၶႃႈ​ပႂ်ႉ​တူၺ်း​ၶဝ်​ၸိူဝ်း​ဢၼ်​ၸဝ်ႈ​ႁဝ်း​ဢၢပ်ႈ​ပၼ်​တီႈ​ၵဝ်​ၶႃႈ​တင်း​လၢႆ​ၼၼ်ႉ​တီႈ​ၶႃႈ​ယဝ်ႉ။ ၼႂ်း​ၶဝ်​ၼၼ်ႉ​ၸိုင် လိူဝ်​သေ​ၵေႃႉ​ဢၼ်​ပဵၼ် လုၵ်ႈ​တၢင်း​လူႉ​တၢင်း​လႅဝ် ၵေႃႉ​လဵဝ်​ၵူၺ်း​ၼၼ်ႉ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁွတ်ႈ​ထိုင် တၢင်း​လူႉ​တၢင်း​လႅဝ်​တီႈ​ၶႃႈ၊ လွင်ႈ​ဢၼ်​ၵေႃႉ​ၼၼ်ႉ ႁွတ်ႈ​ထိုင်​တၢင်း​လူႉ​တၢင်း​လႅဝ်​ၸမ်ႉ၊ ၼင်ႇ​ႁိုဝ်​ၵျၢမ်း​လိၵ်ႈ​တၵ်း​ပျေႉ​ၸုမ်ႇ​ၸိုင်​ၸင်ႇ​ပဵၼ်​တီႈ​ၶႃႈ​ဢေႃႈ။</verse>
				<verse number="13">တေႃႈ​လဵဝ်​ၼႆႉ ၵဝ်​ၶႃႈ​တၵ်း​လႆႈ​ၵႂႃႇ​ၵႃႈ​တီႈ​ၸဝ်ႈ​ႁဝ်း​ပုၼ်ႉ​လႄႈ ၼင်ႇ​ႁိုဝ်​ၶဝ်​ၼႆႉ တၵ်း​မီး​တၢင်း​ဢၼ် ႁႂ်ႈ​တၢင်း​သိူဝ်း​ပျေႃႇ​ၵဝ်​ၶႃႈ ပျေႉ​ၸုမ်ႇ​ဝႆႉ​ၼႂ်း​ၶဝ်​ၸိုင်၊ ၵဝ်​ၶႃႈ​လၢတ်ႈ​ၵႂၢမ်း​ၼႆႉ ၼႂ်း​လေႃးၵႃႉ​ၼႆႉ​တီႈ​ၶႃႈ​ဢေႃႈ။-</verse>
				<verse number="14">ၵဝ်​ၶႃႈ​ပၼ်​ၼုၵ်ႈၵပၢတ်ႈ​တြႃး​ၸဝ်ႈ​ႁဝ်း တီႈ​ၶဝ်​တီႈ​ၶႃႈ​ယဝ်ႉ။ ပိူဝ်ႈ​ဢၼ်​ၶဝ်​ဢမ်ႇ​သိူၵ်ႈ​သမ်ႇ​ၵၼ်​တင်း​လေႃးၵႃႉ​ၼႆႉ မိူၼ်​ၸိူဝ်ႉ​ၼင်ႇ​ဢၼ် ၵဝ်​ၶႃႈ​ဢမ်ႇ​သိူၵ်ႈ​သမ်ႇ​ၵၼ်​တင်း​လေႃးၵႃႉ​ၼႆႉ​ၼၼ်ႉ​လႄႈ လေႃးၵႃႉ​ၼႆႉ​ၸင်း​ၶဝ်​တီႈ​ၶႃႈ​ဢေႃႈ။-</verse>
				<verse number="15">လွင်ႈ​ၼင်ႇ​ႁိုဝ်​ၸဝ်ႈ​ႁဝ်း​တၵ်း ၼုၵ်ႈ​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​လေႃးၵႃႉ​ၼႆႉ​ၸိုင်၊ ၵဝ်​ၶႃႈ​ယွၼ်း​ဢမ်ႇ​ၸႂ်ႈ​တီႈ​ၶႃႈ။ လွင်ႈ​ၼင်ႇ​ႁိုဝ်​ၸဝ်ႈ​ႁဝ်း​တၵ်း​ပႂ်ႉ​တူၺ်း​လႄႈ ႁႂ်ႈ​ၶဝ်​ၵၢင်း​လွတ်ႈ​တင်း လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​ၵူၺ်း​ၸိုင်​ၵဝ်​ၶႃႈ​ၸင်ႇ​ယွၼ်း​တီႈ​ၶႃႈ​ဢေႃႈ။-</verse>
				<verse number="16">ၶဝ်​ဢမ်ႇ​သိူၵ်ႈ​သမ်ႇ​ၵၼ်​တင်း​လေႃးၵႃႉ​ၼႆႉ မိူၼ်​ၸိူဝ်ႉ​ၼင်ႇ​ဢၼ်​ၵဝ်​ၶႃႈ​ဢမ်ႇ​သိူၵ်ႈ​သမ်ႇ​ၵၼ်​တင်း​လေႃးၵႃႉ​ၼႆႉ​ၼၼ်ႉ​တီႈ​ၶႃႈ။-</verse>
				<verse number="17">ႁႂ်ႈ​ၶဝ်​မူတ်း​ၸၢင်ႇ​ၼႂ်း​သမ်ႇမႃႇ​တြႃး​ၸဝ်ႈ​ႁဝ်း​ၼၼ်ႉ​သေ​ၵမ်း​တီႈ​ၶႃႈ။ ၼုၵ်ႈၵပၢတ်ႈ​ၸဝ်ႈ​ႁဝ်း​ၼၼ်ႉ ပဵၼ်​သမ်ႇမႃႇ​တြႃး​တီႈ​ၶႃႈ​ဢေႃႈ။-</verse>
				<verse number="18">ၸိူဝ်ႉ​ၼင်ႇ​ဢၼ် ၸဝ်ႈ​ႁဝ်း​ပွႆႇ​ၸႂ်ႉ​ၵဝ်​ၶႃႈ​မႃး​ၼႂ်း​လေႃးၵႃႉ​ၼႆႉ​ၼၼ်ႉ၊ ၵဝ်​ၶႃႈ​ပွႆႇ​ၸႂ်ႉ​ၶဝ် ၵႂႃႇ​ၼႂ်း​လေႃးၵႃႉ​တီႈ​ၶႃႈ​ဢေႃႈ။-</verse>
				<verse number="19">ၼင်ႇ​ႁိုဝ်​ၶဝ်​တၵ်း​မူတ်း​ၸၢင်ႇ​ၼႂ်း​သမ်ႇမႃႇ​တြႃး​ၸိုင်​ၵဝ်​ၶႃႈ​ၼႆႉ ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​ပုၼ်ႈ​ၶဝ်​ၼၼ်ႉ တီႈ​ၶႃႈ​ဢေႃႈ။</verse>
				<verse number="20">ၵဝ်​ၶႃႈ​သူး​တွင်း​ပုၼ်ႈ​ၶဝ်​ၵူၺ်း​ဢမ်ႇ​ၸႂ်ႈ​တီႈ​ၶႃႈ။ ပုၼ်ႈ​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၵဝ်​ၶႃႈ ၵွပ်ႈ​ပိူဝ်ႈ​ၵႂၢမ်း​ဢၼ်​ၶဝ်​ႁေႃး​လၢတ်ႈ​ၼၼ်ႉ​ၵေႃႈ ၵဝ်​ၶႃႈ​သူး​တွင်း​တီႈ​ၶႃႈ​ဢေႃႈ။-</verse>
				<verse number="21">လွင်ႈ​ၼင်ႇ​ႁိုဝ် ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ တၵ်း​လႆႈ​ပဵၼ်​ဢၼ်​လဵဝ်​ၵၼ်​ယူႇ​သေ​လႄႈ မီး​ယူႇ​ၵႃႈ​ၼႂ်း​ႁဝ်း​မိူၼ်​ၸိူဝ်ႉ​ၼင်ႇ​ဢၼ် ဢူဝ်း​ပေႃႈ​တီႈ​ၶႃႈ ၸဝ်ႈ​ႁဝ်း​မီး​ယူႇ​ၼႂ်း​ၵဝ်​ၶႃႈ​လႄႈ ၵဝ်​ၶႃႈ​ၵေႃႈ​မီး​ယူႇ​ၼႂ်း​ၸဝ်ႈ​ႁဝ်း​ၼၼ်ႉ၊ လွင်ႈ​ၼင်ႇ​ႁိုဝ်​လေႃးၵႃႉ​ၼႆႉ​တၵ်း​လႆႈ​ယုမ်ႇ လွင်ႈ​ဢၼ်​ၸဝ်ႈ​ႁဝ်း​ပွႆႇ​ၸႂ်ႉ​ၵဝ်​ၶႃႈ​မႃး​ၼၼ်ႉ​ၸိုင်​ၵဝ်​ၶႃႈ​သူး​တွင်း​တီႈ​ၶႃႈ​ဢေႃႈ။</verse>
				<verse number="22">လွင်ႈ​ၼင်ႇ​ႁိုဝ် ၶဝ်​တၵ်း​ပဵၼ်​ဢၼ်​လဵဝ်​ၵၼ် မိူၼ်​ၸိူဝ်ႉ​ၼင်ႇ​ဢၼ် ႁဝ်း​ပဵၼ်​ဢၼ်​လဵဝ်​ၵၼ်​ၼၼ်ႉ​လႄႈ</verse>
				<verse number="23">ၵဝ်​ၶႃႈ​တၵ်း​မီး​ယူႇ​ၼႂ်း​ၶဝ်​လႄႈ ၸဝ်ႈ​ႁဝ်း​ၵေႃႈ တၵ်း​မီး​ယူႇ​ၼႂ်း​ၵဝ်​ၶႃႈ ႁႂ်ႈ​ၶဝ်​လႆႈ​ၸေး​ၸုမ်ႇ​ပဵၼ်​ဢၼ်​လဵဝ်​ၵၼ်၊ လွင်ႈ​ၼင်ႇ​ႁိုဝ် လေႃးၵႃႉ​ၼႆႉ​တၵ်း​ႁူႉ​လွင်ႈ​ဢၼ်​ၸဝ်ႈ​ႁဝ်း ပွႆႇ​ၸႂ်ႉ​ၵဝ်​ၶႃႈ​မႃး​ဢိၵ်ႇ​တင်း လွင်ႈ​ဢၼ်​ၸဝ်ႈ​ႁဝ်း​ႁၵ်ႉ​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၸဝ်ႈ​ႁဝ်း​ႁၵ်ႉ​ၵဝ်​ၶႃႈ​ၼႆႉ​ၼၼ်ႉ​ၸိုင်၊ ၵဝ်​ၶႃႈ​ဢဝ်​မုၼ်​ၽုင်း​သရေႇ ဢၼ်​ၸဝ်ႈ​ႁဝ်း​ပၼ်​တီႈ​ၵဝ်​ၶႃႈ​ၼၼ်ႉ ပၼ်​တီႈ​ၶဝ်​တီႈ​ၶႃႈ​ယဝ်ႉ။</verse>
				<verse number="24">ဢူဝ်း​ပေႃႈ​တီႈ​ၶႃႈ၊ ပိူဝ်ႈ​ဢၼ်​ၸဝ်ႈ​ႁဝ်း ႁၵ်ႉ​ၵဝ်​ၶႃႈ​ၸႃႉ​ၸဵမ်​မိူဝ်ႈ ၸူဝ်ႈ​ဢၼ်​ၵမ်ႇ​ၽႃႇ​ၼႆႉ​ဢမ်ႇ​ပႆႇ​တႄႇ​ၼၼ်ႉ​လႄႈ လွင်ႈ​ၼင်ႇ​ႁိုဝ် ၶဝ်​ၸိူဝ်း​ဢၼ် ၸဝ်ႈ​ႁဝ်း​ပၼ်​တီႈ​ၵဝ်​ၶႃႈ​ၼၼ်ႉ တၵ်း​လႆႈ​ႁၼ်​မုၼ်​ၽုင်း ဢၼ်​ၸဝ်ႈ​ႁဝ်း​ပၼ်​တီႈ​ၵဝ်​ၶႃႈ​ၼၼ်ႉ​ၸိုင်၊ ၵဝ်​ၶႃႈ​မီး​ဢလူဝ်ႇ ၶႂ်ႈ​ႁႂ်ႈ​ၶဝ်​မီး​လူၺ်ႈ​ၵၼ်​တင်း​ၵဝ်​ၶႃႈ ၵႃႈ​ၼႂ်း​တီႈ​ဢၼ်​ၵဝ်​ၶႃႈ​တၵ်း​မီး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="25">ဢူဝ်း​ပေႃႈ​ဢၼ်​သိုဝ်ႈ​တေႃႇ​တီႈ​ၶႃႈ၊ ပိၵ်ႉ​သမ်ႉ​လေႃးၵႃႉ​ၼႆႉ ဢမ်ႇ​ႁူႉ​ၸဝ်ႈ​ႁဝ်း​သေ​ၵေႃႈ၊ ၵဝ်​ၶႃႈ​ႁူႉ​တီႈ​ၶႃႈ​ဢေႃႈ။ ၶဝ်​ၼၼ်ႉ​ၵေႃႈ ႁူႉ​လွင်ႈ​ဢၼ်​ၸဝ်ႈ​ႁဝ်း​ပွႆႇ​ၸႂ်ႉ​ၵဝ်​ၶႃႈ​မႃး​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="26">လွင်ႈ​ၼင်ႇ​ႁိုဝ်​မႅတ်ႈ​တႃႇ​ဢၼ်​ၸဝ်ႈ​ႁဝ်း​ႁၵ်ႉ​ၵဝ်​ၶႃႈ​ၼၼ်ႉ၊ တၵ်း​မီး​ယူႇ​ၼႂ်း​ၶဝ်​လႄႈ ၵဝ်​ၶႃႈ​ၼႆႉ တၵ်း​မီး​ယူႇ​ၼႂ်း​ၶဝ်​ၼၼ်ႉ​ၸိုင်​ၵဝ်​ၶႃႈ​ၸီႉ​မွၵ်ႇ​ၼႄ​ပျႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း တီႈ​ၶဝ်​ယဝ်ႉ​တီႈ​ၶႃႈ​လႄႈ တၵ်း​ၸီႉ​မွၵ်ႇ​ၼႄ​ပျႃး​လူး​ၵွၼ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">ယေႇသူႉ ​ၵေႃႈ​ဝႃႈ​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ဢွၵ်ႇ​လူၺ်ႈ​ၵၼ်​တင်း​တပႄး​ၸဝ်ႈ​တင်း​လၢႆ ၵႂႃႇ​ၵႃႈ​တီႈ​ၽၢႆႇ​ပုၼ်ႉ​ႁွင်ႈ ၵေႇတရုၼ်ႇ တီႈ​ဢၼ် မီး​သူၼ်​ဢူးယဵၼ်ႇ​ၼၼ်ႉ​လႄႈ ၶဝ်ႈ​ၵႂႃႇ​ၵႃႈ​ၼႂ်း​ၼၼ်ႉ ဢိၵ်ႇ​လူၺ်ႈ​ၵၼ်​တင်း​တပႄး​ၸဝ်ႈ​ၸိူဝ်း​ၼၼ်ႉ​ဢေႃႈ။</verse>
				<verse number="2">ပိူဝ်ႈ​ဢၼ်​ ယေႇသူႉ ​ၵႂႃႇ​ၵႃႈ​တီႈ​ၼၼ်ႈ ဢိၵ်ႇ​လူၺ်ႈ​ၵၼ်​တင်း​တပႄး​ၸဝ်ႈ​တင်း​လၢႆ ယူႇ​ၶိူဝ်း​ၶိူဝ်း​လႄႈ ယူႉတႃႉ​ဢီႉသၵႃႇရေႇဢုတ်ႈ ဢၼ်​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ ႁူႉ​တီႈ​ၼၼ်ႈ​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ ယူႉတႃႉ ​ၼၼ်ႉ ပႃး​ဢဝ်​တင်း​ၵူၼ်း​သိုၵ်း​တပ်ႉ​ၼိုင်ႈ​ဢိၵ်ႇ​တင်း​ၵူၼ်း​ဢွၼ်ႇ​ၸၢႆး​ဢၼ်​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း ၽႃႇရီႉသႄး ​တင်း​လၢႆ ပွႆႇ​ၸႂ်ႉ​မႃး​ၸိူဝ်း​ၼၼ်ႉ​လႄႈ ယိပ်း​ၵမ်​ၵၢၼ်ႈ​ၽႆး​လႂ်၊ ႁိူၼ်း​ၽႆး​လႂ်၊ လၢၵ်ႈ​ၼၢၵ်ႈ​လႂ်​ယူႇ​သေ​လႄႈ မႃး​ဢေႃႈ။-</verse>
				<verse number="4">ယေႇသူႉ ​ႁူႉ​လွင်ႈ​တၢင်း ၵႃႈ​ဢၼ်​တၵ်း​ပဵၼ်​မႃး​တီႈ​မၼ်း​ၸဝ်ႈ​ၸိူဝ်း​ၼၼ်ႉ​ယူႇ​လႄႈ ၵႂႃႇ​ၸူး​ၵႃႈ​တီႈ​ၶဝ်​ၸိူဝ်း​ဢၼ်​မႃး​ၼၼ်ႉ​သေ​ယဝ်ႉ၊ ထၢမ်​လႄႈ​ဝႃႈ၊ သူ​ႁႃ​ၽူႈ​လႂ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶဝ်​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ႁႃ​ ယေႇသူႉ ​ၵူၼ်း​ဝဵင်း​ ၼႃႇၸရႅတ်ႈ ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ပဵၼ်​ၵဝ်​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ယူႉတႃႉ​ဢီႉသၵႃႇရေႇဢုတ်ႈ ဢၼ်​ဢဝ်​မၼ်း​ၸဝ်ႈ​ဢၢပ်ႈ​ၼၼ်ႉ​ၵေႃႈ ၸုၵ်း​ယူႇ​လူၺ်ႈ​ၵၼ်​တင်း​ၶဝ်​ၼၼ်ႉ​ဢေႃႈ။-</verse>
				<verse number="6">မိူဝ်ႈ​ဢၼ်​မၼ်း​ၸဝ်ႈ​လၢတ်ႈ​လႄႈ​ဝႃႈ၊ ပဵၼ်​ၵဝ်​ၼႆႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင် ၶဝ်​ၼၼ်ႉ​ပိၼ်ႈ​ၶိုၼ်း​ၵႂႃႇ​တၢင်း​လင်​သေ​လႄႈ လူမ်ႉ​ၵႃႈ​ၼိူဝ်​လိၼ်​ဢေႃႈ။-</verse>
				<verse number="7">မၼ်း​ၸဝ်ႈ​သမ်ႉ​ၶိုၼ်း​ထၢမ်​ထႅင်ႈ​လႄႈ​ဝႃႈ၊ သူ​ႁႃ​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​လၢတ်ႈ​လႄႈ​ဝႃႈ၊ ႁႃ ယေႇသူႉ ၵူၼ်း​ဝဵင်း​ ၼႃႇၸရႅတ်ႈ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပဵၼ်​ၵဝ်​ၼႆႉ​ဢေႃႈ​ဝႃႈ​ၼႆ၊ ၵဝ်​လၢတ်ႈ​ယဝ်ႉ။ ပိူဝ်ႈ​ၼႆ​လႄႈ ပေႃး​သူ​ႁႃ​ၵဝ်​ၸိုင်၊ ပၼ်​ဢၶႂၢင်ႉ​ႁႂ်ႈ​ၶဝ်​ၸိူဝ်း​ၼႆႉ​လႆႈ​ၵႂႃႇ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၼင်ႇ​ႁိုဝ်​ၵႂၢမ်း​ဢၼ်​မၼ်း​ၸဝ်ႈ​လၢတ်ႈ​ဝႆႉ​လႄႈ​ဝႃႈ၊ ၼႂ်း​ၶဝ်​ၸိူဝ်း​ဢၼ်​ၸဝ်ႈ​ႁဝ်း​ပၼ်​တီႈ​ၵဝ်​ၶႃႈ​ၼၼ်ႉ၊ ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​ႁွတ်ႈ​ထိုင်​တၢင်း​လူႉ​တၢင်း​လႅဝ်​တီႈ​ၶႃႈ၊ ဝႃႈ​ၼင်ႇ​ၼႆ​ၼၼ်ႉ တၵ်း​ပျေႉ​ၸုမ်ႇ​ၸိုင် ၸင်ႇ​ပဵၼ်​ဢေႃႈ။</verse>
				<verse number="10">မိူဝ်ႈ​ၼၼ်ႉ​ သီႉမုၼ်ႇ​ပေႇတရူႉ တိုတ်ႉ​ထွတ်ႇ​ဢဝ်​လၢပ်ႇ​ဢၼ်​ပႃး​ၵႃႈ​တီႈ​မၼ်း​ၼၼ်ႉ​ဢွၵ်ႇ​သေ​ယဝ်ႉ၊ ၽၼ်း​သႂ်ႇ​ၶႃႈ​ၵူၼ်း​ယိတ်ႈပရေႃးႁဵၵ်ႈ​ၵေႃႉ​ၼိုင်ႈ​လႄႈ ဝၢၼ်​ႁူ​မၼ်း​ၽၢႆႇ​ၶႂႃ​ၶၢတ်ႇ​ၵႂႃႇ​ဢေႃႈ။ ၸိုဝ်ႈ​သဵင်​ၶႃႈ​ၼၼ်ႉ​ၸမ်ႉ၊ ပဵၼ်​ မႃႇလၶူႉ ​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ ယေႇသူႉ ​ၵေႃႈ​လၢတ်ႈ​တီႈ​ ပေႇတရူႉ ​လႄႈ​ဝႃႈ၊ ဢဝ်​လၢပ်ႇ​သုပ်း​သႂ်ႇ​ဝႆႉ​ၵႃႈ​ၼႂ်း​ၵပ်း​မၼ်း​သေ​တႃႉ။ ၵွၵ်း​ဢၼ်​ပေႃႈ​ၸဝ်ႈ​ပၼ်​တီႈ​ၵဝ်​ၼၼ်ႉ​ၸိုင်၊ ၵဝ်​တၵ်း​ဢမ်ႇ​လႆႈ​ၵိၼ်​ႁိုဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မိူဝ်ႈ​ၼၼ်ႉ ၸႃႉ​ၸဵမ်​တပ်ႉ​မူး​လႄႈ ၵူၼ်း​သိုၵ်း​ဢိၵ်ႇ​တင်း​ၵူၼ်း​ဢွၼ်ႇ​ၸၢႆး​ၶုၼ်​ ယူႉတႃႉ ​ၸိူဝ်း​ၼၼ်ႉ​တီႉ​ဢဝ်​ ယေႇသူႉ ​လႄႈ မတ်ႉ​ၽုၵ်ႇ​သေ​ယဝ်ႉ၊-</verse>
				<verse number="13">ဢဝ်​ၵႂႃႇ​ၸူး​ၵႃႈ​တီႈ ၶုၼ်​ ဢၼ်ႇၼၢတ်ႉ ဢွၼ်​တၢင်း​ဢေႃႈ။ ၶုၼ်​ ဢၼ်ႇၼၢတ်ႉ ​ၸမ်ႉ၊ ပဵၼ်​ပူႇ​ၼၢႆး ၵႃႇယၽႃႉ ဢၼ်​ပဵၼ်​ၶုၼ်​ယိတ်ႈပရေႃးႁဵၵ်ႈ​ၼႂ်း​ပီႊ​ၼၼ်ႉ​ၼၼ်ႉ​ဢေႃႈ။-</verse>
				<verse number="14">ၵႃႇယၽႃႉ ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​တိူင်ႇ​ပၢင်ႇ​လၢတ်ႈ​ၸႃ​ၵၼ်​တင်း​ၵူၼ်း​ ယူႉတႃႉ ​တင်း​လၢႆ​လႄႈ​ဝႃႈ၊ တၢင်း​ဢၼ်​ၵူၼ်း​ၵေႃႉ​ၼိုင်ႈ​တၢႆ​ပုၼ်ႈ​ၵူၼ်း​တင်း​လၢႆ​ၼၼ်ႉ ယဵင်ႈ​ၶႅၼ်း​လီ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="15">သီႉမုၼ်ႇ​ပေႇတရူႉ တင်း​တပႄး​ၸဝ်ႈ​တၢင်ႇ​ၵေႃႉ ၸွမ်း​ပႃႈ​လင်​ ယေႇသူႉ ​ၵႂႃႇ​ဢေႃႈ။ တပႄး​ၸဝ်ႈ​ၼၼ်ႉ ပဵၼ်​ၵေႃႉ​ဢၼ် မိုတ်ႈ​ၵိုဝ်း​ၵၼ်​တင်း​ၶုၼ်​ယိတ်ႈပရေႃးႁဵၵ်ႈ​လႄႈ ၶဝ်ႈ​လူၺ်ႈ​ၵၼ်​တင်း​ ယေႇသူႉ ၵႃႈ​တီႈ​ၼႂ်း​တလၢင်း​ဢၼ်​မီး ၵႄႈ​ႁိူၼ်း​ၶုၼ်​ယိတ်ႈပရေႃးႁဵၵ်ႈ​ၼၼ်ႉ​ဢေႃႈ။-</verse>
				<verse number="16">ပေႇတရူႉ ​ၸမ်ႉ၊ ၸုၵ်း​ယူႇ​ၵႃႈ​တီႈ​ႁိမ်း​ၽၵ်း​တူ​ၽၢႆႇ​ၼွၵ်ႈ​ဢေႃႈ။ ပိူဝ်ႈ​ၼႆ​လႄႈ တပႄး​ၸဝ်ႈ​တၢင်ႇ​ၵေႃႉ​ဢၼ်​မိုတ်ႈ​ၵိုဝ်း​ၵၼ်​တင်း​ၶုၼ်​ယိတ်ႈပရေႃးႁဵၵ်ႈ​ၼၼ်ႉ​ဢွၵ်ႇ​ၵႂႃႇ​လႄႈ လၢတ်ႈ​တီႈ​မႄႈ​ယိင်း​ဢၼ်​ပႂ်ႉ​ၽၵ်း​တူ​ၼၼ်ႉ​သေ​ယဝ်ႉ၊ ဢဝ်​ ပေႇတရူႉ ​ၶဝ်ႈ​မႃး​ဢေႃႈ။-</verse>
				<verse number="17">ၵမ်း​ၼၼ်ႉ မႄႈ​ယိင်း​ဢၼ်​ပႂ်ႉ​ၽၵ်း​တူ​ၼၼ်ႉ လၢတ်ႈ​တီႈ​ ပေႇတရူႉ ​လႄႈ​ဝႃႈ၊ မႂ်း​ၶဝ်ႈ​ပႃး​ၼႂ်း​တပႄး​ၵူၼ်း​ၵေႃႉ​ၼၼ်ႉ​ဢမ်ႇ​ၸႂ်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ထဵင်​ပႅတ်ႈ​လႄႈ​ဝႃႈ၊ ၵဝ်​ဢမ်ႇ​ၶဝ်ႈ​ပႃး​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">မိူဝ်ႈ​ၶိင်ႇ​ၼၼ်ႉ​ပိူဝ်ႈ​ဢၼ်​ၵတ်း​လႄႈ ၶႃႈ​ၵူၼ်း​ဢိၵ်ႇ​တင်း​ၵူၼ်း​ဢွၼ်ႇ​ၸၢႆး​ၸိူဝ်း​ၼၼ်ႉ သႂ်ႇ​ၵွင်​ထၢၼ်ႇ​ၽႆး​လႄႈ ၸုၵ်း​ယူႇ​ၵႃႈ​တီႈ​ၼၼ်ႈ​သေ​လႄႈ ဢွမ်ႇ​ၽႆး​ယူႇ​ဢေႃႈ။ ပေႇတရူႉ ​ၵေႃႈ ၸုၵ်း​ယူႇ​လူၺ်ႈ​ၵၼ်​တင်း​ၶဝ်​လႄႈ​ဢွမ်ႇ​ၽႆး​ယူႇ​ဢေႃႈ။</verse>
				<verse number="19">မိူဝ်ႈ​ၼၼ်ႉ​ၶုၼ်​ယိတ်ႈပရေႃးႁဵၵ်ႈ​ၼၼ်ႉ ၸႅတ်ႈ​ထၢမ်​ၸႅတ်ႈ​တူၺ်း​ ယေႇသူႉ လူၺ်ႈ​လွင်ႈ​တပႄး​မၼ်း​ၸဝ်ႈ​တင်း​လၢႆ ဢိၵ်ႇ​တင်း​လူၺ်ႈ​လွင်ႈ​တေႇသၼႃႇ​မၼ်း​ၸဝ်ႈ​ဢေႃႈ။-</verse>
				<verse number="20">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ႁေႃး​လၢတ်ႈ​ထၢင်ႇ​ထၢင်ႇ​သႃး​သႃး​ၼႂ်း​လေႃးၵႃႉ​ၼႆႉ​ယဝ်ႉ။ ၵဝ်​သင်ႇ​သွၼ်​သုင်း​မႃႉ​ပၼ် ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ ဢိၵ်ႇ​တင်း​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ တီႈ​ဢၼ်​ၵူၼ်း​ ယူႉတႃႉ တင်း​သဵင်ႈ​တင်း​လူင်​ၸူႉ​ၵၼ်​တုမ်​ၵၼ်​ၼၼ်ႉ​တႃႇ​သေႇ​ဢမ်ႇ​ထၢတ်ႇ​ယဝ်ႉ။ ၵဝ်​ဢမ်ႇ​ႁေႃး​ဢမ်ႇ​လၢတ်ႈ​ၼႂ်း တီႈ​ဢၼ်​လပ်ႉ​ဢၼ်​သိူင်ႇ​ၼၼ်ႉ​လႃး​လႃး။-</verse>
				<verse number="21">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ တွင်ႈ​ထၢမ်​ၵဝ်​ၼင်ႇ​ႁိုဝ်။ ၵဝ်​ႁေႃး​လၢတ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ တွင်ႈ​ထၢမ်​ၶဝ်​ၸိူဝ်း​ဢၼ်​လႆႈ​ထွမ်ႇ​လႆႈ​ငိၼ်း​တင်း​လၢႆ​ၼၼ်ႉ​တႃႉ။ ၶဝ်​ၼၼ်ႉ​ႁူႉ​ၵႂၢမ်း​ဢၼ်​ၵဝ်​လၢတ်ႈ​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">မိူဝ်ႈ​ဢၼ်​မၼ်း​ၸဝ်ႈ​ဝႃႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ၵူၼ်း​ဢွၼ်ႇ​ၸၢႆး​ဢၼ်​ၸုၵ်း​ယူႇ​ၵႃႈ​တီႈ​ႁိမ်း​ၼၼ်ႉ​ၵေႃႉ​ၼိုင်ႈ ယႅၼ်ႉ​တူပ်ႇ ယေႇသူႉ ​သေ​လႄႈ​ဝႃႈ၊ မႂ်း​ၶိုၼ်း​လၢတ်ႈ​တီႈ​ၶုၼ်​ယိတ်ႈပရေႃးႁဵၵ်ႈ​ၸိူဝ်ႉ​ၼင်ႇ​ၼႆ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပေႃး​ၵဝ်​လၢတ်ႈ​ဢမ်ႇ​လီ​ၸိုင်၊ ၼႄ​ပျႃး​လွင်ႈ​ဢၼ်​ဢမ်ႇ​လီ​ၼၼ်ႉ​သေ​ၵမ်း။ ပေႃး​ၵဝ်​လၢတ်ႈ​လီ​ယူႇ​ၸိုင် ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ယႅၼ်ႉ​တူပ်ႇ​ၵဝ်​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၶုၼ်​ ဢၼ်ႇၼၢတ်ႉ ႁႂ်ႈ​ဢဝ်​မၼ်း​ၸဝ်ႈ​ၵႃႈ​ၼင်ႇ​ဢၼ်​မတ်ႉ​ၽုၵ်ႇ​ဝႆႉ​ယူႇ​ၼၼ်ႉ ၵႂႃႇ​သူင်ႇ​ၵႃႈ​တီႈ ၶုၼ်​ယိတ်ႈပရေႃးႁဵၵ်ႈ​ ၵႃႇယၽႃႉ သေ​ဢေႃႈ။</verse>
				<verse number="25">ၼႂ်း​မိူဝ်ႈ​ဢၼ်၊ သီႉမုၼ်ႇ​ပေႇတရူႉ ၸုၵ်း​လႄႈ​ဢွမ်ႇ​ၽႆး​ယူႇ​ၼၼ်ႉ​ၸိုင်၊ ၵမ်ႈ​ၽွင်ႈ​ထၢမ်​လႄႈ​ဝႃႈ၊ မႂ်း​ၶဝ်ႈ​ပႃး​ၼႂ်း​တပႄး​ၵေႃႉ​ၼၼ်ႉ​ဢမ်ႇ​ၸႂ်ႈ​ႁိုဝ်၊ ဝႃႈ​ၼင်ႇ​ၼႆ​သေ​ယဝ်ႉ၊ ပေႇတရူႉ ​ထဵင်​ပႅတ်ႈ​လႄႈ​ဝႃႈ၊ ၵဝ်​ဢမ်ႇ​ၶဝ်ႈ​ပႃး​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">ၶႃႈ​ၶုၼ်​ယိတ်ႈပရေႃးႁဵၵ်ႈ ဢၼ်​ပဵၼ်​ၸိူဝ်ႉ​ၶိူဝ်း​လဵဝ်​ၵၼ်​တင်း​ၵေႃႉ​ဢၼ်​ ပေႇတရူႉ ​ၽၼ်း​လႄႈ​ဝၢၼ်​ႁူ​ၶၢတ်ႇ​ၵႂႃႇ​ၼၼ်ႉ​ၵေႃႉ​ၼိုင်ႈ ၵေႃႈ​လၢတ်ႈ​လႄႈ​ဝႃႈ၊ ၵဝ်​ႁၼ်​မႂ်း​မီး​ယူႇ​လူၺ်ႈ​ၵၼ်​တင်း​ ယေႇသူႉ ၵႃႈ​ၼႂ်း​သူၼ်​ဢူးယဵၼ်ႇ​ၼၼ်ႉ​ယဝ်ႉ​ဢမ်ႇ​ၸႂ်ႈ​ႁိုဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="27">ပေႇတရူႉ ​သမ်ႉ​ၶိုၼ်း​ထဵင်​ပႅတ်ႈ​ဢေႃႈ။ ၵႆႇ​ၵေႃႈ​ၶၼ်​မိူဝ်ႈ​ၼၼ်ႉ​ၵမ်း​လဵဝ်​ဢေႃႈ။</verse>
				<verse number="28">မိူဝ်ႈ​ဢၼ်​ထိုင်​ၶိင်ႇ​ၵၢင်​ၼႂ်​ၸဝ်ႉ​ၸဝ်ႉ​ၸိုင်၊ ၶဝ်​ဢဝ်​ ယေႇသူႉ ​ဢွၵ်ႇ​သေ​ၵႃႈ​တီႈ​ ၵႃႇယၽႃႉ ​လႄႈ ၵႂႃႇ​ၵႃႈ​တီႈ​ႁေႃ​ဢေႃႈ။ ၵူၺ်း​ၵႃႈ ၶဝ်​ၼၼ်ႉ​တူဝ်​ၸဝ်ႈ​ၵဝ်ႇ​ဢမ်ႇ​ၶဝ်ႈ​ၵႃႈ​ၼႂ်း​ႁေႃ ႁႂ်ႈ​လႆႈ​ၵၢင်း​လွတ်ႈ​တင်း​ဢႃႇပၢတ်ႈ​လႄႈ ၶၢမ်ႇ​ပွႆး​ ပႃႉသၶႃႇ ​ဢေႃႈ။-</verse>
				<verse number="29">ပိူဝ်ႈ​ၼႆ​လႄႈ ၶုၼ်​ ပီႉလတ်ႉ ဢွၵ်ႇ​ၸူး​ၵႃႈ​တီႈ​ဢၼ်​ၶဝ်​မီး​ၼၼ်ႉ​သေ​လႄႈ​ထၢမ်​ဝႃႈ၊ သူ​တၢင်ႇ​ဢပႅတ်ႈ​ဢၼ်​လႂ်​တီႈ​ၵေႃႉ​ၼႆႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="30">ၶဝ်​ၼၼ်ႉ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ပေႃး​ၵေႃႉ​ၼႆႉ​ဢမ်ႇ​ၸႂ်ႈ​ၵူၼ်း​ႁၢႆႉ​ၸိုင်၊ ႁဝ်း​ၶႃႈ​ဢမ်ႇ​ဢဝ်​မၼ်း​ဢၢပ်ႈ​တီႈ​ၸဝ်ႈ​ႁဝ်း​ၶႃႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ပိူဝ်ႈ​ၼႆ​လႄႈ​ၶုၼ်​ ပီႉလတ်ႉ ​ၵေႃႈ​လၢတ်ႈ​လႄႈ​ဝႃႈ၊ ဢဝ်​မၼ်း​လႄႈ​ၸီႇ​ယၢင်ႇ​ၸွမ်း​ၼင်ႇ​ထမ်ႇမသၢတ်ႈ​သူ​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​ဢမ်ႇ​ပိူင်ႇ​ဢဝ်​ၽူႈ​လႂ်​တၢႆ​သေ​ၵေႃႉ​သေ​ၵူၼ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">လွင်ႈ​ဢၼ်​လဝ်ႊ​လၢတ်ႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸမ်ႉ၊ ၼင်ႇ​ႁိုဝ်​ၵႂၢမ်း​ဢၼ်​ ယေႇသူႉ ​လၢတ်ႈ​ၼႄ​လွင်ႈ​ဢၼ်​မၼ်း​ၸဝ်ႈ​တၵ်း​လႆႈ​တၢႆ​ၸိူဝ်ႉ​ၼင်ႇ​ႁိုဝ်​ၼၼ်ႉ တၵ်း​ပျေႉ​ၸုမ်ႇ​ၸိုင်​ၸင်ႇ​ပဵၼ်​ဢေႃႈ။</verse>
				<verse number="33">ၶုၼ်​ ပီႉလတ်ႉ ​သမ်ႉ​ၶိုၼ်း​ၶဝ်ႈ​ၵႂႃႇ​ၵႃႈ​ၼႂ်း​ႁေႃ​လႄႈ ႁွင်ႉ​ဢဝ်​ ယေႇသူႉ ​သေ​ယဝ်ႉ၊ ထၢမ်​လႄႈ​ဝႃႈ၊ မႂ်း​ၸႂ်ႈ​ၶုၼ်​ႁေႃ​ၶမ်း​ ယူႉတႃႉ ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ယေႇသူႉ ​ၵေႃႈ​ထၢမ်​လႄႈ​ဝႃႈ၊ ၶုၼ်​လူင်​ထၢမ်​ၸိူဝ်ႉ​ၼင်ႇ​ၼႆ ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ႁိုဝ်။ ဢမ်ႇ​ၼၼ်​လႄႈ၊ ပိူၼ်ႈ​တၢင်ႇ​ၵေႃႉ​လဝ်ႊ​လၢတ်ႈ​ၸိူဝ်ႉ​ၼင်ႇ​ၼႆ​ဝႆႉ​လွင်ႈ​ၵဝ်​ယဝ်ႉ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">ၶုၼ်​ ပီႉလတ်ႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ပဵၼ်​ၵူၼ်း​ ယူႉတႃႉ ​ႁိုဝ်။ ၵူၼ်း​မဵဝ်း​မႂ်း​ဢိၵ်ႇ​တင်း ယိတ်ႈပရေႃးႁဵၵ်ႈ​လူင်​ၸိူဝ်း​ၼၼ်ႉ ဢဝ်​မႂ်း​ဢၢပ်ႈ​တီႈ​ၵဝ်​ယဝ်ႉ။ မႂ်း​ႁဵတ်း​မႅၼ်ႈ​ၸိူဝ်ႉ​ၼင်ႇ​ႁိုဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="36">ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မိူင်း​ၵဝ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​လေႃးၵႃႉ​ၼႆႉ။ ပေႃး​မိူင်း​ၵဝ်​ၸၢပ်ႈ​သႅင်ႇ​ၵၼ်​တင်း​လေႃးၵႃႉ​ၼႆႉ​ၸိုင်၊ ၵူၼ်း​ၵဝ်​တင်း​လၢႆ​တၵ်း​တိုၵ်း​တေႃး​ဢမ်ႇ​ႁႂ်ႈ​ၵဝ်​လႆႈ​ႁွတ်ႈ​ထိုင်​ၼႂ်း​မိုဝ်း​ၵူၼ်း​ ယူႉတႃႉ ​တင်း​လၢႆ​ၼႆႉ​ဢေႃႈ။ တေႃႈ​လဵဝ်​ၼႆႉ​ၸမ်ႉ၊ မိူင်း​ၵဝ် ဢမ်ႇ​ၸၢပ်ႈ​သႅင်ႇ​ၵၼ်​တင်း တေႇသႃႉ​တီႈ​ၼႆႈ ​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ၶုၼ်​ ပီႉလတ်ႉ ​ၵေႃႈ​ထၢမ်​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ မႂ်း​ၸႂ်ႈ​ၶုၼ်​ႁေႃ​ၶမ်း​ႁိုဝ်၊ ဝႃႈ​ၼင်ႇ​ၼႆ​သေ​ယဝ်ႉ၊ ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ပဵၼ်​ၶုၼ်​ႁေႃ​ၶမ်း​မႅၼ်ႈ​ၵႃႈ​ၼင်ႇ​ဢၼ်​ၶုၼ်​လူင်​ထၢမ်​ၼႆႉ​ဢေႃႈ။ ၼင်ႇ​ႁိုဝ်​တၵ်း​လႆႈ​ၶၢမ်ႇ​သၢၵ်ႈ​သေႇ ၵႃႈ​တီႈ​ၽၢႆႇ​သမ်ႇမႃႇ​တြႃး​ၸိုင်​ၵဝ်​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး ၼႂ်း​လေႃးၵႃႉ​ၼႆႉ​ယဝ်ႉ။ ၶဝ်​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း သမ်ႇမႃႇ​တြႃး ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ထွမ်ႇ​ဢဝ်​ၵႂၢမ်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="38">ၶုၼ်​ ပီႉလတ်ႉ ​ၵေႃႈ​ထၢမ်​လႄႈ​ဝႃႈ၊ သမ်ႇမႃႇ​တြႃး​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​သေ​ယဝ်ႉ၊ သမ်ႉ​ၶိုၼ်း​ဢွၵ်ႇ​ၸူး​ၵႃႈ​တီႈ​ၵူၼ်း​ ယူႉတႃႉ ​ၸိူဝ်း​ၼၼ်ႉ​လႄႈ​လၢတ်ႈ​ဝႃႈ၊ ၵဝ်​ဢမ်ႇ​ထူပ်း​ဢပႅတ်ႈ​တီႈ​ၵေႃႉ​ၼႆႉ​သေ​ၸိူဝ်ႉ​သေ​ပိူင်။-</verse>
				<verse number="39">ပိူဝ်ႈ​ဢၼ်​မီး​ထုင်း​ၸၢမ်ႇ​ဢၼ်​ၵဝ်​လႆႈ​ပွႆႇ​လွတ်ႈ​ၵူၼ်း​ၵေႃႉ​ၼိုင်ႈ​ပၼ်​တီႈ​သူ ၼႂ်း​မိူဝ်ႈ​ပွႆး​ ပႃႉသၶႃႇ ​လႄႈ၊ သူ​ၶႂ်ႈ​ႁႂ်ႈ​ၵဝ်​ပွႆႇ​လွတ်ႈ​ၶုၼ်​ႁေႃ​ၶမ်း ယူႉတႃႉ ​ၼႆႉ​ပၼ်​တီႈ​သူ​ႁိုဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="40">ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၵေႃႈ ႁွင်ႉ​သႅၼ်ႇ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ဢမ်ႇ​ၶႂ်ႈ​ႁႂ်ႈ​ပွႆႇ​လွတ်ႈ​ၵေႃႉ​ၼႆႉ​ၶႃႈ၊ ၶႂ်ႈ​ႁႂ်ႈ​ပွႆႇ​လွတ်ႈ ပႃႇရပ်ႉပႃႉ ​ၼၼ်ႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပႃႇရပ်ႉပႃႉ ​ၼၼ်ႉ​ၸမ်ႉ၊ ပဵၼ်​ၸူၼ်​ဢေႃႈ။</verse>
			</chapter>
			<chapter number="19">
				<verse number="1">မိူဝ်ႈ​ၼၼ်ႉ​ၶုၼ်​ ပီႉလတ်ႉ ​ဢဝ်​ ယေႇသူႉ ​လႄႈ ပေႃႉ​ယႅၼ်ႉ​သေ​ယဝ်ႉ၊-</verse>
				<verse number="2">ၵူၼ်း​သိုၵ်း​တင်း​လၢႆ​ဢဝ်​ပၢၼ်း​ၵုမ်း​ဢၼ်​ဢဝ်​တင်း​ၼၢမ်​သၢၼ်​ႁဵတ်း​ၼၼ်ႉ တၢင်ႇ​သႂ်ႇ​ၵႃႈ​ၼိူဝ်​ႁူဝ်​မၼ်း​ၸဝ်ႈ​လႄႈ ဢဝ်​ၶူဝ်း​ၼုင်ႈ​ဢၼ်​လႅင်​ၵမ်ႇ​ၼုင်ႈ​ပၼ်​မၼ်း​ၸဝ်ႈ​သေ​ယဝ်ႉ၊ ဢွၼ်​ၵၼ်​မႃး​ၸူး​တီႈ​မၼ်း​ၸဝ်ႈ​သေ​လႄႈ​လၢတ်ႈ​ဝႃႈ၊-</verse>
				<verse number="3">ၶုၼ်​ႁေႃ​ၶမ်း​ ယူႉတႃႉ ​တီႈ​ၶႃႈ​ဢိူၺ်း၊ ႁႂ်ႈ​ၸဝ်ႈ​ႁဝ်း​မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​လႄႈ ယႅၼ်ႉ​တူပ်ႇ​မၼ်း​ၸဝ်ႈ​ဢေႃႈ။</verse>
				<verse number="4">ၶုၼ်​ ပီႉလတ်ႉ ​သမ်ႉ​ၶိုၼ်း​ဢွၵ်ႇ​ၸူး​လႄႈ​လၢတ်ႈ​ဝႃႈ၊ ၼင်ႇ​ႁိုဝ်​သူ​တၵ်း​ႁူႉ​လွင်ႈ​ဢၼ်​ၵဝ်​ဢမ်ႇ​ထူပ်း​ဢပႅတ်ႈ​တီႈ​ၵေႃႉ​ၼႆႉ​သေ​ၸိူဝ်ႉ​သေ​ပိူင်​ၼၼ်ႉ​ၸိုင်​ၵဝ်​ဢဝ်​ၵေႃႉ​ၼႆႉ ဢွၵ်ႇ​ၼႄ​တီႈ​သူ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ၼၼ်ႉ​ ယေႇသူႉ ​ၵေႃႈ​တိုဝ်း​ပၢၼ်း​ၵုမ်း​ၼၢမ်​ယူႇ၊ ၼုင်ႈ​တင်း​ၶူဝ်း​ဢၼ်​လႅင်​ၵမ်ႇ​ယူႇ​သေ​လႄႈ​ဢွၵ်ႇ​ၵႂႃႇ​ဢေႃႈ။ ၶုၼ်​ ပီႉလတ်ႉ ​ၵေႃႈ လၢတ်ႈ​တီႈ​ၶဝ်​လႄႈ​ဝႃႈ၊ တူၺ်း​ၵူၼ်း​ၵေႃႉ​ၼႆႉ​လူး၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ဢွၼ်ႇ​ၸၢႆး​ၸိူဝ်း​ၼၼ်ႉ ႁၼ်​မၼ်း​ၸဝ်ႈ​သေ​ယဝ်ႉ၊ ႁွင်ႉ​သႅၼ်ႇ​သေ​လႄႈ​ဝႃႈ၊ ဢဝ်​မၼ်း​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​သေ​ၵမ်း​ၶႃႈ။ တွၵ်ႇ​ဝႆႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။ ၶုၼ်​ ပီႉလတ်ႉ ​ၵေႃႈ​လၢတ်ႈ​လႄႈ​ဝႃႈ၊ သူ​ဢဝ်​မၼ်း​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​တႃႉ။ ၵဝ်​ဢမ်ႇ​ထူပ်း​ဢပႅတ်ႈ​တီႈ​မၼ်း​ၼႆႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="7">ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ၊ လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​မီး​ထမ်ႇမသၢတ်ႈ​ယူႇ​ၶႃႈ​ဢေႃႈ။ ပိူဝ်ႈ​ဢၼ်​ၵေႃႉ​ၼႆႉ​ႁဵတ်း​ၸိူဝ်ႉ​ၼင်ႇ​ႁၢင်ႈ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​လႄႈ ၸွမ်း​ၼင်ႇ​ထမ်ႇမသၢတ်ႈ​ၼၼ်ႉ မၼ်း​ထိူၵ်ႈ​ၶၢမ်ႇ​တၢင်း​တၢႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">မိူဝ်ႈ​ဢၼ်​ငိၼ်း​ၵႂၢမ်း​ၼၼ်ႉ​ၸိုင် ၶုၼ်​ ပီႉလတ်ႉ ယဵင်ႈ​ၶႅၼ်း​ၵူဝ်​ၼႃႇ​လႄႈ၊-</verse>
				<verse number="9">သမ်ႉ​ၶိုၼ်း​ၶဝ်ႈ​ၵႃႈ​ၼႂ်း​ႁေႃ​သေ​ယဝ်ႉ၊ ထၢမ်​ ယေႇသူႉ ​လႄႈ​ဝႃႈ၊ မႂ်း​ပဵၼ်​ၵႃႈ​တီႈ​လႂ်​မႃး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယေႇသူႉ ​ဢမ်ႇ​ၶိုၼ်း လၢတ်ႈ​ၵႂၢမ်း​သေ​ၶေႃႈ​သေ​ၵမ်း။-</verse>
				<verse number="10">ၵမ်း​ၼၼ်ႉ ၶုၼ်​ ပီႉလတ်ႉ ​ၵေႃႈ​လၢတ်ႈ​လႄႈ​ဝႃႈ၊ မႂ်း​ဢမ်ႇ​လၢတ်ႈ​ၵႂၢမ်း​တေႃႇ​ၵဝ်​ႁိုဝ်။ မႂ်း​ဢမ်ႇ​ႁူႉ​လွင်ႈ​ဢၼ်​ၵဝ်​ပိူင်ႇ​ပွႆႇ​မႂ်း​လွတ်ႈ ဢိၵ်ႇ​တင်း​လွင်ႈ​ဢၼ်​ၵဝ်​ပိူင်ႇ​ဢဝ်​မႂ်း​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="11">ယေႇသူႉ ​ၶိုၼ်း​လၢတ်ႈ​လႄႈ​ဝႃႈ၊ ပေႃး​ဢမ်ႇ​လႆႈ​ဢၶႂၢင်ႉ​ၵႃႈ​တီႈ​ၼိူဝ်​ၸိုင်၊ ၶုၼ်​လူင်​ဢမ်ႇ​ပိူင်ႇ​ႁဵတ်း​တီႈ​ၵဝ်​လႆႈ​သေ​ၸိူဝ်ႉ​သေ​ပိူင်။ ပိူဝ်ႈ​ၼႆ​လႄႈ ၵေႃႉ​ဢၼ်​ဢဝ်​ၵဝ်​ဢၢပ်ႈ​ၼႂ်း​မိူဝ်ႈ​ၶုၼ်​လူင်​ၼၼ်ႉ ယဵင်ႈ​ၶႅၼ်း​မီး​ဢပႅတ်ႈ​ဢၼ်​ယႂ်ႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၸႃႉ​ၸဵမ်​မိူဝ်ႈ​ၼၼ်ႉ​လႄႈ​ၶုၼ်​ ပီႉလတ်ႉ ​ၼၼ်ႉ ၵျၢမ်ႇ​ႁႃ​ႁႂ်ႈ​လႆႈ​ပွႆႇ​မၼ်း​ၸဝ်ႈ​လွတ်ႈ​ယူႇ​ဢေႃႈ။ ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ​ႁွင်ႉ​သႅၼ်ႇ​သေ​လႄႈ​ဝႃႈ၊ ပေႃး​ၸဝ်ႈ​ႁဝ်း​ပွႆႇ​ၵေႃႉ​ၼႆႉ​လွတ်ႈ​ၸိုင်၊ ၸဝ်ႈ​ႁဝ်း​ဢမ်ႇ​ပဵၼ်​ၵေႃႉ​ပဵၼ်​သေႈ​ၵၼ်​တင်း ၶုၼ်​ႁေႃ​ၶမ်း​ ၵေႇသႃႇ ၶႃႈ​ယဝ်ႉ။ ၵေႃႉ​ဢၼ်​ႁဵတ်း​ၶုၼ်​ႁေႃ​ၶမ်း​ၸမ်ႉ၊ ပဵၼ်​ရၢၼ်ႇ​သူႇ​ၶုၼ်​ႁေႃ​ၶမ်း​ ၵေႇသႃႇ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">မိူဝ်ႈ​ဢၼ်​ငိၼ်း​ၵႂၢမ်း​ၼၼ်ႉ​ၸိုင်၊ ၶုၼ်​ ပီႉလတ်ႉ ​ဢဝ်​ ယေႇသူႉ ​ဢွၵ်ႇ​ၵႂႃႇ​ၵႃႈ​ၼွၵ်ႈ​သေ​ယဝ်ႉ၊ ၼင်ႈ​ယူႇ​ၵႃႈ​ၼိူဝ်​ပလၢင်ႇ​တြႃး​ၼႂ်း​တီႈ​ဢၼ်​လႆႈ​ႁွင်ႉ​ႁဵၵ်ႈ မၢၵ်ႇ​ႁိၼ်​သိူဝ်ႇ၊ ဢၼ်​ၸွမ်း​ၼင်ႇ​ၵႂၢမ်း​ၽႃႇသႃႇ​ ႁေႇပြႄး ႁွင်ႉ​ႁဵၵ်ႈ ၵပ်ႉပထႃႉ ​ၼၼ်ႉ​ဢေႃႈ။-</verse>
				<verse number="14">ဝၼ်း​ၼၼ်ႉ​ၸမ်ႉ၊ ပဵၼ်​ဝၼ်း​ၽိတ်ႈ​ ပႃႉသၶႃႇ ​လႄႈ ပဵၼ်​ၶိင်ႇ​ႁူၵ်း​ၼႃႇရီႇ​ၸမ်​ၸမ်​ဢေႃႈ။ ၶုၼ်​ ပီႉလတ်ႉ ​ၵေႃႈ​လၢတ်ႈ​တီႈ​ၵူၼ်း​ ယူႉတႃႉ ​ၸိူဝ်း​ၼၼ်ႉ​လႄႈ​ဝႃႈ၊ တူၺ်း​ၶုၼ်​ႁေႃ​ၶမ်း​သူ​ၼႆႉ​လူး၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="15">ၶဝ်​ၼၼ်ႉ​ၵေႃႈ​ႁွင်ႉ​သႅၼ်ႇ​သေ​လႄႈ​ဝႃႈ၊ ဢဝ်​မၼ်း​ဢွၵ်ႇ​ပႅတ်ႈ​သေ​ၵမ်း​ၶႃႈ။ ဢဝ်​ဢွၵ်ႇ​ပႅတ်ႈ​သေ​ၵမ်း​ၶႃႈ။ ဢဝ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။ ၶုၼ်​ ပီႉလတ်ႉ ​ၵေႃႈ​ၶိုၼ်း​ထၢမ်​လႄႈ​ဝႃႈ၊ ၵဝ်​တၵ်း​လႆႈ​ဢဝ်​ၶုၼ်​ႁေႃ​ၶမ်း​သူ တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ယိတ်ႈပရေႃးႁဵၵ်ႈ​လူင်​ၸိူဝ်း​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ တီႈ​ႁဝ်း​ၶႃႈ​ၼႆႉ​လိူဝ်​သေ​ၶုၼ်​ႁေႃ​ၶမ်း​ ၵေႇသႃႇ ​ၼၼ်ႉ ဢမ်ႇ​မီး​ၶုၼ်​ႁေႃ​ၶမ်း​သေ​ပႃး​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မိူဝ်ႈ​ၼၼ်ႉ​ၶုၼ်​ ပီႉလတ်ႉ ​ဢဝ်​မၼ်း​ၸဝ်ႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၶဝ် ႁႂ်ႈ​ၶဝ်​လႆႈ​ဢဝ်​ ယေႇသူႉ တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​လႄႈ ၶဝ်​ၼၼ်ႉ​ဢဝ်​မၼ်း​ၸဝ်ႈ​ဢွၵ်ႇ​ၵႂႃႇ​ဢေႃႈ။</verse>
				<verse number="17">မၼ်း​ၸဝ်ႈ ႁၢပ်ႇ​သဝ်​လၵ်း​ဝႃး​ၵၢပ်ႈ တူဝ်​ၸဝ်ႈ​ၵဝ်ႇ​သေ​လႄႈ ဢွၵ်ႇ​ၵႂႃႇ​ၸူး​ၵႃႈ​တီႈ​ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ တီႈ​ၵွၵ်း​ႁူဝ်​ၼၼ်ႉ​ဢေႃႈ။ တီႈ​ၼၼ်ႉ​ၸမ်ႉ၊ ၸွမ်း​ၼင်ႇ​ၵႂၢမ်း​ၽႃႇသႃႇ ႁေႇပြႄး လႆႈ​ၸိုဝ်ႈ ၵေႃးလႃႉၵေႃးထႃႉ ​ဢေႃႈ။-</verse>
				<verse number="18">ၶဝ်​ဢဝ်​မၼ်း​ၸဝ်ႈ​ဢိၵ်ႇ​တင်း ၵူၼ်း​တၢင်ႇ​တီႈ​သွင်​ၵေႃႉ​လႄႈ တွၵ်ႇ​ဝႆႉ​ၵႃႈ​ၼိူဝ် သဝ်​လၵ်း​ဝႃး​ၵၢပ်ႈ​ၵႃႈ​တီႈ​ၼၼ်ႈ​ဢေႃႈ။ ယေႇသူႉ ​တူၵ်း​ၵႃႈ​တီႈ​ၶိုင်ႈ​ၵၢင် ၶဝ်​သွင်​ၵေႃႉ​ၼၼ်ႉ​ဢေႃႈ။-</verse>
				<verse number="19">ၶုၼ်​ ပီႉလတ်ႉ ​ၵေႃႈ တႅမ်ႈ​လိၵ်ႈ​သေ​လႄႈ​ဢဝ်​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​မၼ်း​ၸဝ်ႈ​ဢေႃႈ။ လိၵ်ႈ​ဢၼ်​တႅမ်ႈ​ဝႆႉ​ၼၼ်ႉ​ဝႃႈ​ၸမ်ႉ၊ ယေႇသူႉ ​ၵူၼ်း​ဝဵင်း​ ၼႃႇၸရႅတ်ႈ ၊ ၶုၼ်​ႁေႃ​ၶမ်း​ ယူႉတႃႉ ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ၵွပ်ႈ​ပိူဝ်ႈ​ဢၼ်​တီႈ​ဢၼ်​ၶဝ်​ဢဝ်​ ယေႇသူႉ တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ ၸမ်​ၵၼ်​တင်း​ဝဵင်း​ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​ၶဝ်​ဢဝ်​တင်း​ၵႂၢမ်း​ ႁေႇပြႄး ​တင်း ၵႂၢမ်း​ ႁေႇလသႃႉ တင်း​ၵႂၢမ်း​ ရူဝ်းမႃႉ ​တႅမ်ႈ​လိၵ်ႈ​ၼၼ်ႉ​ဝႆႉ​ၼၼ်ႉ​လႄႈ ၵူၼ်း​ ယူႉတႃႉ ​ၼမ်​ၼႃႇ​ၽတ်း​တူၺ်း​ဢေႃႈ။-</verse>
				<verse number="21">ပိူဝ်ႈ​ၼႆ​လႄႈ ယိတ်ႈပရေႃးႁဵၵ်ႈ​လူင်​ ယူႉတႃႉ ​ၸိူဝ်း​ၼၼ်ႉ ၶဝ်ႈ​ၸူး​ၵႃႈ​တီႈ​ၶုၼ်​ ပီႉလတ်ႉ ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၶႅၼ်း​တေႃႈ​ယႃႇ​ပေ​တႅမ်ႈ​လႄႈ​ဝႃႈ၊ ၶုၼ်​ႁေႃ​ၶမ်း​ ယူႉတႃႉ ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း​ၶႃႈ။ ၸဝ်ႈ​ႁဝ်း​ၶႅၼ်း​တေႃႈ​တႅမ်ႈ​ဝႆႉ လွင်ႈ​ဢၼ်​မၼ်း​ဝႃႈ၊ ၵဝ်​ပဵၼ်​ၶုၼ်​ႁေႃ​ၶမ်း​ ယူႉတႃႉ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ၶုၼ်​ ပီႉလတ်ႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ဢၼ်​ၵဝ်​တႅမ်ႈ​ဝႆႉ​ယဝ်ႉ​ၼၼ်ႉ​ၵဝ်​တႅမ်ႈ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ၵူၼ်း​သိုၵ်း​ၸိူဝ်း​ၼၼ်ႉ​ဢဝ်​ ယေႇသူႉ ​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​သေ​ယဝ်ႉ၊ တႅပ်း​ၶူဝ်း​ၼုင်ႈ​မၼ်း​ၸဝ်ႈ​ႁဵတ်း​သီႇ​ပွတ်း​သေ​လႄႈ ဢဝ်​ယေႈ​ၵေႃႉ​ယေႈ​ပွတ်း​ဢေႃႈ။ သိူဝ်ႈ​လွင်​ႁိူဝ်ႇ​လွင်​ၶႆး​ၸဝ်ႈ​ၸမ်ႉ၊ ယင်း​ဢမ်ႇ​ယဵပ်ႉ​လႄႈ တေႃး​ၸႃႉ​ၸဵမ်​တီႈ​သုတ်း​တၢင်း​ၼိူဝ် တေႃႇ​ထိုင်​ႁွတ်ႈ​တီႈ​သုတ်း​တၢင်း​တႂ်ႈ​ဢေႃႈ။-</verse>
				<verse number="24">ပိူဝ်ႈ​ၼႆ​လႄႈ​ၶဝ်​ၼၼ်ႉ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​လၢတ်ႈ​ၵၼ်​လႄႈ​ဝႃႈ၊ သိူဝ်ႈ​ၼႆႉ​ၸိုင်​ယႃႇ​ပေ​သိၵ်ႇ​တႃႉ​ႁဝ်း။ တူၵ်း​ၸႃႇ​ၵွၵ်ႈ​လွင်ႈ​ဢၼ် ၽူႈ​လႂ်​တၵ်း​လႆႈ​ဢဝ်​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​ၵႂၢမ်း​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၶဝ်​ဢဝ်​ၶူဝ်း​ၼုင်ႈ​ၵဝ်​ၶႃႈ​ၽႄ​မႅင်ႇ​ၵၼ်​လႄႈ ဢဝ်​သိူဝ်ႈ​ၵဝ်​ၶႃႈ​တူၵ်း​ၸႃႇ​ၵွၵ်ႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တၵ်း​ပျေႉ​ၸုမ်ႇ​ၸိုင် ၵူၼ်း​သိုၵ်း​ၸိူဝ်း​ၼၼ်ႉ ၸင်ႇ​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="25">မႄႈ​ၸဝ်ႈ​ဢိၵ်ႇ​တင်း ၼွင်ႉ​ယိင်း​မႄႈ​ၸဝ်ႈ​ မႃႇရီႉ ဢၼ်​ပဵၼ်​မႄႈ​ ၵလေႃး​ၽႃႉ တင်း​ မႃႇရီႉ​မႃႇၵတလႃႉ ​ၸိူဝ်း​ၼၼ်ႉ​ၸုၵ်း​ယူႇ ၵႃႈ​တီႈ​ႁိမ်း​သဝ်​လၵ်း​ဝႃး​ၵၢပ်ႈ ယေႇသူႉ ​ဢေႃႈ။-</verse>
				<verse number="26">ပိူဝ်ႈ​ၼႆ​လႄႈ မိူဝ်ႈ​ဢၼ်​ ယေႇသူႉ ​ႁၼ်​မႄႈ​ၸဝ်ႈ တင်း​တပႄး​ၸဝ်ႈ ဢၼ်​မၼ်း​ၸဝ်ႈ​ႁၵ်ႉ​ၼၼ်ႉ​ၸုၵ်း​ယူႇ​ၵႃႈ​တီႈ​ႁိမ်း​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​တီႈ​မႄႈ​ၸဝ်ႈ​လႄႈ​ဝႃႈ၊ မႄႈ​ယိင်း​ဢိူၺ်း၊ တူၺ်း​လုၵ်ႈ​ၸၢႆး​မႂ်း​သေ​ၵမ်း​၊ ဝႃႈ​ၼင်ႇ​ၼႆ​လႄႈ၊-</verse>
				<verse number="27">သမ်ႉ​လၢတ်ႈ​တီႈ​တပႄး​ၸဝ်ႈ​ၼၼ်ႉ​လႄႈ​ဝႃႈ၊ တူၺ်း​မႄႈ​မႂ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ ၸႃႉ​ၸဵမ်​မိူဝ်ႈ​ၼၼ်ႉ​လႄႈ တပႄး​ၸဝ်ႈ​ၼၼ်ႉ​ဢဝ်​မႄႈ​ၸဝ်ႈ​ဝႆႉ​ၵႃႈ​ၼႂ်း​ႁိူၼ်း​မၼ်း​ဢေႃႈ။</verse>
				<verse number="28">လိုၼ်း​ၼၼ်ႉ မိူဝ်ႈ​ဢၼ်​ ယေႇသူႉ ​ႁူႉ​လွင်ႈ​ဢၼ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် သဵင်ႈ​မူတ်း​ယဝ်ႉ​ၼၼ်ႉ၊ ၼင်ႇ​ႁိုဝ်​ၵျၢမ်း​လိၵ်ႈ​တၵ်း​ပျေႉ​ၸုမ်ႇ​ၸိုင်၊ မၼ်း​ၸဝ်ႈ​လၢတ်ႈ​လႄႈ​ဝႃႈ၊ ၵဝ်​တွင်ႉ​မႆႈ​ၼမ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ပိူဝ်ႈ​ဢၼ်​မီး​မေႃႈ​ဢၼ်​တဵမ်​ဝႆႉ​တင်း​ၼမ်ႉ​ပုင်းယေႇ​လုၵ်း​ၼိုင်ႈ​ၵႃႈ​တီႈ​ၼၼ်ႈ​လႄႈ၊ ၶဝ်​ၼၼ်ႉ​ဢဝ်​ႁိပ်ႇ​ၼမ်ႉ​ဢၼ်​ႁႂ်ႈ​တဵမ်​ဝႆႉ​တင်း​ၼမ်ႉ​ပုင်းယေႇ​ၼၼ်ႉ သႂ်ႇ​ၵႃႈ​တီႈ​ပၢႆ​ၵိင်ႇ​မႆႉ​ ႁုတ်ႉသူပ်ႇ ​သေ​လႄႈ ဢဝ်​ၸပ်း​သႂ်ႇ​ဝႆႉ ၵႃႈ​တီႈ​သူပ်း​မၼ်း​ၸဝ်ႈ​ဢေႃႈ။-</verse>
				<verse number="30">ယေႇသူႉ ​ၶၢမ်ႇ​ဢဝ်​ၼမ်ႉ​ပုင်း​ယေႇ​သေ​ယဝ်ႉ၊ လၢတ်ႈ​လႄႈ​ဝႃႈ၊ လွင်ႈ​တၢင်း​ယဝ်ႉ​တူဝ်ႈ​ယဝ်ႉ၊ ဝႃႈ​ၼင်ႇ​ၼႆ​သေ​လႄႈ ၵူမ်ႈ​ႁူဝ်​မၼ်း​ၸဝ်ႈ​တူၵ်း​လႄႈ ၸုၼ်ႉ​ဢသၢၵ်ႈ​မၼ်း​ၸဝ်ႈ​သေ​ဢေႃႈ။</verse>
				<verse number="31">ပိူဝ်ႈ​ဢၼ်​ဝၼ်း​ၼၼ်ႉ ပဵၼ်​ဝၼ်း​ၽိတ်ႈ​လႄႈ ဝၼ်း​မိူဝ်ႈ​ၽုၵ်ႈ​ၵေႃႈ ပဵၼ်​ဝၼ်း​ၵမ်​သိၼ်​ဢၼ်​ယႂ်ႇ​မျၢတ်ႈ​ၼႃႇ​ၼၼ်ႉ​လႄႈ၊ ၼင်ႇ​ႁိုဝ်​တူဝ်​တၢႆ​ၸိူဝ်း​ၼၼ်ႉ တၵ်း​ဢမ်ႇ​လႆႈ​မီး​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ ၼႂ်း​ဝၼ်း​ၵမ်​သိၼ်​ၸိုင်၊ ၵူၼ်း​ ယူႉတႃႉ ​ၸိူဝ်း​ၼၼ်ႉ ၶဝ်ႈ​ၸူး​ၵႃႈ​တီႈ​ၶုၼ်​ ပီႉလတ်ႉ ​သေ​ယဝ်ႉ၊ ယွၼ်း​ဢၶႂၢင်ႉ​ႁႂ်ႈ​လႆႈ​ႁၵ်း​တိၼ်​ၶဝ်​သေ​လႄႈ ဢဝ်​ၶဝ်​ၵႂႃႇ​ပႅတ်ႈ​ဢေႃႈ။-</verse>
				<verse number="32">မိူဝ်ႈ​ၼၼ်ႉ​ၵူၼ်း​သိုၵ်း​ၸိူဝ်း​ၼၼ်ႉ​ၵႂႃႇ​လႄႈ ႁၵ်း​တိၼ်​ၵေႃႉ​ၼိုင်ႈ​သေ​ယဝ်ႉ၊ ႁၵ်း​တိၼ်​တၢင်ႇ​ၵေႃႉ​ဢၼ်​ဢဝ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="33">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​ ယေႇသူႉ ​လႄႈ ႁူႉ​ႁၼ်​လွင်ႈ​ဢၼ်​ဢသၢၵ်ႈ​မၼ်း​ၸဝ်ႈ​ဢမ်ႇ​မီး​ၼၼ်ႉ​ၸိုင်၊ ၶဝ်​ယင်း​ဢမ်ႇ​ႁၵ်း​တိၼ်​မၼ်း​ၸဝ်ႈ​လႄႈ​ယူႇ​ဢေႃႈ။-</verse>
				<verse number="34">ၵူၺ်း​ၵႃႈ​ၵူၼ်း​သိုၵ်း​ၵေႃႉ​ၼိုင်ႈ​ဢဝ်​ႁွၵ်ႇ​တႅင်း​သႂ်ႇ​ပဵမ်ႉ​မၼ်း​ၸဝ်ႈ​ၼၼ်ႉ​လႄႈ လိူတ်ႈ​တင်း​ၼမ်ႉ ဢွၵ်ႇ​မႃး​ၵမ်း​လဵဝ်​ဢေႃႈ။</verse>
				<verse number="35">ၵေႃႉ​ဢၼ်​ႁၼ်​လွင်ႈ​တၢင်း​ၼၼ်ႉ​ၶၢမ်ႇ​သၢၵ်ႈ​သေႇ​ဢေႃႈ။ တၢင်း​ဢၼ်​မၼ်း​ၶၢမ်ႇ​သၢၵ်ႈ​သေႇ​ၼၼ်ႉ​ၵေႃႈ ပဵၼ်​ဢၼ်​မၢၼ်ႇ​ဢၼ်​မႅၼ်ႈ​ဢေႃႈ။ ၼင်ႇ​ႁိုဝ်​သူ​တၵ်း​ယုမ်ႇ​မၢတ်ႈ​ၸိုင်၊ မၼ်း​ႁူႉ​လွင်ႈ​ဢၼ် ၵႂၢမ်း​ဢၼ်​မၼ်း​ၸဝ်ႈ​လၢတ်ႈ​ၼၼ်ႉ ပဵၼ်​ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ​ဢေႃႈ။-</verse>
				<verse number="36">လွင်ႈ​တၢင်း​ၸိူဝ်း​ၼၼ်ႉ​ၸမ်ႉ၊ လွင်ႈ​ၼင်ႇ​ႁိုဝ်​ၵျၢမ်း​လိၵ်ႈ​ဢၼ်​ဝႃႈ၊ လုပ်ႇ​မၼ်း​ၸိုင်​ဢမ်ႇ​လႆႈ​ႁၵ်း၊ ဝႃႈ​ၼင်ႇ​ၼႆ​ၼၼ်ႉ တၵ်း​ပျေႉ​ၸုမ်ႇ​ၸိုင်၊ ၸင်ႇ​ပဵၼ်​ဢေႃႈ။-</verse>
				<verse number="37">ၵျၢမ်း​လိၵ်ႈ​သမ်ႉ​မႃး​ထႅင်ႈ​လႄႈ​ဝႃႈ​ၸမ်ႉ၊ ၶဝ်​တၵ်း​လႆႈ​ဢွၼ်​ၵၼ်​တူၺ်း​ႁၼ်​ၵေႃႉ​ဢၼ်​ၶဝ်​တႅင်း​ပွင်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="38">လိုၼ်း​ၼၼ်ႉ ယူဝ်းသႅပ်ႈ ၵူၼ်း​ဝဵင်း​ ဢရီႉမသႄး ဢၼ်​ပဵၼ်​တပႄး​ၸဝ်ႈ​ဢမ်ႇ​ထၢင်ႇ​ဢမ်ႇ​သႃး​ၵွပ်ႈ​ပိူဝ်ႈ​ဢၼ်​ၵူဝ်​ၵူၼ်း​ ယူႉတႃႉ ​တင်း​လၢႆ​ၼၼ်ႉ ၶဝ်ႈ​ၸူး​ၵႃႈ​တီႈ​ၶုၼ်​ ပီႉလတ်ႉ ​သေ​လႄႈ ယွၼ်း​ဢၶႂၢင်ႉ​ႁႂ်ႈ​လႆႈ​ဢဝ်​တူဝ်​တၢႆ​ ယေႇသူႉ ​ၵႂႃႇ​ဢေႃႈ။ မိူဝ်ႈ​ဢၼ်​ၶုၼ်​ ပီႉလတ်ႉ ပၼ်​ဢၶႂၢင်ႉ​ယဝ်ႉ​ၼၼ်ႉ​ၸိုင်၊ မၼ်း​ၼၼ်ႉ​ၵႂႃႇ​လႄႈ ဢဝ်​တူဝ်​တၢႆ​ ယေႇသူႉ ​ၵႂႃႇ​ဢေႃႈ။-</verse>
				<verse number="39">ၼီႉၵေႃးတိၼ်ႇ ဢၼ်​မႃး​တီႈ​မၼ်း​ၸဝ်ႈ ၶိင်ႇ​ၵၢင်​ၶိုၼ်း​မိူဝ်ႈ​ၼၼ်ႉ​ၼၼ်ႉ​ၵေႃႈ၊ ဢဝ်​ယႃႈ​ႁွမ်​ဢၼ်​လေႃး​ၵၼ်​တင်း​ မူႉရၼ်ႇ ​တင်း​ ဢၵျေုႇ ဢၼ်​ၼမ်ႉ​ၼၵ်း​မၼ်း​မီး​သေ​သၢမ်​သိပ်း​ၸွႆႉ​ၼိုင်ႈ​ၼၼ်ႉ​လႄႈ ပႃး​မႃး​ဢေႃႈ။-</verse>
				<verse number="40">ၶဝ်​ၼၼ်ႉ​ဢဝ်​တူဝ်​တၢႆ​ ယေႇသူႉ ​လႄႈ ဢဝ်​ၼၢမ်ႇ​သႃႇ​ဢိၵ်ႇ​တင်း​ၽႃႈ​ပိၵ်ႈ​ၶဵၼ်း​ႁေႃႇ​ၸွမ်း​ၼင်ႇ​ထုင်း​ၸၢမ်ႇ​လွင်ႈ​တၢင်း​ဢၼ်​မႄး​ႁႅၼ်း​ဝႆႉ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​သၢင်း​ၵျူဝ်ႇ​ၵူၼ်း​ ယူႉတႃႉ ​တင်း​လၢႆ​ၼၼ်ႉ​ဢေႃႈ။-</verse>
				<verse number="41">ၵႃႈ​ၼႂ်း​တီႈ​ဢၼ်​ဢဝ်​မၼ်း​ၸဝ်ႈ​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​မီး​သူၼ်​ဢူးယဵၼ်ႇ​ဢေႃႈ။ ၵႃႈ​ၼႂ်း​သူၼ်​ဢူးယဵၼ်ႇ​ၼၼ်ႉ​မီး​ၶုမ်​သၢင်း​ၶႅင်း ဢၼ်​ဢမ်ႇ​ပႆႇ​တွၼ်ႉ​သၢင်း​ၵျူဝ်ႇ​ၽူႈ​လႂ်​သေ​ၵေႃႉ​ၼၼ်ႉ​ၶုမ်​ၼိုင်ႈ​ဢေႃႈ။-</verse>
				<verse number="42">ပိူဝ်ႈ​ဢၼ်​ပဵၼ်​ဝၼ်း​ၽိတ်ႈ​ၵူၼ်း​ ယူႉတႃႉ ​ဢိၵ်ႇ​တင်း ပိူဝ်ႈ​ဢၼ်​ၶုမ်​သၢင်း​ၶႅင်း​ၼၼ်ႉ မီး​ၸမ်​ၵႃႈ​တီႈ​ႁိမ်း​ၼၼ်ႉ​လႄႈ ၶဝ်​ဢဝ်​တူဝ်​တၢႆ ယေႇသူႉ ဝႆႉ​ၵႃႈ​ၼႂ်း​ၶုမ်​သၢင်း​ၶႅင်း​ၼၼ်ႉ​ဢေႃႈ။</verse>
			</chapter>
			<chapter number="20">
				<verse number="1">ၼႂ်း​ၸဵတ်း​ဝၼ်း ဝၼ်း​ပထမႃႉ​ၸဝ်ႉ​ၸဝ်ႉ၊ ၸူဝ်ႈ​ဢၼ်​မိူင်း​ဢမ်ႇ​ပႆႇ​လႅင်း​ၼၼ်ႉ မႃႇရီႉ​မႃႇၵတလႃႉ ၵႂႃႇ​ၵႃႈ​တီႈ​ၶုမ်​သၢင်း​ၶႅင်း​ၼၼ်ႉ​လႄႈ ထူပ်း​ႁၼ်​မၢၵ်ႇ​ႁိၼ်​ဢၼ်​ဢိုတ်း​ဝႆႉ​ၵႃႈ​တီႈ​ပၢၵ်ႇ​ၶုမ်​ၼၼ်ႉ​ၶၢႆႉ​သေ​ၵႃႈ​တီႈ​ၼၼ်ႈ​လႄႈ​မီး​ယူႇ​ၼၼ်ႉ​သေ​ယဝ်ႉ၊-</verse>
				<verse number="2">ၶုၼ်ႇ​လႅၼ်ႈ​ၵႂႃႇ​ၸူး​ၵႃႈ​တီႈ​ဢၼ်​ သီႉမုၼ်ႇ​ပေႇတရူႉ ဢိၵ်ႇ​တင်း​တပႄး​ၸဝ်ႈ​တၢင်ႇ​ၵေႃႉ​ဢၼ်​ ယေႇသူႉ ႁၵ်ႉ​ၼၼ်ႉ​မီး​ၼၼ်ႉ​လႄႈ လၢတ်ႈ​ဝႃႈ၊ ၶဝ်​ဢဝ်​ၸဝ်ႈ​ႁဝ်း​ၼၼ်ႉ ဢွၵ်ႇ​သေ​ၵႃႈ​ၼႂ်း​ၶုမ်​သၢင်း​ၶႅင်း​ၵႂႃႇ​ယဝ်ႉ။ ႁဝ်း​ဢမ်ႇ​ႁူႉ​လွင်ႈ​ဢၼ်​ၶဝ်​ဢဝ်​မၼ်း​ၸဝ်ႈ​ဝႆႉ​ၵႃႈ​တီႈ​လႂ်​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="3">မိူဝ်ႈ​ၼၼ်ႉ ပေႇတရူႉ ဢိၵ်ႇ​တင်း​တပႄး​ၸဝ်ႈ​တၢင်ႇ​ၵေႃႉ​ၼၼ်ႉ ဢွၵ်ႇ​သေ​လႄႈ​ၵႂႃႇ​ၵႃႈ​တီႈ​ၶုမ်​သၢင်း​ၶႅင်း​ၼၼ်ႉ​ဢေႃႈ။-</verse>
				<verse number="4">သွင်​ၶႃ​ၶုၼ်ႇ​လႅၼ်ႈ​ၵႂႃႇ​ၼင်ႇ​ၵၼ်​လႄႈ၊ တပႄး​ၸဝ်ႈ​တၢင်ႇ​ၵေႃႉ​ၼၼ်ႉ​ပူၼ်ႉ​ ပေႇတရူႉ ​ၵႂႃႇ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ၶုမ်​သၢင်း​ၶႅင်း​ဢွၼ်​တၢင်း​ဢေႃႈ။-</verse>
				<verse number="5">မိူဝ်ႈ​ဢၼ်​မၼ်း​ၵူမ်ႈ​တူၺ်း​လႄႈ ႁၼ်​လွင်ႈ​ဢၼ်​ၽႃႈ​ပိၵ်ႈ​ၼၼ်ႉ​ၵူၺ်း ၵိုတ်း​ၵျၢၼ်ႇ​ဝႆႉ​ယူႇ​ၼၼ်ႉ​ၸိုင်၊ မၼ်း​ယင်း​ဢမ်ႇ​ၶဝ်ႈ​လႄႈ​ယူႇ​သေ​ဢေႃႈ။-</verse>
				<verse number="6">သီႉမုၼ်ႇ​ပေႇတရူႉ ​ၸွမ်း​လင်​မၼ်း​မႃး​လႄႈ​ႁွတ်ႈ​ထိုင်​သေ​ယဝ်ႉ၊-</verse>
				<verse number="7">ၶဝ်ႈ​ၵႃႈ​ၼႂ်း​ၶုမ်​သၢင်း​ၶႅင်း​လႄႈ ထူပ်း​ႁၼ်​လွင်ႈ​ဢၼ်​ၽႃႈ​ပိၵ်ႈ​ၵိုတ်း​ၵျၢၼ်ႇ​ဝႆႉ ဢိၵ်ႇ​တင်း​လွင်ႈ​ဢၼ်​ၽႃႈ​ၸဵတ်ႉ​ဢၼ် မီး​ၵႃႈ​ႁူဝ်​မၼ်း​ၸဝ်ႈ​ၼၼ်ႉ ဢမ်ႇ​ၵိုတ်း​ၵျၢၼ်ႇ​ဝႆႉ​လူၺ်ႈ​ၵၼ်​တင်း​ၽႃႈ​ပိၵ်ႈ​ၼၼ်ႉ​လႄႈ ႁမ်းၵဵၼ်​ဝႆႉ​တၢင်ႇ​တီႈ​ယူႇ​ၼၼ်ႉ​ဢေႃႈ။-</verse>
				<verse number="8">မိူဝ်ႈ​ၼၼ်ႉ တပႄး​ၸဝ်ႈ​တၢင်ႇ​ၵေႃႉ​ဢၼ်​ႁွတ်ႈ​ထိုင်​ၵႃႈ​တီႈ​ၶုမ်​သၢင်း​ၶႅင်း ဢွၼ်​တၢင်း​ၼၼ်ႉ ၶဝ်ႈ​လႄႈ​ႁၼ်​သေ​ယဝ်ႉ၊ ယုမ်ႇ​ဢေႃႈ။-</verse>
				<verse number="9">တပႄး​ၸဝ်ႈ​ၸိူဝ်း​ၼၼ်ႉ ဢမ်ႇ​ပႆႇ​ႁူႉ​ၵႂၢမ်း​ၵျၢမ်း​လိၵ်ႈ​ဢၼ်​ဝႃႈ၊ မၼ်း​ၸဝ်ႈ​တၵ်း​လႆႈ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="10">ပိူဝ်ႈ​ၼႆ​လႄႈ လိုၼ်း​ၼၼ်ႉ​တပႄး​ၸဝ်ႈ​ၸိူဝ်း​ၼၼ်ႉ ၶိုၼ်း​မိူဝ်း​ၵႂႃႇ​ၵႃႈ​တီႈ​ဢၼ် တူဝ်​ၸဝ်ႈ​ၵဝ်ႇ​ယူႇ​ၼၼ်ႉ​သေ​ဢေႃႈ။</verse>
				<verse number="11">မႃႇရီႉ ​ၸုၵ်း​ယူႇ​ၵႃႈ​တီႈ​ႁိမ်း​ၶုမ်​သၢင်း​ၶႅင်း​လႄႈ ႁွင်ႉ​ႁႆႈ​ယူႇ​ဢေႃႈ။ ၼႂ်း​မိူဝ်ႈ​ဢၼ်​မၼ်း​ႁွင်ႉ​ႁႆႈ​ယူႇ​ၼၼ်ႉ​ၸိုင် မၼ်း​ၵူမ်ႈ​တူၺ်း ၼႂ်း​ၶုမ်​သၢင်း​ၶႅင်း​ၼၼ်ႉ​လႄႈ၊-</verse>
				<verse number="12">ႁၼ်​တမၢၼ်ႇ​ၵၢင်​ႁၢဝ်​သွင်​ပႃး​ၼုင်ႈ​တင်း​ၶူဝ်း​ဢၼ်​ၽိူၵ်ႇ​ဢၼ်​ၶၢဝ်​သေ​လႄႈ ၼင်ႈ​ယူႇ​ၵႃႈ​တီႈ​ဢၼ်​တူဝ်​တၢႆ​ ယေႇသူႉ ဢိင်​ယူႇ​ၼၼ်ႉ ၵႃႈ​တီႈ​ၽၢႆႇ​ႁူဝ်​ၸဝ်ႈ​ပႃး​ၼိုင်ႈ ၵႃႈ​တီႈ​ၽၢႆႇ​တိၼ်​ၸဝ်ႈ​ပႃး​ၼိုင်ႈ​ဢေႃႈ။-</verse>
				<verse number="13">ၶဝ်​ၼၼ်ႉ​ၵေႃႈ​ထၢမ်​လႄႈ​ဝႃႈ၊ ၽူႈ​ယိင်း​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁွင်ႉ​ႁႆႈ​ယူႇ​ၼင်ႇ​ႁိုဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​လၢတ်ႈ​လႄႈ​ဝႃႈ၊ ၶဝ်​ဢဝ်​ၸဝ်ႈ​ၵဝ်​ၶႃႈ ၵႂႃႇ​သေ​ယဝ်ႉ။ ဝႆႉ​ၵႃႈ​တီႈ​လႂ်​ဢမ်ႇ​ႁူႉ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မၼ်း​ဝႃႈ​ၸိူဝ်ႉ​ၼင်ႇ​ၼႆ​သေ​ယဝ်ႉ၊ မိူဝ်ႈ​ဢၼ်​ဝၢႆႇ​တူၺ်း​တၢင်း​လင်​ၸိုင်၊ ပိၵ်ႉ​သမ်ႉ​ႁၼ် ယေႇသူႉ ​ၸုၵ်း​ယူႇ​သေ​ၵေႃႈ မၼ်း​ဢမ်ႇ​ႁူႉ လွင်ႈ​ဢၼ်​ပဵၼ်​ ယေႇသူႉ ။-</verse>
				<verse number="15">ယေႇသူႉ ​ၵေႃႈ​ထၢမ်​လႄႈ​ဝႃႈ၊ ၽူႈ​ယိင်း​ဢိူၺ်း၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁွင်ႉ​ႁႆႈ​ယူႇ​ၼင်ႇ​ႁိုဝ်။ မႂ်း​ႁႃ​ၽူႈ​လႂ်၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​ထၢင်ႇ​ၵေႃႉ​ၼၼ်ႉ​ပဵၼ်​ၵေႃႉ​ဢၼ်​ပႂ်ႉ​သူၼ်​ဢူးယဵၼ်ႇ​ၼၼ်ႉ​လႄႈ​လၢတ်ႈ​လႄႈ​ဝႃႈ၊ ၸဝ်ႈ​ဢိူၺ်း၊ ပေႃး​ၸဝ်ႈ​ဢဝ်​မၼ်း​ၵႂႃႇ​ယဝ်ႉ​ၸိုင် လၢတ်ႈ​ပၼ်​လွင်ႈ​ဢၼ်​ဢဝ်​ဝႆႉ​ၵႃႈ​တီႈ​လႂ်​ၼၼ်ႉ​တီႈ​ၵဝ်​ၶႃႈ​သေ​ၵမ်း​ၶႃႈ။ ၵဝ်​ၶႃႈ​တၵ်း​ဢဝ်​ၵႂႃႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မႃႇရီႉ ​ဢိူၺ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မႃႇရီႉ ​ဝၢႆႇ​တူၺ်း​လႄႈ ဢိူဝ်​ဝႃႈ၊ ရပ်ႉပူႉၼီႉ ၊ ဝႃႈ​ၼင်ႇ​ၼႆ​ဢေႃႈ၊ ဢၼ်​ဝႃႈ ရပ်ႉပူႉၼီႉ ​ၸမ်ႉ၊ ၶႂ်ႈ​ဝႃႈ​သြႃႇ​ၸဝ်ႈ ဢေႃႈ။-</verse>
				<verse number="17">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ယႃႇ​ပေ​တိူဝ်ႉ​ပေ​ယိပ်း​ၵဝ်​လူး​ၵွၼ်ႇ။ လွင်ႈ​မၼ်း​ၸမ်ႉ ၵဝ်​ဢမ်ႇ​ပႆႇ​လႆႈ​ၶိုၼ်ႈ​ၵႂႃႇ​ၵႃႈ​တီႈ​ပေႃႈ​ၸဝ်ႈ​ပုၼ်ႉ။ ၵႂႃႇ​ၵႃႈ​တီႈ​ဢၼ်​ၼွင်ႉ​ၵဝ်​ၸိူဝ်း​ၼၼ်ႉ​မီး​ပုၼ်ႉ​တႃႉ။ လၢတ်ႈ​ပၼ်​လွင်ႈ​ဢၼ်​ၵဝ်​တၵ်း​လႆႈ​ၶိုၼ်ႈ​ၵႂႃႇ​ၵႃႈ​တီႈ​ပေႃႈ​ၵဝ် ဢၼ်​ဝႃႈ​ပေႃႈ​သူ ၵႃႈ​တီႈ​ၽြႃး​ပဵၼ်​ၸဝ်ႈ​ၵဝ် ဢၼ်​ဝႃႈ​ၽြႃး​ပဵၼ်​ၸဝ်ႈ​သူ​ပုၼ်ႉ​တႃႉ​ဝႃႈ​ၼႆ၊-</verse>
				<verse number="18">ၵႃႈ​ၼင်ႇ​ဢၼ်​မၼ်း​ၸဝ်ႈ​ဝႃႈ​ၼၼ်ႉ၊ မႃႇရီႉ​မႃႇၵတလႃႉ ​ၵႂႃႇ​လႄႈ လၢတ်ႈ​ပၼ်​လွင်ႈ​ဢၼ်​မၼ်း​လႆႈ​ထူပ်း​ႁၼ်​မၼ်း​ၸဝ်ႈ ဢိၵ်ႇ​တင်း လွင်ႈ​ဢၼ်​မၼ်း​ၸဝ်ႈ​ဝႃႈ ၸိူဝ်ႉ​ၼင်ႇ​ၼၼ်​ၼၼ်ႉ တီႈ​တပႄး​ၸဝ်ႈ​တင်း​လၢႆ​ဢေႃႈ။</verse>
				<verse number="19">မိူဝ်ႈ​ဢၼ်​ထိုင်​ၶိင်ႇ​ၵၢင်​ၶမ်ႈ ၼႂ်း​ဝၼ်း​ၼၼ်ႉ​ဢၼ်​ပဵၼ်​ဝၼ်း​ပထမႃႉ​ၼႂ်း​ၸဵတ်း​ဝၼ်း​ၼၼ်ႉ​ၸိုင်၊ ၵွပ်ႈ​ပိူဝ်ႈ​ဢၼ်​ၵူဝ် ၵူၼ်း​ ယူႉတႃႉ ​တင်း​လၢႆ​လႄႈ ၽၵ်း​တူ​တီႈ​ဢၼ် တပႄး​ၸဝ်ႈ​ၸူႉ​ၵၼ်​တုမ်​ၵၼ်​ၼၼ်ႉ ဢိုတ်း​ဝႆႉ​မီး​ယူႇ​လႄႈ ယေႇသူႉ ​မႃး​ၸုၵ်း​ယူႇ ၵႃႈ​တီႈ​ၼႂ်း​ၶိုင်ႈ​ၵၢင်​ၶဝ်​သေ​လႄႈ​လၢတ်ႈ​ဝႃႈ၊ ႁႂ်ႈ​တၢင်း​ၼိမ်​မီး​တီႈ​သူ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ၼႄ​ပျႃး​မိုဝ်း​ၸဝ်ႈ ဢိၵ်ႇ​တင်း​ပဵမ်ႉ​ၸဝ်ႈ​ဢေႃႈ။ တပႄး​ၸဝ်ႈ​ၸိူဝ်း​ၼၼ်ႉ ႁၼ်​မၼ်း​ၸဝ်ႈ​သေ​ယဝ်ႉ၊ မီး​တၢင်း​ဢၼ်​သိူဝ်း​ပျေႃႇ​ဢေႃႈ။-</verse>
				<verse number="21">ယေႇသူႉ ​ၵေႃႈ​သမ်ႉ​ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ ႁႂ်ႈ​တၢင်း​ၼိမ်​မီး​တီႈ​သူ​သေ​ၵမ်း​လူၺ်ႈ။ ၸိူဝ်ႉ​ၼင်ႇ​ဢၼ်​ပေႃႈ​ၸဝ်ႈ​ပွႆႇ​ၸႂ်ႉ​ၵဝ်​မႃး​ၼၼ်ႉ၊ ၵဝ်​ပွႆႇ​ၸႂ်ႉ​သူ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="22">ပဝ်ႇ​သႂ်ႇ​ၵႃႈ​ၼိူဝ်​ၶဝ်​ၼၼ်ႉ​ယူႇ​သေ​လႄႈ​လၢတ်ႈ​ဝႃႈ၊ သူ​ၶၢမ်ႇ​ဢဝ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​တႃႉ။-</verse>
				<verse number="23">ဢပႅတ်ႈ​ၽူႈ​လႂ်​သေ​ဢမ်ႇ​ဝႃႈ၊ ပေႃး​သူ​ပွႆႇ​လွတ်ႈ​ၸိုင်၊ ၵေႃႉ​ၼၼ်ႉ​မီး​တၢင်း​ဢၼ်​ၵၢင်း​လွတ်ႈ​တင်း​ဢပႅတ်ႈ​ဢေႃႈ။ ဢပႅတ်ႈ​ၽူႈ​လႂ်​သေ​ဢမ်ႇ​ဝႃႈ၊ ပေႃး​သူ​ႁႂ်ႈ​တႄႇ​ယူႇ​ၸိုင်၊ ၵေႃႉ​ၼၼ်ႉ​မီး​တၢင်း​ဢၼ်​ဢပႅတ်ႈ​တႄႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">ၵူၺ်း​ၵႃႈ​မိူဝ်ႈ​ဢၼ်​ ယေႇသူႉ ​မႃး​ၼၼ်ႉ​ၸိုင်၊ ထူဝ်းမႃႉ ဢၼ်​ၶဝ်ႈ​ပႃး​ၼႂ်း​တပႄး​ၸဝ်ႈ​သိပ်း​သွင်​ပႃး​ဢၼ်​လႆႈ​ၸိုဝ်ႈ​ တီႉတူႉမူႉ ​ၼၼ်ႉ​ဢမ်ႇ​မီး​လူၺ်ႈ​ၵၼ်​တင်း တပႄး​ၸဝ်ႈ​ၸိူဝ်း​ၼၼ်ႉ။-</verse>
				<verse number="25">ပိူဝ်ႈ​ၼႆ​လႄႈ တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ႁဝ်း​ၶႃႈ​လႆႈ​ႁၼ်​ၸဝ်ႈ​ႁဝ်း​ၼၼ်ႉ​ယဝ်ႉ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​လၢတ်ႈ​လႄႈ​ဝႃႈ၊ ပေႃး​ၵဝ်​ၶႃႈ​ဢမ်ႇ​လႆႈ​ႁၼ်​ႁွႆး​လဵၵ်း​မႆႇ​ၼႃး​ၵႃႈ​တီႈ​ၼႂ်း​မိုဝ်း​မၼ်း​ၸဝ်ႈ​ၼၼ်ႉ၊ ဢမ်ႇ​လႆႈ​ဢဝ်​ၼိဝ်ႉ​မိုဝ်း သႄႇ​တူၺ်း​ၵႃႈ​ၼႂ်း​ႁွႆး​လဵၵ်း​မႆႇ​ၼႃး​ၼၼ်ႉ၊ ဢမ်ႇ​လႆႈ​ဢဝ်​တင်း​မိုဝ်း​သႄႇ​တူၺ်း​ၵႃႈ​တီႈ​ပဵမ်ႉ​မၼ်း​ၸဝ်ႈ​ၼၼ်ႉ​ၸိုင်၊ ၵဝ်​ၶႃႈ​ဢမ်ႇ​ယုမ်ႇ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">လိုၼ်း​ၼၼ်ႉ​မိူဝ်ႈ​ဢၼ်​လႆႈ​ပႅတ်ႇ​ဝၼ်း​ၸိုင်၊ တပႄး​ၸဝ်ႈ​ၸိူဝ်း​ၼၼ်ႉ​သမ်ႉ မီး​ၵႃႈ​ၼႂ်း​တီႈ​ၼၼ်ႉ​ထႅင်ႈ​လႄႈ ထူဝ်းမႃႉ ​ၵေႃႈ ပႃး​ဢေႃႈ။ ၼႂ်း​မိူဝ်ႈ​ဢၼ်​ၽၵ်း​တူ​ဢိုတ်း​ဝႆႉ မီး​ယူႇ​ၼၼ်ႉ​ၸိုင်၊ ယေႇသူႉ ​မႃး​ၸုၵ်း​ယူႇ​ၵႃႈ​တီႈ​ၼႂ်း​ၶိုင်ႈ​ၵၢင်​ၶဝ်​လႄႈ​လၢတ်ႈ​ဝႃႈ၊ ႁႂ်ႈ​တၢင်း​ၼိမ်​မီး​တီႈ​သူ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">မိူဝ်ႈ​ၼၼ်ႉ​မၼ်း​ၸဝ်ႈ​လၢတ်ႈ​တီႈ ထူဝ်းမႃႉ ​လႄႈ​ဝႃႈ၊ ယိုၼ်ႈ​ၼိဝ်ႉ​မိုဝ်း​မႂ်း​သေ​လႄႈ တူၺ်း​မိုဝ်း​ၵဝ်​ၼႆႉ​တႃႉ။ ယိုၼ်ႈ​မိုဝ်း​မႂ်း​လႄႈ သႄႇ​တူၺ်း​ပဵမ်ႉ​ၵဝ်​ၼႆႉ​တႃႉ။ ယႃႇ​ပေ​ႁႂ်ႈ​မီး​တၢင်း​ဢၼ်​ယုမ်ႇ​ၶိုင်ႈ​ၼိုင်ႈ​ဢမ်ႇ​ယုမ်ႇ​ၶိုင်ႈ​ၼိုင်ႈ။ ယုမ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ထူဝ်းမႃႉ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ၵဝ်​ၶႃႈ၊ ၽြႃး​ပဵၼ်​ၸဝ်ႈ​ၵဝ်​ၶႃႈ​လူင်​လၢင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မႂ်း​ၼႆႉ​ပိူဝ်ႈ​ဢၼ်​ႁၼ်​ၵဝ်​လႄႈ​မီး​တၢင်း​ဢၼ်​ယုမ်ႇ​ဢေႃႈ။ ၶဝ်​ၸိူဝ်း​ဢၼ်​ဢမ်ႇ​ႁၼ်​ၵဝ်​လႄႈ​ယုမ်ႇ​ၼၼ်ႉ​မီး​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">ၼီႉမိၵ်ႈ​လၢၵ်ႈၶၼႃႇ​တၢင်ႇ​ၸိူဝ်ႉ​တၢင်ႇ​ဢၼ် ဢၼ်​ဢမ်ႇ​တႅမ်ႈ​ဝႆႉ​ၵႃႈ​ၼႂ်း​ၵျၢမ်း​လိၵ်ႈ​ၼႆႉ​ၼမ်​ၼႃႇ​ၵေႃႈ ယေႇသူႉ ​ၼႄ​ပျႃး​ၵႃႈ​တီႈ​ၽၢႆႇ​ၼႃႈ​တပႄး​ၸဝ်ႈ​တင်း​လၢႆ​ဢေႃႈ။-</verse>
				<verse number="31">ၼင်ႇ​ႁိုဝ်​သူ​တၵ်း​ယုမ်ႇ​လွင်ႈ​ဢၼ် ယေႇသူႉ ​ပဵၼ်​ၸဝ်ႈ​ၶရိၸ်ႈ လုၵ်ႈ​ၽြႃး​ပဵၼ်​ၸဝ်ႈ​ၼၼ်ႉ၊ သူ​ယုမ်ႇ​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ၼင်ႇ​ႁိုဝ်​သူ တၵ်း​လႆႈ​ဢသၢၵ်ႈ​ၵွပ်ႈ​ပိူဝ်ႈ ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၸိုင် မီး​တၢင်း​ဢၼ်​တႅမ်ႈ​ဝႆႉ​ထၢၼ်ႇ​ၼႆႉ​ဢေႃႈ။</verse>
			</chapter>
			<chapter number="21">
				<verse number="1">လိုၼ်း​ၼၼ်ႉ ယေႇသူႉ ​ၼႄ​ပျႃး​တူဝ်​ၸဝ်ႈ​ၵဝ်ႇ တီႈ​တပႄး​ၸဝ်ႈ​ၵမ်ႈ​ၽွင်ႈ ၵႃႈ​တီႈ​ႁိမ်း​ၼွင်​ တီႉပေႇရီႉ ​ဢေႃႈ။ လွင်ႈ​တၢင်း​ဢၼ် မၼ်း​ၸဝ်ႈ​ၼႄ​ပျႃး​ၼၼ်ႉ​ၸမ်ႉ၊-</verse>
				<verse number="2">မီး​ သီႉမုၼ်ႇ​ပေႇတရူႉ ဢိၵ်ႇ​တင်း​ ထူဝ်းမႃႉ ဢၼ်​လႆႈ​ၸိုဝ်ႈ​ တီႉတူႉမူႉ တင်း ၼႃႇသၼေႇလႃႉ ၵူၼ်း​ဝဵင်း​ ၵႃႇၼႃႉ မိူင်း​ ၵႃႇလီႉလႄး တင်း​လုၵ်ႈ​ၸၢႆး​ ၸေႇပေႇတႄး ​တင်း​လၢႆ တင်း​တပႄး​ၸဝ်ႈ​တၢင်ႇ​ၵေႃႉ သွင်​ၵေႃႉ​ၸိူဝ်း​ၼၼ်ႉ​ဢေႃႈ။-</verse>
				<verse number="3">သီႉမုၼ်ႇ​ပေႇတရူႉ ​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ၶႃႈ​တၵ်း​ၵႂႃႇ​တီႉ​ပႃ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် ၶဝ်​ၼၼ်ႉ​ၵေႃႈ လၢတ်ႈ​လႄႈ​ဝႃႈ၊ ႁဝ်း​ၶႃႈ​ၵေႃႈ​တၵ်း​ၸွမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ဢွၵ်ႇ​ၵႂႃႇ​သေ​ယဝ်ႉ၊ ၶဝ်ႈ​ၵႃႈ​ၼႂ်း​ႁိူဝ်း​ၵမ်း​လဵဝ်​လႄႈ ၼႂ်း​ၶိုၼ်း​ၼၼ်ႉ​ဢမ်ႇ​လႆႈ​သေ​တူဝ်။</verse>
				<verse number="4">မိူဝ်ႈ​ဢၼ်​ထိုင်​ၶိင်ႇ​ၵၢင်​ၼႂ်​ၸိုင်၊ ယေႇသူႉ ​ၸုၵ်း​ယူႇ​ၵႃႈ​တီႈ​ႁိမ်း​ၽင်ႇ​ၼွင်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တပႄး​ၸဝ်ႈ​ၸိူဝ်း​ၼၼ်ႉ​ဢမ်ႇ​ႁူႉ​လွင်ႈ​ဢၼ်​ပဵၼ်​ ယေႇသူႉ ။-</verse>
				<verse number="5">ယေႇသူႉ ​ၵေႃႈ​ထၢမ်​လႄႈ​ဝႃႈ၊ လုၵ်ႈ​ၶဝ်​ဢိူၺ်း၊ မီး​တၢင်း​ၵိၼ်​သေ​ၸိူဝ်ႉ​သေ​ပိူင်​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ၶိုၼ်း​လၢတ်ႈ​လႄႈ​ဝႃႈ၊ ဢမ်ႇ​မီး​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၵမ်း​ၼၼ်ႉ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ဝၢၼ်ႇ​ၶႄ​တူၵ်း​ၵႃႈ​တီႈ​ၽၢႆႇ​ၶႂႃ​ႁိူဝ်း​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၵ်း​လႆႈ​ဢေႃႈ ဝႃႈ​ၼႆ၊ ၵႃႈ​ၼင်ႇ​ဢၼ်​မၼ်း​ၸဝ်ႈ​ဝႃႈ​ၼၼ်ႉ၊ ၶဝ်​ဝၢၼ်ႇ​တူၵ်း​လႄႈ ၵွပ်ႈ​ပိူဝ်ႈ​ဢၼ်​ႁူမ်ႇ​မႅၼ်ႈ​ပႃ​ၼမ်​ၼႃႇ​လူင်​လၢင်​ၼၼ်ႉ တိုတ်ႉ​ၸၼ်​ဢဝ်​ၶႄ​လႄႈ​ဢမ်ႇ​လႆႈ။</verse>
				<verse number="7">မိူဝ်ႈ​ၼၼ်ႉ​တပႄး​ၸဝ်ႈ​ဢၼ်​ ယေႇသူႉ ​ႁၵ်ႉ​ၼၼ်ႉ၊​လၢတ်ႈ​တီႈ​ ပေႇတရူႉ ​လႄႈ​ဝႃႈ၊ ပဵၼ်​ၸဝ်ႈ​ႁဝ်း​ၶႃႈ​လူင်​လၢင်၊ ဝႃႈ​ၼင်ႇ​ၼႆ​ဢေႃႈ။ သီႉမုၼ်ႇ​ပေႇတရူႉ ​ၼၼ်ႉ မိူဝ်ႈ​ဢၼ်​ငိၼ်း​လွင်ႈ​ဢၼ်​ပဵၼ်​မၼ်း​ၸဝ်ႈ​ၼၼ်ႉ​ၸိုင်၊ ပိူဝ်ႈ​ဢၼ်​မၼ်း​ယူႇ​တူဝ်​ပူၺ် ယူႇ​လႄႈ ၼုင်ႈ​သိူဝ်ႈ​ထၢပ်ႈ​ၼိူဝ်​သေ​ယဝ်ႉ၊ လူင်း​ၵႃႈ​ၼႂ်း​ၼမ်ႉ​ၼွင်​ဢေႃႈ။-</verse>
				<verse number="8">တပႄး​ၸဝ်ႈ​တၢင်ႇ​ၵေႃႉ​ၸိူဝ်း​ၼၼ်ႉ ပိူဝ်ႈ​ဢၼ်​ဢမ်ႇ​ၸမ်​ဢမ်ႇ​ၵႆ​ၵၼ်​တင်း​ၽင်ႇ​ၼမ်ႉ ယၢၼ်​သေ​သွင်​ပၢၵ်ႇ​သွၵ်ႇ​ၼိုင်ႈ​ၵူၺ်း​ၼၼ်ႉ​လႄႈ၊ တိုတ်ႉ​ၸၼ်​ၶႄ​ဢိၵ်ႇ​တင်း​ပႃ ၸိူဝ်း​ၼၼ်ႉ​ယူႇ​သေ​လႄႈ ၶီႇ​ၵႃႈ​ၼိူဝ်​ႁိူဝ်း​မႃး​ဢေႃႈ။</verse>
				<verse number="9">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​ၼိူဝ်​ၵုင်း​ၸိုင် ၶဝ်​ထူပ်း​ႁၼ်​ၵွင်​ထၢၼ်ႇ​ၽႆး ဢိၵ်ႇ​တင်း​ပႃ​ဢၼ်​ပိင်ႈ​ဝႆႉ​ႁၢင်း​ဝႆႉ​တင်း​ၶဝ်ႈ​မုၼ်း​ဢေႃႈ။-</verse>
				<verse number="10">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ဢဝ်​ပႃ​ဢၼ်​သူ​လႆႈ​တေႃႈ​လဵဝ်​ၼႆႉ​ၵမ်ႈ​ၽွင်ႈ​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">သီႉမုၼ်ႇ​ပေႇတရူႉ ၶိုၼ်ႈ​ၵႃႈ​ၼိူဝ်​ႁိူဝ်း​သေ​လႄႈ တိုတ်ႉ​ၸၼ်​ၶႄ​ဢၼ်​တဵမ်​ဝႆႉ​တင်း​ပႃ​လူင်​ပၢၵ်ႇ​ပၢႆ​ႁႃႈ​သိပ်း​ပၢႆ​သၢမ်​တူဝ်​ၼၼ်ႉ တၢင်ႇ​ၵႃႈ​ၼိူဝ်​ၵုင်း​ဢေႃႈ။ ပိၵ်ႉ​သမ်ႉ​ၼမ်​ထၢၼ်ႇ​ၼၼ်ႉ​သေ​ၵေႃႈ၊ ၶႄ​ၼၼ်ႉ​ဢမ်ႇ​မီး​တၢင်း​ဢၼ်​သိၵ်ႇ​ဢၼ်​ၶၢတ်ႇ။</verse>
				<verse number="12">ယေႇသူႉ ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ မႃး​လႄႈ​ၵိၼ်​ၶဝ်ႈ​ၼႂ်​တႃႉ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ဢၼ်​တပႄး​ၸဝ်ႈ​ၸိူဝ်း​ၼၼ်ႉ ႁူႉ​လွင်ႈ​ဢၼ် ပဵၼ်​မၼ်း​ၸဝ်ႈ​ၼၼ်ႉ​ယူႇ​လႄႈ ၸဝ်ႈ​ႁဝ်း​ပဵၼ်​ၽူႈ​လႂ် ဝႃႈ​ၼႆ ဢမ်ႇ​ႁတ်း​လဝ်ႊ​ႁတ်း​ထၢမ်​သေ​ၵေႃႉ​သေ​ၵူၼ်း။-</verse>
				<verse number="13">ယေႇသူႉ ​မႃး​လႄႈ ဢဝ်​ၶဝ်ႈ​မုၼ်း​တင်း​ပႃ​သေ​ယဝ်ႉ၊ ပၼ်​တီႈ​ၶဝ်​ဢေႃႈ။-</verse>
				<verse number="14">တၢင်း​ဢၼ်​မၼ်း​ၸဝ်ႈ​ၼႄ​ပျႃး​တူဝ်​ၸဝ်ႈ​ၵဝ်ႇ​ၼၼ်ႉ​ၸမ်ႉ၊ ဝၢႆး​သေ​ ယေႇသူႉ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ယဝ်ႉ​ၼၼ်ႉ ပဵၼ်​တၢင်း​ဢၼ်​မၼ်း​ၸဝ်ႈ ၼႄ​ပျႃး​တူဝ်​ၸဝ်ႈ​ၵဝ်ႇ တီႈ​တပႄး​ၸဝ်ႈ​တင်း​လၢႆ​ထူၼ်ႈ​ထိုင်​သၢမ်​ပွၵ်ႈ​ဢေႃႈ။</verse>
				<verse number="15">ဝၢႆး​သေ​ၵိၼ်​ၶဝ်ႈ​ၼႂ်​ၼၼ်ႉ​ယဝ်ႉ၊ ယေႇသူႉ ​ၵေႃႈ ထၢမ်​တီႈ​ သီႉမုၼ်ႇ​ပေႇတရူႉ ​လႄႈ​ဝႃႈ၊ သီႉမုၼ်ႇ ​လုၵ်ႈ​ၸၢႆး​ ယူဝ်းၼႃႉ ​ဢိူၺ်း၊ မႂ်း​ႁၵ်ႉ​ၵဝ်​ၼႃႇ​သေ​ၸိူဝ်း​ၼႆႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​လဝ်ႊ​လၢတ်ႈ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ​ၸဝ်ႈ။ ၸဝ်ႈ​ႁဝ်း​ႁူႉ​လွင်ႈ​ဢၼ်​ၵဝ်​ၶႃႈ​ႁၵ်ႉ​ၸဝ်ႈ​ႁဝ်း​ၼၼ်ႉ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ လဵင်ႉ​ထိင်း​သူဝ်း​ဢွၼ်ႇ​ၵဝ် တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မၼ်း​ၸဝ်ႈ​ၵေႃႈ​သမ်ႉ​ထၢမ်​ပွၵ်ႈ​တူႉတီႉယႃႉ​ထႅင်ႈ​လႄႈ​ဝႃႈ၊ သီႉမုၼ်ႇ ​လုၵ်ႈ​ၸၢႆး​ ယူဝ်းၼႃႉ ​ဢိူၺ်း၊ မႂ်း​ႁၵ်ႉ​ၵဝ်​ႁိုဝ် မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​လဝ်ႊ​လၢတ်ႈ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ​ၸဝ်ႈ။ ၸဝ်ႈ​ႁဝ်း​ႁူႉ​လွင်ႈ​ဢၼ်​ၵဝ်​ၶႃႈ​ႁၵ်ႉ​ၸဝ်ႈ​ႁဝ်း​ၼၼ်ႉ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ပႂ်ႉ​သူဝ်း​ၵဝ်​တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">မၼ်း​ၸဝ်ႈ​ၵေႃႈ​သမ်ႉ​ထၢမ်​ပွၵ်ႈ​တႃႉတီႉယႃႉ​ထႅင်ႈ​လႄႈ​ဝႃႈ၊ သီႉမုၼ်ႇ ​လုၵ်ႈ​ၸၢႆး​ ယူဝ်းၼႃႉ ​ဢိူၺ်း၊ မႂ်း​ႁၵ်ႉ​ၵဝ်​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပိူဝ်ႈ​ဢၼ်​မၼ်း​ၸဝ်ႈ​ထၢမ်​ထူၼ်ႈ​ထိုင်​သၢမ်​ပွၵ်ႈ​လႄႈ​ဝႃႈ၊ မႂ်း​ႁၵ်ႉ​ၵဝ်​ႁိုဝ်။ ဝႃႈ​ၼင်ႇ​ၼႆ​ၼၼ်ႉ​လႄႈ၊ ပေႇတရူႉ ​ၸဵပ်း​ၸႂ်​လႄႈ​လဝ်ႊ​လၢတ်ႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း​ႁူႉ​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ယူႇ​ၶႃႈ​ဢေႃႈ။ ၸဝ်ႈ​ႁဝ်း​ႁူႉ​လွင်ႈ​ဢၼ်​ၵဝ်​ၶႃႈ​ႁၵ်ႉ​ၸဝ်ႈ​ႁဝ်း​ၼၼ်ႉ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ လဵင်ႉ​ထိင်း​သူဝ်း​ၵဝ်​တင်း​လၢႆ​တႃႉ။-</verse>
				<verse number="18">ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​မႂ်း​ၸမ်ႉ၊ မႂ်း​ၼႆႉ​မိူဝ်ႈ​ဢၼ်​ဢသၢၵ်ႈ​ယင်း​တိုၵ်ႉ​ၼုမ်ႇ​ယူႇ​ၼၼ်ႉ​ၸိုင်၊ ၸၢင်ႈ​ဝဵၼ်း​ႁေႃႇ​တူဝ်​ၸဝ်ႈ​ၵဝ်ႇ​လႄႈ ၵႂႃႇ​မႃး​တီႈ​ဢၼ်​မႂ်း​မီး​ဢလူဝ်ႇ​ၼၼ်ႉ​ဢေႃႈ။ မိူဝ်ႈ​ဢၼ်​မႂ်း​ထဝ်ႈ​ယဝ်ႉ​ၸိုင်၊ မႂ်း​တၵ်း​ယဵတ်ႇ​မိုဝ်း​သွင်​ၶွၼ်​လႄႈ ပိူၼ်ႈ​တၢင်ႇ​ၵေႃႉ​တၵ်း​ဝဵၼ်း​ႁေႃႇ​မႂ်း​သေ​လႄႈ ဢဝ်​မႂ်း​ၵႂႃႇ​တီႈ​ဢၼ်​မႂ်း​ဢမ်ႇ​မီး​ဢလူဝ်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">လွင်ႈ​ဢၼ်​မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸမ်ႉ၊ မၼ်း​ၸဝ်ႈ​ၼႄ​ပၼ် လွင်ႈ​ဢၼ်​မၼ်း​တၵ်း​လႆႈ​တၢႆ​ၸိူဝ်ႉ​ၼင်ႇ​ႁိုဝ်​လႄႈ ႁႂ်ႈ​မုၼ်​ၽုင်း​ၽြႃး​ပဵၼ်​ၸဝ်ႈ​ထၢင်ႇ​သႃး​မႃး​ၼၼ်ႉ​ဢေႃႈ။ မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ သမ်ႉ​ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ပေႇတရူႉ ​ၼၼ်ႉ မိူဝ်ႈ​ဢၼ်​ဝၢႆႇ​တူၺ်း​လႄႈ​ႁၼ် တပႄး​ၸဝ်ႈ​ဢၼ်​ ယေႇသူႉ ​ႁၵ်ႉ၊ ဢၼ်​ဢိင်​ၵႃႈ​ႁိမ်း​ႁူဝ်​ဢူၵ်း​မၼ်း​ၸဝ်ႈ ၼႂ်း​မိူဝ်ႈ​ဢၼ်​ၵိၼ်​ၶဝ်ႈ​ၶမ်ႈ မိူဝ်ႈ​ၼၼ်ႉ​ၼၼ်ႉ​သေ​လႄႈ​လဝ်ႊ​ထၢမ်​လႄႈ​ဝႃႈ၊ ၵေႃႉ​ဢၼ်​ဢဝ်​ၸဝ်ႈ​ႁဝ်း​ဢၢပ်ႈ​ၼၼ်ႉ​ၸမ်ႉ၊ ပဵၼ်​ၽူႈ​လႂ်​ၶႃႈ၊ ဝႃႈ​ၼင်ႇ​ၼႆ​ၼၼ်ႉ ၸွမ်း​ပႃႈ​လင်​မၼ်း​ၸဝ်ႈ​ယူႇ​ၼၼ်ႉ​ၸိုင်၊-</verse>
				<verse number="21">လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊ တီႈ​ၵေႃႉ​ၼႆႉ တၵ်း​ပဵၼ်​ၸိူဝ်ႉ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ပေႃး​ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​ၵေႃႉ​ၼႆႉ​လႆႈ​ယူႇ​တေႃႇ​ထိုင်​ႁွတ်ႈ​ၶိင်ႇ​ၵႃႇလႃႉ​ဢၼ်​ၵဝ်​တၵ်း​မႃး​ၼၼ်ႉ​ၸိုင်၊ ၸၢပ်ႈ​သႅင်ႇ​ၵၼ်​တင်း​မႂ်း​ၸိူဝ်ႉ​ၼင်ႇ​ႁိုဝ်။ မႂ်း​ၸမ်ႉ၊ ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ပိူဝ်ႈ​ၼႆ​လႄႈ ၵႂၢမ်း​ဢၼ်​ဝႃႈ၊ တပႄး​ၸဝ်ႈ​ၼၼ်ႉ​တၵ်း​ဢမ်ႇ​လႆႈ​တၢႆ၊ ဝႃႈ​ၼင်ႇ​ၼႆ​ၼၼ်ႉ​ၸွတ်ႇ​တူဝ်ႈ​ၵႂႃႇ ၵႃႈ​ၼႂ်း​ပီႈ​ၼႂ်း​ၼွင်ႉ​တင်း​လၢႆ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ယေႇသူႉ ​ဝႃႈ၊ ၵေႃႉ​ၼၼ်ႉ​ဢမ်ႇ​လႆႈ​တၢႆ၊ ဝႃႈ​ၼင်ႇ​ၼႆ​ဢမ်ႇ​ၸႂ်ႈ။ မၼ်း​ၸဝ်ႈ​ဝႃႈ၊ ပေႃး​ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​ၵေႃႉ​ၼၼ်ႉ​လႆႈ​ယူႇ​တေႃႇ​ထိုင်​ႁွတ်ႈ​ၶိင်ႇ​ၵႃႇလႃႉ​ဢၼ်​ၵဝ်​တၵ်း​မႃး​ၼၼ်ႉ​ၸိုင်၊ ၸၢပ်ႈ​သႅင်ႇ​ၵၼ်​တင်း​မႂ်း​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ၵူၺ်း​ဢေႃႈ။</verse>
				<verse number="24">တပႄး​ၸဝ်ႈ​ၼၼ်ႉ​ၸမ်ႉ၊ ၶၢမ်ႇ​သၢၵ်ႈ​သေႇ​လွင်ႈ​တၢင်း​ၸိူဝ်း​ၼႆႉ​လႄႈ ပဵၼ်​ၵေႃႉ​ဢၼ်​တႅမ်ႈ​ဝႆႉ​လွင်ႈ​တၢင်း​ၸိူဝ်း​ၼႆႉ​ဢေႃႈ။ လွင်ႈ​ဢၼ်​မၼ်း​ၶၢမ်ႇ​သၢၵ်ႈ​သေႇ​ၼႆႉ ပဵၼ်​ဢၼ်​ၸိုဝ်ႈ​ဢၼ်​ၸႂ်ႈ​ၸိုင်​ႁဝ်း​ႁူႉ​ဢေႃႈ။</verse>
				<verse number="25">လွင်ႈ​တၢင်း​ဢၼ်​ ယေႇသူႉ ​ႁဵတ်း တၢင်ႇ​ၸိူဝ်ႉ​တၢင်ႇ​ဢၼ်​ၸိူဝ်း​ၼၼ်ႉ​ယင်း​မီး​ၼမ်​ၼႃႇ​လူး​ၵွၼ်ႇ​ဢေႃႈ။ ပေႃး​တႅမ်ႈ​ဝႆႉ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ ႁင်း​ၽႂ်​ႁင်း​မၼ်း​ၸိုင် ၵျၢမ်း​လိၵ်ႈ​တၵ်း​ၼမ်​ၵိုၼ်း​ၼႃႇ​တေႃႇ​ထိုင်​ႁွတ်ႈ​ထၼ်ႈ​ပေႃး တၵ်း​လူၼ်ႉ​လိူဝ်​လိၼ်​မိူင်း​ဢေႃႈ ဝႃႈ​ၼႆ​ၵဝ်​ထၢင်ႇ​ဢေႃႈ။ ၶရိၸ်ႈ​ဝၢင်ႇ​ၸဝ်ႈ​ယူဝ်းႁၢၼ်ႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="44">
			<chapter number="1">
				<verse number="1">ဢူဝ်း​ ထေႃးၽီႉလူႉ ၊ လွင်ႈ​တၢင်း​ၵႃႈ​ဢၼ်​ ယေႇသူႉ ​ၸႃႉ​ႁဵတ်း​လႄႈ​သင်ႇ​သွၼ်​ပၼ်၊-</verse>
				<verse number="2">တေႃႇ​ထိုင်​ႁွတ်ႈ​မိုဝ်ႉ​ဝၼ်း ဢၼ်​မၼ်း​ၸဝ်ႈ​ဢဝ်​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ သင်ႇ​လၢတ်ႈ​ဝႆႉ​တီႈ​တမၢၼ်ႇ​ၸဝ်ႈ ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၸိူဝ်း​ၼၼ်ႉ​သေ​ယဝ်ႉ၊ လႆႈ​ၶၢမ်ႇ​တၢင်း​ဢၼ်​ဢဝ်​ၶိုၼ်ႈ​ၵႂႃႇ​ၵႃႈ​ၼိူဝ်​ၼၼ်ႈ​ၸိုင်၊ ၵဝ်​ၶႃႈ​ၸီႇ​ယၢင်ႇ​တႅမ်ႈ​လိၵ်ႈ​ၽိုၼ်​ဢွၼ်​တၢင်း​ၼၼ်ႉ​ဝႆႉ​ၶႃႈ​ယဝ်ႉ။-</verse>
				<verse number="3">မၼ်း​ၸဝ်ႈ​ၼၼ်ႉ​လႆႈ​ၶၢမ်ႇ​တၢင်း​တၢႆ​သေ​ယဝ်ႉ၊ ၼႄ​ပျႃး​တူဝ်​မၼ်း​ၸဝ်ႈ​တီႈ​ၶဝ်​ၼၼ်ႉ သီႇ​သိပ်း​ဝၼ်း​တဵမ်​တဵမ်​လႄႈ ႁေႃး​လၢတ်ႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ် တင်း​မိူင်း​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​ယူႇ​သေ​လႄႈ ဢဝ်​တင်း​သၢၵ်ႈ​သေႇ​ဢၼ်​မၼ်ႈ​ဢၼ်​ၶိူင်ႇ​ၼမ်​ၼႃႇ ၼႄ​ပျႃး​လွင်ႈ​ဢၼ်​မၼ်း​ၸဝ်ႈ​ဢသၢၵ်ႈ​လိပ်း​ယူႇ​ၼၼ်ႉ​ဢေႃႈ။</verse>
				<verse number="4">မၼ်း​ၸဝ်ႈ​ၸူႉ​တုမ်​လူၺ်ႈ​ၵၼ်​တင်း​ၶဝ်​ၼၼ်ႉ​သေ​ယဝ်ႉ၊ လွင်ႈ​ၼင်ႇ​ႁိုဝ်​ၶဝ်​တၵ်း​ဢမ်ႇ​ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵႂႃႇ​လႄႈ တၵ်း​လႆႈ​ပႂ်ႉ​ထႃႈ​ၵတီႉ​ပေႃႈ​ၸဝ်ႈ​ယူႇ​ၸိုင်၊ မၼ်း​ၸဝ်ႈ​သင်ႇ​လၢတ်ႈ​ဝႆႉ​လႄႈ​ဝႃႈ၊ ၵတီႉ​ၼၼ်ႉ​ၸိုင်​သူ​လႆႈ​ငိၼ်း​ၵႃႈ​တီႈ​ၵဝ်​ဢေႃႈ။-</verse>
				<verse number="5">ၵတီႉ​ၼၼ်ႉ​ၸမ်ႉ၊ ယူဝ်းႁၢၼ်ႇ ပၼ်​ ပပ်ႉတီႉၸမ်ႇ ​ၼႂ်း​ၼမ်ႉ​ဢေႃႈ။ သူ​ၸိုင်​ဢမ်ႇ​ပေႃး​ႁိုင်​ပေႃး​ၼၢၼ်း တၵ်း​လႆႈ​ၶၢမ်ႇ​ ပပ်ႉတီႉၸမ်ႇ ​ၼႂ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ၊ မီး​မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၶဝ်​ၼၼ်ႉ​ၵေႃႈ ၸူႉ​ၵၼ်​တုမ်​ၵၼ်​သေ​ယဝ်ႉ၊ လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း မိူဝ်ႈ​လဵဝ်​ၼႆႉ​တၵ်း​ၶိုၼ်း​ပၼ်​မိူင်း​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="7">မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ဢၶႂၢင်ႉ​ဢၼ်​တၵ်း​လႆႈ​ႁူႉ​ၶိင်ႇ​ၵႃႇလႃႉ ဢၼ်​ပေႃႈ​ၸဝ်ႈ​ဢဝ်​တၼ်း​ၶူဝ်း​မၼ်း​ၸဝ်ႈ ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​ဢမ်ႇ​မီး​တီႈ​သူ။-</verse>
				<verse number="8">ၼႂ်း​ဝႃႈ​ၼၼ်​သေ​ၵေႃႈ ယၢမ်း​မိူဝ်ႈ​ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ လူင်း​မႃး​ၵႃႈ​ၼိူဝ်​သူ​ၼၼ်ႉ​ၸိုင်၊ သူ​တၵ်း​လႆႈ​ၶၢမ်ႇ​ဢဝ်​ႁႅင်း​တၼ်း​ၶူဝ်း​လႄႈ ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​ၵဝ် ၸႃႉ​ၸဵမ်​ၵႃႈ​ၼႂ်း​ဝဵင်း​ ယေႇရူႉသလႅမ်ႇ တင်း​မိူင်း​ ယူႉတႃႉ တင်း​မိူင်း​ သမႃႇရီႉ တေႃႇ​ထိုင်​ႁွတ်ႈ​တီႈ​သုတ်း​လိၼ်​မိူင်း​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">ၼႂ်း​မိူဝ်ႈ​ဢၼ်​ၶဝ်​ၼၼ်ႉ ယင်း​တိုၵ်ႉ​လူ​တူၺ်း​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ၶၢမ်ႇ​တၢင်း​ဢၼ်​ဢဝ်​ၶိုၼ်ႈ​ၵႂႃႇ​ၵႃႈ​ၼိူဝ်​ပုၼ်ႉ​လႄႈ​မွၵ်ႇ​ၵုမ်ႈ​ႁပ်ႉ​ဢဝ်​မၼ်း​ၸဝ်ႈ ႁႂ်ႈ​လပ်ႉ​တႃ​ၶဝ်​ၵႂႃႇ​သေ​ဢေႃႈ။-</verse>
				<verse number="10">ၼႂ်း​မိူဝ်ႈ​ဢၼ်​မၼ်း​ၸဝ်ႈ ၶိုၼ်ႈ​ၵႂႃႇ​ၸိူဝ်ႉ​ၼင်ႇ​ၼၼ်ႉ​လႄႈ ၶဝ်​ယင်း​တိုၵ်ႉ​မုင်ႈ​တူၺ်း​ၵႃႈ​တီႈ​ၵၢင်​ႁၢဝ် ၸေး​ၸေး​ၸွတ်ႇ​ၸွတ်ႇ​ယူႇ​ၼၼ်ႉ​ၸိုင်၊ ၵူၼ်း​သွင်​ၵေႃႉ​ၼုင်ႈ​မႆ​ၶူဝ်း​ၼုင်ႈ​ဢၼ်​ၽိူၵ်ႇ​ဢၼ်​ၶၢဝ်​ယူႇ​သေ​လႄႈ ၽုတ်း​မႃး​ၵႃႈ​တီႈ​ႁိမ်း​ၶဝ်​လႄႈ၊-</verse>
				<verse number="11">လၢတ်ႈ​ဝႃႈ၊ ၵူၼ်း​ ၵႃႇလီႉလႄး ​ၶဝ်​ဢိူၺ်း၊ ႁဵတ်း​သင်​လႄႈ သူ​ၸုၵ်း​ယူႇ​သေ​လႄႈ လူ​တူၺ်း​ၵႃႈ​တီႈ​ၵၢင်​ႁၢဝ်​ယူႇ​ၼင်ႇ​ႁိုဝ်။ ယေႇသူႉ ဢၼ်​ၽၢတ်ႇ​ယၢၼ်​ၵၼ်​တင်း​သူ​သေ​လႄႈ ၶၢမ်ႇ​တၢင်း​ဢၼ်​ဢဝ်​ၶိုၼ်ႈ​ၵႂႃႇ ၵႃႈ​တီႈ​ၵၢင်​ႁၢဝ်​ပုၼ်ႉ​ၼၼ်ႉ​ၸိုင် ၸိူဝ်ႉ​ၼင်ႇ​ဢၼ်​ၶိုၼ်ႈ​ၵႂႃႇ​ၵႃႈ​ၼိူဝ်​ၵၢင်​ႁၢဝ်​သိုဝ်ႈ​ၼႃႈ​တႂ်ႈ​တႃ​သူ​ၼႆႉ​ၼၼ်ႉ သမ်ႉ​တၵ်း​လူင်း​မႃး​ထႅင်ႈ​ၵမ်း​ၼိုင်ႈ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မိူဝ်ႈ​ၼၼ်ႉ​ၶဝ်​ၼၼ်ႉ လုၵ်ႉ​သေ​ၵႃႈ​တီႈ​လွႆ ဢၼ်​လႆႈ​ႁွင်ႉ​ႁဵၵ်ႈ​ သၢၼ်ႇလုၼ်ႇ ဢၼ်​ၶၢဝ်း​တၢင်း​ၵႆ​ယၢၼ်​ၵၼ်​တင်း ဝဵင်း​ ယေႇရူႉသလႅမ်ႇ ဝၼ်း​ၵမ်​သိၼ်​ဝၼ်း​ၼိုင်ႈ​ၼၼ်ႉ​သေ​လႄႈ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="13">မိူဝ်ႈ​ဢၼ်​ႁွတ်ႈ​ထိုင်​ယဝ်ႉ​ၸိုင်၊ ၶဝ်​ၼၼ်ႉ​ၶိုၼ်ႈ​ၵႂႃႇ​ၸူး​ၵႃႈ​တီႈ​လုၵ်း​ႁိူၼ်း​ႁၢၼ်ႉ​ၼိူဝ်၊ တီႈ​ဢၼ်​ ပေႇတရူႉ၊ ယႃႇၵုပ်ႈ၊ ယူဝ်းႁၢၼ်ႇ၊ ဢၼ်ႇတရေႇ၊ ၽီႉလိပ်ႉပူႉ၊ ထူဝ်းမႃႉ၊ ပႃႇထေႃးလမႄး၊ မၢတ်ႈထႄႇ၊ ယႃႇၵုပ်ႈ ​လုၵ်ႈ​ၸၢႆး​ ဢႃႇလၽႄး၊ သီႉမုၼ်ႇ​ၸေႇလုတ်ႉ၊ ယူႉတႃႉ ၼွင်ႉ​ၸၢႆး​ ယႃႇၵုပ်ႈ ​ၸိူဝ်း​ၼၼ်ႉ ယူႇ​သဝ်း​ၼၼ်ႉ​ဢေႃႈ။-</verse>
				<verse number="14">ၶဝ်​တင်း​သဵင်ႈ​တင်း​လူင်​ၼၼ်ႉ ၽွမ်ႉ​ၵၼ်​ၵျူဝ်း​ၸႃး​လႄႈ ႁဵတ်း​သူး​တွင်း​ပထၼႃႇ​လူၺ်ႈ​ၵၼ်​တင်း​မႄႈ​ယိင်း​တင်း​လၢႆ ဢိၵ်ႇ​တင်း မႃႇရီႉ ​မႄႈ​ၸဝ်ႈ​ ယေႇသူႉ တင်း​ၼွင်ႉ​ၸၢႆး​ၸဝ်ႈ​ၸိူဝ်း​ၼၼ်ႉ​ယူႇ​ဢေႃႈ။</verse>
				<verse number="15">မိူဝ်ႈ​ၼၼ်ႉ ပေႇတရူႉ ​ၸင်ႇ​လုၵ်ႉ​ၸုၵ်း​ၵႃႈ​ၼႂ်း​ၵၢင်​တပႄး​ၸဝ်ႈ​ဢၼ်​ၸူႉ​ၵၼ်​တုမ်​ၵၼ်​တီႈ​လဵဝ်​ယူႇ​လႄႈ မီး​ပၢၵ်ႇ​ပၢႆ​သၢဝ်း​ၼိုင်ႈ​ၸမ်​ၸမ်​ၸိူဝ်း​ၼၼ်ႉ​သေ​လႄႈ​လၢတ်ႈ​ဝႃႈ၊-</verse>
				<verse number="16">ပီႈ​ၼွင်ႉ​ၶဝ်​ဢိူၺ်း၊ တီႈ​ၼႂ်း​ၵျၢမ်း​လိၵ်ႈ​ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢဝ်​တင်း​သူပ်း​ တႃႇဝိတ်ႈ ပျႃႇ​တိၵ်ႈ​ဝႆႉ လွင်ႈ​ ယူႉတႃႉ ၵေႃႉ​ဢၼ်​ၼႄ​ပျႃး​သဵၼ်ႈ​တၢင်း​တီႈ​ၶဝ်​ၸိူဝ်း​ဢၼ် တီႉ​ဢဝ်​ ယေႇသူႉ ​ၼၼ်ႉ​ၸိုင် ယင်း​ဢမ်ႇ​ပျေႉ​ၸုမ်ႇ​လႄႈ​ဢမ်ႇ​လႆႈ​ယူႇ။-</verse>
				<verse number="17">ၵေႃႉ​ၼၼ်ႉ​ၶၢမ်ႇ​တၢင်း​ဢၼ်​ၼပ်ႉ​ဢၢၼ်ႇ ပႃး​ႁူမ်ႈ​လူၺ်ႈ​ၵၼ်​တင်း​ႁဝ်း​လႄႈ လႆႈ​ဢရႃႇ​ထမ်ႇမႃႉ​သြႃႇ​ယဝ်ႉ။-</verse>
				<verse number="18">ၵေႃႉ​ၼၼ်ႉ​ဢဝ်​တင်း​ၵႃႈ​ၶၼ် ဢၼ်​လႆႈ​ၵွပ်ႈ​ပိူဝ်ႈ​ဢမူႉ​ဢၼ်​ဢမ်ႇ​တြႃး​ၼၼ်ႉ သိုဝ်ႉ​ဢဝ်​လိၼ်​ၵႂၢၵ်း​ၼိုင်ႈ​ယဝ်ႉ၊ လူမ်ႉ​ပၵ်း​ၶိတ်း​တူၵ်း​လႄႈ တွင်ႉ​တႅၵ်ႇ​သေ​ယဝ်ႉ၊ သႆႈ​မၼ်း​ဢွၵ်ႇ​ယဝ်ႉ။-</verse>
				<verse number="19">လွင်ႈ​တၢင်း​ၼၼ်ႉ​ၸိုင်၊ ၵူၼ်း​ဢၼ်​ယူႇ​ၵႃႈ​တီႈ ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင် ႁူႉ​လႄႈ​ၸွမ်း​ၼင်ႇ​ၵႂၢမ်း​ၽႃႇသႃႇ​ၶဝ်​ႁွင်ႉ​ႁဵၵ်ႈ ၵႂၢၵ်ႈ​လိၼ်​ၼၼ်ႉ​လႄႈ​ဝႃႈ ဢၵေးလႃႉတမႃႉ ​ဢေႃႈ။ ဢထိၵ်ႈပႄႇ​မၼ်း​ၸမ်ႉ၊ ပဵၼ်​ၵႂၢၵ်ႈ​လိၼ်​လိူတ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​သႃႇလၢမ်ႇ​လႄႈ​ဝႃႈ​ၸမ်ႉ၊ ႁႂ်ႈ​တီႈ​ဢၼ်​မၼ်း​ယူႇ​ၼၼ်ႉ​ပဵၼ်​တီႈ​ဢၼ် ၵူၼ်း​သဵတ်ႇ​ၵူၼ်း​ယဵၼ်​သေ​ၵမ်း​လူၺ်ႈ။ ယႃႇ​ပေ​ႁႂ်ႈ​မီး​ၵေႃႉ​ဢၼ်​ယူႇ​သေ​ၵမ်း​လူၺ်ႈ၊ ဢရႃႇ​မၼ်း​ၵေႃႈ ႁႂ်ႈ​ပိူၼ်ႈ​တၢင်ႇ​ၵေႃႉ​လႆႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">ပိူဝ်ႈ​ၼႆ​လႄႈ ၵႃႈ​ၼႂ်း​ၶဝ်​ၸိူဝ်း​ဢၼ် ႁဵတ်း​ၵေႃႉ​ႁဵတ်း​သေႈ​ႁူမ်ႈ​လူၺ်ႈ​ၵၼ်​တင်း​ႁဝ်း ၼႂ်း​ၶိင်ႇ​ၵႃႇလႃႉ​ဢၼ်​ၸဝ်ႈ​ ယေႇသူႉ ၵႂႃႇ​မႃး​ၶဝ်ႈ​ဢွၵ်ႇ​လူၺ်ႈ​ၵၼ်​တင်း​ႁဝ်း၊-</verse>
				<verse number="22">ၸႃႉ​ၸဵမ်​မိူဝ်ႈ​ၶိင်ႇ​ဢၼ် ယူဝ်းႁၢၼ်ႇ ​ပၼ်​ ပပ်ႉတီႉၸမ်ႇ တေႃႇ​ထိုင်​ႁွတ်ႈ​ဝၼ်း​ဢၼ်​မၼ်း​ၸဝ်ႈ ၽၢတ်ႇ​ယၢၼ်​ၵၼ်​တင်း​ႁဝ်း​လႄႈ​ၶၢမ်ႇ​တၢင်း​ဢၼ်​ဢဝ်​ၶိုၼ်ႈ​ၵႂႃႇ​ၵႃႈ​ၼိူဝ်​ပုၼ်ႉ​ၼၼ်ႉ၊ သေ​ၵေႃႉ​သေ​ၵူၼ်း​တၵ်း​လႆႈ​ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ လွင်ႈ​ဢၼ်​မၼ်း​ၸဝ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ လူၺ်ႈ​ၵၼ်​တင်း​ႁဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">မိူဝ်ႈ​ၼၼ်ႉ ၶဝ်​ၼၼ်ႉ​ဢဝ်​သွင်​ၵေႃႉ​ဢၼ်​ဝႃႈ ယူဝ်းသႅပ်ႈ ၊ ဢၼ်​လႆႈ​ႁွင်ႉ​ႁဵၵ်ႈ ပႃႇသပႃႉ ဢၼ်​လႆႈ​ၸိုဝ်ႈ​မႂ်ႇ​သဵင်​မႂ်ႇ ယူႉသတူႉ ဢိၵ်ႇ​တင်း​ မတ်ႈထီႉ ​ၼၼ်ႉ​ၶၢၼ်း​ဝႆႉ​လႄႈ၊-</verse>
				<verse number="24">သူး​တွင်း​လႄႈ​ဝႃႈ၊ ဢူဝ်း​ၸဝ်ႈ​ၽြႃး​ဢၼ်​ႁူႉ​ႁၼ်​ႁူဝ်​ၸႂ်​ၵူၼ်း​တင်း​သဵင်ႈ​တင်း​လူင်​တီႈ​ၶႃႈ၊ ၼႂ်း​ၶဝ်​သွင်​ၵေႃႉ​ၼႆႉ၊ ၶႅၼ်း​တေႃႈ ၼႄ​ပျႃး​ၵေႃႉ​ဢၼ်​ၸဝ်ႈ​ႁဝ်း​လိူၵ်ႈ​ၵဵပ်း​ဢဝ်၊-</verse>
				<verse number="25">ႁႂ်ႈ​လႆႈ​ၶၢမ်ႇ​ဢဝ်​ဢရႃႇ​ထမ်ႇမႃႉ​သြႃႇ​တင်း​ဢရႃႇ​တမၢၼ်ႇ​ၸဝ်ႈ​တီႈ​ဢၼ်​ ယူႉတႃႉ ​လႆႈ​တူၵ်း​ၽၢတ်ႇ​ယၢၼ် ႁႂ်ႈ​လႆႈ​ၵႂႃႇ​ၸူး​ၵႃႈ​တီႈ​ဢၼ်​မၼ်း​တၵ်း​ယူႇ​ၼၼ်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="26">တူၵ်း​ၸႃႇ​ၵွၵ်ႈ​ၵၼ်​လႄႈ မတ်ႈထီႉ ​ၼၼ်ႉ​လႆႈ​ၸႃႇ​ၵွၵ်ႈ​သေ​ယဝ်ႉ၊ လႆႈ​ၶဝ်ႈ​ပႃး​ႁူမ်ႈ​လူၺ်ႈ​ၵၼ်​တင်း တမၢၼ်ႇ​ၸဝ်ႈ​သိပ်း​ဢဵတ်း​ပႃး​ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">မိူဝ်ႈ​ဢၼ် ဝၼ်း​ပွႆး​ ပဵၼ်ႇတေႇၵုၵ်ႉတေႇ ႁွတ်ႈ​ထိုင်​ၼၼ်ႉ​ၸိုင်၊ ၶဝ်​တင်း​သဵင်ႈ​တင်း​လူင် ၽွမ်ႉ​ၵၼ်​သေ​လႄႈ​ၸူႉ​ၵၼ်​တုမ်​ၵၼ်​ယူႇ​တီႈ​လဵဝ်​ဢေႃႈ။-</verse>
				<verse number="2">မိူဝ်ႈ​ၼၼ်ႉ သဵင်​မိူၼ်​ၸိူဝ်ႉ​ၼင်ႇ​သဵင်​လူမ်း​ၽိဝ်ႇ​ႁုင်​ၼၼ်ႉ လုၵ်ႉ​သေ​ၵႃႈ​ၼိူဝ်​ၵၢင်​ႁၢဝ်​မႃး​ၵမ်း​လဵဝ်​လႄႈ တဵမ်​ႁိူၼ်း​တီႈ​ဢၼ်​ၶဝ်​ၼင်ႈ​ယူႇ​ၼၼ်ႉ​ဝႆႉ​ဢေႃႈ။-</verse>
				<verse number="3">ၵမ်း​ၼၼ်ႉ လိၼ်ႉ​ဢၼ်​တႅၵ်ႇ​ၵီႈ​တင်း​လၢႆ ၽုတ်း​မႃး​ၵႃႈ​တီႈ​ၶဝ်​မိူၼ်​ၸိူဝ်ႉ​ၼင်ႇ​လိၼ်ႉ​ၽႆး​ၼၼ်ႉ​လႄႈ ၵိုတ်း​သဝ်း​ယူႇ​ၵႃႈ​ၼိူဝ်​ၶဝ်​ၼၼ်ႉ​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="4">ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ပျေႉ​ၸုမ်ႇ​ဝႆႉ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​လႄႈ ၵႃႈ​ၼင်ႇ​ဢၼ်​ဝီႉၺိၺ်ႇ​ၸဝ်ႈ ပၼ်​ဢၶႂၢင်ႉ​ႁေႃး​လၢတ်ႈ​ၼၼ်ႉ၊ ဢွၼ်​ၵၼ်​ဢဝ်​တင်း​ၵႂၢမ်း​ၽႃႇ​သႃႇ​ၵူႈ​ၸိူဝ်ႉ​ၵူႈ​ပိူင်​ႁေႃး​လၢတ်ႈ​ဢေႃႈ။-</verse>
				<verse number="5">မိူဝ်ႈ​ၶိင်ႇ​ၵႃႇလႃႉ​ၼၼ်ႉ ၵူၼ်း​ ယူႉတႃႉ ဢၼ်​ရူဝ်ႇ​သေႇ​ၵူဝ်​ယမ်​ၽြႃး ဢၼ်​လုၵ်ႉ​သေ​ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ၵႃႈ​ဢၼ်​မီး​တႂ်ႈ​ၽႃႉ​ၵၢင်​ႁၢဝ်​မႃး​ၸိူဝ်း​ၼၼ်ႉ မီး​ယူႇ​ၵႃႈ​ၼႂ်း​ဝဵင်း ယေႇရူႉသလႅမ်ႇ ​ဢေႃႈ။</verse>
				<verse number="6">မိူဝ်ႈ​ဢၼ်​လႆႈ​ငိၼ်း​သဵင်​ၼၼ်ႉ​ၸိုင်၊ ၵူၼ်း​ၼမ်​ၼႃႇ​မႃး​ၸူႉ​ၵၼ်​တုမ်​ၵၼ်​သေ​ယဝ်ႉ၊ ပိူဝ်ႈ​ဢၼ်​ၶဝ်​လႆႈ​ငိၼ်း​တမၢၼ်ႇ​ၸဝ်ႈ​ၸိူဝ်း​ၼၼ်ႉ ဢဝ်​တင်း​ၵႂၢမ်း​ၽႃႇ​သႃႇ​ၶဝ်​ႁင်း​ၽႂ်​ႁင်း​မၼ်း ၵူႈ​ၵေႃႉ​ၵူႈ​ၵူၼ်း​ၼၼ်ႉ ႁေႃး​လၢတ်ႈ​လႄႈ​ၵိုတ်း​မိုင်​ၵႂင်​ၸႂ်​ယူႇ​ဢေႃႈ။-</verse>
				<verse number="7">ၶဝ်​တင်း​သဵင်ႈ​တင်း​လူင်​ၼၼ်ႉ ဢၢမ်း​လူင်​ဢၢမ်း​လၢင်​လႄႈ ၵႂင်​ၸႂ်​ယုင်ႈ​ၸႂ်​ယူႇ​သေ​လႄႈ ၼင်ႇ​ၵၼ်​ၵၼ်​လၢတ်ႈ​ၵၼ်​လႄႈ​ဝႃႈ၊ တူၺ်း​လူး၊ ၵူၼ်း​တင်း​သဵင်ႈ​တင်း​လူင်​ဢၼ်​ႁေႃး​လၢတ်ႈ​ယူႇ​တေႃႈ​လဵဝ်​ၼႆႉ​ၼၼ်ႉ ပဵၼ်​ၵူၼ်း​ ၵႃႇလီႉလႄး ​ဢမ်ႇ​ၸႂ်ႈ​ႁိုဝ်။-</verse>
				<verse number="8">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ လွင်ႈ​ဢၼ်​ႁဝ်း​ႁင်း​ၽႂ်​ႁင်း​မၼ်း​လႆႈ​ငိၼ်း ၵႂၢမ်း​ၽႃႇသႃႇ​တီႈ​ဢၼ်​ႁဝ်း​ၵိူတ်ႇ​လဵင်ႉ​မႃး​ၼၼ်ႉ​ၸမ်ႉ၊ ပဵၼ်​လွင်ႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="9">ႁဝ်း​ဢၼ် ယူႇ​ၸႃႉ​ၸဵမ်​မိူင်း​ ပႃႇထီႉ တင်း​မိူင်း​ မေႇတီႉ တင်း​မိူင်း​ ဢေႇလမ်ႇ တင်း​မိူင်း မေႇသေႃးပေႃးတႃႇမီႉ တင်း​မိူင်း ယူႉတႃႉ တင်း​မိူင်း​ ၵပ်ႉပတေႃးၵီႉ ​တင်း​မိူင်း​ ပွၼ်ႇတူႉ ​တင်း​မိူင်း ဢႃႇသီႉ</verse>
				<verse number="10">တင်း​မိူင်း​ ၽႃႇရူႉၵီႉ ​တင်း​မိူင်း​ ပမ်ႇၽူႉလီႉ ​တင်း​မိူင်း​ ဢေႇၵိပ်ႉတူႉ ​တင်း​လၢႆ ဢိၵ်ႇ​တင်း ၶဝ်​ၸိူဝ်း​ဢၼ်​ယူႇ​ဝၢၼ်ႈ​ၼွၵ်ႈ​ၼႃး​ပၢင်ႇ​မိူင်း​ လီႉပူႉ ဢၼ်​ၸၢပ်ႈ​သႅင်ႇ​ၵၼ်​တင်း​ဝဵင်း​ ၵူႉရေႇၼေႇ ​တင်း​ၶႅၵ်ႇ​ဢၼ်​လုၵ်ႉ​သေ​ၵႃႈ​တီႈ​ဝဵင်း​ ရူဝ်းမႃႉ ​မႃး၊ ပဵၼ်​ၵူၼ်း​ ယူႉတႃႉ သေ​ဢမ်ႇ​ဝႃႈ၊ ပဵၼ်​ၵူၼ်း​ၶဝ်ႈ​ၽႃႇသႃႇ​သေ​ဢမ်ႇ​ဝႃႈ၊-</verse>
				<verse number="11">ၵူၼ်း​မိူင်း​ ၵရေႇတေႇ ၊​ၵူၼ်း​မိူင်း​ ဢရေႇပျႃႉ ​ၸိူဝ်း​ၼႆႉ လႆႈ​ငိၼ်း​ၵူၼ်း​ၸိူဝ်း​ၼႆႉ​ဢဝ်​တင်း​ၵႂၢမ်း​ၽႃႇသႃႇ​ႁဝ်း​ၵူႈ​မဵဝ်း​ႁေႃး​လၢတ်ႈ လွင်ႈ​တၢင်း​ဢၼ်​လီ​ဢၢမ်း ၽြႃး​ပဵၼ်​ၸဝ်ႈ​တင်း​လၢႆ​ၼၼ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၶဝ်​တင်း​သဵင်ႈ​တင်း​လူင်​ၼၼ်ႉ ဢၢမ်း​လူင်​ဢၢမ်း​လၢင်​လႄႈ မီး​ၸႂ်​ဢၼ်​ဢမ်ႇ​ပွင်ႇ​ဢမ်ႇ​လႅင်း​ယူႇ​သေ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တွင်ႈ​ထၢမ်​ၵၼ်​လႄႈ​ဝႃႈ လွင်ႈ​တၢင်း​ၼႆႉ ပဵၼ်​လွင်ႈ​တၢင်း​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၵမ်ႈ​ၽွင်ႈ​ၵေႃႈ​သႄႉ​သွမ်း​လႄႈ​ဝႃႈ၊ ၶဝ်​ၸိူဝ်း​ၼႆႉ​ဢိမ်ႇ​တဵမ်​ဝႆႉ​တင်း​ၼမ်ႉ​ၸပိတ်ႈ​ဢၼ်​ဝၢၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ၼၼ်ႉ​ ပေႇတရူႉ ​ဢိၵ်ႇ​တင်း သိပ်း​ဢဵတ်း​ပႃး​ၸိူဝ်း​ၼၼ်ႉ​လုၵ်ႉ​ၸုၵ်း​ယူႇ​သေ​လႄႈ ဢဝ်​တင်း​သဵင်​ဢၼ်​ယႂ်ႇ​ႁေႃး​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ​ၸမ်ႉ၊ ၵူၼ်း​ ယူႉတႃႉ ဢိၵ်ႇ​တင်း​ၵူၼ်း​ဢၼ်​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်​ၶဝ်​ဢိူၺ်း၊ သူ​မၢတ်ႈ​ဝႆႉ​တွင်း​ဝႆႉ​လွင်ႈ​တၢင်း​ၼႆႉ​လႄႈ​ထွမ်ႇ​ဢဝ်​ၵႂၢမ်း​ၵဝ် ၸေး​ၸေး​ၸွတ်ႇ​ၸွတ်ႇ​သေ​ၵမ်း​တႃႉ။-</verse>
				<verse number="15">ၶိင်ႇ​တေႃႈ​လဵဝ်​ၼႆႉ​ၸမ်ႉ၊ ပိူဝ်ႈ​ဢၼ်​ပဵၼ်​ၶိင်ႇ​ၵၢင်​ၼႂ်​သၢမ်​ၼႃႇရီႇ​လႄႈ ၶဝ်​ၸိူဝ်း​ၼႆႉ​မဝ်း​လဝ်ႈ​ၸိူဝ်ႉ​ၼင်ႇ​ဢၼ်​သူ​ထၢင်ႇ​ထိူမ်​ၼၼ်ႉ​ဢမ်ႇ​ၸႂ်ႈ။-</verse>
				<verse number="16">လွင်ႈ​တၢင်း​ၼႆႉ​ၸမ်ႉ၊ ပဵၼ်​လွင်ႈ​တၢင်း​ဢၼ်​ပရေႃးၽႅတ်ႈ ယူဝ်းဢေးလႃႉ ႁေႃး​လၢတ်ႈ​ဝႆႉ​ၼၼ်ႉ​ယဝ်ႉ။-</verse>
				<verse number="17">ဢၼ်​ႁေႃး​လၢတ်ႈ​ဝႆႉ​ၼၼ်ႉ​ၸမ်ႉ၊ ၽြႃး​ပဵၼ်​ၸဝ်ႈ​ပျႃႇ​တိၵ်ႈ​ဝႆႉ​လႄႈ​ဝႃႈ၊ ၶိင်ႇ​ၵႃႇလႃႉ​ၵမ်း​လိုၼ်း​ၼၼ်ႉ ၵဝ်​တၵ်း​ဢဝ်​ဝီႉၺိၺ်ႇ​ၵဝ် သွၼ်း​လေႃႇ​ၵႃႈ​ၼိူဝ်​မဵဝ်း​ၵူၼ်း​တင်း​သဵင်ႈ​တင်း​လူင်​ဢေႃႈ။ လုၵ်ႈ​လၢင်း​သူ​ၼၼ်ႉ​တၵ်း​လႆႈ​ဢဝ်​တင်း​ၺၢၼ်ႇ​ပရေႃးၽႅတ်ႈ​ႁေႃး​လၢတ်ႈ​ဢေႃႈ။ ၵူၼ်း​ၼုမ်ႇ​ၵူၼ်း​ၵမ်​သူ​ၼၼ်ႉ​တၵ်း​လႆႈ​ႁၼ်​ရူႇပႃႇရူင်ႇ​ပျႃႇ​တိၵ်ႈ​ၸဝ်ႈ​ဢေႃႈ။ ၵူၼ်း​ထဝ်ႈ​ၵူၼ်း​ၵႄႇ​သူ​ၼၼ်ႉ​ၵေႃႈ တၵ်း​လႆႈ​ၼွၼ်း​ၽၼ်​ႁၼ်​ၼီႉမိၵ်ႈ​တင်း​လၢႆ​ဢေႃႈ။-</verse>
				<verse number="18">ၼႂ်း​ၶိင်ႇ​မိူဝ်ႈ​ၼၼ်ႉ​ၵေႃႈ ၵဝ်​တၵ်း​သွၼ်း​လေႃႇ​ဝီႉၺိၺ်ႇ​ၵဝ် ၵႃႈ​ၼိူဝ်​ၵူၼ်း​ၸၢႆး​ၵူၼ်း​ယိင်း​ဢၼ်​ႁဵတ်း​ပွင်​ဢမူႉ​ၵဝ်​ၸိူဝ်း​ၼၼ်ႉ​လႄႈ ၶဝ်​ၼၼ်ႉ​တၵ်း​လႆႈ​ဢဝ်​တင်း​ၺၢၼ်ႇ​ပရေႃးၽႅတ်ႈ​ႁေႃး​လၢတ်ႈ​ဢေႃႈ။-</verse>
				<verse number="19">ၵဝ်​တၵ်း​ၼႄ​ပျႃး​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ​ၵႃႈ​ၼိူဝ်​ၽႃႉ​ၵၢင်​ႁၢဝ် ဢိၵ်ႇ​တင်း​ၸႃႉ​ၸဵမ်​လိူတ်ႈ​လႄႈ ပဵဝ်​ၽႆး၊ ၵႂၼ်း​ၽႆး ပုၵ်ႉ​ပႃႉ​ၼီႉမိၵ်ႈ​တင်း​လၢႆ ၵႃႈ​တႂ်ႈ​ၼိူဝ်​လိၼ်​မိူင်း​ၼႆႉ​ဢေႃႈ။-</verse>
				<verse number="20">ၸူဝ်ႈ​ဢၼ်​ဝၼ်း​ထွတ်ႈ​ဝၼ်း​မျၢတ်ႈ​လူင်​ထႃႇဝရႃႉ​ၽြႃး​ၼၼ်ႉ​ဢမ်ႇ​ပႆႇ​ႁွတ်ႈ​မႃး​ၼၼ်ႉ​ၸိုင် ၵၢင်​ဝၼ်း​တၵ်း​ပဵၼ်​ဢၼ်​လပ်း​သိင်ႇ​ၽိတ်း​ၽိတ်း​ၵႂႃႇ​ဢေႃႈ။ လိူၼ်​ၵေႃႈ​တၵ်း​ပဵၼ်​လိူတ်ႈ​ၵႂႃႇ​ဢေႃႈ။-</verse>
				<verse number="21">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ႁဵတ်း​သူး​တွင်း​ပထၼႃႇ တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၵႃႈ​မီး​ၸိူဝ်း​ၼၼ်ႉ တၵ်း​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၵူၼ်း​ ဢီႉသရေႇလႃႉ ​ၶဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ၸိူဝ်း​ၼႆႉ​သေ​ၵမ်း​တႃႉ။ ယေႇသူႉ ​ၵူၼ်း​ဝဵင်း​ ၼႃႇၸရႅတ်ႈ ဢၼ်​ပဵၼ်​ၵေႃႉ​ဢၼ်​လႆႈ​သၢၵ်ႈ​သေႇ​ၵႃႈ​တီႈ​ၽြႃး​ပဵၼ်​ၸဝ်ႈ​ၼႂ်း​သူ​ၵွပ်ႈ​ပိူဝ်ႈ​တၼ်း​ၶူဝ်း​ဢၼ်​လၢၵ်ႇ​လၢႆး ဢိၵ်ႇ​တင်း​ၼီႉမိၵ်ႈ​လၢၵ်ႈၶၼႃႇ တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ဢၼ်​ၽြႃး​ပဵၼ်​ၸဝ်ႈ ဢဝ်​မၼ်း​ၸဝ်ႈ​ႁဵတ်း​ၵႃႈ​ၼႂ်း​ၶိုင်ႈ​ၵၢင်​သူ​ၵႃႈ​ၼင်ႇ​ဢၼ်​သူ​ႁူႉ​ယဝ်ႉ​ၼၼ်ႉ၊-</verse>
				<verse number="23">မၼ်း​ၸဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ် ဢၢပ်ႈ​ၵွပ်ႈ​ပိူဝ်ႈ​ဢလူဝ်ႇ​ဢၼ် ၽြႃး​ပဵၼ်​ၸဝ်ႈ​မၵ်း​ၶၢၼ်း​ဝႆႉ ဢိၵ်ႇ​တင်း ဢၼႃႇၵႃႉတမ်ႇသႃႉ​ၺၢၼ်ႇ​ၸဝ်ႈ​ၼၼ်ႉ​ၸိုင်၊ သူ​တီႉ​ဢဝ်​သေ​ယဝ်ႉ၊ ဢဝ်​တင်း​မိုဝ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​လႄႈ ဢဝ်​တၢႆ​ယဝ်ႉ။-</verse>
				<verse number="24">မၼ်း​ၸဝ်ႈ​ၼၼ်ႉ​ၸိုင်၊ ပိူဝ်ႈ​ဢၼ်​ဝူၺ်ႇတၼႃႇ​တၢင်း​တၢႆ ဢမ်ႇ​မတ်ႉ​ၽုၵ်ႇ​ၶျုၵ်ႈ​ၵမ်​ဝႆႉ​လႆႈ​သေႇ​သေႇ​လႄႈ ၽြႃး​ပဵၼ်​ၸဝ်ႈ​ၵႄႈ​ဝူၺ်ႇတၼႃႇ​ၼၼ်ႉ​ပႅတ်ႈ​သေ​လႄႈ ႁႂ်ႈ​မၼ်း​ၸဝ်ႈ​ၶိုၼ်း​လိပ်း​ယဝ်ႉ။-</verse>
				<verse number="25">ၶုၼ်​လူင်​ တႃႇဝိတ်ႈ ​ဢဝ်​လွင်ႈ​မၼ်း​ၸဝ်ႈ​လၢတ်ႈ​ဝႆႉ​လႄႈ​ဝႃႈ၊ ၵဝ်​ၼႆႉ​ႁၼ်​ထႃႇဝရႃႉ​ၽြႃး​သိုဝ်ႈ​ၼႃႈ​တႂ်ႈ​တႃ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။ လွင်ႈ​မၼ်း​ၸမ်ႉ ၼင်ႇ​ႁိုဝ်​ၵဝ်​တၵ်း​ဢမ်ႇ​မီး​တၢင်း​ဢၼ်​တူင်ႉ​ဢၼ်​ၶွၼ်း​ၸိုင် မၼ်း​ၸဝ်ႈ​မီး​ယူႇ​ၵႃႈ​တီႈ​ၽၢႆႇ​ၶႂႃ​ၵဝ်​ဢေႃႈ။-</verse>
				<verse number="26">ပိူဝ်ႈ​ၼႆ​လႄႈ ႁူဝ်​ၸႂ်​ၵဝ်​ပၢင်ႇ​ၸိုၼ်ႈ​ဢေႃႈ၊ ဝီႉၺိၺ်ႇ​ၵဝ်​ၵေႃႈ​သႂၢင်ႇ​သိူဝ်း​ဢေႃႈ။ လိူဝ်​သေ​ၼၼ်ႉ​ၼိူဝ်ႉ​ၵဝ်​ၼႆႉ​တၵ်း​မုင်ႈ​ထႃႈ​မွင်း​ထႃႈ​သေ​လႄႈ​ၵိင်း​ဝၢပ်ႈ​ယူႇ​ဢေႃႈ။-</verse>
				<verse number="27">လွင်ႈ​မၼ်း​ၸမ်ႉ ဝီႉၺိၺ်ႇ​ၵဝ်​ၶႃႈ​ၸိုင် ၸဝ်ႈ​ႁဝ်း​တၵ်း​ဢမ်ႇ​ပႅတ်ႈ​ဝႆႉ​ၵႃႈ​တီႈ​ၼႂ်း​မိူင်း​မရၼႃႉ​တီႈ​ၶႃႈ။ တီႈ​ၵူၼ်း​ဢၼ်​မူတ်း​ၸၢင်ႇ​ၸဝ်ႈ​ႁဝ်း​ၵေႃႈ၊ ၸဝ်ႈ​ႁဝ်း​တၵ်း​ဢမ်ႇ​ပၼ်​ႁႂ်ႈ​မီး​တၢင်း​ဢၼ်​တူႇ​ဢၼ်​ၼဝ်ႈ​တီႈ​ၶႃႈ။-</verse>
				<verse number="28">ၸဝ်ႈ​ႁဝ်း​ၼႄ​ပျႃး​သဵၼ်ႈ​တၢင်း​ဢၼ်​ႁွတ်ႈ​ထိုင်​တီႈ​ဢၼ်​ဢသၢၵ်ႈ​လိပ်း​တင်း​လၢႆ​ၼၼ်ႉ​ဝႆႉ​တီႈ​ၵဝ်​ၶႃႈ​တီႈ​ၶႃႈ​ဢေႃႈ။ ၸဝ်ႈ​ႁဝ်း​တၵ်း​ႁႂ်ႈ​ၵဝ်​ၶႃႈ​ပျေႉ​ၸုမ်ႇ​တင်း​ၸႂ်​ဢၼ်​သိူဝ်း​ပျေႃႇ ၵွပ်ႈ​ပိူဝ်ႈ​ဢၼ်​လႆႈ​ႁၼ်​ၼႃႈ​ၸဝ်ႈ​ၼၼ်ႉ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">ပီႈ​ၼွင်ႉ​ၶဝ်​ဢိူၺ်း၊ ႁႂ်ႈ​ၵဝ်​လႆႈ​ဢဝ်​လွင်ႈ​ပေႃႈ​ၸိူဝ်ႉ​ၶိူဝ်း​ႁဝ်း​ တႃႇဝိတ်ႈ ​ၼၼ်ႉ လၢတ်ႈ​ပၼ်​တီႈ​သူ​လႅင်း​လႅင်း​သေ​ၵမ်း။ မၼ်း​ၼၼ်ႉ​တၢႆ​ၵႂႃႇ​လႄႈ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​ယဝ်ႉ​ဢေႃႈ။ ၶုမ်​သၢင်း​ၶႅင်း​မၼ်း​ၼၼ်ႉ​မီး​ယူႇ​တီႈ​ႁဝ်း တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ဢေႃႈ။-</verse>
				<verse number="30">မၼ်း​ၼၼ်ႉ​ပဵၼ်​ပရေႃးၽႅတ်ႈ​လႄႈ ႁူႉ​လွင်ႈ​ဢၼ်​ၽြႃး​ပဵၼ်​ၸဝ်ႈ​လႆႈ​တိၵ်ႈ​ထၢၼ်ႇ​တိူင်ႇ​ဝႃႈ​ဝႆႉ​လႄႈ​ဝႃႈ၊ မၼ်း​ၸဝ်ႈ​တၵ်း​ႁႂ်ႈ​ၸဝ်ႈ​ၶရိၸ်ႈ​ဢဝ်​ၸႃႇ​တီႉ​ၵူၼ်း လုၵ်ႉ​ဢွၵ်ႇ​မႃး​ၵႃႈ​ၼႂ်း​ၸိူဝ်ႉ​ၶိူဝ်း​မၼ်း​လႄႈ ဢဝ်​တၢင်ႇ​ၵႃႈ​ၼိူဝ်​ပလၢင်ႇ​မၼ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယူႇ၊-</verse>
				<verse number="31">ႁၼ်​လွင်ႈ​တီႈ​ႁဵင်း​ၼၼ်ႉ​ဝႆႉ​ဢွၼ်​တၢင်း​ယူႇ​သေ​လႄႈ ဢဝ်​တင်း​ဢၼႃႇၵႃႉတမ်ႇသႃႉ​ၺၢၼ်ႇ ႁေႃး​လၢတ်ႈ​လွင်ႈ​ဢၼ် ၸဝ်ႈ​ၶရိၸ်ႈ တၵ်း​လုၵ်ႉ​ၶိုၼ်း​ၼၼ်ႉ​ဝႆႉ​လႄႈ​ဝႃႈ၊ ဝီႉၺိၺ်ႇ​မၼ်း​ၸဝ်ႈ​ၼၼ်ႉ ဢမ်ႇ​ၶၢမ်ႇ​တၢင်း​ဢၼ်​ပႅတ်ႈ​ဝႆႉ​ၵႃႈ​တီႈ​ၼႂ်း​မိူင်း​မရၼႃႉ။ ၼိူဝ်ႉ​မၼ်း​ၸဝ်ႈ​ၵေႃႈ​ဢမ်ႇ​ႁွတ်ႈ​ထိုင်​တၢင်း​ဢၼ်​တူႇ​ဢၼ်​ၼဝ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="32">လွင်ႈ​ဢၼ်​ၽြႃး​ပဵၼ်​ၸဝ်ႈ​ႁႂ်ႈ​ ယေႇသူႉ ​ၼၼ်ႉ လုၵ်ႉ​ၶိုၼ်း​ယဝ်ႉ​ၼၼ်ႉ​ၸိုင် ႁဝ်း​ၵႃႈ​မီး​ၼႆႉ​ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​ဢေႃႈ။-</verse>
				<verse number="33">ပိူဝ်ႈ​ၼႆ​လႄႈ မၼ်း​ၸဝ်ႈ​လႆႈ​ၶၢမ်ႇ​တၢင်း​ဢၼ်​ယုၵ်ႉ​ယွင်ႈ​ဝႆႉ​ၵႃႈ​တီႈ​ၽၢႆႇ​ၶႂႃ​မိုဝ်း​ၽြႃး​ပဵၼ်​ၸဝ်ႈ​ၸိူဝ်ႉ​ၼင်ႇ​ၼၼ်​လႄႈ လႆႈ​ၵတီႉ​ဢၼ်​ၵိုင်ႇ​ၵၼ်​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ၵႃႈ​တီႈ​ပေႃႈ​ၸဝ်ႈ​ၼၼ်ႉ​ယဝ်ႉ​ၸင်ႇ သွၼ်း​လေႃႇ​လွင်ႈ​တၢင်း​ဢၼ် သူ​လႆႈ​ႁူႉ​လႆႈ​ငိၼ်း​ၼႆႉ​ဢေႃႈ။-</verse>
				<verse number="34">တႃႇဝိတ်ႈ ​ၼၼ်ႉ ဢမ်ႇ​ၶိုၼ်ႈ​ၵၢင်​ႁၢဝ်။ ၼႂ်း​ဝႃႈ​ၼၼ်​သေ​ၵေႃႈ မၼ်း​ဝႃႈ၊-</verse>
				<verse number="35">ထႃႇဝရႃႉ​ၽြႃး​လၢတ်ႈ​တီႈ​ၸဝ်ႈ​ၵဝ်​ၶႃႈ​လႄႈ​ဝႃႈ၊ ၸူဝ်ႈ​ဢၼ်​ၵဝ်​ဢမ်ႇ​ပႆႇ​ဢဝ်​ရၢၼ်ႇ​သူႇ​မႂ်း​တင်း​လၢႆ​ၶျႃး​ဝႆႉ ႁႂ်ႈ​ပဵၼ်​တီႈ​တၢင်ႇ​တိၼ်​မႂ်း​ၼၼ်ႉ​ၸိုင်၊ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="36">ပိူဝ်ႈ​ၼႆ​လႄႈ လွင်ႈ​ဢၼ်​ၽြႃး​ပဵၼ်​ၸဝ်ႈ ဢဝ်​ ယေႇသူႉ ဢၼ်​သူ​ဢဝ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ ၶၢၼ်း​ဝႆႉ​ၼႂ်း​ဢရႃႇ​ၸဝ်ႈ​ၶရိၸ်ႈ ဢိၵ်ႇ​တင်း​ဢရႃႇ​ၸဝ်ႈ​ဢၼ်​ဢုပ်ႉ​ပိူင်ႇ​ၼၼ်ႉ​ၸိုင်၊ ႁႂ်ႈ​မဵဝ်း​ၸိူဝ်ႉ​ၶိူဝ်း​ ဢီႉသရေႇလႃႉ တင်း​သဵင်ႈ​တင်း​လူင်​မၢတ်ႈ​တွင်း​ဝႆႉ​လီ​လီ​ငၢမ်း​ငၢမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="37">ၶဝ်​ၼၼ်ႉ​လႆႈ​ငိၼ်း​သေ​ယဝ်ႉ၊ မီး​ႁူဝ်​ၸႂ်​ဢၼ်​မႆႈ​ႁွၼ်ႉ​လႄႈ တွင်ႈ​ထၢမ် ပေႇတရူႉ တင်း​တမၢၼ်ႇ​ၸဝ်ႈ​တၢင်ႇ​ၵေႃႉ​ၸိူဝ်း​ၼၼ်ႉ​လႄႈ​ဝႃႈ၊ ပီႈ​ၼွင်ႉ​ၶဝ်​ဢိူၺ်း၊ ႁဝ်း​ၶႃႈ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="38">ပေႇတရူႉ ​ၵေႃႈ​လၢတ်ႈ​လႄႈ​ဝႃႈ၊ ပုၼ်ႈ​လွင်ႈ​ၼင်ႇ​ႁိုဝ်​တၵ်း​လွတ်ႈ​ဢပႅတ်ႈ​ၸိုင် သူ​ၶုၵ်း​ၸႂ်​လႆႈ​မႆႈ​ၸႂ်​လႄႈ ၶၢမ်ႇ​ ပပ်ႉတီႉၸမ်ႇ ​ၼႂ်း​ၼႃႇ​မႃႉ​ၸိုဝ်ႈ​သဵင်​ ယေႇသူႉ​ၶရိၸ်ႈ ​ၵူႈ​ၵေႃႉ​ၵူႈ​ၵူၼ်း​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ သူ​တၵ်း​လႆႈ​ၶၢမ်ႇ​ဢဝ်​သူႉ​ၵျေး​ၸူး​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ။-</verse>
				<verse number="39">လွင်ႈ​မၼ်း​ၸမ်ႉ ၵတီႉ​ၸဝ်ႈ​ၼၼ်ႉ​ၸၢပ်ႈ​သႅင်ႇ​ၵၼ်​တင်း​သူ ဢိၵ်ႇ​တင်း​လုၵ်ႈ​လၢင်း​သူ တင်း​ၵူၼ်း​ဢၼ်​ၵႆ​တင်း​သဵင်ႈ​တင်း​လူင်၊ ၵႃႈ​ဢၼ်​ၽြႃး​ပဵၼ်​ၸဝ်ႈ​ႁဝ်း​ထႃႇဝရႃႉ​ၽြႃး​တၵ်း​ႁွင်ႉ​ဢဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="40">လိူဝ်​သေ​ၼၼ်ႉ၊ မၼ်း​ဢဝ်​တင်း​ၵႂၢမ်း​တၢင်ႇ​ၸိူဝ်ႉ​တၢင်ႇ​ဢၼ်​ၼမ်​ၼႃႇ ၶၢမ်ႇ​သၢၵ်ႈ​သေႇ​လႄႈ​တိုၵ်း​ယူင်း​ၶဝ်​ၼၼ်ႉ​လႄႈ​ဝႃႈ၊ ၵႄႇ​ၶျွတ်ႈ​ဢဝ်​တူဝ်​ၸဝ်ႈ​ၵဝ်ႇ​သေ​ၵႃႈ​တီႈ​ၼႂ်း​ၵူၼ်း​မဵဝ်း​ဢၼ်​ၸႂ်​ၵူတ်ႉ​ၸႂ်​ငေႃး​ၼႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">ၶဝ်​ၸိူဝ်း​ဢၼ် ဢဝ်​ၵႂၢမ်း​ၼၼ်ႉ​သႂ်ႇ​ၸႂ်​လီ​လီ​ငၢမ်း​ငၢမ်း​ၼၼ်ႉ ၶၢမ်ႇ​ ပပ်ႉတီႉၸမ်ႇ ​လႄႈ ၼႂ်း​ဝၼ်း​ၼၼ်ႉ​ၼပ်ႉ​ဢၢၼ်ႇ​ၵူၼ်း​ဢၼ်​ၶဝ်ႈ​မီး​သေ​သၢမ်​ႁဵင်​ၼိုင်ႈ​ၸမ်​ၸမ်​ဢေႃႈ။-</verse>
				<verse number="42">ၶဝ်​ၼၼ်ႉ​ၶၢမ်ႇ​ဢဝ် တၢင်း​ဢၼ်​တမၢၼ်ႇ​ၸဝ်ႈ​သင်ႇ​သွၼ်​ပၼ်၊ တၢင်း​ဢၼ်​ႁဵတ်း​မုၵ်ႉ​ႁဵတ်း​ၸိူဝ်း၊ တၢင်း​ဢၼ်​ဝိတ်း​ၶဝ်ႈ​မုၼ်း၊ တၢင်း​ဢၼ်​ႁဵတ်း​ပထၼႃႇ​ၸိူဝ်း​ၼၼ်ႉ​သေ​လႄႈ ယူႇ​သေႇ​သေႇ​ဢေႃႈ။</verse>
				<verse number="43">ၶဝ်​ၼၼ်ႉ ၵူႈ​ၵေႃႉ​ၵူႈ​ၵူၼ်း မီး​တၢင်း​ဢၼ်​ၵူဝ်​ႁႄ​ၼႃႇ​လူင်​လၢင်​လႄႈ တမၢၼ်ႇ​ၸဝ်ႈ​ၸိူဝ်း​ၼၼ်ႉ​ၼႄ​ပျႃး​လွင်ႈ​တၢင်း​ဢၼ်​လီ​ဢၢမ်း ဢိၵ်ႇ​တင်း​ၼီႉမိၵ်ႈ​လၢၵ်ႈၶၼႃႇ​ၼမ်​ၼႃႇ​ဢေႃႈ။-</verse>
				<verse number="44">ၶဝ်​ၸိူဝ်း​ဢၼ်​ယုမ်ႇ​မၢတ်ႈ​တင်း​သဵင်ႈ​တင်း​လူင်​ၼၼ်ႉ ႁဵတ်း​မုၵ်ႉ​ႁဵတ်း​ၸုမ်း​တီႈ​လဵဝ်​ၵၼ်​သေ​လႄႈ သိူၵ်ႈ​သမ်ႇ​ႁူမ်ႈ​ၵၼ် ၸၢႆႇ​ၵိၼ်​ၵႃႈ​ဢၼ်​တူဝ်​ၸဝ်ႈ​ၵဝ်ႇ​မီး​ၼၼ်ႉ​ဢေႃႈ။-</verse>
				<verse number="45">ၶဝ်​ၼၼ်ႉ ၶၢႆ​ဢုၵ်ႉ​ၸႃႇ​ၶူဝ်း​လဵင်း​ဢၼ်​တူဝ်​ၸဝ်ႈ​ၵဝ်ႇ​ပိူင်ႇ​ၼၼ်ႉ​သေ​ယဝ်ႉ၊ ၽႄ​မႅင်ႇ​ပၼ်​တီႈ​ၶဝ်​တင်း​သဵင်ႈ​တင်း​လူင် ၸွမ်း​ၵႃႈ​ၼင်ႇ​ၵႃႈ​ဢၼ်​ၶဝ်​လူဝ်ႇ​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။-</verse>
				<verse number="46">ၶဝ်​ၼၼ်ႉ​ယူႇ​ႁူမ်ႈ​ၵၼ်​ၼႂ်း​ပိၵ်ႈ​မၢၼ်ႇ​ၸဝ်ႈ​ၵူႈ​မိုဝ်ႉ​ၵူႈ​ဝၼ်း​ယူႇ ဝိတ်း​ၶဝ်ႈ​မုၼ်း​ၵႃႈ​တီႈ​ႁိူၼ်း​ယူႇ၊ မီး​တင်း​ႁူဝ်​ၸႂ်​ဢၼ်​ၶၢဝ်​သႂ် တင်း​ၸႂ်​ဢၼ်​ၸူမ်း​သိူဝ်း​မူၼ်ႈ​ပျေႃႇ​လႄႈ ၵိၼ်​တၢင်း​ၵိၼ်​တၢင်း​ၶူပ်း​ၶဝ်​ယူႇ၊-</verse>
				<verse number="47">ယွင်ႈ​ယေႃး​ၽြႃး​ပဵၼ်​ၸဝ်ႈ​ယူႇ​သေ​လႄႈ လႆႈ​ၼႃႈ​လႆႈ​တႃ​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင်​ဢေႃႈ။ ၶဝ်​ၸိူဝ်း​ဢၼ်​ယင်း​တိုၵ်ႉ​ႁွတ်ႈ​ထိုင် တၢင်း​ဢၼ်​ၵႄႇ​ၶျွတ်ႈ​ယူႇ​ၼၼ်ႉ​ၵေႃႈ ဢမ်ႇ​လွတ်ႈ​သေ​မိုဝ်ႉ​သေ​ဝၼ်း ၽြႃး​ပဵၼ်​ၸဝ်ႈ​ႁႂ်ႈ​ၶဝ်ႈ​ၼႂ်း​ၸိူဝ်း​ၸဝ်ႈ​ဢေႃႈ။</verse>
			</chapter>
			<chapter number="3">
				<verse number="1">ၼႂ်း​ၶိင်ႇ​ၼႃႇရီႇ ဢၼ်​ႁဵတ်း​သူး​တွင်း​ပထၼႃႇ ဢၼ်​ပဵၼ်​ၵဝ်ႈ​ၼႃႇရီႇ​ၼၼ်ႉ၊​ ပေႇတရူႉ ​တင်း ယူဝ်းႁၢၼ်ႇ ၵႂႃႇ​ၶိုၼ်ႈ​ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ​လႄႈ၊-</verse>
				<verse number="2">ပိူၼ်ႈ​ႁၢမ်​ဢဝ်​ၵူၼ်း​ဢၼ်​တိၼ်​တၢႆ​ၸဵမ်​မိူဝ်ႈ​ၼႂ်း​တွင်ႉ​မႄႈ​ၼၼ်ႉ​ၵေႃႉ​ၼိုင်ႈ​မႃး​ဢေႃႈ။ ၶဝ်​ဢဝ်​မၼ်း​ဝႆႉ​ၵႃႈ​တီႈ​ႁိမ်း​ၽၵ်း​တူ​ဢၼ်​လႆႈ​ၸိုဝ်ႈ​ႁၢင်ႈ​လီ​ၼၼ်ႉ​ၵူႈ​ဝၼ်း၊ ႁႂ်ႈ​မၼ်း​လႆႈ​ယွၼ်း​ၶၢမ်ႇ​ဢဝ်​တၢင်း​ဢၼ်​ၽႄ​ၸွၼ်း​ယိုၼ်ႈ​မႅင်ႇ ၵႃႈ​တီႈ​ၵူၼ်း​ဢၼ်​ၶိုၼ်ႈ​ပိၵ်ႈ​မၢၼ်ႇ​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="3">မၼ်း​ၼၼ်ႉ မိူဝ်ႈ​ဢၼ်​ႁၼ်​ ပေႇတရူႉ တင်း ယူဝ်းႁၢၼ်ႇ ၸမ်​တၵ်း​ၶဝ်ႈ​ၵႂႃႇ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​ၸိုင်၊ ယွၼ်း​လႄႈ​ဝႃႈ၊ ၽႄ​ၸွၼ်း​ယိုၼ်ႈ​မႅင်ႇ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မိူဝ်ႈ​ၼၼ်ႉ​ ပေႇတရူႉ ​တင်း ယူဝ်းႁၢၼ်ႇ ယႅၵ်ႉ​တူၺ်း​မၼ်း​ၼၼ်ႉ​ၸေး​ၸေး​သေ​လႄႈ​လၢတ်ႈ​ဝႃႈ၊ ႁႅၼ်​တူၺ်း​ႁဝ်း​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="5">မၼ်း​ၼၼ်ႉ​မီး​တင်း​ၸႂ်​ဢၼ်​ထၢင်ႇ​ဝႃႈ တၵ်း​လႆႈ​သေ​ၸိူဝ်ႉ​သေ​ပိူင်၊ ဝႃႈ​ၼင်ႇ​ၼႆ​လႄႈ ႁႅၼ်​တူၺ်း​တမၢၼ်ႇ​ၸဝ်ႈ​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="6">ပေႇတရူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဢမ်ႇ​မီး​ငိုၼ်း​မီး​ၶမ်း၊ ဢၼ်​ၵဝ်​မီး​ၸိုင်​ၵဝ်​တၵ်း​ပၼ်​တီႈ​မႂ်း​ဢေႃႈ။ ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ ယေႇသူႉ​ၶရိၸ်ႈ ၵူၼ်း​ဝဵင်း​ ၼႃႇၸရႅတ်ႈ ​ၼၼ်ႉ​သေ​လႄႈ လုၵ်ႉ​ပႆ​တၢင်း​ၵႂႃႇ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ယိပ်း​ဢဝ်​မိုဝ်း​ၶွၼ်​ၶႂႃ​မၼ်း​ယုၵ်ႉ​ၶိုၼ်ႈ​လႄႈ တိၼ်​တင်း​တႃ​တိၼ်​မၼ်း​သွင်​ၶွၼ်​လႆႈ​ႁႅင်း​မႃး​ၵမ်း​လဵဝ်​ဢေႃႈ။-</verse>
				<verse number="8">မၼ်း​ၸင်ႇ​ၽုတ်း​လုၵ်ႉ​သေ​ယဝ်ႉ၊ ပႆ​တၢင်း​ၵႂႃႇ​လႄႈ​ၵႂႃႇ​ယူႇ၊ ၵျွၵ်း​ဝႅၼ်​ယူႇ၊ ယွင်ႈ​ယေႃး​ၽြႃး​ပဵၼ်​ၸဝ်ႈ​ယူႇ​သေ​လႄႈ ၶဝ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​လူၺ်ႈ​ၵၼ်​တင်း​ၶဝ်​ၼၼ်ႉ​ယူႇ​ဢေႃႈ။-</verse>
				<verse number="9">မိူဝ်ႈ​ဢၼ်​ၵူၼ်း​တင်း​သဵင်ႈ​တင်း​လူင် ႁၼ်​မၼ်း​ပႆ​တၢင်း​လႄႈ ယွင်ႈ​ယေႃး​ၽြႃး​ပဵၼ်​ၸဝ်ႈ​ယူႇ​ၼၼ်ႉ​ၸိုင်၊-</verse>
				<verse number="10">ပိူဝ်ႈ​ဢၼ်​ၶဝ်​ႁူႉ​လွင်ႈ​ဢၼ်​မၼ်း​ပဵၼ်​ၵေႃႉ​ဢၼ်​ၼင်ႈ​ယူႇ​ၵႃႈ​တီႈ​ႁိမ်း​ၽၵ်း​တူ​ပိၵ်ႈ​မၢၼ်ႇ​ၸဝ်ႈ​ဢၼ်​ႁၢင်ႈ​လီ​ၼၼ်ႉ​သေ​လႄႈ ၶၢမ်ႇ​ဢဝ်​တၢင်း​ဢၼ်​ပိူၼ်ႈ​ၽႄ​ၸွၼ်း​ယိုၼ်ႈ​မႅင်ႇ​ၼၼ်ႉ​ယူႇ​လႄႈ ၶဝ်​ဢွၼ်​ၵၼ်​ဢၢမ်း​ၼႃႇ​လူင်​လၢင် ၵႂင်​ၸႂ်​ယုင်ႈ​ၸႂ် လူၺ်ႈ​လွင်ႈ​တၢင်း​ဢၼ်​ပဵၼ်​မႃး​ၵႃႈ​တီႈ​မၼ်း​ၼၼ်ႉ​ဢေႃႈ။</verse>
				<verse number="11">ၼႂ်း​မိူဝ်ႈ​ဢၼ်​မၼ်း​ၼၼ်ႉ ယိပ်း​ၵမ်​ၸပ်း​ၸွမ်း​ ပေႇတရူႉ ​တင်း ယူဝ်းႁၢၼ်ႇ ​ယူႇ​ၼၼ်ႉ​ၸိုင်၊ ၵူၼ်း​တင်း​သဵင်ႈ​တင်း​လူင် ဢၢမ်း​ၼႃႇ​လူင်​လၢင်​လႄႈ ၶုၼ်ႇ​လႅၼ်ႈ​ၵႂႃႇ​ၶဝ်ႈ​ၸူး​ၵႃႈ​တီႈ​ၸၢၼ်း​ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ ၸၢၼ်း​ သေႃးလမုၼ်ႇ ​ၼၼ်ႉ​ဢေႃႈ။</verse>
				<verse number="12">ပေႇတရူႉ ​ၼၼ်ႉ​ႁၼ်​သေ​ယဝ်ႉ၊ ၶိုၼ်း​လၢတ်ႈ​တီႈ​ၵူၼ်း​ၸိူဝ်း​ၼၼ်ႉ​လႄႈ​ဝႃႈ၊ ၵူၼ်း​ ဢီႉသရေႇလႃႉ ​ၶဝ်​ဢိူၺ်း၊ ႁဵတ်း​သင်​လႄႈ​သူ​ဢၢမ်း​လွင်ႈ​ၵူၼ်း​ၼႆႉ​ၼင်ႇ​ႁိုဝ်။ ႁဵတ်း​သင်​လႄႈ သူ​ယႅၵ်ႉ​တူၺ်း​ႁဝ်း​ၸေး​ၸေး​ၸွတ်ႇ​ၸွတ်ႇ​ယူႇ မိူၼ်​ႁၢင်ႈ​ၸိူဝ်ႉ​ၼင်ႇ​ဢၼ်​ႁဝ်း​ဢဝ်​တင်း​တၼ်း​ၶူဝ်း​တူဝ်​ၸဝ်ႈ​ၵဝ်ႇ ဢိၵ်ႇ​တင်း​သီႇ​လႃႉ​တူဝ်​ၸဝ်ႈ​ၵဝ်ႇ​သေ​လႄႈ ႁႂ်ႈ​ၵေႃႉ​ၼႆႉ​ပႆ​တၢင်း​ၵႂႃႇ​လႆႈ​ၼၼ်ႉ​ၼင်ႇ​ႁိုဝ်။-</verse>
				<verse number="13">ၽြႃး​ပဵၼ်​ၸဝ်ႈ​ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၶဝ်၊ ၽြႃး​ပဵၼ်​ၸဝ်ႈ​ၸူဝ်ႈ​ပူႇ​ပၢၼ်​ပေႃႈ​ႁဝ်း​ၼၼ်ႉ ႁႂ်ႈ​မုၼ်​ၽုင်း​လုၵ်ႈ​မၼ်း​ၸဝ်ႈ ဢၼ်​သူ​ဢဝ်​ဢၢပ်ႈ​ပၼ်​ၼႂ်း​မိုဝ်း​ၶုၼ်​ ပီႉလတ်ႉ ​လႄႈ ၶုၼ်​ၼၼ်ႉ ဢၢင်ႈ​တၵ်း​ပွႆႇ​လွတ်ႈ​သေ​ၵေႃႈ သူ​ပႄႇ​ပႅတ်ႈ​သေ​ၼၼ်ႉ​ထၢင်ႇ​သႃး​မႃး​ယဝ်ႉ။-</verse>
				<verse number="14">သူ​ပႄႇ​ပႅတ်ႈ​ၸဝ်ႈ​ဢၼ်​မူတ်း​ၸၢင်ႇ​သိုဝ်ႈ​တေႃႇ​ၼၼ်ႉ​သေ​လႄႈ ယွၼ်း​ဢဝ်​ႁႂ်ႈ​လႆႈ​ၵူၼ်း​ၵေႃႉ​ၼိုင်ႈ​ဢၼ်​ဢဝ်​ဢသၢၵ်ႈ​ပိူၼ်ႈ​တၢႆ​ၼၼ်ႉ​သေ​ယဝ်ႉ၊-</verse>
				<verse number="15">ဢဝ်​ၸဝ်ႈ​ဢၼ် ဢဝ်​သူင်ႇ​ၵႃႈ​တီႈ​တၢင်း​ဢၼ်​ဢသၢၵ်ႈ​လိပ်း​ၼၼ်ႉ​တၢႆ​ယဝ်ႉ​လူင်​ပႄႇ။ လွင်ႈ​ဢၼ်​ၽြႃး​ပဵၼ်​ၸဝ်ႈ​ႁႂ်ႈ​ၸဝ်ႈ​ၼၼ်ႉ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ၸိုင်၊ ႁဝ်း​ၼႆႉ ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​ဢေႃႈ။-</verse>
				<verse number="16">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ​လႄႈ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ ပၼ်​ႁႅင်း​တီႈ​ၵေႃႉ​ဢၼ်​သူ​ႁူႉ​သူ​ႁၼ်​ၼႆႉ​ယဝ်ႉ။ တၢင်း​ဢၼ်​ယုမ်ႇ​မၢတ်ႈ​ဢၼ်​လႆႈ ၵွပ်ႈ​ပိူဝ်ႈ​မၼ်း​ၸဝ်ႈ​ၼၼ်ႉ ပၼ်​ႁႂ်ႈ​ၵေႃႉ​ၼႆႉ​ၸေး​ၸုမ်ႇ​သိုဝ်ႈ​ၼႃႈ​တႂ်ႈ​တႃ​သူ​တင်း​သဵင်ႈ​တင်း​လူင်​ယဝ်ႉ။</verse>
				<verse number="17">တေႃႈ​လဵဝ်​ၼႆႉ​ၵေႃႈ​ပီႈ​ၼွင်ႉ​ၶဝ်​ဢိူၺ်း၊ လွင်ႈ​ဢၼ်​ၸႃႉ​ၸဵမ်​သူ​ဢိၵ်ႇ​တင်း ၶဝ်​ၸိူဝ်း​ဢၼ်​ဢုပ်ႉ​ပိူင်ႇ​သူ​ၼၼ်ႉ ဢမ်ႇ​ႁူႉ​လႄႈ​ၸင်ႇ​လႆႈ​ႁဵတ်း​ၼၼ်ႉ​ၸိုင်​ၵဝ်​ႁူႉ​ယူႇ​ဢေႃႈ။-</verse>
				<verse number="18">လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ ဢဝ်​တင်း​သူပ်း​ပရေႃးၽႅတ်ႈ​တင်း​သဵင်ႈ​တင်း​လူင် ၽုၺ်ႇ​ဢွၵ်ႇ​ၼႄ​ပျႃး လွင်ႈ​ဢၼ်​ၸဝ်ႈ​ၶရိၸ်ႈ​တၵ်း​လႆႈ​ၶၢမ်ႇ​တၢင်း​တၢႆ​ၸိူဝ်း​ၼၼ်ႉ​ဝႆႉ​ဢွၼ်​တၢင်း​ၼၼ်ႉ​ၸိုင်၊ မၼ်း​ၸဝ်ႈ​ႁႂ်ႈ​ပျေႉ​ၸုမ်ႇ​ယဝ်ႉ​တူဝ်ႈ​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="19">ပိူဝ်ႈ​ၼႆ​လႄႈ ၼင်ႇ​ႁိုဝ်​ၶိင်ႇ​ၵႃႇလႃႉ​ဢၼ်​ၵတ်း​ယဵၼ်​ၶျၢမ်း​သႃႇ​တၵ်း​လုၵ်ႉ​သေ​ၵႃႈ​တီႈ​ထႃႇဝရႃႉ​ၽြႃး​ႁွတ်ႈ​မႃး​လႄႈ၊-</verse>
				<verse number="20">မၼ်း​ၸဝ်ႈ​တၵ်း​ပွႆႇ​ၸႂ်ႉ​ၸဝ်ႈ​ၶရိၸ်ႈ ဢၼ်​မၼ်း​ၸဝ်ႈ​ၶၢၼ်း​ဝႆႉ​ပုၼ်ႈ​သူ ဢၼ်​ဝႃႈ ယေႇသူႉ ​ၼၼ်ႉ​မႃး​ၸိုင်၊ ပုၼ်ႈ​လွင်ႈ​ၼင်ႇ​ႁိုဝ် ဢပႅတ်ႈ​သူ​တင်း​သဵင်ႈ​တင်း​လူင်​တၵ်း​ပေႇ​ၼၼ်ႉ၊ ၶုၵ်း​ၸႂ်​လႆႈ​မႆႈ​ၸႂ်​လႄႈ ၶၢႆႉ​ပုတ်ႈ​ႁူဝ်​ၸႂ်​သူ​သေ​တႃႉ။-</verse>
				<verse number="21">ၸဝ်ႈ​ၶရိၸ်ႈ​ၼၼ်ႉ​ၸိုင်၊ ၸူဝ်ႈ​ဢၼ်​ၵၢပ်ႈ​ၶိင်ႇ​ၵႃႇလႃႉ​ဢၼ်​တၵ်း​ဢဝ်​လွင်ႈ​တၢင်း​တင်း​သဵင်ႈ​တင်း​လူင်​မႄး​ႁဵတ်း​ဢၼ်​မႂ်ႇ ဢၼ်​ၽြႃး​ပဵၼ်​ၸဝ်ႈ​ဢဝ်​တင်း​သူပ်း​ပရေႃးၽႅတ်ႈ​ဢၼ်​မူတ်း​ၸၢင်ႇ ဢၼ်​ပဵၼ်​မႃး​ၸႃႉ​ၸဵမ်​ၵမ်ႇ​ၽႃႇ​ၸႃႉ​တႄႇ​ၸိူဝ်း​ၼၼ်ႉ ဝႆႉ​ပျႃႇ​တိၵ်ႈ​ၼၼ်ႉ​ဢမ်ႇ​ပႆႇ​ႁွတ်ႈ​မႃး​ၼၼ်ႉ​ၸိုင်၊ မိူင်း​ၵၢင်​ႁၢဝ်​ၸဝ်ႈ တၵ်း​လႆႈ​ၶၢမ်ႇ​ဢဝ်​သိမ်း​ဝႆႉ​ဢေႃႈ။-</verse>
				<verse number="22">မူဝ်းသေႇ ​လၢတ်ႈ​ဝႆႉ​လႄႈ​ဝႃႈ၊ ၽြႃး​ပဵၼ်​ၸဝ်ႈ​သူ၊ ထႃႇဝရႃႉ​ၽြႃး တၵ်း​ႁႂ်ႈ​ပရေႃးၽႅတ်ႈ​ဢၼ်​မိူၼ်​ၸိူဝ်ႉ​ၼင်ႇ​ၵဝ်​ၵေႃႉ​ၼိုင်ႈ ပေႃႇ​ဢွၵ်ႇ​မႃး​ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​သူ​ပုၼ်ႈ​သူ​ဢေႃႈ။ လွင်ႈ​တၢင်း​ဢၼ်​မၼ်း​ၼၼ်ႉ​ႁေႃး​လၢတ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင်၊ သူ​တၵ်း​လႆႈ​ထွမ်ႇ​ဢဝ်​ဢေႃႈ။-</verse>
				<verse number="23">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ထွမ်ႇ​ဢဝ်​ၵႂၢမ်း​ပရေႃးၽႅတ်ႈ​ၼၼ်ႉ​ၸိုင်၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​သေ ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​တူဝ်​ၸဝ်ႈ​ၵဝ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၸႃႉ​ၸဵမ်​ပရေႃးၽႅတ်ႈ​ သမူၺ်ႇလႃႉ ​လႄႈ ပရေႃးၽႅတ်ႈ​ဢၼ်​ႁေႃး​လၢတ်ႈ​ၵမ်း​လိုၼ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ မွၵ်ႇ​လၢတ်ႈ​ၼႄ​ပျႃး ၶိင်ႇ​ၵႃႇလႃႉ​ဝၼ်း​ၼႆႉ​ဝႆႉ​ယဝ်ႉ။</verse>
				<verse number="25">သူ​ပဵၼ်​ၸိူဝ်ႉ​ၶိူဝ်း​ပရေႃးၽႅတ်ႈ​ဢေႃႈ၊ သူ​ၸၢပ်ႈ​သႅင်ႇ​ၵၼ်​တင်း ပတီႉၺိၺ်ႇ​တြႃး​ဢၼ်​ၽြႃး​ပဵၼ်​ၸဝ်ႈ​ပၼ်​တီႈ​ပူႇ​ပေႃႈ​ႁဝ်း​ၼၼ်ႉ​လႄႈ ဝႆႉ​ပျႃႇ​တိၵ်ႈ ၵႃႈ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊ ၵႃႈ​ၼႂ်း​ၸိူဝ်ႉ​ၶိူဝ်း​မႂ်း​ၼႆႉ၊ မဵဝ်း​ၵူၼ်း​တင်း​သဵင်ႈ​တင်း​လူင်​တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="26">ၽြႃး​ပဵၼ်​ၸဝ်ႈ ႁႂ်ႈ​ ယေႇသူႉ လုၵ်ႈ​မၼ်း​ၸဝ်ႈ​ပေႃႇ​မႃး​သေ​ယဝ်ႉ၊ ပွႆႇ​ၸႂ်ႉ​မၼ်း​ၸဝ်ႈ​မႃး​ၵႃႈ​တီႈ​သူ​ဢွၼ်​တၢင်း​ႁႂ်ႈ​မၼ်း​ၸဝ်ႈ​လႆႈ​ပၼ် တၢင်း​လီ​မင်ႇၵလႃႇ​တီႈ​သူ ၼႂ်း​လွင်ႈ​တၢင်း​ဢၼ် တၵ်း​ႁႂ်ႈ​သူ​ၵူႈ​ၵေႃႉ​ၵူႈ​ၵူၼ်း​ဝႄႈ​ပႅတ်ႈ​ဢပႅတ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="4">
				<verse number="1">ၼႂ်း​မိူဝ်ႈ​ဢၼ် ၶဝ်​ႁေႃး​လၢတ်ႈ​တီႈ​ၵူၼ်း​တင်း​လၢႆ​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ ၸႃႉ​ၸဵမ်​ၵႄႇ​ပိၵ်ႈ​မၢၼ်ႇ​လႄႈ ယိတ်ႈပရေႃးႁဵၵ်ႈ ဢိၵ်ႇ​တင်း​ ၸတ်ႉတူႉၵႄး ​တင်း​လၢႆ​မႃး​လႄႈ၊-</verse>
				<verse number="2">ယၢပ်ႇ​ၸႂ်​မႆႈ​ၸႂ် ၵွပ်ႈ​ပိူဝ်ႈ​ဢၼ်​ၶဝ်​သင်ႇ​သွၼ်​သုင်း​မႃႉ​ပၼ် တီႈ​ၵူၼ်း​တင်း​လၢႆ​လႄႈ ဢဝ်​လွင်ႈ​ ယေႇသူႉ ​ႁေႃး​လၢတ်ႈ​တြႃး​တၢင်း​ဢၼ်​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ယူႇ​ၼၼ်ႉ​လႄႈ၊-</verse>
				<verse number="3">တီႉ​ဢဝ်​ၶဝ်​သေ​ယဝ်ႉ၊ ပိူဝ်ႈ​ဢၼ်​ပဵၼ်​ၶိင်ႇ​ၵၢင်​ၶိုၼ်း​လႄႈ ၶင်​ဝႆႉ​ၵႃႈ​ၼႂ်း​ထွင်ႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၽုၵ်ႈ​ဢေႃႈ။</verse>
				<verse number="4">ၼႂ်း​ၶဝ်​ၸိူဝ်း​ဢၼ်​ထွမ်ႇ​ဢၼ်​ငိၼ်း​တြႃး​ၼၼ်ႉ ၵူၼ်း​ၼမ်​ၼႃႇ​ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​လႄႈ ၼပ်ႉ​ဢၢၼ်ႇ​မီး​ၵူၼ်း​သေ​ႁႃႈ​ႁဵင်​ၼိုင်ႈ​ၸမ်​ၸမ်​ဢေႃႈ။-</verse>
				<verse number="5">မိူဝ်ႈ​ဢၼ်​ႁွတ်ႈ​ထိုင်​ဝၼ်း​မိူဝ်ႈ​ၽုၵ်ႈ​ၼၼ်ႉ​ၸိုင်၊ ၶုၼ်​ဢရႃႇသီႉ​ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်၊ ၵူၼ်း​ထုတ်ႇ​ၵျၢမ်း​တင်း​လၢႆ၊-</verse>
				<verse number="6">ၸႃႉ​ၸဵမ်​ၶုၼ်​ယိတ်ႈပရေႃးႁဵၵ်ႈ ဢၼ်ႇၼၢတ်ႉ ​လႄႈ​ ၵႃႇယၽႃႉ၊ ယူဝ်းႁၢၼ်ႇ၊ ဢႃႇလေႇၸၼ်ႇတရူႉ ဢိၵ်ႇ​တင်း ၸိူဝ်ႉ​ၶိူဝ်း​ၶုၼ်​ယိတ်ႈပရေႃးႁဵၵ်ႈ​ၵႃႈ​မီး​ၼၼ်ႉ ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ယဝ်ႉ၊-</verse>
				<verse number="7">ဢဝ်​ၶဝ်​ၼၼ်ႉ​ဝႆႉ​ၵႃႈ​တီႈ​ၼႂ်း​ၵၢင်​သေ​လႄႈ​ထၢမ်​ဝႃႈ၊ သူ​ၼႆႉ​ဢဝ်​တင်း​တၼ်း​ၶူဝ်း​ၸိူဝ်ႉ​ၼင်ႇ​ႁိုဝ်။ ဢဝ်​တင်း​ၼႃႇ​မႃႉ​ၸိုဝ်ႈ​သဵင်​ၽူႈ​လႂ်​သေ​လႄႈ​ႁဵတ်း​လွင်ႈ​တၢင်း​ၼႆႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">မိူဝ်ႈ​ၼၼ်ႉ ပေႇတရူႉ ​တဵမ်​ဝႆႉ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ယူႇ​သေ​လႄႈ လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၶုၼ်​ဢၼ်​ဢုပ်ႉ​ပိူင်ႇ​ၵူၼ်း​တင်း​လၢႆ ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၶဝ်​ဢိူၺ်း၊-</verse>
				<verse number="9">ပေႃး​ႁဝ်း​ၶႃႈ​လႆႈ​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​ၸႅတ်ႈ​တူၺ်း လူၺ်ႈ​လွင်ႈ​ဢၼ်​ႁဵတ်း​ၵျေး​ၸူး တီႈ​ၵေႃႉ​ဢၼ်​လၢၵ်ႈၶၼႃႇ​ဢၢင်ႇ​ၵႃႇ​လူႉ​လႄႈ မၼ်း​ၼၼ်ႉ​ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ ဝၼ်း​မိူဝ်ႈ​ၼႆႉ​ၸိုင်၊-</verse>
				<verse number="10">ႁႂ်ႈ​ၸႃႉ​ၸဵမ်​သူ​လႄႈ ၵူၼ်း​ ဢီႉသရေႇလႃႉ ​တင်း​သဵင်ႈ​တင်း​လူင် မၢတ်ႈ​တွင်း​ဝႆႉ​လွင်ႈ​ဢၼ်​ဢိင်​ၼႃႇ​မႃႉ​ၸိုဝ်ႈ​သဵင်​ ယေႇသူႉ​ၶရိၸ်ႈ ၵူၼ်း​ဝဵင်း​ ၼႃႇၸရႅတ်ႈ ဢၼ်​သူ​ဢဝ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ ဢၼ်​ၽြႃး​ပဵၼ်​ၸဝ်ႈ​ႁႂ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​လႄႈ ၵူၼ်း​ၵေႃႉ​ၼႆႉ​ၸင်ႇ​ၶႅၼ်း​မႃး​သိုဝ်ႈ​ၼႃႈ​တႂ်ႈ​တႃ​သူ​ၼႆႉ​ၼၼ်ႉ​သေ​ၵမ်း​တႃႉ။-</verse>
				<verse number="11">ၸဝ်ႈ​ၼၼ်ႉ​ၸမ်ႉ၊ ပဵၼ်​မၢၵ်ႇ​ႁိၼ်​ဢၼ်​သူ​ၸိူဝ်း​ဢၼ်​ႁဵတ်း​တိူၵ်ႈ​ပႅတ်ႈ​ဝႆႉ​လႄႈ ၵမ်း​လိုၼ်း​ပဵၼ်​ႁူဝ်​ၸဵင်ႇ​တိူၵ်ႈ​ဢေႃႈ။-</verse>
				<verse number="12">လိူဝ်​သေ​ၸဝ်ႈ​ၼၼ်ႉ ၽူႈ​လႂ်​ဢမ်ႇ​တၢတ်ႈ​ၼိူင်ႇ​တၢင်း​ဢၼ်​ၵႄႇ​ၶျွတ်ႈ​ဢဝ်​လႆႈ။ လိူဝ်​သေ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၼၼ်ႉ၊ ဢမ်ႇ​မီး​ၼႃႇ​မႃႉ​ၸိုဝ်ႈ​သဵင်​သေ​ၸိူဝ်ႉ​သေ​ပိူင်​ဢၼ်​ၵႄႇ​ၶျွတ်ႈ​ဢဝ်​ႁဝ်း​လႆႈ ဢၼ်​ပေႃႇ​မႃး​ၵႃႈ​ၼႂ်း​ၵူၼ်း​တင်း​လၢႆ​တႂ်ႈ​လုမ်ႈ​ၽႃႉ​ၵၢင်​ႁၢဝ်​ၼႆႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ၶဝ်​ၼၼ်ႉ မိူဝ်ႈ​ဢၼ်​ႁၼ်​တၢင်း​ဢၼ်​ႁတ်း​ဢၼ်​ႁၢၼ်​ ပေႇတရူႉ တင်း​ ယူဝ်းႁၢၼ်ႇ ​လႄႈ ႁူႉ​လွင်ႈ​ဢၼ်​ပဵၼ်​ၵူၼ်း​ဢမ်ႇ​ပေႃး​မေႃ​လိၵ်ႈ​တႄႉ​တႄႉ​ဝႃႈ​ဝႃႈ၊ ပဵၼ်​ၵူၼ်း​ပၢၼ်​ၵၢင်​ၵူၺ်း​ၼၼ်ႉ​ၸိုင်၊ ဢၢမ်း​ယူႇ​သေ​လႄႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​သွင်​ၶႃ​ၼၼ်ႉ ယၢမ်ႈ​လႆႈ​မီး​ယူႇ​လူၺ်ႈ​ၵၼ်​တင်း​ ယေႇသူႉ ​ယဝ်ႉ​ၼၼ်ႉ​ဢေႃႈ။-</verse>
				<verse number="14">မိူဝ်ႈ​ဢၼ်​ၶဝ်​ႁၼ် ၵေႃႉ​ဢၼ်​ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ်​ၼၼ်ႉ ၸုၵ်း​ယူႇ​လူၺ်ႈ​ၵၼ်​တင်း​သွင်​ၶႃ​ၼၼ်ႉ​ၸိုင်၊ တီႈ​ဢၼ်​တၵ်း​တွပ်ႇ​ထဵင်​လၢတ်ႈ​ဝႃႈ ဢမ်ႇ​ထူပ်း​ဢမ်ႇ​မီး။-</verse>
				<verse number="15">ၶဝ်​ႁႂ်ႈ​သွင်​ၶႃ​ၼၼ်ႉ​ဢွၵ်ႇ​သေ​ၵႃႈ​ၼႂ်း​လုမ်း​လူင်​ၵႂႃႇ​သေ​ယဝ်ႉ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တိူင်ႇ​ပၢင်ႇ​လၢတ်ႈ​ၸႃ​ၵၼ်​လႄႈ​ဝႃႈ၊-</verse>
				<verse number="16">ႁဝ်း​တၵ်း​လႆႈ​ႁဵတ်း​တီႈ​ၶဝ်​ၼၼ်ႉ​ၸိူဝ်ႉ​ၼင်ႇ​ႁိုဝ်။ လွင်ႈ​ဢၼ်​ၶဝ်​လႆႈ​ႁဵတ်း​ၼီႉမိၵ်ႈ​လၢၵ်ႈၶၼႃႇ​ဢၼ်​ႁူင်​ႁၢင်း​ၼၼ်ႉ​ၸိုင် ထၢင်ႇ​သႃး​ၵႃႈ​တီႈ​ၵူၼ်း​ဢၼ်​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ တင်း​သဵင်ႈ​တင်း​လူင်​ယဝ်ႉ​ဢေႃႈ၊ ႁဝ်း​ၵေႃႈ​ဢမ်ႇ​တွပ်ႇ​ဢမ်ႇ​ထဵင်​လႆႈ။-</verse>
				<verse number="17">ၼႂ်း​ဝႃႈ​ၼၼ်​သေ​ၵေႃႈ လွင်ႈ​ၼင်ႇ​ႁိုဝ်​တၵ်း​ဢမ်ႇ​လႆႈ​ယဵင်ႈ​ၶႅၼ်း​ၸွတ်ႇ​တူဝ်ႈ​ၵႂႃႇ​ၵႃႈ​ၼႂ်း​ၵူၼ်း​တင်း​လၢႆ​ၸိုင်၊ လွၵ်ႇ​ဝႃႈ​တီႈ​ၶဝ်​ၼႃႇ​ၼႃႇ ၵမ်း​လိုၼ်း​ယႃႇ​ပေ​ႁႂ်ႈ​ၶဝ်​လႆႈ​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၼၼ်ႉ​သေ​လႄႈ ႁေႃး​လၢတ်ႈ​တီႈ​ၽူႈ​လႂ်​တႃႉ​ႁဝ်း၊ ဝႃႈ​ၼင်ႇ​ၼႆ​ယဝ်ႉ၊-</verse>
				<verse number="18">ၸင်ႇ​ႁွင်ႉ​ၶဝ်​မႃး​လႄႈ​မီး​ဢမိင်ႉ​ဝႃႈ၊ သူ​ဢမ်ႇ​လႆႈ​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ ယေႇသူႉ ​ၼၼ်ႉ​သေ​လႄႈ သင်ႇ​သွၼ်​ႁေႃး​လၢတ်ႈ​သေ​ဢိတ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ပေႇတရူႉ ​တင်း​ ယူဝ်းႁၢၼ်ႇ ​ၼၼ်ႉ​ၵေႃႈ ၶိုၼ်း​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ လွင်ႈ​ဢၼ်​တၵ်း​လႆႈ​ထွမ်ႇ​ဢဝ်​ၵႂၢမ်း​သူ​ၼႃႇ​သေ ၵႂၢမ်း​ၽြႃး​ပဵၼ်​ၸဝ်ႈ​ၼၼ်ႉ တၵ်း​လီ​ဢမ်ႇ​လီ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၸိုင်၊ ၶႆႈ​ၸႂ်​ဝူၼ်ႉ​ၸႂ်​လႄႈ​ၸီႇ​ယၢင်ႇ​သေ​ၵမ်း။-</verse>
				<verse number="20">လွင်ႈ​တၢင်း​ဢၼ်​ႁဝ်း​ၶႃႈ လႆႈ​ႁၼ်​လႆႈ​ငိၼ်း​ၸိူဝ်း​ၼၼ်ႉ​ၸိုင်၊ ႁဝ်း​ၶႃႈ​ယင်း​ဢမ်ႇ​ႁေႃး​ဢမ်ႇ​လၢတ်ႈ​လႄႈ​ဢမ်ႇ​ယူႇ​လႆႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">မိူဝ်ႈ​ၼၼ်ႉ ပိူဝ်ႈ​ဢၼ်​ၶဝ်​ဢမ်ႇ​ထူပ်း​လွင်ႈ​တၢင်း​ဢၼ်​တၵ်း​ပၼ်​တၢမ်ႇ​တီႈ​သွင်​ၶႃ​ၼၼ်ႉ ၵွပ်ႈ​ပိူဝ်ႈ​ၵူၼ်း​တင်း​လၢႆ​လႄႈ သမ်ႉ​လွၵ်ႇ​ထႅင်ႈ​သေ​လႄႈ ပွႆႇ​လွတ်ႈ​သေ​ဢေႃႈ။-</verse>
				<verse number="22">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ပဵၼ်​မႃး​ၼၼ်ႉ ဢိၵ်ႇ​တင်း ၵွပ်ႈ​ပိူဝ်ႈ​ဢၼ်​ၵေႃႉ​ဢၼ်​လႆႈ​ၶၢမ်ႇ​ဢဝ်​ၼီႉမိၵ်ႈ​လၢၵ်ႈၶၼႃႇ တၢင်း​ဢၼ်​ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ်​ၼၼ်ႉ ဢသၢၵ်ႈ​လႆႈ​သီႇ​သိပ်း​ပီႊ​လိူဝ်​ယဝ်ႉ​ၼၼ်ႉ​လႄႈ၊ ၵူၼ်း​တင်း​သဵင်ႈ​တင်း​လူင်​ယွင်ႈ​ယေႃး​ၽြႃး​ပဵၼ်​ၸဝ်ႈ​ယူႇ​ဢေႃႈ။</verse>
				<verse number="23">သွင်​ၶႃ​ၼၼ်ႉ​မိူဝ်ႈ​ဢၼ်​လွတ်ႈ​ယဝ်ႉ​ၼၼ်ႉ​ၸိုင်၊ ၵႂႃႇ​ၸူး​ၵႃႈ​တီႈ​ဢၼ်​ၵေႃႉ​သေႈ​တူဝ်​ၸဝ်ႈ​ၵဝ်ႇ​မီး​ၼၼ်ႉ​လႄႈ​မွၵ်ႇ​လၢတ်ႈ​ၵႃႈ​ဢၼ်​ၶုၼ်​ယိတ်ႈပရေႃးႁဵၵ်ႈ ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ​ဝႃႈ​တီႈ​ၶဝ်​ၼၼ်ႉ​ဢေႃႈ။-</verse>
				<verse number="24">ၶဝ်​ၼၼ်ႉ​လႆႈ​ငိၼ်း​သေ​ယဝ်ႉ၊ ၽွမ်ႉ​ၵၼ်​ႁွင်ႉ​သႅၼ်ႇ​သဵင်​ၶဝ်​ၵႃႈ​တီႈ​ၽြႃး​ပဵၼ်​ၸဝ်ႈ​လႄႈ သူး​တွင်း​ဝႃႈ၊ ၸဝ်ႈ​ဢၼ်​ဢုပ်ႉ​ပိူင်ႇ​တီႈ​ၶႃႈ​ဢိူၺ်း၊ ၸဝ်ႈ​ႁဝ်း​ပဵၼ်​ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ် ၸႃႉ​ၸဵမ်​ၵၢင်​ႁၢဝ်​လိၼ်​မိူင်း၊သမ်ႇ​မုၵ်ႉ​တြႃႇ တင်း​ၵႃႈ​ဢၼ်​မီး​ၵႃႈ​ၼႂ်း​တီႈ​ၸိူဝ်း​ၼၼ်ႉ​တင်း​သဵင်ႈ​တင်း​လူင်​တီႈ​ၶႃႈ​ဢေႃႈ။-</verse>
				<verse number="25">ၸဝ်ႈ​ႁဝ်း​ဢဝ်​သူပ်း​ၶႃႈ​ၸဝ်ႈ​ႁဝ်း​ တႃႇဝိတ်ႈ ​ၼၼ်ႉ ဝႆႉ​ပျႃႇ​တိၵ်ႈ​လႄႈ​ဝႃႈ၊ ၵူၼ်း​မဵဝ်း​တင်း​လၢႆ​တူင်ႉ​တိုၼ်ႇ​ႁူၼ်ႈ​မေႃး​ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်။ မုၵ်ႉ​ၵူၼ်း​ၸိူဝ်း​ၵူၼ်း​တင်း​လၢႆ​ၵျၢမ်ႇ​ပွင် ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင် ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="26">ၶုၼ်​ႁေႃ​ၶမ်း​လေႃးၵီႇ​တင်း​လၢႆ လုၵ်ႉ​ၸုၵ်း​သေ​လႄႈ မူး​မၢတ်ႈ​ၽွင်း​မိူင်း​တင်း​လၢႆ​ၽွမ်ႉ​ၵၼ် ႁဵတ်း​ၶတ်း​ၶႅင်​ႁႅင်း​တႃႉ​ထႃႇဝရႃႉ​ၽြႃး တင်း​ၸဝ်ႈ​ၶရိၸ်ႈ​ဢေႃႈ​၊ ဝႃႈ​ၼႆ၊ ၵႃႈ​ၼင်ႇ​ဢၼ်​ဝႃႈ​ၼၼ်ႉ၊-</verse>
				<verse number="27">ၸႃႉ​ၸဵမ်​ၶုၼ်​ ႁေႇရူတ်ႈ ​လႄႈ ၶုၼ်​ ပွၼ်ႇတီႉ​ပီႉလတ်ႉ ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ၊-</verse>
				<verse number="28">ၸူႉ​ၵၼ်​တုမ်​ၵၼ်​ၵႃႈ​ၼႂ်း​ဝဵင်း​ၼႆႉ ႁႂ်ႈ​လႆႈ​ႁဵတ်း​ၸွမ်း​ၼင်ႇ​ၵႃႈ​ဢၼ်​ဢလူဝ်ႇ​ၸဝ်ႈ​ႁဝ်း ဢိၵ်ႇ​တင်း​မိုဝ်း​ၸဝ်ႈ​ႁဝ်း​မၵ်း​ၶၢၼ်း​ၽႄ​ဝႆႉ​ဢွၼ်​တၢင်း​ပုၼ်ႉ​ဢၼ်​တၵ်း​ပဵၼ်​မႃး​တင်း​သဵင်ႈ​တင်း​လူင်​ၸိူဝ်း​ၼၼ်ႉ​သေ​ယဝ်ႉ၊ ႁဵတ်း​ရၢၼ်ႇ​သူႇ တီႈ​ ယေႇသူႉ လုၵ်ႈ​ၸဝ်ႈ​ႁဝ်း​ဢၼ်​ၸဝ်ႈ​ႁဝ်း​ပၼ်​ၽိၵ်ႈ​သိၵ်ႈ​ၼၼ်ႉ​တီႈ​ၶႃႈ​ယဝ်ႉ၊ ပဵၼ်​ဢၼ်​မၢၼ်ႇ​ဢၼ်​မႅၼ်ႈ​တီႈ​ၶႃႈ​ဢေႃႈ။-</verse>
				<verse number="29">ဢူဝ်း​ထႃႇဝရႃႉ​ၽြႃး​တီႈ​ၶႃႈ၊ တေႃႈ​လဵဝ်​ၼႆႉ​ၶႅၼ်း​တေႃႈ​လူ​တူၺ်း တၢင်း​ဢၼ်​ၶဝ်​လွၵ်ႇ​ၶဝ်​ငိုတ်ႈ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ လွင်ႈ​ၼင်ႇ​ႁိုဝ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​လႆႈ​ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ႁဝ်း​ႁတ်း​ႁတ်း​ႁၢၼ်​ႁၢၼ်၊-</verse>
				<verse number="30">ၼႂ်း​မိူဝ်ႈ​ဢၼ်​ၸဝ်ႈ​ႁဝ်း​တၵ်း​ယိုၼ်ႈ​မိုဝ်း​ၸဝ်ႈ​ႁဝ်း​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​ၼၼ်ႉ ဢိၵ်ႇ​တင်း​လွင်ႈ​ၼင်ႇ​ႁိုဝ်​ၸဝ်ႈ​ႁဝ်း​တၵ်း​ႁႂ်ႈ​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ပဵၼ်​ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင် ယေႇသူႉ ​လုၵ်ႈ​ၸဝ်ႈ​ႁဝ်း​ဢၼ်​မူတ်း​ၸၢင်ႇ​ၼၼ်ႉ​ၸိုင်၊ ၶႅၼ်း​တေႃႈ​ပၼ်​ဢၶႂၢင်ႉ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">ၶဝ်​သူး​တွင်း​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ တီႈ​ဢၼ်​ၶဝ်​ၸူႉ​ၵၼ်​တုမ်​ၵၼ်​ၼၼ်ႉ​သၼ်ႇ​ၶွၼ်း​ဝႆ​လႄႈ ၵူၼ်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ တဵမ်​ဝႆႉ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​သေ​လႄႈ ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ႁတ်း​ႁတ်း​ႁၢၼ်​ႁၢၼ်​ယူႇ​ဢေႃႈ။</verse>
				<verse number="32">ၵူၼ်း​ဢၼ်​ယုမ်ႇ​မၢတ်ႈ​တင်း​သဵင်ႈ​တင်း​လူင်​ၸိူဝ်း​ၼၼ်ႉ မီး​ၸႂ်​ဢၼ်​မိူၼ်​မိူၼ်​ၵၼ်​လႄႈ ၽူႈ​လႂ်​ဢမ်ႇ​ဝႃႈ​ဢုၵ်ႉ​ၸႃႇ​ၶူဝ်း​လဵင်း​မၼ်း​သေ​ၸိူဝ်ႉ​သေ​ပိူင် ပဵၼ်​ဢုၵ်ႉ​ၸႃႇ​ၶူဝ်း​လဵင်း​မၼ်း၊ ၶဝ်​သိူၵ်ႈ​သမ်ႇ​ႁူမ်ႈ​ၵၼ်​ၸၢႆႇ​ၵိၼ်​ဢုၵ်ႉ​ၸႃႇ​ၶူဝ်း​လဵင်း​ၶဝ်​ၵႃႈ​ဢၼ်​မီး​ၸိူဝ်း​ၼၼ်ႉ​ဢေႃႈ။-</verse>
				<verse number="33">တမၢၼ်ႇ​ၸဝ်ႈ​ၸိူဝ်း​ၼၼ်ႉ ဢဝ်​တင်း​တၼ်း​ၶူဝ်း​ဢၼ်​ယႂ်ႇ​ၼႃႇ​ၶၢမ်ႇ​သၢၵ်ႈ​သေႇ​လွင်ႈ​ဢၼ်​ၸဝ်ႈ​ ယေႇသူႉ လုၵ်ႉ​ၶိုၼ်း​ၼၼ်ႉ​လႄႈ ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ပျေႉ​ၸုမ်ႇ​ဝႆႉ​တင်း​ၵျေး​ၸူး​ၸဝ်ႈ​ယႂ်ႇ​ၼမ်​ၼႃႇ​လူင်​လၢင်​ဢေႃႈ။-</verse>
				<verse number="34">ၼႂ်း​ၶဝ်​ၼၼ်ႉ​ၵူၼ်း​ဢၼ်​ၸုတ်ႈ​ဢၼ်​လုတ်ႈ​ဢမ်ႇ​မီး​သေ​ၵေႃႉ​သေ​ၵူၼ်း။ လွင်ႈ​မၼ်း​ၸမ်ႉ ၶဝ်​ၵႃႈ​ဢၼ်​ပိူင်ႇ​လိၼ်​တင်း​ႁိူၼ်း​ၸိူဝ်း​ၼၼ်ႉ​ၶၢႆ​သေ​ယဝ်ႉ၊ ဢဝ်​ၵႃႈ​မၼ်း​ၶၼ်​မၼ်း​ဢၼ်​လႆႈ​ၼၼ်ႉ​မႃး၊-</verse>
				<verse number="35">ဝႆႉ​ၵႃႈ​တီႈ​ႁိမ်း​တိၼ်​တမၢၼ်ႇ​ၸဝ်ႈ​တင်း​လၢႆ​လႄႈ မႅင်ႇ​ပၼ်​ၸွမ်း​ၵႃႈ​ၼင်ႇ​ဢၼ်​ၶဝ်​မီး​ဢလူဝ်ႇ ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။</verse>
				<verse number="36">ယူဝ်းသႅပ်ႈ ဢၼ်​တမၢၼ်ႇ​ၸဝ်ႈ​တင်း​လၢႆ ႁွင်ႉ​ႁဵၵ်ႈ​ၸိုဝ်ႈ​ဢၼ်​မႂ်ႇ​လႄႈ​ဝႃႈ ပႃႇၼပႃႉ ဢၼ်​ဝႃႈ​လုၵ်ႈ​ၸၢႆး​တၢင်း​ဢၼ်​ႁႂ်ႈ​ငိမ်း​ၸႂ် ဝႃႈ​ၼႆ ဢၼ်​ပဵၼ်​ၵူၼ်း​မိူင်း ၵူႉပရူႉ ၊ ၵူၼ်း​ လေႇဝီႉ ၵေႃႉ​ၼိုင်ႈ​ၼၼ်ႉ၊-</verse>
				<verse number="37">ၶၢႆ​လိၼ်​ဢၼ်​မၼ်း​ပိူင်ႇ​ၼၼ်ႉ​သေ​ယဝ်ႉ၊ ဢဝ်​ငိုၼ်း​ဢၼ်​လႆႈ​ၼၼ်ႉ​မႃး​ဝႆႉ​ၵႃႈ​တီႈ​ႁိမ်း​တိၼ်​တမၢၼ်ႇ​ၸဝ်ႈ​ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">ၼႂ်း​ဝႃႈ​ၼၼ်​သေ​ၵေႃႈ ၵူၼ်း​ၵေႃႉ​ၼိုင်ႈ​ဢၼ်​လႆႈ​ၸိုဝ်ႈ​ ဢႃႇၼၼီႉ တင်း​မေး​မၼ်း​ သပ်ႉၽီႉရေႇ ​ၼၼ်ႉ​ၸမ်ႉ၊ ၶၢႆ​ဢုၵ်ႉ​ၸႃႇ​ၶဝ်​သေ​ၸိူဝ်ႉ​သေ​ပိူင်​သေ​ယဝ်ႉ၊-</verse>
				<verse number="2">မၼ်း​ၼၼ်ႉ ၸႂ်​သၽေႃး​မိူၼ်​ၵၼ်​တင်း​မေး​မၼ်း​လႄႈ ဢဝ်​ၵႃႈ​မၼ်း​ၶၼ်​မၼ်း​ပုၼ်ႈ​ၼိုင်ႈ​သိူင်ႇ​မႅပ်ႉ​ဝႆႉ​ယဝ်ႉ၊ ၸင်ႇ​ဢဝ်​ၵႃႈ​မၼ်း​ၶၼ်​မၼ်း​ပုၼ်ႈ​ၼိုင်ႈ​ၵူၺ်း​မႃး​ဝႆႉ ၵႃႈ​တီႈ​ႁိမ်း​တိၼ်​တမၢၼ်ႇ​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="3">ပေႇတရူႉ ​ၵေႃႈ​လၢတ်ႈ​လႄႈ​ဝႃႈ၊ ဢႃႇၼၼီႉ ​ဢိူၺ်း၊ ႁဵတ်း​သင်​လႄႈ မႂ်း​ႁႂ်ႈ​ ၸႃႇတၢၼ်ႇ ​တဵမ်​ဝႆႉ​ၼႂ်း​ႁူဝ်​ၸႂ်​မႂ်း​ႁႂ်ႈ​မႂ်း​လႆႈ​ပႅတ်ႉ​လႅၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​လႄႈ ဢဝ်​ၵႃႈ​လိၼ်​ၶၼ်​လိၼ်​ၼၼ်ႉ ပုၼ်ႈ​ၼိုင်ႈ​သိူင်ႇ​မႅပ်ႉ​ဝႆႉ​ၼင်ႇ​ႁိုဝ်။-</verse>
				<verse number="4">ၼႂ်း​မိူဝ်ႈ​ဢၼ်​လိၼ်​ၼၼ်ႉ​မီး​ယူႇ​ၼၼ်ႉ​ၸိုင်၊ တူဝ်​ၸဝ်ႈ​ၵဝ်ႇ​ပိူင်ႇ​ဢမ်ႇ​ၸႂ်ႈ​ႁိုဝ်။ ဢၼ်​ၶၢႆ​လႄႈ လႆႈ​ၵႃႈ​မၼ်း​ၶၼ်​မၼ်း​ၼၼ်ႉ ပဵၼ်​ၶွင်​တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ​ႁိုဝ်။ ႁဵတ်း​သင်​လႄႈ မႂ်း​ၵျၢမ်ႇ​ပွင်​ၸိူဝ်ႉ​ၼင်ႇ​ၼႆ​ၵႃႈ​ၼႂ်း​ၸႂ်​မႂ်း​ၼင်ႇ​ႁိုဝ်။ မႂ်း​လၢတ်ႈ​မူႉ​သႃႇ​တီႈ​ၵူၼ်း​ၵူၺ်း​ယဝ်ႉ​ဢမ်ႇ​ၸႂ်ႈ။ လၢတ်ႈ​မူႉ​သႃႇ​တီႈ​ၽြႃး​ပဵၼ်​ၸဝ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ဢႃႇၼၼီႉ ​ၼၼ်ႉ ငိၼ်း​ၵႂၢမ်း​ၼၼ်ႉ​သေ​ယဝ်ႉ​လူမ်ႉ​တၢႆ​ၵႂႃႇ​ဢေႃႈ။ ၵူၼ်း​ဢၼ်​လႆႈ​ငိၼ်း​လွင်ႈ​တီႈ​ႁဵင်း​ၼၼ်ႉ​တင်း​သဵင်ႈ​တင်း​လူင် မီး​ၸႂ်​ဢၼ်​ၵူဝ်​ႁႄ​ၼႃႇ​လူင်​လၢင်​ဢေႃႈ။-</verse>
				<verse number="6">ၵူၼ်း​ဢွၼ်ႇ​တင်း​လၢႆ​ၵေႃႈ​လုၵ်ႉ​ဢဝ်​တူဝ်​တၢႆ​ၼၼ်ႉ​သေ​လႄႈ​ဢဝ်​တင်း​ၶူဝ်း​လဵင်း​ၶဵၼ်း​ႁေႃႇ​ယဝ်ႉ​ၸင်ႇ​ဢဝ်​ၵႂႃႇ​သၢင်း​ၵျူဝ်ႇ​သေ​ဢေႃႈ။</verse>
				<verse number="7">လိုၼ်း​ၼၼ်ႉ ႁိုင်​သေ​သၢမ်​ၼႃႇရီႇ​ၼိုင်ႈ​ၸမ်​ၸမ်​သေ​ယဝ်ႉ၊ မေး​မၼ်း​ၼၼ်ႉ​ယင်း​ဢမ်ႇ​ႁူႉ​လွင်ႈ​ဢၼ်​ပဵၼ်​ယဝ်ႉ​ၼၼ်ႉ​လႄႈ ၶဝ်ႈ​မႃး​ဢေႃႈ။-</verse>
				<verse number="8">ပေႇတရူႉ ​ၵေႃႈ​ထၢမ်​လႄႈ​ဝႃႈ၊ သူ​ၶၢႆ​လိၼ်​ၼၼ်ႉ​လႄႈ​လႆႈ​ထၢၼ်ႇ​ၼႆႉ​ၵူၺ်း​ႁိုဝ်။ လၢတ်ႈ​ၵဝ်​လူး၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​လၢတ်ႈ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ၊ လႆႈ​ထၢၼ်ႇ​ၼႆႉ​ၵူၺ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ပေႇတရူႉ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ႁဵတ်း​သင်​လႄႈ သူ​ၸႂ်​သၽေႃး​မိူၼ်​ၵၼ်​လႄႈ ၵျၢမ်ႇ​ပွင်​ႁႂ်ႈ​လႆႈ​ၸၢမ်း​တူၺ်း​ဝီႉၺိၺ်ႇ​ထႃႇဝရႃႉ​ၽြႃး​ၼင်ႇ​ႁိုဝ်။ တူၺ်း​လူး၊ တိၼ်​ၶဝ်​ၸိူဝ်း​ဢၼ်​သၢင်း​ၵျူဝ်ႇ​ၽူဝ်​မႂ်း​ၼၼ်ႉ ယင်း​မီး​ယူႇ​ၵႃႈ​တီႈ​ႁိမ်း​ၽၵ်း​တူ​ၼၼ်ႉ​လႄႈ၊ မႂ်း​ၼႆႉ​ၵေႃႈ​ၶဝ်​တၵ်း​ဢဝ်​ၵႂႃႇ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">မၼ်း​ၼၼ်ႉ​လူမ်ႉ​ၵႃႈ​တီႈ​ႁိမ်း​တိၼ်​ ပေႇတရူႉ ​ၵမ်း​လဵဝ်​သေ​လႄႈ တၢႆ​ၵႂႃႇ​ဢေႃႈ။ ၵူၼ်း​ဢွၼ်ႇ​ၸိူဝ်း​ၼၼ်ႉ​ၵေႃႈ​ၶဝ်ႈ​မႃး​လႄႈ​မိူဝ်ႈ​ဢၼ်​ထူပ်း​ႁၼ်​မၼ်း​ၼၼ်ႉ တၢႆ​ယဝ်ႉ​ၼၼ်ႉ​ၸိုင်၊ ဢဝ်​မၼ်း​ၵႂႃႇ​သၢင်း​ၵျူဝ်ႇ​ၵႃႈ​တီႈ​ႁိမ်း​ၽူဝ်​မၼ်း​ၼၼ်ႉ​သေ​ဢေႃႈ။-</verse>
				<verse number="11">ၸႃႉ​ၸဵမ်​ၶဝ်​ၸိူဝ်း​ဢၼ်​ၶဝ်ႈ​ၸိူဝ်း​ၸဝ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​လႆႈ​ငိၼ်း​လွင်ႈ​တီႈ​ႁဵင်း​ၼႆႉ​တင်း​သဵင်ႈ​တင်း​လူင်​ၼၼ်ႉ မီး​တင်း​ၸႂ်​ဢၼ်​ၵူဝ်​ႁႄ​ၼႃႇ​လူင်​လၢင်​ဢေႃႈ။</verse>
				<verse number="12">တမၢၼ်ႇ​ၸဝ်ႈ​ၸိူဝ်း​ၼၼ်ႉ​ၵေႃႈ ႁဵတ်း​ၼီႉမိၵ်ႈ​လၢၵ်ႈၶၼႃႇ​လႂ်၊ လွင်ႈ​တၢင်း​ဢၼ်​လီ​ဢၢမ်း​လႂ် ၵႃႈ​တီႈ​ၽၢႆႇ​ၼႃႈ​ၵူၼ်း​ၼမ်​ၼႃႇ​ဢေႃႈ။ ၶဝ်​တင်း​သဵင်ႈ​တင်း​လူင်​ယူႇ​ႁူမ်ႈ​ၵၼ်​ၵႃႈ​တီႈ​ၼႂ်း​ၸၢၼ်း​ သေႃးလမုၼ်ႇ ​ၼၼ်ႉ​လႄႈ၊-</verse>
				<verse number="13">ပိၵ်ႉ​သမ်ႉ​ၵူၼ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ ဢမ်ႇ​ႁတ်း​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​ၶဝ် သေ​ၵေႃႉ​သေ​ၵူၼ်း​သေ​ၵေႃႈ၊ ၵူၼ်း​တင်း​လၢႆ​ယွင်ႈ​ယေႃး​ပၼ်​တၢင်း​လီ​တီႈ​ၶဝ်​ယူႇ​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၸဵမ်​ယိင်း​ၸဵမ်​ၸၢႆး​ၼမ်​ၼႃႇ​လူင်​လၢင်​ၸိူဝ်း​ၼၼ်ႉ ယဵင်ႈ​ၶႅၼ်း​ၼမ်​မႃး​ၵိုၼ်း​မႃး​လႄႈ ၶဝ်ႈ​ၽၢႆႇ​ၸဝ်ႈ​ၽြႃး​ဢေႃႈ။-</verse>
				<verse number="15">ပိူဝ်ႈ​ၼႆ​လႄႈ ၼႂ်း​မိူဝ်ႈ​ဢၼ်​ ပေႇတရူႉ ​ယင်း​တိုၵ်ႉ​ၸွမ်း​တၢင်း​ၵႂႃႇ​ယူႇ​ၼၼ်ႉ​ၸိုင် ၶဝ်​ဢဝ်​ၵူၼ်း​ၶႆႈ​ၵူၼ်း​ပဵၼ်​ဢွၵ်ႇ​ဝႆႉ​ၵႃႈ​တီႈ​ႁိမ်း​တၢင်း​လႄႈ တၢင်ႇ​ဝႆႉ​ၵႃႈ​ၼိူဝ်​ၵူႇ​လႂ်၊ ၵႃႈ​ၼိူဝ်​ၽႃႈ​ၵွပ်း​လႂ်၊ ႁႂ်ႈ​ၵွင်ႉ​ငဝ်း​မၼ်း​လႆႈ​ႁူမ်ႇ​မႅၼ်ႈ​ၵႃႈ​ၼိူဝ်​ၶဝ်​ၸိူဝ်း​ဢၼ် မီး​တၢင်း​ၶႆႈ​တၢင်း​ပဵၼ်​သေ​ၵေႃႉ​ၵေႃႉ​ၼၼ်ႉ​ဢေႃႈ။-</verse>
				<verse number="16">ၵူၼ်း​ဢၼ်​မီး​ယူႇ​ၵႃႈ​ၼႂ်း​ဝဵင်း​တင်း​လၢႆ ၵႃႈ​တီႈ​ႁိမ်း​ၼၼ်ႉ​ၼမ်​ၼႃႇ​ၸိူဝ်း​ၼၼ်ႉ ဢဝ်​ၶဝ်​ၸိူဝ်း​ဢၼ်​မီး​တၢင်း​ၶႆႈ​တၢင်း​ပဵၼ်​ဢိၵ်ႇ​တင်း​ၶဝ်​ၸိူဝ်း​ဢၼ်​ၽီ​ႁၢႆႉ​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​မႃး​ၸူႉ​ၵၼ်​တုမ်​ၵၼ်​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ၵူၼ်း​ဢၼ်​မီး​တၢင်း​ၶႆႈ​တၢင်း​ပဵၼ် တင်း​သဵင်ႈ​တင်း​လူင်​ၸိူဝ်း​ၼၼ်ႉ လႆႈ​ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ်​ဢေႃႈ။</verse>
				<verse number="17">မိူဝ်ႈ​ၼၼ်ႉ ၶုၼ်​ယိတ်ႈပရေႃးႁဵၵ်ႈ ဢိၵ်ႇ​တင်း​ၶဝ်​ၵႃႈ​ဢၼ်​မီး​လူၺ်ႈ​ၵၼ်​တင်း​မၼ်း ဢၼ်​ပဵၼ် ၵိူင်း​ ၸတ်ႉတူႉၵႄး ​ၸိူဝ်း​ၼၼ်ႉ လုၵ်ႉ​လႄႈ​တဵမ်​ဝႆႉ​တင်း​တေႃး​သႃႉ​တင်း​ၸႂ်​မႆႈ​သေ​ယဝ်ႉ၊-</verse>
				<verse number="18">တီႉ​ဢဝ်​တမၢၼ်ႇ​ၸဝ်ႈ​တင်း​လၢႆ​လႄႈ​ၶင်​ဝႆႉ​ၵႃႈ​ၼႂ်း​ထွင်ႇ​ဢေႃႈ။-</verse>
				<verse number="19">ၶိင်ႇ​ၵၢင်​ၶိုၼ်း တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ၽုၺ်ႇ​ၽၵ်း​တူ​ထွင်ႇ​ယဝ်ႉ​ၸင်ႇ ဢဝ်​ၶဝ်​ၼၼ်ႉ​ဢွၵ်ႇ​သေ​လႄႈ သင်ႇ​လၢတ်ႈ​ဝႃႈ၊-</verse>
				<verse number="20">ၵႂႃႇ​ၸုၵ်း​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​သေ​လႄႈ ႁေႃး​လၢတ်ႈ​ၵႂၢမ်း​တြႃး​တၢင်း​ဢၼ်​ဢသၢၵ်ႈ​လိပ်း​တင်း​သဵင်ႈ​တင်း​လူင်​ၼၼ်ႉ တီႈ​ၵူၼ်း​တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">မိူဝ်ႈ​ဢၼ်​ငိၼ်း​ၵႂၢမ်း​ၼၼ်ႉ​ယဝ်ႉ​ၸိုင် ၶိင်ႇ​မိူင်း​လႅင်း​ၵၢင်​ၼႂ်​ၸဝ်ႉ​ၸဝ်ႉ ၶဝ်​ၶဝ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​သေ​လႄႈ သင်ႇ​သွၼ်​သုင်း​မႃႉ​ပၼ်​ယူႇ​ဢေႃႈ။ ၶုၼ်​ယိတ်ႈပရေႃးႁဵၵ်ႈ တင်း​ၶဝ်​ၸိူဝ်း​ဢၼ်​မီး​လူၺ်ႈ​ၵၼ်​တင်း​မၼ်း​ၼၼ်ႉ​မႃး​လႄႈ ႁႂ်ႈ​ၸႃႉ​ၸဵမ်​ၶုၼ်​တီႈ​လုမ်း​လူင်​ဢိၵ်ႇ​တင်း ၶဝ်​ၸိူဝ်း​ဢၼ်​ပဵၼ်​ၵူၼ်း​ထဝ်ႈ​ၵူၼ်း​ၵႄႇ​ၵႃႈ​ၼႂ်း​ၵူၼ်း​ ဢီႉသရေႇလႃႉ ​တင်း​လၢႆ ၵႃႈ​မီး​ၸူႉ​ၵၼ်​တုမ်​ၵၼ်​သေ​ယဝ်ႉ၊ ပွႆႇ​ၸႂ်ႉ​ၵႂႃႇ​ၵႃႈ​တီႈ​ထွင်ႇ​လႄႈ ႁွင်ႉ​ဢဝ်​တမၢၼ်ႇ​ၸဝ်ႈ​ၸိူဝ်း​ၼၼ်ႉ​မႃး​ဢေႃႈ။-</verse>
				<verse number="22">လုၵ်ႈ​ဢွၼ်ႇ​ၶုၼ်​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ထွင်ႇ​သေ​ယဝ်ႉ၊ ဢမ်ႇ​ထူပ်း​ဢမ်ႇ​ႁၼ်​တမၢၼ်ႇ​ၸဝ်ႈ​ၸိူဝ်း​ၼၼ်ႉ ၵႃႈ​ၼႂ်း​ထွင်ႇ​လႄႈ​ၶိုၼ်း​မႃး၊-</verse>
				<verse number="23">လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​လႆႈ​ထူပ်း​လႆႈ​ႁၼ် ၽၵ်း​တူ​ထွင်ႇ​ဢိုတ်း​ဝႆႉ​မီး​ယူႇ​သေႇ​ၶျႃႇ​လီ​ငၢမ်း​လႄႈ ၶဝ်​ၸိူဝ်း​ဢၼ်​ပႂ်ႉ​ထွင်ႇ​ၼၼ်ႉ​ၵေႃႈ ၸုၵ်း​ယူႇ​ၽၢႆႇ​တၢင်း​ၼွၵ်ႈ​ၽၵ်း​တူ​ၼၼ်ႉ​ၶႃႈ​ယဝ်ႉ။ ၵူၺ်း​ၵႃႈ​ႁဝ်း​ၶႃႈ​ၽုၺ်ႇ​သေ​ယဝ်ႉ၊ ဢမ်ႇ​ထူပ်း​ဢမ်ႇ​ႁၼ်​ၽူႈ​လႂ် ၵႃႈ​တီႈ​ၼႂ်း​မၼ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၵႄႇ​ပိၵ်ႈ​မၢၼ်ႇ​ၸဝ်ႈ တင်း​ယိတ်ႈပရေႃးႁဵၵ်ႈ​လူင်​ၸိူဝ်း​ၼၼ်ႉ၊ ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ဝူၼ်ႉ​ၼႂ်း​ၸႂ်​လႄႈ​ဝႃႈ၊ လွင်ႈ​တၢင်း​ၼႆႉ​ၸိုင်​တၵ်း​ပဵၼ်​ၸိူဝ်ႉ​ၼင်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မိူဝ်ႈ​ၼၼ်ႉ ၵူၼ်း​ၵေႃႉ​ၼိုင်ႈ​မႃး​လဝ်ႊ​လၢတ်ႈ​လႄႈ​ဝႃႈ၊ ၶဝ်​ၸိူဝ်း​ဢၼ်​သူ​ၸဝ်ႈ​ၶင်​ဝႆႉ​ၵႃႈ​ၼႂ်း​ထွင်ႇ​ၼၼ်ႉ ၸုၵ်း​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​သေ​လႄႈ သင်ႇ​သွၼ်​သုင်း​မႃႉ​ပၼ်​တီႈ​ၵူၼ်း​တင်း​လၢႆ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">မိူဝ်ႈ​ၼၼ်ႉ ၵႄႇ​ပိၵ်ႈ​မၢၼ်ႇ​ၸဝ်ႈ ဢိၵ်ႇ​တင်း​လုၵ်ႈ​ဢွၼ်ႇ​ၶုၼ်​ၸိူဝ်း​ၼၼ်ႉ ၵႂႃႇ​ၸူး​သေ​ယဝ်ႉ၊ ယင်း​ဢမ်ႇ​ႁဵတ်း​ပႄႉ​ႁဵတ်း​ၼႅင်ႇ​လႄႈ ႁွင်ႉ​ဢဝ်​တမၢၼ်ႇ​ၸဝ်ႈ​ၸိူဝ်း​ၼၼ်ႉ​မႃး ၵွပ်ႈ​ပိူဝ်ႈ​ဢၼ်​ၵူဝ်​ႁႄ ၵူၼ်း​တင်း​လၢႆ​လႄႈ၊ ၵူဝ်​တူဝ်​ၸဝ်ႈ​ၵဝ်ႇ​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​မၢၵ်ႇ​ႁိၼ်​ထိမ်ႈ​ၼၼ်ႉ​ဢေႃႈ။-</verse>
				<verse number="27">ႁွင်ႉ​ဢဝ်​မႃး​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ၶဝ်​ဢဝ်​ဝႆႉ​ၵႃႈ​တီႈ ၽၢႆႇ​ၼႃႈ​ၶုၼ်​တီႈ​လုမ်း​လူင်​တင်း​လၢႆ​သေ​လႄႈ ၶုၼ်​ယိတ်ႈပရေႃးႁဵၵ်ႈ​ၵေႃႈ​ထၢမ်​လႄႈ​ဝႃႈ၊-</verse>
				<verse number="28">လွင်ႈ​ၼင်ႇ​ႁိုဝ်​သူ​တၵ်း ဢမ်ႇ​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၼၼ်ႉ​လႄႈ သင်ႇ​သွၼ်​ပၼ်​ပိူၼ်ႈ​ၸိုင်၊ ႁဝ်း​သင်ႇ​လၢတ်ႈ​ပၼ်​တီႈ​သူ​လီ​လီ​ငၢမ်း​ငၢမ်း​ယဝ်ႉ​ဢမ်ႇ​ၸႂ်ႈ​ႁိုဝ်။ တူၺ်း​လူး၊ သူ​ႁႂ်ႈ​ဝဵင်း​ ယေႇရူႉသလႅမ်ႇ ​ၼႆႉ တဵမ်​ဝႆႉ​တင်း​ဢယူႇ​ဝႃႇ​တႃႉ​သူ​ၼၼ်ႉ​ယဝ်ႉ​လႄႈ ၵျၢမ်ႇ​ပွင်​ႁႂ်ႈ​လိူတ်ႈ​ၵေႃႉ​ၼၼ်ႉ​ႁွတ်ႈ​မႃး​ၵႃႈ​ၼိူဝ်​ႁဝ်း​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">ပေႇတရူႉ တင်း​တမၢၼ်ႇ​ၸဝ်ႈ​တၢင်ႇ​ၵေႃႉ​ၸိူဝ်း​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၶႃႈ​ထုၵ်ႇ​လီ​ထွမ်ႇ​ဢဝ်​ၵႂၢမ်း​ၽြႃး​ပဵၼ်​ၸဝ်ႈ​ၼႃႇ​သေ​ၵႂၢမ်း​ၵူၼ်း​ၶႃႈ​ဢေႃႈ။-</verse>
				<verse number="30">ၽြႃး​ပဵၼ်​ၸဝ်ႈ​ပူႇ​ပေႃႈ​ႁဝ်း​ၼၼ်ႉ ႁႂ်ႈ​ ယေႇသူႉ ​ဢၼ်​သူ​ဢဝ်​ႁွႆႈ​ၵႃႈ​တီႈ​သဝ်​မႆႉ​လႄႈ​ဢဝ်​တၢႆ​ၼၼ်ႉ​လုၵ်ႉ​ၶိုၼ်း​မႃး​ယဝ်ႉ။-</verse>
				<verse number="31">ၸဝ်ႈ​ၼၼ်ႉ​ၸိုင် ၽြႃး​ပဵၼ်​ၸဝ်ႈ​ၶၢၼ်း​ဝႆႉ ၼႂ်း​ဢရႃႇ​ၸဝ်ႈ​ဢၼ်​ဢုပ်ႉ​ပိူင်ႇ ဢိၵ်ႇ​တင်း​ဢရႃႇ​ၸဝ်ႈ​ဢၼ်​ၵႄႇ​ၶျွတ်ႈ​ၼၼ်ႉ​လႄႈ ယုၵ်ႉ​ယွင်ႈ​ဝႆႉ​ၵႃႈ​တီႈ​ၽၢႆႇ​ၶႂႃ​မၼ်း​ၸဝ်ႈ ႁႂ်ႈ​လႆႈ​ပၼ်​တြႃး​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ် တင်း​ဢၶႂၢင်ႉ​ဢၼ်​ပွႆႇ​လွတ်ႈ​ဢပႅတ်ႈ​တီႈ​ၵူၼ်း ဢီႉသရေႇလႃႉ ​တင်း​လၢႆ​ယဝ်ႉ​ၶႃႈ​ယဝ်ႉ။-</verse>
				<verse number="32">ႁဝ်း​ၶႃႈ​ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​လွင်ႈ​တၢင်း​ၸိူဝ်း​ၼႆႉ​ၶႃႈ​ဢေႃႈ။ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢၼ်​ၽြႃး​ပဵၼ်​ၸဝ်ႈ​ပၼ်​တီႈ​ၶဝ်​ၸိူဝ်း​ဢၼ် ထွမ်ႇ​ဢဝ်​ၵႂၢမ်း​မၼ်း​ၸဝ်ႈ​ၼၼ်ႉ​ၵေႃႈ၊ ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="33">ၶဝ်​လႆႈ​ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ႁူဝ်​ၸႂ်​ၶဝ်​မိူၼ်​ၸိူဝ်ႉ​ၼင်ႇ​တၵ်း​တႅၵ်ႇ​တၵ်း​လႅဝ်​ၵႂႃႇ​လႄႈ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တိူင်ႇ​ပၢင်ႇ​လၢတ်ႈ​ၸႃ​ၵၼ် ႁႂ်ႈ​လႆႈ​ဢဝ်​တမၢၼ်ႇ​ၸဝ်ႈ​ၸိူဝ်း​ၼၼ်ႉ​တၢႆ​ဢေႃႈ။-</verse>
				<verse number="34">မိူဝ်ႈ​ၼၼ်ႉ​ၵူၼ်း​ ၽႃႇရီႉသႄး ဢၼ်​လႆႈ​ၸိုဝ်ႈ​ ၵႃႇမလျေးလႃႉ ဢၼ်​ပဵၼ်​သြႃႇ​ဢၼ်​သွၼ်​ပၼ်​ၼႂ်း​တြႃး​ၸဝ်ႈ​လႄႈ ၵူၼ်း​တင်း​လၢႆ​ရူဝ်ႇ​သေႇ​ၵူဝ်​ယမ်​ၼၼ်ႉ​ၵေႃႉ​ၼိုင်ႈ လုၵ်ႉ​ၵႃႈ​ၼိူဝ်​လုမ်း​လူင်​သေ​လႄႈ မီး​ဢမိင်ႉ​ႁႂ်ႈ​တမၢၼ်ႇ​ၸဝ်ႈ​ၸိူဝ်း​ၼၼ်ႉ ဢွၵ်ႇ​ၵႂႃႇ​ၵႃႈ​ၼွၵ်ႈ​ၵမ်း​ၼိုင်ႈ​ယဝ်ႉ၊-</verse>
				<verse number="35">ၸင်ႇ​လၢတ်ႈ​လႄႈ​ဝႃႈ၊ ၵူၼ်း​ ဢီႉသရေႇလႃႉ ​ၶဝ်​ဢိူၺ်း၊ လွင်ႈ​တၢင်း​ဢၼ်​သူ​တၵ်း​ႁဵတ်း​တီႈ​ၶဝ်​ၼၼ်ႉ ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင်၊ တူဝ်​ၸဝ်ႈ​ၵဝ်ႇ​ႁဵတ်း​သတီႉ​လႄႈ ၶႆႈ​ၸႂ်​ဝူၼ်ႉ​ၸႂ်​သေ​ၵမ်း။-</verse>
				<verse number="36">လွင်ႈ​မၼ်း​ၸမ်ႉ ဢွၼ်​တၢင်း​မိူဝ်ႈ​ၼၼ်ႉ​ၼၼ်ႉ ၵူၼ်း​ဢၼ်​လႆႈ​ၸိုဝ်ႈ​ ထူႉတႃႉ ၵေႃႉ​ၼိုင်ႈ​ပေႃႇ​မႃး​လႄႈ​လၢတ်ႈ​ဝႃႈ၊ ၵဝ်​ၼႆႉ​ပဵၼ်​ၵူၼ်း​ပၢၼ်​ၵၢင်​ဢမ်ႇ​ၸႂ်ႈ​၊ ဝႃႈ​ၼင်ႇ​ၼႆ​လႄႈ ၵူၼ်း​သေ​သီႇ​ပၢၵ်ႇ​ၼိုင်ႈ​ၸမ်​ၸမ်​ၸူႉ​ၵၼ်​တုမ်​ၵၼ်​ပဵၼ်​ၽၢႆႇ​မၼ်း​ၵႂႃႇ​ဢေႃႈ။ ၵေႃႉ​ၼၼ်ႉ​ႁွတ်ႈ​ထိုင်​တၢင်း​ဢၼ်​လူႉ​ဢၼ်​လႅဝ်​သေ​လႄႈ ၵူၼ်း​ဢၼ်​ယုမ်ႇ​မၢတ်ႈ​မၼ်း​ၵႃႈ​မီး​ၸိူဝ်း​ၼၼ်ႉ​ၵေႃႈ​ၽၢတ်ႇ​ၽႄ​ၵၼ်​ႁၢႆ​လၢႆ​ၵႂႃႇ​ဢေႃႈ။-</verse>
				<verse number="37">ဝၢႆး​သေ​ၵေႃႉ​ၼၼ်ႉ၊ ၼႂ်း​ၶိင်ႇ​မိူဝ်ႈ​ဢၼ်​ၽႃႇ​ငိုၼ်း​ၵဵပ်း​ငိုၼ်း​ၼၼ်ႉ ၵူၼ်း​မိူင်း​ ၵႃႇလီႉလႄး ဢၼ်​လႆႈ​ၸိုဝ်ႈ​ ယူႉတႃႉ ၵေႃႉ​ၼိုင်ႈ​ၵေႃႈ​ပေႃႇ​မႃး​လႄႈ တိုၵ်း​ယူင်း​ၸူဝ်း​ဢဝ်​ၵူၼ်း​ၼမ်​ၼႃႇ ၸွမ်း​ပႃႈ​လင်​မၼ်း​ဢေႃႈ။ ၵေႃႉ​ၼၼ်ႉ​ႁွတ်ႈ​ထိုင်​တၢင်း​ဢၼ်​လူႉ​ဢၼ်​လႅဝ်​သေ​လႄႈ ၵူၼ်း​ဢၼ်​ယုမ်ႇ​မၢတ်ႈ​မၼ်း​ၵႃႈ​မီး​ၸိူဝ်း​ၼၼ်ႉ​ၵေႃႈ​လူႉ​လႅဝ်​ႁၢႆ​လၢႆ​ၵႂႃႇ​ဢေႃႈ။-</verse>
				<verse number="38">တေႃႈ​လဵဝ်​ၼႆႉ​ၵေႃႈ ၵဝ်​ဝႃႈ​တီႈ​သူ​ၸမ်ႉ၊ ဝႄႈ​ပိူင်ႈ​ၶဝ်​ၼႆႉ​သေ​လႄႈ​ႁႂ်ႈ​ၶဝ်​ယူႇ​ႁင်း​ၶဝ်​သေ​ၵမ်း။ တၢင်း​ၵျၢမ်ႇ​တၢင်း​ပွင်​ၼႆႉ ဢမူႉ​ၼႆႉ​ပေႃး​ၸႂ်ႈ​တၢင်း​ၵျၢမ်ႇ​တၢင်း​ပွင်​ၵူၼ်း ဢမူႉ​ၵူၼ်း​ၸိုင်၊ တၵ်း​ႁွတ်ႈ​ထိုင်​တီႈ​ဢၼ်​လူႉ​ဢၼ်​လႅဝ်​ဢေႃႈ။-</verse>
				<verse number="39">ၵူၺ်း​ၵႃႈ​ပေႃး​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ၸိုင်၊ သူ​ဢမ်ႇ​ယႃႉ​ပႅတ်ႈ​လႆႈ။ လီ​ၵူဝ်​တၵ်း​ထူပ်း​ႁၼ်​လွင်ႈ​ဢၼ်​တူဝ်​ၸဝ်ႈ​ၵဝ်ႇ ပဵၼ်​ၵူၼ်း​ၸိူဝ်း​ဢၼ်​တိုၵ်း​တေႃး​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="40">ၶဝ်​ၼၼ်ႉ ထွမ်ႇ​ဢဝ်​ၵႂၢမ်း​မၼ်း​သေ​ယဝ်ႉ၊ ႁွင်ႉ​ဢဝ်​တမၢၼ်ႇ​ၸဝ်ႈ​ၸိူဝ်း​ၼၼ်ႉ​မႃး​လႄႈ ပေႃႉ​ယႅၼ်ႉ​သေ​ယဝ်ႉ၊ လွင်ႈ​ၼင်ႇ​ႁိုဝ်​တၵ်း​ဢမ်ႇ​လႆႈ​ဢိင်​ၼႃႇ​မႃႉ​ၸိုဝ်ႈ​သဵင်​ ယေႇသူႉ ​ၼၼ်ႉ​သေ​လႄႈ ႁေႃး​လၢတ်ႈ​ၸိုင်၊ ႁၢမ်ႈ​တၢပ်ႈ​ႁႄႉ​ၶႅၼ်​လႄႈ​ပွႆႇ​ၵႂႃႇ​သေ​ဢေႃႈ။</verse>
				<verse number="41">တမၢၼ်ႇ​ၸဝ်ႈ​ၸိူဝ်း​ၼၼ်ႉ​ၵေႃႈ သိူဝ်း​ၸူမ်း​ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​မၢတ်ႈ​ၶဝ်​ပဵၼ် ၶဝ်​ၸိူဝ်း​ဢၼ်​ထုၵ်ႇ​လႆႈ​ႁွတ်ႈ​ထိုင် တၢင်း​ဢၼ်​ၶၢမ်ႇ​တၢင်း​ဢၼ်​ဢူၵ်း​ဢၼ်​ဢၢႆ​ပိူၼ်ႈ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၼၼ်ႉ​လႄႈ​ၸင်ႇ​ဢွၵ်ႇ​သေ​ၵႃႈ​ၼႂ်း​လုမ်း​လူင်​ၼၼ်ႉ​ၵႂႃႇ​ဢေႃႈ။-</verse>
				<verse number="42">ၶဝ်​သင်ႇ​သွၼ်​သုင်း​မႃႉ​ပၼ်​လႄႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ဢၼ်​ဝႃႈ လွင်ႈ​ဢၼ်​ ယေႇသူႉ ပဵၼ်​ၸဝ်ႈ​ၶရိၸ်ႈ​ၼၼ်ႉ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ ဢိၵ်ႇ​တင်း​ၵႃႈ​ၼႂ်း​ႁိူၼ်း ယူႇ​ၵူႈ​မိုဝ်ႉ​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ​ဢေႃႈ။</verse>
			</chapter>
			<chapter number="6">
				<verse number="1">မိူဝ်ႈ​ၼၼ်ႉ​ၼႂ်း​မိူဝ်ႈ​ဢၼ် တပႄး​ၸဝ်ႈ​ယင်း​တိုၵ်ႉ​ၼမ်​မႃး​ၵိုၼ်း​မႃး​ယူႇ​ၼၼ်ႉ​ၸိုင်၊ ၵူၼ်း​မဵဝ်း​ ႁေႇလေႇၼိတ်ႉ ​တင်း​လၢႆ ပွင်ႉ​မိူၼ်ႇ​လႄႈ​ဝႃႈ၊ မိူဝ်ႈ​ဢၼ်​ႁဵတ်း​လဵင်ႉ​ႁဵတ်း​လူ​ၵူႈ​မိုဝ်ႉ​ၵူႈ​ဝၼ်း​ၼၼ်ႉ​ၸိုင်၊ ဢမ်ႇ​ပေႃး​ႁဵတ်း​လဵင်ႉ​ႁဵတ်း​လူ​တီႈ​မႄႈ​မၢႆႈ​မႄႈ​မူၵ်း​မဵဝ်း​ၵူၼ်း​ႁဝ်း​ၼႆႉ၊ ဝႃႈ​ၼင်ႇ​ၼႆ​လႄႈ တၢင်ႇ​ဢပႅတ်ႈ​တီႈ​ၵူၼ်း ႁေႇပြႄး ​တင်း​လၢႆ​ဢေႃႈ။-</verse>
				<verse number="2">မိူဝ်ႈ​ၼၼ်ႉ တမၢၼ်ႇ​ၸဝ်ႈ​သိပ်း​သွင်​ပႃး​ၸိူဝ်း​ၼၼ်ႉ ႁွင်ႉ​ဢဝ်​တပႄး​ၸဝ်ႈ​တင်း​လၢႆ​မႃး​သေ​ယဝ်ႉ၊ လၢတ်ႈ​လႄႈ​ဝႃႈ၊ ႁဝ်း​ဢမ်ႇ​ထုၵ်ႇ​လီ​ႁဵတ်း​လွင်ႈ​ဢၼ်​တၵ်း​ပႅတ်ႈ​ဝႆႉ ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ​သေ​လႄႈ ႁဵတ်း​တၢင်း​ဢၼ်​လဵင်ႉ​ဢၼ်​လူ​ၵႃႈ​တီႈ​ၶူင်ႇ​တီႈ​ၵိၼ်​ၼၼ်ႉ။-</verse>
				<verse number="3">ပိူဝ်ႈ​ၼႆ​လႄႈ ပီႈ​ၼွင်ႉ​ၶဝ်​ဢိူၺ်း၊ ႁႃ​ဢဝ်​ၵူၼ်း​ဢၼ်​မီး​သရေႇ ဢၼ်​ပျေႉ​ၸုမ်ႇ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢိၵ်ႇ​တင်း​ပိင်ႇ​ၺႃႇ​ၼၼ်ႉ​ၸဵတ်း​ၵေႃႉ​ၵႃႈ​ၼႂ်း​သူ​တႃႉ။ ႁဝ်း​တၵ်း​ၶၢၼ်း​ၶဝ်​ဝႆႉ ႁႂ်ႈ​ၶဝ်​လႆႈ​ႁဵတ်း​ပွင်​လွင်ႈ​တၢင်း​ၼႆႉ​ဢေႃႈ။-</verse>
				<verse number="4">ႁဝ်း​ၸမ်ႉ​တၵ်း​ႁဵတ်း​တၢင်း​ဢၼ်​သူး​တွင်း​ပထၼႃႇ ဢိၵ်ႇ​တင်း​တၢင်း​ဢၼ်​ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ၼၼ်ႉ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">ၵႂၢမ်း​ၼၼ်ႉ​ၸိုင် ၵူၼ်း​တင်း​သဵင်ႈ​တင်း​လူင်​ၼၼ်ႉ​ထုၵ်ႇ​ၸႂ်​ၵျိူၵ်ႈ​ၸႂ်​လႄႈ လိူၵ်ႈ​ၵဵပ်း​ဢဝ် ၸႃႉ​ၸဵမ်​ သထေႇၽၢၼ်ႇ ဢၼ်​ပျေႉ​ၸုမ်ႇ​တင်း​တၢင်း​ဢၼ်​ယုမ်ႇ​မၢတ်ႈ တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢိၵ်ႇ​တင်း​ ၽီႉလိပ်ႉပူႉ တင်း​ ပျေႃႇၶေႃႇ တင်း​ ၼီႉၵၼေႃႇ တင်း​ တီႉမုၼ်ႇ တင်း​ ပႃႇမေႇၼႃႉ တင်း​ ၼီႉၵေႃးလႃႉ ၵူၼ်း​ဝဵင်း​ ဢၼ်ႇတီႉဢူၵ်ႉ ဢၼ်​ၶဝ်ႈ​ၽႃႇသႃႇ​ ယူႉတႃႉ ​ၼၼ်ႉ​ၸိူဝ်း​ၼၼ်ႉ​သေ​လႄႈ၊-</verse>
				<verse number="6">ဝႆႉ​ၵႃႈ​တီႈ​ၽၢႆႇ​ၼႃႈ​တမၢၼ်ႇ​ၸဝ်ႈ​ဢေႃႈ။ တမၢၼ်ႇ​ၸဝ်ႈ​ၸိူဝ်း​ၼၼ်ႉ​ၵေႃႈ သူး​တွင်း​သေ​ယဝ်ႉ​ဢဝ်​မိုဝ်း​တၢင်ႇ​ၵႃႈ​ၼိူဝ်​ႁူဝ်​ၶဝ်​ၼၼ်ႉ​ဢေႃႈ။</verse>
				<verse number="7">သႃႇသၼႃႇ​ၽြႃး​ပဵၼ်​ၸဝ်ႈ​ယႂ်ႇ​ၵႂၢင်ႈ​မႃး​ယူႇ တပႄး​ၸဝ်ႈ​ၼမ်​မႃး​ၵိုၼ်း​မႃး​ယူႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​လႄႈ ယိတ်ႈပရေႃးႁဵၵ်ႈ​ၼမ်​ၼႃႇ​ထွမ်ႇ​ဢဝ်​တြႃး​တၢင်း​ဢၼ်​ယုမ်ႇ​မၢတ်ႈ​ဢေႃႈ။</verse>
				<verse number="8">သထေႇၽၢၼ်ႇ ​ၼၼ်ႉ ပျေႉ​ၸုမ်ႇ​ဝႆႉ​တင်း​ၵျေး​ၸူး​ၸဝ်ႈ​ဢိၵ်ႇ​တင်း​တၼ်း​ၶူဝ်း​ၸဝ်ႈ​လႄႈ ႁဵတ်း​ၼီႉမိၵ်ႈ​လၢၵ်ႈၶၼႃႇ​ဢၼ်​ယႂ်ႇ​လႂ်၊ လွင်ႈ​တၢင်း​ဢၼ်​လီ​ဢၢမ်း​လႂ် ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ဢေႃႈ။-</verse>
				<verse number="9">မိူဝ်ႈ​ၼၼ်ႉ ၸႃႉ​ၸဵမ်​ၵူၼ်း​ဢၼ်​မီး​ၼႂ်း​မုၵ်ႉ​ၼႂ်း​ၸိူဝ်း​ဢၼ်​လႆႈ​ႁွင်ႉ​ႁဵၵ်ႈ​ၸိူဝ်း လီႉပေႇရတိၼ်ႇ ဢိၵ်ႇ​တင်း​ၵူၼ်း​မိူင်း​ ၵူႉရေႇၼေႇ တင်း​ၵူၼ်း​ဝဵင်း​ ဢႃႇလေႇၸၼ်ႇတရေႇ တင်း​ၵူၼ်း​မိူင်း​ ၵီႉလီႉၵီႉ တင်း​ၵူၼ်း​မိူင်း​ ဢႃႇသီႉ ၵမ်ႈ​ၽွင်ႈ​ၸိူဝ်း​ၼၼ်ႉ​လုၵ်ႉ​လႄႈ​ထဵင်​ၵၼ်​တင်း​ သထေႇၽၢၼ်ႇ ​သေ​ၵေႃႈ၊-</verse>
				<verse number="10">ၶဝ်​ၼၼ်ႉ​ဢမ်ႇ​ၶၢမ်ႇ​ဢမ်ႇ​ႁႄႉ​ပိင်ႇ​ၺႃႇ​တင်း​ဝီႉၺိၺ်ႇ​ၸဝ်ႈ ဢၼ်​မၼ်း​ဢဝ်​သုင်း​သွင်ႇ​ႁေႃး​လၢတ်ႈ​ၼၼ်ႉ​လႆႈ။-</verse>
				<verse number="11">မိူဝ်ႈ​ၼၼ်ႉ​ၶဝ်​ၼၼ်ႉ​တဵတ်ႇ​တဵတ်ႇ​ႁွင်ႉ​ဢဝ် ၵူၼ်း​ဢၼ်​တၵ်း​ၶၢမ်ႇ​သၢၵ်ႈ​သေႇ​လႄႈ​ဝႃႈ၊ ႁဝ်း​ၶႃႈ​လႆႈ​ငိၼ်း​ၵေႃႉ​ၼႆႉ​လၢတ်ႈ​ပူၼ်ႉ​လၢတ်ႈ​လိူဝ်​ မူဝ်းသေႇ ​တင်း​ၽြႃး​ပဵၼ်​ၸဝ်ႈ​ၼၼ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ဝႆႉ​ဢေႃႈ။</verse>
				<verse number="12">လိူဝ်​သေ​ၼၼ်ႉ ၶဝ်​ၼၼ်ႉ​တိုၵ်း​ယူင်း​ၵူၼ်း​တင်း​လၢႆ​ဢိၵ်ႇ​တင်း ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် တင်း​ၵူၼ်း​ထုတ်ႇ​ၵျၢမ်း​တင်း​လၢႆ​သေ​ယဝ်ႉ မႃး​ၸူး​ၵႃႈ​တီႈ​ သထေႇၽၢၼ်ႇ ​လႄႈ တီႉ​ဢဝ်​မၼ်း​ၵႂႃႇ​သူင်ႇ​ၵႃႈ​တီႈ​လုမ်း​လူင်​ယဝ်ႉ၊-</verse>
				<verse number="13">ၸင်ႇ​ႁွင်ႉ​ဢဝ်​ၵူၼ်း​ဢၼ်​ၶၢမ်ႇ​သၢၵ်ႈ​သေႇ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ၸိူဝ်း​ၼၼ်ႉ မႃး​လႄႈ​လၢတ်ႈ​ဝႃႈ ၵေႃႉ​ၼႆႉ​လၢတ်ႈ​ပူၼ်ႉ​လၢတ်ႈ​လိူဝ်​ထႃႇ​ၼႃႉ​တီႈ​မူတ်း​ၸၢင်ႇ​ၸဝ်ႈ​ၼႆႉ ဢိၵ်ႇ​တင်း​ပိင်း​ၺၢပ်ႈ​တြႃး​ၸဝ်ႈ​ယူႇ​တႃႇ​သေႇ​ဢမ်ႇ​ထၢတ်ႇ​ၶႃႈ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ ႁဝ်း​ၶႃႈ​လႆႈ​ငိၼ်း​မၼ်း​လၢတ်ႈ​လႄႈ​ဝႃႈ၊ ယေႇသူႉ ​ၵူၼ်း​ဝဵင်း​ ၼႃႇၸရႅတ်ႈ ​ၼၼ်ႉ​တၵ်း​ယႃႉ​တီႈ​ယူႇ​တၼ်း​သဝ်း​ၸဝ်ႈ​ၼႆႉ​ပႅတ်ႈ​လႄႈ ႁႂ်ႈ​ထုင်း​ၸၢမ်ႇ​ဢူႉပတေႇ​ဢၼ်​ မူဝ်းသေႇ ​ဢၢပ်ႈ​ပၼ်​တီႈ​ႁဝ်း​ၼႆႉ​ၼၼ်ႉ​ၶၢႆႉ​ပုတ်ႈ​သေ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၶဝ်​ၸိူဝ်း​ဢၼ်​ၼင်ႈ​ယူႇ​ၵႃႈ​ၼိူဝ်​လုမ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၵေႃႈ ယႅၵ်ႉ​တူၺ်း​ၼႃႈ​မၼ်း​ၸေး​ၸေး​ၸွတ်ႇ​ၸွတ်ႇ​ယူႇ​သေ​လႄႈ ႁၼ်​ၼႃႈ​မၼ်း​ပဵၼ်​ၸိူဝ်ႉ​ၼင်ႇ​ၼႃႈ​တမၢၼ်ႇ​ၵၢင်​ႁၢဝ်​ဝႆႉ​ဢေႃႈ။</verse>
			</chapter>
			<chapter number="7">
				<verse number="1">မိူဝ်ႈ​ၼၼ်ႉ ၶုၼ်​ယိတ်ႈပရေႃးႁဵၵ်ႈ​ထၢမ်​လႄႈ​ဝႃႈ လွင်ႈ​တၢင်း​ၸိူဝ်း​ၼႆႉ​မႅၼ်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="2">မၼ်း​ၵေႃႈ​မွၵ်ႇ​လၢတ်ႈ​လႄႈ​ဝႃႈ၊ ပီႈ​ၼွင်ႉ​ၶဝ်​ဢိၵ်ႇ​တင်း​ပေႃႈ​ၶဝ်​ဢိူၺ်း၊ ထွမ်ႇ​ငိၼ်း​သေ​ၵမ်း။ ၽြႃး​ပဵၼ်​ၸဝ်ႈ​ဢၼ်​မုၼ်​ၽုင်း​ယႂ်ႇ​ၼႃႇ​ၼၼ်ႉ ပေႃႇ​မႃး​တီႈ​ပေႃႈ​ႁဝ်း​ ဢႃႇပြႃႇႁၢမ်ႇ ​ၼၼ်ႉ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ​မီး​ယူႇ ၵႃႈ​ၼႂ်း​မိူင်း​ မေႇသေႃးပေႃးတႃႇမီႉ ၸူဝ်ႈ​ဢၼ်​မၼ်း ဢမ်ႇ​ပႆႇ​ယူႇ​ၵႃႈ​တီႈ​ဝဵင်း​ ၶႃႇရၢၼ်ႇ ​ၼၼ်ႉ​လႄႈ၊-</verse>
				<verse number="3">မီး​ဢမိင်ႉ​ဝႃႈ ဢွၵ်ႇ​သေ​ၵႃႈ​ၼႂ်း​မိူင်း​မႂ်း ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​လႄႈ ၵႂႃႇ​ၵႃႈ​တီႈ​မိူင်း​ဢၼ်​ၵဝ်​တၵ်း​ၼႄ​ပၼ်​တီႈ​မႂ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">မိူဝ်ႈ​ၼၼ်ႉ မၼ်း​ၸင်ႇ​ဢွၵ်ႇ​သေ​ၵႃႈ​ၼႂ်း​မိူင်း​ ၵႃႇလတေး ​လႄႈ ၵႂႃႇ​ယူႇ​ၵႃႈ​ၼႂ်း​ဝဵင်း​ ၶႃႇရၢၼ်ႇ ​ဢေႃႈ။ မိူဝ်ႈ​ဢၼ်​ပေႃႈ​မၼ်း​တၢႆ​ယဝ်ႉ​ၸိုင် မၼ်း​ၸဝ်ႈ​ၸင်ႇ​ႁႂ်ႈ​မၼ်း​ၶၢႆႉ​မႃး​ၵႃႈ​တီႈ​မိူင်း​ဢၼ်​သူ​ယူႇ​တေႃႈ​လဵဝ်​ၼႆႉ​ဢေႃႈ။-</verse>
				<verse number="5">ပိၵ်ႉ​သမ်ႉ​မၼ်း​ၸဝ်ႈ​ဢမ်ႇ​ပၼ်​ဢမူၺ်ႇ​တီႈ​မၼ်း ထၢၼ်ႇ​တီႈ​တိၼ်​ၶွၼ်​ၼိုင်ႈ​တၵ်း​ယဵပ်ႇ​ၼႂ်း​တီႈ​မိူင်း​ၼႆႉ​သေ​ၵေႃႈ မၼ်း​ၸဝ်ႈ​ဝႆႉ​ၵတီႉ​ၸဵမ်​မိူဝ်ႈ​ဢၼ်​မၼ်း​ဢမ်ႇ​ပႆႇ​မီး​လုၵ်ႈ​မီး​လၢင်း​သေ​ၵေႃႉ​သေ​ၵူၼ်း​ၼၼ်ႉ​လႄႈ​ဝႃႈ တၵ်း​ပၼ်​မိူင်း​ၼႆႉ တီႈ​ၸႃႉ​ၸဵမ်​မၼ်း​တင်း​လုၵ်ႈ​လၢၼ်​မၼ်း​တင်း​လၢႆ​ပိူင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ၽြႃး​ပဵၼ်​ၸဝ်ႈ​ပျႃႇ​တိၵ်ႈ​ဝႆႉ​လႄႈ​ဝႃႈ ၸိူဝ်ႉ​ၶိူဝ်း​မၼ်း​တၵ်း​လႆႈ​ပဵၼ်​ၶႅၵ်ႇ​ယူႇ ၵႃႈ​ၼႂ်း​မိူင်း​ဢၼ်​ပိူၼ်ႈ​ဢုပ်ႉ​ပိူင်ႇ​ၼၼ်ႉ​လႄႈ ၶၢမ်ႇ​တၢင်း​ဢၼ်​ၶၢမ်ႇ​ႁဵတ်း​ၶႃႈ​ပိူၼ်ႈ၊ တၢင်း​ဢၼ်​ပိူၼ်ႈ​ၼိၵ်ႈ​ၸၢၵ်ႈ​ငႅၼ်း​သႄး​သီႇ​ပၢၵ်ႇ​ပီႊ​ဢေႃႈ၊-</verse>
				<verse number="7">မဵဝ်း​ၵူၼ်း​ဢၼ်​ၸႂ်ႉ​ၵိၼ်​ၶဝ်​ၼၼ်ႉ​ၵေႃႈ ၵဝ်​တၵ်း​ၸီႇ​ယၢင်ႇ​ဢေႃႈ။ လိုၼ်း​ၼၼ်ႉ​ၶဝ်​တၵ်း​လႆႈ​ဢွၵ်ႇ​လႄႈ ႁဵတ်း​ဝၢတ်ႈ​တီႈ​ၵဝ်​ၵႃႈ​ၼႂ်း​တီႈ​ၼႆႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">မၼ်း​ၸဝ်ႈ​ပၼ်​ပတီႉၺိၺ်ႇ​တြႃး​ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ထိူဝ်​ႁိမ်း​ၼၼ်ႉ တီႈ​ ဢႃႇပြႃႇႁၢမ်ႇ ​ဢေႃႈ။ ၼင်ႇ​ၼၼ်​လႄႈ မၼ်း​ၵိူတ်ႇ​လဵင်ႉ​ ဢီႉၸၢၵ်ႈ ​မႃး​လႄႈ ၼႂ်း​ဝၼ်း​ဢၼ်​ထူၼ်ႈ​ထိုင်​ပႅတ်ႇ​ဝၼ်း​ၼၼ်ႉ ပၼ်​တၢင်း​ဢၼ်​ထိူဝ်​ႁိမ်း​ဢေႃႈ။​ ဢီႉၸၢၵ်ႈ ​ၼၼ်ႉ​သမ်ႉ ပၼ်​တီႈ​လုၵ်ႈ​ၸၢႆး​မၼ်း​ ယႃႇၵုပ်ႈ ​လႄႈ ယႃႇၵုပ်ႈ ​ၼၼ်ႉ​သမ်ႉ ပၼ်​တီႈ​လုၵ်ႈ​ၸၢႆး​မၼ်း​သိပ်း​သွင်​ၵေႃႉ ဢၼ်​ပဵၼ်​ပေႃႈ​ၸိူဝ်ႉ​ၶိူဝ်း​ႁဝ်း​ၸိူဝ်း​ၼၼ်ႉ​ဢေႃႈ။-</verse>
				<verse number="9">ပေႃႈ​ၸိူဝ်ႉ​ၶိူဝ်း​ၸိူဝ်း​ၼၼ်ႉ​ၵေႃႈ မီး​ၸႂ်​ဢၼ်​သီႈ​ၵေႉ​ႁေႈ​တႃ​လႄႈ ၶၢႆ​ ယူဝ်းသႅပ်ႈ ​တေႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ပႅတ်ႈ​ဢေႃႈ။-</verse>
				<verse number="10">ၽြႃး​ပဵၼ်​ၸဝ်ႈ​ပႂ်ႉ​လူ​ပႂ်ႉ​တူၺ်း​မၼ်း​ယူႇ​လႄႈ ၼုၵ်ႈ​ဢဝ်​မၼ်း​ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​မၼ်း​တင်း​လၢႆ​သေ​ယဝ်ႉ ပၼ်​ၼႃႈ​ၵီႈ​တႃ​ဝၢၼ်​ဢိၵ်ႇ​တင်း ဢတၢတ်ႈ​ပိင်ႇ​ၺႃႇ ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ဢၼ်​ဢုပ်ႉ​ပိူင်ႇ​မိူင်း ဢေႇၵိပ်ႉတူႉ ​ၼၼ်ႉ​လႄႈ ၶုၼ်​ႁေႃ​ၶမ်း​ၼၼ်ႉ​ၵေႃႈ ဢဝ်​မၼ်း​ၶၢၼ်း​ဝႆႉ​ၵႃႈ​ၼႂ်း​ဢရႃႇ​ဢၼ်​ဢုပ်ႉ​ပိူင်ႇ မိူင်း​ ဢေႇၵိပ်ႉတူႉ တင်း​ဢရႃႇ​ဢၼ်​ဢုပ်ႉ​ပိူင်ႇ​ႁေႃ​ၶမ်း​ဢေႃႈ။</verse>
				<verse number="11">ၼႂ်း​မိူင်း​ ၶႃႇၼၢၼ်ႇ တင်း​မိူင်း​ ဢေႇၵိပ်ႉတူႉ ​ၼၼ်ႉ​တင်း​မိူင်း ပဵၼ်​တၢင်း​ဢၼ်​ၶဝ်ႈ​ၵႃႈ​မၢၵ်ႇ​ပႅင်း ဢိၵ်ႇ​တင်း​တုၵ်ႉ​ၶႃႉ​တၢင်း​ၽၢၼ်​ဢၼ်​ယႂ်ႇ​ၼႃႇ​မႃး​လႄႈ တီႈ​ပေႃႈ​ႁဝ်း​ၸိူဝ်း​ၼၼ်ႉ တၢင်း​ၵိၼ်​တၢင်း​ၶူပ်း​သဵင်ႈ​ၵႂႃႇ​မူတ်း​ၵႂႃႇ​ဢေႃႈ။-</verse>
				<verse number="12">မိူဝ်ႈ​ဢၼ် ယႃႇၵုပ်ႈ​လႆႈ​ငိၼ်း​လွင်ႈ​ဢၼ်​ၶဝ်ႈ​ပိူၵ်ႇ​ၶဝ်ႈ​သၢၼ် မီး​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​ၸိုင် ပွႆႇ​ၸႂ်ႉ​ပေႃႈ​ႁဝ်း​ၸိူဝ်း​ၼၼ်ႉ​ၵႂႃႇ​ပွၵ်ႈ​ပထမႃႉ​ဢေႃႈ။-</verse>
				<verse number="13">ပွၵ်ႈ​တူႉတီႉယႃႉ​ ယူဝ်းသႅပ်ႈ ​ၼၼ်ႉ ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တူဝ်​ၸဝ်ႈ​ၵဝ်ႇ တီႈ​ပီႈ​ၼွင်ႉ​မၼ်း​တင်း​လၢႆ​လႄႈ ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ လႆႈ​ႁူႉ​ၸိူဝ်ႉ​ၶိူဝ်း​ယူဝ်းသႅပ်ႈ​ဢေႃႈ။-</verse>
				<verse number="14">မိူဝ်ႈ​ၼၼ်ႉ​ ယူဝ်းသႅပ်ႈ ပွႆႇ​ၸႂ်ႉ​ၵႂႃႇ​ႁွင်ႉ​ပၢင်း​ဢဝ်​ပေႃႈ​မၼ်း​ ယႃႇၵုပ်ႈ ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း​တင်း​သဵင်ႈ​တင်း​လူင် ဢၼ်​ၼပ်ႉ​ဢၢၼ်ႇ​မီး​သေ​ၸဵတ်း​သိပ်း​ပၢႆ​ႁႃႈ​ၵေႃႉ​ၸိူဝ်း​ၼၼ်ႉ​မႃး​ဢေႃႈ။-</verse>
				<verse number="15">ယႃႇၵုပ်ႈ ​ၵေႃႈ​လူင်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ​လႄႈ ၸႃႉ​ၸဵမ်​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ပေႃႈ​ႁဝ်း​ၸိူဝ်း​ၼၼ်ႉ တၢႆ​ၵႂႃႇ​ဝၢႆး​ၵႂႃႇ​သေ​ဢေႃႈ။-</verse>
				<verse number="16">ၶဝ်​ၼၼ်ႉ​ၶၢမ်ႇ​ဢဝ်​တၢင်း​ဢၼ်​ဢဝ်​ၵႂႃႇ​သူင်ႇ​ၵႃႈ​တီႈ ဝဵင်း သေႇၶိမ်ႇ ​လႄႈ သႂ်ႇ​ဝႆႉ​ၵႃႈ​ၼႂ်း​သၢင်း​ၶႅင်း ဢၼ်​ ဢႃႇပြႃႇႁၢမ်ႇ ဢဝ်​တင်း​ငိုၼ်း​သိုဝ်ႉ​ဢဝ် တီႈ​ၶဝ်​ၸိူဝ်း​ဢၼ်​ပဵၼ် လုၵ်ႈ​ ႁေႇမေႃႇ ပေႃႈ​ သေႇၶိမ်ႇ ​ၸိူဝ်း​ၼၼ်ႉ​ဢေႃႈ။</verse>
				<verse number="17">မိူဝ်ႈ​ဢၼ်​ၶိင်ႇ​ၵႃႇလႃႉ​ၵတီႉ​ၸဝ်ႈ​ဢၼ်​ၽြႃး​ပဵၼ်​ၸဝ်ႈ တိၵ်ႈ​ထၢၼ်ႇ​ဝႃႈ​တီႈ​ ဢႃႇပြႃႇႁၢမ်ႇ ​ၼၼ်ႉ ၸမ်​တၵ်း​ႁွတ်ႈ​မႃး​ၼၼ်ႉ​ၸိုင် ၵူၼ်း​မဵဝ်း​ၼၼ်ႉ​ယႂ်ႇ​ၵႂၢင်ႈ​လႄႈ ၼမ်​မႃး​ၵိုၼ်း​မႃး​ၵႃႈ​ၼႂ်း​မိူင်း​ ဢေႇၵိပ်ႉတူႉ ။-</verse>
				<verse number="18">တေႃႇ​ထိုင်​ႁွတ်ႈ​ၶုၼ်​ႁေႃ​ၶမ်း​ပႃး​ၼိုင်ႈ ဢၼ်​ဢမ်ႇ​ႁူႉ​ၸၵ်း​ ယူဝ်းသႅပ်ႈ ​ၼၼ်ႉ​ပေႃႇ​မႃး​ဢေႃႈ။-</verse>
				<verse number="19">ၶုၼ်​ႁေႃ​ၶမ်း​ၼၼ်ႉ​ႁဵတ်း​ပရီႉယႄႇ တီႈ​ၸိူဝ်ႉ​ၶိူဝ်း​ႁဝ်း​ၼၼ်ႉ​လႄႈ ၼင်ႇ​ႁိုဝ်​ၶဝ်​တၵ်း​လႆႈ​ထိမ်ႈ​ပႅတ်ႈ​လုၵ်ႈ​ၸၢႆး​ဢွၼ်ႇ​ၶဝ်​တင်း​လၢႆ ႁႂ်ႈ​ဢသၢၵ်ႈ​ဢမ်ႇ​လႆႈ​လိပ်း​ၸိုင် ၼိၵ်ႈ​ၸၢၵ်ႈ​ငႅၼ်း​သႄး​ပေႃႈ​ႁဝ်း​ၸိူဝ်း​ၼၼ်ႉ​ဢေႃႈ။-</verse>
				<verse number="20">မိူဝ်ႈ​ၼၼ်ႉ​ မူဝ်းသေႇ ၵေႃႉ​ဢၼ်​ႁၢင်ႈ​လီ​ၼႃႇ​ၼၼ်ႉ​ၵိူတ်ႇ​လဵင်ႉ​မႃး​လႄႈ လႆႈ​ၶၢမ်ႇ​တၢင်း​ဢၼ်​လဵင်ႉ​ဢၼ်​လူ​ဝႆႉ​ၵႃႈ​ၼႂ်း​ႁိူၼ်း​ပေႃႈ​မၼ်း​သၢမ်​လိူၼ်​တဵမ်​တဵမ်​ဢေႃႈ။-</verse>
				<verse number="21">လိုၼ်း​ၼၼ်ႉ မိူဝ်ႈ​ဢၼ်​မၼ်း​လႆႈ​ၶၢမ်ႇ​တၢင်း​ဢၼ်​ထိမ်ႈ​ပႅတ်ႈ​ၼၼ်ႉ​ၸိုင် လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ ၸင်ႇ​ၵဵပ်း​ဢဝ်​လႄႈ​လဵင်ႉ​လူ​ဝႆႉ ၸိူဝ်ႉ​ၼင်ႇ​လုၵ်ႈ​ၼင်ႇ​လၢင်း​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="22">မူဝ်းသေႇ ​ၼၼ်ႉ​ၵေႃႈ သွၼ်​ဢဝ်​ဢတၢတ်ႈ​ပိင်ႇ​ၺႃႇ​မိူင်း​ ဢေႇၵိပ်ႉတူႉ ၵႃႈ​မီး​တင်း​သဵင်ႈ​တင်း​လူင်​သေ​လႄႈ သူပ်း​ၸၢင်ႈ​လၢတ်ႈ မိုဝ်း​ၸၢင်ႈ​ႁဵတ်း​ဢေႃႈ။-</verse>
				<verse number="23">မိူဝ်ႈ​ဢၼ်​ဢသၢၵ်ႈ​မၼ်း​လႆႈ​သီႇ​သိပ်း​ပီႊ​ၼၼ်ႉ​ၸိုင် မၼ်း​မီး​တၢင်း​ၵျၢမ်ႇ​တၢင်း​ပွင်​ၼႂ်း​ၸႂ်​လႄႈ​ဝႃႈ၊ တၵ်း​ၵႂႃႇ​လူ​ၵႂႃႇ​တူၺ်း​ပီႈ​ၼွင်ႉ​ၸိူဝ်ႉ​ၶိူဝ်း​တူဝ်​ၸဝ်ႈ​ၵဝ်ႇ ဢၼ်​ပဵၼ်​ၵူၼ်း​ ဢီႉသရေႇလႃႉ ​ၼၼ်ႉ​ဢေႃႈ။-</verse>
				<verse number="24">မိူဝ်ႈ​ဢၼ်​မၼ်း​ႁၼ်​ပီႈ​ၼွင်ႉ​ၸိူဝ်ႉ​ၶိူဝ်း​တူဝ်​ၸဝ်ႈ​ၵဝ်ႇ​ၵေႃႉ​ၼိုင်ႈ လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ၸိုင် မၼ်း​ယူႇ​ၽၢႆႇ​မၼ်း​ၼၼ်ႉ​သေ​လႄႈ ပေႃႉ​ယႅၼ်ႉ​ၵူၼ်း​ ဢေႇၵိပ်ႉတူႉ ​တၢႆ​သေ​ယဝ်ႉ၊ ပၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ပႄႉ​ၼႅင်ႇ​ဢေႃႈ။-</verse>
				<verse number="25">ပိၵ်ႉ​သမ်ႉ​မၼ်း​ထၢင်ႇ​ပီႈ​ၼွင်ႉ​မၼ်း​ၸိူဝ်း​ၼၼ်ႉ​တၵ်း​ႁူႉ​ႁၼ်​လွင်ႈ​ဢၼ်​ၽြႃး​ပဵၼ်​ၸဝ်ႈ တၵ်း​ဢဝ်​တင်း​မိုဝ်း​မၼ်း​ၵႄႇ​ၼုၵ်ႈ​ဢဝ်​ၶဝ်​ၼၼ်ႉ​ယူႇ​သေ​ၵေႃႈ ၶဝ်​ၼၼ်ႉ​ဢမ်ႇ​ႁူႉ​ဢမ်ႇ​ႁၼ်။-</verse>
				<verse number="26">ၼႂ်း​ဝၼ်း​မိူဝ်ႈ​ၽုၵ်ႈ မၼ်း​ၸင်ႇ​ပေႃႇ​မႃး ၵႃႈ​တီႈ​ၵူၼ်း​ဢၼ်​ၼင်ႇ​ၵၼ်​ၵၼ်​ၽိတ်း​ၵၼ်​ယူႇ​ၼၼ်ႉ​လႄႈ ၸူဝ်း​ဢဝ်​ႁႂ်ႈ​ၶဝ်​တဵတ်ႇ​ယဵၼ်​လႄႈ​ဝႃႈ၊ ၵူၼ်း​ၶဝ်​ဢိူၺ်း၊ သူ​ၼႆႉ​ပဵၼ်​ပီႈ​ၼွင်ႉ​ၵၼ်​လူင်​လၢင်၊ ႁဵတ်း​သင်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼိၵ်ႈ​ၸၢၵ်ႈ​ငႅၼ်း​သႄး​ၵၼ်​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="27">ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​ႁိူၼ်း​ၸမ်​ၵၼ်​ၼၼ်ႉ​ၵေႃႈ ပႄႇ​ပႅတ်ႈ​ မူဝ်းသေႇ ​သေ​လႄႈ​လၢတ်ႈ​ဝႃႈ၊ ၽူႈ​လႂ်​ၶၢၼ်း​မႂ်း​ဝႆႉ​ႁႂ်ႈ​မႂ်း​ႁဵတ်း​ၵူၼ်း​ယႂ်ႇ​ၵူၼ်း​လူင် ၵူၼ်း​ဢၼ်​ၸီႇ​ယၢင်ႇ​ၵႃႈ​ၼိူဝ်​ႁဝ်း။-</verse>
				<verse number="28">မႂ်း​တၵ်း​ၶႂ်ႈ​ဢဝ်​ၵဝ်​တၢႆ​ၸိူဝ်ႉ​ၼင်ႇ​ဢၼ် ဢဝ်​ၵူၼ်း​ ဢေႇၵိပ်ႉတူႉ ​တၢႆ မိူဝ်ႈ​ဝႃး​ၼၼ်ႉ​လူး​ၵွၼ်ႇ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မူဝ်းသေႇ ​ငိၼ်း​ၵႂၢမ်း​ၼၼ်ႉ​သေ​ယဝ်ႉ ဢွၵ်ႇ​ပၢႆႈ​ၵႂႃႇ​လႄႈ ပဵၼ်​ၶႅၵ်ႇ​ၵႃႈ​ၼႂ်း​မိူင်း​ မီႉတျၼ်ႇ ​ယူႇ​သေ​လႄႈ မီး​လုၵ်ႈ​ၸၢႆး​သွင်​ၵေႃႉ​ဢေႃႈ။-</verse>
				<verse number="30">မိူဝ်ႈ​ဢၼ်​ပူၼ်ႉ​သီႇ​သိပ်း​ပီႊ​ယဝ်ႉ​ၸိုင် တမၢၼ်ႇ​ၵၢင်​ႁၢဝ်​ပေႃႇ​မႃး​ၵႃႈ​ၼႂ်း​ယုမ်း​ဢၼ်​ၽႆး​မႆႈ​ယူႇ​ၼၼ်ႉ ၵႃႈ​တီႈ​ၼႂ်း​ထိူၼ်ႇ ႁိမ်း​တိၼ်​လွႆ​ သီႉၼႃႉ ​ဢေႃႈ။-</verse>
				<verse number="31">မိူဝ်ႈ​ဢၼ်​ မူဝ်းသေႇ ႁၼ်​ၼၼ်ႉ​ၸိုင် မၼ်း​ဢၢမ်း​ၼႃႇ​လူင်​လၢင်​လႄႈ သုတ်ႉ​ၸမ်​ႁႂ်ႈ​လႆႈ​ယႅၵ်ႉ​တူၺ်း ၸေး​ၸေး​ၸွတ်ႇ​ၸွတ်ႇ​သေ​ယဝ်ႉ၊ သဵင်​ပျႃႇ​တိၵ်ႈ​ထႃႇဝရႃႉ​ၽြႃး​ဢွၵ်ႇ​မႃး​လႄႈ​ဝႃႈ၊-</verse>
				<verse number="32">ၵဝ်​ၼႆႉ​ၸမ်ႉ​ပဵၼ်​ၽြႃး​ၸူဝ်ႈ​ပူႇ​ပၢၼ်​ပေႃႈ​သူ၊ ၽြႃး​ ဢႃႇပြႃႇႁၢမ်ႇ ၊ ၽြႃး​ ဢီႉၸၢၵ်ႈ ၊ ၽြႃး​ ယႃႇၵုပ်ႈ ​ၸိူဝ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ​ မူဝ်းသေႇ ​သၼ်ႇ​ဝႆ​ယူႇ​လႄႈ ဢမ်ႇ​ႁတ်း​ယႅၵ်ႉ​တူၺ်း​ၸေး​ၸေး​ၸွတ်ႇ​ၸွတ်ႇ။-</verse>
				<verse number="33">ထႃႇဝရႃႉ​ၽြႃး​ၵေႃႈ​ပျႃႇ​တိၵ်ႈ​လႄႈ​ဝႃႈ ထွတ်ႇ​ၶႅပ်း​တိၼ်​မႂ်း​တႃႉ၊ တီႈ​ဢၼ်​မႂ်း​ယဵပ်ႇ​ၼၼ်ႉ​ၸမ်ႉ၊ ပဵၼ်​လိၼ်​ဢၼ်​မူတ်း​ၸၢင်ႇ ဢေႃႈ။-</verse>
				<verse number="34">ၵဝ်​လႆႈ​ႁၼ်​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​ၵူၼ်း​ၵဝ်​တင်း​လၢႆ​လႆႈ​ၶၢမ်ႇ ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼၼ်ႉ​လီ​လီ​ငၢမ်း​ငၢမ်း​ယဝ်ႉ။ သဵင်​ဢၼ်​ၶဝ်​ၶၢင်း​ၶီ​ၶၢင်း​ၽၢၼ်​ၼၼ်ႉ​ၵေႃႈ​ၵဝ်​လႆႈ​ငိၼ်း​ယဝ်ႉ။ ၵဝ်​လူင်း​မႃး​ႁႂ်ႈ​လႆႈ​ၼုၵ်ႈ​ဢဝ်​ၶဝ်​ၼၼ်ႉ​ယဝ်ႉ။ တေႃႈ​လဵဝ်​ၼႆႉ​ၵႂႃႇ​တႃႉ။ ၵဝ်​တၵ်း​ပွႆႇ​ၸႂ်ႉ​မႂ်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="35">မူဝ်းသေႇ ၵေႃႉ​ဢၼ်​ၶဝ်​လႆႈ​ပႄႇ​ပႅတ်ႈ​လႄႈ​ဝႃႈ၊ ၽူႈ​လႂ်​ၶၢၼ်း​မႂ်း​ဝႆႉ ႁႂ်ႈ​မႂ်း​လႆႈ​ႁဵတ်း​ၵူၼ်း​ယႂ်ႇ​ၵူၼ်း​လူင် ၵူၼ်း​ဢၼ်​ၸီႇ​ယၢင်ႇ၊ ဝႃႈ​ၼင်ႇ​ၼႆ​ၼၼ်ႉ​ၸိုင် ၽြႃး​ပဵၼ်​ၸဝ်ႈ​ဢဝ်​မိုဝ်း​တမၢၼ်ႇ​ၵၢင်​ႁၢဝ် ဢၼ်​ပေႃႇ​မႃး​ၵႃႈ​ၼႂ်း​ယုမ်း​မႆႈ​ၼၼ်ႉ ၶၢၼ်း​ဝႆႉ​ႁႂ်ႈ​ပဵၼ်​ၵူၼ်း​ယႂ်ႇ​ၵူၼ်း​လူင်​ၵူၼ်း​ဢၼ်​ၵႄႇ​သႄႇ​ၶျွတ်ႈ​ဢဝ်​ဢေႃႈ။-</verse>
				<verse number="36">ၵေႃႉ​ၼၼ်ႉ​ၼုၵ်ႈ​ဢဝ်​ၶဝ်​ၼၼ်ႉ​သေ​လႄႈ ႁဵတ်း​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ၵႃႈ​ၼႂ်း​မိူင်း​ ဢေႇၵိပ်ႉတူႉ ​တင်း ၵႃႈ​ၼႂ်း​ပၢင်ႇ​လၢႆႇ ဢေႇတုမ်ႇ တင်း​ၵႃႈ​ၼႂ်း​ထိူၼ်ႇ​သီႇ​သိပ်း​ပီႊ​တဵမ်​တဵမ်​ဢေႃႈ။</verse>
				<verse number="37">ၵေႃႉ​ၼၼ်ႉ​ပဵၼ်​ မူဝ်းသေႇ ဢၼ်​လၢတ်ႈ​ဝႆႉ​ၵႃႈ​တီႈ ၵူၼ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ ၽြႃး​ပဵၼ်​ၸဝ်ႈ​တၵ်း​ႁႂ်ႈ​ပရေႃးၽႅတ်ႈ ဢၼ်​မိူၼ်​ၸိူဝ်ႉ​ၼင်ႇ​ၵဝ်​ၵေႃႉ​ၼိုင်ႈ ပေႃႇ​ဢွၵ်ႇ​မႃး​ၵႃႈ​ၼႂ်း​ပီႈ​ၼွင်ႉ​ၸိူဝ်ႉ​ၶိူဝ်း​သူ​ပုၼ်ႈ​သူ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="38">ၵေႃႉ​ၼၼ်ႉ ပဵၼ်​ၵေႃႉ​ဢၼ်​လႆႈ​မီး​ယူႇ​ၵႃႈ​ၼႂ်း​မုၵ်ႉ​ၵူၼ်း​ၸိူဝ်း​ၵူၼ်း ၵႃႈ​ၼႂ်း​ထိူၼ်ႇ​လူၺ်ႈ​ၵၼ်​တင်း တမၢၼ်ႇ​ၵၢင်​ႁၢဝ်​ဢၼ်​တၵ်ႉ​လၢတ်ႈ​မၼ်း​ၵႃႈ​ၼိူဝ်​လွႆ​ သီႉၼႃႉ ​ၼၼ်ႉ ဢိၵ်ႇ​တင်း​ပေႃႈ​ႁဝ်း​ၸိူဝ်း​ၼၼ်ႉ​ဢေႃႈ။ ၵေႃႉ​ၼၼ်ႉ​လႆႈ​ၶၢမ်ႇ​ဢဝ် ပျႃႇ​တိၵ်ႈ​ဢၼ်​ႁႂ်ႈ​ဢသၢၵ်ႈ​လိပ်း​ၼၼ်ႉ ႁႂ်ႈ​လႆႈ​ဢၢပ်ႈ​ပၼ်​တီႈ​ႁဝ်း​ဢေႃႈ။-</verse>
				<verse number="39">ၵႂၢမ်း​ၵေႃႉ​ၼၼ်ႉ​ၸိုင် ပူႇ​ပေႃႈ​ႁဝ်း​ၸိူဝ်း​ၼၼ်ႉ ယင်း​ဢမ်ႇ​ၶႂ်ႈ​ထွမ်ႇ​ၶႂ်ႈ​ဢဝ်​လႄႈ ပႄႇ​ပႅတ်ႈ​သေ​ယဝ်ႉ၊ မီး​တင်း​ၸႂ်​ဢၼ်​ၶႂ်ႈ​ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ ဢေႇၵိပ်ႉတူႉ ​ယူႇ​သေ​လႄႈ၊-</verse>
				<verse number="40">လႆႈ​လၢတ်ႈ​တီႈ​ ဢႃႇရုၼ်ႇ ​လႄႈ​ဝႃႈ ႁဵတ်း​ၽြႃး​ဢၼ်​တၵ်း​ၵႂႃႇ​ဢွၼ်​တၢင်း​ႁဝ်း​ပုၼ်ႈ​ႁဝ်း​သေ​ၵမ်း။ ႁဝ်း​ဢမ်ႇ​ႁူႉ​လွင်ႈ ဢၼ်​ မူဝ်းသေႇ ဢၼ်​ၼုၵ်ႈ​ဢဝ်​ႁဝ်း​ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ပုၼ်ႉ​မႃး​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်​ယူႇ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="41">မိူဝ်ႈ​ၶိင်ႇ​ၵႃႇလႃႉ​ဝၼ်း​ၼၼ်ႉ ၶဝ်​လႆႈ​ႁဵတ်း​ဝူဝ်း​ဢွၼ်ႇ​သေ​ယဝ်ႉ၊ ပုၵ်ႈ​ၸေႃႇ​တီႈ​ရုၵ်ႈ​ထူႉ​ၼၼ်ႉ​လႄႈ မူၼ်ႈ​ပျေႃႇ​ၵႃႈ​ၼႂ်း​လွင်ႈ​တၢင်း​ဢၼ်​မိုဝ်း​တူဝ်​ၸဝ်ႈ​ၵဝ်ႇ​ႁဵတ်း​ဝႆႉ​ၼၼ်ႉ​ဢေႃႈ။-</verse>
				<verse number="42">ၽြႃး​ပဵၼ်​ၸဝ်ႈ​ဝၢႆႇ​ၼႃႈ​ပႅတ်ႈ​ၶဝ်​သေ​လႄႈ​ၸုၼ်ႉ​ပႅတ်ႈ​ၶဝ် ႁႂ်ႈ​ၶဝ်​လႆႈ​ႁဵတ်း​ဝၢတ်ႈ​ၵႃႈ​တီႈ​ၶိူင်ႈ​ပိူင်​ၵၢင်​ႁၢဝ်​တင်း​လၢႆ​ၼၼ်ႉ​ဢေႃႈ။ ၼင်ႇ​ၼၼ်​လႄႈ ဢၼ်​တႅမ်ႈ​ဝႆႉ​ၼႂ်း​ၵျၢမ်း​ဢၼႃႇၵၢတ်ႈတီႉ​လႄႈ​ဝႃႈ​ၸမ်ႉ မဵဝ်း​ ဢီႉသရေႇလႃႉ ​ဢိူၺ်း၊ သူ​လႆႈ​ဢွၼ်​ၵၼ်​ဢဝ်​တရိၵ်ႈသၢၼ်ႇ ဢၼ်​ဢဝ်​တၢႆ​ယဝ်ႉ ဢိၵ်ႇ​တင်း​ယိတ်ႈ​တင်း​လၢႆ​ပုၵ်ႈ​ၸေႃႇ​တီႈ​ၵဝ် ၵႃႈ​ၼႂ်း​ထိူၼ်ႇ​ၼၼ်ႉ​သီႇ​သိပ်း​ပီႊ​တဵမ်​တဵမ်​ႁိုဝ်။-</verse>
				<verse number="43">သူ​ႁၢပ်ႇ​ဢဝ်​ပႃး​ဢဝ်​သုမ်ႉ​ထဵင်​ မူးလွၵ်ႉ တင်း​လၢဝ်​ၸဝ်ႈ​ၽြႃး​ ရိမ်ႇၽၼ်ႇ ဢၼ်​ဝႃႈ ပုင်ႇ​ႁၢင်ႈ​ဢၼ်​သူ​ႁဵတ်း​ပုၼ်ႈ​ဢၼ်​တၵ်း​ၵူဝ်း​ၵႂၢႆႇ​ၸိူဝ်း​ၼၼ်ႉ​ယဝ်ႉ​လူင်​ပႄႇ။ ပိူဝ်ႈ​ၼႆ​လႄႈ​ၵဝ်​တၵ်း​ဢဝ်​သူ ၵႂႃႇ​ၵႃႈ​တီႈ​ၽၢႆႇ​ပုၼ်ႉ​ဝဵင်း​ ပႃႇပူႉလုၼ်ႇ ​ၼၼ်ႉ​ဢေႃႈ မီး​မႃး​ၼင်ႇ​ၼႆ​ဢေႃႈ။-</verse>
				<verse number="44">သုမ်ႉ​ထဵင်​ၸဝ်ႈ​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ လႆႈ​မီး​ၵႃႈ​တီႈ​ပေႃႈ​ႁဝ်း​ၸိူဝ်း​ၼၼ်ႉ ၵႃႈ​ၼႂ်း​ထိူၼ်ႇ​ၵႃႈ​ၼင်ႇ​ဢၼ် မၼ်း​ၸဝ်ႈ​ဢၼ်​သင်ႇ​လၢတ်ႈ​ဝႆႉ တီႈ​ မူဝ်းသေႇ လွင်ႈ​ၼင်ႇ​ႁိုဝ်​မၼ်း​တၵ်း​ႁဵတ်း​သုမ်ႉ​ထဵင်​ၸဝ်ႈ မိူၼ်​ၸိူဝ်ႉ​ၼင်ႇ​ပုင်ႇ​ႁၢင်ႈ ဢၼ်​မၼ်း​လႆႈ​ႁၼ်​ယဝ်ႉ​ၼၼ်ႉ​မီး​ဢမိင်ႉ​ဝႆႉ​ၼၼ်ႉ​ဢေႃႈ။-</verse>
				<verse number="45">ပူႇ​ပေႃႈ​ႁဝ်း​ဢၼ်​တူၵ်း​လိုၼ်း​ၶဝ်​ၼၼ်ႉ ဢိၵ်ႇ​လူၺ်ႈ​ၵၼ်​တင်း​ ယေႃးသူႉ ဢွၼ်​ၵၼ်​ၶၢမ်ႇ​ဢဝ်​သုမ်ႉ​ထဵင်​ၸဝ်ႈ​ၼၼ်ႉ ၵႂႃႇ​လူၺ်ႈ​ၵၼ်​လႄႈ သႂၢင်း​သႂ်ႇ​ၵႃႈ​ၼႂ်း​လိၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ၽြႃး​ပဵၼ်​ၸဝ်ႈ​ႁေႃႈ​ဢွၵ်ႇ​ပႅတ်ႈ​သေ​ၵႃႈ​တီႈ​ၽၢႆႇ​ၼႃႈ​ပူႇ​ပေႃႈ​ႁဝ်း​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​ၸူဝ်ႈ​ပၢၼ်​ တႃႇဝိတ်ႈ ။-</verse>
				<verse number="46">ဢၼ်​လႆႈ​ၶၢမ်ႇ​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ၽြႃး​ပဵၼ်​ၸဝ်ႈ​လႄႈ ယွၼ်း​ဢဝ်​ႁႂ်ႈ​လႆႈ​ထူပ်း​ထႃႇၼႃႉ​တီႈ​ဢၼ် ၽြႃး​ပဵၼ်​ၸဝ်ႈ​ ယႃႇၵုပ်ႈ ​တၵ်း​ၵိင်း​ၼွၼ်း​ၼၼ်ႉ​ဢေႃႈ။-</verse>
				<verse number="47">ၵူၺ်း​ၵႃႈ သေႃးလမုၼ်ႇ ​လႆႈ​ႁဵတ်း​ပိၵ်ႈ​မၢၼ်ႇ​ပုၼ်ႈ​မၼ်း​ၸဝ်ႈ​ဢေႃႈ။-</verse>
				<verse number="48">ၼႂ်း​ဝႃႈ​ၼၼ်​သေ​ၵေႃႈ ၽြႃး​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ ၵိင်း​ၼွၼ်း​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​ဢၼ်​မိုဝ်း​ၵူၼ်း​ႁဵတ်း​ဢမ်ႇ​ၸႂ်ႈ။-</verse>
				<verse number="49">ၵႃႈ​ၼင်ႇ​ဢၼ်​ပရေႃးၽႅတ်ႈ ဢဝ်​ပျႃႇ​တိၵ်ႈ​ၸဝ်ႈ​လၢတ်ႈ​ဝႆႉ​လႄႈ​ဝႃႈ​ၼၼ်ႉ​ၸမ်ႉ ၽႃႉ​ၵၢင်​ႁၢဝ်​ပဵၼ်​ပလၢင်ႇ​ၵဝ်​ဢေႃႈ။ လိၼ်​မိူင်း​ပဵၼ်​ၶူင်ႇ​တီႈ​တၢင်ႇ​တိၼ်​ၵဝ်​ဢေႃႈ။ တၵ်း​တႄႇ​ႁဵတ်း​ပိၵ်ႈ​မၢၼ်ႇ​ၸိူဝ်ႉ​ၼင်ႇ​ႁိုဝ်​ပုၼ်ႈ​ၵဝ်။ တီႈ​လႂ်​တၼ်း​လႂ်​တၵ်း​ပဵၼ်​တီႈ​ဢၼ်​ၵဝ်​ၵိင်း​ၼွၼ်း။-</verse>
				<verse number="50">မိုဝ်း​ၵဝ်​ၼႆႉ​ၽၢၼ်ႇ​သၢင်း​ႁဵတ်း​ပဵၼ် လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ဢမ်ႇ​ၸႂ်ႈ​ႁိုဝ် မီး​မႃး​ၼင်ႇ​ၼႆ​ဢေႃႈ။</verse>
				<verse number="51">ၵူၼ်း​ဢၼ်​ၶေႃး​ၶႅင်​လႄႈ ဢမ်ႇ​ထိူဝ်​ႁိမ်း​ၵႃႈ​တီႈ​ႁူဝ်​ၸႂ် ဢိၵ်ႇ​တင်း​ၵႃႈ​တီႈ​ႁူ​ၶဝ်​ဢိူၺ်း၊ သူ​ၶတ်း​ၵၼ်​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ယူႇ​တႃႇ​သေႇ​ဢေႃႈ။ သူ​ႁဵတ်း​ၸိူဝ်ႉ​ၼင်ႇ​ဢၼ်​ပူႇ​ပေႃႈ​သူ​ႁဵတ်း​ၼၼ်ႉ​ဢေႃႈ။-</verse>
				<verse number="52">ပူႇ​ပေႃႈ​သူ​ၼၼ်ႉ ယင်း​ဢမ်ႇ​ၼိၵ်ႈ​ၸၢၵ်ႈ​ငႅၼ်း​သႄး​ပရေႃးၽႅတ်ႈ​ၵေႃႉ​လႂ် သေ​ၵေႃႉ​သေ​ၵူၼ်း​လႄႈ​ယူႇ။ ၶဝ်​ၼၼ်ႉ​ဢဝ်​ၶဝ်​ၸိူဝ်း​ဢၼ်​ႁေႃး​လၢတ်ႈ​ၽုၺ်ႇ​ၼႄ လွင်ႈ​ဢၼ်​ၵူၼ်း​သိုဝ်ႈ​တေႃႇ​တၵ်း​မႃး​ၼၼ်ႉ​တၢႆ​ဢေႃႈ။ မၼ်း​ၸဝ်ႈ​ၼၼ်ႉ​ၵေႃႈ​တေႃႈ​လဵဝ်​ၼႆႉ သူ​ဢဝ်​ဢၢပ်ႈ​ပၼ်​လႄႈ​ဢဝ်​တၢႆ​ယဝ်ႉ။-</verse>
				<verse number="53">သူ​ၼႆႉ ပိၵ်ႉ​သမ်ႉ​လႆႈ​ၶၢမ်ႇ​ဢဝ်​ပိင်း​ၺၢပ်ႈ​တြႃး​ၸဝ်ႈ ၵႃႈ​ၼင်ႇ​ဢၼ်​တမၢၼ်ႇ​ၵၢင်​ႁၢဝ် မၵ်း​ၶၢၼ်း​ဝႆႉ​ၼၼ်ႉ​သေ​ၵေႃႈ၊ ဢမ်ႇ​ၵမ်​ဢမ်ႇ​ၸွမ်း​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="54">ၶဝ်​ၼၼ်ႉ​ငိၼ်း​ၵႂၢမ်း​ၼၼ်ႉ​သေ​ယဝ်ႉ ႁူဝ်​ၸႂ်​မိူၼ်​ၸိူဝ်ႉ​ၼင်ႇ​တၵ်း​တႅၵ်ႇ​တၵ်း​လႅဝ်​ၵႂႃႇ​လႄႈ ၵတ်း​ၶဵဝ်ႈ​ၵတ်း​ၽၼ်း တေႃႇ​ သထေႇၽၢၼ်ႇ ​ဢေႃႈ။-</verse>
				<verse number="55">မၼ်း​ၵေႃႈ တဵမ်​ဝႆႉ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ယူႇ​သေ​လႄႈ ႁႅၼ်​တူၺ်း​ၵၢင်​ႁၢဝ်​ၸေး​ၸေး​လႄႈ ႁၼ်​မုၼ်​ၽုင်း​ၽြႃး​ပဵၼ်​ၸဝ်ႈ ဢိၵ်ႇ​တင်း တၢင်း​ဢၼ်​ ယေႇသူႉ ၸုၵ်း​ယူႇ​ၵႃႈ​တီႈ​ၽၢႆႇ​ၶႂႃ​ၽြႃး​ပဵၼ်​ၸဝ်ႈ​ၼၼ်ႉ​သေ​ယဝ်ႉ လၢတ်ႈ​လႄႈ​ဝႃႈ၊-</verse>
				<verse number="56">တူၺ်း​လူး၊ ၵဝ်​ႁၼ်​ၵၢင်​ႁၢဝ်​ၽုၺ်ႇ​ပိုတ်ႇ​လႄႈ လုၵ်ႈ​ၵူၼ်း​ၸုၵ်း​ယူႇ​ၵႃႈ​တီႈ​ၽၢႆႇ​ၶႂႃ​ၽြႃး​ပဵၼ်​ၸဝ်ႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="57">ၶဝ်​ၼၼ်ႉ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​သေ​ယဝ်ႉ၊ ဢိုတ်း​ႁူ​ၶဝ်​ယူႇ​သေ​လႄႈ ၽွမ်ႉ​ၵၼ်​ၶုၼ်ႇ​လႅၼ်ႈ​ၵႂႃႇ​ၸူး​မၼ်း​လႄႈ၊-</verse>
				<verse number="58">ဢဝ်​ဢွၵ်ႇ​ၵႂႃႇ​ၵႃႈ​ၼွၵ်ႈ​ဝဵင်း​သေ​ယဝ်ႉ ဢဝ်​မၢၵ်ႇ​ႁိၼ်​ထိမ်ႈ​ဢေႃႈ။ ၵူၼ်း​ၶၢမ်ႇ​သၢၵ်ႈ​သေႇ​ၸိူဝ်း​ၼၼ်ႉ​ၵေႃႈ၊ ဢဝ်​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ​ဝႆႉ​ၵႃႈ​တီႈ​ႁိမ်း​တိၼ်​ၵူၼ်း​ဢွၼ်ႇ ဢၼ်​လႆႈ​ၸိုဝ်ႈ​ သေႃးလူႉ ​ၼၼ်ႉ​ဢေႃႈ။-</verse>
				<verse number="59">ၼႂ်း​မိူဝ်ႈ​ဢၼ်​ဢဝ်​မၢၵ်ႇ​ႁိၼ်​ထိမ်ႈ​ယူႇ​ၼၼ်ႉ​ၸိုင်၊​ သထေႇၽၢၼ်ႇ ​သူး​တွင်း​ယူႇ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ ယေႇသူႉ ​တီႈ​ၶႃႈ၊ ၶႅၼ်း​တေႃႈ​သိမ်း​ဢဝ်​ဝီႉၺိၺ်ႇ​ၵဝ်​ၶႃႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="60">မၼ်း​ၶုပ်ႉ​ၶဝ်ႇ​ယူႇ​သေ​ယဝ်ႉ ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​လႄႈ​ဝႃႈ၊ ၸဝ်ႈ​ႁဝ်း​တီႈ​ၶႃႈ ယႃႇ​ပေ​ဢဝ်​တူႉ​ၸရိူၵ်ႈ​ဢပႅတ်ႈ​ၼႆႉ​တၢင်ႇ​ၵႃႈ​ၼိူဝ်​ၶဝ်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ ၵိင်း​ၼွၼ်း​ၵႂႃႇ​ဢေႃႈ။​ သေႃးလူႉ ​ၵေႃႈ​ႁပ်ႉ​တုင်း​ဢဝ် လွင်ႈ​ဢၼ်​ဢဝ်​မၼ်း​တၢႆ​ၼၼ်ႉ​ယူႇ​ဢေႃႈ။</verse>
			</chapter>
			<chapter number="8">
				<verse number="1">မိူဝ်ႈ​ၼၼ်ႉ​ၸိူဝ်း​ၸဝ်ႈ​ဢၼ်​မီး ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၼႃႇ​လူင်​လၢင်​လႄႈ လိူဝ်​သေ​တမၢၼ်ႇ​ၸဝ်ႈ​တင်း​လၢႆ​ၼၼ်ႉ ၵူၼ်း​ၶဝ်ႈ​ၸိူဝ်း​ၸဝ်ႈ​တင်း​သဵင်ႈ​တင်း​လူင် ၽၢတ်ႇ​ၽႄ​ၵၼ်​ၵႂႃႇ​ၵႃႈ​ၼႂ်း​မိူင်း​ ယူႉတႃႉ တင်း​မိူင်း​ သမႃႇရီႉ ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="2">ၶဝ်​ၸိူဝ်း​ဢၼ် ရူဝ်ႇ​သေႇ​တြႃး​ၼၼ်ႉ သၢင်း​ၵျူဝ်ႇ​ သထေႇၽၢၼ်ႇ ​လႄႈ ႁဵတ်း​သဵင်​ႁႆႈ​သဵင်​ႁွင်ႉ​ဢၼ်​ယႂ်ႇ​ၼႃႇ ၵွပ်ႈ​ပိူဝ်ႈ​မၼ်း​ဢေႃႈ။-</verse>
				<verse number="3">သေႃးလူႉ ​ၼၼ်ႉ ယႃႉ​ပႅတ်ႈ​ၸိူဝ်း​ၸဝ်ႈ​ဢေႃႈ။ မၼ်း​ၶဝ်ႈ​ၵႃႈ​ၼႂ်း​ႁိူၼ်း​လင်​ၼိုင်ႈ​ယဝ်ႉ​လင်​ၼိုင်ႈ​လႄႈ တိုတ်ႉ​ၸၼ်​ဢဝ်​ၽူႈ​ယိင်း​ၽူႈ​ၸၢႆး​သေ​ယဝ်ႉ၊ ၶင်​ဝႆႉ​ၵႃႈ​ၼႂ်း​ထွင်ႇ​ဢေႃႈ။</verse>
				<verse number="4">ပိူဝ်ႈ​ၼႆ​လႄႈ ၶဝ်​ၸိူဝ်း​ဢၼ်​လႆႈ​ၽၢတ်ႇ​ၽႄ​ၵၼ်​ၵႂႃႇ ၵူႈ​တီႈ​ၵူႈ​လႅၼ်​ၼၼ်ႉ​ၵေႃႈ လႄႇ​လဵပ်ႈ​ႁေႃး​လၢတ်ႈ​ၼုၵ်ႈၵပၢတ်ႈ​တြႃး​သတၢင်း​သိူဝ်း​ပျေႃႇ​ၸဝ်ႈ​ယူႇ​ဢေႃႈ။-</verse>
				<verse number="5">ၽီႉလိပ်ႉပူႉ ​ၵေႃႈ လူင်း​ၵႂႃႇ​ၵႃႈ​တီႈ​ဝဵင်း​ သမႃႇရီႉ ​သေ​လႄႈ ႁေႃး​လၢတ်ႈ​လွင်ႈ​ၸဝ်ႈ​ၶရိၸ်ႈ​ဢေႃႈ။-</verse>
				<verse number="6">မိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ် လႆႈ​ငိၼ်း​လႆႈ​ႁၼ်​ၼီႉမိၵ်ႈ​လၢၵ်ႈၶၼႃႇ ဢၼ်​ ၽီႉလိပ်ႉပူႉ ႁဵတ်း​ၼၼ်ႉ​ၸိုင် ၶဝ်​ၽွမ်ႉ​ၵၼ်​ထွမ်ႇ​ဢဝ်​ၵႂၢမ်း​မၼ်း​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ​ၽီ​ႁၢႆႉ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​သေ​လႄႈ ဢွၵ်ႇ​ၵႂႃႇ​ၵႃႈ​ၼႂ်း​ၵူၼ်း​ဢၼ်​ၽီ​ႁၢႆႉ​ၶဝ်ႈ ၼမ်​ၼႃႇ​ၼၼ်ႉ​ဢေႃႈ။ ၶဝ်​ၸိူဝ်း​ဢၼ်​ဢမ်ႇ​တူင်ႉ​တူဝ်​ၼိုင်​တူဝ်​လႆႈ​ဢိၵ်ႇ​တင်း​ၶဝ်​ၸိူဝ်း​ဢၼ် တိၼ်​ဢမ်ႇ​လီ​ၼၼ်ႉ​ၵေႃႈ၊ ႁွတ်ႈ​ထိုင်​တၢင်း​ဢၼ်​ၶႅၼ်း​မႃး​ဢေႃႈ။-</verse>
				<verse number="8">ၼႂ်း​ဝဵင်း​ၼၼ်ႉ မီး​တၢင်း​ဢၼ်​သိူဝ်း​ၸူမ်း​ၼႃႇ​လူင်​လၢင်​ဢေႃႈ။</verse>
				<verse number="9">ၵူၼ်း​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ​ သီႉမုၼ်ႇ ​ၼၼ်ႉ မီး​ယူႇ​ၵႃႈ​ၼႂ်း​ဝဵင်း​ၼၼ်ႉ​ဢွၼ်​တၢင်း​လႄႈ ႁဵတ်း​တင်း​ဢတၢတ်ႈ​ၽီ​မေႃ​လႄႈ လၢတ်ႈ​ဝႃႈ၊ ၵဝ်​ၼႆႉ​ပဵၼ်​ၵေႃႉ​ဢၼ်​လၢၵ်ႇ​လၢႆး​ဢေႃႈ၊ ဝႃႈ​ၼင်ႇ​ၼႆ​လႄႈ ႁႂ်ႈ​ၵူၼ်း​မဵဝ်း​ သမႃႇရီႉ ​ၸိူဝ်း​ၼၼ်ႉ​ၵႂင်​ၸႂ်​ယုင်ႈ​ၸႂ်​ယူႇ​ဢေႃႈ။-</verse>
				<verse number="10">မၼ်း​ၼၼ်ႉ​ၸိုင် ၵူၼ်း​ၸဵမ်​လဵၵ်ႉ​ၸဵမ်​ယႂ်ႇ​ၵႃႈ​မီး​ၼၼ်ႉ​ၵေႃႈ ထွမ်ႇ​ဢဝ်​ၸွမ်း​ဢဝ်​လႄႈ​ဝႃႈ၊ မၼ်း​ၼႆႉ​ပဵၼ်​မႁႃႇ​တၼ်း​ၶူဝ်း​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">လွင်ႈ​ဢၼ်​ၶဝ်​ထွမ်ႇ​ဢဝ်​ၸွမ်း​ဢဝ်​မၼ်း​ၼၼ်ႉ​ၸမ်ႉ မၼ်း​ၼၼ်ႉ​ႁဵတ်း​တင်း​ဢတၢတ်ႈ​ၽီ​မေႃ​ႁိုင်​ၼႃႇ​လႄႈ ႁႂ်ႈ​ၶဝ်​ၼၼ်ႉ​ၵႂင်​ၸႂ်​ယုင်ႈ​ၸႂ်​ဢေႃႈ။-</verse>
				<verse number="12">မိူဝ်ႈ​ဢၼ်​ၶဝ်​ၼၼ်ႉ​ယုမ်ႇ​မၢတ်ႈ​ ၽီႉလိပ်ႉပူႉ ဢၼ်​ႁေႃး​တြႃး​သတၢင်း​သိူဝ်း​ပျေႃႇ​ဢၼ်​ၸၢပ်ႈ​သႅင်ႇ​ၵၼ်​တင်း မိူင်း​ၽြႃး​ပဵၼ်​ၸဝ်ႈ ဢိၵ်ႇ​တင်း​ၼႃႇ​မႃႉ​ၸိုဝ်ႈ​သဵင် ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ​ၸိုင် ၸဵမ်​ယိင်း​ၸဵမ်​ၸၢႆး​ၶၢမ်ႇ​ ပပ်ႉတီႉၸမ်ႇ ​ဢေႃႈ။-</verse>
				<verse number="13">သီႉမုၼ်ႇ ​ၼၼ်ႉ​ၵေႃႈ တူဝ်​ၸဝ်ႈ​ၵဝ်ႇ​ယုမ်ႇ​မၢတ်ႈ​လႄႈ​ၶၢမ်ႇ​ ပပ်ႉတီႉၸမ်ႇ ​ယဝ်ႉ​ၸင်ႇ ယူႇ​လူၺ်ႈ​ၵၼ်​တင်း​ ၽီႉလိပ်ႉပူႉ ​သေ​လႄႈ ႁၼ်​တၼ်း​ၶူဝ်း​ဢၼ်​လၢၵ်ႇ​လၢႆး ဢိၵ်ႇ​တင်း​ၼီႉမိၵ်ႈ​လၢၵ်ႈၶၼႃႇ​ဢၼ်​ယႂ်ႇ​ၼႃႇ ဢၼ်​မၼ်း​ႁဵတ်း​တင်း​လၢႆ​ၼၼ်ႉ​လႄႈ ၵႂင်​ၸႂ်​ၼႃႇ​လူင်​လၢင်​ဢေႃႈ။</verse>
				<verse number="14">မိူဝ်ႈ​ဢၼ်​တမၢၼ်ႇ​ၸဝ်ႈ ဢၼ်​မီး​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​တင်း​လၢႆ​ၼၼ်ႉ လႆႈ​ငိၼ်း​သတၢင်း​သဵင်​ၶၢဝ်ႇ လွင်ႈ​ဢၼ်​ၵူၼ်း​ဝဵင်း​ သမႃႇရီႉ ​ၸိူဝ်း​ၼၼ်ႉ လႆႈ​ၶၢမ်ႇ​ဢဝ်​ၼုၵ်ႈၵပၢတ်ႈ​တြႃး​ၸဝ်ႈ​ယဝ်ႉ​ၼၼ်ႉ​ၸိုင် ၶဝ်​ပွႆႇ​ၸႂ်ႉ​ ပေႇတရူႉ တင်း​ ယူဝ်းႁၢၼ်ႇ ​ၵႂႃႇ​ဢေႃႈ။-</verse>
				<verse number="15">ၶဝ်​ၼၼ်ႉ​ႁွတ်ႈ​ထိုင်​သေ​ယဝ်ႉ လွင်ႈ​ၼင်ႇ​ႁိုဝ်​ၵူၼ်း​ဝဵင်း​ၸိူဝ်း​ၼၼ်ႉ တၵ်း​လႆႈ​ၶၢမ်ႇ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ၸိုင်၊ သူး​တွင်း​ပုၼ်ႈ​ၶဝ်​ဢေႃႈ။-</verse>
				<verse number="16">လွင်ႈ​မၼ်း​ၸမ်ႉ မၼ်း​ၸဝ်ႈ​ၼၼ်ႉ​ဢမ်ႇ​ပႆႇ​လူင်း​မႃး​ၵႃႈ​ၼိူဝ်​သေ​ၵေႃႉ​သေ​ၵူၼ်း​လႄႈ ၶဝ်​ၼၼ်ႉ​လႆႈ​ၶၢမ်ႇ​ ပပ်ႉတီႉၸမ်ႇ ​ၼႂ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ ယေႇသူႉ ​ၵူၺ်း​ဢေႃႈ။-</verse>
				<verse number="17">မိူဝ်ႈ​ၼၼ်ႉ​ၶဝ်​ဢဝ်​မိုဝ်း​တၢင်ႇ​ၵႃႈ​ၼိူဝ်​ၶဝ်​ၼၼ်ႉ​လႄႈ ၶဝ်​ၼၼ်ႉ​လႆႈ​ၶၢမ်ႇ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ။</verse>
				<verse number="18">မိူဝ်ႈ​ဢၼ်​ သီႉမုၼ်ႇ လႆႈ​ႁၼ်​လွင်ႈ​ဢၼ် ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​လူင်း​မႃး​ၵွပ်ႈ​ပိူဝ်ႈ​ဢၼ် တမၢၼ်ႇ​ၸဝ်ႈ​ၸိူဝ်း​ၼၼ်ႉ​ဢဝ်​မိုဝ်း​တၢင်ႇ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် မၼ်း​ဢဝ်​ငိုၼ်း​မႃး​သေ​လႄႈ​ယွၼ်း​ဝႃႈ၊-</verse>
				<verse number="19">ၼင်ႇ​ႁိုဝ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် ၵဝ်​ၶႃႈ​ဢဝ်​မိုဝ်း​တၢင်ႇ​ၼၼ်ႉ တၵ်း​လႆႈ​ၶၢမ်ႇ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ၸိုင် ပၼ်​ဢၶႂၢင်ႉ​တီႈ​ၵဝ်​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ပေႇတရူႉ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ပိူဝ်ႈ​ဢၼ်​မႂ်း​ထၢင်ႇ​မႂ်း​တၵ်း​ဢဝ်​တင်း​ငိုၼ်း​သိုဝ်ႉ​ဢဝ်​ၵျေး​ၸူး​ၽြႃး​ပဵၼ်​ၸဝ်ႈ​လႆႈ​ယူႇ​လႄႈ၊ ႁႂ်ႈ​ငိုၼ်း​မႂ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​လူၺ်ႈ​ၵၼ်​တင်း​မႂ်း​တႃႉ။-</verse>
				<verse number="21">မႂ်း​ၼႆႉ​ပဵၼ်​ၵေႃႉ​ဢၼ်​ဢမ်ႇ​သိူၵ်ႈ​သမ်ႇ​ၵၼ်​တင်း လွင်ႈ​တီႈ​ႁဵင်း​ၼႆႉ​ဢေႃႈ။ လွင်ႈ​မၼ်း​ၸမ်ႉ ႁူဝ်​ၸႂ်​မႂ်း ဢမ်ႇ​မီး​တၢင်း​ဢၼ်​သိုဝ်ႈ​ဢၼ်​တေႃႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ။-</verse>
				<verse number="22">ပိူဝ်ႈ​ၼႆ​လႄႈ ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​လွင်ႈ​တၢင်း​ဢၼ် ႁၢႆႉ​မိူၵ်ႈ​တီႈ​မႂ်း​တေႃႈ​လဵဝ်​ၼႆႉ​ၼၼ်ႉ​တႃႉ။ မၼ်း​ၸဝ်ႈ​ၸၢင်ႈ​ၶႄး တၵ်း​ပွႆႇ​လွတ်ႈ​ဢပႅတ်ႈ တၢင်း​ဢၼ်​ၵျၢမ်ႇ​ပွင်​ယူႇ ၵႃႈ​ၼႂ်း​ႁူဝ်​ၸႂ်​မႂ်း​ၼၼ်ႉ​လႄႈ တွင်း​ပၢၼ်ႇ​ထႃႇဝရႃႉ​ၽြႃး​တႃႉ။-</verse>
				<verse number="23">ၵဝ်​ႁူႉ​လွင်ႈ​ဢၼ် မႂ်း​မီး​ၼႂ်း​လီ​ဢၼ်​ၶူမ်​ၼႃႇ​လႄႈ​လႆႈ ၶၢမ်ႇ​တၢင်း​ဢၼ်​တူႉ​ၸရိူၵ်ႈ​ဢပႅတ်ႈ​မတ်ႉ​ၽုၵ်ႇ​ဝႆႉ​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">သီႉမုၼ်ႇ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ ၼင်ႇ​ႁိုဝ်​လွင်ႈ​တၢင်း​ဢၼ်​ၸဝ်ႈ​ဝႃႈ​ၼႆႉ တၵ်း​ဢမ်ႇ​ႁွတ်ႈ​ထိုင်​ၵႃႈ​ၼိူဝ်​ၵဝ်​ၶႃႈ​သေ​ၸိူဝ်ႉ​သေ​ပိူင်​ၸိုင်၊ သူး​တွင်း​ထႃႇဝရႃႉ​ၽြႃး​ပုၼ်ႈ​ၵဝ်​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">တမၢၼ်ႇ​ၸဝ်ႈ​ၼၼ်ႉ ၶၢမ်ႇ​သၢၵ်ႈ​သေႇ​လႄႈ ႁေႃး​လၢတ်ႈ​ၼုၵ်ႈၵပၢတ်ႈ​ၸဝ်ႈ​ၽြႃး​သေ​ယဝ်ႉ၊ ၼႂ်း​မိူဝ်ႈ​ဢၼ် ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ယူႇ​ၼၼ်ႉ​ၸိုင် ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၸဝ်ႈ ၼႂ်း​ဝၢၼ်ႈ​ သမႃႇရီႉ ၼမ်​ၼႃႇ​ၼၼ်ႉ​ဢေႃႈ။</verse>
				<verse number="26">ၵမ်း​ၼၼ်ႉ တမၢၼ်ႇ​ၵၢင်​ႁၢဝ် ထႃႇဝရႃႉ​ၽြႃး​လၢတ်ႈ​တီႈ​ ၽီႉလိပ်ႉပူႉ ​လႄႈ​ဝႃႈ မႂ်း​လုၵ်ႉ​လႄႈ​ၵႂႃႇ​ၼႃႈ​တၢင်း​ၸၢၼ်း ၸူး​ၵႃႈ​တီႈ​သဵၼ်ႈ​တၢင်း​ဢၼ်​လုၵ်ႉ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ လူင်း​ၵႂႃႇ​ၵႃႈ​တီႈ​ဝဵင်း​ ၵႃႇၸႃႉ ​ပုၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။ သဵၼ်ႈ​တၢင်း​ၼၼ်ႉ​ၸမ်ႉ ပဵၼ်​ၼႂ်း​ထိူၼ်ႇ​ဢေႃႈ။</verse>
				<verse number="27">မိူဝ်ႈ​ၼၼ်ႉ​မၼ်း​လုၵ်ႉ​ၵႂႃႇ​ၸိူဝ်ႉ​ၼင်ႇ​ၼၼ်​လႄႈ ၵူၼ်း​မိူင်း​ ဢီႉသႃႇယေႃးပီႉ ဢၼ်​ပဵၼ်​ၵူၼ်း​တွၼ်​လႄႈ ပဵၼ်​ဢမၢတ်ႈ​ၵႃႈ​တီႈ ၼၢင်း​ႁေႃ​ၶမ်း​ ၵၼ်ႇတေႇၵီႉ ဢၼ်​ဢုပ်ႉ​ပိူင်ႇ​မိူင်း​ ဢီႉသႃႇယေႃးပီႉ ၊ ဢၼ်​ပႂ်ႉ​ၽၼ်ႇတႃႇ​မၼ်း​ၸဝ်ႈ တင်း​သဵင်ႈ​တင်း​လူင်၊ ဢၼ်​လႆႈ​ၵႂႃႇ​ၵႃႈ​တီႈ ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ၵူဝ်း​ၵႂၢႆႇ​ၼၼ်ႉ​ၵေႃႉ​ၼိုင်ႈ၊-</verse>
				<verse number="28">ၶိုၼ်း​မိူဝ်း​ၵႂႃႇ​လႄႈ ၼင်ႈ​ၵႃႈ​ၼိူဝ်​လေႃႉရထႃး​တူဝ်​ၸဝ်ႈ​ၵဝ်ႇ​လႄႈ ၽတ်း​ၵျၢမ်း​လိၵ်ႈ​ပရေႃးၽႅတ်ႈ​ ဢီႉသႃႇယႃႉ ​ယူႇ​ဢေႃႈ။-</verse>
				<verse number="29">ဝီႉၺိၺ်ႇ​ၸဝ်ႈ​ၵေႃႈ ပၼ်​ပျႃႇ​တိၵ်ႈ​တီႈ​ ၽီႉလိပ်ႉပူႉ ​လႄႈ​ဝႃႈ၊ သုတ်ႉ​ၸမ်​လႄႈ​ၸပ်း​ၵႃႈ​တီႈ​လေႃႉရထႃး​ၼၼ်ႉ​ၵႂႃႇ​တႃႉ ဝႃႈ​ၼႆ ၵႃႈ​ၼင်ႇ​ဢၼ်​ဝႃႈ​ၼၼ်ႉ၊-</verse>
				<verse number="30">ၽီႉလိပ်ႉပူႉ ​လႅၼ်ႈ​ၵႂႃႇ​ၸူး ၵႃႈ​တီႈ​လေႃႉရထႃး​ၼၼ်ႉ​လႄႈ လႆႈ​ငိၼ်း​မၼ်း​ၼၼ်ႉ​ၽတ်း​ၵျၢမ်း​လိၵ်ႈ​ပရေႃးၽႅတ်ႈ​ ဢီႉသႃႇယႃႉ ယူႇ​ၼၼ်ႉ​သေ​ယဝ်ႉ လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁူႉ​လွင်ႈ​ဢၼ်​ၽတ်း​ၼႆႉ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">မၼ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ ပေႃး​ၵေႃႉ​ဢၼ်​လၢတ်ႈ​ပၼ်​သွၼ်​ပၼ်​ဢမ်ႇ​မီး​ၸိုင်၊ တၵ်း​ႁူႉ​လႆႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ယဝ်ႉ၊ ၸင်ႇ​ႁွင်ႉ​ဢဝ်​ ၽီႉလိပ်ႉပူႉ၊ ၶိုၼ်ႈ​ၼင်ႈ​လူၺ်ႈ​ၵၼ်​တင်း​မၼ်း​ဢေႃႈ။</verse>
				<verse number="32">ၼႂ်း​ၵျၢမ်း​လိၵ်ႈ တီႈ​ဢၼ်​မၼ်း​ၽတ်း​ၼၼ်ႉ​ဝႃႈ​ၸမ်ႉ၊ မၼ်း​ၶၢမ်ႇ​တၢင်း​ဢၼ်​ဢဝ်​ၵႂႃႇ ၸိူဝ်ႉ​ၼင်ႇ​သူဝ်း​ဢၼ်​ဢဝ်​ၵႂႃႇ​ႁႂ်ႈ​လႆႈ​ဢဝ်​တၢႆ​ၼၼ်ႉ​လႄႈ ၸိူဝ်ႉ​ၼင်ႇ​ဢၼ်​သူဝ်း​ဢွၼ်ႇ ယင်း​ဢမ်ႇ​ႁွင်ႉ​ၵႃႈ​တီႈ​ၽၢႆႇ​ၼႃႈ​ၵေႃႉ​ဢၼ်​ႁႆး​ၶူၼ်​မၼ်း​ယူႇ​ၼၼ်ႉ မၼ်း​ယင်း​ဢမ်ႇ​ပိုတ်ႇ​ပၢၵ်ႇ​လႄႈ​ယူႇ​ဢေႃႈ။-</verse>
				<verse number="33">ၼႂ်း​မိူဝ်ႈ​ဢၼ် မၼ်း​ယင်း​တိုၵ်ႉ​ၶၢမ်ႇ​တၢင်း​ဢၼ်​ၶျႃး​တႅမ်ႇ​ယူႇ​ၼၼ်ႉ​ၸိုင် ပိူၼ်ႈ​ႁိမ်​ဢဝ်​တၢင်း​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​တီႈ​မၼ်း​ၼၼ်ႉ​ၵႂႃႇ​ဢေႃႈ။ ပိူဝ်ႈ​ဢၼ်​သိမ်း​ဢဝ်​ဢသၢၵ်ႈ​မၼ်း ၵႃႈ​တီႈ​လိၼ်​မိူင်း​ၼႆႉ​သေ​လႄႈ ၽူႈ​လႂ်​တၵ်း​ၸီႉ​မွၵ်ႇ​ၼႄ​ပျႃး​မဵဝ်း​ၸိူဝ်ႉ​ၶိူဝ်း​မၼ်း​ၼၼ်ႉ ဝႃႈ​ၼင်ႇ​ၼႆ​ဢေႃႈ။</verse>
				<verse number="34">ဢမၢတ်ႈ​ၼၼ်ႉ​ၵေႃႈ တွင်ႈ​ထၢမ်​တီႈ​ ၽီႉလိပ်ႉပူႉ ​လႄႈ​ဝႃႈ၊ ပရေႃးၽႅတ်ႈ​ၼႆႉ​လၢတ်ႈ​ၸိူဝ်ႉ​ၼင်ႇ​ၼႆ လွင်ႈ​ၽူႈ​လႂ်။ လၢတ်ႈ​လွင်ႈ​တူဝ်​ၸဝ်ႈ​ၵဝ်ႇ​ႁိုဝ်။ ဢမ်ႇ​ၼၼ်​လႄႈ​လၢတ်ႈ​လွင်ႈ​ပိူၼ်ႈ​တၢင်ႇ​ၵေႃႉ​ႁိုဝ်။ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="35">ၽီႉလိပ်ႉပူႉ ​ၼၼ်ႉ ပိုတ်ႇ​ပၢၵ်ႇ​တူဝ်​ၸဝ်ႈ​ၵဝ်ႇ​သေ​လႄႈ ဢဝ်​ၸႃႉ​ၸဵမ်​တီႈ​ႁဵင်း​ၼႂ်း​ၵျၢမ်း​လိၵ်ႈ​ၼၼ်ႉ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ လွင်ႈ​ ယေႇသူႉ ​တီႈ​မၼ်း​ဢေႃႈ။-</verse>
				<verse number="36">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ၸွမ်း​တၢင်း​ၵႂႃႇ​ယူႇ ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ၶဝ်​ႁွတ်ႈ​ထိုင်​ၵႃႈ​တီႈ​ဢၼ်​ၼမ်ႉ​မီး​လႄႈ ဢမၢတ်ႈ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ တူၺ်း​လူး၊ တီႈ​ၼႆႈ​မီး​ၼမ်ႉ​ၶႃႈ​ဢေႃႈ။ ၼင်ႇ​ႁိုဝ်​ၵဝ်​ၶႃႈ​တၵ်း​ဢမ်ႇ​လႆႈ​ၶၢမ်ႇ​ပပ်ႉတီႉၸမ်ႇ​ၸိုင်၊ ၵႃႈ​သင်​ႁၢမ်ႈ​တၢပ်ႈ​ႁႄႉ​ၶႅၼ်​ၶႃႈ၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="37"></verse>
				<verse number="38">မီး​ဢမိင်ႉ ႁႂ်ႈ​လေႃႉရထႃး​ၵိုတ်း​သဝ်း​ယူႇ​သေ​ယဝ်ႉ၊ ၽီႉလိပ်ႉပူႉ ​ဢိၵ်ႇ​တင်း​ဢမၢတ်ႈ​ၼၼ်ႉ လူင်း​ၵႃႈ​ၼႂ်း​ၼမ်ႉ​လူၺ်ႈ​ၵၼ်​လႄႈ မၼ်း​ပၼ်​ ပပ်ႉတီႉၸမ်ႇ တီႈ​မၼ်း​ၼၼ်ႉ​ဢေႃႈ။-</verse>
				<verse number="39">မိူဝ်ႈ​ဢၼ် ၶဝ်​လုၵ်ႉ​သေ​ၵႃႈ​ၼႂ်း​ၼမ်ႉ​ဢွၵ်ႇ​မႃး​ယဝ်ႉ​ၼၼ်ႉ​ၸိုင် ဝီႉၺိၺ်ႇ​ထႃႇဝရႃႉ​ၽြႃး ဢဝ် ၽီႉလိပ်ႉပူႉ ၵႂႃႇ​သေ​လႄႈ ၵမ်း​လိုၼ်း​ဢမၢတ်ႈ​ၼၼ်ႉ ဢမ်ႇ​လႆႈ​ထူပ်း​လႆႈ​ႁၼ်​မၼ်း။ လွင်ႈ​မၼ်း​ၸမ်ႉ မၼ်း​မီး​တင်း​ၸႂ်​ဢၼ်​သိူဝ်း​သႂၢင်ႇ​လႄႈ ၵႂႃႇ​ၸွမ်း​သဵၼ်ႈ​တၢင်း​ဢၼ် မၼ်း​တၵ်း​လႆႈ​ၵႂႃႇ​ၼၼ်ႉ​ဢေႃႈ။-</verse>
				<verse number="40">ၵူၺ်း​ၵႃႈ ၽီႉလိပ်ႉပူႉ ​ၼၼ်ႉ ပေႃႇ​မႃး​ၵႃႈ​ၼႂ်း​ဝဵင်း​ ဢႃႇၸုတ်ႉ ​လႄႈ ၸွမ်း​တၢင်း​ၵႂႃႇ​ယူႇ​သေ​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ ၼႂ်း​ဝဵင်း​တင်း​သဵင်ႈ​တင်း​လူင် တေႃႇ​ထိုင်​ႁွတ်ႈ​မၼ်း​ၽႅဝ်​ၵႃႈ​တီႈ ဝဵင်း​ ၵေႇသရီႉ ​ၼၼ်ႉ​ဢေႃႈ။</verse>
			</chapter>
			<chapter number="9">
				<verse number="1">သေႃးလူႉ ​ၼၼ်ႉ​ၸမ်ႉ ၼင်ႇ​ႁိုဝ်​တၵ်း​လႆႈ​ယူႇ​ၽၢႆႇ​ၼိုင်ႈ တင်း​တပႄး​ၸဝ်ႈ​ၽြႃး​တင်း​လၢႆ​လႄႈ လွၵ်ႇ​ငိုတ်ႈ​ဢဝ်​တၢႆ​ၸိုင် ယင်း​တိုၵ်ႉ​ထူၺ်ႈ​ၸႂ်​ႁႅင်း​ၼႃႇ​လူင်​လၢင်​ယူႇ​သေ​လႄႈ ၶဝ်ႈ​ၸူး​ၵႃႈ​တီႈ​ၶုၼ်​ယိတ်ႈပရေႃးႁဵၵ်ႈ​လႄႈ၊-</verse>
				<verse number="2">ယွၼ်း​ဢဝ်​လိၵ်ႈ ၵႂႃႇ​ၵႃႈ​တီႈ​ၵႄႇ​ၸရွပ်ႈ​ႁေႃး​တြႃး​ၸိူဝ်း​ဢၼ် မီး​ၵႃႈ​ၼႂ်း​ဝဵင်း​ ထမ်ႇမသႅတ်ႉ ​ၼၼ်ႉ၊ ပေႃး​ထူပ်း​ႁၼ်​ၽူႈ​ယိင်း​ၽူႈ​ၸၢႆး​ၸိူဝ်း​ဢၼ်​ၶဝ်ႈ​ၸွမ်း​ၼႂ်း​သဵၼ်ႈ​တၢင်း​ၼၼ်ႉ​ၸိုင် ႁႂ်ႈ​လႆႈ​မတ်ႉ​ၽုၵ်ႇ​ဢဝ်​ၵႂႃႇ​သူင်ႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​သေ​ယဝ်ႉ၊-</verse>
				<verse number="3">ၼႂ်း​မိူဝ်ႈ​ဢၼ်​မၼ်း​ၵႂႃႇ​လႄႈ​ႁွတ်ႈ​ထိုင် ၵႃႈ​တီႈ​ႁိမ်း​ဝဵင်း​ ထမ်ႇမသႅတ်ႉ ​ၼၼ်ႉ​ၸိုင်၊ ဢၼ်​လႅင်း​ဢၼ်​လုၵ်ႉ​သေ​ၵႃႈ​ၼိူဝ်​ၽႃႉ​ၵၢင်​ႁၢဝ်​ၼၼ်ႉ ႁိူဝ်ႈ​လႅင်း​ႁွပ်ႈ​ႁိမ်း​မၼ်း​ၵမ်း​လဵဝ်​ဢေႃႈ။-</verse>
				<verse number="4">မၼ်း​ၼၼ်ႉ လူမ်ႉ​ဢူပ်ႇ​ပူပ်ႇ​ၵႃႈ​ၼိူဝ်​လိၼ်​သေ​လႄႈ လႆႈ​ငိၼ်း​သဵင်​ဢၼ်​လၢတ်ႈ​တေႃႇ​မၼ်း​လႄႈ​ဝႃႈ၊ သေႃးလူႉ ​ဢိူၺ်း၊ သေႃးလူႉ ​ဢိူၺ်း၊ ႁဵတ်း​သင်​လႄႈ မႂ်း​ၼႆႉ​ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">မၼ်း​ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၽူႈ​လႂ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၸမ်ႉ၊ ပဵၼ်​ ယေႇသူႉ ဢၼ်​မႂ်း​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ဢေႃႈ။-</verse>
				<verse number="6">ၼႂ်း​ဝႃႈ​ၼၼ်​သေ​ၵေႃႈ​လုၵ်ႉ​လႄႈ ၶဝ်ႈ​ၵႃႈ​ၼႂ်း​ဝဵင်း​ပုၼ်ႉ​တႃႉ။ တၵ်း​လၢတ်ႈ​ပၼ်​လွင်ႈ​ဢၼ်​မႂ်း​တၵ်း​လႆႈ​ႁဵတ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၵူၼ်း​ဢၼ်​ၵႂႃႇ​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ​ၵူၺ်း ၵွမ်ႉ​လႆႈ​ငိၼ်း​သဵင်​ၵူၺ်း​လႄႈ ဢမ်ႇ​ႁၼ်​ၽူႈ​လႂ်​သေ​ၵေႃႉ​သေ​ၵူၼ်း၊ ယင်း​ဢမ်ႇ​လၢတ်ႈ​ၵႂၢမ်း​လႆႈ​လႄႈ ဢွၼ်​ၵၼ်​ၸုၵ်း​ယူႇ​ဢေႃႈ။-</verse>
				<verse number="8">သေႃးလူႉ ​ၼၼ်ႉ လုၵ်ႉ​သေ​ၵႃႈ​တီႈ​လိၼ်​လႄႈ မိူဝ်ႈ​ဢၼ်​မၼ်း​မိုၼ်း​တႃ​မၼ်း​ၸိုင် ဢမ်ႇ​ႁၼ်​ၵႃႈ​သင်​သေ​ဢိတ်း။ ပိူၼ်ႈ​ၸုင်​ဢဝ်​မိုဝ်း​မၼ်း​သေ​ယဝ်ႉ ၵႂႃႇ​သူင်ႇ​ၵႃႈ​တီႈ​ဝဵင်း​ ထမ်ႇမသႅတ်ႉ ​ဢေႃႈ။-</verse>
				<verse number="9">သၢမ်​ဝၼ်း​တဵမ်​တဵမ် မၼ်း​ၼၼ်ႉ​တႃ​ယင်း​ဢမ်ႇ​ႁၼ် ယင်း​ဢမ်ႇ​ၵိၼ်​ဢမ်ႇ​ၶူပ်း​လႄႈ​ယူႇ​ဢေႃႈ။</verse>
				<verse number="10">မိူဝ်ႈ​ၼၼ်ႉ တပႄး​ၸဝ်ႈ​ဢၼ်​လႆႈ​ၸိုဝ်ႈ​ ဢႃႇၼၼီႉ ၵေႃႉ​ၼိုင်ႈ မီး​ယူႇ​ၵႃႈ​ၼႂ်း​ဝဵင်း​ ထမ်ႇမသႅတ်ႉ ​ၼၼ်ႉ​ဢေႃႈ၊ ၸဝ်ႈ​ၽြႃး​လၢတ်ႈ​တီႈ​မၼ်း​ၼၼ်ႉ​ၼႂ်း​ရူႇပႃႇရူင်ႇ​လႄႈ​ဝႃႈ၊​ ဢႃႇၼၼီႉ ​ဢိူၺ်း၊ ဝႃႈ​ၼင်ႇ​ၼႆ​သေ​ယဝ်ႉ၊​ ဢႃႇၼၼီႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ၵဝ်​ၶႃႈ​မီး​ယူႇ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၸဝ်ႈ​ၽြႃး​ၵေႃႈ​လၢတ်ႈ​လႄႈ​ဝႃႈ မႂ်း​ၼႆႉ​လုၵ်ႉ​သေ​လႄႈ ၵႂႃႇ​ၵႃႈ​တီႈ​သဵၼ်ႈ​တၢင်း​ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ​တၢင်း​သိုဝ်ႈ​ၼၼ်ႉ​တႃႉ။ ႁႃ​ဢဝ်​ၵူၼ်း​ဝဵင်း​ တႃႇသူႉ ဢၼ်​ၸိုဝ်ႈ​ သေႃးလူႉ ​ၼၼ်ႉ ၵႃႈ​ၼႂ်း​ႁိူၼ်း​ ယူႉတႃႉ ​ၼၼ်ႉ​တႃႉ။ လွင်ႈ​မၼ်း​ၸမ်ႉ ၵေႃႉ​ၼၼ်ႉ​သူး​တွင်း​ယူႇ​ဢေႃႈ။-</verse>
				<verse number="12">မၼ်း​လႆႈ​ႁၼ် ၵူၼ်း​ဢၼ်​လႆႈ​ၸိုဝ်ႈ​ ဢႃႇၼၼီႉ ၵေႃႉ​ၼိုင်ႈ​ၶဝ်ႈ​မႃး​လႄႈ ဢဝ်​မိုဝ်း​တၢင်ႇ​ၵႃႈ​ၼိူဝ်​မၼ်း ႁႂ်ႈ​မၢၵ်ႇ​တႃ​မၼ်း​လႆႈ​ၶိုၼ်း​ႁၼ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ဢႃႇၼၼီႉ ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၵဝ်​ၶႃႈ​လႆႈ​ငိၼ်း​ၵူၼ်း​ၼမ်​ၼႃႇ လၢတ်ႈ​လွင်ႈ​ဢၼ်​ၵေႃႉ​ၼၼ်ႉ​ၼိၵ်ႈ​ၸၢၵ်ႈ​ငႅၼ်း​သႄး ၵူၼ်း​ဢၼ်​မူတ်း​ၸၢင်ႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ထၢၼ်ႇ​ႁိုဝ်​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="14">ၵႃႈ​တီႈ​ၼႆႈ​ၵေႃႈ​ၵေႃႉ​ၼၼ်ႉ​လႆႈ​ဢၶႂၢင်ႉ ဢၼ်​လႆႈ​မတ်ႉ​ၽုၵ်ႇ​ၶဝ်​ၸိူဝ်း​ဢၼ်​ႁဵတ်း​သူး​တွင်း​ပထၼႃႇ တီႈ​ၸဝ်ႈ​ႁဝ်း​ၵႃႈ​မီး​ၼၼ်ႉ​တီႈ​ယိတ်ႈပရေႃးႁဵၵ်ႈ​လူင် တင်း​လၢႆ​ယဝ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၸဝ်ႈ​ၽြႃး​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ မႂ်း​ၵႂႃႇ​တႃႉ။ ၵေႃႉ​ၼၼ်ႉ​ၸမ်ႉ၊ ပဵၼ်​ၶိူင်ႈ​ပိူင်​ဢၼ်​ၵဝ်​လိူၵ်ႈ​ၵဵပ်း​ဢဝ် ႁႂ်ႈ​လႆႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ်​ၵႂႃႇ​သူင်ႇ ၵႃႈ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢိၵ်ႇ​တင်း​ၶုၼ်​ႁေႃ​ၶမ်း တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။-</verse>
				<verse number="16">လွင်ႈ​မၼ်း​ၸမ်ႉ ၵဝ်​တၵ်း​ၼႄ​ပျႃး​လွင်ႈ​ဢၼ်​ၵေႃႉ​ၼၼ်ႉ တၵ်း​လႆႈ​ၶၢမ်ႇ​ၼမ်​ထၢၼ်ႇ​ႁိုဝ် ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ​တီႈ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ဢႃႇၼၼီႉ ၵေႃႈ​ၵႂႃႇ​လႄႈ ၶဝ်ႈ​ၵႃႈ​ၼႂ်း​ႁိူၼ်း​ၼၼ်ႉ​သေ​ယဝ်ႉ၊ ဢဝ်​မိုဝ်း​တူဝ်​ၸဝ်ႈ​ၵဝ်ႇ​တၢင်ႇ​ၵႃႈ​ၼိူဝ်​ သေႃးလူႉ ​သေ​လႄႈ လၢတ်ႈ​ဝႃႈ၊ ၼွင်ႉ​ သေႃးလူႉ ​ဢိူၺ်း၊ ၸဝ်ႈ​ ယေႇသူႉ ​ဢၼ်​ပေႃႇ​မႃး​တီႈ​မႂ်း ၼႂ်း​သဵၼ်ႈ​တၢင်း​ဢၼ်​မႂ်း​မႃး​ၼၼ်ႉ ပွႆႇ​ၸႂ်ႉ​ၵဝ်​မႃး​ႁႂ်ႈ​မၢၵ်ႇ​တႃ​မႂ်း​လႆႈ​ၶိုၼ်း​ႁၼ် ဢိၵ်ႇ​တင်း​ႁႂ်ႈ​မႂ်း​လႆႈ​တဵမ်​ဝႆႉ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၼင်ႇ​ၼၼ်​လႄႈ တီႈ​မၢၵ်ႇ​တႃ​ သေႃးလူႉ ​ၼၼ်ႉ ၵွၵ်း​တူၵ်း​ၵႂႃႇ​ၸိူဝ်ႉ​ၼင်ႇ​ၵဵတ်း​ပႃ​ၼၼ်ႉ​ၵမ်း​လဵဝ်​လႄႈ တႃ​မၼ်း​ၶိုၼ်း​ႁၼ်​သေ​ယဝ်ႉ မၼ်း​လုၵ်ႉ​လႄႈ​ၶၢမ်ႇ​ ပပ်ႉတီႉၸမ်ႇ ​သေ​ယဝ်ႉ၊ ၵိၼ်​တၢင်း​ၵိၼ်​လႄႈ မီး​ႁႅင်း​မႃး​ဢေႃႈ။</verse>
				<verse number="19">လိုၼ်း​ၼၼ်ႉ မၼ်း​ၵေႃႈ​ယူႇ​လူၺ်ႈ​ၵၼ်​တင်း​တပႄး​ၸဝ်ႈ ဢၼ်​မီး​ယူႇ​ၵႃႈ​ၼႂ်း​ဝဵင်း​ ထမ်ႇမသႅတ်ႉ ​ၸိူဝ်း​ၼၼ်ႉ ၶိင်ႇ​ၵႃႇလႃႉ​ႁိုင်​တၢၼ်ႇ​တၢၼ်ႇ​လႄႈ၊-</verse>
				<verse number="20">ႁေႃး​လၢတ်ႈ​လွင်ႈ​ဢၼ် ယေႇသူႉ ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ၼၼ်ႉ ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ​ၵမ်း​လဵဝ်​ဢေႃႈ။-</verse>
				<verse number="21">ၶဝ်​ၸိူဝ်း​ဢၼ်​ငိၼ်း​တင်း​သဵင်ႈ​တင်း​လူင်​ၼၼ်ႉ​ဢၢမ်း​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ ယႃႉ​ယူၵ်ႉ​ၶဝ်​ၸိူဝ်း​ဢၼ်​ႁဵတ်း​သူး​တွင်း​ပထၼႃႇ တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၼႆႉ ၵႃႈ​တီႈ​ၼႂ်း​ဝဵင်း​ ယေႇရူႉသလႅမ်ႇ ​ပုၼ်ႉ​ၵူၺ်း​ဢမ်ႇ​ၵႃး၊ ပဵၼ်​ၵေႃႉ​ဢၼ်​မႃး​ၵႃႈ​တီႈ​ၼႆႈ ႁႂ်ႈ​လႆႈ​မတ်ႉ​ၽုၵ်ႇ​ဢဝ်​ၶဝ်​ၼၼ်ႉ​ၵႂႃႇ​သူင်ႇ​ၵႃႈ​တီႈ ယိတ်ႈပရေႃးႁဵၵ်ႈ​လူင်​ၸိူဝ်း​ၼၼ်ႉ​ဢမ်ႇ​ၸႂ်ႈ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">သေႃးလူႉ ​ၼၼ်ႉ​ၵေႃႈ ယဵင်ႈ​ၶႅၼ်း​ႁႅင်း​ယႂ်ႇ​မႃး​လႄႈ ၵႄႈ​လိတ်ႈ​ၵႂၢမ်း​ဢၼ်​ၵူၼ်း​ ယူႉတႃႉ ​ဢၼ်​ယူႇ​ၵႃႈ​ၼႂ်း​ဝဵင်း​ ထမ်ႇမသႅတ်ႉ ​တင်း​လၢႆ​လၢတ်ႈ​ၼၼ်ႉ​လႄႈ ၽုၺ်ႇ​ဢွၵ်ႇ​ၼႄ​ပျႃး လွင်ႈ​ဢၼ်​ ယေႇသူႉ ​ပဵၼ်​ၸဝ်ႈ​ၶရိၸ်ႈ​ၼၼ်ႉ​လႅင်း​လႅင်း​ဢေႃႈ။</verse>
				<verse number="23">ပူၼ်ႉ​ဝၼ်း​ၼမ်​ၼႃႇ​ယဝ်ႉ၊ ၵူၼ်း​ ယူႉတႃႉ ​ၸိူဝ်း​ၼၼ်ႉ တိူင်ႇ​ပၢင်ႇ​လၢတ်ႈ​ၸႃ​ၵၼ်​ႁႂ်ႈ​လႆႈ​ဢဝ်​မၼ်း​တၢႆ​ဢေႃႈ။-</verse>
				<verse number="24">သေႃးလူႉ ႁူႉ​တၢင်း​ၵျၢမ်ႇ​တၢင်း​ပွင်​ၶဝ်​ၼၼ်ႉ​ဢေႃႈ၊ ၶဝ်​ပႂ်ႉ​ၽၵ်း​တူ​ဝဵင်း​တင်း​လၢႆ​ယူႇ​ၵူႈ​ဝၼ်း​ၵူႈ​ၶိုၼ်း ႁႂ်ႈ​လႆႈ​ဢဝ်​မၼ်း​တၢႆ​ဢေႃႈ။-</verse>
				<verse number="25">ၶိင်ႇ​ၵၢင်​ၶိုၼ်း​တပႄး​ၸဝ်ႈ​ၸိူဝ်း​ၼၼ်ႉ ဢဝ်​မၼ်း​သႂ်ႇ​ၵႃႈ​ၼႂ်း​ပဵတ်ႈ​သေ​ယဝ်ႉ၊ ယွၼ်ႇ​တူၵ်း​သေ​ၵႃႈ​ၼိူဝ်​လမ်း​ဝဵင်း​ဢေႃႈ။</verse>
				<verse number="26">မိူဝ်ႈ​ဢၼ်​မၼ်း​ႁွတ်ႈ​ထိုင် ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင် မၼ်း​ၵျၢမ်ႇ​တၵ်း​ႁဵတ်း​ၵေႃႉ​ႁဵတ်း​သေႈ လူၺ်ႈ​ၵၼ်​တင်း​တပႄး​ၸဝ်ႈ​တင်း​လၢႆ​သေ​ၵေႃႈ ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ဢမ်ႇ​ယုမ်ႇ​လွင်ႈ​ဢၼ်​မၼ်း​ပဵၼ်​တပႄး​ၸဝ်ႈ​ၼၼ်ႉ​လႄႈ ၵူဝ်​မၼ်း​ဢေႃႈ။-</verse>
				<verse number="27">မိူဝ်ႈ​ၼၼ်ႉ​ ပႃႇၼပႃႉ ၸင်ႇ​ႁွင်ႉ​ဢဝ်​မၼ်း​လႄႈ ၵႂႃႇ​သူင်ႇ​ၵႃႈ​တီႈ​တမၢၼ်ႇ​ၸဝ်ႈ​တင်း​လၢႆ​ယဝ်ႉ​ၸင်ႇ မွၵ်ႇ​လၢတ်ႈ​ပၼ်​လွင်ႈ​ဢၼ်​မိူဝ်ႈ​ဢွၼ်​တၢင်း​ၼၼ်ႉ မၼ်း​လႆႈ​ႁၼ်​ၸဝ်ႈ​ၽြႃး​ၵႃႈ​တီႈ​ၵၢင်​တၢင်း၊ လွင်ႈ​ဢၼ်​မၼ်း​ၸဝ်ႈ​လၢတ်ႈ​တေႃႇ​မၼ်း၊ လွင်ႈ​ဢၼ်​မၼ်း​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ ယေႇသူႉ ​သေ​လႄႈ ႁေႃး​လၢတ်ႈ​ႁတ်း​ႁတ်း​ႁၢၼ်​ႁၢၼ်​ၵႃႈ​ၼႂ်း ဝဵင်း​ ထမ်ႇမသႅတ်ႉ ​ၼၼ်ႉ​တီႈ​ၶဝ်​ဢေႃႈ။-</verse>
				<verse number="28">လိုၼ်း​ၼၼ်ႉ သေႃးလူႉ ​ၶဝ်ႈ​ၶဝ်ႈ​ဢွၵ်ႇ​ဢွၵ်ႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ လူၺ်ႈ​ၵၼ်​တင်း​တမၢၼ်ႇ​ၸဝ်ႈ​ၸိူဝ်း​ၼၼ်ႉ​လႄႈ ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ ယေႇသူႉ ​သေ​လႄႈ ႁေႃး​လၢတ်ႈ​ယူႇ​ႁတ်း​ႁတ်း​ႁၢၼ်​ႁၢၼ်​ဢေႃႈ။-</verse>
				<verse number="29">မၼ်း​တိူင်ႇ​ပၢင်ႇ​လၢတ်ႈ​ထဵင်​ၵၼ်​တင်း​ၵူၼ်း ႁေႇလေႇၼိတ်ႉ ​တင်း​လၢႆ​သေ​ၵေႃႈ ၶဝ်​ၵျၢမ်ႇ​ႁႃ​ႁႂ်ႈ​လႆႈ​ဢဝ်​မၼ်း​တၢႆ​ယူႇ​ဢေႃႈ။-</verse>
				<verse number="30">မိူဝ်ႈ​ဢၼ်​ပီႈ​ၼွင်ႉ​ၸိူဝ်း​ၼၼ်ႉ​ငိၼ်း​လွင်ႈ​တၢင်း​ၼၼ်ႉ​ၸိုင်၊ ၶဝ်​ဢဝ်​မၼ်း​ၵႂႃႇ​သူင်ႇ ၵႃႈ​တီႈ​ဝဵင်း​ ၵေႇသရီႉ ​လႄႈ​ပွႆႇ​ၸႂ်ႉ​မၼ်း​ၵႂႃႇ​ႁႂ်ႈ​ႁွတ်ႈ​ထိုင် ၵႃႈ​တီႈ​ဝဵင်း​ တႃႇသူႉ ပုၼ်ႉ​သေ​ဢေႃႈ။</verse>
				<verse number="31">မိူဝ်ႈ​ၼၼ်ႉ ၸိူဝ်း​ၸဝ်ႈ​ဢၼ်​မီး​ယူႇ ၵႃႈ​ၼႂ်း​မိူင်း​ ယူႉတႃႉ ၊ မိူင်း​ ၵႃႇလီႉလႄး ၊ မိူင်း​ သမႃႇရီႉ ၵူႈ​တီႈ​ၵူႈ​လႅၼ်​ၸိူဝ်း​ၼၼ်ႉ​ၼိမ်​ၸႂ်​လႄႈ မီး​တၢင်း​ဢၼ်​တႄႇ​ပဵၼ်​ယူႇ​ဢေႃႈ။ ၵွပ်ႈ​ပိူဝ်ႈ​ဢၼ်​ၸွမ်း​လူၺ်ႈ​လွင်ႈ​တၢင်း​ဢၼ်​ၵူဝ်​ယမ်​ၸဝ်ႈ​ၽြႃး ဢိၵ်ႇ​တင်း​လွင်ႈ​တၢင်း​ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ သင်ႇ​သွၼ်​ပၼ်​ၼၼ်ႉ​လႄႈ ၼမ်​မႃး​ၵိုၼ်း​မႃး​ဢေႃႈ။</verse>
				<verse number="32">ၼႂ်း​မိူဝ်ႈ​ဢၼ်​ ပေႇတရူႉ လႄႇ​လဵပ်ႈ​ၵူႈ​တီႈ​ၵူႈ​လႅၼ် ၵႃႈ​ၼႂ်း​ၸိူဝ်း​ၸဝ်ႈ​တင်း​သဵင်ႈ​တင်း​လူင်​ယူႇ​ၼၼ်ႉ​ၸိုင် မၼ်း​ၵႂႃႇ​ႁွတ်ႈ​ထိုင်​ၵႃႈ​တီႈ ၵူၼ်း​မူတ်း​ၸၢင်ႇ​ဢၼ်​မီး​ယူႇ​ၵႃႈ​ၼႂ်း​ဝဵင်း​ လုတ်ႉတႃႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="33">ၵႃႈ​တီႈ​ၼၼ်ႈ ပေႇတရူႉ ​ထူပ်း​ႁၼ်​ၵူၼ်း​ဢၼ်​လႆႈ​ၸိုဝ်ႈ​ ဢေႇၼေး ဢၼ်​တိၼ်​တၢႆ​မိုဝ်း​တၢႆ​လႄႈ လႆႈ​ၼွၼ်း​ယူႇ​ၵႃႈ​ၼိူဝ်​ၽႃႈ​ၵွပ်း​ပႅတ်ႇ​ပီႊ​တဵမ်​တဵမ်​ၼၼ်ႉ​ၵေႃႉ​ၼိုင်ႈ​လႄႈ၊-</verse>
				<verse number="34">လၢတ်ႈ​ဝႃႈ၊​ ဢေႇၼေး ​ဢိူၺ်း၊ ယေႇသူႉ​ၶရိၸ်ႈ ပၼ်​ၵတ်း​ယဵၼ်​ၶျၢမ်း​သႃႇ​တီႈ​မႂ်း​ဢေႃႈ။ လုၵ်ႉ​သေ​လႄႈ မႄး​ႁႅၼ်း​ၽႃႈ​ၵွပ်း​မႂ်း​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် မၼ်း​ၼၼ်ႉ​ၽုတ်း​လုၵ်ႉ​ၵမ်း​လဵဝ်​ဢေႃႈ။-</verse>
				<verse number="35">ၵူၼ်း​ဢၼ်​ယူႇ​ၵႃႈ​ၼႂ်း​ဝဵင်း​ လုတ်ႉတႃႉ တင်း​ဝဵင်း​ သႃႇရုၼ်ႇ တင်း​သဵင်ႈ​တင်း​လူင်​ၼၼ်ႉ လႆႈ​ႁၼ်​ၵေႃႉ​ၼၼ်ႉ​လႄႈ ဢွၼ်​ၵၼ်​ၶၢႆႉ​ပုတ်ႈ​မႃး​ယူႇ​ၵႃႈ​တီႈ​ၽၢႆႇ​ၸဝ်ႈ​ၽြႃး​ဢေႃႈ။-</verse>
				<verse number="36">ၼႂ်း​ဝဵင်း​ ယွပ်ႉပႃႉ ​ၼၼ်ႉ မီး​တပႄး​ၸဝ်ႈ​ဢၼ်​လႆႈ​ၸိုဝ်ႈ​ တပီႉထႃႉ ၵေႃႉ​ၼိုင်ႈ​ဢေႃႈ။ ဢၼ်​ၶႂ်ႈ​ဝႃႈ ၸိုဝ်ႈ​သဵင်​မၼ်း​ၼၼ်ႉ​ၸမ်ႉ၊ ပဵၼ်​ တေႃႇၵႃႇ ဝႃႈ​ၼင်ႇ​ၼႆ​ဢေႃႈ။ မႄႈ​ယိင်း​ၼၼ်ႉ ပျေႉ​ၸုမ်ႇ​ဝႆႉ​တင်း​တၢင်း​ၵမ်​တၢင်း​ၵျၢင်ႉ ဢၼ်​လီ​ဢိၵ်ႇ​တင်း တၢင်း​ဢၼ်​ၽႄ​ၸွၼ်း​ယိုၼ်ႈ​မႅင်ႇ ဢၼ်​မၼ်း​ႁဵတ်း​ၸိူဝ်း​ၼၼ်ႉ​ဢေႃႈ။-</verse>
				<verse number="37">မိူဝ်ႈ​ၼၼ်ႉ​မၼ်း​မီး​တၢင်း​ၶႆႈ​တၢင်း​ပဵၼ်​လႄႈ​တၢႆ​ၵႂႃႇ​ဢေႃႈ။ ၶဝ်​ဢဝ်​တူဝ်​တၢႆ​မၼ်း​ဢၢပ်ႇ​ၼမ်ႉ​သေ​ယဝ်ႉ၊ တၢင်ႇ​ဝႆႉ​ၵႃႈ​တီႈ​လုၵ်း​ႁၢၼ်ႉ​ၼိူဝ်​ဢေႃႈ။-</verse>
				<verse number="38">ပိူဝ်ႈ​ဢၼ်​ဝဵင်း​ လုတ်ႉတႃႉ မီး​ၸမ်​ၵၼ်​တင်း​ဝဵင်း​ ယွပ်ႉပႃႉ ​ၼၼ်ႉ​လႄႈ တပႄး​ၸဝ်ႈ​ၸိူဝ်း​ၼၼ်ႉ​လႆႈ​ငိၼ်း​လွင်ႈ​ဢၼ်​ ပေႇတရူႉ ​မီး​ၵႃႈ​ၼႂ်း​ဝဵင်း​ၼၼ်ႉ​သေ​ယဝ်ႉ၊ ပွႆႇ​ၸႂ်ႉ​ၵူၼ်း​သွင်​ၵေႃႉ​ၵႂႃႇ​လႄႈ​တွင်း​ပၢၼ်ႇ ႁႂ်ႈ​မၼ်း​မႃး​ၶၼ်​ၶၼ်​ၽႂ်း​ၽႂ်း​ဢေႃႈ။</verse>
				<verse number="39">ပေႇတရူႉ ​ၼၼ်ႉ လုၵ်ႉ​လႄႈ​ၸွမ်း​လူၺ်ႈ​ၵၼ်​တင်း​ၶဝ်​ၼၼ်ႉ​ဢေႃႈ။ မိူဝ်ႈ​ဢၼ်​မၼ်း​ႁွတ်ႈ​မႃး​ယဝ်ႉ​ၸိုင်​ၶဝ်​ၼၼ်ႉ ႁွင်ႉ​ဢဝ်​မၼ်း​ၶိုၼ်ႈ​ၵႂႃႇ​ၵႃႈ​တီႈ​လုၵ်း​ႁၢၼ်ႉ​ၼိူဝ်​လႄႈ မႄႈ​မူၵ်း​မႄႈ​မၢႆႈ​တင်း​သဵင်ႈ​တင်း​လူင် ၸုၵ်း​ယူႇ​ၵႃႈ​တီႈ​ႁိမ်း​ ပေႇတရူႉ ​ၼၼ်ႉ​လႄႈ ႁွင်ႉ​ႁႆႈ​ယူႇ​သေ​လႄႈ ၼႄ​ပျႃး​သိူဝ်ႈ​လႂ် ၶူဝ်း​ၼုင်ႈ​လႂ် ဢၼ်​ တေႃႇၵႃႇ ​လႆႈ​ႁဵတ်း​ဝႆႉ ၼႂ်း​မိူဝ်ႈ​ဢၼ်​မၼ်း​ယင်း​မီး​ယူႇ​လူၺ်ႈ​ၵၼ်​တင်း​ၶဝ်​ၼၼ်ႉ​ဢေႃႈ။-</verse>
				<verse number="40">ပေႇတရူႉ ႁႂ်ႈ​ၶဝ်​တင်း​သဵင်ႈ​တင်း​လူင်​ၼၼ်ႉ ဢွၵ်ႇ​ၵႂႃႇ​ၵႃႈ​ၼွၵ်ႈ​သေ​လႄႈ တူဝ်​မၼ်း​ၶုပ်ႉ​ၶဝ်ႇ​သူး​တွင်း​ႁဵတ်း​ပထၼႃႇ​ယဝ်ႉ​ၸင်ႇ ဝၢႆႇ​ၼႃႈ​ၵႂႃႇ​ၸူး​တူဝ်​တၢႆ​ၼၼ်ႉ​သေ​လႄႈ​ဝႃႈ၊​ တပီႉထႃႉ ​ဢိူၺ်း၊ လုၵ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။ မႄႈ​ယိင်း​ၼၼ်ႉ​မိုၼ်း​တႃ​လႄႈ မိူဝ်ႈ​ဢၼ်​ႁၼ်​ ပေႇတရူႉ ​ၸိုင် လုၵ်ႉ​ၼင်ႈ​ယူႇ​ဢေႃႈ။-</verse>
				<verse number="41">ပေႇတရူႉ ​ဢဝ်​မိုဝ်း​တူဝ်​ၸဝ်ႈ​ၵဝ်ႇ​ပၼ်​တီႈ​မၼ်း​လႄႈ တိုတ်ႉ​ၸၼ်​ဢဝ်​မၼ်း​လုၵ်ႉ​သေ​ယဝ်ႉ၊ ႁွင်ႉ​ဢဝ်​ၵူၼ်း​မူတ်း​ၸၢင်ႇ ဢိၵ်ႇ​တင်း​မႄႈ​မူၵ်း​မႄႈ​မၢႆႈ​ၸိူဝ်း​ၼၼ်ႉ​သေ​လႄႈ ၼႄ​ပျႃး​မႄႈ​ယိင်း​ဢၼ်​ပဵၼ်​တူဝ်​ၶိုၼ်း​ၼၼ်ႉ​ဢေႃႈ။-</verse>
				<verse number="42">လွင်ႈ​တၢင်း​ၼၼ်ႉ​ႁူႉ​ၸွတ်ႇ​တူဝ်ႈ​ၵႂႃႇ ၵႃႈ​ၼႂ်း​ဝဵင်း​ ယွပ်ႉပႃႉ ​ၼၼ်ႉ​လႄႈ ၵူၼ်း​ၼမ်​ၼႃႇ ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​ၸဝ်ႈ​ၽြႃး​ဢေႃႈ။</verse>
				<verse number="43">ပေႇတရူႉ ယူႇ​ၵႃႈ​ၼႂ်း​ဝဵင်း​ ယွပ်ႉပႃႉ ​ၼၼ်ႉ​လူၺ်ႈ​ၵၼ်​တင်း​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ​ သီႉမုၼ်ႇ ဢၼ်​ပဵၼ်​ၵူၼ်း​ႁဵတ်း​ၼင်​ၼၼ်ႉ​ႁိုင်​ၼႃႇ​ဢေႃႈ။</verse>
			</chapter>
			<chapter number="10">
				<verse number="1">ၵႃႈ​ၼႂ်း​ဝဵင်း​ ၵေႇသရီႉ ​ၼၼ်ႉ မီး​ၵူၼ်း​ဢၼ်​လႆႈ​ၸိုဝ်ႈ​ ၵေႃးၼီႇလီႉ ​လႄႈ ပဵၼ်​တပ်ႉ​မူး ဢၼ်​လႆႈ​ဢုပ်ႉ​ၵူၼ်း​သိုၵ်း​ပၢၵ်ႇ​ၼိုင်ႈ​ၵႃႈ​ၼႂ်း​တပ်ႉ ဢၼ်​လႆႈ​ႁွင်ႉ​ႁဵၵ်ႈ တပ်ႉ​ ဢီႉတလီႉ ၊-</verse>
				<verse number="2">ဢၼ်​ပဵၼ်​ၵေႃႉ​ဢၼ်​မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး​လႄႈ ဢိၵ်ႇ​လူၺ်ႈ​ၵၼ်​တင်း​ၵူၼ်း​ၵႃႈ​မီး​ၼႂ်း​ႁိူၼ်း​မၼ်း​ၸိူဝ်း​ၼၼ်ႉ ၵူဝ်​ယမ်​ၽြႃး​ပဵၼ်​ၸဝ်ႈ ဢၼ်​ႁဵတ်း​တၢင်း​ဢၼ်​ၽႄ​ၸွၼ်း​ယိုၼ်ႈ​မႅင်ႇ​ၼမ်​ၼႃႇ တီႈ​ၵူၼ်း​တင်း​လၢႆ​လႄႈ သူး​တွင်း​ၽြႃး​ပဵၼ်​ၸဝ်ႈ​ယူႇ​တႃႇ​သေႇ​ၼၼ်ႉ​ၵေႃႉ​ၼိုင်ႈ​ဢေႃႈ။-</verse>
				<verse number="3">ဝၼ်း​ၼိုင်ႈ​ၶိင်ႇ​ၵဝ်ႈ​ၼႃႇရီႇ​ၸမ်​ၸမ် မၼ်း​ၼၼ်ႉ​လႆႈ​ႁၼ်​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​ႁွတ်ႈ​မႃး ႁွင်ႉ​မၼ်း​လႄႈ​ဝႃႈ၊​ ၵေႃးၼီႇလီႉ ​ဢိူၺ်း၊ ဝႃႈ​ၼင်ႇ​ၼႆ​ၼၼ်ႉ ၼႂ်း​ပျႃႇ​တိၵ်ႈ​ရူႇပႃႇရူင်ႇ ထၢင်ႇ​ထၢင်ႇ​သႃး​သႃး​ဢေႃႈ။-</verse>
				<verse number="4">မၼ်း​ယႅၵ်ႉ​တူၺ်း​တမၢၼ်ႇ​ၵၢင်​ႁၢဝ်​ၼၼ်ႉ​ၸေး​ၸေး​သေ​ယဝ်ႉ၊ တူၵ်း​ၸႂ်​လႄႈ​ထၢမ်​ဝႃႈ ၸဝ်ႈ​ႁဝ်း​မီး​လွင်ႈ​ၵႃႈ​သင်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ တမၢၼ်ႇ​ၵၢင်​ႁၢဝ်​ၵေႃႈ​လၢတ်ႈ​လႄႈ​ဝႃႈ၊ တၢင်း​ဢၼ်​မႂ်း​သူး​တွင်း​ႁဵတ်း​ပထၼႃႇ ဢိၵ်ႇ​တင်း​တၢင်း​ဢၼ်​မႂ်း​ၽႄ​ၸွၼ်း​ယိုၼ်ႈ​မႅင်ႇ​ၸိူဝ်း​ၼၼ်ႉ​ၶိုၼ်ႈ​ၵႂႃႇ ပုၼ်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ပုၼ်ႉ​ယဝ်ႉ။-</verse>
				<verse number="5">ပိူဝ်ႈ​ၼႆ​လႄႈ ပွႆႇ​ၸႂ်ႉ​ၵူၼ်း​ၵႂႃႇ​ၵႃႈ​တီႈ​ဝဵင်း​ ယွပ်ႉပႃႉ ပုၼ်ႉ​လႄႈ ပၢင်း​ဢဝ်​ သီႉမုၼ်ႇ ဢၼ်​လႆႈ​ၸိုဝ်ႈ​မႂ်ႇ ပေႇတရူႉ ​ၼၼ်ႉ​မႃး​တႃႉ။-</verse>
				<verse number="6">မၼ်း​ၼၼ်ႉ​သွၼ်ႈ​ပိုင်ႈ​ယူႇ​ၵႃႈ​တီႈ​ႁိူၼ်း သီႉမုၼ်ႇ ၵူၼ်း​ႁဵတ်း​ၼင်​ၼၼ်ႉ​ဢေႃႈ။ ႁိူၼ်း​မၼ်း​ၸမ်ႉ​မီး​ၵႃႈ​တီႈ​ႁိမ်း​ပၢင်ႇ​လၢႆႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">တမၢၼ်ႇ​ၵၢင်​ႁၢဝ်​ဢၼ်​လၢတ်ႈ​ပၼ်​တီႈ ၵေႃးၼီႇလီႉ ​ၼၼ်ႉ ၵႂႃႇ​သေ​ယဝ်ႉ၊ ၵေႃးၼီႇလီႉ ​ႁွင်ႉ​ဢဝ်​ၵူၼ်း​ဢွၼ်ႇ​မၼ်း​သွင်​ၵေႃႉ ဢိၵ်ႇ​တင်း​ၵူၼ်း​သိုၵ်း ဢၼ်​မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး ဢၼ်​မီး​ၼႂ်း​ၶဝ်​ၸိူဝ်း​ဢၼ် ယူႇ​ႁူမ်ႈ​ၵၼ်​တင်း​မၼ်း​တႃႇ​သေႇ​ၼၼ်ႉ​ၵေႃႉ​ၼိုင်ႈ​မႃး​လႄႈ၊-</verse>
				<verse number="8">မွၵ်ႇ​လၢတ်ႈ​လွင်ႈ​တၢင်း​ၸိူဝ်း​ၼၼ်ႉ​တင်း​သဵင်ႈ​တင်း​လူင်​ယဝ်ႉ​ၸင်ႇ ပွႆႇ​ၸႂ်ႉ​ၶဝ်​ၵႂႃႇ​ၵႃႈ​တီႈ​ဝဵင်း​ ယွပ်ႉပႃႉ ပုၼ်ႉ​ဢေႃႈ။</verse>
				<verse number="9">ဝၼ်း​မိူဝ်ႈ​ၽုၵ်ႈ ၼႂ်း​မိူဝ်ႈ​ဢၼ်​ၶဝ်​ၸွမ်း​တၢင်း​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ႁိမ်း​ဝဵင်း​ ယွပ်ႉပႃႉ ​ၼၼ်ႉ​ၸိုင် ၶိင်ႇ​ႁူၵ်း​ၼႃႇရီႇ​ၸမ်​ၸမ်၊ ပေႇတရူႉ ​ၼၼ်ႉ၊ ၶိုၼ်ႈ​ၵႂႃႇ​ၵႃႈ​ၼိူဝ်​မုင်း​ႁိူၼ်း​ႁႂ်ႈ​လႆႈ​သူး​တွင်း​ဢေႃႈ။-</verse>
				<verse number="10">မၼ်း​တွင်ႉ​မႆႈ​တွင်ႉ​ႁွၼ်ႉ​လႄႈ မီး​ဢလူဝ်ႇ​ၶႂ်ႈ​ၵိၼ်​တၢင်း​ၵိၼ်​သေ​ယဝ်ႉ ၼႂ်း​မိူဝ်ႈ​ဢၼ်​ပိူၼ်ႈ​ယင်း​တိုၵ်ႉ​မႄး​ႁႅၼ်း​တၢင်း​ၵိၼ်​ယူႇ​ၼၼ်ႉ​ၸိုင်၊ မၼ်း​ၼၼ်ႉ​ပဵၼ်​ၸိူဝ်ႉ​ၼင်ႇ​ၼွၼ်း​ၽၼ်​ႁၼ် ၼႂ်း​တူဝ်​ၸဝ်ႈ​ၵဝ်ႇ​သေ​လႄႈ၊-</verse>
				<verse number="11">လႆႈ​ႁၼ်​ၵၢင်​ႁၢဝ်​ၽုၺ်ႇ​ပိုတ်ႇ​ဝႆႉ​လႄႈ ၶိူင်ႈ​ပိူင်​ဢၼ်​ပဵၼ်​ၸိူဝ်ႉ​ၼင်ႇ တၢၼ်း​သိူဝ်ႇ​လူင် ဢၼ်​မတ်ႉ​သီႇ​ၸဵင်ႇ​သေ​လႄႈ​ၶျႃး​ယွၼ်ႇ​တူၵ်း​ၵႃႈ​ၼိူဝ်​လိၼ်​မိူင်း​ၼၼ်ႉ လူင်း​မႃး​ၸူး​တီႈ​မၼ်း​ဢေႃႈ။-</verse>
				<verse number="12">ၼႂ်း​ၶိူင်ႈ​ပိူင်​ၼၼ်ႉ မီး​ၸႃႉ​ၸဵမ်​တရိၵ်ႈသၢၼ်ႇ ဢၼ်​မီး​တိၼ်​သီႇ​ၶွၼ်​ၵူႈ​ၸိူဝ်ႉ​ၵူႈ​ပိူင် ဢိၵ်ႇ​တင်း​တရိၵ်ႈသၢၼ်ႇ ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈ​ၼိူဝ်​လိၼ်၊ တင်း​ၼူၵ်ႉ​ဢၼ်​ၸၢင်ႈ​မိၼ်​ၵႃႈ​ၼိူဝ်​ၽႃႉ​ၵၢင်​ႁၢဝ်​တင်း​လၢႆ​ဢေႃႈ။</verse>
				<verse number="13">သဵင်​ၵႂၢမ်း​ၽႅဝ်​မႃး​တီႈ​မၼ်း​လႄႈ​ဝႃႈ၊​ ပေႇတရူႉ ​ဢိူၺ်း၊ လုၵ်ႉ​ဢဝ်​တၢႆ​သေ​လႄႈ​ၵိၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">ပေႇတရူႉ ​ၵေႃႈ​လၢတ်ႈ​လႄႈ​ဝႃႈ ဢမ်ႇ​ပဵၼ်​လႆႈ​ၶႃႈ​ၸဝ်ႈ။ ၵဝ်​ၶႃႈ​ဢမ်ႇ​တွၼ်ႉ​ၵိၼ်​ၶိူင်ႈ​ပိူင်​ဢၼ်​ၵူဝ်ႈ​ၵိူၵ်ႇ တင်း​ၶိူင်ႈ​ပိူင်​ဢၼ်​ဢမ်ႇ​မူတ်း​သႂ်​သေ​ပွၵ်ႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">လိုၼ်း​ၼၼ်ႉ​ပွၵ်ႈ​တူႉတီႉယႃႉ သဵင်​ၵႂၢမ်း​ၽႅဝ်​မႃး​လႄႈ​ဝႃႈ​ၸမ်ႉ၊ ဢၼ်​ၽြႃး​ပဵၼ်​ၸဝ်ႈ​ႁႂ်ႈ​မူတ်း​သႂ်​ၼၼ်ႉ​ၸိုင် မႂ်း​ယႃႇ​ပေ​ထၢင်ႇ​ၵူဝ်ႈ​ၵိူၵ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ပဵၼ်​ၸိူဝ်ႉ​ၼင်ႇ​ၼၼ် ထူၼ်ႈ​ထိုင်​သၢမ်​ပွၵ်ႈ​ယဝ်ႉ​ၸင်ႇ ၶိုၼ်း​သိမ်း​ဢဝ်​ၶိူင်ႈ​ပိူင်​ၼၼ်ႉ ၶိုၼ်ႈ​ၵႂႃႇ​ၵႃႈ​ၼႂ်း​ၵၢင်​ႁၢဝ်​ပုၼ်ႉ​သေ​ဢေႃႈ။</verse>
				<verse number="17">ပျႃႇ​တိၵ်ႈ​ရူႇပႃႇရူင်ႇ ဢၼ်​တူဝ်​ၸဝ်ႈ​ၵဝ်ႇ​လႆႈ​ႁၼ်​ၼၼ်ႉ​ၸမ်ႉ၊ တၵ်း​ၶႂ်ႈ​ဝႃႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ၼႂ်း​မိူဝ်ႈ​ဢၼ်​ ပေႇတရူႉ ယင်း​တိုၵ်ႉ​ၶႆႈ​ၸႂ်​ဝူၼ်ႉ​ၸႂ်​ယူႇ​ၼၼ်ႉ​ၸိုင်၊ ၵူၼ်း​ဢၼ် ၵေႃးၼီႇလီႉ ပွႆႇ​ၸႂ်ႉ​မႃး​ၸိူဝ်း​ၼၼ်ႉ ထၢမ်​ႁႃ​ႁိူၼ်း​ သီႉမုၼ်ႇ ​သေ​ယဝ်ႉ၊ ၸုၵ်း​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ယူႇ​သေ​လႄႈ၊-</verse>
				<verse number="18">ႁွင်ႉ​သႅၼ်ႇ​ထၢမ်​လႄႈ​ဝႃႈ၊ သီႉမုၼ်ႇ ​ဢၼ်​လႆႈ​ၸိုဝ်ႈ​မႂ်ႇ ပေႇတရူႉ ​ၼၼ်ႉ သွၼ်ႈ​ပိုင်ႈ​ယူႇ​ၵႃႈ​တီႈ​ၼႆႈ​ႁိုဝ်​၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ၼႂ်း​မိူဝ်ႈ​ဢၼ်​ ပေႇတရူႉ ယင်း​တိုၵ်ႉ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ပျႃႇ​တိၵ်ႈ​ရူႇပႃႇရူင်ႇ​ၼၼ်ႉ​ယူႇ​ၼၼ်ႉ​ၸိုင်၊ ဝီႉၺိၺ်ႇ​ၸဝ်ႈ​လၢတ်ႈ​တီႈ​မၼ်း​လႄႈ​ဝႃႈ၊ တူၺ်း​လူး၊ ၵူၼ်း​သၢမ်​ၵေႃႉ​ႁႃ​မႂ်း​ယူႇ​ဢေႃႈ။-</verse>
				<verse number="20">လုၵ်ႉ​လႄႈ​လူင်း​ၵႂႃႇ​တႃႉ၊ ယႃႇ​ပေ​ၶႆႈ​ၸႂ်​ဝူၼ်ႉ​ၸႂ်၊ ၸွမ်း​ၶဝ်​ၵႂႃႇ​တႃႉ။ လွင်ႈ​မၼ်း​ၸမ်ႉ ၶဝ်​ၼၼ်ႉ​ပဵၼ်​ၵေႃႉ​ဢၼ်​ၵဝ်​ပွႆႇ​ၸႂ်ႉ​မႃး​ယဝ်ႉ၊ မိူဝ်ႈ​ဢၼ်​မၼ်း​ၸဝ်ႈ​ဝႃႈ​ၼင်ႇ​ၼႆ​ၸိုင်၊-</verse>
				<verse number="21">ပေႇတရူႉ ​ၵေႃႈ လူင်း​ၵႂႃႇ​လႄႈ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၵဝ်​ၼႆႉ​ၸမ်ႉ ပဵၼ်​ၵေႃႉ​ဢၼ်​သူ​ႁႃ​ဢေႃႈ။ မီး​လွင်ႈ​ၸိူဝ်ႉ​ၼင်ႇ​ႁိုဝ်​လႄႈ​မႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၶဝ်​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ တပ်ႉ​မူး​ ၵေႃးၼီႇလီႉ ဢၼ်​ပဵၼ်​ၵေႃႉ​ဢၼ်​သိုဝ်ႈ​တေႃႇ ဢၼ်​ၵူဝ်​ယမ်​ၽြႃး​ပဵၼ်​ၸဝ်ႈ​လႄႈ​မီး​သရေႇ ၼႂ်း​ၵူၼ်း​ ယူႉတႃႉ တင်း​သဵင်ႈ​တင်း​လူင်​ၼၼ်ႉ၊ ၼင်ႇ​ႁိုဝ်​တၵ်း​လႆႈ​ႁွင်ႉ​ပၢင်း​ဢဝ်​ၸဝ်ႈ​ႁဝ်း ၵႂႃႇ​ၸူး​ၵႃႈ​တီႈ​ႁိူၼ်း​မၼ်း​လႄႈ ထွမ်ႇ​ငိၼ်း​ၵႂၢမ်း​ၸဝ်ႈ​ႁဝ်း​ၸိုင် လႆႈ​ၶၢမ်ႇ​ပျႃႇ​တိၵ်ႈ​ရူႇပႃႇရူင်ႇ ၵႃႈ​တီႈ​တမၢၼ်ႇ​ၵၢင်​ႁၢဝ် ဢၼ်​မူတ်း​ၸၢင်ႇ​ယဝ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ပိူဝ်ႈ​ၼႆ​လႄႈ​ ပေႇတရူႉ ႁွင်ႉ​ဢဝ်​ၶဝ်​ၼၼ်ႉ ၶဝ်ႈ​ၵႂႃႇ​ၵႃႈ​ၼႂ်း​ႁိူၼ်း​သေ​လႄႈ ႁဵတ်း​ဝၢတ်ႈ​ၶႅၵ်ႇ​ဢေႃႈ။ ဝၼ်း​မိူဝ်ႈ​ၽုၵ်ႈ​ၼၼ်ႉ မၼ်း​ၸင်ႇ​ၵႂႃႇ​လူၺ်ႈ​ၵၼ်​တင်း​ၶဝ်​ၼၼ်ႉ​လႄႈ ပီႈ​ၼွင်ႉ​ၸိူဝ်း​ဢၼ်​ပဵၼ်​ၵူၼ်း​ဝဵင်း​ ယွပ်ႉပႃႉ ​ၼၼ်ႉ ၵမ်ႈ​ၽွင်ႈ​ၵေႃႈ​ၸွမ်း​ၵႂႃႇ​ဢေႃႈ။-</verse>
				<verse number="24">လိုၼ်း​ၼၼ်ႉ​ဝၼ်း​ၼိုင်ႈ ၶဝ်​ၶဝ်ႈ​ၵႃႈ​ၼႂ်း​ဝဵင်း​ ၵေႇသရီႉ ​လႄႈ ၵေႃးၼီႇလီႉ ​ၼၼ်ႉ ႁႂ်ႈ​ပီႈ​ၼွင်ႉ​ၸိူဝ်ႉ​ၶိူဝ်း​မၼ်း ဢိၵ်ႇ​တင်း​ၵေႃႉ​သေႈ​မၼ်း​တင်း​လၢႆ ၸူႉ​ၵၼ်​တုမ်​ၵၼ်​သေ​ယဝ်ႉ မုင်ႈ​ထႃႈ​မွင်း​ထႃႈ​ၶဝ်​ယူႇ​ဢေႃႈ။-</verse>
				<verse number="25">မိူဝ်ႈ​ဢၼ် ပေႇတရူႉ ​ႁွတ်ႈ​ထိုင်​ၸိုင်၊ ၵေႃးၼီႇလီႉ ​ၼၼ်ႉ ႁပ်ႉ​ႁူဝ်​တၢင်း​လႄႈ ၶုပ်ႉ​မူပ်ႇ​ၵႃႈ​တီႈ​ႁိမ်း​တိၼ်​မၼ်း​သေ​ယဝ်ႉ ႁဵတ်း​ရူဝ်ႇ​သေႇ​ၵူဝ်​ယမ်​ဢေႃႈ။-</verse>
				<verse number="26">ပေႇတရူႉ ​ၼၼ်ႉ ႁႂ်ႈ​မၼ်း​လုၵ်ႉ​လႄႈ​ဝႃႈ လုၵ်ႉ​တႃႉ၊ ၵဝ်​ၼႆႉ​တူဝ်​ၸဝ်ႈ​ၵဝ်ႇ​ပဵၼ်​ၵူၼ်း​လႆ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ပေႇတရူႉ ​ၼၼ်ႉ တၵ်ႉ​လၢတ်ႈ​ၸိူဝ်ႉ​ၼင်ႇ​ၼၼ်​ယူႇ​သေ​လႄႈ၊ ၶဝ်ႈ​ၵႂႃႇ​ၵႃႈ​ၼႂ်း​လႄႈ​ထူပ်း​ႁၼ် ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ​သေ​ယဝ်ႉ၊-</verse>
				<verse number="28">လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ လွင်ႈ​ဢၼ်​ၵေႃႉ​ဢၼ်​ပဵၼ်​ၵူၼ်း​ ယူႉတႃႉ ​ၼၼ်ႉ ဢမ်ႇ​လီ​ႁဵတ်း​ၵေႃႉ​ႁဵတ်း​သေႈ​လႄႈ သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼၼ်ႉ​ၸိုင် သူ​ႁူႉ​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ လွင်ႈ​ၼင်ႇ​ႁိုဝ် တၵ်း​ဢမ်ႇ​လႆႈ​ႁွင်ႉ​ၽူႈ​လႂ်​လႄႈ​ဝႃႈ ၵူဝ်ႈ​ၵိူၵ်ႇ၊ ဢမ်ႇ​မူတ်း​သႂ်​၊ ဝႃႈ​ၼင်ႇ​ၼႆ​ၸိုင် ၽြႃး​ပဵၼ်​ၸဝ်ႈ​ၼႄ​ပျႃး​တီႈ​ၵဝ်​ယဝ်ႉ။-</verse>
				<verse number="29">ၵွပ်ႈ​ႁွႆး​ၼႆႉ​လႄႈ မိူဝ်ႈ​ဢၼ်​သူ​ႁွင်ႉ​ဢဝ်​ၵဝ်​ၼၼ်ႉ​ၸိုင်​ၵဝ်​ယင်း​ဢမ်ႇ​တွပ်ႇ​ဢမ်ႇ​ထဵင်​လႄႈ​မႃး​ဢေႃႈ။ ပိူဝ်ႈ​ၼႆ​လႄႈ မီး​လွင်ႈ​ၼင်ႇ​ႁိုဝ်​လႄႈ သူ​ႁွင်ႉ​ၵဝ်​မႃး၊ ၵဝ်​ထၢမ်​တီႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">ၵေႃးၼီႇလီႉ ​ၵေႃႈ​လၢတ်ႈ​လႄႈ​ဝႃႈ၊ ဝၼ်း​ဢၼ်​ပူၼ်ႉ​မႃး​ယဝ်ႉ​သီႇ​ဝၼ်း​ၼၼ်ႉ ၵဝ်​ၶႃႈ​ၵမ်​တၢင်း​ၵိၼ်​တေႃႇ​ထိုင်​ႁွတ်ႈ​ၶိင်ႇ​ၼႃႇရီႇ​ၼႆႉ​လႄႈ ၼႂ်း​ၶိင်ႇ​ၵဝ်ႈ​ၼႃႇရီႇ​ၼၼ်ႉ ၵဝ်​ၶႃႈ​သူး​တွင်း​ယူႇ​ၵႃႈ​တီႈ​ႁိူၼ်း​ဢေႃႈ။ ၼႂ်း​ၶိင်ႇ​ၼၼ်ႉ​ၵူၼ်း​ဢၼ်​ၼုင်ႈ​ၶူဝ်း​ဢၼ်​ႁိူဝ်ႈ​လႅင်း​ၵေႃႉ​ၼိုင်ႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၵဝ်​ၶႃႈ​လႄႈ၊-</verse>
				<verse number="31">လၢတ်ႈ​ဝႃႈ၊ ၵေႃးၼီႇလီႉ ​ဢိူၺ်း၊ တၢင်း​ဢၼ်​မႂ်း​သူး​တွင်း​ႁဵတ်း​ပထၼႃႇ​ၼၼ်ႉ​ၸိုင် မၼ်း​ၸဝ်ႈ​လႆႈ​ငိၼ်း​ယဝ်ႉ။ တၢင်း​ဢၼ်​မႂ်း​ၽႄ​ၸွၼ်း​ယိုၼ်ႈ​မႅင်ႇ​ၸိူဝ်း​ၼၼ်ႉ​ၵေႃႈ မၼ်း​ၸဝ်ႈ​မၢတ်ႈ​တွင်း​ဝႆႉ​ယဝ်ႉ။-</verse>
				<verse number="32">ပိူဝ်ႈ​ၼႆ​လႄႈ ပွႆႇ​ၸႂ်ႉ​ၵႂႃႇ​ၵႃႈ​တီႈ​ဝဵင်း​ ယွပ်ႉပႃႉ ​ၼၼ်ႉ​လႄႈ ပၢင်း​ဢဝ်​ သီႉမုၼ်ႇ ဢၼ်​လႆႈ​ၸိုဝ်ႈ​မႂ်ႇ ပေႇတရူႉ ​ၼၼ်ႉ​မႃး​တႃႉ။ မၼ်း​ၼၼ်ႉ သွၼ်ႈ​ပိုင်ႈ​ယူႇ​ၵႃႈ​တီႈ​ႁိူၼ်း​ သီႉမုၼ်ႇ ၵူၼ်း​ႁဵတ်း​ၼင် ဢၼ်​မီး​ၵႃႈ​တီႈ​ႁိမ်း​ပၢင်ႇ​လၢႆႇ​ၼၼ်ႉ​ဢေႃႈ။ မိူဝ်ႈ​ဢၼ်​မၼ်း​ၼၼ်ႉ​ႁွတ်ႈ​မႃး​ၸိုင် မၼ်း​တၵ်း​ႁေႃး​လၢတ်ႈ​ပၼ်​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ပိူဝ်ႈ​ၼႆ​လႄႈ ၵဝ်​ၶႃႈ​ၸင်ႇ​ပွႆႇ​ၸႂ်ႉ​ၵႂႃႇ​ၸူး​ၵႃႈ​တီႈ​ၸဝ်ႈ​ႁဝ်း​ၵမ်း​လဵဝ်​ဢေႃႈ။ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း​မႃး​ၵႃႈ​တီႈ​ၼႆႈ​လႄႈ​ၸဝ်ႈ​ႁဝ်း ႁဵတ်း​လီ​လီ​ငၢမ်း​ငၢမ်း​ယဝ်ႉ။ ၵွပ်ႈ​ႁွႆး​ၼႆႉ​လႄႈ တေႃႈ​လဵဝ်​ၼႆႉ​ႁဝ်း​ၶႃႈ​တင်း​သဵင်ႈ​တင်း​လူင် မီး​ယူႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ႁႂ်ႈ​လႆႈ​ထွမ်ႇ​လႆႈ​ငိၼ်း ၵႃႈ​ဢၼ်​ၸဝ်ႈ​ၽြႃး​သင်ႇ​လၢတ်ႈ​ဝႆႉ ၵႃႈ​တီႈ​ၸဝ်ႈ​ႁဝ်း​ၼၼ်ႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="34">မိူဝ်ႈ​ၼၼ်ႉ​ ပေႇတရူႉ ​ၸင်ႇ ပိုတ်ႇ​ပၢၵ်ႇ​လႄႈ​မွၵ်ႇ​လၢတ်ႈ​ဝႃႈ ၵဝ်​ႁူႉ​ႁၼ်​လွင်ႈ​ဢၼ် ၽြႃး​ပဵၼ်​ၸဝ်ႈ ဢမ်ႇ​လူ​ဢမ်ႇ​တူၺ်း​ၼႃႈ​ၵူၼ်း​လႄႈ၊-</verse>
				<verse number="35">ၼႂ်း​ၵူၼ်း​ၵူႈ​ၸိူဝ်ႉ​ၵူႈ​ၶိူဝ်း ၵေႃႉ​ဢၼ်​ၵူဝ်​ယမ်​ၽြႃး​ပဵၼ်​ၸဝ်ႈ​လႄႈ ႁဵတ်း​သိုဝ်ႈ​ႁဵတ်း​တေႃႇ​ၼၼ်ႉ​ၵူၺ်း လႆႈ​ၼႃႈ​လႆႈ​တႃ​ၵႃႈ​တီႈ​ၽြႃး​ပဵၼ်​ၸဝ်ႈ​ၼၼ်ႉ​ယူႇ​ဢေႃႈ။-</verse>
				<verse number="36">တြႃး​ဢၼ်​မၼ်း​ၸဝ်ႈ​ပၼ်​ၵႂႃႇ​ၵႃႈ​တီႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ ယင်း​တိုၵ်ႉ​ႁေႃး​လၢတ်ႈ​သတၢင်း​သိူဝ်း​ပျေႃႇ ၸဝ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ၼိမ် ၵွပ်ႈ​ပိူဝ်ႈ ယေႇသူႉ​ၶရိၸ်ႈ ၸဝ်ႈ​ဢၼ်​ဢုပ်ႉ​ပိူင်ႇ​ၵူၼ်း​တင်း​သဵင်ႈ​တင်း​လူင်​ဢၼ်​ဝႃႈ၊-</verse>
				<verse number="37">လွင်ႈ​တီႈ​ႁဵင်း​ၼႆႉ ဢၼ်​ၸွတ်ႇ​တူဝ်ႈ​ၸႃႉ​ၸဵမ် မိူင်း​ ၵႃႇလီႉလႄး မိူင်း​ ယူႉတႃႉ ၵူႈ​တီႈ​ၵူႈ​လႅၼ် ဝၢႆး​လင်​ ယူဝ်းႁၢၼ်ႇ ႁေႃး​လၢတ်ႈ​တြႃး​ ပပ်ႉတီႉၸမ်ႇ ​ယဝ်ႉ​ၼၼ်ႉ​ၸိုင်၊ သူ​ႁူႉ​ယူႇ​ဢေႃႈ။-</verse>
				<verse number="38">လွင်ႈ​တီႈ​ႁဵင်း​ၼႆႉ​ၸမ်ႉ ၽြႃး​ပဵၼ်​ၸဝ်ႈ​ဢဝ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢိၵ်ႇ​တင်း​တၼ်း​ၶူဝ်း​ၸဝ်ႈ ပၼ်​ၽိၵ်ႈ​သိၵ်ႈ​တီႈ​ ယေႇသူႉ ၵူၼ်း​ဝဵင်း​ ၼႃႇၸရႅတ်ႈ ​ဢၼ် ၵွပ်ႈ​ပိူဝ်ႈ​ဢၼ်​ၽြႃး​ပဵၼ်​ၸဝ်ႈ​မီး​ယူႇ​လူၺ်ႈ​ၵၼ်​တင်း​မၼ်း​လႄႈ ၵႂႃႇ​လႄႇ​လဵပ်ႈ​ႁဵတ်း​ၵျေး​ၸူး​လႄႈ ပၼ်​ၵတ်း​ယဵၼ်​ၶျၢမ်း​သႃႇ​တီႈ​ၶဝ်​ၸိူဝ်း​ဢၼ်​မႃႇၼၢတ်ႈ​ၼိၵ်ႈ​ၸၢၵ်ႈ​ငႅၼ်း​သႄး ၵႃႈ​မီး​ၼၼ်ႉ​ဢေႃႈ။-</verse>
				<verse number="39">ႁဝ်း​ၵေႃႈ​ပဵၼ်​ၵူၼ်း​ဢၼ်​ၶၢမ်ႇ​သၢၵ်ႈ​သေႇ​လွင်ႈ​တၢင်း ၵႃႈ​ဢၼ်​မၼ်း​ၸဝ်ႈ​ႁဵတ်း ၸႃႉ​ၸဵမ်​ၼႂ်း​ဝဵင်း​ ယေႇရူႉသလႅမ်ႇ တင်း မိူင်း​ ယူႉတႃႉ ​ၼၼ်ႉ​ဢေႃႈ။ ၸဝ်ႈ​ၼၼ်ႉ​ၸိုင် ၶဝ်​ဢဝ်​ႁွႆႈ​ဝႆႉ​ၵႃႈ​တီႈ​သဝ်​မႆႉ​လႄႈ​ဢဝ်​တၢႆ​ယဝ်ႉ၊-</verse>
				<verse number="40">ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ ၽြႃး​ပဵၼ်​ၸဝ်ႈ​ႁႂ်ႈ​မၼ်း​ၸဝ်ႈ​လုၵ်ႉ​ၶိုၼ်း​လႄႈ ၼႄ​ပျႃး​ထၢင်ႇ​သႃး​ဢေႃႈ။-</verse>
				<verse number="41">ၼႄ​ပျႃး​တီႈ​ၵူၼ်း​တင်း​သဵင်ႈ​တင်း​လူင်​ဢမ်ႇ​ၸႂ်ႈ၊ ၼႄ​ပျႃး​တီႈ​ၶဝ်​ၸိူဝ်း​ဢၼ်​ၶၢမ်ႇ​သၢၵ်ႈ​သေႇ ဢၼ်​ၽြႃး​ပဵၼ်​ၸဝ်ႈ​ၶၢၼ်း​ဝႆႉ​ဢွၼ်​တၢင်း​ဢၼ်​ဝႃႈ ႁဝ်း​ဢၼ်​ၵိၼ်​လူၺ်ႈ​ၵၼ်​တင်း​မၼ်း​ၸဝ်ႈ ဝၢႆး​လင်​မၼ်း​ၸဝ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ယဝ်ႉ​ၼၼ်ႉ​ၸိူဝ်း​ၼႆႉ​ဢေႃႈ။-</verse>
				<verse number="42">မၼ်း​ၸဝ်ႈ​ပိင်း​ၺၢပ်ႈ​ဝႆႉ​တီႈ​ႁဝ်း လွင်ႈ​ဢၼ်​တၵ်း​လႆႈ​ႁေႃး​လၢတ်ႈ​တီႈ​ၵူၼ်း​တင်း​လၢႆ​လႄႈ ၶၢမ်ႇ​သၢၵ်ႈ​သေႇ လွင်ႈ​ဢၼ်​ၸဝ်ႈ​ၼၼ်ႉ​ပဵၼ်​ၸဝ်ႈ​ဢၼ် ၽြႃး​ပဵၼ်​ၸဝ်ႈ​ၶၢၼ်း​ဝႆႉ ႁႂ်ႈ​လႆႈ​ၸီႇ​ယၢင်ႇ​တြႃး​တီႈ​ၵူၼ်း​ဢၼ်​ဢသၢၵ်ႈ​လိပ်း​ယူႇ ဢိၵ်ႇ​တင်း​ၵူၼ်း​ဢၼ်​တၢႆ​ယဝ်ႉ​တင်း​လၢႆ​ဢေႃႈ။-</verse>
				<verse number="43">ပရေႃးၽႅတ်ႈ​တင်း​သဵင်ႈ​တင်း​လူင်​ၵေႃႈ​ၶၢမ်ႇ​သၢၵ်ႈ​သေႇ လွင်ႈ​ဢၼ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​မၼ်း​ၸဝ်ႈ​ၼၼ်ႉ ၵႃႈ​မီး​တင်း​သဵင်ႈ​တင်း​လူင် ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ​လႄႈ တၵ်း​လႆႈ​ၶၢမ်ႇ​တၢင်း​ဢၼ်​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="44">ၼႂ်း​မိူဝ်ႈ​ဢၼ် ပေႇတရူႉ မွၵ်ႇ​လၢတ်ႈ​ၵႂၢမ်း​ၼၼ်ႉ​ယူႇ​ၼၼ်ႉ​ၸိုင် ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ လူင်း​မႃး​ၵႃႈ​ၼိူဝ်​ၶဝ်​ၸိူဝ်း​ဢၼ်​ထွမ်ႇ​ငိၼ်း​ၼုၵ်ႈၵပၢတ်ႈ​တြႃး​ၸဝ်ႈ​ယူႇ တင်း​သဵင်ႈ​တင်း​လူင်​ၸိူဝ်း​ၼၼ်ႉ​ဢေႃႈ။-</verse>
				<verse number="45">ၵွပ်ႈ​ပိူဝ်ႈ​ဢၼ်​သွၼ်း​လေႃႇ​ၵျေး​ၸူး​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ၵႃႈ​ၼိူဝ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼၼ်ႉ​လႄႈ ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၵႃႈ​ဢၼ်​ယုမ်ႇ​မၢတ်ႈ​လႄႈ ပႃး​မႃး​လူၺ်ႈ​ၵၼ်​တင်း​ ပေႇတရူႉ ​ၸိူဝ်း​ၼၼ်ႉ ၵႂင်​ၸႂ်​ယုင်ႈ​ၸႂ်​ယူႇ​ဢေႃႈ။-</verse>
				<verse number="46">လွင်ႈ​မၼ်း​ၸမ်ႉ​ၶဝ်​လႆႈ​ငိၼ်း ၶဝ်​ၼၼ်ႉ​ဢဝ်​တင်း​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင် လၢတ်ႈ​လႄႈ​ယွင်ႈ​ယေႃး​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="47">မိူဝ်ႈ​ၼၼ်ႉ ပေႇတရူႉ ​ၵေႃႈ လၢတ်ႈ​လႄႈ​ဝႃႈ ၼင်ႇ​ႁိုဝ်​ၶဝ်​ၸိူဝ်း​ဢၼ်​လႆႈ​ၶၢမ်ႇ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ မိူၼ်​ၸိူဝ်ႉ​ၼင်ႇ​ႁဝ်း​ၼႆႉ​ၼၼ်ႉ တၵ်း​ဢမ်ႇ​လႆႈ​ၶၢမ်ႇ​ ပပ်ႉတီႉၸမ်ႇ ​ၸိုင် ၽူႈ​လႂ်​ႁၢမ်ႈ​တၢပ်ႈ​ႁႄႉ​ၶႅၼ်​ၼမ်ႉ​ဝႆႉ​လႆႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="48">ၸီႇ​ယၢင်ႇ​ႁႂ်ႈ​ၶဝ်​လႆႈ​ၶၢမ်ႇ​ ပပ်ႉတီႉၸမ်ႇ ၼႂ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၽြႃး​ဢေႃႈ။ လိုၼ်း​ၼၼ်ႉ ၶဝ်​တွင်း​ပၢၼ်ႇ​ႁႂ်ႈ​ ပေႇတရူႉ ယူႇ​ႁၢမ်ႉ​ႁိုင်​ဢေႃႈ။</verse>
			</chapter>
			<chapter number="11">
				<verse number="1">လွင်ႈ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ ၶၢမ်ႇ​ဢဝ်​ၼုၵ်ႈၵပၢတ်ႈ​တြႃး​ၸဝ်ႈ​ၼၼ်ႉ​ၸိုင် တမၢၼ်ႇ​ၸဝ်ႈ​ဢိၵ်ႇ​တင်း​ပီႈ​ၼွင်ႉ ဢၼ်​မီး​ယူႇ​ၵႃႈ​ၼႂ်း​မိူင်း​ ယူႉတႃႉ ​တင်း​လၢႆ​ငိၼ်း​ဢေႃႈ။-</verse>
				<verse number="2">မိူဝ်ႈ​ဢၼ် ပေႇတရူႉ ၶိုၼ်း​ၵႂႃႇ​ႁွတ်ႈ​ထိုင်​ၵႃႈ​တီႈ ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ ႁဵတ်း​ဢမ်ႇ​ထုၵ်ႇ​ၶတ်း​ၵၼ်​လႄႈ​ဝႃႈ၊-</verse>
				<verse number="3">မႂ်း​ၼႆႉ ၶဝ်ႈ​ၵႃႈ​တီႈ​ၵူၼ်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၸိူဝ်း​ၼၼ်ႉ​လႄႈ ၵိၼ်​ႁူမ်ႈ​ၵၼ်​တင်း​ၶဝ်​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">ပေႇတရူႉ ​ၵေႃႈ ၽုၺ်ႇ​လၢတ်ႈ​ၼႄ​ပၼ် လွင်ႈ​တီႈ​ႁဵင်း​ၼၼ်ႉ​တီႈ​ၶဝ် ၸႃႉ​ၸဵမ်​ငဝ်ႈ​တေႃႇ​ပၢႆ​လႄႈ​ဝႃႈ​ၸမ်ႉ၊-</verse>
				<verse number="5">ၼႂ်း​မိူဝ်ႈ​ဢၼ်​ၵဝ်​သူး​တွင်း​ယူႇ​ၵႃႈ​တီႈ​ဝဵင်း​ ယွပ်ႉပႃႉ ​ပုၼ်ႉ​ၸိုင် ပဵၼ်​ၸိူဝ်ႉ​ၼင်ႇ​ၼွၼ်း​ၽၼ်​ႁၼ်​ၵႃႈ​ၼႂ်း​တူဝ်​ၸဝ်ႈ​ၵဝ်ႇ​လႄႈ ၵဝ်​လႆႈ​ႁၼ်​ၶိူင်ႈ​ပိူင်​ဢၼ်​ပဵၼ်​ၸိူဝ်ႉ​ၼင်ႇ တၢၼ်း​သိူဝ်ႇ​လူင် ဢၼ်​ဢဝ်​တင်း​သီႇ​ၸဵင်ႇ ၶျႃး​ယွၼ်ႇ​တူၵ်း​ၵႃႈ​ၼိူဝ်​ၵၢင်​ႁၢဝ်​ၼၼ်ႉ​မႃး​ႁွတ်ႈ​ထိုင်​ၵႃႈ​တီႈ​ၵဝ် ၼႂ်း​ပျႃႇ​တိၵ်ႈ​ရူႇပႃႇရူင်ႇ​ဢေႃႈ။-</verse>
				<verse number="6">မိူဝ်ႈ​ဢၼ်​ၵဝ်​တူၺ်း​ၶိူင်ႈ​ပိူင်​ၼၼ်ႉ ၸေး​ၸေး​ၸွတ်ႇ​ၸွတ်ႇ​သေ​လႄႈ ၶႆႈ​ၸႂ်​ဝူၼ်ႉ​ၸႂ်​ယူႇ​ၼၼ်ႉ​ၸိုင်​ၵဝ်​လႆႈ​ႁၼ် ၸႃႉ​ၸဵမ်​တရိၵ်ႈသၢၼ်ႇ​ၵႃႈ​ၼိူဝ်​လိၼ် ဢၼ်​မီး​တိၼ်​သီႇ​ၶွၼ်၊ တူဝ်​လိူင်း၊ တရိၵ်ႈသၢၼ်ႇ ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း၊ ၼူၵ်ႉ​ဢၼ်​မိၼ်​ၵႃႈ​ၼိူဝ်​ၽႃႉ​ၵၢင်​ႁၢဝ်​တင်း​လၢႆ​ဢေႃႈ။-</verse>
				<verse number="7">မိူဝ်ႈ​ၼၼ်ႉ ၵဝ်​လႆႈ​ငိၼ်း​သဵင်​ၵႂၢမ်း​ဢၼ်​ဝႃႈ၊ ပေႇတရူႉ ​ဢိူၺ်း၊ လုၵ်ႉ​ဢဝ်​တၢႆ​သေ​လႄႈ​ၵိၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵဝ်​ၵေႃႈ​လၢတ်ႈ​လႄႈ​ဝႃႈ၊ ဢမ်ႇ​ပဵၼ်​လႆႈ​ၶႃႈ​ၸဝ်ႈ။ ၶိူင်ႈ​ပိူင်​ဢၼ်​ၵူဝ်ႈ​ၵိူၵ်ႇ တင်း​ၶိူင်ႈ​ပိူင်​ဢၼ်​ဢမ်ႇ​မူတ်း​သႂ်​ၸိုင် ဢမ်ႇ​တွၼ်ႉ​ၶဝ်ႈ​ၵႃႈ​ၼႂ်း​သူပ်း​ၵဝ်​ၶႃႈ​သေ​ပွၵ်ႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">လိုၼ်း​ၼၼ်ႉ​ပွၵ်ႈ​တူႉတီႉယႃႉ၊ သဵင်​ၵႂၢမ်း​ပဵၼ်​မႃး​ၵႃႈ​ၼိူဝ်​ၵၢင်​ႁၢဝ်​လႄႈ​ဝႃႈ​ၸမ်ႉ ဢၼ်​ၽြႃး​ပဵၼ်​ၸဝ်ႈ​ႁႂ်ႈ​မူတ်း​သႂ်​ၼၼ်ႉ​ၸိုင်၊ မႂ်း​ယႃႇ​ပေ​ထၢင်ႇ​ၵူဝ်ႈ​ၵိူၵ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ပဵၼ်​ၸိူဝ်ႉ​ၼင်ႇ​ၼၼ် ထူၼ်ႈ​ထိုင်​သၢမ်​ပွၵ်ႈ​ယဝ်ႉ​ၸင်ႇ သမ်ႉ​ၶိုၼ်း​တိုတ်ႉ​ၸၼ်​ဢဝ်​ၶိူင်ႈ​ပိူင်​ၵႃႈ​မီး​ၸိူဝ်း​ၼၼ်ႉ ၶိုၼ်ႈ​ၵႂႃႇ​ၵႃႈ​ၼႂ်း​ၵၢင်​ႁၢဝ်​ပုၼ်ႉ​သေ​ဢေႃႈ။</verse>
				<verse number="11">ၵမ်း​ဢွၼ်ႇ​ၼိုင်ႈ​ၵူၼ်း​သၢမ်​ၵေႃႉ​ဢၼ်​ၶၢမ်ႇ​တၢင်း​ဢၼ်​ပွႆႇ​ၸႂ်ႉ သေ​ၵႃႈ​တီႈ​ဝဵင်း​ ၵေႇသရီႉ မႃး​ၸူး​ၵႃႈ​တီႈ​ၵဝ်​ၼၼ်ႉ ၸုၵ်း​ယူႇ​ၵႃႈ​တီႈ​ႁိမ်း​ႁိူၼ်း​တီႈ​ဢၼ်​ၵဝ်​မီး​ၼၼ်ႉ​ဢေႃႈ။-</verse>
				<verse number="12">လွင်ႈ​ၼင်ႇ​ႁိုဝ်​ၵဝ်​တၵ်း​ဢမ်ႇ​ၶႆႈ​ၸႂ်​ဝူၼ်ႉ​ၸႂ်​လႄႈ ၵႂႃႇ​လူၺ်ႈ​ၵၼ်​တင်း​ၶဝ်​ၼၼ်ႉ​ၸိုင်၊ ဝီႉၺိၺ်ႇ​ၸဝ်ႈ​မီး​ဢမိင်ႉ​ဢေႃႈ။ ပီႈ​ၼွင်ႉ​ႁူၵ်း​ၵေႃႉ​ၸိူဝ်း​ၼႆႉ​ၵေႃႈ ၵႂႃႇ​လူၺ်ႈ​ၵၼ်​တင်း​ၵဝ်​လႄႈ ႁဝ်း​ၶဝ်ႈ​ၵႃႈ​ၼႂ်း​ႁိူၼ်း​ၵေႃႉ​ၼၼ်ႉ​ဢေႃႈ။-</verse>
				<verse number="13">ၵေႃႉ​ၼၼ်ႉ​မွၵ်ႇ​လၢတ်ႈ​လွင်ႈ​ဢၼ်​မၼ်း​ႁၼ်​တမၢၼ်ႇ​ၵၢင်​ႁၢဝ်​ၸုၵ်း​ယူႇ ၵႃႈ​ၼႂ်း​ႁိူၼ်း​မၼ်း​သေ​လႄႈ​လၢတ်ႈ​ဝႃႈ မႂ်း​ပွႆႇ​ၸႂ်ႉ​ၵူၼ်း​ၵႂႃႇ​ၵႃႈ​တီႈ​ဝဵင်း​ ယွပ်ႉပႃႉ ပုၼ်ႉ​လႄႈ ပၢင်း​ဢဝ်​ သီႉမုၼ်ႇ ဢၼ်​လႆႈ​ၸိုဝ်ႈ​မႂ်ႇ ပေႇတရူႉ ​ၼၼ်ႉ​မႃး​တႃႉ။-</verse>
				<verse number="14">မၼ်း​ၼၼ်ႉ​တၵ်း​ႁေႃး​လၢတ်ႈ​ၵႂၢမ်း​ဢၼ်​တၵ်း​ၵႄႇ​ၶျွတ်ႈ​ဢဝ်​မႂ်း ဢိၵ်ႇ​တင်း​ၵူၼ်း​ၵႃႈ​မီး​ၼႂ်း​ႁိူၼ်း​မႂ်း​ၼႆႉ​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တီႈ​ႁဝ်း​ဢေႃႈ။</verse>
				<verse number="15">ၼႂ်း​မိူဝ်ႈ​ဢၼ် ၵဝ်​ၸႃႉ​ႁေႃး​လၢတ်ႈ​ၸိူဝ်ႉ​ၼင်ႇ​ၼၼ်​ယူႇ​ၼၼ်ႉ​ၸိုင်၊ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​လူင်း​မႃး​ၵႃႈ​ၼိူဝ်​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​လူင်း​မႃး​ၵႃႈ​ၼိူဝ်​ႁဝ်း မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="16">မိူဝ်ႈ​ၼၼ်ႉ​ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႂၢမ်း​ဢၼ်​ၸဝ်ႈ​ၽြႃး​လၢတ်ႈ​လႄႈ​ဝႃႈ၊ ယူဝ်းႁၢၼ်ႇ ​ပၼ်​ ပပ်ႉတီႉၸမ်ႇ ​ၼႂ်း​ၼမ်ႉ​ဢေႃႈ။ သူ​တၵ်း​လႆႈ​ၶၢမ်ႇ​ ပပ်ႉတီႉၸမ်ႇ ၼႂ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ ပေႃး​ၽြႃး​ပဵၼ်​ၸဝ်ႈ​ပၼ် သူႉ​ၵျေး​ၸူး​တီႈ​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​ပၼ်​တီႈ​ႁဝ်း​ၸိူဝ်း​ဢၼ် ယုမ်ႇ​မၢတ်ႈ​ၸဝ်ႈ​ ယေႇသူႉ​ၶရိၸ်ႈ ​ၸိူဝ်း​ၼႆႉ​ၸိုင်​ၵဝ်​ၼႆႉ​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်​လႄႈ ႁၢမ်ႈ​တၢပ်ႈ​ႁႄႉ​ၶႅၼ်​ၽြႃး​ပဵၼ်​ၸဝ်ႈ​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">မိူဝ်ႈ​ဢၼ်​ၶဝ်​ငိၼ်း​လွင်ႈ​တၢင်း​ၸိူဝ်း​ၼႆႉ​ၸိုင် ၶဝ်​ယင်း​ဢမ်ႇ​တွပ်ႇ​ဢမ်ႇ​ထဵင်​လႄႈ ယွင်ႈ​ယေႃး​မုၼ်​ၵုင်ႇ​ၽြႃး​ပဵၼ်​ၸဝ်ႈ​လႄႈ​ဝႃႈ၊ တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၵေႃႈ ၽြႃး​ပဵၼ်​ၸဝ်ႈ​ပၼ် တြႃး​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ် ပုၼ်ႈ​လွင်ႈ​ၼင်ႇ​ႁိုဝ်​တၵ်း​ႁႂ်ႈ​ဢသၢၵ်ႈ​လိပ်း​ၼၼ်ႉ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">မိူဝ်ႈ​ၼၼ်ႉ ၶဝ်​ၸိူဝ်း​ဢၼ်​ၽၢတ်ႇ​ၽႄ​ၵၼ်​ၵႂႃႇ​ၵူႈ​တီႈ​ၵူႈ​လႅၼ် ၵွပ်ႈ​ပိူဝ်ႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​ပဵၼ်​မႃး​ၵွပ်ႈ​ပိူဝ်ႈ သထေႇၽၢၼ်ႇ ​ၼၼ်ႉ ၵႂႃႇ​ထိုင်​ႁွတ်ႈ မိူင်း​ ၽီႉၼိတ်ႉ ​မိူင်း​ ၵူႉပရူႉ တင်း​ဝဵင်း​ ဢၼ်ႇတီႉဢူၵ်ႉ ​လႄႈ ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ တီႈ​ၵူၼ်း ယူႉတႃႉ ​တင်း​လၢႆ​ၵူၺ်း​ဢေႃႈ။-</verse>
				<verse number="20">ၵူၺ်း​ၵႃႈ ၼႂ်း​ၶဝ်​ၼၼ်ႉ​ၵမ်ႈ​ၽွင်ႈ​ဢၼ်​ပဵၼ်​ၵူၼ်း​မိူင်း​ ၵူႉပရူႉ တင်း​ၵူၼ်း​မိူင်း​ ၵူႉရေႇၼေႇ ​ၼၼ်ႉ ၵႂႃႇ​ၵႃႈ​တီႈ​ဝဵင်း​ ဢၼ်ႇတီႉဢူၵ်ႉ သေ​ယဝ်ႉ၊ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ လွင်ႈ​ၸဝ်ႈ​ ယေႇသူႉ တီႈ​ၵူၼ်း​ ႁေႇလေႇၼိတ်ႉ ​တင်း​လၢႆ​ဢေႃႈ။-</verse>
				<verse number="21">ပိူဝ်ႈ​ဢၼ်​မိုဝ်း​ၽြႃး​ပဵၼ်​ၸဝ်ႈ မီး​ယူႇ​လူၺ်ႈ​ၵၼ်​တင်း​ၶဝ်​ၼၼ်ႉ​လႄႈ ၵူၼ်း​ၼမ်​ၼႃႇ​ယုမ်ႇ​မၢတ်ႈ​သေ​ယဝ်ႉ ၶၢႆႉ​မႃး​ၵႃႈ​တီႈ​ၽၢႆႇ​ၸဝ်ႈ​ၽြႃး​ဢေႃႈ။</verse>
				<verse number="22">သတၢင်း​သဵင်​ၶၢဝ်ႇ​လွင်ႈ​ၶဝ်​ၼၼ်ႉ ၽႅဝ်​ထိုင်​ၵႃႈ​တီႈ​ၸိူဝ်း​ၸဝ်ႈ​ဢၼ်​မီး​ယူႇ​ၵႃႈ​ၼႂ်း ဝဵင်း​ ယေႇရူႉသလႅမ်ႇ ​လႄႈ ၸိူဝ်း​ၸဝ်ႈ​ၼၼ်ႉ ပွႆႇ​ၸႂ်ႉ​ ပႃႇၼပႃႉ ၵႂႃႇ​ႁႂ်ႈ​တေႃႇ​ထိုင်​ႁွတ်ႈ ဝဵင်း​ ဢၼ်ႇတီႉဢူၵ်ႉ ပုၼ်ႉ​ဢေႃႈ။-</verse>
				<verse number="23">မၼ်း​ၼၼ်ႉ မိူဝ်ႈ​ဢၼ်​ႁွတ်ႈ​ထိုင်​လႄႈ လႆႈ​ႁၼ်​ၵျေး​ၸူး​ၽြႃး​ပဵၼ်​ၸဝ်ႈ​ၼၼ်ႉ​ၸိုင်၊ သိူဝ်း​ပျေႃႇ​လႄႈ​တိုၵ်း​ယူင်း​ၸူဝ်း​ဢဝ် ႁႂ်ႈ​ၶဝ်​ၼၼ်ႉ​တင်း​သဵင်ႈ​တင်း​လူင် မီး​တၢင်း​ၸႂ်​ဢၼ်​မၼ်ႈ​ၶိူင်ႇ​ဢိင်​ပိုင်ႈ ဢမ်ႇ​ၽၢတ်ႇ​ဢမ်ႇ​ယၢၼ်​ၸဝ်ႈ​ၽြႃး​ဢေႃႈ။-</verse>
				<verse number="24">လွင်ႈ​မၼ်း​ၸမ်ႉ ပိူဝ်ႈ​ဢၼ်​မၼ်း​ၼၼ်ႉ​ပဵၼ်​ၵူၼ်း​လီ​လႄႈ တဵမ်​ဝႆႉ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢိၵ်ႇ​တင်း​တၢင်း​ဢၼ်​ယုမ်ႇ​မၢတ်ႈ​လႄႈ ၵူၼ်း​ၼမ်​ၼႃႇ​ၶဝ်ႈ​မႃး ၵႃႈ​တီႈ​ၽၢႆႇ​ၸဝ်ႈ​ၽြႃး​ဢေႃႈ။</verse>
				<verse number="25">မၼ်း​ၵေႃႈ​သမ်ႉ​ဢွၵ်ႇ​ၵႂႃႇ​ၸူး​ၵႃႈ​တီႈ​ဝဵင်း​ တႃႇသူႉ ၊ ႁႂ်ႈ​လႆႈ​ႁႃ​ သေႃးလူႉ ​လႄႈ ထူပ်း​ႁၼ်​မၼ်း​သေ​ယဝ်ႉ၊ ႁွင်ႉ​ဢဝ်​မၼ်း​မႃး​ၵႃႈ​တီႈ​ဝဵင်း ဢၼ်ႇတီႉဢူၵ်ႉ ​ဢေႃႈ။-</verse>
				<verse number="26">ၶဝ်​ၼၼ်ႉ​ပီႊ​ၼိုင်ႈ​တဵမ်​တဵမ် ၸူႉ​တုမ်​လူၺ်ႈ​ၵၼ်​တင်း​ၸိူဝ်း​ၸဝ်ႈ​လႄႈ သွၼ်​ပၼ်​တီႈ​ၵူၼ်း​ၼမ်​ၼႃႇ​ဢေႃႈ။ တပႄး​ၸဝ်ႈ​တင်း​လၢႆ​ၵေႃႈ လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ ၶရိၸ်ႈယၢၼ်ႇ ၵႃႈ​ၼႂ်း​ဝဵင်း​ ဢၼ်ႇတီႉဢူၵ်ႉ ​ၼၼ်ႉ ဢွၼ်​တၢင်း​ဢေႃႈ။</verse>
				<verse number="27">ၶိင်ႇ​မိူဝ်ႈ​ၼၼ်ႉ ပရေႃးၽႅတ်ႈ​ၵမ်ႈ​ၽွင်ႈ လုၵ်ႉ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ​လူင်း​မႃး ၵႃႈ​တီႈ​ဝဵင်း​ ဢၼ်ႇတီႉဢူၵ်ႉ ​ဢေႃႈ။-</verse>
				<verse number="28">ဢၼ်​ပႃး​ၼႂ်း​ၶဝ်​ၼၼ်ႉ​ၵေႃႉ​ၼိုင်ႈ ဢၼ်​လႆႈ​ၸိုဝ်ႈ​ ဢႃႇၵပူႉ ​ၼၼ်ႉ လုၵ်ႉ​ၸုၵ်း​သေ​ယဝ်ႉ၊ ၵွပ်ႈ​ပိူဝ်ႈ​ဝီႉၺိၺ်ႇ​ၸဝ်ႈ​လႄႈ ၽုၺ်ႇ​လၢတ်ႈ​လႄႈ​ဝႃႈ၊ ၵႃႈ​ၼိူဝ်​လိၼ်​မိူင်း​ၼႆႉ တင်း​သဵင်ႈ​တင်း​လူင် တၵ်း​ပဵၼ်​တၢင်း​ဢၼ်​ဢိုပ်း​တၢင်း​ၵိၼ်​ဢၼ်​ယႂ်ႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ တၢင်း​ဢၼ်​ဢိုပ်း​ၼၼ်ႉ​ၸမ်ႉ ပဵၼ်​ၼႂ်း​ၸူဝ်ႈ​ပၢၼ် ၶုၼ်​ႁေႃ​ၶမ်း​ ၵေႇသႃႇ​ၵလေႃးတီႉ ​ဢေႃႈ။-</verse>
				<verse number="29">မိူဝ်ႈ​ၼၼ်ႉ တပႄး​ၸဝ်ႈ​ၸိူဝ်း​ၼၼ်ႉ​ၸီႇ​ယၢင်ႇ တၵ်း​ပၼ်​တၢင်း​ဢၼ်​ၵမ်ႉ​ဢၼ်​ထွၵ်ႈ ၵႂႃႇ​ၵႃႈ​တီႈ​ပီႈ​ၼွင်ႉ​ၸိူဝ်း​ဢၼ် မီး​ၵႃႈ​ၼႂ်း​မိူင်း​ ယူႉတႃႉ ​ပုၼ်ႉ ၵႃႈ​ၼင်ႇ​ဢၼ်​တၢတ်ႈ​ၼိူင်ႇ​လႆႈ​ႁင်း​ၽႂ်​ႁင်း​မၼ်း​ၼၼ်ႉ​သေ​ယဝ်ႉ၊-</verse>
				<verse number="30">ၶဝ်​ႁဵတ်း​ၸွမ်း​လႄႈ ဢၢပ်ႈ​ပၼ်​ၼႂ်း​မိုဝ်း​ ပႃႇၼပႃႉ တင်း​ သေႃးလူႉ ၵႂႃႇ​ၵႃႈ​တီႈ​ၵူၼ်း​ဢုပ်ႉ​ၸိူဝ်း​ၸဝ်ႈ​ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="12">
				<verse number="1">မိူဝ်ႈ​ၼၼ်ႉ ၶုၼ်​ ႁေႇရူတ်ႈ ယိုၼ်ႈ​မိုဝ်း​ၸီႇ​ယၢင်ႇ​ႁႂ်ႈ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး ၵူၼ်း​ၶဝ်ႈ​ၸိူဝ်း​ၸဝ်ႈ​ၵမ်ႈ​ၽွင်ႈ​ၼၼ်ႉ​လႄႈ၊-</verse>
				<verse number="2">ဢဝ်​လၢပ်ႇ​ၽၼ်း​ ယႃႇၵုပ်ႈ ဢၼ်​ပဵၼ်​ပီႈ​ၸၢႆး​ ယူဝ်းႁၢၼ်ႇ ​ၼၼ်ႉ​တၢႆ​ဢေႃႈ။-</verse>
				<verse number="3">မိူဝ်ႈ​ဢၼ်​မၼ်း​ၸဝ်ႈ ႁၼ်​ၵူၼ်း​ ယူႉတႃႉ ​တင်း​လၢႆ သႂၢင်ႇ​ၸႂ်​သိူဝ်း​ၸႂ်​လူၺ်ႈ​လွင်ႈ​ၼၼ်ႉ​ၸိုင်၊ မၼ်း​ၸဝ်ႈ​သမ်ႉ​ႁဵတ်း​ထႅင်ႈ​လႄႈ တီႉ​ဢဝ်​ ပေႇတရူႉ ​ဢေႃႈ။ ၶိင်ႇ​ဝၼ်း​ၸိူဝ်း​ၼၼ်ႉ ပဵၼ်​ဝၼ်း​ပွႆး​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ဢေႃႈ။-</verse>
				<verse number="4">မၼ်း​ၸဝ်ႈ​တီႉ​ဢဝ်​ ပေႇတရူႉ သေ​ယဝ်ႉ ဢၢပ်ႈ​ပၼ်​တီႈ​ၵူၼ်း​သိုၵ်း​သိပ်း​ႁူၵ်း​ၵေႃႉ ႁႂ်ႈ​ပႂ်ႉ​လူ​ပႂ်ႉ​တူၺ်း​ဝႆႉ​လႄႈ ၶင်​ဝႆႉ​ၵႃႈ​ၼႂ်း​ထွင်ႇ​သေ​ယဝ်ႉ ဢၢင်ႈ​တၵ်း​ဢဝ်​မၼ်း​ဢွၵ်ႇ​ပၼ် တီႈ​ၵူၼ်း​တင်း​လၢႆ​ဝၢႆး​ပွႆး​ပႃႉသၶႃႇ​ယဝ်ႉ​ၼၼ်ႉ​ဢေႃႈ။</verse>
				<verse number="5">ၼႂ်း​မိူဝ်ႈ​ဢၼ်​ ပေႇတရူႉ လႆႈ​ၶၢမ်ႇ​တူၵ်း​ၵိၼ်း​ၵႃႈ​ၼႂ်း​ထွင်ႇ​ယူႇ​ၼၼ်ႉ​ၸိုင် ၵူၼ်း​ၶဝ်ႈ​ၸိူဝ်း​ၸဝ်ႈ​တင်း​လၢႆ​ၼၼ်ႉ ဢွၼ်​ၵၼ်​ၵျူဝ်း​ၸႃး​သူး​တွင်း​ပထၼႃႇ​ၵႃႈ​တီႈ ၽြႃး​ပဵၼ်​ၸဝ်ႈ​ပုၼ်ႈ​မၼ်း​ဢေႃႈ။</verse>
				<verse number="6">မိူဝ်ႈ​ဢၼ် ၸမ်​ၶိင်ႇ​ဢၼ်​ၶုၼ်​ ႁေႇရူတ်ႈ တၵ်း​ဢဝ်​မၼ်း​ဢွၵ်ႇ​ၼၼ်ႉ​ၸိုင် ၼႂ်း​ၶိင်ႇ​ၵၢင်​ၶိုၼ်း​ၼၼ်ႉ ပေႇတရူႉ ​ၶၢမ်ႇ​တၢင်း​ဢၼ်​ၸိူၵ်ႈ​လဵၵ်း​သွင်​သဵၼ်ႈ​မတ်ႉ​ၽုၵ်ႇ​ယူႇ​သေ​လႄႈ ၼွၼ်း​လပ်း​ယူႇ​ၵႃႈ​ၼႂ်း​ၶိုင်ႈ​ၵၢင်​ၵူၼ်း​သိုၵ်း​သွင်​ၵေႃႉ​လႄႈ ၵူၼ်း​ပႂ်ႉ​ၸိူဝ်း​ၼၼ်ႉ​ၵေႃႈ ပႂ်ႉ​ၼႃႈ​ၽၵ်း​တူ​ယူႇ​ဢေႃႈ။-</verse>
				<verse number="7">မိူဝ်ႈ​ၼၼ်ႉ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​မႃး​ၸုၵ်း​ယူႇ​ၵႃႈ​တီႈ​ႁိမ်း​မၼ်း​လႄႈ ဢၼ်​လႅင်း​ႁိူဝ်ႈ​လႅင်း​ၵႃႈ​ၼႂ်း​ထွင်ႇ​ၼၼ်ႉ​ဢေႃႈ။ တမၢၼ်ႇ​ၵၢင်​ႁၢဝ်​ၼၼ်ႉ​ၸင်ႇ​တူပ်း​သႂ်ႇ​ပဵမ်ႉ​ ပေႇတရူႉ ႁႂ်ႈ​မၼ်း​လုၵ်ႉ​လႄႈ​ဝႃႈ လုၵ်ႉ​ၶၼ်​ၶၼ်​ၽႂ်း​ၽႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။ ၸိူၵ်ႈ​လဵၵ်း​မၼ်း​ၸိူဝ်း​ၼၼ်ႉ​ၵေႃႈ လူမ်​တူၵ်း​သေ​ၵႃႈ​တီႈ​မိုဝ်း​မၼ်း​ၵႂႃႇ​ၵူၺ်း​မၼ်း​ဢေႃႈ။-</verse>
				<verse number="8">တမၢၼ်ႇ​ၵၢင်​ႁၢဝ်​ၼၼ်ႉ​ၵေႃႈ​လၢတ်ႈ​လႄႈ​ဝႃႈ ႁတ်ႉ​သၢႆ​ဢႅဝ်​မႂ်း​တႃႉ။ ၶႅပ်း​တိၼ်​မႂ်း​ၵေႃႈ​တိုဝ်း​တႃႉ ဝႃႈ​ၼႆ ၵႃႈ​ၼင်ႇ​ဢၼ်​ဝႃႈ​ၼၼ်ႉ၊ ပေႇတရူႉ ​ႁဵတ်း​ယဝ်ႉ​ၸင်ႇ သမ်ႉ​လၢတ်ႈ​ထႅင်ႈ​လႄႈ​ဝႃႈ မႆ​ၽႃႈ​မႂ်း​သေ​လႄႈ​ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">မၼ်း​ဢွၵ်ႇ​ၸွမ်း​ၵႂႃႇ​လႄႈ ယင်း​ဢမ်ႇ​ႁူႉ​လွင်ႈ​ဢၼ်​တမၢၼ်ႇ​ၵၢင်​ႁၢဝ်​ႁဵတ်း​ၼၼ်ႉ ပဵၼ်​ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ​လႄႈ ထၢင်ႇ​တူဝ်​ၸဝ်ႈ​ၵဝ်ႇ​လႆႈ​ႁၼ်​ပျႃႇ​တိၵ်ႈ​ရူႇပႃႇရူင်ႇ​ယူႇ​ဢေႃႈ။</verse>
				<verse number="10">မိူဝ်ႈ​ဢၼ်​သွင်​ၶႃ​ပူၼ်ႉ​သေ​ၵူၼ်း​ပႂ်ႉ​မုၵ်ႉ​ၸိူဝ်း​ပထမႃႉ ဢိၵ်ႇ​တင်း မုၵ်ႉ​ၸိူဝ်း​တူႉတီႉယႃႉ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ၽၵ်း​တူ​လဵၵ်း ဢၼ်​ၶဝ်ႈ​ၵႃႈ​ၼႂ်း​ဝဵင်း​ၼၼ်ႉ​ၸိုင် ၽၵ်း​တူ​ၼၼ်ႉ​ယူႇ​လၢႆ​လၢႆ​ၽုၺ်ႇ​ဝႆႉ​ၵူၺ်း​မၼ်း​လႄႈ သွင်​ၶႃ​ၼၼ်ႉ​ဢွၵ်ႇ​ၵႂႃႇ​ၸွမ်း​တၢင်း​သဵၼ်ႈ​ၼိုင်ႈ​သေ​ယဝ်ႉ၊ တမၢၼ်ႇ​ၵၢင်​ႁၢဝ်​ၼၼ်ႉ ၽၢတ်ႇ​ၵၼ်​တင်း​ ပေႇတရူႉ ​ၵႂႃႇ​သေ​ၵမ်း​လဵဝ်​ဢေႃႈ။</verse>
				<verse number="11">ပေႇတရူႉ ​ၼၼ်ႉ လႆႈ​သတီႉ​မႃး​သေ​ယဝ်ႉ လၢတ်ႈ​လႄႈ​ဝႃႈ တေႃႈ​လဵဝ်​ၼႆႉ ၵဝ်​ႁူႉ​လွင်ႈ​ဢၼ်​ၸဝ်ႈ​ၽြႃး​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​မၼ်း​ၸဝ်ႈ​မႃး​လႄႈ ၵႄႇ​သႄႇ​ၼုၵ်ႈ​ဢဝ်​ၵဝ် ၵႃႈ​ၼႂ်း​မိုဝ်း​ၶုၼ်​ ႁေႇရူတ်ႈ ဢိၵ်ႇ​တင်း​ၵႃႈ​ၼႂ်း​တၢင်း​ဢၼ်​ၵူၼ်း​ ယူႉတႃႉ ​တင်း​လၢႆ မုင်ႈ​ထႃႈ​မွင်း​ထႃႈ​ယူႇ​ၼၼ်ႉ​လီ​လီ​ငၢမ်း​ငၢမ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၼႂ်း​မိူဝ်ႈ​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ယူႇ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင် မၼ်း​ၵႂႃႇ​ႁွတ်ႈ​ထိုင်​ၵႃႈ​တီႈ​ႁိူၼ်း​ မႃႇရီႉ ဢၼ်​ပဵၼ် မႄႈ​ ယူဝ်းႁၢၼ်ႇ ဢၼ်​လႆႈ​ၸိုဝ်ႈ​မႂ်ႇ မႃႇ​ၵူႉ ၊ တီႈ​ဢၼ်​ၵူၼ်း​ၼမ်​ၼႃႇ ၸူႉ​ၵၼ်​တုမ်​ၵၼ်​သူး​တွင်း​ယူႇ​ၼၼ်ႉ​ဢေႃႈ။</verse>
				<verse number="13">ၼႂ်း​မိူဝ်ႈ​ဢၼ်​မၼ်း တွႆႇ​ၽၵ်း​တူ​ၼႃႈ​ႁိူၼ်း​ယူႇ​ၼၼ်ႉ​ၸိုင် မႄႈ​ယိင်း​ဢွၼ်ႇ​ဢၼ်​လႆႈ​ၸိုဝ်ႈ​ ရူဝ်းတေႇ ​ၵေႃႉ​ၼိုင်ႈ​မႃး​ထွမ်ႇ​လႄႈ၊-</verse>
				<verse number="14">ႁူႉ​ပဵၼ်​သဵင် ပေႇတရူႉ ​သေ​ယဝ်ႉ၊ ယင်း​ဢမ်ႇ​ၽုၺ်ႇ​ၽၵ်း​တူ​ပၼ်​ၵွပ်ႈ​ပိူဝ်ႈ​ဢၼ်​သိူဝ်း​ပျေႃႇ​ၼႃႇ​ၼၼ်ႉ​လႄႈ လႅၼ်ႈ​ၵႂႃႇ​ၵႃႈ​ၼႂ်း​သေ​လႄႈ လၢတ်ႈ​ဝႃႈ၊ ပေႇတရူႉ ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">ၶဝ်​ၼၼ်ႉ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ မႂ်း​ၼႆႉ​ယွင်ႇ​ယဝ်ႉ၊ ပိၵ်ႉ​သမ်ႉ​ဝႃႈ​ၼင်ႇ​ၼႆ​သေ​ၵေႃႈ၊ မၼ်း​ၼၼ်ႉ​လၢတ်ႈ​တႄႉ​တႄႉ​ဝႃႈ​ဝႃႈ​လႄႈ​ဝႃႈ၊ မီး​ယူႇ​ၸႂ်ႈ​တႄႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၶဝ်​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ပဵၼ်​တမၢၼ်ႇ​ၵၢင်​ႁၢဝ်​ ပေႇတရူႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၼႂ်း​မိူဝ်ႈ​ဢၼ် ပေႇတရူႉ ​ယင်း​တိုၵ်ႉ​တွႆႇ​ယူႇ​ၼၼ်ႉ​ၸိုင် ၶဝ်​ၽုၺ်ႇ​ၽၵ်း​တူ​ႁၼ်​မၼ်း​လႄႈ ဢၢမ်း​ၼႃႇ​လူင်​လၢင်​ဢေႃႈ။-</verse>
				<verse number="17">မၼ်း​ၵေႃႈ​ၼႄ​မိုဝ်း​မၼ်း ႁႂ်ႈ​ၶဝ်​ၼၼ်ႉ​ယူႇ​တဵတ်ႇ​တဵတ်ႇ​လႄႈ ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​ၸဝ်ႈ​ၽြႃး ဢဝ်​မၼ်း​ဢွၵ်ႇ​သေ​ၵႃႈ​ၼႂ်း​ထွင်ႇ​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ မွၵ်ႇ​လၢတ်ႈ​လွင်ႈ​တၢင်း​ၸိူဝ်း​ၼႆႉ တီႈ​ ယႃႇၵုပ်ႈ တင်း​ပီႈ​ၼွင်ႉ​တင်း​လၢႆ​တႃႉ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ​ဢွၵ်ႇ​ၵႂႃႇ​တၢင်ႇ​တီႈ​သေ​ဢေႃႈ။</verse>
				<verse number="18">မိူဝ်ႈ​ဢၼ်​မိူင်း​လႅင်း​မႃး​ၸိုင် ၵူၼ်း​သိုၵ်း​ၸိူဝ်း​ၼၼ်ႉ ပဵၼ်​ဢၼ်​ဢူၼ်​ဢဵၼ်​ႁူၼ်ႈ​မေႃး​ၵၼ် လူၺ်ႈ​လွင်ႈ​ဢၼ်​ပဵၼ်​တီႈ​ ပေႇတရူႉ ​ၼၼ်ႉ​ၸိူဝ်ႉ​ၼင်ႇ​ႁိုဝ်​ၼၼ်ႉ ယူႇ​ဢေႃႈ။-</verse>
				<verse number="19">ၶုၼ်​ ႁေႇရူတ်ႈ ​ၼၼ်ႉ မိူဝ်ႈ​ဢၼ်​ႁႃ​မၼ်း​လႄႈ ဢမ်ႇ​ထူပ်း​ဢမ်ႇ​ႁၼ်​ၼၼ်ႉ​ၸိုင် ၸႅတ်ႈ​ထၢမ်​ၵူၼ်း​ပႂ်ႉ​ၸိူဝ်း​ၼၼ်ႉ​သေ​ယဝ်ႉ မီး​ဢမိင်ႉ ႁႂ်ႈ​ဢဝ်​ၶဝ်​ၵႂႃႇ​တၢႆ​ဢေႃႈ။ လိုၼ်း​ၼၼ်ႉ မၼ်း​ၸဝ်ႈ​ၼၼ်ႉ​လုၵ်ႉ​သေ​ၵႃႈ​တီႈ​မိူင်း​ ယူႉတႃႉ လူင်း​ၵႂႃႇ ၵႃႈ​တီႈ​ဝဵင်း​ ၵေႇသရီႉ ​လႄႈ ယူႇ​ၵႃႈ​တီႈ​ၼၼ်ႈ​ဢေႃႈ။</verse>
				<verse number="20">မိူဝ်ႈ​ၼၼ်ႉ​မၼ်း​ၸဝ်ႈ​ၸႂ်​မႆႈ​ၶႆႈ​ၸႃႉ တီႈ​ၵူၼ်း​ဝဵင်း​ တူႉရူႉ ​ဢိၵ်ႇ​တင်း​ၵူၼ်း​ဝဵင်း​ ၸီႉတုမ်ႇ ​တင်း​လၢႆ လႄႈ​ၶဝ်​ၼၼ်ႉ​ၽွမ်ႉ​ၵၼ်​မႃး​ၵႃႈ​တီႈ​မၼ်း​ၸဝ်ႈ​လၢတ်ႈ​ၶျေႃး​ဝွၼ်း​ဢတႂၢင်းဝုၼ်ႇ ဢၼ်​လႆႈ​ၸိုဝ်ႈ​ ပလတ်ႉတူႉ ​ၼၼ်ႉ​သေ​ယဝ်ႉ၊ တွင်း​ပၢၼ်ႇ​ႁႂ်ႈ​မိူင်း​ၶဝ်​ၼိမ်​လီ​ဢေႃႈ။ လွင်ႈ​မၼ်း​ၸမ်ႉ မိူင်း​ၶဝ်​ၼၼ်ႉ​ဢိင်​မိူင်း​မၼ်း​ၸဝ်ႈ​ယူႇ​လႄႈ လႆႈ​ၶၢမ်ႇ​တၢင်း​ဢၼ်​လဵင်ႉ​ဢၼ်​လူ​ယူႇ​ဢေႃႈ။-</verse>
				<verse number="21">ၶုၼ်​ ႁေႇရူတ်ႈ ​ၵေႃႈ၊ ၼႂ်း​ဝၼ်း​ဢၼ်​မၵ်း​ၶိၼ်း​ဝႆႉ​ၼၼ်ႉ ၼုင်ႈ​ၶူဝ်း​ၼုင်ႈ​ၶူဝ်း​မႆ​ၶုၼ်​သေ​လႄႈ ၼင်ႈ​ၵႃႈ​ၼိူဝ်​ပလၢင်ႇ​ၸဝ်ႈ​သေ​ယဝ်ႉ၊ လၢတ်ႈ​တေႃႇ​ၶဝ်​ၼၼ်ႉ​ဢေႃႈ။-</verse>
				<verse number="22">ၵူၼ်း​ၸိူဝ်း​ၼၼ်ႉ​ႁွင်ႉ​သႅၼ်ႇ​လႄႈ​ဝႃႈ သဵင်​ၼႆႉ​ၸမ်ႉ​ဢမ်ႇ​ၸႂ်ႈ​သဵင်​ၵူၼ်း၊ ပဵၼ်​သဵင်​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="23">မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပိူဝ်ႈ​ဢၼ်​ၶုၼ်​လူင်​ၼၼ်ႉ​ဢမ်ႇ​ထွၵ်ႈ​လူၺ်ႈ​မုၼ်​သရေႇ​ၽြႃး​ပဵၼ်​ၸဝ်ႈ​လႄႈ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ထုပ်ႉ​ၼၢၵ်ႈ​မၼ်း​ၵမ်း​လဵဝ်​သေ​ယဝ်ႉ မူင်ႈ​ၵိၼ်​တူဝ်​မၼ်း​လႄႈ​တၢႆ​ဢေႃႈ။</verse>
				<verse number="24">သႃႇသၼႃႇ​ၽြႃး​ပဵၼ်​ၸဝ်ႈ​ယႂ်ႇ​ၵႂၢင်ႈ​ၼမ်​မႃး​ဢေႃႈ။-</verse>
				<verse number="25">ပႃႇၼပႃႉ တင်း သေႃးလူႉ ​ၼၼ်ႉ ႁဵတ်း​လွင်ႈ​တၢင်း​ဢၼ်​လဵင်ႉ​ဢၼ်​လူ​သေ​ယဝ်ႉ၊ ႁွင်ႉ​ဢဝ်​ ယူဝ်းႁၢၼ်ႇ ဢၼ်​လႆႈ​ၸိုဝ်ႈ​မႂ်ႇ မႃႇ​ၵူႉ ​ၼၼ်ႉ​မႃး​လႄႈ ၸင်ႇ​ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ မိူဝ်း​ၵႂႃႇ​ဢေႃႈ။</verse>
			</chapter>
			<chapter number="13">
				<verse number="1">ၼႂ်း​ၸိူဝ်း​ၸဝ်ႈ​ဢၼ်​မီး​ယူႇ ၵႃႈ​တီႈ​ဝဵင်း​ ဢၼ်ႇတီႉဢူၵ်ႉ ​ၼၼ်ႉ မီး​ၶဝ်​ၸိူဝ်း​ဢၼ် ႁဵတ်း​ပရေႃးၽႅတ်ႈ​လႂ်၊ တင်း​ၶဝ်​ၸိူဝ်း​ဢၼ်​ႁဵတ်း​သြႃႇ​လႂ် ဢၼ်​ဝႃႈ​ ပႃႇၼပႃႉ ဢိၵ်ႇ​တင်း​ သူႉမွင်ႇ ဢၼ်​လႆႈ​ႁွင်ႉ​ ၼီႉၵႃႇ တင်း​ လူႉၵီႉ ၵူၼ်း​မိူင်း​ ၵူႉရေႇၼေႇ တင်း​ မႃႇၼႅၼ်ႇ ဢၼ်​မိူဝ်ႈ​လဵၵ်ႉ​လႆႈ​ပဵၼ်​ၵေႃႉ​သေႈ​ၵၼ်​တင်း ၸဝ်ႈ​ၽႃႉ​ ႁေႇရူတ်ႈ ​ၼၼ်ႉ တင်း​ သေႃးလူႉ ​ဢေႃႈ။-</verse>
				<verse number="2">ၼႂ်း​မိူဝ်ႈ​ဢၼ် ၶဝ်​ႁဵတ်း​ဝၢတ်ႈ​ၽြႃး​လႄႈ​ၵမ်​တၢင်း​ၵိၼ်​ယူႇ​ၼၼ်ႉ​ၸိုင်၊ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ မီး​ဢမိင်ႉ​လႄႈ​ဝႃႈ၊ လိူၵ်ႈ​ၵဵပ်း​ဢဝ်​ ပႃႇၼပႃႉ တင်း​ သေႃးလူႉ ​လႄႈ ၽႄ​ဝႆႉ​ႁႂ်ႈ​ၶဝ်​လႆႈ​ႁဵတ်း​လွင်ႈ​တၢင်း​ဢၼ်​ၵဝ်​ၶၢၼ်း​ဝႆႉ​ၼၼ်ႉ​တႃႉ ဝႃႈ​ၼႆ၊ ၵႃႈ​ၼင်ႇ​ဢၼ်​မၼ်း​ၸဝ်ႈ​ဝႃႈ​ၼၼ်ႉ၊-</verse>
				<verse number="3">ၶဝ်​ၵမ်​တၢင်း​ၵိၼ်​လႄႈ ႁဵတ်း​ဝၢတ်ႈ​ပထၼႃႇ​သေ​ယဝ်ႉ ဢဝ်​မိုဝ်း​တၢင်ႇ​ၵႃႈ​ၼိူဝ်​ႁူဝ်​ၶဝ်​ၼၼ်ႉ​လႄႈ ပွႆႇ​ၸႂ်ႉ​ၶဝ်​ၵႂႃႇ​ဢေႃႈ။</verse>
				<verse number="4">ၼင်ႇ​ၼၼ်ႉ​လႄႈ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ပွႆႇ​ၸႂ်ႉ​ၶဝ်​ၵႂႃႇ​သေ​ယဝ်ႉ၊ ၶဝ်​ၼၼ်ႉ​ၸင်ႇ​လူင်း​ၵႂႃႇ ၵႃႈ​တီႈ​ဝဵင်း​ သေလူႉၵီႉ ​လႄႈ သမ်ႉ​လုၵ်ႉ​သေ​ၵႃႈ​တီႈ​ဝဵင်း​ၼၼ်ႉ ၶီႇ​ႁိူဝ်း​သၢင်း​ၽေႃး​ၵႂႃႇ​ၸူး ၵုၼ်​ ၵူႉပရူႉ ပုၼ်ႉ​ဢေႃႈ။-</verse>
				<verse number="5">မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ ဝဵင်း​ သႃႇလမီႉ ​ၼၼ်ႉ​ၸိုင် ၶဝ်​ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ ၵႃႈ​ၼႂ်း​ၸရွပ်ႈ​ႁေႃး​တြႃး​ၵူၼ်း​ ယူႉတႃႉ ​တင်း​လၢႆ​ဢေႃႈ၊ ယူဝ်းႁၢၼ်ႇ ​ၵေႃႈ​ပဵၼ်​ၵေႃႉ​ဢၼ်​ၸွႆႈ​ဢၼ်​ထႅမ်​ၶဝ်​ၼၼ်ႉ​ယူႇ​ဢေႃႈ။</verse>
				<verse number="6">မိူဝ်ႈ​ဢၼ်​ၶဝ်​လႄႇ​ၼႂ်း​ၵုၼ်​ၼၼ်ႉ​ၵူႈ​တီႈ​ၵူႈ​လႅၼ်​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ၽႃႇပူႉ ​ၼၼ်ႉ​ၸိုင် ၶဝ်​ထူပ်း​ႁၼ်​ၸဝ်ႈ​ၽီ​မေႃ​မိၵ်ႉသႃႇ​ပရေႃးၽႅတ်ႈ ဢၼ်​ပဵၼ်​ၵူၼ်း​ ယူႉတႃႉ ​လႄႈ လႆႈ​ၸိုဝ်ႈ​ ပႃႇယေႇသူႉ ​ၼၼ်ႉ​ၵေႃႉ​ၼိုင်ႈ​ဢေႃႈ။-</verse>
				<verse number="7">ၵေႃႉ​ၼၼ်ႉ​မီး​ယူႇ​ၵႃႈ​တီႈ​ၶုၼ်​ သေႇရၵီႉ​ပေႃးလူႉ ဢၼ်​မီး​ပိင်ႇ​ၺႃႇ​သတီႉ​ၼၼ်ႉ​ဢေႃႈ။ ၶုၼ်​ၼၼ်ႉ ႁွင်ႉ​ပၢင်း​ဢဝ်​ ပႃႇၼပႃႉ တင်း​ သေႃးလူႉ ​ၼၼ်ႉ​လႄႈ မီး​ၸႂ်​ဢၼ်​ၶႂ်ႈ​ထွမ်ႇ​ၶႂ်ႈ​ငိၼ်း ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="8">ဢေးလူႉမႃႉ ဢၼ်​ဢၼၢၵ်ႈ​ၸိုဝ်ႈ​သဵင်​မၼ်း​ဝႃႈ ၸဝ်ႈ​ၽီ​မေႃ၊ ဝႃႈ​ၼင်ႇ​ၼႆ​ၼၼ်ႉ ၶႂ်ႈ​ႁႂ်ႈ​ၶုၼ်​ၼၼ်ႉ​ဝႄႈ​ပႅတ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ႁႄႉ​ၶႅၼ်​ၶဝ်​ၼၼ်ႉ​ဢေႃႈ။</verse>
				<verse number="9">မိူဝ်ႈ​ၼၼ်ႉ​ သေႃးလူႉ ဢၼ်​လႆႈ​ၸိုဝ်ႈ​ ပေႃးလူႉ ​ၼၼ်ႉ တဵမ်​ဝႆႉ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​သေ​ယဝ်ႉ ယႅၵ်ႉ​တူၺ်း​ၸဝ်ႈ​ၽီ​မေႃ​ၼၼ်ႉ​ၸေး​ၸေး​သေ​လႄႈ၊-</verse>
				<verse number="10">လၢတ်ႈ​ဝႃႈ၊ ၵူၼ်း​ဢၼ်​တဵမ်​ဝႆႉ​တင်း​တၢင်း​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ် ဢိၵ်ႇ​တင်း​တၢင်း​ဢၼ်​ႁဵတ်း​ႁုၵ်း​ႁဵတ်း​ႁၢႆႉ ၵူႈ​ၸိူဝ်ႉ​ၵူႈ​ပိူင်၊ လုၵ်ႈ​မႃႇၼၢတ်ႈ၊ ရၢၼ်ႇ​သူႇ​တြႃး​တၢင်း​ဢၼ်​သိုဝ်ႈ​တေႃႇ​ၼႆႉ​ဢိူၺ်း၊ မႂ်း​ၼႆႉ​ယင်း​ဢမ်ႇ​ယႃႉ​သဵၼ်ႈ​တၢင်း​ထႃႇဝရႃႉ​ၽြႃး ဢၼ်​သိုဝ်ႈ​တင်း​လၢႆ​ၼၼ်ႉ​လႄႈ ဢမ်ႇ​ယူႇ​လႆႈ​ႁိုဝ်။-</verse>
				<verse number="11">တေႃႈ​လဵဝ်​ၼႆႉ မိုဝ်း​ထႃႇဝရႃႉ​ၽြႃး​ႁွတ်ႈ​မႃး​ၵႃႈ​ၼိူဝ်​မႂ်း​လႄႈ တႃ​မႂ်း​တၵ်း​မွတ်ႇ​ထၼ်ႈ​ပေႃး​ဢမ်ႇ​ႁၼ်​ၵၢင်​ဝၼ်း ၶိင်ႇ​ၵႃႇလႃႉ​ႁိုင်​တၢၼ်ႇ​တၢၼ်ႇ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵမ်း​ဢွၼ်ႇ​ၼိုင်ႈ​တႃ​မၼ်း​ၵုမ်ႈ​မႃး ပဵၼ်​ဢၼ်​လပ်း​သိင်ႇ​ၽိတ်း​ၽိတ်း​လႄႈ ပၼ်ႇ​ၵႂႃႇ​ပၼ်ႇ​ၶိုၼ်း​ႁႃ​ၵေႃႉ​ဢၼ်​တၵ်း​ၸုင်​ဢဝ်​မိုဝ်း​မၼ်း​ယူႇ​ဢေႃႈ။</verse>
				<verse number="12">ၶုၼ်​ၼၼ်ႉ​ႁၼ်​လွင်ႈ​တၢင်း​ၸိူဝ်း​ၼၼ်ႉ​သေ​ယဝ်ႉ ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​လႄႈ ၵႂင်​ၸႂ်​ယုင်ႈ​ၸႂ်​ဢၢမ်း​တေႇသၼႃႇ​ၸဝ်ႈ​ၽြႃး​ယူႇ​ဢေႃႈ။</verse>
				<verse number="13">ပေႃးလူႉ တင်း​ၶဝ်​ၸိူဝ်း​ဢၼ် ပႃး​လူၺ်ႈ​ၵၼ်​တင်း​မၼ်း​ၼၼ်ႉ ၶီႇ​ႁိူဝ်း​သၢင်း​ၽေႃး​ဢွၵ်ႇ​သေ ၵႃႈ​တီႈ​ဝဵင်း​ ၽႃႇပူႉ ​လႄႈ ၵႂႃႇ​ႁွတ်ႈ​ထိုင်​ၵႃႈ​တီႈ​ဝဵင်း​ ပေႇရၵေႇ မိူင်း​ ပမ်ႇၽူႉလီႉ ​သေ​ယဝ်ႉ၊​ ယူဝ်းႁၢၼ်ႇ ​ၸင်ႇ​ၽၢတ်ႇ​ၵၼ်​တင်း​ၶဝ်​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ သေ​ဢေႃႈ။-</verse>
				<verse number="14">ၶဝ်​သမ်ႉ​ဢွၵ်ႇ​သေ​ၵႃႈ​တီႈ​ဝဵင်း​ ပေႇရၵေႇ ​လႄႈ ၵႂႃႇ​ႁွတ်ႈ​ထိုင်​ၵႃႈ​တီႈ​ဝဵင်း​ ဢၼ်ႇတီႉဢူၵ်ႉ မိူင်း​ ပီႉသီႉတီႉ သေ​ယဝ်ႉ၊ ၼႂ်း​ဝၼ်း​ၵမ်​သိၼ် ၶဝ်​ၶဝ်ႈ​ၵႃႈ​ၼႂ်း​ၸရွပ်ႈ​ႁေႃး​တြႃး​လႄႈ ၼင်ႈ​ယူႇ​ဢေႃႈ။-</verse>
				<verse number="15">ဝၢႆး​သေ​ၽတ်း​ၵျၢမ်း​လိၵ်ႈ​ပိင်း​ၺၢပ်ႈ​တီႉ တင်း​ၵျၢမ်း​လိၵ်ႈ​ဢၼႃႇၵၢတ်ႈတီႉ​ယဝ်ႉ​ၼၼ်ႉ ၵႄႇ​ၸရွပ်ႈ​ႁေႃး​တြႃး​ၸိူဝ်း​ၼၼ်ႉ ပွႆႇ​ၸႂ်ႉ​ၵူၼ်း​မႃး​တီႈ​ၶဝ်​လႄႈ​လၢတ်ႈ​ဝႃႈ ပေႃး​သူ​မီး​ၵႂၢမ်း​ဢၼ်​လီ​ႁေႃး​လၢတ်ႈ​တီႈ​ၵူၼ်း​တင်း​လၢႆ​ၸိုင် ႁေႃး​လၢတ်ႈ​သေ​ၵမ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">မိူဝ်ႈ​ၼၼ်ႉ​ ပေႃးလူႉ ​ၸင်ႇ လုၵ်ႉ​ၼႄ​မိုဝ်း​မၼ်း​သေ​လႄႈ လၢတ်ႈ​ဝႃႈ ၵူၼ်း​ ဢီႉသရေႇလႃႉ ​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​ၵူဝ်​ယမ်​ၽြႃး​ပဵၼ်​ၸဝ်ႈ​ၶဝ်​ဢိူၺ်း၊ ထွမ်ႇ​ငိၼ်း​သေ​ၵမ်း​တႃႉ။-</verse>
				<verse number="17">ၽြႃး​ပဵၼ်​ၸဝ်ႈ​ၵူၼ်း​မဵဝ်း​ ဢီႉသရေႇလႃႉ ​ၼႆႉ လိူၵ်ႈ​ၵဵပ်း​ဢဝ်​ပူႇ​ပေႃႈ​ႁဝ်း​ၼၼ်ႉ​လႄႈ မိူဝ်ႈ​ဢၼ်​ၵူၼ်း​မဵဝ်း​ၼႆႉ ယင်း​တိုၵ်ႉ​ပဵၼ်​ၶႅၵ်ႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ယူႇ​ၼၼ်ႉ​ၸိုင် ယုၵ်ႉ​ယွင်ႈ​ၶဝ်​လႄႈ ဢဝ်​တင်း​မိုဝ်း​ဢၼ်​ပူၼ်ႉ​ပိူၼ်ႈ​ၼၼ်ႉ​ၼုၵ်ႈ​ဢဝ်​ၶဝ် ဢွၵ်ႇ​သေ​ၵႃႈ​ၼႂ်း​မိူင်း​ၼၼ်ႉ​ဢေႃႈ။-</verse>
				<verse number="18">သီႇ​သိပ်း​ပီႊ​ၸမ်​ၸမ်​မၼ်း​ၸဝ်ႈ​လဵင်ႉ​လူ​ၶဝ်​ဝႆႉ​ၵႃႈ​ၼႂ်း​ထိူၼ်ႇ​ဢေႃႈ။-</verse>
				<verse number="19">မၼ်း​ၸဝ်ႈ​ယႃႉ​ပႅတ်ႈ ၵူၼ်း​ၸဵတ်း​မဵဝ်း​ဢၼ်​မီး​ၵႃႈ​ၼႂ်း​မိူင်း​ ၶႃႇၼၢၼ်ႇ ​ၼၼ်ႉ​သေ​ယဝ်ႉ၊ ဢဝ်​မိူင်း​ၼၼ်ႉ​မႅင်ႇ​ပၼ်​ဢမူၺ်ႇ​တီႈ​ၶဝ် သီႇ​ပၢၵ်ႇ​ပၢႆ​ႁႃႈ​သိပ်း​ပီႊ​ၸမ်​ၸမ်​ဢေႃႈ။-</verse>
				<verse number="20">ဝၢႆး​သေ​ၼၼ်ႉ​ယဝ်ႉ မၼ်း​ၸဝ်ႈ​ပၼ်​ၵူၼ်း​ဢၼ်​ၸီႇ​ယၢင်ႇ​တြႃး​ၸိူဝ်း​ၼၼ်ႉ တေႃႇ​ထိုင်​ႁွတ်ႈ​ပၼ်​ပရေႃးၽႅတ်ႈ​ သမူၺ်ႇလႃႉ ​ၼၼ်ႉ​တီႈ​ၶဝ်​ဢေႃႈ။-</verse>
				<verse number="21">လိုၼ်း​ၼၼ်ႉ မိူဝ်ႈ​ဢၼ်​ၶဝ်​ယွၼ်း ၶုၼ်​ႁေႃ​ၶမ်း​ၼၼ်ႉ​ၸိုင် ၽြႃး​ပဵၼ်​ၸဝ်ႈ​ပၼ်​ သေႃးလူႉ လုၵ်ႈ​ၸၢႆး​ ၵီႉသႃႉ ဢၼ်​ပဵၼ်​ၸိူဝ်ႉ​ၶိူဝ်း​ ပိၼ်ႇယႃႇမိၼ်ႇ ​ၼၼ်ႉ​တီႈ​ၶဝ် သီႇ​သိပ်း​ပီႊ​တဵမ်​တဵမ်​ဢေႃႈ။-</verse>
				<verse number="22">လိုၼ်း​ၼၼ်ႉ မၼ်း​ၸဝ်ႈ​ဢီး​ၵေႃႉ​ၼၼ်ႉ​ပႅတ်ႈ​သေ​လႄႈ ယုၵ်ႉ​ယွင်ႈ​ တႃႇဝိတ်ႈ ဝႆႉ ႁႂ်ႈ​ပဵၼ်​ၶုၼ်​ႁေႃ​ၶမ်း​ဢေႃႈ။ တီႈ​ၵေႃႉ​ၼၼ်ႉ မၼ်း​ၸဝ်ႈ​ၶၢမ်ႇ​သၢၵ်ႈ​သေႇ​လႄႈ​ဝႃႈ ၵဝ်​လႆႈ​ထူပ်း လွင်ႈ​ဢၼ်​ တႃႇဝိတ်ႈ လုၵ်ႈ​ၸၢႆး​ ယေႇသႄး ​ၼၼ်ႉ၊ ပဵၼ်​ဢၼ်​မႅၼ်ႈ​ၵၼ်​တင်း​ၸႂ်​ၵဝ်​လႄႈ တၵ်း​ႁဵတ်း​ဢလူဝ်ႇ​ၵဝ်​တင်း​သဵင်ႈ​တင်း​လူင်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ၵႃႈ​ၼႂ်း​ၸိူဝ်ႉ​ၶိူဝ်း​ၵေႃႉ​ၼၼ်ႉ ၽြႃး​ပဵၼ်​ၸဝ်ႈ​ႁႂ်ႈ​ ယေႇသူႉ ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ ပေႃႇ​မႃး​တီႈ​ၵူၼ်း​ ဢီႉသရေႇလႃႉ ​တင်း​လၢႆ ၵႃႈ​ၼင်ႇ​ဢၼ်​ၵတီႉ​မၼ်း​ၸဝ်ႈ​မီး​ဝႆႉ​ၼၼ်ႉ​ယဝ်ႉ။-</verse>
				<verse number="24">ၸူဝ်ႈ​ဢၼ်​ၸဝ်ႈ​ၼၼ်ႉ​ဢမ်ႇ​ပႆႇ​မႃး​ၼၼ်ႉ​ၸိုင်၊ ယူဝ်းႁၢၼ်ႇ ​လႆႈ​ႁေႃး​လၢတ်ႈ​တြႃး​ ပပ်ႉတီႉၸမ်ႇ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၼၼ်ႉ ၵႃႈ​တီႈ​ၵူၼ်း​ ဢီႉသရေႇလႃႉ ​တင်း​သဵင်ႈ​တင်း​လူင်​ဢေႃႈ။-</verse>
				<verse number="25">ယူဝ်းႁၢၼ်ႇ ​ၼၼ်ႉ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ ႁဵတ်း​လွင်ႈ​တၢင်း​ဢၼ် မၼ်း​တၵ်း​လႆႈ​ႁဵတ်း​ၼၼ်ႉ​လႄႈ​ယူႇ​ၼၼ်ႉ​ၸိုင် လၢတ်ႈ​လႄႈ​ဝႃႈ သူ​ထၢင်ႇ​ၵဝ်​ပဵၼ်​ၽူႈ​လႂ်၊ ၵဝ်​ပဵၼ်​ၵေႃႉ​ၼၼ်ႉ​ဢမ်ႇ​ၸႂ်ႈ၊ ၵေႃႉ​ဢၼ်​မႃး​လိုၼ်း​ၵဝ်​ၼၼ်ႉ ယင်း​မီး​ယူႇ​လူး​ၵွၼ်ႇ​ဢေႃႈ။ ၵဝ်​ၼႆႉ​ယင်း​ဢမ်ႇ​ထိူၵ်ႈ​ထွတ်ႇ​ဢဝ်​ၶႅပ်း​တိၼ်​ၵေႃႉ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">ပီႈ​ၼွင်ႉ​ဢၼ်​ပဵၼ်​ၸိူဝ်ႉ​ၶိူဝ်း​ ဢႃႇပြႃႇႁၢမ်ႇ ဢိၵ်ႇ​တင်း​ၶဝ်​ၸိူဝ်း​ဢၼ် ၵူဝ်​ယမ်​ၽြႃး​ပဵၼ်​ၸဝ်ႈ​ၵႃႈ​ၼႂ်း​သူ​ၼႆႉ​ၶဝ်​ဢိူၺ်း၊ မၼ်း​ၸဝ်ႈ​ပွႆႇ​ပၼ်​ၵႂၢမ်း​တြႃး​တၢင်း​ဢၼ်​ၵႄႇ​ၶျွတ်ႈ​ဢဝ်​ၼႆႉ​မႃး​ၵႃႈ​တီႈ​သူ​ဢေႃႈ။-</verse>
				<verse number="27">ၶဝ်​ၸိူဝ်း​ဢၼ်​ယူႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ဢိၵ်ႇ​တင်း ၶုၼ်​ၸိူဝ်း​ၼၼ်ႉ ပိူဝ်ႈ​ဢၼ်​ဢမ်ႇ​ႁူႉ​ၸဝ်ႈ​ၼၼ်ႉ ဢိၵ်ႇ​တင်း​ၵႂၢမ်း​ပရေႃးၽႅတ်ႈ​တင်း​လၢႆ ဢၼ်​ၽတ်း​ၼႂ်း​ဝၼ်း​ၵမ်​သိၼ်​ၵူႈ​ဝၼ်း​တႃႇ​သေႇ​ၼၼ်ႉ​လႄႈ ၸီႇ​ယၢင်ႇ​ၸဝ်ႈ​ၼၼ်ႉ ႁႂ်ႈ​ၵႂၢမ်း​ၸိူဝ်း​ၼၼ်ႉ​ပျေႉ​ၸုမ်ႇ​ဢေႃႈ။-</verse>
				<verse number="28">ပိၵ်ႉ​သမ်ႉ ၶဝ်​ဢမ်ႇ​ထူပ်း​ဢမူႉ​ဢၼ်​ထုၵ်ႇ​လီ​တၢႆ သေ​ၸိူဝ်ႉ​သေ​ပိူင်​တီႈ​မၼ်း​ၸဝ်ႈ​ၼၼ်ႉ​သေ​ၵေႃႈ ၶဝ်​လဝ်ႊ​ယွၼ်း​ဢဝ်​တီႈ​ၶုၼ် ပီႉလတ်ႉ ႁႂ်ႈ​လႆႈ​ဢဝ်​တၢႆ​ဢေႃႈ။-</verse>
				<verse number="29">မိူဝ်ႈ​ဢၼ်​ၶဝ်​ႁႂ်ႈ​လွင်ႈ​တၢင်း​ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​လွင်ႈ​ၸဝ်ႈ​ၼၼ်ႉ ၵႃႈ​မီး​တင်း​သဵင်ႈ​တင်း​လူင်​ပျေႉ​ၸုမ်ႇ​ယဝ်ႉ​ၼၼ်ႉ​ၸိုင်၊ ၶဝ်​ဢဝ်​တူဝ်​တၢႆ​မၼ်း​ၸဝ်ႈ​ၶျႃး​လူင်း​သေ​ၵႃႈ​တီႈ​သဝ်​မႆႉ​လႄႈ ဢဝ်​ဝႆႉ​ၵႃႈ​ၼႂ်း​ၶုမ်​သၢင်း​ၶႅင်း​ဢေႃႈ။-</verse>
				<verse number="30">ၽြႃး​ပဵၼ်​ၸဝ်ႈ​ၵေႃႈ ႁႂ်ႈ​ၸဝ်ႈ​ၼၼ်ႉ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​လႄႈ၊-</verse>
				<verse number="31">ၸဝ်ႈ​ၼၼ်ႉ​ၼႄ​ပျႃး​တူဝ်​ၸဝ်ႈ​ၵဝ်ႇ​တီႈ​ၶဝ်​ၸိူဝ်း​ဢၼ် လုၵ်ႉ​သေ​ၵႃႈ​တီႈ​မိူင်း​ ၵႃႇလီႉလႄး ​ၸွမ်း​ပႃႈ​လင်​မၼ်း​ၸဝ်ႈ​မႃး ႁွတ်ႈ​ထိုင်​ဝဵင်း​ ယေႇရူႉသလႅမ်ႇ ​ၼၼ်ႉ မိုဝ်ႉ​ဝၼ်း​ၼမ်​ၼႃႇ​ဢေႃႈ။ ၶဝ်​ၼၼ်ႉ​ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ လွင်ႈ​မၼ်း​ၸဝ်ႈ​တီႈ​ၵူၼ်း​တင်း​လၢႆ​ဢေႃႈ။-</verse>
				<verse number="32">ႁဝ်း​မွၵ်ႇ​လၢတ်ႈ​တြႃး​သတၢင်း​သိူဝ်း​ပျေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​ၵတီႉ​ၸဝ်ႈ ဢၼ်​မီး​ဝႆႉ​တီႈ​ပူႇ​မွၼ်ႇ​ႁဝ်း​ၼၼ်ႉ။-</verse>
				<verse number="33">ဢၼ်​ဝႃႈ လွင်ႈ​ဢၼ်​ၽြႃး​ပဵၼ်​ၸဝ်ႈ ႁႂ်ႈ​ၵတီႉ​ၸဝ်ႈ​ၼၼ်ႉ ပျေႉ​ၸုမ်ႇ​ၵႃႈ​တီႈ​ႁဝ်း ဢၼ်​ပဵၼ်​လုၵ်ႈ​လၢင်း​ၶဝ် ၼႂ်း​လွင်ႈ​ဢၼ်​မၼ်း​ၸဝ်ႈ​ႁႂ်ႈ​ ယေႇသူႉ​ လုၵ်ႉ​ၶိုၼ်း ၵႃႈ​ၼင်ႇ​ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​သႃႇလၢမ်ႇ ၶၢၼ်း​တူႉတီႉယႃႉ​လႄႈ​ဝႃႈ၊ မႂ်း​ၼႆႉ​ပဵၼ်​လုၵ်ႈ​ၸၢႆး​ၵဝ်​ဢေႃႈ။ ၼႂ်း​ဝၼ်း​မိူဝ်ႈ​ၼႆႉ​ၵဝ်​ႁႂ်ႈ​မႂ်း​ၵိူတ်ႇ​လဵင်ႉ​ပဵၼ်​မႃး​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="34">ဢိၵ်ႇ​တင်း လွင်ႈ​ဢၼ်​မၼ်း​ၸဝ်ႈ​ႁႂ်ႈ​ၸဝ်ႈ​ၼၼ်ႉ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​လႄႈ ပၼ်​ဢၶႂၢင်ႉ​ဢၼ်​ၵမ်း​လိုၼ်း​ဢမ်ႇ​လႆႈ​ႁွတ်ႈ​ထိုင်​တၢင်း​ဢၼ်​တူႇ​ဢၼ်​ၼဝ်ႈ ၵႃႈ​ၼင်ႇ​ဢၼ်​ပျႃႇ​တိၵ်ႈ​ၸဝ်ႈ​ဝႃႈ၊ ၵဝ်​တၵ်း​ဢဝ်​ၵျေး​ၸူး​ၸဝ်ႈ​ဢၼ်​မူတ်း​ၸၢင်ႇ​လႄႈ​မၼ်ႈ​ၶိူင်ႇ တီႈ​ တႃႇဝိတ်ႈ ​ၼၼ်ႉ​ပၼ်​တီႈ​သူ၊ ဝႃႈ​ၼင်ႇ​ၼႆ​ၼၼ်ႉ​ၵႃႈ​တီႈ​သူ​ဢေႃႈ။-</verse>
				<verse number="35">ပိူဝ်ႈ​ၼႆ​လႄႈ ၵျၢမ်း​လိၵ်ႈ​သႃႇလၢမ်ႇ​တီႈ​ၼိုင်ႈ​သမ်ႉ​မႃး​ထႅင်ႈ​လႄႈ​ဝႃႈ​ၸမ်ႉ တီႈ​ၵူၼ်း​ဢၼ်​မူတ်း​ၸၢင်ႇ​ၸဝ်ႈ​ႁဝ်း​ၼၼ်ႉ​ၸိုင် ၸဝ်ႈ​ႁဝ်း​တၵ်း​ဢမ်ႇ​ပၼ် ႁွတ်ႈ​ထိုင်​တၢင်း​ဢၼ်​တူႇ​ဢၼ်​ၼဝ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">တႃႇဝိတ်ႈ ​ၼၼ်ႉ​ပွင်​ႁဵတ်း​ၸွမ်း​ဢလူဝ်ႇ​ၽြႃး​ပဵၼ်​ၸဝ်ႈ ၼႂ်း​ၶိင်ႇ​ၵႃႇလႃႉ​တူဝ်​ၸဝ်ႈ​ၵဝ်ႇ​ၼၼ်ႉ​ယဝ်ႉ၊ ၸင်ႇ​ၵိင်း​ၼွၼ်း​လႄႈ ၶဝ်ႈ​ၸူး​ၵႃႈ​ၼႂ်း​တီႈ​ဢၼ်​ပူႇ​ပေႃႈ​တူဝ်​ၸဝ်ႈ​ၵဝ်ႇ​မီး​ၼၼ်ႉ​လႄႈ​ႁွတ်ႈ​ထိုင်​တၢင်း​ဢၼ်​တူႇ​ဢၼ်​ၼဝ်ႈ​ဢေႃႈ။-</verse>
				<verse number="37">ၵေႃႉ​ဢၼ်​ၽြႃး​ပဵၼ်​ၸဝ်ႈ ႁႂ်ႈ​လုၵ်ႉ​ၶိုၼ်း​ၸမ်ႉ​ဢမ်ႇ​ႁွတ်ႈ​ထိုင်​တၢင်း​ဢၼ်​တူႇ​ဢၼ်​ၼဝ်ႈ။</verse>
				<verse number="38">ပိူဝ်ႈ​ၼႆ​လႄႈ ပီႈ​ၼွင်ႉ​ၶဝ်​ဢိူၺ်း၊ ႁူႉ​ႁၼ်​လွင်ႈ​ဢၼ်​ႁေႃး​တြႃး​တၢင်း​ဢၼ်​ပွႆႇ​လွတ်ႈ​ဢပႅတ်ႈ ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ၼၼ်ႉ​တီႈ​သူ​ၼႆႉ၊-</verse>
				<verse number="39">ဢိၵ်ႇ​တင်း လွင်ႈ​ဢၼ်​ၵေႃႉ​ဢၼ်​ယုမ်ႇ​မၢတ်ႈ​ၸဝ်ႈ​ၼၼ်ႉ ၵႃႈ​မီး​တင်း​သဵင်ႈ​တင်း​လူင်​လႆႈ​ၵၢင်း​လွတ်ႈ​တင်း​လွင်ႈ​တၢင်း​ၵႃႈ​ဢၼ် ၸွမ်း​ၼင်ႇ​တြႃး​ မူဝ်းသေႇ ဢမ်ႇ​ၵၢင်း​ဢမ်ႇ​လွတ်ႈ​လႆႈ​ၼၼ်ႉ​သေ​ၵမ်း​တႃႉ။</verse>
				<verse number="40">ပိူဝ်ႈ​ၼႆ​လႄႈ ၼင်ႇ​ႁိုဝ်​လွင်ႈ​တၢင်း​ဢၼ် ပႃး​ၵႃႈ​ၼႂ်း​ၵျၢမ်း​လိၵ်ႈ​ဢၼႃႇၵၢတ်ႈတီႉ​ၼၼ်ႉ တၵ်း​ဢမ်ႇ​ႁွတ်ႈ​ထိုင်​ၵႃႈ​ၼိူဝ်​သူ​ၸိုင် ႁဵတ်း​သတီႉ​သေ​ၵမ်း​တႃႉ။-</verse>
				<verse number="41">ဢၼ်​မႃး​ၼႂ်း​ၵျၢမ်း​လိၵ်ႈ​ဢၼႃႇၵၢတ်ႈတီႉ​ၼၼ်ႉ​လႄႈ​ဝႃႈ​ၸမ်ႉ ၵူၼ်း​ၸိူဝ်း​ဢၼ်​ၸၢင်ႈ​ႁဵတ်း​ဢမ်ႇ​ၼပ်ႉ​ဢမ်ႇ​ၶၢၼ်း​ၶဝ်​ဢိူၺ်း၊ လူ​တူၺ်း​ဢၢမ်း​ယွင်ႈ​သေ​လႄႈ ႁွတ်ႈ​ထိုင်​တၢင်း​ဢၼ်​လၢႆ​လၢႆ​လွၵ်ႇ​လွၵ်ႇ​တႃႉ။ လွင်ႈ​မၼ်း​ၸမ်ႉ ၵဝ်​ႁဵတ်း​လွင်ႈ​တၢင်း​ပိူင်​ၼိုင်ႈ ၼႂ်း​ၸူဝ်ႈ​ပၢၼ်​သူ​ၼႆႉ​ဢၼ်​ဝႃႈ လွင်ႈ​တၢင်း​ဢၼ်​ပိၵ်ႉ​သမ်ႉ​ပိူၼ်ႈ​မွၵ်ႇ​လၢတ်ႈ​ၼႄ​ပျႃး တီႈ​သူ​သေ​ၵေႃႈ​သူ​တၵ်း​ဢမ်ႇ​ယုမ်ႇ​ၼၼ်ႉ​ဢေႃႈ မီး​မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="42">ၵူၼ်း​ၸိူဝ်း​ၼၼ်ႉ ၼႂ်း​မိူဝ်ႈ​ဢၼ်​ဢွၵ်ႇ​သေ​ၵႃႈ​ၼႂ်း​ၸရွပ်ႈ​ႁေႃး​တြႃး​ယူႇ​ၼၼ်ႉ​ၸိုင် တွင်း​ပၢၼ်ႇ​ႁႂ်ႈ​ႁေႃး​လၢတ်ႈ လွင်ႈ​တၢင်း​ၸိူဝ်း​ၼႆႉ​တီႈ​ၶဝ်​ၼႂ်း​ဝၼ်း​ၵမ်​သိၼ် ဢၼ်​တၵ်း​မႃး​ၼၼ်ႉ​ဢေႃႈ။-</verse>
				<verse number="43">မိူဝ်ႈ​ဢၼ် ပွႆႇ​ၵူၼ်း​ဢၼ်​ၸူႉ​ဢၼ်​တုမ်​ယဝ်ႉ​ၼၼ်ႉ​ၸိုင်၊ ၵူၼ်း​ ယူႉတႃႉ ​ဢိၵ်ႇ​တင်း ၵူၼ်း​ဢၼ်​ၶဝ်ႈ​ၽႃႇသႃႇ​ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​ၼမ်​ၼႃႇ ၸွမ်း​ ပေႃးလူႉ ​တင်း​ ပႃႇၼပႃႉ ​ယူႇ​လႄႈ တမၢၼ်ႇ​ၸဝ်ႈ​ၸိူဝ်း​ၼၼ်ႉ သင်ႇ​သွၼ်​သုင်း​မႃႉ​ပၼ်​ယူႇ​သေ​လႄႈ တိုၵ်း​ယူင်း​ၸူဝ်း​ဢဝ်​ႁႂ်ႈ​ၶဝ်​မၼ်ႈ​ၶိူင်ႇ ၼႂ်း​ၵျေး​ၸူး​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="44">ဝၼ်း​ၵမ်​သိၼ်​လိုၼ်း​ၼၼ်ႉ ထၼ်ႈ​ပေႃး​ႁၢမ်ႉ​တၵ်း​သဵင်ႈ​တင်း​ဝဵင်း ဢွၼ်​ၵၼ်​မႃး​ၸူႉ​ၵၼ်​တုမ်​ၵၼ် ႁႂ်ႈ​လႆႈ​ထွမ်ႇ​လႆႈ​ငိၼ်း​ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="45">ၵူၼ်း​ ယူႉတႃႉ ​တင်း​လၢႆ ႁၼ်​ၶဝ်​ၸူႉ​ၵၼ်​တုမ်​ၵၼ်​ၼၼ်ႉ​သေ​ယဝ်ႉ တဵမ်​ဝႆႉ​တင်း​ၸႂ်​ဢၼ်​သီႈ​ၵေႉ​ႁေႈ​တႃ​လႄႈ တွပ်ႇ​ထဵင်​ၵႂၢမ်း​ ပေႃးလူႉ ၵူၺ်း​ဢမ်ႇ​ၵႃး၊ လႃႇ​လင်​သႄႉ​သွမ်း​ဢေႃႈ။</verse>
				<verse number="46">မိူဝ်ႈ​ၼၼ်ႉ​ ပေႃးလူႉ ​တင်း​ ပႃႇၼပႃႉ ႁေႃး​လၢတ်ႈ​ႁတ်း​ႁတ်း​ႁၢၼ်​ႁၢၼ်​လႄႈ​ဝႃႈ၊ ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ​ၼႆႉ လႆႈ​ႁေႃး​လၢတ်ႈ​တီႈ​သူ​ဢွၼ်​တၢင်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပိူဝ်ႈ​ဢၼ်​သူ​ၸုၼ်ႉ​ပႅတ်ႈ​လႄႈ​ၸီႇ​ယၢင်ႇ​ဝႃႈ တူဝ်​ၸဝ်ႈ​ၵဝ်ႇ​ဢမ်ႇ​ထိူၵ်ႈ​ၶၢမ်ႇ​ထႃႇဝရႃႉ​ဢသၢၵ်ႈ​၊ ဝႃႈ​ၼင်ႇ​ၼႆ​လႄႈ ႁဝ်း​ဝၢႆႇ​ၼႃႈ​ၸူး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ဢေႃႈ။-</verse>
				<verse number="47">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​သင်ႇ​လၢတ်ႈ​တီႈ​ႁဝ်း​ၸိူဝ်ႉ​ၼင်ႇ​ၼႆ​ဝႆႉ​လႄႈ​ဝႃႈ​ၸမ်ႉ၊ ၵဝ်​ၶၢၼ်း​မႂ်း​ဝႆႉ​ပုၼ်ႈ​ဢၼ်​တၵ်း​ပဵၼ် ဢၼ်​လႅင်း တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ႁႂ်ႈ​မႂ်း​လႆႈ​ပဵၼ်​ပုၼ်ႈ​တၢင်း​ဢၼ်​ၵႄႇ​ၶျွတ်ႈ​ဢဝ် တေႃႇ​ထိုင်​ႁွတ်ႈ​တီႈ​လႅၼ်​သုတ်း​လိၼ်​မိူင်း​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="48">မိူဝ်ႈ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ ငိၼ်း​ၵႂၢမ်း​ၼၼ်ႉ​ၸိုင် ၶဝ်​သိူဝ်း​ပျေႃႇ​လႄႈ ယွင်ႈ​ယေႃး​ၼုၵ်ႈၵပၢတ်ႈ​တြႃး​ထႃႇဝရႃႉ​ၽြႃး​ဢေႃႈ။ ၶဝ်​ၸိူဝ်း​ဢၼ်​မၼ်း​ၸဝ်ႈ​ၶၢၼ်း​ဝႆႉ ႁႂ်ႈ​လႆႈ​ထႃႇဝရႃႉ​ဢသၢၵ်ႈ​ၵႃႈ​မီး​ၼၼ်ႉ ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​ဢေႃႈ။-</verse>
				<verse number="49">ၼုၵ်ႈၵပၢတ်ႈ​ထႃႇဝရႃႉ​ၽြႃး​ၼၼ်ႉ ၸွတ်ႇ​တူဝ်ႈ​ၵႂႃႇ​တင်း​မိူင်း​ဢေႃႈ။</verse>
				<verse number="50">မိူဝ်ႈ​ၼၼ်ႉ ၵူၼ်း​ ယူႉတႃႉ ​ၸိူဝ်း​ၼၼ်ႉ တိုၵ်း​ယူင်း​မႄႈ​ယိင်း​ဢၼ် ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​လႄႈ မီး​သရေႇ​ဢိၵ်ႇ​တင်း​ၵူၼ်း​ဢၼ်​ပဵၼ်​ၵူၼ်း​ယႂ်ႇ​ၵူၼ်း​လူင် ၵႃႈ​ၼႂ်း​ဝဵင်း​ၼၼ်ႉ​တင်း​လၢႆ​ၼၼ်ႉ ႁႂ်ႈ​မီး​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ ပေႃးလူႉ ​တင်း ပႃႇၼပႃႉ သေ​ယဝ်ႉ၊ ႁေႃႈ​ၶဝ်​ဢွၵ်ႇ​သေ​ၵႃႈ​ၼႂ်း​လႅၼ်​လိၼ်​မိူင်း​ၼၼ်ႉ​ဢေႃႈ။-</verse>
				<verse number="51">တမၢၼ်ႇ​ၸဝ်ႈ​ၸိူဝ်း​ၼၼ်ႉ သၼ်ႇ​မုၼ်ႈ​လိၼ်​ဢၼ်​ၸပ်း​တိၼ်​တူဝ်​ၸဝ်ႈ​ၵဝ်ႇ​ၼၼ်ႉ ပႅတ်ႈ​ပၼ်​တီႈ​ၶဝ်​ယဝ်ႉ​ၸင်ႇ ၵႂႃႇ​ၵႃႈ​တီႈ​ဝဵင်း​ ဢီႉၵေႃးၼီႉ သေ​ဢေႃႈ။-</verse>
				<verse number="52">တပႄး​ၸဝ်ႈ​တင်း​လၢႆ တဵမ်​ဝႆႉ​တင်း​ၸႂ်​ဢၼ်​သိူဝ်း​သႂၢင်ႇ ဢိၵ်ႇ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ။</verse>
			</chapter>
			<chapter number="14">
				<verse number="1">မိူဝ်ႈ​ဢၼ်​ယင်း​မီး​ယူႇ ၵႃႈ​ၼႂ်း​ဝဵင်း​ ဢီႉၵေႃးၼီႉ ​ၼၼ်ႉ​ၸိုင် တမၢၼ်ႇ​ၸဝ်ႈ​ၸိူဝ်း​ၼၼ်ႉ ၶဝ်ႈ​ၵႃႈ​ၼႂ်း​ၸရွပ်ႈ​ႁေႃး​တြႃး​ၵူၼ်း​ ယူႉတႃႉ ​လႄႈ ႁေႃး​လၢတ်ႈ​ၼႃႇ​လူင်​လၢင်​ထၼ်ႈ​ပေႃး​ၵူၼ်း ယူႉတႃႉ ဢိၵ်ႇ​တင်း​ၵူၼ်း​ ႁေႇလသႃႉ ၼမ်​ၼႃႇ​ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​ဢေႃႈ။-</verse>
				<verse number="2">ၵူၼ်း ယူႉတႃႉ ဢၼ်​ဢမ်ႇ​ယုမ်ႇ​မၢတ်ႈ​ၸိူဝ်း​ၼၼ်ႉ တိုၵ်း​ယူင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ ႁႂ်ႈ​မီး​ၸႂ်​ဢၼ်​သီႈ​ၵေႉ​တီႈ​ပီႈ​ၼွင်ႉ​ၸိူဝ်း​ၼၼ်ႉ​ဢေႃႈ။-</verse>
				<verse number="3">ပိူဝ်ႈ​ၼႆ​ၸင်ႇ​ၶဝ်​ယူႇ​ႁိုင်​ၼႃႇ​လႄႈ ႁေႃး​လၢတ်ႈ​တြႃး​ၸဝ်ႈ​ၽြႃး​ႁတ်း​ႁတ်း​ႁၢၼ်​ႁၢၼ်​ဢေႃႈ။ ၸဝ်ႈ​ၽြႃး​ၵေႃႈ​ၶၢမ်ႇ​သၢၵ်ႈ​သေႇ​ၽၢႆႇ​ၵျေး​ၸူး​တြႃး​မၼ်း​ၸဝ်ႈ​ယူႇ​သေ​လႄႈ ပၼ်​ဢၶႂၢင်ႉ​ႁႂ်ႈ​တမၢၼ်ႇ​ၸဝ်ႈ​ၸိူဝ်း​ၼၼ်ႉ ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ​ဢေႃႈ။</verse>
				<verse number="4">ၵူၼ်း​ဝဵင်း​တင်း​သဵင်ႈ​တင်း​လူင်​ၼၼ်ႉ ပိူင်ႈ​လွင်ႈ​ပိူင်ႈ​ႁွႆး​ၵၼ်​လႄႈ ၵမ်ႈ​ၽွင်ႈ​ယူႇ​ၽၢႆႇ​ၵူၼ်း ယူႉတႃႉ ​တင်း​လၢႆ၊ ၵမ်ႈ​ၽွင်ႈ​ယူႇ​ၽၢႆႇ​တမၢၼ်ႇ​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="5">မိူဝ်ႈ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​ၵူၼ်း ယူႉတႃႉ ဢိၵ်ႇ​တင်း ၶုၼ်​ဢရႃႇ​သီႉ​တင်း​လၢႆ​ၼၼ်ႉ တူင်ႉ​တိုၼ်ႇ​ၵျၢမ်ႇ​ႁႃ​ႁႂ်ႈ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​တမၢၼ်ႇ​ၸဝ်ႈ​ၸိူဝ်း​ၼၼ်ႉ​လႄႈ ဢဝ်​မၢၵ်ႇ​ႁိၼ်​ထိမ်ႈ​ၼၼ်ႉ​ၸိုင်၊-</verse>
				<verse number="6">တမၢၼ်ႇ​ၸဝ်ႈ​ၸိူဝ်း​ၼၼ်ႉ ႁူႉ​ႁၼ်​သေ​ယဝ်ႉ ဢွၵ်ႇ​ပၢႆႈ​ၵႂႃႇ​ၸူး​ၵႃႈ​တီႈ​ၸႃႉ​ၸဵမ်​ဝဵင်း​ လုတ်ႉတရႃႉ တင်း​ဝဵင်း​ တေႇရပေႇ တင်း​ဝၢၼ်ႈ​ၼွၵ်ႈ​ၼႃး​ပၢင်ႇ ဢၼ်​မီး​ၼႂ်း​မိူင်း​ လူႉၵေႃးၼီႉ ​သေ​လႄႈ၊-</verse>
				<verse number="7">ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၸဝ်ႈ ၵႃႈ​တီႈ​ၼၼ်ႈ​ဢေႃႈ။</verse>
				<verse number="8">ၼႂ်း​ဝဵင်း​ လုတ်ႉတရႃႉ ​ၼၼ်ႉ ၵူၼ်း​ဢၼ်​တိၼ်​ဢမ်ႇ​လီ​မႃး​ၸဵမ်​မိူဝ်ႈ​ၼႂ်း​တွင်ႉ​မႄႈ​လႄႈ ဢမ်ႇ​တွၼ်ႉ​ပႆ​တၢင်း​သေ​ပွၵ်ႈ​ၼၼ်ႉ​ၵေႃႉ​ၼိုင်ႈ​ၼင်ႈ​ယူႇ​လႄႈ၊-</verse>
				<verse number="9">ငိၼ်း​ ပေႃးလူႉ ​ႁေႃး​လၢတ်ႈ​ၼၼ်ႉ​ဢေႃႈ။ ပေႃးလူႉ ​ၵေႃႈ​ယႅၵ်ႉ​တူၺ်း​ၵေႃႉ​ၼၼ်ႉ​ၸေး​ၸေး​ၸွတ်ႇ​ၸွတ်ႇ​သေ​လႄႈ ႁူႉ​ႁၼ်​လွင်ႈ​ဢၼ်​တၢင်း​ဢၼ်​ယုမ်ႇ​မၢတ်ႈ​ဢၼ်​ႁႂ်ႈ​ထၼ်ႈ​ပေႃး တၢင်း​ၶႆႈ​တၢင်း​ပဵၼ်​မၼ်း​ႁၢႆ​ၼၼ်ႉ မီး​ၼႂ်း​မၼ်း​ၼၼ်ႉ​သေ​ယဝ်ႉ၊-</verse>
				<verse number="10">ႁဵတ်း​တင်း​သဵင်​ဢၼ်​ယႂ်ႇ​လႄႈ​လၢတ်ႈ​ဝႃႈ လုၵ်ႉ​ၸုၵ်း​သိုဝ်ႈ​သိုဝ်ႈ​တႃႉ၊ ဝႃႈ​ၼင်ႇ​ၼႆ​သေ​ယဝ်ႉ၊ ၵေႃႉ​ၼၼ်ႉ​ၽုတ်း​လုၵ်ႉ​ပႆ​တၢင်း​ၵႂႃႇ​ဢေႃႈ။</verse>
				<verse number="11">မိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ ႁၼ်​လွင်ႈ​ဢၼ်​ ပေႃးလူႉ ​ႁဵတ်း​ၼၼ်ႉ​ၸိုင်၊ ၶဝ်​ဢဝ်​တင်း​ၵႂၢမ်း​ၽႃႇသႃႇ​ လူႉၵေႃးၼီႉ ႁွင်ႉ​သႅၼ်ႇ​လႄႈ​ဝႃႈ၊ ၸဝ်ႈ​ၽြႃး​တင်း​လၢႆ ႁဵတ်း​ၸိူဝ်ႉ​ၼင်ႇ​ပုင်ႇ​ႁၢင်ႈ​ၵူၼ်း​သေ​လႄႈ လူင်း​မႃး​တီႈ​ႁဝ်း​လူင်​လၢင်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ပႃႇၼပႃႉ ​ၸိုင် ၸူႉသႃႉ ဝႃႈ​ၼႆ​လႄႈ​သင်၊ ပေႃးလူႉ ​ၵေႃႈ ပိူဝ်ႈ​ဢၼ်​ႁေႃး​လၢတ်ႈ​ၼႃႇ​လူင်​လၢင်​ၼၼ်ႉ​လႄႈ ႁိူဝ်ႇမီႉ ဝႃႈ​ၼႆ​လႄႈ​သင်၊ ၶဝ်​ႁွင်ႉ​ႁဵၵ်ႈ​ဢေႃႈ။-</verse>
				<verse number="13">ယိတ်ႈပရေႃးႁဵၵ်ႈ​ ၸူႉသႃႉ ဢၼ်​မီး​ၵႃႈ​တီႈ​ၽၢႆႇ​ၼႃႈ​ဝဵင်း​ၼၼ်ႉ ဢဝ်​ဝူဝ်း​ဢိၵ်ႇ​တင်း​ၶူဝ်ႈ​မွၵ်ႇ​ၼမ်​ၼႃႇ မႃး​ၵႃႈ​တီႈ​ႁိမ်း​ၽၵ်း​တူ​လႄႈ ႁူမ်ႈ​လူၺ်ႈ​ၵၼ်​တင်း ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ဢွၼ်​ၵၼ် ငႃ​တၵ်း​ႁဵတ်း​တၢင်း​ဢၼ်​ပုၵ်ႈ​ၸေႃႇ​ဢေႃႈ။-</verse>
				<verse number="14">မိူဝ်ႈ​ဢၼ်​တမၢၼ်ႇ​ၸဝ်ႈ​ ပႃႇၼပႃႉ တင်း​ ပေႃးလူႉ ငိၼ်း​လွင်ႈ​မၼ်း​ၼၼ်ႉ​ၸိုင် ၸၵ်ႉ​သိၵ်ႇ​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ​လႄႈ လႅၼ်ႈ​ၶဝ်ႈ​ၵႃႈ​ၼႂ်း​ၽုင်​ၵူၼ်း​သေ​ယဝ်ႉ၊ ႁွင်ႉ​သႅၼ်ႇ​ဝႃႈ၊-</verse>
				<verse number="15">ၵူၼ်း​တင်း​လၢႆ​ၶဝ်​ဢိူၺ်း၊ ႁဵတ်း​သင်​လႄႈ​ႁဵတ်း​ၸိူဝ်ႉ​ၼင်ႇ​ၼႆ​ၼင်ႇ​ႁိုဝ်။ ႁဝ်း​ၼႆႉ​ပဵၼ်​ၵေႃႉ​ဢၼ်​မီး​ၸႃႇ​တီႉ​ၵူၼ်း​မိူၼ်​ၸိူဝ်ႉ​ၼင်ႇ​သူ​ယူႇ​ဢေႃႈ။ လွင်ႈ​ၼင်ႇ​ႁိုဝ် သူ​တၵ်း​ပႅတ်ႈ​ဝႆႉ​ၶိူင်ႈ​ပိူင်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၼၼ်ႉ​သေ​လႄႈ ၶၢႆႉ​ပုတ်ႈ​မႃး​ၸူး​ၵႃႈ​တီႈ​ၽြႃး​ပဵၼ်​ၸဝ်ႈ​ဢၼ်​ဢသၢၵ်ႈ​လိပ်း​ယူႇ​လႄႈ ၽၢၼ်ႇ​သၢင်း​ႁဵတ်း​ပဵၼ်​ၸႃႉ​ၸဵမ်​ၵၢင်​ႁၢဝ်​လိၼ်​မိူင်း၊ သမ်ႇ​မုၵ်ႉ​တြႃႇ ၵႃႈ​ဢၼ်​မီး​ၵူႈ​တီႈ​ၵူႈ​လႅၼ်​ၼၼ်ႉ​ၸိုင် ႁဝ်း​ၸင်ႇ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၸဝ်ႈ​ဢေႃႈ။-</verse>
				<verse number="16">ၶိင်ႇ​ၵႃႇလႃႉ​ဢၼ်​ပူၼ်ႉ​ၵႂႃႇ​ယဝ်ႉ​ၼၼ်ႉ​ၸိုင် မၼ်း​ၸဝ်ႈ​ပွႆႇ​ၵူၼ်း​ၵူႈ​မဵဝ်း​ၵမ်​ၵျၢင်ႉ​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="17">ၼႂ်း​ဝႃႈ​ၼၼ်​သေ​ၵေႃႈ ၼႂ်း​လွင်ႈ​တၢင်း​ဢၼ် မၼ်း​ၸဝ်ႈ​ႁဵတ်း​ၵျေး​ၸူး​တီႈ​သူ​ယူႇ​သေ​လႄႈ၊ ႁႂ်ႈ​ၽူၼ်​တူၵ်း​ၵႃႈ​ၼိူဝ်​ၽႃႉ​ၵၢင်​ႁၢဝ်​မႃး​လႄႈ ပၼ်​ၶိင်ႇ​ဢူႉတူႉ​ဢၼ်​မၢၵ်ႇ​မႃး​ၸဵမ်​ႁူင်း​ၸဵမ်​မၢၵ်ႇ ပုၼ်ႈ​လွင်ႈ​ၼင်ႇ​ႁိုဝ်​တၵ်း​ႁႂ်ႈ​သူ​ပျေႉ​ၸုမ်ႇ​လိူင်ႇ​ၸႂ်​တင်း​ဢေႃႇၸႃႇ​တၢင်း​ၵိၼ်​တၢင်း​ၶူပ်း​လႄႈ သိူဝ်း​ပျေႃႇ​ၼၼ်ႉ၊ မၼ်း​ၸဝ်ႈ​ယင်း​ဢမ်ႇ​ၶၢမ်ႇ​သၢၵ်ႈ​သေႇ လွင်ႈ​ဢၼ်​မၼ်း​ၸဝ်ႈ​မီး​ယူႇ​ၼၼ်ႉ​လႄႈ ဢမ်ႇ​ယူႇ​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="18">လွင်ႈ​ၼင်ႇ​ႁိုဝ် ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ တၵ်း​ဢမ်ႇ​လႆႈ​ပုၵ်ႈ​ၸေႃႇ​ယိတ်ႈ​တီႈ​ၶဝ်​ၸိုင် ၶဝ်​ႁွင်ႉ​သႅၼ်ႇ​ၸိူဝ်ႉ​ၼင်ႇ​ၼၼ်​သေ​လႄႈ ႁၢမ်ႈ​တၢပ်ႈ​ႁႄႉ​ၶႅၼ်​ၶဝ်​ယၢပ်ႇ​ၼႃႇ​လူင်​လၢင်​ဢေႃႈ။</verse>
				<verse number="19">မိူဝ်ႈ​ၼၼ်ႉ​ၵူၼ်း ယူႉတႃႉ ​တင်း​လၢႆ​လုၵ်ႉ​သေ​ၵႃႈ​တီႈ ဝဵင်း​ ဢၼ်ႇတီႉဢူၵ်ႉ တင်း​ဝဵင်း​ ဢီႉၵေႃးၼီႉ မႃး​လႄႈ တိူင်ႇ​ပၢင်ႇ​ၸူဝ်း​ဢဝ် ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​သေ​ယဝ်ႉ၊ ဢဝ်​မၢၵ်ႇ​ႁိၼ်​ထိမ်ႈ​ ပေႃးလူႉ ​လႄႈ ထၢင်ႇ​မၼ်း​တၢႆ​ယဝ်ႉ​လႄႈ ၸၼ်​ဢဝ်​မၼ်း​ဢွၵ်ႇ​ၵႂႃႇ​ၵႃႈ​ၼွၵ်ႈ​ဝဵင်း​သေ​ဢေႃႈ။-</verse>
				<verse number="20">ၼႂ်း​မိူဝ်ႈ​ဢၼ်​တပႄး​ၸဝ်ႈ​တင်း​လၢႆ ဝႅင်း​ႁွပ်ႈ​မၼ်း​ယူႇ​ၼၼ်ႉ​ၸိုင်၊ မၼ်း​ၸင်ႇ​လုၵ်ႉ​သေ​လႄႈ​ၶိုၼ်း​ၶဝ်ႈ​ၵႃႈ​ၼႂ်း​ဝဵင်း​ဢေႃႈ။ ဝၼ်း​မိူဝ်ႈ​ၽုၵ်ႈ မၼ်း​ဢိၵ်ႇ​တင်း​ ပႃႇၼပႃႉ ဢွၵ်ႇ​သေ​လႄႈ ၵႂႃႇ​ၵႃႈ​တီႈ​ဝဵင်း​ တေႇရပေႇ ​ဢေႃႈ။</verse>
				<verse number="21">ၶဝ်​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၸဝ်ႈ​ၵႃႈ​ၼႂ်း​ဝဵင်း​ၼၼ်ႉ​လႄႈ ႁႂ်ႈ​ၵူၼ်း​ၼမ်​ၼႃႇ​ပဵၼ်​တပႄး​ၸဝ်ႈ​သေ​ယဝ်ႉ၊ ၶိုၼ်း​မိူဝ်း​ၵႂႃႇ​ၵႃႈ​တီႈ ဝဵင်း​ လုတ်ႉတရႃႉ ၊ ဝဵင်း​ ဢီႉၵေႃးၼီႉ တင်း​ဝဵင်း​ ဢၼ်ႇတီႉဢူၵ်ႉ ​သေ​လႄႈ၊-</verse>
				<verse number="22">ႁႂ်ႈ​ႁူဝ်​ၸႂ်​တပႄး​ၸဝ်ႈ​တင်း​လၢႆ​မၼ်ႈ​ၶိူင်ႇ​လႄႈ လွင်ႈ​ၼင်ႇ​ႁိုဝ်​ၶဝ်​တၵ်း​တႄႇ​ယူႇ​ၼႂ်း​တၢင်း​ဢၼ်​ယုမ်ႇ​မၢတ်ႈ​ၸိုင် တိုၵ်း​ယူင်း​လၢတ်ႈ​ပၼ်​လႄႈ​ဝႃႈ ႁဝ်း​တၵ်း​လႆႈ​ၶၢမ်ႇ​တုၵ်ႉ​ၶႃႉ​ၼမ်​ၼႃႇ​သေ​လႄႈ ၶဝ်ႈ​ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ၶဝ်​ၶၢၼ်း​ဝႆႉ​ၶဝ်​ၸိူဝ်း​ဢၼ် ဢုပ်ႉ​ၸိူဝ်း​ၸဝ်ႈ​ၼႂ်း​ၸိူဝ်း​ၸဝ်ႈ​ၼၼ်ႉ​ၵူႈ​ၸိူဝ်း​ယဝ်ႉ ၸင်ႇ​ၵမ်​တၢင်း​ၵိၼ်​သူး​တွင်း​ႁဵတ်း​ပထၼႃႇ​သေ​လႄႈ ဢဝ်​ၶဝ်​ဢၢပ်ႈ​ပၼ်​ၵႃႈ​ၼႂ်း​မိုဝ်း​ၽြႃး​ဢၼ်​ၶဝ်​ယုမ်ႇ​မၢတ်ႈ​ၼၼ်ႉ​ဢေႃႈ။-</verse>
				<verse number="24">ၶဝ်​ၼၼ်ႉ​လႄႇ​ၵႂႃႇ ၵႃႈ​ၼႂ်း​မိူင်း​ ပီႉသီႉတီႉ တင်း​မိူင်း​လႄႈ ႁွတ်ႈ​ထိုင်​ၵႃႈ​တီႈ မိူင်း​ ပမ်ႇၽူႉလီႉ ​သေ​ယဝ်ႉ၊-</verse>
				<verse number="25">ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ ၼႂ်း​ဝဵင်း​ ပေႇရၵေႇ ​လႄႈ လူင်း​ၵႂႃႇ​ၵႃႈ​တီႈ​ဝဵင်း​ ဢတ်ႉတလီႉ ​ဢေႃႈ။-</verse>
				<verse number="26">ၶဝ်​ၸင်ႇ​လုၵ်ႉ​သေ​ၵႃႈ​တီႈ​ဝဵင်း​ၼၼ်ႉ ၶီႇ​ႁိူဝ်း​သၢင်း​ၽေႃး​ႁွတ်ႈ​ထိုင်​ၵႃႈ​တီႈ ဝဵင်း​ ဢၼ်ႇတီႉဢူၵ်ႉ ဢၼ်​ပဵၼ်​တီႈ​ဢၼ်​ၶဝ်​လႆႈ​ၶၢမ်ႇ​ဢဝ်​တၢင်း​ဢၼ်​ဢၢပ်ႈ​ပၼ်​ၵႃႈ​တီႈ​ၵျေး​ၸူး​ၽြႃး​ပဵၼ်​ၸဝ်ႈ ပုၼ်ႈ​ဢၼ်​ၶဝ်​တၵ်း​ႁဵတ်း​လွင်ႈ​တၢင်း​ဢၼ် ၶဝ်​လႆႈ​ႁဵတ်း​မႃး​ယဝ်ႉ​ၼၼ်ႉ​ဢေႃႈ။-</verse>
				<verse number="27">ၶဝ်​ႁွတ်ႈ​ထိုင်​သေ​ယဝ်ႉ ႁႂ်ႈ​ၵူၼ်း​ဢၼ်​ၶဝ်ႈ​ၸိူဝ်း​ၸဝ်ႈ​တင်း​လၢႆ​ၸူႉ​ၵၼ်​တုမ်​ၵၼ်​လႄႈ​မွၵ်ႇ​လၢတ်ႈ​ပၼ် လွင်ႈ​တၢင်း​ၵႃႈ​ဢၼ်​ၽြႃး​ပဵၼ်​ၸဝ်ႈ ဢဝ်​ၶဝ်​ႁဵတ်း​ၸိူဝ်း​ၼၼ်ႉ ဢိၵ်ႇ​တင်း​လွင်ႈ​တၢင်း​ဢၼ် မၼ်း​ၸဝ်ႈ​ၽုၺ်ႇ​ပိုတ်ႇ​ၽၵ်း​တူ​တၢင်း​ဢၼ်​ယုမ်ႇ​မၢတ်ႈ ၵႃႈ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="28">ၶဝ်​ယူႇ​လူၺ်ႈ​ၵၼ်​တင်း​တပႄး​ၸဝ်ႈ​ၸိူဝ်း​ၼၼ်ႉ​ႁိုင်​ၼႃႇ​ဢေႃႈ။</verse>
			</chapter>
			<chapter number="15">
				<verse number="1">ၵူၼ်း​ၵမ်ႈ​ၽွင်ႈ လုၵ်ႉ​သေ​ၵႃႈ​တီႈ​မိူင်း​ ယူႉတႃႉ လူင်း​မႃး​ၵႃႈ​တီႈ​ဝဵင်း​ ဢၼ်ႇတီႉဢူၵ်ႉ သေ​ယဝ်ႉ သင်ႇ​သွၼ်​သုင်း​မႃႉ​ပၼ်​တီႈ​ပီႈ​ၼွင်ႉ​ၸိူဝ်း​ၼၼ်ႉ​လႄႈ​ဝႃႈ၊ ပေႃး​သူ​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၸိုင် သူ​ဢမ်ႇ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">မိူဝ်ႈ​ဢၼ်​ ပေႃးလူႉ ​ဢိၵ်ႇ​တင်း​ ပႃႇၼပႃႉ တိူင်ႇ​ပၢင်ႇ​ထဵင်​ၵၼ်​တင်း​ၶဝ်​ၼၼ်ႉ​ၼမ်​ၼႃႇ​ယူႇ​ၼၼ်ႉ​ၸိုင် ပီႈ​ၼွင်ႉ​ၸိူဝ်း​ၼၼ်ႉ​ၸီႇ​ယၢင်ႇ​ႁႂ်ႈ​ ပေႃးလူႉ ​တင်း​ ပႃႇၼပႃႉ ဢိၵ်ႇ​တင်း​တပႄး​ၸဝ်ႈ​တၢင်ႇ​ၵေႃႉ​ၵမ်ႈ​ၽွင်ႈ ၵႂႃႇ​ၸူး​ဝဵင်း​ ယေႇရူႉသလႅမ်ႇ ၵႃႈ​တီႈ​ဢၼ် တမၢၼ်ႇ​ၸဝ်ႈ​ဢိၵ်ႇ​တင်း​ၵူၼ်း​ဢုပ်ႉ​ၸိူဝ်း​ၸဝ်ႈ​တင်း​လၢႆ​မီး​ၼၼ်ႉ ၵွပ်ႈ​ပိူဝ်ႈ​လွင်ႈ​ပျၢတ်ႈသၼႃႇ​ၼၼ်ႉ​ဢေႃႈ။</verse>
				<verse number="3">ၸိူဝ်း​ၸဝ်ႈ​ၼၼ်ႉ ဢဝ်​ၶဝ်​ၵႂႃႇ​သူင်ႇ​ၵႃႈ​တၢင်း​သေ​ယဝ်ႉ ၶဝ်​လႄႇ​ၵႂႃႇ​ၵႃႈ​ၼႂ်း မိူင်း​ ၽီႉၼိတ်ႉ တင်း​မိူင်း​ သမႃႇရီႉ ​သေ​လႄႈ​မွၵ်ႇ​လၢတ်ႈ​လွင်ႈ​တၢင်း​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၶၢႆႉ​ပုတ်ႈ​မႃး​ၼၼ်ႉ​လႄႈ ႁႂ်ႈ​ပီႈ​ၼွင်ႉ​တင်း​သဵင်ႈ​တင်း​လူင်​သိူဝ်း​ပျေႃႇ​ဢေႃႈ။-</verse>
				<verse number="4">မိူဝ်ႈ​ဢၼ် ၶဝ်​ႁွတ်ႈ​ထိုင်​ၵႃႈ​တီႈ ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင် ၶဝ်​လႆႈ​ၶၢမ်ႇ​ၵျေး​ၸူး​တၢင်း​ဢၼ် ႁပ်ႉ​တုင်း​ဢဝ်​ၵႃႈ​တီႈ​ၸႃႉ​ၸဵမ်​တမၢၼ်ႇ​ၸဝ်ႈ​လႄႈ ၵူၼ်း​ဢုပ်ႉ​ၸိူဝ်း​ၸဝ်ႈ​ဢိၵ်ႇ​တင်း ၵူၼ်း​ၶဝ်ႈ​ၸိူဝ်း​ၸဝ်ႈ​တင်း​လၢႆ​ၼၼ်ႉ​လႄႈ​မွၵ်ႇ​လၢတ်ႈ​လွင်ႈ​တၢင်း​ၵႃႈ​ဢၼ်​ၽြႃး​ပဵၼ်​ၸဝ်ႈ ဢဝ်​ၶဝ်​ႁဵတ်း​ၸိူဝ်း​ၼၼ်ႉ​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​ပဵၼ်​ၼႂ်း​ၵိူင်း​ ၽႃႇရီႉသႄး ​လႄႈ ယုမ်ႇ​မၢတ်ႈ​ၼၼ်ႉ​ၵမ်ႈ​ၽွင်ႈ​လုၵ်ႉ​လႄႈ​ဝႃႈ တၵ်း​လႆႈ​ပၼ်​တၢင်း​ဢၼ်​ထိူဝ်​ႁိမ်း​ၵႃႈ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​သေ​လႄႈ သင်ႇ​သွၼ်​ပၼ်​ႁႂ်ႈ​ၶဝ်​ၵမ်​ၵျၢင်ႉ​တြႃး​ မူဝ်းသေႇ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မိူဝ်ႈ​ၼၼ်ႉ တမၢၼ်ႇ​ၸဝ်ႈ​ဢိၵ်ႇ​တင်း​ၵူၼ်း​ဢုပ်ႉ​ၸိူဝ်း​ၸဝ်ႈ​တင်း​လၢႆ​ၼၼ်ႉ ၸူႉ​ၵၼ်​တုမ်​ၵၼ်​ႁႂ်ႈ​လႆႈ​ၶႆႈ​ၸႂ်​ဝူၼ်ႉ​ၸႂ် လူၺ်ႈ​လွင်ႈ​တီႈ​ႁဵင်း​ၼၼ်ႉ​ဢေႃႈ။-</verse>
				<verse number="7">မိူဝ်ႈ​ဢၼ်​လႆႈ​မီး​တၢင်း​ဢၼ်​တိူင်ႇ​ပၢင်ႇ​လၢတ်ႈ​ၸႃ​ၵၼ်​ၼမ်​ၼႃႇ​ၼၼ်ႉ​ၸိုင်၊​ ပေႇတရူႉ ​လုၵ်ႉ​သေ​လႄႈ​လၢတ်ႈ​ဝႃႈ၊ ပီႈ​ၼွင်ႉ​ၶဝ်​ဢိူၺ်း၊ သူ​ႁူႉ​လွင်ႈ​ဢၼ်​ၽြႃး​ပဵၼ်​ၸဝ်ႈ​လိူၵ်ႈ​ၵဵပ်း​ဢဝ်​ၵႃႈ​ၼႂ်း​ႁဝ်း​ၼႆႉ ၸဵမ်​မိူဝ်ႈ​ဢွၼ်​တၢင်း​ႁိုင်​ၼႃႇ​ၼၼ်ႉ ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​လႆႈ​ငိၼ်း​တြႃး​သတၢင်း​သိူဝ်း​ပျေႃႇ​ၸဝ်ႈ ၵႃႈ​တီႈ​သူပ်း​ၵဝ်​ၼႆႉ​လႄႈ​ယုမ်ႇ​မၢတ်ႈ​ၼၼ်ႉ​ယူႇ​ဢေႃႈ။-</verse>
				<verse number="8">ၽြႃး​ပဵၼ်​ၸဝ်ႈ​ဢၼ်​ႁူႉ​ၸႅင်ႈ​ႁူဝ်​ၸႂ်​ၼၼ်ႉ ပၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​တီႈ​ၶဝ်​ၸိူဝ်ႉ​ၼင်ႇ​ဢၼ်​ပၼ်​တီႈ​ႁဝ်း​ၼႆႉ​ၼၼ်ႉ​ယူႇ​သေ​လႄႈ ၶၢမ်ႇ​သၢၵ်ႈ​သေႇ​ၽၢႆႇ​ၶဝ်​ဢေႃႈ။-</verse>
				<verse number="9">မၼ်း​ၸဝ်ႈ​ႁႂ်ႈ​ႁူဝ်​ၸႂ်​ၶဝ်​ၼၼ်ႉ​မူတ်း​သႂ် ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ဢမ်ႇ​ႁႂ်ႈ​ပႅၵ်ႇ​ႁႂ်ႈ​ပိူင်ႈ​ၵၼ်​တင်း​ႁဝ်း။</verse>
				<verse number="10">ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင် ႁဵတ်း​သင်​လႄႈ ၸၢမ်း​တူၺ်း​ၽြႃး​ပဵၼ်​ၸဝ်ႈ ႁႂ်ႈ​လႆႈ​ဢဝ်​ၵၢၼ်း​ဢၼ်​ပူႇ​ပေႃႈ​ႁဝ်း​ဢိၵ်ႇ​တင်း​ႁဝ်း​ဢမ်ႇ​ႁၢပ်ႇ​လႆႈ​ၼၼ်ႉ တၢင်ႇ​သႂ်ႇ​ၵႃႈ​ၼိူဝ်​ၶေႃး​တပႄး​ၸဝ်ႈ​တင်း​လၢႆ​ၼင်ႇ​ႁိုဝ်။-</verse>
				<verse number="11">ၵူၺ်း​ၵႃႈ​ႁဝ်း​ၸိုင်​ယုမ်ႇ​လွင်ႈ​ဢၼ်​ႁဝ်း​တၵ်း​ႁွတ်ႈ​ထိုင် တၢင်း​ဢၼ်​ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ ယေႇသူႉ​ၶရိၸ်ႈ ​ၵူၺ်း မိူၼ်​ၸိူဝ်ႉ​ၼင်ႇ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မိူဝ်ႈ​ၼၼ်ႉ​ၵူၼ်း​ဢၼ်​ၸူႉ​ဢၼ်​တုမ်​တင်း​သဵင်ႈ​တင်း​လူင်​ၼၼ်ႉ ယူႇ​တဵတ်ႇ​တဵတ်ႇ​သေ​လႄႈ ထွမ်ႇ​ ပေႃးလူႉ တင်း​ ပႃႇၼပႃႉ ၶႆႈ​ပၼ်​လၢတ်ႈ​ပၼ် လွင်ႈ​ၼီႉမိၵ်ႈ​လၢၵ်ႈၶၼႃႇ​လႂ်၊ လွင်ႈ​တၢင်း​ဢၼ်​လီ​ဢၢမ်း​လႂ်၊ ၵႃႈ​ဢၼ်​ၽြႃး​ပဵၼ်​ၸဝ်ႈ ဢဝ်​ၶဝ်​ႁဵတ်း​ၵႃႈ​တီႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ​ယူႇ​ဢေႃႈ။</verse>
				<verse number="13">ဝၢႆး​သေ​ၶဝ်​လၢတ်ႈ​ယဝ်ႉ​ၼၼ်ႉ၊​ ယႃႇၵုပ်ႈ ​လၢတ်ႈ​လႄႈ​ဝႃႈ၊ ပီႈ​ၼွင်ႉ​ၶဝ်​ဢိူၺ်း၊ ထွမ်ႇ​ၵႂၢမ်း​ၵဝ်​သေ​ၵမ်း​တႃႉ။-</verse>
				<verse number="14">သီႉမုၼ်ႇ ​ႁေႃး​လၢတ်ႈ​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ မႃး​လူ​မႃး​တူၺ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ မိူဝ်ႈ​ဢွၼ်​တၢင်း​ၼၼ်ႉ ႁႂ်ႈ​လႆႈ​ၼုၵ်ႈ​ဢဝ်​ၵမ်ႈ​ၽွင်ႈ​သေ​ၵႃႈ​ၼႂ်း​ၶဝ် ပုၼ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​ၼၼ်ႉ​ဝႆႉ​ယဝ်ႉ။-</verse>
				<verse number="15">ၵႂၢမ်း​ပရေႃးၽႅတ်ႈ​တင်း​လၢႆ​ၵေႃႈ မႅၼ်ႈ​ၵၼ်​တင်း​လွင်ႈ​တၢင်း​ၼၼ်ႉ​ဢေႃႈ။-</verse>
				<verse number="16">ဢၼ်​တႅမ်ႈ​မႃး​ၼႂ်း​ၵျၢမ်း​လိၵ်ႈ​ၼၼ်ႉ​လႄႈ​ဝႃႈ​ၸမ်ႉ ၼင်ႇ​ႁိုဝ်​ၵူၼ်း​ဢၼ်​ၵိုတ်း​ၵျၢၼ်ႇ​ဝႆႉ ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ၶၢမ်ႇ​တၢင်း​ဢၼ်​ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ် ႁွင်ႉ​ႁဵၵ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တၵ်း​ႁႃ​ၽြႃး​ပဵၼ်​ၸဝ်ႈ​ၸိုင်၊ လိုၼ်း​ၼႆႉ​ၸင်ႇ​ၵဝ်​တၵ်း​ၶိုၼ်း​မႃး​ဢေႃႈ။-</verse>
				<verse number="17">ၵဝ်​တၵ်း​ၶိုၼ်း​မႄး​ၵုမ်း​မႄး​ႁဵတ်း​သုမ်ႉ​ထဵင်​ တႃႇဝိတ်ႈ ​ဢၼ်​လူမ်ႉ​လႄႈ​မီး​ယူႇ​ၼၼ်ႉ​ဢေႃႈ။ တီႈ​ဢၼ်​ၵိူၼ်ႇ​ပင်း​လူႉ​လႅဝ်​တင်း​လၢႆ​ၵေႃႈ ၵဝ်​တၵ်း​ၶိုၼ်း​မႄး​ၵုမ်း​မႄး​ႁဵတ်း​လႄႈ ႁႂ်ႈ​သုမ်ႉ​ထဵင်​ၼၼ်ႉ​ၶိုၼ်း​တင်ႈ​ၶိုၼ်း​ပူၵ်း​ဢေႃႈ ဝႃႈ​ၼႆ ၽြႃး​ပဵၼ်​ၸဝ်ႈ​ဢၼ်​ၸီႇ​ယၢင်ႇ​လွင်ႈ​တၢင်း​ၸိူဝ်း​ၼႆႉ​ၼၼ်ႉ မီး​ပျႃႇ​တိၵ်ႈ​ဝႆႉ​ဢေႃႈ။-</verse>
				<verse number="18">ၽြႃး​ပဵၼ်​ၸဝ်ႈ​ၼၼ်ႉ ႁူႉ​လွင်ႈ​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ယူႇ ၸဵမ်​မိူဝ်ႈ​ၵမ်ႇ​ၽႃႇ​ၸႃႉ​တႄႇ​ၼၼ်ႉ​ယူႇ​ဢေႃႈ။</verse>
				<verse number="19">ပိူဝ်ႈ​ၼႆ​လႄႈ ၵဝ်​မီး​သၽေႃး​ဢၼ်​ႁဝ်း​ယင်း​ဢမ်ႇ​ယႃႉ​ဢမ်ႇ​ယူၵ်ႉ ၶဝ်​ၸိူဝ်း​ဢၼ်​ၶၢႆႉ​ပုတ်ႈ​သေ​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​လႄႈ မႃး​ၵႃႈ​တီႈ​ၽြႃး​ပဵၼ်​ၸဝ်ႈ​ၼၼ်ႉ​လႄႈ၊-</verse>
				<verse number="20">လီ​တႅမ်ႈ​လိၵ်ႈ​ပၼ်​ၵႂႃႇ​ၵႃႈ​တီႈ​ၶဝ်​ၼၼ်ႉ ႁႂ်ႈ​ၶဝ်​ဝႄႈ​ပႅတ်ႈ​ၶိူင်ႈ​ပိူင်​ဢၼ်​ၵူဝ်ႈ​ၵိူၵ်ႇ​ဢၼ်​ၸၢပ်ႈ​သႅင်ႇ​ၵၼ်​တင်း​ရုၵ်ႈ​ထူႉ​တင်း​မေႇ​ထုင်ႇ​ဢၼ်​ဢမ်ႇ​တြႃး၊ တင်း​ၶိူင်ႈ​ပိူင်​ဢၼ်​ငႅၼ်း​ၶေႃး​ဢဝ်​တၢႆ​တင်း​လိူတ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="21">လွင်ႈ​မၼ်း​ၸမ်ႉ ပိူဝ်ႈ​ဢၼ်​ၶဝ်​ၽတ်း​ၵျၢမ်း​လိၵ်ႈ​ မူဝ်းသေႇ ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ ၼႂ်း​ဝၼ်း​ၵမ်​သိၼ်​ၵူႈ​ဝၼ်း​လႄႈ၊ ၸႃႉ​ၸဵမ်​မိူဝ်ႈ​ၵွၼ်ႇ​ဢွၼ်​ၼႆႉ​ၼၼ်ႉ​ မူဝ်းသေႇ ​မီး​ၶဝ်​ၸိူဝ်း​ဢၼ်​ႁေႃး​လၢတ်ႈ​တြႃး​မၼ်း​ယူႇ ၵႃႈ​ၼႂ်း​ဝဵင်း​ၵူႈ​ဝဵင်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">မိူဝ်ႈ​ၼၼ်ႉ တမၢၼ်ႇ​ၸဝ်ႈ​ဢိၵ်ႇ​တင်း​ၵူၼ်း​ဢုပ်ႉ​ၸိူဝ်း​ၸဝ်ႈ တင်း​ၵူၼ်း​ၶဝ်ႈ​ၸိူဝ်း​ၸဝ်ႈ​ၸိူဝ်း​ၼၼ်ႉ မီး​သၽေႃး​ႁႂ်ႈ​လႆႈ​လိူၵ်ႈ​ၵဵပ်း​ဢဝ် ၵူၼ်း​ၵႃႈ​ၼႂ်း​ၶဝ်​ဢၼ်​ဝႃႈ​ ယူႉတႃႉ ဢၼ်​လႆႈ​ၸိုဝ်ႈ​မႂ်ႇ ပႃႇသပႃႉ တင်း​ သီႇ​လႃႉ ၵူၼ်း​ဢၼ်​ၸိုဝ်ႈ​ဢွၵ်ႇ​သဵင်​ဢွၵ်ႇ ၼႂ်း​ပီႈ​ၼွင်ႉ​ၸိူဝ်း​ၼၼ်ႉ​လႄႈ ပွႆႇ​ၸႂ်ႉ​ၵႂႃႇ​လူၺ်ႈ​ၵၼ်​တင်း​ ပေႃးလူႉ တင်း​ ပႃႇၼပႃႉ ၵႃႈ​တီႈ​ဝဵင်း​ ဢၼ်ႇတီႉဢူၵ်ႉ ​ၼၼ်ႉ​ဢေႃႈ။-</verse>
				<verse number="23">ၼႂ်း​လိၵ်ႈ​ဢၼ်​တႅမ်ႈ​ပၼ်​ၵႂႃႇ​ၵႃႈ​ၼႂ်း​မိုဝ်း​ၶဝ်​ၼၼ်ႉ​ဝႃႈ​ၸမ်ႉ တမၢၼ်ႇ​ၸဝ်ႈ​ဢိၵ်ႇ​တင်း​ၵူၼ်း​ဢုပ်ႉ​ၸိူဝ်း​ၸဝ်ႈ တင်း​ပီႈ​ၼွင်ႉ​ၸိူဝ်း​ၼႆႉ မီး​တင်း​မႅတ်ႈ​တႃႇ​ပၼ်​ငိၼ်း​ၵႂႃႇ​ၵႃႈ​တီႈ​ပီႈ​ၼွင်ႉ​ၸိူဝ်း​ဢၼ်​ယူႇ​ၵႃႈ​တီႈ ၸႃႉ​ၸဵမ်​ၼႂ်း​ဝဵင်း​ ဢၼ်ႇတီႉဢူၵ်ႉ မိူင်း​ သူႉရီႉ တင်း​မိူင်း​ ၵီႉလီႉၵီႉ ​လႄႈ ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="24">ပိူဝ်ႈ​ဢၼ်​ႁဝ်း​လႆႈ​ႁူႉ​လႆႈ​ငိၼ်း​လွင်ႈ​ဢၼ် ၵူၼ်း​ၵမ်ႈ​ၽွင်ႈ​ဢၼ်​ယင်း​ဢမ်ႇ​မီး​ဢၶႂၢင်ႉ​တီႈ​ႁဝ်း​လႄႈ ဢွၵ်ႇ​သေ​ၵႃႈ​ၼႂ်း​ႁဝ်း​ၵႂႃႇ​ၸိူဝ်း​ၼၼ်ႉ ဢဝ်​တင်း​ၵႂၢမ်း​ဢၼ်​ဝႃႈ​တၵ်း​လႆႈ​ၶၢမ်ႇ​တၢင်း​ဢၼ်​ထိူဝ်​ႁိမ်း​လႄႈ ၵမ်​ၵျၢင်ႉ​ပိင်း​ၺၢပ်ႈ​တြႃး၊ ဝႃႈ​ၼင်ႇ​ၼႆ​လႄႈ ယႃႉ​ယူၵ်ႉ​ႁူဝ်​ၸႂ်​သူ ႁႂ်ႈ​သူ​ယၢပ်ႇ​ၸႂ်​ယုင်ႈ​ၸႂ်​ယူႇ​ၼၼ်ႉ​လႄႈ၊-</verse>
				<verse number="25">ႁဝ်း​သၽေႃး​မိူၼ်​ၵၼ် ၸီႇ​ယၢင်ႇ​ႁႂ်ႈ​လႆႈ​လိူၵ်ႈ​ၵဵပ်း​ဢဝ်​ၵူၼ်း​လႄႈ ပွႆႇ​ၸႂ်ႉ​ၵႂႃႇ​လူၺ်ႈ​ၵၼ်​တင်း​ ပေႃးလူႉ တင်း​ ပႃႇၼပႃႉ ဢၼ်​ႁဝ်း​ႁၵ်ႉ​ၼႃႇ၊-</verse>
				<verse number="26">ဢၼ်​ပဵၼ်​ၵူၼ်း​ဢၼ်​ႁတ်း​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၸိူဝ်း​ၼၼ်ႉ ၵႂႃႇ​ၸူး​ၵႃႈ​တီႈ​သူ​ဢေႃႈ။</verse>
				<verse number="27">ပိူဝ်ႈ​ၼႆ​လႄႈ ႁဝ်း​ပွႆႇ​ၸႂ်ႉ​ ယူႉတႃႉ တင်း​ သီႇ​လႃႉ ဢၼ်​တၵ်း​ဢဝ်​တင်း​သူပ်း​လၢတ်ႈ​ပၼ် လွင်ႈ​တၢင်း​ၸိူဝ်း​ၼႆႉ ၵႃႈ​တီႈ​သူ​ၼၼ်ႉ​ၵႂႃႇ​ဢေႃႈ။-</verse>
				<verse number="28">လိူဝ်​သေ​လွင်ႈ​တၢင်း​ဢၼ်​ထုၵ်ႇ​လီ​ႁဵတ်း​တင်း​လၢႆ​ၼၼ်ႉ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢိၵ်ႇ​တင်း​ႁဝ်း​ဢမ်ႇ​မီး​ဢလူဝ်ႇ ႁႂ်ႈ​လႆႈ​ဢဝ်​တင်း​ၶူဝ်း​ဢၼ်​ၼၵ်း​ၼႃႇ တၢင်ႇ​တီႈ​တၢင်ႇ​ဢၼ်​တၢင်ႇ​သႂ်ႇ​ၵႃႈ​ၼိူဝ်​သူ။-</verse>
				<verse number="29">လွင်ႈ​တၢင်း​ဢၼ်​ထုၵ်ႇ​လီ​ႁဵတ်း​ၸမ်ႉ တၵ်း​လႆႈ​ဝႄႈ​ပႅတ်ႈ​ယိတ်ႈ​ဢၼ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ ဢိၵ်ႇ​တင်း​လိူတ်ႈ၊ တင်း​ၶိူင်ႈ​ပိူင်​ဢၼ်​ငႅၼ်း​ၶေႃး​ဢဝ်​တၢႆ တင်း​မေႇ​ထုင်ႇ​ဢၼ်​ဢမ်ႇ​တြႃး​တင်း​လၢႆ​ဢေႃႈ။ ပေႃး​ဝႄႈ​ပႅတ်ႈ​လွင်ႈ​တၢင်း​ၸိူဝ်း​ၼႆႉ​ၸိုင် သူ​ႁဵတ်း​ဢၼ်​လီ​ယဝ်ႉ။ ႁႂ်ႈ​ယူႇ​လီ​ၵိၼ်​ဝၢၼ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">ပိူဝ်ႈ​ၼႆ​လႄႈ ၶဝ်​ၼၼ်ႉ​လႆႈ​ဢၶႂၢင်ႉ​ဢၼ်​လႆႈ​ၵႂႃႇ​ၼၼ်ႉ​ယဝ်ႉ၊ ၸင်ႇ​ၵႂႃႇ​ၵႃႈ​တီႈ​ဝဵင်း​ ဢၼ်ႇတီႉဢူၵ်ႉ ​လႄႈ ႁႂ်ႈ​ၵူၼ်း​တင်း​လၢႆ​ၸူႉ​ၵၼ်​တုမ်​ၵၼ်​သေ​ယဝ်ႉ၊ ဢၢပ်ႈ​ပၼ်​လိၵ်ႈ​ၼၼ်ႉ​ဢေႃႈ။-</verse>
				<verse number="31">မိူဝ်ႈ​ဢၼ်​ၶဝ်​ၽတ်း​လိၵ်ႈ​ၼၼ်ႉ​ၸိုင် ၶဝ်​သိူဝ်း​ပျေႃႇ​ၵွပ်ႈ​ပိူဝ်ႈ​တၢင်း​ဢၼ်​သၢၵ်ႈ​သႃႇ​ၼၼ်ႉ​ဢေႃႈ။-</verse>
				<verse number="32">ယူႉတႃႉ တင်း​ သီႇ​လႃႉ ​ၼၼ်ႉ ပိူဝ်ႈ​ဢၼ်​ပဵၼ်​ပရေႃးၽႅတ်ႈ​လႄႈ ဢဝ်​တင်း​ၵႂၢမ်း​ၼမ်​ၼႃႇ​သင်ႇ​သွၼ်​သုင်း​မႃႉ​ပၼ် တီႈ​ပီႈ​ၼွင်ႉ​ၸိူဝ်း​ၼၼ်ႉ ႁႂ်ႈ​ၶဝ်​မၼ်ႈ​ၶိူင်ႇ​ဢေႃႈ။</verse>
				<verse number="33">ၶဝ်​ၼၼ်ႉ​ယူႇ​ႁၢမ်ႉ​ႁိုင်​တၢၼ်ႇ​တၢၼ်ႇ​သေ​ယဝ်ႉ ပီႈ​ၼွင်ႉ​ၸိူဝ်း​ၼၼ်ႉ​ပွႆႇ​ၶဝ်​ၶိုၼ်း​မိူဝ်း​ၵႂႃႇ​ၵႃႈ​တီႈ​တမၢၼ်ႇ​ၸဝ်ႈ​တင်း​လၢႆ​ၼိမ်​ၼိမ်​လီ​လီ​ဢေႃႈ။-</verse>
				<verse number="34">ၼႂ်း​ဝႃႈ​ၼၼ်​သေ​ၵေႃႈ သီႇ​လႃႉ ​ၼၼ်ႉ ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ ၵိုတ်း​သဝ်း​ယူႇ​ဢေႃႈ။-</verse>
				<verse number="35">ပေႃးလူႉ ​တင်း​ ပႃႇၼပႃႉ ​ၵေႃႈ​ယူႇ​ၵႃႈ​ၼႂ်း​ဝဵင်း​ ဢၼ်ႇတီႉဢူၵ်ႉ ​ၼၼ်ႉ​သေ​လႄႈ ဢိၵ်ႇ​တင်း​ပိူၼ်ႈ​တၢင်ႇ​ၵေႃႉ​ၼမ်​ၼႃႇ ဢွၼ်​ၵၼ်​သင်ႇ​သွၼ်​သုင်း​မႃႉ​ပၼ်​လႄႈ ႁေႃး​လၢတ်ႈ​ၼုၵ်ႈၵပၢတ်ႈ​တြႃး​သတၢင်း​သိူဝ်း​ပျေႃႇ​ၸဝ်ႈ​ၽြႃး​ဢေႃႈ။</verse>
				<verse number="36">ၶိင်ႇ​ၵႃႇလႃႉ​ႁိုင်​တၢၼ်ႇ​တၢၼ်ႇ​ယဝ်ႉ​ ပေႃးလူႉ ​လၢတ်ႈ​တီႈ​ ပႃႇၼပႃႉ ​လႄႈ​ဝႃႈ ၼင်ႇ​ႁိုဝ်​တၵ်း​လႆႈ​လူ​လႆႈ​တူၺ်း လွင်ႈ​ဢၼ်​ပီႈ​ၼွင်ႉ​ဢၼ်​မီး​ၵႃႈ​ၼႂ်း​ဝဵင်း ၸႃႉ​ဢၼ်​ႁဝ်း​ယၢမ်ႈ​ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ၽြႃး​ၸိူဝ်း​ၼၼ်ႉ မီး​ယူႇ​ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင်၊ ၶိုၼ်း​မိူဝ်း​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="37">ပႃႇၼပႃႉ ​ဢၢင်ႈ​တၵ်း​ႁွင်ႉ​ဢဝ် ယူဝ်းႁၢၼ်ႇ ​ဢၼ်​မီး​ၸိုဝ်ႈ​မီး​သဵင် မႃႇ​ၵူႉ ​ၼၼ်ႉ​ဢေႃႈ။-</verse>
				<verse number="38">ၵူၺ်း​ၵႃႈ​ ပေႃးလူႉ ​မီး​သၽေႃး ဢၼ်​ဝႃႈ​ဢမ်ႇ​ထုၵ်ႇ​လီ​ႁွင်ႉ​ဢဝ်​ၵေႃႉ​ဢၼ်​ၽၢတ်ႇ​ၵၼ်​တင်း​ၶဝ်​သေ​ၵႃႈ​ၼႂ်း​မိူင်း​ ပမ်ႇၽူႉလီႉ ​လႄႈ ဢမ်ႇ​ၸွမ်း​ဢမ်ႇ​ၵႂႃႇ​ၵႃႈ​တီႈ​ၵၢၼ်​တၢင်း​ႁဵတ်း​ၸဝ်ႈ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="39">ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ဢမ်ႇ​ထုၵ်ႇ​ဢမ်ႇ​ပေႃး​ၵၼ်​တေႃႇ​ထိုင်​ႁွတ်ႈ​ထၼ်ႈ​ပေႃး​ၽၢတ်ႇ​ၽႄ​ၵၼ်​ၵႂႃႇ​ၵေႃႉ​တီႈ​ၵေႃႉ​တၢင်း​လႄႈ ပႃႇၼပႃႉ ​ၼၼ်ႉ​ႁွင်ႉ​ဢဝ်​ မႃႇ​ၵူႉ ​ယဝ်ႉ​ၸင်ႇ​ၶီႇ​ႁိူဝ်း​သၢင်း​ၽေႃး​ၵႂႃႇ ၵႃႈ​တီႈ​ၵုၼ်​ ၵူႉပရူႉ ​ဢေႃႈ။-</verse>
				<verse number="40">ပေႃးလူႉ ​ၼၼ်ႉ လႆႈ​ၶၢမ်ႇ​တၢင်း​ဢၼ်​ပီႈ​ၼွင်ႉ​တင်း​လၢႆ ဢဝ်​မၼ်း​ဢၢပ်ႈ​ပၼ်​တီႈ​ၵျေး​ၸူး​ၽြႃး​ပဵၼ်​ၸဝ်ႈ​လႄႈ လိူၵ်ႈ​ၵဵပ်း​ဢဝ်​ သီႇ​လႃႉ ယဝ်ႉ​ၸင်ႇ​ဢွၵ်ႇ​ၵႂႃႇ​သေ​ၵႃႈ​တီႈ​ၼၼ်ႈ​လႄႈ၊-</verse>
				<verse number="41">လႄႇ​လဵပ်ႈ​ၵႂႃႇ​ၵႃႈ​ၼႂ်း​မိူင်း​ သူႉရီႉ တင်း​မိူင်း​ ၵီႉလီႉၵီႉ ​လႄႈ ႁႂ်ႈ​ၸိူဝ်း​ၸဝ်ႈ​တင်း​လၢႆ​မၼ်ႈ​ၶိူင်ႇ​ယူႇ​ဢေႃႈ။</verse>
			</chapter>
			<chapter number="16">
				<verse number="1">လိုၼ်း​ၼၼ်ႉ​ ပေႃးလူႉ ​လူင်း​မႃး​ၵႃႈ​တီႈ​ဝဵင်း​ တေႇရပေႇ တင်း​ဝဵင်း​ လုတ်ႉတရႃႉ ​ဢေႃႈ။ ၵႃႈ​တီႈ​ၼၼ်ႈ မီး​တပႄး​ၸဝ်ႈ​ဢၼ်​လႆႈ​ၸိုဝ်ႈ​ တီႉမေႃးသေႇ ၵေႃႉ​ၼိုင်ႈ​ဢေႃႈ။ မႄႈ​မၼ်း​ၸမ်ႉ ပဵၼ်​မႄႈ​ယိင်း​ ယူႉတႃႉ ဢၼ်​ယုမ်ႇ​မၢတ်ႈ​ဢေႃႈ။ ပေႃႈ​မၼ်း​ၸမ်ႉ​ပဵၼ်​ၵူၼ်း​ ႁေႇလသႃႉ ​ဢေႃႈ။-</verse>
				<verse number="2">မၼ်း​ၼၼ်ႉ​ပဵၼ်​ၵူၼ်း​ဢၼ်​မီး​သရေႇ​ၵႃႈ​တီႈ​ပီႈ​ၼွင်ႉ​ဢၼ်​မီး​ယူႇ​ၵႃႈ​ၼႂ်း​ဝဵင်း​ လုတ်ႉတရႃႉ တင်း​ဝဵင်း​ ဢီႉၵေႃးၼီႉ ​ၸိူဝ်း​ၼၼ်ႉ​ဢေႃႈ။-</verse>
				<verse number="3">ပေႃးလူႉ မီး​ဢလူဝ်ႇ ၶႂ်ႈ​ႁွင်ႉ​ဢဝ်​မၼ်း​ၼၼ်ႉ​ၸွမ်း​ၵႂႃႇ​လႄႈ ဢဝ်​မၼ်း​ပၼ်​တၢင်း​ဢၼ်​ထိူဝ်​ႁိမ်း ၵွပ်ႈ​ပိူဝ်ႈ​ၵူၼ်း​ ယူႉတႃႉ ​ၸိူဝ်း​ဢၼ် မီး​ယူႇ​ၵႃႈ​ၼႂ်း​တီႈ​ၼၼ်ႈ​ဢေႃႈ။ လွင်ႈ​မၼ်း​ၸမ်ႉ ၶဝ်​တင်း​သဵင်ႈ​တင်း​လူင်​ႁူႉ​လွင်ႈ​ဢၼ်​ပေႃႈ​မၼ်း​ပဵၼ်​ၵူၼ်း​ ႁေႇလသႃႉ ​ဢေႃႈ။</verse>
				<verse number="4">ၼႂ်း​မိူဝ်ႈ​ဢၼ်​ၶဝ်​လႄႇ​ၵႂႃႇ​ၵႃႈ​တီႈ​ဝဵင်း​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊ ၶဝ်​ဢဝ်​ပိင်း​ၺၢပ်ႈ​ဢၼ်​တမၢၼ်ႇ​ၸဝ်ႈ ဢိၵ်ႇ​တင်း​ၵူၼ်း​ဢုပ်ႉ​ၸိူဝ်း​ၸဝ်ႈ ဢၼ်​မီး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ၸီႇ​ယၢင်ႇ​ဝႆႉ​ၼၼ်ႉ ဢၢပ်ႈ​ပၼ်​ပုၼ်ႈ​ဢၼ်​တၵ်း​ႁႂ်ႈ​ၸိူဝ်း​ၸဝ်ႈ​တင်း​လၢႆ​ၵမ်​ၵျၢင်ႉ​ဢေႃႈ။-</verse>
				<verse number="5">ပိူဝ်ႈ​ၼႆ​လႄႈ​ၸိူဝ်း​ၸဝ်ႈ​တင်း​လၢႆ​ၼၼ်ႉ​မၼ်ႈ​ၶိူင်ႇ​ၵႃႈ​ၼႂ်း​တၢင်း​ဢၼ်​ယုမ်ႇ​မၢတ်ႈ​လႄႈ ဝၼ်း​ၼိုင်ႈ​ထႅင်ႈ​ဝၼ်း​ၼိုင်ႈ တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၼၼ်ႉ​ၼမ်​မႃး​ၵိုၼ်း​မႃး​ယူႇ​ဢေႃႈ။</verse>
				<verse number="6">ၶဝ်​လႄႇ​ၵႂႃႇ ၵႃႈ​ၼႂ်း​မိူင်း​ ၽႃႇရူႉၵီႉ တင်း​မိူင်း​ ၵလႃႇတီႉ ​သေ​ယဝ်ႉ ပိူဝ်ႈ​ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ႁႄႉ​ၶႅၼ်​ဢမ်ႇ​ႁႂ်ႈ​ၶဝ်​လႆႈ​ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၵႃႈ​ၼႂ်း​မိူင်း​ ဢႃႇသီႉ ​ၼၼ်ႉ​လႄႈ၊-</verse>
				<verse number="7">ၼႂ်း​မိူဝ်ႈ​ဢၼ်​ၶဝ်​ႁွတ်ႈ​ထိုင် ၵႃႈ​တီႈ​မိူင်း​ မူႉသီႉ ​လႄႈ ဢၢင်ႈ​တၵ်း​ၵႂႃႇ​ၵႃႈ​တီႈ​မိူင်း​ ပီႉသူႉၼီႉ ​ၼၼ်ႉ​ၸိုင် ပိူဝ်ႈ​ဢၼ် ဝီႉၺိၺ်ႇ​ၸဝ်ႈ​ ယေႇသူႉ ​ဢမ်ႇ​ပၼ်​ဢၶႂၢင်ႉ​လႄႈ၊-</verse>
				<verse number="8">ဝႄႈ​ပႅတ်ႈ မိူင်း​ မူႉသီႉ လူင်း​ၵႂႃႇ​ၵႃႈ​တီႈ​ဝဵင်း​ တရေႃး ​ဢေႃႈ။</verse>
				<verse number="9">ၶိင်ႇ​ၵၢင်​ၶိုၼ်း​ ပေႃးလူႉ လႆႈ​ႁၼ်​ပျႃႇ​တိၵ်ႈ​ရူႇပႃႇရူင်ႇ​ၸမ်ႉ ၵူၼ်း​ မႃႇၵေႇတေႃးၼီႉ ​ၵေႃႉ​ၼိုင်ႈ​ၸုၵ်း​ယူႇ​သေ​လႄႈ​တွင်း​ပၢၼ်ႇ​လႄႈ​ဝႃႈ ၶၢမ်ႈ​ၵႂႃႇ​ၵႃႈ​တီႈ​မိူင်း​ မႃႇၵေႇတေႃးၼီႉ ​ပုၼ်ႉ​သေ​ၵမ်း။ ၸွႆႈ​ထႅမ်​ႁဝ်း​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">မိူဝ်ႈ​ဢၼ်​မၼ်း​လႆႈ​ႁၼ်​ပျႃႇ​တိၵ်ႈ​ရူႇပႃႇရူင်ႇ​ၼၼ်ႉ​ၸိုင် ပိူဝ်ႈ​ဢၼ်​ႁဝ်း​တူၵ်း​ၵၢင်​ၸႂ် လွင်ႈ​ဢၼ်​ၸဝ်ႈ​ၽြႃး​ႁွင်ႉ​ႁဝ်း​ႁႂ်ႈ​လႆႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၸဝ်ႈ ၵႃႈ​ၼႂ်း​မိူင်း​ မႃႇၵေႇတေႃးၼီႉ ​ၼၼ်ႉ​လႄႈ ႁဝ်း​ၵျၢမ်ႇ​ႁႃ​ႁႂ်ႈ​လႆႈ​ၵႂႃႇ​ၵႃႈ​တီႈ​မိူင်း​ၼၼ်ႉ​ၵမ်း​လဵဝ်​ဢေႃႈ။</verse>
				<verse number="11">ပိူဝ်ႈ​ၼႆ​လႄႈ ႁဝ်း​ၸင်ႇ​လုၵ်ႉ​သေ​ၵႃႈ​တီႈ ဝဵင်း​ တရေႃး ​ၼၼ်ႉ ၶီႇ​ႁိူဝ်း​သၢင်း​ၽေႃး​ၵႂႃႇ​သိုဝ်ႈ​သိုဝ်ႈ​ၸူး​ၵႃႈ​တီႈ ၵုၼ်​ သမေႃးထရိတ်ႉ ​လႄႈ ၼႂ်း​ဝၼ်း​မိူဝ်ႈ​ၽုၵ်ႈ ႁွတ်ႈ​ထိုင်​ၵႃႈ​တီႈ​ဝဵင်း​ ၼႃႇပေႃးလီႉ ​ဢေႃႈ။-</verse>
				<verse number="12">သမ်ႉ​ဢွၵ်ႇ​သေ​ၵႃႈ​တီႈ​ဝဵင်း​ၼၼ်ႉ ႁွတ်ႈ​ထိုင်​ၵႃႈ​တီႈ​ဝဵင်း​ ၽီႉလိပ်ႉပီႉ ဢၼ်​ဢုပ်ႉ​ပိူင်ႇ​မိူင်း​ မႃႇၵေႇတေႃးၼီႉ ပွတ်း​ၼိုင်ႈ ဢၼ်​ပဵၼ်​ဝဵင်း​ဢၼ်​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း တႄႇ​ဝႆႉ​မိူဝ်ႈ​ၼၼ်​ၼၼ်ႉ​လႄႈ ယူႇ​ၵႃႈ​တီႈ​ဝဵင်း​ၼၼ်ႉ​ႁိုင်​တၢၼ်ႇ​တၢၼ်ႇ​ဢေႃႈ။</verse>
				<verse number="13">ဝၼ်း​ၵမ်​သိၼ်​ႁဝ်း​ဢွၵ်ႇ​ၵႃႈ​ၼွၵ်ႈ​ၽၵ်း​တူ​ဝဵင်း ၵႂႃႇ​ၵႃႈ​တီႈ​ႁိမ်း​ၽင်ႇ​ၼမ်ႉ​ႁွင်ႈ တီႈ​ဢၼ်​ယၢမ်ႈ​မီး​ၸရွပ်ႈ​သူး​တွင်း​ပထၼႃႇ​ၼၼ်ႉ​သေ​ယဝ်ႉ ၼင်ႈ​လႄႈ​ႁေႃး​လၢတ်ႈ တီႈ​မႄႈ​ယိင်း​ဢၼ်​ၸူႉ​ၵၼ်​တုမ်​ၵၼ်​ယူႇ​ၸိူဝ်း​ၼၼ်ႉ​ဢေႃႈ။</verse>
				<verse number="14">မိူဝ်ႈ​ၼၼ်ႉ​မႄႈ​ယိင်း ဢၼ်​လႆႈ​ၸိုဝ်ႈ​ လူႉတီႉ ဢၼ်​ပဵၼ်​ၵူၼ်း​ဝဵင်း​ သႂႃႇတီႉရေႇ ​လႄႈ ၶၢႆ​ၶူဝ်း​လဵင်း​ဢၼ်​လႅင်​ၶွင်ႇ​ဢၼ်​ပဵၼ်​ၵေႃႉ​ဢၼ် ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​ၼၼ်ႉ​ၵေႃႉ​ၼိုင်ႈ ထွမ်ႇ​ငိၼ်း​တြႃး​ယူႇ​လႄႈ ၸဝ်ႈ​ၽြႃး​ၽုၺ်ႇ​ႁူဝ်​ၸႂ်​မၼ်း ႁႂ်ႈ​မၼ်း​ဢိင်​ပိုင်ႈ​ႁပ်ႉ​တုင်း​ဢဝ် လွင်ႈ​တၢင်း​ဢၼ်​ ပေႃးလူႉ ​ႁေႃး​လၢတ်ႈ​ၼၼ်ႉ​ဢေႃႈ။-</verse>
				<verse number="15">မၼ်း​ၼၼ်ႉ​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မၼ်း ၶၢမ်ႇ​ ပပ်ႉတီႉၸမ်ႇ ​သေ​ယဝ်ႉ တွင်း​ပၢၼ်ႇ​လႄႈ​ဝႃႈ၊ ပေႃး​သူ​ၸဝ်ႈ​ထၢင်ႇ​ၵဝ်​ၶႃႈ​ယုမ်ႇ​မၢတ်ႈ​တီႈ​ၸဝ်ႈ​ၽြႃး​ဢမၢၼ်ႇ​ၶၼ်​ပဵၼ်​ၸိုင် ၶဝ်ႈ​ယူႇ​ၵႃႈ​ၼႂ်း​ႁိူၼ်း​ၵဝ်​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​လႄႈ​ၸူဝ်း​ဢဝ်​ႁဝ်း​ႁႂ်ႈ​လႆႈ​ဢေႃႈ။</verse>
				<verse number="16">လိုၼ်း​ၼၼ်ႉ ၼႂ်း​မိူဝ်ႈ​ဢၼ်​ႁဝ်း​ၵႂႃႇ​ၵႃႈ​တီႈ​ၸရွပ်ႈ​သူး​တွင်း​ပထၼႃႇ​ယူႇ​ၼၼ်ႉ​ၸိုင် မႄႈ​ယိင်း​ဢွၼ်ႇ​ဢၼ်​ၽီ​ၶဝ်ႈ​လႄႈ ၸၢင်ႈ​ႁေႃး​လၢတ်ႈ​ၵႂၢမ်း ဢၼႃႇၵၢတ်ႈ​ဢၼ်​ႁႂ်ႈ​ၸဝ်ႈ​မၼ်း​တင်း​လၢႆ ပဵၼ်​တိုၼ်း​ပဵၼ်​ႁွၼ်း​ၼမ်​ၼႃႇ​ၼၼ်ႉ​ၵေႃႉ​ၼိုင်ႈ ႁႄႉ​ႁပ်ႉ​ႁူဝ်​တၢင်း​ႁဝ်း​ဢေႃႈ။-</verse>
				<verse number="17">မၼ်း​ၼၼ်ႉ​ၸွမ်း​ပႃႈ​လင်​ ပေႃးလူႉ တင်း​ႁဝ်း​သေ​လႄႈ ႁွင်ႉ​သႅၼ်ႇ​လႄႈ​ဝႃႈ ၵူၼ်း​ၸိူဝ်း​ၼႆႉ​ၸမ်ႉ​ပဵၼ်​ၶႃႈ​ၽြႃး​ပဵၼ်​ၸဝ်ႈ​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​လႄႈ ႁေႃး​လၢတ်ႈ​သဵၼ်ႈ​တၢင်း​တြႃး​တၢင်း​ဢၼ်​ၵႄႇ​ၶျွတ်ႈ​ဢဝ်​တီႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ပိူဝ်ႈ​ဢၼ်​မၼ်း​သမ်ႉ​ၶိုၼ်း​ႁဵတ်း​ၸိူဝ်ႉ​ၼင်ႇ​ၼၼ်​ဝၼ်း​ၼမ်​ၼႃႇ​လႄႈ​ ပေႃးလူႉ ​မီး​ၸႂ်​ဢၼ်​မႆႈ​ၸႂ်​ၵွပ်ႈ​ယူႇ​သေ​လႄႈ ဝၢႆႇ​ၼႃႈ​တူၺ်း​လႄႈ လၢတ်ႈ​တီႈ​ၽီ​ၼၼ်ႉ​လႄႈ​ဝႃႈ မႂ်း​ၼႆႉ​ဢွၵ်ႇ​သေ​ၵႃႈ​ၼႂ်း​မၼ်း​ၵႂႃႇ​တႃႉ။ ၵဝ်​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ ယေႇသူႉ​ၶရိၸ်ႈ ​လႄႈ မီး​ဢမိင်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်​ၽီ​ၼၼ်ႉ​ဢွၵ်ႇ​ၵႂႃႇ​သေ​ၵမ်း​လဵဝ်​ဢေႃႈ။</verse>
				<verse number="19">ၸဝ်ႈ​မၼ်း​တင်း​လၢႆ​ၼၼ်ႉ မိူဝ်ႈ​ဢၼ်​ႁူႉ​ႁၼ် လွင်ႈ​ဢၼ်​တီႈ​မုင်ႈ​ထႃႈ​မွင်း​ထႃႈ​ပုၼ်ႈ​ဢၼ်​တၵ်း​ပဵၼ်​တိုၼ်း​ပဵၼ်​ႁွၼ်း​ၵမ်း​လိုၼ်း​ဢမ်ႇ​မီး​ယဝ်ႉ​ၼၼ်ႉ​ၸိုင် တီႉ​ၵမ်​ဢဝ်​ ပေႃးလူႉ ​တင်း​ သီႇ​လႃႉ ​လႄႈ ၵႂႃႇ​သူင်ႇ​ၵႃႈ​တီႈ​ၵၢတ်ႇ​ၸူး​တီႈ​ၶုၼ်​တင်း​လၢႆ​ဢေႃႈ။-</verse>
				<verse number="20">မိူဝ်ႈ​ဢၼ်​ၶဝ်​ႁွတ်ႈ​ထိုင်​ၵႃႈ​တီႈ​ၶုၼ်​ၸိူဝ်း​ၼၼ်ႉ​ၸိုင်၊ ၶဝ်​လဝ်ႊ​လၢတ်ႈ​လႄႈ​ဝႃႈ၊ ၵူၼ်း​ၸိူဝ်း​ၼႆႉ​ပဵၼ်​ၵူၼ်း​ ယူႉတႃႉ ​လႄႈ ၸၢင်ႈ​ယႃႉ​ယူၵ်ႉ​ဝဵင်း​ႁဝ်း​ၼႆႉ​ၶႃႈ​ဢေႃႈ။-</verse>
				<verse number="21">ၶဝ်​ၸၢင်ႈ​ႁေႃး​လၢတ်ႈ​သင်ႇ​သွၼ်​ပၼ် ထုင်း​ၸၢမ်ႇ​ဢၼ်​ႁဝ်း​ၸိူဝ်း​ဢၼ်​ပဵၼ်​ၵူၼ်း​ ရူဝ်းမႃႉ ​ၼႆႉ ဢမ်ႇ​ထုၵ်ႇ​လီ​ၶၢမ်ႇ​ဢဝ်​လႄႈ ၵမ်​ၵျၢင်ႉ​တင်း​လၢႆ​ၼၼ်ႉ​ၶႃႈ​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="22">ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ ၽွမ်ႉ​ၵၼ်​လုၵ်ႉ​ယူႇ​ၽၢႆႇ​ၼိုင်ႈ​တင်း​ၶဝ်​ဢေႃႈ။ ၶုၼ်​ၸိူဝ်း​ၼၼ်ႉ​ၵေႃႈ​သိၵ်ႇ​ထွတ်ႇ​ပႅတ်ႈ​ၶူဝ်း​ၼုင်ႈ​ၶဝ်​သေ​လႄႈ ၸီႇ​ယၢင်ႇ​ႁႂ်ႈ​ဢဝ်​ၶွၼ်ႉ​ပေႃႉ​ယႅၼ်ႉ​ဢေႃႈ။-</verse>
				<verse number="23">ပေႃႉ​ယႅၼ်ႉ​လႄႈ​ႁွႆး​ၶွၼ်ႉ​မီး​ၼမ်​ၼႃႇ​ယဝ်ႉ​ၸင်ႇ ဢဝ်​ၶင်​ဝႆႉ​ၵႃႈ​ၼႂ်း​ထွင်ႇ​လႄႈ သင်ႇ​လၢတ်ႈ​ဝႆႉ​တီႈ​ထွင်ႇ​မူး​ႁႂ်ႈ​မၼ်း​ပႂ်ႉ​ဝႆႉ​လီ​လီ​ဢေႃႈ။-</verse>
				<verse number="24">ၵႃႈ​ၼင်ႇ​ဢၼ်​သင်ႇ​လၢတ်ႈ​ဝႆႉ​ၼၼ်ႉ ထွင်ႇ​မူး​ဢဝ်​ၶင်​ဝႆႉ​ၵႃႈ​ၼႂ်း​ထွင်ႇ​လုၵ်း​ၼႂ်း​လႄႈ သႂ်ႇ​ထၢင်ႇ​ဝႆႉ​ဢေႃႈ။</verse>
				<verse number="25">ၶိင်ႇ​တဵင်ႈ​ၶိုၼ်း​ ပေႃးလူႉ ​တင်း​ သီႇ​လႃႉ ​ၼၼ်ႉ သူး​တွင်း​ပထၼႃႇ​လႄႈ ႁဵတ်း​ၵႂၢမ်း​ဢၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ​ယူႇ​ဢေႃႈ။ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​မတ်ႉ​ဝႆႉ​ၶင်​ဝႆႉ ၵႃႈ​ၼႂ်း​ထွင်ႇ​ၼၼ်ႉ​ၵေႃႈ​ဢွၼ်​ၵၼ်​ထွမ်ႇ​ယူႇ​ဢေႃႈ။-</verse>
				<verse number="26">ၵမ်း​ဢွၼ်ႇ​ၼိုင်ႈ​ဢိင်ႇ​သၼ်ႇ​ၼႃႇ​လူင်​လၢင်​လႄႈ တိၼ်​ထွင်ႇ​ၵေႃႈ​သၼ်ႇ​ၶွၼ်း​ဝႆ​ဢေႃႈ။ ၽၵ်း​တူ​ၵႃႈ​မီး​ၼၼ်ႉ​ၽုၺ်ႇ​ၵမ်း​လဵဝ်​လႄႈ ၵူၼ်း​တင်း​သဵင်ႈ​တင်း​လူင်​ၼၼ်ႉ ၵၢင်း​လွတ်ႈ​တင်း​ၸိူၵ်ႈ​လဵၵ်း​ဢၼ်​မတ်ႉ​ၽုၵ်ႇ​ဝႆႉ​ၼၼ်ႉ​ဢေႃႈ။-</verse>
				<verse number="27">ထွင်ႇ​မူး​ၼၼ်ႉ တိုၼ်ႇ​မႃး​လႄႈ ႁၼ်​ၽၵ်း​တူ​ထွင်ႇ​ၸိူဝ်း​ၼၼ်ႉ ၽုၺ်ႇ​ပိုတ်ႇ​ဝႆႉ​ၼၼ်ႉ​သေ​ယဝ်ႉ ပိူဝ်ႈ​ဢၼ်​ထၢင်ႇ​ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ​ဝႆႉ​ၼၼ်ႉ​ဢွၵ်ႇ​ပၢႆႈ​ၵႂႃႇ​ယဝ်ႉ​လႄႈ ထွတ်ႇ​လၢပ်ႇ​ဢွၵ်ႇ​ၵႃႈ​ၼႂ်း​ၵပ်း​မၼ်း​သေ​လႄႈ ဢၢင်ႈ​တၵ်း​ဢဝ်​တူဝ်​ၸဝ်ႈ​ၵဝ်ႇ​တၢႆ​ဢေႃႈ။-</verse>
				<verse number="28">ပေႃးလူႉ ​ၵေႃႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​လႄႈ​လၢတ်ႈ​ဝႃႈ ယႃႇ​ပေ​ႁဵတ်း​ဢၼ်​ဢမ်ႇ​လီ​တီႈ​တူဝ်​ၸဝ်ႈ​ၵဝ်ႇ​သေ​ၵမ်း၊ ႁဝ်း​တင်း​သဵင်ႈ​တင်း​လူင်​မီး​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မၼ်း​ၸင်ႇ​ယွၼ်း​ဢဝ်​ၽႆး​ဢၼ်​တႆႈ​ဝႆႉ​ၼၼ်ႉ​သေ​ယဝ်ႉ လႅၼ်ႈ​ၶဝ်ႈ​မႃး​သၼ်ႇ​သၼ်ႇ​သၢႆ​သၢႆ​ယူႇ​သေ​လႄႈ​ၶုပ်ႉ​မူပ်ႇ​ၵႃႈ​တီႈ​ႁိမ်း​တိၼ်​ ပေႃးလူႉ ​တင်း​ သီႇ​လႃႉ ​ၼၼ်ႉ​ဢေႃႈ။-</verse>
				<verse number="30">မၼ်း​ဢဝ်​ၶဝ်​ၼၼ်ႉ ဢွၵ်ႇ​ၵႃႈ​ၼွၵ်ႈ​သေ​ယဝ်ႉ​လဝ်ႊ​ထၢမ်​လႄႈ​ဝႃႈ ၸဝ်ႈ​ၶဝ်​ဢိူၺ်း၊ ၼင်ႇ​ႁိုဝ်​ၵဝ်​ၶႃႈ​တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၸိုင်​တၵ်း​လႆႈ​ႁဵတ်း​ၸိူဝ်ႉ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">ၶဝ်​ၵေႃႈ​လၢတ်ႈ​လႄႈ​ဝႃႈ ယုမ်ႇ​မၢတ်ႈ​ၸဝ်ႈ​ ယေႇသူႉ​ၶရိၸ်ႈ ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် မႂ်း​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မႂ်း တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ယဝ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="32">ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ၽြႃး​တီႈ​ၸႃႉ​ၸဵမ်​မၼ်း​ၼၼ်ႉ​ဢိၵ်ႇ​တင်း ၵူၼ်း​ၵႃႈ​ဢၼ်​မီး​ယူႇ​ၵႃႈ​ၼႂ်း​ႁိူၼ်း​မၼ်း​ၼၼ်ႉ​ဢေႃႈ။</verse>
				<verse number="33">ၼႂ်း​ၶိုၼ်း​ၼၼ်ႉ ၶိင်ႇ​ၼႃႇရီႇ​ၼၼ်ႉ မၼ်း​ဢဝ်​ ပေႃးလူႉ ​တင်း​ သီႇ​လႃႉ သုၵ်ႈ​ပွတ်ႈ​ႁွႆး​ၶွၼ်ႉ​ၸိူဝ်း​ၼၼ်ႉ​သေ​ယဝ်ႉ မၼ်း​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မၼ်း တင်း​သဵင်ႈ​တင်း​လူင် ၶၢမ်ႇ​ ပပ်ႉတီႉၸမ်ႇ ​ၵမ်း​လဵဝ်​ဢေႃႈ။-</verse>
				<verse number="34">ၵမ်း​ၼၼ်ႉ မၼ်း​ပၢင်း​ဢဝ်​ ပေႃးလူႉ ​တင်း​ သီႇ​လႃႉ ၶိုၼ်ႈ​မႃး​ၵႃႈ​ၼိူဝ်​ႁိူၼ်း​မၼ်း​ယဝ်ႉ​ၸင်ႇ ႁဵတ်း​လဵင်ႉ​ႁဵတ်း​လူ​လႄႈ ပိူဝ်ႈ​ဢၼ်​ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ​ၼၼ်ႉ မၼ်း​ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​တင်း​လၢႆ ၸူမ်း​သိူဝ်း​ၼႃႇ​လူင်​လၢင်​ဢေႃႈ။</verse>
				<verse number="35">မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ၵၢင်​ၼႂ်​ၸိုင် ၶုၼ်​ၸိူဝ်း​ၼၼ်ႉ​ပွႆႇ​ၸႂ်ႉ​လုၵ်ႈ​ဢွၼ်ႇ​ၶုၼ်​မႃး​လႄႈ သင်ႇ​လၢတ်ႈ​ဝႃႈ ႁႂ်ႈ​ပွႆႇ​ၶဝ်​ၼၼ်ႉ​သေ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ၵႂၢမ်း​ၼၼ်ႉ​ၸိုင် ထွင်ႇ​မူး​ဢဝ်​မွၵ်ႇ​လၢတ်ႈ​တီႈ​ ပေႃးလူႉ ​လႄႈ​ဝႃႈ ၶုၼ်​တင်း​လၢႆ​ပွႆႇ​ၸႂ်ႉ​မႃး​ႁႂ်ႈ​လႆႈ​ပွႆႇ​သူ​ၸဝ်ႈ​ၶႃႈ​ယဝ်ႉ။ ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ​ဢွၵ်ႇ​သေ​လႄႈ​ၵႂႃႇ​ၼိမ်​ၼိမ်​လီ​လီ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="37">ပေႃးလူႉ ​ၵေႃႈ​လၢတ်ႈ​တီႈ​လုၵ်ႈ​ဢွၼ်ႇ​ၶုၼ်​ၸိူဝ်း​ၼၼ်ႉ​လႄႈ​ဝႃႈ၊ ႁဝ်း​ဢၼ်​ပဵၼ်​ၵူၼ်း​ ရူဝ်းမႃႉ ​ၼႆႉ​ၸိုင် ၶဝ်​ယင်း​ဢမ်ႇ​ပႆႇ​ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ ပေႃႉ​ယႅၼ်ႉ​ထၢင်ႇ​ထၢင်ႇ​သႃး​သႃး ဢဝ်​ၶင်​ဝႆႉ​ၵႃႈ​ၼႂ်း​ထွင်ႇ​သေ​ယဝ်ႉ၊ တေႃႈ​လဵဝ်​ၼႆႉ တၵ်း​တဵတ်ႇ​တဵတ်ႇ​ပွႆႇ​ဢွၵ်ႇ​ႁိုဝ်။ ဢမ်ႇ​ထုၵ်ႇ​လီ​ႁဵတ်း​ၸိူဝ်ႉ​ၼင်ႇ​ၼႆ၊ ႁႂ်ႈ​တူဝ်​ၶဝ်​မႃး​ၼုၵ်ႈ​ဢဝ်​ႁဝ်း​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="38">လုၵ်ႈ​ဢွၼ်ႇ​ၶုၼ်​ၸိူဝ်း​ၼၼ်ႉ ဢဝ်​ၵႂၢမ်း​ၼၼ်ႉ​လဝ်ႊ​လၢတ်ႈ​တီႈ​ၶုၼ်​တင်း​လၢႆ​လႄႈ၊ မိူဝ်ႈ​ဢၼ်​ၶဝ်​ၼၼ်ႉ​ႁူႉ​လွင်ႈ​ဢၼ်​ ပေႃးလူႉ ​တင်း​ သီႇ​လႃႉ ပဵၼ်​ၵူၼ်း​ ရူဝ်းမႃႉ ​ၼၼ်ႉ​ၸိုင်၊ ၶဝ်​မီး​တၢင်း​ဢၼ်​ၵူဝ်​ဢၼ်​ႁႄ​လႄႈ၊-</verse>
				<verse number="39">တူဝ်​ၶဝ်​မႃး​ဢဝ်​တင်း​ၵႂၢမ်း​ၶျေႃး​ၵႂၢမ်း​ဝွၼ်း​လၢတ်ႈ​လႄႈ ၼုၵ်ႈ​ဢဝ်​ၶဝ်​သေ​ယဝ်ႉ​တွင်း​ပၢၼ်ႇ​ႁႂ်ႈ​ၶဝ်​ဢွၵ်ႇ​ၵႂႃႇ​သေ​ၵႃႈ​ၼႂ်း​ဝဵင်း​ၼၼ်ႉ​ဢေႃႈ။</verse>
				<verse number="40">မိူဝ်ႈ​ၼၼ်ႉ ၶဝ်​ၸင်ႇ​ဢွၵ်ႇ​သေ​ၵႃႈ​ၼႂ်း​ထွင်ႇ​ၼၼ်ႉ​ၵႂႃႇ ၶဝ်ႈ​ၵႃႈ​ၼႂ်း​ႁိူၼ်း​ လူႉတီႉ ​သေ​ယဝ်ႉ ထူပ်း​ႁၼ်​ပီႈ​ၼွင်ႉ​တင်း​လၢႆ​လႄႈ ႁႂ်ႈ​ၶဝ်​သၢၵ်ႈ​သႃႇ​ယဝ်ႉ​ၸင်ႇ​ဢွၵ်ႇ​ၵႂႃႇ​ဢေႃႈ။</verse>
			</chapter>
			<chapter number="17">
				<verse number="1">လိုၼ်း​ၼၼ်ႉ​ၶဝ်​လႄႇ​ၵႂႃႇ​ၵႃႈ​တီႈ ဝဵင်း ဢမ်ႇၽီႉပေႃးလီႉ တင်း​ဝဵင်း​ ဢႃႇပေႃႇလေႃႇၼီႉ ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ထိတ်ႉသႃႇလေႃးၼိၵ်ႈ ​ပုၼ်ႉ​ဢေႃႈ။ ၵႃႈ​တီႈ​ၼၼ်ႈ မီး​ၸရွပ်ႈ​ႁေႃး​တြႃး​ၵူၼ်း​ ယူႉတႃႉ ​ဢေႃႈ။-</verse>
				<verse number="2">ပေႃးလူႉ ​ၼၼ်ႉ ၵႃႈ​ၼင်ႇ​ဢၼ်​ထုင်း​ၸၢမ်ႇ​မၼ်း​မီး​ၼၼ်ႉ​ၸိုင် ၶဝ်ႈ​ၵႃႈ​ၼႂ်း​ၸရွပ်ႈ​ၼၼ်ႉ​သေ​ယဝ်ႉ ဢိင်​ပိုင်ႈ​ၵျၢမ်း​လိၵ်ႈ​တိူင်ႇ​ပၢင်ႇ​ၵုမ်​ၵၼ်​တင်း​ၶဝ်​ၼၼ်ႉ ဝၼ်း​ၵမ်​သိၼ်​သၢမ်​ပၢတ်ႈ​လႄႈ၊-</verse>
				<verse number="3">ၽုၺ်ႇ​ဢွၵ်ႇ​ၼႄ​ပျႃး လွင်ႈ​ဢၼ်​ၸဝ်ႈ​ၶရိၸ်ႈ​တၵ်း​လႆႈ​ၶၢမ်ႇ​တၢႆ၊ တၵ်း​လႆႈ​လုၵ်ႉ​ၶိုၼ်း​လိပ်း ဢိၵ်ႇ​တင်း​လွင်ႈ​ဢၼ်​ ယေႇသူႉ ဢၼ်​ၵဝ်​ႁေႃး​လၢတ်ႈ​တီႈ​သူ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ပဵၼ်​ၸဝ်ႈ​ၶရိၸ်ႈ​ၼၼ်ႉ​လႅင်း​လႅင်း​ဢေႃႈ။-</verse>
				<verse number="4">ၵူၼ်း​ၵမ်ႈ​ၽွင်ႈ​ယုမ်ႇ​မၢတ်ႈ​လႄႈ ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​ ပေႃးလူႉ ​တင်း​ သီႇ​လႃႉ ​ဢေႃႈ။ ၵူၼ်း​ ႁေႇလသႃႉ ဢၼ်​ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​ၼမ်​ၼႃႇ ဢိၵ်ႇ​တင်း​မႄႈ​ယိင်း​ဢၼ်​ၸိုဝ်ႈ​ဢွၵ်ႇ​သဵင်​ဢွၵ်ႇ​ၼမ်​ၼႃႇ​ၵေႃႈ​ယုမ်ႇ​မၢတ်ႈ​ဢေႃႈ။</verse>
				<verse number="5">ၵူၼ်း​ ယူႉတႃႉ ​တင်း​လၢႆ​ၼၼ်ႉ ပိူဝ်ႈ​ဢၼ်​သီႈ​ၵေႉ​ႁေႈ​တႃ​ၼၼ်ႉ​လႄႈ ႁွင်ႉ​ဢဝ်​ၵူၼ်း​ၸိူဝ်း​ဢၼ် ႁၢႆႉ​မိူၵ်ႈ​မဝ်​မၢင်​ၵမ်ႈ​ၽွင်ႈ​သေ​ယဝ်ႉ၊ ႁႂ်ႈ​ၵူၼ်း​ၼမ်​ၼႃႇ​ၸူႉ​ၵၼ်​တုမ်​ၵၼ်​သေ​ယဝ်ႉ၊ ႁဵတ်း​ဢူၼ်​ဢဵၼ်​ၵၼ် ၵႃႈ​ၼႂ်း​ဝဵင်း​ၼၼ်ႉ​ဢေႃႈ။ ၶဝ်​ဢီး​ၽၢင်ႈ​ႁိူၼ်း​ ယႃႇသုၼ်ႇ ​လႄႈ ႁႃ​ႁႂ်ႈ​လႆႈ​တိုတ်ႉ​ၸၼ် ဢဝ်​ၶဝ်​ဢွၵ်ႇ​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ဢေႃႈ။-</verse>
				<verse number="6">မိူဝ်ႈ​ဢၼ်​ၶဝ်​ဢမ်ႇ​ထူပ်း​ဢမ်ႇ​ႁၼ်​ၶဝ်​ၼၼ်ႉ​ၸိုင် ၶဝ်​တိုတ်ႉ​ၸၼ်​ဢဝ်​ ယႃႇသုၼ်ႇ တင်း​ပီႈ​ၼွင်ႉ​ၵမ်ႈ​ၽွင်ႈ​ၵႂႃႇ​ၵႃႈ​တီႈ​ၶုၼ်​ဝဵင်း​လႄႈ ႁွင်ႉ​သႅၼ်ႇ​ဝႃႈ၊ ၵူၼ်း​ဢၼ်​ၶႂမ်ႈ​ပိၼ်ႈ​မိူင်း​လေႃးၵီႇ​ၸိူဝ်း​ၼၼ်ႉ​ႁွတ်ႈ​မႃး​ၵႃႈ​တီႈ​ၼႆႈ​ၶႃႈ​ယဝ်ႉ။-</verse>
				<verse number="7">ယႃႇသုၼ်ႇ ​ၼႆႉ​ၵေႃႈ​ႁပ်ႉ​တုင်း​ဢဝ်​ၶဝ်​ၼၼ်ႉ​ၶႃႈ​ယဝ်ႉ။ ၶဝ်​တင်း​သဵင်ႈ​တင်း​လူင် ႁဵတ်း​ဢမ်ႇ​ထုၵ်ႇ​ၵၼ်​တင်း​ဢမိင်ႉ​ၶုၼ်​ႁေႃ​ၶမ်း​ ၵေႇသႃႇ ​လႄႈ လၢတ်ႈ​လႄႈ​ဝႃႈ မီး​ ယေႇသူႉ ၶုၼ်​ႁေႃ​ၶမ်း​တၢင်ႇ​ပႃး​ၸဝ်ႈ​ၼိုင်ႈ​ဢေႃႈ၊ ဝႃႈ​ၼင်ႇ​ၼႆ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="8">ယႃႉ​ယူၵ်ႉ​ႁူဝ်​ၸႂ်​ၶုၼ်​တင်း​လၢႆ​ဢိၵ်ႇ​တင်း​ၵူၼ်း​ဢၼ်​ၸူႉ​ဢၼ်​တုမ် ဢၼ်​ငိၼ်း​ၵႂၢမ်း​ၼႆႉ​ၸိူဝ်း​ၼၼ်ႉ​ဢေႃႈ။-</verse>
				<verse number="9">မိူဝ်ႈ​ၼၼ်ႉ ၶဝ်​ႁႂ်ႈ​ ယႃႇသုၼ်ႇ တင်း​ၵူၼ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸိူဝ်း​ၼၼ်ႉ ပၼ်​ဢႃႇ​မႃႉ​ၶၢမ်ႇ​ယဝ်ႉ​ၸင်ႇ​ပွႆႇ​သေ​ဢေႃႈ။</verse>
				<verse number="10">ၶိင်ႇ​ၵၢင်​ၶိုၼ်း​ပီႈ​ၼွင်ႉ​ၸိူဝ်း​ၼၼ်ႉ ဢဝ်​ ပေႃးလူႉ ​တင်း​ သီႇ​လႃႉ ပွႆႇ​ၵႂႃႇ​ၵႃႈ​တီႈ​ ပေႇရီႉ ​သေ​ၵမ်း​လဵဝ်​ဢေႃႈ။ မိူဝ်ႈ​ဢၼ်​ႁွတ်ႈ​ထိုင်​ၵႃႈ​တီႈ​ဝဵင်း​ၼၼ်ႉ​ၸိုင် ၶဝ်​သမ်ႉ​ၶဝ်ႈ​ၵႃႈ​ၼႂ်း​ၸရွပ်ႈ​ႁေႃး​တြႃး​ၵူၼ်း​ ယူႉတႃႉ ​ဢေႃႈ။-</verse>
				<verse number="11">ပိူဝ်ႈ​ဢၼ်​ၵူၼ်း​ဝဵင်း​ၸိူဝ်း​ၼၼ်ႉ​လီ​ၼႃႇ​သေ​ၵူၼ်း​ဝဵင်း​ ထိတ်ႉသႃႇလေႃးၼိၵ်ႈ ​တင်း​လၢႆ​လႄႈ ၶဝ်​ပႃး​တင်း​ၸေႇတၼႃႇ​ဢၼ်​လီ​ၼႃႇ ၶၢမ်ႇ​ဢဝ်​ၼုၵ်ႈၵပၢတ်ႈ​တြႃး​ၸဝ်ႈ​ယူႇ​သေ​လႄႈ လူ​တူၺ်း​ၵျၢမ်း​လိၵ်ႈ​ၵူႈ​ဝၼ်း​ႁႂ်ႈ​လႆႈ​ႁူႉ​လွင်ႈ​ဢၼ် ၸႂ်ႈ​ႁိုဝ်​ဢမ်ႇ​ၸႂ်ႈ​ႁိုဝ်​ၼၼ်ႉ​ယူႇ​ဢေႃႈ။</verse>
				<verse number="12">ပိူဝ်ႈ​ၼႆ​လႄႈ ၵူၼ်း​ ယူႉတႃႉ ​ၼမ်​ၼႃႇ​ယုမ်ႇ​မၢတ်ႈ​ဢေႃႈ။ ၵူၼ်း​ ႁေႇလသႃႉ ၸဵမ်​ယိင်း​ၸဵမ်​ၸၢႆး​ဢၼ်​မီး​သရေႇ​ၼမ်​ၼႃႇ​ၸိူဝ်း​ၼၼ်ႉ​ၵေႃႈ​ယုမ်ႇ​မၢတ်ႈ​ဢေႃႈ။-</verse>
				<verse number="13">မိူဝ်ႈ​ဢၼ်​ၵူၼ်း​ ယူႉတႃႉ ဢၼ်​ပဵၼ် ၵူၼ်း​ဝဵင်း​ ထိတ်ႉသႃႇလေႃးၼိၵ်ႈ ​ၸိူဝ်း​ၼၼ်ႉ လႆႈ​ငိၼ်း​လွင်ႈ​ဢၼ်​ ပေႃးလူႉ ​ႁေႃး​လၢတ်ႈ ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ​ယူႇ ၵႃႈ​ၼႂ်း​ဝဵင်း​ ပေႇရီႉ ​ၼၼ်ႉ​ၸိုင်၊ ၶဝ်​သမ်ႉ​မႃး​ၵႃႈ​တီႈ​ဝဵင်း​ၼၼ်ႉ​လႄႈ တိုၵ်း​ယူင်း​ၸူဝ်း​ဢဝ်​ၵူၼ်း​တင်း​လၢႆ​ဢေႃႈ။-</verse>
				<verse number="14">မိူဝ်ႈ​ၼၼ်ႉ​ပီႈ​ၼွင်ႉ​ၸိူဝ်း​ၼၼ်ႉ သမ်ႉ​ဢဝ်​ ပေႃးလူႉ ပွႆႇ​ၵႂႃႇ​ႁဵတ်း​ၸိူဝ်ႉ​ၼင်ႇ​ႁၢင်ႈ​တၵ်း​ႁႂ်ႈ​ၵႂႃႇ​တၢင်း​ပၢင်ႇ​လၢႆႇ​ၼၼ်ႉ​ဢေႃႈ။ သီႇ​လႃႉ ​တင်း​ တီႉမေႃးသေႇ ၵိုတ်း​သဝ်း​ယူႇ​ၵႃႈ​တီႈ​ၼၼ်ႈ​ဢေႃႈ။-</verse>
				<verse number="15">ၶဝ်​ၸိူဝ်း​ဢၼ်​ဢဝ်​ ပေႃးလူႉ ​ၵႂႃႇ​သူင်ႇ​ၼၼ်ႉ​ၵႂႃႇ​သူင်ႇ​ၵႃႈ​တီႈ​ဝဵင်း​ ဢႃႇထိၼ်ႇ ​သေ​ယဝ်ႉ ၶၢမ်ႇ​ဢဝ်​ဢမိင်ႉ ပုၼ်ႈ​ သီႇ​လႃႉ ​တင်း တီႉမေႃးသေႇ ဢၼ်​ႁႂ်ႈ​ၶဝ်​ၸဵဝ်း​မႃး​ၵႃႈ​တီႈ​မၼ်း​ၼၼ်ႉ​သေ​လႄႈ ၶိုၼ်း​မိူဝ်း​ၵႂႃႇ​ဢေႃႈ။</verse>
				<verse number="16">ပေႃးလူႉ ​ၼၼ်ႉ ၼႂ်း​မိူဝ်ႈ​ဢၼ် ပႂ်ႉ​ထႃႈ​ သီႇ​လႃႉ ​တင်း​ တီႉမေႃးသေႇ ​လႄႈ ယူႇ​ၵႃႈ​ၼႂ်း​ဝဵင်း​ ဢႃႇထိၼ်ႇ ​ၼၼ်ႉ​ယူႇ​ၼၼ်ႉ​ၸိုင် ႁၼ်​ဝဵင်း​ၼၼ်ႉ​တဵမ်​ဝႆႉ​တင်း​ရုၵ်ႈ​ထူႉ​လႄႈ မီး​တၢင်း​ဢၼ်​မႆႈ​ၸႂ်​ၶီ​ၸႂ်​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ မၼ်း​ႁဵတ်း​တၢင်း​ဢၼ်​တိူင်ႇ​ပၢင်ႇ​လၢတ်ႈ​ၸႃ​ၵၼ်​တင်း ၵူၼ်း​ ယူႉတႃႉ တင်း​ၵူၼ်း​ဢၼ်​ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​တင်း​လၢႆ ၵႃႈ​တီႈ​ၼႂ်း​ၸရွပ်ႈ​ႁေႃး​တြႃး ဢိၵ်ႇ​တင်း​ၶဝ်​ၸိူဝ်း​ဢၼ် မၼ်း​ထူပ်း​ႁၼ်​ၵူႈ​ဝၼ်း ၵႃႈ​တီႈ​ၼႂ်း​ၵၢတ်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="18">မိူဝ်ႈ​ၼၼ်ႉ တပႄး​ ဢေးပီႉၵူႉရူႉ ဢိၵ်ႇ​တင်း​ သတေႃးဢိၵ်ႉ ​ပိင်ႇ​ၺႃႇ​သီႉ​ၵမ်ႈ​ၽွင်ႈ လၢတ်ႈ​ၶဵင်ႇ​ၵၼ်​တင်း​ ပေႃးလူႉ ​ဢေႃႈ။ ၵမ်ႈ​ၽွင်ႈ​ဝႃႈ ၵူၼ်း​ဢၼ်​ဢမ်ႇ​လႆႈ​လွင်ႈ​ၼႆႉ​တၵ်း​ၶႂ်ႈ​ဝႃႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ ၵေႃႉ​ၼႆႉ​မိူၼ်​ၸိူဝ်ႉ​ၼင်ႇ​ႁၢင်ႈ​ပဵၼ် ၵေႃႉ​ဢၼ်​ႁေႃး​လၢတ်ႈ​လွင်ႈ​ၸဝ်ႈ​ၽြႃး​တၢင်ႇ​ဝၢၼ်ႈ​တၢင်ႇ​မိူင်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊​ ပေႃးလူႉ ​ၼၼ်ႉ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​လွင်ႈ​ ယေႇသူႉ ဢိၵ်ႇ​တင်း​လွင်ႈ​တြႃး​တၢင်း​ဢၼ်​လုၵ်ႉ​ၶိုၼ်း​လိပ်း​ၼၼ်ႉ​ယူႇ​ဢေႃႈ။-</verse>
				<verse number="19">မိူဝ်ႈ​ၼၼ်ႉ​ၶဝ်​ၼၼ်ႉ ႁွင်ႉ​ဢဝ်​ ပေႃးလူႉ ​လႄႈ ၵႂႃႇ​ၵႃႈ​ၼိူဝ်​လွႆ ဢႃႇရေႇ ​သေ​ယဝ်ႉ​လၢတ်ႈ​လႄႈ​ဝႃႈ၊ လွင်ႈ​ဢၼ်​ဢယူႇ​ဝႃႇ​တႃႉ​ဢၼ်​မႂ်ႇ​ဢၼ်​မႂ်း​ႁေႃး​လၢတ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင်​ႁဝ်း​ဢမ်ႇ​ထုၵ်ႇ​လီ​ႁူႉ​ႁိုဝ်။-</verse>
				<verse number="20">မႂ်း​လၢတ်ႈ​လွင်ႈ​တၢင်း​ဢၼ်​ႁဝ်း​ဢမ်ႇ​တွၼ်ႉ​ႁူႉ​ဢမ်ႇ​တွၼ်ႉ​ငိၼ်း​ၼၼ်ႉ​ဢေႃႈ။ လွင်ႈ​တၢင်း​ၸိူဝ်း​ၼၼ်ႉ​ၸမ်ႉ၊ ဝႃႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ႁဝ်း​ၶႂ်ႈ​ႁူႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၵူၼ်း​ဝဵင်း​ ဢႃႇထိၼ်ႇ တင်း​သဵင်ႈ​တင်း​လူင် ဢိၵ်ႇ​တင်း​ၶႅၵ်ႇ​ဢၼ်​ယူႇ​ၼႂ်း​ဝဵင်း​ၼၼ်ႉ​ၸိူဝ်း​ၼၼ်ႉ လိူဝ်​သေ​တၢင်း​ဢၼ်​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ ဢိၵ်ႇ​တင်း​တၢင်း​ဢၼ်​ထွမ်ႇ​ဢၼ်​ငိၼ်း​ၼၼ်ႉ​ၵူၺ်း ယင်း​ဢမ်ႇ​ႁဵတ်း​လွင်ႈ​တၢင်း​တၢင်ႇ​တီႈ​တၢင်ႇ​ဢၼ်​လႄႈ ၸင်ႇ​ႁႂ်ႈ​ပူၼ်ႉ​ၶိင်ႇ​ပူၼ်ႉ​ၶႃႇ​ဢေႃႈ။</verse>
				<verse number="22">မိူဝ်ႈ​ၼၼ်ႉ​ ပေႃးလူႉ လုၵ်ႉ​ၸုၵ်း​ၵႃႈ​ၼိူဝ်​လွႆ ဢႃႇရေႇ သေ​ယဝ်ႉ​ႁေႃး​လၢတ်ႈ​လႄႈ​ဝႃႈ ၵူၼ်း​ဝဵင်း​ ဢႃႇထိၼ်ႇ ​ၶဝ်​ဢိူၺ်း၊ ၵဝ်​ႁၼ်​လွင်ႈ​ဢၼ် သူ​ၸၢင်ႈ​ရူဝ်ႇ​သေႇ​ၵူဝ်​ယမ် ၽြႃး​တင်း​လၢႆ​ၼႃႇ​လူင်​လၢင် ၵႃႈ​ၼႂ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="23">လွင်ႈ​မၼ်း​ၸမ်ႉ​ၼႂ်း​မိူဝ်ႈ​ဢၼ်​ၵဝ်​ပႆ​ၸွမ်း​တၢင်း​လႄႈ လွမ်​တူၺ်း​ၽြႃး​သူ​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်​ၵဝ်​ထူပ်း​ႁၼ်​ယိတ်ႈ​ပလၢင်ႇ​ဢၼ်​ၼိုင်ႈ၊ ဢၼ်​တၢင်ႇ​သႂ်ႇ​တူဝ်​လိၵ်ႈ​ဢႅၵ်ႉၶရႃႇ​လႄႈ​ဝႃႈ၊ ပုၼ်ႈ​ၽြႃး​ပဵၼ်​ၸဝ်ႈ​ဢၼ်​ႁဝ်း​ဢမ်ႇ​ႁူႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵဝ်​ႁေႃး​လၢတ်ႈ​လွင်ႈ​မၼ်း​ၸဝ်ႈ ဢၼ်​သူ​ယင်း​ဢမ်ႇ​ႁူႉ​လႄႈ ၵူဝ်း​ၵႂၢႆႇ​ၼၼ်ႉ​တီႈ​သူ​ဢေႃႈ။-</verse>
				<verse number="24">ၽြႃး​ပဵၼ်​ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ၸႃႉ​ၸဵမ်​လေႃးၵႃႉ​ထၢတ်ႈ တင်း​ၵႃႈ​ဢၼ်​မီး​ၼႂ်း​မၼ်း​ၼႆႉ​ၼၼ်ႉ ပဵၼ်​ၸဝ်ႈ​ဢၼ်​ဢုပ်ႉ​ပိူင်ႇ​ၵၢင်​ႁၢဝ်​တင်း​လိၼ်​မိူင်း​လႄႈ ဢမ်ႇ​ၵိင်း​ဝၢပ်ႈ​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​ဢၼ်​မိုဝ်း​ၵူၼ်း​ႁဵတ်း။-</verse>
				<verse number="25">မၼ်း​ၸဝ်ႈ​ၼၼ်ႉ​ဢမ်ႇ​ၶၢမ်ႇ​ဢဝ်​တၢင်း​ဢၼ်​မိုဝ်း​ၵူၼ်း​ႁဵတ်း​လဵင်ႉ​ႁဵတ်း​လူ ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​မီး​ဢလူဝ်ႇ​ၶႂ်ႈ​လႆႈ​သေ​ၸိူဝ်ႉ​သေ​ပိူင်​ၼၼ်ႉ​လႄႈ ပဵၼ်​ၸဝ်ႈ​ဢၼ်​ပၼ်​ၸႃႉ​ၸဵမ်​ၸီႇဝႃႉ​ဢသၢၵ်ႈ​လႄႈ တၢင်း​ဢၼ်​ထူၺ်ႈ​ၸႂ်​ၶဝ်ႈ​ထူၺ်ႈ​ၸႂ်​ဢွၵ်ႇ ဢိၵ်ႇ​တင်း​ၵႃႈ​မီး​ၵူႈ​ၸိူဝ်ႉ​ၵူႈ​ပိူင် တီႈ​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="26">မၼ်း​ၸဝ်ႈ​ၼၼ်ႉ ဢဝ်​တင်း​လိူတ်ႈ​ဢၼ်​လဵဝ်​ၽၢၼ်ႇ​သၢင်း​ႁဵတ်း​ပဵၼ်​ၵူၼ်း​ၵူႈ​ၸိူဝ်ႉ​ၵူႈ​ၶိူဝ်း ႁႂ်ႈ​လႆႈ​ယူႇ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​လႄႈ ၶိင်ႇ​ၵႃႇလႃႉ​ဢၼ်​မႅင်ႇ​ၽႄ​မႄး​ဝႆႉ​လႄႈ​သင်၊ တီႈ​ယူႇ​တီႈ​သဝ်း​ၶဝ်​ဢၼ်​ၶၼ်ႈ​ဝႆႉ​ၶႅၼ်ႈ​ဝႆႉ​လႄႈ​သင်၊ မၼ်း​ၸဝ်ႈ​မၢတ်ႈ​မၢႆ​ဝႆႉ​တီႈ​ၶဝ်​ဢေႃႈ။-</verse>
				<verse number="27">လွင်ႈ​မၼ်း​ၸမ်ႉ ၵူၼ်း​ႁဝ်း​ၼႆႉ​ထုၵ်ႇ​လီ​ၸၢမ်း​ႁႃ​ၽြႃး​ပဵၼ်​ၸဝ်ႈ​လႄႈ မီး​လွင်ႈ​ဢၼ်​ၸၢင်ႈ​ၶႄး​တၵ်း​ထူပ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၼႂ်း​ႁဝ်း​ၼႆႉ​ၽြႃး​ပဵၼ်​ၸဝ်ႈ​မီး​ၵႆ​ၵၼ်​တင်း​ၽူႈ​လႂ်​ဢမ်ႇ​ၸႂ်ႈ။-</verse>
				<verse number="28">ႁဵတ်း​ႁိုဝ်​လႄႈ၊ ဝႃႈ​ၼင်ႇ​ၼႆ​ၸမ်ႉ ႁဝ်း​ၼႆႉ​ၵွပ်ႈ​ပိူဝ်ႈ​မၼ်း​ၸဝ်ႈ​ၼၼ်ႉ​လႄႈ ဢသၢၵ်ႈ​လိပ်း​ယူႇ၊ တူင်ႉ​ၼိုင်​ယူႇ၊ ပဵၼ်​ယူႇ​ဢေႃႈ။ ၼင်ႇ​ၼၼ်​လႄႈ ၼႂ်း​သူ​ၼႆႉ သြႃႇ​လၢင်ႇ​ၵႃႇ ​ၵမ်ႈ​ၽွင်ႈ​ၸၢပ်ႈ​လႄႈ​ဝႃႈ၊ ႁဝ်း​ၸမ်ႉ​ပဵၼ်​ၸိူဝ်ႉ​ၶိူဝ်း​ၽြႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ပိူဝ်ႈ​ဢၼ်​ႁဝ်း​ၼႆႉ ပဵၼ်​ၸိူဝ်ႉ​ၶိူဝ်း​ၽြႃး​ပဵၼ်​ၸဝ်ႈ​လႄႈ ႁဝ်း​ဢမ်ႇ​လီ​ထၢင်ႇ​ၽြႃး​ပဵၼ်​ၸဝ်ႈ​မိူၼ်​ၵၼ်​တင်း​ရုၵ်ႈ​ထူႉ​ၶမ်း၊ ရုၵ်ႈ​ထူႉ​ငိုၼ်း၊ ရုၵ်ႈ​ထူႉ​မၢၵ်ႇ​ႁိၼ် ဢၼ်​ၵူၼ်း​ႁဝ်း​ဢဝ်​တင်း​ပိင်ႇ​ၺႃႇ​ၶႆႈ​ၸႂ်​လႄႈ​တွင်ႈ​ႁဵတ်း​ဝႆႉ​ၼၼ်ႉ။-</verse>
				<verse number="30">ပိူဝ်ႈ​ၼႆ​လႄႈ ပိၵ်ႉ​သမ်ႉ​ၽြႃး​ပဵၼ်​ၸဝ်ႈ​ဢမ်ႇ​ဝႆႉ​ဢမူႉ​ၶိင်ႇ​ၵႃႇလႃႉ ဢၼ်​မိူၵ်ႈ​လပ်း​သိင်ႇ​ၼၼ်ႉ​သေ​ၵေႃႈ၊ တေႃႈ​လဵဝ်​ၼႆႉ​မၼ်း​ၸဝ်ႈ​ပိင်း​ၺၢပ်ႈ​ဝႆႉ တီႈ​ၵူၼ်း​ၸိူဝ်း​ဢၼ်​မီး​ၵူႈ​တီႈ​ၵူႈ​လႅၼ်​တင်း​သဵင်ႈ​တင်း​လူင်​လႄႈ​ဝႃႈ ႁၼ်​ဢပႅတ်ႈ​တူဝ်​ၸဝ်ႈ​ၵဝ်ႇ​လႄႈ ၶုၵ်း​ၸႂ်​လႆႈ​မႆႈ​ၸႂ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">လွင်ႈ​မၼ်း​ၸမ်ႉ မၼ်း​ၸဝ်ႈ​မၵ်း​ၶၢၼ်း​ဝၼ်း​ဢၼ်​တၵ်း​ဢဝ်​ၵေႃႉ​ဢၼ်​မၼ်း​ၸဝ်ႈ​ၶၢၼ်း​ဝႆႉ​ၼၼ်ႉ ၸီႇ​ယၢင်ႇ​ၵူၼ်း​လေႃးၵီႇ​တင်း​လၢႆ​ၸွမ်း​ၼင်ႇ​တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ​ဝႆႉ​ယဝ်ႉ။ ပိူဝ်ႈ​ဢၼ်​မၼ်း​ၸဝ်ႈ​ႁႂ်ႈ​ၵေႃႉ​ၼၼ်ႉ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​လႄႈ မၼ်း​ၸဝ်ႈ​ၼႄ​ပျႃး​သၢၵ်ႈ​သေႇ​ဢၼ်​လီ​ယုမ်ႇ တီႈ​ၵူၼ်း​တင်း​သဵင်ႈ​တင်း​လူင်​ယဝ်ႉ​ဝႃႈ​ၼႆ၊ ပေႃးလူႉ ​ႁေႃး​လၢတ်ႈ​ဝႃႈ​ၼင်ႇ​ၼႆ​ဢေႃႈ။</verse>
				<verse number="32">မိူဝ်ႈ​ဢၼ်​ၶဝ်​ငိၼ်း​လွင်ႈ​တၢင်း​ဢၼ် ၵူၼ်း​တၢႆ​တင်း​လၢႆ​လုၵ်ႉ​ၶိုၼ်း​လိပ်း​ၼၼ်ႉ​ၸိုင် ၵမ်ႈ​ၽွင်ႈ​ၶူဝ်​သေ​ဢေႃႈ။ ၵမ်ႈ​ၽွင်ႈ​ၵေႃႈ​ဝႃႈ ႁဝ်း​တၵ်း​ထွမ်ႇ​လွင်ႈ​တီႈ​ႁဵင်း​ၼႆႉ​ထႅင်ႈ​လူး​ၵွၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="33">ၵူၺ်း​ၵႃႈ​မိူဝ်ႈ​ဢၼ်​ၶဝ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်​ ပေႃးလူႉ ​ဢွၵ်ႇ​ၵႃႈ​ၼႂ်း​ၶဝ်​ၼၼ်ႉ​ၵႂႃႇ​သေ​ဢေႃႈ။</verse>
				<verse number="34">ၵူၼ်း​ၵမ်ႈ​ၽွင်ႈ​ၸပ်း​ယူႇ​ၵႃႈ​တီႈ​ ပေႃးလူႉ ​လႄႈ ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​ဢေႃႈ။ ဢၼ်​ပႃး​ၼႂ်း​ၶဝ်​ၼၼ်ႉ မီး​ၸႃႉ​ၸဵမ်​ တယေႃႇၼူႉသီႉ ​ၶုၼ်​လွႆ​ ဢႃႇရေႇ ​ၵေႃႉ​ၼိုင်ႈ​လႄႈ မႄႈ​ယိင်း​ဢၼ်​လႆႈ​ၸိုဝ်ႈ​ တမႃႇရီႉ ​ၵေႃႉ​ၼိုင်ႈ ဢိၵ်ႇ​တင်း​ၵူၼ်း​တၢင်ႇ​ၵေႃႉ​ဢေႃႈ။</verse>
			</chapter>
			<chapter number="18">
				<verse number="1">လိုၼ်း​ၼၼ်ႉ၊​ ပေႃးလူႉ ဢွၵ်ႇ​သေ​ၵႃႈ​ၼႂ်း​ဝဵင်း​ ဢႃႇထိၼ်ႇ ​ၼၼ်ႉ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ၵေႃးရိၼ်ႇထူႉ ​ဢေႃႈ။-</verse>
				<verse number="2">မိူဝ်ႈ​ၼၼ်ႉ​မၼ်း​ထူပ်း​ႁၼ် ၵူၼ်း​ ယူႉတႃႉ ​ဢၼ်​လႆႈ​ၸိုဝ်ႈ​ ဢႃႇၵူႉလႃႉ ​လႄႈ ပဵၼ်​ၵူၼ်း​မိူင်း​ ပုၼ်ႇတူႉ ၊ ဢၼ်​ဢမ်ႇ​ပေႃး​ႁိုင် လုၵ်ႉ​သေ​ၵႃႈ​တီႈ​မိူင်း​ ဢီႉတလီႉ ႁွတ်ႈ​မႃး ၵွပ်ႈ​ပိူဝ်ႈ​ဢၼ်​ၶုၼ်​ႁေႃ​ၶမ်း​ ၵလေႃးတီႉ မီး​ဢမိင်ႉ ႁႂ်ႈ​ၵူၼ်း​ ယူႉတႃႉ တင်း​သဵင်ႈ​တင်း​လူင် ဢွၵ်ႇ​သေ​ၵႃႈ​ၼႂ်း​ဝဵင်း​ ရူဝ်းမႃႉ ​ၼၼ်ႉ ၵေႃႉ​ၼိုင်ႈ​ဢိၵ်ႇ​တင်း​မေး​မၼ်း​ ပျိတ်ႉၵီႉလႃႉ ​ၸိူဝ်း​ၼၼ်ႉ​လႄႈ ၶဝ်ႈ​ၸူး​ၵႃႈ​တီႈ​ၶဝ်​ၼၼ်ႉ​သေ​ယဝ်ႉ၊-</verse>
				<verse number="3">ၵွပ်ႈ​ပိူဝ်ႈ​ဢၼ်​တၢင်း​ႁဵတ်း​မိူၼ်​ၵၼ်​တင်း​ၶဝ်​ၼၼ်ႉ​လႄႈ ယူႇ​လူၺ်ႈ​ၵၼ်​တင်း​ၶဝ် ႁဵတ်း​တၢင်း​ႁဵတ်း​ယူႇ​ဢေႃႈ။ ၶဝ်​ၼၼ်ႉ​ပဵၼ်​ၵူၼ်း​ဢၼ်​ၸၢင်ႈ​ယဵပ်ႉ​မူဝ်းၵႃႇ​ဢေႃႈ။</verse>
				<verse number="4">ပေႃးလူႉ ​ၼၼ်ႉ တိူင်ႇ​ပၢင်ႇ​ႁေႃး​လၢတ်ႈ​ၼႂ်း​ၸရွပ်ႈ​ႁေႃး​တြႃး ဝၼ်း​ၵမ်​သိၼ်​ဢမ်ႇ​ထၢတ်ႇ​သေ​ဝၼ်း​လႄႈ ၸူဝ်း​ဢဝ်​ၵူၼ်း​ ယူႉတႃႉ ဢိၵ်ႇ​တင်း​ၵူၼ်း​ ႁေႇလသႃႉ ​တင်း​လၢႆ​ဢေႃႈ။</verse>
				<verse number="5">မိူဝ်ႈ​ဢၼ်​ သီႇ​လႃႉ ​တင်း​ တီႉမေႃးသေႇ လုၵ်ႉ​သေ​ၵႃႈ​တီႈ​မိူင်း​ မႃႇၵေႇတေႃးၼီႉ ႁွတ်ႈ​မႃး​ၼၼ်ႉ​ၸိုင်၊​ ပေႃးလူႉ ​ၵျူဝ်း​ၸႃး​ႁဵတ်း​လွင်ႈ​တၢင်း​ဢၼ် ႁေႃး​လၢတ်ႈ​တြႃး​ၵူၺ်း​လႄႈ ၶၢမ်ႇ​သၢၵ်ႈ​သေႇ​လွင်ႈ​ဢၼ်​ ယေႇသူႉ ပဵၼ်​ၸဝ်ႈ​ၶရိၸ်ႈ​ၼၼ်ႉ တီႈ​ၵူၼ်း​ ယူႉတႃႉ ​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="6">ၵူၺ်း​ၵႃႈ​မိူဝ်ႈ​ဢၼ် ၶဝ်​ႁဵတ်း​တၢင်း​ဢၼ်​တွပ်ႇ​ထဵင်​သႄႉ​သွမ်း​ၼၼ်ႉ​ၸိုင် မၼ်း​သၼ်ႇ​ပႅတ်ႈ​ၶူဝ်း​ၼုင်ႈ​မၼ်း​သေ​ယဝ်ႉ၊ လၢတ်ႈ​လႄႈ​ဝႃႈ၊ ႁႂ်ႈ​လိူတ်ႈ​သူ​မီး​ၵႃႈ​ၼိူဝ်​ႁူဝ်​သူ​တႃႉ။ ၵဝ်​ၸမ်ႉ​ၵၢင်း​လွတ်ႈ​ဢေႃႈ။ ၸႃႉ​ၸဵမ်​မိူဝ်ႈ​လဵဝ်​ၼႆႉ​လႄႈ ၵဝ်​တၵ်း​ၵႂႃႇ​ၵႃႈ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="7">ဢွၵ်ႇ​သေ​ၵႃႈ​ၼႂ်း​တီႈ​ၼၼ်ႈ​လႄႈ ၵႂႃႇ​ၵႃႈ​တီႈ​ႁိူၼ်း​ၵေႃႉ​ၼိုင်ႈ​ဢၼ်​လႆႈ​ၸိုဝ်ႈ​ ယုတ်ႉတူႉ ဢၼ်​ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။ ႁိူၼ်း​ၼၼ်ႉ​ၸပ်း​ၵၼ်​တင်း​ၸရွပ်ႈ​ႁေႃး​တြႃး​ယူႇ​ဢေႃႈ။-</verse>
				<verse number="8">ၵရီႉပူႉ ၵႄႇ​ၸရွပ်ႈ​ႁေႃး​တြႃး​ၼၼ်ႉ ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး​မၼ်း​တင်း​သဵင်ႈ​တင်း​လူင်​ယုမ်ႇ​မၢတ်ႈ​ၸဝ်ႈ​ၽြႃး​ဢေႃႈ။ ၵူၼ်း​ဝဵင်း​ ၵေႃးရိၼ်ႇထူႉ ​ၼမ်​ၼႃႇ​ၵေႃႈ​ထွမ်ႇ​ငိၼ်း​သေ​ယဝ်ႉ ယုမ်ႇ​မၢတ်ႈ​လႄႈ​ၶၢမ်ႇ​ ပပ်ႉတီႉၸမ်ႇ ​ဢေႃႈ။</verse>
				<verse number="9">ၶိင်ႇ​ၵၢင်​ၶိုၼ်း ၸဝ်ႈ​ၽြႃး​လၢတ်ႈ​တီႈ​ ပေႃးလူႉ ၼႂ်း​ပျႃႇ​တိၵ်ႈ​ရူႇပႃႇရူင်ႇ​လႄႈ​ဝႃႈ၊ မႂ်း​ယႃႇ​ပေ​ၵူဝ်​ပေ​ႁႄ၊ ယႃႇ​ပေ​ယူႇ​တဵတ်ႇ​တဵတ်ႇ​ယဵၼ်​ယဵၼ်၊ ႁေႃး​လၢတ်ႈ​တႃႉ။-</verse>
				<verse number="10">လွင်ႈ​မၼ်း​ၸမ်ႉ ၵဝ်​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။ ၽူႈ​လႂ်​တၵ်း​ဢမ်ႇ​ႁဵတ်း​ပႄႉ​ႁဵတ်း​ၼႅင်ႇ ႁႂ်ႈ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​မႂ်း။ ၼႂ်း​ဝဵင်း​ၼႆႉ​ၵဝ်​မီး​ၵူၼ်း​ၼမ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မၼ်း​ၵေႃႈ​ယူႇ​ၵႃႈ​တီႈ​ၼၼ်ႈ​ပီႊ​ပၢႆ​ႁူၵ်း​လိူၼ်​တဵမ်​တဵမ်​လႄႈ ႁေႃး​လၢတ်ႈ​သင်ႇ​သွၼ်​ပၼ်​ၼုၵ်ႈၵပၢတ်ႈ​တြႃး ၽြႃး​ပဵၼ်​ၸဝ်ႈ တီႈ​ၵူၼ်း​ဝဵင်း​ၸိူဝ်း​ၼၼ်ႉ​ယူႇ​ဢေႃႈ။</verse>
				<verse number="12">မိူဝ်ႈ​ဢၼ်​ၶုၼ်​ ၵႃႇလဵဝ်ႇ လႆႈ​ဢရႃႇ​ဢၼ်​ဢုပ်ႉ​ပိူင်ႇ​မိူင်း​ ဢၶႃႇယႃႉ ​ၼၼ်ႉ​ၸိုင်၊ ၵူၼ်း​ ယူႉတႃႉ ​တင်း​လၢႆ​ၽွမ်ႉ​ၵၼ် ႁဵတ်း​ပႄႉ​ႁဵတ်း​ၼႅင်ႇ​တီႈ​ ပေႃးလူႉ ​လႄႈ ဢဝ်​မၼ်း​ၵႂႃႇ​ၵႃႈ​တီႈ​ၽၢႆႇ​ၼႃႈ​ပလၢင်ႇ​ဢၼ်​ၸီႇ​ယၢင်ႇ​တြႃး​ၼၼ်ႉ​သေ​ယဝ်ႉ၊-</verse>
				<verse number="13">လဝ်ႊ​လၢတ်ႈ​လႄႈ​ဝႃႈ ၵေႃႉ​ၼႆႉ​တိုၵ်း​ယူင်း​ၸူဝ်း​ဢဝ်​ၵူၼ်း​တင်း​လၢႆ ႁႂ်ႈ​လႆႈ​ၶတ်း​ၵၼ်​တင်း​တြႃး​သေ​လႄႈ ၵူဝ်း​ၵႂၢႆႇ​ၽြႃး​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">မိူဝ်ႈ​ဢၼ်​ ပေႃးလူႉ ႁႃ​တၵ်း​ပိုတ်ႇ​ပၢၵ်ႇ​လၢတ်ႈ​ၼၼ်ႉ​ၸိုင်၊ ၶုၼ်​ ၵႃႇလဵဝ်ႇ ​ၼၼ်ႉ လၢတ်ႈ​တီႈ​ၵူၼ်း​ ယူႉတႃႉ ​ၸိူဝ်း​ၼၼ်ႉ​လႄႈ​ဝႃႈ၊ ၵူၼ်း​ ယူႉတႃႉ ​ၶဝ်​ဢိူၺ်း၊ ပေႃး​ပဵၼ်​ဢမူႉ​ဢၼ်​ဢမ်ႇ​တြႃး ဢမ်ႇ​ၼၼ်​ဢမူႉ​ဢၼ်​ႁၢႆႉ​မိူၵ်ႈ​ၵူဝ်ႈ​ၵိူၵ်ႇ​ၸိုင်၊ ၵဝ်​တၵ်း​လႆႈ​ယိူၼ်ႉ​ၶၢမ်ႇ​သူ ၵႃႈ​ၼင်ႇ​ဢၼ်​မီး​လွင်ႈ​မၼ်း​တၢင်း​မၼ်း​ၼၼ်ႉ​ဢေႃႈ။-</verse>
				<verse number="15">ၵူၺ်း​ၵႃႈ​ပေႃး​ပဵၼ်​ဢမူႉ​လွင်ႈ​ၵႂၢမ်း​လွင်ႈ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ​သဵင်​လွင်ႈ​ၽႃႇသႃႇ​တြႃး​သူ​ၸိုင်၊ တူဝ်​ၸဝ်ႈ​ၵဝ်ႇ​ပႂ်ႉ​ဢမူႉ​တူဝ်​ၸဝ်ႈ​ၵဝ်ႇ​တႃႉ။ ၵဝ်​ဢမ်ႇ​ၶႂ်ႈ​ၸီႇ​ယၢင်ႇ​ဢမူႉ​ၸိူဝ်ႉ​ၼင်ႇ​ၼၼ်​ၼၼ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="16">ႁေႃႈ​ၵူၼ်း​ ယူႉတႃႉ ​ၸိူဝ်း​ၼၼ်ႉ​ဢွၵ်ႇ​ပႅတ်ႈ​သေ​ၵႃႈ​တီႈ​ပလၢင်ႇ​ဢၼ်​ၸီႇ​ယၢင်ႇ​တြႃး​ၼၼ်ႉ​ဢေႃႈ။</verse>
				<verse number="17">မိူဝ်ႈ​ၼၼ်ႉ ၶဝ်​တင်း​သဵင်ႈ​တင်း​လူင်​ၼၼ်ႉ ဢဝ်​ သွတ်ႇသၼီႉ ၵႄႇ​ၸရွပ်ႈ​ႁေႃး​တြႃး ပေႃႉ​ယႅၼ်ႉ​ၵႃႈ​တီႈ​ၽၢႆႇ​ၼႃႈ​ပလၢင်ႇ​ဢၼ်​ၸီႇ​ယၢင်ႇ​တြႃး​ၼၼ်ႉ​ဢေႃႈ။ လွင်ႈ​တၢင်း​ၼၼ်ႉ​ၵေႃႈ ၶုၼ်​ ၵႃႇလဵဝ်ႇ ယင်း​ဢမ်ႇ​ဝႆႉ​ဢမူႉ​လႄႈ​ယူႇ​ဢေႃႈ။</verse>
				<verse number="18">လိုၼ်း​ၼၼ်ႉ​ ပေႃးလူႉ ​ယူႇ​ႁၢမ်ႉ​ႁိုင်​ယဝ်ႉ​ၸင်ႇ တၵ်ႉ​လၢတ်ႈ​ၵၼ်​တင်း​ပီႈ​ၼွင်ႉ​တင်း​လၢႆ​သေ​လႄႈ ဢွၵ်ႇ​ၵႃႈ​ၼႂ်း​ဝဵင်း​ၼၼ်ႉ​ၵႂႃႇ​သေ​ဢေႃႈ။ မၼ်း​ထႃ​ႁူဝ်​မၼ်း ၵႃႈ​ၼႂ်း​ဝဵင်း​ ၵိၼ်ႇၶျေႇ ​ဢေႃႈ။ ၵႃႈ​ၼင်ႇ​ဢၼ်​လႆႈ​ႁဵတ်း​ၵတီႉ​သဵတ်ႈ​ၸႃႇ​ဝႆႉ​ၼၼ်ႉ​သေ​ယဝ်ႉ၊ ႁွင်ႉ​ဢဝ်​ ပျိတ်ႉၵီႉလႃႉ တင်း​ ဢႃႇၵူႉလႃႉ ​လႄႈ ၶီႇ​ႁိူဝ်း​သၢင်း​ၽေႃး ၵႂႃႇ​ၵႃႈ​တီႈ​မိူင်း​ သူႉရီႉ ​ဢေႃႈ။-</verse>
				<verse number="19">ၶဝ်​ၼၼ်ႉ​ႁွတ်ႈ​ထိုင်​ၵႃႈ​တီႈ​ဝဵင်း​ ဢေးၽႅတ်ႈ ​သေ​ယဝ်ႉ၊​ ပေႃးလူႉ ​ႁႂ်ႈ ဢႃႇၵူႉလႃႉ ​တင်း​ ပျိတ်ႉၵီႉလႃႉ ​ၵိုတ်း​သဝ်း​ယူႇ ၵႃႈ​တီႈ​ၼၼ်ႈ​သေ​လႄႈ တူဝ်​မၼ်း​ၶဝ်ႈ​ၵႃႈ​ၼႂ်း​ၸရွပ်ႈ​ႁေႃး​တြႃး တိူင်ႇ​ပၢင်ႇ​လၢတ်ႈ​ၸႃ​ၵၼ်​တင်း ၵူၼ်း​ ယူႉတႃႉ ​တင်း​လၢႆ​ဢေႃႈ။-</verse>
				<verse number="20">မိူဝ်ႈ​ဢၼ်​ၶဝ်​တွင်း​ပၢၼ်ႇ ႁႂ်ႈ​မၼ်း​ယူႇ​လူၺ်ႈ​ၵၼ်​တင်း​ၶဝ်​ထႅင်ႈ​လူး​ၵွၼ်ႇ​ၼၼ်ႉ​ၸိုင်၊ မၼ်း​ဢမ်ႇ​ႁပ်ႉ​တုင်း​ဢဝ်​လႄႈ၊-</verse>
				<verse number="21">တၵ်ႉ​လၢတ်ႈ​ၶဝ်​သေ​လႄႈ​ဝႃႈ ပေႃး​ၽြႃး​ပဵၼ်​ၸဝ်ႈ​မီး​ဢလူဝ်ႇ​ၸိုင်၊ ၵမ်း​လိုၼ်း​ၵဝ်​တၵ်း​ၶိုၼ်း​မႃး ၵႃႈ​တီႈ​သူ​ထႅင်ႈ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ ၶီႇ​ႁိူဝ်း​သၢင်း​ၽေႃး​ဢွၵ်ႇ​သေ ၵႃႈ​တီႈ​ၼႂ်း​ဝဵင်း​ ဢေးၽႅတ်ႈ ​ၼၼ်ႉ​ၵႂႃႇ​ဢေႃႈ။-</verse>
				<verse number="22">မိူဝ်ႈ​ဢၼ်​မၼ်း​ႁွတ်ႈ​ထိုင်​ၵႃႈ​တီႈ​ဝဵင်း​ ၵေႇသရီႉ ​ၼၼ်ႉ​ၸိုင် မၼ်း​ၶိုၼ်း​ၵႂႃႇ​ၸူး​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ တၵ်ႉ​လၢတ်ႈ​ၵၼ်​တင်း​ၸိူဝ်း​ၸဝ်ႈ​ယဝ်ႉ​ၸင်ႇ လူင်း​မႃး​ၵႃႈ​တီႈ​ဝဵင်း​ ဢၼ်ႇတီႉဢူၵ်ႉ ​ဢေႃႈ။-</verse>
				<verse number="23">မၼ်း​ယူႇ​ၵႃႈ​ၼႂ်း​ဝဵင်း​ၼၼ်ႉ​ႁိုင်​တၢၼ်ႇ​တၢၼ်ႇ​ယဝ်ႉ​ၸင်ႇ သမ်ႉ​ဢွၵ်ႇ​ၸွမ်း​တၢင်း​ၵႂႃႇ ၵႃႈ​ၼႂ်း​မိူင်း​ ၵလႃႇတီႉ တင်း​မိူင်း​ ၽႃႇရူႉၵီႉ ၵႃႈ​ၼင်ႇ​ဢၼ်​ၸႅၼ်ႇ​ယႆ​ၵၼ်​မီး​ဝႆႉ​ၼၼ်ႉ​လႄႈ ႁႂ်ႈ​တပႄး​ၸဝ်ႈ​တင်း​သဵင်ႈ​တင်း​လူင်​မၼ်ႈ​ၶိူင်ႇ​ဢေႃႈ။</verse>
				<verse number="24">ၵူၼ်း​ ယူႉတႃႉ ​ဢၼ်​လႆႈ​ၸိုဝ်ႈ​ ဢႃႇပေႃးလူႉ ​လႄႈ ပဵၼ်​ၵူၼ်း​ဝဵင်း​ ဢႃႇလေႇၸၼ်ႇတရေႇ ဢၼ်​ၸၢင်ႈ​လၢတ်ႈ​ၸၢင်ႈ​ဝႃႈ​လႄႈ ပဵၼ်​ၵေႃႉ​ဢၼ်​ႁူႉ​မေႃ​ၼႂ်း​ၵျၢမ်း​လိၵ်ႈ​ၼႃႇ​လူင်​လၢင်​ၼၼ်ႉ​ၵေႃႉ​ၼိုင်ႈ ႁွတ်ႈ​မႃး​ၵႃႈ​တီႈ​ဝဵင်း ဢေးၽႅတ်ႈ ​ၼၼ်ႉ​ဢေႃႈ။-</verse>
				<verse number="25">ၵေႃႉ​ၼၼ်ႉ​ယၢမ်ႈ​သွၼ်​ဢဝ်​ၼႂ်း​ၽႃႇသႃႇ​ၸဝ်ႈ​ၽြႃး​ယဝ်ႉ​လႄႈ ပိူဝ်ႈ​ဢၼ်​ၸႂ်​ၸပ်း​ၸႂ်​ၸွႆး​ယႂ်ႇ​ၼႃႇ​ၼၼ်ႉ၊ ႁေႃး​လၢတ်ႈ​သင်ႇ​သွၼ်​သုင်း​မႃႉ​ပၼ် လွင်ႈ​တၢင်း​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း ယေႇသူႉ ​ၼၼ်ႉ လီ​လီ​ငၢမ်း​ငၢမ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မၼ်း​ႁူႉ​ ပပ်ႉတီႉၸမ်ႇ ​ ယူဝ်းႁၢၼ်ႇ ​ၵူၺ်း​ဢေႃႈ။-</verse>
				<verse number="26">မၼ်း​ၼၼ်ႉ​ၸႃႉ​ႁေႃး​လၢတ်ႈ​ႁတ်း​ႁတ်း​ႁၢၼ်​ႁၢၼ် ၼႂ်း​ၸရွပ်ႈ​ႁေႃး​တြႃး​လႄႈ မိူဝ်ႈ​ဢၼ်​ ဢႃႇၵူႉလႃႉ တင်း​ ပျိတ်ႉၵီႉလႃႉ ငိၼ်း​ၵႂၢမ်း​မၼ်း​ၼၼ်ႉ​ၸိုင်၊ ၶဝ်​ဢဝ်​မၼ်း​သွၼ်​ပၼ်​ၽႃႇသႃႇ​တြႃး​ၽြႃး​ပဵၼ်​ၸဝ်ႈ ယဵင်ႈ​ၶႅၼ်း​သေႇ​ၶျႃႇ​လီ​ငၢမ်း​ဢေႃႈ။-</verse>
				<verse number="27">ပိူဝ်ႈ​ဢၼ်​မၼ်း​ၼၼ်ႉ ၶၢႆႉ​ၵႂႃႇ​ၵႃႈ​တီႈ​မိူင်း​ ဢၶႃႇယႃႉ ​လႄႈ ၼင်ႇ​ႁိုဝ်​တပႄး​ၸဝ်ႈ​တင်း​လၢႆ တၵ်း​ႁပ်ႉ​တုင်း​ဢဝ်​မၼ်း​ၸိုင်၊ ပီႈ​ၼွင်ႉ​ၸိူဝ်း​ၼၼ်ႉ​တႅမ်ႈ​လိၵ်ႈ​ပၼ်​ၵႂႃႇ​ဢေႃႈ။ မိူဝ်ႈ​ဢၼ်​မၼ်း​ႁွတ်ႈ​ထိုင်​ၸိုင်၊ မၼ်း​ၸွႆႈ​ထႅမ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ၼၼ်ႉ​တႄႉ​တႄႉ​ဝႃႈ​ဝႃႈ​ဢေႃႈ။-</verse>
				<verse number="28">လွင်ႈ​မၼ်း​ၸမ်ႉ မၼ်း​လၢတ်ႈ​ယႃႉ​ၵႂၢမ်း​ၵူၼ်း​ ယူႉတႃႉ ​ၶဝ် ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ ႁႅင်း​ယႂ်ႇ​ၼႃႇ​လူင်​လၢင်​လႄႈ ဢဝ်​တင်း​ၵျၢမ်း​လိၵ်ႈ ၽုၺ်ႇ​ဢွၵ်ႇ​ၼႄ​ပျႃး လွင်ႈ​ဢၼ်​ ယေႇသူႉ ပဵၼ်​ၸဝ်ႈ​ၶရိၸ်ႈ​ၼၼ်ႉ​ဢေႃႈ။</verse>
			</chapter>
			<chapter number="19">
				<verse number="1">ၼႂ်း​မိူဝ်ႈ​ဢၼ်​ ဢႃႇပေႃးလူႉ ယင်း​မီး​ယူႇ​ၵႃႈ​ၼႂ်း​ဝဵင်း​ ၵေႃးရိၼ်ႇထူႉ ​ယူႇ​ၼၼ်ႉ​ၸိုင်၊​ ပေႃးလူႉ လႄႇ​လဵပ်ႈ​ၵႃႈ​ၼႂ်း​မိူင်း​တၢင်း​ၼိူဝ်​ယဝ်ႉ​ၸင်ႇ ႁွတ်ႈ​ထိုင်​ဝဵင်း​ ဢေးၽႅတ်ႈ ​လႄႈ ထူပ်း​ႁၼ်​တပႄး​ၸဝ်ႈ​ၵမ်ႈ​ၽွင်ႈ​သေ​ယဝ်ႉ၊-</verse>
				<verse number="2">ထၢမ်​လႄႈ​ဝႃႈ၊ ဝၢႆး​သေ​သူ​ယုမ်ႇ​မၢတ်ႈ​ယဝ်ႉ​ၼၼ်ႉ သူ​လႆႈ​ၶၢမ်ႇ​ဢဝ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ယဝ်ႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် ၶဝ်​ၵေႃႈ​လၢတ်ႈ​လႄႈ​ဝႃႈ ႁဝ်း​ၶႃႈ​ဢမ်ႇ​တွၼ်ႉ​ငိၼ်း​လွင်ႈ​ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​မီး​ၼၼ်ႉ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">မၼ်း​ၵေႃႈ​သမ်ႉ​ထၢမ်​လႄႈ​ဝႃႈ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် သူ​လႆႈ​ၶၢမ်ႇ​ ပပ်ႉတီႉၸမ်ႇ ​ဢၼ်​လႂ်၊ ဝႃႈ​ၼင်ႇ​ၼႆ​သေ​ယဝ်ႉ ၶဝ်​ၵေႃႈ​လၢတ်ႈ​လႄႈ​ဝႃႈ လႆႈ​ၶၢမ်ႇ​ ပပ်ႉတီႉၸမ်ႇ ​ ယူဝ်းႁၢၼ်ႇ ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ပေႃးလူႉ ​ၵေႃႈ​လၢတ်ႈ​လႄႈ​ဝႃႈ၊​ ယူဝ်းႁၢၼ်ႇ ​လႆႈ​ပၼ်​ ပပ်ႉတီႉၸမ်ႇ ​ပုၼ်ႈ​လွင်ႈ​ၼင်ႇ​ႁိုဝ် တၵ်း​ၶုၵ်း​ၸႂ်​လႆႈ​မႆႈ​ၸႂ်​ၼၼ်ႉ​လႄႈ လၢတ်ႈ​တီႈ​ၵူၼ်း​တင်း​လၢႆ​လႄႈ​ဝႃႈ၊ တၵ်း​လႆႈ​ယုမ်ႇ​မၢတ်ႈ​ၵေႃႉ​ဢၼ်​တၵ်း​ပေႃႇ​မႃး​လိုၼ်း​မၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၼႂ်း​လွင်ႈ​တၢင်း​ဢၼ်​မၼ်း​ဝႃႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸမ်ႉ၊ မၼ်း​ၶႂ်ႈ​ဝႃႈ​ ယေႇသူႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ဢၼ်​ငိၼ်း​ၵႂၢမ်း​ၼၼ်ႉ​ၸိုင် ၶဝ်​ၼၼ်ႉ​ၶၢမ်ႇ​ ပပ်ႉတီႉၸမ်ႇ ​ၼႂ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ ယေႇသူႉ ​ဢေႃႈ။-</verse>
				<verse number="6">ပေႃးလူႉ ​ၵေႃႈ ဢဝ်​မိုဝ်း​တၢင်ႇ​ၵႃႈ​ၼိူဝ်​ၶဝ်​ၼၼ်ႉ​လႄႈ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​လူင်း​မႃး​သေ​ယဝ်ႉ ၶဝ်​ၼၼ်ႉ​လၢတ်ႈ​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင်​လႄႈ ႁဵတ်း​ပရေႃးၽႅတ်ႈ​ဢေႃႈ။-</verse>
				<verse number="7">ၶဝ်​တင်း​သဵင်ႈ​တင်း​လူင်​ၼၼ်ႉ​မီး​သေ​သိပ်း​သွင်​ၵေႃႉ​ၸမ်​ၸမ်​ဢေႃႈ။</verse>
				<verse number="8">လိုၼ်း​ၼၼ်ႉ၊​ ပေႃးလူႉ ​ၶဝ်ႈ​ၵႃႈ​ၼႂ်း​ၸရွပ်ႈ​ႁေႃး​တြႃး​လႄႈ ႁေႃး​လၢတ်ႈ​ႁတ်း​ႁတ်း​ႁၢၼ်​ႁၢၼ် သၢမ်​လိူၼ်​တဵမ်​တဵမ်​လႄႈ တိူင်ႇ​ပၢင်ႇ​လၢတ်ႈ​ၸႃ​ၵၼ် လူၺ်ႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​မိူင်း​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="9">ၵူၺ်း​ၵႃႈ​မိူဝ်ႈ​ဢၼ်​ၵူၼ်း​ၵမ်ႈ​ၽွင်ႈ​မီး​ၸႂ်​ဢၼ်​ၵႅၼ်ႇ​ၶႅင်​သေ​ယဝ်ႉ ယင်း​ဢမ်ႇ​ယုမ်ႇ​မၢတ်ႈ​လႄႈ​သႄႉ​သွမ်း​သဵၼ်ႈ​တၢင်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ၼၼ်ႉ​ၸိုင်၊​ ပေႃးလူႉ ​ဢွၵ်ႇ​သေ ၵႃႈ​ၼႂ်း​ၶဝ်​ၼၼ်ႉ​ၵႂႃႇ​လႄႈ ၽႄ​ဢဝ်​တပႄး​ၸဝ်ႈ​တင်း​လၢႆ ဝႆႉ​ၶေႃ​ၶေႃ​သေ​ယဝ်ႉ တိူင်ႇ​ပၢင်ႇ​ႁေႃး​လၢတ်ႈ​ၵႃႈ​ၼႂ်း​ၸရွပ်ႈ​သွၼ်​လိၵ်ႈ​ တူႉရၼ်ႇၼူႉ ​ၵူႈ​ဝၼ်း​ဢေႃႈ။-</verse>
				<verse number="10">ႁဵတ်း​ၸိူဝ်ႉ​ၼင်ႇ​ၼၼ်​ယူႇ​သွင်​ပီႊ​တဵမ်​တဵမ်​လႄႈ ၵူၼ်း​ဢၼ်​မီး​ၵႃႈ​ၼႂ်း​မိူင်း​ ဢႃႇသီႉ ​တင်း​သဵင်ႈ​တင်း​လူင် ပဵၼ်​ၵူၼ်း​ ယူႉတႃႉ သေ​ဢမ်ႇ​ဝႃႈ၊ ပဵၼ်​ၵူၼ်း​ ႁေႇလသႃႉ ​သေ​ဢမ်ႇ​ဝႃႈ၊ လႆႈ​ငိၼ်း​ၼုၵ်ႈၵပၢတ်ႈ​တြႃး​ၸဝ်ႈ​ၽြႃး​ဢေႃႈ။</verse>
				<verse number="11">ၽြႃး​ပဵၼ်​ၸဝ်ႈ ဢဝ်​မိုဝ်း​ ပေႃးလူႉ ၼႄ​ပျႃး​တၼ်း​ၶူဝ်း​ဢၼ်​လၢၵ်ႇ​လၢႆး​ၼႃႇ​လူင်​လၢင်​ၼမ်​ၼႃႇ​ဢေႃႈ။-</verse>
				<verse number="12">ပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​လႄႈ လႆႈ​ဢဝ်​ၽႃႈ​ၸဵတ်ႉ​ဢိၵ်ႇ​တင်း​သၢႆ​ဢႅဝ် ၵႃႈ​တီႈ​တူဝ်​မၼ်း​ၼၼ်ႉ​ၼမ်​ၼႃႇ ပၼ်​ၵႂႃႇ​တီႈ​ၵူၼ်း​ၶႆႈ​ၵူၼ်း​ပဵၼ်​တင်း​လၢႆ​လႄႈ ၶဝ်​ၼၼ်ႉ​ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ်​ဢေႃႈ။ ၽီ​ႁၢႆႉ​တင်း​လၢႆ​ၵေႃႈ​ဢွၼ်​ၵၼ်​ဢွၵ်ႇ​ၵႂႃႇ​သေ​ဢေႃႈ။</verse>
				<verse number="13">မိူဝ်ႈ​ၼၼ်ႉ​ၵူၼ်း​ ယူႉတႃႉ ​ၵမ်ႈ​ၽွင်ႈ​ဢၼ်​လႄႇ​ၵႂႃႇ​ၵူႈ​တီႈ​ၵူႈ​လႅၼ်​လႄႈ ၸၢင်ႈ​ပၼ်​တိၵ်ႈ​ထၢၼ်ႇ​သဵတ်ႈ​ၸႃႇ​ၼၼ်ႉ ႁွင်ႉ​ၸၢမ်း​တူၺ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ ယေႇသူႉ ၵႃႈ​ၼိူဝ်​ၶဝ်​ၸိူဝ်း​ဢၼ်​ၽီ​ႁၢႆႉ​ၶဝ်ႈ​ၼၼ်ႉ​လႄႈ​ဝႃႈ၊ ၵဝ်​တိူင်ႇ​ ယေႇသူႉ ​ဢၼ်​ ပေႃးလူႉ ​ႁေႃး​လၢတ်ႈ​ၼၼ်ႉ​လႄႈ ပၼ်​တိၵ်ႈ​ထၢၼ်ႇ​သဵတ်ႈ​ၸႃႇ​ၵႃႈ​တီႈ​သူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">လုၵ်ႈ​ၸၢႆး​ယိတ်ႈပရေႃးႁဵၵ်ႈ​လူင်​ၵူၼ်း​ ယူႉတႃႉ ဢၼ်​လႆႈ​ၸိုဝ်ႈ​ သၵေးဝႃႉ ​ၼၼ်ႉ ႁဵတ်း​ၸိူဝ်ႉ​ၼင်ႇ​ၼၼ်​တင်း​ၸဵတ်း​ၵေႃႉ​ဢေႃႈ။-</verse>
				<verse number="15">ၽီ​ႁၢႆႉ​ၵေႃႈ​လၢတ်ႈ​လႄႈ​ဝႃႈ၊ ယေႇသူႉ ​ၸိုင်​ၵဝ်​ႁူႉ​ဢေႃႈ။​ ပေႃးလူႉ ​ၵေႃႈ​ၵဝ်​ႁူႉ​လီ​လီ​ငၢမ်း​ငၢမ်း​ဢေႃႈ။ သူ​ၸမ်ႉ​ပဵၼ်​ၽူႈ​လႂ်၊ ဝႃႈ​ၼင်ႇ​ၼႆ​သေ​လႄႈ၊-</verse>
				<verse number="16">ၵေႃႉ​ဢၼ်​ၽီ​ႁၢႆႉ​ၶဝ်ႈ​ၼၼ်ႉ​ဝႅၼ်​ၶိုၼ်ႈ​ၵႃႈ​ၼိူဝ်​ၶဝ်​လႄႈ တဵၵ်း​ၶီႇ​တဵၵ်း​တဵင်​ၶဝ်​သေ​ယဝ်ႉ၊ ႁဵတ်း​ပႄႉ​ႁဵတ်း​ၼႅင်ႇ​တီႈ​သွင်​ၵေႃႉ​လႄႈ ႁႂ်ႈ​ၶဝ်​ဢွၵ်ႇ​ပၢႆႈ​သေ​ၵႃႈ​ၼႂ်း​ႁိူၼ်း​ၼၼ်ႉ ထၼ်ႈ​ပေႃး​ဢမ်ႇ​ပႃး​ၶူဝ်း​ၼုင်ႈ​တၢင်း​မႆ​လႄႈ လႆႈ​တၢင်း​ၸဵပ်း​တၢင်း​သႅပ်ႇ​ၵႂႃႇ​ဢေႃႈ။-</verse>
				<verse number="17">လွင်ႈ​တၢင်း​ၼၼ်ႉ​ၸိုင် ၵူၼ်း​ ယူႉတႃႉ ဢိၵ်ႇ​တင်း​ၵူၼ်း​ ႁေႇလသႃႉ ဢၼ်​မီး​ယူႇ​ၵႃႈ​ၼႂ်း​ဝဵင်း​ ဢေးၽႅတ်ႈ တင်း​သဵင်ႈ​တင်း​လူင်​ၼၼ်ႉ ႁူႉ​ငိၼ်း​သေ​ယဝ်ႉ​ၵူဝ်​ႁႄ​ၼႃႇ​လူင်​လၢင်​လႄႈ ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ ယေႇသူႉ ​ဢေႃႈ။-</verse>
				<verse number="18">ၵူၼ်း​ဢၼ်​ယုမ်ႇ​မၢတ်ႈ​ၼမ်​ၼႃႇ​ၵေႃႈ မႃး​ၽုၺ်ႇ​ဢွၵ်ႇ​ၼႄ​ပျႃး တၢင်း​ၵမ်​တၢင်း​ၵျၢင်ႉ​တူဝ်​ၸဝ်ႈ​ၵဝ်ႇ​တင်း​လၢႆ သေ​လႄႈ​တွင်း​ပၢၼ်ႇ​ဢေႃႈ။-</verse>
				<verse number="19">ၵူၼ်း​ဢၼ်​ယိပ်း​ၵႅမ်း​ဢတၢတ်ႈ​ၽီ​မေႃ​ၼမ်​ၼႃႇ​ၵေႃႈ ဢဝ်​ၽိုၼ်​လိၵ်ႈ​ၶဝ်​မႃး​လႄႈ​တုတ်ႇ​ၽႆး​ပႅတ်ႈ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ဢေႃႈ။ ၶဝ်​ၼပ်ႉ​ဢၢၼ်ႇ​တူၺ်း​ၵႃႈ​မၼ်း​ၶၼ်​မၼ်း​လႄႈ ထူပ်း​ႁၼ်​လွင်ႈ​ဢၼ်​ထိူၵ်ႈ​ငိုၼ်း​ႁႃႈ​မိုၼ်ႇ​ဢေႃႈ။-</verse>
				<verse number="20">ၼင်ႇ​ၼၼ်​လႄႈ​သႃႇသၼႃႇ​ၽြႃး​ပဵၼ်​ၸဝ်ႈ​ၼၼ်ႉ ပႃး​တင်း​တၼ်း​ၶူဝ်း​ယႂ်ႇ​ၵႂၢင်ႈ​မႃး​လႄႈ​ပႄႉ​ၼႅင်ႇ​ၵႂႃႇ​ဢေႃႈ။</verse>
				<verse number="21">မိူဝ်ႈ​ဢၼ်​ပဵၼ်​မႃး​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊​ ပေႃးလူႉ ​မီး​တၢင်း​ၵျၢမ်ႇ​တၢင်း​ပွင်​ၼႂ်း​ၸႂ်​လႄႈ​ဝႃႈ တၵ်း​ၸွမ်း​တၢင်း​လတ်း​ၶဝ်ႈ​ၵႃႈ​ၼႂ်း​မိူင်း​ မႃႇၵေႇတေႃးၼီႉ တင်း​မိူင်း​ ဢၶႃႇယႃႉ သေ​ယဝ်ႉ၊ ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ပုၼ်ႉ​လႄႈ၊ လိုၼ်း​သေ​ၵဝ်​ႁွတ်ႈ​ထိုင်​ၵႃႈ​တီႈ​ဝဵင်း​ၼၼ်ႉ​ယဝ်ႉ​ၼၼ်ႉ၊ ၵဝ်​တၵ်း​လႆႈ​ႁၼ်​ဝဵင်း​ ရူဝ်းမႃႉ ​ဢေႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="22">ပွႆႇ​ၸႂ်ႉ​ တီႉမေႃးသေႇ တင်း​ ဢေႇရတ်ႉတူႉ ​ၵူၼ်း​သွင်​ၵေႃႉ​ဢၼ်​ပဵၼ်​ၵူၼ်း​ဢၼ်​ႁဵတ်း​လဵင်ႉ​ႁဵတ်း​လူ​မၼ်း​ၼၼ်ႉ ၵႂႃႇ​ၵႃႈ​တီႈ​မိူင်း​ မႃႇၵေႇတေႃးၼီႉ ​သေ​ယဝ်ႉ၊ တူဝ်​မၼ်း​ၵိုတ်း​သဝ်း​ယူႇ​ၵႃႈ​ၼႂ်း​မိူင်း​ ဢႃႇသီႉ ၊ ၵမ်း​ဢွၼ်ႇ​ၼိုင်ႈ​ဢေႃႈ။</verse>
				<verse number="23">မိူဝ်ႈ​ၼၼ်ႉ လွင်ႈ​ဢၼ်​ယုင်ႈ​ယၢင်ႈ​ဢူၼ်​ဢဵၼ်​ၼႃႇ​လူင်​လၢင် ၵွပ်ႈ​ပိူဝ်ႈ​သဵၼ်ႈ​တၢင်း​တြႃး​ၼၼ်ႉ​ၸမ်ႉ၊-</verse>
				<verse number="24">ၸၢင်ႈ​ၶမ်း​ဢၼ်​လႆႈ​ၸိုဝ်ႈ​ တေႇမေႇတရီႉ ဢၼ်​ၸၢင်ႈ​ႁဵတ်း​ပိၵ်ႈ​မၢၼ်ႇ​ငိုၼ်း​ဢွၼ်ႇ​ၼၢင်း​ၽီ​ ဢႃႇတေႇမီႉ ​ၼမ်​ၼႃႇ​ၼၼ်ႉ​ၵေႃႉ​ၼိုင်ႈ ႁဵတ်း​ႁႂ်ႈ​ၸၢင်ႈ​ၶမ်း​တင်း​လၢႆ​ပဵၼ်​တိုၼ်း​ပဵၼ်​ႁွၼ်း​ၼမ်​ၼႃႇ​ဢေႃႈ။-</verse>
				<verse number="25">မၼ်း​ၼၼ်ႉ ႁႂ်ႈ​ၶဝ်​ဢိၵ်ႇ​တင်း ၶဝ်​ၸိူဝ်း​ဢၼ်​မေႃ​ၸၢင်ႈ​ၸိူဝ်ႉ​ၼင်ႇ​ၼၼ်​ၼၼ်ႉ ၸူႉ​ၵၼ်​တုမ်​ၵၼ်​သေ​ယဝ်ႉ၊ လၢတ်ႈ​လႄႈ​ဝႃႈ၊ ၵူၼ်း​တင်း​လၢႆ​ၶဝ်​ဢိူၺ်း၊ သူ​ႁူႉ​လွင်ႈ​ဢၼ်​ႁဝ်း​ၼႆႉ​မၢၵ်ႈ​မီး​လီ​ပဵၼ်​ၵွပ်ႈ​ပိူဝ်ႈ​တၢင်း​ႁဵတ်း​ၼႆႉ​ၼၼ်ႉ​ယူႇ​ဢေႃႈ။-</verse>
				<verse number="26">လွင်ႈ​ဢၼ်​ ပေႃးလူႉ ​ၼႆႉ တိုၵ်း​ယူင်း​ၸူဝ်း​ဢဝ်​ၵူၼ်း​ၼမ်​ၼႃႇ​ၵႃႈ​တီႈ​ဝဵင်း​ ဢေးၽႅတ်ႈ ​ၼႆႉ​ၵူၺ်း​ဢမ်ႇ​ၵႃး၊ မိူင်း​ ဢႃႇသီႉ ​ၼႆႉ ႁၢမ်ႉ​တၵ်း​သဵင်ႈ​တင်း​မိူင်း​လႄႈ ႁႂ်ႈ​ဝႄႈ​ပႅတ်ႈ​သဵၼ်ႈ​တၢင်း​ၼႆႉ​လႄႈ​ဝႃႈ၊ ၵႃႈ​ဢၼ်​မိုဝ်း​ၵူၼ်း​ႁဵတ်း​ၼၼ်ႉ ပဵၼ်​ၽြႃး​ဢမ်ႇ​ၸႂ်ႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင် သူ​ႁူႉ​ယူႇ​ႁၼ်​ယူႇ​ဢေႃႈ။-</verse>
				<verse number="27">လွင်ႈ​ဢၼ်​သရေႇ​မဵဝ်း​တၢင်း​ႁဵတ်း​ႁဝ်း​ၼႆႉ တၵ်း​လူႉ​ၵႂႃႇ​ဢမ်ႇ​ၵႃး၊ ၵူၼ်း​တင်း​လၢႆ​တၵ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ် ၵႃႈ​တီႈ​ပိၵ်ႈ​မၢၼ်ႇ​ၼၢင်း​ၽီ​ ဢႃႇတေႇမီႉ ဢၼ်​ယႂ်ႇ​မျၢတ်ႈ​ၼႃႇ​ၼႆႉ​လႄႈ မုၼ်​ၵုင်ႇ​သရေႇ​မၼ်း​ၸဝ်ႈ ဢၼ်​မိူင်း​ ဢႃႇသီႉ ​တင်း​မိူင်း ဢိၵ်ႇ​တင်း ၵူၼ်း​မိူင်း​လေႃးၵီႇ​တင်း​သဵင်ႈ​တင်း​လူင်​ၵူဝ်း​ၵႂၢႆႇ​ၼၼ်ႉ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ၵႂႃႇ​ၸိုင် တီႈ​တၵ်း​မႆႈ​ၸႂ်​မီး​တီႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">ၶဝ်​ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ တဵမ်​ဝႆႉ​တင်း​တၢင်း​တေႃး​သႃႉ တၢင်း​ၸႂ်​မႆႈ​ၶႆႈ​ၸႃႉ​လႄႈ ႁွင်ႉ​သႅၼ်ႇ​လႄႈ​ဝႃႈ၊​ ဢႃႇတေႇမီႉ ၵူၼ်း​ ဢေးၽႅတ်ႈ ​တင်း​လၢႆ​ၼႆႉ​ယႂ်ႇ​မျၢတ်ႈ​ၼႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">ဝဵင်း​ၼၼ်ႉ​တဵမ်​ဝႆႉ​တင်း​တၢင်း​ဢၼ်​ယုင်ႈ​ယၢင်ႈ​ဢူၼ်​ဢဵၼ်​မေႃး​မႄး​လႄႈ ၶဝ်​ၸၼ်​ဢဝ်​ ၵႃႇယူႉ ​တင်း​ ဢႃႇရိတ်ႉတႃႇၶူႉ ၵူၼ်း​မိူင်း​ မႃႇၵေႇတေႃးၼီႉ ဢၼ်​တေႇသႃႉၸႃႇရီႇ လႄႇ​လဵပ်ႈ​လူၺ်ႈ​ၵၼ်​တင်း​ ပေႃးလူႉ ​ၼၼ်ႉ ၵႂႃႇ​သေ​ယဝ်ႉ၊ ၽွမ်ႉ​ၵၼ်​လႅၼ်ႈ​ၶဝ်ႈ​ၵႃႈ​ၼႂ်း​ၸရွပ်ႈ​ၶၢမ်ႇ​ပွႆး​ဢေႃႈ။-</verse>
				<verse number="30">မိူဝ်ႈ​ဢၼ်​ ပေႃးလူႉ ၶႂ်ႈ​ၶဝ်ႈ​ၸူး​ၵႃႈ​တီႈ​ၵူၼ်း​ဢၼ်​ၸူႉ​ၵၼ်​တုမ်​ၵၼ်​ၼၼ်ႉ​ၸိုင်၊ တပႄး​ၸဝ်ႈ​တင်း​လၢႆ​ႁႄႉ​ၶႅၼ်​မၼ်း​ဝႆႉ​ဢေႃႈ။-</verse>
				<verse number="31">ၶုၼ်​ဢၼ်​ဢုပ်ႉ​ပိူင်​ပွႆး​မိူင်း​ ဢႃႇသီႉ ​ဢၼ်​ပဵၼ်​ၵေႃႉ​သေႈ​ၵၼ်​တင်း​ ပေႃးလူႉ ၵမ်ႈ​ၽွင်ႈ​ၼၼ်ႉ​ပွႆႇ​ၸႂ်ႉ​ၵႂႃႇ​ၵႃႈ​တီႈ​မၼ်း​လႄႈ တွင်း​ပၢၼ်ႇ​ဝႃႈ၊ ယႃႇ​ပေ​ဢၢပ်ႈ​ပၼ်​တူဝ်​ၸဝ်ႈ​ၵဝ်ႇ ၵႃႈ​ၼႂ်း​ၸရွပ်ႈ​ၶၢမ်ႇ​ပွႆး​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="32">ပိူဝ်ႈ​ဢၼ်​ၵူၼ်း​ဢၼ်​ၸူႉ​ၵၼ်​တုမ်​ၵၼ် ယုင်ႈ​ယၢင်ႈ​ဢူၼ်​ဢဵၼ်​မေႃး​မႄး​လႄႈ ၵူၼ်း​ႁၢမ်ႉ​ၼမ်​ၼႃႇ​ဢမ်ႇ​ႁူႉ​လွင်ႈ​တၢင်း​ဢၼ်​ၶဝ်​လႆႈ​ၸူႉ​ၵၼ်​တုမ်​ၵၼ်​ၼၼ်ႉ​လႄႈ ၵမ်ႈ​ၽွင်ႈ​ႁွင်ႉ​သႅၼ်ႇ​ယေႈ​ၸိူဝ်း၊ ၵမ်ႈ​ၽွင်ႈ​ႁွင်ႉ​သႅၼ်ႇ​ယေႈ​မဵဝ်း​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="33">ၵူၼ်း​ ယူႉတႃႉ ​တင်း​လၢႆ ၼုၵ်ႈ​ဢဝ်​ ဢႃႇလေႇၸၼ်ႇတရူႉ ၵႃႈ​ၼႂ်း​မုၵ်ႉ​ၵူၼ်း​ၸိူဝ်း​ၵူၼ်း​ၼၼ်ႉ​သေ​လႄႈ ဢီး​မႃး​ဝႆႉ​ၵႃႈ​တီႈ​ၽၢႆႇ​ၼႃႈ​ၶဝ်​ၼၼ်ႉ​လႄႈ မၼ်း​ၼၼ်ႉ​ၸင်ႇ​ၼႄ​မိုဝ်း ၶႂ်ႈ​လၢတ်ႈ​ၵႂၢမ်း​ဢၼ်​ၽေႇ​ဢပႅတ်ႈ တီႈ​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="34">မိူဝ်ႈ​ဢၼ်​ၶဝ်​ႁူႉ​လွင်ႈ​ဢၼ်​မၼ်း​ပဵၼ်​ၵူၼ်း​ ယူႉတႃႉ ​ၼၼ်ႉ​ၸိုင်၊ ၶဝ်​တင်း​သဵင်ႈ​တင်း​လူင်​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​သွင်​ၼႃႇရီႇ​ၸမ်​ၸမ်​လႄႈ​ဝႃႈ၊​ ဢႃႇတေႇမီႉ ၵူၼ်း​ ဢေးၽႅတ်ႈ ​တင်း​လၢႆ​ၼႆႉ ယႂ်ႇ​မျၢတ်ႈ​ၼႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="35">ၸရေး​ဝဵင်း​ၼၼ်ႉ ႁႂ်ႈ​ၵူၼ်း​တင်း​သဵင်ႈ​တင်း​လူင် ယူႇ​တဵတ်ႇ​တဵတ်ႇ​ယဵၼ်​ယဵၼ်​ယဝ်ႉ​ၸင်ႇ​လၢတ်ႈ​လႄႈ​ဝႃႈ၊ ၵူၼ်း​ဝဵင်း​ ဢေးၽႅတ်ႈ ​ၶဝ်​ဢိူၺ်း၊ လွင်ႈ​ဢၼ်​ဝဵင်း​ ဢေးၽႅတ်ႈ ​ၼႆႉ၊ ပဵၼ်​ၶႃႈ​ဢၼ်​ႁဵတ်း​လဵင်ႉ​ႁဵတ်း​လူ​ ဢႃႇတေႇမီႉ ဢၼ်​ယႂ်ႇ​မျၢတ်ႈ​ၼႃႇ​တင်း​ရုၵ်ႈ​ထူႉ​ဢၼ်​တူၵ်း​သေ​ၵႃႈ​တီႈ​ၽြႃး​ ၸူႉ​သႃႉ ​မႃး​ၼၼ်ႉ​ၸိုင်၊ ၵေႃႉ​ဢၼ်​ဢမ်ႇ​ႁူႉ​ၼၼ်ႉ​မီး​သေ​ၵေႃႉ​သေ​ၵူၼ်း​ႁိုဝ်။-</verse>
				<verse number="36">ၵွပ်ႈ​ပိူဝ်ႈ​ဢၼ်​ဢမ်ႇ​မီး​တီႈ​ဢၼ်​လီ​တွပ်ႇ​လီ​ထဵင် လူၺ်ႈ​လွင်ႈ​တၢင်း​ၸိူဝ်း​ၼႆႉ​လႄႈ သူ​ထုၵ်ႇ​လီ​ယူႇ​တဵတ်ႇ​တဵတ်ႇ​ယဵၼ်​ယဵၼ်​ဢေႃႈ။ ယင်း​ဢမ်ႇ​ပႃး​သတီႉ​လႄႈ ဢမ်ႇ​ထုၵ်ႇ​လီ​ႁဵတ်း​ၵႃႈ​သင်​သေ​ၸိူဝ်ႉ​သေ​ပိူင်။-</verse>
				<verse number="37">သူ​ဢဝ်​ၵူၼ်း​ဢၼ်​ဢမ်ႇ​ႁိမ်​ဢဝ်​ပိၵ်ႈ​မၢၼ်ႇ​ၸဝ်ႈ​လႄႈ ဢမ်ႇ​သႄႉ​သွမ်း​ၽြႃး​သူ​ၸိူဝ်း​ၼႆႉ​မႃး​ယဝ်ႉ​လူင်​ပႄႇ။-</verse>
				<verse number="38">ပေႃး​ တေႇမေႇတရီႉ တင်း​ၸၢင်ႈ​ၶမ်း​ဢၼ်​မီး​ယူႇ​လူၺ်ႈ​ၵၼ်​တင်း​မၼ်း​ၸိူဝ်း​ၼၼ်ႉ မီး​ဢမူႉ​တီႈ​သေ​ၵေႃႉ​သေ​ၵူၼ်း​ၸိုင်၊ လုမ်း​လူင်​မီး​ဢေႃႈ။ ၶုၼ်​ၵေႃႈ​မီး​ဢေႃႈ။ ႁႂ်ႈ​ၸဝ်ႈ​ဢမူႉ​ၼင်ႇ​ၵၼ်​ထူပ်း​တြႃး​တီႈ​ၵၼ်​တႃႉ။-</verse>
				<verse number="39">ဢမ်ႇ​ၼၼ်​ၵေႃႈ ပေႃး​သူ​ၶႂ်ႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢမူႉ​တၢင်ႇ​ၸိူဝ်ႉ​တၢင်ႇ​ဢၼ်​ၸိုင်၊ တၵ်း​လႆႈ​ၸီႇ​ယၢင်ႇ ၼႂ်း​တီႈ​ၸူႉ​တီႈ​တုမ်​ဢၼ်​မႅၼ်ႈ​တြႃး​ၼၼ်ႉ​ဢေႃႈ။-</verse>
				<verse number="40">ၵွပ်ႈ​ပိူဝ်ႈ​တၢင်း​ဢၼ်​ယုင်ႈ​ယၢင်ႈ​ဢူၼ်​ဢဵၼ်​မေႃး​မႄး​ဝၼ်း​မိူဝ်ႈ​ၼႆႉ​လႄႈ လီ​ၵူဝ်​လွင်ႈ​ဢၼ်​ဢမူႉ​တၵ်း​ႁွတ်ႈ​ထိုင်​မႃး​ၵႃႈ​ၼိူဝ်​ႁဝ်း​ဢေႃႈ။ လွင်ႈ​မၼ်း​ၸမ်ႉ​တီႈ​ဢၼ်​ႁဝ်း​တၵ်း​လၢတ်ႈ​လွင်ႈ​တၢင်း​ဢၼ်​ၸူႉ​ဢၼ်​တုမ် ဢၼ်​ဢမ်ႇ​မႅၼ်ႈ​တြႃး​ၼႆႉ ဢမ်ႇ​မီး​သေ​ၸိူဝ်ႉ​သေ​ပိူင်​ၵူၺ်ႉ၊-</verse>
				<verse number="41">ဝႃႈ​ၼင်ႇ​ၼႆ​သေ​ယဝ်ႉ၊ ပွႆႇ​ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​သေ​ဢေႃႈ။</verse>
			</chapter>
			<chapter number="20">
				<verse number="1">မိူဝ်ႈ​ဢၼ် တၢင်း​ဢၼ်​ယုင်ႈ​ယၢင်ႈ​ဢူၼ်​ဢဵၼ်​မေႃး​မႄး​ၼၼ်ႉ ထၢတ်ႇ​ယဵၼ်​ယဝ်ႉ​ၼၼ်ႉ​ၸိုင်​ ပေႃးလူႉ ​ႁွင်ႉ​ဢဝ်​တပႄး​ၸဝ်ႈ​တင်း​လၢႆ​မႃး​လႄႈ တိုၵ်း​ယူင်း​ၸူဝ်း​ဢဝ် တၵ်ႉ​လၢတ်ႈ​ယဝ်ႉ​ၸင်ႇ ၵႂႃႇ​ၵႃႈ​တီႈ​မိူင်း​ မႃႇၵေႇတေႃးၼီႉ ​ပုၼ်ႉ​သေ​ဢေႃႈ။-</verse>
				<verse number="2">မၼ်း​လႄႇ​လဵပ်ႈ​ၵႂႃႇ​ၵႃႈ​ၼႂ်း​တီႈ​ၼၼ်ႈ​ၸိူဝ်း​ၼၼ်ႉ​လႄႈ ဢဝ်​တင်း​ၵႂၢမ်း​ၼမ်​ၼႃႇ​သင်ႇ​သွၼ်​သုင်း​မႃႉ​ပၼ်​ၶဝ်​ယဝ်ႉ​ၸင်ႇ ႁွတ်ႈ​ထိုင်​ၵႃႈ​တီႈ​မိူင်း​ ႁေႇလသႃႉ ​ဢေႃႈ။-</verse>
				<verse number="3">မၼ်း​ယူႇ​ၵႃႈ​တီႈ​ၼၼ်ႈ​သၢမ်​လိူၼ်​သေ​ယဝ်ႉ၊ မိူဝ်ႈ​ဢၼ်​ဢၢင်ႈ​တၵ်း​ၶၢမ်ႈ​ပၢင်ႇ​လၢႆႇ​လႄႈ ၵႂႃႇ​ၵႃႈ​တီႈ​မိူင်း​ သူႉရီႉ ​ၼၼ်ႉ​ၸိုင်၊ ပိူဝ်ႈ​ဢၼ်​ၵူၼ်း​ ယူႉတႃႉ ​တင်း​လၢႆ ၵျၢမ်ႇ​ပွင်​လွင်ႈ​တၢင်း​ဢၼ်​ဢမ်ႇ​လီ​တီႈ​မၼ်း​လႄႈ မၼ်း​သမ်ႉ​မီး​တၢင်း​ၵျၢမ်ႇ​တၢင်း​ပွင် တၵ်း​ၶိုၼ်း​မိူဝ်း​ၵႂႃႇ​ၸွမ်း​သဵၼ်ႈ​တၢင်း​မိူင်း​ မႃႇၵေႇတေႃးၼီႉ ​ဢေႃႈ။-</verse>
				<verse number="4">ၶဝ်​ၸိူဝ်း​ဢၼ် ၸွမ်း​လူၺ်ႈ​ၵၼ်​တင်း​ ပေႃးလူႉ ၵႂႃႇ​ၵႃႈ​တီႈ​မိူင်း​ ဢႃႇသီႉ ​ၸိူဝ်း​ၼၼ်ႉ​ၸမ်ႉ၊ ပဵၼ်​ သေႃးပႃႉတရူႉ လုၵ်ႈ​ၸၢႆး​ ပူႉရူႉ ​ဢၼ်​ပဵၼ် ၵူၼ်း​ဝဵင်း​ ပေႇရီႉ၊ ဢႃႇရိတ်ႉတႃႇၶူႉ တင်း​ သေး​ၶုၼ်ႇ​တူႉ ၵူၼ်း​ဝဵင်း​ ထိတ်ႉသႃႇလေႃးၼိၵ်ႈ၊ ၵႃႇယူႉ ၵူၼ်း​ဝဵင်း​ တေႇရပေႇ၊ တီႉမေႃးသေႇ၊ တူႉၶိတ်ႈ တင်း​ တရေႃးၽိမ်း ၵူၼ်း​မိူင်း​ ဢႃႇသီႉ ​တင်း​လၢႆ​ၼၼ်ႉ​ဢေႃႈ။-</verse>
				<verse number="5">ၶဝ်​ၼၼ်ႉ​လႆႈ​ၵႂႃႇ​ဢွၼ်​တၢင်း​ႁဝ်း​လႄႈ ပႂ်ႉ​ထႃႈ​ယူႇ​ၵႃႈ​ၼႂ်း​ဝဵင်း​ တရေႃး ​ဢေႃႈ။-</verse>
				<verse number="6">ပူၼ်ႉ​သေ​ဝၼ်း​ပွႆး​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၼၼ်ႉ​ယဝ်ႉ၊ ႁဝ်း​ၸင်ႇ​ဢွၵ်ႇ​သေ​ၵႃႈ​တီႈ​ဝဵင်း​ ၽီႉလိပ်ႉပီႉ ၶီႇ​ႁိူဝ်း​သၢင်း​ၽေႃး​ၵႂႃႇ​လႄႈ ၼႂ်း​ႁႃႈ​ဝၼ်း​ႁွတ်ႈ​ထိုင် ၵႃႈ​တီႈ​ဢၼ်​ၶဝ်​မီး​ၵႃႈ​ၼႂ်း​ဝဵင်း​ တရေႃး ​ၼၼ်ႉ​လႄႈ​ယူႇ​ၸဵတ်း​ဝၼ်း​ဢေႃႈ။</verse>
				<verse number="7">ၼႂ်း​ၸဵတ်း​ဝၼ်း​ဝၼ်း​ပထမႃႉ​ၼၼ်ႉ၊ မိူဝ်ႈ​ဢၼ်​ႁဝ်း​ၸူႉ​ၵၼ်​တုမ်​ၵၼ် ႁႂ်ႈ​လႆႈ​ဝိတ်း​ၶဝ်ႈ​မုၼ်း​ၼၼ်ႉ​ၸိုင်​ ပေႃးလူႉ ​ၼၼ်ႉ ပိူဝ်ႈ​ဢၼ်​တၵ်း​ဢွၵ်ႇ​ၵႂႃႇ​ဝၼ်း​မိူဝ်ႈ​ၽုၵ်ႈ​လႄႈ ႁေႃး​လၢတ်ႈ​တေႃႇ​ထိုင်​ႁွတ်ႈ​တဵင်ႈ​ၶိုၼ်း​ယူႇ​ဢေႃႈ။-</verse>
				<verse number="8">ၵႃႈ​တီႈ​ဢၼ်​ႁဝ်း​ၸူႉ​ၵၼ်​တုမ်​ၵၼ်​ၼႂ်း​လုၵ်း​ႁၢၼ်ႉ​ၼိူဝ်​ၼၼ်ႉ မီး​ဝၢၼ်ႇ​ၽႆး​တဵၼ်း​ၼမ်​ၼႃႇ​ဢေႃႈ။-</verse>
				<verse number="9">ၵူၼ်း​ဢွၼ်ႇ​ဢၼ်​လႆႈ​ၸိုဝ်ႈ​ ဢူႉတူႉၶူႉ ​ၼၼ်ႉ​ၵေႃႉ​ၼိုင်ႈ ၼင်ႈ​ယူႇ​ၵႃႈ​တီႈ​ႁူး​လၢင်း​တဵၼ်​လႄႈ ၼွၼ်း​လပ်း​ၼႃႇ​လူင်​လၢင်​ယူႇ​ဢေႃႈ။ ၼႂ်း​မိူဝ်ႈ​ဢၼ်​ ပေႃးလူႉ ​ယင်း​တိုၵ်ႉ​ႁေႃး​လၢတ်ႈ​ယူႇ​ႁိုင်​ၼႃႇ​ၼၼ်ႉ​ၸိုင်​ၵေႃႉ​ၼၼ်ႉ​ၼွၼ်း​လပ်း​ပူၼ်ႉ​ၵႂႃႇ​သေ​ယဝ်ႉ၊ တူၵ်း​သေ​ၵႃႈ​ၼိူဝ်​ႁိူၼ်း​သၢမ်​ႁၢၼ်ႉ​ၼၼ်ႉ​လႄႈ ၶဝ်​ဢွၼ်​ၵၼ်​ႁွပ်ႇ​ယွင်ႈ​ဢဝ်​မၼ်း ဢၼ်​တၢႆ​ၵႂႃႇ​ၼၼ်ႉ​ဢေႃႈ။-</verse>
				<verse number="10">ပေႃးလူႉ ​ၵေႃႈ လူင်း​ၵႂႃႇ​ၵႃႈ​တႂ်ႈ​လႄႈ ဢဝ်​တူဝ်​ၸဝ်ႈ​ၵဝ်ႇ​လူမ်ႉ​ဢိင်​ၵႃႈ​ၼိူဝ်​မၼ်း ၵွတ်ႇ​ႁွပ်ႇ​ဢဝ်​မၼ်း​သေ​ယဝ်ႉ၊ လၢတ်ႈ​လႄႈ​ဝႃႈ၊ ယႃႇ​ပေ​ဢူၼ်​ဢဵၼ်​ႁူၼ်ႈ​မေႃး​ၵၼ်၊ ၸႂ်​မၼ်း​ယင်း​မီး​ယူႇ​ၼႂ်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မၼ်း​သမ်ႉ​ၶိုၼ်း​ၶိုၼ်ႈ​ၵႂႃႇ​ဝိတ်း​ၶဝ်ႈ​မုၼ်း​ၵိၼ်​လႄႈ လၢတ်ႈ​ၵႂၢမ်း​ယူႇ​ႁိုင်​ၼႃႇ​လူင်​လၢင်​တေႃႇ​ထိုင်​ႁွတ်ႈ​မိူင်း​လႅင်း​သေ​ယဝ်ႉ၊ ဢွၵ်ႇ​ၵႂႃႇ​သေ​ဢေႃႈ။-</verse>
				<verse number="12">ၶဝ်​ၸင်ႇ​ဢဝ်​ၵူၼ်း​ဢွၼ်ႇ​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​မႃး​လႄႈ မီး​တၢင်း​ဢၼ်​သၢၵ်ႈ​သႃႇ​မႃး​ၼႃႇ​လူင်​လၢင်​ဢေႃႈ။</verse>
				<verse number="13">ႁဝ်း​ဢွၵ်ႇ​ၵႂႃႇ​ဢွၼ်​တၢင်း ၸူး​ၵႃႈ​တီႈ​ႁိူဝ်း​သၢင်း​ၽေႃး​သေ​ယဝ်ႉ၊ ၶီႇ​ၵႂႃႇ​ၸူး​ၵႃႈ​တီႈ​ဝဵင်း​ ဢတ်ႉသူႉ ​လႄႈ​မီး​တၢင်း​ၵျၢမ်ႇ​တၢင်း​ပွင် တၵ်း​ႁႄႉ​ႁပ်ႉ​ဢဝ်​ ပေႃးလူႉ ၵႃႈ​တီႈ​ၼၼ်ႈ​ဢေႃႈ။ လွင်ႈ​မၼ်း​ၸမ်ႉ ပေႃးလူႉ မီး​တၢင်း​ၵျၢမ်ႇ​တၢင်း​ပွင် တၵ်း​ပႆ​တိၼ်​ၵႂႃႇ​တၢင်း​လွႆ​ၸူး​ၵႃႈ​တီႈ​ဝဵင်း​ၼၼ်ႉ​လႄႈ ၸီႇ​ယၢင်ႇ​ဝႆႉ​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="14">မိူဝ်ႈ​ဢၼ်​မၼ်း​ထူပ်း​ၵၼ်​တင်း​ႁဝ်း​ၵႃႈ​ၼႂ်း​ဝဵင်း​ ဢတ်ႉသူႉ ​ၼၼ်ႉ​ၸိုင် ႁဝ်း​ႁပ်ႉ​ဢဝ်​မၼ်း​လႄႈ ၵႂႃႇ​ၵႃႈ​တီႈ​ဝဵင်း​ မီႉတူႉလိၼ်ႇ ​ဢေႃႈ။-</verse>
				<verse number="15">ႁဝ်း​ၸင်ႇ​ၶီႇ​ႁိူဝ်း​သၢင်း​ၽေႃး​ဢွၵ်ႇ​သေ​ၵႃႈ​တီႈ​ဝဵင်း​ၼၼ်ႉ​လႄႈ ဝၼ်း​မိူဝ်ႈ​ၽုၵ်ႈ​လဵပ်ႈ​ၵႂႃႇ​ႁိမ်း​ၵုၼ်​ ၶီးဢူႉ ​သေ​ယဝ်ႉ၊ လိုၼ်း​ၼၼ်ႉ​ဝၼ်း​ၼိုင်ႈ​ႁွတ်ႈ​ထိုင်​ၵႃႈ​တီႈ​ၵုၼ်​ သမူႉ ​လႄႈ ၵိုတ်း​သဝ်း​ယူႇ​ၵႃႈ​ႁိမ်း​ၸဵင်ႇ​လႅမ်​ၵုၼ်​ ထရေႃႇၵူႉၸီႉ ​ၼၼ်ႉ​ဢေႃႈ။ လိုၼ်း​ၼၼ်ႉ​ဝၼ်း​ၼိုင်ႈ​ၵေႃႈ၊​ႁွတ်ႈ​ထိုင်​ၵႃႈ​တီႈ ဝဵင်း​ မီး​လိတ်ႉ ​ဢေႃႈ။-</verse>
				<verse number="16">ပေႃးလူႉ ​ၼၼ်ႉ ၼင်ႇ​ႁိုဝ်​တၵ်း​ဢမ်ႇ​လႆႈ​ၵိုတ်း​သဝ်း​ယူႇ​ၵႃႈ​ၼႂ်း​မိူင်း​ ဢႃႇသီႉ ​ႁိုင်​ၼႃႇ​ၸိုင် မီး​ၸႂ်​ဢၼ်​ဢမ်ႇ​ၶႂ်ႈ​ၵႂႃႇ​ဝႄႉ​ၵႃႈ​တီႈ​ဝဵင်း ဢေးၽႅတ်ႈ ​လႄႈ တၵ်း​ၶီႇ​ႁိူဝ်း​သၢင်း​ၽေႃး​ပူၼ်ႉ​ၵႂႃႇ​သေ​ဢေႃႈ။ လွင်ႈ​မၼ်း​ၸမ်ႉ ပေႃးလူႉ ​ၼၼ်ႉ​ပေႃး​ႁွတ်ႈ​ထိုင်​လႆႈ​ၸိုင်၊ ၵျူဝ်း​ၸႃး​ႁႂ်ႈ​လႆႈ မီး​ၼႂ်း​ဝဵင်း​ ယေႇရူႉသလႅမ်ႇ ​ဝၼ်း​ပွႆး​ပဵၼ်ႇတေႇၵုၵ်ႉတေႇ​ၼၼ်ႉ​ယူႇ​ဢေႃႈ။</verse>
				<verse number="17">မၼ်း​ၸင်ႇ​ပွႆႇ​ၸႂ်ႉ​ၵူၼ်း​လုၵ်ႉ​သေ​ၵႃႈ​တီႈ​ဝဵင်း​ မီး​လိတ်ႉ ၵႂႃႇ​ၵႃႈ​တီႈ​ဝဵင်း​ ဢေးၽႅတ်ႈ ​ပုၼ်ႉ​လႄႈ ႁွင်ႉ​ဢဝ်​ၵူၼ်း​ဢုပ်ႉ​ၸိူဝ်း​ၸဝ်ႈ​တင်း​လၢႆ​မႃး​ဢေႃႈ။-</verse>
				<verse number="18">မိူဝ်ႈ​ဢၼ်​ၶဝ်​ၼၼ်ႉ​ႁွတ်ႈ​မႃး​တီႈ​မၼ်း​ၼၼ်ႉ​ၸိုင် မၼ်း​လၢတ်ႈ​လႄႈ​ဝႃႈ၊ သူ​ႁူႉ​လွင်ႈ​ဢၼ်​ၵဝ်​ၼႆႉ​ၸႃႉ​ၸဵမ်​မိုဝ်ႉ​ဝၼ်း​ဢၼ်​တိၼ်​ၵဝ်​မႃး​ယဵပ်ႇ​လိၼ်​မိူင်း​ ဢႃႇသီႉ ​ၼႆႉ​ၼၼ်ႉ ႁၢၼ်ႉ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ မီး​ယူႇ​လူၺ်ႈ​ၵၼ်​တင်း​သူ​ၸိူဝ်ႉ​ၼင်ႇ​ႁိုဝ်​လႄႈ၊-</verse>
				<verse number="19">မီး​တင်း​ၸႂ်​ဢၼ်​ၶျႃး​တႅမ်ႇ​ၼႃႇ​ယူႇ၊ ၼမ်ႉ​တႃ​တူၵ်း​ယူႇ၊ ၶၢမ်ႇ​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ ၵွပ်ႈ​ပိူဝ်ႈ​တၢင်း​ၵျၢမ်ႇ​တၢင်း​ပွင် ဢၼ်​ဢမ်ႇ​လီ​ၵူၼ်း​ ယူႉတႃႉ ​ၸိူဝ်း​ၼၼ်ႉ​ယူႇ​သေ​လႄႈ ပွင်​ႁဵတ်း​ဢမူႉ​ၽြႃး​ပဵၼ်​ၸဝ်ႈ​ယူႇ၊-</verse>
				<verse number="20">ဢိၵ်ႇ​တင်း​လွင်ႈ​ဢၼ်​ၵဝ်​ယင်း​ဢမ်ႇ​ဝႄႈ​ပႅတ်ႈ​လႄႈ ႁေႃး​လၢတ်ႈ​လွင်ႈ​တၢင်း​ဢၼ်​တၵ်း​ပွင်​ဢၵျူဝ်း​သူ​သေ​ၸိူဝ်ႉ​သေ​ပိူင်​လႄႈ သင်ႇ​သွၼ်​သုင်း​မႃႉ​သူ​ၵႃႈ​ၼႂ်း​တီႈ​ဢၼ်​ၵူၼ်း​ၸူႉ​ၵူၼ်း​တုမ်​ဢိၵ်ႇ​တင်း​ၵႃႈ​ၼႂ်း​ႁိူၼ်း​ၼိုင်ႈ​ယဝ်ႉ​ႁိူၼ်း​ၼိုင်ႈ​ယူႇ​သေ​လႄႈ၊-</verse>
				<verse number="21">ၶၢမ်ႇ​သၢၵ်ႈ​သေႇ​လွင်ႈ​တြႃး​တၢင်း​ဢၼ် ၶုၵ်း​ၸႂ်​လႆႈ​မႆႈ​ၸႂ်​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​တြႃး​တၢင်း​ဢၼ်​ယုမ်ႇ​မၢတ်ႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ ၵႃႈ​တီႈ​ၵူၼ်း​ ယူႉတႃႉ တင်း​ၵူၼ်း​ ႁေႇလသႃႉ ​တင်း​လၢႆ​ၼၼ်ႉ​ယူႇ​ဢေႃႈ။</verse>
				<verse number="22">တေႃႈ​လဵဝ်​ၼႆႉ ဝီႉၺိၺ်ႇ​ၵဝ်​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ​ယူႇ​သေ​လႄႈ​ၵဝ်​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။ ၵဝ်​ဢမ်ႇ​ႁူႉ​လွင်ႈ​ဢၼ်​ဢမူႉ​ဢၼ်​လႂ်​တၵ်း​ႁွတ်ႈ​ထိုင်​ၵႃႈ​ၼိူဝ်​ၵဝ်​ၵႃႈ​ၼႂ်း​ဝဵင်း​ၼၼ်ႉ။-</verse>
				<verse number="23">ၼႂ်း​ဝႃႈ​ၼၼ်​သေ​ၵေႃႈ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ၶၢမ်ႇ​သၢၵ်ႈ​သေႇ​တီႈ​ၵဝ် ၵႃႈ​ၼႂ်း​ဝဵင်း​တင်း​သဵင်ႈ​တင်း​လူင်​လူၺ်ႈ​လွင်ႈ​ဢၼ် တၢင်း​ဢၼ်​မတ်ႉ​ၽုၵ်ႇ​ဢိၵ်ႇ​တင်း တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ပႂ်ႉ​ထႃႈ​ၵဝ်​ယူႇ​ဢေႃႈ။-</verse>
				<verse number="24">ၵူၺ်း​ၵႃႈ လွင်ႈ​ၼင်ႇ​ႁိုဝ် ၵဝ်​တၵ်း​မီး​တၢင်း​ဢၼ်​သိူဝ်း​ပျေႃႇ​လႄႈ ႁႂ်ႈ​တၢင်း​ႁဵတ်း​ဢၼ်​ၵဝ်​ႁဵတ်း​ၼႆႉ ဢိၵ်ႇ​တင်း​ၵၢၼ်​ထမ်ႇမႃႉ​သြႃႇ ဢၼ်​ၵဝ်​လႆႈ​ၶၢမ်ႇ​ဢဝ်​ၵႃႈ​တီႈ​ၸဝ်ႈ​ ယေႇသူႉ ႁႂ်ႈ​လႆႈ​ၶၢမ်ႇ​သၢၵ်ႈ​သေႇ​တြႃး​သတၢင်း​သိူဝ်း​ပျေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​ၵျေး​ၸူး​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​ယဝ်ႉ​တူဝ်ႈ​ၸိုင် ၵဝ်​ဢမ်ႇ​ပေႃး​မၢတ်ႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ သေ​ၸိူဝ်ႉ​သေ​ပိူင်​ပဵၼ်​ၵႃႈ​သင်။ ဢသၢၵ်ႈ​ၵဝ်​ၵေႃႈ​ၵဝ်​ဢမ်ႇ​သေ​လၢႆ။</verse>
				<verse number="25">တေႃႈ​လဵဝ်​ၼႆႉ​ၸမ်ႉ၊ ၵဝ်​ႁူႉ​လွင်ႈ​ဢၼ်​သူ​တင်း​သဵင်ႈ​တင်း​လူင် ဢၼ်​ပဵၼ်​တီႈ​ဢၼ်​ၵဝ်​လႄႇ​ႁေႃး​လၢတ်ႈ လွင်ႈ​မိူင်း​ၽြႃး​ပဵၼ်​ၸဝ်ႈ​ၼၼ်ႉ​ၸိူဝ်း​ၼႆႉ ၵမ်း​လိုၼ်း​တၵ်း​ဢမ်ႇ​လႆႈ​ႁၼ်​ၵဝ်​ၼၼ်ႉ​ယူႇ​ဢေႃႈ။-</verse>
				<verse number="26">ပိူဝ်ႈ​ၼႆ​လႄႈ ဝၼ်း​မိူဝ်ႈ​ၼႆႉ​ၵဝ်​ၶၢမ်ႇ​သၢၵ်ႈ​သေႇ​လွင်ႈ​ဢၼ်​ၵဝ်​ၵၢင်း​လွတ်ႈ​တင်း​လိူတ်ႈ​ၵူၼ်း​တင်း​သဵင်ႈ​တင်း​လူင်​ယဝ်ႉ​ၼၼ်ႉ​တီႈ​သူ​ဢေႃႈ။-</verse>
				<verse number="27">လွင်ႈ​မၼ်း​ၸမ်ႉ​ၵဝ်​ယင်း​ဢမ်ႇ​ပႄႇ​ပႅတ်ႈ​လႄႈ ႁေႃး​လၢတ်ႈ​ဢလူဝ်ႇ​ၽြႃး​ပဵၼ်​ၸဝ်ႈ​တင်း​သဵင်ႈ​တင်း​မူတ်း​ၵႃႈ​တီႈ​သူ​ၼႆႉ​မႃး​ယဝ်ႉ။-</verse>
				<verse number="28">ပိူဝ်ႈ​ၼႆ​လႄႈ သူ​ႁဵတ်း​တင်း​သတီႉ​လႄႈ လူ​တူၺ်း​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ၽုင်​သူဝ်း​တင်း​ၽုင် ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ၶၢၼ်း​သူ​ဝႆႉ​ႁႂ်ႈ​သူ​ပဵၼ်​ၵေႃႉ​ဢၼ်​ဢုပ်ႉ​ဢၼ်​ထိင်း ႁႂ်ႈ​လႆႈ​ႁဵတ်း​လဵင်ႉ​ႁဵတ်း​လူ​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ ဢၼ်​မၼ်း​ၸဝ်ႈ​ဢဝ်​တင်း​လိူတ်ႈ​တူဝ်​ၸဝ်ႈ​ၵဝ်ႇ​သိုဝ်ႉ​ဢဝ်​ၼၼ်ႉ​တႃႉ။-</verse>
				<verse number="29">လွင်ႈ​မၼ်း​ၸမ်ႉ ၵဝ်​ႁူႉ​လွင်ႈ​ဢၼ်​ဝၢႆး​သေ​ၵဝ်​ဢမ်ႇ​မီး​ၼၼ်ႉ မႃ​ထိူၼ်ႇ​ဢၼ်​လိူင်း​ၵျၢမ်း​တင်း​လၢႆ ယင်း​ဢမ်ႇ​ဢဵတ်း​လူ​ၽုင်​သူဝ်း​လႄႈ တၵ်း​ၶဝ်ႈ​မႃး​ၵႃႈ​ၼႂ်း​သူ၊-</verse>
				<verse number="30">ဢိၵ်ႇ​တင်း​လွင်ႈ​ဢၼ် ၶဝ်​ၸိူဝ်း​ဢၼ် ၸၢင်ႈ​လၢတ်ႈ​ၵႂၢမ်း​ဢၼ်​ၽိတ်း​ဢၼ်​ပိူင်ႈ၊ ႁႂ်ႈ​လႆႈ​ၸူဝ်း​ဢဝ်​တပႄး​ၸဝ်ႈ​တင်း​လၢႆ ၸွမ်း​လင်​ၶဝ်​ၵႂႃႇ​ၼၼ်ႉ တၵ်း​ပေႃႇ​ဢွၵ်ႇ​မႃး​ၵႃႈ​ၼႂ်း​သူ​ၼၼ်ႉ​ယူႇ​ဢေႃႈ။-</verse>
				<verse number="31">ပိူဝ်ႈ​ၼႆ​လႄႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၵဝ်​ၼႆႉ​သၢမ်​ပီႊ​တဵမ်​တဵမ် ၵၢင်​ဝၼ်း​ၵၢင်​ၶိုၼ်း​ဢမ်ႇ​ထၢတ်ႇ​ပႃး​တင်း​ၼမ်ႉ​တႃ​သင်ႇ​သွၼ်​သုင်း​မႃႉ​ပၼ် ၵူၼ်း​တင်း​သဵင်ႈ​တင်း​လူင်​ၼၼ်ႉ​ယူႇ​သေ​လႄႈ​ပႂ်ႉ​ယူႇ​တႃႉ။</verse>
				<verse number="32">ပီႈ​ၼွင်ႉ​ၶဝ်​ဢိူၺ်း၊ တေႃႈ​လဵဝ်​ၼႆႉ ၵဝ်​ဢဝ်​သူ​ဢၢပ်ႈ​ၵႃႈ​တီႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵျေး​ၸူး​တြႃး​မၼ်း​ၸဝ်ႈ​ဢၼ်​တႄႇ​ႁဵတ်း​သူ​လႆႈ​ၼၼ်ႉ​လႄႈ ပၼ်​ဢမူၺ်ႇ​တီႈ​သူ ဢိၵ်ႇ​တင်း ၶဝ်​ၸိူဝ်း​ဢၼ်​မူတ်း​ၸၢင်ႇ​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="33">ၵဝ်​ဢမ်ႇ​လႆႈ​မီး​ၸႂ် ဢၼ်​ၸပ်း​ဢၼ်​ၸွႆး​ၶႂ်ႈ​လႆႈ​ငိုၼ်း​ၶမ်း​ၶူဝ်း​ၼုင်ႈ​တၢင်း​မႆ​ပိူၼ်ႈ။-</verse>
				<verse number="34">သူ​တူဝ်​ၸဝ်ႈ​ၵဝ်ႇ​ႁူႉ​လွင်ႈ​ဢၼ်​မိုဝ်း​ၵဝ်​ၼႆႉ​လႆႈ​ႁဵတ်း​လဵင်ႉ​ႁဵတ်း​လူ​တီႈ​ၵဝ်​ဢိၵ်ႇ​တင်း ၶဝ်​ၸိူဝ်း​ဢၼ်​ပႃး​လူၺ်ႈ​ၵၼ်​တင်း​ၵဝ်​ၼၼ်ႉ​ယူႇ​ဢေႃႈ။-</verse>
				<verse number="35">ၼင်ႇ​ၼၼ်​လႄႈ ၼႂ်း​ၵူႈ​ၸိူဝ်ႉ​ၵူႈ​ပိူင်​ၵဝ်​လႆႈ​ၼႄ​ပျႃး​လွင်ႈ​ဢၼ်​သူ​တၵ်း​လႆႈ​ႁဵတ်း​တၢင်း​ႁဵတ်း​လႄႈ ၸွႆႈ​ထႅမ်​မႃႉ​ၸႃႉ​ၶဝ်​ၸိူဝ်း​ဢၼ်​ႁႅင်း​ၵေႇ​ၼၼ်ႉ၊ ဢိၵ်ႇ​တင်း​လွင်ႈ​ဢၼ်​သူ တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႂၢမ်း​ၸဝ်ႈ​ ယေႇသူႉ ​ဢၼ်​ဝႃႈ၊ တၢင်း​ဢၼ်​ၽႄ​ၸွၼ်း​ယိုၼ်ႈ​မႅင်ႇ​ၼၼ်ႉ ယဵင်ႈ​ၶႅၼ်း​မီး​မင်ႇၵလႃႇ​ၼႃႇ​သေ​တၢင်း​ဢၼ်​ၶၢမ်ႇ​ဢဝ် တၢင်း​ဢၼ်​ၽႄ​ၸွၼ်း​ယိုၼ်ႈ​မႅင်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဝႆႉ​တီႈ​သူ​ယဝ်ႉ။</verse>
				<verse number="36">မၼ်း​ဝႃႈ​ၸိူဝ်ႉ​ၼင်ႇ​ၼႆ​သေ​ယဝ်ႉ၊ ၶုပ်ႉ​ၶဝ်ႇ​လႄႈ​သူး​တွင်း​လူၺ်ႈ​ၵၼ်​တင်း​ၶဝ် တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="37">ၶဝ်​တင်း​သဵင်ႈ​တင်း​လူင်​ၼၼ်ႉ​ႁွင်ႉ​ႁႆႈ​ၼႃႇ​လူင်​လၢင်​လႄႈ ၵွတ်ႇ​ၶေႃး​မၼ်း​ယူႇ၊ ၼူမ်​မၼ်း​ယူႇ၊-</verse>
				<verse number="38">မီး​တၢင်း​ၸႂ်​ဢၼ်​ယဵင်ႈ​ၶႅၼ်း​ငိၼ်း​ၽၢၼ် ၵွပ်ႈ​ပိူဝ်ႈ​ၵႂၢမ်း​ဢၼ်​မၼ်း​လၢတ်ႈ​ဝႃႈ လွင်ႈ​ဢၼ်​ၵမ်း​လိုၼ်း​ၶဝ်​တၵ်း​ဢမ်ႇ​လႆႈ​ႁၼ်​ၼႃႈ​မၼ်း​ၼၼ်ႉ ၼႃႇ​လူင်​လၢင်​သေ​ယဝ်ႉ၊ ၸင်ႇ​ဢဝ်​မၼ်း​ၵႂႃႇ​သူင်ႇ​တေႃႇ​ထိုင်​ႁွတ်ႈ ႁိူဝ်း​သၢင်း​ၽေႃး​ဢေႃႈ။</verse>
			</chapter>
			<chapter number="21">
				<verse number="1">ႁဝ်း​ၸင်ႇ​ၽၢတ်ႇ​ၵၼ်​တင်း​ၶဝ်​ၼၼ်ႉ​သေ​ယဝ်ႉ၊ ၶီႇ​ႁိူဝ်း​သၢင်း​ၽေႃး​ၵႂႃႇ​ၸူး​ၵႃႈ​တီႈ​ၵုၼ် ၵေႃႉ​သႃႉ သိုဝ်ႈ​သိုဝ်ႈ​လႄႈ ဝၼ်း​မိူဝ်ႈ​ၽုၵ်ႈ​ႁွတ်ႈ​ထိုင်​ၵႃႈ​တီႈ​ၵုၼ်​ ရေႃးတႃႉ ​ယဝ်ႉ​ၸင်ႇ လုၵ်ႉ​သေ​ၵႃႈ​တီႈ​ၵုၼ်​ၼၼ်ႉ​ႁွတ်ႈ​ထိုင်​ၵႃႈ​တီႈ​ဝဵင်း​ ပႃႇတရႃႉ ​ဢေႃႈ။-</verse>
				<verse number="2">ႁဝ်း​ထူပ်း​ႁိူဝ်း​သၢင်း​ၽေႃး​ဢၼ် တၵ်း​ၶၢမ်ႈ​ၵႂႃႇ​ၵႃႈ​တီႈ​မိူင်း​ ၽီႉၼိတ်ႉ ​သေ​ယဝ်ႉ ၶိုၼ်ႈ​ၶီႇ​ႁိူဝ်း​သၢင်း​ၽေႃး​ၼၼ်ႉ​လႄႈ သမ်ႉ​ၵႂႃႇ​ထႅင်ႈ​ဢေႃႈ။-</verse>
				<verse number="3">မိူဝ်ႈ​ဢၼ်​ႁဝ်း​ႁၼ်​ၵုၼ်​ ၵူႉပရူႉ ​ၼၼ်ႉ​ၸိုင်​ႁဝ်း​လဵပ်ႈ​ၵႂႃႇ​တၢင်း​ၽၢႆႇ​ၶႂႃ​မၼ်း​လႄႈ ၶၢမ်ႈ​ၵႂႃႇ​ၸူး​ၵႃႈ​တီႈ​မိူင်း​ သူႉရီႉ ​သေ​ယဝ်ႉ၊ သိူၵ်ႈ​ၵႃႈ​တီႈ​ဝဵင်း​ တူႉရူႉ ​ဢေႃႈ။ လွင်ႈ​မၼ်း​ၸမ်ႉ ၶဝ်​တၵ်း​လႆႈ​ၶျႃး​ၶူဝ်း​ဢၼ်​ပႃး​မႃး​ၵႃႈ​ၼႂ်း​ႁိူဝ်း​သၢင်း​ၽေႃး ၵႃႈ​တီႈ​ဝဵင်း​ၼၼ်ႉ​ဢေႃႈ။-</verse>
				<verse number="4">ႁဝ်း​ထူပ်း​ႁၼ်​တပႄး​ၸဝ်ႈ​တင်း​လၢႆ​လႄႈ​ယူႇ​ၵႃႈ​တီႈ​ၼၼ်ႈ​ၸဵတ်း​ဝၼ်း​ဢေႃႈ။ လွင်ႈ​ၼင်ႇ​ႁိုဝ်​ ပေႃးလူႉ တၵ်း​ဢမ်ႇ​လႆႈ​ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ပုၼ်ႉ​ၸိုင် ၶဝ်​ၼၼ်ႉ​ပႃး​တင်း​ဝီႉၺိၺ်ႇ​ၸဝ်ႈ​သေ​လႄႈ လၢတ်ႈ​တီႈ​မၼ်း​ဢေႃႈ။</verse>
				<verse number="5">မိူဝ်ႈ​ဢၼ်​ၸေး​ဝၼ်း​ယဝ်ႉ​ၼၼ်ႉ​ၸိုင်၊ တပႄး​ၸဝ်ႈ​တင်း​သဵင်ႈ​တင်း​လူင် ဢိၵ်ႇ​တင်း​လုၵ်ႈ​ၶဝ်​မေး​ၶဝ်​ၸွမ်း​သူင်ႇ​ႁဝ်း တေႃႇ​ထိုင်​ႁွတ်ႈ​ၵႃႈ​ၼွၵ်ႈ​ဝဵင်း​သေ​ယဝ်ႉ၊ ဢွၼ်​ၵၼ်​ၶုပ်ႉ​ၶဝ်ႇ​ၵႃႈ​ၼိူဝ်​ၽင်ႇ​ပၢင်ႇ​လၢႆႇ​သေ​လႄႈ သူး​တွင်း​ဢေႃႈ။-</verse>
				<verse number="6">ၼင်ႇ​ၵၼ်​ၵၼ်​တၵ်ႉ​လၢတ်ႈ​ၵၼ်​သေ​ယဝ်ႉ၊ ႁဝ်း​ၶိုၼ်ႈ​ၵႃႈ​ၼိူဝ်​ႁိူဝ်း​သၢင်း​ၽေႃး​လႄႈ ၶဝ်​ၼၼ်ႉ​ၵေႃႈ​ၶိုၼ်း​မိူဝ်း​ၵႂႃႇ​ၵႃႈ​တီႈ​ႁိူၼ်း​ၶဝ်​သေ​ဢေႃႈ။-</verse>
				<verse number="7">မိူဝ်ႈ​ဢၼ်​ႁဝ်း​လုၵ်ႉ​သေ​ၵႃႈ​တီႈ​ဝဵင်း​ တူႉရူႉ ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ပႃႇတေႃႇလိၼ်ႇ ​ၼၼ်ႉ​ၸိုင် ႁဝ်း​လွတ်ႈ​တင်း​တၢင်း​ဢၼ်​ၶၢမ်ႈ​ပၢင်ႇ​လၢႆႇ​ဢေႃႈ။ ႁဝ်း​တၵ်ႉ​လၢတ်ႈ​ၵၼ်​တင်း​ပီႈ​ၼွင်ႉ​ၸိူဝ်း​ဢၼ် မီး​ၵႃႈ​ၼႂ်း​ဝဵင်း ပႃႇတေႃႇလိၼ်ႇ ​ၼၼ်ႉ​လႄႈ ယူႇ​ဝၼ်း​ၼိုင်ႈ​ယဝ်ႉ၊-</verse>
				<verse number="8">ဝၼ်း​မိူဝ်ႈ​ၽုၵ်ႈ​သမ်ႉ​ဢွၵ်ႇ​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ဝဵင်း​ ၵေႇသရီႉ ​သေ​ယဝ်ႉ၊ ၶဝ်ႈ​ၵႃႈ​ၼႂ်း​ႁိူၼ်း​ ၽီႉလိပ်ႉပူႉ သြႃႇ​ပွင်​သႃႇသၼႃႇ​ဢၼ်​ပႃး​ၼႂ်း​သြႃႇ​ၸဵတ်း​ပႃး​ၼၼ်ႉ​လႄႈ ယူႇ​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="9">တီႈ​မၼ်း​ၼၼ်ႉ မီး​လုၵ်ႈ​ယိင်း​သၢဝ်​သီႇ​ၵေႃႉ​ဢၼ်​ႁဵတ်း​ပရေႃးၽႅတ်ႈ​ဢေႃႈ။</verse>
				<verse number="10">ၼႂ်း​မိူဝ်ႈ​ဢၼ်​ႁဝ်း​ယူႇ​ၼႂ်း​ႁိူၼ်း​ၼၼ်ႉ ယူႇ​ႁၢမ်ႉ​ႁိုင်​ၼၼ်ႉ​ၸိုင်၊ ပရေႃးၽႅတ်ႈ​ဢၼ်​လႆႈ​ၸိုဝ်ႈ​ ဢႃႇၵပူႉ ၵေႃႉ​ၼိုင်ႈ၊ လုၵ်ႉ​သေ​ၵႃႈ​တီႈ​မိူင်း​ ယူႉတႃႉ ​မႃး​လႄႈ၊-</verse>
				<verse number="11">ၶဝ်ႈ​ၸူး​ၵႃႈ​တီႈ​ဢၼ်​ႁဝ်း​မီး​ၼၼ်ႉ​သေ​ယဝ်ႉ ဢဝ်​သၢႆ​ဢႅဝ်​ ပေႃးလူႉ ​မတ်ႉ​တိၼ်​တင်း​မိုဝ်း​တူဝ်​ၸဝ်ႈ​ၵဝ်ႇ​သေ​လႄႈ​လၢတ်ႈ​ဝႃႈ၊ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဝႃႈ​ၸမ်ႉ၊ ၸဝ်ႈ​သၢႆ​ဢႅဝ်​ၼႆႉ​ၸိုင် ၵူၼ်း​ ယူႉတႃႉ ​တင်း​လၢႆ တၵ်း​မတ်ႉ​ၽုၵ်ႇ​ၸိူဝ်ႉ​ၼင်ႇ​ၼႆ ၵႃႈ​ၼႂ်း​ဝဵင်း ယေႇရူႉသလႅမ်ႇ ပုၼ်ႉ​လႄႈ ဢၢပ်ႈ​ပၼ်​ၵႃႈ​တီႈ​မိုဝ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ႁဝ်း​လႆႈ​ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ ႁဝ်း​ဢိၵ်ႇ​တင်း​ၶဝ်​ၸိူဝ်း​ဢၼ်​မီး​ယူႇ​ၵႃႈ​ၼႂ်း​တီႈ​ၼၼ်ႈ​ၼၼ်ႉ၊ ၼင်ႇ​ႁိုဝ်​ ပေႃးလူႉ ၊ တၵ်း​ဢမ်ႇ​ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ၸိုင် ဢွၼ်​ၵၼ်​တွင်း​ပၢၼ်ႇ​ဢေႃႈ။-</verse>
				<verse number="13">ပေႃးလူႉ ​ၵေႃႈ​လၢတ်ႈ​လႄႈ​ဝႃႈ ႁဵတ်း​သင်​လႄႈ သူ​ႁႆႈ​ႁွင်ႉ​ယူႇ​သေ​လႄႈ ႁဵတ်း​ႁႂ်ႈ​ႁူဝ်​ၸႂ်​ၵဝ်​တႅၵ်ႇ​ၵႂႃႇ​လႅဝ်​ၵႂႃႇ​ၼင်ႇ​ႁိုဝ်။ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ ယေႇသူႉ ​လႄႈ ပုၼ်ႈ​ဢၼ်​တၵ်း​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢမ်ႇ​ၵႃး၊ ပုၼ်ႈ​ဢၼ်​တၵ်း​ၶၢမ်ႇ​တၢင်း​တၢႆ​ၸိုင်​ၵဝ်​မႄး​ႁႅၼ်း​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="14">မိူဝ်ႈ​ဢၼ်​မၼ်း​ဢမ်ႇ​ၸွမ်း​တၢင်း​ဢၼ်​ႁဝ်း​ၸူဝ်း​ၵႂႃႇ​ၸူဝ်း​ပႆ​ၼၼ်ႉ​ၸိုင်၊ ႁဝ်း​ယူႇ​တဵတ်ႇ​တဵတ်ႇ​သေ​လႄႈ​ဝႃႈ၊ ႁႂ်ႈ​ဢလူဝ်ႇ​ၸဝ်ႈ​ၽြႃး​ပဵၼ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">လိုၼ်း​ၼၼ်ႉ ႁဝ်း​ႁႅၼ်း​ၶူဝ်း​လႄႈ​ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="16">တပႄး​ၸဝ်ႈ​ဢၼ်​ပဵၼ်​ၵူၼ်း​ဝဵင်း​ ၵေႇသရီႉ ၵမ်ႈ​ၽွင်ႈ​ၸွမ်း​လူၺ်ႈ​ၵၼ်​တင်း​ႁဝ်း​လႄႈ ဢဝ်​ႁဝ်း​ၵႂႃႇ​သူင်ႇ​ၵႃႈ​တီႈ မၼႃႇသုၼ်ႇ ဢၼ်​ပဵၼ်​ၵူၼ်း​ၵုၼ် ၵူႉပရူႉ ၊ တပႄး​ၸဝ်ႈ​ဢၼ်​ဢသၢၵ်ႈ​ယႂ်ႇ ၵေႃႉ​ဢၼ်​တၵ်း​ၶၢမ်ႇ​ၶႅၵ်ႇ​ႁဝ်း​ၼၼ်ႉ​ဢေႃႈ။</verse>
				<verse number="17">မိူဝ်ႈ​ဢၼ်​ႁဝ်း​ႁွတ်ႈ​ထိုင် ၵႃႈ​တီႈ​ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင်၊ ပီႈ​ၼွင်ႉ​တင်း​လၢႆ​ၼၼ်ႉ မီး​တင်း​ၸႂ်​ဢၼ်​ၸူမ်း​သိူဝ်း​လႄႈ ႁပ်ႉ​တုင်း​ဢဝ်​ႁဝ်း​ဢေႃႈ။-</verse>
				<verse number="18">ဝၼ်း​မိူဝ်ႈ​ၽုၵ်ႈ​ ပေႃးလူႉ ဢိၵ်ႇ​တင်း​ႁဝ်း​ၶဝ်ႈ​ၸူး​ၵႃႈ​တီႈ​ ယႃႇၵုပ်ႈ ​လႄႈ​ၵူၼ်း​ဢုပ်ႉ​ၸိူဝ်း​ၸဝ်ႈ​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​ဢေႃႈ။-</verse>
				<verse number="19">မၼ်း​တၵ်ႉ​လၢတ်ႈ​ၶဝ်​ၼၼ်ႉ​သေ​ယဝ်ႉ၊ ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း ၵႃႈ​ဢၼ်​ၽြႃး​ပဵၼ်​ၸဝ်ႈ​ႁဵတ်း​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ၵွပ်ႈ​ပိူဝ်ႈ​တၢင်း​ဢၼ်​မၼ်း​ႁဵတ်း​ပွင်​ဢမူႉ​ထမ်ႇမႃႉ​သြႃႇ​ၼၼ်ႉ​ဢေႃႈ။-</verse>
				<verse number="20">ၶဝ်​ၼၼ်ႉ​ငိၼ်း​သေ​ယဝ်ႉ ဢွၼ်​ၵၼ်​ယွင်ႈ​ယေႃးမုၼ်​ၽုင်း​ၽြႃး​ပဵၼ်​ၸဝ်ႈ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ပီႈ​ၼွင်ႉ​ဢိူၺ်း၊ မႂ်း​ႁူႉ​ႁၼ်​လွင်ႈ​ဢၼ်​ၵူၼ်း​ ယူႉတႃႉ ဢၼ်​ယုမ်ႇ​မၢတ်ႈ​ၸိူဝ်း​ၼႆႉ မီး​လၢႆ​မိုၼ်ႇ​လၢႆ​ႁဵင်​ၼၼ်ႉ​ယူႇ​ဢေႃႈ။ ၶဝ်​တင်း​သဵင်ႈ​တင်း​လူင် ပဵၼ်​ၵေႃႉ​ဢၼ်​ႁႅင်း​ယႂ်ႇ ၵႃႈ​တီႈ​ၽၢႆႇ​ပိင်း​ၺၢပ်ႈ​တြႃး​ၼႃႇ​လူင်​လၢင်​ဢေႃႈ။-</verse>
				<verse number="21">ၶဝ်​လႆႈ​ငိၼ်း​လွင်ႈ​ဢၼ်​မႂ်း​ၸၢင်ႈ​သင်ႇ​သွၼ်​ပၼ်​ၵူၼ်း​ ယူႉတႃႉ ​တင်း​သဵင်ႈ​တင်း​လူင် ဢၼ်​ယူႇ​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၼၼ်ႉ၊ ႁႂ်ႈ​ၶဝ်​လႆႈ​ၸုၼ်ႉ​ပႅတ်ႈ​တြႃး​ မူဝ်းသေႇ ​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ ဢမ်ႇ​လႆႈ​ပၼ်​တၢင်း​ဢၼ်​ထိူဝ်​ႁိမ်း​တီႈ​လုၵ်ႈ​လၢင်း​ၶဝ်၊ ဢမ်ႇ​လႆႈ​ၵမ်​ၵျၢင်ႉ​ၸွမ်း​ၼင်ႇ​ထုင်း​ၸၢမ်ႇ​မိူဝ်ႈ​ၵွၼ်ႇ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ။-</verse>
				<verse number="22">ပိူဝ်ႈ​ၼႆ​လႄႈ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်။ ပိူဝ်ႈ​ဢၼ်​ၶဝ်​တၵ်း​ငိၼ်း​လွင်ႈ​ဢၼ်​မႂ်း​ႁွတ်ႈ​မႃး​လႄႈ ၵူၼ်း​ၼမ်​ၼႃႇ​ယင်း​ဢမ်ႇ​ၸူႉ​ၵၼ်​တုမ်​ၵၼ်​လႄႈ ဢမ်ႇ​ယူႇ​လႆႈ။-</verse>
				<verse number="23">ၵွပ်ႈ​ႁွႆး​ၼႆႉ၊ ႁဵတ်း​ၸွမ်း​ၵႃႈ​ၼင်ႇ​ဢၼ်​ႁဝ်း​ၶႃႈ​ဝႃႈ​ၼႆ​သေ​ၵမ်း။ ၵူၼ်း​ဢၼ်​ႁဵတ်း​ၵတီႉ​သဵတ်ႈ​ၸႃႇ​ၼၼ်ႉ​မီး​တီႈ​ႁဝ်း​ၶႃႈ​သီႇ​ၵေႃႉ​ဢေႃႈ။-</verse>
				<verse number="24">ဢဝ်​ၶဝ်​ၼၼ်ႉ​သေ​လႄႈ ႁဵတ်း​တၢင်း​ဢၼ်​မူတ်း​သႂ်​ႁူမ်ႈ​လူၺ်ႈ​ၵၼ်​တင်း​ၶဝ်​သေ​ယဝ်ႉ၊ ပၼ်​ၸရိပ်ႈ​ပုၼ်ႈ​ၶဝ် ႁႂ်ႈ​ၶဝ်​ထႃ​ႁူဝ်​သေ​ၵမ်း။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵူၼ်း​တင်း​သဵင်​တင်း​လူင် တၵ်း​ႁူႉ​လွင်ႈ​ဢၼ်​ၵႂၢမ်း​သတၢင်း​သဵင်​ၶၢဝ်ႇ ဢၼ်​ၶဝ်​လႆႈ​ငိၼ်း​လွင်ႈ​မႂ်း​ၼၼ်ႉ ဢမ်ႇ​မၢၼ်ႇ​ဢမ်ႇ​မႅၼ်ႈ ဢိၵ်ႇ​တင်း​လွင်ႈ​ဢၼ်​မႂ်း​တူဝ်​ၸဝ်ႈ​ၵဝ်ႇ​ပႂ်ႉ​ၸွမ်း​ပိင်း​ၺၢပ်ႈ​တြႃး​လႄႈ ၵမ်​ၵျၢင်ႉ​ယူႇ​ၼၼ်ႉ​ဢေႃႈ။-</verse>
				<verse number="25">ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​ယုမ်ႇ​မၢတ်ႈ​ၸိူဝ်း​ၼၼ်ႉ​ၸမ်ႉ၊ ႁဝ်း​လႆႈ​ၸီႇ​ယၢင်ႇ​လႄႈ ပၼ်​ငိၼ်း​ၵႂႃႇ​လွင်ႈ​ဢၼ် ယင်း​ဢမ်ႇ​ႁႂ်ႈ​လႆႈ​ၵမ်​ၵျၢင်ႉ​တြႃး​ၸိူဝ်ႉ​ၼင်ႇ​ၼၼ်​လႄႈ တၵ်း​လႆႈ​ဝႄႈ​ပႅတ်ႈ​ယိတ်ႈ​ဢၼ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ ဢိၵ်ႇ​တင်း​လိူတ်ႈ တင်း​ၶိူင်ႈ​ပိူင်​ဢၼ်​ငႅၼ်း​ၶေႃး​ဢဝ်​တၢႆ၊ တင်း​မေႇ​ထုင်ႇ​ဢၼ်​ဢမ်ႇ​တြႃး​ၸိူဝ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">မိူဝ်ႈ​ၼၼ်ႉ​ ပေႃးလူႉ ​ၸင်ႇ ႁွင်ႉ​ဢဝ်​ၶဝ်​ၼၼ်ႉ​လႄႈ ဝၼ်း​မိူဝ်ႈ​ၽုၵ်ႈ​ဢိၵ်ႇ​လူၺ်ႈ​ၵၼ်​တင်း​ၶဝ်​ၼၼ်ႉ ႁဵတ်း​တၢင်း​ဢၼ်​မူတ်း​သႂ်​သေ​ယဝ်ႉ၊ ၶဝ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​လႄႈ​မွၵ်ႇ​လၢတ်ႈ​ၶိင်ႇ​ဝၼ်း​ဢၼ်​တၵ်း​လႆႈ​ႁဵတ်း​တၢင်း​ဢၼ်​မူတ်း​သႂ် ႁႂ်ႈ​ထၼ်ႈ​ပေႃး​ၸေး ဢၼ်​ဝႃႈ ၶိင်ႇ​ဢၼ်​တၵ်း​လႆႈ​ႁဵတ်း​တၢင်း​ဢၼ် ပုၵ်ႈ​ၸေႃႇ​ပုၼ်ႈ​ၶဝ် ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။</verse>
				<verse number="27">မိူဝ်ႈ​ဢၼ်​ၸမ်​တၵ်း​ၸေး​ၸဵတ်း​ဝၼ်း​ၼၼ်ႉ​ၸိုင်၊ ၵူၼ်း​ ယူႉတႃႉ ​ဢၼ်​လုၵ်ႉ​သေ​ၵႃႈ​တီႈ​မိူင်း​ ဢႃႇသီႉ ​မႃး​ၸိူဝ်း​ၼၼ်ႉ ထူပ်း​ႁၼ်​ ပေႃးလူႉ ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ယဝ်ႉ​ၸင်ႇ တိုၵ်း​ယူင်း​ၵူၼ်း​ဢၼ်​ၸူႉ​ဢၼ်​တုမ်​တင်း​သဵင်ႈ​တင်း​လူင်​လႄႈ​တီႉ​ဢဝ်​ ပေႃးလူႉ ​သေ​ယဝ်ႉ၊-</verse>
				<verse number="28">ႁွင်ႉ​သႅၼ်ႇ​လႄႈ​ဝႃႈ၊ ၵူၼ်း​ ဢီႉသရေႇလႃႉ ​ၶဝ်​ဢိူၺ်း၊ ၸွႆႈ​ထႅမ်​ႁဝ်း​သေ​ၵမ်း။ ၵေႃႉ​ၼႆႉ​ၸမ်ႉ၊ ပဵၼ်​ၵေႃႉ​ဢၼ်​သင်ႇ​သွၼ်​ပၼ်​ၵူၼ်း​တင်း​လၢႆ ၵူႈ​တီႈ​ၵူႈ​လႅၼ်​လႄႈ ႁဵတ်း​ၶတ်း​ၵၼ်​တင်း​ၸိူဝ်ႉ​ၶိူဝ်း​ၵူၼ်း​ႁဝ်း ဢိၵ်ႇ​တင်း​ပိင်း​ၺၢပ်ႈ​တြႃး တင်း​တီႈ​ထႃႇၼႃႉ​ၼႆႉ​ဢေႃႈ။ လိူဝ်​သေ​ၼၼ်ႉ​ဢမ်ႇ​ၵႃး မၼ်း​ဢဝ်​ၶဝ်​ၸိူဝ်း​ဢၼ်​ပဵၼ်​ၵူၼ်း​ ႁေႇလသႃႉ ​သူင်ႇ​ႁွတ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​လႄႈ ႁႂ်ႈ​တီႈ​ထႃႇ​ၼႃႉ​ဢၼ်​မူတ်း​ၸၢင်ႇ​ၼႆႉ​ၵူဝ်ႈ​ၵိူၵ်ႇ​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">လွင်ႈ​မၼ်း​ၸမ်ႉ မိူဝ်ႈ​ဢွၼ်​တၢင်း​ၼၼ်ႉ ပိူဝ်ႈ​ဢၼ်​ၶဝ်​လႆႈ​ႁၼ်​ တရေႃးၽိမ်း ၊ ၵူၼ်း​ဝဵင်း​ ဢေးၽႅတ်ႈ ​ၵေႃႉ​ၼိုင်ႈ​မီး​ယူႇ​လူၺ်ႈ​ၵၼ်​တင်း​ ပေႃးလူႉ ၵႃႈ​ၼႂ်း​ဝဵင်း​ၼၼ်ႉ​လႄႈ ၶဝ်​ထၢင်ႇ​ ပေႃးလူႉ ဢဝ်​ၵေႃႉ​ၼၼ်ႉ​သူင်ႇ​ႁွတ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ဢေႃႈ။-</verse>
				<verse number="30">ယုင်ႈ​ယၢင်ႈ​ဢူၼ်​ဢဵၼ်​ၵၼ်​တင်း​ဝဵင်း​လႄႈ ၵူၼ်း​တင်း​လၢႆ​ဢွၼ်​ၵၼ်​လႅၼ်ႈ​မႃး​ၸူႉ​ၵၼ်​တုမ်​ၵၼ်​လႄႈ ယိပ်း​ၵမ်​ဢဝ်​ ပေႃးလူႉ ဢီး​ဢွၵ်ႇ​ၵႃႈ​ၼွၵ်ႈ​ပိၵ်ႈ​မၢၼ်ႇ​ၸဝ်ႈ​သေ​ယဝ်ႉ၊ ဢိုတ်း​ၽၵ်း​တူ​ဝႆႉ​သေ​ၵမ်း​လဵဝ်​ဢေႃႈ။</verse>
				<verse number="31">မိူဝ်ႈ​ဢၼ် ၶဝ်​ႁႃ​ဢဝ်​ ပေႃးလူႉ ​တၢႆ​ၼၼ်ႉ​ၸိုင်၊ ၵႄႇ​သိုၵ်း​ဢၼ်​ဢုပ်ႉ​ၵႃႈ​ၼိူဝ်​ၵူၼ်း​ႁဵင်​ၼိုင်ႈ​ၼၼ်ႉ ငိၼ်း​သတၢင်း​လွင်ႈ​ဢၼ် ဝဵင်း​ ယေႇရူႉသလႅမ်ႇ ဢူၼ်​ဢဵၼ်​ၵၼ်​ၵႂႃႇ​တင်း​ဝဵင်း​ၼၼ်ႉ​လႄႈ၊-</verse>
				<verse number="32">ႁွင်ႉ​ဢဝ်​ၵူၼ်း​သိုၵ်း​ဢိၵ်ႇ​တင်း​တပ်ႉ​မူး​တင်း​လၢႆ​ၵမ်း​လဵဝ်​သေ​ယဝ်ႉ၊ လႅၼ်ႈ​လူင်း​ၵႂႃႇ​ၸူး​ၵႃႈ​တီႈ​ဢၼ်​ၶဝ်​မီး​ၼၼ်ႉ​ဢေႃႈ။ ၶဝ်​ၼၼ်ႉ ႁၼ်​ၵႄႇ​ၵူၼ်း​သိုၵ်း​ဢိၵ်ႇ​တင်း​ၵူၼ်း​သိုၵ်း​တင်း​လၢႆ​ၼၼ်ႉ​သေ​ယဝ်ႉ ယင်း​ဢမ်ႇ​ပေႃႉ​ယႅၼ်ႉ​ ပေႃးလူႉ ​လႄႈ​ၵိုတ်း​ယူႇ​ဢေႃႈ။-</verse>
				<verse number="33">မိူဝ်ႈ​ၼၼ်ႉ​ၵႄႇ​ၵူၼ်း​သိုၵ်း​ၼၼ်ႉ မႃး​ၸမ်​ၸမ်​သေ​လႄႈ ယိပ်း​ၵမ်​ဢဝ်​ ပေႃးလူႉ ​ယဝ်ႉ​ၸင်ႇ၊ ၸီႇ​ယၢင်ႇ​ဢဝ်​တင်း​ၸိူၵ်ႈ​လဵၵ်း​သွင်​သဵၼ်ႈ​မတ်ႉ​ၽုၵ်ႇ​လႄႈ​ထၢမ်​ဝႃႈ၊ ၵေႃႉ​ၼႆႉ​ပဵၼ်​ၽူႈ​လႂ်၊ မႂ်း​လႆႈ​ႁဵတ်း​ဢမူႉ​ဢၼ်​လႂ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="34">ၵူၼ်း​ဢၼ်​ၸူႉ​ဢၼ်​တုမ်​ၸိူဝ်း​ၼၼ်ႉ​ၵမ်ႈ​ၽွင်ႈ ႁွင်ႉ​သႅၼ်ႇ​ယေႈ​ၸိူဝ်း၊ ၵမ်ႈ​ၽွင်ႈ​ႁွင်ႉ​သႅၼ်ႇ​ယေႈ​မဵဝ်း​လႄႈ မိူဝ်ႈ​ဢၼ်​ၵႄႇ​ၵူၼ်း​သိုၵ်း​ဢမ်ႇ​ႁူႉ ဢၼ်​မၢၼ်ႇ​ဢၼ်​မႅၼ်ႈ​လႆႈ ၵွပ်ႈ​ပိူဝ်ႈ​တၢင်း​ဢၼ်​ဢူၼ်​ဢဵၼ်​ၼၼ်ႉ​ၸိုင်၊ မၼ်း​သမ်ႉ​ၸီႇ​ယၢင်ႇ ႁႂ်ႈ​ဢဝ်​ ပေႃးလူႉ ​ၵႂႃႇ​ၵႃႈ​ၼႂ်း​တပ်ႉ​သေ​ဢေႃႈ။-</verse>
				<verse number="35">မိူဝ်ႈ​ဢၼ်​ ပေႃးလူႉ ႁွတ်ႈ​ထိုင်​ၵႃႈ​ၼိူဝ်​ၶူဝ်​လႆ​ၼၼ်ႉ​ၸိုင်၊ ပိူဝ်ႈ​ဢၼ်​ၵူၼ်း​ဢၼ်​ၸူႉ​ဢၼ်​တုမ်​ႁႅင်း​ယႂ်ႇ​ၼႃႇ​လႄႈ ၵူၼ်း​သိုၵ်း​ၸိူဝ်း​ၼၼ်ႉ ႁွပ်ႇ​ဢဝ်​ ပေႃးလူႉ ​ၵႂႃႇ​ဢေႃႈ။-</verse>
				<verse number="36">လွင်ႈ​မၼ်း​ၸမ်ႉ ၵူၼ်း​တင်း​လၢႆ​ၼၼ်ႉ​ဢွၼ်​ၵၼ် ႁွင်ႉ​သႅၼ်ႇ​လႄႈ​ဝႃႈ၊ ဢဝ်​ပႅတ်ႈ​သေ၊ ဝႃႈ​ၼင်ႇ​ၼႆ​ယူႇ​သေ​လႄႈ ၸွမ်း​ၵႂႃႇ​ဢေႃႈ။</verse>
				<verse number="37">ပေႃးလူႉ ​ၼၼ်ႉ​မိူဝ်ႈ​ဢၼ်​ၸမ်​တၵ်း​ၶဝ်ႈ​ၵႃႈ​ၼႂ်း​တပ်ႉ​ၼၼ်ႉ​ၸိုင်၊ ထၢမ်​ၵႄႇ​ၵူၼ်း​သိုၵ်း​လႄႈ​ဝႃႈ၊ ၵဝ်​ၶႃႈ​ၼႆႉ​ၸွင်ႇ​လၢတ်ႈ​ၵႂၢမ်း​တီႈ​ၸဝ်ႈ​ႁဝ်း​လႆႈ​ၶႃႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵႄႇ​ၵူၼ်း​သိုၵ်း​ၼၼ်ႉ​ၵေႃႈ​ထၢမ်​လႄႈ​ဝႃႈ၊ မႂ်း​ၼႆႉ​မေႃ​လၢတ်ႈ​ၵႂၢမ်း​ ႁေႇလသႃႉ ​ႁိုဝ်။-</verse>
				<verse number="38">မႂ်း​ၼႆႉ​ပဵၼ် ၵူၼ်း​ ဢေႇၵိပ်ႉတူႉ ဢၼ်​ပုင်ႇ​ၵၢၼ်ႇ​မိူဝ်ႈ​ၼၼ်ႉ​လႄႈ ႁွင်ႉ​ဢဝ်​ၵူၼ်း​သီႇ​ႁဵင် ၵႃႈ​ၼႂ်း​မုၵ်ႉ​ၸိူဝ်း​ၸူၼ် ၵႂႃႇ​ၵႃႈ​ၼႂ်း​ထိူၼ်ႇ​ၼၼ်ႉ​ဢမ်ႇ​ၸႂ်ႈ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="39">ပေႃးလူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ ပဵၼ်​ၵူၼ်း​ ယူႉတႃႉ ဢၼ်​ၵိူတ်ႇ​လဵင်ႉ​မႃး​ၵႃႈ​ၼႂ်း​ဝဵင်း​ တႃႇသူႉ မိူင်း​ ၵီႉလီႉၵီႉ ​ၶႃႈ​ဢေႃႈ။ ဝဵင်း​ဢၼ်​ၵဝ်​ၶႃႈ​ယူႇ​ၼၼ်ႉ​ၸမ်ႉ၊ ပဵၼ်​ဝဵင်း​ပၢၼ်​ၵၢင်​ၵူၺ်း​ဢမ်ႇ​ၸႂ်ႈ။ ပၼ်​ဢၶႂၢင်ႉ​ဢၼ်​ၵဝ်​ၶႃႈ​တၵ်း​လႆႈ​လၢတ်ႈ​တေႃႇ​ၵူၼ်း​ၸိူဝ်း​ၼႆႉ​သေ​ၵမ်း​ၶႃႈ။ ၵဝ်​ၶႃႈ​လဝ်ႊ​ယွၼ်း​ၵႃႈ​တီႈ​ၸဝ်ႈ​ႁဝ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="40">ၵႄႇ​ၵူၼ်း​သိုၵ်း​ပၼ်​ဢၶႂၢင်ႉ​သေ​ယဝ်ႉ၊ ပေႃးလူႉ ​ၸုၵ်း​ယူႇ​ၵႃႈ​ၼိူဝ်​ၶူဝ်​လႆ​သေ​လႄႈ ၼႄ​မိုဝ်း​မၼ်း​တီႈ​ၵူၼ်း​တင်း​လၢႆ​ဢေႃႈ၊ မိူဝ်ႈ​ဢၼ်​ၶဝ်​ၼၼ်ႉ​တဵတ်ႇ​ယဵၼ်​ၼႃႇ​လူင်​လၢင်​သေ​လႄႈ​ယူႇ​ၼၼ်ႉ​ၸိုင်၊ ပေႃးလူႉ ​ဢဝ်​တင်း​ၽႃႇသႃႇ ၵႂၢမ်း​ ႁေႇပြႄး မွၵ်ႇ​လၢတ်ႈ​လႄႈ​ဝႃႈ၊</verse>
			</chapter>
			<chapter number="22">
				<verse number="1">ပီႈ​ၼွင်ႉ​ဢိၵ်ႇ​တင်း​ပေႃႈ​တင်း​လၢႆ​ၶဝ်​ဢိူၺ်း၊ ထွမ်ႇ​ငိၼ်း​ၵႂၢမ်း​ဢၼ်​ၵဝ်​ၶႃႈ​လၢတ်ႈ​ၽေႇ​ဢပႅတ်ႈ​တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ​သူ​ၸဝ်ႈ​တေႃႈ​လဵဝ်​ၼႆႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="2">မိူဝ်ႈ​ဢၼ်​ၶဝ်​ငိၼ်း​မၼ်း​ဢဝ်​တင်း​ၵႂၢမ်း​ၽႃႇသႃႇ​ ႁေႇပြႄး ​လၢတ်ႈ​ၼၼ်ႉ​ၸိုင်၊ ၶဝ်​ယဵင်ႈ​ၶႅၼ်း​ယူႇ​တဵတ်ႇ​တဵတ်ႇ​ယဵၼ်​ယဵၼ်​ၼႃႇ​လူင်​လၢင်​ဢေႃႈ။-</verse>
				<verse number="3">မၼ်း​ၵေႃႈ​မွၵ်ႇ​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ ပဵၼ်​ၵူၼ်း​ဢၼ်​ၵိူတ်ႇ​လဵင်ႉ​မႃး ၵႃႈ​ၼႂ်း​ဝဵင်း​ တႃႇသူႉ ၊ မိူင်း​ ၵီႉလီႉၵီႉ ပုၼ်ႉ​ၶႃႈ​ဢေႃႈ။ ၵႃႈ​ၼႂ်း​ဝဵင်း​ၼႆႉ​ၵေႃႈ ၵဝ်​ၶႃႈ​လႆႈ​ၶၢမ်ႇ​တၢင်း​ဢၼ်​လဵင်ႉ​ဢၼ်​လူ​လႄႈ ၵႃႈ​ၼင်ႇ​တၢင်း​ဢၼ်​သေႇ​ၶျႃႇ​ၼႂ်း​တြႃး ဢၼ်​ပူႇ​ပေႃႈ​သိုပ်ႇ​ၵၼ်​ၵမ်​ၵျၢင်ႉ​မႃး​ၼၼ်ႉ၊ ၶၢမ်ႇ​ဢဝ်​ၼႄး​ဢူႉပတေႇ​ၵႃႈ​တီႈ​တိၼ်​သြႃႇ​ ၵႃႇမလျေးလႃႉ ၶႃႈ​ယဝ်ႉ။ ၸိူဝ်ႉ​ၼင်ႇ​ဢၼ်​သူ​ၸဝ်ႈ ၵႃႈ​မီး​ၼႆႉ​ၸႂ်​ပႃး​ၽၢႆႇ​ၽြႃး​ပဵၼ်​ၸဝ်ႈ​ၼႃႇ​လူင်​လၢင် တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ၼၼ်ႉ ၵဝ်​ၶႃႈ​ၵေႃႈ​ၸႂ်​ပႃး​ၼႃႇ​လူင်​လၢင်​လႄႈ၊-</verse>
				<verse number="4">မတ်ႉ​ၽုၵ်ႇ​ဢဝ်​ၸဵမ်​ယိင်း​ၸဵမ်​ၸၢႆး​ယူႇ၊ ဢဝ်​ၶင်​ဝႆႉ​ၵႃႈ​ၼႂ်း​ထွင်ႇ​ယူႇ​သေ​လႄႈ ၼိၵ်ႈ​ၸၢၵ်ႈ​ငႅၼ်း​သႄး​သဵၼ်ႈ​တၢင်း​ၼႆႉ​တေႃႇ​ထိုင်​ႁွတ်ႈ​ထၼ်ႈ​ပေႃး​ဢဝ်​တၢႆ​ၶႃႈ​ယဝ်ႉ။-</verse>
				<verse number="5">မိူၼ်​ၼင်ႇ​ၼၼ်​ၸႃႉ​ၸဵမ်​ၶုၼ်​ယိတ်ႈပရေႃးႁဵၵ်ႈ​ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ် တင်း​သဵင်ႈ​တင်း​လူင် ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​ၽၢႆႇ​ၵဝ်​ၶႃႈ​ဢေႃႈ။ ၵႃႈ​တီႈ​ၶဝ်​ၼၼ်ႉ​ၵေႃႈ ၵဝ်​ၶႃႈ​လႆႈ​ၶၢမ်ႇ​ဢဝ်​လိၵ်ႈ​ဢၼ်​သင်ႇ​လၢတ်ႈ ၵႃႈ​တီႈ​ပီႈ​ၼွင်ႉ​တင်း​လၢႆ​သေ​ယဝ်ႉ၊ ၸွမ်း​တၢင်း​ၵႂႃႇ​ၸူး​ၵႃႈ​တီႈ ဝဵင်း ထမ်ႇမသႅတ်ႉ ​ပုၼ်ႉ ႁႂ်ႈ​လႆႈ​မတ်ႉ​ၽုၵ်ႇ​ဢဝ်​ၶဝ်​ၸိူဝ်း​ဢၼ်​ၶဝ်ႈ​ၽႃႇ​သႃႇ​ၼၼ်ႉ ဢၼ်​မီး​ယူႇ​ၵႃႈ​ၼႂ်း​ဝဵင်း​ၼၼ်ႉ​လႄႈ သူင်ႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ၊ ႁႂ်ႈ​ၶဝ်​လႆႈ​ၶၢမ်ႇ​တၢမ်ႇ​ၶႃႈ​ဢေႃႈ။</verse>
				<verse number="6">ၼႂ်း​မိူဝ်ႈ​ဢၼ်​ၵဝ်​ၶႃႈ​ယင်း​တိုၵ်ႉ​ၸွမ်း​တၢင်း​ၵႂႃႇ​လႄႈ ႁွတ်ႈ​ထိုင်​ၵႃႈ​တီႈ​ႁိမ်း ဝဵင်း ထမ်ႇမသႅတ်ႉ ​ၼၼ်ႉ​ၸိုင်၊ ၶိင်ႇ​ၵၢင်​ဝၼ်း​တဵင်ႈ၊ ဢၼ်​လႅင်း​လူင်​လုၵ်ႉ​သေ​ၵႃႈ​တီႈ​ၵၢင်​ႁၢဝ်​မႃး​လႄႈ ႁိူဝ်ႈ​လႅင်း​ႁွပ်ႈ​ႁိမ်း​ၵဝ်​ၶႃႈ​ၵမ်း​လဵဝ်​ၶႃႈ​ဢေႃႈ။-</verse>
				<verse number="7">ၵဝ်​ၶႃႈ​လူမ်ႉ​ဢူပ်ႇ​ပူပ်ႇ​ၵႃႈ​ၼိူဝ်​လိၼ်​သေ​လႄႈ ငိၼ်း​သဵင်​ဢၼ်​လၢတ်ႈ​တေႃႇ​ၵဝ်​ၶႃႈ​လႄႈ​ဝႃႈ၊ သေႃးလူႉ ​ဢိူၺ်း၊ သေႃးလူႉ ​ဢိူၺ်း၊ ႁဵတ်း​သင်​လႄႈ​မႂ်း​ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​ၼင်ႇ​ႁိုဝ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="8">ၵဝ်​ၶႃႈ​ၵေႃႈ​လဝ်ႊ​ထၢမ်​လႄႈ​ဝႃႈ ၸဝ်ႈ​ႁဝ်း​ပဵၼ်​ၽူႈ​လႂ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၸမ်ႉ၊ ပဵၼ်​ ယေႇသူႉ ၊ ၵူၼ်း​ဝဵင်း​ ၼႃႇၸရႅတ်ႈ ဢၼ်​မႂ်း​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ပိၵ်ႉ​သမ်ႉ​ၵူၼ်း​ဢၼ်​ပႃး​လူၺ်ႈ​ၵၼ်​တင်း​ၵဝ်​ၶႃႈ​ၸိူဝ်း​ၼၼ်ႉ လႆႈ​ႁၼ်​ဢၼ်​လႅင်း​ၼၼ်ႉ​လႄႈ​ၵူဝ်​ႁႄ​ၼႃႇ​သေ​ၵေႃႈ ၶဝ်​ဢမ်ႇ​ငိၼ်း​သဵင်ႈ​ၵႂၢမ်း​ၵေႃႉ​ဢၼ်​လၢတ်ႈ​တီႈ​ၵဝ်​ၶႃႈ​ၼၼ်ႉ။-</verse>
				<verse number="10">မိူဝ်ႈ​ၼၼ်ႉ​ၵဝ်​ၶႃႈ​ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း။ ၵဝ်​ၶႃႈ​ၼႆႉ​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်​ၸဝ်ႈ​ၽြႃး​ၵေႃႈ​လၢတ်ႈ​လႄႈ​ဝႃႈ၊ မႂ်း​လုၵ်ႉ​လႄႈ ၶဝ်ႈ​ၵႃႈ​ၼႂ်း​ဝဵင်း​ ထမ်ႇမသႅတ်ႉ ​တႃႉ။ တၵ်း​လၢတ်ႈ​ပၼ်​လွင်ႈ​တၢင်း ၵႃႈ​ဢၼ်​ၶၢၼ်း​ဝႆႉ​ပုၼ်ႈ​ဢၼ်​မႂ်း​တၵ်း​လႆႈ​ႁဵတ်း​ၸိူဝ်း​ၼၼ်ႉ​တီႈ​မႂ်း ၵႃႈ​ၼႂ်း​ဝဵင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ပိူဝ်ႈ​ဢၼ်​ၵဝ်​ၶႃႈ​တႃ​မွတ်ႇ​ၵႂႃႇ​ၵွပ်ႈ​ပိူဝ်ႈ​ႁႅင်း​သၢႆ​ဢရွင်ႇ​ဢၼ်​ႁိူဝ်ႈ​လႅင်း​ၼၼ်ႉ​လႄႈ ၵဝ်​ၶႃႈ​လႆႈ​ၶၢမ်ႇ​တၢင်း​ဢၼ်​ၶဝ်​ၸိူဝ်း​ဢၼ်​ပႃး​လူၺ်ႈ​ၵၼ်​တင်း​ၵဝ်​ၶႃႈ​ၼၼ်ႉ ၸုင်​ဢဝ်​မိုဝ်း​ၵဝ်​ၶႃႈ​လႄႈ ၶဝ်ႈ​ၵႃႈ​ၼႂ်း​ဝဵင်း​ ထမ်ႇမသႅတ်ႉ ​ၶႃႈ​ဢေႃႈ။-</verse>
				<verse number="12">မိူဝ်ႈ​ၼၼ်ႉ​ ဢႃႇၼၼီႉ ​ဢၼ်​ပဵၼ်​ၵေႃႉ​ဢၼ်​မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး​ပဵၼ်​ၸဝ်ႈ ၸွမ်း​ၼင်ႇ​ပိင်း​ၺၢပ်ႈ​တြႃး​လႄႈ မီး​သရေႇ​ၵႃႈ​တီႈ​ၵူၼ်း​ ယူႉတႃႉ ဢၼ်​ယူႇ​ၵႃႈ​ၼႂ်း​ဝဵင်း​ၼၼ်ႉ တင်း​သဵင်ႈ​တင်း​လူင်​ၼၼ်ႉ၊-</verse>
				<verse number="13">မႃး​လႄႈ ၸုၵ်း​ၵႃႈ​တီႈ​ႁိမ်း​ၵဝ်​ၶႃႈ​ယူႇ​သေ​လႄႈ​လၢတ်ႈ​ဝႃႈ၊ ၼွင်ႉ​ သေႃးလူႉ ​ဢိူၺ်း၊ ၶၢမ်ႇ​တၢင်း​ဢၼ်​မၢၵ်ႇ​တႃ​သမ်ႉ​ၶိုၼ်း​ႁၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵမ်း​ဢွၼ်ႇ​ၼိုင်ႈ​ၼၼ်ႉ ၵဝ်​ၶႃႈ​တူၺ်း​မၼ်း​လႄႈ​လႆႈ​ႁၼ်​ဢေႃႈ။-</verse>
				<verse number="14">မၼ်း​ၵေႃႈ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ပူႇ​မွၼ်ႇ​ႁဝ်း​ၼၼ်ႉ ၶၢၼ်း​မႂ်း​ဝႆႉ​ႁႂ်ႈ​လႆႈ​ႁူႉ​ဢလူဝ်ႇ​ၽြႃး​ပဵၼ်​ၸဝ်ႈ ဢိၵ်ႇ​တင်း​ႁႂ်ႈ​လႆႈ​ႁၼ်​ၸဝ်ႈ​ဢၼ်​သိုဝ်ႈ​တေႃႇ​လႄႈ ငိၼ်း​သဵင်​ဢၼ်​ဢွၵ်ႇ​သူပ်း​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ မႂ်း​တၵ်း​လႆႈ​လၢတ်ႈ​ၵႃႈ​ဢၼ်​မႂ်း​လႆႈ​ႁၼ်၊ ၵႃႈ​ဢၼ်​မႂ်း​လႆႈ​ငိၼ်း​ၸိူဝ်း​ၼႆႉ တီႈ​ၵူၼ်း​တင်း​သဵင်ႈ​တင်း​လူင်​လႄႈ ၶၢမ်ႇ​သၢၵ်ႈ​သေႇ​ၽၢႆႇ​မၼ်း​ၸဝ်ႈ​ဢေႃႈ။-</verse>
				<verse number="16">တေႃႈ​လဵဝ်​ၼႆႉ​ၵေႃႈ၊ ႁဵတ်း​သင်​လႄႈ​မႂ်း​ၵိုတ်း​သဝ်း​ယူႇ​ၼင်ႇ​ႁိုဝ်။ လုၵ်ႉ​တႃႉ။ ႁဵတ်း​ပထၼႃႇ​တီႈ​ၽြႃး​ပဵၼ်​ၸဝ်ႈ​ယူႇ​သေ​လႄႈ ၶၢမ်ႇ​ ပပ်ႉတီႉၸမ်ႇ သုၵ်ႈ​ပွတ်ႈ​ဢပႅတ်ႈ​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">လိုၼ်း​ၼၼ်ႉ မိူဝ်ႈ​ဢၼ်​ၵဝ်​ၶႃႈ​ၶိုၼ်း​မိူဝ်း​ၵႂႃႇ ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ ယင်း​တိုၵ်ႉ​သူး​တွင်း​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​ၸိုင်​ၵဝ်​ၶႃႈ​ပဵၼ်​ၸိူဝ်ႉ​ၼင်ႇ​ၼွၼ်း​ၽၼ်​ႁၼ်​ၼႂ်း​တူဝ်​ၸဝ်ႈ​ၵဝ်ႇ​လႄႈ၊-</verse>
				<verse number="18">လႆႈ​ႁၼ်​မၼ်း​ၸဝ်ႈ​လၢတ်ႈ​တီႈ​ၵဝ်​ၶႃႈ​လႄႈ​ဝႃႈ၊ မႂ်း​ၵျူဝ်း​ၸႃး​လႄႈ ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼႆႉ​ၵႂႃႇ​ၶၼ်​ၶၼ်​ၽႂ်း​ၽႂ်း​တႃႉ။ ၵူၼ်း​ၸိူဝ်း​ၼႆႉ​တၵ်း​ဢမ်ႇ​ၶၢမ်ႇ​ဢမ်ႇ​ဢဝ်​ၵႂၢမ်း​ဢၼ်​မႂ်း​လၢတ်ႈ​လႄႈ ၶၢမ်ႇ​သၢၵ်ႈ​သေႇ​လွင်ႈ​ၵဝ်​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၵဝ်​ၶႃႈ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၶဝ်​ႁူႉ​လွင်ႈ​ဢၼ်​ၵဝ်​ၶႃႈ​ဢဝ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၸဝ်ႈ​ႁဝ်း​ၼၼ်ႉ ၶင်​ဝႆႉ​ၵႃႈ​ၼႂ်း​ထွင်ႇ​လႄႈ​ပေႃႉ​ယႅၼ်ႉ ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​လၢႆ​ၼၼ်ႉ​ယူႇ​တီႈ​ၶႃႈ​ဢေႃႈ။-</verse>
				<verse number="20">မိူဝ်ႈ​ဢၼ်​ထွၵ်ႇ​ပႅတ်ႈ​လိူတ်ႈ​ သထေႇၽၢၼ်ႇ ဢၼ်​ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​ၽၢႆႇ​ၸဝ်ႈ​ႁဝ်း​ၼၼ်ႉ​ၵေႃႈ ၵဝ်​ၶႃႈ​ၸုၵ်း​ၵႃႈ​တီႈ​ႁိမ်း​ၼၼ်ႉ​ယူႇ​သေ​လႄႈ ႁပ်ႉ​တုင်း​ဢဝ်​လႄႈ ပႂ်ႉ​ၶူဝ်း​လဵင်း​ၶဝ်​ၸိူဝ်း​ဢၼ်​ဢဝ်​မၼ်း​တၢႆ​ၼၼ်ႉ​ယူႇ​တီႈ​ၶႃႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="21">မၼ်း​ၸဝ်ႈ​ၵေႃႈ​လၢတ်ႈ​တီႈ​ၵဝ်​ၶႃႈ​လႄႈ​ဝႃႈ၊ ၵႂႃႇ​တႃႉ။ ၵဝ်​တၵ်း​ပွႆႇ​ၸႂ်ႉ​မႂ်း​ၵႂႃႇ​ၵႆ​ၵႆ တီႈ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​မီး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၶဝ်​ၼၼ်ႉ ထွမ်ႇ​ၵႂၢမ်း​မၼ်း​တေႃႇ​ထိုင်​ႁွတ်ႈ​ထၢၼ်ႇ​ၼၼ်ႉ​သေ​ယဝ်ႉ၊ ဢွၼ်​ၵၼ်​ႁွင်ႉ​သႅၼ်ႇ​သဵင်​ၶဝ်​လႄႈ​ဝႃႈ၊ ၵူၼ်း​ၸိူဝ်ႉ​ၼင်ႇ​ၼႆ​ၸိုင်၊ ဢဝ်​ပႅတ်ႈ​သေ​ၵႃႈ​ၼိူဝ်​လိၼ်​မိူင်း​ၼႆႉ​တႃႉ။ မၼ်း​ဢမ်ႇ​ထုၵ်ႇ​လီ​ဢသၢၵ်ႈ​လိပ်း​ယူႇ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ႁဵတ်း​တၢင်း​ဢၼ်​ႁွင်ႉ​သႅၼ်ႇ၊ တၢင်း​ဢၼ်​ယိပ်း​ၵမ်​ဢဝ်​ၶူဝ်း​လဵင်း​တူဝ်​ၸဝ်ႈ​ၵဝ်ႇ ထိမ်ႈ​ၶိုၼ်ႈ​ၵႃႈ​ၼိူဝ်​ႁူဝ်၊ တၢင်း​ဢၼ်​ဢဝ်​မုၼ်ႈ​လိၼ် ပိုၼ်​ၶိုၼ်ႈ​ၵၢင်​ႁၢဝ်​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊-</verse>
				<verse number="24">ၵႄႇ​ၵူၼ်း​သိုၵ်း​ၶႂ်ႈ​ႁူႉ​လွင်ႈ​ဢၼ်​ၶဝ်​ႁွင်ႉ​သႅၼ်ႇ​လႄႈ ဝႃႈ​တီႈ​ ပေႃးလူႉ ​ၸိူဝ်ႉ​ၼင်ႇ​ၼၼ် ၵွပ်ႈ​ပိူဝ်ႈ​ၵႃႈ​သင်​ၼၼ်ႉ​လႄႈ ၸီႇ​ယၢင်ႇ​ႁႂ်ႈ​ဢဝ် ပေႃးလူႉ ​သႂၢင်း​ၶဝ်ႈ​ၵႃႈ​ၼႂ်း​တပ်ႉ​သေ​လႄႈ ႁႂ်ႈ​ပေႃႉ​ယႅၼ်ႉ​ၸႅတ်ႈ​တူၺ်း​ဢေႃႈ။</verse>
				<verse number="25">မိူဝ်ႈ​ဢၼ်​ၶဝ်​ဢဝ်​တင်း​သၢႆ​ၼင်​တိုတ်ႉ​ၸၼ်​ဢဝ်​ ပေႃးလူႉ ​တၢင်ႇ​ၼၼ်ႉ​ၸိုင်၊ ပေႃးလူႉ ​လၢတ်ႈ​တီႈ​တပ်ႉ​မူး​ဢၼ်​ၸုၵ်း​ယူႇ​ၵႃႈ​တီႈ​ႁိမ်း​မၼ်း​ၼၼ်ႉ​လႄႈ​ဝႃႈ၊ ၵေႃႉ​ဢၼ်​ပဵၼ်​ၵူၼ်း​ ရူဝ်းမႃႉ ​လႄႈ ဢမ်ႇ​ပႆႇ​လႆႈ​ၶၢမ်ႇ​တၢင်း​ဢၼ် ၸီႇ​ယၢင်ႇ​ၸွမ်း​ၼင်ႇ​ဢူႉပတေႇ​ၼၼ်ႉ​ၸိုင်၊ သူ​လီ​ပေႃႉ​ယႅၼ်ႉ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">တပ်ႉ​မူး​ၼၼ်ႉ ငိၼ်း​သေ​ယဝ်ႉ​ၵႂႃႇ​ၸူး​ၵႃႈ​တီႈ​ၵႄႇ​ၵူၼ်း​သိုၵ်း​လႄႈ​လဝ်ႊ​လၢတ်ႈ​ဝႃႈ၊ တၵ်း​ႁဵတ်း​ၸိူဝ်ႉ​ၼင်ႇ​ႁိုဝ်​ၶႃႈ။ ၵေႃႉ​ၼႆႉ​ပဵၼ်​ၵူၼ်း​ ရူဝ်းမႃႉ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ၵႄႇ​ၵူၼ်း​သိုၵ်း​ၼၼ်ႉ​ၵေႃႈ မႃး​ၸူး​ၵႃႈ​တီႈ​ ပေႃးလူႉ ​သေ​လႄႈ​ထၢမ်​ဝႃႈ၊ မႂ်း​ၼႆႉ​ၸႂ်ႈ​ၵူၼ်း​ ရူဝ်းမႃႉ ​ႁိုဝ် လၢတ်ႈ​တီႈ​ၵဝ်​တႃႉ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပေႃးလူႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ ၸႂ်ႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၵႄႇ​ၵူၼ်း​သိုၵ်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ ၵဝ်​ၼႆႉ​ပၼ်​ငိုၼ်း​ၼမ်​ၼႃႇ​လႄႈ လႆႈ​ဢရႃႇ​ၵူၼ်း​ ရူဝ်းမႃႉ ​ယဝ်ႉ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ပေႃးလူႉ ​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​ၸႃႇ​တီႉ​လႄႈ ၵိူတ်ႇ​လဵင်ႉ​မႃး​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">မိူဝ်ႈ​ၼၼ်ႉ​ၶဝ်​ၸိူဝ်း​ဢၼ် တၵ်း​ၸႅတ်ႈ​ထၢမ်​ၸႅတ်ႈ​တူၺ်း​မၼ်း​ၼၼ်ႉ ဢွၵ်ႇ​ၵႂႃႇ​သေ​ၵႃႈ​တီႈ​ ပေႃးလူႉ ၵမ်း​လဵဝ်​လႄႈ ၵႄႇ​ၵူၼ်း​သိုၵ်း​ႁူႉ​လွင်ႈ​ဢၼ်​မၼ်း​ပဵၼ်​ၵူၼ်း​ ရူဝ်းမႃႉ ဢိၵ်ႇ​တင်း​လွင်ႈ​ဢၼ်​လႆႈ​မတ်ႉ​ၽုၵ်ႇ​မႅၼ်ႈ ၵူၼ်း​ ရူဝ်းမႃႉ ​ၼၼ်ႉ​သေ​ယဝ်ႉ၊ မီး​တၢင်း​ဢၼ်​ၵူဝ်​ႁႄ​ၼႃႇ​လူင်​လၢင်​ဢေႃႈ။</verse>
				<verse number="30">ဝၼ်း​မိူဝ်ႈ​ၽုၵ်ႈ၊ ပိူဝ်ႈ​ဢၼ်​ၵႄႇ​ၵူၼ်း​သိုၵ်း ၶႂ်ႈ​ႁူႉ​ဢၼ်​ၸိုဝ်ႈ​ဢၼ်​ၸႂ်ႈ လွင်ႈ​ဢၼ်​ၵူၼ်း​ ယူႉတႃႉ ​တင်း​လၢႆ​တၢင်ႇ​ဢပႅတ်ႈ​ၼိူဝ်​ ပေႃးလူႉ ​ၸိူဝ်ႉ​ၼင်ႇ​ႁိုဝ်​ၼၼ်ႉ​လႄႈ မၼ်း​ထွတ်ႇ​ၸိူၵ်ႈ​လဵၵ်း ဢၼ်​မတ်ႉ​ၽုၵ်ႇ​ ပေႃးလူႉ ​ၼၼ်ႉ​သေ​ယဝ်ႉ ၸီႇ​ယၢင်ႇ​ႁႂ်ႈ​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ဢရႃႇသီႉ​လုမ်း​လူင်​တင်း​သဵင်ႈ​တင်း​လူင် ၸူႉ​ၵၼ်​တုမ်​ၵၼ်​သေ​ယဝ်ႉ ႁွင်ႉ​ဢဝ်​ ပေႃးလူႉ ​လႄႈ​ဝႆႉ ၵႃႈ​တီႈ​ၽၢႆႇ​ၼႃႈ​ၶဝ်​ဢေႃႈ။</verse>
			</chapter>
			<chapter number="23">
				<verse number="1">ပေႃးလူႉ ​ယႅၵ်ႉ​တူၺ်း ၶုၼ်​ဢရႃႇသီႉ​လုမ်း​လူင်​ၸိူဝ်း​ၼၼ်ႉ​ၸေး​ၸေး​သေ​လႄႈ​လၢတ်ႈ​ဝႃႈ၊ ပီႈ​ၼွင်ႉ​ၶဝ်​ဢိူၺ်း၊ ၵဝ်​ၶႃႈ​ၸိုင်​ၼႂ်း​လွင်ႈ​တၢင်း​ဢၼ်​ႁဵတ်း​ဝၢတ်ႈ​ၽြႃး​ပဵၼ်​ၸဝ်ႈ​ၼၼ်ႉ ဢဝ်​တင်း​ႁူဝ်​ၸႂ်​တူဝ်​ၸဝ်ႈ​ၵဝ်ႇ​ဢၼ်​ၵၢင်း​လွတ်ႈ​တင်း​တီႈ​တၵ်း​တၢင်ႇ​ဢပႅတ်ႈ​ၼၼ်ႉ ပွင်​ႁဵတ်း​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="2">ၶုၼ်​ယိတ်ႈပရေႃးႁဵၵ်ႈ​ ဢႃႇၼၼီႉ ​ၼၼ်ႉ မီး​ဢမိင်ႉ​တီႈ​ၶဝ်​ၸိူဝ်း​ဢၼ်​ၸုၵ်း​ယူႇ​ၵႃႈ​တီႈ​ႁိမ်း​မၼ်း​ၼၼ်ႉ ႁႂ်ႈ​ၶဝ်​တူပ်း​ယႅၼ်ႉ​သူပ်း​မၼ်း​ဢေႃႈ။</verse>
				<verse number="3">မိူဝ်ႈ​ၼၼ်ႉ​ ပေႃးလူႉ ​လၢတ်ႈ​လႄႈ​ဝႃႈ၊ ၽႃ​ဢုတ်ႇ​ဢၼ်​တႃး​ထုၼ်​ၽိူၵ်ႇ​ၼႆႉ​ဢိူၺ်း၊ ၽြႃး​ပဵၼ်​ၸဝ်ႈ​တၵ်း​တူပ်း​ယႅၼ်ႉ​မႂ်း​ဢေႃႈ။ မႂ်း​ၼႆႉ​ၼင်ႈ​ယူႇ​ႁႂ်ႈ​လႆႈ​ၸီႇ​ယၢင်ႇ​ၵဝ်​ၶႃႈ​ၸွမ်း​ၼင်ႇ​တြႃး​ၵူၺ်း​လႄႈ၊ တၵ်း​ၸီႇ​ယၢင်ႇ​ႁႂ်ႈ​တူပ်း​ယႅၼ်ႉ​ၵဝ်​ၶႃႈ ၸွမ်း​ၼင်ႇ​ဢၼ်​ဢမ်ႇ​တြႃး​ႁိုဝ်။ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">ၶဝ်​ၸိူဝ်း​ဢၼ်​ၸုၵ်း​ယူႇ​ၵႃႈ​တီႈ​ႁိမ်း​မၼ်း​ၼၼ်ႉ​ၵေႃႈ​ထၢမ်​လႄႈ​ဝႃႈ၊ မႂ်း​ၼႆႉ​သႄႉ​သွမ်း​ၶုၼ်​ယိတ်ႈပရေႃးႁဵၵ်ႈ​ၽြႃး​ပဵၼ်​ၸဝ်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="5">ပေႃးလူႉ ​ၵေႃႈ​လၢတ်ႈ​လႄႈ​ဝႃႈ၊ ပီႈ​ၼွင်ႉ​ၶဝ်​ဢိူၺ်း၊ ၵဝ်​ၶႃႈ​ဢမ်ႇ​ႁူႉ လွင်ႈ​ဢၼ်​မၼ်း​ၼႆႉ​ပဵၼ်​ၶုၼ်​ယိတ်ႈပရေႃးႁဵၵ်ႈ​ၶႃႈ။ ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ မႂ်း​ဢမ်ႇ​လႆႈ​သႄႉ​သွမ်း​ၶုၼ်​ဢၼ်​ဢုပ်ႉ​ပိူင်ႇ​ၵူၼ်း​မဵဝ်း​ၸိူဝ်ႉ​ၶိူဝ်း​မႂ်း၊ ဝႃႈ​ၼင်ႇ​ၼႆ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မိူဝ်ႈ​ဢၼ်​ ပေႃးလူႉ ႁူႉ​ႁၼ်​လွင်ႈ ဢၼ်​ၼႂ်း​ၶုၼ်​ဢရႃႇသီႉ​ၸိူဝ်း​ၼၼ်ႉ​ၵမ်ႈ​ၽွင်ႈ ပဵၼ်​ ၸတ်ႉတူႉၵႄး ၊ ၵမ်ႈ​ၽွင်ႈ​ပဵၼ်​ ၽႃႇရီႉသႄး ၊ ၼၼ်ႉ​ၸိုင်၊ မၼ်း​ႁွင်ႉ​သႅၼ်ႇ​ၵႃႈ​ၼိူဝ်​လုမ်း​လူင်​လႄႈ​ဝႃႈ၊ ပီႈ​ၼွင်ႉ​ၶဝ်​ဢိူၺ်း၊ ၵဝ်​ၶႃႈ​ၼႆႉ​ပဵၼ်​ ၽႃႇရီႉသႄး ​ဢေႃႈ။ လုၵ်ႈ​ၸၢႆး​ ၽႃႇရီႉသႄး ​ၵေႃႈ​ပဵၼ်​ဢေႃႈ။ ၵွပ်ႈ​ပိူဝ်ႈ​တၢင်း​ဢၼ်​မုင်ႈ​ထႃႈ​မွင်း​ထႃႈ လွင်ႈ​ဢၼ်​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ၊ တၵ်း​လုၵ်ႉ​ၶိုၼ်း​ၼၼ်ႉ​လႄႈ၊ ၵဝ်​ၶႃႈ​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ၸႅတ်ႈ​ထၢမ်​ၼႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">မိူဝ်ႈ​ဢၼ်​မၼ်း​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ ၽႃႇရီႉသႄး ဢိၵ်ႇ​တင်း​ ၸတ်ႉတူႉၵႄး ​ၸိူဝ်း​ၼၼ်ႉ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တွပ်ႇ​ၵၼ်​ထဵင်​ၵၼ်​လႄႈ ပရဵၵ်ႈသၢတ်ႈ​ဢၼ်​ၸူႉ​ဢၼ်​တုမ်​ၼၼ်ႉ ႁွတ်ႈ​ထိုင်​တၢင်း​ဢၼ်​ၽၢတ်ႇ​ၽႄ​ၵၼ်​ဢေႃႈ။-</verse>
				<verse number="8">လွင်ႈ​ဢၼ်​ၽၢတ်ႇ​ၽႄ​ၵၼ်​ၵႂႃႇ​ၼၼ်ႉ​ၸမ်ႉ၊ ၸတ်ႉတူႉၵႄး ​တင်း​လၢႆ​ၸင်ႇ​ဝႃႈ၊ တၢင်း​ဢၼ်​လုၵ်ႉ​ၶိုၼ်း​ဢမ်ႇ​မီး၊ တမၢၼ်ႇ​ၵၢင်​ႁၢဝ်​ဢမ်ႇ​မီး၊ ၸႂ်​ဝီႉၺိၺ်ႇ​ဢမ်ႇ​မီး၊ ဝႃႈ​ၼင်ႇ​ၼႆ​ဢေႃႈ။ ၽႃႇရီႉသႄး ​တင်း​လၢႆ​ၸိုင် ႁပ်ႉ​တုင်း​ဢဝ်​တင်း​သွင်​ပႃး​ဢေႃႈ။-</verse>
				<verse number="9">ၵမ်း​ၼၼ်ႉ ပဵၼ်​သဵင်​ဢၼ်​ႁွင်ႉ​သႅၼ်ႇ​ယႂ်ႇ​ၼမ်​ၼႃႇ​လူင်​လၢင်​မႃး​လႄႈ​ၵူၼ်း​ထုတ်ႇ​ၵျၢမ်း​ဢၼ်​ယူႇ​ၽၢႆႇ​ ၽႃႇရီႉသႄး ​တင်း​လၢႆ​ၼၼ်ႉ ၸင်ႇ​လုၵ်ႉ​တွပ်ႇ​ထဵင်​လႄႈ​ဝႃႈ၊ ႁဝ်း​ဢမ်ႇ​ထူပ်း​ဢပႅတ်ႈ​ၼႂ်း​ၵေႃႉ​ၼႆႉ​လႃး​လႃး။ ပေႃး​ၼၢမ်ႇ​ဝီႉၺိၺ်ႇ​ဢမ်ႇ​ၼၼ်​ၵေႃႈ တမၢၼ်ႇ​ၵၢင်​ႁၢဝ်​လႆႈ​လၢတ်ႈ​တေႃႇ​မၼ်း​ယဝ်ႉ​ၸိုင် ယႃႇ​ပေ​ႁႄႉ​ၶႅၼ်​ၽြႃး​ပဵၼ်​ၸဝ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">မိူဝ်ႈ​ဢၼ်​ၶဝ်​တွပ်ႇ​ထဵင်​ၵၼ် ၼမ်​ၼႃႇ​လူင်​လၢင်​ၼၼ်ႉ​ၸိုင်၊ ၵႄႇ​ၵူၼ်း​သိုၵ်း​ၼၼ်ႉ ပိူဝ်ႈ​ဢၼ်​ၵူဝ်​ၶဝ်​တၵ်း​တိုတ်ႉ​ၸၼ်​ဢဝ်​ ပေႃးလူႉ ၶၢတ်ႇ​ပဵၼ်​ပွတ်း​ပဵၼ်​တွၼ်ႈ​ၵႂႃႇ​လႄႈ မီး​ဢမိင်ႉ​ႁႂ်ႈ​ၵူၼ်း​သိုၵ်း​ၼမ်​ၼႃႇ​လူင်း​ႁိမ်​ဢဝ်​ ပေႃးလူႉ ​သေ ၵႃႈ​ၼႂ်း​ၵၢင်​ၶဝ် ၵႂႃႇ​သူင်ႇ​ၵႃႈ​တီႈ​ၼႂ်း​တပ်ႉ​သေ​ဢေႃႈ။</verse>
				<verse number="11">ၼႂ်း​ၶမ်ႈ​ဝၼ်း​မိူဝ်ႈ​ၽုၵ်ႈ​ၼၼ်ႉ၊ ၸဝ်ႈ​ၽြႃး​ပေႃႇ​မႃး​ၵႃႈ​တီႈ​ႁိမ်း​မၼ်း​လႄႈ​ဝႃႈ၊ မႂ်း​မီး​ၸႂ်​ဢၼ်​ႁတ်း​ႁၢၼ်​တႃႉ။ ၸိူဝ်ႉ​ၼင်ႇ​ဢၼ်​မႂ်း​ၶၢမ်ႇ​သၢၵ်ႈ​သေႇ​လွင်ႈ​ၵဝ် ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼႆႉ​ၼၼ်ႉ ၵႃႈ​ၼႂ်း​ဝဵင်း​ ရူဝ်းမႃႉ ​ၵေႃႈ တၵ်း​လႆႈ​ၶၢမ်ႇ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မိူဝ်ႈ​ဢၼ်​မိူင်း​လႅင်း​မႃး​ၸိုင်၊ ၵူၼ်း​ ယူႉတႃႉ ​ၵမ်ႈ​ၽွင်ႈ​ႁဵတ်း​မုၵ်ႉ​ႁဵတ်း​ၸိူဝ်း​ၵၼ်​သေ​လႄႈ ႁဵတ်း​တိၵ်ႈ​ထၢၼ်ႇ​ၵိၼ်ႇ​တူဝ်​ၸဝ်ႈ​ၵဝ်ႇ​လႄႈ​ဝႃႈ၊ ၸူဝ်ႈ​ဢၼ်​ႁဝ်း​ဢမ်ႇ​ပႆႇ​လႆႈ​ဢဝ် ပေႃးလူႉ ​တၢႆ​ၸိုင်၊ ႁဝ်း​တၵ်း​ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​သေ​ဢိတ်း​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ၶဝ်​ၸိူဝ်း​ဢၼ်​ႁဵတ်း​မုၵ်ႉ​ႁဵတ်း​ၸိူဝ်း​ၸိူဝ်ႉ​ၼင်ႇ​ၼႆ​ၼၼ်ႉ၊ မီး​သေ​သီႇ​သိပ်း​လိူဝ်​လိူဝ်​ဢေႃႈ။</verse>
				<verse number="14">ၶဝ်​ၼၼ်ႉ ၵႂႃႇ​ၸူး​ၵႃႈ​တီႈ​ယိတ်ႈပရေႃးႁဵၵ်ႈ​လူင်၊ တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ​လႄႈ လဝ်ႊ​လၢတ်ႈ​လႄႈ​ဝႃႈ၊ ႁဝ်း​ၶႃႈ​ၼႆႉ လႆႈ​ႁဵတ်း​တိၵ်ႈ​ထၢၼ်ႇ​ၵိၼ်ႇ​တီႈ​တူဝ်​ၸဝ်ႈ​ၵဝ်ႇ​လႄႈ​ဝႃႈ၊ ၸူဝ်ႈ​ဢၼ်​ႁဝ်း​ဢမ်ႇ​ပႆႇ​လႆႈ​ဢဝ်​ ပေႃးလူႉ ​တၢႆ​ၸိုင်၊ တၵ်း​ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​သေ​ဢိတ်း၊ ဝႃႈ​ၼင်ႇ​ၼႆ​ယဝ်ႉ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ပိူဝ်ႈ​ၼႆ​လႄႈ သူ​ၸဝ်ႈ​ဢိၵ်ႇ​တင်း​ၶုၼ်​ဢရႃႇသီႉ​တင်း​လၢႆ၊ လဝ်ႊ​လၢတ်ႈ​တီႈ​ၵႄႇ​ၵူၼ်း​သိုၵ်း​ႁႂ်ႈ​မၼ်း​ဢဝ်​ ပေႃးလူႉ မႃး​တီႈ​သူ​ၸဝ်ႈ​လႄႈ ႁဵတ်း​ၵဵင်ႈ​မိူၼ်​ႁၢင်ႈ​တၵ်း​ၶႂ်ႈ​ယဵင်ႈ​ၶႅၼ်း​ၸႅတ်ႈ​ထၢမ်​ၸႅတ်ႈ​တူၺ်း လွင်ႈ​တၢင်း​မၼ်း​လီ​လီ​ငၢမ်း​ငၢမ်း​ထႅင်ႈ​သေ​ၵမ်း​ၶႃႈ။ ၸူဝ်ႈ​ဢၼ် ပေႃးလူႉ ဢမ်ႇ​ပႆႇ​ႁွတ်ႈ​ထိုင်​ၸမ်​ႁိမ်း​ၵႃႈ​တီႈ​သူ​ၸဝ်ႈ​ၼႆႉ​ၼၼ်ႉ​ၸိုင်၊ ႁဝ်း​ၶႃႈ​မႄး​ႁႅၼ်း​ထႃႈ​ဝႆႉ​ႁႂ်ႈ​လႆႈ​ဢဝ်​မၼ်း​တၢႆ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">လၢၼ်​ၸၢႆး​ ပေႃးလူႉ ​ၼၼ်ႉ၊ ငိၼ်း​လွင်ႈ​ဢၼ်​ၶဝ်​ပႂ်ႉ​လွမ်​ယူႇ ၵႃႈ​တီႈ​ႁိမ်း​တၢင်း​ၸိူဝ်ႉ​ၼင်ႇ​ၼၼ်​ၼၼ်ႉ​သေ​ယဝ်ႉ၊ ၶဝ်ႈ​ၵႃႈ​ၼႂ်း​တပ်ႉ​လႄႈ​မွၵ်ႇ​လၢတ်ႈ​တီႈ​ ပေႃးလူႉ ​ဢေႃႈ။-</verse>
				<verse number="17">ပေႃးလူႉ ႁွင်ႉ​ဢဝ်​တပ်ႉ​မူး​ၵေႃႉ​ၼိုင်ႈ​မႃး​လႄႈ​လၢတ်ႈ​ဝႃႈ၊ ဢဝ်​ၵူၼ်း​ဢွၼ်ႇ​ၼႆႉ ၵႂႃႇ​သူင်ႇ​ၵႃႈ​တီႈ​ၵႄႇ​ၵူၼ်း​သိုၵ်း​သေ​ၵမ်း။ မၼ်း​မီး​တီႈ​တၵ်း​လဝ်ႊ​လၢတ်ႈ​သေ​ၸိူဝ်ႉ​သေ​ပိူင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">တပ်ႉ​မူး​ၼၼ်ႉ​ဢဝ်​ၵူၼ်း​ဢွၼ်ႇ​ၼၼ်ႉ ၵႂႃႇ​သူင်ႇ​ၵႃႈ​တီႈ​ၵႄႇ​ၵူၼ်း​သိုၵ်း​သေ​ယဝ်ႉ၊ လဝ်ႊ​လၢတ်ႈ​လႄႈ​ဝႃႈ၊ ပေႃးလူႉ ​ဢၼ်​လႆႈ​ၶၢမ်ႇ တူၵ်း​ၵႅၼ်း​ယူႇ​ၼၼ်ႉ၊ ႁွင်ႉ​ဢဝ်​ၵဝ်​ၶႃႈ​လႄႈ​တွင်း​ပၢၼ်ႇ​ႁႂ်ႈ​ၵဝ်​ၶႃႈ ဢဝ်​ၵူၼ်း​ဢွၼ်ႇ​ဢၼ် မီး​တီႈ​တၵ်း​လဝ်ႊ​လၢတ်ႈ​ၵႃႈ​တီႈ​ၸဝ်ႈ​ႁဝ်း​သေ​ၸိူဝ်ႉ​သေ​ပိူင်​ၼႆႉ သူင်ႇ​ႁွတ်ႈ​ၵႃႈ​တီႈ​ၸဝ်ႈ​ႁဝ်း​ၶႃႈ​ဢေႃႈ ဝႃႈ​ၼႆ​ဢေႃႈ။</verse>
				<verse number="19">ၵႄႇ​ၵူၼ်း​သိုၵ်း​ၼၼ်ႉ ယိပ်း​ဢဝ်​မိုဝ်း​ၵူၼ်း​ဢွၼ်ႇ​ၼၼ်ႉ ၵႂႃႇ​ၸူး​တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​သေ​ယဝ်ႉ​ထၢမ်​လႄႈ​ဝႃႈ၊ မႂ်း​ၶႂ်ႈ​လဝ်ႊ​လၢတ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​တီႈ​ၵဝ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၵူၼ်း​ ယူႉတႃႉ ​ၵမ်ႈ​ၽွင်ႈ​ၽွမ်ႉ​ၵၼ်​တိူင်ႇ​ပၢင်ႇ​လူၺ်ႈ​လွင်ႈ​ဢၼ် တၵ်း​လဝ်ႊ​ယွၼ်း​တီႈ​ၸဝ်ႈ​ႁဝ်း ႁႂ်ႈ​ၸဝ်ႈ​ႁဝ်း​ဢဝ်​ ပေႃးလူႉ ၵႂႃႇ​ၵႃႈ​တီႈ​လုမ်း​လူင်​ဝၼ်း​မိူဝ်ႈ​ၽုၵ်ႈ​လႄႈ ႁဵတ်း​ၵဵင်ႈ​မိူၼ်​ၼင်ႇ​ႁၢင်ႈ​တၵ်း​ၶႂ်ႈ​ယဵင်ႈ​ၶႅၼ်း​ၸႅတ်ႈ​ထၢမ်​ၸႅတ်ႈ​တူၺ်း လွင်ႈ​မၼ်း​လီ​လီ​ငၢမ်း​ငၢမ်း​ၼၼ်ႉ​ၶႃႈ​ယဝ်ႉ။-</verse>
				<verse number="21">ၵူၺ်း​ၵႃႈ ယႃႇ​ပေ​ၸွမ်း​ဢလူဝ်ႇ​ၶဝ်​သေ​ၵမ်း​ၶႃႈ။ ၵူၼ်း​ ယူႉတႃႉ ​ဢၼ်​ႁဵတ်း​တိၵ်ႈ​ထၢၼ်ႇ​ၵိၼ်ႇ​တီႈ​တူဝ်​ၸဝ်ႈ​ၵဝ်ႇ​လႄႈ​ဝႃႈ၊ ၸူဝ်ႈ​ဢၼ်​ႁဝ်း​ဢမ်ႇ​ပႆႇ​လႆႈ​ဢဝ်​ ပေႃးလူႉ ​တၢႆ​ၸိုင်၊ တၵ်း​ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​သေ​ဢိတ်း၊ ဝႃႈ​ၼင်ႇ​ၼႆ​ၼၼ်ႉ သီႇ​သိပ်း​ၵေႃႉ​လိူဝ်​လိူဝ် ပႂ်ႉ​လွမ်​ယူႇ​ၵႃႈ​တီႈ​ႁိမ်း​တၢင်း​ၶႃႈ​ဢေႃႈ။ တေႃႈ​လဵဝ်​ၼႆႉ ၶဝ်​ပႂ်ႉ​ထႃႈ​ၵႂၢမ်း​ဢၼ်​ၸဝ်ႈ​ႁဝ်း​တၵ်း​ႁပ်ႉ​တုင်း​ဢဝ်​ၼႆႉ​ၵူၺ်း​လႄႈ မႄး​ႁႅၼ်း​ထႃႈ​ဝႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ပိူဝ်ႈ​ၼႆ​လႄႈ ၵႄႇ​ၵူၼ်း​သိုၵ်း​ၼၼ်ႉ​ၵေႃႈ​သင်ႇ​လၢတ်ႈ​ၵူၼ်း​ဢွၼ်ႇ​ၼၼ်ႉ​လႄႈ​ဝႃႈ၊ ယႃႇ​ပေ​လၢတ်ႈ​လွင်ႈ​တၢင်း​ဢၼ်​မႂ်း​လဝ်ႊ​လၢတ်ႈ​တီႈ​ၵဝ်​ၼႆႉ၊ တီႈ​ၽူႈ​လႂ်၊ ဝႃႈ​ၼင်ႇ​ၼႆ​သေ​လႄႈ ပွႆႇ​ၵႂႃႇ​သေ​ယဝ်ႉ၊</verse>
				<verse number="23">ႁွင်ႉ​ဢဝ်​တပ်ႉ​မူး​သွင်​ၵေႃႉ​လႄႈ​မီး​ဢမိင်ႉ​ဝႃႈ၊ မႄး​ႁႅၼ်း​ဝႆႉ​ၵူၼ်း​သိုၵ်း​သွင်​ပၢၵ်ႇ၊ ၵူၼ်း​သိုၵ်း​ၶီႇ​မႃႉ​ၸဵတ်း​သိပ်း၊ ဢိၵ်ႇ​တင်း​ၵူၼ်း​သိုၵ်း​ဢၼ်​ယိပ်း​ၵမ်​ႁွၵ်ႇ​သွင်​ပၢၵ်ႇ၊ ႁႂ်ႈ​လႆႈ​ၵႂႃႇ​ၵႃႈ​တီႈ​ဝဵင်း​ ၵေႇသရီႉ ​ပုၼ်ႉ ၶမ်ႈ​ၼႆႉ​ၶိင်ႇ​သၢမ်​ၼႃႇရီႇ​ၼၼ်ႉ​တႃႉ။-</verse>
				<verse number="24">တရိၵ်ႈသၢၼ်ႇ​ပုၼ်ႈ​တႃႇ​ဢၼ်​တၵ်း​တၢင်ႇ​ဢဝ်​ ပေႃးလူႉ ​ၵႂႃႇ​သူင်ႇ​ၵႃႈ​တီႈ​ၶုၼ်​ ၽေးလိတ်ႉ ​ပုၼ်ႉ လီ​လီ​ငၢမ်း​ငၢမ်း​ၵေႃႈ​ႁႅၼ်း​ပၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">လိၵ်ႈ​ဢၼ်​ၵႄႇ​ၵူၼ်း​သိုၵ်း​တႅမ်ႈ​ပၼ်​ၵႂႃႇ​ၼၼ်ႉ​ဝႃႈ​ၸမ်ႉ၊-</verse>
				<verse number="26">ၵလေႃးတီႉ​လူႉသီႉ မီး​တင်း​မႅတ်ႈ​တႃႇ လဝ်ႊ​လၢတ်ႈ​ပၼ်​ငိၼ်း​ၵႂႃႇ​တီႈ​ၶုၼ်​ ၽေးလိတ်ႉ ၊ ဢၼ်​မျၢတ်ႈ​ၼႃႇ​ၶႃႈ​ဢေႃႈ။-</verse>
				<verse number="27">ၼႂ်း​မိူဝ်ႈ​ဢၼ်​ၵူၼ်း​ ယူႉတႃႉ ​တင်း​လၢႆ​တီႉ​ဢဝ်​ၵေႃႉ​ၼႆႉ​လႄႈ ငႃ​တၵ်း​ဢဝ်​မၼ်း​တၢႆ​ၼၼ်ႉ​ၸိုင် ပိူဝ်ႈ​ဢၼ်​ၵဝ်​ၶႃႈ​ႁူႉ​ငိၼ်း လွင်ႈ​ဢၼ်​မၼ်း​ပဵၼ်​ၵူၼ်း​ ရူဝ်းမႃႉ ​လႄႈ ၵဝ်​ၶႃႈ​ဢဝ်​တင်း​ၵူၼ်း​သိုၵ်း​တင်း​လၢႆ ၵႂႃႇ​ၼုၵ်ႈ​ဢဝ်​မၼ်း​ၶႃႈ​ဢေႃႈ။-</verse>
				<verse number="28">ပိူဝ်ႈ​ဢၼ်​ၵဝ်​ၶႃႈ ၶႂ်ႈ​ႁူႉ​လွင်ႈ​ဢၼ်​ၶဝ်​ၼၼ်ႉ​ႁဵတ်း​ဢမူႉ​တီႈ​မၼ်း​ၵွပ်ႈ​ပိူဝ်ႈ ဢပႅတ်ႈ​ဢၼ်​လႂ်​ၼၼ်ႉ​လႄႈ ၵဝ်​ၶႃႈ​ဢဝ်​မၼ်း​ၵႂႃႇ​သူင်ႇ​ၵႃႈ​တီႈ​လုမ်း​လူင်​သေ​ယဝ်ႉ၊-</verse>
				<verse number="29">ႁူႉ​ႁၼ်​လွင်ႈ​ဢၼ်​ၶဝ်​ႁဵတ်း​ဢမူႉ​တီႈ​မၼ်း ၵွပ်ႈ​ပိူဝ်ႈ​ဢပႅတ်ႈ​ဢၼ်​ထိူၵ်ႈ​ၶၢမ်ႇ​တၢင်း​တၢႆ၊ ဢမ်ႇ​ၼၼ် ၵွပ်ႈ​ပိူဝ်ႈ​ဢပႅတ်ႈ​ဢၼ်​ထိူၵ်ႈ​ၶၢမ်ႇ​တၢင်း​ဢၼ်​တူၵ်း​ၵႅၼ်း​ၼၼ်ႉ​ဢမ်ႇ​ၸႂ်ႈ။ လွင်ႈ​ဢၼ်​ၶဝ်​ဢဝ်​တီႈ​တွင်ႈ​တီႈ​ထၢမ် ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​တြႃး​ၶဝ်​ၼၼ်ႉ​ၵူၺ်း ႁဵတ်း​ဢမူႉ​တီႈ​မၼ်း​ၼၼ်ႉ​ၶႃႈ​ဢေႃႈ။-</verse>
				<verse number="30">မိူဝ်ႈ​ဢၼ်​ၵဝ်​ၶႃႈ​လႆႈ​ႁူႉ​လႆႈ​ငိၼ်း လွင်ႈ​ဢၼ်​ပိူၼ်ႈ​ဢၢင်ႈ​တၵ်း​ၵျၢမ်ႇ​ႁဵတ်း​ဢၼ်​ဢမ်ႇ​လီ​တီႈ​မၼ်း​ၼၼ်ႉ​ၸိုင်၊ ၵဝ်​ၶႃႈ​ပွႆႇ​ၸႂ်ႉ​မၼ်း​ၵႂႃႇ​ၵႃႈ​တီႈ​ၸဝ်ႈ​ႁဝ်း​ၵမ်း​လဵဝ်​လႄႈ ၸီႇ​ယၢင်ႇ​ႁႂ်ႈ​ၶဝ်​ၸိူဝ်း​ဢၼ်​ႁဵတ်း​ဢမူႉ​တီႈ​မၼ်း​ၼၼ်ႉ လဝ်ႊ​လၢတ်ႈ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ၶႃႈ​ဢေႃႈ။ ႁႂ်ႈ​ၸဝ်ႈ​ႁဝ်း​ယူႇ​လီ​ၵိၼ်​ဝၢၼ်​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="31">ၵႃႈ​ၼင်ႇ​ဢၼ်​ၵႄႇ​ၵူၼ်း​သိုၵ်း​သင်ႇ​လၢတ်ႈ​ဝႆႉ​ၼၼ်ႉ၊ ၵူၼ်း​သိုၵ်း​ၸိူဝ်း​ၼၼ်ႉ ဢဝ်​ ပေႃးလူႉ ​ၵႂႃႇ ၶိင်ႇ​ၵၢင်​ၶိုၼ်း​လႄႈ သူင်ႇ​ႁွတ်ႈ​ၵႃႈ​တီႈ​ ဢၼ်ႇတီႉပတရီႉ ​သေ​ယဝ်ႉ၊-</verse>
				<verse number="32">ဝၼ်း​မိူဝ်ႈ​ၽုၵ်ႈ ပွႆႇ​ၸႂ်ႉ​ၵူၼ်း​သိုၵ်း​ၶီႇ​မႃႉ​တင်း​လၢႆ ၵႂႃႇ​လူၺ်ႈ​ၵၼ်​တင်း​ ပေႃးလူႉ ​သေ​လႄႈ တူဝ်​ၶဝ်​ၶိုၼ်း​မိူဝ်း​ၵႂႃႇ​ၵႃႈ​တီႈ​တပ်ႉ​သေ​ဢေႃႈ။-</verse>
				<verse number="33">ၵူၼ်း​သိုၵ်း​ၶီႇ​မႃႉ​ၸိူဝ်း​ၼၼ်ႉ ႁွတ်ႈ​ထိုင်​ၵႃႈ​တီႈ​ဝဵင်း​ ၵေႇသရီႉ သေ​ယဝ်ႉ၊ ဢဝ်​လိၵ်ႈ​ဢၢပ်ႈ​ပၼ်​တီႈ​ၶုၼ်​လႄႈ ပေႃးလူႉ ​ၵေႃႈ ဢဝ်​ဝႆႉ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="34">ၶုၼ်​ၼၼ်ႉ​ၽတ်း​တူၺ်း​လိၵ်ႈ​ၼၼ်ႉ​ယဝ်ႉ၊ ထၢမ်​လႄႈ​ဝႃႈ မၼ်း​ၼႆႉ​ၸၢပ်ႈ​သႅင်ႇ​ၵၼ်​တင်း​မိူင်း​ဢၼ်​လႂ်၊ ဝႃႈ​ၼင်ႇ​ၼႆ​လႄႈ ႁူႉ​လွင်ႈ​ဢၼ် မၼ်း​ပဵၼ်​ၵူၼ်း​မိူင်း​ ၵီႉလီႉၵီႉ သေ​ယဝ်ႉ၊-</verse>
				<verse number="35">လၢတ်ႈ​လႄႈ​ဝႃႈ၊ မိူဝ်ႈ​ဢၼ်​ၶဝ်​ၸိူဝ်း​ဢၼ်​ႁဵတ်း​ဢမူႉ​တီႈ​မႂ်း​ၼၼ်ႉ​ႁွတ်ႈ​မႃး​ၸိုင်၊ ၵဝ်​တၵ်း​ထွမ်ႇ​လူး​ၵွၼ်ႇ၊ ဝႃႈ​ၼင်ႇ​ၼႆ​လႄႈ ၸီႇ​ယၢင်ႇ​ႁႂ်ႈ​ ပေႃးလူႉ ၶၢမ်ႇ​တူၵ်း​ၵႅၼ်း​ယူႇ​ၼႂ်း​ႁေႃ​ၶုၼ်​ ႁေႇရူတ်ႈ ​ၼၼ်ႉ​ဢေႃႈ။</verse>
			</chapter>
			<chapter number="24">
				<verse number="1">လိုၼ်း​ၼၼ်ႉ မိူဝ်ႈ​ဢၼ်​ပူၼ်ႉ​ႁႃႈ​ဝၼ်း​ယဝ်ႉ​ၼၼ်ႉ​ၸိုင်၊ ၶုၼ်​ယိတ်ႈပရေႃးႁဵၵ်ႈ ဢႃႇၼၼီႉ ဢိၵ်ႇ​တင်း​ၵူၼ်း​ဢၼ်​ပဵၼ်​ၵႄႇ​ပဵၼ်​ႁူဝ်​တင်း​လၢႆ တင်း​ၵေႃႉ​ဢၼ်​မေႃ​လၢတ်ႈ​ၵႂၢမ်း ဢၼ်​လႆႈ​ၸိုဝ်ႈ​ တေးရတူႉလူႉ ​ၼၼ်ႉ လူင်း​မႃး​ၵႃႈ​တီႈ​ဝဵင်း​ ၵေႇသရီႉ ​လႄႈ လဝ်ႊ​လၢတ်ႈ​လွင်ႈ​ ပေႃးလူႉ တီႈ​ၶုၼ်​ဢေႃႈ။-</verse>
				<verse number="2">ႁွင်ႉ​ဢဝ်​ ပေႃးလူႉ ​မႃး​သေ​ယဝ်ႉ၊ တေးရတူႉလူႉ ​ၼၼ်ႉ လဝ်ႊ​လၢတ်ႈ​ၵႂၢမ်း​ဢၼ်​တၢင်ႇ​ဢပႅတ်ႈ​တီႈ​မၼ်း​လႄႈ​ဝႃႈ​ၸမ်ႉ၊ ၶုၼ်​ ၽေးလိတ်ႉ ​ဢၼ်​မျၢတ်ႈ​ၼႃႇ​ၶႃႈ​ဢိူၺ်း၊ ပိူဝ်ႈ​ဢၼ်​ႁဝ်း​ၶႃႈ​ဢိင်​ပိုင်ႈ​ၸဝ်ႈ​ႁဝ်း​လႄႈ ႁဝ်း​ၶႃႈ​ၸင်ႇ​လႆႈ​ယူႇ​ၼိမ်​ၼိမ်​လီ​လီ​လႄႈ​သင်၊ ပိူဝ်ႈ​ဢၼ်​ၵူၼ်း​မဵဝ်း​ၼႆႉ လႆႈ​ၶၢမ်ႇ​ၵျေး​ၸူး​ဢၼ်​ယႂ်ႇ​မျၢတ်ႈ​ၼႃႇ ဢၼ်​ၸဝ်ႈ​ႁဝ်း​ႁဵတ်း​ပွင်​လူ​တူၺ်း​ၼၼ်ႉ​လႄႈ​သင်၊-</verse>
				<verse number="3">ၼႂ်း​ၵူႈ​ၸိူဝ်ႉ​ၵူႈ​ပိူင်​ၵူႈ​တီႈ​ၵူႈ​လႅၼ် ႁဝ်း​ၶႃႈ​မီး​တင်း​ၸႂ်​ဢၼ်​ၸၢင်ႈ​ႁူႉ​ၸၢင်ႈ​ႁၼ်​ၼႃႇ​လူင်​လၢင်​သေ​လႄႈ လႆႈ​ၶၢမ်ႇ​ၵျေး​ၸူး​ၸဝ်ႈ​ႁဝ်း​ၶႃႈ​ဢေႃႈ။</verse>
				<verse number="4">ၼင်ႇ​ႁိုဝ်​ၵဝ်​ၶႃႈ​တၵ်း​လႆႈ​ၵၢင်း​လွတ်ႈ​တင်း တၢင်း​ဢၼ်​ယႃႉ​ယူၵ်ႉ​ၸဝ်ႈ​ႁဝ်း​ႁိုင်​ၼႃႇ​လူင်​လၢင်​ၸိုင်​ၵဝ်​ၶႃႈ​တွင်း​ပၢၼ်ႇ ႁႂ်ႈ​ၸဝ်ႈ​ႁဝ်း​ဢဝ်​တင်း​ၸႂ်​ဢၼ်​ၼိမ်​လီ​လႄႈ​ထွမ်ႇ​ဢဝ်​ၵႂၢမ်း​ဢၼ်​ၵဝ်​ၶႃႈ လဝ်ႊ​လၢတ်ႈ​ပွတ်း​ဢွၼ်ႇ​ၼိုင်ႈ​ၼႆႉ​ၶႃႈ​ဢေႃႈ။-</verse>
				<verse number="5">ႁဝ်း​ၶႃႈ​ထူပ်း​ႁၼ်​လွင်ႈ​ဢၼ်​ၵေႃႉ​ၼႆႉ ပဵၼ်​ၵူၼ်း​ဢၼ်​ႁုၵ်း​ဢၼ်​ႁၢႆႉ​လႄႈ ၸၢင်ႈ​တိုၵ်း​ယူင်း ႁႂ်ႈ​ၵူၼ်း​ ယူႉတႃႉ ​တင်း​သဵင်ႈ​တင်း​လူင် ၵူႈ​တီႈ​ၵူႈ​လႅၼ်​လႆႈ​ဢူၼ်​ဢဵၼ်​မေႃး​မႄး​ၵၼ်​လႄႈ ပဵၼ်​ၵေႃႉ​ဢၼ်​ႁဵတ်း ၵူၼ်း​ယႂ်ႇ​ၵူၼ်း​လူင်​ၵႃႈ​ၼႂ်း​ၶဝ်​ၸိူဝ်း​ဢၼ်​ၶဝ်ႈ​ၽႃႇသႃႇ ၼႃႇၸရႅတ်ႈ ​ၼၼ်ႉ​ၶႃႈ​ယဝ်ႉ။-</verse>
				<verse number="6">မၼ်း​ၼႆႉ ႁဵတ်း​ႁႂ်ႈ​ပိၵ်ႈ​မၢၼ်ႇ​ၸဝ်ႈ​ၵူဝ်ႈ​ၵိူၵ်ႇ​ၶႃႈ​ဢေႃႈ။ ႁဝ်း​ၶႃႈ​တီႉ​ဢဝ်​မၼ်း​သေ​လႄႈ ၼႂ်း​မိူဝ်ႈ​ဢၼ်​မီး​ဢလူဝ်ႇ​ၶႂ်ႈ​ၸီႇ​ယၢင်ႇ​မၼ်း​ၸွမ်း​ၼင်ႇ​တြႃး​ႁဝ်း​ၶႃႈ​ၼၼ်ႉ​ၸိုင်၊-</verse>
				<verse number="7">ၵႄႇ​ၵူၼ်း​သိုၵ်း​ လူႉသီႉ ​ၼၼ်ႉ​မႃး​လႄႈ ႁိမ်​ၼုၵ်ႈ​ဢဝ်​မၼ်း​ၵႃႈ​ၼႂ်း​မိုဝ်း​ႁဝ်း​ၶႃႈ​ၵႂႃႇ​သေ​ယဝ်ႉ၊-</verse>
				<verse number="8">ၸီႇ​ယၢင်ႇ​ႁႂ်ႈ​ၶဝ်​ၸိူဝ်း​ဢၼ်​ႁဵတ်း​ဢမူႉ​တီႈ​မၼ်း​ၼၼ်ႉ မႃး​ၵႃႈ​တီႈ​ၸဝ်ႈ​ႁဝ်း​ၶႃႈ​ၼႆႉ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ပေႃး​တူဝ်​ၸဝ်ႈ​ႁဝ်း​ၸႅတ်ႈ​ထၢမ်​မၼ်း​ၸိုင်၊ ၸဝ်ႈ​ႁဝ်း​တၵ်း​လႆႈ​ႁူႉ လွင်ႈ​တၢင်း​ဢၼ်​ႁဝ်း​ၶႃႈ တၢင်ႇ​ဢပႅတ်ႈ​တီႈ​မၼ်း​တင်း​သဵင်ႈ​တင်း​လူင်​ၸိူဝ်း​ၼႆႉ​သေႇ​ၶျႃႇ​လီ​ငၢမ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၵူၼ်း​ ယူႉတႃႉ ​ၸိူဝ်း​ၼၼ်ႉ​ၵေႃႈ ႁပ်ႉ​တုင်း​ဢဝ်​လႄႈ​ဝႃႈ၊ ၵႂၢမ်း​ၼႆႉ​မႅၼ်ႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ၶုၼ်​ၼၼ်ႉ​ဢဝ်​မိုဝ်း​ၼႄ​လႄႈ ပၼ်​ဢၶႂၢင်ႉ​ဢၼ်​လႆႈ​လဝ်ႊ​လၢတ်ႈ​ၼၼ်ႉ​သေ​ယဝ်ႉ၊ ပေႃးလူႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ပိူဝ်ႈ​ဢၼ်​ၵဝ်​ၶႃႈ ႁူႉ​လွင်ႈ​ဢၼ်​ၸဝ်ႈ​ႁဝ်း​ပဵၼ်​ၵေႃႉ​ဢၼ်​လႆႈ​ၸီႇ​ယၢင်ႇ​ၵူၼ်း​မဵဝ်း​ၼႆႉ ပီႊ​ၼမ်​ၼႃႇ​လႄႈ ၵဝ်​ၶႃႈ​ယဵင်ႈ​ၶႅၼ်း​မီး​တၢင်း​ၸႂ်​ဢၼ်​ၸိုၼ်ႈ​ဢၼ်​ၸၢင်ႇ ႁတ်း​လဝ်ႊ​လၢတ်ႈ ၵႂၢမ်း​ဢၼ်​ၽေႇ​ဢပႅတ်ႈ​တူဝ်​ၸဝ်ႈ​ၵဝ်ႇ​ၶႃႈ​ဢေႃႈ။-</verse>
				<verse number="11">ၸဝ်ႈ​ႁဝ်း​ႁူႉ​လွင်ႈ​ဢၼ်​ၸႃႉ​ၸဵမ်​မိူဝ်ႈ​ဢၼ်​ၵဝ်​ၶႃႈ​ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ႁႂ်ႈ​လႆႈ​ၵူဝ်း​ၵႂၢႆႇ​ၼၼ်ႉ​လႄႈ ႁၢၼ်ႉ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ မီး​သိပ်း​သွင်​ဝၼ်း​ၵူၺ်း​ၼၼ်ႉ​လႆႈ​ယူႇ​ၶႃႈ​ဢေႃႈ။-</verse>
				<verse number="12">ၶဝ်​ဢမ်ႇ​ထူပ်း​ဢမ်ႇ​ႁၼ်​ၵဝ်​ၶႃႈ​တိူင်ႇ​ပၢင်ႇ​ထဵင်​ၵၼ်​တင်း​သေ​ၵေႃႉ​သေ​ၵူၼ်း ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​ၶႃႈ။ ၶဝ်​ဢမ်ႇ​ထူပ်း​ဢမ်ႇ​ႁၼ်​ၵဝ်​ၶႃႈ​တိုၵ်း​ယူင်း ႁႂ်ႈ​ၵူၼ်း​ၼမ်​ၼႃႇ​ဢူၼ်​ဢဵၼ်​မေႃး​မႄး​ၵၼ် ၵႃႈ​ၼႂ်း​ၸရွပ်ႈ​ႁေႃး​တြႃး​ဢိၵ်ႇ​တင်း​ၵႃႈ​ၼႂ်း​ဝဵင်း​ၼၼ်ႉ​ၶႃႈ။-</verse>
				<verse number="13">ၵႃႈ​တီႈ​ဢမူႉ​ဢၼ်​ၶဝ်​တၢင်ႇ​ဢပႅတ်ႈ ၵႃႈ​ၼိူဝ်​ၵဝ်​ၶႃႈ​ယူႇ​တေႃႈ​လဵဝ်​ၼႆႉ​ၸိုင်၊ ၶဝ်​ဢမ်ႇ​ၼႄ​ပျႃး​သၢၵ်ႈ​သေႇ​လႆႈ​ၶႃႈ။</verse>
				<verse number="14">ၼႂ်း​ဝႃႈ​ၼၼ်​သေ​ၵေႃႈ ၵဝ်​ၶႃႈ​ႁပ်ႉ​တုင်း​ဢဝ်​လွင်ႈ​ဢၼ်​ၵဝ်​ၶႃႈ ၸွမ်း​ၼင်ႇ​သဵၼ်ႈ​တၢင်း​ဢၼ်​ၶဝ်​ၸၢင်ႈ​ႁွင်ႉ​ဝႃႈ ဢယူႇ​တိၵ်ႉထီႉ​ၼၼ်ႉ​သေ​လႄႈ ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ ဢၼ်​ပူႇ​ပေႃႈ​ႁဝ်း​တင်း​လၢႆ​ၵူဝ်း​ၵႂၢႆႇ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ၶႃႈ​ဢေႃႈ။ ၵဝ်​ၶႃႈ​ယုမ်ႇ​ၵႃႈ​ဢၼ်​ၸီႇ​ယၢင်ႇ​တႅမ်ႈ​ဝႆႉ ၼႂ်း​ၵျၢမ်း​ပိင်း​ၺၢပ်ႈ​တီႉ​တင်း​ၵျၢမ်း​ဢၼႃႇၵၢတ်ႈတီႉ​ၸိူဝ်း​ၼၼ်ႉ​ၶႃႈ​ဢေႃႈ။-</verse>
				<verse number="15">ၵဝ်​ၶႃႈ​ဢိင်​ပိုင်ႈ​ၽြႃး​ပဵၼ်​ၸဝ်ႈ​သေ​လႄႈ မုင်ႈ​ထႃႈ​မွင်း​ထႃႈ​မိူၼ်​ၸိူဝ်ႉ​ၼင်ႇ​ဢၼ် ၶဝ်​မုင်ႈ​ထႃႈ​မွင်း​ထႃႈ လွင်ႈ​ဢၼ်​ၵူၼ်း​ဢၼ်​သိုဝ်ႈ​တေႃႇ၊ ၵူၼ်း​ဢၼ်​ဢမ်ႇ​သိုဝ်ႈ​တေႃႇ၊ ၵႃႈ​မီး​တၵ်း​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ယူႇ​ၶႃႈ​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ​ၵဝ်​ၶႃႈ​ၵျူဝ်း​ၸႃး ႁႂ်ႈ​ႁူဝ်​ၸႂ်​တူဝ်​ၸဝ်ႈ​ၵဝ်ႇ​လႆႈ​ၵၢင်း​လွတ်ႈ​တင်း​ဢၶႂၢင်ႉ တၢင်း​ဢၼ်​တၢင်ႇ​ဢပႅတ်ႈ​တီႈ​တူဝ်​ၸဝ်ႈ​ၵဝ်ႇ​လႄႈ​ဝႃႈ ၽိတ်း​ၽြႃး​ပဵၼ်​ၸဝ်ႈ​ယဝ်ႉ၊ ၽိတ်း​ၵူၼ်း​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ယူႇ​တႃႇ​သေႇ​ၶႃႈ​ဢေႃႈ။</verse>
				<verse number="17">မိူဝ်ႈ​ဢၼ်​ပူၼ်ႉ​မႃး​ပီႊ​ၼမ်​ၼႃႇ​ယဝ်ႉ​ၼၼ်ႉ ၵဝ်​ၶႃႈ​ပႃး​ဢဝ်​တၢင်း​ဢၼ်​ဝူၺ်ႇ​ဝၵ်ႉ ၽႄ​ၸွၼ်း​တီႈ​ၸိူဝ်ႉ​ၶိူဝ်း​ၵူၼ်း​မဵဝ်း​ၵဝ်​ၶႃႈ ဢိၵ်ႇ​တင်း​တၢင်း​ဢၼ်​ပုၵ်ႈ​ၸေႃႇ​တီႈ​ၽြႃး​ပဵၼ်​ၸဝ်ႈ တင်း​လၢႆ​ႁွတ်ႈ​မႃး​လႄႈ၊-</verse>
				<verse number="18">ၶဝ်​ထူပ်း​ႁၼ်​ၵဝ်​ၶႃႈ ယင်း​ဢမ်ႇ​မီး​လူၺ်ႈ​ၵၼ်​တင်း​ၵူၼ်း​ဢၼ်​ၸူႉ​ဢၼ်​တုမ်၊ ယင်း​ဢမ်ႇ​ႁဵတ်း​တၢင်း​ဢၼ်​ယုင်ႈ​ယၢင်ႈ​ဢူၼ်​ဢဵၼ်​မေႃး​မႄး​လႄႈ၊ ႁဵတ်း​တၢင်း​ဢၼ်​မူတ်း​သႂ်​ၵူၺ်း ၵႃႈ​တီႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ၶႃႈ​ဢေႃႈ။ ၵူၺ်း​ၵႃႈ ၵူၼ်း​ ယူႉတႃႉ ​ဢၼ်​လုၵ်ႉ​သေ​ၵႃႈ​တီႈ​မိူင်း​ ဢႃႇသီႉ မႃး​ၵမ်ႈ​ၽွင်ႈ​ၼၼ်ႉ ႁဵတ်း​တၢင်း​ဢၼ်​ယုင်ႈ​ယၢင်ႈ​ဢူၼ်​ဢဵၼ်​မေႃး​မႄး​ၶႃႈ​ဢေႃႈ။-</verse>
				<verse number="19">ပေႃး​ၶဝ်​ၼၼ်ႉ မီး​တီႈ​တၵ်း​တၢင်ႇ​ဢပႅတ်ႈ​ၸိုင်၊ တူဝ်​ၶဝ်​လီ​မႃး​ၵႃႈ​တီႈ​ၸဝ်ႈ​ႁဝ်း​လႄႈ​တၢင်ႇ​ဢပႅတ်ႈ​ၶႃႈ​ဢေႃႈ။-</verse>
				<verse number="20">ဢမ်ႇ​ၼၼ်​ၵေႃႈ ပေႃး​ပႄႇ​ဝႆႉ​သေ​ၵႂၢမ်း​ၵမ်း​ၼိုင်ႈ​ဢၼ်​ၵဝ်​ၶႃႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၶဝ်</verse>
				<verse number="21">ၼႂ်း​မိူဝ်ႈ​ဢၼ်​ၵဝ်​ၶႃႈ​လႆႈ မီး​ယူႇ​ၵႃႈ​တီႈ​ၽၢႆႇ​ၼႃႈ​ဢရႃႇသီႉ​လုမ်း​လူင်​ၼၼ်ႉ​သေ​လႄႈ ႁွင်ႉ​သႅၼ်ႇ​လႄႈ​ဝႃႈ၊ ၵဝ်​ၶႃႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ၸႅတ်ႈ​ထၢမ်​လွင်ႈ​ဢၼ်​ၵူၼ်း​တၢႆ​တင်း​လၢႆ တၵ်း​လုၵ်ႉ​ၶိုၼ်း​လိပ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​သူ​ၸဝ်ႈ​ဝၼ်း​မိူဝ်ႈ​ၼႆႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ႁႂ်ႈ​ၶဝ်​ၸိူဝ်း​ဢၼ် မီး​ယူႇ​တေႃႈ​လဵဝ်​ၼႆႉ လၢတ်ႈ​ပၼ်​လွင်ႈ​ဢၼ်​ၶဝ်​ထူပ်း​ဢပႅတ်ႈ​ဢၼ်​လႂ်​ၼႂ်း​ၵဝ်​ၶႃႈ​ၼႆႉ​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၶုၼ်​ ၽေးလိတ်ႉ ​ၼၼ်ႉ ပဵၼ်​ၵေႃႉ​ဢၼ်​ယဵင်ႈ​ၶႅၼ်း ႁူႉ​သဵၼ်ႈ​တၢင်း​ၼၼ်ႉ​လႄႈ ယင်း​ဢမ်ႇ​ၸီႇ​ယၢင်ႇ ၶၢႆႉ​မိုဝ်ႉ​ၶၢႆႉ​ဝၼ်း​တီႈ​ၶဝ်​သေ​လႄႈ​လၢတ်ႈ​ဝႃႈ၊ မိူဝ်ႈ​ဢၼ်​ၵႄႇ​ၵူၼ်း​သိုၵ်း​ လူႉသီႉ လူင်း​မႃး​ၼၼ်ႉ​ၸိုင်​ၵဝ်​တၵ်း​ၸႅတ်ႈ​ထၢမ်​ၸႅတ်ႈ​တူၺ်း ဢမူႉ​သူ​ၼႆႉ​ထႅင်ႈ​လူး​ၵွၼ်ႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">မၼ်း​ၸဝ်ႈ​သင်ႇ​လၢတ်ႈ​ဝႆႉ လွင်ႈ​ဢၼ်​ယင်း ဢမ်ႇ​လႆႈ​ဢဝ်​မၼ်း​ဝႆႉ​တီႈ​ၵိတ်ႇ​တီႈ​ၵိၼ်း​လႄႈ တၵ်း​လႆႈ​ပႂ်ႉ​ယူႇ​လီ​လီ ဢိၵ်ႇ​တင်း လွင်ႈ​ဢၼ်​ဢမ်ႇ​လႆႈ​ႁႄႉ​ၶႅၼ် ပီႈ​ၼွင်ႉ​မၼ်း​မႃး​ႁဵတ်း​လဵင်ႉ​ႁဵတ်း​လူ​မၼ်း​ၼၼ်ႉ​တီႈ​တပ်ႉ​မူး​ဢေႃႈ။</verse>
				<verse number="24">လိုၼ်း​ၼၼ်ႉ ဢမ်ႇ​ပေႃး​ႁိုင် ၶုၼ်​ ၽေးလိတ်ႉ ဢိၵ်ႇ​တင်း မေး​မၼ်း တြႃႉသီႉလႃႉ ဢၼ်​ပဵၼ်​ၵူၼ်း​ ယူႉတႃႉ ​ၼၼ်ႉ​မႃး​သေ​ယဝ်ႉ၊ ႁွင်ႉ​ဢဝ်​ ပေႃးလူႉ ​လႄႈ ထွမ်​ၵႂၢမ်း​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ယုမ်ႇ​မၢတ်ႈ​ၸဝ်ႈ​ၶရိၸ်ႈ​ၼၼ်ႉ​ဢေႃႈ။-</verse>
				<verse number="25">မိူဝ်ႈ​ဢၼ်​ ပေႃးလူႉ ႁေႃး​လၢတ်ႈ​လွင်ႈ​တြႃး​တၢင်း​ဢၼ်​သိုဝ်ႈ​တေႃႇ၊ တြႃး​တၢင်း​ဢၼ်​ၶျုၵ်ႈ​ၵႃႇမၵုင်ႇ၊ တြႃး​တၢင်း​ဢၼ်​ၸီႇ​ယၢင်ႇ​ၸႅတ်ႈ​ထၢမ် ဢၼ်​တၵ်း​မႃး​ၵမ်း​လိုၼ်း​ၸိူဝ်း​ၼၼ်ႉ​ၸိုင်၊ ၶုၼ်​ ၽေးလိတ်ႉ ​ၼၼ်ႉ မီး​တၢင်း​ဢၼ်​ၵူဝ်​ဢၼ်​ႁႄ​ၼႃႇ​လူင်​လၢင်​လႄႈ လၢတ်ႈ​ဝႃႈ၊ တေႃႈ​လဵဝ်​ၼႆႉ​ၵႂႃႇ​လူး​ၵွၼ်ႇ​တႃႉ။ ၵမ်း​လိုၼ်း​မိူဝ်ႈ​ဢၼ်​ၵဝ်​တၼ်း​ၸိုင်၊ ၵဝ်​တၵ်း​ႁွင်ႉ​ထႅင်ႈ​လူး​ၵွၼ်ႇ၊ ဝႃႈ​ၼင်ႇ​ၼႆ​လႄႈ၊-</verse>
				<verse number="26">မုင်ႈ​မွင်း​လွင်ႈ​ဢၼ်​ ပေႃးလူႉ တၵ်း​ပၼ်​ငိုၼ်း ႁႂ်ႈ​တူဝ်​ၸဝ်ႈ​ၵဝ်ႇ​လႆႈ​လွတ်ႈ​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ ဢမ်ႇ​ႁိုင်​ဢမ်ႇ​ႁိုင်၊ ႁွင်ႉ​ဢဝ် ပေႃးလူႉ ​လႄႈ လၢတ်ႈ​ၵႂၢမ်း​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="27">မိူဝ်ႈ​ဢၼ်​တဵမ်​သွင်​ပီႊ​ယဝ်ႉ၊ ပေႃးၵီႉ​ၽိတ်ႉတူႉ လႆႈ​ဢရႃႇ​ၶုၼ်​ ၽေးလိတ်ႉ ​ၼၼ်ႉ​လႄႈ ၶုၼ်​ ၽေးလိတ်ႉ ​ၼၼ်ႉ မီး​တၢင်း​ၸႂ်​ဢၼ်​ၶႂ်ႈ​ႁဵတ်း​ၵျေး​ၸူး​ၵႃႈ​တီႈ​ၵူၼ်း​ ယူႉတႃႉ ​တင်း​လၢႆ​လႄႈ ႁႂ်ႈ​ ပေႃးလူႉ ​ၶၢမ်ႇ​တူၵ်း​ၵိၼ်း​ၵိုတ်း​ဝႆႉ​ထႃႈ​ယူႇ​ဢေႃႈ။</verse>
			</chapter>
			<chapter number="25">
				<verse number="1">ၶုၼ်​ ၽိတ်ႉတူႉ ​ၼၼ်ႉ ႁွတ်ႈ​ထိုင်​ၵႃႈ​တီႈ​မိူင်း​ၼၼ်ႉ​သေ​ယဝ်ႉ၊ မိူဝ်ႈ​ဢၼ်​လႆႈ​သၢမ်​ဝၼ်း​ၸိုင်၊ လုၵ်ႉ​သေ​ၵႃႈ​တီႈ​ဝဵင်း​ ၵေႇသရီႉ ​လႄႈ ၶိုၼ်ႈ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။-</verse>
				<verse number="2">မိူဝ်ႈ​ၼၼ်ႉ​ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ ယူႉတႃႉ ​ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ​လဝ်ႊ​လၢတ်ႈ​လွင်ႈ ပေႃးလူႉ ​လႄႈ၊-</verse>
				<verse number="3">မီး​တင်း​ၸႂ်​ဢၼ်​ၵျၢမ်ႇ​တၵ်း​ပႂ်ႉ​လွမ်​ၵႃႈ​တီႈ​ႁိမ်း​တၢင်း ႁႂ်ႈ​လႆႈ​ဢဝ်​မၼ်း​တၢႆ​ၼၼ်ႉ​ယူႇ​သေ​လႄႈ တွင်း​ပၢၼ်ႇ​ႁႂ်ႈ​မၼ်း​ၸဝ်ႈ​ပွႆႇ​ၸႂ်ႉ​မၼ်း​မႃး ၵႃႈ​တီႈ​ဝဵင်း​ ယေႇရူႉသလႅမ်ႇ ​ဢေႃႈ။</verse>
				<verse number="4">ၶုၼ်​ ၽိတ်ႉတူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ ပေႃးလူႉ ​လႆႈ​ၶၢမ်ႇ​တူၵ်း​ၵိၼ်း​ယူႇ ၵႃႈ​ၼႂ်း​ဝဵင်း​ ၵေႇသရီႉ ​ပုၼ်ႉ​လႄႈ ဢမ်ႇ​ပေႃး​ႁိုင် ၵဝ်​တူဝ်​ၸဝ်ႈ​ၵဝ်ႇ​တၵ်း​ၵႂႃႇ​ၵႃႈ​တီႈ​ဝဵင်း​ၼၼ်ႉ​ဢေႃႈ။-</verse>
				<verse number="5">ၼႂ်း​သူ​ၼႆႉ​ႁႂ်ႈ​ၶဝ်​ၸိူဝ်း​ဢၼ်​တၢတ်ႈ​ၼိူင်ႇ​ၼၼ်ႉ ၸွမ်း​လူၺ်ႈ​ၵၼ်​တင်း​ၵဝ်​ၵႂႃႇ​လႄႈ ပေႃး​ဢပႅတ်ႈ​မီး​တီႈ​မၼ်း​ၸိုင်၊ ႁႂ်ႈ​ၶဝ်​တၢင်ႇ​ဢပႅတ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">လိုၼ်း​ၼၼ်ႉ မၼ်း​ၸဝ်ႈ​ယူႇ​ၵႃႈ​တီႈ​ၶဝ်​ၼၼ်ႉ​သေ​သိပ်း​ဝၼ်း​ၸမ်​ၸမ်​ယဝ်ႉ​ၸင်ႇ​လူင်း​ၵႂႃႇ ၵႃႈ​တီႈ​ဝဵင်း​ ၵေႇသရီႉ ​လႄႈ၊ ၼႂ်း​ဝၼ်း​မိူဝ်ႈ​ၽုၵ်ႈ ၼင်ႈ​ၵႃႈ​ၼိူဝ်​ပလၢင်ႇ​ဢၼ်​ၸီႇ​ယၢင်ႇ​တြႃး​သေ​ယဝ်ႉ၊ မီး​ဢမိင်ႉ​ႁႂ်ႈ​ႁွင်ႉ​ဢဝ်​ ပေႃးလူႉ ​မႃး​ဢေႃႈ။-</verse>
				<verse number="7">မိူဝ်ႈ​ဢၼ်​မၼ်း​ႁွတ်ႈ​ထိုင်​ၼၼ်ႉ​ၸိုင်၊ ၵူၼ်း​ ယူႉတႃႉ ​ဢၼ်​လုၵ်ႉ​သေ​ၵႃႈ​တီႈ​ဝဵင်း​ ယေႇရူႉသလႅမ်ႇ ​မႃး​ၸိူဝ်း​ၼၼ်ႉ လွမ်ႉ​ႁွပ်ႈ​မၼ်း​ယူႇ​သေ​လႄႈ တၢင်ႇ​ဢပႅတ်ႈ​ဢၼ်​ၼၵ်း​ၼႃႇ​လႄႈ ဢမ်ႇ​ၼႄ​ပျႃး​သၢၵ်ႈ​သေႇ​လႆႈ​ၼၼ်ႉ​ၼမ်​ၼႃႇ ၵႃႈ​ၼိူဝ်​မၼ်း​ဢေႃႈ။-</verse>
				<verse number="8">ပေႃးလူႉ ​ၵေႃႈ​လၢတ်ႈ​ၵႂၢမ်း​ၽေႇ​ဢပႅတ်ႈ​လႄႈ​ဝႃႈ၊ တြႃး​ ယူႉတႃႉ ​လႄႈ​သင်၊ ပိၵ်ႈ​မၢၼ်ႇ​ၸဝ်ႈ​လႄႈ​သင်၊ ၶုၼ်​ႁေႃ​ၶမ်း ၵေႇသႃႇ ​လႄႈ​သင်၊ ၵဝ်​ၶႃႈ​ဢမ်ႇ​ၽိတ်း​ဢမ်ႇ​ပိူင်ႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၵူၺ်း​ၵႃႈ ၶုၼ်​ ၽိတ်ႉတူႉ ​ၼၼ်ႉ မီး​တၢင်း​ၸႂ်​ဢၼ်​ၶႂ်ႈ​ႁဵတ်း​ၵျေး​ၸူး​တီႈ​ၵူၼ်း​ ယူႉတႃႉ ​တင်း​လၢႆ​လႄႈ ထၢမ်​တီႈ​ ပေႃးလူႉ ​လႄႈ​ဝႃႈ၊ မႂ်း​တၵ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ပုၼ်ႉ​လႄႈ ၶၢမ်ႇ​တၢင်း​ဢၼ်​ၸီႇ​ယၢင်ႇ ၵႃႈ​တီႈ​ၽၢႆႇ​ၼႃႈ​ၵဝ်​ၵႃႈ​တီႈ​ၼၼ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ပေႃးလူႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ပလၢင်ႇ​ဢၼ်​ၸီႇ​ယၢင်ႇ​တြႃး ၶုၼ်​ႁေႃ​ၶမ်း​ ၵေႇသႃႇ ​ၶႃႈ​ဢေႃႈ။ ထုၵ်ႇ​လီ​ၸီႇ​ယၢင်ႇ​ဢမူႉ​ၵဝ်​ၶႃႈ​ၵႃႈ​တီႈ​ၽၢႆႇ​ၼႃႈ​ပလၢင်ႇ​ၼၼ်ႉ​ၶႃႈ​ဢေႃႈ။ ၵႃႈ​ၼင်ႇ​ဢၼ်​ၸဝ်ႈ​ႁဝ်း​ႁူႉ​ယူႇ​လီ​လီ​ငၢမ်း​ငၢမ်း​ၼႆႉ ၵဝ်​ၶႃႈ​ဢမ်ႇ​ၽိတ်း​ဢမ်ႇ​ပိူင်ႈ​ၵူၼ်း​ ယူႉတႃႉ ​တင်း​လၢႆ​သေ​ဢိတ်း​ၶႃႈ။-</verse>
				<verse number="11">ပေႃး​ၵဝ်​ၶႃႈ​ၽိတ်း​ပိူင်ႈ​လႄႈ ႁဵတ်း​ဢပႅတ်ႈ​ဢၼ်​ထိူၵ်ႈ​တၢႆ​ၸိုင်၊ ၵဝ်​ၶႃႈ​ဢမ်ႇ​ဝႄႈ​တၢင်း​တၢႆ​ၶႃႈ။ ၵူၺ်း​ၵႃႈ​ပေႃး​ဢပႅတ်ႈ​ဢၼ်​ၶဝ်​တၢင်ႇ​ၼၼ်ႉ ဢမ်ႇ​ၸိုဝ်ႈ​ဢမ်ႇ​ၸႂ်ႈ​သေ​ၸိူဝ်ႉ​သေ​ပိူင်​ၸိုင်၊ ၽူႈ​လႂ်​ဢမ်ႇ​ဢဝ်​ၵဝ်​ၶႃႈ​ဢၢပ်ႈ​ၵႃႈ​ၼႂ်း​မိုဝ်း​ၶဝ်​လႆႈ​ၶႃႈ။ ၵဝ်​ၶႃႈ​တၵ်း​ၶၢမ်ႇ​ဢယူႇ ၶုၼ်​ႁေႃ​ၶမ်း​ ၵေႇသႃႇ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မိူဝ်ႈ​ၼၼ်ႉ ၶုၼ်​ ၽိတ်ႉတူႉ ​တိူင်ႇ​ပၢင်ႇ​ၵၼ်​တင်း​ၵူၼ်း​ဢၼ်​တိူင်ႇ​ပၢင်ႇ​ႁူမ်ႈ​ၵၼ်​ၸိူဝ်း​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ မႂ်း​ဝႃႈ​တၵ်း​ၶၢမ်ႇ​ဢယူႇ ၶုၼ်​ႁေႃ​ၶမ်း​ ၵေႇသႃႇ ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ မႂ်း​တၵ်း​လႆႈ​ၵႂႃႇ​ၵႃႈ​တီႈ​ၶုၼ်​ႁေႃ​ၶမ်း​ ၵေႇသႃႇ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">လိုၼ်း​ၼၼ်ႉ​ဢမ်ႇ​ပေႃး​ႁိုင် ၶုၼ်​ႁေႃ​ၶမ်း​ ဢၵျႅပ်ႉပႃႉ တင်း​ ပေႇရၼိတ်ႉ ​ၼၼ်ႉ ႁွတ်ႈ​မႃး​ၵႃႈ​တီႈ​ဝဵင်း​ ၵေႇသရီႉ ​ၼၼ်ႉ ႁႂ်ႈ​လႆႈ​တၵ်ႉ​လၢတ်ႈ​ၶုၼ်​ ၽိတ်ႉတူႉ ​ဢေႃႈ။-</verse>
				<verse number="14">ၶဝ်​ယူႇ​ႁိုင်​တၢၼ်ႇ​တၢၼ်ႇ​သေ​ယဝ်ႉ၊ ၶုၼ်​ ၽိတ်ႉတူႉ ​ၼၼ်ႉ ဢဝ်​လွင်ႈ​ ပေႃးလူႉ လၢတ်ႈ​တီႈ​ၶုၼ်​ႁေႃ​ၶမ်း​လႄႈ​ဝႃႈ၊ ၵူၼ်း​ဢၼ်​ၶုၼ်​ ၽေးလိတ်ႉ ႁႂ်ႈ​ၶၢမ်ႇ​တူၵ်း​ၵိၼ်း​ၵိုတ်း​ဝႆႉ​ထႃႈ​ယူႇ​ၼၼ်ႉ​မီး​ၵေႃႉ​ၼိုင်ႈ​ဢေႃႈ။-</verse>
				<verse number="15">မိူဝ်ႈ​ဢၼ်​ၵဝ်​ၶႃႈ​ယင်း​မီး​ယူႇ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ပုၼ်ႉ​ၸိုင်၊ ယိတ်ႈပရေႃးႁဵၵ်ႈ​လူင် ဢိၵ်ႇ​တင်း​ၵူၼ်း​ ယူႉတႃႉ ဢၼ်​ပဵၼ်​ၵႄႇ​ပဵၼ်​ႁူဝ်​ၸိူဝ်း​ၼၼ်ႉ လဝ်ႊ​လၢတ်ႈ​လွင်ႈ​မၼ်း​လႄႈ တွင်း​ပၢၼ်ႇ​ႁႂ်ႈ​လႆႈ​ၸီႇ​ယၢင်ႇ​ဢပႅတ်ႈ​တီႈ​မၼ်း​ဢေႃႈ။-</verse>
				<verse number="16">ၵဝ်​ၶႃႈ​ၵေႃႈ​လႆႈ​လၢတ်ႈ​လႄႈ​ဝႃႈ၊ ၸူဝ်ႈ​ဢၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​တၢင်ႇ​ဢပႅတ်ႈ​ၼၼ်ႉ ဢမ်ႇ​ပႆႇ​လႆႈ​တေႃႇ​ၼႃႈ​ၵၼ်​တင်း​ၶဝ်​ၸိူဝ်း​ဢၼ်​တၢင်ႇ​ဢပႅတ်ႈ​ၼၼ်ႉ​လႄႈ မီး​ဢၶႂၢင်ႉ​ဢၼ်​လႆႈ ၽေႇ​လိတ်ႈ​ဢပႅတ်ႈ​ဢၼ်​ၶဝ်​တၢင်ႇ​ၵႃႈ​ၼိူဝ်​မၼ်း​ၼၼ်ႉ​ယူႇ​ၼၼ်ႉ​ၸိုင် ဢမ်ႇ​ထုၵ်ႇ​လီ​ဢဝ်​ဢၢပ်ႈ​ပၼ်​ၽူႈ​လႂ်​ဝႃႈ​ၼႆ၊ ထုင်း​ၸၢမ်ႇ​ ရူဝ်းမႃႉ မီး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">မိူဝ်ႈ​ဢၼ်​ၶဝ်​ၼၼ်ႉ​ႁွတ်ႈ​မႃး​ၵႃႈ​တီႈ​ဝဵင်း​ၼႆႉ​ၼၼ်ႉ​ၸိုင်၊ ၵဝ်​ၶႃႈ​ယင်း​ဢမ်ႇ​ၵိုတ်း​ဢမ်ႇ​သဝ်း၊ ဝၼ်း​မိူဝ်ႈ​ၽုၵ်ႈ​ၼၼ်ႉ​ၼင်ႈ​ၵႃႈ​ၼိူဝ်​ပလၢင်ႇ​ဢၼ်​ၸီႇ​ယၢင်ႇ​တြႃး​ယူႇ​သေ​လႄႈ ႁႂ်ႈ​ႁွင်ႉ​ဢဝ်​မၼ်း​မႃး​ၶႃႈ​ဢေႃႈ။-</verse>
				<verse number="18">ၶဝ်​ၸိူဝ်း​ဢၼ်​တၢင်ႇ​ဢပႅတ်ႈ​ၼၼ်ႉ ၸုၵ်း​ႁွပ်ႈ​မၼ်း​သေ​ယဝ်ႉ၊ ဢမ်ႇ​တၢင်ႇ​ဢပႅတ်ႈ​ဢၼ်​ၵဝ်​ၶႃႈ​ထၢင်ႇ​ယူႇ​မိူဝ်ႈ​ဢွၼ်​တၢင်း​ၼၼ်ႉ​သေ​ၸိူဝ်ႉ​သေ​ပိူင်။-</verse>
				<verse number="19">ၵူၺ်း​ၵႃႈ​ၶဝ်​တၢင်ႇ​ဢပႅတ်ႈ​လွင်ႈ​ပုၵ်ႈ​သႃႇ​တီႈ​တွင်ႈ​တီႈ​ထၢမ် ဢၼ်​ၸၢပ်ႈ​သႅင်ႇ​ၵၼ်​တင်း ၽႃႇသႃႇ​ၶဝ်​ဢိၵ်ႇ​တင်း လွင်ႈ​ ယေႇသူႉ ​ၵေႃႉ​ၼိုင်ႈ​ဢၼ်​တၢႆ​ယဝ်ႉ​ၼၼ်ႉ​ၶႃႈ​ဢေႃႈ။ ယေႇသူႉ ​ၼၼ်ႉ ဢသၢၵ်ႈ​လိပ်း​ယူႇ​ဝႃႈ​ၼႆ၊ ပေႃးလူႉ ​ၸင်ႇ​ဝႃႈ​ၶႃႈ​ဢေႃႈ။-</verse>
				<verse number="20">ပိူဝ်ႈ​ဢၼ်​ၵဝ်​ၶႃႈ​ဢမ်ႇ​ပေႃး​ႁူႉ​ၸႅင်ႈ လွင်ႈ​ပုၵ်ႈ​သႃႇ​တီႈ​တွင်ႈ​တီႈ​ထၢမ်​ၸိူဝ်း​ၼၼ်ႉ​လႄႈ ၵဝ်​ၶႃႈ​ထၢမ်​တီႈ​ ပေႃးလူႉ ​လႄႈ​ဝႃႈ၊ မႂ်း​တၵ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ပုၼ်ႉ​လႄႈ ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢမူႉ​ၼႆႉ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="21">ပိူဝ်ႈ​ဢၼ်​ ပေႃးလူႉ တွင်း​ပၢၼ်ႇ​ႁႂ်ႈ​လႆႈ​ၶၢမ်ႇ​တၢင်း​ဢၼ်​ၶင်​ဝႆႉ​လႄႈ ၶၢမ်ႇ​ဢယူႇ​ၶုၼ်​ဢၼ်​မုၼ်​ယႂ်ႇ​ၼႃႇ​ၼၼ်ႉ​လႄႈ၊ ၸူဝ်ႈ​ဢၼ်​ၵဝ်​ၶႃႈ​ဢမ်ႇ​ပႆႇ​ပွႆႇ​ၸႂ်ႉ​မၼ်း​ၵႂႃႇ ၵႃႈ​တီႈ​ၶုၼ်​ႁေႃ​ၶမ်း​ ၵေႇသႃႇ ​ပုၼ်ႉ​ၼၼ်ႉ​ၸိုင်၊ ၵဝ်​ၶႃႈ​ၸီႇ​ယၢင်ႇ​ႁႂ်ႈ​ဢဝ်​မၼ်း​ၶင်​ဝႆႉ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ၶုၼ်​ ဢၵျႅပ်ႉပႃႉ ၵေႃႈ​လၢတ်ႈ​တီႈ​ၶုၼ်​ ၽိတ်ႉတူႉ ​လႄႈ​ဝႃႈ၊ ၵဝ်​တူဝ်​ၸဝ်ႈ​ၵဝ်ႇ​မီး​ဢလူဝ်ႇ​ၶႂ်ႈ​ထွမ်ႇ​ငိၼ်း​ၵႂၢမ်း​မၼ်း​ၼၼ်ႉ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶုၼ်​ ၽိတ်ႉတူႉ ​ၵေႃႈ​လၢတ်ႈ​လႄႈ​ဝႃႈ၊ ဝၼ်း​မိူဝ်ႈ​ၽုၵ်ႈ​ထွမ်ႇ​ငိၼ်း​ၵႂၢမ်း​မၼ်း​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ဝၼ်း​မိူဝ်ႈ​ၽုၵ်ႈ​ၼၼ်ႉ​ၶုၼ်​ ဢၵျႅပ်ႉပႃႉ တင်း​ ပေႇရၼိတ်ႉ ​ၼၼ်ႉ ႁဵတ်း​မုၼ်​သရေႇ​ၼမ်​ၼႃႇ​လူင်​လၢင်​လႄႈ ပႃး​တင်း​ၵႄႇ​ၵူၼ်း​သိုၵ်း ဢိၵ်ႇ​တင်း​ၵူၼ်း​ယႂ်ႇ​ၵူၼ်း​လူင် ၵႃႈ​ၼႂ်း​ဝဵင်း​ၼၼ်ႉ​တင်း​လၢႆ ၶဝ်ႈ​ၵႃႈ​ၼႂ်း​ၼႃႈ​ႁေႃ​သေ​ယဝ်ႉ၊ ၶုၼ်​ ၽိတ်ႉတူႉ ႁႂ်ႈ​ဢဝ်​ ပေႃးလူႉ ​မႃး​ဢေႃႈ။-</verse>
				<verse number="24">ၶုၼ်​ ၽိတ်ႉတူႉ ​ၵေႃႈ​လၢတ်ႈ​လႄႈ​ဝႃႈ၊ ၶုၼ်​ႁေႃ​ၶမ်း​ ဢၵျႅပ်ႉပႃႉ ဢိၵ်ႇ​တင်း​ၵူၼ်း​ဢၼ်​မီး​ယူႇ​ၵႃႈ​တီႈ​ၼႆႈ​တေႃႈ​လဵဝ်​ၼႆႉ တင်း​သဵင်ႈ​တင်း​လူင်​ၶဝ်​ဢိူၺ်း၊ တူၺ်း​ၵေႃႉ​ၼႆႉ​သေ​ၵမ်း။ ၵူၼ်း​ ယူႉတႃႉ ​တင်း​သဵင်ႈ​တင်း​လူင် လဝ်ႊ​လၢတ်ႈ​လွင်ႈ​ၵေႃႉ​ၼႆႉ​တီႈ​ၵဝ်​ၶႃႈ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ပုၼ်ႉ ဢိၵ်ႇ​တင်း​ၵႃႈ​ၼႂ်း​ဝဵင်း​ၼႆႉ​လႄႈ ႁွင်ႉ​သႅၼ်ႇ​လႄႈ​ဝႃႈ၊ ၵေႃႉ​ၼႆႉ​ဢမ်ႇ​ထိူၵ်ႈ​ဢသၢၵ်ႈ​လိပ်း​ယူႇ သေ​ၵမ်း​ဢွၼ်ႇ​ၶႃႈ၊ ဝႃႈ​ၼင်ႇ​ၼႆ​ၶႃႈ​ဢေႃႈ။-</verse>
				<verse number="25">ၵဝ်​ၶႃႈ​ႁူႉ​ႁၼ်​လွင်ႈ​ဢၼ် မၼ်း​ဢမ်ႇ​ႁဵတ်း​ဢပႅတ်ႈ​ဢၼ်​ထိူၵ်ႈ​ၶၢမ်ႇ​တၢႆ​ၼၼ်ႉ​လႄႈ၊ ပိူဝ်ႈ​ဢၼ်​မၼ်း​ဝႃႈ​တၵ်း​ၶၢမ်ႇ​ဢယူႇ​ၶုၼ်​ဢၼ် မုၼ်​ယႂ်ႇ​ၼႃႇ​ၼၼ်ႉ​ၶႃႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ၊ ၵဝ်​ၶႃႈ​ၸီႇ​ယၢင်ႇ​ႁႂ်ႈ​မၼ်း​ၵႂႃႇ​ၵႃႈ​တီႈ​မၼ်း​ၸဝ်ႈ​ပုၼ်ႉ​ၶႃႈ​ဢေႃႈ။-</verse>
				<verse number="26">ၵဝ်​ၶႃႈ​ဢမ်ႇ​မီး​လွင်ႈ​ဢၼ်​တၵ်း​တႅမ်ႈ​လွင်ႈ​မၼ်း​ပၼ်​ၵႂႃႇ​ၵႃႈ​တီႈ​ၶုၼ်​ႁေႃ​ၶမ်း​ၼၼ်ႉ​သေႇ​သေႇ​ၶျႃႇ​ၶျႃႇ​သေ​ၸိူဝ်ႉ​သေ​ပိူင်။ ပိူဝ်ႈ​ၼႆ​လႄႈ သူ​ၸဝ်ႈ​ၸႅတ်ႈ​ထၢမ်​ၸႅတ်ႈ​တူၺ်း​မၼ်း​သေ​ယဝ်ႉ၊ ၼင်ႇ​ႁိုဝ်​ၵဝ်​ၶႃႈ​တၵ်း​မီး လွင်ႈ​ဢၼ်​တၵ်း​တႅမ်ႈ​ပၼ်​ၵႂႃႇ​ၸိုင်၊ ၵဝ်​ၶႃႈ​ဢဝ်​မၼ်း​ဢွၵ်ႇ​ၼႄ​ၵႃႈ​တီႈ​ၽၢႆႇ​ၼႃႈ​သူ​ၸဝ်ႈ၊ ၶုၼ်​ႁေႃ​ၶမ်း​ ဢၵျႅပ်ႉပႃႉ ​ၶႃႈ​ဢိူၺ်း၊ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တႄႉ​တႄႉ​ဝႃႈ​ဝႃႈ​ၶႃႈ​ဢေႃႈ။-</verse>
				<verse number="27">လွင်ႈ​မၼ်း​ၸမ်ႉ ၵဝ်​ၶႃႈ​ထၢင်ႇ​လွင်ႈ​ဢၼ်​ပွႆႇ​ၸႂ်ႉ​ၵေႃႉ​ဢၼ်​ၶၢမ်ႇ​တူၵ်း​ၵိၼ်း​ၵႂႃႇ​လႄႈ ယင်း​ဢမ်ႇ​ၼႄ​ပၼ်​ဢပႅတ်ႈ​မၼ်း​ၼၼ်ႉ ပဵၼ်​ဢၼ်​ဢမ်ႇ​ထုၵ်ႇ​ဢမ်ႇ​လီ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="26">
				<verse number="1">မိူဝ်ႈ​ဢၼ်​ၶုၼ်​ ဢၵျႅပ်ႉပႃႉ လၢတ်ႈ​တီႈ​ ပေႃးလူႉ ​လႄႈ​ဝႃႈ၊ မႂ်း​မီး​ဢၶႂၢင်ႉ​လၢတ်ႈ​ပုၼ်ႈ​တူဝ်​ၸဝ်ႈ​ၵဝ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊​ ပေႃးလူႉ ​ယိုၼ်ႈ​မိုဝ်း​လႄႈ လၢတ်ႈ​ၵႂၢမ်း​ၽေႇ​ဢပႅတ်ႈ​လႄႈ​ဝႃႈ​ၸမ်ႉ၊-</verse>
				<verse number="2">ၶုၼ်​ႁေႃ​ၶမ်း​ ဢၵျႅပ်ႉပႃႉ ​တီႈ​ၶႃႈ​ဢိူၺ်း၊ ၵဝ်​ၶႃႈ​ၶႆႈ​ၸႂ်​လွင်ႈ​ဢၼ်​တၵ်း​လႆႈ​လၢတ်ႈ​ၵႂၢမ်း​ၽေႇ​ဢပႅတ်ႈ​လူၺ်ႈ​လွင်ႈ​တၢင်း ၵႃႈ​ဢၼ်​ၵူၼ်း ယူႉတႃႉ ​တင်း​လၢႆ ႁဵတ်း​ဢမူႉ​တီႈ​ၵဝ်​ၶႃႈ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ဝၼ်း​မိူဝ်ႈ​ၼႆႉ​ၼၼ်ႉ​ဢမ်ႇ​ၵႃး၊-</verse>
				<verse number="3">လွင်ႈ​ဢၼ်​ၸဝ်ႈ​ႁဝ်း​ၸၢင်ႈ​ႁူႉ​ၸၢင်ႈ​မေႃ​ထုင်း​ၽိင်ႈ ဢိၵ်ႇ​တင်း​ပုၵ်ႈ​သႃႇ​တီႈ​တွင်ႈ​တီႈ​ထၢမ်​တင်း​လၢႆ ဢၼ်​ၸၢပ်ႈ​သႅင်ႇ​ၵၼ်​တင်း​ၵူၼ်း ယူႉတႃႉ ​ၸိူဝ်း​ၼၼ်ႉ​လႄႈ ၵဝ်​ၶႃႈ​ထၢင်ႇ​တူဝ်​ၸဝ်ႈ​ၵဝ်ႇ​မီး​မင်ႇၵလႃႇ​ၶႃႈ​ဢေႃႈ။ ပိူဝ်ႈ​ၼႆ​လႄႈ ၼင်ႇ​ႁိုဝ်​ၸဝ်ႈ​ႁဝ်း​တၵ်း​ဢဝ်​တင်း​ၸႂ်​ဢၼ်​ယိူၼ်ႉ​ၶၢမ်ႇ​ထွမ်ႇ​ငိၼ်း​ၵႂၢမ်း​ၵဝ်​ၶႃႈ​ၸိုင်​ၵဝ်​ၶႃႈ​တွင်း​ပၢၼ်ႇ​ၸဝ်ႈ​ႁဝ်း​တီႈ​ၶႃႈ​ဢေႃႈ။</verse>
				<verse number="4">တၢင်း​ဢၼ်​ယူႇ​ဢၼ်​သဝ်း ဢၼ်​ႁဵတ်း​ဢၼ်​သၢင်ႈ ၵဝ်​ၶႃႈ​ၸႃႉ​ၸဵမ်​မိူဝ်ႈ​လဵၵ်ႉ​မိူဝ်ႈ​ဢွၼ်ႇ ဢၼ်​မိူဝ်ႈ​ၸႃႉ​မၼ်း ပဵၼ်​ၵႃႈ​တီႈ​ၼႂ်း​ၸိူဝ်ႉ​ၶိူဝ်း​ၵဝ်​ၶႃႈ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၼၼ်ႉ​ၸိုင်၊ ၵူၼ်း​ ယူႉတႃႉ ​တင်း​သဵင်ႈ​တင်း​လူင်​ႁူႉ​ယူႇ​တီႈ​ၶႃႈ​ဢေႃႈ။-</verse>
				<verse number="5">ပေႃး​ၶဝ်​ၶႂ်ႈ​ၶၢမ်ႇ​သၢၵ်ႈ​သေႇ​လွင်ႈ​ဢၼ်​ၵဝ်​ၶႃႈ​ၸွမ်း​ၼင်ႇ ၵိူင်း​ဢၼ်​ၵျၢင်ႉ​ၶႅင်​ၼႃႇ​သေ​ပိူၼ်ႈ ၵႃႈ​ၼႂ်း​ၽႃႇသႃႇ​ ယူႉတႃႉ ​လႄႈ ပဵၼ်​ ၽႃႇရီႉသႄး ​ၼၼ်ႉ​ၸိုင်၊ ၶဝ်​ႁူႉ​ၸႃႉ​ၸဵမ်​မိူဝ်ႈ​ဢွၼ်​တၢင်း​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ၵွပ်ႈ​ပိူဝ်ႈ​လွင်ႈ​တၢင်း​ဢၼ်​မုင်ႈ​ထႃႈ​မွင်း​ထႃႈ ဢၼ်​ၽြႃး​ပဵၼ်​ၸဝ်ႈ ဝႆႉ​ၵတီႉ​တီႈ​ပူႇ​ပေႃႈ​ႁဝ်း​ၼၼ်ႉ​လႄႈ ၵဝ်​ၶႃႈ​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ၸႅတ်ႈ​ထၢမ်​တေႃႈ​လဵဝ်​ၼႆႉ​တီႈ​ၶႃႈ​ဢေႃႈ။-</verse>
				<verse number="7">ၵူၼ်း​ ဢီႉသရေႇလႃႉ ​သိပ်း​သွင်​မဵဝ်း ၵျူဝ်း​ၸႃး​ႁဵတ်း​ဝၢတ်ႈ​ၽြႃး​ပဵၼ်​ၸဝ်ႈ ၵူႈ​ဝၼ်း​ၵူႈ​ၶိုၼ်း​ဢမ်ႇ​ထၢတ်ႇ​လႄႈ တၵ်း​လႆႈ​ၶၢမ်ႇ​ၵတီႉ​ၸဝ်ႈ​ၼၼ်ႉ​ဝႃႈ​ၼႆ မီး​တၢင်း​ဢၼ်​မုင်ႈ​ထႃႈ​မွင်း​ထႃႈ​ယူႇ​တီႈ​ၶႃႈ​ဢေႃႈ။ ၶုၼ်​ႁေႃ​ၶမ်း​တီႈ​ၶႃႈ​ဢိူၺ်း၊ ၵူၼ်း​ ယူႉတႃႉ ​တင်း​လၢႆ​ဢဝ်​လွင်ႈ​တြႃး​တၢင်း​ဢၼ်​မုင်ႈ​ထႃႈ​မွင်း​ထႃႈ​ၼၼ်ႉ ႁဵတ်း​ဢမူႉ​တီႈ​ၵဝ်​ၶႃႈ တီႈ​ၶႃႈ​ဢေႃႈ။</verse>
				<verse number="8">ပေႃး​ၽြႃး​ပဵၼ်​ၸဝ်ႈ ႁႂ်ႈ​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ လုၵ်ႉ​ၶိုၼ်း​ၸိုင်၊ ႁဵတ်း​သင်​လႄႈ သူ​ၸဝ်ႈ​ထၢင်ႇ​ဝႃႈ​တီႈ​တၵ်း​ယုမ်ႇ​လႆႈ​ဢမ်ႇ​မီး၊ ဝႃႈ​ၼင်ႇ​ၼႆ​ၼင်ႇ​ႁိုဝ်​ၶႃႈ။</verse>
				<verse number="9">ၵဝ်​ၶႃႈ​ထၢင်ႇ​ၼႂ်း​ၸႂ်​လႄႈ​ဝႃႈ လီ​ႁဵတ်း​လွင်ႈ​တၢင်း​ဢၼ်​ဢမ်ႇ​ထုၵ်ႇ​ၵၼ်​တင်း ၼႃႇ​မႃႉ​ၸိုဝ်ႈ​သဵင်​ ယေႇသူႉ ၵူၼ်း​ဝဵင်း​ ၼႃႇၸရႅတ်ႈ ​ၼၼ်ႉ​ၼမ်​ၼႃႇ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">ႁဵတ်း​လွင်ႈ​တၢင်း​ၸိူဝ်း​ၼၼ်ႉ ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​တီႈ​ၶႃႈ​ဢေႃႈ။ ၵဝ်​ၶႃႈ​လႆႈ​ဢၶႂၢင်ႉ​တီႈ​ယိတ်ႈပရေႃးႁဵၵ်ႈ​လူင် ၸိူဝ်း​ၼၼ်ႉ​သေ​ယဝ်ႉ၊ ဢဝ်​ၵူၼ်း​မူတ်း​ၸၢင်ႇ​ၼမ်​ၼႃႇ ၶင်​ဝႆႉ​ၵႃႈ​ၼႂ်း​ထွင်ႇ​တီႈ​ၶႃႈ​ဢေႃႈ။ မိူဝ်ႈ​ဢၼ်​ၶဝ်​ၼၼ်ႉ လႆႈ​ၶၢမ်ႇ​တၢင်း​တၢႆ​ၼၼ်ႉ​ၸိုင်၊ ၵဝ်​ၶႃႈ​ႁပ်ႉ​တုင်း​ဢဝ်​တီႈ​ၶႃႈ​ဢေႃႈ။-</verse>
				<verse number="11">ၵဝ်​ၶႃႈ​ပၼ်​တၢမ်ႇ ၵႃႈ​ၼႂ်း​ၸရွပ်ႈ​ႁေႃး​တြႃး​တင်း​သဵင်ႈ​တင်း​လူင် ၶိူဝ်း​ၶိူဝ်း​ယႂ်း​ယႂ်း ဢမ်ႇ​ႁူႉ​လၢႆ​ပွၵ်ႈ​ၵႃႈ​တီႈ​ၶဝ်​လႄႈ ႁဵတ်း​ပႄႉ​ႁဵတ်း​ၼႅင်ႇ​ႁႂ်ႈ​ၶဝ်​သႄႉ​သွမ်း​ၽြႃး​ပဵၼ်​ၸဝ်ႈ​တီႈ​ၶႃႈ​ဢေႃႈ။ ပႃး​တင်း​ၸႂ်​ဢၼ်​မဝ်း​တင်း​တေႃး​သႃႉ တင်း​ၸႂ်​မႆႈ​ၶႆႈ​ၸႃႉ​ဢၼ်​ယႂ်ႇ​ၼႃႇ​ၼၼ်ႉ​သေ​လႄႈ ၼိၵ်ႈ​ၸၢၵ်ႈ​ငႅၼ်း​သႄး​ၶဝ် တေႃႇ​ထိုင်​ႁွတ် တၢင်ႇ​ဝၢၼ်ႈ​တၢင်ႇ​မိူင်း​တီႈ​ၶႃႈ​ဢေႃႈ။</verse>
				<verse number="12">ၼႂ်း​မိူဝ်ႈ​ဢၼ်​ၵဝ်​ၶႃႈ ဢဝ်​တင်း​ဢၶႂၢင်ႉ​ဢရႃႇ​ဢၼ်​ယိတ်ႈပရေႃးႁဵၵ်ႈ​လူင် တင်း​လၢႆ​ပၼ်​ၼၼ်ႉ​ၵႂႃႇ​ၵႃႈ​တီႈ​ဝဵင်း​ ထမ်ႇမသႅတ်ႉ ​ယူႇ​ၼၼ်ႉ​ၸိုင်၊-</verse>
				<verse number="13">ၶိင်ႇ​ၵၢင်​ဝၼ်း​တဵင်ႈ ၵဝ်​ၶႃႈ​လႆႈ​ႁၼ်​ဢၼ်​လႅင်း ဢၼ်​ၼႃႇ​သေ​ဢရွင်ႇ​ၵၢင်​ဝၼ်း​ၼၼ်ႉ ႁိူဝ်ႈ​လႅင်း​မႃး​ၵႃႈ​ၼိူဝ်​ၽႃႉ​ၵၢင်​ႁၢဝ်​ႁိမ်း​ၵဝ်​ၶႃႈ ဢိၵ်ႇ​တင်း​ၵူၼ်း​ၸိူဝ်း​ဢၼ်​ၸွမ်း​လူၺ်ႈ​ၵၼ်​တင်း​ၵဝ်​ၶႃႈ​ၼၼ်ႉ ၵႃႈ​ၼႂ်း​သဵၼ်ႈ​တၢင်း​ၼၼ်ႉ​တီႈ​ၶႃႈ​ဢေႃႈ​ၸဝ်ႈ။-</verse>
				<verse number="14">မိူဝ်ႈ​ဢၼ်​ၵဝ်​ၶႃႈ​ဢိၵ်ႇ​တင်း ၵူၼ်း​တင်း​သဵင်ႈ​တင်း​လူင်​ၼၼ်ႉ လူမ်ႉ​ၵႃႈ​ၼိူဝ်​လိၼ်​ၼၼ်ႉ​ၸိုင်၊ ၵဝ်​ၶႃႈ​လႆႈ​ငိၼ်း​သဵင်​ဢၼ် ဢဝ်​တင်း​ၽႃႇသႃႇ ႁေႇပြႄး ​လၢတ်ႈ​လႄႈ​ဝႃႈ၊ သေႃးလူႉ ​ဢိူၺ်း၊ သေႃးလူႉ ​ဢိူၺ်း၊ ႁဵတ်း​သင်​လႄႈ​မႂ်း​ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​ၼင်ႇ​ႁိုဝ်။ ပေႃး​ဢဝ်​တိၼ်​ပိတ်ႉ​သႂ်ႇ​မႆႉ​လႅမ်​ၸိုင် ပဵၼ်​ဢၼ်​ယၢပ်ႇ​ၼႃႇ​လူင်​လၢင်​တႄႉ​တႄႉ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။-</verse>
				<verse number="15">ၵဝ်​ၶႃႈ​ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၽူႈ​လႂ်​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၸမ်ႉ၊ ပဵၼ် ယေႇသူႉ ဢၼ်​မႂ်း​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ဢေႃႈ။-</verse>
				<verse number="16">ၼႂ်း​ဝႃႈ​ၼၼ်​သေ​ၵေႃႈ လုၵ်ႉ​လႄႈ​ၸုၵ်း​ယူႇ​သိုဝ်ႈ​သိုဝ်ႈ​တႃႉ။-</verse>
				<verse number="17">လွင်ႈ​မၼ်း​ၸမ်ႉ ၵဝ်​ၵႄႇ​သႄႇ​ၶျွတ်ႈ​ဢဝ်​မႂ်း ၵႃႈ​ၼႂ်း​မိုဝ်း​ၸိူဝ်ႉ​ၶိူဝ်း​ ယူႉတႃႉ ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​သေ​လႄႈ ပေႃႇ​မႃး​ၵႃႈ​တီႈ​မႂ်း​ႁႂ်ႈ​လႆႈ​ဢဝ်​မႂ်း​ၶၢၼ်း​ဝႆႉ​ၼႂ်း​ဢရႃႇ​ၶဝ်​ၸိူဝ်း​ဢၼ် ပွင်​ႁဵတ်း​လႄႈ​ၶၢမ်ႇ​သၢၵ်ႈ​သေႇ​လွင်ႈ​တၢင်း​ဢၼ်​မႂ်း​လႆႈ​ႁၼ်​ဢိၵ်ႇ​တင်း လွင်ႈ​တၢင်း​ဢၼ်​ၵဝ်​တၵ်း​ပေႃႇ​မႃး​တီႈ​မႂ်း​ၵမ်း​လိုၼ်း​ၸိူဝ်း​ၼၼ်ႉ​ဢေႃႈ။-</verse>
				<verse number="18">ၵဝ်​တၵ်း​ပွႆႇ​ၸႂ်ႉ​မႂ်း​ၵႂႃႇ​ၵႃႈ​တီႈ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ ႁႂ်ႈ​လႆႈ​ၽုၺ်ႇ​မၢၵ်ႇ​တႃ​ၶဝ်​လွင်ႈ​ၼင်ႇ​ႁိုဝ် ၶဝ်​တၵ်း​ဢွၵ်ႇ​သေ​ၵႃႈ​ၼႂ်း​ဢၼ်​လပ်း​သိင်ႇ​မႃး​ၵႃႈ​တီႈ​ဢၼ်​လႅင်း​လႄႈ ၶၢႆႉ​သေ​ၵႃႈ​ၼႂ်း​ဢႃႇၼႃႇ​ ၸႃႇတၢၼ်ႇ မႃး​ၵႃႈ​တီႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​လွင်ႈ​ၼင်ႇ​ႁိုဝ် ၵွပ်ႈ​ပိူဝ်ႈ​ဢၼ်​ယုမ်ႇ​မၢတ်ႈ​ၵဝ်​လႄႈ တၵ်း​လႆႈ​ၶၢမ်ႇ​ၵျေး​ၸူး​တၢင်း​ဢၼ်​လွတ်ႈ​ဢပႅတ်ႈ ဢိၵ်ႇ​တင်း​ဢမူၺ်ႇ​ၵႃႈ​ၼႂ်း​ၶဝ်​ၸိူဝ်း​ဢၼ် ႁွတ်ႈ​ထိုင်​တၢင်း​ဢၼ်​မူတ်း​ၸၢင်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​တီႈ​ၶႃႈ​ဢေႃႈ။</verse>
				<verse number="19">ၶုၼ်​ႁေႃ​ၶမ်း​ ဢၵျႅပ်ႉပႃႉ ​တီႈ​ၶႃႈ​ဢိူၺ်း၊ ပျႃႇ​တိၵ်ႈ​ၸဝ်ႈ​ဢၼ်​ပဵၼ်​မႃး​ၵႃႈ​တီႈ​ၵၢင်​ႁၢဝ်​ၼၼ်ႉ​ၸိုင်၊ ၵဝ်​ၶႃႈ​ယင်း​ဢမ်ႇ​ထွမ်ႇ​ဢဝ်​လႄႈ​ဢမ်ႇ​ယူႇ​လႆႈ​တီႈ​ၶႃႈ။-</verse>
				<verse number="20">ၵူၼ်း​ႁဝ်း​ၼႆႉ တၵ်း​လႆႈ​ၶုၵ်း​ၸႂ်​လႆႈ​မႆႈ​ၸႂ်၊ တၵ်း​လႆႈ​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​ၵိုင်ႇ​ၵၼ်​တင်း​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​လႄႈ ၶၢႆႉ​မႃး​ၸူး​ၵႃႈ​တီႈ​ၽြႃး​ပဵၼ်​ၸဝ်ႈ​ဝႃႈ​ၼႆ၊ ၵဝ်​ၶႃႈ​ႁေႃး​လၢတ်ႈ​ၵႃႈ​ၼႂ်း​ဝဵင်း ထမ်ႇမသႅတ်ႉ ဢွၼ်​တၢင်း​သေ​ယဝ်ႉ ႁေႃး​လၢတ်ႈ​ၵႃႈ​တီႈ​ၶဝ်​ၸိူဝ်း​ဢၼ်​ယူႇ​ၸႃႉ​ၸဵမ်​ဝဵင်း​ ယေႇရူႉသလႅမ်ႇ တင်း​မိူင်း​ ယူႉတႃႉ ၵူႈ​တီႈ​ၵူႈ​လႅၼ် ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တီႈ​ၶႃႈ​ဢေႃႈ။</verse>
				<verse number="21">ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ၵူၼ်း​ ယူႉတႃႉ ​တင်း​လၢႆ တီႉ​ဢဝ်​ၵဝ်​ၶႃႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​သေ​လႄႈ ၵျူဝ်း​ၸႃး​ႁႂ်ႈ​လႆႈ​ဢဝ်​ၵဝ်​ၶႃႈ​တၢႆ​တီႈ​ၶႃႈ​ဢေႃႈ။-</verse>
				<verse number="22">ၼႂ်း​ဝႃႈ​ၼၼ်​သေ​ၵေႃႈ ၵဝ်​ၶႃႈ​လႆႈ​ၶၢမ်ႇ​ၵျေး​ၸူး​တၢင်း​ဢၼ်​ၽြႃး​ပဵၼ်​ၸဝ်ႈ​ၸွႆႈ​ထႅမ်​မႃႉ​ၸႃႉ​လႄႈ မီး​ယူႇ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​လႄႈ ၶၢမ်ႇ​သၢၵ်ႈ​သေႇ​တီႈ​ၵူၼ်း ၸဵမ်​လဵၵ်ႉ​ၸဵမ်​ယႂ်ႇ​သေ​လႄႈ​မွၵ်ႇ​လၢတ်ႈ​လွင်ႈ​တၢင်း​ဢၼ် မူဝ်းသေႇ ဢိၵ်ႇ​တင်း​ပရေႃးၽႅတ်ႈ​တင်း​လၢႆ ႁေႃး​လၢတ်ႈ​လႄႈ​ဝႃႈ တၵ်း​ပဵၼ်​မႃး​ဢေႃႈ၊ ဝႃႈ​ၼင်ႇ​ၼႆ​ၸိူဝ်း​ၼၼ်ႉ​ၵူၺ်း။-</verse>
				<verse number="23">ဢၼ်​ဝႃႈ လွင်ႈ​ဢၼ်​ၸဝ်ႈ​ၶရိၸ်ႈ​တၵ်း​လႆႈ​ၶၢမ်ႇ​တၢႆ ဢိၵ်ႇ​တင်း​လွင်ႈ​ဢၼ်​မၼ်း​ၸဝ်ႈ တၵ်း​လႆႈ​ပဵၼ်​ၵေႃႉ​ဢၼ်​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ဢွၼ်​တၢင်း​ပိူၼ်ႈ​လႄႈ ပၼ်​ဢၼ်​လႅင်း​တီႈ​ၵူၼ်း​မဵဝ်း​ ယူႉတႃႉ ဢိၵ်ႇ​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="24">မိူဝ်ႈ​ဢၼ်​ ပေႃးလူႉ လဝ်ႊ​လၢတ်ႈ​ၵႂၢမ်း​ၽေႇ​ဢပႅတ်ႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ ၶုၼ်​ ၽိတ်ႉတူႉ ႁွင်ႉ​သႅၼ်ႇ​လႄႈ​ဝႃႈ၊ ပေႃးလူႉ ​ဢိူၺ်း၊ မႂ်း​ၼႆႉ​ပဵၼ်​ၵူၼ်း​ယွင်ႇ​ဢေႃႈ။ သွၼ်​ဢဝ်​ဢတၢတ်ႈ​ပိင်ႇ​ၺႃႇ​ၼမ်​ၼႃႇ​လႄႈ ထိုင်​ပဵၼ်​ၵူၼ်း​ယွင်ႇ​ၵႂႃႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="25">ပေႃးလူႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶုၼ်​ ၽိတ်ႉတူႉ ​ဢၼ်​မျၢတ်ႈ​ၼႃႇ​ၶႃႈ​ဢိူၺ်း၊ ၵဝ်​ၶႃႈ​ဢမ်ႇ​ၸႂ်ႈ​ၵူၼ်း​ယွင်ႇ​ၶႃႈ။ ၵဝ်​ၶႃႈ​မီး​တင်း​ႁူဝ်​ၸႂ်​ဢၼ်​လီ​ဢၼ်​ငၢမ်း​သေ​လႄႈ လၢတ်ႈ​ၵႂၢမ်း​ဢၼ်​ၵိုင်ႇ​ၵၼ်​တင်း​သမ်ႇမႃႇ​တြႃး​ၶႃႈ​ဢေႃႈ။-</verse>
				<verse number="26">ၶုၼ်​ႁေႃ​ၶမ်း​ ဢၵျႅပ်ႉပႃႉ ႁူႉ​လွင်ႈ​တၢင်း​ၸိူဝ်း​ၼႆႉ​ယူႇ​ၶႃႈ​ဢေႃႈ။ ၵႃႈ​တီႈ​ၽၢႆႇ​ၼႃႈ​ၶုၼ်​ၼၼ်ႉ ၵဝ်​ၶႃႈ​ႁတ်း​လဝ်ႊ​လၢတ်ႈ​လႅင်း​လႅင်း​ၶႃႈ​ဢေႃႈ။ လွင်ႈ​တၢင်း​ၸိူဝ်း​ၼႆႉ​ၸိုင်၊ ၵဝ်​ၶႃႈ​ထၢင်ႇ​ဢၼ်​မၼ်း​ၸဝ်ႈ​ဢမ်ႇ​ႁူႉ​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်​ၶႃႈ​ဢေႃႈ။ လွင်ႈ​မၼ်း​ၸမ်ႉ လွင်ႈ​တၢင်း​ၼႆႉ​ပဵၼ်​လွင်ႈ​တၢင်း​ဢၼ် ႁဵတ်း​တီႈ​ၸွၵ်ႉ​တီႈ​ၸဵင်ႇ​ဢမ်ႇ​ၸႂ်ႈ​ၶႃႈ။-</verse>
				<verse number="27">ၶုၼ်​ႁေႃ​ၶမ်း​ ဢၵျႅပ်ႉပႃႉ ​တီႈ​ၶႃႈ​ဢိူၺ်း၊ ၸဝ်ႈ​ႁဝ်း​ယုမ်ႇ​ၵျၢမ်း​လိၵ်ႈ ဢၼႃႇၵၢတ်ႈတီႉ​ယူႇ​တီႈ​ၶႃႈ​ႁိုဝ်။ လွင်ႈ​ဢၼ်​ၸဝ်ႈ​ႁဝ်း​ၸၢင်ႈ​ယုမ်ႇ​ၼၼ်ႉ​ၸိုင်၊ ၵဝ်​ၶႃႈ​ႁူႉ​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၶုၼ်​ ဢၵျႅပ်ႉပႃႉ ​ၵေႃႈ​လၢတ်ႈ​တီႈ​ ပေႃးလူႉ ​လႄႈ​ဝႃႈ၊ မႂ်း​ၼႆႉ​ႁဵတ်း​ဢိတ်း​ဢွၼ်ႇ​ၼိုင်ႈ​ၵူၺ်း​လႄႈ ၸူဝ်း​ဢဝ်​ၵဝ်​ႁႂ်ႈ​ပဵၼ်​ ၶရိၸ်ႈယၢၼ်ႇ ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊-</verse>
				<verse number="29">ပေႃးလူႉ ​လဝ်ႊ​လၢတ်ႈ​လႄႈ​ဝႃႈ၊ ႁဵတ်း​ဢိတ်း​ဢွၼ်ႇ​ၼိုင်ႈ​သေ​ဢမ်ႇ​ဝႃႈ၊ ႁဵတ်း​ၼမ်​ၼမ်​သေ​ဢမ်ႇ​ဝႃႈ၊ ဝႆႉ​သေ​ၸိူၵ်ႈ​လဵၵ်း​ၸိူဝ်း​ၼႆႉ​ၵူၺ်း​လႄႈ ၼင်ႇ​ႁိုဝ်​ၸဝ်ႈ​ႁဝ်း​ဢိၵ်ႇ​တင်း ၵူၼ်း​ၵႃႈ​ဢၼ်​လႆႈ​ငိၼ်း​ၵႂၢမ်း​ၵဝ်​ၶႃႈ​ဝၼ်း​မိူဝ်ႈ​ၼႆႉ​တင်း​သဵင်ႈ​တင်း​လူင်​ၼႆႉ တၵ်း​ပဵၼ်​ၸိူဝ်ႉ​ၼင်ႇ​ဢၼ်​ၵဝ်​ၶႃႈ​ပဵၼ်​ၼႆႉ​ၸိုင်၊ ၵဝ်​ၶႃႈ​သူး​တွင်း​ၽြႃး​ပဵၼ်​ၸဝ်ႈ​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">မိူဝ်ႈ​ၼၼ်ႉ ၸႃႉ​ၸဵမ်​ၶုၼ်​ႁေႃ​ၶမ်း​ ဢၵျႅပ်ႉပႃႉ တင်း​ ပေႇရၼိတ်ႉ ဢိၵ်ႇ​တင်း​ၶုၼ်​ ၽိတ်ႉတူႉ တင်း​ၶဝ်​ၸိူဝ်း​ဢၼ် ၼင်ႈ​ယူႇ​လူၺ်ႈ​ၵၼ်​ၵႃႈ​တီႈ​ၼၼ်ႈ​ၸိူဝ်း​ၼၼ်ႉ​လုၵ်ႉ​သေ​လႄႈ၊-</verse>
				<verse number="31">ၵႂႃႇ​တၢင်ႇ​တီႈ​သေ​ယဝ်ႉ၊ ၼင်ႇ​ၵၼ်​ၵၼ်​လၢတ်ႈ​ၵၼ်​လႄႈ​ဝႃႈ၊ ၵေႃႉ​ၼႆႉ​ဢမ်ႇ​ႁဵတ်း​ဢမူႉ​ဢၼ်​ထိူၵ်ႈ​ၶၢမ်ႇ​တၢႆ ဢမ်ႇ​ၼၼ်​ၵေႃႈ ဢမူႉ​ဢၼ်​ထိူၵ်ႈ​ၶၢမ်ႇ​တၢင်း​ဢၼ်​တူၵ်း​ၵိၼ်း​ၼၼ်ႉ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">ၶုၼ်​ ဢၵျႅပ်ႉပႃႉ ​ၵေႃႈ လၢတ်ႈ​တီႈ​ၶုၼ်​ ၽိတ်ႉတူႉ ​လႄႈ​ဝႃႈ၊ သင်​မၼ်း​ဢမ်ႇ​လႆႈ​ဝႃႈ၊ တၵ်း​ၶၢမ်ႇ​ဢယူႇ​ၶုၼ်​ႁေႃ​ၶမ်း​ ၵေႇသႃႇ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင် ထုၵ်ႇ​လီ​ပွႆႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="27">
				<verse number="1">မိူဝ်ႈ​ၼၼ်ႉ​ၸီႇ​ယၢင်ႇ​ႁႂ်ႈ​ႁဝ်း​လႆႈ​ၶီႇ​ႁိူဝ်း​သၢင်း​ၽေႃး​လႄႈ ၵႂႃႇ​ၵႃႈ​တီႈ​မိူင်း​ ဢီႉတလီႉ ​သေ​ယဝ်ႉ၊ ၶဝ်​ဢဝ်​ ပေႃးလူႉ ​ဢိၵ်ႇ​တင်း​ၵူၼ်း​တၢင်ႇ​တီႈ​ဢၼ်​ၶၢမ်ႇ​တူၵ်း​ၵိၼ်း​ယူႇ​ၸိူဝ်း​ၼၼ်ႉ ဢၢပ်ႈ​ပၼ်​တီႈ​တပ်ႉ​မူး ဢၼ်​လႆႈ​ၸိုဝ်ႈ​ ယူႉလီႉ ဢၼ်​ၸၢပ်ႈ​သႅင်ႇ​ၵၼ်​တင်း တပ်ႉ ဢေႃးၵုတ်ႉတူႉ ​ဢေႃႈ။-</verse>
				<verse number="2">ႁဝ်း​ၶဝ်ႈ​ၵႃႈ​ၼႂ်း​ႁိူဝ်း​သၢင်း​ၽေႃး ဢႃႇတြႃႇမုတ်ႉတီႉ ​သေ​ယဝ်ႉ ဢၢင်ႈ​တၵ်း​လဵပ်ႈ​ၸွမ်း​ၵႃႈ​တီႈ​ႁိမ်း​မိူင်း​ ဢႃႇသီႉ ​သေ​လႄႈ ပွႆႇ​ႁိူဝ်း​ၵႂႃႇ​ဢေႃႈ။ ဢႃႇရိတ်ႉတႃႇၶူႉ ၵူၼ်း​ဝဵင်း​ ထိတ်ႉသႃႇလေႃးၼိၵ်ႈ မိူင်း​ မႃႇၵေႇတေႃးၼီႉ ​ၼၼ်ႉ ၵေႃႈ​ပႃး​လူၺ်ႈ​ၵၼ်​တင်း​ႁဝ်း​ဢေႃႈ။-</verse>
				<verse number="3">ၼႂ်း​ဝၼ်း​မိူဝ်ႈ​ၽုၵ်ႈ​ႁဝ်း​သိူၵ်ႈ​ၵႃႈ​တီႈ​ဝဵင်း​ ၸီႉတုမ်ႇ ​သေ​ယဝ်ႉ၊ ယူႉလီႉ ​ၼၼ်ႉ​ႁဵတ်း​ၵျေး​ၸူး​တီႈ​ ပေႃးလူႉ ​လႄႈ ပၼ်​ဢၶႂၢင်ႉ​ဢၼ်​မၼ်း​လႆႈ​ၵႂႃႇ​လဵၼ်ႈ​ၵႃႈ​တီႈ​ၵေႃႉ​သေႈ​မၼ်း​တင်း​လၢႆ​လႄႈ ၶၢမ်ႇ​တၢင်း​ဢၼ်​ၶဝ်​ၼၼ်ႉ​ႁဵတ်း​လဵင်ႉ​ႁဵတ်း​လူ​ဢေႃႈ။-</verse>
				<verse number="4">ႁဝ်း​ၸင်ႇ​သမ်ႉ​ဢွၵ်ႇ​သေ​ၵႃႈ​တီႈ​ဝဵင်း​ၼၼ်ႉ​သေ​ယဝ်ႉ၊ ပိူဝ်ႈ​ဢၼ်​လူမ်း​မႃး​ဢမ်ႇ​ထုၵ်ႇ​ၼၼ်ႉ လဵပ်ႈ​ၵႂႃႇ​ၽၢႆႇ​တၢင်း​ၼိူဝ် ၵုၼ်​ ၵူႉပရူႉ ​လႄႈ၊-</verse>
				<verse number="5">ၶၢမ်ႈ​ပၢင်ႇ​လၢႆႇ​ဢၼ်​ၸပ်း​ၵၼ်​တင်း​မိူင်း​ ၵီႉလီႉၵီႉ တင်း​မိူင်း​ ပမ်ႇၽူႉလီႉ ​ၼၼ်ႉ​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ဝဵင်း​ မူႉရႃႇ မိူင်း​ လူႉၵီႉ ​ဢေႃႈ။-</verse>
				<verse number="6">တပ်ႉ​မူး​ၸင်ႇ​ထူပ်း​ႁိူဝ်း​သၢင်း​ၽေႃး ဢႃႇလေႇၸၼ်ႇတရေႇ ဢၼ်​တၵ်း​ၶၢမ်ႈ​ၵႂႃႇ​ၵႃႈ​တီႈ​မိူင်း​ ဢီႉတလီႉ ​ၼၼ်ႉ ၵႃႈ​တီႈ​ဝဵင်း​ၼၼ်ႉ​လႄႈ ဢဝ်​ႁဝ်း​သႂ်ႇ​ၵႃႈ​ၼႂ်း​မၼ်း​ဢေႃႈ။-</verse>
				<verse number="7">မိူဝ်ႈ​ဢၼ်​ၵႂႃႇ​လွႆး​လွႆး​လႄႈ သဵင်ႈ​ၶိင်ႇ​ဝၼ်း​ၼမ်​ၼႃႇ​ၼၼ်ႉ​ၸိုင်၊ ႁဝ်း​လႆႈ​ၵျူဝ်း​ၸႃး​ယၢပ်ႇ​ၼႃႇ​လူင်​လၢင်​လႄႈ ႁွတ်ႈ​ထိုင်​ၵႃႈ​တီႈ​ဢၼ်​သိုဝ်ႈ​ၵၼ်​တင်း​ဝဵင်း​ ၵၼိတ်ႉ ​သေ​ယဝ်ႉ ပိူဝ်ႈ​ဢၼ်​လူမ်း​မႃး​ဢမ်ႇ​ထုၵ်ႇ​ၼၼ်ႉ လဵပ်ႈ​ၵုၼ်​ ၵရေႇတေႇ ၽၢႆႇ​တၢင်း​ဢၼ်​လပ်ႉ​လူမ်း​ၵႃႈ​တီႈ​ဢၼ် သိုဝ်ႈ​ၵၼ်​တင်း​ဝဵင်း​ သႃႇလမုၼ်ႇ ​လႄႈ၊-</verse>
				<verse number="8">ၵျူဝ်း​ၸႃး​လဵပ်ႈ​ၵႃႈ​တီႈ​ၼၼ်ႈ ၵႂႃႇ​ယၢပ်ႇ​ၼႃႇ​လူင်​လၢင်​သေ​ယဝ်ႉ၊ ႁွတ်ႈ​ထိုင်​ၵႃႈ​တီႈ​ဢၼ် လႆႈ​ႁွင်ႉ​ ၵႃလူႉလီႉမိၼ်ႇ ဢၼ်​ၸမ်​ၵၼ်​တင်း​ဝဵင်း​ လႃႇသေး ​ၼၼ်ႉ​ဢေႃႈ။</verse>
				<verse number="9">မိူဝ်ႈ​ဢၼ်​ၶိင်ႇ​ၵႃႇလႃႉ​သဵင်ႈ​ၼမ်​ၼႃႇ​ၸိုင်၊ ပေႃးလူႉ ​ထွၵ်ႈ​လူၺ်ႈ​လွင်ႈ​ဢၼ် ၶိင်ႇ​ၵႃႇလႃႉ​ဢူႉတူႉ​ဢၼ်​ဢမ်ႇ​ထုၵ်ႇ​လီ​ၶၢမ်ႈ​ပၢင်ႇ​လၢႆႇ ၵွပ်ႈ​ပိူဝ်ႈ​ဢၼ်​ပူၼ်ႉ​သေ​မိုဝ်ႉ​ဝၼ်း​ဢၼ်​လႆႈ​ၵမ်​တၢင်း​ၵိၼ်​ၼၼ်ႉ​မႃး​ၼၼ်ႉ​လႄႈ ပၼ်​သတီႉ​လႄႈ​ဝႃႈ၊-</verse>
				<verse number="10">ၵူၼ်း​တင်း​လၢႆ​ၶဝ်​ဢိူၺ်း၊ ပေႃး​ၶၢမ်ႈ​ပၢင်ႇ​လၢႆႇ​တေႃႈ​လဵဝ်​ၼႆႉ​ၸိုင်၊ ၵဝ်​ႁူႉ​ႁၼ်​လွင်ႈ​ဢၼ်​ႁိူဝ်း​သၢင်း​ၽေႃး​ဢိၵ်ႇ​တင်း​ဢုၵ်ႉ​ၸႃႇ​ၶူဝ်း​လဵင်း​ၵူၺ်း​ဢမ်ႇ​ၵႃး လွင်ႈ​ဢၼ်​ဢသၢၵ်ႈ​ႁဝ်း​တၵ်း​ႁွတ်ႈ​ထိုင် တၢင်း​ဢၼ်​လူႉ​ဢၼ်​သုမ်း​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ၼႂ်း​ဝႃႈ​ၼၼ်​သေ​ၵေႃႈ တပ်ႉ​မူး​ၼၼ်ႉ​ထွမ်ႇ​ဢဝ်​ၵႂၢမ်း​ၵူၼ်း​မေႃ​ၶတ်း​ႁၢင်​ႁိူဝ်း ဢိၵ်ႇ​တင်း​ၵႄႇ​ႁိူဝ်း​သၢင်း​ၽေႃး​ၼႃႇ​သေ​ၵႂၢမ်း ဢၼ်​ ပေႃးလူႉ လၢတ်ႈ​ဝႃႈ​ၼၼ်ႉ​ဢေႃႈ။-</verse>
				<verse number="12">ပိူဝ်ႈ​ဢၼ်​ဢမ်ႇ​လီ​ယူႇ​ၵႃႈ​တီႈ​ဝဵင်း​ၼၼ်ႉ​ၶိင်ႇ​ၵတ်း​လႄႈ ၵူၼ်း​ၼမ်​ၼႃႇ​လၢတ်ႈ​လႄႈ​ဝႃႈ၊ ပေႃး​ၶီႇ​ႁိူဝ်း​သၢင်း​ၽေႃး​ၵႂႃႇ​ၵမ်း​ၼိုင်ႈ​လႄႈ ၶိုတ်း​ထိုင်​ၵႃႈ​တီႈ​တိုဝ်ႉ​တႃႈ ဝဵင်း​ ၽီႉၼိတ်ႉ ပုၼ်ႉ​လႆႈ​ၸိုင် တၢင်း​ဢၼ်​ႁႂ်ႈ​ပူၼ်ႉ​ၶိင်ႇ​ၵတ်း​ၵႃႈ​တီႈ​တိုဝ်ႉ​တႃႈ​ၼၼ်ႉ​ယဵင်ႈ​ၶႅၼ်း​တၵ်း​လီ​ဢေႃႈ၊ ဝႃႈ​ၼင်ႇ​ၼႆ​ဢေႃႈ၊ တိုဝ်ႉ​တႃႈ​ ၽီႉၼိတ်ႉ ​ၼၼ်ႉ​ၸမ်ႉ၊ မီး​ၵႃႈ​တီႈ​ၵုၼ်​ ၵရေႇတေႇ ​ဢေႃႈ။ ဝၢႆႇ​ၼႃႈ​တေႃႇ​ၽၢႆႇ​ဝၼ်း​တူၵ်း​ၸဵင်ႇ​ၼိူဝ် တင်း​ၽၢႆႇ​ဝၼ်း​တူၵ်း​ၸဵင်ႇ​တႂ်ႈ​ယူႇ​ဢေႃႈ။</verse>
				<verse number="13">မိူဝ်ႈ​ဢၼ်​လူမ်း​တၢင်း​ၸၢၼ်း​ထူဝ်း​မႃး​လွႆး​လွႆး​ယူႇ​ၼၼ်ႉ​ၸိုင်၊ ၶဝ်​မီး​တင်း​ၸႂ်​ဢၼ်​ထၢင်ႇ​တၵ်း​ၶိုတ်း​ထိုင်​လႆႈ တေႃႈ​လဵဝ်​ၼႆႉ​ၼၼ်ႉ​ယူႇ​သေ​လႄႈ တိုတ်ႉ​ထွၼ်​ၵျွၵ်ႈ​သူး​ဢွၵ်ႇ​သေ​ယဝ်ႉ လဵပ်ႈ​ၵႃႈ​တီႈ​ႁိမ်း​ၵုၼ်​ ၵရေႇတေႇ ​ၵႂႃႇ​ဢေႃႈ။-</verse>
				<verse number="14">ဢမ်ႇ​ပေႃး​ႁိုင်​လူမ်း​ၽိဝ်ႇ​ႁုင်​ဢၼ်​လႆႈ​ၸိုဝ်ႈ ဢူႉရွၵ်ႈလူႉတုင်ႇ ​ၼၼ်ႉ မႃး​ပတ်ႉ​ဢဝ်​ႁိူဝ်း​သၢင်း​ၽေႃး၊-</verse>
				<verse number="15">ၵႂႃႇ​ၵမ်း​လဵဝ်​လႄႈ ပိူဝ်ႈ​ဢၼ်​ႁိူဝ်း​သၢင်း​ၽေႃး​ၼၼ်ႉ ဢမ်ႇ​ၶၢမ်ႇ​လူမ်း​လႆႈ၊ ႁဝ်း​ၵေႃႈ​ႁႅင်း​ဢူၼ်ႈ​လႄႈ ပႃး​ၸွမ်း​ၵႂႃႇ​ၽၢႆႇ​ဢၼ်​လူမ်း​ထူဝ်း​ၼၼ်ႉ​ဢေႃႈ။-</verse>
				<verse number="16">ၼႂ်း​မိူဝ်ႈ​ဢၼ်​ယင်း​တိုၵ်ႉ​လႅၼ်ႈ​ၵႂႃႇ​ၽၢႆႇ​တၢင်း​ဢၼ်​လပ်ႉ​လူမ်း တီႈ​ၵုၼ်​ဢွၼ်ႇ​ ၵလေႃးတေႇ ယူႇ​ၼၼ်ႉ​ၸိုင်၊ ႁဝ်း​လႆႈ​ၵျူဝ်း​ၸႃး​ယၢပ်ႇ​ၼႃႇ​လူင်​လၢင် ႁႂ်ႈ​ႁိူဝ်း​ဢွၼ်ႇ​ဢမ်ႇ​လႆႈ​လူႉ​လႆႈ​လႅဝ်​လႄႈ၊-</verse>
				<verse number="17">ဢဝ်​တၢင်ႇ​ၵႃႈ​ၼိူဝ်​ႁိူဝ်း​သၢင်း​ၽေႃး​သေ​ယဝ်ႉ၊ ဢဝ်​ၸိူၵ်ႈ​ဢၼ်​တၵ်း​ၸွႆႈ​ၵမ်ႉ​ၸွႆႈ​ထွၵ်ႈ​ၸိူဝ်း​ၼၼ်ႉ မတ်ႉ​ၶဵၼ်း​ႁႂ်ႈ​ႁိူဝ်း​သၢင်း​ၽေႃး​မၼ်ႈ​ၶိူင်ႇ​ဢေႃႈ။ ပိူဝ်ႈ​ဢၼ်​ၵူဝ်​တၵ်း​တၢင်ႇ​ၵႃႈ​ၼိူဝ်​ႁၢတ်ႇ​သၢႆး​ သိုဝ်ႇတီႉ ​ၼၼ်ႉ​လႄႈ သိမ်း​ဢဝ်​လၢင်း​ယၢၼ်း​သေ​ယဝ်ႉ၊ ပႃး​ၸွမ်း​ၵႂႃႇ​ၽၢႆႇ​ဢၼ်​လူမ်း​ထူဝ်း​ၼၼ်ႉ​ယူႇ​ဢေႃႈ။</verse>
				<verse number="18">ပိူဝ်ႈ​ဢၼ်​ႁဝ်း​လႆႈ​ၶၢမ်ႇ​တၢင်း​ဢၼ်​ၽူၼ်​လူင်​လူမ်း​လူင် ပတ်ႉ​ထူဝ်း​သၼ်ႇ​ၶွၼ်း​ၼႃႇ​လူင်​လၢင်​ၼၼ်ႉ​လႄႈ၊ ဝၼ်း​မိူဝ်ႈ​ၽုၵ်ႈ​ႁဝ်း​ဢဝ်​ဢုၵ်ႉ​ၸႃႇ​ၶူဝ်း​လဵင်း​ဢွၵ်ႇ​ပႅတ်ႈ​ဢေႃႈ။-</verse>
				<verse number="19">ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ ႁဝ်း​ဢဝ်​တင်း​မိုဝ်း​တူဝ်​ၸဝ်ႈ​ၵဝ်ႇ​ယိပ်း​ဢဝ်​ၶိူင်ႈ​ႁိူဝ်း​သၢင်း​ၽေႃး​ထိမ်ႈ​ပႅတ်ႈ​ဢေႃႈ။-</verse>
				<verse number="20">ပိူဝ်ႈ​ဢၼ်​ဢမ်ႇ​လႆႈ​ႁၼ်​ၵၢင်​ဝၼ်း​တင်း​လၢဝ်​ႁိုင်​ၼႃႇ​လႄႈ ၽူၼ်​လူင်​လူမ်း​လူင်​ယင်း​တိုၵ်ႉ​ႁႅင်း​ယႂ်ႇ​ၼႃႇ​ယူႇ​ၼၼ်ႉ တီႈ​မုင်ႈ​ထႃႈ​မွင်း​ထႃႈ​လွင်ႈ​ဢၼ်​တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢမ်ႇ​မီး​လႃး​လႃး။</verse>
				<verse number="21">ၶဝ်​ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​ယူႇ​ႁိုင်​ၼႃႇ​သေ​ယဝ်ႉ၊ ပေႃးလူႉ ​လုၵ်ႉ​ၸုၵ်း ၵႃႈ​ၼႂ်း​ၶိုင်ႈ​ၵၢင်​ၶဝ်​သေ​လႄႈ​လၢတ်ႈ​ဝႃႈ၊ ၵူၼ်း​ႁဝ်း​ၸိူဝ်း​ၼႆႉ​ဢိူၺ်း၊ သင်​သူ​ထွမ်ႇ​ဢဝ်​ၵႂၢမ်း​ၵဝ်​လႄႈ ဢမ်ႇ​လုၵ်ႉ​သေ​ၵႃႈ​တီႈ​ၵုၼ်​ ၵရေႇတေႇ ​ပုၼ်ႉ ၶီႇ​ႁိူဝ်း​သၢင်း​ၽေႃး​မႃး​ၸိုင်၊ တၵ်း​လႆႈ​ၵၢင်း​လွတ်ႈ​တင်း​တၢင်း​ဢၼ်​လူႉ​ဢၼ်​သုမ်း​ၼႆႉ​ဢေႃႈ။-</verse>
				<verse number="22">တေႃႈ​လဵဝ်​ၼႆႉ ၵဝ်​တိုၵ်း​ယူင်း​ၸူဝ်း​ဢဝ် ႁႂ်ႈ​ၸႂ်​သူ​မီး​တၢင်း​ဢၼ်​သၢၵ်ႈ​သႃႇ​ဢေႃႈ။ လွင်ႈ​မၼ်း​ၸမ်ႉ လိူဝ်​သေ​တၢင်း​ဢၼ်​ႁိူဝ်း​သၢင်း​ၽေႃး​ၼႆႉ​သုမ်း​ၵူၺ်း၊ ၼႂ်း​သူ​ၽူႈ​လႂ်​ဢမ်ႇ​လႆႈ​သုမ်း​ဢသၢၵ်ႈ​သေ​ၵေႃႉ​သေ​ၵူၼ်း။-</verse>
				<verse number="23">ႁဵတ်း​ႁိုဝ်​လႄႈ​ဝႃႈ​ၸိူဝ်ႉ​ၼင်ႇ​ၼႆ​ၸမ်ႉ၊ တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ ဢၼ်​ဢုပ်ႉ​ပိူင်ႇ​ၵဝ်​ဢၼ်​ၵဝ်​ၵူဝ်း​ၵႂၢႆႇ​ၼၼ်ႉ ပေႃႇ​မႃး​ၵႃႈ​တီႈ​ႁိမ်း​ၵဝ်​ၶမ်ႈ​ၼႆႉ​လႄႈ၊-</verse>
				<verse number="24">လၢတ်ႈ​ဝႃႈ၊ ပေႃးလူႉ ​ဢိူၺ်း၊ မႂ်း​ယႃႇ​ပေ​မႆႈ​ၸႂ်၊ မႂ်း​တၵ်း​လႆႈ​ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ ၶုၼ်​ႁေႃ​ၶမ်း​ ၵေႇသႃႇ ​ဢေႃႈ။ ၽြႃး​ပဵၼ်​ၸဝ်ႈ​ဢဝ်​ၵူၼ်း​ဢၼ်​ၶၢမ်ႈ​ပၢင်ႇ​လၢႆႇ​လူၺ်ႈ​ၵၼ်​တင်း​မႂ်း တင်း​သဵင်ႈ​တင်း​လူင်​ၸိူဝ်း​ၼႆႉ​ဢၢပ်ႈ​ပၼ်​တီႈ​မႂ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">ပိူဝ်ႈ​ၼႆ​လႄႈ​ၵူၼ်း​ႁဝ်း​ၸိူဝ်း​ၼႆႉ​ဢိူၺ်း၊ ႁႂ်ႈ​မီး​တၢင်း​ဢၼ်​သၢၵ်ႈ​သႃႇ​တႃႉ၊ ၵဝ်​ဢိင်​ပိုင်ႈ​ၽြႃး​ပဵၼ်​ၸဝ်ႈ​သေ​လႄႈ မီး​တၢင်း​ဢၼ်​ယုမ်ႇ​မၢတ်ႈ​လွင်ႈ​ဢၼ် တၵ်း​ပဵၼ်​ၵႃႈ​ၼင်ႇ​ဢၼ်​မၼ်း​ၸဝ်ႈ လၢတ်ႈ​ဝႆႉ​တီႈ​ၵဝ်​ၼၼ်ႉ​ဢေႃႈ။-</verse>
				<verse number="26">ၼႂ်း​ဝႃႈ​ၼၼ်​သေ​ၵေႃႈ ႁိူဝ်း​သၢင်း​ၽေႃး​ၼႆႉ​ၸိုင် တၵ်း​လႆႈ​လူႉ​လႆႈ​လႅဝ်​ၵႃႈ​ၼိူဝ်​ၵုၼ်​သေ​ၵုၼ်​ၵုၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">ၶမ်ႈ​ဢၼ်​ထူၼ်ႈ​ထိုင်​သိပ်း​သီႇ​ဝၼ်း​ၼၼ်ႉ ၼႂ်း​မိူဝ်ႈ​ဢၼ်​ႁဝ်း​ၵႂႃႇ​ၵႂႃႇ​ၶိုၼ်း​ၶိုၼ်း ၵႃႈ​ၼႂ်း​ပၢင်ႇ​လၢႆႇ ဢႃႇတြီႉ ​ယူႇ​ၼၼ်ႉ​ၸိုင်၊ ၵူၼ်း​ႁိူဝ်း​သၢင်း​ၽေႃး​ၸိူဝ်း​ၼၼ်ႉ ထၢင်ႇ​ႁဝ်း​ၸမ်​တၵ်း​ႁွတ်ႈ​ထိုင်​ၵႃႈ​တီႈ​ႁိမ်း​ၽင်ႇ​သေ​တီႈ​တီႈ​လႄႈ၊-</verse>
				<verse number="28">ယင်ႇ​တူၺ်း​ၼမ်ႉ​လႄႈ ထူပ်း​ႁၼ်​မီး​သၢဝ်း​ဝႃး​ဢေႃႈ။ ပူၼ်ႉ​ၵႂႃႇ​ဢိတ်း​ၼိုင်ႈ​ယဝ်ႉ​ၸင်ႇ သမ်ႉ​ယင်ႇ​တူၺ်း​ၼမ်ႉ​ထႅင်ႈ​ၵမ်း​ၼိုင်ႈ​လႄႈ ထူပ်း​ႁၼ်​မီး​သိပ်း​ႁႃႈ​ဝႃး​ဢေႃႈ။-</verse>
				<verse number="29">ပိူဝ်ႈ​ဢၼ်​ၵူဝ်​တၵ်း​တုမ်ႉ​တွၵ်ႈ​မႅၼ်ႈ​မၢၵ်ႇ​ႁိၼ်​လႄႈ ၶျႃး​ၵျွၵ်ႈ​သူး​သီႇ​မၢၵ်ႈ​တူၵ်း​ၵႃႈ​တီႈ​ႁၢင်​ႁိူဝ်း​သၢင်း​ၽေႃး​သေ​လႄႈ မွင်း​ႁႂ်ႈ​မိူင်း​လႅင်း​ဢေႃႈ။-</verse>
				<verse number="30">ၼႂ်း​မိူဝ်ႈ​ဢၼ်​ၵူၼ်း​ႁိူဝ်း​သၢင်း​ၽေႃး​ၸိူဝ်း​ၼၼ်ႉ ၵျၢမ်ႇ​ငႃ​တၵ်း​ပႅတ်ႈ​ဝႆႉ​ႁိူဝ်း​သၢင်း​ၽေႃး​လႄႈ ႁဵတ်း​ၵဵင်ႈ​ၼင်ႇ​ႁၢင်ႈ​တၵ်း​ၶျႃး​ၵျွၵ်ႈ​သူး​တူၵ်း​ၵႃႈ​တီႈ ႁူဝ်​ႁိူဝ်း​သၢင်း​ၽေႃး​သေ​ယဝ်ႉ ၶျႃး​ႁိူဝ်း​ဢွၼ်ႇ​တူၵ်း​ၵႃႈ​ၼႂ်း​ပၢင်ႇ​လၢႆႇ​ၼၼ်ႉ​ၸိုင်၊-</verse>
				<verse number="31">ပေႃးလူႉ ​လၢတ်ႈ​တီႈ​တပ်ႉ​မူး ဢိၵ်ႇ​တင်း​ၵူၼ်း​သိုၵ်း​ၸိူဝ်း​ၼၼ်ႉ​လႄႈ​ဝႃႈ၊ ပေႃး​ၵူၼ်း​ၸိူဝ်း​ၼႆႉ​ဢမ်ႇ​ယူႇ​ၵႃႈ​ၼိူဝ်​ႁိူဝ်း​သၢင်း​ၽေႃး​ၸိုင် သူ​ဢမ်ႇ​ၵတ်း​ယဵၼ်​ၶျၢမ်း​သႃႇ​လႆႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="32">မိူဝ်ႈ​ၼၼ်ႉ ၵူၼ်း​သိုၵ်း​ၸိူဝ်း​ၼၼ်ႉ ၽၼ်း​ၸိူၵ်ႈ​ႁိူဝ်း​ဢွၼ်ႇ​ၼၼ်ႉ​တူၵ်း​ပႅတ်ႈ​သေ​ဢေႃႈ။</verse>
				<verse number="33">မိူဝ်ႈ​ဢၼ်​မိူင်း​ၸမ်​တၵ်း​လႅင်း​ၼၼ်ႉ​ၸိုင် ပေႃးလူႉ ​တိုၵ်း​ယူင်း​ၸူဝ်း​ဢဝ် ၵူၼ်း​တင်း​သဵင်ႈ​တင်း​လူင်​ႁႂ်ႈ​ၵိၼ်​တၢင်း​ၵိၼ်​တၢင်း​ၶူပ်း​လႄႈ​ဝႃႈ၊ ဝၼ်း​မိူဝ်ႈ​ၼႆႉ ပဵၼ်​ဝၼ်း​ဢၼ်​ထူၼ်ႈ​ထိုင်​သိပ်း​သီႇ​ဝၼ်း ဢၼ်​သူ​မုင်ႈ​ထႃႈ​မွင်း​ထႃႈ​လႄႈ ယင်း​ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​လႄႈ​ဢိုပ်း​ယူႇ​ၼၼ်ႉ​ဢေႃႈ။-</verse>
				<verse number="34">ပိူဝ်ႈ​ၼႆ​လႄႈ ၵဝ်​တိုၵ်း​ယူင်း​ၸူဝ်း​ဢဝ်​ႁႂ်ႈ​သူ​ၵိၼ်​ဢေႃႈ။ ပေႃး​သူ​ၵိၼ်​ၸိုင်၊ တၵ်း​ပဵၼ်​လွင်ႈ​တၢင်း​ဢၼ်​သူ​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။ ၶူၼ်​ႁူဝ်​သူ​တၵ်း​ဢမ်ႇ​လႆႈ​လူႉ​လႆႈ​လႅဝ်​သေ​သဵၼ်ႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="35">မၼ်း​ဢဝ်​ၶဝ်ႈ​မုၼ်း​လႄႈ ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင် ၸိူဝ်း​ၼၼ်ႉ​ယဝ်ႉ​ၸင်ႇ ဝိတ်း​ၶဝ်ႈ​မုၼ်း​လႄႈ​ၵိၼ်​ဢေႃႈ။-</verse>
				<verse number="36">ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ၵေႃႈ မီး​တၢင်း​ဢၼ်​သၢၵ်ႈ​သႃႇ​မႃး​လႄႈ ၵိၼ်​တၢင်း​ၵိၼ်​တၢင်း​ၶူပ်း​ဢေႃႈ။</verse>
				<verse number="37">ႁဝ်း​ၵႃႈ​ဢၼ်​ပႃး​ၵႃႈ​ၼႂ်း​ႁိူဝ်း​သၢင်း​ၽေႃး​ၼၼ်ႉ ၼပ်ႉ​ဢၢၼ်ႇ​မီး​သွင်​ပၢၵ်ႇ​ၸဵတ်း​သိပ်း​ပၢႆ​ႁူၵ်း​ၵေႃႉ​ဢေႃႈ။-</verse>
				<verse number="38">ၶဝ်​ၵိၼ်​ဢိမ်ႇ​ၵိၼ်​တဵမ်​သေ​ယဝ်ႉ၊ ဢဝ်​ၶဝ်ႈ​သၢၼ်​ၶဝ်ႈ​ပိူၵ်ႇ​ထိမ်ႈ​တူၵ်း​ပႅတ်ႈ​ၵႃႈ​ၼႂ်း​ပၢင်ႇ​လၢႆႇ​လႄႈ ႁႂ်ႈ​ႁိူဝ်း​သၢင်း​ၽေႃး​မဝ်​မႃး​ဢေႃႈ။</verse>
				<verse number="39">မိူဝ်ႈ​ဢၼ်​မိူင်း​လႅင်း​မႃး​ၼၼ်ႉ​ၸိုင်၊ ပိၵ်ႉ​သမ်ႉ​ဢမ်ႇ​ႁူႉ​တီႈ​ၼၼ်ႈ​သေ​ၵေႃႈ၊ ၶဝ်​ႁၼ်​ၸဵင်ႇ​ၵူတ်ႉ​ၼမ်ႉ​ပၢင်ႇ​လၢႆႇ​ဢၼ်​ၼိုင်ႈ ဢၼ်​မီး​ၽင်ႇ​ႁၢတ်ႇ​သၢႆး​ဝႆႉ​လႄႈ မီး​တၢင်း​ၵျၢမ်ႇ​တၢင်း​ပွင်​ပေႃး​ဢဝ်​ႁိူဝ်း​သၢင်း​ၽေႃး​ၶဝ်ႈ​လႆႈ​ၸိုင်၊ တၵ်း​ဢဝ်​ၶဝ်ႈ​တၢင်ႇ​ၵႃႈ​ၼိူဝ်​ၽင်ႇ​ၼၼ်ႉ​ဢေႃႈ။-</verse>
				<verse number="40">ၶဝ်​တႅပ်း​ပႅတ်ႈ​ၵျွၵ်ႈ​သူး​ၸိူဝ်း​ၼၼ်ႉ​လႄႈ ႁႂ်ႈ​ၵိုတ်း​ပႅတ်ႈ​ဝႆႉ​ၵႃႈ​ၼႂ်း​ပၢင်ႇ​လၢႆႇ​သေ​ယဝ်ႉ၊ ၵႄႈ​ၸိူၵ်ႈ​ဢၼ်​မတ်ႉ​ႁွႆႈ​မႆႉ​လၢမ်ႈ​ဢၼ်​ၶတ်း​ႁၢင်​ၼၼ်ႉ​သေ​လႄႈ ၵီႈ​ၽုၺ်ႇ​လၢင်း​ယၢၼ်း​ထွင်ႇ​လူမ်း​ၵႂႃႇ​ၸူး​ၵႃႈ​တီႈ​ၽင်ႇ​ဢေႃႈ။-</verse>
				<verse number="41">ႁွတ်ႈ​ထိုင်​ၵႃႈ​တီႈ​ဢၼ်​ၼမ်ႉ​သွင်​ၽၢႆႇ​ၸပ်း​ၵၼ်​ၼၼ်ႉ​သေ​ယဝ်ႉ ႁႂ်ႈ​ႁိူဝ်း​သၢင်း​ၽေႃး​တၢင်ႇ​ၵႃႈ​ၼိူဝ်​ႁၢတ်ႇ​သၢႆး​သေ​ဢေႃႈ၊ ႁူဝ်​မၼ်း​ယင်း​ဢမ်ႇ​တူင်ႉ​ဢမ်ႇ​ၼိုင်​လႆႈ​ယူႇ​သေ​လႄႈ၊ ပိူဝ်ႈ​ဢၼ်​လႅင်း​ၼမ်ႉ​ပိူပ်ႈ​ၼမ်ႉ​ထိပ်ႇ​ၽၢင်ႈ​ၼႃႇ​ၼၼ်ႉ၊ ႁၢင်​မၼ်း​ႁၵ်း​ၵႂႃႇ​ဢေႃႈ။-</verse>
				<verse number="42">မိူဝ်ႈ​ၼၼ်ႉ​ၵူၼ်း​သိုၵ်း​ၸိူဝ်း​ၼၼ်ႉ ပိူဝ်ႈ​ဢၼ်​ၵူဝ်​ၶဝ်​ၸိူဝ်း​ဢၼ် ၶၢမ်ႇ​တူၵ်း​ၵိၼ်း​ယူႇ​ၼၼ်ႉ တၵ်း​လုၺ်း​ဢွၵ်ႇ​ပၢႆႈ​ၵႂႃႇ​လႄႈ မီး​တၢင်း​ၵျၢမ်ႇ​တၢင်း​ပွင်​တၵ်း​ဢဝ်​ၶဝ်​တၢႆ​ဢေႃႈ။-</verse>
				<verse number="43">တပ်ႉ​မူး​ၼၼ်ႉ​ပိူဝ်ႈ​ဢၼ်​ၶႂ်ႈ​ႁႂ်ႈ​ ပေႃးလူႉ ​ၵတ်း​ယဵၼ်​ၶျၢမ်း​သႃႇ​လႄႈ ႁႄႉ​ၶႅၼ်​တၢင်း​ၵျၢမ်ႇ​တၢင်း​ပွင်​ၵူၼ်း​သိုၵ်း​ၸိူဝ်း​ၼၼ်ႉ​လႄႈ ၸီႇ​ယၢင်ႇ​ႁႂ်ႈ​ၶဝ် ဢၼ်​လုၺ်း​ၼမ်ႉ​လႆႈ​ၼၼ်ႉ လူင်း​ဢွၼ်​တၢင်း​လႄႈ ၵႂႃႇ​ၵႃႈ​တီႈ​ၼိူဝ်​ၵုင်း၊-</verse>
				<verse number="44">ဢိၵ်ႇ​တင်း​ႁႂ်ႈ​ၵူၼ်း​ဢၼ်​ၵိုတ်း​ဢၼ်​ၵျၢၼ်ႇ​ၸိူဝ်း​ၼၼ်ႉ ၶီႇ​ပႅၼ်ႈ​လႂ် ၶိူင်ႈ​ႁိူဝ်း​သၢင်း​ၽေႃး​လႂ်​ၵႂႃႇ​ဢေႃႈ။ ၼင်ႇ​ၼၼ်​လႄႈ ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၵၢင်း​လွတ်ႈ​တင်း​ၽေး​လႄႈ ႁွတ်ႈ​ထိုင်​ၵႃႈ​ၼိူဝ်​ၵုင်း​ဢေႃႈ။</verse>
			</chapter>
			<chapter number="28">
				<verse number="1">မိူဝ်ႈ​ဢၼ် လွတ်ႈ​ဢွၵ်ႇ​ၸိူဝ်ႉ​ၼင်ႇ​ၼၼ်​ယဝ်ႉ​ၼၼ်ႉ​ၸိုင်၊ ႁဝ်း​ႁူႉ​လွင်ႈ​ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ ၵုၼ်​ၼၼ်ႉ​ဝႃႈ ၵုၼ်​ မေးလီႉတီႉ ​ၼၼ်ႉ​ဢေႃႈ။-</verse>
				<verse number="2">ၵွပ်ႈ​ပိူဝ်ႈ​ဢၼ်​ၽူၼ်​တူၵ်း​လႄႈ​ၵတ်း​ၼႃႇ​လူင်​လၢင်​ၼၼ်ႉ၊ ၵူၼ်း​လိူင်း​တင်း​လၢႆ​သႂ်ႇ​ၽႆး​သေ​ယဝ်ႉ၊ ႁပ်ႉ​တုင်း​ဢဝ်​ႁဝ်း​လႄႈ​ႁဵတ်း​ၵျေး​ၸူး​ယႂ်ႇ​ၼႃႇ​တီႈ​ႁဝ်း​ဢေႃႈ။</verse>
				<verse number="3">မိူဝ်ႈ​ဢၼ်​ ပေႃးလူႉ ႁုပ်ႈ​ဢဝ်​ၽိုၼ်း​လႄႈ သႂ်ႇ​ၵႃႈ​ၼိူဝ်​ၽႆး​ၼၼ်ႉ​ၸိုင်၊ ငူး​ႁၢႆႉ​ဢွၵ်ႇ​သေ​ၵႃႈ​ၼႂ်း​ဢၢႆ​ၽႆး​မႃး​လႄႈ ႁွႆႈ​ၸပ်း​ယူႇ​ၵႃႈ​တီႈ​မိုဝ်း​မၼ်း​ဢေႃႈ။-</verse>
				<verse number="4">ၵူၼ်း​လိူင်း​ၸိူဝ်း​ၼၼ်ႉ​ႁၼ်​သေ​ယဝ်ႉ၊ ၼင်ႇ​ၵၼ်​ၵၼ်​လၢတ်ႈ​ၵၼ်​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ ပဵၼ်​ၵူၼ်း​ဢၼ် ဢဝ်​ဢသၢၵ်ႈ​ပိူၼ်ႈ​တၢႆ​ဢမၢၼ်ႇ​ၶၼ်​ပဵၼ်​ယဝ်ႉ။ ပိၵ်ႉ​သမ်ႉ​ၵၢင်း​လွတ်ႈ​တင်း​ၽေး​ပၢင်ႇ​လၢႆႇ​သေ​ၵေႃႈ၊ တြႃး​တၢင်း​ဢၼ်​သိုဝ်ႈ​တေႃႇ​ဢမ်ႇ​ပၼ်​ဢၶႂၢင်ႉ​ႁႂ်ႈ​ဢသၢၵ်ႈ​မၼ်း​လႆႈ​လိပ်း​ယူႇ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မၼ်း​ၵေႃႈ​သၼ်ႇ​ၽႅတ်း​ပႅတ်ႈ​ငူး​ႁၢႆႉ​ၼၼ်ႉ​တူၵ်း​ၵႃႈ​ၼႂ်း​ၽႆး​လႄႈ ဢမ်ႇ​ပဵၼ်​ၽေး​ၵႃႈ​သင်​သေ​ဢိတ်း။-</verse>
				<verse number="6">ၵမ်း​ဢွၼ်​ၼိုင်ႈ​မၼ်း​တၵ်း​ၵႂ်ႈ​တင်း​တူဝ်​တင်း​ၶိင်း၊ ဢမ်ႇ​ၼၼ်​ၵေႃႈ မၼ်း​တၵ်း​လူမ်ႉ​လႄႈ​တၢႆ​ဝႃႈ​ၼႆ၊ ပိၵ်ႉ​သမ်ႉ​ၶဝ်​ပႂ်ႉ​ထႃႈ​ပႂ်ႉ​တူၺ်း​ယူႇ​ႁိုင်​ၼႃႇ​သေ​ၵေႃႈ၊ မိူဝ်ႈ​ဢၼ်​ဢမ်ႇ​ႁၼ်​ဢၼ်​ဢမ်ႇ​လီ​သေ​ၸိူဝ်ႉ​သေ​ပိူင် ၵႃႈ​တီႈ​မၼ်း​ၼၼ်ႉ​ၸိုင်၊ ၸႂ်​ၶဝ်​ၶၢႆႉ​ပုတ်ႈ​သေ​လႄႈ​လၢတ်ႈ​ဝႃႈ၊ ၵေႃႉ​ၼႆႉ​ပဵၼ်​ၽြႃး​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၵႃႈ​ႁိမ်း​တီႈ​ၼၼ်ႉ မီး​လိၼ်​ဢၼ်​ၵေႃႉ​ဢၼ်​လႆႈ​ၸိုဝ်ႈ​ ပူႉပီႉလီႉ ​ဢၼ်​ပဵၼ်​ၵႄႇ​ၵူၼ်း​ၼၼ်ႉ​ပိူင်ႇ​ဢေႃႈ။ မၼ်း​ၼၼ်ႉ​ႁပ်ႉ​တုင်း​ဢဝ်​ႁဝ်း​လႄႈ ႁဵတ်း​လဵင်ႉ​ႁဵတ်း​လူ​ႁဝ်း​လီ​လီ​ငၢမ်း​ငၢမ်း​သၢမ်​ဝၼ်း​ဢေႃႈ။-</verse>
				<verse number="8">ၵေႃႉ​ဢၼ်​ပဵၼ်​ပေႃႈ​ၶုၼ်​ ပူႉပီႉလီႉ ​ၼၼ်ႉ ပဵၼ်​တၢင်း​ပဵၼ်​ဢၼ်​ၼၢဝ်​ဢိၵ်ႇ​တင်း​တွင်ႉ​ၵႂႃႇ​ပႃး​လိူတ်ႈ​လႄႈ ၼွၼ်း​ယူႇ​ဢေႃႈ။ ပေႃးလူႉ ​ၶဝ်ႈ​လႄႈ​သူး​တွင်း​သေ​ယဝ်ႉ၊ ဢဝ်​မိုဝ်း​တၢင်ႇ​ၵႃႈ​ၼိူဝ်​မၼ်း​လႄႈ၊ ႁႂ်ႈ​တၢင်း​ၶႆႈ​တၢင်း​ပဵၼ်​မၼ်း​ႁၢႆ​ဢေႃႈ။-</verse>
				<verse number="9">ပိူဝ်ႈ​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​လႄႈ ၵူၼ်း​တၢင်ႇ​တီႈ​တၢင်ႇ​လႅၼ်​ဢၼ်​မီး​တၢင်း​ၶႆႈ​တၢင်း​ပဵၼ်​ၵႃႈ​ၼႂ်း​ၵုၼ်​ၼၼ်ႉ ၵႃႈ​မီး​ၸိူဝ်း​ၼၼ်ႉ​ဢွၼ်​ၵၼ်​မႃး​ၸူး​လႄႈ လႆႈ​ၵတ်း​ယဵၼ်​ၶျၢမ်း​သႃႇ​ဢေႃႈ။-</verse>
				<verse number="10">ၶဝ်​ၼၼ်ႉ ႁဵတ်း​လေႃးၵႃႉ​ဝၢတ်ႈ​ၼမ်​ၼႃႇ​တီႈ​ႁဝ်း​လႄႈ မိူဝ်ႈ​ဢၼ်​ႁဝ်း​ၶီႇ​ႁိူဝ်း​သၢင်း​ၽေႃး​ဢွၵ်ႇ​ၵႂႃႇ​ၼၼ်ႉ​ၸိုင်၊ ၶဝ်​ဢဝ်​ၶိူင်ႈ​ပိူင်​ဢၼ်​ႁဝ်း​လူဝ်ႇ​ၵူႈ​ၸိူဝ်ႉ​ၵူႈ​ပိူင်​တၢင်ႇ​ပၼ်​ၵႃႈ​ၼိူဝ်​ႁိူဝ်း​သၢင်း​ၽေႃး​ဢေႃႈ။</verse>
				<verse number="11">ၼင်ႇ​ၼၼ်​လႄႈ ပူၼ်ႉ​သေ​သၢမ်​လိူၼ်​ယဝ်ႉ၊ ႁဝ်း​သမ်ႉ​ၶီႇ​ႁိူဝ်း​သၢင်း​ၽေႃး ဢႃႇလေႇၸၼ်ႇတရေႇ ဢၼ်​ပႃး​ႁၢင်ႈ​ရုၵ်ႈ​ထူႉ​ၽြႃး ၽႃၽေ ဢၼ်​လႆႈ​ယူႇ​ၶိင်ႇ​ၵတ်း​ၵႃႈ​တီႈ​ၵုၼ်​ၼၼ်ႈ​ၼၼ်ႉ​ၵႂႃႇ​လႄႈ၊-</verse>
				<verse number="12">မိူဝ်ႈ​ဢၼ်​သိူၵ်ႈ​ႁွတ်ႈ​ၵႃႈ​တီႈ​ဝဵင်း​ သူႉရၵုတ်ႉ ​ၸိုင်၊ ယူႇ​သၢမ်​ဝၼ်း​ဢေႃႈ။-</verse>
				<verse number="13">သမ်ႉ​လုၵ်ႉ​သေ​ၵႃႈ​တီႈ​ဝဵင်း​ၼၼ်ႉ ၶီႇ​ႁိူဝ်း​သၢင်း​ၽေႃး​လဵပ်ႈ​ၵႂႃႇ​ႁွတ်ႈ​ထိုင်​ၵႃႈ​တီႈ​ဝဵင်း​ ရေႇၵျုၼ်ႇ ​လႄႈ​ယူႇ​ဝၼ်း​ၼိုင်ႈ​ယဝ်ႉ၊ ပိူဝ်ႈ​ဢၼ်​လူမ်း​တၢင်း​ၸၢၼ်း​ထူဝ်း​မႃး​ယူႇ​လႄႈ ၼႂ်း​သွင်​ဝၼ်း​ၵူၺ်း​ႁွတ်ႈ​ထိုင်​ၵႃႈ​တီႈ​ဝဵင်း​ ပေႃႇတယေႃႇလီ ​ဢေႃႈ။-</verse>
				<verse number="14">ႁဝ်း​ထူပ်း​ႁၼ်​ပီႈ​ၼွင်ႉ​တင်း​လၢႆ ၵႃႈ​တီႈ​ဝဵင်း​ၼၼ်ႉ​လႄႈ ၸွမ်း​ၼင်ႇ​ဢၼ်​ၶဝ်​တွင်း​ပၢၼ်ႇ​လႄႈ​ဝႃႈ၊ ယူႇ​ၸဵတ်း​ဝၼ်း​သေ​ၵမ်း၊ ဝႃႈ​ၼင်ႇ​ၼႆ​ၼၼ်ႉ၊ ယူႇ​ယဝ်ႉ​ၸင်ႇ​ပႆ​တၢင်း​ၵႂႃႇ​ၸူး​ၵႃႈ​တီႈ​ဝဵင်း​ ရူဝ်းမႃႉ ​ဢေႃႈ။-</verse>
				<verse number="15">မိူဝ်ႈ​ဢၼ်​ပီႈ​ၼွင်ႉ​ဢၼ်​မီး​ယူႇ​ၵႃႈ​ၼႂ်း​ဝဵင်း​ ရူဝ်းမႃႉ ​ၸိူဝ်း​ၼၼ်ႉ ႁူႉ​ငိၼ်း​လွင်ႈ​ဢၼ်​ႁဝ်း​မႃး​ၼၼ်ႉ​ၸိုင်၊ ၶဝ်​ဢွၼ်​ၵၼ်​ဢွၵ်ႇ​မႃး​ၵမ်ႈ​ၽွင်ႈ တေႃႇ​ထိုင်​ႁွတ်ႈ​ ၵၢတ်ႇဢပ်ႉပီႉ ၵမ်ႈ​ၽွင်ႈ​တေႃႇ​ထိုင်​ႁွတ်ႈ ၸရွပ်ႈ​သၢမ်​လင် ႁႂ်ႈ​လႆႈ​ႁပ်ႉ​ႁူဝ်​တၢင်း​ႁဝ်း​ဢေႃႈ။ မိူဝ်ႈ​ဢၼ်​ ပေႃးလူႉ ႁၼ်​ၶဝ်​ၼၼ်ႉ​ၸိုင်၊ မၼ်း​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ​လႄႈ မီး​တၢင်း​ဢၼ်​ၸႂ်​သၢၵ်ႈ​သႃႇ​မႃး​ဢေႃႈ။</verse>
				<verse number="16">မိူဝ်ႈ​ဢၼ်​ႁဝ်း​ႁွတ်ႈ​ထိုင် ၵႃႈ​ၼႂ်း​ဝဵင်း​ ရူဝ်းမႃႉ ​ၼၼ်ႉ​ၸိုင်၊ တပ်ႉ​မူး​ၼၼ်ႉ ဢဝ်​ၵူၼ်း​ၶၢမ်ႇ​တူၵ်း​ၵိၼ်း​ၸိူဝ်း​ၼၼ်ႉ ဢၢပ်ႈ​ပၼ်​တီႈ​ၵႄႇ​ၵူဝ်ႇ​ရမ်ႇ​လႄႈ ပေႃးလူႉ ​လႆႈ​ဢၶႂၢင်ႉ​ဢၼ်​လႆႈ​ယူႇ​ၵမ်ႈ​ၸႂ် လူၺ်ႈ​ၵၼ်​တင်း​ၵူၼ်း​သိုၵ်း​ဢၼ်​ပႂ်ႉ​မၼ်း​ၼၼ်ႉ​ဢေႃႈ။-</verse>
				<verse number="17">ပူၼ်ႉ​သေ​သၢမ်​ဝၼ်း​ယဝ်ႉ၊ ပေႃးလူႉ ​ႁွင်ႉ​ဢဝ်​ၶဝ်​ၸိူဝ်း​ဢၼ်​ပဵၼ်​ၵူၼ်း​ယႂ်ႇ​ၵူၼ်း​လူင် ၵႃႈ​ၼႂ်း​ၵူၼ်း​ ယူႉတႃႉ ​တင်း​လၢႆ​မႃး​လႄႈ ၶဝ်​ၸူႉ​ၵၼ်​တုမ်​ၵၼ်​သေ​ယဝ်ႉ၊ မၼ်း​ၸင်ႇ​လၢတ်ႈ​လႄႈ​ဝႃႈ၊ ပီႈ​ၼွင်ႉ​ၶဝ်​ဢိူၺ်း၊ ပိၵ်ႉ​သမ်ႉ​ၵဝ်​ၶႃႈ​ဢမ်ႇ​ပိူင်ႈ​ဢမ်ႇ​လွႆး ၵူၼ်း​မဵဝ်း​ႁဝ်း​ဢိၵ်ႇ​တင်း​ထုင်း​ၸၢမ်ႇ​ဢၼ်​ပူႇ​ပေႃႈ​ႁဝ်း ၵမ်​ၵျၢင်ႉ​ၸိူဝ်း​ၼၼ်ႉ​သေ​ၵေႃႈ၊ ၵူၼ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ ဢဝ်​ၵဝ်​ၶႃႈ​တူၵ်း​ၵိၼ်း​သေ​လႄႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵူၼ်း​ ရူဝ်းမႃႉ ​တင်း​လၢႆ​ဢေႃႈ။-</verse>
				<verse number="18">ၶဝ်​ၸႅတ်ႈ​ထၢမ်​ၸႅတ်ႈ​တူၺ်း​ၵဝ်​ၶႃႈ​သေ​ယဝ်ႉ၊ ပိူဝ်ႈ​ဢၼ်​ဢမ်ႇ​ထူပ်း​ဢပႅတ်ႈ​ဢၼ်​ထုၵ်ႇ​တၢႆ​သေ​ၸိူဝ်ႉ​သေ​ပိူင်​လႄႈ မီး​ဢလူဝ်ႇ​ၶႂ်ႈ​ပွႆႇ​လွတ်ႈ​ဢေႃႈ။-</verse>
				<verse number="19">မိူဝ်ႈ​ဢၼ်​ၵူၼ်း​ ယူႉတႃႉ ​ၸိူဝ်း​ၼၼ်ႉ ႁႄႉ​ၶႅၼ်​ဢလူဝ်ႇ​ၼၼ်ႉ​ၸိုင်၊ ပဵၼ်​ဢၼ်​ႁႂ်ႈ​ၵဝ်​ၶႃႈ​ဝႃႈ၊ တၵ်း​ၶၢမ်ႇ​ဢယူႇ​ၶုၼ်​ႁေႃ​ၶမ်း ၵေႇသႃႇ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၼႂ်း​လွင်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊ ပိူဝ်ႈ​ဢၼ်​မီး​တီႈ​တၢင်ႇ​ဢပႅတ်ႈ​သေ​ၸိူဝ်ႉ​သေ​ပိူင် ၵႃႈ​ၼိူဝ်​ၵူၼ်း​မဵဝ်း​ႁဝ်း​လႄႈ​ဝႃႈ​ဢမ်ႇ​ၸႂ်ႈ။-</verse>
				<verse number="20">ပိူဝ်ႈ​ၼႆ​လႄႈ ၵဝ်​ၶႃႈ​ႁွင်ႉ​သူ​ၸဝ်ႈ​မႃး ႁႂ်ႈ​လႆႈ​ႁၼ်​လႄႈ တၵ်ႉ​လၢတ်ႈ​သူ​ၸဝ်ႈ​ဢေႃႈ။ ၵွပ်ႈ​ပိူဝ်ႈ​လွင်ႈ​တၢင်း​ဢၼ် ၵူၼ်း ဢီႉသရေႇလႃႉ ​တင်း​လၢႆ မုင်ႈ​ထႃႈ​မွင်း​ထႃႈ​ယူႇ​ၼၼ်ႉ​လႄႈ​ၵဝ်​ၶႃႈ​ၸင်ႇ​လႆႈ​ၶၢမ်ႇ​တၢင်း​ဢၼ်​ဢဝ်​တင်း​ၸိူၵ်ႈ​လဵၵ်း​မတ်ႉ​ၽုၵ်ႇ​ၼႆႉ​ၶႃႈ​ယဝ်ႉ၊-</verse>
				<verse number="21">မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် ၶဝ်​ၼၼ်ႉ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ႁဝ်း​ၶႃႈ​ဢမ်ႇ​လႆႈ​လိၵ်ႈ​ၵႃႈ​တီႈ​မိူင်း​ ယူႉတႃႉ ​ပုၼ်ႈ​လွင်ႈ​ၸဝ်ႈ၊ ၼႂ်း​ပီႈ​ၼွင်ႉ​ဢၼ်​လုၵ်ႉ​သေ​ၵႃႈ​တီႈ​မိူင်း​ၼၼ်ႉ​မႃး​ၸိူဝ်း​ၼၼ်ႉ​ၵေႃႈ၊ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​လၢတ်ႈ​ဢမ်ႇ​ဝႃႈ လွင်ႈ​ဢၼ်​တၢင်ႇ​ဢပႅတ်ႈ​တီႈ​ၸဝ်ႈ။-</verse>
				<verse number="22">ၼႂ်း​ဝႃႈ​ၼၼ်​သေ​ၵေႃႈ ႁဝ်း​ၶႃႈ​မီး​ဢလူဝ်ႇ​ၶႂ်ႈ​ထွမ်ႇ​ၶႂ်ႈ​ငိၼ်း​လွင်ႈ​ဢၼ်​ၸဝ်ႈ​ထၢင်ႇ​ၼၼ်ႉ​ၵႃႈ​တီႈ​ၸဝ်ႈ​ဢေႃႈ။ လွင်ႈ​မၼ်း​ၸမ်ႉ လွင်ႈ​ဢၼ်​ၽႃႇသႃႇ​ၼႆႉ ပဵၼ်​ၽႃႇသႃႇ​ဢၼ်​လႆႈ​ၶၢမ်ႇ​တၢင်း​ဢၼ်​သႄႉ​သွမ်း​တၢင်ႇ​ဢပႅတ်ႈ​ၵူႈ​တီႈ​ၵူႈ​လႅၼ်​ၼၼ်ႉ​ၸိုင် ႁဝ်း​ၶႃႈ​ႁူႉ​ယူႇ​ၶႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="23">ၼင်ႇ​ၼၼ်​လႄႈ ၶဝ်​ၼၼ်ႉ​ၶိၼ်း​မိုဝ်ႉ​ၶိၼ်း​ဝၼ်း​ဝႆႉ​သေ​ယဝ်ႉ၊ မႃး​ၵႃႈ​တီႈ​ဢၼ်​မၼ်း​သွၼ်ႈ​ပိုင်ႈ​ယူႇ​ၼၼ်ႉ​ၼမ်​ၼႃႇ​ဢေႃႈ။ မၼ်း​ၵေႃႈ​ၸႃႉ​ၸဵမ်​ၶိင်ႇ​ၵၢင်​ၼႂ် တေႃႇ​ထိုင်​ႁွတ်ႈ​ၶိင်ႇ​ၵၢင်​ၶမ်ႈ ၽုၺ်ႇ​ဢွၵ်ႇ​ၼႄ​ပျႃး​ၶၢမ်ႇ​သၢၵ်ႈ​သေႇ ႁေႃး​လၢတ်ႈ​လွင်ႈ​မိူင်း​ၽြႃး​ပဵၼ်​ၸဝ်ႈ​လႄႈ ဢိင်​ၵျၢမ်း​ပိင်း​ၺၢပ်ႈ​တီႉ​ မူဝ်းသေႇ ​တင်း​ၵျၢမ်း​ဢၼႃႇၵၢတ်ႈတီႉ​တင်း​လၢႆ​သေ​လႄႈ တိုၵ်း​ယူင်း​ၸူဝ်း​ဢဝ်​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ ယေႇသူႉ ​ၼၼ်ႉ​ဢေႃႈ။-</verse>
				<verse number="24">ၵမ်ႈ​ၽွင်ႈ​ယုမ်ႇ​ၵႂၢမ်း​ဢၼ်​မၼ်း ႁေႃး​လၢတ်ႈ​ၼၼ်ႉ​ဢေႃႈ။ ၵမ်ႈ​ၽွင်ႈ​ၵေႃႈ​ဢမ်ႇ​ယုမ်ႇ။-</verse>
				<verse number="25">ၼင်ႇ​ၼၼ်​လႄႈ ၶဝ်​ၼင်ႇ​ၵၼ်​ၵၼ်​ၸႂ်​သၽေႃး​ပိူင်ႈ​ၵၼ်​သေ​လႄႈ​ဢွၵ်ႇ​ၵႂႃႇ​ဢေႃႈ။ ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ဢွၵ်ႇ​ၵႂႃႇ​ယူႇ​ၼၼ်ႉ​ၸိုင်​ ပေႃးလူႉ ​လၢတ်ႈ​ၵႂၢမ်း​ၶေႃႈ​ၼိုင်ႈ​လႄႈ​ဝႃႈ၊ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢဝ်​ပရေႃးၽႅတ်ႈ​ ဢီႉသႃႇယႃႉ ​လၢတ်ႈ​ၵႃႈ​တီႈ​ပူႇ​ပေႃႈ​ႁဝ်း​ဝႆႉ သေႇ​ၶျႃႇ​လီ​ငၢမ်း​လႄႈ​ဝႃႈ​ၼၼ်ႉ​ၸမ်ႉ၊-</verse>
				<verse number="26">ၵႂႃႇ​ၵႃႈ​တီႈ​ဢၼ်​ၵူၼ်း​မဵဝ်း​ၼႆႉ​မီး​ၼၼ်ႉ​သေ​လႄႈ လၢတ်ႈ​လႄႈ​ဝႃႈ၊ သူ​ငိၼ်း​ယူႇ​သေ​ၵေႃႈ​တၵ်း​ငိၼ်း တၢင်း​ဢမ်ႇ​ႁူႉ​ဢမ်ႇ​ၸႅင်ႈ​ဢေႃႈ။ ႁၼ်​ယူႇ​သေ​ၵေႃႈ တၵ်း​ႁၼ်​တၢင်း​ဢမ်ႇ​မၢတ်ႈ​ဢမ်ႇ​တွင်း​ဝႆႉ​ဢေႃႈ။-</verse>
				<verse number="27">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ၵူဝ်​တႃ​ၶဝ်​တၵ်း​ႁၼ်၊ ႁူ​ၶဝ်​တၵ်း​ငိၼ်း၊ ႁူဝ်​ၸႂ်​ၶဝ်​တၵ်း​ႁူႉ​ၸႅင်ႈ၊ တၢင်း​ၵမ်​တၢင်း​ၵျၢင်ႉ​ၶဝ်​တၵ်း​ၶၢႆႉ​ပုတ်ႈ၊ ၵဝ်​တၵ်း​ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ႁၢႆ​ၼၼ်ႉ​လႄႈ၊ ၵူၼ်း​မဵဝ်း​ၼႆႉ ႁူဝ်​ၸႂ်​ၶဝ်​ၼၵ်း​ၼႃ​ယူႇ၊ ႁူ​ၶဝ်​ဢမ်ႇ​ငိၼ်း​ယူႇ၊ မၢၵ်ႇ​တႃ​ၶဝ်​လပ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ပိူဝ်ႈ​ၼႆ​လႄႈ သူ​ၸဝ်ႈ​ႁူႉ​ႁၼ်​လွင်ႈ​ဢၼ်​ၵျေး​ၸူး​တၢင်း​ဢၼ်​ၽြႃး​ပဵၼ်​ၸဝ်ႈ​ၵႄႇ​ၶျွတ်ႈ​ဢဝ်​ၼၼ်ႉ လႆႈ​ၶၢမ်ႇ​တၢင်း​ဢၼ်​ပၼ်​ၵႂႃႇ​ၵႃႈ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​လႄႈ ၶဝ်​ၵေႃႈ​တၵ်း​ထွမ်ႇ​ဢဝ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="29">ပေႃးလူႉ ​လၢတ်ႈ​ဝႃႈ ၸိူဝ်ႉ​ၼင်ႇ​ၼႆ​သေ​ယဝ်ႉ၊ ၵူၼ်း​ ယူႉတႃႉ ​ၸိူဝ်း​ၼၼ်ႉ ဢွၵ်ႇ​ၵႂႃႇ​လႄႈ မီး​တၢင်း​ဢၼ်​ၼင်ႇ​ၵၼ်​ၵၼ် တိူင်ႇ​ပၢင်ႇ​လၢတ်ႈ​ၸႃ​ၵၼ်​ၼမ်​ၼႃႇ​ဢေႃႈ။</verse>
				<verse number="30">လိုၼ်း​ၼၼ်ႉ​ၸင်ႇ၊ မၼ်း​ယူႇ​ၵႃႈ​ၼႂ်း​ႁိူၼ်း ဢၼ်​မၼ်း​ၶၢတ်ႈ​ဢဝ်​ၼၼ်ႉ​သွင်​ပီႊ​တဵမ်​တဵမ်​လႄႈ ၶၢမ်ႇ​ၶႅၵ်ႇ​တီႈ​ၶဝ်​ၸိူဝ်း​ဢၼ်​မႃး​ၸူး​ၵႃႈ​တီႈ​မၼ်း တင်း​သဵင်ႈ​တင်း​လူင်​ၼၼ်ႉ​ယူႇ၊-</verse>
				<verse number="31">ၽူႈ​လႂ်​ယင်း​ဢမ်ႇ​ႁႄႉ​မၼ်း​ၶႅၼ်​မၼ်း ႁေႃး​လၢတ်ႈ​လွင်ႈ​မိူင်း​ၽြႃး​ပဵၼ်​ၸဝ်ႈ​ယူႇ​သေ​လႄႈ သင်ႇ​သွၼ်​ၼႄ​ပျႃး​လွင်ႈ​တၢင်း​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ ႁတ်း​ႁတ်း​ႁၢၼ်​ႁၢၼ်​ယူႇ​ဢေႃႈ။ ဝုတ်ႉထူႉ​တမၢၼ်ႇ​ၸဝ်ႈ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="45">
			<chapter number="1">
				<verse number="1">ၵဝ်​ ပေႃးလူႉ ​ဢၼ်​ပဵၼ်​ၶႃႈ​ ယေႇသူႉ​ၶရိၸ်ႈ ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ၶၢၼ်း​ဝႆႉ ၼႂ်း​ဢရႃႇ​တမၢၼ်ႇ​ၸဝ်ႈ ႁႂ်ႈ​လႆႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၽြႃး​ပဵၼ်​ၸဝ်ႈ၊-</verse>
				<verse number="2">ဢၼ်​ၸႃႉ​ၸဵမ်​မိူဝ်ႈ​ဢွၼ်​ၼႆႉ မၼ်း​ၸဝ်ႈ​ဢဝ်​တင်း​ပရေႃးၽႅတ်ႈ​တင်း​လၢႆ ဝႆႉ​ၵတီႉ​ၼႂ်း​ၵျၢမ်း​လိၵ်ႈ ဢၼ်​မူတ်း​ၸၢင်ႇ​တင်း​လၢႆ၊-</verse>
				<verse number="3">လူၺ်ႈ​လွင်ႈ​လုၵ်ႈ​မၼ်း​ၸဝ်ႈ ဢၼ်​ၸွမ်း​ၼင်ႇ​ၸႃႇ​တီႉ​ၵူၼ်း ပဵၼ်​ၸိူဝ်ႉ​ၶိူဝ်း​ တႃႇဝိတ်ႈ ၊-</verse>
				<verse number="4">ဢၼ်​ၸွမ်း​ၼင်ႇ​ဝီႉၺိၺ်ႇ​ၸဝ်ႈ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​မူတ်း​ၸၢင်ႇ​ၼၼ်ႉ ၵွပ်ႈ​ပိူဝ်ႈ​တၢင်း​ဢၼ် လုၵ်ႉ​သေ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​ပဵၼ်​လုၵ်ႈ​ၽြႃး​ပဵၼ်​ၸဝ်ႈ ထၢင်ႇ​သႃး​ဢိၵ်ႇ​လူၺ်ႈ​ၵၼ်​တင်း​တၼ်း​ၶူဝ်း​ဢၼ်​ဝႃႈ ၸဝ်ႈ​ႁဝ်း​ၶႃႈ​ ယေႇသူႉ​ၶရိၸ်ႈ ၊-</verse>
				<verse number="5">ဢၼ်​ႁႂ်ႈ​ႁဝ်း​ၶႃႈ​လႆႈ​ၶၢမ်ႇ​ၵျေး​ၸူး​ၸဝ်ႈ ဢိၵ်ႇ​တင်း​ဢရႃႇ​တမၢၼ်ႇ​ၸဝ်ႈ လွင်ႈ​ၼင်ႇ​ႁိုဝ်​ၵူၼ်း​မဵဝ်း​တင်း​သဵင်ႈ​တင်း​လူင်၊-</verse>
				<verse number="6">ဢၼ်​သူ​ၸိူဝ်း​ဢၼ်​ပဵၼ်​ၵေႃႉ​ဢၼ် ယေႇသူႉ​ၶရိၸ်ႈ ​ႁွင်ႉ​ဝႆႉ​ၼႆႉ ၶဝ်ႈ​ပႃး​ၼၼ်ႉ တၵ်း​ယုမ်ႇ​မၢတ်ႈ​လႄႈ​ထွမ်ႇ​ဢဝ်​ၼၼ်ႉ​ၼႆ၊-</verse>
				<verse number="7">ပၼ်​ငိၼ်း​ၵႂႃႇ​ၵႃႈ​တီႈ​ၵူၼ်း​ဝဵင်း​ ရူဝ်းမႃႉ ၵႃႈ​ဢၼ်​ၽြႃး​ပဵၼ်​ၸဝ်ႈ ႁၵ်ႉ​လႄႈ​လိူၵ်ႈ​ၵဵပ်း​ၶၢၼ်း​ဝႆႉ​ၼႂ်း ဢရႃႇ​ၵူၼ်း​ဢၼ်​မူတ်း​ၸၢင်ႇ​တင်း​သဵင်ႈ​တင်း​လူင်​ဢေႃႈ။ ႁႂ်ႈ​ၵျေး​ၸူး​ၸဝ်ႈ တင်း​တၢင်း​ၼိမ်​ၸဝ်ႈ​ဢၼ်​ပဵၼ်​မႃး ၵႃႈ​တီႈ​ၸဝ်ႈ​ ယေႇသူႉ​ၶရိၸ်ႈ တင်း​ပေႃႈ​ႁဝ်း​ၶႃႈ​ၽြႃး​ပဵၼ်​ၸဝ်ႈ​ၼၼ်ႉ မီး​တီႈ​သူ​သေ​ၵမ်း​လူၺ်ႈ။</verse>
				<verse number="8">ပိူဝ်ႈ​ဢၼ်​တၢင်း​ယုမ်ႇ​မၢတ်ႈ​သူ ၸွတ်ႇ​တူဝ်ႈ​ၼိူဝ်​လိၼ်​မိူင်း​ၵူႈ​တီႈ​ၵူႈ​လႅၼ်​လႄႈ ၵဝ်​ဢိင်​ ယေႇသူႉ​ၶရိၸ်ႈ ​သေ​လႄႈ ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ​လူၺ်ႈ​လွင်ႈ​သူ​ဢွၼ်​တၢင်း​ဢေႃႈ။-</verse>
				<verse number="9">ၽြႃး​ပဵၼ်​ၸဝ်ႈ ဢၼ်​ၵဝ်​ပႃး​တင်း​ၸႂ်​ဝီႉၺိၺ်ႇ ႁဵတ်း​ဢမူႉ​မၼ်း​ၸဝ်ႈ ၼႂ်း​တြႃး​သတၢင်း​သိူဝ်း​ပျေႃႇ​လုၵ်ႈ​မၼ်း​ၸဝ်ႈ​လႄႈ​ၵူဝ်း​ၵႂၢႆႇ​ၼၼ်ႉ ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​ၵဝ် လွင်ႈ​ဢၼ်​ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​သူ​တႃႇ​သေႇ​လႄႈ ႁဵတ်း​သူး​တွင်း​ပထၼႃႇ​လူၺ်ႈ​လွင်ႈ​သူ​ဢမ်ႇ​ထၢတ်ႇ​လႄႈ၊-</verse>
				<verse number="10">ယွၼ်း​ဢၶႂၢင်ႉ​ဢၼ်​ဢမ်ႇ​ႁိုင်​ဢမ်ႇ​ၼၢၼ်း ပေႃး​သၢင်ႇ​ထုၵ်ႇ​လႄႈ မႅၼ်ႈ​ၵၼ်​တင်း​ဢလူဝ်ႇ​ၽြႃး​ပဵၼ်​ၸဝ်ႈ​ၸိုင် တၵ်း​လႆႈ​မႃး​တီႈ​ဢၼ်​သူ​မီး​ၼၼ်ႉ​ယူႇ​ဢေႃႈ။-</verse>
				<verse number="11">ၼင်ႇ​ႁိုဝ်​တၵ်း​လႆႈ​ဢၢပ်ႈ​ပၼ်​သူႉ​ၵျေး​ၸူး​ဝီႉၺိၺ်ႇ​သေ​ၸိူဝ်ႉ​သေ​ပိူင်​တီႈ​သူ ႁႂ်ႈ​သူ​လႆႈ​မၼ်ႈ​ၶိူင်ႇ​ၸိုင်၊ ၵဝ်​ၶႂ်ႈ​ထူပ်း​ႁၼ်​သူ​တႄႉ​တႄႉ​ဢေႃႈ။-</verse>
				<verse number="12">လွင်ႈ​ဢၼ်​ဝႃႈ​ၼင်ႇ​ၼႆ​ၸမ်ႉ၊ ၼင်ႇ​ႁိုဝ်​ႁဝ်း​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​မီး​ႁႅင်း​တၢင်း​ဢၼ်​သၢၵ်ႈ​သႃႇ ၵွပ်ႈ​ပိူဝ်ႈ​တၢင်း​ဢၼ်​ၵဝ်​တင်း​သူ​ယုမ်ႇ​မၢတ်ႈ​ၼၼ်ႉ​ၸိုင်၊ ၵဝ်​ၸင်ႇ​ဝႃႈ​ဢေႃႈ။</verse>
				<verse number="13">ပီႈ​ၼွင်ႉ​ၶဝ်​ဢိူၺ်း၊ ၵဝ်​ဢမ်ႇ​မီး​ဢလူဝ်ႇ လွင်ႈ​ၼင်ႇ​ႁိုဝ်​သူ​တၵ်း​ဢမ်ႇ​ႁူႉ​လွင်ႈ​ဢၼ် ၵဝ်​မီး​တၢင်း​ၵျၢမ်ႇ​တၢင်း​ပွင် တၵ်း​မႃး​တီႈ​သူ​ဢမ်ႇ​ႁူႉ​လၢႆ​ၽဝ်ႇ​လၢႆ​ပွၵ်ႈ ႁႂ်ႈ​လႆႈ​ၶၢမ်ႇ​ဢၵျူဝ်း​သေ​ၸိူဝ်ႉ​သေ​ပိူင်​ၼႂ်း​သူ​မိူၼ်​ၸိူဝ်ႉ​ၼင်ႇ​ဢၼ်​ၵဝ်​လႆႈ​ၶၢမ်ႇ​ဢၵျူဝ်း​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တၢင်ႇ​တီႈ​ၼၼ်ႉ၊ ပိၵ်ႉ​သမ်ႉ​မီး​တၢင်း​ၵျၢမ်ႇ​တၢင်း​ပွင်​ၸိူဝ်ႉ​ၼင်ႇ​ၼႆ​သေ​ၵေႃႈ၊ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​လႄႈ မီး​လွင်ႈ​တၢင်း​ဢၼ်​ႁႄႉ​ဢၼ်​ၶႅၼ်​ယူႇ​ဢေႃႈ။-</verse>
				<verse number="14">ပဵၼ်​ၵူၼ်း​ ႁေႇလသႃႉ ​သေ​ဢမ်ႇ​ဝႃႈ၊ ပဵၼ်​ၵူၼ်း​လိူင်း​သေ​ဢမ်ႇ​ဝႃႈ၊ ပဵၼ်​ၵူၼ်း​ဢၼ်​မီး​ပိင်ႇ​ၺႃႇ​သေ​ဢမ်ႇ​ဝႃႈ၊ ပဵၼ်​ၵူၼ်း​ဢၼ်​ဢမ်ႇ​မီး​ပိင်ႇ​ၺႃႇ​သေ​ဢမ်ႇ​ဝႃႈ၊ ၼီႈ​ၵူၼ်း​ၵူႈ​မဵဝ်း​ၸိူဝ်း​ၼႆႉ တၢင်ႇ​ၵႃႈ​ၼိူဝ်​ၵဝ်​ယူႇ​ဢေႃႈ။-</verse>
				<verse number="15">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၵႃႈ​ၼင်ႇ​ဢၼ်​ၵဝ်​တၢတ်ႈ​ၼိူင်ႇ​ၼၼ်ႉ၊ ၵဝ်​မီး​ၸႂ်​ၸေႇတၼႃႇ ႁႂ်ႈ​လႆႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ ၵႃႈ​တီႈ​သူ​ၸႃႉ​ဢၼ်​ပဵၼ်​ၵူၼ်း​ဝဵင်း​ ရူဝ်းမႃႉ ​ယူႇ​ဢေႃႈ။</verse>
				<verse number="16">ၵဝ်​ၼႆႉ​ဢမ်ႇ​မီး​တၢင်း​ဢၼ်​လီ​ဢူၵ်း​လီ​ဢၢႆ ၵွပ်ႈ​တြႃး​သတၢင်း​သိူဝ်း​ပျေႃႇ။ လွင်ႈ​မၼ်း​ၸမ်ႉ တြႃး​ၼၼ်ႉ​ပဵၼ်​တၼ်း​ၶူဝ်း​ၽြႃး​ပဵၼ်​ၸဝ်ႈ ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​ၵႄႇ​ၶျွတ်ႈ​ဢဝ်​ၵူၼ်း ၵႃႈ​ဢၼ်​ယုမ်ႇ​မၢတ်ႈ​တင်း​သဵင်ႈ​တင်း​လူင် မိူဝ်ႈ​ဢွၼ်​တၢင်း​တီႈ​ၵူၼ်း​ ယူႉတႃႉ ၊ ၵမ်း​လိုၼ်း​တီႈ​ၵူၼ်း​ ႁေႇလသႃႉ ​ဢေႃႈ။-</verse>
				<verse number="17">ပဵၼ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ဢသၢၵ်ႈ​တၵ်း​လိပ်း​ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ တြႃး​တၢင်း​သိုဝ်ႈ​တေႃႇ​ၽြႃး​ပဵၼ်​ၸဝ်ႈ ဢၼ်​တႄႇ​ယူႇ​ၵႃႈ​ၼႂ်း​တၢင်း​ယုမ်ႇ​မၢတ်ႈ​ၼၼ်ႉ​ၸိုင် ထၢင်ႇ​သႃး​ယူႇ ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ ပုၼ်ႈ​လွင်ႈ​ၼင်ႇ​ႁိုဝ်​တၵ်း​ယုမ်ႇ​မၢတ်ႈ​ဢေႃႈ။</verse>
				<verse number="18">တၢင်း​ၸႂ်​မႆႈ​ၶႆႈ​ၸႃႉ​ၽြႃး​ပဵၼ်​ၸဝ်ႈ ယူႇ​ၽၢႆႇ​ၼိုင်ႈ​တင်း​ဢမူႉ​ဢၼ်​ဢမ်ႇ​ၼပ်ႉ​ဢမ်ႇ​ၶၢၼ်း​ၽြႃး​ပဵၼ်​ၸဝ်ႈ ဢမူႉ​ဢၼ်​ပူၼ်ႉ​လိူဝ်​တြႃး ၵူႈ​ၸိူဝ်ႉ​ၵူႈ​ပိူင်​ဢၼ်​ၶဝ်​ၸိူဝ်း​ဢၼ်​ႁဵတ်း​ဢႃႉထမ်ႇမႃႉ​ႁႄႉ​ၶႅၼ် သမ်ႇမႃႇ​တြႃး​ၼၼ်ႉ​ယူႇ​သေ​လႄႈ ထၢင်ႇ​သႃး​မႃး​ယူႇ​ၵႃႈ​ၼိူဝ်​ၵၢင်​ႁၢဝ်​ဢေႃႈ။-</verse>
				<verse number="19">ပဵၼ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ လွင်ႈ​တၢင်း​ဢၼ် ထုၵ်ႇ​လီ​ႁူႉ​လွင်ႈ​ၽြႃး​ပဵၼ်​ၸဝ်ႈ​ၼၼ်ႉ ထၢင်ႇ​သႃး​မီး​ယူႇ​ၼႂ်း​ၶဝ်​ဢေႃႈ။ ၽြႃး​ပဵၼ်​ၸဝ်ႈ​ၼႄ​ပျႃး​တီႈ​ၶဝ်​ယဝ်ႉ။-</verse>
				<verse number="20">ပဵၼ်​လွင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၶႆႈ​ၸႂ်​လူ​တူၺ်း ၶိူင်ႈ​ပိူင်​ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ဝႆႉ​ၸိူဝ်း​ၼၼ်ႉ​လႄႈ ၶိူင်ႈ​ပိူင်​မၼ်း​ၸဝ်ႈ​ဢၼ်​တႃ​ဢမ်ႇ​ႁၼ်​လႆႈ​ဢၼ်​ဝႃႈ ထႃႇဝရႃႉ​တၼ်း​ၶူဝ်း​မၼ်း​ၸဝ်ႈ ဢိၵ်ႇ​တင်း​တၢင်း​ဢၼ်​မၼ်း​ၸဝ်ႈ​ပဵၼ်​ယူႇ​ထႃႇဝရႃႉ​ၸိူဝ်း​ၼၼ်ႉ ထၢင်ႇ​သႃး​မီး​ဝႆႉ​ယူႇ​ၸႃႉ​ၸဵမ်​မိူဝ်ႈ​ၶိင်ႇ​ၵႃႇလႃႉ​ၵမ်ႇ​ၽႃႇ​ၸႃႉ​တႄႇ​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ​ၶဝ်​ဢမ်ႇ​ႁူမ်ႇ​ဢပႅတ်ႈ​ၶဝ်​ဝႆႉ​လႆႈ။-</verse>
				<verse number="21">လွင်ႈ​မၼ်း​ၸမ်ႉ ၶဝ်​ၼၼ်ႉ​ႁူႉ​ၽြႃး​ပဵၼ်​ၸဝ်ႈ​ယူႇ​သေ​ၵေႃႈ၊ ၵႃႈ​ၼင်ႇ​ဢၼ်​ထုၵ်ႇ​လီ​ယွင်ႈ​ယေႃး​ၽြႃး​ပဵၼ်​ၸဝ်ႈ​ၼၼ်ႉ​ၶဝ်​ဢမ်ႇ​ယွင်ႈ​ယေႃး ၵျေး​ၸူး​ၸဝ်ႈ​ၵေႃႈ​ၶဝ်​ဢမ်ႇ​ႁူႉ​ဢမ်ႇ​တွင်း ၶဝ်​ႁွတ်ႈ​ထိုင်​တၢင်း​ဢၼ် ၶႆႈ​ၸႂ်​လူၺ်ႈ​လွင်ႈ​ဢၼ်​ဢမ်ႇ​ပွင်ႇ​လွင်ႈ​ၵႃႈ​သင် ဢိၵ်ႇ​တင်း​တၢင်း​ဢၼ်​ႁူဝ်​ၸႂ်​ဢမ်ႇ​မီး​သတီႉ​လႄႈ မိူၵ်ႈ​လပ်း​သိင်ႇ​ၸိူဝ်း​ၼၼ်ႉ​ဢေႃႈ။-</verse>
				<verse number="22">ႁဵတ်း​ၼင်ႇ​ႁၢင်ႈ​မီး​ပိင်ႇ​ၺႃႇ​လႄႈ တႄႇ​ယူႇ​ၼႂ်း​ဢရႃႇ​ၵူၼ်း​မိူၵ်ႈ​ဢေႃႈ။-</verse>
				<verse number="23">ပႄႇ​ပႅတ်ႈ​မုၼ်​ၽုင်း​ၽြႃး​ပဵၼ်​ၸဝ်ႈ ဢၼ်​ဢမ်ႇ​ၸၢင်ႈ​ၽွၵ်ႈ​ပျၢၼ်ႇ​လူႉ​လႅဝ်​ၼၼ်ႉ​သေ​လႄႈ ဢဝ်​ရုၵ်ႈ​ထူႉ​ႁၢင်ႈ​ၵူၼ်း​ဢၼ်​ၸၢင်ႈ​ၽွၵ်ႈ​ပျၢၼ်ႇ​လူႉ​လႅဝ်၊ ရုၵ်ႈ​ထူႉ​ႁၢင်ႈ​ၸႃႉ​ၸဵမ်​ၼူၵ်ႉ​လႂ်၊ သတ်း​ဢၼ်​မီး​တိၼ်​သီႇ​ၶွၼ်​လႂ်၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​လႂ် ၸိူဝ်း​ၼၼ်ႉ ယွင်ႈ​ဝႆႉ​ၼႂ်း​ဢရႃႇ​မၼ်း​ၸဝ်ႈ​ဢေႃႈ။</verse>
				<verse number="24">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​ၶဝ်​ၼင်ႇ​ၵၼ်​ၵၼ် တၵ်း​ယႃႉ​ယူၵ်ႉ​သရေႇ​တူဝ်​ၵႃႇ​ယႃႉ​ၵၼ်​ၸိုင်၊ ၽြႃး​ပဵၼ်​ၸဝ်ႈ​ဢဝ်​ၶဝ်​ဢၢပ်ႈ​ပၼ်​ၼႂ်း​မိုဝ်း​ၵီႉလေႇသႃႇ တၢင်း​ဢၼ်​ၸႂ်​ၶဝ်​ၵူဝ်ႈ​ၵိူၵ်ႇ​ဢေႃႈ။-</verse>
				<verse number="25">ၶဝ်​ၼၼ်ႉ​ဢဝ်​လွင်ႈ​တၢင်း​ဢၼ်​မၢၼ်ႇ​ဢၼ်​မႅၼ်ႈ​ၽြႃး​ပဵၼ်​ၸဝ်ႈ လႅၵ်ႈ​ဢဝ်​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ ဢၼ်​ပိူင်ႈ​ဢၼ်​လွႆး​ၼၼ်ႉ​လႄႈ ပႄႇ​ပႅတ်ႈ​ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ​သေ​ယဝ်ႉ၊ ႁဵတ်း​ဝၢတ်ႈ​ၵူဝ်း​ၵႂၢႆႇ​ၶိူင်ႈ​ပိူင်​ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ဝႆႉ​ၼၼ်ႉ​ဢေႃႈ။ မၼ်း​ၸဝ်ႈ​ၼၼ်ႉ​ၸမ်ႉ၊ မီး​မင်ႇၵလႃႇ​ထႃႇဝရႃႉ​ဢေႃႈ။ ဢႃႇမိၼ်ႇ။</verse>
				<verse number="26">ၵွပ်ႈ​ပိူဝ်ႈ​ဢၼ်​ႁဵတ်း​ၸိူဝ်ႉ​ၼင်ႇ​ၼႆ​လႄႈ ၽြႃး​ပဵၼ်​ၸဝ်ႈ​ဢဝ်​ၶဝ် ဢၢပ်ႈ​ပၼ်​ၼႂ်း​မိုဝ်း​ၵီႉလေႇသႃႇ​ဢၼ်​လီ​ၵူဝ်​လီ​ဢၢႆ​ၼႃႇ​လူင်​လၢင်​ၼၼ်ႉ​ဢေႃႈ။ လွင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၽူႈ​ယိင်း​ၶဝ်​ပႅတ်ႈ​ဝႆႉ​ထုင်း​ၸၢမ်ႇ​ပၵတီႉ​သေ​လႄႈ ၸွမ်း​ဢဝ်​ထုင်း​ၸၢမ်ႇ​ဢၼ်​ၶတ်း​ၵၼ်​တင်း​ပၵတီႉ​ဢေႃႈ။-</verse>
				<verse number="27">မိူၼ်​ၼင်ႇ​ၼႆ၊ ၽူႈ​ၸၢႆး​ၶဝ်​ၵေႃႈ​ပႅတ်ႈ​ဝႆႉ​ထုင်း​ၸၢမ်ႇ​ပၵတီႉ တၢင်း​ဢၼ်​သိူၵ်ႈ​သမ်ႇ​ၵၼ်​တင်း​ၽူႈ​ယိင်း​သေ​လႄႈ ပိူဝ်ႈ​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၸႂ်​ၵီႉလေႇသႃႇ​မႆႈ​ၼႃႇ​လူင်​လၢင်​ၼၼ်ႉ၊ ၽူႈ​ၸၢႆး​ၼင်ႇ​ၵၼ်​ႁဵတ်း​လွင်ႈ​တၢင်း​ဢၼ်​လီ​ၵူဝ်​လီ​ဢၢႆ​လႄႈ လႆႈ​ၶၢမ်ႇ​တၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ ၵႃႈ​ၼင်ႇ​ဢၼ်​ထုၵ်ႇ​ၵၼ်​တင်း​တၢင်း​ဢၼ်​ၶဝ်​ၽိတ်း​ပိူင်ႈ​ၼၼ်ႉ​ဢေႃႈ။</verse>
				<verse number="28">ပိူဝ်ႈ​ဢၼ်​ၶဝ်​ဢမ်ႇ​ၶႂ်ႈ​ႁူႉ​ၶႂ်ႈ​တွင်း​ၽြႃး​ပဵၼ်​ၸဝ်ႈ​လႄႈ ၽြႃး​ပဵၼ်​ၸဝ်ႈ​ဢဝ်​ၶဝ်​ဢၢပ်ႈ​ပၼ်​ၼႂ်း​မိုဝ်း​မေႃး​ႁႃႉ တၢင်း​ဢၼ်​ၸႂ်​မိူၵ်ႈ ႁႂ်ႈ​ၶဝ်​လႆႈ​ႁဵတ်း​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ထုၵ်ႇ​ၼၼ်ႉ​လႄႈ၊-</verse>
				<verse number="29">ၶဝ်​ၼၼ်ႉ​ပျေႉ​ၸုမ်ႇ​ဝႆႉ​တင်း​ၸႃႉ​ၸဵမ် တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​သိုဝ်ႈ​တေႃႇ​ၵူႈ​ၸိူဝ်ႉ​ၵူႈ​ပိူင်၊ တၢင်း​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး၊ တၢင်း​ဢၼ်​ႁၢႆႉ​မိူၵ်ႈ​ၵူဝ်ႈ​ၵိူၵ်ႇ၊ တၢင်း​ဢၼ်​လေႃး​ၽႃႉ​ပူၼ်ႉ​လိူဝ်၊ တၢင်း​ဢၼ်​သီႈ​ၵေႉ​ႁေႈ​တႃ၊ တၢင်း​ဢၼ်​ႁႃ​ငိူၼ်ႈ​ႁႃ​ႁွႆး၊ တၢင်း​ဢၼ်​ဢဝ်​ဢသၢၵ်ႈ​ၵူၼ်း​တၢႆ၊ တၢင်း​ဢၼ်​ၽိတ်း​ၵၼ်၊ တၢင်း​ဢၼ်​ပႅတ်ႉ​လႅၼ်၊ တၢင်း​ဢၼ်​ၶၢၼ်ႉ​ႁၼ်​ပိူၼ်ႈ​လႄႈ ပဵၼ်​ၵေႃႉ​ဢၼ်​ၶႃႉ​ၸိုဝ်ႈ​ၶၢႆ​သဵင်​ပိူၼ်ႈ။-</verse>
				<verse number="30">ၵေႃႉ​ဢၼ်​ယႃႉ​သရေႇ​ပိူၼ်ႈ၊ ၵေႃႉ​ဢၼ်​ၸင်း​ၽြႃး​ပဵၼ်​ၸဝ်ႈ၊ ၵေႃႉ​ဢၼ်​ႁၢႆႉ​ၵျၢမ်း​ၼႃႇ၊ ၵေႃႉ​ဢၼ်​မႃႇၼႃႉ​ၸႂ်​သုင်၊ ၵေႃႉ​ဢၼ်​ဢုပ်ႇ​ဢၢတ်ႇ၊ ၵေႃႉ​ဢၼ်​ၸီႇ​ယၢင်ႇ​ဢတၢတ်ႈ​ဢၼ်​ဢမ်ႇ​လီ​မေႃ၊ ၵေႃႉ​ဢၼ်​ဢမ်ႇ​ထွမ်ႇ​ၵႂၢမ်း​ပေႃႈ​မႄႈ၊-</verse>
				<verse number="31">ၵေႃႉ​ဢၼ်​ဢမ်ႇ​မီး​သတီႉ၊ ၵေႃႉ​ဢၼ်​ယႃႉ​သဵတ်ႈ​ၸႃႇ၊ ၵေႃႉ​ဢၼ်​ဢမ်ႇ​ႁၵ်ႉ​ၸိူဝ်ႉ​ၶိူဝ်း​ပီႈ​ၼွင်ႉ၊ ၵေႃႉ​ဢၼ်​ႁွမ်​ဝႆႉ​တၢင်း​ၽိတ်း၊ ၵေႃႉ​ဢၼ်​ဢမ်ႇ​မီး​ၵရူႉၼႃႇ​တၢင်း​ဢၼ်​ၸႂ်​ဢဵတ်း​လူ​ပိူၼ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="32">ၶဝ်​ၸိူဝ်း​ဢၼ် ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ၸိူဝ်ႉ​ၼင်ႇ​ၼႆ​ၼၼ်ႉ တၵ်း​လႆႈ​ၶၢမ်ႇ​တၢမ်ႇ​တၢင်း​တၢႆ​ဢေႃႈ​ဝႃႈ​ၼႆ၊ ပိၵ်ႉ​သမ်ႉ​ၶဝ်​ႁူႉ​လွင်ႈ​ဢၼ် ၽြႃး​ပဵၼ်​ၸဝ်ႈ​ၸီႇ​ယၢင်ႇ​ဝႆႉ​သေ​ၵေႃႈ၊ တူဝ်​ၶဝ်​ၵမ်​ၵျၢင်ႉ​ယဝ်ႉ​ဢမ်ႇ​ၵႃး၊ သမ်ႉ​မူၼ်ႈ​ပျေႃႇ​ၼႂ်း​ၶဝ်​ၸိူဝ်း​ဢၼ်​ၵမ်​ၵျၢင်ႉ​ၸိူဝ်ႉ​ၼင်ႇ​ၼႆ​ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">ၵေႃႉ​ဢၼ်​ၸၢင်ႈ​ၸီႇ​ယၢင်ႇ​ၸႅတ်ႈ​ထၢမ်​ပိူၼ်ႈ​ၼႆႉ​ဢိူၺ်း မႂ်း​ဢမ်ႇ​ႁူမ်ႇ​ဢပႅတ်ႈ​မႂ်း​ဝႆႉ​လႆႈ​ၵူၺ်ႉ။ လွင်ႈ​မၼ်း​ၸမ်ႉ ပိူဝ်ႈ​ဢၼ်​တူဝ်​မႂ်း​ႁဵတ်း​ဢမူႉ တၢင်း​ဢၼ်​မႂ်း​ၸီႇ​ယၢင်ႇ​ၸႅတ်ႈ​ထၢမ်​ၼၼ်ႉ​ယူႇ​လႄႈ မႂ်း​ပဵၼ်​ၵေႃႉ​ဢၼ်​ၸီႇ​ယၢင်ႇ​လွင်ႈ​ဢၼ်​တူဝ်​ၵဝ်ႇ​မီး​ဢပႅတ်ႈ ၼႂ်း​လွင်ႈ​တၢင်း​ဢၼ်​မႂ်း​ၸီႇ​ယၢင်ႇ​ၸႅတ်ႈ​ထၢမ်​ပိူၼ်ႈ​ယူႇ​ၼၼ်ႉ​ဢေႃႈ။-</verse>
				<verse number="2">ႁဝ်း​ႁူႉ​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ၶဝ်​ၸိူဝ်း​ဢၼ် ႁဵတ်း​ၸိူဝ်ႉ​ၼင်ႇ​ၼႆ​ၼၼ်ႉ မႅၼ်ႈ​ၼင်ႇ​သမ်ႇမႃႇ​တြႃး​ၼၼ်ႉ​ယူႇ​ဢေႃႈ။-</verse>
				<verse number="3">ၵေႃႉ​ဢၼ်​တူဝ်​ၸဝ်ႈ​ၵဝ်ႇ​ႁဵတ်း​ဢမူႉ​ၸိူဝ်ႉ​ၼင်ႇ​ၼႆ​ယူႇ​လႄႈ ၸီႇ​ယၢင်ႇ​ၸႅတ်ႈ​ထၢမ်​ၶဝ်​ၸိူဝ်း​ဢၼ်​ႁဵတ်း​ဢမူႉ​ၸိူဝ်ႉ​ၼင်ႇ​ၼႆ​ၼၼ်ႉ​ၼႆႉ​ဢိူၺ်း၊ မႂ်း​ထၢင်ႇ​မႂ်း​တၵ်း​ၵၢင်း​လွတ်ႈ​တင်း တၢင်း​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ၼၼ်ႉ​ႁိုဝ်။-</verse>
				<verse number="4">မႂ်း​ယင်း​ဢမ်ႇ​ႁူႉ​ဢမ်ႇ​တွင်း​လွင်ႈ​ဢၼ် ၵျေး​ၸူး​ၽြႃး​ပဵၼ်​ၸဝ်ႈ​ၸူဝ်း​ဢဝ်​မႂ်း​ၵႂႃႇ ၼႂ်း​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၼၼ်ႉ​ယူႇ​သေ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ် ၵႃႈ​တီႈ​တၢင်း​ဢၼ်​မၼ်း​ၸဝ်ႈ​ႁဵတ်း​ၵျေး​ၸူး​ယႂ်ႇ​ၼမ်​ၼႃႇ၊ တၢင်း​ဢၼ်​မၼ်း​ၸဝ်ႈ​ယိူၼ်ႉ​ၶၢမ်ႇ၊ တၢင်း​ဢၼ်​မၼ်း​ၸဝ်ႈ​ၸႂ်​ယႂ်ႇ​ၸႂ်​ယၢဝ်း​ၸိူဝ်း​ၼၼ်ႉ​ယူႇ​ႁိုဝ်။-</verse>
				<verse number="5">ပေႃး​ႁဵတ်း​ၸိူဝ်ႉ​ၼင်ႇ​ၼၼ်ႉ​ၸိုင်၊ မႂ်း​သိမ်း​ပႅင်း​တေႃး​သႃႉ​တင်း​ၸႂ်​မႆႈ​ဝႆႉ ပုၼ်ႈ​ဢၼ်​မႂ်း​တၵ်း​ၶၢမ်ႇ​ၼႂ်း​ဝၼ်း​တေႃး​သႃႉ​တင်း​ၸႂ်​မႆႈ ဢိၵ်ႇ​တင်း​တၢင်း​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ၸွမ်း​ၼင်ႇ​တြႃး​ထၢင်ႇ​သႃး​မႃး​ၼၼ်ႉ ၸွမ်း​ၵႃႈ​ၼင်ႇ​ဢၼ်​ႁူဝ်​ၸႂ်​မႂ်း​ၵႅၼ်ႇ​ၶႅင်​လႄႈ ဢမ်ႇ​လႆႈ​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၼၼ်ႉ​ဢေႃႈ။-</verse>
				<verse number="6">မၼ်း​ၸဝ်ႈ​ၼၼ်ႉ​တၵ်း​တႅၼ်း​ပၼ်​ဢၵျူဝ်း​ဢပႅတ်ႈ တီႈ​ၵူၼ်း​ၵူႈ​ၵေႃႉ​ၵူႈ​ၵူၼ်း ၸွမ်း​ၵႃႈ​ၼင်ႇ​ဢၼ်​တၢင်း​ၵမ်​တၢင်း​ၵျၢင်ႉ​ၶဝ်​မီး​ၼၼ်ႉ​ဢေႃႈ။-</verse>
				<verse number="7">တီႈ​ၶဝ်​ၸိူဝ်း​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​သေႇ​သေႇ​လႄႈ​ႁႃ​ၽုင်း​သရေႇ ဢိၵ်ႇ​တင်း​ၸႃႇ​တီႉ​ဢၼ်​ဢမ်ႇ​ၽွၵ်ႈ​ပျၢၼ်ႇ​ၼၼ်ႉ​ၸိုင်၊ မၼ်း​ၸဝ်ႈ​တၵ်း​ပၼ်​ထႃႇဝရႃႉ​ဢသၢၵ်ႈ​ဢေႃႈ။-</verse>
				<verse number="8">တီႈ​ၶဝ်​ၸိူဝ်း​ဢၼ်​မီး​သၽေႃး​ဢၼ်​ၸၢင်ႈ​တွပ်ႇ​ၸၢင်ႈ​ထဵင်​လႄႈ ဢမ်ႇ​ထွမ်ႇ​ဢမ်ႇ​ဢဝ်​သမ်ႇမႃႇ​တြႃး​လႄႈ ၵမ်​ၵျၢင်ႉ​ဢၼ်​ဢမ်ႇ​တြႃး​ယူႇ​ၼၼ်ႉ​ၸမ်ႉ၊ တေႃး​သႃႉ​တင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ဢၼ်​ႁႅင်း​ၼႃႇ၊-</verse>
				<verse number="9">ဢိၵ်ႇ​တင်း​တုၵ်ႉ​ၶႃႉ​ဝူၺ်ႇတၼႃႇ​ဢၼ်​ယႂ်ႇ​ၼႃႇ​ၼၼ်ႉ တၵ်း​ႁွတ်ႈ​ထိုင်​ၵႃႈ​ၼိူဝ်​ၶဝ်​ၸိူဝ်း​ဢၼ် ႁဵတ်း​လွင်ႈ​တၢင်း​ဢၼ်​ႁၢႆႉ​မိူၵ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ မိူဝ်ႈ​ဢွၼ်​တၢင်း​ၵႃႈ​ၼိူဝ်​ၵူၼ်း​ ယူႉတႃႉ ၵမ်း​လိုၼ်း​ၵႃႈ​ၼိူဝ်​ၵူၼ်း​ ႁေႇလသႃႉ ​ဢေႃႈ။-</verse>
				<verse number="10">ၵူၺ်း​ၵႃႈ​မုၼ်​ၽုင်း​သရေႇ ဢိၵ်ႇ​တင်း​ၵတ်း​ယဵၼ်​ၶျၢမ်း​သႃႇ တၵ်း​ႁွတ်ႈ​ထိုင်​ၵႃႈ​ၼိူဝ်​ၶဝ်​ၸိူဝ်း​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ မိူဝ်ႈ​ဢွၼ်​တၢင်း​ၵႃႈ​ၼိူဝ်​ၵူၼ်း​ ယူႉတႃႉ ၵမ်း​လိုၼ်း​ၵႃႈ​ၼိူဝ်​ၵူၼ်း​ ႁေႇလသႃႉ ​ဢေႃႈ။</verse>
				<verse number="11">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ဢမ်ႇ​ထွၵ်ႈ​လူၺ်ႈ​ၼႃႈ​ၽူႈ​လႂ်​ၵူၺ်ႉ။-</verse>
				<verse number="12">ၶဝ်​ၸိူဝ်း​ဢၼ်​ဢမ်ႇ​မီး​ပိင်း​ၺၢပ်ႈ​တြႃး​လႄႈ​ၽိတ်း​ပိူင်ႈ​ၼၼ်ႉ ယင်း​ဢမ်ႇ​မီး​ပိင်း​ၺၢပ်ႈ​တြႃး​လႄႈ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ။ ၶဝ်​ၸိူဝ်း​ဢၼ်​မီး​ပိင်း​ၺၢပ်ႈ​တြႃး​ယူႇ​လႄႈ​ၽိတ်း​ပိူင်ႈ​ၼၼ်ႉ​ၵေႃႈ၊ တၵ်း​လႆႈ​ၶၢမ်ႇ​တၢင်း​ၸီႇ​ယၢင်ႇ ၸွမ်း​ၼင်ႇ​ပိင်း​ၺၢပ်ႈ​တြႃး​ဢေႃႈ။-</verse>
				<verse number="13">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ထွမ်ႇ​တြႃး​ၼၼ်ႉ ပဵၼ်​ဢၼ်​သိုဝ်ႈ​တေႃႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢမ်ႇ​ၸႂ်ႈ ၶဝ်​ၸိူဝ်း​ဢၼ်​ၵမ်​ၵျၢင်ႉ​တြႃး​ၼၼ်ႉ​ၵူၺ်း တၵ်း​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​ဢေႃႈ။-</verse>
				<verse number="14">မိူဝ်ႈ​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢၼ်​ဢမ်ႇ​မီး​ပိင်း​ၺၢပ်ႈ​တြႃး​ၼၼ်ႉ​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ​ၵမ်​ၵျၢင်ႉ​ပိင်း​ၺၢပ်ႈ​တြႃး​ၸဝ်ႈ​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​ဢမ်ႇ​မီး​ပိင်း​ၺၢပ်ႈ​တြႃး​ၼၼ်ႉ​ပဵၼ်​တြႃး​တီႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ ပိူဝ်ႈ​ဢၼ်​ၸႂ်​ဢၼ်​ႁူႉ​လွင်ႈ​တူဝ်​ၸဝ်ႈ​ၵဝ်ႇ​ၼၼ်ႉ ၶၢမ်ႇ​သၢၵ်ႈ​သေႇ​ယူႇ ဢိၵ်ႇ​တင်း​ပိူဝ်ႈ​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တွင်ႈ​ထၢမ်​ၵၼ်​လႄႈ တၢင်ႇ​ဢပႅတ်ႈ​ယူႇ လွတ်ႈ​ဢပႅတ်ႈ​ယူႇ​ၼၼ်ႉ​လႄႈ၊ ၶဝ်​ၼႄ​ပျႃး​ဢၵျူဝ်း​တြႃး​ဢၼ်​မၼ်း​ၸဝ်ႈ​တႅမ်ႈ​ဝႆႉ​ၵႃႈ​ၼႂ်း​ႁူဝ်​ၸႂ်​ၶဝ်​ၼၼ်ႉ​ဢေႃႈ။-</verse>
				<verse number="16">ၼႂ်း​ဝၼ်း​ဢၼ်​ၽြႃး​ပဵၼ်​ၸဝ်ႈ ဢဝ်​ ယေႇသူႉ​ၶရိၸ်ႈ ၸႅတ်ႈ​ထၢမ်​ၸီႇ​ယၢင်ႇ ဢမူႉ​ၵူၼ်း​ႁဝ်း ဢၼ်​ဢမ်ႇ​ထၢင်ႇ​သႃး​တင်း​လၢႆ ၸွမ်း​ၼင်ႇ​တြႃး​သတၢင်း​သိူဝ်း​ပျေႃႇ​ဢၼ်​ၵဝ်​ႁေႃး​ၼႆႉ​ၼၼ်ႉ၊ မၼ်း​ၸဝ်ႈ​တၵ်း​ၸီႇ​ယၢင်ႇ​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="17">ပေႃး​မႂ်း​ပဵၼ်​ၵေႃႉ​ဢၼ် လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ ၵူၼ်း​ ယူႉတႃႉ ​လႄႈ ပဵၼ်​ၵေႃႉ​ဢၼ်​ဢိင်​ပိုင်ႈ​ပိင်း​ၺၢပ်ႈ​တြႃး၊ ပဵၼ်​ၵေႃႉ​ဢၼ်​ဢုပ်ႇ​ဝၢဝ်း​ၼႂ်း​ၽြႃး​ပဵၼ်​ၸဝ်ႈ၊-</verse>
				<verse number="18">ပဵၼ်​ၵေႃႉ​ဢၼ်​ႁူႉ​ဢလူဝ်ႇ​ၸဝ်ႈ၊ ပဵၼ်​ၵေႃႉ​ဢၼ်​ၸၢင်ႈ​ရွတ်ႈ​ၸၢင်ႈ​ဢၢၼ်ႇ​ပိင်း​ၺၢပ်ႈ​တြႃး​ယူႇ​သေ​လႄႈ ၸၢင်ႈ​ႁူႉ​ၸႅင်ႈ လွင်ႈ​တၢင်း​ဢၼ်​ပႅၵ်ႇ​ပိူင်ႈ​ၵၼ်၊-</verse>
				<verse number="19">ပဵၼ်​ၵေႃႉ​ဢၼ်​ထၢင်ႇ​လွင်ႈ​ဢၼ်​တူဝ်​ၸဝ်ႈ​ၵဝ်ႇ ပဵၼ်​ၵေႃႉ​ဢၼ်​ၼႄ​တၢင်း​တီႈ​ၶဝ်​ၸိူဝ်း​ဢၼ်​တႃ​မွတ်ႇ၊ ပဵၼ်​ဢၼ်​လႅင်း​တီႈ​ၶဝ်​ၸိူဝ်း​ဢၼ်​မီး​ၼႂ်း​လပ်း​သိင်ႇ၊-</verse>
				<verse number="20">ပဵၼ်​ၵေႃႉ​ဢၼ်​သင်ႇ​သွၼ်​ၵူၼ်း​မိူၵ်ႈ​တင်း​လၢႆ၊ ပဵၼ်​ၵေႃႉ​ဢၼ်​ႁဵတ်း​ၼင်ႇ​ႁၢင်ႈ​မီး​ၺၢၼ်ႇ​တင်း​သမ်ႇမႃႇ​တြႃး ၵွပ်ႈ​ပိူဝ်ႈ​ပိင်း​ၺၢပ်ႈ​တြႃး​ယူႇ​သေ​လႄႈ ပၼ်​ၼႄး​ဢူႉပတေႇ​တီႈ​လုၵ်ႈ​ဢွၼ်ႇ​တင်း​လၢႆ​ၼၼ်ႉ​ၸိုင်၊-</verse>
				<verse number="21">မႂ်း​သင်ႇ​သွၼ်​ပိူၼ်ႈ​ယူႇ​သေ​ၵေႃႈ၊ တူဝ်​ၸဝ်ႈ​ၵဝ်ႇ​ဢမ်ႇ​သင်ႇ​သွၼ်​တူဝ်​ၸဝ်ႈ​ၵဝ်ႇ​ႁိုဝ် ယႃႇ​ပေ​လၵ်ႉ​ဢုၵ်ႉ​ၸႃႇ​ပိူၼ်ႈ​ဝႃႈ​ၼႆ မႂ်း​ႁေႃး​လၢတ်ႈ​ယူႇ​သေ​ၵေႃႈ၊ တူဝ်​ၸဝ်ႈ​ၵဝ်ႇ​သမ်ႉ​လၵ်ႉ​ႁိုဝ်။-</verse>
				<verse number="22">ယႃႇ​ပေ​ၽိတ်း​ပိူင်ႈ​မေး​ပိူၼ်ႈ​ဝႃႈ​ၼႆ၊ မႂ်း​ဝႃႈ​ယူႇ​သေ​ၵေႃႈ၊ တူဝ်​ၸဝ်ႈ​ၵဝ်ႇ​သမ်ႉ​ၽိတ်း​ပိူင်ႈ​ႁိုဝ်။ မႂ်း​လီ​ႁင်ႈ​ရုၵ်ႈ​ထူႉ​ယူႇ​သေ​ၵေႃႈ သမ်ႉ​ယႃႉ​ပႅတ်ႈ​ႁိမ်​ဢဝ်​ပိၵ်ႈ​မၢၼ်ႇ​ၶဝ်​ၼၼ်ႉ​ႁိုဝ်။-</verse>
				<verse number="23">မႂ်း​ဢိင်​ပိင်း​ၺၢပ်ႈ​တြႃး​သေ​လႄႈ ဢုပ်ႇ​ဝၢဝ်း​ယူႇ​သေ​ၵေႃႈ သမ်ႉ​ပူၼ်ႉ​လိူဝ်​တြႃး​ၼၼ်ႉ​လႄႈ ယႃႉ​မုၼ်​သရေႇ​ၽြႃး​ပဵၼ်​ၸဝ်ႈ​ႁိုဝ်။-</verse>
				<verse number="24">လွင်ႈ​မၼ်း​ၸမ်ႉ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တူၺ်း​တၢင်း​ၵမ်​တၢင်း​ၵျၢင်ႉ​သူ​သေ​လႄႈ ၸၢင်ႈ​သႄႉ​သွမ်း​ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​ၼၼ်ႉ​ဢေႃႈ။</verse>
				<verse number="25">ပေႃး​မႂ်း​ၵမ်​ၵျၢင်ႉ​ပိင်း​ၺၢပ်ႈ​တြႃး​ၸိုင်၊ မႂ်း​မီး​ဢၵျူဝ်း​ၵွပ်ႈ​ပိူဝ်ႈ​တၢင်း​ဢၼ် မႂ်း​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ဢေႃႈ။ ပေႃး​ပူၼ်ႉ​လိူဝ်​တြႃး​ၸိုင်၊ တၢင်း​ဢၼ်​မႂ်း​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ၶိုၼ်း​ပဵၼ်​တၢင်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ၵႂႃႇ​ဢေႃႈ။-</verse>
				<verse number="26">လိူဝ်​သေ​ၼၼ်ႉ၊ ပေႃး​ၵူၼ်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ ပႂ်ႉ​ပိင်း​ၺၢပ်ႈ​တင်း​လၢႆ​ဢၼ်​ပႃး​ၼႂ်း​တြႃး​ၸိုင်၊ တၢင်း​ဢၼ်​မၼ်း​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ တၵ်း​လႆႈ​မၢတ်ႈ​ၼင်ႇ​တၢင်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ယဝ်ႉ​ဢမ်ႇ​ၸႂ်ႈ​ႁိုဝ်။</verse>
				<verse number="27">ၵူၼ်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း ဢၼ်​ၸၢပ်ႈ​သႅင်ႇ​ၵၼ်​တင်း​ၸႃႇ​တီႉ​ၵူၼ်း​ၼၼ်ႉ​ၵေႃႈ ပေႃး​ၵမ်​ၵျၢင်ႉ​ပိင်း​ၺၢပ်ႈ​တြႃး​ယူႇ​ၸိုင်၊ တၵ်း​ၸီႇ​ယၢင်ႇ​ဢမူႉ​တီႈ​မႂ်း​ဢၼ်​မီး​ၵျၢမ်း​လိၵ်ႈ ဢိၵ်ႇ​တင်း​တၢင်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ယူႇ​သေ​လႄႈ သမ်ႉ​ပူၼ်ႉ​လိူဝ်​ပိင်း​ၺၢပ်ႈ​တြႃး​ၼၼ်ႉ​ၼႆႉ​ဢမ်ႇ​ၸႂ်ႈ​ႁိုဝ်။-</verse>
				<verse number="28">လွင်ႈ​မၼ်း​ၸမ်ႉ ၵေႃႉ​ဢၼ်​ပဵၼ်​ၵူၼ်း​ ယူႉတႃႉ ​ၽၢႆႇ​ၼွၵ်ႈ​ၵူၺ်း​ၼၼ်ႉ​ပဵၼ်​ၵူၼ်း​ ယူႉတႃႉ ​ဢၼ်​မၢၼ်ႇ​ဢၼ်​မႅၼ်ႈ​ဢမ်ႇ​ၸႂ်ႈ။ တၢင်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၵႃႈ​တီႈ​ၼိူဝ်ႉ​တူဝ်​ၵႃႇ​ယႃႉ​ၽၢႆႇ​ၼွၵ်ႈ​ၵူၺ်း​ၼၼ်ႉ ပဵၼ်​တၢင်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း ဢၼ်​မၢၼ်ႇ​ဢၼ်​မႅၼ်ႈ​ဢမ်ႇ​ၸႂ်ႈ။-</verse>
				<verse number="29">ၵေႃႉ​ဢၼ်​ပဵၼ်​ၵူၼ်း​ ယူႉတႃႉ ​ၽၢႆႇ​ၼႂ်း​ၵူၺ်း၊ ပဵၼ်​ၵူၼ်း​ ယူႉတႃႉ ​ဢၼ်​မၢၼ်ႇ​ဢၼ်​မႅၼ်ႈ​ဢေႃႈ။ တၢင်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၵေႃႈ ပဵၼ်​ၵွပ်ႈ​ပိူဝ်ႈ​တြႃး​ၵျၢမ်း​ၵဝ်ႇ​ဢမ်ႇ​ၸႂ်ႈ၊ ပဵၼ်​ၵွပ်ႈ​ပိူဝ်ႈ​ဝီႉၺိၺ်ႇ​တြႃး​ၸဝ်ႈ​လႄႈ ၸၢပ်ႈ​သႅင်ႇ​ၵၼ်​တင်း​ႁူဝ်​ၸႂ်​ဢေႃႈ။ တၢင်း​ဢၼ်​ယွင်ႈ​ယေႃး ၵေႃႉ​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၸိူဝ်ႉ​ၼင်ႇ​ၼႆ​ၼၼ်ႉ ဢမ်ႇ​ၸၢပ်ႈ​သႅင်ႇ​ၵၼ်​တင်း​ဢလူဝ်ႇ​ၵူၼ်း၊ ၸၢပ်ႈ​သႅင်ႇ​ၵၼ်​တင်း​ဢလူဝ်ႇ​ၽြႃး​ပဵၼ်​ၸဝ်ႈ​ဢေႃႈ။</verse>
			</chapter>
			<chapter number="3">
				<verse number="1">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၵူၼ်း​ ယူႉတႃႉ ​တွၼ်း​လိူဝ်​ၸိူဝ်ႉ​ၼင်ႇ​ႁိုဝ်။ ၵွပ်ႈ​ပိူဝ်ႈ​တၢင်း​ဢၼ်​ထိူဝ်​ႁိမ်း​လႄႈ မီး​ဢၵျူဝ်း​ၵႃႈ​သင်။-</verse>
				<verse number="2">မီး​ဢၵျူဝ်း​ၵူႈ​ၸိူဝ်ႉ​ၵူႈ​ပိူင်​ၼမ်​ၼႃႇ​ဢေႃႈ။ ဢၵျူဝ်း​ဢၼ်​မျၢတ်ႈ​တွၼ်း​လိူဝ်​ၸမ်ႉ၊ ၶဝ်​လႆႈ​ၶၢမ်ႇ​ဢဝ်​ပျႃႇ​တိၵ်ႈ​ၵႃႈ​တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="3">ပိၵ်ႉ​သမ်ႉ​ၼႂ်း​ၶဝ်​ၵမ်ႈ​ၽွင်ႈ​ဢမ်ႇ​ယုမ်ႇ​သေ​ၵေႃႈ တၵ်း​မီး​တီႈ​ဝႃႈ​ၵႃႈ​သင်။ တၢင်း​ဢၼ်​ၶဝ်​ဢမ်ႇ​ယုမ်ႇ​လႄႈ​ယူႇ​ၼၼ်ႉ တၵ်း​ယႃႉ​သဵတ်ႈ​ၸႃႇ​ၽြႃး​ပဵၼ်​ၸဝ်ႈ​လႆႈ​ႁိုဝ်။-</verse>
				<verse number="4">ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။ ၵွပ်ႈ​ႁွႆး​ၼႆႉ​လႄႈ၊ ပိၵ်ႉ​သမ်ႉ​ၵူၼ်း​တင်း​သဵင်ႈ​တင်း​လူင်​သဵတ်ႈ​ၸႃႇ​လူႉ​သေ​ၵေႃႈ ႁႂ်ႈ​သဵတ်ႈ​ၸႃႇ​ၽြႃး​ပဵၼ်​ၸဝ်ႈ တႄႇ​ယူႇ​ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၵႂၢမ်း​ဢၼ်​ၸဝ်ႈ​ႁဝ်း​မီး​ဢမိင်ႉ​ၼၼ်ႉ​သိုဝ်ႈ​တေႃႇ​တီႈ​ၶႃႈ​ဢေႃႈ။ မိူဝ်ႈ​ဢၼ်​ၸီႇ​ယၢင်ႇ​တြႃး​ၼၼ်ႉ​ၸိုင်၊ ၸဝ်ႈ​ႁဝ်း​ပႄႉ​ၼႅင်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း။</verse>
				<verse number="5">ပေႃး​ဢမူႉ​ဢၼ်​ဢမ်ႇ​တြႃး​ႁဝ်း​ၼႆႉ ႁႂ်ႈ​တြႃး​တၢင်း​သိုဝ်ႈ​တေႃႇ​ၽြႃး​ပဵၼ်​ၸဝ်ႈ​ထၢင်ႇ​သႃး​မႃး​ၸိုင်၊ တၵ်း​လႆႈ​ဝႃႈ​ၸိူဝ်ႉ​ၼင်ႇ​ႁိုဝ်။ ပေႃး​ၽြႃး​ပဵၼ်​ၸဝ်ႈ​ပၼ်​တၢမ်ႇ​ၸိုင်၊ မၼ်း​ၸဝ်ႈ​ႁဵတ်း​ဢမူႉ​ဢၼ်​ဢမ်ႇ​တြႃး​ႁိုဝ်။ ဢၼ်​ၵဝ်​ဝႃႈ​ၸိူဝ်ႉ​ၼင်ႇ​ၼႆ​ၼႆႉ​ၸိုင် ၵဝ်​ဝႃႈ​ၸွမ်း​ၼင်ႇ​သၽေႃး​ၵူၼ်း​ဢေႃႈ။-</verse>
				<verse number="6">ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၽြႃး​ပဵၼ်​ၸဝ်ႈ​တၵ်း​ၸႅတ်ႈ​ထၢမ်​ၸီႇ​ယၢင်ႇ​ၵူၼ်း​လေႃးၵႃႉ​တင်း​လၢႆ​ၸိူဝ်ႉ​ၼင်ႇ​ႁိုဝ်။-</verse>
				<verse number="7">လိူဝ်​သေ​ၼၼ်ႉ၊ ပေႃး​သဵတ်ႈ​ၸႃႇ​ၽြႃး​ပဵၼ်​ၸဝ်ႈ​ႁႂ်ႈ​မုၼ်​ၵုင်ႇ​သရေႇ​မၼ်း​ၸဝ်ႈ​ယႂ်ႇ​မႃး​ယူႇ ၵွပ်ႈ​ပိူဝ်ႈ​ဢၼ်​သဵတ်ႈ​ၸႃႇ​ၵဝ်​လူႉ​ၼၼ်ႉ​ၸိုင်၊ ႁဵတ်း​သင်​လႄႈ ယင်း​ၸီႇ​ယၢင်ႇ​ၵဝ်​ၸိူဝ်ႉ​ၼင်ႇ​ၵူၼ်း​ဢၼ်​မီး​ဢပႅတ်ႈ​ၼၼ်ႉ​ယူႇ​ၼင်ႇ​ႁိုဝ်။-</verse>
				<verse number="8">ႁဵတ်း​သင်​လႄႈ​ဢမ်ႇ​ဝႃႈ၊ ၸွမ်း​ၼင်ႇ​ဢၼ်​ၵူၼ်း​ၵမ်ႈ​ၽွင်ႈ​သႄႉ​သွမ်း​ႁဝ်း​ယူႇ​သေ​လႄႈ​ဝႃႈ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​လီ ႁႂ်ႈ​မီး​ဢၵျူဝ်း​ဢၼ်​လီ​တႃႉ​ႁဝ်း၊ ဝႃႈ​ၼင်ႇ​ၼႆ​ၼၼ်ႉ​ၼင်ႇ​ႁိုဝ်။ ၵူၺ်း​ၵႃႈ​ၶဝ်​ၸိူဝ်း​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ ထိူၵ်ႈ​ၶၢမ်ႇ​တၢမ်ႇ​ဢပႅတ်ႈ​ဢေႃႈ။</verse>
				<verse number="9">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ တၵ်း​ပဵၼ်​ၸိူဝ်ႉ​ၼင်ႇ​ႁိုဝ်။ ႁဝ်း​ၼႆႉ​ယဵင်ႈ​ၶႅၼ်း​မျၢတ်ႈ​ႁိုဝ်။ ဢမ်ႇ​မျၢတ်ႈ​သေ​ဢိတ်း။ လွင်ႈ​မၼ်း​ၸမ်ႉ ၵဝ်​ၼႄ​ပျႃး​လွင်ႈ​ဢၼ်​ၵူၼ်း​ ယူႉတႃႉ ​ဢိၵ်ႇ​တင်း ၵူၼ်း​ ႁေႇလသႃႉ ​တင်း​သဵင်ႈ​တင်း​လူင်​မီး​ဢပႅတ်ႈ​ၼၼ်ႉ​မႃး မိူဝ်ႈ​ဢွၼ်​တၢင်း​ၼၼ်ႉ​ယဝ်ႉ။-</verse>
				<verse number="10">ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၵေႃႉ​ဢၼ်​သိုဝ်ႈ​တေႃႇ​ဢမ်ႇ​မီး သေ​ၵေႃႉ​ၵေႃႈ​ဢမ်ႇ​မီး။-</verse>
				<verse number="11">ၵေႃႉ​ဢၼ်​ႁူႉ​ဢမ်ႇ​မီး။ ၵေႃႉ​ဢၼ်​ႁႃ​ၽြႃး​ပဵၼ်​ၸဝ်ႈ​ဢမ်ႇ​မီး။-</verse>
				<verse number="12">ၵူၼ်း​တင်း​သဵင်ႈ​တင်း​လူင်​ၽိတ်း​တၢင်း​ယဝ်ႉ။ ပဵၼ်​ၵေႃႉ​ဢၼ်​ဢမ်ႇ​လႆႈ​လွင်ႈ​မိူၼ်​မိူၼ်​ၵၼ်​ယဝ်ႉ။ ၵေႃႉ​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢမ်ႇ​မီး။ သေ​ၵေႃႉ​ၵေႃႈ​ဢမ်ႇ​မီး။-</verse>
				<verse number="13">ၵူင်​ၶေႃး​ၶဝ်​ၼၼ်ႉ​ပဵၼ်​ၶုမ်​ပႃႇ​ႁဵဝ်ႈ​ဢၼ်​ၽုၺ်ႇ​ဝႆႉ​ဢေႃႈ။ ၶဝ်​ၼၼ်ႉ​ဢဝ်​လိၼ်ႉ​ၶဝ် ၸၢင်ႈ​ပႅတ်ႉ​ၸၢင်ႈ​လႅၼ်​ဢေႃႈ။ ၼႂ်း​သီႇ​သူပ်း​ၶဝ်​ၼၼ်ႉ မီး​ၵွင်ႉ​မီး​ယၢင်​ငူး​ႁၢႆႉ​ဢေႃႈ။-</verse>
				<verse number="14">သူပ်း​ၶဝ်​ၼၼ်ႉ​တဵမ်​ဝႆႉ​တင်း​ၵႂၢမ်း​ဢၼ်​ၵိၼ်ႇ​လႃႇ ဢိၵ်ႇ​တင်း​ၵႂၢမ်း​ဢၼ်​ႁၢႆႉ​ၵျၢမ်း​ၼႃႇ​ဢေႃႈ။-</verse>
				<verse number="15">တိၼ်​ၶဝ်​ၼၼ်ႉ​ၸၢင်ႈ​ၶၼ်​ၸၢင်ႈ​ၽႂ်း ႁႂ်ႈ​လႆႈ​ဢဝ်​ဢသၢၵ်ႈ​ၵူၼ်း​တၢႆ​ဢေႃႈ။-</verse>
				<verse number="16">ၼႂ်း​သဵၼ်ႈ​တၢင်း​ဢၼ်​ၶဝ်​ၵႂႃႇ​တင်း​လၢႆ​ၼၼ်ႉ မီး​တၢင်း​လူႉ​တၢင်း​လႅဝ်​ဢိၵ်ႇ​တင်း​တုၵ်ႉ​ၶႃႉ​တၢင်း​ၽၢၼ်​ဢေႃႈ။-</verse>
				<verse number="17">သဵၼ်ႈ​တၢင်း​ဢၼ်​ၵတ်း​ယဵၼ်​ၶျၢမ်း​သႃႇ​ၸိုင် ၶဝ်​ဢမ်ႇ​ႁူႉ​ဢမ်ႇ​ၸႅင်ႈ။-</verse>
				<verse number="18">လွင်ႈ​ဢၼ်​တၵ်း​လႆႈ​ၵူဝ်​ၽြႃး​ပဵၼ်​ၸဝ်ႈ​ၼၼ်ႉ ဢမ်ႇ​မီး​သိုဝ်ႈ​ၼႃႈ​တႂ်ႈ​တႃ​ၶဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">လွင်ႈ​ဢၼ်​ၵႂၢမ်း​ၵႃႈ​ဢၼ်​ပႃး​ၼႂ်း​ပိင်း​ၺၢပ်ႈ​တြႃး​တင်း​သဵင်ႈ​တင်း​လူင်​ၼၼ်ႉ ၸၢပ်ႈ​သႅင်ႇ​ၵၼ်​တင်း​ၶဝ်​ၸိူဝ်း​ဢၼ်​ၶၢမ်ႇ​ဢဝ်​ပိင်း​ၺၢပ်ႈ​တြႃး​ၼၼ်ႉ​ၸိုင်၊ ႁဝ်း​ႁူႉ​ယူႇ​ဢေႃႈ။ ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ သူပ်း​ၵူၼ်း​တင်း​သဵင်ႈ​တင်း​လူင် တၵ်း​လႆႈ​မီး​တၢင်း​ဢၼ်​ဢိုတ်း​ဝႆႉ​ယူႇ​လႄႈ ၵူၼ်း​လေႃးၵီႇ​တင်း​သဵင်ႈ​တင်း​လူင် တၵ်း​ပဵၼ်​ၵေႃႉ​ဢၼ်​ထုၵ်ႇ​ဢပႅတ်ႈ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="20">ပိူဝ်ႈ​ဢၼ်​ပိင်း​ၺၢပ်ႈ​တြႃး ပဵၼ်​လွင်ႈ​ဢၼ်​ႁႂ်ႈ​ဢပႅတ်ႈ​တူႉ​ၸရိူၵ်ႈ​တင်း​လၢႆ​ထၢင်ႇ​သႃး​လႄႈ၊ ၽူႈ​လႂ်​တၵ်း​ဢမ်ႇ​ႁွတ်ႈ​ထိုင်​တၢင်း​သိုဝ်ႈ​တေႃႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ပိင်း​ၺၢပ်ႈ​တြႃး​ၼၼ်ႉ။</verse>
				<verse number="21">တေႃႈ​လဵဝ်​ၼႆႉ​ၸမ်ႉ၊ မႅၼ်ႈ​ၼင်ႇ​ဢၼ်​ၵျၢမ်း​ပိင်း​ၺၢပ်ႈ​တီႉ၊ တင်း​ၵျၢမ်း​ဢၼႃႇၵၢတ်ႈတီႉ​တင်း​လၢႆ​ၶၢမ်ႇ​သၢၵ်ႈ​သေႇ​ဝႆႉ​ၼၼ်ႉ၊ တြႃး​တၢင်း​သိုဝ်ႈ​တေႃႇ​ၽြႃး​ပဵၼ်​ၸဝ်ႈ ဢၼ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​ပိင်း​ၺၢပ်ႈ​တြႃး၊-</verse>
				<verse number="22">ဢၼ်​ဝႃႈ​တြႃး​တၢင်း​သိုဝ်ႈ​တေႃႇ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ ယေႇသူႉ​ၶရိၸ်ႈ ဢၼ်​ပဵၼ်​ပုၼ်ႈ​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​တင်း​သဵင်ႈ​တင်း​လူင်​ၼၼ်ႉ​လႄႈ ႁွတ်ႈ​ထိုင်​ၵႃႈ​ၼိူဝ်​ၶဝ်​တင်း​သဵင်ႈ​တင်း​လူင်​ၼၼ်ႉ​ၸိုင် ထၢင်ႇ​သႃး​မႃး​ယဝ်ႉ၊ တၢင်း​ဢၼ်​ပႅၵ်ႇ​ပိူင်ႈ​ၵၼ်​ဢမ်ႇ​မီး​သေ​ဢိတ်း။-</verse>
				<verse number="23">ပဵၼ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵူၼ်း​တင်း​သဵင်ႈ​တင်း​လူင်​ႁဵတ်း​တူႉ​ၸရိူၵ်ႈ​ဢပႅတ်ႈ​လႄႈ သရေႇ​လူႉ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ယဝ်ႉ။-</verse>
				<verse number="24">ယင်း​ဢမ်ႇ​ပၼ်​ၵႃႈ​မၼ်း​ၶၼ်​မၼ်း​လႄႈ လႆႈ​ႁွတ်ႈ​ထိုင်​တၢင်း​သိုဝ်ႈ​တေႃႇ​ၵွပ်ႈ​ပိူဝ်ႈ​ၵျေး​ၸူး​ၽြႃး​ပဵၼ်​ၸဝ်ႈ ၼႂ်း​တၢင်း​ဢၼ် ယေႇသူႉ​ၶရိၸ်ႈ ထုတ်ႇ​ဢဝ်​ၼၼ်ႉ​ဢေႃႈ။-</verse>
				<verse number="25">မၼ်း​ၸဝ်ႈ​ၼၼ်ႉ​ၸိုင် ၽြႃး​ပဵၼ်​ၸဝ်ႈ​ၶၢၼ်း​ဝႆႉ ႁႂ်ႈ​လႆႈ​ပဵၼ်​လွင်ႈ​ဢၼ်​ၽေႇ​ဢပႅတ်ႈ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ၼႂ်း​လိူတ်ႈ​မၼ်း​ၸဝ်ႈ လွင်ႈ​ၼင်ႇ​ႁိုဝ်​တၵ်း​လႆႈ​ႁႂ်ႈ တြႃး​တၢင်း​သိုဝ်ႈ​တေႃႇ​ၸဝ်ႈ​ထၢင်ႇ​သႃး​ၵွပ်ႈ​ပိူဝ်ႈ​တၢင်း​ဢၼ်​ယိူၼ်ႉ​ၶၢမ်ႇ​လႄႈ ဢမ်ႇ​မၢတ်ႈ​တူႉ​ၸရိူၵ်ႈ​ဢပႅတ်ႈ​ဢၼ်​ပူၼ်ႉ​မႃး​ယဝ်ႉ​ၼၼ်ႉ၊-</verse>
				<verse number="26">ဢၼ်​ဝႃႈ​လွင်ႈ​ၼင်ႇ​ႁိုဝ်​တၵ်း​ႁႂ်ႈ​တြႃး​တၢင်း​သိုဝ်ႈ​တေႃႇ​ၸဝ်ႈ​ထၢင်ႇ​သႃး​ၼႂ်း​ၶိင်ႇ​ၵႃႇလႃႉ​တေႃႇ​မိူဝ်ႈ​လဵဝ်​ၼႆႉ ႁႂ်ႈ​လႆႈ​ပဵၼ်​ၵေႃႉ​ဢၼ် ပိၵ်ႉ​သမ်ႉ​ပွႆႇ​လွတ်ႈ​ဢပႅတ်ႈ ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ ယေႇသူႉ ​ၼၼ်ႉ​သေ​ၵေႃႈ ႁဵတ်း​ၸွမ်း​ၼင်ႇ​တြႃး​ယူႇ​ၼၼ်ႉ​ဢေႃႈ။</verse>
				<verse number="27">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ လွင်ႈ​ဢၼ်​တၵ်း​လႆႈ​ဢုပ်ႇ​ဝၢဝ်း​ၸမ်ႉ၊ ပဵၼ်​ၸိူဝ်ႉ​ၼင်ႇ​ႁိုဝ်။ လွင်ႈ​ဢၼ်​တၵ်း​လႆႈ​ဢုပ်ႇ​ဝၢဝ်း​ၼၼ်ႉ​ပႄႇ​ပႅတ်ႈ​ဝႆႉ​ယဝ်ႉ၊ ပႄႇ​ပႅတ်ႈ​ဝႆႉ​ၵွပ်ႈ​ပိူဝ်ႈ​တြႃး​ဢၼ်​လႂ်၊ ပႄႇ​ပႅတ်ႈ​ဝႆႉ​ၵွပ်ႈ​ပိူဝ်ႈ​တြႃး​တၢင်း​ၵမ်​တၢင်း​ၵျၢင်ႉ​ႁိုဝ်။ ပႄႇ​ပႅတ်ႈ​ဝႆႉ​ၵွပ်ႈ​ပိူဝ်ႈ​တြႃး​တၢင်း​ၵမ်​တၢင်း​ၵျၢင်ႉ​ဢမ်ႇ​ၸႂ်ႈ၊ ပႄႇ​ပႅတ်ႈ​ဝႆႉ​ၵွပ်ႈ​ပိူဝ်ႈ​တြႃး​တၢင်း​ဢၼ်​ယုမ်ႇ​မၢတ်ႈ​ဢေႃႈ။-</verse>
				<verse number="28">ပိူဝ်ႈ​ၼႆ​လႄႈ​ၵူၼ်း​ႁဝ်း​ၼႆႉ၊ ယင်း​ဢမ်ႇ​မီး​တၢင်း​ၵမ်​တၢင်း​ၵျၢင်ႉ​ပိင်း​ၺၢပ်ႈ​တြႃး​လႄႈ ႁွတ်ႈ​ထိုင်​တၢင်း​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​ဢေႃႈ​ဝႃႈ​ၼႆ၊ လႆႈ​ဢဝ်​ၼင်ႇ​ၼႆ​ဢေႃႈ။-</verse>
				<verse number="29">ၽြႃး​ပဵၼ်​ၸဝ်ႈ​ပဵၼ်​ၽြႃး​ၵူၼ်း​ ယူႉတႃႉ ​တင်း​လၢႆ​ၵူၺ်း​ႁိုဝ်။ ပဵၼ်​ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ယူႇ ဢမ်ႇ​ၸႂ်ႈ​ႁိုဝ်။ ၸႂ်ႈ​တႄႉ၊ ပဵၼ်​ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ယူႇ​ဢေႃႈ။-</verse>
				<verse number="30">လွင်ႈ​မၼ်း​ၸမ်ႉ မီး​ၽြႃး​ပဵၼ်​ၸဝ်ႈ​သူႇ​လဵဝ်​ၵူၺ်း ဢၼ်​ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​လႄႈ၊ ႁႂ်ႈ​ၵေႃႉ​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း ဢိၵ်ႇ​တင်း​ၵေႃႉ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​သွင်​ၸိူဝ်ႉ​သွင်​ပိူင် တႄႇ​ယူႇ​ၼႂ်း​တၢင်း​ဢၼ်​သိုဝ်ႈ​တေႃႇ​ဢေႃႈ။-</verse>
				<verse number="31">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​လႄႈ ႁဝ်း​ပႄႇ​ပႅတ်ႈ​ပိင်း​ၺၢပ်ႈ​တြႃး​ႁိုဝ်။ ဢမ်ႇ​ပႄႇ​ပႅတ်ႈ​လႃး​လႃး၊ ယဵင်ႈ​ၶႅၼ်း​ႁႂ်ႈ​တႄႇ​ယူႇ​ဢေႃႈ။</verse>
			</chapter>
			<chapter number="4">
				<verse number="1">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ပေႃႈ​ႁဝ်း​ ဢႃႇပြႃႇႁၢမ်ႇ ​ၼၼ်ႉ ၸွမ်း​ၼင်ႇ​ၸႃႇ​တီႉ​ပၵတီႉ​ၼၼ်ႉ​လႄႈ လႆႈ​ဢၵျူဝ်း​ၵႃႈ​သင်။-</verse>
				<verse number="2">ပေႃး​ ဢႃႇပြႃႇႁၢမ်ႇ ​ၼၼ်ႉ ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ၸိုင်၊ မီး​လွင်ႈ​တၢင်း​ဢၼ်​ဢုပ်ႇ​ဝၢဝ်း​ဢေႃႈ၊ ၵူၺ်း​ၵႃႈ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။-</verse>
				<verse number="3">ၼႂ်း​ၵျၢမ်း​လိၵ်ႈ​မႃး​ၸိူဝ်ႉ​ၼင်ႇ​ႁိုဝ်။ ဢႃႇပြႃႇႁၢမ်ႇ ​ၼၼ်ႉ ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ​လႄႈ မၼ်း​ၸဝ်ႈ​မၢတ်ႈ​တၢင်း​ယုမ်ႇ​မၢတ်ႈ​မၼ်း​ၼၼ်ႉ ပဵၼ်​ၸိူဝ်ႉ​ၼင်ႇ​တၢင်း​သိုဝ်ႈ​တေႃႇ​ဢေႃႈ။-</verse>
				<verse number="4">ၵေႃႉ​ဢၼ်​မီး​တၢင်း​ၵမ်​တၢင်း​ၵျၢင်ႉ​ၼၼ်ႉ​ၸမ်ႉ လႆႈ​ဢၵျူဝ်း​ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ဢမ်ႇ​ၸႂ်ႈ၊ လႆႈ​ၵွပ်ႈ​ပိူဝ်ႈ​ဢၼ်​ထိူၵ်ႈ​လႆႈ​ၶၢမ်ႇ​ၼၼ်ႉ​ဢေႃႈ။-</verse>
				<verse number="5">ၵေႃႉ​ဢၼ်​ဢမ်ႇ​မီး​တၢင်း​ၵမ်​တၢင်း​ၵျၢင်ႉ​ၸမ်ႉ၊ ပေႃး​ယုမ်ႇ​မၢတ်ႈ​ၵေႃႉ​ဢၼ်​ၽေႇ​ဢပႅတ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸိုင်၊ တၢင်း​ယုမ်ႇ​မၢတ်ႈ​မၼ်း​ၼၼ်ႉ မၢတ်ႈ​ဝႆႉ​ပဵၼ်​ၸိူဝ်ႉ​ၼင်ႇ​တၢင်း​ဢၼ်​သိုဝ်ႈ​တေႃႇ​ဢေႃႈ။-</verse>
				<verse number="6">မိူၼ်​ၼင်ႇ​ၼႆ၊ တႃႇဝိတ်ႈ ​ဢိင်​မင်ႇၵလႃႇ​ၵူၼ်း​ဢၼ်​လႆႈ​တၢင်း​သိုဝ်ႈ​တေႃႇ ဢၼ်​ၽြႃး​ပဵၼ်​ၸဝ်ႈ​ယင်း​ဢမ်ႇ​တူၺ်း​တၢင်း​ၵမ်​တၢင်း​ၵျၢင်ႉ​လႄႈ ပၼ်​ၼၼ်ႉ​သေ​လႄႈ​ဝႃႈ​ၸမ်ႉ၊-</verse>
				<verse number="7">ၶဝ်​ၸိူဝ်း​ဢၼ်​ႁွတ်ႈ​ထိုင် တၢင်း​ဢၼ်​ၵၢင်း​လွတ်ႈ​သေ​ၵႃႈ​ၼႂ်း​ဢပႅတ်ႈ ဢိၵ်ႇ​တင်း​တၢင်း​ဢၼ်​သုမ်ႇ​ႁူမ်ႇ​တူႉ​ၸရိူၵ်ႈ​ဢပႅတ်ႈ​ဝႆႉ​ၼၼ်ႉ​မီး​မင်ႇၵလႃႇ​ဢေႃႈ။-</verse>
				<verse number="8">ၵေႃႉ​ဢၼ်​ၵၢင်း​လွတ်ႈ​တင်း တၢင်း​ဢၼ်​ထႃႇဝရႃႉ​ၽြႃး​တၢင်ႇ​ဢပႅတ်ႈ​ၼၼ်ႉ မီး​မင်ႇၵလႃႇ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ၵူၺ်း လႆႈ​မင်ႇၵလႃႇ​ၼႆ​ႁိုဝ်။ ဢမ်ႇ​ၼၼ်​လႄႈ ၶဝ်​ၸိူဝ်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ၵေႃႈ​လႆႈ​ႁိုဝ်။ ႁဵတ်း​သင်​လႄႈ​ထၢမ်​ၸိူဝ်ႉ​ၼင်ႇ​ၼၼ်​ဝႃႈ​ၼႆ​ၸမ်ႉ၊ ႁဝ်း​ဝႃႈ​တၢင်း​ယုမ်ႇ​မၢတ်ႈ​ၸိုင်၊ မၢတ်ႈ​ပဵၼ်​ၸိူဝ်ႉ​ၼင်ႇ​တၢင်း​သိုဝ်ႈ​တေႃႇ ၵႃႈ​တီႈ​ ဢႃႇပြႃႇႁၢမ်ႇ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ပေႃး​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ မၢတ်ႈ​ၸိူဝ်ႉ​ၼင်ႇ​ႁိုဝ်။ မၼ်း​ၼၼ်ႉ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ယဝ်ႉ​ၸင်ႇ​မၢတ်ႈ​ႁိုဝ်။ ဢမ်ႇ​ၼၼ်​မၢတ်ႈ​ၸူဝ်ႈ​ဢၼ်​မၼ်း​ဢမ်ႇ​ပႆႇ​ၶၢမ်ႇ​ၼၼ်ႉ​ႁိုဝ်။ မၼ်း​ၶၢမ်ႇ​ယဝ်ႉ​ၸင်ႇ မၢတ်ႈ​ဢမ်ႇ​ၸႂ်ႈ။ မၢတ်ႈ​ဝႆႉ​ၸဵမ်​မိူဝ်ႈ​ဢၼ်​မၼ်း​ဢမ်ႇ​ပႆႇ​ၶၢမ်ႇ​ၼၼ်ႉ​ဢေႃႈ။-</verse>
				<verse number="11">မၼ်း​ၼၼ်ႉ​လႆႈ​ၶၢမ်ႇ​လၢၵ်ႈၶၼႃႇ တၢင်း​ဢၼ်​ထိူဝ်​ႁိမ်း​ဢၼ်​ဝႃႈ တၼ်း​သိၵ်ႈ​တၢင်း​သိုဝ်ႈ​တေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ယုမ်ႇ​မၢတ်ႈ ဢၼ်​မၼ်း​မီး​ၸဵမ်​မိူဝ်ႈ​ဢၼ်​မၼ်း​ဢမ်ႇ​ပႆႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ ႁႂ်ႈ​လႆႈ​ပဵၼ်​ပေႃႈ​ၶဝ်​ၸိူဝ်း​ဢၼ်​ဢမ်ႇ​ပႆႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​သေ​ၵေႃႈ ယုမ်ႇ​မၢတ်ႈ​ၼၼ်ႉ​တင်း​သဵင်ႈ​တင်း​လူင် ပုၼ်ႈ​လွင်ႈ​ၼင်ႇ​ႁိုဝ်​ၶဝ်​တၵ်း​လႆႈ​ၶၢမ်ႇ​တၢင်း​ဢၼ်​မၢတ်ႈ​ပဵၼ်​ၸိူဝ်ႉ​ၼင်ႇ မီး​တၢင်း​သိုဝ်ႈ​တေႃႇ​ႁႂ်ႈ​လွင်ႈ​တီႈ​တၵ်း​မၢတ်ႈ</verse>
				<verse number="12">ဢိၵ်ႇ​တင်း ႁႂ်ႈ​လႆႈ​ပဵၼ် ပေႃႈ​တၢင်း​ဢၼ်​ထိူဝ်​ႁိမ်း​တီႈ​ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ ဢမ်ႇ​ၵႃး​တီႈ​ၶဝ်​ၸိူဝ်း​ဢၼ်​ၸွမ်း​ႁွႆး​တိၼ်​တၢင်း​ယုမ်ႇ​မၢတ်ႈ​ပေႃႈ​ႁဝ်း ဢႃႇပြႃႇႁၢမ်ႇ ​ဢၼ်​မၼ်း​မီး ၸဵမ်​မိူဝ်ႈ​ဢမ်ႇ​ပႆႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ဢေႃႈ။</verse>
				<verse number="13">လိူဝ်​သေ​ၼၼ်ႉ ၵတီႉ​ၸဝ်ႈ​ဢၼ်​ဝႃႈ တၵ်း​ႁႂ်ႈ​လႆႈ​ၶၢမ်ႇ​ဢမူၺ်ႇ​လေႃးၵႃႉ​ၼႆႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၸႃႉ​ၸဵမ်​ ဢႃႇပြႃႇႁၢမ်ႇ ​လႄႈ​ၸိူဝ်ႉ​ၶိူဝ်း​မၼ်း​တင်း​လၢႆ​လႆႈ​ၵွပ်ႈ​ပိူဝ်ႈ​ပိင်း​ၺၢပ်ႈ​တြႃး​ဢမ်ႇ​ၸႂ်ႈ၊ လႆႈ​ၵွပ်ႈ​ပိူဝ်ႈ​တၢင်း​သိုဝ်ႈ​တေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ယုမ်ႇ​မၢတ်ႈ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ ပေႃး​ၶဝ်​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​ပိင်း​ၺၢပ်ႈ​တြႃး​ၼၼ်ႉ ပဵၼ်​ၵေႃႉ​ဢၼ်​ၶၢမ်ႇ​ဢမူၺ်ႇ​ၸိုင်၊ တြႃး​တၢင်း​ဢၼ်​ယုမ်ႇ​မၢတ်ႈ လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​ယဝ်ႉ။ ၵတီႉ​ၸဝ်ႈ​ၵေႃႈ​ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၵႂႃႇ​ဢေႃႈ။-</verse>
				<verse number="15">ပိင်း​ၺၢပ်ႈ​တြႃး​ၸမ်ႉ၊​ၸၢပ်ႈ​သႅင်ႇ​ၵၼ်​တင်း​တေႃး​သႃႉ တၢင်း​ၸႂ်​မႆႈ​ဢေႃႈ။ ပေႃး​ဢမ်ႇ​မီး​ပိင်း​ၺၢပ်ႈ​တြႃး​ၸိုင်၊ ဢပႅတ်ႈ​တၢင်း​ဢၼ်​ပူၼ်ႉ​လိူဝ်​ဢမ်ႇ​မီး။-</verse>
				<verse number="16">ၵွပ်ႈ​ႁွႆး​ၼႆႉ​လႄႈ၊ ၼင်ႇ​ႁိုဝ်​ၵတီႉ​ၸဝ်ႈ တၵ်း​ပျေႉ​ၸုမ်ႇ​တီႈ​ၸိူဝ်ႉ​ၶိူဝ်း​တင်း​သဵင်ႈ​တင်း​လူင်​ဢၼ်​ဝႃႈ ၸိူဝ်ႉ​ၶိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​ပိင်း​ၺၢပ်ႈ​တြႃး​ၵူၺ်း​ဢမ်ႇ​ၵႃး တီႈ​ၸိူဝ်ႉ​ၶိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​တြႃး​တၢင်း​ယုမ်ႇ​မၢတ်ႈ​ ဢႃႇပြႃႇႁၢမ်ႇ ဢၼ်​ပဵၼ်​ပေႃႈ​ႁဝ်း တင်း​သဵင်ႈ​တင်း​လူင်​ၼၼ်ႉ​ၸိုင်၊ ပဵၼ်​ၵွပ်ႈ​ပိူဝ်ႈ​တြႃး​တၢင်း​ယုမ်ႇ​မၢတ်ႈ ႁႂ်ႈ​လႆႈ​ပဵၼ်​ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ဢေႃႈ။-</verse>
				<verse number="17">ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ ၵဝ်​တၵ်း​ႁႂ်ႈ​မႂ်း​ပဵၼ်​ပေႃႈ​ၵူၼ်း​မဵဝ်း​ၼမ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ ဢႃႇပြႃႇႁၢမ်ႇ ​ၼၼ်ႉ​ၸမ်ႉ၊ ပဵၼ်​ပေႃႈ​ႁဝ်း​တင်း​သဵင်ႈ​တင်း​လူင် ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢၼ်​မၼ်း​ယုမ်ႇ​မၢတ်ႈ​ဢၼ်​ဝႃႈ ၸဝ်ႈ​ဢၼ်​ႁႂ်ႈ​ၶဝ်​ၸိူဝ်း​ဢၼ်​တၢႆ​ၵႂႃႇ​ယဝ်ႉ​ၼၼ်ႉ​ၶိုၼ်း​လိပ်း၊ ဢၼ်​ဢဝ်​လွင်ႈ​တၢင်း​ဢၼ်​ဢမ်ႇ​ပႆႇ​ပဵၼ်​တင်း​လၢႆ​သင်ႇ​လၢတ်ႈ​ဝႆႉ ၸိူဝ်ႉ​ၼင်ႇ​ဢၼ်​ပဵၼ်​မႃး​ယဝ်ႉ​ၼၼ်ႉ​ဢေႃႈ။-</verse>
				<verse number="18">မၼ်း​ယင်း​ဢမ်ႇ​မီး​တီႈ​တၵ်း​မုင်ႈ​ထႃႈ​မွင်း​ထႃႈ လွင်ႈ​ဢၼ်​တူဝ်​ၸဝ်ႈ​ၵဝ်ႇ​တၵ်း​ပဵၼ်​ပေႃႈ​ၵူၼ်း​မဵဝ်း​ၼမ်​ၼႃႇ​လႄႈ မုင်ႈ​ထႃႈ​မွင်း​ထႃႈ​ယူႇ​သေ​လႄႈ ယုမ်ႇ​မၢတ်ႈ​ၸွမ်း​ၵႃႈ​ၼင်ႇ​ဢၼ်​ပျႃႇ​တိၵ်ႈ​ၸဝ်ႈ​မီး​ဝႆႉ​လႄႈ​ဝႃႈ ၸိူဝ်ႉ​ၶိူဝ်း​မႂ်း​တၵ်း​ပဵၼ်​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="19">ပိူဝ်ႈ​ဢၼ်​တၢင်း​ယုမ်ႇ​မၢတ်ႈ​မၼ်း​ဢမ်ႇ​လဵၵ်ႉ​ဢမ်ႇ​ၵေႇ၊ မၼ်း​ယင်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ဢသၢၵ်ႈ​မၼ်း​လႆႈ​ပၢၵ်ႇ​ၼိုင်ႈ​လႄႈ တူဝ်​မၼ်း​ပဵၼ်​ၸိူဝ်ႉ​ၼင်ႇ​တူဝ်​တၢႆ​ၼၼ်ႉ​ယူႇ ဢိၵ်ႇ​တင်း​လွင်ႈ​ဢၼ်​တွင်ႉ​မေး​မၼ်း​ ၸႃႇရႃႇ တၢႆ​ယူႇ​ၼၼ်ႉ​လႄႈ၊-</verse>
				<verse number="20">ၵၢင်း​လွတ်ႈ​တင်း​ၸႂ်​ဢၼ်​ဢမ်ႇ​ယုမ်ႇ​လႄႈ ယင်း​ဢမ်ႇ​မီး​တၢင်း​ဢၼ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ဢၼ်​ၵတီႉ​ၽြႃး​ပဵၼ်​ၸဝ်ႈ​ၼၼ်ႉ ၸႂ်ႈ​ႁိုဝ် ဢမ်ႇ​ၸႂ်ႈ​ႁိုဝ်​ၼၼ်ႉ​လႄႈ ယွင်ႈ​ယေႃး​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​ဢၼ်​ယႂ်ႇ​ၼႃႇ​ယူႇ​သေ​လႄႈ၊-</verse>
				<verse number="21">တူၵ်း​ၵၢင်​ၸႂ်​လွင်ႈ​ဢၼ်​ၸဝ်ႈ​ဢၼ်​ဝႆႉ​ၵတီႉ​ၼၼ်ႉ တၢတ်ႈ​ၼိူင်ႇ​ၵႃႈ​ၼင်ႇ​ဢၼ် ၵတီႉ​ၸဝ်ႈ​မီး​ၼၼ်ႉ​လႆႈ​ယူႇ​ၼၼ်ႉ​ဢေႃႈ။-</verse>
				<verse number="22">ပိူဝ်ႈ​ၼႆ​လႄႈ​တၢင်း​ယုမ်ႇ​မၢတ်ႈ​မၼ်း​ၼၼ်ႉ​ၸိုင် မၼ်း​ၸဝ်ႈ​မၢတ်ႈ​ပဵၼ်​ၸိူဝ်ႉ​ၼင်ႇ​တၢင်း​သိုဝ်ႈ​တေႃႇ​ဢေႃႈ။</verse>
				<verse number="23">မၼ်း​ၸဝ်ႈ​မၢတ်ႈ​ပဵၼ်​ၸိူဝ်ႉ​ၼင်ႇ​ၼၼ်​ဝႃႈ​ၼႆ၊ တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​ပုၼ်ႈ​ဢၵျူဝ်း​ ဢႃႇပြႃႇႁၢမ်ႇ ​ၵူၺ်း​ဢမ်ႇ​ၸႂ်ႈ။-</verse>
				<verse number="24">ပုၼ်ႈ​ဢၵျူဝ်း​ႁဝ်း​ၵေႃႈ တႅမ်ႈ​ဝႆႉ​ဢေႃႈ။ ပေႃး​ႁဝ်း​ယုမ်ႇ​မၢတ်ႈ​ၵေႃႉ​ဢၼ်​ႁႂ်ႈ​ၸဝ်ႈ​ႁဝ်း​ ယေႇသူႉ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ၸိုင်၊ မၼ်း​ၸဝ်ႈ​တၵ်း​မၢတ်ႈ​တၢင်း​ယုမ်ႇ​မၢတ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​တၢင်း​သိုဝ်ႈ​တေႃႇ​ဢေႃႈ။-</verse>
				<verse number="25">ၸဝ်ႈ​ ယေႇသူႉ ​ၼၼ်ႉ ၶၢမ်ႇ​တၢင်း​ဢၢပ်ႈ​ၵွပ်ႈ​ပိူဝ်ႈ​ဢပႅတ်ႈ​ႁဝ်း​လႄႈ သမ်ႉ​လုၵ်ႉ​ၶိုၼ်း​ႁႂ်ႈ​ႁဝ်း​လႆႈ​ႁွတ်ႈ​ထိုင် တၢင်း​သိုဝ်ႈ​တေႃႇ​ဢေႃႈ။</verse>
			</chapter>
			<chapter number="5">
				<verse number="1">ပိူဝ်ႈ​ၼႆ​လႄႈ ႁဝ်း​မီး​တၢင်း​ယုမ်ႇ​မၢတ်ႈ​လႄႈ ႁွတ်ႈ​ထိုင်​တၢင်း​သိုဝ်ႈ​တေႃႇ​သေ​ယဝ်ႉ၊ ၸၢမ်ႇ​ၸႃး​တၢင်း​ၼိမ်​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ၸဝ်ႈ​ႁဝ်း ယေႇသူႉ​ၶရိၸ်ႈ ​ဢေႃႈ။-</verse>
				<verse number="2">ၵွပ်ႈ​ပိူဝ်ႈ​ၸဝ်ႈ​ၼၼ်ႉ​ၵူၺ်း​လႄႈ ႁဝ်း​မီး​တၢင်း​ယုမ်ႇ​မၢတ်ႈ​ယူႇ​သေ​လႄႈ လႆႈ​ဢၶႂၢင်ႉ​ဢၼ်​ၸၢမ်ႇ​ၸႃး​ၵျေး​ၸူး​ၸဝ်ႈ တီႈ​ဢၼ်​ႁဝ်း​တႄႇ​ယူႇ​ၼၼ်ႉ​ဢေႃႈ။ ၵွပ်ႈ​ႁွႆး​ၼႆႉ ႁဝ်း​မုင်ႈ​ထႃႈ​မွင်း​ထႃႈ​မုၼ်​ၽြႃး​ပဵၼ်​ၸဝ်ႈ​လႄႈ ဢုပ်ႇ​ဝၢဝ်း​သိူဝ်း​ပျေႃႇ​ဢေႃႈ။-</verse>
				<verse number="3">လိူဝ်​သေ​ၼၼ်ႉ​ဢမ်ႇ​ၵႃး၊ ႁဝ်း​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​လႄႈ ဢုပ်ႇ​ဝၢဝ်း​သိူဝ်း​ပျေႃႇ​ဢေႃႈ။ လွင်ႈ​မၼ်း​ၸမ်ႉ တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ၸၢင်ႈ​ပွင်​ၸၢင်ႈ​ႁဵတ်း​တၢင်း​ဢၼ်​ယိူၼ်ႉ​ၶၢမ်ႇ​ဢေႃႈ။-</verse>
				<verse number="4">တၢင်း​ဢၼ်​ယိူၼ်ႉ​ၶၢမ်ႇ​ၵေႃႈ ၸၢင်ႈ​ပွင်​ၸၢင်ႈ​ႁဵတ်း​တၢင်း​ဢၼ်​သၢၵ်ႈ​သေႇ​ထၢင်ႇ​သႃး​ဢေႃႈ။ တၢင်း​ဢၼ်​သၢၵ်ႈ​သေႇ​ထၢင်ႇ​သႃး​ၵေႃႈ ၸၢင်ႈ​ပွင်​ၸၢင်ႈ​ႁဵတ်း တၢင်း​ဢၼ်​မုင်ႈ​ထႃႈ​မွင်း​ထႃႈ​ဢေႃႈ။-</verse>
				<verse number="5">တၢင်း​ဢၼ်​မုင်ႈ​ထႃႈ​မွင်း​ထႃႈ​ၼၼ်ႉ ၵၢင်း​လွတ်ႈ​တင်း​တၢင်း​ဢၼ်​လီ​ဢၢႆ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢၼ်​မၼ်း​ၸဝ်ႈ​ပၼ်​တီႈ​ႁဝ်း​ၼၼ်ႉ ဢဝ်​တင်း​တၢင်း​ႁၵ်ႉ​မႅတ်ႈ​တႃႇ​ၽြႃး​ပဵၼ်​ၸဝ်ႈ​လႄႈ သွၼ်း​လေႃႇ​ၼႂ်း​ႁူဝ်​ၸႂ်​ႁဝ်း​ဢေႃႈ။</verse>
				<verse number="6">ၼႂ်း​မိူဝ်ႈ​ဢၼ်​ႁဝ်း​ယင်း​တိုၵ်ႉ​ဢမ်ႇ​မီး​ႁႅင်း​ယူႇ​ၼၼ်ႉ​ၸိုင် ၶိင်ႇ​မၼ်း​ထုၵ်ႇ​ယဝ်ႉ​ၸင်ႇ၊ ၸဝ်ႈ​ၶရိၸ်ႈ​ၶၢမ်ႇ​တၢင်း​တၢႆ ပုၼ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ဢေႃႈ။-</verse>
				<verse number="7">ၵေႃႉ​ဢၼ်​တၵ်း​ၶၢမ်ႇ​တၢင်း​တၢႆ​ပုၼ်ႈ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸိုင် မီး​ဝႆႉ​ဢေႃႈ၊ ၵေႃႉ​ဢၼ်​ႁတ်း​ၶၢမ်ႇ​တၢင်း​တၢႆ​ပုၼ်ႈ ​ၵူၼ်း​သူႇ​တေႃႇ​ၵွင်း​ၼၼ်ႉ​ၸိုင်​ၸၢင်ႈ​ၶႄး​တၵ်း​မီး​ဢေႃႈ​ဝႃႈ​ၼႆ၊ ႁႂ်ႈ​ၸႂ်ႈ​သေ​လူး​ၵွၼ်ႇ​တႃႉ။-</verse>
				<verse number="8">ၵွပ်ႈ​ပိူဝ်ႈ​ဢၼ် ၸဝ်ႈ​ၶရိၸ်ႈ​ၶၢမ်ႇ​တၢင်း​တၢႆ​ပုၼ်ႈ​ႁဝ်း ၼႂ်း​မိူဝ်ႈ​ဢၼ်​ႁဝ်း​ယင်း​တိုၵ်ႉ​မီး​ဢပႅတ်ႈ​ယူႇ​ၼၼ်ႉ​လႄႈ ၽြႃး​ပဵၼ်​ၸဝ်ႈ​ၼႄ​ပျႃး​လွင်ႈ​ဢၼ်​မၼ်း​ၸဝ်ႈ​ႁၵ်ႉ​ႁဝ်း​ထၢၼ်ႇ​လႂ်​ၼၼ်ႉ​ထၢင်ႇ​ထၢင်ႇ​သႃး​သႃး​တီႈ​ႁဝ်း​ဢေႃႈ။-</verse>
				<verse number="9">ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ ႁဝ်း​ႁွတ်ႈ​ထိုင်​တၢင်း​သိုဝ်ႈ​တေႃႇ ၵွပ်ႈ​ပိူဝ်ႈ​လိူတ်ႈ​ၸဝ်ႈ​ယဝ်ႉ​ၸင်ႇ​တၵ်း​ႁွတ်ႈ​ထိုင် တၢင်း​ဢၼ်​ၵႄႇ​ၶျွတ်ႈ​ဢဝ်​သေ​ၵႃႈ​ၼႂ်း တေႃး​သႃႉ​တၢင်း​ဢၼ်​မၼ်း​ၸဝ်ႈ​ၸႂ်​မႆႈ​ၼၼ်ႉ ၵွပ်ႈ​ပိူဝ်ႈ​ၸဝ်ႈ​ၼၼ်ႉ​ဝႃႈ​ၼႆ ယဵင်ႈ​ၶႅၼ်း​မီး​တီႈ​မုင်ႈ​ထႃႈ​မွင်း​ထႃႈ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ ပိၵ်ႉ​သမ်ႉ​ႁဝ်း​ပဵၼ်​ရၢၼ်ႇ​သူႇ​ယူႇ​သေ​ၵေႃႈ၊ ပေႃး​ႁဝ်း​လႆႈ​ၶၢမ်ႇ​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​တင်း​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​တၢင်း​ဢၼ်​လုၵ်ႈ​မၼ်း​ၸဝ်ႈ​ၶၢမ်ႇ​တၢင်း​တၢႆ​ၼၼ်ႉ​ၸိုင်၊ ႁဝ်း​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​ယဝ်ႉ​ၸင်ႇ တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​ဢသၢၵ်ႈ​ၸဝ်ႈ​ၼၼ်ႉ​ဢေႃႈ​ဝႃႈ​ၼႆ၊ ယဵင်ႈ​ၶႅၼ်း​မီး​တီႈ​မုင်ႈ​ထႃႈ​မွင်း​ထႃႈ​ဢေႃႈ။-</verse>
				<verse number="11">လိူဝ်​သေ​ၼၼ်ႉ​ဢမ်ႇ​ၵႃး၊ တေႃႈ​လဵဝ်​ၼႆႉ ႁဝ်း​ၶၢမ်ႇ​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​ၵွပ်ႈ​ပိူဝ်ႈ​ၸဝ်ႈ​ႁဝ်း ယေႇသူႉ​ၶရိၸ်ႈ ​ၼၼ်ႉ​ယဝ်ႉ​ၸင်ႇ မီး​တၢင်း​ဢၼ်​ဢုပ်ႇ​ဝၢဝ်း​သိူဝ်း​ပျေႃႇ​ၼႂ်း​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ၸဝ်ႈ​ၼၼ်ႉ​ဢေႃႈ။</verse>
				<verse number="12">ၸိူဝ်ႉ​ၼင်ႇ​ဢၼ်​ဢပႅတ်ႈ​တြႃး​ၶဝ်ႈ​ၼႂ်း​လေႃးၵႃႉ ၵွပ်ႈ​ပိူဝ်ႈ​ၵူၼ်း​ၵေႃႉ​ၼိုင်ႈ​လႄႈ တြႃး​တၢင်း​တၢႆ​ၶဝ်ႈ​ၼႂ်း​လေႃးၵႃႉ ၵွပ်ႈ​ပိူဝ်ႈ​ဢပႅတ်ႈ​တြႃး​ၼၼ်ႉ၊ ၵူၼ်း​တင်း​သဵင်ႈ​တင်း​လူင် ၵွပ်ႈ​ပိူဝ်ႈ​ဢၼ်​မီး​ဢပႅတ်ႈ​လႄႈ၊ ႁွတ်ႈ​ထိုင်​တၢင်း​တၢႆ​ဢေႃႈ။-</verse>
				<verse number="13">ၸူဝ်ႈ​ဢၼ်​ဢမ်ႇ​ပႆႇ​ဝႆႉ​ပိင်း​ၺၢပ်ႈ​တြႃး​ၼၼ်ႉ​ၸိုင်၊ ဢပႅတ်ႈ​မီး​ၼႂ်း​လေႃးၵႃႉ​ဢေႃႈ။ ၵူၺ်း​ၵႃႈ​ပေႃး​ဢမ်ႇ​မီး​ပိင်း​ၺၢပ်ႈ​တြႃး​လႃး​လႃး​ၸိုင်၊ ဢပႅတ်ႈ​မီး​ဝႃႈ​ၼႆ​တီႈ​တၵ်း​မၢတ်ႈ​ဢမ်ႇ​မီး။-</verse>
				<verse number="14">ၼႂ်း​ဝႃႈ​ၼၼ်​သေ​ၵေႃႈ ၸႃႉ​ၸဵမ်​ပၢၼ်​ ဢႃႇတၢမ်ႇ ​တေႃႇ​ထိုင်​ႁွတ်ႈ​ပၢၼ်​ မူဝ်းသေႇ ​ၼၼ်ႉ၊ တြႃး​တၢင်း​တၢႆ​လႆႈ​ဢုပ်ႉ​ပိူင်ႇ​ဢေႃႈ။ ၵေႃႉ​ဢၼ်​ဢမ်ႇ​ၽိတ်း​ပိူင်ႈ​မိူၼ်​ၸိူဝ်ႉ​ၼင်ႇ​ဢၼ်​ ဢႃႇတၢမ်ႇ ​ၽိတ်း​ပိူင်ႈ​ၼၼ်ႉ​ၵေႃႈ လႆႈ​ဢုပ်ႉ​ပိူင်ႇ​ဢေႃႈ။ ဢႃႇတၢမ်ႇ ​ၼၼ်ႉ​ၸမ်ႉ၊ ပဵၼ်​ပုင်ႇ​ပမႃႇ​ၵေႃႉ​ဢၼ်​တၵ်း​မႃး​ၵမ်း​လိုၼ်း​ဢေႃႈ။</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ သၽေႃး​တၢင်း​ဢၼ်​ၽိတ်း​ပိူင်ႈ တင်း​သၽေႃး​ၵျေး​ၸူး​ၸဝ်ႈ​ဢမ်ႇ​မိူၼ်​ၵၼ်။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ၵူၼ်း​ၵေႃႉ​ၼိုင်ႈ​ၽိတ်း​ပိူင်ႈ​ၼၼ်ႉ​လႄႈ ၵူၼ်း​ၼမ်​ၼႃႇ​ႁွတ်ႈ​ထိုင်​တၢင်း​တၢႆ​ဢေႃႈ။ ၵွပ်ႈ​ပိူဝ်ႈ​ၵူၼ်း​ၵေႃႉ​ၼိုင်ႈ​ဢၼ်​ဝႃႈ ယေႇသူႉ​ၶရိၸ်ႈ ​ၼၼ်ႉ​လႄႈ ၵျေး​ၸူး​ၽြႃး​ပဵၼ်​ၸဝ်ႈ တင်း​ဢၵျူဝ်း​ၵျေး​ၸူး​ၼၼ်ႉ ယဵင်ႈ​ၶႅၼ်း​ပျေႉ​ၸုမ်ႇ​တဵမ်​ဝႆႉ​ၼႂ်း​ၵူၼ်း​ၼမ်​ၼႃႇ​ဢေႃႈ။</verse>
				<verse number="16">လိူဝ်​သေ​ၼၼ်ႉ၊ လွင်ႈ​တၢင်း​ဢၼ်​ပဵၼ်​ၵွပ်ႈ​ပိူဝ်ႈ​ဢၼ် ၵူၼ်း​ၵေႃႉ​ၼိုင်ႈ​ၽိတ်း​ပိူင်ႈ​ၼၼ်ႉ တင်း​လွင်ႈ​တၢင်း​သူႉ​ၵျေး​ၸူး​ၸဝ်ႈ ဢမ်ႇ​မိူၼ်​ၵၼ်၊ လွင်ႈ​မၼ်း​ၸမ်ႉ ၼႂ်း​လွင်ႈ​တၢင်း​ဢၼ်​ၸီႇ​ယၢင်ႇ​တြႃး​ၸိုင်၊ ၵွပ်ႈ​ပိူဝ်ႈ​ဢပႅတ်ႈ​ဢၼ်​ၼိုင်ႈ​လႄႈ တၵ်း​လႆႈ​ၶၢမ်ႇ​တၢမ်ႇ​ဝႃႈ​ၼႆ ၸီႇ​ယၢင်ႇ​ဢေႃႈ။ ၼႂ်း​လွင်ႈ​သူႉ​ၵျေး​ၸူး​ၸဝ်ႈ​ၸိုင်၊ မီး​ဢပႅတ်ႈ​ၼမ်​ၼႃႇ​ယူႇ​သေ​ၵေႃႈ၊ ႁႂ်ႈ​လွတ်ႈ​တႃႉ​ဝႃႈ​ၼႆ ၸီႇ​ယၢင်ႇ​ဢေႃႈ။-</verse>
				<verse number="17">လိူဝ်​သေ​ၼၼ်ႉ၊ ၵွပ်ႈ​ပိူဝ်ႈ​ဢၼ်​ၵူၼ်း​ၵေႃႉ​ၼိုင်ႈ​ၽိတ်း​ပိူင်ႈ​လႄႈ ပေႃး​တြႃး​တၢင်း​တၢႆ​လႆႈ​ဢုပ်ႉ​ပိူင်ႇ​ၵွပ်ႈ​ပိူဝ်ႈ​ၵူၼ်း​ၵေႃႉ​ၼိုင်ႈ​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​လႆႈ​ၶၢမ်ႇ​ဢဝ် တၢင်း​ဢၼ်​ၵျေး​ၸူး​ၸဝ်ႈ​ၼမ်​ၵိုၼ်း​ၼႃႇ ဢိၵ်ႇ​တင်း​တၢင်း​ဢၼ်​မၼ်း​ၸဝ်ႈ​သႂၢင်း​သႂ်ႇ​ပၼ် ၼႂ်း​တၢင်း​ဢၼ်​သိုဝ်ႈ​တေႃႇ​ၼၼ်ႉ၊ ယဵင်ႈ​ၶႅၼ်း​ဢသၢၵ်ႈ​တၵ်း​လိပ်း​ယူႇ​လႄႈ ၸၢမ်ႇ​ၸႃး​ၵွပ်ႈ​ပိူဝ်ႈ​ၵေႃႉ​ၼိုင်ႈ​ဢၼ်​ဝႃႈ ယေႇသူႉ​ၶရိၸ်ႈ ​ၼၼ်ႉ​ဢေႃႈ။</verse>
				<verse number="18">ပိူဝ်ႈ​ၼႆ​လႄႈ ၸိူဝ်ႉ​ၼင်ႇ​ဢၼ်​ၵူၼ်း​တင်း​သဵင်ႈ​တင်း​လူင်​ထူပ်း​တၢင်း​ၸီႇ​ယၢင်ႇ​ဢပႅတ်ႈ ၵွပ်ႈ​ပိူဝ်ႈ​တၢင်း​ဢၼ်​ၵေႃႉ​ၼိုင်ႈ ၽိတ်း​ပိူင်ႈ​ၼၼ်ႉ၊ ၵူၼ်း​တင်း​သဵင်ႈ​တင်း​လူင်​လႆႈ​ဢၶႂၢင်ႉ​ဢၼ်​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​ဢသၢၵ်ႈ ၵွပ်ႈ​ပိူဝ်ႈ​တၢင်း​ဢၼ်​ၵေႃႉ​ၼိုင်ႈ​သိုဝ်ႈ​တေႃႇ​ၼၼ်ႉ​ဢေႃႈ။-</verse>
				<verse number="19">လွင်ႈ​မၼ်း​ၸမ်ႉ ၸိူဝ်ႉ​ၼင်ႇ​ဢၼ်​ၵူၼ်း​ၼမ်​ၼႃႇ​ႁွတ်ႈ​ထိုင်​ဢပႅတ်ႈ ၵွပ်ႈ​ပိူဝ်ႈ​တၢင်း​ဢၼ်​ၵေႃႉ​ၼိုင်ႈ​ဢမ်ႇ​ထွမ်ႇ​ၼၼ်ႉ၊ ၵူၼ်း​ၼမ်​ၼႃႇ​တၵ်း​လႆႈ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ဢၼ်​ၵူၼ်း​ၵေႃႉ​ၼိုင်ႈ​ထွမ်ႇ​ဢေႃႈ။</verse>
				<verse number="20">လိူဝ်​သေ​ၼၼ်ႉ၊ ပိင်း​ၺၢပ်ႈ​တြႃး​သမ်ႉ ၶဝ်ႈ​ထႅင်ႈ​ႁႂ်ႈ​ဢပႅတ်ႈ​ဢၼ်​ၽိတ်း​ပိူင်ႈ​လႆႈ​ယႂ်ႇ​မႃး​ၼမ်​မႃး​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၼႂ်း​လွင်ႈ​ဢၼ်​ဢပႅတ်ႈ​ယႂ်ႇ​မႃး​ၼမ်​မႃး​ၼၼ်ႉ၊ ၵျေး​ၸူး​ၸဝ်ႈ​ယဵင်ႈ​ၶႅၼ်း​ပျေႉ​ၸုမ်ႇ​ၼမ်​ၵိုၼ်း​ၼႃႇ​ဢေႃႈ။-</verse>
				<verse number="21">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၸိူဝ်ႉ​ၼင်ႇ​ဢၼ်​ဢပႅတ်ႈ​တြႃး​လႆႈ​ဢုပ်ႉ​ပိူင်ႇ​ၵွပ်ႈ​ပိူဝ်ႈ​တၢင်း​တၢႆ​ၼၼ်ႉ၊ ၵျေး​ၸူး​တြႃး​တၵ်း​လႆႈ​ဢုပ်ႉ​ပိူင်ႇ​ၵွပ်ႈ​ပိူဝ်ႈ​တၢင်း​ဢၼ်​သိုဝ်ႈ​တေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​ထႃႇဝရႃႉ​ဢသၢၵ်ႈ ၵွပ်ႈ​ပိူဝ်ႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ​ဢေႃႈ။</verse>
			</chapter>
			<chapter number="6">
				<verse number="1">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ႁဝ်း​တၵ်း​လႆႈ​ဝႃႈ​ၸိူဝ်ႉ​ၼင်ႇ​ႁိုဝ်။ ၼင်ႇ​ႁိုဝ်​ၵျေး​ၸူး​ၸဝ်ႈ​တၵ်း​ယႂ်ႇ​မႃး​ၼမ်​မႃး​ၸိုင် တၵ်း​လႆႈ​ၵမ်​ၵျၢင်ႉ​ဢပႅတ်ႈ​တြႃး​လႄႈ​ယူႇ​ႁိုဝ်။-</verse>
				<verse number="2">ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်၊ ႁဝ်း​ၸိူဝ်း​ဢၼ်​တၢႆ​သေ​ၵႃႈ​တီႈ​ဢပႅတ်ႈ​တြႃး​ၼၼ်ႉ​ၼႆႉ တၵ်း​လႆႈ​ၶိုၼ်း​လိပ်း​ၵႃႈ​ၼႂ်း​တြႃး​ၼၼ်ႉ​လူး​ၵွၼ်ႇ​ၸိူဝ်ႉ​ၼင်ႇ​ႁိုဝ်။-</verse>
				<verse number="3">သူ​ဢမ်ႇ​ႁူႉ​လွင်ႈ​ဢၼ်​ႁဝ်း​ၵႃႈ​ဢၼ်​ၶၢမ်ႇ​ ပပ်ႉတီႉၸမ်ႇ ၼႂ်း​ ယေႇသူႉ​ၶရိၸ်ႈ ​ၼၼ်ႉ​ၼႆႉ ၶၢမ်ႇ​ ပပ်ႉတီႉၸမ်ႇ ​ၼႂ်း​တၢင်း​ဢၼ်​မၼ်း​ၸဝ်ႈ ၶၢမ်ႇ​တၢင်း​တၢႆ​ၼၼ်ႉ​ႁိုဝ်။-</verse>
				<verse number="4">ၵွပ်ႈ​ႁွႆး​ၼႆႉ ပိူဝ်ႈ​ဢၼ်​လႆႈ​ၶၢမ်ႇ​ ပပ်ႉတီႉၸမ်ႇ ​ၼႂ်း​တၢင်း​ဢၼ်​မၼ်း​ၸဝ်ႈ​ၶၢမ်ႇ​တၢင်း​တၢႆ​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​လူၺ်ႈ​ၵၼ်​တင်း​မၼ်း​ၸဝ်ႈ​ဢေႃႈ။ လွင်ႈ​မၼ်း​ၸမ်ႉ ၸိူဝ်ႉ​ၼင်ႇ​ဢၼ်​ၸဝ်ႈ​ၶရိၸ်ႈ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း ၵွပ်ႈ​ပိူဝ်ႈ​ၽုင်း​တၼ်း​ၶူဝ်း​ပေႃႈ​ၸဝ်ႈ​ၼၼ်ႉ၊ ႁဝ်း​ၵေႃႈ​လႆႈ​လႄႇ​ၵႂႃႇ​လႄႇ​မႃး​ၵႃႈ​ၼႂ်း​ဢသၢၵ်ႈ​ဢၼ်​မႂ်ႇ​ဢေႃႈ။-</verse>
				<verse number="5">ၼႄး​ၼိုင်ႈ​ၸမ်ႉ၊ ပေႃး​ႁဝ်း​ဢဝ်​ပုင်ႇ​ႁၢင်ႈ​တၢင်း​ဢၼ်​မၼ်း​ၸဝ်ႈ​ၶၢမ်ႇ​တၢင်း​တၢႆ​ၼၼ်ႉ​လႄႈ ၽုၵ်ႇ​သွမ်ႈ​ယူႇ​လူၺ်ႈ​ၵၼ်​တင်း​မၼ်း​ၸဝ်ႈ​ၸိုင်၊ ႁဝ်း​တၵ်း​ဢဝ်​ပုင်ႇ​ႁၢင်ႈ​တၢင်း​ဢၼ်​မၼ်း​ၸဝ်ႈ​လုၵ်ႉ​ၶိုၼ်း​ၼၼ်ႉ​လႄႈ ၽုၵ်ႇ​သွမ်ႈ​ယူႇ​ဢေႃႈ။-</verse>
				<verse number="6">လိူဝ်​သေ​ၼၼ်ႉ၊ ႁဝ်း​ႁူႉ​လွင်ႈ​ဢၼ်​ၵူၼ်း​ၵဝ်ႇ​ႁဝ်း​ၼႆႉ လႆႈ​ၶၢမ်ႇ​တၢင်း​ဢၼ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​လူၺ်ႈ​ၵၼ်​တင်း မၼ်း​ၸဝ်ႈ​ယဝ်ႉ​ၼၼ်ႉ​ယူႇ​ဢေႃႈ။ လွင်ႈ​မၼ်း​ၸမ်ႉ ၼင်ႇ​ႁိုဝ်​ႁဝ်း​တၵ်း​ဢမ်ႇ​လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ဢပႅတ်ႈ​တြႃး​ၵမ်း​လိုၼ်း​ၸိုင်၊ ပဵၼ်​လွင်ႈ​ဢၼ်​တၵ်း​ယႃႉ​ပႅတ်ႈ​တူဝ်​ဢပႅတ်ႈ​တြႃး​ဢေႃႈ။-</verse>
				<verse number="7">ၵေႃႉ​ဢၼ်​တၢႆ​ၼၼ်ႉ လႆႈ​ၵၢင်း​လွတ်ႈ​သေ​ၵႃႈ​ၼႂ်း​မိုဝ်း​ဢပႅတ်ႈ​တြႃး​ဢေႃႈ။-</verse>
				<verse number="8">ပေႃး​ႁဝ်း​တၢႆ​လူၺ်ႈ​ၵၼ်​တင်း​ၸဝ်ႈ​ၶရိၸ်ႈ​ၸိုင်၊ ႁဝ်း​ယုမ်ႇ​လွင်ႈ​ဢၼ်​ႁဝ်း​တၵ်း​လႆႈ​ၶိုၼ်း​လိပ်း လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="9">လွင်ႈ​မၼ်း​ၸမ်ႉ ႁဝ်း​ႁူႉ​လွင်ႈ​ဢၼ်​ၸဝ်ႈ​ၶရိၸ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​သေ​ယဝ်ႉ ၵၢင်း​လွတ်ႈ​တင်း​တၢင်း​တၢႆ​ယူႇ​တႃႇ​သေႇ​လႄႈ ၵမ်း​လိုၼ်း​ၵေႃႈ တြႃး​တၢင်း​တၢႆ ဢမ်ႇ​လႆႈ​ဢုပ်ႉ​ပိူင်ႇ​မၼ်း​ၸဝ်ႈ​ၼၼ်ႉ​ယူႇ​ဢေႃႈ။-</verse>
				<verse number="10">ၼႂ်း​လွင်ႈ​ဢၼ်​မၼ်း​ၸဝ်ႈ​ၶၢမ်ႇ​တၢင်း​တၢႆ​ၼၼ်ႉ မၼ်း​ၸဝ်ႈ​ၶၢမ်ႇ​ၵႃႈ​တီႈ​ဢပႅတ်ႈ​တြႃး​ပွၵ်ႈ​လဵဝ်​ၵူၺ်း​ဢေႃႈ။ ၼႂ်း​လွင်ႈ​ဢၼ်​မၼ်း​ၸဝ်ႈ​ဢသၢၵ်ႈ​လိပ်း​ၼၼ်ႉ၊ မၼ်း​ၸဝ်ႈ​လိပ်း​ၵႃႈ​တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="11">မိူၼ်​ၼင်ႇ​ၼၼ် ၵႃႈ​တီႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ဢပႅတ်ႈ​တြႃး​ၸမ်ႉ၊ ပဵၼ်​တၢင်း​တၢႆ​ဝႃႈ​ၼႆ​လႄႈ​သင်၊ ၵႃႈ​တီႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ၸမ်ႉ၊ ဢသၢၵ်ႈ​လိပ်း​ၼႂ်း​ ယေႇသူႉ​ၶရိၸ်ႈ ​ၼၼ်ႉ​ဝႃႈ​ၼႆ​လႄႈ​သင်၊ သူ​ထၢင်ႇ​တီႈ​တူဝ်​သူ​တႃႉ။</verse>
				<verse number="12">ပိူဝ်ႈ​ၼႆ​လႄႈ ယႃႇ​ပေ​ႁႂ်ႈ​ဢပႅတ်ႈ​တြႃး​လႆႈ​ဢုပ်ႉ​ပိူင်ႇ​တူဝ်​ၶၼ်ႇ​ထႃႇ​သူ ႁႂ်ႈ​သူ​လႆႈ​ၸွမ်း​တၢင်း​ဢၼ်​ၸွႆး​ၸပ်း​ဢလူဝ်ႇ​မၼ်း​ဢၼ်​ၸၢင်ႈ​တၢႆ။-</verse>
				<verse number="13">ယႃႇ​ပေ​ႁႂ်ႈ​ဢၢင်ႇ​ၵႃႇ​တူဝ်​သူ​ပဵၼ်​လၢၵ်ႈ​ၼၢၵ်ႈ တူႉ​ၸရိူၵ်ႈ​ဢပႅတ်ႈ​လႄႈ သၢၵ်ႈ​ၵၢပ်ႈ​တီႈ​ဢပႅတ်ႈ​တြႃး​ၼၼ်ႉ၊ ဢဝ်​တူဝ်​ၸဝ်ႈ​ၵဝ်ႇ​သၢၵ်ႈ​ၵၢပ်ႈ​ၵႃႈ​တီႈ​ၽြႃး​ပဵၼ်​ၸဝ်ႈ​မိူၼ်​ၸိူဝ်ႉ​ၼင်ႇ ၵေႃႉ​ဢၼ်​လုၵ်ႉ​သေ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​တႃႉ။ ဢၢင်ႇ​ၵႃႇ​တူဝ်​သူ​တင်း​လၢႆ​ၵေႃႈ ႁႂ်ႈ​ပဵၼ်​လၢၵ်ႈ​ၼၢၵ်ႈ​ သူႉ​ၸရိူၵ်ႈ​လႄႈ သၢၵ်ႈ​ၵၢပ်ႈ​တီႈ​ၽြႃး​ပဵၼ်​ၸဝ်ႈ​တႃႉ။-</verse>
				<verse number="14">ပိူဝ်ႈ​ဢၼ်​သူ​ဢမ်ႇ​မီး​ၼႂ်း​မိုဝ်း​ပိင်း​ၺၢပ်ႈ​တြႃး၊ မီး​ၼႂ်း​မိုဝ်း​ၵျေး​ၸူး​တြႃး​လႄႈ၊ ဢပႅတ်ႈ​တြႃး​ဢမ်ႇ​ဢုပ်ႉ​ဢမ်ႇ​ပိူင်ႇ​သူ။</verse>
				<verse number="15">ၵွပ်ႈ​ႁွႆး​ၼႆႉ​တၵ်း​ပဵၼ်​ၸိူဝ်ႉ​ၼင်ႇ​ႁိုဝ်။ ႁဝ်း​ၼႆႉ​ပိူဝ်ႈ​ဢၼ်​ဢမ်ႇ​မီး​ၼႂ်း​မိုဝ်း​ပိင်း​ၺၢပ်ႈ​တြႃး မီး​ၼႂ်း​မိုဝ်း​ၵျေး​ၸူး​တြႃး​လႄႈ၊ တၵ်း​လႆႈ​ႁဵတ်း​ဢပႅတ်ႈ​တူႉ​ၸရိူၵ်ႈ​ႁိုဝ်။ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။-</verse>
				<verse number="16">ပေႃး​သူ​ၶဝ်ႈ​လႄႈ ႁဵတ်း​ၶႃႈ​တီႈ​ၽူႈ​လႂ်​သေ​ဢမ်ႇ​ဝႃႈ ၵႃႈ​တီႈ​ဢပႅတ်ႈ​တြႃး ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​တၢႆ​သေ​ဢမ်ႇ​ဝႃႈ၊ ၵႃႈ​တီႈ​တြႃး​တၢင်း​ဢၼ်​ထွမ်ႇ​ဢဝ် ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ႁွတ်ႈ​ထိုင်​တၢင်း​သိုဝ်ႈ​တေႃႇ​သေ​ဢမ်ႇ​ဝႃႈ၊ ႁႂ်ႈ​လႆႈ​ထွမ်ႇ​ဢဝ်​ၸိုင်၊ သူ​ဢမ်ႇ​ႁူႉ​လွင်ႈ​ဢၼ် ၵေႃႉ​ၼၼ်ႉ​ပဵၼ်​ၸဝ်ႈ​သူ​ၼၼ်ႉ​ႁိုဝ်။-</verse>
				<verse number="17">ပိၵ်ႉ​သမ်ႉ​သူ​ယၢမ်ႈ​ပဵၼ်​ၶႃႈ​ဢပႅတ်ႈ​တြႃး​သေ​ၵေႃႈ၊ ပိူဝ်ႈ​ဢၼ်​သူ​ဢဝ်​တင်း​ၸႂ်​ၸေႇတၼႃႇ​ထွမ်ႇ​ဢဝ်​ၵႂၢမ်း​ၼႄး​ဢူႉပတေႇ​တင်း​လၢႆ ဢၼ်​လႆႈ​ၶၢမ်ႇ​မႃး​ယဝ်ႉ​ၼၼ်ႉ​လႄႈ ၵျေး​ၸူး​ၽြႃး​ပဵၼ်​ၸဝ်ႈ​ယႂ်ႇ​ၼႃႇ​ဢေႃႈ။-</verse>
				<verse number="18">ပိူဝ်ႈ​ဢၼ်​သူ​လႆႈ​ၵၢင်း​လွတ်ႈ​သေ​ၵႃႈ​ၼႂ်း​မိုဝ်း​ဢပႅတ်ႈ​တြႃး​ယဝ်ႉ​လႄႈ၊ သူ​ပဵၼ်​ၶႃႈ​တြႃး​တၢင်း​သိုဝ်ႈ​တေႃႇ​ဢေႃႈ။</verse>
				<verse number="19">မိူဝ်ႈ​ဢၼ်​ၵဝ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ၊ ၸွမ်း​ၼင်ႇ​ၸႃႇ​တီႉ​ပၵတီႉ ပိူဝ်ႈ​ဢၼ်​သူ​ၺၢၼ်ႇ​ၵေႇ​ၼႃႇ​လႄႈ၊ ၵဝ်​ဢဝ်​လေႃးၵီႇ ဝေႃးႁႃႇရႃႉ ဝႃႈ​ဢေႃႈ။ ၸိူဝ်ႉ​ၼင်ႇ​ဢၼ် သူ​ဢဝ်​ဢၢင်ႇ​ၵႃႇ​သူ​တင်း​လၢႆ​သႂၢင်း​ၶဝ်ႈ​ၼႂ်း​တြႃး​တၢင်း​ဢၼ်​ၵူဝ်ႈ​ၵိူၵ်ႇ​ဢိၵ်ႇ​တင်း ဢႃႉထမ်ႇမႃႉ​တြႃး​ႁႂ်ႈ​ပဵၼ်​ပုၼ်ႈ​ဢႃႉထမ်ႇမႃႉ​ၼၼ်ႉ​လႄႈ ၶၢမ်ႇ​ႁဵတ်း​ၶႃႈ​ၼၼ်ႉ၊ တေႃႈ​လဵဝ်​ၼႆႉ​ဢဝ်​ဢၢင်ႇ​ၵႃႇ​တူဝ်​သူ​တင်း​လၢႆ သႂၢင်း​ၶဝ်ႈ​ၼႂ်း​တြႃး​တၢင်း​သိုဝ်ႈ​တေႃႇ ႁႂ်ႈ​ပဵၼ်​ပုၼ်ႈ​တၢင်း​ဢၼ်​မူတ်း​ၸၢင်ႇ​ၼၼ်ႉ​လႄႈ​ၶၢမ်ႇ​ႁဵတ်း​ၶႃႈ​တႃႉ။-</verse>
				<verse number="20">ၼႂ်း​ၶိင်ႇ​မိူဝ်ႈ​ဢၼ်​သူ​ပဵၼ်​ၶႃႈ​ဢပႅတ်ႈ​တြႃး​ယူႇ​ၼၼ်ႉ​ၸိုင် သူ​ၵၢင်း​လွတ်ႈ​သေ​ၵႃႈ​ၼႂ်း​မိုဝ်း​တြႃး​တၢင်း​သိုဝ်ႈ​တေႃႇ​ဢေႃႈ။-</verse>
				<verse number="21">ၼႂ်း​မိူဝ်ႈ​ဢၼ်​သူ​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​သူ​လီ​ဢၢႆ​တေႃႈ​လဵဝ်​ၼႆႉ​ၼၼ်ႉ​ယူႇ​ၼၼ်ႉ​ၸိုင်၊ သူ​လႆႈ​ဢၵျူဝ်း​ၵႃႈ​သင်။ တၢင်း​ၵမ်​တၢင်း​ၵျၢင်ႉ​ၸိူဝ်ႉ​ၼင်ႇ​ၼၼ်​ၼၼ်ႉ ၸၢင်ႈ​သုတ်း​တိူၵ်ႈ​ၵႃႈ​ၼႂ်း​တၢင်း​တၢႆ​ဢေႃႈ။-</verse>
				<verse number="22">တေႃႈ​လဵဝ်​ၼႆႉ​ၸမ်ႉ၊ ၵႃႈ​ၼင်ႇ​ဢၼ်​သူ​ၵၢင်း​လွတ်ႈ​သေ​ၵႃႈ​ၼႂ်း​မိုဝ်း​ဢပႅတ်ႈ​တြႃး​လႄႈ ပဵၼ်​ၶႃႈ​ၽြႃး​ပဵၼ်​ၸဝ်ႈ​ၼၼ်ႉ၊ သူ​လႆႈ​ဢၵျူဝ်း​တၢင်း​ဢၼ်​မူတ်း​ၸၢင်ႇ​ဢေႃႈ။ ၼႂ်း​တီႈ​သုတ်း​တီႈ​ၵွႆ​ပုၼ်ႉ​ၵေႃႈ သူ​တၵ်း​လႆႈ​ထႃႇဝရႃႉ​ဢသၢၵ်ႈ​ဢေႃႈ။-</verse>
				<verse number="23">ၵႃႈ​ၶၼ်​ဢပႅတ်ႈ​တြႃး​ၸမ်ႉ ပဵၼ်​တၢင်း​တၢႆ​ဢေႃႈ။ သူႉ​ၵျေး​ၸူး​ဢၼ်​ၽြႃး​ပဵၼ်​ၸဝ်ႈ​ပၼ်​ၼၼ်ႉ​ၸမ်ႉ ပဵၼ်​ထႃႇဝရႃႉ​ဢသၢၵ်ႈ ၼႂ်း​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ဢေႃႈ။</verse>
			</chapter>
			<chapter number="7">
				<verse number="1">ပီႈ​ၼွင်ႉ​ဢၼ်​ႁူႉ​ပိင်း​ၺၢပ်ႈ​တြႃး​ၶဝ်​ဢိူၺ်း၊ သူ​ဢမ်ႇ​ႁူႉ​လွင်ႈ​ဢၼ်​ပိင်း​ၺၢပ်ႈ​တြႃး​ဢုပ်ႉ​ပိူင်ႇ​ၵူၼ်း တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ ဢသၢၵ်ႈ​ၼၼ်ႉ​ႁိုဝ်။-</verse>
				<verse number="2">ဢူႉပမႃႇ​ၸမ်ႉ၊ ၽူႈ​ယိင်း​ဢၼ်​မီး​ၽူဝ်​ၼၼ်ႉ၊ ၸူဝ်ႈ​ဢၼ်​ၽူဝ်​မၼ်း​ဢမ်ႇ​ပႆႇ​တၢႆ​ၼၼ်ႉ​ၸိုင်၊ ၸွမ်း​ၼင်ႇ​ပိင်း​ၺၢပ်ႈ​တြႃး​လႄႈ မတ်ႉ​ၽုၵ်ႇ​ဝႆႉ​ယူႇ​တီႈ​ၽူဝ်​မၼ်း​ဢေႃႈ။ ပေႃး​ၽူဝ်​မၼ်း​တၢႆ​ၸမ်ႉ၊ မၼ်း​ၵၢင်း​လွတ်ႈ​တင်း တၢင်း​ဢၼ်​မတ်ႉ​ဢၼ်​ၽုၵ်ႇ​ၽူဝ်​မၼ်း​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ ၸူဝ်ႈ​ဢၼ်​ၽူဝ်​မၼ်း​ဢမ်ႇ​ပႆႇ​တၢႆ​ၼၼ်ႉ၊ ပေႃး​မၼ်း​ႁဵတ်း​မေး​ၵူၼ်း​တၢင်ႇ​ၵေႃႉ​ၸိုင်၊ မၼ်း​တၵ်း​လႆႈ​ၶၢမ်ႇ​တၢင်း​ဢၼ် ႁွင်ႉ​မႄႈ​ယိင်း​ဢၼ်​လဵၼ်ႈ​ၽူဝ်​ဢွၼ်ႇ​ဢေႃႈ။ ပေႃး​ၽူဝ်​မၼ်း​တၢႆ​ၸမ်ႉ၊ ပိၵ်ႉ​သမ်ႉ​မၼ်း​ႁဵတ်း​မေး​ၵူၼ်း​တၢင်ႇ​ၵေႃႉ​သေ​ၵေႃႈ မၼ်း​ဢမ်ႇ​မီး​လွင်ႈ​ဢၼ်​တၵ်း​လႆႈ​ႁွင်ႉ မႄႈ​ယိင်း​ဢၼ်​လဵၼ်ႈ​ၽူဝ်​ဢွၼ်ႇ။</verse>
				<verse number="4">မိူၼ်​ၼင်ႇ​ၼႆ၊ ပီႈ​ၼွင်ႉ​ၶဝ်​ဢိူၺ်း၊ သူ​တၢႆ​ၵွပ်ႈ​တူဝ်​ၶၼ်ႇ​ထႃႇ​ၸဝ်ႈ​ၶရိၸ်ႈ​လႄႈ ၽၢတ်ႇ​ယၢၼ်​ၵၼ်​တင်း​ပိင်း​ၺၢပ်ႈ​တြႃး ႁႂ်ႈ​လႆႈ​ပဵၼ်​မေး​ၵူၼ်း​တၢင်ႇ​ၵေႃႉ​ဢၼ်​ဝႃႈ ၸဝ်ႈ​ဢၼ်​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​လႄႈ မၢၵ်ႇ​မၢၵ်ႇ​မႃး​ၸွမ်း​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="5">မိူဝ်ႈ​ဢၼ်​ႁဝ်း​ယင်း​မီး​ယူႇ​ၼႂ်း​ၸႃႇ​တီႉ​ပၵတီႉ​ၼၼ်ႉ​ၸိုင် ၸႂ်​ဢၼ်​ၸၢပ်ႈ​သႅင်ႇ​ၵၼ်​တင်း​ဢပႅတ်ႈ​ၼၼ်ႉ ဢွၵ်ႇ​မႃး​ၵွပ်ႈ​ပိူဝ်ႈ​ပိင်း​ၺၢပ်ႈ​တြႃး​လႄႈ ပွင်​ႁဵတ်း​ယူႇ ၵႃႈ​ၼႂ်း​ဢၢင်ႇ​ၵႃႇ​တူဝ်​ႁဝ်း​တင်း​လၢႆ ႁႂ်ႈ​လႆႈ​မၢၵ်ႇ​မၢၵ်ႇ​မႃး​ၸွမ်း​ၼင်ႇ​ဢလူဝ်ႇ​တြႃး​တၢင်း​တၢႆ​ဢေႃႈ။-</verse>
				<verse number="6">တေႃႈ​လဵဝ်​ၼႆႉ​ၸမ်ႉ၊ လွင်ႈ​ၼင်ႇ​ႁိုဝ် ႁဝ်း​ယင်း​ဢမ်ႇ​ဢိင်​တြႃး​ဢၼ်​ၵဝ်ႇ ဢၼ်​မႃး​ၼႂ်း​ၵျၢမ်း​လိၵ်ႈ​ၼၼ်ႉ​လႄႈ တၵ်း​ဢိင်​ဝီႉၺိၺ်ႇ​တြႃး​ၸဝ်ႈ​ဢၼ်​မႂ်ႇ​ယူႇ​သေ​လႄႈ ပွင်​ႁဵတ်း​ဢမူႉ​ၸဝ်ႈ​ၸိုင် ႁဝ်း​လႆႈ​တၢႆ​ၵႃႈ​တီႈ​လွင်ႈ​တၢင်း​ဢၼ်​ဢုပ်ႉ​ပိူင်ႇ​ႁဝ်း​ၼၼ်ႉ​သေ​ယဝ်ႉ၊ လႆႈ​ၵၢင်း​လွတ်ႈ​သေ​ၵႃႈ​ၼႂ်း​မိုဝ်း​ပိင်း​ၺၢပ်ႈ​တြႃး​ၼၼ်ႉ​ဢေႃႈ။</verse>
				<verse number="7">ပိူဝ်ႈ​ၼႆ​လႄႈ တၵ်း​လႆႈ​ဝႃႈ​ၸိူဝ်ႉ​ၼင်ႇ​ႁိုဝ်။ ၼႂ်း​ပိင်း​ၺၢပ်ႈ​တြႃး​ၼၼ်ႉ​မီး​ဢပႅတ်ႈ​ႁိုဝ်။ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။ ၼႂ်း​ဝႃႈ​ၼၼ်​သေ​ၵေႃႈ ၵွပ်ႈ​ပိူဝ်ႈ​ပိင်း​ၺၢပ်ႈ​တြႃး​ၵူၺ်း​လႄႈ ၵဝ်​လႆႈ​ႁူႉ​သၽေႃး​ဢပႅတ်ႈ​ဢေႃႈ။ ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ ယႃႇ​ပေ​မီး​ၸႂ်​လေႃး​ၽႃႉ​ဝႃႈ​ၼႆ ပေႃး​ပိင်း​ၺၢပ်ႈ​တြႃး​ဢမ်ႇ​ဝႃႈ​ၸိုင် ၵဝ်​ဢမ်ႇ​ႁူႉ​သၽေႃး​လေႃး​ၽႃႉ။-</verse>
				<verse number="8">ဢပႅတ်ႈ​တြႃး​လႆႈ​ဢၶႂၢင်ႉ ၵွပ်ႈ​ပိူဝ်ႈ​ပိင်း​ၺၢပ်ႈ​တြႃး​လႄႈ ၸၢင်ႈ​ႁဵတ်း​ပဵၼ်​ၸႂ်​လေႃး​ၽႃႉ​ၵူႈ​ၸိူဝ်ႉ​ၵူႈ​ပိူင်​ၼႂ်း​ၵဝ်​ဢေႃႈ။ ပေႃး​ပိင်း​ၺၢပ်ႈ​တြႃး​ဢမ်ႇ​မီး​ၸိုင် ဢပႅတ်ႈ​တြႃး​တၢႆ​ဢေႃႈ။</verse>
				<verse number="9">မိူဝ်ႈ​ဢွၼ်​ၼႆႉ​ၼၼ်ႉ ပိူဝ်ႈ​ဢၼ်​ပိင်း​ၺၢပ်ႈ​တြႃး​ဢမ်ႇ​မီး​လႄႈ ၵဝ်​ဢသၢၵ်ႈ​လိပ်း​ယူႇ​ဢေႃႈ။ မိူဝ်ႈ​ဢၼ်​ပိင်း​ၺၢပ်ႈ​တြႃး​ပေႃႇ​မႃး​ၸိုင်၊ ဢပႅတ်ႈ​တြႃး​သမ်ႉ​ၶိုၼ်း​လိပ်း​ဢေႃႈ။ ၵဝ်​ၵေႃႈ​တၢႆ​ဢေႃႈ။-</verse>
				<verse number="10">ၵဝ်​ထူပ်း​လွင်ႈ​ဢၼ် ပိင်း​ၺၢပ်ႈ​တြႃး​ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ဢသၢၵ်ႈ​လိပ်း​ၼၼ်ႉ ၸၢပ်ႈ​သႅင်ႇ​ၵၼ်​တင်း​တၢင်း​တၢႆ​ဢေႃႈ။-</verse>
				<verse number="11">ဢပႅတ်ႈ​တြႃး​လႆႈ​ဢၶႂၢင်ႉ ၵွပ်ႈ​ပိူဝ်ႈ​ပိင်း​ၺၢပ်ႈ​တြႃး​ယဝ်ႉ​ၸင်ႇ ပႅတ်ႉ​လႅၼ်​ၵဝ်​လႄႈ ဢဝ်​ၵဝ်​တၢႆ​ဢေႃႈ။</verse>
				<verse number="12">ပိူဝ်ႈ​ၼႆ​လႄႈ​တြႃး​ၸဝ်ႈ​မူတ်း​ၸၢင်ႇ​ဢေႃႈ။ ပိင်း​ၺၢပ်ႈ​တြႃး​ၵေႃႈ​မူတ်း​ၸၢင်ႇ​သိုဝ်ႈ​တေႃႇ​မျၢတ်ႈ​လီ​ဢေႃႈ။</verse>
				<verse number="13">ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ဢၼ်​မျၢတ်ႈ​လီ​ၼၼ်ႉ ပဵၼ်​လွင်ႈ​တၢင်း​တၢႆ​တီႈ​ၵဝ်​ႁိုဝ်။ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။ ဢပႅတ်ႈ​တြႃး​ၼၼ်ႉ၊ ၼင်ႇ​ႁိုဝ်​လွင်ႈ​ဢၼ်​သၽေႃး​မၼ်း တၵ်း​လႆႈ​ထၢင်ႇ​သႃး​ၸိုင်၊ ဢဝ်​လွင်ႈ​တၢင်း​ဢၼ်​မျၢတ်ႈ​လီ​မၼ်း​ၼၼ်ႉ ႁဵတ်း​တၢင်း​တၢႆ​တီႈ​ၵဝ်​လႄႈ ပဵၼ်​လွင်ႈ​တၢင်း​တၢႆ​ဢေႃႈ။ ပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​လႄႈ ဢပႅတ်ႈ​တြႃး​မီး​တၢင်း​ဢၼ်​ပျေႉ​ၸုမ်ႇ တင်း​ဢပႅတ်ႈ​ၼႃႇ​လူင်​လၢင်​ၵွပ်ႈ​ပိူဝ်ႈ ပိင်း​ၺၢပ်ႈ​ၸဝ်ႈ​ဢေႃႈ။</verse>
				<verse number="14">လိူဝ်​သေ​ၼၼ်ႉ၊ ႁဝ်း​ႁူႉ​လွင်ႈ​ဢၼ်​ပိင်း​ၺၢပ်ႈ​တြႃး ၸၢပ်ႈ​သႅင်ႇ​ၵၼ်​တင်း​ဝီႉၺိၺ်ႇ​ပၵတီႉ​ၼၼ်ႉ​ယူႇ​ဢေႃႈ။ ၵဝ်​ၸမ်ႉ​မီး​ၸႃႇ​တီႉ​ပၵတီႉ​လႄႈ လႆႈ​ၶၢမ်ႇ​တၢင်း​ဢၼ်​ၶၢႆ​ပႅတ်ႈ​ၼႂ်း​မိုဝ်း​ဢပႅတ်ႈ​တြႃး​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ ၵဝ်​ဢမ်ႇ​ႁူႉ​ဢၼ်​ၵဝ်​ၵမ်​ၵျၢင်ႉ​ၼၼ်ႉ၊ ဢၼ်​ၵဝ်​ၶႂ်ႈ​ၵမ်​ၵျၢင်ႉ​ၸိုင် ၵဝ်​ဢမ်ႇ​ၵမ်​ၵျၢင်ႉ။ ဢၼ်​ၵဝ်​လီ​ႁင်ႈ​ၸိုင် ၵဝ်​ၵမ်​ၵျၢင်ႉ​ဢေႃႈ။-</verse>
				<verse number="16">ပေႃး​ၵဝ်​ၵမ်​ၵျၢင်ႉ​ဢၼ်​ၵဝ်​ဢမ်ႇ​ၶႂ်ႈ​ၵမ်​ၵျၢင်ႉ​ၼၼ်ႉ​ၸိုင် ပိင်း​ၺၢပ်ႈ​တြႃး​သိုဝ်ႈ​တေႃႇ​ဢေႃႈ ဝႃႈ​ၼႆ၊ ၵဝ်​ႁပ်ႉ​တုင်း​ဢဝ်​ဢေႃႈ။-</verse>
				<verse number="17">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် ၵဝ်​ၵမ်​ၵျၢင်ႉ​ဢၼ်​ဢမ်ႇ​လီ​ၸိူဝ်း​ၼၼ်ႉ ဢမ်ႇ​ၸႂ်ႈ။ ဢပႅတ်ႈ​တြႃး​ဢၼ်​ယူႇ​ၵႃႈ​ၼႂ်း​ၵဝ်​ၼႆႉ​ၼၼ်ႉ ၵမ်​ၵျၢင်ႉ​ဢေႃႈ။</verse>
				<verse number="18">ၵဝ်​ႁူႉ​လွင်ႈ​ဢၼ် ဢၼ်​လီ​ဢၼ်​ငၢမ်း​သေ​ၸိူဝ်ႉ​သေ​ပိူင် ဢမ်ႇ​တႄႇ​ဢမ်ႇ​မီး​ၵႃႈ​ၼႂ်း​ၵဝ် ဢၼ်​ဝႃႈ​ၸႃႇ​တီႉ​ပၵတီႉ​ၵဝ်​ၼႆႉ​ၼၼ်ႉ​ယူႇ​ဢေႃႈ။ လွင်ႈ​မၼ်း​ၸမ်ႉ ပိၵ်ႉ​သမ်ႉ​ၵဝ်​မီး​ၸႂ်​ဢၼ်​ၶႂ်ႈ​ၵမ်​ၵျၢင်ႉ​သေ​ၵေႃႈ ၵဝ်​ႁႃ​ဢၶႂၢင်ႉ​ဢၼ်​ၸၢင်ႈ​ၵမ်​ၵျၢင်ႉ​လွင်ႈ​ဢၼ်​လီ​ဢၼ်​ငၢမ်း​ၼၼ်ႉ​လႄႈ ဢမ်ႇ​ထူပ်း​ဢမ်ႇ​လႆႈ။-</verse>
				<verse number="19">ဢၼ်​လီ​ဢၼ်​ငၢမ်း​ဢၼ်​ၵဝ်​ၶႂ်ႈ​ၵမ်​ၵျၢင်ႉ​ၼၼ်ႉ​ၸိုင်၊ ၵဝ်​ဢမ်ႇ​ၵမ်​ၵျၢင်ႉ။ ဢၼ်​ႁၢႆႉ​ဢၼ်​မိူၵ်ႈ​ဢၼ်​ၵဝ်​ဢမ်ႇ​ၶႂ်ႈ​ၵမ်​ၵျၢင်ႉ​ၼၼ်ႉ​ၸိုင် ၵဝ်​ၵမ်​ၵျၢင်ႉ​ဢေႃႈ။-</verse>
				<verse number="20">ပေႃး​ၵဝ်​ၵမ်​ၵျၢင်ႉ​ဢၼ်​ၵဝ်​ဢမ်ႇ​ၶႂ်ႈ​ၵမ်​ၵျၢင်ႉ​ၼၼ်ႉ​ၸိုင် ၵဝ်​ၵမ်​ၵျၢင်ႉ​ဢမ်ႇ​ၸႂ်ႈ။ ဢပႅတ်ႈ​တြႃး​ဢၼ်​ယူႇ​ၵႃႈ​ၼႂ်း​ၵဝ်​ၼႆႉ​ၼၼ်ႉ ၵမ်​ၵျၢင်ႉ​ဢေႃႈ။</verse>
				<verse number="21">မိူဝ်ႈ​ဢၼ်​ၵဝ်​ၶႂ်ႈ​ၵမ်​ၵျၢင်ႉ​ဢၼ်​လီ​ဢၼ်​ငၢမ်း​ၼၼ်ႉ​ၸိုင်၊ ၵဝ်​ထူပ်း​တြႃး​ဢၼ် ၸၢင်ႈ​ႁႂ်ႈ​ၵမ်​ၵျၢင်ႉ​ဢၼ်​ႁၢႆႉ​ဢၼ်​မိူၵ်ႈ​ဢေႃႈ။-</verse>
				<verse number="22">ၸွမ်း​ၼင်ႇ​ၵူၼ်း​ၵႃႈ​ၼႂ်း​ၸိုင် ၵဝ်​ၸၢင်ႈ​မူၼ်ႈ​ပျေႃႇ​ၼႂ်း​ပိင်း​ၺၢပ်ႈ​တြႃး​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="23">ၵူၺ်း​ၵႃႈ ၵဝ်​ႁၼ်​လွင်ႈ​ဢၼ်​တြႃး​ပႃး​ၼိုင်ႈ ဢၼ်​မီး​ၼႂ်း​တူဝ်​ဢၢင်ႇ​ၵႃႇ​ၵဝ်​ၸိူဝ်း​ၼႆႉ တိုၵ်း​ၵၼ်​တင်း​ၸႂ်​ဝီႉၺိၺ်ႇ​တြႃး​လႄႈ တီႉ​ဢဝ်​ၵဝ်​ၵႂႃႇ​ဢၢပ်ႈ​ပၼ်​ၵႃႈ​ၼႂ်း​မိုဝ်း​ဢပႅတ်ႈ​တြႃး​ဢၼ်​မီး​ၼႂ်း​တူဝ်​ဢၢင်ႇ​ၵႃႇ​ၵဝ်​ၸိူဝ်း​ၼႆႉ​ၼၼ်ႉ​ဢေႃႈ။-</verse>
				<verse number="24">ၵဝ်​ၼႆႉ​ပဵၼ်​ၵေႃႉ​ဢၼ် မႆႈ​ၸႂ်​ယၢပ်ႇ​ၸႂ်​ၼႃႇ​လူင်​လၢင်​ဢေႃႈ။ ၽူႈ​လႂ်​တၵ်း​ၵႄႇ​ၵဝ်​လွတ်ႈ​သေ​ၵႃႈ​တီႈ​တူဝ်​တၢႆ​ၼႆႉ။-</verse>
				<verse number="25">ၵျေး​ၸူး​ၽြႃး​ပဵၼ်​ၸဝ်ႈ​ဢၼ်​ၵႄႇ​လွတ်ႈ​ပၼ် ၵွပ်ႈ​ပိူဝ်ႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ ယႂ်ႇ​ၼႃႇ​လူင်​လၢင်​ဢေႃႈ။ ၼင်ႇ​ၼၼ်​လႄႈ ၵဝ်​ဢဝ်​တင်း​ၸႂ်​ဝီႉၺိၺ်ႇ​ၸွမ်း​တြႃး​ၽြႃး​ပဵၼ်​ၸဝ်ႈ​ဢေႃႈ။ ၵဝ်​ဢဝ်​တင်း​ၸႃႇ​တီႉ​ပၵတီႉ​ၸွမ်း​ဢပႅတ်ႈ​တြႃး​ဢေႃႈ။</verse>
			</chapter>
			<chapter number="8">
				<verse number="1">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼၼ်​လႄႈ ၶဝ်​ၸိူဝ်း​ဢၼ်​တႄႇ​ယူႇ​ၼႂ်း​ ယေႇသူႉ​ၶရိၸ်ႈ ​ၼၼ်ႉ ၵၢင်း​လွတ်ႈ​တင်း​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ဢေႃႈ။-</verse>
				<verse number="2">တြႃး​ဝီႉၺိၺ်ႇ​ၸဝ်ႈ​ဢၼ်​ႁႂ်ႈ​ဢသၢၵ်ႈ​လိပ်း​လႄႈ တႄႇ​ယူႇ​ၼႂ်း​ ယေႇသူႉ​ၶရိၸ်ႈ ​ၼၼ်ႉ ပွႆႇ​ၵဝ်​လွတ်ႈ​သေ​ၵႃႈ​ၼႂ်း မိုဝ်း​ဢပႅတ်ႈ​တြႃး​ဢိၵ်ႇ​တင်း ၵႃႈ​ၼႂ်း​မိုဝ်း​တြႃး​တၢင်း​တၢႆ​ယဝ်ႉ။-</verse>
				<verse number="3">တၢင်း​ဢၼ်​ပိင်း​ၺၢပ်ႈ​တြႃး​ႁႅင်း​လဵၵ်ႉ​ႁႅင်း​ၵေႇ ၵွပ်ႈ​ပိူဝ်ႈ​ၸႃႇ​တီႉ​ပၵတီႉ​လႄႈ ဢမ်ႇ​တၢတ်ႈ​ၼိူင်ႇ​လႆႈ​ၼၼ်ႉ၊ ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​လုၵ်ႈ​မၼ်း​ၸဝ်ႈ ဢၼ်​ဢဝ်​ပုင်ႇ​ႁၢင်ႈ​ၸႃႇ​တီႉ​ပၵတီႉ​ဢၼ်​ပျေႉ​ၸုမ်ႇ​တင်း​ဢပႅတ်ႈ​ၼၼ်ႉ​မႃး ႁႂ်ႈ​လႆႈ​ပွင်​လႆႈ​ႁဵတ်း​လႄႈ ပၼ်​တၢမ်ႇ​ဢပႅတ်ႈ​ၵႃႈ​တီႈ​ၼႂ်း​ၸႃႇ​တီႉ​ပၵတီႉ ပုၼ်ႈ​ဢၼ်​တၵ်း​ၽေႇ​ဢပႅတ်ႈ​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ ၼင်ႇ​ႁိုဝ်​ပိင်း​ၺၢပ်ႈ​ၸိူဝ်း​ဢၼ်​ပႃး​ၼႂ်း​တြႃး​ၼၼ်ႉ တၵ်း​ပျေႉ​ၸုမ်ႇ​ၼႂ်း​ႁဝ်း​ၸိူဝ်း​ဢၼ်​ဢမ်ႇ​ၵမ်​ဢမ်ႇ​ၵျၢင်ႉ ၸွမ်း​ၼင်ႇ​ၸႃႇ​တီႉ​ပၵတီႉ​လႄႈ ၵမ်​ၵျၢင်ႉ​ၸွမ်း​ၼင်ႇ​ဝီႉၺိၺ်ႇ​ပၵတီႉ​ၼႆႉ​ၸိုင် ၸင်ႇ​ပဵၼ်​ဢေႃႈ။-</verse>
				<verse number="5">ၶဝ်​ၸိူဝ်း​ဢၼ်​မီး​ၸႃႇ​တီႉ​ပၵတီႉ​ၼၼ်ႉ မီး​ၸႂ်​သၽေႃး​ဢၼ်​ၸွႆး​ဢၼ်​ၸပ်း​လူၺ်ႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၸႃႇ​တီႉ​ပၵတီႉ​ဢေႃႈ။ ၶဝ်​ၸိူဝ်း​ဢၼ်​မီး​ဝီႉၺိၺ်ႇ​ပၵတီႉ​ၸမ်ႉ မီး​ၸႂ်​သၽေႃး ဢၼ်​ၸွႆး​ဢၼ်​ၸပ်း​လူၺ်ႈ​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ဝီႉၺိၺ်ႇ​ပၵတီႉ​ဢေႃႈ။-</verse>
				<verse number="6">ၸႂ်​သၽေႃး​ၸႃႇ​တီႉ​ပၵတီႉ​ၸိုင်၊ ပဵၼ်​လွင်ႈ​တၢင်း​တၢႆ​ဢေႃႈ။ ၸႂ်​သၽေႃး​ဝီႉၺိၺ်ႇ​ပၵတီႉ​ၸမ်ႉ ပဵၼ်​လွင်ႈ​တၢင်း​ဢၼ်​ဢသၢၵ်ႈ​လိပ်း ဢိၵ်ႇ​တင်း​တၢင်း​ဢၼ်​ၼိမ်​ဢေႃႈ။-</verse>
				<verse number="7">ပဵၼ်​လွင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ ၸႂ်​သၽေႃး​ၸႃႇ​တီႉ​ပၵတီႉ​ၸိုင် ပဵၼ်​တၢင်း​ဢၼ်​ၶတ်း​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။ ဢမ်ႇ​ၸၢင်ႈ​ၸွမ်း​ဢလူဝ်ႇ​တြႃး​ၽြႃး​ပဵၼ်​ၸဝ်ႈ။ လိူဝ်​သေ​ၼၼ်ႉ​ဢမ်ႇ​ၵႃး​ဢမ်ႇ​ၸွမ်း​လႆႈ။-</verse>
				<verse number="8">ပိူဝ်ႈ​ၼႆ​လႄႈ ၶဝ်​ၸိူဝ်း​ဢၼ်​ယူႇ​ၼႂ်း​ၸႃႇ​တီႉ​ပၵတီႉ​ၼၼ်ႉ ဢမ်ႇ​ထုၵ်ႇ​ၸႂ်​ၽြႃး​ပဵၼ်​ၸဝ်ႈ​လႆႈ။</verse>
				<verse number="9">ၼႂ်း​ဝႃႈ​ၼၼ်​သေ​ၵေႃႈ ပေႃး​ဝီႉၺိၺ်ႇ​ၽြႃး​ပဵၼ်​ၸဝ်ႈ​ယူႇ​ၵႃႈ​ၼႂ်း​သူ​ၸိုင်၊ သူ​မီး​ၽၢႆႇ​ၸႃႇ​တီႉ​ပၵတီႉ​ဢမ်ႇ​ၸႂ်ႈ၊ မီး​ၽၢႆႇ​ဝီႉၺိၺ်ႇ​ပၵတီႉ​ဢေႃႈ။ ၵေႃႉ​ဢၼ်​ဢမ်ႇ​လႆႈ​ဝီႉၺိၺ်ႇ​ၸဝ်ႈ​ၶရိၸ်ႈ​ၼၼ်ႉ​ၸမ်ႉ၊ ဢမ်ႇ​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ၶရိၸ်ႈ။-</verse>
				<verse number="10">ပေႃး​ၸဝ်ႈ​ၶရိၸ်ႈ​မီး​ယူႇ​ၵႃႈ​ၼႂ်း​သူ​ၸိုင်၊ တူဝ်​ၵႃႇ​ယႃႉ​ပဵၼ်​ဢၼ်​တၢႆ​ၵွပ်ႈ​ပိူဝ်ႈ​ဢပႅတ်ႈ​ဢေႃႈ။ ဝီႉၺိၺ်ႇ​ၸမ်ႉ၊ ဢသၢၵ်ႈ​လိပ်း​ယူႇ ၵွပ်ႈ​ပိူဝ်ႈ​တၢင်း​သိုဝ်ႈ​တေႃႇ​ဢေႃႈ။-</verse>
				<verse number="11">လိူဝ်​သေ​ၼၼ်ႉ​ဢမ်ႇ​ၵႃး ပေႃး​ဝီႉၺိၺ်ႇ​မၼ်း​ၸဝ်ႈ​ဢၼ်​ႁႂ်ႈ​ ယေႇသူႉ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ ၵိင်း​ဝၢပ်ႈ​ယူႇ​ၵႃႈ​ၼႂ်း​သူ​ၸိုင် မၼ်း​ၸဝ်ႈ​ဢၼ်​ႁႂ်ႈ​ၸဝ်ႈ​ၶရိၸ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ တၵ်း​ႁႂ်ႈ​တူဝ်​ၵႃႇ​ယႃႉ​သူ​လိပ်း ၵွပ်ႈ​ပိူဝ်ႈ​ဝီႉၺိၺ်ႇ​မၼ်း​ၸဝ်ႈ​ဢၼ်​ၵိင်း​ဝၢပ်ႈ​ယူႇ​ၵႃႈ​ၼႂ်း​သူ​ၼၼ်ႉ​ဢေႃႈ။</verse>
				<verse number="12">ပိူဝ်ႈ​ၼႆ​လႄႈ ပီႈ​ၼွင်ႉ​ၶဝ်​ဢိူၺ်း၊ ႁဝ်း​ၸိူဝ်း​ၼႆႉ​ပဵၼ်​ၶႃႈ​ၸႃႇ​တီႉ​ပၵတီႉ ႁႂ်ႈ​လႆႈ​ၵမ်​ၵျၢင်ႉ​ၸွမ်း​ၼင်ႇ​ၸႃႇ​တီႉ​ပၵတီႉ​ဢမ်ႇ​ၸႂ်ႈ။-</verse>
				<verse number="13">ပေႃး​သူ​ဢသၢၵ်ႈ​လိပ်း​ၸွမ်း​ၼင်ႇ​ၸႃႇ​တီႉ​ပၵတီႉ​ၸိုင် သူ​တၵ်း​လႆႈ​တၢႆ​ဢေႃႈ။ ပေႃး​သူ​ႁႂ်ႈ​တၢင်း​ၵမ်​တၢင်း​ၵျၢင်ႉ​တူဝ်​ၵႃႇ​ယႃႉ​တၢႆ​ၵွပ်ႈ​ပိူဝ်ႈ​ဝီႉၺိၺ်ႇ​ၸဝ်ႈ​ၸိုင် သူ​ဢသၢၵ်ႈ​တၵ်း​လိပ်း​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ်​ဝီႉၺိၺ်ႇ​ၸဝ်ႈ ဢဝ်​ၵႂႃႇ​သူင်ႇ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ သူ​လႆႈ​သၽေႃး​ၶႃႈ​ဢၼ်​ၸၢင်ႈ​ၶိုၼ်း​ၵူဝ်​ၶိုၼ်း​ႁႄ​ၼၼ်ႉ​ဢမ်ႇ​ၸႂ်ႈ။ သူ​လႆႈ​သၽေႃး​တၢင်း​ဢၼ် ၶိုၼ်း​ပဵၼ်​လုၵ်ႈ ဢိၵ်ႇ​တင်း​ဢၶႂၢင်ႉ​ဢၼ်​လႆႈ​ႁွင်ႉ​ ဢပ်ႉပႃႉ ပေႃႈ​ဢေႃႈ။-</verse>
				<verse number="16">ႁဝ်း​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဝႃႈ​ၼႆ ဝီႉၺိၺ်ႇ​ၸဝ်ႈ​ၶၢမ်ႇ​သၢၵ်ႈ​သေႇ​လူၺ်ႈ​ၵၼ်​တင်း​ဝီႉၺိၺ်ႇ​ႁဝ်း​ယူႇ​ဢေႃႈ။-</verse>
				<verse number="17">ပေႃး​ပဵၼ်​လုၵ်ႈ​ၸိုင်၊ ပဵၼ်​ၵေႃႉ​ဢၼ်​ၶၢမ်ႇ​ဢမူၺ်ႇ​ဢေႃႈ။ ပဵၼ်​ၵေႃႉ​ဢၼ်​ၶၢမ်ႇ​ဢမူၺ်ႇ​ၽြႃး​ပဵၼ်​ၸဝ်ႈ​ဢေႃႈ။ ပေႃး​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ႁူမ်ႈ​လူၺ်ႈ​ၵၼ်​တင်း​ၸဝ်ႈ​ၼၼ်ႉ ႁႂ်ႈ​လႆႈ​ၸၢမ်ႇ​ၸႃး​မုၼ်​ၽုင်း​လူၺ်ႈ​ၵၼ်​တင်း​ၸဝ်ႈ​ၼၼ်ႉ​ၸိုင် ပဵၼ်​ၵေႃႉ​ဢၼ်​ၶၢမ်ႇ​ဢမူၺ်ႇ​ဢၼ်​သိူၵ်ႈ​သမ်ႇ​ၵၼ်​တင်း​ၸဝ်ႈ​ၼၼ်ႉ​ဢေႃႈ။</verse>
				<verse number="18">ပေႃး​ၶႆႈ​ၸႂ်​လူၺ်ႈ​လွင်ႈ​မုၼ်​ၽုင်း​ဢၼ်​တၵ်း​မႃး​တီႈ​ႁဝ်း​ၼၼ်ႉ​ၸိုင် တုၵ်ႉ​ၶႃႉ​တၢင်း​ၽၢၼ်​ဢၼ်​လႆႈ​ၶၢမ်ႇ​ၼႂ်း​ၶိင်ႇ​တေႃႈ​လဵဝ်​တႂ်ႈ​တႃ​ၼႆႉ​ဢမ်ႇ​ပွင်ႇ​လွင်ႈ​ၵႃႈ​သင်​ဝႃႈ​ၼႆ၊ ၵဝ်​မီး​သၽေႃး​ဢေႃႈ။-</verse>
				<verse number="19">တၢင်း​ဢၼ်​လေႃးၵႃႉ​မုင်ႈ​ထႃႈ​မွင်း​ထႃႈ​ၼၼ်ႉ ပႂ်ႉ​ထႃႈ​လွင်ႈ​တၢင်း​ဢၼ်​လုၵ်ႈ​ၽြႃး​ပဵၼ်​ၸဝ်ႈ​တင်း​လၢႆ တၵ်း​ပေႃႇ​မႃး​ၼၼ်ႉ​ယူႇ​ဢေႃႈ။-</verse>
				<verse number="20">လေႃးၵႃႉ​ၼႆႉ​ယူႇ​ဢလူဝ်ႇ​လူဝ်ႇ​လႄႈ ၸွမ်း​ၵႂႃႇ​ၵႃႈ​ၼႂ်း​မိူင်း​ဢၼိၵ်ႈၸႃႉ​ၵူၺ်း​မၼ်း​ဢမ်ႇ​ၸႂ်ႈ။ ၸွမ်း​ၵႂႃႇ​ၵွပ်ႈ​ပိူဝ်ႈ​ဢလူဝ်ႇ​မၼ်း​ၸဝ်ႈ ဢၼ်​ႁႂ်ႈ​ၸွမ်း​ၵႂႃႇ​ၼၼ်ႉ​လႄႈ၊-</verse>
				<verse number="21">ပၼ်​ဢၶႂၢင်ႉ​ဢၼ်​လႆႈ​မုင်ႈ​ထႃႈ​မွင်း​ထႃႈ​လွင်ႈ​ဢၼ်​လေႃးၵႃႉ​ၼႆႉ တူဝ်​ၸဝ်ႈ​ၵဝ်ႇ​တၵ်း​မီး​တၢင်း​ဢၼ် ၵႄႈ​လွတ်ႈ​သေ​ၵႃႈ​ၼႂ်း​တီႈ​တၢင်း​ဢၼ်​မတ်ႉ​ၽုၵ်ႇ​ဝႆႉ ၵႃႈ​ၼႂ်း​တၢင်း​ဢၼ်​ၽွၵ်ႈ​ပျၢၼ်ႇ​လူႉ​လႅဝ်​ၼၼ်ႉ​သေ​လႄႈ ႁွတ်ႈ​ထိုင်​ၵႃႈ​ၼႂ်း​တၢင်း​ဢၼ်​လွတ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း မုၼ်​ၽုင်း​လုၵ်ႈ​ၽြႃး​ပဵၼ်​ၸဝ်ႈ​တင်း​လၢႆ​ၼၼ်ႉ​ယူႇ​ဢေႃႈ။-</verse>
				<verse number="22">လေႃးၵႃႉ​ၼႆႉ​တင်း​သဵင်ႈ​တင်း​လူင် လႆႈ​ၶၢင်း​ၶီ​ၶၢင်း​ၽၢၼ်​လႄႈ ၶၢမ်ႇ​ဝူၺ်ႇတၼႃႇ​တုၵ်ႉ​ၶႃႉ​တၢင်း​ၽၢၼ်​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ယူႇ​ဢေႃႈ။-</verse>
				<verse number="23">လိူဝ်​သေ​ၼၼ်ႉ​ဢမ်ႇ​ၵႃး ႁဝ်း​ၵေႃႈ​လႆႈ​ၶၢမ်ႇ​ငဝ်ႈ​ႁၢၵ်ႈ​သူႉ​ၵျေး​ၸူး​ၸဝ်ႈ​သေ​ယဝ်ႉ မုင်ႈ​ထႃႈ​မွင်း​ထႃႈ​တၢင်း​ဢၼ်​ယွင်ႈ​ဝႆႉ​ၼႂ်း​ဢရႃႇ​လုၵ်ႈ​ဢၼ်​ဝႃႈ ၶျၢမ်း​သႃႇ​တၢင်း​ဢၼ် ထုတ်ႇ​ဢဝ်​တူဝ်​ၶၼ်ႇ​ထႃႇ​ႁဝ်း​ၼႆႉ​ၼၼ်ႉ​ၵူၺ်း​လႄႈ ၶၢင်း​ၶီ​ၶၢင်း​ၽၢၼ်​ယူႇ​ၵႃႈ​ၼႂ်း​ႁူဝ်​ၸႂ်​ဢေႃႈ။</verse>
				<verse number="24">ႁဝ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​တၢင်း​ဢၼ် မုင်ႈ​ထႃႈ​မွင်း​ထႃႈ​ဢေႃႈ။ ပေႃး​ထူပ်း​ႁၼ်​တၢင်း​ဢၼ်​မုင်ႈ​ထႃႈ​မွင်း​ထႃႈ​ၼၼ်ႉ​ယဝ်ႉ​ၸိုင် လွင်ႈ​ဢၼ်​တၵ်း​လႆႈ​မုင်ႈ​ထႃႈ​မွင်း​ထႃႈ​ယူႇ​ဢမ်ႇ​မီး။ ႁဵတ်း​သင်​လႄႈ မုင်ႈ​ထႃႈ​မွင်း​ထႃႈ​လွင်ႈ​ဢၼ်​ထူပ်း​ႁၼ်​ယဝ်ႉ​ၼၼ်ႉ​ၼင်ႇ​ႁိုဝ်။-</verse>
				<verse number="25">ပေႃး​ႁဝ်း​မုင်ႈ​ထႃႈ​မွင်း​ထႃႈ​လွင်ႈ​တၢင်း​ဢၼ်​ဢမ်ႇ​ထူပ်း​ဢမ်ႇ​ႁၼ်​ၼၼ်ႉ​ၸမ်ႉ၊ ႁဝ်း​ပႃး​တင်း​ၸႂ်​ဢၼ်​ယိူၼ်ႉ​ၶၢမ်ႇ​လႄႈ ပႂ်ႉ​ထႃႈ​ယူႇ​ဢေႃႈ။-</verse>
				<verse number="26">လိူဝ်​သေ​ၼၼ်ႉ၊ ဝီႉၺိၺ်ႇ​ၸၢင်ႈ​ၸွႆႈ​ထႅမ်​မႃႉ​ၸႃႉ​ၼႂ်း​လွင်ႈ​တၢင်း​ဢၼ်​ႁဝ်း​ဢမ်ႇ​တၢတ်ႈ​ၼိူင်ႇ​လႆႈ​ၼၼ်ႉ​ယူႇ​ဢေႃႈ။ ၵႃႈ​ၼင်ႇ​ဢၼ်​ႁဝ်း​ထုၵ်ႇ​လီ​သူး​တွင်း​ၼၼ်ႉ တၵ်း​လႆႈ​ယွၼ်း​သူး​ၵႃႈ​သင်​ဝႃႈ​ၼႆ၊ ႁဝ်း​ဢမ်ႇ​ႁူႉ။ ၵူၺ်း​ၵႃႈ ဝီႉၺိၺ်ႇ​ၸဝ်ႈ​ဢဝ်​တင်း တၢင်း​ဢၼ်​ၶၢင်း​ၶီ​ၶၢင်း​ၽၢၼ်​ဢၼ်​ဢမ်ႇ​ဢွၵ်ႇ​သူပ်း​လႆႈ​ၼၼ်ႉ တွင်း​ပၢၼ်ႇ​ပုၼ်ႈ​ႁဝ်း​ဢေႃႈ။-</verse>
				<verse number="27">ၸဝ်ႈ​ဢၼ်​ၸႅတ်ႈ​ထၢမ်​ၸႅတ်ႈ​တူၺ်း​ႁူဝ်​ၸႂ်​ၼၼ်ႉ ႁူႉ​ၸႂ်​သၽေႃး​ဝီႉၺိၺ်ႇ​ၸဝ်ႈ​ယူႇ​ဢေႃႈ။ လွင်ႈ​မၼ်း​ၸမ်ႉ ဝီႉၺိၺ်ႇ​ၸဝ်ႈ​တွင်း​ပၢၼ်ႇ​ပုၼ်ႈ​ၶဝ်​ၸိူဝ်း​ဢၼ်​မူတ်း​ၸၢင်ႇ​ၼၼ်ႉ ၸွမ်း​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="28">ႁဝ်း​ႁူႉ​လွင်ႈ​ဢၼ် လွင်ႈ​တၢင်း​ၵႃႈ​မီး​ၵူႈ​ၸိူဝ်ႉ​ၵူႈ​ပိူင်​ၽွမ်ႉ​ၵၼ်​ပွင်​ႁဵတ်း​ဢၵျူဝ်း​ၶဝ်​ၸိူဝ်း​ဢၼ်​ႁၵ်ႉ​ၽြႃး​ပဵၼ်​ၸဝ်ႈ​ဢၼ်​ဝႃႈ ၶဝ်​ၸိူဝ်း​ဢၼ်​မၼ်း​ၸဝ်ႈ​ႁွင်ႉ​ဢဝ် ၵႃႈ​ၼင်ႇ​တၢင်း​ဢၼ်​မၼ်း​ၸဝ်ႈ​ၵျၢမ်ႇ​ပွင်​ၼၼ်ႉ​ယူႇ​ဢေႃႈ။-</verse>
				<verse number="29">ၼင်ႇ​ႁိုဝ်​လုၵ်ႈ​ၸဝ်ႈ​တၵ်း​ပဵၼ်​လုၵ်ႈ​တူၼ်ႈ​ၼႂ်း​ၼွင်ႉ​မၼ်း​ၸဝ်ႈ​ၼမ်​ၼႃႇ​ၸိုင် ၸႃႉ​ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ​လႄႈ ၽြႃး​ပဵၼ်​ၸဝ်ႈ​မၵ်း​ၶၢၼ်း​ၶဝ်​ၸိူဝ်း​ဢၼ်​မၼ်း​ၸဝ်ႈ​ႁူႉ​ၸႃႉ​ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ​ဝႆႉ ႁႂ်ႈ​လႆႈ​ပဵၼ်​ၸိူဝ်ႉ​ၼင်ႇ​ပုင်ႇ​ႁၢင်ႈ​လုၵ်ႈ​ၸဝ်ႈ​ဢေႃႈ။-</verse>
				<verse number="30">ၶဝ်​ၸိူဝ်း​ဢၼ်​မၼ်း​ၸဝ်ႈ​မၵ်း​ၶၢၼ်း​ဝႆႉ​ၼၼ်ႉ​ၵေႃႈ၊ မၼ်း​ၸဝ်ႈ​ႁွင်ႉ​ဢဝ်​ဢေႃႈ။ ၶဝ်​ၸိူဝ်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၼၼ်ႉ​ၵေႃႈ မၼ်း​ၸဝ်ႈ​ႁႂ်ႈ​တႄႇ​ယူႇ​ၼႂ်း​တၢင်း​ဢၼ်​သိုဝ်ႈ​တေႃႇ​ဢေႃႈ။ ၶဝ်​ၸိူဝ်း​ဢၼ်​မၼ်း​ၸဝ်ႈ​ႁႂ်ႈ​တႄႇ​ယူႇ​ၼႂ်း​တၢင်း​ဢၼ်​သိုဝ်ႈ​တေႃႇ​ၼၼ်ႉ​ၵေႃႈ မၼ်း​ၸဝ်ႈ​ယွင်ႈ​ယေႃး​ဢေႃႈ။</verse>
				<verse number="31">ပိူဝ်ႈ​ၼႆ​လႄႈ ၼႂ်း​လွင်ႈ​တၢင်း​ၸိူဝ်း​ၼႆႉ တၵ်း​မီး​တီႈ​လၢတ်ႈ​ၵႃႈ​သင်။ ပေႃး​ၽြႃး​ပဵၼ်​ၸဝ်ႈ​မီး​ယူႇ​ၽၢႆႇ​ႁဝ်း​ၸိုင် ၽူႈ​လႂ်​တၵ်း​ယူႇ​ၽၢႆႇ​ၼိုင်ႈ​သေ​လႄႈ ႁႄႉ​ၶႅၼ်​ႁဝ်း​လႆႈ။-</verse>
				<verse number="32">မၼ်း​ၸဝ်ႈ​ဢၼ်​ဢမ်ႇ​သေ​လၢႆ​လုၵ်ႈ​ဢွၵ်ႇ​ၸဝ်ႈ​လႄႈ ၸုၼ်ႉ​ပႅတ်ႈ​ပုၼ်ႈ​ႁဝ်း​ၵႃႈ​မီး​တင်း​သဵင်ႈ​တင်း​လူင်​ၼႆႉ​ၼၼ်ႉ ယင်း​ဢမ်ႇ​ပၼ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ဢိၵ်ႇ​တင်း​လုၵ်ႈ​ၸဝ်ႈ​တီႈ​ႁဝ်း​လႄႈ​တၵ်း​ယူႇ​ၸိူဝ်ႉ​ၼင်ႇ​ႁိုဝ်။-</verse>
				<verse number="33">ၽူႈ​လႂ်​တၵ်း​တၢင်ႇ​ဢပႅတ်ႈ​တီႈ​ၶဝ်​ၸိူဝ်း​ဢၼ်​ၽြႃး​ပဵၼ်​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ။ ၵေႃႉ​ဢၼ်​ႁႂ်ႈ​တႄႇ​ယူႇ​ၼႂ်း​တၢင်း​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ ပဵၼ်​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="34">ၵေႃႉ​ဢၼ်​ၸီႇ​ယၢင်ႇ​ဢပႅတ်ႈ​ၸမ်ႉ ပဵၼ်​ၽူႈ​လႂ်။ ၵေႃႉ​ဢၼ်​ၶၢမ်ႇ​တၢင်း​တၢႆ​လႄႈ​ၶၢမ်ႇ​ယဝ်ႉ​ဢမ်ႇ​ၵႃး၊ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​သေ​ယဝ်ႉ မီး​ယူႇ​ၽၢႆႇ​ၶႂႃ​ၽြႃး​ပဵၼ်​ၸဝ်ႈ​လႄႈ သူး​တွင်း​ပုၼ်ႈ​ႁဝ်း​ယူႇ​ၼၼ်ႉ​ၸမ်ႉ၊ ပဵၼ်​ၸဝ်ႈ​ၶရိၸ်ႈ​ဢေႃႈ။-</verse>
				<verse number="35">ၽူႈ​လႂ်​တၵ်း​ႁႂ်ႈ​ႁဝ်း​ၽၢတ်ႇ​ယၢၼ်​ၵၼ်​တင်း တၢင်း​ႁၵ်ႉ​မႅတ်ႈ​တႃႇ​ၸဝ်ႈ​ၶရိၸ်ႈ။ တၢင်း​ဢၼ်​ယၢၵ်ႈ​ၸႂ်​ၽၢၼ်​ၸႂ်၊ တၢင်း​ဢၼ်​ၵိၼ်း​ၸႂ်​တိပ်ႇ​ၸႂ်၊ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး၊ တၢင်း​ဢၼ်​ဢိုပ်း​ဢၼ်​ယၢၵ်ႈ၊ တၢင်း​ဢၼ်​ဢမ်ႇ​မီး​ၶူဝ်း​မီး​လဵင်း၊ တၢင်း​ဢၼ်​လႆႈ​ထူပ်း​ၽေး​ထူပ်း​ရၢၼ်ႇ၊ တၢင်း​ဢၼ်​လႆႈ​ၶၢမ်ႇ​တၢင်း​တၢႆ​ၸိူဝ်း​ၼႆႉ ဢၼ်​လႂ်​တၵ်း​ႁႂ်ႈ​ၽၢတ်ႇ​ယၢၼ်​ၵၼ်​တင်း တၢင်း​ႁၵ်ႉ​မႅတ်ႈ​တႃႇ​ၸဝ်ႈ​ၶရိၸ်ႈ။-</verse>
				<verse number="36">ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ ၵွပ်ႈ​ပိူဝ်ႈ​ၸဝ်ႈ​ႁဝ်း​လႄႈ ႁဝ်း​ၶႃႈ​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​တႃႇ​သေႇ​ဢမ်ႇ​ထၢတ်ႇ​ၶႃႈ​ဢေႃႈ။ ပိူၼ်ႈ​ၸၢင်ႈ​မၢတ်ႈ​ႁဝ်း​ၶႃႈ​ပဵၼ်​ၸိူဝ်ႉ​ၼင်ႇ​သူဝ်း​ဢၼ်​ၶၢၼ်း​ဝႆႉ ပုၼ်ႈ​ဢၼ်​တၵ်း​ဢဝ်​တၢႆ​တင်း​လၢႆ​ၼၼ်ႉ​ၶႃႈ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="37">ဢမ်ႇ​ႁႂ်ႈ​ၽၢတ်ႇ​ယၢၼ်​ၵၼ်​ဢမ်ႇ​ၵႃး၊ ၵွပ်ႈ​ပိူဝ်ႈ​ၵျေး​ၸူး​မၼ်း​ၸဝ်ႈ ဢၼ်​ႁၵ်ႉ​ႁဝ်း​ၼၼ်ႉ​လႄႈ ႁဝ်း​ယဵင်ႈ​ၶႅၼ်း​တၵ်း​ပႄႉ​ၼႅင်ႇ ၼႂ်း​လွင်ႈ​တၢင်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ​ဢေႃႈ။-</verse>
				<verse number="38">လွင်ႈ​မၼ်း​ၸမ်ႉ တၢင်း​တၢႆ​သေ​ဢမ်ႇ​ဝႃႈ၊ တၢင်း​ဢၼ်​ဢသၢၵ်ႈ​လိပ်း​သေ​ဢမ်ႇ​ဝႃႈ၊ တမၢၼ်ႇ​ၵၢင်​ႁၢဝ်​သေ​ဢမ်ႇ​ဝႃႈ၊ ပၢႆ​ၸိၵ်း​ၸွမ်​ဢၼ်​မျၢတ်ႈ​သေ​ဢမ်ႇ​ဝႃႈ၊ ဢႃႇၼႃႇ​တၼ်း​ၶူဝ်း​သေ​ဢမ်ႇ​ဝႃႈ၊ ဢၼ်​သိုဝ်ႈ​ၼႃႈ​တႂ်ႈ​တႃ​သေ​ဢမ်ႇ​ဝႃႈ၊ ဢၼ်​တၵ်း​မႃး​ၵမ်း​လိုၼ်း​သေ​ဢမ်ႇ​ဝႃႈ၊-</verse>
				<verse number="39">ဢၼ်​သုင်​သေ​ဢမ်ႇ​ဝႃႈ၊ ဢၼ်​တႅမ်ႇ​သေ​ဢမ်ႇ​ဝႃႈ၊ ၸႃႉ​ၸဵမ်​လွင်ႈ​တၢင်း​ၸိူဝ်း​ၼႆႉ​လႄႈ လွင်ႈ​တၢင်း​ၼီႉမိၵ်ႈ​တႃႉ​ဢၼ်​လႂ်​သေ​ဢမ်ႇ​ဝႃႈ၊ တၵ်း​ဢမ်ႇ​ႁႂ်ႈ​ႁဝ်း​ၽၢတ်ႇ​ယၢၼ်​ၵၼ်​တင်း တၢင်း​ႁၵ်ႉ​မႅတ်ႈ​တႃႇ​ၽြႃး​ပဵၼ်​ၸဝ်ႈ ဢၼ်​မီး​ယူႇ​ၼႂ်း​ၸဝ်ႈ​ႁဝ်း ယေႇသူႉ​ၶရိၸ်ႈ ​ၼၼ်ႉ​ဝႃႈ​ၼႆ ၵဝ်​တူၵ်း​ၵၢင်​ၸႂ်​ယူႇ​ဢေႃႈ။</verse>
			</chapter>
			<chapter number="9">
				<verse number="1">ၸႂ်​ဢၼ်​ႁူႉ​တူဝ်​ၵဝ် ၶၢမ်ႇ​သၢၵ်ႈ​သေႇ​ၽၢႆႇ​ၵဝ်​လူၺ်ႈ​ၵၼ်​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ယူႇ​သေ​လႄႈ ၵဝ်​ယင်း​ဢမ်ႇ​ပႃး​မူႉ​သႃႇ​လႄႈ​လၢတ်ႈ​ဢၼ်​ၸိုဝ်ႈ​ဢၼ်​ၸႂ်ႈ​ၽၢႆႇ​ၼႃႈ​ၸဝ်ႈ​ၶရိၸ်ႈ​ၸမ်ႉ၊-</verse>
				<verse number="2">ၵဝ်​မီး​တၢင်း​ဢၼ်​ၸႂ်​လဵၵ်ႉ​ၼႃႇ​လူင်​လၢင်​ဢေႃႈ။ ၼႂ်း​ႁူဝ်​ၸႂ်​ၵဝ်​ၼႆႉ​မီး​ဝူၺ်ႇတၼႃႇ တၢင်း​ဢၼ်​ယၢပ်ႇ​ၸႂ်​ၽိုတ်ႇ​ၸႂ်​ဢမ်ႇ​ထၢတ်ႇ​သေ​ပွၵ်ႈ​ဢေႃႈ။-</verse>
				<verse number="3">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ပီႈ​ၼွင်ႉ​ၵဝ်​ဢၼ်​ၸွမ်း​ၼင်ႇ​ၸႃႇ​တီႉ​ပဵၼ်​ၸိူဝ်ႉ​ၶိူဝ်း​ၵဝ်​ၸိူဝ်း​ၼၼ်ႉ​လႄႈ ၵဝ်​မီး​ၸႂ်​သၽေႃး​ထၼ်ႈ​ပေႃး ၶႂ်ႈ​ၽၢတ်ႇ​ယၢၼ်​ၵၼ်​တင်း​ၸဝ်ႈ​ၶရိၸ်ႈ​လႄႈ ၶၢမ်ႇ​တၢင်း​ၵိၼ်ႇ​တၢင်း​ဝႃႈ​ဢေႃႈ။-</verse>
				<verse number="4">ၶဝ်​ၼၼ်ႉ​ပဵၼ်​ၵူၼ်း​ ဢီႉသရေႇလႃႉ ​လႄႈ ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ယွင်ႈ​ဝႆႉ​ၼႂ်း​ဢရႃႇ​လုၵ်ႈ​ဢိၵ်ႇ​တင်း​မုၼ်​ၽုင်း​ဢႃႇၼူႉၽေႃႇ၊ တင်း​ပတီႉၺိၺ်ႇ​တြႃး​တင်း​လၢႆ၊ တင်း​တၢင်း​ဢၼ်​ဝႆႉ​ပိင်း​ၺၢပ်ႈ​တြႃး၊ တင်း​တၢင်း​ဢၼ်​ႁဵတ်း​ဝၢတ်ႈ၊ တင်း​ၵတီႉ​ၸဝ်ႈ​တင်း​လၢႆ​ၼၼ်ႉ​ဢေႃႈ။-</verse>
				<verse number="5">ၶဝ်​ပဵၼ်​ၵူၼ်း​ၸိူဝ်း​ဢၼ်​သိုပ်ႇ​လူင်း​မႃး ၵႃႈ​တီႈ​ပူႇ​ပေႃႈ​တင်း​လၢႆ​ဢေႃႈ။ ၵႃႈ​တီႈ​မဵဝ်း​ၶဝ်​ၵေႃႈ ၸဝ်ႈ​ၶရိၸ်ႈ​ၸွမ်း​ၼင်ႇ​ၸႃႇ​တီႉ​လႄႈ​ပေႃႇ​ဢွၵ်ႇ​မႃး​ဢေႃႈ။ မၼ်း​ၸဝ်ႈ​ၼၼ်ႉ​ဢုပ်ႉ​ပိူင်ႇ​ၵူႈ​ၸိူဝ်ႉ​ၵူႈ​ပိူင် ၵႃႈ​မီး​တင်း​သဵင်ႈ​တင်း​လူင်​လႄႈ ပဵၼ်​ၽြႃး​ပဵၼ်​ၸဝ်ႈ​ဢၼ်​မီး​မင်ႇၵလႃႇ​ထႃႇဝရႃႉ​ဢေႃႈ။ ဢႃႇမိၼ်ႇ။</verse>
				<verse number="6">ၼႂ်း​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ ၵတီႉ​ၽြႃး​ပဵၼ်​ၸဝ်ႈ​ဢမ်ႇ​တႄႇ ဝႃႈ​ၼႆ ၵဝ်​ဢမ်ႇ​ၶႂ်ႈ​ဝႃႈ။ လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​သိုပ်ႇ​လူင်း​မႃး​ၵႃႈ​တီႈ​ ဢီႉသရေႇလႃႉ ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပဵၼ်​ၵူၼ်း​ ဢီႉသရေႇလႃႉ ဢၼ်​မၢၼ်ႇ​ဢၼ်​မႅၼ်ႈ​ဢမ်ႇ​ၸႂ်ႈ။-</verse>
				<verse number="7">မိူၼ်​ၼင်ႇ​ၼႆ ၶဝ်​ၸိူဝ်း​ဢၼ် ပဵၼ်​ၸိူဝ်ႉ​ၶိူဝ်း​ ဢႃႇပြႃႇႁၢမ်ႇ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပဵၼ်​လုၵ်ႈ​ ဢႃႇပြႃႇႁၢမ်ႇ ဢၼ်​မၢၼ်ႇ​ဢၼ်​မႅၼ်ႈ​ဢမ်ႇ​ၸႂ်ႈ။ ၸိူဝ်ႉ​ၶိူဝ်း​မႂ်း​တၵ်း​တႄႇ​ၼႂ်း​ ဢီႉၸၢၵ်ႈ ​ၵူၺ်း​ဝႃႈ​ၼႆ၊ ပျႃႇ​တိၵ်ႈ​ၸဝ်ႈ​မီး​ဝႆႉ​ဢေႃႈ။-</verse>
				<verse number="8">ပိူဝ်ႈ​ၼႆ​လႄႈ လုၵ်ႈ​ၸႃႇ​တီႉ​ပၵတီႉ​ၸိူဝ်း​ၼၼ်ႉ ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢၼ်​မၢၼ်ႇ​ဢၼ်​မႅၼ်ႈ​ဢမ်ႇ​ၸႂ်ႈ။ လုၵ်ႈ​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​ၵတီႉ​ၸဝ်ႈ​ၵူၺ်း မၼ်း​ၸဝ်ႈ​မၢတ်ႈ​ပဵၼ်​ၸိူဝ်ႉ​ၶိူဝ်း​ဢၼ်​မၢၼ်ႇ​ဢၼ်​မႅၼ်ႈ​ဢေႃႈ။-</verse>
				<verse number="9">ၵတီႉ​ၸဝ်ႈ​မီး​ဝႆႉ​လႄႈ​ဝႃႈ​ၸမ်ႉ၊ ၸႃႉ​ၸဵမ်​တေႃႈ​လဵဝ်​ၼႆႉ​လႄႈ မိူဝ်ႈ​ဢၼ်​ၶိင်ႇ​မၼ်း​ထိုင်​ၸိုင်၊ ၵဝ်​တၵ်း​မႃး​လႄႈ၊​ ၸႃႇရႃႇ ​ၵေႃႈ​တၵ်း​လႆႈ​လုၵ်ႈ​ၸၢႆး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">လိူဝ်​သေ​ၼၼ်ႉ​ဢမ်ႇ​ၵႃး၊ မိူဝ်ႈ​ဢၼ်​ ရေႇပႅၵ်ႉၵႃႉ ဢဝ်​ၵၼ်​တင်း​ပေႃႈ​ႁဝ်း​ ဢီႉၸၢၵ်ႈ ​လႄႈ ပႃး​ပတိၵ်ႉသၼ်ႇထေႇ​ၼၼ်ႉ​ၸိုင်၊-</verse>
				<verse number="11">ၸူဝ်ႈ​ဢၼ်​လုၵ်ႈ​ၸိူဝ်း​ၼၼ်ႉ ဢမ်ႇ​ပႆႇ​ၵိူတ်ႇ​လဵင်ႉ၊ ၸူဝ်ႈ​ဢၼ်​ဢမ်ႇ​ပႆႇ​ၵမ်​ၵျၢင်ႉ​ဢၼ်​လီ ဢၼ်​ဢမ်ႇ​လီ​ၼၼ်ႉ၊ ၼင်ႇ​ႁိုဝ်​တၢင်း​ၵျၢမ်ႇ​တၢင်း​ပွင်​ၸဝ်ႈ ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ၽြႃး​ပဵၼ်​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ တၵ်း​ဢမ်ႇ​တႄႇ​ၵွပ်ႈ​တၢင်း​ၵမ်​တၢင်း​ၵျၢင်ႉ​လႄႈ တၵ်း​တႄႇ​ၵွပ်ႈ​ပိူဝ်ႈ​ဢလူဝ်ႇ​ၸဝ်ႈ​ဢၼ်​ႁွင်ႉ​ဢဝ်​ၼၼ်ႉ​ၸိုင်၊-</verse>
				<verse number="12">မၼ်း​ၸဝ်ႈ​ပၼ်​ပျႃႇ​တိၵ်ႈ​တီႈ​မႄႈ​ယိင်း​ၼၼ်ႉ​လႄႈ​ဝႃႈ၊ လုၵ်ႈ​ၵေႃႉ​ယႂ်ႇ တၵ်း​လႆႈ​ႁဵတ်း​ၶႃႈ​တီႈ​လုၵ်ႈ​ၵေႃႉ​လဵၵ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ပဵၼ်​ၸွမ်း​ၵႃႈ​ၼင်ႇ​ဢၼ်​တႅမ်ႈ​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၵဝ်​ႁၵ်ႉ​ ယႃႇၵုပ်ႈ ​လႄႈ​ၸင်း​ ဢေးသေႃး ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="14">ပိူဝ်ႈ​ၼႆ​လႄႈ တၵ်း​လႆႈ​လၢတ်ႈ​ၸိူဝ်ႉ​ၼင်ႇ​ႁိုဝ်။ ၽြႃး​ပဵၼ်​ၸဝ်ႈ​ႁဵတ်း​တၢင်း​ဢၼ်​ဢမ်ႇ​တြႃး​ႁိုဝ်။ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။-</verse>
				<verse number="15">မၼ်း​ၸဝ်ႈ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၵဝ်​တၵ်း​ႁဵတ်း​ၵျေး​ၸူး တီႈ​ၵေႃႉ​ဢၼ်​ၵဝ်​ၶႂ်ႈ​ႁဵတ်း​ၵျေး​ၸူး​ၼၼ်ႉ​ဢေႃႈ။ ၵေႃႉ​ဢၼ်​ၵဝ်​ၶႂ်ႈ​ဢဵတ်း​လူ​ၵေႃႈ ၵဝ်​တၵ်း​ဢဵတ်း​လူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ​ၵေႃႉ​ဢၼ်​မီး​ဢလူဝ်ႇ​ၶႂ်ႈ​လႆႈ​ၼၼ်ႉ တၢတ်ႈ​ၼိူင်ႇ​လႆႈ​ဢမ်ႇ​ၸႂ်ႈ။ ၵေႃႉ​ဢၼ်​ၶုၼ်ႇ​ဢၼ်​လႅၼ်ႈ​ၵေႃႈ တၢတ်ႈ​ၼိူင်ႇ​လႆႈ​ဢမ်ႇ​ၸႂ်ႈ။ ၽြႃး​ပဵၼ်​ၸဝ်ႈ​ဢၼ်​ႁဵတ်း​ၵျေး​ၸူး​ၼၼ်ႉ​ၵူၺ်း တၢတ်ႈ​ၼိူင်ႇ​လႆႈ​ဢေႃႈ။-</verse>
				<verse number="17">ဢၼ်​ဝႃႈ​တီႈ​ၶုၼ်​ ၽႃႇရေႃး ၼႂ်း​ၵျၢမ်း​လိၵ်ႈ​ၸမ်ႉ၊ လွင်ႈ​ၼင်ႇ​ႁိုဝ်​ၵဝ်​တၵ်း​လႆႈ​ၼႄ​ပျႃး​တၼ်း​ၶူဝ်း​ၵဝ် ၵႃႈ​ၼႂ်း​မႂ်း​ဢိၵ်ႇ​တင်း​လွင်ႈ​ၼင်ႇ​ႁိုဝ် ၵဝ်​တၵ်း​လႆႈ​ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​သႃႈ​ၸွတ်ႇ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​ၸိုင် ၵဝ်​ယုၵ်ႉ​ယွင်ႈ​မႂ်း​ဝႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၵႃႈ​ၼင်ႇ​ဢၼ်​ပဵၼ်​ၼၼ်ႉ မၼ်း​ၸဝ်ႈ​ႁဵတ်း​ၵျေး​ၸူး တီႈ​ၵေႃႉ​ဢၼ်​မၼ်း​ၸဝ်ႈ​ၶႂ်ႈ​ႁဵတ်း​ၼၼ်ႉ​ဢေႃႈ။ ၵေႃႉ​ဢၼ်​မၼ်း​ၸဝ်ႈ ၶႂ်ႈ​ႁႂ်ႈ​ၵႅၼ်ႇ​ၶႅင်​ၼၼ်ႉ​ၵေႃႈ မၼ်း​ၸဝ်ႈ​ႁႂ်ႈ​ၵႅၼ်ႇ​ၶႅင်​ဢေႃႈ။</verse>
				<verse number="19">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် မႂ်း​တၵ်း​လၢတ်ႈ​တီႈ​ၵဝ်​လႄႈ​ဝႃႈ၊ ႁဵတ်း​သင်​လႄႈ​ၽြႃး​ပဵၼ်​ၸဝ်ႈ​ယင်း​တၢင်ႇ​ဢပႅတ်ႈ​ယူႇ​ၼင်ႇ​ႁိုဝ်။ ၽူႈ​လႂ်​ယၢမ်ႈ​တွၼ်ႉ​ႁႄႉ​ၶႅၼ်​ဢမူႉ​မၼ်း​ၸဝ်ႈ၊ ဝႃႈ​ၼင်ႇ​ၼႆ​လူး​ၵွၼ်ႇ​ႁိုဝ်။-</verse>
				<verse number="20">ၵေႃႉ​ဢၼ်​တွပ်ႇ​ထဵင်​ၽြႃး​ပဵၼ်​ၸဝ်ႈ​ၼႆႉ​ဢိူၺ်း၊ မႂ်း​ၸမ်ႉ​ပဵၼ်​ၽူႈ​လႂ်။ ၶိူင်ႈ​ပိူင်​ဢၼ်​လႆႈ​ၶၢမ်ႇ​တၢင်း​ဢၼ်​ႁဵတ်း​ၼၼ်ႉ တၵ်း​လႆႈ​လၢတ်ႈ​တီႈ​ၵေႃႉ​ဢၼ်​မေႃ​ႁဵတ်း​မၼ်း​ၼၼ်ႉ​လႄႈ​ဝႃႈ၊ ႁဵတ်း​ၵဝ်​ဝႆႉ​ၸိူဝ်ႉ​ၼင်ႇ​ၼႆ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​လူး​ၵွၼ်ႇ​ႁိုဝ်။</verse>
				<verse number="21">ၸဝ်ႈ​မေႃႈ​ပိူင်ႇ​လိၼ်​မေႃႈ​ဢမ်ႇ​ၸႂ်ႈ​ႁိုဝ်။ မၼ်း​ဢဝ်​တင်း​ၵွင်​လိၼ်​ၼဵဝ်​ၵွင်​ၼိုင်ႈ​လႄႈ ပိူင်ႇ​ႁဵတ်း​မေႃႈ​လီ​မေႃႈ​ၺၢမ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="22">ပေႃး​ၽြႃး​ပဵၼ်​ၸဝ်ႈ မီး​ဢလူဝ်ႇ​ၶႂ်ႈ​ၼႄ​ပျႃး​တၢင်း​ၸႂ်​မႆႈ​ၸဝ်ႈ​လႄႈ ႁႂ်ႈ​တၼ်း​ၶူဝ်း​ၸဝ်ႈ​ထၢင်ႇ​သႃး​ယူႇ​သေ​လႄႈ ဢဝ်​တင်း​ၶၼ်ႇထီႇ​တၢင်း​ဢၼ်​ယိူၼ်ႉ​ၶၢမ်ႇ ဢၼ်​ယႂ်ႇ​ၼႃႇ​ယိူၼ်ႉ​ၶၢမ်ႇ​မေႃႈ​တၢင်း​ၸႂ်​မႆႈ ဢၼ်​မႄး​ႁႅၼ်း​ဝႆႉ​ပုၼ်ႈ​ဢၼ်​တၵ်း​ႁွတ်ႈ​ထိုင် တၢင်း​လူႉ​တၢင်း​လႅဝ်​ၼၼ်ႉ​ၸိုင်၊ တၵ်း​မီး​တီႈ​လၢတ်ႈ​ၵႃႈ​သင်​လူး​ၵွၼ်ႇ။-</verse>
				<verse number="23">ၵႃႈ​တီႈ​မေႃႈ​ၵရူႉၼႃႇ ဢၼ်​မၼ်း​ၸဝ်ႈ​မႄး​ႁႅၼ်း​ဝႆႉ​ဢွၼ်​တၢင်း ပုၼ်ႈ​ဢၼ်​တၵ်း​ၶၢမ်ႇ​တၢင်း​ဢၼ်​ယုၵ်ႉ​ယွင်ႈ​ဝႆႉ၊-</verse>
				<verse number="24">ဢၼ်​ဝႃႈ​ႁဝ်း ဢၼ်​မၼ်း​ၸဝ်ႈ​ႁွင်ႉ​ဢဝ်​ၵႃႈ​ၼႂ်း​မဵဝ်း​ၵူၼ်း​ ယူႉတႃႉ ​ၵူၺ်း​ဢမ်ႇ​ၸႂ်ႈ။ ႁွင်ႉ​ဢဝ်​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​ၼႆ​ၵေႃႈ၊ ပေႃး​မၼ်း​ၸဝ်ႈ​ၶႂ်ႈ​ႁဵတ်း​ႁႂ်ႈ တၢင်း​ဢၼ်​မုၼ်​ၽုင်း​ဢႃႇၼူႉၽေႃႇ​ၸဝ်ႈ ဢၼ်​ယႂ်ႇ​ၵႂၢင်ႈ​ၼၼ်ႉ​ထၢင်ႇ​သႃး​ၸိုင်၊ တၵ်း​မီး​တီႈ​လၢတ်ႈ​ၵႃႈ​သင်​လူး​ၵွၼ်ႇ။-</verse>
				<verse number="25">ဢၼ်​မႃး​ၼႂ်း​ၵျၢမ်း​လိၵ်ႈ​ ႁူဝ်းသေႇ ​လႄႈ​ဝႃႈ​ၸမ်ႉ၊ ဢၼ်​ဢမ်ႇ​ၸႂ်ႈ​ၵူၼ်း​ၵဝ်​ၼၼ်ႉ၊ ၵဝ်​တၵ်း​ႁွင်ႉ​ဝႃႈ ၵူၼ်း​ၵဝ်​ဢေႃႈ။ လုၵ်ႈ​ယိင်း​သၢဝ်​ဢၼ်​ၵဝ်​ဢမ်ႇ​ႁၵ်ႉ​ၵေႃႈ ၵဝ်​တၵ်း​ႁွင်ႉ​ဝႃႈ​ဢၼ်​ႁၵ်ႉ​ဢေႃႈ။-</verse>
				<verse number="26">ၶဝ်​ၸိူဝ်း​ဢၼ်​ယူႇ​ၵႃႈ​ၼႂ်း​တီႈ​ဢၼ်​လၢတ်ႈ​လႄႈ​ဝႃႈ၊ သူ​ဢမ်ႇ​ၸႂ်ႈ​ၵူၼ်း​ၵဝ်၊ ဝႃႈ​ၼင်ႇ​ၼႆ​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ဝႃႈ လုၵ်ႈ​ၽြႃး​ပဵၼ်​ၸဝ်ႈ​ဢၼ်​ဢသၢၵ်ႈ​လိပ်း​ယူႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="27">ပရေႃးၽႅတ်ႈ ဢီႉသႃႇယႃႉ ​ၵေႃႈ ႁေႃး​လၢတ်ႈ​လူၺ်ႈ​လွင်ႈ ၵူၼ်း​မဵဝ်း​ ဢီႉသရေႇလႃႉ ​လႄႈ​ဝႃႈ​ၸမ်ႉ၊ ပိၵ်ႉ​သမ်ႉ​ၵူၼ်း​ ဢီႉသရေႇလႃႉ ​တင်း​လၢႆ ၼမ်​ထၢၼ်ႇ​သၢႆး​ၼမ်ႉ​သမ်ႇ​မုၵ်ႉ​တြႃႇ​သေ​ၵေႃႈ၊ ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ၵူၺ်း တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။-</verse>
				<verse number="28">မၼ်း​ၸဝ်ႈ​တၵ်း​ႁႂ်ႈ​ဢမူႉ​မၼ်း​ၸဝ်ႈ​ယဝ်ႉ​တူဝ်ႈ​လႄႈ တႅပ်း​တတ်း​သိုဝ်ႈ​သိုဝ်ႈ​တေႃႇ​တေႃႇ ၸွမ်း​ၼင်ႇ​တြႃး​ဢေႃႈ။ ထႃႇဝရႃႉ​ၽြႃး​တၵ်း​ႁဵတ်း​ဢမူႉ​ဢၼ်​တႅပ်း​တတ်း​ၵႃႈ​ၼိူဝ်​လိၼ်​မိူင်း​ၼႆႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="29">မိူၼ်​ၼင်ႇ​ၼၼ် ဢီႉသႃႇယႃႉ သမ်ႉ​ႁေႃး​လၢတ်ႈ​ထႅင်ႈ​မိူဝ်ႈ​ဢွၼ်​ၼႆႉ​ၼၼ်ႉ​လႄႈ​ဝႃႈ​ၸမ်ႉ၊ ပေႃး​ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး​ၼၼ်ႉ ဢမ်ႇ​ႁႂ်ႈ​ၸိူဝ်ႉ​ၽၼ်း​ၵိုတ်း​ၵျၢၼ်ႇ​ဝႆႉ​ၵႃႈ​ၼႂ်း​ႁဝ်း​ၸိုင်၊ ႁဝ်း​လႆႈ​ပဵၼ်​ၸိူဝ်ႉ​ၼင်ႇ​ဝဵင်း​ သေႃးတုမ်ႇ ​လႄႈ လႆႈ​မိူၼ်​ၸိူဝ်ႉ​ၼင်ႇ ဝဵင်း​ ၵေႃးမေႃးရႃႉ ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="30">ပိူဝ်ႈ​ၼႆ​လႄႈ​ႁဝ်း​တၵ်း​လႆႈ​ဝႃႈ​ၸိူဝ်ႉ​ၼင်ႇ​ႁိုဝ်​ၸမ်ႉ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢၼ်​ဢမ်ႇ​ၸွမ်း​ႁႂ်ႈ​ၶိုတ်း​တၢင်း​ဢၼ်​သိုဝ်ႈ​တေႃႇ​ၼၼ်ႉ ၶိုတ်း​တၢင်း​ဢၼ်​သိုဝ်ႈ​တေႃႇ​ဢၼ်​ဝႃႈ တၢင်း​ဢၼ်​သိုဝ်ႈ​တေႃႇ​ဢၼ်​ၶိုတ်း​ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​ဢေႃႈ။-</verse>
				<verse number="31">ၵူၼ်း​ ဢီႉသရေႇလႃႉ ​တင်း​လၢႆ ဢၼ်​ၸွမ်း​ႁႂ်ႈ​ၶိုတ်း တြႃး​တၢင်း​သိုဝ်ႈ​တေႃႇ​ၼၼ်ႉ​ၸမ်ႉ၊ ဢမ်ႇ​ၶိုတ်း​တြႃး​တၢင်း​သိုဝ်ႈ​တေႃႇ။-</verse>
				<verse number="32">ႁဵတ်း​သင်​လႄႈ ဢမ်ႇ​ၶိုတ်း​ၸိူဝ်ႉ​ၼင်ႇ​ႁိုဝ်။ ပိူဝ်ႈ​ဢၼ်​ဢမ်ႇ​ၸွမ်း​ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ၊ ၸွမ်း​ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ပိင်း​ၺၢပ်ႈ​တြႃး​ၵူၺ်း​လႄႈ ဢမ်ႇ​ၶိုတ်း။-</verse>
				<verse number="33">ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၵဝ်​ဢဝ်​မၢၵ်ႇ​ႁိၼ်​ဢၼ်​တၵ်း​တိူဝ်ႉ​မႅၼ်ႈ​လႄႈ​လူမ်ႉ ဢိၵ်ႇ​တင်း​မၢၵ်ႇ​ႁိၼ်​ဢၼ်​တၵ်း​ႁႂ်ႈ​ၽိတ်း​ပိူင်ႈ​ၼၼ်ႉ ၶျႃး​ဝႆႉ​ၵႃႈ​ၼိူဝ်​လွႆ​ ၸီႉဢုၼ်ႇ ​ဢေႃႈ။ ၵေႃႉ​ဢၼ်​ဢိင်​ပိုင်ႈ​မၢၵ်ႇ​ႁိၼ်​ၼၼ်ႉ​ၸမ်ႉ၊ ဢမ်ႇ​မီး​တၢင်း​ဢူၵ်း​တၢင်း​ဢၢႆ​လႆႈ၊ ဝႃႈ​ၼင်ႇ​ၼႆ​ၼၼ်ႉ၊ ၵူၼ်း​ ဢီႉသရေႇလႃႉ ​တင်း​လၢႆ တိူဝ်ႉ​မႅၼ်ႈ​မၢၵ်ႇ​ႁိၼ်​ၼၼ်ႉ​လႄႈ​လူမ်ႉ​ဢေႃႈ။</verse>
			</chapter>
			<chapter number="10">
				<verse number="1">ပီႈ​ၼွင်ႉ​ၶဝ်​ဢိူၺ်း၊ ၵဝ်​မီး​ၸႂ်​ၸေႇတၼႃႇ ဢိၵ်ႇ​တင်း​တၢင်း​ဢၼ်​သူး​တွင်း​ၽြႃး​ပဵၼ်​ၸဝ်ႈ ၶႂ်ႈ​ႁႂ်ႈ​ၶဝ်​ၼၼ်ႉ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ယူႇ​ဢေႃႈ။-</verse>
				<verse number="2">ၶဝ်​ၼၼ်ႉ​ပိၵ်ႉ​သမ်ႉ​ဢမ်ႇ​မီး​ပိင်ႇ​ၺႃႇ​ဢၼ်​မၢၼ်ႇ​ဢၼ်​မႅၼ်ႈ​သေ​ၵေႃႈ လွင်ႈ​ဢၼ်​ၸႂ်​ႁႅင်း​ယႂ်ႇ​ၽၢႆႇ​ၽြႃး​ပဵၼ်​ၸဝ်ႈ​ၼၼ်ႉ​ၸိုင်၊ ၵဝ်​ၶၢမ်ႇ​သၢၵ်ႈ​သေႇ​ပုၼ်ႈ​ၶဝ်​ဢေႃႈ။-</verse>
				<verse number="3">ပိူဝ်ႈ​ဢၼ်​ၶဝ်​ၼၼ်ႉ ယင်း​ဢမ်ႇ​ႁူႉ​တြႃး​တၢင်း​သိုဝ်ႈ​တေႃႇ​ၽြႃး​ပဵၼ်​ၸဝ်ႈ​လႄႈ ၵျၢမ်ႇ​ႁႃ​ႁႂ်ႈ​တၢင်း​သိုဝ်ႈ​တေႃႇ​တူဝ်​ၸဝ်ႈ​ၵဝ်ႇ​တႄႇ​ၼၼ်ႉ​လႄႈ၊ ၶဝ်​ဢမ်ႇ​ႁပ်ႉ​တုင်း​ဢဝ်​တြႃး​တၢင်း​သိုဝ်ႈ​တေႃႇ​ၽြႃး​ပဵၼ်​ၸဝ်ႈ။-</verse>
				<verse number="4">လွင်ႈ​ၼင်ႇ​ႁိုဝ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၵႃႈ​မီး​တင်း​သဵင်ႈ​တင်း​လူင် တၵ်း​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​ၸိုင်၊ ၸဝ်ႈ​ၶရိၸ်ႈ​ပဵၼ်​တီႈ​သုတ်း​တီႈ​ၵွႆ​ပိင်း​ၺၢပ်ႈ​တြႃး​ဢေႃႈ။</verse>
				<verse number="5">မူဝ်းသေႇ ​တႅမ်ႈ​ဝႆႉ​လူၺ်ႈ​လွင်ႈ​တြႃး​တၢင်း​သိုဝ်ႈ​တေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​ပိင်း​ၺၢပ်ႈ​တြႃး​လႄႈ​ဝႃႈ၊ ၵေႃႉ​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ၼၼ်ႉ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ၼၼ်ႉ​လႄႈ ဢသၢၵ်ႈ​တၵ်း​လိပ်း​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">တြႃး​တၢင်း​သိုဝ်ႈ​တေႃႇ​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ယုမ်ႇ​မၢတ်ႈ​ၼၼ်ႉ​ဝႃႈ​ၸမ်ႉ၊-</verse>
				<verse number="7">ယႃႇ​ပေ​ၶႆႈ​ၸႂ်​လူၺ်ႈ​လွင်ႈ​ဢၼ် ၽူႈ​လႂ်​တၵ်း​ၶိုၼ်ႈ​ၵႃႈ​ၼိူဝ်​ၵၢင်​ႁၢဝ်​ပုၼ်ႉ၊ ၽူႈ​လႂ်​တၵ်း​လူင်း​ၵႃႈ​တီႈ​ဢၼ်​လိုၵ်ႉ​ဢၼ်​လမ်ႇ​ပုၼ်ႉ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ၊ ၽူႈ​လႂ်​တၵ်း​ၶိုၼ်ႈ​ၵႃႈ​ၼိူဝ်​ၵၢင်​ႁၢဝ်​ပုၼ်ႉ ႁႂ်ႈ​လႆႈ​ဢဝ်​ၸဝ်ႈ​ၶရိၸ်ႈ​မႃး၊ ၽူႈ​လႂ်​တၵ်း​လူင်း​ၵႃႈ​တီႈ​ဢၼ်​လိုၵ်ႉ​ဢၼ်​လမ်ႇ​ပုၼ်ႉ ႁႂ်ႈ​ၸဝ်ႈ​ၶရိၸ်ႈ​လုၵ်ႉ​သေ​ၵႃႈ​တီႈ​တၢင်း​တၢႆ​ၶိုၼ်း​မႃး၊ ၶႂ်ႈ​ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ဢၼ်​သမ်ႉ​လၢတ်ႈ​ထႅင်ႈ​လႄႈ​ဝႃႈ​ၸမ်ႉ တြႃး​ၸဝ်ႈ​ၸမ်​ၵၼ်​တင်း​မႂ်း​ဢေႃႈ။ မီး​ယူႇ​ၵႃႈ​ၼႂ်း​သူပ်း​မႂ်း၊ ၵႃႈ​ၼႂ်း​ႁူဝ်​ၸႂ်​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ ၶႂ်း​ဝႃႈ​တြႃး​တၢင်း​ယုမ်ႇ​မၢတ်ႈ​ဢၼ်​ႁဝ်း​ႁေႃး​လၢတ်ႈ​ၼႆႉ​ဢေႃႈ။-</verse>
				<verse number="9">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ ပေႃး​မႂ်း​ဢဝ်​တင်း​သူပ်း​ႁပ်ႉ​တုင်း​ဢဝ်​ၸဝ်ႈ​ၶရိၸ်ႈ​လႄႈ ယုမ်ႇ​မၢတ်ႈ​လွင်ႈ​ဢၼ်​ၽြႃး​ပဵၼ်​ၸဝ်ႈ​ႁႂ်ႈ​မၼ်း​ၸဝ်ႈ​လုၵ်ႉ​သေ​ၵႃႈ​တီႈ​တၢင်း​တၢႆ​ၶိုၼ်း​မႃး​ၼၼ်ႉ ၵႃႈ​ၼႂ်း​ႁူဝ်​ၸႂ်​မႂ်း​ၸိုင်၊ မႂ်း​တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။-</verse>
				<verse number="10">လႆႈ​ဢဝ်​တင်း​ႁူဝ်​ၸႂ်​ယုမ်ႇ​မၢတ်ႈ ႁႂ်ႈ​လႆႈ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​ဢေႃႈ။ လႆႈ​ဢဝ်​တင်း​သူပ်း​ႁပ်ႉ​တုင်း​ဢဝ် ႁႂ်ႈ​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။-</verse>
				<verse number="11">ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢိင်​ပိုင်ႈ​မၢၵ်ႇ​ႁိၼ်​ၼၼ်ႉ​ၸမ်ႉ၊ ဢမ်ႇ​မီး​တၢင်း​ဢၼ်​လီ​ဢူၵ်း​လီ​ဢၢႆ​လႆႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">ၵူၼ်း​မဵဝ်း​ ယူႉတႃႉ ​သေ​ဢမ်ႇ​ဝႃႈ၊ ၵူၼ်း​မဵဝ်း​ ႁေႇလသႃႉ ​သေ​ဢမ်ႇ​ဝႃႈ၊ ယင်း​ဢမ်ႇ​ပႅၵ်ႇ​ဢမ်ႇ​ပိူင်ႈ​ၵၼ်​လႄႈ၊ ၸဝ်ႈ​ဢၼ်​ဢုပ်ႉ​ပိူင်ႇ​ၵူၼ်း​တင်း​လၢႆ​ၼၼ်ႉ မီး​သူႇ​လဵဝ်​ပႃး​လဵဝ်​ၵူၺ်း​လႄႈ ပျေႉ​ၸုမ်ႇ​တဵမ်​ဝႆႉ​တင်း​ၵျေး​ၸူး တီႈ​ၶဝ်​ၸိူဝ်း​ဢၼ်​ႁဵတ်း​သူး​တွင်း​ပထၼႃႇ​တီႈ​မၼ်း​ၸဝ်ႈ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="13">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ႁဵတ်း​သူး​တွင်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။</verse>
				<verse number="14">ၼႂ်း​ဝႃႈ​ၼၼ်​သေ​ၵေႃႈ ပေႃး​ဢမ်ႇ​ယုမ်ႇ​မၢတ်ႈ​ၸိုင် တၵ်း​ႁဵတ်း​သူး​တွင်း​ပထၼႃႇ​လႆႈ​ၸိူဝ်ႉ​ၼင်ႇ​ႁိုဝ်။ ပေႃး​ဢမ်ႇ​ငိၼ်း​သတၢင်း​ၸိုင် တၵ်း​ယုမ်ႇ​မၢတ်ႈ​လႆႈ​ၸိူဝ်ႉ​ၼင်ႇ​ႁိုဝ်။ ပေႃး​ဢမ်ႇ​မီး​ၵေႃႉ​ဢၼ်​ႁေႃး​လၢတ်ႈ​ၸိုင် တၵ်း​ငိၼ်း​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="15">ပေႃး​ဢမ်ႇ​ပွႆႇ​ၸႂ်ႉ​ၵူၼ်း​ၵႂႃႇ​ၸိုင် တၵ်း​ႁေႃး​လၢတ်ႈ​လႆႈ​ၸိူဝ်ႉ​ၼင်ႇ​ႁိုဝ်။ မႅၼ်ႈ​ၼင်ႇ​ၼၼ် ၵျၢမ်း​လိၵ်ႈ​မႃး​လႄႈ​ဝႃႈ​ၸမ်ႉ တိၼ်​ၶဝ်​ၸိူဝ်း​ဢၼ်​မွၵ်ႇ​လၢတ်ႈ​သတၢင်း​သိူဝ်း​ပျေႃႇ​တၢင်း​ၼိမ်၊ သတၢင်း​သိူဝ်း​ပျေႃႇ​ၵတ်း​ယဵၼ်​ၶျၢမ်း​သႃႇ​တၢင်း​လီ​ၼၼ်ႉ ႁၢင်ႈ​လီ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၼႂ်း​ဝႃႈ​ၼၼ်​သေ​ၵေႃႈ ၵူၼ်း​တင်း​သဵင်ႈ​တင်း​လူင်​ထွမ်ႇ​ဢဝ်​သတၢင်း​သိူဝ်း​ပျေႃႇ​ဢမ်ႇ​ၸႂ်ႈ။ ၵႂၢမ်း​ဢၼ်​ပရေႃးၽႅတ်ႈ ဢီႉသႃႇယႃႉ ​ႁေႃး​လၢတ်ႈ​လႄႈ​ဝႃႈ​ၸမ်ႉ ဢူဝ်း​ထႃႇဝရႃႉ​ၽြႃး၊ ၵႂၢမ်း​သတၢင်း​သဵင်​ၶၢဝ်ႇ ဢၼ်​ႁဝ်း​ၶႃႈ​ႁေႃး​လၢတ်ႈ​ၼႆႉ​ၸိုင် ၽူႈ​လႂ်​ယုမ်ႇ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ​တၢင်း​ယုမ်ႇ​မၢတ်ႈ​ပဵၼ်​ၵွပ်ႈ​ပိူဝ်ႈ​တၢင်း​ဢၼ်​လႆႈ​ထွမ်ႇ​လႆႈ​ငိၼ်း​ဢေႃႈ။ ပဵၼ်​ၵွပ်ႈ​ပိူဝ်ႈ​ၵႂၢမ်း​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="18">ၼႂ်း​ဝႃႈ​ၼၼ်​သေ​ၵေႃႈ ၵဝ်​ဝႃႈ​ၸမ်ႉ၊ ၶဝ်​ဢမ်ႇ​လႆႈ​ငိၼ်း​ယဝ်ႉ​ႁိုဝ်။ လႆႈ​ငိၼ်း​ဢမၢၼ်ႇ​ၶၼ်​ပဵၼ်​ယဝ်ႉ။ သဵင်​ၶဝ်​ၸွတ်ႇ​တူဝ်ႈ​ၵႃႈ​ၼိူဝ်​လိၼ်​မိူင်း​ၵူႈ​တီႈ​ၵူႈ​လႅၼ်​လႄႈ ၵႂၢမ်း​ၶဝ်​ၽႅဝ်​ၵႂႃႇ​တေႃႇ​ထိုင်​ႁွတ်ႈ​တီႈ​ႁိမ်း​လႅၼ်​သုတ်း​လိၼ်​မိူင်း​ပုၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၵဝ်​သမ်ႉ​ဝႃႈ​ထႅင်ႈ​ၸမ်ႉ၊ ၵူၼ်း ဢီႉသရေႇလႃႉ ​တင်း​လၢႆ ဢမ်ႇ​ႁူႉ​လွင်ႈ​ၼႆႉ​ႁိုဝ်။ မိူဝ်ႈ​ဢွၼ်​တၢင်း​ မူဝ်းသေႇ ​လၢတ်ႈ​လႄႈ​ဝႃႈ၊ ၵဝ်​တၵ်း​ဢဝ် ၵူၼ်း​မဵဝ်း​ဢၼ်​ဢမ်ႇ​လႆႈ​လွင်ႈ​ၼၼ်ႉ ႁဵတ်း​ႁႂ်ႈ​သူ​လႆႈ​မီး​ၸႂ်​ဢၼ်​သီႈ​ၵေႉ​ႁေႈ​တႃ​ဢေႃႈ။ ၵဝ်​တၵ်း​ဢဝ်​ၵူၼ်း​မဵဝ်း​ဢၼ်​ဢမ်ႇ​မီး​ပိင်ႇ​ၺႃႇ​ၼၼ်ႉ ႁဵတ်း​ႁႂ်ႈ​ၶဝ်​ၸႂ်​မႆႈ​ၸႂ်​ႁၢႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">ဢၼ်​ ဢီႉသႃႇယႃႉ ယဵင်ႈ​ၶႅၼ်း​လၢတ်ႈ​ႁတ်း​ႁတ်း​ႁၢၼ်​ႁၢၼ်​လႄႈ​ဝႃႈ​ၸမ်ႉ၊ ၶဝ်​ၸိူဝ်း​ဢၼ်​ဢမ်ႇ​ႁႃ​ၵဝ်​ၼၼ်ႉ လႆႈ​ထူပ်း​ၵဝ်​ယဝ်ႉ။ တီႈ​ၶဝ်​ၸိူဝ်း​ဢၼ်​ဢမ်ႇ​ထၢမ်​ႁႃ​လွင်ႈ​ၵဝ်​ၼၼ်ႉ ၵဝ်​လႆႈ​ထၢင်ႇ​လႆႈ​သႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ဢၼ်​မၼ်း​ၸဝ်ႈ​ဢဝ်​လွင်ႈ​ၵူၼ်း​ ဢီႉသရေႇလႃႉ ​တင်း​လၢႆ​လႄႈ ဝႃႈ​ထႅင်ႈ​ၸမ်ႉ၊ ၵဝ်​လႆႈ​ၵီႈ​ၽႃႇ​မိုဝ်း​ၵဝ် တေႃႇ​ၵႃႈ​တီႈ​ၵူၼ်း​မဵဝ်း​ဢၼ်​ဢမ်ႇ​ထွမ်ႇ​ဢဝ်​လႄႈ ထဵင်​ပႅတ်ႈ​ၼၼ်ႉ​ယူႇ​တင်း​ဝၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="11">
				<verse number="1">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၽြႃး​ပဵၼ်​ၸဝ်ႈ​ပႄႇ​ပႅတ်ႈ​မဵဝ်း​ၵူၼ်း​မၼ်း​ၸဝ်ႈ​ယဝ်ႉ​ႁိုဝ်။ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်ႉ။ လွင်ႈ​မၼ်း​ၸမ်ႉ ၵဝ်​ၼႆႉ​ပဵၼ်​ၵူၼ်း​ ဢီႉသရေႇလႃႉ ​ဢေႃႈ။ ပဵၼ်​မဵဝ်း​ ဢႃႇပြႃႇႁၢမ်ႇ တင်း​ၸိူဝ်ႉ​ၶိူဝ်း​ ပိၼ်ႇယႃႇမိၼ်ႇ ​ဢေႃႈ။-</verse>
				<verse number="2">ၽြႃး​ပဵၼ်​ၸဝ်ႈ​ဢမ်ႇ​ပႄႇ​ပႅတ်ႈ​မဵဝ်း​ၵူၼ်း​မၼ်း​ၸဝ်ႈ​ဢၼ်​မၼ်း​ၸဝ်ႈ​ႁူႉ ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ။ သူ​ဢမ်ႇ​ႁူႉ​လွင်ႈ​ဢၼ်​ပႃး​ၼႂ်း​ၵျၢမ်း​လိၵ်ႈ​လွင်ႈ​ဢၼ်​လၢတ်ႈ​လူၺ်ႈ​လွင်ႈ ဢေးလီႉယႃႉ ​ယူႇ​ၽၢႆႇ​ၼိုင်ႈ တင်း​ၵူၼ်း​မဵဝ်း​ ဢီႉသရေႇလႃႉ ​သေ​လႄႈ လဝ်ႊ​လၢတ်ႈ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​လႄႈ​ဝႃႈ၊-</verse>
				<verse number="3">ဢူဝ်း​ထႃႇဝရႃႉ​ၽြႃး၊ ၶဝ်​ဢဝ်​ပရေႃးၽႅတ်ႈ​ၸဝ်ႈ​ႁဝ်း​တင်း​လၢႆ​တၢႆ​ယဝ်ႉ​တီႈ​ၶႃႈ။ ယိတ်ႈ​ပလၢင်ႇ​ၸဝ်ႈ​ႁဝ်း​တင်း​လၢႆ​ၵေႃႈ ၶဝ်​ၵိူၼ်ႇ​ယႃႉ​ပႅတ်ႈ​ယဝ်ႉ​တီႈ​ၶႃႈ။ ၵိုတ်း​ၵျၢၼ်ႇ​ဝႆႉ​ၵဝ်​ၶႃႈ​ၵေႃႉ​လဵဝ်​ၵူၺ်း​လႄႈ တေႃႈ​ၵႃႈ​ဢသၢၵ်ႈ​ၵဝ်​ၶႃႈ​ၵေႃႈ ၶဝ်​ဢွၼ်​ၵၼ်​ႁႃ​ယူႇ​တီႈ​ၶႃႈ၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။-</verse>
				<verse number="4">မိူဝ်ႈ​ဢၼ်​မၼ်း​လဝ်ႊ​လၢတ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ၊ မၼ်း​ၸဝ်ႈ​ဝႆႉ​ပျႃႇ​တိၵ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵူၼ်း​ၸဵတ်း​ႁဵင်​ဢၼ်​ဢမ်ႇ​ၶုပ်ႉ​ၶဝ်ႇ​ၵႃႈ​တီႈ​ၽၢႆႇ​ၼႃႈ​ၽြႃး ပႃႇလႃႉ ​ၼၼ်ႉ​ၸိုင် ၵဝ်​ႁႂ်ႈ​ၵိုတ်း​ၵျၢၼ်ႇ​ဝႆႉ​ပုၼ်ႈ​ၵဝ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">မိူၼ်​ၼင်ႇ​ၼၼ် ၼႂ်း​ၶိင်ႇ​ၵႃႇလႃႉ​တေႃႈ​လဵဝ်​ၼႆႉ​ၵေႃႈ၊ တၢင်း​ဢၼ်​ၵိုတ်း​ဢၼ်​ၵျၢၼ်ႇ​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ် ၵႃႈ​ၼင်ႇ​ၵျေး​ၸူး​ၸဝ်ႈ​ၼၼ်ႉ​ယင်း​မီး​ယူႇ​ဢေႃႈ။-</verse>
				<verse number="6">ပေႃး​မီး​ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ၸိုင်၊ ဢမ်ႇ​မီး​ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ဢၼ်​တူဝ်​ၸဝ်ႈ​ၵဝ်ႇ​ၵမ်​ၵျၢင်ႉ​ၼၼ်ႉ။ ပေႃး​မီး​ၸိုင်၊ ၵျေး​ၸူး​ၸဝ်ႈ​ၼၼ်ႉ ဢမ်ႇ​ၸႂ်ႈ​ၵျေး​ၸူး​ၸဝ်ႈ။ ပေႃး​မီး​ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ဢၼ်​တူဝ်​ၸဝ်ႈ​ၵဝ်ႇ​ၵမ်​ၵျၢင်ႉ​ၸိုင်၊ ဢမ်ႇ​မီး​ၵွပ်ႈ​ပိူဝ်ႈ​ၵျေး​ၸူး​ၸဝ်ႈ။-</verse>
				<verse number="7">ပေႃး​မီး​ၸိုင်၊ တၢင်း​ၵမ်​တၢင်း​ၵျၢင်ႉ​ၼၼ်ႉ ဢမ်ႇ​ၸႂ်ႈ​တၢင်း​ၵမ်​တၢင်း​ၵျၢင်ႉ။ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ပဵၼ်​ၸိူဝ်ႉ​ၼင်ႇ​ႁိုဝ်။ တၢင်း​ဢၼ် ၵူၼ်း​ ဢီႉသရေႇလႃႉ ​တင်း​လၢႆ​ႁႃ​ၼၼ်ႉ​ၸိုင်၊ ၶဝ်​ဢမ်ႇ​ထူပ်း​ဢမ်ႇ​လႆႈ။ ၶဝ်​ၸိူဝ်း​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ​ၵူၺ်း လႆႈ​ထူပ်း​ဢေႃႈ။ ၶဝ်​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၵေႃႈ ႁွတ်ႈ​ထိုင်​တၢင်း​ဢၼ်​ၸႂ်​ၵႅၼ်ႇ​ၶႅင်​ယူႇ​ဢေႃႈ။-</verse>
				<verse number="8">မိူၼ်​ၼင်ႇ​ၼၼ် ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၽြႃး​ပဵၼ်​ၸဝ်ႈ​ပၼ်​ၸႂ်​သၽေႃး​ဢၼ်​ၶႂ်ႈ​လပ်း​ၶႂ်ႈ​ၼွၼ်း၊ မၢၵ်ႇ​တႃ​ဢၼ်​ဢမ်ႇ​ႁၼ်​လႆႈ၊ ႁူ​ဢၼ်​ဢမ်ႇ​ငိၼ်း​လႆႈ​ၼၼ်ႉ​တီႈ​ၶဝ် ႁၢၼ်ႉ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ၵႂၢမ်း​ဢၼ်​ တႃႇဝိတ်ႈ ​ဝႃႈ​ၸမ်ႉ၊ ႁႂ်ႈ​ၶူင်ႇ​တီႈ​ၵိၼ်​ၶဝ်​ၼၼ်ႉ ပဵၼ်​ႁႅဝ်ႉ​ၶိုမ်း​ပုၼ်ႈ​ၶဝ်၊ ဢၼ်​ၶတ်း​ႁၢဝ်ႇ​ပုၼ်ႈ​ၶဝ်၊ ႁိူၼ်း​ဢၼ်​ၵၢင်​ၶဝ်၊ ဢပႅတ်ႈ​ဢၼ်​ၶဝ်​ထိူၵ်ႈ​ၶၢမ်ႇ​ၼၼ်ႉ​သေ​ၵမ်း​လူၺ်ႈ။-</verse>
				<verse number="10">ႁႂ်ႈ​မၢၵ်ႇ​တႃ​ၶဝ်​လပ်း​ၵႂႃႇ ထၼ်ႈ​ပေႃး​ဢမ်ႇ​ႁၼ်​လႆႈ​သေ​ၵမ်း​လူၺ်ႈ။ လင်​ၶဝ်​ၵေႃႈ​ႁႂ်ႈ​ၵွမ်း​ယူႇ​သေႇ​သေႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">ၵဝ်​ဝႃႈ​ၸမ်ႉ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် ၵူၼ်း​ ဢီႉသရေႇလႃႉ ​တင်း​လၢႆ​ၼၼ်ႉ ၼင်ႇ​ႁိုဝ်​တၵ်း​လူမ်ႉ​ၸိုင် တိူဝ်ႉ​မႅၼ်ႈ​ယဝ်ႉ​ႁိုဝ်။ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။ ၼင်ႇ​ႁိုဝ်​တၵ်း​မီး​လွင်ႈ​တၢင်း​ဢၼ်​တိုၵ်း​ယူင်း​ၸႂ်​ၶဝ်​ၸိုင်၊ ၵွပ်ႈ​ပိူဝ်ႈ​တၢင်း​ဢၼ်​ၶဝ်​လူမ်ႉ​ၼၼ်ႉ​လႄႈ၊ ၵျေး​ၸူး​တၢင်း​ဢၼ်​ၵႄႇ​ၶျွတ်ႈ​ဢဝ် ႁွတ်ႈ​ထိုင်​ၵႃႈ​ၼိူဝ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ဢေႃႈ။-</verse>
				<verse number="12">ပေႃး​တၢင်း​ဢၼ်​ၶဝ်​လူမ်ႉ​ၼၼ်ႉ ပွင်​ႁဵတ်း​ၸီး​ပႂႃး​ၵူၼ်း​လေႃးၵီႇ​တင်း​လၢႆ​လႄႈ တၢင်း​ဢၼ်​ၶဝ်​သုမ်း​ၼၼ်ႉ ပွင်​ႁဵတ်း​ၸီး​ပႂႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၸိုင်၊ တၢင်း​ဢၼ်​ၶဝ်​ပျေႉ​ၸုမ်ႇ​လိူင်ႇ​ၸႂ်​ၼၼ်ႉ ယဵင်ႈ​ၶႅၼ်း​တၵ်း​ပွင်​ႁဵတ်း​ဢမ်ႇ​ၸႂ်ႈ​ႁိုဝ်။</verse>
				<verse number="13">မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ ၸွမ်း​ၼင်ႇ​ဢၼ်​ၵဝ်​ပဵၼ်​တမၢၼ်ႇ​ၸဝ်ႈ ဢၼ်​ၸၢပ်ႈ​သႅင်ႇ​ၵၼ်​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ၊ ၵဝ်​ယွင်ႈ​ယေႃး​ဢရႃႇ​တမၢၼ်ႇ​ၸဝ်ႈ​ၼၼ်ႉ​ယူႇ​သေ​လႄႈ၊-</verse>
				<verse number="14">ၼင်ႇ​ႁိုဝ်​တၵ်း​လႆႈ​ဢဝ်​သေ​ၸိူဝ်ႉ​သေ​ဢၼ် တိုၵ်း​ယူင်း​ၸႂ်​ၶဝ်​ၸိူဝ်း​ဢၼ်​ပဵၼ်​ၸိူဝ်ႉ​ၶိူဝ်း​ၵဝ်​ၼၼ်ႉ​လႄႈ ၵႄႇ​ၶျွတ်ႈ​ဢဝ်​ၵမ်ႈ​ၽွင်ႈ​ၸိုင်၊ ၵဝ်​လႆႈ​ဝႃႈ​တီႈ​သူ​ၸိူဝ်း​ဢၼ်​ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢေႃႈ။-</verse>
				<verse number="15">ပေႃး​တၢင်း​ဢၼ်​မၼ်း​ၸဝ်ႈ​ပႄႇ​ပႅတ်ႈ​ၶဝ်​ၼၼ်ႉ ပဵၼ်​လွင်ႈ​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​ၵူၼ်း​လေႃးၵီႇ​တင်း​လၢႆ​ၸိုင် တၢင်း​ဢၼ်​မၼ်း​ၸဝ်ႈ​တၵ်း​ၶိုၼ်း​သိမ်း​ဢဝ်​ၶဝ်​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​တၢင်း​ဢၼ်​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="16">ပေႃး​ၶဝ်ႈ​မုၼ်း​လိပ်း​ဢၼ်​ၼူတ်ႈ​ဢွၼ်​တၢင်း​ၼၼ်ႉ​မူတ်း​ၸၢင်ႇ​ၸိုင် တၵ်း​မူတ်း​ၸၢင်ႇ​တင်း​ၵွင်​ဢေႃႈ။ ပေႃး​ႁၢၵ်ႈ​မၼ်း​မူတ်း​ၸၢင်ႇ​ၸိုင် ၵိင်ႇ​မၼ်း​ၶႃႊ​မၼ်း​တင်း​လၢႆ​ၵေႃႈ တၵ်း​မူတ်း​ၸၢင်ႇ​ဢေႃႈ။-</verse>
				<verse number="17">ၵိင်ႇ​မၼ်း​ၶႃႊ​မၼ်း​ၵမ်ႈ​ၽွင်ႈ​ႁၵ်း​ယဝ်ႉ​ၸင်ႇ၊ ပေႃး​ဢဝ်​မႂ်း​ဢၼ်​ဝႃႈ တူၼ်ႈ​ သၢၼ်ႇလုၼ်ႇ ဢၼ်​ပၵတီႉ​လိူင်း​ၵျၢမ်း​ၼႆႉ ၽုၵ်ႇ​သိုပ်ႇ​သႂ်ႇ​ၵႃႈ​တီႈ​တေႃ​ၵဝ်ႇ​ၼၼ်ႉ​လႄႈ ႁႂ်ႈ​သိူၵ်ႈ​သမ်ႇ​ၵၼ်​တင်း​မၼ်း ဢေႃႇၸႃႇ​ႁၢၵ်ႈ​တူၼ်ႈ​ သၢၼ်ႇလုၼ်ႇ လူၺ်ႈ​ၵၼ်​တင်း​ၵိင်ႇ​မၼ်း​ၶႃႊ​မၼ်း​တင်း​လၢႆ​ၼၼ်ႉ​ၸိုင်၊ ယႃႇ​ပေ​သႄႉ​သွမ်း​ဢုပ်ႇ​ဝၢဝ်း​တီႈ​ၵိင်ႇ​မၼ်း​ၶႃႊ​မၼ်း ဢၼ်​ႁၵ်း​ပႅတ်ႈ​ၸိူဝ်း​ၼၼ်ႉ။-</verse>
				<verse number="18">ပေႃး​ဢုပ်ႇ​ဝၢဝ်း​ၸမ်ႉ၊ မႂ်း​ဢမ်ႇ​ပႃး​ႁၢၵ်ႈ၊ ႁၢၵ်ႈ​ပႃး​မႂ်း​ဢေႃႈ။ ပေႃး​မႂ်း​ၶိုၼ်း​လၢတ်ႈ​လႄႈ​ဝႃႈ၊-</verse>
				<verse number="19">ၵိင်ႇ​မၼ်း​ၶႃႊ​မၼ်း​ၸိူဝ်း​ၼၼ်ႉ ၶၢမ်ႇ​တၢင်း​ဢၼ်​ႁၵ်း​ပႅတ်ႈ ႁႂ်ႈ​လႆႈ​ဢဝ်​ၵဝ်​ၽုၵ်ႇ​သိုပ်ႇ​သႂ်ႇ​ယဝ်ႉ၊ ဝႃႈ​ၼင်ႇ​ၼႆ​ၸိုင်၊ ႁႂ်ႈ​ၸႂ်ႈ​သေ​လူး​ၵွၼ်ႇ​တႃႉ။-</verse>
				<verse number="20">ပိူဝ်ႈ​ဢၼ်​ၶဝ်​ၼၼ်ႉ​ဢမ်ႇ​မီး​ၸႂ်​ဢၼ်​ယုမ်ႇ​မၢတ်ႈ​လႄႈ၊ ၶဝ်​လႆႈ​ၶၢမ်ႇ​တၢင်း​ဢၼ်​ႁၵ်း​ပႅတ်ႈ​ဢေႃႈ။ မႂ်း​ၸမ်ႉ၊ တႄႇ​ယူႇ​ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​ၵူၺ်း​ဢေႃႈ။ ယႃႇ​ပေ​ႁႂ်ႈ​မီး​ၸႂ်​ဢၼ်​သုင်။ ႁႂ်ႈ​မီး​ၸႂ်​ဢၼ်​ၵူဝ်​ဢၼ်​ႁႄ​တႃႉ။-</verse>
				<verse number="21">လွင်ႈ​မၼ်း​ၸမ်ႉ ပေႃး​ၽြႃး​ပဵၼ်​ၸဝ်ႈ ဢမ်ႇ​သေ​လၢႆ​ၵိင်ႇ​ပၵတီႉ​ဢၼ်​ၵဝ်ႇ​တင်း​လၢႆ​ၼၼ်ႉ​ၸိုင်၊ မၼ်း​ၸဝ်ႈ​တၵ်း​သေ​လၢႆ​မႂ်း​လူး​ၵွၼ်ႇ​ႁိုဝ်။</verse>
				<verse number="22">ၵွပ်ႈ​ႁွႆး​ၼႆႉ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တၢင်း​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ဢၼ်​ႁႅင်း​ယႂ်ႇ​ၼႃႇ ဢိၵ်ႇ​တင်း​ၵျေး​ၸူး​မၼ်း​ၸဝ်ႈ​သွင်​ပႃး​ၼၼ်ႉ​တႃႉ။ တီႈ​ၶဝ်​ၸိူဝ်း​ဢၼ်​လူမ်ႉ​ၼၼ်ႉ ပဵၼ်​တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​ဢၼ်​ႁႅင်း​ယႂ်ႇ​ၼႃႇ​ဢေႃႈ။ ပေႃး​မႂ်း​တႄႇ​ယူႇ​ၼႂ်း​ၵျေး​ၸူး​ၸဝ်ႈ​ၸိုင်၊ တီႈ​မႂ်း​ၼႆႉ​ပဵၼ်​ၵျေး​ၸူး​ၸဝ်ႈ​ဢေႃႈ။ ပေႃး​ဢမ်ႇ​တႄႇ​ယူႇ​ၼႂ်း​ၵျေး​ၸူး​ၸဝ်ႈ​ၸိုင်၊ မႂ်း​ၵေႃႈ​တၵ်း​လႆႈ​ၶၢမ်ႇ​တၢင်း​ဢၼ်​တႅပ်း​ၽၼ်း​ပႅတ်ႈ​ဢေႃႈ။-</verse>
				<verse number="23">ၶဝ်​ၼၼ်ႉ​ၸမ်ႉ၊ ပေႃး​ၸႂ်​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​ႁၢႆ​ၸိုင် တၵ်း​လႆႈ​ဢၶႂၢင်ႉ​ဢၼ်​ၶိုၼ်း​ၽုၵ်ႇ​သိုပ်ႇ​သႂ်ႇ​ၵႃႈ​တီႈ​တူၼ်ႈ​ဢေႃႈ။ ၽြႃး​ပဵၼ်​ၸဝ်ႈ​တၢတ်ႈ​ၼိူင်ႇ​ႁႂ်ႈ​လႆႈ​ဢဝ်​ၶဝ်​ၶိုၼ်း​ၽုၵ်ႇ​သိုပ်ႇ​သႂ်ႇ​လႆႈ​ယူႇ​ဢေႃႈ။-</verse>
				<verse number="24">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ ပေႃး​တႅပ်း​ၽၼ်း​ဢဝ်​မႂ်း​ၵႃႈ​တီႈ​တူၼ်ႈ​ သၢၼ်ႇလုၼ်ႇ ဢၼ်​ပၵတီႉ​လိူင်း​ၵျၢမ်း​ၼၼ်ႉ​သေ​လႄႈ ယင်း​ဢမ်ႇ​ၸွမ်း​ပၵတီႉ​မႂ်း ဢဝ်​မႂ်း​ၽုၵ်ႇ​သိုပ်ႇ​သႂ်ႇ​ၵႃႈ​တီႈ​တူၼ်ႈ​ သၢၼ်ႇလုၼ်ႇ ​ဢၼ်​လီ​ၼၼ်ႉ​ၸိုင် ၶဝ်​ၸိူဝ်း​ဢၼ်​ပဵၼ်​ၵိင်ႇ​ပၵတီႉ​ဢၼ်​လီ​ၼၼ်ႉ ယဵင်ႈ​ၶႅၼ်း​တၵ်း​လႆႈ​ဢၶႂၢင်ႉ​ဢၼ်​ၽုၵ်ႇ​သိုပ်ႇ​သႂ်ႇ ၵႃႈ​တီႈ​တူၼ်ႈ​ သၢၼ်ႇလုၼ်ႇ ​တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ​ႁိုဝ်။</verse>
				<verse number="25">ပီႈ​ၼွင်ႉ​ၶဝ်​ဢိူၺ်း၊ လွင်ႈ​ၼင်ႇ​ႁိုဝ်​သူ​တၵ်း​ဢမ်ႇ​မီး​ၸႂ်​ဢၼ်​ၸၢင်ႈ​ဢိင်​ပိုင်ႈ​ၺၢၼ်ႇ​တူဝ်​ၸဝ်ႈ​ၵဝ်ႇ​ၸိုင် ၵဝ်​ဢမ်ႇ​မီး​ဢလူဝ်ႇ​ဢၼ်​ၶႂ်ႈ​ႁႂ်ႈ​သူ​ဢမ်ႇ​ႁူႉ​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ဢၼ်​ဝႃႈ တၢင်း​ဢၼ်​ၸႂ်​ၵႅၼ်ႇ​ၸႂ်​ၶႅင်​ႁွတ်ႈ​ထိုင်​ၵႃႈ​ၼိူဝ် ၵူၼ်း​ ဢီႉသရေႇလႃႉ ​ၵမ်ႈ​ၽွင်ႈ တေႃႇ​ထိုင်​ႁွတ်ႈ​ၸူဝ်ႈ​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တၵ်း​ပျေႉ​ၸုမ်ႇ​ၼၼ်ႉ​လႄႈ​ယူႇ။-</verse>
				<verse number="26">ၼင်ႇ​ၼၼ်​လႄႈ​မႅၼ်ႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​ၼၼ်ႉ၊ ၵူၼ်း​ ဢီႉသရေႇလႃႉ ​တင်း​သဵင်ႈ​တင်း​လူင် တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။ ဢၼ်​မႃး​ၼႂ်း​ၵျၢမ်း​လိၵ်ႈ​ၼၼ်ႉ​လႄႈ​ဝႃႈ​ၸမ်ႉ ၸဝ်ႈ​ဢၼ်​ပွႆႇ​လွတ်ႈ​ၼၼ်ႉ တၵ်း​ပေႃႇ​မႃး​ၵႃႈ​ၼိူဝ်​လွႆ​ ၸီႉဢုၼ်ႇ ​လႄႈ ဢဝ်​လွင်ႈ​တၢင်း​ဢၼ်​ဢမ်ႇ​တြႃး ဝႄႈ​ဢွၵ်ႇ​ပႅတ်ႈ​သေ​ၵႃႈ​ၼႂ်း​ၵူၼ်း​ၸိူဝ်ႉ​ၶိူဝ်း​ ယႃႇၵုပ်ႈ ​ဢေႃႈ။-</verse>
				<verse number="27">မိူဝ်ႈ​ဢၼ်​ၵဝ်​ပႄႇ​ပႅတ်ႈ​သေ​ဢပႅတ်ႈ​ၶဝ်​ၼၼ်ႉ​ၸိုင် ပတီႉၺိၺ်ႇ​တြႃး​ဢၼ်​ၵဝ်​ပၼ်​တီႈ​ၶဝ်​ၼၼ်ႉ ပဵၼ်​တြႃး​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="28">ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​ၸမ်ႉ ၶဝ်​ၼၼ်ႉ​ပဵၼ်​ရၢၼ်ႇ​သူႇ​ၵွပ်ႈ​ပိူဝ်ႈ​လွင်ႈ​သူ​ဢေႃႈ။ ၵွပ်ႈ​ပိူဝ်ႈ​တၢင်း​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ​ၸမ်ႉ ပဵၼ်​ၵေႃႉ​ႁၵ်ႉ​ၵွပ်ႈ​ပိူဝ်ႈ​လွင်ႈ​ပူႇ​မွၼ်ႇ​တင်း​လၢႆ​ဢေႃႈ။-</verse>
				<verse number="29">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ ၵျေး​ၸူး​တၢင်း​ဢၼ်​ၽြႃး​ပဵၼ်​ၸဝ်ႈ​ဢဵတ်း​လူ​ပၼ် ဢိၵ်ႇ​တင်း​တၢင်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၼၼ်ႉ ဢမ်ႇ​မီး​သၽေႃး​ဢၼ်​ၶိုၼ်း​ၽွၵ်ႈ​ၶိုၼ်း​ပျၢၼ်ႇ။-</verse>
				<verse number="30">ၸိူဝ်ႉ​ၼင်ႇ​ဢၼ်​သူ​မိူဝ်ႈ​ၼၼ်ႉ ယင်း​ဢမ်ႇ​ထွမ်ႇ​ဢဝ်​ၵႂၢမ်း​ၽြႃး​ပဵၼ်​ၸဝ်ႈ​လႄႈ​ယူႇ​သေ​ၵေႃႈ၊ တေႃႈ​လဵဝ်​ၼႆႉ လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ဢဵတ်း​လူ ၵွပ်ႈ​ပိူဝ်ႈ​တၢင်း​ဢၼ်​ၶဝ်​ဢမ်ႇ​ထွမ်ႇ​ဢဝ်​ၼၼ်ႉ။-</verse>
				<verse number="31">မိူၼ်​ၼင်ႇ​ၼၼ် ၶဝ်​ၵေႃႈ​ၼင်ႇ​ႁိုဝ်​တၵ်း​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ဢဵတ်း​လူ ၵွပ်ႈ​ပိူဝ်ႈ​တၢင်း​ဢၼ်​သူ​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​ဢဵတ်း​လူ​ၼၼ်ႉ​ၸိုင်၊ ၶဝ်​ဢမ်ႇ​ထွမ်ႇ​ဢဝ်​လႄႈ​ယူႇ​ဢေႃႈ။-</verse>
				<verse number="32">ၽြႃး​ပဵၼ်​ၸဝ်ႈ ၼင်ႇ​ႁိုဝ်​တၵ်း​မီး​ဢၶႂၢင်ႉ​တၢင်း​ဢၼ်​ဢဵတ်း​လူ​ၵူၼ်း​ၵႃႈ​မီး​တင်း​သဵင်ႈ​တင်း​လူင်​ၸိုင် ၶျုၵ်ႈ​ၵူၼ်း​ၵႃႈ​မီး​တင်း​သဵင်ႈ​တင်း​လူင်​ဝႆႉ​ၼႂ်း​တၢင်း​ဢၼ်​ဢမ်ႇ​ထွမ်ႇ​ဢဝ်​ဢေႃႈ။</verse>
				<verse number="33">ၺၢၼ်ႇ​တင်း​ပိင်ႇ​ၺႃႇ​ၽြႃး​ပဵၼ်​ၸဝ်ႈ လိုၵ်ႉ​လမ်ႇ​ယႂ်ႇ​ၵႂၢင်ႈ​ၼႃႇ​လူင်​လၢင်​လူင်​ပႄႇ။ တၢင်း​ဢၼ်​မၼ်း​ၸဝ်ႈ​ၸီႇ​ယၢင်ႇ​တင်း​လၢႆ​ၼၼ်ႉ၊ ၽူႈ​လႂ်​သေ​ၵေႃႉ​သေ​ၵူၼ်း ၸႅတ်ႈ​ထၢမ်​လႄႈ​ဢမ်ႇ​သဵင်ႈ​လႆႈ။ သဵၼ်ႈ​တၢင်း​ဢၼ်​မၼ်း​ၸဝ်ႈ​ၵႂႃႇ​တင်း​လၢႆ​ၼၼ်ႉ​ၵေႃႈ ႁႃ​လႄႈ​ဢမ်ႇ​ထူပ်း​ဢမ်ႇ​ၶိုတ်း​လႆႈ။-</verse>
				<verse number="34">ၽူႈ​လႂ်​ႁူႉ​ၸႂ်​ထႃႇဝရႃႉ​ၽြႃး။ ၽူႈ​လႂ်​ယၢမ်ႈ​လႆႈ​ႁဵတ်း​ၵေႃႉ​ႁဵတ်း​သေႈ ဢၼ်​တိူင်ႇ​ပၢင်ႇ​ႁူမ်ႈ​ၵၼ်​တင်း​မၼ်း​ၸဝ်ႈ။</verse>
				<verse number="35">ၼင်ႇ​ႁိုဝ်​မၼ်း​ၸဝ်ႈ​တၵ်း​လႆႈ​တွပ်ႇ​တႅၼ်း​ၶိုၼ်း​ၵျေး​ၸူး​ၸိုင်၊ ၽူႈ​လႂ်​ယၢမ်ႈ​လႆႈ​ႁဵတ်း​ၵျေး​ၸူး​တီႈ​မၼ်း​ၸဝ်ႈ။ ၵႃႈ​ဢၼ်​မီး​တင်း​သဵင်ႈ​တင်း​လူင် ပဵၼ်​ၵႃႈ​ၼႂ်း​မၼ်း​ၸဝ်ႈ၊-</verse>
				<verse number="36">ၵွပ်ႈ​ပိူဝ်ႈ​မၼ်း​ၸဝ်ႈ၊ ပုၼ်ႈ​မၼ်း​ၸဝ်ႈ​ဢေႃႈ။ ႁႂ်ႈ​မုၼ်​ၽုင်း​ၸဝ်ႈ​ယႂ်ႇ​ၼႃႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​သေ​ၵမ်း​လူၺ်ႈ။ ဢႃႇမိၼ်ႇ။</verse>
			</chapter>
			<chapter number="12">
				<verse number="1">ပီႈ​ၼွင်ႉ​ၶဝ်​ဢိူၺ်း၊ ၼင်ႇ​ႁိုဝ်​သူ​တၵ်း​ႁဵတ်း​တၢင်း​ဢၼ် ဢဝ်​တူဝ်​ၶၼ်ႇ​ထႃႇ​သူ​သၢၵ်ႈ​ၵၢပ်ႈ ၵႃႈ​တီႈ​ၽြႃး​ပဵၼ်​ၸဝ်ႈ​လႄႈ ပုၵ်ႈ​ၸေႃႇ​ႁႂ်ႈ​ပဵၼ်​ယိတ်ႈ​ဢၼ်​ဢသၢၵ်ႈ​လိပ်း​မူတ်း​ၸၢင်ႇ​လႄႈ ထုၵ်ႇ​ၸႂ်​ၽြႃး​ပဵၼ်​ၸဝ်ႈ​ဢၼ်​ဝႃႈ ဝၢတ်ႈ​ဢၼ်​သူ​ထုၵ်ႇ​လီ​ႁဵတ်း​ၼၼ်ႉ​ၸိုင်၊ ၵဝ်​ထွၵ်ႈ​လူၺ်ႈ​ၵရူႉၼႃႇ​ၽြႃး​ပဵၼ်​ၸဝ်ႈ​လႄႈ တိုၵ်း​ယူင်း​ၸူဝ်း​ဢဝ်​သူ​ဢေႃႈ။-</verse>
				<verse number="2">သူ​ယႃႇ​ပေ​ႁဵတ်း ပုင်ႇ​ႁၢင်ႈ​လေႃးၵီႇ​သေ​ၵမ်း။ ၼင်ႇ​ႁိုဝ်​သူ​တၵ်း​ၸၢမ်း​တူၺ်း​လႄႈ ႁူႉ​လွင်ႈ​ဢၼ်​တၢင်း​ဢၼ်​လီ​ဢၼ်​မျၢတ်ႈ၊ တၢင်း​ဢၼ်​ထုၵ်ႇ​ၸႂ်၊ တၢင်း​ဢၼ်​ၸေး​ၸုမ်ႇ ဢၼ်​ဝႃႈ​ဢလူဝ်ႇ​ၽြႃး​ပဵၼ်​ၸဝ်ႈ ပဵၼ်​လွင်ႈ​တၢင်း​ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင် မႄး​ႁဵတ်း​ႁူဝ်​ၸႂ်​ဢၼ်​မႂ်ႇ​လႄႈ ႁွတ်ႈ​ပုင်ႇ​ႁၢင်ႈ​တၢင်း​ဢၼ်​ၶၢႆႉ​ပုတ်ႈ​သေ​တႃႉ။</verse>
				<verse number="3">ၼင်ႇ​ႁိုဝ်​သူ​တၵ်း​ဢမ်ႇ​ထၢင်ႇ​လွင်ႈ​တူဝ်​ၸဝ်ႈ​ၵဝ်ႇ လိူဝ်​တွၼ်း​သေ​ဢၼ်​တူဝ်​ၸဝ်ႈ​ၵဝ်ႇ​ထုၵ်ႇ​လီ​ထၢင်ႇ​ၼၼ်ႉ​လႄႈ တူဝ်​ၸဝ်ႈ​ၵဝ်ႇ​တၵ်း​ထၢင်ႇ​သေႇ​ၶျႃႇ​လီ​ငၢမ်း​ၸွမ်း​ၵႃႈ​ၼင်ႇ​ဢၼ် ၽြႃး​ပဵၼ်​ၸဝ်ႈ​မႅင်ႇ​ပၼ်​တၢင်း​ဢၼ်​ယုမ်ႇ​မၢတ်ႈ တီႈ​ၵူၼ်း​ၵူႈ​ၵေႃႉ​ၵူႈ​ၽူႈ​ႁင်း​ၽႂ်​ႁင်း​မၼ်း​ၼၼ်ႉ​ၸိုင် ၵဝ်​ဢိင်​ၵျေး​ၸူး​ၸဝ်ႈ​ဢၼ်​ၵဝ်​လႆႈ​ၶၢမ်ႇ​ဢဝ်​ၼၼ်ႉ​သေ​လႄႈ သင်ႇ​လၢတ်ႈ​ဝႆႉ​တီႈ​ၶဝ်​ၸိူဝ်း​ဢၼ်​မီး​ယူႇ​ၵႃႈ​ၼႂ်း​သူ ၵႃႈ​မီး​တင်း​သဵင်ႈ​တင်း​လူင်​ဢေႃႈ။-</verse>
				<verse number="4">ဢူႉပမႃႇ​ၸမ်ႉ၊ ၸိူဝ်ႉ​ၼင်ႇ​ဢၼ်​ၼႂ်း​တူဝ်​ဢၼ်​ၼိုင်ႈ ႁဝ်း​မီး​ဢၢင်ႇ​ၵႃႇ​ၼမ်​ၼႃႇ​လႄႈ၊ ဢၢင်ႇ​ၵႃႇ​ၸိူဝ်း​ၼၼ်ႉ​ဢမ်ႇ​မီး​တၢင်း​ဢၼ် ႁဵတ်း​လွင်ႈ​တၢင်း​ဢၼ်​ၼိုင်ႈ​ၵူၺ်း​ၼၼ်ႉ။-</verse>
				<verse number="5">မိူၼ်​ၼင်ႇ​ၼၼ် ႁဝ်း​ဢၼ်​ပဵၼ်​ၵူၼ်း​ၼမ်​ၼႃႇ​ၼႆႉ ပဵၼ်​တူဝ်​ဢၼ်​လဵဝ်​ၼႂ်း​ၸဝ်ႈ​ၶရိၸ်ႈ​လႄႈ ပဵၼ်​ဢၢင်ႇ​ၵႃႇ​ၼင်ႇ​ၵၼ်​ၵၼ်​ဢေႃႈ။-</verse>
				<verse number="6">ပိူဝ်ႈ​ဢၼ်​ႁဝ်း​လႆႈ​ၶၢမ်ႇ​ဢဝ်​သူး​ဢၼ်​ပႅၵ်ႇ​ပိူင်ႈ​ၵၼ်​ႁင်း​ၽႂ်​ႁင်း​မၼ်း ၸွမ်း​ၼင်ႇ​ၵျေး​ၸူး​ဢၼ်​မၼ်း​ၸဝ်ႈ​ပၼ်​ၼၼ်ႉ​လႄႈ၊ ပေႃး​မီး​ဢရႃႇ​ပရေႃးၽႅတ်ႈ​ၸိုင် ႁဵတ်း​ပရေႃးၽႅတ်ႈ​ၸွမ်း​ၵႃႈ​ၼင်ႇ​ဢၼ်​ပမႃႇၼႃႉ​တၢင်း​ဢၼ်​ယုမ်ႇ​မၢတ်ႈ​ၼၼ်ႉ​တႃႉ​ႁဝ်း။-</verse>
				<verse number="7">ပေႃး​မီး​ဢရႃႇ​ထမ်ႇမႃႉ​သြႃႇ​ၸိုင် ႁဵတ်း​ဢမူႉ​ထမ်ႇမႃႉ​သြႃႇ​ၼၼ်ႉ​တႃႉ​ႁဝ်း။ ၵေႃႉ​ဢၼ်​ၸၢင်ႈ​သင်ႇ​သွၼ်​သုင်း​မႃႉ​ပၼ်​ၼၼ်ႉ​ၸိုင် ႁႂ်ႈ​ႁဵတ်း​ဢမူႉ​ၼၼ်ႉ​တႃႉ။-</verse>
				<verse number="8">ၵေႃႉ​ဢၼ်​ၸၢင်ႈ​တိုၵ်း​ယူင်း​ၸူဝ်း​ဢဝ်​ၼၼ်ႉ​ၸိုင် ႁႂ်ႈ​ႁဵတ်း​ဢမူႉ​ၼၼ်ႉ​တႃႉ။ ၵေႃႉ​ဢၼ်​ၸၢင်ႈ​ၽႄ​ၸွၼ်း​ယိုၼ်ႈ​မႅင်ႇ​ၼၼ်ႉ​ၸိုင် ႁႂ်ႈ​မီး​တၢင်း​ၸႂ်​ဢၼ်​ၼိမ်​လီ​သေ​လႄႈ​ပၼ်​တႃႉ။ ၵေႃႉ​ဢၼ်​ဢုပ်ႉ​ၼိူဝ်​ၵူၼ်း​ၼၼ်ႉ​ၸိုင် ႁႂ်ႈ​မီး​တၢင်း​ၸႂ်​ဢၼ်​လုမ်း​လႃး​ဝီႉရီႉယႃႉ​သေ​လႄႈ​ဢုပ်ႉ​တႃႉ။ ၵေႃႉ​ဢၼ်​ႁဵတ်း​တၢင်း​ဢၼ်​ဢဵတ်း​လူ​ၸွႆႈ​ထႅမ်​မႃႉ​ၸႃႉ​ၼၼ်ႉ​ၸိုင် ႁႂ်ႈ​မီး​တင်း​ၸႂ်​ၸေႇတၼႃႇ​သေ​လႄႈ​ႁဵတ်း​တႃႉ။</verse>
				<verse number="9">ႁႂ်ႈ​ၸႂ်​မႅတ်ႈ​တႃႇ​ၵၢင်း​လွတ်ႈ​တင်း တၢင်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​တႃႉ။ လီ​ႁင်ႈ​တၢင်း​ဢၼ်​ႁၢႆႉ​မိူၵ်ႈ​တႃႉ။ ဢိင်​တၢင်း​ဢၼ်​လီ​ဢၼ်​ငၢမ်း​လႄႈ ၸပ်း​ၸွမ်း​တႃႉ။-</verse>
				<verse number="10">ၼႂ်း​တၢင်း​ဢၼ်​ပီႈ​ၼွင်ႉ​ႁၵ်ႉ​ၵၼ်​ၼၼ်ႉ​ၸိုင် မၢတ်ႈ​ပဵၼ်​ၸိူဝ်ႉ​ၼင်ႇ​ၵေႃႉ​သေႈ​ပၵတီႉ​သေ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၸူမ်း​ပႅင်း​ၵၼ်​တႃႉ။ ၼႂ်း​တၢင်း​ဢၼ်​ယွင်ႈ​ယေႃး​ၼၼ်ႉ​ၸိုင်၊ ယွင်ႈ​ယေႃး​ပိူၼ်ႈ​တၢင်ႇ​ၵေႃႉ​ၼႃႇ​သေ​တူဝ်​ၸဝ်ႈ​ၵဝ်ႇ​တႃႉ။-</verse>
				<verse number="11">ၼႂ်း​တၢင်း​ဢၼ်​ဢဝ်​ႁႅင်း​ႁဵတ်း​ၼၼ်ႉ​ၸိုင် ယႃႇ​ႁႂ်ႈ​မီး​တၢင်း​ဢၼ်​ၶၢၼ်ႉ​ဢၼ်​ဢိူၼ်။ ၼႂ်း​လႂ်​ၵေႃႈ ၵႆႉ​ၶၵ်း​လႄႈ ၸွမ်း​ဢလူဝ်ႇ​ၽြႃး​ပဵၼ်​ၸဝ်ႈ​တႃႉ။-</verse>
				<verse number="12">ၼႂ်း​တၢင်း​ဢၼ်​မုင်ႈ​ထႃႈ​မွင်း​ထႃႈ​ၼၼ်ႉ​ၸိုင်​သိူဝ်း​ပျေႃႇ​တႃႉ။ ၼႂ်း​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ၸိုင် ယိူၼ်ႉ​ၶၢမ်ႇ​တႃႉ။ ၼႂ်း​တၢင်း​ဢၼ်​ႁဵတ်း​သူး​တွင်း​ပထၼႃႇ​ၼၼ်ႉ​ၸိုင် ႁဵတ်း​တႃႇ​သေႇ​ဢမ်ႇ​ထၢတ်ႇ​တႃႉ။-</verse>
				<verse number="13">မိူဝ်ႈ​ဢၼ်​ၵူၼ်း​မူတ်း​ၸၢင်ႇ​တင်း​လၢႆ ယၢၵ်ႈ​ၽၢၼ်​ၼၼ်ႉ​ၸိုင် ၽႄ​ၸွၼ်း​ယိုၼ်ႈ​မႅင်ႇ​တႃႉ။ ၵျူဝ်း​ၸႃး​လႄႈ ႁဵတ်း​ဝၢတ်ႈ​ၶႅၵ်ႇ​တႃႉ။-</verse>
				<verse number="14">တီႈ​ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​သူ​ၼၼ်ႉ​ၸိုင် သူင်ႇ​ပၼ်​မႅတ်ႈ​တႃႇ​တႃႉ။ ယင်း​ဢမ်ႇ​ၵိၼ်ႇ​ဢမ်ႇ​လႃႇ​လႄႈ သူင်ႇ​ပၼ်​မႅတ်ႈ​တႃႇ​တႃႉ။-</verse>
				<verse number="15">သိူဝ်း​ပျေႃႇ​လူၺ်ႈ​ၵၼ် တင်း​ၶဝ်​ၸိူဝ်း​ဢၼ်​သိူဝ်း​ပျေႃႇ​ၼၼ်ႉ​တႃႉ။ ႁႆႈ​ႁွင်ႉ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ႁႆႈ​ႁွင်ႉ​ၼၼ်ႉ​တႃႉ။-</verse>
				<verse number="16">ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​မီး​ၸႂ်​သၽေႃး​ဢၼ်​လဵဝ်​ၵၼ်​တႃႉ။ ယႃႇ​ႁႂ်ႈ​မီး​ၸႂ်​ဢၼ်​ၸပ်း​ၸွႆး​တၢင်း​ဢၼ်​သုင်​တင်း​လၢႆ။ ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ၶျႃး​တႅမ်ႇ​ၼၼ်ႉ​တႃႉ။ ၵဝ်​မီး​ပိင်ႇ​ၺႃႇ​ဝႃႈ​ၼႆ ယႃႇ​ပေ​ထၢင်ႇ​ပေ​ထိူမ်​တီႈ​တူဝ်​ၸဝ်ႈ​ၵဝ်ႇ။-</verse>
				<verse number="17">ပုၼ်ႈ​တၢင်း​ဢၼ်​ဢမ်ႇ​လီ​ၸိုင် ယႃႇ​ပေ​ၶိုၼ်း​တႅၼ်း​ပၼ်​တၢင်း​ဢၼ်​ဢမ်ႇ​လီ​တီႈ​ၽူႈ​လႂ်။ ၵျၢမ်ႇ​ပွင်​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ထုၵ်ႇ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင်​တႃႉ။-</verse>
				<verse number="18">ပေႃး​သူ​ႁဵတ်း​လႆႈ​ၸိုင် ၵႃႈ​ၼင်ႇ​ဢၼ်​တၢတ်ႈ​ၼိူင်ႇ​လႆႈ​ၼၼ်ႉ ယူႇ​ထုၵ်ႇ​မေႃ​ၵၼ်​တင်း​ၵူၼ်း​တင်း​သဵင်ႈ​တင်း​လူင်​တႃႉ။-</verse>
				<verse number="19">ၵေႃႉ​ႁၵ်ႉ​ၶဝ်​ဢိူၺ်း၊ ပေႃး​ပိူၼ်ႈ​ၽိတ်း​ပိူင်ႈ​သူ​ၸိုင် သူ​ယႃႇ​ပေ​ၶိုၼ်း​တွပ်ႇ​ပၼ်​ဢၶႂၢင်ႉ​တီႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​တႃႉ။ ၵျၢမ်း​လိၵ်ႈ​မႃး​ၸမ်ႉ ၵဝ်​ပိူင်ႇ​ၸီႇ​ယၢင်ႇ​ဢပႅတ်ႈ​တြႃး​ဢေႃႈ။ ၵဝ်​တၵ်း​ၶိုၼ်း​တွပ်ႇ​တႅၼ်း​ပၼ်​ၵႃႈ​ၼင်ႇ​ဢၼ်​ဢပႅတ်ႈ​မီး​ၼၼ်ႉ​ဢေႃႈ ဝႃႈ​ၼႆ၊ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="20">ပိူဝ်ႈ​ၼႆ​လႄႈ ပေႃး​ရၢၼ်ႇ​သူႇ​မႂ်း​ဢိုပ်း​ယၢၵ်ႈ​ၸိုင် ႁဵတ်း​လဵင်ႉ​ႁဵတ်း​လူ​တီႈ​မၼ်း​တႃႉ။ ပေႃး​မၼ်း​တွင်ႉ​မႆႈ​ၼမ်ႉ​ၸိုင် ပၼ်​ပုၼ်ႈ​ဢၼ်​မၼ်း​တၵ်း​ၵိၼ်​တႃႉ။ ပေႃး​မႂ်း​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် မႂ်း​တၵ်း​ၵွင်​ထၢၼ်ႇ​ၽႆး​ဝႆႉ​ၵႃႈ​ၼိူဝ်​ႁူဝ်​မၼ်း​ဢေႃႈ။-</verse>
				<verse number="21">ယႃႇ​ပေ​ၶၢမ်ႇ​တၢင်း​ဢၼ်​ႁၢႆႉ​ဢၼ်​ႁုၵ်း​ပႄႉ​ၼႅင်ႇ။ ဢဝ်​တၢင်း​ဢၼ်​လီ​ဢၼ်​ငၢမ်း​ပႄႉ​ၼႅင်ႇ​တၢင်း​ဢၼ်​ႁၢႆႉ​ဢၼ်​ႁုၵ်း​တႃႉ။</verse>
			</chapter>
			<chapter number="13">
				<verse number="1">ႁႂ်ႈ​ၵူၼ်း​ၵူႈ​ၵေႃႉ ႁပ်ႉ​တုင်း​ဢဝ်​ဢႃႇၼႃႇ​တၢင်း​ဢၼ်​ၶုၼ်​ဢုပ်ႉ​ပိူင်ႇ​တႃႉ။ လွင်ႈ​မၼ်း​ၸမ်ႉ ပေႃး​ဢၶႂၢင်ႉ​ၽြႃး​ပဵၼ်​ၸဝ်ႈ​ဢမ်ႇ​မီး​ၸိုင် ဢႃႇၼႃႇ​ၶုၼ်​ဢမ်ႇ​မီး။ ဢႃႇၼႃႇ​ၵႃႈ​မီး​တင်း​သဵင်ႈ​တင်း​လူင်​ပဵၼ်​တၢင်း​ဢၼ် ၽြႃး​ပဵၼ်​ၸဝ်ႈ​ၶၢၼ်း​ဝႆႉ​ဢေႃႈ။-</verse>
				<verse number="2">ပိူဝ်ႈ​ၼႆ​လႄႈ ၵေႃႉ​ဢၼ်​ႁႄႉ​ၶႅၼ်​ဢႃႇၼႃႇ​ၶုၼ်​ၼၼ်ႉ ပဵၼ်​ၵေႃႉ​ဢၼ်​ႁႄႉ​ၶႅၼ်​တၢင်း​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ဝႆႉ​ဢေႃႈ။ ၶဝ်​ၸိူဝ်း​ဢၼ်​ႁႄႉ​ၶႅၼ်​ၸိူဝ်ႉ​ၼင်ႇ​ၼၼ်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ဢေႃႈ။-</verse>
				<verse number="3">ၶုၼ်​ၸမ်ႉ​ပဵၼ်​ပုၼ်ႈ​ၶဝ်​ၸိူဝ်း​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​ၼၼ်ႉ တၵ်း​လႆႈ​ၵူဝ်​လႆႈ​ႁႄ​ဢမ်ႇ​ၸႂ်ႈ။ ပဵၼ်​ပုၼ်ႈ​ၶဝ်​ၸိူဝ်း​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​တၵ်း​လႆႈ​ၵူဝ်​လႆႈ​ႁႄ​ဢေႃႈ။ မႂ်း​ၶႂ်ႈ​ယူႇ​ဢမ်ႇ​ႁႂ်ႈ​လႆႈ​ၵူဝ်​လႆႈ​ႁႄ​ဢႃႇၼႃႇ​ၶုၼ်​ႁိုဝ်။ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​တႃႉ။ ပေႃး​ၵမ်​ၵျၢင်ႉ​ၸိူဝ်ႉ​ၼင်ႇ​ၼၼ်​ၸိုင်၊ မႂ်း​တၵ်း​လႆႈ​ၶၢမ်ႇ​တၢင်း​ဢၼ်​ယွင်ႈ​ယေႃး​တီႈ​ဢႃႇၼႃႇ​ၶုၼ်​ၼၼ်ႉ​ဢေႃႈ။-</verse>
				<verse number="4">ၶုၼ်​ၸမ်ႉ၊ ပဵၼ်​ၵေႃႉ​ဢၼ်​ၶၢမ်ႇ​တၢင်း​ၸႂ်ႉ​တၢင်း​သွႆ​ၽြႃး​ပဵၼ်​ၸဝ်ႈ​ပုၼ်ႈ​ဢၵျူဝ်း​မႂ်း​ဢေႃႈ။ ပေႃး​မႂ်း​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​လီ​ဢမ်ႇ​ငၢမ်း​ၸိုင်၊ ႁႂ်ႈ​မီး​တၢင်း​ဢၼ်​ၵူဝ်​ဢၼ်​ႁႄ​တႃႉ။ လွင်ႈ​မၼ်း​ၸမ်ႉ ၶုၼ်​ၼၼ်ႉ​ယိပ်း​လၢပ်ႇ​လၢႆ​လၢႆ​လွၵ်ႇ​လွၵ်ႇ​ၵူၺ်း​ဢမ်ႇ​ၸႂ်ႈ။ မၼ်း​ပဵၼ်​ၵေႃႉ​ဢၼ်​ၶၢမ်ႇ​တၢင်း​ၸႂ်ႉ​တၢင်း​သွႆ​ၽြႃး​ပဵၼ်​ၸဝ်ႈ​ဢၼ်​ဝႃႈ ၵေႃႉ​ဢၼ်​ပိူင်ႇ​ၸီႇ​ယၢင်ႇ​ဢပႅတ်ႈ​လႄႈ ၶိုၼ်း​တွပ်ႇ​တႅၼ်း​ပၼ်​တီႈ​ၶဝ်​ၸိူဝ်း​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​ဢေႃႈ။-</verse>
				<verse number="5">ပိူဝ်ႈ​ၼႆ​လႄႈ တၵ်း​လႆႈ​ႁပ်ႉ​တုင်း​ဢဝ်​ဢႃႇၼႃႇ​ၶုၼ် ၵွပ်ႈ​ပိူဝ်ႈ​တၢင်း​ဢၼ်​ၸီႇ​ယၢင်ႇ​ၶိုၼ်း​တွပ်ႇ​တႅၼ်း​ပၼ်​ဢပႅတ်ႈ​ၼၼ်ႉ​ဢမ်ႇ​ၸႂ်ႈ။ တၵ်း​လႆႈ​ႁပ်ႉ​တုင်း​ဢဝ်​ၵွပ်ႈ​ပိူဝ်ႈ​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="6">ၵွပ်ႈ​ပိူဝ်ႈ​လွင်ႈ​ၼၼ်ႉ​လႄႈ သူ​ပၼ်​ၶွၼ်ႇ​ဢေႃႈ။ ၶုၼ်​တင်း​လၢႆ​ၼၼ်ႉ ပဵၼ်​ၵေႃႉ​ဢၼ်​ပႂ်ႉ​ဢမူႉ​ၽြႃး​ပဵၼ်​ၸဝ်ႈ​လႄႈ ႁၢပ်ႇ​ဢမူႉ​ၸဝ်ႈ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="7">ပိူဝ်ႈ​ၼႆ​လႄႈ ပၼ်​ၸွမ်း​ၵႃႈ​ၼင်ႇ​ဢၼ်​ၵူၼ်း​ၵူႈ​ၵေႃႉ​ထိူၵ်ႈ​ၶၢမ်ႇ​ၼၼ်ႉ​တႃႉ။ ပၼ်​ၶွၼ်ႇ​တီႈ​ၵေႃႉ​ဢၼ်​ထိူၵ်ႈ​ၶၢမ်ႇ​ဢဝ်​ၶွၼ်ႇ​ၼၼ်ႉ ဢိၵ်ႇ​တင်း​တၢင်း​ဢၼ်​ၵဵပ်း​ၵၢင်​တီႈ​ၵေႃႉ​ဢၼ်​ထိူၵ်ႈ​ၶၢမ်ႇ​ဢဝ်​တၢင်း​ဢၼ်​ၵဵပ်း​ၵၢင်​ၼၼ်ႉ​တႃႉ။ ၵူဝ်​ႁႄ​ၵေႃႉ​ဢၼ်​ထိူၵ်ႈ​လီ​ၵူဝ်​လီ​ႁႄ​ၼၼ်ႉ​တႃႉ။ ၵေႃႉ​ဢၼ်​ထိူၵ်ႈ​ရူဝ်ႇ​သေႇ​ၵူဝ်​ယမ်​ၼၼ်ႉ​ၵေႃႈ ရူဝ်ႇ​သေႇ​ၵူဝ်​ယမ်​တႃႉ။</verse>
				<verse number="8">လိူဝ်​သေ​မႅတ်ႈ​တႃႇ​တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​ၼၼ်ႉ ယႃႇ​ပေ​ႁႂ်ႈ​ထုၵ်ႇ​ၼီႈ​သေ​ၸိူဝ်ႉ​သေ​ပိူင်​တီႈ​သေ​ၵေႃႉ​သေ​ၵူၼ်း။ ၵေႃႉ​ဢၼ်​ႁၵ်ႉ​ပိူၼ်ႈ​ၼၼ်ႉ ပျေႉ​ၸုမ်ႇ​တင်း​တြႃး​တၢင်း​ၵမ်​တၢင်း​ၵျၢင်ႉ​ယဝ်ႉ။-</verse>
				<verse number="9">လွင်ႈ​မၼ်း​ၸမ်ႉ ယႃႇ​ပေ​ၽိတ်း​ပိူင်ႈ​မေး​ပိူၼ်ႈ။ ယႃႇ​ပေ​ဢဝ်​ဢသၢၵ်ႈ​ၵူၼ်း​တၢႆ။ ယႃႇ​ပေ​လၵ်ႉ​ဢုၵ်ႉ​ၸႃႇ​ပိူၼ်ႈ။ ယႃႇ​ပေ​ၶၢမ်ႇ​သၢၵ်ႈ​သေႇ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ။ ယႃႇ​ပေ​မီး​ၸႂ်​ဢၼ်​ၸပ်း​ၸွႆး​ၶႂ်ႈ​လႆႈ​ဢုၵ်ႉ​ၸႃႇ​ပိူၼ်ႈ​ဝႃႈ​ၼႆ ၸႃႉ​ၸဵမ်​ပိင်း​ၺၢပ်ႈ​ၸိူဝ်း​ၼႆႉ​လႄႈ ပိင်း​ၺၢပ်ႈ​တၢင်ႇ​ပႃး​ၵႃႈ​မီး​တင်း​သဵင်ႈ​တင်း​လူင် ပဵၼ်​ဢၼ်​ၶဝ်ႈ​ပႃး​ၼႂ်း​ပိင်း​ၺၢပ်ႈ​ပႃး​ၼိုင်ႈ​ဢၼ်​ဝႃႈ၊ ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ​ၸိုင် မႂ်း​တၵ်း​လႆႈ​ႁၵ်ႉ​မိူၼ်​ၸိူဝ်ႉ​ၼင်ႇ​တူဝ်​ၸဝ်ႈ​ၵဝ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="10">တၢင်း​ႁၵ်ႉ​မႅတ်ႈ​တႃႇ​ၼၼ်ႉ ဢမ်ႇ​ၸၢင်ႈ​ယႃႉ​ဢၵျူဝ်း​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ။ ပိူဝ်ႈ​ၼႆ​လႄႈ​တၢင်း​ႁၵ်ႉ​မႅတ်ႈ​တႃႇ​ၼၼ်ႉ ပဵၼ်​တၢင်း​ဢၼ်​တြႃး​တၢင်း​ၵမ်​တၢင်း​ၵျၢင်ႉ​ပျေႉ​ၸုမ်ႇ​ဢေႃႈ။</verse>
				<verse number="11">လိူဝ်​သေ​ၼၼ်ႉ ႁဝ်း​ႁူႉ​ၶိင်ႇ​ၵႃႇလႃႉ​ယူႇ​လႄႈ ထွၵ်ႈ​လူၺ်ႈ​လွင်ႈ​ဢၼ်​ၶိင်ႇ​ဢၼ်​တၵ်း​လႆႈ​တိုၼ်ႇ​မႃး​သေ​ၵႃႈ​ၼႂ်း​တၢင်း​ဢၼ်​ႁဝ်း​ၼွၼ်း​လပ်း​တေႃႈ​လဵဝ်​ၼႆႉ​ယူႇ​ၼၼ်ႉ ႁွတ်ႈ​မႃး​ယဝ်ႉ​ၼၼ်ႉ​ယူႇ​သေ​လႄႈ ဢွၼ်​ၵၼ်​ႁဵတ်း​ၸွမ်း​ၸိူဝ်ႉ​ၼင်ႇ​ၼၼ်​တႃႉ​ႁဝ်း။ လွင်ႈ​မၼ်း​ၸမ်ႉ ဢၼ်​ၵႄႇ​ၶျွတ်ႈ​ဢဝ်​ႁဝ်း​ၼၼ်ႉ တေႃႈ​လဵဝ်​ၼႆႉ ယဵင်ႈ​ၶႅၼ်း​ၸမ်​မႃး​ၼႃႇ​သေ ဢၼ်​ၸမ်​မႃး​ၼႂ်း​ဝၼ်း​ဢၼ်​ႁဝ်း​ယုမ်ႇ​မၢတ်ႈ​ၼၼ်ႉ​ဢေႃႈ။-</verse>
				<verse number="12">ၶိင်ႇ​ၵၢင်​ၶိုၼ်း​ၸမ်​တၵ်း​သဵင်ႈ​လႄႈ ၶိင်ႇ​ၵၢင်​ဝၼ်း​ၸမ်​တၵ်း​ႁွတ်ႈ​ထိုင်​ဢေႃႈ။ ပႄႇ​ပႅတ်ႈ​တၢင်း​ၵမ်​တၢင်း​ၵျၢင်ႉ​ဢၼ်​လပ်း​သိင်ႇ​သေ​လႄႈ ဢွၼ်​ၵၼ်​ဢဝ်​လၢၵ်ႈ​ၼၢၵ်ႈ​ဢၼ်​လႅင်း​ဢၼ်​ၸေး​ၸုမ်ႇ​ၼၼ်ႉ တိုဝ်း​ၼုင်ႈ​တႃႉ​ႁဝ်း။-</verse>
				<verse number="13">ဝႄႈ​ပႅတ်ႈ​တၢင်း​ဢၼ်​ႁဵတ်း​ပွႆး တင်း​တၢင်း​ဢၼ်​ၵိၼ်​လဝ်ႈ​ပူၼ်ႉ​လိူဝ်၊ တၢင်း​ဢၼ်​ဢိင်​မေႇ​ထုင်ႇ​ဢၼ်​ဢမ်ႇ​တြႃး၊ ၵီႉလေႇသႃႇ​တၢင်း​ဢၼ်​ၵူဝ်ႈ​ၵိူၵ်ႇ၊ တၢင်း​ဢၼ်​ၽိတ်း​ၵၼ်၊ တၢင်း​ဢၼ်​ၶေႉ​ၶဵင်ႇ​ၵၼ်​ၸိူဝ်း​ၼၼ်ႉ​သေ​လႄႈ ဢွၼ်​ၵၼ်​ၵမ်​ၵျၢင်ႉ​သၢင်ႈ​ႁဵတ်း​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​ၸိူဝ်ႉ​ၼင်ႇ​ၼႂ်း​ၶိင်ႇ​ၵၢင်​ဝၼ်း​ၼၼ်ႉ​ယူႇ​တႃႉ​ႁဝ်း။-</verse>
				<verse number="14">ဢဝ်​ၸဝ်ႈ​ ယေႇသူႉ​ၶရိၸ်ႈ ​လႄႈ ၼုင်ႈ​မႆ​တႃႉ။ ယႃႇ​ပေ​ၵျၢမ်ႇ​ပေ​ပွင် ပုၼ်ႈ​တူဝ်​ၵႃႇ​ယႃႉ​ႁႂ်ႈ​တၢင်း​ဢၼ်​မၼ်း​ၸွႆး​ၸပ်း​ၼၼ်ႉ​လႆႈ​ပဵၼ်။</verse>
			</chapter>
			<chapter number="14">
				<verse number="1">ႁပ်ႉ​တုင်း​ဢဝ်​ၵေႃႉ​ဢၼ်​တၢင်း​ယုမ်ႇ​မၢတ်ႈ​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​တႃႉ။ ၼႂ်း​ဝႃႈ​ၼၼ်​သေ​ၵေႃႈ ယႃႇ​ပေ​တိူင်ႇ​ပၢင်ႇ​ပျၢတ်ႈ​သၼႃႇ​ဢၼ်​လီ​ယုမ်ႇ​ၶိုင်ႈ​ၼိုင်ႈ ဢမ်ႇ​ယုမ်ႇ​ၶိုင်ႈ​ၼိုင်ႈ​ၼၼ်ႉ​လူၺ်ႈ​ၵၼ်​တင်း​မၼ်း။-</verse>
				<verse number="2">တၢင်း​ၵိၼ်​ၵူႈ​ၸိူဝ်ႉ​ၵူႈ​ပိူင်​လီ​ၵိၼ်​ဢေႃႈ ဝႃႈ​ၼႆ ၵူၼ်း​ၵမ်ႈ​ၽွင်ႈ​ယုမ်ႇ​ဢေႃႈ။ ၵေႃႉ​ဢၼ်​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​ၸမ်ႉ ၵိၼ်​ၽၵ်း​ယိူဝ်ႈ​ၽၵ်း​ၶဵဝ်​ၵူၺ်း​ဢေႃႈ။-</verse>
				<verse number="3">ယႃႇ​ပေ​ႁႂ်ႈ​ၵေႃႉ​ဢၼ်​ၵိၼ်​ၵူႈ​ၸိူဝ်ႉ​ၵူႈ​ပိူင်​ၼၼ်ႉ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၵေႃႉ​ဢၼ်​ဢမ်ႇ​ၵိၼ်​ၼၼ်ႉ။ ၵေႃႉ​ဢၼ်​ဢမ်ႇ​ၵိၼ်​ၵေႃႈ ယႃႇ​ပေ​ႁႂ်ႈ​ၸႅတ်ႈ​ထၢမ်​ၸီႇ​ယၢင်ႇ​ၵေႃႉ​ဢၼ်​ၵိၼ်​ၼၼ်ႉ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ႁပ်ႉ​တုင်း​ဢဝ်​ၵေႃႉ​ၼၼ်ႉ​ယဝ်ႉ။-</verse>
				<verse number="4">မႂ်း​ဢၼ်​ၸႅတ်ႈ​ထၢမ်​ၸီႇ​ယၢင်ႇ​တီႈ​ၵူၼ်း​ဢၼ်​ပိူၼ်ႈ​တၢင်ႇ​ၵေႃႉ​ဢုပ်ႉ​ပိူင်ႇ​ၼၼ်ႉ​ၼႆႉ ပဵၼ်​ၽူႈ​လႂ်။ မၼ်း​ၼၼ်ႉ​လႆႈ​ႁွတ်ႈ​ထိုင်​တၢင်း​ဢၼ်​လွတ်ႈ​ဢပႅတ်ႈ၊ ဢမ်ႇ​ၼၼ်​ၵေႃႈ တၢင်း​ဢၼ်​ၶၢမ်ႇ​ဢပႅတ်ႈ ၵွပ်ႈ​ပိူဝ်ႈ​တၢင်း​ဢၼ်​ၸဝ်ႈ​မၼ်း​ၸီႇ​ယၢင်ႇ​ၼၼ်ႉ​ၵူၺ်း​ဢေႃႈ။ မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ႁႂ်ႈ​တႄႇ​ယူႇ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​တၢတ်ႈ​ၼိူင်ႇ​ႁႂ်ႈ​မၼ်း​တႄႇ​ယူႇ​ၼၼ်ႉ​လႆႈ​ယူႇ​ဢေႃႈ။</verse>
				<verse number="5">ဝၼ်း​ၼိုင်ႈ​မျၢတ်ႈ​သေ​ဝၼ်း​ၼိုင်ႈ​ဝႃႈ​ၼႆ ၵူၼ်း​ၵမ်ႈ​ၽွင်ႈ​ၸၢင်ႈ​ထၢင်ႇ​ဢေႃႈ။ ဝၼ်း​ၵူႈ​ဝၼ်း​မိူၼ်​ၵၼ်​ဝႃႈ​ၼႆ ၵမ်ႈ​ၽွင်ႈ​ၸၢင်ႈ​ထၢင်ႇ​ဢေႃႈ။ ႁႂ်ႈ​ၵူၼ်း​ၵူႈ​ၵေႃႉ​တူၵ်း​ၵၢင်​ၸႂ်​သေ​ၵမ်း​လူၺ်ႈ။-</verse>
				<verse number="6">ၵေႃႉ​ဢၼ်​ပႂ်ႉ​ဝၼ်း​ၼၼ်ႉ ထွၵ်ႈ​လူၺ်ႈ​ၸဝ်ႈ​ၽြႃး​သေ​လႄႈ​ပႂ်ႉ​ဢေႃႈ။ ၵေႃႉ​ဢၼ်​ဢမ်ႇ​ပႂ်ႉ​ဝၼ်း​ၵေႃႈ ထွၵ်ႈ​လူၺ်ႈ​ၸဝ်ႈ​ၽြႃး​သေ​လႄႈ​ဢမ်ႇ​ပႂ်ႉ​ဢေႃႈ။ ၵေႃႉ​ဢၼ်​ၵိၼ်​ၼၼ်ႉ​ပႃး​တင်း​ၸႂ်​ဢၼ်​ထွၵ်ႈ​လူၺ်ႈ​ၸဝ်ႈ​ၽြႃး​သေ​လႄႈ ၵျေး​ၸူး​ၸဝ်ႈ​မီး​ဢေႃႈ​ဝႃႈ​ၼႆ၊ ႁပ်ႉ​တုင်း​ဢဝ်​လႄႈ​ၵိၼ်​ဢေႃႈ။ ၵေႃႉ​ဢၼ်​ဢမ်ႇ​ၵိၼ်​ၵေႃႈ ပႃး​တင်း​ၸႂ်​ဢၼ်​ထွၵ်ႈ​လူၺ်ႈ​ၸဝ်ႈ​ၽြႃး​သေ​လႄႈ ၵျေး​ၸူး​ၸဝ်ႈ​မီး​ဢေႃႈ​ဝႃႈ​ၼႆ ႁပ်ႉ​တုင်း​ဢဝ်​လႄႈ​ဢမ်ႇ​ၵိၼ်​ဢေႃႈ။</verse>
				<verse number="7">ၼႂ်း​ႁဝ်း​ၼႆႉ​ၽူႈ​လႂ်​သေ​ၵေႃႉ​သေ​ၵူၼ်း ဢသၢၵ်ႈ​ဢမ်ႇ​လိပ်း​ပုၼ်ႈ​တူဝ်​ၸဝ်ႈ​ၵဝ်ႇ။ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​တၢႆ​ပုၼ်ႈ​တူဝ်​ၸဝ်ႈ​ၵဝ်ႇ။-</verse>
				<verse number="8">ပေႃး​ႁဝ်း​ဢသၢၵ်ႈ​လိပ်း​ၸိုင် ႁဝ်း​လိပ်း​ပုၼ်ႈ​ၸဝ်ႈ​ၽြႃး​ဢေႃႈ။ ပေႃး​ႁဝ်း​တၢႆ​ၵေႃႈ ႁဝ်း​တၢႆ​ပုၼ်ႈ​ၸဝ်ႈ​ၽြႃး​ဢေႃႈ။ ပိူဝ်ႈ​ၼႆ​လႄႈ​ႁဝ်း​ဢသၢၵ်ႈ​လိပ်း​သေ​ဢမ်ႇ​ဝႃႈ၊ ႁဝ်း​တၢႆ​သေ​ဢမ်ႇ​ဝႃႈ၊ ႁဝ်း​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ၽြႃး​ဢေႃႈ။-</verse>
				<verse number="9">လွင်ႈ​မၼ်း​ၸမ်ႉ ၸဝ်ႈ​ၶရိၸ်ႈ​ၼၼ်ႉ​ၶၢမ်ႇ​တၢင်း​တၢႆ​လႄႈ ဢသၢၵ်ႈ​သမ်ႉ​ၶိုၼ်း​လိပ်း ႁႂ်ႈ​လႆႈ​ပဵၼ်​ၸဝ်ႈ​ဢၼ်​ဢုပ်ႉ​ပိူင်ႇ ၶဝ်​ၸိူဝ်း​ဢၼ်​တၢႆ ဢိၵ်ႇ​တင်း​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ဢေႃႈ။</verse>
				<verse number="10">ႁဵတ်း​သင်​လႄႈ မႂ်း​ၸႅတ်ႈ​ထၢမ်​ၸီႇ​ယၢင်ႇ​ပီႈ​ၼွင်ႉ​မႂ်း​ၼင်ႇ​ႁိုဝ်။ ႁဵတ်း​သင်​လႄႈ မႂ်း​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ပီႈ​ၼွင်ႉ​မႂ်း​ၼင်ႇ​ႁိုဝ်။ ႁဝ်း​ၵႃႈ​မီး​တင်း​သဵင်ႈ​တင်း​လူင်​တၵ်း​လႆႈ​ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ပလၢင်ႇ ဢၼ်​ၸီႇ​ယၢင်ႇ​တြႃး​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="11">ဢၼ်​မႃး​ၼႂ်း​ၵျၢမ်း​လိၵ်ႈ​ၸမ်ႉ ၵႃႈ​ၼင်ႇ​ဢၼ်​ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ၶုပ်ႉ​ၶဝ်ႇ​ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ဢဝ်​တင်း​သူပ်း ၶၢမ်ႇ​သဵတ်ႈ​ၸႃႇ​ၵႃႈ​တီႈ​ၽြႃး​ပဵၼ်​ၸဝ်ႈ​ဢေႃႈ ဝႃႈ​ၼႆ၊ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ​ႁဝ်း​ၵႃႈ​မီး​တင်း​သဵင်ႈ​တင်း​လူင် တၵ်း​လႆႈ​မွၵ်ႇ​လၢတ်ႈ​ၽုၺ်ႇ​ၼႄ​လွင်ႈ​တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="13">ပိူဝ်ႈ​ၼႆ​လႄႈ ၸႃႉ​ၸဵမ်​တေႃႈ​လဵဝ်​ၼႆႉ​လႄႈ ႁဝ်း​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယင်း​ဢမ်ႇ​ၸႅတ်ႈ​ထၢမ်​ၸီႇ​ယၢင်ႇ​ၵၼ်​လႄႈ ယူႇ​တႃႉ​ႁဝ်း။ လွင်ႈ​ၼင်ႇ​ႁိုဝ် တၵ်း​ဢမ်ႇ​မီး​ဢၶႂၢင်ႉ​တၢင်း​ဢၼ်​ပီႈ​ၼွင်ႉ​ၵၼ် တၵ်း​တိူဝ်ႉ​မႅၼ်ႈ​လႄႈ​လူမ်ႉ၊ ဢၶႂၢင်ႉ​တၢင်း​ဢၼ်​တၵ်း​ၽိတ်း​ပိူင်ႈ​ၼၼ်ႉ​ၸိုင်၊ ယဵင်ႈ​ၶႅၼ်း​ၸႅတ်ႈ​ထၢမ်​ၸီႇ​ယၢင်ႇ​ၵၼ်​တႃႉ​ႁဝ်း။-</verse>
				<verse number="14">ၵဝ်​ဢိင်​ၸဝ်ႈ​ ယေႇသူႉ ​သေ​လႄႈ တူၵ်း​ၵၢင်​ၸႂ်​လႄႈ ႁူႉ​လွင်ႈ​ဢၼ်​တၢင်း​ၵိၼ်​ဢၼ်​လႂ်​သေ​ဢမ်ႇ​ဝႃႈ ၸွမ်း​ၼင်ႇ​ပၵတီႉ​မၼ်း​လႄႈ ဢမ်ႇ​ၵူဝ်ႈ​ဢမ်ႇ​ၵိူၵ်ႇ​ၼၼ်ႉ​ယူႇ ဢမၢၼ်ႇ​ၶၼ်​ပဵၼ်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပေႃး​သေ​ၵေႃႉ​သေ​ၵူၼ်း​ထၢင်ႇ​လႄႈ​ဝႃႈ၊ ၵူဝ်ႈ​ၵိူၵ်ႇ​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ၵူဝ်ႈ​ၵိူၵ်ႇ​ၵႃႈ​တီႈ​ၵေႃႉ​ၼၼ်ႉ​ဢေႃႈ။-</verse>
				<verse number="15">ပေႃး​ပီႈ​ၼွင်ႉ​မႂ်း​လႆႈ​ၸဵပ်း​ၸႂ်​ၵွပ်ႈ​ပိူဝ်ႈ​တၢင်း​ၵိၼ်​မႂ်း​ၸိုင် မႂ်း​ဢမ်ႇ​ၵမ်​ၵျၢင်ႉ​မႅတ်ႈ​တႃႇ​တြႃး။ ယႃႇ​ပေ​ႁႂ်ႈ​ၵေႃႉ​ဢၼ်​ၶၢမ်ႇ​ဢဝ်​ၵျေး​ၸူး တၢင်း​ဢၼ်​ၸဝ်ႈ​ၶရိၸ်ႈ​ၶၢမ်ႇ​တၢႆ​ၼၼ်ႉ​လူႉ ၵွပ်ႈ​ပိူဝ်ႈ​တၢင်း​ၵိၼ်​မႂ်း။-</verse>
				<verse number="16">ၼႂ်း​လွင်ႈ​တၢင်း​ဢၼ်​သူ​လႆႈ​ဢၶႂၢင်ႉ​ၼၼ်ႉ ယႃႇ​ပေ​ႁႂ်ႈ​မီး​တီႈ​ဢၼ်​တၵ်း​သႄႉ​တၵ်း​သွမ်း။-</verse>
				<verse number="17">လွင်ႈ​မၼ်း​ၸမ်ႉ မိူင်း​ၽြႃး​ပဵၼ်​ၸဝ်ႈ ဢမ်ႇ​တႄႇ​ယူႇ​ၼႂ်း​တၢင်း​ၵိၼ်​တၢင်း​ၶူပ်း။ တႄႇ​ယူႇ​ၼႂ်း​တၢင်း​ဢၼ်​သိုဝ်ႈ​တေႃႇ၊ တၢင်း​ဢၼ်​ၼိမ်၊ တၢင်း​ဢၼ်​သိူဝ်း​ပျေႃႇ ဢၼ်​လႆႈ​ၶၢမ်ႇ​ဢဝ် ၵွပ်ႈ​ပိူဝ်ႈ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ။-</verse>
				<verse number="18">ၵေႃႉ​ဢၼ်​ၵမ်​ၵျၢင်ႉ​ၸိူဝ်ႉ​ၼင်ႇ​ၼၼ်​သေ​လႄႈ ႁဵတ်း​ၶႃႈ​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ ပဵၼ်​တီႈ​ဢၼ်​ထုၵ်ႇ​ၸႂ်​ၽြႃး​ပဵၼ်​ၸဝ်ႈ​လႄႈ ၼႂ်း​ၵူၼ်း​တင်း​လၢႆ​ၵေႃႈ ပဵၼ်​တီႈ​ဢၼ်​လီ​ယွင်ႈ​ယေႃး​ဢေႃႈ။</verse>
				<verse number="19">ပိူဝ်ႈ​ၼႆ​လႄႈ ဢွၼ်​ၵၼ်​ၸွမ်း​ႁႂ်ႈ​ၶိုတ်း​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၼိမ် ဢိၵ်ႇ​တင်း တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ် တႄႇ​ႁဵတ်း​တီႈ​ၵၼ်​ၼၼ်ႉ​တႃႉ​ႁဝ်း။-</verse>
				<verse number="20">ယႃႇ​ပေ​ႁႂ်ႈ​ဢမူႉ​ၽြႃး​ပဵၼ်​ၸဝ်ႈ​လူႉ​ၵွပ်ႈ​ပိူဝ်ႈ​တၢင်း​ၵိၼ်​မႂ်း​ၼၼ်ႉ။ တၢင်း​ၵိၼ်​ၵူႈ​ၸိူဝ်ႉ​ၵူႈ​ပိူင်​ပဵၼ်​ဢၼ်​မူတ်း​သႂ်​ဢေႃႈ။ ၵူၺ်း​ၵႃႈ ၵေႃႉ​ဢၼ်​ၵိၼ်​ႁႂ်ႈ​ပဵၼ်​တီႈ​ဢၼ်​ပိူၼ်ႈ​တိူဝ်ႉ​မႅၼ်ႈ​လႄႈ​လူမ်ႉ​ၼၼ်ႉ​မီး​ဢပႅတ်ႈ​ဢေႃႈ။-</verse>
				<verse number="21">ဢမ်ႇ​ထုၵ်ႇ​လီ​ႁဵတ်း​ၸႃႉ​ၸဵမ်​တၢင်း​ဢၼ်​ၵိၼ်​ၼိူဝ်ႉ တၢင်း​ဢၼ်​ၵိၼ်​ၼမ်ႉ​ၸပိတ်ႈ​လႄႈ၊ လွင်ႈ​တၢင်း​ဢၼ်​တၵ်း​ႁႂ်ႈ​ပီႈ​ၼွင်ႉ​မႂ်း​တိူဝ်ႉ​မႅၼ်ႈ​လႄႈ​လူမ်ႉ၊ လွင်ႈ​တၢင်း​ဢၼ်​တၵ်း​ႁႂ်ႈ​ၽိတ်း​ပိူင်ႈ၊ လွင်ႈ​တၢင်း​ဢၼ်​တၵ်း​ႁႂ်ႈ​ႁႅင်း​လဵၵ်ႉ​ႁႅင်း​ၵေႇ​ၸိူဝ်း​ၼၼ်ႉ။-</verse>
				<verse number="22">မႂ်း​မီး​တၢင်း​ယုမ်ႇ​မၢတ်ႈ​ႁိုဝ်။ ၸွမ်း​ၼင်ႇ​ဢလူဝ်ႇ ႁႂ်ႈ​မီး​တီႈ​တူဝ်​ၸဝ်ႈ​ၵဝ်ႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​တႃႉ။ ၵေႃႉ​ဢၼ်​ဢမ်ႇ​ၸႅတ်ႈ​ထၢမ်​ၸီႇ​ယၢင်ႇ​တီႈ​တူဝ်​ၸဝ်ႈ​ၵဝ်ႇ ၼႂ်း​လွင်ႈ​တၢင်း​ဢၼ် တူဝ်​ၸဝ်ႈ​ၵဝ်ႇ​ႁပ်ႉ​တုင်း​ဢဝ်​ၼၼ်ႉ​မီး​မင်ႇၵလႃႇ​ဢေႃႈ။-</verse>
				<verse number="23">ၵေႃႉ​ဢၼ်​ယုမ်ႇ​ၶိုင်ႈ​ၼိုင်ႈ​ဢမ်ႇ​ယုမ်ႇ​ၶိုင်ႈ​ၼိုင်ႈ​ၼၼ်ႉ၊ ပေႃး​မၼ်း​ၵိၼ်​ၸိုင်၊ လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ ၵွပ်ႈ​ပိူဝ်ႈ​ဢၼ်​မၼ်း​ယင်း​ဢမ်ႇ​မီး​ၸႂ်​ဢၼ်​ယုမ်ႇ​လႄႈ​ၵိၼ်​ၼၼ်ႉ​ဢေႃႈ။ တၢင်း​ၵမ်​တၢင်း​ၵျၢင်ႉ ဢၼ်​ယင်း​ဢမ်ႇ​မီး​ၸႂ်​ဢၼ်​ယုမ်ႇ​လႄႈ ၵမ်​ၵျၢင်ႉ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​မီး​ဢပႅတ်ႈ​ဢေႃႈ။</verse>
			</chapter>
			<chapter number="15">
				<verse number="1">ပိူဝ်ႈ​ၼႆ​လႄႈ ႁဝ်း​ၸႃႉ​ဢၼ်​မီး​ႁႅင်း​ၼႆႉ ယင်း​ဢမ်ႇ​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ​လႄႈ တၵ်း​လႆႈ​ယိူၼ်ႉ​ၶၢမ်ႇ​တၢင်း​ဢၼ်​ႁႅင်း​လဵၵ်ႉ​ႁႅင်း​ၵေႇ​ၶဝ် ၸႃႉ​ဢၼ်​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​ဢေႃႈ။-</verse>
				<verse number="2">ၼင်ႇ​ၼၼ်​လႄႈ​ႁဝ်း​ၵႃႈ​မီး​ၸိူဝ်း​ၼႆႉ ထွၵ်ႈ​လူၺ်ႈ​ဢၵျူဝ်း​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​ႁဝ်း​ၼၼ်ႉ​သေ​လႄႈ ဢွၼ်​ၵၼ်​ၸွမ်း​ဢလူဝ်ႇ​မၼ်း ႁႂ်ႈ​လႆႈ​တႄႇ​ႁဵတ်း​မၼ်း​တႃႉ​ႁဝ်း။-</verse>
				<verse number="3">လွင်ႈ​မၼ်း​ၸမ်ႉ ၸဝ်ႈ​ၶရိၸ်ႈ​ဢမ်ႇ​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ။ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ ၵႂၢမ်း​သႄႉ​သွမ်း​ၶဝ်​ၸိူဝ်း​ဢၼ်​သႄႉ​သွမ်း​ၸဝ်ႈ​ႁဝ်း​ၼၼ်ႉ လႆႈ​ႁွတ်ႈ​ထိုင်​ၵႃႈ​ၼိူဝ်​ၵဝ်​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၼင်ႇ​ႁိုဝ်​ႁဝ်း​တၵ်း​မီး​ဢၶႂၢင်ႉ​ဢၼ်​လႆႈ​မုင်ႈ​ထႃႈ​မွင်း​ထႃႈ ၵွပ်ႈ​ပိူဝ်ႈ​တၢင်း​ဢၼ်​ယိူၼ်ႉ​ၶၢမ်ႇ ဢိၵ်ႇ​တင်း​တၢင်း​သၢၵ်ႈ​သႃႇ​ဢၼ်​ပႃး​ၼႂ်း​ၵျၢမ်း​လိၵ်ႈ​တင်း​လၢႆ​ၼၼ်ႉ​ၸိုင်၊ ၵႃႈ​ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​မိူဝ်ႈ​ဢွၼ်​ၼႆႉ​ၼၼ်ႉ ပဵၼ်​ဢၼ်​တႅမ်ႈ​ဝႆႉ​ပုၼ်ႈ​ဢၼ်​တၵ်း​လႆႈ​သင်ႇ​သွၼ်​ပၼ်​ႁဝ်း​ဢေႃႈ။-</verse>
				<verse number="5">ၼင်ႇ​ႁိုဝ်​သူ​တၵ်း​မီး​သၽေႃး​ဢၼ်​လဵဝ်​ၵၼ် ဢဝ်​တင်း​သူပ်း​ဢၼ်​လဵဝ်​ၵၼ် ယွင်ႈ​ယေႃး​ၽြႃး​ပဵၼ်​ၸဝ်ႈ ဢၼ်​ဝႃႈ​ပေႃႈ​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ​ၸိုင်၊-</verse>
				<verse number="6">ႁႂ်ႈ​ၽြႃး​ပဵၼ်​ၸဝ်ႈ၊ ၸဝ်ႈ​တၢင်း​ဢၼ်​ယိူၼ်ႉ​ၶၢမ်ႇ ဢိၵ်ႇ​တင်း​တၢင်း​ဢၼ်​သၢၵ်ႈ​သႃႇ​ၼၼ်ႉ ဢဵတ်း​လူ​ပၼ် ႁႂ်ႈ​သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ်​လႆႈ​ၸွမ်း​ၼင်ႇ​ဢလူဝ်ႇ​ ယေႇသူႉ​ၶရိၸ်ႈ ​သေ​လႄႈ မီး​ႁူဝ်​ၸႂ်​ဢၼ်​လဵဝ်​ၵၼ်​ၼၼ်ႉ​သေ​ၵမ်း​လူၺ်ႈ။</verse>
				<verse number="7">ၵွပ်ႈ​ႁွႆး​ၼႆႉ​လႄႈ ၼင်ႇ​ႁိုဝ်​တၵ်း​ႁႂ်ႈ​မုၼ်​ၽုင်း​ၽြႃး​ပဵၼ်​ၸဝ်ႈ​ထၢင်ႇ​သႃး​ၸိုင် ၸိူဝ်ႉ​ၼင်ႇ​ဢၼ်​ၸဝ်ႈ​ၶရိၸ်ႈ​ႁပ်ႉ​တုင်း​ဢဝ်​သူ​ၼၼ်ႉ၊ သူ​ၵေႃႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ်​ႁပ်ႉ​တုင်း​ဢဝ်​ၵၼ်​တႃႉ။-</verse>
				<verse number="8">ၵဝ်​သမ်ႉ​ဝႃႈ​ထႅင်ႈ​ၸမ်ႉ ယေႇသူႉ​ၶရိၸ်ႈ ​ၼၼ်ႉ ထွၵ်ႈ​လူၺ်ႈ​သဵတ်ႈ​ၸႃႇ​ၽြႃး​ပဵၼ်​ၸဝ်ႈ​သေ​လႄႈ ပွင်​ႁဵတ်း​ဢမူႉ​ၶဝ်​ၸိူဝ်း​ဢၼ် ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ ႁႂ်ႈ​ၵတီႉ​ၸဝ်ႈ​ဢၼ်​ပူႇ​မွၼ်ႇ​လႆႈ​ၶၢမ်ႇ​ယဝ်ႉ​ၼၼ်ႉ​လႆႈ​တႄႇ​ယူႇ၊-</verse>
				<verse number="9">ဢိၵ်ႇ​တင်း​ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ လႆႈ​ယွင်ႈ​ယေႃး​ဢၢမ်း​ဢေႃး လူၺ်ႈ​ၵရူႉၼႃႇ​ၽြႃး​ပဵၼ်​ၸဝ်ႈ​ဢေႃႈ။ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ ၵွပ်ႈ​ႁွႆး​ၼႆႉ ၵဝ်​ၶႃႈ​တၵ်း​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း ၵႃႈ​တီႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​လႄႈ ႁဵတ်း​ၵႂၢမ်း​ထေႃးပၼႃႇ​ၵႃႈ​တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ဢၼ်​သမ်ႉ​ဝႃႈ​ထႅင်ႈ​ၸမ်ႉ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၶဝ်​ဢိူၺ်း၊ သူ​သိူဝ်း​ပျေႃႇ​လူၺ်ႈ​ၵၼ်​တင်း​ၵူၼ်း​ၽြႃး​ပဵၼ်​ၸဝ်ႈ​တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ဢၼ်​သမ်ႉ​ဝႃႈ​ထႅင်ႈ​ၵမ်း​ၼိုင်ႈ​ၸမ်ႉ၊ ၵူၼ်း​မဵဝ်း​ၵႃႈ​မီး​တင်း​သဵင်ႈ​တင်း​လူင်​ၶဝ်​ဢိူၺ်း၊ ယွင်ႈ​ယေႃး​ထႃႇဝရႃႉ​ၽြႃး​တႃႉ။ ၸိူဝ်ႉ​ၶိူဝ်း​ၵူၼ်း​ၵႃႈ​မီး​တင်း​သဵင်ႈ​တင်း​လူင်​ၶဝ်​ဢိူၺ်း၊ ဢိုၼ်း​ယွင်ႈ​မၼ်း​ၸဝ်ႈ​ၼႃႇ​ၼႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="12">လႆႈ​သမ်ႉ ဢီႉသႃႇယႃႉ ​ဝႃႈ​ထႅင်ႈ​ၸမ်ႉ၊ ႁၢၵ်ႈ ယေႇသႄး ​တၵ်း​ဢွၵ်ႇ​လႄႈ ပဵၼ်​ၵေႃႉ​ဢၼ်​ပေႃႇ​မႃး​ႁႂ်ႈ​လႆႈ​ဢုပ်ႉ​ပိူင်ႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ဢေႃႈ။ ၵေႃႉ​ၼၼ်ႉ​ၸိုင် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တၵ်း​ဢွၼ်​ၵၼ်​ဢိင်​ပိုင်ႈ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ၼင်ႇ​ႁိုဝ်​သူ​တၵ်း​လႆႈ​ပျေႉ​ၸုမ်ႇ​လိူင်ႇ​ၸႂ် တင်း​တၢင်း​ဢၼ်​မုင်ႈ​ထႃႈ​မွင်း​ထႃႈ ၵွပ်ႈ​တၼ်း​ၶူဝ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ၸိုင်၊ ႁႂ်ႈ​ၽြႃး​ပဵၼ်​ၸဝ်ႈ ၸဝ်ႈ​တၢင်း​ဢၼ်​မုင်ႈ​ထႃႈ​မွင်း​ထႃႈ​ၼၼ်ႉ ႁႂ်ႈ​သူ​မီး​တင်း​ၸႂ်​ဢၼ်​ယုမ်ႇ​မၢတ်ႈ​သေ​လႄႈ တဵမ်​ဝႆႉ​တင်း​တၢင်း​ဢၼ်​သိူဝ်း​ပျေႃႇ သၢၵ်ႈ​သႃႇ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​သေ​ၵမ်း​လူၺ်ႈ။</verse>
				<verse number="14">ပီႈ​ၼွင်ႉ​ၶဝ်​ဢိူၺ်း၊ ၵဝ်​တူၵ်း​ၵၢင်​ၸႂ်​လွင်ႈ​ဢၼ်​သူ​ပျေႉ​ၸုမ်ႇ​တင်း​ပၵတီႉ​သၽေႃး​ဢၼ်​လီ​ဢၼ်​ငၢမ်း​ၼၼ်ႉ​ယူႇ၊ ႁူႉ​ၸႅင်ႈ​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ယူႇ၊ တၢတ်ႈ​ၼိူင်ႇ​လႆႈ​လွင်ႈ​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ် သင်ႇ​သွၼ်​သုင်း​မႃႉ​ပၼ်​ၵၼ်​ၼၼ်ႉ​ယူႇ​ဢေႃႈ။-</verse>
				<verse number="15">ၵူၺ်း​ၵႃႈ​ၼင်ႇ​ႁိုဝ် ၵဝ်​တၵ်း​လႆႈ​ပွင်​ႁဵတ်း​ဢမူႉ​တၢင်း​ဢၼ်​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၽြႃး​ပဵၼ်​ၸဝ်ႈ​လႄႈ</verse>
				<verse number="16">ပဵၼ်​ၵေႃႉ​ဢၼ်​ပႂ်ႉ​ဢမူႉ ယေႇသူႉ​ၶရိၸ်ႈ ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ႁႂ်ႈ​တၢင်း​ပုၵ်ႈ​ၸေႃႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ႁႂ်ႈ​မူတ်း​ၸၢင်ႇ​ၼၼ်ႉ လႆႈ​ပဵၼ်​တီႈ​ဢၼ်​ထုၵ်ႇ​ၸႂ်​ၸဝ်ႈ​ၸိုင်၊ ၵဝ်​ဢိင်​ပိုင်ႈ​ၵျေး​ၸူး ဢၼ်​ၽြႃး​ပဵၼ်​ၸဝ်ႈ​ဢၢပ်ႈ​ပၼ်​တီႈ​ၵဝ်​ၼၼ်ႉ​လႄႈ ပီႈ​ၼွင်ႉ​ၶဝ်​ဢိူၺ်း၊ ပၼ်​သတီႉ​တီႈ​သူ​ယူႇ​သေ​လႄႈ၊ ယဵင်ႈ​ၶႅၼ်း​တႅမ်ႈ​ပၼ်​ၵႂႃႇ ႁတ်း​ႁတ်း​ႁၢၼ်​ႁၢၼ်​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ ၵဝ်​မီး​လွင်ႈ​ဢၼ်​ဢိင်​ပိုင်ႈ​ ယေႇသူႉ​ၶရိၸ်ႈ ​လႄႈ သိူဝ်း​ပျေႃႇ​ဢုပ်ႇ​ဝၢဝ်း​ၼႂ်း​လွင်ႈ​တၢင်း​ၵႃႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။-</verse>
				<verse number="18">ၵဝ်​ႁတ်း​လၢတ်ႈ​လွင်ႈ​တၢင်း​ၸိူဝ်း​ဢၼ်​ၸဝ်ႈ​ၶရိၸ်ႈ ဢဝ်​ၵဝ်​ႁဵတ်း​ၵႃႈ​မီး​တင်း​သဵင်ႈ​တင်း​လူင် ၼႄ​ပျႃး​တၼ်း​ၶူဝ်း ဢၼ်​ပႃး​ၼႂ်း​ၼီႉမိၵ်ႈ​လၢၵ်ႈၶၼႃႇ​လႂ်၊-</verse>
				<verse number="19">လွင်ႈ​တၢင်း​ဢၼ်​လီ​ဢၢမ်း​လႂ်၊ ဢိၵ်ႇ​တင်း​တၼ်း​ၶူဝ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ လွင်ႈ​ၼင်ႇ​ႁိုဝ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တၵ်း​ထွမ်ႇ​ဢဝ်​ၼၼ်ႉ ၵွပ်ႈ​ပိူဝ်ႈ​ၵႂၢမ်း​ဢိၵ်ႇ​တင်း​ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ၵူၺ်း​ဢေႃႈ။ ၵဝ်​ဢိင်​ၵျေး​ၸူး​ၸဝ်ႈ​ၼၼ်ႉ​သေ​လႄႈ လႄႇ​လဵပ်ႈ​ၵႂႃႇ ၸႃႉ​ၸဵမ်​ဝဵင်း​ ယေႇရူႉသလႅမ်ႇ တေႃႇ​ထိုင်​ႁွတ်ႈ​မိူင်း ဢီႉလီႉရီႉၵမ်ႇ ပုၼ်ႉ​ၵူႈ​တီႈ​ၵူႈ​လႅၼ်​လႄႈ လႆႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၸဝ်ႈ​ၶရိၸ်ႈ​တင်း​သဵင်ႈ​တင်း​မူတ်း​မႃး​ယဝ်ႉ။-</verse>
				<verse number="20">ၼင်ႇ​ၼၼ်​လႄႈ ၵႃႈ​ၼိူဝ်​ငဝ်ႈ​ႁၢၵ်ႈ​တိူၵ်ႈ​ဢၼ်​ပိူၼ်ႈ​တၢင်ႇ​ၵေႃႉ​တႄႇ​ဝႆႉ​ၼၼ်ႉ ၵဝ်​ယင်း​ဢမ်ႇ​ထၢပ်ႈ​ထႅင်ႈ​လႄႈ​တႄႇ​ႁဵတ်း။ ၵဝ်​မီး​ၸႂ်​ၸေႇတၼႃႇ​ၵျူဝ်း​ၸႃး ႁႂ်ႈ​လႆႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ ၼႂ်း​တီႈ​ယူႇ​ၶဝ်​ၸိူဝ်း​ဢၼ်​ဢမ်ႇ​ပႆႇ​တွၼ်ႉ​ငိၼ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ​ယူႇ​ဢေႃႈ။-</verse>
				<verse number="21">မႅၼ်ႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ ၶဝ်​ၸိူဝ်း​ဢၼ်​ၽူႈ​လႂ်​ဢမ်ႇ​ၼႄ​ပျႃး လွင်ႈ​ၵေႃႉ​ၼၼ်ႉ​ၼၼ်ႉ​တၵ်း​ႁၼ်​ဢေႃႈ။ ၶဝ်​ၸိူဝ်း​ဢၼ်​ဢမ်ႇ​တွၼ်ႉ​ငိၼ်း​ၼၼ်ႉ​တၵ်း​ႁူႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="22">ပိူဝ်ႈ​ၼႆ​လႄႈ ဢၶႂၢင်ႉ​ဢၼ်​ၵဝ်​တၵ်း​လႆႈ​မႃး​ၵႃႈ​တီႈ​သူ​ၼၼ်ႉ​ဢမ်ႇ​မီး။ ဢၼ်​ႁႄႉ​ဢၼ်​ၶႅၼ်​မီး​ၼမ်​ၼႃႇ​ယဝ်ႉ။-</verse>
				<verse number="23">တေႃႈ​လဵဝ်​ၼႆ​ၸမ်ႉ ပိူဝ်ႈ​ဢၼ်​ဢမ်ႇ​လႆႈ​ဢၶႂၢင်ႉ​ၵႃႈ​ၼႂ်း​တီႈ​ၼႆႉ​လႄႈ၊ မီး​ဢလူဝ်ႇ​ႁႂ်ႈ​လႆႈ​ၵႂႃႇ​ၵႃႈ​တီႈ​ဢၼ်​သူ​မီး​ပုၼ်ႉ​ယူႇ ၶိင်ႇ​ၵႃႇလႃႉ​ႁိုင်​ၼႃႇ​ၼၼ်ႉ​လႄႈ၊-</verse>
				<verse number="24">မိူဝ်ႈ​ဢၼ်​ၵဝ်​ၵႂႃႇ​ၵႃႈ​တီႈ​မိူင်း​ သပေႇၼီႉ ​ပုၼ်ႉ​ၸိုင်​ၵဝ်​မုင်ႈ​ထႃႈ​မွင်း​ထႃႈ​လွင်ႈ​ဢၼ်​တၵ်း​ထူပ်း​ႁၼ်​သူ ၵႃႈ​တီႈ​တၢင်း​ဢၼ်​ၵႂႃႇ​ၼၼ်ႉ​လႄႈ ယူႇ​လူၺ်ႈ​ၵၼ်​တင်း​သူ ႁိုင်​ထၼ်ႈ​ပေႃး​ႁႂ်ႈ​ဢလူဝ်ႇ​ပျေႉ​ၸုမ်ႇ​တၢၼ်ႇ​တၢၼ်ႇ​ယဝ်ႉ​ၸင်ႇ တၵ်း​ၶၢမ်ႇ​ဢဝ်​ၵျေး​ၸူး​တၢင်း​ဢၼ်​သူ​တၵ်း​ၸွမ်း​သူင်ႇ​ၵဝ် ႁႂ်ႈ​ၵဝ်​လႆႈ​ၵႂႃႇ​ၵႃႈ​တီႈ​မိူင်း​ၼၼ်ႉ​ယူႇ​ဢေႃႈ။</verse>
				<verse number="25">မိူဝ်ႈ​လဵဝ်​ၼႆႉ ၵဝ်​တၵ်း​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​ပုၼ်ႉ​လႄႈ ႁဵတ်း​လဵင်ႉ​ႁဵတ်း​လူ​ၵူၼ်း​မူတ်း​ၸၢင်ႇ​တင်း​လၢႆ​ဢေႃႈ။-</verse>
				<verse number="26">လွင်ႈ​မၼ်း​ၸမ်ႉ ၵူၼ်း​မိူင်း​ မႃႇၵေႇတေႃးၼီႉ ဢိၵ်ႇ​တင်း ၵူၼ်း​မိူင်း​ ဢၶႃႇယႃႉ ​တင်း​လၢႆ​ၼၼ်ႉ ပႃး​တင်း​ၸႂ်​ၸေႇတၼႃႇ​သေ​လႄႈ​လူႇ​တၢၼ်း ၶူဝ်း​လူႇ​ၶူဝ်း​တၢၼ်း​ပုၼ်ႈ​ၵူၼ်း​မူတ်း​ၸၢင်ႇ​ဢၼ်​ယၢၵ်ႈ​ဢၼ်​ၽၢၼ် ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ၸိူဝ်း​ၼၼ်ႉ​ယဝ်ႉ။-</verse>
				<verse number="27">မိူဝ်ႈ​ဢၼ်​ဝႃႈ​မီး​ၸႂ်​ၸေႇတၼႃႇ၊ ဝႃႈ​ၼင်ႇ​ၼႆ​ၼၼ်ႉ​ၸိုင် ၶဝ်​ၼၼ်ႉ​ပဵၼ်​ၵေႃႉ​ဢၼ်​ထုၵ်ႇ​ၶိုၼ်း​တႅၼ်း​ၼီႈ​ၵျေး​ၸူး​ဢေႃႈ။ ပေႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ သိူၵ်ႈ​သမ်ႇ​ထမ်ႇမႃႉ​ဢုၵ်ႉ​ၸႃႇ လူၺ်ႈ​ၵၼ်​တင်း​ၵူၼ်း​ ယူႉတႃႉ ​တင်း​လၢႆ​ၸိုင်၊ ၶဝ်​လီ​ဢဝ်​ဢုၵ်ႉ​ၸႃႇ​လေႃးၵီႇ​လူႇ​တၢၼ်း​လႄႈ ႁဵတ်း​လဵင်ႉ​ႁဵတ်း​လူ​ဢေႃႈ။-</verse>
				<verse number="28">ပိူဝ်ႈ​ၼႆ​ၸင်ႇ၊ ၵဝ်​ပွင်​ႁဵတ်း​ဢမူႉ​ၼႆႉ​လႄႈ ႁႂ်ႈ​တၢင်း​လူႇ​လၢၵ်ႈ​သွင်ႇ​ၼၼ်ႉ ယင်း​ဢမ်ႇ​ႁူင်ႈ​ဢမ်ႇ​ႁၢႆ​လႄႈ ႁွတ်ႈ​ၽႅဝ်​သေ​ယဝ်ႉ၊ ၵဝ်​တၵ်း​ၸွမ်း​တၢင်း​ၵႂႃႇ​ၵႃႈ​ႁိမ်း​သူ​လႄႈ ၵႂႃႇ​ၵႃႈ​တီႈ​မိူင်း​ သပေႇၼီႉ ​ပုၼ်ႉ​ဢေႃႈ။-</verse>
				<verse number="29">မိူဝ်ႈ​ဢၼ်​ၵဝ်​ႁွတ်ႈ​ထိုင်​တီႈ​ဢၼ်​သူ​မီး​ၼၼ်ႉ​ၸိုင် ၵဝ်​တၵ်း​ပႃး​ဢဝ်​တင်း​တၢင်း​ဢၼ်​ပျေႉ​ၸုမ်ႇ​ဝႆႉ​တင်း​မင်ႇၵလႃႇ​တၢင်း​လီ ဢၼ်​မီး​ၼႂ်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ ႁွတ်ႈ​ထိုင်​ဝႃႈ​ၼႆ ၵဝ်​ႁူႉ​ယူႇ​ဢေႃႈ။</verse>
				<verse number="30">ပီႈ​ၼွင်ႉ​ၶဝ်​ဢိူၺ်း၊ ၵဝ်​ဢဝ်​လွင်ႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ဢိၵ်ႇ​တင်း​မႅတ်ႈ​တႃႇ​ၵရူႉၼႃႇ​ဝီႉၺိၺ်ႇ​ၸဝ်ႈ​သေ​လႄႈ တိုၵ်း​ယူင်း​ၸူဝ်း​ဢဝ်​သူ ႁႂ်ႈ​သူ​ၵျူဝ်း​ၸႃး​လူၺ်ႈ​ၵၼ်​တင်း​ၵဝ်​လႄႈ သူး​တွင်း​ႁဵတ်း​ပထၼႃႇ​တီႈ​ၽြႃး​ပဵၼ်​ၸဝ်ႈ၊-</verse>
				<verse number="31">လွင်ႈ​ၼင်ႇ​ႁိုဝ် ၵဝ်​တၵ်း​လႆႈ​ၵၢင်း​လွတ်ႈ​သေ​ၼႂ်း​မိုဝ်း ၶဝ်​ၸိူဝ်း​ဢၼ်​တွပ်ႇ​ထဵင်​ၼႂ်း​မိူင်း​ ယူႉတႃႉ ​ၼၼ်ႉ ဢိၵ်ႇ​တင်း​လွင်ႈ​ၼင်ႇ​ႁိုဝ်​တၢင်း​ဢၼ်​ၵဝ်​ႁဵတ်း​လဵင်ႉ​ႁဵတ်း​လူ ပုၼ်ႈ​ဝဵင်း​ ယေႇရူႉသလႅမ်ႇ ​ၼၼ်ႉ တၵ်း​ထုၵ်ႇ​ၸႂ်​ၵူၼ်း​မူတ်း​ၸၢင်ႇ​တင်း​လၢႆ၊-</verse>
				<verse number="32">တင်း​လွင်ႈ​ၼင်ႇ​ႁိုဝ် ၵဝ်​တၵ်း​ပႃး​တင်း​ၸႂ်​ဢၼ်​သိူဝ်း​ပျေႃႇ​ႁွတ်ႈ​ထိုင်​တီႈ​ဢၼ်​သူ​မီး​ၼၼ်ႉ မႅၼ်ႈ​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ​လႄႈ​ၸၢမ်ႇ​ၸႃး တၢင်း​ဢၼ်​သၢၵ်ႈ​သႃႇ​လူၺ်ႈ​ၵၼ်​တင်း​သူ​ၼၼ်ႉ​ယူႇ​ဢေႃႈ။-</verse>
				<verse number="33">ႁႂ်ႈ​ၽြႃး​ပဵၼ်​ၸဝ်ႈ ၸဝ်ႈ​တၢင်း​ၼိမ်​ၼၼ်ႉ တႄႇ​ယူႇ​လူၺ်ႈ​ၵၼ်​တင်း​သူ​ၵႃႈ​မီး​တင်း​သဵင်ႈ​တင်း​လူင်​သေ​ၵမ်း​လူၺ်ႈ၊ ဢႃႇမိၼ်ႇ။</verse>
			</chapter>
			<chapter number="16">
				<verse number="1">ၽီႉပေႇ ​ၼွင်ႉ​ယိင်း​ႁဝ်း ဢၼ်​ပဵၼ်​မႄႈ​ယိင်း​ပွင်​ၸိူဝ်း​ၸဝ်ႈ ၼႂ်း​ဝဵင်း​ ၵိၼ်ႇၶျေႇ ​ၼၼ်ႉ​ၸိုင် ၵဝ်​ၶႂ်ႈ​ႁႂ်ႈ​ၶဝ်ႈ​ပႃး​ၼႂ်း​သူ၊-</verse>
				<verse number="2">လွင်ႈ​ၼင်ႇ​ႁိုဝ် သူ​တၵ်း​ထွၵ်ႈ​လူၺ်ႈ​ၸဝ်ႈ​ၽြႃး​လႄႈ​ႁပ်ႉ​တုင်း​ဢဝ်​မၼ်း ၵႃႈ​ၼင်ႇ​ဢၼ်​ၵူၼ်း​မူတ်း​ၸၢင်ႇ​တင်း​လၢႆ ထုၵ်ႇ​လီ​ႁဵတ်း​ၼၼ်ႉ ဢိၵ်ႇ​တင်း​လွင်ႈ​ၼင်ႇ​ႁိုဝ်​သူ​တၵ်း​ၸွႆႈ​ထႅမ်​မၼ်း ၼႂ်း​ၵႃႈ​ဢၼ်​မၼ်း​တၵ်း​လူဝ်ႇ​တၢင်း​ဢၼ်​ၸွႆႈ​ဢၼ်​ထႅမ်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ပဵၼ်​ၵေႃႉ​ဢၼ်​ၸွႆႈ​ထႅမ်​တီႈ​ၵူၼ်း​ၼမ်​ၼႃႇ ဢိၵ်ႇ​တင်း​တီႈ​ၵဝ်​ဢေႃႈ။</verse>
				<verse number="3">တၵ်ႉ​လၢတ်ႈ​ ပျိတ်ႉၵီႉလႃႉ တင်း​ ဢႃႇၵူႉလႃႉ ဢၼ်​ပဵၼ်​ၵေႃႉ​ဢၼ်​ပွင်​ႁဵတ်း​ဢမူႉ​ ယေႇသူႉ​ၶရိၸ်ႈ ႁူမ်ႈ​ၵၼ်​တင်း​ၵဝ်၊-</verse>
				<verse number="4">ဢၼ်​ပဵၼ်​ၵေႃႉ​ဢၼ် ဝၢင်း​ပၼ်​ၶေႃး​တူဝ်​ၸဝ်ႈ​ၵဝ်ႇ​ဝႆႉ​ပုၼ်ႈ​ဢသၢၵ်ႈ​ၵဝ်​ၼၼ်ႉ​တႃႉ။ ၶဝ်​မီး​ၵျေး​ၸူး​ဢေႃႈ ဝႃႈ​ၼႆ ၵဝ်​ၵေႃႉ​လဵဝ်​ၵူၺ်း​ႁပ်ႉ​တုင်း​ဢဝ်​ဢမ်ႇ​ၸႂ်ႈ။ ၸိူဝ်း​ၸဝ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ႁပ်ႉ​တုင်း​ဢဝ်​ယူႇ​ဢေႃႈ။-</verse>
				<verse number="5">ၸိူဝ်း​ၸဝ်ႈ​ဢၼ်​မီး​ၼႂ်း​ႁိူၼ်း​ၶဝ်​ၼၼ်ႉ​ၵေႃႈ​တၵ်ႉ​လၢတ်ႈ​တႃႉ။ တၵ်ႉ​လၢတ်ႈ ဢေႇပေႇၼိတ်ႉ ၵေႃႉ​ဢၼ်​ၵဝ်​ႁၵ်ႉ၊ ဢၼ်​ပဵၼ်​မၢၵ်ႇ​ဢၼ်​မၢၵ်ႇ​ဢွၼ်​တၢင်း​ပိူၼ်ႈ​ပုၼ်ႈ​ၸဝ်ႈ​ၶရိၸ်ႈ ၼႂ်း​မိူင်း​ ဢႃႇသီႉ ​ၼၼ်ႉ​တႃႉ။</verse>
				<verse number="6">တၵ်ႉ​လၢတ်ႈ​ မႃႇရီႉ ဢၼ်​ၵျူဝ်း​ၸႃး​လႄႈ​ပွင်​ႁဵတ်း​ဢမူႉ​ႁဝ်း​ၼၼ်ႉ​တႃႉ။-</verse>
				<verse number="7">တၵ်ႉ​လၢတ်ႈ ဢၼ်ႇတြေႃးၼိတ်ႉ တင်း​ ယူႉၼီႉ ဢၼ်​ပဵၼ်​ၸိူဝ်ႉ​ၶိူဝ်း​ၵဝ်၊ ဢၼ်​လႆႈ​ၶၢမ်ႇ​တူၵ်း​ၵိၼ်း​လူၺ်ႈ​ၵၼ်​တင်း​ၵဝ်၊ ဢၼ်​ပဵၼ်​ၵေႃႉ​ဢၼ်​ၸိုဝ်ႈ​ဢွၵ်ႇ​သဵင်​ဢွၵ်ႇ​ၼႂ်း​တမၢၼ်ႇ​ၸဝ်ႈ​တင်း​လၢႆ၊ ဢၼ်​မီး​ၼႂ်း​ၸဝ်ႈ​ၶရိၸ်ႈ​ဢွၼ်​တၢင်း​ၵဝ်​ၼၼ်ႉ​တႃႉ။</verse>
				<verse number="8">တၵ်ႉ​လၢတ်ႈ ဢမ်ႇပလီႉ ၵေႃႉ​ဢၼ်​ၵဝ်​ႁၵ်ႉ​ၼႂ်း​ၸဝ်ႈ​ၽြႃး​ၼၼ်ႉ​တႃႉ။</verse>
				<verse number="9">တၵ်ႉ​လၢတ်ႈ ဢူႉရၽၢၼ်ႇ ဢၼ်​ပွင်​ႁဵတ်း​ဢမူႉ​ၸဝ်ႈ​ၶရိၸ်ႈ​လူၺ်ႈ​ၵၼ်​တင်း​ႁဝ်း ဢိၵ်ႇ​တင်း သႃႇတႃႇၶူႉ ဢၼ်​ၵဝ်​ႁၵ်ႉ​ၼၼ်ႉ​တႃႉ။</verse>
				<verse number="10">တၵ်ႉ​လၢတ်ႈ ဢပေႇလေႇ ဢၼ်​ၸဝ်ႈ​ၶရိၸ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ​တႃႉ။ တၵ်ႉ​လၢတ်ႈ​ၵူၼ်း​ႁိူၼ်း​ၵူၼ်း​ယေး​ ဢႃႇရိတ်ႉတေႃႇပူႉလူႉ ​ၼၼ်ႉ​တႃႉ။</verse>
				<verse number="11">တၵ်ႉ​လၢတ်ႈ ႁေႇရူဝ်းတရၼ်ႇ ဢၼ်​ပဵၼ်​ၸိူဝ်ႉ​ၶိူဝ်း​ၵဝ်​ၼၼ်ႉ​တႃႉ။ ၼႂ်း​ၵူၼ်း​ႁိူၼ်း​ၵူၼ်း​ယေး ၼႃႇၵီႉသူႉ ​ၼၼ်ႉ တၵ်ႉ​လၢတ်ႈ​ၶဝ်​ၸိူဝ်း​ဢၼ်​မီး​ၼႂ်း​ၸဝ်ႈ​ၽြႃး​ၼၼ်ႉ​တႃႉ။</verse>
				<verse number="12">တၵ်ႉ​လၢတ်ႈ တရူႉၽေႇၼီႉ တင်း​ တရူႉၽူဝ်းသႃႉ မႄႈ​ယိင်း​ဢၼ် ပွင်​ႁဵတ်း​ဢမူႉ​ၸဝ်ႈ​ၽြႃး​ၼၼ်ႉ​တႃႉ။ တၵ်ႉ​လၢတ်ႈ ပေႇရူႉသီႉ မႄႈ​ယိင်း​ဢၼ်​လီ​ႁၵ်ႉ၊ ဢၼ်​ပွင်​ႁဵတ်း​ဢမူႉ​ၸဝ်ႈ​ၽြႃး​ၼႃႇ​လူင်​လၢင်​ၼၼ်ႉ​တႃႉ။</verse>
				<verse number="13">တၵ်ႉ​လၢတ်ႈ ရူႉၽူႉ ဢၼ်​ၸဝ်ႈ​ၽြႃး​လိူၵ်ႈ​ၵဵပ်း​ဢဝ် ဢိၵ်ႇ​တင်း​မႄႈ​မၼ်း ဢၼ်​ဝႃႈ​မႄႈ​ၵဝ်​ၼၼ်ႉ​တႃႉ။</verse>
				<verse number="14">တၵ်ႉ​လၢတ်ႈ ဢႃသုၼ်ႇၵရိတ်ႉ၊ ၽလေႇၵုၼ်ႇ၊ ႁေႇရမိတ်ႉ၊ ပတ်ႉရေႃးပႃႉ၊ ႁေႇရမတ်ႉ ဢိၵ်ႇ​တင်း ပီႈ​ၼွင်ႉ​တင်း​လၢႆ​ဢၼ်​ယူႇ​လူၺ်ႈ​ၵၼ်​တင်း​ၶဝ်​ၸိူဝ်း​ၼၼ်ႉ​တႃႉ။</verse>
				<verse number="15">တၵ်ႉ​လၢတ်ႈ ၽီႉလေႃးၵုတ်ႉ၊ ယူႉလီႉ၊ ၼေႇရူႉ ၊ တင်း​ၼွင်ႉ​ယိင်း​မၼ်း​တင်း ဢေႃးလုမ်ႇပႃႉ ဢိၵ်ႇ​တင်း​ၵူၼ်း​မူတ်း​ၸၢင်ႇ​တင်း​လၢႆ ၵႃႈ​ဢၼ်​ယူႇ​လူၺ်ႈ​ၵၼ်​တင်း​ၶဝ်​ၸိူဝ်း​ၼၼ်ႉ​တႃႉ။</verse>
				<verse number="16">ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ႁဵတ်း​တင်း​တၢင်း​ၼူမ်​ဢၼ်​မူတ်း​ၸၢင်ႇ​သေ​လႄႈ တၵ်ႉ​လၢတ်ႈ​ၵၼ်​တႃႉ။ ၸိူဝ်း​ၸဝ်ႈ​ၸဝ်ႈ​ ယေႇသူႉ​ၶရိၸ်ႈ​ ​ၵႃႈ​မီး​တင်း​သဵင်ႈ​တင်း​လူင်​ၼႆႉ တၵ်ႉ​ၼၢႆ​သူ​ဢေႃႈ။</verse>
				<verse number="17">ပီႈ​ၼွင်ႉ​ၶဝ်​ဢိူၺ်း၊ မၢတ်ႈ​တွင်း​ဝႆႉ ၶဝ်​ၸိူဝ်း​ဢၼ်​ၸၢင်ႈ​ႁဵတ်း​လွင်ႈ​တၢင်း​ဢၼ်​ၽႄ​ၵိူင်း​ၶႂၢႆး​ၵိူင်း လွင်ႈ​တၢင်း​ဢၼ်​ၽိတ်း​ပိူင်ႈ​တင်း​လၢႆ ဢၼ်​ၶတ်း​ၵၼ်​တင်း တၢင်း​ဢၼ်​သင်ႇ​ဢၼ်​သွၼ် ဢၼ်​သူ​လႆႈ​ၶၢမ်ႇ​ယဝ်ႉ​ၼၼ်ႉ​သေ​လႄႈ ဝႄႈ​ပႅတ်ႈ​တႃႉ​ဝႃႈ​ၼႆ၊ ၵဝ်​ပၼ်​သတီႉ​တီႈ​သူ​ဢေႃႈ။-</verse>
				<verse number="18">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​ၼၼ်ႉ ဢမ်ႇ​ပွင်​ဢမ်ႇ​ႁဵတ်း​ဢမူႉ​ၸဝ်ႈ​ႁဝ်း​ၸဝ်ႈ​ၶရိၸ်ႈ။ ပွင်​ႁဵတ်း​ဢမူႉ​တွင်ႉ​ၶဝ်​ၵူၺ်း​လႄႈ ၸၢင်ႈ​ဢဝ်​တင်း​ၵႂၢမ်း​လေႃးၵႃႉ​ဝၢတ်ႈ ဢိၵ်ႇ​တင်း​ၵႂၢမ်း​ဢၼ်​ၸၢင်ႈ​ၶျေႃး​ၸၢင်ႈ​ဝွၼ်း​ၼၼ်ႉ​ပႅတ်ႉ​လႅၼ် ၶဝ်​ၸိူဝ်း​ဢၼ်​ၸႂ်​လီ​ၸႂ်​ငၢမ်း​ၼၼ်ႉ​ဢေႃႈ။-</verse>
				<verse number="19">ၵွပ်ႈ​ပိူဝ်ႈ​လွင်ႈ​တၢင်း​ဢၼ် သူ​ယုမ်ႇ​မၢတ်ႈ​ထွမ်ႇ​ဢဝ်​ၼၼ်ႉ ၸွတ်ႇ​တူဝ်ႈ​ၼႂ်း​ၵူၼ်း​တင်း​သဵင်ႈ​တင်း​လူင်​လႄႈ ၵဝ်​မီး​တၢင်း​ဢၼ်​သိူဝ်း​ပျေႃႇ​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​သူ​မီး​ပိင်ႇ​ၺႃႇ ၼႂ်း​တၢင်း​ဢၼ်​လီ​လႄႈ ၵၢင်း​လွတ်ႈ​တင်း​ဢပႅတ်ႈ​ၼႂ်း​တၢင်း​ဢၼ်​ႁၢႆႉ​ဢေႃႈ။-</verse>
				<verse number="20">ဢမ်ႇ​ႁိုင်​ဢမ်ႇ​ၼၢၼ်း​ၽြႃး​ပဵၼ်​ၸဝ်ႈ ၸဝ်ႈ​တၢင်း​ၼိမ်​ၼၼ်ႉ တၵ်း​ဢဝ်​ ၸႃႇတၢၼ်ႇ ​ၶိုတ်ႈ​ႁႂ်ႈ​လႅဝ် ၵႃႈ​တႂ်ႈ​တိၼ်​သူ​ဢေႃႈ။ ႁႂ်ႈ​ၵျေး​ၸူး​ၸဝ်ႈ​ႁဝ်း​ ယေႇသူႉ​ၶရိၸ်ႈ ​မီး​ၼိူဝ်​သူ တင်း​သဵင်ႈ​တင်း​လူင်​သေ​ၵမ်း​လူၺ်ႈ။ ဢႃႇမိၼ်ႇ။</verse>
				<verse number="21">ၸႃႉ​ၸဵမ်​ တီႉမေႃးသေႇ ဢၼ်​ပွင်​ႁဵတ်း​ဢမူႉ​ၸဝ်ႈ​လူၺ်ႈ​ၵၼ်​တင်း​ၵဝ်​လႄႈ၊ လူႉၵီႉ၊ ယႃႇသုၼ်ႇ၊ သေႃးသီႉပတႃႉ ​ဢၼ်​ပဵၼ်​ၸိူဝ်ႉ​ၶိူဝ်း​ၵဝ်​တင်း​လၢႆ​ၼႆႉ တၵ်ႉ​ၼၢႆ​သူ​ဢေႃႈ။</verse>
				<verse number="22">ၵဝ်​ၶႃႈ တေႇရတီႉ ဢၼ်​တႅမ်ႈ​လိၵ်ႈ​ၼႆႉ ထွၵ်ႈ​လူၺ်ႈ​ၸဝ်ႈ​ၽြႃး​သေ​လႄႈ​တၵ်ႉ​ၼၢႆ​သူ​ၶႃႈ​ဢေႃႈ။</verse>
				<verse number="23">ၵႃႇယူႉ ဢၼ်​ၸၢင်ႈ​ႁပ်ႉ​တုင်း​ဢဝ်​ၵဝ်​ဢိၵ်ႇ​တင်း ၵူၼ်း​ဢၼ်​ၶဝ်ႈ​ၸိူဝ်း​ၸဝ်ႈ​တင်း​သဵင်ႈ​တင်း​လူင်​လႄႈ ႁဵတ်း​ဝၢတ်ႈ​ၶႅၵ်ႇ​ၼႆႉ တၵ်ႉ​ၼၢႆ​သူ​ဢေႃႈ။ ဢေႇရတ်ႉတူႉ ဢၼ်​ဝႃႈ ၸရေး​ဝဵင်း၊ တင်း​ၼွင်ႉ​ႁဝ်း ၵႂႃႇ​တူႉ ၸိူဝ်း​ၼႆႉ တၵ်ႉ​ၼၢႆ​သူ​ဢေႃႈ။-</verse>
				<verse number="24">ႁႂ်ႈ​ၵျေး​ၸူး​ၸဝ်ႈ​ႁဝ်း​ ယေႇသူႉ​ၶရိၸ်ႈ မီး​ၼိူဝ်​သူ​တင်း​သဵင်ႈ​တင်း​လူင်​သေ​ၵမ်း​လူၺ်ႈ။ ဢႃႇမိၼ်ႇ။</verse>
				<verse number="25">ႁႂ်ႈ​ၸဝ်ႈ​ဢၼ်​တၢတ်ႈ​ၼိူင်ႇ​လႆႈ ႁႂ်ႈ​သူ​လႆႈ​မၼ်ႈ​ၶိူင်ႇ ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​ဢၼ်​ဝႃႈ တၢင်း​ဢၼ်​ႁေႃး​လၢတ်ႈ လွင်ႈ​ ယေႇသူႉ​ၶရိၸ်ႈ ဢၼ်​မႅၼ်ႈ​ၵၼ်​တင်း​ၵျေး​ၸူး တၢင်း​ဢၼ်​ၽုၺ်ႇ​ဝႆႉ​တၢင်း​ဢၼ်​လိုၵ်ႉ​ဢၼ်​လမ်ႇ ဢၼ်​သိူင်ႇ​ဝႆႉ​မႅပ်ႉ​ဝႆႉ​ၵၢပ်ႈ​ၵႃႇလႃႉ​ဢွၼ်​ၼႆႉ​တဵမ်​တဵမ်​လႄႈ၊-</verse>
				<verse number="26">တေႃႈ​လဵဝ်​ၼႆႉ​ၵေႃႈ ထၢင်ႇ​သႃး​မႃး​ၼၼ်ႉ​လႄႈ ဢဝ်​တင်း​ၵျၢမ်း​လိၵ်ႈ​ပရေႃးၽႅတ်ႈ​တင်း​လၢႆ ၸွမ်း​ၼင်ႇ​ပိင်း​ၺၢပ်ႈ​ထႃႇဝရႃႉ​ၽြႃး​ပဵၼ်​ၸဝ်ႈ လႆႈ​ၽုၺ်ႇ​ဢွၵ်ႇ​ၼႄ​ပျႃး တီႈ​မဵဝ်း​ၵူၼ်း​တင်း​လၢႆ လွင်ႈ​ၼင်ႇ​ႁိုဝ် ၶဝ်​တၵ်း​ယုမ်ႇ​မၢတ်ႈ​ထွမ်ႇ​ဢဝ်​ၼၼ်ႉ၊-</verse>
				<verse number="27">ဢၼ်​ဝႃႈ​ၽြႃး​ပဵၼ်​ၸဝ်ႈ ဢၼ်​ပျေႉ​ၸုမ်ႇ​တင်း​ပိင်ႇ​ၺႃႇ​သူႇ​လဵဝ်​ၵူၺ်း​ၼၼ်ႉ မုၼ်​ၽုင်း​ၸဝ်ႈ​ယႂ်ႇ​ၼႃႇ ၵွပ်ႈ​ ယေႇသူႉ​ၶရိၸ်ႈ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ရူဝ်းမႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="46">
			<chapter number="1">
				<verse number="1">ၵဝ်​ ပေႃးလူႉ ဢၼ်​လႆႈ​ၶၢမ်ႇ​တၢင်း​ဢၼ်​ၶၢၼ်း​ဝႆႉ​ၼႂ်း​ဢရႃႇ​တမၢၼ်ႇ​ၸဝ်ႈ​ၵွပ်ႈ​ပိူဝ်ႈ​ဢလူဝ်ႇ​ၽြႃး​ပဵၼ်​ၸဝ်ႈ​ဢိၵ်ႇ​တင်း ၼွင်ႉ​ႁဝ်း​ သုတ်ႉသိၼ်ႇ ​ၼႆႉ၊-</verse>
				<verse number="2">ပၼ်​ငိၼ်း​ၵႂႃႇ​တီႈ​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ​ဢၼ်​မီး​ၼႂ်း​ဝဵင်း​ ၵေႃးရိၼ်ႇထူႉ ၊ ဢၼ်​ဝႃႈ​ၶဝ်​ၸိူဝ်း​ဢၼ်​ၵၢင်း​လွတ်ႈ​တင်း​ဢပႅတ်ႈ ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ​လႄႈ​လႆႈ​ၶၢမ်ႇ​တၢင်း​ဢၼ်​ၶၢၼ်း​ဝႆႉ ၼႂ်း​ဢရႃႇ​ၵူၼ်း​မူတ်း​ၸၢင်ႇ​တင်း​လၢႆ ဢိၵ်ႇ​တင်း​ၶဝ်​ၸိူဝ်း​ဢၼ် ႁဵတ်း​သူး​တွင်း​ပထၼႃႇ​ၵႃႈ​တီႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ ယေႇသူႉ ၵူႈ​တီႈ​ၵူႈ​လႅၼ် ၵႃႈ​မီး​တင်း​သဵင်ႈ​တင်း​လူင်​ဢေႃႈ။ ၸဝ်ႈ​ၼၼ်ႉ​ပဵၼ်​ၸဝ်ႈ​ႁဝ်း​ၵူၺ်း​ဢမ်ႇ​ၸႂ်ႈ။ ၸဝ်ႈ​သူ​ၵေႃႈ​ပဵၼ်​ဢေႃႈ။-</verse>
				<verse number="3">ႁႂ်ႈ​သူႉ​ၵျေး​ၸူး​ဢိၵ်ႇ​တင်း​တၢင်း​ၼိမ်​ဢၼ်​ပဵၼ်​မႃး​ၵႃႈ​တီႈ ၸဝ်ႈ​ ယေႇသူႉ​ၶရိၸ်ႈ တင်း​ပေႃႈ​ႁဝ်း​ၽြႃး​ပဵၼ်​ၸဝ်ႈ​ၼၼ်ႉ မီး​ၼိူဝ်​သူ​သေ​ၵမ်း​လူၺ်ႈ။</verse>
				<verse number="4">ၵဝ်​ထွၵ်ႈ​လူၺ်ႈ​ၵျေး​ၸူး​ဢၼ်​ၽြႃး​ပဵၼ်​ၸဝ်ႈ ပၼ်​တီႈ​သူ​ၼႂ်း​ ယေႇသူႉ​ၶရိၸ်ႈ ​ၼၼ်ႉ​သေ​လႄႈ ယွင်ႈ​ယေႃး​ၽြႃး​ပဵၼ်​ၸဝ်ႈ​ၵဝ် လူၺ်ႈ​လွင်ႈ​သူ​ယူႇ​တႃႇ​သေႇ​ဢမ်ႇ​ထၢတ်ႇ၊-</verse>
				<verse number="5">ၵွပ်ႈ​ပိူဝ်ႈ​ဢၼ်​သူ​မၢၵ်ႈ​မီး​ပျေႉ​ၸုမ်ႇ​တင်း တၢင်း​လၢတ်ႈ​တၢင်း​ၸႃ​ဢိၵ်ႇ​တင်း​ၺၢၼ်ႇ​ၼႂ်း​ၵူႈ​ၸိူဝ်ႉ​ၵူႈ​ပိူင် ၵွပ်ႈ​ပိူဝ်ႈ​မၼ်း​ၸဝ်ႈ​ၼၼ်ႉ၊-</verse>
				<verse number="6">ၵႃႈ​ၼင်ႇ​ဢၼ်​သၢၵ်ႈ​သေႇ​ၸဝ်ႈ​ၶရိၸ်ႈ လႆႈ​မီး​တၢင်း​ဢၼ်​တႄႇ​ယူႇ​ၼႂ်း​သူ မိူဝ်ႈ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="7">ပိူဝ်ႈ​ၼႆ​လႄႈ ၼႂ်း​မိူဝ်ႈ​ဢၼ် သူ​မုင်ႈ​ထႃႈ​မွင်း​ထႃႈ​တၢင်း​ဢၼ်​ၸဝ်ႈ​ႁဝ်း ယေႇသူႉ​ၶရိၸ်ႈ တၵ်း​ပေႃႇ​မႃး​ၼၼ်ႉ​လႄႈ​ယူႇ​ၼၼ်ႉ​ၸိုင် သူ​ယင်း​ဢမ်ႇ​လုတ်ႈ​ဢမ်ႇ​ယွမ်း​သူႉ​ၵျေး​ၸူး​ၸဝ်ႈ​သေ​ၸိူဝ်ႉ​သေ​ပိူင်​လႄႈ လႆႈ​မီး​တၢင်း​ဢၼ်​ၸေး​ၸုမ်ႇ​ယူႇ​ဢေႃႈ။-</verse>
				<verse number="8">ၼင်ႇ​ႁိုဝ်​သူ​တၵ်း​ၵၢင်း​လွတ်ႈ​တင်း​ဢၶႂၢင်ႉ​တီႈ​တၵ်း​တၢင်ႇ​ဢပႅတ်ႈ​ၼႂ်း​ဝၼ်း​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ​ၸိုင် မၼ်း​ၸဝ်ႈ​တၵ်း​ႁႂ်ႈ​သူ​မၼ်ႈ​ၶိူင်ႇ​တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ပုၼ်ႉ​ဢေႃႈ။-</verse>
				<verse number="9">ၽြႃး​ပဵၼ်​ၸဝ်ႈ​ဢၼ်​ပၼ်​ၵျေး​ၸူး တၢင်း​ဢၼ်​သိူၵ်ႈ​သမ်ႇ​ၵၼ်​တင်း​ၸဝ်ႈ​ႁဝ်း ယေႇသူႉ​ၶရိၸ်ႈ တီႈ​သူ​ၼၼ်ႉ ပျေႉ​ၸုမ်ႇ​ဝႆႉ​တင်း​သဵတ်ႈ​ၸႃႇ​ဢေႃႈ။</verse>
				<verse number="10">ပီႈ​ၼွင်ႉ​ၶဝ်​ဢိူၺ်း၊ ၼင်ႇ​ႁိုဝ်​သူ​ၵႃႈ​မီး​တၵ်း​လၢတ်ႈ​ၵႂၢမ်း​ဢၼ်​လဵဝ်​ၵၼ်​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ဢမ်ႇ​ၽၢတ်ႇ​ဢမ်ႇ​ၽႄ​ၵၼ်၊ ၸေး​ၸုမ်ႇ​ၺီႇ​ၽွမ်ႉ​တင်း​ၸႂ်​သၽေႃး​ဢၼ်​လဵဝ်​ၵၼ်​တင်း​တၢင်း​ဢၼ်​ႁၼ်​ဢၼ်​လဵဝ်​ၵၼ်​ယူႇ​ၸိုင်​ၵဝ်​ဢိင်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ ယေႇသူႉ​ၶရိၸ်ႈ ​လႄႈ တိုၵ်း​ယူင်း​တွင်း​ပၢၼ်ႇ​သူ​ဢေႃႈ။-</verse>
				<verse number="11">လွင်ႈ​မၼ်း​ၸမ်ႉ ပီႈ​ၼွင်ႉ​ၶဝ်​ဢိူၺ်း၊ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ယင်း​ဢမ်ႇ​ထုၵ်ႇ​ဢမ်ႇ​ပေႃး​ၵၼ်​လႄႈ​မီး​တၢင်း​ဢၼ်​ၽိတ်း​ၵၼ်​ယူႇ​ဝႃႈ​ၼႆ၊ ၵူၼ်း​ႁိူၼ်း​ၵူၼ်း​ယေး ၶလေႃးဢေး ၵမ်ႈ​ၽွင်ႈ​မွၵ်ႇ​လၢတ်ႈ​တီႈ​ၵဝ်​ဢေႃႈ။-</verse>
				<verse number="12">ပိူဝ်ႈ​ဢၼ်​သူ​လၢတ်ႈ​ႁင်း​ၽႂ်​ႁင်း​မၼ်း​လႄႈ​ဝႃႈ၊ ၵဝ်​ပဵၼ်​တပႄး​ ပေႃးလူႉ ​ဢေႃႈ။ ၵဝ်​ပဵၼ်​တပႄး​ ဢႃႇပေႃးလူႉ ​ဢေႃႈ။ ၵဝ်​ပဵၼ်​တပႄး​ ၵေႇၽႃႉ ​ဢေႃႈ။ ၵဝ်​ပဵၼ်​တပႄး​ၸဝ်ႈ​ၶရိၸ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယူႇ​လႄႈ ၵဝ်​ၸင်ႇ​လႆႈ​လၢတ်ႈ​လႆႈ​ဝႃႈ​တီႈ​သူ​ဢေႃႈ။-</verse>
				<verse number="13">ၸဝ်ႈ​ၶရိၸ်ႈ​ၼၼ်ႉ​မီး​တၢင်း​ဢၼ်​ၽၢတ်ႇ​ၽႄ​ၵၼ်​ႁိုဝ်။ ပေႃးလူႉ ​ၶၢမ်ႇ​တၢင်း​ဢၼ်​တွၵ်ႇ​ဝႆႉ​ၵႃႈ​တီႈ​သဝ်​လၵ်း​ဝႃး​ၵၢပ်ႈ​ၼၼ်ႉ​ပုၼ်ႈ​သူ​ႁိုဝ်။ ဢမ်ႇ​ၼၼ်​လႄႈ၊ သူ​လႆႈ​ၶၢမ်ႇ​ ပပ်ႉတီႉၸမ်ႇ ​ၼႂ်း​ၼႃႇ​မႃႉ​ၸိုဝ်ႈ​သဵင်​ ပေႃးလူႉ ​ယဝ်ႉ​ႁိုဝ်။-</verse>
				<verse number="14">လိူဝ်​သေ​ ၵရီႉပူႉ ​တင်း​ ၵႃႇယူႉ ​ၼၼ်ႉ၊ ၼႂ်း​သူ​ပိူဝ်ႈ​ဢၼ်​ၵဝ်​ဢမ်ႇ​ပၼ်​ ပပ်ႉတီႉၸမ်ႇ ​တီႈ​ၽူႈ​လႂ်​လႄႈ ၵျေး​ၸူး​ၽြႃး​ပဵၼ်​ၸဝ်ႈ​မီး​ဢေႃႈ။-</verse>
				<verse number="15">ပိူဝ်ႈ​ၼႆ​လႄႈ​လွင်ႈ​ဢၼ်​ၽူႈ​လႂ်​တၵ်း​လၢတ်ႈ​လႄႈ​ဝႃႈ၊ ပေႃးလူႉ ​ပၼ်​ ပပ်ႉတီႉၸမ်ႇ ​ၼႂ်း​ၼႃႇ​မႃႉ​ၸိုဝ်ႈ​သဵင်​တူဝ်​ၸဝ်ႈ​ၵဝ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢမ်ႇ​မီး။-</verse>
				<verse number="16">ၵႃႈ​တီႈ​ၵူၼ်း​ႁိူၼ်း​ၵူၼ်း​ယေး သထေႇၽၢၼ်ႇ ​ၵေႃႈ ၵဝ်​ပၼ်​ ပပ်ႉတီႉၸမ်ႇ ​ယဝ်ႉ။ လိူဝ်​သေ​ၼၼ်ႉ၊ ၵဝ်​ပၼ်​ ပပ်ႉတီႉၸမ်ႇ ​တီႈ​ၵူၼ်း​တၢင်ႇ​ၵေႃႉ​ဝႃႈ​ၼႆ၊ ၵဝ်​ဢမ်ႇ​တွင်း​ဝႆႉ။</verse>
				<verse number="17">ၸဝ်ႈ​ၶရိၸ်ႈ​ပွႆႇ​ၸႂ်ႉ​ၵဝ်​ႁႂ်ႈ​လႆႈ​ပၼ်​ ပပ်ႉတီႉၸမ်ႇ ​ဢမ်ႇ​ၸႂ်ႈ။ မၼ်း​ၸဝ်ႈ​ပွႆႇ​ၸႂ်ႉ​ၵဝ်​ႁႂ်ႈ​လႆႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ဢေႃႈ။ ၵူၺ်း​ၵႃႈ​ၼင်ႇ​ႁိုဝ်​သဝ်​လၵ်း​ဝႃး​ၵၢပ်ႈ​ၸဝ်ႈ​ၶရိၸ်ႈ​ၼၼ်ႉ တၵ်း​ဢမ်ႇ​လႆႈ​ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၸိုင်၊ မၼ်း​ၸဝ်ႈ​ယင်း​ဢမ်ႇ​ပၼ်​ဢၶႂၢင်ႉ​ပိင်ႇ​ၺႃႇ​ၵႃႈ​တီႈ​သူပ်း​လႄႈ​ယူႇ​ဢေႃႈ။</verse>
				<verse number="18">လွင်ႈ​မၼ်း​ၸမ်ႉ တြႃး​သဝ်​လၵ်း​ဝႃး​ၵၢပ်ႈ​ၼႆႉ ပဵၼ်​တြႃး​ဢၼ်​မိူၵ်ႈ​တီႈ​ၶဝ်​ၸိူဝ်း​ဢၼ်​ႁွတ်ႈ​ထိုင် တၢင်း​ဢၼ်​သုမ်း​ဢၼ်​ၸွမ်း​ၼၼ်ႉ​ဢေႃႈ။ တီႈ​ႁဝ်း​ၸိူဝ်း​ဢၼ်​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၼႆႉ​ၸမ်ႉ၊ တြႃး​ၼၼ်ႉ​ပဵၼ်​တၼ်း​ၶူဝ်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="19">ၵျၢမ်း​လိၵ်ႈ​မီး​မႃး​လႄႈ​ဝႃႈ​ၸမ်ႉ၊ ၵဝ်​တၵ်း​ယႃႉ​ပႅတ်ႈ ပိင်ႇ​ၺႃႇ​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​ဢေႃႈ။ ၺၢၼ်ႇ​ၶဝ်​ၸိူဝ်း​ဢၼ်​မီး​ၺၢၼ်ႇ​ၼၼ်ႉ​ၵေႃႈ ၵဝ်​တၵ်း​ပႄႇ​ပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ၵေႃႉ​ဢၼ်​မီး​ပိင်ႇ​ၺႃႇ​ၸမ်ႉ၊ မီး​ၵႃႈ​လႂ်။ သြႃႇ​ဢၼ်​ထုတ်ႇ​ၵျၢမ်း​ၸမ်ႉ၊ မီး​ၵႃႈ​လႂ်။ သြႃႇ​ဢၼ်​တိူင်ႇ​ပၢင်ႇ​လၢတ်ႈ​ၸႃ​လွင်ႈ​ပျၢတ်ႈသၼႃႇ​ၸမ်ႉ၊ မီး​ၵႃႈ​လႂ်။ ၽြႃး​ပဵၼ်​ၸဝ်ႈ ႁႂ်ႈ​ပိင်ႇ​ၺႃႇ​လေႃးၵီႇ​ၼႆႉ​မိူၵ်ႈ​ဢမ်ႇ​ၸႂ်ႈ​ႁိုဝ်။-</verse>
				<verse number="21">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ မႅၼ်ႈ​ၼင်ႇ​ဢၼ်​ပိင်ႇ​ၺႃႇ​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ဝႆႉ​ၼၼ်ႉ၊ မိူဝ်ႈ​ဢၼ်​ၵူၼ်း​လေႃးၵီႇ​တင်း​လၢႆ​ၸွမ်း​လူၺ်ႈ​ပိင်ႇ​ၺႃႇ​တူဝ်​ၸဝ်ႈ​ၵဝ်ႇ​သေ​လႄႈ ဢမ်ႇ​ႁူႉ​ၸၵ်း​ၽြႃး​ပဵၼ်​ၸဝ်ႈ​လႄႈ​ယူႇ​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​ၸွမ်း​လူၺ်ႈ​တၢင်း​မိူၵ်ႈ တေႇသၼႃႇ​ၸဝ်ႈ​သေ​လႄႈ မီး​ၸႂ်​ၸေႇတၼႃႇ​ႁႂ်ႈ​လႆႈ​ၵႄႇ​ၶျွတ်ႈ​ဢဝ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၼၼ်ႉ​ဢေႃႈ။-</verse>
				<verse number="22">ၵူၼ်း​ ယူႉတႃႉ ​တင်း​လၢႆ​ၸၢင်ႈ​ယွၼ်း​ဢဝ် ၼီႉမိၵ်ႈ​လၢၵ်ႈၶၼႃႇ​ဢေႃႈ။ ၵူၼ်း​ ႁေႇလသႃႉ ​တင်း​လၢႆ ၸၢင်ႈ​ႁႃ​ဢဝ်​ပိင်ႇ​ၺႃႇ​ဢေႃႈ။-</verse>
				<verse number="23">ႁဝ်း​ၸမ်ႉ၊ ႁေႃး​လၢတ်ႈ​လွင်ႈ​ၸဝ်ႈ​ၶရိၸ်ႈ​ဢၼ်​ၶၢမ်ႇ​တၢင်း​တၢႆ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​ဢေႃႈ။ လွင်ႈ​ၼၼ်ႉ​ၸမ်ႉ၊ ပဵၼ်​လွင်ႈ​ဢၼ်​တၵ်း​တိူဝ်ႉ​မႅၼ်ႈ​လႄႈ​လူမ်ႉ​တီႈ​ၵူၼ်း​ ယူႉတႃႉ ​တင်း​လၢႆ​ဢေႃႈ။ ပဵၼ်​တၢင်း​ဢၼ်​မိူၵ်ႈ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ဢေႃႈ။-</verse>
				<verse number="24">ၼႂ်း​ဝႃႈ​ၼၼ်​သေ​ၵေႃႈ တီႈ​ၵူၼ်း​ ယူႉတႃႉ ​သေ​ဢမ်ႇ​ဝႃႈ၊ တီႈ​ၵူၼ်း​ ႁေႇလသႃႉ ​သေ​ဢမ်ႇ​ဝႃႈ၊ ပဵၼ်​တြႃး​ၸဝ်ႈ​ၶရိၸ်ႈ ဢၼ်​ဝႃႈ​တၼ်း​ၶူဝ်း​ၽြႃး​ပဵၼ်​ၸဝ်ႈ ဢိၵ်ႇ​တင်း​ပိင်ႇ​ၺႃႇ​ၽြႃး​ပဵၼ်​ၸဝ်ႈ​တီႈ​ၶဝ်​ၸိူဝ်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၼၼ်ႉ​ဢေႃႈ။-</verse>
				<verse number="25">တၢင်း​ဢၼ်​ၽြႃး​ပဵၼ်​ၸဝ်ႈ​မိူၵ်ႈ​ၼၼ်ႉ ယဵင်ႈ​ၶႅၼ်း​မီး​ပိင်ႇ​ၺႃႇ​ၼႃႇ​သေ​ၵူၼ်း​တင်း​လၢႆ​ဢေႃႈ။ တၢင်း​ဢၼ်​ၽြႃး​ပဵၼ်​ၸဝ်ႈ ႁႅင်း​လဵၵ်ႉ​ၼၼ်ႉ၊ ယဵင်ႈ​ၶႅၼ်း​မီး​ႁႅင်း​ၼႃႇ​သေ​ၵူၼ်း​တင်း​လၢႆ​ဢေႃႈ။</verse>
				<verse number="26">ပီႈ​ၼွင်ႉ​ၶဝ်​ဢိူၺ်း၊ ၶႆႈ​ၸႂ်​လူၺ်ႈ​လွင်ႈ​တၢင်း​ဢၼ်​မၼ်း​ၸဝ်ႈ ႁွင်ႉ​ဢဝ်​သူ​ၼၼ်ႉ​တႃႉ။ ၼႂ်း​သူ​ၼႆႉ​ဢမ်ႇ​ပႃး​ၵူၼ်း​ဢၼ်​မီး​ပိင်ႇ​ၺႃႇ လေႃးၵီႇ​ၼမ်​ၼႃႇ၊ ဢမ်ႇ​ပႃး​ၵူၼ်း​ယႂ်ႇ​ၵူၼ်း​လူင်​ၼမ်​ၼႃႇ၊ ဢမ်ႇ​ပႃး​ၵူၼ်း​ဢၼ်​ပဵၼ်​ၸိူဝ်ႉ​ၶိူဝ်း​ၶုၼ်​ၼမ်​ၼႃႇ။-</verse>
				<verse number="27">ၽြႃး​ပဵၼ်​ၸဝ်ႈ​လိူၵ်ႈ​ၵဵပ်း​ဢဝ်​ၶဝ်​ၸိူဝ်း​ဢၼ်​မိူၵ်ႈ ၵႃႈ​ၼႂ်း​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​လေႃးၵႃႉ​ၼႆႉ​ႁႂ်ႈ​ၶဝ်​ၸိူဝ်း​ဢၼ် မီး​ပိင်ႇ​ၺႃႇ​ၼၼ်ႉ​လႆႈ​ဢူၵ်း​လႆႈ​ဢၢႆ​ဢေႃႈ။ မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၶဝ်​ၸိူဝ်း​ဢၼ်​ႁႅင်း​လဵၵ်ႉ​ႁႅင်း​ၵေႇ ၵႃႈ​ၼႂ်း​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​လေႃးၵႃႉ​ၼႆႉ ႁႂ်ႈ​ၶဝ်​ၸိူဝ်း​ဢၼ်​ၸၢင်ႈ​တၢတ်ႈ​ၼိူင်ႇ​လႆႈ​ၼၼ်ႉ​လႆႈ​ဢူၵ်း​လႆႈ​ဢၢႆ​ဢေႃႈ။-</verse>
				<verse number="28">မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်၊ ၶဝ်​ၸိူဝ်း​ဢၼ်​ဢမ်ႇ​ပွင်ႇ​လွင်ႈ​ၵႃႈ​သင်၊ ၶဝ်​ၸိူဝ်း​ဢၼ်​ယုတ်ႈ​ဢၼ်​ယွမ်း​ၵႃႈ​ၼႂ်း​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​လေႃးၵႃႉ​ၼႆႉ ႁႂ်ႈ​ၶဝ်​ၸိူဝ်း​ဢၼ်​မျၢတ်ႈ​ၼၼ်ႉ​လႆႈ​ဢူၵ်း​လႆႈ​ဢၢႆ​ဢေႃႈ။-</verse>
				<verse number="29">ပိူဝ်ႈ​ၼႆ​လႄႈ​ၽူႈ​လႂ်​ဢမ်ႇ​မီး​လွင်ႈ​ဢၼ်​တၵ်း​လႆႈ​ဢုပ်ႇ​ဝၢဝ်း ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ။-</verse>
				<verse number="30">ၵွပ်ႈ​ပိူဝ်ႈ​ၽြႃး​ပဵၼ်​ၸဝ်ႈ​ၼၼ်ႉ​လႄႈ သူ​တႄႇ​ယူႇ​ၼႂ်း​ ယေႇသူႉ​ၶရိၸ်ႈ ဢၼ်​ပဵၼ်​ပိင်ႇ​ၺႃႇ​ဢိၵ်ႇ​တင်း​တၢင်း​သိုဝ်ႈ​တေႃႇ၊ တၢင်း​မူတ်း​ၸၢင်ႇ၊ တၢင်း​ဢၼ်​ထုတ်ႇ​ဢဝ်​ဢၼ်​ပဵၼ်​မႃး​ၵႃႈ​တီႈ​ၽြႃး​ပဵၼ်​ၸဝ်ႈ​ၼၼ်ႉ​တီႈ​ႁဝ်း​ဢေႃႈ။-</verse>
				<verse number="31">ၵွပ်ႈ​ႁွႆး​ၼႆႉ​လႄႈ မႅၼ်ႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ ႁႂ်ႈ​ၵေႃႉ​ဢၼ်​ၶႂ်ႈ​ဢုပ်ႇ​ဝၢဝ်း​ၼၼ်ႉ ဢုပ်ႇ​ဝၢဝ်း​ၼႂ်း​ထႃႇဝရႃႉ​ၽြႃး​ၵူၺ်း​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">ပီႈ​ၼွင်ႉ​ၶဝ်​ဢိူၺ်း၊ မိူဝ်ႈ​ဢၼ်​ၵဝ်​လႆႈ​ႁွတ်ႈ​ထိုင်​တီႈ​ဢၼ်​သူ​မီး​ယဝ်ႉ​ၼၼ်ႉ​ၸိုင်​ၵဝ်​ဢဝ်​တင်း​ၵႂၢမ်း​ဢၼ်​မျၢတ်ႈ​လီ၊ တင်း​ပိင်ႇ​ၺႃႇ​ဢၼ်​မျၢတ်ႈ​လီ၊ ၼႄ​ပျႃး​လွင်ႈ​သၢၵ်ႈ​သေႇ​ၽြႃး​ပဵၼ်​ၸဝ်ႈ​ယူႇ​သေ​လႄႈ​ႁွတ်ႈ​ထိုင်​ဢမ်ႇ​ၸႂ်ႈ။-</verse>
				<verse number="2">လွင်ႈ​မၼ်း​ၸမ်ႉ ၵႃႈ​ၼႂ်း​သူ​ၼၼ်ႉ လိူဝ်​သေ​ ယေႇသူႉ​ၶရိၸ်ႈ ​ဢၼ်​ဝႃႈ ၸဝ်ႈ​ဢၼ်​ၶၢမ်ႇ​တၢင်း​တၢႆ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​ၵူၺ်း၊ ၵဝ်​ဢမ်ႇ​ႁူႉ​ဢမ်ႇ​တွင်း​ၵႃႈ​သင်​ဝႃႈ​ၼႆ ၵဝ်​မီး​တၢင်း​ဢၼ်​ဝႆႉ​ၸႂ်​ဝၢင်း​ၸႂ်​ယဝ်ႉ။-</verse>
				<verse number="3">မိူဝ်ႈ​ဢၼ်​ၵဝ်​မီး​လူၺ်ႈ​ၵၼ်​တင်း​သူ​ၼၼ်ႉ​ၸိုင်၊ ၵဝ်​လႆႈ​မီး​တၢင်း​ဢၼ်​ႁႅင်း​လဵၵ်ႉ၊ တၢင်း​ဢၼ်​ၵူဝ်​ၼႃႇ၊ တၢင်း​ဢၼ်​သၼ်ႇ​ၶွၼ်း​ဝႆႉ​ယူႇ​ဢေႃႈ။-</verse>
				<verse number="4">ၼင်ႇ​ႁိုဝ်​တၢင်း​ယုမ်ႇ​မၢတ်ႈ​သူ​ၼၼ်ႉ​တၵ်း​ဢမ်ႇ​တႄႇ​ၵွပ်ႈ​ပိူဝ်ႈ​ပိင်ႇ​ၺႃႇ​ၵူၼ်း​လႄႈ၊ တၵ်း​တႄႇ​ၵွပ်ႈ​ပိူဝ်ႈ​တၼ်း​ၶူဝ်း​ၽြႃး​ပဵၼ်​ၸဝ်ႈ​ၸိုင်၊-</verse>
				<verse number="5">ၵႂၢမ်း​ၵဝ်​ဢိၵ်ႇ​တင်း​တေႇသၼႃႇ​ၵဝ်​ၼၼ်ႉ မီး​တင်း​ၵႂၢမ်း​ဢၼ်​ၸူဝ်း​ဢဝ် ဢၼ်​ၸၢပ်ႈ​သႅင်ႇ​ၵၼ်​တင်း​ပိင်ႇ​ၺႃႇ​ၵူၼ်း​ဢမ်ႇ​ၸႂ်ႈ။ မီး​တင်း ၼီႉမိၵ်ႈ​လၢၵ်ႈၶၼႃႇ​ဝီႉၺိၺ်ႇ​ၸဝ်ႈ​ဢိၵ်ႇ​တင်း​တၼ်း​ၶူဝ်း​ၸဝ်ႈ​ဢေႃႈ။</verse>
				<verse number="6">ၼႂ်း​ဝႃႈ​ၼၼ်​သေ​ၵေႃႈ ႁဝ်း​ႁေႃး​လၢတ်ႈ​ၵႂၢမ်း​ပိင်ႇ​ၺႃႇ​တီႈ​ၶဝ်​ၸိူဝ်း​ဢၼ်​ၸေး​ၸုမ်ႇ​ၼၼ်ႉ​ဢေႃႈ၊ မိူဝ်ႈ​ဢၼ်​ဝႃႈ ၸိူဝ်ႉ​ၼင်ႇ​ၼႆ​ၸိုင်၊ ဢမ်ႇ​ၶႂ်ႈ​ဝႃႈ​ပိင်ႇ​ၺႃႇ​လေႃးၵီႇ။ ပိင်ႇ​ၺႃႇ​ၶုၼ်​လေႃးၵီႇ​တင်း​လၢႆ ဢၼ်​ၸၢင်ႈ​ၽူင်ႉ​ယၢႆႈ​ႁၢႆ​လၢႆ​ၼၼ်ႉ​ၵေႃႈ​ဢမ်ႇ​ၶႂ်ႈ​ဝႃႈ။-</verse>
				<verse number="7">ႁဝ်း​ႁေႃး​လၢတ်ႈ​ပိင်ႇ​ၺႃႇ​ၽြႃး​ပဵၼ်​ၸဝ်ႈ ဢၼ်​သိုင်ႇ​ဝႆႉ​ၼႂ်း​တၢင်း​ဢၼ်​လိုၵ်ႉ​ဢၼ်​လမ်ႇ ဢၼ်​ဝႃႈ​ပိင်ႇ​ၺႃႇ​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ဝႆႉ ၸူဝ်ႈ​ၵမ်ႇ​ၽႃႇ​ဢမ်ႇ​ပႆႇ​တႄႇ​ဢမ်ႇ​ပႆႇ​မီး​ၼၼ်ႉ ႁႂ်ႈ​ပဵၼ်​မုၼ်​ၽုင်း​သရေႇ​ႁဝ်း​ၼၼ်ႉ​ဢေႃႈ။-</verse>
				<verse number="8">ပိင်ႇ​ၺႃႇ​ၼၼ်ႉ​ၸိုင်​ၶုၼ်​လေႃးၵီႇ​တင်း​လၢႆ ဢမ်ႇ​ႁူႉ​သေ​ၵေႃႉ​သေ​ၵူၼ်း။ ပေႃး​ၶဝ်​ႁူႉ​ၸိုင် ၶဝ်​တၵ်း​ဢမ်ႇ​ဢဝ်​ၸဝ်ႈ​ဢၼ် မုၼ်​ၽုင်း​ယႂ်ႇ​ၼႃႇ​ၼၼ်ႉ​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ယဝ်ႉ။-</verse>
				<verse number="9">မႅၼ်ႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ လွင်ႈ​တၢင်း​ၸိူဝ်း​ဢၼ်​ၽြႃး​ပဵၼ်​ၸဝ်ႈ မႄး​ႁႅၼ်း​ဝႆႉ​ပုၼ်ႈ​ၶဝ်​ၸိူဝ်း​ဢၼ်​ႁၵ်ႉ​မၼ်း​ၸဝ်ႈ​ၼၼ်ႉ​ၸိုင် တႃ​ၵူၼ်း​ဢမ်ႇ​ႁၼ်၊ ႁူ​ၵူၼ်း​ဢမ်ႇ​ငိၼ်း၊ ႁူဝ်​ၸႂ်​ၵူၼ်း​ဢမ်ႇ​ၵျၢမ်ႇ​ဢမ်ႇ​ပွင်။-</verse>
				<verse number="10">လွင်ႈ​တၢင်း​ၸိူဝ်း​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​ဢဝ်​ဝီႉၺိၺ်ႇ​ၸဝ်ႈ ၽုၺ်ႇ​ဢွၵ်ႇ​ၼႄ​ပျႃး​တီႈ​ႁဝ်း​ဢေႃႈ။ ဝီႉၺိၺ်ႇ​ၸဝ်ႈ​ၼၼ်ႉ​ၸႅတ်ႈ​တူၺ်း လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် တေႃႇ​ထိုင်​ႁွတ်ႈ​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="11">လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၵူၼ်း​ၼၼ်ႉ​ၸိုင် လိူဝ်​သေ​ၸႂ်​ဝီႉၺိၺ်ႇ​ၵူၼ်း ဢၼ်​မီး​ယူႇ​ၼႂ်း​မၼ်း​ၼၼ်ႉ​ၽူႈ​လႂ်​ႁူႉ။ မိူၼ်​ၼင်ႇ​ၼၼ် လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ၼၼ်ႉ​ၸိုင် လိူဝ်​သေ​ဝီႉၺိၺ်ႇ​ၽြႃး​ပဵၼ်​ၸဝ်ႈ​ၼၼ်ႉ ၽူႈ​လႂ်​ဢမ်ႇ​ႁူႉ။-</verse>
				<verse number="12">ႁဝ်း​ဢမ်ႇ​လႆႈ​ၶၢမ်ႇ​ဢဝ်​ဝီႉၺိၺ်ႇ​လေႃးၵီႇ၊ လႆႈ​ၶၢမ်ႇ​ဢဝ်​ဝီႉၺိၺ်ႇ​ၸဝ်ႈ​ဢၼ်​လုၵ်ႉ​သေ​ၵႃႈ​တီႈ​ၽြႃး​ပဵၼ်​ၸဝ်ႈ​မႃး​ၼၼ်ႉ ႁႂ်ႈ​လႆႈ​ႁူႉ​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ​ပၼ်​ၸိူဝ်း​ၼၼ်ႉ​ယဝ်ႉ။-</verse>
				<verse number="13">ႁဝ်း​ဢမ်ႇ​ဢဝ်​တင်း​ၵႂၢမ်း​ဢၼ်​ပိင်ႇ​ၺႃႇ​ၵူၼ်း​သင်ႇ​သွၼ်​ပၼ်​ၼၼ်ႉ ႁေႃး​လၢတ်ႈ​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ​ပၼ်​ၸိူဝ်း​ၼၼ်ႉ။ ႁဝ်း​ဢဝ်​တင်း​ၵႂၢမ်း​ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢဝ်​ၵႂၢမ်း​ဝီႉၺိၺ်ႇ​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ဝီႉၺိၺ်ႇ​ၸဝ်ႈ​လႄႈ သင်ႇ​သွၼ်​ပၼ်​ၼၼ်ႉ​ႁေႃး​လၢတ်ႈ​ဢေႃႈ။</verse>
				<verse number="14">ၵူၼ်း​ၸႃႇ​တီႉ​ပၵတီႉ​ဢမ်ႇ​ၶၢမ်ႇ​ဢမ်ႇ​ဢဝ်​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ဝီႉၺိၺ်ႇ​ၸဝ်ႈ​ၸိူဝ်း​ၼၼ်ႉ၊ ၸၢင်ႈ​ထၢင်ႇ​လွင်ႈ​တၢင်း​ၸိူဝ်း​ၼၼ်ႉ ပဵၼ်​လွင်ႈ​တၢင်း​ဢၼ်​မိူၵ်ႈ​ဢေႃႈ။ ပိူဝ်ႈ​ဢၼ်​ၶႆႈ​ၸႂ်​လူၺ်ႈ​လွင်ႈ​တၢင်း​ၸိူဝ်း​ၼၼ်ႉ​လႄႈ ႁူႉ​ၵွပ်ႈ​ပိူဝ်ႈ​ဝီႉၺိၺ်ႇ​ၸဝ်ႈ​ၵူၺ်း​လႄႈ​ၵူၼ်း​ၸႃႇ​တီႉ​ပၵတီႉ​ဢမ်ႇ​ႁူႉ​လႆႈ။-</verse>
				<verse number="15">ၵူၼ်း​ဝီႉၺိၺ်ႇ​ၸမ်ႉ၊ ၸၢင်ႈ​ၶႆႈ​ၸႂ်​လူၺ်ႈ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​လႄႈ​ႁူႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မၼ်း​ၼၼ်ႉ​ၸိုင် ၽူႈ​လႂ်​ဢမ်ႇ​ၶႆႈ​ၸႂ်​လႄႈ​ႁူႉ​လႆႈ။-</verse>
				<verse number="16">ၽူႈ​လႂ်​ႁူႉ​ၸႂ်​ထႃႇဝရႃႉ​ၽြႃး​ႁႂ်ႈ​လႆႈ​သင်ႇ​သွၼ်​မၼ်း​ၼၼ်ႉ။ ႁဝ်း​ၸမ်ႉ၊ လႆႈ​ၶၢမ်ႇ​ဢဝ်​ၸႂ်​ၸဝ်ႈ​ၶရိၸ်ႈ​ဢေႃႈ။</verse>
			</chapter>
			<chapter number="3">
				<verse number="1">ပီႈ​ၼွင်ႉ​ၶဝ်​ဢိူၺ်း၊ ဢၶႂၢင်ႉ​ဢၼ်​လႆႈ​ႁေႃး​လၢတ်ႈ​တီႈ​သူ ၸိူဝ်ႉ​ၼင်ႇ​ဢၼ်​ၵဝ်​ႁေႃး​လၢတ်ႈ​တီႈ​ၵူၼ်း​ဝီႉၺိၺ်ႇ​တင်း​လၢႆ မိူဝ်ႈ​ဢွၼ်​ၼႆႉ​ၼၼ်ႉ ယင်း​ဢမ်ႇ​မီး​လႄႈ​ၵဝ်​လႆႈ​ႁေႃး​လၢတ်ႈ​တီႈ​သူ​ၸိူဝ်ႉ​ၼင်ႇ​ဢၼ် ႁေႃး​လၢတ်ႈ​တီႈ​ၵူၼ်း​ၸႃႇ​တီႉ​ပၵတီႉ ဢိၵ်ႇ​တင်း​လုၵ်ႈ​ဢွၼ်ႇ​တင်း​လၢႆ​ၼႂ်း​ၸဝ်ႈ​ၶရိၸ်ႈ​ၼၼ်ႉ​ဢေႃႈ။-</verse>
				<verse number="2">ပိူဝ်ႈ​ဢၼ်​သူ ဢမ်ႇ​ပႄႉ​ၼႅင်ႇ​တၢင်း​ၵိၼ်​တၢင်း​ၶူပ်း​လႄႈ၊ ၵဝ်​ဢမ်ႇ​ပၼ်​ၵိၼ်။ ၵဝ်​လႆႈ​တိုၵ်း​ပၼ်​ၼမ်ႉ​ၼူမ်း​ၵူၺ်း​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ဢေႃႈ။ တေႃႈ​လဵဝ်​ၼႆႉ​ၵေႃႈ​သူ​ဢမ်ႇ​ပႆႇ​ပႄႉ​ၼႅင်ႇ​လႆႈ။-</verse>
				<verse number="3">တေႃႈ​လဵဝ်​ၼႆႉ​ၵေႃႈ​သူ​ယင်း​ပဵၼ်​ၵူၼ်း​ၸႃႇ​တီႉ​ပၵတီႉ​ယူႇ​ဢေႃႈ။ ပိူဝ်ႈ​ဢၼ်​မီး​တၢင်း​ဢၼ်​ၶေႉ​ၶဵင်ႇ​ၵၼ်၊ တၢင်း​ဢၼ်​ၽိတ်း​ၵၼ်၊ တၢင်း​ဢၼ်​ၽၢတ်ႇ​ၽႄ​ၵၼ်​ယူႇ​လႄႈ သူ​ပဵၼ်​ၵူၼ်း​ၸႃႇ​တီႉ​ပၵတီႉ​ယူႇ​ဢမ်ႇ​ၸႂ်ႈ​ႁိုဝ်။ သူ​ၵမ်​ၵျၢင်ႉ​ၸွမ်း​ၼင်ႇ​ထုင်း​ၸၢမ်ႇ​ၵူၼ်း​လေႃးၵီႇ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="4">မိူဝ်ႈ​ဢၼ်​ၵေႃႉ​ၼိုင်ႈ​ဝႃႈ၊ ၵဝ်​ပဵၼ်​တပႄး​ ပေႃးလူႉ ​ဢေႃႈ။ ၵေႃႉ​ၼိုင်ႈ​ဝႃႈ၊ ၵဝ်​ပဵၼ်​တပႄး​ ဢႃႇပေႃးလူႉ ​ဢေႃႈ၊ ဝႃႈ​ၼင်ႇ​ၼႆ​ႁင်း​ၽႂ်​ႁင်း​မၼ်း​ယူႇ​ၼၼ်ႉ​ၸိုင်၊ သူ​ပဵၼ်​ၵူၼ်း​ၸႃႇ​တီႉ​ပၵတီႉ​ယူႇ​ဢမ်ႇ​ၸႂ်ႈ​ႁိုဝ်။</verse>
				<verse number="5">ပေႃးလူႉ ​ၸမ်ႉ၊ ပဵၼ်​ၽူႈ​လႂ်။ ဢႃႇပေႃးလူႉ ​ၸမ်ႉ၊ ပဵၼ်​ၽူႈ​လႂ်။ ပဵၼ်​ၵူၼ်း​တၢင်ႇ​တီႈ​သီႇ​လႅၼ်​ဢမ်ႇ​ၸႂ်ႈ။ ၵႃႈ​ၼင်ႇ​ဢၼ်​ထႃႇဝရႃႉ​ၽြႃး ဢဵတ်း​လူ​ပၼ်​ဢၶႂၢင်ႉ​ႁင်း​ၽႂ်​ႁင်း​မၼ်း​ၼၼ်ႉ ပဵၼ်​ထမ်ႇမႃႉ​သြႃႇ ဢၼ်​ႁႂ်ႈ​သူ​ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​ဢေႃႈ။-</verse>
				<verse number="6">ၵဝ်​ပဵၼ်​ၵေႃႉ​ဢၼ်​ၽုၵ်ႇ​သွမ်း​ဢေႃႈ။ ဢႃႇပေႃးလူႉ ​ပဵၼ်​ၵေႃႉ​ဢၼ်​ႁူတ်း​ၼမ်ႉ​ဢေႃႈ။ ၵေႃႉ​ဢၼ်​ႁႂ်ႈ​တူၼ်ႈ​မၼ်း​ယႂ်ႇ​မႃး​ၼၼ်ႉ​ၸမ်ႉ၊ ပဵၼ်​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="7">ၵေႃႉ​ဢၼ်​ၽုၵ်ႇ​သွမ်း​ၼၼ်ႉ​ဢမ်ႇ​တၢတ်ႈ​ၼိူင်ႇ​လႆႈ။ ၵေႃႉ​ဢၼ်​ႁူတ်း​ၼမ်ႉ​ၼၼ်ႉ​ၵေႃႈ​ဢမ်ႇ​တၢတ်ႈ​ၼိူင်ႇ​လႆႈ။ ၽြႃး​ပဵၼ်​ၸဝ်ႈ​ဢၼ်​ႁႂ်ႈ​ယႂ်ႇ​မႃး​ၼၼ်ႉ​ၵူၺ်း​တၢတ်ႈ​ၼိူင်ႇ​လႆႈ​ဢေႃႈ။-</verse>
				<verse number="8">ၵူၺ်း​ၵႃႈ ၵေႃႉ​ဢၼ်​ၽုၵ်ႇ​သွမ်း​ဢိၵ်ႇ​တင်း​ၵေႃႉ​ဢၼ်​ႁူတ်း​ၼမ်ႉ​ၼၼ်ႉ​ပဵၼ်​ဢၼ်​လဵဝ်​ၵၼ်​လႄႈ ၸွမ်း​ၼင်ႇ​ဢၼ်​တူဝ်​ၸဝ်ႈ​ၵဝ်ႇ​ႁဵတ်း ႁင်း​ၽႂ်​ႁင်း​မၼ်း​ၼၼ်ႉ​တၵ်း​လႆႈ​ၶၢမ်ႇ​ဢၵျူဝ်း​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="9">ႁဝ်း​ပဵၼ်​ၵေႃႉ​ဢၼ် ႁဵတ်း​ႁူမ်ႈ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။ သူ​ပဵၼ်​ဢူးယဵၼ်ႇ​ၽြႃး​ပဵၼ်​ၸဝ်ႈ​ဢေႃႈ။ တိူၵ်ႈ​ၵျွင်း​ၽြႃး​ပဵၼ်​ၸဝ်ႈ​ၵေႃႈ​ပဵၼ်​ဢေႃႈ။-</verse>
				<verse number="10">ၸွမ်း​ၼင်ႇ​ဢၼ်​ၵဝ်​လႆႈ​ၶၢမ်ႇ​ၵျေး​ၸူး​ၽြႃး​ပဵၼ်​ၸဝ်ႈ​ၼၼ်ႉ ၵဝ်​ပဵၼ်​ၸိူဝ်ႉ​ၼင်ႇ​လၢၵ်ႈသမႃး​သြႃႇ​လူင်​ဢၼ်​လၵ်း​လႅမ်​ၼၼ်ႉ လႄႈ​ၶျႃး​ငဝ်ႈ​ႁၢၵ်ႈ​တိူၵ်ႈ​ဢေႃႈ။ ၵူၼ်း​တၢင်ႇ​ၵေႃႉ​ထၢပ်ႈ​ထႅင်ႈ​လႄႈ​တႄႇ​ႁဵတ်း​ဢေႃႈ၊ ၼႂ်း​ဝႃႈ​ၼၼ်​သေ​ၵေႃႈ​ထၢပ်ႈ​ထႅင်ႈ​လႄႈ​တႄႇ​ႁဵတ်း​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ႁႂ်ႈ​ၵူႈ​ၵေႃႉ​ၵူႈ​ၵူၼ်း​ႁဵတ်း​သတီႉ​သေ​ၵမ်း။-</verse>
				<verse number="11">လွင်ႈ​မၼ်း​ၸမ်ႉ လိူဝ်​သေ​ငဝ်ႈ​ႁၢၵ်ႈ​တိူၵ်ႈ​ဢၼ်​ၶျႃး​ဝႆႉ​မီး​ယူႇ​ဢၼ်​ဝႃႈ​ ယေႇသူႉ​ၶရိၸ်ႈ ​ၼၼ်ႉ၊ ၽူႈ​လႂ်​ဢမ်ႇ​ၶျႃး​ငဝ်ႈ​ႁၢၵ်ႈ​တိူၵ်ႈ​တၢင်ႇ​ၸိူဝ်ႉ​တၢင်ႇ​ဢၼ်​လႆႈ။-</verse>
				<verse number="12">ၵႃႈ​ၼိူဝ်​ငဝ်ႈ​ႁၢၵ်ႈ​တိူၵ်ႈ​ၼၼ်ႉ ပေႃး​ၶဝ်​ထၢပ်ႈ​ထႅင်ႈ​လႄႈ​တႄႇ​ႁဵတ်း​ၶမ်း၊ ငိုၼ်း၊ သႅင်​လီ၊ မႆႉ၊ တူၼ်ႈ​ယိူဝ်ႈ၊ ၽိူင်း​ၸိုင်၊-</verse>
				<verse number="13">တၢင်း​ႁဵတ်း​ၽႂ်​တၢင်း​ႁဵတ်း​မၼ်း​တၵ်း​ထၢင်ႇ​သႃး​ဢေႃႈ။ ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၶိင်ႇ​ဝၼ်း​ဢၼ်​ၽုၺ်ႇ​ဢွၵ်ႇ​ၼႄ​ပျႃး​ၼၼ်ႉ တၵ်း​ဢဝ်​တင်း​ၽႆး​သေ​လႄႈ ႁႂ်ႈ​ထၢင်ႇ​သႃး​ဢေႃႈ။ တၢင်း​ႁဵတ်း​ဢၼ်​ၵူၼ်း​ၵူႈ​ၵေႃႉ​ႁဵတ်း​ၼၼ်ႉ ပဵၼ်​တၢင်း​ႁဵတ်း​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ၽႆး​ၼၼ်ႉ​တၵ်း​ၸႅတ်ႈ​ထၢမ်​ၸၢမ်း​တူၺ်း​ဢေႃႈ။-</verse>
				<verse number="14">ပေႃး​တၢင်း​ႁဵတ်း​ၵေႃႉ​ဢၼ် ထၢပ်ႈ​ထႅင်ႈ​လႄႈ တႄႇ​ႁဵတ်း​ၵႃႈ​ၼိူဝ်​ငဝ်ႈ​ႁၢၵ်ႈ​တိူၵ်ႈ​ၼၼ်ႉ မၼ်ႈ​ၶိူင်ႇ​ၸိုင်၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​ဢၵျူဝ်း​ဢေႃႈ။-</verse>
				<verse number="15">ပေႃး​တၢင်း​ႁဵတ်း​ၵေႃႉ​ၼၼ်ႉ​မႆႈ​ၽႆး​လိူမ်ႈ​မူတ်း​ၵႂႃႇ​ၸိုင်၊ ၵေႃႉ​ၼၼ်ႉ တၵ်း​လႆႈ​ၶၢမ်ႇ​တၢင်း​သုမ်း​ဢေႃႈ။ ၵူၺ်း​ၵႃႈ​မၼ်း​တၵ်း​ႁွတ်ႈ​ထိုင် တၢင်း​ဢၼ်​ၵႄႇ​ၶျွတ်ႈ​ဢဝ်​မိူၼ်​ၸိူဝ်ႉ​ၼင်ႇ​ဢၼ်​လွတ်ႈ​တင်း​ၽႆး​ၼၼ်ႉ​ယူႇ​ဢေႃႈ။</verse>
				<verse number="16">သူ​ဢမ်ႇ​ႁူႉ​လွင်ႈ​ဢၼ်​သူ​ပဵၼ်​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​လႄႈ၊ ဝီႉၺိၺ်ႇ​ၽြႃး​ပဵၼ်​ၸဝ်ႈ​ၵိင်း​ဝၢပ်ႈ​ယူႇ​ၼႂ်း​သူ​ၼၼ်ႉ​ႁိုဝ်။-</verse>
				<verse number="17">ပေႃး​ၵေႃႉ​ၼိုင်ႈ​ယႃႉ​ပႅတ်ႈ​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​ၸိုင်၊ ၽြႃး​ပဵၼ်​ၸဝ်ႈ​တၵ်း​ယႃႉ​မၼ်း​ၼၼ်ႉ​ပႅတ်ႈ​ဢေႃႈ။ ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​ၼၼ်ႉ​လႆႈ​မူတ်း​ၸၢင်ႇ​ဢေႃႈ။ သူ​ၵေႃႈ​ပဵၼ်​ပိၵ်ႈ​မၢၼ်ႇ​ၸဝ်ႈ​ၼၼ်ႉ​ဢေႃႈ။</verse>
				<verse number="18">ယႃႇ​ႁႂ်ႈ​ၽူႈ​လႂ်​ပႅတ်ႉ​လႅၼ်​တူဝ်​ၸဝ်ႈ​ၵဝ်ႇ။ ၼႂ်း​သူ​ပေႃး​သေ​ၵေႃႉ​သေ​ၵူၼ်း​ထၢင်ႇ​တူဝ်​ၸဝ်ႈ​ၵဝ်ႇ မီး​ပိင်ႇ​ၺႃႇ​ၼႂ်း​လေႃးၵႃႉ​ၼႆႉ​ၸိုင်၊ ႁႂ်ႈ​ၵေႃႉ​ၼၼ်ႉ​ပဵၼ်​ၵူၼ်း​မိူၵ်ႈ ႁႂ်ႈ​လႆႈ​ထိုင်​ပဵၼ်​ၵေႃႉ​ဢၼ်​မီး​ပိင်ႇ​ၺႃႇ​သေ​ၵမ်း​လူၺ်ႈ။-</verse>
				<verse number="19">လွင်ႈ​မၼ်း​ၸမ်ႉ ပိင်ႇ​ၺႃႇ​လေႃးၵီႇ​ၼႆႉ​ပဵၼ်​တၢင်း​ဢၼ်​မိူၵ်ႈ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။ ဢၼ်​မႃး​ၼႂ်း​ၵျၢမ်း​လိၵ်ႈ လႄႈ​ဝႃႈ​ၸမ်ႉ၊ မၼ်း​ၸဝ်ႈ​ဢဝ်​ပရီႉယႄႇ​ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​သေ​လႄႈ တီႉ​ဢဝ်​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="20">သမ်ႉ​မႃး​ထႅင်ႈ​ၵမ်း​ၼိုင်ႈ​လႄႈ​ဝႃႈ​ၸမ်ႉ၊ ထႃႇဝရႃႉ​ၽြႃး​ႁူႉ​လွင်ႈ​ဢၼ်​တၢင်း​ၵျၢမ်ႇ​တၢင်း​ပွင် ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="21">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် ယႃႇ​ပေ​ႁႂ်ႈ​ၽူႈ​လႂ်​ဢိင်​ၵူၼ်း​သေ​လႄႈ ဢုပ်ႇ​ဝၢဝ်း။ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ပဵၼ်​ပုၼ်ႈ​သူ​ဢေႃႈ။-</verse>
				<verse number="22">ပေႃးလူႉ ​သေ​ဢမ်ႇ​ဝႃႈ၊ ဢႃႇပေႃးလူႉ ​သေ​ဢမ်ႇ​ဝႃႈ၊ ၵေႇၽႃႉ ​သေ​ဢမ်ႇ​ဝႃႈ၊ လေႃးၵႃႉ​ၼႆႉ​သေ​ဢမ်ႇ​ဝႃႈ၊ တၢင်း​ဢၼ်​ဢသၢၵ်ႈ​လိပ်း​သေ​ဢမ်ႇ​ဝႃႈ၊ တၢင်း​ဢၼ်​တၢႆ​သေ​ဢမ်ႇ​ဝႃႈ၊ လွင်ႈ​တၢင်း​ဢၼ်​သိုဝ်ႈ​ၼႃႈ​တႂ်ႈ​တႃ​ၼႆႉ​သေ​ဢမ်ႇ​ဝႃႈ၊ လွင်ႈ​တၢင်း​ဢၼ်​တၵ်း​မႃး​ၵမ်း​လိုၼ်း​ၼၼ်ႉ​သေ​ဢမ်ႇ​ဝႃႈ၊ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ပဵၼ်​ပုၼ်ႈ​သူ​ဢေႃႈ။-</verse>
				<verse number="23">သူ​ပဵၼ်​ပုၼ်ႈ​ၸဝ်ႈ​ၶရိၸ်ႈ​ဢေႃႈ။ ၸဝ်ႈ​ၶရိၸ်ႈ​ၵေႃႈ ပဵၼ်​ပုၼ်ႈ​ၽြႃး​ပဵၼ်​ၸဝ်ႈ​ဢေႃႈ။</verse>
			</chapter>
			<chapter number="4">
				<verse number="1">ႁႂ်ႈ​ပိူၼ်ႈ​တၢင်ႇ​ၵေႃႉ​မၢတ်ႈ​တွင်း​ႁဝ်း​ဝႆႉ ပဵၼ်​ၸိူဝ်ႉ​ၼင်ႇ​ၵူၼ်း​ၸႂ်ႉ​ၵူၼ်း​သွႆ​ၸဝ်ႈ​ၶရိၸ်ႈ​ဢိၵ်ႇ​တင်း ၽၼ်ႇတႃႇၸူဝ်း ဢၼ်​ပႂ်ႉ​တၢင်း​ဢၼ်​လိုၵ်ႉ​ဢၼ်​လမ်ႇ​ၽြႃး​ပဵၼ်​ၸဝ်ႈ​ၼၼ်ႉ​သေ​ၵမ်း​လူၺ်ႈ။-</verse>
				<verse number="2">လိူဝ်​သေ​ၼၼ်ႉ၊ ၽၼ်ႇတႃႇၸူဝ်း​ဢၼ်​ဝႃႈ​ၸမ်ႉ၊ တၵ်း​လႆႈ​မီး​သဵတ်ႈ​ၸႃႇ​ဢေႃႈ။-</verse>
				<verse number="3">ပိၵ်ႉ​သမ်ႉ​သူ​ဢိၵ်ႇ​တင်း​ပိူၼ်ႈ​တၢင်ႇ​ၵေႃႉ​ၸီႇ​ယၢင်ႇ​ၵဝ်​လႄႈ​ဝႃႈ ဢမ်ႇ​မီး​သဵတ်ႈ​ၸႃႇ၊ ဝႃႈ​ၼင်ႇ​ၼႆ​သေ​ၵေႃႈ၊ ၵဝ်​ဢမ်ႇ​ဝႆႉ​ဢမူႉ၊ ၵဝ်​ဢမ်ႇ​ၸီႇ​ယၢင်ႇ​တူဝ်​ၸဝ်ႈ​ၵဝ်ႇ။-</verse>
				<verse number="4">လွင်ႈ​မၼ်း​ၸမ်ႉ ၸႂ်​တူဝ်​ၸဝ်ႈ​ၵဝ်ႇ​ဢမ်ႇ​တၢင်ႇ​ဢပႅတ်ႈ​တီႈ​တူဝ်​ၸဝ်ႈ​ၵဝ်ႇ၊ ၼႂ်း​ဝႃႈ​ၼၼ်​သေ​ၵေႃႈ ၵွပ်ႈ​ပိူဝ်ႈ​လွင်ႈ​ၼၼ်ႉ​လႄႈ ၵဝ်​ၵၢင်း​လွတ်ႈ​တင်း​ဢပႅတ်ႈ​ဢမ်ႇ​ၸႂ်ႈ။ ၵေႃႉ​ဢၼ်​ၸီႇ​ယၢင်ႇ​ၵဝ်​ၸမ်ႉ၊ ပဵၼ်​ထႃႇဝရႃႉ​ၽြႃး​ဢေႃႈ။-</verse>
				<verse number="5">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ဢမူႉ​ၵႃႈ​သင်​သေ​ဢမ်ႇ​ဝႃႈ၊ ၸူဝ်ႈ​ဢၼ်​ၸဝ်ႈ​ၽြႃး​ဢၼ်​တၵ်း​ႁႂ်ႈ​လွင်ႈ​တၢင်း​ဢၼ်​သိူင်ႇ​ဝႆႉ​မႅပ်ႉ​ဝႆႉ ၵႃႈ​ၼႂ်း​ဢၼ်​လပ်း​သိင်ႇ​တင်း​လၢႆ​ပိုတ်ႇ​လႅင်း​လႄႈ တၢင်း​ၵျၢမ်ႇ​တၢင်း​ပွင်​ႁူဝ်​ၸႂ်​တင်း​လၢႆ​ထၢင်ႇ​သႃး​ၼၼ်ႉ ဢမ်ႇ​ပႆႇ​ပေႃႇ​ပႆႇ​မႃး​ၼၼ်ႉ ယႃႇ​ပေ​ၸီႇ​ယၢင်ႇ။ မိူဝ်ႈ​ၼၼ်ႉ​ၵူႈ​ၵေႃႉ​ၵူႈ​ၵူၼ်း​ႁင်း​ၽႂ်​ႁင်း​မၼ်း တၵ်း​လႆႈ​ၶၢမ်ႇ​တၢင်း​ဢၼ်​ၽြႃး​ပဵၼ်​ၸဝ်ႈ​ယွင်ႈ​ယေႃး​ဢေႃႈ။</verse>
				<verse number="6">ပီႈ​ၼွင်ႉ​ၶဝ်​ဢိူၺ်း၊ ၵဝ်​ထွၵ်ႈ​လူၺ်ႈ​ဢၵျူဝ်း​သူ​သေ​လႄႈ ဢဝ်​ပုင်ႇ​ၵဝ်​ဢိၵ်ႇ​တင်း ဢႃႇပေႃးလူႉ လၢတ်ႈ​လွင်ႈ​ၼင်ႇ​ႁိုဝ် တၵ်း​ထွၵ်ႈ​လူၺ်ႈ​ႁဝ်း​သေ​လႄႈ ႁူႉ​လွင်ႈ​ဢၼ်​သူ​ဢမ်ႇ​လႆႈ​ပူၼ်ႉ​လႆႈ​လိူဝ်​ၵျၢမ်း​လိၵ်ႈ ဢိၵ်ႇ​တင်း​လွင်ႈ​ဢၼ်​သူ​ဢမ်ႇ​လႆႈ​မီး​ႁူဝ်​ၸႂ်​မႃႇၼႃႉ​ဢၼ်​သုင် လႄႈ​ဢိင်​ၵေႃႉ​ၼိုင်ႈ​ထဵင်​ပႅတ်ႈ​ၵေႃႉ​ၼိုင်ႈ​ၼၼ်ႉ​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ ၽူႈ​လႂ်​ႁႂ်ႈ​သူ​ပႅၵ်ႇ​ပိူင်ႈ​ၵၼ်။ လွင်ႈ​တၢင်း​ဢၼ်​သူ​ဢမ်ႇ​ၶၢမ်ႇ​ဢမ်ႇ​ဢဝ် ၵႃႈ​ၼႂ်း​မိုဝ်း​ပိူၼ်ႈ​လႄႈ​လႆႈ​ၼၼ်ႉ မီး​တီႈ​သူ​သေ​ၸိူဝ်ႉ​သေ​ပိူင်​ႁိုဝ်။ ပေႃး​ၶၢမ်ႇ​ဢဝ်​ၵႃႈ​ၼႂ်း​မိုဝ်း​ပိူၼ်ႈ​ၸိုင် ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ႁဵတ်း​ၸိူဝ်ႉ​ၼင်ႇ​ႁၢင်ႈ​ဢၼ်​ဢမ်ႇ​ၶၢမ်ႇ​ဢမ်ႇ​ဢဝ်​ၼၼ်ႉ​လႄႈ ဢုပ်ႇ​ဝၢဝ်း​ယူႇ​ၼင်ႇ​ႁိုဝ်။-</verse>
				<verse number="8">တေႃႈ​လဵဝ်​ၼႆႉ​သူ​ဢိမ်ႇ​တဵမ်​ဝႆႉ​ဢေႃႈ။ ၸၢင်ႈ​မီး​ငိုၼ်း​ဢေႃႈ။ ၼႂ်း​မိူဝ်ႈ​ဢၼ်​ႁဝ်း​ဢမ်ႇ​မီး​ၼၼ်ႉ​ၸိုင်၊ သူ​ၸၢမ်ႇ​ၸႃး​ယူႇ​ၸိူဝ်ႉ​ၼင်ႇ​ၶုၼ်​ႁေႃ​ၶမ်း​ဢေႃႈ။ ၼင်ႇ​ႁိုဝ်​ႁဝ်း​တၵ်း​မီး​ဢၶႂၢင်ႉ​ဢၼ်​လႆႈ​ၸၢမ်ႇ​ၸႃး​လူၺ်ႈ​ၵၼ်​တင်း​သူ​ၸိုင် ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​သူ​ၸၢမ်ႇ​ၸႃး​ဢမၢၼ်ႇ​ၶၼ်​ပဵၼ်​ဢေႃႈ။</verse>
				<verse number="9">ၵဝ်​ထၢင်ႇ​ၽြႃး​ပဵၼ်​ၸဝ်ႈ​ဢဝ်​ႁဝ်း​ဢၼ်​ဝႃႈ တမၢၼ်ႇ​ၸဝ်ႈ​ၸိူဝ်း​ၼႆႉ​ဢွၵ်ႇ​ၼႄ​မိူၼ်​ၸိူဝ်ႉ​ၼင်ႇ ၵူၼ်း​ဢၼ်​ဝႆႉ​ပုၼ်ႈ​ဢၼ်​တၵ်း​ဢဝ်​တၢႆ​ၼၼ်ႉ​လိုၼ်း​လင်​ပိူၼ်ႈ​ဢေႃႈ။ လွင်ႈ​မၼ်း​ၸမ်ႉ​ႁဝ်း​ၼႆႉ​ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ၼႄ​ပျႃး​ၼႃႈ​ၼႂ်း​ပွႆး ပုၼ်ႈ​ဢၼ်​ပိူၼ်ႈ​တၵ်း​တူၺ်း​ၵႃႈ​တီႈ​ၽၢႆႇ​ၼႃႈ​ၵူၼ်း​လေႃးၵီႇ ဢိၵ်ႇ​တင်း​တမၢၼ်ႇ​ၵၢင်​ႁၢဝ်​တင်း​လၢႆ​ဢေႃႈ။-</verse>
				<verse number="10">ႁဝ်း​ၼႆႉ​ပဵၼ်​ၵူၼ်း​မိူၵ်ႈ​ၵွပ်ႈ​ပိူဝ်ႈ​လွင်ႈ​ၸဝ်ႈ​ၶရိၸ်ႈ​ဢေႃႈ။ သူ​ၸမ်ႉ၊ ပဵၼ်​ၵေႃႉ​ဢၼ်​မီး​ပိင်ႇ​ၺႃႇ​ၼႂ်း​ၸဝ်ႈ​ၶရိၸ်ႈ​ဢေႃႈ။ ႁဝ်း​ၼႆႉ​ပဵၼ်​ၵေႃႉ​ဢၼ်​ႁႅင်း​လဵၵ်ႉ​ႁႅင်း​ၵေႇ​ဢေႃႈ။ သူ​ၸမ်ႉ၊ ပဵၼ်​ၵေႃႉ​ဢၼ်​ႁႅင်း​ယႂ်ႇ​ႁႅင်း​ၼမ်​ဢေႃႈ။ သူ​ၸိုင်​ပဵၼ်​ၵေႃႉ​ဢၼ်​မီး​သရေႇ​ဢေႃႈ။ ႁဝ်း​ၸမ်ႉ၊ ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ဢူၵ်း​ဢၼ်​ဢၢႆ​ဢေႃႈ။-</verse>
				<verse number="11">တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​လႄႈ ႁဝ်း​လႆႈ​ဢိုပ်း​ယၢၵ်ႈ​တၢင်း​ၵိၼ်​တၢင်း​ၶူပ်း​ယူႇ​ဢေႃႈ။ လႆႈ​တွင်ႉ​မႆႈ​ၼမ်ႉ​ယူႇ​ဢေႃႈ၊ လႆႈ​မီး​တၢင်း​ဢၼ်​ဢမ်ႇ​မီး​ၶူဝ်း​မီး​လဵင်း​ယူႇ​ဢေႃႈ။ လႆႈ​ၶၢမ်ႇ​တၢင်း​ဢၼ်​ပိူၼ်ႈ​ၼိၵ်ႈ​ၸၢၵ်ႈ​ငႅၼ်း​သႄး​ယႅၼ်ႉ​တူပ်း​ယူႇ​ဢေႃႈ။ ပဵၼ်​ၵေႃႉ​ဢၼ်​ဢမ်ႇ​ထူပ်း​ဢမ်ႇ​ႁၼ်​တီႈ​ယူႇ​တီႈ​သဝ်း​ဢေႃႈ။-</verse>
				<verse number="12">ပဵၼ်​ၵေႃႉ​ဢၼ်​လႆႈ​ဢဝ်​မိုဝ်း​တူဝ်​ၸဝ်ႈ​ၵဝ်ႇ​ႁဵတ်း​ဢၼ်​ယၢပ်ႇ​ဢၼ်​ၽိုတ်ႇ​ယူႇ​ဢေႃႈ။ မိူဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ်​သႄႉ​ဢၼ်​သွမ်း​ၸိုင်၊ ႁဵတ်း​မႅတ်ႈ​တႃႇ​ဢေႃႈ။ မိူဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၸိုင်​ယိူၼ်ႉ​ၶၢမ်ႇ​ဢေႃႈ။-</verse>
				<verse number="13">မိူဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ်​သရေႇလူႉ​ၸိုင်​တွင်း​ပၢၼ်ႇ​ဢေႃႈ။ လႆႈ​ပဵၼ်​ၸိူဝ်ႉ​ၼင်ႇ​လွင်ႈ​တၢင်း​ဢၼ်​ၵူဝ်ႈ​ၵိူၵ်ႇ​ၵႃႈ​ၼႂ်း​လေႃးၵႃႉ​ၼႆႉ​ၼၼ်ႉ ဢိၵ်ႇ​တင်း​ၸိူဝ်ႉ​ၼင်ႇ​မုၼ်ႈ​ဢၼ်​ဢဝ်​ယူး​ပတ်း​ဢွၵ်ႇ​သေ​ၵႃႈ​ၼႂ်း ၵူႈ​တီႈ​ၵူႈ​လႅၼ်​ၼၼ်ႉ​ယူႇ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ဢေႃႈ။</verse>
				<verse number="14">ၵဝ်​တႅမ်ႈ​ၸိူဝ်ႉ​ၼင်ႇ​ၼႆ​ႁႂ်ႈ​သူ​ဢူၵ်း​ဢၢႆ​ဢမ်ႇ​ၸႂ်ႈ။ ၵဝ်​မၢတ်ႈ​သူ​ပဵၼ်​ၸိူဝ်ႉ​ၼင်ႇ​လုၵ်ႈ​ႁၵ်ႉ​ၵဝ်​လႄႈ ၵဝ်​ပၼ်​သတီႉ​ဢေႃႈ။-</verse>
				<verse number="15">ပိၵ်ႉ​သမ်ႉ​သူ​မီး​သြႃႇ​ဢၼ်​သွၼ်​ပၼ်​လွင်ႈ​ၸဝ်ႈ​ၶရိၸ်ႈ​မိုၼ်ႇ​ၼိုင်ႈ​သေ​ၵေႃႈ၊ သူ​ဢမ်ႇ​မီး​ပေႃႈ​ၼမ်​ၼႃႇ။ ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​လႄႈ ၵဝ်​ႁႂ်ႈ​သူ​ၵိူတ်ႇ​လဵင်ႉ​ပဵၼ်​မႃး​ၼႂ်း​ၸဝ်ႈ​ၶရိၸ်ႈ​ယဝ်ႉ။-</verse>
				<verse number="16">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​သူ​တၵ်း​ၵမ်​ၵျၢင်ႉ​ၸိူဝ်ႉ​ၼင်ႇ​ဢၼ်​ၵဝ်​ၵမ်​ၵျၢင်ႉ​ၼႆႉ​ၸိုင်၊ ၵဝ်​တိုၵ်း​ယူင်း​တွင်း​ပၢၼ်ႇ​သူ​ဢေႃႈ။</verse>
				<verse number="17">ၵွပ်ႈ​ပိူဝ်ႈ​လွင်ႈ​ၼႆႉ​လႄႈ​ၵဝ်​ပွႆႇ​ၸႂ်ႉ​ တီႉမေႃးသေႇ ​လုၵ်ႈ​ႁၵ်ႉ​ၵဝ်​ဢၼ်​မီး​သဵတ်ႈ​ၸႃႇ​ၼႂ်း​ၸဝ်ႈ​ၽြႃး​ၼၼ်ႉ​ၵႂႃႇ​တီႈ​သူ​ဢေႃႈ။ မၼ်း​တၵ်း​ႁႂ်ႈ​သူ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​တၢင်း​ၵမ်​တၢင်း​ၵျၢင်ႉ ဢၼ်​ၵဝ်​ၵမ်​ၵျၢင်ႉ​ၵႃႈ​ၼႂ်း​ၸဝ်ႈ​ၶရိၸ်ႈ​ၸွမ်း​ၵႃႈ​ၼင်ႇ​ဢၼ်​ၵဝ်​သင်ႇ​သွၼ် ၵူႈ​တီႈ​ၵူႈ​လႅၼ်​ၼႂ်း​ၸိူဝ်း​ၸဝ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="18">ၵွပ်ႈ​ပိူဝ်ႈ​ဢၼ်​ၵမ်ႈ​ၽွင်ႈ​ထၢင်ႇ​ၵဝ်​တၵ်း​ဢမ်ႇ​မႃး​တီႈ​သူ​ယဝ်ႉ​လႄႈ၊ ၶဝ်​မီး​မႃႇၼႃႉ​တၢင်း​ဢၼ်​ၸႂ်​သုင်​ယူႇ​ဢေႃႈ။-</verse>
				<verse number="19">ၵူၺ်း​ၵႃႈ​ပေႃး​ၸဝ်ႈ​ၽြႃး​မီး​ဢလူဝ်ႇ​ၸိုင်​ၵဝ်​တၵ်း​ၸဵဝ်း​မႃး​ဢေႃႈ။ မိူဝ်ႈ​ဢၼ်​မႃး​ၼၼ်ႉ​ၸိုင်၊ ၵဝ်​တၵ်း​ႁူႉ​ၸႅင်ႈ​ၵႂၢမ်း​ၶဝ်​ၸိူဝ်း​ဢၼ်​မႃႇၼႃႉ​ၸႂ်​သုင်​ၼၼ်ႉ​ဢမ်ႇ​ၸႂ်ႈ၊ ၵဝ်​တၵ်း​ႁူႉ​ၸႅင်ႈ​တၼ်း​ၶူဝ်း​ၶဝ်​ဢေႃႈ။-</verse>
				<verse number="20">လွင်ႈ​မၼ်း​ၸမ်ႉ မိူင်း​ၽြႃး​ပဵၼ်​ၸဝ်ႈ​တႄႇ​ပဵၼ်​ၼႂ်း​ၵႂၢမ်း​ဢမ်ႇ​ၸႂ်ႈ။ တႄႇ​ပဵၼ်​ၼႂ်း​တၼ်း​ၶူဝ်း​ဢေႃႈ။-</verse>
				<verse number="21">သူ​မီး​ဢလူဝ်ႇ​ၸိူဝ်ႉ​ၼင်ႇ​ႁိုဝ်။ ၵဝ်​တၵ်း​လႆႈ​ဢဝ်​တင်း​ၶွၼ်ႉ​ႁဵဝ်း​မႃး​ၵႃႈ​တီႈ​သူ​ႁိုဝ်။ ဢမ်ႇ​ၼၼ်​တၵ်း​လႆႈ​ဢဝ်​တင်း​မႅတ်ႈ​တႃႇ ဢိၵ်ႇ​တင်း​ၸႂ်​ဢၼ်​ၼိမ်​ၶျႃး​တႅမ်ႇ​မႃး​ႁိုဝ်။</verse>
			</chapter>
			<chapter number="5">
				<verse number="1">လွင်ႈ​ဢၼ်​ၵေႃႉ​ဢၼ်​ဢိင်​မေႇ​ထုင်ႇ​ဢၼ်​ဢမ်ႇ​တြႃး​ဢိတ်း​ဢီႈ​ၵူၺ်း​ဢမ်ႇ​ၸႂ်ႈ။ ဢိင်​မေႇ​ထုင်ႇ​ဢၼ်​ဢမ်ႇ​ၸၢင်ႈ​လႆႈ​ငိၼ်း​ၵႃႈ​ၼႂ်း​ၵူၼ်း​သႃႇသၼႃႇ​ပႃႉ​တင်း​လၢႆ ဢၼ်​ဝႃႈ​တၢင်း​ဢၼ်​သိမ်း​ဢဝ်​မေး​ပေႃႈ​တူဝ်​ၸဝ်ႈ​ၵဝ်ႇ​ၼၼ်ႉ မီး​ယူႇ​ၵႃႈ​ၼႂ်း​သူ​ၼၼ်ႉ​ၸိုင်​ၸွတ်ႇ​တူဝ်ႈ​ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="2">သူ​ၸိုင်​ႁဵတ်း​ၸႂ်​ဢၼ်​သုင်​ယူႇ​လႄႈ ယင်း​ဢမ်ႇ​မႆႈ​ၸႂ်​ၶီ​ၸႂ်​ၶၢင်း​ၶီ​ၶၢင်း​ၽၢၼ်​ႁႂ်ႈ​လႆႈ​ႁေႃႈ​ၵေႃႉ​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​ဢွၵ်ႇ​ပႅတ်ႈ​ၵႃႈ​ၼႂ်း​သူ​လူင်​ပႄႇ။-</verse>
				<verse number="3">ပိူဝ်ႈ​ၼႆ​ၸင်ႇ၊ ပိၵ်ႉ​သမ်ႉ​တူဝ်​ၶၼ်ႇ​ထႃႇ​ၵဝ်​ၽၢတ်ႇ​ယၢၼ်​ၵၼ်​တင်း​သူ​ယူႇ​သေ​ၵေႃႈ၊ ၸႂ်​ဝီႉၺိၺ်ႇ​ၵဝ်​ဢမ်ႇ​ၽၢတ်ႇ​ဢမ်ႇ​ယၢၼ်။ တေႃႈ​လဵဝ်​ၼႆႉ ၵဝ်​ၸီႇ​ယၢင်ႇ​ၵေႃႉ​ဢၼ်​ၵမ်​ၵျၢင်ႉ​ၸိူဝ်ႉ​ၼင်ႇ​ၼၼ်​ၼၼ်ႉ​မိူၼ်​ၸိူဝ်ႉ​ၼင်ႇ​ဢၼ်​ၵဝ်​မီး​ယူႇ​လူၺ်ႈ​ၵၼ်​တင်း​သူ​ၼၼ်ႉ​ယဝ်ႉ။-</verse>
				<verse number="4">တၢင်း​ဢၼ်​ၵဝ်​ၸီႇ​ယၢင်ႇ​ၸမ်ႉ၊ သူ​ဢိင်​ဢၶႂၢင်ႉ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​သေ​လႄႈ ၸူႉ​တုမ်​လူၺ်ႈ​ၵၼ်​တင်း​ဝီႉၺိၺ်ႇ​ၵဝ်​ယဝ်ႉ​ၸင်ႇ ဢိင်​တၼ်း​ၶူဝ်း​ၸဝ်ႈ​ႁဝ်း ယေႇသူႉ​ၶရိၸ်ႈ ​သေ​လႄႈ၊-</verse>
				<verse number="5">ဢဝ်​မၼ်း​ဢၢပ်ႈ​ပၼ်​ၼႂ်း​မိုဝ်း​ ၸႃႇတၢၼ်ႇ ပုၼ်ႈ​ဢၼ်​တူဝ်​ၶၼ်ႇ​ထႃႇ​မၼ်း​တၵ်း​လူႉ​ၵႂႃႇ ႁႂ်ႈ​ဝီႉၺိၺ်ႇ​မၼ်း​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ၼႂ်း​ဝၼ်း​ ယေႇသူႉ​ၶရိၸ်ႈ ​ပုၼ်ႉ​ၼၼ်ႉ​တႃႉ။</verse>
				<verse number="6">တၢင်း​ဢၼ်​သူ​ဢုပ်ႇ​ဝၢဝ်း​ၼၼ်ႉ​ၸိုင် ပဵၼ်​ဢၼ်​ဢမ်ႇ​လီ​ဢမ်ႇ​ထုၵ်ႇ​ဢေႃႈ။ သူ​ဢမ်ႇ​ႁူႉ​လွင်ႈ​ဢၼ်​ၸိူဝ်ႉ​ပႅင်ႈ​ဢိတ်း​ၼိုင်ႈ​ၵူၺ်း ၸၢင်ႈ​ႁႂ်ႈ​ၶဝ်ႈ​မုၼ်း​လိပ်း​တင်း​ၵွင်​ပွင်း​ၶိုၼ်ႈ​ၼၼ်ႉ​ႁိုဝ်။-</verse>
				<verse number="7">ၼင်ႇ​ႁိုဝ်​သူ​တၵ်း​ပဵၼ်​ၶဝ်ႈ​မုၼ်း​လိပ်း​ၵွင်​ၼိုင်ႈ​ဢၼ်​မႂ်ႇ​ၸိူဝ်ႉ​ၼင်ႇ​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၼၼ်ႉ​ၸိုင် ၽဵဝ်ႈ​ပႅတ်ႈ​ၸိူဝ်ႉ​ပႅင်ႈ​ဢၼ်​ၵဝ်ႇ​ၼၼ်ႉ​မူတ်း​မူတ်း​တႃႉ။ လွင်ႈ​မၼ်း​ၸမ်ႉ​ၸဝ်ႈ​ၶရိၸ်ႈ ဢၼ်​ဝႃႈ​သူဝ်း​ဢွၼ်ႇ​ပႃႉသၶႃႇ​ႁဝ်း​ၼၼ်ႉ ပဵၼ်​ယိတ်ႈ​တၢင်း​ဢၼ်​ပုၵ်ႈ​ၸေႃႇ​ပုၼ်ႈ​ႁဝ်း​ဢေႃႈ။-</verse>
				<verse number="8">ပိူဝ်ႈ​ၼႆ​လႄႈ ပႄႇ​ပႅတ်ႈ​ၸိူဝ်ႉ​ပႅင်ႈ​ဢၼ်​ၵဝ်ႇ ဢိၵ်ႇ​တင်း​ၸိူဝ်ႉ​ပႅင်ႈ​တၢင်း​ဢၼ်​ႁၢႆႉ​မိူၵ်ႈ၊ တၢင်း​ဢၼ်​ၵူဝ်ႈ​ၵိူၵ်ႇ​ၸိူဝ်း​ၼၼ်ႉ​သေ​လႄႈ ဢွၼ်​ၵၼ်​ဢဝ်​တင်း​ၶဝ်ႈ​မုၼ်း​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ ဢၼ်​ဝႃႈ​တၢင်း​ဢၼ်​ၶၢဝ်​ၸၢင်ႇ၊ တၢင်း​ဢၼ်​ပႂ်ႉ​သဵတ်ႈ​ၸႃႇ​ၼၼ်ႉ​ၶၢမ်ႇ​ပွႆး​တႃႉ​ႁဝ်း။</verse>
				<verse number="9">ၼင်ႇ​ႁိုဝ်​သူ​တၵ်း​ဢမ်ႇ​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ် တင်း​ၶဝ်​ၸိူဝ်း​ဢၼ်​ဢိင်​မေႇ​ထုင်ႇ​ဢၼ်​ဢမ်ႇ​တြႃး​ၼၼ်ႉ​ၸိုင်၊ ၵဝ်​ၸီႇ​ယၢင်ႇ​တႅမ်ႈ​ဝႆႉ​ၼႂ်း​လိၵ်ႈ​ဢေႃးဝႃႇတႃႉ​ၽိုၼ်​ဢွၼ်​တၢင်း​ၼၼ်ႉ​ယဝ်ႉ၊-</verse>
				<verse number="10">မိူဝ်ႈ​ဢၼ်​တႅမ်ႈ​ဝႃႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ တၵ်း​ဢမ်ႇ​လႆႈ​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​ၵူၼ်း​လေႃးၵီႇ ဢၼ်​ႁဵတ်း​တၢင်း​ဢၼ် ဢိင်​မေႇ​ထုင်ႇ​ဢၼ်​ဢမ်ႇ​တြႃး၊ တၢင်း​ဢၼ်​လေႃး​ၽႃႉ​ပူၼ်ႉ​လိူဝ်၊ တၢင်း​ဢၼ်​ႁဵတ်း​ပႄႉ​ႁဵတ်း​ၼႅင်ႇ​လႄႈ​ႁိမ်​ဢဝ်၊ တၢင်း​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ​ၸိူဝ်း​ၼၼ်ႉ​လႃး​လႃး​ဝႃႈ​ၼႆ​ၵဝ်​ဢမ်ႇ​ၶႂ်ႈ​ဝႃႈ၊ ပေႃး​ဝႃႈ​ၸိူဝ်ႉ​ၼင်ႇ​ၼၼ်​ၸိုင်၊ သူ​တၵ်း​လႆႈ​ဢွၵ်ႇ​သေ​ၵႃႈ​ၼႂ်း​လေႃးၵႃႉ​ၼႆႉ​ၵႂႃႇ​ဢေႃႈ။-</verse>
				<verse number="11">တေႃႈ​လဵဝ်​ၼႆႉ​ၸမ်ႉ၊ ပေႃး​ၵေႃႉ​ဢၼ်​လႆႈ​ႁွင်ႉ​ဝႃႈ​ပီႈ​ၼွင်ႉ​ၼၼ်ႉ​ႁဵတ်း​ၸႃႉ​ၸဵမ်​တၢင်း​ဢၼ်​ဢိင်​မေႇ​ထုင်ႇ​ဢၼ်​ဢမ်ႇ​တြႃး၊ တၢင်း​ဢၼ်​လေႃး​ၽႃႉ​ပူၼ်ႉ​လိူဝ်၊ တၢင်း​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ၊ တၢင်း​ဢၼ်​ၸၢင်ႈ​လႃႇ​ၸၢင်ႈ​လင်၊ တၢင်း​ဢၼ်​ၵိၼ်​လဝ်ႈ​မဝ်း​ၵမ်၊ တၢင်း​ဢၼ်​ႁဵတ်း​ပႄႉ​ႁဵတ်း​ၼႅင်ႇ​လႄႈ​ႁိမ်​ဢဝ်​ၸိူဝ်း​ၼၼ်ႉ​ၸိုင် သူ​ဢမ်ႇ​လႆႈ​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​မၼ်း​ဢမ်ႇ​ၵႃး၊ တၢင်း​ဢၼ်​ၵိၼ်​ဢၼ်​ၶူပ်း​လူၺ်ႈ​ၵၼ်​တင်း​မၼ်း​ၵေႃႈ​သူ​ဢမ်ႇ​လႆႈ​ႁဵတ်း​ဝႃႈ​ၼႆ ၵဝ်​တႅမ်ႈ​ပၼ်​ဢေႃႈ။</verse>
				<verse number="12">ၵဝ်​ၸၢပ်ႈ​သႅင်ႇ​ၵၼ်​တင်း​ဢမူႉ​တၢင်း​ဢၼ်​ၸီႇ​ယၢင်ႇ​ၵူၼ်း​ၵႃႈ​ၼွၵ်ႈ​တင်း​လၢႆ​ၸိူဝ်ႉ​ၼင်ႇ​ႁိုဝ်။ သူ​လႆႈ​ၸီႇ​ယၢင်ႇ​ၵူၼ်း​ၵႃႈ​ၼႂ်း​တင်း​လၢႆ​ယူႇ​ဢမ်ႇ​ၸႂ်ႈ​ႁိုဝ်။ ၵူၼ်း​ၵႃႈ​ၼွၵ်ႈ​ၸိူဝ်း​ၼၼ်ႉ​ၸိုင်၊</verse>
				<verse number="13">ၽြႃး​ပဵၼ်​ၸဝ်ႈ​တၵ်း​ၸီႇ​ယၢင်ႇ​ဢေႃႈ။ ပိူဝ်ႈ​ၼႆ​လႄႈ ႁေႃႈ​ၵူၼ်း​ႁၢႆႉ​ၵူၼ်း​မိူၵ်ႈ​ၼၼ်ႉ​ဢွၵ်ႇ​ပႅတ်ႈ​သေ​ၵႃႈ​ၼႂ်း​သူ​တႃႉ။</verse>
			</chapter>
			<chapter number="6">
				<verse number="1">ပေႃး​သူ​ၼင်ႇ​ၵၼ်​ၵၼ်​မီး​ဢမူႉ​တီႈ​ၵၼ်​ၸိုင်၊ ၵေႃႉ​ဢၼ်​ယင်း​ဢမ်ႇ​ၶၢမ်ႇ​တၢင်း​ဢၼ်​ၸီႇ​ယၢင်ႇ​တြႃး​ၵႃႈ​တီႈ​ၽၢႆႇ​ၼႃႈ​ၵူၼ်း​မူတ်း​ၸၢင်ႇ​တင်း​လၢႆ​လႄႈ ႁတ်း​ၶၢမ်ႇ​ၵႃႈ​တီႈ​ၽၢႆႇ​ၼႃႈ​ၵူၼ်း​သႃႇသၼႃႇပႃႉ​တင်း​လၢႆ​ၼၼ်ႉ မီး​သေ​ၵေႃႉ​သေ​ၵူၼ်း​ႁိုဝ်။-</verse>
				<verse number="2">သူ​ဢမ်ႇ​ႁူႉ​လွင်ႈ​ဢၼ်​ၵူၼ်း​မူတ်း​ၸၢင်ႇ​တင်း​လၢႆ တၵ်း​ၸီႇ​ယၢင်ႇ​တြႃး​တီႈ​မိူင်း​လေႃးၵီႇ​ႁိုဝ်။ ပေႃး​သူ​တၵ်း​ၸီႇ​ယၢင်ႇ​မိူင်း​လေႃးၵီႇ​ၸိုင်၊ သူ​ဢမ်ႇ​ထိူၵ်ႈ​ၸီႇ​ယၢင်ႇ​ဢမူႉ​ဢၼ်​လဵၵ်ႉ​သေ​ပိူၼ်ႈ​ၸိူဝ်း​ၼၼ်ႉ​ႁိုဝ်။-</verse>
				<verse number="3">သူ​ဢမ်ႇ​ႁူႉ​လွင်ႈ​ဢၼ်​ႁဝ်း​တၵ်း​ၸီႇ​ယၢင်ႇ​တြႃး တီႈ​တမၢၼ်ႇ​ၵၢင်​ႁၢဝ်​တင်း​လၢႆ​ႁိုဝ်။ ၵွပ်ႈ​ႁွႆး​ၼႆႉ​လႄႈ ထိူၵ်ႈ​ၸီႇ​ယၢင်ႇ​ဢမူႉ​ဢၼ်​ၸၢပ်ႈ​သႅင်ႇ​ၵၼ်​တင်း​ဢသၢၵ်ႈ​ၼႆႉ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="4">ပိူဝ်ႈ​ၼႆ​လႄႈ ပေႃး​သူ​မီး​လွင်ႈ​တၢင်း​ဢၼ်​တၵ်း​ၸီႇ​ယၢင်ႇ​ဢမူႉ​ဢၼ်​ၸၢပ်ႈ​သႅင်ႇ​ၵၼ်​တင်း​ဢသၢၵ်ႈ​ၼႆႉ​ၼၼ်ႉ​ၸိုင် ဢဝ်​ၶဝ်​ၸိူဝ်း​ဢၼ်​ဢမ်ႇ​ပေႃး​မီး​သရေႇ​ၼၼ်ႉ ၶၢၼ်း​ဝႆႉ​ၼႂ်း​ဢရႃႇ​ၵေႃႉ​ဢၼ်​တၵ်း​ၸီႇ​ယၢင်ႇ​တြႃး​တႃႉ။</verse>
				<verse number="5">မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ ၵဝ်​လၢတ်ႈ​ႁႂ်ႈ​သူ​ဢူၵ်း​ဢၢႆ​ဢေႃႈ။ ၼႂ်း​သူ​ၼၼ်ႉ​ဢမ်ႇ​မီး​ၵေႃႉ​ဢၼ်​မီး​ပိင်ႇ​ၺႃႇ​သေ​ၵေႃႉ​သေ​ၵူၼ်း​ႁိုဝ်။ ဢမ်ႇ​မီး​ၵေႃႉ​ဢၼ်​ၸီႇ​ယၢင်ႇ​ၽေႇ​ၽျၢၼ်ႇ​ဢမူႉ​ပီႈ​ၼွင်ႉ ၼင်ႇ​ၵၼ်​ၵၼ်​လႆႈ​ၼၼ်ႉ​သေ​ၵေႃႉ​သေ​ၵူၼ်း​ႁိုဝ်။-</verse>
				<verse number="6">ပီႈ​ၼွင်ႉ​ၼင်ႇ​ၵၼ်​ၵၼ်​ႁဵတ်း​ဢမူႉ​တီႈ​ၵၼ်​ဢမ်ႇ​ၵႃး၊ ႁဵတ်း​ဢမူႉ​တီႈ​ၵၼ်​ၵႃႈ​တီႈ​ၽၢႆႇ​ၼႃႈ​ၶဝ်​ၸိူဝ်း​ဢၼ်​ဢမ်ႇ​ယုမ်ႇ​ၼၼ်ႉ​လူင်​ပႄႇ။-</verse>
				<verse number="7">ၼင်ႇ​ၼၼ်​လႄႈ သူ​မီး​ဢပႅတ်ႈ​ဢၼ်​ယႂ်ႇ​ၼႃႇ​ၼႂ်း​လွင်ႈ​တၢင်း​ဢၼ် သူ​ၼင်ႇ​ၵၼ်​ၵၼ်​ႁဵတ်း​ဢမူႉ​တီႈ​ၵၼ်​ၼၼ်ႉ​ဢေႃႈ။ ယင်း​ဢမ်ႇ​ႁဵတ်း​ဢမူႉ​လႄႈ​ႁဵတ်း​သင်​သူ​ဢမ်ႇ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​လႄႈ​ယူႇ​ၼင်ႇ​ႁိုဝ်။ ႁဵတ်း​သင်​လႄႈ​သူ​ဢမ်ႇ​ၶၢမ်ႇ​တၢင်း​ဢၼ်​ဢုၵ်ႉ​ၸႃႇ​တူဝ်​ၸဝ်ႈ​ၵဝ်ႇ​သုမ်း​ၼင်ႇ​ႁိုဝ်။-</verse>
				<verse number="8">ပိူဝ်ႈ​ဢၼ်​သူ​ဢမ်ႇ​ၶၢမ်ႇ​ၸိူဝ်ႉ​ၼင်ႇ​ၼၼ်​လႄႈ ပီႈ​ၼွင်ႉ​ၵၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼိၵ်ႈ​ၸၢၵ်ႈ​ငႅၼ်း​သႄး​ၵၼ်​လႄႈ ႁိမ်​ဢဝ်​ဢုၵ်ႉ​ၸႃႇ​ပီႈ​ၼွင်ႉ​ၵၼ်​လူင်​ပႄႇ။-</verse>
				<verse number="9">သူ​ဢမ်ႇ​ႁူႉ​လွင်ႈ​ဢၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၵ်း​ဢမ်ႇ​လႆႈ​ၶၢမ်ႇ​ဢမူၺ်ႇ​မိူင်း​ၽြႃး​ပဵၼ်​ၸဝ်ႈ​ၼၼ်ႉ​ႁိုဝ်။ ယႃႇ​ပေ​ဢဝ်​ၽိတ်း​ဢဝ်​ပိူင်ႈ။ ၵေႃႉ​ဢၼ်​ဢိင်​မေႇ​ထုင်ႇ​ဢၼ်​ဢမ်ႇ​တြႃး​လႂ်၊ ၵေႃႉ​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ​လႂ်၊ ၵေႃႉ​ဢၼ်​ၽိတ်း​ပိူင်ႈ​မေး​ပိူၼ်ႈ​လႂ်၊ ၵေႃႉ​ဢၼ်​ႁဵတ်း​မေႇ​ထုင်ႇ​ၽူႈ​ၸၢႆး​ၼင်ႇ​ၵၼ်​လႂ်၊ ၵေႃႉ​ဢၼ်​ၶၢမ်ႇ​ဢဝ်​ဢမူႉ​ၼၼ်ႉ​လႂ်၊-</verse>
				<verse number="10">ၵေႃႉ​ဢၼ်​လၵ်ႉ​ဢဝ်​ဢုၵ်ႉ​ၸႃႇ​ပိူၼ်ႈ​လႂ်၊ ၵေႃႉ​ဢၼ်​လေႃး​ၽႃႉ​ပူၼ်ႉ​လိူဝ်​လႂ်၊ ၵေႃႉ​ဢၼ်​ၵိၼ်​လဝ်ႈ​လႄႈ​မဝ်း​လႂ်၊ ၵေႃႉ​ဢၼ်​ၸၢင်ႈ​လႃႇ​ၸၢင်ႈ​လင်​လႂ်၊ ၵေႃႉ​ဢၼ်​ႁဵတ်း​ပႄႉ​ႁဵတ်း​ၼႅင်ႇ​လႄႈ​ႁိမ်​ဢဝ်​လႂ်​ၸိူဝ်း​ၼၼ်ႉ တၵ်း​ဢမ်ႇ​လႆႈ​ၶၢမ်ႇ​ဢမူၺ်ႇ​မိူင်း​ၽြႃး​ပဵၼ်​ၸဝ်ႈ​ၵူၺ်ႉ။</verse>
				<verse number="11">မိူဝ်ႈ​ဢွၼ်​ၼႆႉ​ၼၼ်ႉ ပိၵ်ႉ​သမ်ႉ​ၼႂ်း​သူ​ၵမ်ႈ​ၽွင်ႈ​ပဵၼ်​ၵူၼ်း​ၸိူဝ်ႉ​ၼင်ႇ​ၼၼ်​ယူႇ​သေ​ၵေႃႈ၊ တေႃႈ​လဵဝ်​ၼႆႉ​သူ​လႆႈ​ႁွတ်ႈ​ထိုင်​တီႈ​ဢၼ်​သုၵ်ႈ​ပွတ်ႈ​မူတ်း​ၸၢင်ႇ​လႄႈ​သိုဝ်ႈ​တေႃႇ​ၼႂ်း​ၼႃႇ​မႃႉ​ၸိုဝ်ႈ​သဵင် ၸဝ်ႈ​ ယေႇသူႉ ဢိၵ်ႇ​တင်း​ၼႂ်း​ဝီႉၺိၺ်ႇ​ၽြႃး​ပဵၼ်​ၸဝ်ႈ​ႁဝ်း​ၼၼ်ႉ​ယဝ်ႉ။</verse>
				<verse number="12">ၵဝ်​ယင်း​ဢမ်ႇ​ထုၵ်ႇ​ဢပႅတ်ႈ​လႄႈ ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​လႆႈ​ဢေႃႈ။ ၵဝ်​ထုၵ်ႇ​လီ​ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ဢမ်ႇ​ၸႂ်ႈ။ ၵဝ်​ယင်း​ဢမ်ႇ​ထုၵ်ႇ​ဢပႅတ်ႈ​လႄႈ ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​လႆႈ​ဢေႃႈ။ ၵူၺ်း​ၵႃႈ တီႈ​လွင်ႈ​တၢင်း​ဢၼ်​လႂ်​သေ​ဢမ်ႇ​ဝႃႈ၊ ၵဝ်​ဢမ်ႇ​ၶၢမ်ႇ​ႁဵတ်း​ၶႃႈ။-</verse>
				<verse number="13">တၢင်း​ၵိၼ်​တၢင်း​ၶူပ်း​ၸိုင်​ပဵၼ်​ပုၼ်ႈ​တွင်ႉ​ဢေႃႈ။ တွင်ႉ​ၵေႃႈ​ပဵၼ်​ပုၼ်ႈ​တၢင်း​ၵိၼ်​တၢင်း​ၶူပ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ။ ၽြႃး​ပဵၼ်​ၸဝ်ႈ​တၵ်း​ယႃႉ​ပႅတ်ႈ​တင်း​သွင်​ၸိူဝ်ႉ​သွင်​ပိူင်​ဢေႃႈ။ တူဝ်​ၶၼ်ႇ​ထႃႇ​ၸိုင်​ပဵၼ်​ပုၼ်ႈ​မေႇ​ထုင်ႇ​ဢၼ်​ဢမ်ႇ​တြႃး​ဢမ်ႇ​ၸႂ်ႈ။ ပဵၼ်​ပုၼ်ႈ​ၸဝ်ႈ​ၽြႃး​ဢေႃႈ။ ၸဝ်ႈ​ၽြႃး​ၵေႃႈ​ပဵၼ်​ပုၼ်ႈ​တူဝ်​ၶၼ်ႇ​ထႃႇ​ဢေႃႈ။-</verse>
				<verse number="14">ၽြႃး​ပဵၼ်​ၸဝ်ႈ​ႁႂ်ႈ​ၸဝ်ႈ​ၽြႃး​လုၵ်ႉ​ၶိုၼ်း​လႄႈ ႁဝ်း​ၵေႃႈ​မၼ်း​ၸဝ်ႈ​တၵ်း​ႁႂ်ႈ​လုၵ်ႉ​ၶိုၼ်း​ၵွပ်ႈ​ပိူဝ်ႈ​တၼ်း​ၶူဝ်း​ၸဝ်ႈ​ဢေႃႈ။</verse>
				<verse number="15">သူ​ဢမ်ႇ​ႁူႉ​လွင်ႈ​ဢၼ်​တူဝ်​ၶၼ်ႇ​ထႃႇ​သူ​ပဵၼ်​ဢၢင်ႇ​ၵႃႇ​ၸဝ်ႈ​ၶရိၸ်ႈ​ၼၼ်ႉ​ႁိုဝ်။ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်​ၵဝ်​လီ​ဢဝ်​ဢၢင်ႇ​ၵႃႇ​ၸဝ်ႈ​ၶရိၸ်ႈ​လႄႈ ႁႂ်ႈ​ပဵၼ်​ဢၢင်ႇ​ၵႃႇ​မႄႈ​မွၵ်ႇ​ယႃႈ​ႁိုဝ်။ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။-</verse>
				<verse number="16">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​ဢမ်ႇ​ႁူႉ​လွင်ႈ​ဢၼ်​ၵေႃႉ​ဢၼ်​ဢိင်​မႄႈ​မွၵ်ႇ​ယႃႈ​ၼၼ်ႉ ပဵၼ်​ၼိူဝ်ႉ​ဢၼ်​လဵဝ်​ၵၼ်​တူဝ်​ဢၼ်​လဵဝ်​ၵၼ်​တင်း​မႄႈ​မွၵ်ႇ​ယႃႈ​ၼၼ်ႉ​ႁိုဝ်။ မၼ်း​ၸဝ်ႈ​ဝႃႈ​ၶဝ်​သွင်​ၵေႃႉ​ၼၼ်ႉ​တၵ်း​လႆႈ​ပဵၼ်​ၼိူဝ်ႉ​ဢၼ်​လဵဝ်​ၵၼ်​တူဝ်​ဢၼ်​လဵဝ်​ၵၼ်၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="17">ၵေႃႉ​ဢၼ်​ၸပ်း​ယူႇ​တီႈ​ၸဝ်ႈ​ၽြႃး​ၼၼ်ႉ​ပဵၼ်​ၸႂ်​ဢၼ်​လဵဝ်​ၵၼ်​ဝီႉၺိၺ်ႇ​ဢၼ်​လဵဝ်​ၵၼ်​တင်း​ၸဝ်ႈ​ၼၼ်ႉ​ဢေႃႈ။-</verse>
				<verse number="18">ဝႄႈ​ပႅတ်ႈ​မေႇ​ထုင်ႇ​ဢၼ်​ဢမ်ႇ​တြႃး​တႃႉ။ တူႉ​ၸရိူၵ်ႈ​ဢပႅတ်ႈ​တၢင်ႇ​ၸိူဝ်ႉ​တၢင်ႇ​ဢၼ် ဢၼ်​ၵူၼ်း​ၸၢင်ႈ​ႁဵတ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင်​မီး​ၽၢႆႇ​ၼွၵ်ႈ​ၵူၼ်း​ဢေႃႈ။ ၵေႃႉ​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ၽိတ်း​ပိူင်ႈ​တူဝ်​ၶၼ်ႇ​ထႃႇ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="19">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​ဢမ်ႇ​ႁူႉ​လွင်ႈ​ဢၼ်​တူဝ်​ၶၼ်ႇ​ထႃႇ​သူ ပဵၼ်​ပိၵ်ႈ​မၢၼ်ႇ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢၼ်​ၵိင်း​ဝၢပ်ႈ​ယူႇ​ၵႃႈ​ၼႂ်း​သူ ဢၼ်​ၽြႃး​ပဵၼ်​ၸဝ်ႈ​ဢဵတ်း​လူ​ပၼ်​တီႈ​သူ ဢိၵ်ႇ​တင်း​လွင်ႈ​ဢၼ်​တူဝ်​ၸဝ်ႈ​ၵဝ်ႇ ဢမ်ႇ​ပိူင်ႇ​တူဝ်​ၸဝ်ႈ​ၵဝ်ႇ​ၼၼ်ႉ​ႁိုဝ်။-</verse>
				<verse number="20">ပိူဝ်ႈ​ဢၼ်​သူ​ပဵၼ်​ၵေႃႉ​ဢၼ်​မၼ်း​ၸဝ်ႈ​ဢဝ်​တင်း​ၵႃႈ​မၼ်း​ၶၼ်​မၼ်း​သိုဝ်ႉ​ဢဝ်​လႄႈ ဢဝ်​တင်း​တူဝ်​ၶၼ်ႇ​ထႃႇ​သူ​ႁႂ်ႈ​မုၼ်​ၽုင်း​ၽြႃး​ပဵၼ်​ၸဝ်ႈ​ထၢင်ႇ​သႃး​သေ​ၵမ်း​တႃႉ။</verse>
			</chapter>
			<chapter number="7">
				<verse number="1">လွင်ႈ​တၢင်း​ဢၼ်​ပႃး​ၼႂ်း​လိၵ်ႈ​ဢၼ်​သူ​တႅမ်ႈ​ပၼ်​မႃး​တီႈ​ၵဝ်​ၼၼ်ႉ​ၸမ်ႉ၊ ပေႃး​ၵူၼ်း​ၸၢႆး​ယင်း​ဢမ်ႇ​သိူၵ်ႈ​သမ်ႇ​ၵၼ်​တင်း​ၵူၼ်း​ယိင်း​လႄႈ​ယူႇ​ၸိုင်​လီ​ဢေႃႈ။-</verse>
				<verse number="2">ၼႂ်း​ဝႃႈ​ၼၼ်​သေ​ၵေႃႈ ၼင်ႇ​ႁိုဝ်​တၵ်း​ၵၢင်း​လွတ်ႈ​တၢင်း​မေႇ​ထုင်ႇ​ဢၼ်​ဢမ်ႇ​တြႃး​ၸိုင်၊ ႁႂ်ႈ​ၵူၼ်း​ၸၢႆး​ၵူႈ​ၵေႃႉ​မီး​မေး​တူဝ်​ၸဝ်ႈ​ၵဝ်ႇ​တႃႉ။ ႁႂ်ႈ​ၵူၼ်း​ယိင်း​ၵူႈ​ၵေႃႉ​မီး​ၽူဝ်​တူဝ်​ၸဝ်ႈ​ၵဝ်ႇ​တႃႉ။-</verse>
				<verse number="3">ႁႂ်ႈ​ၵူၼ်း​ၸၢႆး​ႁဵတ်း​ဝၢတ်ႈ​တၢင်း​ဢၼ်​သိူၵ်ႈ​သမ်ႇ​ၵၼ်​ၵႃႈ​တီႈ​မေး​တူဝ်​ၸဝ်ႈ​ၵဝ်ႇ​တႃႉ။ မိူၼ်​ၼင်ႇ​ၼၼ် ႁႂ်ႈ​ၵူၼ်း​ယိင်း​ႁဵတ်း​ဝၢတ်ႈ​တၢင်း​ဢၼ်​သိူၵ်ႈ​သမ်ႇ​ၵၼ်​ၵႃႈ​တီႈ​ၽူဝ်​တူဝ်​ၸဝ်ႈ​ၵဝ်ႇ​တႃႉ။-</verse>
				<verse number="4">ၵူၼ်း​ယိင်း​ၸိုင်​ဢမ်ႇ​ပိူင်ႇ​တူဝ်​ၶၼ်ႇ​ထႃႇ​တူဝ်​ၸဝ်ႈ​ၵဝ်ႇ။ ၽူဝ်​မၼ်း​ပိူင်ႇ​ဢေႃႈ။ မိူၼ်​ၼင်ႇ​ၼၼ် ၵူၼ်း​ၸၢႆး​ၵေႃႈ​ဢမ်ႇ​ပိူင်ႇ​တူဝ်​ၶၼ်ႇ​ထႃႇ​တူဝ်​ၸဝ်ႈ​ၵဝ်ႇ။ မေး​မၼ်း​ပိူင်ႇ​ဢေႃႈ။-</verse>
				<verse number="5">ၼွၵ်ႈ​သေ​တၢင်း​ဢၼ်​သၽေႃး​မိူၼ်​ၵၼ်​သေ​ၵႅပ်ႈ​သေ​ၸူဝ်ႈ​ႁႂ်ႈ​လႆႈ​ႁဵတ်း​ဝၢတ်ႈ​သူး​တွင်း​ပထၼႃႇ​ၼၼ်ႉ​ၵူၺ်း ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ယႃႇ​ပေ​ဝႄႈ​ပႅတ်ႈ​ဝၢတ်ႈ​ၽူဝ်​ဝၢတ်ႈ​မေး​တီႈ​ၵၼ်။ ပေႃး​ဝႄႈ​ပႅတ်ႈ​ၸိူဝ်ႉ​ၼင်ႇ​ၼၼ်​ယဝ်ႉ၊ ၼင်ႇ​ႁိုဝ်​ ၸႃႇတၢၼ်ႇ ​တၵ်း​ဢမ်ႇ​မီး​ဢၶႂၢင်ႉ​ဢၼ်​လႆႈ​ၸူဝ်း​ၵႂႃႇ​ၸူဝ်း​ပႆ​ၵႃႈ​ၼႂ်း​ဢပႅတ်ႈ​ၵွပ်ႈ​ပိူဝ်ႈ​ဢၼ်​သူ​ဢမ်ႇ​ၶျုၵ်ႈ​တူဝ်​ၸဝ်ႈ​ၵဝ်ႇ​လႆႈ​ၼၼ်ႉ​ၸိုင်၊ သမ်ႉ​ၶိုၼ်း​ယူႇ​လူၺ်ႈ​ၵၼ်​တႃႉ။</verse>
				<verse number="6">ၼႂ်း​ဝႃႈ​ၼၼ်​သေ​ၵေႃႈ ၸွမ်း​လူၺ်ႈ​တၢင်း​ဢၼ်​ယင်း​ဢမ်ႇ​ဝႆႉ​ပိင်း​ၺၢပ်ႈ​လႄႈ ပၼ်​ဢၶႂၢင်ႉ​ၵူၺ်း​ၼၼ်ႉ၊ ၵဝ်​ၸင်ႇ​ဝႃႈ​ဢေႃႈ။-</verse>
				<verse number="7">ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​ၵူၼ်း​တင်း​သဵင်ႈ​တင်း​လူင်​မိူၼ်​ၸိူဝ်ႉ​ၼင်ႇ​ၵဝ်​ၼႆႉ​ဢေႃႈ။ ၵူၺ်း​ၵႃႈ​ၵူၼ်း​ၵူႈ​ၵေႃႉ​ႁင်း​ၽႂ်​ႁင်း​မၼ်း​လႆႈ​ၶၢမ်ႇ​ဢဝ်​သူႉ​ၵျေး​ၸူး​ဢၼ်​ၽြႃး​ပဵၼ်​ၸဝ်ႈ​ဢဵတ်း​လူ​ပၼ်​ၼၼ်ႉ ယေႈ​ၵေႃႉ​ယေႈ​ၸိူဝ်း​ယေႈ​ၵေႃႉ​ယေႈ​မဵဝ်း​ဢေႃႈ။-</verse>
				<verse number="8">ပိူဝ်ႈ​ၼႆ​လႄႈ​ၵဝ်​ဝႃႈ​တီႈ​ၶဝ်​ၸိူဝ်း​ဢၼ်​ဢမ်ႇ​မီး​မေး ဢိၵ်ႇ​တင်း​မႄႈ​မူၵ်း​မႄႈ​မၢႆႈ​တင်း​လၢႆ​ၸမ်ႉ၊ ပေႃး​ၶဝ်​ၼၼ်ႉ​ယူႇ​မိူၼ်​ၸိူဝ်ႉ​ၼင်ႇ​ၵဝ်​ၸိုင်​လီ​ဢေႃႈ။-</verse>
				<verse number="9">ၼႂ်း​ဝႃႈ​ၼၼ်​သေ​ၵေႃႈ ပေႃး​ၶဝ်​ဢမ်ႇ​ၶျုၵ်ႈ​ၵႃႇမၵုင်ႇ​လႆႈ​ၸိုင် ႁႂ်ႈ​သွင်ႇ​မင်ႇၵလႃႇ​ဢဝ်​ၵၼ်​သေ​တႃႉ။ တၢင်း​ဢၼ်​ဢဝ်​ၵၼ်​ၼၼ်ႉ​လီ​သေ​တၢင်း​ဢၼ်​ၸႂ်​ၵီႉလေႇသႃႇ​မႆႈ​ၼႃႇ​လႄႈ​ယူႇ​ၼၼ်ႉ​ဢေႃႈ။</verse>
				<verse number="10">တီႈ​ၶဝ်​ၸိူဝ်း​ဢၼ်​မီး​ၽူဝ်​မီး​မေး​ၼၼ်ႉ​ၵဝ်​ပိင်း​ၺၢပ်ႈ​ဢမ်ႇ​ၸႂ်ႈ။ ၸဝ်ႈ​ၽြႃး​ပိင်း​ၺၢပ်ႈ​ဝႆႉ​ၸမ်ႉ၊ ယႃႇ​ပေ​ႁႂ်ႈ​မေး​ၽၢတ်ႇ​ယၢၼ်​ၵၼ်​တင်း​ၽူဝ်​တူဝ်​ၸဝ်ႈ​ၵဝ်ႇ။-</verse>
				<verse number="11">ပေႃး​ၽၢတ်ႇ​ယၢၼ်​ၸိုင်၊ ယင်း​ဢမ်ႇ​ဢဝ်​ၽူဝ်​လႄႈ​ႁႂ်ႈ​ယူႇ​ၵူၺ်း​မၼ်း​တႃႉ။ ဢမ်ႇ​ၼၼ်​ၵေႃႈ​ႁႂ်ႈ​မၼ်း​ၶိုၼ်း​မႃး​တီႈ​ၽူဝ်​မၼ်း​သေ​လႄႈ​ယူႇ​ထုၵ်ႇ​ထုၵ်ႇ​ၵၼ်​တႃႉ။ ၵူၼ်း​ၸၢႆး​ၵေႃႈ​ယႃႇ​ပေ​ႁႂ်ႈ​ပႅတ်ႈ​မေး​တူဝ်​ၸဝ်ႈ​ၵဝ်ႇ။</verse>
				<verse number="12">တီႈ​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ၸိုင်​တူဝ်​ၸဝ်ႈ​ၽြႃး​ယင်း​ဢမ်ႇ​ပိင်း​ၺၢပ်ႈ​လႄႈ ၵဝ်​ပိင်း​ၺၢပ်ႈ​ၸမ်ႉ၊ ပေႃး​ပီႈ​ၼွင်ႉ​သေ​ၵေႃႉ​သေ​ၵူၼ်း မီး​မေး​ဢၼ်​ဢမ်ႇ​မီး​တၢင်း​ဢၼ်​ယုမ်ႇ​မၢတ်ႈ​လႄႈ မေး​ၼၼ်ႉ​မီး​ဢလူဝ်ႇ​ၶႂ်ႈ​ယူႇ​လူၺ်ႈ​ၵၼ်​တင်း​ၽူဝ်​မၼ်း​ယူႇ​ၸိုင်​ယႃႇ​ပေ​ႁႂ်ႈ​ပႅတ်ႈ။-</verse>
				<verse number="13">မိူၼ်​ၼင်ႇ​ၼၼ် မႄႈ​ယိင်း​ၵေႃႈ၊ ပေႃး​မီး​ၽူဝ်​ဢၼ်​ဢမ်ႇ​မီး​တၢင်း​ဢၼ်​ယုမ်ႇ​မၢတ်ႈ​လႄႈ​ၽူဝ်​ၼၼ်ႉ​မီး​ဢလူဝ်ႇ​ၶႂ်ႈ​ယူႇ​လူၺ်ႈ​ၵၼ်​တင်း​မေး​မၼ်း​ယူႇ​ၸိုင်၊ ယႃႇ​ပေ​ႁႂ်ႈ​ပႅတ်ႈ။-</verse>
				<verse number="14">လွင်ႈ​မၼ်း​ၸမ်ႉ ၽူဝ်​ဢၼ်​ဢမ်ႇ​မီး​တၢင်း​ဢၼ်​ယုမ်ႇ​မၢတ်ႈ​ၼၼ်ႉ​မူတ်း​ၸၢင်ႇ​ၼႂ်း​မေး​ၼၼ်ႉ​ယူႇ​ဢေႃႈ။ မေး​ဢၼ်​ဢမ်ႇ​မီး​တၢင်း​ဢၼ်​ယုမ်ႇ​မၢတ်ႈ​ၼၼ်ႉ​ၵေႃႈ​မူတ်း​ၸၢင်ႇ​ၼႂ်း​ၽူဝ်​မၼ်း​ၼၼ်ႉ​ယူႇ​ဢေႃႈ။ ပေႃး​ဢမ်ႇ​ၼၼ်​ၸိုင် လုၵ်ႈ​လၢၼ်​သူ​တၵ်း​ဢမ်ႇ​မူတ်း​ၸၢင်ႇ။ တေႃႈ​လဵဝ်​ၼႆႉ​ၸိုင်​ၶဝ်​မူတ်း​ၸၢင်ႇ​ယူႇ​ဢေႃႈ။</verse>
				<verse number="15">ၵူၺ်း​ၵႃႈ​ပေႃး​ၵေႃႉ​ဢၼ်​ဢမ်ႇ​မီး​တၢင်း​ဢၼ်​ယုမ်ႇ​မၢတ်ႈ​ၼၼ်ႉ​ၶႂ်ႈ​ၽၢတ်ႇ​ၵႂႃႇ​ၸိုင်​ႁႂ်ႈ​ၽၢတ်ႇ​ၵႂႃႇ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ပီႈ​ၼွင်ႉ​ၼၼ်ႉ​ပဵၼ်​ၽူႈ​ၸၢႆး​သေ​ဢမ်ႇ​ဝႃႈ၊ ပဵၼ်​ၽူႈ​ယိင်း​သေ​ဢမ်ႇ​ဝႃႈ၊ ဢမ်ႇ​မီး​တၢင်း​ဢၼ်​မတ်ႉ​ၽုၵ်ႇ​ဝႆႉ​ယဝ်ႉ။ ၼင်ႇ​ႁိုဝ်​ႁဝ်း​တၵ်း​ယူႇ​ထုၵ်ႇ​ထုၵ်ႇ​ၵၼ်​ၸိုင်​ၽြႃး​ပဵၼ်​ၸဝ်ႈ​ႁွင်ႉ​ဢဝ်​ႁဝ်း​ဝႆႉ​ယဝ်ႉ။-</verse>
				<verse number="16">ၽူႈ​ယိင်း​ဢိူၺ်း၊ မႂ်း​တၵ်း​ၵႄႇ​ၶျွတ်ႈ​ဢဝ်​ၽူဝ်​မႂ်း​ႁိုဝ်။ ဢမ်ႇ​ၵႄႇ​ၶျွတ်ႈ​ဢဝ်​ႁိုဝ်​ဝႃႈ​ၼႆ၊ ႁဵတ်း​ၸိူဝ်ႉ​ၼင်ႇ​ႁိုဝ်​တၵ်း​ႁူႉ။ ၽူႈ​ၸၢႆး​ဢိူၺ်း၊ မႂ်း​တၵ်း​ၵႄႇ​ၶျွတ်ႈ​ဢဝ်​မေး​ၸဝ်ႈ​ၵဝ်ႇ​ႁိုဝ်။ ဢမ်ႇ​ၵႄႇ​ၶျွတ်ႈ​ဢဝ်​ႁိုဝ်​ဝႃႈ​ၼႆ၊ ႁဵတ်း​ၸိူဝ်ႉ​ၼင်ႇ​ႁိုဝ်​တၵ်း​ႁူႉ။</verse>
				<verse number="17">ၵႃႈ​ၼင်ႇ​ဢၼ်​ၸဝ်ႈ​ၽြႃး​မႅင်ႇ​ပၼ်​တီႈ​ၵူႈ​ၵေႃႉ​ၵူႈ​ၵူၼ်း​ႁင်း​ၽႂ်​ႁင်း​မၼ်း​လႄႈ ၽြႃး​ပဵၼ်​ၸဝ်ႈ​ႁွင်ႉ​ဢဝ်​ၵူႈ​ၵေႃႉ​ၵူႈ​ၵူၼ်း​ႁင်း​ၽႂ်​ႁင်း​မၼ်း​ၼၼ်ႉ ႁႂ်ႈ​ၵူႈ​ၵေႃႉ​ၵူႈ​ၵူၼ်း​ၵမ်​ၵျၢင်ႉ​လႄႈ​ယူႇ​တႃႉ။ ၵဝ်​ပိင်း​ၺၢပ်ႈ​ၸိူဝ်ႉ​ၼင်ႇ​ၼႆ​ဝႆႉ​တီႈ​ၸိူဝ်း​ၸဝ်ႈ​ၵႃႈ​မီး​တင်း​သဵင်ႈ​တင်း​လူင်​ဢေႃႈ။</verse>
				<verse number="18">ပေႃး​ၵေႃႉ​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​လႆႈ​ၶၢမ်ႇ​ၵျေး​ၸူး​တၢင်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၸိုင်​ယႃႇ​ပေ​ႁႂ်ႈ​မၼ်း​ပႅတ်ႈ​ဝႆႉ တၢင်း​ဢၼ်​ထိူဝ်​ႁိမ်း​ၼၼ်ႉ၊ ၵေႃႉ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ၵေႃႈ ပေႃး​မၼ်း​လႆႈ​ၶၢမ်ႇ​ၵျေး​ၸူး​တၢင်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၸိုင်​ယႃႇ​ပေ​ႁႂ်ႈ​ၶၢမ်ႇ​တၢင်း​ဢၼ်​ထိူဝ်​ႁိမ်း။-</verse>
				<verse number="19">တၢင်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ဢမ်ႇ​မီး​ဢၵျူဝ်း။ တၢင်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ၵေႃႈ​ဢမ်ႇ​မီး​ဢၵျူဝ်း။ တၢင်း​ဢၼ်​ပႂ်ႉ​ၵမ်​ပႂ်ႉ​ၸွမ်း ပိင်း​ၺၢပ်ႈ​ၽြႃး​ပဵၼ်​ၸဝ်ႈ​ၼၼ်ႉ​ၵူၺ်း​မီး​ဢၵျူဝ်း​ဢေႃႈ။</verse>
				<verse number="20">ႁႂ်ႈ​ၵေႃႉ​ဢၼ်​လႆႈ​ၶၢမ်ႇ​ၵျေး​ၸူး​တၢင်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၼၼ်ႉ​ၵူႈ​ၵေႃႉ​ၵူႈ​ၵူၼ်း ႁဵတ်း​လွင်ႈ​ၵႃႈ​သင်​သေ​ဢမ်ႇ​ဝႃႈ၊ ႁဵတ်း​လွင်ႈ​ၼၼ်ႉ​ယူႇ​သေ​ၵမ်း​လူၺ်ႈ။-</verse>
				<verse number="21">ပေႃး​မႂ်း​ပဵၼ်​ၶႃႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ပိူၼ်ႈ​လႄႈ​လႆႈ​ၶၢမ်ႇ​ၵျေး​ၸူး​တၢင်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၸိုင် ယႃႇ​ပေ​မီး​တၢင်း​ဢၼ်​မႆႈ​ၸႂ်​ၶီ​ၸႂ်။ ၵူၺ်း​ၵႃႈ​ပေႃး​မႂ်း​ႁွတ်ႈ​ထိုင်​တၢင်း​ဢၼ်​လွတ်ႈ​လႆႈ​ၸိုင်​ယဵင်ႈ​ၶႅၼ်း​သုင်း​သွင်ႇ​ဢၶႂၢင်ႉ​တၢင်း​ဢၼ်​လွတ်ႈ​ၼၼ်ႉ​တႃႉ။-</verse>
				<verse number="22">လွင်ႈ​မၼ်း​ၸမ်ႉ ၼႂ်း​မိူဝ်ႈ​ဢၼ်​ပဵၼ်​ၶႃႈ​ပိူၼ်ႈ​ယူႇ​ၼၼ်ႉ​ၸိုင် ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ၸဝ်ႈ​ၽြႃး​ႁွင်ႉ​ဢဝ်​ၼၼ်ႉ​ပဵၼ်​ၵူၼ်း​လွတ်ႈ​ၸဝ်ႈ​ၽြႃး​ဢေႃႈ။ မိူၼ်​ၼင်ႇ​ၼၼ် ၼႂ်း​မိူဝ်ႈ​ဢၼ်​ပဵၼ်​ၵူၼ်း​လွတ်ႈ​ယူႇ​ၼၼ်ႉ​ၸိုင် ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၼၼ်ႉ​ပဵၼ်​ၶႃႈ​ၸဝ်ႈ​ၶရိၸ်ႈ​ဢေႃႈ။-</verse>
				<verse number="23">သူ​ပဵၼ်​ၵေႃႉ​ဢၼ်​မၼ်း​ၸဝ်ႈ​ဢဝ်​တင်း​ၵႃႈ​မၼ်း​ၶၼ်​မၼ်း​သိုဝ်ႉ​ဢဝ်​ဢေႃႈ၊ ယႃႇ​ပေ​ႁဵတ်း​ၶႃႈ​တီႈ​ၵူၼ်း။</verse>
				<verse number="24">ပီႈ​ၼွင်ႉ​ၶဝ်​ဢိူၺ်း၊ ႁႂ်ႈ​ၵေႃႉ​ဢၼ်​လႆႈ​ၶၢမ်ႇ​ၵျေး​ၸူး​တၢင်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၼၼ်ႉ​ၵူႈ​ၵေႃႉ​ၵူႈ​ၵူၼ်း ႁဵတ်း​လွင်ႈ​ၵႃႈ​သင်​သေ​ဢမ်ႇ​ဝႃႈ၊ ႁဵတ်း​လွင်ႈ​ၼၼ်ႉ​ယူႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​သေ​ၵမ်း​လူၺ်ႈ။</verse>
				<verse number="25">ၼႂ်း​လွင်ႈ​ၶဝ်​ၸိူဝ်း​ဢၼ်​ဢမ်ႇ​မီး​ၽူဝ်​ဢမ်ႇ​မီး​မေး​ၼၼ်ႉ​ၸမ်ႉ၊ ပိၵ်ႉ​သမ်ႉ​ပိင်း​ၺၢပ်ႈ​ၸဝ်ႈ​ၽြႃး​ဢမ်ႇ​မီး​တီႈ​ၵဝ်​သေ​ၵေႃႈ၊ ၵဝ်​ၸီႇ​ယၢင်ႇ​ၸိူဝ်ႉ​ၼင်ႇ​ၵေႃႉ​ဢၼ်​လႆႈ​ၶၢမ်ႇ​ၵျေး​ၸူး​ၸဝ်ႈ​ၽြႃး ပုၼ်ႈ​ဢၼ်​တၵ်း​ႁႂ်ႈ​ၵဝ်​ပဵၼ်​ၵေႃႉ​ဢၼ်​မီး​သဵတ်ႈ​ၸႃႇ​ၼၼ်ႉ​ဢေႃႈ။-</verse>
				<verse number="26">တၢင်း​ဢၼ်​ၸီႇ​ယၢင်ႇ​ၼႆႉ​ၸမ်ႉ၊ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​လႆႈ​ၶၢမ်ႇ​တေႃႈ​လဵဝ်​ၼႆႉ​ၼၼ်ႉ​လႄႈ​ၵူၼ်း​လီ​ပဵၼ်​ၸိူဝ်ႉ​ၼင်ႇ​ဢၼ်​မၼ်း​ပဵၼ်​ယူႇ​ၼၼ်ႉ​ဢေႃႈ။-</verse>
				<verse number="27">ပေႃး​မႂ်း​မီး​မေး​ၸိုင်​ယႃႇ​ပေ​ၵျၢမ်ႇ​ပေ​ပွင်​ႁႂ်ႈ​လႆႈ​လွတ်ႈ၊ ပေႃး​လွတ်ႈ​တင်း​မေး​ၸိုင်​ယႃႇ​ပေ​ႁႃ​မေး​ထႅင်ႈ။-</verse>
				<verse number="28">ၵူၺ်း​ၵႃႈ​ပေႃး​မႂ်း​ဢဝ်​မေး​ၸိုင်​မႂ်း​ဢမ်ႇ​မီး​ဢပႅတ်ႈ။ ၽူႈ​ယိင်း​ဢၼ်​ဢမ်ႇ​တွၼ်ႉ​ဢဝ်​ၽူဝ်​ၼၼ်ႉ​ၵေႃႈ၊ ပေႃး​ဢဝ်​ၽူဝ်​ၸိုင်​ဢမ်ႇ​မီး​ဢပႅတ်ႈ၊ ၼႂ်း​ဝႃႈ​ၼၼ်​သေ​ၵေႃႈ ၶဝ်​ၸိူဝ်း​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​တၵ်း​လႆႈ​ၶၢမ်ႇ​တုၵ်ႉ​ၶႃႉ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး လေႃးၵီႇ​ဢေႃႈ။ ၼႂ်း​တီႈ​ႁဵင်း​ၼႆႉ​ၵဝ်​လၢတ်ႈ​ဝႆႉ​ႁႂ်ႈ​သူ​လွတ်ႈ​တၢင်း​တုၵ်ႉ​ၶႃႉ​ဢေႃႈ။</verse>
				<verse number="29">ပီႈ​ၼွင်ႉ​ၶဝ်​ဢိူၺ်း၊ ၵဝ်​ဝႃႈ​ၸမ်ႉ၊ ပိူဝ်ႈ​ဢၼ်​ၶိင်ႇ​ၵႃႇလႃႉ​ဢၼ်​ၵိုတ်း​ဢၼ်​ၵျၢၼ်ႇ​ပွတ်း​ၼႃႇ​လႄႈ ၵေႃႉ​ဢၼ်​မီး​မေး​ၼၼ်ႉ​ၸိုင်​တၵ်း​လႆႈ​ပဵၼ်​ၸိူဝ်ႉ​ၼင်ႇ​ဢၼ်​ဢမ်ႇ​မီး​မေး​ဢေႃႈ။-</verse>
				<verse number="30">ၵေႃႉ​ဢၼ်​ႁွင်ႉ​ဢၼ်​ႁႆႈ​ၼၼ်ႉ​ၸိုင်​တၵ်း​လႆႈ​ပဵၼ်​ၸိူဝ်ႉ​ၼင်ႇ​ဢၼ်​ဢမ်ႇ​ႁွင်ႉ​ဢမ်ႇ​ႁႆႈ​ဢေႃႈ။ ၵေႃႉ​ဢၼ်​သိူဝ်း​ပျေႃႇ​ၼၼ်ႉ​ၸိုင် တၵ်း​လႆႈ​ပဵၼ်​ၸိူဝ်ႉ​ၼင်ႇ​ဢၼ်​ဢမ်ႇ​သိူဝ်း​ဢမ်ႇ​ပျေႃႇ​ဢေႃႈ။ ၵေႃႉ​ဢၼ်​သိုဝ်ႉ​ဢုၵ်ႉ​ၸႃႇ​ၶူဝ်း​လဵင်း​ၼၼ်ႉ​ၸိုင် တၵ်း​လႆႈ​ပဵၼ်​ၸိူဝ်ႉ​ၼင်ႇ​ဢၼ်​ဢမ်ႇ​မီး​ၵႃႈ​သင်​ဢေႃႈ။-</verse>
				<verse number="31">ၵေႃႉ​ဢၼ်​သုင်း​သွင်ႇ​လေႃးၵႃႉ​ၼၼ်ႉ​ၸိုင် တၵ်း​လႆႈ​ပဵၼ်​ၸိူဝ်ႉ​ၼင်ႇ​ဢၼ်​ဢမ်ႇ​သုင်း​ဢမ်ႇ​သွင်ႇ​ဢေႃႈ။ လွင်ႈ​မၼ်း​ၸမ်ႉ​ပုင်ႇ​ႁၢင်ႈ​လေႃးၵႃႉ​ၼႆႉ ၸၢင်ႈ​ၶၢႆႉ​ပုတ်ႈ​လႄႈ​ႁၢႆ​လၢႆ​ဢေႃႈ။</verse>
				<verse number="32">ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​သူ​ၵၢင်း​လွတ်ႈ​တင်း​တၢင်း​ဢၼ်​မႆႈ​ၸႂ်​ၶီ​ၸႂ်​ဢေႃႈ။ ၵေႃႉ​ဢၼ်​ဢမ်ႇ​မီး​မေး​ၼၼ်ႉ​ၸမ်ႉ၊ ၼင်ႇ​ႁိုဝ်​တၵ်း​ထုၵ်ႇ​ၸႂ်​ၸဝ်ႈ​ၽြႃး​ၸိုင် ၸၢင်ႈ​ဝႆႉ​သတီႉ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ၽြႃး​ၵူၺ်း​ဢေႃႈ။-</verse>
				<verse number="33">ၵေႃႉ​ဢၼ်​မီး​မေး​ၼၼ်ႉ​ၸမ်ႉ၊ ၼင်ႇ​ႁိုဝ်​တၵ်း​ထုၵ်ႇ​ၸႂ်​မေး​မၼ်း​ၸိုင် ၸၢင်ႈ​ဝႆႉ​သတီႉ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​လေႃးၵႃႉ​ၼႆႉ​ဢေႃႈ။-</verse>
				<verse number="34">မိူၼ်​ၼင်ႇ​ၼၼ်​ၽူႈ​ယိင်း​ဢၼ်​ဢမ်ႇ​မီး​ၽူဝ်​ဢိၵ်ႇ​တင်း​ၽူႈ​ယိင်း​ဢၼ်​မီး​ၽူဝ်​ၼၼ်ႉ မီး​တီႈ​ဢၼ်​ပႅၵ်ႇ​ပိူင်ႈ​ၵၼ်​ဢေႃႈ။ ၽူႈ​ယိင်း​ဢၼ်​ဢမ်ႇ​မီး​ၽူဝ်​ၼၼ်ႉ ၼင်ႇ​ႁိုဝ်​တူဝ်​ၶၼ်ႇ​ထႃႇ​တင်း​ၸႂ်​ဝီႉၺိၺ်ႇ​သွင်​ပႃး​တၵ်း​မူတ်း​ၸၢင်ႇ​ၸိုင်​ၸၢင်ႈ​ဝႆႉ​သတီႉ လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ၸဝ်ႈ​ၽြႃး​ၵူၺ်း​ဢေႃႈ။ ၽူႈ​ယိင်း​ဢၼ်​မီး​ၽူဝ်​ၼၼ်ႉ​ၸမ်ႉ၊ ၼင်ႇ​ႁိုဝ်​တၵ်း​ထုၵ်ႇ​ၸႂ်​ၽူဝ်​မၼ်း​ၸိုင် ၸၢင်ႈ​ဝႆႉ​သတီႉ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​လေႃးၵႃႉ​ၼႆႉ​ဢေႃႈ။-</verse>
				<verse number="35">မိူဝ်ႈ​ဢၼ်​ၵဝ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ၊ ၵဝ်​ထွၵ်ႈ​လူၺ်ႈ​ဢၵျူဝ်း​သူ​ၵူၺ်း​လႄႈ​ဝႃႈ​ဢေႃႈ။ ၼင်ႇ​ႁိုဝ်​တၵ်း​ဢဝ်​တူင်ႇ​ၸိူၵ်ႈ​ထႅပ်း​သုပ်း​ဢဝ်​သူ​ၸိုင်​ၵဝ်​ဝႃႈ​ဢမ်ႇ​ၸႂ်ႈ။ ၼင်ႇ​ႁိုဝ်​သူ​တၵ်း​ၵမ်​ၵျၢင်ႉ​ဢၼ်​ထုၵ်ႇ​ဢၼ်​လီ​လႄႈ၊ ယင်း​ဢမ်ႇ​မီး​တၢင်း​ဢၼ်​သုၵ်ႉ​ၸႂ်​ယုင်ႈ​ၸႂ်​လႄႈ​ႁဵတ်း​ဝၢတ်ႈ​ၸဝ်ႈ​ၽြႃး​သေႇ​သေႇ​ၸိုင်၊ ၵဝ်​ၸင်ႇ​ဝႃႈ​ၼင်ႇ​ၼႆ​ဢေႃႈ။</verse>
				<verse number="36">ပေႃး​သေ​ၵေႃႉ​သေ​ၵူၼ်း​ထၢင်ႇ​မၼ်း​ႁဵတ်း​လွင်ႈ​ဢၼ်​ဢမ်ႇ​ထုၵ်ႇ​ဢမ်ႇ​လီ တီႈ​ၽူႈ​သၢဝ်​ၵၼ်ႇ​ၺႃႇ​မၼ်း​ၼၼ်ႉ​လႄႈ​ပေႃး​ၽူႈ​သၢဝ်​ၼၼ်ႉ​ဢသၢၵ်ႈ​ထူၼ်ႈ​သေ​ယဝ်ႉ၊ ယင်း​ဢမ်ႇ​မီး​ၽူဝ်​လႄႈ​လွင်ႈ​တၢင်း​ဢၼ်​ဢၢပ်ႈ​ပၼ်​ၵၼ်​မီး​ၸိုင်၊ ႁႂ်ႈ​ၵေႃႉ​ၼၼ်ႉ​ႁဵတ်း​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​တႃႉ။ ဢမ်ႇ​မီး​ဢပႅတ်ႈ၊ ႁႂ်ႈ​ဢဝ်​ပၼ်​ၵၼ်​သေ။-</verse>
				<verse number="37">ၵူၺ်း​ၵႃႈ​ၵေႃႉ​ဢၼ်​ႁူဝ်​ၸႂ်​မၼ်ႈ​ၶိူင်ႇ​ၵွပ်ႈ​ပိူဝ်ႈ​ဢၼ်​မၼ်း​မီး​ဢၶႂၢင်ႉ​ဢၼ်​လႆႈ​ႁဵတ်း​ၸိူဝ်ႉ​ၼင်ႇ​ဢၼ်​မၼ်း​ၶႂ်ႈ​ႁဵတ်း ဢိၵ်ႇ​တင်း​ဢၶႂၢင်ႉ​ဢၼ်​လႆႈ​ၶျုၵ်ႈ​ဝႆႉ​ဢလူဝ်ႇ​မၼ်း​ၼၼ်ႉ​ယူႇ​လႄႈ​ၸီႇ​ယၢင်ႇ​ဝႆႉ​ၵႃႈ​ၼႂ်း​ႁူဝ်​ၸႂ်​မၼ်း​လႄႈ​ဝႃႈ တၵ်း​ဢမ်ႇ​ပၼ်​ဢဝ်​ၽူႈ​သၢဝ်​ၵၼ်ႇ​ၺႃႇ​မၼ်း​တီႈ​ၵၼ်၊ ဝႃႈ​ၼင်ႇ​ၼႆ​ၼၼ်ႉ​ႁဵတ်း​ဢၼ်​လီ​ဢေႃႈ။-</verse>
				<verse number="38">ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​ပၼ်​ဢဝ်​ၽူႈ​သၢဝ်​ၵၼ်ႇ​ၺႃႇ​မၼ်း​ၼၼ်ႉ​ႁဵတ်း​ဢၼ်​လီ​ဢေႃႈ။ ၵေႃႉ​ဢၼ်​ဢမ်ႇ​ပၼ်​ဢဝ်​ၼၼ်ႉ​ၸမ်ႉ၊ ယဵင်ႈ​ၶႅၼ်း​ႁဵတ်း​ဢၼ်​လီ​ဢေႃႈ။</verse>
				<verse number="39">ၽူႈ​ယိင်း​ၸမ်ႉ၊ ၼႂ်း​ၶိင်ႇ​ၵႃႇလႃႉ​ၸူဝ်ႈ​ဢၼ်​ၽူဝ်​မၼ်း​ဢမ်ႇ​ပႆႇ​တၢႆ​ၼၼ်ႉ​ၸိုင် မတ်ႉ​ၽုၵ်ႇ​ဝႆႉ​ယူႇ​ဢေႃႈ။ ပေႃး​ၽူဝ်​မၼ်း​တၢႆ​ၸမ်ႉ၊ ၵႃႈ​ၼင်ႇ​ဢၼ်​ဢလူဝ်ႇ​တူဝ်​ၸဝ်ႈ​ၵဝ်ႇ​မီး​ၼၼ်ႉ၊ မၼ်း​မီး​ဢၶႂၢင်ႉ​ဢၼ်​လႆႈ​ပဵၼ်​မေး​ပိူၼ်ႈ​ၼႂ်း​ၸဝ်ႈ​ၽြႃး​ၵူၺ်း​ဢေႃႈ။-</verse>
				<verse number="40">ပိၵ်ႉ​သမ်ႉ​မၼ်း​မီး​ဢၶႂၢင်ႉ​သေ​ၵေႃႈ၊ ပေႃး​ဢမ်ႇ​ပဵၼ်​မေး​ပိူၼ်ႈ​လႄႈ​ယူႇ​ၸိုင်​မၼ်း​ယဵင်ႈ​ၶႅၼ်း​မီး​မင်ႇၵလႃႇ​ဝႃႈ​ၼႆ ၵဝ်​မီး​သၽေႃး​ဢေႃႈ။ တီႈ​ၵဝ်​ၵေႃႈ​မီး​ဝီႉၺိၺ်ႇ​ၽြႃး​ပဵၼ်​ၸဝ်ႈ​ယူႇ​ဝႃႈ​ၼႆ ၵဝ်​မီး​တၢင်း​ဢၼ်​ၸႂ်​ၸပ်း​ၸႂ်​ၸွႆး​ယူႇ​ဢေႃႈ။</verse>
			</chapter>
			<chapter number="8">
				<verse number="1">လွင်ႈ​တူဝ်​ယိတ်ႈ​ဢၼ်​ပုၵ်ႈ​ၸေႃႇ ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ​ၼၼ်ႉ​ၸမ်ႉ၊ ႁဝ်း​ႁူႉ​လွင်ႈ​ဢၼ်​ႁဝ်း​ၵႃႈ​မီး​တင်း​သဵင်ႈ​တင်း​လူင် မီး​ၺၢၼ်ႇ​ဢၼ်​ၸၢင်ႈ​ၸၵ်း​ၽႄ​လႄႈ​ႁူႉ​ၼၼ်ႉ​ယူႇ​ဢေႃႈ။ ၺၢၼ်ႇ​ၸိုင်​ၸၢင်ႈ​ႁႂ်ႈ​ႁူဝ်​ၸႂ်​သုင်​ဢေႃႈ။ မႅတ်ႈ​တႃႇ​ၸမ်ႉ၊ ၸၢင်ႈ​တႄႇ​ႁဵတ်း​ဢေႃႈ။-</verse>
				<verse number="2">ပေႃး​သေ​ၵေႃႉ​သေ​ၵူၼ်း​ထၢင်ႇ​မၼ်း​မီး​ပိင်ႇ​ၺႃႇ​ၸိုင်၊ မၼ်း​ၼၼ်ႉ​ဢမ်ႇ​ပႆႇ​ႁူႉ​ၼင်ႇ​ၵႃႈ​ဢၼ်​မၼ်း​ထုၵ်ႇ​လီ​ႁူႉ​ၼၼ်ႉ​သေ​ဢိတ်း။-</verse>
				<verse number="3">ၵေႃႉ​ဢၼ်​ႁၵ်ႉ​ၽြႃး​ပဵၼ်​ၸဝ်ႈ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​မၼ်း​ၸဝ်ႈ​ႁူႉ​ဢေႃႈ။</verse>
				<verse number="4">ပိူဝ်ႈ​ၼႆ​လႄႈ​လွင်ႈ​ဢၼ်​ၵိၼ်​တူဝ်​ယိတ်ႈ​ဢၼ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ​ၼၼ်ႉ​ၸမ်ႉ၊ ႁဝ်း​ႁူႉ​လွင်ႈ​ဢၼ်​ရုၵ်ႈ​ထူႉ​ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၼႂ်း​လေႃးၵႃႉ​ၼႆႉ ဢိၵ်ႇ​တင်း​လွင်ႈ​ဢၼ်​လိူဝ်​သေ​ၽြႃး​ပဵၼ်​ၸဝ်ႈ​သူႇ​လဵဝ်​ၵူၺ်း​ၼၼ်ႉ ၽြႃး​ပဵၼ်​ၸဝ်ႈ​တၢင်ႇ​တီႈ​တၢင်ႇ​ပႃး​ဢမ်ႇ​မီး​ၼၼ်ႉ​ယူႇ​ဢေႃႈ။-</verse>
				<verse number="5">ပိၵ်ႉ​သမ်ႉ​မီး​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ဝႃႈ​ၽြႃး​ၼၼ်ႉ လႆႈ​မီး​ၼမ်​ၼႃႇ​ၵႃႈ​ၼိူဝ်​ၵၢင်​ႁၢဝ် ၵႃႈ​ၼိူဝ်​လိၼ်​မိူင်း​ၼႆႉ ၵႃႈ​ၼင်ႇ​ဢၼ်​ပိူၼ်ႈ​ဝႃႈ​မီး​ၽြႃး​ၼမ်​ၼႃႇ၊ မီး​ၸဝ်ႈ​ၼမ်​ၼႃႇ​သေ​ၵေႃႈ၊-</verse>
				<verse number="6">တီႈ​ႁဝ်း​ၼႆႉ​မီး​ပေႃႈ​ၸဝ်ႈ​ၽြႃး​ပဵၼ်​ၸဝ်ႈ​သူႇ​လဵဝ်​ၵူၺ်း​ဢေႃႈ။ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ပဵၼ်​မႃး​ၵႃႈ​ၼႂ်း​မၼ်း​ၸဝ်ႈ​ၼၼ်ႉ​လႄႈ ႁဝ်း​ၵေႃႈ​ပဵၼ်​မႃး​ပုၼ်ႈ​မၼ်း​ၸဝ်ႈ​ဢေႃႈ။ တီႈ​ႁဝ်း​ၼႆႉ​မီး​ၸဝ်ႈ​ ယေႇသူႉ​ၶရိၸ်ႈ ​ပႃး​လဵဝ်​ၵူၺ်း​ဢေႃႈ၊ ၸႃႉ​ၸဵမ်​ႁဝ်း​လႄႈ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ပဵၼ်​မႃး​ၵွပ်ႈ​ပိူဝ်ႈ​ၸဝ်ႈ​ၼၼ်ႉ​ဢေႃႈ။</verse>
				<verse number="7">ၵူၺ်း​ၵႃႈ​ၵူၼ်း​ၵူႈ​ၵေႃႉ​ဢမ်ႇ​လႆႈ​ၺၢၼ်ႇ​ၼၼ်ႉ။ ၵူၼ်း​ၵမ်ႈ​ၽွင်ႈ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​လႄႈ၊ ယၢမ်း​မိူဝ်ႈ​ဢၼ်​ၵိၼ်​တူဝ်​ယိတ်ႈ​ဢၼ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ​ၼၼ်ႉ​ၸိုင်၊ မီး​တင်း​ၸႂ်​ဢၼ်​ထွၵ်ႈ​လူၺ်ႈ​ရုၵ်ႈ​ထူႉ​ယူႇ​သေ​လႄႈ​ၼႂ်း​ၶဝ်​ၼၼ်ႉ ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ​ၸၢင်ႈ​ႁွတ်ႈ​ထိုင်​တၢင်း​ဢၼ်​ၵူဝ်ႈ​ၵိူၵ်ႇ ၵွပ်ႈ​ပိူဝ်ႈ​ဢၼ်​ႁႅင်း​လဵၵ်ႉ​ႁႅင်း​ၵေႇ​ဢေႃႈ။-</verse>
				<verse number="8">ၵွပ်ႈ​ပိူဝ်ႈ​တၢင်း​ၵိၼ်​တၢင်း​ၶူပ်း​လႄႈ ႁဝ်း​တၵ်း​လႆႈ​ၼႃႈ​လႆႈ​တႃ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢမ်ႇ​ၸႂ်ႈ။ ပေႃး​သုင်း​သွင်ႇ​တၢင်း​ၵိၼ်​ၸိုင်​ႁဝ်း​မျၢတ်ႈ​ဢမ်ႇ​ၸႂ်ႈ။ ပေႃး​ဝႄႈ​ၵမ်​တၢင်း​ၵိၼ်​ၸိုင်​ႁဝ်း​ယုတ်ႈ​ဢမ်ႇ​ၸႂ်ႈ။-</verse>
				<verse number="9">ၵူၺ်း​ၵႃႈ​ၼင်ႇ​ႁိုဝ်​ဢၶႂၢင်ႉ​သူ​ၼၼ်ႉ တၵ်း​ဢမ်ႇ​ပဵၼ်​လွင်ႈ​ဢၼ်​ၶဝ်​ၸိူဝ်း​ဢၼ်​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​တၵ်း​တိူဝ်ႉ​မႅၼ်ႈ​လႄႈ​လူမ်ႉ​ၸိုင်၊ ႁဵတ်း​သတီႉ​တႃႉ။-</verse>
				<verse number="10">လွင်ႈ​မၼ်း​ၸမ်ႉ​ပေႃး​ပိူၼ်ႈ​တၢင်ႇ​ၵေႃႉ​ႁၼ်​မႂ်း​ဢၼ်​မီး​ၺၢၼ်ႇ ဢၼ်​ၸၢင်ႈ​ၸၵ်း​ၽႄ​ႁူႉ​လႆႈ​ၼႆႉ ဢိင်​ႁိမ်း​ၶူင်ႇ​တီႈ​ၵိၼ်​ၼႂ်း​ၶဵင်ႇ​ရုၵ်ႈ​ထူႉ​ၼၼ်ႉ​ယူႇ​ၸိုင်၊ ၵေႃႉ​ဢၼ်​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ တၵ်း​ႁတ်း​ႁၢၼ်​ႁႂ်ႈ​လႆႈ​ၵိၼ်​တူဝ်​ယိတ်ႈ​ဢၼ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ​ဢမ်ႇ​ၸႂ်ႈ​ႁိုဝ်။-</verse>
				<verse number="11">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ပီႈ​ၼွင်ႉ​ဢၼ်​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ လႆႈ​ႁွတ်ႈ​ထိုင်​တၢင်း​လူႉ​တၢင်း​လႅဝ် ၵွပ်ႈ​ပိူဝ်ႈ​ၺၢၼ်ႇ​မႂ်း​လူင်​ပႄႇ။ ပုၼ်ႈ​ပီႈ​ၼွင်ႉ​ၼၼ်ႉ​ၸိုင်​ၸဝ်ႈ​ၶရိၸ်ႈ​ၶၢမ်ႇ​တၢင်း​တၢႆ​ယဝ်ႉ။-</verse>
				<verse number="12">မိူဝ်ႈ​ဢၼ်​သူ​ၽိတ်း​ပိူင်ႈ​ပီႈ​ၼွင်ႉ​ၸိူဝ်ႉ​ၼင်ႇ​ၼၼ်​လႄႈ ႁဵတ်း​ႁႂ်ႈ​ၸႂ်​ၶဝ်​ဢၼ်​ႁူႉ​တူဝ်​ၸဝ်ႈ​ၵဝ်ႇ ဢၼ်​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​ၸဵပ်း​ၸႂ်​ၸိုင်၊ သူ​ႁွတ်ႈ​ထိုင်​တၢင်း​ဢၼ်​ၽိတ်း​ပိူင်ႈ​ၸဝ်ႈ​ၶရိၸ်ႈ​ဢေႃႈ။-</verse>
				<verse number="13">ပိူဝ်ႈ​ၼႆ​လႄႈ ပေႃး​တၢင်း​ၵိၼ်​တၢင်း​ၶူပ်း​ၵဝ် ႁႂ်ႈ​ပီႈ​ၼွင်ႉ​ၵဝ်​ၽိတ်း​ပိူင်ႈ​ၸိုင်​ၵဝ်​တၵ်း​ဢမ်ႇ​ၵိၼ်​ၼိူဝ်ႉ​လႄႈ​ယူႇ​တႃႇ​သေႇ​ဢမ်ႇ​ထၢတ်ႇ​ႁႂ်ႈ​လွင်ႈ​တၢင်း​ဢၼ်​ၽိတ်း​ပိူင်ႈ ဢမ်ႇ​လႆႈ​မီး​တီႈ​ပီႈ​ၼွင်ႉ​ၵဝ်​ဢေႃႈ။</verse>
			</chapter>
			<chapter number="9">
				<verse number="1">ၵဝ်​ၼႆႉ​ပဵၼ်​ၵူၼ်း​လွတ်ႈ​ဢမ်ႇ​ၸႂ်ႈ​ႁိုဝ်။ ၵဝ်​ပဵၼ်​တမၢၼ်ႇ​ၸဝ်ႈ​ဢမ်ႇ​ၸႂ်ႈ​ႁိုဝ်။ ၵဝ်​လႆႈ​ႁၼ်​ၸဝ်ႈ​ ယေႇသူႉ​ၶရိၸ်ႈ ​ယဝ်ႉ​ဢမ်ႇ​ၸႂ်ႈ​ႁိုဝ်။ သူ​ပဵၼ်​တၢင်း​ႁဵတ်း ဢၼ်​ၵဝ်​ႁဵတ်း​ၼႂ်း​ၸဝ်ႈ​ၽြႃး​ဢမ်ႇ​ၸႂ်ႈ​ႁိုဝ်။-</verse>
				<verse number="2">ပိၵ်ႉ​သမ်ႉ​ၵဝ်​ဢမ်ႇ​ပဵၼ်​တမၢၼ်ႇ​ၸဝ်ႈ​တီႈ​ပိူၼ်ႈ​တၢင်ႇ​ၵေႃႉ​သေ​ၵေႃႈ၊ ၵဝ်​ပဵၼ်​တမၢၼ်ႇ​ၸဝ်ႈ​တီႈ​သူ​ဢမၢၼ်ႇ​ၶၼ်​ပဵၼ်​ဢေႃႈ။ လွင်ႈ​မၼ်း​ၸမ်ႉ​ၵဝ်​ပဵၼ်​တမၢၼ်ႇ​ၸဝ်ႈ​ဝႃႈ​ၼႆ​ၵွပ်ႈ​ပိူဝ်ႈ​ဢၼ်​သူ​မီး​ၼႂ်း​ၸဝ်ႈ​ၽြႃး​လႄႈ​သူ​တွၵ်ႇ​တၼ်း​သိၵ်ႈ​တီႈ​ၵဝ်​ဢေႃႈ။-</verse>
				<verse number="3">တၢင်း​ဢၼ်​ၵဝ်​ၽေႇ​ဢပႅတ်ႈ တီႈ​ၶဝ်​ၸိူဝ်း​ဢၼ်​ၸႅတ်ႈ​ထၢမ်​ၸႅတ်ႈ​တူၺ်း​ၵဝ်​ၼၼ်ႉ​ၸမ်ႉ၊-</verse>
				<verse number="4">ႁဝ်း​ၼႆႉ​ဢမ်ႇ​မီး​ဢၶႂၢင်ႉ​ပုၼ်ႈ​ဢၼ်​တၵ်း​ၵိၼ်​တၵ်း​ၶူပ်း​ႁိုဝ်။-</verse>
				<verse number="5">ၼႂ်း​မိူဝ်ႈ​ဢၼ်​ႁဝ်း​တေႇသႃႉၸႃႇရီႇ​လႄႇ​လဵပ်ႈ​ၵႂႃႇ​ယူႇ​ၼၼ်ႉ​ၸိုင်၊ ဢမ်ႇ​မီး​ဢၶႂၢင်ႉ​ဢၼ်​လႆႈ​ပႃး​ၼွင်ႉ​ယိင်း ဢၼ်​ပဵၼ်​မေး​မိူၼ်​ၸိူဝ်ႉ​ၼင်ႇ​ၼွင်ႉ​ၸဝ်ႈ​ၽြႃး​တင်း​လၢႆ ဢိၵ်ႇ​တင်း​ ၵေႇၽႃႉ တင်း​တမၢၼ်ႇ​ၸဝ်ႈ​ဢၼ်​ၵိုတ်း​ဢၼ်​ၵျၢၼ်ႇ​ၸိူဝ်း​ၼၼ်ႉ​ႁိုဝ်။-</verse>
				<verse number="6">ၵဝ်​ဢိၵ်ႇ​တင်း​ ပႃႇၼပႃႉ ​ၵူၺ်း​ဢမ်ႇ​မီး​ဢၶႂၢင်ႉ​ဢၼ်​ယင်း​ဢမ်ႇ​ႁဵတ်း​တၢင်း​ႁဵတ်း​လႄႈ​ယူႇ​ၼၼ်ႉ​ႁိုဝ်။-</verse>
				<verse number="7">ၵူၼ်း​သိုၵ်း​ၵေႃႉ​လႂ်​ဢဝ်​ၸရိပ်ႈ​တူဝ်​ၸဝ်ႈ​ၵဝ်ႇ​လႄႈ​ႁၢပ်ႇ​မူႉ​သိုၵ်း။ ၽူႈ​လႂ်​ၽုၵ်ႇ​သူၼ်​ဢူးယဵၼ်ႇ​လႄႈ​ဢမ်ႇ​ၵိၼ်​မၢၵ်ႇ​မၼ်း၊ ၽူႈ​လႂ်​လဵင်ႉ​သူဝ်း​လႄႈ​ဢမ်ႇ​ၵိၼ်​ၼမ်ႉ​ၼူမ်း​ၽုင်​သူဝ်း​ၼၼ်ႉ။</verse>
				<verse number="8">ၸွမ်း​လူၺ်ႈ​သၽေႃး​ၵူၼ်း​ၵူၺ်း​လႄႈ​ၵဝ်​ဝႃႈ​ၸိူဝ်ႉ​ၼင်ႇ​ၼႆ​ႁိုဝ်။ ပိင်း​ၺၢပ်ႈ​တြႃး​ၵေႃႈ​ဝႃႈ​ၸိူဝ်ႉ​ၼင်ႇ​ၼႆ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="9">ဢၼ်​မႃး​ၼႂ်း​ၵျၢမ်း​ပိင်း​ၺၢပ်ႈ​တီႉ​ မူဝ်းသေႇ ​လႄႈ​ဝႃႈ​ၸမ်ႉ၊ ဢမ်ႇ​လႆႈ​မတ်ႉ​သူပ်း​ဝူဝ်း​ဢၼ်​ယဵပ်ႇ​ၶဝ်ႈ​ၼူတ်ႈ​ၶဝ်ႈ​ၼၼ်ႉ​ဝႆႉ၊ ဝႃႈ​ၼင်ႇ​ၼႆ​ဢေႃႈ၊ ၽြႃး​ပဵၼ်​ၸဝ်ႈ​ၶႆႈ​ၸႂ်​လူၺ်ႈ​လွင်ႈ​ဝူဝ်း​ၼၼ်ႉ​ၵူၺ်း​ႁိုဝ်။-</verse>
				<verse number="10">ဢမ်ႇ​ၼၼ်​လႄႈ​မၼ်း​ၸဝ်ႈ​ပိင်း​ၺၢပ်ႈ​ၸိူဝ်ႉ​ၼင်ႇ​ၼႆ ၵွပ်ႈ​ပိူဝ်ႈ​ႁဝ်း​ၵူၺ်း​ႁိုဝ်။ လွင်ႈ​ၼင်ႇ​ႁိုဝ်​ၵေႃႉ​ဢၼ်​ထႆ​ၼႃး တၵ်း​မုင်ႈ​ထႃႈ​မွင်း​ထႃႈ​လႄႈ​ထႆ ဢိၵ်ႇ​တင်း​လွင်ႈ​ၼင်ႇ​ႁိုဝ်​ၵေႃႉ​ဢၼ်​မုင်ႈ​ထႃႈ​မွင်း​ထႃႈ​လႄႈ​ယဵပ်ႇ​ၶဝ်ႈ​ၼၼ်ႉ တၵ်း​လႆႈ​ၵႃႈ​ၼင်ႇ​ဢၼ်​မၼ်း​မုင်ႈ​ထႃႈ​မွင်း​ထႃႈ​ၼၼ်ႉ​ၸိုင်၊ မႃး​ၼႂ်း​ၵျၢမ်း​လိၵ်ႈ​ၸိူဝ်ႉ​ၼင်ႇ​ၼႆ ၵွပ်ႈ​ပိူဝ်ႈ​ႁဝ်း​ၵူၺ်း​ဢေႃႈ။-</verse>
				<verse number="11">ႁဝ်း​ၽုၵ်ႇ​မဵတ်ႉ​တြႃး​ပုၼ်ႈ​သူ​သေ​ယဝ်ႉ၊ ပေႃး​ပၢတ်ႇ​မၢၵ်ႇ​လေႃးၵီႇ​သူ​ၸိုင်​တၵ်း​ပဵၼ်​ၵျေး​ၸူး​ဢၼ်​ယႂ်ႇ​ႁိုဝ်။-</verse>
				<verse number="12">ပေႃး​ပိူၼ်ႈ​တၢင်ႇ​ၵေႃႉ​လႆႈ​ဢၶႂၢင်ႉ​ၼၼ်ႉ​တီႈ​သူ​ၸိုင်​ႁဝ်း​ယဵင်ႈ​ၶႅၼ်း​ထိူၵ်ႈ​လႆႈ​ဢမ်ႇ​ၸႂ်ႈ​ႁိုဝ်။ ၼႂ်း​ဝႃႈ​ၼၼ်​သေ​ၵေႃႈ ႁဝ်း​ဢမ်ႇ​သုင်း​သွင်ႇ​ဢၶႂၢင်ႉ​ၼၼ်ႉ​လႄႈ ၼင်ႇ​ႁိုဝ်​လွင်ႈ​တၢင်း​ဢၼ် တၵ်း​ႁႄႉ​ၶႅၼ်​တြႃး​သတၢင်း​သိူဝ်း​ပျေႃႇ​ၸဝ်ႈ​ၶရိၸ်ႈ​တၵ်း​ဢမ်ႇ​လႆႈ​မီး​ၸိုင် ႁဝ်း​ယိူၼ်ႉ​ၶၢမ်ႇ​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ဢေႃႈ။-</verse>
				<verse number="13">သူ​ဢမ်ႇ​ႁူႉ​လွင်ႈ​ဢၼ်​ၶဝ်​ၸိူဝ်း​ဢၼ်​ႁဵတ်း​ဢမူႉ​ၵိၵ်ႉ​ၸႃႉ​တြႃး​ၼၼ်ႉ လႆႈ​ဢိင်​ပိၵ်ႈ​မၢၼ်ႇ​ၸဝ်ႈ​သေ​လႄႈ​ၵိၼ် ဢိၵ်ႇ​တင်း​လွင်ႈ​ဢၼ်​ၶဝ်​ၸိူဝ်း​ဢၼ်​ႁဵတ်း​ဢမူႉ​ယိတ်ႈပရေႃးႁဵၵ်ႈ​ၼၼ်ႉ လႆႈ​သိူၵ်ႈ​သမ်ႇ​ၵၼ်​တင်း​ယိတ်ႈ​ပလၢင်ႇ​သေ​လႄႈ​ၵိၼ်​ၼၼ်ႉ​ႁိုဝ်။-</verse>
				<verse number="14">မိူၼ်​ၼင်ႇ​ၼၼ် ၼင်ႇ​ႁိုဝ်​ၶဝ်​ၸိူဝ်း​ဢၼ်​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၼၼ်ႉ တၵ်း​လႆႈ​ဢိင်​တြႃး​သတၢင်း​သိူဝ်း​ပျေႃႇ​သေ​လႄႈ​လဵင်ႉ​ဢသၢၵ်ႈ​ၸိုင်​ၸဝ်ႈ​ၽြႃး​ပိင်း​ၺၢပ်ႈ​ဝႆႉ​ဢေႃႈ။-</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ ၵဝ်​ဢမ်ႇ​သုင်း​သွင်ႇ​ဢၶႂၢင်ႉ​ၼၼ်ႉ​လႃး​လႃး။ ၵဝ်​တႅမ်ႈ​ၵႂၢမ်း​ၼႆႉ​ႁႂ်ႈ​သူ​လႆႈ​ႁဵတ်း​တီႈ​ၵဝ်​ၸိူဝ်ႉ​ၼင်ႇ​ၼၼ်​ဢမ်ႇ​ၸႂ်ႈ။ လွင်ႈ​မၼ်း​ၸမ်ႉ တၢင်း​ဢၼ်​ၵဝ်​တၢႆ​ယဵင်ႈ​ၶႅၼ်း​လီ​သေ​တၢင်း​ဢၼ်​ပိူၼ်ႈ​ယႃႉ​ဢၶႂၢင်ႉ​တၢင်း​ဢၼ်​ၵဝ်​ဢုပ်ႇ​ဝၢဝ်း​ၼႆႉ​ဢေႃႈ။-</verse>
				<verse number="16">ပေႃး​ၵဝ်​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၵူၺ်း​ၸိုင်၊ လွင်ႈ​ဢၼ်​ၵဝ်​တၵ်း​ဢုပ်ႇ​ဝၢဝ်း​ဢမ်ႇ​မီး။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ပေႃး​ၵဝ်​ဢမ်ႇ​ႁေႃး​လၢတ်ႈ​ၸိုင်​ၵဝ်​ဢမ်ႇ​ယူႇ​လႆႈ။ ပေႃး​ၵဝ်​ဢမ်ႇ​ႁေႃး​လၢတ်ႈ​လႄႈ​ယူႇ​ၸိုင်​ၵဝ်​မီး​ဢႃႉ​မင်ႇၵလႃႇ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ​ပေႃး​ၵဝ်​ပွင်​ႁဵတ်း​ဢမူႉ​ၸဝ်ႈ​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ၸိုင်၊ ၵဝ်​မီး​ဢၵျူဝ်း​ဢေႃႈ။ ပေႃး​ၵဝ်​ထဵင်​ပႅတ်ႈ​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ ပွင်​ႁဵတ်း​ၸိုင်​ၵဝ်​ပဵၼ်​ၵေႃႉ​ဢၼ်​ၶၢၼ်း​ဝႆႉ​ၼႂ်း​ဢရႃႇ​ၽၼ်ႇတႃႇၸူဝ်း​ဢေႃႈ။</verse>
				<verse number="18">ပိူဝ်ႈ​ၼႆ​လႄႈ ဢၵျူဝ်း​ၵဝ်​ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ မိူဝ်ႈ​ဢၼ်​ၵဝ်​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၼၼ်ႉ၊ ပေႃး​ၵဝ်​ဢမ်ႇ​သုင်း​သွင်ႇ​ဢၶႂၢင်ႉ​ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ႁေႃး​လၢတ်ႈ​ၼႆႉ​လႄႈ​ႁဵတ်း​ႁႂ်ႈ​ၶဝ်​ၸိူဝ်း​ဢၼ်​ထွမ်ႇ​တြႃး​သတၢင်း​သိူဝ်း​ပျေႃႇ​ၼၼ်ႉ ဢမ်ႇ​သဵင်ႈ​ၸရိပ်ႈ​ၵႃႈ​သင်​ၸိုင်၊ တီႈ​ၵဝ်​မီး​ဢၵျူဝ်း​ဢေႃႈ။-</verse>
				<verse number="19">ပိၵ်ႉ​သမ်ႉ​ၵဝ်​ဢမ်ႇ​ပဵၼ်​ၶႃႈ​တီႈ​ၽူႈ​လႂ်​သေ​ၵေႃႈ၊ ၼင်ႇ​ႁိုဝ်​တၵ်း​လႆႈ​ၵူၼ်း​ဢၼ်​ယဵင်ႈ​ၶႅၼ်း​ၼမ်​ၼႃႇ​ၸိုင် ၵဝ်​လႆႈ​ႁဵတ်း​ၶႃႈ​တီႈ​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="20">ၼင်ႇ​ႁိုဝ်​တၵ်း​လႆႈ​ၵူၼ်း​ ယူႉတႃႉ ​တင်း​လၢႆ​ၸိုင်​ၵဝ်​ပဵၼ်​ၸိူဝ်ႉ​ၼင်ႇ​ၵူၼ်း​ ယူႉတႃႉ တီႈ​ၵူၼ်း​ ယူႉတႃႉ ​ၸိူဝ်း​ၼၼ်ႉ​ဢေႃႈ။ ပိၵ်ႉ​သမ်ႉ​ၵဝ်၊ ဢမ်ႇ​ဢိင်​ပိုင်ႈ​ပိင်း​ၺၢပ်ႈ​တြႃး​သေ​ၵေႃႈ၊ ၼင်ႇ​ႁိုဝ်​တၵ်း​လႆႈ​ၶဝ်​ၸိူဝ်း​ဢၼ်​ဢိင်​ပိုင်ႈ​ပိင်း​ၺၢပ်ႈ​တြႃး​ၼၼ်ႉ​ၸိုင်၊ ၵဝ်​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ၵမ်​ၵျၢင်ႉ​ပိင်း​ၺၢပ်ႈ​တြႃး​တီႈ​ၶဝ်​ၸိူဝ်း​ဢၼ်​ဢိင်​ပိုင်ႈ​ပိင်း​ၺၢပ်ႈ​တြႃး​ၼၼ်ႉ​ဢေႃႈ။-</verse>
				<verse number="21">ပိၵ်ႉ​သမ်ႉ​ၵဝ်​ဢမ်ႇ​ယူႇ​ၸိူဝ်ႉ​ၼင်ႇ​ဢၼ်​ဢမ်ႇ​မီး​ပိင်း​ၺၢပ်ႈ​တြႃး​ၽြႃး​ပဵၼ်​ၸဝ်ႈ​ၼၼ်ႉ​လႄႈ ၵမ်​ၵျၢင်ႉ​တြႃး​ၸဝ်ႈ​ၶရိၸ်ႈ​ယူႇ​သေ​ၵေႃႈ၊ ၼင်ႇ​ႁိုဝ်​တၵ်း​လႆႈ​ၶဝ်​ၸိူဝ်း​ဢၼ်​ဢမ်ႇ​မီး​ပိင်း​ၺၢပ်ႈ​တြႃး​ၼၼ်ႉ​ၸိုင်​ၵဝ်​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ဢမ်ႇ​မီး​ပိင်း​ၺၢပ်ႈ​တြႃး တီႈ​ၶဝ်​ၸိူဝ်း​ဢၼ်​ဢမ်ႇ​မီး​ပိင်း​ၺၢပ်ႈ​တြႃး​ၼၼ်ႉ​ဢေႃႈ။-</verse>
				<verse number="22">ၼင်ႇ​ႁိုဝ်​တၵ်း​လႆႈ​ၶဝ်​ၸိူဝ်း​ဢၼ် ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​ၸိုင်​ၵဝ်​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ႁႅင်း​လဵၵ်ႉ​ႁႅင်း​ၵေႇ​တီႈ​ၶဝ်​ၸိူဝ်း​ဢၼ်​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​ဢေႃႈ။ ၼင်ႇ​ႁိုဝ်​တၵ်း​လႆႈ​ၵႄႇ​ၶျွတ်ႈ​ဢဝ်​ၵူၼ်း​ၵမ်ႈ​ၽွင်ႈ​ၵွပ်ႈ​ပိူဝ်ႈ​လွင်ႈ​တၢင်း​သေ​ၸိူဝ်ႉ​သေ​ပိူင်​ၸိုင် ၵဝ်​ပဵၼ်​လွင်ႈ​တၢင်း​တင်း​သဵင်ႈ​တင်း​လူင်​တီႈ​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="23">ၼင်ႇ​ႁိုဝ်​ၵဝ်​တၵ်း​လႆႈ​သိူၵ်ႈ​သမ်ႇ​ၵၼ်​တင်း တြႃး​သတၢင်း​သိူဝ်း​ပျေႃႇ​လူၺ်ႈ​ၵၼ်​တင်း​ပိူၼ်ႈ​ၸိုင်​ၵဝ်​ႁဵတ်း​တင်း​သဵင်ႈ​တင်း​လူင်​ၸိူဝ်ႉ​ၼင်ႇ​ၼၼ် ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​ဢေႃႈ။</verse>
				<verse number="24">ပိၵ်ႉ​သမ်ႉ​ၶဝ်​ၸိူဝ်း​ဢၼ် လႅၼ်ႈ​ၶေႉ​ၵၼ်​ၶဵင်ႇ​ၵၼ်​ၵႃႈ​တီႈ​တလၢင်း​လိၼ်​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ လႅၼ်ႈ​ၶေႉ​ၵၼ်​ၶဵင်ႇ​ၵၼ်​သေ​ၵေႃႈ၊ သူ​ဢမ်ႇ​ႁူႉ​လွင်ႈ​ဢၼ်​ၵေႃႉ​လဵဝ်​ၵူၺ်း​တၵ်း​လႆႈ​သူး​လၢပ်ႈ​ၼၼ်ႉ​ႁိုဝ်။ ၼင်ႇ​ႁိုဝ်​သူ​တၵ်း​လႆႈ​သူး​လၢပ်ႈ​ၸိုင်​ဢွၼ်​ၵၼ်​လႅၼ်ႈ​တႃႉ။-</verse>
				<verse number="25">ၶဝ်​ၸိူဝ်း​ဢၼ်​ၼင်ႇ​ၵၼ်​ၵၼ်​ၶေႉ​ၶဵင်ႇ​ၵၼ်​ၵႃႈ​ၼႂ်း​ပွႆး​ၼႂ်း​လၢမ်း​ၼၼ်ႉ​ၸမ်ႉ၊ ၸၢင်ႈ​ၶျုၵ်ႈ​ဝႆႉ​တၢင်း​ဢၼ်​ၸႂ်​ၸပ်း​ၸႂ်​ၸွႆး​ၼႂ်း​ၵူႈ​ၸိူဝ်ႉ​ၵူႈ​ပိူင်​ဢေႃႈ။ ၶဝ်​ၼၼ်ႉ​ၼင်ႇ​ႁိုဝ်​တၵ်း​လႆႈ​ပၢၼ်း​ၵုမ်း​ဢၼ်​ၸၢင်ႈ​ႁဵဝ်ႇ​ႁႅင်ႈ​လူႉ​လႅဝ်​ၸိုင်​ၸင်ႇ​ႁဵတ်း​ဢေႃႈ။ ႁဝ်း​ၸမ်ႉ​ၼင်ႇ​ႁိုဝ်​တၵ်း​လႆႈ​ပၢၼ်း​ၵုမ်း​ဢၼ်​ဢမ်ႇ​ၸၢင်ႈ​ႁဵဝ်ႇ​ႁႅင်ႈ​လူႉ​လႅဝ်​ၸိုင်​ၸင်ႇ​ႁဵတ်း​ဢေႃႈ။-</verse>
				<verse number="26">ပိူဝ်ႈ​ၼႆ​လႄႈ​မိူဝ်ႈ​ဢၼ်​ၵဝ်​လႅၼ်ႈ​ၼၼ်ႉ၊ ၵဝ်​လႅၼ်ႈ​လၢႆ​လၢႆ​လွၵ်ႇ​လွၵ်ႇ​ဢမ်ႇ​ၸႂ်ႈ။ မိူဝ်ႈ​ဢၼ်​ၵဝ်​တူပ်း​လၵ်း​ပူၺ်း ​ၸိုင်​ၵဝ်​တူပ်း​တႅင်း​လူမ်း​ဢႃႇၵႃႇသႃႉ​ၵၢင်​ႁၢဝ်​ၵူၺ်း​ၵူၺ်း​ဢမ်ႇ​ၸႂ်ႈ။-</verse>
				<verse number="27">ၵဝ်​လႆႈ​ႁေႃး​လၢတ်ႈ​တီႈ​ပိူၼ်ႈ​သေ​ယဝ်ႉ၊ ၼင်ႇ​ႁိုဝ်​ၵဝ်​တၵ်း​ဢမ်ႇ​လႆႈ​ပဵၼ်​ၵေႃႉ​ဢၼ်​သုမ်း​ၸိုင်​ၵဝ်​ၸၢင်ႈ​တူပ်း​တူဝ်​ၵႃႇ​ယႃႉ​ၵဝ်​လႄႈ​ၼိၵ်ႈ​ၸၢၵ်ႈ​ဢေႃႈ။</verse>
			</chapter>
			<chapter number="10">
				<verse number="1">ပီႈ​ၼွင်ႉ​ၶဝ်​ဢိူၺ်း၊ ၵဝ်​ဢမ်ႇ​မီး​ဢလူဝ်ႇ​ၶႂ်ႈ​ႁႂ်ႈ​သူ​ဢမ်ႇ​မၢတ်ႈ​ဢမ်ႇ​တွင်း​လွင်ႈ​ဢၼ်​ပူႇ​မွၼ်ႇ​ႁဝ်း ၵႃႈ​မီး​တင်း​သဵင်ႈ​တင်း​လူင်​မီး​ၵႃႈ​တႂ်ႈ​မွၵ်ႇ​ၵုမ်ႈ​လႄႈ ပႆ​ၵႂႃႇ​ၵႃႈ​ၼႂ်း​ၵၢင်​ပၢင်ႇ​လၢႆႇ၊-</verse>
				<verse number="2">လွင်ႈ​ဢၼ်​ၶဝ်​ၶၢမ်ႇ​ ပပ်ႉတီႉၸမ်ႇ ၵႃႈ​တီႈ​ မူဝ်းသေႇ ၵႃႈ​ၼႂ်း​မွၵ်ႇ​ၵုမ်ႈ​တင်း​ပၢင်ႇ​လၢႆႇ၊-</verse>
				<verse number="3">လွင်ႈ​ဢၼ်​ၶဝ်​ၵိၼ်​တၢင်း​ၵိၼ်​ဝီႉၺိၺ်ႇ​လူၺ်ႈ​ၵၼ်၊ လွင်ႈ​ဢၼ်​ၶဝ်​ၵိၼ်​ၼမ်ႉ​ဝီႉၺိၺ်ႇ​လူၺ်ႈ​ၵၼ်​ၸိူဝ်း​ၼၼ်ႉ​လႄႈ​ယူႇ။-</verse>
				<verse number="4">ၶဝ်​ၼၼ်ႉ​ၵိၼ်​ၼမ်ႉ​ဢၼ်​ဢွၵ်ႇ​ၵႃႈ​ၼႂ်း​မၢၵ်ႇ​ႁိၼ်​ဝီႉၺိၺ်ႇ ဢၼ်​ၸွမ်း​ၽၢႆႇ​လင်​ၶဝ်​ၼၼ်ႉ​ဢေႃႈ။ မၢၵ်ႇ​ႁိၼ်​ၼၼ်ႉ​ၸမ်ႉ၊ ပဵၼ်​ၸဝ်ႈ​ၶရိၸ်ႈ​ဢေႃႈ။-</verse>
				<verse number="5">ၵူၺ်း​ၵႃႈ​ၼႂ်း​ၶဝ်​ၼၼ်ႉ​ၵူၼ်း​ၼမ်​ၼႃႇ​ဢမ်ႇ​ထုၵ်ႇ​ၸႂ်​ၽြႃး​ပဵၼ်​ၸဝ်ႈ၊ ၶဝ်​ၼၼ်ႉ​ႁွတ်ႈ​ထိုင်​တၢင်း​ဢၼ်​လူႉ​လႅဝ်​ႁၢႆ​လၢႆ​ၼႂ်း​ထိူၼ်ႇ​ဢေႃႈ။-</verse>
				<verse number="6">ၼင်ႇ​ႁိုဝ်​ႁဝ်း​တၵ်း​ဢမ်ႇ​ၸပ်း​ဢမ်ႇ​ၸွႆး​ဢၼ်​ဢမ်ႇ​လီ​ဢမ်ႇ​ငၢမ်း မိူၼ်​ၸိူဝ်ႉ​ၼင်ႇ​ဢၼ်​ၶဝ်​ၸႂ်​ၸပ်း​ၸႂ်​ၸွႆး​ၼၼ်ႉ​ၸိုင် လွင်ႈ​တၢင်း​ၸိူဝ်း​ၼၼ်ႉ​ပဵၼ်​ပုင်ႇ​သၢၵ်ႈ​သေႇ​ပုၼ်ႈ​ႁဝ်း​ဢေႃႈ။-</verse>
				<verse number="7">ယႃႇ​ပေ​ၵူဝ်း​ၵႂၢႆႇ​ရုၵ်ႈ​ထူႉ​မိူၼ်​ၸိူဝ်ႉ​ၼင်ႇ​ဢၼ်​ၶဝ်​ၵမ်ႈ​ၽွင်ႈ​ၵူဝ်း​ၵႂၢႆႇ​ၼၼ်ႉ။ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၵူၼ်း​တင်း​လၢႆ​ဢွၼ်​ၵၼ်​ၼင်ႈ​ယူႇ​ႁႂ်ႈ​လႆႈ​ၵိၼ်​လႆႈ​ၶူပ်း​ဢေႃႈ။ လိုၼ်း​ၼၼ်ႉ​ဢွၼ်​ၵၼ်​လုၵ်ႉ​ႁႂ်ႈ​လႆႈ​ၵႃႈ​လႆႈ​ဝႅၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ယင်း​ဢမ်ႇ​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး မိူၼ်​ၸိူဝ်ႉ​ၼင်ႇ​ဢၼ်​ၶဝ်​ၵမ်ႈ​ၽွင်ႈ​ႁဵတ်း​လႄႈ​ၼႂ်း​ဝၼ်း​ၼိုင်ႈ​ၵူၺ်း​ၵူၼ်း​သွင်​မိုၼ်ႇ​ပၢႆ​သၢမ်​ႁဵင်​လူမ်ႉ​တၢႆ​ၼၼ်ႉ​လႄႈ ဢွၼ်​ၵၼ်​ဝႄႈ​ပႅတ်ႈ​တႃႉ​ႁဝ်း။-</verse>
				<verse number="9">ယင်း​ဢမ်ႇ​ႁဵတ်း​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ၸဝ်ႈ​ၶရိၸ်ႈ​မိူၼ်​ၸိူဝ်ႉ​ၼင်ႇ​ဢၼ် ၶဝ်​ၵမ်ႈ​ၽွင်ႈ​ႁဵတ်း​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ လႄႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​လူၺ်ႈ​ငူး​ၼၼ်ႉ​လႄႈ​ဢွၼ်​ၵၼ်​ယူႇ​တႃႉ​ႁဝ်း။-</verse>
				<verse number="10">ယႃႇ​ပေ​ပွင်ႉ​လႃႇ​ပွင်ႉ​ဝႃႈ​မိူၼ်​ၸိူဝ်ႉ​ၼင်ႇ​ဢၼ် ၶဝ်​ၵမ်ႈ​ၽွင်ႈ​ပွင်ႉ​လႃႇ​ပွင်ႉ​ဝႃႈ​လႄႈ​ႁွတ်ႈ​ထိုင်​တၢင်း​လူႉ​တၢင်း​လႅဝ် ၵႃႈ​ၼႂ်း​မိုဝ်း​ၵေႃႉ​ဢၼ်​ယႃႉ​ပႅတ်ႈ​ၼၼ်ႉ။-</verse>
				<verse number="11">လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ႁွတ်ႈ​ထိုင်​တီႈ​ၶဝ်​ၼၼ်ႉ ႁႂ်ႈ​လႆႈ​ပဵၼ်​ပုင်ႇ​သၢၵ်ႈ​သေႇ​ဝႆႉ​ဢေႃႈ။ တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​ႁႂ်ႈ​လႆႈ​ပဵၼ်​ပုၼ်ႈ​ဢၼ်​တၵ်း​သင်ႇ​သွၼ်​ႁဝ်း​ၸိုင် ဢၼ်​ပဵၼ်​မႃး​ၼႂ်း​တီႈ​သုတ်း​ၵၢပ်ႈ​ၵႃႇလႃႉ​ၸိူဝ်း​ၼႆႉ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ ၼင်ႇ​ႁိုဝ်​ၵေႃႉ​ဢၼ်​ထၢင်ႇ​ဝႃႈ​မၼ်း​တႄႇ​ၼိမ်​ယူႇ​ၼၼ်ႉ၊ တၵ်း​ဢမ်ႇ​လႆႈ​လူမ်ႉ​ၸိုင် ႁႂ်ႈ​မၼ်း​ႁဵတ်း​သတီႉ​တႃႉ။-</verse>
				<verse number="13">သူ​လႆႈ​ၶၢမ်ႇ​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ဢၼ်​ၸၢင်ႈ​ပဵၼ်​တီႈ​ၵူၼ်း​ၵူၺ်း​ၼၼ်ႉ​ယဝ်ႉ​ဢေႃႈ။ ၽြႃး​ပဵၼ်​ၸဝ်ႈ​ပိူဝ်ႈ​ဢၼ်​ပျေႉ​ၸုမ်ႇ​တင်း​သဵတ်ႈ​ၸႃႇ​လႄႈ ဢမ်ႇ​ပၼ်​ဢၶႂၢင်ႉ​ႁႂ်ႈ​သူ​လႆႈ​ႁွတ်ႈ​ထိုင်​တၢင်း​ဢၼ် ၸၢမ်း​တူၺ်း​ယႃႉ​ယူၵ်ႉ ဢၼ်​သူ​ဢမ်ႇ​ၶၢမ်ႇ​လႆႈ​ၼၼ်ႉ၊ ၼင်ႇ​ႁိုဝ်​သူ​တၵ်း​ၶၢမ်ႇ​လႆႈ​ၸိုင် မၼ်း​ၸဝ်ႈ​တၵ်း​မႄး​ႁဵတ်း​သဵၼ်ႈ​တၢင်း​ဢၼ်​ဢွၵ်ႇ​ၵႂႃႇ​လႆႈ​ၼၼ်ႉ ဢိၵ်ႇ​လူၺ်ႈ​ၵၼ်​တင်း​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ၼၼ်ႉ​ဝႆႉ​ဢေႃႈ။</verse>
				<verse number="14">ပိူဝ်ႈ​ၼႆ​လႄႈ​ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ဝႄႈ​ပႅတ်ႈ​တၢင်း​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ​တႃႉ။-</verse>
				<verse number="15">ၵဝ်​မၢတ်ႈ​သူ​ပဵၼ်​ၸိူဝ်ႉ​ၼင်ႇ​ၵူၼ်း​ဢၼ်​မီး​ပိင်ႇ​ၺႃႇ​လႄႈ​လၢတ်ႈ​ဢေႃႈ။ ၶႆႈ​ၸႂ်​တူၺ်း​ၵႂၢမ်း​ၵဝ်​လႄႈ​ၸီႇ​ယၢင်ႇ​တႃႉ။-</verse>
				<verse number="16">ၵွၵ်း​မင်ႇၵလႃႇ​တၢင်း​ဢၼ်​ႁဝ်း​ယွင်ႈ​ယေႃး​ၵျေး​ၸူး​ၸဝ်ႈ​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​သိူၵ်ႈ​သမ်ႇ​ၵၼ်​တင်း​လိူတ်ႈ​ၸဝ်ႈ​ၶရိၸ်ႈ​ဢမ်ႇ​ၸႂ်ႈ​ႁိုဝ်။ ၶဝ်ႈ​မုၼ်း​ႁူၺ်ႇ​ၼိုင်ႈ​ဢၼ်​ႁဝ်း​ဝိတ်း​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​သိူၵ်ႈ​သမ်ႇ​ၵၼ်​တင်း​တူဝ်​ၸဝ်ႈ​ၶရိၸ်ႈ​ဢမ်ႇ​ၸႂ်ႈ​ႁိုဝ်။-</verse>
				<verse number="17">ပိူဝ်ႈ​ဢၼ်​ႁဝ်း​ၵႃႈ​မီး​သိူၵ်ႈ​သမ်ႇ​ၶၢမ်ႇ​ဢဝ်​ၶဝ်ႈ​မုၼ်း​ႁူၺ်ႇ​ၼိုင်ႈ​ၼၼ်ႉ​လႄႈ​ႁဝ်း​ဢၼ်​ၼမ်​ၼႃႇ​ပဵၼ်​ၶဝ်ႈ​မုၼ်း​ႁူၺ်ႇ​လဵဝ်၊ ပဵၼ်​တူဝ်​ဢၼ်​လဵဝ်​ၵၼ်​ဢေႃႈ။</verse>
				<verse number="18">တူၺ်း​ၶဝ်​ၸိူဝ်း​ဢၼ်​ၸွမ်း​ၼင်ႇ​ၸႃႇ​တီႉ​လႄႈ ပဵၼ်​ၸိူဝ်ႉ​ၶိူဝ်း​ ဢီႉသရေႇလႃႉ ​ၼၼ်ႉ​တႃႉ။ ၶဝ်​ၸိူဝ်း​ဢၼ်​ၵိၼ်​တူဝ်​ယိတ်ႈ​ၼၼ်ႉ ပဵၼ်​ၵေႃႉ​ဢၼ်​သိူၵ်ႈ​သမ်ႇ​ၵၼ်​တင်း​ယိတ်ႈ​ပလၢင်ႇ​ဢမ်ႇ​ၸႂ်ႈ​ႁိုဝ်။-</verse>
				<verse number="19">မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ ၵဝ်​ၶႂ်ႈ​ဝႃႈ​ၸိူဝ်ႉ​ၼင်ႇ​ႁိုဝ်။ ၵဝ်​ၶႂ်ႈ​ဝႃႈ​ရုၵ်ႈ​ထူႉ​ၸမ်ႉ၊ မီး​တီႈ​လီ​မၢတ်ႈ​ဢေႃႈ။ တူဝ်​ယိတ်ႈ​ဢၼ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ​ၸမ်ႉ၊ မီး​တီႈ​လီ​မၢတ်ႈ​ဢေႃႈ၊ ဝႃႈ​ၼင်ႇ​ၼႆ​ႁိုဝ်။-</verse>
				<verse number="20">ၵဝ်​ဢမ်ႇ​ၶႂ်ႈ​ဝႃႈ​ၸိူဝ်ႉ​ၼင်ႇ​ၼၼ်။ ယိတ်ႈ​ဢၼ်​ၶဝ်​ပုၵ်ႈ​ၸေႃႇ​ၼၼ်ႉ၊ ၶဝ်​ပုၵ်ႈ​ၸေႃႇ​တီႈ​ၽြႃး​ပဵၼ်​ၸဝ်ႈ​ဢမ်ႇ​ၸႂ်ႈ။ ပုၵ်ႈ​ၸေႃႇ​တီႈ​ၽီ​ႁၢႆႉ​ဢေႃႈ။ ၵဝ်​ဢမ်ႇ​မီး​ဢလူဝ်ႇ​ၶႂ်ႈ​ႁႂ်ႈ​သူ​သိူၵ်ႈ​သမ်ႇ​ၵၼ်​တင်း​ၽီ​ႁၢႆႉ။-</verse>
				<verse number="21">သူ​ဢမ်ႇ​ၵိၼ်​ၵွၵ်း​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵွၵ်း​ၽီ​ႁၢႆႉ​သွင်​ဢၼ်​ၼၼ်ႉ​လႆႈ။ သူ​ဢမ်ႇ​ၶဝ်ႈ​ၵိၼ်​တီႈ​ၶူင်ႇ​တီႈ​ၵိၼ်​ၽြႃး​ပဵၼ်​ၸဝ်ႈ ဢိၵ်ႇ​တင်း​တီႈ​ၵိၼ်​ၽီ​ႁၢႆႉ​သွင်​တီႈ​ၼၼ်ႉ​လႆႈ။</verse>
				<verse number="22">ႁဝ်း​ႁဵတ်း​ႁႂ်ႈ​တၢင်း​ၸႂ်​မႆႈ​ၽြႃး​ပဵၼ်​ၸဝ်ႈ​ဢွၵ်ႇ​ႁိုဝ်။ ႁဝ်း​တၼ်း​ၶူဝ်း​ယႂ်ႇ​သေ​ၽြႃး​ပဵၼ်​ၸဝ်ႈ​ႁိုဝ်။-</verse>
				<verse number="23">ၵဝ်​ယင်း​ဢမ်ႇ​ထုၵ်ႇ​ဢပႅတ်ႈ​လႄႈ​ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​လႆႈ​ဢေႃႈ။ ၵဝ်​ထုၵ်ႇ​လီ​ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ဢမ်ႇ​ၸႂ်ႈ။ ၵဝ်​ယင်း​ဢမ်ႇ​ထုၵ်ႇ​ဢပႅတ်ႈ​လႄႈ ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​လႆႈ​ဢေႃႈ။ ၵူၺ်း​ၵႃႈ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸၢင်ႈ​မေႃ​ႁႂ်ႈ​ပိူၼ်ႈ​တႄႇ​ပဵၼ်​ဢမ်ႇ​ၸႂ်ႈ။-</verse>
				<verse number="24">ယႃႇ​ပေ​ႁႂ်ႈ​ၽူႈ​လႂ်​ႁႃ​ဢၵျူဝ်း​တူဝ်​ၸဝ်ႈ​ၵဝ်ႇ။ ႁႂ်ႈ​ၵူၼ်း​ၵူႈ​ၵေႃႉ​ႁႃ​ဢၵျူဝ်း​ပိူၼ်ႈ​တႃႉ။-</verse>
				<verse number="25">ၵွပ်ႈ​ပိူဝ်ႈ​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ​လႄႈ ၵႃႈ​ဢၼ်​ၶၢႆ​ၵႃႈ​ၼႂ်း​ၵၢတ်ႇ​ၼၼ်ႉ​ၸိုင် ယင်း​ဢမ်ႇ​ၸႅတ်ႈ​ထၢမ်​ၸႅတ်ႈ​တူၺ်း​လႄႈ ၵိၼ်​တႃႉ။-</verse>
				<verse number="26">လွင်ႈ​မၼ်း​ၸမ်ႉ ထႃႇဝရႃႉ​ၽြႃး​ပိူင်ႇ​လိၼ်​မိူင်း ဢိၵ်ႇ​တင်း​ၶိူင်ႈ​ပိူင်​ၵႃႈ​ဢၼ်​မီး ၵႃႈ​တီႈ​လိၼ်​မိူင်း​ၼႆႉ​ဢေႃႈ။</verse>
				<verse number="27">ပေႃး​ၵေႃႉ​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​ႁွင်ႉ​ပၢင်း​သူ​လႄႈ​သူ​ၶႂ်ႈ​ၵႂႃႇ​ၸိုင်၊ ၵွပ်ႈ​ပိူဝ်ႈ​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ​လႄႈ ၵႃႈ​ဢၼ်​သႂ်ႇ​ဝႆႉ​ၵႃႈ​တီႈ​ၽၢႆႇ​ၼႃႈ​သူ​ၼၼ်ႉ ယင်း​ဢမ်ႇ​ၸႅတ်ႈ​ထၢမ်​ၸႅတ်ႈ​တူၺ်း​လႄႈ​ၵိၼ်​တႃႉ။-</verse>
				<verse number="28">ၼႂ်း​ဝႃႈ​ၼၼ်​သေ​ၵေႃႈ ပေႃး​သေ​ၵေႃႉ​သေ​ၵူၼ်း​လၢတ်ႈ​လႄႈ​ဝႃႈ၊ ပဵၼ်​တူဝ်​ယိတ်ႈ​ဢၼ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ၵွပ်ႈ​ပိူဝ်ႈ​ၵေႃႉ​ဢၼ်​ဝႃႈ​ၼင်ႇ​ၼႆ​ၼၼ်ႉ ဢိၵ်ႇ​တင်း​ၵွပ်ႈ​ပိူဝ်ႈ​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ​ၼၼ်ႉ​လႄႈ ယႃႇ​ပေ​ၵိၼ်။-</verse>
				<verse number="29">မိူဝ်ႈ​ဢၼ်​ဝႃႈ​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ၊ ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊ ဢမ်ႇ​ၶႂ်ႈ​ဝႃႈ​ၸႂ်​တူဝ်​ၸဝ်ႈ​ၵဝ်ႇ၊ ၶႂ်ႈ​ဝႃႈ​ၸႂ်​ပိူၼ်ႈ​ဢေႃႈ။ ႁဵတ်း​သင်​လႄႈ​ပိူၼ်ႈ​တၢင်ႇ​ၵေႃႉ​တၵ်း​လႆႈ​ၸႅတ်ႈ​ထၢမ်​ၸီႇ​ယၢင်ႇ​ဢၶႂၢင်ႉ​ၵဝ်​ၼင်ႇ​ႁိုဝ်။-</verse>
				<verse number="30">ပေႃး​ၵဝ်​ယွင်ႈ​ယေႃး​ၵျေး​ၸူး​ၸဝ်ႈ​လႄႈ​သုင်း​သွင်ႇ​ၸိုင် ႁဵတ်း​သင်​လႄႈ တၵ်း​လႆႈ​ၶၢမ်ႇ​တၢင်း​ဢၼ်​သႄႉ​သွမ်း​တၢင်ႇ​ဢပႅတ်ႈ ၼႂ်း​လွင်ႈ​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ​လႄႈ​သုင်း​သွင်ႇ​ၼၼ်ႉ​ၼင်ႇ​ႁိုဝ်။</verse>
				<verse number="31">ပိူဝ်ႈ​ၼႆ​လႄႈ မိူဝ်ႈ​ဢၼ်​သူ​ၵိၼ်​သူ​ၶူပ်း၊ မိူဝ်ႈ​ဢၼ်​သူ​ႁဵတ်း​ၵႃႈ​သင်​သေ​ဢမ်ႇ​ဝႃႈ၊ ၶႆႈ​ၸႂ်​လူၺ်ႈ​လွင်ႈ​မုၼ်​ၽုင်း​ၽြႃး​ပဵၼ်​ၸဝ်ႈ​သေ​လႄႈ ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​တႃႉ။-</verse>
				<verse number="32">ၼင်ႇ​ႁိုဝ်​ၵူၼ်း​ၼမ်​ၼႃႇ တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၸိုင်၊ ၸိူဝ်ႉ​ၼင်ႇ​ဢၼ်​ၵဝ်​ယင်း ဢမ်ႇ​ႁႃ​ဢၵျူဝ်း​တူဝ်​ၸဝ်ႈ​ၵဝ်ႇ၊ ႁႃ​ဢၵျူဝ်း​ပိူၼ်ႈ​ၵူၺ်း​လႄႈ ၸွမ်း​ဢလူဝ်ႇ​ၵူၼ်း​တင်း​သဵင်ႈ​တင်း​လူင်​ၼႂ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ၊-</verse>
				<verse number="33">သူ​ၵေႃႈ​ယႃႇ​ပေ​ႁဵတ်း​လွင်ႈ​ဢၼ်​ၵူၼ်း​ ယူႉတႃႉ ၊ ၵူၼ်း​ ႁေႇလသႃႉ ၊ ၵူၼ်း​ၶဝ်ႈ​ၸိူဝ်း​ၸဝ်ႈ ၽြႃး​ပဵၼ်​ၸဝ်ႈ​တင်း​လၢႆ တၵ်း​တိူဝ်ႉ မႅၼ်ႈ​လႄႈ​လူမ်ႉ။</verse>
			</chapter>
			<chapter number="11">
				<verse number="1">ၸိူဝ်ႉ​ၼင်ႇ​ဢၼ် ၵဝ်​ၵမ်​ၵျၢင်ႉ​မိူၼ်​ၸိူဝ်ႉ​ၼင်ႇ​ၸဝ်ႈ​ၶရိၸ်ႈ​ၼၼ်ႉ သူ​ၵေႃႈ​ၵမ်​ၵျၢင်ႉ​မိူၼ်​ၸိူဝ်ႉ​ၼင်ႇ​ၵဝ်​တႃႉ။</verse>
				<verse number="2">ပီႈ​ၼွင်ႉ​ၶဝ်​ဢိူၺ်း၊ ၵွပ်ႈ​ပိူဝ်ႈ​ဢၼ်​သူ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ် ၵႃႈ​ၼႂ်း​ၵူႈ​ၸိူဝ်ႉ​ၵူႈ​ပိူင်​လႄႈ​ၸွႆး​ၸပ်း​ၼႄး​ဢူႉပတေႇ ဢၼ်​ၵဝ်​ဢၢပ်ႈ​ပၼ်​ဝႆႉ​ၼၼ်ႉ​လႄႈ​ၵဝ်​ယွင်ႈ​ယေႃး​သူ​ယူႇ​ဢေႃႈ။</verse>
				<verse number="3">ႁူဝ်​ၵူၼ်း​ၸၢႆး​ၸမ်ႉ၊ ပဵၼ်​ၸဝ်ႈ​ၶရိၸ်ႈ​ဢေႃႈ​ဝႃႈ​ၼႆ​လႄႈ​သင်၊ ႁူဝ်​ၵူၼ်း​ယိင်း​ၸမ်ႉ၊ ပဵၼ်​ၵူၼ်း​ၸၢႆး​ဢေႃႈ​ဝႃႈ​ၼႆ​လႄႈ​သင်၊ ႁူဝ်​ၸဝ်ႈ​ၶရိၸ်ႈ​ၸမ်ႉ၊ ပဵၼ်​ၽြႃး​ပဵၼ်​ၸဝ်ႈ​ဢေႃႈ​ဝႃႈ​ၼႆ​လႄႈ​သင်၊ ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​သူ​မၢတ်ႈ​တွင်း​ဝႆႉ​ဢေႃႈ။-</verse>
				<verse number="4">ၵူၼ်း​ၸၢႆး​ၵေႃႉ​လႂ်​သေ​ဢမ်ႇ​ဝႃႈ၊ မိူဝ်ႈ​ဢၼ်​သူး​တွင်း​လႄႈ​သင်၊ မိူဝ်ႈ​ဢၼ်​ႁဵတ်း​ပရေႃးၽႅတ်ႈ​လႄႈ​သင်၊ ပေႃး​ႁူမ်ႇ​ႁူဝ်​တူဝ်​ၸဝ်ႈ​ၵဝ်ႇ​ဝႆႉ​ၸိုင်၊ ယႃႉ​သရေႇ​ႁူဝ်​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="5">ၵူၼ်း​ယိင်း​ၵေႃႉ​လႂ်​သေ​ဢမ်ႇ​ဝႃႈ၊ မိူဝ်ႈ​ဢၼ်​သူး​တွင်း​လႄႈ​သင်၊ မိူဝ်ႈ​ဢၼ်​ႁဵတ်း​ပရေႃးၽႅတ်ႈ​လႄႈ​သင်၊ ပေႃး​ဢမ်ႇ​ႁူမ်ႇ​ႁူဝ်​တူဝ်​ၸဝ်ႈ​ၵဝ်ႇ​ဝႆႉ​ၸိုင်၊ ယႃႉ​သရေႇ​ႁူဝ်​တူဝ်​ၸဝ်ႈ​ၵဝ်ႇ​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မိူၼ်​ၸိူဝ်ႉ​ၼင်ႇ​ဢၼ်​မၼ်း​ၶၢမ်ႇ​တၢင်း​ဢၼ်​ထႃ​ႁူဝ်​မၼ်း​ဢေႃႈ။-</verse>
				<verse number="6">ပေႃး​ၵူၼ်း​ယိင်း​ဢမ်ႇ​ႁူမ်ႇ​ႁူဝ်​တူဝ်​ၸဝ်ႈ​ၵဝ်ႇ​ဝႆႉ​ၸိုင်​ႁႂ်ႈ​မၼ်း​တႅပ်း​ၶူၼ်​ႁူဝ်​မၼ်း​သေ။ ပေႃး​တၢင်း​ဢၼ်​တႅပ်း​ၶူၼ်​ႁူဝ်​ဢိၵ်ႇ​တင်း​တၢင်း​ဢၼ်​ထႃ​ႁူဝ်​ၼၼ်ႉ မီး​လွင်ႈ​ဢၼ်​လီ​ဢူၵ်း​လီ​ဢၢႆ​ၸိုင်၊ ႁႂ်ႈ​မၼ်း​ႁူမ်ႇ​ႁူဝ်​မၼ်း​သေ။-</verse>
				<verse number="7">ၵူၼ်း​ၸၢႆး​ၸိုင်​ၵွပ်ႈ​ပိူဝ်ႈ​ဢၼ်​ပဵၼ်​ပုင်ႇ​ႁၢင်ႈ​မုၼ်​သရေႇ​ၽြႃး​ပဵၼ်​ၸဝ်ႈ​လႄႈ ဢမ်ႇ​လႆႈ​ႁူမ်ႇ​ႁူဝ်​တူဝ်​ၸဝ်ႈ​ၵဝ်ႇ။ ၵူၼ်း​ယိင်း​ၸမ်ႉ၊ ပဵၼ်​မုၼ်​ၽုင်း​သရေႇ​ၵူၼ်း​ၸၢႆး​ဢေႃႈ။-</verse>
				<verse number="8">လွင်ႈ​မၼ်း​ၸမ်ႉ​ၵူၼ်း​ၸၢႆး​ပဵၼ်​ၵွပ်ႈ​ပိူဝ်ႈ​ၵူၼ်း​ယိင်း​ဢမ်ႇ​ၸႂ်ႈ။ ၵူၼ်း​ယိင်း​ပဵၼ်​ၵွပ်ႈ​ပိူဝ်ႈ​ၵူၼ်း​ၸၢႆး​ဢေႃႈ။-</verse>
				<verse number="9">မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၵူၼ်း​ၸၢႆး​ပုၼ်ႈ​ၵူၼ်း​ယိင်း​ဢမ်ႇ​ၸႂ်ႈ။ ၽၢၼ်ႇ​သၢင်း​ႁဵတ်း​ပဵၼ်​ၵူၼ်း​ယိင်း​ပုၼ်ႈ​ၵူၼ်း​ၸၢႆး​ဢေႃႈ။</verse>
				<verse number="10">ပိူဝ်ႈ​ၼႆ​လႄႈ​ၵူၼ်း​ယိင်း​တၵ်း​လႆႈ​မီး​လၢၵ်ႈၶၼႃႇ တၢင်း​ဢၼ်​ၵူၼ်း​ၸၢႆး​ဢုပ်ႉ​ပိူင်ႇ​ၼၼ်ႉ ၵႃႈ​ၼိူဝ်​ႁူဝ်​မၼ်း ၵွပ်ႈ​ပိူဝ်ႈ​တမၢၼ်ႇ​ၵၢင်​ႁၢဝ်​တင်း​လၢႆ​ဢေႃႈ။-</verse>
				<verse number="11">ၵူၺ်း​ၵႃႈ ၼႂ်း​ၸဝ်ႈ​ၽြႃး​ၸိုင် ၵူၼ်း​ၸၢႆး​ယင်း​ဢမ်ႇ​ပႃး​လႄႈ​ၵူၼ်း​ယိင်း​ပဵၼ်​ဢမ်ႇ​ၸႂ်ႈ။ ၵူၼ်း​ယိင်း​ယင်း​ဢမ်ႇ​ပႃး​လႄႈ​ၵူၼ်း​ၸၢႆး​ပဵၼ်​ဢမ်ႇ​ၸႂ်ႈ။-</verse>
				<verse number="12">ၸိူဝ်ႉ​ၼင်ႇ​ဢၼ်​ၵူၼ်း​ယိင်း​ပဵၼ်​ၵွပ်ႈ​ပိူဝ်ႈ​ၵူၼ်း​ၸၢႆး​ၼၼ်ႉ၊ ၵူၼ်း​ၸၢႆး​ၵေႃႈ​ပဵၼ်​မႃး​ၵႃႈ​တီႈ​ၵူၼ်း​ယိင်း​ဢေႃႈ။ ၵႃႈ​မီး​တင်း​သဵင်ႈ​တင်း​လူင်​ၵေႃႈ ပဵၼ်​ၵွပ်ႈ​ပိူဝ်ႈ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="13">ပေႃး​ၵူၼ်း​ယိင်း​ယင်း​ဢမ်ႇ​ႁူမ်ႇ​ႁူဝ်​လႄႈ သူး​တွင်း​ၽြႃး​ပဵၼ်​ၸဝ်ႈ​ၸိုင် ထုၵ်ႇ​ႁိုဝ်​ဢမ်ႇ​ထုၵ်ႇ​ႁိုဝ်​ဝႃႈ​ၼႆ၊ ၶႆႈ​ၸႂ်​တူၺ်း​လႄႈ​ၸီႇ​ယၢင်ႇ​ႁင်း​ၽႂ်​ႁင်း​မၼ်း​တႃႉ။-</verse>
				<verse number="14">ပေႃး​ၵူၼ်း​ၸၢႆး​မီး​ၶူၼ်​ႁူဝ်​ဢၼ်​ယၢဝ်း​ၸိုင် ပဵၼ်​လွင်ႈ​ဢၼ်​လီ​ဢူၵ်း​လီ​ဢၢႆ​ဝႃႈ​ၼႆ၊ ပၵတီႉ​တြႃး​သင်ႇ​သွၼ်​သူ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="15">ၵူၼ်း​ယိင်း​ၸမ်ႉ၊ ပေႃး​မီး​ၶူၼ်​ႁူဝ်​ဢၼ်​ယၢဝ်း​ၸိုင်၊ ပဵၼ်​မုၼ်​သရေႇ​မၼ်း​ဢေႃႈ။ လွင်ႈ​မၼ်း​ၸမ်ႉ​ၶူၼ်​ႁူဝ်​ၵူၼ်း​ယိင်း​ၼၼ်ႉ​ပဵၼ်​ပုၼ်ႈ​ဢၼ်​မၼ်း​တၵ်း​ႁူမ်ႇ​တၵ်း​မႆ​ဢေႃႈ။</verse>
				<verse number="16">ၵူၺ်း​ၵႃႈ ပေႃး​သေ​ၵေႃႉ​သေ​ၵူၼ်း မိူၼ်​ၼင်ႇ​ႁၢင်ႈ​တၵ်း​တွပ်ႇ​တၵ်း​ထဵင်​ၸိုင် ထုင်း​ၸၢမ်ႇ​ၸိူဝ်ႉ​ၼင်ႇ​ၼၼ်​ဢမ်ႇ​မီး​တီႈ​ႁဝ်း။ ဢမ်ႇ​မီး​တီႈ​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ​တင်း​လၢႆ။</verse>
				<verse number="17">ပိူင်​ၼိုင်ႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​သူ​ၸူႉ​ၵၼ်​တုမ်​ၵၼ် ႁႂ်ႈ​လႆႈ​ပွင်​လႆႈ​ႁဵတ်း​ဢၵျူဝ်း​ဢမ်ႇ​ၸႂ်ႈ။ ၸူႉ​ၵၼ်​တုမ်​ၵၼ်​ႁႂ်ႈ​ဢၵျူဝ်း​လႆႈ​လဵၵ်ႉ​လၢႆႈ​ၵေႇ​ၵႂႃႇ​လႄႈ ၼႂ်း​မိူဝ်ႈ​ဢၼ်​ၵဝ်​ယင်း​တိုၵ်ႉ​ဝႆႉ​ပိင်း​ၺၢပ်ႈ​ယူႇ​ၼၼ်ႉ​ၸိုင်​ၵဝ်​ဢမ်ႇ​လႆႈ​ယွင်ႈ​ယေႃး​သူ။-</verse>
				<verse number="18">လွင်ႈ​ပထမႃႉ​ၸမ်ႉ၊ မိူဝ်ႈ​ဢၼ်​သူ​ၸူႉ​ၵၼ်​တုမ်​ၵၼ်​ၼႂ်း​ၸိူဝ်း​ၸဝ်ႈ​ၼၼ်ႉ​ၸိုင်​ၵဝ်​လႆႈ​ငိၼ်း​သူ​မီး​တၢင်း​ဢၼ်​ၽၢတ်ႇ​ၵၼ်​ၽႄ​ၵၼ်​ဢေႃႈ။ ၵႃႈ​ၼင်ႇ​ဢၼ်​လႆႈ​ငိၼ်း​ၼၼ်ႉ​ၸၢင်ႈ​ၶႄး​ၸႂ်ႈ​ဢေႃႈ။-</verse>
				<verse number="19">လွင်ႈ​မၼ်း​ၸမ်ႉ​ၼင်ႇ​ႁိုဝ်​ၶဝ်​ၸိူဝ်း​ဢၼ်​လီ​ငၢမ်း​ၼၼ်ႉ တၵ်း​လႆႈ​ထၢင်ႇ​သႃး​ၵႃႈ​ၼႂ်း​သူ​ၸိုင် တၢင်း​ဢၼ်​ၽႄ​ၵိူင်း​ၶႂၢႆး​ၵိူင်း တၵ်း​လႆႈ​မီး​တီႈ​သူ​ဢေႃႈ။</verse>
				<verse number="20">မိူဝ်ႈ​ဢၼ်​သူ​ၸူႉ​ၵၼ်​တုမ်​ၵၼ်​ၼၼ်ႉ​ၸိုင်၊ သူ​ၸူႉ​ၵၼ်​တုမ်​ၵၼ်​ႁႂ်ႈ​လႆႈ​ၵိၼ်​ပွႆး​ၸဝ်ႈ​ၽြႃး​ဢမ်ႇ​ၸႂ်ႈ။-</verse>
				<verse number="21">လွင်ႈ​မၼ်း​ၸမ်ႉ ၼႂ်း​မိူဝ်ႈ​ဢၼ်​သူ​ၵိၼ်​ၼၼ်ႉ​ၸိုင် သူ​ဢွၼ်​ၵၼ်​ဢဝ်​တၢင်း​ၵိၼ်​တူဝ်​ၸဝ်ႈ​ၵဝ်ႇ​ဢွၼ်​တၢင်း​ႁင်း​ၽႂ်​ႁင်း​မၼ်း​လႄႈ ၵမ်ႈ​ၽွင်ႈ​ၸမ်ႉ၊ တွင်ႉ​မႆႈ​ယူႇ။ ၵမ်ႈ​ၽွင်ႈ​ၸမ်ႉ၊ ၵိၼ်​ပူၼ်ႉ​ၵိၼ်​လိူဝ်​ယူႇ​ဢေႃႈ။-</verse>
				<verse number="22">ပုၼ်ႈ​ဢၼ်​သူ​တၵ်း​ၵိၼ်​ၸိုင်၊ သူ​ဢမ်ႇ​မီး​ႁိူၼ်း​ႁိုဝ်။ ဢမ်ႇ​ၼၼ် သူ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ​လႄႈ​ႁႂ်ႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ဢူၵ်း​ဢၢႆ​ႁိုဝ်။ ၵဝ်​တၵ်း​လႆႈ​ဝႃႈ​တီႈ​သူ​ၸိူဝ်ႉ​ၼင်ႇ​ႁိုဝ်။ ၼႂ်း​တီႈ​ႁဵင်း​ၼႆႉ​ၵဝ်​တၵ်း​လႆႈ​ယွင်ႈ​ယေႃး​သူ​ႁိုဝ်။ ၵဝ်​ဢမ်ႇ​လႆႈ​ယွင်ႈ​ယေႃး​ၵူၺ်ႉ။</verse>
				<verse number="23">လွင်ႈ​မၼ်း​ၸမ်ႉ​လွင်ႈ​ဢၼ်​ၵဝ်​ဢၢပ်ႈ​ပၼ်​တီႈ​သူ​ၼၼ်ႉ​ၸိုင်​ၵဝ်​လႆႈ​ၶၢမ်ႇ​ဢဝ်​ၵႃႈ​တီႈ​ၸဝ်ႈ​ၽြႃး​ယဝ်ႉ။ လွင်ႈ​ဢၼ်​ၵဝ်​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ မိူဝ်ႈ​ၶမ်ႈ​ဢၼ် ၸဝ်ႈ​ ယေႇသူႉ ​ၶၢမ်ႇ​တၢင်း​ဢၼ်​ဢၢပ်ႈ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၼၼ်ႉ၊ မၼ်း​ၸဝ်ႈ​ဢဝ်​ၶဝ်ႈ​မုၼ်း​လႄႈ၊-</verse>
				<verse number="24">ယွင်ႈ​ယေႃး​ၵျေး​ၸူး​ၸဝ်ႈ​သေ​ယဝ်ႉ၊ ဝိတ်း​ၶဝ်ႈ​မုၼ်း​လႄႈ​ဝႃႈ၊ ၶဝ်ႈ​မုၼ်း​ၼႆႉ​ၸမ်ႉ၊ ပဵၼ်​တူဝ်​ၵဝ်​ဢၼ်​လႆႈ​ၶၢမ်ႇ​တၢင်း​ဢၼ်​ႁၵ်း​ဝိတ်း​ပုၼ်ႈ​သူ​ဢေႃႈ။ ဢွၼ်​ၵၼ်​ဢဝ်​ၵိၼ်​တႃႉ၊ ပုၼ်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ်​ၸိုင်၊ ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="25">မိူၼ်​ၼင်ႇ​ၼၼ် ၵိၼ်​ၶဝ်ႈ​ၶမ်ႈ​သေ​ယဝ်ႉ၊ ၵွၵ်း​ၵေႃႈ​မၼ်း​ၸဝ်ႈ​ဢဝ်​လႄႈ​ဝႃႈ၊ ၵွၵ်း​ၼႆႉ​ၸမ်ႉ၊ ပဵၼ်​ပတီႉၺိၺ်ႇ​တြႃး​ဢၼ်​မႂ်ႇ​ဢၼ်​တႄႇ​ယူႇ​ၼႂ်း​လိူတ်ႈ​ၵဝ်​ဢေႃႈ။ ယၢမ်း​မိူဝ်ႈ​ဢၼ်​သူ​ၵိၼ်​ၵွၵ်း​ၼႆႉ​ၵူႈ​ပွၵ်ႈ၊ ပုၼ်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ်​ၸိုင် ဢွၼ်​ၵၼ်​ၵိၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="26">လွင်ႈ​မၼ်း​ၸမ်ႉ​ယၢမ်း​မိူဝ်ႈ​ဢၼ်​သူ​ၵိၼ်​ၶဝ်ႈ​မုၼ်း​ဢိၵ်ႇ​တင်း​ၵွၵ်း​ၼၼ်ႉ​ၵူႈ​ပွၵ်ႈ၊ သူ​ၼႄ​ပျႃး​တၢင်း​ဢၼ်​ၸဝ်ႈ​ၽြႃး​ၶၢမ်ႇ​တၢင်း​တၢႆ​ၼၼ်ႉ​တေႃႇ​ထိုင်​ႁွတ်ႈ​ၶိင်ႇ​ဝၼ်း​ဢၼ်​မၼ်း​ၸဝ်ႈ​တၵ်း​မႃး​ပုၼ်ႉ​ဢေႃႈ။</verse>
				<verse number="27">ပိူဝ်ႈ​ၼႆ​လႄႈ ၵေႃႉ​ဢၼ်​ယင်း​ဢမ်ႇ​ထိူၵ်ႈ​တၢၼ်ႇ​လႄႈ ၵိၼ်​ၶဝ်ႈ​မုၼ်း​ဢိၵ်ႇ​တင်း​ၵွၵ်း​ၸဝ်ႈ​ၽြႃး​ၼၼ်ႉ​ၸမ်ႉ၊ ႁွတ်ႈ​ထိုင်​တၢင်း​ဢၼ်​ၽိတ်း​ပိူင်ႈ​တူဝ်​ဢိၵ်ႇ​တင်း​လိူတ်ႈ​ၸဝ်ႈ​ၽြႃး​ဢေႃႈ။-</verse>
				<verse number="28">ၵွပ်ႈ​ႁွႆး​ၼႆႉ​လႄႈ​ႁႂ်ႈ​ၵူၼ်း​ၵူႈ​ၵေႃႉ​ၸႅတ်ႈ​ထၢမ်​ၸႅတ်ႈ​တူၺ်း​တူဝ်​ၸဝ်ႈ​ၵဝ်ႇ​ယဝ်ႉ​ၸင်ႇ​ၵိၼ်​ၶဝ်ႈ​မုၼ်း​ၼၼ်ႉ​သေ​ၵမ်း။ မိူၼ်​ၼင်ႇ​ၼႆ ၵွၵ်း​ၼၼ်ႉ​ၵေႃႈ​ႁႂ်ႈ​မၼ်း​ၵိၼ်​သေ​ၵမ်း။-</verse>
				<verse number="29">လွင်ႈ​မၼ်း​ၸမ်ႉ​ၵေႃႉ​ဢၼ်​ယင်း​ဢမ်ႇ​ထိူၵ်ႈ​ဢမ်ႇ​တၢၼ်ႇ​လႄႈ​ၵိၼ်​ၼၼ်ႉ​ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​ႁူႉ​ဢမ်ႇ​ႁၼ်​တူဝ်​ၸဝ်ႈ​ၽြႃး​လႄႈ​ပဵၼ်​ၵေႃႉ​ဢၼ်​ၵိၼ်​ႁႂ်ႈ​ဢပႅတ်ႈ​ႁွတ်ႈ​ထိုင်​ၵႃႈ​ၼိူဝ်​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="30">ၵွပ်ႈ​ပိူဝ်ႈ​လွင်ႈ​ၼၼ်ႉ​လႄႈ ၼႂ်း​သူ​ၶဝ်​ၸိူဝ်း​ဢၼ်​ႁႅင်း​လဵၵ်ႉ​ႁႅင်း​ၵေႇ၊ ၶဝ်​ၸိူဝ်း​ဢၼ်​ဢမ်ႇ​ယူႇ​လီ​မီး​ၼမ်​ၼႃႇ​ဢေႃႈ။-</verse>
				<verse number="31">ၶဝ်​ၸိူဝ်း​ဢၼ်​ၼွၼ်း​လပ်း​ၵႂႃႇ​ၼၼ်ႉ​ၵေႃႈ​မီး​ၼမ်​ၼႃႇ​ဢေႃႈ။ ပေႃး​ႁဝ်း​ၸႅတ်ႈ​ထၢမ်​ၸီႇ​ယၢင်ႇ​တူဝ်​ၸဝ်ႈ​ၵဝ်ႇ​ၸိုင်၊ ႁဝ်း​တၵ်း​ၵၢင်း​လွတ်ႈ​တင်း​တၢင်း​ဢၼ်​မၼ်း​ၸဝ်ႈ​ၸႅတ်ႈ​ထၢမ်​ၸီႇ​ယၢင်ႇ​ဢေႃႈ။-</verse>
				<verse number="32">မိူဝ်ႈ​ဢၼ်​ႁဝ်း​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ၸႅတ်ႈ​ထၢမ်​ၸီႇ​ယၢင်ႇ​ၼၼ်ႉ၊ ႁဝ်း​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​သင်ႇ​သွၼ်​ပၼ် ႁႂ်ႈ​လႆႈ​ၵၢင်း​လွတ်ႈ​တင်း​တၢင်း​ဢၼ်​ၸီႇ​ယၢင်ႇ​ဢပႅတ်ႈ​လူၺ်ႈ​ၵၼ်​တင်း​ၵူၼ်း​လေႃးၵီႇ​တင်း​လၢႆ​ဢေႃႈ။</verse>
				<verse number="33">ပိူဝ်ႈ​ၼႆ​လႄႈ​ပီႈ​ၼွင်ႉ​ၶဝ်​ဢိူၺ်း၊ မိူဝ်ႈ​ဢၼ်​သူ​ၸူႉ​ၵၼ်​တုမ်​ၵၼ်​ႁႂ်ႈ​လႆႈ​ၵိၼ်​ၼၼ်ႉ​ၸိုင်၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ပႂ်ႉ​ထႃႈ​ၵၼ်​တႃႉ။-</verse>
				<verse number="34">ပေႃး​သေ​ၵေႃႉ​သေ​ၵူၼ်း​တွင်ႉ​မႆႈ​ၸိုင်၊ ၼင်ႇ​ႁိုဝ်​သူ​တၵ်း​ဢမ်ႇ​လႆႈ​ၶၢမ်ႇ​ဢပႅတ်ႈ​သေ​လႄႈ​ၸူႉ​ၵၼ်​တုမ်​ၵၼ်​ၼၼ်ႉ၊ ႁႂ်ႈ​မၼ်း​ၼၼ်ႉ​ၵိၼ်​ၵႃႈ​တီႈ​ႁိူၼ်း​မၼ်း​သေ။ လွင်ႈ​တၢင်း​ဢၼ်​ၵိုတ်း​ဢၼ်​ၵျၢၼ်ႇ​ၸိုင်​မိူဝ်ႈ​ဢၼ်​ၵဝ်​မႃး​ၼၼ်ႉ၊ ၵဝ်​တၵ်း​ၸီႇ​ယၢင်ႇ​ဢေႃႈ။</verse>
			</chapter>
			<chapter number="12">
				<verse number="1">ပီႈ​ၼွင်ႉ​ၶဝ်​ဢိူၺ်း၊ ၼင်ႇ​ႁိုဝ်​သူ​တၵ်း​ဢမ်ႇ​ႁူႉ​လွင်ႈ​ၵျေး​ၸူး​ဝီႉၺိၺ်ႇ​တင်း​လၢႆ​လႄႈ​ယူႇ​ၸိုင်၊ ၵဝ်​ဢမ်ႇ​မီး​ဢလူဝ်ႇ။-</verse>
				<verse number="2">သူ​ႁူႉ​လွင်ႈ​ဢၼ်​မိူဝ်ႈ​ဢၼ်​သူ​ပဵၼ်​ၵူၼ်း​သႃႇသၼႃႇ​ပႃႉ​ၼၼ်ႉ သူ​ပဵၼ်​ၵေႃႉ​ဢၼ်​ပႃး​ၵႂႃႇ​ၵႃႈ​တီႈ​ရုၵ်ႈ​ထူႉ​ဢၼ်​ဢမ်ႇ​ၸၢင်ႈ​လၢတ်ႈ​ၵႂၢမ်း​လႆႈ​ၼၼ်ႉ ၵႃႈ​ၼင်ႇ​ဢၼ်​သူ​လႆႈ​ၶၢမ်ႇ​တၢင်း​ဢၼ်​ၸူဝ်း​ဢဝ်​ၼၼ်ႉ​ယူႇ​ဢေႃႈ။-</verse>
				<verse number="3">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​သူ​တၵ်း​ႁူႉ​လွင်ႈ​ဢၼ်​ပႃး​တင်း​ဝီႉၺိၺ်ႇ​ၽြႃး​ပဵၼ်​ၸဝ်ႈ​ႁေႃး​လၢတ်ႈ​ယူႇ​လႄႈ ၽူႈ​လႂ်​သေ​ၵေႃႉ​ဢမ်ႇ​ၵိၼ်ႇ​ဢမ်ႇ​လႃႇ​ ယေႇသူႉ ​လႆႈ​ဢိၵ်ႇ​တင်း​လွင်ႈ​ဢၼ်​ပေႃး​ဢမ်ႇ​ဢိင်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ၸိုင် ၽူႈ​လႂ်​သေ​ၵေႃႉ​ဢမ်ႇ​လၢတ်ႈ​ဢမ်ႇ​ဝႃႈ ယေႇသူႉ ​ပဵၼ်​ၸဝ်ႈ​ၽြႃး​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​လႆႈ​ၼၼ်ႉ​ၸိုင်​ၵဝ်​ပၼ်​သတီႉ​ဢေႃႈ။</verse>
				<verse number="4">ပိၵ်ႉ​သမ်ႉ​သူႉ​ၵျေး​ၸူး​ၸဝ်ႈ မီး​တၢင်း​ဢၼ်​ဢမ်ႇ​မိူၼ်​ၵၼ်​လၢႆ​ၸိူဝ်ႉ​လၢႆ​ပိူင်​သေ​ၵေႃႈ၊ မီး​ဝီႉၺိၺ်ႇ​ၸဝ်ႈ​ပႃး​လဵဝ်​ၵူၺ်း​ဢေႃႈ။-</verse>
				<verse number="5">ပိၵ်ႉ​သမ်ႉ​ဢမူႉ​တၢင်း​ဢၼ်​ထမ်ႇမႃႉ​သြႃႇ​ပွင်​ႁဵတ်း​ၼၼ်ႉ မီး​တၢင်း​ဢၼ်​ဢမ်ႇ​မိူၼ်​ၵၼ်​လၢႆ​ၸိူဝ်ႉ​လၢႆ​ပိူင်​သေ​ၵေႃႈ၊ မီး​ၸဝ်ႈ​ပႃး​လဵဝ်​ၵူၺ်း​ဢေႃႈ။-</verse>
				<verse number="6">ပိၵ်ႉ​သမ်ႉ​ဢမူႉ​တၢင်း​ဢၼ်​ႁဵတ်း​ပဵၼ်​ၼၼ်ႉ မီး​တၢင်း​ဢၼ်​ဢမ်ႇ​မိူၼ်​ၵၼ် လၢႆ​ၸိူဝ်ႉ​လၢႆ​ပိူင်​သေ​ၵေႃႈ၊ မီး​ၽြႃး​ပဵၼ်​ၸဝ်ႈ​ပႃး​လဵဝ်​ၵူၺ်း​ဢၼ်​ႁဵတ်း​ပဵၼ် ၵႃႈ​ဢၼ်​ႁဵတ်း​ပဵၼ်​ၵႃႈ​ၼႂ်း​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="7">ပုၼ်ႈ​ဢၵျူဝ်း​ၸိုင်​မၼ်း​ၸၢင်ႈ​ပၼ်​ဝီႉၺိၺ်ႇ​ၸဝ်ႈ​တီႈ​ၵူၼ်း​ၵူႈ​ၵေႃႉ​ႁင်း​ၽႂ်​ႁင်း​မၼ်း​ထၢင်ႇ​ထၢင်ႇ​သႃး​သႃး​ဢေႃႈ။-</verse>
				<verse number="8">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ ၸွမ်း​လူၺ်ႈ​ဝီႉၺိၺ်ႇ​ၸဝ်ႈ​လႄႈ​မၼ်း​ၸဝ်ႈ​ပၼ်​ပိင်ႇ​ၺႃႇ​တြႃး​တီႈ​ၵူၼ်း​ၵေႃႉ​ၼိုင်ႈ​ဢေႃႈ။ ၸွမ်း​လူၺ်ႈ​ဝီႉၺိၺ်ႇ​ၸဝ်ႈ​ၼၼ်ႉ​လႄႈ မၼ်း​ၸဝ်ႈ​ပၼ်​တြႃး​တၢင်း​ဢၼ် ၶုတ်း​မူင်ႇ​ၸီး​ၸွင်ႈ​ႁူႉ​လႆႈ​တီႈ​ၵူၼ်း​ၵေႃႉ​ၼိုင်ႈ​ဢေႃႈ။-</verse>
				<verse number="9">ၸွမ်း​လူၺ်ႈ​ဝီႉၺိၺ်ႇ​ၸဝ်ႈ​ၼၼ်ႉ​လႄႈ မၼ်း​ၸဝ်ႈ​ပၼ်​တၢင်း​ဢၼ်​ယုမ်ႇ​မၢတ်ႈ​တီႈ​ၵူၼ်း​ၵေႃႉ​ၼိုင်ႈ​ဢေႃႈ။ ၸွမ်း​လူၺ်ႈ​ဝီႉၺိၺ်ႇ​ၸဝ်ႈ​ၼၼ်ႉ​လႄႈ မၼ်း​ၸဝ်ႈ​ပၼ်​ဢၶႂၢင်ႉ​တၢင်း​ဢၼ်​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​တီႈ​ၵူၼ်း​ၵေႃႉ​ၼိုင်ႈ​ဢေႃႈ။-</verse>
				<verse number="10">မၼ်း​ၸဝ်ႈ​ပၼ်​ဢၶႂၢင်ႉ​ဢၼ်​ၸၢင်ႈ​ၼႄ​ပျႃး​တၼ်း​ၶူဝ်း​ၼၼ်ႉ​တီႈ​ၵေႃႉ​ၼိုင်ႈ၊ ဢၶႂၢင်ႉ​ဢၼ်​ၸၢင်ႈ​ႁဵတ်း​ပရေႃးၽႅတ်ႈ​ၼၼ်ႉ​တီႈ​ၵေႃႉ​ၼိုင်ႈ၊ ဢၶႂၢင်ႉ​ဢၼ်​ၸၢင်ႈ​ၸၵ်း​ၽႄ​လႄႈ​ႁူႉ​ၸႂ်​ဝီႉၺိၺ်ႇ​တင်း​လၢႆ​ၼၼ်ႉ တီႈ​ၵေႃႉ​ၼိုင်ႈ၊ ဢၶႂၢင်ႉ​ဢၼ်​ၸၢင်ႈ​လၢတ်ႈ​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​တီႈ​ၵေႃႉ​ၼိုင်ႈ၊ ဢၶႂၢင်ႉ​ဢၼ်​ၸၢင်ႈ​ၽုၺ်ႇ​ၼႄ​ဢထိၵ်ႈပႄႇ​ၵႂၢမ်း​ၽႃႇသႃႇ​ၼၼ်ႉ​တီႈ​ၵေႃႉ​ၼိုင်ႈ​ဢေႃႈ။-</verse>
				<verse number="11">ဢၶႂၢင်ႉ​ၵႃႈ​မီး​ၸိူဝ်း​ၼၼ်ႉ​ၸိုင် ဝီႉၺိၺ်ႇ​ၸဝ်ႈ​ပႃး​လဵဝ်​ၵူၺ်း ႁဵတ်း​ပဵၼ်​လႄႈ​မၼ်း​ၸဝ်ႈ​မႅင်ႇ​ပၼ်​ဢၶႂၢင်ႉ​တီႈ​ၵူႈ​ၵေႃႉ​ၵူႈ​ၵူၼ်း​ႁင်း​ၽႂ်​ႁင်း​မၼ်း ၵႃႈ​ၼင်ႇ​ဢၼ်​ဢလူဝ်ႇ​ၸဝ်ႈ​မီး​ၼၼ်ႉ​ဢေႃႈ။</verse>
				<verse number="12">ဢူႉပမႃႇ​ၸမ်ႉ၊ ၸိူဝ်ႉ​ၼင်ႇ​ဢၼ်​ၼႂ်း​တူဝ်​ဢၼ်​ၼိုင်ႈ​မီး​ဢၢင်ႇ​ၵႃႇ​ၼမ်​ၼႃႇ​လႄႈ ဢၢင်ႇ​ၵႃႇ​တူဝ်​ဢၼ်​ၼိုင်ႈ​ၵႃႈ​မီး​တင်း​သဵင်ႈ​တင်း​လူင်​ၼမ်​ၼႃႇ​ယူႇ​သေ​လႄႈ ပဵၼ်​တူဝ်​ဢၼ်​လဵဝ်​ၵူၺ်း​ၼၼ်ႉ၊ မိူၼ်​ၼင်ႇ​ၼၼ်​ၸဝ်ႈ​ၶရိၸ်ႈ​ပဵၼ်​ဢေႃႈ။-</verse>
				<verse number="13">လွင်ႈ​မၼ်း​ၸမ်ႉ​ပဵၼ်​ၵူၼ်း​ ယူႉတႃႉ ​သေ​ဢမ်ႇ​ဝႃႈ၊ ပဵၼ်​ၵူၼ်း​ ႁေႇလသႃႉ ​သေ​ဢမ်ႇ​ဝႃႈ၊ ပဵၼ်​ၶႃႈ​သေ​ဢမ်ႇ​ဝႃႈ၊ ပဵၼ်​ၵူၼ်း​လွတ်ႈ​သေ​ဢမ်ႇ​ဝႃႈ၊ ႁဝ်း​ၵႃႈ​မီး​တင်း​သဵင်ႈ​တင်း​လူင်​လႆႈ​ၶၢမ်ႇ​ ပပ်ႉတီႉၸမ်ႇ ​ၵႃႈ​ၼႂ်း​တူဝ်​ဢၼ်​လဵဝ်​ၵူၺ်း​ၼႂ်း​ဝီႉၺိၺ်ႇ​ၸဝ်ႈ​ပႃး​လဵဝ်​ၵူၺ်း​ဢေႃႈ။ ႁဝ်း​ၵႃႈ​မီး​တင်း​သဵင်ႈ​တင်း​လူင်​လႆႈ​ၵိၼ်​တီႈ​ဝီႉၺိၺ်ႇ​ၸဝ်ႈ​ပႃး​လဵဝ်​ၵူၺ်း​ဢေႃႈ။</verse>
				<verse number="14">တူဝ်​ၸိုင်​မီး​ဢၢင်ႇ​ၵႃႇ​ဢၼ်​လဵဝ်​ၵူၺ်း​ဢမ်ႇ​ၸႂ်ႈ။ မီး​ၼမ်​ၼႃႇ​ဢေႃႈ။-</verse>
				<verse number="15">ပေႃး​တိၼ်​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​ဢမ်ႇ​ၸႂ်ႈ​မိုဝ်း​လႄႈ​ၵဝ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​တူဝ်၊ ဝႃႈ​ၼင်ႇ​ၼႆ​ၸိုင်၊ ၵွပ်ႈ​ပိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​လႄႈ​ဢမ်ႇ​ၸၢပ်ႈ​သႅင်ႇ​တႄႉ​ႁိုဝ်။-</verse>
				<verse number="16">ႁူ​ၵေႃႈ​ပေႃး​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​ဢမ်ႇ​ၸႂ်ႈ​တႃ​လႄႈ​ၵဝ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​တူဝ်၊ ဝႃႈ​ၼင်ႇ​ၼႆ​ၸိုင်၊ ၵွပ်ႈ​ပိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​လႄႈ ဢမ်ႇ​ၸၢပ်ႈ​သႅင်ႇ​တႄႉ​ႁိုဝ်။-</verse>
				<verse number="17">ပေႃး​တင်း​တူဝ်​တင်း​ၶိင်း​ပဵၼ်​မၢၵ်ႇ​တႃ​ၵူၺ်း​ၵူၺ်း​ၸိုင်၊ တၢင်း​ဢၼ်​ငိၼ်း​လႆႈ​တၵ်း​မီး​ၵႃႈ​လႂ်။ ပေႃး​တင်း​တူဝ်​တင်း​ၶိင်း​ပဵၼ်​ႁူ​ၵူၺ်း​ၵူၺ်း​ၸိုင်​တၢင်း​ဢၼ်​ၼူမ်​လႆႈ​တၵ်း​မီး​ၵႃႈ​လႂ်။</verse>
				<verse number="18">တေႃႈ​လဵဝ်​ၸမ်ႉ၊ ၽြႃး​ပဵၼ်​ၸဝ်ႈ​ၼၼ်ႉ ၸီႇ​ယၢင်ႇ​ၶၢၼ်း​ဝႆႉ​ဢၢင်ႇ​ၵႃႇ​တင်း​လၢႆ​ႁင်း​ၽႂ်​ႁင်း​မၼ်း ၵႃႈ​ၼႂ်း​တူဝ်​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​ဢလူဝ်ႇ​ဢေႃႈ။-</verse>
				<verse number="19">လိူဝ်​သေ​ၼၼ်ႉ​ပေႃး​ဢၢင်ႇ​ၵႃႇ​ၵႃႈ​မီး​တင်း​သဵင်ႈ​တင်း​လူင်​ပဵၼ်​ဢၢင်ႇ​ၵႃႇ​ဢၼ်​လဵဝ်​ၵူၺ်း​ၸိုင်​တူဝ်​တၵ်း​မီး​ၵႃႈ​လႂ်။-</verse>
				<verse number="20">တေႃႈ​လဵဝ်​ၼႆႉ​ပိၵ်ႉ​သမ်ႉ​ဢၢင်ႇ​ၵႃႇ​ၼမ်​ၼႃႇ​သေ​ၵေႃႈ၊ မီး​တူဝ်​ဢၼ်​လဵဝ်​ၵူၺ်း​ဢေႃႈ။-</verse>
				<verse number="21">ၵဝ်​ဢမ်ႇ​လူဝ်ႇ​မႂ်း​ဝႃႈ​ၼႆ​မၢၵ်ႇ​တႃ​ဢမ်ႇ​လႆႈ​ဝႃႈ​တီႈ​မိုဝ်း။ ႁူဝ်​ၵေႃႈ​ဢမ်ႇ​လူဝ်ႇ​သူ​ဝႃႈ​ၼႆ​ဢမ်ႇ​လႆႈ​ဝႃႈ​တီႈ​တိၼ်။-</verse>
				<verse number="22">လိူဝ်​သေ​ၼၼ်ႉ​ဢမ်ႇ​ၵႃး၊ ဢၢင်ႇ​ၵႃႇ​ဢၼ်​မိူၼ်​ၼင်ႇ​ႁၢင်ႈ​ႁႅင်း​တၵ်း​လဵၵ်ႉ​တၵ်း​ၵေႇ​ၼၼ်ႉ ယဵင်ႈ​ၶႅၼ်း​မီး​တီႈ​တၵ်း​သုင်း​တၵ်း​သွင်ႇ​ဢေႃႈ။-</verse>
				<verse number="23">တီႈ​ဢၢင်ႇ​ၵႃႇ​ဢၼ်​မိူၼ်​ၼင်ႇ​ႁၢင်ႈ​သရေႇ​တၵ်း​ၵေႇ​တၵ်း​မၢင်​တင်း​လၢႆ​ၼၼ်ႉ​ၵေႃႈ ႁဝ်း​ၸၢင်ႈ​ပၼ်​သရေႇ​ဢၼ်​ယဵင်ႈ​ၶႅၼ်း​ယႂ်ႇ​ဢေႃႈ။ ဢၢင်ႇ​ၵႃႇ​ဢၼ်​ဢမ်ႇ​သၢင်ႇ​ထုၵ်ႇ​တင်း​လၢႆ​ၼၼ်ႉ လႆႈ​ၶၢမ်ႇ​တၢင်း​ဢၼ်​ယဵင်ႈ​ၶႅၼ်း​သၢင်ႇ​ထုၵ်ႇ​ဢေႃႈ။-</verse>
				<verse number="24">ဢၢင်ႇ​ၵႃႇ​ဢၼ်​သၢင်ႇ​ထုၵ်ႇ​တင်း​လၢႆ​ၼၼ်ႉ ဢမ်ႇ​လူဝ်ႇ​တၢင်း​ဢၼ်​သၢင်ႇ​ထုၵ်ႇ​တၢင်ႇ​ၸိူဝ်ႉ​တၢင်ႇ​ဢၼ်​ထႅင်ႈ။-</verse>
				<verse number="25">လွင်ႈ​ၼင်ႇ​ႁိုဝ်​တၵ်း​ဢမ်ႇ​မီး​တၢင်း​ဢၼ်​ၽၢတ်ႇ​ၽႄ​ၵၼ်​ၼႂ်း​တူဝ်​ၶၼ်ႇ​ထႃႇ​လႄႈ​ဢၢင်ႇ​ၵႃႇ​တင်း​လၢႆ​တၵ်း​ႁဵတ်း​သတီႉ​တၢၼ်ႇ​ၽႂ်​တၢၼ်ႇ​မၼ်း​ၸိုင် ၽြႃး​ပဵၼ်​ၸဝ်ႈ​ႁႂ်ႈ​တူဝ်​ၶၼ်ႇ​ထႃႇ​ၵိုင်ႇ​ၵၼ်​လႅပ်ႈ​ၵၼ်​လႄႈ ပၼ်​သရေႇ​ဢၼ်​ယဵင်ႈ​ၶႅၼ်း​ၼမ်​တီႈ ဢၢင်ႇ​ၵႃႇ​ဢၼ်​ယုတ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="26">ပိူဝ်ႈ​ၼႆ​လႄႈ​ပေႃး​ဢၢင်ႇ​ၵႃႇ​ဢၼ်​ၼိုင်ႈ​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၸိုင်၊ ဢၢင်ႇ​ၵႃႇ​ၵႃႈ​မီး​တင်း​သဵင်ႈ​တင်း​လူင်​လႆႈ​ၶၢမ်ႇ​လူၺ်ႈ​ၵၼ်​ဢေႃႈ။ ပေႃး​ဢၢင်ႇ​ၵႃႇ​ဢၼ်​ၼိုင်ႈ​လႆႈ​ၶၢမ်ႇ​တၢင်း​ဢၼ်​မုၼ်​သရေႇ​ယႂ်ႇ​ၼမ်​ၸိုင်၊ ဢၢင်ႇ​ၵႃႇ​ၵႃႈ​မီး​တင်း​သဵင်ႈ​တင်း​လူင်​လႆႈ​သိူဝ်း​ပျေႃႇ​လူၺ်ႈ​ၵၼ်​ဢေႃႈ။</verse>
				<verse number="27">သူ​ပဵၼ်​တူဝ်​ၸဝ်ႈ​ၶရိၸ်ႈ​ဢေႃႈ။ ပဵၼ်​ဢၢင်ႇ​ၵႃႇ​မၼ်း​ၸဝ်ႈ​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="28">ၽြႃး​ပဵၼ်​ၸဝ်ႈ​ၶၢၼ်း​ဝႆႉ​တမၢၼ်ႇ​ၸဝ်ႈ​တင်း​လၢႆ ၼႂ်း​ဢရႃႇ​ပထမႃႉ၊ ပရေႃးၽႅတ်ႈ​တင်း​လၢႆ​ၼႂ်း​ဢရႃႇ​တူႉတီႉယႃႉ၊ သြႃႇ​တင်း​လၢႆ​ၼႂ်း​ဢရႃႇ​တႃႉတီႉယႃႉ၊ လိုၼ်း​ၼၼ်ႉ​ၶဝ်​ၸိူဝ်း​ဢၼ်​ၼႄ​ပျႃး​တၼ်း​ၶူဝ်း၊ လိုၼ်း​ၼၼ်ႉ​ၶဝ်​ၸိူဝ်း​ဢၼ်​လႆႈ​ဢၶႂၢင်ႉ​ဢၼ်​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ၊ ၶဝ်​ၸိူဝ်း​ဢၼ်​ပွင်​လူၺ်ႈ​ၸိူဝ်း​ၸဝ်ႈ၊ ၶဝ်​ၸိူဝ်း​ဢၼ်​ၸီႇ​ယၢင်ႇ​ဢုပ်ႉ​ပိူင်ႇ၊ ၶဝ်​ၸိူဝ်း​ဢၼ်​ၸၢင်ႈ​လၢတ်ႈ​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၼႂ်း​ၸိူဝ်း​ၸဝ်ႈ​ဢေႃႈ။-</verse>
				<verse number="29">ၶဝ်​ၵႃႈ​မီး​တင်း​သဵင်ႈ​တင်း​လူင်​ပဵၼ်​တမၢၼ်ႇ​ၸဝ်ႈ​ႁိုဝ်။ ၵႃႈ​မီး​တင်း​သဵင်ႈ​တင်း​လူင်​ပဵၼ်​ပရေႃးၽႅတ်ႈ​ႁိုဝ်။ ၵႃႈ​မီး​တင်း​သဵင်ႈ​တင်း​လူင်​ပဵၼ်​သြႃႇ​ႁိုဝ်။ ၵႃႈ​မီး​တင်း​သဵင်ႈ​တင်း​လူင်​ၼႄ​ပျႃး​တၼ်း​ၶူဝ်း​လႆႈ​ႁိုဝ်။-</verse>
				<verse number="30">ၵႃႈ​မီး​တင်း​သဵင်ႈ​တင်း​လူင်​လႆႈ​ဢၶႂၢင်ႉ​ဢၼ်​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​ႁိုဝ်။ ၵႃႈ​မီး​တင်း​သဵင်ႈ​တင်း​လူင်​ၸၢင်ႈ​လၢတ်ႈ​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင်​ႁိုဝ်။ ၵႃႈ​မီး​တင်း​သဵင်ႈ​တင်း​လူင်​ၸၢင်ႈ​ၽုၺ်ႇ​ၼႄ​ဢထိၵ်ႈပႄႇ​ၵႂၢမ်း​ၽႃႇသႃႇ​ၼၼ်ႉ​ႁိုဝ်။-</verse>
				<verse number="31">သူ​ဢွၼ်​ၵၼ်​မီး​ဢလူဝ်ႇ​ၶႂ်ႈ​လႆႈ​သူႉ​ၵျေး​ၸူး​ၸဝ်ႈ​ဢၼ်​မျၢတ်ႈ​သေ​ပိူၼ်ႈ​ၼၼ်ႉ​ၼႃႇ​လူင်​လၢင်​တႃႉ။ ၵူၺ်း​ၵႃႈ​ၵဝ်​တၵ်း​ၼႄ​ပျႃး​သဵၼ်ႈ​တၢင်း​ဢၼ်​ယဵင်ႈ​ၶႅၼ်း​မျၢတ်ႈ​ၼႃႇ​ၼၼ်ႉ​တီႈ​သူ​လူး​ၵွၼ်ႇ​ဢေႃႈ။</verse>
			</chapter>
			<chapter number="13">
				<verse number="1">ပိၵ်ႉ​သမ်ႉ​ၵဝ်​ၸၢင်ႈ​လၢတ်ႈ​ၵႂၢမ်း​ၽႃႇသႃႇ​ၵူၼ်း ဢိၵ်ႇ​တင်း​ၵႂၢမ်း​ၽႃႇသႃႇ​တမၢၼ်ႇ​ၵၢင်​ႁၢဝ်​သေ​ၵေႃႈ၊ ပေႃး​ၵဝ်​ဢမ်ႇ​မီး​မႅတ်ႈ​တႃႇ​ၸိုင် ပဵၼ်​ၸိူဝ်ႉ​ၼင်ႇ​ပီႇ​ၼႄး​ဢၼ်​မေႃး​သဵင်​ဢိၵ်ႇ​တင်း​ၸိူဝ်ႉ​ၼင်ႇ​သႅင်ႇ ဢၼ်​ၸၢင်ႈ​ပၼ်​သဵင်​ႁႄႇ​ၵူၺ်း​ၼၼ်ႉ​ဢေႃႈ။-</verse>
				<verse number="2">ပိၵ်ႉ​သမ်ႉ​ၵဝ်​လႆႈ​ၺၢၼ်ႇ​ပရေႃးၽႅတ်ႈ​လႄႈ​မေႃ​ၸၢင်ႈ တၢင်း​ဢၼ်​လိုၵ်ႉ​ဢၼ်​လမ်ႇ​ၵႃႈ​မီး​တင်း​သဵင်ႈ​တင်း​လူင် ဢိၵ်ႇ​တင်း​ဢတၢတ်ႈ​ပိင်ႇ​ၺႃႇ​ၵူႈ​ၸိူဝ်ႉ​ၵူႈ​ပိူင်​သေ​ၵေႃႈ၊ ပိၵ်ႉ​သမ်ႉ​ၵဝ်​ပျေႉ​ၸုမ်ႇ​တင်း​တၢင်း​ဢၼ်​ယုမ်ႇ​မၢတ်ႈ​ၵူႈ​ၸိူဝ်ႉ​ၵူႈ​ပိူင်​ဢၼ်​ၶၢႆႉ​လွႆ​တင်း​လၢႆ​လႆႈ​သေ​ၵေႃႈ၊ ပေႃး​ၵဝ်​ဢမ်ႇ​မီး​မႅတ်ႈ​တႃႇ​ၸိုင် ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။-</verse>
				<verse number="3">ပိၵ်ႉ​သမ်ႉ​ၵဝ်​ၽႄ​ၸွၼ်း​ဢုၵ်ႉ​ၸႃႇ​ၵဝ်​တင်း​သဵင်ႈ​တင်း​လူင်​ႁႂ်ႈ​လႆႈ​လဵင်ႉ​ပိူၼ်ႈ​ဢမ်ႇ​ၵႃး၊ ဢၢပ်ႈ​ပၼ်​တူဝ်​ၶၼ်ႇ​ထႃႇ​ၵဝ် ႁႂ်ႈ​လႆႈ​တုတ်ႇ​ၽႆး​ပႅတ်ႈ​သေ​ၵေႃႈ ပေႃး​ၵဝ်​ဢမ်ႇ​မီး​မႅတ်ႈ​တႃႇ​ၸိုင်​ဢမ်ႇ​မီး​ဢၵျူဝ်း​တီႈ​ၵဝ်။</verse>
				<verse number="4">မႅတ်ႈ​တႃႇ​ၸိုင်​ၸႂ်​ယႂ်ႇ​ၸႂ်​ယၢဝ်း​လႄႈ ၸၢင်ႈ​ႁဵတ်း​ၵျေး​ၸူး​ဢေႃႈ။ မႅတ်ႈ​တႃႇ​ၼၼ်ႉ​ဢမ်ႇ​မီး​တၢင်း​ဢၼ်​ၶေႉ​ၵၼ်​ၶဵင်ႇ​ၵၼ်။ ဢမ်ႇ​မီး​တၢင်း​ဢၼ်​ဢုပ်ႇ​ဝၢဝ်း။ ဢမ်ႇ​မီး​တၢင်း​ဢၼ်​မႃႇၼႃႉ​ၸႂ်​သုင်။-</verse>
				<verse number="5">ဢမ်ႇ​ၸၢင်ႈ​ၵမ်​ၵျၢင်ႉ​တၢင်း​ဢၼ်​ဢမ်ႇ​ထုၵ်ႇ​ဢမ်ႇ​လီ။ ဢမ်ႇ​ၸၢင်ႈ​ႁႃ​ဢၵျူဝ်း​တူဝ်​ၸဝ်ႈ​ၵဝ်ႇ။ တေႃး​သႃႉ​တၢင်း​ၸႂ်​မႆႈ​ဢမ်ႇ​ၸၢင်ႈ​ဢွၵ်ႇ။ ဢမ်ႇ​ၸၢင်ႈ​ထၢင်ႇ​မီး​ဢပႅတ်ႈ။-</verse>
				<verse number="6">ဢမ်ႇ​ၸၢင်ႈ​သိူဝ်း​ပျေႃႇ​ၼႂ်း​လွင်ႈ​တၢင်း​ဢၼ်​ဢမ်ႇ​တြႃး​ၼၼ်ႉ။ ၸၢင်ႈ​သိူဝ်း​ပျေႃႇ​ၼႂ်း​သမ်ႇမႃႇ​တြႃး​ဢေႃႈ။-</verse>
				<verse number="7">ၸၢင်ႈ​ႁူမ်​ဝႆႉ​ၵႃႈ​မီး​တင်း​သဵင်ႈ​တင်း​လူင်​ဢေႃႈ၊ ၸၢင်ႈ​ယုမ်ႇ​ၵႃႈ​မီး​တင်း​သဵင်ႈ​တင်း​လူင်​ဢေႃႈ။ ၸၢင်ႈ​မုင်ႈ​ထႃႈ​မွင်း​ထႃႈ​ၵႃႈ​မီး​တင်း​သဵင်ႈ​တင်း​လူင်​ဢေႃႈ။ ၸၢင်ႈ​ယိူၼ်ႉ​ၶၢမ်ႇ​ၵႃႈ​မီး​တင်း​သဵင်ႈ​တင်း​လူင်​ဢေႃႈ။-</verse>
				<verse number="8">မႅတ်ႈ​တႃႇ​ၼၼ်ႉ​ၵၢင်း​လွတ်ႈ​တင်း​ၸႂ်​သၽေႃး​ဢၼ်​ၽွၵ်ႈ​ပျၢၼ်ႇ​ၶိုၼ်း​ၼၼ်ႉ​ယူႇ​တႃႇ​သေႇ​ဢေႃႈ။ ပေႃး​မီး​ၺၢၼ်ႇ​ပရေႃးၽႅတ်ႈ​ၸိုင်၊ ၸၢင်ႈ​ႁၢႆ​လၢႆ​ဢေႃႈ။ ပေႃး​မီး​ဢၶႂၢင်ႉ​ဢၼ်​ၸၢင်ႈ​လၢတ်ႈ​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင်​ၸိုင်​တၵ်း​ထၢတ်ႇ​သုတ်း​ဢေႃႈ။ ပေႃး​မီး​ဢတၢတ်ႈ​ပိင်ႇ​ၺႃႇ​ၸိုင်​တၵ်း​ႁၢႆ​လၢႆ​ဢေႃႈ။-</verse>
				<verse number="9">တေႃႈ​လဵဝ်​ၼႆႉ​ၸမ်ႉ၊ ႁဝ်း​ႁူႉ​ဢမ်ႇ​ၸေး​ဢမ်ႇ​ၸွတ်ႇ​ဢေႃႈ။ ၸၢင်ႈ​မီး​တင်း​ၺၢၼ်ႇ​ပရေႃးၽႅတ်ႈ​ႁေႃး​လၢတ်ႈ​ဢမ်ႇ​ၸေး​ဢမ်ႇ​ၸွတ်ႇ​ဢေႃႈ။-</verse>
				<verse number="10">မိူဝ်ႈ​ဢၼ်​ႁွတ်ႈ​ထိုင်​တၢင်း​ဢၼ်​ၸေး​ၸုမ်ႇ​ၼၼ်ႉ​ၸမ်ႉ၊ တၢင်း​ဢၼ်​ဢမ်ႇ​ၸေး​ၸုမ်ႇ​ၼၼ်ႉ​တၵ်း​ႁၢႆ​လၢႆ​ဢေႃႈ။</verse>
				<verse number="11">မိူဝ်ႈ​ဢၼ်​ၵဝ်​ပဵၼ်​လုၵ်ႈ​ဢွၼ်ႇ​ၼၼ်ႉ​ၸိုင်၊ ၵဝ်​ၸၢင်ႈ​လၢတ်ႈ​ၵႂၢမ်း​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ဢေႃႈ။ ၸၢင်ႈ​ထၢင်ႇ​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ဢေႃႈ။ ၸၢင်ႈ​ၵျၢမ်ႇ​ၸၢင်ႈ​ပွင်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ဢေႃႈ။ မိူဝ်ႈ​ဢၼ်​ဢသၢၵ်ႈ​ယႂ်ႇ​ၸမ်ႉ၊ ၵဝ်​ပႅတ်ႈ​ဝႆႉ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​လုၵ်ႈ​ဢွၼ်ႇ​ၼၼ်ႉ​ဢေႃႈ။-</verse>
				<verse number="12">တေႃႈ​လဵဝ်​ၼႆႉ ႁဝ်း​ယႅၵ်ႉ​ၸမ်ႈ​လႄႈ​ႁၼ်​မူဝ်း​မူဝ်း​ယူႇ​ၵူၺ်း​ဢေႃႈ။ ဝၼ်း​လိုၼ်း​မိူဝ်း​ၼႃႈ​ၸမ်ႉ၊ ႁဝ်း​တၵ်း​လႆႈ​ႁၼ်​သိုဝ်ႈ​ၼႃႈ​ထၢင်ႇ​သႃး​ဢေႃႈ။ တေႃႈ​လဵဝ်​ၼႆႉ​တၢင်း​ဢၼ်​ၵဝ်​ႁူႉ​ၵဝ်​ႁၼ် ပဵၼ်​ဢၼ်​ဢမ်ႇ​ၸေး​ဢမ်ႇ​ၸုမ်ႇ​ဢေႃႈ။ ဝၼ်း​လိုၼ်း​မိူဝ်း​ၼႃႈ​ၸမ်ႉ၊ ၵဝ်​တၵ်း​လႆႈ​ႁူႉ​မိူၼ်​ၸိူဝ်ႉ​ၼင်ႇ​ဢၼ်​ပိူၼ်ႈ​တၢင်ႇ​ၵေႃႉ​ႁူႉ​ၵဝ်​ၼၼ်ႉ​ဢေႃႈ။</verse>
				<verse number="13">တေႃႈ​လဵဝ်​ၼႆႉ တၢင်း​ယုမ်ႇ​မၢတ်ႈ၊ တၢင်း​မုင်ႈ​ထႃႈ​မွင်း​ထႃႈ၊ တၢင်း​ႁၵ်ႉ​မႅတ်ႈ​တႃႇ သၢမ်​ပႃး​ၼႆႉ​တႄႇ​ဝႆႉ​မီး​ယူႇ​ဢေႃႈ။ ၼႂ်း​သၢမ်​ပႃး​ၼႆႉ တၢင်း​ႁၵ်ႉ​မႅတ်ႈ​တႃႇ ပဵၼ်​ဢၼ်​မျၢတ်ႈ​ၼႃႇ​သေ​ပိူၼ်ႈ​ဢေႃႈ။</verse>
			</chapter>
			<chapter number="14">
				<verse number="1">ၸွမ်း​ႁႂ်ႈ​ၶိုတ်း​တၢင်း​ႁၵ်ႉ​မႅတ်ႈ​တႃႇ​တႃႉ။ မီး​ဢလူဝ်ႇ​ၶႂ်ႈ​လႆႈ​သူႉ​ၵျေး​ၸူး​ဝီႉၺိၺ်ႇ​ၼႃႇ​လူင်​လၢင်​တႃႉ။ ၵူၺ်း​ၵႃႈ ယဵင်ႈ​ၶႅၼ်း​မီး​ၸႂ်​ဢၼ်​ၶႂ်ႈ​လႆႈ​ဢၶႂၢင်ႉ​ဢၼ်​လႆႈ​ႁဵတ်း​ပရေႃးၽႅတ်ႈ​ၼၼ်ႉ​တႃႉ။-</verse>
				<verse number="2">လွင်ႈ​မၼ်း​ၸမ်ႉ​ၵေႃႉ​ဢၼ်​ဢဝ်​တင်း​ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​လၢတ်ႈ​ၼၼ်ႉ ဢမ်ႇ​လၢတ်ႈ​တီႈ​ၵူၼ်း​တင်း​လၢႆ၊ လၢတ်ႈ​တီႈ​ၽြႃး​ပဵၼ်​ၸဝ်ႈ​ဢေႃႈ။ ၽူႈ​လႂ်​ဢမ်ႇ​ႁူႉ​ၵႂၢမ်း​မၼ်း​ၼၼ်ႉ​သေ​ၵေႃႉ​သေ​ၵူၼ်း၊ မၼ်း​ဢဝ်​တင်း​ဝီႉၺိၺ်ႇ​ၸဝ်ႈ​လၢတ်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​တင်း​လၢႆ​ဢေႃႈ။-</verse>
				<verse number="3">ၵေႃႉ​ဢၼ်​ႁဵတ်း​ပရေႃးၽႅတ်ႈ​ၸမ်ႉ၊ ႁေႃး​လၢတ်ႈ​ပုၼ်ႈ​တၢင်း​ဢၼ်​တႄႇ​ႁဵတ်း၊ တၢင်း​ဢၼ်​တိုၵ်း​ယူင်း​ၸူဝ်း​ဢဝ်၊ တၢင်း​ဢၼ်​သၢၵ်ႈ​သႃႇ​ၸိူဝ်း​ၼၼ်ႉ​တီႈ​ၵူၼ်း​တင်း​လၢႆ​ဢေႃႈ။-</verse>
				<verse number="4">ၵေႃႉ​ဢၼ်​ဢဝ်​တင်း​ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​လၢတ်ႈ​ၼၼ်ႉ တႄႇ​ႁဵတ်း​တူဝ်​ၸဝ်ႈ​ၵဝ်ႇ​ၵူၺ်း​ဢေႃႈ။ ၵေႃႉ​ဢၼ်​ႁဵတ်း​ပရေႃးၽႅတ်ႈ​ၸမ်ႉ၊ တႄႇ​ႁဵတ်း​ၸိူဝ်း​ၸဝ်ႈ​ဢေႃႈ။</verse>
				<verse number="5">ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​သူ​ဢဝ်​တင်း​ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​လၢတ်ႈ​ဢေႃႈ။ ၵူၺ်း​ၵႃႈ​ၵဝ်​ယဵင်ႈ​ၶႅၼ်း​မီး​ဢလူဝ်ႇ​ၶႂ်ႈ​ႁႂ်ႈ​သူ​ႁဵတ်း​ပရေႃးၽႅတ်ႈ​ဢေႃႈ။ လွင်ႈ​မၼ်း​ၸမ်ႉ ၼင်ႇ​ႁိုဝ်​တၵ်း​လႆႈ​တႄႇ​ႁဵတ်း​ၸိူဝ်း​ၸဝ်ႈ​ၸိုင်၊ ၵေႃႉ​ဢၼ်​ႁဵတ်း​ပရေႃးၽႅတ်ႈ​ၼၼ်ႉ​ယဵင်ႈ​ၶႅၼ်း​မျၢတ်ႈ​သေ​ၵေႃႉ​ဢၼ်​ဢဝ်​တင်း​ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​လၢတ်ႈ​လႄႈ​ဢမ်ႇ​ၽုၺ်ႇ​ၼႄ​ဢထိၵ်ႈပႄႇ​ၼၼ်ႉ​ဢေႃႈ။</verse>
				<verse number="6">ပီႈ​ၼွင်ႉ​ၶဝ်​ဢိူၺ်း၊ ပိၵ်ႉ​သမ်ႉ​ၵဝ်​မႃး​ၵႃႈ​တီႈ​သူ​လႄႈ​ဢဝ်​တင်း​ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​ႁေႃး​လၢတ်ႈ​သေ​ၵေႃႈ၊ ပေႃး​ၵဝ်​ဢမ်ႇ​ႁဵတ်း​တၢင်း​ဢၼ်​ပျၢၼ်ႇ​လၢတ်ႈ​ပျႃႇ​တိၵ်ႈ​ၸဝ်ႈ၊ ဢမ်ႇ​ၼၼ်​တၢင်း​ဢၼ်​သွၼ်​ဢတၢတ်ႈ​ပိင်ႇ​ၺႃႇ၊ ဢမ်ႇ​ၼၼ်​တၢင်း​ဢၼ်​ႁဵတ်း​ပရေႃးၽႅတ်ႈ၊ ဢမ်ႇ​ၼၼ်​တၢင်း​ဢၼ်​သင်ႇ​သွၼ်​သုင်း​မႃႉ​လႄႈ​လၢတ်ႈ​တီႈ​သူ​ၸိုင်၊ သူ​တၵ်း​မီး​ဢၵျူဝ်း​ၵႃႈ​သင်။-</verse>
				<verse number="7">မိူၼ်​ၼင်ႇ​ၼၼ် ပေႃး​ၶိူင်ႈ​ပိူင်​ဢႃႉဝုၺ်ႇၺႃႇၼၵႃႉ​ ၊ ပီႇ​ဢၼ်​ၸၢင်ႈ​သဵင်​လင်​သဵင်​မေႃး​ၼၼ်ႉ ပဵၼ်​ပီႇ​သေ​ဢမ်ႇ​ဝႃႈ၊ ပဵၼ်​တိင်ႇ​သေ​ဢမ်ႇ​ဝႃႈ၊ ဢမ်ႇ​မီး​တင်း​သဵင်​ဢၼ်​ပႅၵ်ႇ​ပိူင်ႈ​ၵၼ်​လင်​မေႃး​ၸိုင်၊ တၵ်း​ႁူႉ​လွင်ႈ​ဢၼ်​ပႃး​သဵင်​ၶိုၼ်ႈ​သဵင်​လူင်း​ၼႂ်း​တၢင်း​ဢၼ်​ပဝ်ႇ​ပီႇ​လဵတ်း​တိင်ႇ​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="8">ၼႄးၶရႃႇ​ၵေႃႈ​ပေႃး​ဢမ်ႇ​ႁဵတ်း​တင်း​သဵင်​ဢၼ်​မၢၼ်ႇ​ဢၼ်​မႅၼ်ႈ​လႄႈ​မေႃး​လင်​ၸိုင် ၽူႈ​လႂ်​တၵ်း​မႄး​ႁႅၼ်း​တူဝ်​ၸဝ်ႈ​ၵဝ်ႇ​ဝႆႉ ပုၼ်ႈ​ဢၼ်​တၵ်း​တိုၵ်း​သိုၵ်း။-</verse>
				<verse number="9">မိူၼ်​ၼင်ႇ​ၼၼ် ပေႃး​သူ​ဢမ်ႇ​ဢဝ်​တင်း​သူပ်း​ၵႂၢမ်း​ဢၼ်​ႁူႉ​ငၢႆႈ​ၼၼ်ႉ​လၢတ်ႈ​ၸိုင်၊ ၽူႈ​လႂ်​တၵ်း​ႁူႉ​ၵႂၢမ်း​ဢၼ်​လၢတ်ႈ​ၼၼ်ႉ​လႆႈ၊ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​လၢတ်ႈ​ၵႂၢမ်း​တေႃႇ​လူမ်း​ဢႃႇၵႃႇသႃႉ​ၵၢင်​ႁၢဝ်​ၼၼ်ႉ​ဢေႃႈ။</verse>
				<verse number="10">မဵဝ်း​ၵႂၢမ်း​ၽႃႇသႃႇ​ၼႂ်း​မိူင်း​ၵူၼ်း​ၼႆႉ​ၼမ်​ၼႃႇ​လူင်​လၢင်​ထၢၼ်ႇ​ၼႆႉ​လႄႈ ၵႃႈ​မီး​တင်း​သဵင်ႈ​တင်း​လူင်​ပျေႉ​ၸုမ်ႇ​တင်း​ဢထိၵ်ႈပႄႇ​ဝႃႈ​ၼႆ၊ ႁႂ်ႈ​ၸႂ်ႈ​သေ​လူး​ၵွၼ်ႇ​တႃႉ။-</verse>
				<verse number="11">ပေႃး​ၵဝ်​ဢမ်ႇ​ႁူႉ​ဢထိၵ်ႈပႄႇ​ၵႂၢမ်း​ၽႃႇသႃႇ​ၼၼ်ႉ​ၸိုင်၊ ၵဝ်​တၵ်း​ပဵၼ်​ၵူၼ်း​ရိူင်း​တီႈ​ၵေႃႉ​ဢၼ်​လၢတ်ႈ​ၼၼ်ႉ​ဢေႃႈ။ ၵေႃႉ​ဢၼ်​လၢတ်ႈ​ၼၼ်ႉ​ၵေႃႈ တၵ်း​ပဵၼ်​ၵူၼ်း​ရိူင်း​တီႈ​ၵဝ်​ဢေႃႈ။-</verse>
				<verse number="12">ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၼႂ်း​မိူဝ်ႈ​ဢၼ်​သူ​မီး​ဢလူဝ်ႇ​ၶႂ်ႈ​လႆႈ​သူႉ​ၵျေး​ၸူး​ဝီႉၺိၺ်ႇ​ၼႃႇ​လူင်​လၢင်​ၼၼ်ႉ၊ ၵႆႉ​ၵျူဝ်း​ၸႃး ႁႂ်ႈ​လႆႈ​ပျေႉ​ၸုမ်ႇ​လိူင်ႇ​ၸႂ်​ႁႂ်ႈ​ထၼ်ႈ​ပေႃး​လႆႈ​တႄႇ​ႁဵတ်း​ၸိူဝ်း​ၸဝ်ႈ​တႃႉ။</verse>
				<verse number="13">ပိူဝ်ႈ​ၼႆ​လႄႈ ႁႂ်ႈ​ၵေႃႉ​ဢၼ်​ၸၢင်ႈ​လၢတ်ႈ​ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​ၼၼ်ႉ​သူး​တွင်း​ႁႂ်ႈ​လႆႈ​ၽုၺ်ႇ​ဢွၵ်ႇ​ၼႄ​ပျႃး ဢထိၵ်ႈပႄႇ​လႆႈ​တႃႉ။-</verse>
				<verse number="14">ပဵၼ်​လွင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ပေႃး​ၵဝ်​ဢဝ်​တင်း​ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​သူး​တွင်း​ၸိုင်၊ ပိၵ်ႉ​သမ်ႉ​ႁူဝ်​ၸႂ်​ၵဝ်​သူး​တွင်း​သေ​ၵေႃႈ၊ ၺၢၼ်ႇ​ၵဝ်​ဢမ်ႇ​ပၼ်​ဢၵျူဝ်း။-</verse>
				<verse number="15">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်။ ၵဝ်​တၵ်း​လႆႈ​ဢဝ်​တင်း​ႁူဝ်​ၸႂ်​ဢိၵ်ႇ​တင်း​ၺၢၼ်ႇ​သူး​တွင်း​ဢေႃႈ။ ၵဝ်​တၵ်း​လႆႈ​ဢဝ်​တင်း​ႁူဝ်​ၸႂ်​ဢိၵ်ႇ​တင်း​ၺၢၼ်ႇ​ႁဵတ်း​ၵႂၢမ်း​ဢေႃႈ။-</verse>
				<verse number="16">ဢမ်ႇ​ၼၼ်​ၵေႃႈ မိူဝ်ႈ​ဢၼ်​မႂ်း​ဢဝ်​တင်း​ႁူဝ်​ၸႂ်​ယွင်ႈ​ယေႃး​ၵျေး​ၸူး​ၸဝ်ႈ​ၼၼ်ႉ​ၸိုင်၊ ၵေႃႉ​ဢၼ်​ၶဝ်ႈ​ပႃး​ၼႂ်း​မူႇ​ၵူၼ်း​ၽုင်​ၵူၼ်း​ဢၼ်​ဢမ်ႇ​မေႃ​ၼၼ်ႉ​တၵ်း​ၸွမ်း​တၢင်း​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ​သေ​လႄႈ​ဝႃႈ၊ ဢႃႇမိၼ်ႇ၊ ဝႃႈ​ၼင်ႇ​ၼႆ ၵွပ်ႈ​ပိူဝ်ႈ​ဢၼ်​ဢမ်ႇ​ႁူႉ​ၵႂၢမ်း​မႂ်း​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="17">မႂ်း​ယွင်ႈ​ယေႃး​ၵျေး​ၸူး​ၸဝ်ႈ​လီ​လီ​ငၢမ်း​ငၢမ်း​ဝႃႈ​ၼႆ ႁႂ်ႈ​ၸႂ်ႈ​သေ​လူး​ၵွၼ်ႇ​တႃႉ။ ပိူၼ်ႈ​တၢင်ႇ​ၵေႃႉ​ၸမ်ႉ၊ ဢမ်ႇ​မီး​ဢၵျူဝ်း​တၢင်း​ဢၼ်​တၵ်း​တႄႇ​ႁဵတ်း။</verse>
				<verse number="18">ၵဝ်​ယဵင်ႈ​ၶႅၼ်း​ဢဝ်​တင်း​ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​ႁေႃး​လၢတ်ႈ​ၼႃႇ​သေ​သူ​ၵႃႈ​မီး​တင်း​သဵင်ႈ​တင်း​လူင်​ဝႃႈ​ၼႆ၊ ၵဝ်​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="19">ၼႂ်း​ဝႃႈ​ၼၼ်​သေ​ၵေႃႈ ၼႂ်း​ၸိူဝ်း​ၸဝ်ႈ​ၸိုင်​ၵဝ်​ယဵင်ႈ​ၶႅၼ်း​မီး​ဢလူဝ်ႇ​ၶႂ်ႈ​လႆႈ​တၢင်း​ဢၼ်​ဢဝ်​တင်း​ၺၢၼ်ႇ​လၢတ်ႈ​ၵႂၢမ်း​ႁႃႈ​ၵမ်း​ၵူၺ်း ႁႂ်ႈ​လႆႈ​သင်ႇ​သွၼ်​ပိူၼ်ႈ​ၼၼ်ႉ​ၼႃႇ​သေ တၢင်း​ဢၼ်​ၸၢင်ႈ​လၢတ်ႈ​ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​မိုၼ်ႇ​ၼိုင်ႈ​ဢေႃႈ။</verse>
				<verse number="20">ပီႈ​ၼွင်ႉ​ၶဝ်​ဢိူၺ်း၊ ၼႂ်း​ၺၢၼ်ႇ​ၸိုင်​ယႃႇ​ပေ​ပဵၼ်​လုၵ်ႈ​ဢွၼ်ႇ​သေ​ၵမ်း။ ၼႂ်း​ဢမူႉ​ဢၼ်​ဢမ်ႇ​တြႃး​ၸိုင်​ပဵၼ်​လုၵ်ႈ​ဢွၼ်ႇ​တႃႉ၊ ၼႂ်း​ၺၢၼ်ႇ​ၸိုင်​ပဵၼ်​ၵေႃႉ​ဢၼ်​ဢသၢၵ်ႈ​ယႂ်ႇ​ၼၼ်ႉ​တႃႉ။-</verse>
				<verse number="21">ဢၼ်​မႃး​ၼႂ်း​ၵျၢမ်း​ပိင်း​ၺၢပ်ႈ​တီႉ​ၸမ်ႉ၊ ၵဝ်​တၵ်း​ဢဝ်​တင်း​သူပ်း​တၢင်ႇ​တီႈ​တၢင်ႇ​လႅၼ်​ဢိၵ်ႇ​တင်း​လိၼ်ႉ​တၢင်ႇ​တီႈ​တၢင်ႇ​လႅၼ် လၢတ်ႈ​တီႈ​ၵူၼ်း​မဵဝ်း​ၼႆႉ​ဢေႃႈ။ ၵူၺ်း​ၵႃႈ ၶဝ်​ဢမ်ႇ​ထွမ်ႇ​ဢမ်ႇ​ဢဝ်၊ ဝႃႈ​ၼႆ​ထႃႇဝရႃႉ​ၽြႃး​လၢတ်ႈ​ဝႃႈ​ၼင်ႇ​ၼႆ​ဢေႃႈ။</verse>
				<verse number="22">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​ၼၼ်ႉ ပဵၼ်​ၼီႉမိၵ်ႈ​လၢၵ်ႈၶၼႃႇ​တီႈ​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၼၼ်ႉ​ဢမ်ႇ​ၸႂ်ႈ။ ပဵၼ်​ၼီႉမိၵ်ႈ​လၢၵ်ႈၶၼႃႇ​တီႈ​ၶဝ်​ၸိူဝ်း​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​ဢေႃႈ။ တၢင်း​ဢၼ်​ႁဵတ်း​ပရေႃးၽႅတ်ႈ​ၸမ်ႉ၊ ပဵၼ်​ၼီႉမိၵ်ႈ လၢၵ်ႈၶၼႃႇ တီႈ​ၶဝ်​ၸိူဝ်း​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​ဢမ်ႇ​ၸႂ်ႈ။ ပဵၼ်​ၼီႉမိၵ်ႈ​လၢၵ်ႈၶၼႃႇ​တီႈ​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၼၼ်ႉ​ဢေႃႈ။-</verse>
				<verse number="23">ပိူဝ်ႈ​ၼႆ​လႄႈ​ၼႂ်း​မိူဝ်ႈ​ဢၼ်​ၵူၼ်း​ၶဝ်ႈ​ၸိူဝ်း​ၸဝ်ႈ​တင်း​သဵင်ႈ​တင်း​လူင်​ၸူႉ​ၵၼ်​တုမ်​ၵၼ်​လႄႈ​ဢဝ်​တင်း​ၵႂၢမ်း​ၽႃႇသႃႇ တၢင်ႇ​ၸိူဝ်ႉ​တၢင်ႇ​ပိူင်​ႁေႃး​လၢတ်ႈ​ယူႇ​ၼၼ်ႉ၊ ပေႃး​ၵေႃႉ​ဢၼ်​ဢမ်ႇ​ယုမ်ႇ​မၢတ်ႈ၊ ၵေႃႉ​ဢၼ်​ဢမ်ႇ​မေႃ​ၼၼ်ႉ​ၶဝ်ႈ​မႃး​ၸိုင် မၼ်း​တၵ်း​ဝႃႈ​သူ​ပဵၼ်​ၵူၼ်း​ယွင်ႇ​ဢမ်ႇ​ၸႂ်ႈ​ႁိုဝ်။-</verse>
				<verse number="24">ဢမ်ႇ​ၼၼ်​ၵေႃႈ ၼႂ်း​မိူဝ်ႈ​ဢၼ်​ၵူၼ်း​ၶဝ်ႈ​ၸိူဝ်း​ၸဝ်ႈ​တင်း​သဵင်ႈ​တင်း​လူင် ႁဵတ်း​ပရေႃးၽႅတ်ႈ​ယူႇ​ၼၼ်ႉ၊ ပေႃး​ၵေႃႉ​ဢၼ်​ဢမ်ႇ​ယုမ်ႇ​မၢတ်ႈ၊ ၵေႃႉ​ဢၼ်​ဢမ်ႇ​မေႃ​ၼၼ်ႉ​ၶဝ်ႈ​မႃး​ၸိုင် ၵူၼ်း​ၶဝ်ႈ​ၸိူဝ်း​ၸဝ်ႈ​တင်း​သဵင်ႈ​တင်း​လူင်​ၽုၺ်ႇ​ၼႄ​ဢပႅတ်ႈ​မၼ်း​လႄႈ​ၸႅတ်ႈ​ထၢမ်​ၸီႇ​ယၢင်ႇ​မၼ်း​ဢေႃႈ။-</verse>
				<verse number="25">ၼင်ႇ​ၼၼ်​လႄႈ လွင်ႈ​တၢင်း​ဢၼ်​ဢမ်ႇ​ထၢင်ႇ​သႃး ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ထၢင်ႇ​သႃး​မႃး​လႄႈ​မၼ်း​တၵ်း​ၶုပ်ႉ​မူပ်ႇ​ယူႇ​သေ​လႄႈ​ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​ဢေႃႈ။ မၼ်း​တၵ်း​ၶၢမ်ႇ​သၢၵ်ႈ​သေႇ​လႄႈ​ဝႃႈ၊ ၽြႃး​ပဵၼ်​ၸဝ်ႈ​မီး​ၵႃႈ​ၼႂ်း​သူ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="26">ပီႈ​ၼွင်ႉ​ၶဝ်​ဢိူၺ်း၊ ပဵၼ်​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​သူ​ၸူႉ​ၵၼ်​တုမ်​ၵၼ်​ယူႇ​ၼၼ်ႉ​ၸိုင်၊ ၵေႃႉ​ဢၼ်​လႆႈ​တၢင်း​ဢၼ် ႁဵတ်း​ၵႂၢမ်း​သႃႇလၢမ်ႇ၊ ၵေႃႉ​ဢၼ်​လႆႈ​ၵႂၢမ်း​တၢင်း​ဢၼ်​သင်ႇ​သွၼ်​သုင်း​မႃႉ​ပၼ်၊ ၵေႃႉ​ဢၼ်​လႆႈ​ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်၊ ၵေႃႉ​ဢၼ်​လႆႈ​ပျႃႇ​တိၵ်ႈ​ၸဝ်ႈ၊ ၵေႃႉ​ဢၼ်​လႆႈ​လွင်ႈ​တၢင်း​ဢၼ်​ၽုၺ်ႇ​ၼႄ​ဢထိၵ်ႈပႄႇ​ၸိူဝ်း​ၼၼ်ႉ မီး​ႁင်း​ၽႂ်​ႁင်း​မၼ်း​ဢေႃႈ။ ၸီႇ​ယၢင်ႇ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ႁႂ်ႈ​လႆႈ​တႄႇ​ႁဵတ်း​တႃႉ။-</verse>
				<verse number="27">ပေႃး​မီး​ၵေႃႉ​ဢၼ်​ဢဝ်​တင်း​ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​ႁေႃး​လၢတ်ႈ​ၼၼ်ႉ​ၸိုင်၊ သွင်​ၵေႃႉ​သေ​ဢမ်ႇ​ဝႃႈ၊ တီႈ​ၼမ်​သုတ်း​မၼ်း​ၸမ်ႉ၊ သၢမ်​ၵေႃႉ​သေ​ဢမ်ႇ​ဝႃႈ၊ ႁႂ်ႈ​ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ​လၢတ်ႈ​လႄႈ ႁႂ်ႈ​ၵေႃႉ​ၼိုင်ႈ​ၽုၺ်ႇ​ၼႄ​ဢထိၵ်ႈပႄႇ​မၼ်း​တႃႉ။-</verse>
				<verse number="28">ပေႃး​ဢမ်ႇ​မီး​ၵေႃႉ​ဢၼ်​ပျၢၼ်ႇ​ၵႂၢမ်း​ၸိုင်​ႁႂ်ႈ​ၵေႃႉ​ဢၼ်​ႁေႃး​လၢတ်ႈ​ၼၼ်ႉ​ယူႇ​တဵတ်ႇ​တဵတ်ႇ​ၵႃႈ​ၼႂ်း​ၸိူဝ်း​ၸဝ်ႈ​လႄႈ လၢတ်ႈ​တီႈ​တူဝ်​ၸဝ်ႈ​ၵဝ်ႇ​ဢိၵ်ႇ​တင်း​ၽြႃး​ပဵၼ်​ၸဝ်ႈ​ၵူၺ်း​တႃႉ။</verse>
				<verse number="29">ၼႂ်း​ပရေႃးၽႅတ်ႈ​တင်း​လၢႆ ႁႂ်ႈ​သွင်​ၵေႃႉ​သၢမ်​ၵေႃႉ​ႁေႃး​လၢတ်ႈ​လႄႈ ႁႂ်ႈ​ပိူၼ်ႈ​တၢင်ႇ​ၵေႃႉ​ၸႅတ်ႈ​ထၢမ်​ၸီႇ​ယၢင်ႇ​တႃႉ။-</verse>
				<verse number="30">ပေႃး​မၼ်း​ၸဝ်ႈ​ၽုၺ်ႇ​ၼႄ​သေ​ၸိူဝ်ႉ​သေ​ပိူင် တီႈ​ၵေႃႉ​ဢၼ်​ၼင်ႈ​ယူႇ​ၵႃႈ​တီႈ​ႁိမ်း​ႁွမ်း​ၼၼ်ႉ​ၸိုင် ႁႂ်ႈ​ၵေႃႉ​ဢၼ်​ႁေႃး​လၢတ်ႈ​ဢွၼ်​တၢင်း​ၼၼ်ႉ​ယူႇ​တဵတ်ႇ​တဵတ်ႇ​သေ။-</verse>
				<verse number="31">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​ၶဝ်​ၵႃႈ​မီး​တင်း​သဵင်ႈ​တင်း​လူင်​တၵ်း​သွၼ်​ဢဝ် ဢိၵ်ႇ​တင်း​လွင်ႈ​ၼင်ႇ​ႁိုဝ် ၶဝ်​ၵႃႈ​မီး​တင်း​သဵင်ႈ​တင်း​လူင်​တၵ်း​သၢၵ်ႈ​သႃႇ​ၸိုင်၊ သူ​ၵေႃႉ​ၼိုင်ႈ​ယဝ်ႉ​ၵေႃႉ​ၼိုင်ႈ​ႁင်း​ၽႂ်​ႁင်း​မၼ်း မီး​ဢၶႂၢင်ႉ​ဢၼ်​လႆႈ​ႁဵတ်း​ပရေႃးၽႅတ်ႈ​ဢေႃႈ။-</verse>
				<verse number="32">ပရေႃးၽႅတ်ႈ​တင်း​လၢႆ​ၵေႃႈ​ၶျုၵ်ႈ​ၸႂ်​ဝီႉၺိၺ်ႇ​တူဝ်​ၸဝ်ႈ​ၵဝ်ႇ​လႆႈ​ဢေႃႈ။-</verse>
				<verse number="33">ၽြႃး​ပဵၼ်​ၸဝ်ႈ ဢမ်ႇ​ပွင်​ႁဵတ်း​တၢင်း​ဢၼ်​ဢူၼ်​ဢဵၼ်​ႁူၼ်ႈ​မေႃး။ ၸိူဝ်ႉ​ၼင်ႇ​ဢၼ်​ပဵၼ်​ၵႃႈ​ၼႂ်း​ၸိူဝ်း​ၸဝ်ႈ​ၵူၼ်း​မူတ်း​ၸၢင်ႇ​ၶဝ်​တင်း​သဵင်ႈ​တင်း​လူင်​ၼၼ်ႉ မၼ်း​ၸဝ်ႈ​ပွင်​ႁဵတ်း​တၢင်း​ဢၼ်​ၼိမ်​လႄႈ​ယူႇ​ထုၵ်ႇ​ထုၵ်ႇ​ဢေႃႈ။</verse>
				<verse number="34">ႁႂ်ႈ​ၽူႈ​ယိင်း​သူ​တင်း​လၢႆ ယူႇ​တဵတ်ႇ​တဵတ်ႇ​ယဵၼ်​ယဵၼ်​ၵႃႈ​ၼႂ်း​ၸိူဝ်း​ၸဝ်ႈ​တႃႉ။ ဢၶႂၢင်ႉ​ဢၼ်​ၶဝ်​လႆႈ​ႁေႃး​လၢတ်ႈ​ဢမ်ႇ​မီး။ ၶဝ်​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ၵူၼ်း​ၸၢႆး​ဢုပ်ႉ​ပိူင်ႇ​ၵႃႈ​ၼင်ႇ​ဢၼ်​ပိင်း​ၺၢပ်ႈ​တြႃး​ၸီႇ​ယၢင်ႇ​ဝႆႉ​ၼၼ်ႉ​ဢေႃႈ။-</verse>
				<verse number="35">ပေႃး​ၽူႈ​ယိင်း​တင်း​လၢႆ​ၶႂ်ႈ​သွၼ်​ဢဝ်​သေ​ၸိူဝ်ႉ​သေ​ပိူင်​ၸိုင်၊ ႁႂ်ႈ​ၶဝ်​ထၢမ်​တီႈ​ၽူဝ်​ၶဝ်​ၵႃႈ​တီႈ​ႁိူၼ်း​လူး​ၵွၼ်ႇ​တႃႉ။ ပေႃး​ၽူႈ​ယိင်း​ႁေႃး​လၢတ်ႈ​ၵႃႈ​ၼႂ်း​ၸိူဝ်း​ၸဝ်ႈ​ၸိုင်​ပဵၼ်​လွင်ႈ​ဢၼ်​လီ​ဢူၵ်း​လီ​ဢၢႆ​ဢေႃႈ။</verse>
				<verse number="36">ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ ဢွၵ်ႇ​ၵႃႈ​တီႈ​သူ​မႃး​ႁိုဝ်။ ဢမ်ႇ​ၼၼ်​လႄႈ​ႁွတ်ႈ​ထိုင်​ၵႃႈ​တီႈ​သူ​ၵူၺ်း​ႁိုဝ်။-</verse>
				<verse number="37">ပေႃး​သေ​ၵေႃႉ​သေ​ၵူၼ်း ထၢင်ႇ​တူဝ်​ၸဝ်ႈ​ၵဝ်ႇ​ပဵၼ်​ပရေႃးၽႅတ်ႈ၊ ပဵၼ်​ၵေႃႉ​ဢၼ်​လႆႈ​ၶၢမ်ႇ​ဢဝ်​သူႉ​ၵျေး​ၸူး​ဝီႉၺိၺ်ႇ​ၸိုင်၊ ႁႂ်ႈ​မၼ်း​ႁပ်ႉ​တုင်း​ဢဝ်​လွင်ႈ​ဢၼ်​ၵႂၢမ်း​ဢၼ်​ၵဝ်​တႅမ်ႈ​ပၼ်​တီႈ​သူ​ၼႆႉ ပဵၼ်​ပိင်း​ၺၢပ်ႈ​ၸဝ်ႈ​ၽြႃး​ၼၼ်ႉ​တႃႉ။-</verse>
				<verse number="38">ပေႃး​သေ​ၵေႃႉ​သေ​ၵူၼ်း​ဢမ်ႇ​ႁူႉ​ၸိုင် ႁႂ်ႈ​မၼ်း​ယင်း​ဢမ်ႇ​ႁူႉ​လႄႈ​ယူႇ​တႃႉ။-</verse>
				<verse number="39">ပိူဝ်ႈ​ၼႆ​လႄႈ ပီႈ​ၼွင်ႉ​ၶဝ်​ဢိူၺ်း၊ ၼင်ႇ​ႁိုဝ်​သူ​တၵ်း​လႆႈ​ႁဵတ်း​ပရေႃးၽႅတ်ႈ​ၸိုင်​သူ​မီး​ဢလူဝ်ႇ​ၼႃႇ​လူင်​လၢင်​တႃႉ။ လွင်ႈ​တၢင်း​ဢၼ်​ဢဝ်​တင်း ၵႂၢမ်း​ၽႃႇသႃႇ​တၢင်ႇ​ၸိူဝ်ႉ​တၢင်ႇ​ပိူင်​ႁေႃး​လၢတ်ႈ​ၼၼ်ႉ​ၵေႃႈ ယႃႇ​ပေ​ႁႄႉ​ပေ​ၶႅၼ်။-</verse>
				<verse number="40">ၸီႇ​ယၢင်ႇ​သၢင်ႈ​ႁဵတ်း လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​လီ​လီ​ထုၵ်ႇ​ထုၵ်ႇ ၸွမ်း​ၵႃႈ​ၼင်ႇ​ဢၼ်​ၸႅၼ်ႇ​တၢမ်း​ၵၼ်​ၼၼ်ႉ​တႃႉ။</verse>
			</chapter>
			<chapter number="15">
				<verse number="1">ပီႈ​ၼွင်ႉ​ၶဝ်​ဢိူၺ်း၊ ၵဝ်​သမ်ႉ​ႁႂ်ႈ​သူ​လႆႈ​ငိၼ်း​တြႃး​သတၢင်း​သိူဝ်း​ပျေႃႇ​ဢၼ်​ၵဝ်​လႆႈ​ႁေႃး​လၢတ်ႈ​ယဝ်ႉ​တီႈ​သူ၊ ဢၼ်​သူ​ၶၢမ်ႇ​ဢဝ်​လႄႈ၊ ဢိင်​ပိုင်ႈ​ၸပ်း​ၸွမ်း​ၼၼ်ႉ​ထႅင်ႈ​ဢေႃႈ။-</verse>
				<verse number="2">လွင်ႈ​ဢၼ်​ၵဝ်​ႁေႃး​လၢတ်ႈ​မႃး​ယဝ်ႉ​ၼၼ်ႉ၊ ပေႃး​သူ​ယင်း​ဢမ်ႇ​ယုမ်ႇ​ဢဝ်​လၢႆ​လၢႆ​လွၵ်ႇ​လွၵ်ႇ​ၵူၺ်း​လႄႈ​ၸႂ်​ၸပ်း​ၸႂ်​ၸွႆး​ယူႇ​ၸိုင် သူ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​ၼၼ်ႉ​ဢေႃႈ။</verse>
				<verse number="3">လွင်ႈ​တၢင်း​ဢၼ်​ၵဝ်​ဢၢပ်ႈ​ပၼ်​တီႈ​သူ​ဢွၼ်​တၢင်း​ၼၼ်ႉ ၵႃႈ​ၼင်ႇ​ဢၼ်​ၵဝ်​ၶၢမ်ႇ​ဢဝ်​ၼၼ်ႉ​ၸမ်ႉ၊ ၸဝ်ႈ​ၶရိၸ်ႈ​ၶၢမ်ႇ​တၢင်း​တၢႆ​ၵွပ်ႈ​ပိူဝ်ႈ​ဢပႅတ်ႈ​ႁဝ်း မႅၼ်ႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​ၼၼ်ႉ​ဢေႃႈ။-</verse>
				<verse number="4">သၢင်း​ၵျူဝ်ႇ​သေ​ယဝ်ႉ၊ ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ မၼ်း​ၸဝ်ႈ​လုၵ်ႉ​ၶိုၼ်း​မႅၼ်ႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​ၼၼ်ႉ​ဢေႃႈ။-</verse>
				<verse number="5">ၵေႇၽႃႉ ​ႁၼ်​မၼ်း​ၸဝ်ႈ​သေ​ယဝ်ႉ၊ ၶဝ်​သိပ်း​သွင်​ပႃး​လႆႈ​ႁၼ်​ဢေႃႈ။-</verse>
				<verse number="6">လိုၼ်း​ၼၼ်ႉ​မၼ်း​ၸဝ်ႈ​ထၢင်ႇ​သႃး​ပေႃႇ​မႃး​တီႈ​ပီႈ​ၼွင်ႉ ႁႃႈ​ပၢၵ်ႇ​လိူဝ်​လိူဝ်​မိူဝ်ႈ​လဵဝ်​ၵၼ်​ဢေႃႈ။ ၼႂ်း​ၶဝ်​ၼၼ်ႉ​ၵူၼ်း​ၼမ်​ၼႃႇ ဢသၢၵ်ႈ​ယင်း​လိပ်း​ယူႇ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ဢေႃႈ။ ၵမ်ႈ​ၽွင်ႈ​ၵေႃႈ​ၼွၼ်း​လပ်း​ယဝ်ႉ။-</verse>
				<verse number="7">လိုၼ်း​ၼၼ်ႉ​ထၢင်ႇ​သႃး​ပေႃႇ​မႃး​တီႈ​ ယႃႇၵုပ်ႈ ​ဢေႃႈ။ လိုၼ်း​ၼၼ်ႉ​ထၢင်ႇ​သႃး​ပေႃႇ​မႃး​တီႈ​တမၢၼ်ႇ​ၸဝ်ႈ​တင်း​သဵင်ႈ​တင်း​လူင်​ဢေႃႈ။-</verse>
				<verse number="8">လိုၼ်း​လင်​သုတ်း​ပိူၼ်ႈ၊ ထၢင်ႇ​သႃး​ပေႃႇ​မႃး​တီႈ​ၵဝ်​ဢၼ်​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ၵိူတ်ႇ​လဵင်ႉ​မႃး ၶိင်ႇ​ဢမ်ႇ​ထုၵ်ႇ​မိူဝ်ႈ​ဢမ်ႇ​ထုၵ်ႇ​ၼၼ်ႉ​ဢေႃႈ။-</verse>
				<verse number="9">ၵဝ်​ၼႆႉ​ပဵၼ်​တမၢၼ်ႇ​ၸဝ်ႈ​ဢၼ်​တႅမ်ႇ​ယေႃႈ​သေ​ပိူၼ်ႈ၊ ဢမ်ႇ​ထိူၵ်ႈ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​တမၢၼ်ႇ​ၸဝ်ႈ​ၵွပ်ႈ​ပိူဝ်ႈ​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ​မိူဝ်ႈ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="10">ၵူၺ်း​ၵႃႈ ၵွပ်ႈ​ပိူဝ်ႈ​ၵျေး​ၸူး​ၽြႃး​ပဵၼ်​ၸဝ်ႈ​ၵူၺ်း​လႄႈ ၵဝ်​ပဵၼ်​ၸိူဝ်ႉ​ၼင်ႇ​ဢၼ်​ၵဝ်​ပဵၼ်​ယူႇ​ၼႆႉ​ဢေႃႈ။ ၵျေး​ၸူး​ၸဝ်ႈ​ဢၼ်​ၵဝ်​လႆႈ​ၶၢမ်ႇ​ဢဝ်​ၼၼ်ႉ​ၵေႃႈ၊ လႆႈ​ၶၢမ်ႇ​ဢဝ်​လၢႆ​လၢႆ​ဢမ်ႇ​ၸႂ်ႈ၊ ၵဝ်​ႁဵတ်း​တၢင်း​ဢၼ်​ၵျူဝ်း​ၸႃး​ၼမ်​ၼႃႇ​သေ​တမၢၼ်ႇ​ၸဝ်ႈ​တင်း​သဵင်ႈ​တင်း​လူင်​ဢေႃႈ။ ပိၵ်ႉ​သမ်ႉ​ဝႃႈ​ၸိူဝ်ႉ​ၼင်ႇ​ၼႆ​သေ​ၵေႃႈ၊ ၵဝ်​ၵျူဝ်း​ၸႃး​ဢမ်ႇ​ၸႂ်ႈ။ ၵျေး​ၸူး​ၽြႃး​ပဵၼ်​ၸဝ်ႈ​ဢၼ်​မီး​ယူႇ​လူၺ်ႈ​ၵၼ်​တင်း​ၵဝ်​ၼၼ်ႉ​ၵျူဝ်း​ၸႃး​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ ပဵၼ်​ၵဝ်​သေ​ဢမ်ႇ​ဝႃႈ၊ ပဵၼ်​ၶဝ်​သေ​ဢမ်ႇ​ဝႃႈ၊ ႁဝ်း​ႁေႃး​လၢတ်ႈ​ၸိူဝ်ႉ​ၼင်ႇ​ၼႆ​ဢေႃႈ။ ၸိူဝ်ႉ​ၼင်ႇ​ၼႆ​ၵေႃႈ​သူ​ယုမ်ႇ​မၢတ်ႈ​ဢေႃႈ။</verse>
				<verse number="12">တေႃႈ​လဵဝ်​ၼႆႉ ပေႃး​ႁေႃး​လၢတ်ႈ​လွင်ႈ​ဢၼ် ၸဝ်ႈ​ၶရိၸ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​တီႈ​သူ​ၸိုင်၊ ႁဵတ်း​သင်​လႄႈ​ၼႂ်း​သူ​ၵမ်ႈ​ၽွင်ႈ​လၢတ်ႈ​လႄႈ​ဝႃႈ၊ ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​ဢမ်ႇ​မီး​တၢင်း​ဢၼ်​လုၵ်ႉ​ၶိုၼ်း၊ ဝႃႈ​ၼင်ႇ​ၼႆ​ၼင်ႇ​ႁိုဝ်။-</verse>
				<verse number="13">ပေႃး​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​ဢမ်ႇ​မီး​တၢင်း​ဢၼ်​လုၵ်ႉ​ၶိုၼ်း​ၸိုင်၊ ၸဝ်ႈ​ၶရိၸ်ႈ​ဢမ်ႇ​လုၵ်ႉ​ၶိုၼ်း။-</verse>
				<verse number="14">ပေႃး​ၸဝ်ႈ​ၶရိၸ်ႈ​ဢမ်ႇ​လုၵ်ႉ​ၶိုၼ်း​ၸိုင်၊ တၢင်း​ဢၼ်​ႁဝ်း​ႁေႃး​လၢတ်ႈ​ၼႆႉ​ဢမ်ႇ​မီး​ဢၵျူဝ်း၊ တၢင်း​ဢၼ်​သူ​ယုမ်ႇ​မၢတ်ႈ​ၵေႃႈ​ဢမ်ႇ​မီး​ဢၵျူဝ်း။-</verse>
				<verse number="15">လိူဝ်​သေ​ၼၼ်ႉ​ဢမ်ႇ​ၵႃး၊ ႁဝ်း​ၼႆႉ​ပဵၼ်​ၵူၼ်း​ၶၢမ်ႇ​သၢၵ်ႈ​သေႇ​ဢၼ်​ဢမ်ႇ​မၢၼ်ႇ​ဢမ်ႇ​မႅၼ်ႈ​လူၺ်ႈ​လွင်ႈ​တင်း​ၽြႃး​ပဵၼ်​ၸဝ်ႈ​ဢေႃႈ။ လွင်ႈ​မၼ်း​ၸမ်ႉ ႁဝ်း​ပဵၼ်​ၵူၼ်း​ၶၢမ်ႇ​သၢၵ်ႈ​သေႇ​လူၺ်ႈ​လွင်ႈ​တင်း​ၽြႃး​ပဵၼ်​ၸဝ်ႈ​လွင်ႈ​ဢၼ်​မၼ်း​ၸဝ်ႈ​ႁႂ်ႈ​ၸဝ်ႈ​ၶရိၸ်ႈ​လုၵ်ႉ​ၶိုၼ်း​ၼၼ်ႉ​ဢေႃႈ။ ပေႃး​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ ဢမ်ႇ​မီး​တၢင်း​ဢၼ်​လုၵ်ႉ​ၶိုၼ်း​ၸိုင် မၼ်း​ၸဝ်ႈ​ဢမ်ႇ​ႁႂ်ႈ​ၸဝ်ႈ​ၶရိၸ်ႈ​လုၵ်ႉ​ၶိုၼ်း။-</verse>
				<verse number="16">ပေႃး​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​ဢမ်ႇ​မီး​တၢင်း​ဢၼ်​လုၵ်ႉ​ၶိုၼ်း​ၸိုင်၊ ၸဝ်ႈ​ၶရိၸ်ႈ​ဢမ်ႇ​လုၵ်ႉ​ၶိုၼ်း။-</verse>
				<verse number="17">ပေႃး​ၸဝ်ႈ​ၶရိၸ်ႈ​ဢမ်ႇ​လုၵ်ႉ​ၶိုၼ်း​ၸိုင်​တၢင်း​ဢၼ်​သူ​ယုမ်ႇ​မၢတ်ႈ​ၼၼ်ႉ​ဢမ်ႇ​မီး​ဢၵျူဝ်း။ သူ​ယင်း​မီး​ယူႇ​ၼႂ်း​ဢပႅတ်ႈ​တူႉ​ၸရိူၵ်ႈ​ဢေႃႈ။-</verse>
				<verse number="18">လိူဝ်​သေ​ၼၼ်ႉ၊ ၶဝ်​ၸိူဝ်း​ဢၼ်​ၼွၼ်း​လပ်း​ၼႂ်း​ၸဝ်ႈ​ၶရိၸ်ႈ​ၼၼ်ႉ​ႁွတ်ႈ​ထိုင် တၢင်း​ဢၼ်​သုမ်း​ဢၼ်​ၸွမ်း​ယဝ်ႉ။-</verse>
				<verse number="19">ပေႃး​ႁဝ်း​ဢိင်​ၸဝ်ႈ​ၶရိၸ်ႈ​သေ​လႄႈ မီး​တၢင်း​ဢၼ်​မုင်ႈ​ထႃႈ​မွင်း​ထႃႈ​ၼႂ်း​ၽဝႃႉ​တေႃႈ​လဵဝ်​ၼႆႉ​ၵူၺ်း​ၸိုင် ႁဝ်း​ပဵၼ်​ၵေႃႉ​ဢၼ်​ယဵင်ႈ​ၶႅၼ်း​ၽၢၼ်​ၼႃႇ​သေ​ပိူၼ်ႈ ၼႂ်း​ၵူၼ်း​တင်း​သဵင်ႈ​တင်း​လူင်​ဢေႃႈ။</verse>
				<verse number="20">တေႃႈ​လဵဝ်​ၼႆႉ​ၸမ်ႉ၊ ၸဝ်ႈ​ၶရိၸ်ႈ​လႆႈ​ၶၢမ်ႇ​တၢင်း​ဢၼ်​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ယဝ်ႉ​လႄႈ ပဵၼ်​မၢၵ်ႇ​ဢၼ်​မၢၵ်ႇ​ဢွၼ်​တၢင်း​ၼႂ်း​ၶဝ်​ၸိူဝ်း​ဢၼ် ၼွၼ်း​လပ်း​ၼၼ်ႉ​ဢေႃႈ။-</verse>
				<verse number="21">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ၸိူဝ်ႉ​ၼင်ႇ​ဢၼ်​တြႃး​တၢင်း​တၢႆ​တႄႇ​ယူႇ​ၵွပ်ႈ​ပိူဝ်ႈ​ၵူၼ်း​ၼၼ်ႉ၊ တြႃး​တၢင်း​ဢၼ်​ၶဝ်​ၸိူဝ်း​ဢၼ်​တၢႆ​ယဝ်ႉ တၵ်း​လုၵ်ႉ​ၶိုၼ်း​ၼၼ်ႉ​တႄႇ​ဝႆႉ​မီး​ယူႇ​ၵွပ်ႈ​ပိူဝ်ႈ​ၵူၼ်း​ဢေႃႈ။-</verse>
				<verse number="22">ၸိူဝ်ႉ​ၼင်ႇ​ဢၼ်​ၵူၼ်း​ၵႃႈ​မီး​တင်း​သဵင်ႈ​တင်း​လူင် ႁွတ်ႈ​ထိုင်​တၢင်း​တၢႆ​ၵွပ်ႈ​ပိူဝ်ႈ​ ဢႃႇတၢမ်ႇ ​ၼၼ်ႉ၊ ၵူၼ်း​ၵႃႈ​မီး​တင်း​သဵင်ႈ​တင်း​လူင် တၵ်း​လႆႈ​ႁွတ်ႈ​ထိုင်​တၢင်း​ဢၼ်​ဢသၢၵ်ႈ​လိပ်း ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​ဢေႃႈ။-</verse>
				<verse number="23">ၼႂ်း​ဝႃႈ​ၼၼ်​သေ​ၵေႃႈ ၵူၼ်း​ၵူႈ​ၵေႃႉ​တၵ်း​လႆႈ​ၸွမ်း​ၵႃႈ​ၼင်ႇ​ဢၼ်​ဢလႄႉ​ၵမ်း​ၽႂ်​ၵမ်း​မၼ်း​မီး​ၼၼ်ႉ​ဢေႃႈ။ ၸဝ်ႈ​ၶရိၸ်ႈ​ပဵၼ်​မၢၵ်ႇ​ဢၼ်​မၢၵ်ႇ​ဢွၼ်​တၢင်း​ဢေႃႈ။ လိုၼ်း​ၼၼ်ႉ မိူဝ်ႈ​ဢၼ်​ၸဝ်ႈ​ၶရိၸ်ႈ​ပေႃႇ​မႃး​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ၶရိၸ်ႈ​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ်​လိပ်း​ဢေႃႈ။</verse>
				<verse number="24">မိူဝ်ႈ​ၼၼ်ႉ ၸဝ်ႈ​ၶရိၸ်ႈ​တၵ်း​ပႄႇ​ပႅတ်ႈ​ဢၼ်​ထွတ်ႈ​ဢၼ်​မျၢတ်ႈ၊ ဢႃႇၼႃႇ​တၼ်း​ၶူဝ်း​ၵူႈ​ၸိူဝ်ႉ​ၵူႈ​ပိူင်​သေ​လႄႈ ၶိုၼ်း​ဢၢပ်ႈ​မိူင်း​တူဝ်​ၸဝ်ႈ​ၵဝ်ႇ​ပၼ်​တီႈ​ၽြႃး​ပဵၼ်​ၸဝ်ႈ​ဢၼ်​ဝႃႈ​ပေႃႈ​ၸဝ်ႈ​ၼၼ်ႉ​ယဝ်ႉ၊ ၵမ်ႇ​ၽႃႇ​ၸင်ႇ​တၵ်း​သုတ်း​သဵင်ႈ​ဢေႃႈ။-</verse>
				<verse number="25">ၸဝ်ႈ​ၶရိၸ်ႈ​ၼၼ်ႉ တေႃႇ​ထိုင်​ႁွတ်ႈ​ၸူဝ်ႈ​ဢၼ်​ဢမ်ႇ​ပႆႇ​ၶျႃး​ရၢၼ်ႇ​သူႇ​တင်း​သဵင်ႈ​တင်း​လူင် ဝႆႉ​ၵႃႈ​တႂ်ႈ​တိၼ်​မၼ်း​ၸဝ်ႈ​ၼၼ်ႉ​ၸိုင်​တၵ်း​လႆႈ​ဢုပ်ႉ​ပိူင်ႇ​ဢေႃႈ။-</verse>
				<verse number="26">ၶုၼ်​တၢႆ ဢၼ်​ပဵၼ်​ရၢၼ်ႇ​သူႇ​လိုၼ်း​လင်​သုတ်း​ၼၼ်ႉ​တၵ်း​လႆႈ​ႁွတ်ႈ​ထိုင်​တၢင်း​ဢၼ်​သုမ်း​ဢၼ်​ၸွမ်း​ဢေႃႈ။-</verse>
				<verse number="27">မၼ်း​ၸဝ်ႈ​တၵ်း​ၶျႃး​လွင်ႈ​တၢင်း ၵႃႈ​မီး​တင်း​သဵင်ႈ​တင်း​လူင် ဝႆႉ​ၵႃႈ​တႂ်ႈ​တိၼ်​မၼ်း​ၸဝ်ႈ​ဢေႃႈ၊ မိူဝ်ႈ​ဢၼ်​ဝႃႈ လွင်ႈ​တၢင်း ၵႃႈ​မီး​တင်း​သဵင်ႈ​တင်း​လူင် ၶျႃး​ဝႆႉ​မီး​ယူႇ​ၵႃႈ​တႂ်ႈ​တိၼ်​မၼ်း​ၸဝ်ႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ လွင်ႈ​ဢၼ်​ၸဝ်ႈ​ဢၼ် ဢဝ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၶျႃး​ဝႆႉ​ၵႃႈ​တႂ်ႈ​တိၼ်​မၼ်း​ၸဝ်ႈ​ၼၼ်ႉ​ၵိုတ်း​ဝႆႉ​ယူႇ​ၼၼ်ႉ​ၸိုင်​ထၢင်ႇ​သႃး​ယူႇ​ဢေႃႈ။-</verse>
				<verse number="28">မိူဝ်ႈ​ဢၼ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ၶျႃး​ဝႆႉ​မီး​ယူႇ​ၵႃႈ​တႂ်ႈ​တိၼ်​မၼ်း​ၸဝ်ႈ​ၼၼ်ႉ​ၸိုင်၊ လုၵ်ႈ​ၸဝ်ႈ​ၼၼ်ႉ တူဝ်​ၸဝ်ႈ​ၵဝ်ႇ တၵ်း​ႁပ်ႉ​တုင်း​ဢဝ် တၢင်း​ဢၼ်​ဢုပ်ႉ​ဢၼ်​ပိူင်ႇ​ၸဝ်ႈ​ဢၼ်​ဢဝ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ၶျႃး​ဝႆႉ​ၵႃႈ​တႂ်ႈ တိၼ်​မၼ်း​ၸဝ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ပဵၼ်​လွင်ႈ​ၼင်ႇ​ႁိုဝ်​ၽြႃး​ပဵၼ်​ၸဝ်ႈ​တၵ်း​လႆႈ​ပဵၼ်​တင်း​သဵင်ႈ​တင်း​မူတ်း​ဢေႃႈ။-</verse>
				<verse number="29">ပေႃး​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ ဢမ်ႇ​မီး​တၢင်း​ဢၼ်​လုၵ်ႉ​ၶိုၼ်း​လႃး​လႃး​ၸိုင်​ၶဝ်​ၸိူဝ်း​ဢၼ်​ၶၢမ်ႇ​ ပပ်ႉတီႉၸမ်ႇ ပုၼ်ႈ​တၢင်​တူဝ်​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ၶဝ်​ၶၢမ်ႇ​ ပပ်ႉတီႉၸမ်ႇ ပုၼ်ႈ​တၢင်​တူဝ်​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​ၼင်ႇ​ႁိုဝ်။</verse>
				<verse number="30">ႁဝ်း​ၵေႃႈ​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ လႆႈ​ႁူပ်ႉ​လႆႈ​ထူပ်း​တၢင်း​ဢၼ်​ၽေး​တုၵ်ႉ​ၶႃႉ​ႁွတ်ႈ​မႃး​ၵူႈ​ၼႃႇရီႇ​ၼင်ႇ​ႁိုဝ်။-</verse>
				<verse number="31">ၵဝ်​ၼႆႉ​လႆႈ​ၶၢမ်ႇ​တၢင်း​တၢႆ​ၵူႈ​ဝၼ်း​ဝႃႈ​ၼႆ၊ ၵဝ်​ဢဝ်​တၢင်း​ဢၼ်​ၵဝ်​ဢုပ်ႇ​ဝၢဝ်း​သိူဝ်း​ပျေႃႇ ၵွပ်ႈ​ပိူဝ်ႈ​လွင်ႈ​သူ​ၼႂ်း​ၸဝ်ႈ​ႁဝ်း ယေႇသူႉ​ၶရိၸ်ႈ ​ၼၼ်ႉ တိူင်ႇ​လႄႈ​ႁတ်း​ဝႃႈ​ဢေႃႈ။-</verse>
				<verse number="32">ပေႃး​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ ဢမ်ႇ​မီး​တၢင်း​ဢၼ်​လုၵ်ႉ​ၶိုၼ်း​ၸိုင်၊ ပိၵ်ႉ​သမ်ႉ​ၵဝ်​လႆႈ​တိုၵ်း​ၵၼ်​တင်း​တူဝ်​ထိူၼ်ႇ​ၵႃႈ​ၼႂ်း​ဝဵင်း​ ဢေးၽႅတ်ႈ ​မိူဝ်ႈ​ဢွၼ်​ၼႆႉ​ၼၼ်ႉ ၸွမ်း​ၼင်ႇ​လေႃးၵီႇ​ဝေႃးႁႃႇရႃႉ​သေ​ၵေႃႈ၊ တၵ်း​မီး​ဢၵျူဝ်း​ၵႃႈ​သင်။ ၵိၼ်​တႃႉ​ႁဝ်း။ ၶူပ်း​တႃႉ​ႁဝ်း။ မိူဝ်ႈ​ၽုၵ်ႈ​ႁဝ်း​တၵ်း​လႆႈ​တၢႆ​ဢေႃႈ။</verse>
				<verse number="33">ယႃႇ​ပေ​ဢဝ်​ဢၼ်​ပႅၵ်ႇ​ဢၼ်​ပိူင်ႈ၊ တၢင်း​ဢၼ်​ႁဵတ်း​ၵေႃႉ​သေႈ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ဢမ်ႇ​လီ​ၼၼ်ႉ ၸၢင်ႈ​ႁႂ်ႈ​ထုင်း​ၸၢမ်ႇ​တၢင်း​ၵမ်​တၢင်း​ၵျၢင်ႉ​ႁေႈ​ႁၢႆး​ၵႂႃႇ​ဢေႃႈ။-</verse>
				<verse number="34">တိုၼ်ႇ​မႃး​တီႈ​တြႃး​တႃႉ၊ ယႃႇ​ပေ​ႁဵတ်း​ဢပႅတ်ႈ​တူႉ​ၸရိူၵ်ႈ၊ ၵူၼ်း​ၵမ်ႈ​ၽွင်ႈ​ဢမ်ႇ​ႁူႉ​ၸၵ်း​ၽြႃး​ပဵၼ်​ၸဝ်ႈ။ မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်​ၵဝ်​ဝႃႈ​ႁႂ်ႈ​သူ​ဢူၵ်း​ဢၢႆ​ဢေႃႈ။</verse>
				<verse number="35">သေ​ၵေႃႉ​သေ​ၵူၼ်း​တၵ်း​ထၢမ်​လႄႈ​ဝႃႈ၊ ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​တၵ်း​လုၵ်ႉ​ၶိုၼ်း​ၸိူဝ်ႉ​ၼင်ႇ​ႁိုဝ်။ တၵ်း​ပႃး​တင်း​တူဝ်​ၸိူဝ်ႉ​ၼင်ႇ​ႁိုဝ်​သေ​လႄႈ​ပေႃႇ​မႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="36">ၵူၼ်း​မိူၵ်ႈ​ဢိူၺ်း၊ ပေႃး​မဵတ်ႉ​ဢၼ်​မႂ်း​ၽုၵ်ႇ​သွမ်ႈ​ၼၼ်ႉ​ဢမ်ႇ​လူႉ​ၸိုင်​မၼ်း​ဢမ်ႇ​ၸၢင်ႈ​လိပ်း။-</verse>
				<verse number="37">လိူဝ်​သေ​ၼၼ်ႉ မိူဝ်ႈ​ဢၼ်​ၽုၵ်ႇ​သွမ်ႈ​မဵတ်ႉ​ၼၼ်ႉ​ၸိုင် မႂ်း​ၽုၵ်ႇ​သွမ်ႈ​တူဝ်​ဢၼ်​တၵ်း​ပဵၼ်​မႃး​ၵမ်း​လိုၼ်း​ၼၼ်ႉ​ဢမ်ႇ​ၸႂ်ႈ။ ပဵၼ်​မဵတ်ႉ​ၶဝ်ႈ​ၵျုင်ႇ​သေ​ဢမ်ႇ​ဝႃႈ၊ ပဵၼ်​မဵတ်ႉ​ၶဝ်ႈ​တၢင်ႇ​ၸိူဝ်ႉ​တၢင်ႇ​ပိူင်​သေ​ဢမ်ႇ​ဝႃႈ၊ မႂ်း​ၸၢင်ႈ​ၽုၵ်ႇ​သွမ်ႈ​မဵတ်ႉ​မၼ်း​ၵူၺ်း​ၵူၺ်း​ဢေႃႈ။-</verse>
				<verse number="38">ၽြႃး​ပဵၼ်​ၸဝ်ႈ​ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​ၸဝ်ႈ​မီး​ၼၼ်ႉ​ပၼ်​တူဝ်​ဢေႃႈ။ တီႈ​မဵတ်ႉ​ႁင်း​ၽႂ်​ႁင်း​မၼ်း​ၼၼ်ႉ​ၵေႃႈ​မဵဝ်း​လႂ်​မဵဝ်း​ၼၼ်ႉ​မၼ်း​ၸဝ်ႈ​ပၼ်​တူဝ်​ဢေႃႈ။</verse>
				<verse number="39">ၼိူဝ်ႉ​ၵႃႈ​မီး​တင်း​သဵင်ႈ​တင်း​လူင် ပဵၼ်​မဵဝ်း​လဵဝ်​ၵူၺ်း​ဢမ်ႇ​ၸႂ်ႈ။ ၼိူဝ်ႉ​ၵူၼ်း​မဵဝ်း​ၼိုင်ႈ၊ ၼိူဝ်ႉ​သတ်း​မဵဝ်း​ၼိုင်ႈ၊ ၼိူဝ်ႉ​ပႃ​မဵဝ်း​ၼိုင်ႈ၊ ၼိူဝ်ႉ​ၼူၵ်ႉ​မဵဝ်း​ၼိုင်ႈ မီး​ဝႆႉ​ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="40">ႁၢင်ႈ​ၽၢင်​တူဝ်​ၵၢင်​ႁၢဝ်​တင်း​လၢႆ​ၵေႃႈ​မီး​ဢေႃႈ။ ႁၢင်ႈ​ၽၢင်​တူဝ်​လိၼ်​မိူင်း​တင်း​လၢႆ​ၵေႃႈ​မီး​ဢေႃႈ။ မုၼ်​သရေႇ​ႁၢင်ႈ​ၽၢင်​တူဝ်​ၵၢင်​ႁၢဝ်​ပဵၼ်​မဵဝ်း​ၼိုင်ႈ​ဢေႃႈ။ မုၼ်​သရေႇ​ႁၢင်ႈ​ၽၢင်​တူဝ်​လိၼ်​မိူင်း​ပဵၼ်​မဵဝ်း​ၼိုင်ႈ​ဢေႃႈ။-</verse>
				<verse number="41">မုၼ်​သရေႇ​ၵၢင်​ဝၼ်း​မဵဝ်း​ၼိုင်ႈ၊ မုၼ်​သရေႇ​လိူၼ်​မဵဝ်း​ၼိုင်ႈ၊ မုၼ်​သရေႇ​လၢဝ်​မဵဝ်း​ၼိုင်ႈ​မီး​ဝႆႉ​ႁင်း​ၽႂ်​ႁင်း​မၼ်း​ဢေႃႈ။ မုၼ်​သရေႇ​လၢဝ်​တင်း​လၢႆ​မီး​ဢၼ်​ပႅၵ်ႇ​ဢၼ်​ပိူင်ႈ​ၵၼ်​ႁင်း​ၽႂ်​ႁင်း​မၼ်း​ဢေႃႈ။</verse>
				<verse number="42">လွင်ႈ​တၢင်း​ဢၼ်​ၶဝ်​ၸိူဝ်း​ဢၼ်​တၢႆ​ယဝ်ႉ​လုၵ်ႉ​ၶိုၼ်း​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။ တူဝ်​ၼႆႉ​မိူဝ်ႈ​ဢၼ်​ၽုၵ်ႇ​သွမ်ႈ​ၸိုင် မီး​သၽေႃး​ဢၼ်​ၸၢင်ႈ​တူႇ​ၸၢင်ႈ​ၼဝ်ႈ​ဢေႃႈ။ မိူဝ်ႈ​ဢၼ်​လုၵ်ႉ​ၶိုၼ်း​ၸမ်ႉ၊ တႄႇ​ယူႇ​ၼႂ်း​တၢင်း​ဢၼ်​ဢမ်ႇ​ၸၢင်ႈ​တူႇ​ၸၢင်ႈ​ၼဝ်ႈ​ဢေႃႈ။-</verse>
				<verse number="43">မိူဝ်ႈ​ဢၼ်​ၽုၵ်ႇ​သွမ်ႈ​ၸိုင်​မုၼ်​သရေႇ​လူႉ​ဢေႃႈ။ မိူဝ်ႈ​ဢၼ်​လုၵ်ႉ​ၶိုၼ်း​ၸမ်ႉ၊ ပျေႉ​ၸုမ်ႇ​တင်း​မုၼ်​သရေႇ​ဢေႃႈ။ မိူဝ်ႈ​ဢၼ်​ၽုၵ်ႇ​သွမ်ႈ​ၸိုင်​ဢမ်ႇ​မီး​ႁႅင်း။ မိူဝ်ႈ​ဢၼ်​လုၵ်ႉ​ၶိုၼ်း​ၸမ်ႉ၊ ပျေႉ​ၸုမ်ႇ​တင်း​ႁႅင်း​ဢေႃႈ။-</verse>
				<verse number="44">မိူဝ်ႈ​ဢၼ်​ၽုၵ်ႇ​သွမ်ႈ​ၸိုင်​ပဵၼ်​တူဝ်​ၸႃႇ​တီႉ​ပၵတီႉ​ဢေႃႈ။ မိူဝ်ႈ​ဢၼ်​လုၵ်ႉ​ၶိုၼ်း​ၸမ်ႉ၊ ပဵၼ်​တူဝ်​ဝီႉၺႃႇၼႃႉ​ဢေႃႈ။ ပေႃး​မီး​တူဝ်​ၸႃႇ​တီႉ​ပၵတီႉ​မဵဝ်း​ၼိုင်ႈ​ၸိုင် မီး​ဝီႉၺႃႇၼႃႉ​မဵဝ်း​ၼိုင်ႈ​ဢေႃႈ။</verse>
				<verse number="45">ဢၼ်​ၵျၢမ်း​လိၵ်ႈ​မႃး​လႄႈ​ဝႃႈ​ၸမ်ႉ၊ ဢႃႇတၢမ်ႇ ​ဢၼ်​ပဵၼ်​မႃး​ဢွၼ်​တၢင်း​ၼၼ်ႉ​ပဵၼ်​သတ်ႉတဝႃႇ ဢၼ်​ဢသၢၵ်ႈ​လိပ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ဢႃႇတၢမ်ႇ ​ဢၼ်​ပဵၼ်​မႃး​ၵမ်း​လိုၼ်း​ၸမ်ႉ၊ ပဵၼ်​ဝီႉၺိၺ်ႇ​ဢၼ်​ၸၢင်ႈ​ႁႂ်ႈ​ဢသၢၵ်ႈ​လိပ်း​ယူႇ​ဢေႃႈ။-</verse>
				<verse number="46">တူဝ်​ဝီႉၺႃႇၼႃႉ​ပဵၼ်​ဢွၼ်​တၢင်း​ဢမ်ႇ​ၸႂ်ႈ။ တူဝ်​ၸႃႇ​တီႉ​ပၵတီႉ​ပဵၼ်​ဢွၼ်​တၢင်း​ဢေႃႈ။ ၵမ်း​လိုၼ်း​တူဝ်​ဝီႉၺႃႇၼႃႉ​ၸင်ႇ​ပဵၼ်​ဢေႃႈ။-</verse>
				<verse number="47">ၵူၼ်း​ဢွၼ်​တၢင်း​ၸိုင်​ၵွပ်ႈ​ပိူဝ်ႈ​ဢၼ်​ပဵၼ်​မႃး​ၵႃႈ​တီႈ​လိၼ်​လႄႈ ပဵၼ်​ၵူၼ်း​လိၼ်​ဢေႃႈ။ ၵူၼ်း​တူႉတီႉယႃႉ​ၸမ်ႉ၊ ပဵၼ်​ၸဝ်ႈ​ဢၼ်​ပဵၼ်​မႃး​ၵႃႈ​တီႈ​ၵၢင်​ႁၢဝ်​ဢေႃႈ။-</verse>
				<verse number="48">ၵူၼ်း​လိၼ်​တင်း​လၢႆ​လႆႈ​ပဵၼ်​ၸိူဝ်ႉ​ၼင်ႇ​ၵူၼ်း​လိၼ်​ၼၼ်ႉ​ဢေႃႈ။ ၵူၼ်း​ၵၢင်​ႁၢဝ်​တင်း​လၢႆ လႆႈ​ပဵၼ်​ၸိူဝ်ႉ​ၼင်ႇ​ၵူၼ်း​ၵၢင်​ႁၢဝ်​ၼၼ်ႉ​ဢေႃႈ။-</verse>
				<verse number="49">ၸိူဝ်ႉ​ၼင်ႇ​ဢၼ်​ႁဝ်း​လႆႈ​ဢဝ်​ပုင်ႇ​ႁၢင်ႈ​ၽၢင်​ၵူၼ်း​လိၼ်​ၼၼ်ႉ ႁဝ်း​တၵ်း​လႆႈ​ဢဝ်​ပုင်ႇ​ႁၢင်ႈ​ၽၢင်​ၵူၼ်း​ၵၢင်​ႁၢဝ်​ဢေႃႈ။</verse>
				<verse number="50">ပီႈ​ၼွင်ႉ​ၶဝ်​ဢိူၺ်း၊ ၵဝ်​ဝႃႈ​ၸမ်ႉ၊ ၼိူဝ်ႉ​လိူတ်ႈ​ၵူၼ်း​ၸိုင်​ဢမ်ႇ​ၶၢမ်ႇ​ဢမူၺ်ႇ​မိူင်း​ၽြႃး​ပဵၼ်​ၸဝ်ႈ​လႆႈ။ လွင်ႈ​တၢင်း​ဢၼ်​ၸၢင်ႈ​တူႇ​ၸၢင်ႈ​ၼဝ်ႈ​ၸိုင်​ဢမ်ႇ​ၶၢမ်ႇ​ဢမူၺ်ႇ​လွင်ႈ​တၢင်း​ဢၼ်​ဢမ်ႇ​ၸၢင်ႈ​တူႇ​ၸၢင်ႈ​ၼဝ်ႈ​ၼၼ်ႉ​လႆႈ။-</verse>
				<verse number="51">ၵဝ်​တၵ်း​ၼႄ​ပျႃး​တၢင်း​ဢၼ်​လိုၵ်ႉ​ဢၼ်​လမ်ႇ​ဢၼ်​ၼိုင်ႈ​လူး​ၵွၼ်ႇ​ဢေႃႈ။ ႁဝ်း​ၵႃႈ​မီး​တၵ်း​လႆႈ​ၼွၼ်း​လပ်း​ဢမ်ႇ​ၸႂ်ႈ။-</verse>
				<verse number="52">ၵူၺ်း​ၵႃႈ​မိူဝ်ႈ​ဢၼ်​ပဝ်ႇ​ၶရႃႇ​ဢၼ်​လိုၼ်း​လင်​သုတ်း​ၼၼ်ႉ​ၸိုင်၊ ၵမ်း​ဢွၼ်ႇ​ၼိုင်ႈ၊ ၸူဝ်ႈ​ၽႅပ်ႉ​တႃ​ပွၵ်ႈ​ၼိုင်ႈ​ၵူၺ်း၊ ႁဝ်း​ၵႃႈ​မီး​တၵ်း​လႆႈ​ႁွတ်ႈ​ထိုင်​တၢင်း​ဢၼ်​ၶၢႆႉ​ပုတ်ႈ​ဢေႃႈ။ မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ဢၼ်​တၵ်း​ပဝ်ႇ​ၶရႃႇ​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​တၵ်း​လုၵ်ႉ​ၶိုၼ်း တႄႇ​ယူႇ​ၼႂ်း​လွင်ႈ​တၢင်း​ဢၼ်​ဢမ်ႇ​ၸၢင်ႈ​တူႇ​ၸၢင်ႈ​ၼဝ်ႈ​လႄႈ ႁဝ်း​ၵႃႈ​မီး​တၵ်း​ႁွတ်ႈ​ထိုင်​တၢင်း​ဢၼ်​ၶၢႆႉ​ပုတ်ႈ​ဢေႃႈ။-</verse>
				<verse number="53">လွင်ႈ​တၢင်း​ဢၼ်​ၸၢင်ႈ​တူႇ​ၸၢင်ႈ​ၼဝ်ႈ​တေႃႈ​လဵဝ်​တႂ်ႈ​တႃ​ၼႆႉ တၵ်း​လႆႈ​ၶဝ်ႈ​ၼႂ်း​လွင်ႈ​တၢင်း​ဢၼ်​ဢမ်ႇ​ၸၢင်ႈ​တူႇ​ၸၢင်ႈ​ၼဝ်ႈ​ဢေႃႈ။ လွင်ႈ​တၢင်း​ဢၼ်​ၸၢင်ႈ​တၢႆ​တေႃႈ​လဵဝ်​တႂ်ႈ​တႃ​ၼႆႉ တၵ်း​လႆႈ​ၶဝ်ႈ​ၼႂ်း​လွင်ႈ​တၢင်း​ဢၼ်​ဢမ်ႇ​ၸၢင်ႈ​တၢႆ​ဢေႃႈ။-</verse>
				<verse number="54">မိူဝ်ႈ​ဢၼ်​လွင်ႈ​တၢင်း​ဢၼ်​ၸၢင်ႈ​တူႇ​ၸၢင်ႈ​ၼဝ်ႈ​ၼႆႉ​ၶဝ်ႈ​ႁွတ်ႈ​ၶဝ်ႈ​ထိုင်​ၵႃႈ​ၼႂ်း​လွင်ႈ​တၢင်း​ဢၼ်​ဢမ်ႇ​ၸၢင်ႈ​တူႇ​ၸၢင်ႈ​ၼဝ်ႈ​လႄႈ လွင်ႈ​တၢင်း​ဢၼ်​ၸၢင်ႈ​တၢႆ​ၼႆႉ ၶဝ်ႈ​ႁွတ်ႈ​ၶဝ်ႈ​ထိုင်​ၵႃႈ​ၼႂ်း​လွင်ႈ​တၢင်း​ဢၼ်​ဢမ်ႇ​ၸၢင်ႈ​တၢႆ​ၼၼ်ႉ​ၸိုင်၊ ၵႂၢမ်း​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ တၢင်း​တၢႆ​ၸိုင်​တူၵ်း​ၸူမ်​ၵႃႈ​ၼႂ်း​တၢင်း​ဢၼ်​ပႄႉ​ၼႅင်ႇ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​တၵ်း​ပျေႉ​ၸုမ်ႇ​ဢေႃႈ။-</verse>
				<verse number="55">ၶုၼ်​တၢႆ​ဢိူၺ်း၊ ၵွင်ႉ​ႁႅၼ်ႇ​ဢၼ်​မႂ်း​ဢဝ်​ၸီႈ​ၼၼ်ႉ​ၸမ်ႉ၊ မီး​ၵႃႈ​လႂ်။ ၶုၼ်​တၢႆ​ဢိူၺ်း၊ တၢင်း​ဢၼ်​မႂ်း​ပႄႉ​ၼႅင်ႇ​ၼၼ်ႉ​ၸမ်ႉ၊ မီး​ၵႃႈ​လႂ်။-</verse>
				<verse number="56">ၵွင်ႉ​ႁႅၼ်ႇ​ဢၼ်​ၶုၼ်​တၢႆ​ဢဝ်​ၸီႈ​ၸမ်ႉ၊ ပဵၼ်​တူႉ​ၸရိူၵ်ႈ​ဢပႅတ်ႈ​ဢေႃႈ၊ တၼ်း​ၶူဝ်း​တူႉ​ၸရိူၵ်ႈ​ဢပႅတ်ႈ​ၸမ်ႉ၊ ပဵၼ်​ပိင်း​ၺၢပ်ႈ​တြႃး​ဢေႃႈ။-</verse>
				<verse number="57">ၵျေး​ၸူး​ၽြႃး​ပဵၼ်​ၸဝ်ႈ​ဢၼ်​ပၼ်​ဢၶႂၢင်ႉ​တၢင်း​ဢၼ်​ပႄႉ​ၼႅင်ႇ​ၵွပ်ႈ​ပိူဝ်ႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ တီႈ​ႁဝ်း​ၼၼ်ႉ​ယႂ်ႇ​ၼႃႇ​လူင်​လၢင်​ဢေႃႈ။</verse>
				<verse number="58">ၵွပ်ႈ​ႁွႆး​ၼႆႉ​လႄႈ ပီႈ​ၼွင်ႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ သူ​ပွင်​ႁဵတ်း​ဢမူႉ​ၸဝ်ႈ​ၽြႃး​လႄႈ ႁူႉ​လွင်ႈ​ဢၼ်​ဢၵျူဝ်း​သူ​ယႂ်ႇ​ၼႃႇ​ၼၼ်ႉ​သေ​ယဝ်ႉ၊ ပျေႉ​ၸုမ်ႇ​တင်း​ၸႂ်​ဢၼ်​တႄႇ​ဝႆႉ​ယူႇ၊ ယင်း​ဢမ်ႇ​ၶၢႆႉ​ဢမ်ႇ​ပုတ်ႈ​ယူႇ​သေ​လႄႈ ဢွၼ်​ၵၼ်​ၵႆႉ​ၵျူဝ်း​ၸႃး​ႁဵတ်း​ဢမူႉ​ၸဝ်ႈ​ၽြႃး​တႃႉ။</verse>
			</chapter>
			<chapter number="16">
				<verse number="1">လွင်ႈ​ဢၼ်​လူႇ​တၢၼ်း​လႄႈ​ၸူႉ​သိမ်း​ဝႆႉ​ပုၼ်ႈ​ၵူၼ်း​မူတ်း​ၸၢင်ႇ​တင်း​လၢႆ​ၼၼ်ႉ​ၸမ်ႉ၊ သူ​ႁဵတ်း​ၸိူဝ်ႉ​ၼင်ႇ​ဢၼ်​ၵဝ်​သင်ႇ​လၢတ်ႈ​ဝႆႉ တီႈ​ၸိူဝ်း​ၸဝ်ႈ​တင်း​လၢႆ​ၵႃႈ​ၼႂ်း​မိူင်း​ ၵလႃႇတီႉ ​ၼၼ်ႉ​တႃႉ။-</verse>
				<verse number="2">လွင်ႈ​ၼင်ႇ​ႁိုဝ်​တၵ်း​ဢမ်ႇ​လႆႈ​မီး​တၢင်း​ဢၼ်​တၵ်း​လႆႈ​ၸူႉ​လႆႈ​သိမ်း​တၢင်း​လူႇ​တၢင်း​တၢၼ်း မိူဝ်ႈ​ဢၼ်​ၵဝ်​ႁွတ်ႈ​မႃး​ၼၼ်ႉ​ၸိုင်၊ ၼႂ်း​ၸဵတ်း​ဝၼ်း​ဝၼ်း​ပထမႃႉ၊ ဢဝ်​ၵႃႈ​ၼႂ်း​ဢုၵ်ႉ​ၸႃႇ​တူဝ်​ၸဝ်ႈ​ၵဝ်ႇ​ဢွၵ်ႇ​ပုၼ်ႈ​ၼိုင်ႈ​ႁင်း​ၽႂ်​ႁင်း​မၼ်း​လႄႈ​ၸူႉ​သိမ်း​ဝႆႉ​ၵႃႈ​ၼင်ႇ​ဢၼ်​တူဝ်​ၸဝ်ႈ​ၵဝ်ႇ​လႆႈ​မၢၵ်ႈ​လႆႈ​မီး​ၼၼ်ႉ​တႃႉ။-</verse>
				<verse number="3">မိူဝ်ႈ​ဢၼ်​ၵဝ်​ႁွတ်ႈ​မႃး​ၼၼ်ႉ​ၸိုင် ၵဝ်​တၵ်း​ပၼ်​လိၵ်ႈ​လၢၵ်ႈ​မၢတ်ႈ​တီႈ​ၶဝ်​ၸိူဝ်း​ဢၼ်​သူ​မီး​ဢလူဝ်ႇ​ၼၼ်ႉ​လႄႈ ပွႆႇ​ၸႂ်ႉ​ၶဝ်​ၵႂႃႇ​သူင်ႇ​တၢင်း​လူႇ​တၢင်း​တၢၼ်း​ဢၼ်​သူ​လူႇ​တၢၼ်း​ၼၼ်ႉ ၵႃႈ​တီႈ​ဝဵင်း​ ယေႇရူႉသလႅမ်ႇ ​ပုၼ်ႉ​ဢေႃႈ။-</verse>
				<verse number="4">ဢမ်ႇ​ၼၼ်​ၵေႃႈ ပေႃး​တူဝ်​ၵဝ်​ထုၵ်ႇ​လီ​ၵႂႃႇ​ၸိုင် ၶဝ်​တၵ်း​လႆႈ​ၸွမ်း​လူၺ်ႈ​ၵၼ်​တင်း​ၵဝ်​ဢေႃႈ။</verse>
				<verse number="5">ၵွပ်ႈ​ပိူဝ်ႈ​ဢၼ်​ၵဝ်​တၵ်း​ၸွမ်း​တၢင်း​ၵႂႃႇ​ၵႃႈ​တီႈ​မိူင်း​ မႃႇၵေႇတေႃးၼီႉ ​လႄႈ ၵဝ်​ၸွမ်း​တၢင်း​ၵႂႃႇ​ၵႃႈ​တီႈ​မိူင်း​ၼၼ်ႉ​သေ​ယဝ်ႉ၊ တၵ်း​မႃး​တီႈ​ဢၼ်​သူ​မီး​ၼၼ်ႉ​ဢေႃႈ။-</verse>
				<verse number="6">လိုၼ်း​ၼၼ်ႉ​ၵဝ်​ၸၢင်ႈ​ၶႄး​တၵ်း​သွၼ်ႈ​ပိုင်ႈ​ယူႇ​ၵႃႈ​တီႈ​ဢၼ်​သူ​မီး​ၼၼ်ႉ​လႄႈ ႁႂ်ႈ​ၶိင်ႇ​ၵတ်း​ထၼ်ႈ​ပေႃး​သဵင်ႈ​ႁႂ်ႈ​လႆႈ​ၶၢမ်ႇ​ၵျေး​ၸူး တၢင်း​ဢၼ်​သူ​ၸွမ်း​သူင်ႇ​ၼႂ်း​မိူဝ်ႈ​ဢၼ်​ၵဝ်​ၵႂႃႇ​တၢင်ႇ​တီႈ​တၢင်ႇ​လႅၼ်​ၼၼ်ႉ​ဢေႃႈ။-</verse>
				<verse number="7">ၼႂ်း​မိူဝ်ႈ​ဢၼ်​ယင်း​တိုၵ်ႉ​ၵႂႃႇ​ယူႇ​တေႃႈ​လဵဝ်​ၼႆႉ​ၸိုင် ၵဝ်​ဢမ်ႇ​မီး​ဢလူဝ်ႇ​ၶႂ်ႈ​ထူပ်း​ႁၼ်​သူ။ ၵမ်း​လိုၼ်း ပေႃး​ၸဝ်ႈ​ၽြႃး​ပၼ်​ဢၶႂၢင်ႉ​ၸိုင်၊ ၵဝ်​မီး​တၢင်း​ဢၼ်​မုင်ႈ​ထႃႈ​မွင်း​ထႃႈ​ႁႂ်ႈ​လႆႈ​ယူႇ​လူၺ်ႈ​ၵၼ်​တင်း​သူ​ႁၢမ်ႉ​ႁိုင်​ႁိုင်​ဢေႃႈ။-</verse>
				<verse number="8">ၵဝ်​တၵ်း​လႆႈ​ယူႇ​ၵႃႈ​တီႈ​ဝဵင်း​ ဢေးၽႅတ်ႈ ​တေႃႇ​ထိုင်​ႁွတ်ႈ​ဝၼ်း​ပွႆး ပဵၼ်ႇတေႇၵုၵ်ႉတေႇ ​ဢေႃႈ။-</verse>
				<verse number="9">လွင်ႈ​မၼ်း​ၸမ်ႉ​ၽၵ်း​တူ​ဢၼ်​ယႂ်ႇ​ၼႃႇ​လႄႈ​သၢင်ႇ​ထုၵ်ႇ​ၼၼ်ႉ ၽုၺ်ႇ​ဝႆႉ​မီး​ယူႇ​တီႈ​ၵဝ်​ဢေႃႈ။ ၶဝ်​ၸိူဝ်း​ဢၼ်​ႁႄႉ​ၶႅၼ်​ၵေႃႈ​မီး​ၼမ်​ၼႃႇ​ဢေႃႈ။</verse>
				<verse number="10">ပေႃး​ တီႉမေႃးသေႇ ​ႁွတ်ႈ​ထိုင်​ၵႃႈ​တီႈ​သူ​ၼၼ်ႉ​ယဝ်ႉ​ၸိုင်၊ ႁဵတ်း​သတီႉ​ႁႂ်ႈ​မၼ်း​ဢမ်ႇ​လႆႈ​မီး​လွင်ႈ​တၢင်း​ဢၼ်​လီ​ၵူဝ်​လီ​ႁႄ​လႄႈ​ယူႇ​လူၺ်ႈ​ၵၼ်​တင်း​သူ​တႃႉ။ မၼ်း​ပဵၼ်​ၵေႃႉ​ဢၼ်​ပွင်​ႁဵတ်း​ဢမူႉ​ၸဝ်ႈ​ၽြႃး​မိူၼ်​ၸိူဝ်ႉ​ၼင်ႇ​ၵဝ်​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ​ယႃႇ​ပေ​ႁႂ်ႈ​ၽူႈ​လႂ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​မၼ်း။ ၼင်ႇ​ႁိုဝ်​မၼ်း​တၵ်း​လႆႈ​ၶိုၼ်း​မႃး​ၵႃႈ​တီႈ​ၵဝ်​ၼိမ်​ၼိမ်​လီ​လီ​ၸိုင် ႁဵတ်း​ၵျေး​ၸူး​တၢင်း​ဢၼ်​ဢဝ်​သူင်ႇ​တႃႉ။ ၵဝ်​မုင်ႈ​ထႃႈ​မွင်း​ထႃႈ​လွင်ႈ​ဢၼ်​မၼ်း​တၵ်း​မႃး​လူၺ်ႈ​ၵၼ်​တင်း​ပီႈ​ၼွင်ႉ​တၢင်ႇ​ၵေႃႉ​တၢင်ႇ​ၵူၼ်း​ၼၼ်ႉ​ယူႇ​ဢေႃႈ။</verse>
				<verse number="12">လွင်ႈ​ၼွင်ႉ​ၵဝ်​ ဢႃႇပေႃးလူႉ ​ၸမ်ႉ၊ ပိၵ်ႉ​သမ်ႉ​ၵဝ်​ၶျေႃး​မၼ်း​ၼႃႇ​လူင်​လၢင်​လႄႈ တွင်း​ပၢၼ်ႇ​ႁႂ်ႈ​မၼ်း​ၵႂႃႇ​ၵႃႈ​တီႈ​သူ​လူၺ်ႈ​ၵၼ်​တင်း​ပီႈ​ၼွင်ႉ​တင်း​လၢႆ​သေ​ၵေႃႈ၊ မၼ်း​ဢမ်ႇ​မီး​ဢလူဝ်ႇ​ၶႂ်ႈ​ၵႂႃႇ​မိူဝ်ႈ​လဵဝ်​ၼႆႉ​သေ​ဢိတ်း။ ၵမ်း​လိုၼ်း​မိူဝ်ႈ​ဢၼ်​ၶိင်ႇ​မၼ်း​ထုၵ်ႇ​ၸိုင်​မၼ်း​တၵ်း​ၵႂႃႇ​ဢေႃႈ။</verse>
				<verse number="13">သူ​ၸိုင် ႁဵတ်း​သတီႉ​လႄႈ​ပႂ်ႉ​ယူႇ​တႃႉ။ တႄႇ​ယူႇ​ၼႂ်း​တၢင်း​ဢၼ်​ယုမ်ႇ​မၢတ်ႈ​တႃႉ။ ႁဵတ်း​မိူၼ်​ၸိူဝ်ႉ​ၼင်ႇ​ၵူၼ်း​ၸၢႆး​တႃႉ။ ၸေး​ၸုမ်ႇ​ဝႆႉ​တင်း​ႁႅင်း​တႃႉ။-</verse>
				<verse number="14">သူ​ပႃး​တင်း​ၸႂ်​မႅတ်ႈ​တႃႇ​တၢင်း​ႁၵ်ႉ​သေ​လႄႈ ပွင်​ႁဵတ်း​ဢမူႉ​ၵိၵ်ႉ​ၸႃႉ​ၵႃႈ​မီး​တင်း​သဵင်ႈ​တင်း​လူင်​တႃႉ။</verse>
				<verse number="15">ပီႈ​ၼွင်ႉ​ၶဝ်​ဢိူၺ်း၊ ၵႃႈ​ၼင်ႇ​ဢၼ်​သူ​ႁူႉ​လွင်ႈ​ဢၼ်​ၵူၼ်း​ႁိူၼ်း​ၵူၼ်း​ယေး​ သထေႇၽၢၼ်ႇ ပဵၼ်​မၢၵ်ႇ​ဢၼ်​မၢၵ်ႇ​ဢွၼ်​တၢင်း​ၵႃႈ​ၼႂ်း​မိူင်း​ ဢၶႃႇယႃႉ ​လႄႈ ဢၢပ်ႈ​ပၼ်​တူဝ်​ၸဝ်ႈ​ၵဝ်ႇ​ႁႂ်ႈ​လႆႈ​ပွင်​ႁဵတ်း​ဢမူႉ​ၵူၼ်း​မူတ်း​ၸၢင်ႇ​တင်း​လၢႆ​ၼၼ်ႉ၊-</verse>
				<verse number="16">လွင်ႈ​ၼင်ႇ​ႁိုဝ်​သူ​တၵ်း​ႁပ်ႉ​တုင်း​ဢဝ် တၢင်း​ဢၼ်​ၶဝ်​ၸိူဝ်ႉ​ၼင်ႇ​ၼၼ်​ၼၼ်ႉ​ဢုပ်ႉ​ပိူင်ႇ​ဢိၵ်ႇ​တင်း​တၢင်း​ဢၼ်​ၶဝ်​ၸိူဝ်း​ဢၼ်​သၢင်ႈ​ႁဵတ်း​လူၺ်ႈ​ၵၼ်​တင်း​ၵဝ်​လႄႈ ပွင်​ႁဵတ်း​ဢမူႉ​ၸဝ်ႈ​ၼၼ်ႉ​ဢုပ်ႉ​ပိူင်ႇ​ၼၼ်ႉ​ၸိုင် ၵဝ်​တွင်း​ပၢၼ်ႇ​သူ​ဢေႃႈ။</verse>
				<verse number="17">ပိူဝ်ႈ​ဢၼ်​ သထေႇၽၢၼ်ႇ ဢိၵ်ႇ​တင်း​ ၽေႃႇတူႉၼိတ်ႉ ​တင်း​ ဢၶႃႇယၶူႇ ​ၸိူဝ်း​ၼၼ်ႉ​ႁွတ်ႈ​မႃး​ယဝ်ႉ​လႄႈ ၵဝ်​သိူဝ်း​ပျေႃႇ​ဢေႃႈ။ လွင်ႈ​မၼ်း​ၸမ်ႉ ၵႃႈ​ဢၼ်​သူ​ပွင်​ႁဵတ်း​လႄႈ ဢမ်ႇ​ၸေး​ဢမ်ႇ​ၸုမ်ႇ​ၼၼ်ႉ​ၸိုင် ၶဝ်​ၼၼ်ႉ​တၵ်း​ထၢပ်ႈ​ထႅင်ႈ​လႄႈ​ႁႂ်ႈ​ၸေး​ၸုမ်ႇ​ဢေႃႈ။-</verse>
				<verse number="18">ၶဝ်​ၼၼ်ႉ​ႁႂ်ႈ​ၸႂ်​သူ​ဢိၵ်ႇ​တင်း​ၸႂ်​ၵဝ်​သၢၵ်ႈ​သႃႇ​ဢေႃႈ။ ပိူဝ်ႈ​ၼႆ​လႄႈ ႁပ်ႉ​တုင်း​ဢဝ်​ၶဝ်​ၸိူဝ်ႉ​ၼင်ႇ​ၼၼ်​ၼၼ်ႉ​တႃႉ။-</verse>
				<verse number="19">ၸိူဝ်း​ၸဝ်ႈ​တင်း​လၢႆ​ၵႃႈ​ၼႂ်း​မိူင်း​ ဢႃႇသီႉ ​ၼႆႉ တၵ်ႉ​ၼၢႆ​သူ​ဢေႃႈ။ ဢႃႇၵူႉလႃႉ ​တင်း​ ပျိတ်ႉၵီႉလႃႉ ဢိၵ်ႇ​တင်း​ၸိူဝ်း​ၸဝ်ႈ​ဢၼ်​မီး​ၵႃႈ​ၼႂ်း​ႁိူၼ်း​သွင်​ၶႃ​ၼၼ်ႉ ထွၵ်ႈ​လူၺ်ႈ​ၸဝ်ႈ​ၽြႃး​သေ​လႄႈ​တၵ်ႉ​ၼၢႆ​သူ​ၼမ်​ၼႃႇ​ဢေႃႈ။-</verse>
				<verse number="20">ပီႈ​ၼွင်ႉ​တင်း​သဵင်ႈ​တင်း​လူင်​ၵႃႈ​မီး​ၼႆႉ​တၵ်ႉ​ၼၢႆ​သူ​ဢေႃႈ။ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ဢဝ်​တင်း​တၢင်း​ၼူမ်​ဢၼ်​မူတ်း​ၸၢင်ႇ တၵ်ႉ​လၢတ်ႈ​ၵၼ်​တႃႉ။</verse>
				<verse number="21">တၢင်း​ဢၼ်​ၵဝ်​တၵ်ႉ​ၼၢႆ​ၸိုင်​ၵဝ်​ ပေႃးလူႉ ဢဝ်​တင်း​မိုဝ်း​တူဝ်​ၸဝ်ႈ​ၵဝ်ႇ​တႅမ်ႈ​ဝႆႉ​ဢေႃႈ။</verse>
				<verse number="22">ပေႃး​သေ​ၵေႃႉ​သေ​ၵူၼ်း​ဢမ်ႇ​ႁၵ်ႉ​ၸဝ်ႈ​ ယေႇသူႉ​ၶရိၸ်ႈ ​ၸိုင် ႁႂ်ႈ​ၵေႃႉ​ၼၼ်ႉ​ပဵၼ် ဢၼႃႉသေႇမႃႇ သေ​ၵမ်း​လူၺ်ႈ၊ ၸဝ်ႈ​ၽြႃး​မႃး​ယူႇ​ဢေႃႈ။</verse>
				<verse number="23">ႁႂ်ႈ​ၵျေး​ၸူး​ၸဝ်ႈ​ႁဝ်း​ ယေႇသူႉ​ၶရိၸ်ႈ ​မီး​ၼိူဝ်​သူ​သေ​ၵမ်း​လူၺ်ႈ။-</verse>
				<verse number="24">ႁႂ်ႈ​တၢင်း​ႁၵ်ႉ​မႅတ်ႈ​တႃႇ​ၵဝ်​မီး​တီႈ​သူ​ၵႃႈ​ဢၼ်​မီး​ၼႂ်း​ ယေႇသူႉ​ၶရိၸ်ႈ ​ၼၼ်ႉ​သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ၵေႃးရိၼ်ႇထူႉ​ၽိုၼ်​ပထမႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="47">
			<chapter number="1">
				<verse number="1">ၵဝ်​ ပေႃးလူႉ ဢၼ်​ပဵၼ်​တမၢၼ်ႇ​ၸဝ်ႈ​ ယေႇသူႉ​ၶရိၸ်ႈ ၵွပ်ႈ​ပိူဝ်ႈ​ဢလူဝ်ႇ​ၽြႃး​ပဵၼ်​ၸဝ်ႈ​ဢိၵ်ႇ​တင်း​ၼွင်ႉ​ၵဝ်​ တီႉမေႃးသေႇ ​ၼႆႉ ပၼ်​ငိၼ်း​ၵႂႃႇ​ၵႃႈ​တီႈ​ၸႃႉ​ၸဵမ်​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ​ဢၼ်​မီး​ယူႇ​ၵႃႈ​ၼႂ်း​ဝဵင်း​ ၵေႃးရိၼ်ႇထူႉ ဢိၵ်ႇ​တင်း​ၵူၼ်း​မူတ်း​ၸၢင်ႇ​ၵႃႈ​ဢၼ်​မီး​ယူႇ​ၵႃႈ​ၼႂ်း​မိူင်း​ ဢၶႃႇယႃႉ ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="2">ႁႂ်ႈ​သူႉ​ၵျေး​ၸူး​ဢိၵ်ႇ​တင်း​တၢင်း​ၼိမ်​ဢၼ်​ပဵၼ်​မႃး​ၵႃႈ​တီႈ​ပေႃႈ​ႁဝ်း​ၽြႃး​ပဵၼ်​ၸဝ်ႈ ဢိၵ်ႇ​တင်း​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ​မီး​ၼိူဝ်​သူ​သေ​ၵမ်း​လူၺ်ႈ။</verse>
				<verse number="3">ႁႂ်ႈ​ပေႃႈ​တၢင်း​ဢဵတ်း​လူ​ၵရူႉၼႃႇ​ၸဝ်ႈ တၢင်း​သၢၵ်ႈ​သႃႇ​ၵူႈ​ၸိူဝ်ႉ​ၵူႈ​ပိူင်​ဢၼ်​ဝႃႈ ၽြႃး​ပဵၼ်​ၸဝ်ႈ​ဢၼ်​ပဵၼ်​ၸဝ်ႈ​ပေႃႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ၊-</verse>
				<verse number="4">ၽြႃး​ပဵၼ်​ၸဝ်ႈ ႁႂ်ႈ​ႁဝ်း​သၢၵ်ႈ​သႃႇ ၼႂ်း​တၢင်း​ၽၢၼ်​ႁဝ်း​ၵူႈ​ၸိူဝ်ႉ​ၵူႈ​ပိူင် ႁႂ်ႈ​ႁဝ်း​လႆႈ​ႁႂ်ႈ​ၶဝ်​ၸိူဝ်း​ဢၼ်​ၶၢမ်ႇ​တၢင်း​ၽၢၼ်​ၵူႈ​ၸိူဝ်ႉ​ၵူႈ​ပိူင်​ၼၼ်ႉ သၢၵ်ႈ​သႃႇ မိူၼ်​ၸိူဝ်ႉ​ၼင်ႇ​ဢၼ်​ႁဝ်း​လႆႈ​တၢင်း​သၢၵ်ႈ​သႃႇ​ၵွပ်ႈ​ၵျေး​ၸူး​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။-</verse>
				<verse number="5">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၸိူဝ်ႉ​ၼင်ႇ​ဢၼ်​တၢင်း​ၽၢၼ် ဢၼ်​ၸဝ်ႈ​ၶရိၸ်ႈ​လႆႈ​ၶၢမ်ႇ​ၼၼ်ႉ ၼမ်​လူင်​ၼမ်​လၢင် ၵႃႈ​တီႈ​ႁဝ်း​ၼၼ်ႉ၊ တၢင်း​သၢၵ်ႈ​သႃႇ ဢၼ်​ႁဝ်း​လႆႈ​ၶၢမ်ႇ​ၼႆႉ ၼမ်​လူင်​ၼမ်​လၢင် ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​ဢေႃႈ။</verse>
				<verse number="6">ပိူဝ်ႈ​ၼႆ​လႄႈ ပေႃး​ႁဝ်း​လႆႈ​ၶၢမ်ႇ​တၢင်း​ၽၢၼ်​ၸိုင် ပဵၼ်​ပုၼ်ႈ​ဢၵျူဝ်း​၊တၢင်း​ဢၼ်​သူ​သၢၵ်ႈ​သႃႇ ဢိၵ်ႇ​တင်း၊​တၢင်း​ဢၼ်​ၵႄႇ​ၶျွတ်ႈ​ဢဝ်​သူ ဢၼ်​ပျေႉ​ၸုမ်ႇ​ၼႂ်း​တၢင်း​ဢၼ်​သူ​လႆႈ​ဢဝ် တၢင်း​ၸႂ်​ဢၼ်​ယိူၼ်ႉ​ၶၢမ်ႇ​ၼၼ်ႉ ၶၢမ်ႇ​တၢင်း​ၽၢၼ်​မိူၼ်​ၸိူဝ်ႉ​ၼင်ႇ ဢၼ်​ႁဝ်း​လႆႈ​ၶၢမ်ႇ​ၼၼ်ႉ​ဢေႃႈ၊​ဢမ်ႇ​ၼၼ်​ၵေႃႈ၊ပေႃး​ႁဝ်း​ႁွတ်ႈ​ထိုင်​တၢင်း​ဢၼ်​သၢၵ်ႈ​သႃႇ​ၸိုင်၊ပဵၼ်​ပုၼ်ႈ​ဢၵျူဝ်း တၢင်း​ဢၼ်​သူ​သၢၵ်ႈ​သႃႇ ဢိၵ်ႇ​တင်း​တၢင်း​ဢၼ်​ၵႄႇ​ၶျွတ်ႈ​ဢဝ်​သူ​ဢေႃႈ။-</verse>
				<verse number="7">တၢင်း​ဢၼ်​ႁဝ်း​မုင်ႈ​ထႃႈ​မွင်း​ထႃႈ ၵွပ်ႈ​ပိူဝ်ႈ​လွင်ႈ​သူ​ၼၼ်ႉ​ဢမ်ႇ​ၸၢင်ႈ​ၶၢႆႉ​ၸၢင်ႈ​ပုတ်ႈ၊​ၸိူဝ်ႉ​ၼင်ႇ​ဢၼ်​သူ​၊သိူၵ်ႈ​သမ်ႇ၊ၵႃႈ​ၼႂ်း​တၢင်း​ၽၢၼ်​ၼၼ်ႉ၊​မိူၼ်​ၸိူဝ်ႉ​ၼင်ႇ​ၼၼ်၊သူ​သိူၵ်ႈ​သမ်ႇ​ၵႃႈ​ၼႂ်း​တၢင်း​ဢၼ် သၢၵ်ႈ​သႃႇ​ယူႇ​ဢေႃႈ ဝႃႈ​ၼႆ​ႁဝ်း​ႁူႉ​ယူႇ​ဢေႃႈ။</verse>
				<verse number="8">ပီႈ​ၼွင်ႉ​ၶဝ်​ဢိူၺ်း၊ လွင်ႈ​ၼင်ႇ​ႁိုဝ်​သူ​၊တၵ်း​ဢမ်ႇ​ႁူႉ​လွင်ႈ​တၢင်း​ၽၢၼ် ဢၼ်​ႁဝ်း​လႆႈ​ၶၢမ်ႇ​ၵႃႈ​ၼႂ်း​မိူင်း​ ဢႃႇသီႉ ဢၼ်​ဝႃႈ​တၢင်း​ၽၢၼ်​၊ဢၼ်​ၼၵ်း​ၼႃႇ​ထၼ်ႈ​ပေႃး​ဢမ်ႇ​ၶၢမ်ႇ​လႆႈ​လႄႈ ထၢင်ႇ​ဢသၢၵ်ႈ​တၵ်း​ဢမ်ႇ​လွတ်ႈ​လႆႈ​ၼၼ်ႉ​လႄႈ​ယူႇ​ၸိုင်၊ ၵဝ်​ဢမ်ႇ​မီး​ဢလူဝ်ႇ။-</verse>
				<verse number="9">ဢၼ်​လႆႈ​ၶၢမ်ႇ​ၼၼ်ႉ​ၸမ်ႉ ပဵၼ်​ၼင်ႇ​ဢၼ်​ႁဝ်း​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​လႄႈ​ဝႃႈ၊​ႁႂ်ႈ​တၢႆ​တႃႉ၊ ဝႃႈ​ၼင်ႇ​ၼႆ​ၼၼ်ႉ ႁႂ်ႈ​ႁဝ်း​ဢမ်ႇ​ဢိင်​တူဝ်​ၸဝ်ႈ​ၵဝ်ႇ​လႄႈ ဢိင်​ၽြႃး​ပဵၼ်​ၸဝ်ႈ​ဢၼ်​ႁႂ်ႈ​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​လုၵ်ႉ​ၶိုၼ်း၊-</verse>
				<verse number="10">ဢၼ်​ၵႄႇ​ၶျွတ်ႈ​ဢဝ်​ႁဝ်း​၊ၵႃႈ​ၼႂ်း​ၽေး​တၢင်း​တၢႆ ဢၼ်​ယႂ်ႇ​ထၢၼ်ႇ​ၼႆႉ​ၼၼ်ႉ​မႃး​ယဝ်ႉ​ဢမ်ႇ​ၵႃး၊တေႃႈ​လဵဝ်​ၼႆႉ​ၵေႃႈ ယင်း​ၵႄႇ​ၶျွတ်ႈ​ဢဝ်​ယူႇ​ၼၼ်ႉ​ဢေႃႈ၊ပေႃး​သူ​ၸွႆႈ​ထႅမ်​လႄႈ​သူး​တွင်း​ပုၼ်ႈ​ႁဝ်း​ၸိုင်၊လိုၼ်း​ၼႆႉ​ၵေႃႈ​မၼ်း​ၸဝ်ႈ၊​တၵ်း​ၵႄႇ​ၶျွတ်ႈ​ဢဝ်​ႁဝ်း​လူး​ၵွၼ်ႇ​ဝႃႈ​ၼႆ ႁဝ်း​မီး​တၢင်း​ဢၼ်​မုင်ႈ​ထႃႈ​မွင်း​ထႃႈ​ယူႇ​ဢေႃႈ။-</verse>
				<verse number="11">ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵူၼ်း​ၼမ်​ၼႃႇ​တၵ်း​ထွၵ်ႈ​လူၺ်ႈ သူႉ​ၵျေး​ၸူး​ဢၼ်​ႁွတ်ႈ​ထိုင်​တီႈ​ႁဝ်း ၵွပ်ႈ​ပိူဝ်ႈ​ဢၼ်​ၵူၼ်း​ၼမ်​ၼႃႇ ၸွႆႈ​ထႅမ်​ႁဝ်း​ၼၼ်ႉ​သေ​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ပုၼ်ႈ​ႁဝ်း​ဢေႃႈ။</verse>
				<verse number="12">လွင်ႈ​တၢင်း​ဢၼ်​ႁဝ်း​ဢုပ်ႇ​ဝၢဝ်း​ၸမ်ႉ၊ပဵၼ်​လွင်ႈ​ဢၼ်​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ​ၶၢမ်ႇ​သၢၵ်ႈ​သေႇ​လွင်ႈ​ဢၼ်​ႁဝ်း​ဢမ်ႇ​ဢိင်​ပိင်ႇ​ၺႃႇ​လေႃးၵီႇ၊ဢိင်​ၵျေး​ၸူး​ၽြႃး​ပဵၼ်​ၸဝ်ႈ​သေ​လႄႈ​ဢဝ်​တင်း​ၸႂ်​ဢၼ်​ဢမ်ႇ​မီး​သွင်​ၽၢႆႇ​သွင်​ပႃႈ ဢိၵ်ႇ​တင်း​တၢင်း​ဢၼ်​ၶၢဝ်​ၸၢင်ႇ​ဢၼ်​ၽြႃး​ပဵၼ်​ၸဝ်ႈ​မီး​ဢလူဝ်ႇ​ၼၼ်ႉ ၵမ်​ၵျၢင်ႉ​သၢင်ႈ​ႁဵတ်း​ၼႂ်း​လေႃးၵႃႉ​ၼႆႉ​လႄႈ ၵႃႈ​တီႈ​သူ​ၵေႃႈ ယဵင်ႈ​ၶႅၼ်း​ၵမ်​ၵျၢင်ႉ​သၢင်ႈ​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ။-</verse>
				<verse number="13">လိူဝ်​သေ​လွင်ႈ​တၢင်း​ဢၼ်​သူ​ၽတ်း​ၵႃႈ​ၼႂ်း​လိၵ်ႈ​လႄႈ​ႁပ်ႉ​တုင်း​ဢဝ်​ၼၼ်ႉ ႁဝ်း​တႅမ်ႈ​တၢင်ႇ​ၸိူဝ်ႉ​တၢင်ႇ​ပိူင်​သေ​လႄႈ​ပၼ်​ၵႂႃႇ​ဢမ်ႇ​ၸႂ်ႈ။-</verse>
				<verse number="14">ႁဝ်း​မုင်ႈ​ထႃႈ​မွင်း​ထႃႈ​လွင်ႈ​ဢၼ်​သူ​တၵ်း​ႁပ်ႉ​တုင်း​ဢဝ် လွင်ႈ​ဢၼ်​ႁဝ်း​ပဵၼ်​လွင်ႈ​တၢင်း​ဢၼ်​သူ​ဢုပ်ႇ​ဝၢဝ်း​မိူၼ်​ၸိူဝ်ႉ​ၼင်ႇ​ဢၼ်​သူ​ပဵၼ်​လွင်ႈ​တၢင်း​ဢၼ်​ႁဝ်း​တၵ်း​ဢုပ်ႇ​ဝၢဝ်း​ၵႃႈ​ၼႂ်း​ဝၼ်း ၸဝ်ႈ​ ယေႇသူႉ ​ၼၼ်ႉ​သေႇ​သေႇ မိူၼ်​ၸိူဝ်ႉ​ၼင်ႇ​ဢၼ်​သူ​ႁပ်ႉ​တုင်း​ဢဝ်​ႁဝ်း​ဢိတ်း​ၼိုင်ႈ​ယဝ်ႉ​ၼၼ်ႉ​ဢေႃႈ။</verse>
				<verse number="15">ၵဝ်​တူၵ်း​ၵၢင်​ၸႂ် လွင်ႈ​ဢၼ်​သူ​တၵ်း​ႁပ်ႉ​တုင်း​ဢဝ် သေႇ​သေႇ​ၼၼ်ႉ​သေ​လႄႈ မီး​တၢင်း​ၵျၢမ်ႇ​တၢင်း​ပွင်​၊တၵ်း​မႃး​တီႈ​သူ​ဢွၼ်​တၢင်း ႁႂ်ႈ​သူ​သမ်ႉ​ၶိုၼ်း​လႆႈ​ၶၢမ်ႇ​သူႉ​ၵျေး​ၸူး​ၸဝ်ႈ​ထႅင်ႈ​လႄႈ၊-</verse>
				<verse number="16">မိူဝ်ႈ​ဢၼ်​ၵၢႆ​ၵႂႃႇ​ၵႃႈ​တီႈ​ႁိမ်း​သူ​လႄႈ ႁွတ်ႈ​ထိုင်​ၵႃႈ​တီႈ​မိူင်း​ မႃႇၵေႇတေႃးၼီႉ ​ယဝ်ႉ​ၼၼ်ႉ​ၸိုင် သမ်ႉ​တၵ်း​လုၵ်ႉ​သေ​ၵႃႈ​တီႈ​မိူင်း​ မႃႇၵေႇတေႃးၼီႉ မႃး​ၸူး​ၵႃႈ​တီႈ​သူ​လႄႈ ၶၢမ်ႇ​တၢင်း​ဢၼ်​သူ၊​ဢၢင်ႈ​ၵႂႃႇ​သူင်ႇ၊​တေႃႇ​ထိုင်​ႁွတ်ႈ​မိူင်း​ ယူႉတႃႉ ​ပုၼ်ႉ​ဢေႃႈ။-</verse>
				<verse number="17">မိူဝ်ႈ​ဢၼ်​ၵဝ်​မီး​တၢင်း​ၵျၢမ်ႇ​တၢင်း​ပွင်​၊ၸိူဝ်ႉ​ၼင်ႇ​ၼၼ်​ၸိုင်​၊ၵဝ်​မီး​ၸႂ်​ဢၼ်​မဝ်​မၢင်​ႁိုဝ်။ ဢမ်ႇ​ၼၼ်​လႄႈ မိူဝ်ႈ​ဢၼ်​ၵဝ်​ၵျၢမ်ႇ​ပွင်​ၼၼ်ႉ​ၸိုင်၊​ၵဝ်​ၵျၢမ်ႇ​ပွင်​ၸွမ်း​ၼင်ႇ​ၸႃႇ​တီႉ​ပၵတီႉ၊​တူဝ်​ၸဝ်ႈ​ၵဝ်ႇ ႁႂ်ႈ​ၵႂၢမ်း​ၵဝ်​ၼၼ်ႉ​ပဵၼ်​ဢၼ်​ဝႃႈ​၊ၸႂ်ႈ​ယဝ်ႉ​ၸႂ်ႈ​ယဝ်ႉ၊​ဢမ်ႇ​ၸႂ်ႈ​ဢမ်ႇ​ၸႂ်ႈ​၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။-</verse>
				<verse number="18">ၸိူဝ်ႉ​ၼင်ႇ​ဢၼ်​ၽြႃး​ပဵၼ်​ၸဝ်ႈ​၊ပျေႉ​ၸုမ်ႇ​တင်း​သဵတ်ႈ​ၸႃႇ​ၼၼ်ႉ ၵႂၢမ်း​ဢၼ်​ႁဝ်း​ပၼ်​ၵႂႃႇ​တီႈ​သူ​ၼၼ်ႉ​ဢမ်ႇ​ပဵၼ်​ၵႂၢမ်း​ဢၼ်​ဝႃႈ ၸႂ်ႈ​ယဝ်ႉ၊​ဢမ်ႇ​ၸႂ်ႈ​၊​ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="19">လုၵ်ႈ​ၽြႃး​ပဵၼ်​ၸဝ်ႈ​ဢၼ်​ဝႃႈ ယေႇသူႉ​ၶရိၸ်ႈ ​ဢၼ်​ၸႃႉ​ၸဵမ်​ၵဝ်​လႄႈ သီႉလႂႃႇၼူႉ ​ဢိၵ်ႇ​တင်း​ တီႉမေႃးသေႇ ႁေႃး​လၢတ်ႈ​ၼၼ်ႉ ဢမ်ႇ​ပဵၼ်​ဢၼ်​ဝႃႈ​ၸႂ်ႈ​ယဝ်ႉ၊​ဢမ်ႇ​ၸႂ်ႈ​၊​ဝႃႈ​ၼင်ႇ​ၼႆ​ၼၼ်ႉ၊​ၼႂ်း​မၼ်း​ၸဝ်ႈ​ၼၼ်ႉ​ပဵၼ်​ဢၼ်​ဝႃႈ ၸႂ်ႈ​ယဝ်ႉ​၊​ဝႃႈ​ၼင်ႇ​ၼႆ​ၼၼ်ႉ​ၵူၺ်း​ဢေႃႈ။-</verse>
				<verse number="20">ၼႂ်း​ၸဝ်ႈ​ၼၼ်ႉ​ၸိုင်​ၵတီႉ​ၽြႃး​ပဵၼ်​ၸဝ်ႈ​ၵႃႈ​မီး​ၼၼ်ႉ​ပဵၼ်​ဢၼ်​ဝႃႈ၊​ၸႂ်ႈ​ယဝ်ႉ​၊​ဝႃႈ​ၼင်ႇ​ၼႆ​ၼၼ်ႉ​ဢေႃႈ၊ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ​ၸဝ်ႈ​ၼၼ်ႉ​ပဵၼ်​ဢၼ်​ဝႃႈ၊ ဢႃႇမိၼ်ႇ၊ ဝႃႈ​ၼင်ႇ​ၼႆ​ၼၼ်ႉ ႁႂ်ႈ​မုၼ်​သရေႇ​ၸဝ်ႈ၊​လႆႈ​ထၢင်ႇ​သႃး​မႃး​ၵွပ်ႈ​ပိူဝ်ႈ​ႁဝ်း​ဢေႃႈ။-</verse>
				<verse number="21">ၵေႃႉ​ဢၼ်​ႁႂ်ႈ သူ​တင်း​ႁဝ်း တႄႇ​ယူႇ​ၼႂ်း​ၸဝ်ႈ​ၶရိၸ်ႈ​လႄႈ​ပၼ်​ၽိၵ်ႈ​သိၵ်ႈ​ၸမ်ႉ၊ ပဵၼ်​ၽြႃး​ပဵၼ်​ၸဝ်ႈ၊-</verse>
				<verse number="22">ဢၼ်​တွၵ်ႇ​တၼ်း​သိၵ်ႈ​တီႈ​ႁဝ်း​လႄႈ ဢဝ်​ၸရၢၼ်ႇ​ဢၼ်​ဝႃႈ ဝီႉၺိၺ်ႇ​ၸဝ်ႈ သႂၢင်း​သႂ်ႇ​ၵႃႈ​ၼႂ်း ႁူဝ်​ၸႂ်​ႁဝ်း​ဢေႃႈ။</verse>
				<verse number="23">ပိူဝ်ႈ​ဢၼ်​ၵဝ်​ဢဵတ်း​လူ​သူ​ၵူၺ်း​လႄႈ ၵဝ်​ဢမ်ႇ​ပႆႇ​မႃး​ၵႃႈ​တီႈ​ဝဵင်း​ ၵေႃးရိၼ်ႇထူႉ ​တေႃႇ​ထိုင်​ႁွတ်ႈ မိူဝ်ႈ​လဵဝ်​ၼႆႉ​ဝႃႈ​ၼႆ၊ ၵဝ်​ယူႇ​ၽၢႆႇ​ၸႂ်​ဝီႉၺိၺ်ႇ​ၵဝ်​လႄႈ တိူင်ႇ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="24">ပိၵ်ႉ​သမ်ႉ​ဝႃႈ​ၸိူဝ်ႉ​ၼင်ႇ​ၼႆ​သေ​ၵေႃႈ၊​ၵဝ်​ဢုပ်ႉ​ပိူင်ႇ​တၢင်း​ယုမ်ႇ​မၢတ်ႈ​သူ​ဢမ်ႇ​ၸႂ်ႈ၊​ႁဝ်း​ပဵၼ်​ၵေႃႉ​ဢၼ်​ၸွႆႈ​ထႅမ်​လွင်ႈ​တၢင်း​ဢၼ်​သူ​သိူဝ်း​ပျေႃႇ​ၼၼ်ႉ​ၵူၺ်း​ဢေႃႈ၊ပဵၼ်​လွင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​တႄႇ​ယူႇ​ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​ဢေႃႈ။</verse>
			</chapter>
			<chapter number="2">
				<verse number="1">လိူဝ်​သေ​ၼၼ်ႉ ပွၵ်ႈ​ၼႃႈ​ထႃႇ​လိုၼ်း ၵဝ်​တၵ်း​ဢမ်ႇ​ပႃး​တၢင်း​ဢၼ်​မႆႈ​ၸႂ်​ၵွပ်ႈ​သေ​လႄႈ မႃး​ၵႃႈ​တီႈ​သူ​ဝႃႈ​ၼႆ၊​ၵဝ်​ၶျႃး​ၸႂ်​ဝႆႉ​ဢေႃႈ။-</verse>
				<verse number="2">လွင်ႈ​မၼ်း​ၸမ်ႉ ပေႃး​ၵဝ်​ႁႂ်ႈ​သူ​မႆႈ​ၸႂ်​ၵွပ်ႈ​ၸိုင်၊လိူဝ်​သေ​ၶဝ်​ၸိူဝ်း​ဢၼ်​ၵဝ်​ႁႂ်ႈ​မႆႈ​ၸႂ် ၵွပ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ၊ၽူႈ​လႂ်​တၵ်း​ႁႂ်ႈ​ၵဝ် မီး​ၸႂ်​ဢၼ်​သိူဝ်း​ပျေႃႇ။-</verse>
				<verse number="3">ၵွပ်ႈ​ပိူဝ်ႈ​ဢၼ်​ၵဝ်​တူၵ်း​ၵၢင်​ၸႂ် လူၺ်ႈ​လွင်ႈ​တၢင်း​ဢၼ်​ၵဝ်​သိူဝ်း​ပျေႃႇ​ၼႆႉ ပဵၼ်​လွင်ႈ​တၢင်း​ဢၼ်​သူ​ၵႃႈ​မီး​တင်း​သဵင်ႈ​တင်း​လူင် သိူဝ်း​ပျေႃႇ​ၼၼ်ႉ​လႄႈ ၵဝ်​တႅမ်ႈ​လိၵ်ႈ​ၽိုၼ်​ဢွၼ်​တၢင်း​ၼၼ်ႉ​ပၼ်​ၵႂႃႇ ႁႂ်ႈ​ၶဝ်​ၸိူဝ်း​ဢၼ်​ထုၵ်ႇ​လီ​ႁႂ်ႈ​ၵဝ်​သိူဝ်း​ပျေႃႇ​ၼၼ်ႉ ဢမ်ႇ​လႆႈ​ႁဵတ်း လွင်ႈ​တၢင်း​ဢၼ်​တၵ်း​ႁႂ်ႈ​ၵဝ်​မီး​တၢင်း​ဢၼ်​မႆႈ​ၸႂ်၊​ၵွပ်ႈ​ၼႂ်း​မိူဝ်ႈ​ဢၼ်​ၵဝ်​ႁွတ်ႈ​ထိုင်​ၼၼ်ႉ​ဢေႃႈ။-</verse>
				<verse number="4">ၵဝ်​ပႃး​တင်း​ၸႂ်​ဢၼ်​ယၢပ်ႇ​ၸႂ်​ယုင်ႈ​ၸႂ်​လႄႈ ၼမ်ႉ​တႃ​တူၵ်း​ၼမ်​ၼႃႇ​ယူႇ​သေ​လႄႈ တႅမ်ႈ​ပၼ်​ၵႂႃႇ​တီႈ​သူ ႁႂ်ႈ​သူ​လႆႈ​ၸဵပ်း​ၸႂ်​ဢမ်ႇ​ၸႂ်ႈ၊ တႅမ်ႈ​ပၼ်​ႁႂ်ႈ​သူ​လႆႈ​ႁူႉ ၸႂ်​မႅတ်ႈ​တႃႇ​တၢင်း​ဢၼ်​ၵဝ်​ႁၵ်ႉ​သူ​ၼႃႇ​လူင်​လၢင်​ၼၼ်ႉ​ၵူၺ်း​ဢေႃႈ။</verse>
				<verse number="5">ပေႃး​သေ​ၵေႃႉ​သေ​ၵူၼ်း ႁဵတ်း​လွင်ႈ​တၢင်း​ဢၼ်​ႁႂ်ႈ​မႆႈ​ၸႂ်​ၵွပ်ႈ​ၸိုင်၊​မၼ်း​ႁႂ်ႈ​ၵဝ်​မႆႈ​ၸႂ်​ၵွပ်ႈ​ၵူၺ်း​ဢမ်ႇ​ၸႂ်ႈ၊​မၼ်း​ႁႂ်ႈ​သူ​မႆႈ​ၸႂ်​ၵွပ်ႈ​တၢၼ်ႇ​တၢၼ်ႇ​ဢေႃႈ၊ မိူဝ်ႈ​ဢၼ်​ဝႃႈ​မႆႈ​ၸႂ်​ၵွပ်ႈ​တၢၼ်ႇ​တၢၼ်ႇ၊​ဝႃႈ​ၼင်ႇ​ၼႆ​ၼၼ်ႉ​ၸိုင် ၵဝ်​ဢမ်ႇ​ၶႂ်ႈ​ၸီႇ​ယၢင်ႇ​မၼ်း​ၼႃႇ​ၼႃႇ။-</verse>
				<verse number="6">တၢမ်ႇ​ဢၼ်​ၵူၼ်း​ၼမ်​ၼႃႇ​ၸီႇ​ယၢင်ႇ​ၼၼ်ႉ ထုၵ်ႇ​ၵၼ်​တင်း​ဢပႅတ်ႈ​ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ။-</verse>
				<verse number="7">ၵွပ်ႈ​ႁွႆး​ၼႆႉ​လႄႈ ၼင်ႇ​ႁိုဝ်​ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ တၵ်း​ဢမ်ႇ​မီး​တၢင်း​ဢၼ်​ၵႂင်​ၸႂ်​ယုင်ႈ​ၸႂ် ၵွပ်ႈ​ပိူဝ်ႈ​ဢၼ်​မီး​တၢင်း​ဢၼ်​မႆႈ​ၸႂ်​ၵွပ်ႈ၊​ႁႅင်း​ယႂ်ႇ​ၼႃႇ​ၼၼ်ႉ​ၸိုင် သူ​ထုၵ်ႇ​လီ​ႁဵတ်း​ႁႂ်ႈ​လႆႈ ပွႆႇ​လွတ်ႈ​ဢပႅတ်ႈ​မၼ်း​လႄႈ ႁႂ်ႈ​မၼ်း​ငိၼ်း​ၽၢၼ်​ဢေႃႈ။-</verse>
				<verse number="8">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​တၵ်း​ႁဵတ်း​ႁႂ်ႈ​လွင်ႈ​ဢၼ်​သူ ႁၵ်ႉ​မၼ်း​ဢမၢၼ်ႇ​ၶၼ်​ပဵၼ်​ၼၼ်ႉ​ထၢင်ႇ​သႃး​ၸိုင် ၵဝ်​တွင်း​ပၢၼ်ႇ​သူ​ဢေႃႈ။</verse>
				<verse number="9">လိူဝ်​သေ​ၼၼ်ႉ လွင်ႈ​ၼင်ႇ​ႁိုဝ်​ၵဝ်​တၵ်း​ႁူႉ​လႄႈ ၸၢမ်း​တူၺ်း​လွင်ႈ​ဢၼ်​သူ ထွမ်ႇ​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ႁိုဝ်​၊ဢမ်ႇ​ထွမ်ႇ​ႁိုဝ်​ၼၼ်ႉ​ၸိုင် ၵဝ်​တႅမ်ႈ​ပၼ်​ၵႂႃႇ​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="10">ပေႃး​သူ​ပွႆႇ​လွတ်ႈ​ဢပႅတ်ႈ​သေ​ၵေႃႉ​သေ​ၵူၼ်း​ၸိုင် ၵဝ်​ၵေႃႈ​ပွႆႇ​လွတ်ႈ​ဢပႅတ်ႈ​ၵေႃႉ​ၼၼ်ႉ​ဢေႃႈ၊​လွင်ႈ​မၼ်း​ၸမ်ႉ ပေႃး​ၵဝ်​ယၢမ်ႈ​လႆႈ​ပွႆႇ​လွတ်ႈ​ဢပႅတ်ႈ​သေ​ၵေႃႉ​သေ​ၵူၼ်း​ၸိုင်​၊ၵဝ်​ထွၵ်ႈ​လူၺ်ႈ​သူ​သေ​လႄႈ ဢဝ်​တင်း​ဢၶႂၢင်ႉ​ၸဝ်ႈ​ၶရိၸ်ႈ​၊ယၢမ်ႈ​လႆႈ​ပွႆႇ​လွတ်ႈ​ဢေႃႈ။-</verse>
				<verse number="11">ပေႃး​ဢမ်ႇ​ၼၼ်​ၸိုင်၊​မီး​တီႈ​တၵ်း​ၵူဝ်​ ၸႃႇတၢၼ်ႇ ​ပႄႉ​ၼႅင်ႇ​ႁဝ်း​ဢေႃႈ၊​တၢင်း​ၵျၢမ်ႇ​တၢင်း​ပွင်​မၼ်း​ၸိူဝ်း​ၼၼ်ႉ​ၵေႃႈ​၊ႁဝ်း​ႁူႉ​ယူႇ​ဢေႃႈ။</verse>
				<verse number="12">လိူဝ်​သေ​ၼၼ်ႉ၊​မိူဝ်ႈ​ဢၼ်​ၵဝ်​ႁွတ်ႈ​ထိုင်​ၵႃႈ​တီႈ​ဝဵင်း​ တရေႃး ႁႂ်ႈ​လႆႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​လႄႈ ၸဝ်ႈ​ၽြႃး​ၽုၺ်ႇ​ၽၵ်း​တူ​တီႈ​ၵဝ်​ၼၼ်ႉ​ၸိုင်၊-</verse>
				<verse number="13">ပိူဝ်ႈ​ဢၼ်​ၵဝ်​ဢမ်ႇ​ထူပ်း​ႁၼ်​ၼွင်ႉ​ၵဝ်​ တီႉတူႉ ​လႄႈ​ၸႂ်​ၵဝ်​ဢမ်ႇ​သၢၵ်ႈ​သႃႇ၊ ၵဝ်​တၵ်ႉ​လၢတ်ႈ​ၵၼ်​တင်း​ၶဝ်​ယဝ်ႉ​ၸင်ႇ ၵႂႃႇ​ၵႃႈ​တီႈ​မိူင်း​ မႃႇၵေႇတေႃးၼီႉ သေ​ဢေႃႈ။</verse>
				<verse number="14">ႁႂ်ႈ​ၵျေး​ၸူး​ၽြႃး​ပဵၼ်​ၸဝ်ႈ​၊ဢၼ်​ပွင်​ႁဵတ်း​ႁႂ်ႈ​ႁဝ်း​လႆႈ​ၶၢမ်ႇ​ပွႆး​၊ဢၼ်​ပႄႉ​ၼႅင်ႇ​လူၺ်ႈ​ၵၼ်​တင်း​ၸဝ်ႈ​ၶရိၸ်ႈ ဢိၵ်ႇ​တင်း​ႁႂ်ႈ​တၢင်း​ႁွမ်​တၢင်း​ႁူၺ်း လွင်ႈ​တၢင်း​ဢၼ်​ႁဝ်း​ႁူႉ​ၸဝ်ႈ​ၼၼ်ႉ လႆႈ​ၸွတ်ႇ​တူဝ်ႈ​ၵူႈ​တီႈ​ၵူႈ​လႅၼ် ၵွပ်ႈ​ပိူဝ်ႈ​ႁဝ်း​ၼၼ်ႉ၊ မီး​တၢင်း​ဢၼ်​ယွင်ႈ​ယေႃး​သေ​ၵမ်း​လူၺ်ႈ။-</verse>
				<verse number="15">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊​ႁဝ်း​ၼႆႉ​ပဵၼ်​တၢင်း​ႁွမ်​တၢင်း​ႁူၺ်း​ၸဝ်ႈ​ၶရိၸ်ႈ ၵႃႈ​တီႈ​ၽြႃး​ပဵၼ်​ၸဝ်ႈ ၼႂ်း​ၶဝ်​ၸိူဝ်း​ဢၼ်​ႁွတ်ႈ​ထိုင်​၊တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ ဢိၵ်ႇ​တင်း​ၼႂ်း​ၶဝ်​ၸိူဝ်း​ဢၼ်​ႁွတ်ႈ​ထိုင်​၊တၢင်း​ဢၼ်​သုမ်း​ဢၼ်​ၸွမ်း​ၼၼ်ႉ​ဢေႃႈ။-</verse>
				<verse number="16">ၵႃႈ​တီႈ​ၶဝ်​ၸိူဝ်း​ဢၼ်​ႁွတ်ႈ​ထိုင်​၊တၢင်း​ဢၼ်​သုမ်း​ဢၼ်​ၸွမ်း​ၼၼ်ႉ​ၸမ်ႉ၊ ပဵၼ်​တၢင်း​ႁွမ်​တၢင်း​ႁူၺ်း​တၢင်း​တၢႆ တေႃႇ​ထိုင်​ႁွတ်ႈ​တၢင်း​တၢႆ​ဢေႃႈ၊​ၵႃႈ​တီႈ​ၶဝ်​ၸိူဝ်း​ဢၼ်​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ​ၸမ်ႉ၊ ပဵၼ်​တၢင်း​ႁွမ်​တၢင်း​ႁူၺ်း​၊တၢင်း​ဢၼ်​ဢသၢၵ်ႈ​လိပ်း​တေႃႇ​ထိုင်​ႁွတ်ႈ တၢင်း​ဢၼ်​ဢသၢၵ်ႈ​လိပ်း​ဢေႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် ၽူႈ​လႂ်​တၵ်း​ထိူၵ်ႈ​တၢၼ်ႇ​ၵၼ်​တင်း​လွင်ႈ​တၢင်း​ၸိူဝ်း​ၼႆႉ။-</verse>
				<verse number="17">ႁဝ်း​ၼႆႉ​ယင်း​ဢမ်ႇ​မိူၼ်​ၵၼ်​တင်း​ၵူၼ်း​ၼမ်​ၼႃႇ ဢၼ်​ႁႂ်ႈ​ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ ယုတ်ႈ​ၵႂႃႇ​ယွမ်း​ၵႂႃႇ​ၼၼ်ႉ​လႄႈ မီး​တင်း​ၸႂ်​ဢၼ်​ၶၢဝ်​ၸၢင်ႇ​၊ႁေႃး​လၢတ်ႈ​တြႃး​ၸဝ်ႈ​ၶရိၸ်ႈ ၸွမ်း​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။</verse>
			</chapter>
			<chapter number="3">
				<verse number="1">ႁဝ်း​သမ်ႉ​ယွင်ႈ​ယေႃး​တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ​သူ​ႁိုဝ်။ ဢမ်ႇ​ၼၼ်​လႄႈ ႁဝ်း​လူဝ်ႇ​လိၵ်ႈ​ဢၼ်​ယွင်ႈ​ဢၼ်​ယေႃး​၊ဢၼ်​ပိူၼ်ႈ​တၵ်း​ပၼ်​တီႈ​သူ​လႄႈ သူ​တၵ်း​ပၼ်​တီႈ​ပိူၼ်ႈ​ၼၼ်ႉ​ထႅင်ႈ​၊မိူၼ်​ၸိူဝ်ႉ​ၼင်ႇ​ၵူၼ်း​ၵမ်ႈ​ၽွင်ႈ​ႁိုဝ်။-</verse>
				<verse number="2">သူ​ပဵၼ်​လိၵ်ႈ​ႁဝ်း​၊ဢၼ်​တႅမ်ႈ​ဝႆႉ​ၵႃႈ​ၼိူဝ်​ႁူဝ်​ၸႂ်​ႁဝ်း၊လိၵ်ႈ​ဢၼ်​ၵူၼ်း​တင်း​သဵင်ႈ​တင်း​လူင် ၸၢင်ႈ​ႁူႉ​လႄႈ​ၽတ်း​ၼၼ်ႉ​ဢေႃႈ။-</verse>
				<verse number="3">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​ပဵၼ်​လိၵ်ႈ​ၸဝ်ႈ​ၶရိၸ်ႈ ဢၼ်​ႁဝ်း​ပွင်​ႁဵတ်း၊​ဢၼ်​ဢဝ်​တင်း​ၼမ်ႉ​မိုၵ်ႉ​တႅမ်ႈ​ဝႆႉ​ဢမ်ႇ​ၸႂ်ႈ၊ ဢဝ်​တင်း​ဝီႉၺိၺ်ႇ​ၽြႃး​ပဵၼ်​ၸဝ်ႈ၊ ဢၼ်​ဢသၢၵ်ႈ​လိပ်း​ယူႇ​ၼၼ်ႉ​တႅမ်ႈ​ဝႆႉ၊ ဢၼ်​ယင်း​ဢမ်ႇ​တႅမ်ႈ​ဝႆႉ​ၵႃႈ​ၼိူဝ်​မၢၵ်ႇ​ႁိၼ်​ၽႅပ်ႉ တႅမ်ႈ​ဝႆႉ​ၵႃႈ​ၼိူဝ်​ႁူဝ်​ၸႂ်​ၽႅပ်ႉ​၊ဢၼ်​ပျေႉ​ၸုမ်ႇ​တၢင်း​ၼိူဝ်ႉ​ၼၼ်ႉ၊​ထၢင်ႇ​ထၢင်ႇ​သႃး​သႃး​ဢေႃႈ။</verse>
				<verse number="4">ႁဝ်း​မီး​တၢင်း​ဢၼ်​တူၵ်း​ၵၢင်​ၸႂ်​၊ၸိူဝ်ႉ​ၼင်ႇ​ၼၼ်​၊ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ၊​ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​ဢေႃႈ။-</verse>
				<verse number="5">ၼႂ်း​ဝႃႈ​ၼၼ်​သေ​ၵေႃႈ၊​ႁဝ်း​ဢိင်​တၼ်း​ၶူဝ်း​တူဝ်​ၸဝ်ႈ​ၵဝ်ႇ​သေ​လႄႈ တၢတ်ႈ​ၼိူင်ႇ​လႆႈ​ႁႂ်ႈ​လႆႈ​ၸွမ်း​ၼင်ႇ​ဢလူဝ်ႇ​၊တူဝ်​ၸဝ်ႈ​ၵဝ်ႇ​ၵျၢမ်ႇ​ပွင်​၊သေ​ၸိူဝ်ႉ​သေ​ပိူင်​ဢမ်ႇ​ၸႂ်ႈ၊​ႁဝ်း​ဢိင်​ၽြႃး​ပဵၼ်​ၸဝ်ႈ​သေ​လႄႈ တၢတ်ႈ​ၼိူင်ႇ​လႆႈ​ဢေႃႈ။-</verse>
				<verse number="6">မၼ်း​ၸဝ်ႈ​ၼၼ်ႉ ပၼ်​တၼ်း​ၶူဝ်း၊​ႁႂ်ႈ​ႁဝ်း​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ပဵၼ်​သြႃႇ​ပတီႉၺိၺ်ႇ​တြႃး​ဢၼ်​မႂ်ႇ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် ဢမ်ႇ​ၶႂ်ႈ​ဝႃႈ​တြႃး​ၵျၢမ်း​ၵဝ်ႇ၊ၶႂ်ႈ​ဝႃႈ​တြႃး​ဝီႉၺိၺ်ႇ​ၸဝ်ႈ​ဢေႃႈ၊ တြႃး​ၵျၢမ်း​ၵဝ်ႇ​ၼၼ်ႉ​၊ၸၢင်ႈ​ဢဝ်​ဢသၢၵ်ႈ​တၢႆ​ဢေႃႈ၊တြႃး​ဝီႉၺိၺ်ႇ​ၸဝ်ႈ​ၸမ်ႉ၊ၸၢင်ႈ​ႁႂ်ႈ​လိပ်း​ဢေႃႈ။</verse>
				<verse number="7">ပေႃး​တြႃး​တၢင်း​တၢႆ ဢၼ်​ဢဝ်​တူဝ်​လိၵ်ႈ​၊ဢႅၵ်ႉၶရႃႇ​တႅမ်ႈ​ဝႆႉ​ၼၼ်ႉ၊ ပျေႉ​ၸုမ်ႇ​တင်း​မုၼ်​ၽုင်း​ဢႃႇၼူႉၽေႃႇ တေႃႇ​ထိုင်​ႁွတ်ႈ​ထၼ်ႈ​ပေႃး၊ ၵူၼ်း​ ဢီႉသရေႇလႃႉ ​တင်း​လၢႆ ဢမ်ႇ​တူၺ်း​ၼႃႈ​ မူဝ်းသေႇ ၸေး​ၸေး​ၸွတ်ႇ​ၸွတ်ႇ​လႆႈ ၵွပ်ႈ​ပိူဝ်ႈ​သၢႆ​ဢရွင်ႇ​၊ဢၼ်​ဢွၵ်ႇ​ၵႃႈ​တီႈ​ၼႃႈ​မၼ်း​ဢၼ်​ဝႃႈ သၢႆ​ဢရွင်ႇ​ဢၼ်​ၸၢင်ႈ​ႁၢႆ​ၵႂႃႇ​ၼၼ်ႉ​ၸိုင်၊-</verse>
				<verse number="8">တြႃး​ဝီႉၺိၺ်ႇ​ၸဝ်ႈ​ၼႆႉ​၊ယဵင်ႈ​ၶႅၼ်း​တၵ်း​ပျေႉ​ၸုမ်ႇ တင်း​မုၼ်​ၽုင်း​ဢႃႇၼူႉၽေႃႇ​ဢမ်ႇ​ၸႂ်ႈ​ႁိုဝ်။-</verse>
				<verse number="9">ပေႃး​တြႃး​ဢၼ်​ၸၢင်ႈ​ၸီႇ​ယၢင်ႇ​ဢပႅတ်ႈ​ၼၼ်ႉ​၊မီး​မုၼ်​ၽုင်း​ဢႃႇၼူႉၽေႃႇ​ၸိုင်၊ တြႃး​ဢၼ်​ၸၢင်ႈ​ႁႂ်ႈ​သိုဝ်ႈ​တေႃႇ​ၼႆႉ တၵ်း​ယဵင်ႈ​ၶႅၼ်း​ပျေႉ​ၸုမ်ႇ​တင်း​၊မုၼ်​ၽုင်း​ဢႃႇၼူႉၽေႃႇ​ဢေႃႈ။-</verse>
				<verse number="10">ၵွပ်ႈ​ပိူဝ်ႈ​ဢၼ်​မုၼ်​ၽုင်း​၊ ဢၼ်​ပဵၼ်​မႃး​ၵမ်း​လိုၼ်း​ၼႆႉ၊​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​လႄႈ လွင်ႈ​တၢင်း​ဢၼ်​ယၢမ်ႈ​မီး၊​မုၼ်​ၽုင်း​မိူဝ်ႈ​ဢွၼ်​တၢင်း​ၼၼ်ႉ​ၼၼ်ႉ​၊ဢမ်ႇ​လႆႈ​မီး​မုၼ်​ၽုင်း။-</verse>
				<verse number="11">ပေႃး​လွင်ႈ​တၢင်း​ဢၼ်​ၸၢင်ႈ​ႁၢႆ​ၵႂႃႇ​ၼၼ်ႉ​၊မီး​မုၼ်​ၽုင်း​ၸိုင် လွင်ႈ​တၢင်း​ဢၼ်​တႄႇ​ဝႆႉ​မီး​ယူႇ​ၼႆႉ​၊ယဵင်ႈ​ၶႅၼ်း​တၵ်း​မီး​မုၼ်​ၽုင်း​ဢေႃႈ။-</verse>
				<verse number="12">ၵွပ်ႈ​ပိူဝ်ႈ​ဢၼ်​မီး​တၢင်း​ဢၼ်​မုင်ႈ​ထႃႈ​မွင်း​ထႃႈ​ၸိူဝ်ႉ​ၼင်ႇ​ၼႆ​လႄႈ ႁဝ်း​ဢမ်ႇ​မီး​တၢင်း​ဢၼ်​သိူင်ႇ​ဝႆႉ​မႅပ်ႉ​ဝႆႉ​လႃး​လႃး၊ ႁေႃး​လၢတ်ႈ​လႅင်း​လႅင်း​ဢေႃႈ။-</verse>
				<verse number="13">ႁဝ်း​ဢမ်ႇ​ႁဵတ်း​ၸိူဝ်ႉ​ၼင်ႇ​ဢၼ်​ မူဝ်းသေႇ ​ႁူမ်ႇ​သုမ်ႇ​ၼႃႈ​တူဝ်​ၸဝ်ႈ​ၵဝ်ႇ​ဝႆႉ ႁႂ်ႈ​ၵူၼ်း​ ဢီႉသရေႇလႃႉ ​တင်း​လၢႆ ဢမ်ႇ​လႆႈ​တူၺ်း​လႆႈ​ႁၼ် တီႈ​သုတ်း​တီႈ​ၵွႆ လွင်ႈ​တၢင်း​ဢၼ်​ၸၢင်ႈ​ႁၢႆ​ၵႂႃႇ​ၼၼ်ႉ၊​ၸေး​ၸေး​ၸွတ်ႇ​ၸွတ်ႇ​ၼၼ်ႉ။-</verse>
				<verse number="14">ႁူဝ်​ၸႂ်​ၶဝ်​ၼၼ်ႉ​ၵႅၼ်ႇ​ၶႅင်​ဢေႃႈ၊​လွင်ႈ​မၼ်း​ၸမ်ႉ၊​ႁၢၼ်ႉ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​လႄႈ ယၢမ်း​မိူဝ်ႈ​ဢၼ်​ၽတ်း​ထမ်ႇမႃႉ​ၵျၢမ်း​လိၵ်ႈ ဢၼ်​ၵဝ်ႇ​ၼၼ်ႉ​ၸိုင် လွင်ႈ​တၢင်း​ဢၼ်​ႁူမ်ႇ​သုမ်ႇ​ၼၼ်ႉ ယင်း​ဢမ်ႇ​ၽုၺ်ႇ​ပိုတ်ႇ​လႄႈ မီး​ဝႆႉ​ယူႇ​ဢေႃႈ၊​လွင်ႈ​တၢင်း​ဢၼ်​ႁူမ်ႇ​သုမ်ႇ​ဝႆႉ​ၼၼ်ႉ​ၸမ်ႉ၊​လႆႈ​ႁၢႆ​ၵႂႃႇ​ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​ၵူၺ်း​ဢေႃႈ။-</verse>
				<verse number="15">ႁၢၼ်ႉ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ၵေႃႈ​၊ ယၢမ်း​မိူဝ်ႈ​ဢၼ်​ၽတ်း​ၵျၢမ်း​လိၵ်ႈ​ မူဝ်းသေႇ ​ၼၼ်ႉ​ၸိုင်၊ လွင်ႈ​တၢင်း​ဢၼ်​ႁူမ်ႇ​သုမ်ႇ​ၼၼ်ႉ ယင်း​ႁူမ်ႇ​သုမ်ႇ​ႁူဝ်​ၸႂ်​ၶဝ်​ဝႆႉ​ယူႇ​လူး​ၵွၼ်ႇ​ဢေႃႈ။-</verse>
				<verse number="16">ၼႂ်း​ဝႃႈ​ၼၼ်​သေ​ၵေႃႈ မိူဝ်ႈ​ဢၼ်​ၶၢႆႉ​သေ​လႄႈ မႃး​ၸူး​ၵႃႈ​တီႈ​ၸဝ်ႈ​ၽြႃး​ၸိုင်၊ လွင်ႈ​တၢင်း​ဢၼ်​ႁူမ်ႇ​သုမ်ႇ​ဝႆႉ​ၼၼ်ႉ တၵ်း​ႁၢႆ​ၵႂႃႇ​ဢေႃႈ။-</verse>
				<verse number="17">ဢၼ်​ဝႃႈ​ၸဝ်ႈ​ၽြႃး​ၼၼ်ႉ​၊ ၶႂ်ႈ​ဝႃႈ​ဝီႉၺိၺ်ႇ​ၸဝ်ႈ​ဢေႃႈ၊ တီႈ​ဢၼ်​ဝီႉၺိၺ်ႇ​ၸဝ်ႈ​ၽြႃး​မီး​ၼၼ်ႉ၊ မီး​ၵတ်း​ယဵၼ်​ၶျၢမ်း​သႃႇ​တၢင်း​ဢၼ်​လွတ်ႈ​ဢေႃႈ။-</verse>
				<verse number="18">ႁဝ်း​ၵႃႈ​မီး​ၼႆႉ​ၽုၺ်ႇ​ပိုတ်ႇ​ၽႃႈ​ဢၼ်​ႁူမ်ႇ​သုမ်ႇ​ၼႃႈ​ပႅတ်ႈ​သေ​ယဝ်ႉ၊ ႁၼ်​မုၼ်​ၽုင်း​ၸဝ်ႈ​ၽြႃး မိူၼ်​ၸိူဝ်ႉ​ၼင်ႇ​ဢၼ်​တူၺ်း ၵႃႈ​ၼႂ်း​ၸမ်ႈ​ၼၼ်ႉ​လႄႈ မီး​တၢင်း​ဢၼ်​ၶၢႆႉ​ပုတ်ႈ​ၸွမ်း​ၼင်ႇ ပုင်ႇ​ႁၢင်ႈ​မၼ်း​ၸဝ်ႈ မုၼ်​ၽုင်း​ပႃး​ၼိုင်ႈ​ယဝ်ႉ​ပႃး​ၼိုင်ႈ​၊ ထၢပ်ႈ​ထႅင်ႈ​ၵႃႈ​ၼင်ႇ​ဢၼ်​ဝီႉၺိၺ်ႇ​ၸဝ်ႈ​ၽြႃး​၊ပွႆႇ​မုၼ်​ၽုင်း​ၸဝ်ႈ​ၼၼ်ႉ​ဢေႃႈ။</verse>
			</chapter>
			<chapter number="4">
				<verse number="1">ပိူဝ်ႈ​ၼႆ​လႄႈ၊​ႁဝ်း​ပဵၼ်​ၵေႃႉ​ဢၼ်​ပွင်​ႁဵတ်း​ဢမူႉ​တြႃး​၊ၸိူဝ်ႉ​ၼင်ႇ​ၼႆ​လႄႈ ၵႃႈ​ၼင်ႇ​ဢၼ်​ႁဝ်း​လႆႈ​ၶၢမ်ႇ၊​ၵျေး​ၸူး​ၵရူႉၼႃႇ​၊တၢင်း​ဢၼ်​မၼ်း​ၸဝ်ႈ​ဢဵတ်း​လူ​ၼၼ်ႉ၊​ၵၢင်း​လွတ်ႈ​တင်း​၊ တၢင်း​ဢၼ်​ႁႅင်း​ဢူၼ်ႈ​လႄႈ​ၸႂ်​လူႉ​ဢေႃႈ။-</verse>
				<verse number="2">ႁဝ်း​ပႄႇ​ပႅတ်ႈ​လွင်ႈ​တၢင်း​ဢၼ်​၊လီ​ဢူၵ်း​လီ​ဢၢႆ ဢၼ်​ႁဵတ်း​ၵႃႈ​ၼႂ်း​တီႈ​ဢၼ်​လပ်ႉ​ဢၼ်​တဵတ်ႇ​တင်း​လၢႆ​ၼၼ်ႉ​ယဝ်ႉ၊ ႁဝ်း​ဢမ်ႇ​သုင်း​ပရီႉယႄႇ​၊ ဢမ်ႇ​မီး​တၢင်း​ဢၼ်​ထိမ်ႇ​ဢၼ်​မႅပ်း​သေ​လႄႈ ၶႂမ်ႈ​ပိၼ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ပႅတ်ႈ၊ မွၵ်ႇ​လၢတ်ႈ​သမ်ႇမႃႇ​တြႃး​လႅင်း​လႅင်း​လႄႈ ၵႃႈ​ၼင်ႇ​ဢၼ်​ၵူၼ်း​တင်း​လၢႆ​ၸႂ်​ထၢင်ႇ​ၼၼ်ႉ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ၊ ဢၼ်​လီ​ဢွၼ်​ယွင်ႈ​ၼၼ်ႉ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="3">ပေႃး​တြႃး​သတၢင်း​သိူဝ်း​ပျေႃႇ၊​ဢၼ်​ႁဝ်း​ႁေႃး​လၢတ်ႈ​ၼႆႉ​၊မီး​တၢင်း​ဢၼ်​ႁူမ်ႇ​သုမ်ႇ​ဝႆႉ​ယူႇ​ၸိုင် မီး​တၢင်း​ဢၼ်​ႁူမ်ႇ​သုမ်ႇ​ဝႆႉ​၊ၵႃႈ​တီႈ​ၶဝ်​ၸိူဝ်း​ဢၼ်​ႁွတ်ႈ​ထိုင်၊​တၢင်း​ဢၼ်​သုမ်း​ဢၼ်​ၸွမ်း​ၼၼ်ႉ​ၵူၺ်း​ဢေႃႈ။-</verse>
				<verse number="4">ၶဝ်​ၸိူဝ်း​ဢၼ် ဢမ်ႇ​ယုမ်ႇ​မၢတ်ႈ​ၸိူဝ်ႉ​ၼင်ႇ​ၼၼ်​ၸမ်ႉ၊ ၼင်ႇ​ႁိုဝ်​သၢႆ​ဢရွင်ႇ​တြႃး​သတၢင်း​သိူဝ်း​ပျေႃႇ၊​ဢၼ်​ပျေႉ​ၸုမ်ႇ​တင်း​၊မုၼ်​ၽုင်း​သရေႇ​ၸဝ်ႈ​ၶရိၸ်ႈ ဢၼ်​ပဵၼ်​ပုင်ႇ​ႁၢင်ႈ​ၽြႃး​ပဵၼ်​ၸဝ်ႈ​ၼၼ်ႉ တၵ်း​ဢမ်ႇ​ပၼ်​ဢၼ်​လႅင်း​တီႈ​ၶဝ်​ၸိုင် ၽြႃး​ဢၼ်​ဢုပ်ႉ​ပိူင်ႇ​လေႃးၵႃႉ​ၼႆႉ၊ ႁႂ်ႈ​မၢၵ်ႇ​တႃ​ၺၢၼ်ႇ​ၶဝ်​မွတ်ႇ​ဢေႃႈ။-</verse>
				<verse number="5">ႁဝ်း​ႁေႃး​လၢတ်ႈ​လွင်ႈ​တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ၊ ႁေႃး​လၢတ်ႈ​လွင်ႈ​ဢၼ်​ ယေႇသူႉ​ၶရိၸ်ႈ ​ပဵၼ်​ၸဝ်ႈ၊​ဢိၵ်ႇ​တင်း​လွင်ႈ​ဢၼ်​ႁဝ်း​ပဵၼ်​ၶႃႈ​သူ​၊ ပုၼ်ႈ​လွင်ႈ​ ယေႇသူႉ ​ၼၼ်ႉ​ဢေႃႈ။-</verse>
				<verse number="6">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ဢၼ်​မီး​ဢမိင်ႉ ႁႂ်ႈ​ဢၼ်​လႅင်း​ႁိူဝ်ႈ​လႅင်း​မႃး​ၵႃႈ​ၼႂ်း​၊ဢၼ်​လပ်း​သိင်ႇ​ၼၼ်ႉ ႁႂ်ႈ​ဢၼ်​လႅင်း​ႁိူဝ်ႈ​လႅင်း​ၵႃႈ​ၼႂ်း​၊ႁူဝ်​ၸႂ်​ႁဝ်း​၊ႁႂ်ႈ​လႆႈ​ပၼ်​သၢႆ​ဢရွင်ႇ​ၺၢၼ်ႇ​၊ ဢၼ်​ႁူႉ​မုၼ်​ၽုင်း​ၽြႃး​ပဵၼ်​ၸဝ်ႈ ဢၼ်​ႁိူဝ်ႈ​လႅင်း​ၵႃႈ​ၼႂ်း​ ယေႇသူႉ​ၶရိၸ်ႈ ​ၼၼ်ႉ​ဢေႃႈ။</verse>
				<verse number="7">ၵူၺ်း​ၵႃႈ၊​ၼင်ႇ​ႁိုဝ်​မုၼ်​ၽုင်း​သရေႇ​တၼ်း​ၶူဝ်း​ၸဝ်ႈ၊​တၵ်း​ဢမ်ႇ​ၸၢပ်ႈ​သႅင်ႇ​ၵၼ်​တင်း​ႁဝ်း၊​တၵ်း​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ၵူၺ်း​ၸိုင် ၽၼ်ႇတႃႇ​ၼႆႉ​မီး​ဝႆႉ​ၵႃႈ​ၼႂ်း​မေႃႈ​လိၼ်​တီႈ​ႁဝ်း​ဢေႃႈ။-</verse>
				<verse number="8">ပိၵ်ႉ​သမ်ႉ​ႁဝ်း​လႆႈ​ၶၢမ်ႇ​တၢင်း​ဢၼ်​ယႃႉ​ယူၵ်ႉ​၊ၵူႈ​ၸိူဝ်ႉ​ၵူႈ​ပိူင်​သေ​ၵေႃႈ၊​ႁဝ်း​ဢမ်ႇ​ႁွတ်ႈ​ထိုင်​တၢင်း​ဢၼ်​ယၢပ်ႇ​ၸႂ်​ၵိၼ်း​ၸႂ်၊ ပိၵ်ႉ​သမ်ႉ​ႁဝ်း​မီး​တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​ၵျၢမ်ႇ​ဢမ်ႇ​ပွင်​လႆႈ​သေ​ၵေႃႈ ႁဝ်း​ၸႂ်​ဢမ်ႇ​လူႉ။-</verse>
				<verse number="9">ပိၵ်ႉ​သမ်ႉ​ႁဝ်း လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​သေ​ၵေႃႈ ႁဝ်း​ဢမ်ႇ​ႁွတ်ႈ​ထိုင်​တၢင်း​ဢၼ်​ၸုၼ်ႉ​ပႅတ်ႈ၊ ပိၵ်ႉ​သမ်ႉ​ႁဝ်း လႆႈ​ၶၢမ်ႇ​တၢင်း​ဢၼ်​လူမ်ႉ​တူၵ်း​ၵႃႈ​တႂ်ႈ​သေ​ၵေႃႈ​၊ ႁဝ်း​ဢမ်ႇ​ႁွတ်ႈ​ထိုင်​တီႈ​သုမ်း။-</verse>
				<verse number="10">ႁဝ်း​ပႃး​ဢဝ်​တၢင်း​ဢၼ် ယေႇသူႉ ​တၢႆ​ၼၼ်ႉ​ဝႆႉ ၵႃႈ​ၼႂ်း​တူဝ်​ၶၼ်ႇ​ထႃႇ​ႁဝ်း​ယူႇ​သေ​လႄႈ ႁႂ်ႈ​လွင်ႈ​ဢၼ်​ ယေႇသူႉ ဢသၢၵ်ႈ​လိပ်း​ယူႇ​ၼၼ်ႉ​၊ လႆႈ​ထၢင်ႇ​သႃး​ၵႃႈ​ၼႂ်း​တူဝ်​ၶၼ်ႇ​ထႃႇ​ႁဝ်း​ဢေႃႈ။-</verse>
				<verse number="11">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ႁဝ်း​ဢၼ်​ဢသၢၵ်ႈ​ယင်း​လိပ်း​ယူႇ​ၼႆႉ၊​ၵွပ်ႈ​ပိူဝ်ႈ​ ယေႇသူႉ ​လႄႈ လႆႈ​ၶၢမ်ႇ​တၢင်း​ဢၢပ်ႈ​ၵႃႈ​ၼႂ်း​မိုဝ်း​တၢင်း​တၢႆ​ယူႇ​သေႇ​သေႇ၊ ႁႂ်ႈ​လွင်ႈ​ဢၼ်​ ယေႇသူႉ ​ဢသၢၵ်ႈ​လိပ်း​ယူႇ​ၼၼ်ႉ​၊ လႆႈ​ထၢင်ႇ​သႃး​ၵႃႈ​ၼႂ်း​တူဝ်​ၶၼ်ႇ​ထႃႇ​ႁဝ်း​၊ ဢၼ်​ၸၢင်ႈ​တၢႆ​ၼႆႉ​ဢေႃႈ။-</verse>
				<verse number="12">ၵွပ်ႈ​ႁွႆး​ၼႆႉ​လႄႈ တြႃး​တၢင်း​တၢႆ ၸၢင်ႈ​ပွင်​ၸၢင်ႈ​ႁဵတ်း​ၼႂ်း​ႁဝ်း​ဢေႃႈ၊ ၼႂ်း​သူ​ၸမ်ႉ၊တြႃး​တၢင်း​ဢၼ်​ဢသၢၵ်ႈ​လိပ်း​ၼၼ်ႉ​၊ၸၢင်ႈ​ပွင်​ၸၢင်ႈ​ႁဵတ်း​ဢေႃႈ။-</verse>
				<verse number="13">ပိူဝ်ႈ​ဢၼ်​မီး​ၸႂ် ဢၼ်​ယုမ်ႇ​မၢတ်ႈ​ၸိူဝ်ႉ​ၼင်ႇ​ၼၼ်​လႄႈ မႅၼ်ႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ ၵွပ်ႈ​ပိူဝ်ႈ​ဢၼ်​ၵဝ်​ယုမ်ႇ​မၢတ်ႈ​လႄႈ ၵဝ်​မွၵ်ႇ​လၢတ်ႈ​ဢေႃႈ​၊ဝႃႈ​ၼင်ႇ​ၼႆ​ၼၼ်ႉ၊ ၵွပ်ႈ​ပိူဝ်ႈ​ဢၼ်​ႁဝ်း​ယုမ်ႇ​မၢတ်ႈ​လႄႈ မွၵ်ႇ​လၢတ်ႈ​ဢေႃႈ။-</verse>
				<verse number="14">ႁဝ်း​ႁူႉ​လွင်ႈ​ဢၼ် ၵေႃႉ​ဢၼ်​ႁႂ်ႈ​ၸဝ်ႈ​ႁဝ်း​ ယေႇသူႉ လုၵ်ႉ​ၶိုၼ်း​ၼၼ်ႉ​၊ တၵ်း​ႁႂ်ႈ​ႁဝ်း​လုၵ်ႉ​ၶိုၼ်း​ၵွပ်ႈ​ပိူဝ်ႈ​ ယေႇသူႉ ​လႄႈ ဢဝ်​ႁဝ်း​သႂၢင်း​သႂ်ႇ​ၵႃႈ​ၼႂ်း​တီႈ​မၼ်း​ၸဝ်ႈ​၊လူၺ်ႈ​ၵၼ်​တင်း​သူ​ၼၼ်ႉ​ယူႇ​ဢေႃႈ။-</verse>
				<verse number="15">လွင်ႈ​ၼင်ႇ​ႁိုဝ်​ၵျေး​ၸူး​ၸဝ်ႈ​၊ဢၼ်​ၼမ်​ၵိုၼ်း​ၼႃႇ​ၵွပ်ႈ​ပိူဝ်ႈ​ၵူၼ်း​ၼမ်​ၼႃႇ​ၼၼ်ႉ တၵ်း​ႁႂ်ႈ​တၢင်း​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ​ၼၼ်ႉ ပျေႉ​ၸုမ်ႇ​လိူင်ႇ​ၸႂ် ႁႂ်ႈ​မုၼ်​ၽုင်း​သရေႇ​ၽြႃး​ပဵၼ်​ၸဝ်ႈ​၊ လႆႈ​ထၢင်ႇ​သႃး​မႃး​ၸိုင် လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​၊ ပဵၼ်​ပုၼ်ႈ​သူ​ဢေႃႈ။</verse>
				<verse number="16">ပိူဝ်ႈ​ၼႆ​လႄႈ ႁဝ်း​ၵၢင်း​လွတ်ႈ​တင်း​၊တၢင်း​ဢၼ်​ႁႅင်း​ဢူၼ်ႈ​လႄႈ​ၸႂ်​လူႉ​ဢေႃႈ၊ ပိၵ်ႉ​သမ်ႉ​ၵူၼ်း​ၽၢႆႇ​တၢင်း​ၼွၵ်ႈ​ႁဝ်း​၊ ႁွတ်ႈ​ထိုင်​တၢင်း​ဢၼ်​ၽွၵ်ႈ​ပျၢၼ်ႇ​လူႉ​လႅဝ်​သေ​ၵေႃႈ၊ ၵူၼ်း​ၽၢႆႇ​တၢင်း​ၼႂ်း​ႁဝ်း​ၸမ်ႉ၊ ဝၼ်း​ၼိုင်ႈ​ယဝ်ႉ​ဝၼ်း​ၼိုင်ႈ လႆႈ​ၶၢမ်ႇ​တၢင်း​ဢၼ်​မႄး​ၵုမ်း​မႄး​ႁဵတ်း​ယူႇ​ဢေႃႈ။-</verse>
				<verse number="17">လွင်ႈ​မၼ်း​ၸမ်ႉ ၼႂ်း​မိူဝ်ႈ​ဢၼ်​ႁဝ်း​ထွၵ်ႈ​လူၺ်ႈ​လွင်ႈ​ဢၼ် လွင်ႈ​တၢင်း​ဢၼ်​ထၢင်ႇ​သႃး​တႂ်ႈ​တႃ​ၸိူဝ်း​ၼႆႉ တႄႇ​ယူႇ​ၵမ်း​ဢွၼ်ႇ​ၼိုင်ႈ​ၵူၺ်း​လႄႈ လွင်ႈ​တၢင်း​ဢၼ်​ဢမ်ႇ​ထၢင်ႇ​သႃး​ၸိူဝ်း​ၼၼ်ႉ တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​သေ​လႄႈ ယင်း​ဢမ်ႇ​ၶႆႈ​ၸႂ်​တူၺ်း​လွင်ႈ​တၢင်း​ဢၼ်​ထၢင်ႇ​သႃး​ၸိူဝ်း​ၼႆႉ​လႄႈ ၶႆႈ​ၸႂ်​တူၺ်း​လွင်ႈ​တၢင်း​ဢၼ်​ဢမ်ႇ​ထၢင်ႇ​သႃး​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊-</verse>
				<verse number="18">တုၵ်ႉ​ၶႃႉ​တၢင်း​ၽၢၼ် ဢၼ်​မဝ်​မၢင်​လႄႈ လႆႈ​ၶၢမ်ႇ​တေႃႈ​လဵဝ်​ၵမ်း​ဢွၼ်ႇ​ၼိုင်ႈ​ၵူၺ်း​ၼႆႉ ၸၢင်ႈ​ႁႂ်ႈ​ပဵၼ်​မုၼ်​သရေႇ​ၼိၵ်ႈ​ၸႃႉ​ထႃႇဝရႃႉ ဢၼ်​ယဵင်ႈ​ၶႅၼ်း​ယႂ်ႇ​မျၢတ်ႈ​ၼၵ်း​ၼႃႇ​လိူဝ်​တွၼ်း​ၼႃႇ​လူင်​လၢင်​ၼၼ်ႉ ပုၼ်ႈ​ႁဝ်း​ဢေႃႈ။</verse>
			</chapter>
			<chapter number="5">
				<verse number="1">ႁဝ်း​ႁူႉ​လွင်ႈ​ဢၼ်​ပေႃး​ႁိူၼ်း​လိၼ်​ႁဝ်း ဢၼ်​ပဵၼ်​သုမ်ႉ​ယႃႇယီႇ​ၼႆႉ​လူႉ​ၸိုင်၊ ႁဝ်း​မီး​ႁိူၼ်း​ၼိၵ်ႈၸႃႉ​ထႃႇဝရႃႉ​၊ ဢၼ်​ၵူၼ်း​ဢမ်ႇ​ဢဝ်​တင်း​မိုဝ်း​ႁဵတ်း ဢၼ်​ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ဝႆႉ​လႄႈ မီး​ယူႇ​ၵႃႈ​ၼႂ်း​မိူင်း​ၵၢင်​ႁၢဝ်​ပုၼ်ႉ​ၼၼ်ႉ​ယူႇ​ဢေႃႈ။-</verse>
				<verse number="2">ၼႂ်း​မိူဝ်ႈ​ဢၼ်​ႁဝ်း​ယင်း​မီး​ယူႇ​ၼႂ်း​ႁိူၼ်း​လိၼ်​ၼႆႉ ႁဝ်း​မီး​ၸႂ်​ဢၼ်​တူၵ်း​ဢၢင်ႈ​ၶႂ်ႈ​ၶၢမ်ႇ​တၢင်း​ဢၼ်​ဢဝ်​ႁိူၼ်း​၊ ဢၼ်​မီး​ၵႃႈ​တီႈ​ၵၢင်​ႁၢဝ်​ၼုင်ႈ​ႁေႃႇ​ၼၼ်ႉ​၊ၼႃႇ​လူင်​လၢင်​ယူႇ​သေ​လႄႈ ၶၢင်း​ၶီ​ၶၢင်း​ၽၢၼ်​ယူႇ​ဢေႃႈ။-</verse>
				<verse number="3">ပေႃး​လႆႈ​ၼုင်ႈ​ႁေႃႇ​ၸိုင်​ႁဝ်း​တၵ်း​ပဵၼ်​တူဝ်​ပူၺ်​ယူႇ​ဢမ်ႇ​ၸႂ်ႈ။-</verse>
				<verse number="4">ႁဝ်း​ၸိူဝ်း​ဢၼ်​ယူႇ​ၼႂ်း​သုမ်ႉ​ထဵင်​ၼႆႉ၊​ႁၢပ်ႇ​ၶူဝ်း​ဢၼ်​ၼၵ်း​ၼႃႇ​လူင်​လၢင်​ယူႇ​သေ​လႄႈ​၊ၶၢင်း​ၶီ​ၶၢင်း​ၽၢၼ်​ယူႇ​ဢေႃႈ၊ ၵွပ်ႈ​ပိူဝ်ႈ​ဢၼ်​ၶႂ်ႈ​ၶၢမ်ႇ​တၢင်း​ဢၼ်​ပုတ်ႈ​လၢႆႈ​လႄႈ​၊ႁဝ်း​ၶၢင်း​ၶီ​ၶၢင်း​ၽၢၼ်​ဢမ်ႇ​ၸႂ်ႈ၊​ႁဝ်း​ၶၢင်း​ၶီ​ၶၢင်း​ၽၢၼ်၊ ၵွပ်ႈ​ပိူဝ်ႈ​ဢၼ်​ၶႂ်ႈ​ၶၢမ်ႇ​တၢင်း​ဢၼ်​ဢဝ်​၊ဢၼ်​မၼ်ႈ​ဢၼ်​ၶိူင်ႇ​ၼုင်ႈ​ႁေႃႇ ႁႂ်ႈ​လွင်ႈ​တၢင်း​ဢၼ်​ၸၢင်ႈ​တၢႆ​ၼႆႉ​လႆႈ​သုမ်း​ႁၢႆ​ၵႂႃႇ​၊ၵႃႈ​ၼႂ်း​တၢင်း​ဢၼ်​ဢသၢၵ်ႈ​လိပ်း​ၼၼ်ႉ​ဢေႃႈ။</verse>
				<verse number="5">ၵေႃႉ​ဢၼ်​ပွင်​မႄး​ႁဝ်း​၊ ႁႂ်ႈ​လႆႈ​ၶၢမ်ႇ​ဢၵျူဝ်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸမ်ႉ၊ပဵၼ်​ၽြႃး​ပဵၼ်​ၸဝ်ႈ​၊ ဢၼ်​ပၼ်​ၸရၢၼ်ႇ​ဢၼ်​ဝႃႈ၊​ဝီႉၺိၺ်ႇ​ၸဝ်ႈ​တီႈ​ႁဝ်း​ၼၼ်ႉ​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ ႁဝ်း​ႁူႉ​လွင်ႈ​ဢၼ်​ႁဝ်း​ယူႇ​ၵႆ​ၵၼ်​တင်း​ၸဝ်ႈ​ၽြႃး ၼႂ်း​မိူဝ်ႈ​ဢၼ်​ႁဝ်း​ယင်း​မီး​ယူႇ​ၵႃႈ​ၼႂ်း​၊တူဝ်​ၶၼ်ႇ​ထႃႇ​ၼႆႉ​ၼၼ်ႉ​ယူႇ​သေ​လႄႈ မီး​ၸႂ်​ဢၼ်​ႁတ်း​ႁၢၼ်​သေႇ​သေႇ​ဢေႃႈ။-</verse>
				<verse number="7">ၵွပ်ႈ​ပိူဝ်ႈ​ဢၼ်​ႁဝ်း​ၵမ်​ၵျၢင်ႉ​သၢင်ႈ​ႁဵတ်း​၊ ၵႃႈ​ၼင်ႇ​ဢၼ်​ႁဝ်း​ယင်း​ဢမ်ႇ​ႁၼ်​သိုဝ်ႈ​ၼႃႈ​တႂ်ႈ​တႃ​လႄႈ​၊ မီး​တၢင်း​ဢၼ်​ယုမ်ႇ​မၢတ်ႈ​မုင်ႈ​မွင်း​ၼၼ်ႉ​လႄႈ၊-</verse>
				<verse number="8">ႁဝ်း​ပျေႉ​ၸုမ်ႇ​တၢင်း​ၸႂ်​ဢၼ်​ႁတ်း​ႁၢၼ်​သေ​လႄႈ မီး​ဢလူဝ်ႇ​ၶႂ်ႈ​ၵႂႃႇ​၊ ၵႃႈ​တီႈ​ဢၼ်​ၵႆ​ၵၼ်​တင်း​တူဝ်​ၶၼ်ႇ​ထႃႇ​လႄႈ​၊ ယူႇ​သေႇ​သေႇ​ၵႃႈ​တီႈ​ႁိမ်း​ၸဝ်ႈ​ၽြႃး​ပုၼ်ႉ​ဢေႃႈ။</verse>
				<verse number="9">ပိူဝ်ႈ​ၼႆ​လႄႈ ႁဝ်း​ယူႇ​ၵႃႈ​တီႈ​ဢၼ်​ႁဝ်း​ယူႇ​တႃႇ​သေႇ​သေ​ဢမ်ႇ​ဝႃႈ၊ ယူႇ​ၵႃႈ​တီႈ​ဢၼ်​ၵႆ​သေ​ဢမ်ႇ​ဝႃႈ​၊ မီး​ၸႂ်​ၸေႇတၼႃႇ​လႄႈ ၵႆႉ​ၵျူဝ်း​ၸႃး​ႁႂ်ႈ​လႆႈ​ပဵၼ်​ၵေႃႉ​ဢၼ်​ထုၵ်ႇ​ၸႂ်​ၸဝ်ႈ​ၽြႃး​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ​၊ႁဝ်း​ၵႃႈ​မီး​တင်း​သဵင်ႈ​တင်း​လူင် တၵ်း​လႆႈ​ပေႃႇ​မႃး​ၵႃႈ​တီႈ​ၽၢႆႇ​ၼႃႈ ပလၢင်ႇ​တြႃး​ၸဝ်ႈ​ၶရိၸ်ႈ ႁႂ်ႈ​လႆႈ​ၶၢမ်ႇ​ဢၵျူဝ်း​ဢပႅတ်ႈ ႁင်း​ၽႂ်​ႁင်း​မၼ်း ၵႃႈ​ၼင်ႇ​ဢၼ်​တၢင်း​ၵမ်​တၢင်း​ၵျၢင်ႉ ဢၼ်​ၵမ်​ၵျၢင်ႉ​ၵႃႈ​ၼႂ်း​တူဝ်​ၶၼ်ႇ​ထႃႇ လီ​ဢမ်ႇ​လီ​ၼၼ်ႉ​ဢေႃႈ။</verse>
				<verse number="11">ပိူဝ်ႈ​ၼႆ​လႄႈ​ႁဝ်း​ႁူႉ​လွင်ႈ တၢင်း​ဢၼ်​လီ​ၵူဝ်​လီ​ႁႄ ဢၼ်​ၸၢပ်ႈ​သႅင်ႇ​ၵၼ်​တင်း ၸဝ်ႈ​ၽြႃး​ၼၼ်ႉ​ယူႇ​သေ​လႄႈ တိုၵ်း​ယူင်း​ၸူဝ်း​ဢဝ် ၵူၼ်း​တင်း​လၢႆ​လႄႈ ထၢင်ႇ​သႃး​ယူႇ​ၵႃႈ​တီႈ ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ၊ ၵႃႈ​တီႈ​ၽၢႆႇ​ၼႃႈ​ၸႂ်​သူ​ဢၼ်​ႁူႉ​တူဝ်​ၸဝ်ႈ​ၵဝ်ႇ​ၼၼ်ႉ​ၵေႃႈ ၵဝ်​ထၢင်ႇ​ႁဝ်း​ထၢင်ႇ​သႃး​ယူႇ​ဢေႃႈ။-</verse>
				<verse number="12">ႁဝ်း​သမ်ႉ​ၶိုၼ်း​ယွင်ႈ​ယေႃး​တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ​သူ​ဢမ်ႇ​ၸႂ်ႈ ႁဝ်း​ပၼ်​ဢၶႂၢင်ႉ​တၢင်း​ဢၼ်​ဢုပ်ႇ​ဝၢဝ်း ၵွပ်ႈ​ပိူဝ်ႈ​ႁဝ်း​ၼၢႆ​တီႈ​သူ ႁႂ်ႈ​သူ​လႆႈ​မီး​လွင်ႈ​ဢၼ်​တၵ်း​ၽေႇ​လိတ်ႈ၊ ၵႂၢမ်း​ၶဝ်​ၸိူဝ်း​ဢၼ်​ဢမ်ႇ​ထွၵ်ႈ​လူၺ်ႈ​ၸႂ်​သၽေႃး၊ ထွၵ်ႈ​လူၺ်ႈ​ႁၢင်ႈ​ၽၢင်​ၼိူဝ်ႉ​လိူတ်ႈ​သေ​လႄႈ ဢုပ်ႇ​ဝၢဝ်း​ၼၼ်ႉ​လႆႈ​ဢေႃႈ။-</verse>
				<verse number="13">ပေႃး​ႁဝ်း​ပဵၼ်​ၵူၼ်း​ယွင်ႇ​ၸိုင် ႁဝ်း​ပဵၼ်​ပုၼ်ႈ​ၽြႃး​ပဵၼ်​ၸဝ်ႈ​ဢေႃႈ၊ ပေႃး​ႁဝ်း​ပဵၼ်​ၵူၼ်း​ဢၼ်​ၸႂ်​လီ​ၸိုင် ႁဝ်း​ပဵၼ်​ပုၼ်ႈ​သူ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ႁဝ်း​တူၵ်း​ၵၢင်​ၸႂ် လွင်ႈ​ဢၼ်​ပေႃး​ၵူၼ်း​ၵေႃႉ​ၼိုင်ႈ ၶၢမ်ႇ​တၢႆ​ပုၼ်ႈ​ၵူၼ်း​တင်း​သဵင်ႈ​တင်း​လူင်​ဢမၢၼ်ႇ​ၶၼ်​ပဵၼ်​ၸိုင်၊-</verse>
				<verse number="15">ၵူၼ်း​တင်း​သဵင်ႈ​တင်း​လူင်​တၢႆ​ယဝ်ႉ​ဢိၵ်ႇ​တင်း လွင်ႈ​ဢၼ်​မၼ်း​ၸဝ်ႈ​ၶၢမ်ႇ​တၢင်း​တၢႆ ၵွပ်ႈ​ပိူဝ်ႈ​ၵူၼ်း​တင်း​သဵင်ႈ​တင်း​လူင် ႁႂ်ႈ​ၶဝ်​ၸိူဝ်း​ဢၼ်​ဢသၢၵ်ႈ​လိပ်း​ၼၼ်ႉ ဢမ်ႇ​လႆႈ​ၶိုၼ်း​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ​လိပ်း ႁႂ်ႈ​ၶဝ်​လႆႈ​ၸွမ်း​ဢလူဝ်ႇ​ၵေႃႉ​ဢၼ်​ၶၢမ်ႇ​တၢႆ​ပုၼ်ႈ​ၶဝ်​ယဝ်ႉ ၸင်ႇ​လုၵ်ႉ​ၶိုၼ်း​ၼၼ်ႉ​သေ​လႄႈ​လိပ်း​ၼၼ်ႉ​လႄႈ တၢင်း​ႁၵ်ႉ​မႅတ်ႈ​တႃႇ​ၸဝ်ႈ​ၶရိၸ်ႈ ႁဵတ်း​ပႄႉ​ႁဵတ်း​ၼႅင်ႇ​ၸူဝ်း​ဢဝ်​ႁဝ်း​ဢေႃႈ။-</verse>
				<verse number="16">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် ၸႃႉ​ၸဵမ်​တေႃႈ​လဵဝ်​ၼႆႉ​လႄႈ​ႁဝ်း​ထွၵ်ႈ​လူၺ်ႈ​မဵဝ်း​ၸႃႇ​တီႉ​သေ​လႄႈ ဢမ်ႇ​ႁူႉ​ၸၵ်း​ၽူႈ​လႂ်၊ ပိၵ်ႉ​သမ်ႉ​လႆႈ​ထွၵ်ႈ​လူၺ်ႈ​မဵဝ်း​ၸႃႇ​တီႉ​သေ​လႄႈ ႁူႉ​ၸၵ်း​ၸဝ်ႈ​ၶရိၸ်ႈ​သေ​ၵေႃႈ၊ ၸႃႉ​ၸဵမ်​တေႃႈ​လဵဝ်​ၼႆႉ​လႄႈ​ႁဝ်း​ဢမ်ႇ​မီး​တၢင်း​ဢၼ်​ႁူႉ​ၸၵ်း​ၸိူဝ်ႉ​ၼင်ႇ​ၼၼ်။</verse>
				<verse number="17">ၵူၼ်း​ဢၼ်​ဝႃႈ​ၸမ်ႉ၊ ပေႃး​မီး​ၼႂ်း​ၸဝ်ႈ​ၶရိၸ်ႈ​ၸိုင် ပဵၼ်​သတ်ႉတဝႃႇ​ဢၼ်​မႄး​ပိၼ်ႇ​ဢၼ်​မႂ်ႇ​ဢေႃႈ၊ လွင်ႈ​တၢင်း​ဢၼ်​ၵဝ်ႇ​ၸိူဝ်း​ၼၼ်ႉ​ၶၢႆႉ​ပုတ်ႈ​သေ​လႄႈ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ပဵၼ်​ဢၼ်​မႂ်ႇ​ယဝ်ႉ။-</verse>
				<verse number="18">မိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ပဵၼ်​ၵွပ်ႈ​ပိူဝ်ႈ​ၽြႃး​ပဵၼ်​ၸဝ်ႈ​ဢၼ်​ႁႂ်ႈ​တၢင်း​ၽိတ်း​ႁဝ်း​ယဵၼ် ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​လႄႈ​ဢၢပ်ႈ​ပၼ် ဢၶႂၢင်ႉ​ဢၼ်​လႆႈ​ႁေႃး​လၢတ်ႈ​တြႃး​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​တင်း​မၼ်း​ၸဝ်ႈ​တီႈ​ႁဝ်း​ၼၼ်ႉ​ဢေႃႈ။-</verse>
				<verse number="19">တြႃး​ၼၼ်ႉ​ၸမ်ႉ၊ၽြႃး​ပဵၼ်​ၸဝ်ႈ​မီး​ယူႇ​ၵႃႈ​ၼႂ်း​ၸဝ်ႈ​ၶရိၸ်ႈ​လႄႈ ဢမ်ႇ​မၢတ်ႈ​ဢမ်ႇ​တွင်း​ဢပႅတ်ႈ​ၵူၼ်း​လေႃးၵီႇ​တင်း​လၢႆ ႁႂ်ႈ​တၢင်း​ၽိတ်း​ၶဝ်​ယဵၼ်​လႄႈ ဢၢပ်ႈ​ပၼ်​တြႃး​မိၵ်ႉသႃႇႁႃယႃႉ​၊ တၢင်း​ဢၼ်​ထုၵ်ႇ​ၵၼ်​တင်း​မၼ်း​ၸဝ်ႈ​ၼၼ်ႉ​တီႈ​ႁဝ်း​ဢေႃႈ။-</verse>
				<verse number="20">ပိူဝ်ႈ​ၼႆ​လႄႈ​ႁဝ်း​ၼႆႉ၊​ပဵၼ်​သၢၼ်ႇတမၢၼ်ႇ​ၸဝ်ႈ​ၶရိၸ်ႈ​ဢေႃႈ၊​ၵႃႈ​ၼင်ႇ​ဢၼ်​ၽြႃး​ပဵၼ်​ၸဝ်ႈ​ဢဝ်​ႁဝ်း​လႄႈ​တိုၵ်း​ယူင်း​ၸူဝ်း​ဢဝ်​သူ​ၼၼ်ႉ ႁဝ်း​ပဵၼ်​တၢင်​တူဝ်​ၸဝ်ႈ​ၶရိၸ်ႈ​လႄႈ တွင်း​ပၢၼ်ႇ​ၸူဝ်း​ဢဝ်​သူ​လႄႈ​ဝႃႈ သူ​ႁႂ်ႈ​တၢင်း​ၽိတ်း​သူ​ယဵၼ်​လႄႈ ႁဵတ်း​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​တင်း​ၽြႃး​ပဵၼ်​ၸဝ်ႈ​တႃႉ၊​ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ၽြႃး​ပဵၼ်​ၸဝ်ႈ ႁႂ်ႈ​ၵေႃႉ​ဢၼ်​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ ပဵၼ်​ၵေႃႉ​ဢၼ်​မီး​ဢပႅတ်ႈ​ပုၼ်ႈ​ႁဝ်း​ဢေႃႈ၊ လွင်ႈ​မၼ်း​ၸမ်ႉ ၼင်ႇ​ႁိုဝ်​ႁဝ်း​တၵ်း​ပဵၼ်​တၢင်း​သိုဝ်ႈ​တေႃႇ​ၽြႃး​ပဵၼ်​ၸဝ်ႈ ၼႂ်း​ၵေႃႉ​ၼၼ်ႉ​ၸိုင်​၊ ၸင်ႇ​ပဵၼ်​ဢေႃႈ။</verse>
			</chapter>
			<chapter number="6">
				<verse number="1">ႁဝ်း​ပဵၼ်​ၵေႃႉ​ဢၼ်​ပွင်​ႁဵတ်း​ဢမူႉ​ၸဝ်ႈ လူၺ်ႈ​ၵၼ်​တင်း​မၼ်း​ၸဝ်ႈ​လႄႈ တိုၵ်း​ယူင်း​ၸူဝ်း​ဢဝ်​သူ​လႄႈ​ဝႃႈ၊သူ​ယႃႇ​ပေ​ၶၢမ်ႇ​ၵျေး​ၸူး​ၽြႃး​ပဵၼ်​ၸဝ်ႈ​လၢႆ​လၢႆ​လွၵ်ႇ​လွၵ်ႇ၊​ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">မႅၼ်ႈ​ၼင်ႇ​ပျႃႇ​တိၵ်ႈ​ၸဝ်ႈ​ဢၼ်​မီး​ဝႆႉ​လႄႈ​ဝႃႈ၊​ၵဝ်​ထွမ်ႇ​ဢဝ်​ၵႂၢမ်း​မႂ်း​ၼႂ်း​ၶိင်ႇ​ၵႃႇလႃႉ​ဢၼ်​လီ​ၼိတ်ႈ​သၢၵ်ႈ​ထုၵ်ႇ​ၸႂ်​ၼၼ်ႉ​ယဝ်ႉ၊​ၵဝ်​ၸွႆႈ​ထႅမ်​မႂ်း ၼႂ်း​ၶိင်ႇ​မိုဝ်ႉ​ဝၼ်း​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ၊ တေႃႈ​လဵဝ်​ၼႆႉ ပဵၼ်​ၶိင်ႇ​ၵႃႇလႃႉ​ဢၼ်​လီ​ၼိတ်ႈ​သၢၵ်ႈ​ထုၵ်ႇ​ၸႂ်​ဢေႃႈ၊ တေႃႈ​လဵဝ်​ၼႆႉ​ပဵၼ်​ၶိင်ႇ​မိုဝ်ႉ​ဝၼ်း​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။-</verse>
				<verse number="3">ၼင်ႇ​ႁိုဝ်​ဢၶႂၢင်ႉ​ဢၼ်​ႁဝ်း​ႁေႃး​လၢတ်ႈ​တြႃး​ၼၼ်ႉ တၵ်း​လႆႈ​ၵၢင်း​လွတ်ႈ​တင်း တၢင်း​ဢၼ်​တၢင်ႇ​ဢပႅတ်ႈ​ၸိုင် ႁဝ်း​ဢမ်ႇ​ႁဵတ်း​လွင်ႈ​တၢင်း​ဢၼ် တၵ်း​တိူဝ်ႉ​မႅၼ်ႈ​လႄႈ​လူမ်ႉ​ၼၼ်ႉ၊ သေ​ၸိူဝ်ႉ​သေ​ပိူင်။-</verse>
				<verse number="4">ႁဝ်း​ႁဵတ်း​ႁႂ်ႈ​လွင်ႈ​ဢၼ်​ႁဝ်း​ပဵၼ်​ထမ်ႇမႃႉ​သြႃႇ ဢၼ်​ၽြႃး​ပဵၼ်​ၸဝ်ႈ​ၶၢၼ်း​ဝႆႉ​ၼၼ်ႉ လႆႈ​ထၢင်ႇ​သႃး​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ဢၼ်​ဝႃႈ ၼႂ်း​တၢင်း​ဢၼ်​ယိူၼ်ႉ​ၶၢမ်ႇ​ၼႃႇ​လူင်​လၢင်၊ ၼႂ်း​တၢင်း​ဢၼ်​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး၊ ၼႂ်း​တၢင်း​ဢၼ်​ယၢၵ်ႈ​ဢၼ်​ၽၢၼ်၊​ၼႂ်း​တၢင်း​ဢၼ်​ထူပ်း​ၽေး​ဢူႉ​ပၢတ်ႈ​၊ ဢၼ်​ဢမ်ႇ​လွတ်ႈ​လႆႈ၊-</verse>
				<verse number="5">ၼႂ်း​တၢင်း​ဢၼ်​ၶၢမ်ႇ​တၢင်း​ဢၼ်​ပေႃႉ​ဢၼ်​ယႅၼ်ႉ၊ ၼႂ်း​တၢင်း​ဢၼ်​တူၵ်း​ၵႃႈ​ၼႂ်း​ထွင်ႇ၊ ၼႂ်း​တၢင်း​ဢၼ်​ပိူၼ်ႈ​ႁဵတ်း​ဢူၼ်​ဢဵၼ်​မေႃး​မႄး​ၵၼ်၊ ၼႂ်း​တၢင်း​ဢၼ်​ႁဵတ်း​ၵၢၼ်​ႁဵတ်း​ငၢၼ်း၊ ၼႂ်း​တၢင်း​ဢၼ်​ယင်း​ဢမ်ႇ​ၼွၼ်း​လႄႈ​ပႂ်ႉ​ယူႇ၊ ၼႂ်း​တၢင်း​ဢၼ်​ဢိုပ်း​ဢၼ်​ယၢၵ်ႈ၊-</verse>
				<verse number="6">ၼႂ်း​တၢင်း​ဢၼ်​ႁူဝ်​ၸႂ်​မူတ်း​သႂ်၊ ၼႂ်း​တၢင်း​ဢၼ်​မီး​ပိင်ႇ​ၺႃႇ၊ ၼႂ်း​တၢင်း​ဢၼ်​ၸႂ်​ယႂ်ႇ​ၸႂ်​ယၢဝ်း၊ ၼႂ်း​တၢင်း​ဢၼ်​ႁဵတ်း​ၵျေး​ၸူး၊ ၼႂ်း​တၢင်း​ဢၼ်​ၶၢမ်ႇ​ဢဝ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ၊ ၼႂ်း​တၢင်း​ဢၼ်​ယင်း​ဢမ်ႇ​ႁဵတ်း​ၸိူဝ်ႉ​ၼင်ႇ​ႁၢင်ႈ​ႁၵ်ႉ​လႄႈ​ႁၵ်ႉ၊-</verse>
				<verse number="7">ၼႂ်း​တၢင်း​ဢၼ်​ႁေႃး​လၢတ်ႈ​သမ်ႇမႃႇ​တြႃး၊ ၼႂ်း​တၢင်း​ဢၼ်​ၼႄ​ပျႃး​တၼ်း​ၶူဝ်း​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ၊ ၵွပ်ႈ​ပိူဝ်ႈ​တၢင်း​ဢၼ်​တိုဝ်း​ၼုင်ႈ​လၢၵ်ႈ​ၼၢၵ်ႈ​ၸုမ်ႇ၊ တၢင်း​သိုဝ်ႈ​တေႃႇ​ဝႆႉ​ၵႃႈ​တီႈ​ၽၢႆႇ​ၶႂႃ​ၽၢႆႇ​သၢႆႉ၊ ၵွပ်ႈ​ပိူဝ်ႈ​တၢင်း​ဢၼ်​သရေႇ​ထၢင်ႇ​သႃး၊ ဢိၵ်ႇ​တင်း​တၢင်း​ဢၼ်​သရေႇ​ယုတ်ႈ​ယွမ်း၊-</verse>
				<verse number="8">ၵွပ်ႈ​ပိူဝ်ႈ​တၢင်း​ဢၼ်​ၶၢမ်ႇ​တၢင်း​ဢၼ်​ယွင်ႈ​ယေႃး​၊ ဢိၵ်ႇ​တင်း​တၢင်း​ဢၼ်​ၶၢမ်ႇ​တၢင်း​ဢၼ်​သႄႉ​သွမ်း​ၸိူဝ်း​ၼႆႉ​လႄႈ၊ ပိၵ်ႉ​သမ်ႉ​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ပႅတ်ႉ​လႅၼ်​သေ​ၵေႃႈ၊ ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ၸိုဝ်ႈ​ဢၼ်​ၸႂ်ႈ၊-</verse>
				<verse number="9">ပိၵ်ႉ​သမ်ႉ​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ၽူႈ​လႂ်​ဢမ်ႇ​ႁူႉ​သေ​ၵေႃႈ၊ ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ႁူင်​ႁၢင်း၊ ပိၵ်ႉ​သမ်ႉ​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ၶၢမ်ႇ​တၢႆ​သေ​ၵေႃႈ၊ ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ဢသၢၵ်ႈ​လိပ်း၊ ပိၵ်ႉ​သမ်ႉ​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​လႆႈ​ၶၢမ်ႇ​၊ တၢင်း​ဢၼ်​သင်ႇ​သွၼ်​သုင်း​မႃႉ​သေ​ၵေႃႈ၊ ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ၵၢင်း​လွတ်ႈ​တင်း၊ တၢင်း​ဢၼ်​ဢဝ်​တၢႆ၊-</verse>
				<verse number="10">ပိၵ်ႉ​သမ်ႉ​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ၸႂ်​လဵၵ်ႉ ၸႂ်​ဢူၼ်ႈ​သေ​ၵေႃႈ၊ ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​သိူဝ်း​ပျေႃႇ​သေႇ​သေႇ၊ ပိၵ်ႉ​သမ်ႉ​ပဵၼ်​ၸိူဝ်ႉ​ၼင်ႇ​ၵူၼ်း​ယၢၵ်ႈ​ၵူၼ်း​ၽၢၼ်​သေ​ၵေႃႈ၊ ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ၸၢင်ႈ​ႁႂ်ႈ​ပိူၼ်ႈ​မၢၵ်ႈ​ပိူၼ်ႈ​မီး၊ ပိၵ်ႉ​သမ်ႉ​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ဢမ်ႇ​ပိူင်ႇ​သေ​ၸိူဝ်ႉ​သေ​ပိူင်​သေ​ၵေႃႈ၊ ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ပိူင်ႇ​တင်း​သဵင်ႈ​တင်း​လူင်​ၼၼ်ႉ​ယူႇ​ဢေႃႈ။</verse>
				<verse number="11">ၵူၼ်း​ ၵေႃးရိၼ်ႇထူႉ ​ၶဝ်​ဢိူၺ်း၊ သူပ်း​ႁဝ်း​ၼႆႉ​ၽုၺ်ႇ​ဝႆႉ​မီး​ယူႇ​တီႈ​သူ​ဢေႃႈ။-</verse>
				<verse number="12">ႁူဝ်​ၸႂ်​ႁဝ်း​ၵေႃႈ​ယႂ်ႇ​ၵႂၢင်ႈ​ဢေႃႈ၊ သူ​ၵိတ်ႇ​ၵႅပ်ႈ​ၼႂ်း​ႁဝ်း​ဢမ်ႇ​ၸႂ်ႈ၊ သူ​ၵိတ်ႇ​ၵႅပ်ႈ​ၼႂ်း​မႅတ်ႈ​တႃႇ​ၵရူႉၼႃႇ​တူဝ်​ၸဝ်ႈ​ၵဝ်ႇ​ၵူၺ်း​ဢေႃႈ။-</verse>
				<verse number="13">သူ​မီး​ၸႂ်​ဢၼ်​ယႂ်ႇ​ၵႂၢင်ႈ ႁႂ်ႈ​လႆႈ​တွပ်ႇ​တႅၼ်း​ၶိုၼ်း​ၵျေး​ၸူး​ႁဝ်း​တႃႉ၊ မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ ၶႂ်ႈ​ဝႃႈ​ၸိူဝ်ႉ​ၼင်ႇ​ဢၼ်​ၵဝ်​ဝႃႈ​တီႈ​လုၵ်ႈ​လၢင်း​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="14">ယႃႇ​ပေ​ႁူမ်ႈ​ၵၼ်​တင်း ၶဝ်​ၸိူဝ်း​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​သေ​လႄႈ ႁၢပ်ႇ​ၵၢၼ်း​ဢၼ်​ဢမ်ႇ​ထုၵ်ႇ​ၶတ်း​ၵၼ်၊ လွင်ႈ​တၢင်း​ဢၼ်​မႅၼ်ႈ​တြႃး​တၵ်း​ႁပ်ႉ​တုင်း​ဢဝ် လွင်ႈ​တၢင်း​ဢၼ်​ဢမ်ႇ​မႅၼ်ႈ​တြႃး​လႆႈ​ၸိူဝ်ႉ​ၼင်ႇ​ႁိုဝ်။ ဢၼ်​လႅင်း၊ တင်း ဢၼ်​လပ်း​သိင်ႇ​၊ တၵ်း​သိူၵ်ႈ​သမ်ႇ​ၵၼ်​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="15">ၸဝ်ႈ​ၶရိၸ်ႈ​တင်း​ ပေႇလျႃႇလႃႉ တၵ်း​ထုၵ်ႇ​ၵၼ်​လႆႈ ၸိူဝ်ႉ​ၼင်ႇ​ႁိုဝ်။ ၵေႃႉ​ဢၼ်​ယုမ်ႇ​မၢတ်ႈ​၊ တင်း​ၵေႃႉ​ဢၼ်​ဢမ်ႇ​ယုမ်ႇ​မၢတ်ႈ​၊ တၵ်း​မီး​တၢင်း​ဢၼ် ႁဵတ်း​ၵေႃႉ​ႁူမ်ႈ​ၵၼ်​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="16">ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ၊ တင်း​ရုၵ်ႈ​ထူႉ ၸၢပ်ႈ​သႅင်ႇ​ၵၼ်​လႆႈ​ၸိူဝ်ႉ​ၼင်ႇ​ႁိုဝ်။ မႅၼ်ႈ​ၼင်ႇ​ဢၼ်​ၽြႃး​ပဵၼ်​ၸဝ်ႈ​၊ မီး​ဢမိင်ႉ​လႄႈ​ဝႃႈ၊ ၵဝ်​တၵ်း​ၵိင်း​ဝၢပ်ႈ​ယူႇ​ၵႃႈ​ၼႂ်း​ၶဝ်​ဢေႃႈ၊ ၵဝ်​တၵ်း​လႄႇ​ၵႂႃႇ​လႄႇ​မႃး​ယူႇ​ၵႃႈ​ၼႂ်း​ၶဝ်​လႄႈ ပဵၼ်​ၽြႃး​ပဵၼ်​ၸဝ်ႈ​ၶဝ်​ဢေႃႈ၊ ၶဝ်​ၵေႃႈ​တၵ်း​ပဵၼ်​ၵူၼ်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ သူ​ပဵၼ်​ပိၵ်ႈ​မၢၼ်ႇ ၽြႃး​ပဵၼ်​ၸဝ်ႈ​ဢၼ်​ဢသၢၵ်ႈ​လိပ်း​ယူႇ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ ဢၼ်​ထႃႇဝရႃႉ​ၽြႃး​သမ်ႉ မီး​ဢမိင်ႉ​ထႅင်ႈ​လႄႈ​ဝႃႈ​ၸမ်ႉ သူ​ဢွၵ်ႇ​သေ​ၵႃႈ​ၼႂ်း​ၶဝ်​လႄႈ ယူႇ​တၢင်ႇ​တီႈ​တၢင်ႇ​လႅၼ်​တႃႉ။ ယႃႇ​ပေ​ဢဝ်​မိုဝ်း​တိူဝ်ႉ လွင်ႈ​တၢင်း​ဢၼ်​ဢမ်ႇ​မူတ်း​သႂ်​ၼၼ်ႉ၊ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​တၵ်း​ႁပ်ႉ​တုင်း​ဢဝ်​သူ​ဢေႃႈ။-</verse>
				<verse number="18">တၵ်း​ပဵၼ် ပေႃႈ​သူ​ဢေႃႈ။ သူ​ၵေႃႈ​တၵ်း​ပဵၼ်​လုၵ်ႈ​လၢင်း​ၵဝ်​ဢေႃႈ ဝႃႈ​ၼႆ၊ထႃႇဝရႃႉ​ၽြႃး ဢၼ်​ပျေႉ​ၸုမ်ႇ​တင်း​ဢၼၼ်ႇတႃႉ​တၼ်း​ၶူဝ်း​ၼၼ်ႉ မီး​ဢမိင်ႉ​ဢေႃႈ။</verse>
			</chapter>
			<chapter number="7">
				<verse number="1">ပိူဝ်ႈ​ၼႆ​လႄႈ ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ပိူဝ်ႈ​ဢၼ်​ႁဝ်း​ၸၢပ်ႈ​သႅင်ႇ​ၵၼ်​တင်း​ၵတီႉ​ၸဝ်ႈ​ၸိူဝ်း​ၼၼ်ႉ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​ၵၢင်း​လွတ်ႈ​တင်း တၢင်း​ဢၼ်​တူဝ်​ၶၼ်ႇ​ထႃႇ​ၵူဝ်ႈ​ၵိူၵ်ႇ၊ ဢိၵ်ႇ​တင်း​တၢင်း​ဢၼ်​ၸႂ်​ဝီႉၺိၺ်ႇ​ၵူဝ်ႈ​ၵိူၵ်ႇ​၊ၵႃႈ​မီး​ၼၼ်ႉ​ယူႇ​သေ​လႄႈ ဢွၼ်​ၵၼ်​ၵူဝ်​ႁႄ​ၽြႃး​ပဵၼ်​ၸဝ်ႈ​လႄႈ ပျေႉ​ၸုမ်ႇ​တင်း​ပႃႇရမီႇ​တၢင်း​ဢၼ်​မူတ်း​ၸၢင်ႇ​တႃႉ​ႁဝ်း။</verse>
				<verse number="2">ႁပ်ႉ​တုင်း​ဢဝ်​ႁဝ်း​တႃႉ၊ ႁဝ်း​ဢမ်ႇ​ၽိတ်း​ဢမ်ႇ​ပိူင်ႈ​ၽူႈ​လႂ်၊ ႁဝ်း​ဢမ်ႇ​ႁႂ်ႈ​ၽူႈ​လႂ်​ႁွတ်ႈ​ထိုင်​တၢင်း​လူႉ​တၢင်း​လႅဝ်၊ ၶူဝ်း​လဵင်း​ၽူႈ​လႂ်​ၵေႃႈ ႁဝ်း​ဢမ်ႇ​ႁဵတ်း​တင်း​ပရီႉယႄႇ​သေ​လႄႈ​ဢဝ်။-</verse>
				<verse number="3">ၵဝ်​တၢင်ႇ​ဢပႅတ်ႈ​တီႈ​သူ​လႄႈ လၢတ်ႈ​ဝႃႈ​ၸိူဝ်ႉ​ၼင်ႇ​ၼႆ​ဢမ်ႇ​ၸႂ်ႈ၊ မိူဝ်ႈ​ဢွၼ်​ၼႆႉ​ၼၼ်ႉ​ၵဝ်​လၢတ်ႈ​ဝႆႉ​လႄႈ​ဝႃႈ၊ ႁဝ်း​ႁၵ်ႉ​သူ​တေႃႇ​ထိုင်​ႁွတ်ႈ​ထၼ်ႈ​ပေႃး မီး​ဢလူဝ်ႇ​ႁႂ်ႈ​ဢသၢၵ်ႈ​လႆႈ​လိပ်း​လူၺ်ႈ​ၵၼ်​တင်း​သူ ဢိၵ်ႇ​တင်း​ႁႂ်ႈ​လႆႈ​တၢႆ​လူၺ်ႈ​ၵၼ်​တင်း​သူ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​မႃး​ယဝ်ႉ။-</verse>
				<verse number="4">ၵဝ်​လႆႈ​မီး​တၢင်း​ဢၼ်​ႁတ်း​ႁၢၼ်​ၼႃႇ​လူင်​လၢင် ၵွပ်ႈ​ပိူဝ်ႈ​သူ​ဢေႃႈ၊ ၵဝ်​လႆႈ​မီး​တၢင်း​ဢၼ်​ဢုပ်ႇ​ဝၢဝ်း​ၼႃႇ​လူင်​လၢင် ၵွပ်ႈ​ပိူဝ်ႈ​သူ​ဢေႃႈ၊ ၵဝ်​ပျေႉ​ၸုမ်ႇ​တင်း တၢင်း​ဢၼ်​သၢၵ်ႈ​သႃႇ​ဢေႃႈ၊ ၵဝ်​မီး​တၢင်း​ဢၼ်​ႁႂ်ႈ​တၢင်း​သိူဝ်း​ပျေႃႇ​ၼမ်​ၵိုၼ်း​ၼႃႇ​လူင်​လၢင် ၼႂ်း​လွင်ႈ​တၢင်း​ဢၼ်​ၶၢမ်ႇ တၢင်း​ၼိၵ်ႈ​ၸၢၵ်ႈ​ငႅၼ်း​သႄး ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။</verse>
				<verse number="5">မိူဝ်ႈ​ဢၼ်​ႁဝ်း​ႁွတ်ႈ​ထိုင် ၵႃႈ​တီႈ​မိူင်း​ မႃႇၵေႇတေႃးၼီႉ ​ၼၼ်ႉ​ၸိုင် ႁဝ်း​ဢမ်ႇ​မီး​တၢင်း​ၼိမ်​တူဝ်​ၵႃႇ​ယႃႉ​လႃး​လႃး၊ ႁဝ်း​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ၼႂ်း​ၵူႈ​ၸိူဝ်ႉ​ၵူႈ​ပိူင်​ဢေႃႈ၊ ၵႃႈ​ၼွၵ်ႈ​ၸမ်ႉ​၊လႆႈ​မီး​တၢင်း​ဢၼ်​တိုၵ်း​ၵၼ်​တေႃး​ၵၼ်​ယူႇ​ဢေႃႈ၊ ၵႃႈ​ၼႂ်း​ၸမ်ႉ၊​မီး​တၢင်း​ဢၼ်​မႆႈ​ၸႂ်​ၶီ​ၸႂ်​ယူႇ​ဢေႃႈ။-</verse>
				<verse number="6">ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​ဢၼ်​ၸၢင်ႈ​ႁႂ်ႈ ၶဝ်​ၸိူဝ်း​ဢၼ်​ၶျႃး​တႅမ်ႇ​ၼၼ်ႉ​သၢၵ်ႈ​သႃႇ​ၼၼ်ႉ ႁႂ်ႈ​ႁဝ်း​သၢၵ်ႈ​သႃႇ ၵွပ်ႈ​ပိူဝ်ႈ​ဢၼ် တီႉတူႉ ​ႁွတ်ႈ​မႃး​ၼၼ်ႉ​ဢေႃႈ။-</verse>
				<verse number="7">မၼ်း​ၸဝ်ႈ ႁႂ်ႈ​ႁဝ်း​သၢၵ်ႈ​သႃႇ​ၵွပ်ႈ​ပိူဝ်ႈ​ဢၼ်​ တီႉတူႉ ​ႁွတ်ႈ​မႃး​ၼၼ်ႉ​ၵူၺ်း​ဢမ်ႇ​ၸႂ်ႈ၊ ၵွပ်ႈ​ပိူဝ်ႈ​တၢင်း​သၢၵ်ႈ​သႃႇ​ဢၼ် တီႉတူႉ ​လႆႈ​ၵႃႈ​တီႈ​သူ​ၼၼ်ႉ​ၵေႃႈ၊ မၼ်း​ၸဝ်ႈ​ႁႂ်ႈ​ႁဝ်း​သၢၵ်ႈ​သႃႇ​ဢေႃႈ၊ ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ မၼ်း​မွၵ်ႇ​လၢတ်ႈ​လွင်ႈ​တၢင်း​ဢၼ်​သူ​တူၵ်း​ဢၢင်ႈ၊ တၢင်း​ဢၼ်​သူ​ၶၢင်း​ၶီ​ၶၢင်း​ၽၢၼ်၊ တၢင်း​ဢၼ်​ၸႂ်​ၸေႇတၼႃႇ​သူ​ႁႅင်း​ယႂ်ႇ​ပုၼ်ႈ​ဢၵျူဝ်း​ၵဝ်​ၸိူဝ်း​ၼၼ်ႉ​တီႈ​ႁဝ်း​ဢေႃႈ၊ ပိူဝ်ႈ​ၼႆ​လႄႈ ၵဝ်​ယဵင်ႈ​ၶႅၼ်း​မီး​တၢင်း​ဢၼ်​သိူဝ်း​ပျေႃႇ​ဢေႃႈ။-</verse>
				<verse number="8">ပိူဝ်ႈ​ဢၼ်​ၵဝ် ႁႂ်ႈ​သူ​မီး​တၢင်း​ဢၼ်​ၸႂ်​လဵၵ်ႉ ၵွပ်ႈ​ပိူဝ်ႈ​လိၵ်ႈ​ၽိုၼ်​ဢၼ်​ၵဝ်​ပၼ်​ၵႂႃႇ​ဢွၼ်​တၢင်း​ၼၼ်ႉ​လႄႈ၊ မိူဝ်ႈ​ဝၼ်း​ၼၼ်ႉ ပိၵ်ႉ​သမ်ႉ​ၵဝ်​ၶုၵ်း​ၸႂ်​လႆႈ​မႆႈ​ၸႂ်​သေ​ၵေႃႈ၊ တေႃႈ​လဵဝ်​ၼႆႉ ၵဝ်​ဢမ်ႇ​မီး​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်၊ လွင်ႈ​မၼ်း​ၸမ်ႉ​၊ ၵဝ်​ႁၼ်​လွင်ႈ​ဢၼ်​လိၵ်ႈ​ၽိုၼ်​ၼၼ်ႉ ႁႂ်ႈ​သူ​ၸႂ်​လဵၵ်ႉ​သေ​ၵေႃႈ၊ လဵၵ်ႉ​ၵမ်း​ဢွၼ်ႇ​ၼိုင်ႈ​ၵူၺ်း​ၼၼ်ႉ​ယူႇ​ဢေႃႈ။</verse>
				<verse number="9">ၵဝ်​သိူဝ်း​ပျေႃႇ ၵွပ်ႈ​ပိူဝ်ႈ​ဢၼ်​သူ​ၸႂ်​လဵၵ်ႉ​ၼၼ်ႉ​ဢမ်ႇ​ၸႂ်ႈ၊ ၵဝ်​သိူဝ်း​ပျေႃႇ​ၵွပ်ႈ​ပိူဝ်ႈ​ဢၼ်​ႁႂ်ႈ​သူ ၸႂ်​လဵၵ်ႉ​လႄႈ​ၶုၵ်း​ၸႂ်​လႆႈ​မႆႈ​ၸႂ်​ၼၼ်ႉ​ဢေႃႈ၊ ၼင်ႇ​ႁိုဝ်​ဢၵျူဝ်း​သူ​တၵ်း​ဢမ်ႇ​လႆႈ​လူႉ​သေ​ဢိတ်း​ၵွပ်ႈ​ပိူဝ်ႈ​ႁဝ်း​ၸိုင်၊ ႁဝ်း​ႁႂ်ႈ​သူ​မီး​တင်း​ၸႂ်​လဵၵ်ႉ ဢၼ်​မႅၼ်ႈ​တင်း​ဢလူဝ်ႇ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="10">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ တၢင်း​ဢၼ်​ၸႂ်​လဵၵ်ႉ​ဢၼ်​မႅၼ်ႈ​တင်း​ဢလူဝ်ႇ​ၽြႃး​ပဵၼ်​ၸဝ်ႈ​ၼၼ်ႉ ၸၢင်ႈ​ပွင်​ႁဵတ်း​တၢင်း​ၶုၵ်း​ၸႂ်​လႆႈ​မႆႈ​ၸႂ် ဢၼ်​ၵိုင်ႇ​ၵၼ်​တင်း​တၢင်း​ဢၼ်​ၵႄႇ​ၶျွတ်ႈ​ဢဝ်​ဢၼ်​ဝႃႈ တၢင်း​ၶုၵ်း​ၸႂ်​လႆႈ​မႆႈ​ၸႂ်​ဢၼ်​ဢမ်ႇ​ၸၢင်ႈ​ၶၢႆႉ​ပုတ်ႈ​ၼၼ်ႉ​ဢေႃႈ၊ တၢင်း​ဢၼ်​ၸႂ်​လဵၵ်ႉ​လေႃးၵႃႉ​ၼႆႉ​ၸမ်ႉ၊ ၸၢင်ႈ​ပွင်​ႁဵတ်း​တၢင်း​တၢႆ​ဢေႃႈ။</verse>
				<verse number="11">တူၺ်း​လွင်ႈ​ဢၼ်​တၢင်း​ၸႂ်​လဵၵ်ႉ​သူ ဢၼ်​မႅၼ်ႈ​တင်း​ဢလူဝ်ႇ​ၽြႃး​ပဵၼ်​ၸဝ်ႈ​ၼၼ်ႉ ၸၢင်ႈ​ပွင်​ႁဵတ်း​တၢင်း​ဢၼ်​ႁဵတ်း​သတီႉ​ၸိူဝ်ႉ​ၼင်ႇ​ႁိုဝ်။ တၢင်း​ဢၼ်​ၽေႇ​ဢပႅတ်ႈ​ၸိူဝ်ႉ​ၼင်ႇ​ႁိုဝ်။ တၢင်း​ဢၼ်​ၸႂ်​ႁွၼ်ႉ​ၸႂ်​မႆႈ​ၸိူဝ်ႉ​ၼင်ႇ​ႁိုဝ်။ တၢင်း​ဢၼ်​ၵူဝ်​ႁႄ​ၸိူဝ်ႉ​ၼင်ႇ​ႁိုဝ်။ တၢင်း​ဢၼ်​တူၵ်း​ဢၢင်ႈ​ၼႃႇ​လူင်​လၢင်​ၸိူဝ်ႉ​ၼင်ႇ​ႁိုဝ်။ တၢင်း​ဢၼ်​ၸီႇ​ယၢင်ႇ​တၢမ်ႇ​ၸွမ်း​ၼင်ႇ​တြႃး​ၸိူဝ်ႉ​ၼင်ႇ​ႁိုဝ်​ၸိူဝ်း​ၼၼ်ႉ ၵႃႈ​ၼႂ်း​သူ​ၼၼ်ႉ​တႃႉ၊ ၼႂ်း​ၵူႈ​ၸိူဝ်ႉ​ၵူႈ​ပိူင် သူ​ၼႄ​ပျႃး​လွင်ႈ​ဢၼ်​သူ ၵၢင်း​လွတ်ႈ​တင်း​ဢပႅတ်ႈ​ၼႂ်း​ဢမူႉ​ၼႆႉ​ထၢင်ႇ​ထၢင်ႇ​သႃး​သႃး​မႃး​ယဝ်ႉ။-</verse>
				<verse number="12">ၼင်ႇ​ၼၼ်​လႄႈ မိူဝ်ႈ​ဢၼ်​ၵဝ်​တႅမ်ႈ​လႄႈ​ပၼ်​ၵႂႃႇ​ၵႃႈ​တီႈ​သူ​ၼၼ်ႉ​ၸိုင်၊ ၵဝ်​ထွၵ်ႈ​လူၺ်ႈ​ၵေႃႉ​ဢၼ်​ၽိတ်း​ပိူင်ႈ ဢိၵ်ႇ​တင်း​ၵေႃႉ​ဢၼ်​လႆႈ​ၶၢမ်ႇ​တၢင်း​ၽိတ်း​ပိူင်ႈ​ၼၼ်ႉ​ၵူၺ်း​လႄႈ တႅမ်ႈ​ဢမ်ႇ​ၸႂ်ႈ၊ ၼင်ႇ​ႁိုဝ်​လွင်ႈ​ဢၼ်​သူ​မီး​ၸႂ်​ၸေႇတၼႃႇ ဢၼ်​ၶႂ်ႈ​ပွင်​ဢၵျူဝ်း​ႁဝ်း​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ တၵ်း​ထၢင်ႇ​သႃး​တီႈ​သူ​ၸိုင် ၵဝ်​ၸင်ႇ​တႅမ်ႈ​ဢေႃႈ။</verse>
				<verse number="13">ပိူဝ်ႈ​ၼႆ​လႄႈ​၊ ႁဝ်း​ၵေႃႈ​ႁွတ်ႈ​ထိုင်​တၢင်း​ဢၼ်​သၢၵ်ႈ​သႃႇ ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​ဢမ်ႇ​ၵႃး၊ ၵွပ်ႈ​ပိူဝ်ႈ​လွင်ႈ​ဢၼ် တီႉတူႉ ​သိူဝ်း​ပျေႃႇ​ၼၼ်ႉ​လႄႈ ႁဝ်း​ယဵင်ႈ​ၶႅၼ်း​သိူဝ်း​ပျေႃႇ​ဢေႃႈ၊ လွင်ႈ​မၼ်း​ၸမ်ႉ​၊ သူ​ၵႃႈ​မီး​တင်း​သဵင်ႈ​တင်း​လူင် ႁႂ်ႈ​ႁူဝ်​ၸႂ်​မၼ်း​သၢၵ်ႈ​သႃႇ​သိူဝ်း​ပျေႃႇ​ဢေႃႈ။-</verse>
				<verse number="14">သင်​ၵဝ်​လႆႈ​ဢဝ်​လွင်ႈ​သူ​လႄႈ​လၢတ်ႈ​ၵႂၢမ်း​ဢၼ်​ဢုပ်ႇ​ဝၢဝ်း​တီႈ​မၼ်း မိူဝ်ႈ​ဢွၼ်​ၼႆႉ​ၼၼ်ႉ​ၸိုင် တေႃႈ​လဵဝ်​ၼႆႉ ၵဝ်​ဢမ်ႇ​မီး​တၢင်း​ဢၼ်​ဢူၵ်း​ဢၼ်​ဢၢႆ၊ မိူၼ်​ၸိူဝ်ႉ​ၼင်ႇ​ဢၼ်​ႁဝ်း​လၢတ်ႈ​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၸိုဝ်ႈ​ၸိုဝ်ႈ​ၸႂ်ႈ​ၸႂ်ႈ​တီႈ​သူ​ၼၼ်ႉ၊ လွင်ႈ​ဢၼ်​ၵႂၢမ်း​ဢၼ်​ၵဝ်​ဢုပ်ႇ​ဝၢဝ်း​ၵႃႈ​တီႈ​ၽၢႆႇ​ၼႃႈ​ တီႉတူႉ ​ၼၼ်ႉ​ၵေႃႈ ပဵၼ်​ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ​ၸိုင် ထၢင်ႇ​သႃး​ယူႇ​ဢေႃႈ။-</verse>
				<verse number="15">ၵွပ်ႈ​ပိူဝ်ႈ​ဢၼ် မၼ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း၊ လွင်ႈ​ဢၼ်​သူ​ပႃး​တင်း တၢင်း​ဢၼ်​ၵူဝ်​ဢၼ်​သၼ်ႇ​၊ႁပ်ႉ​တုင်း​ဢဝ်​မၼ်း​သေ​လႄႈ ထွမ်ႇ​ဢဝ်​ၼၼ်ႉ​လႄႈ မၼ်း​ပျေႉ​ၸုမ်ႇ​တင်း​ၸႂ်​ဢၼ်​ႁၵ်ႉ​ဢဵတ်း​လူ မီး​မႅတ်ႈ​တႃႇ​ၵရူႉၼႃႇ​တီႈ​သူ ၼႃႇ​လူင်​လၢင်​ဢေႃႈ။-</verse>
				<verse number="16">ၵွပ်ႈ​ပိူဝ်ႈ​ဢၼ်​ၵဝ်​ယုမ်ႇ​သူ​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​လႆႈ​လႄႈ ၵဝ်​မီး​တၢင်း​ဢၼ်​သိူဝ်း​ပျေႃႇ​ဢေႃႈ။</verse>
			</chapter>
			<chapter number="8">
				<verse number="1">ပီႈ​ၼွင်ႉ​ၶဝ်​ဢိူၺ်း၊ ႁဝ်း​မွၵ်ႇ​လၢတ်ႈ​လွင်ႈ​ၵျေး​ၸူး ဢၼ်​ၽြႃး​ပဵၼ်​ၸဝ်ႈ ႁဵတ်း​တီႈ​ၸိူဝ်း​ၸဝ်ႈ​တင်း​လၢႆ ဢၼ်​မီး​ၼႂ်း​မိူင်း​ မႃႇၵေႇတေႃးၼီႉ ​ၼၼ်ႉ တီႈ​သူ​ဝႆႉ​ဢေႃႈ။-</verse>
				<verse number="2">ၸိူဝ်း​ၸဝ်ႈ​ၸိူဝ်း​ၼၼ်ႉ၊ ပိၵ်ႉ​သမ်ႉ​လႆႈ​ၶၢမ်ႇ​တၢင်း​ဢၼ်​ၸၢမ်း​တူၺ်း​ၼမ်​ၼႃႇ ၵႃႈ​ၼႂ်း​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​သေ​ၵေႃႈ၊ တၢင်း​သိူဝ်း​ပျေႃႇ​ၶဝ်​ဢၼ်​ယႂ်ႇ​ၼႃႇ ဢိၵ်ႇ​တင်း​တၢင်း​ဢၼ်​ၽၢၼ်​ၶဝ် ဢၼ်​သုမ်း​ၸွမ်း​ဢုၵ်ႉ​ၸႃႇ​ၼၼ်ႉ ၼမ်​ၵိုၼ်း​ပျေႉ​ၸုမ်ႇ​ဝႆႉ​တင်း​ၸေး​ၸိမ်ႇ တၢင်း​ဢၼ်​ၶဝ်​ၽႄ​ၸွၼ်း​ယိုၼ်ႈ​မႅင်ႇ​ဢေႃႈ။-</verse>
				<verse number="3">လွင်ႈ​မၼ်း​ၸမ်ႉ​၊ ၶဝ်​ၼၼ်ႉ​မီး​ၸေႇတၼႃႇ ဢၼ်​ၶႂ်ႈ​မႅင်ႇ​ပၼ် ၵႃႈ​ၼင်ႇ​ဢၼ်​တၢတ်ႈ​ၼိူင်ႇ​လႆႈ​ၵူၺ်း​ဢမ်ႇ​ၵႃး၊ လိူဝ်​တွၼ်း​သေ​တၢင်း​ဢၼ်​ၶဝ်​တၢတ်ႈ​ၼိူင်ႇ​လႆႈ​ၼၼ်ႉ​လူး​ၵွၼ်ႇ​ဝႃႈ​ၼႆ၊ ၵဝ်​ၶၢမ်ႇ​သၢၵ်ႈ​သေႇ​ဢေႃႈ။-</verse>
				<verse number="4">ၶဝ်​ၼၼ်ႉ​ၼင်ႇ​ႁိုဝ်​ႁဝ်း​တၵ်း​ဢဝ်​တႃႇ​ၼႃႉ​တၢင်း​လူႇ​ၶဝ်​လႄႈ ၸွႆႈ​ထႅမ်​လူၺ်ႈ​ၵၼ်​တင်း​ၶဝ်​ယူႇ၊ ပွင်​ႁဵတ်း​ဢမူႉ​တၢင်း​ဢၼ်​ႁဵတ်း​လဵင်ႉ​ႁဵတ်း​လူ တီႈ​ၵူၼ်း​မူတ်း​ၸၢင်ႇ​တင်း​လၢႆ​ယူႇ​ၸိုင်၊ ဢဝ်​တင်း​ၵႂၢမ်း​ဢၼ်​တိုၵ်း​ယူင်း​ၸူဝ်း​ဢဝ်​ၼႃႇ​လူင်​လၢင်​လႄႈ​တွင်း​ပၢၼ်ႇ​ႁဝ်း​ဢေႃႈ။-</verse>
				<verse number="5">မိူဝ်ႈ​ဢၼ်​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ႁဵတ်း​ၵႃႈ​ၼင်ႇ​ဢၼ်​ႁဝ်း​မုင်ႈ​ထႃႈ​မွင်း​ထႃႈ​ၼၼ်ႉ​ၵူၺ်း​ဢမ်ႇ​ၵႃး၊ ဢဝ်​တူဝ်​ၸဝ်ႈ​ၵဝ်ႇ​လူႇ​တီႈ​ၽြႃး​ပဵၼ်​ၸဝ်ႈ​ဢိၵ်ႇ​တင်း​ႁဝ်း​ဢွၼ်​တၢင်း၊ မႅၼ်ႈ​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​ တီႉတူႉ တၵ်း​ႁႂ်ႈ​ၵျေး​ၸူး​တၢင်း​လူႇ​ၼၼ်ႉ​ယဝ်ႉ​တူဝ်ႈ ၵႃႈ​ၼင်ႇ​ဢၼ်​မၼ်း​ႁဵတ်း​တီႈ​သူ​ယဝ်ႉ မိူဝ်ႈ​ဢွၼ်​တၢင်း​ၼၼ်ႉ​ၸိုင်​၊ ႁဝ်း​တွင်း​ပၢၼ်ႇ​မၼ်း​ဢေႃႈ။</verse>
				<verse number="7">ၼင်ႇ​ၼၼ်​လႄႈ ပိူဝ်ႈ​ဢၼ်​သူ​ၼမ်​ၵိုၼ်း​ပျေႉ​ၸုမ်ႇ​တင်း ၸႃႉ​ၸဵမ်​တၢင်း​ဢၼ်​ယုမ်ႇ​မၢတ်ႈ၊ တၢင်း​ဢၼ်​ႁေႃး​လၢတ်ႈ​တြႃး၊ တၢင်း​ဢၼ်​မီး​ၺၢၼ်ႇ၊ တၢင်း​ဢၼ်​ထူၼ်ႈ​တဵမ်​ဝႆႉ​တင်း သတီႉ​ၵူႈ​မဵဝ်း ဢိၵ်ႇ​တင်း​တၢင်း​ဢၼ်​ႁၵ်ႉ​ႁဝ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​လႄႈ ႁႂ်ႈ​မီး​တၢင်း​ဢၼ်​ၼမ်​ၵိုၼ်း ပျေႉ​ၸုမ်ႇ​ဝႆႉ​တင်း ၵျေး​ၸူး​ၼၼ်ႉ​သေ​ၵမ်း​လူၺ်ႈ။-</verse>
				<verse number="8">မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​ၸွမ်း​လူၺ်ႈ​ပိင်း​ၺၢပ်ႈ​လႄႈ​ဝႃႈ​ဢမ်ႇ​ၸႂ်ႈ၊ ၵဝ်​ဢိင်​တၢင်း​ဢၼ်​ပိူၼ်ႈ​ၵႆႉ​ၵျူဝ်း​ၸႃး​ၼၼ်ႉ​ယူႇ​သေ​လႄႈ ၸၢမ်း​တူၺ်း​လွင်ႈ​ဢၼ်​တၢင်း​ႁၵ်ႉ​မႅတ်ႈ​တႃႇ​သူ​မၢၼ်ႇ​မႅၼ်ႈ​ႁိုဝ်။ ဢမ်ႇ​မၢၼ်ႇ​မႅၼ်ႈ​ႁိုဝ်​ၼၼ်ႉ​လႄႈ ၸင်ႇ​ဝႃႈ​ဢေႃႈ။-</verse>
				<verse number="9">လွင်ႈ​မၼ်း​ၸမ်ႉ​သူ​ႁူႉ​ၵျေး​ၸူး​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ဢၼ်​မၼ်း​ၸဝ်ႈ​မီး​ၸေး​ၸိမ်ႇ​ယူႇ​သေ​ၵေႃႈ၊ ၶၢမ်ႇ​တၢင်း​ၽၢၼ်​ပုၼ်ႈ​သူ ႁႂ်ႈ​သူ​လႆႈ​မီး​ၸေး​ၸိမ်ႇ ၵွပ်ႈ​ပိူဝ်ႈ​တၢင်း​ၽၢၼ်​မၼ်း​ၸဝ်ႈ​ၼၼ်ႉ​ယူႇ​ဢေႃႈ။-</verse>
				<verse number="10">ၵဝ်​ၼႄ​ပျႃး​သၽေႃး​တူဝ်​ၸဝ်ႈ​ၵဝ်ႇ ၼႂ်း​လွင်ႈ​တၢင်း​ၼႆႉ​ဢေႃႈ၊ ပေႃး​သူ​ၸိူဝ်း​ဢၼ်​ၸႃႉ​ၸဵမ်​ပီႊ​ၵၢႆ​ၼၼ်ႉ​လႄႈ ၸႃႉ​ႁဵတ်း​ဢွၼ်​တၢင်း​ပိူၼ်ႈ​ဢမ်ႇ​ၵႃး၊ ပျေႉ​ၸုမ်ႇ​တင်း​ၸႂ်​ၸေႇတၼႃႇ ႁႂ်ႈ​လွင်ႈ​တၢင်း​ၼႆႉ​ယဝ်ႉ​တူဝ်ႈ​ၸိုင်​ယဵင်ႈ​ၶႅၼ်း​တၵ်း​လီ​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ မိူၼ်​ၸိူဝ်ႉ​ၼင်ႇ​ဢၼ်​သူ​မီး​ၸႂ်​ၸေႇတၼႃႇ​မိူဝ်ႈ​ၼၼ်​ၼၼ်ႉ၊ တေႃႈ​လဵဝ်​ၼႆႉ​ၵေႃႈ ႁဵတ်း​ၵႃႈ​ၼင်ႇ​ဢၼ်​တၢတ်ႈ​ၼိူင်ႇ​လႆႈ​လႄႈ ႁႂ်ႈ​လွင်ႈ​တၢင်း​ၼႆႉ​ယဝ်ႉ​တူဝ်ႈ​တႃႉ။</verse>
				<verse number="12">လွင်ႈ​မၼ်း​ၸမ်ႉ ပေႃး​ၸႂ်​ၸေႇတၼႃႇ​ၼၼ်ႉ​မီး​ဝႆႉ​ယဝ်ႉ​ၸိုင် ယင်း​ဢမ်ႇ​ထွၵ်ႈ​လူၺ်ႈ​ဢမူႉ ဢၼ်​ဢမ်ႇ​တၢတ်ႈ​ၼိူင်ႇ​လႆႈ​လႄႈ ထွၵ်ႈ​လူၺ်ႈ​ဢမူႉ​ဢၼ်​တၢတ်ႈ​ၼိူင်ႇ​လႆႈ​ၼၼ်ႉ​ၵူၺ်း​လႄႈ ပဵၼ်​ဢၼ်​ထုၵ်ႇ​ၸႂ်​မႅၼ်ႈ​ၸႂ်​မၼ်း​ၸဝ်ႈ​ဢေႃႈ။-</verse>
				<verse number="13">ၼႂ်း​တီႈ​ႁဵင်း​ၼႆႉ​၊ ၵဝ်​မီး​တၢင်း​ၵျၢမ်ႇ​တၢင်း​ပွင် ႁႂ်ႈ​ပိူၼ်ႈ​လႆႈ​ၵတ်း​ယဵၼ်​ၶျၢမ်း​သႃႇ​လႄႈ ႁႂ်ႈ​သူ​လႆႈ​မီး​တၢင်း​ယၢၵ်ႈ​တၢင်း​ၽၢၼ်​ဢမ်ႇ​ၸႂ်ႈ။-</verse>
				<verse number="14">ၵဝ်​ထွၵ်ႈ​လူၺ်ႈ​တြႃး​တၢင်း​ဢၼ်​ထၼ်ႈ​ပဵင်း​ၵၼ်​ၼၼ်ႉ​သေ​လႄႈ ၵဝ်​မီး​တၢင်း​ၵျၢမ်ႇ​တၢင်း​ပွင် ႁႂ်ႈ​ၸေး​ၸိမ်ႇ​သူ လႆႈ​ၸွႆႈ​လႆႈ​ထႅမ်​တၢင်း​ယၢၵ်ႈ​တၢင်း​ၽၢၼ်​ၶဝ် တေႃႈ​လဵဝ်​ၼႆႉ​လႄႈ ႁႂ်ႈ​ၸေး​ၸိမ်ႇ​ၶဝ် လႆႈ​ၸွႆႈ​လႆႈ​ထႅမ်​တၢင်း​ယၢၵ်ႈ​တၢင်း​ၽၢၼ်​သူ ၵမ်း​လိုၼ်း​ပုၼ်ႉ​ၼၼ်ႉ ႁႂ်ႈ​ပဵၼ်​တၢင်း​ဢၼ်​ထၼ်ႈ​ပဵင်း​ၵၼ်။-</verse>
				<verse number="15">မႅၼ်ႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၵေႃႉ​ဢၼ်​လႆႈ​ၼမ်​ၼမ်​ၼၼ်ႉ ဢမ်ႇ​လိူဝ်​ၵႂႃႇ၊ ၵေႃႉ​ဢၼ်​လႆႈ​ၵေႇ​ၵေႇ​ၼၼ်ႉ ဢမ်ႇ​လူဝ်ႇ​ထႅင်ႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="16">ၵျေး​ၸူး​ဢၼ်​ၽြႃး​ပဵၼ်​ၸဝ်ႈ ဢၼ်​ပၼ်​ၸႂ်​ၸေႇတၼႃႇ​တၢင်း​ဢၼ်​ၶႂ်ႈ​ပွင်​ႁဵတ်း​ဢၵျူဝ်း​သူ​ၸိူဝ်ႉ​ၼင်ႇ​ၼၼ်​တီႈ​ တီႉတူႉ ​ၼၼ်ႉ​ယႂ်ႇ​ၼႃႇ​လူင်​လၢင်​ဢေႃႈ။-</verse>
				<verse number="17">မၼ်း​ၼၼ်ႉ​ထွမ်ႇ​ဢဝ်​ၵႂၢမ်း​ဢၼ်​ၵဝ်​တိုၵ်း​ယူင်း​ၸူဝ်း​ဢဝ်​ၼၼ်ႉ​ၵူၺ်း​ဢမ်ႇ​ၵႃး၊ ၸႂ်​ၸေႇတၼႃႇ​ႁႅင်း​ယႂ်ႇ​ၼႃႇ​ယူႇ​သေ​လႄႈ ၵႂႃႇ​တီႈ​သူ​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="18">ၼွင်ႉ​ႁဝ်း​ဢၼ်​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​လႄႈ လႆႈ​ၶၢမ်ႇ​တၢင်း​ဢၼ်​ယွင်ႈ​ယေႃး​ၼႂ်း​ၸိူဝ်း​ၸဝ်ႈ၊​တင်း​သဵင်ႈ​တင်း​လူင်​ၼၼ်ႉ​ၵေႃႈ၊ ၵဝ်​ပွႆႇ​ၸႂ်ႉ​ၵႂႃႇ​လူၺ်ႈ​ၵၼ်​တင်း​မၼ်း​ၼၼ်ႉ​ဢေႃႈ။-</verse>
				<verse number="19">ၼွင်ႉ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​ၸိူဝ်း​ၸဝ်ႈ​တင်း​လၢႆ လိူၵ်ႈ​ၵဵပ်း​ဢဝ်​ၶၢၼ်း​ဝႆႉ ႁႂ်ႈ​လႆႈ​ၵႂႃႇ​လူၺ်ႈ​ၵၼ်​တင်း​ႁဝ်း ၼႂ်း​လွင်ႈ​တၢင်း​ဢၼ်​ႁဝ်း​ပွင်​ႁဵတ်း​ၵျေး​ၸူး တၢင်း​လူႇ​တၢင်း​တၢၼ်း​ၼၼ်ႉ​လႄႈ ႁႂ်ႈ​မုၼ်​သရေႇ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၸႂ်​ၸေႇတၼႃႇ​ႁဝ်း​ထၢင်ႇ​သႃး​ဢေႃႈ။-</verse>
				<verse number="20">ၼင်ႇ​ႁိုဝ်​ႁဝ်း​တၵ်း​ဢမ်ႇ​မီး​လွင်ႈ​ဢၼ်​တၵ်း​တၢင်ႇ​ဢပႅတ်ႈ ၼႂ်း​လွင်ႈ​ဢၼ်​ပွင်​ႁဵတ်း​ၵျေး​ၸူး တၢင်း​လူႇ​တၢင်း​တၢၼ်း​ၼမ်​ၼႃႇ​ၼၼ်ႉ​လႃး​လႃး​ၸိုင်၊ ႁဝ်း​ႁဵတ်း​သတီႉ​ယူႇ​ဢေႃႈ။-</verse>
				<verse number="21">ၵႃႈ​တီႈ​ၽၢႆႇ​ၼႃႈ​ၸဝ်ႈ​ၽြႃး​ၵူၺ်း​ဢမ်ႇ​ၵႃး၊ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ၵေႃႈ ႁဝ်း​ၵျၢမ်ႇ​ပွင်​လွင်ႈ​တၢင်း​ဢၼ်​လီ​ငၢမ်း​သၢင်ႇ​ထုၵ်ႇ​ၼၼ်ႉ​ယူႇ​ဢေႃႈ။</verse>
				<verse number="22">ၼွင်ႉ​ႁဝ်း​တၢင်ႇ​ၵေႃႉ​ၵေႃႈ၊ ႁဝ်း​ပွႆႇ​ၸႂ်ႉ​ၵႂႃႇ​လူၺ်ႈ​ၵၼ်​တင်း​ၶဝ်​သွင်​ၵေႃႉ​ၼၼ်ႉ​ဢေႃႈ၊ ၼွင်ႉ​ၼၼ်ႉ​ၸမ်ႉ၊ ၵႃႈ​ၼင်ႇ​ဢၼ်​ၵဝ်​ၸၢမ်း​တူၺ်း​ဢမ်ႇ​ႁူႉ​လၢႆ​ၽဝ်ႇ​လၢႆ​ပွၵ်ႈ​ၵႃႈ​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​လႄႈ လႆႈ​ႁူႉ​ၼၼ်ႉ​ပဵၼ်​ၵေႃႉ​ဢၼ်​လုမ်း​လႃး​ဝီႉရီႉယႃႉ​ႁဵတ်း​ဢေႃႈ၊ တေႃႈ​လဵဝ်​ၼႆႉ ပိူဝ်ႈ​ဢၼ်​မၼ်း​ယုမ်ႇ​သူ​ၼႃႇ​လူင်​လၢင်​လႄႈ မၼ်း​ယဵင်ႈ​ၶႅၼ်း​လုမ်း​လႃး​ဝီႉရီႉယႃႉ​ႁဵတ်း​ဢေႃႈ။-</verse>
				<verse number="23">ပေႃး​သေ​ၵေႃႉ​သေ​ၵူၼ်း​ထၢမ်​တူၺ်း​လွင်ႈ​ တီႉတူႉ ​ၸိုင်၊ မၼ်း​ပဵၼ်​ၵေႃႉ​သေႈ​ၵဝ်​ဢေႃႈ၊ ပဵၼ်​ၵေႃႉ​ဢၼ်​ပွင်​ႁဵတ်း​ဢမူႉ​သူ​လူၺ်ႈ​ၵၼ်​တင်း​ႁဝ်း​ဢေႃႈ၊ ပေႃး​ထၢမ်​တူၺ်း​လွင်ႈ​ပီႈ​ၼွင်ႉ​တၢင်ႇ​ၵေႃႉ​တင်း​လၢႆ​ၸမ်ႉ၊ ၶဝ်​ပဵၼ်​တမၢၼ်ႇ​ၸိူဝ်း​ၸဝ်ႈ​တင်း​လၢႆ​ဢေႃႈ၊ ပဵၼ်​မုၼ်​ၽုင်း​သရေႇ​ၸဝ်ႈ​ၶရိၸ်ႈ​ဢေႃႈ။-</verse>
				<verse number="24">ပိူဝ်ႈ​ၼႆ​လႄႈ ၼႄ​ပျႃး​လၢၵ်ႈၶၼႃႇ​သၢၵ်ႈ​သေႇ​တၢင်း​ႁၵ်ႉ​မႅတ်ႈ​တႃႇ​သူ ဢိၵ်ႇ​တင်း​လွင်ႈ​တၢင်း​ဢၼ်​ႁဝ်း​ဢုပ်ႇ​ဝၢဝ်း​ၵွပ်ႈ​ပိူဝ်ႈ​သူ​ၼၼ်ႉ တီႈ​ၶဝ် ၵႃႈ​တီႈ​ၽၢႆႇ​ၼႃႈ​ၸိူဝ်း​ၸဝ်ႈ​တင်း​လၢႆ​ထၢင်ႇ​ထၢင်ႇ​သႃး​သႃး​တႃႉ။</verse>
			</chapter>
			<chapter number="9">
				<verse number="1">လွင်ႈ​တၢင်း​ဢၼ်​ႁဵတ်း​လဵင်ႉ​ႁဵတ်း​လူ ၵူၼ်း​မူတ်း​ၸၢင်ႇ​တင်း​လၢႆ​ၼၼ်ႉ​ၸိုင် ပိၵ်ႉ​သမ်ႉ​ၵဝ်​တႅမ်ႈ​ပၼ်​ၵႂႃႇ​တီႈ​သူ​သေ​ၵေႃႈ ဢမ်ႇ​မီး​ဢၵျူဝ်း။-</verse>
				<verse number="2">လွင်ႈ​မၼ်း​ၸမ်ႉ၊ ၵဝ်​ႁူႉ​ၸႂ်​ၸေႇတၼႃႇ​သူ​၊ ဢၼ်​ၵဝ်​ဢဝ်​ဢုပ်ႇ​ဝၢဝ်း​လႄႈ​လၢတ်ႈ​တီႈ​ၵူၼ်း​ မႃႇၵေႇတေႃးၼီႉ ​တင်း​လၢႆ​လႄႈ​ဝႃႈ ၵူၼ်း​မိူင်း​ ဢၶႃႇယႃႉ ​ၸိူဝ်း​ၼၼ်ႉ​၊ မႄး​ႁႅၼ်း​ဝႆႉ​ၸဵမ်​မိူဝ်ႈ​ပီႊ​ၵၢႆ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ​ယူႇ​ဢေႃႈ၊ လွင်ႈ​တၢင်း​ဢၼ်​ၸႂ်​ၸေႇတၼႃႇ​သူ​၊ ႁႅင်း​ယႂ်ႇ​ၸိူဝ်ႉ​ၼင်ႇ​ၼႆ​ၼၼ်ႉ တိုၵ်း​ယူင်း​ၸူဝ်း​ဢဝ်​ၵူၼ်း​ၼႂ်း​ၶဝ်​ၼမ်​ၼႃႇ​ဢေႃႈ။-</verse>
				<verse number="3">ၵူၺ်း​ၵႃႈ​ၼင်ႇ​ႁိုဝ်​ၵႂၢမ်း​ဢၼ်​ႁဝ်း၊​ဢဝ်​လွင်ႈ​သူ​ဢုပ်ႇ​ဝၢဝ်း​ၼၼ်ႉ တၵ်း​ဢမ်ႇ​ပဵၼ်​ဢၼ်​လၢႆ​လၢႆ​လွၵ်ႇ​လွၵ်ႇ​လႄႈ သူ​တၵ်း​မႄး​ႁႅၼ်း​ဝႆႉ ႁႂ်ႈ​မႅၼ်ႈ​ၵၼ်​တင်း​ၵႂၢမ်း​ၼၼ်ႉ​ၸိုင် ၵဝ်​ပွႆႇ​ၸႂ်ႉ​ပီႈ​ၼွင်ႉ​ၵမ်ႈ​ၽွင်ႈ​ၵႂႃႇ​ဢေႃႈ။-</verse>
				<verse number="4">ပေႃး​ဢမ်ႇ​ၼၼ်​ပေႃး​ၵူၼ်း​ မႃႇၵေႇတေႃးၼီႉ ​ၵမ်ႈ​ၽွင်ႈ မႃး​လူၺ်ႈ​ၵၼ်​တင်း​ၵဝ်​လႄႈ ထူပ်း​ႁၼ်​သူ​ဢမ်ႇ​မႄး​ႁႅၼ်း​ဝႆႉ​ၸိုင်၊သူ​တၵ်း​ဢူၵ်း​ဢၢႆ​ႁဝ်း​ဢမ်ႇ​ဝႃႈ၊ ႁဝ်း​ဢၼ်​ဢုပ်ႇ​ဝၢဝ်း​ႁတ်း​ႁတ်း​ႁၢၼ်​ႁၢၼ်​ယဝ်ႉ​ၼႆႉ တၵ်း​လႆႈ​ၶၢမ်ႇ တၢင်း​ဢူၵ်း​တၢင်း​ဢၢႆ​ဢေႃႈ။</verse>
				<verse number="5">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​ပီႈ​ၼွင်ႉ​ၸိူဝ်း​ၼၼ်ႉ တၵ်း​ၵႂႃႇ​ဢွၼ်​တၢင်း​ၸူး​တီႈ​သူ​လႄႈ ႁႂ်ႈ​ၵျေး​ၸူး​တၢင်း​လူႇ​တၢင်း​တၢၼ်း ဢၼ်​သူ​လႆႈ​လၢတ်ႈ​ဝႆႉ​ယဝ်ႉ​မိူဝ်ႈ​ဢွၼ်​တၢင်း​ၼၼ်ႉ ၸေး​ၸုမ်ႇ​ဝႆႉ​ဢွၼ်​တၢင်း ႁႂ်ႈ​သူ​လႆႈ​မႄး​ႁႅၼ်း​ဝႆႉ​ၸိူဝ်ႉ​ၼင်ႇ ဢုၵ်ႉ​ၸႃႇ​ဢၼ်​လႆႈ​ႁဵတ်း​ပႄႉ​ႁဵတ်း​ၼႅင်ႇ​လႄႈ​လူႇ​ၼၼ်ႉ ဢမ်ႇ​ၸႂ်ႈ၊ ႁႂ်ႈ​သူ​လႆႈ​မႄး​ႁႅၼ်း​ဝႆႉ​ၸိူဝ်ႉ​ၼင်ႇ​ဢၼ်​ႁဵတ်း​ၵျေး​ၸူး​ၼၼ်ႉ​ၸိုင်​၊ ၵဝ်​ယင်း​ဢမ်ႇ​တိုၵ်း​ယူင်း​ၶဝ်​လႄႈ​ဢမ်ႇ​လီ​ယူႇ​ဝႃႈ​ၼႆ​၊ မီး​သၽေႃး​ဢေႃႈ။-</verse>
				<verse number="6">ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ဢိတ်း​ၼိုင်ႈ​ၵူၺ်း​ၼၼ်ႉ တၵ်း​လႆႈ​ပၢတ်ႇ​ၶဝ်ႈ ဢိတ်း​ၼိုင်ႈ​ၵူၺ်း၊ ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼမ်​ၼႃႇ​ၼၼ်ႉ တၵ်း​လႆႈ​ပၢတ်ႇ​ၶဝ်ႈ​ၼမ်​ၼႃႇ​ဢေႃႈ​ဝႃႈ​ၼႆ မၢတ်ႈ​တွင်း​ဝႆႉ​တႃႉ။-</verse>
				<verse number="7">ၵူၼ်း​ၵူႈ​ၵေႃႉ​တၵ်း​လႆႈ​လူႇ ၸွမ်း​ၵႃႈ​ၼင်ႇ​ဢၼ်​တူဝ်​ၸဝ်ႈ​ၵဝ်ႇ မၵ်း​ၶၢၼ်း​ဝႆႉ​ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ​ဢေႃႈ၊ ဢမ်ႇ​လႆႈ​ပႃး​တင်း​ၸႂ်​ဢၼ်​သေ​လၢႆ​သေ​လႄႈ​လူႇ၊ ဢမ်ႇ​လႆႈ​ပႃး​တင်း​ၸႂ်​ဢၼ်​ထၢင်ႇ​လႄႈ​ဝႃႈ၊ ပေႃး​ယင်း​ဢမ်ႇ​လူႇ​ၸိုင်​ဢမ်ႇ​လႆႈ​ယူႇ၊ ဝႃႈ​ၼင်ႇ​ၼႆ​ၼၼ်ႉ​သေ​လႄႈ​လူႇ၊ လွင်ႈ​မၼ်း​ၸမ်ႉ​ၽြႃး​ပဵၼ်​ၸဝ်ႈ​ႁၵ်ႉ​ၵေႃႉ​ဢၼ်​ပႃး​တင်း​ၸႂ်​ၸေႇတၼႃႇ​သေ​လႄႈ​လူႇ​ၼၼ်ႉ​ၵူၺ်း​ဢေႃႈ။-</verse>
				<verse number="8">လွင်ႈ​ၼင်ႇ​ႁိုဝ်​သူ​တၵ်း​မီး​ဢုၵ်ႉ​ၸႃႇ ၵႃႈ​ဢၼ်​ၵုမ်ႇ​ၸူၵ်း​ၵုမ်ႇ​ၸၢႆႇ​သေႇ​သေႇ ၼႂ်း​လွင်ႈ​ၵူႈ​ၸိူဝ်ႉ​ၵူႈ​ပိူင်​လႄႈ ၼမ်​ၵိုၼ်း​ပျေႉ​ၸုမ်ႇ​တင်း တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​ၵူႈ​မဵဝ်း​ၼၼ်ႉ​ၸိုင် ၽြႃး​ပဵၼ်​ၸဝ်ႈ​တၢတ်ႈ​ၼိူင်ႇ​ႁႂ်ႈ​သူ​လႆႈ​ၼမ်​ၵိုၼ်း​ပျေႉ​ၸုမ်ႇ တင်း​သူႉ​ၵျေး​ၸူး​မင်ႇၵလႃႇ ၵူႈ​ၸိူဝ်ႉ​ၵူႈ​ဢၼ်​ယူႇ​ဢေႃႈ။-</verse>
				<verse number="9">မႅၼ်ႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ မၼ်း​ၼၼ်ႉ​ၽႄ​ၸွၼ်း​ယဝ်ႉ၊ မၼ်း​ယိုၼ်ႈ​မႅင်ႇ​ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ယဝ်ႉ၊ တၢင်း​သိုဝ်ႈ​တေႃႇ​မၼ်း​ၸၢင်ႈ​တႄႇ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="10">ၸဝ်ႈ​ဢၼ်​ပၼ်​ၸိူဝ်ႉ​ပၼ်​ၽၼ်း ဢိၵ်ႇ​တင်း​ဢႁႃႇရႃႉ​တၢင်း​ၵိၼ် တီႈ​ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼၼ်ႉ​တၵ်း​ပၼ်​ၸိူဝ်ႉ​ၽၼ်း တီႈ​သူ​လႄႈ ႁႂ်ႈ​မၼ်း​ၼမ်​မႃး​ၵိုၼ်း​မႃး​ဢေႃႈ၊ ဢၵျူဝ်း​တၢင်း​သိုဝ်ႈ​တေႃႇ​သူ​ၼၼ်ႉ​ၵေႃႈ မၼ်း​ၸဝ်ႈ​တၵ်း​ႁႂ်ႈ​ၽႄႈ​ၵႂၢင်ႈ​ၼမ်​ၵိုၼ်း​မႃး​ဢေႃႈ။-</verse>
				<verse number="11">ၼင်ႇ​ၼၼ်​လႄႈ သူ​မီး​တၢင်း​ဢၼ်​ပျေႉ​ၸုမ်ႇ​လိူင်ႇ​ၸႂ် ၼႂ်း​ၵူႈ​ၸိူဝ်ႉ​ၵူႈ​ပိူင်​ပုၼ်ႈ​လွင်ႈ​တၢင်း​ဢၼ်​မီး​တင်း​ၸႂ်​ၸေႇတၼႃႇ​သေ​လႄႈ ၽႄ​ၸွၼ်း​ယိုၼ်ႈ​မႅင်ႇ​ၵူႈ​ၸိူဝ်ႉ​ၵူႈ​မဵဝ်း​ဢၼ်​ပွင်​ႁဵတ်း​တၢင်း​ဢၼ်​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ႁဝ်း​ၼၼ်ႉ​ယူႇ​ဢေႃႈ။-</verse>
				<verse number="12">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ လွင်ႈ​တၢင်း​ဢၼ်​ႁဵတ်း​လဵင်ႉ​ႁဵတ်း​လူ​ၼၼ်ႉ ၸွႆႈ​ထႅမ်​တၢင်း​ယၢၵ်ႈ​တၢင်း​ၽၢၼ် ၵူၼ်း​မူတ်း​ၸၢင်ႇ​တင်း​လၢႆ​ၵူၺ်း​ဢမ်ႇ​ၵႃး၊ ပျေႉ​ၸုမ်ႇ​ဝႆႉ​တင်း လွင်ႈ​တၢင်း​ဢၼ် လီ​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ​ၼမ်​ၼႃႇ​ဢေႃႈ။-</verse>
				<verse number="13">မိူဝ်ႈ​ဢၼ်​ၶဝ်​ထွၵ်ႈ​လူၺ်ႈ​လၢၵ်ႈၶၼႃႇ​သၢၵ်ႈ​သေႇ လွင်ႈ​တၢင်း​ဢၼ်​သူ​ႁဵတ်း​လဵင်ႉ​ႁဵတ်း​လူ​ၼၼ်ႉ​ၸိုင် ၶဝ်​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​သူ​ၸွမ်း​ဢလူဝ်ႇ​တြႃး​သတၢင်း​သိူဝ်း​ပျေႃႇ​ၸဝ်ႈ​ၶရိၸ်ႈ​ထၢင်ႇ​ထၢင်ႇ​သႃး​သႃး ဢိၵ်ႇ​တင်း​ၵွပ်ႈ​ပိူဝ်ႈ​လွင်ႈ​တၢင်း​ဢၼ်​သူ မီး​တင်း​ၸႂ်​ၸေႇတၼႃႇ​သေ​လႄႈ ၽႄ​ၸွၼ်း​ယိုၼ်ႈ​မႅင်ႇ​ၼမ်​ၼႃႇ​တီႈ​ၸႃႉ​ၸဵမ်​ၶဝ်​ၼၼ်ႉ ဢိၵ်ႇ​တင်း​ၵူၼ်း​တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="14">ၶဝ်​ၼၼ်ႉ​သူး​တွင်း​ပုၼ်ႈ​သူ​လႄႈ မီး​ၸႂ်​ဢၼ်​ႁၵ်ႉ​ႁူမ်​ၸူမ်း​တွၼ်ႈ​သူ ၼႃႇ​လူင်​လၢင်​ၵွပ်ႈ​ပိူဝ်ႈ​ဢၼ်​ၶဝ်​ထွၵ်ႈ​လူၺ်ႈ​ၵျေး​ၸူး​ၽြႃး​ပဵၼ်​ၸဝ်ႈ ဢၼ်​မျၢတ်ႈ​လီ​ၼႃႇ​ၼႂ်း​သူ​ၼၼ်ႉ​ဢေႃႈ။-</verse>
				<verse number="15">ႁႂ်ႈ​မီး​တၢင်း​ဢၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ ပုၼ်ႈ​သူႉ​ၵျေး​ၸူး​မၼ်း​ၸဝ်ႈ​ဢၼ်​လၢတ်ႈ​ဢမ်ႇ​သဵင်ႈ​လႆႈ​ၼၼ်ႉ​သေ​ၵမ်း​လူၺ်ႈ။</verse>
			</chapter>
			<chapter number="10">
				<verse number="1">ၵဝ်​ပေႃး​လူႉ​၊ဢၼ်​မီး​တၢင်း​ဢၼ်​ၶျႃး​တႅမ်ႇ​၊ၵႃႈ​တီႈ​သိုဝ်ႈ​ၼႃႈ​တႂ်ႈ​တႃ​သူ၊ ဢၼ်​မီး​တၢင်း​ဢၼ်​ၸီႇ​ယၢင်ႇ​သူ ႁတ်း​ႁတ်း​ႁၢၼ်​ႁၢၼ်​ၵႃႈ​တီႈ​ဢၼ်​လပ်ႉ​လင်​သူ​ၼႆႉ ဢဝ်​လွင်ႈ​တၢင်း​ဢၼ် ၸဝ်ႈ​ၶရိၸ်ႈ​ၼိမ်​သိမ်ႇ​ဢူၼ်ႈ​ဢွၼ်ႇ​ၼၼ်ႉ​လႄႈ တွင်း​ပၢၼ်ႇ​သူ​ၶႃႈ​ဢေႃႈ။-</verse>
				<verse number="2">လွင်ႈ​ၼင်ႇ​ႁိုဝ် မိူဝ်ႈ​ဢၼ်​ၵဝ်​ႁွတ်ႈ​ထိုင်​တီႈ​ဢၼ်​သူ​မီး​ၼၼ်ႉ ၵဝ်​တၵ်း​ဢမ်ႇ​လႆႈ​မီး​တၢင်း​ဢၼ်​ႁတ်း​ႁၢၼ် ၸိူဝ်ႉ​ၼင်ႇ​တၢင်း​ဢၼ်​ႁတ်း​ႁၢၼ် ဢၼ်​ၵဝ်​ၵျၢမ်ႇ​ပွင်​တီႈ​ၶဝ်​ၸိူဝ်း​ဢၼ် မၢတ်ႈ​ႁဝ်း​ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​ၸွမ်း​ဢလူဝ်ႇ​ၸႃႇ​တီႉ​ပၵတီႉ​လႄႈ​ၵမ်​ၵျၢင်ႉ​ၼၼ်ႉ​ၸိုင်​၊ ၵဝ်​တွင်း​ပၢၼ်ႇ​သူ​ၶႃႈ​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ် ဝႃႈ​ၼႆ​ၸမ်ႉ၊ ပိၵ်ႉ​သမ်ႉ​ႁဝ်း​ၵႂႃႇ​မႃး​ၼႂ်း​ၸႃႇ​တီႉ​ၵူၼ်း​ယူႇ​သေ​ၵေႃႈ၊ ႁဝ်း​ၸွမ်း​ဢလူဝ်ႇ​ၸႃႇ​တီႉ​ပၵတီႉ​သေ​လႄႈ တိုၵ်း​သိုၵ်း​ဢမ်ႇ​ၸႂ်ႈ။-</verse>
				<verse number="4">လၢၵ်ႈ​ၼၢၵ်ႈ​ဢၼ်​ႁဝ်း​ယိပ်း​ၵမ်​လႄႈ တိုၵ်း​သိုၵ်း​ၸိူဝ်း​ၼၼ်ႉ ပဵၼ်​လၢၵ်ႈ​ၼၢၵ်ႈ​ၸႃႇ​တီႉ​ပၵတီႉ​ဢမ်ႇ​ၸႂ်ႈ၊ ပဵၼ်​လၢၵ်ႈ​ၼၢၵ်ႈ​ဢၼ်​မီး​တၼ်း​ၶူဝ်း​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​လႄႈ ၸၢင်ႈ​ယႃႉ​ၽဵဝ်ႈ​လမ်း​ဝဵင်း​လမ်း​တပ်ႉ​ပႅတ်ႈ​ဢေႃႈ။-</verse>
				<verse number="5">ႁဝ်း​ပႃး​တင်း​လၢၵ်ႈ​ၼၢၵ်ႈ​ၼၼ်ႉ​သေ​လႄႈ ဢဝ်​တၢင်း​ၵျၢမ်ႇ​တၢင်း​ပွင်​ၵူၼ်း​တင်း​လၢႆ၊ မႃႇၼႃႉ​တၢင်း​ဢၼ်​ၸႂ်​သုင်​ဢၼ် ႁႄႉ​ၶႅၼ်​ပိင်ႇ​ၺႃႇ​ဢၼ်​ႁူႉ​ၽြႃး​ပဵၼ်​ၸဝ်ႈ ၵႃႈ​မီး​ၼၼ်ႉ​ၶျႃး​တူၵ်း​တီႈ​တႅမ်ႇ ၶႂမ်ႈ​ပိၼ်ႈ​ပႅတ်ႈ​လႄႈ တီႉ​ဢဝ်​ၸႂ်​ၵႃႈ​မီး​တင်း​သဵင်ႈ​တင်း​လူင်​ၵႂႃႇ​ၶျုၵ်ႈ​ဝႆႉ​ယူႇ​သေ​လႄႈ၊ ႁႂ်ႈ​ထွမ်ႇ​ဢဝ်​ၵႂၢမ်း​ၸဝ်ႈ​ၶရိၸ်ႈ​ဢေႃႈ။-</verse>
				<verse number="6">တၢင်း​ဢၼ်​သူ​ထွမ်ႇ​ဢဝ်​ၼၼ်ႉ​ပျေႉ​ၸုမ်ႇ​သေ​ယဝ်ႉ၊ လွင်ႈ​ၼင်ႇ​ႁိုဝ်​တၵ်း​လႆႈ​ပၼ်​တၢမ်ႇ​တီႈ​ၶဝ်​ၸိူဝ်း​ဢၼ်​ဢမ်ႇ​ထွမ်ႇ​လႄႈ​ယူႇ တင်း​သဵင်ႈ​တင်း​လူင်​ၼၼ်ႉ​ၸိုင် ႁဝ်း​မႄး​ႁႅၼ်း​ဝႆႉ​ယဝ်ႉ။</verse>
				<verse number="7">သူ​ၸၢင်ႈ​တူၺ်း​ၼႃႈ​ၵူၺ်း​ႁိုဝ်။ ပေႃး​သေ​ၵေႃႉ​သေ​ၵူၼ်း ယုမ်ႇ​တူဝ်​ၸဝ်ႈ​ၵဝ်ႇ​လႄႈ​ဝႃႈ၊ ၵဝ်​ပဵၼ်​ၵူၼ်း​ၸဝ်ႈ​ၶရိၸ်ႈ​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ႁႂ်ႈ​မၼ်း​ၼၼ်ႉ​သမ်ႉ​ၶႆႈ​ၸႂ်​ဝူၼ်ႉ​ၸႂ်​တူၺ်း​တူဝ်​ၸဝ်ႈ​ၵဝ်ႇ လွင်ႈ​ဢၼ်​ႁဝ်း​ပဵၼ်​ၵူၼ်း​ၸဝ်ႈ​ၶရိၸ်ႈ ၸိူဝ်ႉ​ၼင်ႇ​ဢၼ်​မၼ်း​ပဵၼ် ၵူၼ်း​ၸဝ်ႈ​ၶရိၸ်ႈ​ၼၼ်ႉ​လႄႈ​ႁူႉ​တႃႉ။-</verse>
				<verse number="8">ပိၵ်ႉ​သမ်ႉ​ၵဝ်​ယဵင်ႈ​ၶႅၼ်း​ဢုပ်ႇ​ဝၢဝ်း​လူၺ်ႈ​လွင်ႈ​တၼ်း​ၶူဝ်း ဢၼ်​ၽြႃး​ပဵၼ်​ၸဝ်ႈ​ဢၢပ်ႈ​ပၼ်​တီႈ​ႁဝ်း ပုၼ်ႈ​ဢၼ်​တၵ်း​ယႃႉ​ၽဵဝ်ႈ​သူ​ပႅတ်ႈ​ဢမ်ႇ​ၸႂ်ႈ၊ ပုၼ်ႈ​ဢၼ်​တၵ်း​တႄႇ​ႁဵတ်း​သူ​ၼၼ်ႉ​သေ​ၵေႃႈ၊ လွင်ႈ​ဢၼ်​တၵ်း​လီ​ဢူၵ်း​လီ​ဢၢႆ​ဢမ်ႇ​မီး။-</verse>
				<verse number="9">ၵဝ်​ဢမ်ႇ​ၶႂ်ႈ​ဢဝ်​တင်း​လိၵ်ႈ ဢၼ်​ၵဝ်​တႅမ်ႈ​ပၼ်​ၼၼ်ႉ​ၵူၺ်း ႁဵတ်း​ၸိူဝ်ႉ​ၼင်ႇ​ႁၢင်ႈ​ဢၼ်​လွၵ်ႇ​သူ။-</verse>
				<verse number="10">လွင်ႈ​မၼ်း​ၸမ်ႉ​မီး​ၶဝ်​ၸိူဝ်း​ဢၼ်​ၸၢင်ႈ​လၢတ်ႈ​လႄႈ​ဝႃႈ၊ လိၵ်ႈ​မၼ်း​ၼၼ်ႉ​ပဵၼ်​လိၵ်ႈ​ဢၼ်​ၼၵ်း​ၼႃႇ​လႄႈ ပျေႉ​ၸုမ်ႇ​တင်း​တၼ်း​ၶူဝ်း​ဢေႃႈ၊ ပေႃး​တူဝ်​မၼ်း​မီး​ၸမ်ႉ၊ ပဵၼ်​ၵေႃႉ​ဢၼ်​ဢမ်ႇ​မီး​ႁႅင်း​လႄႈ​လၢတ်ႈ​ၵႂၢမ်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="11">ႁႂ်ႈ​ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ ၶႆႈ​ၸႂ်​လႄႈ​ႁူႉ​လွင်ႈ​ဢၼ်​ႁဝ်း တၵ်း​ႁဵတ်း​ၼႂ်း​မိူဝ်ႈ​ဢၼ်​ႁဝ်း​မီး​ယူႇ​သိုဝ်ႈ​ၼႃႈ​တႂ်ႈ​တႃ​သူ​ၼၼ်ႉ တၵ်း​မိူၼ်​ၸိူဝ်ႉ​ၼင်ႇ​ဢၼ်​ႁဝ်း​ပဵၼ်​ၼႂ်း​ၵႂၢမ်း​ဢၼ်​ပႃး​ၵႃႈ​ၼႂ်း​လိၵ်ႈ ၼႂ်း​မိူဝ်ႈ​ဢၼ်​ႁဝ်း​ဢမ်ႇ​မီး​ယူႇ​ၵႃႈ​တီႈ​သူ​ၼၼ်ႉ​တႃႉ။</verse>
				<verse number="12">ႁဝ်း​ဢမ်ႇ​ႁတ်း​ႁဵတ်း တၢင်း​ဢၼ်​ၶဝ်ႈ​ပႃး​လႄႈ​ၼပ်ႉ​ဢၢၼ်ႇ ဢိၵ်ႇ​တင်း​တၢင်း​ဢၼ်​တႅၵ်ႈ​တူၺ်း လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ယွင်ႈ​ယေႃး​တူဝ်​ၸဝ်ႈ​ၵဝ်ႇ​ၼၼ်ႉ၊​ၶဝ်​ၼၼ်ႉ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ် ႁဵတ်း​တၢင်း​ဢၼ်​ၶိုင်​ၼိူင်း ဢိၵ်ႇ​တင်း​တၢင်း​ဢၼ်​တႅၵ်ႈ​တူၺ်း​ၵၼ်​လႄႈ ပဵၼ်​ဢၼ်​ဢမ်ႇ​မီး​ပိင်ႇ​ၺႃႇ​ဢေႃႈ။-</verse>
				<verse number="13">လိူဝ်​သေ​ၼၼ်ႉ ႁဝ်း​ဢမ်ႇ​ႁတ်း​မီး​တၢင်း​ဢၼ်​ဢုပ်ႇ​ဝၢဝ်း လူၺ်ႈ​လွင်ႈ​တၢင်း​ဢၼ်​ပူၼ်ႉ​လိူဝ် ပုၼ်ႈ​တႃႇ​တူဝ်​ၸဝ်ႈ​ၵဝ်ႇ​သေ​လႄႈ​ႁဵတ်း​ၼၼ်ႉ၊ ႁဝ်း​ႁတ်း​မီး​တၢင်း​ဢၼ်​ႁဝ်း​ဢုပ်ႇ​ဝၢဝ်း​ၵႃႈ​ၼႂ်း တၢင်း​ဢၼ်​တႅၵ်ႈ​တူၺ်း​ပုၼ်ႈ​တႃႇ ဢၼ်​ၽြႃး​ပဵၼ်​ၸဝ်ႈ​မႅင်ႇ​ပၼ်​တီႈ​ႁဝ်း ဢၼ်​ၶိုတ်း​ထိုင်​ႁွတ်ႈ​တီႈ​သူ​ယူႇ​ၼၼ်ႉ​ၵူၺ်း​ဢေႃႈ။-</verse>
				<verse number="14">ႁဝ်း​ပူၼ်ႉ​လိူဝ်​သေ​လႄႈ ႁဵတ်း​မိူၼ်​ၸိူဝ်ႉ​ၼင်ႇ​ဢၼ် ႁဝ်း​ဢမ်ႇ​ၶိုတ်း​ထိုင်​ႁွတ်ႈ​တီႈ​သူ​ၼၼ်ႉ​ဢမ်ႇ​ၸႂ်ႈ၊ လွင်ႈ​မၼ်း​ၸမ်ႉ၊ ႁဝ်း​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၸဝ်ႈ​ၶရိၸ်ႈ​လႄႈ ႁွတ်ႈ​ထိုင်​ၵႃႈ​တီႈ​ဢၼ်​သူ​မီး​ၼၼ်ႉ​ယဝ်ႉ။-</verse>
				<verse number="15">ႁဝ်း​မီး​တၢင်း​ဢၼ်​ဢုပ်ႇ​ဝၢဝ်း​ၵွပ်ႈ​ပိူဝ်ႈ​ဢၼ်​ပူၼ်ႉ​လိူဝ် ပုၼ်ႈ​တႃႇ​တူဝ်​ၸဝ်ႈ​ၵဝ်ႇ​သေ​လႄႈ ၶဝ်ႈ​ၵႃႈ​ၼႂ်း​တၢင်း​ႁဵတ်း​ပိူၼ်ႈ​ဢမ်ႇ​ၸႂ်ႈ၊ ႁဝ်း​မုင်ႈ​ထႃႈ​မွင်း​ထႃႈ​လွင်ႈ​ဢၼ် ပေႃး​ပႃႇရမီႇ​တၢင်း​ယုမ်ႇ​မၢတ်ႈ​သူ​ယႂ်ႇ​ၵႂၢင်ႈ​ၼမ်​မႃး​ယဝ်ႉ​ၸိုင်၊ ၵႃႈ​ၼင်ႇ​ပုၼ်ႈ​တႃႇ​ႁဝ်း​ၼၼ်ႉ ႁဝ်း​တၵ်း​လႆႈ​ၶၢမ်ႇ​တၢင်း​ဢၼ်​ယႂ်ႇ​ၵႂၢင်ႈ​ၼမ်​မႃး​ၼႃႇ​လူင်​လၢင်၊-</verse>
				<verse number="16">ထၼ်ႈ​ပေႃး​ႁဝ်း​ယင်း​ဢမ်ႇ​မီး​တၢင်း​ဢၼ်​ဢုပ်ႇ​ဝၢဝ်း ၼႂ်း​လွင်ႈ​တၢင်း​ဢၼ်​ပိူၼ်ႈ​မႄး​ႁဵတ်း​ဝႆႉ​လႄႈ ပဵၼ်​ပုၼ်ႈ​တႃႇ​ပိူၼ်ႈ​ၼၼ်ႉ​လႄႈ လႆႈ​ဢၶႂၢင်ႉ​ဢၼ်​လႆႈ​ၶၢမ်ႈ​ၵႂႃႇ​ၵႃႈ​တီႈ​ၽၢႆႇ​ပုၼ်ႉ​မိူင်း​သူ​သေ​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၼၼ်ႉ​ယူႇ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ​ႁႂ်ႈ​ၵေႃႉ​ဢၼ်​ၶႂ်ႈ​ဢုပ်ႇ​ဝၢဝ်း​ၼၼ်ႉ ဢုပ်ႇ​ဝၢဝ်း​ၼႂ်း​ၽြႃး​ပဵၼ်​ၸဝ်ႈ​တႃႉ။-</verse>
				<verse number="18">လွင်ႈ​မၼ်း​ၸမ်ႉ၊ ၵေႃႉ​ဢၼ်​ယွင်ႈ​ယေႃး​တူဝ်​ၸဝ်ႈ​ၵဝ်ႇ​ၼၼ်ႉ ပဵၼ်​ၵေႃႉ​ဢၼ်​မၼ်း​ၸဝ်ႈ​ႁပ်ႉ​တုင်း​ဢဝ်​ဢမ်ႇ​ၸႂ်ႈ၊ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ၸဝ်ႈ​ၽြႃး​ယွင်ႈ​ယေႃး​ၼၼ်ႉ​ၵူၺ်း ပဵၼ်​ၵေႃႉ​ဢၼ်​မၼ်း​ၸဝ်ႈ​ႁပ်ႉ​တုင်း​ဢဝ်​ဢေႃႈ။</verse>
			</chapter>
			<chapter number="11">
				<verse number="1">ၵဝ်​မီး​ဢလူဝ်ႇ၊ၶႂ်ႈ​ႁႂ်ႈ​သူ​ယိူၼ်ႉ​ၶၢမ်ႇ၊​တၢင်း​ဢၼ်​ၵဝ်​မိူၵ်ႈ​လပ်း​သိင်ႇ​ၼၼ်ႉ​၊ၵမ်း​ဢွၼ်ႇ​ၼိုင်ႈ​ဢေႃႈ၊ၵူၺ်း​ၵႃႈ​သူ​ယိူၼ်ႉ​ၶၢမ်ႇ​ယူႇ​ဢေႃႈ။-</verse>
				<verse number="2">လွင်ႈ​မၼ်း​ၸမ်ႉ၊ ၵွပ်ႈ​ပိူဝ်ႈ​ဢၼ်​၊ၵဝ်​ဢဝ်​သူ​ဢၢပ်ႈ​ပၼ်​တီႈ​ၽူဝ်​ၵေႃႉ​လဵဝ် ႁႂ်ႈ​လႆႈ​ဢဝ်​သူ​သၢၵ်ႈ​ၵၢပ်ႈ​တီႈ​ၸဝ်ႈ​ၶရိၸ်ႈ မိူၼ်​ၸိူဝ်ႉ​ၼင်ႇ​၊ၵၼ်ႇ​ၺႃႇ​လုၵ်ႈ​ယိင်း​သၢဝ်​၊ဢၼ်​ပျေႉ​ၸုမ်ႇ​တင်း​သီႇ​လႃႉ​ၼၼ်ႉ​ယဝ်ႉ​လႄႈ ၵဝ်​မီး​တင်း​တၢင်း​ဢၼ်၊​မႆႈ​ၸႂ်​ၶီ​ၸႂ်​ၸွမ်း​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ​ၼၼ်ႉ​သေ​လႄႈ ပႂ်ႉ​လူ​ပႂ်ႉ​တူၺ်း​သူ​ယူႇ​ဢေႃႈ။-</verse>
				<verse number="3">ၵဝ်​ၵူဝ်​ၸႂ်​သူ​တၵ်း​လူႉ​လႄႈ၊​တၢင်း​ဢၼ်​ပႃး​တင်း​ႁူဝ်​ၸႂ်​သဵင်ႈ​သဵင်ႈ​၊ႁၵ်ႉ​ၸဝ်ႈ​ၶရိၸ်ႈ​ၼၼ်ႉ​၊တၵ်း​ႁၢႆ​ၵႂႃႇ မိူၼ်​ၸိူဝ်ႉ​ၼင်ႇ​ဢၼ်၊​ငူး​ဢဝ်​တင်း​ပရီႉယႄႇ​တူဝ်​ၸဝ်ႈ​ၵဝ်ႇ​သေ​လႄႈ၊​ပႅတ်ႉ​လႅၼ်​ ဢေးဝႃႉ ​ၼၼ်ႉ​ဢေႃႈ။-</verse>
				<verse number="4">ပေႃး​ၵေႃႉ​ဢၼ်​ႁွတ်ႈ​မႃး​တီႈ​သူ​ၼၼ်ႉ​၊ႁေႃး​လၢတ်ႈ​ ယေႇသူႉ ​တၢင်ႇ​ပႃး​ဢၼ်​ႁဝ်း​၊ဢမ်ႇ​ပႆႇ​တွၼ်ႉ​ႁေႃး​လၢတ်ႈ​ၼၼ်ႉ​လႄႈ​သင်၊ပေႃး​သူ​လႆႈ​ၶၢမ်ႇ​ဢဝ်​ဝီႉၺိၺ်ႇ​ၸဝ်ႈ​တၢင်ႇ​ပႃး ဢၼ်​သူ​ဢမ်ႇ​ပႆႇ​တွၼ်ႉ​လႆႈ​ၶၢမ်ႇ​ဢဝ်​ၼၼ်ႉ​လႄႈ​သင်၊ပေႃး​သူ​ထွမ်ႇ​ဢဝ်​ၵႂၢမ်း​တြႃး​သတၢင်း​သိူဝ်း​ပျေႃႇ​တၢင်ႇ​ပႃး ဢၼ်​သူ​ဢမ်ႇ​ပႆႇ​တွၼ်ႉ​လႆႈ​ထွမ်ႇ​ဢဝ်​ၼၼ်ႉ​လႄႈ​သင်၊ သူ​လီ​ယိူၼ်ႉ​ၶၢမ်ႇ​ၵေႃႉ​ၼၼ်ႉ​ဢေႃႈ။-</verse>
				<verse number="5">ၵဝ်​ဢမ်ႇ​တူၵ်း​တႅမ်ႇ​သေ​၊ၶဝ်​ၸိူဝ်း​ဢၼ်​ႁဵတ်း​ၸိူဝ်ႉ​ၼင်ႇ​ႁၢင်ႈ​တမၢၼ်ႇ​ၸဝ်ႈ​၊ဢၼ်​ယႂ်ႇ​ၼႃႇ​ၼၼ်ႉ​ဝႃႈ​ၼႆ၊​ၵဝ်​မီး​သၽေႃး​ဢေႃႈ။-</verse>
				<verse number="6">ပိၵ်ႉ​သမ်ႉ​ၵဝ်​ပဵၼ်​ၵူၼ်း​ရိူင်း၊​ၼႂ်း​တၢင်း​ဢၼ်​လၢတ်ႈ​ၵႂၢမ်း​သေ​ၵေႃႈ၊​ၵဝ်​ပဵၼ်​ၵူၼ်း​ရိူင်း​ၼႂ်း​ပိင်ႇ​ၺႃႇ​ဢမ်ႇ​ၸႂ်ႈ၊​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် ႁဝ်း​လႆႈ​ၼႄ​ပျႃး​တူဝ်​ၸဝ်ႈ​ၵဝ်ႇ​ထၢင်ႇ​သႃး​ၵႃႈ​တီႈ​ၽၢႆႇ​ၼႃႈ၊​ၵူၼ်း​တင်း​သဵင်ႈ​တင်း​လူင်​ၵွပ်ႈ​ပိူဝ်ႈ​သူ​ဢေႃႈ။</verse>
				<verse number="7">ၵဝ်​မီး​ဢပႅတ်ႈ​ၼႂ်း​လွင်ႈ​ဢၼ်​ၵဝ်၊​ၶျႃး​တႅမ်ႇ​တူဝ်​ၸဝ်ႈ​ၵဝ်ႇ ႁႂ်ႈ​လႆႈ​ယုၵ်ႉ​ယွင်ႈ​သူ၊​ၵွပ်ႈ​ပိူဝ်ႈ​ဢၼ်​ၵဝ်​ယင်း​ဢမ်ႇ​ၶၢမ်ႇ​ဢမ်ႇ​ဢဝ်​၊တၢင်း​ဢၼ်​သူ​တၵ်း​တႅၼ်း​ပၼ်​ၵျေး​ၸူး​လႄႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၽြႃး​ပဵၼ်​ၸဝ်ႈ​တီႈ​သူ​ၼၼ်ႉ​ႁိုဝ်။-</verse>
				<verse number="8">ၵဝ်​ၶၢမ်ႇ​ဢဝ်​ၸရိပ်ႈ​၊ဢၼ်​ၸိူဝ်း​ၸဝ်ႈ​တၢင်ႇ​တီႈ​ပၼ်​ၼၼ်ႉ​လႄႈ၊​ႁွတ်ႈ​ထိုင်​တၢင်း​ဢၼ်​လႆႈ​ႁိမ်​ဢဝ်​ႁူင်ႇ​ဢဝ်​တီႈ​ၶဝ်​ၼၼ်ႉ၊​ႁႂ်ႈ​လႆႈ​ပွင်​ႁဵတ်း​ဢမူႉ​သူ​ယဝ်ႉ​လူင်​ပႄႇ။-</verse>
				<verse number="9">မိူဝ်ႈ​ဢၼ်​ၵဝ်​ယင်း​မီး​လူၺ်ႈ​ၵၼ်​တင်း​သူ​လႄႈ လူဝ်ႇ​ထႅင်ႈ​သေ​ၸိူဝ်ႉ​သေ​ပိူင်​ၼၼ်ႉ​ၸိုင်၊​ၵဝ်​ဢမ်ႇ​ဢဝ်​ၸရိပ်ႈ​တီႈ​ၽူႈ​လႂ်၊​လွင်ႈ​မၼ်း​ၸမ်ႉ​ပီႈ​ၼွင်ႉ​ဢၼ်​လုၵ်ႉ​သေ​ၵႃႈ​တီႈ​မိူင်း​ မႃႇၵေႇတေႃးၼီႉ မႃး​ၸိူဝ်း​ၼၼ်ႉ​၊ပၼ်​ၵႃႈ​ဢၼ်​ၵဝ်​လူဝ်ႇ​ထႅင်ႈ​ၼၼ်ႉ​ယူႇ​ဢေႃႈ၊​ၵဝ်​ယင်း​ဢမ်ႇ​ယႃႉ​ယူၵ်ႉ​သူ​သေ​ဢိတ်း​လႄႈ​ယူႇ​မႃး​ယဝ်ႉ၊ၵမ်း​လိုၼ်း​ၵေႃႈ​တၵ်း​ႁဵတ်း​တင်း​သတီႉ​သေ​လႄႈ​ယူႇ လူး​ၵွၼ်ႇ​ဢေႃႈ။</verse>
				<verse number="10">ၵွပ်ႈ​ပိူဝ်ႈ​ဢၼ်​သဵတ်ႈ​ၸႃႇ​တြႃး​ၸဝ်ႈ​ၶရိၸ်ႈ​၊ မီး​ၼႂ်း​ၵဝ်​လႄႈ​ၵႃႈ​ၼႂ်း​မိူင်း​ ဢၶႃႇယႃႉ ​ၼၼ်ႉ​၊ၽူႈ​လႂ်​ဢမ်ႇ​လႆႈ​ႁႄႉ​လႆႈ​ၶႅၼ်​၊လွင်ႈ​တၢင်း​ဢၼ်​ဢုပ်ႇ​ဝၢဝ်း​ၸိူဝ်ႉ​ၼင်ႇ​ၼႆ​ၼၼ်ႉ။-</verse>
				<verse number="11">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ် ၵဝ်​ဢမ်ႇ​ႁၵ်ႉ​သူ​ႁိုဝ်။ ၽြႃး​ပဵၼ်​ၸဝ်ႈ​ႁူႉ​ယူႇ​ဢေႃႈ။-</verse>
				<verse number="12">ၵႃႈ​ၼင်ႇ​ဢၼ်​ၵဝ်​ႁဵတ်း​မႃး​ယဝ်ႉ​ၼၼ်ႉ၊​ၵဝ်​တၵ်း​ႁဵတ်း​ႁႂ်ႈ​ၶဝ်​ၸိူဝ်း​ဢၼ်​ၶႂ်ႈ​လႆႈ​ဢၶႂၢင်ႉ​ၼၼ်ႉ တၵ်း​ဢမ်ႇ​လႆႈ​ဢၶႂၢင်ႉ​ဢိၵ်ႇ​တင်း​ႁႂ်ႈ​ၶဝ်​ၼၼ်ႉ လႆႈ​ပဵၼ်​ထၢင်ႇ​ထၢင်ႇ​သႃး​သႃး ၵႃႈ​ၼႂ်း​လွင်ႈ​တၢင်း​ဢၼ်​ဢုပ်ႇ​ဝၢဝ်း​ၼၼ်ႉ​၊မိူၼ်​ၸိူဝ်ႉ​ၼင်ႇ​ၵဝ်​ၼၼ်ႉ​သေႇ​သေႇ​လူး​ၵွၼ်ႇ​ဢေႃႈ။-</verse>
				<verse number="13">လွင်ႈ​မၼ်း​ၸမ်ႉ၊ ၶဝ်​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​တမၢၼ်ႇ​ၸဝ်ႈ​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​ဢေႃႈ၊ ႁဵတ်း​ၸိူဝ်ႉ​ၼင်ႇ​ႁၢင်ႈ​တမၢၼ်ႇ​ၸဝ်ႈ​ၶရိၸ်ႈ​လႄႈ​ပဵၼ်​ၵေႃႉ​ဢၼ်​ပွင်​ႁဵတ်း​ဢမူႉ​၊ ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ဢေႃႈ။-</verse>
				<verse number="14">လွင်ႈ​တၢင်း​ၼႆႉ​ၸိုင်​၊ပဵၼ်​ဢၼ်​လီ​ဢၢမ်း​ဢမ်ႇ​ၸႂ်ႈ။ ၸႃႇတၢၼ်ႇ ​ၵေႃႈ​ၸၢင်ႈ​ႁဵတ်း​ၸိူဝ်ႉ​ၼင်ႇ​ႁၢင်ႈ​တမၢၼ်ႇ​ၵၢင်​ႁၢဝ်​ဢၼ်​လႅင်း​ၼၼ်ႉ​ယူႇ​ဢေႃႈ။-</verse>
				<verse number="15">ပိူဝ်ႈ​ၼႆ​လႄႈ၊ပေႃး​သြႃႇ​မၼ်း​တင်း​လၢႆ​ၼၼ်ႉ ႁဵတ်း​ၸိူဝ်ႉ​ၼင်ႇ​ႁၢင်ႈ​သြႃႇ​၊ဢၼ်​ႁေႃး​လၢတ်ႈ​တြႃး​တၢင်း​ဢၼ်​သိုဝ်ႈ​တေႃႇ​ၸိုင် တၵ်း​မီး​တီႈ​လၢတ်ႈ​ၸိူဝ်ႉ​ၼင်ႇ​ႁိုဝ်။ တီႈ​သုတ်း​တီႈ​ၵွႆ ပုၼ်ႉ​ၶဝ်​တၵ်း​လႆႈ​ၶၢမ်ႇ​ဢၵျူဝ်း​ဢပႅတ်ႈ ၸွမ်း​ၼင်ႇ​ၵႃႈ​ဢၼ်​တၢင်း​ၵမ်​တၢင်း​ၵျၢင်ႉ​၊ဢၼ်​ၶဝ်​ၵမ်​ၵျၢင်ႉ​မီး​ၼၼ်ႉ​ဢေႃႈ။</verse>
				<verse number="16">ၵဝ်​သမ်ႉ​ဝႃႈ​ထႅင်ႈ​ၸမ်ႉ၊ယႃႇ​ပေ​ႁႂ်ႈ​ၽူႈ​လႂ်​ထၢင်ႇ​ၵဝ်​ပဵၼ်​ၵူၼ်း​ယွင်ႇ၊​ဢမ်ႇ​ၼၼ်​ၵေႃႈ၊​ၼင်ႇ​ႁိုဝ်​ၵဝ်​တၵ်း​မီး​ဢၶႂၢင်ႉ​၊ဢၼ်​ၵဝ်​တၵ်း​လႆႈ​ဢုပ်ႇ​ဝၢဝ်း​ဢိတ်း​ဢွၼ်ႇ​ၼိုင်ႈ​ၸိုင် မၢတ်ႈ​ၵဝ်​ပဵၼ်​ၸိူဝ်ႉ​ၼင်ႇ​ၵူၼ်း​ယွင်ႇ​လႄႈ​၊ဢွၼ်​ၵၼ်​ယိူၼ်ႉ​ၶၢမ်ႇ​တႃႉ။-</verse>
				<verse number="17">ၼႂ်း​ၵႂၢမ်း​ဢၼ်​ၵဝ်​လၢတ်ႈ​ၼႆႉ​၊ၵဝ်​လၢတ်ႈ​ၸွမ်း​ၸဝ်ႈ​ၽြႃး​ဢမ်ႇ​ၸႂ်ႈ၊​ၵဝ်​ဢုပ်ႇ​ဝၢဝ်း​ယူႇ​ႁတ်း​ႁတ်း​ႁၢၼ်​ႁၢၼ်​မိူၼ်​ၸိူဝ်ႉ​ၼင်ႇ​၊ၵူၼ်း​ယွင်ႇ​လႄႈ​လၢတ်ႈ​ဢေႃႈ။-</verse>
				<verse number="18">ပိူဝ်ႈ​ဢၼ်​ၵူၼ်း​ၼမ်​ၼႃႇ​၊ဢုပ်ႇ​ဝၢဝ်း​ၼႂ်း​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​လေႃးၵႃႉ​ၼႆႉ​လႄႈ၊​ၵဝ်​ၵေႃႈ​တၵ်း​ဢုပ်ႇ​ဝၢဝ်း​ဢေႃႈ။-</verse>
				<verse number="19">ၵွပ်ႈ​ပိူဝ်ႈ​ဢၼ်​သူ ပဵၼ်​ၵေႃႉ​ဢၼ်​လၵ်း​လႅမ်​လႄႈ သူ​မီး​တင်း​ၸႂ်​ၸေႇတၼႃႇ​သေ​လႄႈ ယိူၼ်ႉ​ၶၢမ်ႇ​ၵူၼ်း​ယွင်ႇ​တင်း​လၢႆ​ဢေႃႈ။-</verse>
				<verse number="20">ပေႃး​ပိူၼ်ႈ​တၢင်ႇ​ၵေႃႉ ႁဵတ်း​တၢင်း​ဢၼ်​ႁႂ်ႈ​သူ​ၶၢမ်ႇ​ႁဵတ်း​ၶႃႈ၊ တၢင်း​ဢၼ်​ၶၢႆ​ၵိၼ်​သူ၊​တၢင်း​ဢၼ်​ၵၢင်​လႄႈ​တီႉ​လႆႈ​သူ၊ တၢင်း​ဢၼ်​ယွင်ႈ​ယေႃး​တူဝ်​ၸဝ်ႈ​ၵဝ်ႇ၊ တၢင်း​ဢၼ်​တူပ်း​ၵႅမ်ႈ​သူ​ၸိူဝ်း​ၼၼ်ႉ​ၸိုင်​၊သူ​ယိူၼ်ႉ​ၶၢမ်ႇ​ယူႇ​ဢေႃႈ။</verse>
				<verse number="21">ၵဝ်​မၢတ်ႈ​ပဵၼ်​တၢင်း​ဢၼ်​သႄႉ​ဢၼ်​သွမ်း​လႄႈ လၢတ်ႈ​လႄႈ​ဝႃႈ​ႁဝ်း​ဢမ်ႇ​မီး​ႁႅင်း​၊​ဝႃႈ​ၼင်ႇ​ၼႆ​ဢေႃႈ၊ ၵူၺ်း​ၵႃႈ​ပေႃး​သေ​ၵေႃႉ​သေ​ၵူၼ်း၊​ဢိင်​လွင်ႈ​တၢင်း​ဢၼ်​လႂ်​သေ​ဢမ်ႇ​ဝႃႈ၊​ၵဝ်​ၵေႃႈ​ဢိင်​လွင်ႈ​တၢင်း​ဢၼ်​ၼၼ်ႉ​သေ​လႄႈ မီး​တၢင်း​ဢၼ်​ႁတ်း​ႁၢၼ်​ဢေႃႈ​ဝႃႈ​ၼႆ၊ ၵဝ်​ဝႃႈ​မိူၼ်​ၸိူဝ်ႉ​ၼင်ႇ​ၵူၼ်း​ယွင်ႇ​ဢေႃႈ။-</verse>
				<verse number="22">ၶဝ်​ၼၼ်ႉ​ပဵၼ်​ၵူၼ်း​ ႁေႇပြႄး ​ႁိုဝ်။ ၵဝ်​ၵေႃႈ​ပဵၼ်​ဢေႃႈ၊ ၶဝ်​ၼၼ်ႉ​ပဵၼ်​ၵူၼ်း​ ဢီႉသရေႇလႃႉ ​ႁိုဝ်။ ၵဝ်​ၵေႃႈ​ပဵၼ်​ဢေႃႈ၊ ၶဝ်​ၼၼ်ႉ​ပဵၼ်​ၸိူဝ်ႉ​ၶိူဝ်း​ ဢႃႇပြႃႇႁၢမ်ႇ ​ႁိုဝ်။ ၵဝ်​ၵေႃႈ​ပဵၼ်​ဢေႃႈ။-</verse>
				<verse number="23">ၶဝ်​ၼၼ်ႉ​ပဵၼ်​ထမ်ႇမႃႉ​သြႃႇ​ၸဝ်ႈ​ၶရိၸ်ႈ​ႁိုဝ်။ ၵဝ်​ယဵင်ႈ​ၶႅၼ်း​ပဵၼ်​ဢေႃႈ​ဝႃႈ​ၼႆ၊ ၵဝ်​ဝႃႈ​မိူၼ်​ၸိူဝ်ႉ​ၼင်ႇ​ၵူၼ်း​ယွင်ႇ​ဢေႃႈ၊ ၵဝ်​ပဵၼ်​ၵေႃႉ​ဢၼ်​ယဵင်ႈ​ၶႅၼ်း​ပွင်​ႁဵတ်း​ဢမူႉ ဢၼ်​ယၢပ်ႇ​ၸႂ်​ၽိုတ်ႇ​ၸႂ်​ၼႃႇ​လူင်​လၢင်​ဢေႃႈ၊ ပဵၼ်​ၵေႃႉ​ဢၼ်​ယဵင်ႈ​ၶႅၼ်း​လႆႈ​ၶၢမ်ႇ​တၢင်း​ဢၼ်​ထုပ်ႉ​ဢၼ်​ယႅၼ်ႉ၊ ဢိၵ်ႇ​တင်း​တၢင်း​ဢၼ်​ၶင်​ဝႆႉ​ၵႃႈ​ၼႂ်း​ထွင်ႇ​ဢေႃႈ၊ ပဵၼ်​ၵေႃႉ​ဢၼ်​ထူပ်း​ၽေး​တၢင်း​တၢႆ​ၶိူဝ်း​ၶိူဝ်း​ယႂ်း​ယႂ်း​ဢေႃႈ။-</verse>
				<verse number="24">ၵဝ်​လႆႈ​ၶၢမ်ႇ​ႁွႆး​တၢမ်ႇ​ယႅၼ်ႉ​၊သီႇ​သိပ်း​ယွမ်း​ၵမ်း​ၼိုင်ႈ ၵႃႈ​ၼႂ်း​မိုဝ်း​ၵူၼ်း​ ယူႉတႃႉ ​တင်း​လၢႆ​ၼၼ်ႉ​မႃး​တေႃႇ​ထိုင်​ႁွတ်ႈ​၊ႁႃႈ​ပွၵ်ႈ​ယဝ်ႉ။-</verse>
				<verse number="25">ၵဝ်​လႆႈ​ၶၢမ်ႇ​တၢင်း​ဢၼ်​ဢဝ်​ၶွၼ်ႉ​ဝၢႆ​ယႅၼ်ႉ​၊တေႃႇ​ထိုင်​ႁွတ်ႈ​သၢမ်​ပွၵ်ႈ၊ တၢင်း​ဢၼ်​ဢဝ်​မၢၵ်ႇ​ႁိၼ်​ထိမ်ႈ၊​ပွၵ်ႈ​ၼိုင်ႈ​မႃး​ယဝ်ႉ၊​တၢင်း​ဢၼ်​ႁိူဝ်း​သၢင်း​ၽေႃး​လူႉ​၊တေႃႇ​ထိုင်​ႁွတ်ႈ​သၢမ်​ပွၵ်ႈ​ၼၼ်ႉ​ၵေႃႈ​၊ ၵဝ်​လႆႈ​ၶၢမ်ႇ​မႃး​ယဝ်ႉ၊ ၵဝ်​လႆႈ​ယူႇ​ၵႃႈ​ၼႂ်း​ၼမ်ႉ​ပၢင်ႇ​လၢႆႇ​၊ဝၼ်း​ၼိုင်ႈ​လႄႈ​ၶိုၼ်း​ၼိုင်ႈ​မႃး​ယဝ်ႉ။-</verse>
				<verse number="26">ၵဝ်​တႄႇ​သႃႉၸႃႇရီႇ​လႄႇ​လဵပ်ႈ​၊ဢမ်ႇ​ႁူႉ​လၢႆ​ၽဝ်ႇ​လၢႆ​ပွၵ်ႈ​မႃး​ယဝ်ႉ၊​ၵဝ်​လႆႈ​ၶၢမ်ႇ​ၽေး​ဢၼ်​ၶၢမ်ႈ​ၼမ်ႉ​ႁွင်ႈ​ၼမ်ႉ​ၵႄး၊ ၽေး​ဢၼ်​ၸူၼ်​ယႃႉ​ၸူၼ်​တိုၵ်း၊ ၽေး​ဢၼ်​ၸိူဝ်ႉ​ၶိူဝ်း​တူဝ်​ၸဝ်ႈ​ၵဝ်ႇ​ႁဵတ်း၊ ၽေး​ဢၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ႁဵတ်း၊ ၽေး​ဢၼ်​ထူပ်း​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း၊ ၽေး​ဢၼ်​ထူပ်း​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း၊ ၽေး​ပၢင်ႇ​လၢႆႇ၊ ၽေး​ဢၼ်​ၶဝ်​ၸိူဝ်း​ဢၼ်​ႁဵတ်း​မိူၼ်​ၸိူဝ်ႉ​ၼင်ႇ​ႁၢင်ႈ​ပီႈ​ၼွင်ႉ​ၼၼ်ႉ​ႁဵတ်း၊-</verse>
				<verse number="27">ဢိၵ်ႇ​တင်း​တၢင်း​ဢၼ်​ပွင်​ႁဵတ်း​ဢမူႉ၊​ဢၼ်​ယၢပ်ႇ​ၸႂ်​ၽိုတ်ႇ​ၸႂ်​ၼႃႇ၊​တၢင်း​ဢၼ်​တူဝ်​ၵႃႇ​ယႃႉ​ၸဵပ်း​သႅပ်ႇ​ၼႃႇ၊​တၢင်း​ဢၼ်​ယင်း​ဢမ်ႇ​လႆႈ​လပ်း​လႆႈ​ၼွၼ်း​လႄႈ၊ ပႂ်ႉ​ယူႇ​ဢမ်ႇ​ႁူႉ​လၢႆ​ၽဝ်ႇ​လၢႆ​ပွၵ်ႈ၊ တၢင်း​ဢၼ်​ဢိုပ်း​တၢင်း​ၵိၼ်​တၢင်း​ၶူပ်း၊ တၢင်း​ဢၼ်​ယၢၵ်ႇ​ၼမ်ႉ၊ တၢင်း​ဢၼ်​ၵမ်​တၢင်း​ၵိၼ်​ဢမ်ႇ​ႁူႉ​လၢႆ​ၽဝ်ႇ​လၢႆ​ပွၵ်ႈ၊ တၢင်း​ဢၼ်​လႆႈ​ၶၢမ်ႇ​တၢင်း​ဢၼ်​ၵတ်း​ဢၼ်​ၼၢဝ်၊ တၢင်း​ဢၼ်​ဢမ်ႇ​မီး​ၶူဝ်း​မီး​လဵင်း​ၸိူဝ်း​ၼၼ်ႉ​မႃး​ယဝ်ႉ။-</verse>
				<verse number="28">လိူဝ်​သေ​ဢမူႉ​ၽၢႆႇ​တၢင်း​ၼွၵ်ႈ​ၸိူဝ်း​ၼၼ်ႉ ၵဝ်​လႆႈ​ၶၢမ်ႇ​တၢင်း​ဢၼ်​ႁွတ်ႈ​ထိုင်​ၵႃႈ​ၼိူဝ်​ၵဝ်​၊ ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ​ဢၼ်​ဝႃႈ တၢင်း​ဢၼ်​လူ​တူၺ်း​ၸိူဝ်း​ၸဝ်ႈ​တင်း​လၢႆ ဢိၵ်ႇ​တင်း​တၢင်း​ဢၼ်​မႆႈ​ၸႂ်​ၶီ​ၸႂ်​ၸိူဝ်း​ၼၼ်ႉ​ဢေႃႈ။-</verse>
				<verse number="29">ၽူႈ​လႂ်​ႁဵဝ်ႇ​ၸွပ်ႈ​လႄ ၵဝ်​ဢမ်ႇ​ႁဵဝ်ႇ​ၸွပ်ႈ၊ ၽူႈ​လႂ်​မီး​တၢင်း​ဢၼ်​ၽိတ်း​ပိူင်ႈ​လႄႈ ၵဝ်​ဢမ်ႇ​မႆႈ​ၸႂ်​ၶီ​ၸႂ်။-</verse>
				<verse number="30">ပေႃး​ၵဝ်​ယင်း​ဢမ်ႇ​ဢုပ်ႇ​ဝၢဝ်း​လႄႈ​ဢမ်ႇ​လႆႈ​ယူႇ​ဢမၢၼ်ႇ​ၶၼ်​ပဵၼ်​ၸိုင်၊ ၵဝ်​တၵ်း​ဢဝ်​လွင်ႈ​ဢၼ်​ၵဝ်​ႁဵဝ်ႇ​ၸွပ်ႈ​ၼၼ်ႉ​ၵူၺ်း​လႄႈ​ဢုပ်ႇ​ဝၢဝ်း​ဢေႃႈ။-</verse>
				<verse number="31">ၵဝ်​ဢမ်ႇ​လၢတ်ႈ​မူႉ​သႃႇ​ဝႃႈ​ၼႆ၊ ၽြႃး​ပဵၼ်​ၸဝ်ႈ​ပေႃႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ဢၼ်​မီး​မင်ႇၵလႃႇ​ထႃႇဝရႃႉ​ၼၼ်ႉ ႁူႉ​ယူႇ​ဢေႃႈ။</verse>
				<verse number="32">ၵႃႈ​တီႈ​ဝဵင်း​ ထမ်ႇမသႅတ်ႉ ​ၼၼ်ႉ ၼႂ်း​မိူဝ်ႈ​ဢၼ်​ၶုၼ်​ဢၼ် ၶုၼ်​ႁေႃ​ၶမ်း​ ဢရေႇတႃႉ ၶၢၼ်း​ဝႆႉ​ၼၼ်ႉ​မီး​ဢလူဝ်ႇ ၶႂ်ႈ​တီႉ​ဢဝ်​ၵဝ်​လႄႈ ပႂ်ႉ​ဝဵင်း​ ထမ်ႇမသႅတ်ႉ ​ၼၼ်ႉ​ယူႇ​ၼၼ်ႉ​ၸိုင်၊-</verse>
				<verse number="33">ၵဝ်​လႆႈ​ၶၢမ်ႇ​တၢင်း​ဢၼ်​ဢဝ်​သႂ်ႇ​ၵႃႈ​ၼႂ်း​ပဵတ်ႈ​၊ယွၼ်ႇ​တူၵ်း​သေ​ၵႃႈ​ၼႂ်း​ႁူး​လၢင်း​တဵၼ် ၵႃႈ​ၼိူဝ်​လမ်း​ဝဵင်း​လႄႈ လႆႈ​ပၢႆႈ​လွတ်ႈ​သေ​ၵႃႈ​ၼႂ်း​မိုဝ်း​ၶုၼ်​ၼၼ်ႉ​ဢေႃႈ။</verse>
			</chapter>
			<chapter number="12">
				<verse number="1">ၵဝ်​ဢမ်ႇ​ထုၵ်ႇ​လီ​ႁဵတ်း​၊တၢင်း​ဢၼ်​ဢုပ်ႇ​ဝၢဝ်း၊​ၵဝ်​သမ်ႉ​တၵ်း​လၢတ်ႈ​ရူႇပႃႇရူင်ႇ​၊ဢိၵ်ႇ​တင်း​ပျႃႇ​တိၵ်ႈ​တင်း​လၢႆ ဢၼ်​ၸဝ်ႈ​ၽြႃး​ၼႄ​ပျႃး​ၼၼ်ႉ​ထႅင်ႈ​လူး​ၵွၼ်ႇ​ဢေႃႈ။-</verse>
				<verse number="2">မိူဝ်ႈ​ဢွၼ်​တၢင်း​ၼႆႉ သိပ်း​သီႇ​ပီႊ​လိူဝ်​ၼၼ်ႉ၊ ၵဝ်​ႁူႉ​လွင်ႈ​ဢၼ်​တပႄး​ၸဝ်ႈ​ၶရိၸ်ႈ​ၵေႃႉ​ၼိုင်ႈ​၊လႆႈ​ၶၢမ်ႇ​တၢင်း​ဢၼ်​ဢုမ်ႈ​ၶိုၼ်ႈ​ၵႂႃႇ၊​တေႃႇ​ထိုင်​ႁွတ်ႈ​ၵၢင်​ႁၢဝ်​တႃႉတီႉယႃႉ​ပုၼ်ႉ​ဢေႃႈ။-</verse>
				<verse number="3">ၵဝ်​ဢမ်ႇ​ႁူႉ​လွင်ႈ​ဢၼ်​မိူဝ်ႈ​ၼၼ်ႉ ၵႃႈ​တီႈ​မၼ်း​ၼၼ်ႉ​ပႃး​တူဝ်​ၶၼ်ႇ​ထႃႇ​ႁိုဝ်​၊ဢမ်ႇ​ပႃး​ႁိုဝ်​ၼၼ်ႉ၊ၽြႃး​ပဵၼ်​ၸဝ်ႈ​ႁူႉ​ဢေႃႈ။-</verse>
				<verse number="4">ၵဝ်​ႁူႉ​လွင်ႈ​ဢၼ်​ၵေႃႉ​ၼၼ်ႉ​လႆႈ​ၶၢမ်ႇ​တၢင်း​ဢၼ်​ဢုမ်ႈ​ၶိုၼ်း​ၵႂႃႇ​၊ၵႃႈ​တီႈ​ၽုင်ႇ​ ပႃႇရတီႉသူႉ ​ပုၼ်ႉ​လႄႈ​ငိၼ်း​ၵႂၢမ်း​ဢၼ်၊​ၵူၼ်း​ဢမ်ႇ​ထုၵ်ႇ​လီ​လၢတ်ႈ၊​ဢၼ်​ၵူၼ်း​ဢမ်ႇ​ၸၢင်ႈ​လၢတ်ႈ​လႆႈ​ၼၼ်ႉ​ဢေႃႈ၊​ၵဝ်​ဢမ်ႇ​ႁူႉ​လွင်ႈ​ဢၼ်​မိူဝ်ႈ​ၼၼ်ႉ၊​တူဝ်​ၶၼ်ႇ​ထႃႇ​ပႃး​ႁိုဝ်​ဢမ်ႇ​ပႃး​ႁိုဝ်​ၼၼ်ႉ၊ၽြႃး​ပဵၼ်​ၸဝ်ႈ​ႁူႉ​ဢေႃႈ။</verse>
				<verse number="5">ၵဝ်​တၵ်း​ဢဝ်​လွင်ႈ​ၵူၼ်း​ၸိူဝ်ႉ​ၼင်ႇ​ၼၼ်​ၼၼ်ႉ​ဢုပ်ႇ​ဝၢဝ်း​ဢေႃႈ၊ လိူဝ်​သေ​တၢင်း​ဢၼ်​ၵဝ်​ႁဵဝ်ႇ​ၸွပ်ႈ​ႁႅင်း​လဵၵ်ႉ​ၼၼ်ႉ ၵဝ်​ဢမ်ႇ​ဢဝ်​လွင်ႈ​မုၼ်​ၽုင်း​တူဝ်​ၸဝ်ႈ​ၵဝ်ႇ​ဢုပ်ႇ​ဝၢဝ်း။-</verse>
				<verse number="6">ပေႃး​ၵဝ်​မီး​ဢလူဝ်ႇ​ဢၼ်​ၶႂ်ႈ​ဢုပ်ႇ​ဝၢဝ်း​ၸိုင်​၊ၵဝ်​တၵ်း​ပဵၼ်​ၵူၼ်း​ယွင်ႇ​ၵူၼ်း​မႃႈ​ဢမ်ႇ​ၸႂ်ႈ၊​လွင်ႈ​မၼ်း​ၸမ်ႉ၊ ၵဝ်​ၸၢင်ႈ​လၢတ်ႈ​ၸိုဝ်ႈ​ၸိုဝ်ႈ​ၸႂ်ႈ​ၸႂ်ႈ​ဢေႃႈ၊​ၼင်ႇ​ႁိုဝ်​သေ​ၵေႃႉ​သေ​ၵူၼ်း၊​တၵ်း​ဢမ်ႇ​လႆႈ​ထၢင်ႇ​ၵဝ်​ပဵၼ်​ဢၼ်​ယဵင်ႈ​ၶႅၼ်း​ယႂ်ႇ​သေ​၊တၢင်း​ဢၼ်​မၼ်း​လႆႈ​ႁၼ်​ၵဝ်၊​တၢင်း​ဢၼ်​မၼ်း​လႆႈ​ငိၼ်း​သတၢင်း​ၵဝ်​ၼၼ်ႉ​ၸိုင်​၊ ၵဝ်​ယင်း​ဢမ်ႇ​လၢတ်ႈ​လႄႈ​ယူႇ​ဢေႃႈ။</verse>
				<verse number="7">ပျႃႇ​တိၵ်ႈ​ဢၼ်​ၵဝ်​လႆႈ​ၶၢမ်ႇ​ဢဝ်​ၼၼ်ႉ၊​မျၢတ်ႈ​လီ​ၼမ်​ၵိုၼ်း​ၼႃႇ​လူင်​လၢင်​လႄႈ ၼင်ႇ​ႁိုဝ်​ၵဝ်​တၵ်း​ဢမ်ႇ​မီး​ၸႂ်​ဢၼ်​သုင်​ၸိုင် မၼ်း​ၸဝ်ႈ​ပၼ်​ၼၢမ်​လႅမ်​ဢၼ်​ၸူၵ်ႉ​သႂ်ႇ​တီႈ​ၼိူဝ်ႉ​ၵဝ်​ၼင်​ၵဝ်​ဢၼ်​ဝႃႈ တမၢၼ်ႇ​ ၸႃႇတၢၼ်ႇ ဢၼ်​ဢဝ်​တႃ​မိုဝ်း​ယႅၼ်ႉ​ထုပ်ႉ​ၵဝ်​ၼၼ်ႉ​ဢေႃႈ။-</verse>
				<verse number="8">ၼင်ႇ​ႁိုဝ်​တၵ်း​ၵၢင်း​လွတ်ႈ​တင်း လွင်ႈ​တၢင်း​ၼၼ်ႉ​ၸိုင်၊ ၵဝ်​သူး​တွင်း​တီႈ​ၸဝ်ႈ​ၽြႃး​တေႃႇ​ထိုင်​ႁွတ်ႈ​သၢမ်​ပွၵ်ႈ​ယဝ်ႉ​လႄႈ၊-</verse>
				<verse number="9">မၼ်း​ၸဝ်ႈ​လၢတ်ႈ​တီႈ​ၵဝ်​လႄႈ​ဝႃႈ၊ ၵျေး​ၸူး​ၵဝ်​ၸိုင်​ပေႃး​ၵုမ်ႇ​ပုၼ်ႈ​မႂ်း​ဢေႃႈ၊ လွင်ႈ​မၼ်း​ၸမ်ႉ​တၼ်း​ၶူဝ်း​ၵဝ် ၸၢင်ႈ​ၸေး​ၸုမ်ႇ​ၼႂ်း​တၢင်း​ဢၼ်​ႁႅင်း​လဵၵ်ႉ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ၊ ပိူဝ်ႈ​ၼႆ​လႄႈ၊​ၼင်ႇ​ႁိုဝ်​တၼ်း​ၶူဝ်း​ၸဝ်ႈ​ၶရိၸ်ႈ တၵ်း​ၵိင်း​ဝၢပ်ႈ​ယူႇ​ၵႃႈ​ၼိူဝ်​ၵဝ်​ၸိုင်​ၵဝ်​ပႃး​တင်း​ၸႂ်​ဢၼ်​သိူဝ်း​ပျေႃႇ​လႄႈ ယဵင်ႈ​ၶႅၼ်း​မီး​ဢလူဝ်ႇ​ၶႂ်ႈ​ဢုပ်ႇ​ဝၢဝ်း လူၺ်ႈ​လွင်ႈ​တၢင်း​ဢၼ်​ႁဵဝ်ႇ​ၸွပ်ႈ​ႁႅင်း​လဵၵ်ႉ​ၼႂ်း​တူဝ်​ၸဝ်ႈ​ၵဝ်ႇ​ၼၼ်ႉ​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ၊​တၢင်း​ဢၼ်​ႁႅင်း​လဵၵ်ႉ၊​တၢင်း​ဢၼ်​သႄႉ​သွမ်း၊​တၢင်း​ဢၼ်​ယၢၵ်ႈ​ၽၢၼ်၊​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး၊​တၢင်း​ဢၼ်​ၶၢမ်ႇ​တုၵ်ႉ​ၶႃႉ​ဝူၺ်ႇတၼႃႇ ဢၼ်​လႆႈ​ၶၢမ်ႇ​ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​ၸိူဝ်း​ၼၼ်ႉ​၊ထုၵ်ႇ​ၸႂ်​ၵျိူၵ်ႈ​ၸႂ်​ၵဝ်​ဢေႃႈ​၊ လွင်ႈ​မၼ်း​ၸမ်ႉ​၊ မိူဝ်ႈ​ဢၼ်​ၵဝ်​ႁႅင်း​လဵၵ်ႉ​ၸိုင်၊ ၵဝ်​ပျေႉ​ၸုမ်ႇ​တင်း​တၼ်း​ၶူဝ်း​ယူႇ​ဢေႃႈ။</verse>
				<verse number="11">ၵဝ်​ၼႆႉ​ပဵၼ်​ၵူၼ်း​ယွင်ႇ​ၵူၼ်း​မႃႈ​ၵႂႃႇ​ယဝ်ႉ၊ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ သူ​ႁဵတ်း​ပႄႉ​ႁဵတ်း​ၼႅင်ႇ​ႁႂ်ႈ​ၵဝ်​ပဵၼ်​ယဝ်ႉ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵဝ်​ၼႆႉ​ထုၵ်ႇ​ၶၢမ်ႇ​တၢင်း​ဢၼ်​သူ​ယွင်ႈ​ယေႃး​ဢေႃႈ၊ ပိၵ်ႉ​သမ်ႉ​ၵဝ်​ဢမ်ႇ​ပွင်ႇ​လွင်ႈ​ၵႃႈ​သင်​သေ​ၵေႃႈ၊ ၵဝ်​ဢမ်ႇ​တူၵ်း​တႅမ်ႇ​သေ​ၶဝ်​ၸိူဝ်း​ဢၼ်​ႁဵတ်း​ၸိူဝ်ႉ​ၼင်ႇ​ႁၢင်ႈ​တမၢၼ်ႇ​ၸဝ်ႈ ဢၼ်​ယႂ်ႇ​ၼႃႇ​သေ​ပိူၼ်ႈ​ၼၼ်ႉ။-</verse>
				<verse number="12">ၵဝ်​လႆႈ​ပႃး​တင်း တၢင်း​ဢၼ်​ယိူၼ်ႉ​ၶၢမ်ႇ​လႄႈ ဢဝ်​ၼီႉမိၵ်ႈ​လၢၵ်ႈၶၼႃႇ​လႂ်၊ လွင်ႈ​တၢင်း​ဢၼ်​လီ​ဢၢမ်း​လႂ်၊ တၼ်း​ၶူဝ်း​ဢၼ်​လၢၵ်ႇ​လၢႆး​လႂ်​ၸိူဝ်း​ၼၼ်ႉ ၼႄ​ပျႃး​လၢၵ်ႈၶၼႃႇ​တမၢၼ်ႇ​ၸဝ်ႈ၊​ၼႂ်း​သူ​ထၢင်ႇ​ထၢင်ႇ​သႃး​သႃး​မႃး​ဢမၢၼ်ႇ​ၶၼ်​ပဵၼ်​ယဝ်ႉ။-</verse>
				<verse number="13">ပေႃး​ဝၢႆး​သေ လွင်ႈ​တၢင်း​ဢၼ်​ၵဝ်​ဢမ်ႇ​ယႃႉ​ဢမ်ႇ​ယူၵ်ႉ​သူ​ဢၼ်​ၼိုင်ႈ​ၼၼ်ႉ​ၸိုင်၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ သူ​ယုတ်ႈ​ယွမ်း​သေ​ၸိူဝ်း​ၸဝ်ႈ​တၢင်ႇ​တီႈ​တၢင်ႇ​လႅၼ်​တင်း​လၢႆ​ၼင်ႇ​ႁိုဝ်။ ယိူၼ်ႉ​ၶၢမ်ႇ​တၢင်း​ဢၼ်​ၵဝ်​ၽိတ်း​ပိူင်ႈ​၊ၸိူဝ်ႉ​ၼင်ႇ​ၼၼ်​ၼၼ်ႉ​သေ​ၵမ်း။</verse>
				<verse number="14">ပွၵ်ႈ​တႃႉတီႉယႃႉ​ၼႆႉ ၵဝ်​မႄး​ႁႅၼ်း​ဝႆႉ ႁႂ်ႈ​လႆႈ​ၵႂႃႇ​ၸူး​ၵႃႈ​တီႈ​သူ​ဢေႃႈ၊ ၵဝ်​ဢမ်ႇ​မီး​တၢင်း​ၵျၢမ်ႇ​တၢင်း​ပွင် ႁႂ်ႈ​လႆႈ​ယႃႉ​ယူၵ်ႉ​သူ၊ ၵဝ်​ဢမ်ႇ​ႁႃ​ဢဝ်​ဢုၵ်ႉ​ၸႃႇ​သူ၊ ၵဝ်​ႁႃ​ဢဝ်​သူ​ၵူၺ်း​ဢေႃႈ၊ လုၵ်ႈ​လၢင်း​တင်း​လၢႆ​သိမ်း​ပႅင်း​ဢုၵ်ႉ​ၸႃႇ​ဝႆႉ ပုၼ်ႈ​ပေႃႈ​ပုၼ်ႈ​မႄႈ​ဢမ်ႇ​ၸႂ်ႈ၊ ပေႃႈ​မႄႈ​တၵ်း​လႆႈ​သိမ်း​ပႅင်း​ဝႆႉ​ပုၼ်ႈ​လုၵ်ႈ​ပုၼ်ႈ​လၢင်း​ဢေႃႈ။-</verse>
				<verse number="15">ၵႃႈ​ၼင်ႇ​ဢၼ်​ၸႂ်​တၢင်း​ႁၵ်ႉ​မႅတ်ႈ​တႃႇ​ၵဝ် ယႂ်ႇ​မႃး​ယူႇ​တီႈ​သူ​ၼၼ်ႉ၊ ပိၵ်ႉ​သမ်ႉ​ၸႂ်​တၢင်း​ႁၵ်ႉ​မႅတ်ႈ​တႃႇ​သူ ယွမ်း​ၵႂႃႇ​သေ​ၵႃႈ​တီႈ​ၵဝ်​သေ​ၵေႃႈ ၵဝ်​မီး​ၸႂ်​ၸေႇတၼႃႇ ႁႂ်ႈ​ဢုၵ်ႉ​ၸႃႇ​ဢိၵ်ႇ​တင်း​တူဝ်​ၵႃႇ​ယႃႉ​ၵဝ် သဵင်ႈ​မူတ်း​ၵႂႃႇ​ပုၼ်ႈ​ဢၵျူဝ်း​ၸႂ်​ဝီႉၺိၺ်ႇ​သူ​ၼၼ်ႉ လူင်​လူင်​လၢင်​လၢင်​ဢေႃႈ။-</verse>
				<verse number="16">ၵဝ်​ဢမ်ႇ​ယႃႉ​ယူၵ်ႉ​သူ​ဝႃႈ​ၼႆ ႁႂ်ႈ​ၸႂ်ႈ​သေ​လူး​ၵွၼ်ႇ​တႃႉ၊ ၵူၺ်း​ၵႃႈ​ပေႃး​ဝႃႈ​ပိူဝ်ႈ​ဢၼ်​ပဵၼ်​ၵေႃႉ​ဢၼ်​လၵ်း​လႅမ်​လႄႈ ဢဝ်​တင်း​ပရီႉယႄႇ​တီႉ​လႆႈ​သူ​ယဝ်ႉ​၊ဝႃႈ​ၼင်ႇ​ၼႆ​ၸိုင်။-</verse>
				<verse number="17">ၵဝ်​ပွႆႇ​ၸႂ်ႉ​သေ​ၵေႃႉ​သေ​ၵူၼ်း​ၵႂႃႇ​ၵႃႈ​တီႈ​သူ​လႄႈ ႁဵတ်း​တင်း​ပရီႉယႄႇ​ဢဝ်​ဢုၵ်ႉ​ၸႃႇ​သူ​ယဝ်ႉ​ႁိုဝ်။-</verse>
				<verse number="18">ၵဝ်​တွင်း​ပၢၼ်ႇ​ တီႉတူႉ ​ႁႂ်ႈ​မၼ်း​ၵႂႃႇ​တီႈ​သူ​လႄႈ ပွႆႇ​ၸႂ်ႉ​ၼွင်ႉ​တၢင်ႇ​ၵေႃႉ​ၵေႃႉ​ၼိုင်ႈ​ၵႂႃႇ​လူၺ်ႈ​ၵၼ်​တင်း​မၼ်း​ဢေႃႈ။ တီႉတူႉ ​ၼၼ်ႉ ႁဵတ်း​တင်း​ပရီႉယႄႇ​သေ​လႄႈ ဢဝ်​ဢုၵ်ႉ​ၸႃႇ​သူ​ယဝ်ႉ​ႁိုဝ်။ ႁဝ်း​ၸႂ်​သၽေႃး​မိူၼ်​ၵၼ်​သေ​လႄႈ ၵမ်​ၵျၢင်ႉ​ဢမ်ႇ​ၸႂ်ႈ​ႁိုဝ်။ ၸွမ်း​တၢင်း​သဵၼ်ႈ​လဵဝ်​ၵၼ်​ဢမ်ႇ​ၸႂ်ႈ​ႁိုဝ်။</verse>
				<verse number="19">သူ​သမ်ႉ​ထၢင်ႇ​ႁဝ်း​လၢတ်ႈ​ၵႂၢမ်း ဢၼ်​ၽေႇ​ဢပႅတ်ႈ​တူဝ်​ၸဝ်ႈ​ၵဝ်ႇ၊​ၵႃႈ​တီႈ​ၽၢႆႇ​ၼႃႈ​သူ​ႁိုဝ်။ ႁဝ်း​ထွၵ်ႈ​လူၺ်ႈ​ၸဝ်ႈ​ၶရိၸ်ႈ​လႄႈ​လၢတ်ႈ​၊ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ၊​ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ၵႃႈ​ဢၼ်​ႁဝ်း​ပွင်​ႁဵတ်း​ၼၼ်ႉ​ပဵၼ်​ပုၼ်ႈ​ဢၼ်​တၵ်း​တႄႇ​ႁဵတ်း​သူ​ဢေႃႈ။-</verse>
				<verse number="20">မိူဝ်ႈ​ဢၼ်​ၵဝ်​ႁွတ်ႈ​မႃး​ၼၼ်ႉ​ၸိုင်၊ ၵဝ်​ၵူဝ်​သူ​တၵ်း​ဢမ်ႇ​ပဵၼ်​ၵေႃႉ​ဢၼ်​ထုၵ်ႇ​ၸႂ်​ၵဝ်၊ ၵဝ်​ၵေႃႈ​တၵ်း​ဢမ်ႇ​ပဵၼ်​ၵေႃႉ​ဢၼ်​ထုၵ်ႇ​ၸႂ်​သူ ဢိၵ်ႇ​တင်း​တၵ်း​မီး​တၢင်း​ဢၼ်​ၽိတ်း​ၵၼ်၊ တၢင်း​ဢၼ်​ၶေႉ​ၶဵင်ႇ​ၵၼ်၊ တၢင်း​ဢၼ်​တေႃး​သႃႉ​ဢွၵ်ႇ၊ တၢင်း​ဢၼ်​ထဵင်​ၵၼ်၊ တၢင်း​ဢၼ်​ယႃႉ​သရေႇ​ၵၼ်၊ တၢင်း​ဢၼ်​ၶျေႃး​ၵိၼ်၊ တၢင်း​ဢၼ်​မႃႇၼႃႉ​ၸႂ်​သုင်၊ တၢင်း​ဢၼ်​ႁဵတ်း​ဢမူႉ​တီႈ​ၵၼ်​ၸိူဝ်း​ၼၼ်ႉ​ၵႃႈ​ၼႂ်း​သူ၊-</verse>
				<verse number="21">ဢိၵ်ႇ​တင်း​ၽြႃး​ပဵၼ်​ၸဝ်ႈ တၵ်း​ၶျႃး​ၵဝ်​တူၵ်း​တီႈ​တႅမ်ႇ​ၵႃႈ​တီႈ​ၽၢႆႇ​ၼႃႈ​သူ​လႄႈ ၵဝ်​လႆႈ​မီး​တင်း​ၸႂ်​ဢၼ်​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ် ၵွပ်ႈ​ပိူဝ်ႈ​ၵူၼ်း​ၼမ်​ၼႃႇ ဢၼ်​ၽိတ်း​ပိူင်ႈ​မိူဝ်ႈ​ဢွၼ်​ၼႆႉ​ၼၼ်ႉ​လႄႈ ႁဵတ်း​တၢင်း​ဢၼ်​ၵမ်​ၵျၢင်ႉ​ဢၼ်​ၵူဝ်ႈ​ဢၼ်​ၵိူၵ်ႇ၊ တၢင်း​ဢၼ်​ဢိင်​မေႇ​ထုင်ႇ​ဢၼ်​ဢမ်ႇ​တြႃး၊ တၢင်း​ဢၼ်​ၵီႉလေႇသႃႇ​ပူၼ်ႉ​လိူဝ် ၸိူဝ်း​ၼၼ်ႉ​ယဝ်ႉ​လႄႈ ဢမ်ႇ​ၶုၵ်း​ၸႂ်​လႆႈ​ဢပႅတ်ႈ​တူဝ်​ၸဝ်ႈ​ၵဝ်ႇ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ၼၼ်ႉ​ဢေႃႈ။</verse>
			</chapter>
			<chapter number="13">
				<verse number="1">ပွၵ်ႈ​တႃႉတီႉယႃႉ​ၼႆႉ ၵဝ်​တၵ်း​မႃး​ၸူး​ၵႃႈ​တီႈ​သူ​ဢေႃႈ၊ ၵႂၢမ်း​ၵႃႈ​မီး​တၵ်း​လႆႈ​တႄႇ ၵွပ်ႈ​ပိူဝ်ႈ​ၶဝ်​ၸိူဝ်း​ဢၼ်​ၶၢမ်ႇ​သၢၵ်ႈ​သေႇ​သွင်​ၵေႃႉ​သၢမ်​ၵေႃႉ​ဢေႃႈ။-</verse>
				<verse number="2">မိူဝ်ႈ​ဢွၼ်​ၼႆႉ​ၼၼ်ႉ ၵဝ်​လႆႈ​လၢတ်ႈ​တီႈ​ၶဝ်​ၸိူဝ်း​ဢၼ်​လႆႈ​ၽိတ်း​ပိူင်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ တင်း​သဵင်ႈ​တင်း​လူင်​ၼၼ်ႉ​လႄႈ​ဝႃႈ၊ ပေႃး​ၵဝ်​သမ်ႉ​ၶိုၼ်း​ႁွတ်ႈ​မႃး​ၸိုင်၊ ၵဝ်​တၵ်း​ဢမ်ႇ​လႆႈ​ဢဵတ်း​လူ​သူ​ၵူၺ်ႉ၊ ဝႃႈ​ၼင်ႇ​ၼႆ​ဝႆႉ​ယဝ်ႉ​ဢမ်ႇ​ၵႃး၊ တေႃႈ​လဵဝ်​ၼႆႉ​ပိၵ်ႉ​သမ်ႉ​ၵဝ်​ဢမ်ႇ​မီး​လူၺ်ႈ​ၵၼ်​တင်း​သူ​သေ​ၵေႃႈ၊ ၵဝ်​လၢတ်ႈ​ဝႆႉ​ဢွၼ်​တၢင်း​မိူၼ်​ၸိူဝ်ႉ​ၼင်ႇ မိူဝ်ႈ​ဢၼ်​ၵဝ်​မီး​ယူႇ​တီႈ​သူ​ပွၵ်ႈ​တူႉတီႉယႃႉ​ၼၼ်ႉ​ဢေႃႈ။-</verse>
				<verse number="3">ပိူဝ်ႈ​ဢၼ်​သူ​ႁႃ​ဢဝ်​သၢၵ်ႈ​သေႇ လွင်ႈ​ဢၼ်​ၸဝ်ႈ​ၶရိၸ်ႈ​ဢၼ်​ႁႅင်း​ဢမ်ႇ​လဵၵ်ႉ ၵႃႈ​ၼႂ်း​သူ​လႄႈ​ႁႅင်း​ယႂ်ႇ​ၼႃႇ​လူင်​လၢင်​ၼႄ​ပျႃး ပျႃႇ​တိၵ်ႈ​ၸဝ်ႈ​တီႈ​ၵဝ်​ၼၼ်ႉ​လႄႈ မိူဝ်ႈ​ဢၼ်​ၵဝ်​ႁွတ်ႈ​မႃး​ၸိုင်၊ ၵဝ်​တၵ်း​ဢမ်ႇ​လႆႈ​ဢဵတ်း​လူ။-</verse>
				<verse number="4">လွင်ႈ​မၼ်း​ၸမ်ႉ ၸဝ်ႈ​ၶရိၸ်ႈ​ၼၼ်ႉ ပိၵ်ႉ​သမ်ႉ​ၶၢမ်ႇ​တၢင်း​တၢႆ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ ၵွပ်ႈ​ပိူဝ်ႈ​တၢင်း​ဢၼ်​ႁႅင်း​လဵၵ်ႉ​သေ​ၵေႃႈ၊ ဢသၢၵ်ႈ​လိပ်း​ယူႇ​ၵွပ်ႈ​ပိူဝ်ႈ​တၼ်း​ၶူဝ်း​ၽြႃး​ပဵၼ်​ၸဝ်ႈ​ဢေႃႈ၊ ပိၵ်ႉ​သမ်ႉ​ႁဝ်း​ႁႅင်း​လဵၵ်ႉ​ၸိူဝ်ႉ​ၼင်ႇ​ၸဝ်ႈ​ၶရိၸ်ႈ​ၼၼ်ႉ​သေ​ၵေႃႈ၊ ႁဝ်း​တၵ်း​မီး​တၢင်း​ဢၼ်​ဢသၢၵ်ႈ​လိပ်း​ၸိူဝ်ႉ​ၼင်ႇ​ၸဝ်ႈ​ၶရိၸ်ႈ​ၼၼ်ႉ ၵွပ်ႈ​ပိူဝ်ႈ​တၼ်း​ၶူဝ်း​ၽြႃး​ပဵၼ်​ၸဝ်ႈ​ဢၼ်​ၼႄ​ပျႃး​ၼႂ်း​သူ​ၼၼ်ႉ​ဢေႃႈ။</verse>
				<verse number="5">သူ​တႄႇ​ယူႇ​ၼႂ်း​တၢင်း​ယုမ်ႇ​မၢတ်ႈ​ႁိုဝ်။ ဢမ်ႇ​တႄႇ​ယူႇ​ႁိုဝ်​ဝႃႈ​ၼႆ၊ ၸႅတ်ႈ​ထၢမ်​တူဝ်​ၸဝ်ႈ​ၵဝ်ႇ​လူး​ၵွၼ်ႇ​တႃႉ၊ ၸၢမ်း​တူၺ်း​တူဝ်​ၸဝ်ႈ​ၵဝ်ႇ​လူး​ၵွၼ်ႇ​တႃႉ၊ ပေႃး​ဢမ်ႇ​ပဵၼ်​ၵေႃႉ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​လႆႈ​ၸိုင်၊ ယေႇသူႉ​ၶရိၸ်ႈ ​တႄႇ​ယူႇ​ၵႃႈ​ၼႂ်း​သူ​ဝႃႈ​ၼႆ၊ တူဝ်​ၸဝ်ႈ​ၵဝ်ႇ​ဢမ်ႇ​ႁူႉ​လွင်ႈ​တူဝ်​ၸဝ်ႈ​ၵဝ်ႇ​ႁိုဝ်။-</verse>
				<verse number="6">ၵဝ်​မီး​တီႈ​မုင်ႈ​ထႃႈ​မွင်း​ထႃႈ လွင်ႈ​ဢၼ်​သူ​တၵ်း​ႁူႉ လွင်ႈ​ဢၼ်​ႁဝ်း​ပဵၼ်​ၵေႃႉ​ဢၼ်​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​လႆႈ​ၼၼ်ႉ​ယူႇ​ဢေႃႈ။-</verse>
				<verse number="7">ႁဝ်း​မီး​ဢလူဝ်ႇ​ၶႂ်ႈ​ႁႂ်ႈ​လွင်ႈ​ဢၼ်​ႁဝ်း​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​လႆႈ​ၼၼ်ႉ​၊ထၢင်ႇ​သႃး​ဢမ်ႇ​ၸႂ်ႈ၊ ပိၵ်ႉ​သမ်ႉ​ႁဝ်း​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ၸႅတ်ႈ​ထၢမ်​လႆႈ​ၼၼ်ႉ​သေ​ၵေႃႈ၊ ၼင်ႇ​ႁိုဝ်​သူ​တၵ်း​လႆႈ​ၵမ်​ၵျၢင်ႉ​ဢၼ်​လီ​ဢၼ်​ငၢမ်း​ၸိုင် ႁဝ်း​ႁဵတ်း​သူး​တွင်း​ပထၼႃႇ တီႈ​ၽြႃး​ပဵၼ်​ၸဝ်ႈ ႁႂ်ႈ​သူ​ဢမ်ႇ​ၵမ်​ဢမ်ႇ​ၵျၢင်ႉ​တၢင်း​ၵမ်​တၢင်း​ၵျၢင်ႉ​၊ဢၼ်​ဢမ်ႇ​လီ​ဢမ်ႇ​ငၢမ်း​သေ​ၸိူဝ်ႉ​သေ​ပိူင်​ၼၼ်ႉ​ယူႇ​ဢေႃႈ။-</verse>
				<verse number="8">ႁဝ်း​ဢမ်ႇ​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ႁႄႉ​ၶႅၼ်​သမ်ႇမႃႇ​တြႃး​ၼၼ်ႉ​လႃး​လႃး၊ ႁဝ်း​ယူႇ​ၽၢႆႇ​သမ်ႇမႃႇ​တြႃး​သေ​လႄႈ​တၢတ်ႈ​ၼိူင်ႇ​လႆႈ​ဢေႃႈ။-</verse>
				<verse number="9">မိူဝ်ႈ​ဢၼ်​ႁဝ်း​ႁႅင်း​လဵၵ်ႉ​လႄႈ​သူ​ႁႅင်း​ယႂ်ႇ​ၼၼ်ႉ​ၸိုင် ႁဝ်း​မီး​တၢင်း​ဢၼ်​သိူဝ်း​ပျေႃႇ​ဢေႃႈ၊ ႁဝ်း​မီး​ဢလူဝ်ႇ​ႁႂ်ႈ​သူ​လႆႈ​ၸေး​ၸုမ်ႇ​ၵူၺ်း​ဢေႃႈ။</verse>
				<verse number="10">ပိူဝ်ႈ​ၼႆ​လႄႈ၊တေႃႈ​လဵဝ်​ၼႆႉ ၸူဝ်ႈ​ဢၼ်​ၵဝ်​ယင်း​ၵႆ​ၵၼ်​တင်း​သူ​ယူႇ​ၼႆႉ ၵဝ်​တႅမ်ႈ​ပၼ်​ၸိူဝ်ႉ​ၼင်ႇ​ၼႆ ၵွပ်ႈ​ပိူဝ်ႈ​ဢၼ်​မိူဝ်ႈ​ဢၼ်​ၵဝ်​ႁွတ်ႈ​မႃး​ၼၼ်ႉ​ၸိုင်​၊ၵဝ်​ဢမ်ႇ​ၶႂ်ႈ​ပၼ်​တၢမ်ႇ​ဢၼ်​ယၢပ်ႇ​ၼႃႇ​လူင်​လၢင် ၸွမ်း​ၵႃႈ​ၼင်ႇ​ဢၼ်၊​တၼ်း​ၶူဝ်း​ဢၼ်​ၽြႃး​ပဵၼ်​ၸဝ်ႈ ဢၢပ်ႈ​ပၼ်​တီႈ​ၵဝ် ဢၼ်​ပဵၼ်​ပုၼ်ႈ​ဢၼ်​တၵ်း​ယႃႉ​ၽဵဝ်ႈ​ပႅတ်ႈ​ဢမ်ႇ​ၸႂ်ႈ၊ ဢၼ်​ပဵၼ်​ပုၼ်ႈ​ဢၼ်​တၵ်း​တႄႇ​ႁဵတ်း​ဢေႃႈ။</verse>
				<verse number="11">ၵႂၢမ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸမ်ႉ၊ ပီႈ​ၼွင်ႉ​ၶဝ်​ဢိူၺ်း၊ ႁႂ်ႈ​မင်ႇၵလႃႇ​မီး​တီႈ​သူ​သေ​ၵမ်း​လူၺ်ႈ၊ မီး​တၢင်း​ဢၼ်​ၸေး​ၸုမ်ႇ၊ တၢင်း​ဢၼ်​သၢၵ်ႈ​သႃႇ​သိူဝ်း​ပျေႃႇ​တႃႉ၊ မီး​ႁူဝ်​ၸႂ်​ဢၼ်​လဵဝ်​ၵၼ်​လႄႈ ယူႇ​ထုၵ်ႇ​ထုၵ်ႇ​ၵၼ်​တႃႉ၊ ပေႃး​ႁဵတ်း​ၸိူဝ်ႉ​ၼင်ႇ​ၼႆ​ၸိုင်၊ ၽြႃး​ပဵၼ်​ၸဝ်ႈ​ဢၼ်​ပၼ်​မႅတ်ႈ​တႃႇ ဢိၵ်ႇ​တင်း​ၵတ်း​ယဵၼ်​ၶျၢမ်း​သႃႇ တၢင်း​ဢၼ်​ယူႇ​ထုၵ်ႇ​ထုၵ်ႇ​ၵၼ်​ၼၼ်ႉ၊​တၵ်း​မီး​လူၺ်ႈ​ၵၼ်​တင်း​သူ​ဢေႃႈ။</verse>
				<verse number="12">ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ႁဵတ်း​တင်း​တၢင်း​ၼူမ်​ဢၼ်​မူတ်း​ၸၢင်ႇ​သေ​လႄႈ တၵ်ႉ​လၢတ်ႈ​ၵၼ်​တႃႉ။-</verse>
				<verse number="13">ၵူၼ်း​မူတ်း​ၸၢင်ႇ​ၵႃႈ​မီး​ၸိူဝ်း​ၼႆႉ တၵ်ႉ​ၼၢႆ​သူ​ဢေႃႈ။</verse>
				<verse number="14">ႁႂ်ႈ​ၵျေး​ၸူး​ၸဝ်ႈ​ ယေႇသူႉ​ၶရိၸ်ႈ ​ဢိၵ်ႇ​တင်း​မႅတ်ႈ​တႃႇ​ၽြႃး​ပဵၼ်​ၸဝ်ႈ​၊တင်း​မိၵ်ႉသႃႇႁႃယႃႉ​၊တၢင်း​ဢၼ်​ထုၵ်ႇ​ၵၼ်​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ မီး​ၼိူဝ်​သူ​သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ၵေႃးရိၼ်ႇထူႉ ၽိုၼ်​တူႉတီႉယႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="48">
			<chapter number="1">
				<verse number="1">ၵဝ်​ ပေႃးလူႉ ​ဢၼ်​ပဵၼ်​တမၢၼ်ႇ​ၸဝ်ႈ၊​ဢၼ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​ၵူၼ်း၊ ဢၼ်​ယင်း​ဢမ်ႇ​မီး​ဢၶႂၢင်ႉ​ၵူၼ်း​လႄႈ မီး​တင်း​ဢၶႂၢင်ႉ ယေႇသူႉ​ၶရိၸ်ႈ ဢိၵ်ႇ​တင်း​ဢၶႂၢင်ႉ​ပေႃႈ​ၸဝ်ႈ​၊ဢၼ်​ဝႃႈ​ၽြႃး​ပဵၼ်​ၸဝ်ႈ​ဢၼ်​ႁႂ်ႈ​ၸဝ်ႈ​ၼၼ်ႉ၊​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ၼႆႉ၊-</verse>
				<verse number="2">ဢိၵ်ႇ​တင်း​ပီႈ​ၼွင်ႉ​ၵႃႈ​ဢၼ်​မီး​ယူႇ​လူၺ်ႈ​ၵၼ်​တင်း​ၵဝ် တင်း​သဵင်ႈ​တင်း​လူင်​ၸိူဝ်း​ၼႆႉ ပၼ်​ငိၼ်း​ၵႂႃႇ တီႈ​ၸိူဝ်း​ၸဝ်ႈ​တင်း​လၢႆ​ဢၼ်​မီး​ၵႃႈ​ၼႂ်း​မိူင်း​ ၵလႃႇတီႉ ​ဢေႃႈ။-</verse>
				<verse number="3">ႁႂ်ႈ​သူႉ​ၵျေး​ၸူး​၊ဢိၵ်ႇ​တင်း​တၢင်း​ၼိမ်​ဢၼ်​ပဵၼ်​မႃး​ၵႃႈ​တီႈ​ပေႃႈ​ၸဝ်ႈ ဢၼ်​ဝႃႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ၊-</verse>
				<verse number="4">ဢဝ်​တူဝ်​ၸဝ်ႈ​ၵဝ်ႇ​၊ဢၢပ်ႈ​ပၼ်​ၵွပ်ႈ​ပိူဝ်ႈ​ဢပႅတ်ႈ​ႁဝ်း​၊ႁႂ်ႈ​လႆႈ ၶျွတ်ႈ​ဢဝ်​ႁဝ်း​၊ၵႃႈ​ၼႂ်း​ပိတ်ႉ​ၸူႉ​ပၢၼ်ႇ​ၽဝႃႉ​ဢၼ်​ႁၢႆႉ​မိူၵ်ႈ​ၼႆႉ မႅၼ်ႈ​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ ဢၼ်​ဝႃႈ​ၸဝ်ႈ​ပေႃႈ​ႁဝ်း​ၼၼ်ႉ​၊ မီး​ၼိူဝ်​သူ​သေ​ၵမ်း​လူၺ်ႈ။-</verse>
				<verse number="5">ႁႂ်ႈ​မုၼ်​ၽုင်း​မၼ်း​ၸဝ်ႈ​ၼၼ်ႉ​၊ ယႂ်ႇ​ၼႃႇ​ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း သေ​ၵမ်း​လူၺ်ႈ​တီႈ​ၶႃႈ၊ ဢႃႇမိၼ်ႇ။</verse>
				<verse number="6">ၵဝ်​မီး​တၢင်း​ဢၼ်​ဢၢမ်း လွင်ႈ​ဢၼ်​သူ​ၽၢတ်ႇ​ယၢၼ်​ၵၼ်​တင်း​၊ၵေႃႉ​ဢၼ်​ဢိင်​ၵျေး​ၸူး​ၸဝ်ႈ​ၶရိၸ်ႈ​သေ​လႄႈ ႁွင်ႉ​ဢဝ်​သူ​ၼၼ်ႉ​၊ၶၼ်​ၶၼ်​ၽႂ်း​ၽႂ်း​ထၢၼ်ႇ​ၼႆႉ​လႄႈ ႁပ်ႉ​တုင်း​ဢဝ်​တြႃး​သတၢင်း​သိူဝ်း​ပျေႃႇ​တၢင်ႇ​ၸိူဝ်ႉ​တၢင်ႇ​ဢၼ် ဢၼ်​ဢမ်ႇ​ၸႂ်ႈ​တြႃး​သတၢင်း​သိူဝ်း​ပျေႃႇ​ၼၼ်ႉ​၊ၼႃႇ​လူင်​လၢင်​ဢေႃႈ။-</verse>
				<verse number="7">မီး​ၵူၼ်း​ၵမ်ႈ​ၽွင်ႈ​၊ဢၼ်​ၸၢင်ႈ​ယႃႉ​ယူၵ်ႉ​သူ​လႄႈ ၶႂမ်ႈ​ပိၼ်ႈ တြႃး​သတၢင်း​သိူဝ်း​ပျေႃႇ​ၸဝ်ႈ​ၶရိၸ်ႈ​ပႅတ်ႈ​ၼၼ်ႉ​ဢေႃႈ။-</verse>
				<verse number="8">ၼႂ်း​ဝႃႈ​ၼၼ်​သေ​ၵေႃႈ လိူဝ်​သေ​တြႃး​သတၢင်း​သိူဝ်း​ပျေႃႇ ဢၼ်​ႁဝ်း​ႁေႃး​လၢတ်ႈ​တီႈ​သူ​ၼၼ်ႉ၊ ပေႃး​ႁဝ်း​ႁေႃး​လၢတ်ႈ တြႃး​သတၢင်း​သိူဝ်း​ပျေႃႇ​တၢင်ႇ​ၸိူဝ်ႉ​တၢင်ႇ​ဢၼ်​လႄႈ​သင်၊ ပေႃး​တမၢၼ်ႇ​ၵၢင်​ႁၢဝ်​ဢၼ်​လုၵ်ႉ​သေ​ၵႃႈ​တီႈ မိူင်း​ၵၢင်​ႁၢဝ်​မႃး​ၼၼ်ႉ ႁေႃး​လၢတ်ႈ​လႄႈ​သင်၊ ႁႂ်ႈ​ၵေႃႉ​ဢၼ်​ႁေႃး​လၢတ်ႈ​ၼၼ်ႉ ၶၢမ်ႇ​တၢင်း​ဢၼ်​မၼ်း​ၸဝ်ႈ ၵိၼ်ႇ​ဝႃႈ​သေ​ၵမ်း​လူၺ်ႈ။-</verse>
				<verse number="9">ၸိူဝ်ႉ​ၼင်ႇ​ဢၼ်​ၵဝ်​ဝႃႈ​ဝႆႉ​ဢၼ်​ဝႃႈ​လိူဝ်​သေ တြႃး​သတၢင်း​သိူဝ်း​ပျေႃႇ​ဢၼ်​သူ​လႆႈ​ၶၢမ်ႇ​ဢဝ်​ယဝ်ႉ​ၼၼ်ႉ၊ ပေႃး​သေ​ၵေႃႉ​သေ​ၵူၼ်း ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​တၢင်ႇ​ၸိူဝ်ႉ​တၢင်ႇ​ဢၼ်​ၸိုင်၊ ႁႂ်ႈ​ၵေႃႉ​ၼၼ်ႉ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ၵိၼ်ႇ​ဝႃႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ၼၼ်ႉ၊ တေႃႈ​လဵဝ်​ၼႆႉ​ၵဝ်​သမ်ႉ​ထၢပ်ႈ​ထႅင်ႈ​လႄႈ​ဝႃႈ​လူး​ၵွၼ်ႇ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ တေႃႈ​လဵဝ်​ၼႆႉ​ၵဝ်​ၸွမ်း​ဢလူဝ်ႇ​ၵူၼ်း​ႁိုဝ်။ ၸွမ်း​ဢလူဝ်ႇ​ၽြႃး​ပဵၼ်​ၸဝ်ႈ​ႁိုဝ်။ ၵဝ်​ၵျၢမ်ႇ​ႁႃ​ႁႂ်ႈ​လႆႈ​ထုၵ်ႇ​ၸႂ်​ၵူၼ်း​ႁိုဝ်။ ပေႃး​ၵဝ်​ယင်း​ထုၵ်ႇ​ၸႂ်​ၵူၼ်း​ယူႇ​ၸိုင်၊ ၵဝ်​ဢမ်ႇ​ၸႂ်ႈ​ၶႃႈ​ၸဝ်ႈ​ၶရိၸ်ႈ​ယဝ်ႉ။</verse>
				<verse number="11">ပီႈ​ၼွင်ႉ​ၶဝ်​ဢိူၺ်း၊ ၵဝ်​ပၼ်​ငိၼ်း​ၵႂႃႇ လွင်ႈ​ဢၼ်​တြႃး​သတၢင်း​သိူဝ်း​ပျေႃႇ​ဢၼ်​ၵဝ်​ႁေႃး​လၢတ်ႈ​ၼၼ်ႉ​၊ဢမ်ႇ​ၸႂ်ႈ​တြႃး​ၵူၼ်း။-</verse>
				<verse number="12">ၵဝ်​ဢမ်ႇ​လႆႈ​ၶၢမ်ႇ​ဢဝ်​ၵႃႈ​တီႈ​ၵူၼ်း၊ လိူဝ်​သေ​ပျႃႇ​တိၵ်ႈ​ ယေႇသူႉ​ၶရိၸ်ႈ ​ၼၼ်ႉ၊ ၵဝ်​ဢမ်ႇ​လႆႈ​ၶၢမ်ႇ​ဢဝ်​ၼႄး​ဢူႉပတေႇ​၊တၢင်ႇ​တီႈ​တၢင်ႇ​လႅၼ်​ၼၼ်ႉ​တီႈ​သူ​ဢေႃႈ။-</verse>
				<verse number="13">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​လႆႈ​ႁူႉ​လႆႈ​ငိၼ်း​လွင်ႈ​ဢၼ်​ၵဝ်​ယူႇ​ၼႂ်း​ၽႃႇသႃႇ​ ယူႉတႃႉ မိူဝ်ႈ​ဢွၼ်​ၼႆႉ​ၼၼ်ႉ​လႄႈ ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ​ဢၼ်​ဝႃႈ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ယႃႉ​ပႅတ်ႈ​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ​ၼႃႇ​သေ တၢင်း​ဢၼ်​တႅၵ်ႈ​တူၺ်း​လႆႈ၊-</verse>
				<verse number="14">ဢိၵ်ႇ​တင်း လွင်ႈ​ဢၼ်​ၵဝ်​ႁႅင်း​ယႂ်ႇ​ၼႃႇ​လူင်​လၢင် ၼႂ်း​ၼႄး​ဢူႉပတေႇ​မိူဝ်ႈ​ၵွၼ်ႇ ဢၼ်​ၵဝ်​လႆႈ​ၶၢမ်ႇ​ဢဝ် ၼႂ်း​မိုဝ်း​ပူႇ​မွၼ်ႇ​ၼၼ်ႉ​ယူႇ​သေ​လႄႈ ၵႆႉ​ၸွမ်း​ၽႃႇသႃႇ​ ယူႉတႃႉ ​ၼႃႇ​သေ​ၵူၼ်း​ၼမ်​ၼႃႇ ဢၼ်​ဢသၢၵ်ႈ​ပဵင်း​ၵၼ်​တင်း​ၵဝ် ၼႂ်း​ၸိူဝ်ႉ​ၶိူဝ်း​ၵဝ်​ၼၼ်ႉ​ယဝ်ႉ။</verse>
				<verse number="15">ၵူၺ်း​ၵႃႈ မိူဝ်ႈ​ဢၼ်​ၽြႃး​ပဵၼ်​ၸဝ်ႈ ဢၼ်​လိူၵ်ႈ​ၵဵပ်း​ဢဝ်​ၵဝ် ၽႄ​ဝႆႉ​ၸႃႉ​ၸဵမ်​မိူဝ်ႈ ၼႂ်း​တွင်ႉ​မႄႈ​လႄႈ ႁွင်ႉ​ဢဝ်​ၵဝ်​ၵွပ်ႈ​ၵျေး​ၸူး​ၸဝ်ႈ​ၼၼ်ႉ၊-</verse>
				<verse number="16">ၸွမ်း​ၼင်ႇ​ဢလူဝ်ႇ​မၼ်း​ၸဝ်ႈ ၼႄ​ပျႃး​လုၵ်ႈ​မၼ်း​ၸဝ်ႈ​တီႈ​ၵဝ် ႁႂ်ႈ​ၵဝ်​လႆႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​လုၵ်ႈ​မၼ်း​ၸဝ်ႈ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​ၸိုင်၊ ၵဝ်​ဢမ်ႇ​တိူင်ႇ​ပၢင်ႇ​ၵၼ်​တင်း​ၼိူဝ်ႉ​တင်း​လိူတ်ႈ။-</verse>
				<verse number="17">ၵႃႈ​တီႈ​ဝဵင်း​ ယေႇရူႉသလႅမ်ႇ တီႈ​ၶဝ်​ၸိူဝ်း​ဢၼ်​ပဵၼ်​တမၢၼ်ႇ​ၸဝ်ႈ ဢွၼ်​တၢင်း​ၵဝ်​ၼၼ်ႉ​ၵေႃႈ၊ ၵဝ်​ဢမ်ႇ​ၵႂႃႇ​ၸူး။ ၵဝ်​ၵႂႃႇ​ၵႃႈ​တီႈ​မိူင်း​ ဢရေႇပျႃႉ ​ၵမ်း​လဵဝ်​လႄႈ သမ်ႉ​ၶိုၼ်း​မိူဝ်း​ၵႃႈ​တီႈ​ဝဵင်း​ ထမ်ႇမသႅတ်ႉ ​ဢေႃႈ။</verse>
				<verse number="18">ဝၢႆး​ၼၼ်ႉ မိူဝ်ႈ​ဢၼ်​ပူၼ်ႉ​သၢမ်​ပီႊ​ယဝ်ႉ​ၼၼ်ႉ​ၸိုင်၊ ၵဝ်​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ၊ ႁႂ်ႈ​လႆႈ​မိုတ်ႈ​ၵိုဝ်း​ၵၼ်​တင်း​ ၵေႇၽႃႉ ​လႄႈ ယူႇ​လူၺ်ႈ​ၵၼ်​တင်း​မၼ်း​သိပ်း​ႁႃႈ​ဝၼ်း​ဢေႃႈ။-</verse>
				<verse number="19">လိူဝ်​သေ​မၼ်း ဢိၵ်ႇ​တင်း​ ယႃႇၵုပ်ႈ ​ၼွင်ႉ​ၸၢႆး​ၸဝ်ႈ​ၽြႃး​ၼၼ်ႉ၊ ၵဝ်​ဢမ်ႇ​ထူပ်း​ဢမ်ႇ​ႁၼ်​တမၢၼ်ႇ​ၸဝ်ႈ တၢင်ႇ​တီႈ​တၢင်ႇ​ပႃး​သေ​ၵေႃႉ​သေ​ၵူၼ်း။-</verse>
				<verse number="20">လွင်ႈ​တၢင်း​ဢၼ်​ၵဝ်​တႅမ်ႈ​ပၼ်​ငိၼ်း​ၵႂႃႇ​တီႈ​သူ ၸိူဝ်ႉ​ၼင်ႇ​ၼႆ​ၼၼ်ႉ​ၸမ်ႉ၊ ၵဝ်​ဢမ်ႇ​သုင်း​ဢမ်ႇ​လၢတ်ႈ​ၵႂၢမ်း​မူႉ​သႃႇ​ဝႃႈ​ၼႆ၊ ၵဝ်​ဝႃႈ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="21">ဝၢႆး​ၼၼ်ႉ၊ ၵဝ်​ၵႂႃႇ​ၵႃႈ​တီႈ​မိူင်း​ သူႉရီႉ ​တင်း​မိူင်း​ ၵီႉလီႉၵီႉ ​သေ​လႄႈ၊-</verse>
				<verse number="22">ၸိူဝ်း​ၸဝ်ႈ​ဢၼ်​ၶၢမ်ႇ​ဢဝ်​ၽႃႇသႃႇ​ၸဝ်ႈ​ၶရိၸ်ႈ ၵႃႈ​ၼႂ်း​မိူင်း​ ယူႉတႃႉ ​တင်း​လၢႆ​ၼၼ်ႉ ယင်း​ဢမ်ႇ​ႁူႉ​ၸၵ်း​ၼႃႈ​ၵဝ်​လႄႈ​ယူႇ​ဢေႃႈ။-</verse>
				<verse number="23">ၶဝ်​လႆႈ​ငိၼ်း​ပိူၼ်ႈ​ဝႃႈ၊ ၵေႃႉ​ဢၼ်​ယၢမ်ႈ​ၼိၵ်ႈ​ၸၢၵ်ႈ​ငႅၼ်း​သႄး​ႁဝ်း​ၼၼ်ႉ တေႃႈ​လဵဝ်​ၼႆႉ​တူဝ်​ၸဝ်ႈ​ၵဝ်ႇ ႁေႃး​လၢတ်ႈ​တြႃး​တၢင်း​ယုမ်ႇ​မၢတ်ႈ ဢၼ်​တူဝ်​ၸဝ်ႈ​ၵဝ်ႇ​ယၢမ်ႈ​ယႃႉ​ပႅတ်ႈ​မိူဝ်ႈ​ဢွၼ်​ၼႆႉ​ၼၼ်ႉ​ယူႇ​ဢေႃႈ၊ ဝႃႈ​ၼင်ႇ​ၼႆ​ၵူၺ်း​လႄႈ၊-</verse>
				<verse number="24">ယွင်ႈ​ယေႃး​ၽြႃး​ပဵၼ်​ၸဝ်ႈ​ၵွပ်ႈ​ပိူဝ်ႈ​လွင်ႈ​ၵဝ်​ဢေႃႈ။</verse>
			</chapter>
			<chapter number="2">
				<verse number="1">ဝၢႆး​ၼၼ်ႉ၊ မိူဝ်ႈ​ဢၼ်​ပူၼ်ႉ​သိပ်း​သီႇ​ပီႊ​ယဝ်ႉ​ၼၼ်ႉ​ၸိုင်၊ ၵဝ်​ႁွင်ႉ​ဢဝ်​ တီႉတူႉ ​လႄႈ သမ်ႉ​ၵႂႃႇ​ၵႃႈ​တီႈ​ဝဵင်း​ ယေႇရူႉသလႅမ်ႇ ​လူၺ်ႈ​ၵၼ်​တင်း ပႃႇၼပႃႉ ​ဢေႃႈ။-</verse>
				<verse number="2">ၵဝ်​ၵႂႃႇ​ၸွမ်း​ၼင်ႇ​ပျႃႇ​တိၵ်ႈ​ၸဝ်ႈ​သေ​လႄႈ မွၵ်ႇ​လၢတ်ႈ​တြႃး​သတၢင်း​သိူဝ်း​ပျေႃႇ​ဢၼ်​ၵဝ်​ႁေႃး​လၢတ်ႈ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ တၢင်ႇ​ၶိူဝ်း​တင်း​လၢႆ​ၼၼ်ႉ​ဢေႃႈ။ မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ ၵဝ်​တဵတ်ႇ​တဵတ်ႇ​မွၵ်ႇ​လၢတ်ႈ​တီႈ ၶဝ်​ၸိူဝ်း​ဢၼ်​မီး​သရေႇ​ၼၼ်ႉ​ၵူၺ်း ႁႂ်ႈ​လွင်ႈ​တၢင်း​ဢၼ်​ၵဝ်​လႆႈ​ပွင်​ႁဵတ်း​မႃး​ယဝ်ႉ ဢိၵ်ႇ​တင်း​လွင်ႈ​တၢင်း​ဢၼ် ၵဝ်​တၵ်း​ပွင်​ႁဵတ်း​ၵမ်း​လိုၼ်း​ၼၼ်ႉ ဢမ်ႇ​လႆႈ​ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။-</verse>
				<verse number="3">ၵူၺ်း​ၵႃႈ​ တီႉတူႉ ​ဢၼ်​ပဵၼ်​မဵဝ်း​ၵူၼ်း​ ႁေႇလသႃႉ ၊ ဢၼ်​ပႃး​လူၺ်ႈ​ၵၼ်​တင်း​ၵဝ်​ၼၼ်ႉ​ၸိုင် ၶဝ်​ဢမ်ႇ​ႁႂ်ႈ​ၶၢမ်ႇ​တၢင်း​ဢၼ်​ထိူဝ်​ႁိမ်း။-</verse>
				<verse number="4">ၵွပ်ႈ​ပိူဝ်ႈ​ၶဝ်​ၸိူဝ်း​ဢၼ်​ႁဵတ်း​ၸိူဝ်ႉ​ၼင်ႇ​ႁၢင်ႈ​ပီႈ​ႁၢင်ႈ​ၼွင်ႉ ဢၼ်​ပိူၼ်ႈ​ဢဝ်​တင်း​ပရီႉယႄႇ​သႂၢင်း​သႂ်ႇ​ၵႃႈ​ၼႂ်း​ႁဝ်း ဢၼ်​မီး​တၢင်း​ၵျၢမ်ႇ​တၢင်း​ပွင် တၵ်း​လၵ်ႉ​လွမ်​တူၺ်း​တၢင်း​ဢၼ်​လွတ်ႈ​ၵၢင်း ဢၼ်​ႁဝ်း​လႆႈ​ၸၢမ်ႇ​ၸႃး​ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ လွင်ႈ​ၼင်ႇ​ႁိုဝ်​ႁဝ်း​တၵ်း​လႆႈ​ၶၢမ်ႇ​ႁဵတ်း​ၶႃႈ​ၼၼ်ႉ​လႄႈ လႆႈ​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="5">ၼင်ႇ​ႁိုဝ်​တြႃး​သတၢင်း​သိူဝ်း​ပျေႃႇ ဢၼ်​ၸိုဝ်ႈ​ဢၼ်​ၸႂ်ႈ​တၵ်း​လႆႈ​တႄႇ​ယူႇ​ၼႂ်း​သူ​ၸိုင် ႁဝ်း​ဢမ်ႇ​ႁပ်ႉ​တုင်း​ဢဝ်​၊တၢင်း​ဢၼ်​ၶဝ်​ၸီႇ​ယၢင်ႇ​ၼၼ်ႉ​သေ​ၼႃႇရီႇ​ၼိုင်ႈ။-</verse>
				<verse number="6">ၵဝ်​ဢမ်ႇ​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ဢၼ် ၶဝ်​ၸိူဝ်း​ဢၼ်​မီး​သရေႇ​ၼၼ်ႉ​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်၊​မိူဝ်ႈ​ဢွၼ်​ၼႆႉ​ၼၼ်ႉ။ ၽြႃး​ပဵၼ်​ၸဝ်ႈ​ဢမ်ႇ​တူၺ်း​ၼႃႈ​ၵူၼ်း။ ၶဝ်​ၸိူဝ်း​ဢၼ်​မီး​သရေႇ​ၼၼ်ႉ ဢမ်ႇ​ႁႂ်ႈ​ဢမ်ႇ​ပၼ်​လွင်ႈ​တၢင်း​ဢၼ်​လၢၵ်ႇ​ပိူင်ႈ​လိူဝ်​တွၼ်း​မႃး ၼၼ်ႉ​ဢမ်ႇ​ၵႃး၊-</verse>
				<verse number="7">ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ဢၼ်​ႁဵတ်း​ပဵၼ် ၼႂ်း​ ပေႇတရူႉ ​ႁႂ်ႈ​မၼ်း​လႆႈ​ပဵၼ်​တမၢၼ်ႇ​ၸဝ်ႈ ၼႂ်း​ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ ႁဵတ်း​ပဵၼ်​ၼႂ်း​ၵဝ် ႁႂ်ႈ​ၵဝ်​လႆႈ​ပဵၼ်​တမၢၼ်ႇ​ၸဝ်ႈ ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​လႄႈ၊-</verse>
				<verse number="8">မိူဝ်ႈ​ဢၼ်​ၶဝ်​ႁူႉ​ႁၼ်​လွင်ႈ​ဢၼ်​မၼ်း​ၸဝ်ႈ ဢၢပ်ႈ​ပၼ်​တြႃး​သတၢင်း​သိူဝ်း​ပျေႃႇ ဢၼ်​ဢမ်ႇ​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼႆႉ တီႈ​ၵဝ်​မိူၼ်​ၸိူဝ်ႉ​ၼင်ႇ​ဢၼ် ဢၢပ်ႈ​ပၼ်​တြႃး​သတၢင်း​သိူဝ်း​ပျေႃႇ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​တီႈ​ ပေႇတရူႉ ​ၼၼ်ႉ​လႄႈ၊-</verse>
				<verse number="9">ႁူႉ​ၵျေး​ၸူး​ဢၼ်​ၵဝ်​လႆႈ​ၶၢမ်ႇ​ဢဝ်​ၼၼ်ႉ​ၸိုင်၊ ယႃႇၵုပ်ႈ၊ ၵေႇၽႃႉ ၊ တင်း​ ယူဝ်းႁၢၼ်ႇ ​ဢၼ်​ပဵၼ်​ၸိူဝ်ႉ​ၼင်ႇ​ႁၢင်ႈ တီႈ​ဢၼ်​ပိူၼ်ႈ​ပိုင်ႈ​ဢိင်​ၸိူဝ်း​ၼၼ်ႉ​ၵေႃႈ ပၼ်​တၢင်း​ဢၼ်​ၶၢမ်ႇ​မိုဝ်း​ၶွၼ်​ၶႂႃ တီႈ​ၵဝ်​တင်း​ ပႃႇၼပႃႉ ႁႂ်ႈ​ႁဝ်း​လႆႈ​ၵႂႃႇ​ၸူး ၵႃႈ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ ဢိၵ်ႇ​တင်း​ႁႂ်ႈ​ၶဝ်​လႆႈ ၵႂႃႇ​ၸူး​ၵႃႈ​တီႈ​ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ဢေႃႈ။-</verse>
				<verse number="10">ၵူၺ်း​ၵႃႈ​ၶဝ်​မီး​ဢလူဝ်ႇ​ၶႂ်ႈ​ႁႂ်ႈ​ႁဝ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ၵူၺ်း​ဢေႃႈ။ လွင်ႈ​တၢင်း​ၼၼ်ႉ​ၸိုင်​ၵဝ်​မီး​တၢင်း​ဢၼ်​ၵႆႉ​ၵျူဝ်း​ၸႃး​ယူႇ​ဢေႃႈ။</verse>
				<verse number="11">ဝၢႆး​ၼၼ်ႉ​မိူဝ်ႈ​ဢၼ်​ ၵေႇၽႃႉ ​ႁွတ်ႈ​မႃး​ၵႃႈ​တီႈ​ဝဵင်း​ ဢၼ်ႇတီႉဢူၵ်ႉ ​ၼၼ်ႉ​ၸိုင်၊ ပိူဝ်ႈ​ဢၼ်​မီး​လွင်ႈ​ဢၼ်​တၵ်း​တၢင်ႇ ဢပႅတ်ႈ​တီႈ​မၼ်း​ၼၼ်ႉ​လႄႈ​ၵဝ်​လႆႈ​ဝႃႈ​လႆႈ​ထဵင် ႁႄႉ​ၶႅၼ်​တူဝ်​မၼ်း​ဢေႃႈ။-</verse>
				<verse number="12">လွင်ႈ​မၼ်း​ၸမ်ႉ ၸူဝ်ႈ​ဢၼ်​ၵူၼ်း​ၵမ်ႈ​ၽွင်ႈ ဢမ်ႇ​ပႆႇ​လုၵ်ႉ​သေ​ၵႃႈ​တီႈ​ ယႃႇၵုပ်ႈ ​ႁွတ်ႈ​မႃး​ၼၼ်ႉ​ၸိုင်၊ မၼ်း​ၼၼ်ႉ ၵိၼ်​လူၺ်ႈ​ၵၼ်​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ယူႇ​ဢေႃႈ။ လိုၼ်း​သေ​ၶဝ်​ႁွတ်ႈ​မႃး​ယဝ်ႉ​ၼၼ်ႉ၊ မၼ်း​တူၺ်း​ၼႃႈ​ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ် ထိူဝ်​ႁိမ်း​ၼၼ်ႉ​လႄႈ ဢမ်ႇ​ႁတ်း​ႁဵတ်း​ၵေႃႉ​ႁဵတ်း​သေႈ လူၺ်ႈ​ၵၼ်​တင်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ၊ ယူႇ​ႁင်း​ၽႂ်​ႁင်း​မၼ်း​သေ​ဢေႃႈ။-</verse>
				<verse number="13">ၵူၼ်း​ ယူႉတႃႉ ​ဢၼ်​ယင်း​ၵိုတ်း​ယူႇ​ၸိူဝ်း​ၼၼ်ႉ ထိမ်ႇ​မႅပ်း​လူၺ်ႈ​ၵၼ်​တင်း​မၼ်း​ထၼ်ႈ​ပေႃး ႁႂ်ႈ​ ပႃႇၼပႃႉ ​ပႃး​ၵႂႃႇ​ၽၢႆႇ​ၶဝ် ၵွပ်ႈ​ပိူဝ်ႈ​တၢင်း​ဢၼ်​ၶဝ် ထိမ်ႇ​မႅပ်း​ၼၼ်ႉ​ဢေႃႈ။-</verse>
				<verse number="14">မိူဝ်ႈ​ဢၼ်​ၵဝ်​ႁၼ်​လွင်ႈ​ဢၼ်​ၶဝ် ဢမ်ႇ​ၵမ်​ၵျၢင်ႉ​သိုဝ်ႈ​သိုဝ်ႈ​တေႃႇ​တေႃႇ မႅၼ်ႈ​ၸွမ်း​ၼင်ႇ​တြႃး​သတၢင်း​သိူဝ်း​ပျေႃႇ​ဢၼ်​မၢၼ်ႇ ဢၼ်​မႅၼ်ႈ​ၼၼ်ႉ​ၸိုင်၊ ၵဝ်​လၢတ်ႈ​တီႈ​ ၵေႇၽႃႉ ​ၵႃႈ​တီႈ​ၽၢႆႇ​ၼႃႈ​ၶဝ်​တင်း​သဵင်ႈ​တင်း​လူင်​လႄႈ​ဝႃႈ​ၸမ်ႉ၊ ပေႃး​မႂ်း​ပဵၼ်​ၵူၼ်း​ ယူႉတႃႉ ​ယူႇ​လႄႈ ယင်း​ဢမ်ႇ​ၵမ်​ဢမ်ႇ​ၵျၢင်ႉ​ၸွမ်း​ၼင်ႇ​ထုင်း​ၸၢမ်ႇ​ၵူၼ်း​ ယူႉတႃႉ ၊ ၵမ်​ၵျၢင်ႉ​ၸွမ်း​ၼင်ႇ​ထုင်း​ၸၢမ်ႇ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​ယူႇ​ၸိုင်၊ ႁဵတ်း​သင်​လႄႈ မႂ်း​ႁဵတ်း​ပႄႉ​ႁဵတ်း​ၼႅင်ႇ ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၵမ်​ၵျၢင်ႉ​ၸွမ်း​ၼင်ႇ​ထုင်း​ၸၢမ်ႇ​ၵူၼ်း​ ယူႉတႃႉ ​ယူႇ​ၼင်ႇ​ႁိုဝ်။-</verse>
				<verse number="15">ၵွပ်ႈ​ပိူဝ်ႈ​ဢၼ်​ႁဝ်း​ဢမ်ႇ​ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ဢပႅတ်ႈ​ထၢင်ႇ​သႃး​ယူႇ​ၼၼ်ႉ​လႄႈ၊ ၸွမ်း​ၼင်ႇ​ၸႃႇ​တီႉ​ၸိူဝ်ႉ​ၶိူဝ်း​ပဵၼ်​ၵူၼ်း​ ယူႉတႃႉ ​လႄႈ၊-</verse>
				<verse number="16">ႁူႉ​လွင်ႈ​ဢၼ်​ၵူၼ်း ဢမ်ႇ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ပိင်း​ၺၢပ်ႈ​တြႃး​ၼၼ်ႉ​လႄႈ ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ ယေႇသူႉ​ၶရိၸ်ႈ ​ႁႂ်ႈ​လႆႈ​ႁွတ်ႈ​ထိုင် တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ ပိင်း​ၺၢပ်ႈ​တြႃး​ဢမ်ႇ​ၸႂ်ႈ။ ႁဝ်း​ၵေႃႈ​လႆႈ​ယုမ်ႇ​မၢတ်ႈ​ ယေႇသူႉ​ၶရိၸ်ႈ ​ႁႂ်ႈ​လႆႈ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ ၸဝ်ႈ​ၶရိၸ်ႈ​ၼၼ်ႉ​ယဝ်ႉ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ပိင်း​ၺၢပ်ႈ​တြႃး​လႄႈ ၽူႈ​လႂ်​ဢမ်ႇ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​လႆႈ။-</verse>
				<verse number="17">ၼႂ်း​လွင်ႈ​ဢၼ်​ႁဝ်း​ၵျူဝ်း​ၸႃး ႁႂ်ႈ​လႆႈ​ႁွတ်ႈ​ထိုင် တၢင်း​ဢၼ်​သိုဝ်ႈ​တေႃႇ ၼႂ်း​ၸဝ်ႈ​ၶရိၸ်ႈ​ၼၼ်ႉ၊ ပေႃး​ႁဝ်း​ယင်း​ပဵၼ် ၵေႃႉ​ဢၼ်​ဢပႅတ်ႈ​ထၢင်ႇ​သႃး​ယူႇ ဢမၢၼ်ႇ​ၶၼ်​ပဵၼ်​ၸိုင်၊ ၸဝ်ႈ​ၶရိၸ်ႈ​ၼၼ်ႉ ပဵၼ်​ၵေႃႉ​ဢၼ်​ပွင်​ႁဵတ်း​ဢပႅတ်ႈ​တြႃး​ႁိုဝ်။ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။-</verse>
				<verse number="18">ပေႃး​ၵဝ်​သမ်ႉ​ၶိုၼ်း​တႄႇ​ႁဵတ်း လွင်ႈ​တၢင်း​ဢၼ်​ၵဝ်​ၵိူၼ်ႇ​ယႃႉ​ပႅတ်ႈ မိူဝ်ႈ​ဢွၼ်​ၼႆႉ​ၼၼ်ႉ​ၸိုင်၊ တူဝ်​ၸဝ်ႈ​ၵဝ်ႇ​ၼႄ​ပျႃး​လွင်ႈ​ဢၼ်​တူဝ်​ၸဝ်ႈ​ၵဝ်ႇ မီး​ဢပႅတ်ႈ​ၼၼ်ႉ​ယူႇ​ဢေႃႈ။-</verse>
				<verse number="19">လိူဝ်​သေ​ၼၼ်ႉ​ၵွပ်ႈ​ပိူဝ်ႈ​ပိင်း​ၺၢပ်ႈ​တြႃး​လႄႈ ၵဝ်​တၢႆ​ၵႃႈ​တီႈ​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ပိင်း​ၺၢပ်ႈ​တြႃး ႁႂ်ႈ​ၵဝ်​ဢသၢၵ်ႈ​လႆႈ​လိပ်း ၵႃႈ​တီႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။-</verse>
				<verse number="20">ၵဝ်​လႆႈ​ၶၢမ်ႇ​တၢႆ​လူၺ်ႈ​ၵၼ်​တင်း​ၸဝ်ႈ​ၶရိၸ်ႈ၊ ၵႃႈ​တီႈ​သဝ်​လၵ်း​ဝႃး​ၵၢပ်ႈ​ၼၼ်ႉ​ယဝ်ႉ။ ၵူၺ်း​ၵႃႈ​ၵဝ်​ဢသၢၵ်ႈ​ယင်း​လိပ်း​ယူႇ​ဢေႃႈ။ မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ ၵဝ်​ဢမ်ႇ​လိပ်း၊ ၸဝ်ႈ​ၶရိၸ်ႈ လိပ်း​ယူႇ​ၼႂ်း​ၵဝ်​ဢေႃႈ။ ဢသၢၵ်ႈ​ဢၼ်​ၵဝ်​လိပ်း​ၼႂ်း​တူဝ်​ၶၼ်ႇ​ထႃႇ​ၼႆႉ တႄႇ​ယူႇ​ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လုၵ်ႈ​ၽြႃး​ပဵၼ်​ၸဝ်ႈ ဢၼ်​ႁၵ်ႉ​ၵဝ်​လႄႈ ဢဝ်​တူဝ်​ၸဝ်ႈ​ၵဝ်ႇ ၸုၼ်ႉ​ပႅတ်ႈ​ပုၼ်ႈ​ၵဝ်​ၼၼ်ႉ​ဢေႃႈ။-</verse>
				<verse number="21">ၵဝ်​ဢမ်ႇ​ပႄႇ​ပႅတ်ႈ​ၵျေး​ၸူး​ၽြႃး​ပဵၼ်​ၸဝ်ႈ။ ပေႃး​ဢိင်​ပိင်း​ၺၢပ်ႈ​တြႃး​သေ​လႄႈ ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​လႆႈ​ၸိုင် ၸဝ်ႈ​ၶရိၸ်ႈ​ၼၼ်ႉ ၶၢမ်ႇ​တၢင်း​တၢႆ​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ယဝ်ႉ။</verse>
			</chapter>
			<chapter number="3">
				<verse number="1">ၵူၼ်း​ ၵလႃႇတီႉ ​ဢၼ်​ဢမ်ႇ​မီး​ပိင်ႇ​ၺႃႇ​ၶဝ်​ဢိူၺ်း၊ ယေႇသူႉ​ၶရိၸ်ႈ ​ဢၼ်​ၶၢမ်ႇ​တၢင်း​တၢႆ​ၵႃႈ​တီႈ​သဝ်​လၵ်း​ဝႃး​ၵၢပ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ၼႄ​ပျႃး​ထၢင်ႇ​ထၢင်ႇ​သႃး​သႃး သိုဝ်ႈ​ၼႃႈ​တႂ်ႈ​တႃ​သူ​ယဝ်ႉ​လႄႈ ၽူႈ​လႂ်​ၸေႃး​သူ​ႁဵတ်း​သူ ႁႂ်ႈ​သူ​ဢမ်ႇ​လႆႈ​ထွမ်ႇ​ဢဝ်​သမ်ႇမႃႇ​တြႃး။-</verse>
				<verse number="2">သူ​လႆႈ​ၶၢမ်ႇ​ဝီႉၺိၺ်ႇ​ၸဝ်ႈ​ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ပိင်း​ၺၢပ်ႈ​တြႃး​ႁိုဝ်။ ဢမ်ႇ​ၼၼ် သူ​လႆႈ​ၶၢမ်ႇ​ၵွပ်ႈ​ပိူဝ်ႈ​တၢင်း​ဢၼ်​လႆႈ​ထွမ်ႇ​လႆႈ​ငိၼ်း တြႃး​တၢင်း​ဢၼ်​ယုမ်ႇ​မၢတ်ႈ​ႁိုဝ် ဝႃႈ​ၼႆ​ၵဝ်​ၶႂ်ႈ​ႁူႉ​လွင်ႈ​ၼႆႉ​ၵူၺ်း​တီႈ​သူ​ဢေႃႈ။-</verse>
				<verse number="3">သူ​ဢမ်ႇ​မီး​ပိင်ႇ​ၺႃႇ​ထၢၼ်ႇ​ၼႆႉ​ႁိုဝ်။ သူ​ဢိင်​ဝီႉၺိၺ်ႇ​ၸဝ်ႈ​သေ​လႄႈ ၸႃႉ​ႁဵတ်း​သေ​ယဝ်ႉ၊ တေႃႈ​လဵဝ်​ၼႆႉ သူ​တၵ်း​ဢိင်​ၸႃႇ​တီႉ​သေ​လႄႈ ႁႂ်ႈ​ယဝ်ႉ​ႁႂ်ႈ​တူဝ်ႈ​ႁိုဝ်။-</verse>
				<verse number="4">သူ​ၶၢမ်ႇ​တၢင်း​ၽၢၼ်​ထၢၼ်ႇ​ၼႆႉ လၢႆ​လၢႆ​လွၵ်ႇ​လွၵ်ႇ​ယဝ်ႉ​ႁိုဝ်။ တၵ်း​လႆႈ​ပဵၼ်​ဢၼ်​လၢႆ​လၢႆ​လွၵ်ႇ​လွၵ်ႇ​ႁိုဝ်။-</verse>
				<verse number="5">လိူဝ်​သေ​ၼၼ်ႉ၊ ၵေႃႉ​ဢၼ်​ပၼ်​ဝီႉၺိၺ်ႇ​ၸဝ်ႈ တီႈ​သူ​လႄႈ ၼႄ​ပျႃး​တၼ်း​ၶူဝ်း​ၼမ်​ၼႃႇ​ၼႂ်း​သူ​ၼၼ်ႉ ၼႄ​ပျႃး​ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ပိင်း​ၺၢပ်ႈ​တြႃး​ႁိုဝ်။ ၼႄ​ပျႃး​ၵွပ်ႈ​ပိူဝ်ႈ​တၢင်း​ဢၼ်​ထွမ်ႇ​ငိၼ်း​တြႃး​တၢင်း​ဢၼ်​ယုမ်ႇ​မၢတ်ႈ​ႁိုဝ်။-</verse>
				<verse number="6">မိူၼ်​ၼင်ႇ​ၼႆ၊ ဢႃႇပြႃႇႁၢမ်ႇ ​ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ​လႄႈ မၼ်း​ၸဝ်ႈ​မၢတ်ႈ​တၢင်း​ယုမ်ႇ​မၢတ်ႈ​မၼ်း​ၼၼ်ႉ ပဵၼ်​ၸိူဝ်ႉ​ၼင်ႇ​တၢင်း​ဢၼ်​သိုဝ်ႈ​တေႃႇ​ဢေႃႈ။-</verse>
				<verse number="7">ၶဝ်​ၸိူဝ်း​ဢၼ်​မီး​တၢင်း​ယုမ်ႇ​မၢတ်ႈ​ၼၼ်ႉ ပဵၼ်​လုၵ်ႈ​ ဢႃႇပြႃႇႁၢမ်ႇ ​ဝႃႈ​ၼႆ​ႁူႉ​တႃႉ။-</verse>
				<verse number="8">ၵျၢမ်း​လိၵ်ႈ​မုင်ႈ​ထႃႈ​မွင်း​ထႃႈ လွင်ႈ​ဢၼ်​ၽြႃး​ပဵၼ်​ၸဝ်ႈ တၵ်း​ထွၵ်ႈ​လူၺ်ႈ​တၢင်း​ဢၼ်​ယုမ်ႇ​မၢတ်ႈ​သေ​လႄႈ ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ တႄႇ​ယူႇ​ၼႂ်း​တၢင်း​ဢၼ်​သိုဝ်ႈ​တေႃႇ​ၼၼ်ႉ​ယူႇ​သေ​လႄႈ မွၵ်ႇ​လၢတ်ႈ​တြႃး​သတၢင်း​သိူဝ်း​ပျေႃႇ​တီႈ​ ဢႃႇပြႃႇႁၢမ်ႇ မိူဝ်ႈ​ဢွၼ်​ၼႆႉ​ၼၼ်ႉ​လႄႈ​ဝႃႈ၊ ၵူၼ်း​မဵဝ်း​တင်း​သဵင်ႈ​တင်း​လူင် တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ ၵႃႈ​ၼႂ်း​မႂ်း​ၼႆႉ​ဢေႃႈ။ ဝႃႈ​ၼင်ႇ​ၼႆ​ဢေႃႈ။-</verse>
				<verse number="9">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် ၶဝ်​ၸိူဝ်း​ဢၼ်​မီး​တၢင်း​ယုမ်ႇ​မၢတ်ႈ​ၼၼ်ႉ တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​လူၺ်ႈ​ၵၼ်​တင်း​ ဢႃႇပြႃႇႁၢမ်ႇ ဢၼ်​ယုမ်ႇ​မၢတ်ႈ​ၼၼ်ႉ​ဢေႃႈ။</verse>
				<verse number="10">ၶဝ်​ၸိူဝ်း​ဢၼ်​ဢိင်​တၢင်း​ၵမ်​တၢင်း​ၵျၢင်ႉ ပိင်း​ၺၢပ်ႈ​တြႃး​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၵိၼ်ႇ​ဝႃႈ​ဢေႃႈ။ လွင်ႈ​မၼ်း​ၸမ်ႉ ၵျၢမ်း​လိၵ်ႈ​မႃး​လႄႈ​ဝႃႈ၊ ႁႂ်ႈ​ၶဝ်​ၸိူဝ်း​ဢၼ်​ဢမ်ႇ​ၵမ်​ၵျၢင်ႉ​ယူႇ​သေႇ​သေႇ ၸွမ်း​ၼင်ႇ​ၵႂၢမ်း​ၵႃႈ​ဢၼ်​ပႃး​ၼႂ်း ၵျၢမ်း​ပိင်း​ၺၢပ်ႈ​တီႉ​ၼၼ်ႉ​ၵူႈ​ၵေႃႉ​ၵူႈ​ၵူၼ်း ၶၢမ်ႇ​တၢင်း​ဢၼ်​မၼ်း​ၸဝ်ႈ​ၵိၼ်ႇ​ဝႃႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">လိူဝ်​သေ​ၼၼ်ႉ လွင်ႈ​ဢၼ်​ၽူႈ​လႂ်​ဢမ်ႇ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ပိင်း​ၺၢပ်ႈ တြႃး​လႆႈ​ၼၼ်ႉ​ၸိုင် ထၢင်ႇ​သႃး​ယူႇ​ဢေႃႈ။ လွင်ႈ​မၼ်း​ၸမ်ႉ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ဢသၢၵ်ႈ​တၵ်း​လိပ်း​ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ဢေႃႈ။-</verse>
				<verse number="12">ပိင်း​ၺၢပ်ႈ​တြႃး​ၸမ်ႉ၊ ဢမ်ႇ​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ယုမ်ႇ​မၢတ်ႈ။ ၵေႃႉ​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ၼၼ်ႉ၊​ဢသၢၵ်ႈ​တၵ်း​လိပ်း​ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ၼၼ်ႉ​ဢေႃႈ။-</verse>
				<verse number="13">မႅၼ်ႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​ႁွႆႈ​ဢဝ်​ၽႅၼ် ၵႃႈ​တီႈ​သဝ်​မႆႉ​သဝ်​လၵ်း​ၵူႈ​ၵေႃႉ​ၵူႈ​ၵူၼ်း​ၼၼ်ႉ ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ ၸဝ်ႈ​ၶရိၸ်ႈ​ၼၼ်ႉ​လႆႈ​ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ပုၼ်ႈ​ႁဝ်း​လႄႈ ထုတ်ႇ​ဢဝ်​ႁဝ်း​ၵႃႈ​ၼႂ်း​တၢင်း​ဢၼ်​ၵိၼ်ႇ​ဢၼ်​ဝႃႈ​ပိင်း​ၺၢပ်ႈ​တြႃး​ယဝ်ႉ။-</verse>
				<verse number="14">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​တၢင်း​လီ​မင်ႇၵလႃႇ​ဢၼ်​ ဢႃႇပြႃႇႁၢမ်ႇ ​လႆႈ​ၶၢမ်ႇ​ဢဝ်​ၼၼ်ႉ တၵ်း​လႆႈ​ႁွတ်ႈ​မႃး​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ​ၼၼ်ႉ ဢိၵ်ႇ​တင်း​လွင်ႈ​ၼင်ႇ​ႁိုဝ်​ႁဝ်း တၵ်း​လႆႈ​ၶၢမ်ႇ​ဢဝ်​ဝီႉၺိၺ်ႇ​ၸဝ်ႈ ဢၼ်​ၸၢပ်ႈ​သႅင်ႇ​ၵၼ်​တင်း​ၵတီႉ​ၸဝ်ႈ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ၼၼ်ႉ​ၸိုင် ၸင်ႇ​ပဵၼ်​ဢေႃႈ။</verse>
				<verse number="15">ပီႈ​ၼွင်ႉ​ၶဝ်​ဢိူၺ်း၊ ၵဝ်​တၵ်း​လၢတ်ႈ​ၸွမ်း​ၼင်ႇ​ဝေႃးႁႃႇရႃႉ​ၵူၼ်း​လူး​ၵွၼ်ႇ​ဢေႃႈ။ ပဵၼ်​ၵူၼ်း​သေ​ၵေႃႈ၊ ပေႃး​ၶျုၵ်ႈ​လိၵ်ႈ​ဢၼ်​ႁပ်ႉ​တုင်း​ဢဝ်​ယဝ်ႉ​ၸိုင်၊ ၽူႈ​လႂ်​သေ​ဢမ်ႇ​ဝႃႈ ဢမ်ႇ​လႆႈ​ပႄႇ​လႆႈ​ပႅတ်ႈ၊ ဢမ်ႇ​လႆႈ​သမ်ႉ​ၶိုၼ်း​ထၢပ်ႈ​လႄႈ​သႂ်ႇ​ၵႂၢမ်း​ထႅင်ႈ။-</verse>
				<verse number="16">ၵတီႉ​တင်း​လၢႆ​ၸိုင်​မၼ်း​ၸဝ်ႈ​ဝႆႉ​တီႈ​ ဢႃႇပြႃႇႁၢမ်ႇ ​ဢိၵ်ႇ​တင်း​ၸိူဝ်ႉ​ၶိူဝ်း​မၼ်း​ဢေႃႈ။ ၸိူဝ်ႉ​ၶိူဝ်း​တင်း​လၢႆ​ဝႃႈ​ၼႆ မၼ်း​ၸဝ်ႈ​ၶႂ်ႈ​ဝႃႈ လွင်ႈ​ၵူၼ်း​ၼမ်​ၼႃႇ​ဢမ်ႇ​ၸႂ်ႈ။ ၸိူဝ်ႉ​ၶိူဝ်း​မႂ်း​ဝႃႈ​ၼႆ၊​မၼ်း​ၸဝ်ႈ​ၶႂ်ႈ​ဝႃႈ​လွင်ႈ​ၵေႃႉ​လဵဝ်​ၵူၺ်း​ဢေႃႈ။ ၵေႃႉ​လဵဝ်​ၵူၺ်း​ၼၼ်ႉ​ၸမ်ႉ၊​ပဵၼ်​ၸဝ်ႈ​ၶရိၸ်ႈ​ဢေႃႈ။-</verse>
				<verse number="17">ၵဝ်​ဝႃႈ​ၸမ်ႉ၊ ပတီႉၺိၺ်ႇ​တြႃး​ဢၼ်​ၽြႃး​ပဵၼ်​ၸဝ်ႈ ႁႂ်ႈ​တႄႇ​ဝႆႉ​ယဝ်ႉ​မိူဝ်ႈ​ဢွၼ်​တၢင်း​ၼၼ်ႉ​ၸိုင် ပိင်း​ၺၢပ်ႈ​တြႃး​ဢၼ်​ပဵၼ်​မႃး​လိုၼ်း​သေ​ၼၼ်ႉ ပီႊ​မိူင်း​သီႇ​ပၢၵ်ႇ​ပၢႆ​သၢမ်​သိပ်း​ပီႊ​ၼၼ်ႉ ဢမ်ႇ​ပႄႇ​ပႅတ်ႈ​လႆႈ။ ဢမ်ႇ​ႁႂ်ႈ​ၵတီႉ​ၸဝ်ႈ​ၼၼ်ႉ​ပဵၼ်​ဢၼ်​လၢႆ​လၢႆ​လွၵ်ႇ​လွၵ်ႇ။-</verse>
				<verse number="18">လိူဝ်​သေ​ၼၼ်ႉ၊ ပေႃး​ဢမူၺ်ႇ​ၸဝ်ႈ​ၸၢပ်ႈ​သႅင်ႇ​ၵၼ်​တင်း​ပိင်း​ၺၢပ်ႈ​တြႃး​ၸိုင်၊ ဢမ်ႇ​ၸၢပ်ႈ​သႅင်ႇ​ၵၼ်​တင်း​ၵတီႉ​ၸဝ်ႈ။ ၽြႃး​ပဵၼ်​ၸဝ်ႈ​ၸွမ်း​ၼင်ႇ​ၵတီႉ​ၸဝ်ႈ​လႄႈ ဢဵတ်း​လူ​ပၼ်​ဢမူၺ်ႇ​ၸဝ်ႈ​ၼၼ်ႉ တီႈ​ ဢႃႇပြႃႇႁၢမ်ႇ ​ဢေႃႈ။</verse>
				<verse number="19">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ပိင်း​ၺၢပ်ႈ​တြႃး​မီး​ဢၵျူဝ်း​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၸူဝ်ႈ​ဢၼ်​ၸိူဝ်ႉ​ၶိူဝ်း​ဢၼ်​ၶၢမ်ႇ​ဢဝ်​ၵတီႉ​ၸဝ်ႈ​ၼၼ်ႉ ဢမ်ႇ​ပႆႇ​ပဵၼ်​ၼၼ်ႉ​ၸိုင်၊ မၼ်း​ၸဝ်ႈ​ထၢပ်ႈ​ပၼ်​တြႃး​ၼၼ်ႉ​ထႅင်ႈ ၵွပ်ႈ​ပိူဝ်ႈ​တူႉ​ၸရိူၵ်ႈ​ဢပႅတ်ႈ​ဢေႃႈ။ မၼ်း​ၸဝ်ႈ​ဢဝ်​တမၢၼ်ႇ​ၵၢင်​ႁၢဝ်​တင်း​လၢႆ​သေ​လႄႈ ဝႆႉ​တြႃး​ၼၼ်ႉ​ၼႂ်း​မိုဝ်း​ၵူၼ်း​ဝူင်ႈ​ၵၢင်​ဢေႃႈ။-</verse>
				<verse number="20">ၵူၼ်း​ဝူင်ႈ​ၵၢင်​ၸမ်ႉ၊ ၸၢပ်ႈ​သႅင်ႇ​ၵၼ်​တင်း​ၽၢႆႇ​လဵဝ်​ၵူၺ်း​ဢမ်ႇ​ၸႂ်ႈ ၽြႃး​ပဵၼ်​ၸဝ်ႈ​ၸမ်ႉ၊​ပဵၼ်​ၽၢႆႇ​ၼိုင်ႈ​ဢေႃႈ။</verse>
				<verse number="21">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ပိင်း​ၺၢပ်ႈ​တြႃး​ပဵၼ်​ဢၼ်​ၶတ်း​ၵၼ်​တင်း ၵတီႉ​ၽြႃး​ပဵၼ်​ၸဝ်ႈ​ႁိုဝ်။ ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။ ပေႃး​မၼ်း​ၸဝ်ႈ​ပၼ်​ပိင်း​ၺၢပ်ႈ​တြႃး​ဢၼ်​ႁႂ်ႈ​ဢသၢၵ်ႈ​လိပ်း​ၸိုင် တၵ်း​လႆႈ​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တြႃး​ၼၼ်ႉ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="22">ၵူၺ်း​ၵႃႈ​ၼင်ႇ​ႁိုဝ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၼၼ်ႉ တၵ်း​လႆႈ​ၵတီႉ​ၸဝ်ႈ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ယုမ်ႇ​မၢတ်ႈ ယေႇသူႉ​ၶရိၸ်ႈ ​ၸိုင် ၵျၢမ်း​လိၵ်ႈ​ၶျုၵ်ႈ​ၵူၼ်း​တင်း​သဵင်ႈ​တင်း​လူင်​ဝႆႉ ၵႃႈ​ၼႂ်း​ဢပႅတ်ႈ​ဢေႃႈ။</verse>
				<verse number="23">ၸူဝ်ႈ​ဢၼ်​တြႃး​တၢင်း​ဢၼ်​ယုမ်ႇ​မၢတ်ႈ ဢမ်ႇ​ပႆႇ​ႁွတ်ႈ​ထိုင်​ၼၼ်ႉ​ၸိုင်​၊ ပိင်း​ၺၢပ်ႈ​တြႃး​ပႂ်ႉ​ထိင်း​ႁဝ်း​ယူႇ​လႄႈ မိူဝ်ႈ​ၼၼ်ႉ ႁဝ်း​မုင်ႈ​ထႃႈ​မွင်း​ထႃႈ​တြႃး​တၢင်း​ဢၼ်​ယုမ်ႇ​မၢတ်ႈ ဢၼ်​တၵ်း​ပေႃႇ​မႃး​ၵမ်း​လိုၼ်း​ၼၼ်ႉ​သေ​လႄႈ ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ​ဢေႃႈ။-</verse>
				<verse number="24">ပိူဝ်ႈ​ၼႆ​လႄႈ ၼင်ႇ​ႁိုဝ်​ႁဝ်း​တၵ်း​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ၸိုင် ပိင်း​ၺၢပ်ႈ​တြႃး​ပဵၼ် ၵူၼ်း​ပႂ်ႉ​ၵူၼ်း​ထိင်း​ႁဝ်း​လႄႈ ဢဝ်​ႁဝ်း​ၵႂႃႇ​ၸူး​ၵႃႈ​တီႈ​ၸဝ်ႈ​ၶရိၸ်ႈ​ဢေႃႈ။-</verse>
				<verse number="25">ပိူဝ်ႈ​ဢၼ်​တြႃး​တၢင်း​ဢၼ်​ယုမ်ႇ​မၢတ်ႈ​ႁွတ်ႈ​မႃး​ယဝ်ႉ​လႄႈ ႁဝ်း​လွတ်ႈ​သေ​ၵႃႈ​ၼႂ်း​မိုဝ်း ၵူၼ်း​ပႂ်ႉ​ၵူၼ်း​ထိင်း​ၼၼ်ႉ​ဢေႃႈ။-</verse>
				<verse number="26">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​ၵႃႈ​မီး​တင်း​သဵင်ႈ​တင်း​လူင် ပဵၼ်​လုၵ်ႈ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ဢၼ်​ယုမ်ႇ​မၢတ်ႈ​ ယေႇသူႉ ၶရိၸ်ႈ ​ဢေႃႈ။-</verse>
				<verse number="27">သူ​ၸိူဝ်း​ဢၼ်​ၶၢမ်ႇ​ ပပ်ႉတီႉၸမ်ႇ ​ၼႂ်း​ၸဝ်ႈ​ၶရိၸ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပဵၼ်​ၵေႃႉ​ဢၼ်​ဢဝ်​ၸဝ်ႈ​ၶရိၸ်ႈ​ၼုင်ႈ​မႆ​ဢေႃႈ။-</verse>
				<verse number="28">ၵႃႈ​ၼႂ်း​ၸဝ်ႈ​ၶရိၸ်ႈ​ၸိုင်၊ ဢမ်ႇ​မီး​ၵူၼ်း​ ယူႉတႃႉ ၊ ဢမ်ႇ​မီး​ၵူၼ်း​ ႁေႇလသႃႉ ၊ ဢမ်ႇ​မီး​ၶႃႈ၊ ဢမ်ႇ​မီး​ၵူၼ်း​လွတ်ႈ၊ ဢမ်ႇ​မီး​ၵူၼ်း​ၸၢႆး၊ ဢမ်ႇ​မီး​ၵူၼ်း​ယိင်း။ ၵႃႈ​ၼႂ်း​ၸဝ်ႈ​ၶရိၸ်ႈ​ၼၼ်ႉ သူ​ၵႃႈ​မီး​တင်း​သဵင်ႈ​တင်း​လူင် ပဵၼ်​ဢၼ်​လဵဝ်​ၵၼ်​ယဝ်ႉ။-</verse>
				<verse number="29">ပေႃး​သူ​ၸၢပ်ႈ​သႅင်ႇ​ၵၼ်​တင်း ၸဝ်ႈ​ၶရိၸ်ႈ​ၸိုင်၊ သူ​ပဵၼ်​ၸိူဝ်ႉ​ၶိူဝ်း​ ဢႃႇပြႃႇႁၢမ်ႇ ​လႄႈ တႄႇ​ယူႇ​ၼႂ်း​တၢင်း​ဢၼ်​ၶၢမ်ႇ​ဢမူၺ်ႇ​ၸွမ်း​ၼင်ႇ​ၵတီႉ​ၸဝ်ႈ​ဢေႃႈ။</verse>
			</chapter>
			<chapter number="4">
				<verse number="1">ၵဝ်​သမ်ႉ​ဝႃႈ​ထႅင်ႈ​ၸမ်ႉ၊ ၵေႃႉ​ဢၼ်​တၵ်း​ၶၢမ်ႇ​ဢမူၺ်ႇ​ၼၼ်ႉ ပိၵ်ႉ​သမ်ႉ​ပဵၼ်​ၵေႃႉ​ဢၼ်​ထိူၵ်ႈ​ပိူင်ႇ​ဢုၵ်ႉ​ၸႃႇ ၵႃႈ​မီး​တင်း​သဵင်ႈ​တင်း​လူင်​သေ​ၵေႃႈ၊ ၼႂ်း​ၶိင်ႇ​ၵႃႇလႃႉ​မိူဝ်ႈ​ဢၼ်​ယင်း​တိုၵ်ႉ​ပဵၼ်​လုၵ်ႈ​ဢွၼ်ႇ​ယူႇ​ၼၼ်ႉ​ၸိုင် မိူၼ်​ၸိူဝ်ႉ​ၼင်ႇ​ၶႃႈ ဢၼ်​လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ၼၼ်ႉ​ယူႇ​ဢေႃႈ။-</verse>
				<verse number="2">ၸူဝ်ႈ​ဢၼ်​ၶိင်ႇ​ၵႃႇလႃႉ​ဢၼ်​ပေႃႈ​မၼ်း​ၸီႇ​ယၢင်ႇ​ဝႆႉ​ၼၼ်ႉ ဢမ်ႇ​ပႆႇ​ႁွတ်ႈ​ထိုင်​ၼၼ်ႉ​ၸိုင် မၼ်း​မီး​ယူႇ​ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ပႂ်ႉ​ဢၼ်​ထိင်း ဢိၵ်ႇ​တင်း​ၶဝ်​ၸိူဝ်း​ဢၼ်​ဢုပ်ႉ​ဢၼ်​ပိူင်ႇ​ၼၼ်ႉ​ယူႇ​ဢေႃႈ။-</verse>
				<verse number="3">မိူၼ်​ၸိူဝ်ႉ​ၼင်ႇ​ၼၼ်၊ ႁဝ်း​ၼႆႉ​ၵေႃႈ၊ ၼႂ်း​မိူဝ်ႈ​ဢၼ်​ယင်း​တိုၵ်ႉ​ပဵၼ်​လုၵ်ႈ​ဢွၼ်ႇ​ယူႇ​ၼၼ်ႉ​ၸိုင် လႆႈ​ၶၢမ်ႇ​ႁဵတ်း​ၶႃႈ​ၵႃႈ​ၼႂ်း​လေႃးၵီႇ တြႃး​ၼုမ်ႇ​ဢၼ်​ဢမ်ႇ​ၸေး​ဢမ်ႇ​ၸုမ်ႇ​ၼၼ်ႉ​ယူႇ​ဢေႃႈ။-</verse>
				<verse number="4">မိူဝ်ႈ​ဢၼ်​ၶိင်ႇ​ၵႃႇလႃႉ​ၸေး​ၼၼ်ႉ​ၸိုင် ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​လုၵ်ႈ​ၸဝ်ႈ ဢၼ်​ဢဝ်​ပတိၵ်ႉသၼ်ႇထေႇ​ၼႂ်း​တွင်ႉ​မႄႈ​ယိင်း​သေ​လႄႈ ၵိူတ်ႇ​လဵင်ႉ​မႃး​တႂ်ႈ​ပိင်း​ၺၢပ်ႈ​တြႃး​ၼၼ်ႉ​မႃး၊-</verse>
				<verse number="5">ႁႂ်ႈ​လႆႈ​ထုတ်ႇ​ဢဝ်​ႁဝ်း ဢၼ်​မီး​ယူႇ​ၼႂ်း​မိုဝ်း​ပိင်း​ၺၢပ်ႈ​တြႃး လွင်ႈ​ၼင်ႇ​ႁိုဝ်​ႁဝ်း​တၵ်း​လႆႈ​ၶၢမ်ႇ​တၢင်း​ဢၼ်​ယွင်ႈ​ဝႆႉ​ၵႃႈ​ၼႂ်း​ဢရႃႇ​လုၵ်ႈ​ဢေႃႈ။-</verse>
				<verse number="6">ပိူဝ်ႈ​ဢၼ်​သူ​ပဵၼ်​လုၵ်ႈ​ၸိူဝ်ႉ​ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​ဝီႉၺိၺ်ႇ​လုၵ်ႈ​မၼ်း​ၸဝ်ႈ ဢၼ်​ၸၢင်ႈ​ႁွင်ႉ​ဝႃႈ၊ ဢပ်ႉပႃႉ​ပေႃႈ၊ ဝႃႈ​ၼင်ႇ​ၼႆ​ၼၼ်ႉ​မႃး​ၵႃႈ​ၼႂ်း​ႁူဝ်​ၸႂ်​သူ​ဢေႃႈ။-</verse>
				<verse number="7">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၵမ်း​လိုၼ်း​သူ​ဢမ်ႇ​ပဵၼ်​ၶႃႈ ဢၼ်​လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ၊ ပဵၼ်​လုၵ်ႈ​ဢေႃႈ။ ပေႃး​ပဵၼ်​လုၵ်ႈ​ၸိုင်၊ ပဵၼ်​ၵေႃႉ​ဢၼ်​ၶၢမ်ႇ​ဢမူၺ်ႇ​ၵွပ်ႈ​ပိူဝ်ႈ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="8">ၵူၺ်း​ၵႃႈ မိူဝ်ႈ​ဢွၼ်​ၼႆႉ​ၼၼ်ႉ မိူဝ်ႈ​ဢၼ်​သူ​ဢမ်ႇ​ႁူႉ​ၽြႃး​ပဵၼ်​ၸဝ်ႈ​ၼၼ်ႉ​ၸိုင် သူ​ပွင်​ႁဵတ်း​ဢမူႉ​ၶဝ်​ၸိူဝ်း​ဢၼ်​ၸွမ်း​လူၺ်ႈ ၸႃႇ​တီႉ​ဢမ်ႇ​ၸႂ်ႈ​ၽြႃး​ဢေႃႈ။-</verse>
				<verse number="9">တေႃႈ​လဵဝ်​ၼႆႉ​ၸမ်ႉ၊ သူ​ႁူႉ​ၽြႃး​ပဵၼ်​ၸဝ်ႈ​သေ​ယဝ်ႉ ဝႃႈ​ၼႆ​ဢမ်ႇ​ဝႃႈ၊ ၽြႃး​ပဵၼ်​ၸဝ်ႈ​ႁူႉ​သူ​သေ​ယဝ်ႉ၊ ႁဵတ်း​သင်​လႄႈ​သူ​သမ်ႉ​ၶၢႆႉ​ပုတ်ႈ​ၶိုၼ်း​ၵႂႃႇ​ၵႃႈ​ၼႂ်း​မိုဝ်း​တြႃး​ၼုမ်ႇ​ဢၼ်​ဢမ်ႇ​မီး​ႁႅင်း၊ ဢၼ်​ဢမ်ႇ​ပၼ်​ၵတ်း​ယဵၼ်​ၶျၢမ်း​သႃႇ​လႆႈ​ၼၼ်ႉ​ၸိူဝ်ႉ​ၼင်ႇ​ႁိုဝ်။ သူ​မီး​ဢလူဝ်ႇ​ႁႂ်ႈ​လႆႈ ၶိုၼ်း​ၶၢမ်ႇ​ႁဵတ်း​ၶႃႈ ၵႃႈ​ၼႂ်း​တြႃး​လေႃးၵီႇ​ၼၼ်ႉ​ယဝ်ႉ​လူင်​ပႄႇ။-</verse>
				<verse number="10">သူ​ပႂ်ႉ​ပီႊ၊ လိူၼ်၊ ဝၼ်း ၶိင်ႇ​ၵႃႇလႃႉ​ၼမ်​ၼႃႇ​လူင်​ပႄႇ။-</verse>
				<verse number="11">ၵဝ်​ၵူဝ်​တၢင်း​ဢၼ်​ၵဝ်​ၵႆႉ​ၵျူဝ်း​ၸႃး​ၵႃႈ​ၼႂ်း​သူ​ၼၼ်ႉ တၵ်း​ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​လႄႈ မီး​တီႈ​မႆႈ​ၸႂ်​ၵွပ်ႈ​ပိူဝ်ႈ​လွင်ႈ​သူ​ယူႇ​ဢေႃႈ။</verse>
				<verse number="12">ပီႈ​ၼွင်ႉ​ၶဝ်​ဢိူၺ်း​ၵဝ်​ပဵၼ်​ၸိူဝ်ႉ​ၼင်ႇ​သူ​ယူႇ​ဢေႃႈ။ သူ​ၵေႃႈ​ပဵၼ်​ၸိူဝ်ႉ​ၼင်ႇ​ၵဝ်​တႃႉ​ဝႃႈ​ၼႆ၊ ၵဝ်​တွင်း​ပၢၼ်ႇ​သူ​ဢေႃႈ။ သူ​ဢမ်ႇ​ၽိတ်း​ပိူင်ႈ​ၵဝ်​လႃး​လႃး။-</verse>
				<verse number="13">သူ​ႁူႉ​လွင်ႈ​ဢၼ်​ၵဝ်​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​တီႈ​သူ​မိူဝ်ႈ​ဢွၼ်​ၼႆႉ​ၼၼ်ႉ ၵွပ်ႈ​ပိူဝ်ႈ​တၢင်း​ၶႆႈ​တၢင်း​ပဵၼ် တူဝ်​ၸဝ်ႈ​ၵဝ်ႇ​ယူႇ​ဢေႃႈ။-</verse>
				<verse number="14">သူ​ဢမ်ႇ​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​တၢင်း​ဢၼ်​ၸၢမ်း​တူၺ်း ဢၼ်​ၵဝ်​လႆႈ​ၶၢမ်ႇ​ၼႂ်း​တူဝ်​ၵႃႇ​ယႃႉ​ၼၼ်ႉ​လႄႈ ဢမ်ႇ​ပႄႇ​ဢမ်ႇ​ပႅတ်ႈ​ၵဝ်။ သူ​ႁပ်ႉ​တုင်း​ဢဝ်​ၵဝ် မိူၼ်​ၸိူဝ်ႉ​ၼင်ႇ​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ​မိူၼ်​ၸိူဝ်ႉ​ၼင်ႇ​ ယေႇသူႉ​ၶရိၸ်ႈ ​ၼၼ်ႉ​ဢေႃႈ။-</verse>
				<verse number="15">ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ မင်ႇၵလႃႇ​ဢၼ်​သူ​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ မီး​ၵႃႈ​လႂ်။ မိူဝ်ႈ​ဢွၼ်​ၼႆႉ​ၼၼ်ႉ ပေႃး​ဢဝ်​မၢၵ်ႇ​တႃ​တူဝ်​ၸဝ်ႈ​ၵဝ်ႇ​ဢွၵ်ႇ​သေ​လႄႈ ပၼ်​တီႈ​ၵဝ်​လႆႈ​ၸိုင် သူ​မီး​ဢလူဝ်ႇ​ၶႂ်ႈ​ပၼ်​ဢေႃႈ​ဝႃႈ​ၼႆ၊ ၵဝ်​ၶၢမ်ႇ​သၢၵ်ႈ​သေႇ​ဢေႃႈ။-</verse>
				<verse number="16">တေႃႈ​လဵဝ်​ၼႆႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​ၵဝ်​ႁေႃး​လၢတ်ႈ​သမ်ႇမႃႇ​တြႃး​တီႈ​သူ​ၼၼ်ႉ​လႄႈ ၵဝ်​ပဵၼ်​ရၢၼ်ႇ​သူႇ​သူ​ႁိုဝ်။-</verse>
				<verse number="17">ပိူၼ်ႈ​ႁၵ်ႉ​သူ​ၼႃႇ​လူင်​လၢင်​ဝႃႈ​ၼႆ၊ ႁႂ်ႈ​ၸႂ်ႈ​သေ​လူး​ၵွၼ်ႇ​တႃႉ။ ၶဝ်​ႁၵ်ႉ​သူ​လီ​လီ​ငၢမ်း​ငၢမ်း​ဢမ်ႇ​ၸႂ်ႈ။ ၼင်ႇ​ႁိုဝ်​သူ​တၵ်း​ႁၵ်ႉ​ၶဝ်​ၼႃႇ​လူင်​လၢင်​ၸိုင် ၶဝ်​ၼၼ်ႉ​မီး​ဢလူဝ်ႇ​ဢၼ်​ၶႂ်ႈ​ႁႂ်ႈ​သူ လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​ဢေႃႈ။-</verse>
				<verse number="18">ၼႂ်း​ဝႃႈ​ၼၼ်​သေ​ၵေႃႈ သူ​ထုၵ်ႇ​လီ​ႁၵ်ႉ​လွင်ႈ​ဢၼ်​လီ​ဢၼ်​ငၢမ်း​ၼၼ်ႉ​ၼႃႇ​လူင်​လၢင် ၼႂ်း​မိူဝ်ႈ​ဢၼ်​ၵဝ်​မီး​ယူႇ​လူၺ်ႈ​ၵၼ်​တင်း​သူ​ၼၼ်ႉ​ၵူၺ်း​ဢမ်ႇ​ၸႂ်ႈ။ ထုၵ်ႇ​လီ​ႁၵ်ႉ​ၼႃႇ​လူင်​လၢင်​သေႇ​သေႇ​ဢေႃႈ။-</verse>
				<verse number="19">လုၵ်ႈ​ဢွၼ်ႇ​လၢင်း​ဢွၼ်ႇ​ဢၼ်​ၵဝ်​ႁၵ်ႉ ဢၼ်​ၵဝ်​သမ်ႉ​လႆႈ​ၶိုၼ်း​ၶၢမ်ႇ​ဝူၺ်ႇတၼႃႇ တၢင်း​ဢၼ်​ၵိူတ်ႇ​လဵင်ႉ​ပုၼ်ႈ​သူ တေႃႇ​ထိုင်​ႁွတ်ႈ ၸဝ်ႈ​ၶရိၸ်ႈ​တႄႇ​ယူႇ​ၼႂ်း​သူ​ၼၼ်ႉ​ၶဝ်​ဢိူၺ်း၊-</verse>
				<verse number="20">ပိူဝ်ႈ​ဢၼ်​ၵဝ်​မီး​တၢင်း​ဢၼ်​ယုမ်ႇ​ၶိုင်ႈ​ၼိုင်ႈ ဢမ်ႇ​ယုမ်ႇ​ၶိုင်ႈ​ၼိုင်ႈ​တီႈ​သူ​လႄႈ ၵဝ်​မီး​ဢလူဝ်ႇ​ၶႂ်ႈ​ထူပ်း​ႁၼ်​သူ​တေႃႈ​လဵဝ်​ၼႆႉ​လႄႈ ၶၢႆႉ​ပုတ်ႈ​သဵင်​ၵႂၢမ်း​ဢၼ်​ပႅၵ်ႇ​ၵၼ်​ပိူင်ႈ​ၵၼ်​ဢေႃႈ။</verse>
				<verse number="21">သူ​ၸိူဝ်း​ဢၼ်​ၶႂ်ႈ​ယူႇ​တႂ်ႈ​ပိင်း​ၺၢပ်ႈ​တြႃး​ၶဝ်​ဢိူၺ်း၊ သူ​ဢမ်ႇ​ႁူႉ​ဢမ်ႇ​ငိၼ်း​ပိင်း​ၺၢပ်ႈ​တြႃး​ႁိုဝ်။-</verse>
				<verse number="22">ဢၼ်​မႃး​ၼႂ်း​ၵျၢမ်း​ပိင်း​ၺၢပ်ႈ​တီႉ​လႄႈ​ဝႃႈ​ၸမ်ႉ၊ တီႈ​ ဢႃႇပြႃႇႁၢမ်ႇ ​မီး​လုၵ်ႈ​ၸၢႆး​သွင်​ၵေႃႉ​ဢေႃႈ။ လုၵ်ႈ​ၸၢႆး​ၵေႃႉ​ၼိုင်ႈ​ၸမ်ႉ၊ ပဵၼ်​လုၵ်ႈ​ၸၢႆး မႄႈ​ယိင်း​ဢၼ်​ၶၢမ်ႇ​ႁဵတ်း​ၶႃႈ​ဢေႃႈ။ ၵေႃႉ​ၼိုင်ႈ​ၸမ်ႉ၊ ပဵၼ်​လုၵ်ႈ​ၸၢႆး မႄႈ​ယိင်း​ဢၼ်​ဢမ်ႇ​ၸႂ်ႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="23">လုၵ်ႈ​ၸၢႆး​မႄႈ​ယိင်း​ၶႃႈ​ၼၼ်ႉ ပဵၼ်​လုၵ်ႈ​ဢၼ်​ၵိူတ်ႇ​လဵင်ႉ​မႃး​ၸွမ်း​လူၺ်ႈ​ၸႃႇ​တီႉ​ပၵတီႉ​ဢေႃႈ။ လုၵ်ႈ​ၸၢႆး​မႄႈ​ယိင်း​ဢၼ်​ဢမ်ႇ​ၸႂ်ႈ​ၶႃႈ​ၼၼ်ႉ ပဵၼ်​လုၵ်ႈ​ဢၼ်​ၵိူတ်ႇ​လဵင်ႉ​မႃး​ၸွမ်း​လူၺ်ႈ​ၵတီႉ​ၸဝ်ႈ​ဢေႃႈ။-</verse>
				<verse number="24">လွင်ႈ​တၢင်း​ၸိူဝ်း​ၼၼ်ႉ​ပဵၼ်​ပုင်ႇ​ဢူႉပမႃႇ​ဢေႃႈ။ မႄႈ​ယိင်း​သွင်​ၵေႃႉ​ၼၼ်ႉ​ၸမ်ႉ၊ ၶႂ်ႈ​ဝႃႈ​ပတီႉၺိၺ်ႇ​တြႃး​သွင်​ပႃး​ဢေႃႈ။ မႄႈ​ယိင်း​ဢၼ်​လႆႈ​ၸိုဝ်ႈ ႁႃႇၵရႃႉ ​ဢၼ်​ဝႃႈ ပတီႉၺိၺ်ႇ​တြႃး​ပႃး​ၼိုင်ႈ​ၼၼ်ႉ ပဵၼ်​တြႃး​ဢၼ်​ၸီႇ​ယၢင်ႇ​ၵႃႈ​တီႈ​ၼိူဝ်​လွႆ​ သီႉၼႃႉ ​လႄႈ ၸင်ႇ​ၵိူတ်ႇ​လဵင်ႉ​မႃး​ၶႃႈ​ၵူၺ်း​ဢေႃႈ။-</verse>
				<verse number="25">လွင်ႈ​မၼ်း​ၸမ်ႉ ႁႃႇၵရႃႉ ​ၼၼ်ႉ​ပဵၼ်​လွႆ​ သီႉၼႃႉ ဢၼ်​မီး​ယူႇ​ၼႂ်း​မိူင်း​ ဢရေႇပျႃႉ ​ၼၼ်ႉ​ဢေႃႈ။ မိူၼ်​ၵၼ်​တင်း​ဝဵင်း​ ယေႇရူႉသလႅမ်ႇ ဢၼ်​မီး​ယူႇ​တေႃႈ​လဵဝ်​ၼႆႉ​ဢေႃႈ။ မၼ်း​ဢိၵ်ႇ​တင်း​လုၵ်ႈ​မၼ်း​တင်း​လၢႆ​ၼၼ်ႉ လႆႈ​ၶၢမ်ႇ​ႁဵတ်း​ၶႃႈ​ဢေႃႈ။-</verse>
				<verse number="26">ဝဵင်း​ ယေႇရူႉသလႅမ်ႇ ​ဢၼ်​မီး​ၵႃႈ​ၼိူဝ်​ၸမ်ႉ၊ ပဵၼ်​မႄႈ​ယိင်း​ဢၼ်​ဢမ်ႇ​ၸႂ်ႈ​ၶႃႈ​ဢၼ်​ဝႃႈ မႄႈ​ႁဝ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="27">ဢၼ်​ၵျၢမ်း​လိၵ်ႈ​မႃး​လႄႈ​ဝႃႈ​ၸမ်ႉ၊ မႄႈ​မၼ် ဢၼ်​ဢမ်ႇ​ၵိူတ်ႇ​လဵင်ႉ​လုၵ်ႈ​ဢိူၺ်း၊ သိူဝ်း​ပျေႃႇ​တႃႉ။ မႄႈ​ယိင်း​ဢၼ်​ဢမ်ႇ​ပႆႇ​ၶၢမ်ႇ​ဝူၺ်ႇတၼႃႇ တၢင်း​ဢၼ်​ၵိူတ်ႇ​လဵင်ႉ​လုၵ်ႈ​ဢိူၺ်း၊ ႁွင်ႉ​ပဝ်ႇ​ႁွင်ႉ​သႅၼ်ႇ​တႃႉ။ လွင်ႈ​မၼ်း​ၸမ်ႉ မႄႈ​ယိင်း​ဢၼ်​ၸုၼ်ႉ​ပႅတ်ႈ​ဝႆႉ​ၼၼ်ႉ ယဵင်ႈ​ၶႅၼ်း​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ၼမ်​ၼႃႇ​သေ မႄႈ​ယိင်း​ဢၼ်​မီး​ၽူဝ်​ၼၼ်ႉ​ယဝ်ႉ​၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="28">ပီႈ​ၼွင်ႉ​ၶဝ်​ဢိူၺ်း၊ သူ​ပဵၼ်​လုၵ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၵတီႉ​ၸဝ်ႈ​မိူၼ်​ၸိူဝ်ႉ​ၼင်ႇ ဢီႉၸၢၵ်ႈ ​ၼၼ်ႉ​ဢေႃႈ။-</verse>
				<verse number="29">ၸိူဝ်ႉ​ၼင်ႇ​ဢၼ်​လုၵ်ႈ​ဢၼ်​ၵိူတ်ႇ​လဵင်ႉ​မႃး​ၸွမ်း​လူၺ်ႈ​ၸႃႇ​တီႉ​ပၵတီႉ​ၼၼ်ႉ ၼိၵ်ႈ​ၸၢၵ်ႈ​ငႅၼ်း​သႄး လုၵ်ႈ​ဢၼ်​ၵိူတ်ႇ​လဵင်ႉ​မႃး​ၸွမ်း​လူၺ်ႈ​ဝီႉၺိၺ်ႇ​ၸဝ်ႈ​မိူဝ်ႈ​ၼၼ်ႉ ၼၼ်ႉ၊ တေႃႈ​လဵဝ်​ၼႆႉ​ၵေႃႈ​ပဵၼ်​ယူႇ​ဢေႃႈ။-</verse>
				<verse number="30">ၵူၺ်း​ၵႃႈ ၵျၢမ်း​လိၵ်ႈ​မႃး​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ႁေႃႈ​မႄႈ​ယိင်း​ၶႃႈ​ဢိၵ်ႇ​တင်း​လုၵ်ႈ​ၸၢႆး​မၼ်း​ဢွၵ်ႇ​ပႅတ်ႈ​သေ​တႃႉ။ လုၵ်ႈ​ၸၢႆး​မႄႈ​ယိင်း​ၶႃႈ​ၼၼ်ႉ ဢမ်ႇ​လႆႈ​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း​လုၵ်ႈ​ၸၢႆး​မႄႈ​ယိင်း ဢၼ်​ဢမ်ႇ​ၸႂ်ႈ​ၶႃႈ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="31">တေႃႈ​လဵဝ်​ၼႆႉ ပီႈ​ၼွင်ႉ​ၶဝ်​ဢိူၺ်း၊ ႁဝ်း​ပဵၼ်​လုၵ်ႈ​လၢင်း​မႄႈ​ယိင်း​ၶႃႈ​ဢမ်ႇ​ၸႂ်ႈ၊ ပဵၼ်​လုၵ်ႈ​လၢင်း​မႄႈ​ယိင်း​ဢၼ်​ဢမ်ႇ​ၸႂ်ႈ​ၶႃႈ​ဢေႃႈ။</verse>
			</chapter>
			<chapter number="5">
				<verse number="1">ပိူဝ်ႈ​ၼႆ​လႄႈ တႄႇ​ယူႇ​ၼႂ်း​ဢၶႂၢင်ႉ​တၢင်း​ဢၼ်​ပွႆႇ​လွတ်ႈ ဢၼ်​ၸဝ်ႈ​ၶရိၸ်ႈ​ပွႆႇ​လွတ်ႈ​ႁဝ်း​ၼၼ်ႉ​ယူႇ​သေ​လႄႈ ယႃႇ​ပေ​သမ်ႉ​ၶိုၼ်း​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ​ဝႆႉ​ၼၼ်ႉ​လႄႈ ႁၢပ်ႇ​ၵၢၼ်း​တီႈ​ဢၼ်​တၵ်း​လႆႈ​ၶၢမ်ႇ​ႁဵတ်း​ၶႃႈ​ၼၼ်ႉ​သေ​ၵမ်း။-</verse>
				<verse number="2">ၵဝ်​ ပေႃးလူႉ ​ဝႃႈ​ၸမ်ႉ၊ ပေႃး​သူ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၸိုင် ၸဝ်ႈ​ၶရိၸ်ႈ​တၵ်း​ဢမ်ႇ​ပွင်ႇ​လွင်ႈ​ၵႃႈ​သင်​တီႈ​သူ​လႃး​လႃး။-</verse>
				<verse number="3">ၵဝ်​သမ်ႉ​ၶၢမ်ႇ​သၢၵ်ႈ​သေႇ​တီႈ​ၶဝ်​ၸိူဝ်း​ဢၼ် ၶၢမ်ႇ​တၢင်း​ဢၼ်​ထိူဝ်​ႁိမ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​ၵေႃႉ​ဢၼ်​ထုၵ်ႇ​ၼီႈ​ဝႆႉ ႁႂ်ႈ​လႆႈ​ၵမ်​ၵျၢင်ႉ​ပိင်း​ၺၢပ်ႈ​တြႃး​တင်း​သဵင်ႈ​တင်း​မူတ်း​ဢေႃႈ။-</verse>
				<verse number="4">သူ​ၸိူဝ်း​ဢၼ်​ဢိင်​ပိင်း​ၺၢပ်ႈ​တြႃး​သေ​လႄႈ ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ၽၢတ်ႇ​ယၢၼ်​ၵၼ်​တင်း​ၸဝ်ႈ​ၶရိၸ်ႈ​လႄႈ ဢမ်ႇ​တႄႇ​ယူႇ​ၼႂ်း​ၵျေး​ၸူး​တြႃး၊ သုတ်ႉ​ၶၢႆႉ​ပိူင်ႈ​ၵႂႃႇ​သဵင်ႈ​ယဝ်ႉ။-</verse>
				<verse number="5">ႁဝ်း​ၸမ်ႉ၊ ဢိင်​ဝီႉၺိၺ်ႇ​ၸဝ်ႈ​သေ​လႄႈ ပႂ်ႉ​ထႃႈ​ၵျေး​ၸူး​ၸဝ်ႈ ဢၼ်​မုင်ႈ​ထႃႈ​မွင်း​ထႃႈ တၢင်း​ဢၼ်​သိုဝ်ႈ​တေႃႇ​ဢၼ်​ပဵၼ်​ၵွပ်ႈ​ပိူဝ်ႈ တၢင်း​ဢၼ်​ယုမ်ႇ​မၢတ်ႈ​ၼၼ်ႉ​ယူႇ​ဢေႃႈ။-</verse>
				<verse number="6">ၵႃႈ​တီႈ​ ယေႇသူႉ​ၶရိၸ်ႈ ​ၼၼ်ႉ၊ တၢင်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ဢမ်ႇ​မီး​ဢၵျူဝ်း။ တၢင်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​လႄႈ​ယူႇ​ၵေႃႈ ဢမ်ႇ​မီး​ဢၵျူဝ်း။ တၢင်း​ဢၼ်​ယုမ်ႇ​မၢတ်ႈ ဢၼ်​ဢိင်​မႅတ်ႈ​တႃႇ​သေ​လႄႈ ၸၢင်ႈ​ပွင်​ၸၢင်ႈ​ႁဵတ်း​ၼၼ်ႉ​ၵူၺ်း မီး​ဢၵျူဝ်း​ဢေႃႈ။</verse>
				<verse number="7">မိူဝ်ႈ​ဢွၼ်​ၼႆႉ​ၼၼ်ႉ သူ​ၶုၼ်ႇ​လႅၼ်ႈ​လီ​လီ​ငၢမ်း​ငၢမ်း​ဢေႃႈ။ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင် ၽူႈ​လႂ်​ႁႄႉ​ၶႅၼ်​ႁႂ်ႈ​သူ​ဢမ်ႇ​လႆႈ​ထွမ်ႇ​ဢဝ်​သမ်ႇမႃႇ​တြႃး။-</verse>
				<verse number="8">တၢင်း​ဢၼ်​ၸူဝ်း​ဢဝ်​သူ​ၼၼ်ႉ​ၸမ်ႉ၊ ဢွၵ်ႇ​သေ​ၵႃႈ​တီႈ​ၸဝ်ႈ​ဢၼ်​ႁွင်ႉ​ဢဝ်​သူ​ၼၼ်ႉ​မႃး​ဢမ်ႇ​ၸႂ်ႈ။-</verse>
				<verse number="9">ၸိူဝ်ႉ​ပႅင်ႈ​ဢိတ်း​ၼိုင်ႈ​ၵူၺ်း ၸၢင်ႈ​ႁႂ်ႈ​ၶဝ်ႈ​မုၼ်း​လိပ်း​တင်း​ၵွင်​ပွင်း​ၶိုၼ်ႈ​ဢေႃႈ။-</verse>
				<verse number="10">ၵဝ်​ဢိင်​ၸဝ်ႈ​ၽြႃး​သေ​လႄႈ မီး​တၢင်း​ဢၼ်​ၸႂ်​ၸပ်း​ၸႂ်​ၸွႆး လွင်ႈ​ဢၼ်​သူ​တၵ်း​ပႄႇ​ပႅတ်ႈ​သေ​ဢယူႇ ဢၼ်​ပႅၵ်ႇ​ဢၼ်​ပိူင်ႈ တင်း​လၢႆ​ၼၼ်ႉ​ယူႇ​ဢေႃႈ။ ၵေႃႉ​ဢၼ်​ယႃႉ​ယူၵ်ႉ​သူ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="11">ပိူင်​ၼိုင်ႈ​ၸမ်ႉ၊ ပီႈ​ၼွင်ႉ​ၶဝ်​ဢိူၺ်း၊ ပေႃး​ၵဝ်​ယင်း​ႁေႃး​လၢတ်ႈ​တြႃး​တၢင်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ယူႇ​ၸိုင် ႁဵတ်း​သင်​လႄႈ​ၵဝ် ယင်း​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ယူႇ​ၸိူဝ်ႉ​ၼင်ႇ​ႁိုဝ်။ ပေႃး​ႁေႃး​လၢတ်ႈ​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​ပႄႇ​ပႅတ်ႈ​လွင်ႈ​ဢၼ် တၵ်း​တိူဝ်ႉ​မႅၼ်ႈ​သဝ်​လၵ်း​ဝႃး​ၵၢပ်ႈ​လႄႈ​လူမ်ႉ​ၼၼ်ႉ​ယူႇ​ဢေႃႈ။-</verse>
				<verse number="12">ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​ၶဝ်​ၸိူဝ်း​ဢၼ် ႁႂ်ႈ​သူ​ၽိတ်း​တၢင်း​ပိူင်ႈ​တၢင်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ႁေႃႈ​ဢွၵ်ႇ​ပႄႇ​ပႅတ်ႈ​သေ​ဢေႃႈ။</verse>
				<verse number="13">ပီႈ​ၼွင်ႉ​ၶဝ်​ဢိူၺ်း၊ သူ​ပဵၼ်​ၵေႃႉ​ဢၼ်​လႆႈ​ဢၶႂၢင်ႉ တၢင်း​ဢၼ်​ပွႆႇ​လွတ်ႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ယႃႇ​ပေ​ပၼ်​ဢၶႂၢင်ႉ​တီႈ​ၸႃႇ​တီႉ​ပၵတီႉ​လႄႈ သုင်း​သွင်ႇ​တၢင်း​ဢၼ်​ပွႆႇ​လွတ်ႈ​ၼၼ်ႉ။ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​ႁၵ်ႉ​ၵၼ်​သေ​လႄႈ ဢွၼ်​ၵၼ်​ပွင်​ႁဵတ်း​ဢမူႉ​တႃႉ။-</verse>
				<verse number="14">လွင်ႈ​မၼ်း​ၸမ်ႉ ပိင်း​ၺၢပ်ႈ​တြႃး​တင်း​သဵင်ႈ​တင်း​မူတ်း​ပျေႉ​ၸုမ်ႇ​ဝႆႉ​ၼႂ်း ပိင်း​ၺၢပ်ႈ​ပႃး​ၼိုင်ႈ​ဢၼ်​ဝႃႈ ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ​ၸိုင် ႁၵ်ႉ​မိူၼ်​ၸိူဝ်ႉ​ၼင်ႇ​တူဝ်​ၸဝ်ႈ​ၵဝ်ႇ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="15">ပေႃး​ဢမ်ႇ​ၼၼ်​ပေႃး​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​ၶူပ်း​ၵိၼ်​ၵၼ်​ယူႇ​ၸိုင်၊ ၵူဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ် တၵ်း​လူႉ​တၵ်း​လႅဝ်​လႄႈ ဢွၼ်​ၵၼ်​ႁဵတ်း​သတီႉ​တႃႉ။</verse>
				<verse number="16">ၵဝ်​ပိင်း​ၺၢပ်ႈ​ၸမ်ႉ၊ ၵမ်​ၵျၢင်ႉ​ၸွမ်း​ၼင်ႇ​ဝီႉၺိၺ်ႇ​ပၵတီႉ​တႃႉ။ ပေႃး​ၵမ်​ၵျၢင်ႉ​ၸိူဝ်ႉ​ၼင်ႇ​ၼၼ်​ၸိုင်၊ သူ​တၵ်း​ဢမ်ႇ​ၸွမ်း​ၼင်ႇ​ဢလူဝ်ႇ​ၸႃႇ​တီႉ ပၵတီႉ​လႄႈ​ယူႇ​ဢေႃႈ။-</verse>
				<verse number="17">လွင်ႈ​မၼ်း​ၸမ်ႉ ၸႃႇ​တီႉ​ပၵတီႉ​တင်း ဝီႉၺိၺ်ႇ​ပၵတီႉ ပႃး​ၼိုင်ႈ​လႄႈ​ပႃး​ၼိုင်ႈ​မီး​ဢလူဝ်ႇ​ဢၼ်​ၶတ်း​ၵၼ်​ဢေႃႈ။ ပႃး​ၼိုင်ႈ​လႄႈ​ပႃး​ၼိုင်ႈ ၶတ်း​ၶဵင်ႇ​ၵၼ်​ယူႇ​ထၼ်ႈ​ပေႃး ႁႂ်ႈ​သူ​ဢမ်ႇ​လႆႈ​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​သူ ၶႂ်ႈ​ၵမ်​ၶႂ်ႈ​ၵျၢင်ႉ​ၼၼ်ႉ​လႆႈ။-</verse>
				<verse number="18">ၼႂ်း​ဝႃႈ​ၼၼ်​သေ​ၵေႃႈ ပေႃး​သူ​ၸွမ်း​ဢလူဝ်ႇ​ဝီႉၺိၺ်ႇ​ပၵတီႉ​ၸိုင် သူ​လွတ်ႈ​တင်း ပိင်း​ၺၢပ်ႈ​တြႃး​ဢေႃႈ။</verse>
				<verse number="19">တၢင်း​ၵမ်​တၢင်း​ၵျၢင်ႉ​ၸႃႇ​တီႉ​ပၵတီႉ​ၸိူဝ်း​ၼၼ်ႉ ထၢင်ႇ​သႃး​ယူႇ​ဢေႃႈ။ တၢင်း​ၵမ်​တၢင်း​ၵျၢင်ႉ​ၸိူဝ်း​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး၊ တၢင်း​ဢၼ်​ၵမ်​ၵျၢင်ႉ​ဢၼ်​ၵူဝ်ႈ​ၵိူၵ်ႇ၊ တၢင်း​ဢၼ်​ၵီႉလေႇသႃႇ​ပူၼ်ႉ​လိူဝ်၊-</verse>
				<verse number="20">တၢင်း​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ၊ တၢင်း​ဢၼ်​မီး​ၽိူဝ်ႉ​လႄႈ​ႁဵတ်း​တီႈ​ပိူၼ်ႈ၊ တၢင်း​ဢၼ်​ၸင်း​ပိူၼ်ႈ၊ တၢင်း​ဢၼ်​ၽိတ်း​ၵၼ်၊ တၢင်း​ဢၼ်​ၶေႉ​ၶဵင်ႇ​ၵၼ်၊ တၢင်း​ဢၼ်​တင်း​ၸႂ်​မႆႈ​ၶႆႈ​ၸႃႉ​ဢွၵ်ႇ၊ တၢင်း​ဢၼ်​တွပ်ႇ​ထဵင်​ၵၼ်၊ တၢင်း​ဢၼ်​ၵေႃႉ​ၼိုင်ႈ​လႄႈ ၵေႃႉ​ၼိုင်ႈ​ၽၢတ်ႇ​ၽႄ​ၵၼ်၊ တၢင်း​ဢၼ်​ၽႄ​ၵိူင်း​ၶႂၢႆး​ၵိူင်း​၊-</verse>
				<verse number="21">တၢင်း​ဢၼ်​သီႈ​ၵေႉ​ႁေႈ​တႃ၊ တၢင်း​ဢၼ်​ဢဝ်​ဢသၢၵ်ႈ​ၵူၼ်း​တၢႆ၊ တၢင်း​ဢၼ်​ၵိၼ်​လဝ်ႈ​မဝ်း​ၵမ်၊ တၢင်း​ဢၼ်​ႁဵတ်း​ပွႆး​ႁဵတ်း​လၢမ်း ၸိူဝ်း​ၼၼ်ႉ​ဢေႃႈ။ ၸိူဝ်ႉ​ၼင်ႇ​ဢၼ်​ၵဝ်​လၢတ်ႈ​ဝႆႉ မိူဝ်ႈ​ဢွၼ်​ၼႆႉ​ၼၼ်ႉ​လႄႈ​ဝႃႈ၊ ၶဝ်​ၸိူဝ်း​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ၸိူဝ်ႉ​ၼင်ႇ​ၼၼ်​ၼၼ်ႉ တၵ်း​ဢမ်ႇ​လႆႈ​ၶၢမ်ႇ​ဢမူၺ်ႇ​မိူင်း​ၽြႃး​ပဵၼ်​ၸဝ်ႈ၊ ဝႃႈ​ၼင်ႇ​ၼႆ​ၼၼ်ႉ၊ တေႃႈ​လဵဝ်​ၼႆႉ​ၵေႃႈ ၵဝ်​လၢတ်ႈ​ဝႆႉ​ထႅင်ႈ​ဢေႃႈ။</verse>
				<verse number="22">ဢၵျူဝ်း​ဝီႉၺိၺ်ႇ​ပၵတီႉ​ၸမ်ႉ၊ ပဵၼ်​တၢင်း​ဢၼ်​ႁၵ်ႉ​ပႅင်း၊ တၢင်း​ဢၼ်​သိူဝ်း​ပျေႃႇ၊ တၢင်း​ဢၼ်​ၼိမ်၊ တၢင်း​ဢၼ်​ၸႂ်​ယႂ်ႇ​ၸႂ်​ယၢဝ်း၊ တၢင်း​ဢၼ်​ႁဵတ်း​ၵျေး​ၸူး၊ တၢင်း​ဢၼ်​မျၢတ်ႈ​လီ၊ တၢင်း​ဢၼ်​ယုမ်ႇ​မၢတ်ႈ၊-</verse>
				<verse number="23">တၢင်း​ဢၼ်​ၸႂ်​ၼိမ်​သိမ်ႇ​ဢူၼ်ႈ​ဢွၼ်ႇ၊ တၢင်း​ဢၼ်​ၶျုၵ်ႈ​ၵႃႇမၵုင်ႇ​ၸိူဝ်း​ၼၼ်ႉ​ဢေႃႈ။ တြႃး​ဢၼ်​လႂ်​သေ​ၵေႃႈ၊ ဢမ်ႇ​ႁၢမ်ႈ​တၢပ်ႈ ႁႄႉ​ၶႅၼ်​တၢင်း​ၵမ်​တၢင်း​ၵျၢင်ႉ​ၸိူဝ်ႉ​ၼင်ႇ​ၼၼ်​ၼၼ်ႉ။-</verse>
				<verse number="24">ၶဝ်​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ၶရိၸ်ႈ​ၼၼ်ႉ​ၼၼ်ႉ ဢဝ်​ၸႃႇ​တီႉ​ပၵတီႉ ဢိၵ်ႇ​တင်း​ၸႂ်​တင်း​ဢလူဝ်ႇ​သၼ်ႇတႃႉ ၸႃႇ​တီႉ​ပၵတီႉ​ယႅၼ်ႉ​တွၵ်ႇ​ဝႆႉ​ၵႃႈ​တီႈ​သဝ်​လၵ်း​ဝႃး​ၵၢပ်ႈ​ယဝ်ႉ။-</verse>
				<verse number="25">ပေႃး​ႁဝ်း​ဢသၢၵ်ႈ​လိပ်း​ၵွပ်ႈ​ပိူဝ်ႈ​ဝီႉၺိၺ်ႇ​ၸဝ်ႈ​ၸိုင်၊ ဢွၼ်​ၵၼ်​ၵမ်​ၵျၢင်ႉ​ၸွမ်း​လူၺ်ႈ​ဝီႉၺိၺ်ႇ​ၸဝ်ႈ​တႃႉ​ႁဝ်း။-</verse>
				<verse number="26">ဢွၼ်​ၵၼ်​ဝႄႈ​ပႅတ်ႈ တၢင်း​ဢၼ်​ၸႂ်​ၸပ်း​ၸႂ်​ၸွႆး လွင်ႈ​တၢင်း​ဢၼ်​သႃႈ​ၸွတ်ႇ​ႁူင်​ႁၢင်း ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ၊ တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ်​ဝႆႉ​တၢင်း​ၽိတ်း​ယႃႉ​ယူၵ်ႉ​ၵၼ်၊ တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​သီႈ​ၵေႉ​ႁေႈ​တႃ​ၵၼ် ၸိူဝ်း​ၼၼ်ႉ​သေ​လႄႈ ယူႇ​တႃႉ​ႁဝ်း။</verse>
			</chapter>
			<chapter number="6">
				<verse number="1">ပီႈ​ၼွင်ႉ​ၶဝ်​ဢိူၺ်း၊ ပေႃး​ၵူၼ်း​ဢမ်ႇ​မီး​သတီႉ​လႄႈ ႁဵတ်း​ဢပႅတ်ႈ​တူႉ​ၸရိူၵ်ႈ​သေ​ၸိူဝ်ႉ​သေ​ပိူင်​မႅၼ်ႈ​ၸိုင်၊ သူ​ၸိူဝ်း​ဢၼ်​လႆႈ​ၶၢမ်ႇ​ဝီႉၺိၺ်ႇ သူႉ​ၵျေး​ၸူး​ၼႆႉ၊ လွင်ႈ​ၼင်ႇ​ႁိုဝ်​တူဝ်​ၸဝ်ႈ​ၵဝ်ႇ တၵ်း​ၵၢင်း​လွတ်ႈ​တင်း တၢင်း​ဢၼ်​ဢပႅတ်ႈ​ၸူဝ်း​ၵႂႃႇ​ၸူဝ်း​ပႆ​ၼၼ်ႉ​ၸိုင်၊ ႁဵတ်း​သတီႉ တီႈ​တူဝ်​ၸဝ်ႈ​ၵဝ်ႇ​ယူႇ​သေ​လႄႈ ဢဝ်​တင်း​ၸႂ်​ဢၼ်​ၼိမ်​သိမ်ႇ​ဢူၼ်ႈ​ဢွၼ်ႇ​ၸွႆႈ​ထႅမ်​ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ ႁႂ်ႈ​မၼ်း​ၶိုၼ်း တႄႇ​ယူႇ​ၼႂ်း​တီႈ​ယူႇ​မၼ်း​ၼၼ်ႉ​သေ​တႃႉ။-</verse>
				<verse number="2">ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၽွမ်ႉ​ၵၼ်​ႁၢပ်ႇ​ၶူဝ်း​ဢၼ်​ထုၵ်ႇ​လီ​ႁၢပ်ႇ​ၼၼ်ႉ​လႄႈ ႁႂ်ႈ​တြႃး​ၸဝ်ႈ​ၶရိၸ်ႈ​ပျေႉ​ၸုမ်ႇ​ၸိူဝ်ႉ​ၼင်ႇ​ၼၼ်​တႃႉ။-</verse>
				<verse number="3">ပေႃး​သေ​ၵေႃႉ​သေ​ၵူၼ်း ယင်း​ဢမ်ႇ​ပွင်ႇ​လွင်ႈ​ၵႃႈ​သင်​ယူႇ​လႄႈ ထၢင်ႇ​ၼႂ်း​ၸႂ်​လႄႈ​ဝႃႈ၊ ၵဝ်​ၼႆႉ​ပဵၼ်​ဢၼ်​ၶိုၵ်ႉ​ဢၼ်​ၶမ်ႇ​ဢေႃႈ၊ ဝႃႈ​ၼင်ႇ​ၼႆ​ၸိုင်၊ ၵေႃႉ​ၼၼ်ႉ​ပဵၼ်​ၵေႃႉ​ဢၼ်​ပႅတ်ႉ​လႅၼ်​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="4">ႁႂ်ႈ​ၵူၼ်း​ၵူႈ​ၵေႃႉ​ၸႅတ်ႈ​ထၢမ်​ၸၢမ်း​တူၺ်း​လွင်ႈ​တၢင်း​ဢၼ်​တူဝ်​ၸဝ်ႈ​ၵဝ်ႇ​ႁဵတ်း​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼႆ​ၸိုင်၊ ယင်း​ဢမ်ႇ​ဝႃႈ ၵႃႈ​တီႈ​ၼႂ်း​ပိူၼ်ႈ​လႄႈ တၵ်း​မီး​လွင်ႈ​ဢၼ် တၵ်း​လႆႈ​ဢုပ်ႇ​ဝၢဝ်း​ၵႃႈ​တီႈ​ၼႂ်း​တူဝ်​ၸဝ်ႈ​ၵဝ်ႇ​ၵူၺ်း​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵူၼ်း​ၵူႈ​ၵေႃႉ​တၵ်း​လႆႈ​ႁၢပ်ႇ​ၶူဝ်း​တူဝ်​ၸဝ်ႈ​ၵဝ်ႇ ႁင်း​ၽႂ်​ႁင်း​မၼ်း​ဢေႃႈ။</verse>
				<verse number="6">ႁႂ်ႈ​ၵေႃႉ​ဢၼ်​ၶၢမ်ႇ​သွၼ်​ဢဝ်​ၼုၵ်ႈၵပၢတ်ႈ​တြႃး​ၼၼ်ႉ ၽႄ​မႅင်ႇ​လွင်ႈ​တၢင်း​ဢၼ်​လီ​ဢၼ်​ငၢမ်း ၵႃႈ​မီး​တင်း​သဵင်ႈ​တင်း​လူင် တီႈ​ၵေႃႉ​ဢၼ်​သွၼ်​ပၼ်​ၼၼ်ႉ​သေ​ၵမ်း​လူၺ်ႈ။-</verse>
				<verse number="7">ယႃႇ​ပေ​ဢဝ်​တၢင်း​ဢၼ်​ၽိတ်း​ဢၼ်​ပိူင်ႈ။​ၽြႃး​ပဵၼ်​ၸဝ်ႈ​ဢမ်ႇ​ၶၢမ်ႇ​ဢဝ်​တၢင်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ၼၼ်ႉ။ ၵူၼ်း​ၸိုင်​တၵ်း​လႆႈ​ပၢတ်ႇ​ဢဝ် ၵႃႈ​ၼင်ႇ​ဢၼ်​မၼ်း​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼၼ်ႉ​ဢေႃႈ။-</verse>
				<verse number="8">ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၵႃႈ​တီႈ ၸႃႇ​တီႉ​ပၵတီႉ​တူဝ်​ၸဝ်ႈ​ၵဝ်ႇ​ၼၼ်ႉ တၵ်း​လႆႈ​ပၢတ်ႇ​ဢဝ် တၢင်း​ဢၼ်​တူႇ​ဢၼ်​ၼဝ်ႈ​ၸွမ်း​လူၺ်ႈ​ၸႃႇ​တီႉ​ပၵတီႉ​ၼၼ်ႉ​ဢေႃႈ။ ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၵႃႈ​တီႈ ဝီႉၺိၺ်ႇ​ပၵတီႉ​ၸမ်ႉ၊ တၵ်း​လႆႈ​ပၢတ်ႇ​ဢဝ် တၢင်း​ဢၼ်​ထႃႇဝရႃႉ​ဢသၢၵ်ႈ​လိပ်း​ၸွမ်း​လူၺ်ႈ​ဝီႉၺိၺ်ႇ​ပၵတီႉ​ၼၼ်ႉ​ဢေႃႈ။-</verse>
				<verse number="9">ႁဝ်း​ၸႂ်​ယင်း​ဢမ်ႇ​လူႉ​ႁႅင်း​ဢမ်ႇ​ဢူၼ်ႈ​လႄႈ ဢွၼ်​ၵၼ်​ၵႆႉ​ၵျူဝ်း​ၸႃး​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​တႃႉ​ႁဝ်း။ ပေႃး​ၸႂ်​ဢမ်ႇ​လူႉ​လႄႈ ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မိူဝ်ႈ​ဢၼ်​ၶိင်ႇ​ၵႃႇလႃႉ​ထုၵ်ႇ​ၼၼ်ႉ ႁဝ်း​တၵ်း​လႆႈ​ပၢတ်ႇ​ဢဝ်​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ​ၵႃႈ​ၼင်ႇ​ဢၼ်​သၢင်ႇ​ထုၵ်ႇ​ၼၼ်ႉ ႁဝ်း​ဢွၼ်​ၵၼ်​ႁဵတ်း​ၵျေး​ၸူး တီႈ​ၵူၼ်း​တင်း​သဵင်ႈ​တင်း​လူင်​ဢမ်ႇ​ၵႃး၊ ယဵင်ႈ​ၶႅၼ်း​ဢွၼ်​ၵၼ်​ႁဵတ်း​ၵျေး​ၸူး တီႈ​ၵူၼ်း​ႁိူၼ်း​ၵူၼ်း​ယေး တၢင်း​ယုမ်ႇ​မၢတ်ႈ​တင်း​လၢႆ​ၼၼ်ႉ​ၼႃႇ​လူင်​လၢင်​တႃႉ​ႁဝ်း။</verse>
				<verse number="11">သူ​ႁၼ်​လွင်ႈ​ဢၼ်​ၵဝ်​ႁဵတ်း​တင်း​တူဝ်​လိၵ်ႈ ဢၼ်​ယႂ်ႇ​ပဵင်း​တၢၼ်ႇ​ၵႃႈ​ႁိုဝ်​ၼၼ်ႉ​လႄႈ ဢဝ်​မိုဝ်း​တူဝ်​ၸဝ်ႈ​ၵဝ်ႇ​တႅမ်ႈ​ပၼ်​ၵႂႃႇ​တီႈ​သူ​ၼၼ်ႉ​ယူႇ​ဢေႃႈ။-</verse>
				<verse number="12">ၶဝ်​ၸိူဝ်း​ဢၼ်​မီး​ဢလူဝ်ႇ ၶႂ်ႈ​ႁႂ်ႈ​ၼိူဝ်ႉ​လိူတ်ႈ​ႁၢင်ႈ​ၽၢင်​တူဝ်​ၸဝ်ႈ​ၵဝ်ႇ​ႁၢင်ႈ​လီ​ၵႃႈ​မီး​ၸိူဝ်း​ၼၼ်ႉ ၸၢင်ႈ​ႁဵတ်း​ပႄႉ​ႁဵတ်း​ၼႅင်ႇ ၸူဝ်း​ဢဝ်​သူ ႁႂ်ႈ​သူ​လႆႈ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၵွပ်ႈ​ပိူဝ်ႈ​ဢၼ် ၶဝ်​မီး​ဢလူဝ်ႇ​ၶႂ်ႈ​ၵၢင်း​လွတ်ႈ​တင်း တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​လႆႈ​ၶၢမ်ႇ​ၵွပ်ႈ​ပိူဝ်ႈ သဝ်​လၵ်း​ဝႃး​ၵၢပ်ႈ​ၸဝ်ႈ​ၶရိၸ်ႈ​ၼၼ်ႉ​ဢေႃႈ။-</verse>
				<verse number="13">ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ တူဝ်​ၸဝ်ႈ​ၵဝ်ႇ​ဢမ်ႇ​ၵမ်​ဢမ်ႇ​ၵျၢင်ႉ​ပိင်း​ၺၢပ်ႈ​တြႃး​ဢမ်ႇ​ၵႃး၊ မီး​ဢလူဝ်ႇ​ၶႂ်ႈ​ႁႂ်ႈ​သူ​ၶၢမ်ႇ​တၢင်း​ဢၼ်​ထိူဝ်​ႁိမ်း ႁႂ်ႈ​ၶဝ်​လႆႈ​ဢိင်​ၼိူဝ်ႉ​ဢိင်​လိူတ်ႈ ႁၢင်ႈ​ၽၢင်​သူ​သေ​လႄႈ ဢုပ်ႇ​ဝၢဝ်း​ဢေႃႈ။-</verse>
				<verse number="14">သင်​ပဵၼ်​ၵဝ်​ၸိုင်၊ လိူဝ်​သေ​ၼႂ်း​သဝ်​လၵ်း​ဝႃး​ၵၢပ်ႈ ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ ယႃႇ​ႁႂ်ႈ​ၵဝ်​လႆႈ​မီး​တၢင်း​ဢၼ်​ဢုပ်ႇ​ဝၢဝ်း​ၼႂ်း​လွင်ႈ​တၢင်း​သေ​ၸိူဝ်ႉ​သေ​ပိူင်​သေ​ၵမ်း၊ ၵႃႈ​တီႈ​သဝ်​လၵ်း​ဝႃး​ၵၢပ်ႈ​ၼၼ်ႉ​ၸိုင် လေႃးၵႃႉ​ၼႆႉ​ၶၢမ်ႇ​တၢင်း​ဢၼ်​ယႅၼ်ႉ​တွၵ်ႇ​ဝႆႉ​ယူႇ​ပုၼ်ႈ​ၵဝ်​ဢေႃႈ။ ၵဝ်​ၵေႃႈ​ၶၢမ်ႇ​တၢင်း​ဢၼ်​ယႅၼ်ႉ​တွၵ်ႇ​ဝႆႉ​ယူႇ ပုၼ်ႈ​လေႃးၵႃႉ​ၼႆႉ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ ၵႃႈ​တီႈ​ ယေႇသူႉ​ၶရိၸ်ႈ ​ၼၼ်ႉ တၢင်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း ဢမ်ႇ​မီး​ဢၵျူဝ်း။ တၢင်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း​လႄႈ​ယူႇ​ၼၼ်ႉ​ၵေႃႈ ဢမ်ႇ​မီး​ဢၵျူဝ်း။ တၢင်း​ဢၼ် ပဵၼ်​သတ်ႉတဝႃႇ​ဢၼ်​မႂ်ႇ​ၵူၺ်း မီး​ဢၵျူဝ်း​ဢေႃႈ။-</verse>
				<verse number="16">ႁႂ်ႈ​တၢင်း​ၼိမ်​ဢိၵ်ႇ​တင်း​တၢင်း​ဢၼ်​မၼ်း​ၸဝ်ႈ​ဢဵတ်း​လူ​ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၶဝ်​ၸိူဝ်း​ဢၼ် ၵမ်​ၵျၢင်ႉ​ၸွမ်း​ၼင်ႇ​ၼႄး​ဢူႉပတေႇ​ၼၼ်ႉ ၵႃႈ​မီး​တင်း​သဵင်ႈ​တင်း​လူင် ဢိၵ်ႇ​တင်း​ၵႃႈ​ၼိူဝ်​ၵူၼ်း​မဵဝ်း​ ဢီႉသရေႇလႃႉ ၽြႃး​ပဵၼ်​ၸဝ်ႈ​ၼၼ်ႉ​သေ​ၵမ်း​လူၺ်ႈ။</verse>
				<verse number="17">ၸႃႉ​ၸဵမ်​တေႃႈ​လဵဝ်​ၼႆႉ​လႄႈ ယႃႇ​ပေ​ႁႂ်ႈ​ၽူႈ​လႂ်​ယႃႉ​ယူၵ်ႉ​ၵဝ်​သေ​ၵမ်း။ ၵဝ်​ႁၢပ်ႇ​ႁွႆး​တၢမ်ႇ​ၸဝ်ႈ​ ယေႇသူႉ ​ယူႇ ၵႃႈ​ၼႂ်း​တူဝ်​ၶၼ်ႇ​ထႃႇ​ၵဝ်​ၼႆႉ​ဢေႃႈ။</verse>
				<verse number="18">ပီႈ​ၼွင်ႉ​ၶဝ်​ဢိူၺ်း၊ ႁႂ်ႈ​ၵျေး​ၸူး​ၸဝ်ႈ​ႁဝ်း ယေႇသူႉ​ၶရိၸ်ႈ မီး​ၵႃႈ​ၼႂ်း​ႁူဝ်​ၸႂ်​သူ သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ၵလႃႇတီႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="49">
			<chapter number="1">
				<verse number="1">ၵဝ်​ ပေႃးလူႉ ဢၼ်​ပဵၼ်​တမၢၼ်ႇ​ၸဝ်ႈ​ ယေႇသူႉ​ၶရိၸ်ႈ ​ၸွမ်း​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ​ၼႆႉ ပၼ်​ငိၼ်း​ၵႂႃႇ​ၵႃႈ​တီႈ ၵူၼ်း​မူတ်း​ၸၢင်ႇ​တင်း​လၢႆ ဢၼ်​ယူႇ​ၵႃႈ​ၼႂ်း​ဝဵင်း​ ဢေးၽႅတ်ႈ ဢၼ်​ဝႃႈ ၶဝ်​ၸိူဝ်း​ဢၼ်​ယုမ်ႇ​မၢတ်ႈ ယေႇသူႉ​ၶရိၸ်ႈ ​ၼၼ်ႉ​ဢေႃႈ။-</verse>
				<verse number="2">ႁႂ်ႈ​သူႉ​ၵျေး​ၸူး​ဢိၵ်ႇ​တင်း တၢင်း​ၼိမ်​ဢၼ်​ပဵၼ်​မႃး​ၵႃႈ​တီႈ ၸဝ်ႈ​ပေႃႈ​ႁဝ်း​ၽြႃး​ပဵၼ်​ၸဝ်ႈ ဢိၵ်ႇ​တင်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ မီး​ၼိူဝ်​သူ​သေ​ၵမ်း​လူၺ်ႈ။</verse>
				<verse number="3">ႁႂ်ႈ​ၽြႃး​ပဵၼ်​ၸဝ်ႈ ပေႃႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ဢၼ်​ဢဵတ်း​လူ​ပၼ် ထမ်ႇမႃႉ​မင်ႇၵလႃႇ ၵူႈ​ၸိူဝ်ႉ​ၵူႈ​ပိူင် ၼႂ်း​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း ၼႂ်း​မိူင်း​ၵၢင်​ႁၢဝ် ၼႂ်း​ၸဝ်ႈ​ၶရိၸ်ႈ​ၸိူဝ်း​ၼၼ်ႉ​တီႈ​ႁဝ်း၊-</verse>
				<verse number="4">ၵႃႈ​ၼင်ႇ​ဢၼ်​မၼ်း​ၸဝ်ႈ လိူၵ်ႈ​ၵဵပ်း​ဢဝ်​ႁဝ်း ၵႃႈ​တီႈ​ၼႂ်း​ၸဝ်ႈ​ၶရိၸ်ႈ ၸႃႉ​ၸဵမ်​ၸူဝ်ႈ​ဢၼ်​ၵမ်ႇ​ၽႃႇ​ၼႆႉ ဢမ်ႇ​ပႆႇ​တႄႇ​ဢမ်ႇ​ပႆႇ​မီး ႁႂ်ႈ​ႁဝ်း​လႆႈ​ပဵၼ် ဢၼ်​မူတ်း​ၸၢင်ႇ​လႄႈ ၵၢင်း​လွတ်ႈ​တင်း​ဢပႅတ်ႈ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ ၵွပ်ႈ​ပိူဝ်ႈ​မႅတ်ႈ​တႃႇ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="5">ၽြႃး​ပဵၼ်​ၸဝ်ႈ​ၼၼ်ႉ လိူၵ်ႈ​ၵဵပ်း​ၽႄ​ဢဝ်​ႁဝ်း ႁႂ်ႈ​ႁဝ်း​လႆႈ​ဢရႃႇ​လုၵ်ႈ ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ​ၵႃႈ​ၼင်ႇ​ဢၼ် ၸေႇတၼႃႇ​ၸဝ်ႈ​မီး​ဢလူဝ်ႇ၊-</verse>
				<verse number="6">ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​ယွင်ႈ​ယေႃး မုၼ်​သရေႇ​ၵျေး​ၸူး​ၸဝ်ႈ ဢၼ်​ဢဵတ်း​လူ​ပၼ်​တီႈ​ႁဝ်း ၼႂ်း​လုၵ်ႈ​ၸဝ်ႈ ဢၼ်​ႁၵ်ႉ​ၼႃႇ​ၼၼ်ႉ​ဝႆႉ ၸႃႉ​ၸဵမ်​မိူဝ်ႈ​ဢွၼ်​ၼႆႉ​ဢေႃႈ။-</verse>
				<verse number="7">ၵႃႈ​တီႈ​လုၵ်ႈ​ၸဝ်ႈ​ၼၼ်ႉ​ၸိုင် ႁဝ်း​လႆႈ​ၶၢမ်ႇ​ၵျေး​ၸူး တၢင်း​ဢၼ်​ထုတ်ႇ​ဢဝ်​လူၺ်ႈ​လိူတ်ႈ​မၼ်း​ၸဝ်ႈ ဢၼ်​ဝႃႈ​တၢင်း​ဢၼ်​ၵၢင်း​လွတ်ႈ​တင်း​ဢပႅတ်ႈ မႅၼ်ႈ​ၼင်ႇ​ဢၼ်​ၵျေး​ၸူး​ၸဝ်ႈ၊-</verse>
				<verse number="8">ဢၼ်​မၼ်း​ၸဝ်ႈ​ႁႂ်ႈ​ၼမ်​လိူင်ႇ​ၼႃႇ ၵႃႈ​ၼႂ်း​ပိင်ႇ​ၺႃႇ​သတီႉ ၵူႈ​ၸိူဝ်ႉ​ၵူႈ​ပိူင် ၵႃႈ​တီႈ​ႁဝ်း​ၼႆႉ ပျေႉ​ၸုမ်ႇ​ၼမ်​ၵိုၼ်း​ဝႆႉ​ၼၼ်ႉ​ဢေႃႈ။-</verse>
				<verse number="9">မၼ်း​ၸဝ်ႈ​ၼၼ်ႉ​ၼႄ​ပျႃး​တၢင်း​ဢၼ်​လိုၵ်ႉ​ဢၼ်​လမ်ႇ ဢလူဝ်ႇ​မၼ်း​ၸဝ်ႈ ဢၼ်​ထုၵ်ႇ​ၵၼ်​တင်း​ၸေႇတၼႃႇ ဢၼ်​မၼ်း​ၸဝ်ႈ ဢဝ်​သႂၢင်း​သႂ်ႇ​ဝႆႉ ၵႃႈ​ၼႂ်း​ႁူဝ်​ၸႂ်​မၼ်း​ၸဝ်ႈ​ၼၼ်ႉ တီႈ​ႁဝ်း​ဢေႃႈ။-</verse>
				<verse number="10">တၢင်း​ဢၼ်​လိုၵ်ႉ​ဢၼ်​လမ်ႇ​ၼၼ်ႉ​ၸမ်ႉ၊ ၼႂ်း​သႃႇသၼႃႇ တၢင်း​ဢၼ်​ၶိင်ႇ​ၵႃႇလႃႉ​ၸေး​ၸုမ်ႇ​ပုၼ်ႉ​ၼၼ်ႉ မၼ်း​ၸဝ်ႈ​တၵ်း​ဢဝ် လွင်ႈ​တၢင်း​ဢၼ်​မီး​ၵႃႈ​ၼိူဝ်​ၵၢင်​ႁၢဝ်၊ လွင်ႈ​တၢင်း​ဢၼ်​မီး​ၵႃႈ​ၼိူဝ်​လိၼ်​မိူင်း ၵႃႈ​မီး​တင်း​သဵင်ႈ​တင်း​လူင် ၸူႉ​ၵၼ်​ပွင်း​ၵၼ်​သေ​လႄႈ ၶျုၵ်ႈ​ဝႆႉ​ၵႃႈ​ၼႂ်း​ၸဝ်ႈ​ၶရိၸ်ႈ ပုၼ်ႈ​မၼ်း​ၸဝ်ႈ​ဢေႃႈ။-</verse>
				<verse number="11">ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ လိူၵ်ႈ​ၵဵပ်း​ၽႄ​ဢဝ်​ႁဝ်း​ဝႆႉ ၸႃႉ​ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ ၵႃႈ​ၼင်ႇ​ဢၼ်​တၢင်း​ၵျၢမ်ႇ​တၢင်း​ပွင် ၵေႃႉ​ဢၼ် ၸၢင်ႈ​ၸွမ်း​ဢလူဝ်ႇ​ၸေႇတၼႃႇ​တူဝ်​ၸဝ်ႈ​ၵဝ်ႇ​သေ​လႄႈ ၸီႇ​ယၢင်ႇ​ႁဵတ်း​ပဵၼ်​တင်း​သဵင်ႈ​တင်း​လူင်​မီး​ၼၼ်ႉ​လႄႈ ႁဝ်း​ပဵၼ်​ၵေႃႉ​ဢၼ် ၶၢမ်ႇ​ဢမူၺ်ႇ​ၼႂ်း​ ၸဝ်ႈ​ၶရိၸ်ႈ​ ​ၼၼ်ႉ​ဢေႃႈ။-</verse>
				<verse number="12">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​ႁဝ်း​ၸိူဝ်း​ဢၼ်​လႆႈ​မုင်ႈ​ထႃႈ​မွင်း​ထႃႈ​ၸဝ်ႈ​ၶရိၸ်ႈ​မႃး​ယဝ်ႉ​ၼၼ်ႉ တၵ်း​လႆႈ​ပဵၼ်​လွင်ႈ​တၢင်း​ဢၼ်​ယွင်ႈ​ယေႃး​မုၼ်​ၸဝ်ႈ​ၸိုင်၊ ၸင်ႇ​ပဵၼ်​ဢေႃႈ။-</verse>
				<verse number="13">ၵႃႈ​တီႈ​မၼ်း​ၸဝ်ႈ​ၼၼ်ႉ​သူ​ၵေႃႈ လႆႈ​ထွမ်ႇ​လႆႈ​ငိၼ်း​သမ်ႇမႃႇ​တြႃး​ဢၼ်​ဝႃႈ​တြႃး​သတၢင်း​သိူဝ်း​ပျေႃႇ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၵႄႇ​ၶျွတ်ႈ​ဢဝ်​သူ​ၼၼ်ႉ​လႄႈ ယုမ်ႇ​မၢတ်ႈ​ၸဝ်ႈ​ၶရိၸ်ႈ​ၼၼ်ႉ​သေ​ယဝ်ႉ၊ လႆႈ​ၶၢမ်ႇ​ဢဝ်​တၢင်း​ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢၼ်​ၸၢပ်ႈ​သႅင်ႇ​ၵၼ်​တင်း ၵတီႉ​ၸဝ်ႈ​ၼၼ်ႉ တွၵ်ႇ​တၼ်း​သိၵ်ႈ​ဝႆႉ​ယဝ်ႉ။-</verse>
				<verse number="14">ဝီႉၺိၺ်ႇ​ၸဝ်ႈ​ၼၼ်ႉ​ပဵၼ်​ၸရၢၼ်ႇ​ဢမူၺ်ႇ​ႁဝ်း​ယူႇ တေႃႇ​ထိုင်​ႁွတ်ႈ​ၶိင်ႇ​ၵႃႇလႃႉ တၢင်း​ဢၼ်​မၼ်း​ၸဝ်ႈ​ထုတ်ႇ​ဢဝ် ၶဝ်​ၸိူဝ်း​ဢၼ်​မၼ်း​ၸဝ်ႈ​ထိူၵ်ႈ​ပိူင်ႇ ဢိၵ်ႇ​တင်း​လွင်ႈ​တၢင်း​ဢၼ်​ယွင်ႈ​ယေႃး​မုၼ်​ၸဝ်ႈ​ၼၼ်ႉ​ဢေႃႈ။</verse>
				<verse number="15">ပိူဝ်ႈ​ၼႆ​လႄႈ ၵဝ်​လႆႈ​ငိၼ်း​လွင်ႈ​တၢင်း​ဢၼ်​သူ​ယုမ်ႇ​မၢတ်ႈ​ၸဝ်ႈ​ ယေႇသူႉ ​ဢိၵ်ႇ​တင်း လွင်ႈ​တၢင်း​ဢၼ်​သူ​ႁၵ်ႉ​ၵူၼ်း​မူတ်း​ၸၢင်ႇ တင်း​သဵင်ႈ​တင်း​လူင်​ၼၼ်ႉ​သေ​ယဝ်ႉ၊-</verse>
				<verse number="16">ဢဝ်​လွင်ႈ​သူ​ယွင်ႈ​ယေႃး​ၵျေး​ၸူး​ၸဝ်ႈ​ယူႇ​သေႇ​သေႇ​လႄႈ ႁဵတ်း​သူး​တွင်း​ပထၼႃႇ​ပုၼ်ႈ​သူ​ယူႇ​ဢေႃႈ။-</verse>
				<verse number="17">တီႈ​ႁဵင်း​ဢၼ်​ၵဝ်​သူး​တွင်း​ၼၼ်ႉ​ၸမ်ႉ၊ လွင်ႈ​ၼင်ႇ​ႁိုဝ်​ပေႃႈ​ၸဝ်ႈ​ဢၼ်​မုၼ်​ယႂ်ႇ​လႄႈ​ပဵၼ်​ၽြႃး​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ တၵ်း​ပၼ်​ပိင်ႇ​ၺႃႇ​တင်း​ၺၢၼ်ႇ ဢၼ်​ၸၢင်ႈ​ၶုတ်း​မူင်ႇ​ၸီး​ၸွင်​ႁူႉ​လႆႈ​ၼၼ်ႉ​တီႈ​သူ​ပုၼ်ႈ​ဢၼ်​သူ တၵ်း​လႆႈ​ႁူႉ​ၸၵ်း​မၼ်း​ၸဝ်ႈ​လီ​လီ​ငၢမ်း​ငၢမ်း လွင်ႈ​ၼင်ႇ​ႁိုဝ်​မၼ်း​ၸဝ်ႈ​တၵ်း​ႁႂ်ႈ​မၢၵ်ႇ​တႃ​ႁူဝ်​ၸႂ်​သူ​သႂ်​လႅင်း ႁႂ်ႈ​သူ​လႆႈ​ႁူႉ​လွင်ႈ​တၢင်း​ဢၼ် တၵ်း​လႆႈ​မုင်ႈ​ထႃႈ​မွင်း​ထႃႈ၊-</verse>
				<verse number="18">ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ႁွင်ႉ​ဢဝ်​ၼၼ်ႉ၊ ပဵၼ်​ၸိူဝ်ႉ​ႁိုဝ်​ၼၼ်ႉ၊ လွင်ႈ​ဢၼ်​မုၼ်​ၸေး​ၸိမ်ႇ​ဢမူၺ်ႇ​ၸဝ်ႈ ဢၼ်​ၵူၼ်း​မူတ်း​ၸၢင်ႇ​တင်း​လၢႆ လႆႈ​ၶၢမ်ႇ​ဢဝ်​ၼၼ်ႉ ယႂ်ႇ​ၼႃႇ​ၵႃႈ​ႁိုဝ်​ၼၼ်ႉ၊-</verse>
				<verse number="19">တၼ်း​ၶူဝ်း​ၸဝ်ႈ​ဢၼ်​ယႂ်ႇ​လူင်​ယႂ်ႇ​လၢင် ဢၼ်​မၼ်း​ၸဝ်ႈ​ဢဝ်​တင်း​ႁႅင်း​ဢၼ်​ယႂ်ႇ​ၼႃႇ ၼႄ​ပျႃး​တီႈ​ႁဝ်း​ၸိူဝ်း​ဢၼ်​ယုမ်ႇ​မၢတ်ႈ​ၼၼ်ႉ​ၸမ်ႉ၊ ယႂ်ႇ​ၼႃႇ​ၵႃႈ​ႁိုဝ်​ၼၼ်ႉ​ၸိုင် ႁဵတ်း​သူး​တွင်း​ပထၼႃႇ​ဢေႃႈ။-</verse>
				<verse number="20">တၼ်း​ၶူဝ်း​ၸဝ်ႈ​ၼၼ်ႉ​ၸမ်ႉ၊ ပဵၼ်​မႁႃႇ​ႁႅင်း​တၼ်း​ၶူဝ်း​ဢႃႇၼူႉၽေႃႇ ဢၼ်​ပွင်​ႁဵတ်း​ၼႂ်း​ၸဝ်ႈ​ၶရိၸ်ႈ ၼႂ်း​မိူဝ်ႈ​ဢၼ်​မၼ်း​ၸဝ်ႈ ႁႂ်ႈ​ၸဝ်ႈ​ၶရိၸ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​လႄႈ ပၼ်​တီႈ​ယူႇ​ဢၼ်​သုင်​မျၢတ်ႈ​ၼႃႇ ၵႃႈ​တီႈ​ၽၢႆႇ​ၶႂႃ​မၼ်း​ၸဝ်ႈ ၵႃႈ​ၼႂ်း​တီႈ​ၵၢင်​ႁၢဝ်​တင်း​လၢႆ၊-</verse>
				<verse number="21">ၵႃႈ​ၼိူဝ်​ၸႃႉ​ၸဵမ်​ဢၼ်​ထွတ်ႈ​ဢၼ်​မျၢတ်ႈ၊ ဢႃႇၼႃႇ​တၼ်း​ၶူဝ်း တၢင်း​ဢၼ်​ဢုပ်ႉ​ပိူင်ႇ​ၼၼ်ႉ တင်း​သဵင်ႈ​တင်း​လူင် ဢိၵ်ႇ​တင်း ၼႃႇ​မႃႉ​ၸိုဝ်ႈ​သဵင် ဢၼ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸၢတ်ႈ​ၼႆႉ​ၸၢတ်ႈ​ၼႃႈ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တီႈ​ၸဝ်ႈ​ၶရိၸ်ႈ​လႄႈ၊-</verse>
				<verse number="22">ဢဝ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၶျႃး​ဝႆႉ ၵႃႈ​တီႈ​တႂ်ႈ​တိၼ်​မၼ်း​ၸဝ်ႈ ႁႂ်ႈ​မၼ်း​ၸဝ်ႈ​ပဵၼ်​ႁူဝ် ဢၼ်​ဢုပ်ႉ​ဢၼ်​ၶျုၵ်ႈ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ပုၼ်ႈ​ၸိူဝ်း​ၸဝ်ႈ​ဢေႃႈ။-</verse>
				<verse number="23">ၸိူဝ်း​ၸဝ်ႈ​ၼၼ်ႉ​ၸမ်ႉ၊ ပဵၼ်​တူဝ်​ၸဝ်ႈ​ၶရိၸ်ႈ​ဢၼ်​ဝႃႈ တၢင်း​ဢၼ်​ပျေႉ​ၸုမ်ႇ ၵေႃႉ​ဢၼ်​ႁႂ်ႈ​တင်း​သဵင်ႈ​တင်း​လူင်​ပျေႉ​ၸုမ်ႇ ၼႂ်း​တင်း​သဵင်ႈ​တင်း​လူင်​ဢေႃႈ။</verse>
			</chapter>
			<chapter number="2">
				<verse number="1">ၽြႃး​ပဵၼ်​ၸဝ်ႈ​ႁႂ်ႈ​သူ​ၸိူဝ်း​ဢၼ်​တၢႆ ယူႇ​ၼႂ်း​တူႉ​ၸရိူၵ်ႈ​ဢပႅတ်ႈ ဢၼ်​ပဵၼ်​တီႈ​ဢၼ်​ၸွမ်း​လူၺ်ႈ​လေႃးၵီႇ​တြႃး​ၵႂႃႇ​မႃး​ယူႇ မိူဝ်ႈ​ဢွၼ်​ၼႆႉ​လႄႈ၊-</verse>
				<verse number="2">မႅၼ်ႈ​ၼင်ႇ​ဢလူဝ်ႇ​ၶုၼ်​ဢၼ်​လႆႈ​ဢုပ်ႉ​ပိူင်ႇ​တၼ်း​ၶူဝ်း​ဢႃႇၵႃႇသႃႉ​၊ၵၢင်​ႁၢဝ်​ဢၼ်​ဝႃႈ ဝီႉၺိၺ်ႇ​ဢၼ်​ပွင်​ႁဵတ်း​ၼႂ်း​ၶဝ်​ၸိူဝ်း​ဢၼ် တွပ်ႇ​ထဵင်​ၸိူဝ်း​ၼၼ်ႉ​ၼႆႉ ဢသၢၵ်ႈ​လႆႈ​လိပ်း​ယဝ်ႉ။-</verse>
				<verse number="3">ႁဝ်း​ၵႃႈ​မီး​တင်း​သဵင်ႈ​တင်း​လူင် မိူဝ်ႈ​ဢွၼ်​ၼႆႉ​ၼၼ်ႉ ၸွမ်း​လူၺ်ႈ​ဢလူဝ်ႇ​တူဝ်​ၵႃႇ​ယႃႉ ဢိၵ်ႇ​တင်း​ဢလူဝ်ႇ​ၸႂ်​ၵႂႃႇ​မႃး​ယူႇ ၵႃႈ​ၼႂ်း ၵႃႇမၵုင်ႇ​တင်း​လၢႆ ႁူမ်ႈ​လူၺ်ႈ​ၵၼ်​တင်း​ၶဝ်​ၼၼ်ႉ​လႄႈ ပဵၼ်​ၵေႃႉ​ဢၼ်​ၸွမ်း​လူၺ်ႈ​ပၵတီႉ လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ ၸႂ်​မႆႈ​မိူၼ်​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ဢေႃႈ။-</verse>
				<verse number="4">ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​ဢၼ်​ပျေႉ​ၸုမ်ႇ​၊ၼမ်​ၵိုၼ်း​ဝႆႉ​တင်း ၵရူႉၼႃႇ​ၸဝ်ႈ​ၼၼ်ႉ ၵွပ်ႈ​ပိူဝ်ႈ​မႁႃႇ​မႅတ်ႈ​တႃႇ ဢၼ်​မၼ်း​ၸဝ်ႈ​ႁၵ်ႉ​ႁဝ်း​ၼၼ်ႉ​လႄႈ၊-</verse>
				<verse number="5">ႁႂ်ႈ​ႁဝ်း​ၸိူဝ်း​ဢၼ်​တၢႆ​ယူႇ​ၼႂ်း​တူႉ​ၸရိူၵ်ႈ​ဢပႅတ်ႈ​ၼႆႉ၊ ဢသၢၵ်ႈ​လိပ်း​လူၺ်ႈ​ၵၼ်​တင်း​ၸဝ်ႈ​ၶရိၸ်ႈ​ၼၼ်ႉ​ယဝ်ႉ။ ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ၵူၺ်း​လႄႈ သူ​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။-</verse>
				<verse number="6">ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ​ၼၼ်ႉ မၼ်း​ၸဝ်ႈ​ႁႂ်ႈ​ႁဝ်း​လုၵ်ႉ​ၶိုၼ်း လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​လႄႈ ပၼ်​တီႈ​ယူႇ​တီႈ​သဝ်း​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ တီႈ​ၶဝ်​ၵႃႈ​ၼႂ်း​တီႈ​ၵၢင်​ႁၢဝ်​တင်း​လၢႆ​ၼၼ်ႉ​ယဝ်ႉ။-</verse>
				<verse number="7">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​မၼ်း​ၸဝ်ႈ တၵ်း​ႁႂ်ႈ​တၢင်း​ဢၼ်​ၵျေး​ၸူး​မၼ်း​ၸဝ်ႈ ပျေႉ​ၸုမ်ႇ​ၼမ်​ၵိုၼ်း​ၼႃႇ​ၼၼ်ႉ ထၢင်ႇ​သႃး​ၼႂ်း​ၶိင်ႇ ၵၢပ်ႈ​ၵႃႇလႃႉ ၵမ်း​လိုၼ်း​တင်း​လၢႆ ၼႂ်း​လွင်ႈ​တၢင်း​ဢၼ်​မၼ်း​ၸဝ်ႈ ႁဵတ်း​ၵျေး​ၸူး​တီႈ​ႁဝ်း​ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ​ၼၼ်ႉ​ၸိုင်​၊ ၸင်ႇ​ပဵၼ်​ဢေႃႈ။</verse>
				<verse number="8">ပိူဝ်ႈ​ဢၼ်​ယုမ်ႇ​မၢတ်ႈ​လႄႈ သူ​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ဢေႃႈ။ သူ​ႁွတ်ႈ​ထိုင်​ၸွမ်း​ၼင်ႇ ဢလူဝ်ႇ တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ။ ပဵၼ်​ဢၼ်​ၽြႃး​ပဵၼ်​ၸဝ်ႈ​ဢဵတ်း​လူ​ပၼ်​ဢေႃႈ။-</verse>
				<verse number="9">သူ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၽူႈ​လႂ်​ဢမ်ႇ​မီး​ဢၶႂၢင်ႉ​ဢၼ်​လႆႈ​ဢုပ်ႇ​ဝၢဝ်း။-</verse>
				<verse number="10">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၼင်ႇ​ႁိုဝ်​ႁဝ်း​တၵ်း​လႆႈ​ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ​ဢၼ်​လီ​ၸိုင်၊ ႁဝ်း​ပဵၼ်​တီႈ​ဢၼ်​မၼ်း​ၸဝ်ႈ​ၽၢၼ်ႇ​သၢင်း​လႄႈ ႁဵတ်း​ပဵၼ်​ၼႂ်း​ ယေႇသူႉ​ၶရိၸ်ႈ ​ဢေႃႈ။ ၼင်ႇ​ႁိုဝ်​ႁဝ်း​တၵ်း​လႆႈ​ၵႂႃႇ​မႃး ၼႂ်း​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​မႄး​ႁႅၼ်း​ႁဝ်း​ဝႆႉ​ဢွၼ်​တၢင်း​ယဝ်ႉ။</verse>
				<verse number="11">ပိူဝ်ႈ​ၼႆ​လႄႈ သူ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​သူ​ၸွမ်း​ၼင်ႇ​ပၵတီႉ ပဵၼ်​ၵႃႈ​ၼႂ်း​ၵူၼ်း​သႃႇသၼႃႇ​ပႃႉ​တင်း​လၢႆ ဢၼ်​ၶၢမ်ႇ​တၢင်း​ဢၼ်​ႁွင်ႉ​ဝႃႈ ၵူၼ်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း တီႈ​ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​ႁွင်ႉ​ဝႃႈ ၵူၼ်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း ဝေႃးႁႃႇရႃႉ​ဢၼ်​ဢဝ်​မိုဝ်း​ႁဵတ်း ၼႂ်း​တူဝ်​ၵႃႇ​ယႃႉ မိူဝ်ႈ​ဢွၼ်​ၼႆႉ​ၼၼ်ႉ၊-</verse>
				<verse number="12">ဢိၵ်ႇ​တင်း​လွင်ႈ​ဢၼ်​မိူဝ်ႈ​ၼၼ်ႉ​ၼၼ်ႉ သူ​ဢမ်ႇ​ႁူႉ​ၸဝ်ႈ​ၶရိၸ်ႈ၊ ဢမ်ႇ​ၶဝ်ႈ​ၼႂ်း​မုၵ်ႉ​ၼႂ်း​ၸိူဝ်း ဢီႉသရေႇလႃႉ ၊ ဢမ်ႇ​ၸၢပ်ႈ​သႅင်ႇ​ၵၼ်​တင်း​ပတီႉၺိၺ်ႇ​တြႃး​ဢၼ်​ပႃး​တင်း​ၵတီႉ​ၸဝ်ႈ၊ ဢမ်ႇ​မီး​တၢင်း​ဢၼ်​မုင်ႈ​ထႃႈ​မွင်း​ထႃႈ ယူႇ​ၼႂ်း​လေႃးၵႃႉ​ၼႆႉ မိူၼ်​ၸိူဝ်ႉ​ၼင်ႇ​ဢၼ်​ဢမ်ႇ​မီး​ၽြႃး​ၼၼ်ႉ​တႃႉ။-</verse>
				<verse number="13">ပိၵ်ႉ​သမ်ႉ​သူ​မိူဝ်ႈ​ဢွၼ်​ၼႆႉ​ၼၼ်ႉ မီး​တီႈ​ဢၼ်​ၵႆ​သေ​ၵေႃႈ၊​တေႃႈ​လဵဝ်​ၼႆႉ​သူ​မီး​ၼႂ်း​ၸဝ်ႈ​ၶရိၸ်ႈ​လႄႈ ႁွတ်ႈ​မႃး​တီႈ​ဢၼ်​ၸမ် ၵွပ်ႈ​ပိူဝ်ႈ​လိူတ်ႈ​ၸဝ်ႈ​ၶရိၸ်ႈ​ယဝ်ႉ။-</verse>
				<verse number="14">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၸဝ်ႈ​ၼၼ်ႉ​ပဵၼ်​လွင်ႈ​ဢၼ် ႁႂ်ႈ​တၢင်း​ၽိတ်း​ႁဝ်း​ထၢတ်ႇ​ယဵၼ်​ဢေႃႈ။-</verse>
				<verse number="15">ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ ပႄႇ​ပႅတ်ႈ​လွင်ႈ​တၢင်း​ဢၼ် ႁွမ်​ဝႆႉ​တၢင်း​ၽိတ်း​ဢၼ်​ဝႃႈ ပိင်း​ၺၢပ်ႈ​တြႃး​ဢၼ်​ၸၢပ်ႈ​သႅင်ႇ​ၵၼ်​တင်း ၼႄး​ဢူႉပတေႇ​တင်း​လၢႆ​ၼၼ်ႉ ၵႃႈ​ၼႂ်း​တူဝ်​ၶၼ်ႇ​ထႃႇ​မၼ်း​ၸဝ်ႈ​လႄႈ မၼ်း​ၸဝ်ႈ​ၵိူၼ်ႇ​ယႃႉ​ပႅတ်ႈ​လမ်း​တမ်ႇ​တိူင်း​ၽႃ​ဢုတ်ႇ ၶိုင်ႈ​ၵၢင် ဢၼ်​ႁႄႉ​ဢၼ်​ၵင်ႈ​လႄႈ ႁႂ်ႈ​ၵူၼ်း​သွင်​မုၵ်ႉ ပဵၼ်​မုၵ်ႉ​လဵဝ်​ၵူၺ်း​ဢေႃႈ။-</verse>
				<verse number="16">လွင်ႈ​မၼ်း​ၸမ်ႉ မၼ်း​ၸဝ်ႈ​ႁႂ်ႈ​တၢင်း​ၽိတ်း​ထၢတ်ႇ​ယဵၼ်​သေ​ယဝ်ႉ၊ လွင်ႈ​ၼင်ႇ​ႁိုဝ်​တၵ်း​လႆႈ​မႄး​ႁဵတ်း ႁႂ်ႈ​ၵူၼ်း​သွင်​မုၵ်ႉ ပဵၼ်​ၵူၼ်း ဢၼ်​မႂ်ႇ​မုၵ်ႉ​လဵဝ် ၸိူဝ်း​လဵဝ်​ၵူၺ်း ဢိၵ်ႇ​တင်း​ဢဝ်​တၢင်း​ၽိတ်း​တၢႆ ၵွပ်ႈ​ပိူဝ်ႈ​သဝ်​လၵ်း​ဝႃး​ၵၢပ်ႈ​သေ​ယဝ်ႉ၊ လွင်ႈ​ၼင်ႇ​ႁိုဝ်​တၵ်း​ႁႂ်ႈ​ၶဝ်​သွင် မုၵ်ႉ ဢၼ်​ပဵၼ်​မုၵ်ႉ​လဵဝ်​၊ၸိူဝ်း​လဵဝ်​ၵၼ်​ယဝ်ႉ​ၼၼ်ႉ ႁဵတ်း​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​တင်း​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​သဝ်​လၵ်း​ဝႃး​ၵၢပ်ႈ​ၼၼ်ႉ​ၸိုင်၊ ၸင်ႇ​ပဵၼ်​ဢေႃႈ။-</verse>
				<verse number="17">ၸဝ်ႈ​ၶရိၸ်ႈ​ၼၼ်ႉ​ၵေႃႈ​မႃး​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ ဢၼ်​ဝႃႈ​တြႃး​တၢင်း​ဢၼ်​ႁႂ်ႈ​တၢင်း​ၽိတ်း ထၢတ်ႇ​ယဵၼ်​ၼၼ်ႉ တီႈ​သူ​ၸိူဝ်း​ဢၼ်​မီး​ယူႇ​ၵႃႈ​တီႈ​ဢၼ်​ၵႆ ဢိၵ်ႇ​တင်း​တီႈ​သူ​ၸိူဝ်း​ဢၼ် မီး​ယူႇ​ၵႃႈ​တီႈ​ဢၼ်​ၸမ်​ၼၼ်ႉ​ဢေႃႈ။-</verse>
				<verse number="18">ၼင်ႇ​ၼၼ်​လႄႈ ၵွပ်ႈ​ပိူဝ်ႈ​မၼ်း​ၸဝ်ႈ​ၼၼ်ႉ​လႄႈ ႁဝ်း​သွင်​မုၵ်ႉ​သွင်​ၸိူဝ်း ပဵၼ်​ၸႂ်​ဝီႉၺိၺ်ႇ​ဢၼ်​လဵဝ်​ၵၼ်​လႄႈ လႆႈ​ဢၶႂၢင်ႉ​ဢၼ် လႆႈ​ၶဝ်ႈ​ၸူး​ၵႃႈ​တီႈ​ပေႃႈ​ၸဝ်ႈ​ဢေႃႈ။</verse>
				<verse number="19">ပိူဝ်ႈ​ၼႆ​လႄႈ သူ​ပဵၼ်​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ဢမ်ႇ​ၸႂ်ႈ။ ပဵၼ်​ၶႅၵ်ႇ​ဢမ်ႇ​ၸႂ်ႈ၊ ပဵၼ်​ၵူၼ်း​မိူင်း​လဵဝ်​ၵၼ် တင်း​ၵူၼ်း​မူတ်း​ၸၢင်ႇ​တင်း​လၢႆ​ဢေႃႈ။ ပဵၼ်​ၵူၼ်း​ႁိူၼ်း​ၵူၼ်း​ယေး​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="20">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​ၶၢမ်ႇ​တၢင်း​ဢၼ် ထၢပ်ႈ​ထႅင်ႈ​လႄႈ​တႄႇ​ႁဵတ်း​ယူႇ ၵႃႈ​ၼိူဝ်​ငဝ်ႈ​ႁၢၵ်ႈ​တိူၵ်ႈ​ဢၼ်​ဝႃႈ တမၢၼ်ႇ​ၸဝ်ႈ​ဢိၵ်ႇ​တင်း​ပရေႃးၽႅတ်ႈ​တင်း​လၢႆ​ၼၼ်ႉ​ဢေႃႈ။ ငဝ်ႈ​ႁၢၵ်ႈ​မၢၵ်ႇ​ႁိၼ်​ၸဵင်ႇ​တိူၵ်ႈ​ၸမ်ႉ၊ ပဵၼ်​ ယေႇသူႉ​ၶရိၸ်ႈ ​ဢေႃႈ။-</verse>
				<verse number="21">ၼႂ်း​ၸဝ်ႈ​ၼၼ်ႉ၊ တိူၵ်ႈ​တင်း​သဵင်ႈ​တင်း​လူင်​ငီႇငႅၼ်ႈ​ၵၼ်​လႄႈ ယႂ်ႇ​မႃး​ယူႇ၊ ပဵၼ်​ပိၵ်ႈ​မၢၼ်ႇ​ၸဝ်ႈ​ဢၼ်​မူတ်း​ၸၢင်ႇ​ပုၼ်ႈ​ၸဝ်ႈ​ၽြႃး ယူႇ​ဢေႃႈ။-</verse>
				<verse number="22">ၼႂ်း​ၸဝ်ႈ​ၼၼ်ႉ​ၵေႃႈ၊ သူ​ၶၢမ်ႇ​တၢင်း​ဢၼ်​တႄႇ​ႁဵတ်း​ယူႇ လူၺ်ႈ​ၵၼ်​တင်း​ႁဝ်း ပုၼ်ႈ​လွင်ႈ​ၼင်ႇ​ႁိုဝ်​ၽြႃး​ပဵၼ်​ၸဝ်ႈ တၵ်း​ဢဝ် ဝီႉၺိၺ်ႇ​ၸဝ်ႈ​ၵိင်း​ဝၢပ်ႈ​ယူႇ​ဢေႃႈ။</verse>
			</chapter>
			<chapter number="3">
				<verse number="1">ၵွပ်ႈ​ပိူဝ်ႈ​လွင်ႈ​တီႈ​ႁဵင်း​ၼၼ်ႉ​လႄႈ၊ ၵဝ်​ ပေႃးလူႉ ​ဢၼ်​လႆႈ​ၶၢမ်ႇ​တူၵ်း​ၵိၼ်း​ပုၼ်ႈ​သူ ၸိူဝ်း​ဢၼ်​ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ၵွပ်ႈ​ပိူဝ်ႈ ဢၼ်​ၸၢပ်ႈ​သႅင်ႇ​ၵၼ်​တင်း​ ယေႇသူႉ​ၶရိၸ်ႈ ​ၼၼ်ႉ​ၼႆႉ၊-</verse>
				<verse number="2">ၵႃႈ​ၼင်ႇ​ဢၼ်​သူ​လႆႈ​ငိၼ်း​သႃႇသၼႃႇ​ၵျေး​ၸူး​ၽြႃး​ပဵၼ်​ၸဝ်ႈ ဢၼ်​မၼ်း​ၸဝ်ႈ​ထွၵ်ႈ​လူၺ်ႈ​ဢၵျူဝ်း​သူ​သေ​လႄႈ ပၼ်​တီႈ​ၵဝ်​ၼၼ်ႉ၊ ၵဝ်​လႆႈ​ၶၢမ်ႇ​ဢဝ်​ဢေႃႈ။-</verse>
				<verse number="3">လွင်ႈ​သႃႇသၼႃႇ​ၵျေး​ၸူး​ၸဝ်ႈ ဢၼ်​ဢၢပ်ႈ​ပၼ်​တီႈ​ၵဝ်​ၼၼ်ႉ​ၸမ်ႉ၊ ၵႃႈ​ၼင်ႇ​ဢၼ်​ၵဝ်​တႅမ်ႈ​ဝႆႉ​ယဝ်ႉ ဢိတ်း​ၼိုင်ႈ​မိူဝ်ႈ​ဢွၼ်​တၢင်း​ၼၼ်ႉ၊ ၽြႃး​ပဵၼ်​ၸဝ်ႈ​ဢဝ်​တင်း​ပျႃႇ​တိၵ်ႈ​ၸဝ်ႈ ၼႄ​ပျႃး​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ တီႈ​ၵဝ်​ဢေႃႈ။-</verse>
				<verse number="4">ပေႃး​သူ​ၽတ်း​တူၺ်း​ၵႂၢမ်း​ၼၼ်ႉ​ၸိုင်၊ သူ​တၵ်း​ႁူႉ​လွင်ႈ​ဢၼ်​ၵဝ်​ႁူႉ​ၸႅင်ႈ လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၸဝ်ႈ​ၶရိၸ်ႈ​ၼၼ်ႉ​ဢေႃႈ။-</verse>
				<verse number="5">ၼႂ်း​ၶိင်ႇ​ၵႃႇလႃႉ​တၢင်ႇ​တီႈ မိူဝ်ႈ​ၼၼ်ႉ​ၼၼ်ႉ မၼ်း​ၸဝ်ႈ​ဢမ်ႇ​ၼႄ​ဢမ်ႇ​ပျႃး​တၢင်း​ဢၼ်​လိုၵ်ႉ​ဢၼ်​လမ်ႇ​တီႈ​ၵူၼ်း​တင်း​လၢႆ မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ ဢဝ်​တင်း​ဝီႉၺိၺ်ႇ​ၸဝ်ႈ ၽုၺ်ႇ​ဢွၵ်ႇ​ၼႄ​ပျႃး​ၵႃႈ​တီႈ​တမၢၼ်ႇ​ၸဝ်ႈ ဢၼ်​မူတ်း​ၸၢင်ႇ​ဢိၵ်ႇ​တင်း ပရေႃးၽႅတ်ႈ တင်း​လၢႆ ၶိင်ႇ​တေႃႈ​လဵဝ်​ၼႆႉ။-</verse>
				<verse number="6">တၢင်း​ဢၼ်​လိုၵ်ႉ​ဢၼ်​လမ်ႇ​ၼၼ်ႉ​ၸမ်ႉ၊ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ လႆႈ​ၶၢမ်ႇ​ဢမူၺ်ႇ​လူၺ်ႈ​ၵၼ်​တင်း ၵူၼ်း​ ယူႉတႃႉ ​တင်း​လၢႆ​ယူႇ၊ ပဵၼ်​တူဝ်​ဢၼ်​လဵဝ်​ၵၼ်​ယူႇ​သေ​လႄႈ လႆႈ​သိူၵ်ႈ​သမ်ႇ​ၵတီႉ​ၸဝ်ႈ​ယူႇ​ၼႂ်း​ၸဝ်ႈ​ၶရိၸ်ႈ ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​ဢေႃႈ။-</verse>
				<verse number="7">ၵဝ်​လႆႈ​ထိုင်​ပဵၼ်​သြႃႇ ဢၼ်​ႁေႃး​လၢတ်ႈ​တြႃး​ၼၼ်ႉ ၵႃႈ​ၼင်ႇ​ဢၼ်​လႆႈ​ၶၢမ်ႇ​ဢဝ်​ၵျေး​ၸူး​ၽြႃး​ပဵၼ်​ၸဝ်ႈ ဢၼ်​မၼ်း​ၸဝ်ႈ​ဢဵတ်း​လူ​ပၼ်​တီႈ​ၵဝ် ၸွမ်း​ၼင်ႇ​ဢၼ်​တၼ်း​ၶူဝ်း​ၸဝ်ႈ ပွင်​ႁဵတ်း​ၼၼ်ႉ​ယဝ်ႉ။-</verse>
				<verse number="8">မၼ်း​ၸဝ်ႈ​ပၼ်​ၵျေး​ၸူး​ၼၼ်ႉ​တီႈ​ၵဝ် ဢၼ်​ပဵၼ်​ၵေႃႉ​ဢၼ် ယဵင်ႈ​ၶႅၼ်း​လဵၵ်ႉ​ၼႃႇ​သေ​ၵေႃႉ​ဢၼ်​လဵၵ်ႉ​သေ​ပိူၼ်ႈ ၵႃႈ​ၼႂ်း ၵူၼ်း​မူတ်း​ၸၢင်ႇ​တင်း​သဵင်ႈ​တင်း​လူင် ႁႂ်ႈ​ၵဝ်​လႆႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ တၢင်း​ဢၼ်​ၸဝ်ႈ​ၶရိၸ်ႈ ပျေႉ​ၸုမ်ႇ​ၼမ်​ၵိုၼ်း ဢၼ်​ၸႅတ်ႈ​ထၢမ်​ၸႅတ်ႈ​တူၺ်း​လႄႈ ဢမ်ႇ​သဵင်ႈ​လႆႈ​ၼၼ်ႉ တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ၊-</verse>
				<verse number="9">ဢိၵ်ႇ​တင်း​ႁႂ်ႈ​လွင်ႈ​ဢၼ်​သႃႇသၼႃႇ ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​လိုၵ်ႉ​ဢၼ်​လမ်ႇ ဢၼ်​ၸႃႉ​ၸဵမ်​ၵၢပ်ႈ​ၵႃႇလႃႉ မိူဝ်ႈ​ဢွၼ်​ၼႆႉ ၼၼ်ႉ​လႄႈ သိူင်ႇ​ဝႆႉ​မႅပ်ႉ​ဝႆႉ​ၼႂ်း​ၽြႃး​ပဵၼ်​ၸဝ်ႈ ဢၼ်​ၽၢၼ်ႇ​သၢင်း​ႁဵတ်း​ပဵၼ် ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်​ၼၼ်ႉ လႆႈ​ထၢင်ႇ​သႃး​တီႈ​ၵူၼ်း​တင်း​သဵင်ႈ​တင်း​လူင်​ၼၼ်ႉ​ယဝ်ႉ။-</verse>
				<verse number="10">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ လွင်ႈ​ၼင်ႇ​ႁိုဝ်​တၵ်း​ႁႂ်ႈ​ဢၼ်​ထွတ်ႈ​ဢၼ်​မျၢတ်ႈ ဢိၵ်ႇ​တင်း​ဢႃႇၼႃႇ​တင်း​လၢႆ​ၵႃႈ​ၼႂ်း​တီႈ​ၵၢင်​ႁၢဝ်​ၸိူဝ်း​ၼၼ်ႉ လႆႈ​ႁူႉ​ပိင်ႇ​ၺႃႇ​ၽြႃး​ပဵၼ်​ၸဝ်ႈ​ဢၼ်​လၢၵ်ႇ​လၢႆး​ၼၼ်ႉ ၵွပ်ႈ​ပိူဝ်ႈ​ၸိူဝ်း​ၸဝ်ႈ​တေႃႈ​လဵဝ်​ၼႆႉ၊-</verse>
				<verse number="11">ၵႃႈ​ၼင်ႇ​ဢၼ်​မၼ်း​ၸဝ်ႈ​ဢဝ်​လွင်ႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​လႄႈ​မီး​တၢင်း​ၵျၢမ်ႇ​တၢင်း​ပွင်​ထႃႇဝရႃႉ​ၼၼ်ႉ​ၸိုင်​၊ ၸင်ႇ​ပဵၼ်​ဢေႃႈ။-</verse>
				<verse number="12">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ၸဝ်ႈ​ၼၼ်ႉ​လႄႈ ႁဝ်း​မီး​တင်း​ၸႂ်​ဢၼ်​ႁတ်း​ႁၢၼ် လႆႈ​ဢၶႂၢင်ႉ​တၢင်း​ဢၼ် လႆႈ​သုတ်ႉ​ၸမ်​လႄႈ​ၶၢမ်ႇ​ဢဝ် တၢင်း​ဢၼ်​ဢဵတ်း​လူ​မၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="13">ပိူဝ်ႈ​ၼႆ​လႄႈ မိူဝ်ႈ​ဢၼ်​သူ​ႁၼ်​တုၵ်ႉ​ၶႃႉ​တၢင်း​ၽၢၼ် ဢၼ်​ၵဝ်​လႆႈ​ၶၢမ်ႇ​ပုၼ်ႈ​သူ၊ ဢၼ်​ပွင်​ႁဵတ်း​သရေႇ​သူ​ၼၼ်ႉ​ၸိုင် သူ​ယႃႇ​ပေ​ၸႂ်​လူႉ။</verse>
				<verse number="14">ၵွပ်ႈ​ပိူဝ်ႈ​လွင်ႈ​တၢင်း​ဢၼ် ဝႃႈ​မႃး​ယဝ်ႉ​ၼၼ်ႉ​လႄႈ ၵဝ်​ၶုပ်ႉ​မူပ်ႇ​သူး​တွင်း​ၵႃႈ​တီႈ​ၽၢႆႇ​ၼႃႈ​ပေႃႈ​ၸဝ်ႈ​ႁဝ်း ယေႇသူႉ​ၶရိၸ်ႈ ၊-</verse>
				<verse number="15">ဢၼ်​ပဵၼ်​ၸဝ်ႈ​ဢၼ်​ပၼ်​ၸိုဝ်ႈ​ပၼ်​သဵင် ၵႃႈ​တီႈ​ၵူၼ်း​ႁိူၼ်း​ၵူၼ်း​ယေး​တင်း​သဵင်ႈ​တင်း​လူင် ဢၼ်​မီး​ၵႃႈ​ၼိူဝ်​ၵၢင်​ႁၢဝ် ဢိၵ်ႇ​တင်း​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ​ယူႇ​ဢေႃႈ။-</verse>
				<verse number="16">လွင်ႈ​ဢၼ်​သူး​တွင်း​ၼၼ်ႉ​ၸမ်ႉ၊ လွင်ႈ​ၼင်ႇ​ႁိုဝ်​မၼ်း​ၸဝ်ႈ တၵ်း​ဢဵတ်း​လူ​ပၼ်​မႅၼ်ႈ​ၸွမ်း​ၼင်ႇ​ဢၼ်​မၼ်း​ၸဝ်ႈ ပျေႉ​ၸုမ်ႇ​ၼမ်​ၵိုၼ်း​ၼၼ်ႉ​တီႈ​သူ ႁႂ်ႈ​ၵူၼ်း​ၽၢႆႇ​တင်း​ၼႂ်း​သူ မီး​တင်း​ႁႅင်း​မၼ်ႈ​ၶိူင်ႇ​ၵွပ်ႈ​ပိူဝ်ႈ​ဝီႉၺိၺ်ႇ​ၸဝ်ႈ၊-</verse>
				<verse number="17">ဢိၵ်ႇ​တင်း​ႁႂ်ႈ​ၸဝ်ႈ​ၶရိၸ်ႈ လႆႈ​ၵိင်း​ဝၢပ်ႈ​ယူႇ​ၵႃႈ​ၼႂ်း​ႁူဝ်​ၸႂ်​သူ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ ဢိၵ်ႇ​တင်း​လွင်ႈ​ၼင်ႇ​ႁိုဝ် သူ​တၵ်း​မီး​တၢင်း​ဢၼ်​ၽုၵ်ႇ​သွမ်ႈ​ယူႇ​ၼႂ်း​မႅတ်ႈ​တႃႇ၊ တၢင်း​ဢၼ်​တႄႇ​ၶျႃး​ငဝ်ႈ​ႁၢၵ်ႈ​တိူၵ်ႈ​ဝႆႉ​သေ​ယဝ်ႉ၊-</verse>
				<verse number="18">တၢတ်ႈ​ၼိူင်ႇ​ႁႂ်ႈ​လႆႈ​ႁူႉ​ႁၼ် ၼႃႈ​ယၢဝ်း​ၼႃႈ​ပွတ်း၊ ဢၼ်​သုင်၊​ဢၼ်​လိုၵ်ႉ​မႅတ်ႈ​တႃႇ​ၸဝ်ႈ​ၶရိၸ်ႈ မိူၼ်​ၸိူဝ်ႉ​ၼင်ႇ​ၵူၼ်း​မူတ်း​ၸၢင်ႇ​တင်း​သဵင်ႈ​တင်း​လူင်​ၼၼ်ႉ​လႄႈ၊-</verse>
				<verse number="19">ႁူႉ​မႅတ်ႈ​တႃႇ​ၸဝ်ႈ ဢၼ်​ဢဝ်​တင်း​ၺၢၼ်ႇ​တူဝ်​ၸဝ်ႈ​ၵဝ်ႇ ဢမ်ႇ​ႁူႉ​လႆႈ​ၼၼ်ႉ ဢိၵ်ႇ​တင်း​လွင်ႈ​ၼင်ႇ​ႁိုဝ် သူ​တၵ်း​ပျေႉ​ၸုမ်ႇ​မႅၼ်ႈ​ၸွမ်း​ၼင်ႇ တၢင်း​ဢၼ်​ၽြႃး​ပဵၼ်​ၸဝ်ႈ​ပျေႉ​ၸုမ်ႇ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင်၊ ၵဝ်​သူး​တွင်း​ယူႇ​ဢေႃႈ။</verse>
				<verse number="20">ႁႂ်ႈ​မၼ်း​ၸဝ်ႈ​ဢၼ်​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ႁဵတ်း​ဢၼ်​ယဵင်ႈ​ၶႅၼ်း​ယႂ်ႇ​ၼႃႇ​သေ ၵႃႈ​ဢၼ်​ႁဝ်း​ၵျၢမ်ႇ​ပွင်​တွင်း​ပၢၼ်ႇ​ၸွမ်း​ၼင်ႇ တၼ်း​ၶူဝ်း​မၼ်း​ၸဝ်ႈ​ဢၼ်​ပွင်​ႁဵတ်း​ၼႂ်း​ႁဝ်း​ၼႆႉ​ၼၼ်ႉ၊-</verse>
				<verse number="21">မုၼ်​ၽုင်း​ယႂ်ႇ​ၼႃႇ​ၵႃႈ​ၼႂ်း​ၸိူဝ်း​ၸဝ်ႈ​ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​သေ​ၵမ်း​လူၺ်ႈ။ ဢႃႇမိၼ်ႇ။</verse>
			</chapter>
			<chapter number="4">
				<verse number="1">ၵဝ်​ဢၼ်​လႆႈ​ၶၢမ်ႇ​တူၵ်း​ၵိၼ်း ၵွပ်ႈ​ပိူဝ်ႈ​ၸဝ်ႈ​ၽြႃး​ၼႆႉ​တိုၵ်း​ယူင်း​ၸူဝ်း​ဢဝ်​သူ ႁႂ်ႈ​သူ​လႆႈ​ၵမ်​ၵျၢင်ႉ​ဢၼ်​သၢင်ႇ​ထုၵ်ႇ​လီ​ငၢမ်း​ၸွမ်း​ၼင်ႇ​ဢၼ် သူ​လႆႈ​ၶၢမ်ႇ​ၵျေး​ၸူး​တၢင်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၼၼ်ႉ​ၶႃႈ​ဢေႃႈ။-</verse>
				<verse number="2">ဢွၼ်​ၵၼ်​ပျေႉ​ၸုမ်ႇ​တင်း တၢင်း​ဢၼ်​ႁူဝ်​ၸႂ်​ၶျႃး​တႅမ်ႇ ၼႂ်း​ၵူႈ​ၸိူဝ်ႉ​ၵူႈ​ပိူင်၊ တၢင်း​ဢၼ်​ၼိမ်​သိမ်ႇ​ဢူၼ်ႈ​ဢွၼ်ႇ၊ တၢင်း​ဢၼ်​ၸႂ်​ယႂ်ႇ​ၸႂ်​ယၢဝ်း​ၸိူဝ်း​ၼၼ်ႉ​သေ​ယဝ်ႉ၊ မီး​တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ပႃး​တင်း​ၸႂ်​မႅတ်ႈ​တႃႇ​ယိူၼ်ႉ​ၶၢမ်ႇ​လႄႈ၊-</verse>
				<verse number="3">ဢဝ်​ႁႅင်း​လႄႈ​ၵျူဝ်း​ၸႃး​ႁႂ်ႈ​လႆႈ​ဢဝ်​တၢင်း​ဢၼ်​မတ်ႉ​ၵိုၵ်း​မတ်ႉ​ႁွမ်း ဢၼ်​သၢင်ႇ​ထုၵ်ႇ​ႁဵတ်း​ၵေႃႉ​သေႈ​ပွင်း​ၵၼ်​ၼၼ်ႉ ပႂ်ႉ​တၢင်း​ဢၼ် ဝီႉၺိၺ်ႇ​ၸဝ်ႈ​ပဵၼ်​ပိူင်​လဵဝ်​ၵၼ်​ၼၼ်ႉ​ယူႇ​တႃႉ။-</verse>
				<verse number="4">ၵႃႈ​ၼင်ႇ​ဢၼ်​သူ​လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ႁွင်ႉ​ဢဝ်​လႄႈ သႂၢင်း​သႂ်ႇ​ၵႃႈ​ၼႂ်း​တၢင်း​ဢၼ်​မုင်ႈ​ထႃႈ​မွင်း​ထႃႈ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​မၼ်း​ၸဝ်ႈ​ႁွင်ႉ​ဢဝ်​သူ​ပိူင်​ၼိုင်ႈ​ၵူၺ်း​ၼၼ်ႉ၊​မီး​တူဝ်​ဢၼ်​လဵဝ်​တင်း ဝီႉၺိၺ်ႇ​ၸဝ်ႈ​ပႃး​လဵဝ်​ၵူၺ်း​ဢေႃႈ။-</verse>
				<verse number="5">မီး​ၸဝ်ႈ​ပႃႈ​ၼိုင်ႈ၊ တၢင်း​ဢၼ်​ယုမ်ႇ​မၢတ်ႈ​ပႃး​ၼိုင်ႈ၊ ပပ်ႉတီႉၸမ်ႇ ​ပႃး​ၼိုင်ႈ၊-</verse>
				<verse number="6">ၽြႃး​ပဵၼ်​ၸဝ်ႈ​သူႇ​လဵဝ်​ၵူၺ်း ဢၼ်​ပဵၼ်​ပေႃႈ​ႁဝ်း​တင်း​သဵင်ႈ​တင်း​လူင်​ၼၼ်ႉ​ဢေႃႈ။ မၼ်း​ၸဝ်ႈ​ၼၼ်ႉ​မီး​ယူႇ​ၵႃႈ​ၼိူဝ်​ႁဝ်း​တင်း​သဵင်ႈ​တင်း​လူင်​ဢေႃႈ။ မီး​ၸွတ်ႇ​တူဝ်ႈ​ယူႇ​ၵႃႈ​တီႈ​ႁဝ်း​တင်း​သဵင်ႈ​တင်း​လူင်​ဢေႃႈ။ ၵႃႈ​ၼႂ်း​ႁဝ်း​တင်း​သဵင်ႈ​တင်း​လူင်​ၵေႃႈ​မီး​ဢေႃႈ။-</verse>
				<verse number="7">ၼႂ်း​ဝႃႈ​ၼၼ်​သေ​ၵေႃႈ ႁဝ်း​လႆႈ​ၶၢမ်ႇ​ဢဝ်​ၵျေး​ၸူး​ၸဝ်ႈ​ၸွမ်း​ၵႃႈ​ၼင်ႇ​ဢၼ်​ၸဝ်ႈ​ၶရိၸ်ႈ​ပၼ် သူႉ​ၵျေး​ၸူး​လဵၵ်ႉ​လဵၵ်ႉ​ယႂ်ႇ​ယႂ်ႇ​ၼၼ်ႉ ႁင်း​ၽႂ်​ႁင်း​မၼ်း​ယဝ်ႉ။-</verse>
				<verse number="8">မႅၼ်ႈ​ၸိူဝ်ႉ​ၼင်ႇ​ၼၼ်​လႄႈ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ မၼ်း​ၸဝ်ႈ​ၶိုၼ်ႈ​ၵႂႃႇ​ၵႃႈ​တီႈ​ဢၼ်​သုင်​ၼၼ်ႉ​သေ​ယဝ်ႉ၊ လႆႈ​တီႉ​ဢဝ်​ၵူၼ်း​ၵႂႃႇ​ၼမ်​ၼႃႇ​လႄႈ​ပၼ် သူး​လၢပ်ႈ​တီႈ​ၵူၼ်း​တင်း​လၢႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">မိူဝ်ႈ​ဢၼ်​ဝႃႈ၊​ၶိုၼ်ႈ​ၵႂႃႇ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၶႂ်ႈ​ဝႃႈ​လွင်ႈ​ဢၼ်​မၼ်း​ၸဝ်ႈ​လူင်း​မႃး ၵႃႈ​တီႈ​တႂ်ႈ​လိၼ်​မိူင်း​ၼႆႉ​ဢမ်ႇ​ၸႂ်ႈ​ႁိုဝ်။-</verse>
				<verse number="10">ၵေႃႉ​ဢၼ်​လူင်း​မႃး​ၼၼ်ႉ ပဵၼ်​တၢင်ႇ​ၵေႃႉ​တၢင်ႇ​ၵူၼ်း​ဢမ်ႇ​ၸႂ်ႈ။ ပဵၼ်​ၵေႃႉ​ဢၼ်​ၶိုၼ်ႈ​ၵႂႃႇ​လႄႈ ပူၼ်ႉ​ပၢႆ​ၸိၵ်း​ၸွမ်​ၵၢင်​ႁၢဝ်​ၵႃႈ​မီး တင်း​သဵင်ႈ​တင်း​လူင် ႁႂ်ႈ​တင်း​သဵင်ႈ​တင်း​လူင်​လႆႈ​ပျေႉ​ၸုမ်ႇ ၽွမ်ႉ​လူၺ်ႈ​ၵၼ်​တင်း​မၼ်း​ၸဝ်ႈ​ဢေႃႈ။-</verse>
				<verse number="11">မၼ်း​ၸဝ်ႈ​ၼၼ်ႉ ၶၢၼ်း​ဝႆႉ​ႁႂ်ႈ​လႆႈ​မႄး​ႁႅၼ်း​ၵူၼ်း​မူတ်း​ၸၢင်ႇ​တင်း​လၢႆ ပုၼ်ႈ​လွင်ႈ​ၼင်ႇ​ႁိုဝ် တၵ်း​မေႃ​ႁဵတ်း​ဢမူႉ ထမ်ႇမႃႉ​သြႃႇ​လႄႈ တႄႇ​ႁဵတ်း​တူဝ်​ၸဝ်ႈ​ၶရိၸ်ႈ၊-</verse>
				<verse number="12">ၵမ်ႈ​ၽွင်ႈ ၼႂ်း​ဢရႃႇ​တမၢၼ်ႇ​ၸဝ်ႈ၊ ၵမ်ႈ​ၽွင်ႈ​ၼႂ်း​ဢရႃႇ​ပရေႃးၽႅတ်ႈ၊ ၵမ်ႈ​ၽွင်ႈ​ၼႂ်း​ဢရႃႇ​ဢၼ်​ပွင်​သႃႇသၼႃႇ၊ ၵမ်ႈ​ၽွင်ႈ​ၼႂ်း​ဢရႃႇ ဢၼ်​ဢုပ်ႉ​ၸိူဝ်း​ၸဝ်ႈ ဢိၵ်ႇ​တင်း​ၼႂ်း​ဢရႃႇ​သြႃႇ​ဢေႃႈ။-</verse>
				<verse number="13">လွင်ႈ​တၢင်း​ၸိူဝ်း​ၼႆႉ တၵ်း​ပဵၼ်​တေႃႇ​ထိုင်​ႁွတ်ႈ​ႁဝ်း​ၵႃႈ​မီး​တင်း​သဵင်ႈ​တင်း​လူင် ၶိုတ်း​ထိုင်​ၵႃႈ​တီႈ​တၢင်း​ဢၼ်​ယုမ်ႇ​မၢတ်ႈ ဢိၵ်ႇ​တင်း တၢင်း​ဢၼ်​ႁူႉ​ၸၵ်း​လုၵ်ႈ​ၸဝ်ႈ​မိူၼ်​မိူၼ်​ၵၼ်​လႄႈ ထိုင်​ပဵၼ်​ၵူၼ်း​ယႂ်ႇ​ၵူၼ်း​ၵႄႇ​ဢၼ်​ဝႃႈ ပမႃႇၼႃႉ တၢင်း​ဢၼ် ၸဝ်ႈ​ၶရိၸ်ႈ​ပျေႉ​ၸုမ်ႇ​ၼၼ်ႉ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ် မိူဝ်ႈ​ၵမ်း​လိုၼ်း ႁဝ်း​တၵ်း​ဢမ်ႇ​ပဵၼ်​လုၵ်ႈ​ဢွၼ်ႇ ဢၼ်​လူမ်း​ဢေႃးဝႃႇတႃႉ ၵႃႈ​မီး​တင်း​သဵင်ႈ​တင်း​လူင်​ထူဝ်း​လႄႈ​ၽူင်ႉ​ၵႂႃႇ ၵူႈ​တီႈ​ၵူႈ​လႅၼ်​ၵွပ်ႈ​ပိူဝ်ႈ​ဢၼ်​ပိူၼ်ႈ​တၢင်ႇ​ၵေႃႉ ဢဝ်​တင်း​ပရီႉယႄႇ ၵူၼ်း​ပႅတ်ႉ​လႅၼ်​လၢတ်ႈ​ႁႂ်ႈ ၸူဝ်း​ၵႂႃႇ​ၼႂ်း​ဢပႅတ်ႈ၊-</verse>
				<verse number="15">ဢိၵ်ႇ​တင်း လွင်ႈ​ၼင်ႇ​ႁိုဝ်​တၵ်း​ဢဝ်​တင်း​ၸႂ်​မႅတ်ႈ​တႃႇ​ၸွမ်း​သမ်ႇမႃႇ​တြႃး​ယူႇ​သေ​လႄႈ​ယႂ်ႇ​မႃး​ၼႂ်း ၵူႈ​ၸိူဝ်ႉ​ၵူႈ​ပိူင်​ၵႃႈ​တီႈ​ဢၼ် ပဵၼ်​ႁူဝ်​ႁဝ်း ဢၼ်​ဝႃႈ​ၸဝ်ႈ​ၶရိၸ်ႈ​ၼၼ်ႉ​ၸိုင်၊ ၸင်ႇ​ပဵၼ်​ဢေႃႈ။-</verse>
				<verse number="16">တင်း​တူဝ်​တင်း​ၶိင်း ဢိင်​မၼ်း​ၸဝ်ႈ​ၼၼ်ႉ​သေ​လႄႈ ငီႇငႅၼ်ႈ​မတ်ႉ​ၽွတ်ႇ​ယူႇ ၵွပ်ႈ​ပိူဝ်ႈ​ဢၼ်​ပွင်ႈ​လုပ်ႇ​တင်း​လၢႆ လႆႈ​လိုဝ်ႈ​ဢဝ်​ႁႅင်း၊ ၸွမ်း​ၵႃႈ​ၼင်ႇ​ဢၼ် ဢၢင်ႇ​ၵႃႇ​တင်း​လၢႆ​ႁင်း​ၽႂ်​ႁင်း​မၼ်း ပွင်​ႁဵတ်း​ပုၼ်ႈ​တႃႇ​ၽႂ်​ပုၼ်ႈ​တႃႇ​မၼ်း​ၼၼ်ႉ​လႄႈ ၸင်ႇ​ႁႂ်ႈ​တူဝ်​ယႂ်ႇ​မႃး​ႁႂ်ႈ​လႆႈ​တႄႇ​ႁဵတ်း​တူဝ်​ၸဝ်ႈ​ၵဝ်ႇ ၼႂ်း​မႅတ်ႈ​တႃႇ​ဢေႃႈ။</verse>
				<verse number="17">ပိူဝ်ႈ​ၼႆ​လႄႈ ၼင်ႇ​ႁိုဝ်​ၵမ်း​လိုၼ်း​သူ​တၵ်း​ဢမ်ႇ​ၵမ်​ၵျၢင်ႉ မိူၼ်​ၸိူဝ်ႉ​ၼင်ႇ​ဢၼ် ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ယင်း​ၵိုတ်း​ယင်း​ၵျၢၼ်ႇ​တင်း​လၢႆ မီး​တင်း​ၸႂ်​ဢၼ်​မဝ်​မၢင် ၵမ်​ၵျၢင်ႉ​ၼၼ်ႉ​ၸိုင်၊ ၵဝ်​ဢဝ်​တင်း​ဢၶႂၢင်ႉ​ၸဝ်ႈ​ၽြႃး​သင်ႇ​လၢတ်ႈ​ၵႂႃႇ​ဢေႃႈ။-</verse>
				<verse number="18">ၶဝ်​ၼၼ်ႉ ဢၼ်​လႅင်း​ၺၢၼ်ႇ​လပ်ႉ​ႁၢႆ​ၵႂႃႇ​လႄႈ​ၽၢတ်ႇ​ယၢၼ်​ၵၼ်​တင်း​ဢသၢၵ်ႈ​ၽြႃး​ပဵၼ်​ၸဝ်ႈ​ၵွပ်ႈ​ပိူဝ်ႈ ဢၼ်​ဢမ်ႇ​ႁူႉ​ၵႃႈ​သင်​လႃး​လႃး​ၵွပ်ႈ​ပိူဝ်ႈ​တၢင်း​ဢၼ်​ႁူဝ်​ၸႂ် ၵႅၼ်ႇ​ၶႅင်​ၼၼ်ႉ​ယူႇ​ဢေႃႈ။-</verse>
				<verse number="19">ၶဝ်​ၼၼ်ႉ​ဢမ်ႇ​မီး​တၢင်း​ဢၼ်​ၵူဝ်​ဢၼ်​ဢၢႆ။ ဢဝ်​တူဝ်​ၸဝ်ႈ​ၵဝ်ႇ​ဢၢပ်ႈ​ၵႃႈ​ၼႂ်း မိုဝ်း​ၵီႉလေႇသႃႇ ႁႂ်ႈ​လႆႈ​မီး​တင်း​ၸႂ် ဢၼ်​ၸပ်း​ၸွႆး ႁႅင်း​ယႂ်ႇ​ၼႃႇ​လႄႈ ၵျူဝ်း​ၸႃး​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ၵူဝ်ႈ​ၵိူၵ်ႇ​ၵူႈ​ၸိူဝ်ႉ​ၵူႈ​ပိူင်​ဢေႃႈ။-</verse>
				<verse number="20">သူ​သွၼ်​ဢဝ်​တြႃး​ၸဝ်ႈ​ၶရိၸ်ႈ​ႁႂ်ႈ​လႆႈ​ပဵၼ်​ၸိူဝ်ႉ​ၼင်ႇ​ၼၼ်​ဢမ်ႇ​ၸႂ်ႈ။-</verse>
				<verse number="21">သူ​လႆႈ​ငိၼ်း​ၵႂၢမ်း​ၸဝ်ႈ​ၶရိၸ်ႈ​လႄႈ ၶၢမ်ႇ​ဢဝ်​ၼႄး​တီႈ​မၼ်း​ၸဝ်ႈ​ၵႃႈ​ၼင်ႇ​ဢၼ်​သမ်ႇမႃႇ​တြႃး​မီး​ၼႂ်း​ ယေႇသူႉ ​ၼၼ်ႉ၊-</verse>
				<verse number="22">ႁႂ်ႈ​သူ​လႆႈ​ထွတ်ႇ​ၵူၼ်း​ၵဝ်ႇ​သူ​ဢၼ်​ၼဝ်ႈ​တူႇ​လူႉ​လႅဝ် ၵွပ်ႈ​ပိူဝ်ႈ​ၸႂ်​လေႃး​ၽႃႉ​ဢၼ် ၸၢင်ႈ​ပႅတ်ႉ​လႅၼ်​ၼႂ်း​လွင်ႈ​တၢင်း​ဢၼ် သူ​ၵႂႃႇ​မႃး​မိူဝ်ႈ​ဢွၼ်​ၼႆႉ​ၼၼ်ႉ​ပႅတ်ႈ၊-</verse>
				<verse number="23">ႁႂ်ႈ​သူ​လႆႈ​ႁူဝ်​ၸႂ်​သၽေႃး​ဢၼ်​မႂ်ႇ​လႄႈ ဢဝ်​ၵူၼ်း​မႂ်ႇ​ဢၼ်​ဢဝ်​တင်း​ပႃႇရမီႇ​တၢင်း​ဢၼ်​သိုဝ်ႈ​တေႃႇ၊-</verse>
				<verse number="24">တၢင်း​ဢၼ်​မူတ်း​ၸၢင်ႇ ဢၼ်​ၸၢပ်ႈ​သႅင်ႇ​ၵၼ်​တင်း သမ်ႇမႃႇ​တြႃး​ၽၢၼ်ႇ​သၢင်း​ႁဵတ်း​ပဵၼ် မိူၼ်​ၸိူဝ်ႉ​ၼင်ႇ ၽြႃး​ပဵၼ်​ၸဝ်ႈ ၼၼ်ႉ​ၼုင်ႈ​မႆ​ဢေႃႈ။</verse>
				<verse number="25">ပိူဝ်ႈ​ၼႆ ပႄႇ​ပႅတ်ႈ​ၵႂၢမ်း​မူႉ​သႃႇ​သေ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​လၢတ်ႈ​ၵႂၢမ်း​ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ​တေႃႇ​ၵၼ်​ၵူၺ်း​တႃႉ။ လွင်ႈ​မၼ်း​ၸမ်ႉ ႁဝ်း​ပဵၼ်​ဢၢင်ႇ​ၵႃႇ ၼင်ႇ​ၵၼ်​ၵၼ်​ဢေႃႈ။-</verse>
				<verse number="26">ၼႂ်း​လွင်ႈ​ဢၼ် တၢင်း​ၸႂ်​မႆႈ​ဢွၵ်ႇ​ၼၼ်ႉ​ၸိုင် ယႃႇ​ပေ​ႁႂ်ႈ​လႆႈ​မီး​ဢပႅတ်ႈ။ ၸူဝ်ႈ​ဢၼ်​တၢင်း​ၸႂ်​မႆႈ ဢမ်ႇ​ပႆႇ​ႁၢႆ​ၼၼ်ႉ​ၸိုင်၊ ယႃႇ​ႁႂ်ႈ​ၵၢင်​ဝၼ်း​တၼ်း​တူၵ်း။-</verse>
				<verse number="27">ယႃႇ​ပေ​ပၼ်​ဢၶႂၢင်ႉ​တီႈ​မႃႇၼၢတ်ႈ။-</verse>
				<verse number="28">ႁႂ်ႈ​ၵေႃႉ​ဢၼ်​ၸၢင်ႈ​လၵ်ႉ​ၸၢင်ႈ​လိူတ်ႈ​ၼၼ်ႉ ၵမ်း​လိုၼ်း​ယင်း​ဢမ်ႇ​လၵ်ႉ​ဢမ်ႇ​လိူတ်ႈ​လႄႈ ဢဝ်​တင်း​မိုဝ်း​တူဝ်​ၸဝ်ႈ​ၵဝ်ႇ​ႁဵတ်း တၢင်း​ႁဵတ်း​ဢၼ်​လီ​ဢၼ်​ငၢမ်း ႁႂ်ႈ​လႆႈ​မီး​ပုၼ်ႈ​ဢၼ် တၵ်း​လႆႈ​မႅင်ႇ​ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​တႃႉ။-</verse>
				<verse number="29">ယႃႇ​ပေ​ႁႂ်ႈ​ၵႂၢမ်း​ဢၼ်​ၵူဝ်ႈ​ဢၼ်​ၵိူၵ်ႇ​ၼၼ်ႉ လႆႈ​ဢွၵ်ႇ​ၵႃႈ​ၼႂ်း​သူပ်း​သူ​သေ​ၶေႃႈ​သေ​ၵမ်း။ လၢတ်ႈ​ၵႂၢမ်း​ဢၼ်​လီ​ဢၼ်​ငၢမ်း​ပုၼ်ႈ​ဢၼ်​တၵ်း တႄႇ​ႁဵတ်း​ႁႂ်ႈ​လႆႈ​ပွင်​ဢၵျူဝ်း​ၶဝ်​ၸိူဝ်း​ဢၼ်​လႆႈ​ထွမ်ႇ​လႆႈ​ငိၼ်း​ၼၼ်ႉ​ၵူၺ်း​တႃႉ။-</verse>
				<verse number="30">ယႃႇ​ပေ​ႁႂ်ႈ​ဝီႉၺိၺ်ႇ​ဢၼ်​မူတ်း​ၸၢင်ႇ​ၽြႃး​ပဵၼ်​ၸဝ်ႈ ဢၼ်​တွၵ်ႇ​တၼ်း​သိၵ်ႈ​တီႈ​သူ တေႃႇ​ထိုင်​ႁွတ်ႈ​ဝၼ်း​တၢင်း​ဢၼ် တၵ်း​ထုတ်ႇ​ဢဝ်​ၼၼ်ႉ​လႆႈ​ၸဵပ်း​ၸႂ်။-</verse>
				<verse number="31">ပႄႇ​ပႅတ်ႈ​တၢင်း​ဢၼ်​ၸႂ်​ပွတ်း​ၸႂ်​လွတ်း​ၵူႈ​ၸိူဝ်ႉ​ၵူႈ​ပိူင်၊ တၢင်း​ဢၼ်​ၸႂ်​မႆႈ​ၸႂ်​လိူတ်ႇ၊ တၢင်း​ဢၼ်​တေႃး​သႃႉ​ဢွၵ်ႇ၊ တၢင်း​ဢၼ်​ႁိုတ်း​သႅၼ်ႇ၊ တၢင်း​ဢၼ်​လၢတ်ႈ ယႃႉ​သရေႇ​ပိူၼ်ႈ​ၸိူဝ်း​ၼၼ်ႉ ဢိၵ်ႇ​တင်း​တၢင်း​ဢၼ်​သီႈ​ၵေႉ​ႁေႈ​တႃ​ပိူၼ်ႈ ၵူႈ​ၸိူဝ်ႉ​ၵူႈ​ပိူင် ၼၼ်ႉ​သေ​ၵႃႈ​တီႈ​သူ​တႃႉ။-</verse>
				<verse number="32">ႁႂ်ႈ​မီး​တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ႁဵတ်း​ၵျေး​ၸူး​တီႈ​ၵၼ်၊ တၢင်း​ဢၼ်​ဢဵတ်း​လူ​ႁၵ်ႉ​ပႅင်း၊ တၢင်း​ဢၼ်​ပွႆႇ​လွတ်ႈ​ဢပႅတ်ႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ မိူၼ်​ၸိူဝ်ႉ​ၼင်ႇ​ဢၼ်​ၽြႃး​ပဵၼ်​ၸဝ်ႈ ပွႆႇ​လွတ်ႈ​ဢပႅတ်ႈ​သူ​ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​ၼၼ်ႉ​တႃႉ။</verse>
			</chapter>
			<chapter number="5">
				<verse number="1">ၼင်ႇ​ၼၼ်​လႄႈ ၸိူဝ်ႉ​ၼင်ႇ​လုၵ်ႈ​ႁၵ်ႉ​ၽြႃး​ပဵၼ်​ၸဝ်ႈ​တင်း​လၢႆ​ၼၼ်ႉ၊ သူ​ၵမ်​ၵျၢင်ႉ​မိူၼ်​ၸိူဝ်ႉ​ၼင်ႇ​ဢၼ်​ၽြႃး​ပဵၼ်​ၸဝ်ႈ​ၵမ်​ၵျၢင်ႉ ၼၼ်ႉ​တႃႉ။-</verse>
				<verse number="2">သူ​ၵႂႃႇ​မႃး​ယူႇ​ၼႂ်း​မႅတ်ႈ​တႃႇ​မိူၼ်​ၸိူဝ်ႉ​ၼင်ႇ​ဢၼ်​ၸဝ်ႈ​ၶရိၸ်ႈ ႁၵ်ႉ​ႁဝ်း​လႄႈ​ဢဝ်​တူဝ်​ၸဝ်ႈ​ၵဝ်ႇ ဢၼ်​ဝႃႈ တၢင်း​ဢၼ်​သၢၵ်ႈ​ၵၢပ်ႈ​လႄႈ ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ ပုၼ်ႈ​ဢၼ်​တၵ်း​ပဵၼ် ဢၢႆ​ဢၼ်​ႁွမ်​ဢၼ်​ႁူၺ်း​ၼၼ်ႉ​သေ​လႄႈ ၸုၼ်ႉ​ပႅတ်ႈ​ပုၼ်ႈ​ႁဝ်း​ၼၼ်ႉ​တႃႉ။</verse>
				<verse number="3">ၸိူဝ်ႉ​ၼင်ႇ​ဢၼ် ၵူၼ်း​မူတ်း​ၸၢင်ႇ​တင်း​လၢႆ ထုၵ်ႇ​လီ​ဝႄႈ​ပႅတ်ႈ​ၼၼ်ႉ၊ သူ​ယႃႇ​ပေ​ဢဝ်​တင်း​ၵႂၢမ်း​လၢတ်ႈ ၸပ်း​တၢင်း​ဢၼ် ႁဵတ်း မေႇ​ထုင်ႇ​ဢၼ်​ဢမ်ႇ​တြႃး၊ တၢင်း​ဢၼ်​ၵီႉလေႇသႃႇ​ၵူဝ်ႈ​ၵိူၵ်ႇ ၵူႈ​ၸိူဝ်ႉ​ၵူႈ​ပိူင်၊ တၢင်း​ဢၼ်​လေႃး​ၽႃႉ​ပူၼ်ႉ​လိူဝ် ၸိူဝ်း​ၼၼ်ႉ​လႃး​လႃး။-</verse>
				<verse number="4">ဝႄႈ​ပႅတ်ႈ​ၵႂၢမ်း​ဢၼ်​ၵူဝ်ႈ​ၵိူၵ်ႇ၊ ၵႂၢမ်း​ဢၼ်​ႁဵတ်း​ပျၢၵ်ႈ​ႁဵတ်း​ၶျေႃး ဢၼ်​ဢမ်ႇ​လီ​ဢမ်ႇ​ထုၵ်ႇ​ၸိူဝ်း​ၼၼ်ႉ​သေ​လႄႈ လၢတ်ႈ​ၵႂၢမ်း​ဢၼ် ယွင်ႈ​ယေႃး​ၵျေး​ၸူး​ၸဝ်ႈ​ၵူၺ်း​တႃႉ။-</verse>
				<verse number="5">သူ​ႁူႉ​လွင်ႈ​ဢၼ်​ၵေႃႉ​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး၊ ၵေႃႉ​ဢၼ်​ႁဵတ်း​လွင်ႈ​တၢင်း​ဢၼ်​ၵူဝ်ႈ​ၵိူၵ်ႇ၊ ၵေႃႉ​ဢၼ်​လေႃး​ၽႃႉ​ပူၼ်ႉ​လိူဝ် ဢၼ်​ပဵၼ်​ၵေႃႉ​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ သေ​ၵေႃႉ​သေ​ၵူၼ်း​ၼၼ်ႉ ဢမ်ႇ​လႆႈ​ၶၢမ်ႇ​ဢမူၺ်ႇ ၼႂ်း​မိူင်း​ၸဝ်ႈ​ၶရိၸ်ႈ၊ တင်း​ၽြႃး​ပဵၼ်​ၸဝ်ႈ​ၼၼ်ႉ​ယူႇ​ဢေႃႈ။-</verse>
				<verse number="6">ယႃႇ​ပေ​ႁႂ်ႈ​ၽူႈ​လႂ် လႆႈ​ဢဝ်​တင်း​ၵႂၢမ်း​ဢၼ်​မဝ်​မၢင်​သေ​လႄႈ ပႅတ်ႉ​လႅၼ်​သူ။ ၵွပ်ႈ​ပိူဝ်ႈ​လွင်ႈ​တၢင်း​ၸိူဝ်း​ၼၼ်ႉ​လႄႈ၊ တၢင်း​ၸႂ်​မႆႈ​ၶႆႈ​ၸႃႉ​ၽြႃး​ပဵၼ်​ၸဝ်ႈ ႁွတ်ႈ​ထိုင်​ၵႃႈ​ၼိူဝ်​ၶဝ်​ၸိူဝ်း​ဢၼ် ၸၢင်ႈ​တွပ်ႇ​ၸၢင်ႈ​ထဵင်​ၼၼ်ႉ​ဢေႃႈ။</verse>
				<verse number="7">ပိူဝ်ႈ​ၼႆ​လႄႈ ယႃႇ​ပေ​သိူၵ်ႈ​သမ်ႇ​လႄႈ​ၵမ်​ၵျၢင်ႉ​လူၺ်ႈ​ၵၼ်​တင်း​ၶဝ်။-</verse>
				<verse number="8">ၼႂ်း​ၶိင်ႇ​ၵႃႇလႃႉ​မိူဝ်ႈ​ဢွၼ်​ၼႆႉ​ၼၼ်ႉ၊ သူ​ပဵၼ်​ဢၼ်​လပ်း​သိင်ႇ​ဢေႃႈ။ တေႃႈ​လဵဝ်​ၼႆႉ​ၸမ်ႉ၊ သူ​ပဵၼ်​ဢၼ်​လႅင်း​ၼႂ်း​ၸဝ်ႈ​ၽြႃး​ဢေႃႈ။ ပိူဝ်ႈ​ၼႆ​လႄႈ​ၵမ်​ၵျၢင်ႉ​ၸိူဝ်ႉ​ၼင်ႇ​လုၵ်ႈ​ဢၼ်​လႅင်း​ၼၼ်ႉ​တႃႉ။-</verse>
				<verse number="9">ဢၵျူဝ်း​ဢၼ်​လႅင်း​ၸမ်ႉ၊ ပဵၼ်​တၢင်း​ဢၼ်​လီ​ဢၼ်​ငၢမ်း​ၵူႈ​ၸိူဝ်ႉ​ၵူႈ​ပိူင်၊ တၢင်း​ဢၼ်​သိုဝ်ႈ​ဢၼ်​တေႃႇ၊ တၢင်း​ဢၼ်​ပႂ်ႉ​သဵတ်ႈ​ၸႃႇ​ဢေႃႈ။-</verse>
				<verse number="10">လွင်ႈ​တၢင်း​ဢၼ်​ထုၵ်ႇ​ၸႂ်​ၸဝ်ႈ​ၽြႃး၊​ပဵၼ်​လွင်ႈ​တၢင်း​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ သွၼ်​ဢဝ်​တႃႉ။-</verse>
				<verse number="11">ဢမ်ႇ​သိူၵ်ႈ​ဢမ်ႇ​သမ်ႇ​ၵၼ်​တင်း​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​လပ်း​သိင်ႇ​၊ဢၼ်​ဢမ်ႇ​မီး​ဢၵျူဝ်း​ၸိူဝ်း​ၼၼ်ႉ​ဢမ်ႇ​ၵႃး၊ ၼႄ​ပျႃး ဢပႅတ်ႈ​လွင်ႈ​တၢင်း​ၸိူဝ်း​ၼၼ်ႉ​တႃႉ။-</verse>
				<verse number="12">လွင်ႈ​မၼ်း​ၸမ်ႉ ၼႂ်း​လွင်ႈ​ဢၼ်​ဢဝ်​ၵႂၢမ်း​လၢတ်ႈ ၸပ်း​လွင်ႈ​တၢင်း​ၸိူဝ်း​ဢၼ်​ၶဝ်​ႁဵတ်း ၼႂ်း​တီႈ​ဢၼ်​လပ်ႉ​ဢၼ်​သိူင်ႇ​ၼၼ်ႉ၊ ယင်း​ပႃး​တၢင်း​ဢၼ် လီ​ဢူၵ်း​လီ​ဢၢႆ​ယူႇ​ဢေႃႈ။-</verse>
				<verse number="13">လွင်ႈ​တၢင်း​ဢၼ်​ဢပႅတ်ႈ​ထၢင်ႇ​သႃး​မႃး​၊ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ထၢင်ႇ​သႃး​မႃး​ၵွပ်ႈ​ပိူဝ်ႈ​ဢၼ်​လႅင်း​ဢေႃႈ။ လွင်ႈ​တၢင်း​ဢၼ်​ၸၢင်ႈ​ႁႂ်ႈ​ထၢင်ႇ​သႃး​မႃး၊​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၵေႃႈ ပဵၼ်​ဢၼ်​လႅင်း​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ၊​ဢၼ်​မႃး​လႄႈ​ဝႃႈ​ၸမ်ႉ၊ ၵေႃႉ​ဢၼ်​ၼွၼ်း​လပ်း​ယူႇ​ဢိူၺ်း၊​တိုၼ်ႇ​မႃး​တႃႉ။ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်ႉ​ၸိုင်၊ ၸဝ်ႈ​ၶရိၸ်ႈ​တၵ်း​ပၼ်​ဢၼ်​လႅင်း​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="15">ပိူဝ်ႈ​ၼႆ​လႄႈ ယႃႇ​ပေ​ပဵၼ်​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ် ဢမ်ႇ​မီး​ပိင်ႇ​ၺႃႇ​ၼၼ်ႉ။ ပဵၼ်​ၸိူဝ်ႉ​ၼင်ႇ​၊ ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​လႄႈ ႁဵတ်း​သတီႉ ႁႂ်ႈ​လႆႈ​ၵမ်​ၵျၢင်ႉ ၸေး​ၸေး​ၸွတ်ႇ​ၸွတ်ႇ​တႃႉ။-</verse>
				<verse number="16">ၵွပ်ႈ​ပိူဝ်ႈ​ဢၼ်​ၶိင်ႇ​ဝၼ်း​ၵႃႇလႃႉ​တေႃႈ​လဵဝ်​ၼႆႉ ႁၢႆႉ​မိူၵ်ႈ​လႄႈ​ဢွၼ်​ၵၼ်​ထုတ်ႇ​ဢဝ်​ၶိင်ႇ​ၵႃႇလႃႉ​တႃႉ။-</verse>
				<verse number="17">ပိူဝ်ႈ​ၼႆ​လႄႈ​ယႃႇ​ပေ​ပဵၼ်​ၵေႃႉ​ဢၼ်​ဢမ်ႇ​မီး​သတီႉ။ ပဵၼ်​ၵေႃႉ​ဢၼ်​ၶႆႈ​ၸႂ်​လႄႈ​ႁူႉ လွင်ႈ​ဢၼ်​ဢလူဝ်ႇ​ၽြႃး​ပဵၼ်​ၸဝ်ႈ မီး​ၼၼ်ႉ​တႃႉ။</verse>
				<verse number="18">ဝႄႈ​ပႅတ်ႈ​တၢင်း​ဢၼ်​မဝ်း​လဝ်ႈ​လူၺ်ႈ​ၼမ်ႉ​ၸပိတ်ႈ ဢၼ်​ၸၢင်ႈ​ႁႂ်ႈ​ပူၼ်ႉ​လိူဝ်​ၼၼ်ႉ​သေ​လႄႈ ပျေႉ​ၸုမ်ႇ​ဝႆႉ​တင်း​ဝီႉၺိၺ်ႇ​ၸဝ်ႈ​ယူႇ​တႃႉ။-</verse>
				<verse number="19">ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​ဢဝ်​တင်း တၢင်း​ဢၼ်​ႁဵတ်း​ၵႂၢမ်း​သႃႇလၢမ်ႇ တင်း​ၵႂၢမ်း​ထမ်ႇမႃႉ​ၵူႈ​မဵဝ်း​လၢတ်ႈ​ဝႃႈ​လႄႈ ဢွၼ်​ၵၼ်​မီး တင်း​ၸႂ်​ဢၼ်​ဢူၼ်ႈ​ဢၼ်​ဢွၼ်ႇ ဢိုၼ်း​ယွင်ႈ​ႁဵတ်း​ၵႂၢမ်း ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​တႃႉ။</verse>
				<verse number="20">ဢိင်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ ယေႇသူႉ​ၶရိၸ်ႈ ​သေ​လႄႈ​ဢွၼ်​ၵၼ်​ႁပ်ႉ​တုင်း​ဢဝ် ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၼႂ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ၵျေး​ၸူး​ၸဝ်ႈ​ယႂ်ႇ​ၼႃႇ​တီႈ​ၶႃႈ​ဢေႃႈ​၊ ဝႃႈ​ၼင်ႇ​ၼႆ​ယူႇ​သေႇ​သေႇ​တႃႉ။</verse>
				<verse number="21">ၼႂ်း​လွင်ႈ​တၢင်း​ဢၼ်​ရူဝ်ႇ​သေႇ​ၵူဝ်​ယမ်​ၸဝ်ႈ​ၶရိၸ်ႈ​ၼၼ်ႉ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ် ဢဝ်​တူဝ်​ၸဝ်ႈ​ၵဝ်ႇ​ၶျႃး​တႅမ်ႇ​တႂ်ႈ​ၵၼ်​တႃႉ။-</verse>
				<verse number="22">ၽူႈ​ယိင်း​ၶဝ်​ဢိူၺ်း​၊ ၸိူဝ်ႉ​ၼင်ႇ​ဢၼ်​သူ​ႁပ်ႉ​တုင်း​ဢဝ် တၢင်း​ဢၼ်​ၸဝ်ႈ​ၽြႃး​ဢုပ်ႉ​ပိူင်ႇ​သူ​ၼၼ်ႉ၊ ႁပ်ႉ​တုင်း​ဢဝ်​တၢင်း​ဢၼ်​ၽူဝ်​သူ​ဢုပ်ႉ​ပိူင်ႇ​တႃႉ။-</verse>
				<verse number="23">လွင်ႈ​မၼ်း​ၸမ်ႉ ၸိူဝ်ႉ​ၼင်ႇ​ဢၼ်​ၸဝ်ႈ​ၶရိၸ်ႈ ပဵၼ်​ႁူဝ်​ၵႃႈ​ၼိူဝ်​ၸိူဝ်း​ၸဝ်ႈ​ၼၼ်ႉ၊ ၽူႈ​ၸၢႆး​ပဵၼ်​ႁူဝ်​ၵႃႈ​ၼိူဝ်​မေး​မၼ်း​ဢေႃႈ။ မၼ်း​ၸဝ်ႈ​ၵေႃႈ​ပဵၼ်​ၵေႃႉ​ဢၼ်​ၵႄႇ​ၶျွတ်ႈ​ဢဝ်​တူဝ်​မၼ်း​ၸဝ်ႈ​ဢေႃႈ။-</verse>
				<verse number="24">ၸိူဝ်ႉ​ၼင်ႇ​ဢၼ်​ၸိူဝ်း​ၸဝ်ႈ​ႁပ်ႉ​တုင်း​ဢဝ် တၢင်း​ဢၼ်​ၸဝ်ႈ​ၶရိၸ်ႈ​ဢုပ်ႉ​ပိူင်ႇ​ၼၼ်ႉ၊ ၽူႈ​ယိင်း​တင်း​လၢႆ​ၵေႃႈ တၵ်း​လႆႈ​ႁပ်ႉ​တုင်း​ဢဝ်​တၢင်း​ဢၼ်​ၽူဝ်​ၶဝ် ဢုပ်ႉ​ပိူင်ႇ​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ဢေႃႈ။</verse>
				<verse number="25">ၽူႈ​ၸၢႆး​ၶဝ်​ဢိူၺ်း၊ သူ​ၵေႃႈ​ႁၵ်ႉ​မေး​သူ မိူၼ်​ၸိူဝ်ႉ​ၼင်ႇ​ဢၼ် ၸဝ်ႈ​ၶရိၸ်ႈ​ႁၵ်ႉ​ၸိူဝ်း​ၸဝ်ႈ​လႄႈ ၸုၼ်ႉ​တူဝ်​ၸဝ်ႈ​ၵဝ်ႇ​ပုၼ်ႈ​ၸိူဝ်း​ၸဝ်ႈ၊-</verse>
				<verse number="26">လွင်ႈ​ၼင်ႇ​ႁိုဝ်​တၵ်း​လႆႈ​ဢဝ်​တင်း တၢင်း​ဢၼ်​သုၵ်ႈ​ပွတ်ႈ​ၵႃႈ​ၼႂ်း​ၼမ်ႉ ၼုၵ်ႈၵပၢတ်ႈ​တြႃး​ၸဝ်ႈ​ၼၼ်ႉ ႁႂ်ႈ​ၸိူဝ်း​ၸဝ်ႈ​မူတ်း​ၸၢင်ႇ၊-</verse>
				<verse number="27">ႁႂ်ႈ​လႆႈ​ဢဝ်​ၸိူဝ်း​ၸဝ်ႈ​ဢၼ်​မီး​မုၼ်​သရေႇ ဢၼ်​ၵၢင်း​လွတ်ႈ​တင်း​ၸႃႉ​ၸဵမ်​တၢင်း​ဢၼ်​ၵူဝ်ႈ​ၵိူၵ်ႇ​လႄႈ​ၶႆး​တင်၊ တၢင်း​ဢၼ်​ၼင်​ႁူႇ ဢိၵ်ႇ​တင်း​လွင်ႈ​တၢင်း​ၸိူဝ်ႉ​ၼင်ႇ​ၼၼ်ႉ ၵူႈ​ၸိူဝ်ႉ​ၵူႈ​ပိူင်​လႄႈ ပဵၼ်​ဢၼ်​မူတ်း​ၸၢင်ႇ ၵၢင်း​လွတ်ႈ​တင်း​ဢပႅတ်ႈ​ယူႇ​ၼၼ်ႉ​သေ​လႄႈ သၢၵ်ႈ​ၵၢပ်ႈ​ၵႃႈ​တီႈ​တူဝ်​ၸဝ်ႈ​ၵဝ်ႇ​ၼၼ်ႉ​တႃႉ။-</verse>
				<verse number="28">မိူၼ်​ၸိူဝ်ႉ​ၼင်ႇ​ၼၼ်၊ ၽူႈ​ၸၢႆး​တင်း​လၢႆ တၵ်း​လႆႈ​ႁၵ်ႉ​မေး​ၶဝ်​မိူၼ်​ၸိူဝ်ႉ​ၼင်ႇ​ဢၼ် ၶဝ်​ႁၵ်ႉ​တူဝ်​ၶဝ်​ၼၼ်ႉ​ဢေႃႈ။ ၵေႃႉ​ဢၼ်​ႁၵ်ႉ​မေး​မၼ်း​ၼၼ်ႉ ပဵၼ်​ၵေႃႉ​ဢၼ်​ႁၵ်ႉ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="29">ၵေႃႉ​ဢၼ်​ၸင်း​ၼိူဝ်ႉ​ၸင်း​လိူတ်ႈ​မၼ်း​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း။ မၼ်း​ၸၢင်ႈ​ပွင်​ႁဵတ်း​လဵင်ႉ​ႁဵတ်း​လူ​ၼိူဝ်ႉ​လိူတ်ႈ​မၼ်း မိူၼ်​ၸိူဝ်ႉ​ၼင်ႇ​ဢၼ်​ၸဝ်ႈ​ၶရိၸ်ႈ ပွင်​ႁဵတ်း​လဵင်ႉ​ႁဵတ်း​လူ​ၸိူဝ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="30">ၵွပ်ႈ​ပိူဝ်ႈ​ဢၼ်​ႁဝ်း​ပဵၼ်​ဢၼ်​ၶဝ်ႈ​ပႃး​ၼႂ်း​ၼိူဝ်ႉ​ၼႂ်း​လုပ်ႇ​ၸဝ်ႈ​ၽြႃး​လႄႈ ႁဝ်း​ပဵၼ်​ဢၢင်ႇ​ၵႃႇ​တူဝ်​မၼ်း​ၸဝ်ႈ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="31">ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ၊ ၽူႈ​ၸၢႆး​တၵ်း​လႆႈ​ၽၢတ်ႇ​ယၢၼ်​ၵၼ်​တင်း​ပေႃႈ​မႄႈ​မၼ်း​သေ​လႄႈ ၸပ်း​ၸွမ်း​ၽၢႆႇ​မေး​မၼ်း​ယူႇ​ဢေႃႈ။ သွင်​ၶႃ​တၵ်း​လႆႈ​ပဵၼ်​ၼိူဝ်ႉ​ဢၼ်​လဵဝ်​၊လိူတ်ႈ​ဢၼ်​လဵဝ်​ၵၼ်​ဢေႃႈ။</verse>
				<verse number="32">လွင်ႈ​တၢင်း​ၼႆႉ ပဵၼ်​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၼႃႇ​လူင်​လၢင်​ဢေႃႈ။ မိူဝ်ႈ​ဢၼ်​ၵဝ်​ဝႃႈ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ၵဝ်​ၶႂ်ႈ​ဝႃႈ​လွင်ႈ​ၸဝ်ႈ​ၶရိၸ်ႈ​တင်း​ၸိူဝ်း​ၸဝ်ႈ​ဢေႃႈ။-</verse>
				<verse number="33">ၼႂ်း​ဝႃႈ​ၼၼ်​သေ​ၵေႃႈ ၸိူဝ်ႉ​ၼင်ႇ​ဢၼ်​သူ​ႁၵ်ႉ​တူဝ်​ၸဝ်ႈ​ၵဝ်ႇ​ႁင်း​ၽႂ်​ႁင်း​မၼ်း​ၼၼ်ႉ ႁၵ်ႉ​မေး​တူဝ်​ၸဝ်ႈ​ၵဝ်ႇ​တႃႉ။ ၽူႈ​ယိင်း​ၵေႃႈ၊ ႁႂ်ႈ​မီး​တၢင်း​ဢၼ်​ရူဝ်ႇ​သေႇ​ၵူဝ်​ယမ်​ၽူဝ်​တူဝ်​ၸဝ်ႈ​ၵဝ်ႇ​တႃႉ။</verse>
			</chapter>
			<chapter number="6">
				<verse number="1">လုၵ်ႈ​လၢင်း​ၶဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ပေႃႈ​ၵႂၢမ်း​မႄႈ​သူ​ၸွမ်း​ၵႃႈ​ၼင်ႇ​ဢၼ်​မႅၼ်ႈ​တင်း​ဢလူဝ်ႇ​ၸဝ်ႈ​ၽြႃး​ၼၼ်ႉ​တႃႉ။ လွင်ႈ​တၢင်း​ဢၼ် ထွမ်ႇ​ဢဝ်​ၵႂၢမ်း​ပေႃႈ​ၵႂၢမ်း​မႄႈ​ၼၼ်ႉ ပဵၼ်​လွင်ႈ​တၢင်း​ဢၼ်​ၸွမ်း​ၼင်ႇ​တြႃး​ဢေႃႈ။-</verse>
				<verse number="2">ၼင်ႇ​ႁိုဝ်​မႂ်း​တၵ်း​လႆႈ​လီ​လႆႈ​ပဵၼ်​လႄႈ ဢသၢၵ်ႈ​တၵ်း​ယၢဝ်း​ယိုၼ်း​ၵႃႈ​ၼႂ်း​မိူင်း​ၸဝ်ႈ​ၼၼ်ႉ​ၸိုင်</verse>
				<verse number="3">ႁဵတ်း​ရူဝ်ႇ​သေႇ​ၵူဝ်​ယမ်​ပေႃႈ​မႄႈ​တႃႉ။ ပိင်း​ၺၢပ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸမ်ႉ၊ ပဵၼ်​ပထမႃႉ​ပိင်း​ၺၢပ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း ၵတီႉ​ၸဝ်ႈ​ဢေႃႈ။-</verse>
				<verse number="4">ပေႃႈ​ၶဝ်​ဢိူၺ်း၊ ယႃႇ​ပေ​ႁဵတ်း​ႁႂ်ႈ​လုၵ်ႈ​လၢင်း​သူ​ၸႂ်​မႆႈ​ၶႆႈ​ၸႃႉ။ ႁဵတ်း​တၢင်း​ဢၼ်​သင်ႇ​သွၼ်​သုင်း​မႃႉ ဢၼ်​မႅၼ်ႈ​ၵၼ်​တင်း​ဢလူဝ်ႇ​ၸဝ်ႈ​ၽြႃး​လႄႈ​လဵင်ႉ​လူ​တႃႉ။</verse>
				<verse number="5">ၶဝ်​ၸိူဝ်း​ဢၼ်​ပဵၼ်​ၶႃႈ​ၶဝ်​ဢိူၺ်း၊ ၸိူဝ်ႉ​ၼင်ႇ​ဢၼ် ထွမ်ႇ​ဢဝ်​ၵႂၢမ်း​ၸဝ်ႈ​ၶရိၸ်ႈ​ၼၼ်ႉ၊ ၵူဝ်​ႁႄ​သၼ်ႇ​ဝႆ​ယူႇ​သေ​လႄႈ ယင်း​ဢမ်ႇ​မီး ႁူဝ်​ၸႂ်​သွင်​ၽၢႆႇ​သွင်​ပႃႈ​လႄႈ ထွမ်ႇ​ဢဝ်​ၵႂၢမ်း​ၸဝ်ႈ​လေႃးၵီႇ​သူ​တႃႉ။-</verse>
				<verse number="6">ထွမ်ႇ​ဢဝ်​ၵႂၢမ်း​တႂ်ႈ​တႃ​ႁၼ်​မိူၼ်​ၸိူဝ်ႉ​ၼင်ႇ ၵေႃႉ​ဢၼ်​ႁဵတ်း​ႁႂ်ႈ​ႁူဝ်​ၸႂ်​ပိူၼ်ႈ​ဢူၼ်ႈ​လီ​ဢွၼ်ႇ​လီ​ၼၼ်ႉ​ၵူၺ်း​ဢမ်ႇ​ၸႂ်ႈ ဢဝ်​တင်း​ၸႂ် ၸေႇတၼႃႇ ပႂ်ႉ​ဢလူဝ်ႇ​ၽြႃး​ပဵၼ်​ၸဝ်ႈ​ၸိူဝ်ႉ​ၼင်ႇ ၶႃႈ​ၸဝ်ႈ​ၶရိၸ်ႈ​ၼၼ်ႉ​လႄႈ၊-</verse>
				<verse number="7">မီး​တင်း​ၸႂ်​သၽေႃး​ဢၼ်​လီ​ဢၼ်​ငၢမ်း​သေ​လႄႈ ၶၢမ်ႇ​တၢင်း​ၸႂ်ႉ​တၢင်း​သွႆ​မိူၼ်​ၸိူဝ်ႉ​ၼင်ႇ​ဢၼ်​ၶၢမ်ႇ​တၢင်း​ၸႂ်ႉ​တၢင်း​သွႆ​ၵူၼ်း​ၵူၺ်း​ဢမ်ႇ​ၸႂ်ႈ၊ မိူၼ်​ၸိူဝ်ႉ​ၼင်ႇ​ဢၼ်​ၶၢမ်ႇ​တၢင်း​ၸႂ်ႉ​တၢင်း​သွႆ​ၸဝ်ႈ​ၽြႃး ၼၼ်ႉ​တႃႉ။-</verse>
				<verse number="8">ၵေႃႉ​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​လီ​ဢၼ်​ငၢမ်း​ၸမ်ႉ၊ ပဵၼ်​ၶႃႈ​သေ​ဢမ်ႇ​ဝႃႈ၊ ပဵၼ်​ၵူၼ်း​လွတ်ႈ​သေ​ဢမ်ႇ​ဝႃႈ၊ တၵ်း​လႆႈ​ၶၢမ်ႇ​ဢဝ် ဢၵျူဝ်း​ၵႃႈ​တီႈ​မိုဝ်း​ၸဝ်ႈ​ၽြႃး​ဝႃႈ​ၼႆ၊ မၢတ်ႈ​တွင်း​ဝႆႉ​တႃႉ။</verse>
				<verse number="9">ၶဝ်​ၸိူဝ်း​ဢၼ်​ပဵၼ်​ၸဝ်ႈ​ၶဝ်​ဢိူၺ်း၊ ၶျုၵ်ႈ​ၵၼ်ႈ​တၢင်း​ဢၼ် ၸၢင်ႈ​လွၵ်ႇ​ၸၢင်ႈ​ငိုတ်ႈ​ၼၼ်ႉ​သေ​လႄႈ ႁဵတ်း​မိူၼ်​ၸိူဝ်ႉ​ၼင်ႇ​ၼၼ် တီႈ​ၶႃႈ တူဝ်​ၸဝ်ႈ​ၵဝ်ႇ​တႃႉ။ မၢတ်ႈ​တွင်း​လွင်ႈ​ဢၼ်​ၸဝ်ႈ​သူ မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ် ဢိၵ်ႇ​တင်း​လွင်ႈ​ဢၼ်​ၸဝ်ႈ​ၼၼ်ႉ ဢမ်ႇ​တူၺ်း​ၼႃႈ​ၽူႈ​လႂ် ၼၼ်ႉ​ဝႆႉ​တႃႉ။</verse>
				<verse number="10">ၵႂၢမ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸမ်ႉ၊ မီး​တၢင်း​ဢၼ်​မၼ်ႈ​ၶိူင်ႇ​ယူႇ​ၼႂ်း​ၸဝ်ႈ​ၽြႃး ဢိၵ်ႇ​တင်း​ၼႂ်း​ဢႁုင်ႇ​တၼ်း​ၶူဝ်း​ၸဝ်ႈ​တႃႉ။-</verse>
				<verse number="11">လွင်ႈ​ၼင်ႇ​ႁိုဝ်​တၵ်း​ႁႄႉ​ၶႅၼ်​ပရီႉယႄႇ​မႃႇၼၢတ်ႈ​လႆႈ​ၸိုင်၊ ဢဝ်​လၢၵ်ႈ​ၼၢၵ်ႈ​ၸုမ်ႇ​ၽြႃး​ပဵၼ်​ၸဝ်ႈ​ၼုင်ႈ​မႆ​တႃႉ။-</verse>
				<verse number="12">လွင်ႈ​မၼ်း​ၸမ်ႉ ႁဝ်း​လႆႈ​တႃႉ​လႆႈ​ၶဵင်ႇ​သေ​လႄႈ တိုၵ်း​တေႃး​ၵၼ်​တင်း​ရၢၼ်ႇ​သူႇ ဢၼ်​မီး​ၼိူဝ်ႉ​မီး​လိူတ်ႈ​ၼၼ်ႉ​ဢမ်ႇ​ၸႂ်ႈ၊ လႆႈ​တႃႉ လႆႈ​ၶဵင်ႇ​သေ​လႄႈ တိုၵ်း​တေႃး​ၵၼ်​တၢင်း​ဢၼ်​ထွတ်ႈ​ဢၼ်​မျၢတ်ႈ​လႂ်၊ ဢႃႇၼႃႇ​လႂ်၊ ၶုၼ်​ဢၼ်​ႁဵတ်း​တၢင်း​ဢၼ်​ဢုပ်ႉ​ပိူင်ႇ​ၼႂ်း​လပ်း​သိင်ႇ​လေႃးၵီႇ​လႂ်၊ ၽီ​ႁၢႆႉ​ဢၼ်​ယူႇ​ၵႃႈ​ၼိူဝ်​ၽႃႉ​ၵၢင်​ႁၢဝ်​လႂ် ၸိူဝ်း​ၼၼ်ႉ​ဢေႃႈ။-</verse>
				<verse number="13">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​တၵ်း​ႁႄႉ​ၶႅၼ် ၼႂ်း​ၶိင်ႇ​ၵႃႇလႃႉ​ဝၼ်း​ဢၼ်​ႁၢႆႉ​မိူၵ်ႈ​ၼၼ်ႉ​လႆႈ​လႄႈ၊ ၵိၵ်ႉ​ၸႃႉ​ၵႃႈ​မီး​တင်း​သဵင်ႈ​တင်း​လူင်​ယဝ်ႉ​ၸွတ်ႇ​တူဝ်ႈ​သေ​ယဝ်ႉ၊ ၸုၵ်း​ၶၢမ်ႇ​လႆႈ​ၸိုင်၊ ဢဝ်​လၢၵ်ႈ​ၼၢၵ်ႈ​ၸုမ်ႇ ၽြႃး​ပဵၼ်​ၸဝ်ႈ​ယိပ်း​ၵမ်​ယူႇ​တႃႉ။-</verse>
				<verse number="14">ၵွပ်ႈ​ႁွႆး​ၼႆႉ​လႄႈ​ဢဝ်​သၢႆ​ဢႅဝ်​ဢၼ်​ဝႃႈ​သဵတ်ႈ​ၸႃႇ​ၼၼ်ႉ​ႁတ်ႉ​ယူႇ၊ ဢဝ်​ၶိူင်ႈ​ဢၼ်​ႁႄႉ​ႁူဝ်​ဢူၵ်း​ဢၼ်​ဝႃႈ​ပႃႇရမီႇ တၢင်း​ဢၼ်​သိုဝ်ႈ​တေႃႇ​ၼၼ်ႉ​ၼုင်ႈ​မႆ​ယူႇ၊-</verse>
				<verse number="15">ဢဝ်​သွၵ်ႈ​တိၼ်​ဢၼ်​ဝႃႈ​တၢင်း​ဢၼ်​မႄး​ဝႆႉ​ပုၼ်ႈ​ဢၼ် တၵ်း​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ဢၼ်​ၵိုင်ႇ​ၵၼ်​တင်း တၢင်း​ၼိမ်​ၼၼ်ႉ​တိုဝ်း​ယူႇ​သေ​လႄႈ​ၸုၵ်း​ၶၢမ်ႇ​တႃႉ။-</verse>
				<verse number="16">လႂႃး​ဢၼ်​ဝႃႈ တၢင်း​ယုမ်ႇ​မၢတ်ႈ​ဢၼ်​ႁႄႉ​မွတ်ႇ​လၢၵ်ႈ​ၼၢၵ်ႈ​ၸၵ်ႈ​ၽႆး​ဢၼ် မႃႇၼၢတ်ႈ​ယိုဝ်း​ထိမ်ႈ​ၼၼ်ႉ​လႆႈ​ၼၼ်ႉ​ၵေႃႈ၊ ဢဝ်​ထၢပ်ႈ​ထႅင်ႈ​ၵႃႈ​ၼိူဝ်​လၢၵ်ႈ​ၼၢၵ်ႈ​တင်း​သဵင်ႈ​တင်း​လူင်​သေ​လႄႈ သုင်း​သွင်ႇ​တႃႉ။-</verse>
				<verse number="17">ဢဝ်​မွၵ်ႇ​ႁူဝ်​လဵၵ်း​ဢၼ်​ဝႃႈ​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ ဢိၵ်ႇ​တင်း​လၢပ်ႇ​ဝီႉၺိၺ်ႇ​ၸဝ်ႈ​ဢၼ်​ဝႃႈ ၼုၵ်ႈၵပၢတ်ႈ​ၽြႃး​ပဵၼ်​ၸဝ်ႈ ၼၼ်ႉ​တႃႉ။-</verse>
				<verse number="18">ၵူႈ​ၶိင်ႇ​ၵူႈ​မိူဝ်ႈ​ပႃး​တင်း​ဝီႉၺိၺ်ႇ​ၸဝ်ႈ​သေ​လႄႈ ဢဝ်​တင်း​တၢင်း​ဢၼ်​ႁဵတ်း​သူး​တွင်း​ပထၼႃႇ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ သူး​တွင်း​တႃႉ။ ၼင်ႇ​ႁိုဝ်​တၵ်း​သူး​တွင်း​ၸိူဝ်ႉ​ၼင်ႇ​ၼၼ်​ၸိုင်၊ ႁႅင်း​ယင်း​ဢမ်ႇ​ဢူၼ်ႈ၊ ၸႂ်​ယင်း​ဢမ်ႇ​လူႉ၊ ႁဵတ်း​ပထၼႃႇ​ပုၼ်ႈ​ၸႃႉ​ၸဵမ်​ၵဝ် တင်း​ၵူၼ်း မူတ်း​ၸၢင်ႇ တင်း​သဵင်ႈ​တင်း​လူင်​ယူႇ​သေ​လႄႈ​ပႂ်ႉ​ယူႇ​တႃႉ။-</verse>
				<verse number="19">ၵွပ်ႈ​ပိူဝ်ႈ​ဢၼ် ၵဝ်​ၶၢမ်ႇ​တၢင်း​ဢၼ် ဢဝ်​တင်း​ၸိူၵ်ႈ​လဵၵ်း​မတ်ႉ​ၽုၵ်ႇ​ယူႇ ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​သေ​လႄႈ လႆႈ​ႁဵတ်း​ဢမူႉ​သၢၼ်ႇတမၢၼ်ႇ​ၼၼ်ႉ​လႄႈ လွင်ႈ​ၼင်ႇ​ႁိုဝ်​ၵဝ်​တၵ်း​လႆႈ​မီး​ဢၶႂၢင်ႉ​ဢၼ်​လႆႈ​ပိုတ်ႇ​သူပ်း ႁတ်း​ႁတ်း​ႁၢၼ်​ႁၢၼ် ႁႂ်ႈ​လႆႈ​ၽုၺ်ႇ​ဢွၵ်ႇ ၼႄ​ပျႃး လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​တြႃး​ၼၼ်ႉ၊-</verse>
				<verse number="20">ဢိၵ်ႇ​တင်း​လွင်ႈ​ၼင်ႇ​ႁိုဝ်​ၵဝ်​တၵ်း​လႆႈ​ႁေႃး​လၢတ်ႈ ၵႃႈ​ၼင်ႇ​ဢၼ်​ထုၵ်ႇ​လီ​ႁေႃး​လၢတ်ႈ​ၼၼ်ႉ ႁတ်း​ႁတ်း​ႁၢၼ်​ႁၢၼ်​ၸိုင်၊​ပုၼ်ႈ​ၵဝ်​ၵေႃႈ​သူး​တွင်း​တႃႉ။</verse>
				<verse number="21">လွင်ႈ​ၼင်ႇ​ႁိုဝ်​သူ​တၵ်း​လႆႈ​ႁူႉ​လွင်ႈ တၢင်း​ဢၼ်​ပဵၼ်​မႃး​ၵႃႈ​တီႈ​ၵဝ်​ၼၼ်ႉ​ၸိုင်၊ တူႉၶိတ်ႈ ​ဢၼ်​ပဵၼ်​ၼွင်ႉ ဢၼ်​ၵဝ်​ႁၵ်ႉ​ဢၼ်​ဝႃႈ​သြႃႇ​ဢၼ်​မီး​သဵတ်ႈ​ၸႃႇ ၵႃႈ​တီႈ​ၸဝ်ႈ​ၽြႃး​ၼၼ်ႉ တၵ်း​မွၵ်ႇ​လၢတ်ႈ​လွင်ႈ​တၢင်း​တင်း​သဵင်ႈ​တင်း​လူင် တီႈ​သူ​ဢေႃႈ။-</verse>
				<verse number="22">ၵွပ်ႈ​လွင်ႈ​ၼႆႉ​လႄႈ​ၵဝ်​ပွႆႇ​ၸႂ်ႉ​မၼ်း​ၵႂႃႇ​တီႈ​သူ ႁႂ်ႈ​သူ​လႆႈ​ႁူႉ​လွင်ႈ​ႁဝ်း​ဢိၵ်ႇ​တင်း ႁႂ်ႈ​မၼ်း​လႆႈ​ႁႂ်ႈ​ႁူဝ်​ၸႂ်​သူ​သၢၵ်ႈ​သႃႇ​ဢေႃႈ။</verse>
				<verse number="23">ႁႂ်ႈ​တၢင်း​ၼိမ် ဢိၵ်ႇ​တင်း တၢင်း​ႁၵ်ႉ​မႅတ်ႈ​တႃႇ တင်း​တၢင်း​ဢၼ်​ယုမ်ႇ​မၢတ်ႈ ဢၼ်​ပဵၼ်​မႃး​ၵႃႈ​တီႈ​ၽြႃး​ပေႃႈ​ၸဝ်ႈ တင်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ မီး​ၵႃႈ​ၼိူဝ်​ပီႈ​ၼွင်ႉ​တင်း​လၢႆ​သေ​ၵမ်း​လူၺ်ႈ။</verse>
				<verse number="24">ႁႂ်ႈ​ၵျေး​ၸူး​ၸဝ်ႈ မီး​တီႈ​ၶဝ်​ၸိူဝ်း​ဢၼ်​ႁၵ်ႉ​ၸဝ်ႈ​ႁဝ်း​ ယေႇသူႉ​ၶရိၸ်ႈ ဢမၢၼ်ႇ​ၶၼ်​ပဵၼ် တင်း​သဵင်ႈ​တင်း​လူင်​ၼၼ်ႉ သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ဢေးၽႅတ်ႈ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="50">
			<chapter number="1">
				<verse number="1">ၵဝ်​ ပေႃးလူႉ ​ဢိၵ်ႇ​တင်း​ၼွင်ႉ​ၵဝ်​ တီႉမေႃးသေႇ ​ဢၼ်​ပဵၼ်​ၶႃႈ​ ယေႇသူႉ​ၶရိၸ်ႈ ​ၼၼ်ႉ​ၸိူဝ်း​ၼႆႉ၊ ပၼ်​ငိၼ်း​ၵႂႃႇ​ၵႃႈ​တီႈ​ၸႃႉ​ၸဵမ် ၵူၼ်း​ဢုပ်ႉ​ၸိူဝ်း​ၸဝ်ႈ ဢိၵ်ႇ​တင်း​ၵူၼ်း​ပွင်​ၸိူဝ်း​ၸဝ်ႈ​တင်း​လၢႆ တင်း ၵူၼ်း​မူတ်း​ၸၢင်ႇ​ ယေႇသူႉ​ၶရိၸ်ႈ ၵႃႈ​ဢၼ်​မီး​ၵႃႈ​ၼႂ်း​ဝဵင်း​ ၽီႉလိပ်ႉပီႉ ၊ တင်း​သဵင်ႈ​တင်း​လူင်​ဢေႃႈ။-</verse>
				<verse number="2">ႁႂ်ႈ​သူႉ​ၵျေး​ၸူး​ဢိၵ်ႇ​တင်း တၢင်း​ၼိမ် ဢၼ်​ပဵၼ်​မႃး​ၵႃႈ​တီႈ​ၽြႃး​ပေႃႈ​ၸဝ်ႈ ဢိၵ်ႇ​တင်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ​မီး​ၼိူဝ်​သူ​သေ​ၵမ်း​လူၺ်ႈ။</verse>
				<verse number="3">မိူဝ်ႈ​ဢၼ်​ၵဝ်​ႁဵတ်း​သူး​တွင်း​ပထၼႃႇ​ၵူႈ​ပွၵ်ႈ​ၼၼ်ႉ၊-</verse>
				<verse number="4">ၵဝ်​မီး​တင်း​ၸႂ်​ဢၼ်​သိူဝ်း​ပျေႃႇ ႁဵတ်း​သူး​တွင်း​ပထၼႃႇ​ပုၼ်ႈ​သူ​၊တင်း​သဵင်ႈ​တင်း​လူင်​ယူႇ၊-</verse>
				<verse number="5">မိူဝ်ႈ​ဢၼ်​ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​သူ​ၵူႈ​ပွၵ်ႈ​ၼၼ်ႉ၊ ၵဝ်​ထွၵ်ႈ​လူၺ်ႈ​လွင်ႈ​ဢၼ်​သူ​သိူၵ်ႈ​သမ်ႇ​လႄႈ ၸၢမ်ႇ​ၸႃး​တြႃး​သတၢင်း​သိူဝ်း​ပျေႃႇ ၸႃႉ​ၸဵမ်​ဝၼ်း​ဢွၼ်​တၢင်း​ၼၼ်ႉ တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ၼၼ်ႉ​ယူႇ​သေ​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ယူႇ​ၶႃႈ​ဢေႃႈ။-</verse>
				<verse number="6">ၵဝ်​တူၵ်း​ၵၢင်​ၸႂ်​လွင်ႈ​ဢၼ်​ၵေႃႉ​ဢၼ်​ၸႃႉ​ႁဵတ်း​လွင်ႈ​၊တၢင်း​ဢၼ်​လီ​ဢၼ်​ငၢမ်း​ၵႃႈ​ၼႂ်း​သူ​ၼၼ်ႉ တၵ်း​ႁဵတ်း​ႁႂ်ႈ​ယဝ်ႉ​ႁႂ်ႈ​တူဝ်ႈ​တေႃႇ​ထိုင်​ႁွတ်ႈ​ဝၼ်း​ ယေႇသူႉ​ၶရိၸ်ႈ ​ပုၼ်ႉ​ၼၼ်ႉ​ယူႇ​ဢေႃႈ။-</verse>
				<verse number="7">ၼႂ်း​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​သူ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင်၊ ၵဝ်​ထုၵ်ႇ​လီ​ဢဝ်​ၸိူဝ်ႉ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​သူ ၵွပ်ႈ​ပိူဝ်ႈ​ဢၼ်​သူ​တင်း​သဵင်ႈ​တင်း​လူင် သိူၵ်ႈ​သမ်ႇ​ၵၼ်​တင်း​ၵျေး​ၸူး​ၸဝ်ႈ​လူၺ်ႈ​ၵၼ်​တင်း​ၵဝ် ၼႂ်း​တၢင်း​ဢၼ်​ၵဝ်​လႆႈ​ၶၢမ်ႇ​တူၵ်း​ၵႅၼ်း​ဢိၵ်ႇ​တင်း ၼႂ်း​တၢင်း​ဢၼ်​ၵဝ်​ၶၢမ်ႇ​သၢၵ်ႈ​သေႇ ၽၢႆႇ​တြႃး​သတၢင်း​သိူဝ်း​ပျေႃႇ​လႄႈ ႁႂ်ႈ​တြႃး​ၼၼ်ႉ​တႄႇ​ယူႇ​ၼၼ်ႉ​ဢေႃႈ။-</verse>
				<verse number="8">ၵဝ်​မီး​တင်း​မႅတ်ႈ​တႃႇ​ၵရူႉၼႃႇ​ ယေႇသူႉ​ၶရိၸ်ႈ ​သေ​လႄႈ ၸႂ်​ထိုင်​သူ​တင်း​သဵင်ႈ​တင်း​လူင်​ထၢၼ်ႇ​ႁိုဝ်​ဝႃႈ​ၼႆ၊ ၽြႃး​ပဵၼ်​ၸဝ်ႈ​ပဵၼ်​သၢၵ်ႈ​သေႇ​ၽၢႆႇ​ၵဝ်​ဢေႃႈ။</verse>
				<verse number="9">ၵဝ်​သူး​တွင်း​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ လွင်ႈ​ၼင်ႇ​ႁိုဝ်​မႅတ်ႈ​တႃႇ​ပႃႇရမီႇ​သူ တၵ်း​ယႂ်ႇ​မႃး ပျေႉ​ၸုမ်ႇ​ၼႂ်း​ၺၢၼ်ႇ​ပိင်ႇ​ၺႃႇ ၵူႈ​ၸိူဝ်ႉ​ၵူႈ​ပိူင်၊-</verse>
				<verse number="10">ႁႂ်ႈ​သူ​လႆႈ​ၸၵ်း​ၽႄ​ႁူႉ​လွင်ႈ​တၢင်း​ဢၼ်​ပႅၵ်ႇ​ပိူင်ႈ​ၵၼ်​ၸိူဝ်း​ၼၼ်ႉ​ယူႇ၊-</verse>
				<verse number="11">ဢိၵ်ႇ​တင်း​လွင်ႈ​ၼင်ႇ​ႁိုဝ်​သူ​တၵ်း​ပျေႉ​ၸုမ်ႇ​တင်း တၢင်း​ၵမ်​တၢင်း​ၵျၢင်ႉ၊ တၢင်း​ဢၼ်​သိုဝ်ႈ​တေႃႇ ဢၼ်​ၸၢင်ႈ​ႁႂ်ႈ​မုၼ်​သရေႇ​ၽြႃး​ပဵၼ်​ၸဝ်ႈ ထၢင်ႇ​သႃး​ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ​ၼၼ်ႉ​ယူႇ​သေ​လႄႈ မီး​ႁူဝ်​ၸႂ်​ဢၼ်​ၶၢဝ်​ၸၢင်ႇ​လႄႈ ၵၢင်း​လွတ်ႈ​တင်း လွင်ႈ​တၢင်း​ဢၼ် တၵ်း​တိူဝ်ႉ​မႅၼ်ႈ​လႄႈ​လူမ်ႉ​ၼၼ်ႉ တေႃႇ​ထိုင်​ႁွတ်ႈ ဝၼ်း​ၸဝ်ႈ​ၶရိၸ်ႈ​ပုၼ်ႉ​ၸိုင်​၊ ၵဝ်​ႁဵတ်း​သူး​တွင်း​ပထၼႃႇ​ယူႇ​ဢေႃႈ။</verse>
				<verse number="12">ပီႈ​ၼွင်ႉ​ၶဝ်​ဢိူၺ်း၊ ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​သူ​ႁူႉ​၊ လွင်ႈ​ဢၼ်​ဢမူႉ​လွင်ႈ​တၢင်း​ဢၼ် ႁွတ်ႈ​မႃး​ၵႃႈ​ၼိူဝ်​ၵဝ်​ၸိူဝ်း​ၼၼ်ႉ ဢမ်ႇ​ႁႄႉ ဢမ်ႇ​ၶႅၼ်​တြႃး​သတၢင်း​သိူဝ်း​ပျေႃႇ​ယဝ်ႉ​ဢမ်ႇ​ၵႃး၊ ပဵၼ်​လွင်ႈ​တၢင်း​ဢၼ်​ပွင်​ႁဵတ်း​ၼၼ်ႉ​ဢေႃႈ။-</verse>
				<verse number="13">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼၼ်​လႄႈ ဢမူႉ​တၢင်း​ဢၼ်​မတ်ႉ​ဢၼ်​ၽုၵ်ႇ ဢၼ်​ၵဝ်​လႆႈ​ၶၢမ်ႇ​ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​ၼၼ်ႉ​ထၢင်ႇ​သႃး​ၸွတ်ႇ​ၸႅတ်ႇ ၵႃႈ​ၼႂ်း​ႁေႃ​ၶမ်း​ယဝ်ႉ​ဢမ်ႇ​ၵႃး ထၢင်ႇ​သႃး​ၵူႈ​တီႈ​ၵူႈ​လႅၼ်​ယူႇ​ဢေႃႈ။-</verse>
				<verse number="14">ပီႈ​ၼွင်ႉ​ၼႂ်း​ၸဝ်ႈ​ၽြႃး​ၼမ်​ၼႃႇ​ၼၼ်ႉ ၵၢင်း​လွတ်ႈ​တၢင်း ၸႂ်​ဢၼ်​ယုမ်ႇ​ၶိုင်ႈ​ၼိုင်ႈ​ဢမ်ႇ​ယုမ်ႇ​ၶိုင်ႈ​ၼိုင်ႈ ၵွပ်ႈ​ပိူဝ်ႈ​တၢင်း​ဢၼ် ၵဝ်​လႆႈ​ၶၢမ်ႇ​ၼႆႉ​ယူႇ​သေ​လႄႈ ယင်း​ဢမ်ႇ​မီး​ၸႂ်​ဢၼ်​ၵူဝ်​ဢၼ်​ႁႄ​လႄႈ ယဵင်ႈ​ၶႅၼ်း​ႁတ်း​ႁေႃး​ႁတ်း​လၢတ်ႈ ၼုၵ်ႈၵပၢတ်ႈ​တြႃး​ၸဝ်ႈ​ဢေႃႈ။</verse>
				<verse number="15">ၵူၼ်း​ၵမ်ႈ​ၽွင်ႈ​မီး​တၢင်း​ၸႂ်​သၽေႃး ဢၼ်​ၶႂ်ႈ​သီႈ​ၵေႉ ႁဵတ်း​တၢင်း​ၽိတ်း​လႄႈ ႁေႃး​လၢတ်ႈ​တြႃး​ၸဝ်ႈ​ၶရိၸ်ႈ​ဢေႃႈ။ ၵမ်ႈ​ၽွင်ႈ​ၵေႃႈ၊ မီး​တင်း​ၸႂ်​ၸေႇတၼႃႇ​သေ​လႄႈ​ႁေႃး​လၢတ်ႈ​ဢေႃႈ။-</verse>
				<verse number="16">ၶဝ်​ၼႆႉ​ၸိုင် ႁူႉ​လွင်ႈ​ဢၼ်​ၵဝ်​ပဵၼ်​ၵေႃႉ​ဢၼ်​ၶၢၼ်း​ဝႆႉ ပုၼ်ႈ​ဢၼ်​တၵ်း​ၵမ်ႉ​တၵ်း​ထွၵ်ႈ​တြႃး​သတၢင်း​သိူဝ်း​ပျေႃႇ​ၼၼ်ႉ​လႄႈ မီး​တင်း​ၸႂ်​မႅတ်ႈ​တႃႇ​ႁေႃး​လၢတ်ႈ​တြႃး​ၸဝ်ႈ​ဢေႃႈ။-</verse>
				<verse number="17">ၶဝ်​ၼၼ်ႉ​ၸမ်ႉ၊ ဢမ်ႇ​မီး​ၸႂ်​ဢၼ်​ၶၢဝ်​ဢၼ်​ၸၢင်ႇ၊ မီး​တၢင်း​ၵျၢမ်ႇ​တၢင်း​ပွင် ၶႂ်ႈ​ႁႂ်ႈ​ယဵင်ႈ​ၶႅၼ်း​ယၢၵ်ႈ​ၽၢၼ်​ၶၢၼ်​ၸႂ်​ၼႃႇ ၼႂ်း​လွင်ႈ​တၢင်း​ဢၼ်​ၵဝ်​လႆႈ​ၶၢမ်ႇ​တၢင်း​ဢၼ်​မတ်ႉ​ဢၼ်​ၽုၵ်ႇ​ၼႆႉ​လႄႈ မီး​တၢင်း​ၸႂ်​ဢၼ်​ၶႂ်ႈ​ႁဵတ်း​တၢင်း​ၽိတ်း​သေ​လႄႈ​ႁေႃး​လၢတ်ႈ​ဢေႃႈ။</verse>
				<verse number="18">ပိူဝ်ႈ​ၼႆ​လႄႈ​ပဵၼ်​ၸိူဝ်ႉ​ၼင်ႇ​ႁိုဝ်။ ထိမ်ႇ​မႅပ်း​လႄႈ​ႁေႃး​လၢတ်ႈ​သေ​ဢမ်ႇ​ဝႃႈ၊ မီး​သဵတ်ႈ​ၸႃႇ​လႄႈ​ႁေႃး​လၢတ်ႈ​သေ​ဢမ်ႇ​ဝႃႈ၊ ႁေႃး​လၢတ်ႈ​ၸိူဝ်ႉ​ၼင်ႇ​ႁိုဝ်​သေ​ဢမ်ႇ​ဝႃႈ၊ မီး​တၢင်း​ဢၼ်​ႁေႃး​လၢတ်ႈ​တြႃး​ၸဝ်ႈ​ၶရိၸ်ႈ​ယူႇ​ဢေႃႈ။ ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ တေႃႈ​လဵဝ်​ၼႆႉ​ၵဝ်​သိူဝ်း​ပျေႃႇ​ဢေႃႈ။ ၵမ်း​လိုၼ်း​ၵေႃႈ​ၵဝ်​သိူဝ်း​ပျေႃႇ​ဢေႃႈ။-</verse>
				<verse number="19">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵဝ်​ႁူႉ​ႁၼ်​လွင်ႈ​ဢၼ် လွင်ႈ​တၢင်း​ၼႆႉ တၵ်း​ပဵၼ်​လွင်ႈ​တၢင်း​ဢၼ် ၵႄႇ​ၶျွတ်ႈ​ဢဝ်​ၵဝ် ၵွပ်ႈ​ပိူဝ်ႈ​ဢၼ်​သူ​သူး​တွင်း​ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​ဝီႉၺိၺ်ႇ​ၸဝ်ႈ​ ယေႇသူႉ​ၶရိၸ်ႈ ၸွႆႈ​ထႅမ်​ၼၼ်ႉ၊-</verse>
				<verse number="20">ၸွမ်း​ၵႃႈ​ၼင်ႇ​ဢၼ် ၵဝ်​မုင်ႈ​ထႃႈ​မွင်း​ထႃႈ​ႁႅင်း​ယႂ်ႇ​ၼႃႇ​လႄႈ တူၵ်း​ဢၢင်ႈ​လွင်ႈ​ဢၼ်​ၵဝ်​ယင်း​ဢမ်ႇ​မီး​တၢင်း​ဢၼ်​လီ​ဢူၵ်း​လီ​ဢၢႆ လႃး​လႃး​လႄႈ တၵ်း​ပျေႉ​ၸုမ်ႇ​တင်း တၢင်း​ဢၼ်​ႁတ်း​ဢၼ်​ႁၢၼ်​သေ​လႄႈ၊ ၵဝ်​ဢသၢၵ်ႈ​လိပ်း​သေ​ဢမ်ႇ​ဝႃႈ၊ ၵဝ်​တၢႆ​သေ​ဢမ်ႇ​ဝႃႈ၊ တေႃႈ​လဵဝ်​ၼႆႉ မုၼ်​ၵုင်ႇ​သရေႇ​ၸဝ်ႈ​ၶရိၸ်ႈ တၵ်း​ထၢင်ႇ​သႃး​ယူႇ​ၵႃႈ​ၼႂ်း​တူဝ်​ၶၼ်ႇ​ထႃႇ​ၵဝ် မိူၼ်​ၸိူဝ်ႉ​ၼင်ႇ​ဢၼ် လႆႈ​ထၢင်ႇ​သႃး​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​ယူႇ​ဢေႃႈ။</verse>
				<verse number="21">တၢင်း​ဢၼ်​ၵဝ်​ဢသၢၵ်ႈ​လိပ်း​ယူႇ​ၼႆႉ ပဵၼ်​ၸဝ်ႈ​ၶရိၸ်ႈ​ဢေႃႈ။ တၢင်း​ဢၼ်​ၵဝ်​တၢႆ​ၸမ်ႉ၊ ယဵင်ႈ​ၶႅၼ်း​မီး​ဢၵျူဝ်း​ဢေႃႈ။-</verse>
				<verse number="22">ပေႃး​ၵဝ်​ဢသၢၵ်ႈ​လိပ်း​ယူႇ​ၵႃႈ​ၼႂ်း​တူဝ်​ၶၼ်ႇ​ထႃႇ​ၼႆႉ​ၸိုင်၊ ဢၵျူဝ်း​ဢၼ်​ၵဝ်​ပွင်​ၵဝ်​ႁဵတ်း​ၸမ်ႉ၊ ပဵၼ်​ဢၵျူဝ်း​ၸိူဝ်ႉ​ၼင်ႇ​ၼၼ်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တၵ်း​လႆႈ​လိူၵ်ႈ​ၵဵပ်း​ဢဝ်​ဢၵျူဝ်း​ဢၼ်​လႂ်​ဝႃႈ​ၼႆ၊ ၵဝ်​ဢမ်ႇ​ႁူႉ။-</verse>
				<verse number="23">ၵဝ်​လႆႈ​ယူႇ​ၵႃႈ​ၼႂ်း​ၵႄႈ​ဝူင်ႈ​ၵၢင် ဢၵျူဝ်း​သွင်​ပႃး​ၼၼ်ႉ​ၵိတ်ႇ​ၵႅပ်ႉ​ၼႃႇ​ဢေႃႈ။ မီး​ၸႂ်​ဢၼ်​တူၵ်း​ဢၢင်ႈ​ၶႂ်ႈ​လၢႆ​သေ​ၸၢတ်ႈ​ၼႆႉ​လႄႈ ယူႇ​လူၺ်ႈ​ၵၼ်​တင်း​ၸဝ်ႈ​ၶရိၸ်ႈ​ဢေႃႈ။ လွင်ႈ​တၢင်း​ၼၼ်ႉ​ပဵၼ်​ဢၵျူဝ်း ဢၼ်​ယဵင်ႈ​ၶႅၼ်း​မျၢတ်ႈ​လီ​ၼႃႇ​ဢေႃႈ။-</verse>
				<verse number="24">ၵူၺ်း​ၵႃႈ​ပေႃး​လႆႈ​ယူႇ​ၵႃႈ​ၼႂ်း​တူဝ်​ၶၼ်ႇ​ထႃႇ​ၸိုင်၊ ယဵင်ႈ​ၶႅၼ်း​တၵ်း​မီး​ဢၵျူဝ်း​တီႈ​သူ​ဢေႃႈ။-</verse>
				<verse number="25">တၵ်း​မီး​ၸိူဝ်ႉ​ၼင်ႇ​ၼၼ်​ဝႃႈ​ၼႆ ၵဝ်​တူၵ်း​ၵၢင်​ၸႂ်​ယူႇ​သေ​လႄႈ ႁူႉ​လွင်ႈ​ဢၼ်​ၵဝ်​တၵ်း​လႆႈ​ယူႇ​ၵႃႈ​ၼႂ်း​တူဝ်​ၶၼ်ႇ​ထႃႇ​သေ​လႄႈ ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​သူ​ၵႃႈ​မီး​တင်း​သဵင်ႈ​တင်း​လူင် ပုၼ်ႈ​လွင်ႈ​ၼင်ႇ​ႁိုဝ်​တၢင်း​သိူဝ်း​ပျေႃႇ​သူ တၵ်း​ယႂ်ႇ​ၵႂၢင်ႈ​မႃး ပျေႉ​ၸုမ်ႇ​ၼႂ်း​တၢင်း​ဢၼ်​ယုမ်ႇ​မၢတ်ႈ၊-</verse>
				<verse number="26">ႁႂ်ႈ​သူ​လႆႈ​ဢိင်​ပိုင်ႈ​ ယေႇသူႉ​ၶရိၸ်ႈ ​သေ​လႄႈ ယဵင်ႈ​ၶႅၼ်း​မီး​တၢင်း​ဢၼ်​ဢုပ်ႇ​ဝၢဝ်း​လူၺ်ႈ​လွင်ႈ​ၵဝ်​ၵွပ်ႈ​ပိူဝ်ႈ ဢၼ်​ၵဝ်​တၵ်း​သမ်ႉ​ၶိုၼ်း​ႁွတ်ႈ​ထိုင် ၵႃႈ​တီႈ​ဢၼ်​သူ​မီး​ၼၼ်ႉ​ထႅင်ႈ​ၵမ်း​ၼိုင်ႈ​ၼၼ်ႉ​ယူႇ​ဢေႃႈ။</verse>
				<verse number="27">ၵဝ်​ႁွတ်ႈ​ထိုင်​သေ​လႄႈ လႆႈ​ႁၼ်​သူ​တႂ်ႈ​တႃ​သေ​ဢမ်ႇ​ဝႃႈ၊ ယၢၼ်​ၵၼ်​တင်း​သူ​ယူႇ​သေ​ဢမ်ႇ​ဝႃႈ၊ လွင်ႈ​ၼင်ႇ​ႁိုဝ် ၵဝ်​တၵ်း​လႆႈ​ႁူႉ လႆႈ​ငိၼ်း လွင်ႈ​တၢင်း​ဢၼ်​သူ ယင်း​ဢမ်ႇ​ၵူဝ်​ဢမ်ႇ​သၼ်ႇ​ၵွပ်ႈ​ရၢၼ်ႇ​သူႇ​တင်း​လၢႆ​လႃး​လႃး၊ တႄႇ​ယူႇ​ၼႂ်း​ၸႂ်​ဝီႉၺိၺ်ႇ​ပႃး​ၼိုင်ႈ​ၵူၺ်း​လႄႈ ၽွမ်ႉ​ၵၼ်​ၵျူဝ်း​ၸႃး​ပုၼ်ႈ တၢင်း​ဢၼ်​ယုမ်ႇ​မၢတ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း တြႃး​သတၢင်း​သိူဝ်း​ပျေႃႇ​ၼၼ်ႉ​ၸိုင်၊ ႁဵတ်း​ဝၢတ်ႈ​လူင်​ဝၢတ်ႈ​ဢွၼ်ႇ ၸွမ်း​ၵႃႈ​ၼင်ႇ​ဢၼ်​ထုၵ်ႇ​မႅၼ်ႈ​တင်း​တြႃး​သတၢင်း​သိူဝ်း​ပျေႃႇ​ၼၼ်ႉ​သေ​လႄႈ​ယူႇ​တႃႉ။-</verse>
				<verse number="28">လွင်ႈ​တၢင်း​ဢၼ်​ဢမ်ႇ​ၵူဝ်​ဢမ်ႇ​သၼ်ႇ​ၵွပ်ႈ​ပိူဝ်ႈ​ရၢၼ်ႇ​သူႇ​တင်း​လၢႆ​ၼၼ်ႉ ပဵၼ်​ၼီႉမိၵ်ႈ​လၢၵ်ႈၶၼႃႇ​၊တၢင်း​လူႉ​တၢင်း​လႅဝ်​တီႈ​ၶဝ်​ၼၼ်ႉ​ဢေႃႈ။ ၵွပ်ႈ​ပိူဝ်ႈ​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ၼၼ်ႉ​လႄႈ​တီႈ​သူ​ၸမ်ႉ၊ ပဵၼ်​ၼီႉမိၵ်ႈ​လၢၵ်ႈၶၼႃႇ​တၢင်း​ၵႄႇ​ၶျွတ်ႈ​ဢဝ်​ဢေႃႈ။-</verse>
				<verse number="29">လွင်ႈ​မၼ်း​ၸမ်ႉ သူ​ၶၢမ်ႇ​မိူၼ်​ၸိူဝ်ႉ​ၼင်ႇ တၢင်း​ဢၼ်​တိုၵ်း​ဢၼ်​တေႃး​ဢၼ်​ၵဝ်​လႆႈ​ၶၢမ်ႇ၊</verse>
				<verse number="30">ဢၼ်​သူ​လႆႈ​ႁၼ်​မိူဝ်ႈ​ဢွၼ်​ၼႆႉ​ၼၼ်ႉ၊ တေႃႈ​လဵဝ်​ၼႆႉ​ၵေႃႈ ဢၼ်​သူ​လႆႈ​ငိၼ်း​ယူႇ​ၼၼ်ႉ​ယူႇ​သေ​လႄႈ လိူဝ်​တွၼ်း​သေ​ဢၶႂၢင်ႉ​တၢင်း​ဢၼ်​ယုမ်ႇ​မၢတ်ႈ​ၸဝ်ႈ​ၶရိၸ်ႈ​ၼၼ်ႉ၊ သူ​လႆႈ​ဢၶႂၢင်ႉ​တၢင်း​ဢၼ်​လႆႈ​ၶၢမ်ႇ​တၢင်း​ဢၼ်​ယၢၵ်ႈ​ဢၼ်​ၽၢၼ် ပုၼ်ႈ​ၸဝ်ႈ​ၶရိၸ်ႈ​ၼၼ်ႉ ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ဢေႃႈ။</verse>
			</chapter>
			<chapter number="2">
				<verse number="1">ပိူဝ်ႈ​ၼႆ​လႄႈ ပေႃး​မီး​တၢင်း​ဢၼ်​သၢၵ်ႈ​သႃႇ​ၼႂ်း​ၸဝ်ႈ​ၶရိၸ်ႈ၊ တၢင်း​ဢၼ်​ၵတ်း​ယဵၼ်​ၶျၢမ်း​သႃႇ ဢၼ်​ၸၢပ်ႈ​သႅင်ႇ​ၵၼ်​တင်း မႅတ်ႈ​တႃႇ၊ တၢင်း​ဢၼ်​ႁဵတ်း​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း ဝီႉၺိၺ်ႇ​ၸဝ်ႈ၊ တၢင်း​ဢၼ်​ၸၢင်ႈ​ႁၵ်ႉ​ဢဵတ်း​လူ ၸိူဝ်း​ၼၼ်ႉ သေ​ၸိူဝ်ႉ​သေ​ပိူင်​ၸိုင်၊-</verse>
				<verse number="2">သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ႁၵ်ႉ​ပႅင်း​ၵၼ်​ယူႇ၊ ယင်း​ဢမ်ႇ​မီး​ၸႂ်​ဢၼ်​ၽၢတ်ႇ​ၽႄ​ၵၼ်​လႄႈ ပႃး​တင်း​တၢင်း​ၵျၢမ်ႇ​တၢင်း​ပွင် ႁွႆး​လဵဝ်​ၵၼ်​ယူႇ၊ မီး​သၽေႃး​ဢၼ်​လဵဝ်​ၵၼ်​ယူႇ​သေ​လႄႈ၊ ႁႂ်ႈ​လွင်ႈ​တၢင်း​ဢၼ်​ၵဝ်​သိူဝ်း​ပျေႃႇ​ၼႆႉ ၸေး​ၸုမ်ႇ​တႃႉ။-</verse>
				<verse number="3">ယႃႇ​ပေ​မီး​ၸႂ်​ဢၼ်​ၶႆ​ၽိတ်း​ၵၼ်၊ ၸႂ်​ဢၼ်​ၸပ်း​ဢၼ်​ၸွႆး​တၢင်း​ဢၼ်​ၶႆႈ​သႃႇ​ႁၢဝ်ႈ ႁူင်​ႁၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၼၼ်ႉ သေ​လႄႈ ႁဵတ်း​လွင်ႈ​တၢင်း​သေ​ၸိူဝ်ႉ​သေ​ပိူင်၊ မီး​ႁူဝ်​ၸႂ်​ဢၼ်​ၶျႃး​တႅမ်ႇ​သေ​လႄႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ် မၢတ်ႈ​တီႈ​ၵၼ်​လႄႈ​ဝႃႈ၊ ပိူၼ်ႈ​တၢင်ႇ​ၵေႃႉ​မျၢတ်ႈ​လီ​သေ​တူဝ်​ၸဝ်ႈ​ၵဝ်ႇ​ဢေႃႈ​၊ ဝႃႈ​ၼင်ႇ​ၼႆ​တႃႉ။-</verse>
				<verse number="4">ယင်း​ဢမ်ႇ​တူၺ်း​ဢမ်ႇ​မၢတ်ႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း တူဝ်​ၸဝ်ႈ​ၵဝ်ႇ​ၼၼ်ႉ​ၵူၺ်း​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ်​တူၺ်း​မၢတ်ႈ​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ပိူၼ်ႈ​တၢင်ႇ​ၵေႃႉ​ၼၼ်ႉ​တႃႉ။-</verse>
				<verse number="5">ႁႂ်ႈ​ၸႂ်​သၽေႃး​ဢၼ်​မီး​ၼႂ်း​ၸဝ်ႈ​ၶရိၸ်ႈ​ၼၼ်ႉ၊ မီး​ၼႂ်း​သူ​တႃႉ။-</verse>
				<verse number="6">ၸဝ်ႈ​ၼၼ်ႉ​ပိၵ်ႉ​သမ်ႉ​ပျေႉ​ၸုမ်ႇ​တင်း ပုင်ႇ​ႁၢင်ႈ​ၽြႃး​ပဵၼ်​ၸဝ်ႈ​ယူႇ​သေ​လႄႈ ဢမ်ႇ​ထၢင်ႇ​ဢမ်ႇ​မၢတ်ႈ​လွင်ႈ​တၢင်း​ဢၼ် တႅၵ်ႈ​တိူင်း​ၵၼ်​တင်း​ၽြႃး​ပဵၼ်​ၸဝ်ႈ​ၼၼ်ႉ ပဵၼ်​လွင်ႈ​တၢင်း​ဢၼ်​ႁိမ်​ဢဝ်​ၼၼ်ႉ​သေ​ၵေႃႈ၊-</verse>
				<verse number="7">ၸုၼ်ႉ​ပႅတ်ႈ​မုၼ်​သရေႇ​တူဝ်​ၸဝ်ႈ​ၵဝ်ႇ​သေ​ယဝ်ႉ၊ ဢဝ်​ပုင်ႇ​ႁၢင်ႈ​ၶႃႈ​လႄႈ ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး မိူၼ်​ၸိူဝ်ႉ​ၼင်ႇ​ၵူၼ်း​ဢေႃႈ။-</verse>
				<verse number="8">ပျေႉ​ၸုမ်ႇ​တင်း​လၢၵ်ႈၶၼႃႇ​ဢၢင်ႇ​ၵႃႇ​ၵူၼ်း ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ၶၢမ်ႇ​ႁဵတ်း​ၶႃႈ​လႄႈ​ၶျႃး​တူဝ်​ၸဝ်ႈ​ၵဝ်ႇ​တူၵ်း​တႅမ်ႇ တေႃႇ​ထိုင်​ႁွတ်ႈ တၢင်း​ဢၼ်​ၶၢမ်ႇ​တၢႆ​ၵူၺ်း​ဢမ်ႇ​ၸႂ်ႈ၊ တေႃႇ​ထိုင်​ႁွတ်ႈ​တၢင်း​ဢၼ်​ၶၢမ်ႇ​တၢႆ ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​ဢေႃႈ။-</verse>
				<verse number="9">ၵွပ်ႈ​ပိူဝ်ႈ​ႁွႆး​ၼႆႉ​လႄႈ၊ ၽြႃး​ပဵၼ်​ၸဝ်ႈ​ယုၵ်ႉ​ယွင်ႈ​မၼ်း​ၸဝ်ႈ​ၼႃႇ​လူင်​လၢင်​လႄႈ ဢဵတ်း​လူ​ပၼ် ၼႃႇ​မႃႉ​ၸိုဝ်ႈ​သဵင် ဢၼ်​ယႂ်ႇ​မျၢတ်ႈ​ၼႃႇ​သေ​ၼႃႇ​မႃႉ​ၸိုဝ်ႈ​သဵင် တင်း​သဵင်ႈ​တင်း​လူင်​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​သတ်ႉတဝႃႇ​ၵၢင်​ႁၢဝ်၊ သတ်ႉတဝႃႇ​လိၼ်​မိူင်း၊ သတ်ႉတဝႃႇ​ဢၼ်​မီး​တႂ်ႈ​လိၼ်​မိူင်း၊ သတ်ႉတဝႃႇ​ၵႃႈ​မီး​တင်း​သဵင်ႈ​တင်း​လူင် တၵ်း​ၶုပ်ႉ​ၶဝ်ႇ​ၵႃႈ​တီႈ​ၼႃႇ​မႃႉ​ၸိုဝ်ႈ​သဵင်​ ယေႇသူႉ​ၶရိၸ်ႈ ​လႄႈ၊-</verse>
				<verse number="11">ဢဝ်​တင်း​သူပ်း ႁပ်ႉ​တုင်း​ဢဝ်​လႄႈ​ဝႃႈ၊ ယေႇသူႉ​ၶရိၸ်ႈ ​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ႁႂ်ႈ​မုၼ်​သရေႇ​ၽြႃး​ပေႃႈ​ၸဝ်ႈ​ထၢင်ႇ​သႃး​မႃး​ၸိုင်​၊ ၸင်ႇ​ပဵၼ်​ဢေႃႈ။</verse>
				<verse number="12">ပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​လႄႈ ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ၸိူဝ်ႉ​ၼင်ႇ​ဢၼ်​သူ​ထွမ်ႇ​ဢဝ်​တႂ်ႈ​တႃ​ၵဝ်​ၼၼ်ႉ​ၵူၺ်း ဢမ်ႇ​ၵႃး၊ လပ်ႉ​လင်​ၵဝ်​ၵေႃႈ​သူ​ထွမ်ႇ​ဢဝ်​ယူႇ​သေႇ​သေႇ​ၼၼ်ႉ မီး​တၢင်း​ၸႂ်​ဢၼ်​ၵူဝ်​ႁႄ​သၼ်ႇ​ဝႆ​ယူႇ​သေ​လႄႈ ဢွၼ်​ၵၼ်​ၵႆႉ​ၵျူဝ်း​ၸႃး ႁႂ်ႈ​လႆႈ​ၵႄႇ​ၶျွတ်ႈ​ဢဝ်​တူဝ်​ၸဝ်ႈ​ၵဝ်ႇ​တႃႉ။-</verse>
				<verse number="13">လွင်ႈ​မၼ်း​ၸမ်ႉ ၵေႃႉ​ဢၼ်​ပႃး​တင်း​ၸေႇတၼႃႇ​ၸဝ်ႈ ပွင်​ႁဵတ်း​ၵႃႈ​ၼႂ်း​သူ​ႁႂ်ႈ​သူ​လႆႈ​မီး​ဢလူဝ်ႇ ဢိၵ်ႇ​တင်း ႁႂ်ႈ​သူ​လႆႈ​ၵမ်​ၵျၢင်ႉ​ၼၼ်ႉ​ၸမ်ႉ၊ ပဵၼ်​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="14">ယင်း​ဢမ်ႇ​မီး​တၢင်း​ဢၼ်​ပွင်ႉ​ဢၼ်​ဝႃႈ၊ တၢင်း​ဢၼ်​တွပ်ႇ​ဢၼ်​ထဵင်​လႄႈ ႁဵတ်း​ၵႃႈ​ဢၼ်​သူ​ပွင်​သူ​ႁဵတ်း​ၼၼ်ႉ​တႃႉ။-</verse>
				<verse number="15">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ သူ​ယင်း​ဢမ်ႇ​မီး​တီႈ​တၵ်း​တၢင်ႇ​ဢပႅတ်ႈ၊ ဢမ်ႇ​ၽိတ်း​ပိူင်ႈ​ၽူႈ​လႂ်​သေ​ၵေႃႉ​သေ​ၵူၼ်း​ယူႇ သေ​လႄႈ တၵ်း​ပဵၼ်​လုၵ်ႈ​ၽြႃး​ပဵၼ်​ၸဝ်ႈ ဢၼ်​ဢမ်ႇ​ပႃး​ဢပႅတ်ႈ​ၵႃႈ​သင် ၼႂ်း​မဵဝ်း​ၵူၼ်း​ဢၼ်​ဢမ်ႇ​သိုဝ်ႈ​ဢမ်ႇ​တေႃႇ​လႄႈ ၸၢင်ႈ​ၽွၵ်ႈ​ၸၢင်ႈ​ပျၢၼ်ႇ​ၼႆႉ​ဢေႃႈ။ သူ​ၼႄ​ပျႃး​ၼုၵ်ႈၵပၢတ်ႈ​တြႃး​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ဢသၢၵ်ႈ​လိပ်း​ၼၼ်ႉ​ယူႇ​သေ​လႄႈ ႁိူဝ်ႈ​လႅင်း​ယူႇ ၵႃႈ​ၼႂ်း​ၵူၼ်း​မဵဝ်း​ၼႆႉ မိူၼ်​ၸိူဝ်ႉ​ၼင်ႇ​ၵၢင်​ဝၼ်း၊ လိူၼ်၊ လၢဝ်​ဢၼ်​မီး​ၼႂ်း ၸၵျႃႇဝလႃႇ​ၼႆႉ​ဢေႃႈ။-</verse>
				<verse number="16">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​ထွၵ်ႈ​လူၺ်ႈ​လွင်ႈ​ဢၼ်​ဢမ်ႇ​မီး​ဢၵျူဝ်း​လႄႈ ၵဝ်​ပႅတ်ႉ​လႅၼ်​ဢမ်ႇ​ၸႂ်ႈ။ လွင်ႈ​ဢၼ်​ဢမ်ႇ​မီး ဢၵျူဝ်း​လႄႈ ၵဝ်​ဢဝ်​ႁႅင်း​ၵျူဝ်း​ၸႃး​ဢမ်ႇ​ၸႂ်ႈ​ၼၼ်ႉ​ယူႇ​သေ​လႄႈ တၵ်း​မီး​တၢင်း​ဢၼ်​ဢုပ်ႇ​ဝၢဝ်း သိူဝ်း​ပျေႃႇ​ၼႂ်း​ဝၼ်း​ၸဝ်ႈ​ၶရိၸ်ႈ ၼၼ်ႉ​ဢေႃႈ။</verse>
				<verse number="17">လိူဝ်​သေ​ၼၼ်ႉ၊ ပိၵ်ႉ​သမ်ႉ​ၵဝ်​ၶၢမ်ႇ​တၢင်း​ဢၼ်​သွၼ်း​လေႃႇ ၵႃႈ​ၼိူဝ်​ယိတ်ႈ​ဢိၵ်ႇ​တင်း တၢင်း​ဢၼ်​ဢဝ်​လူႇ​ပုၵ်ႈ​ၸေႃႇ တၢင်း​ဢၼ်​သူ​ယုမ်ႇ​မၢတ်ႈ​ၼၼ်ႉ​သေ​ၵေႃႈ၊ ၵဝ်​မီး​တၢင်း​ဢၼ်​သိူဝ်း​ပျေႃႇ​ဢမ်ႇ​ၵႃး၊ မီး​တၢင်း​ဢၼ်​သိူဝ်း​ပျေႃႇ​လူၺ်ႈ​ၵၼ်​တင်း​သူ ၵႃႈ​မီး​တင်း​သဵင်ႈ​တင်း​လူင်​ယူႇ​ဢေႃႈ။-</verse>
				<verse number="18">မိူၼ်​ၸိူဝ်ႉ​ၼင်ႇ​ၼၼ်၊ သူ​ၵေႃႈ​သိူဝ်း​ပျေႃႇ​တႃႉ။ မီး​တၢင်း​ဢၼ်​သိူဝ်း​ပျေႃႇ​လူၺ်ႈ​ၵၼ်​တင်း​ၵဝ်​တႃႉ။</verse>
				<verse number="19">ဢမ်ႇ​ပေႃး​ႁိုင်၊ ၼင်ႇ​ႁိုဝ်​ၵဝ်​တၵ်း​လႆႈ ပွႆႇ​ၸႂ်ႉ​ တီႉမေႃးသေႇ ၵႂႃႇ​တီႈ​ဢၼ်​သူ​မီး​ၼၼ်ႉ ႁႂ်ႈ​ၵဝ်​လႆႈ​ႁူႉ လွင်ႈ​သူ​လႄႈ ၸႂ်​သၢၵ်ႈ သႃႇ​ၸိုင်၊ ၵဝ်​မီး​တၢင်း​ဢၼ်​ဢိင်​ပိုင်ႈ ၼႂ်း​ၸဝ်ႈ​ ယေႇသူႉ ​ယူႇ​ဢေႃႈ။-</verse>
				<verse number="20">လွင်ႈ​မၼ်း​ၸမ်ႉ တီႈ​ၵဝ်​ၼႆႉ ဢမ်ႇ​မီး​ၵေႃႉ​ဢၼ်​ၸႂ်​သၽေႃး​မိူၼ်​ၵၼ်​တင်း​မၼ်း​ၼၼ်ႉ ဢၼ်​ၸွမ်း​ၼင်ႇ​တၢင်း​ဢၼ်​မၼ်း​မီး​ၸႂ် ၸေႇတၼႃႇ ဢၼ်​ၶႂ်ႈ​လူ​ၶႂ်ႈ​တူၺ်း​ဢၵျူဝ်း​သူ​ၼၼ်ႉ​သေ​ၵေႃႉ​သေ​ၵူၼ်း။-</verse>
				<verse number="21">ၵူၼ်း​တင်း​သဵင်ႈ​တင်း​လူင်​ဢမ်ႇ​ႁႃ​ဢၵျူဝ်း​ ယေႇသူႉ​ၶရိၸ်ႈ ၊ ၸၢင်ႈ​ႁႃ​ဢၵျူဝ်း​တူဝ်​ၸဝ်ႈ​ၵဝ်ႇ​ၵူၺ်း​ဢေႃႈ။-</verse>
				<verse number="22">ၵူၺ်း​ၵႃႈ​သူ​ႁူႉ​သၢၵ်ႈ​သေႇ​ဢၼ်​မၼ်း​ၼႄ​ပျႃး လွင်ႈ​ဢၼ်​မၼ်း​ပွင်​ႁဵတ်း​ဢမူႉ​တြႃး​သတၢင်း​သိူဝ်း​ပျေႃႇ လူၺ်ႈ​ၵၼ်​တင်း​ၵဝ်​မိူၼ်​ၸိူဝ်ႉ​ၼင်ႇ​ဢၼ် လုၵ်ႈ​လၢင်း​ပွင်​ႁဵတ်း​လူၺ်ႈ​ၵၼ်​တင်း​ပေႃႈ​ၼၼ်ႉ​ယူႇ​ဢေႃႈ။-</verse>
				<verse number="23">ပိူဝ်ႈ​ၼႆ​လႄႈ မိူဝ်ႈ​ဢၼ်​ၵဝ်​ႁူႉ​လွင်ႈ​ဢၼ်​တၵ်း​ပဵၼ်​မႃး​ၸိူဝ်ႉ​ၼင်ႇ​ႁိုဝ်​တီႈ​ၵဝ်​ၼၼ်ႉ​ၸိုင်၊ ၵဝ်​ၵျၢမ်ႇ​ပွင်​မုင်ႈ​ထႃႈ​မွင်း​ထႃႈ ႁႂ်ႈ​လႆႈ​ပွႆႇ​ၸႂ်ႉ​မၼ်း​ၵႂႃႇ​ၵႃႈ​တီႈ​ဢၼ်​သူ​မီး​ၼၼ်ႉ​ၵမ်း​လဵဝ်​ယူႇ​ဢေႃႈ။-</verse>
				<verse number="24">လိူဝ်​သေ​ၼႆႉ​ဢမ်ႇ​ၵႃး၊ လွင်ႈ​ၼင်ႇ​ႁိုဝ်​ၵဝ်​တူဝ်​ၸဝ်ႈ​ၵဝ်ႇ​တၵ်း​လႆႈ​မႃး​တီႈ​ဢၼ်​သူ​မီး​ၼၼ်ႉ​ၸိုင်၊ ၵဝ်​မီး​ၸႂ်​ဢၼ် ယုမ်ႇ​မၢတ်ႈ ၸွႆး​ၸပ်း​ၼႂ်း​ၸဝ်ႈ​ၽြႃး​ယူႇ​ဢေႃႈ။</verse>
				<verse number="25">ၵူၺ်း​ၵႃႈ ၵဝ်​ထၢင်ႇ​ၵဝ်​လီ​ပွႆႇ​ၸႂ်ႉ ဢေးပႃႉၽရေႃးတိတ်ႉ ​ဢၼ်​ပဵၼ် ၵေႃႉ​သေႈ​ၵဝ်​ၼႂ်း​တၢင်း​ဢၼ်​ပွင်​ႁဵတ်း​ဢမူႉ​ၸဝ်ႈ၊ ၵေႃႉ​ဢၼ် တိုၵ်း​သိုၵ်း​လူၺ်ႈ​ၵၼ်​တင်း​ၵဝ်၊ ၵေႃႉ​ဢၼ်​လူ​တူၺ်း​ၵဝ်၊ ဢၼ်​ဝႃႈ တမၢၼ်ႇ​သူ​ၼၼ်ႉ​ၵႂႃႇ​တီႈ​သူ​တေႃႈ​လဵဝ်​ၼႆႉ​ဢေႃႈ။-</verse>
				<verse number="26">လွင်ႈ​မၼ်း​ၸမ်ႉ မၼ်း​ၸႂ်​ထိုင်​သူ​တင်း​သဵင်ႈ​တင်း​လူင်​လႄႈ၊ ၸႂ်​ဢမ်ႇ​သႃႇ​ၵွပ်ႈ​ပိူဝ်ႈ​ဢၼ်​သူ​လႆႈ​ငိၼ်း​လွင်ႈ​ဢၼ်​မၼ်း မီး​တၢင်း​ၶႆႈ တၢင်း​ပဵၼ်​ၼၼ်ႉ​ယူႇ​ဢေႃႈ။-</verse>
				<verse number="27">မၼ်း​မီး​တၢင်း​ၶႆႈ​တၢင်း​ပဵၼ်​တေႃႇ​ထိုင်​ႁွတ်ႈ​ထၼ်ႈ​ပေႃး ၸမ်​တၵ်း​တၢႆ​တႄႉ​တႄႉ​ဝႃႈ​ဝႃႈ​ဢေႃႈ။ မိူဝ်ႈ​ၼၼ်ႉ ၽြႃး​ပဵၼ်​ၸဝ်ႈ​ဢဵတ်း​လူ​မၼ်း​ဢေႃႈ။ မၼ်း​ၸဝ်ႈ​ဢဵတ်း​လူ​မၼ်း​ၵူၺ်း​ဢမ်ႇ​ၸႂ်ႈ။ ၵဝ်​ၵေႃႈ​မၼ်း​ၸဝ်ႈ​ဢဵတ်း​လူ​ႁႂ်ႈ​ၵဝ်​ဢမ်ႇ​လႆႈ​မီး​တၢင်း​ဢၼ်​ၸႂ်​လဵၵ်ႉ ၶိူဝ်း​ၶိူဝ်း​ယႂ်း​ယႂ်း​ဢေႃႈ။-</verse>
				<verse number="28">ပိူဝ်ႈ​ၼႆ​လႄႈ ၵဝ်​ယဵင်ႈ​ၶႅၼ်း ၵျူဝ်း​ၸႃး​ပွႆႇ​ၸႂ်ႉ​မၼ်း​ၵႂႃႇ​ႁႂ်ႈ​သူ​လႆႈ​ၶိုၼ်း​ထူပ်း​ႁၼ်​မၼ်း​လႄႈ သိူဝ်း​ပျေႃႇ​ဢိၵ်ႇ​တင်း​ႁႂ်ႈ​ၵဝ်​လႆႈ သၢၵ်ႈ​သႃႇ​ဢေႃႈ။-</verse>
				<verse number="29">ပိူဝ်ႈ​ၼႆ​ၸင်ႇ၊ ထွၵ်ႈ​လူၺ်ႈ​ၸဝ်ႈ​ၽြႃး​သေ​လႄႈ မီး​တၢင်း​ၸႂ်​ဢၼ်​သိူဝ်း​ပျေႃႇ​ႁပ်ႉ​တုင်း​ဢဝ်​မၼ်း​တႃႉ။ ရူဝ်ႇ​သေႇ​ၵူဝ်​ယမ်​ၵူၼ်း​ၸိူဝ်ႉ​ၼင်ႇ​ၼၼ်​တႃႉ။-</verse>
				<verse number="30">လွင်ႈ​မၼ်း​ၸမ်ႉ ၼင်ႇ​ႁိုဝ်​တၵ်း​ႁႂ်ႈ​ဝၢတ်ႈ​ဢၼ်​သူ​ပွင်​ႁဵတ်း​တီႈ​ၵဝ်​လႄႈ ဢမ်ႇ​ပႆႇ​ပျေႉ​ၸုမ်ႇ​ၼၼ်ႉ ပျေႉ​ၸုမ်ႇ​ၸိုင်၊ မၼ်း​ႁတ်း​ၸုၼ်ႉ ဢသၢၵ်ႈ​တူဝ်​ၸဝ်ႈ​ၵဝ်ႇ​လႄႈ ၸမ်​တၵ်း​ႁွတ်ႈ​ထိုင်​တၢင်း​တၢႆ ၵွပ်ႈ​ပိူဝ်ႈ​ဢမူႉ​ၸဝ်ႈ​ၶရိၸ်ႈ​ယဝ်ႉ။</verse>
			</chapter>
			<chapter number="3">
				<verse number="1">ၵႂၢမ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸမ်ႉ၊ ပီႈ​ၼွင်ႉ​ၵဝ်​တင်း​လၢႆ​ဢိူၺ်း၊ မီး​တၢင်း​ဢၼ်​သိူဝ်း​ပျေႃႇ​ၼႂ်း​ၸဝ်ႈ​ၽြႃး​တႃႉ။ ပိၵ်ႉ​သမ်ႉ​ၵဝ်​တႅမ်ႈ​ပၼ်​ၵႂႃႇ ၶိူဝ်း​ၶိူဝ်း​ယႂ်း​ယႂ်း​သေ​ၵေႃႈ၊ တီႈ​ၵဝ်​ဢမ်ႇ​မီး​တၢင်း​ဢၼ်​ယၢပ်ႇ​ၸႂ်​ၽိုတ်ႇ​ၸႂ်။ တီႈ​သူ​ၸမ်ႉ၊ မီး​တၢင်း​ဢၼ်​မၼ်ႈ​ၶိူင်ႇ​ယူႇ​ဢေႃႈ။</verse>
				<verse number="2">ဝႄႈ​ပႅတ်ႈ​သေ မႃ​တင်း​လၢႆ​တႃႉ။ ဝႄႈ​ပႅတ်ႈ​သေ​ၶဝ်​ၸိူဝ်း​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​တႃႉ။ ဝႄႈ​ပႅတ်ႈ​သေ​ၶဝ်​ၸိူဝ်း​ဢၼ်​ႁဵတ်း​တၢင်း​ဢၼ်​ထိူဝ်​ၶၢတ်ႇ​တႅပ်း​ၶၢတ်ႇ​ၼၼ်ႉ​တႃႉ။-</verse>
				<verse number="3">ႁဝ်း​ၸိူဝ်း​ဢၼ်​ပႃး​တင်း​ၸႂ်​ဝီႉၺိၺ်ႇ​ၵူဝ်း​ၵႂၢႆႇ ၽြႃး​ပဵၼ်​ၸဝ်ႈ​လႄႈ ယင်း​ဢမ်ႇ​မီး​တၢင်း​ဢၼ်​ဢိင်​ပိုင်ႈ​ၸႃႇ​တီႉ ဢုပ်ႇ​ဝၢဝ်း​သိူဝ်း​ပျေႃႇ ၼႂ်း​ ယေႇသူႉ​ၶရိၸ်ႈ ​ၵူၺ်း​ၼႆႉ ပဵၼ်​ၵေႃႉ​ဢၼ် ၶၢမ်ႇ​တၢင်း​ဢၼ်​ထိူဝ်​ႁိမ်း ဢၼ်​မၢၼ်ႇ​ဢၼ်​မႅၼ်ႈ​ဢေႃႈ။-</verse>
				<verse number="4">ၵူၺ်း​ၵႃႈ သင်​ပဵၼ်​ၵဝ်​ၸိုင်၊ မီး​လွင်ႈ​ဢၼ်​တၵ်း​ဢိင်​ပိုင်ႈ​ၸႃႇ​တီႉ​ဢေႃႈ။ ပေႃး​တၢင်ႇ​ၵေႃႉ​ထၢင်ႇ​မၼ်း​မီး​လွင်ႈ​ဢၼ်​တၵ်း​ဢိင်​ပိုင်ႈ​ၸႃႇ​တီႉ​ၸိုင်၊ ၵဝ်​ၸမ်ႉ​ယဵင်ႈ​ၶႅၼ်း​မီး​ဢေႃႈ။-</verse>
				<verse number="5">ၵဝ်​ၼႆႉ၊ ၼႂ်း​ဝၼ်း​ဢၼ် ထူၼ်ႈ​ထိုင်​ပႅတ်ႇ​ဝၼ်း​ၼၼ်ႉ လႆႈ​ၶၢမ်ႇ​တၢင်း​ဢၼ် ထိူဝ်​ႁိမ်း​ဢေႃႈ။ ပဵၼ်​မဵဝ်း​ ဢီႉသရေႇလႃႉ ၊ ၶိူဝ်း​ ပိၼ်ႇယႃႇမိၼ်ႇ ​ဢေႃႈ။ ပဵၼ်​ၵူၼ်း​ ႁေႇပြႄး ​ၸႅတ်ႈ​ၸႅတ်ႈ ဢၼ်​သိုပ်ႇ​လူင်း​မႃး ၵႃႈ​တီႈ​ၵူၼ်း​ ႁေႇပြႄး ​ဢေႃႈ။-</verse>
				<verse number="6">ၸွမ်း​လူၺ်ႈ​တြႃး​လႄႈ ပဵၼ်​ ၽႃႇရီႉသႄး ​ဢေႃႈ။ ၸွမ်း​ၼင်ႇ​တၢင်း​ဢၼ်​ႁူဝ်​ၸႂ်​ႁႅင်း​ယႂ်ႇ​ၼႃႇ​ၼၼ်ႉ​ပဵၼ်​ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၸိူဝ်း​ၸဝ်ႈ​ဢေႃႈ။ ၸွမ်း​ၼင်ႇ​တၢင်း​ဢၼ်​သိုဝ်ႈ​တေႃႇ​၊ ဢၼ်​လႆႈ​ၵွပ်ႈ​ပိူဝ်ႈ ပိင်း​ၺၢပ်ႈ​တြႃး​ၼၼ်ႉ၊ ပဵၼ်​ၵေႃႉ​ဢၼ်​ၵၢင်း​လွတ်ႈ​တၢင်း​တီႈ​တၢင်ႇ​ဢပႅတ်ႈ​ဢေႃႈ။</verse>
				<verse number="7">ၼႂ်း​ဝႃႈ​ၼၼ်​သေ​ၵေႃႈ ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​လႄႈ ၵဝ်​မၢတ်ႈ​လွင်ႈ​တၢင်း​ဢၼ် ပွင်​ႁဵတ်း​ဢၵျူဝ်း ၸီး​ပႂႃး​ၵဝ် ၵႃႈ​မီး တင်း​သဵင်ႈ​တင်း​လူင်​ၼၼ်ႉ ပဵၼ်​ၸိူဝ်ႉ​ၼင်ႇ လွင်ႈ​တၢင်း​ဢၼ်​သုမ်း​ဢေႃႈ။-</verse>
				<verse number="8">လိူဝ်​သေ​ၼၼ်ႉ​ဢမ်ႇ​ၵႃး၊ ၵဝ်​ထွၵ်ႈ​လူၺ်ႈ​လွင်ႈ​ဢၼ်​ပိင်ႇ​ၺႃႇ​ဢၼ်​ႁူႉ​ၸၵ်း​ၸဝ်ႈ​ၵဝ် ယေႇသူႉ​ၶရိၸ်ႈ ​ၼၼ်ႉ မျၢတ်ႈ​လီ​ၼႃႇ ထၢၼ်ႇ​လႂ်​ၼၼ်ႉ​သေ​လႄႈ ၵဝ်​မၢတ်ႈ​လွင်ႈ​တၢင်း ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပဵၼ်​ၸိူဝ်ႉ​ၼင်ႇ လွင်ႈ​တၢင်း​ဢၼ်​သုမ်း​ဢေႃႈ။ ၵွပ်ႈ​ပိူဝ်ႈ​ၸဝ်ႈ​ၼၼ်ႉ​လႄႈ ၵဝ်​လႆႈ​ၶၢမ်ႇ​လွင်ႈ​တၢင်း ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​သုမ်း​ယဝ်ႉ။-</verse>
				<verse number="9">လွင်ႈ​ၼင်ႇ​ႁိုဝ် ၵဝ်​တၵ်း​ယင်း​ဢမ်ႇ​ဢိင်​ပိုင်ႈ တၢင်း​ဢၼ်​သိုဝ်ႈ​တေႃႇ​တူဝ်​ၸဝ်ႈ​ၵဝ်ႇ ဢၼ်​လႆႈ​ၵွပ်ႈ​ပိူဝ်ႈ ပိင်း​ၺၢပ်ႈ​တြႃး​ဢိင်​ပိုင်ႈ​တၢင်း​ဢၼ်​သိုဝ်ႈ​တေႃႇ ဢၼ်​လႆႈ​ၵွပ်ႈ​ပိူဝ်ႈ​တၢင်း​ဢၼ် ယုမ်ႇ​မၢတ်ႈ​ဢၼ်​ဝႃႈ တၢင်း​ဢၼ်​သိုဝ်ႈ​တေႃႇ ဢၼ်​ၽြႃး​ပဵၼ်​ၸဝ်ႈ ပၼ်​ပုၼ်ႈ တၢင်း​ယုမ်ႇ​မၢတ်ႈ​ၼၼ်ႉ​ယူႇ​သေ​လႄႈ လႆႈ​ဢၼ်​မျၢတ်ႈ​ၸဝ်ႈ​ၶရိၸ်ႈ​လႄႈ ပႃး​ၼႂ်း​ၸဝ်ႈ​ၼၼ်ႉ၊-</verse>
				<verse number="10">ဢိၵ်ႇ​တင်း​လွင်ႈ​ၼင်ႇ​ႁိုဝ်​ပေႃး​ၵဝ်​ထုၵ်ႇ​ၶိုတ်း​ထိုင် ဢၶႂၢင်ႉ​တၢင်း​ဢၼ် လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​လႆႈ၊-</verse>
				<verse number="11">ၵဝ်​တၵ်း​ႁူႉ​ၸၵ်း​ၸဝ်ႈ​ၼၼ်ႉ​ဢိၵ်ႇ​တင်း တၼ်း​ၶူဝ်း​တၢင်း​ဢၼ်​မၼ်း​ၸဝ်ႈ လုၵ်ႉ​ၶိုၼ်း​ၼၼ်ႉ​တင်း တၢင်း​ဢၼ်​သိူၵ်ႈ​သမ်ႇ​ၵၼ်​တင်း တၢင်း​ဢၼ်​ယၢၵ်ႈ​ဢၼ်​ၽၢၼ်​လူၺ်ႈ​ၵၼ်​တင်း မၼ်း​ၸဝ်ႈ​လႄႈ ၶၢမ်ႇ​တၢႆ​မိူၼ်​ၸိူဝ်ႉ​ၼင်ႇ​ဢၼ်​မၼ်း​ၸဝ်ႈ​ၶၢမ်ႇ​တၢႆ​ၼၼ်ႉ​ၸိုင်၊ ၵဝ်​မၢတ်ႈ​လွင်ႈ​တၢင်း ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပဵၼ်​ၸိူဝ်ႉ​ၼင်ႇ​လွင်ႈ​တၢင်း​ဢၼ်​ၵူဝ်ႈ​ဢၼ်​ၵိူၵ်ႇ​ဢေႃႈ။</verse>
				<verse number="12">မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ လႆႈ​ၶၢမ်ႇ​ဢၵျူဝ်း​ယဝ်ႉ၊ လႆႈ​ႁွတ်ႈ​ထိုင်​တၢင်း​ဢၼ်​ၸေး​ၸုမ်ႇ​ယဝ်ႉ​ဝႃႈ​ၼႆ၊ ၵဝ်​ဢမ်ႇ​ၶႂ်ႈ​ဝႃႈ။ ပဵၼ်​ဢၵျူဝ်း​ဢၼ်​လႂ်​သေ​ဢမ်ႇ​ဝႃႈ၊ လွင်ႈ​ၼင်ႇ​ႁိုဝ်​ၵဝ်​တၵ်း​လႆႈ​ယိပ်း​ၵမ်​ဢဝ် လွင်ႈ​တၢင်း​ဢၼ်​ၵဝ်​လႆႈ​ၶၢမ်ႇ​တၢင်း​ဢၼ် ယေႇသူႉ​ၶရိၸ်ႈ တီႉ​ယိပ်း​ဢဝ်​ၵဝ်​ၼၼ်ႉ​ၸိုင်၊ ၵဝ်​ယင်း​တိုၵ်ႉ​လႅၼ်ႈ​ၸွမ်း​ယူႇ​ဢေႃႈ။-</verse>
				<verse number="13">ပီႈ​ၼွင်ႉ​ၶဝ်​ဢိူၺ်း၊ ပိၵ်ႉ​သမ်ႉ​ၵဝ်​တူဝ်​ၸဝ်ႈ​ၵဝ်ႇ ဢမ်ႇ​ထၢင်ႇ​ၵဝ်​ယိပ်း​ၵမ်​ဢဝ်​မႅၼ်ႈ​ယဝ်ႉ​သေ​ၵေႃႈ၊ လွင်ႈ​တၢင်း​ဢၼ်​ၵဝ်​ႁဵတ်း​ဢၼ်​ၼိုင်ႈ​ၼႆႉ​ၸမ်ႉ၊ ၵဝ်​ယင်း​ဢမ်ႇ​မၢတ်ႈ​တွင်း​လွင်ႈ​တၢင်း​ဢၼ် တူၵ်း​လိုၼ်း​ၸိူဝ်း​ၼၼ်ႉ​လႄႈ​ယိုၼ်ႈ ဢဝ်​လွင်ႈ​တၢင်း​ဢၼ်​မီး ၵႃႈ​တီႈ​ၽၢႆႇ​ၼႃႈ​ၸိူဝ်း​ၼၼ်ႉ​ယူႇ​သေ​လႄႈ၊-</verse>
				<verse number="14">ၶုၼ်ႇ​လႅၼ်ႈ​ၸွမ်း​ၵႂႃႇ​ၵႃႈ​တီႈ​သဝ်​ပၢၼ်း​တုင်း ပုၼ်ႉ​ႁႂ်ႈ​လႆႈ​သူး ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၽြႃး​ပဵၼ်​ၸဝ်ႈ ယူႇ​ၵႃႈ​တီႈ​ၼိူဝ်​ႁွင်ႉ​ဢဝ် ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ​ၼၼ်ႉ​ဢေႃႈ။</verse>
				<verse number="15">ပိူဝ်ႈ​ၼႆ​လႄႈ ၶဝ်​ၸိူဝ်း​ဢၼ်​ၸေး​ၸုမ်ႇ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​မီး​ၸႂ်​ဢၼ်​ၸပ်း​ဢၼ်​ၸွႆး​ၸိူဝ်ႉ​ၼင်ႇ​ၼႆ ဢေႃႈ။ ပေႃး​သူ​မီး​ၸႂ်​သၽေႃး​ဢၼ်​ပႅၵ်ႇ​ပိူင်ႈ​ၵၼ် ၼႂ်း​သေ​ၸိူဝ်ႉ​သေ​ပိူင်​ၸိုင်၊ လွင်ႈ​တၢင်း​ၼၼ်ႉ​ၵေႃႈ​ၽြႃး​ပဵၼ်​ၸဝ်ႈ တၵ်း​ၽုၺ်ႇ ဢွၵ်ႇ​ၼႄ​ပျႃး​ဢေႃႈ။-</verse>
				<verse number="16">ဢမ်ႇ​ၼၼ်​ၵေႃႈ ႁဝ်း​တၵ်း​လႆႈ​ၵမ်​ၵျၢင်ႉ​ၼႄး​လဵဝ်​ၵၼ် ၵႃႈ​ၼင်ႇ​ဢၼ်​ႁဝ်း​ၶိုတ်း​ထိုင်​တေႃႈ​လဵဝ်​ၼႆႉ​ၼၼ်ႉ​ဢေႃႈ။</verse>
				<verse number="17">ပီႈ​ၼွင်ႉ​ၶဝ်​ဢိူၺ်း၊ သူ​ၽွမ်ႉ​ၵၼ် ၵမ်​ၵျၢင်ႉ​မိူၼ်​ၸိူဝ်ႉ​ၼင်ႇ​ဢၼ်​ၵဝ်​ၵမ်​ၵျၢင်ႉ​ၼႆႉ​တႃႉ။ ၶဝ်​ၸိူဝ်း​ဢၼ်​ၵမ်​ၵျၢင်ႉ​ၸွမ်း​ၼင်ႇ ပုင်ႇ​သၢၵ်ႈ​သေႇ ဢၼ်​ႁဝ်း​ပၼ်​ၼၼ်ႉ​ၵေႃႈ၊ လူ​တူၺ်း​မၢတ်ႈ​တွင်း​ဝႆႉ​တႃႉ။-</verse>
				<verse number="18">လွင်ႈ​မၼ်း​ၸမ်ႉ ၸိူဝ်ႉ​ၼင်ႇ​ဢၼ်​ၵဝ်​လၢတ်ႈ​ဝႆႉ ၶိူဝ်း​ၶိူဝ်း​ယႂ်း​ယႂ်း​မိူဝ်ႈ​ဢွၼ်​ၼႆႉ​ၼၼ်ႉ​လႄႈ​၊ တေႃႈ​လဵဝ်​ၼႆႉ​ၵေႃႈ၊ သမ်ႉ​မီး​တင်း တၢင်း​ဢၼ် ၼမ်ႉ​တႃ​တူၵ်း​ယူႇ​သေ​လႄႈ လၢတ်ႈ​ယူႇ​ၼႆႉ ၶဝ်​ၸိူဝ်း​ဢၼ် ႁဵတ်း​ရၢၼ်ႇ​သူႇ သဝ်​လၵ်း​ဝႃး​ၵၢပ်ႈ​ၸဝ်ႈ​ၶရိၸ်ႈ​လႄႈ ၵမ်​ၵျၢင်ႉ ၼၼ်ႉ​မီး​ၼမ်​ၼႃႇ​ဢေႃႈ။-</verse>
				<verse number="19">သဵၼ်ႈ​တၢင်း​ၶဝ်​ၼၼ်ႉ ၸၢင်ႈ​သုတ်း​တိူၵ်ႈ​ၵႃႈ​ၼႂ်း​တီႈ​ဢၼ်​လူႉ​ဢၼ်​လႅဝ်​ဢေႃႈ။ ၽြႃး​ၶဝ်​ၸမ်ႉ၊ ပဵၼ်​တွင်ႉ​ၶဝ်​ဢေႃႈ။ ၶဝ်​ဢုပ်ႇ​ဝၢဝ်း​ၼႂ်း​တၢင်း​ၵမ်​တၢင်း​ၵျၢင်ႉ​ဢၼ်​ၶဝ်​လီ​ဢူၵ်း​လီ​ဢၢႆ​ၼၼ်ႉ​ၵူၺ်း​ဢေႃႈ။ မီး​တၢင်း​ဢၼ်​ၸႂ်​ၸပ်း​ၸႂ်​ၸွႆး​ၶိူင်ႈ​ပိူင်​လေႃးၵီႇ​တင်း​လၢႆ​ၵူၺ်း ဢေႃႈ။-</verse>
				<verse number="20">တၢင်း​ဢၼ်​ႁဝ်း​ၵမ်​ၵျၢင်ႉ​ၸမ်ႉ၊ ၸၢပ်ႈ​သႅင်ႇ​ၵၼ်​တင်း​မိူင်း​ၵၢင်​ႁၢဝ်​ယူႇ​ဢေႃႈ။ ႁဝ်း​မုင်ႈ​ထႃႈ​မွင်း​ထႃႈ​လွင်ႈ​ဢၼ် ၸဝ်ႈ​ဢၼ်​ၵႄႇ​ၶျွတ်ႈ​ဢဝ် ဢၼ်​ဝႃႈ​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ တၵ်း​လုၵ်ႉ​သေ​ၵႃႈ​တီႈ​မိူင်း​ၵၢင်​ႁၢဝ်​လူင်း​မႃး​ၼၼ်ႉ​ယူႇ​ဢေႃႈ။-</verse>
				<verse number="21">ၸဝ်ႈ​ၼၼ်ႉ တၵ်း​မႄး​ႁဵတ်း​တူဝ်​ၶၼ်ႇ​ထႃႇ​ႁဝ်း ဢၼ်​ယုတ်ႈ​ဢၼ်​ယွမ်း​ၼႆႉ ႁႂ်ႈ​ပဵၼ်​ဢၼ်​မႂ်ႇ ႁႂ်ႈ​လႆႈ​ပဵၼ်​မိူၼ်​ၸိူဝ်ႉ​ၼင်ႇ တူဝ်​ၶၼ်ႇ​ထႃႇ မၼ်း​ၸဝ်ႈ ဢၼ်​ပျေႉ​ၸုမ်ႇ​တင်း​မုၼ်​သရေႇ​ၼၼ်ႉ ၸွမ်း​ၵႃႈ​ၼင်ႇ တၢင်း​ဢၼ်​မၼ်း​ၸဝ်ႈ​မႄး​ႁဵတ်း၊ ဢၼ်​မၼ်း​ၸဝ်ႈ​ဢဝ် လွင်ႈ​တၢင်း​ၵႃႈ​မီး တင်း​သဵင်ႈ​တင်း​လူင် ၶျႃး​တူၵ်း​တီႈ​တႅမ်ႇ ၵႃႈ​တႂ်ႈ​တိၼ်​မၼ်း​ၸဝ်ႈ​လႆႈ​ၼၼ်ႉ​ဢေႃႈ။</verse>
			</chapter>
			<chapter number="4">
				<verse number="1">ပိူဝ်ႈ​ၼႆ​လႄႈ ပီႈ​ၼွင်ႉ​ဢၼ်​ၵဝ်​ႁၵ်ႉ​လႄႈ​ၸႂ်​ထိုင်​ၼႃႇ၊ ဢၼ်​ပဵၼ်​ပၢၼ်း​ၵုမ်း​သရၽူႇ​ၵဝ်၊ တၢင်း​ဢၼ်​ၵဝ်​သိူဝ်း​ပျေႃႇ​ၶဝ်​ဢိူၺ်း၊ ဢွၼ်​ၵၼ်​တႄႇ​ယူႇ​ၼႂ်း​ၸဝ်ႈ​ၽြႃး​ၸွမ်း​ၼင်ႇ​ၵႃႈ​ဢၼ်​ၵဝ်​ဝႃႈ​မႃး​ယဝ်ႉ​ၼၼ်ႉ​တႃႉ။ ပီႈ​ၼွင်ႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊</verse>
				<verse number="2">ၼင်ႇ​ႁိုဝ်​ ဢေးဝူဝ်းတီႉ ၊​တင်း​ သုၼ်ႇတုၵ်ႉ ၊ သွင်​ၶႃ​တၵ်း​လႆႈ​မီး​ၸႂ်​သၽေႃး ဢၼ်​မိူၼ်​မိူၼ်​ၵၼ် ၼႂ်း​ၸဝ်ႈ​ၽြႃး​ၸိုင်​ၵဝ်​တွင်း​ပၢၼ်ႇ​ၸူဝ်း​ဢဝ်​ၶဝ်​ဢေႃႈ။-</verse>
				<verse number="3">ၵေႃႉ​သေႈ​ၸႅတ်ႈ​ၸႅတ်ႈ​ဢၼ်​သၢင်ႈ​ႁဵတ်း​လူၺ်ႈ​ၵၼ်​တင်း​ၵဝ်​ဢိူၺ်း၊ မႂ်း​ၵေႃႈ​ၵဝ်​တွင်း​ပၢၼ်ႇ​ဢေႃႈ။ ၸွႆႈ​ထႅမ်​မႃႉ​ၸႃႉ​ၽူႈ​ယိင်း ဢၼ် ၵျူဝ်း​ၸႃး​ၸွႆႈ​ထႅမ်​ၵဝ်​ၼႂ်း​လွင်ႈ​တၢင်း​ဢၼ်​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၸိူဝ်း​ၼၼ်ႉ ဢိၵ်ႇ​တင်း ၸႃႉ​ၸဵမ်​ ၵလေႇမိၼ်ႇ ၊ တင်း​ၵေႃႉ​သေႈ​ၸႅတ်ႈ​ၸႅတ်ႈ​ဢၼ်​ၵိုတ်း​ဢၼ်​ၵျၢၼ်ႇ ဢၼ်​သၢင်ႈ​ႁဵတ်း​လူၺ်ႈ​ၵၼ်​တင်း​ၵဝ် ဢၼ်​ၸိုဝ်ႈ​ၶဝ်​သဵင်​ၶဝ်​ပႃး​ၼႂ်း​ၸရၢင်း ဢသၢၵ်ႈ​ၸိူဝ်း​ၼၼ်ႉ​တႃႉ။</verse>
				<verse number="4">မီး​တၢင်း​ဢၼ်​သိူဝ်း​ပျေႃႇ​ၼႂ်း​ၸဝ်ႈ​ၽြႃး​တႃႇ​သေႇ​ဢမ်ႇ​ထၢတ်ႇ​တႃႉ။ ၵဝ်​သမ်ႉ​ဝႃႈ​ထႅင်ႈ​ၸမ်ႉ၊ သိူဝ်း​ပျေႃႇ​တႃႉ။-</verse>
				<verse number="5">ႁႂ်ႈ​ၸႂ်​သၽေႃး​တၢင်း​ဢၼ်​သူ​ဢူၼ်ႈ​ဢွၼ်ႇ​ၼၼ်ႉ​ထၢင်ႇ​သႃး​ၵႃႈ​တီႈ​ၽၢႆႇ​ၼႃႈ​ၵူၼ်း တင်း​သဵင်ႈ​တင်း​လူင်​တႃႉ။ ၸဝ်ႈ​ၽြႃး​မီး​ၸမ်​ယူႇ​ဢေႃႈ။-</verse>
				<verse number="6">ယင်း​ဢမ်ႇ​မီး​တၢင်း​ဢၼ်​မႆႈ​ၸႂ် လူၺ်ႈ​လွင်ႈ​တၢင်း​ၵႃႈ​သင်​လႄႈ ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် ဢဝ်​တၢင်း​ဢၼ်​ႁဵတ်း​သူး​တွင်း​ပထၼႃႇ ဢိၵ်ႇ​တင်း တၢင်း​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ​လႄႈ လဝ်ႊ​လၢတ်ႈ​ၵႃႈ​ဢၼ်​သူ​လူဝ်ႇ​ထႅင်ႈ တင်း​သဵင်ႈ​တင်း​လူင်​ၼၼ်ႉ တီႈ​ၽြႃး​ပဵၼ်​ၸဝ်ႈ​တႃႉ။-</verse>
				<verse number="7">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၢင်း​ၼိမ်​ၽြႃး​ပဵၼ်​ၸဝ်ႈ ဢၼ်​ၽူႈ​လႂ်​ၵျၢမ်ႇ​ပွင်​လႄႈ​ဢမ်ႇ​ၶိုတ်း​ဢမ်ႇ​ထိုင်​လႆႈ​ၼၼ်ႉ၊ တၵ်း​ပႂ်ႉ​ၸွႆႈ​ပႂ်ႉ​ထႅမ်​ႁူဝ်​ၸႂ်​သူ​ယူႇ​ၼႂ်း​ ယေႇသူႉ​ၶရိၸ်ႈ ​ဢေႃႈ။</verse>
				<verse number="8">ၵႂၢမ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸမ်ႉ၊ ပီႈ​ၼွင်ႉ​ၶဝ်​ဢိူၺ်း၊ လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​သမ်ႇမႃႇ​တြႃး​လႂ်၊ လွင်ႈ​တၢင်း​ဢၼ် သၢင်ႇ​ထုၵ်ႇ​လႂ်၊ လွင်ႈ​တၢင်း​ဢၼ်​သိုဝ်ႈ​တေႃႇ​လႂ်၊ လွင်ႈ​တၢင်း​ဢၼ်​ၶၢဝ်​ၸၢင်ႇ​လႂ်၊ လွင်ႈ​တၢင်း​ဢၼ်​ထုၵ်ႇ​ၸႂ်​ပိူၼ်ႈ​လႂ်၊ လွင်ႈ​တၢင်း​ဢၼ် လီ​ဢွၼ်ႇ​လီ​ယွင်ႈ​လႂ်၊ ၵႃႈ​မီး​တင်း​သဵင်ႈ​တင်း​လူင်​လႄႈ​သင်၊ ပေႃး​မီး​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း ပႃႇရမီႇ​သေ​ပႃး​ပႃး​ၼၼ်ႉ လႄႈ​သင်၊ ပေႃး​မီး​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း သတၢင်း​ဢၼ်​လီ​ဢၼ်​ငၢမ်း သေ​ပႃး​ပႃး​ၼၼ်ႉ​လႄႈ​သင်၊ ဢွၼ်​ၵၼ် ဢဝ်​သႂၢင်း​ဝႆႉ ၼႂ်း​ႁူဝ်​ၸႂ်​တႃႉ။-</verse>
				<verse number="9">သူ​ဢွၼ်​ၵၼ်​ၵမ်​ၵျၢင်ႉ​ၵႃႈ​ဢၼ်​သူ​လႆႈ​သွၼ်​ဢဝ် လႆႈ​ငိၼ်း​ဢဝ် လႆႈ​ႁၼ်​ဢဝ်​တီႈ​ၵဝ် တင်း​သဵင်ႈ​တင်း​လူင်​ၼၼ်ႉ​တႃႉ။ ၽြႃး​ပဵၼ်​ၸဝ်ႈ ၸဝ်ႈ​တၢင်း​ၼိမ်​ၼၼ်ႉ တၵ်း​မီး​ယူႇ​လူၺ်ႈ​ၵၼ်​တင်း​သူ​ဢေႃႈ။</verse>
				<verse number="10">တေႃႈ​လဵဝ်​ၼႆႉ​ၵေႃႈ ၵွပ်ႈ​ပိူဝ်ႈ​ဢၼ်​သူ​သမ်ႉ ၶိုၼ်း​ပျေႉ​ၸုမ်ႇ​တင်း​ၸႂ်​ၸေႇတၼႃႇ ဢၼ်​ၶႂ်ႈ​လူ​ၶႂ်ႈ​တူၺ်း​ၵဝ်​လႄႈ ၵဝ်​မီး​တၢင်း​ဢၼ်​သိူဝ်း​ပျေႃႇ​ၼႂ်း​ၸဝ်ႈ​ၽြႃး​ၼႃႇ​လူင်​လၢင်​ဢေႃႈ။ ပိၵ်ႉ​သမ်ႉ​ၸႂ်​ၸေႇတၼႃႇ​ၼၼ်ႉ မီး​မိူဝ်ႈ​ဢွၼ်​ၼႆႉ​ၼၼ်ႉ​သေ​ၵေႃႈ၊ သူ​ဢမ်ႇ​မီး​ဢၶႂၢင်ႉ ဢၼ်​လႆႈ​ပွင်​ႁဵတ်း။-</verse>
				<verse number="11">မိူဝ်ႈ​ဢၼ်​ၵဝ်​ဝႃႈ​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​ၶႂ်ႈ​ဢဝ်​လွင်ႈ​ဢၼ်​ၵဝ်​ယၢၵ်ႈ​ၵဝ်​ၽၢၼ်​ၼႆႉ​ဝႃႈ​ဢမ်ႇ​ၸႂ်ႈ။ လွင်ႈ​မၼ်း​ၸမ်ႉ ၼင်ႇ​ႁိုဝ်​တၵ်း ဢိမ်ႇ​ၸႂ်​ၼိမ်​ၸႂ်​ၼႂ်း​လွင်ႈ​တၢင်း​ၵႃႈ​ဢၼ်​ၵဝ်​ႁူပ်ႉ​ၵဝ်​ထူပ်း​ၼၼ်ႉ​ၸိုင်၊ ၵဝ်​လႆႈ​သွၼ်​ဢဝ်​ယဝ်ႉ။-</verse>
				<verse number="12">ၵဝ်​ၸၢင်ႈ​ၶၢမ်ႇ​တၢင်း​ဢၼ်​ၶျႃး​တူၵ်း​တီႈ​တႅမ်ႇ​ဢေႃႈ။ ၵဝ်​ၸၢင်ႈ​ၶၢမ်ႇ​တၢင်း​ဢၼ်​ပျေႉ​ၸုမ်ႇ​လိူင်ႇ​ၸႂ်​ဢေႃႈ။ ၼင်ႇ​ႁိုဝ်​ၵဝ်​တၵ်း​ၸၢင်ႈ​ၶၢမ်ႇ​တၢင်း​ဢၼ်​ၵိၼ်​ဢိမ်ႇ​ၵိၼ်​တဵမ်၊ တၢင်း​ဢၼ်​ဢိုပ်း​ဢၼ်​ယၢၵ်ႈ၊ တၢင်း​ဢၼ်​မီး​ၸေး​ၸိမ်ႇ၊ တၢင်း​ဢၼ်​ယၢၵ်ႈ​ဢၼ်​ၽၢၼ် ၸိူဝ်း​ၼၼ်ႉ​ၸိုင်၊ ၵဝ်​လႆႈ​သွၼ်​ဢဝ်​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် ၵႃႈ​မီး​တင်း​သဵင်ႈ​တင်း​လူင်​ယဝ်ႉ။-</verse>
				<verse number="13">ၵဝ်​တၢတ်ႈ​ၼိူင်ႇ​လႆႈ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ၼႂ်း​ၸဝ်ႈ​ဢၼ်​ႁႂ်ႈ​ၵဝ်​ပျေႉ​ၸုမ်ႇ​တင်း​ႁႅင်း​ၼၼ်ႉ​ယူႇ​ဢေႃႈ။</verse>
				<verse number="14">ၵူၺ်း​ၵႃႈ​ၵွပ်ႈ​ပိူဝ်ႈ​ဢၼ်​သူ သိူၵ်ႈ​သမ်ႇ​ၵၼ်​တင်း​ၵဝ်​ၼႂ်း​မိူဝ်ႈ​ဢၼ် ၵဝ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ယူႇ​ၼၼ်ႉ​လႄႈ သူ​ႁဵတ်း​လီ​လီ​ငၢမ်း​ငၢမ်း​မႃး​ယဝ်ႉ။-</verse>
				<verse number="15">ၵူၼ်း​ဝဵင်း​ ၽီႉလိပ်ႉပီႉ ​ၶဝ်​ဢိူၺ်း၊ ၼႂ်း​မိူဝ်ႈ​ဢၼ်​ၵဝ်​ႁဵတ်း​တၢင်း​ဢၼ် ၸႃႉ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​လႄႈ ဢွၵ်ႇ​သေ ၵႃႈ​ၼႂ်း​မိူင်း​ မႃႇၵေႇတေႃးၼီႉ ​ၵႂႃႇ​ၼၼ်ႉ​ၸိုင်၊ လိူဝ်​သေ​သူ၊ ၸိူဝ်း​ၸဝ်ႈ​ဢၼ်​လႂ်​သေ​ဢမ်ႇ​ဝႃႈ၊ ဢမ်ႇ​သိူၵ်ႈ​သမ်ႇ​ၼႂ်း​လွင်ႈ ဢၼ်​လူႇ​တၢင်း​လူႇ​တၢင်း​တၢၼ်း​ဢိၵ်ႇ​တင်း ၼႂ်း​လွင်ႈ​တၢင်း​ဢၼ်​ၶၢမ်ႇ​ဢဝ် တၢင်း​လူႇ​တၢင်း​တၢၼ်း​ၼၼ်ႉ​လူၺ်ႈ​ၵၼ်​တင်း​ၵဝ်။-</verse>
				<verse number="16">ၼႂ်း​မိူဝ်ႈ​ဢၼ်​ၵဝ်​မီး​ယူႇ​ၼႂ်း​ဝဵင်း​ ထိတ်ႉသႃႇလေႃးၼိၵ်ႈ ​ၼၼ်ႉ​ၵေႃႈ သူ​ပၼ်​လွင်ႈ​တၢင်း​ဢၼ် ၵဝ်​လူဝ်ႇ​ထႅင်ႈ​ၼၼ်ႉ​မႃး ထူၼ်ႈ ထိုင်​သွင်​ပွၵ်ႈ​ဢေႃႈ။-</verse>
				<verse number="17">မိူဝ်ႈ​ဢၼ်​ၵဝ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ ၵဝ်​ႁႃ​ဢဝ်​တၢင်း​လူႇ​တၢင်း​တၢၼ်း​ဢမ်ႇ​ၸႂ်ႈ။ ၵဝ်​ႁႃ​ဢဝ်​ဢၵျူဝ်း​ဢၼ်​ပျေႉ​ၸုမ်ႇ​လိူင်ႇ​ၸႂ်​ၵႃႈ​တီႈ​သူ​ဢေႃႈ။</verse>
				<verse number="18">မိူဝ်ႈ​လဵဝ်​ၼႆႉ၊ ၵဝ်​ၸၢင်ႈ​မၢၵ်ႈ​မီး​လီ​ပဵၼ်​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ဢေႃႈ။ ဢုၵ်ႉ​ၸႃႇ​ၼမ်​လိူင်ႇ​ဢေႃႈ။ ၵွပ်ႈ​ပိူဝ်ႈ​ဢၼ် ၵဝ်​လႆႈ​ၶၢမ်ႇ​ဢဝ် လွင်ႈ​တၢင်း​ၸိူဝ်း​ဢၼ်​သူ​ပၼ်​မႃး​ဢၼ်​ဝႃႈ ဢၢႆ​ဢၼ်​ႁွမ်​ဢၼ်​ႁူၺ်း​ယိတ်ႈ​ဢၼ်​ၽြႃး​ပဵၼ်​ၸဝ်ႈ ထုၵ်ႇ​ၸႂ် ၵျိူၵ်ႈ​ၸႂ်​ၼၼ်ႉ ၵႃႈ​ၼႂ်း​မိုဝ်း​ ဢေးပႃႉၽရေႃးတိတ်ႉ ​လႄႈ ၵဝ်​ပျေႉ​ၸုမ်ႇ​လိူင်ႇ​ၸႂ်​ယူႇ​ဢေႃႈ။-</verse>
				<verse number="19">ၽြႃး​ပဵၼ်​ၸဝ်ႈ​ၵဝ်​ၼၼ်ႉ တၵ်း​ႁႂ်ႈ​ၵႃႈ​ဢၼ်​သူ​မီး​ဢလူဝ်ႇ​ၼၼ်ႉ ပျေႉ​ၸုမ်ႇ​ၼႂ်း​ ယေႇသူႉ​ၶရိၸ်ႈ ​ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​ၸေး​ၸိမ်ႇ ဢၼ်​မၼ်း​ၸဝ်ႈ​ၸၢမ်ႇ​ၸႃး ၼႂ်း​မုၼ်​ဢႃႇၼူႉၽေႃႇ​ၸဝ်ႈ​ယူႇ​ၼၼ်ႉ​ဢေႃႈ။</verse>
				<verse number="20">ႁႂ်ႈ​မုၼ်​ၽုင်း​ၽြႃး​ပဵၼ်​ၸဝ်ႈ​ႁဝ်း​ဢၼ်​ဝႃႈ ၸဝ်ႈ​ပေႃႈ​ၼၼ်ႉ​ယႂ်ႇ​ၼႃႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​သေ​ၵမ်း​လူၺ်ႈ။ ဢႃႇမိၼ်ႇ။</verse>
				<verse number="21">တၵ်ႉ​လၢတ်ႈ​ၵူၼ်း​မူတ်း​ၸၢင်ႇ ဢၼ်​မီး​ၼႂ်း​ ယေႇသူႉ​ၶရိၸ်ႈ ​ၼၼ်ႉ​ၵူႈ​ၵေႃႉ​ၵူႈ​ၵူၼ်း​တႃႉ။ ပီႈ​ၼွင်ႉ​ဢၼ်​မီး​ယူႇ​လူၺ်ႈ​ၵၼ်​တင်း​ၵဝ်​ၸိူဝ်း​ၼႆႉ​တၵ်ႉ​ၼၢႆ​သူ​ဢေႃႈ။</verse>
				<verse number="22">ၵူၼ်း​မူတ်း​ၸၢင်ႇ တင်း​သဵင်ႈ​တင်း​လူင်​တၵ်ႉ​ၼၢႆ​သူ​ဢေႃႈ။ ၵူၼ်း​မူတ်း​ၸၢင်ႇ ဢၼ်​ယူႇ​ၼႂ်း​ႁေႃ​ၶမ်း​ၶုၼ်​လူင်​ ၵေႇသႃႇ ​တင်း​လၢႆ​ၼႆႉ တၵ်ႉ​ၼၢႆ​သူ​လူင်​လူင်​လၢင်​လၢင်​ဢေႃႈ။</verse>
				<verse number="23">ႁႂ်ႈ​ၵျေး​ၸူး​ၸဝ်ႈ​ ယေႇသူႉ​ၶရိၸ်ႈ ​မီး​ၼိူဝ်​သူ​တင်း​သဵင်ႈ​တင်း​လူင်​သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ၽီႉလိပ်ႉပီႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="51">
			<chapter number="1">
				<verse number="1">ၵဝ်​ ပေႃးလူႉ ဢၼ်​ပဵၼ်​တမၢၼ်ႇ​ၸဝ်ႈ​ ယေႇသူႉ​ၶရိၸ်ႈ ၵွပ်ႈ​ပိူဝ်ႈ​ဢလူဝ်ႇ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၼွင်ႉ​ၵဝ် တီႉမေႃးသေႇ ​ၼႆႉ၊-</verse>
				<verse number="2">ပၼ်​ငိၼ်း​ၵႂႃႇ​တီႈ​ၵူၼ်း​မူတ်း​ၸၢင်ႇ​တင်း​လၢႆ ဢၼ်​မီး​ယူႇ​ၵႃႈ​ၼႂ်း​ဝဵင်း​ ၵေႃးလေႃးသေး ဢၼ်​ဝႃႈ​ပီႈ​ၼွင်ႉ​ဢၼ်​ယုမ်ႇ​မၢတ်ႈ​ ယေႇသူႉ​ၶရိၸ်ႈ ​ဢေႃႈ။ ႁႂ်ႈ​သူႉ​ၵျေး​ၸူး​ဢိၵ်ႇ​တင်း​တၢင်း​ၼိမ် ဢၼ်​ပဵၼ်​မႃး​ၵႃႈ​တီႈ​ၽြႃး​ပေႃႈ​ၸဝ်ႈ တင်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ မီး​ၼိူဝ်​သူ​သေ​ၵမ်း​လူၺ်ႈ။</verse>
				<verse number="3">ၵွပ်ႈ​ပိူဝ်ႈ​ဢၼ်​ႁဝ်း​လႆႈ​ငိၼ်း လွင်ႈ​ဢၼ်​သူ​ယုမ်ႇ​မၢတ်ႈ​ ယေႇသူႉ​ၶရိၸ်ႈ ​လႄႈ​ႁၵ်ႉ​ၵူၼ်း​မူတ်း​ၸၢင်ႇ တင်း​သဵင်ႈ​တင်း​လူင်</verse>
				<verse number="4">ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​ႁဝ်း ထွၵ်ႈ​လူၺ်ႈ​တၢင်း​ဢၼ် မုင်ႈ​ထႃႈ​မွင်း​ထႃႈ​ဢၼ်​သူ​သိမ်း​ပႅင်း​ဝႆႉ​ပုၼ်ႈ​သူ ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ</verse>
				<verse number="5">ၵႃႈ​ၼင်ႇ​ဢၼ်​သူ​လႆႈ​ငိၼ်း​ၼႂ်း​သမ်ႇမႃႇ​တြႃး​ဢၼ်​ဝႃႈ တြႃး​သတၢင်း​သိူဝ်း​ပျေႃႇ မိူဝ်ႈ​ဢွၼ်​ၼႆႉ​ၼၼ်ႉ​လႄႈ ႁဝ်း​သူး​တွင်း​ပုၼ်ႈ​သူ ယူႇ​တႃႇ​သေႇ​ဢမ်ႇ​ထၢတ်ႇ​လႄႈ ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ဢၼ်​ဝႃႈ​ပေႃႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ​ဢေႃႈ။-</verse>
				<verse number="6">တြႃး​ၼၼ်ႉ​လႆႈ​ႁွတ်ႈ​ထိုင်​ၵႃႈ​တီႈ​ဢၼ်​သူ​မီး​ၼၼ်ႉ​ယဝ်ႉ။ မိူၼ်​ၸိူဝ်ႉ​ၼင်ႇ​ဢၼ်​ၸွတ်ႇ​တူဝ်ႈ​ၵႃႈ​ၼႂ်း​မိူင်း​လေႃးၵီႇ ၵူႈ​တီႈ​ၵူႈ​လႅၼ်​ၼၼ်ႉ​လႄႈ ႁဵတ်း​တၢင်း​ဢၼ်​မၢၵ်ႇ​မၢၵ်ႇ​ဢိၵ်ႇ​တင်း တၢင်း​ဢၼ်​ယႂ်ႇ​ၽႄႈ​ၼမ်​ၵိုၼ်း​မႃး​ၼႂ်း​သူ ၸႃႉ​ၸဵမ်​မိုဝ်ႉ​ဝၼ်း​ဢၼ်​သူ​လႆႈ​ငိၼ်း​လႄႈ ႁူႉ​ၵျေး​ၸူး​ၽြႃး​ပဵၼ်​ၸဝ်ႈ ၼႂ်း​သမ်ႇမႃႇ​တြႃး​ၼၼ်ႉ၊-</verse>
				<verse number="7">ၵႃႈ​ၼင်ႇ​ဢၼ်​သူ​လႆႈ​သွၼ်​ဢဝ်​တီႈ​ ဢေႇပႃႇၽြႃႉ ၶႃႈ​ၸဝ်ႈ​ၼင်ႇ​ၵၼ်​ၵၼ်၊ ဢၼ်​ႁဝ်း​ႁၵ်ႉ​ဢၼ်​ဝႃႈ​သြႃႇ ဢၼ်​ပႂ်ႉ​ဢမူႉ​သူ​လႄႈ မီး​သဵတ်ႈ​ၸႃႇ ၼႂ်း​ၸဝ်ႈ​ၶရိၸ်ႈ၊-</verse>
				<verse number="8">ဢၼ်​ၼႄ​ပျႃး​မႅတ်ႈ​တႃႇ​ဝီႉၺိၺ်ႇ​ပၵတီႉ ဢၼ်​မီး​ယူႇ​ၵႃႈ​ၼႂ်း​သူ​တီႈ​ႁဝ်း​ၼၼ်ႉ​ဢေႃႈ။</verse>
				<verse number="9">ပိူဝ်ႈ​ၼႆ​လႄႈ ၸႃႉ​ၸဵမ်​မိုဝ်ႉ​ဝၼ်း​ဢၼ်​ႁဝ်း​လႆႈ​ငိၼ်း​ၼၼ်ႉ၊ ႁဝ်း​ႁဵတ်း​သူး​တွင်း​ပထၼႃႇ​ပုၼ်ႈ​သူ​ယူႇ တႃႇ​သေႇ​ဢမ်ႇ​ထၢတ်ႇ​ဢေႃႈ။ လွင်ႈ​တၢင်း​ဢၼ်​ႁဝ်း​သူး​တွင်း​ၸမ်ႉ၊ ၼင်ႇ​ႁိုဝ်​သူ​တၵ်း​လႆႈ​မီး​တင်း​ပိင်ႇ​ၺႃႇ​တင်း ထမ်ႇမႃႉ​ၺၢၼ်ႇ​ၵူႈ​ၸိူဝ်ႉ​ၵူႈ​ပိူင်​လႄႈ ပျေႉ​ၸုမ်ႇ​တင်း တၢင်း​ဢၼ်​ႁူႉ​ၸႅင်ႈ ဢလူဝ်ႇ​ၽြႃး​ပဵၼ်​ၸဝ်ႈ ႁႂ်ႈ​သူ​လႆႈ​မီး​တၢင်း​ဢၼ်​မၢၵ်ႇ​မၢၵ်ႇ​ဢၼ်​ဝႃႈ တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​ၵူႈ​ၸိူဝ်ႉ​ၵူႈ​ပိူင်​လႄႈ ယႂ်ႇ​ၽႄႈ ၼမ်​ၵိုၼ်း​မႃး ၼႂ်း​ၺၢၼ်ႇ​ဢၼ်​ႁူႉ​ၽြႃး​ပဵၼ်​ၸဝ်ႈ​ၼၼ်ႉ​ယူႇ၊-</verse>
				<verse number="10">ပျေႉ​ၸုမ်ႇ​တင်း​ႁႅင်း​ၵူႈ​ၸိူဝ်ႉ​ၵူႈ​ပိူင် ၵႃႈ​ၼင်ႇ​တၼ်း​ၶူဝ်း​ၸဝ်ႈ​ဢၼ်​မုၼ်​ၽုင်း​ယႂ်ႇ​ၼႃႇ​ၼၼ်ႉ ပုၼ်ႈ​တၢင်း​ဢၼ်​ယိူၼ်ႉ​ၶၢမ်ႇ​ၼႂ်း​ၵူႈ​ၸိူဝ်ႉ​ၵူႈ​ပိူင်၊ တၢင်း​ဢၼ်​ၸႂ်​ယႂ်ႇ​ၸႂ်​ယၢဝ်း​ဢိၵ်ႇ​တင်း​ၸႂ်​ဢၼ်​သိူဝ်း​ဢၼ်​ပျေႃႇ​ၼၼ်ႉ​ယူႇ၊-</verse>
				<verse number="11">ယွင်ႈ​ယေႃး​ၵျေး​ၸူး​ၽြႃး​ပေႃႈ​ၸဝ်ႈ​ယူႇ​သေ​လႄႈ ၵမ်​ၵျၢင်ႉ​ၵႃႈ​ၼင်ႇ​ဢၼ်​ထိူၵ်ႈ​တၢၼ်ႇ​တင်း​ၸဝ်ႈ​ၽြႃး​လႄႈ ထုၵ်ႇ​ၸႂ်​မၼ်း​ၸဝ်ႈ​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၸိုင်၊ ႁဝ်း​ႁဵတ်း​သူး​တွင်း​ပထၼႃႇ​ဢေႃႈ။-</verse>
				<verse number="12">မၼ်း​ၸဝ်ႈ​ၼၼ်ႉ​ႁဵတ်း​ၵျေး​ၸူး​ႁႂ်ႈ​ႁဝ်း​လႆႈ​ထိူၵ်ႈ​ၶဝ်ႈ​ၸၢမ်ႇ​ၸႃး သိူၵ်ႈ​သမ်ႇ​ဢမူၺ်ႇ​ၵူၼ်း​မူတ်း​ၸၢင်ႇ​တင်း​လၢႆ ဢၼ်​ယူႇ​ၵႃႈ​ၼႂ်း​ဢၼ်​လႅင်း​ၼၼ်ႉ​လႄႈ၊-</verse>
				<verse number="13">ၼုၵ်ႈ​ဢဝ်​ႁဝ်း​ဢွၵ်ႇ​ၵႃႈ​ၼႂ်း​တၼ်း​ၶူဝ်း​ဢၼ်​လပ်း​သိင်ႇ​သေ​လႄႈ သႂၢင်း​သႂ်ႇ​ၵႃႈ​ၼႂ်း​မိူင်း​လုၵ်ႈ​ၸဝ်ႈ ဢၼ်​မၼ်း​ၸဝ်ႈ​ႁၵ်ႉ​ၼၼ်ႉ​ဢေႃႈ။-</verse>
				<verse number="14">ၵွပ်ႈ​ပိူဝ်ႈ​လုၵ်ႈ​ၸဝ်ႈ​ၼၼ်ႉ​လႄႈ ႁဝ်း​လႆႈ​ၶၢမ်ႇ​ဢဝ်​ၵျေး​ၸူး​တၢင်း​ဢၼ်​မၼ်း​ၸဝ်ႈ ထုတ်ႇ​ဢဝ်​ဢၼ်​ဝႃႈ တၢင်း​ဢၼ်​မၼ်း​ၸဝ်ႈ​ပွႆႇ​လွတ်ႈ​ဢပႅတ်ႈ​ၼၼ်ႉ​ဢေႃႈ။</verse>
				<verse number="15">လုၵ်ႈ​ၸဝ်ႈ​ၼၼ်ႉ​ပဵၼ်​ပုင်ႇ​ႁၢင်ႈ​ၽြႃး​ပဵၼ်​ၸဝ်ႈ ဢၼ်​ဢမ်ႇ​ႁၼ်​လႆႈ​ၼၼ်ႉ​လႄႈ ပဵၼ်​လုၵ်ႈ​တူၼ်ႈ ၼႂ်း​ဝူၺ်ႇၼေႇယႃႉ​သတ်ႉတဝႃႇ​တင်း​သဵင်ႈ​တင်း​လူင်​ဢေႃႈ။-</verse>
				<verse number="16">လွင်ႈ​မၼ်း​ၸမ်ႉ ၼႂ်း​လုၵ်ႈ​ၸဝ်ႈ​ၼၼ်ႉ၊ လွင်ႈ​တၢင်း​ဢၼ်​မီး​ၵႃႈ​ၼိူဝ်​ၵၢင်​ႁၢဝ်၊ လွင်ႈ​တၢင်း​ဢၼ်​မီး​ၵႃႈ​ၼိူဝ်​လိၼ်​မိူင်း၊ လွင်ႈ​တၢင်း ရူႇပႃႉ၊ လွင်ႈ​တၢင်း​ဢႃႉရူႇပႃႉ၊ ပဵၼ်​ရႃႇၸႃႉ​ပလၢင်ႇ​သေ​ဢမ်ႇ​ဝႃႈ၊ ပဵၼ်​တၼ်း​ၶူဝ်း​တၢင်း​ဢၼ်​ဢုပ်ႉ​ပိူင်ႇ​သေ​ဢမ်ႇ​ဝႃႈ၊ ပဵၼ်​ဢၼ်​ထွတ်ႈ​ဢၼ်​မျၢတ်ႈ​သေ​ဢမ်ႇ​ဝႃႈ၊ ပဵၼ်​ဢႃႇၼႃႇၸၢၵ်ႈ​သေ​ဢမ်ႇ​ဝႃႈ၊ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ လႆႈ​ၶၢမ်ႇ​တၢင်း​ဢၼ်​ၽၢၼ်ႇ​သၢင်း​ႁဵတ်း ပဵၼ်​ဢေႃႈ။ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် လႆႈ​ၶၢမ်ႇ​တၢင်း​ဢၼ်​ၽၢၼ်ႇ​သၢင်း​ႁဵတ်း​ပဵၼ် ၵွပ်ႈ​ပိူဝ်ႈ​ၸဝ်ႈ​ၼၼ်ႉ ဢိၵ်ႇ​တင်း​ပုၼ်ႈ​ၸဝ်ႈ​ၼၼ်ႉ​ဢေႃႈ။-</verse>
				<verse number="17">လုၵ်ႈ​ၸဝ်ႈ​ၼၼ်ႉ​ပဵၼ်​ၸဵမ်​မိူဝ်ႈ ၸူဝ်ႈ​ဢၼ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ဢမ်ႇ​ပႆႇ​ပဵၼ်​ၼၼ်ႉ​လႄႈ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တႄႇ​ယူႇ​ၼႂ်း​မၼ်း​ၸဝ်ႈ​ဢေႃႈ။-</verse>
				<verse number="18">မၼ်း​ၸဝ်ႈ​ပဵၼ်​ႁူဝ်​တူဝ် ဢၼ်​ဝႃႈ​ၸိူဝ်း​ၸဝ်ႈ​ဢေႃႈ။ မၼ်း​ၸဝ်ႈ​ပဵၼ်​မူႇ​လႃႉ​ငဝ်ႈ​ႁၢၵ်ႈ​လႄႈ ပဵၼ်​လုၵ်ႈ​တူၼ်ႈ ၼႂ်း​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ ႁႂ်ႈ​ယဵင်ႈ​ၶႅၼ်း​မျၢတ်ႈ​ၼႃႇ​သေ​ပိူၼ်ႈ ၼႂ်း​ၵူႈ​ၸိူဝ်ႉ​ၵူႈ​ပိူင်​ဢေႃႈ။-</verse>
				<verse number="19">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​မီး​ဢလူဝ်ႇ​ၶႂ်ႈ​ႁႂ်ႈ တၢင်း​ဢၼ်​ပျေႉ​ၸုမ်ႇ​ၵႃႈ​မီး​တင်း​သဵင်ႈ​တင်း​လူင် ၵိင်း​ဝၢပ်ႈ​ယူႇ​ၵႃႈ​ၼႂ်း​လုၵ်ႈ​ၸဝ်ႈ​ၼၼ်ႉ​လႄႈ၊-</verse>
				<verse number="20">ႁႂ်ႈ​တၢင်း​ၽိတ်း​ထၢတ်ႇ​ယဵၼ်​ၵွပ်ႈ​ပိူဝ်ႈ လိူတ်ႈ​ၸဝ်ႈ​ဢၼ်​သွၼ်း​လေႃႇ ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​သေ​ယဝ်ႉ၊ ႁႂ်ႈ​လွင်ႈ​တၢင်း ၵၢင်​ႁၢဝ်​သေ​ဢမ်ႇ​ဝႃႈ၊ လွင်ႈ​တၢင်း​လိၼ်​မိူင်း​သေ​ဢမ်ႇ​ဝႃႈ၊ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ႁဵတ်း​မိၵ်ႉသႃႇႁႃယႃႉ​တၢင်း​ဢၼ် ထုၵ်ႇ​ၵၼ်​တင်း တူဝ်​ၸဝ်ႈ​ၵဝ်ႇ ၵွပ်ႈ​ပိူဝ်ႈ​လုၵ်ႈ​ၸဝ်ႈ​ၼၼ်ႉ​ဢေႃႈ။</verse>
				<verse number="21">သူ​ၸိူဝ်း​ဢၼ်​ၽၢတ်ႇ​ယၢၼ်​ၵၼ်​တင်း မၼ်း​ၸဝ်ႈ​မိူဝ်ႈ​ဢွၼ်​ၼႆႉ​ၼၼ်ႉ​လႄႈ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ႁၢႆႉ​မိူၵ်ႈ​သေ​ယဝ်ႉ၊ ပဵၼ်​ရၢၼ်ႇ​သူႇ​ၼႂ်း​ႁူဝ်​ၸႂ်​သူ​ၼၼ်ႉ​ၸိုင်၊ တေႃႈ​လဵဝ်​ၼႆႉ​မၼ်း​ၸဝ်ႈ​ႁႂ်ႈ​ႁဵတ်း မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​တင်း​မၼ်း​ၸဝ်ႈ​ၵွပ်ႈ​ပိူဝ်ႈ​ဢၼ် ၸဝ်ႈ​ၼၼ်ႉ​ၶၢမ်ႇ​တၢင်း​တၢႆ ၼႂ်း​တူဝ်​ၶၼ်ႇ​ထႃႇ​ဢေႃႈ။-</verse>
				<verse number="22">လွင်ႈ​မၼ်း​ၸမ်ႉ ပေႃး​သူ​ပႃး​တၢင်း​ဢၼ်​ၶျႃး​ငဝ်ႈ​ႁၢၵ်ႈ​တိူၵ်ႈ ဢိၵ်ႇ​တင်း တၢင်း​ဢၼ်​တႄႇ​ဝႆႉ​ၼၼ်ႉ​လႄႈ မီး​ယူႇ​ၼႂ်း​တၢင်း​ဢၼ်​ယုမ်ႇ​မၢတ်ႈ​တႃႇ​သေႇ မၼ်ႈ​မၼ်ႈ​ၶိူင်ႇ​ၶိူင်ႇ​လႄႈ</verse>
				<verse number="23">ဢမ်ႇ​ၶၢႆႉ​သုတ်ႉ​ယိုတ်း​ၶိုၼ်း​သေ​ၵႃႈ​ၼႂ်း​တၢင်း​ဢၼ်​မုင်ႈ​ထႃႈ​မွင်း​ထႃႈ​တြႃး​သတၢင်း​သိူဝ်း​ပျေႃႇ ဢၼ်​သူ​လႆႈ​ငိၼ်း​ဢၼ်​လႆႈ​ၶၢမ်ႇ​တၢင်း​ဢၼ်​ႁေႃး​လၢတ်ႈ​တီႈ​ဝူၺ်ႇၼေႇယႃႉ​သတ်ႉတဝႃႇ ၵႃႈ​ဢၼ်​မီး​ၵႃႈ​တႂ်ႈ​ၽႃႉ​ၵၢင်​ႁၢဝ်၊ ဢၼ်​ၵဝ်​ ပေႃးလူႉ ​လႆႈ​ၶၢမ်ႇ​ဢရႃႇ တၢင်း​ၸႂ်ႉ​တၢင်း​သွႆ ဢၼ်​ႁေႃး​လၢတ်ႈ​ၼၼ်ႉ​ယူႇ​ၸိုင်၊ လွင်ႈ​ၼင်ႇ​ႁိုဝ်​မၼ်း​ၸဝ်ႈ​တၵ်း​ဢဝ်​သူ​ၸိူဝ်း​ဢၼ် မူတ်း​ၸၢင်ႇ​ၶၢဝ်​သႂ်​လႄႈ လွတ်ႈ​တင်း​ဢပႅတ်ႈ​ၼၼ်ႉ သၢၵ်ႈ​ၵၢပ်ႈ​ၵႃႈ​တီႈ ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ​ၸိုင်၊ ၸင်ႇ​ပဵၼ်​ဢေႃႈ။</verse>
				<verse number="24">တေႃႈ​လဵဝ်​ၼႆႉ ၵဝ်​သိူဝ်း​ပျေႃႇ​ၼႂ်း​တၢင်း​ဢၼ် ၵဝ်​ၶၢမ်ႇ​တၢင်း​ၽၢၼ် ပုၼ်ႈ​သူ​လႄႈ ႁႂ်ႈ​တုၵ်ႉ​ၶႃႉ​တၢင်း​ၽၢၼ်​ၸဝ်ႈ​ၶရိၸ်ႈ ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ ပျေႉ​ၸုမ်ႇ​ၵႃႈ​ၼႂ်း​တူဝ်​ၶၼ်ႇ​ထႃႇ​ၵဝ် ပုၼ်ႈ​တူဝ်​ၸဝ်ႈ​ဢၼ်​ဝႃႈ ၸိူဝ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="25">ၵဝ်​ထိုင်​ပဵၼ်​ထမ်ႇမႃႉ​သြႃႇ ၼႂ်း​ၸိူဝ်း​ၸဝ်ႈ​ၸွမ်း​ၵႃႈ​ၼင်ႇ​ဢၼ်​မႅၼ်ႈ​တင်း​သႃႇသၼႃႇ​ဢၼ်​ၽြႃး​ပဵၼ်​ၸဝ်ႈ​ထွၵ်ႈ​လူၺ်ႈ​ဢၵျူဝ်း​သူ​သေ​လႄႈ ဢၢပ်ႈ​ပၼ်​တီႈ​ၵဝ်​ၼၼ်ႉ၊-</verse>
				<verse number="26">ႁႂ်ႈ​ၵဝ်​လႆႈ​ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ တင်း​သဵင်ႈ​တင်း​မူတ်း​ဢၼ်​ဝႃႈ တၢင်း​ဢၼ်​လိုၵ်ႉ​ဢၼ်​လမ်ႇ​ဢၼ်​သိူင်ႇ​ဝႆႉ လပ်ႉ​ဝႆႉ ၵႃႈ​ၼႂ်း​ၵၢပ်ႈ​ၵႃႇလႃႉ မိူဝ်ႈ​ဢွၼ်​ၼႆႉ​တင်း​သဵင်ႈ​တင်း​လူင်​ၼၼ်ႉ​သေ​ၵေႃႈ၊ တေႃႈ​လဵဝ်​ၼႆႉ ၽုၺ်ႇ​ဢွၵ်ႇ​ၼႄ​ပျႃး တီႈ​ၵူၼ်း​မူတ်း​ၸၢင်ႇ​တင်း​လၢႆ​ၼၼ်ႉ​ဢေႃႈ။-</verse>
				<verse number="27">မႁႃႇ​ၸေး​ၸိမ်ႇ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​လိုၵ်ႉ​ဢၼ်​လမ်ႇ​ၼၼ်ႉ​ၸမ်ႉ၊ ယႂ်ႇ​ၼႃႇ​ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ​ထၢၼ်ႇ​ႁိုဝ်​ဝႃႈ​ၼႆ၊ ၽြႃး​ပဵၼ်​ၸဝ်ႈ​မီး​ဢလူဝ်ႇ​ၶႂ်ႈ​ႁႂ်ႈ ၵူၼ်း​မူတ်း​ၸၢင်ႇ​တင်း​လၢႆ​ႁူႉ​ဢေႃႈ။ ၸေး​ၸိမ်ႇ​ၼၼ်ႉ​ၸမ်ႉ၊ ပဵၼ်​ၸဝ်ႈ​ၶရိၸ်ႈ ဢၼ်​တႄႇ​ယူႇ​ၼႂ်း​သူ​ဢၼ်​ဝႃႈ လွင်ႈ​တၢင်း​ဢၼ် မုင်ႈ​ထႃႈ​မွင်း​ထႃႈ​မုၼ်​သရေႇ​ဢေႃႈ။-</verse>
				<verse number="28">ႁဝ်း​ပၼ်​သတီႉ​တီႈ​ၵူၼ်း​တင်း​သဵင်ႈ​တင်း​လူင်​ယူႇ ဢဝ်​တင်း​ပိင်ႇ​ၺႃႇ​ၵူႈ​ၸိူဝ်ႉ​ၵူႈ​ပိူင်​သင်ႇ​သွၼ်​သုင်း​မႃႉ​ပၼ်​ယူႇ​သေ​လႄႈ ႁေႃး​လၢတ်ႈ​တြႃး​ၸဝ်ႈ​ၶရိၸ်ႈ ႁႂ်ႈ​ၵူႈ​ၵေႃႉ​ၵူႈ​ၵူၼ်း လႆႈ​ႁွတ်ႈ​ထိုင်​တၢင်း​ဢၼ် ၸေး​ၸုမ်ႇ​ၼႂ်း​ၸဝ်ႈ​ၶရိၸ်ႈ​သေ​လႄႈ ႁဝ်း​လႆႈ​ဢဝ်​ၶဝ် သၢၵ်ႈ​ၵၢပ်ႈ​ဢေႃႈ။-</verse>
				<verse number="29">ၵဝ်​ပွင်​ႁဵတ်း​ဢမူႉ ႁႂ်ႈ​လႆႈ​ပဵၼ်​ၸိူဝ်ႉ​ၼင်ႇ​ၼၼ်​လႄႈ ၵႆႉ​ၵျူဝ်း​ၸႃး ၵႃႈ​ၼင်ႇ​တၢင်း​ဢၼ် မၼ်း​ၸဝ်ႈ​ဢဝ်​တင်း​တၼ်း​ၶူဝ်း​ၸဝ်ႈ ပွင်​ႁဵတ်း​ၵႃႈ​ၼႂ်း​ၵဝ်​ၼၼ်ႉ​ယူႇ​ဢေႃႈ။</verse>
			</chapter>
			<chapter number="2">
				<verse number="1">ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​သူ​ႁူႉ​လွင်ႈ​ဢၼ် ၵဝ်​လႆႈ​ၶၢမ်ႇ​တၢင်း​ဢၼ်​တိုၵ်း​ဢၼ်​တေႃး​ပုၼ်ႈ​သူ ဢိၵ်ႇ​တင်း​ၵူၼ်း​ဝဵင်း​ လေႃးတီႉၵီႉ ​တင်း​လၢႆ တင်း​ၶဝ်​ၸိူဝ်း​ဢၼ်​ဢမ်ႇ​တွၼ်ႉ​ႁၼ်​ၼႃႈ​ၵဝ် ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ယႂ်ႇ​ၼႃႇ​ထၢၼ်ႇ​ႁိုဝ်​ၼၼ်ႉ၊-</verse>
				<verse number="2">ႁႂ်ႈ​ၶဝ်​ၼင်ႇ​ၵၼ်​ၵၼ် လႆႈ​မီး​တင်း​မႅတ်ႈ​တႃႇ​မၢတ်ႉ​ၶွတ်ႇ​ၽွတ်ႇ​ၶဵၼ်း​ဝႆႉ​တီႈ​ၵၼ်​သေ​လႄႈ ပျေႉ​ၸုမ်ႇ​တင်း​ၸေး​ၸိမ်ႇ​ၺၢၼ်ႇ​ဢၼ် ၵၢင်း​လွတ်ႈ​တင်း တၢင်း​ဢၼ်​ယုမ်ႇ​ၶိုင်ႈ​ၼိုင်ႈ​ဢမ်ႇ​ယုမ်ႇ​ၶိုင်ႈ​ၼိုင်ႈ၊ ဢၼ်​ႁူႉ​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၽြႃး​ပေႃႈ​ၸဝ်ႈ​ဢၼ်​ဝႃႈ​ၸဝ်ႈ​ၶရိၸ်ႈ ၼၼ်ႉ​လႆႈ​ၼၼ်ႉ​သေ​လႄႈ ႁူဝ်​ၸႂ်​သၢၵ်ႈ​သႃႇ​ဢေႃႈ။-</verse>
				<verse number="3">ၵႃႈ​ၼႂ်း​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၼၼ်ႉ၊ ၽၼ်ႇတႃႇ​ပိင်ႇ​ၺႃႇ၊ ၽၼ်ႇတႃႇ​ၺၢၼ်ႇ​ၵႃႈ​မီး​တင်း​သဵင်ႈ​တင်း​လူင်​သိူင်ႇ​ဝႆႉ​လပ်ႉ​ဝႆႉ​ယူႇ​ဢေႃႈ။</verse>
				<verse number="4">ၵဝ်​လၢတ်ႈ​ၵႂၢမ်း​ၼႆႉ ႁႂ်ႈ​ၽူႈ​လႂ်​ဢမ်ႇ​လႆႈ​ဢဝ်​တင်း​ၵႂၢမ်း​ဢၼ်​ၶျေႃး​ဝွၼ်း​ၸူဝ်း​ဢဝ်​ၼၼ်ႉ ပႅတ်ႉ​လႅၼ်​သူ​ဢေႃႈ။-</verse>
				<verse number="5">ပိၵ်ႉ​သမ်ႉ​တူဝ်​ၶၼ်ႇ​ထႃႇ​ၵဝ် ၽၢတ်ႇ​ယၢၼ်​ၵၼ်​တင်း​သူ​ယူႇ​သေ​ၵေႃႈ၊ ပိူဝ်ႈ​ဢၼ်​ၸႂ်​ဝီႉၺိၺ်ႇ​ၵဝ် မီး​ယူႇ​လူၺ်ႈ​ၵၼ်​တင်း​သူ​လႄႈ ၵဝ်​မီး​တၢင်း​ဢၼ်​သိူဝ်း​ပျေႃႇ​ယူႇ​သေ​လႄႈ ႁၼ်​လွင်ႈ​ဢၼ်​သူ ၸၢင်ႈ​ၸီႇ​ယၢင်ႇ​ႁဵတ်း​ပဵၼ်​လီ​လီ​ငၢမ်း​ငၢမ်း ဢိၵ်ႇ​တင်း​လွင်ႈ​ဢၼ်​သူ ယုမ်ႇ​မၢတ်ႈ တီႈ​ၸဝ်ႈ​ၶရိၸ်ႈ​ၼၼ်ႉ မၼ်ႈ​မၼ်ႈ​ၶိူင်ႇ​ၶိူင်ႇ​ယူႇ​ၼၼ်ႉ​ဢေႃႈ။</verse>
				<verse number="6">ပိူဝ်ႈ​ၼႆ​လႄႈ ၵႃႈ​ၼင်ႇ​ဢၼ်​သူ​လႆႈ​ၶၢမ်ႇ​ဢဝ်​ ယေႇသူႉ​ၶရိၸ်ႈ ဢၼ်​ပဵၼ်​ၸဝ်ႈ​ၼၼ်ႉ​ယဝ်ႉ​ၼၼ်ႉ မီး​တၢင်း​ဢၼ်​ၽုၵ်ႇ​သွမ်ႈ​ဢိၵ်ႇ​တင်း တၢင်း​ဢၼ်​တႄႇ​ႁဵတ်း​ၼႂ်း​ၸဝ်ႈ​ၼၼ်ႉ​ယူႇ၊-</verse>
				<verse number="7">ၸႂ်​ၸပ်း​ၸႂ်​ၸွႆး ၼႂ်း​တၢင်း​ဢၼ်​ယုမ်ႇ​မၢတ်ႈ​မၼ်ႈ​မၼ်ႈ​ၶိူင်ႇ​ၶိူင်ႇ ၸွမ်း​ၵႃႈ​ၼင်ႇ​ဢၼ်​သူ​ၶၢမ်ႇ​ဢဝ် ၼႄး​ဢူႉပတေႇ​ယဝ်ႉ​ၼၼ်ႉ​ယူႇ၊ ပျေႉ​ၸုမ်ႇ ၼမ်​ၵိုၼ်း ၼႂ်း​တၢင်း​ဢၼ်​ယုမ်ႇ​မၢတ်ႈ ဢိၵ်ႇ​တင်း​တၢင်း​ဢၼ်​ယွင်ႈ​ယေႃး ၵျေး​ၸူး​ၸဝ်ႈ​ယူႇ​သေ​လႄႈ ဢွၼ်​ၵၼ်​ၵႂႃႇ​မႃး​ၼႂ်း​ၸဝ်ႈ​ၼၼ်ႉ ယူႇ​တႃႉ။</verse>
				<verse number="8">ၼင်ႇ​ႁိုဝ်​ၵေႃႉ​ဢၼ်​ဢမ်ႇ​ၸွမ်း​တြႃး​ၸဝ်ႈ​ၶရိၸ်ႈ၊ ၸွမ်း​ၼႄး​ဢူႉပတေႇ ဢၼ်​သိုပ်ႇ​လူင်း​မႃး ၵႃႈ​တီႈ​ၵူၼ်း​မိူဝ်ႈ​ၵွၼ်ႇ ဢိၵ်ႇ​တင်း​လေႃးၵီႇ​တြႃး​ၼုမ်ႇ​ၼၼ်ႉ​သေ​ၵေႃႉ​သေ​ၵူၼ်း တၵ်း​ဢမ်ႇ​လႆႈ​ဢဝ်​တင်း​ပိင်ႇ​ၺႃႇ​လေႃးၵီႇ တင်း​ပရီႉယႄႇ ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ ၵႃႈ​သင်​ၼၼ်ႉ ယႃႉ​ယူၵ်ႉ​ႁိမ်​ဢဝ်​သူ​ၸိုင်၊ ႁဵတ်း​သတီႉ​တႃႉ။-</verse>
				<verse number="9">လွင်ႈ​မၼ်း​ၸမ်ႉ တၢင်း​ဢၼ်​ပျေႉ​ၸုမ်ႇ​တင်း​ၸႃႇ​တီႉ​ၽြႃး​ပဵၼ်​ၸဝ်ႈ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင် ထၢင်ႇ​သႃး​ယူႇ​ၼႂ်း တူဝ် ၸဝ်ႈ​ၶရိၸ်ႈ​လႄႈ ၵိင်း​ဝၢပ်ႈ​ယူႇ​ဢေႃႈ။-</verse>
				<verse number="10">ၼႂ်း​ၸဝ်ႈ​ဢၼ်​ပဵၼ်​ႁူဝ်​ဢၼ်​ထွတ်ႈ​ဢၼ်​မျၢတ်ႈ တင်း​ဢႃႇၼႃႇၸၢၵ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ၊ သူ​မီး​တၢင်း​ဢၼ်​ၸေး​ၸုမ်ႇ ဢေႃႈ။-</verse>
				<verse number="11">ၼႂ်း​ၸဝ်ႈ​ၼၼ်ႉ၊ သူ​ၶၢမ်ႇ​တၢင်း​ဢၼ်​ထိူဝ်​ႁိမ်း ဢၼ်​ဢမ်ႇ​ဢဝ်​တင်း​မိုဝ်း​ႁဵတ်း​ဢၼ်​ဝႃႈ တၢင်း​ဢၼ်​ပႅတ်ႈ​ဝႆႉ တူဝ်​ၸႃႇ​တီႉ​ပၵတီႉ ၵႃႈ​ၼႂ်း​တၢင်း​ဢၼ်​ၸဝ်ႈ​ၶရိၸ်ႈ​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ​ဢေႃႈ။-</verse>
				<verse number="12">သူ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​လူၺ်ႈ​ၵၼ်​တင်း​ၸဝ်ႈ​ၼၼ်ႉ ၼႂ်း​ ပပ်ႉတီႉၸမ်ႇ ​ဢေႃႈ။ သူ​ၶၢမ်ႇ​ ပပ်ႉတီႉၸမ်ႇ ​လႄႈ ႁွတ်ႈ​ထိုင်​တၢင်း​ဢၼ် လုၵ်ႉ​ၶိုၼ်း​လူၺ်ႈ​ၵၼ်​တင်း​ၸဝ်ႈ​ၼၼ်ႉ ၵွပ်ႈ​ပိူဝ်ႈ​ဢၼ်​သူ​ယုမ်ႇ​မၢတ်ႈ တၢင်း​ဢၼ်​ၽြႃး​ပဵၼ်​ၸဝ်ႈ ဢၼ်​ႁႂ်ႈ​ၸဝ်ႈ​ၶရိၸ်ႈ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ ႁဵတ်း​ပဵၼ်​ၼၼ်ႉ​ဢေႃႈ။-</verse>
				<verse number="13">မၼ်း​ၸဝ်ႈ​ႁႂ်ႈ​သူ​ၸိူဝ်း​ဢၼ်​တၢႆ​ၼႂ်း တူႉ​ၸရိူၵ်ႈ​ဢပႅတ်ႈ​ဢိၵ်ႇ​တင်း ဢၼ်​ဢမ်ႇ​ၶၢမ်ႇ​တၢင်း​ဢၼ် ထိူဝ်​ႁိမ်း​ဢၼ်​ၸၢပ်ႈ​သႅင်ႇ​ၵၼ်​တင်း ၸႃႇ​တီႉ​ပၵတီႉ​တင်း​လၢႆ​ၼႆႉ ဢသၢၵ်ႈ​လိပ်း​လူၺ်ႈ​ၵၼ်​တင်း​ၸဝ်ႈ​ၶရိၸ်ႈ​လႄႈ ဢဵတ်း​လူ​ပွႆႇ​လွတ်ႈ​ပၼ်​ဢပႅတ်ႈ ၵႃႈ​မီး​တင်း​သဵင်ႈ​တင်း​လူင်​ဢေႃႈ။-</verse>
				<verse number="14">မၼ်း​ၸဝ်ႈ​မွတ်ႇ​ပႅတ်ႈ လၢၵ်ႈ​မၢတ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​ၼႄး​ဢူႉပတေႇ ဢၼ်​ၶတ်း​ၵၼ်​တင်း​ႁဝ်း​ၼၼ်ႉ​လႄႈ ယႅၼ်ႉ​တွၵ်ႇ​ဝႆႉ ၵႃႈ​တီႈ​သဝ်​လၵ်း​ဝႃး​ၵၢပ်ႈ​ၼၼ်ႉ​သေ​ယဝ်ႉ၊ ပႄႇ​ၽဵဝ်ႈ​ပႅတ်ႈ​သေ​ၵႃႈ​ၼႂ်း​ၵႄႈ​ဝူင်ႈ​ၵၢင်​ႁဝ်း​ယဝ်ႉ။-</verse>
				<verse number="15">မၼ်း​ၸဝ်ႈ​ႁိမ်​ဢဝ် ဢၼ်​ထွတ်ႈ​ဢၼ်​မျၢတ်ႈ ဢိၵ်ႇ​တင်း​ဢႃႇၼႃႇၸၢၵ်ႈ​တင်း​လၢႆ​ယဝ်ႉ​ၸင်ႇ ဢဝ်​ဢွၵ်ႇ​ၼႄ​ပျႃး ထၢင်ႇ​သႃး လႄႈ ၶၢမ်ႇ​ပွႆး​ဢၼ်​ပႄႉ​ၼႅင်ႇ ၵွပ်ႈ​ပိူဝ်ႈ​သဝ်​လၵ်း​ဝႃး​ၵၢပ်ႈ​ၼၼ်ႉ​ယဝ်ႉ။</verse>
				<verse number="16">ပိူဝ်ႈ​ၼႆ​လႄႈ ယႃႇ​ပေ​ႁႂ်ႈ​ၽူႈ​လႂ်​ၸႅတ်ႈ​ထၢမ်​ၸီႇ​ယၢင်ႇ​သူ ၼႂ်း​လွင်ႈ​တၢင်း​ဢၼ်​ၵိၼ်​ဢၼ်​ၶူပ်း၊ ၼႂ်း​လွင်ႈ​တၢင်း​ဢၼ်​ပႂ်ႉ​ဝၼ်း​ပွႆး၊ ဝၼ်း​လိူၼ်​မႂ်ႇ၊ ဝၼ်း​ၵမ်​သိၼ်​ၸိူဝ်း​ၼၼ်ႉ။-</verse>
				<verse number="17">လွင်ႈ​တၢင်း​ၸိူဝ်း​ၼၼ်ႉ​ပဵၼ်​သၢႆ​ငၢႆ​လွင်ႈ​တၢင်း​ဢၼ် တၵ်း​ပဵၼ်​မႃး​ၵမ်း​လိုၼ်း​ၼၼ်ႉ​ဢေႃႈ။ တူဝ်​ၸမ်ႉ၊ ၸၢပ်ႈ​သႅင်ႇ​ၵၼ်​တင်း ၸဝ်ႈ​ၶရိၸ်ႈ​ဢေႃႈ။-</verse>
				<verse number="18">ယႃႇ​ပေ​ႁႂ်ႈ​ၵေႃႉ​ဢၼ် ယင်း​ဢမ်ႇ​ဢိင်​ႁူဝ်​ၸဝ်ႈ​လႄႈ မီး​တၢင်း​ဢၼ်​ယူႇ ဢလူဝ်ႇ​လူဝ်ႇ​ၶျႃး​တႅမ်ႇ​ၸႂ်​မၼ်း ဢိၵ်ႇ​တင်း တၢင်း​ဢၼ် ၵူဝ်း​ၵႂၢႆႇ​တမၢၼ်ႇ​ၵၢင်​ႁၢဝ်​ယူႇ၊ ၸီး​ၸွႆး​လွင်ႈ​တၢင်း​ဢၼ်​ဢမ်ႇ​ႁူႉ​ဢမ်ႇ​ႁၼ်​ၼၼ်ႉ​ယူႇ၊ မီး​ႁူဝ်​ၸႂ်​ဢၼ်​ၸႃႇ​တီႉ​ပၵတီႉ​မၼ်း ၽႅၼ်​သုင်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ယူႇ​ၼၼ်ႉ​သေ​ၵေႃႉ​သေ​ၵူၼ်း​ႁိမ်​ဢဝ်​သူး​တီႈ​သူ။-</verse>
				<verse number="19">ၵႃႈ​တီႈ​ႁူဝ်​ၸဝ်ႈ​ၼၼ်ႉ တင်း​တူဝ်​တင်း​ၶိင်း​ၼႆႉ ၵွပ်ႈ​ပိူဝ်ႈ​ဢၼ်​မီး​တၢင်း​ဢၼ်​ပဵၼ်​ပွင်ႈ​ပဵၼ်​ပွတ်း မတ်ႉ​ၶွတ်ႇ​ၽွတ်ႇ​ၶဵၼ်း ၼၼ်ႉ​လႄႈ​ထႅင်ႈ​ႁႅင်း​ယူႇ၊ မတ်ႉ​ၶွတ်ႇ​ၽွတ်ႇ​ၶဵၼ်း​ယူႇ​သေ​လႄႈ ၸၢင်ႈ​ယႂ်ႇ​မႃး ၵႃႈ​ၼင်ႇ​ဢၼ်​မႅၼ်ႈ​တၢင်း​ဢၼ်​ၽြႃး​ပဵၼ်​ၸဝ်ႈ ႁႂ်ႈ​ယႂ်ႇ​မႃး​ၼၼ်ႉ​ဢေႃႈ။</verse>
				<verse number="20">ပေႃး​သူ​တၢႆ​လူၺ်ႈ​ၵၼ်​တင်း​ၸဝ်ႈ​ၶရိၸ်ႈ​လႄႈ ၵၢင်း​လွတ်ႈ​သေ​ၵႃႈ​ၼႂ်း​လေႃးၵီႇ​တြႃး​ၼုမ်ႇ ဢမၢၼ်ႇ​ၶၼ်​ပဵၼ်​ၸိုင်၊ ႁဵတ်း​သင်​လႄႈ သူ​ပဵၼ်​ၸိူဝ်ႉ​ၼင်ႇ​ဢၼ် ယင်း​လိပ်း​ယူႇ​ၼႂ်း​ဢသၢၵ်ႈ​လေႃးၵီႇ​ၼႆႉ​သေ​လႄႈ ထွမ်ႇ​ဢဝ်​ၵႂၢမ်း​ပိင်း​ၺၢပ်ႈ ဢၼ်​ဝႃႈ၊-</verse>
				<verse number="21">ယႃႇ​ပေ​တိူဝ်ႉ​ထုၵ်ႇ၊ ယႃႇ​ပေ​ၸၢမ်း​ၸိမ်း၊ ယႃႇ​ပေ​ယိပ်း​ၵမ်၊ ဝႃႈ​ၼင်ႇ​ၼႆ​ၼၼ်ႉ​ၼင်ႇ​ႁိုဝ်။-</verse>
				<verse number="22">ပိင်း​ၺၢပ်ႈ​ၵႃႈ​ဢၼ်​ၵမ်​ၵျၢင်ႉ ၸွမ်း​ၼင်ႇ​ပိင်း​ၺၢပ်ႈ​ဢေႃးဝႃႇတႃႉ ၵူၼ်း​တင်း​လၢႆ​ၼၼ်ႉ​ၸိုင်၊ ပဵၼ်​လွင်ႈ​တၢင်း​ဢၼ် ၸၢင်ႈ​လူႉ​ၸၢင်ႈ​လႅဝ် ဢေႃႈ။-</verse>
				<verse number="23">ပိင်း​ၺၢပ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ ၸၢပ်ႈ​သႅင်ႇ​ၵၼ်​တင်း​မုၼ်​သရေႇ ပုၼ်ႈ​ဢၼ်​တၵ်း​လဵင်ႉ​တၵ်း​လူ ၼိူဝ်ႉ​တူဝ်​ၵႃႇ​ယႃႉ ႁႂ်ႈ​ဢိမ်ႇ ႁႂ်ႈ​တဵမ်​ၼၼ်ႉ​ဢမ်ႇ​ၸႂ်ႈ၊ ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ၵူဝ်း​ၵႂၢႆႇ​ၸွမ်း​ၼင်ႇ​ဢလူဝ်ႇ တူဝ်​ၸဝ်ႈ​ၵဝ်ႇ ဢိၵ်ႇ​တင်း​တၢင်း​ဢၼ် ယူႇ​ဢလူဝ်ႇ​လူဝ်ႇ ၶျႃး​တႅမ်ႇ​ၸႂ်​မၼ်း​တင်း တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး တူဝ်​ၵႃႇ​ယႃႉ​ၸိူဝ်း​ၼၼ်ႉ​ၵူၺ်း​လႄႈ ႁဵတ်း​ၼင်ႇ​ႁၢင်ႈ မီး​ပိင်ႇ​ၺႃႇ​ဢေႃႈ။</verse>
			</chapter>
			<chapter number="3">
				<verse number="1">ၵႃႈ​ၼင်ႇ​ဢၼ်​ဝႃႈ​မႃး​ယဝ်ႉ​ၼၼ်ႉ၊ ပေႃး​သူ​လုၵ်ႉ​ၶိုၼ်း​လူၺ်ႈ​ၵၼ်​တင်း​ၸဝ်ႈ​ၶရိၸ်ႈ၊​ဢမၢၼ်ႇ​ၶၼ်​ပဵၼ်​ၸိုင်၊ သူ​ဢွၼ်​ၵၼ်​ႁႃ​ဢဝ်​လွင်ႈ​တၢင်း​ဢၼ်​မီး​ယူႇ​ၵႃႈ​ၼိူဝ် ၼႂ်း​တီႈ​ဢၼ်​ၸဝ်ႈ​ၶရိၸ်ႈ​၊ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​တႃႉ။-</verse>
				<verse number="2">ယႃႇ​ပေ​မီး​ၸႂ်​ဢၼ်​ၸပ်း​ၸွႆး လွင်ႈ​တၢင်း​ဢၼ်​မီး​ၵႃႈ​ၼိူဝ်​လိၼ်​မိူင်း​ၸိူဝ်း​ၼႆႉ။ မီး​ၸႂ်​ဢၼ်​ၸပ်း​ၸွႆး လွင်ႈ​တၢင်း​ဢၼ်​မီး​ၵႃႈ​ၼိူဝ်​ၸိူဝ်း​ၼၼ်ႉ​တႃႉ။-</verse>
				<verse number="3">လွင်ႈ​မၼ်း​ၸမ်ႉ သူ​ပဵၼ်​ၵေႃႉ​ဢၼ်​တၢႆ​ယဝ်ႉ​လႄႈ ဢသၢၵ်ႈ​သူ​ၼၼ်ႉ​သိူင်ႇ​ဝႆႉ​လပ်ႉ​ဝႆႉ လူၺ်ႈ​ၵၼ်​တင်း​ၸဝ်ႈ​ၶရိၸ်ႈ​ၼႂ်း​ၽြႃး​ပဵၼ်​ၸဝ်ႈ​ယူႇ​ဢေႃႈ။-</verse>
				<verse number="4">မိူဝ်ႈ​ဢၼ်​ၸဝ်ႈ​ၶရိၸ်ႈ​ဢၼ်​ဝႃႈ ဢသၢၵ်ႈ​ႁဝ်း​ၼၼ်ႉ ထၢင်ႇ​သႃး​မႃး​ၼၼ်ႉ​ၸိုင်၊ ႁဝ်း​ၵေႃႈ၊ မုၼ်​တၵ်း​ယႂ်ႇ​လႄႈ ထၢင်ႇ​သႃး​မႃး လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="5">ပိူဝ်ႈ​ၼႆ​လႄႈ ႁႂ်ႈ​ဢၢင်ႇ​ၵႃႇ​တူဝ်​သူ ဢၼ်​မီး​ယူႇ​ၵႃႈ​ၼိူဝ်​လိၼ်​မိူင်း​ဢၼ်​ဝႃႈ တၢင်း​ဢၼ်​ႁဵတ်း​တင်း​မေႇ​ထုင်ႇ​ဢၼ်​ဢမ်ႇ​တြႃး၊ တၢင်း​ဢၼ်​ၵမ်​ၵျၢင်ႉ​ဢၼ်​ၵူဝ်ႈ​ဢၼ်​ၵိူၵ်ႇ၊ တၢင်း​ဢၼ်​ၸႂ်​ၵီႉလေႇသႃႇ​မႆႈ​ႁွၼ်ႉ၊ တၢင်း​ဢၼ်​ၸႂ်​ၸပ်း​ၸႂ်​ၸွႆး​ဢၼ်​ႁၢႆႉ​မိူၵ်ႈ၊ တၢင်း​ဢၼ်​လေႃး​ၽႃႉ​ပူၼ်ႉ​လိူဝ် ဢၼ်​ပဵၼ်​တၢင်း​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ​ၸိူဝ်း​ၼၼ်ႉ​တၢႆ​သေ​တႃႉ။-</verse>
				<verse number="6">ၵွပ်ႈ​ပိူဝ်ႈ​လွင်ႈ​တၢင်း​ၸိူဝ်း​ၼၼ်ႉ​လႄႈ တၢင်း​ၸႂ်​မႆႈ​ၶႆႈ​ၸႃႉ​ၽြႃး​ပဵၼ်​ၸဝ်ႈ​၊ ၸၢင်ႈ​ႁွတ်ႈ​ထိုင် ၵႃႈ​ၼိူဝ်​ၶဝ်​ၸိူဝ်း​ဢၼ်​တွပ်ႇ​ဢၼ်​ထဵင် ၼၼ်ႉ​ဢေႃႈ။-</verse>
				<verse number="7">သူ​ၵေႃႈ​မိူဝ်ႈ​ဢၼ်​ဢသၢၵ်ႈ​ယင်း​လိပ်း​ယူႇ​ၼႂ်း​လွင်ႈ​တၢင်း​ၸိူဝ်း​ၼၼ်ႉ​ၸိုင်၊ ၵႂႃႇ​မႃး​ယူႇ​ၼႂ်း​လွင်ႈ​တၢင်း​ၸိူဝ်း​ၼၼ်ႉ​ဢေႃႈ။-</verse>
				<verse number="8">တေႃႈ​လဵဝ်​ၼႆႉ​ၸမ်ႉ၊ ပႄႇ​ပႅတ်ႈ​လွင်ႈ​တၢင်း​ၸိူဝ်း​ၼၼ်ႉ​တင်း​သဵင်ႈ​တင်း​လူင် ဢိၵ်ႇ​တင်း​တၢင်း​ဢၼ်​တေႃး​သႃႉ​ဢွၵ်ႇ၊ တၢင်း​ဢၼ် ၸႂ်​မႆႈ​ၶႆႈ​ၸႃႉ၊ တၢင်း​ဢၼ်​သီႈ​ၵေႉ​ႁေႈ​တႃ၊ တၢင်း​ဢၼ်​ယႃႉ​သရေႇ​ပိူၼ်ႈ​ႁႂ်ႈ​လူႉ၊ တၢင်း​ဢၼ်​လၢတ်ႈ​ၵႂၢမ်း​ဢၼ်​ၵူဝ်ႈ​ဢၼ်​ၵိူၵ်ႇ ၸိူဝ်း​ၼၼ်ႉ သေ ၵႃႈ​ၼႂ်း​သူပ်း​သူ​တႃႉ။-</verse>
				<verse number="9">ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယႃႇ​ပေ​လၢတ်ႈ​ၵႂၢမ်း​မူႉ​သႃႇ​တေႃႇ​ၵၼ်။ လွင်ႈ​မၼ်း​ၸမ်ႉ သူ​ထွတ်ႇ​ပႅတ်ႈ​တူဝ်​ၵူၼ်း​ဢၼ်​ၵဝ်ႇ​ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ​မၼ်း​ၸိူဝ်း​ၼၼ်ႉ​သေ​လႄႈ၊-</verse>
				<verse number="10">ပဵၼ်​ၵေႃႉ​ဢၼ်​ဢဝ်​ၵူၼ်း​ဢၼ်​မႂ်ႇ ဢၼ်​ၶၢမ်ႇ​တၢင်း​ဢၼ်​ႁဵတ်း​ပဵၼ်​ဢၼ်​မႂ်ႇ ပုၼ်ႈ​ဢၼ်​တၵ်း​မီး​ပိင်ႇ​ၺႃႇ​ဢၼ်​မၢၼ်ႇ ဢၼ်​မႅၼ်ႈ ၸိူဝ်ႉ​ၼင်ႇ​ပုင်ႇ​ႁၢင်ႈ ၵေႃႉ​ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ ၼုင်ႈ​မႆ​ဢေႃႈ။-</verse>
				<verse number="11">ၼႂ်း​လွင်ႈ​တၢင်း​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ၊ ဢမ်ႇ​မီး​ၵူၼ်း​ ႁေႇလသႃႉ ၊ ဢမ်ႇ​မီး​ၵူၼ်း​ ယူႉတႃႉ ၊ ဢမ်ႇ​မီး​တၢင်း​ဢၼ်​ၶၢမ်ႇ​တၢင်း​ဢၼ် ထိူဝ်​ႁိမ်း၊ ဢမ်ႇ​မီး​တၢင်း​ဢၼ်​ဢမ်ႇ​ၶၢမ်ႇ​တၢင်း​ဢၼ်​ထိူဝ်​ႁိမ်း၊ ဢမ်ႇ​မီး​ၵူၼ်း​ရိူင်း၊ ဢမ်ႇ​မီး​ၵူၼ်း​ သၵူႉသီႉ ၊ ဢမ်ႇ​မီး​ၶႃႈ၊ ဢမ်ႇ​မီး​ၵူၼ်း​လွတ်ႈ။ ၸဝ်ႈ​ၶရိၸ်ႈ​ပဵၼ်​တင်း​သဵင်ႈ​တင်း​လူင် ၼႂ်း​တင်း​သဵင်ႈ​တင်း​လူင်​ဢေႃႈ။</verse>
				<verse number="12">ပိူဝ်ႈ​ၼႆ​လႄႈ ၸိူဝ်ႉ​ၼင်ႇ​ၵေႃႉ​ဢၼ်​ၽြႃး​ပဵၼ်​ၸဝ်ႈ​လိူၵ်ႈ​ၵဵပ်း​ဢဝ်၊ ၵေႃႉ​ဢၼ်​မူတ်း​ၸၢင်ႇ၊ ၵေႃႉ​ဢၼ်​ထုၵ်ႇ​လီ​ႁၵ်ႉ​လီ​ပႅင်း​ၼၼ်ႉ၊ သူ​ဢွၼ်​ၵၼ်​ဢဝ်​တၢင်း​ဢၼ်​ၸၢင်ႈ​ႁၵ်ႉ​ဢဵတ်း​လူ၊ တၢင်း​ဢၼ်​ႁဵတ်း​ၵျေး​ၸူး၊ တၢင်း​ဢၼ်​ၸႂ်​ၶျႃး​တႅမ်ႇ၊ တၢင်း​ဢၼ်​ၼိမ်​သိမ်ႇ​ဢူၼ်ႈ​ဢွၼ်ႇ၊ တၢင်း​ဢၼ်​ၸႂ်​ယႂ်ႇ​ၸႂ်​ယၢဝ်း​ၸိူဝ်း​ၼၼ်ႉ​ၼုင်ႈ​မႆ​တႃႉ။-</verse>
				<verse number="13">ပေႃး​ၵေႃႉ​ၼိုင်ႈ​မီး​တီႈ​တၵ်း​တၢင်ႇ​ဢပႅတ်ႈ တီႈ​ၵေႃႉ​ၼိုင်ႈ​ၸိုင်၊ ၼင်ႇ​ၵၼ်​ၵၼ်​ယိူၼ်ႉ​ၶၢမ်ႇ​ၵၼ်​လႄႈ ဢဵတ်း​လူ​ပွႆႇ​လွတ်ႈ​ဢပႅတ်ႈ​တီႈ​ၵၼ်​တႃႉ။ ၸိူဝ်ႉ​ၼင်ႇ​ဢၼ်​ၸဝ်ႈ​ၶရိၸ်ႈ​ဢဵတ်း​လူ​ပွႆႇ​လွတ်ႈ​ဢပႅတ်ႈ​သူ​ၼၼ်ႉ၊ သူ​ၵေႃႈ​ႁဵတ်း​ၸိူဝ်ႉ​ၼင်ႇ​ၼၼ်​တႃႉ။-</verse>
				<verse number="14">ဢဝ်​တၢင်း​ႁၵ်ႉ​မႅတ်ႈ​တႃႇ​ဢၼ်​ဝႃႈ တၢင်း​ဢၼ်​မတ်ႉ​ၶွတ်ႇ​ၽွတ်ႇ​ၶဵၼ်း​ဢၼ်​ၸေး​ၸုမ်ႇ​ၼၼ်ႉ ထၢပ်ႈ​ထႅင်ႈ​လႄႈ​ၼုင်ႈ​မႆ​တႃႉ။-</verse>
				<verse number="15">ႁႂ်ႈ​တၢင်း​ၼိမ် ၸဝ်ႈ​ၶရိၸ်ႈ​ဢုပ်ႉ​ပိူင်ႇ ၵႃႈ​ၼႂ်း​ႁူဝ်​ၸႂ်​သူ​ယူႇ​တႃႉ။ သူ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ႁွင်ႉ​ဝႆႉ တီႈ​တူဝ်​ဢၼ်​လဵဝ်​ၵၼ် ႁႂ်ႈ​ပဵၼ်​ပုၼ်ႈ​ၸိူဝ်ႉ​ၼင်ႇ​ၼၼ်ႉ​လႄႈ မီး​ၸႂ်​ဢၼ်​ႁူႉ​ၸၵ်း​ၵျေး​ၸူး​ၸဝ်ႈ​တႃႉ။</verse>
				<verse number="16">ႁႂ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ၶရိၸ်ႈ ပႃး​တင်း​ပိင်ႇ​ၺႃႇ​ၵူႈ​ၸိူဝ်ႉ​ၵူႈ​ပိူင် တႄႇ​ယူႇ​ၵႃႈ​ၼႂ်း​သူ​ၼမ်​ၼမ်​လႄႈ သူ​ဢဝ်​တင်း တၢင်း​ဢၼ်​ႁဵတ်း​ၵႂၢမ်း​သႃႇလၢမ်ႇ​ဢိၵ်ႇ​တင်း တၢင်း​ဢၼ်​ႁဵတ်း​ၵႂၢမ်း​ထမ်ႇမႃႉ​ၵူႈ​ၸိူဝ်ႉ​ၵူႈ​မဵဝ်း ၼင်ႇ​ၵၼ်​ၵၼ်​ႁဵတ်း​တၢင်း​ဢၼ်​သင်ႇ​သွၼ်​သုင်း​မႃႉ​ၵၼ်၊ တၢင်း​ဢၼ် ပၼ်​သတီႉ​တီႈ​ၵၼ်​လႄႈ ပႃး​တင်း​ႁူဝ်​ၸႂ်​ဢၼ်​ဢူၼ်ႈ​လီ​ဢွၼ်ႇ​လီ ႁဵတ်း​ၵႂၢမ်း​ဢၼ်​သၢင်ႇ​ထုၵ်ႇ​ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ​တႃႉ။-</verse>
				<verse number="17">မိူဝ်ႈ​ဢၼ်​လၢတ်ႈ​ၵႂၢမ်း​လႄႈ​သင်၊ မိူဝ်ႈ​ဢၼ်​ပွင်​ႁဵတ်း​ဢမူႉ​လႄႈ​သင်၊ ထွၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​ ယေႇသူႉ​ၶရိၸ်ႈ ​လႄႈ​ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ယူႇ၊ ဢိင်​ၸဝ်ႈ​ၼၼ်ႉ​သေ​လႄႈ​ဝႃႈ ၵျေး​ၸူး​ၸဝ်ႈ​ယႂ်ႇ​ၼႃႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယူႇ​သေ​လႄႈ ႁပ်ႉ​တုင်း​ဢဝ် ၵႃႈ​တီႈ​ၽၢႆႇ​ၼႃႈ​ၽြႃး​ပေႃႈ​ၸဝ်ႈ​တႃႉ။</verse>
				<verse number="18">ၽူႈ​ယိင်း​ၶဝ်​ဢိူၺ်း၊ ၵႃႈ​ၼင်ႇ​ဢၼ်​သၢင်ႇ​ထုၵ်ႇ​ၼႂ်း​ၸဝ်ႈ​ၽြႃး​ၼၼ်ႉ၊ ၶၢမ်ႇ​တၢင်း​ဢၼ်​ၽူဝ်​သူ​ဢုပ်ႉ​ပိူင်ႇ​တႃႉ။</verse>
				<verse number="19">ၽူႈ​ၸၢႆး​ၶဝ်​ဢိူၺ်း၊ ႁၵ်ႉ​မေး​သူ​တႃႉ။ ယႃႇ​ပေ​ႁဵတ်း​တၢင်း​ဢၼ်​ၵျၢမ်း​ထၢမ်း​ၼႃႇ​လူင်​လၢင်။</verse>
				<verse number="20">လုၵ်ႈ​လၢင်း​ၶဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ပေႃႈ​ၵႂၢမ်း​မႄႈ​သူ ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​တႃႉ။ လွင်ႈ​တၢင်း​ဢၼ်​ထွမ်ႇ​ဢဝ်​ၵႂၢမ်း​ပေႃႈ​ၵႂၢမ်း​မႄႈ ၼၼ်ႉ ပဵၼ်​လွင်ႈ​တၢင်း​ဢၼ် ထုၵ်ႇ​ၸႂ်​ၸဝ်ႈ​ၽြႃး​ဢေႃႈ။</verse>
				<verse number="21">ပေႃႈ​ၶဝ်​ဢိူၺ်း၊ ယႃႇ​ပေ​ႁဵတ်း​ႁႂ်ႈ​လုၵ်ႈ​လၢင်း​တင်း​လၢႆ​ၸႂ်​မႆႈ​ၸႂ်​လိူတ်ႇ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၶဝ်​တၵ်း​ႁွတ်ႈ​ထိုင်​တၢင်း​ဢၼ်​ႁႅင်း​ဢူၼ်ႈ​လႄႈ​ၸႂ်​လူႉ​ဢေႃႈ။</verse>
				<verse number="22">ၶႃႈ​ၶဝ်​ဢိူၺ်း၊ ယင်း​ဢမ်ႇ​မီး​ႁူဝ်​ၸႂ်​သွင်​ၽၢႆႇ​သွင်​ပႃႈ၊ ယင်း​ဢမ်ႇ​ထွမ်ႇ​ဢဝ်​သိုဝ်ႈ​ၼႃႇ​တႂ်ႈ​တႃ ၸိူဝ်ႉ​ၼင်ႇ​ၵေႃႉ​ဢၼ်​ႁႂ်ႈ​ၸႂ် ၵူၼ်း​တင်း​လၢႆ​ဢူၼ်ႈ​ဢွၼ်ႇ​ၼၼ်ႉ ၵူဝ်​ႁႄ​ၸဝ်ႈ​ၽြႃး​ယူႇ​သေ​လႄႈ ထွမ်ႇ​ဢဝ်​ၵႂၢမ်း​ၸဝ်ႈ​လေႃးၵီႇ​သူ​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​တႃႉ။-</verse>
				<verse number="23">ၼႂ်း​ၵႃႈ​ဢၼ်​သူ​ႁဵတ်း​တင်း​သဵင်ႈ​တင်း​လူင်​ၼၼ်ႉ၊ ပႃး​တင်း​ၸႂ်​ၸေႇတၼႃႇ​သေ​လႄႈ ႁဵတ်း​ၸိူဝ်ႉ​ၼင်ႇ​ဢၼ်​ပွင်​ႁဵတ်း​ဢမူႉ​ၵူၼ်း​ဢမ်ႇ​ၸႂ်ႈ၊ ႁဵတ်း​ၸိူဝ်ႉ​ၼင်ႇ​ဢၼ်​ပွင်​ႁဵတ်း​ဢမူႉ​ၸဝ်ႈ​ၽြႃး​ၼၼ်ႉ​တႃႉ။-</verse>
				<verse number="24">သူ​တၵ်း​လႆႈ​ၶၢမ်ႇ​ဢဝ်​ဢၵျူဝ်း​ဢၼ်​ဝႃႈ​ဢမူၺ်ႇ​ၸဝ်ႈ​ၼႂ်း​မိုဝ်း​ၸဝ်ႈ​ၽြႃး​ဝႃႈ​ၼႆႉ​မၢတ်ႈ​တွင်း​ဝႆႉ​တႃႉ။ ၶၢမ်ႇ​တၢင်း​ၸႂ်ႉ​တၢင်း​သွႆ​ၸဝ်ႈ​ၶရိၸ်ႈ​တႃႉ။-</verse>
				<verse number="25">ၵေႃႉ​ဢၼ်​ႁဵတ်း​ဢမူႉ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​ဢၵျူဝ်း​ဢပႅတ်ႈ​ဢမူႉ တၢင်း​ဢၼ်​တူဝ်​ၸဝ်ႈ​ၵဝ်ႇ​ႁဵတ်း​ၼၼ်ႉ​ဢေႃႈ။ မၼ်း​ၸဝ်ႈ​ဢမ်ႇ​တူၺ်း​ၼႃႈ​ၽူႈ​လႂ်​သေ​ၵေႃႉ​သေ​ၵူၼ်း။</verse>
			</chapter>
			<chapter number="4">
				<verse number="1">ၸဝ်ႈ​ၶဝ်​ဢိူၺ်း၊ မၢတ်ႈ​တွင်း​ဝႆႉ​လွင်ႈ​ဢၼ်​ၸဝ်ႈ​သူ မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​သေ​လႄႈ ႁဵတ်း​တီႈ​ၶႃႈ​သူ ၵႃႈ​ၼင်ႇ​ဢၼ်​မႅၼ်ႈ​တင်း​တြႃး​တၢင်း​ဢၼ်​သိုဝ်ႈ​တေႃႇ ဢိၵ်ႇ​တင်း​တြႃး​တၢင်း​ဢၼ်​ၶိုင်ႈ​ၽဵင်ႇ​ၼၼ်ႉ​တႃႉ။</verse>
				<verse number="2">ႁဵတ်း​တၢင်း​ဢၼ်​ႁဵတ်း​သူး​တွင်း​ပထၼႃႇ​ယူႇ​တႃႇ​သေႇ​လႄႈ ဢဝ်​တင်း​တၢင်း​ဢၼ်​ယွင်ႈ​ယေႃး​ၵျေး​ၸူး​ၸဝ်ႈ​ပႂ်ႉ​ယူႇ​တႃႉ။-</verse>
				<verse number="3">ပိူဝ်ႈ​ဢၼ်​ၵဝ်​လႆႈ​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၸဝ်ႈ​ၶရိၸ်ႈ​လႄႈ လွင်ႈ​ၼင်ႇ​ႁိုဝ် ၽြႃး​ပဵၼ်​ၸဝ်ႈ တၵ်း​ၽုၺ်ႇ​ပၼ်​ၽၵ်း​တူ တီႈ​တၵ်း​ႁေႃး​လၢတ်ႈ​တြႃး​တီႈ​ၵဝ် ႁႂ်ႈ​ၵဝ်​လႆႈ​ႁေႃး​လၢတ်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၼၼ်ႉ၊-</verse>
				<verse number="4">ဢိၵ်ႇ​တင်း​လွင်ႈ​ၼင်ႇ​ႁိုဝ်​ၵဝ်​တၵ်း​မွၵ်ႇ​လၢတ်ႈ​ၼႄ​ပျႃး ၵႃႈ​ၼင်ႇ​ဢၼ်​ထုၵ်ႇ​လီ​ႁေႃး​လၢတ်ႈ တၢင်း​ဢၼ်​လိုၵ်ႉ​ဢၼ်​လမ်ႇ​ၼၼ်ႉ​ၸိုင်၊ ပုၼ်ႈ​ၵဝ်​ၵေႃႈ​သူး​တွင်း​တႃႉ။</verse>
				<verse number="5">ထွၵ်ႈ​လူၺ်ႈ​ၼႃႈ​ၶဝ်​ၸိူဝ်း​ဢၼ် ပဵၼ်​ၵူၼ်း​ၵႃႈ​ၼွၵ်ႈ​ၼၼ်ႉ​သေ​လႄႈ မီး​တင်း​ပိင်ႇ​ၺႃႇ​ၵမ်​ၵျၢင်ႉ​လႄႈ​ထုတ်ႇ​ဢဝ်​ၶိင်ႇ​ၵႃႇလႃႉ​တႃႉ။-</verse>
				<verse number="6">လွင်ႈ​ၼင်ႇ​ႁိုဝ်​သူ​တၵ်း​ႁူႉ​လွင်ႈ​ဢၼ်​တၵ်း​လႆႈ​ၶိုၼ်း​လၢတ်ႈ​တီႈ​ၵူၼ်း​ၵူႈ​ၵေႃႉ​ၵူႈ​ၵူၼ်း ၸိူဝ်ႉ​ၼင်ႇ​ႁိုဝ်​ၼၼ်ႉ​လႆႈ​ၸိုင်၊ ႁႂ်ႈ​ၵႂၢမ်း​သူ​ပျေႉ​ၸုမ်ႇ​တင်း​ၵိူဝ်​ဢၼ်​ၸဵမ်း​ၼၼ်ႉ​သေ​လႄႈ ပဵၼ်​ဢၼ်​ထုၵ်ႇ​ဢၼ်​လီ​ယူႇ​တႃႇ​သေႇ​ဢမ်ႇ​ထၢတ်ႇ​သေ​ၵမ်း​လူၺ်ႈ။</verse>
				<verse number="7">တူႉၶိတ်ႈ ​ဢၼ်​ပဵၼ်​ၼွင်ႉ​ဢၼ်​ၵဝ်​ႁၵ်ႉ ဢၼ်​ပဵၼ်​သြႃႇ​ဢၼ်​မီး​သဵတ်ႈ​ၸႃႇ ၼႂ်း​ၸဝ်ႈ​ၽြႃး​လႄႈ​ပဵၼ်​ၶႃႈ​ၼင်ႇ​ၵၼ်​ၵၼ်​တင်း​ႁဝ်း​ၼႆႉ​ၼၼ်ႉ တၵ်း​မွၵ်ႇ​လၢတ်ႈ​ၼႄ​ပျႃး​လွင်ႈ​ၵဝ် ၵႃႈ​မီး​တင်း​သဵင်ႈ​တင်း​လူင်​တီႈ​သူ​ဢေႃႈ။-</verse>
				<verse number="8">လွင်ႈ​ၼင်ႇ​ႁိုဝ်​မၼ်း​တၵ်း​ႁူႉ​လွင်ႈ​သူ​လႄႈ ႁႂ်ႈ​ႁူဝ်​ၸႂ်​သူ​သၢၵ်ႈ​သႃႇ​ၸိုင်၊-</verse>
				<verse number="9">ၵဝ်​ပွႆႇ​ၸႂ်ႉ​မၼ်း ဢိၵ်ႇ​တင်း​ ဢေႃးၼေႇသိမ်ႇ ဢၼ်​ပဵၼ်​ၼွင်ႉ​ဢၼ်​ၵဝ်​ႁၵ်ႉ​လႄႈ မီး​သဵတ်ႈ​ၸႃႇ​ဢၼ်​ၶဝ်ႈ​ပႃး​ၼႂ်း​သူ​ၼၼ်ႉ ၵႂႃႇ​တီႈ​သူ​ဢေႃႈ။ ၶဝ်​တၵ်း​မွၵ်ႇ​လၢတ်ႈ​ၼႄ​ပျႃး​လွင်ႈ​တၢင်း ၵႃႈ​ဢၼ် ပဵၼ်​မႃး​ၵႃႈ​ၼႂ်း​ဝဵင်း​ၼႆႉ​ၼၼ်ႉ​တီႈ​သူ​ဢေႃႈ။</verse>
				<verse number="10">ဢႃႇရိတ်ႉတႃႇၶူႉ ​ဢၼ်​လႆႈ​ၶၢမ်ႇ​တူၵ်း​ၵိၼ်း​လူၺ်ႈ​ၵၼ်​တင်း​ၵဝ်၊ မႃႇ​ၵူႉ ​ဢၼ်​ပဵၼ်​လၢၼ်​ ပႃႇၼပႃႉ ​တင်း ယေႇသူႉ ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ​ ယူႉသတူႉ ​ၼၼ်ႉ တၵ်ႉ​ၼၢႆ​သူ​ဢေႃႈ။ လွင်ႈ​ မႃႇ​ၵူႉ ​ၼၼ်ႉ​ၸိုင်​ၵဝ်​သင်ႇ​လၢတ်ႈ​ၵႂႃႇ​တီႈ​သူ​ယဝ်ႉ။ ပေႃး​မၼ်း​ၵႂႃႇ​တီႈ​သူ​ၸိုင် ႁပ်ႉ​တုင်း​ဢဝ်​တႃႉ။-</verse>
				<verse number="11">ၼႂ်း​ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ်​ထိူဝ်​ႁိမ်း​ၼၼ်ႉ၊ ၶဝ်​ၼႆႉ​ၵူၺ်း​ပဵၼ်​ၵေႃႉ​ဢၼ်​ပွင်​ႁဵတ်း ဢမူႉ​လူၺ်ႈ​ၵၼ်​တင်း​ၵဝ်​ပုၼ်ႈ​မိူင်း ၽြႃး​ပဵၼ်​ၸဝ်ႈ​လႄႈ ႁႂ်ႈ​ၸႂ်​ၵဝ်​သၢၵ်ႈ​သႃႇ​ဢေႃႈ။</verse>
				<verse number="12">ဢေႇပႃႇၽြႃႉ ​ၶႃႈ​ၸဝ်ႈ​ၶရိၸ်ႈ ဢၼ်​ၶဝ်ႈ​ပႃး​ၼႂ်း​သူ​ၼႆႉ​တၵ်ႉ​ၼၢႆ​သူ​ဢေႃႈ။ လွင်ႈ​ၼင်ႇ​ႁိုဝ်​သူ​တၵ်း​တူၵ်း​ၵၢင်​ၸႂ် လူၺ်ႈ​လွင်ႈ​ဢလူဝ်ႇ​ၽြႃး​ပဵၼ်​ၸဝ်ႈ​တင်း​သဵင်ႈ​တင်း​မူတ်း​ယူႇ၊ ၸေး​ၸုမ်ႇ​ယူႇ​သေ​လႄႈ​တႄႇ​ယူႇ​မၼ်ႈ​မၼ်ႈ​ၶိူင်ႇ​ၶိူင်ႇ​ၸိုင်၊ မၼ်း​ၸၢင်ႈ​ၵျူဝ်း​ၸႃး​လႄႈ သူး​တွင်း​ပုၼ်ႈ​သူ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="13">မၼ်း​မီး​ၸႂ်​ၸေႇတၼႃႇ​ပုၼ်ႈ​ၸႃႉ​ၸဵမ်​သူ ဢိၵ်ႇ​တင်း​ၶဝ်​ၸိူဝ်း​ဢၼ်​မီး​ၼႂ်း​ဝဵင်း​ လေႃးတီႉၵီႉ တင်း​ဝဵင်း​ ႁေႇရပေႃးလီႉ ​ၼၼ်ႉ ႁႅင်း​ယႂ်ႇ​ၼႃႇ​လူင်​လၢင်​ဝႃႈ​ၼႆ၊ ၵဝ်​ပဵၼ်​သၢၵ်ႈ​သေႇ​မၼ်း​ဢေႃႈ။</verse>
				<verse number="14">လူႉၵႃႇ ​မေႃ​ယႃ ဢၼ်​ၵဝ်​ႁၵ်ႉ ဢိၵ်ႇ​တင်း​ တေႇမႃႉ ၸိူဝ်း​ၼႆႉ​တၵ်ႉ​ၼၢႆ​သူ​ဢေႃႈ။</verse>
				<verse number="15">တၵ်ႉ​လၢတ်ႈ​ပီႈ​ၼွင်ႉ​ဢၼ်​မီး​ၵႃႈ​ၼႂ်း​ဝဵင်း​ လေႃးတီႉၵီႉ ​တင်း​လၢႆ ဢိၵ်ႇ​တင်း​ ၼုမ်ႇၽႃႉ တင်း​ၸိူဝ်း​ၸဝ်ႈ ဢၼ်​မီး​ၵႃႈ​ၼႂ်း​ႁိူၼ်း​မၼ်း ၼၼ်ႉ​တႃႉ။</verse>
				<verse number="16">လိၵ်ႈ​ၼႆႉ​မိူဝ်ႈ​ဢၼ်​သူ​ၽတ်း​ယဝ်ႉ​ၼၼ်ႉ​ၸိုင်၊ ႁႂ်ႈ​ၸိူဝ်း​ၸဝ်ႈ​ဝဵင်း​ လေႃးတီႉၵီႉ ​ၼၼ်ႉ​ၽတ်း​တႃႉ။ လိၵ်ႈ​ဢၼ်​လႆႈ​ၵႃႈ​တီႈ​ဝဵင်း​ လေႃးတီႉၵီႉ ​ၼၼ်ႉ​ၼၼ်ႉ​ၵေႃႈ​သူ​ၽတ်း​တႃႉ။</verse>
				<verse number="17">ႁဵတ်း​သတီႉ​ႁႂ်ႈ​ဢမူႉ​ထမ်ႇမႃႉ​သြႃႇ ဢၼ်​လႆႈ​ၶၢမ်ႇ​ဢဝ်​ၵႃႈ​တီႈ​မိုဝ်း​ၸဝ်ႈ​ၽြႃး​ၼၼ်ႉ လႆႈ​ပျေႉ​ၸုမ်ႇ​တႃႉ​ဝႃႈ​ၼႆ၊ လၢတ်ႈ​ပၼ်​တီႈ ဢႃႇၶႅပ်ႉပူႉ သေ​ၵမ်း။</verse>
				<verse number="18">ၵဝ်​ ပေႃးလူႉ ​ၼႆႉ ဢဝ်​မိုဝ်း​တူဝ်​ၸဝ်ႈ​ၵဝ်ႇ​တႅမ်ႈ​ၵႂၢမ်း​ဢၼ်​တၵ်ႉ​ၼၢႆ​ၼႆႉ ပၼ်​ၵႂႃႇ​တီႈ​သူ​ဢေႃႈ။ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​တၢင်း​ဢၼ်​မတ်ႉ​ၽုၵ်ႇ ဢၼ်​ၵဝ်​လႆႈ​ၶၢမ်ႇ​ၼႆႉ​တႃႉ။ ႁႂ်ႈ​ၵျေး​ၸူး​ၸဝ်ႈ​မီး​ၼိူဝ်​သူ​သေ​ၵမ်း​လူၺ်ႈ။ လိၵ်ႈ​ဢေႃးဝႃႇတႃႉ​ၵေႃးလေႃးသေး​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="52">
			<chapter number="1">
				<verse number="1">ပေႃးလူႉ၊ သီႉလႂႃႇၼူႉ၊ တီႉမေႃးသေႇ ​ၸိူဝ်း​ၼႆႉ​ပၼ်​ငိၼ်း​ၵႂႃႇ​တီႈ ၸိူဝ်း​ၸဝ်ႈ​ၵူၼ်း​ဝဵင်း​ ထိတ်ႉသႃႇလေႃးၼိၵ်ႈ ​တင်း​လၢႆ ဢၼ်​တႄႇ​ယူႇ​ၼႂ်း​ၽြႃး​ပေႃႈ​ၸဝ်ႈ တင်း​ၸဝ်ႈ​ ယေႇသူႉ​ၶရိၸ်ႈ ​ၶႃႈ​ဢေႃႈ။ ႁႂ်ႈ​သူႉ​ၵျေး​ၸူး​ဢိၵ်ႇ​တင်း​တၢင်း​ၼိမ် ဢၼ်​ပဵၼ်​မႃး​ၵႃႈ​တီႈ​ၸဝ်ႈ​ပေႃႈ​ႁဝ်း​ၽြႃး​ပဵၼ်​ၸဝ်ႈ တင်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ မီး​ၼိူဝ်​သူ​သေ​ၵမ်း​လူၺ်ႈ။</verse>
				<verse number="2">ႁဝ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တၢင်း​ဢၼ်​သူ​မီး​တၢင်း​ၸႂ်​ဢၼ်​ယုမ်ႇ​မၢတ်ႈ​လႄႈ</verse>
				<verse number="3">ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ တၢင်း​ဢၼ်​မီး​တင်း​ၸႂ်​ဢၼ်​ႁၵ်ႉ​လႄႈ ဢဝ်​ႁႅင်း​ၵျူဝ်း​ၸႃး​ႁဵတ်း၊-</verse>
				<verse number="4">တၢင်း​ဢၼ်​မီး​တင်း​ၸႂ်​ဢၼ်​မုင်ႈ​ထႃႈ​မွင်း​ထႃႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​လႄႈ မၼ်ႈ​ၶိူင်ႇ​ယူႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢၼ်​ဝႃႈ​ပေႃႈ​ႁဝ်း​ၼၼ်ႉ​ယူႇ​တႃႇ​သေႇ​ဢမ်ႇ​ထၢတ်ႇ​ယူႇ၊ ပီႈ​ၼွင်ႉ​ဢၼ်​ၽြႃး​ပဵၼ်​ၸဝ်ႈ​ႁၵ်ႉ​ၶဝ်​ဢိူၺ်း၊ ႁူႉ​တၢင်း​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ် ဢၼ်​သူ​လႆႈ​ၶၢမ်ႇ​ၼၼ်ႉ​ယူႇ​သေ​လႄႈ ဢဝ်​လွင်ႈ​သူ တင်း​သဵင်ႈ​တင်း​လူင် ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ၵူႈ​ၶိင်ႇ​ၵူႈ​ၶႃႇ​ယူႇ၊ ႁဵတ်း​သူး​တွင်း​ပထၼႃႇ​ပုၼ်ႈ​သူ​ယူႇ​ဢေႃႈ။-</verse>
				<verse number="5">တြႃး​သတၢင်း​သိူဝ်း​ပျေႃႇ​ဢၼ်​ႁဝ်း​ႁေႃး​လၢတ်ႈ​ၼႆႉ ပဵၼ်​ၵႂၢမ်း​သၢၵ်ႈ​သေႇ​ၵူၺ်း​ၵူၺ်း​တီႈ​သူ​ဢမ်ႇ​ၸႂ်ႈ။ ပဵၼ်​တြႃး​ဢၼ်​ပျေႉ​ၸုမ်ႇ​ဝႆႉ​တင်း တၼ်း​ၶူဝ်း တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ တင်း​တၢင်း​ဢၼ်​ယင်း ဢမ်ႇ​မီး​တၢင်း​ဢၼ်​ယုမ်ႇ​ၶိုင်ႈ​ၼိုင်ႈ​ဢမ်ႇ​ယုမ်ႇ​ၶိုင်ႈ​ၼိုင်ႈ​လႄႈ ႁူႉ​ဢမၢၼ်ႇ​ၶၼ်​ပဵၼ်​ၼၼ်ႉ မႅၼ်ႈ​ၵႃႈ​ၼင်ႇ​ဢၼ်​သူ​ႁူႉ​လွင်ႈ ဢၼ်​ႁဝ်း​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ် ပုၼ်ႈ​သူ​ၼႂ်း​မိူဝ်ႈ​ဢၼ်​ႁဝ်း​မီး​ယူႇ​လူၺ်ႈ​ၵၼ်​တင်း​သူ​ၼၼ်ႉ​ဢေႃႈ။</verse>
				<verse number="6">ပိၵ်ႉ​သမ်ႉ​သူ​လႆႈ​ၶၢမ်ႇ​တၢင်း​ၽၢၼ်​ဢၼ်​ယႂ်ႇ​ၼႃႇ​သေ​ၵေႃႈ၊ သူ​မီး​တၢင်း​ၸႂ်​ဢၼ်​သိူဝ်း​ပျေႃႇ ဢၼ်​ၸၢပ်ႈ​သႅင်ႇ​ၵၼ်​တင်း ဝီႉၺိၺ်ႇ ဢၼ်​မူတ်း​ၸၢင်ႇ​ၸဝ်ႈ ၶၢမ်ႇ​ဢဝ်​ၼုၵ်ႈၵပၢတ်ႈ​တြႃး​ၸဝ်ႈ​လႄႈ ပဵၼ်​ၵူၼ်း​ၸိူဝ်ႉ​ၼင်ႇ​ႁဝ်း ဢိၵ်ႇ​တင်း​ၵူၼ်း​ၸိူဝ်ႉ​ၼင်ႇ​ၸဝ်ႈ​ၽြႃး​ၼၼ်ႉ​ဢေႃႈ။-</verse>
				<verse number="7">ပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼႆ​လႄႈ သူ​ပဵၼ်​ၵေႃႉ​ဢၼ်​ပၼ်​ပုင်ႇ​သၢၵ်ႈ​သေႇ ၵႃႈ​တီႈ​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၵႃႈ​ၼႂ်း​မိူင်း​ မႃႇၵေႇတေႃးၼီႉ တင်း​မိူင်း​ ဢၶႃႇယႃႉ တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="8">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သဵင်​ဢၼ်​လၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ၽြႃး​ဢွၵ်ႇ​သေ​ၵႃႈ​တီႈ​သူ​ၼၼ်ႉ ၸွတ်ႇ​သႃႈ​ႁူင်​ႁၢင်း ၵႃႈ​ၼႂ်း​မိူင်း​ မႃႇၵေႇတေႃးၼီႉ ​တင်း​မိူင်း​ ဢၶႃႇယႃႉ ​ၸိူဝ်း​ၼၼ်ႉ​ၵူၺ်း​ဢမ်ႇ​ၵႃး၊ သတၢင်း​သဵင်​ၶၢဝ်ႇ​၊တၢင်း​ဢၼ်​သူ​ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ​ၼၼ်ႉ ၸွတ်ႇ​တူဝ်ႈ​ၵႂႃႇ​ၵူႈ​တီႈ​ၵူႈ​လႅၼ်​ဢေႃႈ။ ၵွပ်ႈ​ႁွႆး​ၼႆႉ​လႄႈ၊ လွင်ႈ​ဢၼ်​ႁဝ်း​တၵ်း​လႆႈ​လၢတ်ႈ ဢမ်ႇ​မီး​သေ​ၸိူဝ်ႉ​သေ​ပိူင်။-</verse>
				<verse number="9">တူဝ်​ၶဝ်​ၼၼ်ႉ​မွၵ်ႇ​လၢတ်ႈ​လွင်ႈ ဢၼ်​ႁဝ်း​ၶဝ်ႈ​ၵႃႈ​တီႈ​ၼႂ်း​သူ ၸိူဝ်ႉ​ၼင်ႇ​ႁိုဝ်​ၼၼ်ႉ ဢိၵ်ႇ​တင်း​လွင်ႈ​ဢၼ်​သူ ပႄႇ​ပႅတ်ႈ​ရုၵ်ႈ​ထူႉ​ႁၢင်ႈ​တွင်ႈ​ႁၢင်ႈ​တႅမ်ႈ​တင်း​လၢႆ​သေ​လႄႈ ၶၢႆႉ​တီႈ​မႃး​ၸူး​ၵႃႈ​တီႈ​ၽၢႆႇ​ၽြႃး​ပဵၼ်​ၸဝ်ႈ ႁႂ်ႈ​လႆႈ​ပွင်​ႁဵတ်း​ဢမူႉ​ၽြႃး​ပဵၼ်​ၸဝ်ႈ ဢၼ်​ပျေႉ​ၸုမ်ႇ​တင်း​ဢသၢၵ်ႈ​လႄႈ​ပဵၼ်​ဢၼ်​မၢၼ်ႇ​ဢၼ်​မႅၼ်ႈ၊-</verse>
				<verse number="10">ဢိၵ်ႇ​တင်း​ႁႂ်ႈ​လႆႈ​ပႂ်ႉ​ထႃႈ​လွင်ႈ​တၢင်း​ဢၼ်​လုၵ်ႈ​ၸဝ်ႈ ဢၼ်​ၽြႃး​ပဵၼ်​ၸဝ်ႈ​ႁႂ်ႈ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း ဢၼ်​ဝႃႈ​ ယေႇသူႉ ဢၼ်​ၵႄႇ​ၶျွတ်ႈ​ဢဝ်​ႁဝ်း ၵႃႈ​ၼႂ်း​ၽေး​တၢမ်ႇ​ဢၼ်​တၵ်း​ႁွတ်ႈ​မႃး​ၼၼ်ႉ တၵ်း​လုၵ်ႉ​သေ​ၵႃႈ​ၼိူဝ်​ၵၢင်​ႁၢဝ်​လူင်း​မႃး​ၼၼ်ႉ​ယူႇ​ဢေႃႈ။</verse>
			</chapter>
			<chapter number="2">
				<verse number="1">ပီႈ​ၼွင်ႉ​ၶဝ်​ဢိူၺ်း၊ တူဝ်​သူ​ႁူႉ​လွင်ႈ​ဢၼ်​ႁဝ်း​ၶဝ်ႈ​ၵႃႈ​ၼႂ်း​သူ​ၼၼ်ႉ ဢမ်ႇ​ပဵၼ်​ဢၼ်​လၢႆ​လၢႆ​လွၵ်ႇ​လွၵ်ႇ​ၼၼ်ႉ​ယူႇ​ဢေႃႈ။-</verse>
				<verse number="2">ႁဝ်း​ၶၢမ်ႇ​တၢင်း​ၽၢၼ်​ဢိၵ်ႇ​တင်း​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ၵႃႈ​ၼႂ်း​ဝဵင်း​ ၽီႉလိပ်ႉပီႉ ၵႃႈ​ၼင်ႇ​ဢၼ်​သူ​ႁူႉ​ၼၼ်ႉ​ယဝ်ႉ​ၸင်ႇ ဢိင်​ပိုင်ႈ​ၽြႃး​ပဵၼ်​ၸဝ်ႈ​သေ​လႄႈ မီး​တင်း​တၢင်း​ဢၼ်​လႆႈ​တိုၵ်း​လႆႈ​တေႃး​ၼမ်​ၼႃႇ​လူင်​လၢင် ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၽြႃး​ပဵၼ်​ၸဝ်ႈ တီႈ​သူ​ႁတ်း​ႁတ်း​ႁၢၼ်​ႁၢၼ်​ဢေႃႈ။-</verse>
				<verse number="3">ႁဝ်း​ဢဝ်​တင်း​တၢင်း​ဢၼ်​ၽိတ်း​ပိူင်ႈ၊ တၢင်း​ဢၼ်​ၵူဝ်ႈ​ၵိူၵ်ႇ၊ တၢင်း​ဢၼ်​ပႅတ်ႉ​လႅၼ်​သေ​လႄႈ တိုၵ်း​ယူင်း​ၸူဝ်း​ဢဝ်​သူ​ဢမ်ႇ​ၸႂ်ႈ။-</verse>
				<verse number="4">မႅၼ်ႈ​ၼင်ႇ​ဢၼ်​ၽြႃး​ပဵၼ်​ၸဝ်ႈ​ႁပ်ႉ​တုင်း​ဢဝ် လွင်ႈ​ဢၼ်​ႁဝ်း​ပဵၼ်​ၵေႃႉ​ဢၼ်​ထိူၵ်ႈ​ပႂ်ႉ​တြႃး​သတၢင်း​သိူဝ်း​ပျေႃႇ​ၼၼ်ႉ၊ ႁဝ်း​ႁေႃး​လၢတ်ႈ​ၸွမ်း​ၼင်ႇ ဢၼ်​ထုၵ်ႇ​ၸႂ်​ၵူၼ်း​ဢမ်ႇ​ၸႂ်ႈ။ ႁဝ်း​ႁေႃး​လၢတ်ႈ​ၸွမ်း​ၼင်ႇ​ဢၼ် ထုၵ်ႇ​ၸႂ်​ၽြႃး​ပဵၼ်​ၸဝ်ႈ ဢၼ်​ၸႅတ်ႈ​ထၢမ် ၸၢမ်း​တူၺ်း ႁူဝ်​ၸႂ်​ႁဝ်း​ၼၼ်ႉ​ဢေႃႈ။-</verse>
				<verse number="5">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵႃႈ​ၼင်ႇ​ဢၼ်​သူ​ႁူႉ​ယူႇ​ၼၼ်ႉ၊ လွင်ႈ​ဢၼ်​ႁဝ်း​ဢမ်ႇ​သုင်း​ဢမ်ႇ​သွင်ႇ ၵႂၢမ်း​ဢၼ်​ၸၢင်ႈ​ၶျေႃး​ၸၢင်ႈ​ဝွၼ်း​ၼၼ်ႉ​သေ​ပွၵ်ႈ၊ ဢမ်ႇ​မီး​ၸႂ်​လေႃး​ၽႃႉ​ဢၼ်​သိူင်ႇ​ဝႆႉ​မႅပ်ႉ​ဝႆႉ​ၼၼ်ႉ​သေ​ဢိတ်း​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​ပဵၼ်​သၢၵ်ႈ​သေႇ​ႁဝ်း ယူႇ​ဢေႃႈ။-</verse>
				<verse number="6">လိူဝ်​သေ​ၼၼ်ႉ၊ ပိၵ်ႉ​သမ်ႉ​ႁဝ်း​ပဵၼ်​တမၢၼ်ႇ​ၸဝ်ႈ​ၶရိၸ်ႈ​လႄႈ ပိူင်ႇ​တၢင်း​ဢၼ်​ဢဝ် ၶူဝ်း​ႁၢပ်ႇ​ဢၼ်​ၼၵ်း​ၼႃႇ​ၼၼ်ႉ တၢင်ႇ​သႂ်ႇ ပၼ်​သေ​ၵေႃႈ၊ ႁဝ်း​ဢမ်ႇ​ႁႃ​မုၼ်​သရေႇ ဢၼ်​ၵူၼ်း​ပၼ်​ၼၼ်ႉ​ၵႃႈ​ၼႂ်း​သူ။ ၼႂ်း​ၵူၼ်း​တၢင်ႇ​တီႈ​တၢင်ႇ​လႅၼ်​ၵေႃႈ​ႁဝ်း​ဢမ်ႇ​ႁႃ။-</verse>
				<verse number="7">ႁဝ်း​ႁဵတ်း​ၼိမ်​ၼိမ်​လွႆး​လွႆး​တီႈ​သူ​မိူၼ်​ၸိူဝ်ႉ​ၼင်ႇ​ဢၼ်​မႄႈ​ၸဝ်ႈ​ၼူမ်း​လုမ်း​လႃး​လဵင်ႉ​လူ​လုၵ်ႈ​ဢွၼ်ႇ တူဝ်​ၸဝ်ႈ​ၵဝ်ႇ​ၼၼ်ႉ​ဢေႃႈ။-</verse>
				<verse number="8">ၼင်ႇ​ၼႆ​လႄႈ၊ ၵွပ်ႈ​ပိူဝ်ႈ​ဢၼ်​ႁဝ်း​ႁၵ်ႉ​သူ​ၼႃႇ​လူင်​လၢင်​ၼၼ်ႉ​လႄႈ၊ ႁဝ်း​ပႃး​တင်း​တၢင်း​ဢၼ်​သေ​လၢႆ​ႁၵ်ႉ​ပႅင်း​သူ​ယူႇ​သေ​လႄႈ မီး​ၸႂ်​ၸေႇတၼႃႇ ဢၼ်​ၶႂ်ႈ​မႅင်ႇ​ၶႂ်ႈ​ပၼ်​တြႃး​သတၢင်း​သိူဝ်း​ပျေႃႇ​ၽြႃး​ပဵၼ်​ၸဝ်ႈ​ၵူၺ်း​ဢမ်ႇ​ၵႃး၊ ဢသၢၵ်ႈ​တူဝ်​ၸဝ်ႈ​ၵဝ်ႇ​ၵေႃႈ ၶႂ်ႈ​မႅင်ႇ​ၶႂ်ႈ​ပၼ် ဢေႃႈ။-</verse>
				<verse number="9">ပီႈ​ၼွင်ႉ​ၶဝ်​ဢိူၺ်း၊ သူ​မၢတ်ႈ​တွင်း​ဝႆႉ​လွင်ႈ​ဢၼ်​ႁဝ်း​သၢင်ႈ​ႁဵတ်း​ယၢပ်ႇ​ၼႃႇ​လူင်​လၢင်​လႄႈ လႆႈ​ဢဝ်​ႁႅင်း​ၵႆႉ​ၵျူဝ်း​ၸႃး​ၼၼ်ႉ​ယူႇ​ဢေႃႈ။ လွင်ႈ​ၼင်ႇ​ႁိုဝ်​ႁဝ်း​တၵ်း​ဢမ်ႇ​လႆႈ​ယႃႉ​ယူၵ်ႉ​သေ​ၵေႃႉ​သေ​ၵူၼ်း ၵႃႈ​ၼႂ်း​သူ​ၸိုင်၊ ႁဝ်း​သၢင်ႈ​ႁဵတ်း​ယူႇ​ၵူႈ​ဝၼ်း​ၵူႈ​ၶိုၼ်း​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၽြႃး​ပဵၼ်​ၸဝ်ႈ​တီႈ​သူ​ဢေႃႈ။</verse>
				<verse number="10">သူ​ပဵၼ်​သၢၵ်ႈ​သေႇ​လွင်ႈ​ဢၼ်​ႁဝ်း​မူတ်း​ၸၢင်ႇ၊ သိုဝ်ႈ​တေႃႇ၊ ၵၢင်း​လွတ်ႈ​တင်း​ဢၶႂၢင်ႉ တီႈ​ဢၼ်​တၢင်ႇ​ဢပႅတ်ႈ​ၸိူဝ်ႉ​ၼင်ႇ​ႁိုဝ် သေ​လႄႈ ယူႇ​ၵႃႈ​ၼႂ်း​သူ​ၸိူဝ်း​ဢၼ်​ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​ၼၼ်ႉ၊-</verse>
				<verse number="11">မႅၼ်ႈ​ၼင်ႇ​ဢၼ်​သူ​ႁူႉ​လွင်ႈ​ဢၼ်​ႁဝ်း​တိုၵ်း​ယူင်း​ၸူဝ်း​ဢဝ်​လႄႈ သင်ႇ​လၢတ်ႈ​ဝႆႉ​တီႈ​သူ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ယူႇ သေ​လႄႈ ႁဵတ်း​မိူၼ်​ၸိူဝ်ႉ​ၼင်ႇ​ဢၼ် ပေႃႈ​ႁဵတ်း​တီႈ​လုၵ်ႈ​လၢင်း​မၼ်း​ၼၼ်ႉ​ၸိူဝ်ႉ​ၼင်ႇ​ႁိုဝ်​ၼၼ်ႉ၊-</verse>
				<verse number="12">ႁႂ်ႈ​သူ​လႆႈ​ၵမ်​ၵျၢင်ႉ​ဢၼ်​ထိူၵ်ႈ​တၢၼ်ႇ​ၵၼ်​တင်း​ၽြႃး​ပဵၼ်​ၸဝ်ႈ ဢၼ်​ႁွင်ႉ​ဢဝ်​သူ သႂၢင်း​သႂ်ႇ​ၵႃႈ​ၼႂ်း​မိူင်း​ၸဝ်ႈ ဢိၵ်ႇ​တင်း​မုၼ်​ၸဝ်ႈ​ၼၼ်ႉ​ဢေႃႈ။ ၽြႃး​ပဵၼ်​ၸဝ်ႈ​ၵေႃႈ​ပဵၼ်​သၢၵ်ႈ​သေႇ​ဢေႃႈ။</verse>
				<verse number="13">ႁဝ်း​ထွၵ်ႈ​လူၺ်ႈ​လွင်ႈ​ဢၼ် ၼႂ်း​မိူဝ်ႈ​ဢၼ်​သူ​ၶၢမ်ႇ​ဢဝ်​ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ ဢၼ်​ႁဝ်း​ႁေႃး​လၢတ်ႈ​ၼၼ်ႉ၊ သူ​ယင်း​ဢမ်ႇ​ၶၢမ်ႇ​ဢဝ် ၵႂၢမ်း​ဢၼ်​ဢွၵ်ႇ​ၵႃႈ​တီႈ​သူပ်း​ၵူၼ်း​လႄႈ မိူၼ်​ၸိူဝ်ႉ​ၼင်ႇ​ဢၼ်​ပဵၼ်​ၼုၵ်ႈၵပၢတ်ႈ​တြႃး​ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ၊ သူ​ၶၢမ်ႇ​ဢဝ်​ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ ဢၼ်​ပွင်​ႁဵတ်း​ၵႃႈ​ၼႂ်း​သူ​ၸိူဝ်း​ဢၼ်​ႁွတ်ႈ​ထိုင်​တၢင်း​ဢၼ်​ယုမ်ႇ​မၢတ်ႈ​ၼၼ်ႉ​သေ​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="14">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ပီႈ​ၼွင်ႉ​ၶဝ်​ဢိူၺ်း၊ သူ​ပဵၼ်​ၵေႃႉ​ဢၼ်​ပဵၼ်​ၸိူဝ်ႉ​ၼင်ႇ​ၵူၼ်း​ၶဝ်ႈ​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ​တင်း​လၢႆ ဢၼ်​ၶၢမ်ႇ​ဢဝ်​ၽႃႇသႃႇ​ ယေႇသူႉ​ၶရိၸ်ႈ ၼႂ်း​မိူင်း​ ယူႉတႃႉ ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၸိူဝ်ႉ​ၼင်ႇ​ဢၼ်​ၸိူဝ်ႉ​ၶိူဝ်း​သူ လႆႈ​ၶၢမ်ႇ​တၢင်း​ၽၢၼ် ၼႂ်း​မိုဝ်း​ၵူၼ်း​ ယူႉတႃႉ ​တင်း​လၢႆ​ၼၼ်ႉ၊ သူ​လႆႈ​ၶၢမ်ႇ​မိူၼ်​ၸိူဝ်ႉ​ၼင်ႇ​ၼၼ် ၼႂ်း​မိုဝ်း​ၸိူဝ်ႉ​ၶိူဝ်း​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="15">ၵူၼ်း​ ယူႉတႃႉ ​ၸိူဝ်း​ၼၼ်ႉ ဢဝ်​ၸႃႉ​ၸဵမ်​ၸဝ်ႈ​ ယေႇသူႉ ဢိၵ်ႇ​တင်း​ပရေႃးၽႅတ်ႈ​တင်း​လၢႆ​တၢႆ​ယဝ်ႉ။ ႁဝ်း​ၵေႃႈ​ၶဝ်​ၼိၵ်ႈ​ၸၢၵ်ႈ​ငႅၼ်း​သႄး​ႁေႃႈ​ဢွၵ်ႇ​ပႅတ်ႈ​ယဝ်ႉ။ ၶဝ်​ဢမ်ႇ​ၸွမ်း​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ၊ ပဵၼ်​ဢၼ်​ၶတ်း​ၵၼ်​တင်း​ၵူၼ်း​တင်း​သဵင်ႈ​တင်း​လူင်​ဢေႃႈ။-</verse>
				<verse number="16">ၶဝ်​ႁႄႉ​ၶႅၼ်​လွင်ႈ​တၢင်း​ဢၼ်​ႁဝ်း​ႁေႃး​လၢတ်ႈ ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ​လႄႈ ႁႂ်ႈ​ဢပႅတ်ႈ​တူဝ်​ၸဝ်ႈ​ၵဝ်ႇ ပျေႉ​ၸုမ်ႇ​ယူႇ​သေႇ​သေႇ​ဢေႃႈ။ တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​လႆႈ​ႁွတ်ႈ​ထိုင်​ၵႃႈ​ၼိူဝ်​ၶဝ်​ၼၼ်ႉ သဵင်ႈ​သဵင်ႈ မူတ်း​မူတ်း​ဢေႃႈ။</verse>
				<verse number="17">ပီႈ​ၼွင်ႉ​ၶဝ်​ဢိူၺ်း၊ မိူဝ်ႈ​ဢၼ်​ႁူဝ်​ၸႂ်​ႁဝ်း​လႆႈ​ၽၢတ်ႇ​ယၢၼ်​ၵၼ်​တင်း​သူ​ဢမ်ႇ​ၸႂ်ႈ၊ တူဝ်​ၵႃႇ​ယႃႉ​ႁဝ်း​ၵူၺ်း​ၽၢတ်ႇ​ယၢၼ်​ၵၼ်​တင်း​သူ ၵမ်း​ဢွၼ်ႇ​ၼိုင်ႈ​ယဝ်ႉ​ၼၼ်ႉ​ၸိုင်၊ ႁဝ်း​မီး​တင်း​တၢင်း​ဢၼ်​ၸႂ်​ထိုင်​ၼႃႇ​လူင်​လၢင်​လႄႈ ယဵင်ႈ​ၶႅၼ်း​ၵႆႉ​ၵျူဝ်း​ၸႃး ႁႂ်ႈ​လႆႈ​ႁၼ်​ၼႃႈ​သူ​ယူႇ​ဢေႃႈ။-</verse>
				<verse number="18">ပိူဝ်ႈ​ၼႆ​လႄႈ ပိၵ်ႉ​သမ်ႉ​ၵဝ်​ ပေႃးလူႉ ​မီး​ဢလူဝ်ႇ​ၶႂ်ႈ​မႃး​ၸူး​တီႈ​သူ​ထၼ်ႈ​ပေႃး ထူၼ်ႈ​ထိုင်​သွင်​ပွၵ်ႈ​သေ​ၵေႃႈ၊ ၸႃႇတၢၼ်ႇ ​ႁႄႉ​ၶႅၼ်​ႁဝ်း​ယူႇ​ဢေႃႈ။-</verse>
				<verse number="19">လွင်ႈ​တၢင်း​ဢၼ်​ႁဝ်း​မုင်ႈ​ထႃႈ​မွင်း​ထႃႈ၊ လွင်ႈ​တၢင်း​ဢၼ်​ႁဝ်း​သိူဝ်း​ပျေႃႇ၊ သရၽူႇ​ပၢၼ်း​ၵုမ်း တၢင်း​ဢၼ်​ႁဝ်း​ဢုပ်ႇ​ဝၢဝ်း​ၸိူဝ်း​ၼၼ်ႉ​ၸမ်ႉ၊ ပဵၼ်​လွင်ႈ​တၢင်း​ၸိူဝ်ႉ​ၼင်ႇ​ႁိုဝ်။ သူ​ပဵၼ်​လွင်ႈ​တၢင်း​ၸိူဝ်ႉ​ၼင်ႇ​ၼၼ် ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ၼႂ်း​မိူဝ်ႈ​ဢၼ်​မၼ်း​ၸဝ်ႈ​တၵ်း​မႃး​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="20">သူ​ပဵၼ်​မုၼ်​သရေႇ​ႁဝ်း​ဢိၵ်ႇ​တင်း လွင်ႈ​တၢင်း​ဢၼ်​ႁဝ်း​သိူဝ်း​ပျေႃႇ​ဢေႃႈ။</verse>
			</chapter>
			<chapter number="3">
				<verse number="1">ပိူဝ်ႈ​ၼႆ​လႄႈ မိူဝ်ႈ​ဢၼ်​ႁဝ်း​ဢမ်ႇ​ယိူၼ်ႉ​ထႅင်ႈ​လႆႈ​ၼၼ်ႉ၊ ႁဝ်း​မီး​ဢလူဝ်ႇ​ၶႂ်ႈ​ၵိုတ်း​ယူႇ​ၵႃႈ​ၼႂ်း​ဝဵင်း​ ဢႃႇထိၼ်ႇ ​ၵေႃႉ​လဵဝ်​ၵူၺ်း​သေ​လႄႈ၊-</verse>
				<verse number="2">ပွႆႇ​ၸႂ်ႉ​ တီႉမေႃးသေႇ ဢၼ်​ပဵၼ်​ၼွင်ႉ​ႁဝ်း​ဢၼ်​ပဵၼ်​ၵေႃႉ​ဢၼ် သၢင်ႈ​ႁဵတ်း​ဢမူႉ​ၽြႃး​ပဵၼ်​ၸဝ်ႈ​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ၸဝ်ႈ​ၶရိၸ်ႈ​ၼၼ်ႉ ၵႂႃႇ​ၸူး​တီႈ​သူ ႁႂ်ႈ​သူ​မၼ်ႈ​ၶိူင်ႇ​လႄႈ တိုၵ်း​ယူင်း​ၸူဝ်း​ဢဝ်​သူ​ၼႂ်း​လွင်ႈ​တၢင်း​ဢၼ်​ယုမ်ႇ​မၢတ်ႈ ၼၼ်ႉ၊-</verse>
				<verse number="3">ႁႂ်ႈ​ၽူႈ​လႂ်​ဢမ်ႇ​လႆႈ​သုတ်ႉ​လႆႈ​ယွမ်း​ၵႂႃႇ ၵွပ်ႈ​ပိူဝ်ႈ​တုၵ်ႉ​ၶႃႉ​တၢင်း​ၽၢၼ်​ဢၼ်​လႆႈ​ၶၢမ်ႇ​ၼႆႉ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ တူဝ်​သူ​ႁူႉ​လွင်ႈ​ဢၼ် မၼ်း​ၸဝ်ႈ​ၶၢၼ်း​ႁဝ်း​ဝႆႉ​ႁႂ်ႈ​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ယူႇ​ဢေႃႈ။-</verse>
				<verse number="4">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ႁဝ်း​တၵ်း​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ဝႃႈ​ၼႆ ႁဝ်း​လၢတ်ႈ​ဝႆႉ​ၼႂ်း​မိူဝ်ႈ​ဢၼ်​ႁဝ်း​မီး​ယူႇ​လူၺ်ႈ​ၵၼ်​တင်း​သူ​ၼၼ်ႉ​ယဝ်ႉ။ သူ​ႁူႉ​လွင်ႈ​ဢၼ်​ပဵၼ်​မႃး​ၵႃႈ​ၼင်ႇ​ဢၼ်​လၢတ်ႈ​ဝႆႉ​ၼၼ်ႉ​ယူႇ​ဢေႃႈ။-</verse>
				<verse number="5">ၵဝ်​ၵူဝ်​ၵေႃႉ​ဢၼ် ၸၢင်ႈ​ၸၢမ်း​တူၺ်း​ၸူဝ်း​ဢဝ်​ၼၼ်ႉ တၵ်း​ၸၢမ်း​တူၺ်း​ၸူဝ်း​ဢဝ်​သူ​လႄႈ လွင်ႈ​တၢင်း​ဢၼ်​ႁဝ်း သၢင်ႈ​ႁဵတ်း ယၢပ်ႇ​ၼႃႇ​ၼၼ်ႉ တၵ်း​ပဵၼ်​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၵႂႃႇ​လႄႈ မိူဝ်ႈ​ဢၼ်​ၵဝ်​ဢမ်ႇ​ယိူၼ်ႉ​ထႅင်ႈ​လႆႈ​ၼၼ်ႉ​ၸိုင်၊ ၵဝ်​ပွႆႇ​ၸႂ်ႉ​ၵႂႃႇ​ႁႂ်ႈ​လႆႈ​ႁူႉ​လွင်ႈ​တၢင်း​ဢၼ်​သူ​ယုမ်ႇ​မၢတ်ႈ​ၼၼ်ႉ​ဢေႃႈ။</verse>
				<verse number="6">တေႃႈ​မိူဝ်ႈ​လဵဝ်​ၼႆႉ၊ မိူဝ်ႈ​ဢၼ်​ တီႉမေႃးသေႇ လုၵ်ႉ​သေ​ၵႃႈ​တီႈ​သူ​ၶိုၼ်း​မႃး​လႄႈ​မွၵ်ႇ​လၢတ်ႈ သတၢင်း​သိူဝ်း​ပျေႃႇ​လူၺ်ႈ​လွင်ႈ​တၢင်း​ယုမ်ႇ​မၢတ်ႈ​တင်း တၢင်း​ႁၵ်ႉ​သူ​ဢိၵ်ႇ​တင်း​လူၺ်ႈ​လွင်ႈ​ဢၼ်​သူ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ႁဝ်း​ယူႇ​လီ​လီ​ငၢမ်း​ငၢမ်း​တႃႇ​သေႇ​ဢမ်ႇ​ထၢတ်ႇ​လႄႈ ၸႂ်​ထိုင်​ႁဝ်း​ၸိူဝ်ႉ​ၼင်ႇ​ဢၼ် ႁဝ်း​ၸႂ်​ထိုင်​သူ​ၼၼ်ႉ။-</verse>
				<verse number="7">ပီႈ​ၼွင်ႉ​ၶဝ်​ဢိူၺ်း၊ ၼႂ်း​လွင်ႈ​ဢၼ်​ႁဝ်း​လႆႈ​ယၢၵ်ႈ​လႆႈ​ၽၢၼ်​လႄႈ​ၶၢမ်ႇ​တၢင်း​ဢၼ်​ယၢပ်ႇ​ၽိုတ်ႇ​ၼႃႇ​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ၊ ႁဝ်း​လႆႈ​ႁွတ်ႈ​ထိုင်​တၢင်း​ဢၼ် သၢၵ်ႈ​သႃႇ​မႃး​ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​သူ​ၼၼ်ႉ​ဢေႃႈ။-</verse>
				<verse number="8">တေႃႈ​လဵဝ်​ၼႆႉ ပေႃး​သူ​တႄႇ​ယူႇ​ၼႂ်း​ၸဝ်ႈ​ၽြႃး​ၸိုင်၊ ႁဝ်း​ဢသၢၵ်ႈ​လိပ်း​ယူႇ​ဢေႃႈ။-</verse>
				<verse number="9">ႁဝ်း​ထွၵ်ႈ​လူၺ်ႈ​တၢင်း​ဢၼ်​သိူဝ်း​ပျေႃႇ​တင်း​သဵင်ႈ​တင်း​လူင် ဢၼ်​ႁဝ်း​လႆႈ​ၶၢမ်ႇ​ဢဝ်​ၵွပ်ႈ​ပိူဝ်ႈ လွင်ႈ​သူ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ​လႄႈ တၵ်း​တႅၼ်း​ပၼ်​ၵျေး​ၸူး​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​လွင်ႈ​သူ​ၼၼ်ႉ​လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="10">လွင်ႈ​ၼင်ႇ​ႁိုဝ် တၵ်း​ႁၼ်​ၼႃႈ​သူ​လႄႈ ႁႂ်ႈ​ၵႃႈ​ဢၼ်​တၢင်း​ယုမ်ႇ​မၢတ်ႈ​သူ​လူဝ်ႇ​ထႅင်ႈ​ၼၼ်ႉ​လႆႈ​ၸေး​ၸုမ်ႇ​ၸိုင်၊ ႁဝ်း​ႁဵတ်း​သူး​တွင်း​ပထၼႃႇ ၵူႈ​ဝၼ်း​ၵူႈ​ၶိုၼ်း​တႃႇ​သေႇ​ဢမ်ႇ​ထၢတ်ႇ​လႄႈ​ယူႇ​ဢေႃႈ။</verse>
				<verse number="11">ႁႂ်ႈ​ၽြႃး​ပဵၼ်​ၸဝ်ႈ​ဢၼ်​ဝႃႈ ပေႃႈ​ႁဝ်း​ဢိၵ်ႇ​တင်း​ၸဝ်ႈ​ႁဝ်း​ ယေႇသူႉ​ၶရိၸ်ႈ မႄး​သဵၼ်ႈ​တၢင်း​ဢၼ်​ႁဝ်း​တၵ်း​ၵႂႃႇ​ၸူး ၵႃႈ​တီႈ​သူ​ၼၼ်ႉ​ဝႆႉ​သေ​ၵမ်း​လူၺ်ႈ။-</verse>
				<verse number="12">ႁႂ်ႈ​ၸဝ်ႈ​ၽြႃး​ႁႂ်ႈ​သူ​လိူင်ႇ​ၸႂ်​ပျေႉ​ၸုမ်ႇ​ၼမ်​ၵိုၼ်း ၵႃႈ​ၼႂ်း​တၢင်း​ႁၵ်ႉ​မႅတ်ႈ​တႃႇ တီႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ဢိၵ်ႇ​တင်း တီႈ​ပိူၼ်ႈ တင်း​သဵင်ႈ​တင်း​လူင်​ၸိူဝ်ႉ​ၼင်ႇ​ဢၼ်​ႁဝ်း​ႁၵ်ႉ​သူ​ၼၼ်ႉ၊-</verse>
				<verse number="13">ပုၼ်ႈ​လွင်ႈ​ၼင်ႇ​ႁိုဝ်​မၼ်း​ၸဝ်ႈ​တၵ်း​ႁႂ်ႈ​ႁူဝ်​ၸႂ်​သူ​ၸိူဝ်း​ဢၼ်​ၵၢင်း​လွတ်ႈ​တင်း တီႈ​ဢၼ်​တၢင်ႇ​ဢပႅတ်ႈ​ၼၼ်ႉ​လႆႈ​မၼ်ႈ​ၶိူင်ႇ​ၼႂ်း​ပႃႇရမီႇ တၢင်း​ဢၼ်​မူတ်း​ၸၢင်ႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢၼ်​ဝႃႈ​ပေႃႈ​ႁဝ်း ၼႂ်း​မိူဝ်ႈ​ဢၼ်​ၸဝ်ႈ​ ယေႇသူႉ တၵ်း​မႃး​လူၺ်ႈ​ၵၼ်​တင်း ၵူၼ်း​မူတ်း​ၸၢင်ႇ​တူဝ်​ၸဝ်ႈ​ၵဝ်ႇ တင်း​သဵင်ႈ​တင်း​လူင်​ၼၼ်ႉ သေ​ၵမ်း​လူၺ်ႈ။</verse>
			</chapter>
			<chapter number="4">
				<verse number="1">ၵႂၢမ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸမ်ႉ၊ ပီႈ​ၼွင်ႉ​ၶဝ်​ဢိူၺ်း၊ ၵႃႈ​ၼင်ႇ​ဢၼ်​သူ​လႆႈ​ၶၢမ်ႇ​ဢဝ်​လွင်ႈ​ဢၼ်​သူ တၵ်း​လႆႈ​ၵမ်​ၵျၢင်ႉ​ၸိူဝ်ႉ​ၼင်ႇ​ႁိုဝ်။ တၵ်း​လႆႈ​ထုၵ်ႇ​ၸႂ်​ၽြႃး​ပဵၼ်​ၸဝ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​တီႈ​ႁဝ်း​ယဝ်ႉ​လႄႈ တေႃႈ​လဵဝ်​ၵေႃႈ​ၵမ်​ၵျၢင်ႉ​ယူႇ​ၼၼ်ႉ၊ ၼင်ႇ​ႁိုဝ်​သူ​တၵ်း​ပျေႉ​ၸုမ်ႇ​လိူင်ႇ​ၸႂ်​ၼမ်​ၵိုၼ်း​ထႅင်ႈ​ၸိုင်၊ ႁဝ်း​ဢိင်​ၸဝ်ႈ​ ယေႇသူႉ ​လႄႈ တွင်း​ပၢၼ်ႇ​တိုၵ်း​ယူင်း​ၸူဝ်း​ဢဝ်​သူ​ဢေႃႈ။-</verse>
				<verse number="2">သူ​ႁူႉ​လွင်ႈ​ဢၼ်​ႁဝ်း​ဢဝ်​တင်း​ဢၶႂၢင်ႉ​ၸဝ်ႈ​ ယေႇသူႉ ဢၢပ်ႈ​ပၼ်​ပိင်း​ၺၢပ်ႈ​ၸိူဝ်ႉ​ၼင်ႇ​ႁိုဝ်​တီႈ​သူ​ၼၼ်ႉ​ယူႇ​ဢေႃႈ။-</verse>
				<verse number="3">ဢလူဝ်ႇ​ၽြႃး​ပဵၼ်​ၸဝ်ႈ​ၸမ်ႉ၊ ပဵၼ်​လွင်ႈ​ၼင်ႇ​ႁိုဝ် သူ​တၵ်း​ဝႄႈ​ပႅတ်ႈ မေႇ​ထုင်ႇ​ဢၼ်​ဢမ်ႇ​တြႃး​လႄႈ​မူတ်း​ၸၢင်ႇ​ယူႇ၊-</verse>
				<verse number="4">ၼင်ႇ​ႁိုဝ်​သူ​ၵႃႈ​မီး​တင်း​သဵင်ႈ​တင်း​လူင်​တၵ်း​ဢမ်ႇ​မီး ၵီႉလေႇသႃႇ​တၢင်း​ဢၼ်​ၸပ်း​ဢၼ်​ၸွႆး၊-</verse>
				<verse number="5">မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​သႃႇသၼႃႇ​ပႃႉ​တင်း​လၢႆ ဢၼ်​ဢမ်ႇ​ႁူႉ​ၽြႃး​ပဵၼ်​ၸဝ်ႈ​ၼၼ်ႉ​လႄႈ မီး​တၢင်း​ဢၼ်​မူတ်း​ၸၢင်ႇ ဢိၵ်ႇ​တင်း တၢင်း​ဢၼ်​သရေႇ​သၢင်ႇ​ထုၵ်ႇ​လီ​ငၢမ်း တူဝ်​ၸဝ်ႈ​ၵဝ်ႇ​ၸၢင်ႈ​ပႂ်ႉ​တူဝ်​ၸဝ်ႈ​ၵဝ်ႇ​ယူႇ၊-</verse>
				<verse number="6">လွင်ႈ​ၼင်ႇ​ႁိုဝ်​တၵ်း​ဢမ်ႇ​လႆႈ​ပူၼ်ႉ​လိူဝ်​လႄႈ ဢဝ်​တင်း​ပရီႉယႄႇ​ၽိတ်း​ပိူင်ႈ​ပီႈ​ၼွင်ႉ​ၼႂ်း​လွင်ႈ​တီႈ​ႁဵင်း​ၼႆႉ ယူႇ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ၽြႃး​တၵ်း​ၸီႇ​ယၢင်ႇ​တြႃး​ၽၢႆႇ​ၶဝ်​ၸိူဝ်း​ဢၼ် ၶၢမ်ႇ​တၢင်း​ဢၼ်​ၽိတ်း​ပိူင်ႈ ၸိူဝ်ႉ​ၼင်ႇ​ၼၼ်​တင်း​သဵင်ႈ​တင်း​လူင် မႅၼ်ႈ​ၵႃႈ​ၼင်ႇ​ဢၼ်​ႁဝ်း​ႁေႃး​လၢတ်ႈ​မိူဝ်ႈ​ဢွၼ်​ၼႆႉ​ၼၼ်ႉ​လႄႈ ပၼ်​သတီႉ​ၼၼ်ႉ​ဢေႃႈ။-</verse>
				<verse number="7">ၽြႃး​ပဵၼ်​ၸဝ်ႈ​ႁွင်ႉ​ဢဝ်​ႁဝ်း​ႁႂ်ႈ​လႆႈ​ၵူဝ်ႈ​ၵိူၵ်ႇ​ဢမ်ႇ​ၸႂ်ႈ။ မၼ်း​ၸဝ်ႈ​ႁွင်ႉ​ဢဝ်​ႁဝ်း​ႁႂ်ႈ​လႆႈ​မူတ်း​ၸၢင်ႇ​ဢေႃႈ။-</verse>
				<verse number="8">ပိူဝ်ႈ​ၼႆ​လႄႈ​ၵေႃႉ​ဢၼ်​ထဵင်​ပႅတ်ႈ​ၼၼ်ႉ၊ ထဵင်​ပႅတ်ႈ​ၵူၼ်း​ဢမ်ႇ​ၸႂ်ႈ။ ထဵင်​ပႅတ်ႈ​ၽြႃး​ပဵၼ်​ၸဝ်ႈ​ဢၼ်​ပၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​မၼ်း​ၸဝ်ႈ​တီႈ​သူ​ၼၼ်ႉ​ဢေႃႈ။</verse>
				<verse number="9">လွင်ႈ​တၢင်း​ဢၼ်​ပီႈ​ၼွင်ႉ​ၵၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​ႁၵ်ႉ​ၵၼ်​ၼၼ်ႉ​ၸိုင်၊ ဢမ်ႇ​မီး​လွင်ႈ​ဢၼ်​တၵ်း​လႆႈ​တႅမ်ႈ​ပၼ်​ၵႂႃႇ​တီႈ​သူ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​ပဵၼ်​ၵေႃႉ​ဢၼ်​ၽြႃး​ပဵၼ်​ၸဝ်ႈ သင်ႇ​သွၼ်​ပၼ်​ႁႂ်ႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ်​ႁၵ်ႉ​ၵၼ်​ဢေႃႈ။-</verse>
				<verse number="10">လိူဝ်​သေ​ၼၼ်ႉ​ဢမ်ႇ​ၵႃး၊ တီႈ​ပီႈ​ၼွင်ႉ​ၵႃႈ​ဢၼ်​မီး​ယူႇ​ၵႃႈ​ၼႂ်း​မိူင်း​ မႃႇၵေႇတေႃးၼီႉ ၵူႈ​တီႈ​ၵူႈ​လႅၼ်​ၼၼ်ႉ​ၵေႃႈ၊ သူ​ႁဵတ်း​ၸိူဝ်ႉ​ၼင်ႇ​ၼၼ်​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပီႈ​ၼွင်ႉ​ၶဝ်​ဢိူၺ်း၊ လွင်ႈ​ၼင်ႇ​ႁိုဝ်​သူ​တၵ်း​ပျေႉ​ၸုမ်ႇ​လိူင်ႇ​ၸႂ်​ၼမ်​ၵိုၼ်း​ထႅင်ႈ၊-</verse>
				<verse number="11">ဢိၵ်ႇ​တင်း​လွင်ႈ​ၼင်ႇ​ႁိုဝ် သူ​တၵ်း​ဢဝ်​တင်း​ၸႂ်​ၸေႇတၼႃႇ​ၵႆႉ​ၵျူဝ်း​ၸႃး​ယူႇ​ၼိမ်​ၼိမ်​လႄႈ ပွင်​ႁဵတ်း​ဢမူႉ​တူဝ်​ၸဝ်ႈ​ၵဝ်ႇ​ယူႇ သေ​လႄႈ ဢဝ်​တင်း​မိုဝ်း​တူဝ်​ၸဝ်ႈ​ၵဝ်ႇ​သၢင်ႈ​ႁဵတ်း​ၸွမ်း ၵႃႈ​ၼင်ႇ​ဢၼ်​ႁဝ်း​သင်ႇ​လၢတ်ႈ​ဝႆႉ ၵႃႈ​တီႈ​သူ​မိူဝ်ႈ​ဢွၼ်​ၼႆႉ​ၼၼ်ႉ၊-</verse>
				<verse number="12">ႁႂ်ႈ​သူ​လႆႈ​ၵမ်​ၵျၢင်ႉ​ဢၼ်​သၢင်ႇ​ထုၵ်ႇ​လီ​ငၢမ်း ၵႃႈ​တီႈ​ၽၢႆႇ​ၼႃႈ​ၵူၼ်း​ၵႃႈ​ၼွၵ်ႈ​တင်း​လၢႆ​လႄႈ ဢမ်ႇ​လူဝ်ႇ​ထႅင်ႈ​သေ​ၸိူဝ်ႉ​သေ​ပိူင်​ၸိုင်၊ ႁဝ်း​တိုၵ်း​ယူင်း​ၸူဝ်း​ဢဝ်​သူ​ဢေႃႈ။</verse>
				<verse number="13">ပီႈ​ၼွင်ႉ​ၶဝ်​ဢိူၺ်း၊ လွင်ႈ​ၼင်ႇ​ႁိုဝ်​သူ တၵ်း​ဢမ်ႇ​ၸႂ်​လဵၵ်ႉ​ၸိူဝ်ႉ​ၼင်ႇ​ဢၼ် ၵူၼ်း​တၢင်ႇ​တီႈ​တၢင်ႇ​လႅၼ် ဢၼ်​ဢမ်ႇ​မီး​တၢင်း​ဢၼ် မုင်ႈ​ထႃႈ​မွင်း​ထႃႈ​တင်း​လၢႆ​ၼၼ်ႉ ၸႂ်​လဵၵ်ႉ​ၼၼ်ႉ​ၸိုင်၊ ႁဝ်း​ဢမ်ႇ​မီး​ဢလူဝ်ႇ​ၶႂ်ႈ​ႁႂ်ႈ​သူ​ယင်း​ဢမ်ႇ​ႁူႉ​လွင်ႈ​တၢင်း ၶဝ်​ၸိူဝ်း​ဢၼ်​ၼွၼ်း​လပ်း​ယဝ်ႉ​ၼၼ်ႉ​လႄႈ​ယူႇ။-</verse>
				<verse number="14">ပေႃး​ႁဝ်း​ယုမ်ႇ​လွင်ႈ​ဢၼ်​ ယေႇသူႉ ​တၢႆ​ယဝ်ႉ​ၸင်ႇ သမ်ႉ​လုၵ်ႉ​ၶိုၼ်း​ၼၼ်ႉ​ၸိုင်၊ မိူၼ်​ၸိူဝ်ႉ​ၼင်ႇ​ၼၼ်၊ ၶဝ်​ၸိူဝ်း​ဢၼ်​ၼွၼ်း​လပ်း​ၼႂ်း​ ယေႇသူႉ ​ယဝ်ႉ​ၼၼ်ႉ​ၵေႃႈ ၽြႃး​ပဵၼ်​ၸဝ်ႈ တၵ်း​ဢဝ်​မႃး​သူင်ႇ​လူၺ်ႈ​ၵၼ်​တင်း​ၸဝ်ႈ​ၼၼ်ႉ​ဢေႃႈ။</verse>
				<verse number="15">ႁဝ်း​သမ်ႉ​ဢဝ်​တင်း​ပျႃႇ​တိၵ်ႈ​ၸဝ်ႈ​ၽြႃး​ဝႃႈ​ထႅင်ႈ​ၸမ်ႉ၊ မိူဝ်ႈ​ဢၼ်​ၸဝ်ႈ​ၽြႃး​မႃး​ၼၼ်ႉ​ၸိုင်၊ ႁဝ်း​ၸိူဝ်း​ဢၼ်​ဢသၢၵ်ႈ​ယင်း​လိပ်း​လႄႈ ၵိုတ်း​ၵျၢၼ်ႇ​ယူႇ​ၼႆႉ တၵ်း​လႆႈ​တူၵ်း​တီႈ​တူၵ်း​လႅၼ် ဢွၼ်​တၢင်း​ၶဝ်​ၸိူဝ်း​ဢၼ်​ၼွၼ်း​လပ်း​ယဝ်ႉ​ၼၼ်ႉ​ဢမ်ႇ​ၸႂ်ႈ။-</verse>
				<verse number="16">တူဝ်​ၸဝ်ႈ​ၽြႃး​တၵ်း​ပႃး​ဢဝ်​တင်း​တၢင်း​ဢၼ်​ႁွင်ႉ​သႅၼ်ႇ၊ တၢင်း​ဢၼ်​ၶုၼ်​တမၢၼ်ႇ​ၵၢင်​ႁၢဝ်​ပၼ်​သဵင်၊ တၢင်း​ဢၼ်​ပဝ်ႇ​ၶရႃႇ​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ လုၵ်ႉ​သေ​ၵႃႈ​ၼိူဝ်​မိူင်း​ၵၢင်​ႁၢဝ်​လူင်း​မႃး​လႄႈ ၶဝ်​ၸိူဝ်း​ဢၼ်​တၢႆ​ၼႂ်း​ၸဝ်ႈ​ၶရိၸ်ႈ​ယဝ်ႉ​ၼၼ်ႉ တၵ်း​လႆႈ​လုၵ်ႉ​ၶိုၼ်း​ဢွၼ်​တၢင်း​ဢေႃႈ။-</verse>
				<verse number="17">မိူဝ်ႈ​ၼၼ်ႉ ႁဝ်း​ၸိူဝ်း​ဢၼ်​ဢသၢၵ်ႈ​ယင်း​လိပ်း​လႄႈ ၵိုတ်း​ၵျၢၼ်ႇ​ယူႇ​ၼႆႉ တၵ်း​လႆႈ​ၶၢမ်ႇ​တၢင်း​ဢၼ်​ယွင်ႈ​ဢုမ်ႈ​ၶိုၼ်ႈ​ၵႂႃႇ ၵႃႈ​ၼိူဝ်​မွၵ်ႇ​ၵုမ်ႈ​ႁႂ်ႈ​လႆႈ​ႁွတ်ႈ​ထိုင် ၵႃႈ​တီႈ​ၸဝ်ႈ​ၽြႃး​ၼႂ်း​ဢႃႇၵႃႇသႃႉ ၵၢင်​ႁၢဝ်​ၼၼ်ႉ​လႄႈ ယူႇ​လူၺ်ႈ​ၵၼ်​တင်း​ၸဝ်ႈ​ၽြႃး​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="18">ၵွပ်ႈ​ပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ဢဝ်​ၵႂၢမ်း​ၼႆႉ​ႁႂ်ႈ​ၵၼ်​သၢၵ်ႈ​သႃႇ​တႃႉ။</verse>
			</chapter>
			<chapter number="5">
				<verse number="1">ပီႈ​ၼွင်ႉ​ၶဝ်​ဢိူၺ်း၊ လွင်ႈ​ၶိင်ႇ​ၵႃႇလႃႉ​တင်း​လၢႆ​ၸိုင်၊ ဢမ်ႇ​မီး​တီႈ​ဢၼ်​တၵ်း​တႅမ်ႈ​ပၼ်​ၵႂႃႇ​တီႈ​သူ။-</verse>
				<verse number="2">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​ႁူႉ​လွင်ႈ​ဢၼ်​ဝၼ်း​ၸဝ်ႈ​ၽြႃး​တၵ်း​မႃး​ၸိူဝ်ႉ​ၼင်ႇ​ဢၼ်​ၽူႈ​လၵ်ႉ​မႃး ၶိင်ႇ​ၵၢင်​ၶိုၼ်း​ၼၼ်ႉ​ယူႇ​သေႇ​ၶျႃႇ​လီ​ငၢမ်း​ဢေႃႈ။-</verse>
				<verse number="3">ၼႂ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​လၢတ်ႈ​လႄႈ​ဝႃႈ၊ မီး​တၢင်း​ၼိမ်​ယူႇ​ဢေႃႈ။ လွတ်ႈ​တင်း​ၽေး​ယူႇ​ဢေႃႈ၊ ဝႃႈ​ၼင်ႇ​ၼႆ​ယူႇ​ၼၼ်ႉ​ၸိုင်၊ တၢင်း​လူႉ​တၢင်း​လႅဝ်​တၵ်း​ႁွတ်ႈ​ထိုင်​ၵႃႈ​ၼိူဝ်​ၶဝ် ၶၼ်​ၶၼ်​ၽႂ်း​ၽႂ်း မိူၼ်​ၸိူဝ်ႉ​ၼင်ႇ​ဢၼ်​ဝူၺ်ႇတၼႃႇ တၢင်း​ဢၼ်​ၵိူတ်ႇ​လဵင်ႉ​လုၵ်ႈ​ႁွတ်ႈ​ထိုင် ၵႃႈ​ၼိူဝ်​မႄႈ​ယိင်း ဢၼ်​ပႃး​ပတိၵ်ႉသၼ်ႇထေႇ​ၼၼ်ႉ​လႄႈ ဢမ်ႇ​လႆႈ​မီး​ဢၶႂၢင်ႉ​တၢင်း​ဢၼ်​လႆႈ​ၵၢင်း​လွတ်ႈ။</verse>
				<verse number="4">ၵူၺ်း​ၵႃႈ၊​ပီႈ​ၼွင်ႉ​ၶဝ်​ဢိူၺ်း၊ လွင်ႈ​ၼင်ႇ​ႁိုဝ်​ဝၼ်း​ၼၼ်ႉ တၵ်း​လႆႈ​ႁွတ်ႈ​မႃး​ၵႃႈ​ၼိူဝ်​သူ​ၸိူဝ်ႉ​ၼင်ႇ​ၽူႈ​လၵ်ႉ​ၼၼ်ႉ​ၸိုင်​၊ သူ​ယူႇ​ၼႂ်း​ဢၼ်​လပ်း​သိင်ႇ​ဢမ်ႇ​ၸႂ်ႈ။-</verse>
				<verse number="5">သူ​ၵႃႈ​မီး​တင်း​သဵင်ႈ​တင်း​လူင် ပဵၼ်​လုၵ်ႈ​ဢၼ်​လႅင်း၊ ပဵၼ်​လုၵ်ႈ​ၵၢင်​ဝၼ်း​ဢေႃႈ။ ပဵၼ်​လုၵ်ႈ​ၵၢင်​ၶိုၼ်း၊ ပဵၼ်​လုၵ်ႈ​ဢၼ်​လပ်း​သိင်ႇ​ဢမ်ႇ​ၸႂ်ႈ။-</verse>
				<verse number="6">ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ ႁဝ်း​ယင်း​ဢမ်ႇ​ၼွၼ်း​လပ်း​မိူၼ်​ၸိူဝ်ႉ​ၼင်ႇ​ဢၼ် ၵူၼ်း​တၢင်ႇ​တီႈ​တၢင်ႇ​လႅၼ် တင်း​လၢႆ​ၼွၼ်း​လပ်း ယူႇ​ၼၼ်ႉ​လႄႈ၊ မီး​သမ်ႇမႃႇသတီႉ​ယူႇ​သေ​လႄႈ​ပႂ်ႉ​ယူႇ​တႃႉ​ႁဝ်း။-</verse>
				<verse number="7">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ၼွၼ်း​လပ်း​ယူႇ​ၼၼ်ႉ ၸၢင်ႈ​ၼွၼ်း​လပ်း​ၶိင်ႇ​ၵၢင်​ၶိုၼ်း​ဢေႃႈ။ ၶဝ်​ၸိူဝ်း​ဢၼ်​မဝ်း​လဝ်ႈ​မဝ်း​ၵမ်​ၼၼ်ႉ​ၵေႃႈ ၸၢင်ႈ​မဝ်း​လဝ်ႈ​မဝ်း​ၵမ်​ၶိင်ႇ​ၵၢင်​ၶိုၼ်း​ဢေႃႈ။-</verse>
				<verse number="8">ႁဝ်း​ၸိူဝ်း​ဢၼ်​ပဵၼ်​လုၵ်ႈ​ၵၢင်​ဝၼ်း​ၸမ်ႉ၊ မီး​သမ်ႇမႃႇသတီႉ​ယူႇ​တႃႉ​ႁဝ်း။ ဢဝ်​ၶိူင်ႈ​ပိူင်​ဢၼ်​ႁႄႉ​ႁူဝ်​ဢူၵ်း​ဢၼ်​ဝႃႈ တၢင်း​ယုမ်ႇ​မၢတ်ႈ တင်း​တၢင်း​ႁၵ်ႉ​ၼၼ်ႉ ဢိၵ်ႇ​တင်း​မွၵ်ႇ​ႁူဝ်​လဵၵ်း​ဢၼ်​ဝႃႈ တၢင်း​ဢၼ်​မုင်ႈ​ထႃႈ​မွင်း​ထႃႈ​လူၺ်ႈ​လွင်ႈ​ဢၼ် တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ​တိုဝ်း​ယူႇ​တႃႉ​ႁဝ်း။-</verse>
				<verse number="9">ၽြႃး​ပဵၼ်​ၸဝ်ႈ​ၶၢၼ်း​ႁဝ်း​ဝႆႉ ႁႂ်ႈ​လႆႈ​ၶၢမ်ႇ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢမ်ႇ​ၸႂ်ႈ၊ ၶၢၼ်း​ႁဝ်း​ဝႆႉ​ႁႂ်ႈ​လႆႈ တၢင်း​ဢၼ်​ၵႄႇ​ၶျွတ်ႈ​ဢဝ်​ၵွပ်ႈ​ပိူဝ်ႈ ၸဝ်ႈ​ႁဝ်း ယေႇသူႉ​ၶရိၸ်ႈ ၊-</verse>
				<verse number="10">ဢၼ်​ၶၢမ်ႇ​တၢင်း​တၢႆ​ပုၼ်ႈ​ႁဝ်း ႁႂ်ႈ​ႁဝ်း ပိၵ်ႉ​သမ်ႉ​တိုၼ်ႇ​ယူႇ​သေ​ဢမ်ႇ​ဝႃႈ၊ ၼွၼ်း​လပ်း​ယူႇ​သေ​ဢမ်ႇ​ဝႃႈ၊ လႆႈ​ဢသၢၵ်ႈ​လိပ်း​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ​ၵႃႈ​ၼင်ႇ​ဢၼ်​သူ​ႁဵတ်း​ယူႇ​တေႃႈ​လဵဝ်​ၼႆႉ​ၼၼ်ႉ၊ ၼင်ႇ​ၵၼ်​ၵၼ်​တိုၵ်း​ယူင်း​ၵၼ်​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တႄႇ ႁဵတ်း​ၵၼ်​ယူႇ​တႃႉ။</verse>
				<verse number="12">လိူဝ်​သေ​ၼၼ်ႉ၊ ပီႈ​ၼွင်ႉ​ၶဝ်​ဢိူၺ်း၊ ႁဝ်း​တွင်း​ပၢၼ်ႇ​သူ​ႁႂ်ႈ​သူ​ႁူႉ​ၸၵ်း ၶဝ်​ၸိူဝ်း​ဢၼ်​ႁဵတ်း​တၢင်း​ဢၼ်​ပွင်​ဢမူႉ​ၸဝ်ႈ ၵႃႈ​တီႈ​ၼႂ်း​သူ၊ တၢင်း​ဢၼ် ဢုပ်ႉ​ပိူင်ႇ​သူ​ၼႂ်း​ၸဝ်ႈ​ၽြႃး၊ တၢင်း​ဢၼ်​ပၼ်​သတီႉ​တီႈ​သူ​ၸိူဝ်း​ၼၼ်ႉ​လႄႈ၊-</verse>
				<verse number="13">မီး​တင်း​ၸႂ်​ၸေႇတၼႃႇ​ရူဝ်ႇ​သေႇ​ၵူဝ်​ယမ် ႁၵ်ႉ​ပႅင်း​ၶဝ်​ၼႃႇ​လူင်​လၢင် ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ၶဝ်​ႁဵတ်း​ၼၼ်ႉ​ဢေႃႈ။ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယူႇ​ထုၵ်ႇ​ထုၵ်ႇ​မေႃ​မေႃ​ၵၼ်​တႃႉ။</verse>
				<verse number="14">ပီႈ​ၼွင်ႉ​ၶဝ်​ဢိူၺ်း၊ ၵႂၢမ်း​ဢၼ်​ႁဝ်း​တိုၵ်း​ယူင်း​ၸူဝ်း​ဢဝ်​သူ​ၸမ်ႉ၊ ပၼ်​သတီႉ​တီႈ​ၶဝ်​ၸိူဝ်း​ဢၼ် ႁဵတ်း​ဢမ်ႇ​တြႃး​ၼၼ်ႉ​တႃႉ။ ပၼ်​ႁႅင်း​တီႈ​ၶဝ်​ၸိူဝ်း​ဢၼ်​ၸႂ်​လဵၵ်ႉ​ၸႂ်​ဢူၼ်ႈ​ၼၼ်ႉ​တႃႉ။ ထွၵ်ႈ​ၵမ်ႉ​ၶဝ်​ၸိူဝ်း​ဢၼ်​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​တႃႉ။ ႁႂ်ႈ​မီး​ၸႂ်​ဢၼ်​ယႂ်ႇ​ဢၼ်​ယၢဝ်း တီႈ​ၵူၼ်း​တင်း​သဵင်ႈ​တင်း​လူင်​တႃႉ။-</verse>
				<verse number="15">လွင်ႈ​ၼင်ႇ​ႁိုဝ်​ၽူႈ​လႂ်​တၵ်း​ဢမ်ႇ​ၶိုၼ်း​တွပ်ႇ​ၶိုၼ်း​တႅၼ်း တၢင်း​ဢၼ်​ၽိတ်း​ပိူင်ႈ​ၼၼ်ႉ​ၵႃႈ​တီႈ​ပိူၼ်ႈ​တၢင်ႇ​ၵေႃႉ​ၼၼ်ႉ​ၸိုင် ႁဵတ်း​သတီႉ​လႄႈ ၵျူဝ်း​ၸႃး​ႁဵတ်း​ၵျေး​ၸူး​တီႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ဢိၵ်ႇ​တင်း​တီႈ​ၵူၼ်း​တင်း​သဵင်ႈ​တင်း​လူင်​ယူႇ ၵူႈ​ၶိင်ႇ​ၵူႈ​ၶႃႇ​တႃႉ။</verse>
				<verse number="16">မီး​တၢင်း​ဢၼ်​သိူဝ်း​ပျေႃႇ​ယူႇ​သေႇ​သေႇ​တႃႉ။-</verse>
				<verse number="17">ႁဵတ်း​သူး​တွင်း​ပထၼႃႇ​ယူႇ​တႃႇ​သေႇ​တႃႉ။-</verse>
				<verse number="18">ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ယွင်ႈ​ယေႃး​ၵျေး​ၸူး​ၸဝ်ႈ​တႃႉ။ လွင်ႈ​မၼ်း​ၸမ်ႉ ၼင်ႇ​ႁိုဝ်​သူ​တၵ်း​ၵမ်​ၵျၢင်ႉ​ၸိူဝ်ႉ​ၼင်ႇ​ၼၼ်​ၸိုင်၊ ၽြႃး​ပဵၼ်​ၸဝ်ႈ​မီး​ဢလူဝ်ႇ​ၼႂ်း​ ယေႇသူႉ​ၶရိၸ်ႈ ​ဢေႃႈ။</verse>
				<verse number="19">ယႃႇ​ပေ​ႁႂ်ႈ​ဢႁုင်ႇ​ဝီႉၺိၺ်ႇ​ၸဝ်ႈ​လႆႈ​ထၢတ်ႇ​လႆႈ​ယဵၼ်။-</verse>
				<verse number="20">ယႃႇ​ပေ​မၢတ်ႈ​တၢင်း​ဢၼ်​ႁဵတ်း​ပရေႃးၽႅတ်ႈ​ၼၼ်ႉ ပဵၼ်​ဢၼ်​ဢမ်ႇ​ပွင်ႇ​လွင်ႈ​ၵႃႈ​သင်။-</verse>
				<verse number="21">ၸၢမ်း​တူၺ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​သေ​လႄႈ ယိပ်း​ၵမ်​ဢဝ်​ဢၼ်​လီ​ဢၼ်​ငၢမ်း​ယူႇ​သေႇ​သေႇ​တႃႉ။-</verse>
				<verse number="22">ဝႄႈ​ပႅတ်ႈ​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၵူႈ​ၸိူဝ်ႉ​ၵူႈ​မဵဝ်း​တႃႉ။-</verse>
				<verse number="23">ႁႂ်ႈ​ၽြႃး​ပဵၼ်​ၸဝ်ႈ၊ ၸဝ်ႈ​တၢင်း​ၼိမ်​တူဝ်​ၸဝ်ႈ​ၵဝ်ႇ​ၼၼ်ႉ ႁႂ်ႈ​သူ​မူတ်း​ၸၢင်ႇ​တင်း​သဵင်ႈ​တင်း​မူတ်း​သေ​ၵမ်း​လူၺ်ႈ။ ၼင်ႇ​ႁိုဝ်​ဝီႉၺိၺ်ႇ​သူ တင်း​ၸႂ်​သူ တင်း​တူဝ်​ၶၼ်ႇ​ထႃႇ​သူ​တင်း​သဵင်ႈ​တင်း​မူတ်း တၵ်း​ၵၢင်း​လွတ်ႈ​တင်း​ဢၶႂၢင်ႉ တီႈ​ဢၼ်​တၵ်း​တၢင်ႇ​ဢပႅတ်ႈ​ၼႂ်း​မိူဝ်ႈ​ဢၼ်​ၸဝ်ႈ​ႁဝ်း​ ယေႇသူႉ​ၶရိၸ်ႈ ​မႃး​ၼၼ်ႉ​ၸိုင်၊ ႁႂ်ႈ​မၼ်း​ၸဝ်ႈ​ပႂ်ႉ​ၸွႆႈ​ပႂ်ႉ​ထႅမ်​ယူႇ​သေ​ၵမ်း​လူၺ်ႈ။-</verse>
				<verse number="24">ၵေႃႉ​ဢၼ်​ႁွင်ႉ​ဢဝ်​သူ​ၼၼ်ႉ ပျေႉ​ၸုမ်ႇ​တင်း​သဵတ်ႈ​ၸႃႇ​လႄႈ တၵ်း​ႁဵတ်း​ၸိူဝ်ႉ​ၼင်ႇ​ၼၼ်ႉ​ဢေႃႈ။</verse>
				<verse number="25">ပီႈ​ၼွင်ႉ​ၶဝ်​ဢိူၺ်း၊ သူး​တွင်း​ပုၼ်ႈ​ႁဝ်း​တႃႉ။</verse>
				<verse number="26">ဢဝ်​တင်း​တၢင်း​ၼူမ်​ဢၼ်​မူတ်း​ၸၢင်ႇ တၵ်ႉ​လၢတ်ႈ​ပီႈ​ၼွင်ႉ​တင်း​သဵင်ႈ​တင်း​လူင်​တႃႉ။</verse>
				<verse number="27">ၼင်ႇ​ႁိုဝ်​တၵ်း​ႁႂ်ႈ​ၽတ်း​လိၵ်ႈ​ၼႆႉ တီႈ​ပီႈ​ၼွင်ႉ​ဢၼ်​မူတ်း​ၸၢင်ႇ​တင်း​လၢႆ​ၼၼ်ႉ​ၸိုင်၊ ၵဝ်​တိူင်ႇ​ၸဝ်ႈ​ၽြႃး​လႄႈ တိၵ်ႈ​ထၢၼ်ႇ​ပၼ်​သဵတ်ႈ​ၸႃႇ​တီႈ​သူ​ဢေႃႈ။</verse>
				<verse number="28">ႁႂ်ႈ​ၵျေး​ၸူး​ၸဝ်ႈ​ႁဝ်း​ ယေႇသူႉ​ၶရိၸ်ႈ ​မီး​ၼိူဝ်​သူ​သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ ထိတ်ႉသႃႇလေႃးၼိၵ်ႈ ​ၽိုၼ်​ပထမႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="53">
			<chapter number="1">
				<verse number="1">ပေႃးလူႉ၊ သီႉလႂႃႇၼူႉ၊ တီႉမေႃးသေႇ ​ၸိူဝ်း​ၼႆႉ​ပၼ်​ငိၼ်း​ၵႂႃႇ​တီႈ​ၸိူဝ်း​ၸဝ်ႈ ၵူၼ်း​ဝဵင်း​ ထိတ်ႉသႃႇလေႃးၼိၵ်ႈ ဢၼ်​တႄႇ​ယူႇ​ၼႂ်း​ၽြႃး​ပဵၼ်​ၸဝ်ႈ​ဢၼ်​ဝႃႈ ၸဝ်ႈ​ပေႃႈ​ႁဝ်း ဢိၵ်ႇ​တင်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ​ၶႃႈ​ဢေႃႈ။-</verse>
				<verse number="2">ႁႂ်ႈ​သူႉ​ၵျေး​ၸူး​ဢိၵ်ႇ​တင်း​တၢင်း​ၼိမ် ဢၼ်​ပဵၼ်​မႃး​ၵႃႈ​တီႈ​ၽြႃး​ပေႃႈ​ၸဝ်ႈ​တင်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ မီး​ၼိူဝ်​သူ​သေ​ၵမ်း လူၺ်ႈ။</verse>
				<verse number="3">ပီႈ​ၼွင်ႉ​ၶဝ်​ဢိူၺ်း၊ ၵွပ်ႈ​ပိူဝ်ႈ​ဢၼ်​တၢင်း​ယုမ်ႇ​မၢတ်ႈ​သူ ယႂ်ႇ​မႃး​လႄႈ​ၵူၼ်း​ၵူႈ​ၵေႃႉ​ႁင်း​ၽႂ်​ႁင်း​မၼ်း ပျေႉ​ၸုမ်ႇ​တင်း​မႅတ်ႈ​တႃႇ တၢင်း​ဢၼ် ၼင်ႇ​ၵၼ်​ၵၼ်​ႁၵ်ႉ​ၵၼ်​ၼၼ်ႉ​လႄႈ ၵႃႈ​ၼင်ႇ​ဢၼ်​ထုၵ်ႇ​လီ​ႁဵတ်း​ၼၼ်ႉ၊ ႁဝ်း​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​သူ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="4">ပိူဝ်ႈ​ၼႆ​လႄႈ ႁဝ်း​ထွၵ်ႈ​လူၺ်ႈ​လွင်ႈ​ဢၼ်​သူ​မီး​တၢင်း​ဢၼ်​ယိူၼ်ႉ​ၶၢမ်ႇ​ဢိၵ်ႇ​တင်း တၢင်း​ဢၼ်​ယုမ်ႇ​မၢတ်ႈ​ၼႂ်း​လွင်ႈ​တၢင်း​ဢၼ်​သူ​လႆႈ​ၶၢမ်ႇ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး တုၵ်ႉ​ၶႃႉ​တၢင်း​ၽၢၼ် ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​လႄႈ ဢုပ်ႇ​ဝၢဝ်း​ၵွပ်ႈ​ပိူဝ်ႈ​သူ ၼႂ်း​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ​တင်း​လၢႆ​ဢေႃႈ။-</verse>
				<verse number="5">လွင်ႈ​ၼင်ႇ​ႁိုဝ်​သူ​တၵ်း​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​မၢတ်ႈ​ပဵၼ်​ၵေႃႉ​ဢၼ်​လႆႈ​ၶၢမ်ႇ တၢင်း​ၽၢၼ်​ပုၼ်ႈ​မိူင်း​ၽြႃး​ပဵၼ်​ၸဝ်ႈ​လႄႈ ထိူၵ်ႈ​ၸၢမ်ႇ​ၸႃး​မိူင်း​ၸဝ်ႈ​ၼၼ်ႉ​ၸိုင်၊ လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ ထၢင်ႇ​သႃး​ယူႇ​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="6">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၽြႃး​ပဵၼ်​ၸဝ်ႈ​တၵ်း​ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ တႅၼ်း​ပၼ်​တုၵ်ႉ​ၶႃႉ​တၢင်း​ၽၢၼ်​တီႈ​ၶဝ်​ၸိူဝ်း​ဢၼ် ႁႂ်ႈ​သူ​လႆႈ​ၶၢမ်ႇ တုၵ်ႉ​ၶႃႉ​တၢင်း​ၽၢၼ်​ၼၼ်ႉ၊-</verse>
				<verse number="7">ဢိၵ်ႇ​တင်း​တၢင်း​ဢၼ်​ၵတ်း​ယဵၼ်​ၶျၢမ်း​သႃႇ လူၺ်ႈ​ၵၼ်​တင်း​ႁဝ်း တီႈ​သူ​ၸိူဝ်း​ဢၼ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼႆႉ ၼႂ်း​မိူဝ်ႈ​ဢၼ်​ၸဝ်ႈ​ ယေႇသူႉ​ၶရိၸ်ႈ ပႃး​တင်း​တမၢၼ်ႇ​ၵၢင်​ႁၢဝ် ဢၼ်​မီး​တၼ်း​ၶူဝ်း​ၸိူဝ်း​ၼၼ်ႉ ပေႃႇ​မႃး​ၵႃႈ​ၼိူဝ်​ၽုင်ႇ​ၵၢင်​ႁၢဝ် ၼႂ်း​ၽႆး​လုၵ်ႉ​လႄႈ၊-</verse>
				<verse number="8">ပၼ်​တၢမ်ႇ​တီႈ​ၶဝ်​ၸိူဝ်း​ဢၼ်​ဢမ်ႇ​ႁူႉ​ၽြႃး​ပဵၼ်​ၸဝ်ႈ တင်း​ၶဝ်​ၸိူဝ်း​ဢၼ်​ဢမ်ႇ​ထွမ်ႇ​ဢဝ်​တြႃး​သတၢင်း​သိူဝ်း​ပျေႃႇ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ​လႄႈ၊-</verse>
				<verse number="9">ၶဝ်​တၵ်း​လႆႈ​ၽၢတ်ႇ​ယၢၼ်​ၵၼ်​တင်း​ၼႃႈ​ၸဝ်ႈ​ၽြႃး ဢိၵ်ႇ​တင်း​မုၼ်​ၽုင်း​ၸဝ်ႈ​ဢၼ်​မီး​တၼ်း​ၶူဝ်း​ၼၼ်ႉ​သေ​လႄႈ ၶၢမ်ႇ​တၢမ်ႇ​ဢပႅတ်ႈ​ဢၼ်​ဝႃႈ တၢင်း​လူႉ​တၢင်း​လႅဝ်​ထႃႇဝရႃႉ၊-</verse>
				<verse number="10">ၼႂ်း​မိုဝ်ႉ​ဝၼ်း​ဢၼ်​မၼ်း​ၸဝ်ႈ​မႃး​ႁႂ်ႈ​လႆႈ​ၶၢမ်ႇ​တၢင်း​ဢၼ် မုၼ်​သရေႇ​ၸဝ်ႈ​ထၢင်ႇ​သႃး ၵႃႈ​ၼႂ်း​ၵူၼ်း​မူတ်း​ၸၢင်ႇ​မၼ်း​ၸဝ်ႈ​တင်း​လၢႆ ဢိၵ်ႇ​တင်း​တၢင်း​ဢၼ်​ဢမ်ႇ​ဢွၼ်​ယွင်ႈ​ယေႃး ၼႂ်း​ၶဝ်​ၸိူဝ်း​ဢၼ်​ယုမ်ႇ​မၢတ်ႈ ၵွပ်ႈ​ပိူဝ်ႈ​ဢၼ်​သူ​ယုမ်ႇ​မၢတ်ႈ​သၢၵ်ႈ​သေႇ​ႁဝ်း​ၼႆႉ တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="11">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​ၽြႃး​ပဵၼ်​ၸဝ်ႈ​ႁဝ်း တၵ်း​မၢတ်ႈ​သူ​ပဵၼ်​ၵေႃႉ​ဢၼ် ထိူၵ်ႈ​ၶၢမ်ႇ​ဢဝ်​ၵျေး​ၸူး​တၢင်း​ဢၼ်​မၼ်း​ၸဝ်ႈ ႁွင်ႉ​ဢဝ်​ၼၼ်ႉ​လႄႈ ႁႂ်ႈ​ၸေႇတၼႃႇ​တၢင်း​ဢၼ်​မျၢတ်ႈ​လီ တင်း​သဵင်ႈ​တင်း​လူင် ဢိၵ်ႇ​တင်း​ဢမူႉ​တၢင်း​ဢၼ်​ယုမ်ႇ​မၢတ်ႈ​သူ​ၼၼ်ႉ ပျေႉ​ၸုမ်ႇ​ဝႆႉ​တင်း​ႁႅင်း​တၼ်း​ၶူဝ်း၊-</verse>
				<verse number="12">ဢိၵ်ႇ​တင်း​လွင်ႈ​ၼင်ႇ​ႁိုဝ်​တၵ်း​ႁႂ်ႈ​မုၼ်​ၽုင်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ ယေႇသူႉ​ၶရိၸ်ႈ ​ထၢင်ႇ​သႃး​ၵွပ်ႈ​ပိူဝ်ႈ​သူ​တင်း​လွင်ႈ​ၼင်ႇ​ႁိုဝ် တၵ်း​ႁႂ်ႈ​မုၼ်​ၽုင်း​သူ​ထၢင်ႇ​သႃး​ၵွပ်ႈ​ပိူဝ်ႈ​မၼ်း​ၸဝ်ႈ ၵႃႈ​ၼင်ႇ​ဢၼ်​ၵျေး​ၸူး​ၽြႃး​ပဵၼ်​ၸဝ်ႈ​ႁဝ်း တင်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ​ၸိုင်၊ ႁဝ်း​ႁဵတ်း​သူး​တွင်း​ပထၼႃႇ​ပုၼ်ႈ​သူ​ယူႇ​သေႇ​သေႇ​ဢေႃႈ။</verse>
			</chapter>
			<chapter number="2">
				<verse number="1">ပီႈ​ၼွင်ႉ​ၶဝ်​ဢိူၺ်း၊ လွင်ႈ​တၢင်း​ဢၼ်​ၸဝ်ႈ​ႁဝ်း​ ယေႇသူႉ​ၶရိၸ်ႈ ​တၵ်း​မႃး​လႄႈ ႁဝ်း​တၵ်း​ၸူႉ​ၵၼ်​တုမ်​ၵၼ်​တီႈ​မၼ်း​ၸဝ်ႈ​ၼၼ်ႉ​ၸမ်ႉ၊-</verse>
				<verse number="2">လွင်ႈ​ၼင်ႇ​ႁိုဝ်​သူ​တၵ်း​ဢမ်ႇ​မီး​တၢင်း​ဢၼ်​ၸႂ်​သုတ်ႉ​ယွမ်း​ၵႂႃႇ ၶၼ်​ၶၼ်​ၽႂ်း​ၽႂ်း ဢိၵ်ႇ​တင်း​တၢင်း​ဢၼ်​မႆႈ​ၸႂ် ၵူဝ်​ႁႄ​သၼ်ႇ​ဝႆ လႄႈ​ဝႃႈ၊ ဝၼ်း​ၸဝ်ႈ​ၽြႃး​တၵ်း​ႁွတ်ႈ​မႃး​ၵမ်း​လဵဝ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ၵွပ်ႈ​ပိူဝ်ႈ​ၸႂ်​ဝီႉၺိၺ်ႇ၊ ဢမ်ႇ​ၼၼ်​ၵွပ်ႈ​ပိူဝ်ႈ​ၵႂၢမ်း​ဢၼ် ဢွၵ်ႇ​သူပ်း၊ ဢမ်ႇ​ၼၼ်​ၵွပ်ႈ​ပိူဝ်ႈ​လိၵ်ႈ​ဢၼ် မိူၼ်​ၼင်ႇ​လိၵ်ႈ​ႁဝ်း​ၼႆႉ​ၼၼ်ႉ​ၸိုင်၊ ႁဝ်း​တွင်း​ပၢၼ်ႇ​သူ​ဢေႃႈ။-</verse>
				<verse number="3">ယႃႇ​ပေ​ႁႂ်ႈ​ၽူႈ​လႂ်​လႆႈ​ပႅတ်ႉ​လႆႈ​လႅၼ်​သူ ၼႂ်း​လွင်ႈ​တၢင်း​သေ​ၸိူဝ်ႉ​သေ​ပိူင်။ ၸူဝ်ႈ​ဢၼ်​ဝၼ်း​ၼၼ်ႉ​ဢမ်ႇ​ပႆႇ​ႁွတ်ႈ​ထိုင်​ၼၼ်ႉ​ၸိုင်၊ တၢင်း​ဢၼ်​ၽွၵ်ႈ​ပျၢၼ်ႇ ၽႄ​ၵိူင်း​ၶႂၢႆး​ၵိူင်း​တၵ်း​ပဵၼ်​ဢွၼ်​တၢင်း​လႄႈ ၵူၼ်း​တူႉ​ၸရိူၵ်ႈ​ဢၼ်​ဝႃႈ​လုၵ်ႈ​ၸၢႆး​တၢင်း​လူႉ​တၢင်း​လႅဝ်​ၼၼ်ႉ တၵ်း​ပေႃႇ​မႃး​ဢေႃႈ။-</verse>
				<verse number="4">ၵေႃႉ​ၼၼ်ႉ​ႁဵတ်း​တၢင်း​ဢၼ်​ၶတ်း​ၵၼ်​တင်း ၵႃႈ​ဢၼ်​ႁွင်ႉ​ဝႃႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​လွင်ႈ​တၢင်း​ဢၼ်​ထုၵ်ႇ​လီ​ၵူဝ်း​ၵႂၢႆႇ​ၼၼ်ႉ လႄႈ ယွင်ႈ​ယေႃး​တူဝ်​ၸဝ်ႈ​ၵဝ်ႇ​ယူႇ​သေ​ယဝ်ႉ၊ ၼင်ႈ​ယူႇ​ၵႃႈ​ၼႂ်း​ႁိူၼ်း​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​သေ​လႄႈ ပဵၼ်​ၵေႃႉ​ဢၼ် ဢဝ်​ပုင်ႇ​ႁၢင်ႈ ၽြႃး​ပဵၼ်​ၸဝ်ႈ​ၼႄ​ပျႃး​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="5">သူ​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၵဝ်​လၢတ်ႈ​ဝႆႉ လွင်ႈ​တၢင်း​ၸိူဝ်း​ၼၼ်ႉ ၼႂ်း​မိူဝ်ႈ​ဢၼ်​ၵဝ်​မီး​ယူႇ​လူၺ်ႈ​ၵၼ်​တင်း​သူ​ၼၼ်ႉ​ႁိုဝ်။-</verse>
				<verse number="6">ၼင်ႇ​ႁိုဝ်​ၵေႃႉ​ၼၼ်ႉ​တၵ်း​လႆႈ​ထၢင်ႇ​သႃး​ၼႂ်း​ၶိင်ႇ​ၵႃႇလႃႉ​တူဝ်​ၸဝ်ႈ​ၵဝ်ႇ​ၸိုင်၊ တေႃႈ​လဵဝ်​ၼႆႉ သူ​ႁူႉ​လွင်ႈ​ဢၼ်​ႁႄႉ​ဢၼ်​ၶႅၼ် ၼၼ်ႉ​ယူႇ​ဢေႃႈ။-</verse>
				<verse number="7">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ တၢင်း​ဢၼ်​လိုၵ်ႉ​ဢၼ်​လမ်ႇ ဢၼ်​ဢမ်ႇ​တြႃး​ၼၼ်ႉ​ၸိုင်၊ တေႃႈ​လဵဝ်​ၼႆႉ​ၵေႃႈ ယင်း​တိုၵ်ႉ ပွင်​ႁဵတ်း​ပွင်​မႄး​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​ႁႄႉ​ၶႅၼ်​ၼၼ်ႉ ၸူဝ်ႈ​ဢၼ်​မၼ်း​ဢမ်ႇ​ပႆႇ​လႆႈ​ႁွတ်ႈ​ထိုင်​တၢင်း​ဢၼ် ပႄႇ​ၽဵဝ်ႈ​ပႅတ်ႈ​ၸိုင်၊ တၵ်း​ႁႄႉ​တၵ်း​ၶႅၼ်​ယူႇ​ဢေႃႈ။-</verse>
				<verse number="8">မိူဝ်ႈ​ၼၼ်ႉ​ၸိုင် ၵူၼ်း​ဢၼ်​ဢမ်ႇ​တြႃး​ဢၼ်​ၸဝ်ႈ​ ယေႇသူႉ ​တၵ်း​ဢဝ်​တင်း​လူမ်း ဢၼ်​ဢွၵ်ႇ​သူပ်း​မၼ်း​ၸဝ်ႈ ယႃႉ​ပႅတ်ႈ​လႄႈ ဢဝ်​တင်း​သၢႆ​ဢရွင်ႇ တၢင်း​ဢၼ်​မၼ်း​ၸဝ်ႈ ပေႃႇ​မႃး​ၼၼ်ႉ ပႄႇ​ၽဵဝ်ႈ​ပႅတ်ႈ​ၼၼ်ႉ တၵ်း​ထၢင်ႇ​သႃး​ဢေႃႈ။-</verse>
				<verse number="9">လွင်ႈ​တၢင်း​ဢၼ်​ၵူၼ်း​ဢၼ်​ဢမ်ႇ​တြႃး​ၼၼ်ႉ မႃး​ၼၼ်ႉ​ၸမ်ႉ၊ မၼ်း​တၵ်း​ပႃး​ဢဝ်​တင်း တၼ်း​ၶူဝ်း​ၼီႉမိၵ်ႈ​လၢၵ်ႈၶၼႃႇ လွင်ႈ​တၢင်း​ဢၼ်​လီ​ဢၢမ်း​ၵူႈ​ၸိူဝ်ႉ​ၵူႈ​ပိူင်​ဢၼ်​ၸၢပ်ႈ​သႅင်ႇ​ၵၼ်​တင်း မူႉ​သႃႇ ဢိၵ်ႇ​တင်း​တၢင်း​ဢၼ်​ပႅတ်ႉ​လႅၼ် ဢၼ်​ဢမ်ႇ​တြႃး ၵူႈ​ၸိူဝ်ႉ​ၵူႈ​ပိူင် ပုၼ်ႈ​ၶဝ်​ၸိူဝ်း​ဢၼ် ႁွတ်ႈ​ထိုင်​တၢင်း​လူႉ​တၢင်း​လႅဝ်​ၼၼ်ႉ​သေ​လႄႈ ပေႃႇ​မႃး​ၵႃႈ​ၼင်ႇ​တၢင်း​ဢၼ် ၸႃႇတၢၼ်ႇ ​ႁဵတ်း​ပဵၼ်​ၼၼ်ႉ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ ၶဝ်​ၼၼ်ႉ​ဢမ်ႇ​ၶၢမ်ႇ​ဢမ်ႇ​ဢဝ် ၸႂ်​ဢၼ်​မူၼ်ႈ​ပျေႃႇ​ၼႂ်း​သမ်ႇမႃႇ​တြႃး ႁႂ်ႈ​လႆႈ​ႁွတ်ႈ​ထိုင် တၢင်း​ဢၼ်​ၵႄႇ​ၶျွတ်ႈ ဢဝ်​ၼၼ်ႉ။-</verse>
				<verse number="11">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​ၶဝ်​ၸိူဝ်း​ဢၼ်​ဢမ်ႇ​ယုမ်ႇ​သမ်ႇမႃႇ​တြႃး​လႄႈ မူၼ်ႈ​ပျေႃႇ​ၼႂ်း​ဢမူႉ​ဢၼ်​ဢမ်ႇ​တြႃး​တင်း​သဵင်ႈ​တင်း​လူင်​ၼၼ်ႉ</verse>
				<verse number="12">တၵ်း​ႁွတ်ႈ​ထိုင်​တၢင်း​ဢၼ်​သုမ်း​တြႃး​ၸိုင်၊ ၽြႃး​ပဵၼ်​ၸဝ်ႈ ပွႆႇ​ပၼ်​ဢၶႂၢင်ႉ​တၢင်း​ဢၼ်​မိၵ်ႉသႃႇတိၵ်ႉထီႉ ပွင်​ႁဵတ်း​ပွင်​မႄး​ၼၼ်ႉ တီႈ​ၶဝ်​ႁႂ်ႈ​ၶဝ်​လႆႈ​ယုမ်ႇ​ၵႂၢမ်း​မူႉ​သႃႇ​ဢေႃႈ။</verse>
				<verse number="13">ၵူၺ်း​ၵႃႈ​ပီႈ​ၼွင်ႉ​ဢၼ်​ၸဝ်ႈ​ၽြႃး​ႁၵ်ႉ​ၶဝ်​ဢိူၺ်း၊ ၵွပ်ႈ​ပိူဝ်ႈ​ဢၼ်​ၽြႃး​ပဵၼ်​ၸဝ်ႈ လိူၵ်ႈ​ၵဵပ်း​ဢဝ်​သူ​ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ ႁႂ်ႈ​သူ​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​တၢင်း​ဢၼ်​ဝီႉၺိၺ်ႇ​ၸဝ်ႈ ႁႂ်ႈ​မူတ်း​ၸၢင်ႇ ဢိၵ်ႇ​တင်း​တၢင်း​ဢၼ်​ယုမ်ႇ​မၢတ်ႈ​သမ်ႇမႃႇ​တြႃး​ၼၼ်ႉ​လႄႈ ႁဝ်း​တၵ်း​လႆႈ​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​သူ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။-</verse>
				<verse number="14">ပုၼ်ႈ​လွင်ႈ​ၼင်ႇ​ႁိုဝ်​တၵ်း​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ မၼ်း​ၸဝ်ႈ​ႁွင်ႉ​ဢဝ်​သူ​ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​ႁဝ်း​ၼၼ်ႉ​ယဝ်ႉ။ လွင်ႈ​မၼ်း​ၸမ်ႉ ၼင်ႇ​ႁိုဝ်​သူ​တၵ်း​လႆႈ​ပိူင်ႇ​ထိူၵ်ႈ​မုၼ်​ၽုင်း​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ​ၸိုင်၊​ၸင်ႇ​ပဵၼ်​ဢေႃႈ။-</verse>
				<verse number="15">ၵွပ်ႈ​ႁွႆး​ၼႆႉ​လႄႈ၊​ပီႈ​ၼွင်ႉ​ၶဝ်​ဢိူၺ်း၊ ယိပ်း​ၵမ်​ဢဝ်​ၼႄး​ဢူႉပတေႇ ဢၼ်​ၸွမ်း​လူၺ်ႈ​ၵႂၢမ်း​ဢၼ်​ဢွၵ်ႇ​သူပ်း​ႁဝ်း​သေ​ဢမ်ႇ​ဝႃႈ၊ ဢၼ်​ၸွမ်း​လူၺ်ႈ​လိၵ်ႈ​ႁဝ်း​သေ​ဢမ်ႇ​ဝႃႈ၊ ဢၼ်​သူ​သွၼ်​ဢဝ်​မႃး​ယဝ်ႉ​ၸိူဝ်း​ၼၼ်ႉ​သေ​လႄႈ ၸွႆး​ၸပ်း​ယူႇ​မၼ်ႈ​မၼ်ႈ​ၶိူင်ႇ​ၶိူင်ႇ​တႃႉ။</verse>
				<verse number="16">ႁႂ်ႈ​တူဝ်​ၸဝ်ႈ​ႁဝ်း​ ယေႇသူႉ​ၶရိၸ်ႈ ဢိၵ်ႇ​တင်း​ၽြႃး​ပဵၼ်​ၸဝ်ႈ​ပေႃႈ​ႁဝ်း ဢၼ်​ႁၵ်ႉ​ႁဝ်း​လႄႈ ပၼ်​တၢင်း​ဢၼ်​သၢၵ်ႈ​သႃႇ​ထႃႇဝရႃႉ​ဢိၵ်ႇ​တင်း တၢင်း​ဢၼ်​မုင်ႈ​ထႃႈ​မွင်း​ထႃႈ ဢၼ်​လီ​ဢၼ်​ငၢမ်း ၸွမ်း​ၼင်ႇ​ၵျေး​ၸူး​ၸဝ်ႈ​ၼၼ်ႉ၊-</verse>
				<verse number="17">ႁႂ်ႈ​ႁူဝ်​ၸႂ်​သူ​သၢၵ်ႈ​သႃႇ​လႄႈ​ႁႂ်ႈ​သူ​မၼ်ႈ​ၶိူင်ႇ​ယူႇ ၼႂ်း​တၢင်း​ဢၼ်​လီ​ဢၼ်​ငၢမ်း ဢိၵ်ႇ​တင်း​ၼႂ်း​လွင်ႈ​တၢင်း​ဢၼ်​လီ​ဢၼ်​ငၢမ်း ၵူႈ​ၸိူဝ်ႉ​ၵူႈ​ပိူင်​သေ​ၵမ်း​လူၺ်ႈ။</verse>
			</chapter>
			<chapter number="3">
				<verse number="1">ၵႂၢမ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸမ်ႉ၊ ပီႈ​ၼွင်ႉ​ၶဝ်​ဢိူၺ်း၊ လွင်ႈ​ၼင်ႇ​ႁိုဝ်​ၼုၵ်ႈၵပၢတ်ႈ​တြႃး​ၸဝ်ႈ​ၽြႃး တၵ်း​ၸွတ်ႇ​တူဝ်ႈ​လႄႈ မုၼ်​ၽုင်း​ထၢင်ႇ​သႃး​ၵူႈ​တီႈ​ၵူႈ​လႅၼ် မိူၼ်​ၸိူဝ်ႉ​ၼင်ႇ​ဢၼ် ၸွတ်ႇ​တူဝ်ႈ​ၵႃႈ​ၼႂ်း​သူ​လႄႈ မုၼ်​ၽုင်း​ထၢင်ႇ​သႃး​ၼၼ်ႉ၊-</verse>
				<verse number="2">ဢိၵ်ႇ​တင်း​လွင်ႈ​ၼင်ႇ​ႁိုဝ် မၼ်း​ၸဝ်ႈ​တၵ်း​ၵႄႇ​ၶျွတ်ႈ​ဢဝ်​ႁဝ်း ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​ဢမ်ႇ​ႁူႉ​ဢမ်ႇ​မၢတ်ႈ​လွင်ႈ​ဢၵျူဝ်း​လႄႈ​ႁၢႆႉ​မိူၵ်ႈ ၼၼ်ႉ​ၸိုင်၊ သူး​တွင်း​ပုၼ်ႈ​ႁဝ်း​တႃႉ။-</verse>
				<verse number="3">ၵူၺ်း​ၵႃႈ​ၸဝ်ႈ​ၽြႃး​ပျေႉ​ၸုမ်ႇ​တင်း​သဵတ်ႈ​ၸႃႇ​ယူႇ​ဢေႃႈ။ မၼ်း​ၸဝ်ႈ​တၵ်း​ႁႂ်ႈ​သူ​မၼ်ႈ​ၶိူင်ႇ​လႄႈ​ပႂ်ႉ​သူ​ယူႇ ႁႂ်ႈ​သူ​လႆႈ​ၵၢင်း​လွတ်ႈ​တင်း လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​ဢေႃႈ။-</verse>
				<verse number="4">ႁဝ်း​ဢိင်​ၸဝ်ႈ​ၽြႃး​သေ​လႄႈ ယုမ်ႇ​လွင်ႈ​ဢၼ်​တေႃႈ​လဵဝ်​ၼႆႉ သူ​ၵမ်​ၵျၢင်ႉ​ၸွမ်း​ၵႃႈ​ၼင်ႇ​ဢၼ်​ႁဝ်း​ပိင်း​ၺၢပ်ႈ​ဝႆႉ​ၼၼ်ႉ​ယူႇ​လႄႈ ၵမ်း​လိုၼ်း​ၵေႃႈ တၵ်း​ၵမ်​ၵျၢင်ႉ​ၼၼ်ႉ​ယူႇ​ဢေႃႈ။-</verse>
				<verse number="5">ႁႂ်ႈ​ၸဝ်ႈ​ၽြႃး​မႄး​ပၼ် ႁူဝ်​ၸႂ်​သူ ႁႂ်ႈ​သူ​ႁၵ်ႉ​ၽြႃး​ပဵၼ်​ၸဝ်ႈ ဢိၵ်ႇ​တင်း​ႁႂ်ႈ​သူ​လႆႈ​ယိူၼ်ႉ​ၶၢမ်ႇ ၸိူဝ်ႉ​ၼင်ႇ​ၸဝ်ႈ​ၶရိၸ်ႈ​ၼၼ်ႉ​သေ​ၵမ်း​လူၺ်ႈ။</verse>
				<verse number="6">ၼႄး​ၼိုင်ႈ​ၸမ်ႉ၊​ပီႈ​ၼွင်ႉ​ၶဝ်​ဢိူၺ်း၊ ဝႄႈ​ပႅတ်ႈ​သေ​ပီႈ​ၼွင်ႉ​ၵႃႈ​ဢၼ်​ႁဵတ်း​ဢမ်ႇ​တြႃး​လႄႈ ဢမ်ႇ​ၵမ်​ၵျၢင်ႉ​ၸွမ်း​ၼင်ႇ​ၼႄး​ဢူႉပတေႇ​ဢၼ်​ၶဝ်​ၶၢမ်ႇ​ဢဝ်​တီႈ​ႁဝ်း တင်း​သဵင်ႈ​တင်း​လူင်​ၼၼ်ႉ​တႃႉ​ဝႃႈ​ၼႆ၊ ႁဝ်း​ဢိင်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ ယေႇသူႉ​ၶရိၸ်ႈ ​သေ​လႄႈ​ပိင်း​ၺၢပ်ႈ​ဝႆႉ​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ တူဝ်​သူ​ႁူႉ​လွင်ႈ​ဢၼ် သူ​တၵ်း​လႆႈ​ၸွမ်း​ပုင်ႇ​သၢၵ်ႈ​သေႇ ဢၼ်​ႁဝ်း​ပၼ်​ၼၼ်ႉ​လႄႈ ၵမ်​ၵျၢင်ႉ​ၸိူဝ်ႉ​ၼင်ႇ​ႁိုဝ် ၼၼ်ႉ​ယူႇ ဢေႃႈ။-</verse>
				<verse number="8">ႁဝ်း​ႁဵတ်း​ဢၼ်​ဢမ်ႇ​တြႃး​ၼႂ်း​သူ​ဢမ်ႇ​ၸႂ်ႈ။ ႁဝ်း​ဢမ်ႇ​ၵိၼ်​ၶွင်​လၢႆ​ၽူႈ​လႂ်။ ၼင်ႇ​ႁိုဝ်​ႁဝ်း​တၵ်း​ဢမ်ႇ​လႆႈ​ယႃႉ​ယူၵ်ႉ​သေ​ၵေႃႉ​သေ​ၵူၼ်း ၵႃႈ​ၼႂ်း သူ​ၸိုင် ႁဝ်း​ၶၢမ်ႇ​တၢင်း​ဢၼ်​ယၢပ်ႇ​ၽိုတ်ႇ​ၵႆႉ​ၵျူဝ်း​ၸႃး​လႄႈ ႁဵတ်း​တၢင်း​ႁဵတ်း​ယူႇ​ၵူႈ​ဝၼ်း​ၵူႈ​ၶိုၼ်း​ဢေႃႈ။-</verse>
				<verse number="9">ႁဵတ်း​ၸိူဝ်ႉ​ၼင်ႇ​ၼၼ်​သေ​ၵေႃႈ၊ ၵွပ်ႈ​ပိူဝ်ႈ​ဢၼ်​ႁဝ်း​ဢမ်ႇ​ထိူၵ်ႈ​ပိူင်ႇ လွင်ႈ​တၢင်း​ဢၼ်​ၶၢမ်ႇ​ဢဝ်​ၼၼ်ႉ​လႄႈ ႁဵတ်း​ဢမ်ႇ​ၸႂ်ႈ။ ႁဵတ်း​ႁႂ်ႈ​လႆႈ​ပဵၼ်​ပုင်ႇ​သၢၵ်ႈ​သေႇ​ပုၼ်ႈ​ဢၼ်​သူ​တၵ်း​ၸွမ်း​ဢေႃႈ။-</verse>
				<verse number="10">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ မိူဝ်ႈ​ဢၼ်​ႁဝ်း​မီး​ယူႇ​လူၺ်ႈ​ၵၼ်​တင်း​သူ​ၼၼ်ႉ​ၸိုင်၊ ႁဝ်း​ဝႆႉ​ပိင်း​ၺၢပ်ႈ​လႄႈ​ဝႃႈ၊ ၵေႃႉ​ဢၼ်​ဢမ်ႇ​ၶႂ်ႈ​ႁဵတ်း​တၢင်း​ႁဵတ်း​ၼၼ်ႉ​ၸမ်ႉ၊ ယႃႇ​ပေ​ႁႂ်ႈ​ၵိၼ်၊ ဝႃႈ​ၼင်ႇ​ၼႆ​ဝႆႉ​ယဝ်ႉ။-</verse>
				<verse number="11">လွင်ႈ​မၼ်း​ၸမ်ႉ ႁဝ်း​လႆႈ​ငိၼ်း​လွင်ႈ​ဢၼ် ၵူၼ်း​ၵမ်ႈ​ၽွင်ႈ​ဢၼ်​ႁဵတ်း​ဢမ်ႇ​တြႃး​လႄႈ ယင်း​ဢမ်ႇ​ႁဵတ်း​တၢင်း​ႁဵတ်း​ၵႃႈ​သင်၊ လေႃ​လႄ​ယူႇ​ၵႃႈ​ၼႂ်း​လွင်ႈ​တၢင်း​ဢၼ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ မီး​ၼႂ်း​သူ​ၼၼ်ႉ​ဢေႃႈ။-</verse>
				<verse number="12">ၼင်ႇ​ႁိုဝ်​ၶဝ်​ၸိူဝ်ႉ​ၼင်ႇ​ၼၼ်​ၼၼ်ႉ တၵ်း​လႆႈ​ႁဵတ်း​တၢင်း​ႁဵတ်း​ၼိမ်​ၼိမ်​လီ​လီ​လႄႈ ၵိၼ်​တၢင်း​ၵိၼ်​တူဝ်​ၸဝ်ႈ​ၵဝ်ႇ​ၸိုင်၊ ႁဝ်း​ဢိင်​ၸဝ်ႈ​ ယေႇသူႉ​ၶရိၸ်ႈ ​သေ​လႄႈ ပိင်း​ၺၢပ်ႈ​ဝႆႉ​လႄႈ​တိုၵ်း​ယူင်း​ၸူဝ်း​ဢဝ်​ၶဝ်​ဢေႃႈ။</verse>
				<verse number="13">ပီႈ​ၼွင်ႉ​ၶဝ်​ဢိူၺ်း၊ ႁႅင်း​ယင်း​ဢမ်ႇ​ဢူၼ်ႈ​ၸႂ်​ယင်း​ဢမ်ႇ​လူႉ​လႄႈ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​လီ​ဢၼ်​ငၢမ်း​ယူႇ​တႃႉ။-</verse>
				<verse number="14">ပေႃး​သေ​ၵေႃႉ​သေ​ၵူၼ်း ယင်း​ဢမ်ႇ​ထွမ်ႇ​ဢဝ်​ၵႂၢမ်း​ပိင်း​ၺၢပ်ႈ​ဢၼ်​ႁဝ်း​တႅမ်ႈ​ဝႆႉ ၵႃႈ​ၼႂ်း​လိၵ်ႈ​ၼႆႉ​လႄႈ​ယူႇ​ၸိုင်၊ မၢတ်ႈ​တွင်း​ၵေႃႉ​ၼၼ်ႉ​ဝႆႉ​တႃႉ။ လွင်ႈ​ၼင်ႇ​ႁိုဝ်​မၼ်း​တၵ်း​ဢူၵ်း​တၵ်း​ဢၢႆ​ၸိုင်၊ ယႃႇ​ပေ​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​မၼ်း။-</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ ယင်း​ဢမ်ႇ​မၢတ်ႈ​တွင်း​မၼ်း​ဝႆႉ ပဵၼ်​ၸိူဝ်ႉ​ၼင်ႇ​ရၢၼ်ႇ​သူႇ၊ မၢတ်ႈ​တွင်း​မၼ်း​ဝႆႉ​ပဵၼ်​ၸိူဝ်ႉ​ၼင်ႇ​ပီႈ​ၼွင်ႉ​ၼၼ်ႉ သေ​လႄႈ​ပၼ်​သတီႉ​တႃႉ။</verse>
				<verse number="16">ႁႂ်ႈ​တူဝ်​ၸဝ်ႈ​တၢင်း​ၼိမ်​ၼၼ်ႉ ပၼ်​တၢင်း​ၼိမ်​တီႈ​သူ​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် တႃႇ​သေႇ​ဢမ်ႇ​ထၢတ်ႇ​သေ​ၵမ်း​လူၺ်ႈ။ ႁႂ်ႈ​ၸဝ်ႈ​ၽြႃး​မီး​လူၺ်ႈ​ၵၼ်​တင်း​သူ​သေ​ၵမ်း​လူၺ်ႈ။</verse>
				<verse number="17">ၵဝ်​ ပေႃးလူႉ ​ဢဝ်​တင်း​မိုဝ်း​တူဝ်​ၸဝ်ႈ​ၵဝ်ႇ တႅမ်ႈ​လွင်ႈ​တၢင်း​ဢၼ် တၵ်ႉ​ၼၢႆ​သူ​ဢၼ်​ပဵၼ်​လၢၵ်ႈၶၼႃႇ​လိၵ်ႈ​ဢေႃးဝႃႇတႃႉ ၵႃႈ​မီး တင်း​သဵင်ႈ​တင်း​လူင်​ၼၼ်ႉ​ၼႆႉ​ဢေႃႈ။ ၵဝ်​တႅမ်ႈ​ဝႆႉ​ၸိူဝ်ႉ​ၼင်ႇ​ၼႆ​ဢေႃႈ။</verse>
				<verse number="18">ႁႂ်ႈ​သူႉ​ၵျေး​ၸူး​ၸဝ်ႈ​ ယေႇသူႉ​ၶရိၸ်ႈ မီး​ၼိူဝ်​သူ​တင်း​သဵင်ႈ​တင်း​လူင်​သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ ထိတ်ႉသႃႇလေႃးၼိၵ်ႈ ​ၽိုၼ်​တူႉတီႉယႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="54">
			<chapter number="1">
				<verse number="1">ၵဝ်​ ပေႃးလူႉ ဢၼ်​ပဵၼ်​တမၢၼ်ႇ​ၸဝ်ႈ ယေႇသူႉ​ၶရိၸ်ႈ မႅၼ်ႈ​ၸွမ်း​ၼင်ႇ​ပိင်း​ၺၢပ်ႈ​ၽြႃး​ပဵၼ်​ၸဝ်ႈ၊ ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ႁဝ်း ဢိၵ်ႇ​တင်း ယေႇသူႉ​ၶရိၸ်ႈ ​ဢၼ်​ပဵၼ်​လွင်ႈ​တၢင်း​ဢၼ် ႁဝ်း​မုင်ႈ​ထႃႈ​မွင်း​ထႃႈ​ၼၼ်ႉ​ၼႆႉ၊-</verse>
				<verse number="2">ပၼ်​ငိၼ်း​ၵႂႃႇ​တီႈ​ တီႉမေႃးသေႇ ဢၼ်​ပဵၼ်​လုၵ်ႈ​ၸၢႆး​ၵဝ်​ၸႅတ်ႈ​ၸႅတ်ႈ​ၸွမ်း​ၼင်ႇ​တၢင်း​ယုမ်ႇ​မၢတ်ႈ​ၼၼ်ႉ​ဢေႃႈ။ ႁႂ်ႈ​သူႉ​ၵျေး​ၸူး​ၵရူႉၼႃႇ​ဢိၵ်ႇ​တင်း​တၢင်း​ၼိမ် ဢၼ်​ပဵၼ်​မႃး​ၵႃႈ​တီႈ​ၽြႃး​ပေႃႈ​ၸဝ်ႈ တင်း​ၸဝ်ႈ​ႁဝ်း​ ယေႇသူႉ​ၶရိၸ်ႈ မီး​သေ​ၵမ်း​လူၺ်ႈ။</verse>
				<verse number="3">ၵႃႈ​ၼင်ႇ​ဢၼ်​ၵဝ်​လႆႈ​တွင်း​ပၢၼ်ႇ​ဝႆႉ​တီႈ​မႂ်း ၼႂ်း​မိူဝ်ႈ​ဢၼ်​ၵဝ်​ၵႂႃႇ​ၵႃႈ​တီႈ​မိူင်း​ မႃႇၵေႇတေႃးၼီႉ ​ၼၼ်ႉ ႁႂ်ႈ​သူ​လႆႈ​ၵိုတ်း​သဝ်း​ယူႇ ၵႃႈ​ၼႂ်း ဝဵင်း​ ဢေးၽႅတ်ႈ လွင်ႈ​ၼင်ႇ​ႁိုဝ်​မႂ်း​တၵ်း​ပိင်း​ၺၢပ်ႈ​ဝႆႉ တီႈ​ၵူၼ်း​ၵမ်ႈ​ၽွင်ႈ​လူၺ်ႈ​လွင်ႈ​ဢၼ်​ၶဝ် ဢမ်ႇ​လႆႈ​သွၼ်​ပၼ်​ဢယူႇ​ဝႃႇ​တႃႉ ဢၼ်​မႂ်ႇ ဢၼ်​ပႅၵ်ႇ​ပိူင်ႈ​ၵၼ် ဢိၵ်ႇ​တင်း​လွင်ႈ​ဢၼ်​ၶဝ်​ဢမ်ႇ​လႆႈ​ႁဵတ်း​ပမႃႇၼႃႉ ထွမ်ႇ​ဢဝ်​ၵႂၢမ်း​တၢၼ်ႇတႃႇရီႇ၊-</verse>
				<verse number="4">တင်း​ၸရၢင်း​ၸိူဝ်ႉ​ၶိူဝ်း​သိုပ်ႇ​သိုပ်ႇ​တၢမ်း​တၢမ်း ဢၼ်​မႄး​ႁဵတ်း​လႄႈ​ဢမ်ႇ​သဵင်ႈ​လႆႈ၊ ဢၼ်​ယဵင်ႈ​ၶႅၼ်း​ပွင်​ႁဵတ်း​ပွင်​မႄး တၢင်း​ဢၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တွပ်ႇ​ၵၼ်​ထဵင်​ၵၼ်​ၼမ်​ၼႃႇ​သေ ပွင်​ႁဵတ်း​ပွင်​မႄး​သႃႇသၼႃႇ​ၽြႃး​ပဵၼ်​ၸဝ်ႈ ဢၼ်​တႄႇ​ယူႇ​ၼႂ်း​တၢင်း​ယုမ်ႇ​မၢတ်ႈ​ၼၼ်ႉ၊ တေႃႈ​လဵဝ်​ၼႆႉ​ၵိုတ်း​သဝ်း​ယူႇ​တႃႉ။</verse>
				<verse number="5">ဢၼ်​ႁူမ်ႇ​လူမ်ႈ​လွင်ႈ​တၢင်း​ဢၼ်​ဝႆႉ​ပိင်း​ၺၢပ်ႈ ၸိူဝ်ႉ​ၼင်ႇ​ၼၼ်​ၼၼ်ႉ​ၸမ်ႉ၊ ပဵၼ်​တၢင်း​ႁၵ်ႉ​မႅတ်ႈ​တႃႇ​ဢၼ်​ၸၢပ်ႈ​သႅင်ႇ​ၵၼ်​တင်း ႁူဝ်​ၸႂ်​ဢၼ်​ၶၢဝ်​ၸၢင်ႇ ဢိၵ်ႇ​တင်း ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ​ဢၼ်​လီ​ဢၼ်​ငၢမ်း၊ တင်း​တၢင်း​ဢၼ်​ယုမ်ႇ​မၢတ်ႈ ဢၼ်​မၢၼ်ႇ​ဢၼ်​မႅၼ်ႈ ဢေႃႈ။-</verse>
				<verse number="6">လွင်ႈ​တၢင်း​ၸိူဝ်း​ၼၼ်ႉ​ၸိုင်​၊ ၵူၼ်း​ၵမ်ႈ​ၽွင်ႈ ဝႄႈ​ပႅတ်ႈ​သေ​လႄႈ​ပိူင်ႈ​ၵႂႃႇ​ၸူး​ၵႃႈ​တီႈ​တၢင်း​ဢၼ် လၢတ်ႈ​ၵႂၢမ်း​ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ၵူၺ်း​ၼၼ်ႉ​ယဝ်ႉ။-</verse>
				<verse number="7">ၶဝ်​ၼၼ်ႉ​ယင်း​ဢမ်ႇ​ႁူႉ​လွင်ႈ​ဢၼ်​တူဝ်​ၸဝ်ႈ​ၵဝ်ႇ​လၢတ်ႈ၊ ယင်း​ဢမ်ႇ​ႁူႉ​လွင်ႈ​ဢၼ်​တူဝ်​ၸဝ်ႈ​ၵဝ်ႇ​ယူႇ​ၵႅၼ်ႇ​ၶႅင်​ၵႃႈ​တီႈ​ၽၢႆႇ​တြႃး ၸိူဝ်ႉ​ၼင်ႇ​ႁိုဝ်​ၼၼ်ႉ​လႄႈ ၶႂ်ႈ​ႁဵတ်း​သြႃႇ​ဢၼ်​သွၼ်​ပၼ်​တြႃး​ၸဝ်ႈ​လူင်​ပႄႇ။-</verse>
				<verse number="8">ၵူၺ်း​ၵႃႈ​ႁဝ်း​ႁူႉ​လွင်ႈ​ဢၼ်​ပိင်း​ၺၢပ်ႈ​တြႃး​ၸၢင်ႈ​ပၼ်​ဢၵျူဝ်း တီႈ​ၵေႃႉ​ဢၼ်​ဢဝ်​တြႃး​ၼၼ်ႉ သုင်း​သွင်ႇ​ၸွမ်း​ၼင်ႇ​တြႃး​ၼၼ်ႉ ယူႇ​လႄႈ၊-</verse>
				<verse number="9">မၢတ်ႈ​တွင်း​လွင်ႈ​ဢၼ် ပိင်း​ၺၢပ်ႈ​တြႃး​ၼၼ်ႉ​မီး​ဝႆႉ​ပုၼ်ႈ​ၵေႃႉ​ဢၼ်​ၵမ်​ၵျၢင်ႉ ၸွမ်း​ၼင်ႇ​တြႃး​ၼၼ်ႉ​ဢမ်ႇ​ၸႂ်ႈ။ မီး​ဝႆႉ​ပုၼ်ႈ​ၸႃႉ​ၸဵမ် ၵေႃႉ​ဢၼ် ၵမ်​ၵျၢင်ႉ​ဢၼ်​ဢမ်ႇ​တြႃး၊ ၵေႃႉ​ဢၼ်​ဢမ်ႇ​ထွမ်ႇ​ဢမ်ႇ​ဢဝ်၊ ၵေႃႉ​ဢၼ်​ဢမ်ႇ​ၵူဝ်း​ၵႂၢႆႇ​ၽြႃး၊ ၵေႃႉ​ဢၼ်​မီး​ဢပႅတ်ႈ၊ ၵေႃႉ​ဢၼ်​ဢမ်ႇ မူတ်း​ၸၢင်ႇ၊ ၵေႃႉ​ဢၼ်​ဢမ်ႇ​ရူဝ်ႇ​သေႇ​ၵူဝ်​ယမ်​ၽြႃး​တြႃး၊ ၵေႃႉ​ဢၼ်​ပေႃႉ​ယႅၼ်ႉ​ပေႃႈ​မႄႈ၊ ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ၊-</verse>
				<verse number="10">ၵေႃႉ​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး၊ ၵေႃႉ​ဢၼ်​ႁဵတ်း​မေႇ​ထုင်ႇ​ၽူႈ​ၸၢႆး​ၼင်ႇ​ၵၼ်၊ ၵေႃႉ​ဢၼ်​လၵ်ႉ​ဢဝ်​ၵူၼ်း၊ ၵေႃႉ​ဢၼ်​လၢတ်ႈ​ၵႂၢမ်း​မူႉ​သႃႇ၊ ၵေႃႉ​ဢၼ်​ၵိၼ်ႇ​ဝႃႈ ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ ဢိၵ်ႇ​တင်း​ၵႃႈ​ဢၼ်​ၶတ်း​ၵၼ်​တင်း​ဢေႃးဝႃႇတႃႉ​ဢၼ်​ၶၢဝ် ဢၼ်​ၸၢင်ႇ​ၼၼ်ႉ​ယူႇ​ဢေႃႈ။-</verse>
				<verse number="11">မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ မႅၼ်ႈ​ၼင်ႇ​တြႃး​သတၢင်း​သိူဝ်း​ပျေႃႇ မုၼ်​ယႂ်ႇ​ၽြႃး​ပဵၼ်​ၸဝ်ႈ​ဢၼ်​မီး​မင်ႇၵလႃႇ ဢၼ်​မၼ်း​ၸဝ်ႈ​ဢၢပ်ႈ​ပၼ်​တီႈ​ၵဝ်​ၼၼ်ႉ​ဢေႃႈ။</verse>
				<verse number="12">ၵဝ်​ယွင်ႈ​ယေႃး​ၵျေး​ၸူး​ၸဝ်ႈ​ႁဝ်း​ ယေႇသူႉ​ၶရိၸ်ႈ ၊ ဢၼ်​ႁႂ်ႈ​ၵဝ်​ပျေႉ​ၸုမ်ႇ​တင်း​ႁႅင်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ပိၵ်ႉ​သမ်ႉ ၵဝ်​ယၢမ်ႈ​ပဵၼ်​ၵေႃႉ​ဢၼ်​သႄႉ​သွမ်း၊ ၵေႃႉ​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး၊ ၵေႃႉ​ဢၼ်​ၵျၢမ်း​ၼႃႇ​သေ​ၵေႃႈ၊ ၸဝ်ႈ​ၼၼ်ႉ​မၢတ်ႈ​ၵဝ်​ပဵၼ်​ၸိူဝ်ႉ​ၼင်ႇ ၵေႃႉ​ဢၼ်​မီး​သဵတ်ႈ​ၸႃႇ​လႄႈ ၶၢၼ်း​ၵဝ်​ဝႆႉ​ၼႂ်း​ဢရႃႇ​ထမ်ႇမႃႉ​သြႃႇ​ဢေႃႈ။-</verse>
				<verse number="13">မိူဝ်ႈ​ဢၼ်​ၵဝ်​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ ပိူဝ်ႈ​ဢၼ်​ၵဝ်​ဢမ်ႇ​ႁူႉ​ဢမၢၼ်ႇ​ၶၼ်​ပဵၼ်​လႄႈ​ႁဵတ်း​ၼၼ်ႉ​လႄႈ၊ ၵဝ်​လႆႈ​ၶၢမ်ႇ ၵရူႉၼႃႇ​ၸဝ်ႈ​ယဝ်ႉ။-</verse>
				<verse number="14">ၵျေး​ၸူး​ၸဝ်ႈ​ၽြႃး​ႁဝ်း​ၼၼ်ႉ​ၵေႃႈ၊ ပျေႉ​ၸုမ်ႇ​လိူင်ႇ​ၸႂ်​လိူဝ်​တွၼ်း​ၼႃႇ​လူင်​လၢင် ဢိၵ်ႇ​လူၺ်ႈ​ၵၼ်​တင်း တၢင်း​ယုမ်ႇ​မၢတ်ႈ တင်း​တၢင်း​ႁၵ်ႉ​မႅတ်ႈ​တႃႇ​ဢၼ်​မီး​ၼႂ်း ယေႇသူႉ​ၶရိၸ်ႈ ​ၼၼ်ႉ​ယဝ်ႉ။</verse>
				<verse number="15">ၵႂၢမ်း​ဢၼ်​ဝႃႈ၊ ယေႇသူႉ​ၶရိၸ်ႈ ​မႃး​ၼႂ်း​လေႃးၵႃႉ​ၼႆႉ ႁႂ်ႈ​လႆႈ​ၵႄႇ​ၶျွတ်ႈ​ဢဝ် ၶဝ်​ၸိူဝ်း​ဢၼ်​မီး​ဢပႅတ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ၵႂၢမ်း​သဵတ်ႈ​ၸႃႇ​ဢေႃႈ။ ၵႂၢမ်း​ဢၼ်​ထုၵ်ႇ​လီ​ႁပ်ႉ​တုင်း​ဢဝ်​သဵင်ႈ​သဵင်ႈ​ၵေႃႈ​ပဵၼ်​ဢေႃႈ။ ၵဝ်​ပဵၼ်​ၵေႃႉ​ဢၼ်​ယႂ်ႇ​သေ​ပိူၼ်ႈ ၼႂ်း​ၶဝ်​ၸိူဝ်း​ဢၼ်​မီး​ဢပႅတ်ႈ​ၼၼ်ႉ​ဢေႃႈ။-</verse>
				<verse number="16">ၵူၺ်း​ၵႃႈ​မၼ်း​ၸဝ်ႈ​ဢဵတ်း​လူ​ၵဝ်​လွင်ႈ​ၼင်ႇ​ႁိုဝ်​ ယေႇသူႉ​ၶရိၸ်ႈ တၵ်း​လႆႈ​ၼႄ​ပျႃး​တၢင်း​ဢၼ်​မၼ်း​ၸဝ်ႈ ၶၼ်ႇထီႇ​ယိူၼ်ႉ​ၶၢမ်ႇ ၵႃႈ​မီး တင်း​သဵင်ႈ​တင်း​လူင် ၼႂ်း​ၵဝ်​ဢၼ်​မီး​ဢပႅတ်ႈ​ဢၼ်​ယႂ်ႇ​ၼႃႇ​သေ​ပိူၼ်ႈ​ၼႆႉ ႁႂ်ႈ​ၵဝ်​လႆႈ​ပဵၼ်​ပုင်ႇ​သၢၵ်ႈ​သေႇ ပုၼ်ႈ​ၶဝ်​ၸိူဝ်း​ဢၼ် တၵ်း ယုမ်ႇ​မၢတ်ႈ တေႃႇ​ထိုင်​ႁွတ်ႈ​ထႃႇဝရႃႉ​ဢသၢၵ်ႈ​ၼၼ်ႉ တၵ်း​ၸွမ်း​ၼၼ်ႉ​ယဝ်ႉ။</verse>
				<verse number="17">ႁႂ်ႈ​ၶုၼ်​ႁေႃ​ၶမ်း လေႃးၵထၢတ်ႈ​ဢၼ်​ဝႃႈ ၽြႃး​ပဵၼ်​ၸဝ်ႈ​သူႇ​လဵဝ်​ၵူၺ်း​ဢၼ် ၵၢင်း​လွတ်ႈ​တင်း တၢင်း​ဢၼ်​ၽွၵ်ႈ​ပျၢၼ်ႇ​လူႉ​လႅဝ် လႄႈ ပဵၼ်​ဢႃႉရူႇပႃႉ တၢင်း​ဢၼ်​မၢၵ်ႇ​တႃ​ဢမ်ႇ​ႁၼ်​လႆႈ​ၼၼ်ႉ မီး​မုၼ်​သရေႇ ဢိၵ်ႇ​တင်း​မုၼ်​ဢႃႇၼူႉၽေႃႇ​ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း သေ​ၵမ်း​လူၺ်ႈ။ ဢႃႇမိၼ်ႇ။</verse>
				<verse number="18">လုၵ်ႈ​ၵဝ်​ တီႉမေႃးသေႇ ​ဢိူၺ်း၊ ၵဝ်​ဢဝ်​ပိင်း​ၺၢပ်ႈ​ၼႆႉ ဢၢပ်ႈ​ပၼ်​တီႈ​မႂ်း မႅၼ်ႈ​ၼင်ႇ​ၵႂၢမ်း​ဢၼႃႇၵၢတ်ႈတီႉ ဢၼ်​ဢဝ်​လွင်ႈ​မႂ်း သေ​လႄႈ ဝႆႉ​မႃး​ယဝ်ႉ​ၼၼ်ႉ ႁႂ်ႈ​မႂ်း​လႆႈ​ဢိင်​ၵႂၢမ်း​ဢၼႃႇၵၢတ်ႈတီႉ​ၼၼ်ႉ​သေ​လႄႈ ၸွႆး​ၸပ်း​တၢင်း​ဢၼ်​ယုမ်ႇ​မၢတ်ႈ​ဢိၵ်ႇ​တင်း တၢင်း​ဢၼ်​ၸႂ် ဢၼ်​ႁူႉ​တူဝ်​ၸဝ်ႈ​ၵဝ်ႇ​လီ​ငၢမ်း​ၼၼ်ႉ တိုၵ်း​သိုၵ်း​လီ​လီ​ငၢမ်း​ငၢမ်း​ဢေႃႈ။-</verse>
				<verse number="19">ၶဝ်​ၵမ်ႈ​ၽွင်ႈ​ပႄႇ​ပႅတ်ႈ​ၸႃႉ​ၸဵမ်​တၢင်း​ဢၼ်​ယုမ်ႇ​မၢတ်ႈ​ၼၼ်ႉ​သေ​ယဝ်ႉ၊ ႁိူဝ်း​သၢင်း​ၽေႃး​တၢင်း​ဢၼ်​ယုမ်ႇ​မၢတ်ႈ​လူႉ​လႄႈ သုမ်း​ယဝ်ႉ။-</verse>
				<verse number="20">ၼႂ်း​ၶဝ်​ၼၼ်ႉ ပႃး​ ႁူႉမေႇၼေႇ ဢိၵ်ႇ​တင်း ဢႃႇလေႇၸၼ်ႇတရူႉ ​ဢေႃႈ။ ၶဝ်​ၼၼ်ႉ​ၸိုင်၊ ၵဝ်​လႆႈ​ဢဝ်​ဢၢပ်ႈ​ဝႆႉ​ၼႂ်း​မိုဝ်း​မႃႇၼၢတ်ႈ ႁႂ်ႈ​ၶဝ်​လႆႈ​သွၼ်​ဢဝ် တၢင်း​ဢၼ်​ဝႄႈ​ပႅတ်ႈ ၵႂၢမ်း​ဢၼ်​သႄႉ​ဢၼ်​သွမ်း​ၼၼ်ႉ​ယဝ်ႉ။</verse>
			</chapter>
			<chapter number="2">
				<verse number="1">လွင်ႈ​ၼင်ႇ​ႁိုဝ်​ႁဝ်း​တၵ်း​ႁဵတ်း​တၢင်း​ဢၼ် မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး၊-</verse>
				<verse number="2">ဢိၵ်ႇ​တင်း​တၢင်း​ဢၼ် ၵမ်​ၵျၢင်ႉ​ဢၼ်​ထုၵ်ႇ​ဢၼ်​လီ ၵူႈ​ၸိူဝ်ႉ​ၵူႈ​ပိူင်​သေ​လႄႈ ယူႇ​ၼိမ်​ၼိမ်​တႄႇ​တႄႇ​တဵတ်ႇ​တဵတ်ႇ​ယဵၼ်​ယဵၼ်​ၸိုင်၊ ၵဝ်​တိုၵ်း​ယူင်း​ၸူဝ်း​ဢဝ် ႁႂ်ႈ​လႆႈ​ႁဵတ်း​တၢင်း​ဢၼ် ႁဵတ်း​သူး​တွင်း​ပထၼႃႇ၊ တၢင်း​ဢၼ်​သူင်ႇ​မႅတ်ႈ​တႃႇ၊ တၢင်း​ဢၼ်​ယွင်ႈ​ယေႃး ၵျေး​ၸူး​ၸဝ်ႈ ပုၼ်ႈ​ၸႃႉ​ၸဵမ်​ၶုၼ်​ႁေႃ​ၶမ်း ဢိၵ်ႇ​တင်း​ၶုၼ်​ဢၼ်​မီး​ဢႃႇၼႃႇ တင်း​သဵင်ႈ​တင်း​လူင် တင်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ ဢွၼ်​တၢင်း​ဢေႃႈ။-</verse>
				<verse number="3">လွင်ႈ​မၼ်း​ၸမ်ႉ လွင်ႈ​တၢင်း​ၸိူဝ်ႉ​ၼင်ႇ​ၼႆ​ၼၼ်ႉ ပဵၼ်​လွင်ႈ​တၢင်း​ဢၼ်​လီ​ဢၼ်​ငၢမ်း​လႄႈ ထုၵ်ႇ​ၸႂ်​ၽြႃး​ပဵၼ်​ၸဝ်ႈ၊ ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ႁဝ်း၊-</verse>
				<verse number="4">ဢၼ်​မီး​ဢလူဝ်ႇ​ၶႂ်ႈ​ႁႂ်ႈ​ၵူၼ်း​တင်း​သဵင်ႈ​တင်း​လူင် ႁွတ်ႈ​ထိုင်​တၢင်း​ၵႄႇ​ၶျွတ်ႈ​ဢဝ်​လႄႈ ႁူႉ​ၸႅင်ႈ​သမ်ႇမႃႇ​တြႃး​ၼၼ်ႉ​ဢေႃႈ။</verse>
				<verse number="5">ၽြႃး​ပဵၼ်​ၸဝ်ႈ​မီး​သူႇ​လဵဝ်​ၵူၺ်း​ဢေႃႈ။ ၼႂ်း​ၵႄႈ​ဝူင်ႈ​ၵၢင်​ၽြႃး​ပဵၼ်​ၸဝ်ႈ တင်း​ၵူၼ်း​ႁဝ်း​ၼႆႉ​ၼၼ်ႉ မီး​ၵူၼ်း​ဝူင်ႈ​ၵၢင်​ဢၼ်​ဝႃႈ​ ယေႇသူႉ​ၶရိၸ်ႈ ဢၼ်​ပဵၼ်​ၵူၼ်း​ၼၼ်ႉ​ၵေႃႉ​လဵဝ်​ၵူၺ်း၊-</verse>
				<verse number="6">ဢၼ်​ၸုၼ်ႉ​ပႅတ်ႈ​တူဝ်​ၸဝ်ႈ​ၵဝ်ႇ ႁႂ်ႈ​လႆႈ​ထုတ်ႇ​ဢဝ်​ၵူၼ်း​တင်း​သဵင်ႈ​တင်း​လူင်​ၼၼ်ႉ​ဢေႃႈ။ ၶိင်ႇ​ၵႃႇလႃႉ​ထုၵ်ႇ​ယဝ်ႉ​ၸင်ႇ မီး​တၢင်း​ဢၼ်​ၶၢမ်ႇ​သၢၵ်ႈ​သေႇ​ဢေႃႈ။-</verse>
				<verse number="7">ပုၼ်ႈ​ဢၼ်​တၵ်း​ၶၢမ်ႇ​သၢၵ်ႈ​သေႇ​ၼၼ်ႉ​ၸိုင်၊ ၵဝ်​ၼႆႉ​ပဵၼ်​ၵေႃႉ​ဢၼ် မၼ်း​ၸဝ်ႈ​ၶၢၼ်း​ဝႆႉ​ၼႂ်း​ဢရႃႇ​သြႃႇ ဢၼ်​ႁေႃး​လၢတ်ႈ​တြႃး၊ ၼႂ်း​ဢရႃႇ​တမၢၼ်ႇ​ၸဝ်ႈ၊ ၼႂ်း​ဢရႃႇ​သြႃႇ​ဢၼ်​သင်ႇ​သွၼ်​ပၼ်​တြႃး တၢင်း​ဢၼ်​ယုမ်ႇ​မၢတ်ႈ​ဢိၵ်ႇ​တင်း သမ်ႇမႃႇ​တြႃး တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ​ဢေႃႈ။ မိူဝ်ႈ​ဢၼ်​ၵဝ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ ၵဝ်​ဢမ်ႇ​ဝႃႈ​ၵႂၢမ်း​မူႉ​သႃႇ၊ ၵဝ်​ဝႃႈ​ၵႂၢမ်း​ဢၼ်​မၢၼ်ႇ​ဢၼ်​မႅၼ်ႈ​ဢေႃႈ။</verse>
				<verse number="8">ပိူဝ်ႈ​ၼႆ​လႄႈ ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​ၵူၼ်း​ၸၢႆး​တင်း​လၢႆ ယင်း​ဢမ်ႇ​မီး​တၢင်း​ဢၼ်​တေႃး​သႃႉ​ဢွၵ်ႇ၊ တၢင်း​ဢၼ်​တွပ်ႇ​ၵၼ်​ထဵင်​ၵၼ်​လႄႈ ယုၵ်ႉ​မိုဝ်း​ဢၼ်​မူတ်း​ၸၢင်ႇ​လႄႈ ႁဵတ်း​သူး​တွင်း​ပထၼႃႇ​ၵူႈ​တီႈ​ၵူႈ​လႅၼ်​ဢေႃႈ။-</verse>
				<verse number="9">မိူၼ်​ၸိူဝ်ႉ​ၼင်ႇ​ၼၼ်၊ ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​မႄႈ​ယိင်း​တင်း​လၢႆ ယင်း​ဢမ်ႇ​ႁၢင်ႈ​ၶိူင်ႈ​ႁၢင်ႈ​ၽၢင်​ၶူၼ်​ႁူဝ်​ဢၼ်​ၽၼ်ႈ​ဢၼ်​ၽိူဝ်၊ ၶိူင်ႈ​ပိူင်​ၶမ်း၊ မၢၵ်ႇ​ပူး​လႄး၊ ၶူဝ်း​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​လႄႈ တၵ်း​ဢဝ်​ၶူဝ်း​ၼုင်ႈ​ဢၼ်​ထုၵ်ႇ​ဢၼ်​လီ ဢိၵ်ႇ​တင်း တၢင်း​ဢၼ်​ဢူၵ်း ဢၼ်​ဢၢႆ၊ တၢင်း​ဢၼ်​ပႂ်ႉ​ဢိင်ႇတရေႇ၊-</verse>
				<verse number="10">တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း မိူၼ်​ၸိူဝ်ႉ​ၼင်ႇ​ဢၼ်​မႄႈ​ယိင်း​ဢၼ်​ႁပ်ႉ​တုင်း​ဢဝ် ပွင်​ႁဵတ်း​တၢင်း​ဢၼ် ရူဝ်ႇ​သေႇ​ၵူဝ်​ယမ် ၽြႃး​ပဵၼ်​ၸဝ်ႈ ထုၵ်ႇ​လီ​ၼုင်ႈ​မႆ​ၼၼ်ႉ ႁၢင်ႈ​ၶိူင်ႈ​ႁၢင်ႈ​ၽၢင်​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="11">ၽူႈ​ယိင်း​ၸိုင် ႁႂ်ႈ​ၶၢမ်ႇ​တၢင်း​ဢၼ်​ဢုပ်ႉ​ပိူင်ႇ​ယူႇ​သေ​လႄႈ သွၼ်​ဢဝ်​တဵတ်ႇ​တဵတ်ႇ​ယဵၼ်​ယဵၼ်​သေ​ၵမ်း​လူၺ်ႈ။-</verse>
				<verse number="12">ၵဝ်​ဢမ်ႇ​ပၼ်​ဢၶႂၢင်ႉ​ဢၼ်​လႆႈ​သင်ႇ​သွၼ်​သုင်း​မႃႉ​ပၼ်၊ ဢၶႂၢင်ႉ​ဢၼ်​လႆႈ​ႁဵတ်း​တၢင်း​ဢၼ် ဢုပ်ႉ​ပိူင်ႇ​ၵႃႈ​ၼိူဝ်​ၵူၼ်း​ၸၢႆး​ၼၼ်ႉ တီႈ​ၽူႈ​ယိင်း။ မၼ်း​ထုၵ်ႇ​လီ​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​ဢေႃႈ။-</verse>
				<verse number="13">လွင်ႈ​မၼ်း​ၸမ်ႉ မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ် ဢႃႇတၢမ်ႇ ​ဢွၼ်​တၢင်း​လႄႈ၊ ၵမ်း​လိုၼ်း​ၽၢၼ်ႇ​သၢင်း​ႁဵတ်း​ပဵၼ်​ ဢေးဝႃႉ ​ဢေႃႈ။-</verse>
				<verse number="14">လိူဝ်​သေ​ၼၼ်ႉ ဢႃႇတၢမ်ႇ ​ဢမ်ႇ​ၶၢမ်ႇ​တၢင်း​ဢၼ်​ပႅတ်ႉ​လႅၼ်၊ ၽူႈ​ယိင်း​ၶၢမ်ႇ​တၢင်း​ဢၼ်​ပႅတ်ႉ​လႅၼ်​လႄႈ ပူၼ်ႉ​လိူဝ်​ဢေႃႈ။-</verse>
				<verse number="15">ၼႂ်း​ဝႃႈ​ၼၼ်​သေ​ၵေႃႈ ပေႃး​မၼ်း​တႄႇ​ယူႇ​ၼႂ်း​တၢင်း​ဢၼ်​ယုမ်ႇ​မၢတ်ႈ၊ တၢင်း​ဢၼ်​ႁၵ်ႉ၊ တၢင်း​ဢၼ်​မူတ်း​ၸၢင်ႇ၊ ဢိၵ်ႇ​တင်း တၢင်း​ဢၼ်​ပႂ်ႉ​ဢိင်ႇတရေႇ​ယူႇ​ၸိုင် မၼ်း​တၵ်း​ႁွတ်ႈ​ထိုင် တၢင်း​ဢၼ်​ၵႄႇ​ၶျွတ်ႈ​ဢဝ်​ၼႂ်း​လွင်ႈ​တၢင်း​ဢၼ် ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ဢေႃႈ။</verse>
			</chapter>
			<chapter number="3">
				<verse number="1">ၵႂၢမ်း​ဢၼ်​ဝႃႈ၊ ပေႃး​ၵေႃႉ​ၼိုင်ႈ​တူၵ်း​ဢၢင်ႈ​ဢရႃႇ တၢင်း​ဢၼ်​ဢုပ်ႉ​ၸိူဝ်း​ၸဝ်ႈ​ၸိုင်၊ မၼ်း​ၶႂ်ႈ​လႆႈ​ၵၢၼ် တၢင်း​ႁဵတ်း​ဢၼ်​လီ​ဢၼ်​ငၢမ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ၵႂၢမ်း​သဵတ်ႈ​ၸႃႇ​ဢေႃႈ။-</verse>
				<verse number="2">ပိူဝ်ႈ​ၼႆ​လႄႈ ၵူၼ်း​ဢုပ်ႉ​ၸိူဝ်း​ၸဝ်ႈ​ၸိုင်၊ တၵ်း​လႆႈ​ပဵၼ်​တၢင်း​ၵေႃႉ​ဢၼ်​ၵၢင်း​လွတ်ႈ​တင်း တီႈ​ဢၼ်​တၢင်ႇ​ဢပႅတ်ႈ၊ ၵေႃႉ​ဢၼ်​မီး​မေး​ၵေႃႉ​လဵဝ်၊ ၵေႃႉ​ဢၼ်​မီး​သမ်ႇမႃႇသတီႉ၊ ၵေႃႉ​ဢၼ်​ပႂ်ႉ​ဢိင်ႇတရေႇ၊ ၵေႃႉ​ဢၼ်​ၵမ်​ၵျၢင်ႉ​ဢၼ်​သၢင်ႇ​ထုၵ်ႇ၊ ၵေႃႉ​ဢၼ်​ၸၢင်ႈ​ႁဵတ်း ဝၢတ်ႈ​ၶႅၵ်ႇ၊ ၵေႃႉ​ဢၼ်​ၸၢင်ႈ​သင်ႇ​သွၼ်​သုင်း​မႃႉ​ဢေႃႈ။-</verse>
				<verse number="3">ယင်း​ဢမ်ႇ​မီး​တၢင်း​ဢၼ်​ၸၢင်ႈ​ပျေႃႇ​လူၺ်ႈ​ၼမ်ႉ​ၸပိတ်ႈ ဢိၵ်ႇ​တင်း​တၢင်း​ဢၼ်​ၸၢင်ႈ​ပေႃႉ​ယႅၼ်ႉ​ပိူၼ်ႈ​လႄႈ တၵ်း​လႆႈ​ပဵၼ်​ၵေႃႉ​ဢၼ်​ၸႂ်​ၼိမ်​သိမ်ႇ ဢူၼ်ႈ​ဢွၼ်ႇ၊ ၵေႃႉ​ဢၼ်​ဢမ်ႇ​ၸၢင်ႈ​ၽိတ်း​ၵၼ်​ထဵင်​ၵၼ်၊ ၵေႃႉ​ဢၼ်​ဢမ်ႇ​ၸၢင်ႈ​ၸႂ်​ၸပ်း​ၸႂ်​ၸွႆး​ငိုၼ်း​ဢေႃႈ။-</verse>
				<verse number="4">တၵ်း​လႆႈ​ပဵၼ်​ၵေႃႉ​ဢၼ်​ဢုပ်ႉ​ႁိူၼ်း​တူဝ်​ၸဝ်ႈ​ၵဝ်ႇ လီ​လီ​ငၢမ်း​ငၢမ်း​လႄႈ ဢဝ်​တင်း​သမ်ႇမႃႇသတီႉ သင်ႇ​သွၼ်​ပၼ်​လုၵ်ႈ​လၢင်း​မၼ်း​ဢေႃႈ။-</verse>
				<verse number="5">ပေႃး​မၼ်း​ဢမ်ႇ​မေႃ​ဢုပ်ႉ​ႁိူၼ်း တူဝ်​ၸဝ်ႈ​ၵဝ်ႇ​ၸိုင်၊ မၼ်း​တၵ်း​ႁဵတ်း​ၸိူဝ်ႉ​ၼင်ႇ​ႁိုဝ် ပႂ်ႉ​လူ​ပႂ်ႉ​တူၺ်း​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ။-</verse>
				<verse number="6">ပိူဝ်ႈ​ဢၼ်​ၵူဝ်​မၼ်း​တၵ်း​မဝ်း​လဝ်ႈ​လူၺ်ႈ​မႃႇၼႃႉ တၢင်း​ဢၼ်​ၸႂ်​သုင်​လႄႈ ႁွတ်ႈ​ထိုင်​ဢပႅတ်ႈ​မႃႇၼၢတ်ႈ​လႄႈ မၼ်း​ဢမ်ႇ​လႆႈ​ပဵၼ်​ၵူၼ်း​မႂ်ႇ​ဢၼ်​ၶဝ်ႈ​ၼႂ်း​ၽႃႇသႃႇ။-</verse>
				<verse number="7">မၼ်း​တၵ်း​လႆႈ​ပဵၼ်​ၵေႃႉ​ဢၼ်​မီး​သရေႇ ၵႃႈ​ၼႂ်း​ၵူၼ်း​ၵႃႈ​ၼွၵ်ႈ​တင်း​လၢႆ ႁႂ်ႈ​လႆႈ​ၵၢင်း​လွတ်ႈ​တင်း​တၢင်း​ဢၼ်​သႄႉ​သွမ်း ဢိၵ်ႇ​တင်း ဢပႅတ်ႈ တၢင်း​ဢၼ်​မႃႇၼၢတ်ႈ​တီႉ​ၵမ်​လႆႈ​ၼၼ်ႉ​ဢေႃႈ။</verse>
				<verse number="8">မိူၼ်​ၼင်ႇ​ၼၼ် ၵူၼ်း​ပွင်​ၸိူဝ်း​ၸဝ်ႈ​တင်း​လၢႆ​ၸိုင်၊ တၵ်း​လႆႈ​ပဵၼ်​ၵေႃႉ​ဢၼ်​တႄႇ​ယူႇ​ဢေႃႈ။ တၵ်း​ဢမ်ႇ​လႆႈ​ပဵၼ်​ၵေႃႉ​ဢၼ် ဢဝ်​တင်း​လိၼ်ႉ​သွင်​ငၢမ်ႈ​လၢတ်ႈ​ၵႂၢမ်း၊ ၵေႃႉ​ဢၼ်​ၵိၼ်​ၼမ်ႉ​ၸပိတ်ႈ​ပူၼ်ႉ​လိူဝ်၊ ၵေႃႉ​ဢၼ်​ၸႂ်​ၸပ်း​ၸီး​ပႂႃး​ဢၼ်​ဢမ်ႇ​မူတ်း​သႂ်​ၼၼ်ႉ။-</verse>
				<verse number="9">တၵ်း​လႆႈ​မီး​တၢင်း​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ ဢၼ်​မူတ်း​သႂ်​သေ​လႄႈ ပဵၼ်​ၵေႃႉ​ဢၼ်​ၸွႆး​ၸပ်း​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ တၢင်း​ဢၼ်​ယုမ်ႇ​မၢတ်ႈ​ဢေႃႈ။-</verse>
				<verse number="10">ႁႂ်ႈ​ၶဝ်​ၼၼ်ႉ​ၶၢမ်ႇ​တၢင်း​ဢၼ်​ၸၢမ်း​တူၺ်း ဢွၼ်​တၢင်း​လူး​ၵွၼ်ႇ​တႃႉ။ ၵမ်း​လိုၼ်း​ပေႃး​ၶဝ်​ၵၢင်း​လွတ်ႈ​တင်း​တီႈ​ဢၼ်​တၢင်ႇ​ဢပႅတ်ႈ​ၸိုင်၊ ႁႂ်ႈ​ၶဝ်​ႁဵတ်း​ၵူၼ်း​ပွင်​ၸိူဝ်း​ၸဝ်ႈ​တႃႉ။-</verse>
				<verse number="11">မိူၼ်​ၼင်ႇ​ၼၼ် ၽူႈ​ယိင်း​တင်း​လၢႆ​ၵေႃႈ၊ တၵ်း​လႆႈ​ပဵၼ်​ၵေႃႉ​ဢၼ်​တႄႇ​ယူႇ​ဢေႃႈ။ ဢမ်ႇ​လႆႈ​ပဵၼ်​ၵေႃႉ​ဢၼ်​ၸၢင်ႈ​ၶျေႃး​ၵိၼ် ဝွၼ်း​ၵိၼ်၊ တၵ်း​လႆႈ​ပဵၼ်​ၵေႃႉ​ဢၼ်​မီး​သမ်ႇမႃႇသတီႉ၊ ၵေႃႉ​ဢၼ်​မီး​သဵတ်ႈ​ၸႃႇ ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။</verse>
				<verse number="12">ႁႂ်ႈ​ၵူၼ်း​ပွင်​ၸိူဝ်း​ၸဝ်ႈ​တင်း​လၢႆ မီး​မေး​ယေႈ​ၵေႃႉ​ၵူၺ်း​လႄႈ ပဵၼ်​ၵေႃႉ​ဢၼ်​ၸၢင်ႈ​ဢုပ်ႉ​လုၵ်ႈ ဢုပ်ႉ​လၢင်း ဢိၵ်ႇ​တင်း ၵူၼ်း​ႁိူၼ်း​ၵူၼ်း​ယေး​တူဝ်​ၸဝ်ႈ​ၵဝ်ႇ လီ​လီ​ငၢမ်း​ငၢမ်း​တႃႉ။-</verse>
				<verse number="13">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ပွင်​ႁဵတ်း​ဢမူႉ တၢင်း​ဢၼ်​ပွင်​ၸိူဝ်း​ၸဝ်ႈ​လီ​လီ​ငၢမ်း​ငၢမ်း​ၼၼ်ႉ လႆႈ​ဢမျၢတ်ႈ​ဢရႃႇ​ဢၼ်​လီ ဢၼ်​ငၢမ်း ဢိၵ်ႇ​တင်း​တၢင်း​ဢၼ်​ႁတ်း​ဢၼ်​ႁၢၼ်​ၼႂ်း​ ယေႇသူႉ​ၶရိၸ်ႈ ​ၼၼ်ႉ ပုၼ်ႈ​တူဝ်​ၸဝ်ႈ​ၵဝ်ႇ​ဢေႃႈ။</verse>
				<verse number="14">ပိၵ်ႉ​သမ်ႉ​ၵဝ်​မီး တၢင်း​ဢၼ်​မုင်ႈ​ထႃႈ​မွင်း​ထႃႈ ႁႂ်ႈ​လႆႈ​မႃး​ၸူး​တီႈ​မႂ်း​ၶၼ်​ၶၼ်​ၽႂ်း​ၽႂ်း​ယူႇ​သေ​ၵေႃႈ၊-</verse>
				<verse number="15">ပေႃး​ၵဝ်​ၵိုတ်း​သဝ်း​ယူႇ​ႁိုင်​ၼႃႇ​လႄႈ ၼၢၼ်း​လႆႈ​ၵႂႃႇ​ၸိုင်၊ ၵဝ်​တႅမ်ႈ​ၸိူဝ်ႉ​ၼင်ႇ​ၼႆ​ပၼ်​ၵႂႃႇ​တီႈ​မႂ်း ႁႂ်ႈ​မႂ်း​လႆႈ​ႁူႉ​လွင်ႈ​ဢၼ်​မႂ်း​တၵ်း​လႆႈ​သၢင်ႈ​ႁဵတ်း​ၵမ်​ၵျၢင်ႉ ၼႂ်း​ႁိူၼ်း​ၽြႃး​ပဵၼ်​ၸဝ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ။ ႁိူၼ်း​ၸဝ်ႈ​ၼၼ်ႉ​ၸမ်ႉ၊ ပဵၼ်​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ဢေႃႈ။ ၸိူဝ်း​ၸဝ်ႈ​ၼၼ်ႉ​ၸမ်ႉ၊ ပဵၼ်​သဝ်​တီႈ​ဢၼ်​သမ်ႇမႃႇ​တြႃး​ဢိင်​ယူႇ​ဢေႃႈ။ ငဝ်ႈ​ႁၢၵ်ႈ​တီႈ​ဢၼ် သမ်ႇမႃႇ​တြႃး​တႄႇ​ယူႇ​ၵေႃႈ​ပဵၼ်​ဢေႃႈ။-</verse>
				<verse number="16">လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ တၢင်း​ဢၼ်​ႁဵတ်း​ဝၢတ်ႈ ၵူဝ်း​ၵႂၢႆႇ​ၵမ်​ၵျၢင်ႉ​သၢင်ႈ​ႁဵတ်း​ၼၼ်ႉ ပဵၼ်​လွင်ႈ​တၢင်း​ဢၼ်​ယႂ်ႇ​ၼႃႇ​လူင်​လၢင် ဝႃႈ​ၼႆ​တီႈ​ဢၼ်​တၵ်း​တွပ်ႇ​ၵၼ်​ထဵင်​ၵၼ်​ဢမ်ႇ​မီး။ မၼ်း​ၸဝ်ႈ​လႆႈ​ၶၢမ်ႇ​တၢင်း​ဢၼ်​ပေႃႇ​မႃး ၼႂ်း​တူဝ်​ၶၼ်ႇ​ထႃႇ​ယဝ်ႉ။ လႆႈ​ၶၢမ်ႇ​တၢင်း​ဢၼ် တၢင်း​သိုဝ်ႈ​တေႃႇ​မၼ်း​ၸဝ်ႈ ထၢင်ႇ​သႃး​ၵွပ်ႈ​ပိူဝ်ႈ ဝီႉၺိၺ်ႇ​ၸဝ်ႈ​ၼၼ်ႉ​ယဝ်ႉ။ လႆႈ​ၶၢမ်ႇ​တၢင်း​ဢၼ်​တမၢၼ်ႇ​ၵၢင်​ႁၢဝ်​တင်း​လၢႆ တူၺ်း​ႁၼ်​ယဝ်ႉ။ လႆႈ​ၶၢမ်ႇ​တၢင်း​ဢၼ်​ႁေႃး​လၢတ်ႈ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ယဝ်ႉ။ လႆႈ​ၶၢမ်ႇ​တၢင်း​ဢၼ် ၵူၼ်း​လေႃးၵီႇ​တင်း​လၢႆ ယုမ်ႇ​မၢတ်ႈ​ယဝ်ႉ။ လႆႈ​ၶၢမ်ႇ​တၢင်း​ဢၼ်​ဢဝ်​ၶိုၼ်ႈ​ၵႂႃႇ​ၵႃႈ​ၼိူဝ် ဢိၵ်ႇ​လူၺ်ႈ​ၵၼ်​တင်း​မုၼ်​ၵုင်ႇ​သရေႇ​ယဝ်ႉ။</verse>
			</chapter>
			<chapter number="4">
				<verse number="1">ဝီႉၺိၺ်ႇ​ၸဝ်ႈ ဝႆႉ​ပျႃႇ​တိၵ်ႈ​လႅင်း​လႅင်း​ၸမ်ႉ၊ ၼႂ်း​ၶိင်ႇ​ၵႃႇလႃႉ​ၵမ်း​လိုၼ်း​ပုၼ်ႉ၊ ၵူၼ်း​ၵမ်ႈ​ၽွင်ႈ​တၵ်း​ပႅတ်ႈ​ဝႆႉ တၢင်း​ဢၼ်​ယုမ်ႇ​မၢတ်ႈ​သေ​လႄႈ ဢိင်​ပိုင်ႈ​ၸႂ်​ဝီႉၺိၺ်ႇ​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ် ဢိၵ်ႇ​တင်း ဢေႃးဝႃႇတႃႉ​တင်း​လၢႆ ဢၼ်​ၸၢပ်ႈ​သႅင်ႇ​ၵၼ်​တင်း​ၽီ​ၼၼ်ႉ၊-</verse>
				<verse number="2">ၵွပ်ႈ​ပိူဝ်ႈ​တၢင်း​ဢၼ် ၸၢင်ႈ​ထိမ်ႇ​ၸၢင်ႈ​မႅပ်း​ၶဝ်​ၸိူဝ်း​ဢၼ် ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ​ၼၼ်ႉ လႆႈ​ၶၢမ်ႇ​တၢင်း​ဢၼ် ဢဝ်​လဵၵ်း​မႆႈ ၸမ်ႈ​သႂ်ႇ သေ​ယဝ်ႉ​ၸင်ႇ လၢတ်ႈ​မူႉ​သႃႇ​ၼၼ်ႉ​ဢေႃႈ။-</verse>
				<verse number="3">ၶဝ်​ၼၼ်ႉ​တၵ်း​ဝႆႉ​ပိင်း​ၺၢပ်ႈ​လႄႈ​ဝႃႈ၊ ဢမ်ႇ​လႆႈ​ႁဵတ်း​တၢင်း​ဢၼ်​သွင်ႇ​မင်ႇၵလႃႇ​လႄႈ တၵ်း​လႆႈ​ၵမ်​တၢင်း​ၵိၼ် ဢၼ်​ၽြႃး​ပဵၼ်​ၸဝ်ႈ ၽၢၼ်ႇ​သၢင်း​ႁဵတ်း​ပဵၼ်​ဝႆႉ​ပုၼ်ႈ​ဢၼ် ၶဝ်​ၸိူဝ်း​ဢၼ်​ယုမ်ႇ​မၢတ်ႈ​လႄႈ ႁူႉ​သမ်ႇမႃႇ​တြႃး​ၼၼ်ႉ တၵ်း​မီး​တင်း​ၸႂ်​ဢၼ်​ႁူႉ​ၵျေး​ၸူး​ၸဝ်ႈ သေ​လႄႈ သုင်း​သွင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၵႃႈ​ဢၼ်​ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ဝႆႉ တင်း​သဵင်ႈ​တင်း​လူင်​ၼၼ်ႉ​ၸိုင်၊ လီ​သုင်း​လီ​သွင်​ဢေႃႈ။ ပေႃး​မီး​တင်း​ၸႂ် ဢၼ်​ႁူႉ​ၵျေး​ၸူး​ၸဝ်ႈ​လႄႈ​ၶၢမ်ႇ​ဢဝ်​ၸိုင်၊ ဢၼ်​လႂ်​သေ​ဢမ်ႇ​ဝႃႈ၊ ဢမ်ႇ​လႆႈ​ဝႄႈ​လႆႈ​ၵမ်။-</verse>
				<verse number="5">လွင်ႈ​မၼ်း​ၸမ်ႉ လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် မူတ်း​ၸၢင်ႇ​ၵွပ်ႈ​ပိူဝ်ႈ ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵွပ်ႈ​ပိူဝ်ႈ တၢင်း​ဢၼ်​သူး​တွင်း​ၼၼ်ႉ​ယူႇ​ဢေႃႈ။</verse>
				<verse number="6">ပေႃး​မႂ်း​မွၵ်ႇ​လၢတ်ႈ​ၵႂၢမ်း​ၸိူဝ်ႉ​ၼင်ႇ​ၼႆ​တီႈ​ပီႈ​ၼွင်ႉ​တင်း​လၢႆ​ၸိုင်၊ မႂ်း​တၵ်း​ပဵၼ်​ထမ်ႇမႃႉ​သြႃႇ​ဢၼ်​လီ​တီႈ​ ယေႇသူႉ​ၶရိၸ်ႈ ​လႄႈ ၶၢမ်ႇ​တၢင်း​ဢၼ်​လဵင်ႉ​ၸႂ်​လူၺ်ႈ​ၵႂၢမ်း တၢင်း​ဢၼ်​ယုမ်ႇ​မၢတ်ႈ ဢိၵ်ႇ​တင်း​ၵႂၢမ်း​သမ်ႇမႃႇ​ဢေႃးဝႃႇတႃႉ ဢၼ်​တူဝ်​ၸဝ်ႈ​ၵဝ်ႇ ယၢမ်ႈ​ၸပ်း​ၸွမ်း​ယူႇ​ၼၼ်ႉ​ဢေႃႈ။-</verse>
				<verse number="7">ဝႄႈ​ပႅတ်ႈ​ၵႂၢမ်း​တၢၼ်ႇတႃႇရီႇ​ဢၼ်​ဢမ်ႇ​ၶဝ်ႈ​ပႃး​ၼႂ်း​တြႃး​လႄႈ မႄႈ​ယိင်း​ထဝ်ႈ​ၸၢင်ႈ​လၢတ်ႈ​ၼၼ်ႉ​သေ​လႄႈ ဢဝ်​တင်း​တၢင်း​ဢၼ် မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး​ၼၼ်ႉ သင်ႇ​သွၼ်​တူဝ်​ၸဝ်ႈ​ၵဝ်ႇ​တႃႉ။-</verse>
				<verse number="8">တၢင်း​ဢၼ်​သင်ႇ​သွၼ်​တူဝ်​ၵႃႇ​ယႃႉ​ၸိုင်၊ ၸၢင်ႈ​ပၼ်​ဢၵျူဝ်း​ဢိတ်း​ဢွၼ်ႇ​ၼိုင်ႈ​ဢေႃႈ။ တၢင်း​ဢၼ် မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး​ၸမ်ႉ၊ ပိူဝ်ႈ​ဢၼ်​လႆႈ​ၵတီႉ​ဢၼ်​ၸၢပ်ႈ​သႅင်ႇ​ၵၼ်​တင်း​ၸၢတ်ႈ​ၼႆႉ​ၸၢတ်ႈ​ၼႃႈ​လႄႈ ၸၢင်ႈ​ပၼ်​ဢၵျူဝ်း​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ဢေႃႈ။-</verse>
				<verse number="9">ၵႂၢမ်း​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ ပဵၼ်​ၵႂၢမ်း​သဵတ်ႈ​ၸႃႇ၊ ၵႂၢမ်း​ဢၼ်​ထုၵ်ႇ​လီ​ႁပ်ႉ​တုင်း​ဢဝ်​သဵင်ႈ​သဵင်ႈ​ၵေႃႈ​ပဵၼ်​ဢေႃႈ။-</verse>
				<verse number="10">ၵွပ်ႈ​ႁွႆး​ၼႆႉ​လႄႈ​ႁဝ်း​ပွင်​ႁဵတ်း​ဢမူႉ​လွင်ႈ​တၢင်း​ဢၼ် ယၢပ်ႇ​ၽိုတ်ႇ​ၼႃႇ​လူင်​လၢင် ၵွပ်ႈ​ပိူဝ်ႈ​ဢၼ်​ႁဝ်း​ဢိင်​ပိုင်ႈ​ၽြႃး​ပဵၼ်​ၸဝ်ႈ​ဢၼ်​ဢသၢၵ်ႈ​လိပ်း​ယူႇ​လႄႈ ပဵၼ်​ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ၵူၼ်း တင်း​သဵင်ႈ​တင်း​လူင်​ဢမ်ႇ​ၵႃး၊ ပဵၼ်​ၸဝ်ႈ​ဢၼ်​ယဵင်ႈ​ၶႅၼ်း ၵႄႇ​ၶျွတ်ႈ​ဢဝ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၼၼ်ႉ​ဢေႃႈ။ တၢင်း​ဢၼ်​သႄႉ​ဢၼ်​သွမ်း​ၵေႃႈ ႁဝ်း​လႆႈ​ၶၢမ်ႇ​ဢေႃႈ။</verse>
				<verse number="11">ဢဝ်​လွင်ႈ​တၢင်း​ၸိူဝ်း​ၼႆႉ​ဝႆႉ​ပိင်း​ၺၢပ်ႈ​လႄႈ သင်ႇ​သွၼ်​သုင်း​မႃႉ​ပၼ်​တႃႉ။-</verse>
				<verse number="12">ယႃႇ​ပေ​ႁႂ်ႈ​ၽူႈ​လႂ်​ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​လွင်ႈ​တၢင်း​ဢၼ် ဢသၢၵ်ႈ​မႂ်း​ယင်း​ၼုမ်ႇ​ယင်း​ၵမ်​ယူႇ​ၼၼ်ႉ၊ ၼႄ​ပျႃး​ပုင်ႇ​သၢၵ်ႈ​သေႇ ၼႂ်း​တၢင်း​ဢၼ်​လၢတ်ႈ​ၵႂၢမ်း၊ တၢင်း​ဢၼ်​သၢင်ႈ​ႁဵတ်း​ၵမ်​ၵျၢင်ႉ၊ တၢင်း​ဢၼ်​ႁၵ်ႉ​ပိူၼ်ႈ၊ တၢင်း​ဢၼ်​ယုမ်ႇ​မၢတ်ႈ၊ တၢင်း​ဢၼ်​ၶၢဝ်​ၸၢင်ႇ​ၼၼ်ႉ တီႈ​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၼၼ်ႉ​တႃႉ။-</verse>
				<verse number="13">တေႃႇ​ထိုင်​ႁွတ်ႈ​ၸူဝ်ႈ​ဢၼ်​ၵဝ် ဢမ်ႇ​ပႆႇ​မႃး​ၼၼ်ႉ​ၸိုင်၊ ၵျူဝ်း​ၸႃး​လႄႈ​ႁဵတ်း​တၢင်း​ဢၼ် ၽတ်း​ၵျၢမ်း​လိၵ်ႈ၊ တၢင်း​ဢၼ်​တိုၵ်း​ယူင်း ၸူဝ်း​ဢဝ်၊ တၢင်း​ဢၼ်​သင်ႇ​သွၼ်​သုင်း​မႃႉ​ပၼ်​ၼၼ်ႉ​ယူႇ​တႃႉ။-</verse>
				<verse number="14">ယင်း​ဢမ်ႇ​ၶႆႈ​ၸႂ်​လူၺ်ႈ သူႉ​ၵျေး​ၸူး​ဢၼ်​မီး​ၼႂ်း​မႂ်း​ဢၼ်​ဢၢပ်ႈ​ပၼ်​တီႈ​မႂ်း ၼႂ်း​တၢင်း​ဢၼ် ၶၢမ်ႇ​ပျႃႇ​တိၵ်ႈ​ၸဝ်ႈ ဢိၵ်ႇ​တင်း တၢင်း​ဢၼ် ၵူၼ်း​ဢုပ်ႉ​ၸိူဝ်း​ၸဝ်ႈ​တင်း​လၢႆ ဢဝ်​မိုဝ်း​တၢင်ႇ​သႂ်ႇ​ၼၼ်ႉ​လႄႈ​ယႃႇ​ပေ​ယူႇ။-</verse>
				<verse number="15">ၸႂ်​ၸပ်း​ၸႂ်​ၸွႆး​လွင်ႈ​တၢင်း​ၸိူဝ်း​ၼႆႉ​လႄႈ ဢဝ်​ႁႅင်း​ၵျူဝ်း​ၸႃး​ႁဵတ်း​ႁႂ်ႈ​တၢင်း​ဢၼ်​မႂ်း​ယႂ်ႇ​ၼမ်​ၵိုၼ်း​မႃး​ၼၼ်ႉ လႆႈ​ထၢင်ႇ​သႃး​တီႈ​ၵူၼ်း တင်း​သဵင်ႈ​တင်း​လူင်​တႃႉ။-</verse>
				<verse number="16">ႁဵတ်း​သတီႉ​တီႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း​လွင်ႈ​တၢင်း​ဢၼ် တူဝ်​ၸဝ်ႈ​ၵဝ်ႇ​သင်ႇ​သွၼ်​သုင်း​မႃႉ​ပၼ်​ၼၼ်ႉ​သေ​လႄႈ တႄႇ​ယူႇ မၼ်ႈ​မၼ်ႈ​ၶိူင်ႇ​ၶိူင်ႇ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မႂ်း​တၵ်း​ၵႄႇ​ၶျွတ်ႈ​ဢဝ်​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ၶဝ်​ၸိူဝ်း​ဢၼ် ထွမ်ႇ​ဢဝ်​ၵႂၢမ်း​မႂ်း​ၼၼ်ႉ​ဢေႃႈ။</verse>
			</chapter>
			<chapter number="5">
				<verse number="1">ယႃႇ​ပေ​သင်ႇ​သွၼ်​သုင်း​မႃႉ တီႈ​ၵေႃႉ​ဢၼ်​ဢသၢၵ်ႈ​ယႂ်ႇ​ၼၼ်ႉ​ၼႃႇ​လူင်​လၢင်။ မၢတ်ႈ​မၼ်း​ပဵၼ်​ၸိူဝ်ႉ​ၼင်ႇ​ပေႃႈ​ၼၼ်ႉ​သေ​လႄႈ တွင်း​ပၢၼ်ႇ​ဢဝ်​တႃႉ။ မၢတ်ႈ​ၽူႈ​မၢဝ်ႇ​တင်း​လၢႆ ပဵၼ်​ၸိူဝ်ႉ​ၼင်ႇ​ၼွင်ႉ​ၸၢႆး၊-</verse>
				<verse number="2">မၢတ်ႈ​မႄႈ​ယိင်း​ဢၼ်​ဢသၢၵ်ႈ​ယႂ်ႇ​တင်း​လၢႆ ပဵၼ်​ၸိူဝ်ႉ​ၼင်ႇ​မႄႈ၊ မီး​တင်း​တၢင်း​ဢၼ်​ၶၢဝ်​ၸၢင်ႇ ၼႃႇ​လူင်​လၢင်၊ မၢတ်ႈ​ၽူႈ​သၢဝ်​ပဵၼ်​ၸိူဝ်ႉ​ၼင်ႇ​ၼွင်ႉ​ယိင်း​သေ​လႄႈ တွင်း​ပၢၼ်ႇ​တႃႉ။-</verse>
				<verse number="3">ၸွႆႈ​ထႅမ်​ႁဵတ်း​လဵင်ႉ​ႁဵတ်း​လူ​ၽူႈ​ယိင်း ဢၼ်​ပဵၼ်​မႄႈ​မူၵ်း​မႄႈ​မၢႆႈ ဢမၢၼ်ႇ​ၶၼ်​ပဵၼ်​ၸိူဝ်း​ၼၼ်ႉ​တႃႉ။-</verse>
				<verse number="4">ပေႃး​ပဵၼ်​မႄႈ​မူၵ်း​မႄႈ​မၢႆႈ ဢၼ်​မီး​လုၵ်ႈ​မီး​လၢၼ်​ၸိုင်၊ ႁႂ်ႈ​လုၵ်ႈ​လၢၼ်​ၸိူဝ်း​ၼၼ်ႉ သွၼ်​ဢဝ်​ဢွၼ်​တၢင်း ႁႂ်ႈ​ၶဝ်​လႆႈ​မၢတ်ႈ​တွင်း​လွင်ႈ​ဝၢတ်ႈ​ၽြႃး၊ တၢင်း​ဢၼ်​ပွင်​ႁဵတ်း​ၼႃႈ​ႁိူၼ်း​တူဝ်​ၸဝ်ႈ​ၵဝ်ႇ​လႄႈ တွပ်ႇ​တႅၼ်း​ပၼ်​ၵျေး​ၸူး တီႈ​ပေႃႈ​မႄႈ​ပူႇ​ၼၢႆး​ၶဝ်​ၼၼ်ႉ​တႃႉ။ လွင်ႈ​တၢင်း​ၼၼ်ႉ ပဵၼ်​လွင်ႈ​တၢင်း​ဢၼ်​ထုၵ်ႇ​ၸႂ်​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="5">ၽူႈ​ယိင်း​ဢၼ်​ပဵၼ်​မႄႈ​မူၵ်း​မႄႈ​မၢႆႈ ဢမၢၼ်ႇ​ၶၼ်​ပဵၼ်​လႄႈ ၵိုတ်း​ဝႆႉ​ၵေႃႉ​လဵဝ်​ၵူၺ်း​ၼၼ်ႉ ၸၢင်ႈ​ဢိင်​ပိုင်ႈ​ၽြႃး​ပဵၼ်​ၸဝ်ႈ​ယူႇ သေ​လႄႈ တႄႇ​ယူႇ​ၼႂ်း​တၢင်း​ဢၼ်​ႁဵတ်း​သူး​တွင်း​ပထၼႃႇ ၵူႈ​ဝၼ်း​ၵူႈ​ၶိုၼ်း​ဢေႃႈ။-</verse>
				<verse number="6">ၵေႃႉ​ဢၼ်​မူၼ်ႈ​ပျေႃႇ​ၼႂ်း​ၸေး​ၸိမ်ႇ​ၵႃႇမၵုင်ႇ​ၼၼ်ႉ​ၸမ်ႉ၊ မီး​ဢသၢၵ်ႈ​ယူႇ​သေ​ၵေႃႈ ပဵၼ်​ဢၼ်​တၢႆ​ဢေႃႈ။-</verse>
				<verse number="7">ဝႆႉ​ပိင်း​ၺၢပ်ႈ​ၸိူဝ်ႉ​ၼင်ႇ​ၼႆ​ႁႂ်ႈ​ၶဝ်​ၼၼ်ႉ လႆႈ​ၵၢင်း​လွတ်ႈ​တင်း​တီႈ​ဢၼ်​တၢင်ႇ​ဢပႅတ်ႈ​တႃႉ။-</verse>
				<verse number="8">ၵေႃႉ​ဢၼ်​ဢမ်ႇ​လူ​ဢမ်ႇ​တူၺ်း​ၵူၼ်း​တူဝ်​ၸဝ်ႈ​ၵဝ်ႇ​တင်း​လၢႆ၊ လိူဝ်​သေ​ၼၼ်ႉ​ဢမ်ႇ​ၵႃး၊ ဢမ်ႇ​လူ​ဢမ်ႇ​တူၺ်း​ၵူၼ်း​ႁိူၼ်း​ၵူၼ်း​ယေး​တူဝ်​ၸဝ်ႈ​ၵဝ်ႇ​ၸိူဝ်း​ၼၼ်ႉ​ၸမ်ႉ၊ ထဵင်​ပႅတ်ႈ​တြႃး​တၢင်း​ဢၼ်​ယုမ်ႇ​မၢတ်ႈ​ဢေႃႈ။ ယဵင်ႈ​ၶႅၼ်း​ယုတ်ႈ​ယွမ်း​ၼႃႇ​သေ​ၵေႃႉ​ဢၼ်​ဢမ်ႇ​တွၼ်ႉ​ယုမ်ႇ​မၢတ်ႈ​ၼၼ်ႉ​ဢေႃႈ။</verse>
				<verse number="9">ပေႃး​မႄႈ​မူၵ်း​မႄႈ​မၢႆႈ​ဢသၢၵ်ႈ​ဢမ်ႇ​ပႆႇ​လႆႈ​ႁူၵ်း​သိပ်း​ပီႊ​ၸိုင် ယႃႇ​ပေ​ႁႂ်ႈ​မၼ်း​ၶဝ်ႈ​ၼႂ်း​ၸရၢင်း။-</verse>
				<verse number="10">ပေႃး​ပဵၼ်​ၵေႃႉ​ဢၼ်​ယၢမ်ႈ​မီး​ၽူဝ်​ၵေႃႉ​လဵဝ်၊ ၵေႃႉ​ဢၼ်​မီး​သရေႇ​လႄႈ​ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း၊ ၵေႃႉ​ဢၼ်​ယၢမ်ႈ​ႁဵတ်း​တၢင်း​ဢၼ်​လဵင်ႉ​ဢၼ်​လူ​လုၵ်ႈ​ဢွၼ်ႇ၊ တၢင်း​ဢၼ်​ႁဵတ်း​ဝၢတ်ႈ​ၶႅၵ်ႇ၊ တၢင်း​ဢၼ်​သုၵ်ႈ​တိၼ်​ၵူၼ်း​မူတ်း​ၸၢင်ႇ​တင်း​လၢႆ၊ တၢင်း​ဢၼ်​ႁဵတ်း​လဵင်ႉ​ႁဵတ်း​လူ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်၊ တၢင်း​ဢၼ်​ၵျူဝ်း​ၸႃး​ႁဵတ်း​လွင်ႈ​တၢင်း​ဢၼ်​လီ​ဢၼ်​ငၢမ်း​ၵႃႈ​မီး ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼႆႉ​ၸိုင်၊ ႁႂ်ႈ​မၼ်း​ၶဝ်ႈ​ၼႂ်း​ၸရၢင်း​သေ။</verse>
				<verse number="11">ပႄႇ​ဝႆႉ​မႄႈ​မူၵ်း​မႄႈ​မၢႆႈ ၸိူဝ်း​ဢၼ်​ဢသၢၵ်ႈ​ယင်း​လဵၵ်ႉ​ယင်း​ၼုမ်ႇ​ၼၼ်ႉ​တႃႉ။ လွင်ႈ​မၼ်း​ၸမ်ႉ ၶဝ်​ၼၼ်ႉ မိူဝ်ႈ​ဢၼ်​ဢမ်ႇ​ယိူၼ်ႉ​ၶၢမ်ႇ​တၢင်း​ဢၼ်​ၸဝ်ႈ​ၶရိၸ်ႈ​သင်ႇ​သွၼ်​သုင်း​မႃႉ​ၼၼ်ႉ​ၸိုင်၊ မီး​ဢလူဝ်ႇ​ၶႂ်ႈ​ပဵၼ်​ႁိူၼ်း​ပဵၼ်​ယေး​လႄႈ၊-</verse>
				<verse number="12">ႁွတ်ႈ​တၢင်း​ဢၼ်​ထုၵ်ႇ​ဢပႅတ်ႈ ၵွပ်ႈ​ပိူဝ်ႈ​ဢၼ်​ယႃႉ​သဵတ်ႈ​ၸႃႇ ဢၼ်​မီး​ဝႆႉ​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="13">လိူဝ်​သေ​ၼၼ်ႉ၊ ၶဝ်​လႄႇ​ၵႂႃႇ​ႁိူၼ်း​ၼိုင်ႈ​ယဝ်ႉ​ႁိူၼ်း​ၼိုင်ႈ​လႄႈ ၸၢင်ႈ​ၶၢၼ်ႉ​ၸၢင်ႈ​ဢိူၼ်​ဢေႃႈ။ ၶၢၼ်ႉ​ဢိူၼ်​ၵူၺ်း​ဢမ်ႇ​ၵႃး၊ ၸၢင်ႈ​ပဵၼ်​ၵေႃႉ​ဢၼ်​သူပ်း​ၼမ်​ၵႂၢမ်း​ၼမ်​ၼႃႇ​လူင်​လၢင်​လႄႈ လၢတ်ႈ​လွင်ႈ​တၢင်း​ဢၼ်​ၶဝ် ဢမ်ႇ​ထုၵ်ႇ​လီ​လၢတ်ႈ​ၼၼ်ႉ​ယူႇ​သေ​လႄႈ လေႃး​လႄး ၼႂ်း​လွင်ႈ​တၢင်း​ဢၼ် ဢမ်ႇ​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ​ဢေႃႈ။</verse>
				<verse number="14">ပိူဝ်ႈ​ၼႆ​လႄႈ ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​မႄႈ​မူၵ်း​မႄႈ​မၢႆႈ ၸႃႉ​ဢၼ်​ဢသၢၵ်ႈ​ယင်း​လဵၵ်ႉ​ယင်း​ၼုမ်ႇ​ၼၼ်ႉ ႁဵတ်း​တၢင်း​ဢၼ်​ပဵၼ်​ႁိူၼ်း ပဵၼ်​ယေး၊ တၢင်း​ဢၼ်​လဵင်ႉ​လုၵ်ႈ​လဵင်ႉ​လၢင်း၊ တၢင်း​ဢၼ်​လူ​တူၺ်း​ၼႃႈ​ႁိူၼ်း၊ တၢင်း​ဢၼ်​ယင်း​ဢမ်ႇ​ပၼ်​ဢၶႂၢင်ႉ​ဢၼ်​လႆႈ​သႄႉ​သွမ်း တီႈ​ရၢၼ်ႇ​သူႇ​လႄႈ​ယူႇ​ၼၼ်ႉ​ဢေႃႈ။-</verse>
				<verse number="15">လွင်ႈ​မၼ်း​ၸမ်ႉ၊ တေႃႈ​လဵဝ်​ၼႆႉ​ၵမ်ႈ​ၽွင်ႈ​ပိူင်ႈ​တၢင်း​ၵႂႃႇ​လႄႈ​ၸွမ်း​ပႃႈ​လင်​ ၸႃႇတၢၼ်ႇ ​ယဝ်ႉ။</verse>
				<verse number="16">ပေႃး​ၽူႈ​ၸၢႆး​ၽူႈ​ယိင်း​ဢၼ်​ယုမ်ႇ​မၢတ်ႈ​ၼၼ်ႉ မီး​မႄႈ​မူၵ်း​မႄႈ​မၢႆႈ​ၸိုင်၊ ႁႂ်ႈ​တူဝ်​ၶဝ်​ႁဵတ်း​လဵင်ႉ​ႁဵတ်း​လူ​သေ။ ၼင်ႇ​ႁိုဝ် ၸိူဝ်း​ၸဝ်ႈ​တၵ်း​လႆႈ​ႁဵတ်း​လဵင်ႉ​ႁဵတ်း​လူ​တီႈ​ၶဝ်​ၸိူဝ်း​ဢၼ်​ပဵၼ်​မႄႈ​မူၵ်း​မႄႈ​မၢႆႈ ဢမၢၼ်ႇ​ၶၼ်​ပဵၼ်​ၼၼ်ႉ​ၵူၺ်း​ၸိုင်၊ ယႃႇ​ပေ​ႁႂ်ႈ​ၸိူဝ်း​ၸဝ်ႈ လႆႈ​ၶၢမ်ႇ​တၢင်း​ဢၼ်​ယႃႉ​ယူၵ်ႉ။</verse>
				<verse number="17">မၢတ်ႈ​ၵူၼ်း​ဢုပ်ႉ​ၸိူဝ်း​ၸဝ်ႈ ဢၼ်​ဢုပ်ႉ​လီ​လီ​ငၢမ်း​ငၢမ်း​ၸိူဝ်း​ၼၼ်ႉ ပဵၼ်​ၵေႃႉ​ဢၼ်​ထိူၵ်ႈ​ၶၢမ်ႇ​ဢဝ် တၢင်း​လူႇ​တၢင်း​တၢၼ်း သွင်​ပုၼ်ႈ​လႄႈ ၶဝ်​ၸိူဝ်း​ဢၼ်​ၵျူဝ်း​ၸႃး ႁဵတ်း​ဢမူႉ​တၢင်း​ဢၼ်​ႁေႃး​လၢတ်ႈ​တြႃး၊ တၢင်း​ဢၼ်​သင်ႇ​သွၼ်​သုင်း​မႃႉ​ပၼ်​ၼၼ်ႉ ပဵၼ်​ၵေႃႉ​ဢၼ်​ယဵင်ႈ​ၶႅၼ်း ထိူၵ်ႈ​ၶၢမ်ႇ​ဢဝ်​တၢင်း​လူႇ​တၢင်း​တၢၼ်း သွင်​ပုၼ်ႈ​ၼၼ်ႉ​ဝႆႉ​တႃႉ။-</verse>
				<verse number="18">လွင်ႈ​မၼ်း​ၸမ်ႉ၊ ၵျၢမ်း​လိၵ်ႈ​မႃး​လႄႈ​ဝႃႈ၊ ဢမ်ႇ​လႆႈ​မတ်ႉ​သူပ်း​ဝူဝ်း ဢၼ်​ယဵပ်ႇ​ၶဝ်ႈ​ၼူတ်ႈ​ၶဝ်ႈ​ၼၼ်ႉ​ဝႆႉ၊ ဝႃႈ​ၼင်ႇ​ၼႆ​ဢေႃႈ။ ဢၼ်​မႃး ထႅင်ႈ​ၵမ်း​ၼိုင်ႈ​လႄႈ​ဝႃႈ​ၸမ်ႉ၊ ၵေႃႉ​ဢၼ်​သၢင်ႈ​ႁဵတ်း​ၼၼ်ႉ​ထိူၵ်ႈ​ၶၢမ်ႇ​ဢဝ် ၵႃႈ​မၼ်း​ၶၼ်​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ပေႃး​ဢမ်ႇ​မီး​ၵေႃႉ​ဢၼ်​ၶၢမ်ႇ​သၢၵ်ႈ​သေႇ သွင်​ၵေႃႉ​သၢမ်​ၵေႃႉ​ၸိုင်၊ ယႃႇ​ပေ​ထွမ်ႇ​ဢဝ်​ၵႂၢမ်း​ဢၼ်​တၢင်ႇ​ဢပႅတ်ႈ ၵႃႈ​ၼိူဝ်​ၵူၼ်း ဢၼ်​ဢုပ်ႉ​ၸိူဝ်း​ၸဝ်ႈ။-</verse>
				<verse number="20">တၢင်ႇ​ဢပႅတ်ႈ​တီႈ​ၶဝ်​ၸိူဝ်း​ဢၼ် မီး​ဢပႅတ်ႈ​ၼၼ်ႉ​လႄႈ သင်ႇ​သွၼ်​သုင်း​မႃႉ​ၵႃႈ​တီႈ​ၽၢႆႇ​ၼႃႈ​ၵူၼ်း တင်း​သဵင်ႈ​တင်း​လူင် ႁႂ်ႈ​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ လႆႈ​ၵူဝ်​လႆႈ​ႁႄ​တႃႉ။</verse>
				<verse number="21">ၼင်ႇ​ႁိုဝ်​မႂ်း​ယင်း​ဢမ်ႇ​ၸီႇ​ယၢင်ႇ​ဢွၼ်​တၢင်း၊ ယင်း​ဢမ်ႇ​မီး​ၸႂ်​ဢၼ်​တူၺ်း​ၼႃႈ​လဵၵ်ႉ​တႃ​တႅမ်ႇ လႃး​လႃး​သေ​လႄႈ​ႁဵတ်း လႄႈ​တၵ်း​ပႂ်ႉ​ပိင်း​ၺၢပ်ႈ​ၸိူဝ်း​ၼႆႉ​ယူႇ​ၸိုင်၊ ၵဝ်​ပၼ်​သဵတ်ႈ​ၸႃႇ​တီႈ​မႂ်း ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ ယေႇသူႉ​ၶရိၸ်ႈ တင်း တမၢၼ်ႇ​ၵၢင်​ႁၢဝ် ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဝႆႉ​ၸိူဝ်း​ၼၼ်ႉ​ဢေႃႈ။</verse>
				<verse number="22">ၵႃႈ​ၼိူဝ်​ၽူႈ​လႂ်​သေ​ဢမ်ႇ​ဝႃႈ၊ ယႃႇ​ပေ​ဢဝ်​မိုဝ်း​တၢင်ႇ​ၶၼ်​ၶၼ်​ၽႂ်း​ၽႂ်း။ ယႃႇ​ပေ​သိူၵ်ႈ​သမ်ႇ​ၵႃႈ​ၼႂ်း​ဢပႅတ်ႈ​ပိူၼ်ႈ​တၢင်ႇ​ၵေႃႉ၊ ႁႂ်ႈ​တူဝ်​ၸဝ်ႈ​ၵဝ်ႇ ၶၢဝ်​ၸၢင်ႇ​တႃႉ။</verse>
				<verse number="23">ၸႃႉ​ၸဵမ်​တေႃႈ​လဵဝ်​ၼႆႉ ယင်း​ဢမ်ႇ​ၵိၼ်​ၼမ်ႉ​လႄႈ​သုင်း​သွင်ႇ​ၼမ်ႉ​ၸပိတ်ႈ​ဢိတ်း​ဢွၼ်ႇ​ၼိုင်ႈ ၵွပ်ႈ​ပိူဝ်ႈ​ႁူဝ်​ဢူၵ်း​မႂ်း​ဢိၵ်ႇ​တင်း ၵွပ်ႈ​ပိူဝ်ႈ တၢင်း​ၶႆႈ​တၢင်း​ပဵၼ် ဢၼ်​ဢမ်ႇ​ႁိုင်​ဢမ်ႇ​ၼၢၼ်း မႂ်း​လႆႈ​ၶၢမ်ႇ​ၼၼ်ႉ​တႃႉ။</verse>
				<verse number="24">တူႉ​ၸရိူၵ်ႈ​ၵူၼ်း​ၵမ်ႈ​ၽွင်ႈ ထၢင်ႇ​သႃး​ၸႃႉ​ၸဵမ်​မိူဝ်ႈ​ဢွၼ်​ၼႆႉ​လႄႈ ၸၢင်ႈ​ၵႂႃႇ​ၸူး​ၵႃႈ​တီႈ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ၼၼ်ႉ ဢွၼ်​တၢင်း ဢေႃႈ။ တူႉ​ၸရိူၵ်ႈ​ၵူၼ်း​ၵမ်ႈ​ၽွင်ႈ​ၸၢင်ႈ​ၸွမ်း​ၽၢႆႇ​လင်​ဢေႃႈ။-</verse>
				<verse number="25">မိူၼ်​ၸိူဝ်ႉ​ၼင်ႇ​ၼၼ်၊ သူႉ​ၸရိူၵ်ႈ​ၵူၼ်း​ၵမ်ႈ​ၽွင်ႈ ၸၢင်ႈ​ထၢင်ႇ​သႃး​ဝႆႉ​ထႃႈ​ဢေႃႈ။ သူႉ​ၸရိူၵ်ႈ​ဢၼ်​ဢမ်ႇ​ပႆႇ​ထၢင်ႇ​သႃး​ၵေႃႈ ဢမ်ႇ​သိူင်ႇ​ဢမ်ႇ​မႅပ်ႉ​ဝႆႉ​လႆႈ။</verse>
			</chapter>
			<chapter number="6">
				<verse number="1">ၼင်ႇ​ႁိုဝ်​ၼႃႇ​မႃႉ​ၸိုဝ်ႈ​သဵင် ၽြႃး​ပဵၼ်​ၸဝ်ႈ​ဢိၵ်ႇ​တင်း​တြႃး​ၸဝ်ႈ တၵ်း​ၵၢင်း​လွတ်ႈ​တင်း တၢင်း​ဢၼ်​သႄႉ​သွမ်း​ၸိုင်၊ ႁႂ်ႈ​ၶႃႈ​ဢၼ်​ၶၢမ်ႇ​တၢင်း​ၸႂ်ႉ​တၢင်း​သွႆ​ၵႃႈ​မီး မၢတ်ႈ​ၸဝ်ႈ​ၶဝ် ပဵၼ်​ၵေႃႉ​ဢၼ်​ထိူၵ်ႈ​ရူဝ်ႇ​သေႇ​ၵူဝ်​ယမ်​ၼႃႇ​လူင်​လၢင်​တႃႉ။-</verse>
				<verse number="2">ပေႃး​ၸဝ်ႈ​ၶဝ်​ပဵၼ်​ၵေႃႉ​ဢၼ်​ယုမ်ႇ​မၢတ်ႈ​ၸိုင် ယႃႇ​ပေ​ႁႂ်ႈ​ၶဝ်​မီး​တၢင်း​ၸႂ်​ဢၼ်​ထၢင်ႇ​ပဵၼ် ပီႈ​ၼွင်ႉ​ၵၼ်​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်။ ႁႂ်ႈ​ၶဝ်​ယဵင်ႈ​ၶႅၼ်း​ၶၢမ်ႇ​တၢင်း​ဢၼ်​ၸႂ်ႉ​ဢၼ်​သွႆ ၵွပ်ႈ​ပိူဝ်ႈ​ဢၼ်​ၵေႃႉ​ဢၼ်​လႆႈ​ၶၢမ်ႇ​ဢဝ် ဢၵျူဝ်း​တၢင်း​ဢၼ်​လႆႈ​ၸႂ်ႉ​လႆႈ​သွႆ​ၼၼ်ႉ ပဵၼ်​ၵေႃႉ​ဢၼ် ယုမ်ႇ​မၢတ်ႈ၊ ၵေႃႉ​ဢၼ်​ထုၵ်ႇ​လီ​ႁၵ်ႉ​လီ​ပႅင်း​ၼၼ်ႉ​သေ။ သင်ႇ​သွၼ်​သုင်း​မႃႉ​ပၼ် ၸိူဝ်ႉ​ၼင်ႇ​ၼႆ​လႄႈ တိုၵ်း​ယူင်း​ၸူဝ်း ဢဝ်​တႃႉ။</verse>
				<verse number="3">ၵေႃႉ​ဢၼ်​သင်ႇ​သွၼ်​ပၼ်​ဢေႃးဝႃႇတႃႉ ဢၼ်​ပႅၵ်ႇ​ဢၼ်​ပိူင်ႈ​လႄႈ ဢမ်ႇ​ႁပ်ႉ​တုင်း​ဢဝ်​ၵႂၢမ်း​ဢၼ်​ၶၢဝ်​ၸၢင်ႇ ဢၼ်​ဝႃႈ ၵႂၢမ်း​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ဢိၵ်ႇ​တင်း ဢေႃးဝႃႇတႃႉ​ဢၼ်​မႅၼ်ႈ​ၼင်ႇ တၢင်း​ဢၼ်​မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး​ၼၼ်ႉ​ၸမ်ႉ၊-</verse>
				<verse number="4">မဝ်း​လဝ်ႈ​တင်း​မႃႇၼႃႉ​ၸႂ်​သုင်​လႄႈ ဢမ်ႇ​ႁူႉ​ၵႃႈ​သင်​လႃး​လႃး။ ပဵၼ်​ၵေႃႉ​ဢၼ်​ၸႂ်​မဝ်​မၢင် ၵွပ်ႈ​ပိူဝ်ႈ​ဢၼ်​မၼ်း​တိူင်ႇ​ပၢင်ႇ လွင်ႈ​ပုၵ်ႈ​သႃႇ​တီႈ​တွင်ႈ​တီႈ​ထၢမ်​လႄႈ တွပ်ႇ​ထဵင်​ၵၼ် ၵွပ်ႈ​ပိူဝ်ႈ​ၵႂၢမ်း​ၼၼ်ႉ​ယူႇ​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၸၢင်ႈ​ပဵၼ်​တၢင်း​ဢၼ် သီႈ​ၵေႉ၊ တၢင်း​ဢၼ်​ၽိတ်း​ၵၼ်၊ တၢင်း​ဢၼ်​ယႃႉ​သရေႇ၊ တၢင်း​ဢၼ်​ၵျၢမ်ႇ​ပွင်​ဢၼ်​ဢမ်ႇ​ၼႃႇ​လူဝ်ႇ၊-</verse>
				<verse number="5">တၢင်း​ဢၼ်​ၶဝ်​ၸိူဝ်း​ဢၼ် ႁူဝ်​ၸႂ်​လႆႈ​တူႇ​ၼဝ်ႈ​ၵႂႃႇ​လႄႈ ၵၢင်း​လွတ်ႈ​တင်း​သမ်ႇမႃႇ​တြႃး​ၼၼ်ႉ တိူင်ႇ​ပၢင်ႇ​လၢႆ​လၢႆ​ဢမ်ႇ​ပွင်ႇ​လွင်ႈ ၼၼ်ႉ​ဢေႃႈ။ ၶဝ်​ၼၼ်ႉ​ထၢင်ႇ​တၢင်း​ဢၼ် မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး​ၼၼ်ႉ ပဵၼ်​ဢၵျူဝ်း​ၸီး​ပႂႃး​ဢေႃႈ။-</verse>
				<verse number="6">ပေႃး​ပႃး​ၸႂ်​ဢၼ်​ဢိမ်ႇ​ၸႂ်​ၼိမ်​ၸႂ်​ၸိုင်၊ တၢင်း​ဢၼ်​မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး​ၼၼ်ႉ ပဵၼ်​ဢၵျူဝ်း​ၸီး​ပႂႃး​ဢၼ်​ယႂ်ႇ​ၼႃႇ လူင်​လၢင်​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ လွင်ႈ​ဢၼ်​ႁဝ်း​ဢမ်ႇ​ပႃး​ၵႃႈ​သင်​မႃး​ၼႂ်း​လေႃးၵႃႉ​ၼႆႉ​လႄႈ၊ ပေႃး​ဢွၵ်ႇ​ၵႂႃႇ​ၵေႃႈ ဢမ်ႇ​ဢဝ်​ၵႃႈ​သင်​ဢွၵ်ႇ​ၵႂႃႇ​ၼၼ်ႉ ထၢင်ႇ​သႃး​ယူႇ​ဢေႃႈ။-</verse>
				<verse number="8">ၵွပ်ႈ​ႁွႆး​ၼႆႉ​လႄႈ ပေႃး​မီး​တၢင်း​ၵိၼ်​တၢင်း​ၼုင်ႈ​ၸိုင်၊ မီး​ၸႂ်​ဢၼ်​ဢိမ်ႇ​ၸႂ်​ၼိမ်​ၸႂ်​တႃႉ​ႁဝ်း။-</verse>
				<verse number="9">ၶဝ်​ၸိူဝ်း​ဢၼ်​မီး​ဢလူဝ်ႇ ၶႂ်ႈ​မၢၵ်ႈ​ၶႂ်ႈ​မီး​ၼၼ်ႉ ၸၢင်ႈ​တူၵ်း​ႁွတ်ႈ ၵႃႈ​ၼႂ်း​တၢင်း​ဢၼ်​ဢပႅတ်ႈ​ၸူဝ်း​ၵႂႃႇ​ၸူဝ်း​ပႆ၊ တၢင်း​ဢၼ်​တီႉ​ၵမ်​လႆႈ၊ တၢင်း​ဢၼ်​ၸႂ်​ၸပ်း​ၸႂ်​ၸွႆး ဢၼ်​မိူၵ်ႈ​လူႉ​လႅဝ်​ၼမ်​ၼႃႇ ၸိူဝ်း​ၼၼ်ႉ​ဢေႃႈ။ လွင်ႈ​တၢင်း​ၸိူဝ်ႉ​ၼင်ႇ​ၼၼ်​ၼၼ်ႉ ၸၢင်ႈ​ဢဝ်​ၵူၼ်း​တင်း​လၢႆ တူၵ်း​ၸူမ်​ၵႃႈ​ၼႂ်း​တၢင်း​ဢၼ်​ဢမ်ႇ​မီး​ဢၵျူဝ်း၊ တၢင်း​ဢၼ်​လူႉ​လႅဝ်​ၸိူဝ်း​ၼၼ်ႉ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ တၢင်း​ဢၼ်​ၸႂ်​ၸပ်း​ၸႂ်​ၸွႆး​ငိုၼ်း​ၸိုင် ပဵၼ်​မူႇ​လႃႉ​ငဝ်ႈ​ႁၢၵ်ႈ ၼႂ်း​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း တင်း​သဵင်ႈ​တင်း​လူင်​ဢေႃႈ။ ၵူၼ်း​ၵမ်ႈ​ၽွင်ႈ​ပိူဝ်ႈ​ဢၼ်​ၸႂ်​ၸပ်း​ၸႂ်​ၸွႆး ၸိူဝ်ႉ​ၼင်ႇ​ၼၼ်​လႄႈ ပိူင်ႈ​သဵၼ်ႈ​တၢင်း​တြႃး​တၢင်း​ဢၼ်​ယုမ်ႇ​မၢတ်ႈ​ၼၼ်ႉ​ၵႂႃႇ​လႄႈ ဢဝ်​တင်း​ဝူၺ်ႇတၼႃႇ တၢင်း​ဢၼ်​မႆႈ​ၸႂ်​ယၢပ်ႇ​ၸႂ်​ၼမ်​ၼႃႇ သဵပ်ႇ​တႅင်း​တူဝ်​ၸဝ်ႈ​ၵဝ်ႇ​လႄႈ ႁႂ်ႈ​လူင်ႉ​ႁႂ်ႈ​ပွင်ႇ​ယဝ်ႉ။</verse>
				<verse number="11">ပိူဝ်ႈ​ၼႆ​လႄႈ မႂ်း​ဢၼ်​ပဵၼ်​ၵူၼ်း​ၽြႃး​ပဵၼ်​ၸဝ်ႈ​ၼႆႉ​ဢိူၺ်း၊ ဝႄႈ​ပႅတ်ႈ​ဢပႅတ်ႈ​ၸိူဝ်း​ၼၼ်ႉ​တႃႉ။ ၸွမ်း​ႁႂ်ႈ​ၶိုတ်း​တၢင်း​ဢၼ်​ၵမ်​ၵျၢင်ႉ​ဢၼ်​သိုဝ်ႈ​တေႃႇ၊ တၢင်း​ဢၼ်​မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး၊ တၢင်း​ဢၼ်​ယုမ်ႇ​မၢတ်ႈ၊ တၢင်း​ဢၼ်​ႁၵ်ႉ​ပႅင်း၊ တၢင်း​ဢၼ်​ယိူၼ်ႉ​ၶၢမ်ႇ၊ တၢင်း​ဢၼ်​ၼိမ်​သိမ်ႇ​ဢူၼ်ႈ​ဢွၼ်ႇ​ၸိူဝ်း​ၼၼ်ႉ​တႃႉ။-</verse>
				<verse number="12">ႁဵတ်း​တၢင်း​ဢၼ်​တိုၵ်း​တေႃး ဢၼ်​လီ​ဢၼ်​ငၢမ်း​လႄႈ ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ယုမ်ႇ​မၢတ်ႈ​ၼၼ်ႉ​တႃႉ။ ယိပ်း​ၵမ်​ဢဝ်​ထႃႇဝရႃႉ​ဢသၢၵ်ႈ​တႃႉ။ ၼင်ႇ​ႁိုဝ်​တၵ်း​လႆႈ​ဢသၢၵ်ႈ​ၼၼ်ႉ​ၸိုင်၊ မႂ်း​ၶၢမ်ႇ​ဢဝ်​တၢင်း​ဢၼ်​မၼ်း​ၸဝ်ႈ ႁွင်ႉ​ဢဝ်​ၼၼ်ႉ​လႄႈ ႁပ်ႉ​တုင်း​ဢဝ်​ၵႃႈ​တီႈ​ၽၢႆႇ​ၼႃႈ​ၵူၼ်း​ၶၢမ်ႇ​သၢၵ်ႈ​သေႇ ဢၼ်​ၼမ်​ၼႃႇ​ၼၼ်ႉ​လီ​လီ​ငၢမ်း​ငၢမ်း​ယဝ်ႉ။</verse>
				<verse number="13">ၵဝ်​ဝႆႉ​ပိင်း​ၺၢပ်ႈ​တီႈ​မႂ်း ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢၼ်​ၸၢင်ႈ​ႁႂ်ႈ​ၵႃႈ​မီး​တင်း​သဵင်ႈ​တင်း​လူင် ဢသၢၵ်ႈ​လိပ်း​ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ ယေႇသူႉ​ၶရိၸ်ႈ ဢၼ်​ၶၢမ်ႇ​သၢၵ်ႈ​သေႇ ၽၢႆႇ​တၢင်း​ဢၼ်​ႁပ်ႉ​တုင်း​ဢဝ် ဢၼ်​လီ​ဢၼ်​ငၢမ်း​ၵႃႈ​တီႈ ပွၼ်ႇတီႉ​ပီႉလတ်ႉ ​ၼၼ်ႉ၊-</verse>
				<verse number="14">ႁႂ်ႈ​မႂ်း​လႆႈ​ၵၢင်း​လွတ်ႈ​တင်း​တၢင်း​ဢၼ်​ၵူဝ်ႈ​ဢၼ်​ၵိူၵ်ႇ ဢိၵ်ႇ​တင်း​ဢၶႂၢင်ႉ​တီႈ​တၵ်း​တၢင်ႇ​ဢပႅတ်ႈ​ၼၼ်ႉ​လႄႈ ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ ၸဝ်ႈ​တေႃႇ​ထိုင်​ႁွတ်ႈ တၢင်း​ဢၼ်​ၸဝ်ႈ​ႁဝ်း​ ယေႇသူႉ​ၶရိၸ်ႈ တၵ်း​ပေႃႇ​မႃး၊-</verse>
				<verse number="15">ဢၼ်​ဝႃႈ​ၸဝ်ႈ​ဢၼ်​ပဵၼ်​ၸဝ်ႈ​သူႇ​လဵဝ်​ပႃး​လဵဝ်​ၵူၺ်း ဢၼ်​မီး​မင်ႇၵလႃႇ၊ ၶုၼ်​ႁေႃ​ၶမ်း​ၼိူဝ်​ၶုၼ်​ႁေႃ​ၶမ်း ၵႃႈ​မီး​တင်း​သဵင်ႈ​တင်း​လူင်၊ ၸဝ်ႈ​ၼိူဝ်​ၸဝ်ႈ ၵႃႈ​မီး​တင်း​သဵင်ႈ​တင်း​လူင်၊-</verse>
				<verse number="16">ဢၼ်​ပဵၼ်​ၸဝ်ႈ​သူႇ​လဵဝ်​ပႃး​လဵဝ်​ၵူၺ်း​လႄႈ ၵၢင်း​လွတ်ႈ​တၢင်း​မရၼႃႉ၊ ဢၼ်​ယူႇ​ၵႃႈ​ၼႂ်း​ဢၼ်​လႅင်း၊ ဢၼ်​ၽူႈ​လႂ် ဢမ်ႇ​သုတ်ႉ​ဢမ်ႇ​ၸမ်​လႆႈ၊ ဢၼ်​ၽူႈ​လႂ်​ဢမ်ႇ​တွၼ်ႉ​ႁၼ်၊ ဢၼ်​ၽူႈ​လႂ်​ဢမ်ႇ​ႁၼ်​လႆႈ​ၼၼ်ႉ တၵ်း​ၼႄ​ပျႃး​ၼႂ်း​မိူဝ်ႈ​ဢၼ် ၶိင်ႇ​ၵႃႇလႃႉ​မၼ်း​ၸဝ်ႈ ႁွတ်ႈ​ထိုင်​ၼၼ်ႉ​ဢေႃႈ။ ႁႂ်ႈ​မၼ်း​ၸဝ်ႈ​ၼၼ်ႉ မီး​မုၼ်​သရေႇ​ဢႃႇၼူႉၽေႃႇ ထႃႇဝရႃႉ​သေ​ၵမ်း​လူၺ်ႈ။ ဢႃႇမိၼ်ႇ။</verse>
				<verse number="17">ဝႆႉ​ပိင်း​ၺၢပ်ႈ​တီႈ​ၶဝ်​ၸိူဝ်း​ဢၼ် ၸၢင်ႈ​မၢၵ်ႈ​ၸၢင်ႈ​မီး​ၼႂ်း​လေႃးၵႃႉ​ၼႆႉ ႁႂ်ႈ​ၶဝ်​လႆႈ​ၵၢင်း​လွတ်ႈ​တင်း​မႃႇၼႃႉ ၸႂ်​ဢၼ်​သုင်​လႄႈ ယင်း​ဢမ်ႇ​ဢိင်​ပိုင်ႈ​ၸေး​ၸိမ်ႇ ဢၼ်​ဢမ်ႇ​မၼ်ႈ​ဢမ်ႇ​ၶိူင်ႇ​ၼၼ်ႉ​လႄႈ ဢိင်​ပိုင်ႈ​ၽြႃး​ပဵၼ်​ၸဝ်ႈ ဢၼ်​ဢဵတ်း​လူ​ပၼ်​တင်း​သဵင်ႈ​တင်း​လူင် ၼမ်​ၵိုၼ်း​ၼႃႇ​လူင်​လၢင် ပုၼ်ႈ​ဢၼ်​ႁဝ်း​တၵ်း​ၸၢမ်ႇ​ၸႃး​ၼၼ်ႉ၊-</verse>
				<verse number="18">ဢိၵ်ႇ​တင်း​ႁႂ်ႈ​လႆႈ​ႁဵတ်း​တၢင်း​ဢၼ် ႁဵတ်း​ၵျေး​ၸူး​တီႈ​ပိူၼ်ႈ၊ တၢင်း​ဢၼ်​ပျေႉ​ၸုမ်ႇ​ၼမ်​ၵိုၼ်း ၼႂ်း​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း၊ တၢင်း​ဢၼ်​မီး​ၸႂ်​ၸေႇတၼႃႇ ဢၼ်​ၶႂ်ႈ​ယိုၼ်ႈ​ၶႂ်ႈ​ပၼ်၊ တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ သိူၵ်ႈ​သမ်ႇ​ႁူမ်ႈ​ပွင်း​ၵၼ်၊-</verse>
				<verse number="19">တၢင်း​ဢၼ်​သိမ်း​ဝႆႉ​ၽၼ်ႇတႃႇ ဢၼ်​လီ​ဢၼ်​ငၢမ်း ပုၼ်ႈ​တူဝ်​ၸဝ်ႈ​ၵဝ်ႇ ၼႂ်း​ၸၢတ်ႈ​ၼႃႈ ႁႂ်ႈ​လႆႈ​ၶဝ်ႈ​ၸၢမ်ႇ​ၸႃး ဢသၢၵ်ႈ​ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ​တႃႉ။</verse>
				<verse number="20">ဢူဝ်း​ တီႉမေႃးသေႇ ၊ ပႂ်ႉ​ၵမ်​ပႂ်ႉ​ၸွမ်း​လွင်ႈ​တၢင်း​ဢၼ် ဢၢပ်ႈ​ဝႆႉ​တီႈ​မႂ်း​ၼၼ်ႉ​တႃႉ။ ဝႄႈ​ပႅတ်ႈ​တၢင်း​ဢၼ်​လၢတ်ႈ​ၵႂၢမ်း​ဢၼ်​လၢႆ​လၢႆ ဢၼ်​ဢမ်ႇ ၶဝ်ႈ​ၼႂ်း​တြႃး ဢိၵ်ႇ​တင်း တၢင်း​ဢၼ်​ဢတၢတ်ႈ​ပိင်ႇ​ၺႃႇ ဢၼ်​ပဵၼ် ဢတၢတ်ႈ​ပိင်ႇ​ၺႃႇ ဢၼ်​ႁွင်ႉ​ၽိတ်း​ႁွင်ႉ​ပိူင်ႈ​ၼၼ်ႉ ႁႄႉ​ၶႅၼ် ယႃႉ​ယူၵ်ႉ​ၼၼ်ႉ​တႃႉ။-</verse>
				<verse number="21">ၵူၼ်း​ၵမ်ႈ​ၽွင်ႈ​ႁပ်ႉ​တုင်း​ဢဝ် ဢတၢတ်ႈ​ပိင်ႇ​ၺႃႇ​ၼၼ်ႉ​သေ​ယဝ်ႉ ပိူင်ႈ​သဵၼ်ႈ​တၢင်း​တြႃး​တၢင်း​ဢၼ်​ယုမ်ႇ​မၢတ်ႈ​ၵႂႃႇ​ယဝ်ႉ​ဢေႃႈ။ ႁႂ်ႈ​ၵျေး​ၸူး​ၸဝ်ႈ မီး​ၼိူဝ်​သူ​သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​တီႉမေႃးသေႇ ၽိုၼ်​ပထမႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="55">
			<chapter number="1">
				<verse number="1">ၵဝ်​ ပေႃးလူႉ ​ဢၼ်​ပဵၼ်​တမၢၼ်ႇ​ၸဝ်ႈ ယေႇသူႉ​ၶရိၸ်ႈ မႅၼ်ႈ​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ ၵႃႈ​ၼင်ႇ​ၵတီႉ​ၸဝ်ႈ​ဢၼ်​ဝႃႈ တၵ်း​ပၼ်​ဢသၢၵ်ႈ ဢၼ်​တႄႇ​ယူႇ​ၼႂ်း​ ယေႇသူႉ​ၶရိၸ်ႈ ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၼႆႉ၊-</verse>
				<verse number="2">ပၼ်​ငိၼ်း​ၵႂႃႇ​တီႈ တီႉမေႃးသေႇ ဢၼ်​ပဵၼ်​လုၵ်ႈ​ၸၢႆး ဢၼ်​ၵဝ်​ႁၵ်ႉ​ၼႃႇ​ၶႃႈ​ဢေႃႈ။ ႁႂ်ႈ​သူႉ​ၵျေး​ၸူး​ဢိၵ်ႇ​တင်း​ၵရူႉၼႃႇ တင်း တၢင်း​ၼိမ်​ဢၼ်​ပဵၼ်​မႃး ၵႃႈ​တီႈ​ၽြႃး​ပေႃႈ​ၸဝ်ႈ တင်း​ၸဝ်ႈ​ႁဝ်း ယေႇသူႉ​ၶရိၸ်ႈ ​ၼၼ်ႉ မီး​သေ​ၵမ်း​လူၺ်ႈ။</verse>
				<verse number="3">ၵဝ်​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ဢၼ်​ၵဝ်​မီး​တင်း တၢင်း​ဢၼ်​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ ၶၢဝ်​ၸၢင်ႇ​ၼၼ်ႉ​သေ​လႄႈ ၵူဝ်း​ၵႂၢႆႇ​ၸွမ်း​ၼင်ႇ​ဢၼ်​ပူႇ​မွၼ်ႇ​ၵဝ်​ၵူဝ်း​ၵႂၢႆႇ​ၼၼ်ႉ ၵွပ်ႈ​ပိူဝ်ႈ​ဢၼ်​ၵဝ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မႂ်း​ယူႇ​တႃႇ​သေႇ​ဢမ်ႇ​ထၢတ်ႇ ၼႂ်း​လွင်ႈ​တၢင်း​ဢၼ်​ၵဝ်​ႁဵတ်း​သူး​တွင်း​ပထၼႃႇ ၵူႈ​ဝၼ်း​ၵူႈ​ၶိုၼ်း​သေႇ​သေႇ​လႄႈ ၸႂ်​ထိုင်​ၶႂ်ႈ​ႁၼ်​မႂ်း​ၼႃႇ​လူင်​လၢင်​ယူႇ၊-</verse>
				<verse number="4">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၼမ်ႉ​တႃ​မႂ်း ႁႂ်ႈ​ၵဝ်​လႆႈ​ပျေႉ​ၸုမ်ႇ​တင်း​တၢင်း​ဢၼ်​သိူဝ်း​ပျေႃႇ​ၼၼ်ႉ​ယူႇ၊-</verse>
				<verse number="5">တွင်း​ဝႆႉ​တၢင်း​ဢၼ်​ယုမ်ႇ​မၢတ်ႈ ဢၼ်​တႄႇ​ယူႇ​ၼႂ်း​မႂ်း​ဢၼ်​ဝႃႈ တၢင်း​ဢၼ်​ယုမ်ႇ​မၢတ်ႈ​ဢၼ်​တႄႇ​ဝႆႉ​ၵႃႈ​ၼႂ်း​ၼၢႆး​မႂ်း​ လေႃးဢီႉ ​ဢိၵ်ႇ​တင်း​မႄႈ​မႂ်း ဢူႉၼိၵ်ႉ ယဝ်ႉ​ဢွၼ်​တၢင်း​ဢၼ် ၵႃႈ​ၼင်ႇ​ဢၼ်​ၵဝ်​တူၵ်း​ၵၢင်​ၸႂ်​ၼၼ်ႉ၊ တႄႇ​ဝႆႉ​မီး​ယူႇ​ၵႃႈ​ၼႂ်း​မႂ်း​ၼၼ်ႉ​ဢေႃႈ။</verse>
				<verse number="6">ၵွပ်ႈ​ပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​လႄႈ ၼင်ႇ​ႁိုဝ်​မႂ်း​တၵ်း​တိုၵ်း​ယူင်း​သူႉ​ဢၼ်​ၽြႃး​ပဵၼ်​ၸဝ်ႈ​ပၼ်​တီႈ​မႂ်း ၵွပ်ႈ​ပိူဝ်ႈ​တၢင်း​ဢၼ် ၵဝ်​ဢဝ်​မိုဝ်း​တၢင်ႇ​ၼၼ်ႉ​ၸိုင်​ၵဝ်​ပၼ်​သတီႉ​တီႈ​မႂ်း​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ပၼ် ၸႂ်​သၽေႃး​ဢၼ်​ၸၢင်ႈ​ၵူဝ်​ၸၢင်ႈ​ႁႄ​ၼၼ်ႉ တီႈ​ႁဝ်း​ဢမ်ႇ​ၸႂ်ႈ။ ပၼ်​ၸႂ်​ဢၼ်​ပႃး​တၼ်း​ၶူဝ်း၊ ၸႂ်​ဢၼ် ၸၢင်ႈ​ႁၵ်ႉ​ၸၢင်ႈ​ပႅင်း၊ ဢိၵ်ႇ​တင်း​ၸႂ်​သၽေႃး​ဢၼ်​လူင်ႉ​ဢၼ်​လႅင်း​ဢေႃႈ။</verse>
				<verse number="8">ပိူဝ်ႈ​ၼႆ​လႄႈ ယႃႇ​ပေ​မီး​တၢင်း​ဢၼ်​ဢူၵ်း​ဢၼ်​ဢၢႆ လူၺ်ႈ​လွင်ႈ​သၢၵ်ႈ​သေႇ​ၸဝ်ႈ​ၽြႃး​ႁဝ်း​ဢိၵ်ႇ​တင်း ၵဝ်​ဢၼ်​ပဵၼ်​ၵေႃႉ​ဢၼ် လႆႈ​ၶၢမ်ႇ​တူၵ်း​ၵိၼ်း ၵွပ်ႈ​ပိူဝ်ႈ​ၸဝ်ႈ​ၼၼ်ႉ​ၼႆႉ သိူၵ်ႈ​သမ်ႇ​ၵၼ်​တင်း​တြႃး​သတၢင်း​သိူဝ်း​ပျေႃႇ​သေ​လႄႈ ၶၢမ်ႇ​တုၵ်ႉ​ၶႃႉ​တၢင်း​ၽၢၼ် လူၺ်ႈ​ၵၼ်​တင်း​ၵဝ် ၸွမ်း​ၵႃႈ​ၼင်ႇ​ဢၼ်​လႆႈ​တၼ်း​ၶူဝ်း ဢၼ်​ၽြႃး​ပဵၼ်​ၸဝ်ႈ​ပၼ်​ၼၼ်ႉ​တႃႉ။-</verse>
				<verse number="9">မၼ်း​ၸဝ်ႈ​ၼၼ်ႉ ယင်း​ဢမ်ႇ​ထွၵ်ႈ​လူၺ်ႈ​တၢင်း​ၵမ်​တၢင်း​ၵျၢင်ႉ​ႁဝ်း ၸွမ်း​ၼင်ႇ​တၢင်း​ဢၼ် တူဝ်​မၼ်း​ၸဝ်ႈ​ၵျၢမ်ႇ​ပွင်​ဢိၵ်ႇ​တင်း ၵျေး​ၸူး​ၸဝ်ႈ​ဢၼ်​မၼ်း​ၸဝ်ႈ​ပၼ်​တီႈ​ႁဝ်း ၼႂ်း​ ယေႇသူႉ​ၶရိၸ်ႈ ​ၸဵမ်​မိူဝ်ႈ​ၸူဝ်ႈ​ဢၼ်​ၵၢပ်ႈ​ၵႃႇလႃႉ​ထႃႇဝရႃႉ ဢွၼ်​တၢင်း မိူဝ်ႈ​ၼၼ်ႉ​ဢမ်ႇ​ပႆႇ​ပဵၼ်​ၼၼ်ႉ​သေ​လႄႈ၊ ၵႄႇ​ၶျွတ်ႈ​ဢဝ်​ႁဝ်း​လႄႈ​ႁွင်ႉ​သႂၢင်း​ၼႂ်း​ဢရႃႇ​ဢၼ်​မူတ်း​ၸၢင်ႇ​ဢေႃႈ။-</verse>
				<verse number="10">ၵျေး​ၸူး​ၸဝ်ႈ​ၼၼ်ႉ​ၸမ်ႉ၊ တေႃႈ​လဵဝ်​ၼႆႉ​ထၢင်ႇ​သႃး​ယူႇ​ၼႂ်း လွင်ႈ​တၢင်း​ဢၼ် ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ဢပႅတ်ႈ​ႁဝ်း ဢၼ်​ဝႃႈ​ ယေႇသူႉ​ၶရိၸ်ႈ ​ၼၼ်ႉ​ပေႃႇ​မႃး​ၼၼ်ႉ​ဢေႃႈ။ ၸဝ်ႈ​ၼၼ်ႉ ပႄႇ​ပႅတ်ႈ​လွင်ႈ​တၢင်း​ဢၼ်​တၢႆ​သေ​လႄႈ ႁႂ်ႈ​လွင်ႈ​တၢင်း​ဢၼ်​ဢသၢၵ်ႈ​လိပ်း​ဢိၵ်ႇ​တင်း လွင်ႈ​တၢင်း​ဢၼ်​ဢမ်ႇ​ၽွၵ်ႈ​ဢမ်ႇ​ပျၢၼ်ႇ​ၼၼ်ႉ​ထၢင်ႇ​သႃး ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​ယဝ်ႉ။-</verse>
				<verse number="11">မၼ်း​ၸဝ်ႈ​ၶၢၼ်း​ၵဝ်​ဝႆႉ​ၼႂ်း ဢရႃႇ​ဢၼ်​ႁေႃး​လၢတ်ႈ​တြႃး၊ ၼႂ်း​ဢရႃႇ​တမၢၼ်ႇ​ၸဝ်ႈ၊ ၼႂ်း​ဢရႃႇ​သြႃႇ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း တင်း​လၢႆ​ၼၼ်ႉ​ယဝ်ႉ။-</verse>
				<verse number="12">ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ၵဝ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼႆႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵဝ်​ဢမ်ႇ​မီး​တၢင်း​ဢူၵ်း​တၢင်း​ဢၢႆ။ ၵဝ်​ယုမ်ႇ​မၢတ်ႈ​ၽူႈ​လႂ်​ဝႃႈ​ၼႆ ၵဝ်​ႁူႉ​ယူႇ​ဢေႃႈ။ လွင်ႈ​တၢင်း​ဢၼ်​ၵဝ်​ဢၢပ်ႈ​ဝႆႉ တီႈ​မၼ်း​ၸဝ်ႈ​ၼၼ်ႉ​ၵေႃႈ၊ မၼ်း​ၸဝ်ႈ​ပႂ်ႉ​တေႃႇ​ထိုင်​ႁွတ်ႈ​ဝၼ်း​ၼၼ်ႉ​လႆႈ​ယူႇ​ဢေႃႈ​ဝႃႈ​ၼႆ ၵဝ်​တူၵ်း​ၵၢင်​ၸႂ်​ဝႆႉ​ယဝ်ႉ။</verse>
				<verse number="13">မီး​တင်း​တၢင်း​ဢၼ်​ယုမ်ႇ​မၢတ်ႈ ဢိၵ်ႇ​တင်း တၢင်း​ႁၵ်ႉ​ဢၼ်​မီး​ၼႂ်း​ ယေႇသူႉ​ၶရိၸ်ႈ ​ၼၼ်ႉ​သေ​လႄႈ ၸွႆး​ၸပ်း​ဢၼ်​ႁူမ်ႇ​လူမ်ႈ​ၵႂၢမ်း​တြႃး ဢၼ်​ၶၢဝ်​ၸၢင်ႇ ဢၼ်​လႆႈ​ငိၼ်း​တီႈ​ၵဝ်​ယဝ်ႉ​ၼၼ်ႉ​တႃႉ။-</verse>
				<verse number="14">လွင်ႈ​တၢင်း​ဢၼ်​မျၢတ်ႈ ဢၼ်​ဢၢပ်ႈ​ဝႆႉ​တီႈ​မႂ်း​ၼၼ်ႉ​ၸိုင်၊ ဢိင်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢၼ်​ၵိင်း​ဝၢပ်ႈ​ယူႇ​ၼႂ်း​ႁဝ်း​ၼၼ်ႉ​သေ​လႄႈ ပႂ်ႉ​ယူႇ​တႃႉ။</verse>
				<verse number="15">မႂ်း​လႆႈ​ႁူႉ​လႆႈ​ငိၼ်း​လွင်ႈ​ဢၼ် ၶဝ်​ၸိူဝ်း​ဢၼ် ယူႇ​ၼႂ်း​မိူင်း​ ဢႃႇသီႉ ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပႄႇ​ပႅတ်ႈ​ၵဝ်​ယဝ်ႉ​ၼၼ်ႉ​ယူႇ​ဢေႃႈ။ ၼႂ်း​ၶဝ်​ၼၼ်ႉ ၽူႉၵႄႇလူႉ တင်း​ ႁေႇရမေႃးၵိၼ်ႇ ၵေႃႈ​ပႃး​ဢေႃႈ။-</verse>
				<verse number="16">ႁႂ်ႈ​ၵရူႉၼႃႇ​ထႃႇဝရႃႉ​ၽြႃး ႁွတ်ႈ​ထိုင်​ၵႃႈ​ၼိူဝ်​ႁိူၼ်း ဢေႃးၼေႇသီႉၽေႃး ​သေ​ၵမ်း​လူၺ်ႈ။ မၼ်း​ၼၼ်ႉ ႁႂ်ႈ​ၵဝ်​သၢၵ်ႈ​သႃႇ ၶိူဝ်း​ၶိူဝ်း​ယႂ်း​ယႂ်း​ယဝ်ႉ။ ပိၵ်ႉ​သမ်ႉ ၸိူၵ်ႈ​လဵၵ်း​မတ်ႉ​ၽုၵ်ႇ​ၵဝ်​ယူႇ​သေ​ၵေႃႈ၊ မၼ်း​ဢမ်ႇ​မီး​တၢင်း​ဢၼ်​ဢူၵ်း​ဢၼ်​ဢၢႆ။-</verse>
				<verse number="17">မိူဝ်ႈ​ဢၼ်​မၼ်း​ႁွတ်ႈ​ထိုင်​ဝဵင်း​ ရူဝ်းမႃႉ ​ၼၼ်ႉ​ၸိုင်၊ မၼ်း​ယဵင်ႈ​ၶႅၼ်း​ၵျူဝ်း​ၸႃး​ႁႃ​ၵဝ်​လႄႈ ထူပ်း​ႁၼ်​ဢေႃႈ။-</verse>
				<verse number="18">ႁႂ်ႈ​ထႃႇဝရႃႉ​ၽြႃး​ဢဵတ်း​လူ​ပၼ် ႁႂ်ႈ​မၼ်း​လႆႈ​ၶၢမ်ႇ​ၵရူႉၼႃႇ​ၼႂ်း​မိုဝ်း​ၸဝ်ႈ​ၽြႃး မိူဝ်ႈ​ဝၼ်း​ၼၼ်ႉ​သေ​ၵမ်း​လူၺ်ႈ။ ၵႃႈ​ၼႂ်း​ဝဵင်း​ ဢေးၽႅတ်ႈ ​ၼၼ်ႉ​ၵေႃႈ၊ မၼ်း​လုမ်း​လႃး​ၵဝ်​ၼမ်​ၼႃႇ ထၢၼ်ႇ​လႂ်​ဝႃႈ​ၼႆ မႂ်း​ႁူႉ​ယူႇ​ဢမၢၼ်ႇ​ၶၼ်​ပဵၼ်​ဢေႃႈ။</verse>
			</chapter>
			<chapter number="2">
				<verse number="1">လုၵ်ႈ​ၸၢႆး​ၵဝ်​ဢိူၺ်း၊ မႂ်း​ၸိုင်​မီး​တၢင်း​ဢၼ်​မၼ်ႈ​ၶိူင်ႇ​ယူႇ​ၼႂ်း​ၵျေး​ၸူး ဢၼ်​မီး​ၼႂ်း​ ယေႇသူႉ​ၶရိၸ်ႈ ​ၼၼ်ႉ​တႃႉ။-</verse>
				<verse number="2">ဢဝ်​ၵႃႈ​ဢၼ်​လႆႈ​ငိၼ်း​တီႈ​ၵဝ် ဢိၵ်ႇ​တင်း​ၶဝ်​ၸိူဝ်း​ဢၼ်​ၶၢမ်ႇ​သၢၵ်ႈ​သေႇ ၼမ်​ၼႃႇ​ၼၼ်ႉ​ဢၢပ်ႈ​ပၼ်​တီႈ​ၶဝ်​ၸိူဝ်း​ဢၼ် ပျေႉ​ၸုမ်ႇ​တၢင်း​သဵတ်ႈ​ၸႃႇ​လႄႈ တၢတ်ႈ​ၼိူင်ႇ​တၢင်း​ဢၼ်​သင်ႇ​သွၼ်​ပၼ် ပိူၼ်ႈ​လႆႈ​ၼၼ်ႉ​တႃႉ။-</verse>
				<verse number="3">မႂ်း​ပဵၼ်​ၸိူဝ်ႉ​ၼင်ႇ​ၵူၼ်း​သိုၵ်း​ဢၼ်​လီ တီႈ​ ယေႇသူႉ​ၶရိၸ်ႈ ​ၼၼ်ႉ​သေ​လႄႈ ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​လူၺ်ႈ​ၵၼ်​တင်း​ၵဝ်​တႃႉ။-</verse>
				<verse number="4">ၵူၼ်း​သိုၵ်း​ၸမ်ႉ၊ ၸၢင်ႈ​ပႅတ်ႈ​ဝႆႉ တၢင်း​ဢၼ်​သုၵ်ႉ​သၵ်ႉ​လေႃး​လႄး ၼႂ်း​ဢမူႉ​လေႃးၵီႇ​တင်း​လၢႆ ႁႂ်ႈ​လႆႈ​ထုၵ်ႇ​ၸႂ်​ၵေႃႉ​ဢၼ်​ၶၢၼ်း​မၼ်း​ဝႆႉ​ၼႂ်း ဢရႃႇ​ၵူၼ်း​သိုၵ်း​ၼၼ်ႉ​ဢေႃႈ။-</verse>
				<verse number="5">ၵေႃႉ​ဢၼ်​ၶေႉ​ၶဵင်ႇ​ၵၼ်​တင်း​ၵူၼ်း​ၼႂ်း​ပွႆး​ၼႂ်း​လၢမ်း​ၸမ်ႉ၊ ပေႃး​ဢမ်ႇ​ၶေႉ​ၶဵင်ႇ​ၸိူဝ်ႉ​ၼင်ႇ​ထုင်း​ၸၢမ်ႇ​ၸိုင် ဢမ်ႇ​လႆႈ​ပၢၼ်း​ၵုမ်း။-</verse>
				<verse number="6">ၵေႃႉ​ဢၼ်​ႁဵတ်း​ႁႆႊ​ႁဵတ်း​ၼႃး​ၵေႃႈ၊ ႁဵတ်း​ယဝ်ႉ​ၸင်ႇ တၵ်း​လႆႈ​ပဵၼ်​ၵေႃႉ​ဢၼ်​ၶၢမ်ႇ​ဢဝ် မၢၵ်ႇ​မၼ်း​ႁူင်း​မၼ်း​ဢွၼ်​တၢင်း​ဢေႃႈ။-</verse>
				<verse number="7">ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ ၵႂၢမ်း​ၵဝ်​ၼႆႉ​တႃႉ။ ႁႂ်ႈ​ထႃႇဝရႃႉ​ၽြႃး​ဢဵတ်း​လူ​ပၼ်​ၺၢၼ်ႇ​တီႈ​မႂ်း ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​သေ​ၵမ်း​လူၺ်ႈ။</verse>
				<verse number="8">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ယေႇသူႉ​ၶရိၸ်ႈ ဢၼ်​ပဵၼ်​ၸိူဝ်ႉ​ၶိူဝ်း​ တႃႇဝိတ်ႈ ဢၼ်​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း မႅၼ်ႈ​ၼင်ႇ​တြႃး​သတၢင်း​သိူဝ်း​ပျေႃႇ ဢၼ်​ၵဝ်​ႁေႃး​လၢတ်ႈ​ၼၼ်ႉ​တႃႉ။-</verse>
				<verse number="9">ၵွပ်ႈ​ပိူဝ်ႈ​တြႃး​ၼၼ်ႉ​လႄႈ ၵဝ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ် တေႃႇ​ထိုင်​ႁွတ်ႈ​ထၼ်ႈ​ပေႃး​လႆႈ​ၶၢမ်ႇ​တၢင်း​ဢၼ် မတ်ႉ​ၽုၵ်ႇ ၸိူဝ်ႉ​ၼင်ႇ​ၵူၼ်း​ႁၢႆႉ​ၼၼ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ ၵၢင်း​လွတ်ႈ​တင်း​တၢင်း​ဢၼ်​မတ်ႉ​ၽုၵ်ႇ​ဢေႃႈ။-</verse>
				<verse number="10">ပိူဝ်ႈ​ၼႆ​လႄႈ ၼင်ႇ​ႁိုဝ်​ၶဝ်​ၸိူဝ်း​ဢၼ်​မၼ်း​ၸဝ်ႈ လိူၵ်ႈ​ၵဵပ်း​ဢဝ်​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ဢၼ်​မီး​ၼႂ်း​ ယေႇသူႉ​ၶရိၸ်ႈ ဢိၵ်ႇ​တင်း​မုၼ်​သရေႇ​ထႃႇဝရႃႉ​ၸိုင်၊ ၵဝ်​လႆႈ​ယိူၼ်ႉ​ၶၢမ်ႇ​ၵူႈ​ၸိူဝ်ႉ​ၵူႈ​ပိူင်​ပုၼ်ႈ​ၶဝ်​ဢေႃႈ။-</verse>
				<verse number="11">ၵႂၢမ်း​သဵတ်ႈ​ၸႃႇ​ၸမ်ႉ၊ ပေႃး​ႁဝ်း​တၢႆ​လူၺ်ႈ​ၵၼ်​တင်း​ၸဝ်ႈ​ၼၼ်ႉ​ၸိုင်၊ ႁဝ်း​တၵ်း​လိပ်း​လူၺ်ႈ​ၵၼ်​တင်း​ၸဝ်ႈ​ၼၼ်ႉ​ဢေႃႈ။-</verse>
				<verse number="12">ပေႃး​ႁဝ်း​ယိူၼ်ႉ​ၶၢမ်ႇ​ၸိုင်၊ ႁဝ်း​တၵ်း​ၸၢမ်ႇ​ၸႃး​လူၺ်ႈ​ၵၼ်​တင်း​ၸဝ်ႈ​ၼၼ်ႉ​ဢေႃႈ။ ပေႃး​ႁဝ်း ထဵင်​ပႅတ်ႈ​ၸဝ်ႈ​ၼၼ်ႉ​ၸိုင်၊ မၼ်း​ၸဝ်ႈ​တၵ်း​ထဵင်​ပႅတ်ႈ​ႁဝ်း​ဢေႃႈ။-</verse>
				<verse number="13">ပိၵ်ႉ​သမ်ႉ​ႁဝ်း​ဢမ်ႇ​ယုမ်ႇ​မၢတ်ႈ​သေ​ၵေႃႈ၊ ၸဝ်ႈ​ၼၼ်ႉ​သဵတ်ႈ​ၸႃႇ​တႄႇ​ယူႇ ၵွပ်ႈ​ပိူဝ်ႈ​ဢၼ် ဢမ်ႇ​ထဵင်​ပႅတ်ႈ​တူဝ်​ၸဝ်ႈ​ၵဝ်ႇ​လႆႈ​ၼၼ်ႉ​ဢေႃႈ။</verse>
				<verse number="14">ဢဝ်​လွင်ႈ​တၢင်း​ၸိူဝ်း​ၼႆႉ ပၼ်​သတီႉ​တီႈ​ၶဝ်​တႃႉ။ ၼင်ႇ​ႁိုဝ်​တၵ်း​ဢမ်ႇ​ႁဵတ်း တၢင်း​ဢၼ်​တွပ်ႇ​ဢၼ်​ထဵင် ၵွပ်ႈ​ပိူဝ်ႈ​ၵႂၢမ်း​ဢၼ်​ဢမ်ႇ​ပွင်​ဢၵျူဝ်း​ၵႃႈ​သင်​လႄႈ ႁႂ်ႈ​ၸႂ်​ၶဝ်​ၸိူဝ်း​ဢၼ်​လႆႈ​ထွမ်ႇ​လႆႈ​ငိၼ်း​ၼၼ်ႉ ၶႂမ်ႈ​ပိၼ်ႈ​ပႅတ်ႈ​ၼၼ်ႉ​ၸိုင်၊ ပၼ်​သဵတ်ႈ​ၸႃႇ​ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ​တႃႉ။</verse>
				<verse number="15">မႂ်း​ၸမ်ႉ၊ ဢဝ်​ႁႅင်း​ၵျူဝ်း​ၸႃး ႁဵတ်း​ႁႂ်ႈ​လႆႈ​ပဵၼ်​ၵေႃႉ​ဢၼ်​မၼ်း​ၸဝ်ႈ ႁပ်ႉ​တုင်း​ဢဝ်​လႄႈ ယင်း​ဢမ်ႇ​မီး​လွင်ႈ​ဢၼ်​တၵ်း​ဢူၵ်း​တၵ်း​ဢၢႆ၊ ပဵၼ်​သြႃႇသမႃး ဢၼ်​ၸၢင်ႈ​ႁူႉ​ၸႅင်ႈ ၸၵ်း​ၽႄ​သမ်ႇမႃႇ​တြႃး​မၢၼ်ႇ​မၢၼ်ႇ​မႅၼ်ႈ​မႅၼ်ႈ​ယူႇ​သေ​လႄႈ သၢၵ်ႈ​ၵၢပ်ႈ​တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​တႃႉ။-</verse>
				<verse number="16">ဝႄႈ​ပႅတ်ႈ​ၵႂၢမ်း​ဢၼ်​လၢႆ​လၢႆ ဢၼ်​ဢမ်ႇ​ၶဝ်ႈ​ၼႂ်း​တြႃး​ၼၼ်ႉ​တႃႉ။ လွင်ႈ​မၼ်း​ၸမ်ႉ ၵႂၢမ်း​ၼၼ်ႉ​တၵ်း​ႁႂ်ႈ​ဢမူႉ​ဢၼ်​ဢမ်ႇ​တြႃး​ယႂ်ႇ​ၼမ်​မႃး ဢေႃႈ။-</verse>
				<verse number="17">ၵႂၢမ်း​ၶဝ်​ၼၼ်ႉ တၵ်း​ၵိၼ်​ၸိူဝ်ႉ​ၼင်ႇ​တၢင်း​ၸဵပ်း ဢၼ်​ပဵၼ်​ၶူႇ​ၼၼ်ႉ​ဢေႃႈ။ ၼႂ်း​ၶဝ်​ၼၼ်ႉ ႁူႉမေႇၼေႇ တင်း​ ၽီႉလိတ်ႉ ​ၵေႃႈ​ပႃး​ဢေႃႈ။-</verse>
				<verse number="18">ၶဝ်​ပိူင်ႈ​ၼႂ်း​သဵၼ်ႈ​တၢင်း သမ်ႇမႃႇ​တြႃး​ၵႂႃႇ​သေ​လႄႈ​လၢတ်ႈ​ဝႃႈ၊ တၢင်း​ဢၼ်​ၶိုၼ်း​လိပ်း​ၼၼ်ႉ ပူၼ်ႉ​ၵႂႃႇ​ယဝ်ႉ​၊ ဝႃႈ​ၼင်ႇ​ၼႆ​လႄႈ ၸၢင်ႈ​ၶႂမ်ႈ​ပိၼ်ႈ တၢင်း​ယုမ်ႇ​မၢတ်ႈ​ၵူၼ်း​ၵမ်ႈ​ၽွင်ႈ​ပႅတ်ႈ​ဢေႃႈ။-</verse>
				<verse number="19">ၵူၺ်း​ၵႃႈ​ငဝ်ႈ​ႁၢၵ်ႈ​တိူၵ်ႈ​ၽြႃး​ပဵၼ်​ၸဝ်ႈ​ဢၼ်​တွၵ်ႇ​တၼ်း​သိၵ်ႈ​ဝႆႉ​ဢၼ်​ဝႃႈ ၸဝ်ႈ​ၽြႃး​ႁူႉ​ၸၵ်း​ၵူၼ်း​မၼ်း​ၸဝ်ႈ​တင်း​လၢႆ​ယူႇ​ဢေႃႈ ဝႃႈ​ၼႆ ဢိၵ်ႇ​တင်း​ဢၼ်​ဝႃႈ ၵေႃႉ​ဢၼ်​ႁပ်ႉ​တုင်း​ဢဝ် ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၽြႃး​ၸမ်ႉ၊ တၵ်း​လႆႈ​ဝႄႈ​ပႅတ်ႈ လွင်ႈ​တၢင်း​ဢၼ်​ဢမ်ႇ​တြႃး​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ မၼ်ႈ​ၶိူင်ႇ​လႄႈ​တႄႇ​ယူႇ​ဢေႃႈ။-</verse>
				<verse number="20">ၼႂ်း​ႁိူၼ်း​ဢၼ်​ယႂ်ႇ​ဢၼ်​လူင်​ၼၼ်ႉ​ၸိုင် မီး​ၶိူင်ႈ​ၶမ်း​ၶိူင်ႈ​ငိုၼ်း​ၵူၺ်း​ဢမ်ႇ​ၸႂ်ႈ။ ၶိူင်ႈ​မႆႉ​ၶိူင်ႈ​လိၼ်​ၵေႃႈ​မီး​ဢေႃႈ။ မီး​ၶိူင်ႈ​ဢၼ်​မီး​သရေႇ ဢိၵ်ႇ​တင်း ၶိူင်ႈ​ဢၼ်​ဢမ်ႇ​မီး​သရေႇ​ယူႇ​ဢေႃႈ။-</verse>
				<verse number="21">ပိူဝ်ႈ​ၼႆ​လႄႈ ၵေႃႉ​ဢၼ်​ပႄႇ​ပႅတ်ႈ​တၢင်း​ၵမ်​တၢင်း​ၵျၢင်ႉ ဢၼ်​ဝႃႈ​မႃး​ယဝ်ႉ​ၸိူဝ်း​ၼၼ်ႉ​သေ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ ၼၼ်ႉ​ၸမ်ႉ၊ တၵ်း​ပဵၼ်​ၶိူင်ႈ​ဢၼ်​မီး​သရေႇ၊ ၶိူင်ႈ​ဢၼ်​မူတ်း​ၸၢင်ႇ​လႄႈ လီ​ပုၼ်ႈ​ဢၼ် ၸဝ်ႈ​ႁိူၼ်း​တၵ်း​သုင်း​တၵ်း​သွင်ႇ၊ ၶိူင်ႈ​ဢၼ် မႄး​ႁႅၼ်း​ဝႆႉ ပုၼ်ႈ​လွင်ႈ​တၢင်း​ဢၼ်​လီ​ဢၼ်​ငၢမ်း ၵူႈ​ၸိူဝ်ႉ​ၵူႈ​ပိူင်​ဢေႃႈ။</verse>
				<verse number="22">ဝႄႈ​ပႅတ်ႈ​ၸႂ်​ၵီႉလေႇသႃႇ တၢင်း​ဢၼ်​ၽူႈ​မၢဝ်ႇ​တင်း​လၢႆ ၸွႆး​ၸပ်း​ၼၼ်ႉ​တႃႉ။ ၸွမ်း​ႁႂ်ႈ​ၶိုတ်း​တၢင်း​ဢၼ်​သိုဝ်ႈ​တေႃႇ၊ တၢင်း​ဢၼ်​မီး​သဵတ်ႈ​ၸႃႇ၊ တၢင်း​ဢၼ်​ႁၵ်ႉ​ဢၼ်​ပႅင်း၊ တၢင်း​ဢၼ်​ယူႇ​ထုၵ်ႇ​ထုၵ်ႇ​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​မီး​ၸႂ်​ဢၼ် ၶၢဝ်​ၸၢင်ႇ လႄႈ ႁဵတ်း​ပထၼႃႇ​တီႈ​ၸဝ်ႈ​ၽြႃး​ၼၼ်ႉ​တႃႉ။-</verse>
				<verse number="23">ႁူႉ​လွင်ႈ​ဢၼ်​ပုၵ်ႈ​သႃႇ​တီႈ​တွင်ႈ​တီႈ​ထၢမ် ဢၼ်​မိူၵ်ႈ​လႄႈ​ဢမ်ႇ​ပႃး​ပိင်ႇ​ၺႃႇ​ၸိူဝ်း​ၼၼ်ႉ​ၸၢင်ႈ ႁႂ်ႈ​တၢင်း​ၽိတ်း​ပဵၼ်​မႃး​ၼၼ်ႉ​ယူႇ သေ​လႄႈ ဝႄႈ​ပႅတ်ႈ​တႃႉ။-</verse>
				<verse number="24">ၶႃႈ​ၸဝ်ႈ​ၽြႃး​ဢမ်ႇ​လႆႈ​ၽိတ်း​ၵၼ်။ တၵ်း​လႆႈ​ပဵၼ်​ၵေႃႉ​ဢၼ် ႁဵတ်း​လွႆး​လွႆး​တီႈ​ၵူၼ်း​တင်း​သဵင်ႈ​တင်း​လူင်၊ ၵေႃႉ​ဢၼ်​လၵ်း​လႅမ် ၼႂ်း​လွင်ႈ​တၢင်း​ဢၼ် သင်ႇ​သွၼ်​သုင်း​မႃႉ​ဢေႃးဝႃႇတႃႉ၊ ၵေႃႉ​ဢၼ်​ယိူၼ်ႉ​ၶၢမ်ႇ​လႆႈ၊-</verse>
				<verse number="25">ၵေႃႉ​ဢၼ်​သင်ႇ​သွၼ်​သုင်း​မႃႉ ဢူၼ်ႈ​ဢူၼ်ႈ​ဢွၼ်ႇ​ဢွၼ်ႇ တီႈ​ၶဝ်​ၸိူဝ်း​ဢၼ်​ႁႄႉ​ၶႅၼ်​လႄႈ ထဵင်​ပႅတ်ႈ​ၼၼ်ႉ​ဢေႃႈ။ ၽြႃး​ပဵၼ်​ၸဝ်ႈ ၸၢင်ႈ​ၶႄး​တၵ်း​ပၼ် တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​ဢပႅတ်ႈ ႁႂ်ႈ​ၶဝ်​လႆႈ​ႁပ်ႉ​တုင်း​ဢဝ်​သမ်ႇမႃႇ​တြႃး​လႄႈ၊-</verse>
				<verse number="26">ၶဝ်​ၸိူဝ်း​ဢၼ်​မႃႇၼၢတ်ႈ​တီႉ​လႆႈ​ပုၼ်ႈ ဢၼ်​တၵ်း​ႁဵတ်း​ၸွမ်း ဢလူဝ်ႇ​မၼ်း​ၼၼ်ႉ ၸၢင်ႈ​ၶႄး​တၵ်း​လႆႈ​သတီႉ​လႄႈ ႁွတ်ႈ​တၢင်း​ဢၼ်​ၵၢင်း​လွတ်ႈ​သေ ၵႃႈ​ၼႂ်း​တီႈ​ဢၼ် တီႉ​လႆႈ​ၼၼ်ႉ​ဢေႃႈ။</verse>
			</chapter>
			<chapter number="3">
				<verse number="1">ႁူႉ​လွင်ႈ​ဢၼ် ၶိင်ႇ​ၵႃႇလႃႉ​ၵမ်း​လိုၼ်း တၵ်း​ပဵၼ်​ၶိင်ႇ​ၵႃႇလႃႉ​ဢၼ်​ႁၢႆႉ​ယုတ်ႈ ယၢပ်ႇ​ၼႃႇ​လူင်​လၢင်​ၼၼ်ႉ​တႃႉ။-</verse>
				<verse number="2">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵူၼ်း​တင်း​လၢႆ​တၵ်း​ပဵၼ် ၵေႃႉ​ဢၼ်​ႁၵ်ႉ​ပႅင်း​တူဝ်​ၸဝ်ႈ​ၵဝ်ႇ၊ ၵေႃႉ​ဢၼ်​ၸႂ်​ၸပ်း​ၸႂ်​ၸွႆး​ငိုၼ်း၊​ၵေႃႉ​ဢၼ်​ဢုပ်ႇ​ဝၢဝ်း၊ ၵေႃႉ​ဢၼ်​ႁူဝ်​ၸႂ်​သုင်​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ပိူၼ်ႈ၊ ၵေႃႉ​ဢၼ်​ယႃႉ​သရေႇ​ပိူၼ်ႈ၊ ၵေႃႉ​ဢၼ်​ဢမ်ႇ​ထွမ်ႇ​ဢဝ် ၵႂၢမ်း​ပေႃႈ​ၵႂၢမ်း​မႄႈ၊ ၵေႃႉ​ဢၼ်​ဢမ်ႇ​မီး​ၵျေး​ၸူး၊ ၵေႃႉ​ဢၼ်​ဢမ်ႇ​မီး​တၢင်း​ဢၼ်​မူတ်း​ၸၢင်ႇ၊-</verse>
				<verse number="3">ၵေႃႉ​ဢၼ်​ၵၢင်း​လွတ်ႈ​တင်း ပၵတီႉ​တၢင်း​ဢၼ်​ႁၵ်ႉ​ၸူမ်း​ပႅင်း၊ ၵေႃႉ​ဢၼ်​ႁွမ်​ဝႆႉ​တၢင်း​ၽိတ်း၊ ၵေႃႉ​ဢၼ်​ၸၢင်ႈ​ၶျေႃး​ၵိၼ်​ဝွၼ်း​ၵိၼ်၊ ၵေႃႉ​ဢၼ်​ဢမ်ႇ​ၶျုၵ်ႈ​ဢိင်ႇတရေႇ တူဝ်​ၸဝ်ႈ​ၵဝ်ႇ​ဝႆႉ​လႆႈ၊ ၵေႃႉ​ဢၼ်​ၵျၢမ်း​ရိူင်း၊ ၵေႃႉ​ဢၼ်​ၸင်း​သူႇ​တေႃႇ​ၵွင်း၊-</verse>
				<verse number="4">ၵေႃႉ​ဢၼ်​ၸၢင်ႈ​ယႃႉ​သဵတ်ႈ​ၸႃႇ၊ ၵေႃႉ​ဢမ်ႇ​ၶၢမ်ႇ​ဢဝ်​တၢင်း​ဢၼ်​ပၼ်​သတီႉ၊ ၵေႃႉ​ဢၼ်​မဝ်း​လဝ်ႈ​လူၺ်ႈ​မႃႇၼႃႉ တၢင်း​ဢၼ်​ၸႂ်​သုင်၊ ၵေႃႉ​ဢၼ်​ယဵင်ႈ​ၶႅၼ်း​ၵျိူၵ်ႈ တၢင်း​ဢၼ်​ၸၢမ်ႇ​ၸႃး​ၵႃႇမၵုင်ႇ​ၼႃႇ​သေ ၵျိူၵ်ႈ​ၽြႃး​ပဵၼ်​ၸဝ်ႈ၊-</verse>
				<verse number="5">ၵေႃႉ​ဢၼ်​ႁဵတ်း​ၸိူဝ်ႉ​ၼင်ႇ​ႁၢင်ႈ မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး​သေ​လႄႈ ထဵင်​ပႅတ်ႈ​တၼ်း​ၶူဝ်း တၢင်း​ဢၼ်​မူၼ်ႈ​ပျေႃႇ​ၼၼ်ႉ​ဢေႃႈ။ ဝႄႈ​ပႅတ်ႈ​ၶဝ်​ၸိူဝ်ႉ​ၼင်ႇ​ၼၼ်​ၼၼ်ႉ​တႃႉ။-</verse>
				<verse number="6">ဢၼ်​ၶဝ်ႈ​ပႃး​ၼႂ်း​ၶဝ်​ၼၼ်ႉ ပဵၼ်​ၶဝ်​ၸိူဝ်း​ဢၼ်​ၶဝ်ႈ​ၵႃႈ​ၼႂ်း​ႁိူၼ်း​လႄႈ တီႉ​ဢဝ်​ၽူႈ​ယိင်း​မိူၵ်ႈ​တင်း​လၢႆ ဢၼ်​ႁၢပ်ႇ​ၶူဝ်း​တူႉ​ၸရိူၵ်ႈ ဢပႅတ်ႈ​လႄႈ ၸွမ်း​တၢင်း​ဢၼ်​ၵီႉလေႇသႃႇ ၸူဝ်း​ဢဝ်​ၵူႈ​ၸိူဝ်ႉ​ၵူႈ​ပိူင်၊-</verse>
				<verse number="7">ဢၼ်​သွၼ်​ဢဝ်​ယူႇ​သေ​ၵေႃႈ ဢမ်ႇ​ယၢမ်ႈ​ႁွတ်ႈ​ထိုင် တၢင်း​ဢၼ်​ႁူႉ​ၸႅင်ႈ​သမ်ႇမႃႇ​တြႃး​လႆႈ​ၼၼ်ႉ​ဢေႃႈ။</verse>
				<verse number="8">ၶဝ်​ၼၼ်ႉ ႁႄႉ​ၶႅၼ်​သမ်ႇမႃႇ​တြႃး​ယူႇ မိူၼ်​ၸိူဝ်ႉ​ၼင်ႇ​ဢၼ်​ ယၼ်ႇၼေႇ ​ဢိၵ်ႇ​တင်း​ ယမ်ႇပြေႇ ႁႄႉ​ၶႅၼ်​ မူဝ်းသေႇ ​ၼၼ်ႉ​ဢေႃႈ။ ပဵၼ်​ၵေႃႉ​ဢၼ်​ႁူဝ်​ၸႂ်​တူႇ​ၼဝ်ႈ​ၵႂႃႇ​လႄႈ ႁဵတ်း​ၸိူဝ်ႉ​ၼင်ႇ​ႁၢင်ႈ​ယုမ်ႇ​မၢတ်ႈ​ဢေႃႈ။-</verse>
				<verse number="9">ၵူၺ်း​ၵႃႈ ၶဝ်​တၵ်း​ဢမ်ႇ​လႆႈ​လိူဝ်​တွၼ်း​လႄႈ ပူၼ်ႉ​ၵႂႃႇ​ပႅၼ်​ၵႂႃႇ။ တၢင်း​ဢၼ်​မိူၵ်ႈ​လပ်း​သိင်ႇ​ၶဝ်​တၵ်း​ထၢင်ႇ​သႃး ၵႃႈ​တီႈ​ၽၢႆႇ​ၼႃႈ​ၵူၼ်း တင်း​သဵင်ႈ​တင်း​လူင် မိူၼ်​ၸိူဝ်ႉ​ၼင်ႇ​တၢင်း​ဢၼ်​မိူၵ်ႈ၊ လပ်း​သိင်ႇ​သွင်​ၶႃ​ၼၼ်ႉ ထၢင်ႇ​သႃး​ၼၼ်ႉ​ဢေႃႈ။</verse>
				<verse number="10">မႂ်း​လႆႈ​ႁူႉ​လႆႈ​ထူပ်း တၢင်း​ဢၼ်​ၵဝ်​ပၼ် သုင်း​မႃႉ​ဢေႃးဝႃႇတႃႉ၊ တၢင်း​ဢၼ်​ၵမ်​ၵျၢင်ႉ၊ တၢင်း​ဢၼ်​ၵျၢမ်ႇ​ပွင်၊ တၢင်း​ဢၼ်​ပႂ်ႉ သဵတ်ႈ​ၸႃႇ၊ တၢင်း​ဢၼ်​ၸႂ်​ယႂ်ႇ​ၸႂ်​ယၢဝ်း၊ တၢင်း​ဢၼ်​ႁၵ်ႉ​ဢၼ်​ပႅင်း၊ တၢင်း​ဢၼ်​ယိူၼ်ႉ​ၶၢမ်ႇ၊-</verse>
				<verse number="11">တၢင်း​ဢၼ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​တင်း​လၢႆ၊ တုၵ်ႉ​ၶႃႉ​တၢင်း​ၽၢၼ်​တင်း​လၢႆ၊ လွင်ႈ​တၢင်း​ဢၼ်​ၵဝ်​လႆႈ​ၶၢမ်ႇ​ၵႃႈ​ၼႂ်း ဝဵင်း​ ဢၼ်ႇတီႉဢူၵ်ႉ ၊ ဝဵင်း​ ဢီႉၵေႃးၼီႉ ၊ ဝဵင်း​ လုတ်ႉတရႃႉ ​တင်း​လၢႆ၊ လွင်ႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​ၵဝ်​လႆႈ​ၶၢမ်ႇ​မႃး​ယဝ်ႉ​ၼၼ်ႉ​ယဝ်ႉ​ဢေႃႈ။ ပိၵ်ႉ​သမ်ႉ​ၵဝ်​လႆႈ​ထူပ်း လွင်ႈ​တၢင်း​ၸိူဝ်ႉ​ၼင်ႇ​ၼၼ်​သေ​ၵေႃႈ၊ ၸဝ်ႈ​ၽြႃး​ၼုၵ်ႈ​ဢဝ်​ၵဝ်​ဢွၵ်ႇ​သေ ၵႃႈ​ၼႂ်း​ၵႃႈ​ဢၼ်​ထူပ်း​ၼၼ်ႉ ယဝ်ႉ။-</verse>
				<verse number="12">ၶဝ်​ၸိူဝ်း​ဢၼ် မီး​ဢလူဝ်ႇ​ၶႂ်ႈ​မူၼ်ႈ​ပျေႃႇ ၼႂ်း​ဝၢတ်ႈ​ၽြႃး ၸွမ်း​ၼင်ႇ​တြႃး​ ယေႇသူႉ​ၶရိၸ်ႈ ​လႄႈ ယူႇ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ဢေႃႈ။-</verse>
				<verse number="13">ၶဝ်​ၸိူဝ်း​ဢၼ်​ႁၢႆႉ​မိူၵ်ႈ ဢိၵ်ႇ​တင်း ၶဝ်​ၸိူဝ်း​ဢၼ်​ပႅတ်ႉ​လႅၼ်​ၼၼ်ႉ​ၸမ်ႉ၊ တၵ်း​ပႅတ်ႉ​လႅၼ် တီႈ​ပိူၼ်ႈ​တၢင်ႇ​ၵေႃႉ ဢိၵ်ႇ​တင်း​တီႈ တူဝ်​ၸဝ်ႈ​ၵဝ်ႇ​သေ​လႄႈ ယႂ်ႇ​မႃး​ၼႂ်း​တၢင်း​ဢၼ်​ၵူဝ်ႈ​ၵိူၵ်ႇ​ၼၼ်ႉ​ယူႇ​ဢေႃႈ။</verse>
				<verse number="14">ႁူႉ​မၢတ်ႈ​လွင်ႈ​ဢၼ် မႂ်း​လႆႈ​ၶၢမ်ႇ​ဢဝ်​ၼႄး တီႈ​ၽူႈ​လႂ် ဢိၵ်ႇ​တင်း လွင်ႈ​ဢၼ်​ၸႃႉ​ၸဵမ်​မိူဝ်ႈ​ဢၼ်​မႂ်း ယင်း​လဵၵ်ႉ​ၼၼ်ႉ</verse>
				<verse number="15">မႂ်း​ႁူႉ​ၸႅင်ႈ​ထမ်ႇမႃႉ​ၵျၢမ်း​လိၵ်ႈ ဢၼ်​ၸၢင်ႈ​ပၼ်​ပိင်ႇ​ၺႃႇ ပုၼ်ႈ​တၢင်း​ဢၼ် ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ ယေႇသူႉ​ၶရိၸ်ႈ ​ၼၼ်ႉ​ယူႇ​သေ​လႄႈ တႄႇ​ယူႇ​ၼႂ်း​ဢယူႇ​ဝႃႇ​တႃႉ ဢၼ်​မႂ်း​သွၼ်​ဢဝ်​ယဝ်ႉ​လႄႈ သႂၢင်း​ဝႆႉ​ၼႂ်း​ႁူဝ်​ၸႂ်​ယဝ်ႉ​ၼၼ်ႉ​တႃႉ။</verse>
				<verse number="16">ၵျၢမ်း​လိၵ်ႈ​ၵႃႈ​မီး​ၸိူဝ်း​ၼၼ်ႉ ပဵၼ်​ဢၼ်​ၽြႃး​ပဵၼ်​ၸဝ်ႈ ပဝ်ႇ​သႂၢင်း​သႂ်ႇ​ဝႆႉ​လႄႈ ၸၢင်ႈ​ႁဵတ်း​ၵျေး​ၸူး တၢင်း​ဢၼ်​ပၼ်​သုင်း​မႃႉ ဢေႃးဝႃႇတႃႉ၊ တၢင်း​ဢၼ်​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ၊ တၢင်း​ဢၼ်​မႄး​ႁဵတ်း​ဢၼ်​သိုဝ်ႈ​ဢၼ်​တေႃႇ၊ တၢင်း​ဢၼ်​သင်ႇ ဢၼ်​သွၼ်​ၸွမ်း​ၼင်ႇ​တြႃး၊-</verse>
				<verse number="17">ႁႂ်ႈ​ၵူၼ်း​ၽြႃး​ပဵၼ်​ၸဝ်ႈ လႆႈ​ပဵၼ်​ၵေႃႉ​ဢၼ်​ၸေး​ၸုမ်ႇ၊ ၵေႃႉ​ဢၼ်​မႄး​ႁႅၼ်း​ဝႆႉ ပုၼ်ႈ​ဢၼ်​တၵ်း​ပွင်​ႁဵတ်း လွင်ႈ​တၢင်း​ဢၼ်​လီ​ဢၼ်​ငၢမ်း ၵူႈ​ၸိူဝ်ႉ​ၵူႈ​ပိူင်​ဢေႃႈ။</verse>
			</chapter>
			<chapter number="4">
				<verse number="1">ၵဝ်​ထွၵ်ႈ​လူၺ်ႈ ၶိင်ႇ​ၵႃႇလႃႉ တၢင်း​ဢၼ်​မၼ်း​ၸဝ်ႈ တၵ်း​ပေႃႇ​မႃး​လႄႈ မိူင်း​ၸဝ်ႈ​တၵ်း​ထၢင်ႇ​သႃး​ၼၼ်ႉ​လႄႈ ပၼ်​သဵတ်ႈ​ၸႃႇ​တီႈ​မႂ်း ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ ယေႇသူႉ​ၶရိၸ်ႈ ဢၼ်​တၵ်း​ၸႅတ်ႈ​ထၢမ်​ၸီႇ​ယၢင်ႇ ၶဝ်​ၸိူဝ်း​ဢၼ် ဢသၢၵ်ႈ​လိပ်း တင်း​ၶဝ်​ၸိူဝ်း​ဢၼ်​တၢႆ​ၼၼ်ႉ​ၸမ်ႉ၊-</verse>
				<verse number="2">ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ​တႃႉ။ ၶိင်ႇ​မီး​သေ​ဢမ်ႇ​ဝႃႈ၊ ဢမ်ႇ​မီး​သေ​ဢမ်ႇ​ဝႃႈ၊ ဢဝ်​ႁႅင်း​ၵျူဝ်း​ၸႃး​ႁဵတ်း​တႃႉ။ ၽုၺ်ႇ​ဢွၵ်ႇ ၼႄ​ပျႃး ဢပႅတ်ႈ​တႃႉ။ ႁဵတ်း​တၢင်း​ဢၼ်​သင်ႇ​သွၼ်​သုင်း​မႃႉ​တႃႉ။ မီး​တၢင်း​ၸႂ်​ဢၼ်​ယႂ်ႇ​ဢၼ်​ယၢဝ်း ၼႃႇ​လူင်​လၢင် ပၼ်​ဢေႃးဝႃႇတႃႉ ၵူႈ​ၸိူဝ်ႉ​ၵူႈ​ပိူင်​လႄႈ တိုၵ်း​ယူင်း​ၸူဝ်း​ဢဝ်​တႃႉ။-</verse>
				<verse number="3">လွင်ႈ​မၼ်း​ၸမ်ႉ ၼႂ်း​ၶိင်ႇ​ၵႃႇလႃႉ​ၵမ်း​လိုၼ်း​ပုၼ်ႉ ၵူၼ်း​တင်း​လၢႆ ယင်း​ဢမ်ႇ​ၶၢမ်ႇ​ဢမ်ႇ​ဢဝ် ဢေႃးဝႃႇတႃႉ​ဢၼ်​ၶၢဝ်​ၸၢင်ႇ​ၼၼ်ႉ​လႄႈ မီး​ႁူ​ဢၼ် ၸၢင်ႈ​ၶူမ်း​ၸၢင်ႈ​ၵၢႆး​သေ​ယဝ်ႉ၊ တၵ်း​ၸွမ်း​ၽၢႆႇ​လင်​သြႃႇ ဢၼ်​ၼမ်​ၼႃႇ​ၵႂႃႇ​ၵႃႈ​ၼင်ႇ​တၢင်း​ဢၼ် တူဝ်​ၸဝ်ႈ​ၵဝ်ႇ​ၸွႆး​ၸပ်း​ၼၼ်ႉ​ဢေႃႈ။-</verse>
				<verse number="4">ၶဝ်​ယင်း​ဢမ်ႇ​ထွမ်ႇ​ဢမ်ႇ​ဢဝ် သမ်ႇမႃႇ​တြႃး​လႄႈ တၵ်း​ထွမ်ႇ​ဢဝ် ၵႂၢမ်း​တၢၼ်ႇတႃႇရီႇ​သေ​လႄႈ ပိူင်ႈ​တၢင်း​ၵႂႃႇ​ဢေႃႈ။</verse>
				<verse number="5">မႂ်း​ၸမ်ႉ၊ မီး​သမ်ႇမႃႇသတီႉ ၼႂ်း​ၵူႈ​ၸိူဝ်ႉ​ၵူႈ​ပိူင်​တႃႉ။ ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​တႃႉ။ ပွင်​ႁဵတ်း​ဢမူႉ ဢၼ်​သြႃႇ​ပွင်​သႃႇသၼႃႇ တၵ်း​လႆႈ ပွင်​ႁဵတ်း​ၼၼ်ႉ​တႃႉ။ ႁဵတ်း​ဝၢတ်ႈ​တၢင်း​ဢၼ် ၶၢၼ်း​ဝႆႉ​ၼႂ်း​ဢရႃႇ​ထမ်ႇမႃႉ​သြႃႇ​ၼၼ်ႉ တင်း​သဵင်ႈ​တင်း​မူတ်း​တႃႉ။-</verse>
				<verse number="6">လွင်ႈ​မၼ်း​ၸမ်ႉ တေႃႈ​လဵဝ်​ၼႆႉ​ၵဝ်​ၸမ်ႉ၊ တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​ထွၵ်ႇ​သႂ်ႇ ၵႃႈ​ၼိူဝ်​ယိတ်ႈ​ယဝ်ႉ။ ၶိင်ႇ​ဢၼ်​ၵဝ်​တၵ်း​လၢႆႈ​ၸၢတ်ႈ​လၢႆႈ​ပၢၼ်​ၼၼ်ႉ ႁွတ်ႈ​ထိုင်​ယဝ်ႉ။-</verse>
				<verse number="7">ၵဝ်​ႁဵတ်း​တၢင်း​ဢၼ်​တိုၵ်း​ဢၼ်​တေႃး ဢၼ်​လီ​ဢၼ်​ငၢမ်း​ယဝ်ႉ​ယဝ်ႉ။ ၵဝ်​ၶုၼ်ႇ​လႅၼ်ႈ​သဵၼ်ႈ​တၢင်း​ဢၼ် ၵဝ်​တၵ်း​လႆႈ ၶုၼ်ႇ​လႅၼ်ႈ​ၼၼ်ႉ တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ယဝ်ႉ​ယဝ်ႉ။ ၵဝ်​ပႂ်ႉ​ၸွမ်း​တြႃး​တၢင်း​ဢၼ် ယုမ်ႇ​မၢတ်ႈ​ယဝ်ႉ​ယဝ်ႉ။-</verse>
				<verse number="8">ၸႃႉ​ၸဵမ်​တေႃႈ​လဵဝ်​ၼႆႉ​လႄႈ ထမ်ႇမႃႉ​သရၽူႇ​သိမ်း​ဝႆႉ​မီး​ယူႇ​ပုၼ်ႈ​ၵဝ်​ယဝ်ႉ​ဢေႃႈ။ သရၽူႇ​ၼၼ်ႉ​ၸိုင်၊ ၵေႃႉ​ဢၼ်​ၸီႇ​ယၢင်ႇ​ၸွမ်း​ၼင်ႇ တြႃး​ဢၼ်​ဝႃႈ ၸဝ်ႈ​ၽြႃး​ၼၼ်ႉ တၵ်း​ဢၢပ်ႈ​ပၼ်​တီႈ​ၵဝ်​ၼႂ်း​ဝၼ်း​ၼၼ်ႉ​ဢေႃႈ။ တၵ်း​ပၼ်​တီႈ​ၵဝ်​ၵူၺ်း​ဢမ်ႇ​ၵႃး၊ တၵ်း​ပၼ်​တီႈ​ၶဝ်​ၸိူဝ်း​ဢၼ် တူၵ်း​ဢၢင်ႈ တၢင်း​ဢၼ်​မၼ်း​ၸဝ်ႈ တၵ်း​ပေႃႇ​မႃး​ၼၼ်ႉ တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="9">ၵျူဝ်း​ၸႃး​ႁႂ်ႈ​လႆႈ​မႃး​ၸူး​ၵႃႈ​တီႈ​ၵဝ်​ဝႆး​ဝႆး​တႃႉ။-</verse>
				<verse number="10">လွင်ႈ​မၼ်း​ၸမ်ႉ တေႇမႃႉ ​ပႅတ်ႈ​ဝႆႉ​ၵဝ်​ၵွပ်ႈ​ပိူဝ်ႈ​ဢၼ်​မၼ်း မီး​ၸႂ်​ဢၼ်​ႁၵ်ႉ​ပႅင်း ၽဝႃႉ​ၼႆႉ​ၼၼ်ႉ​လႄႈ ၵႂႃႇ​ၵႃႈ​တီႈ​ဝဵင်း​ ထိတ်ႉသႃႇလေႃးၼိၵ်ႈ ​ပုၼ်ႉ​ယဝ်ႉ။ ၵရိတ်ႉၵေႇ ၵႂႃႇ​ၵႃႈ​တီႈ​မိူင်း​ ၵလႃႇတီႉ ​လႄႈ တီႉတူႉ ​ၵႂႃႇ​ၵႃႈ​တီႈ​မိူင်း​ တႃႇလမႃႇတီႉ ​ယဝ်ႉ။-</verse>
				<verse number="11">တီႈ​ၵဝ်​ၼႆႉ​မီး​ လူႉၵႃႇ ​ၵေႃႉ​လဵဝ်​ၵူၺ်း​ဢေႃႈ။ ႁွင်ႉ​ဢဝ်​ မႃႇ​ၵူႉ ​မႃး​လူၺ်ႈ​ၵၼ်​တင်း​မႂ်း​တႃႉ။ ၵဝ်​မီး​ဢၵျူဝ်း​ၼႂ်း​လွင်ႈ​တၢင်း​ဢၼ် မၼ်း ပွင်​ႁဵတ်း​ဢမူႉ​သြႃႇ​ၼၼ်ႉ​ဢေႃႈ။-</verse>
				<verse number="12">တူႉၶိတ်ႈ ​ၵေႃႈ ၵဝ်​လႆႈ​ပွႆႇ​ၸႂ်ႉ​ၵႂႃႇ ၵႃႈ​တီႈ​ဝဵင်း​ ဢေးၽႅတ်ႈ ​ပုၼ်ႉ​ယဝ်ႉ။</verse>
				<verse number="13">မိူဝ်ႈ​ဢၼ်​မႂ်း​မႃး​ၼၼ်ႉ​ၸိုင်၊ ဢဝ်​သိူဝ်ႈ​ၼုင်ႈ​လူင် ဢၼ်​ၵဝ်​ဝႆႉ​ၵႃႈ​ၼႂ်း​မိုဝ်း​ ၵႃႇပူႉ ၼႂ်း​ဝဵင်း​ တရေႃး ​ၼၼ်ႉ ဢိၵ်ႇ​တင်း​ၽိုၼ်​လိၵ်ႈ​တင်း​လၢႆ တင်း​လိၵ်ႈ​ၼင်​တူဝ် ဢၼ်​ၵဝ်​ယဵင်ႈ​ၶႅၼ်း​ၶႂ်ႈ​လႆႈ​ၼၼ်ႉ​မႃး​တႃႉ။</verse>
				<verse number="14">ၸၢင်ႈ​ၶမ်း​ ဢႃႇလေႇၸၼ်ႇတရူႉ ​ၼၼ်ႉ ႁဵတ်း​ဢမူႉ​ဢၼ်​ဢမ်ႇ​လီ​တီႈ​ၵဝ် ၼမ်​ၼႃႇ​ဢေႃႈ။ ႁႂ်ႈ​ၸဝ်ႈ​ၽြႃး​တႅၼ်း​ပၼ် ဢၵျူဝ်း ဢပႅတ်ႈ တၢင်း​ၵမ်​တၢင်း​ၵျၢင်ႉ ဢၼ်​ၵေႃႉ​ၼၼ်ႉ​ၵမ်​ၵျၢင်ႉ​ၼၼ်ႉ သေ​ၵမ်း​လူၺ်ႈ။-</verse>
				<verse number="15">ႁဵတ်း​သတီႉ​လွင်ႈ​မၼ်း​တႃႉ။ မၼ်း​ထဵင်​ပႅတ်ႈ​ၵႂၢမ်း​ႁဝ်း​ၼႃႇ​လူင်​လၢင်​တႄႉ​တႄႉ​ယဝ်ႉ။</verse>
				<verse number="16">မိူဝ်ႈ​ဢၼ်​ၵဝ်​လႆႈ​ဢၶႂၢင်ႉ ဢၼ်​လႆႈ​လၢတ်ႈ​ၵႂၢမ်း​ၽေႇ​ဢပႅတ်ႈ ၶိင်ႇ​ပထမႃႉ​ၼၼ်ႉ​ၸိုင် ၽူႈ​လႂ်​ဢမ်ႇ​ယူႇ​ၽၢႆႇ​ၵဝ်၊ ၵူၼ်း​တင်း​သဵင်ႈ​တင်း​လူင် ပႅတ်ႈ​ၵဝ်​ဝႆႉ​ဢေႃႈ။ ယႃႇ​ပေ​ႁႂ်ႈ​မၼ်း​ၸဝ်ႈ တၢင်ႇ​ဢပႅတ်ႈ​ၵႃႈ​တီႈ​ၶဝ်​ၼၼ်ႉ သေ​ၵမ်း​လူၺ်ႈ။-</verse>
				<verse number="17">ၵူၺ်း​ၵႃႈ ၵွပ်ႈ​ပိူဝ်ႈ​ဢၼ်​ၸဝ်ႈ​ၽြႃး​ယူႇ​ၽၢႆႇ​ၵဝ်​သေ​လႄႈ ႁႂ်ႈ​ၵဝ်​ပျေႉ​ၸုမ်ႇ​တင်း​ႁႅင်း ႁႂ်ႈ​ၵဝ်​လႆႈ​ႁေႃး​လၢတ်ႈ​တေႇသၼႃႇ​ၸဝ်ႈ တင်း​သဵင်ႈ​တင်း​မူတ်း​လႄႈ ၵူၼ်း​ၵူႈ​ၸိူဝ်ႉ​ၵူႈ​ၶိူဝ်း​တင်း​သဵင်ႈ​တင်း​လူင် လႆႈ​ႁူႉ​လႆႈ​ငိၼ်း​ၼၼ်ႉ​လႄႈ၊ ၵဝ်​လႆႈ​ၵတ်း​ယဵၼ်​ၶျၢမ်း​သႃႇ တၢင်း​ဢၼ်​ၼုၵ်ႈ​ဢဝ် ၵႃႈ​ၼႂ်း​သူပ်း​သၢင်ႇ​သီႈ​ဢေႃႈ။-</verse>
				<verse number="18">လိူဝ်​သေ​ၼၼ်ႉ​ဢမ်ႇ​ၵႃး၊ ၸဝ်ႈ​ၽြႃး​တၵ်း​ၼုၵ်ႈ​ဢဝ်​ၵဝ် ဢွၵ်ႇ​သေ​ၵႃႈ​ၼႂ်း​လွင်ႈ​တၢင်း​ဢၼ် ဢမ်ႇ​လီ​ဢမ်ႇ​ငၢမ်း ၵႃႈ​မီး​တင်း​သဵင်ႈ​တင်း​လူင်​လႄႈ ၸွႆႈ​ထႅမ်​ဢဝ်​ၵဝ်​ၵႂႃႇ​သူင်ႇ ႁႂ်ႈ​ႁွတ်ႈ​ထိုင်​ၵႃႈ​တီႈ မိူင်း​ၵၢင်​ႁၢဝ်​မၼ်း​ၸဝ်ႈ​ပုၼ်ႉ​ဢေႃႈ။ ႁႂ်ႈ​မုၼ်​ၽုင်း​ၸဝ်ႈ​ၼၼ်ႉ ယႂ်ႇ​ၼႃႇ​ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း သေ​ၵမ်း​လူၺ်ႈ။ ဢႃႇမိၼ်ႇ။</verse>
				<verse number="19">တၵ်ႉ​လၢတ်ႈ​ၸႃႉ​ၸဵမ် ပျိတ်ႉၵီႉလႃႉ၊ ဢႃႇၵူႉလႃႉ ဢိၵ်ႇ​တင်း​ၵူၼ်း​ႁိူၼ်း​ၵူၼ်း​ယေး ဢေႃးၼေႇသီႉၽေႃး ​ၸိူဝ်း​ၼၼ်ႉ​တႃႉ။</verse>
				<verse number="20">ဢေႇရတ်ႉတူႉ ယူႇ​ၵႃႈ​တီႈ​ဝဵင်း​ ၵေႃးရိၼ်ႇထူႉ ​ဢေႃႈ။ တရေႃးၽိမ်း မီး​တၢင်း​ၶႆႈ​တၢင်း​ပဵၼ်​လႄႈ ၵဝ်​ဝႆႉ​ၵိုတ်း​ၵႃႈ​တီႈ ဝဵင်း​ မီး​လိတ်ႉ ​ဢေႃႈ။</verse>
				<verse number="21">ၸူဝ်ႈ​ဢၼ်​ဢမ်ႇ​ပႆႇ​ထိုင် ၶိင်ႇ​ၵတ်း​ၼၼ်ႉ​ၸိုင်၊ ၵျူဝ်း​ၸႃး​လႄႈ​မႃး​တႃႉ။ ၸႃႉ​ၸဵမ်​ ဢူႉပူႉလူႉ၊ ပူႉတေႇ၊ လီႉၼူႉ၊ ၵလေႃးတီႉ ​လႄႈ ပီႈ​ၼွင်ႉ​တင်း​သဵင်ႈ​တင်း​လူင်​ၸိူဝ်း​ၼႆႉ​တၵ်ႉ​ၼၢႆ​မႂ်း​ဢေႃႈ။</verse>
				<verse number="22">ႁႂ်ႈ​ၸဝ်ႈ​ ယေႇသူႉ​ၶရိၸ်ႈ မီး​ယူႇ​လူၺ်ႈ​ၵၼ်​တင်း ၸႂ်​ဝီႉၺိၺ်ႇ​မႂ်း​သေ​ၵမ်း​လူၺ်ႈ။ ႁႂ်ႈ​ၵျေး​ၸူး​ၸဝ်ႈ​ႁဝ်း မီး​ၼိူဝ်​မႂ်း​သေ​ၵမ်း​လူၺ်ႈ။ လိၵ်ႈ​ဢေႃးဝႃႇတႃႉ​တီႉမေႃးသေႇ​ၽိုၼ်​တူႉတီႉယႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="56">
			<chapter number="1">
				<verse number="1">ၵဝ်​ ပေႃးလူႉ ဢၼ်​ပဵၼ်​ၶႃႈ​ၽြႃး​ပဵၼ်​ၸဝ်ႈ ဢၼ်​ပဵၼ်​တမၢၼ်ႇ​ၸဝ်ႈ ယေႇသူႉ​ၶရိၸ်ႈ ပုၼ်ႈ​တၢင်း​ဢၼ်​ယုမ်ႇ​မၢတ်ႈ ၶဝ်​ၸိူဝ်း​ဢၼ်​ၽြႃး​ပဵၼ်​ၸဝ်ႈ လိူၵ်ႈ​ၵဵပ်း​ဝႆႉ ဢိၵ်ႇ​တင်း​ပုၼ်ႈ​တၢင်း​ဢၼ် ႁပ်ႉ​တုင်း​ဢဝ်​သမ်ႇမႃႇ​တြႃး ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ် မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး၊-</verse>
				<verse number="2">ၵွပ်ႈ​ပိူဝ်ႈ​ဢၼ်​မုင်ႈ​ထႃႈ​မွင်း​ထႃႈ ဢသၢၵ်ႈ​ထႃႇဝရႃႉ ဢၼ်​ၽြႃး​ပဵၼ်​ၸဝ်ႈ ဢၼ်​ၵၢင်း​လွတ်ႈ​တၢင်း​မူႉ​သႃႇ​ၼၼ်ႉ​ဝႆႉ​ၵတီႉ​ဝႆႉ ၸူဝ်ႈ​ဢၼ်​ဢမ်ႇ​ပႆႇ​ႁွတ်ႈ​ထိုင် ၵၢပ်ႈ​ၵႃႇလႃႉ​မိူဝ်ႈ​ဢွၼ်​ၼႆႉ​ၼၼ်ႉ​လႄႈ၊-</verse>
				<verse number="3">ၼႂ်း​ၶိင်ႇ​မိူဝ်ႈ​ဢၼ်​သၢင်ႇ​ထုၵ်ႇ ဢဝ်​တင်း​ဢၶႂၢင်ႉ​တၢင်း​ဢၼ် ႁေႃး​လၢတ်ႈ​တြႃး ဢၼ်​ဢၢပ်ႈ​ဝႆႉ​တီႈ​ၵဝ် ၵႃႈ​ၼင်ႇ​ပိင်း​ၺၢပ်ႈ​ၽြႃး​ပဵၼ်​ၸဝ်ႈ ဢၼ်​ပဵၼ်​ၸဝ်ႈ​ၵႄႇ​ၶျွတ်ႈ​ဢဝ်​ႁဝ်း​ၼၼ်ႉ ႁႂ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ထၢင်ႇ​သႃး​ၼၼ်ႉ​ၼႆႉ ပၼ်​ငိၼ်း​ၵႂႃႇ၊-</verse>
				<verse number="4">တီႈ​ တီႉတူႉ ​ဢၼ်​ပဵၼ်​လုၵ်ႈ​ၸၢႆး​ၵဝ်​ၸႅတ်ႈ​ၸႅတ်ႈ​ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ ဢၼ်​သိူၵ်ႈ​သမ်ႇ​ၵၼ်​တင်း​ႁဝ်း​ဢေႃႈ။ ႁႂ်ႈ​ၵျေး​ၸူး​ဢိၵ်ႇ​တင်း​ၵရူႉၼႃႇ တင်း​တၢင်း​ၼိမ် ဢၼ်​ပဵၼ်​မႃး​ၵႃႈ​တီႈ​ၽြႃး​ပေႃႈ​ၸဝ်ႈ တင်း​ ယေႇသူႉ​ၶရိၸ်ႈ ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ႁဝ်း​ၼၼ်ႉ မီး​သေ​ၵမ်း​လူၺ်ႈ။</verse>
				<verse number="5">ၵဝ်​ဢဝ်​မႂ်း​ဝႆႉ​ၵိုတ်း ၵႃႈ​ၼႂ်း​ၵုၼ်​ ၵရေႇတေႇ ​ႁႂ်ႈ​မႂ်း​လႆႈ မႄး​ႁႅၼ်း​ဝႆႉ ၵႃႈ​ဢၼ်​ဢမ်ႇ​ၸေး ဢမ်ႇ​ၸုမ်ႇ​ၵႃႈ​ၼႂ်း​ၵုၼ်​ၼၼ်ႉ​လႄႈ ၶၢၼ်း​ဝႆႉ​ၶဝ်​ၸိူဝ်း​ဢၼ် ဢုပ်ႉ​ၸိူဝ်း​ၸဝ်ႈ ၵႃႈ​ၼႂ်း​ၵူႈ​ဝၢၼ်ႈ​ၵူႈ​ဝဵင်း ၵႃႈ​ၼင်ႇ​ဢၼ်​ၵဝ် သင်ႇ​လၢတ်ႈ​ဝႆႉ​တီႈ​မႂ်း​ၼၼ်ႉ​ဢေႃႈ။-</verse>
				<verse number="6">ပေႃး​ပဵၼ်​ၵေႃႉ​ဢၼ်​ၵၢင်း​လွတ်ႈ​တၢင်း တီႈ​ဢၼ်​တၢင်ႇ​ဢပႅတ်ႈ၊ ၵေႃႉ​ဢၼ်​မီး​မေး​ၵေႃႉ​လဵဝ်​ၵူၺ်း၊ ပေႃး​လုၵ်ႈ​မၼ်း​လၢင်း​မၼ်း​တင်း​လၢႆ ယုမ်ႇ​မၢတ်ႈ​လႄႈ​ၵၢင်း​လွတ်ႈ​တင်း တီႈ​ဢၼ်​ပိူၼ်ႈ​တၢင်ႇ​ဢပႅတ်ႈ​လႄႈ ဝႃႈ​ပူၼ်ႉ​လိူဝ်​ၼႂ်း​ၵႃႇမၵုင်ႇ​လႄႈ ဢမ်ႇ​ထွမ်ႇ​ဢမ်ႇ​ဢဝ်၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ လီ​ၶၢၼ်း​ၵူၼ်း​ၸိူဝ်ႉ​ၼင်ႇ​ၼၼ်​ၼၼ်ႉ​ဝႆႉ​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ သြႃႇ​ဢုပ်ႉ​ၸိူဝ်း​ၸဝ်ႈ​ၸိုင်၊ တၵ်း​လႆႈ​ပဵၼ်​ၵေႃႉ​ဢၼ်​ၵၢင်း​လွတ်ႈ​တၢင်း​တီႈ​ဢၼ်​တၢင်ႇ​ဢပႅတ်ႈ ၸိူဝ်ႉ​ၼင်ႇ ၽၼ်ႇတႃႇၸူဝ်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။ ဢမ်ႇ​လႆႈ​ပဵၼ်​ၵေႃႉ​ဢၼ် ၸၢင်ႈ​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ၊ ၵေႃႉ​ဢၼ်​ၸႂ်​ပွတ်း ၸႂ်​လွတ်း၊ ၵေႃႉ​ဢၼ်​မူၼ်ႈ​ပျေႃႇ​ၼႂ်း​ၼမ်ႉ​ၸပိတ်ႈ၊ ၵေႃႉ​ဢၼ်​ၸၢင်ႈ​ပေႃႉ​ၸၢင်ႈ​ယႅၼ်ႉ​ပိူၼ်ႈ၊ ၵေႃႉ​ဢၼ်​ၸႂ်​ၸပ်း​ၸႂ်​ၸွႆး​ၸီး​ပႂႃး ဢၼ်​ဢမ်ႇ​မူတ်း​သႂ်​လႄႈ၊-</verse>
				<verse number="8">တၵ်း​လႆႈ​ပဵၼ်​ၵေႃႉ​ဢၼ် ၸၢင်ႈ​ႁဵတ်း​ဝၢတ်ႈ​ၶႅၵ်ႇ၊ ၵေႃႉ​ဢၼ်​ၸၢင်ႈ​ႁဵတ်း​ၵေႃႉ​ႁဵတ်း​သေႈ လူၺ်ႈ​ၵၼ်​တင်း​သူႇ​တေႃႇ​ၵွင်း၊ ၵေႃႉ​ဢၼ်​ပႂ်ႉ​ဢိင်ႇတရေႇ၊ ၵေႃႉ​ဢၼ်​သိုဝ်ႈ​တေႃႇ၊ ၵေႃႉ​ဢၼ်​မူတ်း​ၸၢင်ႇ၊ ၵေႃႉ​ဢၼ်​ၸၢင်ႈ​ၶျုၵ်ႈ​ၵႃႇမၵုင်ႇ​ဢေႃႈ။-</verse>
				<verse number="9">တၵ်း​လႆႈ​ပဵၼ်​ၵေႃႉ​ဢၼ်​ၸပ်း​ၸွႆး ၵႂၢမ်း​သဵတ်ႈ​ၸႃႇ​ၸဝ်ႈ​ယူႇ​သေႇ​သေႇ ၸွမ်း​ၵႃႈ​ၼင်ႇ​ဢၼ်​မၼ်း​လႆႈ​သွၼ်​ဢဝ်​ယဝ်ႉ​ၼၼ်ႉ လွင်ႈ​ၼင်ႇ​ႁိုဝ် မၼ်း​တၵ်း​လႆႈ​ဢဝ်​တင်း​ဢေႃးဝႃႇတႃႉ ဢၼ်​ၶၢဝ်​ၸၢင်ႇ​သေ​လႄႈ တၢတ်ႈ​ၼိူင်ႇ​ႁႂ်ႈ​လႆႈ​တိုၵ်း​ယူင်း​ၸူဝ်း​ဢဝ် ဢိၵ်ႇ​တင်း ႁႂ်ႈ​လႆႈ ၵႄႈ​လိတ်ႈ​ၵႂၢမ်း​ၶဝ်​ၸိူဝ်း​ဢၼ် တွပ်ႇ​ထဵင်​ၼၼ်ႉ​ဢေႃႈ။</verse>
				<verse number="10">လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ယင်း​ဢမ်ႇ​ထွမ်ႇ​ဢမ်ႇ​ဢဝ်​လႄႈ ၸၢင်ႈ​လၢတ်ႈ​ၵႂၢမ်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ၼၼ်ႉ​သေ​လႄႈ ပႅတ်ႉ​လႅၼ်​ၼၼ်ႉ​မီး​ၼမ်​ၼႃႇ​ဢေႃႈ။ ၼႂ်း​ၶဝ်​ၸိူဝ်း​ဢၼ်​ၶၢမ်ႇ​တၢင်း​ဢၼ် ထိူဝ်​ႁိမ်း​ၼၼ်ႉ​ၵေႃႈ ယဵင်ႈ​ၶႅၼ်း​မီး​လႄႈ၊-</verse>
				<verse number="11">တၵ်း​လႆႈ​ဢိုတ်း​သူပ်း​ၶဝ်​ၼၼ်ႉ​ဢေႃႈ။ ၶဝ်​ၼၼ်ႉ​ၸၢင်ႈ​ပၼ်​ဢေႃးဝႃႇတႃႉ ဢၼ်​ဢမ်ႇ​ထုၵ်ႇ​လီ​ပၼ် ၵွပ်ႈ​ပိူဝ်ႈ​ဢၼ်​ၸႂ်​ၸပ်း​ၸႂ်​ၸွႆး ၸီး​ပႂႃး ဢၼ်​ဢမ်ႇ​မူတ်း​သႂ်​ၼၼ်ႉ​လႄႈ ၶႂမ်ႈ​ပိၼ်ႈ​တင်း​ႁိူၼ်း​တင်း​ယေး​ပႅတ်ႈ​ဢေႃႈ။-</verse>
				<verse number="12">ပရေႃးၽႅတ်ႈ​သြႃႇ​ဢၼ် ပဵၼ်​ၸိူဝ်ႉ​ၶိူဝ်း​လဵဝ်​ၵၼ်​တင်း​ၶဝ်​လႄႈ ပႃး​ၼႂ်း​ၶဝ်​ၼၼ်ႉ​ၵေႃႉ​ၼိုင်ႈ လၢတ်ႈ​လႄႈ​ဝႃႈ၊ ၵူၼ်း​ ၵရေႇတေႇ ​တင်း​လၢႆ ၸၢင်ႈ​ပဵၼ်​ၵေႃႉ​ဢၼ်​သုင်း​မူႉ​သႃႇ၊ တူဝ်​ထိူၼ်ႇ​ဢၼ်​ႁၢႆႉ၊ ၵေႃႉ​ဢၼ်​ၶၢၼ်ႉ​ဢိူၼ်​လႄႈ ၵိၼ်​ပူၼ်ႉ​ၵိၼ်​လိူဝ် ယူႇ​တႃႇ​သေႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">သၢၵ်ႈ​သေႇ​ၼၼ်ႉ​မႅၼ်ႈ​ဢေႃႈ။-</verse>
				<verse number="14">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​ၶဝ်​ၼၼ်ႉ တၵ်း​ဢမ်ႇ​ဝႆႉ​ဢမူႉ​လူၺ်ႈ​ၵႂၢမ်း​တၢၼ်ႇတႃႇရီႇ​ ယူႉတႃႉ ဢိၵ်ႇ​တင်း ပိင်း​ၺၢပ်ႈ​ၶဝ်​ၸိူဝ်း​ဢၼ် ပႅတ်ႈ​ဝႆႉ သမ်ႇမႃႇ​တြႃး​ၼၼ်ႉ​လႄႈ လႆႈ​ၶၢဝ်​ၸၢင်ႇ​ၼႂ်း​လွင်ႈ​တၢင်း​ဢၼ်​ယုမ်ႇ​မၢတ်ႈ​ၸိုင်၊ တၢင်ႇ​ဢပႅတ်ႈ​တီႈ​ၶဝ်​သေ​လႄႈ သင်ႇ​သွၼ်​သုင်း​မႃႉ ၶဝ်​ၼႃႇ​ၼႃႇ​တႃႉ။</verse>
				<verse number="15">တီႈ​ၶဝ်​ၸိူဝ်း​ဢၼ် ၶၢဝ်​ၸၢင်ႇ​ၼၼ်ႉ​ၸိုင် လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ၶၢဝ်​ၸၢင်ႇ​ယူႇ​ဢေႃႈ။ တီႈ​ၶဝ်​ၸိူဝ်း​ဢၼ် ဢမ်ႇ​ၶၢဝ်​ၸၢင်ႇ​လႄႈ​ဢမ်ႇ​ယုမ်ႇ​မၢတ်ႈ​ၼၼ်ႉ​ၸမ်ႉ၊ လွင်ႈ​တၢင်း​ဢၼ်​လႂ်​သေ​ဢမ်ႇ​ဝႃႈ ဢမ်ႇ​ၶၢဝ်​ၸၢင်ႇ၊ ႁူဝ်​ၸႂ်​ၶဝ် ဢိၵ်ႇ​တင်း ၸႂ်​ဢၼ်​ႁူႉ တူဝ်​ၸဝ်ႈ​ၵဝ်ႇ​ၼၼ်ႉ​ၵေႃႈ ဢမ်ႇ​ၶၢဝ်​ၸၢင်ႇ။-</verse>
				<verse number="16">ပိၵ်ႉ​သမ်ႉ​ၶဝ် ႁဵတ်း​ၸိူဝ်ႉ​ၼင်ႇ​ႁၢင်ႈ ႁူႉ​ၸၵ်း​ၽြႃး​ပဵၼ်​ၸဝ်ႈ​သေ​ၵေႃႈ၊ ၶဝ်​ဢဝ်​တင်း​တၢင်း​ၵမ်​တၢင်း​ၵျၢင်ႉ ၶဝ်​ထဵင်​ပႅတ်ႈ​မၼ်း​ၸဝ်ႈ​ဢေႃႈ။ ပဵၼ်​ၵေႃႉ​ဢၼ်​လီ​ႁင်ႈ ဢဵတ်ႇ​သဵတ်ႇ၊ ၵေႃႉ​ဢၼ်​ဢမ်ႇ​ထွမ်ႇ​ဢမ်ႇ​ဢဝ်၊ ၵေႃႉ​ဢၼ်​ဢမ်ႇ​မီး​ၺၢၼ်ႇ ဢၼ်​ၸၢင်ႈ​ႁဵတ်း လွင်ႈ​တၢင်း​ဢၼ်​လီ​ဢၼ်​ငၢမ်း သေ​ၸိူဝ်ႉ​သေ​ပိူင်​ၵူၺ်း​ဢေႃႈ။</verse>
			</chapter>
			<chapter number="2">
				<verse number="1">မႂ်း​ၸမ်ႉ၊ ႁေႃး​လၢတ်ႈ​ၵႃႈ​ဢၼ်​ထိူၵ်ႈ​တၢၼ်ႇ​ၵၼ်​တင်း ဢေႃးဝႃႇတႃႉ​ဢၼ်​ၶၢဝ်​ၸၢင်ႇ​ၼၼ်ႉ​တႃႉ။-</verse>
				<verse number="2">တိုၵ်း​ယူင်း​ၸူဝ်း​ဢဝ်​ႁႂ်ႈ​ၵူၼ်း​ၸၢႆး ဢၼ်​ဢသၢၵ်ႈ​ယႂ်ႇ​တင်း​လၢႆ​ၼၼ်ႉ လႆႈ​ပဵၼ်​ၵေႃႉ​ဢၼ် မီး​သမ်ႇမႃႇသတီႉ၊ ၵေႃႉ​ဢၼ်​တႄႇ ၼိမ်​ယူႇ ၵေႃႉ​ဢၼ်​ပႂ်ႉ​ဢိင်ႇတရေႇ၊ ၵေႃႉ​ဢၼ်​မီး​ၸႂ်​ဢၼ်​ၶၢဝ်​ၸၢင်ႇ ၼႂ်း​ၸႃႉ​ၸဵမ်​တၢင်း​ဢၼ်​ယုမ်ႇ​မၢတ်ႈ၊ တၢင်း​ဢၼ်​ႁၵ်ႉ၊ တၢင်း​ဢၼ်​ယိူၼ်ႉ​ၶၢမ်ႇ၊-</verse>
				<verse number="3">မိူၼ်​ၸိူဝ်ႉ​ၼင်ႇ​ၼၼ်၊ ႁႂ်ႈ​ၵူၼ်း​ယိင်း​ဢၼ်​ဢသၢၵ်ႈ​ယႂ်ႇ​တင်း​လၢႆ​ၼၼ်ႉ လႆႈ​ပဵၼ်​ၵေႃႉ​ဢၼ်​ထိူၵ်ႈ​တၢၼ်ႇ​ၵၼ်​တင်း ထမ်ႇမႃႉ​ဢမူႉ ၼႂ်း​တၢင်း​ဢၼ်​ၵမ်​ၵျၢင်ႉ သၢင်ႈ​ႁဵတ်း၊ ၵေႃႉ​ဢၼ်​ဢမ်ႇ​ၸၢင်ႈ ၶျေႃး​ၵိၼ် ဝွၼ်း​ၵိၼ်၊ ၵေႃႉ​ဢၼ်​ဢမ်ႇ​ၸၢင်ႈ​ပူၼ်ႉ​လိူဝ်​လူၺ်ႈ ၼမ်ႉ​ၸပိတ်ႈ၊ ၵေႃႉ​ဢၼ်​ၸၢင်ႈ​သွၼ်​ပၼ် လွင်ႈ​တၢင်း​ဢၼ်​လီ​ဢၼ်​ငၢမ်း​လႄႈ၊-</verse>
				<verse number="4">ႁႂ်ႈ​ၶဝ်​လႆႈ​သင်ႇ​သွၼ်​သုင်း​မႃႉ​ပၼ် ၵူၼ်း​ယိင်း​ဢၼ်​ဢသၢၵ်ႈ​ယင်း​ၼုမ်ႇ​တင်း​လၢႆ​ၼၼ်ႉ ႁႂ်ႈ​ၶဝ်​လႆႈ​ပဵၼ်​ၵေႃႉ​ဢၼ် ႁၵ်ႉ​ပႅင်း​ၽူဝ်​ၶဝ်၊ ၵေႃႉ​ဢၼ်​ႁၵ်ႉ​လုၵ်ႈ ႁၵ်ႉ​လၢင်း၊-</verse>
				<verse number="5">ၵေႃႉ​ဢၼ်​ပႂ်ႉ​ဢိင်ႇတရေႇ၊ ၵေႃႉ​ဢၼ်​ၶၢဝ်​ၸၢင်ႇ၊ ၵေႃႉ​ဢၼ်​ၸၢင်ႈ​လုမ်း​လႃး​ႁိူၼ်း​ယေး​ၶဝ်၊ ၵေႃႉ​ဢၼ်​လီ​ဢၼ်​ငၢမ်း၊ ၵေႃႉ​ဢၼ်​ၶၢမ်ႇ​တၢင်း​ဢၼ် ၽူဝ်​တူဝ်​ၸဝ်ႈ​ၵဝ်ႇ​ဢုပ်ႉ​ပိူင်ႇ လွင်ႈ​ၼင်ႇ​ႁိုဝ် ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ တၵ်း​လႆႈ​ၵၢင်း​လွတ်ႈ​တင်း​တၢင်း​ဢၼ် သႄႉ​သွမ်း​ၼၼ်ႉ၊-</verse>
				<verse number="6">မိူၼ်​ၸိူဝ်ႉ​ၼင်ႇ​ၼၼ်၊ ႁႂ်ႈ​ၵူၼ်း​ၸၢႆး ဢၼ်​ဢသၢၵ်ႈ​ယင်း​ၼုမ်ႇ​တင်း​လၢႆ​ၼၼ်ႉ လႆႈ​ပႂ်ႉ​ဢိင်ႇတရေႇ​ယူႇ​တႃႉ။</verse>
				<verse number="7">တူဝ်​ၸဝ်ႈ​ၵဝ်ႇ​ၼႄ​ပျႃး​ပုင်ႇ​သၢၵ်ႈ​သေႇ ဢၼ်​လီ​ဢၼ်​ငၢမ်း​ၼႂ်း​လွင်ႈ​တၢင်း ၵူႈ​ၸိူဝ်ႉ​ၵူႈ​ပိူင်​တႃႉ။ မိူဝ်ႈ​ဢၼ်​ပၼ်​သုင်း​မႃႉ ဢေႃးဝႃႇတႃႉ​ၼၼ်ႉ​ၸိုင် ႁဵတ်း​တၢင်း​ဢၼ်​ၵၢင်း​လွတ်ႈ​တၢင်း မိၵ်ႉသႃႇတိၵ်ႉထီႉ၊ တၢင်း​ဢၼ်​တႄႇ​ၼိမ်​ယူႇ၊-</verse>
				<verse number="8">တၢင်း​ဢၼ်​ႁေႃး​လၢတ်ႈ​ၵႂၢမ်း​တြႃး ဢၼ်​ၶၢဝ်​ၸၢင်ႇ​လႄႈ ဢမ်ႇ​မီး​တီႈ​ဢၼ်​တၢင်ႇ​ဢပႅတ်ႈ​ၸိူဝ်း​ၼၼ်ႉ​တႃႉ။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင် ၵေႃႉ​ဢၼ်​ယူႇ​ၽၢႆႇ​ၼိုင်ႈ​ယူႇ​ၼၼ်ႉ တၵ်း​ႁွတ်ႈ​ထိုင် တၢင်း​ဢၼ်​ဢူၵ်း​ဢၼ်​ဢၢႆ ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​လႆႈ​ဢၶႂၢင်ႉ တီႈ​ဢၼ် တၵ်း​တၢင်ႇ​ဢပႅတ်ႈ​လႆႈ​ၼၼ်ႉ​ဢေႃႈ။</verse>
				<verse number="9">တိုၵ်း​ယူင်း​ၸူဝ်း​ဢဝ် ၶဝ်​ၸိူဝ်း​ဢၼ်​လႆႈ​ၶၢမ်ႇ​ႁဵတ်း​ၶႃႈ​ၼၼ်ႉ ႁႂ်ႈ​ၶဝ်​လႆႈ​ၶၢမ်ႇ​တၢင်း​ဢၼ် ၸဝ်ႈ​ၶဝ်​ဢုပ်ႉ​ပိူင်ႇ​လႄႈ ယင်း​ဢမ်ႇ​မီး​တၢင်း​ဢၼ်​တွပ်ႇ​ဢၼ်​ထဵင်၊ ၸွမ်း​ဢလူဝ်ႇ​ၸဝ်ႈ​ၶဝ် ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်၊-</verse>
				<verse number="10">ယင်း​ဢမ်ႇ​ႁဵတ်း​တၢင်း​ဢၼ် လၵ်ႉ​ဢဝ်​လွမ်​ဢဝ်​တဵတ်ႇ​တဵတ်ႇ​လႄႈ ၼႄ​ပျႃး သဵတ်ႈ​ၸႃႇ တင်း​သဵင်ႈ​တင်း​လူင် ထၢင်ႇ​ထၢင်ႇ​သႃး​သႃး ႁႂ်ႈ​လႆႈ​ႁၢင်ႈ​ၶိူင်ႈ ဢေႃးဝႃႇတႃႉ ၽြႃး​ပဵၼ်​ၸဝ်ႈ၊ ၸဝ်ႈ​ဢၼ်​ၵႄႇ​ၶျွတ်ႈ​ႁဝ်း​ၼၼ်ႉ ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​တႃႉ။</verse>
				<verse number="11">လွင်ႈ​မၼ်း​ၸမ်ႉ ၵျေး​ၸူး​ၽြႃး​ပဵၼ်​ၸဝ်ႈ လႆႈ​ပေႃႇ​မႃး​ထၢင်ႇ​သႃး​လႄႈ ၸၢင်ႈ​ၵႄႇ​ၶျွတ်ႈ​ဢဝ်​ၵူၼ်း တင်း​သဵင်ႈ​တင်း​လူင် ယူႇ​သေ​လႄႈ သင်ႇ​သွၼ်​သုင်း​မႃႉ​ႁဝ်း၊-</verse>
				<verse number="12">ႁႂ်ႈ​ႁဝ်း​ပႄႇ​ပႅတ်ႈ​တၢင်း​ဢၼ်​ဢမ်ႇ​မီး​ၽြႃး​တြႃး၊ တၢင်း​ဢၼ်​ၸႂ်​ၸပ်း​ၸႂ်​ၸွႆး လေႃးၵီႇ​တင်း​လၢႆ​ယူႇ​သေ​ယဝ်ႉ၊ လႆႈ​ယူႇ​ၼႂ်း​ၸၢတ်ႈ​ၼႆႉ ႁဵတ်း​တၢင်း​ဢၼ်​ပႂ်ႉ​ဢိင်ႇတရေႇ၊ တၢင်း​ဢၼ်​ၵမ်​ၵျၢင်ႉ​ၸွမ်း​ၼင်ႇ​တြႃး၊ တၢင်း​ဢၼ်​မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး​ၼၼ်ႉ​ယူႇ၊-</verse>
				<verse number="13">မုင်ႈ​ထႃႈ​မွင်း​ထႃႈ တၢင်း​ဢၼ်​မုင်ႈ​ထႃႈ​မွင်း​ထႃႈ ဢၼ်​မီး​မင်ႇၵလႃႇ ဢိၵ်ႇ​တင်း တၢင်း​ဢၼ်​မုၼ်​သရေႇ​ၽြႃး​ပဵၼ်​ၸဝ်ႈ ဢၼ်​ယႂ်ႇ​မျၢတ်ႈ​ၼႃႇ ဢၼ်​ဝႃႈ​ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ဢပႅတ်ႈ​ႁဝ်း ယေႇသူႉ​ၶရိၸ်ႈ ပေႃႇ​မႃး​ထၢင်ႇ​သႃး​ၼၼ်ႉ​ယူႇ​ဢေႃႈ။-</verse>
				<verse number="14">ၸဝ်ႈ​ၼၼ်ႉ​ၸုၼ်ႉ​ပႅတ်ႈ တူဝ်​ၸဝ်ႈ​ၵဝ်ႇ​ႁႂ်ႈ​လႆႈ​ၼုၵ်ႈ​ဢဝ်​ႁဝ်း ဢွၵ်ႇ​သေ​ၵႃႈ​ၼႂ်း​တူႉ​ၸရိူၵ်ႈ တင်း​သဵင်ႈ​တင်း​လူင် ဢိၵ်ႇ​တင်း ႁႂ်ႈ​ၵူၼ်း​မဵဝ်း​ဢၼ် ၸႂ်​ႁႅင်း​ယႂ်ႇ ၽၢႆႇ​တၢင်း​ၵမ်​တၢင်း​ၵျၢင်ႉ ဢၼ်​လီ​ဢၼ်​ငၢမ်း​လႄႈ မၼ်း​ၸဝ်ႈ​ထိူၵ်ႈ​ပိူင်ႇ​ၼၼ်ႉ​လႆႈ မူတ်း​သႂ်​ပုၼ်ႈ တူဝ်​ၸဝ်ႈ​ၵဝ်ႇ​ယဝ်ႉ။</verse>
				<verse number="15">ဢဝ်​တင်း​ဢႃႇၼႃႇ​ၵႃႈ​မီး ႁဵတ်း​တၢင်း​ဢၼ် ႁေႃး​လၢတ်ႈ​ၵႂၢမ်း​တြႃး၊ တၢင်း​ဢၼ်​တိုၵ်း​ယူင်း​ၸူဝ်း​ဢဝ်၊ တၢင်း​ဢၼ်​သုင်း​မႃႉ တၢင်ႇ​ဢပႅတ်ႈ​ၸိူဝ်း​ၼၼ်ႉ​တႃႉ။ ယႃႇ​ပေ​ႁႂ်ႈ​ၽူႈ​လႂ်​လႆႈ​ႁဵတ်း ဢမ်ႇ​ပေႃး​ၼင်ႇ​ႁိုဝ်​တီႈ​မႂ်း။</verse>
			</chapter>
			<chapter number="3">
				<verse number="1">ပၼ်​သတီႉ​တီႈ​ၵူၼ်း​တင်း​လၢႆ ႁႂ်ႈ​ၶဝ်​လႆႈ​ၶၢမ်ႇ​ဢဝ်​တၢင်း​ဢၼ်​ဢႃႇၼႃႇ၊ တၢင်း​ဢၼ်​ထွတ်ႈ​ဢၼ်​မျၢတ်ႈ ဢုပ်ႉ​ပိူင်ႇ၊ ႁႂ်ႈ​ၶဝ်​လႆႈ​ထွမ်ႇ​ဢဝ်​ၵႂၢမ်း​ၶုၼ်၊ ႁႂ်ႈ​ၶဝ်​လႆႈ​ပဵၼ် ဢၼ်​မႄး​ႁႅၼ်း​ဝႆႉ​ထႃႈ​လႄႈ ႁဵတ်း​လွင်ႈ​တၢင်း​ဢၼ်​လီ​ဢၼ်​ငၢမ်း​ၵူႈ​ၸိူဝ်ႉ​ၵူႈ​ပိူင်၊-</verse>
				<verse number="2">ႁႂ်ႈ​ၶဝ်​ယင်း​ဢမ်ႇ​သႄႉ ဢမ်ႇ​သွမ်း​ၽူႈ​လႂ် သေ​ၵေႃႉ​သေ​ၵူၼ်း၊ ယင်း​ဢမ်ႇ​ႁဵတ်း​တၢင်း​ဢၼ်​ၽိတ်း​ၵၼ်​လႄႈ မီး​သၽေႃး​ဢၼ် ယိူၼ်ႉ​ၶၢမ်ႇ လႄႈ ႁဵတ်း​တၢင်း​ဢၼ်​ၼိမ်​သိမ်ႇ ဢူၼ်ႈ​ဢွၼ်ႇ​ၼႃႇ​လူင်​လၢင် တီႈ​ၵူၼ်း​တင်း​သဵင်ႈ​တင်း​လူင်​တႃႉ။</verse>
				<verse number="3">လွင်ႈ​မၼ်း​ၸမ်ႉ မိူဝ်ႈ​ဢွၼ်​ၼႆႉ​ၼၼ်ႉ၊ ႁဝ်း​ပဵၼ်​ၵေႃႉ​ဢၼ်​ဢမ်ႇ​မီး​ပိင်ႇ​ၺႃႇ၊ ၵေႃႉ​ဢၼ်​ဢမ်ႇ​ထွမ်ႇ​ဢမ်ႇ​ဢဝ်၊ ၵေႃႉ​ဢၼ်​ၽိတ်း​ပိူင်ႈ၊​ၵေႃႉ​ဢၼ်​ပွင်​ႁဵတ်း​ဢမူႉ တၢင်း​ဢၼ်​ၸႂ်​ၸပ်း​ၸႂ်​ၸွႆး ဢိၵ်ႇ​တင်း​တၢင်း​ဢၼ် ၸၢမ်ႇ​ၸႃး​ၵႃႇမၵုင်ႇ ၵူႈ​ၸိူဝ်ႉ​ၵူႈ​ပိူင်၊ ၵေႃႉ​ဢၼ်​ၵႂႃႇ​မႃး ၼႂ်း​တၢင်း​ဢၼ်​ဢမ်ႇ​ၼႃႇ​လူဝ်ႇ ဢိၵ်ႇ​တင်း​တၢင်း​ဢၼ် သီႈ​ၵေႉ​ႁေႈ​တႃ၊ ၵေႃႉ​ဢၼ်​လီ​ႁင်ႈ၊ ၵေႃႉ​ဢၼ်​ၼင်ႇ​ၵၼ်​ၵၼ် ၸင်း​ၵၼ် ဢေႃႈ။-</verse>
				<verse number="4">မိူဝ်ႈ​ဢၼ်​ၸေႇတၼႃႇ​ၽြႃး​ပဵၼ်​ၸဝ်ႈ၊ ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ႁဝ်း ဢိၵ်ႇ​တင်း​မႅတ်ႈ​တႃႇ ဢၼ်​မၼ်း​ၸဝ်ႈ ႁၵ်ႉ​ၵူၼ်း တင်း​လၢႆ​ၼၼ်ႉ ပေႃႇ​မႃး​ၼၼ်ႉ​ၸိုင်၊-</verse>
				<verse number="5">မၼ်း​ၸဝ်ႈ​ၵႄႇ​ၶျွတ်ႈ​ဢဝ်​ႁဝ်း ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ တၢင်း​သိုဝ်ႈ​တေႃႇ ဢၼ်​ႁဝ်း​ၵမ်​ၵျၢင်ႉ​ၼၼ်ႉ​ဢမ်ႇ​ၸႂ်ႈ၊ ၸွမ်း​ၵႃႈ​ၼင်ႇ​ၵရူႉၼႃႇ တၢင်း​ဢၼ်​မၼ်း​ၸဝ်ႈ ဢဵတ်း​လူ​ၼၼ်ႉ ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​တၢင်း​ဢၼ်​သုၵ်ႈ​ပွတ်ႈ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၶိုၼ်း ၵိူတ်ႇ​လဵင်ႉ​မႃး ဢိၵ်ႇ​တင်း ၵွပ်ႈ​ပိူဝ်ႈ​တၢင်း​ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ၊-</verse>
				<verse number="6">ဢၼ်​မၼ်း​ၸဝ်ႈ ဢဝ်​တင်း​ ယေႇသူႉ​ၶရိၸ်ႈ ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ႁဝ်း သွၼ်း​လေႃႇ ၵႃႈ​ၼိူဝ်​ႁဝ်း​ၼမ်​ၼႃႇ​လူင်​လၢင် ႁဵတ်း​ပဵၼ် ဢၼ်​မႂ်ႇ​ၼၼ်ႉ​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ် ႁဝ်း​တၵ်း​ႁွတ်ႈ​ထိုင် တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​ၵျေး​ၸူး​မၼ်း​ၸဝ်ႈ​လႄႈ ၶဝ်ႈ​ပဵၼ် ၵေႃႉ​ဢၼ်​ၶၢမ်ႇ​ဢမူၺ်ႇ​ဢၼ်​မႅၼ်ႈ​ၼင်ႇ​တၢင်း​ဢၼ် မုင်ႈ​ထႃႈ​မွင်း​ထႃႈ​ဢသၢၵ်ႈ​ထႃႇဝရႃႉ​ၼၼ်ႉ​ၸိုင်၊ ၸင်ႇ​ပဵၼ်​ဢေႃႈ။</verse>
				<verse number="8">ၵႂၢမ်း​ၼႆႉ​ပဵၼ်​ၵႂၢမ်း​သဵတ်ႈ​ၸႃႇ​ဢေႃႈ။ ၵဝ်​မီး​ဢလူဝ်ႇ​ၶႂ်ႈ​ႁႂ်ႈ​မႂ်း​ၵျူဝ်း​ၸႃး​ႁေႃး​လၢတ်ႈ​လွင်ႈ​တၢင်း​ၸိူဝ်း​ၼႆႉ ႁႂ်ႈ​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ​ၼၼ်ႉ လႆႈ​ႁဵတ်း​သတီႉ ႁႂ်ႈ​လႆႈ​ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ ဢၼ်​လီ​ဢၼ်​ငၢမ်း​ယူႇ​သေႇ​သေႇ​ဢေႃႈ။ လွင်ႈ​တၢင်း​ၸိူဝ်း​ၼႆႉ​ပဵၼ် ဢၼ်​လီ​ဢၼ်​ငၢမ်း​ဢမ်ႇ​ၵႃး၊ ပဵၼ်​ဢၼ်​ၸၢင်ႈ​ပွင်​ႁဵတ်း​ဢၵျူဝ်း​ၵူၼ်း​တင်း​လၢႆ​ဢေႃႈ။-</verse>
				<verse number="9">ဝႄႈ​ပႅတ်ႈ​ပုၵ်ႈ​သႃႇ တီႈ​တွင်ႈ​တီႈ​ထၢမ်​ဢၼ်​မိူၵ်ႈ​လပ်း​သိင်ႇ​ဢိၵ်ႇ​တင်း ၸရၢင်း​ၸိူဝ်ႉ​ၶိူဝ်း သိုပ်ႇ​သိုပ်ႇ​တၢမ်း​တၢမ်း တင်း​တၢင်း​ဢၼ်​ၽိတ်း​ၵၼ်​တင်း​တၢင်း​ဢၼ်​တွပ်ႇ​ၵၼ်​ထဵင်​ၵၼ် ၵွပ်ႈ​ပိူဝ်ႈ ပိင်း​ၺၢပ်ႈ​တြႃး​တင်း​လၢႆ​ၼၼ်ႉ​တႃႉ။ လွင်ႈ​မၼ်း​ၸမ်ႉ လွင်ႈ​တၢင်း​ၸိူဝ်း​ၼၼ်ႉ ဢမ်ႇ​မီး​ဢၵျူဝ်း​လႄႈ ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။-</verse>
				<verse number="10">ၵေႃႉ​ဢၼ်​ၽႄ​ၵိူင်း​ၶႂၢႆး​ၵိူင်း​ၼၼ်ႉ​ၸိုင် သင်ႇ​သွၼ်​ပၼ်​ႁႂ်ႈ တေႃႇ​ထိုင်​ႁွတ်ႈ​သွင်​ပွၵ်ႈ ယဝ်ႉ​ၸင်ႇ ပႄႇ​ပႅတ်ႈ​ႁေႃႈ​ဢွၵ်ႇ သေ​တႃႉ။-</verse>
				<verse number="11">ၵူၼ်း​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​ၵေႃႉ​ဢၼ်​မီး​ၸႂ်​ဢၼ် ၶႂမ်ႈ​ပိၼ်ႈ​ပႅတ်ႈ​ယဝ်ႉ​လႄႈ ႁူႉ​ဢပႅတ်ႈ​တူဝ်​ၸဝ်ႈ​ၵဝ်ႇ​ယူႇ​သေ​ၵေႃႈ​ႁဵတ်း​ဢပႅတ်ႈ​ယူႇ​ဢေႃႈ။</verse>
				<verse number="12">မိူဝ်ႈ​ဢၼ်​ၵဝ်​ပွႆႇ​ၸႂ်ႉ​ ဢႃႇတေႇမႃႉ ၊ ဢမ်ႇ​ၼၼ် တူႉၶိတ်ႈ ​ၵႂႃႇ​တီႈ​မႂ်း​ၼၼ်ႉ​ၸိုင် ၵျူဝ်း​ၸႃး​ႁႂ်ႈ​လႆႈ​မႃး​ၸူး​ၵႃႈ​တီႈ​ၵဝ် တေႃႇ​ထိုင်​ႁွတ်ႈ ဝဵင်း​ ၼီႉၵေႃးပလီႉ ​တႃႉ။ ၵဝ်​ၵျၢမ်ႇ​တၵ်း​ယူႇ ၵႃႈ​တီႈ​ဝဵင်း​ၼၼ်ႉ ႁႂ်ႈ​ပူၼ်ႉ​ၶိင်ႇ​ၵတ်း​ဢေႃႈ။</verse>
				<verse number="13">ၼင်ႇ​ႁိုဝ်​ ၸေႇၼႃႉ ဢၼ်​ပဵၼ်​သြႃႇ​မေႃ​ၵျၢမ်း​လိၵ်ႈ ဢိၵ်ႇ​တင်း ဢႃႇပေႃးလူႉ တၵ်း​ဢမ်ႇ​လူဝ်ႇ​ထႅင်ႈ သေ​ၸိူဝ်ႉ​သေ​ပိူင်​ၸိုင်၊ ၵျူဝ်း​ၸႃး​ဢဝ်​သူင်ႇ ၵႃႈ​တႃႈ​ၵႃႈ​တၢင်း​တႃႉ။-</verse>
				<verse number="14">ႁႂ်ႈ​ၵူၼ်း​ႁဝ်း​တင်း​လၢႆ သွၼ်​ဢဝ်​ႁႂ်ႈ​လႆႈ​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​ယူႇ​သေႇ​သေႇ ပုၼ်ႈ​လွင်ႈ​ၼင်ႇ​ႁိုဝ် တၵ်း​မီး တီႈ​ဢၼ်​တူဝ်​ၸဝ်ႈ​ၵဝ်ႇ တၵ်း​ၸူၵ်း​တၵ်း​ၸၢႆႇ​ႁႂ်ႈ ဢမ်ႇ​လႆႈ​ပဵၼ်​ၵေႃႉ​ဢၼ်​ဢမ်ႇ​မီး​မၢၵ်ႇ​မီး​ႁူင်း​ၼၼ်ႉ​တႃႉ။</verse>
				<verse number="15">ၶဝ်​ၸိူဝ်း​ဢၼ်​မီး​ယူႇ​ၵႃႈ​တီႈ​ၵဝ်​ၼႆႉ တင်း​သဵင်ႈ​တင်း​လူင် တၵ်ႉ​ၼၢႆ​သူ​ဢေႃႈ။ တၵ်ႉ​လၢတ်ႈ​ၶဝ်​ၸိူဝ်း​ဢၼ်​ႁၵ်ႉ​ပႅင်း ႁဝ်း​ၼႂ်း​တၢင်း​ယုမ်ႇ​မၢတ်ႈ​ၼၼ်ႉ​တႃႉ။ ႁႂ်ႈ​ၵျေး​ၸူး​ၸဝ်ႈ​မီး​ၼိူဝ်​သူ တင်း​သဵင်ႈ​တင်း​လူင်​သေ​ၵမ်း​လူၺ်ႈ။ လိၵ်ႈ​ဢေႃးဝႃႇတႃႉ​တီႉတူႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="57">
			<chapter number="1">
				<verse number="1">ၵဝ်​ ပေႃးလူႉ ​ဢၼ်​လႆႈ​ၶၢမ်ႇ​တူၵ်း​ၵိၼ်း ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ​ၼၼ်ႉ ဢိၵ်ႇ​တင်း​ၼွင်ႉ​ၵဝ်​ တီႉမေႃးသေႇ ​ၼႆႉ ပၼ်​ငိၼ်း​ၵႂႃႇ တီႈ​ၸႃႉ​ၸဵမ် ၽီႉလေႇမုၼ်ႇ ၵေႃႉ​သေႈ​ဢၼ်​ႁဝ်း​ႁၵ်ႉ​ႁဝ်း​ပႅင်း​လႄႈ သၢင်ႈ​ႁဵတ်း​ႁူမ်ႈ​ၵၼ်​တင်း​ႁဝ်း၊-</verse>
				<verse number="2">ဢိၵ်ႇ​တင်း​ ဢပ်ႉပီႉ ​ၼွင်ႉ​ယိင်း​ဢၼ်​ႁဝ်း​ႁၵ်ႉ​ႁဝ်း​ပႅင်း တင်း​ ဢႃႇၶႅပ်ႉပူႉ ဢၼ်​ပဵၼ်​ၵူၼ်း​သိုၵ်း လူၺ်ႈ​ၵၼ်​တင်း​ႁဝ်း၊ တင်း​ၸိူဝ်း​ၸဝ်ႈ ဢၼ်​မီး​ၵႃႈ​ၼႂ်း​ႁိူၼ်း​မႂ်း​ၼၼ်ႉ​ဢေႃႈ။-</verse>
				<verse number="3">ႁႂ်ႈ​သူႉ​ၵျေး​ၸူး​ဢိၵ်ႇ​တင်း​တၢင်း​ၼိမ် ဢၼ်​ပဵၼ်​မႃး​ၵႃႈ​တီႈ ၽြႃး​ပဵၼ်​ၸဝ်ႈ​ပေႃႈ​ႁဝ်း တင်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ မီး​ၼိူဝ်​သူ​သေ​ၵမ်း​လူၺ်ႈ။</verse>
				<verse number="4">ပိူဝ်ႈ​ဢၼ်​ၵဝ်​လႆႈ​ႁူႉ​လႆႈ​ငိၼ်း လွင်ႈ​ဢၼ်​မႂ်း​ယုမ်ႇ​မၢတ်ႈ ၸဝ်ႈ​ ယေႇသူႉ ​လႄႈ ႁၵ်ႉ​ပႅင်း​ၵူၼ်း​မူတ်း​ၸၢင်ႇ တင်း​သဵင်ႈ​တင်း​လူင် ၼၼ်ႉ​လႄႈ</verse>
				<verse number="5">ၵဝ်​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ​ၵဝ်​သေႇ​သေႇ​လႄႈ ႁဵတ်း​သူး​တွင်း​ပထၼႃႇ​ပုၼ်ႈ​မႂ်း​ယူႇ​ဢေႃႈ။-</verse>
				<verse number="6">လွင်ႈ​ဢၼ်​ၵဝ်​သူး​တွင်း​ၸမ်ႉ၊ လွင်ႈ​ၼင်ႇ​ႁိုဝ်​ဢႁုင်ႇ​တၢင်း​ဢၼ်​သိူၵ်ႈ​သမ်ႇ​ၵၼ်​တင်း တၢင်း​ဢၼ်​ယုမ်ႇ​မၢတ်ႈ​မႂ်း​ၼၼ်ႉ တၵ်း​ႁႅင်း​ယႂ်ႇ ပုၼ်ႈ​ ယေႇသူႉ​ၶရိၸ်ႈ ၼႂ်း​တၢင်း​ဢၼ်​ႁူႉ​ၸႅင်ႈ၊ လွင်ႈ​တၢင်း​ၵႃႈ​ဢၼ်​လီ​ဢၼ်​ငၢမ်း တင်း​သဵင်ႈ​တင်း​လူင် ဢၼ်​မီး​ၼႂ်း​ႁဝ်း​ၼၼ်ႉ​ၸိုင် ႁဵတ်း​သူး​တွင်း​ပထၼႃႇ​ဢေႃႈ။-</verse>
				<verse number="7">ၼွင်ႉ​ၸၢႆး​ၵဝ်​ဢိူၺ်း၊ ၵဝ်​ထွၵ်ႈ​လူၺ်ႈ​မႅတ်ႈ​တႃႇ​မႂ်း​လႄႈ မီး​ၵတ်း​ယဵၼ်​ၶျၢမ်း​သႃႇ တၢင်း​ဢၼ်​သိူဝ်း​ပျေႃႇ ၼႃႇ​လူင်​လၢင်​ၵွပ်ႈ​ပိူဝ်ႈ​ဢၼ်​မႂ်း​ႁႂ်ႈ ႁူဝ်​ၸႂ်​ၵူၼ်း​မူတ်း​ၸၢင်ႇ​တင်း​လၢႆ သၢၵ်ႈ​သႃႇ​ဢေႃႈ။</verse>
				<verse number="8">ပိူဝ်ႈ​ၼႆ​လႄႈ ပိၵ်ႉ​သမ်ႉ​ၵဝ်​မီး​ဢၶႂၢင်ႉ တၢင်း​ဢၼ်​ႁတ်း​ႁၢၼ်​ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ ႁႂ်ႈ​လႆႈ​ဝႆႉ​ပိင်း​ၺၢပ်ႈ လွင်ႈ​တၢင်း​ဢၼ်​မႂ်း​ထုၵ်ႇ​လီ​ႁဵတ်း​ၼၼ်ႉ​သေ​ၵေႃႈ၊-</verse>
				<verse number="9">ၵဝ်​ပဵၼ်​ ပေႃးလူႉ ​ဢၼ်​ဢသၢၵ်ႈ​ယႂ်ႇ၊ ၵေႃႉ​ဢၼ်​လႆႈ​ၶၢမ်ႇ​တူၵ်း​ၵိၼ်း​ၵွပ်ႈ​ပိူဝ်ႈ ယေႇသူႉ​ၶရိၸ်ႈ ​လႄႈ ဢဝ်​တင်း​မႅတ်ႈ​တႃႇ​ၵူၺ်း တွင်း​ပၢၼ်ႇ​မႂ်း​ၶႃႈ​ဢေႃႈ။-</verse>
				<verse number="10">ၵဝ်​တွင်း​ပၢၼ်ႇ​ပုၼ်ႈ​ ဢေႃးၼေႇသိမ်ႇ ​ဢၼ်​ပဵၼ်​လုၵ်ႈ​ၸၢႆး​ၵဝ် ဢၼ်​ၵဝ်​ႁႂ်ႈ​ၵိူတ်ႇ​လဵင်ႉ​မႃး ၼႂ်း​တၢင်း​ဢၼ် ၵဝ်​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ ယူႇ​ၼႆႉ၊-</verse>
				<verse number="11">ဢၼ်​ဝႃႈ​ၵေႃႉ​ဢၼ်​မိူဝ်ႈ​ဢွၼ်​ၼႆႉ​ၼၼ်ႉ မႂ်း​ဢမ်ႇ​လႆႈ​ဢသုင်း​ၵႃႈ​သင်၊ တေႃႈ​လဵဝ်​ၼႆႉ မႂ်း​တင်း​ၵဝ်​လႆႈ​ဢသုင်း​ၼၼ်ႉ ၶႃႈ​ဢေႃႈ။-</verse>
				<verse number="12">ၵဝ်​ႁႂ်ႈ​မၼ်း​ၶိုၼ်း​မိူဝ်း​ၵႂႃႇ ၵႃႈ​တီႈ​မႂ်း​လႄႈ မႂ်း​မၢတ်ႈ​မၼ်း​ပဵၼ်​ၸိူဝ်ႉ​ၼင်ႇ လိူတ်ႈ​ႁူဝ်​ဢူၵ်း​ၵဝ်​ယူႇ​သေ​လႄႈ ႁပ်ႉ​တုင်း​ဢဝ်​မၼ်း​သေ​ၵမ်း။-</verse>
				<verse number="13">ပိၵ်ႉ​သမ်ႉ​ၵဝ်​ၶႂ်ႈ​ဢဝ်​မၼ်း​ဝႆႉ ႁႂ်ႈ​မၼ်း​လႆႈ​ႁဵတ်း​တၢင်​တူဝ်​မႂ်း​သေ​လႄႈ လူ​တူၺ်း​ၵဝ်​ၼႂ်း​တၢင်း​ဢၼ်​ၵဝ် ၶၢမ်ႇ​တၢင်း​ဢၼ်​မတ်ႉ​ၽုၵ်ႇ ယူႇ ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ​ၼႆႉ​သေ​ၵေႃႈ၊-</verse>
				<verse number="14">ၼႂ်း​လွင်ႈ​တၢင်း​ဢၼ် မႂ်း​ႁဵတ်း​ၵျေး​ၸူး​တီႈ​ၵဝ်​ၼၼ်ႉ ၼင်ႇ​ႁိုဝ်​တၵ်း​လႆႈ​ၼိူင်ႇ​ၶႅၼ် ​မႂ်း​သေ​လႄႈ ႁဵတ်း​ဢမ်ႇ​ၸႂ်ႈ၊ ၼင်ႇ​ႁိုဝ်​မႂ်း တၵ်း​လႆႈ​ႁဵတ်း​ၸွမ်း​ၼင်ႇ​ဢလူဝ်ႇ​မႂ်း​ၸိုင်၊ ပေႃး​ဢၶႂၢင်ႉ​မႂ်း​ဢမ်ႇ​မီး ၵဝ်​ဢမ်ႇ​ၶႂ်ႈ​ႁဵတ်း​သေ​ၸိူဝ်ႉ​သေ​ပိူင်။-</verse>
				<verse number="15">လိူဝ်​သေ​ၼၼ်ႉ၊ မီး​တီႈ​လၢတ်ႈ​လႄႈ​ဝႃႈ၊ လွင်ႈ​ၼင်ႇ​ႁိုဝ်​မႂ်း​တၵ်း​လႆႈ​မၼ်း​ဝႆႉ​ယူႇ​သေႇ​သေႇ​ၸိုင်၊ မၼ်း​လႆႈ​ၽၢတ်ႇ​ယၢၼ်​ၵၼ်​တင်း​မႂ်း​ၵႂႃႇ ၵမ်း​ဢွၼ်ႇ​ၼိုင်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼၼ်​ၸိုင်၊ ဢမ်ႇ​ၶႂ်ႈ​ဝႃႈ​လွင်ႈ​ဢၼ်​မႂ်း​တၵ်း​လႆႈ​မၼ်း​ဝႆႉ မိူၼ်​ၸိူဝ်ႉ​ၼင်ႇ​ၶႃႈ​ၼၼ်ႉ။ ၶႂ်ႈ​ဝႃႈ​လွင်ႈ​ဢၼ်​မႂ်း တၵ်း​လႆႈ​မၼ်း​ဝႆႉ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ယႂ်ႇ​လိူဝ်​တွၼ်း​ၶႃႈ၊ ၸိူဝ်ႉ​ၼင်ႇ​ၼွင်ႉ​ၸၢႆး ဢၼ်​ၵဝ်​ႁၵ်ႉ​ၼႃႇ​လူင်​လၢင်၊ တီႈ​မႂ်း​ၸမ်ႉ၊ ၸိူဝ်ႉ​ၼင်ႇ​ၼွင်ႉ​ၸၢႆး ဢၼ်​ယဵင်ႈ​ၶႅၼ်း​ႁၵ်ႉ​ၼႃႇ​လူင်​လၢင် ၵွပ်ႈ​ပိူဝ်ႈ ၸႃႇ​တီႉ​ၼိူဝ်ႉ​လိူတ်ႈ ဢိၵ်ႇ​တင်း​ၵွပ်ႈ​ပိူဝ်ႈ​ၸဝ်ႈ​ၽြႃး​ၼၼ်ႉ​ဢေႃႈ။</verse>
				<verse number="17">ပိူဝ်ႈ​ၼႆ​လႄႈ ပေႃး​မႂ်း​မၢတ်ႈ​ၵဝ်​ပဵၼ်​ၸိူဝ်ႉ​ၼင်ႇ ၵေႃႉ​သေႈ​ၸိုင် ႁပ်ႉ​တုင်း​ဢဝ်​မၼ်း မိူၼ်​ၸိူဝ်ႉ​ၼင်ႇ​ၵဝ်​သေ​ၵမ်း။</verse>
				<verse number="18">ပေႃး​မၼ်း​မီး​လွင်ႈ​တၢင်း​ဢၼ် ၽိတ်း​ပိူင်ႈ​တီႈ​မႂ်း ဢိၵ်ႇ​တင်း​လွင်ႈ​တၢင်း​ဢၼ် ထုၵ်ႇ​ၼီႈ​ထုၵ်ႇ​ၶွတ်ႇ​သေ​ၸိူဝ်ႉ​သေ​ပိူင်​ၸိုင်၊ မၢတ်ႈ​ပဵၼ်​ပုၼ်ႈ​ပဵၼ်​တႃႇ​ၵဝ်​တႃႉ။-</verse>
				<verse number="19">ၵဝ်​တၵ်း​တႅၼ်း​ပၼ်​ဢေႃႈ​ဝႃႈ​ၼႆ ၵဝ်​ ပေႃးလူႉ ဢဝ်​တင်း​မိုဝ်း​တူဝ်​ၸဝ်ႈ​ၵဝ်ႇ တႅမ်ႈ​ဝႆႉ​ဢေႃႈ။ ၵူၺ်း​ၵႃႈ​လွင်ႈ​ဢၼ်​မႂ်း​မီး​တီႈ​ဢၼ်​တၵ်း​လႆႈ တႅၼ်း​ပၼ်​ၼီႈ​ဢၼ်​ဝႃႈ တူဝ်​မႂ်း​ၼၼ်ႉ တီႈ​ၵဝ်​ၼၼ်ႉ​ၸိုင်​ၵဝ်​ဢမ်ႇ​ဝႃႈ။-</verse>
				<verse number="20">ၼွင်ႉ​ၸၢႆး​ၵဝ်​ဢိူၺ်း၊ ႁဵတ်း​ၵျေး​ၸူး​တီႈ​ၵဝ်​ၼႂ်း​ၸဝ်ႈ​ၽြႃး​သေ​ၵမ်း။ ႁႂ်ႈ​ႁူဝ်​ၸႂ်​ၵဝ်​သၢၵ်ႈ​သႃႇ​ၼႂ်း​ၸဝ်ႈ​ၶရိၸ်ႈ​သေ​ၵမ်း။-</verse>
				<verse number="21">မႂ်း​တၵ်း​ထွမ်ႇ​ဢဝ်​ဝႃႈ​ၼႆ ၵဝ်​ဢမ်ႇ​မီး​တၢင်း​ဢၼ် ယုမ်ႇ​ၶိုင်ႈ​ၼိုင်ႈ​ဢမ်ႇ​ယုမ်ႇ​ၶိုင်ႈ​ၼိုင်ႈ​ယဝ်ႉ​ဢမ်ႇ​ၵႃး၊ ၵဝ်​ႁူႉ​လွင်ႈ​ဢၼ် မႂ်း​တၵ်း​ႁဵတ်း​ၼမ်​ၼႃႇ သေ​ဢၼ်​ၵဝ်​လၢတ်ႈ​ၼႆႉ​လႄႈ ၸင်ႇ​တႅမ်ႈ​ပၼ်​ၵႂႃႇ​ၶႃႈ​ဢေႃႈ။</verse>
				<verse number="22">လိူဝ်​သေ​ၼၼ်ႉ၊ မႄး​ႁႅၼ်း​ဝႆႉ​တီႈ ပုၼ်ႈ​ဢၼ်​ၵဝ်​တၵ်း​ယူႇ​သေ​ၵမ်း။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ် သူ​ႁဵတ်း​သူး​တွင်း ပထၼႃႇ​လႄႈ မၼ်း​ၸဝ်ႈ​တၵ်း​ပၼ်​ဢၶႂၢင်ႉ ႁႂ်ႈ​ၵဝ်​လႆႈ​ႁွတ်ႈ​ထိုင် ၵႃႈ​တီႈ​ဢၼ်​သူ​မီး​ၼၼ်ႉ​ဝႃႈ​ၼႆ ၵဝ်​မီး​တၢင်း​ဢၼ်​မုင်ႈ​ထႃႈ​မွင်း​ထႃႈ ယူႇ​ဢေႃႈ။</verse>
				<verse number="23">ၸႃႉ​ၸဵမ်​ ဢေႇပႃႇၽြႃႉ ဢၼ်​လႆႈ​ၶၢမ်ႇ​တူၵ်း​ၵိၼ်း လူၺ်ႈ​ၵၼ်​တင်း​ၵဝ် ၵွပ်ႈ​ပိူဝ်ႈ ယေႇသူႉ​ၶရိၸ်ႈ ​လႄႈ</verse>
				<verse number="24">မႃႇ​ၵူႉ၊ ဢႃႇရိတ်ႉတႃႇၶူႉ၊ တေႇမႃႉ၊ လူႉၵႃႇ ၊ ၵေႃႉ​သေႈ​ဢၼ် သၢင်ႈ​ႁဵတ်း​ႁူမ်ႈ​ၵၼ်​တင်း​ၵဝ်​ၸိူဝ်း​ၼႆႉ တၵ်ႉ​ၼၢႆ​မႂ်း​ဢေႃႈ။</verse>
				<verse number="25">ႁႂ်ႈ​ၵျေး​ၸူး​ၸဝ်ႈ​ႁဝ်း​ ယေႇသူႉ​ၶရိၸ်ႈ မီး​လူၺ်ႈ​ၵၼ်​တင်း ၸႂ်​ဝီႉၺိၺ်ႇ​သူ​သေ​ၵမ်း​လူၺ်ႈ။ လိၵ်ႈ​ဢေႃးဝႃႇတႃႉ​ၽီႉလေႇမုၼ်ႇ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="58">
			<chapter number="1">
				<verse number="1">ၽြႃး​ပဵၼ်​ၸဝ်ႈ ဢၼ်​ဢဝ်​တင်း​ပရေႃးၽႅတ်ႈ​တင်း​လၢႆ ဝႆႉ​ပျႃႇ​တိၵ်ႈ​တီႈ​ပူႇ​ႁဝ်း​မွၼ်ႇ​ႁဝ်း ၶိူဝ်း​ၶိူဝ်း​ယႂ်း​ယႂ်း​လၢႆ​ၸိူဝ်ႉ​လၢႆ​ပိူင် ၼႂ်း​ၶိင်ႇ​ၵႃႇလႃႉ​ဢၼ်​ပူၼ်ႉ​ၵႂႃႇ​ယဝ်ႉ မိူဝ်ႈ​ဢွၼ်​တၢင်း​ၼႆႉ​ၼၼ်ႉ၊-</verse>
				<verse number="2">ဢဝ်​တင်း​လုၵ်ႈ​မၼ်း​ၸဝ်ႈ ဝႆႉ​ပျႃႇ​တိၵ်ႈ​တီႈ​ႁဝ်း​ၼႂ်း​ၶိင်ႇ​ၵႃႇလႃႉ​လိုၼ်း​လင်​သုတ်း​ၼႆႉ​ယဝ်ႉ။ လုၵ်ႈ​ၸဝ်ႈ​ၼၼ်ႉ​ၸိုင် မၼ်း​ၸဝ်ႈ​ၶၢၼ်း​ဝႆႉ​ၼႂ်း​ဢရႃႇ​ၸဝ်ႈ​ဢၼ် တၵ်း​လႆႈ​ၶၢမ်ႇ​ဢမူၺ်ႇ​ၵႃႈ​မီး တင်း​သဵင်ႈ​တင်း​လူင်​ဢေႃႈ။ မၼ်း​ၸဝ်ႈ​ဢဝ်​တင်း​လုၵ်ႈ​ၸဝ်ႈ​ၼၼ်ႉ တႄႇ​လေႃးၵထၢတ်ႈ​တင်း​လၢႆ​ဝႆႉ​ဢေႃႈ။-</verse>
				<verse number="3">လုၵ်ႈ​ၸဝ်ႈ​ၼၼ်ႉ ပဵၼ်​သၢႆ​ဢရွင်ႇ​မုၼ်​ၽုင်း​ၸဝ်ႈ ဢိၵ်ႇ​တင်း​ပုင်ႇ​ႁၢင်ႈ​ပၵတီႉ​ၸဝ်ႈ​လႄႈ ပဵၼ်​ၵေႃႉ​ဢၼ်​ဢဝ်​တင်း​ဢမိင်ႉ တူဝ်​ၸဝ်ႈ​ၵဝ်ႇ ဢၼ်​ပျေႉ​ၸုမ်ႇ​တင်း​တၼ်း​ၶူဝ်း​ၼၼ်ႉ ထွၵ်ႈ​ၵမ်ႉ​လွင်ႈ​တၢင်း​ၵႃႈ​မီး တင်း​သဵင်ႈ​တင်း​လူင်​ယူႇ​သေ​လႄႈ ဢဝ်​တူဝ်​ၸဝ်ႈ​ၵဝ်ႇ ပႄႇ​ၽဵဝ်ႈ​ပႅတ်ႈ​ဢပႅတ်ႈ​တင်း​လၢႆ​သေ​ယဝ်ႉ၊ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​တၼ်း​ၶူဝ်း​ဢႃႇၼူႉၽေႃႇ ၵႃႈ​တီႈ​ဢၼ်​သုင်​ပုၼ်ႉ​ဢေႃႈ။</verse>
				<verse number="4">မၼ်း​ၸဝ်ႈ​ပဵၼ်​ၵေႃႉ​ဢၼ် မျၢတ်ႈ​ၼႃႇ​သေ​တမၢၼ်ႇ​ၵၢင်​ႁၢဝ်​တင်း​လၢႆ မႅၼ်ႈ​ၵႃႈ​ၼင်ႇ​ဢၼ်​လႆႈ​ၶၢမ်ႇ​ဢဝ်​ၼႃႇ​မႃႉ​ၸိုဝ်ႈ​သဵင် ဢၼ်​မျၢတ်ႈ​ၼႃႇ​သေ​ၼႃႇ​မႃႉ​ၸိုဝ်ႈ​သဵင် ဢၼ်​တမၢၼ်ႇ​ၵၢင်​ႁၢဝ်​ၸိူဝ်း​ၼၼ်ႉ လႆႈ​ၶၢမ်ႇ​ဢဝ်​ၼၼ်ႉ​ဢေႃႈ။</verse>
				<verse number="5">လွင်ႈ​မၼ်း​ၸမ်ႉ မၼ်း​ၸဝ်ႈ​ယၢမ်ႈ​တွၼ်ႉ​မီး​ဢမိင်ႉ တီႈ​တမၢၼ်ႇ​ၵၢင်​ႁၢဝ်​ၵေႃႉ​လႂ်​လႄႈ​ဝႃႈ၊ မႂ်း​ပဵၼ်​လုၵ်ႈ​ၸၢႆး​ၵဝ်​ဢေႃႈ။ ၼႂ်း​ဝၼ်း​မိူဝ်ႈ​ၼႆႉ ၵဝ်​ႁႂ်ႈ​မႂ်း​ၵိူတ်ႇ​လဵင်ႉ​ပဵၼ်​မႃး​ယဝ်ႉ၊ ဝႃႈ​ၼင်ႇ​ၼႆ​လႄႈ သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ၵဝ်​တၵ်း​ပဵၼ်​ပေႃႈ​မၼ်း​ဢေႃႈ။ မၼ်း​ၵေႃႈ​တၵ်း​ပဵၼ်​လုၵ်ႈ​ၸၢႆး​ၵဝ်​ဢေႃႈ၊ ဝႃႈ​ၼင်ႇ​ၼႆ​သေ​ပွၵ်ႈ။-</verse>
				<verse number="6">ၼႄး​ၼိုင်ႈ​ၸမ်ႉ၊ မိူဝ်ႈ​ဢၼ်​မၼ်း​ၸဝ်ႈ​ဢဝ် လုၵ်ႈ​တူၼ်ႈ​သႂၢင်း​သႂ်ႇ​ၵႃႈ​ၼႂ်း​လေႃးၵႃႉ​ၼႆႉ​ၼၼ်ႉ​ၸိုင် မၼ်း​ၸဝ်ႈ​မီး​ဢမိင်ႉ​လႄႈ​ဝႃႈ၊ ႁႂ်ႈ​တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ တင်း​သဵင်ႈ​တင်း​လူင် ၵူမ်ႈ​မူပ်ႇ​ၵူဝ်း​ၵႂၢႆႇ​မၼ်း​ၸဝ်ႈ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၼႄး​ၼိုင်ႈ​ၸမ်ႉ၊ ဢဝ်​လွင်ႈ​တမၢၼ်ႇ​ၵၢင်​ႁၢဝ်​တင်း​လၢႆ​လႄႈ​မီး​ဢမိင်ႉ​ဝႃႈ၊ မၼ်း​ၸဝ်ႈ​ႁႂ်ႈ​တမၢၼ်ႇ​တူဝ်​ၸဝ်ႈ​ၵဝ်ႇ​တင်း​လၢႆ ပဵၼ်​ၸိူဝ်ႉ​ၼင်ႇ​လူမ်း​လႄႈ ႁႂ်ႈ​ၵူၼ်း​ၸႂ်ႉ​ၵူၼ်း​သွႆ​တူဝ်​ၸဝ်ႈ​ၵဝ်ႇ​တင်း​လၢႆ ပဵၼ်​ၸိူဝ်ႉ​ၼင်ႇ​ပဵဝ်​ၽႆး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ဢၼ်​မႃး​လူၺ်ႈ​လွင်ႈ​လုၵ်ႈ​မၼ်း​ၸဝ်ႈ​လႄႈ​ဝႃႈ​ၸမ်ႉ၊ ဢူဝ်း​ၽြႃး​ပဵၼ်​ၸဝ်ႈ၊ ပလၢင်ႇ​ၸဝ်ႈ​ႁဝ်း​ၼၼ်ႉ ပဵၼ်​ပလၢင်ႇ​ၼိၵ်ႈၸႃႉ​ထႃႇဝရႃႉ​တီႈ​ၶႃႈ​ဢေႃႈ။ ၵၼ်း​ႁွၵ်ႇ​ရႃႇ​ၸႃႉ​တၢင်း​ဢၼ်​သိုဝ်ႈ​တေႃႇ​ၼၼ်ႉ ပဵၼ်​ၵၼ်း​ႁွၵ်ႇ​မိူင်း​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="9">ၸဝ်ႈ​ႁဝ်း​ထုၵ်ႇ​ၸႂ်​ၵျိူၵ်ႈ​ၸႂ်​တြႃး တၢင်း​ဢၼ်​သိုဝ်ႈ​တေႃႇ​လႄႈ ၸင်း​လွင်ႈ​တၢင်း​ဢၼ်​ဢမ်ႇ​တြႃး​ၼၼ်ႉ တီႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ ဢူဝ်း​ၽြႃး​ပဵၼ်​ၸဝ်ႈ၊ ၽြႃး​ပဵၼ်​ၸဝ်ႈ ၸဝ်ႈ​ႁဝ်း​ၼၼ်ႉ ယုၵ်ႉ​ယွင်ႈ​ၸဝ်ႈ​ႁဝ်း​ၼႃႇ​လူင်​လၢင် ၵႃႈ​ၼိူဝ်​ၵေႃႉ​သေႈ​ၸဝ်ႈ​ႁဝ်း​တင်း​လၢႆ​ၼၼ်ႉ​လႄႈ ဢဝ်​တင်း​ၼမ်ႉ​မၼ်း​တၢင်း​ဢၼ်​သိူဝ်း​ပျေႃႇ ပၼ်​ၽိၵ်ႈ​သိၵ်ႈ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ဢၼ်​သမ်ႉ​မႃး​ထႅင်ႈ​လႄႈ​ဝႃႈ​ၸမ်ႉ၊ ဢူဝ်း​ထႃႇဝရႃႉ​ၽြႃး၊ မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ၊ ၸဝ်ႈ​ႁဝ်း​တႄႇ​လိၼ်​မိူင်း​ဝႆႉ တီႈ​ၶႃႈ​ယဝ်ႉ။ ၽႃႉ​ၵၢင်​ႁၢဝ်​ၵေႃႈ ပဵၼ်​လွင်ႈ​တၢင်း​ဢၼ် ၸဝ်ႈ​ႁဝ်း​ဢဝ်​တင်း​မိုဝ်း​ၽၢၼ်ႇ​သၢင်း​ႁဵတ်း​ပဵၼ်​တီႈ​ၶႃႈ​ဢေႃႈ။-</verse>
				<verse number="11">ပိၵ်ႉ​သမ်ႉ​လွင်ႈ​တၢင်း​ၸိူဝ်း​ၼၼ်ႉ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​သေ​ၵေႃႈ၊ ၸဝ်ႈ​ႁဝ်း​တႄႇ​ယူႇ​သေႇ​သေႇ​တီႈ​ၶႃႈ​ဢေႃႈ။ ပိၵ်ႉ​သမ်ႉ​လွင်ႈ​တၢင်း​ၵႃႈ​မီး​ၸိူဝ်း​ၼၼ်ႉ ႁွတ်ႈ​ထိုင်​တၢင်း​ဢၼ်​ၵဝ်ႇ​ၵႂႃႇ​မွင်​ၵႂႃႇ​ၸိူဝ်ႉ​ၼင်ႇ​ၶူဝ်း​ၼင်ႇ​လဵင်း​ၼၼ်ႉ​လႄႈ၊-</verse>
				<verse number="12">ၸဝ်ႈ​ႁဝ်း​ႁမ်းၵဵၼ်​ၶဝ် ၸိူဝ်ႉ​ၼင်ႇ​ဢၼ်​ႁမ်းၵဵၼ်​ၶူဝ်း​ၼုင်ႈ​ၼၼ်ႉ​လႄႈ ၶဝ်​မီး​တၢင်း​ဢၼ်​ၶၢႆႉ​ပုတ်ႈ​ၵႂႃႇ​သေ​ၵေႃႈ၊ ၸဝ်ႈ​ႁဝ်း ဢမ်ႇ​ၶၢႆႉ​ဢမ်ႇ​ပုတ်ႈ​တီႈ​ၶႃႈ၊ ၶူပ်ႇ​ပီႊ​ၸဝ်ႈ​ႁဝ်း​ၼၼ်ႉ​ၵေႃႈ ဢမ်ႇ​သုတ်း​ဢမ်ႇ​သဵင်ႈ​လႆႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">လိူဝ်​သေ​ၼၼ်ႉ၊ မၼ်း​ၸဝ်ႈ​ယၢမ်ႈ​တွၼ်ႉ​မီး​ဢမိင်ႉ​တီႈ တမၢၼ်ႇ​ၵၢင်​ႁၢဝ်​ၵေႃႉ​လႂ်​လႄႈ​ဝႃႈ၊ ၸူဝ်ႈ​ဢၼ်​ၵဝ်​ဢမ်ႇ​ပႆႇ​ဢဝ်​ရၢၼ်ႇ​သူႇ​မႂ်း​တင်း​လၢႆ ၶျႃး​ဝႆႉ​ႁႂ်ႈ​ပဵၼ်​တီႈ​တၢင်ႇ​တိၼ်​မႂ်း​ၼၼ်ႉ​ၸိုင်၊ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၵဝ်​တႃႉ၊ ဝႃႈ​ၼင်ႇ​ၼႆ​ၼၼ်ႉ​သေ​ပွၵ်ႈ။</verse>
				<verse number="14">တမၢၼ်ႇ​ၵၢင်​ႁၢဝ်​တင်း​လၢႆ​ၸမ်ႉ၊ ပဵၼ်​ၼၢမ်ႇ​ဝီႉၺိၺ်ႇ​ဢၼ်​လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ ႁႂ်ႈ​လႆႈ​လူ​လႆႈ​တူၺ်း​ၶဝ်​ၸိူဝ်း​ဢၼ် တၵ်း​ၶၢမ်ႇ​ဢမူၺ်ႇ​ၵျေး​ၸူး​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ ဢမ်ႇ​ၸႂ်ႈ​ႁိုဝ်။</verse>
			</chapter>
			<chapter number="2">
				<verse number="1">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​တၵ်း​ဢမ်ႇ​လႆႈ​လူင်​လႆႈ​လိုမ်း တေႇသၼႃႇ​ဢၼ်​ႁဝ်း​လႆႈ​ငိၼ်း​ၼၼ်ႉ​ၸိုင် တၵ်း​လႆႈ​မီး​တၢင်း​ဢၼ်​ႁူဝ်​ၸႂ် ယဵင်ႈ​ၶႅၼ်း​ၸွႆး​ၸပ်း​မၢတ်ႈ​တွင်း​ဝႆႉ​ဢေႃႈ။-</verse>
				<verse number="2">လွင်ႈ​မၼ်း​ၸမ်ႉ ပေႃး​ပျႃႇ​တိၵ်ႈ​ဢၼ်​မၼ်း​ၸဝ်ႈ ဢဝ်​တင်း​တမၢၼ်ႇ​ၵၢင်​ႁၢဝ်​တင်း​လၢႆ​ၼၼ်ႉ တႄႇ​ယူႇ​လႄႈ လွင်ႈ​တၢင်း​ဢၼ်​ၽိတ်း​ပိူင်ႈ​ပူၼ်ႉ​လိူဝ် ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ လႆႈ​ၶၢမ်ႇ​တၢမ်ႇ​ဢပႅတ်ႈ​ဢၼ်​ထိူၵ်ႈ​ၶၢမ်ႇ​ၸိုင်၊-</verse>
				<verse number="3">ႁဝ်း​ယင်း​ဢမ်ႇ​ထွမ်ႇ​ဢမ်ႇ​ဢဝ်​တြႃး​တၢင်း​ဢၼ်​ၵႄႇ​ၶျွတ်ႈ​ဢဝ် ဢၼ်​ယႂ်ႇ​ၼႃႇ​ထၢၼ်ႇ​ၼႆႉ ဢၼ်​ၸဝ်ႈ​ၽြႃး​ႁေႃး​လၢတ်ႈ​ဝႆႉ မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ​လႄႈ ၶဝ်​ၸိူဝ်း​ဢၼ်​လႆႈ​ငိၼ်း​ၵႂၢမ်း​တေႇသၼႃႇ​ၼၼ်ႉ ဢဝ်​တင်း​သၢၵ်ႈ​သေႇ​ဢၼ်​လီ​ယုမ်ႇ​မွၵ်ႇ​လၢတ်ႈ​တီႈ​ႁဝ်း​ၼၼ်ႉ​ယူႇ​လႄႈ တၵ်း​ၵၢင်း​လွတ်ႈ​တင်း တၢမ်ႇ​ဢပႅတ်ႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="4">ၽြႃး​ပဵၼ်​ၸဝ်ႈ ဢဝ်​တင်း​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း တင်း​တၼ်း​ၶူဝ်း​ဢၼ်​လၢၵ်ႇ​လၢႆး​ၵူႈ​ၸိူဝ်ႉ​ၵူႈ​ပိူင် တင်း​သူႉ​ၵျေး​ၸူး​တၢင်း​ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ၽႄ​မႅင်ႇ​ပၼ်​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ၸိူဝ်း​ၼၼ်ႉ ၶၢမ်ႇ​သၢၵ်ႈ​သေႇ​ဝႆႉ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် ၶၢမ်ႇ​သၢၵ်ႈ​သေႇ​ၼၼ်ႉ​ယဝ်ႉ။</verse>
				<verse number="5">မၼ်း​ၸဝ်ႈ​ဢၢပ်ႈ​ပၼ်​ဢၶႂၢင်ႉ ဢၼ်​လႆႈ​ဢုပ်ႉ​ပိူင်ႇ​ၵၢပ်ႈ​ၵမ်ႇ​ၽႃႇ​ၵမ်း​လိုၼ်း ဢၼ်​ႁဝ်း​လၢတ်ႈ​ဝႃႈ​ၼၼ်ႉ တီႈ​တမၢၼ်ႇ​ၵၢင်​ႁၢဝ်​တင်း​လၢႆ ဢမ်ႇ​ၸႂ်ႈ။-</verse>
				<verse number="6">ၵေႃႉ​ၼိုင်ႈ​ၶၢမ်ႇ​သၢၵ်ႈ​သေႇ​ဝႆႉ ၼႂ်း​ၵျၢမ်း​လိၵ်ႈ​တီႈ​ၼိုင်ႈ​လႄႈ​ဝႃႈ၊ ၵူၼ်း​ၸိုင်​ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း​တီႈ​ၶႃႈ၊ လုၵ်ႈ​ၵူၼ်း​ၸိုင် ပဵၼ်​ၵေႃႉ​ၸိူဝ်ႉ​ၼင်ႇ​ႁိုဝ်​လႄႈ ၸဝ်ႈ​ႁဝ်း​မႃး​လူ​မႃး​တူၺ်း​မၼ်း​တီႈ​ၶႃႈ၊-</verse>
				<verse number="7">မၼ်း​ၸိုင်​ၸဝ်ႈ​ႁဝ်း​ၶျႃး​တႅမ်ႇ​ဝႆႉ​ၵႃႈ​တႂ်ႈ တမၢၼ်ႇ​ၵၢင်​ႁၢဝ်​တင်း​လၢႆ​ဢိတ်း​ၼိုင်ႈ တီႈ​ၶႃႈ​ဢေႃႈ။ ႁူဝ်​မၼ်း​ၸိုင် ၸဝ်ႈ​ႁဝ်း​ဢဝ်​တင်း​မုၼ်​ၽုင်း​သရေႇ ၶဵၼ်း​ႁွပ်ႈ​ဝႆႉ​တီႈ​ၶႃႈ​ဢေႃႈ။-</verse>
				<verse number="8">ၸဝ်ႈ​ႁဝ်း​ဢဝ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ၶျႃး​ဝႆႉ​ၵႃႈ​တႂ်ႈ​တိၼ်​မၼ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ဢၼ်​ဝႃႈ၊ မၼ်း​ၸဝ်ႈ​ဢဝ်​လွင်ႈ​တၢင်း​ၵႃႈ​မီး တင်း​သဵင်ႈ​တင်း​လူင်​ၶျႃး​ဝႆႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင် လွင်ႈ​တၢင်း​ဢၼ် ယင်း​ဢမ်ႇ​ၶျႃး​ဝႆႉ​လႄႈ​ၵိုတ်း​ၵျၢၼ်ႇ​ယူႇ​ၼၼ်ႉ ဢမ်ႇ​လႆႈ​မီး​သေ​ၸိူဝ်ႉ​သေ​ပိူင်။ တေႃႈ​လဵဝ်​ၼႆႉ​ၸမ်ႉ၊ ႁဝ်း​ဢမ်ႇ​ပႆႇ​လႆႈ​ႁၼ်​လွင်ႈ​ဢၼ် လွင်ႈ​တၢင်း​ၵႃႈ​မီး တင်း​သဵင်ႈ​တင်း​လူင်​ၶျႃး​ဝႆႉ​လႄႈ မီး​ယူႇ​ၼၼ်ႉ။-</verse>
				<verse number="9">ၵူၺ်း​ၵႃႈ ႁဝ်း​ႁၼ်​ ယေႇသူႉ ဢၼ်​တူၵ်း​တႅမ်ႇ​ၵႃႈ​တီႈ​တႂ်ႈ တမၢၼ်ႇ​ၵၢင်​ႁၢဝ်​တင်း​လၢႆ ဢိတ်း​ၼိုင်ႈ​သေ​ယဝ်ႉ၊ မီး​တၢင်း​ဢၼ်​မုၼ်​ၽုင်း​သရေႇ​ၶဵၼ်း​ႁွပ်ႈ​ၵႃႈ​တီႈ​ႁူဝ်​မၼ်း​ၸဝ်ႈ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​လႆႈ​ၶၢမ်ႇ​တၢင်း​တၢႆ ႁႂ်ႈ​လႆႈ​မီး​ဢၶႂၢင်ႉ ဢၼ်​လႆႈ​ၸွမ်း​လူၺ်ႈ ၵျေး​ၸူး​ၽြႃး​ပဵၼ်​ၸဝ်ႈ​သေ​လႄႈ ၶၢမ်ႇ​တၢင်း​တၢႆ​ပုၼ်ႈ​ၵူၼ်း တင်း​သဵင်ႈ​တင်း​လူင်​ၼၼ်ႉ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​ၸဝ်ႈ​ဢၼ်​ၵႄႇ​ၶျွတ်ႈ​ဢဝ် လုၵ်ႈ​လၢင်း​ၼမ်​ၼႃႇ​သေ​လႄႈ ဢဝ်​သူင်ႇ​ႁွတ်ႈ​ထိုင်​ၵႃႈ​တီႈ ဢၼ်​တၵ်း​ၸၢမ်ႇ​ၸႃး​မုၼ်​ၸေး​ၸိမ်ႇ​ၼၼ်ႉ တၵ်း​လႆႈ​ႁွတ်ႈ​ထိုင်​တၢင်း​ဢၼ်​ၸေး​ၸုမ်ႇ ၵွပ်ႈ​ပိူဝ်ႈ​တုၵ်ႉ​ၶႃႉ​ဝူၺ်ႇတၼႃႇ​ၸိုင်၊ ၽြႃး​ဢၼ်​ၽၢၼ်ႇ​သၢင်း​ႁဵတ်း​ပဵၼ် ၵႃႈ​မီး​တင်း​သဵင်ႈ​တင်း​လူင်​လႄႈ​ဢုပ်ႉ​ပိူင်ႇ​ၼၼ်ႉ ထုၵ်ႇ​လီ​ၸီႇ​ယၢင်ႇ​ဢေႃႈ။</verse>
				<verse number="11">ၵေႃႉ​ဢၼ်​ၸၢင်ႈ​ႁႂ်ႈ​မူတ်း​ၸၢင်ႇ ဢိၵ်ႇ​တင်း​ၶဝ်​ၸိူဝ်း​ဢၼ်​မၼ်း​ၸဝ်ႈ ႁႂ်ႈ​မူတ်း​ၸၢင်ႇ​ၼၼ်ႉ မီး​ပၵတီႉ​ပႃး​လဵဝ်​ၵၼ်​ဢေႃႈ။ ပိူဝ်ႈ​ၼႆ​လႄႈ ၵေႃႉ​ဢၼ်​ၸၢင်ႈ​ႁႂ်ႈ​မူတ်း​ၸၢင်ႇ​ၼၼ်ႉ ဢမ်ႇ​မီး​တၢင်း​ဢၼ်​ဢူၵ်း​ဢၼ်​ဢၢႆ လူၺ်ႈ​လွင်ႈ​ဢၼ်​ႁွင်ႉ​ႁဵၵ်ႈ​ၶဝ်​ၸိူဝ်း​ဢၼ်​မၼ်း​ၸဝ်ႈ ႁႂ်ႈ​မူတ်း​ၸၢင်ႇ​ၼၼ်ႉ​ဝႃႈ ပီႈ​ၼွင်ႉ​ၵၼ်​ၼၼ်ႉ။-</verse>
				<verse number="12">တီႈ​ဢၼ်​ႁွင်ႉ​ႁဵၵ်ႈ​ဝႃႈ ၸိူဝ်ႉ​ၼင်ႇ​ၼၼ်​ၼၼ်ႉ​ၸမ်ႉ၊ ၵဝ်​ၶႃႈ​တၵ်း​မွၵ်ႇ​လၢတ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း တီႈ​ပီႈ​ၼွင်ႉ​ၵဝ်​ၶႃႈ​တင်း​လၢႆ​ၼၼ်ႉ​တီႈ​ၶႃႈ​ဢေႃႈ။ ၵဝ်​ၶႃႈ​တၵ်း​ယွင်ႈ​ယေႃး​ၸဝ်ႈ​ႁဝ်း ၵႃႈ​တီႈ​ၼႂ်း​ၵၢင်​ပရဵၵ်ႈသၢတ်ႈ​လႄႈ၊ ႁဵတ်း​ၵႂၢမ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">ဢၼ်​သမ်ႉ​မႃး​ထႅင်ႈ​ၵမ်း​ၼိုင်ႈ​လႄႈ​ဝႃႈ​ၸမ်ႉ၊ ၵဝ်​တၵ်း​ဢိင်​ပိုင်ႈ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ သမ်ႉ​မႃး​ထႅင်ႈ​ၵမ်း​ၼိုင်ႈ​လႄႈ​ဝႃႈ​ၸမ်ႉ၊ တူၺ်း​လူး၊ ၵဝ်​ဢိၵ်ႇ​တင်း​လုၵ်ႈ​ဢွၼ်ႇ​ဢၼ်​ၽြႃး​ပဵၼ်​ၸဝ်ႈ ပၼ်​တီႈ​ၵဝ်​တင်း​လၢႆ​ၼၼ်ႉ မီး​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ၵွပ်ႈ​ပိူဝ်ႈ​ဢၼ်​လုၵ်ႈ​ဢွၼ်ႇ​ၸိူဝ်း​ၼၼ်ႉ သိူၵ်ႈ​သမ်ႇ​ၵၼ်​တင်း​ၼိူဝ်ႉ​တင်း​လိူတ်ႈ​လႄႈ ၸဝ်ႈ​ၶရိၸ်ႈ​ၼၼ်ႉ ဢဝ်​ၼိူဝ်ႉ​ဢဝ်​လိူတ်ႈ​မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ၸိူဝ်း​ၼၼ်ႉ ႁႂ်ႈ​လႆႈ​ယႃႉ​ႁၵ်း​တၼ်း​ၶူဝ်း​ၵေႃႉ​ဢၼ်​ဢုပ်ႉ​ပိူင်ႇ​တြႃး​တၢင်း​တၢႆ ဢၼ်​ဝႃႈ​မႃႇၼၢတ်ႈ​ၼၼ်ႉ​ပႅတ်ႈ ၵွပ်ႈ​ပိူဝ်ႈ​တၢင်း​ဢၼ်​မၼ်း​ၸဝ်ႈ​ၶၢမ်ႇ​တၢင်း​တၢႆ​ၼၼ်ႉ၊-</verse>
				<verse number="15">ဢိၵ်ႇ​တင်း​ႁႂ်ႈ​လႆႈ​ပွႆႇ​ၶဝ်​ၸိူဝ်း​ဢၼ် ၵူဝ်​ႁႄ​ၽေး​တၢင်း​တၢႆ​ၸူဝ်ႈ​ဢသၢၵ်ႈ​လႄႈ လႆႈ​ၶၢမ်ႇ​ႁဵတ်း​ၶႃႈ​ၼၼ်ႉ​လွတ်ႈ​ဢေႃႈ။</verse>
				<verse number="16">လွင်ႈ​မၼ်း​ၸမ်ႉ ၸဝ်ႈ​ၶရိၸ်ႈ​ၸွႆႈ​ထႅမ်​တမၢၼ်ႇ​ၵၢင်​ႁၢဝ်​တင်း​လၢႆ​ဢမ်ႇ​ၸႂ်ႈ။ မၼ်း​ၸဝ်ႈ​ၸွႆႈ​ထႅမ်​ၸိူဝ်ႉ​ၶိူဝ်း​ ဢႃႇပြႃႇႁၢမ်ႇ ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ ၸဝ်ႈ​ၶရိၸ်ႈ​ၼၼ်ႉ မီး​လွင်ႈ​ဢၼ်​တၵ်း​လႆႈ​မိူၼ်​ၸိူဝ်ႉ​ၼင်ႇ ပီႈ​ၼွင်ႉ​တူဝ်​ၸဝ်ႈ​ၵဝ်ႇ​တင်း​လၢႆ ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် ႁႂ်ႈ​လႆႈ​ပဵၼ်​ၶုၼ်​ယိတ်ႈပရေႃးႁဵၵ်ႈ​လူင် ဢၼ်​ပျေႉ​ၸုမ်ႇ​တင်း​ၵရူႉၼႃႇ ဢိၵ်ႇ​တင်း​သဵတ်ႈ​ၸႃႇ ၼႂ်း​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း ၽြႃး​ပဵၼ်​ၸဝ်ႈ​ၼၼ်ႉ ပုၼ်ႈ​လွင်ႈ​ၼင်ႇ​ႁိုဝ် တၵ်း​လႆႈ​ၸီႇ​ယၢင်ႇ​ပွင်​ႁဵတ်း လွင်ႈ​ဢၼ်​တၵ်း​ၽေႇ​ဢပႅတ်ႈ​ၵူၼ်း​တင်း​လၢႆ​ဢေႃႈ။-</verse>
				<verse number="18">မၼ်း​ၸဝ်ႈ​ၼၼ်ႉ​ၵွပ်ႈ​ပိူဝ်ႈ​ဢၼ် တူဝ်​ၸဝ်ႈ​ၵဝ်ႇ​ၶၢမ်ႇ​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​လႄႈ ၵႂႃႇ​မႃး​ၼႂ်း​တုၵ်ႉ​ၶႃႉ​တၢင်း​ၽၢၼ်​ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ တၢတ်ႈ​ၼိူင်ႇ​လႆႈ​ႁႂ်ႈ​လႆႈ​ၸွႆႈ​ထႅမ်​ၶဝ်​ၸိူဝ်း​ဢၼ် လႆႈ​ႁူပ်ႉ​လႆႈ​ထူပ်း​လွင်ႈ​တၢင်း​ဢၼ် ၸၢမ်း​တူၺ်း​ယႃႉ​ယူၵ်ႉ​ၸိူဝ်း​ၼၼ်ႉ​ဢေႃႈ။</verse>
			</chapter>
			<chapter number="3">
				<verse number="1">ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ပီႈ​ၼွင်ႉ​ဢၼ်​မူတ်း​ၸၢင်ႇ ဢၼ်​လႆႈ​ၶၢမ်ႇ​ဢဝ်​ၵျေး​ၸူး တၢင်း​ဢၼ်​မၼ်း​ၸဝ်ႈ​ႁွင်ႉ​ပၢင်း​ဢဝ် ဢၼ်​ၸၢပ်ႈ​သႅင်ႇ​ၵၼ်​တင်း​မိူင်း​ၵၢင်​ႁၢဝ်​ၶဝ်​ဢိူၺ်း၊ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​တမၢၼ်ႇ​ၸဝ်ႈ ဢိၵ်ႇ​တင်း​ၶုၼ်​ယိတ်ႈပရေႃးႁဵၵ်ႈ ဢၼ်​ႁဝ်း​ႁပ်ႉ​တုင်း​ဢဝ်​ဢၼ်​ဝႃႈ​ ယေႇသူႉ ၊-</verse>
				<verse number="2">ဢၼ်​ပႂ်ႉ​သဵတ်ႈ​ၸႃႇ​ၵႃႈ​ၼႂ်း​လွင်ႈ​တၢင်း​ၵေႃႉ​ဢၼ် ၶၢၼ်း​မၼ်း​ၸဝ်ႈ​ဝႆႉ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ်​ မူဝ်းသေႇ ပႂ်ႉ​သဵတ်ႈ​ၸႃႇ ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​တင်း​ႁိူၼ်း​ၼၼ်ႉ ၸေး​ၸေး​ၸွတ်ႇ​ၸွတ်ႇ​သေ​ၵမ်း​တႃႉ။-</verse>
				<verse number="3">မီး​လွင်ႈ​တီႈ​လီ​ထၢင်ႇ​မၼ်း​ၸဝ်ႈ​ပဵၼ်​ၵေႃႉ​ဢၼ် ယဵင်ႈ​ၶႅၼ်း​ထိူၵ်ႈ​ၶၢမ်ႇ​သရေႇ​ယႂ်ႇ​ၼႃႇ​သေ​ မူဝ်းသေႇ ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၵေႃႉ​ဢၼ်​မႄး​ႁဵတ်း​ႁိူၼ်း ယဵင်ႈ​ၶႅၼ်း​မီး​သရေႇ​ယႂ်ႇ​ၼႃႇ​သေ​ႁိူၼ်း​ၼၼ်ႉ​ဢေႃႈ။-</verse>
				<verse number="4">ႁိူၼ်း​ဢၼ်​လႂ်​သေ​ဢမ်ႇ​ဝႃႈ၊ ပဵၼ်​ၵွပ်ႈ​ပိူဝ်ႈ​ဢၼ်​သေ​ၵေႃႉ​သေ​ၵူၼ်း​မႄး​ႁဵတ်း​ဢေႃႈ။ ၵေႃႉ​ဢၼ်​တႄႇ​ႁဵတ်း ၵူႈ​ၸိူဝ်ႉ​ၵူႈ​ပိူင်​ၸမ်ႉ ပဵၼ်​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="5">မူဝ်းသေႇ ​ၼၼ်ႉ​ပႂ်ႉ​သဵတ်ႈ​ၸႃႇ​ယူႇ ၵႃႈ​ၼႂ်း​ႁိူၼ်း​ၽြႃး​ပဵၼ်​ၸဝ်ႈ​တင်း​ႁိူၼ်း မိူၼ်​ၸိူဝ်ႉ​ၼင်ႇ​ၵေႃႉ​ဢၼ် လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ၼၼ်ႉ ပုၼ်ႈ​ဢၼ်​တၵ်း​ၶၢမ်ႇ​သၢၵ်ႈ​သေႇ​လွင်ႈ​တၢင်း​ဢၼ် တၵ်း​ႁေႃး​လၢတ်ႈ​ၵမ်း​လိုၼ်း​တင်း​လၢႆ​ၼၼ်ႉ​ဢေႃႈ။-</verse>
				<verse number="6">ၸဝ်ႈ​ၶရိၸ်ႈ​ၸမ်ႉ၊ ဢုပ်ႉ​ပိူင်ႇ​ႁိူၼ်း​ၸဝ်ႈ​လႄႈ ပႂ်ႉ​သဵတ်ႈ​ၸႃႇ​ယူႇ​မိူၼ်​ၸိူဝ်ႉ​ၼင်ႇ လုၵ်ႈ​ၸၢႆး​ဢေႃႈ။ ႁဝ်း​ၸမ်ႉ၊ ပေႃး​မၼ်ႈ​ၶိူင်ႇ​ယူႇ​ၼႂ်း တၢင်း​ဢၼ်​ႁတ်း​ႁၢၼ် ဢိၵ်ႇ​တင်း​ၼႂ်း​တၢင်း​ဢၼ်​သိူဝ်း​ပျေႃႇ​ဢုပ်ႇ​ဝၢဝ်း ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​မုင်ႈ​ထႃႈ​မွင်း​ထႃႈ​ၼၼ်ႉ တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ၸိုင်၊ ပဵၼ်​ႁိူၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="7">ပိူဝ်ႈ​ၼႆ​လႄႈ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ႁေႃး​လၢတ်ႈ​ဝႆႉ​လႄႈ​ဝႃႈ​ၸမ်ႉ၊ ၼႂ်း​ဝၼ်း​မိူဝ်ႈ​ၼႆႉ ပေႃး​သူ​ငိၼ်း​သဵင်​ပျႃႇ​တိၵ်ႈ​ၸဝ်ႈ​ၸိုင်၊-</verse>
				<verse number="8">ယႃႇ​ပေ​မီး​ႁူဝ်​ၸႂ်​ဢၼ်​ၵႅၼ်ႇ​ဢၼ်​ၶႅင် မိူၼ်​ၸိူဝ်ႉ​ၼင်ႇ​ဢၼ်​မီး​ၼႂ်း​ၶိင်ႇ​ၵႃႇလႃႉ တၢင်း​ဢၼ်​ႁဵတ်း​ဢမ်ႇ​ထုၵ်ႇ​ၶတ်း​ၵၼ်​တင်း​ၵဝ်​လႄႈ ၸၢမ်း​တူၺ်း​ယႃႉ​ယူၵ်ႉ​ၵႃႈ​ၼႂ်း​ထိူၼ်ႇ၊-</verse>
				<verse number="9">တီႈ​ဢၼ်​ပူႇ​သူ​မွၼ်ႇ​သူ ၸႅတ်ႈ​ထၢမ်​ၸၢမ်း​တူၺ်း​ယႃႉ​ယူၵ်ႉ​ၵဝ် ၵူႈ​ၸိူဝ်ႉ​ၵူႈ​ပိူင်​သေ​လႄႈ ႁၼ်​လွင်ႈ​တၢင်း​ဢၼ်​ၵဝ်​ႁဵတ်း​တင်း​လၢႆ​ၼၼ်ႉ သီႇ​သိပ်း​ပီႊ​တဵမ်​တဵမ်​ၼၼ်ႉ၊-</verse>
				<verse number="10">ၵွပ်ႈ​ႁွႆး​ၼႆႉ၊ ၵဝ်​လီ​ႁင်ႈ​ၵူၼ်း​မဵဝ်း​ၼၼ်ႉ​လႄႈ​ဝႃႈ၊ ၶဝ်​မီး​ၸႂ်​သၽေႃး​ဢၼ်​ၸၢင်ႈ​ၽိတ်း​ပိူင်ႈ​ယူႇ​သေႇ​သေႇ​ဢေႃႈ။ ၶဝ်​ဢမ်ႇ​ႁူႉ​သဵၼ်ႈ​တၢင်း​ဢၼ်​ၵဝ်​ၵႂႃႇ​ၵႂႃႇ​မႃး​မႃး​ယူႇ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">ပိူဝ်ႈ​ၼႆ​လႄႈ ၵဝ်​ၸႂ်​မႆႈ​ၶႆႈ​ၸႃႉ​လႄႈ​တိူင်ႇ​ဝႃႈ၊ ၶဝ်​ဢမ်ႇ​လႆႈ​ၶဝ်ႈ​ၵႃႈ​ၼႂ်း ၵတ်း​ယဵၼ်​ၶျၢမ်း​သႃႇ​ၵဝ်၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ပီႈ​ၼွင်ႉ​ၶဝ်​ဢိူၺ်း၊ လွင်ႈ​ၼင်ႇ​ႁိုဝ်​သူ တၵ်း​ဢမ်ႇ​မီး​ႁူဝ်​ၸႂ်​ဢၼ်​ၵူဝ်ႈ​ၵိူၵ်ႇ ဢၼ်​ဢမ်ႇ​ၸၢင်ႈ​ယုမ်ႇ​မၢတ်ႈ ၵွပ်ႈ​ပိူဝ်ႈ​ဢၼ်​ဢွၵ်ႇ​သေ​ၵႃႈ​တီႈ​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ၼၼ်ႉ​ၵႂႃႇ​ၸိုင်​၊ ႁဵတ်း​သတီႉ​တႃႉ။-</verse>
				<verse number="13">ၶိင်ႇ​ဢၼ်​ႁွင်ႉ​ႁဵၵ်ႈ​ဝႃႈ ဝၼ်း​မိူဝ်ႈ​ၼႆႉ​ၼၼ်ႉ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ် တိုၵ်း​ယူင်း​ၸူဝ်း​ဢဝ်​ၵၼ်​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ ႁႂ်ႈ​ႁူဝ်​ၸႂ်​သူ​ဢမ်ႇ​လႆႈ​ၵႅၼ်ႇ​လႆႈ​ၶႅင် ၵွပ်ႈ​ပိူဝ်ႈ​တၢင်း​ဢၼ်​တူႉ​ၸရိူၵ်ႈ ပႅတ်ႉ​လႅၼ်​ၼၼ်ႉ​တႃႉ။-</verse>
				<verse number="14">ၸိူဝ်ႉ​ၼင်ႇ​ဢၼ်​ႁဝ်း​ႁဵတ်း​ၵေႃႇၸႃႉ​ငဝ်ႈ​ႁၢၵ်ႈ တၢင်း​ဢၼ်​ၸွႆး​ၸပ်း​ၼၼ်ႉ၊ ပေႃး​ႁဝ်း​တႄႇ​ယူႇ​တေႃႇ​ထိုင်​ႁွတ်ႈ တီႈ​သုတ်း​တီႈ​ၵွႆ​ၸိုင် ႁဝ်း​ပဵၼ်​ၵေႃႉ​ဢၼ်​သိူၵ်ႈ​သမ်ႇ​ၵၼ်​တင်း ၸဝ်ႈ​ၶရိၸ်ႈ​ဢေႃႈ။-</verse>
				<verse number="15">မႅၼ်ႈ​ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၼႂ်း​ဝၼ်း​မိူဝ်ႈ​ၼႆႉ ပေႃး​သူ​ငိၼ်း​သဵင်​ပျႃႇ​တိၵ်ႈ​ၸဝ်ႈ​ၸိုင်၊ ယႃႇ​ပေ​မီး​ႁူဝ်​ၸႂ်​ဢၼ် ၵႅၼ်ႇ​ဢၼ်​ၶႅင်​မိူၼ်​ၸိူဝ်ႉ​ၼင်ႇ​ဢၼ် မီး​ၼႂ်း​ၶိင်ႇ​ၵႃႇလႃႉ​တၢင်း​ဢၼ်​ႁဵတ်း​ဢမ်ႇ​ထုၵ်ႇ​ၶတ်း​ၵၼ်​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ။-</verse>
				<verse number="16">ၶဝ်​ၸိူဝ်း​ဢၼ်​လႆႈ​ငိၼ်း​ယဝ်ႉ​လႄႈ ႁဵတ်း​တၢင်း​ဢၼ်​ဢမ်ႇ​ထုၵ်ႇ​ၶတ်း​ၵၼ်​ၼၼ်ႉ​ၸမ်ႉ၊ ပဵၼ်​ၽူႈ​လႂ်။ ၶဝ်​ၸိူဝ်း​ဢၼ်​ၸွမ်း​လင်​ မူဝ်းသေႇ ​လႄႈ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​မႃး​တင်း​သဵင်ႈ​တင်း​လူင်​ၼၼ်ႉ ႁဵတ်း​ၸိူဝ်ႉ​ၼင်ႇ​ၼၼ်​ဢမ်ႇ​ၸႂ်ႈ​ႁိုဝ်။-</verse>
				<verse number="17">ၶဝ်​ၸိူဝ်း​ဢၼ်​ဢမ်ႇ​ထုၵ်ႇ​ၸႂ်​မၼ်း​ၸဝ်ႈ သီႇ​သိပ်း​ပီႊ​တဵမ်​တဵမ်​ၼၼ်ႉ​ၸမ်ႉ၊ ပဵၼ်​ၽူႈ​လႂ်။ ပဵၼ်​ၶဝ်​ၸိူဝ်း​ဢၼ်​ႁဵတ်း​တူႉ​ၸရိူၵ်ႈ​ဢပႅတ်ႈ​သေ​လႄႈ လူမ်ႉ​တၢႆ​ၵႃႈ​တီႈ​ၼႂ်း​ထိူၼ်ႇ​ၼၼ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="18">ၶဝ်​ၸိူဝ်း​ဢၼ်​မၼ်း​ၸဝ်ႈ​တိူင်ႇ​လႄႈ​ဝႃႈ၊ သူ​ဢမ်ႇ​လႆႈ​ၶဝ်ႈ​ၵႃႈ​ၼႂ်း​ၵတ်း​ယဵၼ်​ၶျၢမ်း​သႃႇ​ၵဝ်​၊ ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊ လိူဝ်​သေ​ၶဝ်​ၸိူဝ်း​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ ပဵၼ်​ၽူႈ​လႂ်။-</verse>
				<verse number="19">ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ႁဝ်း​ႁူႉ​ႁၼ်​လွင်ႈ​ဢၼ်​ၶဝ်​ဢမ်ႇ​ၶဝ်ႈ​လႆႈ ၵွပ်ႈ​ပိူဝ်ႈ​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​ၵူၺ်း​ၼၼ်ႉ​ယူႇ​ဢေႃႈ။</verse>
			</chapter>
			<chapter number="4">
				<verse number="1">ပိူဝ်ႈ​ၼႆ​လႄႈ မႆႈ​ၸႂ်​လူၺ်ႈ​လွင်ႈ​ဢၼ်​ၵတီႉ​ၸဝ်ႈ​ဢၼ်​ပၼ်​ဢၶႂၢင်ႉ ဢၼ်​တၵ်း​လႆႈ​ၶဝ်ႈ​ၵႃႈ​ၼႂ်း​ၵတ်း​ယဵၼ်​ၶျၢမ်း​သႃႇ​ၽြႃး​ပဵၼ်​ၸဝ်ႈ​ၼၼ်ႉ ယင်း​ၵိုတ်း​ၵျၢၼ်ႇ​ဝႆႉ​ယူႇ​တီႈ​ႁဝ်း​လႄႈ ၼႂ်း​သူ​ၵမ်ႈ​ၽွင်ႈ တၵ်း​ဢမ်ႇ​ၶိုတ်း​လႄႈ​ယူႇ​ၼၼ်ႉ​တႃႉ​ႁဝ်း။-</verse>
				<verse number="2">ႁဝ်း​လႆႈ​ငိၼ်း​သတၢင်း​သိူဝ်း​ပျေႃႇ​မိူၼ်​ၸိူဝ်ႉ​ၼင်ႇ​ၶဝ်​ၼၼ်ႉ​ယဝ်ႉ။ ၼႂ်း​ဝႃႈ​ၼၼ်​သေ​ၵေႃႈ ၵႂၢမ်း​တြႃး​ဢၼ်​ၶဝ်​ၼၼ်ႉ​လႆႈ​ငိၼ်း​ၼၼ်ႉ​ၸိုင် ဢမ်ႇ​ပၼ်​ဢၵျူဝ်း​ၵွပ်ႈ​ပိူဝ်ႈ​ဢၼ်​ဢမ်ႇ​လေႃး​ၵၼ်​တင်း​တၢင်း​ယုမ်ႇ​မၢတ်ႈ ၵႃႈ​ၼႂ်း​ၶဝ်​ၸိူဝ်း​ဢၼ်​လႆႈ​ငိၼ်း​ၼၼ်ႉ။-</verse>
				<verse number="3">ႁဝ်း​ၸမ်ႉ၊ ပဵၼ်​ၵေႃႉ​ဢၼ်​ယုမ်ႇ​မၢတ်ႈ​လႄႈ ၶဝ်ႈ​ၵႃႈ​ၼႂ်း​ၵတ်း​ယဵၼ်​ၶျၢမ်း​သႃႇ​ၼၼ်ႉ​ဢေႃႈ။ ၼင်ႇ​ၼၼ်​လႄႈ ပျႃႇ​တိၵ်ႈ​ၸဝ်ႈ​မီး​ဝႆႉ​လႄႈ​ဝႃႈ​ၸမ်ႉ၊ ၵဝ်​ၸႂ်​မႆႈ​ၶႆႈ​ၸႃႉ​လႄႈ​တိူင်ႇ​ဝႃႈ၊ ၶဝ်​ဢမ်ႇ​လႆႈ​ၶဝ်ႈ​ၵႃႈ​ၼႂ်း​ၵတ်း​ယဵၼ်​ၶျၢမ်း​သႃႇ​ၵဝ်၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ဢၼ်​ဝႃႈ​ၵတ်း​ယဵၼ်​ၶျၢမ်း​သႃႇ​ၼၼ်ႉ​ၸိုင် ၶႂ်ႈ​ဝႃႈ​ၵတ်း​ယဵၼ်​ၶျၢမ်း​သႃႇ​တၢင်း​ဢၼ်​ဢမူႉ​လွင်ႈ​တၢင်း​တင်း​သဵင်ႈ​တင်း​လူင်​ယဝ်ႉ​ၸွတ်ႇ​တူဝ်ႈ​လႄႈ မၼ်း​ၸဝ်ႈ​ယူႇ​ၼိမ်​ၼိမ်​ယူႇ ၸဵမ်​မိူဝ်ႈ​ၵမ်ႇ​ၽႃႇ​ၸႃႉ​တႄႇ​ၼၼ်ႉ​ဢေႃႈ။-</verse>
				<verse number="4">ဢၼ်​ဢဝ်​လွင်ႈ​ဝၼ်း သတ်ႉတမႃႉ​ၼၼ်ႉ​သေ​လႄႈ မႃး​ၼႂ်း​ၵျၢမ်း​လိၵ်ႈ​တီႈ​ၼိုင်ႈ​လႄႈ​ဝႃႈ​ၸမ်ႉ၊ ၽြႃး​ပဵၼ်​ၸဝ်ႈ​ၼၼ်ႉ ယဝ်ႉ​ၸွတ်ႇ​တူဝ်ႈ​လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​ပဵၼ်​တင်း​သဵင်ႈ​တင်း​လူင်​ၼၼ်ႉ​လႄႈ၊ ၼႂ်း​ဝၼ်း​သတ်ႉတမႃႉ ယူႇ​ၼိမ်​ၼိမ်​ယူႇ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ဢၼ်​သမ်ႉ​မႃး​ထႅင်ႈ​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၶဝ်​ဢမ်ႇ​လႆႈ​ၶဝ်ႈ​ၵႃႈ​ၼႂ်း​ၵတ်း​ယဵၼ်​ၶျၢမ်း​သႃႇ​ၵဝ်၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၵွပ်ႈ​ႁွႆး​ၼႆႉ၊ ၵွပ်ႈ​ပိူဝ်ႈ​ၵမ်ႈ​ၽွင်ႈ​တၵ်း​လႆႈ​ၶဝ်ႈ​လႄႈ ၶဝ်​ၸိူဝ်း​ဢၼ်​လႆႈ​ငိၼ်း​သတၢင်း​သိူဝ်း​ပျေႃႇ မိူဝ်ႈ​ဢွၼ်​တၢင်း​ၼၼ်ႉ​ၸမ်ႉ၊ ဢမ်ႇ​လႆႈ​ၶဝ်ႈ​ၵွပ်ႈ​ပိူဝ်ႈ​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​လႄႈ၊-</verse>
				<verse number="7">မၼ်း​ၸဝ်ႈ​မၢတ်ႈ​မၢႆ​ဝႆႉ​ဝၼ်း​ၼိုင်ႈ​သေႇ​ၶျႃႇ​လီ​ငၢမ်း​လႄႈ ဝႆႉ​ၼႂ်း​ၵျၢမ်း​လိၵ်ႈ​ တႃႇဝိတ်ႈ ​လႄႈ​ဝႃႈ၊ ၶိင်ႇ​ၵႃႇလႃႉ​ႁိုင်​ထၢၼ်ႇ​ၼႆႉ​သေ​ယဝ်ႉ၊ ၼႂ်း​ဝၼ်း​မိူဝ်ႈ​ၼႆႉ ဝႃႈ​ၼင်ႇ​ၼႆ​လႄႈ မႅၼ်ႈ​ၸွမ်း​ၼင်ႇ​ဢၼ်​ဝႃႈ​မႃး​ယဝ်ႉ​လႄႈ​ဝႃႈ၊ ၼႂ်း​ဝၼ်း​မိူဝ်ႈ​ၼႆႉ ပေႃး​သူ​ငိၼ်း​သဵင်​ပျႃႇ​တိၵ်ႈ​ၸဝ်ႈ​ၸိုင် ယႃႇ​ပေ​မီး​ႁူဝ်​ၸႂ်​ဢၼ်​ၵႅၼ်ႇ​ဢၼ်​ၶႅင်၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="8">ပေႃး​ ယေႃးသူႉ လႆႈ​ပၼ်​ၵတ်း​ယဵၼ်​ၶျၢမ်း​သႃႇ​တီႈ​ၶဝ်​ၼၼ်ႉ ဢမၢၼ်ႇ​ၶၼ်​ပဵၼ်​ယဝ်ႉ​ၸိုင်၊ ၵမ်း​လိုၼ်း​တၵ်း​မီး​တီႈ​လၢတ်ႈ​လွင်ႈ​ဝၼ်း​တၢင်ႇ​ဝၼ်း​ၸိူဝ်ႉ​ၼင်ႇ​ႁိုဝ်​လူး​ၵွၼ်ႇ။</verse>
				<verse number="9">ပိူဝ်ႈ​ၼႆ​လႄႈ ၵတ်း​ယဵၼ်​ၶျၢမ်း​သႃႇ​တၢင်း​ၼိမ်​မဵဝ်း​ၼိုင်ႈ​ယင်း​ၵိုတ်း​ၵျၢၼ်ႇ​ဝႆႉ​ယူႇ ပုၼ်ႈ​ႁင်း​ၵူၼ်း​ၽြႃး​ပဵၼ်​ၸဝ်ႈ​တင်း​လၢႆ​ဢေႃႈ။-</verse>
				<verse number="10">ၵေႃႉ​ဢၼ်​လႆႈ​ၶဝ်ႈ​ၵႃႈ​ၼႂ်း​ၵတ်း​ယဵၼ်​ၶျၢမ်း​သႃႇ​ၼၼ်ႉ​ၵေႃႈ၊ လွင်ႈ​တၢင်း​ဢၼ်​တူဝ်​ၸဝ်ႈ​ၵဝ်ႇ သၢင်ႈ​ႁဵတ်း​တင်း​လၢႆ​ယဝ်ႉ​ၸွတ်ႇ​တူဝ်ႈ​လႄႈ လႆႈ​ယူႇ​ၼိမ်​ၼိမ်​လီ​လီ​မိူၼ်​ၸိူဝ်ႉ​ၼင်ႇ​ဢၼ် ၽြႃး​ပဵၼ်​ၸဝ်ႈ လွင်ႈ​တၢင်း​ဢၼ်​မၼ်း​ၸဝ်ႈ​ႁဵတ်း​ပဵၼ်​ၼၼ်ႉ ယဝ်ႉ​ၸွတ်ႇ​တူဝ်ႈ​လႄႈ ယူႇ​ၼိမ်​ၼိမ်​လီ​လီ​ၼၼ်ႉ​ဢေႃႈ။</verse>
				<verse number="11">ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ် ႁဝ်း​တၵ်း​ဢမ်ႇ​လႆႈ​ၸွမ်း​သဵၼ်ႈ​တၢင်း ဢၼ်​ၵူၼ်း​ ဢီႉသရေႇလႃႉ ​တင်း​လၢႆ မီး​ၸႂ်​ဢၼ် ယင်း​ဢမ်ႇ​ယုမ်ႇ​မၢတ်ႈ​လႄႈ လူမ်ႉ​ၼၼ်ႉ​ၸိုင် ဢဝ်​ႁႅင်း​ၵျူဝ်း​ၸႃး​ႁဵတ်း​ႁႂ်ႈ​လႆႈ​ၶဝ်ႈ ၵႃႈ​ၼႂ်း​ၵတ်း​ယဵၼ်​ၶျၢမ်း​သႃႇ​တႃႉ​ႁဝ်း။-</verse>
				<verse number="12">ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ​ၸိုင် ပျေႉ​ၸုမ်ႇ​တင်း​တၢင်း​ဢၼ်​ဢသၢၵ်ႈ​လိပ်း၊ တၢင်း​ဢၼ်​မီး​တင်း​တၼ်း​ၶူဝ်း ပွင်​ႁဵတ်း​ပွင်​မႄး၊ တၢင်း​ဢၼ်​ၽၢႆ​သေ လၢပ်ႇ​သၢၼ်ႇ​လျၢၵ်ႉ တင်း​သဵင်ႈ​တင်း​လူင်​သေ​လႄႈ ၸၢင်ႈ​တႅင်း​ပွင်ႇ​ထၼ်ႈ​ပေႃး ၸၵ်း​ၽႄ​ဢသၢၵ်ႈ​တင်း​ၸႂ်​ဝီႉၺိၺ်ႇ၊ ပွင်ႈ​လုပ်ႇ​တင်း​လၢႆ တင်း​ဢွၵ်း​လုပ်ႇ​ၼၼ်ႉ​လႄႈ၊ ၸၢင်ႈ​ႁူႉ​ႁၼ်​တၢင်း​ဢၼ် ႁူဝ်​ၸႂ်​ၵျၢမ်ႇ​ပွင်​ယူႇ​ၼၼ်ႉ​ဢေႃႈ။-</verse>
				<verse number="13">လွင်ႈ​တၢင်း​ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ် ဢၼ်​ဢမ်ႇ​ထၢင်ႇ​သႃး ၵႃႈ​တီႈ​ၽၢႆႇ​ၼႃႈ​ၸဝ်ႈ​ဢၼ် ၸႅတ်ႈ​ထၢမ်​ၸီႇ​ယၢင်ႇ​ႁဝ်း​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ယင်း​ဢမ်ႇ​မီး​ဢၼ်​ႁႄႉ​ဢၼ်​ၵင်ႈ​လႄႈ ၽုၺ်ႇ​ဝႆႉ​မီး​ယူႇ​သိုဝ်ႈ​ၼႃႈ​တႂ်ႈ​တႃ​မၼ်း​ၸဝ်ႈ​ဢေႃႈ။</verse>
				<verse number="14">တေႃႈ​လဵဝ်​ၼႆႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​ႁဝ်း​မီး​ၶုၼ်​ယိတ်ႈပရေႃးႁဵၵ်ႈ​လူင် ဢၼ်​ၵႂႃႇ​ၶဝ်ႈ​ၵႃႈ​ၼႂ်း​မိူင်း​ၵၢင်​ႁၢဝ်​ဢၼ်​ဝႃႈ ယေႇသူႉ လုၵ်ႈ​ၽြႃး​ပဵၼ်​ၸဝ်ႈ​ၼၼ်ႉ​လႄႈ ဢွၼ်​ၵၼ်​တႄႇ​ယူႇ​ၼႂ်း​လွင်ႈ​တၢင်း​ဢၼ် ႁဝ်း​ႁပ်ႉ​တုင်း​ဢဝ်​ယဝ်ႉ​ၼၼ်ႉ​တႃႉ​ႁဝ်း။-</verse>
				<verse number="15">ႁဝ်း​မီး​ၶုၼ်​ယိတ်ႈပရေႃးႁဵၵ်ႈ ဢၼ်​ပဵၼ်​ၵေႃႉ​ဢၼ်​ဢမ်ႇ​ၸဵပ်း​ၸႂ်​လႆႈ​ၵွပ်ႈ​ပိူဝ်ႈ​တုၵ်ႉ​ၶႃႉ​တၢင်း​ၽၢၼ် ဢၼ်​ႁဝ်း​လႆႈ​ၶၢမ်ႇ​ၼႆႉ​ဢမ်ႇ​ၸႂ်ႈ။ ပဵၼ်​ၵေႃႉ​ဢၼ်​ယၢမ်ႈ​လႆႈ​ၶၢမ်ႇ တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ၵူႈ​ၸိူဝ်ႉ​ၵူႈ​ပိူင် မိူၼ်​ၸိူဝ်ႉ​ၼင်ႇ​ဢၼ်​ႁဝ်း​လႆႈ​ၶၢမ်ႇ​ၼၼ်ႉ​ယဝ်ႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မၼ်း​ၸဝ်ႈ​ၵၢင်း​လွတ်ႈ​တင်း တူႉ​ၸရိူၵ်ႈ​ဢပႅတ်ႈ​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ မီး​တင်း​ၸႂ်​ဢၼ်​ႁတ်း​ႁၢၼ်​သေ​လႄႈ ဢွၼ်​ၵၼ်​သုတ်ႉ​ၶဝ်ႈ​ၸပ်း​ၶဝ်ႈ​ၸူး​ၵႃႈ​တီႈ ၵျေး​ၸူး​ပလၢင်ႇ​ၸဝ်ႈ ႁႂ်ႈ​လႆႈ​ၶၢမ်ႇ​ဢဝ် ၵရူႉၼႃႇ​တၢင်း​ဢၼ်​ဢဵတ်း​လူ ဢိၵ်ႇ​တင်း​ၵျေး​ၸူး တၢင်း​ဢၼ်​မၼ်း​ၸဝ်ႈ​ၸွႆႈ​ထႅမ် ဢၼ်​သၢင်ႇ​ထုၵ်ႇ​လီ​ငၢမ်း​ၼၼ်ႉ​တႃႉ​ႁဝ်း။</verse>
			</chapter>
			<chapter number="5">
				<verse number="1">ၶုၼ်​ယိတ်ႈပရေႃးႁဵၵ်ႈ ဢၼ်​လိူၵ်ႈ​ၵဵပ်း​ဢဝ် ၵႃႈ​ၼႂ်း​ၵူၼ်း​တင်း​လၢႆ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​မၼ်း​ၸဝ်ႈ​ၶၢၼ်း​ဝႆႉ ပုၼ်ႈ​ၵူၼ်း​တင်း​လၢႆ ၼႂ်း​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ ႁႂ်ႈ​လႆႈ​ပုၵ်ႈ​ၸေႃႇ​တၢင်း​ပုၵ်ႈ​ၸေႃႇ ဢိၵ်ႇ​တင်း​ယိတ်ႈ တီႈ​ၽေႇ​ဢပႅတ်ႈ​ဢေႃႈ။-</verse>
				<verse number="2">မၼ်း​ၼၼ်ႉ​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ယိူၼ်ႉ​ၶၢမ်ႇ​ၶဝ်​ၸိူဝ်း​ဢၼ်​မိူၵ်ႈ တင်း​ၶဝ်​ၸိူဝ်း​ဢၼ်​ၽိတ်း​ပိူင်ႈ​ၼၼ်ႉ ၵွပ်ႈ​ပိူဝ်ႈ​ဢၼ်​မၼ်း​မီး​တၢင်း​ဢၼ် ႁႅင်း​ၵေႇ​ဢူၼ်ႈ​ဢွၼ်ႇ​ၼၼ်ႉ​ယူႇ​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​လွင်ႈ​တီႈ​ႁဵင်း​ၼၼ်ႉ​ၵေႃႈ မၼ်း​တၵ်း​လႆႈ​ပုၵ်ႈ​ၸေႃႇ ပုၼ်ႈ​တူဝ်​ၸဝ်ႈ​ၵဝ်ႇ မိူၼ်​ၸိူဝ်ႉ​ၼင်ႇ​ဢၼ်​မၼ်း​ပုၵ်ႈ​ၸေႃႇ ႁႂ်ႈ​လႆႈ​ၽေႇ​ဢပႅတ်ႈ​ပုၼ်ႈ​ပိူၼ်ႈ​ၼၼ်ႉ​ဢေႃႈ။-</verse>
				<verse number="4">လိူဝ်​သေ​ၵေႃႉ​ဢၼ်​ၽြႃး​ပဵၼ်​ၸဝ်ႈ​ႁွင်ႉ​ဢဝ် မိူၼ်​ၸိူဝ်ႉ​ၼင်ႇ​ဢၼ် မၼ်း​ၸဝ်ႈ​ႁွင်ႉ​ဢဝ် ဢႃႇရုၼ်ႇ ​ၼၼ်ႉ ၽူႈ​လႂ်​ဢမ်ႇ​သိမ်း​ဢမ်ႇ​ဢဝ် လွင်ႈ​တၢင်း​ဢၼ်​မျၢတ်ႈ​ၼၼ်ႉ။-</verse>
				<verse number="5">မိူၼ်​ၼင်ႇ​ၼၼ် ၸဝ်ႈ​ၶရိၸ်ႈ​ယုၵ်ႉ​ယွင်ႈ​တူဝ်​ၸဝ်ႈ​ၵဝ်ႇ​ဝႆႉ ၼႂ်း​ဢရႃႇ​ၶုၼ်​ယိတ်ႈပရေႃးႁဵၵ်ႈ​ဢမ်ႇ​ၸႂ်ႈ။ ၵေႃႉ​ဢၼ်​ဝႃႈ၊ မႂ်း​ပဵၼ်​လုၵ်ႈ​ၸၢႆး​ၵဝ်​ဢေႃႈ။ ၼႂ်း​ဝၼ်း​မိူဝ်ႈ​ၼႆႉ ၵဝ်​ႁႂ်ႈ​မႂ်း​ၵိူတ်ႇ​လဵင်ႉ​ပဵၼ်​မႃး​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ ယုၵ်ႉ​ယွင်ႈ​မၼ်း​ၸဝ်ႈ​ဝႆႉ​ဢေႃႈ။-</verse>
				<verse number="6">ၼင်ႇ​ၼၼ်​လႄႈ ဢၼ်​မႃး​ၼႂ်း​ၵျၢမ်း​လိၵ်ႈ​တီႈ ၼိုင်ႈ​လႄႈ​ဝႃႈ​ၸမ်ႉ၊ မႂ်း​ပဵၼ်​ယိတ်ႈပရေႃးႁဵၵ်ႈ​ထႃႇဝရႃႉ ၸွမ်း​ၼင်ႇ​ဢရႃႇ​ မေႇလၶီႉၸေႇတႅၵ်ႈ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၸဝ်ႈ​ၶရိၸ်ႈ​ၼၼ်ႉ ၼႂ်း​မိူဝ်ႈ​ဢၼ်​ယူႇ​ၼႂ်း ၸႃႇ​တီႉ​ၵူၼ်း​ယူႇ​ၼၼ်ႉ​ၸိုင်၊ ဢဝ်​တင်း​တၢင်း​ဢၼ်​ႁွင်ႉ​သႅၼ်ႇ​ယႂ်ႇ​ၼႃႇ ဢိၵ်ႇ​တင်း တၢင်း​ဢၼ်​ၼမ်ႉ​တႃ​တူၵ်း​ၼၼ်ႉ ႁဵတ်း​သူး​တွင်း​ပထၼႃႇ ၵႃႈ​တီႈ​ၵေႃႉ​ဢၼ်​ၵႄႇ​ၶျွတ်ႈ​ဢဝ် ၵႃႈ​ၼႂ်း​တၢင်း​တၢႆ​လႆႈ​ၼၼ်ႉ​လႄႈ လႆႈ​ၵတ်း​ယဵၼ်​ၶျၢမ်း​သႃႇ​ၼႂ်း​လွင်ႈ​တၢင်း​ဢၼ် လီ​ၵူဝ်​လီ​ႁႄ​ၼၼ်ႉ​သေ​ယဝ်ႉ၊-</verse>
				<verse number="8">ပိၵ်ႉ​သမ်ႉ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ ဢမၢၼ်ႇ​ၶၼ်​ပဵၼ်​သေ​ၵေႃႈ၊ သွၼ်​ဢဝ်​ဢၵျူဝ်း​လွင်ႈ​တၢင်း​ဢၼ် ထွမ်ႇ​ဢဝ် ၵွပ်ႈ​ပိူဝ်ႈ​ဢၼ်​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ဢေႃႈ။-</verse>
				<verse number="9">မၼ်း​ၸဝ်ႈ​ၸေး​ၸုမ်ႇ​ၸိူဝ်ႉ​ၼင်ႇ​ၼၼ်​ယဝ်ႉ​ၸင်ႇ ပဵၼ်​ၵေႃႉ​ဢၼ်​ႁဵတ်း​ၵျေး​ၸူး တၢင်း​ဢၼ်​ၵႄႇ​ၶျွတ်ႈ​ဢဝ်​ထႃႇဝရႃႉ ၵႃႈ​တီႈ​ၶဝ်​ၸိူဝ်း​ဢၼ်​ထွမ်ႇ​ဢဝ် တင်း​သဵင်ႈ​တင်း​လူင်​ၼၼ်ႉ​လႄႈ၊-</verse>
				<verse number="10">လႆႈ​ၶၢမ်ႇ​တၢင်း​ဢၼ်​ၽြႃး​ပဵၼ်​ၸဝ်ႈ ႁွင်ႉ​ႁဵၵ်ႈ​ၶုၼ်​ယိတ်ႈပရေႃးႁဵၵ်ႈ ၸွမ်း​ၼင်ႇ​ဢရႃႇ​ မေႇလၶီႉၸေႇတႅၵ်ႈ ​ၼၼ်ႉ​ဢေႃႈ။</verse>
				<verse number="11">လွင်ႈ​ မေႇလၶီႉၸေႇတႅၵ်ႈ ​ၼၼ်ႉ မီး​ၵႂၢမ်း​ပုၼ်ႈ​ဢၼ်​ႁဝ်း တၵ်း​လၢတ်ႈ​ၼမ်​ၼႃႇ​လူင်​လၢင်​ဢေႃႈ။ ၵူၺ်း​ၵႃႈ ၵွပ်ႈ​ပိူဝ်ႈ​ဢၼ်​သူ​ၺၢၼ်ႇ​ထိုင်ႉ​လႄႈ တီႈ​လၢတ်ႈ​ပၼ်​ၼၼ်ႉ ပဵၼ်​ဢၼ်​ယၢပ်ႇ​ၼႃႇ​လူင်​လၢင်​ဢေႃႈ။-</verse>
				<verse number="12">ပိၵ်ႉ​သမ်ႉ​သူ​ထုၵ်ႇ​လီ​ထိုင်​ပဵၼ်​သြႃႇ ၵွပ်ႈ​ပိူဝ်ႈ​ဢၼ်​ၶိင်ႇ​ၵႃႇလႃႉ​ႁိုင်​ၼႃႇ​ယဝ်ႉ​ၼၼ်ႉ​သေ​ၵေႃႈ၊ သူ​မီး​လွင်ႈ​ဢၼ်​သမ်ႉ​တၵ်း​လႆႈ​သွၼ်​ဢဝ်​တြႃး​ၼုမ်ႇ ဢၼ်​သူ​လႆႈ​သွၼ်​ဢဝ်​ယဝ်ႉ မိူဝ်ႈ​ဢွၼ်​တၢင်း​ၼၼ်ႉ ၼႂ်း​ပျႃႇ​တိၵ်ႈ​ၽြႃး​ပဵၼ်​ၸဝ်ႈ​ၼၼ်ႉ တီႈ​ပိူၼ်ႈ​ထႅင်ႈ​လႄႈ ပဵၼ်​ၵေႃႉ​ဢၼ်​ယင်း​ဢမ်ႇ​သုင်း​ဢမ်ႇ​သွင်ႇ​တၢင်း​ၵိၼ် ဢၼ်​ၼၢၼ်း​ယၢႆႈ​ၼၢၼ်း​လႅဝ်၊ လႆႈ​သုင်း​သွင်​ၼမ်ႉ​ၼူမ်း​ၵူၺ်း​ဢေႃႈ။-</verse>
				<verse number="13">ၵေႃႉ​ဢၼ်​သုင်း​သွင်ႇ​ၼမ်ႉ​ၼူမ်း​ၼၼ်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​ပဵၼ်​လုၵ်ႈ​ဢွၼ်ႇ​လႄႈ ဢမ်ႇ​မေႃ​ဢမ်ႇ​ၸၢင်ႈ ၼႂ်း​တၢင်း​ဢၼ်​သိုဝ်ႈ​တေႃႇ။-</verse>
				<verse number="14">ၶဝ်​ၸိူဝ်း​ဢၼ်​မီး​ဢသၢၵ်ႈ​ဢရွႆႇ ဢၼ်​ၸေး​ၸုမ်ႇ​ယဝ်ႉ ဢၼ်​ဝႃႈ​ၶဝ်​ၸိူဝ်း​ဢၼ် မီး​တၢင်း​ဢၼ်​ငိၼ်း၊ တၢင်း​ဢၼ်​ႁၼ်၊ တၢင်း​ဢၼ်​ထူပ်း၊ တၢင်း​ဢၼ်​လုပ်ႈ​ၵမ်း၊ ဢၼ်​ၸၢင်ႈ​ပၼ်​ပိင်ႇ​ၺႃႇ ဢၼ်​ၶႆႈ​ၸႂ်​ဝူၼ်ႉ​ၸႂ်​လႄႈ ႁူႉ​ဢၼ်​လီ ဢၼ်​ဢမ်ႇ​လီ​လႆႈ​ၼၼ်ႉ​ၸမ်ႉ၊ လႆႈ​သုင်း​သွင်ႇ​တၢင်း​ၵိၼ် ဢၼ်​ၼၢၼ်း​ယၢႆႈ​ၼၢၼ်း​လႅဝ်​ဢေႃႈ။</verse>
			</chapter>
			<chapter number="6">
				<verse number="1">ပိူဝ်ႈ​ၼႆ​လႄႈ ႁဝ်း​ယင်း​ဢမ်ႇ​ၶိုၼ်း​တႄႇ​မူႇ​လႃႉ​ငဝ်ႈ​ႁၢၵ်ႈ​ဢၼ်​ဝႃႈ တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ် လူၺ်ႈ​လွင်ႈ​တၢင်း​ၵမ်​တၢင်း​ၵျၢင်ႉ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​တၢႆ၊ တၢင်း​ဢၼ်​ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ၊-</verse>
				<verse number="2">တၢင်း​ဢၼ်​သင်ႇ​သွၼ်​ဢဝ် တြႃး​ ပပ်ႉတီႉၸမ်ႇ ၊ တၢင်း​ဢၼ်​ဢဝ်​မိုဝ်း​တၢင်ႇ၊ တၢင်း​ဢၼ်​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​လုၵ်ႉ​ၶိုၼ်း၊ တၢင်း​ဢၼ်​ၸီႇ​ယၢင်ႇ​ထႃႇဝရႃႉ ၸိူဝ်း​ၼၼ်ႉ​လႄႈ ဢွၼ်​ၵၼ်​ဝႆႉ​သေ​ဝၢင်း​သေ လွင်ႈ​တၢင်း​ဢၼ်​ပဵၼ်​ၵေႃႇၸႃႉ​ငဝ်ႈ​ရၢင်း ၼႂ်း​ၽႃႇသႃႇ​ၸဝ်ႈ​ၶရိၸ်ႈ​ၼၼ်ႉ​သေ​လႄႈ ၵႂႃႇ​ႁွတ်ႈ​ထိုင်​ၵႃႈ​တီႈ တၢင်း​ဢၼ်​ၸေး​ၸုမ်ႇ​ၼၼ်ႉ​တႃႉ​ႁဝ်း။-</verse>
				<verse number="3">ပေႃး​ၽြႃး​ပဵၼ်​ၸဝ်ႈ​ပၼ်​ဢၶႂၢင်ႉ​ၸိုင် ႁဝ်း​တၵ်း​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="4">ၶဝ်​ၸိူဝ်း​ဢၼ်​ႁွတ်ႈ​ထိုင်​ၵႃႈ​တီႈ ဢၼ်​လႅင်း​ပွၵ်ႈ​ၼိုင်ႈ​လႄႈ လႆႈ​မီး​တၢင်း​ဢၼ်​ၸိမ်း​တူၺ်း သူႉ​ၵျေး​ၸူး​ၵၢင်​ႁၢဝ်၊ တၢင်း​ဢၼ်​ၶၢမ်ႇ​ဢဝ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ၊-</verse>
				<verse number="5">တၢင်း​ဢၼ်​ၸိမ်း​တူၺ်း ၵႂၢမ်း​တြႃး​ဢၼ်​လီ​ဢၼ်​ငၢမ်း​ၽြႃး​ပဵၼ်​ၸဝ်ႈ ဢိၵ်ႇ​တင်း တၼ်း​ၶူဝ်း​ၵၢပ်ႈ​ၵႃႇလႃႉ​ၵမ်း​လိုၼ်း​တင်း​လၢႆ​ၼၼ်ႉ​သေ​ယဝ်ႉ၊-</verse>
				<verse number="6">သမ်ႉ​ၽွၵ်ႈ​ပျၢၼ်ႇ​သုတ်ႉ​ၶိုၼ်း​ၵႂႃႇ​ၸိူဝ်း​ၼၼ်ႉ​ၸမ်ႉ၊ ဢမ်ႇ​ႁွတ်ႈ​ထိုင်​ၵႃႈ​တီႈ​တၢင်း​ဢၼ်​ႁဵတ်း​ပဵၼ်​ဢၼ်​မႂ်ႇ ပုၼ်ႈ​လွင်ႈ​ၼင်ႇ​ႁိုဝ် တၵ်း​ၶုၵ်း​ၸႂ်​လႆႈ​လႄႈ​မႆႈ​ၸႂ်​ထႅင်ႈ​ၵမ်း​လိုၼ်း​ၼၼ်ႉ ၵွပ်ႈ​ပိူဝ်ႈ​ဢၼ်​ပဵၼ်​ၵေႃႉ​ဢၼ်​ဢဝ်​လုၵ်ႈ​ၽြႃး​ပဵၼ်​ၸဝ်ႈ​တွၵ်ႇ​ဝႆႉ ၵႃႈ​တီႈ​သဝ်​လၵ်း​ဝႃး​ၵၢပ်ႈ​တီႈ​တူဝ်​ၸဝ်ႈ​ၵဝ်ႇ​သေ​လႄႈ ယႃႉ​သရေႇ​ၸဝ်ႈ​ထၢင်ႇ​ထၢင်ႇ​သႃး​သႃး​ၵမ်း​လိုၼ်း​ၼၼ်ႉ​လႆႈ။-</verse>
				<verse number="7">ဢူႉပမႃႇ​ၸမ်ႉ၊ လိၼ်​ဢၼ်​ၵိၼ်​ၼမ်ႉ​ၽူၼ် ဢၼ်​တူၵ်း​သႂ်ႇ​ၵႃႈ​ၼိူဝ်​မၼ်း​ၶိူဝ်း​ၶိူဝ်း​ယႂ်း​ယႂ်း​သေ​လႄႈ ၸၢင်ႈ​ႁႂ်ႈ​ပဵၼ်​ၽၵ်း​ယိူဝ်ႈ​ၽၵ်း​ၶဵဝ် ပုၼ်ႈ​ဢၼ်​ၶဝ်​ၸိူဝ်း​ဢၼ်​ႁဵတ်း​ဝႆႉ​ၼၼ်ႉ တၵ်း​သုင်း​သွင်ႇ​ၼၼ်ႉ ၸၢင်ႈ​ၶၢမ်ႇ​တၢင်း​လီ​မင်ႇၵလႃႇ ၵႃႈ​တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="8">လိၼ်​ဢၼ်​ၸၢင်ႈ​ႁႂ်ႈ​ပဵၼ်​တူၼ်ႈ​ၼၢမ် ၵူႈ​ၸိူဝ်ႉ​ၵူႈ​ပိူင်​ၼၼ်ႉ ဢမ်ႇ​ထိူၵ်ႈ​ၶၢမ်ႇ​တၢင်း​ဢၼ်​လူ​ဢၼ်​တူၺ်း၊ ၸမ်​ၶိင်ႇ​ဢၼ်​တၵ်း​လႆႈ​ၶၢမ်ႇ တၢင်း​ဢၼ်​ၵိၼ်ႇ​ဢၼ်​ဝႃႈ​လႄႈ ၼႂ်း​တီႈ​သုတ်း​မၼ်း​ၼၼ်ႉ ၸၢင်ႈ​ႁွတ်ႈ​ထိုင်​တၢင်း​ဢၼ်​ၽႆး​မႆႈ​ဢေႃႈ။</verse>
				<verse number="9">ပိၵ်ႉ​သမ်ႉ​ႁဝ်း​လၢတ်ႈ​ၸိူဝ်ႉ​ၼင်ႇ​ၼၼ်​သေ​ၵေႃႈ၊ ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ႁဝ်း​တူၵ်း​ၵၢင်​ၸႂ်​လွင်ႈ​ဢၼ်​သူ ၸၢပ်ႈ​သႅင်ႇ​ၵၼ်​တင်း လွင်ႈ​တၢင်း​ဢၼ်​ယဵင်ႈ​ၶႅၼ်း​လီ ဢိၵ်ႇ​တင်း​လွင်ႈ​တၢင်း​ဢၼ်​ၵိုင်ႇ​ထိူၵ်ႈ​ၵၼ်​တင်း တၢင်း​ဢၼ်​ၵႄႇ​ၶျွတ်ႈ​ဢဝ်​ၸိူဝ်း​ၼၼ်ႉ​ယူႇ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ဢမ်ႇ​ႁဵတ်း​လွင်ႈ​တၢင်း​ဢၼ်​ဢမ်ႇ​တြႃး​တေႃႇ​ထိုင်​ႁွတ်ႈ​ထၼ်ႈ​ပေႃး လိုမ်း​ပႅတ်ႈ​ဢမူႉ​သူ ဢိၵ်ႇ​တင်း​မႅတ်ႈ​တႃႇ​သူ ဢၼ်​သူ​ထွၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​သေ​လႄႈ ၼႄ​ပျႃး​ဝႆႉ​ၼၼ်ႉ ဢၼ်​ဝႃႈ​လွင်ႈ​တၢင်း​ဢၼ်​သူ​ႁဵတ်း​လဵင်ႉ​ႁဵတ်း​လူ တီႈ​ၵူၼ်း​မူတ်း​ၸၢင်ႇ​တင်း​လၢႆ မိူဝ်ႈ​ဢွၼ်​ၼႆႉ​ၼၼ်ႉ​ဢမ်ႇ​ၵႃး၊ တေႃႈ​လဵဝ်​ၼႆႉ​ၵေႃႈ ယင်း​ႁဵတ်း​လဵင်ႉ​ႁဵတ်း​လူ​ယူႇ​ၼၼ်ႉ​ၵူၺ်း။</verse>
				<verse number="11">ႁဝ်း​မီး​ဢလူဝ်ႇ​ၶႂ်ႈ​ႁႂ်ႈ​သူ​ၵႃႈ​မီး ၼႄ​ပျႃး​တၢင်း​ဢၼ်​လုမ်း​လႃး​ဝီႉရီႉယႃႉ​ၵႆႉ​ၵျူဝ်း​ၸႃး ၸိူဝ်ႉ​ၼင်ႇ​ၼၼ်​လႄႈ ပျေႉ​ၸုမ်ႇ​တင်း တၢင်း​ဢၼ်​မုင်ႈ​ထႃႈ​မွင်း​ထႃႈ ဢၼ်​ၵၢင်း​လွတ်ႈ​တင်း တၢင်း​ဢၼ်​ယုမ်ႇ​ၶိုင်ႈ​ၼိုင်ႈ ဢမ်ႇ​ယုမ်ႇ​ၶိုင်ႈ​ၼိုင်ႈ​ယူႇ တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ပုၼ်ႉ၊-</verse>
				<verse number="12">ႁႂ်ႈ​သူ​လႆႈ​ၵၢင်း​လွတ်ႈ​တင်း တၢင်း​ဢၼ်​ၶၢၼ်ႉ​ဢၼ်​ဢိူၼ်​လႄႈ ၵမ်​ၵျၢင်ႉ​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ်​လႆႈ​ၶၢမ်ႇ​ဢမူၺ်ႇ​ၵတီႉ​ၸဝ်ႈ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ ဢိၵ်ႇ​တင်း​တၢင်း​ဢၼ်​ယိူၼ်ႉ​ၶၢမ်ႇ​ၼၼ်ႉ​ဢေႃႈ။</verse>
				<verse number="13">မိူဝ်ႈ​ဢၼ်​ၽြႃး​ပဵၼ်​ၸဝ်ႈ​ဝႆႉ​ၵတီႉ​ၵႃႈ​တီႈ​ ဢႃႇပြႃႇႁၢမ်ႇ ​ၼၼ်ႉ​ၸိုင်၊ ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ ဢမ်ႇ​မီး​ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​သေ​မၼ်း​ၸဝ်ႈ ပုၼ်ႈ​ဢၼ်​တၵ်း​ဢဝ်​တိူင်ႇ​ဢဝ်​ဝႃႈ​ၼၼ်ႉ​လႄႈ ဢဝ်​တူဝ်​ၸဝ်ႈ​ၵဝ်ႇ​တိူင်ႇ​လႄႈ​ဝႃႈ၊-</verse>
				<verse number="14">ၵဝ်​တၵ်း​ပၼ်​တၢင်း​လီ​တီႈ​မႂ်း​သေႇ​သေႇ​ဢေႃႈ။ တၵ်း​ႁႂ်ႈ​မႂ်း​ယႂ်ႇ​ၽႄႈ​ၼမ်​ၵိုၼ်း​မႃး​သေႇ​သေႇ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မႅၼ်ႈ​ၼင်ႇ​ဢၼ်​ဝႃႈ​ၼၼ်ႉ၊ ဢႃႇပြႃႇႁၢမ်ႇ ​ယိူၼ်ႉ​ၶၢမ်ႇ​လႄႈ ပႂ်ႉ​ထႃႈ​ယူႇ​ယဝ်ႉ​ၸင်ႇ လႆႈ​ၶဝ်ႈ​ၸၢမ်ႇ​ၸႃး​ၵတီႉ​ၸဝ်ႈ​ဢေႃႈ။-</verse>
				<verse number="16">ၵူၼ်း​ႁဝ်း​ၸၢင်ႈ​ဢဝ် ၵေႃႉ​ဢၼ်​ယႂ်ႇ​သေ​တူဝ်​ၸဝ်ႈ​ၵဝ်ႇ​လႄႈ တိူင်ႇ​ဝႃႈ​ဢေႃႈ။ တၢင်း​ဢၼ်​တိူင်ႇ​ဢၼ်​ဝႃႈ​ၼၼ်ႉ ၸၢင်ႈ​ႁႂ်ႈ​တၢင်း​ဢၼ်​တွပ်ႇ​ၵၼ်​ထဵင်​ၵၼ် ၵႃႈ​မီး​ထၢတ်ႇ​ယဵၼ် ပုၼ်ႈ​လွင်ႈ​ၼင်ႇ​ႁိုဝ် တၵ်း​ႁႂ်ႈ​ပဵၼ်​လွင်ႈ​တၢင်း​ဢၼ်​မၼ်ႈ​ဢၼ်​ၶိူင်ႇ​ဢေႃႈ။-</verse>
				<verse number="17">ၵွပ်ႈ​ႁွႆး​ၼႆႉ၊ ၽြႃး​ပဵၼ်​ၸဝ်ႈ​မီး​သၽေႃး ဢၼ်​ၶႂ်ႈ​ၼႄ​ပျႃး​လွင်ႈ​ဢၼ် တၢင်း​ၵျၢမ်ႇ​တၢင်း​ပွင်​မၼ်း​ၸဝ်ႈ ဢမ်ႇ​ၽွၵ်ႈ​ဢမ်ႇ​ပျၢၼ်ႇ​ၶိုၼ်း​လႆႈ​ၼၼ်ႉ တီႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​ဢမူၺ်ႇ​ၵတီႉ​ၸဝ်ႈ​ၼၼ်ႉ ဢမၢၼ်ႇ​ၶၼ်​ပဵၼ်​သေ​ယဝ်ႉ၊ ဢဝ်​တင်း​တၢင်း​ဢၼ်​တိူင်ႇ ဢၼ်​ဝႃႈ​ၼၼ်ႉ​ႁပ်ႉ​တုင်း​ဢဝ်​ဢေႃႈ။-</verse>
				<verse number="18">လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​ႁဝ်း​ၸိူဝ်း​ဢၼ်​ၶုၼ်ႇ​လႅၼ်ႈ​ၸူး ႁႂ်ႈ​လႆႈ​ဢိင်​ပိုင်ႈ တၢင်း​ဢၼ်​မုင်ႈ​ထႃႈ​မွင်း​ထႃႈ ဢၼ်​ဝႆႉ​ၵႃႈ​တီႈ​ၽၢႆႇ​ၼႃႈ​ႁဝ်း​ၼႆႉ တၵ်း​လႆႈ​တၢင်း​ဢၼ်​သၢၵ်ႈ​သႃႇ​ဢၼ်​ယႂ်ႇ​ၼႃႇ ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ဢမ်ႇ​ၶၢႆႉ​ပုတ်ႈ ဢမ်ႇ​ၽွၵ်ႈ​ပျၢၼ်ႇ​သွင်​ပႃး ဢၼ်​ဝႃႈ​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ ဢမ်ႇ​သုင်း​မူႉ​သႃႇ​လႆႈ​ၼၼ်ႉ​ၸိုင်​ၸင်ႇ​ပဵၼ်​ဢေႃႈ။-</verse>
				<verse number="19">တၢင်း​ဢၼ်​မုင်ႈ​ထႃႈ​မွင်း​ထႃႈ​ၼၼ်ႉ​ၸမ်ႉ၊ မီး​ဝႆႉ​တီႈ​ႁဝ်း​မိူၼ်​ၸိူဝ်ႉ​ၼင်ႇ ၵျွၵ်ႈ​သူး ႁူဝ်​ၸႂ်​ဢၼ်​မၼ်ႈ​ၶိူင်ႇ​လႄႈ တႄႇ​ယူႇ ဢၼ်​ၶျႃး​ဝႆႉ ၵႃႈ​ၼႂ်း​ၽႃႈ​ၵင်ႈ​ၼၼ်ႉ​ဢေႃႈ။-</verse>
				<verse number="20">ယေႇသူႉ ​ဢၼ်​ပဵၼ်​ၶုၼ်​ယိတ်ႈပရေႃးႁဵၵ်ႈ ထႃႇဝရႃႉ​ၸွမ်း​ၼင်ႇ​ဢရႃႇ မေႇလၶီႉၸေႇတႅၵ်ႈ ​ၼၼ်ႉ ပဵၼ်​ၵေႃႉ​ဢၼ်​ဢွၼ်​ႁူဝ်​ပုၼ်ႈ​ႁဝ်း​လႄႈ ၶဝ်ႈ​ၸူး​တီႈ​ၵႃႈ​ၼႂ်း​ပုၼ်ႉ​ဢေႃႈ။</verse>
			</chapter>
			<chapter number="7">
				<verse number="1">မေႇလၶီႉၸေႇတႅၵ်ႈ ၶုၼ်​လူင်​ သႃႇလိမ်း ဢၼ်​ပဵၼ်​ယိတ်ႈပရေႃးႁဵၵ်ႈ​ၽြႃး​ပဵၼ်​ၸဝ်ႈ ဢၼ်​သုင်​ၼႃႇ​သေ​ပိူၼ်ႈ ဢၼ်​ႁပ်ႉ​ႁူဝ်​တၢင်း​ ဢႃႇပြႃႇႁၢမ်ႇ ၼႂ်း​မိူဝ်ႈ​ဢၼ်​မၼ်း​လုၵ်ႉ​သေ​ၵႃႈ​တီႈ တၢင်း​ဢၼ်​တိုၵ်း​တေႃး​ယႃႉ​ပႅတ်ႈ​ၶုၼ်​လူင်​တင်း​လၢႆ ၶိုၼ်း​မႃး​ၼၼ်ႉ​သေ​လႄႈ ပၼ်​တၢင်း​လီ​သေ​ယဝ်ႉ၊-</verse>
				<verse number="2">ၶၢမ်ႇ​ဢဝ်​ဢုၵ်ႉ​ၸႃႇ​ဢၼ်​ ဢႃႇပြႃႇႁၢမ်ႇ ​တိုၵ်း​တေႃး​ယႃႉ​ပႅတ်ႈ​လႄႈ လႆႈ​မႃး​လူႇ​မႃး​တၢၼ်း​ၵႃႈ​မီး သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ​ၼၼ်ႉ၊ ၸွမ်း​ၼင်ႇ​ဢၼၢၵ်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၼၼ်ႉ ဢွၼ်​တၢင်း​ပဵၼ် ၶုၼ်​တၢင်း​ဢၼ်​သိုဝ်ႈ​တေႃႇ၊ လိုၼ်း​ၼၼ်ႉ ပဵၼ်​ၶုၼ်​ သႃႇလိမ်း ဢၼ်​ၶႂ်ႈ​ဝႃႈ ၶုၼ်​တၢင်း​ၼိမ်၊-</verse>
				<verse number="3">ယင်း​ဢမ်ႇ​မီး​ပေႃႈ၊ ဢမ်ႇ​မီး​မႄႈ၊ ဢမ်ႇ​မီး​ၸိူဝ်ႉ​ၶိူဝ်း ဢၼ်​သိုပ်ႇ​လူင်း​မႃး​ၸဵမ်​မိူဝ်ႈ​ဢွၼ်​ၼႆႉ၊ ဢမ်ႇ​မီး​တီႈ​တႄႇ​ၸႃႉ၊ တီႈ​သုတ်း​ဢသၢၵ်ႈ၊ မိူၼ်​ၸိူဝ်ႉ​ၼင်ႇ​လုၵ်ႈ​ၽြႃး​ပဵၼ်​ၸဝ်ႈ​လႄႈ တႄႇ​ယူႇ​ၼႂ်း​ဢရႃႇ​ပရေႃးၽႅတ်ႈ​သေႇ​သေႇ​ဢေႃႈ။</verse>
				<verse number="4">ၶႆႈ​ၸႂ်​တူၺ်း​လွင်ႈ​ဢၼ် ၶုၼ်​ဢၼ်​ၶၢမ်ႇ​ဢဝ်​တၢင်း​လူႇ ဢၼ်​ ဢႃႇပြႃႇႁၢမ်ႇ ဢၼ်​ပဵၼ်​ပေႃႈ​ၸိူဝ်ႉ​ၶိူဝ်း​ႁဝ်း ဢဝ်​ဢုၵ်ႉ​ၸႃႇ​ဢၼ်​တိုၵ်း​တေႃး​ယႃႉ​ပႅတ်ႈ​လႄႈ လႆႈ​မႃး​လူႇ​မႃး​တၢၼ်း သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ ယႂ်ႇ​မျၢတ်ႈ​ၼႃႇ​ထၢၼ်ႇ​ႁိုဝ်​ၼၼ်ႉ​တႃႉ၊-</verse>
				<verse number="5">ၵူၼ်း​ လေႇဝီႉ ဢၼ်​ၶၢမ်ႇ​ဢဝ်​ဢရႃႇ ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ပိၵ်ႉ​သမ်ႉ​သိုပ်ႇ​လူင်း​မႃး​ၵႃႈ​တီႈ​ ဢႃႇပြႃႇႁၢမ်ႇ ​သေ​ၵေႃႈ၊ ၸွမ်း​ၼင်ႇ​ပိင်း​ၺၢပ်ႈ​တြႃး​ၼၼ်ႉ မီး​ဢၶႂၢင်ႉ​ဢၼ်​လႆႈ​ၶၢမ်ႇ​ဢဝ်​သိပ်း​ပုၼ်ႈ​ပုၼ်ႈ​ၼိုင်ႈ​ၵႃႈ​ၼႂ်း​မဵဝ်း​ၵူၼ်း​ၶဝ် ဢၼ်​ဝႃႈ​ပီႈ​ၼွင်ႉ​ၶဝ်​ၼၼ်ႉ​ဢေႃႈ။-</verse>
				<verse number="6">ၶုၼ်​ဢၼ်​ဢမ်ႇ​ၸႂ်ႈ​ၸိူဝ်ႉ​ၶိူဝ်း​ၶဝ်​ၼၼ်ႉ​ၸမ်ႉ၊ ၶၢမ်ႇ​ဢဝ်​သိပ်း​ပုၼ်ႈ​ပုၼ်ႈ​ၼိုင်ႈ ၵႃႈ​ၼႂ်း​မိုဝ်း​ ဢႃႇပြႃႇႁၢမ်ႇ ​ဢေႃႈ။ တီႈ​ၵေႃႉ​ဢၼ်​လႆႈ​ၶၢမ်ႇ​ၵတီႉ​ၸဝ်ႈ​ၼၼ်ႉ​ၵေႃႈ၊ မၼ်း​ပၼ်​တၢင်း​လီ​ဢေႃႈ။-</verse>
				<verse number="7">လွင်ႈ​ဢၼ်​ၵေႃႉ​ဢၼ်​ယႂ်ႇ ၸၢင်ႈ​ပၼ်​တၢင်း​လီ​တီႈ​ၵေႃႉ​ဢၼ်​လဵၵ်ႉ​ၼၼ်ႉ​ၸိုင် တီႈ​တၵ်း​တွပ်ႇ​တၵ်း​ထဵင်​ဢမ်ႇ​မီး။-</verse>
				<verse number="8">လိူဝ်​သေ​ၼၼ်ႉ၊ မိူဝ်ႈ​လဵဝ်​ၼႆႉ ၶဝ်​ၸိူဝ်း​ဢၼ်​ၸၢင်ႈ​တၢႆ​ၼၼ်ႉ ၸၢင်ႈ​ၶၢမ်ႇ​ဢဝ်​သိပ်း​ပုၼ်ႈ​ပုၼ်ႈ​ၼိုင်ႈ​ဢေႃႈ။ မိူဝ်ႈ​ၼၼ်ႉ​ၸမ်ႉ၊ ၵေႃႉ​ဢၼ်​လႆႈ​တၢင်း​ဢၼ်​ၶၢမ်ႇ​သၢၵ်ႈ​သေႇ​လႄႈ​ဝႃႈ၊ မၼ်း​ဢသၢၵ်ႈ​လိပ်း​ယူႇ​ဢေႃႈ​၊ ဝႃႈ​ၼင်ႇ​ၼႆ​ၼၼ်ႉ လႆႈ​ၶၢမ်ႇ​ဢဝ်​သိပ်း​ပုၼ်ႈ​ပုၼ်ႈ​ၼိုင်ႈ​ဢေႃႈ။-</verse>
				<verse number="9">လိူဝ်​သေ​ၼၼ်ႉ လေႇဝီႉ ​ဢၼ်​ၸၢင်ႈ​ၶၢမ်ႇ​ဢဝ်​သိပ်း​ပုၼ်ႈ​ပုၼ်ႈ​ၼိုင်ႈ​ၼၼ်ႉ လႆႈ​ပၼ်​သိပ်း​ပုၼ်ႈ​ပုၼ်ႈ​ၼိုင်ႈ​ၼႂ်း​ ဢႃႇပြႃႇႁၢမ်ႇ ​ၼၼ်ႉ​ယဝ်ႉ​ဝႃႈ​ၼႆ မီး​ဢၶႂၢင်ႉ​တီႈ​တၵ်း​လၢတ်ႈ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ မိူဝ်ႈ​ဢၼ်​ မေႇလၶီႉၸေႇတႅၵ်ႈ ​ထူပ်း​ ဢႃႇပြႃႇႁၢမ်ႇ ​ၼၼ်ႉ​ၸိုင်၊ လေႇဝီႉ ​ယင်း​မီး​ယူႇ​ၼႂ်း​တူဝ်​ပေႃႈ​မၼ်း​ဢေႃႈ။</verse>
				<verse number="11">ၼႄး​ၼိုင်ႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​ၵူၼ်း​ၸိူဝ်း​ဢၼ် ၸၢပ်ႈ​သႅင်ႇ​ၵၼ်​တင်း​မဵဝ်း​ယိတ်ႈပရေႃးႁဵၵ်ႈ ဢၼ်​သိုပ်ႇ​လူင်း​မႃး​ၵႃႈ​တီႈ လေႇဝီႉ ​ၼၼ်ႉ ၶၢမ်ႇ​ဢဝ်​ပိင်း​ၺၢပ်ႈ​တြႃး​ၸဝ်ႈ​ၼၼ်ႉ​လႄႈ ပေႃး​ႁွတ်ႈ​ထိုင်​တၢင်း​ဢၼ်​ၸေး​ၸုမ်ႇ ၵွပ်ႈ​ပိူဝ်ႈ​ၸိူဝ်ႉ​ၶိူဝ်း​ၼၼ်ႉ ဢမၢၼ်ႇ​ၶၼ်​ပဵၼ်​လႆႈ​ၸိုင် ႁဵတ်း​သင်​လႄႈ​ယင်း​သမ်ႉ​မီး​လွင်ႈ​ဢၼ် ယိတ်ႈပရေႃးႁဵၵ်ႈ​တၢင်ႇ​ပႃး ယင်း​ဢမ်ႇ​ၶၢမ်ႇ​တၢင်း​ဢၼ်​ႁွင်ႉ​ဢၼ်​ႁဵၵ်ႈ ၸွမ်း​ၼင်ႇ​ဢရႃႇ​ ဢႃႇရုၼ်ႇ ​လႄႈ လႆႈ​ပေႃႇ​မႃး​ၸွမ်း​ဢရႃႇ​ မေႇလၶီႉၸေႇတႅၵ်ႈ ​ၼၼ်ႉ​ထႅင်ႈ​ၼင်ႇ​ႁိုဝ်။-</verse>
				<verse number="12">ပေႃး​ၸိူဝ်ႉ​ၶိူဝ်း​ယိတ်ႈပရေႃးႁဵၵ်ႈ​ၶၢႆႉ​ပုတ်ႈ​ၸိုင် ပိင်း​ၺၢပ်ႈ​တြႃး​ဢမ်ႇ​ၶၢႆႉ​ဢမ်ႇ​ပုတ်ႈ​လႄႈ​ဢမ်ႇ​ယူႇ​လႆႈ။-</verse>
				<verse number="13">ၵေႃႉ​ဢၼ်​လႆႈ​ၶၢမ်ႇ​ဢဝ်​ပျႃႇ​တိၵ်ႈ​ၸဝ်ႈ​ၼၼ်ႉ​ၸိုင် ၸၢပ်ႈ​သႅင်ႇ​ၵၼ်​တင်း​ၸိူဝ်ႉ​ၶိူဝ်း ဢၼ်​ဢမ်ႇ​လႆႈ​ႁဵတ်း​ဝၢတ်ႈ ၵႃႈ​တီႈ​ယိတ်ႈ​ပလၢင်ႇ သေ​ၵေႃႉ​သေ​ၵူၼ်း​ၼၼ်ႉ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ လွင်ႈ​ဢၼ်​ၸဝ်ႈ​ႁဝ်း​ၼၼ်ႉ​ပေႃႇ​မႃး​ၵႃႈ​ၼႂ်း​ၸိူဝ်ႉ​ၶိူဝ်း​ ယူႉတႃႉ ​ၼၼ်ႉ​ၸိုင် ထၢင်ႇ​သႃး​ယူႇ​ဢေႃႈ။ ၸိူဝ်ႉ​ၶိူဝ်း​ၼၼ်ႉ ၸၢပ်ႈ​သႅင်ႇ​ၵၼ်​တင်း​ဢရႃႇ​ယိတ်ႈပရေႃးႁဵၵ်ႈ​ဝႃႈ​ၼႆ မူဝ်းသေႇ ​ဢမ်ႇ​လၢတ်ႈ​ၵႃႈ​သင်​ဝႆႉ​သေ​ဢိတ်း။</verse>
				<verse number="15">လိူဝ်​သေ​ၼၼ်ႉ ပေႃး​ယိတ်ႈပရေႃးႁဵၵ်ႈ တၢင်ႇ​ပႃး​ပေႃႇ​မႃး​မိူၼ်​ၸိူဝ်ႉ​ၼင်ႇ မေႇလၶီႉၸေႇတႅၵ်ႈ ​ၼၼ်ႉ​ဢမၢၼ်ႇ​ၶၼ်​ပဵၼ်​ၸိုင်၊ ၸိူဝ်ႉ​ၶိူဝ်း​ယိတ်ႈပရေႃးႁဵၵ်ႈ​ၶၢႆႉ​ပုတ်ႈ​ယဝ်ႉ​ဝႃႈ​ၼႆ ယဵင်ႈ​ၶႅၼ်း​ထၢင်ႇ​သႃး​ဢေႃႈ။-</verse>
				<verse number="16">ယိတ်ႈပရေႃးႁဵၵ်ႈ​ၼၼ်ႉ ၶၢမ်ႇ​တၢင်း​ဢၼ်​ၶၢၼ်း​ဝႆႉ ၸွမ်း​ၼင်ႇ​တြႃး​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၶၼ်ႇ​ထႃႇ​ဢမ်ႇ​ၸႂ်ႈ။ မၼ်း​ၶၢမ်ႇ​တၢင်း​ဢၼ်​ၶၢၼ်း​ဝႆႉ ၸွမ်း​ၼင်ႇ​တၼ်း​ၶူဝ်း​ဢႃႇၼူႉၽေႃႇ ထႃႇဝရႃႉ​ဢသၢၵ်ႈ​ဢေႃႈ။-</verse>
				<verse number="17">လွင်ႈ​မၼ်း​ၸမ်ႉ မီး​တၢင်း​ဢၼ်​ၶၢမ်ႇ​သၢၵ်ႈ​သေႇ​ဝႆႉ​လႄႈ​ဝႃႈ၊ မႂ်း​ပဵၼ်​ယိတ်ႈပရေႃးႁဵၵ်ႈ​ထႃႇဝရႃႉ ၸွမ်း​ၼင်ႇ​ဢရႃႇ​ မေႇလၶီႉၸေႇတႅၵ်ႈ ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ၵွပ်ႈ​ပိူဝ်ႈ​ဢၼ်​ပိင်း​ၺၢပ်ႈ​တြႃး ဢမ်ႇ​ဢဝ်​ၽူႈ​လႂ်​သူင်ႇ​ႁႂ်ႈ​ႁွတ်ႈ​ထိုင် တၢင်း​ဢၼ်​ၸေး​ၸုမ်ႇ​ၼၼ်ႉ​လႄႈ ပိင်း​ၺၢပ်ႈ​တြႃး​ဢၼ်​ၵဝ်ႇ​ၼၼ်ႉ​ၸိုင် ႁွတ်ႈ​ထိုင်​တၢင်း​ဢၼ်​ပႄႇ​ဝႆႉ ၵွပ်ႈ​ပိူဝ်ႈ​ဢၼ်​ဢမ်ႇ​မီး​ႁႅင်း​လႄႈ ဢမ်ႇ​ပၼ်​ဢၵျူဝ်း​လႆႈ​ၼၼ်ႉ​ဢေႃႈ။-</verse>
				<verse number="19">ၼႂ်း​ဝႃႈ​ၼၼ်​သေ​ၵေႃႈ ဢၶႂၢင်ႉ​တၢင်း​ဢၼ်​မုင်ႈ​ထႃႈ​မွင်း​ထႃႈ ဢၼ်​ယဵင်ႈ​ၶႅၼ်း​မျၢတ်ႈ​ၼၼ်ႉ တူၵ်း​တီႈ​တူၵ်း​လႅၼ်​ဢေႃႈ။ ၵွပ်ႈ​ပိူဝ်ႈ​တၢင်း​ဢၼ်​မုင်ႈ​ထႃႈ​မွင်း​ထႃႈ​ၼၼ်ႉ​လႄႈ ႁဝ်း​လႆႈ​ၶဝ်ႈ​သုတ်ႉ​ၸပ်း​သုတ်ႉ​ၸူး ၵႃႈ​တီႈ​ႁိမ်း​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="20">ၶဝ်​ၼၼ်ႉ တၢင်း​ဢၼ်​မၼ်း​ၸဝ်ႈ​တိူင်ႇ​ဝႃႈ ယင်း​ဢမ်ႇ​မီး​လႄႈ လႆႈ​ဢရႃႇ​ယိတ်ႈပရေႃးႁဵၵ်ႈ​ဢေႃႈ။-</verse>
				<verse number="21">ယေႇသူႉ ​ၸမ်ႉ၊ တၢင်း​ဢၼ်​မၼ်း​ၸဝ်ႈ​တိူင်ႇ​ဝႃႈ​မီး​လႄႈ လႆႈ​ဢရႃႇ​ယိတ်ႈပရေႃးႁဵၵ်ႈ​ဢေႃႈ။ မႅၼ်ႈ​ၼင်ႇ​ဢၼ်​ထႃႇဝရႃႉ​ၽြႃး​တိူင်ႇ​ဝႃႈ​ဝႆႉ​လႄႈ​ဝႃႈ၊ မႂ်း​ပဵၼ်​ယိတ်ႈပရေႃးႁဵၵ်ႈ​ထႃႇဝရႃႉ ၸွမ်း​ၼင်ႇ​ဢရႃႇ မေႇလၶီႉၸေႇတႅၵ်ႈ ​ၼၼ်ႉ​ဢေႃႈ​၊ ဝႃႈ​ၼင်ႇ​ၼႆ​လႄႈ ၵမ်း​လိုၼ်း​ဢမ်ႇ​မီး​ၸႂ်​ဢၼ်​ၶၢႆႉ​ဢၼ်​ပုတ်ႈ​ၼၼ်ႉ။-</verse>
				<verse number="22">ယေႇသူႉ ​ပဵၼ်​ၵေႃႉ​ဢၼ်​ႁပ်ႉ​တုင်း​ဢဝ်​ပတီႉၺိၺ်ႇ​တြႃး ဢၼ်​ယဵင်ႈ​ၶႅၼ်း​မျၢတ်ႈ​ၼႃႇ ၸွမ်း​ၵႃႈ​ၼင်ႇ​ဢၼ် လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​တိူင်ႇ​ဝႃႈ​လႄႈ လႆႈ​ဢရႃႇ​ယိတ်ႈပရေႃးႁဵၵ်ႈ​ၼၼ်ႉ​ဢေႃႈ။-</verse>
				<verse number="23">ၶဝ်​ၼၼ်ႉ​ၵေႃႈ၊ ၵွပ်ႈ​ပိူဝ်ႈ​ဢၼ်​လႆႈ​တၢႆ​လႄႈ ဢမ်ႇ​တႄႇ​ယူႇ​သေႇ​သေႇ​ၼၼ်ႉ​လႄႈ ၸၢင်ႈ​လႆႈ​မီး​ၼမ်​ၼႃႇ​လူင်​လၢင်​ဢေႃႈ။-</verse>
				<verse number="24">မၼ်း​ၸဝ်ႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​တႄႇ​ယူႇ​ၼိၵ်ႈၸႃႉ​ထႃႇဝရႃႉ​လႄႈ ၶၢၼ်း​ဝႆႉ​မီး​ယူႇ​ၼႂ်း​ဢရႃႇ ယိတ်ႈပရေႃးႁဵၵ်ႈ​ဢၼ်​ဢမ်ႇ​ၶၢႆႉ​ဢမ်ႇ​ပုတ်ႈ​ဢေႃႈ။-</verse>
				<verse number="25">ပိူဝ်ႈ​ၼႆ​လႄႈ မၼ်း​ၸဝ်ႈ​ၼၼ်ႉ​ၵွပ်ႈ​ပိူဝ်ႈ​ဢၼ် ဢသၢၵ်ႈ​လိပ်း​ယူႇ ၵူႈ​ၶိင်ႇ​ၵူႈ​ၶႃႇ ပုၼ်ႈ​ဢၼ်​တၵ်း​ပႂ်ႉ​ဢမူႉ ၶဝ်​ၸိူဝ်း​ဢၼ်​ဢိင်​မၼ်း​ၸဝ်ႈ​သေ​လႄႈ သုတ်ႉ​ၸပ်း​သုတ်ႉ​ၸူး ၵႃႈ​တီႈ​ၽြႃး​ပဵၼ်​ၸဝ်ႈ​ၼၼ်ႉ​လႄႈ၊ တၢတ်ႈ​ၼိူင်ႇ​လႆႈ ႁႂ်ႈ​လႆႈ​ၵႄႇ​ၶျွတ်ႈ​ဢဝ်​ၶဝ်​သေႇ​သေႇ​ယူႇ​ဢေႃႈ။</verse>
				<verse number="26">ၶုၼ်​ယိတ်ႈပရေႃးႁဵၵ်ႈ​ၸိူဝ်ႉ​ၼင်ႇ​ၼၼ် ဢၼ်​ပဵၼ်​ၵေႃႉ​ဢၼ်​မူတ်း​ၸၢင်ႇ​ယူႇ၊ ၶၢဝ်​သႂ်​ယူႇ၊ ၵၢင်း​လွတ်ႈ​တင်း​တၢင်း​ဢၼ်​ၵူဝ်ႈ​ဢၼ်​ၵိူၵ်ႇ​ယူႇ၊ ဢမ်ႇ​သိူၵ်ႈ​သမ်ႇ​ၵၼ်​တင်း​ၶဝ်​ၸိူဝ်း​ဢၼ်​မီး​ဢပႅတ်ႈ​ယူႇ၊ သုင်​မျၢတ်ႈ​ၼႃႇ​သေ​ၶဝ်​ၸိူဝ်း​ဢၼ် မီး​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ယူႇ​လႄႈ၊-</verse>
				<verse number="27">ဢၼ်​ဢမ်ႇ​မီး​လွင်ႈ​ဢၼ်​တၵ်း​လႆႈ​ပုၵ်ႈ​ၸေႃႇ​ယိတ်ႈ ၵွပ်ႈ​ပိူဝ်ႈ​ဢပႅတ်ႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ၵွပ်ႈ​ပိူဝ်ႈ​ဢပႅတ်ႈ​ၵူၼ်း​တင်း​လၢႆ​ၵူႈ​ဝၼ်း မိူၼ်​ၸိူဝ်ႉ​ၼင်ႇ​ဢၼ် ၶုၼ်​ယိတ်ႈပရေႃးႁဵၵ်ႈ​တၢင်ႇ​ၵေႃႉ​တင်း​လၢႆ လႆႈ​ပုၵ်ႈ​ၸေႃႇ​ယိတ်ႈ​ၼၼ်ႉ​ၼၼ်ႉ ပဵၼ်​ဢၼ်​ထုၵ်ႇ​ၵၼ်​တင်း​ႁဝ်း​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ဢမ်ႇ​လႆႈ​ပုၵ်ႈ​ၸေႃႇ​ၸိူဝ်ႉ​ၼင်ႇ​ၶဝ်​ၼၼ်ႉ​ဝႃႈ​ၼႆ​ၸမ်ႉ၊ မၼ်း​ၸဝ်ႈ​ဢဝ်​တူဝ်​ၸဝ်ႈ​ၵဝ်ႇ ပုၵ်ႈ​ၸေႃႇ​ပွၵ်ႈ​လဵဝ်​ၵူၺ်း​လႄႈ ႁႂ်ႈ​ဢမူႉ​ၼၼ်ႉ​ယဝ်ႉ​တူဝ်ႈ​ဢေႃႈ။</verse>
				<verse number="28">ပိင်း​ၺၢပ်ႈ​တြႃး​ၶၢၼ်း​ၶဝ်​ၸိူဝ်း​ဢၼ်​မီး​ဢပႅတ်ႈ​ၼၼ်ႉ ဝႆႉ​ၼႂ်း​ဢရႃႇ​ၶုၼ်​ယိတ်ႈပရေႃးႁဵၵ်ႈ​ဢေႃႈ။ ပျႃႇ​တိၵ်ႈ​ဢၼ် မၼ်း​ၸဝ်ႈ​တိူင်ႇ​ဝႃႈ​လိုၼ်း​လင်​ပိင်း​ၺၢပ်ႈ​တြႃး​ၼၼ်ႉ​ၸမ်ႉ၊ ၶၢၼ်း​လုၵ်ႈ​ၸဝ်ႈ​ဢၼ်​ႁွတ်ႈ​ထိုင် တၢင်း​ဢၼ်​ၸေး​ၸုမ်ႇ​ယူႇ​တႃႇ​သေႇ​ဢမ်ႇ​ထၢတ်ႇ​ၼၼ်ႉ​ဝႆႉ​ဢေႃႈ။</verse>
			</chapter>
			<chapter number="8">
				<verse number="1">ဢၼ်​ႁူမ်ႇ​လူမ်ႈ လွင်ႈ​တၢင်း​ၵႃႈ​ဢၼ်​ဝႃႈ​မႃး​ယဝ်ႉ​ၼၼ်ႉ​ၸမ်ႉ၊ ၶုၼ်​ယိတ်ႈပရေႃးႁဵၵ်ႈ​ၸိူဝ်ႉ​ၼင်ႇ​ၼၼ် ဢၼ်​ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ပလၢင်ႇ မုၼ်​ဢႃႇၼူႉၽေႃႇ​ၸဝ်ႈ ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ၊-</verse>
				<verse number="2">ဢၼ်​ပဵၼ်​ၵေႃႉ​ဢၼ်​ႁဵတ်း​ဝၢတ်ႈ​ၽြႃး ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ဢၼ်​ဝႃႈ သုမ်ႉ​ထဵင်​ၸဝ်ႈ​ၸႅတ်ႈ​ၸႅတ်ႈ ဢၼ်​ၵူၼ်း​ဢမ်ႇ​မႄး​ႁဵတ်း​လႄႈ ထႃႇဝရႃႉ​ၽြႃး​မႄး​ႁဵတ်း​ၼၼ်ႉ​ၼၼ်ႉ မီး​တီႈ​ႁဝ်း​ဢေႃႈ။</verse>
				<verse number="3">ၶုၼ်​ယိတ်ႈပရေႃးႁဵၵ်ႈ​ပႃး​လႂ်​သေ​ဢမ်ႇ​ဝႃႈ၊ ၵွပ်ႈ​ပိူဝ်ႈ​ဢၼ်​ၶၢၼ်း​ဝႆႉ၊ မီး​ယူႇ​ႁႂ်ႈ​လႆႈ​ပုၵ်ႈ​ၸေႃႇ ၶိူင်ႈ​တၢင်း​ပုၵ်ႈ​ၸေႃႇ ဢိၵ်ႇ​တင်း​ယိတ်ႈ​တင်း​လၢႆ​လႄႈ ၶုၼ်​ယိတ်ႈပရေႃးႁဵၵ်ႈ​ႁဝ်း​ၵေႃႈ တၵ်း​လႆႈ​မီး​ယိတ်ႈ​ဢၼ်​တၵ်း​လႆႈ​ပုၵ်ႈ​ၸေႃႇ သေ​ၸိူဝ်ႉ​သေ​ပိူင်​ဢေႃႈ။-</verse>
				<verse number="4">ၵွပ်ႈ​ပိူဝ်ႈ​ဢၼ်​မီး​ယိတ်ႈပရေႃးႁဵၵ်ႈ ဢၼ်​သၢၵ်ႈ​ၵၢပ်ႈ​ၶိူင်ႈ​တၢင်း​ပုၵ်ႈ​ၸေႃႇ​ၸွမ်း​ၼင်ႇ​ပိင်း​ၺၢပ်ႈ​တြႃး​ၼၼ်ႉ​ၼမ်​ၼႃႇ​လႄႈ ၸဝ်ႈ​ၼၼ်ႉ​ပေႃး​မီး​ယူႇ ၵႃႈ​ၼိူဝ်​လိၼ်​မိူင်း​ၸိုင် ဢမ်ႇ​လႆႈ​ႁဵတ်း​ယိတ်ႈပရေႃးႁဵၵ်ႈ။-</verse>
				<verse number="5">ယိတ်ႈပရေႃးႁဵၵ်ႈ​ၸိူဝ်း​ၼၼ်ႉ ႁဵတ်း​ဝၢတ်ႈ​ဢၼ် ၸၢပ်ႈ​သႅင်ႇ​ၵၼ်​တင်း ပုင်ႇ​ႁၢင်ႈ​သၢႆ​ငၢႆ လွင်ႈ​တၢင်း​ဢၼ် မီး​ယူႇ​ၵႃႈ​ၼိူဝ်​ၵၢင်​ႁၢဝ်​ၸိူဝ်း​ၼၼ်ႉ မႅၼ်ႈ​ၸွမ်း​ၼင်ႇ​ဢၼ်​ မူဝ်းသေႇ လႆႈ​ၶၢမ်ႇ​ဢဝ်​ပျႃႇ​တိၵ်ႈ​ၸဝ်ႈ ၼႂ်း​မိူဝ်ႈ​ဢၼ်​မၼ်း​ၸမ်​တၵ်း တႄႇ​ႁဵတ်း​သုမ်ႉ​ထဵင်​ၸဝ်ႈ​ၼၼ်ႉ ဢၼ်​ဝႃႈ​ႁဵတ်း​သတီႉ ႁႂ်ႈ​လႆႈ​တႄႇ​ႁဵတ်း​တင်း​သဵင်ႈ​တင်း​လူင် ၸွမ်း​ၼင်ႇ​ပုင်ႇ​ႁၢင်ႈ​ဢၼ်​ၼႄ​ပျႃး​မႃး​ယဝ်ႉ ၵႃႈ​တီႈ​မႂ်း​ၵႃႈ​ၼိူဝ်​လွႆ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။</verse>
				<verse number="6">လိူဝ်​သေ​ၼၼ်ႉ ၵႃႈ​ၼင်ႇ​ဢၼ်​မၼ်း​ပဵၼ်​ၵူၼ်း​ဝူင်ႈ​ၵၢင်​ပတီႉၺိၺ်ႇ​တြႃး၊ ဢၼ်​ယဵင်ႈ​ၶႅၼ်း​မျၢတ်ႈ ဢၼ်​တႄႇ​ယူႇ​ၼႂ်း​ၵတီႉ​ၸဝ်ႈ ဢၼ်​ယဵင်ႈ​ၶႅၼ်း​မျၢတ်ႈ​တင်း​လၢႆ​ၼၼ်ႉ၊ မၼ်း​ၸဝ်ႈ​လႆႈ​ဢၶႂၢင်ႉ​ဢရႃႇ​တၢင်း​ဢၼ်​ႁဵတ်း​ဝၢတ်ႈ ဢၼ်​ယဵင်ႈ​ၶႅၼ်း​မျၢတ်ႈ​ဢေႃႈ။-</verse>
				<verse number="7">ပေႃး​ပတီႉၺိၺ်ႇ​တြႃး​ပထမႃႉ​ၼၼ်ႉ ဢမ်ႇ​မီး​ဢၶႂၢင်ႉ​တီႈ​ဢၼ်​တၵ်း​တၢင်ႇ​ဢပႅတ်ႈ​ၸိုင်၊ ႁဵတ်း​သင်​လႄႈ လႆႈ​ႁႃ​ဢၶႂၢင်ႉ​ဢၼ်​ပတီႉၺိၺ်ႇ​တြႃး​တူႉတီႉယႃႉ တၵ်း​တႄႇ​ယူႇ​ၼၼ်ႉ​ထႅင်ႈ​လူး​ၵွၼ်ႇ​ၸိူဝ်ႉ​ၼင်ႇ​ႁိုဝ်။-</verse>
				<verse number="8">ထႃႇဝရႃႉ​ၽြႃး​တၢင်ႇ​ဢပႅတ်ႈ​တီႈ​ၶဝ်​လႄႈ​ဝႃႈ​ၸမ်ႉ၊ ၶိင်ႇ​ၵႃႇလႃႉ​ဢၼ်​ၵဝ်​တၵ်း​ဢဝ်​ပတီႉၺိၺ်ႇ​တြႃး​ဢၼ်​မႂ်ႇ ဢၼ်​ပႅၵ်ႇ​ပိူင်ႈ​ၵၼ်​တင်း ပတီႉၺိၺ်ႇ​တြႃး​ဢၼ်​ၵဝ်​ပၼ်​တီႈ​ပူႇ​မွၼ်ႇ​ၵူၼ်း​မဵဝ်း​ၼႆႉ ၼႂ်း​မိူဝ်ႈ​ဢၼ်​ၵဝ်​တိုတ်ႉ​ၸုင်​ဢဝ်​မိုဝ်း​ၶဝ်​ဢွၵ်ႇ​သေ​ၵႃႈ​ၼႂ်း​မိူင်း ဢေႇၵိပ်ႉတူႉ ​ၵႂႃႇ​ၼၼ်ႉ ပၼ်​တီႈ​ၵူၼ်း​မဵဝ်း​ ဢီႉသရေႇလႃႉ ဢိၵ်ႇ​တင်း​ၵူၼ်း​မဵဝ်း​ ယူႉတႃႉ ​တင်း​လၢႆ​ၼၼ်ႉ တၵ်း​ႁွတ်ႈ​ထိုင်​ဢေႃႈ။-</verse>
				<verse number="9">ၶဝ်​ဢမ်ႇ​တႄႇ​ယူႇ​ၼႂ်း​ပတီႉၺိၺ်ႇ​တြႃး​ဢၼ်​ၵဝ်​ပၼ်​မိူဝ်ႈ​ဢွၼ်​တၢင်း​ၼၼ်ႉ၊ ၵဝ်​ၵေႃႈ​ဢမ်ႇ​လူ​ဢမ်ႇ​တူၺ်း​ၶဝ်​ၼၼ်ႉ​လႄႈ​ယူႇ​ဢေႃႈ။-</verse>
				<verse number="10">ပတီႉၺိၺ်ႇ​တြႃး ဢၼ်​ၵဝ်​တၵ်း​ပၼ်​တီႈ​ၵူၼ်း​မဵဝ်း​ ဢီႉသရေႇလႃႉ မိူဝ်ႈ​ၶိင်ႇ​ၵႃႇလႃႉ​ၵမ်း​လိုၼ်း​ၼၼ်ႉ​ၸမ်ႉ၊ ၵဝ်​ထႃႇဝရႃႉ​ၽြႃး​တၵ်း ဢဝ်​ပိင်း​ၺၢပ်ႈ​တြႃး​ၵဝ် သႂၢင်း​သႂ်ႇ​ၵႃႈ​ၼႂ်း​ဝီႉၺိၺ်ႇ​ၶဝ်​ဢေႃႈ။ တၵ်း​တႅမ်ႈ​သႂ်ႇ​ဝႆႉ ၵႃႈ​ၼိူဝ်​ႁူဝ်​ၸႂ်​ၶဝ်​ဢေႃႈ။ ၵဝ်​တၵ်း​ပဵၼ်​ၽြႃး​ၶဝ်​ဢေႃႈ။ ၶဝ်​ၵေႃႈ​တၵ်း​ပဵၼ်​ၵူၼ်း​ၵဝ်​ဢေႃႈ။-</verse>
				<verse number="11">ၶဝ်​ၼၼ်ႉ​မဵဝ်း​ၸိူဝ်ႉ​ၶိူဝ်း​ၵၼ်၊ ပီႈ​ၼွင်ႉ​ၵၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ဢမ်ႇ​လႆႈ​ပၼ်​သုင်း​မႃႉ ဢေႃးဝႃႇတႃႉ​တီႈ​ၵၼ်​လႄႈ​ဝႃႈ၊ ႁူႉ​ထႃႇဝရႃႉ​ၽြႃး​တႃႉ၊ ဝႃႈ​ၼင်ႇ​ၼႆ​ၼၼ်ႉ။ လွင်ႈ​မၼ်း​ၸမ်ႉ ၶဝ်​ၵႃႈ​မီး​တင်း​သဵင်ႈ​တင်း​လူင် ၸႃႉ​ၸဵမ်​ၵေႃႉ​ဢၼ်​လဵၵ်ႉ​သေ​ပိူၼ်ႈ တေႃႇ​ထိုင်​ႁွတ်ႈ​ၵေႃႉ​ဢၼ်​ယႂ်ႇ​သေ​ပိူၼ်ႈ​ၼၼ်ႉ တၵ်း​ႁူႉ​ၵဝ်​ယူႇ​ဢေႃႈ။-</verse>
				<verse number="12">မိူဝ်ႈ​ၼၼ်ႉ​ၵဝ်​တၵ်း​ယိူၼ်ႉ​ၶၢမ်ႇ​ဢပႅတ်ႈ​ၶဝ်​ဢေႃႈ။ ၵဝ်​တၵ်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တၢင်း​ဢၼ်​ၶဝ်​ၽိတ်း​ပိူင်ႈ​ပူၼ်ႉ​လိူဝ် တင်း​လၢႆ​ၼၼ်ႉ​လႄႈ​ယူႇ​ဢေႃႈ ဝႃႈ​ၼႆ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။</verse>
				<verse number="13">ၼႂ်း​လွင်ႈ​ဢၼ်​မၼ်း​ၸဝ်ႈ​ဝႃႈ ပတီႉၺိၺ်ႇ​တြႃး​ဢၼ်​မႂ်ႇ​၊ ဝႃႈ​ၼင်ႇ​ၼႆ​ၼၼ်ႉ၊ မၼ်း​ၸဝ်ႈ​ႁႂ်ႈ​ပတီႉၺိၺ်ႇ​တြႃး​ပထမႃႉ ၼၼ်ႉ​ၵဝ်ႇ​ၵႂႃႇ​ဢေႃႈ။ လွင်ႈ​တၢင်း​ဢၼ်​သုတ်ႈ​ယွမ်း​လႄႈ​ၵဝ်ႇ​ၵႂႃႇ​ၼၼ်ႉ​ၸိုင်၊ ၸမ်​တၵ်း​ႁွတ်ႈ​ထိုင်​တၢင်း​ဢၼ်​ႁၢႆ​လၢႆ​ဢေႃႈ။</verse>
			</chapter>
			<chapter number="9">
				<verse number="1">ၼႄး​ၼိုင်ႈ​ၸမ်ႉ၊ ပတီႉၺိၺ်ႇ​တြႃး​ပထမႃႉ​ၼၼ်ႉ ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ၸီႇ​ယၢင်ႇ​ဝႆႉ လွင်ႈ​တၢင်း​ဢၼ်​ႁဵတ်း​ဝၢတ်ႈ၊ ဢိၵ်ႇ​တင်း​ထႃႇၼႃႉ​တီႈ​မူတ်း​ၸၢင်ႇ​လေႃးၵီႇ​ဢေႃႈ။-</verse>
				<verse number="2">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သုမ်ႉ​ထဵင်​ၸဝ်ႈ​ပထမႃႉ​ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ တီႈ​ဢၼ်​မူတ်း​ၸၢင်ႇ​ၼၼ်ႉ လႆႈ​မႄး​ဝႆႉ​မီး​ယူႇ​လႄႈ ပႃး​လူၺ်ႈ​ၵၼ်​တင်း​ၶူင်ႇ​တီႈ​တႆႈ​ၽႆး ၶူင်ႇ​တီႈ​ၵိၼ် တင်း​ၶဝ်ႈ​မုၼ်း​ၽၢႆႇ​ၼႃႈ​ၸဝ်ႈ​ဢေႃႈ။-</verse>
				<verse number="3">ၽၢႆႇ​တၢင်း​ၼႂ်း​ၽႃႈ​ၵင်ႈ​တူႉတီႉယႃႉ​ၼၼ်ႉ၊ မီး​သုမ်ႉ​ထဵင်​ၸဝ်ႈ​ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ တီႈ​ဢၼ်​မူတ်း​ၸၢင်ႇ​သေ​ပိူၼ်ႈ​ဢေႃႈ။-</verse>
				<verse number="4">ၵႃႈ​ၼႂ်း​သုမ်ႉ​ထဵင်​ၸဝ်ႈ​ၼၼ်ႉ မီး​ပၢၼ်ႉ​ၶမ်း​တင်း​တိူၵ်ႈ​တႃႇ​ပတီႉၺိၺ်ႇ​တြႃး ဢၼ်​ဢဝ်​ၶမ်း​ဢုမ်ႇ​ႁေႃႇ​ဝႆႉ​ဢေႃႈ။ ၼႂ်း​တိူၵ်ႈ​တႃႇ​ၼၼ်ႉ မီး​မေႃႈ​ၶမ်း​ဢၼ်​ဢဝ်​ မၼ်ႇၼႃႉ သႂ်ႇ​ဝႆႉ ဢိၵ်ႇ​တင်း​ၶွၼ်ႉ​တဝ်ႉ​ ဢႃႇရုၼ်ႇ ​ဢၼ်​မွၵ်ႇ​မွၵ်ႇ၊ တင်း​ၶႅပ်း​မၢၵ်ႇ​ႁိၼ် ဢၼ်​ဢဝ်​ပတီႉၺိၺ်ႇ​တြႃး တႅမ်ႈ​သႂ်ႇ​ဝႆႉ​ၸိူဝ်း​ၼၼ်ႉ​ဢေႃႈ။-</verse>
				<verse number="5">ၵႃႈ​ၼိူဝ်​တိူၵ်ႈ​တႃႇ​ၼၼ်ႉ မီး​ၶေႇရူႉၽိမ်ႇ​ဢၼ်​မုၼ်​ယႂ်ႇ​ၼႃႇ​ၼၼ်ႉ မုင်း​ႁူမ်ႇ​ပလၢင်ႇ တီႈ​ဢၼ်​ၽေႇ​ဢပႅတ်ႈ​ၼၼ်ႉ​ယူႇ​ဢေႃႈ။ လွင်ႈ​တၢင်း​ၸိူဝ်း​ၼၼ်ႉ​ၸိုင် တေႃႈ​လဵဝ်​ၼႆႉ တီႈ​ဢၼ်​တၵ်း​လႆႈ​လၢတ်ႈ​သေႇ​ၶျႃႇ​လီ​ငၢမ်း ဢမ်ႇ​မီး။</verse>
				<verse number="6">မိူဝ်ႈ​ဢၼ်​လွင်ႈ​တၢင်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ မႄး​ဝႆႉ​ႁႅၼ်း​ဝႆႉ​မီး​ယူႇ​ၸိူဝ်ႉ​ၼင်ႇ​ၼၼ်​ယဝ်ႉ​ၼၼ်ႉ​ၸိုင်၊ ယိတ်ႈပရေႃးႁဵၵ်ႈ​တင်း​လၢႆ လႆႈ​ၶဝ်ႈ​ၵႃႈ​ၼႂ်း​သုမ်ႉ​ထဵင်​ၸဝ်ႈ​ပထမႃႉ​ၼၼ်ႉ​လႄႈ ႁဵတ်း​ဝၢတ်ႈ​ယူႇ​သေႇ​သေႇ​ဢေႃႈ။-</verse>
				<verse number="7">ၵႃႈ​ၼႂ်း​သုမ်ႉ​ထဵင်​ၸဝ်ႈ​တူႉတီႉယႃႉ​ၼၼ်ႉ​ၸမ်ႉ၊ ၶုၼ်​ယိတ်ႈပရေႃးႁဵၵ်ႈ​ပႃး​လဵဝ်​ၵူၺ်း၊ ပႃး​ဢဝ်​လိူတ်ႈ​ဢၼ်​တၵ်း​ပုၵ်ႈ​ၸေႃႇ ၵွပ်ႈ​ပိူဝ်ႈ ဢပႅတ်ႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ၵွပ်ႈ​ပိူဝ်ႈ​ဢပႅတ်ႈ​ၵူၼ်း​တင်း​လၢႆ​ၼၼ်ႉ​လႄႈ ယေႈ​ပီႊ​လႆႈ​ၶဝ်ႈ​ယေႈ​ပွၵ်ႈ​ၵူၺ်း​ဢေႃႈ။-</verse>
				<verse number="8">ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ၼႄ​ပျႃး​လွင်ႈ​ဢၼ်​ၸူဝ်ႈ​ဢၼ်​သုမ်ႉ​ထဵင်​ၸဝ်ႈ​ပထမႃႉ ဢမ်ႇ​ပႆႇ​လူႉ​ၼၼ်ႉ​ၸိုင်၊ သဵၼ်ႈ​တၢင်း​ဢၼ်​ၵႂႃႇ​ၸူး​ထႃႇၼႃႉ​တီႈ​မူတ်း​ၸၢင်ႇ ဢမ်ႇ​ပႆႇ​ၽုၺ်ႇ​ၼၼ်ႉ​ယူႇ​ဢေႃႈ။-</verse>
				<verse number="9">သုမ်ႉ​ထဵင်​ၸဝ်ႈ​ၼၼ်ႉ​ၸမ်ႉ၊ ပဵၼ်​ပုင်ႇ​ပမႃႇ​ၶိင်ႇ​ၵႃႇလႃႉ​မိူဝ်ႈ​လဵဝ်​ၼႆႉ ဢၼ်​ဝႃႈ​ၶိင်ႇ​ၵႃႇလႃႉ​ဢၼ် ပုၵ်ႈ​ၸေႃႇ​ၶိူင်ႈ​တၢင်း​ပုၵ်ႈ​ၸေႃႇ ဢိၵ်ႇ​တင်း​ယိတ်ႈ​တင်း​လၢႆ ဢၼ်​ပေႃး​ထွၵ်ႈ​လူၺ်ႈ​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ​ၸိုင် ဢမ်ႇ​ပၼ်​ဢၵျူဝ်း​တၢင်း​ဢၼ်​ၸေး​ၸုမ်ႇ တီႈ​ၵေႃႉ​ဢၼ်​ႁဵတ်း​ဝၢတ်ႈ​ၽြႃး​ၼၼ်ႉ​လႆႈ​လႄႈ၊-</verse>
				<verse number="10">ပဵၼ်​တၢင်း​ၵိၼ်​တၢင်း​ၶူပ်း ဢိၵ်ႇ​တင်း​တၢင်း​ၸူမ်း​ၵူႈ​ၸိူဝ်ႉ​ၵူႈ​ပိူင်​ဢၼ်​ဝႃႈ ဢူႉပတေႇ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၶၼ်ႇ​ထႃႇ ဢၼ်​လႆႈ​တႄႇ​ယူႇ​ႁႂ်ႈ​ၶိုတ်း​ထိုင်​ၶိင်ႇ​ၵႃႇလႃႉ​တၢင်း​ဢၼ် တၵ်း​ႁဵတ်း​ပဵၼ်​ဢၼ်​မႂ်ႇ​ၼၼ်ႉ​ၵူၺ်း​ဢေႃႈ။</verse>
				<verse number="11">တေႃႈ​လဵဝ်​ၼႆႉ ၸဝ်ႈ​ၶရိၸ်ႈ​ဢၼ်​ပဵၼ် ၶုၼ်​ယိတ်ႈပရေႃးႁဵၵ်ႈ ဢၵျူဝ်း​မင်ႇၵလႃႇ​ၵမ်း​လိုၼ်း တၵ်း​လႆႈ​ၵႃႈ​တီႈ​သုမ်ႉ​ထဵင်​ၸဝ်ႈ ဢၼ်​ယဵင်ႈ​ၶႅၼ်း​မျၢတ်ႈ​ၸေး​ၸုမ်ႇ ဢၼ်​ၵူၼ်း​ဢမ်ႇ​ဢဝ်​မိုဝ်း​ႁဵတ်း၊ ဢၼ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​လေႃးၵထၢတ်ႈ​ၼႆႉ​ၼၼ်ႉ၊-</verse>
				<verse number="12">လႆႈ​ၶၢမ်ႇ​ၵျေး​ၸူး​တၢင်း​ဢၼ်​ထုတ်ႇ​ဢဝ်​ထႃႇဝရႃႉ​သေ​လႄႈ ဢမ်ႇ​ဢဝ်​လိူတ်ႈ​ပႄႉ တင်း​လိူတ်ႈ​ဝူဝ်း​ဢွၼ်ႇ​တင်း​လၢႆ၊ ဢဝ်​လိူတ်ႈ​တူဝ်​ၸဝ်ႈ​ၵဝ်ႇ​ၶဝ်ႈ​ၵႃႈ​ၼႂ်း ထႃႇၼႃႉ​တီႈ​မူတ်း​ၸၢင်ႇ ပွၵ်ႈ​လဵဝ်​ၵူၺ်း​ဢေႃႈ။-</verse>
				<verse number="13">လွင်ႈ​မၼ်း​ၸမ်ႉ ပေႃး​လိူတ်ႈ​ပႄႉ၊ လိူတ်ႈ​ဝူဝ်း ဢိၵ်ႇ​တင်း​တဝ်ႈ​ဝူဝ်း​မႄႈ​သိုဝ်ႇ​တင်း​လၢႆ ဢၼ်​ၽႅတ်း​သႂ်ႇ​ၵႃႈ​ၼိူဝ်​ၶဝ်​ၸိူဝ်း​ဢၼ် မီး​တၢင်း​ဢၼ်​ၵူဝ်ႈ​ဢၼ်​ၵိူၵ်ႇ​ၼၼ်ႉ တၢတ်ႈ​ၼိူင်ႇ​ႁႂ်ႈ​တူဝ်​ၶၼ်ႇ​ထႃႇ​ၶဝ်​လႆႈ​မူတ်း​ၸၢင်ႇ​လႆႈ​ဢမၢၼ်ႇ​ၶၼ်​ပဵၼ်​ၸိုင်၊-</verse>
				<verse number="14">လိူဝ်​တွၼ်း​သေ​ၼၼ်ႉ​ဢမ်ႇ​ၵႃး၊ လိူတ်ႈ​ၸဝ်ႈ​ၶရိၸ်ႈ​ဢၼ်​ဢဝ်​တူဝ်​ၸဝ်ႈ​ၵဝ်ႇ ဢၼ်​ၵၢင်း​လွတ်ႈ​တင်း​ဢပႅတ်ႈ​ၼၼ်ႉ​လႄႈ လူႇ​တၢၼ်း​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၸွမ်း​လူၺ်ႈ​ထႃႇဝရႃႉ​ဝီႉၺိၺ်ႇ​ၸဝ်ႈ​ၼၼ်ႉ ယဵင်ႈ​ၶႅၼ်း​တၢတ်ႈ​ၼိူင်ႇ​လႆႈ ႁႂ်ႈ​သူ​လႆႈ​ပႄႇ​ပႅတ်ႈ တၢင်း​ၵမ်​တၢင်း​ၵျၢင်ႉ​ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​တၢႆ​လႄႈ ႁႂ်ႈ​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ​ၼႂ်း​သူ​ၼၼ်ႉ လႆႈ​ၶၢဝ်​သႂ်​ႁႂ်ႈ​သူ​လႆႈ​ႁဵတ်း​ဝၢတ်ႈ ၽြႃး​ပဵၼ်​ၸဝ်ႈ​ဢၼ်​ဢသၢၵ်ႈ​လိပ်း​ယူႇ​ၼၼ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="15">ၵွပ်ႈ​ႁွႆး​ၼႆႉ၊ ပိူဝ်ႈ​ဢၼ်​မၼ်း​ၸဝ်ႈ​ၶၢမ်ႇ​တၢင်း​တၢႆ ႁႂ်ႈ​လႆႈ​ထုတ်ႇ​ဢဝ်​ဢပႅတ်ႈ​ဢၼ်​ၽိတ်း​ပိူင်ႈ ၼႂ်း​ပၢၼ်​ပတီႉၺိၺ်ႇ​တြႃး​ပထမႃႉ​ၼၼ်ႉ​လႄႈ မၼ်း​ၸဝ်ႈ​ၼၼ်ႉ ပဵၼ်​ၵူၼ်း​ဝူင်ႈ​ၵၢင်​ပတီႉၺိၺ်ႇ​တြႃး​ဢၼ်​မႂ်ႇ ႁႂ်ႈ​ၶဝ်​ၸိူဝ်း​ဢၼ်​မၼ်း​ၸဝ်ႈ​ႁွင်ႉ​ဢဝ်​ၼၼ်ႉ လႆႈ​ၶၢမ်ႇ​ဢမူၺ်ႇ​ထႃႇဝရႃႉ ဢၼ်​ၵိုင်ႇ​တၢၼ်ႇ​ၵၼ်​တင်း​ၵတီႉ​ၸဝ်ႈ​ဢေႃႈ။</verse>
				<verse number="16">ၼႂ်း​လွင်ႈ​တၢင်း​ဢၼ်​ပၼ်​ဢၶႂၢင်ႉ​လႄႈ ၶျုၵ်ႈ​လိၵ်ႈ​ဝႆႉ​ႁႂ်ႈ​လႆႈ​ၶၢမ်ႇ​ဢမူၺ်ႇ​ၼၼ်ႉ၊ ပေႃး​လိၵ်ႈ​ဢၼ်​ၶျုၵ်ႈ​ဝႆႉ​ၼၼ်ႉ​တႄႇ​ယူႇ​ၸိုင် ၵေႃႉ​ဢၼ်​ၶျုၵ်ႈ​လိၵ်ႈ​ဝႆႉ​ၼၼ်ႉ တၵ်း​လႆႈ​တၢႆ​ယဝ်ႉ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="17">လိၵ်ႈ​ဢၼ်​ၶျုၵ်ႈ​ဝႆႉ​ၼၼ်ႉ၊ တႄႇ​ယူႇ​လိုၼ်း​သေ​ၵေႃႉ​ဢၼ်​ၶျုၵ်ႈ​ဝႆႉ​ၼၼ်ႉ တၢႆ​ယဝ်ႉ​ၼၼ်ႉ​ဢေႃႈ။ ၼႂ်း​မိူဝ်ႈ​ဢၼ်​ၵေႃႉ​ၶျုၵ်ႈ​ဝႆႉ​ၼၼ်ႉ ယင်း​ဢသၢၵ်ႈ​လိပ်း​ယူႇ​ၼၼ်ႉ​ၸိုင် ဢမ်ႇ​တႄႇ​ယူႇ​လႃး​လႃး။</verse>
				<verse number="18">ပိူဝ်ႈ​ၼႆ​လႄႈ ပတီႉၺိၺ်ႇ​တြႃး​ပထမႃႉ​ၼၼ်ႉ ယင်း​ဢမ်ႇ​ပႃး​တင်း​လိူတ်ႈ​လႄႈ ဢမ်ႇ​ၸီႇ​ယၢင်ႇ။-</verse>
				<verse number="19">မူဝ်းသေႇ ​ဢဝ်​ပိင်း​ၺၢပ်ႈ​ၵႃႈ​ဢၼ်​ပႃး​ၼႂ်း​တြႃး​ၸဝ်ႈ ႁေႃး​လၢတ်ႈ​တီႈ​ၵူၼ်း​တင်း​သဵင်ႈ​တင်း​လူင်​ယဝ်ႉ​ၸင်ႇ၊ ဢဝ်​လိူတ်ႈ​ဝူဝ်း​ဢွၼ်ႇ၊ လိူတ်ႈ​ပႄႉ၊ ၼမ်ႉ၊ ၶူၼ်​သူဝ်း​ဢၼ် ဢဝ်​ယွမ်ႉ​လႅင်​တင်း​ယွတ်ႈ​မႆႉ ႁုတ်ႉသူပ်ႇ ​ၽႅတ်း​သႂ်ႇ​ၵျၢမ်း​လိၵ်ႈ ဢိၵ်ႇ​တင်း​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ၊-</verse>
				<verse number="20">လိူတ်ႈ​ၼႆႉ​ၸမ်ႉ၊ ပဵၼ်​လိူတ်ႈ​ပတီႉၺိၺ်ႇ​ဢၼ်​ၽြႃး​ပဵၼ်​ၸဝ်ႈ​သင်ႇ​လၢတ်ႈ​ဝႆႉ​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">သုမ်ႉ​ထဵင်​ၸဝ်ႈ ဢိၵ်ႇ​တင်း​ၶိူင်ႈ​ပိူင်​ဢၼ်​ႁဵတ်း​ဝၢတ်ႈ​ၽြႃး​ၸိူဝ်း​ၼၼ်ႉ​ၵေႃႈ၊ မၼ်း​လႆႈ​ဢဝ်​တင်း​လိူတ်ႈ​ၽႅတ်း​သႂ်ႇ မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="22">ၵႃႈ​ၼင်ႇ​ပိင်း​ၺၢပ်ႈ​တြႃး​မီး​ၼၼ်ႉ၊ ဢဝ်​တင်း​လိူတ်ႈ​သေ​လႄႈ ၸၢင်ႈ​ႁႂ်ႈ​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​မူတ်း​သႂ် ႁၢမ်ႉ​တၵ်း​လွၼ်ႉ​ဢေႃႈ။ ယင်း​ဢမ်ႇ​သွၼ်း​လေႃႇ​လိူတ်ႈ​လႄႈ ဢမ်ႇ​မီး​တၢင်း​ဢၼ်​ၵၢင်း​လွတ်ႈ​တင်း​ဢပႅတ်ႈ။-</verse>
				<verse number="23">ၵွပ်ႈ​ႁွႆး​ၼႆႉ၊ ပိူဝ်ႈ​ဢၼ်​ဢဝ်​တင်း တၢင်း​ပုၵ်ႈ​ၸေႃႇ​ၸိူဝ်ႉ​ၼင်ႇ​ၼၼ် ႁႂ်ႈ​ပုင်ႇ​ႁၢင်ႈ​ၶိူင်ႈ​ပိူင် ဢၼ်​မီး​ၵႃႈ​ၼိူဝ်​ၵၢင်​ႁၢဝ်​တင်း​လၢႆ​ၶၢဝ်​သႂ်​ၼၼ်ႉ​လႄႈ တၵ်း​လႆႈ​ဢဝ်​တင်း​တၢင်း​ပုၵ်ႈ​ၸေႃႇ​ဢၼ်​ယဵင်ႈ​ၶႅၼ်း​မျၢတ်ႈ​ၼႃႇ ႁႂ်ႈ​ၶိူင်ႈ​ပိူင်​ၵၢင်​ႁၢဝ်​တင်း​လၢႆ ၶၢဝ်​သႂ်​ဢေႃႈ။-</verse>
				<verse number="24">ၼင်ႇ​ၼၼ်​လႄႈ ၸဝ်ႈ​ၶရိၸ်ႈ​ယင်း​ဢမ်ႇ​ၶဝ်ႈ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ ဢၼ်​ၵူၼ်း​ဢဝ်​မိုဝ်း​ႁဵတ်း၊ ဢၼ်​ပဵၼ်​ပုင်ႇ​ႁၢင်ႈ​ထႃႇၼႃႉ​တီႈ​မူတ်း​ၸၢင်ႇ ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ​လႄႈ ၶဝ်ႈ​ၵႃႈ​ၼႂ်း​တူဝ်​ၵၢင်​ႁၢဝ် ႁႂ်ႈ​လႆႈ​ၼႄ​ပျႃး​တူဝ်​ၸဝ်ႈ​ၵဝ်ႇ​ပုၼ်ႈ​ႁဝ်း ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​တေႃႈ​လဵဝ်​ၼႆႉ​ၼၼ်ႉ​ယဝ်ႉ။-</verse>
				<verse number="25">ၼႂ်း​ဝႃႈ​ၼၼ်​သေ​ၵေႃႈ မၼ်း​ၸဝ်ႈ​လႆႈ​ပုၵ်ႈ​ၸေႃႇ​တူဝ်​ၸဝ်ႈ​ၵဝ်ႇ​ၶိူဝ်း​ၶိူဝ်း​ယႂ်း​ယႂ်း မိူၼ်​ၸိူဝ်ႉ​ၼင်ႇ​ဢၼ်​ၶုၼ်​ယိတ်ႈပရေႃးႁဵၵ်ႈ​ဢဝ်​တင်း​လိူတ်ႈ​ပိူၼ်ႈ လႆႈ​ၶဝ်ႈ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ ၵူႈ​ပီႊ​ယူႇ​သေႇ​သေႇ​ၼၼ်ႉ​ဢမ်ႇ​ၸႂ်ႈ။-</verse>
				<verse number="26">ပေႃး​ပုၵ်ႈ​ၸေႃႇ​ၸိူဝ်ႉ​ၼင်ႇ​ၼၼ်​ၸိုင်၊ ၸႃႉ​ၸဵမ်​မိူဝ်ႈ​ၵမ်ႇ​ၽႃႇ​ၸႃႉ​တႄႇ​ၼၼ်ႉ​လႄႈ မၼ်း​ၸဝ်ႈ​တၵ်း​လႆႈ​ၶၢမ်ႇ​တၢင်း​တၢႆ ၶိူဝ်း​ၶိူဝ်း​ယႂ်း​ယႂ်း​ဢေႃႈ။ တေႃႈ​လဵဝ်​ၼႆႉ​ၸမ်ႉ၊ ၼႂ်း​ၵၢပ်ႈ​ၵႃႇလႃႉ​တီႈ​သုတ်း​ၼႆႉ၊ မၼ်း​ၸဝ်ႈ​ၼၼ်ႉ​ပေႃႇ​မႃး​ႁႂ်ႈ​လႆႈ​ပႄႇ​ၽဵဝ်ႈ​ပႅတ်ႈ​ဢပႅတ်ႈ​တင်း​လၢႆ ၼႂ်း​တၢင်း​ဢၼ်​ဢဝ်​တူဝ်​ၸဝ်ႈ​ၵဝ်ႇ​ပုၵ်ႈ​ၸေႃႇ​ၼၼ်ႉ ပွၵ်ႈ​လဵဝ်​ၵူၺ်း​ဢေႃႈ။-</verse>
				<verse number="27">ၸိူဝ်ႉ​ၼင်ႇ​ဢၼ်​ၵူၼ်း​ၸၢင်ႈ​တၢႆ​ပွၵ်ႈ​လဵဝ်​ၵူၺ်း​လႄႈ ၵမ်း​လိုၼ်း​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​ၸီႇ​ယၢင်ႇ​တြႃး​ၼၼ်ႉ၊-</verse>
				<verse number="28">မိူၼ်​ၼင်ႇ​ၼၼ် ၸဝ်ႈ​ၶရိၸ်ႈ​ပုၵ်ႈ​ၸေႃႇ​တူဝ်​ၸဝ်ႈ​ၵဝ်ႇ ႁႂ်ႈ​လႆႈ​ၶၢမ်ႇ​ဢပႅတ်ႈ​ၵူၼ်း​ၼမ်​ၼႃႇ​ၼၼ်ႉ ပွၵ်ႈ​လဵဝ်​ၵူၺ်း​သေ​ယဝ်ႉ၊ ၵမ်း​လိုၼ်း ယင်း​ဢမ်ႇ​ၸၢပ်ႈ​သႅင်ႇ​ၵၼ်​တင်း​ဢပႅတ်ႈ​လႄႈ တၵ်း​ပေႃႇ​မႃး​တီႈ​ၶဝ်​ၸိူဝ်း​ဢၼ် မုင်ႈ​ထႃႈ​မွင်း​ထႃႈ​မၼ်း​ၸဝ်ႈ​ၼၼ်ႉ ႁႂ်ႈ​လႆႈ​ၵႄႇ​ၶျွတ်ႈ​ဢဝ်​ဢေႃႈ။</verse>
			</chapter>
			<chapter number="10">
				<verse number="1">ၼႄး​ၼိုင်ႈ​ၸမ်ႉ၊ ၵွပ်ႈ​ပိူဝ်ႈ​ဢၼ်​ပိင်း​ၺၢပ်ႈ​တြႃး ဢမ်ႇ​ၼႄ​ပၼ်​ပုင်ႇ​ႁၢင်ႈ ဢၼ်​ဢၵျူဝ်း​မင်ႇၵလႃႇ ဢၼ်​တၵ်း​ပဵၼ်​ၵမ်း​လိုၼ်း​တင်း​လၢႆ ၼၼ်ႉ​သေႇ​ၶျႃႇ​လီ​ငၢမ်း၊ ၼႄ​ပၼ်​သၢႆ​ငၢႆ​ၵူၺ်း​လႄႈ လႆႈ​ဢဝ်​ယိတ်ႈ​ဢၼ်​ပုၵ်ႈ​ၸေႃႇ​ၵူႈ​ပီႊ​သေႇ​သေႇ​ၼၼ်ႉ​လႄႈ ဢမ်ႇ​ႁႂ်ႈ​ၶဝ်​ၸိူဝ်း​ဢၼ်​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၸဝ်ႈ​ၼၼ်ႉ တႄႇ​ယူႇ​ၵႃႈ​ၼႂ်း​တၢင်း​ဢၼ်​ၸေး​ဢၼ်​ၸုမ်ႇ​ၼၼ်ႉ​လႆႈ။-</verse>
				<verse number="2">ပေႃး​ႁႂ်ႈ​တႄႇ​ယူႇ​လႆႈ​ၸိုင်၊ ၵွပ်ႈ​ပိူဝ်ႈ​ဢၼ်​ၶဝ်​ၸိူဝ်း​ဢၼ်​ႁဵတ်း​ဝၢတ်ႈ​ၼၼ်ႉ ႁွတ်ႈ​ထိုင်​တၢင်း​ဢၼ်​မူတ်း​သႂ် ပွၵ်ႈ​လဵဝ်​ၵူၺ်း​သေ​ယဝ်ႉ၊ ၵမ်း​လိုၼ်း​ယင်း​ဢမ်ႇ​မီး​လွင်ႈ​ဢၼ် တၵ်း​လႆႈ​သၢင်ႇဝူၺ်ႇၵႃႉ​တြႃး​သေ​ဢိတ်း​ၼၼ်ႉ​လႄႈ၊ ၵမ်း​လိုၼ်း ၶဝ်​ယင်း​ဢမ်ႇ​ပုၵ်ႈ​ၸေႃႇ​လႄႈ​တၵ်း​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="3">ၵူၺ်း​ၵႃႈ ၼႂ်း​လွင်ႈ​ဢၼ်​ပုၵ်ႈ​ၸေႃႇ​ယိတ်ႈ​ၸိူဝ်း​ၼၼ်ႉ​ၸိုင် မီး​တၢင်း​ဢၼ်​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ဢပႅတ်ႈ​ယူႇ​ၵူႈ​ပီႊ​ဢေႃႈ။-</verse>
				<verse number="4">လွင်ႈ​မၼ်း​ၸမ်ႉ လိူတ်ႈ​ဝူဝ်း၊ လိူတ်ႈ​ပႄႉ ဢမ်ႇ​ပႄႇ​ပႅတ်ႈ​ဢပႅတ်ႈ​လႆႈ။</verse>
				<verse number="5">ပိူဝ်ႈ​ၼႆ​လႄႈ ၸဝ်ႈ​ၶရိၸ်ႈ​ၼၼ်ႉ မိူဝ်ႈ​ဢၼ်​မႃး​ၼႂ်း​လေႃးၵႃႉ​ၼႆႉ​ၼၼ်ႉ​ၸိုင်၊ လဝ်ႊ​လၢတ်ႈ​လႄႈ​ဝႃႈ၊ ဢူဝ်း​ၽြႃး​ပဵၼ်​ၸဝ်ႈ၊ ၸဝ်ႈ​ႁဝ်း​ဢမ်ႇ​မီး​ဢလူဝ်ႇ​ၶႂ်ႈ​လႆႈ​ယိတ်ႈ ဢိၵ်ႇ​တင်း​ၶိူင်ႈ​တၢင်း​ပုၵ်ႈ​ၸေႃႇ​တင်း​လၢႆ တီႈ​ၶႃႈ​ယဝ်ႉ။ ၵူၺ်း​ၵႃႈ ၸဝ်ႈ​ႁဝ်း​မႄး​ႁဵတ်း​ဝႆႉ​တူဝ်​ၶၼ်ႇ​ထႃႇ ပုၼ်ႈ​ၵဝ်​ၶႃႈ​တီႈ​ၶႃႈ​ယဝ်ႉ။-</verse>
				<verse number="6">မိူဝ်ႈ​ဢၼ်​ၸဝ်ႈ​ႁဝ်း​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​ယိတ်ႈ​တၢင်း​ဢၼ်​ဢဝ်​ၽႆး​တုတ်ႇ ဢိၵ်ႇ​တင်း​ယိတ်ႈ​တၢင်း​ဢၼ် ၽေႇ​ဢပႅတ်ႈ​တင်း​လၢႆ​ၼၼ်ႉ​ၸိုင်၊-</verse>
				<verse number="7">ၵဝ်​ၶႃႈ​ႁပ်ႉ​တုင်း​ဢဝ် မႅၼ်ႈ​ၸွမ်း​ၵႃႈ​ၼင်ႇ​ဢၼ် ဢဝ်​လွင်ႈ​ၵဝ်​ၶႃႈ တႅမ်ႈ​ဝႆႉ​ၵႃႈ​ၼႂ်း​ၵဵၼ်​ႁမ်း​ၵျၢမ်း​လိၵ်ႈ​ၼၼ်ႉ​လႄႈ​ဝႃႈ၊ ၵဝ်​ၶႃႈ​တၵ်း​ၵႂႃႇ​ႁႂ်ႈ​လႆႈ ႁဵတ်း​ၸွမ်း​ဢလူဝ်ႇ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၸဝ်ႈ​ၶရိၸ်ႈ​ဢဝ်​လွင်ႈ​ဝၢတ်ႈ​ဢၼ် တၵ်း​လႆႈ​ႁဵတ်း​ၸွမ်း​ၼင်ႇ​ပိင်း​ၺၢပ်ႈ​တြႃး​ၼၼ်ႉ​သေ​လႄႈ လၢတ်ႈ​ဝႆႉ​ဢွၼ်​တၢင်း​လႄႈ​ဝႃႈ၊ ၸဝ်ႈ​ႁဝ်း​ဢမ်ႇ​မီး​ဢလူဝ်ႇ​ၶႂ်ႈ​လႆႈ၊ ၸဝ်ႈ​ႁဝ်း​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​ယိတ်ႈ တင်း​ၶိူင်ႈ​တၢင်း​ပုၵ်ႈ​ၸေႃႇ​တင်း​လၢႆ ဢိၵ်ႇ​တင်း​ယိတ်ႈ​ဢၼ်​ဢဝ်​ၽႆး​တုတ်ႇ တင်း​ယိတ်ႈ​တၢင်း​ဢၼ် ၽေႇ​ဢပႅတ်ႈ​တင်း​လၢႆ​ၼၼ်ႉ​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="9">လႆႈ​သမ်ႉ ၼႂ်း​လွင်ႈ​ဢၼ်​မၼ်း​ၸဝ်ႈ လဝ်ႊ​လၢတ်ႈ​လႄႈ​ဝႃႈ၊ ဢူဝ်း​ၽြႃး​ပဵၼ်​ၸဝ်ႈ၊ ၵဝ်​ၶႃႈ​တၵ်း​ၵႂႃႇ​ႁႂ်ႈ​လႆႈ ႁဵတ်း​ၸွမ်း​ဢလူဝ်ႇ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ မၼ်း​ၸဝ်ႈ​ပႄႇ​ပႅတ်ႈ​ဝၢတ်ႈ​ပထမႃႉ​ၼၼ်ႉ ႁႂ်ႈ​ဝၢတ်ႈ​တူႉတီႉယႃႉ​လႆႈ​တႄႇ​ဢေႃႈ။-</verse>
				<verse number="10">မႅၼ်ႈ​ၵႃႈ​ၼင်ႇ​ဢလူဝ်ႇ​ၸဝ်ႈ​ၼၼ်ႉ​လႄႈ ႁဝ်း​ႁွတ်ႈ​ထိုင်​တၢင်း​ဢၼ်​မူတ်း​ၸၢင်ႇ ၵွပ်ႈ​ပိူဝ်ႈ​တၢင်း​ဢၼ်​ပုၵ်ႈ​ၸေႃႇ​တူဝ်​ၶၼ်ႇ​ထႃႇ ယေႇသူႉ ​ပွၵ်ႈ​လဵဝ်​ၵူၺ်း​ၼၼ်ႉ​ဢေႃႈ။</verse>
				<verse number="11">ယိတ်ႈပရေႃးႁဵၵ်ႈ​ၵူႈ​ပႃး ႁဵတ်း​ဝၢတ်ႈ​ၵူႈ​ဝၼ်း​လႄႈ ပုၵ်ႈ​ၸေႃႇ​ယိတ်ႈ​ဢၼ် ဢမ်ႇ​ၽေႇ​ဢပႅတ်ႈ​လႆႈ​ၼၼ်ႉ​ယူႇ ၶိူဝ်း​ၶိူဝ်း​ယႂ်း​ယႂ်း​သေ​လႄႈ လႆႈ​ၸုၵ်း​ယူႇ​ဢေႃႈ။-</verse>
				<verse number="12">ၸဝ်ႈ​ၼၼ်ႉ​ၸမ်ႉ၊ ၸႃႉ​ၸဵမ်​မိူဝ်ႈ​ဢၼ်​ပုၵ်ႈ​ၸေႃႇ​ယိတ်ႈ​ဢၼ်​ၼိုင်ႈ ႁႂ်ႈ​လႆႈ​ၽေႇ​ဢပႅတ်ႈ​ၼၼ်ႉ​ယဝ်ႉ​ၼၼ်ႉ၊ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၽြႃး​ပဵၼ်​ၸဝ်ႈ​ယူႇ​သေႇ​သေႇ​လႄႈ၊-</verse>
				<verse number="13">ၸူဝ်ႈ​ဢၼ်​ဢမ်ႇ​ပႆႇ​ဢဝ်​ရၢၼ်ႇ​သူႇ​တင်း​လၢႆ​ၶျႃး​ဝႆႉ ႁႂ်ႈ​ပဵၼ်​တီႈ​တၢင်ႇ​တိၼ်​မၼ်း​ၸဝ်ႈ​ၼၼ်ႉ​ၸိုင် မုင်ႈ​ထႃႈ​မွင်း​ထႃႈ​ယူႇ​ဢေႃႈ။-</verse>
				<verse number="14">လွင်ႈ​မၼ်း​ၸမ်ႉ မၼ်း​ၸဝ်ႈ​ဢဝ်​တင်း​တၢင်း​ဢၼ်​ပုၵ်ႈ​ၸေႃႇ​ပွၵ်ႈ​လဵဝ်​ၵူၺ်း​ၼၼ်ႉ ႁဵတ်း​ႁႂ်ႈ​ၶဝ်​ၸိူဝ်း​ဢၼ်​မူတ်း​ၸၢင်ႇ​ၼၼ်ႉ လႆႈ​ဢၵျူဝ်း​တၢင်း​ဢၼ်​ၸေး​ၸုမ်ႇ​ထႃႇဝရႃႉ​ဢေႃႈ။-</verse>
				<verse number="15">ၼင်ႇ​ၼၼ်​လႄႈ ၼႂ်း​လွင်ႈ​ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ပၼ်​သၢၵ်ႈ​သေႇ​ၵႃႈ​တီႈ​ႁဝ်း​ၼၼ်ႉ၊-</verse>
				<verse number="16">ပတီႉၺိၺ်ႇ​တြႃး ဢၼ်​ၵဝ်​တၵ်း​ပၼ်​တီႈ​ၶဝ် မိူဝ်ႈ​ၶိင်ႇ​ၵႃႇလႃႉ​ၵမ်း​လိုၼ်း​ၼၼ်ႉ​ၸမ်ႉ၊ ၵဝ်​ထႃႇဝရႃႉ​ၽြႃး​တၵ်း​ဢဝ် ပိင်း​ၺၢပ်ႈ​တြႃး​ၵဝ်​သႂၢင်း​သႂ်ႇ ၵႃႈ​ၼႂ်း​ဝီႉၺိၺ်ႇ​ၶဝ်​ဢေႃႈ။ တၵ်း​တႅမ်ႈ​သႂ်ႇ​ဝႆႉ​ၵႃႈ​ၼိူဝ်​ႁူဝ်​ၸႂ်​ၶဝ်​ဢေႃႈ၊ ဝႃႈ​ၼင်ႇ​ၼႆ​ဝႆႉ​ဢွၼ်​တၢင်း​သေ​ယဝ်ႉ၊-</verse>
				<verse number="17">လႆႈ​သမ်ႉ မီး​ဢမိင်ႉ​ဝႃႈ၊ ၵဝ်​တၵ်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တၢင်း​ဢၼ်​ၶဝ်​ၽိတ်း​ပိူင်ႈ​ပူၼ်ႉ​လိူဝ်​တင်း​လၢႆ​ၼၼ်ႉ​လႄႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="18">ပေႃး​တၢင်း​ဢၼ်​ၵၢင်း​လွတ်ႈ​တင်း​ဢပႅတ်ႈ​ၸိူဝ်း​ၼၼ်ႉ​မီး​ယဝ်ႉ​ၸိုင်၊ ၵမ်း​လိုၼ်း​လွင်ႈ​ဢၼ်​တၵ်း​လႆႈ ႁဵတ်း​တၢင်း​ပုၵ်ႈ​ၸေႃႇ ဢၼ်​တၵ်း​ၽေႇ​ဢပႅတ်ႈ​ထႅင်ႈ ဢမ်ႇ​မီး။</verse>
				<verse number="19">ပိူဝ်ႈ​ၼႆ​လႄႈ​ပီႈ​ၼွင်ႉ​ၶဝ်​ဢိူၺ်း၊ ၵွပ်ႈ​ပိူဝ်ႈ​ဢၼ်​ႁဝ်း​ဢိင်​လိူတ်ႈ​ ယေႇသူႉ ​လႄႈ မီး​ဢၶႂၢင်ႉ​ဢၼ်​ၸွမ်း​ၼႂ်း​သဵၼ်ႈ​တၢင်း​ဢၼ်​မႂ်ႇ ဢၼ်​မီး​ဢသၢၵ်ႈ၊-</verse>
				<verse number="20">ဢၼ်​မၼ်း​ၸဝ်ႈ​ပွင်​ႁဵတ်း​ပွင်​မႄး​ဝႆႉ​လႄႈ လွတ်ႈ​ပွင်ႇ​ၽႃႈ​ၵင်ႈ ဢၼ်​တူဝ်​ၶၼ်ႇ​ထႃႇ​မၼ်း​ၸဝ်ႈ​ၼၼ်ႉ​ၵႂႃႇ​ၼၼ်ႉ​သေ​လႄႈ ႁတ်း​ၶဝ်ႈ​ၸူး​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ​ၼၼ်ႉ၊-</verse>
				<verse number="21">ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​မီး ၶုၼ်​ယိတ်ႈပရေႃးႁဵၵ်ႈ ဢၼ်​ဢုပ်ႉ​ႁိူၼ်း​ၽြႃး​ပဵၼ်​ၸဝ်ႈ​ယူႇ​လႄႈ၊-</verse>
				<verse number="22">ႁဝ်း​မီး​သၽေႃး​ဢၼ်​ပျေႉ​ၸုမ်ႇ တင်း​သဵတ်ႈ​ၸႃႇ​လႄႈ တႄႇ​ယူႇ​ၼႂ်း​တၢင်း​ဢၼ်​ယုမ်ႇ​မၢတ်ႈ ဢၼ်​ၵၢင်း​လွတ်ႈ​တင်း​ဝီႉၸီႉၵိၵ်ႉသႃႇ ယူႇ​သေ​လႄႈ မီး​တၢင်း​ဢၼ်​ၶၢမ်ႇ​တၢင်း​ဢၼ်​ဢဝ်​လိူတ်ႈ​ၽႅတ်း​သႂ်ႇ​ႁႂ်ႈ​လႆႈ​ၵၢင်း​လွတ်ႈ​တင်း​သၢင်ႇဝူၺ်ႇၵႃႉ​တြႃး ဢိၵ်ႇ​တင်း​တၢင်း​ဢၼ်​ဢဝ်​တင်း​ၼမ်ႉ​ဢၼ်​သႂ်​လီ သုၵ်ႈ​ပွတ်ႈ​တူဝ်​ၵႃႇ​ယႃႉ​ႁဝ်း​သေ​ယဝ်ႉ၊ ၶဝ်ႈ​သုတ်ႉ​ၸပ်း​သုတ်ႉ​ၸူး​ၵႃႈ​တီႈ​ၸဝ်ႈ​ၼၼ်ႉ​တႃႉ​ႁဝ်း။-</verse>
				<verse number="23">ႁပ်ႉ​တုင်း​ဢဝ်​လွင်ႈ​တၢင်း​ဢၼ်​မုင်ႈ​ထႃႈ​မွင်း​ထႃႈ​သေ​ယဝ်ႉ၊ ယင်း​ဢမ်ႇ​ၶၢႆႉ​ဢမ်ႇ​ပုတ်ႈ ဢမ်ႇ​သုတ်ႈ​ဢမ်ႇ​ယွမ်း​ၵႂႃႇ​သေ​လႄႈ တႄႇ​ယူႇ​တႃႉ​ႁဝ်း။ လွင်ႈ​မၼ်း​ၸမ်ႉ ၸဝ်ႈ​ဢၼ်​ဝႆႉ​ၵတီႉ​ၸဝ်ႈ​ၼၼ်ႉ ပျေႉ​ၸုမ်ႇ​တင်း​သဵတ်ႈ​ၸႃႇ​ယူႇ​ဢေႃႈ။-</verse>
				<verse number="24">လိူဝ်​သေ​ၼၼ်ႉ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၶႆႈ​ၸႂ်​လူ​တူၺ်း​ၵၼ်​လႄႈ ႁႃ​ဢဝ်​ဢၶႂၢင်ႉ​ဢၼ်​တၵ်း​လႆႈ​တိုၵ်း​ယူင်း​ၸူဝ်း​ဢဝ်​ၵၼ် ႁႂ်ႈ​လႆႈ​မီး​ၸႂ်​မႅတ်ႈ​တႃႇ ဢိၵ်ႇ​တင်း​ႁႂ်ႈ​လႆႈ​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​တႃႉ​ႁဝ်း။-</verse>
				<verse number="25">ၸွမ်း​ၼင်ႇ​ဢၼ်​မီး​ထုင်း​ၸၢမ်ႇ​ၵူၼ်း​ၵမ်ႈ​ၽွင်ႈ​ၼၼ်ႉ၊ ယႃႇ​ပေ​ဝႄႈ​ပႅတ်ႈ လွင်ႈ​တၢင်း​ဢၼ်​ၼင်ႇ​ၵၼ်​ၵၼ်​ၸူႉ​ၵၼ်​တုမ်​ၵၼ်​ၼၼ်ႉ​လႄႈ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တိုၵ်း​ယူင်း​ၸူဝ်း​ဢဝ်​ၵၼ်​တႃႉ။ ပိူဝ်ႈ​ဢၼ်​ထွၵ်ႈ​လူၺ်ႈ​လွင်ႈ​ဢၼ် ၶိင်ႇ​ၵႃႇလႃႉ​ၸမ်​တၵ်း​ႁွတ်ႈ​မႃး​ၼၼ်ႉ​လႄႈ ယဵင်ႈ​ၶႅၼ်း​ၵႆႉ​ၵျူဝ်း​ၸႃး​တႃႉ။</verse>
				<verse number="26">လွင်ႈ​မၼ်း​ၸမ်ႉ ပေႃး​ႁဝ်း​ႁူႉ​ၸႅင်ႈ​သမ်ႇမႃႇ​တြႃး​သေ​ယဝ်ႉ၊ ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ သမ်ႉ​ၶိုၼ်း​ၽိတ်း​ၶိုၼ်း​ပိူင်ႈ​ထႅင်ႈ​ၸိုင်၊ ၵမ်း​လိုၼ်း​ယင်း​ဢမ်ႇ​မီး​ဢၶႂၢင်ႉ​တၢင်း​ဢၼ်​ပုၵ်ႈ​ၸေႃႇ​ယိတ်ႈ​ဢၼ်​ၽေႇ​ဢပႅတ်ႈ​လႄႈ၊-</verse>
				<verse number="27">မီး​လွင်ႈ​ဢၼ်​တၵ်း​လႆႈ​မုင်ႈ​ထႃႈ​မွင်း​ထႃႈ ဢၼ်​လီ​ၵူဝ်​လီ​ႁႄ​ၼႃႇ​လူင်​လၢင် ဢၼ်​ဝႃႈ​တၢင်း​ဢၼ်​တၵ်း​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​တၢမ်ႇ ဢိၵ်ႇ​တင်း​လွင်ႈ​ဢၼ်​တၵ်း​လႆႈ​ၶၢမ်ႇ တၢင်း​ဢၼ်​ၽႆး၊ တၢင်း​ၸႂ်​မႆႈ​ၸဝ်ႈ တုတ်ႇ​ယႃႉ​ပႅတ်ႈ ၶဝ်​ၸိူဝ်း​ဢၼ်​ထဵင်​ပႅတ်ႈ​ၼၼ်ႉ​ဢေႃႈ။-</verse>
				<verse number="28">ၵေႃႉ​ဢၼ်​ပႄႇ​ပႅတ်ႈ​တြႃး​ မူဝ်းသေႇ ​ၼၼ်ႉ​ၸမ်ႉ၊ ပေႃး​မီး​ၵေႃႉ​ဢၼ်​ၶၢမ်ႇ​သၢၵ်ႈ​သေႇ သွင်​ၵေႃႉ​သၢမ်​ၵေႃႉ​ၸိုင်၊ ယင်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ဢဵတ်း​လူ​လႄႈ လႆႈ​တၢႆ​ဢေႃႈ။-</verse>
				<verse number="29">ၵေႃႉ​ဢၼ်​ဢဝ်​တိၼ်​ယဵပ်ႇ​ၶၢမ်ႈ လုၵ်ႈ​ၽြႃး​ပဵၼ်​ၸဝ်ႈ​ယူႇ၊ တၢင်ႇ​ဢပႅတ်ႈ​ၵႃႈ​ၼိူဝ်​လိူတ်ႈ ပတီႉၺိၺ်ႇ​တြႃး ဢၼ်​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ​ၼၼ်ႉ​ယူႇ​သေ​လႄႈ ႁဵတ်း​ဢမ်ႇ​ၼပ်ႉ​ဢမ်ႇ​ၶၢၼ်း တီႈ​ဝီႉၺိၺ်ႇ​ၸဝ်ႈ ဢၼ်​ၸၢင်ႈ​ပၼ်​သူႉ​ၵျေး​ၸူး​ၼၼ်ႉ တၵ်း​လႆႈ​ထိူၵ်ႈ​ၶၢမ်ႇ​တၢမ်ႇ​ဢၼ်​ယႂ်ႇ​ၼႃႇ​လူင်​လၢင်​ထၢၼ်ႇ​လႂ်​ဝႃႈ​ၼႆ သူ​ထၢင်ႇ​ႁိုဝ်။-</verse>
				<verse number="30">ႁဝ်း​ႁူႉ​ၸဝ်ႈ​ဢၼ်​မီး​ဢမိင်ႉ​လႄႈ​ဝႃႈ၊ ၵဝ်​ဢုပ်ႉ​ပိူင်ႇ​ၸီႇ​ယၢင်ႇ​ဢပႅတ်ႈ​တြႃး​ဢေႃႈ။ ၵဝ်​တၵ်း​တွပ်ႇ​တႅၼ်း​ပၼ် ၸွမ်း​ၼင်ႇ​ဢၼ်​ဢပႅတ်ႈ​မီး​ၼၼ်ႉ​ဢေႃႈ​၊ ဝႃႈ​ၼင်ႇ​ၼႆ​လႄႈ သမ်ႉ​ဝႃႈ၊ ထႃႇဝရႃႉ​ၽြႃး​တၵ်း​ၸီႇ​ယၢင်ႇ​တြႃး ပုၼ်ႈ​ၵူၼ်း​မၼ်း​ၸဝ်ႈ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယူႇ​ဢမၢၼ်ႇ​ၶၼ်​ပဵၼ်​ဢေႃႈ။-</verse>
				<verse number="31">ဢမူႉ​လွင်ႈ​တၢင်း​ဢၼ်​တူၵ်း​ႁွတ်ႈ​ၵႃႈ​ၼႂ်း​မိုဝ်း​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ၼၼ်ႉ ပဵၼ်​ဢမူႉ​လွင်ႈ​တၢင်း​ဢၼ် လီ​ၵူဝ်​လီ​ႁႄ​ၼႃႇ​လူင်​လၢင်​ဢေႃႈ။</verse>
				<verse number="32">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၶိင်ႇ​ၵႃႇလႃႉ​မိူဝ်ႈ​ဢွၼ်​ၼႆႉ​ၼၼ်ႉ ဢၼ်​လိုၼ်း​သေ​သူ​ႁွတ်ႈ​ထိုင် ၵႃႈ​ၼႂ်း​ဢၼ်​လႅင်း​သေ​ယဝ်ႉ၊ သူ​လႆႈ​ထူပ်း​တၢင်း​ဢၼ်​ၶေႉ​ၶဵင်ႇ​တိုၵ်း​ၵၼ်၊-</verse>
				<verse number="33">ဢိၵ်ႇ​တင်း​တၢင်း​ဢၼ်​တုၵ်ႉ​ၶႃႉ​ဝူၺ်ႇတၼႃႇ​ဢၼ်​ယႂ်ႇ​ၼႃႇ ၵွပ်ႈ​ပိူဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ်​သႄႉ​သွမ်း​ၼိၵ်ႈ​ၸၢၵ်ႈ​ငႅၼ်း​သႄး​ၽၢႆႇ​ၼႃႈ​ၵူၼ်း​တင်း​လၢႆ ဢိၵ်ႇ​တင်း​ၵွပ်ႈ​ပိူဝ်ႈ​ဢၼ်​ပဵၼ်​ၵေႃႉ​သေႈ​ဢၼ် သိူၵ်ႈ​သမ်ႇ​ၵၼ်​တင်း ၶဝ်​ၸိူဝ်း​ဢၼ်​လႆႈ​ၶၢမ်ႇ​ၸိူဝ်ႉ​ၼင်ႇ​ၼၼ်​ၼၼ်ႉ​တႃႉ။-</verse>
				<verse number="34">မိူဝ်ႈ​ၼၼ်ႉ သူ​လႆႈ​ၸဵပ်း​ၸႂ်​ပုၼ်ႈ​ၶဝ် ၸိူဝ်း​ဢၼ်​လႆႈ​ၶၢမ်ႇ​တူၵ်း​ၵိၼ်း​ၼၼ်ႉ​လႄႈ ႁူႉ​လွင်ႈ​ဢၼ်​သူ​မီး​ၽၼ်ႇတႃႇ​ဢၼ်​ယဵင်ႈ​ၶႅၼ်း​မျၢတ်ႈ​လႄႈ တႄႇ​ယူႇ​သေႇ​သေႇ​ပုၼ်ႈ​ဢၼ် တူဝ်​ၸဝ်ႈ​ၵဝ်ႇ​တၵ်း​သုင်း​သွင်ႇ​ၼၼ်ႉ​ယူႇ​သေ​လႄႈ မီး​တင်း​ၸႂ်​ဢၼ်​သိူဝ်း​ပျေႃႇ ႁပ်ႉ​တုင်း​ဢဝ်​တၢင်း​ဢၼ်​ပိူၼ်ႈ​ယႃႉ​ပႅတ်ႈ ႁိမ်​ဢဝ်​ဢုၵ်ႉ​ၸႃႇ​ၶူဝ်း​လဵင်း​သူ​ၼၼ်ႉ​ဢေႃႈ။</verse>
				<verse number="35">ပိူဝ်ႈ​ၼႆ​လႄႈ ယႃႇ​ပေ​ပႅတ်ႈ​ဝႆႉ​တၢင်း​ဢၼ်​ၸႂ်​သူ​ႁတ်း​ႁၢၼ် ဢၼ်​ၸၢပ်ႈ​သႅင်ႇ​ၵၼ်​တင်း​ဢၵျူဝ်း​ဢၼ်​ယႂ်ႇ​ၼႃႇ​ၼၼ်ႉ။-</verse>
				<verse number="36">သူ​ႁဵတ်း​ၸွမ်း​ဢလူဝ်ႇ​ၽြႃး​ပဵၼ်​ၸဝ်ႈ​သေ​ယဝ်ႉ၊ လွင်ႈ​ၼင်ႇ​ႁိုဝ်​တၵ်း​လႆႈ​ဢၵျူဝ်း​ၵႃႈ​ၼင်ႇ ၵတီႉ​ၸဝ်ႈ​ၼၼ်ႉ​ၸိုင်၊ သူ​တၵ်း​လႆႈ​မီး​ၸႂ်​တၢင်း​ဢၼ်​ယိူၼ်ႉ​ၶၢမ်ႇ​ဢေႃႈ။-</verse>
				<verse number="37">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ဢၼ်​မီး​မႃး​လႄႈ​ဝႃႈ၊ ၵေႃႉ​ဢၼ်​တၵ်း​မႃး​ၼၼ်ႉ ယင်း​ဢမ်ႇ​ၵိုတ်း​ဢမ်ႇ​သဝ်း ဢမ်ႇ​ထိူင်း​ဢမ်ႇ​ၼၢၼ်း​လႄႈ တၵ်း​ႁွတ်ႈ​မႃး​ဢေႃႈ။-</verse>
				<verse number="38">ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ဢသၢၵ်ႈ​တၵ်း​လိပ်း​ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပေႃး​မၼ်း​သုတ်ႈ​ယွမ်း​ၵႂႃႇ​ၸိုင် ၸႂ်​ဝီႉၺိၺ်ႇ​ၵဝ်​ဢမ်ႇ​ထုၵ်ႇ​ၸႂ်​ၵျိူၵ်ႈ​ၸႂ်​ၵေႃႉ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="39">ႁဝ်း​ၸမ်ႉ ပဵၼ်​ၵေႃႉ​ဢၼ်​သုတ်ႈ​ယွမ်း​ၵႂႃႇ ႁႂ်ႈ​လႆႈ​ႁွတ်ႈ​တၢင်း​လူႉ​တၢင်း​လႅဝ်​ဢမ်ႇ​ၸႂ်ႈ။ ပဵၼ်​ၵေႃႉ​ဢၼ်​ယုမ်ႇ​မၢတ်ႈ ႁႂ်ႈ​ၸႂ်​ဝီႉၺိၺ်ႇ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။</verse>
			</chapter>
			<chapter number="11">
				<verse number="1">တၢင်း​ဢၼ်​ယုမ်ႇ​မၢတ်ႈ​ၸိုင် ပဵၼ်​တၢင်း​ဢၼ်​ၶျႃး​ၸႂ် လူၺ်ႈ​လွင်ႈ​တၢင်း​ၸိူဝ်း​ဢၼ် မုင်ႈ​ထႃႈ​မွင်း​ထႃႈ​ၼၼ်ႉ​ဢေႃႈ။ ပဵၼ်​တၢင်း​ဢၼ်​ႁူႉ​ၸႅင်ႈ ၸွႆး​ၸပ်း​လွင်ႈ​တၢင်း​ၸိူဝ်း​ဢၼ်​ဢမ်ႇ​ပႆႇ​ႁၼ်​ၼၼ်ႉ​ဢေႃႈ။-</verse>
				<verse number="2">ၵွပ်ႈ​ပိူဝ်ႈ​ပႃႇရမီႇ​ၼၼ်ႉ​လႄႈ ၵူၼ်း​ၵဝ်ႇ​မိူဝ်ႈ​ဢွၼ်​ၼႆႉ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ယွင်ႈ​ယေႃး​ဢေႃႈ။-</verse>
				<verse number="3">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ႁဝ်း​ႁူႉ​လွင်ႈ​ဢၼ်​ၶိူင်ႈ​ပိူင် ဢၼ်​လႆႈ​ႁၼ်​တေႃႈ​လဵဝ်​ၸိူဝ်း​ၼႆႉ ယင်း​ဢမ်ႇ​ပဵၼ်​မႃး​ၵႃႈ​ၼႂ်း​ၶိူင်ႈ​ပိူင် ဢၼ်​ထၢင်ႇ​သႃး​ၸိူဝ်း​ၼႆႉ​လႄႈ လေႃးၵထၢတ်ႈ​တင်း​လၢႆ တႄႇ​ယူႇ​ၵွပ်ႈ​ပိူဝ်ႈ​ဢမိင်ႉ​ၽြႃး​ပဵၼ်​ၸဝ်ႈ​ၵူၺ်း​ၼၼ်ႉ​ဢေႃႈ။</verse>
				<verse number="4">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ဢႃႇပေႇလႃႉ ​ၼၼ်ႉ ပုၵ်ႈ​ၸေႃႇ​ယိတ်ႈ​ဢၼ် ယဵင်ႈ​ၶႅၼ်း​မျၢတ်ႈ​ၼႃႇ​သေ​ယိတ်ႈ​ဢၼ် ၵႃႇဢီႉၼႃႉ ပုၵ်ႈ​ၸေႃႇ​ၼၼ်ႉ တီႈ​ၽြႃး​ပဵၼ်​ၸဝ်ႈ​ဢေႃႈ။ မၼ်း​ပုၵ်ႈ​ၸေႃႇ​ယိတ်ႈ​ၸိူဝ်ႉ​ၼင်ႇ​ၼၼ်​လႄႈ လႆႈ​တၢင်း​ဢၼ်​မၼ်း​ၸဝ်ႈ​ၶၢမ်ႇ​သၢၵ်ႈ​သေႇ လွင်ႈ​ဢၼ်​မၼ်း​သိုဝ်ႈ​တေႃႇ​ၼၼ်ႉ​ဢေႃႈ။ ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၽြႃး​ပဵၼ်​ၸဝ်ႈ​ႁပ်ႉ​တုင်း​ဢဝ်​တၢင်း​လူႇ​တၢင်း​တၢၼ်း ဢၼ်​မၼ်း​လူႇ​တၢၼ်း​ၼၼ်ႉ​ဢေႃႈ။ ၵွပ်ႈ​ႁွႆး​ၼႆႉ၊ ပိၵ်ႉ​သမ်ႉ​မၼ်း​တၢႆ​လႄႈ ပူၼ်ႉ​ၵႂႃႇ​ယဝ်ႉ​သေ​ၵေႃႈ၊ တေႃႈ​လဵဝ်​ၼႆႉ မၼ်း​ယင်း​ႁေႃး​လၢတ်ႈ​တြႃး​ယူႇ​ဢေႃႈ။-</verse>
				<verse number="5">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ဢေးၼွၵ်ႉ ​ၼၼ်ႉ ၵၢင်း​လွတ်ႈ​တင်း​တၢင်း​တၢႆ​သေ​လႄႈ လႆႈ​ၶၢႆႉ​ၵႂႃႇ​ၵႃႈ​ၼႂ်း ၸၢတ်ႈ​ၼႃႈ​ဢေႃႈ။ ပိူဝ်ႈ​ဢၼ်​ၽြႃး​ပဵၼ်​ၸဝ်ႈ ႁႂ်ႈ​မၼ်း​ၶၢႆႉ​ၵႂႃႇ​ၵႃႈ​ၼႂ်း​ၸၢတ်ႈ​ၼႃႈ​လႄႈ ၵမ်း​လိုၼ်း​မၼ်း​ဢမ်ႇ​ပေႃႇ​ဢမ်ႇ​မီး။ မၼ်း​ၼၼ်ႉ ၸူဝ်ႈ​ဢၼ်​ဢမ်ႇ​ပႆႇ​လႆႈ​ၶၢႆႉ​ၵႂႃႇ​ၵႃႈ​ၼႂ်း ၸၢတ်ႈ​ၼႃႈ​ၼၼ်ႉ​ၸိုင်၊ လႆႈ​တၢင်း​ဢၼ်​မၼ်း​ၸဝ်ႈ ၶၢမ်ႇ​သၢၵ်ႈ​သေႇ လွင်ႈ​ဢၼ်​ပဵၼ်​ၵေႃႉ​ဢၼ်​ထုၵ်ႇ​ၸႂ်​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="6">ပေႃး​တၢင်း​ဢၼ်​ယုမ်ႇ​မၢတ်ႈ​ဢမ်ႇ​မီး​ၸိုင်၊ ဢမ်ႇ​ထုၵ်ႇ​ၸႂ်​ၽြႃး​ပဵၼ်​ၸဝ်ႈ​လႆႈ။ လွင်ႈ​မၼ်း​ၸမ်ႉ ၵေႃႉ​ဢၼ်​သုတ်ႉ​ၸပ်း​သုတ်ႉ​ၸူး ၵႃႈ​တီႈ​ၽြႃး​ပဵၼ်​ၸဝ်ႈ​ၼၼ်ႉ တၵ်း​လႆႈ​ယုမ်ႇ​မၢတ်ႈ​လွင်ႈ​ဢၼ်​ၽြႃး​ပဵၼ်​ၸဝ်ႈ​မီး​ယူႇ ဢိၵ်ႇ​တင်း​လွင်ႈ​ဢၼ်​မၼ်း​ၸဝ်ႈ ပၼ်​ဢၵျူဝ်း​တီႈ​ၶဝ်​ၸိူဝ်း​ဢၼ် ႁႃ​မၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="7">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ၼူဝ်းဢႃႇ ​ၼၼ်ႉ လႆႈ​ၶၢမ်ႇ​ပျႃႇ​တိၵ်ႈ​ၸဝ်ႈ ဢၼ်​ၽုၺ်ႇ​ဢွၵ်ႇ​ၼႄ​ပျႃး လွင်ႈ​တၢင်း​ဢၼ် ဢမ်ႇ​ပႆႇ​ႁၼ်​ၸိူဝ်း​ၼၼ်ႉ​သေ​ယဝ်ႉ၊ မီး​ၸႂ်​ဢၼ်​ၵူဝ်​ဢၼ်​ႁႄ​လႄႈ တႄႇ​ႁဵတ်း​ႁိူဝ်း​သၢင်း​ၽေႃး ႁႂ်ႈ​လႆႈ​ၵႄႇ​ၶျွတ်ႈ​ဢဝ်​ၵူၼ်း​ႁိူၼ်း​ၵူၼ်း​ယေး​မၼ်း​ဢေႃႈ။ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ၼၼ်ႉ​လႄႈ၊ မၼ်း​တၢင်ႇ​ဢပႅတ်ႈ​ၵႃႈ​ၼိူဝ် ၵူၼ်း​လေႃးၵီႇ​တင်း​လၢႆ​လႄႈ ပဵၼ်​ၵေႃႉ​ဢၼ်​ၶၢမ်ႇ​ဢမူၺ်ႇ တၢင်း​ဢၼ်​သိုဝ်ႈ​တေႃႇ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ယုမ်ႇ​မၢတ်ႈ​ဢေႃႈ။-</verse>
				<verse number="8">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ဢႃႇပြႃႇႁၢမ်ႇ ​ၼၼ်ႉ မိူဝ်ႈ​ဢၼ်​ၽြႃး​ပဵၼ်​ၸဝ်ႈ ႁွင်ႉ​ဢဝ်​မၼ်း​ဢွၵ်ႇ​ၵႂႃႇ​ၸူး ၵႃႈ​တီႈ​မိူင်း​ဢၼ် တၵ်း​လႆႈ​ၶၢမ်ႇ​ဢမူၺ်ႇ​ၼၼ်ႉ​ၸိုင် ယင်း​ဢမ်ႇ​ႁူႉ​လွင်ႈ​ဢၼ်​တူဝ်​ၸဝ်ႈ​ၵဝ်ႇ တၵ်း​ၵႂႃႇ​ၵႃႈ​တီႈ​လႂ်​တၢင်း​လႂ်​ၼၼ်ႉ​လႄႈ ထွမ်ႇ​ဢဝ်​လႄႈ​ဢွၵ်ႇ​ၵႂႃႇ​ဢေႃႈ။-</verse>
				<verse number="9">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ မၼ်း​လႆႈ​ပဵၼ်​ၶႅၵ်ႇ​သေ​လႄႈ ယူႇ​ၵႃႈ​ၼႂ်း​မိူင်း​ဢၼ်​ၸၢပ်ႈ​သႅင်ႇ​ၵၼ်​တင်း ၵတီႉ​ၸဝ်ႈ မိူၼ်​ၸိူဝ်ႉ​ၼင်ႇ​ဢၼ် ၶႅၵ်ႇ​ယူႇ​ၵႃႈ​ၼႂ်း​မိူင်း​ဢၼ် ပိူၼ်ႈ​ဢုပ်ႉ​ပိူင်ႇ​ၼၼ်ႉ​ဢေႃႈ။ မၼ်း​ယူႇ​ၵႃႈ​ၼႂ်း​မူဝ်းၵႃႇ​လူၺ်ႈ​ၵၼ်​တင်း​ ဢီႉၸၢၵ်ႈ တင်း​ ယႃႇၵုပ်ႈ ​ဢၼ်​ဝႃႈ ၶဝ်​ၸိူဝ်း​ဢၼ် တၵ်း​လႆႈ​ၶၢမ်ႇ​ဢမူၺ်ႇ​ၵတီႉ​ၸဝ်ႈ​ၼၼ်ႉ​ဢေႃႈ။-</verse>
				<verse number="10">လွင်ႈ​မၼ်း​ၸမ်ႉ မၼ်း​မုင်ႈ​ထႃႈ​မွင်း​ထႃႈ ဝဵင်း​ဢၼ်​မၼ်ႈ​ၶိူင်ႇ၊ ဢၼ်​ၽြႃး​ပဵၼ်​ၸဝ်ႈ​တႄႇ​ႁဵတ်း​မႄး​ႁဵတ်း​ဝႆႉ​ၼၼ်ႉ​ဢေႃႈ။</verse>
				<verse number="11">ၵွပ်ႈ​ပိူဝ်ႈ​တၢင်း​ဢၼ် ယုမ်ႇ​မၢတ်ႈ​လႄႈ မေး​မၼ်း​ ၸႃႇရႃႇ ​ၼၼ်ႉ​ၵေႃႈ၊ လႆႈ​ၶၢမ်ႇ​ဢဝ်​ဢၶႂၢင်ႉ တၼ်း​ၶူဝ်း​ဢၼ်​ပႃး​ပတိၵ်ႉသၼ်ႇထေႇ ၼႂ်း​မိူဝ်ႈ​ဢၼ်​ဢသၢၵ်ႈ​ဢရွႆႇ​မၼ်း ပူၼ်ႉ​ၵႂႃႇ​ယဝ်ႉ​ၼၼ်ႉ​လႆႈ​ဢေႃႈ။ လွင်ႈ​မၼ်း​ၸမ်ႉ မၼ်း​မီး​တၢင်း​ဢၼ်​ၸႂ်​ၸပ်း​ၸႂ်​ၸွႆး လူၺ်ႈ​လွင်ႈ​ဢၼ် ၸဝ်ႈ​ဢၼ်​ဝႆႉ​ၵတီႉ​ၼၼ်ႉ မီး​သဵတ်ႈ​ၸႃႇ​ၼၼ်ႉ​ယူႇ​ဢေႃႈ။-</verse>
				<verse number="12">ပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​လႄႈ ၵူၼ်း​ၵေႃႉ​ၼိုင်ႈ ဢၼ်​မိူၼ်​ၸိူဝ်ႉ​ၼင်ႇ ၵူၼ်း​ဢၼ်​တၢႆ​ယဝ်ႉ​ၼၼ်ႉ ပဵၼ်​ပေႃႈ​ၶဝ်​ၸိူဝ်း​ဢၼ်​ၼမ်​ၵိုၼ်း​ၼႃႇ​လူင်​လၢင် မိူၼ်​ၸိူဝ်ႉ​ၼင်ႇ လၢဝ်​ၵၢင်​ႁၢဝ်​တင်း​လၢႆ​လႄႈ ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ မိူၼ်​ၸိူဝ်ႉ​ၼင်ႇ​သၢႆး ႁိမ်း​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​ဢေႃႈ။</verse>
				<verse number="13">ၶဝ်​ၸိူဝ်း​ဢၼ်​ဝႃႈ​မႃး​ယဝ်ႉ တေႃႈ​လဵဝ်​ၼႆႉ​ၼၼ်ႉ ယင်း​ဢမ်ႇ​လႆႈ​ၶၢမ်ႇ​ဢဝ်​ၵျေး​ၸူး​ဢၵျူဝ်း ဢၼ်​ၸၢပ်ႈ​သႅင်ႇ​ၵၼ်​တင်း ၵတီႉ​ၸဝ်ႈ​ၼၼ်ႉ​လႄႈ ယူႇ​တီႈ​ၵႆ​သေ​လႄႈ​မုင်ႈ​ႁၼ်​ယူႇ၊ ဢဝ်​တင်း​ႁူဝ်​ၸႂ် ၵွတ်ႇ​ဢုမ်ႈ​ယူႇ၊ ႁပ်ႉ​တုင်း​ဢဝ်​လွင်ႈ​ဢၼ် တူဝ်​ၸဝ်ႈ​ၵဝ်ႇ ပဵၼ်​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း၊ ၶႅၵ်ႇ​ဢႃႇၵၼ်ႇတူႉ ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ ထၢင်ႇ​ထၢင်ႇ​သႃး​သႃး​ယူႇ​သေ​လႄႈ၊ ပႃး​တင်း​ၸႂ်​ဢၼ်​ယုမ်ႇ​မၢတ်ႈ​ၼၼ်ႉ တၢႆ​ၵႂႃႇ​ပူၼ်ႉ​ၵႂႃႇ​သေ​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ်​ႁပ်ႉ​တုင်း​ဢဝ် ၸိူဝ်ႉ​ၼင်ႇ​ၼၼ်​ၼၼ်ႉ ၼႄ​ပျႃး​လွင်ႈ​ဢၼ်​ၶဝ် ႁႃ​မိူင်း​ပေႃႈ​ၶဝ်​ၼၼ်ႉ​ယူႇ ထၢင်ႇ​ထၢင်ႇ​သႃး​သႃး​ဢေႃႈ။-</verse>
				<verse number="15">ၶဝ်​ၼၼ်ႉ ပေႃး​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း မိူင်း​ဢၼ်​ၶဝ်​ဢွၵ်ႇ​မႃး​မိူဝ်ႈ​ဢွၼ်​တၢင်း​ၼၼ်ႉ ဢမၢၼ်ႇ​ၶၼ်​ပဵၼ်​ၸိုင်၊ မီး​ဢၶႂၢင်ႉ​ဢၼ်​လႆႈ​ၶိုၼ်း​မိူဝ်း​ၸူး ၵႃႈ​တီႈ​မိူင်း​ၼၼ်ႉ​ယူႇ​ဢေႃႈ။-</verse>
				<verse number="16">ၵူၺ်း​ၵႃႈ​တေႃႈ​လဵဝ်​ၼႆႉ ၶဝ်​မီး​ၸႂ်​ဢၼ်​တူၵ်း​ဢၢင်ႈ​ၶႂ်ႈ​လႆႈ မိူင်း​ဢၼ်​ယဵင်ႈ​ၶႅၼ်း​မျၢတ်ႈ ဢၼ်​ဝႃႈ​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ပိူဝ်ႈ​ၼႆ​လႄႈ ၽြႃး​ပဵၼ်​ၸဝ်ႈ ဢမ်ႇ​ဢူၵ်း​ဢမ်ႇ​ဢၢႆ လွင်ႈ​ဢၼ်​လႆႈ​ၶၢမ်ႇ​တၢင်း​ဢၼ်​ႁွင်ႉ​ဝႃႈ ၽြႃး​ၶဝ်​ၼၼ်ႉ။ လွင်ႈ​မၼ်း​ၸမ်ႉ မၼ်း​ၸဝ်ႈ​တႄႇ​ႁဵတ်း​ဝဵင်း​တီႈ​ပုၼ်ႉ ဢၼ်​ၶဝ်​တၵ်း​ယူႇ​ၼၼ်ႉ​ဝႆႉ​ယဝ်ႉ။</verse>
				<verse number="17">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ဢႃႇပြႃႇႁၢမ်ႇ ​ၼၼ်ႉ ပုၵ်ႈ​ၸေႃႇ​ ဢီႉၸၢၵ်ႈ ​ၼႂ်း​မိူဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ် မၼ်း​ၸဝ်ႈ​ၸၢမ်း​တူၺ်း​ၼၼ်ႉ​ဢေႃႈ။ ၵေႃႉ​ဢၼ်​ၶၢမ်ႇ​ဢဝ်​ပျႃႇ​တိၵ်ႈ​ၸဝ်ႈ ၼမ်​ၼႃႇ​ၼၼ်ႉ ဢဝ်​လုၵ်ႈ​တူဝ်​ၸဝ်ႈ​ၵဝ်ႇ ၵေႃႉ​လဵဝ်​ၵူၺ်း​ၼၼ်ႉ​ပုၵ်ႈ​ၸေႃႇ​ဢေႃႈ။-</verse>
				<verse number="18">လွင်ႈ​ဢၼ်​ ဢႃႇပြႃႇႁၢမ်ႇ ​မီး​ပျႃႇ​တိၵ်ႈ​ၸဝ်ႈ​ဝႆႉ​ပႃး​ၼိုင်ႈ​လႄႈ​ဝႃႈ​ၸမ်ႉ၊ ၸိူဝ်ႉ​ၶိူဝ်း​မႂ်း​တၵ်း​တႄႇ ၼႂ်း​ ဢီႉၸၢၵ်ႈ ​ၵူၺ်း​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">မိူဝ်ႈ​ဢၼ်​မၼ်း​ပုၵ်ႈ​ၸေႃႇ ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ မၼ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​ဢၼ်​ၽြႃး​ပဵၼ်​ၸဝ်ႈ တၢတ်ႈ​ၼိူင်ႇ​ႁႂ်ႈ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​လႆႈ​ၼၼ်ႉ​ယူႇ​ဢေႃႈ။ ၸွမ်း​ၼင်ႇ​ၵႂၢမ်း​ဢူႉပမႃႇ​ၸိုင် မၼ်း​လႆႈ​လုၵ်ႈ​မၼ်း​ၼၼ်ႉ ၵႃႈ​ၼႂ်း​တၢင်း​တၢႆ​ဢေႃႈ။</verse>
				<verse number="20">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ဢီႉၸၢၵ်ႈ ​ၼၼ်ႉ​ၵေႃႈ၊ ဢဝ်​လွင်ႈ​တၢင်း​ဢၼႃႇၵၢတ်ႈ ပၼ်​တၢင်း​လီ​တီႈ​ ယႃႇၵုပ်ႈ ​တင်း​ ဢေးသေႃး ​ဢေႃႈ။</verse>
				<verse number="21">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ယႃႇၵုပ်ႈ ​ၼၼ်ႉ​ၵေႃႈ၊ မိူဝ်ႈ​ဢၼ်​ၸမ်​ၶိင်ႇ​ဢၼ်​မၼ်း​တၵ်း​တၢႆ​ၼၼ်ႉ​ၸိုင် ပၼ်​တၢင်း​လီ​တီႈ​လုၵ်ႈ​ၸၢႆး​ ယူဝ်းသႅပ်ႈ ​သွင်​ၵေႃႉ​လႄႈ ၵူဝ်း​ၵႂၢႆႇ​ၵႃႈ​ၼိူဝ်​ပၢႆ​တွင်ႇ​မူၺ်း ​မၼ်း​ဢေႃႈ။</verse>
				<verse number="22">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ယူဝ်းသႅပ်ႈ ​ၼၼ်ႉ မိူဝ်ႈ​ဢၼ်​ယင်း​တိုၵ်ႉ​တၢႆ​ယူႇ​ၼၼ်ႉ​ၸိုင် ၼႄ​ပျႃး​လွင်ႈ​တၢင်း​ဢၼ်​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ တၵ်း​ဢွၵ်ႇ​ၵႂႃႇ​ၼၼ်ႉ​သေ​လႄႈ သင်ႇ​လၢတ်ႈ​ဝႆႉ​လွင်ႈ​လုပ်ႇ​မၼ်း​ဢေႃႈ။</verse>
				<verse number="23">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ပေႃႈ​မႄႈ​ မူဝ်းသေႇ ​ၵိူတ်ႇ​လဵင်ႉ​မၼ်း​မႃး​သေ​ယဝ်ႉ၊ ပိူဝ်ႈ​ဢၼ်​ႁၼ်​လွင်ႈ​တၢင်း​ဢၼ် မၼ်း​ပဵၼ်​လုၵ်ႈ​ဢွၼ်ႇ​ဢၼ်​ႁၢင်ႈ​လီ​ၼၼ်ႉ​လႄႈ၊ ယင်း​ဢမ်ႇ​ၵူဝ်​ဢမိင်ႉ​ၶုၼ်​ႁေႃ​ၶမ်း​လႄႈ ဢဝ်​မၼ်း​သိူင်ႇ​ဝႆႉ​သၢမ်​လိူၼ်​တဵမ်​တဵမ်​ဢေႃႈ။</verse>
				<verse number="24">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ​ မူဝ်းသေႇ ​ၼၼ်ႉ၊ မိူဝ်ႈ​ဢၼ်​ဢသၢၵ်ႈ​ယႂ်ႇ​မႃး​ယဝ်ႉ​ၼၼ်ႉ​ၸိုင်၊ ပႄႇ​ပႅတ်ႈ​ဢၶႂၢင်ႉ တၢင်း​ဢၼ်​ႁွင်ႉ​ဝႃႈ​လုၵ်ႈ​ၸၢႆး ၵႃႈ​တီႈ​လုၵ်ႈ​ယိင်း​ၶုၼ်​ ၽႃႇရေႃး ​ၼၼ်ႉ၊-</verse>
				<verse number="25">ၵွပ်ႈ​ပိူဝ်ႈ​ဢၼ်​ယဵင်ႈ​ၶႅၼ်း​မီး​ဢလူဝ်ႇ​ၶႂ်ႈ​ၶၢမ်ႇ တၢင်း​ၽၢၼ်​လူၺ်ႈ​ၵၼ်​တင်း​ၵူၼ်း​ၽြႃး​ပဵၼ်​ၸဝ်ႈ​တင်း​လၢႆ ၼႃႇ​သေ​တၢင်း​ဢၼ်​ၸၢမ်ႇ​ၸႃး​ၵႃႇမၵုင်ႇ​ၵမ်း​ဢွၼ်ႇ​ၼိုင်ႈ ဢၼ်​မီး​ဢပႅတ်ႈ​ၼၼ်ႉ၊-</verse>
				<verse number="26">ဢိၵ်ႇ​တင်း ၵွပ်ႈ​ပိူဝ်ႈ​ထၢင်ႇ​ၼႂ်း​ၸႂ်​လႄႈ​ဝႃႈ တုၵ်ႉ​ၶႃႉ​တၢင်း​ဢၼ်​သႄႉ​သွမ်း ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​ၼၼ်ႉ​ပဵၼ်​ၸေး​ၸိမ်ႇ ဢၼ်​ယဵင်ႈ​ၶႅၼ်း​မျၢတ်ႈ​ၼႃႇ​သေ​ၸေး​ၸိမ်ႇ​မိူင်း​ ဢေႇၵိပ်ႉတူႉ ​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ထွၵ်ႈ​လူၺ်ႈ​ဢၵျူဝ်း​ဢၼ်​တၵ်း​လႆႈ​ၵမ်း​လိုၼ်း​ၼၼ်ႉ​လႄႈ မုင်ႈ​ထႃႈ​မွင်း​ထႃႈ​ယူႇ​ဢေႃႈ။-</verse>
				<verse number="27">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ မၼ်း​ၼၼ်ႉ​ယင်း​ဢမ်ႇ​ၵူဝ်​ဢမ်ႇ​ႁႄ​တၢင်း​ၸႂ်​မႆႈ​ၶႆႈ​ၸႃႉ ၶုၼ်​ႁေႃ​ၶမ်း​လႄႈ ပႅတ်ႈ​မိူင်း​ ဢေႇၵိပ်ႉတူႉ ​ၼၼ်ႉ​ဝႆႉ​သေ​ဢေႃႈ။ လွင်ႈ​မၼ်း​ၸမ်ႉ မၼ်း​မီး​တၢင်း​ဢၼ်​တႄႇ​ယူႇ​ၼိမ်​ယူႇ မိူၼ်​ၸိူဝ်ႉ​ၼင်ႇ​ဢၼ် မၼ်း​လႆႈ​ႁၼ်​ၽြႃး​ပဵၼ်​ၸဝ်ႈ​ဢၼ်​တႃ​ဢမ်ႇ​ႁၼ်​လႆႈ​ၼၼ်ႉ​ဢေႃႈ။-</verse>
				<verse number="28">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ မၼ်း​ၼၼ်ႉ​ပႂ်ႉ​ၵမ်​ပႂ်ႉ​ၸွမ်း​ပွႆး​ ပႃႉသၶႃႇ ဢိၵ်ႇ​တင်း​တၢင်း​ဢၼ်​ၸုပ်ႉ​ၽႅတ်း​လိူတ်ႈ​ၼၼ်ႉ ႁႂ်ႈ​ၵေႃႉ​ဢၼ်​ယႃႉ​ပႅတ်ႈ​လုၵ်ႈ​တူၼ်ႈ​တင်း​လၢႆ​ၼၼ်ႉ ဢမ်ႇ​လႆႈ​တိူဝ်ႉ​လႆႈ​ထုၵ်ႇ​ၵူၼ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။</verse>
				<verse number="29">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ၶဝ်​ၼၼ်ႉ​လႆႈ​ပႆ​တၢင်း​ၵႂႃႇ​ၵႃႈ​ၼႂ်း​ၵၢင်​ပၢင်ႇ​လၢႆႇ​ ဢေႇတုမ်ႇ မိူၼ်​ၸိူဝ်ႉ​ၼင်ႇ​ဢၼ်​ၵႂႃႇ​တၢင်း​လွႆ​ၼၼ်ႉ​ဢေႃႈ။ ၵူၼ်း​ ဢေႇၵိပ်ႉတူႉ ​ၸိူဝ်း​ၼၼ်ႉ မိူဝ်ႈ​ဢၼ်​ၵျူဝ်း​ၸႃး​ဢၢင်ႈ​တၵ်း​ၵႂႃႇ ၸိူဝ်ႉ​ၼင်ႇ​ၶဝ်​ၼၼ်ႉ​ၸိုင် ၸူမ်​ၵႂႃႇ​ဢေႃႈ။</verse>
				<verse number="30">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ လမ်း​ဝဵင်း​ ယေႇရီႉၶူဝ်း ​ၼၼ်ႉ ၵိူၼ်ႇ​လူမ်ႉ​ပင်း​တူၵ်း လိုၼ်း​သေ​ဢၼ်​လႆႈ​ၶၢမ်ႇ​တၢင်း​ဢၼ်​ၶဝ် လဵပ်ႈ​ႁွပ်ႈ​ၸဵတ်း​ဝၼ်း​တဵမ်​တဵမ်​ၼၼ်ႉ​ဢေႃႈ။</verse>
				<verse number="31">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ မႄႈ​မွၵ်ႇ​ယႃႈ​ ရႃႇၶပ်ႉ ​ၼၼ်ႉ ယင်း​ဢမ်ႇ​လူႉ​ဢမ်ႇ​လႅဝ်​လူၺ်ႈ​ၵၼ်​တင်း ၶဝ်​ၸိူဝ်း​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​လႄႈ လႆႈ​ၵတ်း​ယဵၼ်​ၶျၢမ်း​သႃႇ ၵွပ်ႈ​ပိူဝ်ႈ​ဢၼ်​ႁဵတ်း​ၵေႃႉ​ႁဵတ်း​သေႈ လူၺ်ႈ​ၵၼ်​တင်း ၶဵဝ်​လွတ်ႈ​ၽၢႆႇ​ၼႂ်း ၸိူဝ်း​ၼၼ်ႉ​လႄႈ ႁပ်ႉ​တုင်း​ဢဝ်​ၶဝ်​ၼၼ်ႉ​ဢေႃႈ။</verse>
				<verse number="32">လိူဝ်​သေ​ၼၼ်ႉ မီး​တီႈ​လၢတ်ႈ​ၸိူဝ်ႉ​ၼင်ႇ​ႁိုဝ်​လူး​ၵွၼ်ႇ။ လၢတ်ႈ​လွင်ႈ​ၸႃႉ​ၸဵမ်​ ၵီႉတီႉဢုၼ်ႇ၊ ပႃႇရၵ်ႉ၊ သၢမ်ႇ​သုၼ်ႇ၊ ယေႇၽထႃႉ၊ တႃႇဝိတ်ႈ၊ သမူၺ်ႇလႃႉ ဢိၵ်ႇ​တင်း​ပရေႃးၽႅတ်ႈ​ၸိူဝ်း​ၼၼ်ႉ​လႄႈ ဢမ်ႇ​သဵင်ႈ​လႆႈ။-</verse>
				<verse number="33">ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လႄႈ ၶဝ်​ၼၼ်ႉ​လႆႈ​ပႄႉ​ၼႅင်ႇ တၢင်ႇ​ဝၢၼ်ႈ​တၢင်ႇ​မိူင်း၊ လႆႈ​ၸီႇ​ယၢင်ႇ​ၸွမ်း​ၼင်ႇ​တြႃး၊ လႆႈ​ၶဝ်ႈ​ၸၢမ်ႇ​ၸႃး​ၵတီႉ​ၸဝ်ႈ၊ လႆႈ​ဢိုတ်း​ဝႆႉ​သူပ်း​သၢင်ႇ​သီႈ၊-</verse>
				<verse number="34">လႆႈ​ႁႂ်ႈ​ႁႅင်း​ၽႆး​ထၢတ်ႇ​ယဵၼ်၊ လႆႈ​ၵၢင်း​လွတ်ႈ​တင်း​ၽေး​လၢပ်ႇ၊ လႆႈ​လုၵ်ႉ​သေ​ၵႃႈ​ၼႂ်း​တၢင်း​ၶႆႈ​တၢင်း​ပဵၼ်​လႄႈ ႁွတ်ႈ​ထိုင်​တၢင်း​ဢၼ်​ယူႇ​လီ​ၵိၼ်​ဝၢၼ်၊ လႆႈ​ပျေႉ​ၸုမ်ႇ​တင်း​ႁႅင်း​ဢၼ်​တိုၵ်း​သိုၵ်း၊ လႆႈ​ယႃႉ​ပႅတ်ႈ​တပ်ႉ​ၵူၼ်း တၢင်ႇ​ၸိူဝ်ႉ​တၢင်ႇ​ၶိူဝ်း​ၸိူဝ်း​ၼၼ်ႉ​ဢေႃႈ။</verse>
				<verse number="35">ၽူႈ​ယိင်း​ၶဝ်​ၵေႃႈ သမ်ႉ​ၶိုၼ်း​လႆႈ​လုၵ်ႈ​လႆႈ​လၢင်း​တူဝ်​ၸဝ်ႈ​ၵဝ်ႇ ဢၼ်​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​ဢေႃႈ။ ၵူၼ်း​ၵမ်ႈ​ၽွင်ႈ​ယင်း​ဢမ်ႇ​ၶၢမ်ႇ​ဢမ်ႇ​ဢဝ်​တၢင်း​ဢၼ်​လွတ်ႈ​လႄႈ လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​ယၢပ်ႇ​ၼႃႇ ႁႂ်ႈ​လႆႈ​ႁွတ်ႈ​ထိုင်​တၢင်း​ဢၼ်​လုၵ်ႉ​ၶိုၼ်း ဢၼ်​ယဵင်ႈ​ၶႅၼ်း​မျၢတ်ႈ​ၼၼ်ႉ​ဢေႃႈ။</verse>
				<verse number="36">ၵမ်ႈ​ၽွင်ႈ​ၵေႃႈ လႆႈ​ၶၢမ်ႇ​တၢင်း​ဢၼ်​ၸၢမ်း​တူၺ်း ဢၼ်​ဝႃႈ​တၢင်း​ဢၼ်​ႁဵတ်း​ပျၢၵ်ႈ​သႄႉ​သွမ်း ဢိၵ်ႇ​တင်း​တၢင်း​ဢၼ်​ပေႃႉ​ယႅၼ်ႉ​ဢမ်ႇ​ၵႃး၊ လႆႈ​ၶၢမ်ႇ​တၢင်း​ဢၼ်​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ ဢိၵ်ႇ​တင်း​တၢင်း​ဢၼ်​လႆႈ​ယူႇ​ၵႃႈ​ၼႂ်း​ထွင်ႇ​ဢေႃႈ။-</verse>
				<verse number="37">ၶဝ်​လႆႈ​ၶၢမ်ႇ​တၢင်း​ဢၼ် ဢဝ်​တင်း​မၢၵ်ႇ​ႁိၼ်​ထိမ်ႈ၊ တၢင်း​ဢၼ်​ဢဝ်​လဵၵ်း​လိူဝ်ႈ​တႅပ်း​ၶၢတ်ႇ ပဵၼ်​ပွတ်း​ပဵၼ်​တွၼ်ႈ၊ တၢင်း​ဢၼ်​ၸၢမ်း​တူၺ်း​လႄႈ​ယႃႉ​ယူၵ်ႉ၊ တၢင်း​ဢၼ်​ဢဝ်​လၢပ်ႇ​ၽၼ်း​ၸိူဝ်း​ၼၼ်ႉ​ဢေႃႈ။ ၶဝ်​ယၢၵ်ႈ​ၼႃႇ​ၽၢၼ်​ၼႃႇ​လႄႈ ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ယူႇ၊ ၼုင်ႈ​မႆ​ၼင်​သူဝ်း​ၼင်​ပႄႉ​ယူႇ​သေ​လႄႈ ၵႂႃႇ​ၵႂႃႇ​မႃး​မႃး​ဢေႃႈ။-</verse>
				<verse number="38">လေႃးၵႃႉ​ၼႆႉ၊ ဢမ်ႇ​ထိူၵ်ႈ​ဢမ်ႇ​တၢၼ်ႇ​ၵၼ်​တင်း​ၶဝ်။ ၶဝ်​လႆႈ​လႄႇ​ၵႂႃႇ​လႄႇ​မႃး​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း ၼႂ်း​ၵႄႈ​ႁူၺ်ႈ​ၵႄႈ​လွႆ၊ ၼႂ်း​ထမ်ႈ​ၼႂ်း​ႁူး၊ ၼႂ်း​ၶုမ်​လိၼ်​လုၵ်း​လိၼ်​ဢေႃႈ။</verse>
				<verse number="39">ၶဝ်​တင်း​သဵင်ႈ​တင်း​လူင်​ၸိူဝ်း​ၼၼ်ႉ ပိၵ်ႉ​သမ်ႉ​ႁွတ်ႈ​ထိုင်​တၢင်း​ဢၼ်​ယွင်ႈ​ယေႃး ၵွပ်ႈ​ပိူဝ်ႈ​တၢင်း​ဢၼ် ၶဝ်​ယုမ်ႇ​မၢတ်ႈ​ၼၼ်ႉ​သေ​ၵေႃႈ၊ ဢမ်ႇ​လႆႈ​ၶၢမ်ႇ​ဢဝ်​ၵျေး​ၸူး​ဢၵျူဝ်း​ၵႃႈ​ၼင်ႇ​ၵတီႉ​ၸဝ်ႈ​ၼၼ်ႉ။-</verse>
				<verse number="40">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ လွင်ႈ​ၼင်ႇ​ႁိုဝ်​ႁဝ်း​ယင်း​ဢမ်ႇ​ပႃး​လႄႈ ၶဝ်​ၼၼ်ႉ​တၵ်း​ဢမ်ႇ​လႆႈ​ႁွတ်ႈ​ထိုင် တၢင်း​ဢၼ်​ၸေး​ၸုမ်ႇ​ၸိုင်၊ ၽြႃး​ပဵၼ်​ၸဝ်ႈ​ၵျၢမ်ႇ​ပွင်​ၵျေး​ၸူး ဢၼ်​ယဵင်ႈ​ၶႅၼ်း​မျၢတ်ႈ​ၼႃႇ​ပုၼ်ႈ​ႁဝ်း​ဢေႃႈ။</verse>
			</chapter>
			<chapter number="12">
				<verse number="1">ပိူဝ်ႈ​ၼႆ​လႄႈ ၵွပ်ႈ​ပိူဝ်ႈ​ဢၼ်​ၵေႃႉ​ဢၼ် ၶၢမ်ႇ​သၢၵ်ႈ​သေႇ​ၼမ်​ၼႃႇ​လူင်​လၢင်​ထၢၼ်ႇ​ၼႆႉ ဝႅင်း​ႁွပ်ႈ​ႁဝ်း​ယူႇ​လႄႈ ႁဝ်း​ပႄႇ​ပႅတ်ႈ​ၶူဝ်း​ၼၵ်း​တင်း​သဵင်ႈ​တင်း​လူင် ဢိၵ်ႇ​တင်း​တူႉ​ၸရိူၵ်ႈ​ဢပႅတ်ႈ ဢၼ်​ၸၢင်ႈ​ယႃႉ​ယူၵ်ႉ​ၼၼ်ႉ​သေ​လႄႈ ႁႅင်း​ယင်း​ဢမ်ႇ​ဢူၼ်ႈ​လႄႈ ဢွၼ်​ၵၼ်​ၶုၼ်ႇ​လႅၼ်ႈ ႁႂ်ႈ​လႆႈ​ႁွတ်ႈ​ထိုင်​သဝ်​ပၢၼ်း​တုင်း ဢၼ်​ဝႆႉ​သိုဝ်ႈ​ၼႃႈ​တႂ်ႈ​တႃ​ႁဝ်း​ၼၼ်ႉ​လႄႈ၊-</verse>
				<verse number="2">ထွၵ်ႈ​လူၺ်ႈ​ ယေႇသူႉ ဢၼ်​တႄႇ​ၸႃႉ​ၸီႇ​ယၢင်ႇ​တၢင်း​ဢၼ်​ယုမ်ႇ​မၢတ်ႈ​လႄႈ ႁႂ်ႈ​ၸေး​ၸုမ်ႇ​ဢၼ်​ယင်း​ဢမ်ႇ​မၢတ်ႈ​ဢမ်ႇ​တွင်း လွင်ႈ​တၢင်း​ဢၼ်​လီ​ဢူၵ်း​လီ​ဢၢႆ ၶၢမ်ႇ​ၵႃႈ​တီႈ​သဝ်​လၵ်း​ဝႃး​ၵၢပ်ႈ ၵွပ်ႈ​ပိူဝ်ႈ​တၢင်း​ဢၼ်​သိူဝ်း​ပျေႃႇ ဢၼ်​ဝႆႉ​ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ​ၼၼ်ႉ​သေ​ယဝ်ႉ၊ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ပလၢင်ႇ​ၽြႃး​ပဵၼ်​ၸဝ်ႈ​ၼၼ်ႉ​တႃႉ​ႁဝ်း။-</verse>
				<verse number="3">လွင်ႈ​ၼင်ႇ​ႁိုဝ်​သူ​တၵ်း​လႆႈ​ၵၢင်း​လွတ်ႈ​တင်း တၢင်း​ဢၼ်​ႁႅင်း​ဢူၼ်ႈ​ၸႂ်​လူႉ​ၸိုင်၊ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​မၼ်း​ၸဝ်ႈ ဢၼ်​လႆႈ​ၶၢမ်ႇ​တၢင်း​ဢၼ်​ႁႄႉ​ၶႅၼ်​ယႃႉ​ယူၵ်ႉ ဢၼ်​ယႂ်ႇ​ၼႃႇ​လူင်​လၢင်​ထၢၼ်ႇ​ၼၼ်ႉ ၵႃႈ​ၼႂ်း​မိုဝ်း​ၶဝ်​ၸိူဝ်း​ဢၼ်​မီး​ဢပႅတ်ႈ​ၼၼ်ႉ​တႃႉ။</verse>
				<verse number="4">သူ​ၶဵင်ႇ​ၵၼ်​တိုၵ်း​ၵၼ်​တင်း တူႉ​ၸရိူၵ်ႈ​ဢပႅတ်ႈ​လႄႈ လိူတ်ႈ​တူဝ်​ၸဝ်ႈ​ၵဝ်ႇ​ထၼ်ႈ​ပေႃး​ဢွၵ်ႇ။-</verse>
				<verse number="5">လိူဝ်​သေ​ၼၼ်ႉ သူ​လူင်​လိုမ်း​ၵႂၢမ်း​ဢေႃးဝႃႇတႃႉ ဢၼ်​လၢတ်ႈ​ဝႆႉ​တီႈ​သူ​မိူၼ်​ၸိူဝ်ႉ​ၼင်ႇ​ဢၼ် လၢတ်ႈ​တီႈ​လုၵ်ႈ​တီႈ​လၢင်း​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ ယင်း​ဢမ်ႇ​မၢတ်ႈ​ဢမ်ႇ​တွင်း​တၢင်း​ဢၼ် ထႃႇဝရႃႉ​ၽြႃး​သင်ႇ​သွၼ်​သုင်း​မႃႉ​ပၼ်​ၼၼ်ႉ​လႄႈ​ယႃႇ​ပေ​ယူႇ။ မိူဝ်ႈ​ဢၼ်​မၼ်း​ၸဝ်ႈ ၸႅတ်ႈ​ထၢမ်​ဢပႅတ်ႈ​မႂ်း​ၼၼ်ႉ​ၸိုင် ယႃႇ​ပေ​ႁႂ်ႈ​ၸႂ်​လူႉ။-</verse>
				<verse number="6">ထႃႇဝရႃႉ​ၽြႃး​ၸၢင်ႈ​သင်ႇ​သွၼ် ၵေႃႉ​ဢၼ်​မၼ်း​ၸဝ်ႈ​ႁၵ်ႉ​ၼၼ်ႉ​လႄႈ ပၼ်​တၢမ်ႇ​တီႈ​လုၵ်ႈ​လၢင်း ၵႃႈ​ဢၼ်​မၼ်း​ၸဝ်ႈ​ႁပ်ႉ​တုင်း​ဢဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ။-</verse>
				<verse number="7">ပေႃး​သူ​ၶၢမ်ႇ​တၢင်း​ဢၼ်​မၼ်း​ၸဝ်ႈ သင်ႇ​သွၼ်​ပၼ်​ၸိုင်၊ ၽြႃး​ပဵၼ်​ၸဝ်ႈ​ႁဵတ်း​တီႈ​သူ မိူၼ်​ၸိူဝ်ႉ​ၼင်ႇ ဢၼ်​ႁဵတ်း​တီႈ​လုၵ်ႈ​တီႈ​လၢင်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ လုၵ်ႈ​လၢင်း​ဢၼ်​ပေႃႈ​ဢမ်ႇ​သင်ႇ​သွၼ်​ပၼ်​ၼၼ်ႉ မီး​သေ​ၵေႃႉ​သေ​ၵူၼ်း​ႁိုဝ်။-</verse>
				<verse number="8">ပေႃး​သူ​ဢမ်ႇ​ၶၢမ်ႇ​ဢဝ် တၢင်း​ဢၼ်​သင်ႇ​သွၼ်​ပၼ် ဢၼ်​လုၵ်ႈ​လၢင်း​တင်း​သဵင်ႈ​တင်း​လူင် ၸၢင်ႈ​ၶၢမ်ႇ​ဢဝ်​ၼၼ်ႉ​လႄႈ​ယူႇ​ၸိုင် သူ​ပဵၼ်​လုၵ်ႈ​ဢွၵ်ႇ​ဢမ်ႇ​ၸႂ်ႈ။ ပဵၼ်​လုၵ်ႈ​မၢၼ်း​တၢင်း​ဢေႃႈ။</verse>
				<verse number="9">ၼႄး​ၼိုင်ႈ​ၸမ်ႉ၊ မိူဝ်ႈ​ဢၼ်​ႁဝ်း​လႆႈ​မီး​ပေႃႈ ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၵႃႇ​ယႃႉ​လႄႈ ၶၢမ်ႇ​ဢဝ်​တၢင်း​ဢၼ် ၶဝ်​သင်ႇ​သွၼ်​ပၼ်​ႁဝ်း​ၼၼ်ႉ​ၸိုင် ႁဝ်း​ရူဝ်ႇ​သေႇ​ၵူဝ်​ယမ်​ၶဝ်​ဢေႃႈ။ လိူဝ်​သေ​ၼၼ်ႉ​ဢမ်ႇ​ၵႃး၊ ႁဝ်း​တၵ်း​လႆႈ​ၸွမ်း​ဢလူဝ်ႇ​ၸဝ်ႈ ဢၼ်​ပဵၼ်​ပေႃႈ​ၸႂ်​ဝီႉၺိၺ်ႇ​တင်း​လၢႆ​ၼၼ်ႉ​သေ​လႄႈ ဢသၢၵ်ႈ​ၵတ်း​ယဵၼ်​ၶျၢမ်း​သႃႇ​ယူႇ​ဢမ်ႇ​ၸႂ်ႈ​ႁိုဝ်။-</verse>
				<verse number="10">လွင်ႈ​မၼ်း​ၸမ်ႉ ပေႃႈ​ၸိူဝ်း​ၼၼ်ႉ​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ​သေ​လႄႈ သင်ႇ​သွၼ်​ပၼ်​ၵမ်း​ဢွၼ်ႇ​ၼိုင်ႈ​ၵူၺ်း​ဢေႃႈ။ မၼ်း​ၸဝ်ႈ​ၸမ်ႉ၊ ထွၵ်ႈ​လူၺ်ႈ​ဢၵျူဝ်း​ႁဝ်း​သေ​လႄႈ သင်ႇ​သွၼ်​ပၼ်​ႁႂ်ႈ​ႁဝ်း​လႆႈ သိူၵ်ႈ​သမ်ႇ​ၵၼ်​တင်း​ပႃႇရမီႇ တၢင်း​ဢၼ်​မူတ်း​ၸၢင်ႇ​မၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="11">တၢင်း​ဢၼ်​သင်ႇ​သွၼ်​ပၼ်​ဢၼ်​ဝႃႈ​ၼၼ်ႉ​ၸမ်ႉ၊ ၼႂ်း​မိူဝ်ႈ​ဢၼ်​ယင်း​တိုၵ်ႉ​ၶၢမ်ႇ​ဢဝ်​ယူႇ​ၼၼ်ႉ​ၸိုင် ဢမ်ႇ​ထၢင်ႇ​ပဵၼ်​လွင်ႈ​ဢၼ်​လီ​သိူဝ်း​ပျေႃႇ၊ ၸၢင်ႈ​ထၢင်ႇ​ပဵၼ်​လွင်ႈ​ဢၼ်​လီ​ၸႂ်​လဵၵ်ႉ​ဢေႃႈ။ ၵူၺ်း​ၵႃႈ ၶဝ်​ၸိူဝ်း​ဢၼ်​လႆႈ​ၶၢမ်ႇ​ဢဝ်​တၢင်း​ဢၼ် သင်ႇ​သွၼ်​ပၼ်​ယဝ်ႉ​ၼၼ်ႉ ၵမ်း​လိုၼ်း​လႆႈ​ၶၢမ်ႇ​ဢဝ်​ဢၵျူဝ်း တၢင်း​ဢၼ်​သိုဝ်ႈ​တေႃႇ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ၼိမ်​ဢေႃႈ။</verse>
				<verse number="12">ပိူဝ်ႈ​ၼႆ​လႄႈ ႁႂ်ႈ​ၽႃႇ​မိုဝ်း​ဢၼ်​ယွၼ်ႇ​ႁွႆႈ​ယူႇ ဢိၵ်ႇ​တင်း​ႁူဝ်​ၶဝ်ႇ​ဢၼ်​ဢမ်ႇ​မီး​ႁႅင်း​ယူႇ​ၸိူဝ်း​ၼၼ်ႉ မၼ်ႈ​ၶိူင်ႇ​တႃႉ။-</verse>
				<verse number="13">လွင်ႈ​ၼင်ႇ​ႁိုဝ်​ပွင်ႈ​လုပ်ႇ​ၶဝ်​ၸိူဝ်း​ဢၼ်​တိၼ်​လူႉ​ၼၼ်ႉ တၵ်း​ဢမ်ႇ​သွၼ်ႇ​ဢမ်ႇ​တူၵ်း​ဢမ်ႇ​ၵႃး၊ လွင်ႈ​ၼင်ႇ​ႁိုဝ်​တၵ်း​ၵတ်း​ယဵၼ်​ၶျၢမ်း​သႃႇ​ၸိုင် မႄး​သဵၼ်ႈ​တၢင်း​ဢၼ်​သိုဝ်ႈ​လီ​တေႃႇ​လီ ပုၼ်ႈ​ဢၼ်​သူ​တၵ်း​ၵႂႃႇ​ၼၼ်ႉ​တႃႉ။</verse>
				<verse number="14">ၸွမ်း​ႁႂ်ႈ​ၶိုတ်း တၢင်း​ဢၼ်​ယူႇ​ထုၵ်ႇ​ထုၵ်ႇ​ၵၼ်​တင်း ၵူၼ်း​တင်း​သဵင်ႈ​တင်း​လူင်​လႄႈ​ၼိမ်​သိမ်ႇ​ယူႇ ဢိၵ်ႇ​တင်း​ပႃႇရမီႇ​တၢင်း​ဢၼ်​မူတ်း​ၸၢင်ႇ​ဢၼ်​ပေႃး​ၽူႈ​လႂ်​ဢမ်ႇ​မီး​ၸိုင် မၼ်း​ဢမ်ႇ​လႆႈ​ထူပ်း​လႆႈ​ႁၼ်​ထႃႇဝရႃႉ​ၽြႃး​ၼၼ်ႉ​တႃႉ။-</verse>
				<verse number="15">ၼႂ်း​သူ​ၼၼ်ႉ လွင်ႈ​ၼင်ႇ​ႁိုဝ်​သေ​ၵေႃႉ​သေ​ၵူၼ်း ယင်း​ဢမ်ႇ​လႆႈ​ၵျေး​ၸူး​ၽြႃး​ပဵၼ်​ၸဝ်ႈ​လႄႈ​တၵ်း​ဢမ်ႇ​လႆႈ​ယူႇ လွင်ႈ​ၼင်ႇ​ႁိုဝ်​ႁၢၵ်ႈ​တူၼ်ႈ ဢၼ်​ၶူမ် တၵ်း​ဢမ်ႇ​ဢွၵ်ႇ​ႁုၼ်ႈ​မႃး​လႄႈ ၵူၼ်း​ၼမ်​ၼႃႇ​လႆႈ​ၵူဝ်ႈ​ၵိူၵ်ႇ လူၺ်ႈ​ၵၼ်​တင်း​ဢပႅတ်ႈ ၵွပ်ႈ​ပိူဝ်ႈ​ယႃႉ​ယူၵ်ႉ​ၼၼ်ႉ၊-</verse>
				<verse number="16">လွင်ႈ​ၼင်ႇ​ႁိုဝ်​တၵ်း​ဢမ်ႇ​မီး ၵေႃႉ​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး၊ လွင်ႈ​ၼင်ႇ​ႁိုဝ်​တၵ်း ဢမ်ႇ​မီး​ၵေႃႉ​ဢၼ်​ႁဵတ်း​ဢမ်ႇ​ရူဝ်ႇ​သေႇ​ၽြႃး​တြႃး မိူၼ်​ၸိူဝ်ႉ​ၼင်ႇ​ဢၼ် ဢေးသေႃး ​ဢၼ်​ၶၢႆ​ပႅတ်ႈ​ဢရႃႇ​လုၵ်ႈ​တူၼ်ႈ ပုၼ်ႈ​ဢၼ်​တၵ်း​ၵိၼ်​တႃႇ​ၼိုင်ႈ​ၼၼ်ႉ​ၸိုင် ႁဵတ်း​တင်း​သတီႉ​လႄႈ​လူ​တူၺ်း​တႃႉ။-</verse>
				<verse number="17">ၵႃႈ​ၼင်ႇ​ဢၼ်​သူ​ႁူႉ​ယူႇ​ၼၼ်ႉ၊ ၵမ်း​လိုၼ်း​မိူဝ်ႈ​ဢၼ်​မၼ်း​ၼၼ်ႉ မီး​ဢလူဝ်ႇ​ၶႂ်ႈ​ၶၢမ်ႇ​တၢင်း​လီ​မင်ႇၵလႃႇ​ၼၼ်ႉ​ၸိုင်၊ မၼ်း​လႆႈ​ၶၢမ်ႇ​တၢင်း​ဢၼ်​ပႄႇ​ပႅတ်ႈ​ဢေႃႈ။ ပိၵ်ႉ​သမ်ႉ​မၼ်း​ပႃး​တင်း တၢင်း​ဢၼ်​ၼမ်ႉ​တႃ​တူၵ်း​ၼၼ်ႉ ႁႃ​ဢဝ်​တၢင်း​လီ​မင်ႇၵလႃႇ​သေ​ၵေႃႈ၊ မၼ်း​ဢမ်ႇ​ထူပ်း​ဢမ်ႇ​လႆႈ​ဢၶႂၢင်ႉ​တၢင်း​ဢၼ်​လႆႈ​ၶၢႆႉ​လႆႈ​ပုတ်ႈ။-</verse>
				<verse number="18">လိူဝ်​သေ​ၼၼ်ႉ သူ​လႆႈ​ႁွတ်ႈ​ထိုင်​ၵႃႈ​တီႈ​လွႆ​ဢၼ်​ဢဝ်​တင်း​မိုဝ်း​တိူဝ်ႉ​လႆႈ​လႄႈ ၽႆး​မႆႈ​ၼၼ်ႉ၊ ၵႃႈ​တီႈ​ၽႃႈ​ၽူၼ်​ဢၼ်​လမ်​ၵမ်ႇ​ၼႃႇ​ၼၼ်ႉ၊ ၵႃႈ​တီႈ​လပ်း​သိင်ႇ​ၼၼ်ႉ၊ ၵႃႈ​တီႈ​လူမ်း​လင်​သဵင်​ၼၼ်ႉ၊-</verse>
				<verse number="19">ၵႃႈ​တီႈ​သဵင်​ဢၼ်​ပဝ်ႇ​ၶရႃႇ​ၼၼ်ႉ၊ ၵႃႈ​တီႈ​သဵင်​ၵႂၢမ်း​ၼုၵ်ႈၵပၢတ်ႈ​ၸဝ်ႈ​ၸိူဝ်း​ၼၼ်ႉ​ဢမ်ႇ​ၸႂ်ႈ။ ၶဝ်​ၸိူဝ်း​ဢၼ်​လႆႈ​ငိၼ်း​သဵင်​ၸဝ်ႈ​ၼၼ်ႉ ဢွၼ်​ၵၼ်​တွင်း​ပၢၼ်ႇ​လွင်ႈ​ၼင်ႇ​ႁိုဝ်​မၼ်း​ၸဝ်ႈ​တၵ်း​ဢမ်ႇ​ထၢပ်ႈ​လႄႈ မီး​ဢမိင်ႉ​ထႅင်ႈ​ဢေႃႈ။-</verse>
				<verse number="20">ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ႁူ​ၵူၼ်း​တင်း​လၢႆ ဢမ်ႇ​ၶၢမ်ႇ​သဵင်​ပိင်း​ၺၢပ်ႈ​ဢၼ်​ဝႃႈ၊ တရိၵ်ႈသၢၼ်ႇ​သေ​ၵေႃႈ ပေႃး​တိူဝ်ႉ​မႅၼ်ႈ​လွႆ​ၼၼ်ႉ​ၸိုင် ဢဝ်​မၢၵ်ႇ​ႁိၼ်​ထိမ်ႈ​လႄႈ​ႁႂ်ႈ​တၢႆ​သေ​တႃႉ၊ ဝႃႈ​ၼင်ႇ​ၼႆ​ၼၼ်ႉ​လႆႈ။-</verse>
				<verse number="21">ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ထၢင်ႇ​သႃး​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​ဢၼ်​လီ​ၵူဝ်​လီ​ႁႄ​လႄႈ​ မူဝ်းသေႇ ​လၢတ်ႈ​လႄႈ​ဝႃႈ၊ ၵဝ်​မီး​တၢင်း​ဢၼ်​ၵူဝ်​ႁႄ​လႄႈ​သၼ်ႇ​ဝႆ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="22">ၵူၺ်း​ၵႃႈ သူ​လႆႈ​ႁွတ်ႈ​ထိုင်​ၵႃႈ​တီႈ​လွႆ​ ၸီႉဢုၼ်ႇ ၊ ၵႃႈ​တီႈ​ဝဵင်း​ၽြႃး​ပဵၼ်​ၸဝ်ႈ​ဢၼ်​ဢသၢၵ်ႈ​လိပ်း ဢၼ်​ဝႃႈ​ဝဵင်း​ ယေႇရူႉသလႅမ်ႇ ၵၢင်​ႁၢဝ်​ၼၼ်ႉ၊ ၵႃႈ​တီႈ​တၢင်း​ဢၼ်​တမၢၼ်ႇ​ၵၢင်​ႁၢဝ်​ၼမ်​ၼႃႇ ထၼ်ႈ​ပေႃး​ဢမ်ႇ​ႁူႉ​လႆႈ​ၼၼ်ႉ ၸူႉ​ၵၼ်​တုမ်​ၵၼ်​ၼၼ်ႉ၊-</verse>
				<verse number="23">ၵႃႈ​တီႈ​ၸိူဝ်း​ၸဝ်ႈ​လုၵ်ႈ​တူၼ်ႈ​တင်း​လၢႆ ဢၼ်​ၶဝ်ႈ​ၵႃႈ​ၼႂ်း​ၸရၢင်း​ၵၢင်​ႁၢဝ်​ၼၼ်ႉ၊ ၵႃႈ​တီႈ​ၽြႃး​ပဵၼ်​ၸဝ်ႈ​ဢၼ်​ၸီႇ​ယၢင်ႇ​တြႃး တီႈ​ၵူၼ်း​တင်း​သဵင်ႈ​တင်း​လူင်​ၼၼ်ႉ၊ ၵႃႈ​တီႈ​ၸႂ်​ဝီႉၺိၺ်ႇ​သူႇ​တေႃႇ​ၵွင်း​တင်း​လၢႆ ဢၼ်​ႁွတ်ႈ​ထိုင်​တၢင်း​ဢၼ်​ၸေး​ၸုမ်ႇ​ၼၼ်ႉ၊-</verse>
				<verse number="24">ၵႃႈ​တီႈ​ ယေႇသူႉ ​ဢၼ်​ဝႃႈ ၵူၼ်း​ဝူင်ႈ​ၵၢင်​ပတီႉၺိၺ်ႇ​တြႃး​ဢၼ်​မႂ်ႇ​ၼၼ်ႉ၊ ၵႃႈ​တီႈ​လိူတ်ႈ​တၢင်း​ဢၼ်​ၸုပ်ႉ​ၽႅတ်း ဢၼ်​လၢတ်ႈ ဝႃႈ လွင်ႈ​တၢင်း​ဢၼ်​မျၢတ်ႈ​လီ​ၼႃႇ​သေ​လွင်ႈ​တၢင်း​ဢၼ်​လိူတ်ႈ​ ဢႃႇပေႇလႃႉ လၢတ်ႈ​ဝႃႈ​ၼၼ်ႉ​ယူႇ​ဢေႃႈ။</verse>
				<verse number="25">လွင်ႈ​ၼင်ႇ​ႁိုဝ်​သူ​တၵ်း​ဢမ်ႇ​ထဵင်​လႄႈ ပႄႇ​ပႅတ်ႈ​ၵႂၢမ်း​ၸဝ်ႈ​ဢၼ်​မီး​ဢမိင်ႉ​ၼၼ်ႉ​ၸိုင် ႁဵတ်း​သတီႉ​တႃႉ။ ပေႃး​ၶဝ်​ၸိူဝ်း​ဢၼ်​ထဵင်​လႄႈ ပႄႇ​ပႅတ်ႈ​ၵႂၢမ်း​ၵေႃႉ​ဢၼ်​သင်ႇ​လၢတ်ႈ​ပျႃႇ​တိၵ်ႈ​ၸဝ်ႈ ၵႃႈ​ၼိူဝ်​လိၼ်​မိူင်း​ၼႆ​ၼၼ်ႉ ဢမ်ႇ​လႆႈ​ၵၢင်း​လွတ်ႈ​တင်း​ဢပႅတ်ႈ ဢမၢၼ်ႇ​ၶၼ်​ပဵၼ်​ၸိုင် လိူဝ်​တွၼ်း​သေ​ၼၼ်ႉ​ဢမ်ႇ​ၵႃး၊ ပေႃး​ႁဝ်း​ဢမ်ႇ​ထွမ်ႇ​ဢဝ်​ၵႂၢမ်း​ၸဝ်ႈ​ဢၼ်​မီး​ဢမိင်ႉ​သေ ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​မႃး​ၼၼ်ႉ​လႄႈ​ယူႇ​ၸိုင် ႁဝ်း​တၵ်း​ၵၢင်း​လွတ်ႈ​တင်း​ဢပႅတ်ႈ ဢၼ်​ယဵင်ႈ​ၶႅၼ်း​ယႂ်ႇ​ၼႃႇ​ၼၼ်ႉ လႆႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="26">သဵင်​ပျႃႇ​တိၵ်ႈ​ၸဝ်ႈ​မိူဝ်ႈ​ဢွၼ်​ၼႆႉ​ၼၼ်ႉ ႁႂ်ႈ​လိၼ်​မိူင်း​သၼ်ႇ​ဝႆ​ဢေႃႈ။ ၵူၺ်း​ၵႃႈ​တေႃႈ​လဵဝ်​ၼႆႉ မၼ်း​ၸဝ်ႈ​ဝႆႉ​ၵတီႉ​လႄႈ​ဝႃႈ ၵဝ်​တၵ်း​ႁႂ်ႈ​လိၼ်​မိူင်း​သၼ်ႇ​ၶွၼ်း​ဝႆ​ထႅင်ႈ​လူး​ၵွၼ်ႇ​ဢမ်ႇ​ၵႃး၊ ၵၢင်​ႁၢဝ်​ၵေႃႈ ၵဝ်​တၵ်း​ႁႂ်ႈ​သၼ်ႇ​ၶွၼ်း​ဝႆ လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="27">ဢထိၵ်ႈပႄႇ​ၵႂၢမ်း​ဢၼ်​ဝႃႈ ထႅင်ႈ​လူး​ၵွၼ်ႇ​ၼၼ်ႉ​ၸမ်ႉ၊ ၶႂ်ႈ​ဝႃႈ​တၵ်း​ယႃႉ​ပႅတ်ႈ​လွင်ႈ​တၢင်း​ဢၼ်​သၼ်ႇ​ၶွၼ်း​ဝႆ တင်း​လၢႆ​ၼၼ်ႉ​မိူၼ်​ၸိူဝ်ႉ​ၼင်ႇ ၶိူင်ႈ​ပိူင်​လေႃးၵီႇ ႁႂ်ႈ​လွင်ႈ​တၢင်း​ဢၼ်​ဢမ်ႇ​သၼ်ႇ​ၶွၼ်း​ဝႆ တင်း​လၢႆ​ၼၼ်ႉ လႆႈ​တႄႇ​ယူႇ​ၼၼ်ႉ​ဢေႃႈ။</verse>
				<verse number="28">ပိူဝ်ႈ​ၼႆ​ၸင်ႇ၊ ၵွပ်ႈ​ပိူဝ်ႈ​ဢၼ်​ႁဝ်း​လႆႈ​မိူင်း ဢၼ်​ဢမ်ႇ​သၼ်ႇ​ၶွၼ်း​ဝႆ​လႆႈ​ၼၼ်ႉ​လႄႈ လွင်ႈ​ၼင်ႇ​ႁိုဝ်​ႁဝ်း​တၵ်း​မီး တင်း​ၸႂ်​ဢၼ်​ရူဝ်ႇ​သေႇ​ၵူဝ်​ယမ်​သေ​လႄႈ ႁဵတ်း​ဝၢတ်ႈ​လီ​လီ​ထုၵ်ႇ​ထုၵ်ႇ တီႈ​ၽြႃး​ပဵၼ်​ၸဝ်ႈ​လႆႈ​ၸိုင် ဢွၼ်​ၵၼ်​ၸွႆး​ၸပ်း​ၵျေး​ၸူး​ၸဝ်ႈ​တႃႉ​ႁဝ်း။-</verse>
				<verse number="29">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ႁဝ်း ပဵၼ်​ၽႆး​ဢၼ်​မႆႈ​ဢေႃႈ။</verse>
			</chapter>
			<chapter number="13">
				<verse number="1">တႄႇ​ယူႇ​ၼႂ်း​မႅတ်ႈ​တႃႇ တၢင်း​ဢၼ်​ပီႈ​ၼွင်ႉ​ၵၼ် ႁၵ်ႉ​ပႅင်း​ၵၼ်​ၼၼ်ႉ​တႃႉ။-</verse>
				<verse number="2">ယႃႇ​ပေ​လူင်​ပေ​လိုမ်း​တၢင်း​ဢၼ် ႁဵတ်း​ဝၢတ်ႈ​ၶႅၵ်ႇ​ၼၼ်ႉ။ လွင်ႈ​မၼ်း​ၸမ်ႉ ၵူၼ်း​ၵမ်ႈ​ၽွင်ႈ​ယင်း​ဢမ်ႇ​ထၢင်ႇ​ဢမ်ႇ​ထိူမ်​လႄႈ လႆႈ​ၶၢမ်ႇ​ၶႅၵ်ႇ​တမၢၼ်ႇ​ၵၢင်​ႁၢဝ် ၼႂ်း​တၢင်း​ဢၼ် ႁဵတ်း​ဝၢတ်ႈ​ၶႅၵ်ႇ​ၼၼ်ႉ​ယဝ်ႉ။</verse>
				<verse number="3">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၶဝ်​ၸိူဝ်း​ဢၼ်​လႆႈ​ၶၢမ်ႇ​တူၵ်း​ၵိၼ်း​ၼၼ်ႉ​သေ​လႄႈ မၢတ်ႈ​တူဝ်​ၸဝ်ႈ​ၵဝ်ႇ ပဵၼ်​ၸိူဝ်ႉ​ၼင်ႇ​ဢၼ် လႆႈ​ၶၢမ်ႇ​လူၺ်ႈ​ၵၼ်​တင်း​ၶဝ်​ၼၼ်ႉ​တႃႉ။ သူ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​သေ​လႄႈ မၢတ်ႈ​တူဝ်​ၸဝ်ႈ​ၵဝ်ႇ ပဵၼ်​ၵေႃႉ​ဢၼ်​ဢမ်ႇ​ၵၢင်း​ဢမ်ႇ​လွတ်ႈ တင်း​တူဝ်​ၶၼ်ႇ​ထႃႇ​ၼၼ်ႉ​တႃႉ။-</verse>
				<verse number="4">ႁႂ်ႈ​လွင်ႈ​တၢင်း​ဢၼ်​သွင်ႇ​မင်ႇၵလႃႇ ဢိၵ်ႇ​တင်း​လွင်ႈ​တၢင်း​ဢၼ် ႁဵတ်း​သမ်ႇဝႃႇသႃႉ​သဵတ်ႈ​ၸႃႇ​ၼၼ်ႉ မီး​သရေႇ​ၵႃႈ​ၼႂ်း​ၵူၼ်း​တင်း​သဵင်ႈ​တင်း​လူင်​တႃႉ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​တၵ်း​ၸႅတ်ႈ​ထၢမ်​ၸီႇ​ယၢင်ႇ ၶဝ်​ၸိူဝ်း​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး ဢိၵ်ႇ​တင်း​ၶဝ်​ၸိူဝ်း​ဢၼ် ၽိတ်း​ပိူင်ႈ​မေး​ပိူၼ်ႈ​ၼၼ်ႉ​ဢေႃႈ။</verse>
				<verse number="5">ႁႂ်ႈ​တၢင်း​ဢၼ်​သူ​ၵျၢမ်ႇ​ပွင်​ၵမ်​ၵျၢင်ႉ​သၢင်ႈ​ႁဵတ်း​ၼၼ်ႉ ၵၢင်း​လွတ်ႈ​တင်း တၢင်း​ဢၼ်​ၸႂ်​ၸပ်း​ၸႂ်​ၸွႆး​ငိုၼ်း​လႄႈ မီး​တၢင်း​ဢၼ်​ဢိမ်ႇ​ၸႂ်​လူၺ်ႈ​ဢုၵ်ႉ​ၸႃႇ ဢၼ်​မီး​တီႈ​တူဝ်​ၸဝ်ႈ​ၵဝ်ႇ​ၼၼ်ႉ​ၵူၺ်း​တႃႉ။ လွင်ႈ​မၼ်း​ၸမ်ႉ မၼ်း​ၸဝ်ႈ​မီး​ၵတီႉ​ၸဝ်ႈ​လႄႈ​ဝႃႈ၊ ၵဝ်​တၵ်း​ဢမ်ႇ​ၽၢတ်ႇ​ဢမ်ႇ​ယၢၼ်​ၵၼ်​တင်း​မႂ်း​လႃး​လႃး။ တၵ်း​ဢမ်ႇ​ပႅတ်ႈ​မႂ်း​ဝႆႉ​လႃး​လႃး၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ ႁဝ်း​မီး​ဢၶႂၢင်ႉ​ဢၼ်​ပႃး​တင်း​ၸႂ် ဢၼ်​ႁတ်း​ဢၼ်​ႁၢၼ်​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ၸွႆႈ​ထႅမ်​ၵဝ်​ယူႇ​လႄႈ ၵဝ်​တၵ်း​ဢမ်ႇ​ၵူဝ်​ဢမ်ႇ​ႁႄ။ ၵူၼ်း​တၵ်း​ႁဵတ်း​တီႈ​ၵဝ်​ၸိူဝ်ႉ​ၼင်ႇ​ႁိုဝ်​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​သူ​သေ​လႄႈ ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ​တီႈ​သူ​ၼၼ်ႉ​တႃႉ။ ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ဢၼ်​ၶဝ်​ၼၼ်ႉ ၵျၢမ်ႇ​ပွင်​ၵမ်​ၵျၢင်ႉ​သၢင်ႈ​ႁဵတ်း ၸိူဝ်ႉ​ၼင်ႇ​ႁိုဝ်​သေ​လႄႈ လၢႆႈ​ၸၢတ်ႈ​ၵႂႃႇ​ၼၼ်ႉ​လီ​လီ​ငၢမ်း​ငၢမ်း​လႄႈ ၸွမ်း​ႁႂ်ႈ​ၶိုတ်း​တၢင်း​ဢၼ်​ယုမ်ႇ​မၢတ်ႈ​ၶဝ်​ၼၼ်ႉ​တႃႉ။</verse>
				<verse number="8">ယေႇသူႉ​ၶရိၸ်ႈ ​ၸိုင်၊ မိူဝ်ႈ​ဝႃး၊ မိူဝ်ႈ​ၼႆႉ၊ ၶိင်ႇ​ၵႃႇလႃႉ​ၵမ်း​လိုၼ်း​ပုၼ်ႉ ဢမ်ႇ​ၶၢႆႉ​ဢမ်ႇ​ပုတ်ႈ​လႄႈ ယူႇ​သေႇ​သေႇ​ဢေႃႈ။-</verse>
				<verse number="9">ယႃႇ​ပေ​ၸွမ်း​ဢယူႇ​ဝႃႇ​တႃႉ​ဢၼ်​မႂ်ႇ ဢၼ်​ပႅၵ်ႇ​ပိူင်ႈ​ၵၼ်​ၸိူဝ်း​ၼၼ်ႉ​သေ​လႄႈ ၽွၵ်ႈ​ပျၢၼ်ႇ​ၶိုၼ်း​ၵႂႃႇ။ ပေႃး​ယင်း​ဢမ်ႇ​မီး​တၢင်း​ဢၼ်​ၸႂ်​မၼ်ႈ​ၶိူင်ႇ လူၺ်ႈ​တၢင်း​ၵိၼ်​တင်း​လၢႆ​လႄႈ မီး​ၸႂ်​ဢၼ်​မၼ်ႈ​ၶိူင်ႇ​ယူႇ​လူၺ်ႈ​ၵျေး​ၸူး​ၸဝ်ႈ​ၸိုင်၊ မီး​ဢၵျူဝ်း​ဢေႃႈ။ ၶဝ်​ၸိူဝ်း​ဢၼ်​ၵျူဝ်း​ၸႃး လူၺ်ႈ​တၢင်း​ၵိၼ်​တင်း​လၢႆ​ၼၼ်ႉ လႆႈ​ဢၵျူဝ်း​ယဝ်ႉ​ဢမ်ႇ​ၸႂ်ႈ။</verse>
				<verse number="10">ႁဝ်း​မီး​ယိတ်ႈ​ပလၢင်ႇ​ဢၼ် ၶဝ်​ၸိူဝ်း​ဢၼ်​ႁဵတ်း​ဝၢတ်ႈ​ၵႃႈ​ၼႂ်း​သုမ်ႉ​ထဵင်​ၸဝ်ႈ​ယူႇ​လႄႈ ဢမ်ႇ​မီး​ဢၶႂၢင်ႉ​ဢၼ်​တၵ်း​လႆႈ​ၵိၼ်​ၼၼ်ႉ​ဢေႃႈ။-</verse>
				<verse number="11">လွင်ႈ​မၼ်း​ၸမ်ႉ တူဝ်​တၢႆ​ယိတ်ႈ​ဢၼ် ၶုၼ်​ယိတ်ႈပရေႃးႁဵၵ်ႈ​ဢဝ်​လိူတ်ႈ သႂၢင်း​သႂ်ႇ​ၵႃႈ​ၼႂ်း​ထႃႇၼႃႉ​တီႈ​မူတ်း​ၸၢင်ႇ ပုၼ်ႈ​ဢၼ်​တၵ်း​ၽေႇ​ဢပႅတ်ႈ​တင်း​လၢႆ​ၼၼ်ႉ​ၸိုင် လႆႈ​ဢဝ်​ဢွၵ်ႇ​လႄႈ​တုတ်ႇ​ၽႆး​ၵႃႈ​ၼွၵ်ႈ​တပ်ႉ​ဢေႃႈ။-</verse>
				<verse number="12">ၸွမ်း​ၵႃႈ​ၼင်ႇ​ဢၼ်​ပဵၼ်​ၼၼ်ႉ၊ ယေႇသူႉ ​ၵေႃႈ​ၼင်ႇ​ႁိုဝ်​တၵ်း​ႁႂ်ႈ ၵူၼ်း​တင်း​လၢႆ​မူတ်း​ၸၢင်ႇ လူၺ်ႈ​လိူတ်ႈ​မၼ်း​ၸဝ်ႈ​ၸိုင် ၶၢမ်ႇ​တၢင်း​တၢႆ ၵႃႈ​ၼွၵ်ႈ​ၽၵ်း​တူ​ဝဵင်း​ဢေႃႈ။-</verse>
				<verse number="13">ပိူဝ်ႈ​ၼႆ​လႄႈ ႁဝ်း​ၶၢမ်ႇ​တၢင်း​ဢၼ်​သႄႉ​သွမ်း လူၺ်ႈ​ၵၼ်​တင်း​ၸဝ်ႈ​ၼၼ်ႉ​သေ​လႄႈ ဢွၼ်​ၵၼ်​ဢွၵ်ႇ​ၵႂႃႇ​ၵႃႈ​တီႈ​မၼ်း​ၸဝ်ႈ​ၵႃႈ​ၼွၵ်ႈ​တပ်ႉ​ပုၼ်ႉ​တႃႉ​ႁဝ်း။-</verse>
				<verse number="14">လွင်ႈ​မၼ်း​ၸမ်ႉ ၼႂ်း​ၽဝႃႉ​မိူဝ်ႈ​လဵဝ်​ၼႆႉ ႁဝ်း​ဢမ်ႇ​မီး​ဝဵင်း​ဢၼ်​တႄႇ​ယူႇ​သေႇ​သေႇ။ ႁဝ်း​ႁႃ​ဢဝ်​ဝဵင်း​ဢၼ်​တၵ်း​ပဵၼ် ၵမ်း​လိုၼ်း​ၼၼ်ႉ​ဢေႃႈ။</verse>
				<verse number="15">ပိူဝ်ႈ​ၼႆ​ၸင်ႇ၊ ႁဝ်း​ဢိင်​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ​သေ​လႄႈ ဢွၼ်​ၵၼ်​ပုၵ်ႈ​ၸေႃႇ​ယိတ်ႈ​တၢင်း​ဢၼ်​ယွင်ႈ​ယေႃး​ဢၼ်​ဝႃႈ မၢၵ်ႇ​သီႇ​သူပ်း​ဢၼ်​ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ယူႇ​သေႇ​သေႇ​တႃႉ​ႁဝ်း။-</verse>
				<verse number="16">ယႃႇ​ပေ​လူင်​ပေ​လိုမ်း တၢင်း​ဢၼ်​ႁဵတ်း​ၵျေး​ၸူး၊ တၢင်း​ဢၼ်​ၽႄ​မႅင်ႇ​ဢုၵ်ႉ​ၸႃႇ​ၼၼ်ႉ။ လွင်ႈ​မၼ်း​ၸမ်ႉ ယိတ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ ထုၵ်ႇ​ၸႂ်​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="17">ထွမ်ႇ​ဢဝ်​ၵႂၢမ်း​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​သူ​ၼၼ်ႉ​သေ​လႄႈ​ၶျႃး​တႅမ်ႇ​ယူႇ​တႃႉ။ ၶဝ်​ၼၼ်ႉ​ပႂ်ႉ​ပုၼ်ႈ​ဢၵျူဝ်း ၸႂ်​ဝီႉၺိၺ်ႇ​သူ​ယူႇ မိူၼ်​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ် တူဝ်​ၸဝ်ႈ​ၵဝ်ႇ​တၵ်း​လႆႈ​ၶၢမ်ႇ တၢင်း​ဢၼ်​ၸႅတ်ႈ​ထၢမ်​ၼၼ်ႉ​ဢေႃႈ။ လွင်ႈ​ၼင်ႇ​ႁိုဝ်​ၶဝ်​တၵ်း​ဢမ်ႇ​မီး​တၢင်း​ဢၼ်​ၸႂ်​လဵၵ်ႉ ဢၼ်​ဢမ်ႇ​ၸၢင်ႈ​ႁႂ်ႈ​ဢၵျူဝ်း​သူ​ပဵၼ်​ၼၼ်ႉ​လႄႈ တၵ်း​မီး​တၢင်း​ဢၼ်​သိူဝ်း​ပျေႃႇ​သေ​လႄႈ ၶၢမ်ႇ​တၢင်း​ဢၼ်​ၸႅတ်ႈ​ထၢမ်​ၸိုင်၊ ႁဵတ်း​သတီႉ​လႄႈ​ယူႇ​တႃႉ။-</verse>
				<verse number="18">သူး​တွင်း​ပုၼ်ႈ​ႁဝ်း​တႃႉ။ ႁဝ်း​မီး​ၸႂ်​ဢၼ်​ၸွႆး​ဢၼ်​ၸပ်း လွင်ႈ​ဢၼ်​ႁဝ်း​ပဵၼ်​ၵေႃႉ​ဢၼ် ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ သႂ်​လႅင်း​ယူႇ​လႄႈ မီး​ဢလူဝ်ႇ​ၶႂ်ႈ​ၵမ်​ၵျၢင်ႉ​လီ​လီ​ငၢမ်း​ငၢမ်း ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ယူႇ​ဢေႃႈ။-</verse>
				<verse number="19">လွင်ႈ​ၼင်ႇ​ႁိုဝ်​သူ​တၵ်း​သူး​တွင်း​ၸိူဝ်ႉ​ၼင်ႇ​ၼၼ် ႁႂ်ႈ​ၵဝ်​လႆႈ​မီး​ဢၶႂၢင်ႉ​ဢၼ်​လႆႈ​ၶိုၼ်း​ၵႂႃႇ​ၵႃႈ​တီႈ​ဢၼ်​သူ​မီး​ၼၼ်ႉ ၶၼ်​ၶၼ်​ၽႂ်း​ၽႂ်း​ၸိုင်၊ ၵဝ်​ယဵင်ႈ​ၶႅၼ်း​ၸူဝ်း​ဢဝ်​တွင်း​ပၢၼ်ႇ​သူ​ဢေႃႈ။</verse>
				<verse number="20">ႁႂ်ႈ​ၽြႃး​ပဵၼ်​ၸဝ်ႈ၊ ၸဝ်ႈ​တၢင်း​ၼိမ်​ဢၼ်​ၼုၵ်ႈ​ဢဝ်​ၸဝ်ႈ​ႁဝ်း​ ယေႇသူႉ ဢၼ်​ပဵၼ်​ၵူၼ်း​လဵင်ႉ​ထိင်း​သူဝ်း​လူင် ဢၼ်​လဵင်ႉ​ထိင်း​သူဝ်း​တင်း​လၢႆ​ၼၼ်ႉ ဢွၵ်ႇ​သေ​ၵႃႈ​ၼႂ်း​တၢင်း​တၢႆ ၵွပ်ႈ​ပိူဝ်ႈ​လိူတ်ႈ​ပတီႉၺိၺ်ႇ​တြႃး​ထႃႇဝရႃႉ​ၼၼ်ႉ၊-</verse>
				<verse number="21">ႁဵတ်း​လွင်ႈ​တၢင်း​ဢၼ်​ထုၵ်ႇ​ၸႂ်​မၼ်း​ၸဝ်ႈ​ၵႃႈ​ၼႂ်း​သူ ၵွပ်ႈ​ပိူဝ်ႈ ယေႇသူႉ​ၶရိၸ်ႈ ​ၼၼ်ႉ​ယူႇ​သေ​လႄႈ ပွင်​မႄး​သူ​ၵႃႈ​ၼႂ်း​တၢင်း​ၵမ်​တၢင်း​ၵျၢင်ႉ ဢၼ်​လီ​ၵူႈ​ၸိူဝ်ႉ​ၵူႈ​ပိူင် ႁႂ်ႈ​သူ​လႆႈ​ၸွမ်း​ဢလူဝ်ႇ​မၼ်း​ၸဝ်ႈ​သေ​ၵမ်း​လူၺ်ႈ။ ႁႂ်ႈ​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ မုၼ်​ယႂ်ႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း သေ​ၵမ်း​လူၺ်ႈ။ ဢႃႇမိၼ်ႇ။</verse>
				<verse number="22">ပီႈ​ၼွင်ႉ​ၶဝ်​ဢိူၺ်း၊ ၵွပ်ႈ​ပိူဝ်ႈ​ဢၼ်​ၵဝ်​တႅမ်ႈ​ပၼ်​ၵႂႃႇ​ဢိတ်း​ဢွၼ်ႇ​ၼိုင်ႈ​ၵူၺ်း​လႄႈ ၵဝ်​တွင်း​ပၢၼ်ႇ​ၸူဝ်း​ဢဝ်​သူ ႁႂ်ႈ​သူ​ယိူၼ်ႉ​ၶၢမ်ႇ​ၵႂၢမ်း​ဢေႃးဝႃႇတႃႉ တၢင်း​ဢၼ်​ၵဝ်​သင်ႇ​သွၼ်​သုင်း​မႃႉ​ပၼ်​ၼႆႉ​ဢေႃႈ။</verse>
				<verse number="23">သူ​ႁူႉ​လွင်ႈ​ဢၼ်​ၼွင်ႉ​ႁဝ်း​ တီႉမေႃးသေႇ ​လႆႈ​ၶၢမ်ႇ​တၢင်း​ဢၼ်​ပွႆႇ​ၸႂ်ႉ​ၵႂႃႇ တၢင်ႇ​တီႈ​တၢင်ႇ​လႅၼ်​ၼၼ်ႉ​သေ​ၵမ်း။ ဢမ်ႇ​ႁိုင်​ဢမ်ႇ​ၼၢၼ်း ပေႃး​မၼ်း​ႁွတ်ႈ​မႃး​ၸိုင် ၵဝ်​တၵ်း​ၵႂႃႇ​လူၺ်ႈ​ၵၼ်​တင်း​မၼ်း​လႄႈ ထူပ်း​ႁၼ်​သူ​ဢေႃႈ။</verse>
				<verse number="24">တၵ်ႉ​လၢတ်ႈ​ၶဝ်​ၸိူဝ်း​ဢၼ်​ဢုပ်ႉ​ၵႃႈ​ၼိူဝ်​သူ ဢိၵ်ႇ​တင်း​ၵူၼ်း​မူတ်း​ၸၢင်ႇ​တင်း​လၢႆ​ၼၼ်ႉ​တႃႉ။​ၵူၼ်း​မိူင်း​ ဢီႉတလီႉ ၸိူဝ်း​ၼႆႉ တၵ်ႉ​ၼၢႆ​သူ​ဢေႃႈ။</verse>
				<verse number="25">ႁႂ်ႈ​ၵျေး​ၸူး​ၸဝ်ႈ မီး​ၵႃႈ​ၼိူဝ်​သူ တင်း​သဵင်ႈ​တင်း​လူင်​သေ​ၵမ်း​ၶႃႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ႁေႇပြႄး​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="59">
			<chapter number="1">
				<verse number="1">ၵဝ်​ ယႃႇၵုပ်ႈ ဢၼ်​ပဵၼ်​ၶႃႈ​ၽြႃး​ပဵၼ်​ၸဝ်ႈ တင်း​ၸဝ်ႈ​ ယေႇသူႉ​ၶရိၸ်ႈ ​ၼႆႉ ပၼ်​မႅတ်ႈ​တႃႇ​ၵႂႃႇ ၵႃႈ​တီႈ​မဵဝ်း​ၸိူဝ်ႉ​ၶိူဝ်း​သိပ်း​သွင်​ပႃး ဢၼ်​ၽၢတ်ႇ​ၽႄ​ၵၼ်​မီး​ယူႇ​ၵူႈ​တီႈ​ၵူႈ​လႅၼ်​ဢေႃႈ။</verse>
				<verse number="2">ပီႈ​ၼွင်ႉ​ၵဝ်​တင်း​လၢႆ​ဢိူၺ်း၊ သူ​ႁူႉ​လွင်ႈ​ဢၼ်​တၢင်း​ဢၼ်​ၸႅတ်ႈ​ထၢမ် ၸၢမ်း​တူၺ်း​တၢင်း​ဢၼ်​ယုမ်ႇ​မၢတ်ႈ​သူ​ၼၼ်ႉ တၵ်း​ႁႂ်ႈ​တၢင်း​ဢၼ်​ယိူၼ်ႉ​ၶၢမ်ႇ ယႂ်ႇ​ၵႂၢင်ႈ​မႃး​ၼၼ်ႉ​ယူႇ​သေ​လႄႈ-</verse>
				<verse number="3">မိူဝ်ႈ​ဢၼ်​သူ​ႁူပ်ႉ​ထူပ်း တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၸိုင် မၢတ်ႈ​ပဵၼ်​လွင်ႈ​တၢင်း ဢၼ်​လီ​သိူဝ်း​ပျေႃႇ​ၵူၺ်း​တႃႉ။-</verse>
				<verse number="4">လွင်ႈ​ၼင်ႇ​ႁိုဝ်​သူ​တၵ်း ဢမ်ႇ​လူဝ်ႇ​ထႅင်ႈ​သေ​ဢိတ်း​လႄႈ ၸေး​ၸုမ်ႇ​တဵမ်​ဝႆႉ​ၸိုင် ႁႂ်ႈ​တၢင်း​ဢၼ်​ယိူၼ်ႉ​ၶၢမ်ႇ​သူ​ၼၼ်ႉ ႁဵတ်း​ပဵၼ်​တင်း​သဵင်ႈ​တင်း​လူင်​သေ​ၵမ်း။</verse>
				<verse number="5">ၼႂ်း​သူ​ၼၼ်ႉ​ပေႃး​သေ​ၵေႃႉ​သေ​ၵူၼ်း လူဝ်ႇ​ပိင်ႇ​ၺႃႇ​ၸိုင် ႁႂ်ႈ​မၼ်း​ယွၼ်း​ဢဝ်​ၵႃႈ​တီႈ ၽြႃး​ပဵၼ်​ၸဝ်ႈ​ဢၼ်​ဢမ်ႇ​သႄႉ​သွမ်း တၢင်ႇ​ဢပႅတ်ႈ၊ ဢၼ်​မီး​ၸႂ်​ၸေႇတၼႃႇ​ၵူၺ်း​လႄႈ ပၼ်​တီႈ​ၵူၼ်း​တင်း​သဵင်ႈ​တင်း​လူင်​ၼၼ်ႉ​တႃႉ။ မၼ်း​ၸဝ်ႈ​တၵ်း​ပၼ်​တီႈ​ၵေႃႉ​ၼၼ်ႉ​ဢေႃႈ။-</verse>
				<verse number="6">ၵူၺ်း​ၵႃႈ ယင်း​ဢမ်ႇ​ၶႆႈ​ၸႂ်​လူၺ်ႈ​လွင်ႈ တၢင်ႇ​ၸိူဝ်ႉ​တၢင်ႇ​ပိူင်​လႄႈ တၵ်း​လႆႈ​ဢဝ်​တင်း​ၸႂ်​ဢၼ်​ယုမ်ႇ​မၢတ်ႈ ယွၼ်း​ဢဝ်​ဢေႃႈ။ ၵေႃႉ​ဢၼ်​မီး​တၢင်း​ဢၼ်​ၶႆႈ​ၸႂ် လူၺ်ႈ​လွင်ႈ​တၢင်ႇ​ၸိူဝ်ႉ​တၢင်ႇ​ပိူင်​ၼၼ်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ​လႅင်း​ၼမ်ႉ​ပိူပ်ႈ​ၼမ်ႉ​ပၢင်ႇ​လၢႆႇ ဢၼ်​လူမ်း​ထူဝ်း​လႄႈ တူင်ႉ​ၵႂႃႇ​ၼိုင်​ၵႂႃႇ​ၼၼ်ႉ​ဢေႃႈ။-</verse>
				<verse number="7">ယႃႇ​ပေ​ႁႂ်ႈ​မၼ်း​ထၢင်ႇ​တၵ်း​လႆႈ သေ​ၸိူဝ်ႉ​သေ​ပိူင်​ၵႃႈ​ၼႂ်း မိုဝ်း​ၽြႃး​ပဵၼ်​ၸဝ်ႈ။-</verse>
				<verse number="8">ၵူၼ်း​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် ပဵၼ်​ၵေႃႉ​ဢၼ်​မီး​ႁူဝ်​ၸႂ်​သွင်​ၽၢႆႇ​သွင်​ပႃႈ၊ ၵေႃႉ​ဢၼ်​ဢမ်ႇ​မၼ်ႈ​ဢမ်ႇ​ၶိူင်ႇ ၵႃႈ​ၼႂ်း​ၵႃႈ​ဢၼ်​မၼ်း​ႁဵတ်း တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="9">ႁႂ်ႈ​ပီႈ​ၼွင်ႉ​ဢၼ်​ၶျႃး​တႅမ်ႇ​ၼၼ်ႉ ဢုပ်ႇ​ဝၢဝ်း​သိူဝ်း​ပျေႃႇ​ၵႃႈ​ၼႂ်း​တၢင်း​ဢၼ်​တူဝ်​ၸဝ်ႈ​ၵဝ်ႇ ၶၢမ်ႇ​တၢင်း​ဢၼ်​ယွင်ႈ​ယေႃး​ၼၼ်ႉ​တႃႉ။-</verse>
				<verse number="10">ႁႂ်ႈ​ပီႈ​ၼွင်ႉ​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ ဢုပ်ႇ​ဝၢဝ်း​သိူဝ်း​ပျေႃႇ​ၵႃႈ​ၼႂ်း​တၢင်း​ဢၼ်​တူဝ်​ၸဝ်ႈ​ၵဝ်ႇ ၶၢမ်ႇ​တၢင်း​ဢၼ်​ၶျႃး​တႅမ်ႇ​ၼၼ်ႉ​တႃႉ။ လွင်ႈ​မၼ်း​ၸမ်ႉ မၼ်း​တၵ်း​လႆႈ​ႁၢႆ​လၢႆ​ၵႂႃႇ​မိူၼ်​ၸိူဝ်ႉ​ၼင်ႇ​မွၵ်ႇ​ယိူဝ်ႈ​မွၵ်ႇ​ယႃႈ​ၼၼ်ႉ​ဢေႃႈ။-</verse>
				<verse number="11">မိူဝ်ႈ​ဢၼ်​ၵၢင်​ဝၼ်း​ဢွၵ်ႇ​မႃး ဢိၵ်ႇ​တင်း​သၢႆ​ဢရွင်ႇ​ဢၼ်​မႆႈ​ၼၼ်ႉ​ၸိုင်၊ ယိူဝ်ႈ​ယႃႈ​ၼၼ်ႉ ၸၢင်ႈ​ႁွတ်ႈ​ထိုင်​တၢင်း​ဢၼ် ႁဵဝ်ႇ​ႁႅင်ႈ​ၵႂႃႇ​လႄႈ မွၵ်ႇ​မၼ်း​ၵေႃႈ ၸၢင်ႈ​လူၼ်ႇ​ႁူင်ႈ​ၵႂႃႇ​ဢေႃႈ။ ႁၢင်ႈ​ၽၢင်​မၼ်း ဢၼ်​ႁၢင်ႈ​လီ​ၼၼ်ႉ​ၵေႃႈ ၸၢင်ႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​ၵႂႃႇ​ဢေႃႈ။ မိူၼ်​ၸိူဝ်ႉ​ၼင်ႇ​ၼၼ်၊ ၵူၼ်း​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ တၵ်း​လႆႈ​ႁွတ်ႈ​ထိုင်​တၢင်း​ဢၼ် ႁဵဝ်ႇ​ႁႅင်ႈ​လူႉ​လႅဝ်​ၵႂႃႇ ၼႂ်း​တၢင်း​ဢၼ်​မၼ်း​ႁဵတ်း​ယူႇ ၸိူဝ်း​ၼၼ်ႉ​ဢေႃႈ။</verse>
				<verse number="12">ၵေႃႉ​ဢၼ်​ယိူၼ်ႉ​ၶၢမ်ႇ​တၢင်း​ဢၼ် ၸၢမ်း​တူၺ်း​ယႃႉ​ယူၵ်ႉ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ မိူဝ်ႈ​ဢၼ်​ၶၢမ်ႇ​တၢင်း​ဢၼ် ၸႅတ်ႈ​ထၢမ်​ၸၢမ်း​တူၺ်း​ၼၼ်ႉ​ယဝ်ႉ​ၸိုင်၊ မၼ်း​တၵ်း​လႆႈ​သရၽူႇ​ဢသၢၵ်ႈ ဢၼ်​ၸဝ်ႈ​ၽြႃး​ဝႆႉ​ၵတီႉ တီႈ​ၶဝ်​ၸိူဝ်း​ဢၼ်​ႁၵ်ႉ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="13">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ် ဢပႅတ်ႈ​ၸူဝ်း​ၵႂႃႇ​ၸူဝ်း​ပႆ​ၼၼ်ႉ​ၸမ်ႉ၊ ၽြႃး​ပဵၼ်​ၸဝ်ႈ​ၸူဝ်း​ၵဝ်​ၵႂႃႇ​ၵဝ်​ပႆ​ဝႃႈ​ၼႆ ယႃႇ​ပေ​ႁႂ်ႈ​လၢတ်ႈ​ႁႂ်ႈ​ဝႃႈ။ လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ ဢမ်ႇ​ၸူဝ်း​ၽြႃး​ပဵၼ်​ၸဝ်ႈ​ၵႂႃႇ​ၽြႃး​ပဵၼ်​ၸဝ်ႈ​ပႆ​လႆႈ။ မၼ်း​ၸဝ်ႈ​ၵေႃႈ​ဢမ်ႇ​ၸူဝ်း​ၽူႈ​လႂ်​ၵႂႃႇ​ၽူႈ​လႂ်​ပႆ ၵႃႈ​ၼႂ်း​ဢပႅတ်ႈ​သေ​ၵေႃႉ​သေ​ၵူၼ်း။-</verse>
				<verse number="14">ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​တိုတ်ႉ​ၸၼ်​ၸူဝ်း​ဢဝ် ၵွပ်ႈ​ပိူဝ်ႈ​တၢင်း​ဢၼ် ၸႂ်​တူဝ်​ၸဝ်ႈ​ၵဝ်ႇ​ၸပ်း​ၸွႆး​ယူႇ​ၼၼ်ႉ​ၸမ်ႉ၊ ၸၢင်ႈ​ႁွတ်ႈ​ထိုင်​တၢင်း​ဢၼ် ဢပႅတ်ႈ​ၸူဝ်း​ၵႂႃႇ​ၸူဝ်း​ပႆ​ဢေႃႈ။-</verse>
				<verse number="15">ၸႂ်​ဢၼ်​ၸပ်း​ဢၼ်​ၸွႆး​ၼၼ်ႉ ပႃး​ပတိၵ်ႉသၼ်ႇထေႇ​လႄႈ ၸၢင်ႈ​ၵိူတ်ႇ​လဵင်ႉ ဢပႅတ်ႈ​တူႉ​ၸရိူၵ်ႈ​မႃး​ဢေႃႈ။ ဢပႅတ်ႈ​တူႉ​ၸရိူၵ်ႈ​ၼၼ်ႉ​ၵေႃႈ၊ မိူဝ်ႈ​ဢၼ်​ၸေး​ၸုမ်ႇ​ယဝ်ႉ​ၼၼ်ႉ​ၸိုင် ၸၢင်ႈ​ၵိူတ်ႇ​လဵင်ႉ​တၢင်း​တၢႆ​မႃး​ဢေႃႈ။</verse>
				<verse number="16">ပီႈ​ၼွင်ႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ယႃႇ​ပေ​ဢဝ်​တၢင်း​ဢၼ်​ၽိတ်း​ဢၼ်​ပိူင်ႈ။-</verse>
				<verse number="17">သူႉ​ၵျေး​ၸူး​ဢၼ်​မျၢတ်ႈ​လီ​လႄႈ ၸေး​ၸုမ်ႇ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​လုၵ်ႉ​သေ​ၵႃႈ​ၼိူဝ်​လႄႈ လူင်း​မႃး​သေ​ၵႃႈ​တီႈ​ပေႃႈ တၢင်း​ဢၼ်​ႁိူဝ်ႈ​လႅင်း​တင်း​လၢႆ​ဢၼ်​ဝႃႈ ၸဝ်ႈ​ဢၼ်​ဢမ်ႇ​မီး​တၢင်း​ဢၼ် သုတ်ႈ​ယွမ်း​ပိူင်ႈ​ၵႂႃႇ​လႄႈ ၵၢင်း​လွတ်ႈ​တင်း​သၢႆ​ငၢႆ​တၢင်း​ဢၼ်​ၶၢႆႉ​ပုတ်ႈ​ၼၼ်ႉ​ဢေႃႈ။-</verse>
				<verse number="18">မၼ်း​ၸဝ်ႈ​ၼၼ်ႉ ဢဝ်​တင်း​ၵႂၢမ်း​သမ်ႇမႃႇ​တြႃး​လႄႈ ႁႂ်ႈ​ႁဝ်း​ပဵၼ်​မႃး​ၸွမ်း​ၵႃႈ​ၼင်ႇ ဢလူဝ်ႇ​မၼ်း​ၸဝ်ႈ ႁႂ်ႈ​ႁဝ်း​လႆႈ​ပဵၼ်​ၸိူဝ်ႉ​ၼင်ႇ​မၢၵ်ႇ​ဢၼ်​မၢၵ်ႇ​ဢွၼ်​တၢင်း​ပိူၼ်ႈ​ၼၼ်ႉ ၼႂ်း​ၼီႉမိၵ်ႈ​တႃႉ​သတ်ႉတဝႃႇ​တင်း​လၢႆ​ဢေႃႈ။</verse>
				<verse number="19">ပီႈ​ၼွင်ႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ သူ​ႁူႉ​လွင်ႈ​မၼ်း​တၢင်း​မၼ်း​ယူႇ​ဢေႃႈ။ ၵူၺ်း​ၵႃႈ ႁႂ်ႈ​ၵူႈ​ၵေႃႉ​ၵူႈ​ၵူၼ်း​ဢွၼ်​ၵၼ်​ႁဵတ်း​ၶၼ်​ႁဵတ်း​ၽႂ်း ႁႂ်ႈ​လႆႈ​ထွမ်ႇ​လႆႈ​ငိၼ်း​တႃႉ။ ႁႂ်ႈ​ဢွၼ်​ၵၼ်​ႁဵတ်း​ထိူင်း​ႁဵတ်း​ၼၢၼ်း ႁႂ်ႈ​လႆႈ​လၢတ်ႈ​ၵႂၢမ်း ဢိၵ်ႇ​တင်း​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ လႆႈ​ဢွၵ်ႇ​ၼၼ်ႉ​တႃႉ။-</verse>
				<verse number="20">လွင်ႈ​မၼ်း​ၸမ်ႉ တၢင်း​ၸႂ်​မႆႈ​ၶႆႈ​ၸႃႉ​ၵူၼ်း​ႁဝ်း​ၼႆႉ ဢမ်ႇ​ၸၢင်ႈ​ပွင်​ႁဵတ်း​တြႃး တၢင်း​ဢၼ်​သိုဝ်ႈ​တေႃႇ​ၽြႃး​ပဵၼ်​ၸဝ်ႈ။</verse>
				<verse number="21">ပိူဝ်ႈ​ၼႆ​လႄႈ ပႅတ်ႈ​သေ​တၢင်း​ဢၼ်​ၵူဝ်ႈ​ၵိူၵ်ႇ ၵူႈ​ၸိူဝ်ႉ​ၵူႈ​ပိူင် ဢိၵ်ႇ​တင်း​တၢင်း​ဢၼ်​ၸႂ်​ဢၼ် သီႈ​ၵေႉ​ႁေႈ​တႃ​ပိူၼ်ႈ​ပူၼ်ႉ​လိူဝ် ၸိူဝ်း​ၼၼ်ႉ​သေ​လႄႈ ဢဝ်​တင်း​ၸႂ်​ဢၼ်​ၼိမ်​သိမ်ႇ​ဢူၼ်ႈ​ဢွၼ်ႇ ၶၢမ်ႇ​ဢဝ်​ၼုၵ်ႈၵပၢတ်ႈ​ၽြႃး ဢၼ်​ၽုၵ်ႇ​သွမ်ႈ​ၵႃႈ​တီႈ ၽၢႆႇ​တၢင်း​ၼႂ်း​လႄႈ ၵႄႇ​ၶျွတ်ႈ​ဢဝ် ဝီႉၺိၺ်ႇ​သူ​လႆႈ​ၼၼ်ႉ​တႃႉ။</verse>
				<verse number="22">ယႃႇ​ပေ​ပဵၼ်​ၵေႃႉ​ဢၼ်​ထွမ်ႇ​ငိၼ်း ၼုၵ်ႈၵပၢတ်ႈ​တြႃး​ၵူၺ်း​လႄႈ တူဝ်​ၸဝ်ႈ​ၵဝ်ႇ​ပႅတ်ႉ​လႅၼ်​တူဝ်​ၸဝ်ႈ​ၵဝ်ႇ​ၼၼ်ႉ။ ပဵၼ်​ၵေႃႉ​ဢၼ်​ၵမ်​ၵျၢင်ႉ​တြႃး​တႃႉ။-</verse>
				<verse number="23">ၵေႃႉ​ဢၼ်​ဢမ်ႇ​ၵမ်​ၵျၢင်ႉ​တြႃး​လႄႈ ထွမ်ႇ​ငိၼ်း​ၵူၺ်း​ၼၼ်ႉ​ၸမ်ႉ၊ မိူၼ်​ၸိူဝ်ႉ​ၼင်ႇ​ၵေႃႉ​ဢၼ် တူၺ်း​ၼႃႈ​ပၵတီႉ​တူဝ်​ၸဝ်ႈ​ၵဝ်ႇ ၵႃႈ​ၼႂ်း​ၸမ်ႈ​ၼၼ်ႉ​ဢေႃႈ။-</verse>
				<verse number="24">လွင်ႈ​မၼ်း​ၸမ်ႉ တူဝ်​ၸဝ်ႈ​ၵဝ်ႇ ယႅၵ်ႉ​တူၺ်း​တူဝ်​ၸဝ်ႈ​ၵဝ်ႇ​သေ​ယဝ်ႉ၊ ၵႂႃႇ​တၢင်ႇ​တီႈ​တၢင်ႇ​လႅၼ်​လႄႈ လိုမ်း​ပႅတ်ႈ​သေ​ႁၢင်ႈ​ၽၢင်​တူဝ်​ၸဝ်ႈ​ၵဝ်ႇ​ၼၼ်ႉ ၵမ်း​လဵဝ်​ဢေႃႈ။-</verse>
				<verse number="25">ၵေႃႉ​ဢၼ်​လူ​တူၺ်း​ၼႂ်း​တြႃး ဢၼ်​ၸေး​ၸုမ်ႇ​လႄႈ ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၵၢင်း​လွတ်ႈ​ၼၼ်ႉ ၸေး​ၸေး​ၸွတ်ႇ​ၸွတ်ႇ​လႄႈ မၼ်ႈ​ၶိူင်ႇ​ယူႇ​ၼၼ်ႉ​ၸမ်ႉ၊ ၵွပ်ႈ​ပိူဝ်ႈ​ဢၼ်​ပဵၼ်​ၵေႃႉ​ဢၼ်​ထွမ်ႇ​ငိၼ်း​တြႃး​လႄႈ လိုမ်း​ပႅတ်ႈ​ဢမ်ႇ​ၸႂ်ႈ၊ ပဵၼ်​ၵေႃႉ​ဢၼ်​ၵမ်​ၵျၢင်ႉ​တြႃး​ၼၼ်ႉ​လႄႈ ပဵၼ်​ၵေႃႉ​ဢၼ်​မီး​မင်ႇၵလႃႇ​ၼႂ်း​လွင်ႈ​တၢင်း ဢၼ်​တူဝ်​ၸဝ်ႈ​ၵဝ်ႇ​ၵမ်​ၵျၢင်ႉ​ၼၼ်ႉ​ဢေႃႈ။</verse>
				<verse number="26">ၼႂ်း​သူ​ၼၼ်ႉ​ပေႃး​သေ​ၵေႃႉ​သေ​ၵူၼ်း ႁဵတ်း​ၸိူဝ်ႉ​ၼင်ႇ​ႁၢင်ႈ​မီး​သီႇ​လႃႉ​လႄႈ ဢမ်ႇ​ၶျုၵ်ႈ​သူပ်း​တူဝ်​ၸဝ်ႈ​ၵဝ်ႇ​ယူႇ​သေ​လႄႈ ပႅတ်ႉ​လႅၼ်​ႁူဝ်​ၸႂ်​တူဝ်​ၸဝ်ႈ​ၵဝ်ႇ​ယူႇ​ၸိုင်၊ သီႇ​လႃႉ​မၼ်း​ၼၼ်ႉ ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ဢေႃႈ။-</verse>
				<verse number="27">သီႇ​လႃႉ​ဢၼ်​ၶၢဝ်​ၸၢင်ႇ​မူတ်း​သႂ် ၵႃႈ​တီႈ​ၽၢႆႇ​ၼႃႈ​ပေႃႈ​ၸဝ်ႈ ၽြႃး​ပဵၼ်​ၸဝ်ႈ​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​လူ​တူၺ်း​လုၵ်ႈ​ဢွၼ်ႇ ဢၼ်​ဢမ်ႇ​မီး​ပေႃႈ​မီး​မႄႈ ဢိၵ်ႇ​တင်း​မႄႈ​မူၵ်း​မႄႈ​မၢႆႈ​တင်း​လၢႆ ၵႃႈ​ၼႂ်း​ၶိင်ႇ​မိူဝ်ႈ​ဢၼ်​ၶဝ် မီး​တုၵ်ႉ​ၶႃႉ​တၢင်း​ၽၢၼ်​ၼၼ်ႉ ဢိၵ်ႇ​တင်း​တၢင်း​ဢၼ်​ပႂ်ႉ​တူၺ်း တူဝ်​ၸဝ်ႈ​ၵဝ်ႇ ႁႂ်ႈ​တူဝ်​ၸဝ်ႈ​ၵဝ်ႇ လႆႈ​ၵၢင်း​လွတ်ႈ​တင်း တၢင်း​ဢၼ်​ဝူၺ်ႇ​ဢၼ်​ႁင်ႈ​လေႃးၵႃႉ​ၼႆႉ​ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">ပီႈ​ၼွင်ႉ​ၵဝ်​တင်း​လၢႆ​ဢိူၺ်း၊ ၼႂ်း​လွင်ႈ​တၢင်း​ဢၼ်​ယုမ်ႇ​မၢတ်ႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ဢၼ်​မီး​မုၼ်​ယႂ်ႇ​ၼႃႇ​ၼၼ်ႉ​ၸိုင်၊ ယႃႇ​ပေ​ထွၵ်ႈ​လူၺ်ႈ​ၼႃႈ​ၵူၼ်း။-</verse>
				<verse number="2">ပေႃး​ၵေႃႉ​ဢၼ်​တိုဝ်း​တင်း​မွင်း​ၵူၺ်း​ၶမ်း​သေ​လႄႈ ၼုင်ႈ​ၶူဝ်း​ဢၼ်​ႁၢင်ႈ​လီ​ႁၢင်ႈ​ငၢမ်း ဢိၵ်ႇ​တင်း​ၵေႃႉ​ဢၼ်​ယၢၵ်ႈ​ဢၼ်​ၽၢၼ်​လႄႈ ၼုင်ႈ​ၶူဝ်း​ဢၼ်​ယွၵ်း​ဢၼ်​ၶၢတ်ႇ​သွင်​ၵေႃႉ​ၼၼ်ႉ ၶဝ်ႈ​ၵႃႈ​ၼႂ်း​ၸရွပ်ႈ​ႁေႃး​တြႃး​သူ​လႄႈ၊-</verse>
				<verse number="3">သူ​လူ​တူၺ်း​ၵေႃႉ​ဢၼ်​ၼုင်ႈ​ၶူဝ်း ဢၼ်​ႁၢင်ႈ​လီ​ႁၢင်ႈ​ငၢမ်း​ၼၼ်ႉ​လႄႈ​လၢတ်ႈ​ဝႃႈ၊ ၼင်ႈ​ၵႃႈ​ၼႂ်း​တီႈ​ဢၼ်​လီ​ဢၼ်​ငၢမ်း​ၼႆႉ​သေ​ၵမ်း၊ ဝႃႈ​ၼင်ႇ​ၼႆ​လႄႈ သမ်ႉ​လၢတ်ႈ​တီႈ ၵေႃႉ​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​လႄႈ​ဝႃႈ၊ ၸုၵ်း​ယူႇ​ၵႃႈ​တီႈ​ပုၼ်ႉ​တႃႉ၊ ဢမ်ႇ​ၼၼ်​ၵေႃႈ ၼင်ႈ​ၵႃႈ​တႂ်ႈ​ႁိမ်း​ၶူင်ႇ​တီႈ​တၢင်ႇ​တိၼ်​ၵဝ်​ၼႆႉ​တႃႉ၊ ဝႃႈ​ၼင်ႇ​ၼႆ​ၸိုင်၊-</verse>
				<verse number="4">သူ​မီး​ၸႂ်​ဢၼ်​လူ ၼႃႈ​လဵၵ်ႉ​ၼႃႈ​ယႂ်ႇ ယူႇ​ၵႃႈ​တီႈ​ၼႂ်း​တူဝ်​ၸဝ်ႈ​ၵဝ်ႇ​လႄႈ ပဵၼ်​ၵူၼ်း​ဢၼ်​ပႃး​တၢင်း​ၵျၢမ်ႇ​တၢင်း​ပွင်​ဢၼ်​ဢမ်ႇ​လီ​ဢမ်ႇ​ငၢမ်း ၸီႇ​ယၢင်ႇ​ဢမ်ႇ​ၸႂ်ႈ​ႁိုဝ်။</verse>
				<verse number="5">ပီႈ​ၼွင်ႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ထွမ်ႇ​ငိၼ်း​သေ​ၵမ်း။ ၽြႃး​ပဵၼ်​ၸဝ်ႈ​လိူၵ်ႈ​ၵဵပ်း​ဢဝ် ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ် ၼႂ်း​လေႃးၵႃႉ​ၼႆႉ​ၼၼ်ႉ ႁႂ်ႈ​ၶဝ်​ၸၢင်ႈ​မၢၵ်ႈ​ၸၢင်ႈ​မီး​တၢင်း​ဢၼ်​ယုမ်ႇ​မၢတ်ႈ ဢိၵ်ႇ​တင်း​ႁႂ်ႈ​ၶဝ်​ပဵၼ်​ၵေႃႉ​ဢၼ်​ၶၢမ်ႇ​ဢမူၺ်ႇ​မိူင်း​ၸဝ်ႈ ဢၼ်​မၼ်း​ၸဝ်ႈ​ဝႆႉ​ၵတီႉ​လႄႈ​ဝႃႈ တၵ်း​ပၼ်​တီႈ​ၶဝ်​ၸိူဝ်း​ဢၼ်​ႁၵ်ႉ​မၼ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="6">သူ​ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၵူၼ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​လူင်​ပႄႇ။ ၶဝ်​ၸိူဝ်း​ဢၼ်​ၸၢင်ႈ​မၢၵ်ႈ​ၸၢင်ႈ​မီး​ၼၼ်ႉ ၼိၵ်ႈ​ၸၢၵ်ႈ​ငႅၼ်း​သႄး​သူ​ဢမ်ႇ​ၸႂ်ႈ​ႁိုဝ်။ တိုတ်ႉ​ၸၼ်​သူ​ၵႂႃႇ​ၵႃႈ​တီႈ​ၽၢႆႇ​ၼႃႈ​ပလၢင်ႇ​ဢၼ်​ၸီႇ​ယၢင်ႇ​တြႃး​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="7">ၶဝ်​ၼၼ်ႉ​သႄႉ​သွမ်း​ၼႃႇ​မႃႉ​ၸိုဝ်ႈ​သဵင်​ၸဝ်ႈ​မျၢတ်ႈ ဢၼ်​သူ​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​လူၺ်ႈ​ယဝ်ႉ​ၼၼ်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="8">ပေႃး​သူ​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၶမ်း​ၸဝ်ႈ​ၵႃႈ​ၼင်ႇ​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ​ၸိုင် မၼ်း​တၵ်း​လႆႈ​ႁၵ်ႉ​မိူၼ်​ၸိူဝ်ႉ​ၼင်ႇ​တူဝ်​ၸဝ်ႈ​ၵဝ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ သူ​ၵမ်​ၵျၢင်ႉ​လီ​လီ​ငၢမ်း​ငၢမ်း​ဢေႃႈ။-</verse>
				<verse number="9">ပေႃး​ဢမ်ႇ​ၼၼ် ပေႃး​သူ​ထွၵ်ႈ​လူၺ်ႈ​ၼႃႈ​ၵူၼ်း​ၸိုင် သူ​ပဵၼ်​ၵေႃႉ​ဢၼ်​ႁဵတ်း​ဢပႅတ်ႈ​တူႉ​ၸရိူၵ်ႈ​ဢေႃႈ။ လွင်ႈ​ဢၼ်​သူ​ပဵၼ်​ၵေႃႉ​ဢၼ်​ပူၼ်ႉ​လိူဝ်​တြႃး​ၼၼ်ႉ​ထၢင်ႇ​သႃး​ဝႆႉ​ယူႇ ၵွပ်ႈ​ပိူဝ်ႈ​ပိင်း​ၺၢပ်ႈ​တြႃး​ၸဝ်ႈ​ဢေႃႈ။-</verse>
				<verse number="10">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ပေႃး​ၽိတ်း​မႅၼ်ႈ​သေ​ၸိူဝ်ႉ​သေ​ပိူင် ၵႃႈ​ၼႂ်း​လွင်ႈ​တၢင်း​ဢၼ် ၵမ်​ၵျၢင်ႉ​ပိင်း​ၺၢပ်ႈ​တြႃး​တင်း​သဵင်ႈ​တင်း​လူင်​ၼၼ်ႉ​ၸိုင်၊ ပဵၼ်​ၵေႃႉ​ဢၼ်​မီး​ဢပႅတ်ႈ ပူၼ်ႉ​လိူဝ်​ပိင်း​ၺၢပ်ႈ​တြႃး​တင်း​သဵင်ႈ​တင်း​မူတ်း​ဢေႃႈ။-</verse>
				<verse number="11">မၼ်း​ၸဝ်ႈ​ဢၼ်​ပိင်း​ၺၢပ်ႈ​ဝႆႉ​လႄႈ​ဝႃႈ၊ ယႃႇ​ပေ​ၽိတ်း​ပိူင်ႈ​မေး​ပိူၼ်ႈ၊ ဝႃႈ​ၼင်ႇ​ၼႆ​ၼၼ်ႉ သမ်ႉ​ပိင်း​ၺၢပ်ႈ​ဝႆႉ​ထႅင်ႈ​လႄႈ​ဝႃႈ၊ ယႃႇ​ပေ​ဢဝ်​ဢသၢၵ်ႈ​ၵူၼ်း​တၢႆ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ ပိၵ်ႉ​သမ်ႉ​မႂ်း​ဢမ်ႇ​ၽိတ်း​ဢမ်ႇ​ပိူင်ႈ​မေး​ပိူၼ်ႈ​သေ​ၵေႃႈ၊ ပေႃး​ဢဝ်​ဢသၢၵ်ႈ​ၵူၼ်း​တၢႆ​ၸိုင်၊ မႂ်း​ပဵၼ်​ၵေႃႉ​ဢၼ်​ပူၼ်ႉ​လိူဝ်​ပိင်း​ၺၢပ်ႈ​တြႃး​ဢေႃႈ။-</verse>
				<verse number="12">လၢတ်ႈ​ၵႂၢမ်း​လႄႈ ၵမ်​ၵျၢင်ႉ​မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​တၵ်း​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ ၸွမ်း​ၼင်ႇ​တြႃး​တၢင်း​ဢၼ်​ၵၢင်း​လွတ်ႈ​ၼၼ်ႉ​တႃႉ။-</verse>
				<verse number="13">လွင်ႈ​မၼ်း​ၸမ်ႉ ၵေႃႉ​ဢၼ်​ဢမ်ႇ​မီး​ၵရူႉၼႃႇ​ၼၼ်ႉ ယင်း​ဢမ်ႇ​လႆႈ​ၵရူႉၼႃႇ​လႄႈ တၵ်း​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​တြႃး​ဢေႃႈ။ ၵရူႉၼႃႇ​ၸိုင် ၸၢင်ႈ​ပႄႉ​ၼႅင်ႇ​တၢင်း​ဢၼ်​ၸီႇ​ယၢင်ႇ​တြႃး​လႄႈ ဢုပ်ႇ​ဝၢဝ်း​ဢေႃႈ။</verse>
				<verse number="14">ပီႈ​ၼွင်ႉ​ၵဝ်​တင်း​လၢႆ​ဢိူၺ်း၊ ပေႃး​သေ​ၵေႃႉ​သေ​ၵူၼ်း​လၢတ်ႈ​လႄႈ​ဝႃႈ၊ ၵဝ်​မီး​တၢင်း​ဢၼ်​ယုမ်ႇ​မၢတ်ႈ​ဢေႃႈ​၊ ဝႃႈ​ၼင်ႇ​ၼႆ​သေ​လႄႈ ယင်း​ဢမ်ႇ​ၵမ်​ဢမ်ႇ​ၵျၢင်ႉ​တၢင်း​ၵမ်​တၢင်း​ၵျၢင်ႉ​လႄႈ​ယူႇ​ၸိုင် တၵ်း​မီး​ဢၵျူဝ်း​ၵႃႈ​သင်။ တၢင်း​ဢၼ်​ယုမ်ႇ​မၢတ်ႈ​ၼၼ်ႉ ၵႄႇ​ၶျွတ်ႈ​ဢဝ်​ၵေႃႉ​ၼၼ်ႉ​လႆႈ​ႁိုဝ်။-</verse>
				<verse number="15">ပေႃး​ပီႈ​ဢၢႆႈ​လႂ်​ၼွင်ႉ​ယိင်း​လႂ် ဢမ်ႇ​မီး​ၶူဝ်း​ဢၼ်​တၵ်း​ၼုင်ႈ​တၵ်း​မႆ၊ ဢမ်ႇ​မီး​ဢၼ်​တၵ်း​ၵိၼ်​တၵ်း​ၶူပ်း​ၵူႈ​ဝၼ်း​လႄႈ၊-</verse>
				<verse number="16">ၼႂ်း​သူ​သေ​ၵေႃႉ​သေ​ၵူၼ်း လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၵႂႃႇ​ၼိမ်​ၼိမ်​တႃႉ။ ဢုၼ်ႇ​လီ​လီ​တႃႉ။ ဢိမ်ႇ​တဵမ်​တႃႉ၊ ဝႃႈ​ၼင်ႇ​ၼႆ​ၵူၺ်း​လႄႈ၊ ယင်း​ဢမ်ႇ​ပၼ်​ဢသုင်း​ဢသွင်ႇ ဢၼ်​ၵိုင်ႇ​တၢၼ်ႇ​ၵၼ်​တင်း​တူဝ်​ၶဝ်​ၼၼ်ႉ​ယူႇ​ၸိုင်၊ တၵ်း​မီး​ဢၵျူဝ်း​ၵႃႈ​သင်။-</verse>
				<verse number="17">မိူၼ်​ၸိူဝ်ႉ​ၼင်ႇ​ၼၼ်၊ တၢင်း​ဢၼ်​ယုမ်ႇ​မၢတ်ႈ ဢၼ်​ၵၢင်း​လွတ်ႈ​တင်း တၢင်း​ၵမ်​တၢင်း​ၵျၢင်ႉ​ၼၼ်ႉ ပဵၼ်​ဢၼ်​တၢႆ ၵႃႈ​ၼႂ်း​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="18">ၼႄး​ၼိုင်ႈ​ၸမ်ႉ၊ ၵမ်ႈ​ၽွင်ႈ​တၵ်း​မီး​တီႈ​ဢၼ်​တၵ်း​လၢတ်ႈ​လႄႈ​ဝႃႈ၊ မႂ်း​မီး​တၢင်း​ဢၼ်​ယုမ်ႇ​မၢတ်ႈ​ဢေႃႈ။ ၵဝ်​ၸမ်ႉ၊ မီး​တၢင်း​ၵမ်​တၢင်း​ၵျၢင်ႉ​ဢေႃႈ။ ပိူဝ်ႈ​ၼႆ​လႄႈ မႂ်း​ယင်း​ဢမ်ႇ​မီး​တၢင်း​ၵမ်​တၢင်း​ၵျၢင်ႉ​လႄႈ ၼႄ​ပျႃး​တၢင်း​ဢၼ်​ယုမ်ႇ​မၢတ်ႈ​မႂ်း​တႃႉ။ ၵဝ်​ၸမ်ႉ၊ တၵ်း​ဢဝ်​တၢင်း​ၵမ်​တၢင်း​ၵျၢင်ႉ​ၵဝ်​သေ​လႄႈ ၼႄ​ပျႃး​တၢင်း​ဢၼ်​ယုမ်ႇ​မၢတ်ႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၽြႃး​ပဵၼ်​ၸဝ်ႈ​မီး​သူႇ​လဵဝ်​ၵူၺ်း​ဝႃႈ​ၼႆ၊ မႂ်း​ယုမ်ႇ​ဢေႃႈ။ လီ​ယဝ်ႉ။ ၽီ​ႁၢႆႉ​တင်း​လၢႆ​ၼၼ်ႉ​ၵေႃႈ​ယုမ်ႇ​ယူႇ​လႄႈ ၵူဝ်​ႁႄ​ထၼ်ႈ​ပေႃး​သၼ်ႇ​ပေႃး​သၢႆ​ဢေႃႈ။</verse>
				<verse number="20">ဢူဝ်း​ၵေႃႉ​ဢၼ်​မဝ်​မၢင်​ၼႆႉ​ဢိူၺ်း၊ လွင်ႈ​ဢၼ်​တၢင်း​ဢၼ်​ယုမ်ႇ​မၢတ်ႈ ဢၼ်​ၵၢင်း​လွတ်ႈ​တင်း​တၢင်း​ၵမ်​တၢင်း​ၵျၢင်ႉ​ၼၼ်ႉ ပဵၼ်​ဢၼ်​တၢႆ​ၼၼ်ႉ​ၸိုင် မႂ်း​ၶႂ်ႈ​ႁူႉ​ႁိုဝ်။-</verse>
				<verse number="21">ပေႃႈ​ႁဝ်း​ ဢႃႇပြႃႇႁၢမ်ႇ ​ၼၼ်ႉ၊ မိူဝ်ႈ​ဢၼ်​ဢဝ်​လုၵ်ႈ​ၸၢႆး​မၼ်း​တၢင်ႇ​သႂ်ႇ​ၵႃႈ​ၼိူဝ်​ယိတ်ႈ​ပလၢင်ႇ​သေ​လႄႈ​လူႇ​တၢၼ်း​ၼၼ်ႉ​ၸိုင် ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​ၵွပ်ႈ​ပိူဝ်ႈ တၢင်း​ၵမ်​တၢင်း​ၵျၢင်ႉ​ၼၼ်ႉ​ဢမ်ႇ​ၸႂ်ႈ​ႁိုဝ်။-</verse>
				<verse number="22">မႂ်း​လႆႈ​ႁူႉ​လႆႈ​ႁၼ်​လွင်ႈ​ဢၼ် တၢင်း​ဢၼ်​ယုမ်ႇ​မၢတ်ႈ​ၼၼ်ႉ ပွင်​ႁဵတ်း​ပွင်​မႄး​လူၺ်ႈ​ၵၼ်​တင်း တၢင်း​ၵမ်​တၢင်း​ၵျၢင်ႉ​လႄႈ ႁွတ်ႈ​ထိုင်​တၢင်း​ဢၼ်​ၸေး​ၸုမ်ႇ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ၼၼ်ႉ​ဢေႃႈ။-</verse>
				<verse number="23">ၵႂၢမ်း​ၵျၢမ်း​လိၵ်ႈ​ဢၼ်​ဝႃႈ ဢႃႇပြႃႇႁၢမ်ႇ ​ၼၼ်ႉ ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ​လႄႈ မၼ်း​ၸဝ်ႈ​မၢတ်ႈ​တၢင်း​ယုမ်ႇ​မၢတ်ႈ​မၼ်း​ၼၼ်ႉ ပဵၼ်​ၸိူဝ်ႉ​ၼင်ႇ တၢင်း​ဢၼ်​သိုဝ်ႈ​တေႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပျေႉ​ၸုမ်ႇ​ယဝ်ႉ​ဢေႃႈ။ ဢႃႇပြႃႇႁၢမ်ႇ ​ၼၼ်ႉ​ၵေႃႈ လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ၸိုဝ်ႈ​ၵေႃႉ​သေႈ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="24">သူ​လႆႈ​ႁူႉ​လႆႈ​ႁၼ် လွင်ႈ​ဢၼ်​ၵူၼ်း​ႁဝ်း ဢမ်ႇ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ၵူၺ်း​ၼၼ်ႉ​လႄႈ ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ၼၼ်ႉ​ယူႇ​ဢေႃႈ။-</verse>
				<verse number="25">မိူၼ်​ၸိူဝ်ႉ​ၼင်ႇ​ၼႆ၊ မႄႈ​မွၵ်ႇ​ယႃႈ​ ရႃႇၶပ်ႉ ​ၼၼ်ႉ မိူဝ်ႈ​ဢၼ်​ႁပ်ႉ​တုင်း​ဢဝ် ၵူၼ်း​ၸႂ်ႉ​ၵူၼ်း​သွႆ​ၸိူဝ်း​ၼၼ်ႉ​သေ​လႄႈ ပွႆႇ​ၵႂႃႇ​ၸွမ်း​တၢင်း တၢင်ႇ​သဵၼ်ႈ​ၼၼ်ႉ​ၸိုင် ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ ဢမ်ႇ​ၸႂ်ႈ​ႁိုဝ်။-</verse>
				<verse number="26">ၸိူဝ်ႉ​ၼင်ႇ​ဢၼ်​တူဝ်​ၵႃႇ​ယႃႉ ဢၼ်​ၵၢင်း​လွတ်ႈ​တင်း ၸႂ်​ဝီႉၺိၺ်ႇ​ပဵၼ်​ဢၼ်​တၢႆ​ၼၼ်ႉ၊ တၢင်း​ဢၼ်​ယုမ်ႇ​မၢတ်ႈ ဢၼ်​ၵၢင်း​လွတ်ႈ​တင်း တၢင်း​ၵမ်​တၢင်း​ၵျၢင်ႉ​ၼၼ်ႉ ပဵၼ်​ဢၼ်​တၢႆ​ဢေႃႈ။</verse>
			</chapter>
			<chapter number="3">
				<verse number="1">ပီႈ​ၼွင်ႉ​ၵဝ်​တင်း​လၢႆ​ဢိူၺ်း၊ သူ​ႁူႉ​လွင်ႈ​ဢၼ်​ႁဝ်း တၵ်း​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ ဢၼ်​ယဵင်ႈ​ၶႅၼ်း​ၼမ်​ၼႃႇ​ၼၼ်ႉ​ယူႇ​လႄႈ ယႃႇ​ပေ​ႁဵတ်း​သြႃႇ​ၼမ်​ၼႃႇ​လူင်​လၢင်​ၼႃႇ​ၽႅဝ်။-</verse>
				<verse number="2">ႁဝ်း​ၵႃႈ​မီး​ၸၢင်ႈ​တိူဝ်ႉ​မႅၼ်ႈ​လႄႈ​လူမ်ႉ ၵွပ်ႈ​ပိူဝ်ႈ​လွင်ႈ​တၢင်း​ၼမ်​ၼႃႇ​ဢေႃႈ။ ၵေႃႉ​ဢၼ်​ဢမ်ႇ​တိူဝ်ႉ​မႅၼ်ႈ​လႄႈ​လူမ်ႉ လူၺ်ႈ​သူပ်း​လူၺ်ႈ​ၵႂၢမ်း​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​ၸေး​ၸုမ်ႇ​ဢေႃႈ။ ပဵၼ်​ၵေႃႉ​ဢၼ်​ၶျုၵ်ႈ​တူဝ်​ၸဝ်ႈ​ၵဝ်ႇ တင်း​တူဝ်​တင်း​ၶိင်း​လႆႈ​ဢေႃႈ။</verse>
				<verse number="3">ပေႃး​ႁဝ်း​ဢဝ်​ၵၵ်ႉ​သႂ်ႇ​ၼႂ်း​သူပ်း​မႃႉ ႁႂ်ႈ​လႆႈ​ပႄႉ​ၼႅင်ႇ​မႃႉ​ၸိုင်၊ ႁဝ်း​ၸၢင်ႈ​ႁႂ်ႈ​မႃႉ​ၼၼ်ႉ​ဝၢႆႇ​ၵႂႃႇ တင်း​တူဝ်​တင်း​ၶိင်း​ဢေႃႈ။-</verse>
				<verse number="4">လိူဝ်​သေ​ၼၼ်ႉ​ဢမ်ႇ​ၵႃး၊ ႁိူဝ်း​သၢင်း​ၽေႃး​ဢၼ်​ယႂ်ႇ​ၼႃႇ​ၼၼ်ႉ ပိၵ်ႉ​သမ်ႉ​ယႂ်ႇ​ၼႃႇ​လႄႈ လႆႈ​ပႃး​ၸွမ်း​ၵႂႃႇ​ၼႂ်း​လူမ်း ဢၼ်​ႁႅင်း​ၼႃႇ​ၼၼ်ႉ​သေ​ၵေႃႈ ၸၢင်ႈ​ဝၢႆႇ​ၵႂႃႇ​ၵွပ်ႈ​ပိူဝ်ႈ လၢမ်ႈ​ၶတ်း​ႁၢင်​ႁိူဝ်း​ဢၼ်​လဵၵ်ႉ​ဢၼ်​ဢွၼ်ႇ​ၼၼ်ႉ ၸွမ်း​ၵႃႈ​ၼင်ႇ​ဢၼ် ၵေႃႉ​ဢၼ်​ၶတ်း​ႁၢင်ႈ​ႁိူဝ်း မီး​ဢလူဝ်ႇ​ၼၼ်ႉ​ဢေႃႈ။-</verse>
				<verse number="5">မိူၼ်​ၸိူဝ်ႉ​ၼင်ႇ​ၼၼ်၊ လိၼ်ႉ​ႁဝ်း​ၼႆႉ၊ ပိၵ်ႉ​သမ်ႉ​ပဵၼ်​ဢၢင်ႇ​ၵႃႇ​ဢၼ်​လဵၵ်ႉ​ဢၼ်​ဢွၼ်ႇ​သေ​ၵေႃႈ၊ ၸၢင်ႈ​ဢုပ်ႇ​ဢၢတ်ႇ​ၼႃႇ​လူင်​လၢင်​ဢေႃႈ။ တူၺ်း​ၽႆး​ဢွၼ်ႇ​ဢိတ်း​ၼိုင်ႈ​ၵူၺ်း တုတ်ႇ​ပႅတ်ႈ​ၽိုၼ်း ဢၼ်​ယႂ်ႇ​ၼႃႇ​ထၢၼ်ႇ​ႁိုဝ်​ၼၼ်ႉ​တႃႉ။-</verse>
				<verse number="6">လိၼ်ႉ​ႁဝ်း​ၼႆႉ​ပဵၼ်​ၽႆး​ဢေႃႈ။ လေႃးၵထၢတ်ႈ​တူႉ​ၸရိူၵ်ႈ​ၵေႃႈ​ပဵၼ်​ဢေႃႈ။ မိူၼ်​ၸိူဝ်ႉ​ၼင်ႇ​ၼၼ်၊ လိၼ်ႉ​ႁဝ်း​ၼႆႉ​မီး​ၼႂ်း​တူဝ်​ႁဝ်း​လႄႈ ႁႂ်ႈ​တူဝ်​ႁဝ်း​ၵူဝ်ႈ​ၵိူၵ်ႇ​တင်း​တူဝ်​တင်း​ၶိင်း​ဢေႃႈ။ ၸၢင်ႈ​တုတ်ႇ​ၸၢၵ်ႈ ၸႃႇ​တီႉ​ပၵတီႉ​လႄႈ တူဝ်​ၸဝ်ႈ​ၵဝ်ႇ​ၵေႃႈ လႆႈ​ၶၢမ်ႇ​တၢင်း​ဢၼ်​ၽႆး​ငရၢႆး​တုတ်ႇ​ယူႇ​ဢေႃႈ။-</verse>
				<verse number="7">မဵဝ်း​ၵူၼ်း​ႁဝ်း​ၼႆႉ လႆႈ​ပႄႉ​ၼႅင်ႇ​ၸႃႉ​ၸဵမ် မဵဝ်း​တူဝ်​ႁၢႆႉ​လႂ်၊ မဵဝ်း​ၼူၵ်ႉ​လႂ်၊ မဵဝ်း​တူဝ်​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​လႂ်၊ မဵဝ်း​ပႃ​လႂ်​ၵႃႈ​မီး​တင်း​သဵင်ႈ​တင်း​လူင် ၵႃႈ​ၼင်ႇ​ဢၼ်​ၸၢင်ႈ​ပႄႉ​ၼႅင်ႇ​ၼၼ်ႉ​ယဝ်ႉ။-</verse>
				<verse number="8">ၵူၺ်း​ၵႃႈ​လိၼ်ႉ​ႁဝ်း​ၸမ်ႉ၊ ၽူႈ​လႂ်​ဢမ်ႇ​ပႄႉ​ဢမ်ႇ​ၼႅင်ႇ​လႆႈ။ ပဵၼ်​တၢင်း​ဢၼ်​ႁၢႆႉ​မိူၵ်ႈ​ၵူဝ်ႈ​ၵိူၵ်ႇ ဢၼ်​ဢမ်ႇ​သင်ႇ​သွၼ်​သုင်း​မႃႉ​လႆႈ​ဢေႃႈ။ ပျေႉ​ၸုမ်ႇ​တင်း​ၵွင်ႉ​တင်း​ယၢင် ဢၼ်​ၸၢင်ႈ​ႁႂ်ႈ​တၢႆ​ဢေႃႈ။-</verse>
				<verse number="9">ႁဝ်း​ၸၢင်ႈ​ဢဝ်​တင်း​လိၼ်ႉ​ႁဝ်း​သေ​လႄႈ ပၼ်​တၢင်း​လီ​တီႈ​ၸဝ်ႈ​ပေႃႈ​ၽြႃး​ပဵၼ်​ၸဝ်ႈ​ဢေႃႈ။ ဢိၵ်ႇ​တင်း​လိၼ်ႉ​ၼႆႉ​ၵေႃႈ၊ ၸၢင်ႈ​ၵိၼ်ႇ​လႃႇ​ၵူၼ်း ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ် ၸိူဝ်ႉ​ၼင်ႇ​ပုင်ႇ​ႁၢင်ႈ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="10">ၵႃႈ​ၼႂ်း​သူပ်း​ဢၼ်​ၼိုင်ႈ​ၵူၺ်း၊ တၢင်း​ဢၼ်​ႁဵတ်း​ထေႃးပၼႃႇ​ယွင်ႈ​ယေႃး ဢိၵ်ႇ​တင်း​တၢင်း​ဢၼ်​ၵိၼ်ႇ​လႃႇ​ၸၢင်ႈ​ဢွၵ်ႇ​မႃး​လူင်​ပႄႇ။ ပီႈ​ၼွင်ႉ​ၵဝ်​တင်း​လၢႆ​ဢိူၺ်း၊ ဢမ်ႇ​လီ​ပဵၼ်​ၸိူဝ်ႉ​ၼင်ႇ​ၼၼ်။-</verse>
				<verse number="11">ၵႃႈ​ၼႂ်း​ႁူး​ၼမ်ႉ​ဢၼ်​ၼိုင်ႈ ၼမ်ႉ​ဢၼ်​ဝၢၼ်​ဢိၵ်ႇ​တင်း​ၼမ်ႉ​ဢၼ်​ၶူမ် ၸၢင်ႈ​ဢွၵ်ႇ​မႃး​ႁိုဝ်။-</verse>
				<verse number="12">ပီႈ​ၼွင်ႉ​ၵဝ်​တင်း​လၢႆ​ဢိူၺ်း၊ တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ၸၢင်ႈ​မၢၵ်ႇ မၢၵ်ႇ​ သၢၼ်ႇလုၼ်ႇ ​မႃး​ႁိုဝ်။ တူၼ်ႈ​မၢၵ်ႇ​ၸပိတ်ႈ​ၸၢင်ႈ​မၢၵ်ႇ မၢၵ်ႇ​လိူဝ်ႇ​သၢင်း​ၽေႃး​မႃး​ႁိုဝ်။ မိူၼ်​ၸိူဝ်ႉ​ၼင်ႇ​ၼၼ် ၼမ်ႉ​ဢၼ်​ၸဵမ်း​ၵိူဝ် ဢမ်ႇ​ၸၢင်ႈ​ႁႂ်ႈ​ပဵၼ်​ၼမ်ႉ​ဢၼ်​ဝၢၼ်​လႆႈ။</verse>
				<verse number="13">ၼႂ်း​သူ​ၼၼ်ႉ ၽူႈ​လႂ်​မေႃ​ၸၢင်ႈ​ဢတၢတ်ႈ​ပိင်ႇ​ၺႃႇ တၢင်း​ဢၼ်​လၵ်း​ဢၼ်​လႅမ်။ ႁႂ်ႈ​ၵေႃႉ​ၼၼ်ႉ​ဢဝ်​လွင်ႈ​တၢင်း​ဢၼ် မၼ်း​ၵမ်​ၵျၢင်ႉ​ဢၼ်​မျၢတ်ႈ​လီ ဢိၵ်ႇ​တင်း​ပိင်ႇ​ၺႃႇ​ဢၼ်​ၼိမ်​သိမ်ႇ​ဢူၼ်ႈ​ဢွၼ်ႇ​ၼၼ်ႉ​သေ​လႄႈ ၼႄ​ပျႃး​လွင်ႈ​ဢၼ် တူဝ်​ၸဝ်ႈ​ၵဝ်ႇ​ႁဵတ်း​ၸိူဝ်း​ၼၼ်ႉ​တႃႉ။-</verse>
				<verse number="14">ပေႃး​ဢမ်ႇ​ၼၼ် ပေႃး​သူ​မီး​တၢင်း​ဢၼ်​ၶေႉ​ၶဵင်ႇ​ၵၼ်​ဢၼ်​ၶူမ် ဢိၵ်ႇ​တင်း​တၢင်း​ဢၼ် ၽိတ်း​ၵၼ်​ၽၢတ်ႇ​ၽႄ​ၵၼ် ၵႃႈ​ၼႂ်း​ႁူဝ်​ၸႂ်​သူ​ယူႇ​ၸိုင်၊ ယႃႇ​ပေ​ဢုပ်ႇ​ဝၢဝ်း​လႄႈ ဢဝ်​မူႉ​သႃႇ​လၢတ်ႈ​ပူၼ်ႉ​လိူဝ်​သမ်ႇမႃႇ​တြႃး။-</verse>
				<verse number="15">ပိင်ႇ​ၺႃႇ​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​ပိင်ႇ​ၺႃႇ​ဢၼ်​လုၵ်ႉ​သေ​ၵႃႈ​ၼိူဝ်​မႃး​ဢမ်ႇ​ၸႂ်ႈ။ ပဵၼ်​ပိင်ႇ​ၺႃႇ​လိၼ်​မိူင်း၊ ပိင်ႇ​ၺႃႇ​ၸႃႇ​တီႉ​ပၵတီႉ၊ ပိင်ႇ​ၺႃႇ​ၽီ​ႁၢႆႉ​ဢေႃႈ။-</verse>
				<verse number="16">လွင်ႈ​မၼ်း​ၸမ်ႉ ပေႃး​မီး​တၢင်း​ဢၼ်​ၶေႉ​ၶဵင်ႇ​ၵၼ် ဢိၵ်ႇ​တင်း တၢင်း​ဢၼ်​ၽိတ်း​ၵၼ် ၽၢတ်ႇ​ၽႄ​ၵၼ်​ယူႇ​ၸိုင်၊ ၸၢင်ႈ​မီး​တၢင်း​ဢၼ်​ဢူၼ်​ဢဵၼ်​ႁူၼ်ႈ​မေႃး ဢိၵ်ႇ​တင်း​တၢင်း​ဢၼ်​ႁဵတ်း​ၵူဝ်ႈ​ၵိူၵ်ႇ ၵူႈ​ၸိူဝ်ႉ​ၵူႈ​ပိူင်​ဢေႃႈ။-</verse>
				<verse number="17">ပိင်ႇ​ၺႃႇ​ဢၼ် လုၵ်ႉ​သေ​ၵႃႈ​ၼိူဝ်​မႃး​ၼၼ်ႉ​ၸမ်ႉ၊ မိူဝ်ႈ​ဢွၼ်​တၢင်း ပဵၼ်​ဢၼ်​မူတ်း​သႂ်​ဢေႃႈ။ လိူဝ်​သေ​ၼၼ်ႉ​ဢမ်ႇ​ၵႃး၊ ၸၢင်ႈ​ယူႇ​ထုၵ်ႇ​ထုၵ်ႇ​ၵၼ်​ဢေႃႈ။ မီး​သၽေႃး​ဢၼ် ၼိမ်​သိမ်ႇ​ဢူၼ်ႈ​ဢွၼ်ႇ​ဢေႃႈ။ ၶၢမ်ႇ​တၢင်း​ဢၼ်​ၸူဝ်း​ဢဝ်​ငၢႆႈ​ဢေႃႈ။ ပျေႉ​ၸုမ်ႇ​တင်း​ၵရူႉၼႃႇ ဢိၵ်ႇ​တင်း​ဢၵျူဝ်း​ဢၼ်​လီ​ဢၼ်​ငၢမ်း​တင်း​လၢႆ​ဢေႃႈ။ ဢမ်ႇ​မီး​တၢင်း​ဢၼ်​ယုမ်ႇ​ၶိုင်ႈ​ၼိုင်ႈ ဢမ်ႇ​ယုမ်ႇ​ၶိုင်ႈ​ၼိုင်ႈ၊ ၵၢင်း​လွတ်ႈ​တင်း တၢင်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​ဢေႃႈ။-</verse>
				<verse number="18">ၶဝ်​ၸိူဝ်း​ဢၼ်​ၸၢင်ႈ​ႁဵတ်း​ႁႂ်ႈ​ယူႇ ထုၵ်ႇ​ထုၵ်ႇ​ၼၼ်ႉ ၸၢင်ႈ​ဝၢၼ်ႇ​မဵတ်ႉ​ဝၢၼ်ႇ​ၽၼ်း​တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ ၼိမ်​ၼိမ်​လီ​လီ​ဢေႃႈ။</verse>
			</chapter>
			<chapter number="4">
				<verse number="1">ၼႂ်း​သူ​ၼၼ်ႉ တၢင်း​ဢၼ်​တိုၵ်း​တေႃး​ၵၼ် ဢိၵ်ႇ​တင်း​တၢင်း​ဢၼ်​ၽိတ်း​ၵၼ်​ၸိူဝ်း​ၼၼ်ႉ ပဵၼ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်။ ပဵၼ်​ၵွပ်ႈ​ပိူဝ်ႈ ၸႂ်​ၵီႉလေႇသႃႇ​ၵႃႇမႃႉ​ဢၼ်​တိုၵ်း​တေႃး​ၵၼ်​ယူႇ ၵႃႈ​ၼႂ်း​ဢၢင်ႇ​ၵႃႇ​တူဝ်​သူ​ၼၼ်ႉ၊ ဢမ်ႇ​ၸႂ်ႈ​ႁိုဝ်။-</verse>
				<verse number="2">သူ​ၸႂ်​ၸပ်း​ၸႂ်​ၸွႆး​ယူႇ​လႄႈ​ဢမ်ႇ​လႆႈ။ သူ​ဢဝ်​ဢသၢၵ်ႈ​ၵူၼ်း​တၢႆ၊ သူ​မီး​ၸႂ်​လေႃး​ၽႃႉ ဢၼ်​ၶႂ်ႈ​လႆႈ​ယူႇ​လႄႈ၊ ဢမ်ႇ​ပျေႉ​ၸုမ်ႇ ၵႃႈ​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​လႆႈ​ၼၼ်ႉ။ သူ​ႁဵတ်း​တၢင်း​ဢၼ်​ၽိတ်း​ၵၼ် ဢိၵ်ႇ​တင်း​တၢင်း​ဢၼ် တိုၵ်း​တေႃး​ၵၼ်​ယူႇ​လႄႈ​ဢမ်ႇ​လႆႈ။ လွင်ႈ​မၼ်း​ၸမ်ႉ သူ​ဢမ်ႇ​ႁဵတ်း​သူး​တွင်း​လႄႈ​ယူႇ​ဢေႃႈ။-</verse>
				<verse number="3">ပေႃး​သူး​တွင်း​ၵေႃႈ၊ ၵွပ်ႈ​ပိူဝ်ႈ​ဢၼ်​ယွၼ်း​ဢဝ်​ဢၼ်​ၽိတ်း​ဢၼ်​ပိူင်ႈ ႁႂ်ႈ​လႆႈ​မီး​တီႈ​ဢၼ်​တၵ်း ၸၢမ်ႇ​ၸႃး​ၵႃႇမၵုင်ႇ​ၼၼ်ႉ​လႄႈ ဢမ်ႇ​လႆႈ။</verse>
				<verse number="4">မႄႈ​ယိင်း​ဢၼ်​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး​ၶဝ်​ဢိူၺ်း၊ သူ​ဢမ်ႇ​ႁူႉ​လွင်ႈ​ဢၼ် မိၵ်ႉသႃႇႁႃယႃႉ​လေႃးၵီႇ​ၼႆႉ ပဵၼ်​လွင်ႈ​ဢၼ်​ၶတ်း​ၵၼ်​တင်း​ၽြႃး​ပဵၼ်​ၸဝ်ႈ​ၼၼ်ႉ​ႁိုဝ်။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁဵတ်း​မိၵ်ႉသႃႇႁႃယႃႉ လူၺ်ႈ​ၵၼ်​တင်း​လေႃးၵႃႉ​ၼႆႉ​ၼၼ်ႉ၊ ၵေႃႉ​ၼၼ်ႉ​ပဵၼ်​ရၢၼ်ႇ​သူႇ ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="5">သူ​ထၢင်ႇ​ၵျၢမ်း​လိၵ်ႈ​ဢၼ်​ဝႃႈ၊ ဝီႉၺိၺ်ႇ​ၸဝ်ႈ ဢၼ်​မၼ်း​ၸဝ်ႈ​ႁႂ်ႈ​တႄႇ​ယူႇ ၼႂ်း​ႁဝ်း​ၼႆႉ​ၼၼ်ႉ မီး​သၽေႃး​ဢၼ်​ယုမ်ႇ​မၢတ်ႈ​ငၢႆႈ​လႄႈ ၸႂ်​ၸပ်း​ၸႂ်​ၸွႆး​လႄႈ ၶႂ်ႈ​လႆႈ​ႁဝ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၵႃႈ​သင်​ႁိုဝ်။-</verse>
				<verse number="6">မၼ်း​ၸဝ်ႈ​ၼၼ်ႉ ပၼ်​ၵျေး​ၸူး​ဢၼ်​ယဵင်ႈ​ၶႅၼ်း​ၼမ်​ၼႃႇ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼႆ​လႄႈ၊ ၵျၢမ်း​လိၵ်ႈ​မႃး​လႄႈ​ဝႃႈ၊ ၽြႃး​ပဵၼ်​ၸဝ်ႈ ႁၢမ်ႈ​တၢပ်ႈ​ႁႄႉ​ၶႅၼ် ၶဝ်​ၸိူဝ်း​ဢၼ်​ဢမ်ႇ​ၼပ်ႉ​ဢမ်ႇ​ၶၢၼ်း​လႄႈ ႁူဝ်​ၸႂ်​ၽႅၼ်​သုင်​ၼၼ်ႉ​ဢေႃႈ။ ၵူၺ်း​ၵႃႈ မၼ်း​ၸဝ်ႈ​ပၼ်​ၵျေး​ၸူး တီႈ​ၶဝ်​ၸိူဝ်း​ဢၼ် မီး​ႁူဝ်​ၸႂ်​ဢၼ်​ၶျႃး​တႅမ်ႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ပိူဝ်ႈ​ၼႆ​လႄႈ ၸွမ်း​ဢလူဝ်ႇ​ၽြႃး​ပဵၼ်​ၸဝ်ႈ​တႃႉ။ ႁႄႉ​ၶႅၼ်​မႃႇၼၢတ်ႈ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် မၼ်း​တၵ်း​ဢွၵ်ႇ​ပၢႆႈ​ၵႂႃႇ​သေ​ၵႃႈ​တီႈ​သူ​ဢေႃႈ။-</verse>
				<verse number="8">သုတ်ႉ​ၸမ်​တီႈ​ၽြႃး​ပဵၼ်​ၸဝ်ႈ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် မၼ်း​ၸဝ်ႈ​တၵ်း​သုတ်ႉ​ၸမ် ၵႃႈ​တီႈ​သူ​ဢေႃႈ။ ၵူၼ်း​ၸိူဝ်း​ဢၼ်​မီး​ဢပႅတ်ႈ​ၶဝ်​ဢိူၺ်း၊ ႁႂ်ႈ​မိုဝ်း​သူ​သႂ်​ၸၢင်ႇ​တႃႉ။ ၵူၼ်း​ၸိူဝ်း​ဢၼ် မီး​ႁူဝ်​ၸႂ်​သွင်​ငၢမ်ႈ​ၶဝ်​ဢိူၺ်း၊ ႁႂ်ႈ​ႁူဝ်​ၸႂ်​သူ​မူတ်း​သႂ်​တႃႉ။-</verse>
				<verse number="9">မီး​တၢင်း​ဢၼ်​ယၢပ်ႇ​ၸႂ်​ယုင်ႈ​ၸႂ်၊ တၢင်း​ဢၼ်​ၸႂ်​ဢမ်ႇ​သႃႇ​မႆႈ​ၸႂ်​ၶီ​ၸႂ်၊ တၢင်း​ဢၼ်​ႁွင်ႉ​ႁႆႈ​တႃႉ။ ႁႂ်ႈ​တၢင်း​ဢၼ်​သူ​ယုမ်ႉ​ၶူဝ်​ၼၼ်ႉ ပဵၼ်​တၢင်း​ဢၼ်​ၸႂ်​ဢမ်ႇ​သႃႇ​မႆႈ​ၸႂ်​ၶီ​ၸႂ်​တႃႉ။ ႁႂ်ႈ​တၢင်း​ဢၼ်​သူ​သိူဝ်း​ပျေႃႇ​ၼၼ်ႉ ပဵၼ်​တၢင်း​ဢၼ်​ၸႂ်​လဵၵ်ႉ​ၸႂ်​ဢူၼ်ႈ​တႃႉ။-</verse>
				<verse number="10">ဢဝ်​တူဝ်​ၸဝ်ႈ​ၵဝ်ႇ​ၶျႃး​တႅမ်ႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် မၼ်း​ၸဝ်ႈ​တၵ်း​ယုၵ်ႉယွင်ႈ​သူ​ဢေႃႈ။</verse>
				<verse number="11">ပီႈ​ၼွင်ႉ​ၶဝ်​ဢိူၺ်း၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယႃႇ​ပေ​သႄႉ​ၵၼ်​သွမ်း​ၵၼ်။ ၵေႃႉ​ဢၼ်​သႄႉ​သွမ်း​ပီႈ​ၼွင်ႉ​မၼ်း​လႄႈ ၸီႇ​ယၢင်ႇ​ဝႃႈ၊ မၼ်း​မီး​ဢပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ၵေႃႉ​ဢၼ်​သႄႉ​သွမ်း​တြႃး​လႄႈ​ၸီႇ​ယၢင်ႇ​ဝႃႈ၊ တြႃး​မီး​ဢပႅတ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ မႂ်း​ပဵၼ်​ၵေႃႉ​ဢၼ်​ၵမ်​ၵျၢင်ႉ​တြႃး​ဢမ်ႇ​ၸႂ်ႈ။ ပဵၼ်​ၵေႃႉ​ဢၼ်​ၸႅတ်ႈ​ထၢမ်​ၸီႇ​ယၢင်ႇ​တြႃး​ဢေႃႈ။-</verse>
				<verse number="12">ၵေႃႉ​ဢၼ်​ဝႆႉ​ပိင်း​ၺၢပ်ႈ​တြႃး ဢိၵ်ႇ​တင်း​ၵေႃႉ​ဢၼ်​ၸႅတ်ႈ​ထၢမ်​ၸီႇ​ယၢင်ႇ​တြႃး​ၼၼ်ႉ မီး​ပႃး​လဵဝ်​ၵူၺ်း​ဢေႃႈ။ ပဵၼ်​ၵေႃႉ​ဢၼ်​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ၵႄႇ​ၶျွတ်ႈ​ဢဝ် ဢိၵ်ႇ​တင်း​ႁႂ်ႈ​လႆႈ​ယႃႉ​ၽဵဝ်ႈ​ပႅတ်ႈ​ဢေႃႈ။</verse>
				<verse number="13">ၵူၼ်း​ၸိူဝ်း​ဢၼ်​ၸၢင်ႈ​လၢတ်ႈ​လႄႈ​ဝႃႈ၊ မိူဝ်ႈ​ၼႆႉ​မိူဝ်ႈ​ၽုၵ်ႈ ႁဝ်း​တၵ်း​ၵႂႃႇ ၵႃႈ​တီႈ​ဝဵင်း​ၼၼ်ႉ​ယူႇ​ပီႊ​ၼိုင်ႈ​လႄႈ ၵႃႉ​ၶၢႆ​ႁႂ်ႈ​လႆႈ​ဢမျၢတ်ႈ​မၼ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ငိၼ်း​တႃႉ။-</verse>
				<verse number="14">သူ​ဢမ်ႇ​ႁူႉ​လွင်ႈ​ဢၼ် တၵ်း​ပဵၼ်​မႃး​ၸိူဝ်ႉ​ၼင်ႇ​ႁိုဝ် ၼႂ်း​ဝၼ်း​မိူဝ်ႈ​ၽုၵ်ႈ​ၼၼ်ႉ။ ဢသၢၵ်ႈ​သူ​ၼၼ်ႉ ပဵၼ်​ၸိူဝ်ႉ​ၼင်ႇ​ႁိုဝ်။ ပဵၼ်​ၸိူဝ်ႉ​ၼင်ႇ​ဢၢႆ ၼင်ႇ​ၵႂၼ်း ဢၼ်​ထၢင်ႇ​သႃး​ယူႇ​ၵမ်း​ဢွၼ်ႇ​ၼိုင်ႈ​ၵူၺ်း​လႄႈ သမ်ႉ​လႆႈ​ႁၢႆ​ၵႂႃႇ​ၼၼ်ႉ​ဢေႃႈ။-</verse>
				<verse number="15">သူ​ထုၵ်ႇ​လီ​လၢတ်ႈ​လႄႈ​ဝႃႈ၊ ပေႃး​ထႃႇဝရႃႉ​ၽြႃး​မီး​ဢလူဝ်ႇ​ၸိုင်၊ ႁဝ်း​တၵ်း​ဢသၢၵ်ႈ​လိပ်း​ယူႇ​လႄႈ ႁဵတ်း​ၸိူဝ်ႉ​ၼင်ႇ​ၼႆ၊ ဢမ်ႇ​ၼၼ်​ၵေႃႈ တၵ်း​ႁဵတ်း​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။-</verse>
				<verse number="16">ၵူၺ်း​ၵႃႈ တေႃႈ​လဵဝ်​ၼႆႉ သူ​ဢုပ်ႇ​ဢၢတ်ႇ​ယူႇ ၵႃႈ​ၼႂ်း​တၢင်း​ဢၼ်​ႁူဝ်​ၸႂ်​တူဝ်​ၸဝ်ႈ​ၵဝ်ႇ ၽႅၼ်​သုင်​ၼၼ်ႉ​ဢေႃႈ။ တၢင်း​ဢၼ်​ၸၢင်ႈ​ဢုပ်ႇ​ၸၢင်ႈ​ဢၢတ်ႇ ၸိူဝ်ႉ​ၼင်ႇ​ၼၼ် ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ပဵၼ်​ဢၼ်​ဢမ်ႇ​လီ​ဢမ်ႇ​ထုၵ်ႇ​ဢေႃႈ။-</verse>
				<verse number="17">ပိူဝ်ႈ​ၼႆ​လႄႈ ၵေႃႉ​ဢၼ်​ႁူႉ​တၢင်း​ၵမ်​တၢင်း​ၵျၢင်ႉ ဢၼ်​လီ​ဢၼ်​ငၢမ်း​ယူႇ​လႄႈ ဢမ်ႇ​ၵမ်​ဢမ်ႇ​ၵျၢင်ႉ​ၼၼ်ႉ မီး​ဢပႅတ်ႈ​ဢေႃႈ။</verse>
			</chapter>
			<chapter number="5">
				<verse number="1">ၵူၼ်း​မၢၵ်ႈ​ၵူၼ်း​မီး​ၶဝ်​ဢိူၺ်း၊ ဢွၼ်​ၵၼ်​မႃး​တေႃႈ​လဵဝ်​ၼႆႉ​တႃႉ။ ဢွၼ်​ၵၼ်​ႁွင်ႉ​သႅၼ်ႇ​ႁွင်ႉ​ႁႆႈ ၵွပ်ႈ​ပိူဝ်ႈ​ၽေး​တုၵ်ႉ​ၶႃႉ​ဝူၺ်ႇတၼႃႇ ဢၼ်​တၵ်း​ႁွတ်ႈ​မႃး​ၵႃႈ​ၼိူဝ်​သူ​ၼၼ်ႉ​တႃႉ။-</verse>
				<verse number="2">ဢုၵ်ႉ​ၸႃႇ​ၶိူင်ႈ​ပိူင်​သူ​တင်း​လၢႆ​ၼၼ်ႉ ပဵၼ်​ဢၼ်​တူႇ​ဢၼ်​ၼဝ်ႈ​ယူႇ​ဢေႃႈ။ ၶူဝ်း​ၼုင်ႈ​ၶူဝ်း​မႆ​သူ​ၵေႃႈ မူင်ႈ​မႅင်း​ၶူပ်း​ၵိၼ်​ယဝ်ႉ​ယဝ်ႉ။-</verse>
				<verse number="3">ငိုၼ်း​ၶမ်း​သူ​ၵေႃႈ​ႁေႃ​ၵိၼ်​လႄႈ​လူႉ​သဵင်ႈ​ယဝ်ႉ။ ႁေႃ​ၼၼ်ႉ​တၵ်း​ပဵၼ်​သၢၵ်ႈ​သေႇ ယူႇ​ၽၢႆႇ​ၼိုင်ႈ​တင်း​သူ​လႄႈ ၵိၼ်​ၼိူဝ်ႉ​သူ​မိူၼ်​ၸိူဝ်ႉ​ၼင်ႇ​ၽႆး​ဢေႃႈ။ သူ​သိမ်း​ပႅင်း​ၽၼ်ႇတႃႇ​ဢုၵ်ႉ​ၸႃႇ​သူ​ဝႆႉ​ၼႂ်း​ၶိင်ႇ​ဝၼ်း​ၵႃႇလႃႉ​ၵမ်း​လိုၼ်း​သုတ်း​ၼၼ်ႉ​လူင်​ပႄႇ။</verse>
				<verse number="4">တူၺ်း​လူး၊ ၵႃႈ​ၶၼ်​ၶဝ်​ၸိူဝ်း​ဢၼ်​ပၢတ်ႇ​ၶဝ်ႈ ၵႃႈ​ၼႂ်း​ၼႃး​သူ​လႄႈ သူ​ပႅတ်ႉ​သူ​လႅၼ် ယင်း​ဢမ်ႇ​ပၼ်​ၵႃႈ​မၼ်း​ၶၼ်​မၼ်း​လႄႈ​ယူႇ​ၼၼ်ႉ ႁွင်ႉ​သႅၼ်ႇ​ယူႇ​ဢေႃႈ။ သဵင်​တၢင်း​ဢၼ် ၶဝ်​ၸိူဝ်း​ဢၼ်​ပၢတ်ႇ​ၶဝ်ႈ ႁွင်ႉ​သႅၼ်ႇ​ၼၼ်ႉ ၶဝ်ႈ​ႁွတ်ႈ​ၵႃႈ​ၼႂ်း​ႁူ​ထႃႇဝရႃႉ​ၽြႃး ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ပုၼ်ႉ​ဢေႃႈ။-</verse>
				<verse number="5">သူ​ၸၢမ်ႇ​ၸႃး​ၸေး​ၸိမ်ႇ​ၵႃႇမၵုင်ႇ​ၵႃႈ​ၼိူဝ်​လိၼ်​မိူင်း​ၼႆႉ​လႄႈ မူၼ်ႈ​ပျေႃႇ​ၼႃႇ​လူင်​လၢင်​ယဝ်ႉ။ သူ​လဵင်ႉ​လူ​ႁူဝ်​ၸႂ်​သူ မိူၼ်​ၸိူဝ်ႉ​ၼင်ႇ​ၼႂ်း​ဝၼ်း ဢၼ်​လႆႈ​ဢဝ်​တၢႆ​ၼၼ်ႉ​ယဝ်ႉ။-</verse>
				<verse number="6">သူ​ၸီႇ​ယၢင်ႇ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​သေ​လႄႈ ဢဝ်​တၢႆ​ယဝ်ႉ။ မၼ်း​ၵေႃႈ​ဢမ်ႇ​ႁႄႉ​ဢမ်ႇ​ၶႅၼ်​သူ။</verse>
				<verse number="7">ပိူဝ်ႈ​ၼႆ​လႄႈ ပီႈ​ၼွင်ႉ​ၶဝ်​ဢိူၺ်း၊ ဢွၼ်​ၵၼ်​ယိူၼ်ႉ​ၶၢမ်ႇ​ပႂ်ႉ​ယူႇ တေႃႇ​ထိုင်​ႁွတ်ႈ​ၸဝ်ႈ​ၽြႃး​ပေႃႇ​မႃး​ၼၼ်ႉ​တႃႉ။ တူၺ်း​လူး၊ ၵေႃႉ​ဢၼ်​ႁဵတ်း​ၼႃး​ၼၼ်ႉ​ၸၢင်ႈ​ယိူၼ်ႉ​ၶၢမ်ႇ​ယူႇ​သေ​လႄႈ ပႂ်ႉ​မၢၵ်ႇ​ၼမ်ႉ​မၢၵ်ႇ​လိၼ်​ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ၼၼ်ႉ​လႄႈ​မုင်ႈ​ထႃႈ​မွင်း​ထႃႈ​တေႃႇ​ထိုင်​ႁွတ်ႈ​ထၼ်ႈ​ပေႃး လႆႈ​ၼမ်ႉ​ႁူဝ်​ၽူၼ်​ဢိၵ်ႇ​တင်း​ၼမ်ႉ​ႁၢင်​ၽူၼ်​ဢေႃႈ။-</verse>
				<verse number="8">သူ​ၵေႃႈ​ယိူၼ်ႉ​ၶၢမ်ႇ​လႄႈ​ပႂ်ႉ​ယူႇ​တႃႉ။ ပိူဝ်ႈ​ဢၼ်​ၶိင်ႇ​ဢၼ်​ၸဝ်ႈ​ၽြႃး​တၵ်း​ပေႃႇ​မႃး​ၼၼ်ႉ​ၸမ်​တၵ်း​ႁွတ်ႈ​ထိုင်​ယဝ်ႉ​လႄႈ ႁဵတ်း​ႁႂ်ႈ​ႁူဝ်​ၸႂ်​တူဝ်​ၸဝ်ႈ​ၵဝ်ႇ​မၼ်ႈ​ၶိူင်ႇ​ယူႇ​တႃႉ။-</verse>
				<verse number="9">ပီႈ​ၼွင်ႉ​ၶဝ်​ဢိူၺ်း၊ ၼင်ႇ​ႁိုဝ်​တၵ်း​ၵၢင်း​လွတ်ႈ​တင်း​တၢင်း​ဢၼ်​ၸႅတ်ႈ​ထၢမ်​ၸီႇ​ယၢင်ႇ​ၸိုင် ယႃႇ​ပေ​ႁဵတ်း​တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တွပ်ႇ​ထဵင်​တၢင်ႇ​ဢပႅတ်ႈ​တီႈ​ၵၼ်။ တူၺ်း​လူး၊ ၵေႃႉ​ဢၼ်​ပိူင်ႇ​တၢင်း​ဢၼ်​ၸီႇ​ယၢင်ႇ​တြႃး​ၼၼ်ႉ​မီး​ယူႇ​ၵႃႈ​တီႈ​ၽၢႆႇ​ၼႃႈ​ၽၵ်း​တူ​ဢေႃႈ။-</verse>
				<verse number="10">ပီႈ​ၼွင်ႉ​ၵဝ်​တင်း​လၢႆ​ဢိူၺ်း၊ မၢတ်ႈ​တွင်း​လွင်ႈ​ဢၼ်​ပရေႃးၽႅတ်ႈ ဢၼ်​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​သေ​လႄႈ ႁေႃး​လၢတ်ႈ​ၸိူဝ်း​ၼၼ်ႉ ၼႄ​ပျႃး​ပုင်ႇ​သၢၵ်ႈ​သေႇ တၢင်း​ဢၼ်​လႆႈ​ထူပ်း​တုၵ်ႉ​ၶႃႉ​တၢင်း​ၽၢၼ် ဢိၵ်ႇ​တင်း​တၢင်း​ဢၼ်​လႆႈ​ယိူၼ်ႉ​ၶၢမ်ႇ​ၼၼ်ႉ​ယဝ်ႉ​ၼၼ်ႉ​တႃႉ။-</verse>
				<verse number="11">တူၺ်း​လူး၊ ႁဝ်း​ႁွင်ႉ​ၶဝ်​ၸိူဝ်း​ဢၼ်​ယိူၼ်ႉ​ၶၢမ်ႇ​လႆႈ​ၼၼ်ႉ ပဵၼ်​ၵေႃႉ​ဢၼ်​မီး​မင်ႇၵလႃႇ​ဢေႃႈ။ သူ​လႆႈ​ငိၼ်း​လွင်ႈ​ဢၼ်​ ယေႃးၽႃႉ ယိူၼ်ႉ​ၶၢမ်ႇ​ၼၼ်ႉ​ယဝ်ႉ။ ၼႂ်း​တီႈ​သုတ်း လွင်ႈ​တၢင်း​ဢၼ် ထႃႇဝရႃႉ​ၽြႃး​ၵွႆ​သေ​ဢမူႉ​မၼ်း​ၸဝ်ႈ​ၼၼ်ႉ၊ သူ​လႆႈ​ႁူႉ​လႆႈ​ႁၼ်​လွင်ႈ​ဢၼ်​မၼ်း​ၸဝ်ႈ ၸၢင်ႈ​ႁၵ်ႉ​ပႅင်း​ဢဵတ်း​လူ မီး​ၵရူႉၼႃႇ​ၼၼ်ႉ​ယဝ်ႉ။</verse>
				<verse number="12">ပီႈ​ၼွင်ႉ​ၵဝ်​တင်း​လၢႆ​ဢိူၺ်း၊ ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် တင်း​သဵင်ႈ​တင်း​လူင်​ၼၼ်ႉ သူ​ယဵင်ႈ​ၶႅၼ်း ဝႄႈ​ပႅတ်ႈ​သေ​တၢင်း​ဢၼ်​ၵိၼ်ႇ​ဢၼ်​ဝႃႈ​တႃႉ။ မိူင်း​ၵၢင်​ႁၢဝ်​ၸိုင် ယႃႇ​ပေ​ဢဝ်​ၵိၼ်ႇ​ဢဝ်​ဝႃႈ။ လိၼ်​မိူင်း​ၵေႃႈ ယႃႇ​ပေ​ဢဝ်​ၵိၼ်ႇ​ဢဝ်​ဝႃႈ။ တၢင်း​ၵိၼ်ႇ​တၢင်း​ဝႃႈ ဢၼ်​လႂ်​သေ​ဢမ်ႇ​ဝႃႈ၊ ယႃႇ​ပေ​ဢဝ်​ၵိၼ်ႇ​ဢဝ်​ဝႃႈ။ ၵူၺ်း​ၵႃႈ ၼင်ႇ​ႁိုဝ်​တၵ်း​ၵၢင်း​လွတ်ႈ​တင်း တၢင်း​ဢၼ်​ၸီႇ​ယၢင်ႇ​ဢပႅတ်ႈ​ၸိုင် ၵႂၢမ်း​သူ​ၼၼ်ႉ​ဢၼ်​ၸႂ်ႈ​ၸိုင် ႁႂ်ႈ​ပဵၼ်​ဢၼ်​ၸႂ်ႈ​တႃႉ။ ဢၼ်​ဢမ်ႇ​ၸႂ်ႈ​ၸိုင် ႁႂ်ႈ​ပဵၼ်​ဢၼ်​ဢမ်ႇ​ၸႂ်ႈ​တႃႉ။</verse>
				<verse number="13">ၼႂ်း​သူ​ၼၼ်ႉ ပေႃး​မီး​ၵေႃႉ​ဢၼ်​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၸိုင် ႁႂ်ႈ​မၼ်း​သူး​တွင်း​တႃႉ။ ပေႃး​မီး​ၵေႃႉ​ဢၼ်​သိူဝ်း​ပျေႃႇ​ၸိုင် ႁႂ်ႈ​မၼ်း​ႁဵတ်း​ၵႂၢမ်း​သႃႇလၢမ်ႇ​တႃႉ။-</verse>
				<verse number="14">ပေႃး​မီး​ၵေႃႉ​ဢၼ်​မီး​တၢင်း​ၶႆႈ​တၢင်း​ပဵၼ်​ၸိုင်၊ ႁႂ်ႈ​မၼ်း​ႁွင်ႉ​ဢဝ်​ၵူၼ်း​ဢုပ်ႉ​ၸိူဝ်း​ၸဝ်ႈ​တင်း​လၢႆ​မႃး​လႄႈ ႁႂ်ႈ​ၶဝ်​ၼၼ်ႉ​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၽြႃး​သေ​လႄႈ ဢဝ်​ၼမ်ႉ​မၼ်း​တႃး​ၵူၼ်း​ပဵၼ်​ၼၼ်ႉ​လႄႈ သူး​တွင်း​ၵႃႈ​ၼိူဝ်​မၼ်း​တႃႉ။-</verse>
				<verse number="15">ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ ၵႂၢမ်း​သူး​တွင်း​တၢင်း​ဢၼ်​ယုမ်ႇ​မၢတ်ႈ​ၼၼ်ႉ တၵ်း​ၵႄႇ​သႄႇ​လိတ်ႈ​ဢဝ်​ၵေႃႉ​ဢၼ်​ပဵၼ်​ၼၼ်ႉ​လႄႈ ၸဝ်ႈ​ၽြႃး​တၵ်း​ႁႂ်ႈ​မၼ်း​ၶိုၼ်း​လုၵ်ႉ​ဢေႃႈ။ ပိၵ်ႉ​သမ်ႉ​မၼ်း​ၼၼ်ႉ ႁဵတ်း​ဢပႅတ်ႈ​မႅၼ်ႈ​သေ​ၵေႃႈ မၼ်း​ၸဝ်ႈ​တၵ်း​ပွႆႇ​လွတ်ႈ​ဢပႅတ်ႈ​ၼၼ်ႉ​ဢေႃႈ။</verse>
				<verse number="16">သူ​ၼင်ႇ​ၵၼ်​ၵၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၽုၺ်ႇ​ဢွၵ်ႇ​ၼႄ​ပျႃး ဢပႅတ်ႈ​တူဝ်​ၸဝ်ႈ​ၵဝ်ႇ​တီႈ​ၵၼ်​သေ​လႄႈ တွင်း​ပၢၼ်ႇ​ၵၼ်​တႃႉ။ ၼင်ႇ​ႁိုဝ်​တၵ်း​လႆႈ​ၵတ်း​ယဵၼ်​ၶျၢမ်း​သႃႇ​ၸိုင်၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​သူး​တွင်း​ပုၼ်ႈ​ၵၼ်​တႃႉ။ ပထၼႃႇ​ဢၼ် ၵူၼ်း​သိုဝ်ႈ​တေႃႇ​သူး​တွင်း​လႄႈ မီး​ဢႁုင်ႇ​ယႂ်ႇ​ၼၼ်ႉ ပႃး​တၼ်း​ၶူဝ်း​ၼမ်​ၼႃႇ​ဢေႃႈ။-</verse>
				<verse number="17">ဢေးလီႉယႃႉ ​ၼၼ်ႉ ပိၵ်ႉ​သမ်ႉ​ပဵၼ်​ၵူၼ်း​ဢၼ်​ၸၢပ်ႈ​သႅင်ႇ​ၵၼ်​တင်း တြႃး​လေႃးၵထမ်ႇ မိူၼ်​ၸိူဝ်ႉ​ၼင်ႇ​ႁဝ်း​ၼႆႉ​သေ​ၵေႃႈ၊ ၼင်ႇ​ႁိုဝ်​ၽူၼ်​တၵ်း​ဢမ်ႇ​လႆႈ​တူၵ်း​ၸိုင် သူး​တွင်း​ယႂ်ႇ​ၼႃႇ​လူင်​လၢင်​လႄႈ သၢမ်​ပီႊ​ပၢႆ​ႁူၵ်း​လိူၼ်​တဵမ်​တဵမ်​ၽူၼ်​ဢမ်ႇ​တူၵ်း ၵႃႈ​ၼိူဝ်​လိၼ်​မိူင်း​လႄႈ​ယူႇ​ဢေႃႈ။-</verse>
				<verse number="18">ၵမ်း​ၼၼ်ႉ​ယဝ်ႉ၊ မၼ်း​သမ်ႉ​ၶိုၼ်း​သူး​တွင်း​လႄႈ ၽႃႉ​ၵၢင်​ႁၢဝ်​ႁႂ်ႈ​ၽူၼ်​တူၵ်း​ဢေႃႈ။ လိၼ်​မိူင်း​ၵေႃႈ ႁႂ်ႈ​မၢၵ်ႇ​မၼ်း​မၢၵ်ႇ​မႃး​ဢေႃႈ။</verse>
				<verse number="19">ပီႈ​ၼွင်ႉ​ၶဝ်​ဢိူၺ်း ၼႂ်း​သူ​ၼၼ်ႉ ပေႃး​သေ​ၵေႃႉ​သေ​ၵူၼ်း ၽိတ်း​ပိူင်ႈ​သဵၼ်ႈ​တၢင်း​သမ်ႇမႃႇ​တြႃး​ၵႂႃႇ​လႄႈ ပိူၼ်ႈ​တၢင်ႇ​ၵေႃႉ ႁႂ်ႈ​မၼ်း​ၶိုၼ်း​မႃး​ၸိုင်၊-</verse>
				<verse number="20">ႁႂ်ႈ​မၼ်း​ၼၼ်ႉ ႁူႉ​လွင်ႈ​ဢၼ်​ၵေႃႉ​ဢၼ်​ႁႂ်ႈ​ၵူၼ်း​ဢၼ်​မီး​ဢပႅတ်ႈ လုၵ်ႉ​သေ​ၵႃႈ​တီႈ​တၢင်း​ဢၼ် ၽိတ်း​ပိူင်ႈ​မႃး​ၼၼ်ႉ ၸၢင်ႈ​ၵႄႇ​သႄႇ​ၶျွတ်ႈ​ဢဝ် ဝီႉၺိၺ်ႇ​သဵၼ်ႈ​ၼိုင်ႈ ၵႃႈ​ၼႂ်း​တၢင်း​တၢႆ​လႄႈ ႁူမ်ႇ​ဝႆႉ​ဢပႅတ်ႈ​ၼမ်​ၼႃႇ​ၼၼ်ႉ​တႃႉ။ လိၵ်ႈ​ဢေႃးဝႃႇတႃႉ​ယႃႇၵုပ်ႈ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="60">
			<chapter number="1">
				<verse number="1">ၵဝ်​ ပေႇတရူႉ ​ဢၼ်​ပဵၼ်​တမၢၼ်ႇ​ ယေႇသူႉ​ၶရိၸ်ႈ ​ၼႆႉ တႅမ်ႈ​ပၼ်​ငိၼ်း​ၵႂႃႇ​ၵႃႈ​တီႈ​ၶႅၵ်ႇ​ဢႃႇၵၼ်ႇတူႉ ဢၼ်​ၽၢတ်ႇ​ၽႄ​ၵၼ် မီး​ယူႇ​ၵူႈ​တီႈ​ၵူႈ​လႅၼ် ၵႃႈ​ၼႂ်း​မိူင်း​ ပွၼ်ႇတူႉ ၊ မိူင်း​ ၵလႃႇတီႉ ၊ မိူင်း​ ၵပ်ႉပတေႃးၵီႉ ၊ မိူင်း​ ဢႃႇသီႉ ဢိၵ်ႇ​တင်း​မိူင်း​ ပီႉသူႉၼီႉ ၊-</verse>
				<verse number="2">ဢၼ်​ဝႃႈ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​မၼ်း​ၸဝ်ႈ လိူၵ်ႈ​ၵဵပ်း​ဢဝ် ၵႃႈ​ၼင်ႇ​ၺၢၼ်ႇ​ဢၼႃႇၵႃႉတမ်ႇသႃႉ ၸဝ်ႈ​ပေႃႈ​ၽြႃး​ပဵၼ်​ၸဝ်ႈ​လႄႈ ႁွတ်ႈ​ထိုင်​တၢင်း​ဢၼ် ဝီႉၺိၺ်ႇ​ၸဝ်ႈ​ႁႂ်ႈ​မူတ်း​ၸၢင်ႇ ႁႂ်ႈ​လႆႈ​ၶၢမ်ႇ​ဢဝ်​ၵျေး​ၸူး​တၢင်း​ဢၼ်​ထွမ်ႇ​ဢဝ် ဢိၵ်ႇ​တင်း​ၵျေး​ၸူး တၢင်း​ဢၼ်​ဢဝ်​တင်း​လိူတ်ႈ​ ယေႇသူႉ​ၶရိၸ်ႈ ၽႅတ်း​သႂ်ႇ​ၼၼ်ႉ​ဢေႃႈ။ ႁႂ်ႈ​ၵျေး​ၸူး​ၸဝ်ႈ ဢိၵ်ႇ​တင်း​တၢင်း​ၼိမ်​ၸဝ်ႈ ၼမ်​မႃး​ၵိုၼ်း​မႃး​ၵႃႈ​တီႈ​သူ​သေ​ၵမ်း​လူၺ်ႈ။</verse>
				<verse number="3">ႁႂ်ႈ​ၽြႃး​ပဵၼ်​ၸဝ်ႈ​ပေႃႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ဢၼ်​ၸွမ်း​လူၺ်ႈ ၵရူႉၼႃႇ​ၸဝ်ႈ ဢၼ်​ယႂ်ႇ​ၼႃႇ​သေ​လႄႈ ႁႂ်ႈ​ႁဝ်း​ၵိူတ်ႇ​ပဵၼ်​မႃး ႁႂ်ႈ​လႆႈ​မီး​တၢင်း​ဢၼ်​မုင်ႈ​ထႃႈ​မွင်း​ထႃႈ ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ဢသၢၵ်ႈ​လိပ်း ၵွပ်ႈ​ပိူဝ်ႈ​တၢင်း​ဢၼ်​မၼ်း​ၸဝ်ႈ​ႁႂ်ႈ​ ယေႇသူႉ​ၶရိၸ်ႈ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း၊-</verse>
				<verse number="4">လွင်ႈ​ၼင်ႇ​ႁိုဝ်​တၵ်း​ႁႂ်ႈ​ႁဝ်း​လႆႈ​ၶၢမ်ႇ​ဢမူၺ်ႇ​ၸဝ်ႈ ဢၼ်​ၵၢင်း​လွတ်ႈ​တင်း​တၢင်း​ဢၼ်​တူႇ​ဢၼ်​ၼဝ်ႈ၊ တၢင်း​ဢၼ်​ၵူဝ်ႈ​ဢၼ်​ၵိူၵ်ႇ၊ တၢင်း​ဢၼ်​ႁဵဝ်ႇ​ဢၼ်​ၸွပ်ႈ​ၸိူဝ်း​ၼၼ်ႉ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ။-</verse>
				<verse number="5">ဢမူၺ်ႇ​ၸဝ်ႈ​ၼၼ်ႉ​ၸမ်ႉ၊ ပဵၼ်​ဢမူၺ်ႇ​ၸဝ်ႈ ဢၼ်​သိမ်း​ဝႆႉ​ၵႃႈ​ၼိူဝ်​မိူင်း​ၵၢင်​ႁၢဝ်​ၼၼ်ႉ ပုၼ်ႈ​သူ​ၸိူဝ်း​ဢၼ်​တၼ်း​ၶူဝ်း​ၽြႃး​ပဵၼ်​ၸဝ်ႈ​ပႂ်ႉ​ယူႇ​ၸွမ်း​လူၺ်ႈ တၢင်း​ဢၼ်​ယုမ်ႇ​မၢတ်ႈ ႁႂ်ႈ​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ဢၼ်​မႄး​ဝႆႉ​ႁႂ်ႈ​လႆႈ​ထၢင်ႇ​သႃး ၼႂ်း​ၶိင်ႇ​ၵႃႇလႃႉ​ၵမ်း​လိုၼ်း​ပုၼ်ႉ​ဢေႃႈ။-</verse>
				<verse number="6">ပေႃး​မီး​လွင်ႈ​ဢၼ်​တၵ်း​လႆႈ​ၶၢမ်ႇ တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ ၵူႈ​ၸိူဝ်ႉ​ၵူႈ​ပိူင်​ၸိုင်၊ ပိၵ်ႉ​သမ်ႉ​သူ​လႆႈ​ၶၢမ်ႇ​ၵမ်း​ဢွၼ်ႇ​ၼိုင်ႈ တေႃႈ​လဵဝ်​ၼႆႉ​လႄႈ ၸႂ်​လဵၵ်ႉ​သေ​ၵေႃႈ၊ သူ​ထွၵ်ႈ​လူၺ်ႈ​ၵျေး​ၸူး​ၸဝ်ႈ ဢၼ်​ဝႃႈ​မႃး​ယဝ်ႉ​မိူဝ်ႈ​ဢွၼ်​တၢင်း​ၼၼ်ႉ​သေ​လႄႈ မီး​ၸႂ်​ဢၼ်​မူၼ်ႈ​ပျေႃႇ​ယူႇ၊-</verse>
				<verse number="7">လွင်ႈ​ၼင်ႇ​ႁိုဝ်​လွင်ႈ​တၢင်း​ဢၼ် ၸႅတ်ႈ​ထၢမ်​ၸၢမ်း​တူၺ်း​တၢင်း​ဢၼ်​ယုမ်ႇ​မၢတ်ႈ​သူ ဢၼ်​မျၢတ်ႈ​လီ​ၼႃႇ​သေ တၢင်း​ဢၼ်​ၸႅတ်ႈ​ထၢမ်​ၸၢမ်း​တူၺ်း​ငိုၼ်း​ၶမ်း ဢၼ်​ဢဝ်​ႁႂ်ႈ​ၸိူမ်ႈ​သေ​လႄႈ​ၸၢမ်း​တူၺ်း​လႆႈ​သေ​ၵေႃႈ၊ ၸၢင်ႈ​လူႉ​ၸၢင်ႈ​လႅဝ်​ၼၼ်ႉ​ၼၼ်ႉ တၵ်း​ပဵၼ်​ပုၼ်ႈ​တၢင်း​ဢၼ်​ယွင်ႈ​ယေႃး ၵုင်ႇ​သရေႇ၊ မုၼ်​ဢႃႇၼူႉၽေႃႇ ၼႂ်း​မိူဝ်ႈ​ဢၼ်​ ယေႇသူႉ​ၶရိၸ်ႈ ​ပေႃႇ​မႃး​ၼၼ်ႉ​ဢေႃႈ။-</verse>
				<verse number="8">ၸဝ်ႈ​ၼၼ်ႉ​ၸိုင် ပိၵ်ႉ​သမ်ႉ​သူ​ဢမ်ႇ​တွၼ်ႉ​ႁၼ်​သေ​ၵေႃႈ သူ​ႁၵ်ႉ​ယူႇ​ဢေႃႈ။ တေႃႈ​လဵဝ်​ၼႆႉ​ၵေႃႈ၊ သူ​ယင်း​ဢမ်ႇ​ႁၼ်​ယူႇ​သေ​လႄႈ ယုမ်ႇ​မၢတ်ႈ​သေ​ယဝ်ႉ၊ မီး​တင်း​ၸႂ်​ဢၼ်​သိူဝ်း​သႂၢင်ႇ​ၼႃႇ​ဢၼ်​လၢတ်ႈ​ဢမ်ႇ​သဵင်ႈ​လႆႈ၊ ဢၼ်​ၸၢပ်ႈ​သႅင်ႇ​ၵၼ်​တင်း​မုၼ်​သရေႇ​ၼၼ်ႉ​ၸူမ်း​ပျေႃႇ​လႄႈ၊-</verse>
				<verse number="9">လႆႈ​ၶၢမ်ႇ​ဢဝ်​ဢၵျူဝ်း တၢင်း​ဢၼ်​ယုမ်ႇ​မၢတ်ႈ​ဢၼ်​ဝႃႈ တၢင်း​ဢၼ်​ၵႄႇ​ၶျွတ်ႈ​ဢဝ်​ၸႂ်​ဝီႉၺိၺ်ႇ​ၼၼ်ႉ​ဢေႃႈ။</verse>
				<verse number="10">လွင်ႈ​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ​ၸိုင် ပရေႃးၽႅတ်ႈ​တင်း​လၢႆ ၸႅတ်ႈ​ထၢမ်​ၸၢမ်း​တူၺ်း ႁႃ​ဢဝ်​ၸေး​ၸေး​ၸွတ်ႇ​ၸွတ်ႇ​သေ​လႄႈ ႁေႃး​လၢတ်ႈ​လွင်ႈ​ၵျေး​ၸူး​ၸဝ်ႈ ဢၼ်​သူ​လႆႈ​ၶၢမ်ႇ​ဢဝ်​ၼၼ်ႉ​ဝႆႉ​ယဝ်ႉ။-</verse>
				<verse number="11">ၶဝ်​ၼၼ်ႉ​တွင်ႈ​ထၢမ်​လႄႈ​ႁႃ​ဢဝ် လွင်ႈ​ဢၼ်​မၼ်း​ၸဝ်ႈ​ၶႂ်ႈ​ဝႃႈ​လွင်ႈ​ၸိူဝ်ႉ​ၼင်ႇ​ႁိုဝ်။ ၶိင်ႇ​ၵႃႇလႃႉ​ၸိူဝ်ႉ​ၼင်ႇ​ႁိုဝ်​ၼၼ်ႉ ၼႂ်း​မိူဝ်ႈ​ဢၼ်​ဝီႉၺိၺ်ႇ​ၸဝ်ႈ​ၶရိၸ်ႈ ဢၼ်​မီး​ယူႇ​ၵႃႈ​ၼႂ်း​ၶဝ်​ၼၼ်ႉ ၶၢမ်ႇ​သၢၵ်ႈ​သေႇ​လွင်ႈ​တၢင်း​ၽၢၼ် ဢၼ်​ၸဝ်ႈ​ၶရိၸ်ႈ​တၵ်း​လႆႈ​ၶၢမ်ႇ ဢိၵ်ႇ​တင်း​လွင်ႈ​မုၼ်​ၸေး​ၸိမ်ႇ ဢၼ်​မၼ်း​ၸဝ်ႈ​တၵ်း​လႆႈ​ၶဝ်ႈ​ၸၢမ်ႇ​ၸႃး လိုၼ်း​သေ​မၼ်း​ၸဝ်ႈ​ၶၢမ်ႇ​တၢင်း​ၽၢၼ်​ယဝ်ႉ​ၼၼ်ႉ​ဢေႃႈ။-</verse>
				<verse number="12">တီႈ​ၶဝ်​ၼၼ်ႉ​ၸိုင်​မၼ်း​ၸဝ်ႈ​ၽုၺ်ႇ​ဢွၵ်ႇ​ၼႄ​ပျႃး လွင်ႈ​ဢၼ်​ၶဝ်​လႆႈ​ပွင်​ႁဵတ်း​လွင်ႈ​တၢင်း​ဢၼ်​မၼ်း​ၸဝ်ႈ ဢဝ်​ၶဝ်​ၸိူဝ်း​ဢၼ်​ပႃး​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢၼ်​မၼ်း​ၸဝ်ႈ​ပွႆႇ​ၸႂ်ႉ​ဢွၵ်ႇ​သေ​ၵႃႈ​တီႈ မိူင်း​ၵၢင်​ႁၢဝ်​ပုၼ်ႉ​မႃး​လႄႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​တီႈ​သူ​ၼၼ်ႉ မွၵ်ႇ​လၢတ်ႈ​တီႈ​သူ​ၼႂ်း​ၶိင်ႇ​တေႃႈ​လဵဝ်​ၼႆႉ​ၼၼ်ႉ ပုၼ်ႈ​သူ​ဢမ်ႇ​ၸႂ်ႈ။ ပွင်​ႁဵတ်း​သူ​ၼၼ်ႉ​ဝႆႉ​ဢေႃႈ။ လွင်ႈ​တၢင်း​ၸိူဝ်း​ၼၼ်ႉ​ၸိုင် တမၢၼ်ႇ​ၵၢင်​ႁၢဝ်​တင်း​လၢႆ မီး​ၸႂ်​ၸေႇတၼႃႇ ဢၼ်​ၶႂ်ႈ​လူ​တူၺ်း​ႁူႉ​ၸႅင်ႈ​ဢေႃႈ။</verse>
				<verse number="13">ပိူဝ်ႈ​ၼႆ​လႄႈ ႁတ်ႉ​သၢႆ​ဢႅဝ် ၵႃႈ​တီႈ​ႁူဝ်​ၸႂ်​သူ​သေ​လႄႈ မီး​သမ်ႇမႃႇသတီႉ​ယူႇ​တႃႉ။ မုင်ႈ​ထႃႈ​မွင်း​ထႃႈ​သူႉ​ၵျေး​ၸူး​ၸဝ်ႈ ဢၼ်​တၵ်း​ႁွတ်ႈ​ၽႅဝ်​တီႈ​သူ မိူဝ်ႈ​ဢၼ်​ ယေႇသူႉ​ၶရိၸ်ႈ တၵ်း​ပေႃႇ​မႃး​ၼၼ်ႉ တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ပုၼ်ႉ​တႃႉ။-</verse>
				<verse number="14">တေႃႈ​လဵဝ်​ၼႆႉ သူ​ယင်း​ဢမ်ႇ​ၸွမ်း​ဢမ်ႇ​ၵျၢင်ႉ​တြႃး တၢင်း​ဢၼ်​ၸွႆး​ဢၼ်​ၸပ်း​ဢၼ်​သူ​လႆႈ​ၵမ်​ၵျၢင်ႉ ၵႃႈ​ၼႂ်း​လပ်း​သိင်ႇ​မိူဝ်ႈ​ဢွၼ်​ၼႆႉ​ၼၼ်ႉ​သေ​လႄႈ၊ ပဵၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ဢၼ်​ၸၢင်ႈ​ထွမ်ႇ​ဢဝ်​ၼၼ်ႉ​လႄႈ၊-</verse>
				<verse number="15">မီး​တၢင်း​ဢၼ်​မူတ်း​ၸၢင်ႇ​ယူႇ​ၼႂ်း​ၵႃႈ​ဢၼ် ၵမ်​ၵျၢင်ႉ​သၢင်ႈ​ႁဵတ်း တင်း​သဵင်ႈ​တင်း​လူင်​ၸိူဝ်ႉ​ၼင်ႇ​ဢၼ် ၸဝ်ႈ​ဢၼ်​ႁွင်ႉ​ဢဝ်​သူ​ၼၼ်ႉ မူတ်း​ၸၢင်ႇ​ၼၼ်ႉ​တႃႉ။-</verse>
				<verse number="16">လွင်ႈ​မၼ်း​ၸမ်ႉ ၵျၢမ်း​လိၵ်ႈ​မႃး​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​ၵဝ်​မူတ်း​ၸၢင်ႇ​လႄႈ သူ​ၵေႃႈ​မီး​တၢင်း​ဢၼ်​မူတ်း​ၸၢင်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="17">ပေႃး​သူ​ႁွင်ႉ​မၼ်း​ၸဝ်ႈ ဢၼ်​ဢမ်ႇ​ထွၵ်ႈ​လူၺ်ႈ​ၼႃႈ​ၵူၼ်း​လႄႈ ၸီႇ​ယၢင်ႇ​ၸွမ်း​ၼင်ႇ တၢင်း​ၵမ်​တၢင်း​ၵျၢင်ႉ ၵူၼ်း​တင်း​သဵင်ႈ​တင်း​လူင်​ၼၼ်ႉ​လႄႈ​ဝႃႈ၊ ၸဝ်ႈ​ပေႃႈ​၊ ဝႃႈ​ၼင်ႇ​ၼႆ​ၸိုင်၊ မီး​တင်း​ၸႂ်​ဢၼ်​ၵူဝ်​ႁႄ​သေ​လႄႈ ၵမ်​ၵျၢင်ႉ​ယူႇ​ၼႂ်း​ၶိင်ႇ​ၸူဝ်ႈ​ဢၼ် ယင်း​တိုၵ်ႉ​ပဵၼ်​ၶႅၵ်ႇ​ယူႇ​ၼႆႉ​တႃႉ။-</verse>
				<verse number="18">မၢတ်ႈ​တွင်း​လွင်ႈ​ဢၼ် မၼ်း​ၸဝ်ႈ​ဢဝ်​တင်း​ငိုၼ်း​တင်း​ၶမ်း ၵႃႈ​ပဵၼ်​ဢုၵ်ႉ​ၸႃႇ​ဢၼ်​ၸၢင်ႈ​လူႉ ၸၢင်ႈ​လႅဝ် ထုတ်ႇ​ဢဝ်​သူ​ၵႃႈ​ၼႂ်း​တၢင်း​ဢၼ် ၵမ်​ၵျၢင်ႉ​သၢင်ႈ​ႁဵတ်း​လၢႆ​လၢႆ ဢမ်ႇ​ပွင်ႇ​လွင်ႈ၊ ဢၼ်​သိုပ်ႇ​လူင်း​မႃး​ၵႃႈ​တီႈ​ပူႇ​မွၼ်ႇ​သူ​ၼၼ်ႉ​ဢမ်ႇ​ၸႂ်ႈ။-</verse>
				<verse number="19">မၼ်း​ၸဝ်ႈ​ဢဝ်​တင်း​လိူတ်ႈ​မျၢတ်ႈ​ၸဝ်ႈ​ၶရိၸ်ႈ ဢၼ်​ပဵၼ်​ၸိူဝ်ႉ​ၼင်ႇ​သူဝ်း​ဢွၼ်ႇ ဢၼ်​ဢမ်ႇ​မီး​ဢပႅတ်ႈ​ၵႃႈ​သင်​လႃး​လႃး​လႄႈ ၵၢင်း​လွတ်ႈ​တင်း​တၢင်း​ဢၼ်​ၵူဝ်ႈ​ဢၼ်​ၵိူၵ်ႇ​ၼၼ်ႉ ထုတ်ႇ​ဢဝ်​ၼၼ်ႉ​ဝႆႉ​တႃႉ။-</verse>
				<verse number="20">ၸဝ်ႈ​ၶရိၸ်ႈ​ၼၼ်ႉ​ၸမ်ႉ၊ လႆႈ​ၶၢမ်ႇ​တၢင်း​ဢၼ်​ၶၢၼ်း​ဝႆႉ ၸႃႉ​ၸဵမ်​မိူဝ်ႈ​ၸူဝ်ႈ​ဢၼ်​ၵမ်ႇ​ၽႃႇ​ၼႆႉ ဢမ်ႇ​ပႆႇ​တႄႇ​ဢမ်ႇ​ပႆႇ​မီး​ၼၼ်ႉ​လႄႈ တေႃႈ​လဵဝ်​ၼႆႉ​ၵေႃႈ၊ ထၢင်ႇ​သႃး​ပုၼ်ႈ​သူ ၸိူဝ်း​ဢၼ်​ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​မၼ်း​ၸဝ်ႈ ၼႂ်း​ၶိင်ႇ​ၵႃႇလႃႉ​လိုၼ်း​လင်​သုတ်း မိူဝ်ႈ​လဵဝ်​ၼႆႉ​ယဝ်ႉ​ယဝ်ႉ။-</verse>
				<verse number="21">ၽြႃး​ပဵၼ်​ၸဝ်ႈ ႁႂ်ႈ​ၸဝ်ႈ​ၼၼ်ႉ​လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​လႄႈ ဢဵတ်း​လူ​ပၼ်​မုၼ်​သရေႇ ႁႂ်ႈ​သူ​လႆႈ​ထွၵ်ႈ​လူၺ်ႈ​ၽြႃး​ပဵၼ်​ၸဝ်ႈ​သေ​လႄႈ မီး​တၢင်း​ဢၼ်​ယုမ်ႇ​မၢတ်ႈ ဢိၵ်ႇ​တင်း​တၢင်း​ဢၼ်​မုင်ႈ​ထႃႈ​မွင်း​ထႃႈ​ၼၼ်ႉ​ယဝ်ႉ​ယဝ်ႉ။</verse>
				<verse number="22">ၵွပ်ႈ​ပိူဝ်ႈ​ဢၼ်​သူ သမ်ႉ​ၶိုၼ်း​ၵိူတ်ႇ​ပဵၼ်​မႃး​လူၺ်ႈ​ၸိူဝ်ႉ​ၽၼ်း​ဢၼ် ၸၢင်ႈ​လူႉ​ၸၢင်ႈ​လဵဝ်​ၼၼ်ႉ​ဢမ်ႇ​ၸႂ်ႈ၊-</verse>
				<verse number="23">ၵွပ်ႈ​ပိူဝ်ႈ​ဢၼ်​သူ​သမ်ႉ​ၶိုၼ်း​ၵိူတ်ႇ​ပဵၼ်​မႃး​လူၺ်ႈ​ၸိူဝ်ႉ​ၽၼ်း​ဢၼ် ဢမ်ႇ​ၸၢင်ႈ​လူႉ​ၸၢင်ႈ​လႅဝ်​ဢၼ်​ဝႃႈ ၼုၵ်ႈၵပၢတ်ႈ​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​လႄႈ တႄႇ​ယူႇ​သေႇ​သေႇ​ၼၼ်ႉ​လႄႈ မႅၼ်ႈ​ၼင်ႇ​ဢၼ်​သူ​လႆႈ​ထွမ်ႇ​ဢဝ်​သမ်ႇမႃႇ​တြႃး ၵႃႈ​ၼႂ်း​ၸႂ်​သူ​ယူႇ​သေ​လႄႈ ႁႂ်ႈ​ႁူဝ်​ၸႂ်​သူ​မူတ်း​သႂ် ႁႂ်ႈ​လႆႈ​ႁဵတ်း​ၸိူဝ်ႉ​ၼင်ႇ​ႁၢင်ႈ​ႁၵ်ႉ​ပႅင်း​ဢမ်ႇ​ၸႂ်ႈ၊ ႁႂ်ႈ​လႆႈ​ႁၵ်ႉ​ပႅင်း​ဢမၢၼ်ႇ​ၶၼ်​ပဵၼ်​ၼၼ်ႉ ဢဝ်​တင်း​ၸႂ်​ဢၼ်​ၶၢဝ်​သႂ်​လႄႈ ၼင်ႇ​ၵၼ်​ၵၼ်​မီး​တၢင်း​ႁၵ်ႉ​မႅတ်ႈ​တႃႇ ဢၼ်​ႁႅင်း​ယႂ်ႇ​ၼႃႇ​တီႈ​ၵၼ်​တႃႉ။-</verse>
				<verse number="24">လွင်ႈ​မၼ်း​ၸမ်ႉ မဵဝ်း​ၵူၼ်း​ၵႃႈ​မီး​တင်း​သဵင်ႈ​တင်း​လူင် ပဵၼ်​ၸိူဝ်ႉ​ၼင်ႇ​တူၼ်ႈ​ယိူဝ်ႈ​တူၼ်ႈ​ယႃႈ​ၼၼ်ႉ​ဢေႃႈ။ မုၼ်​ၽုင်း​ၵူၼ်း​ၵႃႈ​မီး​တင်း​သဵင်ႈ​တင်း​လူင်​ၵေႃႈ ပဵၼ်​ၸိူဝ်ႉ​ၼင်ႇ​မွၵ်ႇ​ယိူဝ်ႈ​မွၵ်ႇ​ယႃႈ​ၼၼ်ႉ​ဢေႃႈ။ တူၼ်ႈ​ယိူဝ်ႈ​တူၼ်ႈ​ယႃႈ​ၼၼ်ႉ ၸၢင်ႈ​ႁဵဝ်ႇ​ၸွပ်ႈ​ႁႅင်ႈ​ၵႂႃႇ​ဢေႃႈ။ မွၵ်ႇ​မၼ်း​ၵေႃႈ​ၸၢင်ႈ​လူၼ်ႇ​ၵႂႃႇ​ႁူင်ႈ​ၵႂႃႇ​ဢေႃႈ။-</verse>
				<verse number="25">ၼုၵ်ႈၵပၢတ်ႈ​တြႃး​ထႃႇဝရႃႉ​ၽြႃး​ၸမ်ႉ၊ တႄႇ​ယူႇ​သေႇ​သေႇ​ဢေႃႈ။ ၼုၵ်ႈၵပၢတ်ႈ​တြႃး​ၼၼ်ႉ ပဵၼ်​တြႃး​သတၢင်း​သိူဝ်း​ပျေႃႇ ဢၼ်​ႁေႃး​လၢတ်ႈ​တီႈ​သူ​ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">ပိူဝ်ႈ​ၼႆ​လႄႈ ပေႃး​သူ​လႆႈ​ၸိမ်း​တူၺ်း ၵျေး​ၸူး​ၸဝ်ႈ​ၽြႃး ဢမၢၼ်ႇ​ၶၼ်​ပဵၼ်​ယဝ်ႉ​ၸိုင်၊ ပႄႇ​ပႅတ်ႈ​တၢင်း​ဢၼ် ဢမ်ႇ​ၼႃႇ​လူဝ်ႇ​ၵူႈ​ၸိူဝ်ႉ​ၵူႈ​ပိူင်၊-</verse>
				<verse number="2">တၢင်း​ဢၼ်​ပႅတ်ႉ​လႅၼ် ၵူႈ​ၸိူဝ်ႉ​ၵူႈ​ပိူင်၊ တၢင်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​လႂ်၊ တၢင်း​ဢၼ်​သီႈ​ၵေႉ​ႁေႈ​တႃ​လႂ်၊ တၢင်း​ဢၼ်​သႄႉ​သွမ်း​လႂ် ၵႃႈ​မီး​တင်း​သဵင်ႈ​တင်း​လူင်​သေ​လႄႈ</verse>
				<verse number="3">ဢွၼ်​ၵၼ်​မီး​ၸႂ်​ဢၼ် ၶႂ်ႈ​လႆႈ​ၼမ်ႉ​ၼူမ်း ၼုၵ်ႈၵပၢတ်ႈ​တြႃး​ၸဝ်ႈ​ၼႃႇ​လူင်​လၢင် မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ ဢၼ်​ၸင်ႇ​ၸႃႉ​ၵိူတ်ႇ​လဵင်ႉ​မႃး​ၼၼ်ႉ ႁႂ်ႈ​တၢင်း​ဢၼ် ၵႄႇ​ၶျွတ်ႈ​ဢဝ်​လႆႈ​ယႂ်ႇ​မႃး ၵွပ်ႈ​ၼမ်ႉ​ၼူမ်း​ၸႅတ်ႈ​တြႃး​ၸဝ်ႈ​ၼၼ်ႉ​တႃႉ။-</verse>
				<verse number="4">သူ​ႁွတ်ႈ​ထိုင်​ၵႃႈ​တီႈ​ၸဝ်ႈ​ၼၼ်ႉ ဢၼ်​ဝႃႈ​မၢၵ်ႇ​ႁိၼ်​ဢသၢၵ်ႈ​မျၢတ်ႈ ဢၼ်​ၵူၼ်း​တင်း​လၢႆ​ပႄႇ​ပႅတ်ႈ​ဝႆႉ​လႄႈ ၽြႃး​ပဵၼ်​ၸဝ်ႈ လိူၵ်ႈ​ၵဵပ်း​ဢဝ်​လႄႈ မီး​သရေႇ​ၼၼ်ႉ​လႄႈ၊-</verse>
				<verse number="5">သူ​လႆႈ​ၶၢမ်ႇ​တၢင်း​ဢၼ် တႄႇ​ႁဵတ်း​ပဵၼ်​ႁၢၼ်ႉ​ပဵၼ်​ထၢပ်ႈ မိူၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​ဢသၢၵ်ႈ ၸိူဝ်း​ၼၼ်ႉ​သေ​ယဝ်ႉ ပဵၼ်​တိူၵ်ႈ​ထမ်ႇမႃႉ​ဢေႃႈ။ ပဵၼ်​မဵဝ်း​ယိတ်ႈပရေႃးႁဵၵ်ႈ ဢၼ်​မူတ်း​ၸၢင်ႇ ႁႂ်ႈ​လႆႈ​ပုၵ်ႈ​ၸေႃႇ​ထမ်ႇမႃႉ​ယိတ်ႈ ဢၼ်​ထုၵ်ႇ​ၸႂ်​ၽြႃး​ပဵၼ်​ၸဝ်ႈ​ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ​ဢေႃႈ။-</verse>
				<verse number="6">ၼင်ႇ​ၼၼ်​လႄႈ ၵျၢမ်း​လိၵ်ႈ​မႃး​လႄႈ​ဝႃႈ​ၸမ်ႉ၊ ၵဝ်​ဢဝ်​မၢၵ်ႇ​ႁိၼ်​ငဝ်ႈ​ႁၢၵ်ႈ​ၸဵင်ႇ​တိူၵ်ႈ​မျၢတ်ႈ ဢၼ်​လိူၵ်ႈ​ၵဵပ်း​ဢဝ်​ၼၼ်ႉ ၶျႃး​ဝႆႉ​ၵႃႈ​ၼိူဝ်​လွႆ​ ၸီႉဢုၼ်ႇ ​ဢေႃႈ။ ၵေႃႉ​ဢၼ်​ဢိင်​ပိုင်ႈ​မၢၵ်ႇ​ႁိၼ်​ၼၼ်ႉ​ၸမ်ႉ၊ ဢမ်ႇ​မီး​တၢင်း​ဢၼ်​လီ​ဢူၵ်း​လီ​ဢၢႆ​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">ပိူဝ်ႈ​ၼႆ​လႄႈ တီႈ​သူ​ၸိူဝ်း​ဢၼ် မီး​တၢင်း​ဢၼ်​ယုမ်ႇ​မၢတ်ႈ​ၸမ်ႉ၊ မီး​မုၼ်​သရေႇ​ဢေႃႈ။ တီႈ​ၶဝ်​ၸိူဝ်း​ဢၼ်​ဢမ်ႇ​ထွမ်ႇ​ဢဝ်​ၼၼ်ႉ​ၸမ်ႉ။ မၢၵ်ႇ​ႁိၼ်​ဢၼ်​ၶဝ်​ၸိူဝ်း​ဢၼ်​ႁဵတ်း​တိူၵ်ႈ​ပႅတ်ႈ​ဝႆႉ​ၼၼ်ႉ ၵမ်း​လိုၼ်း​ပဵၼ်​ႁူဝ်​ၸဵင်ႇ​တိူၵ်ႈ​ဢေႃႈ။-</verse>
				<verse number="8">ပဵၼ်​မၢၵ်ႇ​ႁိၼ် ဢၼ်​တိူဝ်ႉ​မႅၼ်ႈ​လႄႈ​လူမ်ႉ ဢိၵ်ႇ​တင်း​မၢၵ်ႇ​ႁိၼ် ဢၼ်​ႁႂ်ႈ​ၽိတ်း​ပိူင်ႈ တီႈ​ၶဝ်​ၸိူဝ်း​ဢၼ်​ယင်း​ဢမ်ႇ​ထွမ်ႇ​ဢမ်ႇ​ဢဝ်​ယူႇ​သေ​လႄႈ တိူဝ်ႉ​မႅၼ်ႈ​ၼုၵ်ႈၵပၢတ်ႈ​တြႃး​လႄႈ​လူမ်ႉ​ၼၼ်ႉ​ဢေႃႈ။ မၼ်း​ၸဝ်ႈ​ၶၢၼ်း​ၶဝ်​ၼၼ်ႉ​ဝႆႉ ႁႂ်ႈ​လႆႈ​ထူပ်း​မႅၼ်ႈ​ဢမူႉ​ၼၼ်ႉ​ဢေႃႈ။-</verse>
				<verse number="9">သူ​ၸမ်ႉ၊ ပဵၼ်​မဵဝ်း​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်၊ မဵဝ်း​ယိတ်ႈပရေႃးႁဵၵ်ႈ ဢၼ်​မီး​ၸေး​ၸိမ်ႇ​ၶုၼ်၊ မဵဝ်း​ၵူၼ်း​ဢၼ်​မူတ်း​ၸၢင်ႇ ဢိၵ်ႇ​တင်း​မုၵ်ႉ​ၸုမ်း ဢၼ်​မၼ်း​ၸဝ်ႈ​ထိူၵ်ႈ​ပိူင်ႇ ႁႂ်ႈ​လႆႈ​ၽုၺ်ႇ​ဢွၵ်ႇ​ၼႄ​ပျႃး မုၼ်​ၵုင်ႇ​ၵျေး​ၸူး​မျၢတ်ႈ​ၸဝ်ႈ ဢၼ်​ႁွင်ႉ​ဢဝ်​သူ​ဢွၵ်ႇ​သေ​ၵႃႈ​ၼႂ်း ဢၼ်​လပ်း​သိင်ႇ​လႄႈ သႂၢင်း​သႂ်ႇ​ၵႃႈ​ၼႂ်း​ဢၼ်​လႅင်း ဢၼ်​လီ​ဢၢမ်း​ၼႃႇ​ၼၼ်ႉ​ဢေႃႈ။-</verse>
				<verse number="10">မိူဝ်ႈ​ဢွၼ်​ၼႆႉ​ၼၼ်ႉ ပဵၼ်​မုၵ်ႉ​ပဵၼ်​ၸုမ်း​ယူႇ​ဢမ်ႇ​ၸႂ်ႈ။ တေႃႈ​လဵဝ်​ၼႆႉ​ၸမ်ႉ၊ ပဵၼ်​မုၵ်ႉ​ပဵၼ်​ၸုမ်း​ၽြႃး​ပဵၼ်​ၸဝ်ႈ​ဢေႃႈ။ မိူဝ်ႈ​ဢွၼ်​ၼႆႉ​ၼၼ်ႉ ပိၵ်ႉ​သမ်ႉ​ဢမ်ႇ​လႆႈ​ၶၢမ်ႇ ၵျေး​ၸူး​ၵရူႉၼႃႇ​ၸဝ်ႈ​သေ​ၵေႃႈ မိူဝ်ႈ​လဵဝ်​ၼႆႉ​လႆႈ​ၶၢမ်ႇ​ဢေႃႈ။</verse>
				<verse number="11">သူ​ၸိူဝ်း​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ၼင်ႇ​ႁိုဝ်​သူ​တၵ်း​ဝႄႈ​ပႅတ်ႈ​သေ​တၢင်း​ဢၼ်​ၸွႆး​ၸပ်း​တူဝ်​ၵႃႇ​ယႃႉ ဢၼ်​ၸၢင်ႈ​တိုၵ်း​သိုၵ်း​ၵၼ်​တင်း​ၸႂ်​ဝီႉၺိၺ်ႇ​ၼၼ်ႉ​ၸိုင် ၵဝ်​တွင်း​ပၢၼ်ႇ​သူ​ၸိူဝ်း​ဢၼ်​ပဵၼ်​ၸိူဝ်ႉ​ၼင်ႇ​ၶႅၵ်ႇ​ဢႃႇၵၼ်ႇတူႉ​ၼၼ်ႉ​ယူႇ​ဢေႃႈ။-</verse>
				<verse number="12">ဢွၼ်​ၵၼ်​ၵမ်​ၵျၢင်ႉ​ဢၼ်​ထုၵ်ႇ​ဢၼ်​လီ ၵႃႈ​ၼႂ်း​ၵူၼ်း​သႃႇသၼႃႇ​ပႃႉ​တင်း​လၢႆ လွင်ႈ​ၼင်ႇ​ႁိုဝ်​ၼႂ်း​လွင်ႈ​တၢင်း​ဢၼ်​ၶဝ်​တၢင်ႇ​ဢပႅတ်ႈ​သႄႉ​သွမ်း​သူ​ၼၼ်ႉ၊ ၶဝ်​တၵ်း​ထွၵ်ႈ​လူၺ်ႈ​တၢင်း​ၵမ်​တၢင်း​ၵျၢင်ႉ​သူ ဢၼ်​လီ​ဢၼ်​ငၢမ်း​ၼၼ်ႉ​သေ​လႄႈ ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ၼႂ်း​ဝၼ်း​ဢၼ်​မၼ်း​ၸဝ်ႈ​တၵ်း​လူ​တူၺ်း​လႄႈ​ၸီႇ​ယၢင်ႇ​ၼၼ်ႉ​တႃႉ။</verse>
				<verse number="13">ထွၵ်ႈ​လူၺ်ႈ​ၼႃႈ​ၽြႃး​ပဵၼ်​ၸဝ်ႈ​ယူႇ​သေ​လႄႈ ပဵၼ်​ၶုၼ်​ႁေႃ​ၶမ်း ဢၼ်​ပဵၼ်​ဢၼ်​ထွတ်ႈ​ဢၼ်​မျၢတ်ႈ​ၼၼ်ႉ သေ​ဢမ်ႇ​ဝႃႈ၊-</verse>
				<verse number="14">ပဵၼ်​ဝုၼ်ႇ ဢၼ်​ၶုၼ်​ႁေႃ​ၶမ်း​ၶၢၼ်း​ဝႆႉ ႁႂ်ႈ​လႆႈ​ၸီႇ​ယၢင်ႇ​တၢမ်ႇ တီႈ​ၵူၼ်း​ႁၢႆႉ​တင်း​လၢႆ ဢိၵ်ႇ​တင်း​ႁႂ်ႈ​လႆႈ​ယွင်ႈ​ယေႃး​ၵူၼ်း​လီ​တင်း​လၢႆ​ၼၼ်ႉ သေ​ဢမ်ႇ​ဝႃႈ၊ ဢွၼ်​ၵၼ်​ႁပ်ႉ​တုင်း​ဢဝ် တၢင်း​ဢၼ်​ၶုၼ်​ၵႃႈ​ဢၼ်​ၸီႇ​ယၢင်ႇ​ၶၢၼ်း​ဝႆႉ ၼႂ်း​ၵူၼ်း​တင်း​လၢႆ​ၼၼ်ႉ ဢုပ်ႉ​ပိူင်ႇ​ၼၼ်ႉ​တႃႉ။-</verse>
				<verse number="15">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ မီး​ဢလူဝ်ႇ​ၸိူဝ်ႉ​ၼင်ႇ​ၼၼ် ႁႂ်ႈ​သူ​လႆႈ​ၵႄႈ​လိတ်ႈ​ၵႂၢမ်း​မိူၵ်ႈ​လပ်း​သိင်ႇ​ၶဝ်​ၸိူဝ်း​ဢၼ်​မိူၵ်ႈ​ၼၼ်ႉ ၵွပ်ႈ​ပိူဝ်ႈ​ဢၼ်​သူ​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​လီ​ဢၼ်​ငၢမ်း​ၼၼ်ႉ​ဢေႃႈ။-</verse>
				<verse number="16">ပိၵ်ႉ​သမ်ႉ​ပဵၼ်​ၵူၼ်း​လွတ်ႈ​သေ​ၵေႃႈ ယင်း​ဢမ်ႇ​ၵမ်​ဢမ်ႇ​ၵျၢင်ႉ​ၸိူဝ်ႉ​ၼင်ႇ​ဢၼ် ဢဝ်​တၢင်း​ဢၼ်​လွတ်ႈ​ၼၼ်ႉ ႁူမ်ႇ​ဝႆႉ​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ​သေ​လႄႈ ဢွၼ်​ၵၼ်​ၵမ်​ၵျၢင်ႉ​ယူႇ​ၸိူဝ်ႉ​ၼင်ႇ​ၶႃႈ​ၽြႃး​ပဵၼ်​ၸဝ်ႈ​တႃႉ။</verse>
				<verse number="17">ႁဵတ်း​ရူဝ်ႇ​သေႇ​ၵူဝ်​ယမ်​ၵူၼ်း​တင်း​သဵင်ႈ​တင်း​လူင်​တႃႉ။ ႁၵ်ႉ​ပႅင်း​ပီႈ​ၼွင်ႉ​တင်း​လၢႆ​တႃႉ။ ၵူဝ်​ႁႄ​ၽြႃး​ပဵၼ်​ၸဝ်ႈ​တႃႉ။ မီး​တၢင်း​ဢၼ်​ရူဝ်ႇ​သေႇ​ၵူဝ်​ယမ်​ၶုၼ်​ႁေႃ​ၶမ်း​တႃႉ။</verse>
				<verse number="18">ၵူၼ်း​ဢွၼ်ႇ​ဢၼ်​လႆႈ​ၶၢမ်ႇ တၢင်း​ၸႂ်ႉ​တၢင်း​သွႆ​ၶဝ်​ဢိူၺ်း၊ မီး​တၢင်း​ဢၼ်​ၵူဝ်​ဢၼ်​ႁႄ​ၼႃႇ​လူင်​လၢင်​သေ​လႄႈ ဢွၼ်​ၵၼ်​ႁပ်ႉ​တုင်း​ဢဝ် တၢင်း​ဢၼ်​ၸဝ်ႈ​သူ​ဢုပ်ႉ​ပိူင်ႇ​ၼၼ်ႉ​တႃႉ။ ၸဝ်ႈ​ၼၼ်ႉ​မီး​ၸႂ်​ဢၼ်​လီ​ဢၼ်​ငၢမ်း​လႄႈ သၽေႃး​ၼိမ်​သိမ်ႇ​ဢူၼ်ႈ​ဢွၼ်ႇ သေ​ဢမ်ႇ​ဝႃႈ၊ မီး​သၽေႃး​ဢၼ်​ၵျၢမ်း​လိူင်း သေ​ဢမ်ႇ​ဝႃႈ၊ ႁပ်ႉ​တုင်း​ဢဝ်​တႃႉ။-</verse>
				<verse number="19">လွင်ႈ​မၼ်း​ၸမ်ႉ ပေႃး​ထွၵ်ႈ​လူၺ်ႈ​ၼႃႈ​ၽြႃး​ပဵၼ်​ၸဝ်ႈ​သေ​လႄႈ လႆႈ​ၶၢမ်ႇ​တၢင်း​ဢၼ်​သႄႉ​ဢၼ်​သွမ်း​ဢၼ်​ဢမ်ႇ​တြႃး​လႄႈ ယိူၼ်ႉ​ၶၢမ်ႇ​တၢင်း​ဢၼ်​ၸဵပ်း​ၸႂ်​ၸိုင် မီး​ၵျေး​ၸူး​ဢေႃႈ။-</verse>
				<verse number="20">ပေႃး​ယိူၼ်ႉ​ၶၢမ်ႇ​ၼႂ်း​မိူဝ်ႈ​ဢၼ် လႆႈ​ၶၢမ်ႇ​တၢမ်ႇ​ၵွပ်ႈ​ပိူဝ်ႈ ဢပႅတ်ႈ​တူဝ်​ၸဝ်ႈ​ၵဝ်ႇ​ၼၼ်ႉ​ၸိုင်၊ တၵ်း​မီး​လွင်ႈ​ဢၼ်​လီ​ယွင်ႈ​ယေႃး ၸိူဝ်ႉ​ၼင်ႇ​ႁိုဝ်။ ပေႃး​ယိူၼ်ႉ​ၶၢမ်ႇ ၼႂ်း​မိူဝ်ႈ​ဢၼ် ႁဵတ်း​ဢၼ်​လီ​ဢၼ်​ငၢမ်း​ယူႇ​လႄႈ လႆႈ​ၶၢမ်ႇ​တၢင်း​ၽၢၼ်​ၼၼ်ႉ​ၸိုင် တၵ်း​မီး​ၵျေး​ၸူး​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="21">လွင်ႈ​မၼ်း​ၸမ်ႉ မၼ်း​ၸဝ်ႈ​ႁွင်ႉ​ဢဝ်​သူ ႁႂ်ႈ​လႆႈ​ပဵၼ်​ၸိူဝ်ႉ​ၼင်ႇ​ၼၼ်​ယဝ်ႉ။ ၸဝ်ႈ​ၶရိၸ်ႈ​ၶၢမ်ႇ​ပုၼ်ႈ​သူ​လႄႈ ဝႆႉ​ပုင်ႇ​သၢၵ်ႈ​သေႇ​တီႈ​သူ ႁႂ်ႈ​သူ​လႆႈ​ၸွမ်း​ႁွႆး​တိၼ်​မၼ်း​ၸဝ်ႈ၊-</verse>
				<verse number="22">ဢၼ်​ဢမ်ႇ​ႁဵတ်း​တူႉ​ၸရိူၵ်ႈ၊ ဢၼ်​ၵႃႈ​ၼႂ်း​သူပ်း​ၸဝ်ႈ​ၵေႃႈ ႁႃ​လႄႈ​ဢမ်ႇ​ထူပ်း​မူႉ​သႃႇ၊-</verse>
				<verse number="23">ဢၼ်​မိူဝ်ႈ​ဢၼ်​လႆႈ​ၶၢမ်ႇ တၢင်း​ဢၼ်​သႄႉ​သွမ်း​ၼၼ်ႉ ဢမ်ႇ​ၶိုၼ်း​သႄႉ​ၶိုၼ်း​သွမ်း၊ ဢၼ်​မိူဝ်ႈ​ဢၼ်​လႆႈ​ၶၢမ်ႇ​တၢင်း​တၢႆ​ၼၼ်ႉ ဢမ်ႇ​ႁိုတ်း​ဢမ်ႇ​လွၵ်ႇ၊ ဢၼ်​ဢဝ်​တူဝ်​ၸဝ်ႈ​ၵဝ်ႇ ဢၢပ်ႈ​တီႈ​ၸဝ်ႈ​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး၊-</verse>
				<verse number="24">ဢၼ်​ဢဝ်​တူဝ်​ၸဝ်ႈ​ၵဝ်ႇ ၶၢမ်ႇ​ဢပႅတ်ႈ​ႁဝ်း​တင်း​လၢႆ​ၵႃႈ​တီႈ​သဝ်​မႆႉ ႁႂ်ႈ​ႁဝ်း​လႆႈ​ပဵၼ်​ဢၼ်​တၢႆ ၵႃႈ​တီႈ​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ဢပႅတ်ႈ​ၼၼ်ႉ​လႄႈ ဢသၢၵ်ႈ​လိပ်း​ၵႃႈ​တီႈ​လွင်ႈ​တၢင်း​ဢၼ်​သိုဝ်ႈ​တေႃႇ​ၼၼ်ႉ၊ ဢၼ်​ႁႂ်ႈ​တၢင်း​ၶႆႈ​တၢင်း​ပဵၼ်​သူ​လႆႈ​ႁၢႆ ၵွပ်ႈ​ပိူဝ်ႈ​ႁွႆး​တၢမ်ႇ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="25">မိူဝ်ႈ​ဢွၼ်​ၼႆႉ​ၼၼ်ႉ သူ​ၽိတ်း​တၢင်း​ယူႇ မိူၼ်​ၸိူဝ်ႉ​ၼင်ႇ​သူဝ်း ဢၼ်​ႁၢႆ​ၵႂႃႇ​ၼၼ်ႉ​ဢေႃႈ။ တေႃႈ​လဵဝ်​ၼႆႉ​ၸမ်ႉ၊ သူ​သမ်ႉ​ၶိုၼ်း​ႁွတ်ႈ​ထိုင် ၵႃႈ​တီႈ​ၵေႃႉ​ဢၼ်​လဵင်ႉ​ထိင်း​သူဝ်း ဢၼ်​ဝႃႈ​ၸဝ်ႈ​ဢၼ် လူ​တူၺ်း​ဢုပ်ႉ​ပိူင်ႇ​ဝီႉၺိၺ်ႇ​သူ​ၼၼ်ႉ​ယဝ်ႉ။</verse>
			</chapter>
			<chapter number="3">
				<verse number="1">ၵႃႈ​ၼင်ႇ​ဢၼ်​ဝႃႈ​မႃး​ယဝ်ႉ​ဢွၼ်​တၢင်း​ၼၼ်ႉ ၽူႈ​ယိင်း​ၶဝ်​ဢိူၺ်း၊ ဢွၼ်​ၵၼ်​ႁပ်ႉ​တုင်း​ဢဝ် တၢင်း​ဢၼ်​ၽူဝ်​သူ​ဢုပ်ႉ​ပိူင်ႇ​တႃႉ။-</verse>
				<verse number="2">သူ​ႁဵတ်း​ၸိူဝ်ႉ​ၼင်ႇ​ၼၼ်​လႄႈ ပေႃး​မီး​ၽူႈ​ၸၢႆး​ဢၼ်​ဢမ်ႇ​ထွမ်ႇ​ဢမ်ႇ​ဢဝ် ၼုၵ်ႈၵပၢတ်ႈ​တြႃး​ၸဝ်ႈ​ၼၼ်ႉ ၵမ်ႈ​ၽွင်ႈ​ၸိုင်၊ ပိၵ်ႉ​သမ်ႉ​ၶဝ်​ၼၼ်ႉ ဢမ်ႇ​ထွမ်ႇ​ဢမ်ႇ​ဢဝ်​တြႃး​ၸဝ်ႈ​သေ​ၵေႃႈ၊ မိူဝ်ႈ​ဢၼ်​ၶဝ်​တူၺ်း​လူ​တၢင်း​ၵမ်​တၢင်း​ၵျၢင်ႉ​သူ ဢၼ်​ၸိုၼ်ႈ​ၸၢင်ႇ​ၶၢဝ်​သႂ်ႇ ဢိၵ်ႇ​တင်း​တၢင်း​ဢၼ်​သူ​ၵူဝ်​ႁႄ​ၼၼ်ႉ​ၸိုင်၊ ၵွပ်ႈ​ပိူဝ်ႈ​ၼုၵ်ႈၵပၢတ်ႈ​ၸဝ်ႈ​ဢမ်ႇ​ၸႂ်ႈ​လႄႈ တၵ်း​မီး​လွင်ႈ​ဢၼ်​တၵ်း​ၸူဝ်း​ဢဝ်​လႄႈ ပႃး​လူၺ်ႈ​ၵၼ်​ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​မေး​တူဝ်​ၸဝ်ႈ​ၵဝ်ႇ​ၼၼ်ႉ​ဢေႃႈ။-</verse>
				<verse number="3">တၢင်း​ဢၼ်​သူ​ႁၢင်ႈ​ၶိူင်ႈ​ၸမ်ႉ၊ ယင်း​ဢမ်ႇ​ႁႂ်ႈ​ပဵၼ်​တၢင်း​ဢၼ်​ၽၼ်ႈ​ဢၼ်​ၽိူဝ်​ၶူၼ်​ႁူဝ်၊ တၢင်း​ဢၼ်​တိုဝ်း​ၶိူင်ႈ​ၶမ်း၊ တၢင်း​ဢၼ်​ၼုင်ႈ​ၶူဝ်း​ၼုင်ႈ​လဵင်း​ဢၼ်​ဝႃႈ တၢင်း​ဢၼ်​ႁၢင်ႈ​ၶိူင်ႈ​ၵႃႈ​ၼွၵ်ႈ​လႄႈ၊-</verse>
				<verse number="4">ႁႂ်ႈ​ပဵၼ်​ႁူဝ်​ၸႂ်​ၵူၼ်း​ၵႃႈ​ၼႂ်း ဢၼ်​မီး​တၢင်း​ဢၼ်​ႁၢင်ႈ​ၶိူင်ႈ​ဢၼ်​ဢမ်ႇ​လူႉ​လႅဝ်​ၽွၵ်ႈ​ပျၢၼ်ႇ​ၶိုၼ်း​ဢၼ်​ဝႃႈ သၽေႃး​ဢၼ်​ၼိမ်​သိမ်ႇ​ဢူၼ်ႈ​ဢွၼ်ႇ ဢၼ်​ထိူၵ်ႈ​ၵႃႈ​ထိူၵ်ႈ​ၶၼ်​ယႂ်ႇ​ၼႃႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ​တႃႉ။-</verse>
				<verse number="5">မိူဝ်ႈ​ဢွၼ်​ၼႆႉ​ၼၼ်ႉ ၽူႈ​ယိင်း​ဢၼ်​မူတ်း​ၸၢင်ႇ​လႄႈ​ဢိင်​ပိုင်ႈ​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ ႁၢင်ႈ​ၶိူင်ႈ​တူဝ်​ၸဝ်ႈ​ၵဝ်ႇ​ၸိူဝ်ႉ​ၼင်ႇ​ၼၼ်​ယူႇ​သေ​လႄႈ ႁပ်ႉ​တုင်း​ဢဝ်​တၢင်း​ဢၼ်​ၽူဝ်​တူဝ်​ၸဝ်ႈ​ၵဝ်ႇ​ဢုပ်ႉ​ပိူင်ႇ၊-</verse>
				<verse number="6">မိူၼ်​ၸိူဝ်ႉ​ၼင်ႇ​ဢၼ်​ ၸႃႇရႃႇ ​ႁွင်ႉ​ ဢႃႇပြႃႇႁၢမ်ႇ ​လႄႈ​ဝႃႈ၊ ၸဝ်ႈ၊ ဝႃႈ​ၼင်ႇ​ၼႆ​ၼၼ်ႉ​လႄႈ ထွမ်ႇ​ဢဝ်​ၵႂၢမ်း​မၼ်း​ၼၼ်ႉ​ဢေႃႈ။ ပေႃး​သူ​ၵမ်​ၵျၢင်ႉ​လီ​လီ​ငၢမ်း​ငၢမ်း​လႄႈ ယင်း​ဢမ်ႇ​ၵူဝ်​ဢမ်ႇ​သၼ်ႇ​ယူႇ​သေ​ဢိတ်း​ၸိုင် သူ​ပဵၼ်​လုၵ်ႈ​ယိင်း​ ၸႃႇရႃႇ ​ၼၼ်ႉ​ဢေႃႈ။</verse>
				<verse number="7">မိူၼ်​ၸိူဝ်ႉ​ၼင်ႇ​ၼၼ်၊ ၽူႈ​ၸၢႆး​ၶဝ်​ဢိူၺ်း၊ လွင်ႈ​ၼင်ႇ​ႁိုဝ်​သူ​တၵ်း​ဢမ်ႇ​မီး​လွင်ႈ တၢင်း​ဢၼ်​ႁႄႉ​ဢၼ်​ၶႅၼ် ၼႂ်း​တၢင်း​ဢၼ်​သူ​သူး​တွင်း ႁဵတ်း​ပထၼႃႇ​ၼၼ်ႉ​ၸိုင် မီး​တင်း​သတီႉ​ပိင်ႇ​ၺႃႇ​ယူႇ​လူၺ်ႈ​ၵၼ်​တင်း မေး​တူဝ်​ၸဝ်ႈ​ၵဝ်ႇ​လႄႈ ၸွႆႈ​ထႅမ်​လူ​တူၺ်း​မၼ်း​ၸွမ်း​ၵႃႈ​ၼင်ႇ​ဢၼ် ထုၵ်ႇ​လီ​ႁဵတ်း​တီႈ​ၵေႃႉ​ဢၼ်​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ၊ မိူၼ်​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ် သိူၵ်ႈ​သမ်ႇ​ၵၼ်​တင်း​ၵျေး​ၸူး​ၸဝ်ႈ တၢင်း​ဢၼ်​ဢသၢၵ်ႈ​လိပ်း​လႄႈ လႆႈ​ၶၢမ်ႇ​ဢမူၺ်ႇ​ၼင်ႇ​ၵၼ်​ၵၼ်​ၼၼ်ႉ​တႃႉ။</verse>
				<verse number="8">ၵႂၢမ်း​ဢၼ်​ႁူမ်ႇ​လူမ်ႈ​ၸမ်ႉ၊ သူ​ၵႃႈ​မီး​တင်း​သဵင်ႈ​တင်း​လူင် မီး​ႁူဝ်​ၸႂ်​ဢၼ်​လဵဝ်​ၵၼ်​တႃႉ။ မီး​တၢင်း​ဢၼ်​ၸၢင်ႈ​မႆႈ​ၸႂ်​လူၺ်ႈ​ပိူၼ်ႈ တၢင်း​ဢၼ်​ၸၢင်ႈ​ႁၵ်ႉ​ပႅင်း​ပီႈ​ၼွင်ႉ​ၵၼ်၊ တၢင်း​ဢၼ်​ၸၢင်ႈ​ဢဵတ်း​လူ​ၸူမ်း​ပႅင်း၊ တၢင်း​ဢၼ်​ႁူဝ်​ၸႂ်​ၸၢင်ႈ​ၶျႃး​တႅမ်ႇ​ၼၼ်ႉ​တႃႉ။-</verse>
				<verse number="9">မၢတ်ႈ​တွင်း​လွင်ႈ​ဢၼ်​သူ​ပဵၼ်​ၵေႃႉ​ဢၼ် မၼ်း​ၸဝ်ႈ​ႁွင်ႉ​ႁႂ်ႈ​လႆႈ​ၶၢမ်ႇ​ဢဝ်​ဢမူၺ်ႇ​တၢင်း​လီ​မင်ႇၵလႃႇ​ၼၼ်ႉ​ဝႆႉ​သေ​လႄႈ ယင်း​ဢမ်ႇ​ၶိုၼ်း​တွပ်ႇ​တၢင်း​ၽိတ်း၊ ယင်း​ဢမ်ႇ​ၶိုၼ်း​သႄႉ​သွမ်း​လႄႈ ႁဵတ်း​တၢင်း​ဢၼ်​သူင်ႇ​ပၼ်​မႅတ်ႈ​တႃႇ​ၵူၺ်း​တႃႉ။</verse>
				<verse number="10">ၵေႃႉ​ဢၼ်​မီး​ဢလူဝ်ႇ​ၶႂ်ႈ​ႁၵ်ႉ​ပႅင်း​ဢသၢၵ်ႈ​လႄႈ ထူပ်း​ႁၼ်​ဝၼ်း​ဢၼ်​လီ​ဢၼ်​ငၢမ်း​ၼမ်​ၼႃႇ​ၼၼ်ႉ​ၸမ်ႉ၊ ႁႂ်ႈ​လိၼ်ႉ​တူဝ်​ၸဝ်ႈ​ၵဝ်ႇ ၵၢင်း​လွတ်ႈ​တင်း​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ငၢမ်း​တႃႉ။ သူပ်း​တူဝ်​ၸဝ်ႈ​ၵဝ်ႇ​ၵေႃႈ ယႃႇ​ပေ​ႁႂ်ႈ​လၢတ်ႈ​ၵႂၢမ်း​မူႉ​သႃႇ။-</verse>
				<verse number="11">ႁႂ်ႈ​ဝႄႈ​ပႅတ်ႈ​တူႉ​ၸရိူၵ်ႈ​လႄႈ ႁဵတ်း​သူႉ​ၸရိူၵ်ႈ​တႃႉ။ ႁႂ်ႈ​ႁႃ​တၢင်း​ဢၼ်​ယူႇ​ထုၵ်ႇ​ထုၵ်ႇ​ၵၼ်​တင်း​ပိူၼ်ႈ​တၢင်ႇ​ၵေႃႉ​လႄႈ ၸွမ်း​ႁႂ်ႈ​ၶိုတ်း​တႃႉ။-</verse>
				<verse number="12">လွင်ႈ​မၼ်း​ၸမ်ႉ မၢၵ်ႇ​တႃ​ထႃႇဝရႃႉ​ၽြႃး​လူ​တူၺ်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ​ယူႇ​ဢေႃႈ။ တၢင်း​ဢၼ်​ၶဝ်​ႁဵတ်း​သူး​တွင်း​ပထၼႃႇ​ၵေႃႈ ႁူ​မၼ်း​ၸဝ်ႈ​ထွမ်ႇ​ဢဝ်​ယူႇ​ဢေႃႈ။ တီႈ​ၶဝ်​ၸိူဝ်း​ဢၼ်​ႁဵတ်း​တူႉ​ၸရိူၵ်ႈ​ၼၼ်ႉ​ၸမ်ႉ၊ ထႃႇဝရႃႉ​ၽြႃး​ဝၢႆႇ​ၼႃႈ​ပႅတ်ႈ​ဢေႃႈ။-</verse>
				<verse number="13">ပေႃး​သူ​ပဵၼ်​ၵေႃႉ​ဢၼ်​ၵမ်​ၵျၢင်ႉ​လွင်ႈ​တၢင်း​ဢၼ်​လီ​ဢၼ်​ငၢမ်း​ယူႇ​ၸိုင်၊ ၽူႈ​လႂ်​တၵ်း​ၼိၵ်ႈ​ၸၢၵ်ႈ​ငႅၼ်း​သႄး​သူ။</verse>
				<verse number="14">ပေႃး​သူ​လႆႈ​ၶၢမ်ႇ​တၢင်း​ၽၢၼ် ၵွပ်ႈ​ပိူဝ်ႈ​တြႃး​တၢင်း​ဢၼ်​သိုဝ်ႈ​တေႃႇ​ၸိုင်၊ သူ​မီး​မင်ႇၵလႃႇ​ဢေႃႈ။ လွင်ႈ​တၢင်း​ဢၼ်​ၶဝ်​ၸၢင်ႈ​ၵူဝ်​ၸၢင်ႈ​ႁႄ​ၼၼ်ႉ​ၸိုင် ယႃႇ​ပေ​ၵူဝ်​ပေ​ႁႄ။ ယႃႇ​ပေ​တူၵ်း​ၸႂ်။-</verse>
				<verse number="15">ၵႃႈ​ၼႂ်း​ႁူဝ်​ၸႂ်​သူ​မီး​တၢင်း​ဢၼ်​ရူဝ်ႇ​သေႇ​ၵူဝ်​ယမ် ၸဝ်ႈ​ၶရိၸ်ႈ​ဢၼ်​ပဵၼ်​ထႃႇဝရႃႉ​ၽြႃး​ၼၼ်ႉ​တႃႉ။ လွင်ႈ​ၼင်ႇ​ႁိုဝ်​တၵ်း​မီး​တင်း​သၽေႃး​ဢၼ်​ဢူၼ်ႈ​ဢွၼ်ႇ ဢိၵ်ႇ​တင်း​သၽေႃး​ဢၼ်​ၵူဝ်​ႁႄ​သေ​လႄႈ ၶိုၼ်း​လၢတ်ႈ​တီႈ​ၶဝ်​ၵႃႈ​ဢၼ်​တွင်ႈ​ထၢမ်​လွင်ႈ​တၢင်း​ဢၼ် သူ​မုင်ႈ​ထႃႈ​မွင်း​ထႃႈ​ယူႇ​ၼၼ်ႉ​ၸိုင်၊ မႄး​ႁႅၼ်း​မီး​ဝႆႉ​ယူႇ​ၶိင်ႇ​ၵႃႇလႃႉ​တႃႇ​သေႇ​ဢမ်ႇ​ထၢတ်ႇ​တႃႉ။-</verse>
				<verse number="16">လွင်ႈ​ၼင်ႇ​ႁိုဝ်​ၶဝ်​ၸိူဝ်း​ဢၼ်​ယႃႉ​သရေႇ တၢင်း​ၵမ်​တၢင်း​ၵျၢင်ႉ​ဢၼ်​သူ​ၵမ်​ၵျၢင်ႉ ၼႂ်း​ၸဝ်ႈ​ၶရိၸ်ႈ​ၼၼ်ႉ​ၼၼ်ႉ တၵ်း​မီး​တၢင်း​ဢၼ်​လီ​ဢူၵ်း​လီ​ဢၢႆ​ၼႂ်း​မိူဝ်ႈ​ဢၼ် ၶဝ်​သႄႉ​သွမ်း​တၢင်ႇ​ဢပႅတ်ႈ​ယူႇ​ၼၼ်ႉ​ၸိုင်၊ သူ​မီး​ၸႂ်​ဢၼ်​ႁူႉ​တူဝ်​ၸဝ်ႈ​ၵဝ်ႇ ဢၼ်​မူတ်း​သႂ်​လႄႈ​ယူႇ​တႃႉ။-</verse>
				<verse number="17">ပေႃး​ၽြႃး​ပဵၼ်​ၸဝ်ႈ​မီး​ဢလူဝ်ႇ​ၸိုင် တၢင်း​ဢၼ်​ႁဵတ်း​သူႉ​ၸရိူၵ်ႈ​လႄႈ လႆႈ​ၶၢမ်ႇ​တၢင်း​ၽၢၼ်​ၼၼ်ႉ လီ​ၼႃႇ​သေ​တၢင်း​ဢၼ်​ႁဵတ်း​တူႉ​ၸရိူၵ်ႈ​ဢေႃႈ။-</verse>
				<verse number="18">ၵွပ်ႈ​ပိူဝ်ႈ​ဢၼ်​ၸဝ်ႈ​ၶရိၸ်ႈ ၶၢမ်ႇ​တၢင်း​ဢၼ်​ဢဝ်​တၢႆ​ၵႃႈ​ၼႂ်း​တူဝ်​ၶၼ်ႇ​ထႃႇ​သေ​လႄႈ ႁွတ်ႈ​ထိုင်​တၢင်း​ဢၼ်​ဢသၢၵ်ႈ​လိပ်း ၵွပ်ႈ​ပိူဝ်ႈ ဝီႉၺိၺ်ႇ​ၸဝ်ႈ​ၼၼ်ႉ​လႄႈ၊ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​လႆႈ​ၶၢမ်ႇ ပုၼ်ႈ​ၶဝ်​ၸိူဝ်း​ဢၼ်​ဢမ်ႇ​သိုဝ်ႈ​တေႃႇ​ၼၼ်ႉ ၵွပ်ႈ​ပိူဝ်ႈ​တူႉ​ၸရိူၵ်ႈ​ဢပႅတ်ႈ​တင်း​လၢႆ ပွၵ်ႈ​လဵဝ်​ၵူၺ်း ႁႂ်ႈ​လႆႈ​ဢဝ်​ႁဝ်း​သူင်ႇ​ထိုင်​ႁွတ်ႈ ၵႃႈ​တီႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="19">ၵွပ်ႈ​ပိူဝ်ႈ​ဝီႉၺိၺ်ႇ​ၸဝ်ႈ​ၼၼ်ႉ​ၵေႃႈ မၼ်း​ၸဝ်ႈ​ၵႂႃႇ​လႄႈ​ႁေႃး​လၢတ်ႈ​တြႃး ၵႃႈ​တီႈ​ဝီႉၺိၺ်ႇ​ဢၼ်​ၶင်​ဝႆႉ​ၼႂ်း​ထွင်ႇ​တင်း​လၢႆ၊-</verse>
				<verse number="20">ဢၼ်​ပိၵ်ႉ​သမ်ႉ​ၽြႃး​ပဵၼ်​ၸဝ်ႈ​ၶၼ်ႇထီႇ​ယိူၼ်ႉ​ထႃႈ ၼႂ်း​ၸူဝ်ႈ​ၼႂ်း​ပၢၼ် ၼူဝ်းဢႃႇ ၼႂ်း​မိူဝ်ႈ​ဢၼ်​မၼ်း​ယင်း​တိုၵ်ႉ မႄး​ႁဵတ်း​ႁိူဝ်း​သၢင်း​ၽေႃး​ဢၼ်​ဢဝ်​တင်း​ၼမ်ႉ ၵႄႇ​ၶျွတ်ႈ​ဢဝ်​ၵူၼ်း​ၵေႇ​ၵေႇ​ဢၼ်​ဝႃႈ ၵူၼ်း​ပႅတ်ႇ​ၵေႃႉ​ၼၼ်ႉ​သေ​ၵေႃႈ၊ ပဵၼ်​ဝီႉၺိၺ်ႇ​ဢၼ်​ဢမ်ႇ​ထွမ်ႇ​ဢမ်ႇ​ဢဝ် ၼႂ်း​ၶိင်ႇ​ၵႃႇလႃႉ​မိူဝ်ႈ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="21">ၸွမ်း​ၼင်ႇ​ဢူႉပမႃႇ​ၼၼ်ႉ​လႄႈ၊ ၼႂ်း​ၶိင်ႇ​တေႃႈ​လဵဝ်​ၼႆႉ ပပ်ႉတီႉၸမ်ႇ ​ၸိုင်​ၸၢင်ႈ​ၵႄႇ​ၶျွတ်ႈ​ဢဝ်​ႁဝ်း ၵွပ်ႈ​ပိူဝ်ႈ​တၢင်း​ဢၼ် ယေႇသူႉ​ၶရိၸ်ႈ ​လုၵ်ႉ​ၶိုၼ်း​ၼၼ်ႉ​ဢေႃႈ။ ဢၼ်​ဝႃႈ​ ပပ်ႉတီႉၸမ်ႇ ​ၼၼ်ႉ​ၸမ်ႉ၊ ဢမ်ႇ​ၶႂ်ႈ​ဝႃႈ​တၢင်း​ဢၼ်​သုၵ်ႈ​ပွတ်ႈ​တၢင်း​ဢၼ်​ၵူဝ်ႈ​ၵိူၵ်ႇ​တူဝ်​ၵႃႇ​ယႃႉ။ ၶႂ်ႈ​ဝႃႈ​တၢင်း​ဢၼ်​ၸႂ်​ဢၼ်​ႁူႉ တူဝ်​ၸဝ်ႈ​ၵဝ်ႇ​မူတ်း​သႂ်​သေ​လႄႈ ႁပ်ႉ​တုင်း​ဢဝ်​ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။-</verse>
				<verse number="22">ၸဝ်ႈ​ၼၼ်ႉ ပိူဝ်ႈ​ဢၼ်​ၶိုၼ်ႈ​ၵႂႃႇ​ၵႃႈ​ၼိူဝ် မိူင်း​ၵၢင်​ႁၢဝ်​လႄႈ ဢုပ်ႉ​ပိူင်ႇ​တမၢၼ်ႇ​ၵၢင်​ႁၢဝ် ဢိၵ်ႇ​တင်း​ဢႃႇၼႃႇၸၢၵ်ႈ တင်း​တၼ်း​ၶူဝ်း​တင်း​လၢႆ​သေ​လႄႈ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၽြႃး​ပဵၼ်​ၸဝ်ႈ​ဢေႃႈ။</verse>
			</chapter>
			<chapter number="4">
				<verse number="1">ၵွပ်ႈ​ပိူဝ်ႈ​ဢၼ်​ၸဝ်ႈ​ၶရိၸ်ႈ​ၶၢမ်ႇ​ၼႂ်း တူဝ်​ၶၼ်ႇ​ထႃႇ​ၸိူဝ်ႉ​ၼင်ႇ​ၼၼ် ပုၼ်ႈ​ႁဝ်း​ဢမၢၼ်ႇ​ၶၼ်​ပဵၼ်​လႄႈ သူ​ၵေႃႈ​ဢဝ်​သၽေႃး​ၸိူဝ်ႉ​ၼင်ႇ​ၼၼ် ႁဵတ်း​လၢၵ်ႈ​ၼၢၵ်ႈ​သေ​လႄႈ​သုင်း​သွင်ႇ​တႃႉ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ဢၼ်​ၵေႃႉ​ဢၼ်​လႆႈ​ၶၢမ်ႇ တီႈ​တူဝ်​ၶၼ်ႇ​ထႃႇ​ၼၼ်ႉ လႆႈ​ၵၢင်း​လွတ်ႈ​ထၢတ်ႇ​ယဵၼ်​တင်း​တူႉ​ၸရိူၵ်ႈ​လႄႈ၊-</verse>
				<verse number="2">ၵမ်း​လိုၼ်း​သူ​ယင်း​ဢမ်ႇ​ၵမ်​ဢမ်ႇ​ၵျၢင်ႉ​ၸွမ်း​ၼင်ႇ တြႃး​ၸႃႇ​တီႉ​ပၵတီႉ တၢင်း​ဢၼ်​ၵူၼ်း​တင်း​လၢႆ ၸွႆး​ၸပ်း​ၼၼ်ႉ​လႄႈ ၵမ်​ၵျၢင်ႉ​ၸွမ်း​ၼင်ႇ ဢလူဝ်ႇ​ၽြႃး​ပဵၼ်​ၸဝ်ႈ​ယူႇ​သေ​လႄႈ ၸၢင်ႈ​ႁႂ်ႈ​ၶိင်ႇ​ၵႃႇလႃႉ ဢသၢၵ်ႈ​ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ ပူၼ်ႉ​ၵႂႃႇ​ယူႇ​ဢေႃႈ။-</verse>
				<verse number="3">ၶိင်ႇ​ၵႃႇလႃႉ​ဢသၢၵ်ႈ​ႁဝ်း ဢၼ်​ႁဝ်း​ၸွမ်း​ၼင်ႇ​ဢလူဝ်ႇ​ၵူၼ်း​သႃႇသၼႃႇ​ပႃႉ​တင်း​လၢႆ​သေ​လႄႈ ၵမ်​ၵျၢင်ႉ​ၵီႉလေႇသႃႇ တၢင်း​ဢၼ်​ၵူဝ်ႈ​ဢၼ်​ၵိူၵ်ႇ၊ တၢင်း​ဢၼ်​ၸွႆး​ဢၼ်​ၸပ်း​ၵႃႇမႃႉ၊ တၢင်း​ဢၼ်​မဝ်း​လဝ်ႈ​မဝ်း​ၵမ် လူၺ်ႈ​ၼမ်ႉ​ၸပိတ်ႈ၊ တၢင်း​ဢၼ်​ႁဵတ်း​ပွႆး​ႁဵတ်း​လၢမ်း၊ တၢင်း​ဢၼ် ၵိၼ်​ပူၼ်ႉ​ၵိၼ်​လိူဝ်၊ တၢင်း​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ​သၢင်း​ထူႉ ဢၼ်​လီ​ႁင်ႈ​ၸိူဝ်း​ၼၼ်ႉ​လႄႈ ပူၼ်ႉ​မႃး​ယဝ်ႉ​ၼၼ်ႉ ပေႃး​ၵုမ်ႇ​ပုၼ်ႈ​ႁဝ်း​ယဝ်ႉ ဢေႃႈ။-</verse>
				<verse number="4">တေႃႈ​လဵဝ်​ၼႆႉ ၶဝ်​ၼၼ်ႉ​ၸၢင်ႈ​ဢၢမ်း​လွင်ႈ​ဢၼ်​သူ ဢမ်ႇ​သိူၵ်ႈ​သမ်ႇ​လူၺ်ႈ​ၵၼ်​တင်း​ၶဝ်​လႄႈ ဢမ်ႇ​ႁဵတ်း​တၢင်း​ဢၼ်​ပူၼ်ႉ​လိူဝ်​ၵူဝ်ႈ​ၵိူၵ်ႇ ၵႃႈ​ၼႂ်း​ၵႃႇမၵုင်ႇ​ၼၼ်ႉ​ၼႃႇ​လူင်​လၢင်​လႄႈ သႄႉ​သွမ်း​ယူႇ​ဢေႃႈ။-</verse>
				<verse number="5">ပိူဝ်ႈ​ၼႆ​လႄႈ ၶဝ်​ၼၼ်ႉ​တၵ်း​လႆႈ​ၶၢမ်ႇ တၢင်း​ဢၼ်​ၸႅတ်ႈ​ဢၼ်​ထၢမ် ၵႃႈ​တီႈ​ၽၢႆႇ​ၼႃႈ​ၸဝ်ႈ​ဢၼ်​မႄး​ႁႅၼ်း​ဝႆႉ ႁႂ်ႈ​လႆႈ​ၸီႇ​ယၢင်ႇ​တြႃး​တီႈ​ၶဝ်​ၸိူဝ်း​ဢၼ်​ဢသၢၵ်ႈ​လိပ်း ဢိၵ်ႇ​တင်း​ၶဝ်​ၸိူဝ်း​ဢၼ်​တၢႆ​ၼၼ်ႉ​ဢေႃႈ။-</verse>
				<verse number="6">ၵွပ်ႈ​ပိူဝ်ႈ​လွင်ႈ​တၢင်း​ၼႆႉ​လႄႈ လႆႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ တီႈ​ၶဝ်​ၸိူဝ်း​ဢၼ်​တၢႆ​ၼၼ်ႉ ႁႂ်ႈ​ၶဝ်​လႆႈ​ၶၢမ်ႇ တၢင်း​ဢၼ်​ၸီႇ​ယၢင်ႇ​ဢပႅတ်ႈ လူၺ်ႈ​တူဝ်​ၶၼ်ႇ​ထႃႇ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​သေ​ၵေႃႈ၊ ႁႂ်ႈ​ၶဝ်​ဢသၢၵ်ႈ​လႆႈ​လိပ်း​လူၺ်ႈ ၸႂ်​ဝီႉၺိၺ်ႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။</verse>
				<verse number="7">လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ၸမ်​တၵ်း​ႁွတ်ႈ​ထိုင် တီႈ​သုတ်း​တီႈ​ၵွႆ​ဢေႃႈ။ ပိူဝ်ႈ​ၼႆ​လႄႈ ဢွၼ်​ၵၼ်​မီး​သမ်ႇမႃႇ​သတီႉတႃႉ။ ဢွၼ်​ၵၼ်​ပႂ်ႉ​ယူႇ​ႁႂ်ႈ​လႆႈ​သူး​တွင်း​တႃႉ။-</verse>
				<verse number="8">ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ မီး​တၢင်း​ႁၵ်ႉ​မႅတ်ႈ​တႃႇ ဢၼ်​ယႂ်ႇ​ၼႃႇ​တီႈ​ၵၼ် လိူဝ်​တွၼ်း​သေ​လွင်ႈ​တၢင်း တၢင်ႇ​ၸိူဝ်ႉ​တၢင်ႇ​ဢၼ်​တႃႉ။ တၢင်း​ႁၵ်ႉ​မႅတ်ႈ​တႃႇ​ၸၢင်ႈ​ႁူမ်ႇ​ဝႆႉ​ဢပႅတ်ႈ​ၼမ်​ၼႃႇ​ဢေႃႈ။-</verse>
				<verse number="9">ယင်း​ဢမ်ႇ​မီး​တၢင်း​ဢၼ်​ပွင်ႉ​ဢၼ်​ဝႃႈ​လႄႈ ၼင်ႇ​ၵၼ်​ၵၼ်​ႁဵတ်း​ၶႅၵ်ႇ​တီႈ​ၵၼ်​တႃႉ။-</verse>
				<verse number="10">ၵႃႈ​ၼင်ႇ​ဢၼ်​သူ​လႆႈ​ၶၢမ်ႇ​ဢဝ်​သူႉ​ၵျေး​ၸူး​ၸဝ်ႈ​ႁင်း​ၽႂ်​ႁင်း​မၼ်း​ၼၼ်ႉ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ယိုၼ်ႈ​မႅင်ႇ​ပၼ်​ၵၼ် မိူၼ်​ၸိူဝ်ႉ​ၼင်ႇ​ၽၼ်ႇတႃႇၸူဝ်း​လီ ၵျေး​ၸူး​ၽြႃး​ပဵၼ်​ၸဝ်ႈ​ဢၼ်​မီး​လၢႆ​ၸိူဝ်ႉ​လၢႆ​ပိူင်​ၼၼ်ႉ​တႃႉ။-</verse>
				<verse number="11">လွင်ႈ​ၼင်ႇ​ႁိုဝ်​ၽြႃး​ပဵၼ်​ၸဝ်ႈ တၵ်း​ႁႂ်ႈ​မုၼ်​ၽုင်း​ၸဝ်ႈ​ထၢင်ႇ​သႃး ၵႃႈ​ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင် ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ၸိုင်၊ ႁႂ်ႈ​ၵေႃႉ​ဢၼ်​ႁေႃး​လၢတ်ႈ​ၼၼ်ႉ ႁေႃး​လၢတ်ႈ​မႅၼ်ႈ​ၸွမ်း​ၼင်ႇ ပျႃႇ​တိၵ်ႈ​ၽြႃး​ပဵၼ်​ၸဝ်ႈ​တႃႉ။ ႁႂ်ႈ​ၵေႃႉ​ဢၼ်​ပွင်​ႁဵတ်း​ဢမူႉ တၢင်ႇ​ၸိူဝ်ႉ​တၢင်ႇ​ပိူင်​ၼၼ်ႉ ပွင်​ႁဵတ်း​ၵႃႈ​ၼင်ႇ​တၢင်း​ႁူႉ​တၢင်း​ၸၢင်ႈ ဢၼ်​ၽြႃး​ပဵၼ်​ၸဝ်ႈ ဢဵတ်း​လူ​ပၼ်​ၼၼ်ႉ​တႃႉ။ ႁႂ်ႈ​ၽြႃး​ပဵၼ်​ၸဝ်ႈ​ၼၼ်ႉ​မီး​မုၼ်​သရေႇ တၼ်း​ၶူဝ်း​ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း သေ​ၵမ်း​လူၺ်ႈ။ ဢႃႇမိၼ်ႇ။</verse>
				<verse number="12">ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ယႃႇ​ပေ​ထၢင်ႇ​တၢင်း​ဢၼ် ၽႆး​ၸႅတ်ႈ​ထၢမ်​ဢၼ်​သူ​လႆႈ​ၶၢမ်ႇ ပုၼ်ႈ​ဢၼ်​တၵ်း​ၸၢမ်း​တူၺ်း​သူ​ၼၼ်ႉ ပဵၼ်​လွင်ႈ​ဢၼ်​လီ​ဢၢမ်း​ၼႃႇ​လႄႈ မီး​တၢင်း​ဢၼ်​ဢၢမ်း​ၼႃႇ​လူင်​လၢင်။-</verse>
				<verse number="13">ၵွပ်ႈ​ပိူဝ်ႈ​ဢၼ်​သူ​သိူၵ်ႈ​သမ်ႇ​ၵၼ်​တင်း တၢင်း​ၽၢၼ်​ၸဝ်ႈ​ၶရိၸ်ႈ​လႄႈ တေႃႈ​လဵဝ်​ၼႆႉ​ဢွၼ်​ၵၼ်​သိူဝ်း​ပျေႃႇ ႁႂ်ႈ​လႆႈ​သိူဝ်း​ပျေႃႇ​ၸူမ်း​ၼႃႇ​ၼႂ်း​မိူဝ်ႈ​ဢၼ်​မုၼ်​မၼ်း​ၸဝ်ႈ တၵ်း​ပေႃႇ​မႃး​ၼၼ်ႉ​တႃႉ။-</verse>
				<verse number="14">ပေႃး​သူ​လႆႈ​ၶၢမ်ႇ​တၢင်း​ဢၼ်​သႄႉ​သွမ်း ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၶရိၸ်ႈ​ၸိုင် သူ​မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ဝီႉၺိၺ်ႇ​ၽြႃး​ပဵၼ်​ၸဝ်ႈ ဢၼ်​မုၼ်​ၽုင်း​ယႂ်ႇ​ၼႃႇ​ၼၼ်ႉ ၵိင်း​ဝၢပ်ႈ​ယူႇ​ၵႃႈ​ၼိူဝ်​သူ​ဢေႃႈ။ တီႈ​ၶဝ်​ၸမ်ႉ၊ မၼ်း​ၸဝ်ႈ​မီး​တၢင်း​ဢၼ်​သႄႉ​သွမ်း​ဢေႃႈ။ တီႈ​သူ​ၸမ်ႉ၊ မၼ်း​ၸဝ်ႈ​မီး​တၢင်း​ဢၼ်​ယွင်ႈ​ယေႃး​ဢေႃႈ။</verse>
				<verse number="15">ၼႂ်း​သူ​ၼၼ်ႉ​ယႃႇ​ႁႂ်ႈ​ၽူႈ​လႂ်​သေ​ၵေႃႉ​သေ​ၵူၼ်း​မီး​ဢပႅတ်ႈ ဢၼ်​ဢဝ်​ဢသၢၵ်ႈ​ၵူၼ်း​တၢႆ၊ ဢပႅတ်ႈ​ဢၼ်​လၵ်ႉ​ၶူဝ်း​ပိူၼ်ႈ၊ ဢပႅတ်ႈ​ဢၼ်​ႁဵတ်း​တူႉ​ၸရိူၵ်ႈ၊ ဢပႅတ်ႈ​ဢၼ်​လေႃး​လႄး​ၼႂ်း​ဢမူႉ​ပိူၼ်ႈ ၸိူဝ်း​ၼၼ်ႉ​သေ​လႄႈ​ၶၢမ်ႇ။-</verse>
				<verse number="16">ပေႃး​လႆႈ​ၶၢမ်ႇ​ၵွပ်ႈ​ပိူဝ်ႈ​ဢၼ်​ပဵၼ်​ ၶရိၸ်ႈယၢၼ်ႇ ​ၸိုင်၊ ယႃႇ​ႁႂ်ႈ​မီး​တၢင်း​ဢၼ် လီ​ဢူၵ်း​လီ​ဢၢႆ။ ပေႃး​လႆႈ​ၶၢမ်ႇ​ၵွပ်ႈ​ပိူဝ်ႈ​ဢမူႉ​ၼၼ်ႉ​ၸိုင်၊ ႁႂ်ႈ​ယွင်ႈ​ယေႃးမုၼ်​ၽြႃး​ပဵၼ်​ၸဝ်ႈ​တႃႉ။-</verse>
				<verse number="17">ၶိင်ႇ​ဢၼ်​တၵ်း​လႆႈ​ၸႃႉ​ၸႅတ်ႈ ထၢမ်​ၸီႇ​ယၢင်ႇ​ၵူၼ်း​ႁိူၼ်း​ၵူၼ်း​ယေး​ၽြႃး​ပဵၼ်​ၸဝ်ႈ​ၼၼ်ႉ​မီး​ဝႆႉ​ယဝ်ႉ။ ပေႃး​ၸႅတ်ႈ​ထၢမ်​ၸီႇ​ယၢင်ႇ​ႁဝ်း​ဢွၼ်​တၢင်း​ၸိုင် ဢမူႉ​ၶဝ်​ၸိူဝ်း​ဢၼ်​ဢမ်ႇ​ထွမ်ႇ​ဢဝ် တြႃး​သတၢင်း​သိူဝ်း​ပျေႃႇ​ၽြႃး​ပဵၼ်​ၸဝ်ႈ​ၼၼ်ႉ တၵ်း​ယဝ်ႉ​တၵ်း​တူဝ်ႈ​ၸိူဝ်ႉ​ၼင်ႇ​ႁိုဝ်။-</verse>
				<verse number="18">ပေႃး​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ႁွတ်ႈ​ထိုင်​ၵႃႈ​တီႈ​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ ယၢပ်ႇ​ၼႃႇ​ၸိုင်၊ ၵေႃႉ​ဢၼ်​ဢမ်ႇ​ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ၊ ၵေႃႉ​ဢၼ်​ဢပႅတ်ႈ​ထၢင်ႇ​သႃး​ၼၼ်ႉ တၵ်း​ပေႃႇ​မႃး​ၵႃႈ​တီႈ​လႂ်။</verse>
				<verse number="19">ပိူဝ်ႈ​ၼႆ​လႄႈ ႁႂ်ႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ တၢင်း​ၽၢၼ်​ၸွမ်း​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ​ၼၼ်ႉ မၢတ်ႈ​ၽြႃး​ပဵၼ်​ၸဝ်ႈ​ပဵၼ်​ၸိူဝ်ႉ​ၼင်ႇ​ၸဝ်ႈ​ဢသၢၵ်ႈ ဢၼ်​မီး​သဵတ်ႈ​ၸႃႇ​ၼၼ်ႉ​ယူႇ​သေ​လႄႈ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​လီ​ဢၼ်​ငၢမ်း​လႄႈ ဢဝ်​ဝီႉၺိၺ်ႇ​ဢသၢၵ်ႈ​တူဝ်​ၸဝ်ႈ​ၵဝ်ႇ ဢၢပ်ႈ​ပၼ်​တီႈ​မၼ်း​ၸဝ်ႈ​တႃႉ။</verse>
			</chapter>
			<chapter number="5">
				<verse number="1">ၵဝ်​ဢၼ်​ပဵၼ်​ၵေႃႉ​ဢၼ်​ၶၢၼ်း​ဝႆႉ ၼႂ်း​ဢရႃႇ​ၵူၼ်း​ဢုပ်ႉ​ၸိူဝ်း​ၸဝ်ႈ ဢိၵ်ႇ​တင်း​ဢရႃႇ​ၵေႃႉ​ဢၼ်​ၶၢမ်ႇ​သၢၵ်ႈ​သေႇ ဢၼ်​ႁူႉ​ႁၼ်​တၢင်း​ၽၢၼ်​တုၵ်ႉ​ၶႃႉ​ဝူၺ်ႇတၼႃႇ​ၸဝ်ႈ​ၶရိၸ်ႈ၊ ဢၼ်​ပဵၼ်​ၵေႃႉ​ဢၼ်​သိူၵ်ႈ​သမ်ႇ​မုၼ်​သရေႇ​ၸဝ်ႈ ဢၼ်​တၵ်း​ပေႃႇ​မႃး​ၼၼ်ႉ​ၼႆႉ တွင်း​ပၢၼ်ႇ​ၵူၼ်း​ဢုပ်ႉ​ၸိူဝ်း​ၸဝ်ႈ​တင်း​လၢႆ ဢၼ်​မီး​ယူႇ​ၵႃႈ​ၼႂ်း​သူ​ၼၼ်ႉ​ၶႃႈ​ဢေႃႈ။-</verse>
				<verse number="2">ဢွၼ်​ၵၼ်​လဵင်ႉ​ထိင်း​ၽုင်​သူဝ်း​ၽြႃး​ပဵၼ်​ၸဝ်ႈ ဢၼ်​မီး​ယူႇ​လူၺ်ႈ​ၵၼ်​တင်း​သူ​ၼၼ်ႉ​လႄႈ ယင်း​ဢမ်ႇ​ၶၢမ်ႇ​တၢင်း​ဢၼ်​ၶႅၼ်​ဢၼ်​ၼိူင်ႇ​လႄႈ ပႃး​ဢလူဝ်ႇ​ယူႇ၊ ယင်း​ဢမ်ႇ​ၸွႆး​ဢမ်ႇ​ၸပ်း​ၸီး​ပႂႃး ဢၼ်​ဢမ်ႇ​မူတ်း​သႂ်​လႄႈ မီး​ၸႂ်​ၸေႇတၼႃႇ​ယူႇ၊-</verse>
				<verse number="3">ယင်း​ဢမ်ႇ​ဝႆႉ​ဢႃႇၼႃႇ​လႄႈ ဢုပ်ႉ​ၼိူဝ်​ၸိူဝ်း​ၸဝ်ႈ​ႁင်း​ၽႂ်​ႁင်း​မၼ်း​လႄႈ ပဵၼ်​ၵေႃႉ​ဢၼ်​ၼႄ​ပုင်ႇ​သၢၵ်ႈ​သေႇ ၵႃႈ​တီႈ​ၽၢႆႇ​ၼႃႈ​ၽုင်​သူဝ်း​ၸဝ်ႈ​ယူႇ​သေ​လႄႈ ႁဵတ်း​တၢင်း​ဢၼ်​ဢုပ်ႉ​ထိင်း​လူ​တူၺ်း​တႃႉ။-</verse>
				<verse number="4">ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ မိူဝ်ႈ​ဢၼ်​ၸဝ်ႈ​လဵင်ႉ​ထိင်း​သူဝ်း​လူင်​ပေႃႇ​မႃး​ၼၼ်ႉ၊ သူ​တၵ်း​လႆႈ​ၶၢမ်ႇ​ဢဝ်​ပၢၼ်း​ၵုမ်း​သရၽူႇ ဢၼ်​မုၼ်​ၽုင်း​ယႂ်ႇ ဢၼ်​ဢမ်ႇ​ၸၢင်ႈ​ႁဵဝ်ႇ​ၸၢင်ႈ​ၸွပ်ႈ​ၼၼ်ႉ​ဢေႃႈ။</verse>
				<verse number="5">မိူၼ်​ၸိူဝ်ႉ​ၼင်ႇ​ၼၼ်၊ သူ​ၸိူဝ်း​ဢၼ်​ဢသၢၵ်ႈ​ယင်း​ၼုမ်ႇ​ၶဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ၶဝ်​ၸိူဝ်း​ဢၼ် ဢသၢၵ်ႈ​ယႂ်ႇ​ၼၼ်ႉ​တႃႉ။ လိူဝ်​သေ​ၼၼ်ႉ သူ​တင်း​သဵင်ႈ​တင်း​လူင်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​ၶျႃး​တႅမ်ႇ တီႈ​ၵၼ်​ယူႇ​သေ​လႄႈ ဢဝ်​တၢင်း​ဢၼ်​ၶျႃး​တႅမ်ႇ​ႁတ်ႉ​သၢႆ​ဢႅဝ်​ယူႇ​တႃႉ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ႁႄႉ​ၶႅၼ်​ၶဝ်​ၸိူဝ်း​ဢၼ်​ႁူဝ်​ၸႂ်​သုင်​ၼၼ်ႉ​ဢေႃႈ။ မၼ်း​ၸဝ်ႈ​ႁဵတ်း​ၵျေး​ၸူး တီႈ​ၶဝ်​ၸိူဝ်း​ဢၼ်​ႁူဝ်​ၸႂ်​ၶျႃး​တႅမ်ႇ​ၼၼ်ႉ​ဢေႃႈ။-</verse>
				<verse number="6">ပိူဝ်ႈ​ၼႆ​လႄႈ ဢွၼ်​ၵၼ်​ဢဝ်​တူဝ်​ၸဝ်ႈ​ၵဝ်ႇ ၶျႃး​တႅမ်ႇ​ၵႃႈ​တႂ်ႈ​မိုဝ်း​ၽြႃး​ပဵၼ်​ၸဝ်ႈ ဢၼ်​တၼ်း​ၶူဝ်း​ယႂ်ႇ​ၼႃႇ​ၼၼ်ႉ​ႁႂ်ႈ​မၼ်း​ၸဝ်ႈ လႆႈ​ယွင်ႈ​ယေႃး​သူ​ၼႂ်း မိူဝ်ႈ​ဢၼ်​ၶိင်ႇ​ၵႃႇလႃႉ​မၼ်း​ၸဝ်ႈ ထုၵ်ႇ​ၼၼ်ႉ​တႃႉ။-</verse>
				<verse number="7">ပိူဝ်ႈ​ဢၼ်​မၼ်း​ၸဝ်ႈ​ႁဵတ်း​သတီႉ​လူ​တူၺ်း​သူ​ယူႇ​လႄႈ ဢွၼ်​ၵၼ်​ဢဝ်​လွင်ႈ​တၢင်း​ဢၼ်​မႆႈ​ၸႂ်​ၵႃႈ​မီး တင်း​သဵင်ႈ​တင်း​လူင် ဢၢပ်ႈ​ပၼ်​တီႈ​မၼ်း​ၸဝ်ႈ​တႃႉ။</verse>
				<verse number="8">ဢွၼ်​ၵၼ်​မီး​သမ်ႇမႃႇသတီႉ​သေ​လႄႈ ယင်း​ဢမ်ႇ​လပ်း​ဢမ်ႇ​ၼွၼ်း​လႄႈ​ပႂ်ႉ​ယူႇ​တႃႉ။ ရၢၼ်ႇ​သူႇ​သူ​ဢၼ်​ဝႃႈ​မႃႇၼၢတ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​သၢင်ႇ​သီႈ​ဢၼ်​ၸၢင်ႈ​ႁွင်ႉ​ၼၼ်ႉ​လႄႈ၊ လႄႇ​လဵပ်ႈ​လႄႇ​ႁႃ​လွင်ႈ​ဢၼ် တၵ်း​လႆႈ​ဢိုၼ်​ၵိၼ်​ၽူႈ​လႂ်​ၼၼ်ႉ​ယူႇ​ဢေႃႈ။-</verse>
				<verse number="9">ပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​လႄႈ မၢတ်ႈ​တွင်း​ဝႆႉ​လွင်ႈ​ဢၼ်​ပီႈ​ၼွင်ႉ​သူ​ဢၼ်​မီး​ယူႇ​ၵူႈ​တီႈ​ၵူႈ​လႅၼ် ၼႂ်း​မိူင်း​ၵူၼ်း​ၼႆႉ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ၽၢၼ်​ၸိူဝ်ႉ​ၼင်ႇ​ၼၼ်​ၼၼ်ႉ​ယူႇ​သေ​လႄႈ တႄႇ​ယူႇ​ၼႂ်း​တၢင်း​ဢၼ်​ယုမ်ႇ​မၢတ်ႈ​လႄႈ ႁႄႉ​ၶႅၼ်​မႃႇၼၢတ်ႈ​တႃႉ။</verse>
				<verse number="10">ၽြႃး​ပဵၼ်​ၸဝ်ႈ​ဢၼ်​ႁဵတ်း​ၵျေး​ၸူး တင်း​သဵင်ႈ​တင်း​လူင်၊ ဢၼ်​ႁွင်ႉ​ဢဝ်​ႁဝ်း​သႂၢင်း​သႂ်ႇ ၵႃႈ​ၼႂ်း​မုၼ်​သရေႇ​ထႃႇဝရႃႉ​ၵွပ်ႈ​ပိူဝ်ႈ​ ၸဝ်ႈ​ၶရိၸ်ႈ​ယေႇသူႉ ​ၼၼ်ႉ တၵ်း​ႁႂ်ႈ​သူ​ၸိူဝ်း​ဢၼ်​ၶၢမ်ႇ​တၢင်း​ၽၢၼ်​ယဝ်ႉ ၵမ်း​ဢွၼ်ႇ​ၼိုင်ႈ​ၼႆႉ ၸေး​ၸုမ်ႇ​တႄႇ​ယူႇ​မၼ်ႈ​ၶိူင်ႇ​ဝႆႉ​ဢေႃႈ။-</verse>
				<verse number="11">ႁႂ်ႈ​မၼ်း​ၸဝ်ႈ​ၼၼ်ႉ မီး​မုၼ်​သရေႇ​တၼ်း​ၶူဝ်း​ၸဝ်ႈ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း သေ​ၵမ်း​လူၺ်ႈ။ ဢႃႇမိၼ်ႇ။</verse>
				<verse number="12">ၵဝ်​တိုၵ်း​ယူင်း​ၸူဝ်း​ဢဝ်​သူ​ယူႇ၊ ၶၢမ်ႇ​သၢၵ်ႈ​သေႇ​လွင်ႈ​ဢၼ်​လွင်ႈ​တၢင်း​ဢၼ် သူ​ဢိင်​ပိုင်ႈ​ၸိူဝ်း​ၼႆႉ​ပဵၼ်​ၵျေး​ၸူး​ၽြႃး​ပဵၼ်​ၸဝ်ႈ ဢမၢၼ်ႇ​ၶၼ်​ပဵၼ်​ၼၼ်ႉ​ယူႇ​သေ​လႄႈ ဢဝ်​တင်း​ၵႂၢမ်း​ဢိတ်း​ၼိုင်ႈ တႅမ်ႈ​လိၵ်ႈ​ၼႆႉ​ယဝ်ႉ​ၸင်ႇ ဢၢပ်ႈ​ပၼ်​ၵႃႈ​ၼႂ်း​မိုဝ်း သီႉလႂႃႇၼူႉ ပီႈ​ၼွင်ႉ​ဢၼ်​မီး​သဵတ်ႈ​ၸႃႇ ၼႂ်း​ဢမူႉ​ၸဝ်ႈ ၵႃႈ​ၼင်ႇ​ဢၼ်​ၸႂ်​ၵဝ်​ထၢင်ႇ​ၼၼ်ႉ​ၵႂႃႇ​ဢေႃႈ။</verse>
				<verse number="13">ၸႃႉ​ၸဵမ်​လုၵ်ႈ​ၵဝ်​ မႃႇ​ၵူႉ ဢိၵ်ႇ​တင်း​ၸိူဝ်း​ၸဝ်ႈ ဢၼ်​မီး​ယူႇ​ၵႃႈ​ၼႂ်း​ဝဵင်း​ ပႃႇပူႉလုၼ်ႇ ၊ ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ် လူၺ်ႈ​ၵၼ်​တင်း​သူ​ၼႆႉ တၵ်ႉ​ၼၢႆ​သူ​ဢေႃႈ။</verse>
				<verse number="14">ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ် ဢဝ်​တင်း​တၢင်း​ၼူမ်​မႅတ်ႈ​တႃႇ တၵ်ႉ​လၢတ်ႈ​ၵၼ်​တႃႉ။ ႁႂ်ႈ​တၢင်း​ၼိမ်​မီး​ၼိူဝ်​သူ​တင်း​လၢႆ ဢၼ်​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ၶရိၸ်ႈ​ၼၼ်ႉ​သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ပေႇတရူႉ​ၽိုၼ်​ပထမႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="61">
			<chapter number="1">
				<verse number="1">ၵဝ်​ သီႉမုၼ်ႇ​ပေႇတရူႉ ​ဢၼ်​ပဵၼ်​ၶႃႈ တင်း​တမၢၼ်ႇ​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ​ၼႆႉ ပၼ်​ငိၼ်း​ၵႂႃႇ​တီႈ​ၶဝ်​ၸိူဝ်း​ဢၼ် လႆႈ​တၢင်း​ဢၼ်​ယုမ်ႇ​မၢတ်ႈ​ဢၼ်​မျၢတ်ႈ​လီ မႅၼ်ႈ​ၼင်ႇ​တၢင်း​ဢၼ်​ႁဝ်း​ယုမ်ႇ​မၢတ်ႈ တြႃး​တၢင်း​သိုဝ်ႈ​တေႃႇ​ၽြႃး​ပဵၼ်​ၸဝ်ႈ​ႁဝ်း​ ယေႇသူႉ​ၶရိၸ်ႈ ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ​ၶႃႈ​ဢေႃႈ။-</verse>
				<verse number="2">ႁႂ်ႈ​ၵျေး​ၸူး​ၸဝ်ႈ ဢိၵ်ႇ​တင်း​တၢင်း​ၼိမ်​ၼမ်​ၵိုၼ်း​ယႂ်ႇ​မႃး ၵႃႈ​တီႈ​သူ​ၼႂ်း​ၺၢၼ်ႇ​တၢင်း​ဢၼ်​ႁူႉ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ သေ​ၵမ်း​လူၺ်ႈ။</verse>
				<verse number="3">တၼ်း​ၶူဝ်း​မၼ်း​ၸဝ်ႈ​ၼၼ်ႉ ဢဵတ်း​လူ​ပၼ်​လွင်ႈ​တၢင်း​ၵႃႈ​ဢၼ် ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ဢသၢၵ်ႈ​လိပ်း ဢိၵ်ႇ​တင်း​တၢင်း​ဢၼ်​မူၼ်ႈ​ပျေႃႇ ၼႂ်း​ဝၢတ်ႈ​ၽြႃး​တီႈ​ႁဝ်း​ၸိူဝ်ႉ​ၼင်ႇ​ၼၼ်​လႄႈ ၵွပ်ႈ​ပိူဝ်ႈ​ၺၢၼ်ႇ​ဢၼ်​ႁဝ်း​ႁူႉ​ၽြႃး​ပဵၼ်​ၸဝ်ႈ ဢၼ်​ဢဝ်​မုၼ်​ၽုင်း​တၼ်း​ၶူဝ်း​ႁွင်ႉ​ဢဝ်​ႁဝ်း​ၼၼ်ႉ​ယဝ်ႉ။-</verse>
				<verse number="4">ၵွပ်ႈ​ပိူဝ်ႈ​လွင်ႈ​တၢင်း​ၸိူဝ်း​ၼၼ်ႉ​ၵေႃႈ၊ မၼ်း​ၸဝ်ႈ​ဢဝ်​ၵတီႉ​ၸဝ်ႈ ဢၼ်​မျၢတ်ႈ​လီ​ယႂ်ႇ​ၼႃႇ​လႄႈ​ထိူၵ်ႈ​ၵႃႈ​ထိူၵ်ႈ​ၶၼ်​ၼၼ်ႉ ဢၢပ်ႈ​ပၼ်​တီႈ​ႁဝ်း​ဢေႃႈ။ လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​သူ​တၵ်း​ဢိင်​ပိုင်ႈ​ၵတီႉ​ၸဝ်ႈ​ၸိူဝ်း​ၼၼ်ႉ​သေ​လႄႈ ၵၢင်း​လွတ်ႈ​တင်း​တၢင်း​ဢၼ်​ၵူဝ်ႈ​ဢၼ်​ၵိူၵ်ႇ ဢၼ်​မီး​ၼႂ်း​လေႃးၵႃႉ​ၼႆႉ ၵွပ်ႈ​ပိူဝ်ႈ​တၢင်း​ဢၼ်​ၸႂ်​ၸပ်း​ၸႂ်​ၸွႆး​ၼၼ်ႉ​သေ​ယဝ်ႉ၊ ပဵၼ်​ၵေႃႉ​ဢၼ်​လႆႈ​သိူၵ်ႈ​သမ်ႇ​ၵၼ်​တင်း ပၵတီႉ​ၽြႃး​ၸိုင်၊ ၸင်ႇ​ပဵၼ်​ဢေႃႈ။</verse>
				<verse number="5">ပုၼ်ႈ​လွင်ႈ​ၼင်ႇ​ႁိုဝ်​တၵ်း​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ တီႈ​တၢင်း​ဢၼ်​ယုမ်ႇ​မၢတ်ႈ သီႇ​လႃႉ​လႄႈ​သင်၊ တီႈ​သီႇ​လႃႉ​ၼၼ်ႉ ပိင်ႇ​ၺႃႇ​လႄႈ​သင်၊-</verse>
				<verse number="6">တီႈ​ပိင်ႇ​ၺႃႇ​ၼၼ်ႉ တၢင်း​ဢၼ်​ၶျုၵ်ႈ​ၵႃႇမၵုင်ႇ​လႄႈ​သင်၊ တီႈ​တၢင်း​ဢၼ်​ၶျုၵ်ႈ​ၵႃႇမၵုင်ႇ​ၼၼ်ႉ တၢင်း​ဢၼ်​ယိူၼ်ႉ​ၶၢမ်ႇ​လႄႈ​သင်၊ တီႈ​တၢင်း​ဢၼ်​ယိူၼ်ႉ​ၶၢမ်ႇ​ၼၼ်ႉ တၢင်း​ဢၼ်​ႁဵတ်း​ဝၢတ်ႈ​ၽြႃး​လႄႈ​မူၼ်ႈ​ပျေႃႇ​လႄႈ​သင်၊-</verse>
				<verse number="7">တီႈ​တၢင်း​ဢၼ်​မူၼ်ႈ​ပျေႃႇ​ၼၼ်ႉ တၢင်း​ဢၼ်​ၸူမ်း​ပႅင်း​ပီႈ​ၼွင်ႉ​ၵၼ်​လႄႈ​သင်၊ တီႈ​တၢင်း​ဢၼ်​ၸူမ်း​ပႅင်း​ပီႈ​ၼွင်ႉ​ၵၼ်​ၼၼ်ႉ တၢင်း​ႁၵ်ႉ​မႅတ်ႈ​တႃႇ​လႄႈ​သင်၊ သူ​ဢဝ်​ထၢပ်ႈ​ထႅင်ႈ​လႄႈ ဢဝ်​ႁႅင်း​ၵျူဝ်း​ၸႃး​တႃႉ။-</verse>
				<verse number="8">လွင်ႈ​မၼ်း​ၸမ်ႉ ပေႃး​ပႃႇရမီႇ​ၸိူဝ်း​ၼၼ်ႉ မီး​ယူႇ​ၵႃႈ​ၼႂ်း​သူ​လႄႈ​ပျေႉ​ၸုမ်ႇ​ၼမ်​ၵိုၼ်း​ယူႇ​ၸိုင်၊ ၸၢင်ႈ​ပွင်​ႁဵတ်း​ပွင်​မႄး ႁႂ်ႈ​သူ​ဢမ်ႇ​လႆႈ​ၶၢၼ်ႉ​လႆႈ​ဢိူၼ် ဢိၵ်ႇ​တင်း​ႁႂ်ႈ​သူ​ဢမ်ႇ​လႆႈ​ပဵၼ် ဢၼ်​ဢမ်ႇ​မီး​ဢၵျူဝ်း​ၼၼ်ႉ ၼႂ်း​တၢင်း​ဢၼ်​ႁူႉ​ၸၵ်း​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ​ယူႇ​ဢေႃႈ။-</verse>
				<verse number="9">ၵေႃႉ​ဢၼ်​ဢမ်ႇ​မီး​ပႃႇရမီႇ​ၸိူဝ်း​ၼၼ်ႉ​ၸမ်ႉ၊ မၢၵ်ႇ​တႃ​မၼ်း​မွတ်ႇ​ဢေႃႈ။ မၼ်း​ဢိုတ်း​မၢၵ်ႇ​တႃ​မၼ်း​ဝႆႉ​ဢေႃႈ။ မၼ်း​လိုမ်း​လွင်ႈ​တၢင်း​ဢၼ်​သုၵ်ႈ​ပွတ်ႈ​ဢပႅတ်ႈ​ဢၼ်​ၵဝ်ႇ​မၼ်း​ၼၼ်ႉ​ပႅတ်ႈ​ဢေႃႈ။</verse>
				<verse number="10">ပိူဝ်ႈ​ၼႆ​လႄႈ​ပီႈ​ၼွင်ႉ​ၶဝ်​ဢိူၺ်း၊ ယဵင်ႈ​ၶႅၼ်း​ဢဝ်​ႁႅင်း​ၵျူဝ်း​ၸႃး ႁႂ်ႈ​တၢင်း​ဢၼ်​မၼ်း​ၸဝ်ႈ​ႁွင်ႉ​ဢဝ် ဢိၵ်ႇ​တင်း​တၢင်း​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ် ဢၼ်​သူ​လႆႈ​ၶၢမ်ႇ​ၼၼ်ႉ တႄႇ​ယူႇ​တႃႉ။ ပေႃး​သူ​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ သူ​တၵ်း​ၵၢင်း​လွတ်ႈ​တင်း​တၢင်း​ဢၼ် တိူဝ်ႉ​မႅၼ်ႈ​လႄႈ​လူမ်ႉ​ဢေႃႈ။-</verse>
				<verse number="11">လွင်ႈ​မၼ်း​ၸမ်ႉ မၼ်း​ၸဝ်ႈ​တၵ်း​ဢဵတ်း​လူ​ပၼ်​ဢၶႂၢင်ႉ​တၢင်း​ဢၼ် ၶဝ်ႈ​ၸၢမ်ႇ​ၸႃး​ၵႃႈ​ၼႂ်း​မိူင်း​ထႃႇဝရႃႉ​ၸဝ်ႈ​ ယေႇသူႉ​ၶရိၸ်ႈ ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ႁဝ်း​ၼၼ်ႉ တီႈ​သူ​ၼမ်​ၵိုၼ်း​ၼႃႇ​လူင်​လၢင်​ဢေႃႈ။</verse>
				<verse number="12">ပိူဝ်ႈ​ၼႆ​လႄႈ ပိၵ်ႉ​သမ်ႉ​သူ​ႁူႉ​လွင်ႈ​တၢင်း​ၸိူဝ်း​ၼၼ်ႉ​လႄႈ တႄႇ​ယူႇ​ၼႂ်း​သမ်ႇမႃႇ​တြႃး ဢၼ်​ႁေႃး​လၢတ်ႈ​တေႃႈ​လဵဝ်​ၼႆႉ​ၼၼ်ႉ​ယူႇ​သေ​ၵေႃႈ၊ ၵဝ်​ဢမ်ႇ​လူင်​ဢမ်ႇ​လိုမ်း​လွင်ႈ​ဢၼ်​ၵဝ်​တၵ်း​ဢဝ်​တင်း​ၵႂၢမ်း​ၸိူဝ်ႉ​ၼင်ႇ​ၼၼ် ပၼ်​သတီႉ​တီႈ​သူ​သေႇ​သေႇ​ယူႇ​ၼၼ်ႉ။-</verse>
				<verse number="13">ၵဝ်​မၢတ်ႈ​တွင်း​လွင်ႈ​ဢၼ် ဢမ်ႇ​ႁိုင်​ဢမ်ႇ​ၼၢၼ်း ၵဝ်​တၵ်း​လႆႈ​ပႅတ်ႈ​ဝႆႉ​သုမ်ႉ​ထဵင်​ၵႃႈ​ဢၼ်​ၵဝ်​ယူႇ​ၼႆႉ​သေ​လႄႈ ၵႂႃႇ​ၵႃႈ​ၼင်ႇ​ဢၼ်၊-</verse>
				<verse number="14">ၸဝ်ႈ​ႁဝ်း​ ယေႇသူႉ​ၶရိၸ်ႈ ​ပၼ်​ပျႃႇ​တိၵ်ႈ​ၼၼ်ႉ​ဝႆႉ​ၼၼ်ႉ​လႄႈ ၵဝ်​လီ​ပၼ်​သတီႉ​လႄႈ တိုၵ်း​ယူင်း​ၸူဝ်း​ဢဝ်​သူ ၼႂ်း​မိူဝ်ႈ​ဢၼ်​ၵဝ်​ယင်း​မီး​ယူႇ​ၼႂ်း သုမ်ႉ​ထဵင်​ၼႆႉ​ဝႃႈ​ၼႆ ၵဝ်​မီး​သၽေႃး​ယူႇ​ဢေႃႈ။-</verse>
				<verse number="15">လိူဝ်​သေ​ၼၼ်ႉ၊ ၵဝ်​တၵ်း​ဢဝ်​ႁႅင်း​ၵျူဝ်း​ၸႃး ႁႂ်ႈ​သူ​လႆႈ​တွင်း​ဝႆႉ၊ လွင်ႈ​တၢင်း​ၸိူဝ်း​ၼႆႉ​ယူႇ​သေႇ​သေႇ လိုၼ်း​သေ​ဢၼ်​ၵဝ် လၢႆႈ​ၸၢတ်ႈ​ၵႂႃႇ​ယဝ်ႉ​ၼၼ်ႉ​ဢေႃႈ။</verse>
				<verse number="16">မိူဝ်ႈ​ဢၼ်​ႁဝ်း​ႁေႃး​လၢတ်ႈ တၼ်း​ၶူဝ်း​ၸဝ်ႈ​ႁဝ်း ယေႇသူႉ​ၶရိၸ်ႈ ဢိၵ်ႇ​တင်း​တၢင်း​ဢၼ် မၼ်း​ၸဝ်ႈ​တၵ်း​မႃး​ၼၼ်ႉ တီႈ​သူ​ၼၼ်ႉ​ၸိုင်၊ ႁဝ်း​ဢမ်ႇ​ၸွမ်း​ၵႂၢမ်း​တၢၼ်ႇတႃႇရီႇ​ဢၼ် ဢဝ်​တင်း​ပရီႉယႄႇ​မႄး​ႁဵတ်း​ဝႆႉ​ၼၼ်ႉ​လႄႈ ပဵၼ်​ၵေႃႉ​ဢၼ် တူဝ်​ၸဝ်ႈ​ၵဝ်ႇ​လႆႈ​ႁၼ်​မုၼ်​ဢႃႇၼူႉၽေႃႇ​ၸဝ်ႈ​ဢေႃႈ။-</verse>
				<verse number="17">ပဵၼ်​ၸိူဝ်ႉ​ၼင်ႇ​ႁိုဝ် ဝႃႈ​ၼင်ႇ​ၼႆ​ၸမ်ႉ၊ ၸဝ်ႈ​ၼၼ်ႉ​လႆႈ​ၶၢမ်ႇ​ၵုင်ႇ​သရေႇ​မုၼ်​ဢႃႇၼူႉၽေႃႇ ၵႃႈ​တီႈ​ၸဝ်ႈ​ပေႃႈ​ၽြႃး​ပဵၼ်​ၸဝ်ႈ ၼႂ်း​မိူဝ်ႈ​ဢၼ်​သဵင်​ၸဝ်ႈ​ဢၼ်​လၢတ်ႈ​လႄႈ​ဝႃႈ၊ ၵေႃႉ​ၼႆႉ​ပဵၼ်​လုၵ်ႈ​ဢၼ်​ၵဝ်​ႁၵ်ႉ​ၼႃႇ၊ တီႈ​ဢၼ်​ၵဝ်​ထုၵ်ႇ​ၸႂ်​ၵျိူၵ်ႈ​ၸႂ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ဢွၵ်ႇ​သေ​ၵႃႈ​ၼႂ်း​ငဝ်း​ဢရွင်ႇ ဢၼ်​မျၢတ်ႈ​လိူဝ်​တွၼ်း​ၼႃႇ​မႃး​လႄႈ ႁွတ်ႈ​ထိုင်​ၵႃႈ​တီႈ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="18">သဵင်​ၸဝ်ႈ​ဢၼ်​လုၵ်ႉ​သေ​ၵႃႈ​တီႈ ၼိူဝ်​ၵၢင်​ႁၢဝ်​ႁွတ်ႈ​မႃး​ၼၼ်ႉ​ၸိုင်၊ ႁဝ်း​လႆႈ​ငိၼ်း​ၼႂ်း​မိူဝ်ႈ​ဢၼ်​ႁဝ်း မီး​ယူႇ​လူၺ်ႈ​ၵၼ်​တင်း​ၸဝ်ႈ​ၽြႃး ၵႃႈ​တီႈ​ၼိူဝ်​လွႆ​ဢၼ်​မူတ်း​ၸၢင်ႇ​ၼၼ်ႉ​ဢေႃႈ။</verse>
				<verse number="19">လိူဝ်​သေ​ၼၼ်ႉ ၵႂၢမ်း​ဢၼႃႇၵၢတ်ႈတီႉ​ၸဝ်ႈ ဢၼ်​ယဵင်ႈ​ၶႅၼ်း​မၼ်ႈ​ၶိူင်ႇ​ၼၼ်ႉ ယင်း​မီး​ယူႇ​တီႈ​ႁဝ်း​ဢေႃႈ။ သူ​ထုၵ်ႇ​လီ​မၢတ်ႈ​တွင်း​ဝႆႉ ၵႂၢမ်း​ဢၼႃႇၵၢတ်ႈတီႉ​ၼၼ်ႉ မိူၼ်​ၸိူဝ်ႉ​ၼင်ႇ​ၽႆး​တဵၼ်း ဢၼ်​ႁိူဝ်ႈ​လႅင်း​ၵႃႈ​ၼႂ်း​တီႈ​ဢၼ်​လပ်း​သိင်ႇ တေႃႇ​ထိုင်​ႁွတ်ႈ​ၶိင်ႇ​ၵႃႇလႃႉ​ႁူဝ်​မိူင်း​သႂ်​လႄႈ လၢဝ်​လႅင်း​ဢွၵ်ႇ​မႃး​ၵႃႈ​ၼႂ်း​ႁူဝ်​ၸႂ်​သူ​ၼၼ်ႉ​ယူႇ​သေ​လႄႈ ဢိင်​ပိုင်ႈ​ယူႇ​ဢေႃႈ။-</verse>
				<verse number="20">ၵႂၢမ်း​ဢၼႃႇၵၢတ်ႈတီႉ ဢၼ်​ပႃး​ၼႂ်း​ၵျၢမ်း​လိၵ်ႈ​ၼၼ်ႉ​ၸမ်ႉ၊ ဢထိၵ်ႈပႄႇ​မၼ်း ဢမ်ႇ​ပေႃႇ​ဢမ်ႇ​ဢွၵ်ႇ​ၸွမ်း​ၼင်ႇ ဢလူဝ်ႇ​တူဝ်​ၸဝ်ႈ​ၵဝ်ႇ​ဝႃႈ​ၼႆ ႁူႉ​ၸႅင်ႈ​မၢတ်ႈ​တွင်း​ဝႆႉ​ဢွၼ်​တၢင်း​တႃႉ။-</verse>
				<verse number="21">လွင်ႈ​မၼ်း​ၸမ်ႉ ၵႂၢမ်း​ဢၼႃႇၵၢတ်ႈတီႉ​ၼၼ်ႉ ယၢမ်ႈ​တွၼ်ႉ​လႆႈ​ပဵၼ်​ၸွမ်း​ၼင်ႇ​ဢလူဝ်ႇ​ၵူၼ်း ဢမ်ႇ​ၸႂ်ႈ။ ၵူၼ်း​မူတ်း​ၸၢင်ႇ​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ် ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ တိုၵ်း​ယူင်း​လႄႈ​ႁေႃး​လၢတ်ႈ​ဢေႃႈ။</verse>
			</chapter>
			<chapter number="2">
				<verse number="1">ၼႂ်း​ဝႃႈ​ၼၼ်​သေ​ၵေႃႈ ၵႃႈ​ၼႂ်း​ၵူၼ်း​တင်း​လၢႆ မီး​မိၵ်ႉသႃႇ​ပရေႃးၽႅတ်ႈ​ဢေႃႈ။ မိူၼ်​ၸိူဝ်ႉ​ၼင်ႇ​ၼၼ်၊ ၵႃႈ​ၼႂ်း​သူ​ၵေႃႈ တၵ်း​မီး​မိၵ်ႉသႃႇ​သြႃႇ ဢၼ်​ဢဝ်​တင်း​ပရီႉယႄႇ​သႂၢင်း​သႂ်ႇ ဢယူႇ​မိၵ်ႉသႃႇတိၵ်ႉထီႉ ဢၼ်​ၸၢင်ႈ​ယႃႉ​ၸၢင်ႈ​ယူၵ်ႉ​လႄႈ ထဵင်​ပႅတ်ႈ​ၸဝ်ႈ​ဢၼ်​သိုဝ်ႉ​ဢဝ်​ၶဝ်​ၼၼ်ႉ​ယူႇ​သေ​လႄႈ၊ ၸၢင်ႈ​ႁႂ်ႈ​တၢင်း​လူႉ​တၢင်း​လႅဝ်​ႁွတ်ႈ​ထိုင်​ၵႃႈ​ၼိူဝ်​ၶဝ် ၶၼ်​ၶၼ်​ၽႂ်း​ၽႂ်း​ၼၼ်ႉ​ဢေႃႈ။-</verse>
				<verse number="2">ၵူၼ်း​ၼမ်​ၼႃႇ​တၵ်း​ၸွမ်း​ထုင်း​ၸၢမ်ႇ တၢင်း​ဢၼ်​ၶဝ်​ၵမ်​ၵျၢင်ႉ ဢၼ်​ၵူဝ်ႈ​ၵိူၵ်ႇ​ၼၼ်ႉ​လႄႈ သရေႇ​သဵၼ်ႈ​တၢင်း​သမ်ႇမႃႇ​တြႃး​တၵ်း​လူႉ​ဢေႃႈ။-</verse>
				<verse number="3">ၶဝ်​ၼၼ်ႉ​လေႃး​ၽႃႉ​ပူၼ်ႉ​လိူဝ်​ယူႇ​သေ​လႄႈ တၵ်း​ဢဝ်​တင်း​ၵႂၢမ်း​ဢၼ်​ၸၢင်ႈ​ၶျေႃး​ၸၢင်ႈ​ဝွၼ်း ၶၢႆ​သူ​ၵိၼ်​ဢေႃႈ။ တၢင်း​ဢၼ်​ၸီႇ​ယၢင်ႇ​ဢပႅတ်ႈ​ၶဝ်​ၼၼ်ႉ​ၸိုင် ၸႃႉ​ၸဵမ်​ၵမ်ႇ​ၽႃႇ​ၸႃႉ​တႄႇ​ၼၼ်ႉ​လႄႈ ဢမ်ႇ​ၵိုတ်း​ဢမ်ႇ​သဝ်း တၢင်း​လူႉ​တၢင်း​လႅဝ်​ၼၼ်ႉ​ၵေႃႈ ဢမ်ႇ​ၼွၼ်း​ဢမ်ႇ​လပ်း။</verse>
				<verse number="4">လွင်ႈ​မၼ်း​ၸမ်ႉ ပေႃး​ၽြႃး​ပဵၼ်​ၸဝ်ႈ​ယင်း​ဢမ်ႇ​သေ​လၢႆ တမၢၼ်ႇ​ၵၢင်​ႁၢဝ် ဢၼ်​ၽိတ်း​ဢၼ်​ပိူင်ႈ​တင်း​လၢႆ​ၼၼ်ႉ​လႄႈ ဢဝ်​ၶဝ်​ၶျႃး​သႂ်ႇ​ၵႃႈ​ၼႂ်း​ငရၢႆး​သေ​ယဝ်ႉ၊ ၶျုၵ်ႈ​ဝႆႉ​လႄႈ ဢဝ်​တင်း​ၸိူၵ်ႈ​လဵၵ်း ဢၼ်​လပ်း​သိင်ႇ​တင်း​လၢႆ​မတ်ႉ​ၽုၵ်ႇ​ဝႆႉ ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​ၸႅတ်ႈ​ထၢမ် ၸီႇ​ယၢင်ႇ​ၶဝ်​ၼၼ်ႉ​ယူႇ၊-</verse>
				<verse number="5">ပိၵ်ႉ​သမ်ႉ​မၼ်း​ၸဝ်ႈ​ဢမ်ႇ​သေ​လၢႆ​လေႃးၵထၢတ်ႈ​ဢွၼ်​ၼႆႉ​ၼၼ်ႉ​သေ​ၵေႃႈ ပႂ်ႉ​လူ​ပႂ်ႉ​တူၺ်း​ ၼူဝ်းဢႃႇ ဢၼ်​ႁေႃး​လၢတ်ႈ​တြႃး တၢင်း​သိုဝ်ႈ​တေႃႇ ဢိၵ်ႇ​တင်း​ၵူၼ်း​ၸဵတ်း​ၵေႃႉ​ၼၼ်ႉ​လႄႈ ႁႂ်ႈ​ၼမ်ႉ​ထူမ်ႈ​ပႅတ်ႈ​ၵူၼ်း​လေႃးၵီႇ ဢၼ်​ဢမ်ႇ​ၵူဝ်း​ၵႂၢႆႇ​ၽြႃး ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ယူႇ၊-</verse>
				<verse number="6">ဢဝ်​ၽႆး​တုတ်ႇ​ဝဵင်း​ သေႃးတုမ်ႇ ​ဢိၵ်ႇ​တင်း​ဝဵင်း​ ၵေႃးမေႃးရႃႉ ​ပႅတ်ႈ​လႄႈ​ၸီႇ​ယၢင်ႇ​ပၼ်​တၢမ်ႇ ယႃႉ​ပႅတ်ႈ​သေ​ယဝ်ႉ၊ ႁႂ်ႈ​ပဵၼ်​ပုင်ႇ​သၢၵ်ႈ​သေႇ​ဝႆႉ တီႈ​ၶဝ်​ၸိူဝ်း​ဢၼ် တၵ်း​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ဢမ်ႇ​တြႃး​ၵမ်း​လိုၼ်း​ၼၼ်ႉ​ယူႇ၊-</verse>
				<verse number="7">ၵႄႇ​သႄႇ​ၼုၵ်ႈ​ဢဝ်​ လေႃးတႃႉ ​ဢၼ်​သိုဝ်ႈ​တေႃႇ၊ ဢၼ်​လႆႈ​ၶၢမ်ႇ​တၢင်း​ဢၼ်​ယႃႉ​ယူၵ်ႉ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ ဢၼ်​ၵူဝ်ႈ​ဢၼ်​ၵိူၵ်ႇ ဢၼ်​ၵူၼ်း​ဢမ်ႇ​တြႃး​တင်း​လၢႆ​ၵမ်​ၵျၢင်ႉ​ၼၼ်ႉ၊-</verse>
				<verse number="8">ဢၼ်​ၵွပ်ႈ​ပိူဝ်ႈ​ဢၼ်​မၼ်း​ပဵၼ်​ၵေႃႉ​ဢၼ်​သိုဝ်ႈ​တေႃႇ​လႄႈ ယူႇ​ၼႂ်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ယူႇ​သေ​လႄႈ မၢၵ်ႇ​တႃ​လႆႈ​ႁၼ်၊ ႁူ​ၵေႃႈ​လႆႈ​ငိၼ်း လွင်ႈ​တၢင်း​ဢၼ်​ဢမ်ႇ​တြႃး​ၶဝ်​ၼၼ်ႉ​လႄႈ ၼိၵ်ႈ​ၸၢၵ်ႈ​ငႅၼ်း​သႄး​ႁူဝ်​ၸႂ်​တူဝ်​ၸဝ်ႈ​ၵဝ်ႇ ဢၼ်​သိုဝ်ႈ​တေႃႇ​ၼၼ်ႉ​ၼႃႇ​လူင်​လၢင်​ၵူႈ​မိုဝ်ႉ​ၵူႈ​ဝၼ်း​ဢမ်ႇ​ထၢတ်ႇ​ယူႇ​ၼၼ်ႉ​ၸိုင်၊-</verse>
				<verse number="9">ထႃႇဝရႃႉ​ၽြႃး​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ၵႄႇ​သႄႇ​ၼုၵ်ႈ​ဢဝ်​ၶဝ်​ၸိူဝ်း​ဢၼ် မူၼ်ႈ​ပျေႃႇ​ၼႂ်း​ဝၢတ်ႈ​ၽြႃး​တင်း​လၢႆ ၵႃႈ​ၼႂ်း​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ၼၼ်ႉ ဢိၵ်ႇ​တင်း​ႁႂ်ႈ​လႆႈ​ဢဝ် ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ ၶျုၵ်ႈ​ဝႆႉ​ပုၼ်ႈ​ဝၼ်း​ဢၼ်​တၵ်း​ၸီႇ​ယၢင်ႇ​တြႃး​ၼၼ်ႉ ႁႂ်ႈ​ၶဝ်​လႆႈ​ၶၢမ်ႇ​တၢမ်ႇ၊-</verse>
				<verse number="10">ဢိၵ်ႇ​တင်း​ႁႂ်ႈ​ၶဝ်​ၸိူဝ်း​ဢၼ် ၸွမ်း​ဢလူဝ်ႇ​ၵႃႇမၵုင်ႇ တင်း​ၵီႉလေႇသႃႇ​တၢင်း​ဢၼ်​ၸွႆး​ၸပ်း​ဢၼ်​ၵူဝ်ႈ​ဢၼ်​ၵိူၵ်ႇ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ် တီႈ​ဢႃႇၼႃႇၸၢၵ်ႈ​ၼၼ်ႉ ယဵင်ႈ​ၶႅၼ်း​လႆႈ​ၶၢမ်ႇ​တၢမ်ႇ​ၼၼ်ႉ​ယူႇ​ဢေႃႈ။ ၶဝ်​ၼၼ်ႉ​ပဵၼ်​ၵေႃႉ​ဢၼ်​ႁတ်း​ဢၼ်​ႁၢၼ်၊ ၵေႃႉ​ဢၼ်​ၸၢင်ႈ​ၸွမ်း​ဢလူဝ်ႇ​တူဝ်​ၸဝ်ႈ​ၵဝ်ႇ​လႄႈ ႁတ်း​သႄႉ​ႁတ်း​သွမ်း ၶဝ်​ၸိူဝ်း​ဢၼ်​မုၼ်​တၼ်း​ၶူဝ်း​ယႂ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="11">တမၢၼ်ႇ​ၵၢင်​ႁၢဝ်​တင်း​လၢႆ​ၸမ်ႉ၊ ပိၵ်ႉ​သမ်ႉ​မီး​ႁႅင်း​တၼ်း​ၶူဝ်း ဢၼ်​ယႂ်ႇ​ၼႃႇ​သေ​ၶဝ်​ၼၼ်ႉ​သေ​ၵေႃႈ၊ ဢမ်ႇ​ႁဵတ်း​တၢင်း​ဢၼ်​သႄႉ​သွမ်း တၢင်ႇ​ဢပႅတ်ႈ​တီႈ​ၶဝ်​ၼၼ်ႉ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ။-</verse>
				<verse number="12">ၶဝ်​ၸမ်ႉ၊ ပဵၼ်​ၸိူဝ်ႉ​ၼင်ႇ တရိၵ်ႈသၢၼ်ႇ​ၸႅတ်ႈ​ၸႅတ်ႈ ဢၼ်​ၽၢၼ်ႇ​သၢင်း​ႁဵတ်း​ပဵၼ် ပုၼ်ႈ​ဢၼ်​တၵ်း​တီႉ​ဢဝ်​လႄႈ​ယႃႉ​ပႅတ်ႈ​ၼၼ်ႉ​လႄႈ သႄႉ​သွမ်း​လွင်ႈ​တၢင်း​ဢၼ်​တူဝ်​ၸဝ်ႈ​ၵဝ်ႇ ဢမ်ႇ​ႁူႉ​ၼၼ်ႉ​ယူႇ​သေ​လႄႈ၊ တၵ်း​လႆႈ​ႁွတ်ႈ​ထိုင်​တၢင်း​လူႉ​တၢင်း​လႅဝ် ၵွပ်ႈ​ပိူဝ်ႈ​ဢၼ်​တူဝ်​ၸဝ်ႈ​ၵဝ်ႇ တူႇ​ၼဝ်ႈ​ၼၼ်ႉ​လႄႈ ၶၢမ်ႇ​ဢပႅတ်ႈ​လွင်ႈ​တၢင်း​ဢၼ် ဢမ်ႇ​တြႃး​ၼၼ်ႉ​ယူႇ၊-</verse>
				<verse number="13">မီး​သၽေႃး​ဢၼ်​ဝႃႈ တၢင်း​ဢၼ်​ၸၢမ်ႇ​ၸႃး​ၵႃႇမၵုင်ႇ​ပူၼ်ႉ​လိူဝ် ၼႂ်း​ၶိင်ႇ​ၵၢင်​ဝၼ်း​ၼၼ်ႉ ပဵၼ်​တီႈ​ဢၼ်​မူၼ်ႈ​ပျေႃႇ​၊ ဝႃႈ​ၼင်ႇ​ၼႆ​လႄႈ ပဵၼ်​ဢၼ်​ၵူဝ်ႈ​ဢၼ်​ၵိူၵ်ႇ ဢၼ်​ၵႂၢၵ်ႈ​ဢၼ်​ၵိၵ်ႈ​ဝႆႉ​လႄႈ ႁဵတ်း​တၢင်း​ဢၼ်​ၽိတ်း​ပိူင်ႈ ၸၢမ်ႇ​ၸႃး​ၵႃႇမၵုင်ႇ​ပူၼ်ႉ​လိူဝ် ၼႂ်း​မိူဝ်ႈ​ဢၼ်​ႁဵတ်း​ပွႆး​ၵိၼ်​ပွႆး​ၶူပ်း​လူၺ်ႈ​ၵၼ်​တင်း​သူ​ၼၼ်ႉ​ယူႇ၊-</verse>
				<verse number="14">မီး​မၢၵ်ႇ​တႃ​ဢၼ်​ပျေႉ​ၸုမ်ႇ​တင်း​ၵီႉလေႇသႃႇ​ဢၼ်​ၽိတ်း​ပိူင်ႈ​မေး​ပိူၼ်ႈ​လႄႈ ယင်း​ဢမ်ႇ​ႁဵတ်း​တူႉ​ၸရိူၵ်ႈ​လႄႈ​ဢမ်ႇ​ယူႇ​လႆႈ၊ ၸၢင်ႈ​ၸူဝ်း​ဢဝ်​ၶဝ်​ၸိူဝ်း​ဢၼ် ႁူဝ်​ၸႂ်​ဢမ်ႇ​မၼ်ႈ​ဢမ်ႇ​ၶိူင်ႇ​ၼၼ်ႉ ၵႂႃႇ​ၼႂ်း​ဢပႅတ်ႈ​ယူႇ၊ ၵႂႃႇ​ၵႂႃႇ​မႃး​မႃး​ၼႂ်း​တၢင်း​ဢၼ်​လေႃး​ၽႃႉ​ပူၼ်ႉ​လိူဝ်​လႄႈ ပဵၼ်​လုၵ်ႈ​တၢင်း​ဢၼ်​ၵိၼ်ႇ​ဢၼ်​ဝႃႈ​ယူႇ၊-</verse>
				<verse number="15">ပိူင်ႈ​ဢွၵ်ႇ​သေ​ၵႃႈ​ၼႂ်း သဵၼ်ႈ​တၢင်း​ဢၼ်​သိုဝ်ႈ​ဢၼ်​တေႃႇ​ၵႂႃႇ​လႄႈ ၸွမ်း​သဵၼ်ႈ​တၢင်း​ ပႃႇလၢမ်ႇ ​လုၵ်ႈ​ၸၢႆး​ ပေႃႇသေႃႇ ၊-</verse>
				<verse number="16">ဢၼ်​ၸွႆး​ၸပ်း​ၵႃႈ​ၶၼ်​လွင်ႈ​တၢင်း​ဢၼ် ဢမ်ႇ​တြႃး​လႄႈ​လႆႈ​ၶၢမ်ႇ​တၢင်း​ဢၼ် သင်ႇ​သွၼ်​သုင်း​မႃႉ ၵွပ်ႈ​ပိူဝ်ႈ​တူႉ​ၸရိူၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ​ယူႇ​ဢေႃႈ။ ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ လီႈ​ဢၼ်​ဢမ်ႇ​လၢတ်ႈ​ၵႂၢမ်း​လႆႈ​ၼၼ်ႉ လၢတ်ႈ​ၵႂၢမ်း​ၽႃႇသႃႇ​ၵူၼ်း​သေ​လႄႈ ႁၢမ်ႈ​တၢပ်ႈ​ႁႄႉ​ၶႅၼ်​တၢင်း​မိူၵ်ႈ ပရေႃးၽႅတ်ႈ​ဢေႃႈ။</verse>
				<verse number="17">ၶဝ်​ၼၼ်ႉ​ပဵၼ်​ၸိူဝ်ႉ​ၼင်ႇ ၼမ်ႉ​မေႃႇ​ဢၼ်​ဢမ်ႇ​မီး​ၼမ်ႉ ဢိၵ်ႇ​တင်း​ၽႃႈ​ၽူၼ် ဢၼ်​လူမ်း​ထူဝ်း​လႄႈ​ပိဝ်​ၵႂႃႇ​ၼၼ်ႉ​ဢေႃႈ။ ပုၼ်ႈ​ၶဝ်​ၼၼ်ႉ​ၸိုင် မီး​တၢင်း​ဢၼ်​ဢဝ်​လပ်း​သိင်ႇ​ထႃႇဝရႃႉ ဢၼ်​လိုၵ်ႉ​ၼႃႇ​ၼၼ်ႉ​သိမ်း​ဝႆႉ​ယူႇ​ဢေႃႈ။-</verse>
				<verse number="18">လွင်ႈ​မၼ်း​ၸမ်ႉ ၶဝ်​လၢတ်ႈ​ၵႂၢမ်း​သုင် ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​လႄႈ ဢဝ်​တင်း​တၢင်း​ဢၼ်​ၸႃႇ​တီႉ​ပၵတီႉ ၸွႆး​ၸပ်း၊ တင်း​တၢင်း​ဢၼ်​ၵီႉလေႇသႃႇ​ပူၼ်ႉ​လိူဝ်​ၸိူဝ်း​ၼၼ်ႉ ၸူဝ်း​ဢဝ်​ၶဝ်​ၸိူဝ်း​ဢၼ်​ၸမ်​တၵ်း ဢွၵ်ႇ​ပၢႆႈ​သေ​ၵႃႈ​ၼႂ်း​ၶဝ်​ၸိူဝ်း​ဢၼ်​ၵႂႃႇ​ၵႂႃႇ မႃး​မႃး ၼႂ်း​တၢင်း​ဢၼ်​ၽိတ်း​ပိူင်ႈ​ၼၼ်ႉ​ၵႂႃႇ ၵႃႈ​ၼႂ်း​ဢပႅတ်ႈ​ဢေႃႈ။-</verse>
				<verse number="19">ပိၵ်ႉ​သမ်ႉ​ၶဝ်​ႁပ်ႉ​တုင်း​ဢဝ်​လႄႈ​ဝႃႈ၊ မီး​ဢၶႂၢင်ႉ​တၢင်း​ဢၼ်​လွတ်ႈ​ယူႇ​ဢေႃႈ​၊ ဝႃႈ​ၼင်ႇ​ၼႆ​ယူႇ​သေ​ၵေႃႈ၊ ပဵၼ်​ၶႃႈ​တၢင်း​ဢၼ်​တူဝ်​ၸဝ်ႈ​ၵဝ်ႇ​တူႇ​ၼဝ်ႈ​ယူႇ​ၼၼ်ႉ​ဢေႃႈ။ ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ လွင်ႈ​တၢင်း​ဢၼ်​ပႄႉ​ၼႅင်ႇ​ၵူၼ်း​ၸိုင် ပဵၼ်​ၸဝ်ႈ​ၵူၼ်း​ဢေႃႈ။-</verse>
				<verse number="20">ပေႃး​ၵၢင်း​လွတ်ႈ​တင်း တၢင်း​ဢၼ်​ၵူဝ်ႈ​ဢၼ်​ၵိူၵ်ႇ​လေႃးၵီႇ ၵွပ်ႈ​ပိူဝ်ႈ​တၢင်း​ဢၼ်​ႁူႉ​ၸၵ်း​ၸဝ်ႈ ဢၼ်​ၵႄႇ​ၶျွတ်ႈ​ဢဝ်​ဢၼ်​ဝႃႈ ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ​သေ​ယဝ်ႉ သမ်ႉ​ၶိုၼ်း​ထုၵ်ႇ​တူင်ႇ​ႁႅဝ်ႉ​လႄႈ​သုမ်း​ၵႂႃႇ​ၸိုင် ဢၼ်​ပဵၼ်​ၵမ်း​လိုၼ်း ယဵင်ႈ​ၶႅၼ်း​ႁၢႆႉ​ၼႃႇ​သေ ဢၼ်​ပဵၼ်​ဢွၼ်​တၢင်း​ဢေႃႈ။-</verse>
				<verse number="21">ဢၼ်​ယူႇ​လႄႈ​ဢမ်ႇ​ႁူႉ​သဵၼ်ႈ​တၢင်း​တြႃး တၢင်း​ဢၼ်​သိုဝ်ႈ​တေႃႇ​ၼၼ်ႉ ယဵင်ႈ​ၶႅၼ်း​လီ​ၼႃႇ​သေ ဢၼ်​ႁူႉ​သဵၼ်ႈ​တၢင်း​ၼၼ်ႉ​ယူႇ​လႄႈ ၵမ်း​လိုၼ်း​သမ်ႉ​ပႄႇ​ပႅတ်ႈ​သေ ပိင်း​ၺၢပ်ႈ​ဢၼ်​မူတ်း​ၸၢင်ႇ ဢၼ်​တူဝ်​ၸဝ်ႈ​ၵဝ်ႇ​လႆႈ​ၶၢမ်ႇ​ယဝ်ႉ​ၼၼ်ႉ​ဢေႃႈ။-</verse>
				<verse number="22">ၵႂၢမ်း​ဢပုမ်ႇ​ဢၼ်​မၢၼ်ႇ​ဢၼ်​မႅၼ်ႈ​ဢၼ်​ဝႃႈ၊ မႃ​ၸိုင်​သမ်ႉ​ၶိုၼ်း​ၵိၼ်​ႁၢၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။ မူ​ၵေႃႈ​သုၵ်ႈ​သီ​ယဝ်ႉ​သမ်ႉ​ၶိုၼ်း ဢိူၵ်ႇ​ၵႃႈ​ၼႂ်း​ၵူမ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ ပျေႉ​ၸုမ်ႇ​ၼႂ်း​ၶဝ်​ၼၼ်ႉ​ဢေႃႈ။</verse>
			</chapter>
			<chapter number="3">
				<verse number="1">ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ၵဝ်​တႅမ်ႈ​လိၵ်ႈ​ဢေႃးဝႃႇတႃႉ တူႉတီႉယႃႉ ၼႆႉ ပၼ်​ၵႂႃႇ​တီႈ​သူ​ဢေႃႈ။ ၵဝ်​ပၼ်​သတီႉ​လႄႈ ၸူဝ်း​ဢဝ်​ၸႂ်​ဝီႉၺိၺ်ႇ​သူ ဢၼ်​သႂ်​ၸၢင်ႇ​ၼၼ်ႉ၊-</verse>
				<verse number="2">ႁႂ်ႈ​သူ​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႂၢမ်း​ဢၼ်​ပရေႃးၽႅတ်ႈ​ဢၼ်​မူတ်း​ၸၢင်ႇ​တင်း​လၢႆ ႁေႃး​လၢတ်ႈ​မိူဝ်ႈ​ဢွၼ်​ၼႆႉ​ၼၼ်ႉ ဢိၵ်ႇ​တင်း​ပိင်း​ၺၢပ်ႈ​ႁဝ်း ဢၼ်​ပဵၼ်​တမၢၼ်ႇ​ၸဝ်ႈ​ၽြႃး ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ ၵႃႈ​ၼႂ်း​လိၵ်ႈ သွင်​ၽိုၼ်​ၼႆႉ​ဢေႃႈ။-</verse>
				<verse number="3">လွင်ႈ​ဢၼ်​လီ​မၢတ်ႈ​ဝႆႉ​တွင်း​ဝႆႉ ဢွၼ်​တၢင်း​ၸမ်ႉ၊ ၼႂ်း​ၶိင်ႇ​ၵႃႇလႃႉ​ၵမ်း​လိုၼ်း​ပုၼ်ႉ၊ ၶဝ်​ၸိူဝ်း​ဢၼ်​ၸၢင်ႈ​ႁဵတ်း​ပျၢၵ်ႈ​ၼၼ်ႉ တၵ်း​ဢဝ်​တင်း​တၢင်း​ဢၼ်​သႄႉ​ဢၼ်​သွမ်း​ပေႃႇ​မႃး​လႄႈ ၵမ်​ၵျၢင်ႉ​ၸွမ်း​ၼင်ႇ တၢင်း​ဢၼ်​ၶဝ်​ၸွႆး​ၸပ်း​ၼၼ်ႉ​ယူႇ​သေ​လႄႈ​လၢတ်ႈ​ဝႃႈ၊-</verse>
				<verse number="4">ၵတီႉ​ၸဝ်ႈ​ဢၼ်​ဝႃႈ၊ ၸဝ်ႈ​ၽြႃး​တၵ်း​မႃး​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ မီး​ၵႃႈ​လႂ်။ လိုၼ်း​သေ​ပူႇ​မွၼ်ႇ​တင်း​လၢႆ ၼွၼ်း​လပ်း​ၵႂႃႇ​ယဝ်ႉ​ၼၼ်ႉ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ပဵၼ်​ယူႇ​မိူၼ်​ၸိူဝ်ႉ​ၼင်ႇ မိူဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ဝႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">ၶဝ်​ၼၼ်ႉ​ဢမ်ႇ​မီး​ၸႂ်​ဢၼ် ၶႂ်ႈ​မၢတ်ႈ​ၶႂ်ႈ​တွင်း လွင်ႈ​ဢၼ်​ၽႃႉ​ၵၢင်​ႁၢဝ် ဢၼ်​မီး​ၸဵမ်​မိူဝ်ႈ​ဢွၼ်​တၢင်း​ၼႆႉ​ၼၼ်ႉ ဢိၵ်ႇ​တင်း​လိၼ်​ဢၼ်​ဢွၵ်ႇ​မႃး​ၵႃႈ​ၼႂ်း​ၼမ်ႉ​လႄႈ တႄႇ​ယူႇ​ၵွပ်ႈ​ပိူဝ်ႈ​ၼမ်ႉ​ၼၼ်ႉ ပဵၼ်​ၵွပ်ႈ​ပိူဝ်ႈ ၼုၵ်ႈၵပၢတ်ႈ​ၽြႃး​ပဵၼ်​ၸဝ်ႈ၊-</verse>
				<verse number="6">ဢိၵ်ႇ​တင်း​လွင်ႈ​ဢၼ်​ဢဝ်​တင်း​ၼမ်ႉ ထူမ်ႈ​လေႃးၵထၢတ်ႈ​ဢၼ်​ပဵၼ်​မႃး​ယဝ်ႉ​ၼၼ်ႉ​ပႅတ်ႈ​လႄႈ လူႉ​လႅဝ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​ဝႆႉ။-</verse>
				<verse number="7">ၽႃႉ​ၵၢင်​ႁၢဝ်​တင်း​လိၼ်​မိူင်း ဢၼ်​မီး​ယူႇ​တေႃႈ​လဵဝ်​ၼႆႉ​ၸမ်ႉ၊ ၵွပ်ႈ​ပိူဝ်ႈ​ၼုၵ်ႈၵပၢတ်ႈ​ၸဝ်ႈ​ၼၼ်ႉ​လႄႈ သိမ်း​ဝႆႉ​မီး​ယူႇ​တေႃႇ​ထိုင်​ႁွတ်ႈ ဝၼ်း​ဢၼ်​တၵ်း​ၸီႇ​ယၢင်ႇ​တြႃး​လႄႈ ယႃႉ​ပႅတ်ႈ​ၵူၼ်း​ဢႃႉထမ်ႇမႃႉ​တင်း​လၢႆ​ၼၼ်ႉ​လႄႈ လႆႈ​ၵိုတ်း​လႆႈ​ၵျၢၼ်ႇ​ဝႆႉ ပုၼ်ႈ​လွင်ႈ​ၼင်ႇ​ႁိုဝ် တၵ်း​လႆႈ​တုတ်ႇ​ၽႆး​ပႅတ်ႈ​ဢေႃႈ။</verse>
				<verse number="8">ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ယႃႇ​ပေ​လူင်​ပေ​လိုမ်း လွင်ႈ​ဢၼ်​ၵႃႈ​တီႈ​ထႃႇဝရႃႉ​ၽြႃး​ၼၼ်ႉ၊ ၶိင်ႇ​ၵႃႇလႃႉ​ဝၼ်း​ၼိုင်ႈ ပဵၼ်​ၸိူဝ်ႉ​ၼင်ႇ​ပီႊ​မိူင်း​ႁဵင်​ၼိုင်ႈ ဢိၵ်ႇ​တင်း​လွင်ႈ​ဢၼ်​ပီႊ​မိူင်း​ႁဵင်​ၼိုင်ႈ ပဵၼ်​ၸိူဝ်ႉ​ၼင်ႇ​ဝၼ်း​ၼိုင်ႈ​ၼၼ်ႉ။-</verse>
				<verse number="9">ထႃႇဝရႃႉ​ၽြႃး​ဢမ်ႇ​ထိူင်း​ဢမ်ႇ​ၼၢၼ်း ၵႃႈ​ၼႂ်း​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း ၵတီႉ​ၸဝ်ႈ​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ၵူၼ်း​ၵမ်ႈ​ၽွင်ႈ မၢတ်ႈ​ပဵၼ်​တၢင်း​ဢၼ်​ထိူင်း​လႄႈ​ၼၢၼ်း​ၼၼ်ႉ။ မၼ်း​ၸဝ်ႈ​မီး​ဢလူဝ်ႇ ဢမ်ႇ​ၶႂ်ႈ​ႁႂ်ႈ​ၽူႈ​လႂ်​လႆႈ​လူႉ​လႆႈ​လႅဝ်။ ၶႂ်ႈ​ႁႂ်ႈ​ၵူၼ်း​ၵႃႈ​မီး​တင်း​သဵင်ႈ​တင်း​လူင် လႆႈ​တၢင်း​ဢၼ် ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​ဢပႅတ်ႈ​လႄႈ ယိူၼ်ႉ​ၶၢမ်ႇ​ႁဝ်း​ယူႇ​ဢေႃႈ။-</verse>
				<verse number="10">ၶိင်ႇ​ဝၼ်း​ထႃႇဝရႃႉ​ၽြႃး​တၵ်း​မႃး မိူၼ်​ၸိူဝ်ႉ​ၼင်ႇ​ဢၼ် ၽူႈ​လၵ်ႉ​မႃး​ၶိင်ႇ​ၵၢင်​ၶိုၼ်း​ၼၼ်ႉ​ဢေႃႈ။ ၼႂ်း​ဝၼ်း​ၼၼ်ႉ ၽႃႉ​ၵၢင်​ႁၢဝ်​ၼႆႉ တၵ်း​ပႃး​တင်း​သဵင်​ဢၼ်​ယႂ်ႇ​ၼႃႇ​လႄႈ ႁၢႆ​လၢႆ​ၵႂႃႇ​ဢေႃႈ။ လေႃးၵထၢတ်ႈ​ၸိူဝ်း​ၼႆႉ တၵ်း​မႆႈ​ႁႅင်း​ၼႃႇ​လူင်​လၢင်​လႄႈ​လူႉ​လႅဝ်​ဢေႃႈ။ ၸႃႉ​ၸဵမ်​တူဝ်​လိၼ်​မိူင်း တင်း​ၶိူင်ႈ​ပိူင်​ၵႃႈ​ဢၼ်​ႁဵတ်း​ပဵၼ် ၵႃႈ​ၼိူဝ်​လိၼ်​မိူင်း တင်း​သဵင်ႈ​တင်း​လူင် တၵ်း​မႆႈ​သုတ်း​ၵႂႃႇ​ဢေႃႈ။</verse>
				<verse number="11">ၵွပ်ႈ​ႁွႆး​ၼႆႉ ပိူဝ်ႈ​ဢၼ်​ၶိူင်ႈ​ပိူင် တင်း​သဵင်ႈ​တင်း​လူင်​ၸိူဝ်း​ၼႆႉ တၵ်း​သဵင်ႈ​ပႅတ်ႈ​မူတ်း​ပႅတ်ႈ ဢမၢၼ်ႇ​ၶၼ်​ပဵၼ်​လႄႈ၊-</verse>
				<verse number="12">သူ​ဢွၼ်​ၵၼ်​မုင်ႈ​ထႃႈ​မွင်း​ထႃႈ​လွင်ႈ​ဢၼ် ဝၼ်း​ၽြႃး​ပဵၼ်​ၸဝ်ႈ တၵ်း​ႁွတ်ႈ​မႃး​ဢၼ်​ဝႃႈ ဝၼ်း​ဢၼ်​ၽႃႉ​ၵၢင်​ႁၢဝ်​တၵ်း​လႆႈ လူႉ​လႅဝ်​လူၺ်ႈ​ၽႆး​လႄႈ လေႃးၵထၢတ်ႈ​တင်း​လၢႆ​ၵေႃႈ တၵ်း​လႆႈ​မႆႈ​ႁႅင်း​ၼႃႇ​လူင်​လၢင်​သေ​လႄႈ ၶၢမ်ႇ​တၢင်း​ဢၼ်​ဢွင်ႇ​ၸိူမ်ႈ​ၼၼ်ႉ​ယူႇ၊ မီး​တင်း​တၢင်း​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​မူတ်း​ၸၢင်ႇ ဢိၵ်ႇ​တင်း​တၢင်း​ဢၼ်​မူၼ်ႈ​ပျေႃႇ ၼႂ်း​ဝၢတ်ႈ​ၽြႃး​ယူႇ​သေ​လႄႈ ထုၵ်ႇ​လီ​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်။-</verse>
				<verse number="13">ၵူၺ်း​ၵႃႈ ႁဝ်း​မုင်ႈ​ထႃႈ​မွင်း​ထႃႈ ၽႃႉ​ၵၢင်​ႁၢဝ်​ဢၼ်​မႂ်ႇ ဢိၵ်ႇ​တင်း​လိၼ်​မိူင်း​ဢၼ်​မႂ်ႇ တီႈ​ဢၼ်​တြႃး​တၢင်း​ဢၼ်​သိုဝ်ႈ​တေႃႇ​တၵ်း​တႄႇ​ယူႇ​ၼၼ်ႉ ၸွမ်း​ၵႃႈ​ၼင်ႇ​ၵတီႉ​ၸဝ်ႈ​ၼၼ်ႉ​ဢေႃႈ။</verse>
				<verse number="14">ပိူဝ်ႈ​ဢၼ်​မီး​တၢင်း​ဢၼ်​မုင်ႈ​ထႃႈ​မွင်း​ထႃႈ ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ဢွၼ်​ၵၼ်​ဢဝ်​ႁႅင်း​ၵျူဝ်း​ၸႃး ႁႂ်ႈ​လႆႈ​ၵၢင်း​လွတ်ႈ​တင်း​တၢင်း​ဢၼ်​ၵူဝ်ႈ​ဢၼ်​ၵိူၵ်ႇ​လႄႈ ယင်း​ဢမ်ႇ​ပႃး​ဢပႅတ်ႈ​ၵႃႈ​သင်​သေ​ၸိူဝ်ႉ​သေ​ပိူင်​လႄႈ ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၼိမ်​ၼိမ်​လီ​လီ​တႃႉ။-</verse>
				<verse number="15">ဢွၼ်​ၵၼ်​မၢတ်ႈ​တွင်း​လွင်ႈ​ဢၼ်​တၢင်း​ဢၼ်​ၸဝ်ႈ​ၽြႃး​ႁဝ်း ယိူၼ်ႉ​ၶၢမ်ႇ​ၼၼ်ႉ ပဵၼ်​ဢၼ်​တၵ်း​ၵႄႇ​ၶျွတ်ႈ​ဢဝ်​ၼၼ်ႉ မႅၼ်ႈ​ၼင်ႇ​ဢၼ်​ပႃး​ၵႃႈ​ၼႂ်း​လိၵ်ႈ​ဢၼ်​ ပေႃးလူႉ ဢၼ်​ပဵၼ်​ၼွင်ႉ​ဢၼ်​ၵဝ်​ႁၵ်ႉ​ၼၼ်ႉ တႅမ်ႈ​ပၼ်​ၵႂႃႇ​တီႈ​သူ ၵႃႈ​ၼင်ႇ​ၺၢၼ်ႇ​ပိင်ႇ​ၺႃႇ ဢၼ်​မၼ်း​လႆႈ​ၶၢမ်ႇ​ဢဝ် ဢိၵ်ႇ​တင်း ၵႃႈ​ၼႂ်း​လိၵ်ႈ​ဢေႃးဝႃႇတႃႉ ၵႃႈ​ဢၼ်​မၼ်း​ၸီႇ​ယၢင်ႇ​လႄႈ လၢတ်ႈ​ဝႆႉ​လွင်ႈ​တၢင်း​ၸိူဝ်ႉ​ၼင်ႇ​ၼႆ​ၼၼ်ႉ​ဝႆႉ​တႃႉ။-</verse>
				<verse number="16">ၼႂ်း​လိၵ်ႈ​ၸိူဝ်း​ၼၼ်ႉ​ၸိုင်၊ မီး​လွင်ႈ​တၢင်း​ဢၼ်​ယၢပ်ႇ​ၼႃႇ​ၵမ်ႈ​ၽွင်ႈ​ဢေႃႈ။ ၶဝ်​ၸိူဝ်း​ဢၼ်​ဢမ်ႇ​မေႃ​ဢမ်ႇ​ၸၢင်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​ဢမ်ႇ​မီး​တၢင်း​ဢၼ်​တႄႇ​ယူႇ​ၼၼ်ႉ ဢွၼ်​ၵၼ်​ၶႂမ်ႈ​ပိၼ်ႈ ၸႃႉ​ၸဵမ်​လွင်ႈ​တၢင်း​ၸိူဝ်း​ၼၼ်ႉ ဢိၵ်ႇ​တင်း​ဢထိၵ်ႈပႄႇ​ၵျၢမ်း​လိၵ်ႈ ၵႃႈ​ဢၼ်​ယင်း​ၵိုတ်း​ယင်း​ၵျၢၼ်ႇ​ၼၼ်ႉ​ပႅတ်ႈ​လႄႈ ၸၢင်ႈ​ယႃႉ​တူဝ်​ၸဝ်ႈ​ၵဝ်ႇ​ပႅတ်ႈ​ဢေႃႈ။</verse>
				<verse number="17">ပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​လႄႈ ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ လွင်ႈ​ၼင်ႇ​ႁိုဝ်​သူ​ၵေႃႈ တၵ်း​ဢမ်ႇ​ၸွမ်း​ၼႂ်း​တီႈ​ဢၼ်​ၸူဝ်း​ၵႂႃႇ​ၸူဝ်း​ပႆႇ ၵွပ်ႈ​ပိူဝ်ႈ​ပရီႉယႄႇ​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​လႄႈ သုတ်ႈ​ယွမ်း​ၵႂႃႇ​ၵႃႈ​ၼႂ်း​တၢင်း​ဢၼ်​သူ​တႄႇ​ယူႇ​ၼၼ်ႉ​ၸိုင် ပိူဝ်ႈ​ဢၼ်​သူ​ႁူႉ​လွင်ႈ​တၢင်း​ၸိူဝ်း​ၼၼ်ႉ​ဝႆႉ​ယဝ်ႉ​လႄႈ ဢွၼ်​ၵၼ်​ပႂ်ႉ​တူဝ်​ၸဝ်ႈ​ၵဝ်ႇ​ယူႇ​တႃႉ။-</verse>
				<verse number="18">ဢွၼ်​ၵၼ်​ယႂ်ႇ​ၵႂၢင်ႈ​မႃး​ၼႂ်း​ၵျေး​ၸူး​ၸဝ်ႈ ဢိၵ်ႇ​တင်း​ၼႂ်း​တၢင်း​ဢၼ်​ႁူႉ​ၸၵ်း​ၸဝ်ႈ​ ယေႇသူႉ​ၶရိၸ်ႈ ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ႁဝ်း​ၼၼ်ႉ​တႃႉ။ ႁႂ်ႈ​ၸဝ်ႈ​ၼၼ်ႉ မီး​မုၼ်​သရေႇ​ၸႃႉ​ၸဵမ်​မိူဝ်ႈ​လဵဝ်​ၼႆႉ တေႃႇ​ထိုင်​ႁွတ်ႈ​ၶိင်ႇ​ၵႃႇလႃႉ​ဝၼ်း​ထႃႇဝရႃႉ​တဵမ်​တဵမ်​ၼၼ်ႉ သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ပေႇတရူႉ​ၽိုၼ်​တူႉတီႉယႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="62">
			<chapter number="1">
				<verse number="1">လွင်ႈ​တၢင်း​ဢၼ်​ပဵၼ်​မႃး ၸႃႉ​ၸဵမ်​မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ​လႄႈ တူဝ်​ႁဝ်း​လႆႈ​ငိၼ်း၊ မၢၵ်ႇ​တႃ​တူဝ်​ႁဝ်း​လႆႈ​ႁၼ်၊ လႆႈ​လူ​လႆႈ​တူၺ်း​ၸေး​ၸေး​ၸွတ်ႇ​ၸွတ်ႇ​လႄႈ ဢဝ်​တင်း​မိုဝ်း လုပ်ႈ​ၵမ်း​ယဝ်ႉ​ဢၼ်​ဝႃႈ လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း ၼုၵ်ႈၵပၢတ်ႈ​ၸဝ်ႈ ဢၼ်​ဢသၢၵ်ႈ​လိပ်း​ၼၼ်ႉ​ၸိုင် ႁဝ်း​ၼႄ​ပျႃး​တီႈ​သူ​ဢေႃႈ။-</verse>
				<verse number="2">ဢသၢၵ်ႈ​ၼၼ်ႉ ထၢင်ႇ​သႃး​မႃး​ယဝ်ႉ၊ ႁဝ်း​ၵေႃႈ​လႆႈ​ႁၼ်​ယဝ်ႉ။ ႁဝ်း​ၶၢမ်ႇ​သၢၵ်ႈ​သေႇ လွင်ႈ​ထႃႇဝရႃႉ​ဢသၢၵ်ႈ ဢၼ်​မီး​ယူႇ​လူၺ်ႈ​ၵၼ်​တင်း ပေႃႈ​ၸဝ်ႈ​လႄႈ လႆႈ​ထၢင်ႇ​သႃး​မႃး​တီႈ​ႁဝ်း​ယဝ်ႉ​ၼၼ်ႉ​လႄႈ ၼႄ​ပျႃး​တီႈ​သူ​ဢေႃႈ။-</verse>
				<verse number="3">ႁဝ်း​ၼႄ​ပျႃး​လွင်ႈ​တၢင်း​ဢၼ် ႁဝ်း​လႆႈ​ႁၼ်​လႆႈ​ငိၼ်း​ၼၼ်ႉ​တီႈ​သူ ႁႂ်ႈ​သူ​လႆႈ​မီး​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​တင်း​ႁဝ်း​ဢေႃႈ။ တၢင်း​ဢၼ်​ႁဝ်း​မီး​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​ထုၵ်ႇ​ၵၼ် တင်း​ပေႃႈ​ၸဝ်ႈ တင်း​လုၵ်ႈ​ၸဝ်ႈ ယေႇသူႉ​ၶရိၸ်ႈ ​ဢေႃႈ။-</verse>
				<verse number="4">ႁဝ်း​တႅမ်ႈ​လွင်ႈ​တၢင်း​ၸိူဝ်း​ၼႆႉ ပၼ်​တီႈ​သူ ႁႂ်ႈ​တၢင်း​ဢၼ်​သူ​သိူဝ်း​ပျေႃႇ​ၼၼ်ႉ လႆႈ​ၸေး​ၸုမ်ႇ​ဢေႃႈ။</verse>
				<verse number="5">ၵႂၢမ်း​တြႃး​ဢၼ်​ႁဝ်း​လႆႈ​ငိၼ်း ၵႃႈ​တီႈ​ၼုၵ်ႈၵပၢတ်ႈ​ၸဝ်ႈ​ၼၼ်ႉ​လႄႈ ၼႄ​ပျႃး​တီႈ​သူ​ၸမ်ႉ၊ ၽြႃး​ပဵၼ်​ၸဝ်ႈ ပဵၼ်​ဢၼ်​လႅင်း​ဢေႃႈ။ ၼႂ်း​ၽြႃး​ပဵၼ်​ၸဝ်ႈ​ၼၼ်ႉ ဢမ်ႇ​မီး​ဢၼ်​လပ်း​သိင်ႇ​လႃး​လႃး။-</verse>
				<verse number="6">ပိၵ်ႉ​သမ်ႉ​ႁဝ်း​ဝႃႈ၊ ႁဝ်း​မီး​မိၵ်ႉသႃႇႁႃယႃႉ တၢင်း​ဢၼ်​ထုၵ်ႇ​ၵၼ်​တင်း​မၼ်း​ၸဝ်ႈ​ယဝ်ႉ၊ ဝႃႈ​ၼင်ႇ​ၼႆ​သေ​ၵေႃႈ၊ ပေႃး​ႁဝ်း​ၵႂႃႇ​ၵႂႃႇ​မႃး​မႃး​ယူႇ​ၵႃႈ​ၼႂ်း ဢၼ်​လပ်း​သိင်ႇ​ယူႇ​ၸိုင် ႁဝ်း​ပဵၼ်​ၵေႃႉ​ဢၼ် ၵမ်​ၵျၢင်ႉ​သဵတ်ႈ​ၸႃႇ​တြႃး​ဢမ်ႇ​ၸႂ်ႈ။ ပဵၼ်​ၵေႃႉ​ဢၼ်​လၢတ်ႈ​မူႉ​သႃႇ​ဢေႃႈ။-</verse>
				<verse number="7">ပေႃး​ႁဝ်း​ၵႂႃႇ​ၵႂႃႇ​မႃး​မႃး ၵႃႈ​ၼႂ်း​ဢၼ်​လႅင်း​မိူၼ်​ၸိူဝ်ႉ​ၼင်ႇ​ဢၼ် ၽြႃး​ပဵၼ်​ၸဝ်ႈ​မီး​ၼႂ်း​ဢၼ်​လႅင်း​ၼၼ်ႉ​ယူႇ​ၸိုင် ႁဝ်း​မီး​မိၵ်ႉသႃႇႁႃယႃႉ တၢင်း​ဢၼ်​ၼင်ႇ​ၵၼ်​ၵၼ်​ထုၵ်ႇ​ၵၼ်​လႄႈ လိူတ်ႈ​ ယေႇသူႉ​ၶရိၸ်ႈ ​လုၵ်ႈ​ၽြႃး​ပဵၼ်​ၸဝ်ႈ​ၼၼ်ႉ သုၵ်ႈ​ပွတ်ႈ​ဢပႅတ်ႈ ၵႃႈ​ဢၼ်​ႁဝ်း​မီး တင်း​သဵင်ႈ​တင်း​လူင်​ဢေႃႈ။</verse>
				<verse number="8">ပေႃး​ႁဝ်း​ဝႃႈ​ႁဝ်း​ဢမ်ႇ​မီး​ဢပႅတ်ႈ၊ ဝႃႈ​ၼင်ႇ​ၼႆ​ၸိုင်၊ ႁဝ်း​ပႅတ်ႉ​လႅၼ်​တူဝ်​ၸဝ်ႈ​ၵဝ်ႇ​ဢေႃႈ။ သဵတ်ႈ​ၸႃႇ​တြႃး​ၵေႃႈ​ဢမ်ႇ​မီး​ၵႃႈ​ၼႂ်း​ႁဝ်း။-</verse>
				<verse number="9">ပေႃး​ႁဝ်း​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ​လႄႈ တွင်း​ပၢၼ်ႇ​ၸိုင်၊ ၽြႃး​ပဵၼ်​ၸဝ်ႈ​ပျေႉ​ၸုမ်ႇ တင်း​သဵတ်ႈ​ၸႃႇ​တြႃး​ဢိၵ်ႇ​တင်း တြႃး​တၢင်း​ဢၼ်​သိုဝ်ႈ​တေႃႇ ႁႂ်ႈ​လႆႈ​ပွႆႇ​လွတ်ႈ​ဢပႅတ်ႈ​ႁဝ်း​လႄႈ ႁႂ်ႈ​ၵၢင်း​လွတ်ႈ​တင်း​တူႉ​ၸရိူၵ်ႈ​ၵႃႈ​မီး တင်း​သဵင်ႈ​တင်း​လူင်​ၼၼ်ႉ​ယူႇ​ဢေႃႈ။-</verse>
				<verse number="10">ပေႃး​ႁဝ်း​ဝႃႈ၊ ႁဝ်း​ဢမ်ႇ​လႆႈ​ႁဵတ်း​တူႉ​ၸရိူၵ်ႈ​မႃး၊ ဝႃႈ​ၼင်ႇ​ၼႆ​ၸိုင် ႁဝ်း​တၢင်ႇ​ဢပႅတ်ႈ​မူႉ​သႃႇ ၵႃႈ​တီႈ​ၽြႃး​ပဵၼ်​ၸဝ်ႈ​ဢေႃႈ။ ၼုၵ်ႈၵပၢတ်ႈ​ၸဝ်ႈ​ၵေႃႈ ဢမ်ႇ​မီး​ၵႃႈ​ၼႂ်း​ႁဝ်း။</verse>
			</chapter>
			<chapter number="2">
				<verse number="1">လုၵ်ႈ​လၢင်း​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ၼင်ႇ​ႁိုဝ်​သူ​တၵ်း​ဢမ်ႇ​ႁဵတ်း​တူႉ​ၸရိူၵ်ႈ​ၸိုင် ၵဝ်​တႅမ်ႈ​လွင်ႈ​တၢင်း​ၸိူဝ်း​ၼႆႉ​သေ​လႄႈ ပၼ်​ငိၼ်း​ၵႂႃႇ​တီႈ​သူ​ဢေႃႈ။ ပေႃး​သေ​ၵေႃႉ​သေ​ၵူၼ်း​ႁဵတ်း​တူႉ​ၸရိူၵ်ႈ​ဢပႅတ်ႈ​မႅၼ်ႈ​ၸိုင် ၸဝ်ႈ​ဢမူႉ​သွင်ႇ​ႁဝ်း ဢၼ်​ဝႃႈ​ ယေႇသူႉ​ၶရိၸ်ႈ ၸဝ်ႈ​ဢၼ်​သိုဝ်ႈ​တေႃႇ​ၼၼ်ႉ မီး​ယူႇ​ၵႃႈ​တီႈ​ပေႃႈ​ၸဝ်ႈ​ဢေႃႈ။-</verse>
				<verse number="2">ၸဝ်ႈ​ၼၼ်ႉ​ပဵၼ်​လွင်ႈ​ဢၼ် တၵ်း​ၽေႇ​ဢပႅတ်ႈ​ႁဝ်း​ၵူၺ်း​ဢမ်ႇ​ၵႃး၊ ပဵၼ်​လွင်ႈ​ဢၼ်​တၵ်း​ၽေႇ​ဢပႅတ်ႈ​ၵူၼ်း​လေႃးၵီႇ တင်း​သဵင်ႈ​တင်း​လူင်​ဢေႃႈ။</verse>
				<verse number="3">ႁဝ်း​တၵ်း​လႆႈ​ႁူႉ​လွင်ႈ​ဢၼ်​တူဝ်​ၸဝ်ႈ​ၵဝ်ႇ ႁူႉ​ၸၵ်း​ၸဝ်ႈ​ၼၼ်ႉ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ပေႃး​ႁဝ်း​ၵမ်​ၵျၢင်ႉ​ပိင်း​ၺၢပ်ႈ​ၸဝ်ႈ တင်း​လၢႆ​ၸိုင် ႁဝ်း​လႆႈ​ႁူႉ​ဢေႃႈ။-</verse>
				<verse number="4">ၵေႃႉ​ဢၼ်​ဝႃႈ၊ ၵဝ်​ႁူႉ​ၸဝ်ႈ​ၼၼ်ႉ​ယူႇ​ဢေႃႈ​၊ ဝႃႈ​ၼင်ႇ​ၼႆ​လႄႈ ဢမ်ႇ​ၵမ်​ဢမ်ႇ​ၵျၢင်ႉ​ပိင်း​ၺၢပ်ႈ​မၼ်း​ၸဝ်ႈ​တင်း​လၢႆ​ၼၼ်ႉ​ၸိုင် ပဵၼ်​ၵေႃႉ​ဢၼ် လၢတ်ႈ​မူႉ​သႃႇ​လႄႈ​သဵတ်ႈ​ၸႃႇ​ဢမ်ႇ​မီး​ၵႃႈ​ၼႂ်း​မၼ်း။-</verse>
				<verse number="5">ၵေႃႉ​ဢၼ်​ထွမ်ႇ​ဢဝ်​ၵႂၢမ်း​ၸဝ်ႈ​ၼၼ်ႉ​ၸမ်ႉ၊ ပျေႉ​ၸုမ်ႇ​တင်း တၢင်း​ႁၵ်ႉ​မႅတ်ႈ​တႃႇ​ၽြႃး​ပဵၼ်​ၸဝ်ႈ ဢမၢၼ်ႇ​ၶၼ်​ပဵၼ်​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼၼ်​လႄႈ ႁဝ်း​လႆႈ​ႁူႉ​လွင်ႈ​ဢၼ် ႁဝ်း​မီး​ၼႂ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="6">ၵေႃႉ​ဢၼ်​ဝႃႈ၊ ၵဝ်​တႄႇ​ယူႇ​ၼႂ်း​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တၵ်း​လႆႈ​ၵမ်​ၵျၢင်ႉ ၸိူဝ်ႉ​ၼင်ႇ​ဢၼ်​ၸဝ်ႈ​ၼၼ်ႉ ၵမ်​ၵျၢင်ႉ​ၼၼ်ႉ​ဢေႃႈ။</verse>
				<verse number="7">ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ပိင်း​ၺၢပ်ႈ​ဢၼ်​ၵဝ်​တႅမ်ႈ​ဝႆႉ​တီႈ​သူ​ၼၼ်ႉ ပဵၼ်​ပိင်း​ၺၢပ်ႈ​ဢၼ်​မႂ်ႇ​ဢမ်ႇ​ၸႂ်ႈ။ ပဵၼ်​ပိင်း​ၺၢပ်ႈ​ဢၼ်​ၵဝ်ႇ​ဢၼ်​မီး​တီႈ​သူ​ၸႃႉ​ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ​ဢေႃႈ။ ပိင်း​ၺၢပ်ႈ​ဢၼ်​ၵဝ်ႇ​ၸမ်ႉ၊ ပဵၼ်​တေႇသၼႃႇ​ဢၼ်​သူ​လႆႈ​ငိၼ်း ၸႃႉ​ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ​ဢေႃႈ။-</verse>
				<verse number="8">ၼႄး​ၼိုင်ႈ​ၸမ်ႉ၊ ၵဝ်​တႅမ်ႈ​ပိင်း​ၺၢပ်ႈ​ဢၼ်​မႂ်ႇ​ဝႆႉ​တီႈ​သူ​ဢေႃႈ။ ပဵၼ်​ဢၼ်​မႂ်ႇ​ၼႂ်း​ၸဝ်ႈ​ၼၼ်ႉ ဢိၵ်ႇ​တင်း​ၼႂ်း​သူ​ဢမၢၼ်ႇ​ၶၼ်​ပဵၼ်​ဢေႃႈ။ လွင်ႈ​မၼ်း​ၸမ်ႉ ဢၼ်​လပ်း​သိင်ႇ​ႁၢႆ​လၢႆ​ၵႂႃႇ​ယူႇ​လႄႈ ဢၼ်​လႅင်း​ဢၼ်​မၢၼ်ႇ​ဢၼ်​မႅၼ်ႈ​ၼၼ်ႉ ႁိူဝ်ႈ​လႅင်း​မႃး​ယူႇ​ဢေႃႈ။-</verse>
				<verse number="9">ၵေႃႉ​ဢၼ်​ဝႃႈ၊ ၵဝ်​မီး​ၼႂ်း​ဢၼ်​လႅင်း​ဢေႃႈ၊ ဝႃႈ​ၼင်ႇ​ၼႆ​လႄႈ ၸင်း​ပီႈ​ၼွင်ႉ​တူဝ်​ၸဝ်ႈ​ၵဝ်ႇ​ယူႇ​ၼၼ်ႉ ယင်း​မီး​ယူႇ​ၼႂ်း​ဢၼ်​လပ်း​သိင်ႇ​တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ​ဢေႃႈ။-</verse>
				<verse number="10">ၵေႃႉ​ဢၼ်​ႁၵ်ႉ​ပီႈ​ၼွင်ႉ​တူဝ်​ၸဝ်ႈ​ၵဝ်ႇ​ၼၼ်ႉ တႄႇ​ယူႇ​ၼႂ်း​ဢၼ်​လႅင်း​ဢေႃႈ။ လွင်ႈ​ဢၼ်​တၵ်း​တိူဝ်ႉ​မႅၼ်ႈ​လႄႈ​လူမ်ႉ ဢမ်ႇ​မီး​ၵႃႈ​တီႈ​ၵေႃႉ​ၼၼ်ႉ။-</verse>
				<verse number="11">ၵေႃႉ​ဢၼ်​ၸင်း​ပီႈ​ၼွင်ႉ​တူဝ်​ၸဝ်ႈ​ၵဝ်ႇ​ၼၼ်ႉ မီး​ယူႇ​ၼႂ်း​ဢၼ်​လပ်း​သိင်ႇ​လႄႈ ၵႂႃႇ​မႃး​ၼႂ်း​ဢၼ်​လပ်း​သိင်ႇ​ယူႇ​ဢေႃႈ။ မၼ်း​ၼၼ်ႉ ဢမ်ႇ​ႁူႉ​လွင်ႈ​ဢၼ်​တူဝ်​ၸဝ်ႈ​ၵဝ်ႇ​ၵႂႃႇ​ၵႃႈ​တီႈ​လႂ်​ၼၼ်ႉ ၵွပ်ႈ​ပိူဝ်ႈ​ဢၼ်​လပ်း​သိင်ႇ​ၼၼ်ႉ ႁႂ်ႈ​မၢၵ်ႇ​တႃ​မၼ်း​ဢမ်ႇ​ႁၼ်​လႆႈ​ၼၼ်ႉ။-</verse>
				<verse number="12">လုၵ်ႈ​လၢင်း​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ပိူဝ်ႈ​ဢၼ်​သူ​ၵၢင်း​လွတ်ႈ​တင်း​ဢပႅတ်ႈ​တင်း​လၢႆ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၼၼ်ႉ​လႄႈ ၵဝ်​တႅမ်ႈ​ပၼ်​ၵႂႃႇ​တီႈ​သူ​ဢေႃႈ။-</verse>
				<verse number="13">ပေႃႈ​ၶဝ်​ဢိူၺ်း၊ ပိူဝ်ႈ​ဢၼ်​သူ​ႁူႉ​ၸဝ်ႈ​ဢၼ်​မီး​ယူႇ​ၸႃႉ​ၸဵမ်​မိူဝ်ႈ​ၵေႃႇၸႃႉ​ဢွၼ်​ၼႆႉ​ၼၼ်ႉ​လႄႈ ၵဝ်​တႅမ်ႈ​ပၼ်​ၵႂႃႇ​တီႈ​သူ​ဢေႃႈ။ ၽူႈ​မၢဝ်ႇ​ၶဝ်​ဢိူၺ်း၊ ပိူဝ်ႈ​ဢၼ်​သူ​ပႄႉ​ၼႅင်ႇ​မႃႇၼၢတ်ႈ​လႄႈ ၵဝ်​တႅမ်ႈ​ပၼ်​ၵႂႃႇ​တီႈ​သူ​ဢေႃႈ။ လုၵ်ႈ​လၢင်း​ၶဝ်​ဢိူၺ်း၊ ပိူဝ်ႈ​ဢၼ်​သူ​ႁူႉ​ပေႃႈ​ၸဝ်ႈ​လႄႈ ၵဝ်​တႅမ်ႈ​ပၼ်​ၵႂႃႇ​တီႈ​သူ​ဢေႃႈ။-</verse>
				<verse number="14">ပေႃႈ​ၶဝ်​ဢိူၺ်း၊ ပိူဝ်ႈ​ဢၼ်​သူ​ႁူႉ​ၸဝ်ႈ​ဢၼ်​မီး​ယူႇ ၸႃႉ​ၸဵမ်​မိူဝ်ႈ​ၵေႃႇၸႃႉ​ဢွၼ်​ၼႆႉ​ၼၼ်ႉ​လႄႈ ၵဝ်​တႅမ်ႈ​ပၼ်​ၵႂႃႇ​တီႈ​သူ​ယဝ်ႉ။ ၽူႈ​မၢဝ်ႇ ၶဝ်​ဢိူၺ်း၊ ပိူဝ်ႈ​ဢၼ်​သူ​မီး​ဢဵၼ်​မီး​ႁႅင်း၊ သူ​ဢိင်​ပိုင်ႈ​ၼုၵ်ႈၵပၢတ်ႈ​ၽြႃး​ပဵၼ်​ၸဝ်ႈ၊ သူ​ပႄႉ​ၼႅင်ႇ​မႃႇၼၢတ်ႈ​လႄႈ ၵဝ်​တႅမ်ႈ​ပၼ်​ၵႂႃႇ​တီႈ​သူ​ယဝ်ႉ။</verse>
				<verse number="15">ယႃႇ​ပေ​ႁၵ်ႉ​ပေ​ပႅင်း​လေႃးၵႃႉ​ၼႆႉ ဢိၵ်ႇ​တင်း​ၶိူင်ႈ​ပိူင်​ဢၼ်​မီး​ၼႂ်း​လေႃးၵႃႉ​ၼႆႉ။ ၵေႃႉ​ဢၼ်​ႁၵ်ႉ​လေႃးၵႃႉ​ၼႆႉ​ၼၼ်ႉ​ၸမ်ႉ၊ တၢင်း​ဢၼ်​ႁၵ်ႉ​ပေႃႈ​ၸဝ်ႈ​ဢမ်ႇ​မီး​ၵႃႈ​ၼႂ်း​မၼ်း။-</verse>
				<verse number="16">လွင်ႈ​တၢင်း​ၵႃႈ​ဢၼ်​မီး​ၼႂ်း​လေႃးၵႃႉ​ၼႆႉ ဢၼ်​ဝႃႈ​တၢင်း​ဢၼ်​တူဝ်​ၵႃႇ​ယႃႉ​ၸွႆး​ၸပ်း၊ တၢင်း​ဢၼ်​မၢၵ်ႇ​တႃ​ၸွႆး​ၸပ်း၊ တၢင်း​ဢၼ်​ဢုပ်ႇ​ဝၢဝ်း​ၼႂ်း​ၸေး​ၸိမ်ႇ​လေႃးၵီႇ​ၸိူဝ်း​ၼႆႉ​ၸိုင် ဢမ်ႇ​ၸၢပ်ႈ​သႅင်ႇ​ၵၼ်​တင်း​ပေႃႈ​ၸဝ်ႈ၊ ၸၢပ်ႈ​သႅင်ႇ​ၵၼ်​တင်း​လေႃးၵႃႉ​ၼႆႉ​ၵူၺ်း​ဢေႃႈ။-</verse>
				<verse number="17">လေႃးၵႃႉ​ၼႆႉ​ဢိၵ်ႇ​တင်း တၢင်း​ဢၼ်​ၸွႆး​ၸပ်း​လေႃးၵႃႉ​ၼႆႉ ၸၢင်ႈ​သုတ်း​ႁၢႆ​ဝၢႆး​ၵႂႃႇ​ဢေႃႈ။ ၵေႃႉ​ဢၼ်​ၵမ်​ၵျၢင်ႉ ၸွမ်း​ၼင်ႇ​ဢလူဝ်ႇ​ၽြႃး​ပဵၼ်​ၸဝ်ႈ​ၸမ်ႉ၊ တႄႇ​ယူႇ​ၼိၵ်ႈၸႃႉ​ထႃႇဝရႃႉ​ဢေႃႈ။</verse>
				<verse number="18">လုၵ်ႈ​လၢင်း​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ၶိင်ႇ​ၵႃႇလႃႉ​မိူဝ်ႈ​လဵဝ်​ၼႆႉ ပဵၼ်​ၶိင်ႇ​ၵႃႇလႃႉ လိုၼ်း​လင်​သုတ်း​ဢေႃႈ။ ၵႃႈ​ၼင်ႇ​ဢၼ်​သူ​လႆႈ​ငိၼ်း လွင်ႈ​ဢၼ် ဢၼ်ႇတီႉ​ၶရိၸ်ႈ ဢၼ်​ဝႃႈ​ရၢၼ်ႇ​သူႇ​ၸဝ်ႈ​ၶရိၸ်ႈ​ၼၼ်ႉ တၵ်း​ပေႃႇ​မႃး​ၼၼ်ႉ၊ တေႃႈ​လဵဝ်​ၼႆႉ​ၵေႃႈ ဢၼ်ႇတီႉ​ၶရိၸ်ႈ မီး​ယူႇ​ၼမ်​ၼႃႇ​ဢေႃႈ။ ၵွပ်ႈ​ႁွႆး​ၼႆႉ​လႄႈ ႁဝ်း​လႆႈ​ႁူႉ​လွင်ႈ​ဢၼ်​ၶိင်ႇ​ၵႃႇလႃႉ မိူဝ်ႈ​လဵဝ်​ၼႆႉ ပဵၼ်​ၶိင်ႇ​ၵႃႇလႃႉ​လိုၼ်း​လင်​သုတ်း​ၼၼ်ႉ​ဢေႃႈ။-</verse>
				<verse number="19">ၶဝ်​ၼၼ်ႉ​ဢွၵ်ႇ​သေ​ၵႃႈ​ၼႂ်း​ႁဝ်း​ၵႂႃႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၸႃႉ​ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ​လႄႈ ၶဝ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​ႁဝ်း။ ပေႃး​ၶဝ်​ၸၢပ်ႈ​သႅင်ႇ​ၵၼ်​တင်း​ႁဝ်း​ၸိုင် ၶဝ်​တၵ်း​ယူႇ​လူၺ်ႈ​ၵၼ်​တင်း​ႁဝ်း​ဢေႃႈ။ ၶဝ်​ဢွၵ်ႇ​သေ​ၵႃႈ​ၼႂ်း​ႁဝ်း​ၵႂႃႇ​ႁႂ်ႈ​လွင်ႈ​ဢၼ်​ၶဝ် ဢမ်ႇ​ၸၢပ်ႈ​သႅင်ႇ​ၵၼ်​တင်း​ႁဝ်း​ၼၼ်ႉ လႆႈ​ထၢင်ႇ​သႃး​ဢေႃႈ။</verse>
				<verse number="20">သူ​လႆႈ​ၶၢမ်ႇ​ဢဝ်​ၽိၵ်ႈ​သိၵ်ႈ ၵျေး​ၸူး​ၸဝ်ႈ ၵႃႈ​ၼႂ်း​မိုဝ်း​ၸဝ်ႈ​ဢၼ်​မူတ်း​ၸၢင်ႇ​လႄႈ သူ​ႁူႉ​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ဢေႃႈ။-</verse>
				<verse number="21">ၵွပ်ႈ​ပိူဝ်ႈ​ဢၼ်​သူ ဢမ်ႇ​ႁူႉ​သမ်ႇမႃႇ​တြႃး​လႄႈ ၵဝ်​တႅမ်ႈ​ပၼ်​ၵႂႃႇ​တီႈ​သူ​ဢမ်ႇ​ၸႂ်ႈ။ ၵွပ်ႈ​ပိူဝ်ႈ​ဢၼ်​သူ​ႁူႉ​သမ်ႇမႃႇ​တြႃး ဢိၵ်ႇ​တင်း​လွင်ႈ​ဢၼ် မူႉ​သႃႇ​ၵႃႈ​မီး ဢမ်ႇ​ၸၢပ်ႈ​သႅင်ႇ​ၵၼ်​တင်း​သမ်ႇမႃႇ​တြႃး​ၼၼ်ႉ​လႄႈ ၵဝ်​တႅမ်ႈ​ပၼ်​ၵႂႃႇ​တီႈ​သူ​ဢေႃႈ။-</verse>
				<verse number="22">ၵေႃႉ​ဢၼ်​သုင်း​မူႉ​သႃႇ​ၸမ်ႉ၊ ပဵၼ်​ၽူႈ​လႂ်။ ပဵၼ်​ၵေႃႉ​ဢၼ်​ထဵင်​ပႅတ်ႈ​လႄႈ​ဝႃႈ ယေႇသူႉ ​ဢမ်ႇ​ၸႂ်ႈ​ၸဝ်ႈ​ၶရိၸ်ႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။ ၵေႃႉ​ဢၼ်​ထဵင်​ပႅတ်ႈ​ပေႃႈ​ၸဝ်ႈ ဢိၵ်ႇ​တင်း​လုၵ်ႈ​ၸဝ်ႈ​ၼၼ်ႉ ပဵၼ်​ ဢၼ်ႇတီႉ​ၶရိၸ်ႈ ​ဢေႃႈ။-</verse>
				<verse number="23">ၵေႃႉ​ဢၼ်​ထဵင်​ပႅတ်ႈ​လုၵ်ႈ​ၸဝ်ႈ​ၸမ်ႉ၊ ဢမ်ႇ​ႁူႉ​ပေႃႈ​ၸဝ်ႈ။ ၵေႃႉ​ဢၼ်​ႁပ်ႉ​တုင်း​ဢဝ်​လုၵ်ႈ​ၸဝ်ႈ​ၸမ်ႉ၊ ႁူႉ​ပေႃႈ​ၸဝ်ႈ​ဢေႃႈ။</verse>
				<verse number="24">ႁႂ်ႈ​တေႇသၼႃႇ ဢၼ်​သူ​လႆႈ​ငိၼ်း​ၸႃႉ​ၸဵမ်​မိူဝ်ႈ​ၵေႃႇၸႃႉ ဢွၼ်​ၼႆႉ​ၼၼ်ႉ တႄႇ​ယူႇ​ၼႂ်း​သူ​တႃႉ။ ပေႃး​တေႇသၼႃႇ​ၼၼ်ႉ တႄႇ​ယူႇ​ၼႂ်း​သူ​ၸိုင် သူ​တၵ်း​လႆႈ​တႄႇ​ယူႇ​ၼႂ်း​လုၵ်ႈ​ၸဝ်ႈ ဢိၵ်ႇ​တင်း​ၼႂ်း​ပေႃႈ​ၸဝ်ႈ​ဢေႃႈ။-</verse>
				<verse number="25">ၵတီႉ​ၸဝ်ႈ​ဢၼ်​မၼ်း​ၸဝ်ႈ​ပၼ်​တီႈ​ႁဝ်း​ၸမ်ႉ၊ ပဵၼ်​ၵတီႉ​ၸဝ်ႈ​ဢၼ်​မၼ်း​ၸဝ်ႈ ႁပ်ႉ​တုင်း​ဢဝ်​ဢသၢၵ်ႈ​ထႃႇဝရႃႉ​ဢေႃႈ။</verse>
				<verse number="26">ၵဝ်​တႅမ်ႈ​လွင်ႈ​ၶဝ်​ၸိူဝ်း​ဢၼ် ပႅတ်ႉ​လႅၼ်​သူ​ၼၼ်ႉ ပၼ်​ၵႂႃႇ​တီႈ​သူ​ၸိူဝ်ႉ​ၼင်ႇ​ၼႆ​ဢေႃႈ။-</verse>
				<verse number="27">ၵူၺ်း​ၵႃႈ​ၽိၵ်ႈ​သိၵ်ႈ​ၵျေး​ၸူး​ၸဝ်ႈ ဢၼ်​သူ​လႆႈ​ၶၢမ်ႇ​ဢဝ်​ၵႃႈ​ၼႂ်း​မိုဝ်း​ၸဝ်ႈ​ဢၼ်​မူတ်း​ၸၢင်ႇ​ၼၼ်ႉ တႄႇ​ယူႇ​ၼႂ်း​သူ​လႄႈ သူ​ဢမ်ႇ​မီး​လွင်ႈ​ဢၼ် ၽူႈ​လႂ်​တၵ်း​လႆႈ​သင်ႇ​သွၼ်​သုင်း​မႃႉ​ပၼ်​တီႈ​သူ။ ၵႃႈ​ၼင်ႇ​ဢၼ် ၽိၵ်ႈ​သိၵ်ႈ​ၵျေး​ၸူး​ၸဝ်ႈ​ၼၼ်ႉ​သင်ႇ​သွၼ်​ပၼ် လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​တီႈ​သူ​လႄႈ ႁဵတ်း​ၸိူဝ်ႉ​ၼင်ႇ​ႁၢင်ႈ​ပဵၼ်​ၵူၺ်း​ဢမ်ႇ​ၸႂ်ႈ၊ ပဵၼ်​တႄႉ​တႄႉ​ဝႃႈ​ဝႃႈ​ၼၼ်ႉ၊ သူ​ဢွၼ်​ၵၼ်​တႄႇ​ယူႇ​ၼႂ်း​လုၵ်ႈ​ၸဝ်ႈ​တႃႉ။-</verse>
				<verse number="28">တေႃႈ​လဵဝ်​ၼႆႉ လုၵ်ႈ​လၢင်း​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ဢွၼ်​ၵၼ်​တႄႇ​ယူႇ​ၼႂ်း​လုၵ်ႈ​ၸဝ်ႈ လွင်ႈ​ၼင်ႇ​ႁိုဝ် ပေႃး​မၼ်း​ၸဝ်ႈ​ထၢင်ႇ​သႃး​ပေႃႇ​မႃး​ၸိုင် တၵ်း​မီး​ဢၶႂၢင်ႉ​ဢၼ်​ႁတ်း​ႁၢၼ်​လႄႈ ၵၢင်း​လွတ်ႈ​တင်း​တၢင်း​ဢၼ်​ဢူၵ်း​ဢၼ်​ဢၢႆ ၵႃႈ​တီႈ​ၽၢႆႇ​ၼႃႈ​မၼ်း​ၸဝ်ႈ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ပေႃႇ​မႃး​ၼၼ်ႉ​တႃႉ။-</verse>
				<verse number="29">ပေႃး​သူ​ႁူႉ​လွင်ႈ​ဢၼ်​ၽြႃး​ပဵၼ်​ၸဝ်ႈ ပဵၼ်​ဢၼ်​သိုဝ်ႈ​တေႃႇ​ၼၼ်ႉ​ၸိုင် သူ​ဢွၼ်​ၵၼ်​ႁူႉ​လွင်ႈ​ဢၼ် ၵေႃႉ​ဢၼ်​ၵမ်​ၵျၢင်ႉ​တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ ပဵၼ်​ၵေႃႉ​ဢၼ်​ၽြႃး​ပဵၼ်​ၸဝ်ႈ​ႁႂ်ႈ​ၵိူတ်ႇ​ပဵၼ်​မႃး​ၼၼ်ႉ​ဢေႃႈ။</verse>
			</chapter>
			<chapter number="3">
				<verse number="1">တူၺ်း​လႄႈ​ၶႆႈ​ၸႂ်​လူၺ်ႈ​လွင်ႈ ဢၼ်​ၽြႃး​ပဵၼ်​ၸဝ်ႈ ႁၵ်ႉ​ႁဝ်း​ထၢၼ်ႇ​လႂ်​ၼၼ်ႉ ထၼ်ႈ​ပေႃး​ႁႂ်ႈ​ႁဝ်း​လႆႈ​ဢၶႂၢင်ႉ ဢၼ်​ၶၢမ်ႇ​ဢဝ်​တၢင်း​ဢၼ် ႁွင်ႉ​ႁဵၵ်ႈ​ဝႃႈ​လုၵ်ႈ​ၽြႃး​ပဵၼ်​ၸဝ်ႈ​ၼၼ်ႉ​တႃႉ။ ၵွပ်ႈ​ႁွႆး​ၼႆႉ​ၵူၼ်း​လေႃးၵီႇ​တင်း​လၢႆ ဢမ်ႇ​ႁူႉ​ၸၵ်း​ႁဝ်း​ၵွပ်ႈ​ပိူဝ်ႈ​ဢၼ်​ဢမ်ႇ​ႁူႉ​ၸၵ်း ၽြႃး​ပဵၼ်​ၸဝ်ႈ​ၼၼ်ႉ။-</verse>
				<verse number="2">ၵေႃႉ​ဢၼ်​ႁဝ်း​ႁၵ်ႉ​ၶဝ်​ဢိူၺ်း၊ တေႃႈ​လဵဝ်​ၼႆႉ ႁဝ်း​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ။ လွင်ႈ​ဢၼ်​ႁဝ်း​တၵ်း ပဵၼ်​ၸိူဝ်ႉ​ၼင်ႇ​ႁိုဝ် ၵမ်း​လိုၼ်း​ၼၼ်ႉ​ၸိုင် ဢမ်ႇ​ပႆႇ​တွၼ်ႉ​ထၢင်ႇ​တွၼ်ႉ​သႃး။ ၵူၺ်း​ၵႃႈ​ႁဝ်း​ႁူႉ​လွင်ႈ​ဢၼ် ႁဝ်း​တၵ်း​မိူၼ်​ၸိူဝ်ႉ​ၼင်ႇ​မၼ်း​ၸဝ်ႈ ၼႂ်း​မိူဝ်ႈ​ဢၼ် မၼ်း​ၸဝ်ႈ​ထၢင်ႇ​သႃး​ပေႃႇ​မႃး​ၼၼ်ႉ​ယူႇ​ဢေႃႈ။ လွင်ႈ​မၼ်း​ၸမ်ႉ ႁဝ်း​တၵ်း​လႆႈ​ႁၼ်​မၼ်း​ၸဝ်ႈ ၵႃႈ​ၼင်ႇ​ဢၼ်​မၼ်း​ၸဝ်ႈ​ပဵၼ်​ၼၼ်ႉ​ဢေႃႈ။-</verse>
				<verse number="3">ၵေႃႉ​ဢၼ်​မုင်ႈ​ထႃႈ​မွင်း​ထႃႈ ၸိူဝ်ႉ​ၼင်ႇ​ၼၼ်​ၼၼ်ႉ​ၸမ်ႉ၊ ၸၢင်ႈ​ႁႂ်ႈ​တူဝ်​ၸဝ်ႈ​ၵဝ်ႇ​မူတ်း​ၸၢင်ႇ မိူၼ်​ၸိူဝ်ႉ​ၼင်ႇ​ဢၼ် မၼ်း​ၸဝ်ႈ​ပဵၼ်​ဢၼ်​မူတ်း​ၸၢင်ႇ​ၼၼ်ႉ​ဢေႃႈ။-</verse>
				<verse number="4">ၵေႃႉ​ဢၼ်​ႁဵတ်း​တူႉ​ၸရိူၵ်ႈ​ၸမ်ႉ၊ ပူၼ်ႉ​လိူဝ်​ပိင်း​ၺၢပ်ႈ​ၸဝ်ႈ​ဢေႃႈ။ တူႉ​ၸရိူၵ်ႈ​ၸမ်ႉ၊ ပဵၼ်​တၢင်း​ဢၼ်​ပူၼ်ႉ​လိူဝ် ပိင်း​ၺၢပ်ႈ​ၸဝ်ႈ​ဢေႃႈ။-</verse>
				<verse number="5">သူ​ႁူႉ​လွင်ႈ​ဢၼ်​မၼ်း​ၸဝ်ႈ​ထၢင်ႇ​သႃး​ပေႃႇ​မႃး ႁႂ်ႈ​လႆႈ​ႁပ်ႉ​ဢဝ်​ဢပႅတ်ႈ​ႁဝ်း​ၵႂႃႇ​ၼၼ်ႉ​ယူႇ​ဢေႃႈ။ ၵႃႈ​ၼႂ်း​မၼ်း​ၸဝ်ႈ​ၼၼ်ႉ​ၵေႃႈ​ဢမ်ႇ​မီး​ဢပႅတ်ႈ။-</verse>
				<verse number="6">ၵေႃႉ​ဢၼ်​တႄႇ​ယူႇ​ၼႂ်း​မၼ်း​ၸဝ်ႈ​ၼၼ်ႉ​ၸမ်ႉ၊ ဢမ်ႇ​ၸၢင်ႈ​ႁဵတ်း​တူႉ​ၸရိူၵ်ႈ။ ၵေႃႉ​ဢၼ်​ၸၢင်ႈ​ႁဵတ်း​တူႉ​ၸရိူၵ်ႈ​ၼၼ်ႉ​ၸမ်ႉ၊ ဢမ်ႇ​ပႆႇ​လႆႈ​ႁူႉ​လႆႈ​ႁၼ်​မၼ်း​ၸဝ်ႈ​ၼၼ်ႉ။</verse>
				<verse number="7">လုၵ်ႈ​လၢင်း​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ယႃႇ​ႁႂ်ႈ​ၽူႈ​လႂ်​လႆႈ​ပႅတ်ႉ​လႆႈ​လႅၼ်​သူ။ ၵေႃႉ​ဢၼ်​ၵမ်​ၵျၢင်ႉ​တြႃး တၢင်း​ဢၼ်​သိုဝ်ႈ​တေႃႇ​ၼၼ်ႉ မီး​တၢင်း​ဢၼ်​သိုဝ်ႈ​တေႃႇ​မိူၼ်​ၸိူဝ်ႉ​ၼင်ႇ​ဢၼ် မၼ်း​ၸဝ်ႈ​ပဵၼ်​ဢၼ်​သိုဝ်ႈ​တေႃႇ​ၼၼ်ႉ​ဢေႃႈ။-</verse>
				<verse number="8">ပိူဝ်ႈ​ဢၼ်​မႃႇၼၢတ်ႈ​ပဵၼ်​ၵေႃႉ​ဢၼ် ႁဵတ်း​တူႉ​ၸရိူၵ်ႈ​ၸႃႉ​ၸဵမ်​မိူဝ်ႈ​ၵေႃႇၸႃႉ ဢွၼ်​ၼႆႉ​ၼၼ်ႉ​လႄႈ ၵေႃႉ​ဢၼ်​ႁဵတ်း​တူႉ​ၸရိူၵ်ႈ​ၼၼ်ႉ ၸၢပ်ႈ​သႅင်ႇ​ၵၼ်​တင်း​မႃႇၼၢတ်ႈ​ဢေႃႈ။ ၼင်ႇ​ၼႆ​လႄႈ လုၵ်ႈ​ၽြႃး​ပဵၼ်​ၸဝ်ႈ​ထၢင်ႇ​သႃး​ပေႃႇ​မႃး ႁႂ်ႈ​လႆႈ​ယႃႉ​ဢမူႉ​မႃႇၼၢတ်ႈ​တင်း​လၢႆ​ၼၼ်ႉ​ပႅတ်ႈ​ဢေႃႈ။-</verse>
				<verse number="9">ၵေႃႉ​ဢၼ်​ၽြႃး​ပဵၼ်​ၸဝ်ႈ ႁႂ်ႈ​ၵိူတ်ႇ​ပဵၼ်​မႃး​ၼၼ်ႉ ဢမ်ႇ​ၸၢင်ႈ​ႁဵတ်း​တူႉ​ၸရိူၵ်ႈ။ လွင်ႈ​မၼ်း​ၸမ်ႉ ၸိူဝ်ႉ​ၽၼ်း​ၸဝ်ႈ တႄႇ​ယူႇ​ၼႂ်း​ၵေႃႉ​ၼၼ်ႉ​ဢေႃႈ။ ၵေႃႉ​ၼၼ်ႉ​ပိူဝ်ႈ​ဢၼ်​ပဵၼ် ၵေႃႉ​ဢၼ်​ၽြႃး​ပဵၼ်​ၸဝ်ႈ ႁႂ်ႈ​ၵိူတ်ႇ​ပဵၼ်​မႃး​လႄႈ ဢမ်ႇ​ႁဵတ်း​တူႉ​ၸရိူၵ်ႈ​လႆႈ။-</verse>
				<verse number="10">ၵွပ်ႈ​ပိူဝ်ႈ​လၢၵ်ႈၶၼႃႇ ၸိူဝ်ႉ​ၼင်ႇ​ၼၼ်​ၼၼ်ႉ​လႄႈ လုၵ်ႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​လုၵ်ႈ​မႃႇၼၢတ်ႈ​တင်း​လၢႆ ထၢင်ႇ​သႃး​ယူႇ​ဢေႃႈ။ ၵေႃႉ​ဢၼ်​ဢမ်ႇ​ၵမ်​ၵျၢင်ႉ​တြႃး​တၢင်း​ဢၼ်​သိုဝ်ႈ​တေႃႇ။ ၵေႃႉ​ဢၼ်​ဢမ်ႇ​ႁၵ်ႉ​ပီႈ​ၼွင်ႉ​တူဝ်​ၸဝ်ႈ​ၵဝ်ႇ​ၼၼ်ႉ​ၸမ်ႉ၊ ဢမ်ႇ​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ။</verse>
				<verse number="11">ၵႂၢမ်း​တြႃး​ဢၼ်​သူ​လႆႈ​ငိၼ်း ၸႃႉ​ၸဵမ်​မိူဝ်ႈ​ၵေႃႇၸႃႉ​ဢွၼ်​ၼႆႉ​ၼၼ်ႉ​ၸမ်ႉ၊ ယင်း​ဢမ်ႇ​မိူၼ်​ၸိူဝ်ႉ​ၼင်ႇ ၵႃႇဢီႉၼႃႉ ​ဢၼ်​ၸၢပ်ႈ​သႅင်ႇ ၵၼ်​တင်း​မႃႇၼၢတ်ႈ​လႄႈ ဢဝ်​ၼွင်ႉ​ၸၢႆး​မၼ်း​တၢႆ​ၼၼ်ႉ​လႄႈ</verse>
				<verse number="12">ႁဝ်း​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​လႆႈ​ႁၵ်ႉ​ၵၼ်​ပႅင်း​ၵၼ်​ဢေႃႈ၊ မီး​မႃး​ၼင်ႇ​ၼႆ​ဢေႃႈ။ ၵႃႇဢီႉၼႃႉ ​ၼၼ်ႉ ဢဝ်​ၼွင်ႉ​ၸၢႆး​မၼ်း​တၢႆ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ တၢင်း​ၵမ်​တၢင်း​ၵျၢင်ႉ​မၼ်း​ႁၢႆႉ​မိူၵ်ႈ​လႄႈ တၢင်း​ၵမ်​တၢင်း​ၵျၢင်ႉ​ၼွင်ႉ​ၸၢႆး​မၼ်း သိုဝ်ႈ​တေႃႇ​ဢေႃႈ။-</verse>
				<verse number="13">ပီႈ​ၼွင်ႉ​ၶဝ်​ဢိူၺ်း၊ ပေႃး​ၵူၼ်း​လေႃးၵီႇ​တင်း​လၢႆ​ၸင်း​သူ​ၸိုင် ယႃႇ​ပေ​လီ​ဢၢမ်း။</verse>
				<verse number="14">ႁဝ်း​ႁူႉ​လွင်ႈ​ဢၼ် ႁဝ်း​လုၵ်ႉ​သေ​ၵႃႈ​တီႈ​တၢင်း​တၢႆ ၶၢမ်ႈ​ၵႂႃႇ​ၸူး​ၵႃႈ​တီႈ​တၢင်း​ဢၼ်​ဢသၢၵ်ႈ​လိပ်း​ၼၼ်ႉ ၵွပ်ႈ​ပိူဝ်ႈ​ဢၼ်​ႁဝ်း​ႁၵ်ႉ​ပီႈ​ႁၵ်ႉ​ၼွင်ႉ​ၼၼ်ႉ​ယူႇ​ဢေႃႈ။ ၵေႃႉ​ဢၼ်​ဢမ်ႇ​ႁၵ်ႉ​ပီႈ​ႁၵ်ႉ​ၼွင်ႉ​တူဝ်​ၸဝ်ႈ​ၵဝ်ႇ​ၼၼ်ႉ တႄႇ​ယူႇ​ၼႂ်း​တၢင်း​တၢႆ​ဢေႃႈ။-</verse>
				<verse number="15">ၵေႃႉ​ဢၼ်​ၸင်း​ပီႈ​ၼွင်ႉ တူဝ်​ၸဝ်ႈ​ၵဝ်ႇ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ​ဢေႃႈ။ သူ​ႁူႉ​လွင်ႈ​ဢၼ် ထႃႇဝရႃႉ​ၽြႃး​ဢသၢၵ်ႈ​ဢမ်ႇ​တႄႇ​ယူႇ ၼႂ်း​ၵေႃႉ​ဢၼ် ဢဝ်​ဢသၢၵ်ႈ​ၵူၼ်း​တၢႆ​ၼၼ်ႉ သေ​ၵေႃႉ​သေ​ၵူၼ်း​ၼၼ်ႉ​ယူႇ​ဢေႃႈ။-</verse>
				<verse number="16">ႁဝ်း​ထွၵ်ႈ​တူၺ်း​လွင်ႈ​ဢၼ်​ၸဝ်ႈ​ၶရိၸ်ႈ ၸုၼ်ႉ​ဢသၢၵ်ႈ​မၼ်း​ၸဝ်ႈ ပုၼ်ႈ​ႁဝ်း​ၼၼ်ႉ​လႄႈ လႆႈ​ႁူႉ​မႅတ်ႈ​တႃႇ​မၼ်း​ၸဝ်ႈ​ယဝ်ႉ။ ႁဝ်း​ၵေႃႈ​တၵ်း​လႆႈ​ၸုၼ်ႉ​ဢသၢၵ်ႈ ပုၼ်ႈ​ပီႈ​ပုၼ်ႈ​ၼွင်ႉ​ဢေႃႈ။-</verse>
				<verse number="17">ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မီး​ဢုၵ်ႉ​ၸႃႇ​ၸေး​ၸိမ်ႇ​လေႃးၵီႇ​ယူႇ​လႄႈ ႁၼ်​ပီႈ​ၼွင်ႉ​တူဝ်​ၸဝ်ႈ​ၵဝ်ႇ ယၢၵ်ႈ​ၽၢၼ်​လႄႈ ၶျုၵ်ႈ​ဝႆႉ​ၸႂ်​ၵရူႉၼႃႇ​တၢင်း​ဢဵတ်း​လူ​ၼၼ်ႉ​ၸိုင်၊ မႅတ်ႈ​တႃႇ​ၽြႃး​ပဵၼ်​ၸဝ်ႈ တၵ်း​တႄႇ​ယူႇ​ၼႂ်း​ၵေႃႉ​ၼၼ်ႉ​ၸိူဝ်ႉ​ၼင်ႇ​ႁိုဝ်။</verse>
				<verse number="18">လုၵ်ႈ​လၢင်း​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ႁဝ်း​ယင်း​ဢမ်ႇ​ဢဝ်​တင်း​သူပ်း​တင်း​ၵႂၢမ်း​ၵူၺ်း​ႁၵ်ႉ​လႄႈ ဢွၼ်​ၵၼ်​ပႃး​တင်း​တူဝ်​တင်း​ၸႂ်​သေ​လႄႈ ႁၵ်ႉ​ဢမၢၼ်ႇ​ၶၼ်​ပဵၼ်​တႃႉ​ႁဝ်း။</verse>
				<verse number="19">ပေႃး​ႁၵ်ႉ​ၸိူဝ်ႉ​ၼင်ႇ​ၼၼ်​ၸိုင်၊ ႁဝ်း​တၵ်း​လႆႈ​ႁူႉ​လွင်ႈ​ဢၼ် တူဝ်​ၸဝ်ႈ​ၵဝ်ႇ​ၸၢပ်ႈ​သႅင်ႇ​ၵၼ်​တင်း​သမ်ႇမႃႇ​တြႃး​လႄႈ တၵ်း​ႁႂ်ႈ​ႁူဝ်​ၸႂ်​တူဝ်​ၸဝ်ႈ​ၵဝ်ႇ သၢၵ်ႈ​သႃႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="20">လွင်ႈ​မၼ်း​ၸမ်ႉ ပေႃး​ႁူဝ်​ၸႂ်​တူဝ်​ၸဝ်ႈ​ၵဝ်ႇ တၢင်ႇ​ဢပႅတ်ႈ​ၵႃႈ​ၼိူဝ်​တူဝ်​ၸဝ်ႈ​ၵဝ်ႇ​ယူႇ​ၸိုင်၊ ႁဝ်း​ႁူႉ​လွင်ႈ​ဢၼ်​ၽြႃး​ပဵၼ်​ၸဝ်ႈ​ယႂ်ႇ​မျၢတ်ႈ​သေ​ႁူဝ်​ၸႂ်​ႁဝ်း​လႄႈ ႁူႉ​ၸႅင်ႈ​တင်း​သဵင်ႈ​တင်း​လူင်​ၼၼ်ႉ​ယူႇ​ဢေႃႈ။-</verse>
				<verse number="21">ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ပေႃး​ႁူဝ်​ၸႂ်​ႁဝ်း ဢမ်ႇ​တၢင်ႇ​ဢပႅတ်ႈ​ၼိူဝ် တူဝ်​ၸဝ်ႈ​ၵဝ်ႇ​ယူႇ​ၸိုင်၊ ႁဝ်း​လႆႈ​ဢၶႂၢင်ႉ ဢၼ်​လႆႈ​ႁတ်း​ႁၢၼ် ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="22">ၵႃႈ​ဢၼ်​ႁဝ်း​သူး​တွင်း​ၼၼ်ႉ​ၸိုင် ႁဝ်း​လႆႈ​ၵႃႈ​တီႈ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ဢၼ်​ႁဝ်း​ပႂ်ႉ​ၵမ်​ပိင်း​ၺၢပ်ႈ​မၼ်း​ၸဝ်ႈ​တင်း​လၢႆ​သေ​လႄႈ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ထုၵ်ႇ​ၸႂ်​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="23">ပိင်း​ၺၢပ်ႈ​ၽြႃး​ပဵၼ်​ၸဝ်ႈ​ၸမ်ႉ၊ ပဵၼ်​ပိင်း​ၺၢပ်ႈ​ၸဝ်ႈ​ဢၼ်​ဝႃႈ တၵ်း​လႆႈ​ယုမ်ႇ​မၢတ်ႈ​ၼႃႇ​မႃႉ​ၸိုဝ်ႈ​သဵင်​လုၵ်ႈ​မၼ်း​ၸဝ်ႈ ယေႇသူႉ​ၶရိၸ်ႈ ​ၼၼ်ႉ​ဢေႃႈ။ ၼင်ႇ​ၵၼ်​ၵၼ် တၵ်း​လႆႈ​ႁၵ်ႉ​ၵၼ်​မႅၼ်ႈ​ၸွမ်း​ၼင်ႇ​ဢၼ်​လုၵ်ႈ​ၸဝ်ႈ​ပိင်း​ၺၢပ်ႈ​ဝႆႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">ၵေႃႉ​ဢၼ်​ပႂ်ႉ​ၵမ်​ပႂ်ႉ​ၸွမ်း ပိင်း​ၺၢပ်ႈ​မၼ်း​ၸဝ်ႈ​တင်း​လၢႆ​ၼၼ်ႉ တႄႇ​ယူႇ​ၼႂ်း​ၽြႃး​ပဵၼ်​ၸဝ်ႈ​ဢေႃႈ။ ၼႂ်း​ၵေႃႉ​ၼၼ်ႉ​ၵေႃႈ ၽြႃး​ပဵၼ်​ၸဝ်ႈ​တႄႇ​ယူႇ​ဢေႃႈ။ ႁဝ်း​ဢိင်​ပိုင်ႈ​ဝီႉၺိၺ်ႇ​ၸဝ်ႈ ဢၼ်​မၼ်း​ၸဝ်ႈ​ပၼ်​တီႈ​ႁဝ်း​ၼၼ်ႉ​သေ​လႄႈ လႆႈ​ႁူႉ​လွင်ႈ​ဢၼ်​ၽြႃး​ပဵၼ်​ၸဝ်ႈ တႄႇ​ယူႇ​ၼႂ်း​ႁဝ်း​ၼၼ်ႉ​ဢေႃႈ။</verse>
			</chapter>
			<chapter number="4">
				<verse number="1">ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ယႃႇ​ပေ​ယုမ်ႇ​ၸႂ်​ဝီႉၺိၺ်ႇ​ၵႃႈ​မီး​တင်း​သဵင်ႈ​တင်း​လူင်။ ၸၢမ်း​တူၺ်း​လွင်ႈ​ဢၼ်​ၸႂ်​ဝီႉၺိၺ်ႇ​တင်း​လၢႆ ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ႁိုဝ်။ ဢမ်ႇ​ၸၢပ်ႈ​သႅင်ႇ​ၵၼ်​ႁိုဝ်​ၼၼ်ႉ​တႃႉ။ လွင်ႈ​မၼ်း​ၸမ်ႉ မိၵ်ႉသႃႇ​ပရေႃးၽႅတ်ႈ​ၼမ်​ၼႃႇ ၵႂႃႇ​ၸူး​ၵႃႈ​တီႈ​ၼႂ်း​လေႃးၵႃႉ​ၼႆႉ​ယဝ်ႉ။-</verse>
				<verse number="2">တၵ်း​ႁူႉ​ၸၵ်း​ဝီႉၺိၺ်ႇ​ၽြႃး​ပဵၼ်​ၸဝ်ႈ​လႆႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ဝီႉၺိၺ်ႇ​ဢၼ်​ႁပ်ႉ​တုင်း​ဢဝ်​ ယေႇသူႉ​ၶရိၸ်ႈ ဢၼ်​ဢဝ်​တင်း​ၸႃႇ​တီႉ​ၵူၼ်း​မႃး​ၼၼ်ႉ၊ ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="3">ဝီႉၺိၺ်ႇ​ဢၼ်​ဢမ်ႇ​ႁပ်ႉ​တုင်း​ဢဝ်​ ယေႇသူႉ​ၶရိၸ်ႈ ဢၼ်​ဢဝ်​တင်း​ၸႃႇ​တီႉ​ၵူၼ်း​မႃး​ၼၼ်ႉ​ၸမ်ႉ၊ ဢမ်ႇ​ၸၢပ်ႈ​သႅင်ႇ​ၵၼ်​တင်း ၽြႃး​ပဵၼ်​ၸဝ်ႈ။ ဝီႉၺိၺ်ႇ​ၸိူဝ်ႉ​ၼင်ႇ​ၼၼ်​ၼၼ်ႉ​ၸမ်ႉ၊ ပဵၼ်​ဝီႉၺိၺ်ႇ​ ဢၼ်ႇတီႉ​ၶရိၸ်ႈ ​ဢၼ်​သူ​လႆႈ​ငိၼ်း​လွင်ႈ​ဢၼ်​တၵ်း​မႃး​ၼၼ်ႉ​လႄႈ မိူဝ်ႈ​လဵဝ်​ၼႆႉ​ၵေႃႈ မႃး​လႄႈ​မီး​ယူႇ​ဢေႃႈ။</verse>
				<verse number="4">လုၵ်ႈ​လၢင်း​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ သူ​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။ ၶဝ်​ၼၼ်ႉ​ၵေႃႈ​သူ​လႆႈ​ပႄႉ​လႆႈ​ၼႅင်ႇ​ယဝ်ႉ။​လွင်ႈ​မၼ်း​ၸမ်ႉ ၵေႃႉ​ဢၼ်​မီး​ၽၢႆႇ​သူ​ၼၼ်ႉ ယႂ်ႇ​ၼႃႇ​သေ​ၵေႃႉ​ဢၼ်​မီး​ၽၢႆႇ​လေႃးၵႃႉ​ဢေႃႈ။-</verse>
				<verse number="5">ၶဝ်​ၼၼ်ႉ​ပိူဝ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း​လေႃးၵႃႉ​လႄႈ ၸၢင်ႈ​လၢတ်ႈ​လွင်ႈ​တၢင်း​လေႃးၵီႇ​တင်း​လၢႆ​ဢေႃႈ။ ၵူၼ်း​လေႃးၵီႇ​တင်း​လၢႆ​ၵေႃႈ ၸၢင်ႈ​ထွမ်ႇ​ဢဝ်​ၵႂၢမ်း​ၶဝ်​ၼၼ်ႉ​ဢေႃႈ။-</verse>
				<verse number="6">ႁဝ်း​ၸမ်ႉ၊ ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။ ၵေႃႉ​ဢၼ်​ႁူႉ​ၸၵ်း​ၽြႃး​ပဵၼ်​ၸဝ်ႈ​ၼၼ်ႉ ၸၢင်ႈ​ထွမ်ႇ​ဢဝ်​ၵႂၢမ်း​ႁဝ်း​ဢေႃႈ။ ၵေႃႉ​ဢၼ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ၼၼ်ႉ ဢမ်ႇ​ၸၢင်ႈ​ထွမ်ႇ​ဢဝ်​ၵႂၢမ်း​ႁဝ်း။ ႁဝ်း​ထွၵ်ႈ​လူၺ်ႈ​လွင်ႈ​တၢင်း​ၼၼ်ႉ​လႄႈ လႆႈ​ႁူႉ​သမ်ႇမႃႇ​ဝီႉၺိၺ်ႇ ဢိၵ်ႇ​တင်း​မိၵ်ႉသႃႇ​ဝီႉၺိၺ်ႇ​ဢေႃႈ။</verse>
				<verse number="7">ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ႁဝ်း​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​တႃႉ​ႁဝ်း။ လွင်ႈ​မၼ်း​ၸမ်ႉ တၢင်း​ႁၵ်ႉ​မႅတ်ႈ​တႃႇ ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။ ၵေႃႉ​ဢၼ်​ၸၢင်ႈ​ႁၵ်ႉ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​ၽြႃး​ပဵၼ်​ၸဝ်ႈ ႁႂ်ႈ​ၵိူတ်ႇ​ပဵၼ်​မႃး​ဢေႃႈ။ ၵေႃႉ​ဢၼ်​ႁူႉ​ၸၵ်း​ၽြႃး​ပဵၼ်​ၸဝ်ႈ​ၵေႃႈ​ပဵၼ်​ဢေႃႈ။-</verse>
				<verse number="8">ၵေႃႉ​ဢၼ်​ဢမ်ႇ​မီး​တၢင်း​ႁၵ်ႉ​ၼၼ်ႉ ဢမ်ႇ​ႁူႉ​ၸၵ်း​ၽြႃး​ပဵၼ်​ၸဝ်ႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ပဵၼ်​တၢင်း​ႁၵ်ႉ​မႅတ်ႈ​တႃႇ​ဢေႃႈ။-</verse>
				<verse number="9">မႅတ်ႈ​တႃႇ​ဢၼ်​ၽြႃး​ပဵၼ်​ၸဝ်ႈ​ႁၵ်ႉ​ၼၼ်ႉ ထၢင်ႇ​သႃး​ၵႃႈ​ၼႂ်း​ႁဝ်း​ၼႂ်း​လွင်ႈ​ဢၼ်​မၼ်း​ၸဝ်ႈ ပွႆႇ​ၸႂ်ႉ​လုၵ်ႈ​မၼ်း​ၸဝ်ႈ​ပႃး​လဵဝ်​ၵူၺ်း မႃး​ၼႂ်း​လေႃးၵႃႉ​ၼႆႉ​ႁႂ်ႈ​ႁဝ်း​လႆႈ​မီး​ဢသၢၵ်ႈ ၵွပ်ႈ​ပိူဝ်ႈ​လုၵ်ႈ​မၼ်း​ၸဝ်ႈ​ၼၼ်ႉ​ယူႇ​ဢေႃႈ။-</verse>
				<verse number="10">တၢင်း​ႁၵ်ႉ​မႅတ်ႈ​တႃႇ မီး​ၼႂ်း​တၢင်း​ဢၼ်​ႁဝ်း​ႁၵ်ႉ​ၽြႃး​ပဵၼ်​ၸဝ်ႈ​ၼၼ်ႉ ဢမ်ႇ​ၸႂ်ႈ၊ မီး​ၼႂ်း​တၢင်း​ဢၼ်​ၽြႃး​ပဵၼ်​ၸဝ်ႈ ႁၵ်ႉ​ႁဝ်း​လႄႈ ပွႆႇ​ၸႂ်ႉ​လုၵ်ႈ​ၸဝ်ႈ​မႃး ႁႂ်ႈ​လႆႈ​ပဵၼ်​လွင်ႈ​ဢၼ်​တၵ်း​ၽေႇ​ဢပႅတ်ႈ​ႁဝ်း​ၼၼ်ႉ​ဢေႃႈ။-</verse>
				<verse number="11">ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ပေႃး​ၽြႃး​ပဵၼ်​ၸဝ်ႈ​ႁၵ်ႉ​ႁဝ်း ထၢၼ်ႇ​ၼႆႉ​ဢမၢၼ်ႇ​ၶၼ်​ပဵၼ်​ၸိုင်၊ ႁဝ်း​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​တၵ်း​လႆႈ​ႁၵ်ႉ​ၵၼ်​ဢေႃႈ။-</verse>
				<verse number="12">ၽူႈ​လႂ်​ဢမ်ႇ​တွၼ်ႉ​လႆႈ​ႁၼ်​ၽြႃး​ပဵၼ်​ၸဝ်ႈ။ ၼႂ်း​ဝႃႈ​ၼၼ်​သေ​ၵေႃႈ ပေႃး​ႁၵ်ႉ​ၵၼ်​ယူႇ​ၸိုင် ၽြႃး​ပဵၼ်​ၸဝ်ႈ​တႄႇ​ယူႇ​ၼႂ်း​ႁဝ်း​လႄႈ ႁဝ်း​ပျေႉ​ၸုမ်ႇ​တင်း တၢင်း​ႁၵ်ႉ​မႅတ်ႈ​တႃႇ​ၸဝ်ႈ​ယူႇ​ဢေႃႈ။-</verse>
				<verse number="13">ႁဝ်း​ႁူႉ​လွင်ႈ​ဢၼ်​ႁဝ်း​တႄႇ​ယူႇ ၼႂ်း​ၽြႃး​ပဵၼ်​ၸဝ်ႈ ဢိၵ်ႇ​တင်း​လွင်ႈ​ဢၼ်​မၼ်း​ၸဝ်ႈ တႄႇ​ယူႇ​ၼႂ်း​ႁဝ်း​ၵွပ်ႈ​ပိူဝ်ႈ​ဢၼ်​မၼ်း​ၸဝ်ႈ​ပၼ်​ၵျေး​ၸူး​ဝီႉၺိၺ်ႇ​ၸဝ်ႈ တီႈ​ႁဝ်း​ၼၼ်ႉ​ဢေႃႈ။-</verse>
				<verse number="14">ႁဝ်း​ႁူႉ​ႁၼ်​လွင်ႈ​ဢၼ် ပေႃႈ​ၸဝ်ႈ​ပွႆႇ​ၸႂ်ႉ​လုၵ်ႈ​ၸဝ်ႈ​မႃး ႁႂ်ႈ​လႆႈ​ပဵၼ်​ၸဝ်ႈ​ဢၼ်​ၵႄႇ​ၶျွတ်ႈ​ဢဝ် ၵူၼ်း​လေႃးၵီႇ​တင်း​လၢႆ​ၼၼ်ႉ​လႄႈ ၶၢမ်ႇ​သၢၵ်ႈ​သေႇ​ဢေႃႈ။</verse>
				<verse number="15">ၵေႃႉ​ဢၼ်​ႁပ်ႉ​တုင်း​ဢဝ်​လႄႈ​ဝႃႈ​ ယေႇသူႉ ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊ တႄႇ​ယူႇ​ၼႂ်း​ၽြႃး​ပဵၼ်​ၸဝ်ႈ​ဢေႃႈ။ ၽြႃး​ပဵၼ်​ၸဝ်ႈ​ၵေႃႈ တႄႇ​ယူႇ​ၼႂ်း​ၵေႃႉ​ၼၼ်ႉ​ဢေႃႈ။-</verse>
				<verse number="16">ႁဝ်း​ႁူႉ​မႅတ်ႈ​တႃႇ​တၢင်း​ဢၼ်​ၽြႃး​ပဵၼ်​ၸဝ်ႈ​ႁၵ်ႉ​ႁဝ်း​ၼၼ်ႉ​လႄႈ​ယုမ်ႇ​မၢတ်ႈ​ဢေႃႈ။ ၽြႃး​ပဵၼ်​ၸဝ်ႈ​ပဵၼ်​တၢင်း​ႁၵ်ႉ​မႅတ်ႈ​တႃႇ​ဢေႃႈ။ ၵေႃႉ​ဢၼ်​တႄႇ​ယူႇ​ၼႂ်း တၢင်း​ႁၵ်ႉ​မႅတ်ႈ​တႃႇ​ၼၼ်ႉ တႄႇ​ယူႇ​ၼႂ်း​ၽြႃး​ပဵၼ်​ၸဝ်ႈ​ဢေႃႈ။ ၽြႃး​ပဵၼ်​ၸဝ်ႈ​ၵေႃႈ တႄႇ​ယူႇ​ၼႂ်း​ၵေႃႉ​ၼၼ်ႉ​ဢေႃႈ။</verse>
				<verse number="17">ၼင်ႇ​ၼၼ်​လႄႈ ပိူဝ်ႈ​ဢၼ်​ႁဝ်း​ပျေႉ​ၸုမ်ႇ​တင်း တၢင်း​ႁၵ်ႉ​မႅတ်ႈ​တႃႇ​လႄႈ ႁဝ်း​တၵ်း​မီး​ဢၶႂၢင်ႉ​ဢၼ်​လႆႈ ႁတ်း​ႁၢၼ်​ၼႂ်း​ဝၼ်း​ဢၼ်​တၵ်း​ၸီႇ​ယၢင်ႇ​တြႃး​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ႁဝ်း​ပဵၼ်​ၼႂ်း​လေႃးၵႃႉ​ၼႆႉ မိူၼ်​ၸိူဝ်ႉ​ၼင်ႇ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="18">တၢင်း​ႁၵ်ႉ​မႅတ်ႈ​တႃႇ​ဢမ်ႇ​ႁူမ်ႈ​ဢမ်ႇ​ပွင်း​ၵၼ်​တင်း​သၢင်ႇဝူၺ်ႇၵႃႉ တၢင်း​ဢၼ်​ၵူဝ်​ဢၼ်​ႁႄ​ၼၼ်ႉ​လႆႈ။ မႅတ်ႈ​တႃႇ​ဢၼ်​ပျေႉ​ၸုမ်ႇ​ၼၼ်ႉ ၸၢင်ႈ​ပႄႇ​ပႅတ်ႈ​သၢင်ႇဝူၺ်ႇၵႃႉ ၵွပ်ႈ​ပိူဝ်ႈ​ဢၼ်​သၢင်ႇဝူၺ်ႇၵႃႉ​ၼၼ်ႉ ၸၢင်ႈ​ႁႂ်ႈ​ပဵၼ်​ဝူၺ်ႇတၼႃႇ​တၢင်း​ဢၼ်​မႆႈ​ၸႂ်​ၶီ​ၸႂ်​ဢေႃႈ။ ၵေႃႉ​ဢၼ်​မီး​သၢင်ႇဝူၺ်ႇၵႃႉ​ၼၼ်ႉ ဢမ်ႇ​ပႆႇ​ပျေႉ​ၸုမ်ႇ​တင်း​မႅတ်ႈ​တႃႇ။-</verse>
				<verse number="19">ႁဝ်း​ႁၵ်ႉ​ၽြႃး​ပဵၼ်​ၸဝ်ႈ​ၵွပ်ႈ​ပိူဝ်ႈ​ဢၼ် မၼ်း​ၸဝ်ႈ​ႁၵ်ႉ​ႁဝ်း​ဢွၼ်​တၢင်း​ၼၼ်ႉ​ဢေႃႈ။-</verse>
				<verse number="20">ပိၵ်ႉ​သမ်ႉ​သေ​ၵေႃႉ​သေ​ၵူၼ်း​လၢတ်ႈ​လႄႈ​ဝႃႈ၊ ၵဝ်​ႁၵ်ႉ​ၽြႃး​ပဵၼ်​ၸဝ်ႈ​၊ ဝႃႈ​ၼင်ႇ​ၼႆ​သေ​ၵေႃႈ ပေႃး​မၼ်း​ၸင်း​ပီႈ​ၼွင်ႉ​မၼ်း​ယူႇ​ၸိုင်၊ ၵေႃႉ​ၼၼ်ႉ​ပဵၼ်​ၵေႃႉ​ဢၼ်​လၢတ်ႈ​မူႉ​သႃႇ​ဢေႃႈ။ ပေႃး​ဢမ်ႇ​ႁၵ်ႉ​ပီႈ​ၼွင်ႉ​မၼ်း​ဢၼ်​မၼ်း​လႆႈ​ႁၼ်​ယူႇ​ၼၼ်ႉ​ၸိုင် မၼ်း​တၵ်း​ႁၵ်ႉ​ၽြႃး​ပဵၼ်​ၸဝ်ႈ ဢၼ်​မၼ်း​ဢမ်ႇ​တွၼ်ႉ​ႁၼ်​သေ​ပွၵ်ႈ​ၼၼ်ႉ​လႆႈ ၸိူဝ်ႉ​ၼင်ႇ​ႁိုဝ်။-</verse>
				<verse number="21">ပိင်း​ၺၢပ်ႈ​ဢၼ်​ဝႃႈ၊ ၵေႃႉ​ဢၼ်​ႁၵ်ႉ​ၽြႃး​ပဵၼ်​ၸဝ်ႈ​ၼၼ်ႉ တၵ်း​လႆႈ​ႁၵ်ႉ​ပီႈ​ၼွင်ႉ​မၼ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ႁဝ်း​လႆႈ ၶၢမ်ႇ​ဢဝ်​ၵႃႈ​ၼႂ်း​ၸဝ်ႈ​ၶရိၸ်ႈ​ယဝ်ႉ။</verse>
			</chapter>
			<chapter number="5">
				<verse number="1">ၵေႃႉ​ဢၼ်​ယုမ်ႇ​မၢတ်ႈ​လႄႈ​ဝႃႈ၊ ယေႇသူႉ ​ပဵၼ်​ၸဝ်ႈ​ၶရိၸ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​ၽြႃး​ပဵၼ်​ၸဝ်ႈ ႁႂ်ႈ​ၵိူတ်ႇ​ပဵၼ်​မႃး​ဢေႃႈ။ ၵေႃႉ​ဢၼ်​ၸၢင်ႈ​ႁၵ်ႉ​မၼ်း​ၸဝ်ႈ ဢၼ်​ႁႂ်ႈ​ၵိူတ်ႇ​ပဵၼ်​မႃး​ၼၼ်ႉ ၸၢင်ႈ​ႁၵ်ႉ​ၵေႃႉ​ဢၼ်​မၼ်း​ၸဝ်ႈ ႁႂ်ႈ​ၵိူတ်ႇ​ပဵၼ်​မႃး ၼၼ်ႉ​ဢေႃႈ။-</verse>
				<verse number="2">ပေႃး​ႁဝ်း​ႁၵ်ႉ​ၽြႃး​ပဵၼ်​ၸဝ်ႈ​လႄႈ ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​မၼ်း​ၸဝ်ႈ တင်း​လၢႆ​ယူႇ​ၸိုင် ႁဝ်း​ႁူႉ​လွင်ႈ​ဢၼ်​ႁဝ်း​ႁၵ်ႉ လုၵ်ႈ​ၽြႃး​ပဵၼ်​ၸဝ်ႈ တင်း​လၢႆ​ၼၼ်ႉ​ယူႇ​ဢေႃႈ။-</verse>
				<verse number="3">တၢင်း​ဢၼ်​ပႂ်ႉ​ၵမ်​ပႂ်ႉ​ၸွမ်း ပိင်း​ၺၢပ်ႈ​ၸဝ်ႈ​ၸိူဝ်း​ၼၼ်ႉ ႁွတ်ႈ​ထိုင်​တၢင်း​ဢၼ် ႁၵ်ႉ​ၽြႃး​ပဵၼ်​ၸဝ်ႈ​ဢေႃႈ။ ပိင်း​ၺၢပ်ႈ​မၼ်း​ၸဝ်ႈ​ၸိူဝ်း​ၼၼ်ႉ​ၸိုင် ၵမ်​ယၢပ်ႇ​ၸွမ်း​ယၢပ်ႇ​ဢမ်ႇ​ၸႂ်ႈ။-</verse>
				<verse number="4">ၵေႃႉ​ဢၼ်​ၽြႃး​ပဵၼ်​ၸဝ်ႈ ႁႂ်ႈ​ၵိူတ်ႇ​ပဵၼ်​မႃး​ၼၼ်ႉ​ၸမ်ႉ၊ ၸၢင်ႈ​ပႄႉ​ၼႅင်ႇ​လေႃးၵႃႉ​ၼႆႉ​ဢေႃႈ။ လွင်ႈ​တၢင်း​ဢၼ်​ပႄႉ​ၼႅင်ႇ လေႃးၵႃႉ​ၼႆႉ​ၸမ်ႉ၊ ပဵၼ်​တၢင်း​ဢၼ် ႁဝ်း​ယုမ်ႇ​မၢတ်ႈ​ဢေႃႈ။-</verse>
				<verse number="5">လိူဝ်​သေ​ၵေႃႉ​ဢၼ်​ယုမ်ႇ​မၢတ်ႈ​လွင်ႈ​ဢၼ် ယေႇသူႉ ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ၼၼ်ႉ ၽူႈ​လႂ်​တၵ်း​ပႄႉ​ၼႅင်ႇ​လေႃးၵႃႉ​ၼႆႉ​လႆႈ။</verse>
				<verse number="6">ၸဝ်ႈ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​မႃး လူၺ်ႈ​ၼမ်ႉ​လူၺ်ႈ​လိူတ်ႈ ဢၼ်​ဝႃႈ ယေႇသူႉ​ၶရိၸ်ႈ ​ၼၼ်ႉ​ဢေႃႈ။ မႃး​လူၺ်ႈ​ၼမ်ႉ​ၵူၺ်း​ဢမ်ႇ​ၸႂ်ႈ။ မႃး​လူၺ်ႈ​ၼမ်ႉ​ဢိၵ်ႇ​တင်း​လူၺ်ႈ​လိူတ်ႈ​ဢေႃႈ။ ဝီႉၺိၺ်ႇ​ၸဝ်ႈ​ၵေႃႈ​ၶၢမ်ႇ​သၢၵ်ႈ​သေႇ ၵွပ်ႈ​ပိူဝ်ႈ​ဢၼ်​ဝီႉၺိၺ်ႇ​ၸဝ်ႈ ပဵၼ်​သမ်ႇမႃႇ​တြႃး​ဢေႃႈ။-</verse>
				<verse number="7">မီး​ဢၼ်​ၶၢမ်ႇ​သၢၵ်ႈ​သေႇ​သၢမ်​ပႃး​ဢၼ်​ဝႃႈ ဝီႉၺိၺ်ႇ​ၸဝ်ႈ​ပႃး​ၼိုင်ႈ၊ ၼမ်ႉ​ပႃး​ၼိုင်ႈ၊ လိူတ်ႈ​ပႃး​ၼိုင်ႈ​လႄႈ၊-</verse>
				<verse number="8">သၢမ်​ပႃး​ၼႆႉ​ပဵၼ်​ဢၼ်​လဵဝ်​ၵၼ်​ဢေႃႈ။-</verse>
				<verse number="9">ပေႃး​ႁဝ်း​ယုမ်ႇ​သၢၵ်ႈ​သေႇ​ၵူၼ်း​လႆႈ​ၸိုင် သၢၵ်ႈ​သေႇ​ၽြႃး​ပဵၼ်​ၸဝ်ႈ​ၼၼ်ႉ​ပဵၼ်​လွင်ႈ​တၢင်း​ဢၼ်​ယဵင်ႈ​ၶႅၼ်း​လီ​ယုမ်ႇ​ၼႃႇ​ဢေႃႈ။ သၢၵ်ႈ​သေႇ​ဢၼ်​ဝႃႈ​မႃး​ယဝ်ႉ​တေႃႈ​လဵဝ်​ၼႆႉ​ၸမ်ႉ၊ ပဵၼ်​လွင်ႈ​ဢၼ်​ၽြႃး​ပဵၼ်​ၸဝ်ႈ​ၶၢမ်ႇ​သၢၵ်ႈ​သေႇ​လူၺ်ႈ​လွင်ႈ​လုၵ်ႈ​မၼ်း​ၸဝ်ႈ​ဢေႃႈ။-</verse>
				<verse number="10">ၵေႃႉ​ဢၼ်​ယုမ်ႇ​မၢတ်ႈ လုၵ်ႈ​ၽြႃး​ပဵၼ်​ၸဝ်ႈ​ၼၼ်ႉ လႆႈ​သၢၵ်ႈ​သေႇ​ၵႃႈ​ၼႂ်း​တူဝ်​ၸဝ်ႈ​ၵဝ်ႇ​ဢေႃႈ။ ၵေႃႉ​ဢၼ်​ဢမ်ႇ​ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ​ၸမ်ႉ၊ တၢင်ႇ​ဢပႅတ်ႈ​မူႉ​သႃႇ ၵႃႈ​ၼိူဝ်​ၽြႃး​ပဵၼ်​ၸဝ်ႈ​ယူႇ​ဢေႃႈ။ ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵေႃႉ​ၼၼ်ႉ​ဢမ်ႇ​ယုမ်ႇ​ၵႂၢမ်း ဢၼ်​ၽြႃး​ပဵၼ်​ၸဝ်ႈ​ၶၢမ်ႇ​သၢၵ်ႈ​သေႇ လူၺ်ႈ​လွင်ႈ​လုၵ်ႈ​မၼ်း​ၸဝ်ႈ​ၼၼ်ႉ​လႄႈ​ယူႇ​ဢေႃႈ။-</verse>
				<verse number="11">ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ​ၸမ်ႉ၊ ၽြႃး​ပဵၼ်​ၸဝ်ႈ​ပဵၼ် ထႃႇဝရႃႉ​ဢသၢၵ်ႈ​တီႈ​ႁဝ်း​လႄႈ ဢသၢၵ်ႈ​ၼၼ်ႉ​ၵေႃႈ ပႃး​ၼႂ်း​လုၵ်ႈ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="12">ၵေႃႉ​ဢၼ်​လႆႈ​လုၵ်ႈ​ၸဝ်ႈ​ၼၼ်ႉ လႆႈ​ဢသၢၵ်ႈ​ဢေႃႈ။ ၵေႃႉ​ဢၼ် ဢမ်ႇ​လႆႈ​လုၵ်ႈ​ၽြႃး​ပဵၼ်​ၸဝ်ႈ ၼၼ်ႉ​ၸမ်ႉ၊ ဢမ်ႇ​လႆႈ​ဢသၢၵ်ႈ။</verse>
				<verse number="13">ၵဝ်​တႅမ်ႈ​လွင်ႈ​တၢင်း​ၸိူဝ်း​ၼႆႉ​သေ​လႄႈ ပၼ်​ၵႂႃႇ​တီႈ​သူ​ၸိူဝ်း​ဢၼ် ယုမ်ႇ​မၢတ်ႈ​လုၵ်ႈ​ၽြႃး​ပဵၼ်​ၸဝ်ႈ​ၼၼ်ႉ ႁႂ်ႈ​သူ​လႆႈ​ႁူႉ​လွင်ႈ​ဢၼ် တူဝ်​ၸဝ်ႈ​ၵဝ်ႇ​လႆႈ​ထႃႇဝရႃႉ​ဢသၢၵ်ႈ​ၼၼ်ႉ​ဢေႃႈ။</verse>
				<verse number="14">လွင်ႈ​တၢင်း​ဢၼ်​ႁဝ်း​ႁတ်း​ႁၢၼ် ၵႃႈ​တီႈ​ၽြႃး​ပဵၼ်​ၸဝ်ႈ​ၸမ်ႉ၊ ပေႃး​ႁဝ်း​ယွၼ်း​သူႉ သေ​ၸိူဝ်ႉ​သေ​ပိူင် မႅၼ်ႈ​ၼင်ႇ​ဢလူဝ်ႇ​မၼ်း​ၸဝ်ႈ​ၸိုင် မၼ်း​ၸဝ်ႈ​ထွမ်ႇ​ဢဝ်​ဢေႃႈ။-</verse>
				<verse number="15">ပေႃး​ႁဝ်း​ႁူႉ​လွင်ႈ​ဢၼ်​မၼ်း​ၸဝ်ႈ ထွမ်ႇ​ဢဝ်​ၵႂၢမ်း​ၵႃႈ​ဢၼ်​ႁဝ်း သူး​တွင်း​ၼၼ်ႉ​ၸိုင်၊ ႁဝ်း​ႁူႉ​လွင်ႈ​ဢၼ်​ႁဝ်း တၵ်း​လႆႈ​သူႉ ဢၼ်​ႁဝ်း​ယွၼ်း​ၵႃႈ​တီႈ​မၼ်း​ၸဝ်ႈ​ၼၼ်ႉ​ယူႇ​ဢေႃႈ။</verse>
				<verse number="16">ပေႃး​သေ​ၵေႃႉ​သေ​ၵူၼ်း ႁၼ်​ပီႈ​ၼွင်ႉ​ႁဵတ်း​တူႉ​ၸရိူၵ်ႈ ဢၼ်​ဢမ်ႇ​ထိူၵ်ႈ​ၶၢမ်ႇ​ဢပႅတ်ႈ​တၢင်း​တၢႆ​မႅၼ်ႈ​ၸိုင် ၵေႃႉ​ၼၼ်ႉ​တၵ်း​လႆႈ​သူး​တွင်း​ဢေႃႈ။ ၽြႃး​ပဵၼ်​ၸဝ်ႈ​တၵ်း​ပၼ်​ဢသၢၵ်ႈ​တီႈ​ၵေႃႉ​ၼၼ်ႉ ပုၼ်ႈ​ၶဝ်​ၸိူဝ်း​ဢၼ် ဢမ်ႇ​ႁဵတ်း​ဢပႅတ်ႈ​တၢင်း​တၢႆ​ၼၼ်ႉ​ဢေႃႈ။ မီး​တူႉ​ၸရိူၵ်ႈ​ဢၼ် ထိူၵ်ႈ​ၶၢမ်ႇ​ဢပႅတ်ႈ​တၢင်း​တၢႆ​ဢေႃႈ။ ပုၼ်ႈ​လွင်ႈ​ၼင်ႇ​ႁိုဝ် တၵ်း​ၵၢင်း​လွတ်ႈ​တင်း တူႉ​ၸရိူၵ်ႈ​ဢပႅတ်ႈ​ၼၼ်ႉ​ၸိုင် တၵ်း​လႆႈ​သူး​တွင်း​ဝႃႈ​ၼႆ ၵဝ်​ဢမ်ႇ​ဝႃႈ။</verse>
				<verse number="17">လွင်ႈ​တၢင်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ပဵၼ်​တူႉ​ၸရိူၵ်ႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ တူႉ​ၸရိူၵ်ႈ​ဢၼ် ဢမ်ႇ​ထိူၵ်ႈ​ၶၢမ်ႇ​ဢပႅတ်ႈ​တၢင်း​တၢႆ​ၵေႃႈ​မီး​ဢေႃႈ။</verse>
				<verse number="18">ႁဝ်း​ႁူႉ​လွင်ႈ​ဢၼ် ၶဝ်​ၸိူဝ်း​ဢၼ်​ၽြႃး​ပဵၼ်​ၸဝ်ႈ ႁႂ်ႈ​ၵိူတ်ႇ​ပဵၼ်​မႃး​ၼၼ်ႉ ဢမ်ႇ​ၸၢင်ႈ​ႁဵတ်း​တူႉ​ၸရိူၵ်ႈ​ၼၼ်ႉ​ယူႇ​ဢေႃႈ။ ၵေႃႉ​ဢၼ်​ၽြႃး​ပဵၼ်​ၸဝ်ႈ ႁႂ်ႈ​ၵိူတ်ႇ​ပဵၼ်​မႃး​ၼၼ်ႉ ပိူဝ်ႈ​ဢၼ်​တူဝ်​ၸဝ်ႈ​ၵဝ်ႇ ပႂ်ႉ​တူဝ်​ၸဝ်ႈ​ၵဝ်ႇ​ယူႇ​လႄႈ မႃႇၼၢတ်ႈ​ဢမ်ႇ​တိူဝ်ႉ​ဢမ်ႇ​ယိပ်း​လႆႈ။</verse>
				<verse number="19">ႁဝ်း​ႁူႉ​လွင်ႈ​ဢၼ်​ႁဝ်း ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ ဢိၵ်ႇ​တင်း လွင်ႈ​ဢၼ်​ၵူၼ်း​လေႃးၵီႇ​တင်း​သဵင်ႈ​တင်း​လူင် မီး​ၼႂ်း​မိုဝ်း​မႃႇၼၢတ်ႈ​ၼၼ်ႉ​ယူႇ​ဢေႃႈ။-</verse>
				<verse number="20">ႁဝ်း​ႁူႉ​လွင်ႈ​ဢၼ် လုၵ်ႈ​ၽြႃး​ပဵၼ်​ၸဝ်ႈ လႆႈ​မႃး​လႄႈ​ပၼ်​ၺၢၼ်ႇ ဢၼ်​ႁူႉ​ၸၵ်း​ၽြႃး​ပဵၼ်​ၸဝ်ႈ ဢၼ်​ၸိုဝ်ႈ​ဢၼ်​ၸႂ်ႈ တီႈ​ႁဝ်း​ၼၼ်ႉ​ယူႇ​ဢေႃႈ။ ႁဝ်း​တႄႇ​ယူႇ​ၼႂ်း​ၸဝ်ႈ​ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ ဢိၵ်ႇ​တင်း​ၼႂ်း​လုၵ်ႈ​မၼ်း​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ​ဢေႃႈ။ ၸဝ်ႈ​ၼၼ်ႉ​ပဵၼ်​ၽြႃး​ပဵၼ်​ၸဝ်ႈ ဢၼ်​ၸိုဝ်ႈ​ဢၼ်​ၸႂ်ႈ​ဢေႃႈ။ ထႃႇဝရႃႉ​ဢသၢၵ်ႈ​ၵေႃႈ​ပဵၼ်​ဢေႃႈ။</verse>
				<verse number="21">လုၵ်ႈ​လၢင်း​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ဝႄႈ​ပႅတ်ႈ​သေ​ရုၵ်ႈ​ထူႉ​သၢင်း​ထူႉ​တင်း​လၢႆ​တႃႉ။ လိၵ်ႈ​ဢေႃးဝႃႇတႃႉ​ယူဝ်းႁၢၼ်ႇ​ၽိုၼ်​ပထမႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="63">
			<chapter number="1">
				<verse number="1">ၵေႃႉ​ဢၼ်​ဢသၢၵ်ႈ​ယႂ်ႇ​ၼႆႉ​တႅမ်ႈ​ပၼ်​ငိၼ်း​ၵႂႃႇ​တီႈ​ၸဝ်ႈ​ၼၢင်း​ဢၼ်​မျၢတ်ႈ​ၼႃႇ​ဢိၵ်ႇ​တင်း​လုၵ်ႈ​လၢင်း​တင်း​လၢႆ ဢၼ်​ၵဝ် ဢိၵ်ႇ​တင်း​ၶဝ်​ၸိူဝ်း​ဢၼ်​ႁူႉ​သမ်ႇမႃႇ​တြႃး​ၵႃႈ​မီး​တင်း​သဵင်ႈ​တင်း​လူင် ႁၵ်ႉ​ပႅင်း​ဢမၢၼ်ႇ​ၶၼ်​ပဵၼ်၊-</verse>
				<verse number="2">ၵွပ်ႈ​ပိူဝ်ႈ​သမ်ႇမႃႇ​တြႃး​ဢၼ်​တႄႇ​ယူႇ​ၼႂ်း​ႁဝ်း​လႄႈ တၵ်း​မီး​ယူႇ​တီႈ​ႁဝ်း​သေႇ​သေႇ​ၼၼ်ႉ​ၶႃႈ​ဢေႃႈ။-</verse>
				<verse number="3">ႁႂ်ႈ​ၵျေး​ၸူး​ဢိၵ်ႇ​တင်း​ၵရူႉၼႃႇ​တင်း​တၢင်း​ၼိမ်​ၼႂ်း​သမ်ႇမႃႇ​တြႃး​တင်း​မႅတ်ႈ​တႃႇ​တြႃး ဢၼ်​ပဵၼ်​မႃး​ၵႃႈ​တီႈ​ပေႃႈ​ၸဝ်ႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵႃႈ​တီႈ​ ယေႇသူႉ​ၶရိၸ်ႈ ​လုၵ်ႈ​ပေႃႈ​ၸဝ်ႈ​ၼၼ်ႉ မီး​ၼိူဝ်​သူ​သေ​ၵမ်း​လူၺ်ႈ။</verse>
				<verse number="4">မိူဝ်ႈ​ဢၼ်​ၵဝ်​ထူပ်း​ႁၼ် လုၵ်ႈ​လၢင်း​ၸဝ်ႈ​ၼၢင်း​ၵမ်ႈ​ၽွင်ႈ ၵႂႃႇ​ၵႂႃႇ​မႃး​မႃး​ယူႇ​ၼႂ်း​သမ်ႇမႃႇ​တြႃး​ၸွမ်း​ၼင်ႇ ဢၼ်​ႁဝ်း​လႆႈ​ၶၢမ်ႇ​ဢဝ် ပိင်း​ၺၢပ်ႈ​ၸဝ်ႈ ၵႃႈ​တီႈ​ပေႃႈ​ၸဝ်ႈ​ၼၼ်ႉ​ၸိုင်၊ ၵဝ်​မီး​တၢင်း​ဢၼ်​သိူဝ်း​ပျေႃႇ ၼႃႇ​လူင်​လၢင်​ဢေႃႈ။-</verse>
				<verse number="5">တေႃႈ​လဵဝ်​ၼႆႉ​ၸဝ်ႈ​ၼၢင်း​ဢိူၺ်း၊ ၵဝ်​ယင်း​ဢမ်ႇ​တႅမ်ႈ​ပိင်း​ၺၢပ်ႈ​ၸဝ်ႈ​ဢၼ်​မႂ်ႇ​လႄႈ၊ တႅမ်ႈ​ဝႆႉ​ပိင်း​ၺၢပ်ႈ​ၸဝ်ႈ​ဢၼ်​မီး​ယူႇ​တီႈ​ႁဝ်း ၸႃႉ​ၸဵမ်​မိူဝ်ႈ​ၵေႃႇၸႃႉ​ဢွၼ်​ၼႆႉ​ၼၼ်ႉ​လႄႈ တွင်း​ပၢၼ်ႇ​ႁႂ်ႈ​ႁဝ်း​ၼင်ႇ​ၵၼ်​ၵၼ် လႆႈ​မီး​တၢင်း​ႁၵ်ႉ​မႅတ်ႈ​တႃႇ​တီႈ​ၵၼ်​ဢေႃႈ။-</verse>
				<verse number="6">တၢင်း​ဢၼ်​ပႂ်ႉ​ၵမ်​ပႂ်ႉ​ၸွမ်း​ၵႃႈ​ၼင်ႇ ပိင်း​ၺၢပ်ႈ​မၼ်း​ၸဝ်ႈ​တင်း​လၢႆ​ၼၼ်ႉ ႁွတ်ႈ​ထိုင်​တၢင်း​ဢၼ်​ႁၵ်ႉ​ဢေႃႈ။ မႅၼ်ႈ​ၵႃႈ​ၼင်ႇ​ဢၼ်​သူ​လႆႈ​ငိၼ်း ၸႃႉ​ၸဵမ်​မိူဝ်ႈ​ၵေႃႇၸႃႉ​ဢွၼ်​ၼႆႉ​ၼၼ်ႉ၊ ပိင်း​ၺၢပ်ႈ​ၸဝ်ႈ​မီး​သၽေႃး ၶႂ်ႈ​ႁႂ်ႈ​သူ​ၵမ်​ၵျၢင်ႉ​ၸွမ်း​ၼင်ႇ ပိင်း​ၺၢပ်ႈ​ၸဝ်ႈ​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ။</verse>
				<verse number="7">ၶဝ်​ၸိူဝ်း​ဢၼ်​ထဵင် လွင်ႈ​ဢၼ်​ ယေႇသူႉ​ၶရိၸ်ႈ ဢဝ်​တင်း​ၸႃႇ​တီႉ​ၵူၼ်း​မႃး​ၼၼ်ႉ ပႅတ်ႈ​သေ​လႄႈ ပႅတ်ႉ​လႅၼ်​ၼၼ်ႉ​လႆႈ ၵႂႃႇ​ၸူး​ၵႃႈ​တီႈ​ၼႂ်း​လေႃးၵႃႉ​ၼႆႉ​ၼမ်​ၼႃႇ​ယဝ်ႉ။ ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ ပဵၼ်​ၵေႃႉ​ဢၼ်​ပႅတ်ႉ​လႅၼ်​ဢေႃႈ။ ဢၼ်ႇတီႉ​ၶရိၸ်ႈ ​ၵေႃႈ​ပဵၼ်​ဢေႃႈ။-</verse>
				<verse number="8">လွင်ႈ​ၼင်ႇ​ႁိုဝ် လွင်ႈ​တၢင်း​ဢၼ်​ႁဝ်း​ပွင်​ႁဵတ်း​ၼႆႉ တၵ်း​ဢမ်ႇ​လူႉ​ဢမ်ႇ​ႁၢႆ၊ တၵ်း​လႆႈ​ဢၵျူဝ်း ဢၼ်​ၸေး​ၸုမ်ႇ​ၸိုင်၊ သူ​ဢွၼ်​ၵၼ်​ႁဵတ်း​သတီႉ​လွင်ႈ တူဝ်​ၸဝ်ႈ​ၵဝ်ႇ​သေ​လႄႈ​ပႂ်ႉ​ယူႇ​တႃႉ။-</verse>
				<verse number="9">ၵေႃႉ​ဢၼ်​ဢမ်ႇ​တႄႇ​ယူႇ​ၼႂ်း တေႇသၼႃႇ​ၸဝ်ႈ​ၶရိၸ်ႈ​လႄႈ ပူၼ်ႉ​လိူဝ်​ၼၼ်ႉ​ၸမ်ႉ၊ ဢမ်ႇ​ႁူႉ​ၸၵ်း​ၽြႃး​ပဵၼ်​ၸဝ်ႈ၊ ၵေႃႉ​ဢၼ်​တႄႇ​ယူႇ​ၼႂ်း တေႇသၼႃႇ​ၸဝ်ႈ​ၶရိၸ်ႈ​ၼၼ်ႉ ႁူႉ​ၸၵ်း​ပေႃႈ​ၸဝ်ႈ​ဢိၵ်ႇ​တင်း​လုၵ်ႈ​ၸဝ်ႈ​ဢေႃႈ။-</verse>
				<verse number="10">ပေႃး​ၵေႃႉ​ဢၼ်​ဢမ်ႇ​ပႃး​တေႇသၼႃႇ​ၼၼ်ႉ မႃး​ၵႃႈ​တီႈ​သူ​ၸိုင် သူ​ယႃႇ​ပေ​ႁပ်ႉ​တုင်း​ဢဝ်​မၼ်း​ဝႆႉ ၵႃႈ​ၼႂ်း​ႁိူၼ်း​သူ။ ယႃႇ​ပေ​တၵ်ႉ​လၢတ်ႈ​မၼ်း​လႄႈ​ဝႃႈ ႁႂ်ႈ​မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ။-</verse>
				<verse number="11">ပေႃး​တၵ်ႉ​လၢတ်ႈ​ၵေႃႉ​ၼၼ်ႉ​လႄႈ​ဝႃႈ ႁႂ်ႈ​မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ၸိုင်၊ ပဵၼ်​တၢင်း​ဢၼ်​သိူၵ်ႈ​သမ်ႇ​ၵၼ်​တင်း​တၢင်း​ၵမ်​တၢင်း​ၵျၢင်ႉ ဢၼ်​ႁၢႆႉ​မိူၵ်ႈ​မၼ်း​တင်း​လၢႆ​ၼၼ်ႉ​ဢေႃႈ။</verse>
				<verse number="12">ပိၵ်ႉ​သမ်ႉ​ၵဝ်​မီး​လွင်ႈ​ဢၼ် လီ​တႅမ်ႈ​ပၼ်​ၵႂႃႇ​တီႈ​သူ​ၼမ်​ၼႃႇ​သေ​ၵေႃႈ၊ ၵဝ်​ဢမ်ႇ​မီး​ဢလူဝ်ႇ ၶႂ်ႈ​ဢဝ်​တင်း​ၼမ်ႉ​မိုၵ်ႉ​တႅမ်ႈ​သႂ်ႇ​ၵႃႈ​ၼိူဝ်​ၸေႈ။ လွင်ႈ​ၼင်ႇ​ႁိုဝ်​တၢင်း​ဢၼ်​ႁဝ်း​ၼင်ႇ​ၵၼ်​ၵၼ် သိူဝ်း​ပျေႃႇ​တီႈ​ၵၼ်​ၼၼ်ႉ​တၵ်း​ၸေး​ၸုမ်ႇ​ၸိုင် ၵဝ်​မုင်ႈ​ထႃႈ​မွင်း​ထႃႈ​လွင်ႈ​ဢၼ်​ၵဝ် တၵ်း​မႃး​တီႈ​သူ​သေ​လႄႈ လၢတ်ႈ​ၵႂၢမ်း​တေႃႇ​ၵၼ်​တင်း​သူ​ၼၼ်ႉ​ယူႇ​ဢေႃႈ။-</verse>
				<verse number="13">လုၵ်ႈ​လၢင်း​ၼွင်ႉ​ယိင်း​ၸဝ်ႈ​ၼၢင်း ဢၼ်​မျၢတ်ႈ​ၸိူဝ်း​ၼႆႉ တၵ်ႉ​ၼၢႆ​မႂ်း​ၼၢင်း​ဢေႃႈ။ လိၵ်ႈ​ဢေႃးဝႃႇတႃႉ​ယူဝ်းႁၢၼ်ႇ​ၽိုၼ်​တူႉတီႉယႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="64">
			<chapter number="1">
				<verse number="1">ၵေႃႉ​ဢၼ်​ဢသၢၵ်ႈ​ယႂ်ႇ​ၼႆႉ တႅမ်ႈ​ပၼ်​ငိၼ်း​ၵႂႃႇ​တီႈ​ ၵႃႇယူႉ ​ဢၼ်​လီ​ႁၵ်ႉ​လီ​ပႅင်း​ၼၼ်ႉ​ဢေႃႈ။</verse>
				<verse number="2">ၵေႃႉ​ဢၼ်​ၵဝ်​ႁၵ်ႉ​ဢိူၺ်း၊ လွင်ႈ​ၼင်ႇ​ႁိုဝ် မႂ်း​တၵ်း​မီး​တၢင်း​ဢၼ်​လႆႈ​လီ​လႆႈ​ပဵၼ် ဢိၵ်ႇ​တင်း​တၢင်း​ဢၼ်​ယူႇ​လီ​ၵိၼ်​ဝၢၼ် ၼႂ်း​လွင်ႈ​တၢင်း​ဢၼ် ၵူႈ​ၸိူဝ်ႉ​ၵူႈ​ပိူင်​ၸွမ်း​ၵႃႈ​ၼင်ႇ​ဢၼ် ႁူဝ်​ၸႂ်​မႂ်း လႆႈ​လီ​လႆႈ​ပဵၼ်​ၼၼ်ႉ​ၸိုင် ၵဝ်​သူး​တွင်း​ယူႇ​ဢေႃႈ။-</verse>
				<verse number="3">မိူဝ်ႈ​ဢၼ်​ပီႈ​ၼွင်ႉ​မႃး​လႄႈ ၶၢမ်ႇ​သၢၵ်ႈ​သေႇ လွင်ႈ​သမ်ႇမႃႇ​တြႃး​ဢၼ်​မီး​ၼႂ်း​မႂ်း ဢၼ်​မႅၼ်ႈ​ၸွမ်း​ၵႃႈ​ၼင်ႇ​ဢၼ် မႂ်း​ၵႂႃႇ​ၵႂႃႇ​မႃး​မႃး​ယူႇ ၼႂ်း​သမ်ႇမႃႇ​တြႃး​ၼၼ်ႉ​ၸိုင်၊ ၵဝ်​မီး​တၢင်း​ဢၼ်​သိူဝ်း​ပျေႃႇ​ၼႃႇ​ဢေႃႈ။-</verse>
				<verse number="4">တၢင်း​သိူဝ်း​ပျေႃႇ ဢၼ်​ယဵင်ႈ​ၶႅၼ်း​ယႂ်ႇ​လိူဝ်​တွၼ်း​သေ​တၢင်း​ဢၼ်​ၵဝ်​ငိၼ်း​လႄႈ သိူဝ်း​ပျေႃႇ​လူၺ်ႈ​လွင်ႈ လုၵ်ႈ​လၢင်း​ၵဝ်​တင်း​လၢႆ ၵႂႃႇ​ၵႂႃႇ​မႃး​မႃး​ယူႇ ၼႂ်း​သမ်ႇမႃႇ​တြႃး​ၼၼ်ႉ​ဢမ်ႇ​မီး။</verse>
				<verse number="5">ၵေႃႉ​ဢၼ်​ၵဝ်​ႁၵ်ႉ​ဢိူၺ်း၊ မႂ်း​ၸၢင်ႈ​ဢဝ်​တင်း​သဵတ်ႈ​ၸႃႇ ႁဵတ်း​ၼႂ်း​ဝၢတ်ႈ ဢၼ်​မႂ်း​ႁဵတ်း​ၵႃႈ​တီႈ​ပီႈ​ၼွင်ႉ ဢိၵ်ႇ​တင်း​ၶႅၵ်ႇ​တင်း​လၢႆ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။-</verse>
				<verse number="6">ၶဝ်​ၼၼ်ႉ​ၶၢမ်ႇ​သၢၵ်ႈ​သေႇ လွင်ႈ​တၢင်း​ႁၵ်ႉ​မႅတ်ႈ​တႃႇ​မႂ်း ၵႃႈ​တီႈ​ၽၢႆႇ​ၼႃႈ​ၸိူဝ်း​ၸဝ်ႈ​ဢေႃႈ။ ပေႃး​မႂ်း​ၸွမ်း​သူင်ႇ​ၶဝ် ၵႃႈ​ၼင်ႇ​ဢၼ်​မႅၼ်ႈ​ၵၼ်​တင်း ဢလူဝ်ႇ​ၽြႃး​ပဵၼ်​ၸဝ်ႈ​ၸိုင် မႂ်း​တၵ်း​ႁဵတ်း လွင်ႈ​တၢင်း​ဢၼ်​လီ​ဢၼ်​ငၢမ်း​ဢေႃႈ။-</verse>
				<verse number="7">လွင်ႈ​မၼ်း​ၸမ်ႉ ၶဝ်​ၼၼ်ႉ​ထွၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​လႄႈ၊ ယင်း​ဢမ်ႇ​ၶၢမ်ႇ​ဢမ်ႇ​ဢဝ် တၢင်း​လူႇ​တၢင်း​တၢၼ်း ၵႃႈ​ၼႂ်း​ၵူၼ်း သႃႇသၼႃႇ​ပႃႉ တင်း​လၢႆ​လႄႈ​ၵႂႃႇ​ဢေႃႈ။-</verse>
				<verse number="8">ႁဝ်း​လီ​ႁဵတ်း​ဝၢတ်ႈ​ၶႅၵ်ႇ ၵႃႈ​တီႈ​ၶဝ်​ၸိူဝ်ႉ​ၼင်ႇ​ၼၼ်​ၼၼ်ႉ ႁႂ်ႈ​လႆႈ​ပဵၼ်​ၵေႃႉ​ဢၼ် ၸွႆႈ​ထႅမ်​သမ်ႇမႃႇ​တြႃး​ဢေႃႈ။</verse>
				<verse number="9">ၵဝ်​တႅမ်ႈ​လိၵ်ႈ​လႄႈ ပၼ်​ၵႂႃႇ​တီႈ​ၸိူဝ်း​ၸဝ်ႈ​ယဝ်ႉ။ ၵူၺ်း​ၵႃႈ​ တယေႃႇတရပ်ႉ ​ဢၼ်​ၶႂ်ႈ​ပဵၼ်​ၵႄႇ​ပဵၼ်​ႁူဝ်​ပိူၼ်ႈ​ၼၼ်ႉ ဢမ်ႇ​ႁပ်ႉ​တုင်း​ဢဝ်​ႁဝ်း။-</verse>
				<verse number="10">ပိူဝ်ႈ​ၼႆ​လႄႈ မိူဝ်ႈ​ဢၼ်​ၵဝ်​မႃး​ၸိုင်၊ ၵဝ်​တၵ်း​ႁဵတ်း​ႁႂ်ႈ​မၼ်း ၶုၵ်း​ၸႂ်​လႆႈ​ၶႆႈ​ၸႂ်​ထူပ်း လွင်ႈ​တၢင်း​ဢၼ်​မၼ်း​ႁဵတ်း​ၼၼ်ႉ​ဢေႃႈ။ ၵေႃႉ​ၼၼ်ႉ​ဢဝ်​တင်း​ၵႂၢမ်း ဢၼ်​သီႈ​ၵေႉ​သႄႉ​သွမ်း​ႁဝ်း​ယဝ်ႉ​ဢမ်ႇ​ၵႃး၊ ယင်း​ဢမ်ႇ​ပေႇ​ၸႂ်​လူၺ်ႈ တၢင်း​ဢၼ်​သႄႉ​ဢၼ်​သွမ်း​ၼၼ်ႉ​လႄႈ တူဝ်​ၸဝ်ႈ​ၵဝ်ႇ​ယင်း​ဢမ်ႇ​ႁပ်ႉ​တုင်း​ဢဝ် ပီႈ​ၼွင်ႉ​တင်း​လၢႆ၊ ၸၢင်ႈ​ႁႄႉ​ၶႅၼ်​ၶဝ်​ၸိူဝ်း​ဢၼ် ၶႂ်ႈ​ႁပ်ႉ​တုင်း​ဢဝ်​ၼၼ်ႉ​သေ​လႄႈ ႁေႃႈ​ဢွၵ်ႇ​သေ​ၵႃႈ​ၼႂ်း​ၸိူဝ်း​ၸဝ်ႈ​ဢေႃႈ။</verse>
				<verse number="11">ၵေႃႉ​ဢၼ်​ၵဝ်​ႁၵ်ႉ​ဢိူၺ်း၊ ယႃႇ​ပေ​ၸွမ်း​ၼႄး ဢၼ်​ဢမ်ႇ​လီ​ဢမ်ႇ​ငၢမ်း။ ၸွမ်း​ၼႄး ဢၼ်​လီ​ဢၼ်​ငၢမ်း​ၵူၺ်း​တႃႉ။ ၵေႃႉ​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​ၼၼ်ႉ ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။ ၵေႃႉ​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ဢမ်ႇ​လီ​ဢမ်ႇ​ငၢမ်း​ၼၼ်ႉ ဢမ်ႇ​ႁူႉ​ႁၼ်​ၽြႃး​ပဵၼ်​ၸဝ်ႈ။</verse>
				<verse number="12">ၵူၼ်း​တင်း​သဵင်ႈ​တင်း​လူင်​ပဵၼ်​သၢၵ်ႈ​သေႇ​ တေႇမေႇတရီႉ ​ဢေႃႈ။ သမ်ႇမႃႇ​တြႃး​ၵေႃႈ​ပဵၼ်​သၢၵ်ႈ​သေႇ​မၼ်း​ဢေႃႈ။ ႁဝ်း​ၵေႃႈ ၶၢမ်ႇ​သၢၵ်ႈ​သေႇ​ၽၢႆႇ​မၼ်း​ဢေႃႈ။ လွင်ႈ​တၢင်း​ဢၼ်​ႁဝ်း ၶၢမ်ႇ​သၢၵ်ႈ​သေႇ​ၼၼ်ႉ ပဵၼ်​ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ​ၸိုင် မႂ်း​ႁူႉ​ယူႇ​ဢေႃႈ။</verse>
				<verse number="13">ပိၵ်ႉ​သမ်ႉ​ၵဝ်​မီး​လွင်ႈ​တၢင်း​ဢၼ် လီ​တႅမ်ႈ​ပၼ်​ၵႂႃႇ​ၵႃႈ​တီႈ​မႂ်း​ၼမ်​ၼႃႇ​သေ​ၵေႃႈ၊ ၵဝ်​ဢမ်ႇ​မီး​ဢလူဝ်ႇ ၶႂ်း​ဢဝ်​တင်း​ၼမ်ႉ​မိုၵ်ႉ​တႅမ်ႈ​သႂ်ႇ​ၵႃႈ​ၼိူဝ်​ၸေႈ။-</verse>
				<verse number="14">ဢမ်ႇ​ႁိုင်​ဢမ်ႇ​ၼၢၼ်း ၵဝ်​တၵ်း​ထူပ်း​ႁၼ်​မႂ်း​လႄႈ လၢတ်ႈ​ၵႂၢမ်း​တေႃႇ​ၵၼ်​တင်း​မႂ်း​ဝႃႈ​ၼႆ ၵဝ်​မုင်ႈ​ထႃႈ​မွင်း​ထႃႈ​ယူႇ​ဢေႃႈ။</verse>
				<verse number="15">ႁႂ်ႈ​တၢင်း​ၼိမ် မီး​ၼိူဝ်​မႂ်း​သေ​ၵမ်း​လူၺ်ႈ။ ၵေႃႉ​သေႈ​ၸိူဝ်း​ၼႆႉ တၵ်ႉ​ၼၢႆ​မႂ်း​ဢေႃႈ။ ဢဝ်​ၸိုဝ်ႈ​သဵင်​ၵေႃႉ​သေႈ ဢၼ်​မီး​တီႈ​မႂ်း​ၼၼ်ႉ ဢွၵ်ႇ​သေ​လႄႈ တၵ်ႉ​ၼၢႆ​သေ​ၵမ်း။ လိၵ်ႈ​ဢေႃးဝႃႇတႃႉ​ယူဝ်းႁၢၼ်ႇ​ၽိုၼ်​တႃႉတီႉယႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="65">
			<chapter number="1">
				<verse number="1">ၵဝ်​ ယူႉတႃႉ ​ဢၼ်​ပဵၼ်​ၶႃႈ​ ယေႇသူႉ​ၶရိၸ်ႈ ၊ ဢၼ်​ပဵၼ်​ၼွင်ႉ​ၸၢႆး​ ယႃႇၵုပ်ႈ ​ၼၼ်ႉ​ၼႆႉ ပၼ်​ငိၼ်း​ၵႂႃႇ​တီႈ​ၶဝ်​ၸိူဝ်း​ဢၼ်​ၸဝ်ႈ​ပေႃႈ​ၽြႃး​ပဵၼ်​ၸဝ်ႈ​လိူၵ်ႈ​ၵဵပ်း​ဢဝ်​ဝႆႉ​လႄႈ ႁၵ်ႉ​ပႅင်း​ၼႃႇ​လူင်​လၢင်​လႄႈ ၸဝ်ႈ​ ယေႇသူႉ ​ႁွင်ႉ​ဝႆႉ​ပႂ်ႉ​ၸွႆႈ​ပႂ်ႉ​ထႅမ်​ယူႇ​ၼၼ်ႉ​ၶႃႈ​ဢေႃႈ။-</verse>
				<verse number="2">ႁႂ်ႈ​ၵရူႉၼႃႇ​မီး​ၼိူဝ်​သူ​သေ​ၵမ်း​လူၺ်ႈ။ တၢင်း​ၼိမ် ဢိၵ်ႇ​တင်း​တၢင်း​ႁၵ်ႉ​ၵေႃႈ ႁႂ်ႈ​ၼမ်​ၵိုၼ်း​မႃး​တီႈ​သူ​သေ​ၵမ်း​လူၺ်ႈ။</verse>
				<verse number="3">ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ၼႂ်း​မိူဝ်ႈ​ဢၼ်​ၵဝ်​ယင်း​တိုၵ်ႉ​ၵျူဝ်း​ၸႃး ႁႂ်ႈ​လႆႈ​တႅမ်ႈ​လွင်ႈ​တၢင်း​ဢၼ်​ၵႄႇ​ၶျွတ်ႈ​ဢဝ် ဢၼ်​ႁဝ်း​လႆႈ​သိူၵ်ႈ​သမ်ႇ​ၶၢမ်ႇ​ဢဝ် မိူၼ်​မိူၼ်​ၵၼ်​ၼၼ်ႉ​ပၼ်​တီႈ​သူ​ယူႇ​ၼၼ်ႉ​ၸိုင် မီး​လွင်ႈ​ဢၼ် တၵ်း​လႆႈ​တိုၵ်း​ယူင်း​ၸူဝ်း​ဢဝ်​သူ​လႄႈ တႅမ်ႈ​ပၼ်​ၵႂႃႇ​တီႈ​သူ ႁႂ်ႈ​သူ​လႆႈ​ၵျူဝ်း​ၸႃး​ယူႇ​ၽၢႆႇ​တြႃး တၢင်း​ဢၼ်​ယုမ်ႇ​မၢတ်ႈ​ဢၼ်​ဢၢပ်ႈ​ပၼ်​တီႈ ၵူၼ်း​မူတ်း​ၸၢင်ႇ​တင်း​လၢႆ​မႃး​ယဝ်ႉ မိူဝ်ႈ​ဢွၼ်​ၼႆႉ​ၼၼ်ႉ​သေ​လႄႈ တိုၵ်း​တေႃး​ဢေႃႈ။-</verse>
				<verse number="4">ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ ၵူၼ်း​ဢႃႉထမ်ႇမႃႉ​ဢၼ်​လႆႈ​ၶၢမ်ႇ​တၢင်း​ဢၼ် ၸီႇ​ယၢင်ႇ​မၢတ်ႈ​မၢႆ​ဝႆႉ ပုၼ်ႈ​လွင်ႈ​ၼင်ႇ​ႁိုဝ် တၵ်း​လႆႈ​ၶၢမ်ႇ​ဢပႅတ်ႈ ၸႃႉ​ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ ၵမ်ႈ​ၽွင်ႈ​ၸိူဝ်း​ၼၼ်ႉ၊ ၶႂမ်ႈ​ပိၼ်ႈ​ပႅတ်ႈ ၵျေး​ၸူး​ၽြႃး​ပဵၼ်​ၸဝ်ႈ​ႁဝ်း ႁႂ်ႈ​လႆႈ​ပဵၼ်​ပုၼ်ႈ​တၢင်း​ဢၼ် ၵီႉလေႇသႃႇ​ၵူဝ်ႈ​ၵိူၵ်ႇ​ယူႇ၊ ထဵင်​ပႅတ်ႈ​ၸဝ်ႈ​ဢၼ် ဢုပ်ႉ​ပိူင်ႇ​ပႃး​လဵဝ်​ၵူၺ်း​ဢၼ်​ဝႃႈ ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ​ယူႇ​သေ​လႄႈ ႁဵတ်း​တင်း​ပရီႉယႄႇ တဵတ်ႇ​တဵတ်ႇ​လွမ်​လႅမ်​ၶဝ်ႈ​ယဝ်ႉ။</verse>
				<verse number="5">ပိူဝ်ႈ​ၼႆ​လႄႈ ပိၵ်ႉ​သမ်ႉ​သူ​ႁူႉ​ဝႆႉ​ထႃႈ​သေ​ၵေႃႈ လွင်ႈ​တၢင်း​ဢၼ်​ၵဝ် ၶႂ်ႈ​ပၼ်​သတီႉ​လႄႈ​လၢတ်ႈ​ၸမ်ႉ ယေႇသူႉ ​ၶျွတ်ႈ​ဢဝ်​ၵူၼ်း ဢီႉသရေႇလႃႉ ​တင်း​လၢႆ ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​သေ​ယဝ်ႉ၊ သမ်ႉ​ယႃႉ​ပႅတ်ႈ ၶဝ်​ၸိူဝ်း​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​ဢေႃႈ။-</verse>
				<verse number="6">လိူဝ်​သေ​ၼၼ်ႉ တမၢၼ်ႇ​ၵၢင်​ႁၢဝ်​ဢၼ်​ဢမ်ႇ​ပႂ်ႉ​ဢၶႂၢင်ႉ တူဝ်​ၸဝ်ႈ​ၵဝ်ႇ​လႄႈ ပႅတ်ႈ​ဝႆႉ​တီႈ​ယူႇ​တူဝ်​ၸဝ်ႈ​ၵဝ်ႇ​တင်း​လၢႆ​ၼၼ်ႉ​ၵေႃႈ မၼ်း​ၸဝ်ႈ​ဢဝ်​တင်း တၢင်း​ဢၼ်​ၸိူၵ်ႈ​လဵၵ်း​မတ်ႉ​ၽုၵ်ႇ ထႃႇဝရႃႉ​ၼၼ်ႉ ၶျုၵ်ႈ​ဝႆႉ​ၵႃႈ​ၼႂ်း​ဢၼ်​လပ်း​သိင်ႇ ပုၼ်ႈ​ဢၼ်​တၵ်း​ၸႅတ်ႈ​ထၢမ် ၸီႇ​ယၢင်ႇ​ၼႂ်း​ဝၼ်း​ဢၼ်​ယႂ်ႇ​ၼႃႇ​ပုၼ်ႉ​ဢေႃႈ။-</verse>
				<verse number="7">မိူၼ်​ၸိူဝ်ႉ​ၼင်ႇ​ၼၼ် ၸႃႉ​ၸဵမ်​ဝဵင်း​ သေႃးတုမ်ႇ ၊ ဝဵင်း​ ၵေႃးမေႃးရႃႉ တင်း​ဝဵင်း​ဢၼ် မီး​ၵႃႈ​တီႈ​ႁိမ်း​ၼၼ်ႉ​ၸိူဝ်း​ၼၼ်ႉ ၵွပ်ႈ​ပိူဝ်ႈ​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး ၼမ်​ၼႃႇ​သေ​လႄႈ ၵႂႃႇ​မႃး​ၼႂ်း​လွင်ႈ​တၢင်း​ဢၼ် ၽူႈ​ၸၢႆး​ၼင်ႇ​ၵၼ် ၽိတ်း​ပိူင်ႈ​ၵၼ် ၸိူဝ်ႉ​ၼင်ႇ​ၵူၼ်း​ႁၢႆႉ ဢၼ်​ဝႃႈ​မႃး​ယဝ်ႉ မိူဝ်ႈ​ဢွၼ်​တၢင်း​ၼႆႉ​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ် ၽႆး​ထႃႇဝရႃႉ​မႆႈ​လႄႈ ပဵၼ်​ပုင်ႇ​သၢၵ်ႈ​သေႇ​ထၢင်ႇ​သႃး​ဝႆႉ​ယူႇ​ဢေႃႈ။</verse>
				<verse number="8">ၶဝ်​ၸိူဝ်း​ဢၼ်​လိုမ်း​တူဝ်​လႄႈ ၶႆႈ​ၸႂ်​ဝူၼ်ႉ​ၸႂ်​ၼမ်​ၼႃႇ​ယူႇ တေႃႈ​လဵဝ်​ၼႆႉ​ၼၼ်ႉ​ၵေႃႈ မိူၼ်​ၸိူဝ်ႉ​ၼင်ႇ မိူဝ်ႈ​ဢွၼ်​တၢင်း​ၼႆႉ​ၼၼ်ႉ ႁႂ်ႈ​တူဝ်​ၸဝ်ႈ​ၵဝ်ႇ​ၵူဝ်ႈ​ၵိူၵ်ႇ​ယူႇ၊ ပႄႇ​ပႅတ်ႈ​ဢႃႇၼႃႇၸၢၵ်ႈ​ယူႇ၊ ၸၢင်ႈ​သႄႉ​သွမ်း​ၶဝ်​ၸိူဝ်း​ဢၼ် မုၼ်​တၼ်း​ၶူဝ်း​ယႂ်ႇ​ၼႃႇ​ၼၼ်ႉ​ယူႇ​ဢေႃႈ။-</verse>
				<verse number="9">ၶုၼ်​တမၢၼ်ႇ​ၵၢင် ႁၢဝ်​ မိၵ်ႉၶေႇလႃႉ ​ၸမ်ႉ မိူဝ်ႈ​ဢၼ်​ဢဝ်​လွင်ႈ​တူဝ်​ၵႃႇ​ယႃႉ​ မူဝ်းသေႇ ​လႄႈ ထဵင်​ၵၼ်​တင်း​မႃႇၼၢတ်ႈ​ၼၼ်ႉ​ၸိုင် ယင်း​ဢမ်ႇ​ႁတ်း​ႁဵတ်း တၢင်း​ဢၼ်​သႄႉ​သွမ်း​တၢင်ႇ​ဢပႅတ်ႈ​လႄႈ​လၢတ်ႈ​ဝႃႈ၊ ႁႂ်ႈ​ထႃႇဝရႃႉ​ၽြႃး​သင်ႇ​သွၼ်​မႂ်း​တႃႉ၊ ဝႃႈ​ၼင်ႇ​ၼႆ​ၵူၺ်း​ဢေႃႈ။-</verse>
				<verse number="10">ၶဝ်​ၼၼ်ႉ​ၸမ်ႉ ၸၢင်ႈ​သႄႉ​သွမ်း လွင်ႈ​တၢင်း​ဢၼ်​တူဝ်​ၸဝ်ႈ​ၵဝ်ႇ ဢမ်ႇ​ႁူႉ​ၼၼ်ႉ​ဢေႃႈ။ ၵူၺ်း​ၵႃႈ​ၶဝ်​ၸၢင်ႈ​ဢဝ်​လွင်ႈ​တၢင်း​ဢၼ် တူဝ်​ၸဝ်ႈ​ၵဝ်ႇ​ႁူႉ ၸွမ်း​ၼင်ႇ​ပၵတီႉ​မိူၼ်​ၸိူဝ်ႉ​ၼင်ႇ တရိၵ်ႈသၢၼ်ႇ​ၼၼ်ႉ ႁႂ်ႈ​တူဝ်​ၸဝ်ႈ​ၵဝ်ႇ တူႇ​ၼဝ်ႈ​လူႉ​လႅဝ်​ဢေႃႈ။</verse>
				<verse number="11">ၶဝ်​မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၸွမ်း​သဵၼ်ႈ​တၢင်း​ ၵႃႇဢီႉၼႃႉ ​ဢေႃႈ။ ၶဝ်​ၶုၼ်ႇ​လႅၼ်ႈ​ၸွမ်း​သဵၼ်ႈ​တၢင်း ဢပႅတ်ႈ ပႃႇလၢမ်ႇ ​ႁႂ်ႈ​လႆႈ​ၵႃႈ​မၼ်း​ၶၼ်​မၼ်း​ဢေႃႈ။ ၶဝ်​ႁဵတ်း​ၸွမ်း​ဢပႅတ်ႈ​တၢင်း​ဢၼ်​ ၵေႃးရႃႉ ​ထဵင်​ပႅတ်ႈ​ၼၼ်ႉ​သေ​လႄႈ ႁွတ်ႈ​ထိုင်​တၢင်း​လူႉ​တၢင်း​လႅဝ်​ဢေႃႈ။</verse>
				<verse number="12">ၶဝ်​ၼၼ်ႉ ပဵၼ်​မၢၵ်ႇ​ႁိၼ်​လူင် ၵႃႈ​တီႈ​ပွႆး​မႅတ်ႈ​တႃႇ​သူ ၼႂ်း​မိူဝ်ႈ​ဢၼ်​ၵိၼ်​လူၺ်ႈ​ၵၼ်​တင်း​သူ​လႄႈ ယင်း​ဢမ်ႇ​ၸၢင်ႈ​ဢႃး​ၼႃႇ​ယူႇ​သေ​လႄႈ ၸၢင်ႈ​ႁႂ်ႈ​တူဝ်​ၸဝ်ႈ​ၵဝ်ႇ​တင်း​လၢႆ​ဢိမ်ႇ​တဵမ်​ၵူၺ်း။ ၽႃႈ​ၽူၼ်​ဢၼ်​ဢမ်ႇ​မီး​ၼမ်ႉ​လႄႈ လူမ်း​ထူဝ်း​ပိဝ်​ၵႂႃႇ၊ တူၼ်ႈ​မႆႉ​ဢၼ်​ႁဵဝ်ႇ​ၸွပ်ႈ​လႄႈ မၢၵ်ႇ​ယင်း​ဢမ်ႇ​ၸပ်း၊ တၢႆ​သွင်​ပွၵ်ႈ​လႄႈ ၶၢမ်ႇ​တၢင်း​ဢၼ်​ထူၺ်ႈ​ႁၢၵ်ႈ​မၼ်း​ပႅတ်ႈ၊-</verse>
				<verse number="13">လႅင်း​ၼမ်ႉ​ပိူပ်ႈ​ၼမ်ႉ ဢၼ်​မိူၵ်ႈ​ရိူင်း​ၼႃႇ ဢၼ်​ၸၢင်ႈ​ႁႂ်ႈ လွင်ႈ​တၢင်း​ဢူၵ်း​တၢင်း​ဢၢႆ​တူဝ်​ၸဝ်ႈ​ၵဝ်ႇ လိူတ်ႇ​ဢွၵ်ႇ၊ လၢဝ်​ပုင်ႈ​သၢဝ်ႈ ဢၼ်​တၢင်း​ဢၼ်​လပ်း​သိင်ႇ​ထႃႇဝရႃႉ ဢၼ်​လိုၵ်ႉ​ဢၼ်​လမ်ႇ​ၼႃႇ​ၼၼ်ႉ သိမ်း​ဝႆႉ​မီး​ယူႇ​ပုၼ်ႈ​မၼ်း​ၼၼ်ႉ​ဢေႃႈ။</verse>
				<verse number="14">ဢေးၼွၵ်ႉ ​ၵေႃႉ​ဢၼ် သိုပ်ႇ​လူင်း​မႃး​ၵႃႈ​တီႈ​ ဢႃႇတၢမ်ႇ ​လႄႈ လႆႈ​ၸဵတ်း​သိုပ်ႇ​ၼၼ်ႉ ႁဵတ်း​ပရေႃးၽႅတ်ႈ​လႄႈ ႁေႃး​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ တူၺ်း​လူး၊-</verse>
				<verse number="15">ထႃႇဝရႃႉ​ၽြႃး​တၵ်း​ပႃး​ဢဝ်​တင်း ၵူၼ်း​မူတ်း​ၸၢင်ႇ​မၼ်း​ၸဝ်ႈ ပဵၼ်​မိုၼ်ႇ​ပဵၼ်​သႅၼ်​ၼၼ်ႉ​လႄႈ မႃး​ႁႂ်ႈ​လႆႈ​ၸီႇ​ယၢင်ႇ​တြႃး တီႈ​ၵူၼ်း​တင်း​သဵင်ႈ​တင်း​လူင်​လႄႈ ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ​ဢမူႉ​ဢႃႉထမ်ႇမႃႉ ၵႃႈ​ဢၼ်​ၶဝ်​ၸိူဝ်း​ဢၼ်​ဢမ်ႇ​တြႃး တင်း​သဵင်ႈ​တင်း​လူင် ႁဵတ်း​ၸွမ်း​ၼင်ႇ​ဢၼ်​ဢမ်ႇ​တြႃး ဢိၵ်ႇ​တင်း​ဢပႅတ်ႈ​ၵႂၢမ်း​ဢၼ်​ၵျၢမ်း​လိူင်း ၵႃႈ​ဢၼ်​ၵူၼ်း​ႁၢႆႉ ဢၼ်​ဢမ်ႇ​တြႃး​တင်း​သဵင်ႈ​တင်း​လူင် လၢတ်ႈ​လႄႈ ၽိတ်း​ပိူင်ႈ​မၼ်း​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="16">ၶဝ်​ၼၼ်ႉ​ပဵၼ်​ၵေႃႉ​ဢၼ် ၸၢင်ႈ​ပွင်ႉ​ၸၢင်ႈ​မိုၼ်ႇ​လႄႈ တၢင်ႇ​ဢပႅတ်ႈ၊ ၵေႃႉ​ဢၼ်​ၸၢင်ႈ​ၵမ်​ၸၢင်ႈ​ၵျၢင်ႉ​ၸွမ်း​ၼင်ႇ တၢင်း​ဢၼ်​တူဝ်​ၸဝ်ႈ​ၵဝ်ႇ​ၸွႆး​ၸပ်း၊ ၵေႃႉ​ဢၼ်​ၸၢင်ႈ​လၢတ်ႈ​ၵႂၢမ်း​ဢၼ်​သုင်​ၼႃႇ​လႄႈ ဢုပ်ႇ​ဢၢတ်ႇ၊ ၵေႃႉ​ဢၼ်​ၸၢင်ႈ​ထွၵ်ႈ​လူၺ်ႈ​ၼႃႈ​ပိူၼ်ႈ ၵွပ်ႈ​ပိူဝ်ႈ​ဢၵျူဝ်း​ၸီး​ပႂႃး​ဢေႃႈ။</verse>
				<verse number="17">ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႂၢမ်း​ဢၼ်​တမၢၼ်ႇ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​တင်း​လၢႆ ႁေႃး​လၢတ်ႈ​ဝႆႉ​ယဝ်ႉ​လႄႈ​ဝႃႈ၊ ၼႂ်း​ၶိင်ႇ​ၵႃႇလႃႉ​လိုၼ်း​လင်​သုတ်း​ပုၼ်ႉ-</verse>
				<verse number="18">ၶဝ်​ၸိူဝ်း​ဢၼ်​ၸၢင်ႈ​ၵမ်​ၸၢင်ႈ​ၵျၢင်ႉ​ၸွမ်း​ၼင်ႇ တၢင်း​ဢၼ်​တူဝ်​ၸဝ်ႈ​ၵဝ်ႇ​ၸွႆး​ၸပ်း ဢၼ်​ဢမ်ႇ​တြႃး​လႄႈ ႁဵတ်း​ပျၢၵ်ႈ​ယူႇ​ၼၼ်ႉ တၵ်း​ပေႃႇ​မႃး​ဢေႃႈ​၊ ဝႃႈ​ၼင်ႇ​ၼႆ​ၼၼ်ႉ​တႃႉ။-</verse>
				<verse number="19">ၶဝ်​ၼၼ်ႉ​ပဵၼ်​ၵေႃႉ​ဢၼ် ၽႄ​ၵိူင်း​ၶႂၢႆး​ၵိူင်း​လႄႈ ပဵၼ်​ၵူၼ်း​ၸႃႇ​တီႉ​ပၵတီႉ ဢၼ်​ၵၢင်း​လွတ်ႈ​တင်း​ဝီႉၺိၺ်ႇ​ၸဝ်ႈ​ဢေႃႈ။</verse>
				<verse number="20">ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ သူ​တႄႇ​ႁဵတ်း​တူဝ်​ၸဝ်ႈ​ၵဝ်ႇ ၵႃႈ​ၼိူဝ်​တၢင်း​ဢၼ်​ယုမ်ႇ​မၢတ်ႈ​တူဝ်​ၸဝ်ႈ​ၵဝ်ႇ ဢၼ်​မူတ်း​ၸၢင်ႇ​ၼႃႇ​သေ​ပိူၼ်ႈ​ၼၼ်ႉ​ယူႇ၊ သူ​ႁဵတ်း​သူး​တွင်း​ပထၼႃႇ ၼႂ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ယူႇ၊-</verse>
				<verse number="21">တူဝ်​ၸဝ်ႈ​ၵဝ်ႇ​ပႂ်ႉ​တူဝ်​ၸဝ်ႈ​ၵဝ်ႇ ၵႃႈ​ၼႂ်း​တၢင်း​ႁၵ်ႉ​မႅတ်ႈ​တႃႇ​ၽြႃး​ပဵၼ်​ၸဝ်ႈ​ယူႇ​သေ​လႄႈ ဢွၼ်​ၵၼ်​မုင်ႈ​ထႃႈ​မွင်း​ထႃႈ​ၵရူႉၼႃႇ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ပုၼ်ႈ ဢသၢၵ်ႈ​ထႃႇဝရႃႉ​ယူႇ​တႃႉ။</verse>
				<verse number="22">ၼႂ်း​မိူဝ်ႈ​ဢၼ် ၵူၼ်း​ၵမ်ႈ​ၽွင်ႈ တွပ်ႇ​ထဵင်​ၵၼ်​တင်း​သူ​ယူႇ​ၼၼ်ႉ​ၸိုင် ႁႂ်ႈ​ဢပႅတ်ႈ​ၵႃႈ​တီႈ​ၶဝ်​ၼၼ်ႉ ထၢင်ႇ​သႃး​တႃႉ။-</verse>
				<verse number="23">ၵမ်ႈ​ၽွင်ႈ​ၵေႃႈ ၸၵ်ႉ​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း​ၽႆး​လႄႈ ၵႄႇ​သႄႇ​ၶျွတ်ႈ​ဢဝ်​တႃႉ။ လီ​ႁင်ႈ​ဢဵတ်ႇ​သဵတ်ႇ​ၶူဝ်း​ၼုင်ႈ​ဢၼ် မီး​ၵႂၢၵ်ႈ​ဢၼ်​ၵူဝ်ႈ​ဢၼ်​ၵိူၵ်ႇ ၵွပ်ႈ​ပိူဝ်ႈ​တူဝ်​ၵႃႇ​ယႃႉ​ၼၼ်ႉ​ယူႇ​သေ​လႄႈ မီး​တင်း​တၢင်း​ဢၼ်​ၵူဝ်​ၼႃႇ​လူင်​လၢင်​လႄႈ ဢဵတ်း​လူ​ၵမ်ႈ​ၽွင်ႈ​တႃႉ။</verse>
				<verse number="24">ႁႂ်ႈ​ၸဝ်ႈ​ဢၼ်​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ပႂ်ႉ​သူ လွင်ႈ​ၼင်ႇ​ႁိုဝ်​သူ​တၵ်း ၵၢင်း​လွတ်ႈ​တင်း တၢင်း​ဢၼ်​တိူဝ်ႉ​မႅၼ်ႈ​လႄႈ​လူမ်ႉ ဢိၵ်ႇ​တင်း ႁႂ်ႈ​လႆႈ​ဢဝ်​သူ​ၸိူဝ်း​ဢၼ်​ယင်း​ဢမ်ႇ​မီး​ဢပႅတ်ႈ​လႄႈ ပျေႉ​ၸုမ်ႇ​ယူႇ​တင်း တၢင်း​ဢၼ်​သိူဝ်း​ပျေႃႇ​ၼၼ်ႉ သၢၵ်ႈ​ၵၢပ်ႈ​ၵႃႈ​တီႈ​ၽၢႆႇ​ၼႃႈ မုၼ်​သရေႇ​ၸဝ်ႈ။-</verse>
				<verse number="25">ဢၼ်​ဝႃႈ​ၽြႃး​ပဵၼ်​ၸဝ်ႈ​သူႇ​လဵဝ်​ၵူၺ်း ၸဝ်ႈ​ဢၼ်​ၵႄႇ​ၶျွတ်ႈ​ဢဝ်​ႁဝ်း​ၼၼ်ႉ မီး​မုၼ်​တၼ်း​ၶူဝ်း ဢႃႇၼူႉၽေႃႇ ဢႃႇၼႃႇၸၢၵ်ႈ ၵွပ်ႈ​ပိူဝ်ႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၸႃႉ​ၸဵမ်​ၵမ်ႇ​ၽႃႇ ဢွၼ်​တၢင်း​ၼၼ်ႉ၊ တေႃႈ​လဵဝ်​ၼႆႉ မိူဝ်း​ၼႃႈ ၵူႈ​ၵမ်ႇ​ၽႃႇ၊ သိုပ်ႇ​သိုပ်ႇ​တၢမ်း​တၢမ်း သေ​ၵမ်း​လူၺ်ႈ။ ဢႃႇမိၼ်ႇ။ လိၵ်ႈ​ဢေႃးဝႃႇတႃႉ​ယူႉတႃႉ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
		<book number="66">
			<chapter number="1">
				<verse number="1">ပျႃႇ​တိၵ်ႈ​ ယေႇသူႉ​ၶရိၸ်ႈ ​ဢၼ်​ၽြႃး​ပဵၼ်​ၸဝ်ႈ ဢၢပ်ႈ​ပၼ်​တီႈ​မၼ်း​ၸဝ်ႈ ပုၼ်ႈ​လွင်ႈ​ၼင်ႇ​ႁိုဝ် မၼ်း​ၸဝ်ႈ​တၵ်း​လႆႈ​ၼႄ​ပျႃး လွင်ႈ​တၢင်း​ဢၼ်​တၵ်း​လႆႈ​ပဵၼ်​မႃး​ၼႂ်း ၶိင်ႇ​ၵႃႇလႃႉ​ဢမ်ႇ​ႁိုင်​ဢမ်ႇ​ၼၢၼ်း​ၼၼ်ႉ တီႈ​ၶႃႈ​မၼ်း​ၸဝ်ႈ​တင်း​လၢႆ​ၼၼ်ႉ​ၸိုင် တၵ်း​ဝႃႈ​လူး​ၵွၼ်ႇ​ဢေႃႈ။ မၼ်း​ၸဝ်ႈ​ၼၼ်ႉ ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​မၼ်း​ၸဝ်ႈ​မႃး​လႄႈ ၼႄ​ပျႃး​သၢႆ​ငၢႆ​ပျႃႇ​တိၵ်ႈ​ၸဝ်ႈ​တီႈ​ ယူဝ်းႁၢၼ်ႇ ဢၼ်​ပဵၼ်​ၶႃႈ​မၼ်း​ၸဝ်ႈ၊-</verse>
				<verse number="2">ဢၼ်​ၶၢမ်ႇ​သၢၵ်ႈ​သေႇ လွင်ႈ​ၼုၵ်ႈၵပၢတ်ႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​လွင်ႈ​တၢင်း​ဢၼ် ၶၢမ်ႇ​သၢၵ်ႈ​သေႇ​ ယေႇသူႉ​ၶရိၸ်ႈ ​ၼၼ်ႉ ၸွမ်း​ၵႃႈ​ၼင်ႇ​ဢၼ် မၼ်း​လႆႈ​ႁၼ်​ၼၼ်ႉ​ဢေႃႈ။-</verse>
				<verse number="3">ပိူဝ်ႈ​ဢၼ်​ၶိင်ႇ​ၵႃႇလႃႉ​ၸမ်​တၵ်း​ႁွတ်ႈ​ထိုင်​လႄႈ ၶဝ်​ၸိူဝ်း​ဢၼ်​လူ​တူၺ်း​ၽတ်း​ဢၢၼ်ႇ ၵႂၢမ်း​ဢၼႃႇၵၢတ်ႈတီႉ​ၸိူဝ်း​ၼႆႉ​သေ​လႄႈ ထွမ်ႇ​ဢဝ်​ပႂ်ႉ​ၵမ်​ပႂ်ႉ​ၵျၢင်ႉ​ၸွမ်း ၵႃႈ​ၼင်ႇ​ဢၼ် တႅမ်ႈ​ဝႆႉ​ၼၼ်ႉ မီး​မင်ႇၵလႃႇ​ဢေႃႈ။</verse>
				<verse number="4">ၵဝ်​ ယူဝ်းႁၢၼ်ႇ ပၼ်​ငိၼ်း​ၵႂႃႇ​တီႈ​ၸိူဝ်း​ၸဝ်ႈ​ၸဵတ်း​ပႃး၊ ဢၼ်​မီး​ယူႇ​ၵႃႈ​ၼႂ်း​မိူင်း​ ဢႃႇသီႉ ​ၼၼ်ႉ​ၶႃႈ​ဢေႃႈ။ ႁႂ်ႈ​ၵျေး​ၸူး ဢိၵ်ႇ​တင်း​တၢင်း​ၼိမ်​ဢၼ်​ပဵၼ်​မႃး​ၵႃႈ​တီႈ ၽြႃး​ပဵၼ်​ၸဝ်ႈ ဢၼ်​မီး​ယူႇ​ၼႂ်း ပိတ်ႈ​ၸုၵ်ႈ​ပၢၼ်ႇ၊ ဢတိၵ်ႈ၊ ဢၼႃႇၵၢတ်ႈ​ၵႃႇလႃႉ သေႇ​သေႇ​ၼၼ်ႉ ဢိၵ်ႇ​တင်း ၵႃႈ​တီႈ​ဝီႉၺိၺ်ႇ​ၸဵတ်း​ပႃး ဢၼ်​မီး​ယူႇ​ၵႃႈ​တီႈ​ၽၢႆႇ​ၼႃႈ​ပလၢင်ႇ​ၸဝ်ႈ​ၼၼ်ႉ၊-</verse>
				<verse number="5">တင်း​ၵႃႈ​တီႈ​ ယေႇသူႉ​ၶရိၸ်ႈ ​ဢၼ်​ပဵၼ်​ၸဝ်ႈ ဢၼ်​ၶၢမ်ႇ​သၢၵ်ႈ​သေႇ၊ ဢၼ်​ပႂ်ႉ​သဵတ်ႈ​ၸႃႇ၊ ဢၼ်​ပဵၼ်​လုၵ်ႈ​တူၼ်ႈ​ၼႂ်း​ၶဝ်​ၸိူဝ်း​ဢၼ်​တၢႆ​ယဝ်ႉ၊ ဢၼ်​ပဵၼ်​ပၢႆ​ၸိၵ်း​ၸွမ် ၶုၼ်​ႁေႃ​ၶမ်း​လေႃးၵီႇ​တင်း​လၢႆ​ၼၼ်ႉ မီး​ၼိူဝ်​သူ​သေ​ၵမ်း​လူၺ်ႈ။ ႁႂ်ႈ​ၸဝ်ႈ​ဢၼ်​ႁၵ်ႉ​ႁဝ်း​လႄႈ ဢဝ်​တင်း​လိူတ်ႈ​မၼ်း​ၸဝ်ႈ​သုၵ်ႈ​ပွတ်ႈ​ဢပႅတ်ႈ​ႁဝ်း​လႄႈ​-</verse>
				<verse number="6">ဢဝ်​ႁဝ်း​ၶၢၼ်း​ဝႆႉ​ၵႃႈ​ၼႂ်း ဢရႃႇ​ၶုၼ်​ႁေႃ​ၶမ်း ဢိၵ်ႇ​တင်း​ၵႃႈ​ၼႂ်း ဢရႃႇ​ယိတ်ႈပရေႃးႁဵၵ်ႈ​ၵႃႈ​တီႈ​ၽၢႆႇ​ၼႃႈ ပေႃႈ​မၼ်း​ၸဝ်ႈ​ၽြႃး​ပဵၼ်​ၸဝ်ႈ​ၼၼ်ႉ မီး​မုၼ်​သရေႇ၊ ဢႃႇၼႃႇၸၢၵ်ႈ ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း သေ​ၵမ်း​လူၺ်ႈ။ ဢႃႇမိၼ်ႇ။</verse>
				<verse number="7">တူၺ်း​လူး၊ မၼ်း​ၸဝ်ႈ​တၵ်း​မႃး ဢိၵ်ႇ​လူၺ်ႈ​ၵၼ်​တင်း​မွၵ်ႇ​ၵုမ်ႈ​လႄႈ ၶဝ်​ၸိူဝ်း​ဢၼ်​တႅင်း​သႂ်ႇ​မၼ်း​ၸဝ်ႈ ဢိၵ်ႇ​တင်း​မၢၵ်ႇ​တႃ​ၵူၼ်း ၵႃႈ​မီး​တင်း​သဵင်ႈ​တင်း​လူင် တၵ်း​လႆႈ​တူၺ်း​ႁၼ်​မၼ်း​ၸဝ်ႈ ၼၼ်ႉ​ဢေႃႈ။ ၵူၼ်း​ၵႃႈ​ၼိူဝ်​လိၼ်​မိူင်း​ၵႃႈ​မီး ၵူႈ​ၸိူဝ်ႉ​ၵူႈ​ၶိူဝ်း တၵ်း​လႆႈ​ႁႆႈ လႆႈ​ႁွင်ႉ လႆႈ​ပွင်ႉ​လႆႈ​ၶၢင်း ၵွပ်ႈ​ပိူဝ်ႈ​မၼ်း​ၸဝ်ႈ​ၼၼ်ႉ​ဢေႃႈ။ ၸိုဝ်ႈ​ၸႂ်ႈ​တႄႉ​တႄႉ​ဢေႃႈ။ ဢႃႇမိၼ်ႇ။</verse>
				<verse number="8">ၵဝ်​ပဵၼ်​ ဢႃႇလႃႇၽႃႉ ​ဢေႃႈ။ ဢေႃးမေႇၵႃႉ ​ၵေႃႈ ပဵၼ်​ဢေႃႈ​ဝႃႈ​ၼႆ၊ ထႃႇဝရႃႉ​ၸဝ်ႈ​ၽြႃး​ပဵၼ်​ၸဝ်ႈ၊ ဢၼ်​မီး​ယူႇ ပိတ်ႈ​ၸုၵ်ႈ​ပၢၼ်ႇ၊ ဢတိၵ်ႈ၊ ဢၼႃႇၵၢတ်ႈ​ၵႃႇလႃႉ သေႇ​သေႇ​လႄႈ ပျေႉ​ၸုမ်ႇ​တင်း ဢၼၼ်ႇတႃႉ​တၼ်း​ၶူဝ်း​ၼၼ်ႉ မီး​ဢမိင်ႉ​ဢေႃႈ။</verse>
				<verse number="9">ၼႂ်း​မိူဝ်ႈ​ဢၼ်​ၵဝ်​ ယူဝ်းႁၢၼ်ႇ ​ဢၼ်​ပဵၼ်​ပီႈ​သူ၊ ဢၼ်​ပဵၼ်​ၵေႃႉ​သေႈ ဢၼ်​သိူၵ်ႈ​သမ်ႇ​လူၺ်ႈ​ၵၼ်​တင်း​သူ ၼႂ်း​ၸႃႉ​ၸဵမ်​တုၵ်ႉ​ၶႃႉ​တၢင်း​ၽၢၼ်​ ယေႇသူႉ ဢိၵ်ႇ​တင်း မိူင်း​ၸဝ်ႈ တင်း​တၢင်း​ဢၼ်​မၼ်း​ၸဝ်ႈ​ယိူၼ်ႉ​ၶၢမ်ႇ​ၼၼ်ႉ​ၼႆႉ မီး​ယူႇ​ၵႃႈ​ၼႂ်း​ၵုၼ်​ ပတ်ႉမူႉ ၊ ၵွပ်ႈ​ပိူဝ်ႈ ၼုၵ်ႈၵပၢတ်ႈ​တြႃး​ၽြႃး​ပဵၼ်​ၸဝ်ႈ ဢိၵ်ႇ​တင်း လွင်ႈ​တၢင်း​ဢၼ်​ၶၢမ်ႇ​သၢၵ်ႈ​သေႇ ယေႇသူႉ​ၶရိၸ်ႈ ​ၼၼ်ႉ​ၸိုင်၊-</verse>
				<verse number="10">လႆႈ​ၶၢမ်ႇ​ဢဝ် ဝီႉၺိၺ်ႇ​ၸဝ်ႈ ၼႂ်း​ဝၼ်း​ၸဝ်ႈ​ၽြႃး​လႄႈ ငိၼ်း​သဵင်​ဢၼ်​ယႂ်ႇ​ၼႃႇ​မေႃး​မႃး​ၵႃႈ​တီႈ ၽၢႆႇ​လင်​ၵဝ် မိူၼ်​ၸိူဝ်ႉ​ၼင်ႇ သဵင်​ၼႄး​ၶရႃႇ​ၼၼ်ႉ​ဢေႃႈ။-</verse>
				<verse number="11">သဵင်​ဢၼ်​မေႃး​မႃး​ၼၼ်ႉ​ဝႃႈ​ၸမ်ႉ တႅမ်ႈ​လွင်ႈ​တၢင်း​ဢၼ် မႂ်း​ႁၼ်​ၼႆႉ​ဝႆႉ ၼႂ်း​ၽိုၼ်​လိၵ်ႈ​သေ​လႄႈ ပၼ်​ၵႂႃႇ​ၵႃႈ​တီႈ ၸိူဝ်း​ၸဝ်ႈ​ၸဵတ်း​ပႃး ဢၼ်​မီး​ယူႇ​ၵႃႈ​ၼႂ်း​ဝဵင်း​ ဢေးၽႅတ်ႈ ၊ ဝဵင်း​ သမိူဝ်ႇၼႃႉ ၊ ဝဵင်း​ ပေႇရၵမ်ႇ ၊ ဝဵင်း​ သႂႃႇတီႉရႃႉ ၊ ဝဵင်း​ သႃႇတီႉ ၊ ဝဵင်း​ ၽီႉလတေးလၽီႉ ၊ ဝဵင်း​ လေႃးတီႉၵီႉ ​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ၼင်ႇ​ႁိုဝ်​တၵ်း​လႆႈ​ႁၼ် ၵေႃႉ​ဢၼ်​ႁဵတ်း​သဵင်​မေႃး​သေ​လႄႈ လၢတ်ႈ​ၵႂၢမ်း​တေႃႇ​ၵၼ်​တင်း​ၵဝ် ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် ၵဝ်​ဝၢႆႇ​တူၺ်း​ဢေႃႈ။ ဝၢႆႇ​တူၺ်း​သေ​ယဝ်ႉ ၵဝ်​လႆႈ​ႁၼ်​ၶူင်ႇ​တီႈ​တႆႈ​ၽႆး​ၶမ်း၊ ၸဵတ်း​ဢၼ်​-</verse>
				<verse number="13">ဢိၵ်ႇ​တင်း​ၵေႃႉ​ဢၼ်​မိူၼ်​ၸိူဝ်ႉ​ၼင်ႇ​လုၵ်ႈ​ၵူၼ်း​ၼၼ်ႉ၊ ၵေႃႉ​ၼိုင်ႈ၊ ၵႃႈ​တီႈ​ၼႂ်း​ၶိုင်ႈ​ၵၢင်​ၶူင်ႇ​တီႈ​တႆႈ​ၽႆး​ၸဵတ်း​ဢၼ်​ၼၼ်ႉ​ဢေႃႈ။ ၵေႃႉ​ၼၼ်ႉ ၼုင်ႈ​ၶူဝ်း​ႁူမ်ႇ​သုမ်ႇ​လူင်း တေႃႇ​ထိုင်​ႁွတ်ႈ​ၵႃႈ​တီႈ​တိၼ်​လႄႈ ဢဝ်​သၢႆ​ဢႅဝ်​ၶမ်း​၊ ႁတ်ႉ​ၵႃႈ​တီႈ​ဢူၵ်း​ယူႇ​ဢေႃႈ။-</verse>
				<verse number="14">ႁူဝ်​မၼ်း​ၸဝ်ႈ ဢိၵ်ႇ​တင်း​ၶူၼ်​ႁူဝ်​မၼ်း​ၸဝ်ႈ​ၼၼ်ႉ ၶၢဝ်​ဝႆႉ​မိူၼ်​ၸိူဝ်ႉ​ၼင်ႇ​ၶူၼ်​သူဝ်း​၊ ဢၼ်​ၶၢဝ်​ၼၼ်ႉ ဢိၵ်ႇ​တင်း မိူၼ်​ၸိူဝ်ႉ​ၼင်ႇ​မူၺ်​ႁႃႇ ၼၼ်ႉ​ဢေႃႈ။ မၢၵ်ႇ​တႃ​မၼ်း​ၸဝ်ႈ​ၵေႃႈ ပဵၼ်​ၸိူဝ်ႉ​ၼင်ႇ​ပဵဝ်​ၽႆး​ဢေႃႈ။-</verse>
				<verse number="15">တိၼ်​မၼ်း​ၸဝ်ႈ​ၵေႃႈ မိူၼ်​ၸိူဝ်ႉ​ၼင်ႇ​တွင်း​လိူင်​ၸႅတ်ႈ​ၸႅတ်ႈ ဢၼ်​ဢဝ်​ၵႃႈ​ၼႂ်း​ၽႆး​ၼၼ်ႉ​ဢေႃႈ။ သဵင်​မၼ်း​ၵေႃႈ မိူၼ်​ၸိူဝ်ႉ​ၼင်ႇ သဵင်​ၼမ်ႉ​သမ်ႇ​မုၵ်ႉ​တြႃႇ​ဢေႃႈ။-</verse>
				<verse number="16">မိုဝ်း​ၶွၼ်​ၶႂႃ​မၼ်း​ၸဝ်ႈ​ၵေႃႈ ယိပ်း​ၵမ်​လၢဝ် ၸဵတ်း​လုၵ်ႈ​ယူႇ​ဢေႃႈ။ ၵႃႈ​ၼႂ်း​သူပ်း​မၼ်း​ၸဝ်ႈ​ၵေႃႈ လၢပ်ႇ​သၢၼ်ႇ​လျၢၵ်ႉ ဢၼ်​မီး​ၶူမ်း​သွင်​ၽၢႆႇ ဢၼ်​ၽၢႆ​ၼႃႇ​ၼၼ်ႉ ဢွၵ်ႇ​ယူႇ​ဢေႃႈ။ ၼႃႈ​မၼ်း​ၸဝ်ႈ​ၵေႃႈ ပဵၼ်​ၸိူဝ်ႉ​ၼင်ႇ​ၵၢင်​ဝၼ်း ဢၼ်​ပႃး​တင်း​ဢႁုင်ႇ​တၼ်း​ၶူဝ်း​သေ​လႄႈ ႁိူဝ်ႈ​လႅင်း​ၼၼ်ႉ​ဢေႃႈ။</verse>
				<verse number="17">မိူဝ်ႈ​ဢၼ်​ၵဝ်​ႁၼ်​မၼ်း​ၸဝ်ႈ​ၼၼ်ႉ​ၸိုင် ၵဝ်​ပဵၼ်​ၸိူဝ်ႉ​ၼင်ႇ ႁၢင်ႈ​တၵ်း​တၢႆ​လႄႈ လူမ်ႉ​ယူႇ​ၵႃႈ​တီႈ​ႁိမ်း​တိၼ်​မၼ်း​ၸဝ်ႈ​ဢေႃႈ။ မၼ်း​ၸဝ်ႈ​ၼၼ်ႉ​ဢဝ်​တင်း​မိုဝ်း​ၶွၼ်​ၶႂႃ​မၼ်း​ၸဝ်ႈ တၢင်ႇ​သႂ်ႇ​ၵႃႈ​ၼိူဝ်​ၵဝ်​ယူႇ​သေ​လႄႈ​ဝႃႈ၊ ယႃႇ​ပေ​မီး​တၢင်း​ဢၼ်​ၵူဝ်​ဢၼ်​ႁႄ၊ ၵဝ်​ပဵၼ်​ၵေႃႉ​ဢၼ်​ဢွၼ်​တၢင်း ဢိၵ်ႇ​တင်း ၵေႃႉ​ဢၼ်​လိုၼ်း​လင်​သုတ်း​ဢေႃႈ။-</verse>
				<verse number="18">ၵေႃႉ​ဢၼ်​ဢသၢၵ်ႈ​လိပ်း​ၵေႃႈ ပဵၼ်​ဢေႃႈ။ ၵဝ်​လႆႈ​တၢႆ​ယဝ်ႉ​လႄႈ၊ တူၺ်း​လူး၊ ၵဝ်​ပျေႉ​ၸုမ်ႇ​တင်း​ဢသၢၵ်ႈ​ယူႇ၊ ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း​ဢေႃႈ။ ၵဝ်​ဢုပ်ႉ​ပိူင်ႇ​မရၼႃႉ တင်း​မိူင်း​မရၼႃႉ​ဢေႃႈ။-</verse>
				<verse number="19">ပိူဝ်ႈ​ၼႆ​လႄႈ တႅမ်ႈ​လွင်ႈ​တၢင်း​ဢၼ်​မႂ်း​ႁၼ်​ယဝ်ႉ​ၼၼ်ႉ ဢိၵ်ႇ​တင်း​လွင်ႈ​တၢင်း​ဢၼ် မီး​ယူႇ​တေႃႈ​လဵဝ်​ၼႆႉ တင်း​လွင်ႈ​တၢင်း​ဢၼ်​တၵ်း​ပဵၼ်​မႃး ၵမ်း​လိုၼ်း ၸိူဝ်း​ၼၼ်ႉ​ဝႆႉ​တႃႉ။-</verse>
				<verse number="20">တၢင်း​ဢၼ်​လိုၵ်ႉ​ဢၼ်​လမ်ႇ လၢဝ်​ၸဵတ်း​လုၵ်ႈ ဢၼ်​မီး​ယူႇ​ၵႃႈ​ၼႂ်း​မိုဝ်း​ၶွၼ်​ၶႂႃ​ၵဝ် ဢိၵ်ႇ​တင်း​ၶူင်ႇ​တီႈ​တႆႈ​ၽႆး​ၶမ်း​ၸဵတ်း​ဢၼ်​ၼႆႉ​ၸမ်ႉ ၶူင်ႇ​တီႈ​တႆႈ​ၽႆး​ၶမ်း​ၸဵတ်း​ဢၼ်​ၼႆႉ ပဵၼ်​ၸိူဝ်း​ၸဝ်ႈ​ၸဵတ်း​ပႃး​ဢေႃႈ။ လၢဝ်​ၸဵတ်း​လုၵ်ႈ​ၵေႃႈ ပဵၼ်​တမၢၼ်ႇ​ဢၼ်​ဢုပ်ႉ​ၸိူဝ်း​ၸဝ်ႈ ၸဵတ်း​ပႃး​ၼၼ်ႉ​ဢေႃႈ။</verse>
			</chapter>
			<chapter number="2">
				<verse number="1">တႅမ်ႈ​ၸိူဝ်ႉ​ၼင်ႇ​ၼႆ​သေ​လႄႈ သင်ႇ​လၢတ်ႈ​ၵႂႃႇ​တီႈ​တမၢၼ်ႇ​ၸိူဝ်း​ၸဝ်ႈ ဢၼ်​မီး​ယူႇ​ၵႃႈ​ၼႂ်း​ဝဵင်း​ ဢေးၽႅတ်ႈ ​ၼၼ်ႉ​တႃႉ။ ဢမိင်ႉ​ၸဝ်ႈ ဢၼ်​ဢဝ်​မိုဝ်း​ၶွၼ်​ၶႂႃ​ယိပ်း​ၵမ် လၢဝ်​ၸဵတ်း​လုၵ်ႈ​သေ​လႄႈ ၵႂႃႇ​မႃး​ယူႇ​ၵႃႈ​ၼႂ်း​ၶိုင်ႈ​ၵၢင် ၶူင်ႇ​တီႈ​တႆႈ​ၽႆး ၸဵတ်း​ဢၼ်​ၼၼ်ႉ​ဝႃႈ​ၸမ်ႉ၊ ၵဝ်​ႁူႉ​တၢင်း​ဢၼ်​မႂ်း​ၵမ်​ၵျၢင်ႉ၊ တၢင်း​ဢၼ်​မႂ်း​ယၢပ်ႇ​ၽိုတ်ႇ တင်း​တၢင်း​ဢၼ်​မႂ်း ယိူၼ်ႉ​ၶၢမ်ႇ​ၼၼ်ႉ၊-</verse>
				<verse number="2">ဢိၵ်ႇ​တင်း​လွင်ႈ​ဢၼ်​မႂ်း​ဢမ်ႇ​ႁပ်ႉ​တုင်း​ဢဝ် ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​လႆႈ​ၼၼ်ႉ၊ လွင်ႈ​ဢၼ်​မႂ်း​ၸႅတ်ႈ​ထၢမ်​ၶဝ်​ၸိူဝ်း​ဢၼ် ဢမ်ႇ​ၸႂ်ႈ​တမၢၼ်ႇ​ၸဝ်ႈ ဢၼ်​ႁဵတ်း​ၸိူဝ်ႉ​ၼင်ႇ​ႁၢင်ႈ​တမၢၼ်ႇ​ၸဝ်ႈ​ၼၼ်ႉ​လႄႈ ႁူႉ​လွင်ႈ​ဢၼ်​ၶဝ်​ပဵၼ် ၵေႃႉ​ဢၼ်​ပႅတ်ႉ​လႅၼ်​ၼၼ်ႉ၊-</verse>
				<verse number="3">လွင်ႈ​ဢၼ်​မႂ်း​ပျေႉ​ၸုမ်ႇ​တင်း​ၶၼ်ႇထီႇ​လႄႈ ၶၢမ်ႇ​တၢင်း​ၽၢၼ်​ၵွပ်ႈ​ပိူဝ်ႈ ၼႃႇ​မႃႉ​ၸိုဝ်ႈ​သဵင်​ၵဝ်​လႄႈ ႁႅင်း​ဢမ်ႇ​ဢူၼ်ႈ​ၼၼ်ႉ​ယူႇ​ဢေႃႈ။</verse>
				<verse number="4">ၵူၺ်း​ၵႃႈ ၵဝ်​မီး​လွင်ႈ​ဢၼ် တၵ်း​တၢင်ႇ​ဢပႅတ်ႈ​ၵႃႈ​ၼိူဝ်​မႂ်း လူၺ်ႈ​လွင်ႈ​ဢၼ်​တၢင်း​ႁၵ်ႉ​မႅတ်ႈ​တႃႇ ဢၼ်​မႂ်း​မီး​မိူဝ်ႈ​ဢွၼ်​တၢင်း​ၼၼ်ႉ သုတ်ႉ​ယွမ်း​ၵႂႃႇ​ယဝ်ႉ​ၼၼ်ႉ​ဢေႃႈ။-</verse>
				<verse number="5">ပိူဝ်ႈ​ၼႆ​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း တီႈ​ဢၼ်​မႂ်း​ယူႇ​မိူဝ်ႈ​ဢွၼ်​တၢင်း ၸူဝ်ႈ​ဢၼ်​မႂ်း​ဢမ်ႇ​ပႆႇ​ၶၢႆႉ​ပုတ်ႈ​ၼၼ်ႉ​တႃႉ။ ၶုၵ်း​ၸႂ်​လႆႈ​မႆႈ​ၸႂ်​တႃႉ။ ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ ဢၼ်​ဢွၼ်​တၢင်း​ၼၼ်ႉ​တႃႉ။ ပေႃး​ဢမ်ႇ​ၼၼ် ၵဝ်​တၵ်း​ၸဵဝ်း​မႃး​တီႈ​ဢၼ်​မႂ်း​မီး​ဢေႃႈ။ ပေႃး​မႂ်း​ဢမ်ႇ​ၶုၵ်း​ၸႂ်​လႆႈ​မႆႈ​ၸႂ်​လႄႈ​ယူႇ​ၸိုင် ၵဝ်​တၵ်း​ၶၢႆႉ​တီႈ​ၶူင်ႇ​တီႈ​တႆႈ​ၽႆး​မႂ်း​ပႅတ်ႈ​သေ​ဢေႃႈ။</verse>
				<verse number="6">ၼႂ်း​ဝႃႈ​ၼၼ်​သေ​ၵေႃႈ တၢင်း​ၵမ်​တၢင်း​ၵျၢင်ႉ​တပႄး​တပၢၼ်း​ ၼီႉၵေႃးလႃႉ ​တင်း​လၢႆ ဢၼ်​ၵဝ်​ၸင်း​ၼၼ်ႉ​ၸိုင် မႂ်း​ၵေႃႈ​ၸင်း​ဝႃႈ​ၼႆ မီး​တီႈ​လၢတ်ႈ​ဢေႃႈ။</verse>
				<verse number="7">ဝီႉၺိၺ်ႇ​ၸဝ်ႈ​မီး​ဢမိင်ႉ​တီႈ ၸိူဝ်း​ၸဝ်ႈ​တင်း​လၢႆ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ႁႂ်ႈ​ၵေႃႉ​ဢၼ်​မီး​ႁူ​ၼၼ်ႉ ငိၼ်း​သေ​ၵမ်း​လူၺ်ႈ။ တီႈ​ၵေႃႉ​ဢၼ်​ပႄႉ​ၼႅင်ႇ​ၼၼ်ႉ​ၸိုင် ၵဝ်​တၵ်း​ပၼ်​ဢၶႂၢင်ႉ ဢၼ်​လႆႈ​ၵိၼ်​မၢၵ်ႇ​တူၼ်ႈ​ဢသၢၵ်ႈ ဢၼ်​မီး​ၼႂ်း​သူၼ်​ ပႃႇရတီႉသူႉ ​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။</verse>
				<verse number="8">တႅမ်ႈ​ၸိူဝ်ႉ​ၼင်ႇ​ၼႆ​သေ​လႄႈ သင်ႇ​လၢတ်ႈ​ၵႂႃႇ​တီႈ​တမၢၼ်ႇ​ၸိူဝ်း​ၸဝ်ႈ ဢၼ်​မီး​ယူႇ​ၵႃႈ​ၼႂ်း​ဝဵင်း​ သမိူဝ်ႇၼႃႉ ​ၼၼ်ႉ​တႃႉ။ ဢမိင်ႉ​ၸဝ်ႈ ဢၼ်​ဢွၼ်​တၢင်း၊ ၸဝ်ႈ​ဢၼ်​လိုၼ်း​လင်​သုတ်း၊ ဢၼ်​ဝႃႈ​ၸဝ်ႈ​ဢၼ်​လႆႈ​တၢႆ​ယဝ်ႉ​လႄႈ ဢသၢၵ်ႈ​လိပ်း​ယူႇ​ၼၼ်ႉ​ဝႃႈ​ၸမ်ႉ၊-</verse>
				<verse number="9">ၵဝ်​ႁူႉ​တၢင်း​ဢၼ် မႂ်း​ၶၢမ်ႇ​တုၵ်ႉ​ၶႃႉ​တင်း​တၢင်း​ဢၼ် ပိၵ်ႉ​သမ်ႉ​မႂ်း​မီး​တၢင်း​ဢၼ်​ပျေႉ​ၸုမ်ႇ​လိူင်ႇ​ၸႂ်​ယူႇ​သေ​ၵေႃႈ မႂ်း​ယၢၵ်ႈ​ၽၢၼ်​ယူႇ ဢိၵ်ႇ​တင်း တၢင်း​ဢၼ်​ၶဝ်​ၸိူဝ်း​ဢၼ်​ႁဵတ်း​ၸိူဝ်ႉ​ၼင်ႇ​ႁၢင်ႈ​ပဵၼ်​ၵူၼ်း​ ယူႉတႃႉ ​လႄႈ ဢမ်ႇ​ၸႂ်ႈ​ၵူၼ်း​ ယူႉတႃႉ ၊ ပဵၼ်​မုၵ်ႉ​ၸုမ်း ၸႃႇတၢၼ်ႇ ​ၼၼ်ႉ သႄႉ​သွမ်း​ၼၼ်ႉ​ယူႇ​ဢေႃႈ။-</verse>
				<verse number="10">ယႃႇ​ပေ​ၵူဝ်​လွင်ႈ​တၢင်း​ဢၼ် မႂ်း​တၵ်း​လႆႈ​ၶၢမ်ႇ​ၼၼ်ႉ​သေ​ၸိူဝ်ႉ​သေ​ပိူင်။ မႃႇၼၢတ်ႈ​တၵ်း​ဢဝ်​ၼႂ်း​သူ​ၵမ်ႈ​ၽွင်ႈ ၶင်​ဝႆႉ​ၵႃႈ​ၼႂ်း​ထွင်ႇ ႁႂ်ႈ​သူ​လႆႈ​ၶၢမ်ႇ​တၢင်း​ဢၼ်​ၸၢမ်း​တူၺ်း​လႄႈ သိပ်း​ဝၼ်း​တဵမ်​တဵမ် သူ​တၵ်း​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ဢေႃႈ။ မႂ်း​ပႂ်ႉ​သဵတ်ႈ​ၸႃႇ​ယူႇ​တေႃႇ​ထိုင်​ႁွတ်ႈ​ထၼ်ႈ​ပေႃး​တၢႆ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် ၵဝ်​တၵ်း​ပၼ်​သရၽူႇ​ဢသၢၵ်ႈ​တီႈ​မႂ်း​ဢေႃႈ။</verse>
				<verse number="11">ဝီႉၺိၺ်ႇ​ၸဝ်ႈ​မီး​ဢမိင်ႉ​တီႈ​ၸိူဝ်း​ၸဝ်ႈ​တင်း​လၢႆ ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ႁႂ်ႈ​ၵေႃႉ​ဢၼ်​မီး​ႁူ​ၼၼ်ႉ ငိၼ်း​သေ​ၵမ်း​လူၺ်ႈ၊ ၵေႃႉ​ဢၼ်​ပႄႉ​ၼႅင်ႇ​ၼၼ်ႉ​ၸိုင် တၢင်း​တၢႆ​တူႉတီႉယႃႉ ဢမ်ႇ​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​မၼ်း။</verse>
				<verse number="12">တႅမ်ႈ​ၸိူဝ်ႉ​ၼင်ႇ​ၼႆ​သေ​လႄႈ သင်ႇ​လၢတ်ႈ​ၵႂႃႇ​တီႈ​တမၢၼ်ႇ​ၸဝ်ႈ ဢၼ်​မီး​ယူႇ​ၵႃႈ​ၼႂ်း​ဝဵင်း​ ပေႇရၵမ်ႇ ​ၼၼ်ႉ​တႃႉ။ ဢမိင်ႉ​ၸဝ်ႈ​ဢၼ်​မီး​လၢပ်ႇ​သၢၼ်ႇ​လျၢၵ်ႉ​ဢၼ်​မီး​ၶူမ်း​သွင်​ၽၢႆႇ ဢၼ်​ၽၢႆ​ၼႃႇ​ၼၼ်ႉ​ဝႃႈ​ၸမ်ႉ၊-</verse>
				<verse number="13">ၵဝ်​ႁူႉ​တီႈ​ယူႇ​မႂ်း​ဢၼ်​ဝႃႈ တီႈ​ဢၼ်​ရႃႇၸႃႉ​ပလၢင်ႇ​ ၸႃႇတၢၼ်ႇ တႄႇ​ယူႇ​ၼၼ်ႉ​ယူႇ​ဢေႃႈ။ မႂ်း​ၸွႆး​ၸပ်း​ယိပ်း​ၵမ် ၼႃႇ​မႃႉ​ၸိုဝ်ႈ​သဵင်​ၵဝ်​လႄႈ ဢမ်ႇ​ၸုၼ်ႉ​ဢမ်ႇ​ပႄႇ တြႃး​တၢင်း​ဢၼ်​ယုမ်ႇ​မၢတ်ႈ​ၵဝ် ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ ဢၼ်ႇတီႉပႃႉ ဢၼ်​ပဵၼ်​ၵေႃႉ​ဢၼ်​မီး​သဵတ်ႈ​ၸႃႇ​လႄႈ လႆႈ​ၶၢမ်ႇ​သၢၵ်ႈ​သေႇ​ၽၢႆႇ​ၵဝ် ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ၼႂ်း​သူ​ၵႃႈ​တီႈ​ယူႇ​ ၸႃႇတၢၼ်ႇ ​ၼၼ်ႉ​ဢေႃႈ။</verse>
				<verse number="14">ၵူၺ်း​ၵႃႈ​ၵဝ်​မီး​တီႈ​တၵ်း တၢင်ႇ​ဢပႅတ်ႈ​တီႈ​မႂ်း​ဢိတ်း​ၼိုင်ႈ ၵွပ်ႈ​ပိူဝ်ႈ​ဢၼ်​ၼႂ်း​တီႈ​ယူႇ​မႂ်း​ၼၼ်ႉ မီး​ၶဝ်​ၸိူဝ်း​ဢၼ်​ၸွႆး​ၸပ်း​ဢယူႇ ပႃႇလၢမ်ႇ ​ဢၼ်​ဝႃႈ​ၵေႃႉ​ဢၼ်​ပၼ် တၢင်း​ၵျၢမ်ႇ​တၢင်း​ပွင်​တီႈ​ၶုၼ်​ ပႃႇလၵ်ႈ ​လွင်ႈ​ၼင်ႇ​ႁိုဝ် မၼ်း​တၵ်း​ဢဝ်​လွင်ႈ​တၢင်း​ဢၼ်​တၵ်း​တိူဝ်ႉ​လႄႈ လူမ်ႉ​ၼၼ်ႉ ၶျႃး​ဝႆႉ​ၵႃႈ​တီႈ​ၽၢႆႇ​ၼႃႈ​ၵူၼ်း​ ဢီႉသရေႇလႃႉ ​တင်း​လၢႆ ႁႂ်ႈ​ၶဝ်​လႆႈ​ၵိၼ်​တူဝ်​ယိတ်ႈ ဢၼ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ​ရုၵ်ႈ​ထူႉ​လႄႈ ႁႂ်ႈ​ၶဝ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး​ၼၼ်ႉ​ဢေႃႈ။-</verse>
				<verse number="15">ၶဝ်​ၸိူဝ်း​ဢၼ်​ၸွႆး​ၸပ်း​ဢယူႇ တပႄး​တပၢၼ်း​ ၼီႉၵေႃးလႃႉ ​တင်း​လၢႆ ဢၼ်​သၽေႃး​မိူၼ်​ၸိူဝ်ႉ​ၼင်ႇ​ဢယူႇ​ၼၼ်ႉ ၵမ်ႈ​ၽွင်ႈ​ၵေႃႈ မီး​တီႈ​မႂ်း​မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။-</verse>
				<verse number="16">ပိူဝ်ႈ​ၼႆ​လႄႈ ၶုၵ်း​ၸႂ်​လႆႈ​မႆႈ​ၸႂ်​တႃႉ။ ပေႃး​ဢမ်ႇ​ၼၼ်​ၸိုင်၊ ၵဝ်​တၵ်း​ၸဵဝ်း​မႃး​တီႈ​မႂ်း​ဢေႃႈ။ ၵဝ်​တၵ်း​ဢဝ်​တင်း​လၢပ်ႇ​သၢၼ်ႇ​လျၢၵ်ႉ ဢၼ်​မီး​တီႈ​သူပ်း​ၵဝ်​ၼႆႉ​ၼၼ်ႉ တိုၵ်း​တေႃး​ၶဝ်​ၼၼ်ႉ​ဢေႃႈ။</verse>
				<verse number="17">ဝီႉၺိၺ်ႇ​ၸဝ်ႈ မီး​ဢမိင်ႉ​တီႈ​ၸိူဝ်း​ၸဝ်ႈ​တင်း​လၢႆ ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ႁႂ်ႈ​ၵေႃႉ​ဢၼ်​မီး​ႁူ​ၼၼ်ႉ ငိၼ်း​သေ​ၵမ်း​လူၺ်ႈ။ တီႈ​ၵေႃႉ​ဢၼ်​ပႄႉ​ၼႅင်ႇ​ၼၼ်ႉ​ၸိုင် ၵဝ်​တၵ်း​ပၼ် မၼ်ႇၼႃႉ ​ဢၼ်​သိူင်ႇ​ဝႆႉ​မႅပ်ႉ​ဝႆႉ ဢိၵ်ႇ​တင်း​မၢၵ်ႇ​ႁိၼ်​ၽိူၵ်ႇ လုၵ်ႈ​ၼိုင်ႈ တင်း​ၼႃႇ​မႃႉ​ၸိုဝ်ႈ​သဵင်​ဢၼ်​မႂ်ႇ ဢၼ်​ဢဝ်​တင်း​တူဝ်​လိၵ်ႈ​ဢႅၵ်ႉ​ၶရႃႇ တၢင်ႇ​ဝႆႉ​ၵႃႈ​ၼိူဝ်​မၢၵ်ႇ​ႁိၼ်​ၼၼ်ႉ​ဢေႃႈ။ လိူဝ်​သေ​ၵေႃႉ​ဢၼ်​လႆႈ​မၢၵ်ႇ​ႁိၼ်​ၼၼ်ႉ ၽူႈ​လႂ်​ဢမ်ႇ​ႁူႉ​ၼႃႇ​မႃႉ​ၸိုဝ်ႈ​သဵင်​ၼၼ်ႉ​လႆႈ။</verse>
				<verse number="18">တႅမ်ႈ​ၸိူဝ်ႉ​ၼင်ႇ​ၼႆ​သေ​လႄႈ သင်ႇ​လၢတ်ႈ​ၵႂႃႇ​တီႈ တမၢၼ်ႇ​ၸိူဝ်း​ၸဝ်ႈ ဢၼ်​မီး​ယူႇ​ၵႃႈ​ၼႂ်း​ဝဵင်း​ သႂႃႇတီႉရႃႉ ​ၼၼ်ႉ​တႃႉ။ ဢမိင်ႉ လုၵ်ႈ​ၽြႃး​ပဵၼ်​ၸဝ်ႈ ဢၼ်​မၢၵ်ႇ​တႃ​မိူၼ်​ၸိူဝ်ႉ​ၼင်ႇ ပဵဝ်​ၽႆး​လႄႈ တိၼ်​မိူၼ်​ၸိူဝ်ႉ​ၼင်ႇ တွင်း​လိူင်​ၸႅတ်ႈ​ၸႅတ်ႈ​ၼၼ်ႉ​ဝႃႈ​ၸမ်ႉ၊-</verse>
				<verse number="19">ၵဝ်​ႁူႉ​တၢင်း​ဢၼ်​မႂ်း​ၵမ်​ၵျၢင်ႉ၊ တၢင်း​ဢၼ်​မႂ်း​ႁၵ်ႉ​ပႅင်း၊ တၢင်း​ဢၼ်​မႂ်း ယုမ်ႇ​မၢတ်ႈ၊ တၢင်း​ဢၼ်​မႂ်း ႁဵတ်း​ပွင်​ဢမူႉ၊ တၢင်း​ဢၼ်​မႂ်း ယိူၼ်ႉ​ၶၢမ်ႇ ဢိၵ်ႇ​တင်း​လွင်ႈ​ဢၼ် တၢင်း​ၵမ်​တၢင်း​ၵျၢင်ႉ ဢၼ်​ၵမ်​ၵျၢင်ႉ​ၵမ်း​လိုၼ်း​ၼႆႉ​ၼႃႇ​သေ တၢင်း​ၵမ်​တၢင်း​ၵျၢင်ႉ ဢၼ်​ၵမ်​ၵျၢင်ႉ​ၵမ်း​ဢွၼ်​တၢင်း​ၼၼ်ႉ​ယူႇ​ဢေႃႈ။</verse>
				<verse number="20">ၵူၺ်း​ၵႃႈ​ၵဝ်​မီး​တီႈ​တၵ်း တၢင်ႇ​ဢပႅတ်ႈ​တီႈ​မႂ်း ၵွပ်ႈ​ပိူဝ်ႈ​ဢၼ်​မႂ်း ပၼ်​ဢၶႂၢင်ႉ​ဢၼ်​မေး​မႂ်း​ ယေႇၸပေႇလႃႉ ဢၼ်​ႁွင်ႉ​ႁဵၵ်ႈ​တူဝ်​ၸဝ်ႈ​ၵဝ်ႇ ပရေႃးၽႅတ်ႈ​မႄႈ​ယိင်း​ၼၼ်ႉ လႆႈ​သင်ႇ​သွၼ်​လႄႈ ၸူဝ်း​ဢဝ်​ၶႃႈ​ဢၼ်​ၶၢမ်ႇ​တၢင်း​ၸႂ်ႉ​တၢင်း​သွႆ​ၵဝ်​တင်း​လၢႆ ႁႂ်ႈ​ၶဝ်​လႆႈ​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး ဢိၵ်ႇ​တင်း​ႁႂ်ႈ​ၶဝ်​လႆႈ​ၵိၼ်​တူဝ်​ယိတ်ႈ​ဢၼ်​ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ ရုၵ်ႈ​ထူႉ​ၼၼ်ႉ​ဢေႃႈ။</verse>
				<verse number="21">ပိၵ်ႉ​သမ်ႉ​ၵဝ်​ပၼ်​ၶိင်ႇ​ၵႃႇလႃႉ ပုၼ်ႈ​ဢၼ်​မၼ်း​တၵ်း​လႆႈ​ၶုၵ်း​ၸႂ်​လႆႈ​မႆႈ​ၸႂ်​သေ​ၵေႃႈ မၼ်း​ဢမ်ႇ​မီး​ၸႂ်​ဢၼ်​ၶႂ်ႈ​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ မေႇ​ထုင်ႇ​ဢၼ်​ဢမ်ႇ​တြႃး​တူဝ်​ၸဝ်ႈ​ၵဝ်ႇ​ၼၼ်ႉ။-</verse>
				<verse number="22">ပိူဝ်ႈ​ၼႆ​လႄႈ ၵဝ်​တၵ်း​ဢဝ်​မၼ်း​ၶျႃး​ဝႆႉ ၵႃႈ​ၼိူဝ်​တီႈ​ၼွၼ်း​ဢေႃႈ။ ၶဝ်​ၸိူဝ်း​ဢၼ် ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး​လူၺ်ႈ​ၵၼ်​တင်း​မၼ်း​ၼၼ်ႉ​ၵေႃႈ ပေႃး​ၶဝ်​ဢမ်ႇ​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ တၢင်း​ၵမ်​တၢင်း​ၵျၢင်ႉ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင် ၵဝ်​တၵ်း​ႁႂ်ႈ​ႁွတ်ႈ​ထိုင်​ၵႃႈ​တီႈ​တုၵ်ႉ​ၶႃႉ​တၢင်း​ၽၢၼ်​ဢၼ် ယႂ်ႇ​ၼႃႇ​ဢေႃႈ။-</verse>
				<verse number="23">လုၵ်ႈ​လၢင်း​မၼ်း​တင်း​လၢႆ​ၵေႃႈ ၵဝ်​တၵ်း​ဢဝ်​ႁႂ်ႈ​တၢႆ​ပႅတ်ႈ လူၺ်ႈ​တၢင်း​တၢႆ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ၼၼ်​လႄႈ ၸိူဝ်း​ၸဝ်ႈ​တင်း​သဵင်ႈ​တင်း​လူင် တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ၵေႃႉ​ဢၼ်​ၸႅတ်ႈ​ထၢမ် ၸႅတ်ႈ​တူၺ်း​တပ်း​ပွတ်ႇ​ႁူဝ်​ၸႂ်​ဢေႃႈ။ ၵဝ်​တၵ်း​ပၼ်​ဢၵျူဝ်း​ဢပႅတ်ႈ ၸွမ်း​ၵႃႈ​ၼင်ႇ​တၢင်း​ၵမ်​တၢင်း​ၵျၢင်ႉ ဢၼ်​သူ​ၵမ်​ၵျၢင်ႉ​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။</verse>
				<verse number="24">ၵဝ်​ဝႃႈ​တီႈ​ၶဝ်​ၸိူဝ်း​ဢၼ် ယင်း​ၵိုတ်း​ယင်း​ၵျၢၼ်ႇ​ယူႇ​ၵႃႈ​ၼႂ်း​ဝဵင်း​ သႂႃႇတီႉရႃႉ ၊ ဢၼ်​ဢမ်ႇ​ဢဝ်​ဢယူႇ​မိၵ်ႉသႃႇတိၵ်ႉထီႉ၊ ဢၼ်​ဢမ်ႇ​မိုတ်ႈ​ဢမ်ႇ​ၵိုဝ်း​လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ ၸႃႇတၢၼ်ႇ ​မႅၼ်ႈ​ၸိူဝ်ႉ​ၼင်ႇ​ဢၼ်​ၶဝ်​ႁွင်ႉ​ႁဵၵ်ႈ​ဝႃႈ ဢယူႇ​မိၵ်ႉသႃႇတိၵ်ႉထီႉ​ၼၼ်ႉ​ၸမ်ႉ သူ​ဢွၼ်​ၵၼ်​ယိပ်း​ၵမ်​ၵႃႈ​ဢၼ်​သူ​လႆႈ​ၸိူဝ်း​ၼၼ်ႉ​ယူႇ တေႃႇ​ထိုင်​ႁွတ်ႈ​မိူဝ်ႈ​ဢၼ်​ၵဝ်​မႃး​ၼၼ်ႉ​တႃႉ။-</verse>
				<verse number="25">လိူဝ်​သေ​ၼၼ်ႉ ၵဝ်​ဢမ်ႇ​ဢဝ်​ၶူဝ်း​တၢင်ႇ​ၸိူဝ်ႉ​တၢင်ႇ​ပိူင်​တၢင်ႇ​သႂ်ႇ​ၵႃႈ​ၼိူဝ်​သူ။-</verse>
				<verse number="26">တီႈ​ၵေႃႉ​ဢၼ်​ပႄႉ​ၼႅင်ႇ​လႄႈ​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ၵဝ် တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ၼၼ်ႉ​ၸိုင် ၵဝ်​တၵ်း​ပၼ်​ဢၶႂၢင်ႉ​ဢၼ်​လႆႈ ဢုပ်ႉ​ပိူင်ႇ​ၵူၼ်း​မဵဝ်း​တင်း​လၢႆ​တီႈ​မၼ်း ၵႃႈ​ၼင်ႇ​ဢၼ်​ပေႃႈ​ၵဝ်​ပၼ်​ဢၶႂၢင်ႉ​တီႈ​ၵဝ်​ၼၼ်ႉ​လႄႈ၊-</verse>
				<verse number="27">မၼ်း​ၼၼ်ႉ တၵ်း​ဢဝ်​ၵၼ်း​ႁွၵ်ႇ​လဵၵ်း ဢုပ်ႉ​ပိူင်ႇ​လႄႈ ယႃႉ​တႅၵ်ႇ​ပႅတ်ႈ​မိူၼ်​ၸိူဝ်ႉ​ၼင်ႇ​ဢၼ် ယႃႉ​တႅၵ်ႇ​ပႅတ်ႈ​မေႃႈ​လိၼ်​ၼၼ်ႉ​ဢေႃႈ။-</verse>
				<verse number="28">လၢဝ်​လႅင်း​ၵေႃႈ တၵ်း​ပၼ်​တီႈ​မၼ်း​ၼၼ်ႉ​ဢေႃႈ။</verse>
				<verse number="29">ဝီႉၺိၺ်ႇ​ၸဝ်ႈ​မီး​ဢမိင်ႉ​တီႈ​ၸိူဝ်း​ၸဝ်ႈ​တင်း​လၢႆ ၸိူဝ်ႉ​ၼင်ႇ​ႁိုဝ်​ဝႃႈ​ၼႆ ႁႂ်ႈ​ၵေႃႉ​ဢၼ်​မီး​ႁူ​ၼၼ်ႉ ငိၼ်း​သေ​ၵမ်း​လူၺ်ႈ။</verse>
			</chapter>
			<chapter number="3">
				<verse number="1">တႅမ်ႈ​ၸိူဝ်ႉ​ၼင်ႇ​ၼႆ​သေ​လႄႈ သင်ႇ​လၢတ်ႈ​ၵႂႃႇ​တီႈ​တမၢၼ်ႇ​ၸိူဝ်း​ၸဝ်ႈ ဢၼ်​မီး​ယူႇ​ၵႃႈ​ၼႂ်း​ဝဵင်း​ သႃႇတီႉ ​ၼၼ်ႉ​တႃႉ။ ဢမိင်ႉ​ၸဝ်ႈ ဢၼ်​မီး​ဝီႉၺိၺ်ႇ​ၽြႃး​ပဵၼ်​ၸဝ်ႈ​ၸဵတ်း​ပႃး ဢိၵ်ႇ​တင်း​လၢဝ်​ၸဵတ်း​လုၵ်ႈ​ၼၼ်ႉ​ၸမ်ႉ၊ ၵဝ်​ႁူႉ​တၢင်း​ၵမ်​တၢင်း​ၵျၢင်ႉ​မႂ်း​ယူႇ​လႄႈ လွင်ႈ​ဢၼ်​မႂ်း​ပိၵ်ႉ​သမ်ႉ​ပဵၼ်​ၸိူဝ်ႉ​ၼင်ႇ​ႁၢင်ႈ ဢသၢၵ်ႈ​လိပ်း​ယူႇ​သေ​ၵေႃႈ ပဵၼ်​ဢၼ်​တၢႆ​ယူႇ​ၼၼ်ႉ​ယူႇ​ဢေႃႈ။-</verse>
				<verse number="2">ယင်း​ဢမ်ႇ​ၼွၼ်း​လႄႈ​ပႂ်ႉ​ယူႇ​တႃႉ။ ႁႂ်ႈ​လွင်ႈ​တၢင်း​ဢၼ် ယင်း​ၵိုတ်း​ယင်း​ၵျၢၼ်ႇ​ဝႆႉ​လႄႈ ၸမ်​တၵ်း​တၢႆ​တင်း​လၢႆ​ၼၼ်ႉ ပဵၼ်​ဢၼ်​မၼ်ႈ​ၶိူင်ႇ​တႃႉ။ ၵဝ်​ထူပ်း​လွင်ႈ​ဢၼ်​တၢင်း​ၵမ်​တၢင်း​ၵျၢင်ႉ​မႂ်း ဢမ်ႇ​ပႆႇ​ၸေး​ၸုမ်ႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ​ယဝ်ႉ။-</verse>
				<verse number="3">ၵွပ်ႈ​ႁွႆး​ၼႆႉ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​တၢင်း​ဢၼ် မႂ်း​ၶၢမ်ႇ​ဢဝ်​လႄႈ ထွမ်ႇ​ဢဝ်​ယဝ်ႉ​ၼၼ်ႉ​သေ​လႄႈ ပႂ်ႉ​ၵမ်​ပႂ်ႉ​ၸွမ်း​တႃႉ။ ၶုၵ်း​ၸႂ်​လႆႈ​မႆႈ​ၸႂ်​တႃႉ။ ပေႃး​မႂ်း​ဢမ်ႇ​ပႂ်ႉ​လႄႈ​ယူႇ​ၸိုင် ၵဝ်​တၵ်း​မႃး​ၵႃႈ​တီႈ​မႂ်း​ၸိူဝ်ႉ​ၼင်ႇ​ၽူႈ​လၵ်ႉ​ၼၼ်ႉ​ဢေႃႈ။ ၶိင်ႇ​ၼႃႇရီႇ​ဢၼ်​ၵဝ်​တၵ်း​မႃး​ၼၼ်ႉ​ၵေႃႈ မႂ်း​တၵ်း​ဢမ်ႇ​လႆႈ​ႁူႉ။-</verse>
				<verse number="4">ၵူၺ်း​ၵႃႈ ၼႂ်း​သူ​ၵႃႈ​တီႈ​ဝဵင်း​ သႃႇတီႉ ​ၼၼ်ႉ ယင်း​မီး​ၶဝ်​ၸိူဝ်း​ဢၼ်​ဢမ်ႇ​ႁႂ်ႈ​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ ၵူဝ်ႈ​ၵိူၵ်ႇ​ၼၼ်ႉ​ယူႇ ဢိတ်း​ၼိုင်ႈ​ဢေႃႈ။ ၶဝ်​ၼၼ်ႉ​ၵွပ်ႈ​ပိူဝ်ႈ​ဢၼ်​ပဵၼ် ၵေႃႉ​ဢၼ်​ၵိုင်ႇ​ထိူၵ်ႈ​လႄႈ တၵ်း​ၼုင်ႈ​ၶူဝ်း​ဢၼ်​ၽိူၵ်ႇ​ဢၼ်​ၶၢဝ်​ယူႇ​သေ​လႄႈ ၵႂႃႇ​မႃး​လူၺ်ႈ​ၵၼ်​တင်း​ၵဝ်​ဢေႃႈ။</verse>
				<verse number="5">ၵေႃႉ​ဢၼ်​ပႄႉ​ၼႅင်ႇ​ၼၼ်ႉ တၵ်း​လႆႈ​ၼုင်ႈ​ၶူဝ်း ဢၼ်​ၽိူၵ်ႇ​ဢၼ်​ၶၢဝ်​ဢေႃႈ။ ၸိုဝ်ႈ​သဵင်​ၵေႃႉ​ၼၼ်ႉ​ၸိုင် ၵဝ်​တၵ်း​ဢမ်ႇ​မွတ်ႇ​ပႅတ်ႈ​သေ​ၵႃႈ​ၼႂ်း လိၵ်ႈ​ဢသၢၵ်ႈ​လႃး​လႃး။ ၵဝ်​တၵ်း​ႁပ်ႉ​တုင်း​ဢဝ်​ၸိုဝ်ႈ​သဵင်​မၼ်း​ၼၼ်ႉ ၵႃႈ​တီႈ​ၽၢႆႇ​ၼႃႈ​ပေႃႈ​ၵဝ် ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ တမၢၼ်ႇ​ၵၢင်​ႁၢဝ်​တင်း​လၢႆ​ဢေႃႈ။</verse>
				<verse number="6">ဝီႉၺိၺ်ႇ​ၸဝ်ႈ​မီး​ဢမိင်ႉ​တီႈ ၸိူဝ်း​ၸဝ်ႈ​တင်း​လၢႆ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ႁႂ်ႈ​ၵေႃႉ​ဢၼ်​မီး​ႁူ​ၼၼ်ႉ ငိၼ်း​သေ​ၵမ်း​လူၺ်ႈ။</verse>
				<verse number="7">တႅမ်ႈ​ၸိူဝ်ႉ​ၼင်ႇ​ၼႆ​သေ​လႄႈ သင်ႇ​လၢတ်ႈ​ၵႂႃႇ​တီႈ​တမၢၼ်ႇ​ၸိူဝ်း​ၸဝ်ႈ ဢၼ်​မီး​ယူႇ​ၵႃႈ​ၼႂ်း​ဝဵင်း​ ၽီႉလတေးလၽီႉ ​ၼၼ်ႉ​တႃႉ။ ဢမိင်ႉ​ၸဝ်ႈ​ဢၼ်​မူတ်း​ၸၢင်ႇ၊ ၸဝ်ႈ​ဢၼ်​မၢၼ်ႇ​မႅၼ်ႈ​ၸိုဝ်ႈ​ၸႂ်ႈ၊ ၸဝ်ႈ​ဢၼ်​ယိပ်း​ၵမ်​သေႃး​ၽၵ်း​တူ​ၶုၼ်​ တႃႇဝိတ်ႈ ၊ ၸဝ်ႈ​ဢၼ်​ၽုၺ်ႇ​ဝႆႉ​ႁႂ်ႈ​ၽူႈ​လႂ်​ထၼ်ႈ​ပေႃး ဢမ်ႇ​ဢိုတ်း​လႆႈ​လႄႈ ဢိုတ်း​ဝႆႉ​ႁႂ်ႈ​ၽူႈ​လႂ်​ထၼ်ႈ​ပေႃး ဢမ်ႇ​ၽုၺ်ႇ​လႆႈ​ၼၼ်ႉ​ၸမ်ႉ၊-</verse>
				<verse number="8">ၵဝ်​ႁူႉ​တၢင်း​ၵမ်​တၢင်း​ၵျၢင်ႉ​မႂ်း​ယူႇ​ဢေႃႈ။ ၵဝ်​ၽုၺ်ႇ​ၽၵ်း​တူ​ဢၼ်​ၽူႈ​လႂ် ဢမ်ႇ​ဢိုတ်း​လႆႈ​ၼၼ်ႉ​ဝႆႉ ၵႃႈ​တီႈ​ၽၢႆႇ​ၼႃႈ​မႂ်း​ယဝ်ႉ။ လွင်ႈ​မၼ်း​ၸမ်ႉ မႂ်း​မီး​ႁႅင်း​ဢိတ်း​ၼိုင်ႈ​လႄႈ ပႂ်ႉ​ၵမ်​ပႂ်ႉ​ၸွမ်း​ၼုၵ်ႈၵပၢတ်ႈ​ၵဝ်​မႃး​ယဝ်ႉ။ ၼႃႇ​မႃႉ​ၸိုဝ်ႈ​သဵင်​ၵဝ်​ၵေႃႈ မႂ်း​ဢမ်ႇ​ပႄႇ​ဢမ်ႇ​ပႅတ်ႈ။</verse>
				<verse number="9">တူၺ်း​လူး၊ ၵဝ်​တၵ်း​ဢဝ်​ၵူၼ်း ၼႂ်း​မုၵ်ႉ​ၼႂ်း​ၸိူဝ်း​ ၸႃႇတၢၼ်ႇ ၵမ်ႈ​ၽွင်ႈ​ဢၼ်​ဝႃႈ ၶဝ်​ၸိူဝ်း​ဢၼ် ႁဵတ်း​ၸိူဝ်ႉ​ၼင်ႇ​ႁၢင်ႈ​ပဵၼ်​ၵူၼ်း ယူႉတႃႉ ​လႄႈ ယင်း​ဢမ်ႇ​ပဵၼ်​ဢၼ်​မၢၼ်ႇ​ဢၼ်​မႅၼ်ႈ၊ ပဵၼ်​ဢၼ်​လၢတ်ႈ​ၵႂၢမ်း​မူႉ​သႃႇ​ၼၼ်ႉ ဢၢပ်ႈ​ပၼ်​တီႈ​မႂ်း​ဢေႃႈ။ ၵဝ်​တၵ်း​ႁဵတ်း​ႁႂ်ႈ​ၶဝ် လႆႈ​မႃး​ၶုပ်ႉ​မူပ်ႇ​ၵႃႈ​တီႈ​ႁိမ်း​တိၼ်​မႂ်း ဢိၵ်ႇ​တင်း​ႁႂ်ႈ​ၶဝ်​လႆႈ​ႁူႉ​လွင်ႈ​ဢၼ်​ၵဝ်​ႁၵ်ႉ​မႂ်း​ၼၼ်ႉ​ဢေႃႈ။-</verse>
				<verse number="10">ပိူဝ်ႈ​ဢၼ်​မႂ်း​ပႂ်ႉ​ၵမ်​ပႂ်ႉ​ၸွမ်း ၼုၵ်ႈၵပၢတ်ႈ​တြႃး​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ယိူၼ်ႉ​ၶၢမ်ႇ​ၵဝ်​ၼၼ်ႉ​လႄႈ ၵဝ်​တၵ်း​ပႂ်ႉ​မႂ်း​ယူႇ​ၼႂ်း​ၶိင်ႇ​ၵႃႇလႃႉ တၢင်း​ဢၼ်​ၸၢမ်း​တူၺ်း ဢၼ်​တၵ်း​ၸွတ်ႇ​တူဝ်ႈ မိူင်း​လေႃးၵီႇ​ၵူႈ​တီႈ​ၵူႈ​လႅၼ် ႁႂ်ႈ​လႆႈ​ၸၢမ်း​တူၺ်း​ၵူၼ်း​တင်း​လၢႆ ဢၼ်​ယူႇ​ၵႃႈ​တီႈ​ၼိူဝ်​လိၼ်​မိူင်း​ၼႆႉ​ၼၼ်ႉ​ဢေႃႈ။</verse>
				<verse number="11">ၵဝ်​တၵ်း​ၸဵဝ်း​မႃး​ဢေႃႈ။ ၼင်ႇ​ႁိုဝ်​ၽူႈ​လႂ်​တၵ်း​ဢမ်ႇ​လႆႈ​ဢဝ်​သရၽူႇ​မႂ်း​ၸိုင် ယိပ်း​ၵမ်​လွင်ႈ​တၢင်း​ဢၼ် မႂ်း​လႆႈ​မႃး​ယဝ်ႉ​ၼၼ်ႉ​ဝႆႉ​တႃႉ။-</verse>
				<verse number="12">ၵေႃႉ​ဢၼ်​ပႄႉ​ၼႅင်ႇ​ၼၼ်ႉ​ၸိုင် ၵဝ်​တၵ်း​ႁႂ်ႈ​ပဵၼ်​သဝ်​ၵႃႈ​ၼႂ်း​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​ၵဝ်​ၼၼ်ႉ​ဢေႃႈ။ ၵမ်း​လိုၼ်း မၼ်း​တၵ်း​ဢမ်ႇ​လႆႈ​ၶၢႆႉ​တီႈ​လႄႈ​ဢွၵ်ႇ​ၵႃႈ​ၼွၵ်ႈ။ ၵဝ်​တၵ်း​ဢဝ်​ၼႃႇ​မႃႉ​ၸိုဝ်ႈ​သဵင်​ၽြႃး​ပဵၼ်​ၸဝ်ႈ​ၵဝ် ဢိၵ်ႇ​တင်း​ၼႃႇ​မႃႉ​ၸိုဝ်ႈ​သဵင် ဝဵင်း​ၽြႃး​ပဵၼ်​ၸဝ်ႈ​ၵဝ် ဢၼ်​ဝႃႈ​ဝဵင်း​ ယေႇရူႉသလႅမ်ႇ ​ဢၼ်​မႂ်ႇ ဢၼ်​ဢွၵ်ႇ​သေ​ၵႃႈ​တီႈ ၽြႃး​ပဵၼ်​ၸဝ်ႈ​ၵဝ်​လႄႈ လူင်း​သေ​ၵႃႈ​ၼိူဝ်​ၵၢင်​ႁၢဝ်​မႃး​ၼၼ်ႉ တင်း​ၼႃႇ​မႃႉ​ၸိုဝ်ႈ​သဵင်​ၵဝ် ဢၼ်​ပဵၼ်​ဢၼ်​မႂ်ႇ​ၼၼ်ႉ တၢင်ႇ​သႂ်ႇ​ၵႃႈ​ၼိူဝ်​ၵေႃႉ​ၼၼ်ႉ​ဢေႃႈ။</verse>
				<verse number="13">ဝီႉၺိၺ်ႇ​ၸဝ်ႈ​မီး​ဢမိင်ႉ​တီႈ​ၸိူဝ်း​ၸဝ်ႈ​တင်း​လၢႆ ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ႁႂ်ႈ​ၵေႃႉ​ဢၼ်​မီး​ႁူ​ၼၼ်ႉ ငိၼ်း​သေ​ၵမ်း​လူၺ်ႈ။</verse>
				<verse number="14">တႅမ်ႈ​ၸိူဝ်ႉ​ၼင်ႇ​ၼႆ​သေ​လႄႈ သင်ႇ​လၢတ်ႈ​ၵႂႃႇ​တီႈ​တမၢၼ်ႇ​ၸိူဝ်း​ၸဝ်ႈ ဢၼ်​မီး​ယူႇ​ၵႃႈ​ၼႂ်း​ဝဵင်း​ လေႃးတီႉၵီႉ ​ၼၼ်ႉ​တႃႉ။ ဢမိင်ႉ ဢႃႇမိၼ်ႇ၊ ၸဝ်ႈ​ဢၼ်​ၶၢမ်ႇ​သၢၵ်ႈ​သေႇ ဢၼ်​မီး​သဵတ်ႈ​ၸႃႇ​လႄႈ မၢၼ်ႇ​မႅၼ်ႈ၊ ၸဝ်ႈ​ဢၼ်​ပဵၼ်​ပၢႆ​ၸိၵ်း​ၸွမ် ဝူၺ်ႇၼေႇယႃႉ​သတ်ႉတဝႃႇ ၽြႃး​ပဵၼ်​ၸဝ်ႈ​ၼၼ်ႉ​ၸမ်ႉ၊-</verse>
				<verse number="15">ၵဝ်​ႁူႉ​တၢင်း​ၵမ်​တၢင်း​ၵျၢင်ႉ​မႂ်း​ယူႇ​လႄႈ လွင်ႈ​ဢၼ်​မႂ်း ပဵၼ်​ဢၼ်​ၵတ်း​ၵေႃႈ​ဢမ်ႇ​ၸႂ်ႈ၊ ပဵၼ်​ဢၼ်​မႆႈ​ၵေႃႈ​ဢမ်ႇ​ၸႂ်ႈ ၼၼ်ႉ​ယူႇ​ဢေႃႈ။ ၵဝ်​မီး​ဢလူဝ်ႇ ၶႂ်ႈ​ႁႂ်ႈ​သူ​ပဵၼ်​ဢၼ်​ၵတ်း ဢမ်ႇ​ၼၼ်​ၵေႃႈ ပဵၼ်​ဢၼ်​မႆႈ ဢေႃႈ။-</verse>
				<verse number="16">ၼင်ႇ​ၼၼ်​လႄႈ ၵွပ်ႈ​ပိူဝ်ႈ​ဢၼ်​မႂ်း ပဵၼ်​ဢၼ်​ၵတ်း​ၵေႃႈ​ဢမ်ႇ​ၸႂ်ႈ၊ ပဵၼ်​ဢၼ်​မႆႈ​ၵေႃႈ​ဢမ်ႇ​ၸႂ်ႈ၊ မီး​ႁၢမ်ႉ​ဢုၼ်ႇ​ဢုၼ်ႇ​ၵူၺ်း​ၼၼ်ႉ​လႄႈ သူပ်း​ၵဝ်​တၵ်း​ထူမ်ႇ​မႂ်း​ပႅတ်ႈ​ယဝ်ႉ။-</verse>
				<verse number="17">မႂ်း​လၢတ်ႈ​လႄႈ​ဝႃႈ၊ ၵဝ်​ၸၢင်ႈ​မၢၵ်ႈ​ၸၢင်ႈ​မီး​ဢေႃႈ။ ၽၼ်ႇတႃႇ​ၼမ်​ၼႃႇ​ၵေႃႈ သိမ်း​ပႅင်း​ဝႆႉ​ယဝ်ႉ။ ဢမ်ႇ​လူဝ်ႇ​ထႅင်ႈ​သေ​ၸိူဝ်ႉ​သေ​ပိူင်​ယဝ်ႉ၊ ဝႃႈ​ၼင်ႇ​ၼႆ​ယူႇ​လႄႈ ဢမ်ႇ​ႁူႉ​လွင်ႈ​ဢၼ်​တူဝ်​ၸဝ်ႈ​ၵဝ်ႇ ပဵၼ်​တၢင်း​ဢၼ်​ယၢပ်ႇ​ၸႂ်​ၶၢၼ်​ၸႂ်၊ တၢင်း​ဢၼ်​ထုၵ်ႇ​လီ​ဢဵတ်း​လူ၊ တၢင်း​ဢၼ်​ယၢၵ်ႈ​ဢၼ်​ၽၢၼ်၊ တၢင်း​ဢၼ်​တႃ​မွတ်ႇ၊ တၢင်း​ဢၼ်​ဢမ်ႇ​မီး​ၶူဝ်း​မီး​လဵင်း​ၼၼ်ႉ​ယူႇ​လူင်​ပႄႇ။-</verse>
				<verse number="18">ၵဝ်​ပၼ်​တၢင်း​ၵျၢမ်ႇ​တၢင်း​ပွင်​တီႈ​မႂ်း​လႄႈ​ဝႃႈ၊ သိုဝ်ႉ​ဢဝ်​ၶမ်း ဢၼ်​ဢဝ်​ၼႂ်း​ၽႆး​ယဝ်ႉ​ၼၼ်ႉ ႁႂ်ႈ​လႆႈ​ပဵၼ်​ၵေႃႉ​ဢၼ်​ၸၢင်ႈ​မၢၵ်ႈ​ၸၢင်ႈ​မီး ၶူဝ်း​လဵင်း​ဢၼ်​ၽိူၵ်ႇ​ဢၼ်​ၶၢဝ် ပုၼ်ႈ​ဢၼ်​တၵ်း​ၼုင်ႈ​တၵ်း​မႆ၊ ႁႂ်ႈ​လႆႈ​ပဵၼ်​ၵေႃႉ​ဢၼ် ဢမ်ႇ​မီး​လွင်ႈ​ဢၼ်​ယူႇ​တူဝ်​ပူၺ်​လႄႈ ဢူၵ်း​ဢၢႆ​ၵႃႈ​တီႈ​ၽၢႆႇ​ၼႃႈ​ပိူၼ်ႈ၊ ယႃႈ​ယႃ​ဢၼ်​တၵ်း​လႆႈ​ၶၢတ်ႈ​သႂ်ႇ ၼႂ်း​မၢၵ်ႇ​တႃ​မႂ်း ႁႂ်ႈ​မၢၵ်ႇ​တႃ​မႂ်း​လႆႈ​ႁၼ်​ၼၼ်ႉ​တီႈ​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၵဝ်​ၸၢင်ႈ​ၸႅတ်ႈ​ထၢမ်​ဢပႅတ်ႈ ၶဝ်​ၸိူဝ်း​ဢၼ်​ၵဝ်​ႁၵ်ႉ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​လႄႈ သင်ႇ​သွၼ်​ၶဝ်​ဢေႃႈ။ ပိူဝ်ႈ​ၼႆ​လႄႈ တိုၵ်း​ယူင်း​ၸႂ်​တူဝ်​ၸဝ်ႈ​ၵဝ်ႇ​တႃႉ။ ၶုၵ်း​ၸႂ်​လႆႈ​မႆႈ​ၸႂ်​တႃႉ။</verse>
				<verse number="20">တူၺ်း​လူး၊ ၵဝ်​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ ၽၵ်း​တူ​သေ​လႄႈ တွႆႇ​ယူႇ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ငိၼ်း​သဵင်​ၵဝ်​လႄႈ ၽုၺ်ႇ​ၽၵ်း​တူ​ပၼ်​ၼၼ်ႉ တီႈ​ၵေႃႉ​ၼၼ်ႉ ၵဝ်​တၵ်း​ၶဝ်​ၸူး​လႄႈ ၵိၼ်​ၶူပ်း​လူၺ်ႈ​ၵၼ်​တင်း​မၼ်း​ဢေႃႈ။ မၼ်း​ၵေႃႈ​တၵ်း​လႆႈ​ၵိၼ်​ၶူပ်း​လူၺ်ႈ​ၵၼ်​တင်း​ၵဝ်​ဢေႃႈ။-</verse>
				<verse number="21">တီႈ​ၵေႃႉ​ဢၼ်​ပႄႉ​ၼႅင်ႇ​ၼၼ်ႉ​ၸိုင်၊ ၵဝ်​တၵ်း​ပၼ်​ဢၶႂၢင်ႉ ဢၼ်​လႆႈ​ၼင်ႈ​ယူႇ​လူၺ်ႈ​ၵၼ်​တင်း​ၵဝ် ၵႃႈ​ၼိူဝ်​ပလၢင်ႇ​ၵဝ် မိူၼ်​ၸိူဝ်ႉ​ၼင်ႇ​ဢၼ် ၵဝ်​ပႄႉ​ၼႅင်ႇ​လႄႈ ၼင်ႈ​ယူႇ​လူၺ်ႈ​ၵၼ်​တင်း​ပေႃႈ​ၵဝ် ၵႃႈ​ၼိူဝ်​ပလၢင်ႇ​မၼ်း​ၸဝ်ႈ​ၼၼ်ႉ​ဢေႃႈ။</verse>
				<verse number="22">ဝီႉၺိၺ်ႇ​ၸဝ်ႈ မီး​ဢမိင်ႉ​တီႈ​ၸိူဝ်း​ၸဝ်ႈ​တင်း​လၢႆ ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ႁႂ်ႈ​ၵေႃႉ​ဢၼ်​မီး​ႁူ​ၼၼ်ႉ ငိၼ်း​သေ​ၵမ်း​လူၺ်ႈ။</verse>
			</chapter>
			<chapter number="4">
				<verse number="1">ဝၢႆး​ၼၼ်ႉ ၵဝ်​တူၺ်း​လႄႈ​ႁၼ်​ၽၵ်း​တူ ၽုၺ်ႇ​ဝႆႉ​ၵႃႈ​ၼိူဝ်​ၵၢင်​ႁၢဝ်​ဢေႃႈ။ သဵင်​ဢၼ်​ၵဝ်​လႆႈ​ငိၼ်း​ဢွၼ်​တၢင်း​လႄႈ လင်​မေႃး​မိူၼ်​ၸိူဝ်ႉ​ၼင်ႇ သဵင်​ၼႄး​ၶရႃႇ​ဢၼ်​လၢတ်ႈ​တေႃႇ​ၵဝ်​ၼၼ်ႉ​လႄႈ​ဝႃႈ​ၸမ်ႉ၊ ၶိုၼ်ႈ​မႃး​ၵႃႈ​တီႈ​ၼႆႈ​တႃႉ။ ၵဝ်​တၵ်း​ၼႄ​ပျႃး​လွင်ႈ​တၢင်း​ဢၼ် တၵ်း​လႆႈ​ပဵၼ်​မႃး​ၵႃႈ​တီႈ ၶိင်ႇ​ၵႃႇလႃႉ​ၵမ်း​လိုၼ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="2">မိူဝ်ႈ​ၼၼ်ႉ ၵဝ်​လႆႈ​ၶၢမ်ႇ​ဢဝ် ဝီႉၺိၺ်ႇ​ၸဝ်ႈ​ၵမ်း​လဵဝ်​ဢေႃႈ။ မီး​ပလၢင်ႇ​ဢၼ်​ၼိုင်ႈ ဢၼ်​တႄႇ​ဝႆႉ​မီး​ယူႇ​ၵႃႈ​ၼႂ်း မိူင်း​ၵၢင်​ႁၢဝ်​ပုၼ်ႉ​လႄႈ ၵေႃႉ​ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၼၼ်ႉ​ၵေႃႈ မီး​ယူႇ​ဢေႃႈ။-</verse>
				<verse number="3">ႁၢင်ႈ​ၽၢင်​ငဝ်း​ဢရွင်ႇ​ၵေႃႉ​ဢၼ်​ၼင်ႈ​ယူႇ​ၼၼ်ႉ မိူၼ်​ၸိူဝ်ႉ​ၼင်ႇ သႅင်​ၼၵႃး​သွႆႈ ဢိၵ်ႇ​တင်း သႅင်​ပတ်ႈတမျႃး​ဢေႃႈ။ ၵႃႈ​တီႈ​ႁိမ်း​ပလၢင်ႇ​ၼၼ်ႉ​ၸမ်ႉ၊ မီး​ႁူင်း​ႁႆး​ဢၼ်​ငဝ်း​ဢရွင်ႇ မိူၼ်​ၸိူဝ်ႉ​ၼင်ႇ သႅင်​မျႃႉ​ဢေႃႈ။-</verse>
				<verse number="4">ၵႃႈ​တီႈ​ႁိမ်း​ပလၢင်ႇ​ၼၼ်ႉ မီး​ပလၢင်ႇ​တၢင်ႇ​ဢၼ် သၢဝ်း​သီႇ​ဢၼ်​ဢေႃႈ။ ၵႃႈ​ၼိူဝ်​ပလၢင်ႇ​ၸိူဝ်း​ၼၼ်ႉ၊ မီး​ၵေႃႉ​ဢၼ်​ဢသၢၵ်ႈ​ယႂ်ႇ သၢဝ်း​သီႇ​ပႃး ၼုင်ႈ​ၶူဝ်း​ဢၼ်​ၽိူၵ်ႇ​ဢၼ်​ၶၢဝ်​ယူႇ၊ ၵႃႈ​ၼိူဝ်​ႁူဝ်​ၵေႃႈ တိုဝ်း​သရၽူႇ​ၶမ်း ယူႇ​သေ​လႄႈ ၼင်ႈ​ယူႇ​ဢေႃႈ။-</verse>
				<verse number="5">ၵႃႈ​တီႈ​ၼႂ်း​ပလၢင်ႇ​ၸဝ်ႈ​ၼၼ်ႉ ၽႃႉ​မႅပ်ႈ ဢိၵ်ႇ​တင်း သဵင်​လၢတ်ႈ​ၵႂၢမ်း​တင်း သဵင်​ၽႃႉ​လင် ဢၼ်​မေႃး​ၼၼ်ႉ ဢွၵ်ႇ​ယူႇ​ဢေႃႈ။ ၵႃႈ​တီႈ​ၽၢႆႇ​ၼႃႈ​ပလၢင်ႇ​ၸဝ်ႈ​ၼၼ်ႉ ဝၢၼ်ႇ​တႆႈ​ၽႆး ၸဵတ်း​လုၵ်ႈ ဢၼ်​ဝႃႈ​ဝီႉၺိၺ်ႇ​ၽြႃး​ပဵၼ်​ၸဝ်ႈ ၸဵတ်း​ပႃး​ၼၼ်ႉ တႆႈ​ယူႇ​ဢေႃႈ။-</verse>
				<verse number="6">ၵႃႈ​တီႈ​ၽၢႆႇ​ၼႃႈ​ပလၢင်ႇ​ၸဝ်ႈ​ၵေႃႈ မီး​ပၢင်ႇ​လၢႆႇ​ၽၼ်ႇ​ပၢင်ႇ​လၢႆႇ​ၸမ်ႈ ဢၼ်​မိူၼ်​ၸိူဝ်ႉ​ၼင်ႇ မၢၵ်ႇ​ႁိၼ်​ၸိင်ႇ ၼၼ်ႉ​ဢေႃႈ။ ၵႃႈ​တီႈ​ၽၢႆႇ​ၼႃႈ​ပလၢင်ႇ​ၸဝ်ႈ ဢိၵ်ႇ​တင်း ၵႃႈ​ၼႂ်း​တီႈ​ႁိမ်း​ပလၢင်ႇ​ၸဝ်ႈ​ၼၼ်ႉ မီး​သတ်ႉတဝႃႇ သီႇ​ပႃး ဢၼ်​မၢၵ်ႇ​တႃ​မီး​ၸွတ်ႇ​တူဝ်ႈ တင်း​တူဝ်​တင်း​ၶိင်း​ဢေႃႈ။-</verse>
				<verse number="7">သတ်ႉတဝႃႇ​ပထမႃႉ မိူၼ်​ၸိူဝ်ႉ​ၼင်ႇ သၢင်ႇ​သီႈ​ဢေႃႈ။ သတ်ႉတဝႃႇ​တူႉတီႉယႃႉ​ၼၼ်ႉ မိူၼ်​ၸိူဝ်ႉ​ၼင်ႇ ဝူဝ်း​ဢွၼ်ႇ​ဢေႃႈ။ သတ်ႉတဝႃႇ​တႃႉတီႉယႃႉ​ၼၼ်ႉ မီး​ၼႃႈ​မိူၼ်​ၸိူဝ်ႉ​ၼင်ႇ ၼႃႈ​ၵူၼ်း ဢေႃႈ။ သတ်ႉတဝႃႇ​ၸတုၵ်ႉထႃႉ​ၼၼ်ႉ မိူၼ်​ၸိူဝ်ႉ​ၼင်ႇ​ႁၢင်ႈ လၢင်း​တႃႉ​ၶမ်း ဢၼ်​မိၼ်​ယူႇ​ဢေႃႈ။-</verse>
				<verse number="8">ၵႃႈ​တီႈ​တူဝ်​သတ်ႉတဝႃႇ သီႇ​ပႃး​ၼၼ်ႉ ယေႈ​ပႃႈ​ယေႈ​ပႃႈ မီး​ပိၵ်ႇ​ႁူၵ်း​ဢၼ်​လႄႈ ၵႃႈ​တီႈ​ၽၢႆႇ​ၼႂ်း​ပိၵ်ႇ တင်း​ၵႃႈ​တီႈ​ႁိမ်း​ပိၵ်ႇ ၸိူဝ်း​ၼၼ်ႉ မီး​တင်း​မၢၵ်ႇ​တႃ ၸွတ်ႇ​တူဝ်ႈ​ဝႆႉ​ဢေႃႈ။ ၶဝ်​ၼၼ်ႉ ယင်း​ဢမ်ႇ​လိုဝ်ႈ​ဢမ်ႇ​သဝ်း ၵူႈ​ဝၼ်း​ၵူႈ​ၶိုၼ်း​တႃႇ​သေႇ​ဢမ်ႇ​ထၢတ်ႇ​လႄႈ လၢတ်ႈ​ဝႃႈ၊ ထႃႇဝရႃႉ​ၸဝ်ႈ​ၽြႃး​ပဵၼ်​ၸဝ်ႈ ဢၼ်​မီး​ယူႇ ပိတ်ႈ​ၸုၵ်ႈ​ပၢၼ်ႇ၊ ဢတိၵ်ႈ၊ ဢၼႃႇၵၢတ်ႈ ၵႃႇလႃႉ​သေႇ​သေႇ​လႄႈ ပျေႉ​ၸုမ်ႇ​တင်း ဢၼၼ်ႇတႃႉ​တၼ်း​ၶူဝ်း​ၼႆႉ မူတ်း​ၸၢင်ႇ​တီႈ​ၶႃႈ​ဢေႃႈ။ မူတ်း​ၸၢင်ႇ​တီႈ​ၶႃႈ​ဢေႃႈ။ မူတ်း​ၸၢင်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယူႇ​ဢေႃႈ။</verse>
				<verse number="9">မိူဝ်ႈ​ဢၼ်​သတ်ႉတဝႃႇ​ၸိူဝ်း​ၼၼ်ႉ ယွင်ႈ​ယေႃး​မုၼ်​သရေႇ​ၵုင်ႇ​ၵျေး​ၸူး​ၸဝ်ႈ ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၸဝ်ႈ​လႄႈ ဢသၢၵ်ႈ​လိပ်း​ယူႇ​ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ၸိုင်၊-</verse>
				<verse number="10">ၵေႃႉ​ဢၼ်​ဢသၢၵ်ႈ​ယႂ်ႇ သၢဝ်း​သီႇ​ပႃး​ၼၼ်ႉ ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၼၼ်ႉ​ယူႇ၊ ၵူဝ်း​ၵႂၢႆႇ​ၸဝ်ႈ​ဢၼ်​ဢသၢၵ်ႈ​လိပ်း​ယူႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ​ယူႇ၊ ပူတ်း​သရၽူႇ​တူဝ်​ၸဝ်ႈ​ၵဝ်ႇ​တင်း​လၢႆ ၶျႃး​ဝႆႉ​ၵႃႈ​တီႈ​ၽၢႆႇ​ၼႃႈ​ပလၢင်ႇ​ၸဝ်ႈ​ၼၼ်ႉ​ယူႇ​သေ​လႄႈ လဝ်ႊ​လၢတ်ႈ​လႄႈ​ဝႃႈ၊-</verse>
				<verse number="11">ၽြႃး​ပဵၼ်​ၸဝ်ႈ​ႁဝ်း​ၶႃႈ ထႃႇဝရႃႉ​ၽြႃး​တီႈ​ၶႃႈ၊ ၵွပ်ႈ​ပိူဝ်ႈ​ဢၼ်​ၸဝ်ႈ​ႁဝ်း ၽၢၼ်ႇ​သၢင်း​ႁဵတ်း​ပဵၼ် လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ယဝ်ႉ​လႄႈ လွင်ႈ​တၢင်း​ၸိူဝ်း​ၼၼ်ႉ ပဵၼ်​ၵွပ်ႈ​ပိူဝ်ႈ ဢလူဝ်ႇ​ၸဝ်ႈ​ႁဝ်း​လႄႈ လႆႈ​ၶၢမ်ႇ​တၢင်း​ဢၼ်​ၸဝ်ႈ​ႁဝ်း ၽၢၼ်ႇ​သၢင်း​ႁဵတ်း​ပဵၼ်​ဝႆႉ​ၼၼ်ႉ​လႄႈ ၸဝ်ႈ​ႁဝ်း​ထိူၵ်ႈ​ၸၢမ်ႇ​ၸႃး မုၼ်​သရေႇ​တၼ်း​ၶူဝ်း​ၸဝ်ႈ​တီႈ​ၶႃႈ​ဢေႃႈ​၊ ဝႃႈ​ၼင်ႇ​ၼႆ​ယူႇ​ဢေႃႈ။</verse>
			</chapter>
			<chapter number="5">
				<verse number="1">မိူဝ်ႈ​ၼၼ်ႉ ၵဝ်​ႁၼ်​ၽိုၼ်​လိၵ်ႈ ဢၼ်​ဢဝ်​တင်း တၢင်ႇ​တူဝ်​လိၵ်ႈ​ဢႅၵ်ႉၶရႃႇ တၢင်ႇ​သႂ်ႇ​ၵႃႈ​တီႈ​ၽၢႆႇ​ၼႂ်း​ၽၢႆႇ​ၼွၵ်ႈ​သေ​လႄႈ တွၵ်ႇ​တၼ်း​သိၵ်ႈ ၸဵတ်း​ၵမ်း​ဝႆႉ​ၼၼ်ႉ ၵႃႈ​ၼႂ်း​မိုဝ်း​ၶွၼ်​ၶႂႃ​ၸဝ်ႈ ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၼၼ်ႉ​ဢေႃႈ။-</verse>
				<verse number="2">ၵဝ်​ႁၼ်​တမၢၼ်ႇ​ၵၢင်​ႁၢဝ် ဢၼ်​ႁႅင်း​ယႂ်ႇ​ၼႃႇ​ပႃး​ၼိုင်ႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​လႄႈ​ဝႃႈ၊ ၽူႈ​လႂ်​ၵိုင်ႇ​ထိူၵ်ႈ ႁႂ်ႈ​လႆႈ​ၽုၺ်ႇ​ၽိုၼ်​လိၵ်ႈ​ၼၼ်ႉ​လႄႈ ၵွၵ်း​ပႅတ်ႈ​တၼ်း​သိၵ်ႈ​မၼ်း​ၸိူဝ်း​ၼၼ်ႉ၊ ဝႃႈ​ၼင်ႇ​ၼႆ​ယူႇ​ဢေႃႈ။</verse>
				<verse number="3">ၵႃႈ​ၼိူဝ်​ၵၢင်​ႁၢဝ်၊ ၵႃႈ​ၼိူဝ်​လိၼ်​မိူင်း၊ ၵႃႈ​တႂ်ႈ​လိၼ်​မိူင်း ၽူႈ​လႂ်​ဢမ်ႇ​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ၽုၺ်ႇ​ၽိုၼ်​လိၵ်ႈ​ၼၼ်ႉ​သေ​လႄႈ လူ​တူၺ်း။-</verse>
				<verse number="4">ပိူဝ်ႈ​ဢၼ်​ၵဝ်​ႁူႉ​လွင်ႈ​ဢၼ် ဢမ်ႇ​ထူပ်း​ဢမ်ႇ​ႁၼ် ၵေႃႉ​ဢၼ်​ၵိုင်ႇ​ထိူၵ်ႈ​ၽုၺ်ႇ​တူၺ်း ၽိုၼ်​လိၵ်ႈ​ၼၼ်ႉ​သေ​ၵေႃႉ​သေ​ၵူၼ်း​လႄႈ ၵဝ်​ႁႆႈ​ႁွင်ႉ​ၼမ်​ၼႃႇ​လူင်​လၢင်​ဢေႃႈ။</verse>
				<verse number="5">မိူဝ်ႈ​ၼၼ်ႉ ၵေႃႉ​ဢၼ်​ဢသၢၵ်ႈ​ယႂ်ႇ​ၼၼ်ႉ​ပႃး​ၼိုင်ႈ လၢတ်ႈ​တီႈ​ၵဝ်​လႄႈ​ဝႃႈ၊ ယႃႇ​ပေ​ႁႆႈ​ႁွင်ႉ၊ သၢင်ႇ​သီႈ​ၸိူဝ်ႉ​ၶိူဝ်း​ ယူႉတႃႉ ​ဢၼ်​ဝႃႈ ႁၢၵ်ႈ တႃႇဝိတ်ႈ ​ၼၼ်ႉ ပႄႉ​ၼႅင်ႇ​ႁႂ်ႈ​လႆႈ​ၽုၺ်ႇ​ၽိုၼ်​လိၵ်ႈ​ၼၼ်ႉ ဢိၵ်ႇ​တင်း တၼ်း​သိၵ်ႈ​မၼ်း​ၸဵတ်း​ၵမ်း​ၼၼ်ႉ​ယဝ်ႉ​၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မိူဝ်ႈ​ၼၼ်ႉ ၵဝ်​ႁၼ်​သူဝ်း​ဢွၼ်ႇ ဢၼ်​ပဵၼ်​မိူၼ်​ၸိူဝ်ႉ​ၼင်ႇ​ဢၼ် ၶၢမ်ႇ​တၢင်း​ဢၼ်​ဢဝ်​တၢႆ​ယဝ်ႉ​ၼၼ်ႉ ၸုၵ်း​ယူႇ​ၵႃႈ​ၼႂ်း​ၶိုင်ႈ​ၵၢင် ၸႃႉ​ၸဵမ်​ပလၢင်ႇ​ၸဝ်ႈ​လႄႈ သတ်ႉတဝႃႇ​သီႇ​ပႃး တင်း​ၵေႃႉ​ဢၼ်​ဢသၢၵ်ႈ​ယႂ်ႇ​ၸိူဝ်း​ၼၼ်ႉ​ဢေႃႈ။ သူဝ်း​ဢွၼ်ႇ​ၼၼ်ႉ မီး​ၶဝ်​ၸဵတ်း​လႅမ်ႈ တင်း​မၢၵ်ႇ​တႃ​ၸဵတ်း​ႁူၺ်ႇ​ဢၼ်​ဝႃႈ ဝီႉၺိၺ်ႇ​ၽြႃး​ပဵၼ်​ၸဝ်ႈ​ၸဵတ်း​ပႃး ဢၼ်​ၶၢမ်ႇ​တၢင်း​ဢၼ်​ပွႆႇ​ၸႂ်ႉ​ၵႂႃႇ ၵႃႈ​ၼိူဝ်​လိၼ်​မိူင်း​ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။-</verse>
				<verse number="7">မၼ်း​ၼၼ်ႉ မႃး​လႄႈ​ၶၢမ်ႇ​ဢဝ်​ၽိုၼ်​လိၵ်ႈ​ၼၼ်ႉ ၵႃႈ​ၼႂ်း​မိုဝ်း​ၶွၼ်​ၶႂႃ​ၸဝ်ႈ​ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၼၼ်ႉ​ဢေႃႈ။</verse>
				<verse number="8">မိူဝ်ႈ​ဢၼ်​မၼ်း​ၶၢမ်ႇ​ဢဝ်​ၽိုၼ်​လိၵ်ႈ​ၼၼ်ႉ​ၸိုင် သတ်ႉတဝႃႇ​သီႇ​ပႃး ဢိၵ်ႇ​တင်း​ၵေႃႉ​ဢၼ်​ဢသၢၵ်ႈ​ယႂ်ႇ သၢဝ်း​သီႇ​ပႃး​ၸိူဝ်း​ၼၼ်ႉ ယိပ်း​ၵမ်​တိင်ႇ ဢိၵ်ႇ​တင်း​ၵွၵ်း​ၶမ်း ဢၼ်​တဵမ်​ဝႆႉ​တင်း ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး​ဢၼ်​ဝႃႈ ပထၼႃႇ​ၵူၼ်း​မူတ်း​ၸၢင်ႇ​တင်း​လၢႆ​ၼၼ်ႉ ႁင်း​ၽႂ်​ႁင်း​မၼ်း​လႄႈ ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​သူဝ်း​ဢွၼ်ႇ​ယူႇ​သေ​လႄႈ၊-</verse>
				<verse number="9">ဢွၼ်​ၵၼ်​ႁဵတ်း​တင်း တၢင်း​ဢၼ်​ႁဵတ်း​ၵႂၢမ်း​ဢၼ်​မႂ်ႇ​လႄႈ လဝ်ႊ​ဝႃႈ၊ ၸဝ်ႈ​ႁဝ်း​ထိူၵ်ႈ​ၶၢမ်ႇ​ဢဝ် ၽိုၼ်​လိၵ်ႈ​ၼၼ်ႉ​လႄႈ ၽုၺ်ႇ​တၼ်း​သိၵ်ႈ​မၼ်း​ၸိူဝ်း​ၼၼ်ႉ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ၶၢမ်ႇ​တၢင်း​ဢၼ်​ဢဝ်​တၢႆ​လႄႈ ဢဝ်​တင်း​လိူတ်ႈ​ၸဝ်ႈ​ႁဝ်း​ထုတ်ႇ​ဢဝ်​ၵူၼ်း​တင်း​လၢႆ ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​ၶိူဝ်း ဢၼ်​လၢတ်ႈ​ၵႂၢမ်း​ၽႃႇသႃႇ ၵူႈ​ၸိူဝ်ႉ​ၵူႈ​ပိူင် ပုၼ်ႈ​ၽြႃး​ပဵၼ်​ၸဝ်ႈ​လႄႈ​-</verse>
				<verse number="10">ၶၢၼ်း​ၶဝ်​ဝႆႉ​ၼႂ်း​ဢရႃႇ ၶုၼ်​ႁေႃ​ၶမ်း ဢိၵ်ႇ​တင်း​ၵႃႈ​ၼႂ်း​ဢရႃႇ​ယိတ်ႈပရေႃးႁဵၵ်ႈ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ႁဝ်း​ၶႃႈ​လႄႈ ပၼ်​ဢၶႂၢင်ႉ​ဢၼ်​လႆႈ​ဢုပ်ႉ​ပိူင်ႇ​ၵႃႈ​ၼိူဝ်​လိၼ်​မိူင်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မိူဝ်ႈ​ၼၼ်ႉ ၵဝ်​တူၺ်း​လႄႈ​ငိၼ်း​သဵင် တမၢၼ်ႇ​ၵၢင်​ႁၢဝ်​ဢၼ်​ၼပ်ႉ​ဢၢၼ်ႇ​ ၵုၵ်ႉ​တႄႇ​သၢင်ႇ​ၶျေႇ​ဢမ်ႇ​ၵႃး၊ ထၼ်ႈ​ပေႃး​ဢမ်ႇ​ႁူႉ​ၼမ်​လႂ်​ၼၼ်ႉ ၵႃႈ​တီႈ​ႁိမ်း ၸႃႉ​ၸဵမ်​ပလၢင်ႇ​ၸဝ်ႈ​လႄႈ သတ်ႉတဝႃႇ​တင်း​လၢႆ ဢိၵ်ႇ​တင်း ၵေႃႉ​ဢၼ်​ဢသၢၵ်ႈ​ယႂ်ႇ ၸိူဝ်း​ၼၼ်ႉ​ဢေႃႈ။-</verse>
				<verse number="12">ၶဝ်​ၼၼ်ႉ​ၵေႃႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ​လၢတ်ႈ​လႄႈ​ဝႃႈ၊ သူဝ်း​ဢွၼ်ႇ​ဢၼ်​ၶၢမ်ႇ​တၢင်း​ဢၼ်​ဢဝ်​တၢႆ​မႃး​ယဝ်ႉ​ၼႆႉ ထိူၵ်ႈ​ၶၢမ်ႇ​တၼ်း​ၶူဝ်း၊ ၸေး​ၸိမ်ႇ၊ ပိင်ႇ​ၺႃႇ၊ ဢၸုၼ်း၊ ဢဵၼ်​ႁႅင်း၊ ၵုင်ႇ​သရေႇ၊ မုၼ်​ဢႃႇၼူႉၽေႃႇ၊ တၢင်း​လီ​မင်ႇၵလႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="13">လွင်ႈ​ဢၼ်​ဝူၺ်ႇၼေႇယႃႉ​သတ်ႉတဝႃႇ ၵႃႈ​မီး ၵႃႈ​ၼိူဝ်​ၵၢင်​ႁၢဝ်၊ ၵႃႈ​ၼိူဝ်​လိၼ်​မိူင်း၊ ၵႃႈ​တႂ်ႈ​လိၼ်​မိူင်း၊ ၵႃႈ​ၼိူဝ်​ၼမ်ႉ​သမ်ႇ​မုၵ်ႉ​တြႃႇ၊ ၵူႈ​တီႈ​ၵူႈ​လႅၼ်​တင်း​သဵင်ႈ​တင်း​လူင်​လၢတ်ႈ​လႄႈ​ဝႃႈ၊ ႁႂ်ႈ​ၸဝ်ႈ​ဢၼ်​ၼင်ႇ​ယူႇ​ၵႃႈ​ၼိူဝ်​ပလၢင်ႇ ဢိၵ်ႇ​တင်း​သူဝ်း​ဢွၼ်ႇ​ၼႆႉ မီး​တၢင်း​လီ​မင်ႇၵလႃႇ၊ ၵုင်ႇ​သရေႇ၊ မုၼ်​ဢႃႇၼူႉၽေႃႇ၊ ဢႃႇၼႃႇၸၢၵ်ႈ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း သေ​ၵမ်း​လူၺ်ႈ​တီႈ​ၶႃႈ​၊ ဝႃႈ​ၼင်ႇ​ၼႆ​ယူႇ​ၼၼ်ႉ​ၸိုင် ၵဝ်​ငိၼ်း​ဢေႃႈ။-</verse>
				<verse number="14">သတ်ႉတဝႃႇ​သီႇ​ပႃး​ၸိူဝ်း​ၼၼ်ႉ​ၵေႃႈ ႁွင်ႉ​လႄႈ​ဝႃႈ၊ ဢႃႇမိၼ်ႇ၊ ဝႃႈ​ၼင်ႇ​ၼႆ​ဢေႃႈ။ ၵေႃႉ​ဢၼ်​ဢသၢၵ်ႈ​ယႂ်ႇ​ၸိူဝ်း​ၼၼ်ႉ​ၵေႃႈ ဢွၼ်​ၵၼ်​ၶုပ်ႉ​မူပ်ႇ​လႄႈ ၵူဝ်း​ၵႂၢႆႇ​ယူႇ​ဢေႃႈ။</verse>
			</chapter>
			<chapter number="6">
				<verse number="1">ၵဝ်​ႁၼ်​မိူဝ်ႈ​ဢၼ်​သူဝ်း​ဢွၼ်ႇ​ၽုၺ်ႇ တၼ်း​သိၵ်ႈ​ၵမ်း​ၼိုင်ႈ ၼႂ်း​တၼ်း​သိၵ်ႈ ၸဵတ်း​ၵမ်း​ၼၼ်ႉ​လႄႈ ငိၼ်း​ၼႂ်း​သတ်ႉတဝႃႇ သီႇ​ပႃး၊ ပႃး​ၼိုင်ႈ​လၢတ်ႈ​မိူၼ်​ၸိူဝ်ႉ​ၼင်ႇ​ဢၼ် သဵင်​လင်​ၽႃႉ​ၽႃႇ ၼၼ်ႉ​လႄႈ​ဝႃႈ၊ မႃး​လႄႈ​တူၺ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="2">ၵမ်း​ၼၼ်ႉ​ၵဝ်​တူၺ်း​လႄႈ​ႁၼ် မႃႉ​ၽိူၵ်ႇ တူဝ်​ၼိုင်ႈ​ဢေႃႈ။ ၵေႃႉ​ဢၼ်​ၶီႇ​မႃႉ​ၼၼ်ႉ ယိပ်း​ၵမ်​ၵၢင်ႇ​ၵူင် ယူႇ​ဢေႃႈ။ မၼ်း​ၸဝ်ႈ​ပၼ်​သရၽူႇ တီႈ​မၼ်း​ၼၼ်ႉ​ဢေႃႈ။ မၼ်း​ၼၼ်ႉ ပႄႉ​ၼႅင်ႇ​ယူႇ​သေ​လႄႈ ဢွၵ်ႇ​ၵႂႃႇ​ႁႂ်ႈ​လႆႈ ပႄႉ​ၼႅင်ႇ​ဢေႃႈ။</verse>
				<verse number="3">မိူဝ်ႈ​ဢၼ်​ၽုၺ်ႇ​တၼ်း​သိၵ်ႈ တူႉတီႉယႃႉ​ၼၼ်ႉ​ၸိုင် ၵဝ်​ငိၼ်း​သတ်ႉတဝႃႇ​တူႉတီႉယႃႉ လၢတ်ႈ​လႄႈ​ဝႃႈ၊ မႃး​လႄႈ​တူၺ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၵမ်း​ၼၼ်ႉ မႃႉ​လႅင်​တူဝ်​ၼိုင်ႈ ဢွၵ်ႇ​လႄႈ ၵေႃႉ​ဢၼ်​ၶီႇ​မႃႉ​ၼၼ်ႉ လႆႈ​ဢၶႂၢင်ႉ​ဢၼ်​လႆႈ သိမ်း​ဢဝ်​တၢင်း​ၼိမ် သေ​ၵႃႈ​ၼိူဝ်​လိၼ်​မိူင်း ဢိၵ်ႇ​တင်း​ႁႂ်ႈ​ၵူၼ်း ၵႃႈ​ၼိူဝ်​လိၼ်​မိူင်း​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ဢဝ်​ၵၼ်​တၢႆ​လႄႈ မၼ်း​ၸဝ်ႈ​ဢၢပ်ႈ​ပၼ်​လၢပ်ႇ​လူင် တီႈ​မၼ်း​ၼၼ်ႉ​ဢေႃႈ။</verse>
				<verse number="5">မိူဝ်ႈ​ဢၼ်​ၽုၺ်ႇ​တၼ်း​သိၵ်ႈ တႃႉတီႉယႃႉ​ၼၼ်ႉ​ၸိုင် ၵဝ်​ငိၼ်း​သတ်ႉတဝႃႇ တႃႉတီႉယႃႉ​လၢတ်ႈ​လႄႈ​ဝႃႈ၊ မႃး​လႄႈ​တူၺ်း​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵမ်း​ၼၼ်ႉ ၵဝ်​တူၺ်း​လႄႈ ႁၼ်​မႃႉ​ၵႃ ​တူဝ်​ၼိုင်ႈ​ဢေႃႈ။ ၵေႃႉ​ဢၼ်​ၶီႇ​မႃႉ​ၼၼ်ႉ ယိပ်း​ၵမ်​ယႃႇ​ၸူႇ ယူႇ​ဢေႃႈ။-</verse>
				<verse number="6">ၵဝ်​ငိၼ်း​သဵင်​ဢၼ်​လၢတ်ႈ ၵႃႈ​ၼႂ်း​ၶိုင်ႈ​ၵၢင်​သတ်ႉတဝႃႇ​သီႇ​ပႃး​ၼၼ်ႉ​လႄႈ​ဝႃႈ၊ တေႇၼႃႇရီႇ ​ၶႅပ်း​ၼိုင်ႈ လႆႈ​ၶဝ်ႈ​သၢၼ်​ၵျုင်ႇ ၶႂၢၵ်ႉ​ၼိုင်ႈ​ဢေႃႈ။ တေႇၼႃႇရီႇ ​ၶႅပ်း​ၼိုင်ႈ လႆႈ​ၶဝ်ႈ​သၢၼ်​မူႉ​ယေႃး သၢမ်​ၶႂၢၵ်ႉ​ဢေႃႈ။ ယႃႇ​ႁႂ်ႈ​ၼမ်ႉ​မၼ်း ဢိၵ်ႇ​တင်း​ၼမ်ႉ​မၢၵ်ႇ​ၸပိတ်ႈ​လူႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="7">မိူဝ်ႈ​ဢၼ်​ၽုၺ်ႇ​တၼ်း​သိၵ်ႈ ၸတုၵ်ႉထႃႉ​ၼၼ်ႉ​ၸိုင် ၵဝ်​ငိၼ်း​သတ်ႉတဝႃႇ ၸတုၵ်ႉထႃႉ​လၢတ်ႈ​လႄႈ​ဝႃႈ၊ မႃး​လႄႈ​တူၺ်း​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၵမ်း​ၼၼ်ႉ ၵဝ်​တူၺ်း​လႄႈ​ႁၼ် မႃႉ​သဝ်ႈ​တူဝ်​ၼိုင်ႈ​ဢေႃႈ။ ၵေႃႉ​ဢၼ်​ၶီႇ​မႃႉ​ၼၼ်ႉ မီး​ၸိုဝ်ႈ​သဵင်​ဢၼ်​လႆႈ​ႁွင်ႉ​ႁဵၵ်ႈ​ဝႃႈ၊ ၶုၼ်​တၢႆ​ဢေႃႈ။ မိူင်း​မရၼႃႉ ၸွမ်း​ပႃႈ​လင်​ၵေႃႉ​ၼၼ်ႉ​ဢေႃႈ။ မၼ်း​လႆႈ​ဢုပ်ႉ​ပိူင်ႇ​လိၼ်​မိူင်း သီႇ​ပုၼ်ႈ​ပုၼ်ႈ​ၼိုင်ႈ​လႄႈ လႆႈ​ဢၶႂၢင်ႉ​ဢၼ်​ဢဝ်​တၢႆ လူၺ်ႈ​ၽေး​လၢပ်ႇ၊ ၽေး​တၢင်း​ဢၼ်​ဢိုပ်း​ယၢၵ်ႈ၊ ၽေး​တၢင်း​ဢၼ်​ပဵၼ်​လႄႈ​တၢႆ ဢိၵ်ႇ​တင်း ၽေး​တူဝ်​ထိူၼ်ႇ​ဢေႃႈ။</verse>
				<verse number="9">မိူဝ်ႈ​ဢၼ်​ၽုၺ်ႇ​တၼ်း​သိၵ်ႈ ပိၼ်ႇၸမႃႉ​ၼၼ်ႉ​ၸိုင် ၵဝ်​ႁၼ်​ဝီႉၺိၺ်ႇ​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ဢဝ်​တၢႆ ၵွပ်ႈ​ပိူဝ်ႈ​ၼုၵ်ႈၵပၢတ်ႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵွပ်ႈ​ပိူဝ်ႈ​လွင်ႈ​တၢင်း​ဢၼ် တူဝ်​ၸဝ်ႈ​ၵဝ်ႇ​ၶၢမ်ႇ​သၢၵ်ႈ​သေႇ​ၸိူဝ်း​ၼၼ်ႉ ၵႃႈ​တႂ်ႈ​ယိတ်ႈ​ပလၢင်ႇ​ဢေႃႈ။-</verse>
				<verse number="10">ၶဝ်​ၼၼ်ႉ ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​လႄႈ​ဝႃႈ၊ ၸဝ်ႈ​ဢၼ်​ဢုပ်ႉ​ပိူင်ႇ​လႄႈ ပဵၼ်​ဢၼ်​မူတ်း​ၸၢင်ႇ ဢၼ်​မၢၼ်ႇ​မႅၼ်ႈ​ၸိုဝ်ႈ​ၸႂ်ႈ​တီႈ​ၶႃႈ၊ ယင်း​ဢမ်ႇ​ၸီႇ​ယၢင်ႇ​လႄႈ ပၼ်​တၢမ်ႇ​ၸွမ်း​ၼင်ႇ​ဢပႅတ်ႈ ဢၼ်​ၶဝ်​ၸိူဝ်း​ဢၼ် ယူႇ​ၵႃႈ​ၼိူဝ်​လိၼ်​မိူင်း​တင်း​လၢႆ ထွၵ်ႇ​လိူတ်ႈ​ႁဝ်း​ၶႃႈ​ပႅတ်ႈ​ၼၼ်ႉ​လႄႈ တၵ်း​ယူႇ​လၢႆ​ၶိင်ႇ​လၢႆ​မိူဝ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="11">မၼ်း​ၸဝ်ႈ​ပၼ်​ၶူဝ်း​ၼုင်ႈ​ဢၼ်​ၽိူၵ်ႇ​ဢၼ်​ၶၢဝ်​တီႈ​ၶဝ်​ၼၼ်ႉ​ဢေႃႈ။ မၼ်း​ၸဝ်ႈ​မီး​ဢမိင်ႉ​တီႈ​ၶဝ်​လႄႈ​ဝႃႈ၊ ၸူဝ်ႈ​ဢၼ်​ပီႈ​ၼွင်ႉ ၵေႃႉ​သေႈ ဢၼ်​သၢင်ႈ​ႁဵတ်း​လူၺ်ႈ​ၵၼ်​တင်း​သူ၊ ဢၼ်​တၵ်း​လႆႈ​ၶၢမ်ႇ​တၢင်း​ဢၼ်​ဢဝ်​တၢႆ​မိူၼ်​ၸိူဝ်ႉ​ၼင်ႇ​သူ​ၼၼ်ႉ ဢမ်ႇ​ပႆႇ​ႁွတ်ႈ​ထိုင်​တၢင်း​ဢၼ်​ပျေႉ​ၸုမ်ႇ​ၼၼ်ႉ​ၸိုင် တၵ်း​လႆႈ​ယူႇ​ၼိမ်​ၼိမ်​ၵမ်း​ၼိုင်ႈ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">မိူဝ်ႈ​ဢၼ်​ၽုၺ်ႇ​တၼ်း​သိၵ်ႈ သႃႉထမႃႉ​ၼၼ်ႉ​ၸိုင် ၵဝ်​ႁၼ်​တၢင်း​ဢၼ်​ပဵၼ် ဢိင်ႇ​သၼ်ႇ ယႂ်ႇ​ၼႃႇ​လူင်​လၢင်​ဢေႃႈ။ ၵၢင်​ဝၼ်း​လမ်​ၵႂႃႇ မိူၼ်​ၸိူဝ်ႉ​ၼင်ႇ​ၶူဝ်း​လဵင်း​ၵျၢမ်း ဢၼ်​ဢဝ်​တင်း​ၶူၼ်​တေႃး​ႁဵတ်း​ၼၼ်ႉ​ဢေႃႈ။ လိူၼ်​ၵေႃႈ ပဵၼ်​ၸိူဝ်ႉ​ၼင်ႇ​လိူတ်ႈ ဝႆႉ​ဢေႃႈ။-</verse>
				<verse number="13">လၢဝ်​ၵၢင်​ႁၢဝ်​တင်း​လၢႆ​ၵေႃႈ၊ တူၵ်း​မႃး​ၵႃႈ​ၼိူဝ်​လိၼ်​မိူင်း မိူၼ်​ၸိူဝ်ႉ​ၼင်ႇ​ဢၼ်​မၢၵ်ႇ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ဢၼ်​ၶိင်ႇ​ဢၼ်​ဢမ်ႇ​ပႆႇ​ထုၵ်ႇ​ၸိူဝ်း​ၼၼ်ႉ ႁူင်ႈ​တူၵ်း​ၼႂ်း​မိူဝ်ႈ​ဢၼ်​လူမ်း​ႁႅင်း​ထူဝ်း​မၼ်း​ၼၼ်ႉ​ဢေႃႈ။-</verse>
				<verse number="14">ၽႃႉ​ၵၢင်​ႁၢဝ်​ၵေႃႈ ပိဝ်​ၵႂႃႇ​မိူၼ်​ၸိူဝ်ႉ​ၼင်ႇ ႁမ်း​လိၵ်ႈ​ဢေႃႈ။ လွႆ​ၵူႈ​လုၵ်ႈ ဢိၵ်ႇ​တင်း​ၵုၼ်​ၼႂ်း​ၼမ်ႉ ၵူႈ​လုၵ်ႈ​ၵေႃႈ ၶၢႆႉ​သေ​တီႈ​ဢၼ်​ၶဝ်​ယူႇ ၼၼ်ႉ​ဢေႃႈ။-</verse>
				<verse number="15">ၸႃႉ​ၸဵမ်​ၶုၼ်​ႁေႃ​ၶမ်း​လေႃးၵီႇ​တင်း​လၢႆ​လႄႈ ၽွင်း​မိူင်း၊ ပူဝ်ႇ​သိုၵ်း၊ ၵူၼ်း​မၢၵ်ႈ​ၵူၼ်း​မီး၊ ၵေႃႉ​ဢၼ်​ႁႅင်း​ယႂ်ႇ၊ ၶႃႈ တင်း​ၵူၼ်း​လွတ်ႈ၊ ၵႃႈ​မီး​တင်း​သဵင်ႈ​တင်း​လူင် ဢွၼ်​ၵၼ်​ပၢႆႈ​တဵတ်ႇ​ယူႇ ၵႃႈ​ၼႂ်း​ၶုမ်​လိၼ်​ႁူး​လိၼ် ဢိၵ်ႇ​တင်း ၵႃႈ​ၼႂ်း​မၢၵ်ႇ​ႁိၼ်​မၢၵ်ႇ​ၽႃ ဢၼ်​မီး​ၵႃႈ​ၼိူဝ်​လွႆ​တင်း​လၢႆ​ၼၼ်ႉ​လႄႈ ႁွင်ႉ​လၢတ်ႈ​တီႈ​လွႆ​တင်း​မၢၵ်ႇ​ႁိၼ်​ၸိူဝ်း​ၼၼ်ႉ​လႄႈ​ဝႃႈ၊ တူၵ်း​သႂ်ႇ​ၵႃႈ​ၼိူဝ်​ႁဝ်း​သေ​ၵမ်း၊-</verse>
				<verse number="16">ႁႄႉ​ၵင်ႈ​ၼႃႈ​ၸဝ်ႈ ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​မၼ်း​ၸဝ်ႈ ဢိၵ်ႇ​တင်း တၢင်း​ၸႂ်​မႆႈ​သူဝ်း​ဢွၼ်ႇ​ၼၼ်ႉ​လႄႈ ႁူမ်ႇ​သုမ်ႇ​ႁဝ်း​ဝႆႉ​သေ​ၵမ်း၊-</verse>
				<verse number="17">ဝၼ်း​ယႂ်ႇ​ဝၼ်း​လူင်​ဢၼ်​တၢင်း​ၸႂ်​မႆႈ​မၼ်း​ၸဝ်ႈ ထၢင်ႇ​သႃး​ၼၼ်ႉ ႁွတ်ႈ​ထိုင်​ယဝ်ႉ​လူင်​ပႄႇ။ ၽူႈ​လႂ်​တၵ်း​ၸုၵ်း​ၶၢမ်ႇ​လႄႈ ယူႇ​လႆႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="7">
				<verse number="1">ဝၢႆး​ၼၼ်ႉ ၵဝ်​ႁၼ်​တမၢၼ်ႇ​ၵၢင်​ႁၢဝ် သီႇ​ပႃး ယိပ်း​ၵမ်​လူမ်း ဢၼ်​မီး​ၵႃႈ​ၼိူဝ်​လိၼ်​မိူင်း​သီႇ​ၼႃႈ​ယူႇ​သေ​လႄႈ ၸုၵ်း​ယူႇ​သီႇ​ၼႃႈ​ၼၼ်ႉ ႁႂ်ႈ​လူမ်း​ဢမ်ႇ​လႆႈ​ထူဝ်း​မႃး​ၵႃႈ​တီႈ​လိၼ်​မိူင်း ဢိၵ်ႇ​တင်း​ပၢင်ႇ​လၢႆႇ တင်း​တူၼ်ႈ​မႆႉ​တင်း​လၢႆ​ဢေႃႈ။-</verse>
				<verse number="2">ၵဝ်​ႁၼ်​တမၢၼ်ႇ​ၵၢင်​ႁၢဝ်​ပႃး​ၼိုင်ႈ ဢၼ်​ပႃး​ဢဝ်​တင်း တၼ်း​သိၵ်ႈ​ၽြႃး​ပဵၼ်​ၸဝ်ႈ​ဢၼ်​ဢသၢၵ်ႈ​လိပ်း​ယူႇ​ၼၼ်ႉ လုၵ်ႉ​သေ​ၵႃႈ​တီႈ​ၼႃႈ​တၢင်း​ဢွၵ်ႇ ၶိုၼ်ႈ​မႃး​ဢေႃႈ။ မၼ်း​ၼၼ်ႉ​ၵေႃႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​တီႈ တမၢၼ်ႇ​ၵၢင်​ႁၢဝ်​သီႇ​ပႃး ဢၼ်​လႆႈ​ဢၶႂၢင်ႉ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​လိၼ် ဢိၵ်ႇ​တင်း​ပၢင်ႇ​လၢႆႇ​ၼၼ်ႉ​လႄႈ​ဝႃႈ၊-</verse>
				<verse number="3">ၸူဝ်ႈ​ဢၼ်​ႁဝ်း​ဢမ်ႇ​ပႆႇ​တွၵ်ႇ​တၼ်း​သိၵ်ႈ ၵႃႈ​တီႈ​ၼႃႈ​ၽၢၵ်ႇ​ၶႃႈ ၽြႃး​ပဵၼ်​ၸဝ်ႈ​တင်း​လၢႆ​ၼၼ်ႉ​ၸိုင်၊ ယႃႇ​ပေ​ၼိၵ်ႈ​ၸၢၵ်ႈ​ငႅၼ်း​သႄး လိၼ်​ဢိၵ်ႇ​တင်း​ပၢင်ႇ​လၢႆႇ တင်း​တူၼ်ႈ​မႆႉ​တင်း​လၢႆ​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="4">ၵဝ်​ငိၼ်း​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၶဝ်​ၸိူဝ်း​ဢၼ်​လႆႈ​ၶၢမ်ႇ တၢင်း​ဢၼ်​တွၵ်ႇ​တၼ်း​သိၵ်ႈ​ၼၼ်ႉ​လႄႈ ၵႃႈ​ၼႂ်း​ၵူၼ်း​ ဢီႉသရေႇလႃႉ ​တင်း​လၢႆ၊ ၵႃႈ​တီႈ​မဵဝ်း​ႁင်း​ၽႂ်​ႁင်း​မၼ်း​ၼၼ်ႉ ၵူၼ်း သႅၼ်​ၼိုင်ႈ​ပၢႆ​သီႇ​မိုၼ်ႇ​ပၢႆ​သီႇ​ႁဵင် လႆႈ​ၶၢမ်ႇ​တၢင်း​ဢၼ် တွၵ်ႇ​တၼ်း​သိၵ်ႈ​ဝႆႉ​ဢေႃႈ။-</verse>
				<verse number="5">ၵႃႈ​ၼႂ်း​မဵဝ်း​ ယူႉတႃႉ ​မိုၼ်ႇ​ၼိုင်ႈ​ပၢႆ​သွင်​ႁဵင်၊ ၵႃႈ​ၼႂ်း​မဵဝ်း​ ရူႉပိၼ်ႇ ​မိုၼ်ႇ​ၼိုင်ႈ​ပၢႆ​သွင်​ႁဵင်၊ ၵႃႈ​ၼႂ်း​မဵဝ်း​ ၵၢတ်ႉ ​မိုၼ်ႇ​ၼိုင်ႈ​ပၢႆ​သွင်​ႁဵင်၊-</verse>
				<verse number="6">ၵႃႈ​ၼႂ်း​မဵဝ်း​ ဢႃႇသႃႇ ​မိုၼ်ႇ​ၼိုင်ႈ​ပၢႆ​သွင်​ႁဵင်၊ ၵႃႈ​ၼႂ်း​မဵဝ်း​ ၼပ်ႉထလီႉ ​မိုၼ်ႇ​ၼိုင်ႈ​ပၢႆ​သွင်​ႁဵင်၊ ၵႃႈ​ၼႂ်း​မဵဝ်း​ မၼႃႇ​သေႇ ​မိုၼ်ႇ​ၼိုင်ႈ​ပၢႆ​သွင်​ႁဵင်၊-</verse>
				<verse number="7">ၵႃႈ​ၼႂ်း​မဵဝ်း​ သီႉမုၼ်ႇ ​မိုၼ်ႇ​ၼိုင်ႈ​ပၢႆ​သွင်​ႁဵင်၊ ၵႃႈ​ၼႂ်း​မဵဝ်း​ လေႇဝီႉ ​မိုၼ်ႇ​ၼိုင်ႈ​ပၢႆ​သွင်​ႁဵင်၊ ၵႃႈ​ၼႂ်း​မဵဝ်း​ ဢီႉသၶႃႇ ​မိုၼ်ႇ​ၼိုင်ႈ​ပၢႆ​သွင်​ႁဵင်၊-</verse>
				<verse number="8">ၵႃႈ​ၼႂ်း​မဵဝ်း​ ၸေႇပူႉလုၼ်ႇ ​မိုၼ်ႇ​ၼိုင်ႈ​ပၢႆ​သွင်​ႁဵင်၊ ၵႃႈ​ၼႂ်း​မဵဝ်း​ ယူဝ်းသႅပ်ႈ ​မိုၼ်ႇ​ၼိုင်ႈ​ပၢႆ​သွင်​ႁဵင်၊ ၵႃႈ​ၼႂ်း​မဵဝ်း​ ပိၼ်ႇယႃႇမိၼ်ႇ ​မိုၼ်ႇ​ၼိုင်ႈ​ပၢႆ​သွင်​ႁဵင်၊ ၸိူဝ်း​ၼၼ်ႉ​လႆႈ​ၶၢမ်ႇ​တၢင်း​ဢၼ်​တွၵ်ႇ​တၼ်း​သိၵ်ႈ​ဝႆႉ​ဢေႃႈ။</verse>
				<verse number="9">လိုၼ်း​ၼၼ်ႉ ၵဝ်​တူၺ်း​လႄႈ​ႁၼ်​ၵူၼ်း​ၼမ်​ၼႃႇ ဢၼ်​ၽူႈ​လႂ်​ဢမ်ႇ​ၼပ်ႉ​ဢမ်ႇ​ဢၢၼ်ႇ​လႆႈ ဢၼ်​ဢွၵ်ႇ​သေ​ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​ၶိူဝ်း ဢၼ်​လၢတ်ႈ​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ ၼုင်ႈ​ၶူဝ်း​ၼုင်ႈ​ဢၼ်​ၽိူၵ်ႇ​ဢၼ်​ၶၢဝ်​ယူႇ၊ ယိပ်း​ၵမ်​ၵိင်ႇ​ တူၼ်ႈ​ၸုၼ်ႇပလုၼ်ႇ ​လႄႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ပလၢင်ႇ​ၸဝ်ႈ ဢိၵ်ႇ​တင်း​ၽၢႆႇ​ၼႃႈ​သူဝ်း​ဢွၼ်ႇ​ယူႇ​ဢေႃႈ။-</verse>
				<verse number="10">ၶဝ်​ၼၼ်ႉ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​လႄႈ​ဝႃႈ၊ ႁႂ်ႈ​ၽြႃး​ပဵၼ်​ၸဝ်ႈ​ႁဝ်း ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၸဝ်ႈ ဢိၵ်ႇ​တင်း​သူဝ်း​ဢွၼ်ႇ​ၼႆႉ မီး​ၵတ်း​ယဵၼ်​ၶျၢမ်း​သႃႇ တၢင်း​ဢၼ်​ၵႄႇ​ၶျွတ်ႈ​ဢဝ်​သေ​ၵမ်း​လူၺ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ယူႇ​ဢေႃႈ။-</verse>
				<verse number="11">တမၢၼ်ႇ​ၵၢင်​ႁၢဝ်​တင်း​သဵင်ႈ​တင်း​လူင် ဢၼ်​ၸုၵ်း​ယူႇ​ၵႃႈ​တီႈ​ႁိမ်း​ၸႃႉ​ၸဵမ်​ပလၢင်ႇ​ၸဝ်ႈ​လႄႈ ၵေႃႉ​ဢၼ်​ဢသၢၵ်ႈ​ယႂ်ႇ​တင်း​လၢႆ ဢိၵ်ႇ​တင်း​သတ်ႉတဝႃႇ​သီႇ​ပႃး​ၸိူဝ်း​ၼၼ်ႉ ၶုပ်ႉ​မူပ်ႇ​ၵႃႈ​တီႈ​ၽၢႆႇ​ၼႃႈ​ပလၢင်ႇ​ၸဝ်ႈ​ယူႇ၊ ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​ယူႇ​သေ​လႄႈ​-</verse>
				<verse number="12">ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ဢႃႇမိၼ်ႇ၊ ႁႂ်ႈ​ၽြႃး​ပဵၼ်​ၸဝ်ႈ​ႁဝ်း​ၼႆႉ မီး​တၢင်း​လီ​မင်ႇၵလႃႇ၊ မုၼ်​ၽုင်း၊ ပိင်ႇ​ၺႃႇ၊ တၢင်း​ဢၼ်​ယွင်ႈ​ယေႃး​ၵျေး​ၸူး၊ ၵုင်ႇ​သရေႇ၊ တၼ်း​ၶူဝ်း​တၢင်း​ၵတ်ႉ​တၢင်း​ၶၼ် ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း သေ​ၵမ်း​လူၺ်ႈ​တီႈ​ၶႃႈ။ ဢႃႇမိၼ်ႇ၊ ဝႃႈ​ၼင်ႇ​ၼႆ​ယူႇ​ဢေႃႈ။</verse>
				<verse number="13">မိူဝ်ႈ​ၼၼ်ႉ ၵေႃႉ​ဢၼ်​ဢသၢၵ်ႈ​ယႂ်ႇ​ပႃး​ၼိုင်ႈ ထၢမ်​တီႈ​ၵဝ်​လႄႈ​ဝႃႈ၊ ၶဝ်​ၸိူဝ်း​ဢၼ်​ၼုင်ႈ​ၶူဝ်း​ၼုင်ႈ​ဢၼ်​ၽိူၵ်ႇ​ဢၼ်​ၶၢဝ်​ၼၼ်ႉ​ပဵၼ်​ၽူႈ​လႂ်၊ ၶဝ်​လုၵ်ႉ​သေ​ၵႃႈ​တီႈ​လႂ်​မႃး၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊-</verse>
				<verse number="14">ၵဝ်​ၵေႃႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ဢိူၺ်း၊ ၸဝ်ႈ​ႁဝ်း​ႁူႉ​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​လၢတ်ႈ​တီႈ​ၵဝ်​လႄႈ​ဝႃႈ၊ ၶဝ်​ၸိူဝ်း​ၼႆႉ​ပဵၼ်​ၶဝ်​ၸိူဝ်း​ဢၼ်​ဢွၵ်ႇ​သေ​ၵႃႈ​ၼႂ်း​တုၵ်ႉ​ၶႃႉ​တၢင်း​ၽၢၼ်​မႃး​လႄႈ ဢဝ်​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ သၢႆႇ​လွႆး​ၵႃႈ​ၼႂ်း​လိူတ်ႈ​သူဝ်း​ဢွၼ်ႇ​ႁႂ်ႈ​ၽိူၵ်ႇ​လီ​ၶၢဝ်​လီ​ဢေႃႈ။-</verse>
				<verse number="15">ပိူဝ်ႈ​ၼႆ​လႄႈ ၶဝ်​လႆႈ​တီႈ​ယူႇ​ၵႃႈ​တီႈ​ၽၢႆႇ​ၼႃႈ​ပလၢင်ႇ​ၽြႃး​ပဵၼ်​ၸဝ်ႈ​လႄႈ လႆႈ​ႁဵတ်း​ဝၢတ်ႈ​ၽြႃး​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ ၵူႈ​ဝၼ်း​ၵူႈ​ၶိုၼ်း​ဢမ်ႇ​ထၢတ်ႇ​ဢေႃႈ။ ၸဝ်ႈ​ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၼၼ်ႉ တၵ်း​ပိုတ်ႇ​မူဝ်းၵႃႇ​ၸဝ်ႈ​လႄႈ ႁူမ်ႇ​ၶဝ်​ဝႆႉ​ဢေႃႈ။-</verse>
				<verse number="16">ၵမ်း​လိုၼ်း ၶဝ်​တၵ်း​ဢမ်ႇ​လႆႈ​ဢိုပ်း​တၢင်း​ၵိၼ်​တၢင်း​ၶူပ်း​လႄႈ လႆႈ​ယၢၵ်ႇ​ၼမ်ႉ​ယၢၵ်ႇ​ၼၢႆး။ သၢႆ​ၵၢင်​ဝၼ်း​တၵ်း​ဢမ်ႇ​လႆႈ​တိူဝ်ႉ​လႆႈ​ထုၵ်ႇ​ၶဝ်​လႃး​လႃး။ တၢင်း​ဢၼ်​မႆႈ​ဢၼ်​ႁွၼ်ႉ​ၵႃႈ​သင်​သေ​ဢမ်ႇ​ဝႃႈ ၶဝ်​တၵ်း​ဢမ်ႇ​လႆႈ​ၶၢမ်ႇ။-</verse>
				<verse number="17">လွင်ႈ​မၼ်း​ၸမ်ႉ သူဝ်း​ဢွၼ်ႇ​ဢၼ်​မီး​ယူႇ​ၵႃႈ​ၼႂ်း​ၶိုင်ႈ​ၵၢင်​ပလၢင်ႇ​ၸဝ်ႈ​ၼၼ်ႉ တၵ်း​ႁဵတ်း​လဵင်ႉ​ႁဵတ်း​လူ​ၶဝ်​လႄႈ ၼႄ​ပျႃး​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ ၼမ်ႉ​ဢွၵ်ႇ​ႁူး​ဢသၢၵ်ႈ​ၼၼ်ႉ​ဢေႃႈ။ ၽြႃး​ပဵၼ်​ၸဝ်ႈ​ၵေႃႈ တၵ်း​ၸဵတ်ႉ​ၼမ်ႉ​တႃ​ၶဝ် ၵႃႈ​မီး​တင်း​သဵင်ႈ​တင်း​လူင်​ပႅတ်ႈ​သေ ၵႃႈ​ၼႂ်း​မၢၵ်ႇ​တႃ​ၶဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="8">
				<verse number="1">မိူဝ်ႈ​ဢၼ်​ၽုၺ်ႇ​တၼ်း​သိၵ်ႈ သတ်ႉတမႃႉ​ၸိုင် ၵႃႈ​ၼိူဝ်​မိူင်း​ၵၢင်​ႁၢဝ်​ၼၼ်ႉ မီး​တၢင်း​ဢၼ်​သဵတ်ႇ​ယဵၼ်​ၵႂႃႇ​သေ ၶိုင်ႈ​ၼႃႇရီႇ​ၼိုင်ႈ​ဢေႃႈ။</verse>
				<verse number="2">ၵဝ်​ႁၼ်​တမၢၼ်ႇ​ၵၢင်​ႁၢဝ် ဢၼ်​ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ ၸဵတ်း​ပႃး​ဢေႃႈ။ ၶဝ်​ၼၼ်ႉ လႆႈ​ၶၢမ်ႇ​ဢဝ်​ၼႄး​ၶရႃႇ​ၸဵတ်း​ဢၼ်​ဢေႃႈ။-</verse>
				<verse number="3">တမၢၼ်ႇ​ၵၢင်​ႁၢဝ်​ပႃး​ၼိုင်ႈ​မႃး​လႄႈ ယိပ်း​ၵမ်​လၢင်ႇ​ပၢၼ်း​ၶမ်း ၸုၵ်း​ယူႇ​ၵႃႈ​တီႈ​ႁိမ်း ယိတ်ႈပလၢင်ႇ​ဢေႃႈ။ မၼ်း​ၶၢမ်ႇ​ဢဝ်​ၼၢမ်ႇ​သႃႇ ပုၼ်ႈ​ဢၼ်​တၵ်း​တုတ်ႇ​ၽႆး​ၼမ်​ၼႃႇ ႁႂ်ႈ​လႆႈ​သၢၵ်ႈ​ၵၢပ်ႈ​လူၺ်ႈ​ၵၼ်​တင်း ပထၼႃႇ​ၵူၼ်း​မူတ်း​ၸၢင်ႇ​တင်း​သဵင်ႈ​တင်း​လူင် ၵႃႈ​ၼိူဝ်​ယိတ်ႈ​ပလၢင်ႇ​ၶမ်း ဢၼ်​မီး​ၵႃႈ​တီႈ​ၽၢႆႇ​ၼႃႈ​ပလၢင်ႇ​ၸဝ်ႈ​ၼၼ်ႉ​ဢေႃႈ။-</verse>
				<verse number="4">ဢၢႆ​ၵႂၼ်း​ၼၢမ်ႇ​သႃႇ ပုၼ်ႈ​ဢၼ်​တုတ်ႇ​ၽႆး ဢိၵ်ႇ​တင်း​ပထၼႃႇ​ၵူၼ်း​မူတ်း​ၸၢင်ႇ​တင်း​လၢႆ​ၼၼ်ႉ ဢွၵ်ႇ​သေ​ၵႃႈ​ၼႂ်း​မိုဝ်း​တမၢၼ်ႇ​ၵၢင်​ႁၢဝ် ၶိုၼ်ႈ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။</verse>
				<verse number="5">တမၢၼ်ႇ​ၵၢင်​ႁၢဝ်​ၼၼ်ႉ ဢဝ်​လၢင်ႇ​ပၢၼ်း​သေ​လႄႈ ႁႂ်ႈ​တဵမ်​ဝႆႉ​တင်း​ၽႆး​ယိတ်ႈ​ပလၢင်ႇ​သေ​ယဝ်ႉ ၶျႃး​တူၵ်း​ၵႃႈ​ၼိူဝ်​လိၼ်​မိူင်း​လႄႈ ပဵၼ်​တၢင်း​ဢၼ်​ၽႃႉ​လင်၊ တၢင်း​ဢၼ်​ၽႃႉ​မႅပ်ႈ၊ တၢင်း​ဢၼ်​သဵင်​ႁူၼ်ႈ​သဵင်​မေႃး၊ တၢင်း​ဢၼ်​ဢိင်ႇ​သၼ်ႇ​ဢေႃႈ။</verse>
				<verse number="6">တမၢၼ်ႇ​ၵၢင်​ႁၢဝ်​ၸဵတ်း​ပႃး ဢၼ်​မီး​ၼႄး​ၶရႃႇ ၸဵတ်း​ဢၼ်​ၼၼ်ႉ မႄး​ႁႅၼ်း​တူဝ်​ၸဝ်ႈ​ၵဝ်ႇ​ဝႆႉ ႁႂ်ႈ​လႆႈ​ပဝ်ႇ​ဢေႃႈ။</verse>
				<verse number="7">မိူဝ်ႈ​ဢၼ်​ပႃး​ပထမႃႉ ပဝ်ႇ​ၼႄး​ၶရႃႇ​ၼၼ်ႉ​ၸိုင် ပဵၼ်​မၢၵ်ႇ​ႁဵပ်း​တင်း​ၽႆး ဢၼ်​လေႃး​ၵၼ်​တင်း​လိူတ်ႈ​ဢေႃႈ။ ဢဝ်​ၶျႃး​တူၵ်း​သႂ်ႇ​ၵႃႈ​ၼိူဝ်​လိၼ်​မိူင်း​လႄႈ လိၼ်​သၢမ်​ပုၼ်ႈ​ပုၼ်ႈ​ၼိုင်ႈ၊ တူၼ်ႈ​မႆႉ​သၢမ်​ပုၼ်ႈ​ပုၼ်ႈ​ၼိုင်ႈ၊ ယိူဝ်ႈ​ဢၼ်​ၶဵဝ်​ၵႃႈ​မီး​တင်း​သဵင်ႈ​တင်း​လူင် ပဵၼ်​တၢင်း​ဢၼ်​မႆႈ​ၽႆး​ၵႂႃႇ​ဢေႃႈ။</verse>
				<verse number="8">မိူဝ်ႈ​ဢၼ်​တမၢၼ်ႇ​ၵၢင်​ႁၢဝ် တူႉတီႉယႃႉ ပဝ်ႇ​ၼႄး​ၶရႃႇ​ၼၼ်ႉ​ၸိုင် ပဵၼ်​ၸိူဝ်ႉ​ၼင်ႇ​ဢၼ် ဢဝ်​လွႆ​လူင်​ဢၼ်​မႆႈ​ၽႆး​ၼၼ်ႉ ၶျႃး​တူၵ်း​သႂ်ႇ​ၵႃႈ​ၼႂ်း​ပၢင်ႇ​လၢႆႇ​ၼၼ်ႉ​လႄႈ ပၢင်ႇ​လၢႆႇ​သၢမ်​ပုၼ်ႈ​ပုၼ်ႈ​ၼိုင်ႈ ပဵၼ်​လိူတ်ႈ​ၵႂႃႇ​ဢေႃႈ။-</verse>
				<verse number="9">သတ်ႉတဝႃႇ​ဢၼ်​ဢသၢၵ်ႈ​လိပ်း​ယူႇ ၵႃႈ​ၼႂ်း​ပၢင်ႇ​လၢႆႇ​တင်း​လၢႆ​ၼၼ်ႉ သၢမ်​ပုၼ်ႈ​ပုၼ်ႈ​ၼိုင်ႈ​ၵေႃႈ တၢႆ​ဢေႃႈ။ ႁိူဝ်း​သၢင်း​ၽေႃး​တင်း​လၢႆ​ၵေႃႈ သၢမ်​ပုၼ်ႈ​ပုၼ်ႈ​ၼိုင်ႈ လူႉ​ၵႂႃႇ​ဢေႃႈ။</verse>
				<verse number="10">မိူဝ်ႈ​ဢၼ်​တမၢၼ်ႇ​ၵၢင်​ႁၢဝ် တႃႉတီႉယႃႉ ပဝ်ႇ​ၼၼ်ႉ​ၸိုင် လၢဝ်​လူင်​လုၵ်ႈ​ၼိုင်ႈ ဢၼ်​ႁိူဝ်ႈ​လႅင်း​ၸိူဝ်ႉ​ၼင်ႇ​ဝၢၼ်ႇ​ၽႆး​တဵၼ်း​ၼၼ်ႉ တူၵ်း​သေ​ၵႃႈ​ၼိူဝ်​ၵၢင်​ႁၢဝ်​လႄႈ ႁွတ်ႈ​ထိုင်​ၵႃႈ​ၼိူဝ်​ၼမ်ႉ​ႁွင်ႈ​တင်း​လၢႆ သၢမ်​ပုၼ်ႈ​ပုၼ်ႈ​ၼိုင်ႈ ဢိၵ်ႇ​တင်း​ၵႃႈ​ၼိူဝ်​ၼမ်ႉ​ဢွၵ်ႇ​ႁူး​တင်း​လၢႆ​ဢေႃႈ။-</verse>
				<verse number="11">လၢဝ်​ၼၼ်ႉ လႆႈ​ၸိုဝ်ႈ​ဝႃႈ၊ မႂ်​ တေႃးၼႃႉ ​ဢေႃႈ။ ၼမ်ႉ​သၢမ်​ပုၼ်ႈ​ပုၼ်ႈ​ၼိုင်ႈ​ပဵၼ်​မႂ်​ တေႃးၼႃႉ ​ၵႂႃႇ​လႄႈ ၵူၼ်း​ၼမ်​ၼႃႇ​တၢႆ​ၵွပ်ႈ​ပိူဝ်ႈ​ဢၼ်​ၼမ်ႉ​ၼၼ်ႉ ၶူမ်​ၼႃႇ​လူင်​လၢင်​ၼၼ်ႉ​ဢေႃႈ။</verse>
				<verse number="12">မိူဝ်ႈ​ဢၼ်​တမၢၼ်ႇ​ၵၢင်​ႁၢဝ် ၸတုၵ်ႉထႃႉ ပဝ်ႇ​ၼႄး​ၶရႃႇ​ၼၼ်ႉ​ၸိုင် ၵၢင်​ဝၼ်း​သၢမ်​ပုၼ်ႈ​ပုၼ်ႈ​ၼိုင်ႈ၊ လိူၼ်​သၢမ်​ပုၼ်ႈ​ပုၼ်ႈ​ၼိုင်ႈ၊ လၢဝ်​တင်း​လၢႆ​သၢမ်​ပုၼ်ႈ​ပုၼ်ႈ​ၼိုင်ႈ မိုတ်ႉ​လႄႈ သၢမ်​ပုၼ်ႈ​ပုၼ်ႈ​ၼိုင်ႈ လပ်း​သိင်ႇ​ၵႂႃႇ​ဢေႃႈ။ ဝၼ်း​သၢမ်​ပုၼ်ႈ​ပုၼ်ႈ​ၼိုင်ႈ၊ ၶိုၼ်း​သၢမ်​ပုၼ်ႈ​ပုၼ်ႈ​ၼိုင်ႈ ဢမ်ႇ​မီး​ဢၼ်​လႅင်း။</verse>
				<verse number="13">ၵမ်း​ၼၼ်ႉ ၵဝ်​တူၺ်း​လႄႈ​ငိၼ်း လၢင်း​တႃႉ​ၶမ်း​တူဝ်​ၼိုင်ႈ မိၼ်​ယူႇ​ၵႃႈ​ၼိူဝ် ၶိုင်ႈ​ၵၢင်​ၽႃႉ​ၵၢင်​ႁၢဝ်​သေ​လႄႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​လႄႈ​ဝႃႈ၊ ၵူၼ်း​ၵႃႈ​ၼိူဝ်​လိၼ်​မိူင်း​တင်း​လၢႆ​ၼႆႉ မီး​ဢႃႉ​မင်ႇၵလႃႇ၊ ဢႃႉ​မင်ႇၵလႃႇ၊ ဢႃႉ​မင်ႇၵလႃႇ၊ ၵွပ်ႈ​ပိူဝ်ႈ​သဵင်​ၼႄး​ၶရႃႇ တမၢၼ်ႇ​ၵၢင်​ႁၢဝ်​သၢမ်​ပႃး ဢၼ်​ၸမ်​တၵ်း​ပဝ်ႇ​ဢၼ်​ယင်း​ၵိုတ်း​ယင်း​ၵျၢၼ်ႇ​ယူႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="9">
				<verse number="1">မိူဝ်ႈ​ဢၼ်​တမၢၼ်ႇ​ၵၢင်​ႁၢဝ် ပိၼ်ႇၸမႃႉ ပဝ်ႇ​ၼႄး​ၶရႃႇ​ၼၼ်ႉ​ၸိုင် ၵဝ်​ႁၼ်​လၢဝ်​လုၵ်ႈ​ၼိုင်ႈ လုၵ်ႉ​သေ​ၵႃႈ​ၼိူဝ်​ၵၢင်​ႁၢဝ် တူၵ်း​လူင်း​ၵႃႈ​တီႈ​လိၼ်​မိူင်း​ဢေႃႈ။ မၼ်း​ၼၼ်ႉ​ၵေႃႈ လႆႈ​ၶၢမ်ႇ​ဢဝ်​သေႃး​ၶုမ်​သေႃး​ႁူး ဢၼ်​လိုၵ်ႉ​ၼႃႇ​သေ​ပိူၼ်ႈ​ၼၼ်ႉ​ယဝ်ႉ။-</verse>
				<verse number="2">မိူဝ်ႈ​ဢၼ်​မၼ်း ၽုၺ်ႇ​ၶုမ်​ၽုၺ်ႇ​ႁူး ဢၼ်​လိုၵ်ႉ​ၼႃႇ​သေ​ပိူၼ်ႈ​ၼၼ်ႉ​ယဝ်ႉ​ၼၼ်ႉ​ၸိုင် ဢၢႆ​ၵႂၼ်း​မိူၼ်​ၸိူဝ်ႉ​ၼင်ႇ ဢၢႆ​ၵႂၼ်း​မုၵ်ႉ​ၽႆး​ဢၼ်​ယႂ်ႇ​ၼႃႇ ဢွၵ်ႇ​သေ​ၵႃႈ​ၼႂ်း​ၶုမ်​ၼႂ်း​ႁူး​ၼၼ်ႉ​မႃး​ဢေႃႈ။ ၵွပ်ႈ​ပိူဝ်ႈ​ၵႂၼ်း​ၽႆး ၼႂ်း​ၶုမ်​ၼႂ်း​ႁူး​ၼၼ်ႉ​လႄႈ ၵၢင်​ဝၼ်း​တင်း​ဢႃႇၵႃႇသႃႉ​ၵၢင်​ႁၢဝ် ပဵၼ်​ဢၼ်​လပ်း​သိင်ႇ​ၵႂႃႇ​ဢေႃႈ။-</verse>
				<verse number="3">မႅင်း​ၵႅင်း​တင်း​လၢႆ ဢွၵ်ႇ​သေ​ၵႃႈ​ၼႂ်း​ၵႂၼ်း​ၽႆး​ၼၼ်ႉ ၶိုၼ်ႈ​ၵႃႈ​ၼိူဝ်​လိၼ်​မိူင်း​လႄႈ လႆႈ​တၼ်း​ၶူဝ်း​ၸိူဝ်ႉ​ၼင်ႇ​တၼ်း​ၶူဝ်း​မႅင်း​ငေႃး ၵႃႈ​ၼိူဝ်​လိၼ်​ၼႆႉ​ဢေႃႈ။-</verse>
				<verse number="4">ၶဝ်​လႆႈ​ၶၢမ်ႇ​ဢဝ်​ပိင်း​ၺၢပ်ႈ လွင်ႈ​ဢၼ်​ပႄႇ​ဝႆႉ​သေ ၸႃႉ​ၸဵမ်​ယိူဝ်ႈ​ယႃႈ ၵႃႈ​ၼိူဝ်​လိၼ်​မိူင်း​လႄႈ လွင်ႈ​တၢင်း​ဢၼ်​လိပ်း​ဢၼ်​ၶဵဝ် ဢိၵ်ႇ​တင်း တူၼ်ႈ​မႆႉ​တင်း​လၢႆ​သေ​လႄႈ တၵ်း​လႆႈ​ၼိၵ်ႈ​ၸၢၵ်ႈ​ငႅၼ်း​သႄး ၶဝ်​ၸိူဝ်း​ဢၼ်​ဢမ်ႇ​လႆႈ​ၶၢမ်ႇ တၢင်း​ဢၼ်​တွၵ်ႇ​တၼ်း​သိၵ်ႈ​ၽြႃး​ပဵၼ်​ၸဝ်ႈ တီႈ​ၼႃႈ​ၽၢၵ်ႇ​ၼၼ်ႉ​ၵူၺ်း​ဢေႃႈ။-</verse>
				<verse number="5">ၶဝ်​ဢမ်ႇ​လႆႈ​ဢၶႂၢင်ႉ ဢၼ်​လႆႈ​ဢဝ်​ၶဝ်​ၼၼ်ႉ​တၢႆ​လႄႈ မီး​ဢၶႂၢင်ႉ​ဢၼ်​တၵ်း​လႆႈ ႁႂ်ႈ​ပဵၼ်​ဝူၺ်ႇတၼႃႇ​ဢၼ်​ယႂ်ႇ​ၼႃႇ ႁႃႈ​လိူၼ် တဵမ်​တဵမ်​ဢေႃႈ။ ဝူၺ်ႇတၼႃႇ​ဢၼ်​ၶဝ်​ႁႂ်ႈ​ပဵၼ်​ၼၼ်ႉ​ၸမ်ႉ ပဵၼ်​ၸိူဝ်ႉ​ၼင်ႇ​ဝူၺ်ႇတၼႃႇ ဢၼ်​မႅင်း​ငေႃး​ၸၢင်ႈ​ၸီႈ​ၵူၼ်း​ၼၼ်ႉ​ဢေႃႈ။</verse>
				<verse number="6">ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ၼၼ်ႉ ၵူၼ်း​တင်း​လၢႆ တၵ်း​ႁႃ​တၢင်း​တၢႆ​ဢေႃႈ။ ႁႃ​သေ​ၵေႃႈ​ဢမ်ႇ​ထူပ်း​ဢမ်ႇ​လႆႈ။ ပိၵ်ႉ​သမ်ႉ​ၶႂ်ႈ​တၢႆ​ၼႃႇ​လူင်​လၢင်​သေ​ၵေႃႈ ၶုၼ်​တၢႆ​တၵ်း​လႅၼ်ႈ​ပၢႆႈ​ပႅတ်ႈ​ၶဝ်​ၵႂႃႇ​သေ​ဢေႃႈ။</verse>
				<verse number="7">ႁၢင်ႈ​ၽၢင်​မႅင်း​ၵႅင်း​ၸိူဝ်း​ၼၼ်ႉ၊ မိူၼ်​ၸိူဝ်ႉ​ၼင်ႇ​ႁၢင်ႈ​ၽၢင် မႃႉ​ဢၼ်​မႄး​ႁႅၼ်း​ဝႆႉ ပုၼ်ႈ​ဢၼ်​တၵ်း​တိုၵ်း​သိုၵ်း​ၼၼ်ႉ​ဢေႃႈ။ ၵႃႈ​ၼိူဝ်​ႁူဝ်​ၶဝ်​ၵေႃႈ မိူၼ်​ၸိူဝ်ႉ​ၼင်ႇ​ႁၢင်ႈ​တိုဝ်း​သရၽူႇ​ၶမ်း​ဝႆႉ​ဢေႃႈ။ ၼႃႈ​ၶဝ်​ၵေႃႈ ပဵၼ်​ၸိူဝ်ႉ​ၼင်ႇ​ၼႃႈ​ၵူၼ်း​ဢေႃႈ။-</verse>
				<verse number="8">ၶူၼ်​ႁူဝ်​ၶဝ်​ၵေႃႈ ပဵၼ်​ၸိူဝ်ႉ​ၼင်ႇ ၶူၼ်​ႁူဝ်​ၽူႈ​ယိင်း​ဢေႃႈ။ ၶဵဝ်ႈ​ၶဝ်​ၵေႃႈ ပဵၼ်​ၸိူဝ်ႉ​ၼင်ႇ​ၶဵဝ်ႈ​သၢင်ႇ​သီႈ​ဢေႃႈ။-</verse>
				<verse number="9">ၶိူင်ႈ​ဢၼ်​ႁႄႉ​ဢူၵ်း​ၶဝ်​ၵေႃႈ ပဵၼ်​ၸိူဝ်ႉ​ၼင်ႇ​ၶိူင်ႈ​လဵၵ်း​ဢၼ်​ႁႄႉ​ဢူၵ်း​ၼၼ်ႉ​ဢေႃႈ။ သဵင်​ဢၼ်​ဝီး​ပိၵ်ႇ​ၶဝ်​ၵေႃႈ ပဵၼ်​ၸိူဝ်ႉ​ၼင်ႇ​သဵင်​ရထႃး​မႃႉ​ၼမ်​ၼႃႇ​ဢၼ်​တိုၵ်း​သိုၵ်း​လႄႈ ၶုၼ်ႇ​လႅၼ်ႈ​ၼၼ်ႉ​ဢေႃႈ။-</verse>
				<verse number="10">ႁၢင်​ၶဝ်​ၵေႃႈ မိူၼ်​ၸိူဝ်ႉ​ၼင်ႇ​ႁၢင်​မႅင်း​ငေႃး​လႄႈ ၵႃႈ​ၼႂ်း​ႁၢင်​ၶဝ်​ၼၼ်ႉ မီး​ၼၢမ်​လႅမ်​ဢေႃႈ။ ၵႃႈ​ၼႂ်း​ႁၢင်​ၶဝ်​ၼၼ်ႉ မီး​ဢၶႂၢင်ႉ​တၼ်း​ၶူဝ်း ဢၼ်​လႆႈ​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​တင်း​လၢႆ ႁႃႈ​လိူၼ် တဵမ်​တဵမ်​ဢေႃႈ။-</verse>
				<verse number="11">ၶုၼ်​ႁေႃ​ၶမ်း​ၶဝ်​ၸမ်ႉ ပဵၼ်​တမၢၼ်ႇ​ၶုမ်​ႁူး​ဢၼ်​လိုၵ်ႉ​ၼႃႇ​သေ​ပိူၼ်ႈ​ၼၼ်ႉ​ဢေႃႈ။ ၸွမ်း​ၼင်ႇ​ၵႂၢမ်း​ၽႃႇသႃႇ​ ႁေႇပြႄး ​ႁွင်ႉ​ႁဵၵ်ႈ​ၸိုဝ်ႈ​မၼ်း​ဝႃႈ ဢႃႇပတ်ႉတုင်ႇ ၊ ဝႃႈ​ၼင်ႇ​ၼႆ​လႄႈ ၸွမ်း​ၼင်ႇ​ၵႂၢမ်း​ၽႃႇသႃႇ​ ႁေႇလသႃႉ ​ႁွင်ႉ​ႁဵၵ်ႈ​ၸိုဝ်ႈ​မၼ်း​ဝႃႈ၊ ဢႃပေႃးလျူင်ႇ ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ဢႃႉ​မင်ႇၵလႃႇ​ပႃး​ၼိုင်ႈ​ပူၼ်ႉ​ၵႂႃႇ​ယဝ်ႉ။ ၵမ်း​လိုၼ်း ဢႃႉ​မင်ႇၵလႃႇ​သွင်​ပႃး တၵ်း​မႃး​ထႅင်ႈ​လူး​ၵွၼ်ႇ​ဢေႃႈ။</verse>
				<verse number="13">မိူဝ်ႈ​ဢၼ်​တမၢၼ်ႇ​ၵၢင်​ႁၢဝ် သႃႉထမႃႉ ပဝ်ႇ​ၼႄး​ၶရႃႇ​ၼၼ်ႉ​ၸိုင် ၵဝ်​ငိၼ်း​သဵင်​ဢၼ်​ဢွၵ်ႇ​ၵႃႈ​ၼႂ်း​ၶဝ်​လႅမ် သီႇ​ဢၼ် ၵႃႈ​တီႈ​ယိတ်ႈ​ပလၢင်ႇ​ၶမ်း ဢၼ်​မီး​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ​လႄႈ​-</verse>
				<verse number="14">လၢတ်ႈ​တီႈ​တမၢၼ်ႇ​ၵၢင်​ႁၢဝ် သႃႉထမႃႉ ဢၼ်​မီး​ၼႄး​ၶရႃႇ​ၼၼ်ႉ​လႄႈ​ဝႃႈ၊ ပွႆႇ​တမၢၼ်ႇ​ၵၢင်​ႁၢဝ်​သီႇ​ပႃး ဢၼ်​မတ်ႉ​ၽုၵ်ႇ​ဝႆႉ​မီး​ယူႇ​ၵႃႈ​တီႈ​ႁိမ်း​ၼမ်ႉ​ႁွင်ႈ​လူင်​ ဢူႉၽရတ်ႉ ​ၸိူဝ်း​ၼၼ်ႉ​လွတ်ႈ​သေ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="15">မိူဝ်ႈ​ၼၼ်ႉ တမၢၼ်ႇ​ၵၢင်​ႁၢဝ်​သီႇ​ပႃး ဢၼ်​မႄး​ႁႅၼ်း​ဝႆႉ​ပုၼ်ႈ​ၼႃႇရီႇ​ၼိုင်ႈ၊ ဝၼ်း​ၼိုင်ႈ၊ လိူၼ်​ၼိုင်ႈ၊ ပီႊ​ၼိုင်ႈ ႁႂ်ႈ​လႆႈ​ဢဝ်​ၵူၼ်း​တင်း​လၢႆ သၢမ်​ပုၼ်ႈ​ပုၼ်ႈ​ၼိုင်ႈ​တၢႆ​ၸိူဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ပွႆႇ​လွတ်ႈ​ဢေႃႈ။-</verse>
				<verse number="16">တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၵူၼ်း​သိုၵ်း​ၶီႇ​မႃႉ​ၼၼ်ႉ​ၸမ်ႉ မီး​သွင်​သၢင်ႇ​ၶျေႇ​ဢေႃႈ။ ၵဝ်​ငိၼ်း​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၼၼ်ႉ​ဢေႃႈ။</verse>
				<verse number="17">မိူၼ်​ၸိူဝ်ႉ​ၼင်ႇ​ၼၼ် ၵဝ်​ႁၼ်​မႃႉ ဢိၵ်ႇ​တင်း​ၵူၼ်း​သိုၵ်း​ၶီႇ​မႃႉ ဢၼ်​မီး​ၶိူင်ႈ​ဢၼ်​ႁႄႉ​ဢူၵ်း ဢၼ်​ဢဝ်​တင်း​ၽႆး၊ ၵၢၼ်ႉ၊ မၢၵ်ႇ​ႁိၼ်​ဝႃႇ​ၵိၼ်ႇ​သူႉ မႄး​ႁႅၼ်း​ဝႆႉ​ယဝ်ႉ​ၸိူဝ်း​ၼၼ်ႉ ၵႃႈ​ၼႂ်း​ပျႃႇ​တိၵ်ႈ​ရူႇပႃႇရူင်ႇ​ဢေႃႈ။ ႁူဝ်​မႃႉ​ၸိူဝ်း​ၼၼ်ႉ​ပဵၼ်​ၸိူဝ်ႉ​ၼင်ႇ​ႁူဝ်​သၢင်ႇ​သီႈ​ဢေႃႈ။ ၵႃႈ​ၼႂ်း​သူပ်း​ၶဝ်​ၵေႃႈ ဢွၵ်ႇ​ပဵဝ်​ၽႆး၊ ၵႂၼ်း​ၽႆး တင်း​ၵၢၼ်ႉ​ယူႇ​ဢေႃႈ။-</verse>
				<verse number="18">ၵွပ်ႈ​ပိူဝ်ႈ​ၽေး​သၢမ်​ပႃး​ဢၼ်​ဝႃႈ​ပဵဝ်​ၽႆး၊ ၵႂၼ်း​ၽႆး​တင်း​ၵၢၼ်ႉ ဢၼ်​ဢွၵ်ႇ​ၵႃႈ​ၼႂ်း​သူပ်း​ၶဝ်​ၼၼ်ႉ​လႄႈ၊ ၵူၼ်း​တင်း​လၢႆ​သၢမ်​ပုၼ်ႈ​ပုၼ်ႈ​ၼိုင်ႈ​တၢႆ​ဢေႃႈ။-</verse>
				<verse number="19">လွင်ႈ​မၼ်း​ၸမ်ႉ တၼ်း​ၶူဝ်း​မႃႉ​ၸိူဝ်း​ၼၼ်ႉ တႄႇ​ယူႇ​ၵႃႈ​ၼႂ်း​သူပ်း​ၶဝ် ဢိၵ်ႇ​တင်း​ၵႃႈ​ၼႂ်း​ႁၢင်​ၶဝ်​ဢေႃႈ။ ႁၢင်​ၶဝ်​ၵေႃႈ​ပျေႉ​ၸုမ်ႇ​ဝႆႉ​တင်း​ႁူဝ်​လႄႈ မိူၼ်​ၸိူဝ်ႉ​ၼင်ႇ​ငူး​ဢေႃႈ။-</verse>
				<verse number="20">ၶဝ်​ၸၢင်ႈ​ဢဝ်​တင်း​ႁၢင်​ၶဝ်​ၼၼ်ႉ ၼိၵ်ႈ​ၸၢၵ်ႈ​ငႅၼ်း​သႄး​ဢေႃႈ။ ၶဝ်​ၸိူဝ်း​ဢၼ်​ၵိုတ်း​ၵျၢၼ်ႇ​ယူႇ​လႄႈ ဢမ်ႇ​တၢႆ​လူၺ်ႈ​ၽေး​တၢမ်ႇ​ၼၼ်​ၼၼ်ႉ လွင်ႈ​ၼင်ႇ​ႁိုဝ် တၵ်း​ဢမ်ႇ​ၵူဝ်း​ၵႂၢႆႇ​ၽီ ဢိၵ်ႇ​တင်း​ရုၵ်ႈ​ထူႉ​ၶမ်း၊ ရုၵ်ႈ​ထူႉ​ငိုၼ်း၊ ရုၵ်ႈ​ထူႉ​တွင်း​လႅင်၊ ရုၵ်ႈ​ထူႉ​မၢၵ်ႇ​ႁိၼ်၊ ရုၵ်ႈ​ထူႉ​မႆႉ၊ ဢၼ်​ဢမ်ႇ​ၸၢင်ႈ​ႁၼ်၊ ဢမ်ႇ​ၸၢင်ႈ​ငိၼ်း၊ ဢမ်ႇ​ၸၢင်ႈ​ၵႂႃႇ​မႃး​ၸိူဝ်း​ၼၼ်ႉ​ၸိုင် ယင်း​ဢမ်ႇ​ၶုၵ်း​ၸႂ်​လႆႈ​မႆႈ​ၸႂ် လူၺ်ႈ​ၶိူင်ႈ​ပိူင် ဢၼ်​ဢဝ်​တင်း​မိုဝ်း တူဝ်​ၸဝ်ႈ​ၵဝ်ႇ​ႁဵတ်း​ၼၼ်ႉ​လႄႈ ယူႇ​ဢေႃႈ။-</verse>
				<verse number="21">တၢင်း​ဢၼ်​ဢဝ်​ဢသၢၵ်ႈ​ၵူၼ်း​တၢႆ၊ တၢင်း​ဢၼ်​ၸၢင်ႈ​ၸေႃႉ​ၸၢင်ႈ​ႁဵတ်း​တီႈ​ပိူၼ်ႈ၊ တၢင်း​ဢၼ်​ဢိင်​မေႇ​ထုင်ႇ​ဢၼ်​ဢမ်ႇ​တြႃး၊ တၢင်း​ဢၼ်​လၵ်ႉ​ၶူဝ်း​ပိူၼ်ႈ ၸိူဝ်း​ၼၼ်ႉ​ၵေႃႈ ၶဝ်​ယင်း​ဢမ်ႇ​ၶုၵ်း​ၸႂ်​လႆႈ​မႆႈ​ၸႂ်​လႄႈ ယူႇ​ဢေႃႈ။</verse>
			</chapter>
			<chapter number="10">
				<verse number="1">ၵဝ်​ႁၼ်​တမၢၼ်ႇ​ၵၢင်​ႁၢဝ် ဢၼ်​ႁႅင်း​ယႂ်ႇ​ပႃး​ၼိုင်ႈ ၼုင်ႈ​မႆ​မွၵ်ႇ​ၵုမ်ႈ​ယူႇ​သေ​လႄႈ လူင်း​သေ​ၵႃႈ​ၼိူဝ်​ၵၢင်​ႁၢဝ်​မႃး​ဢေႃႈ။ ၵႃႈ​ၼိူဝ်​ႁူဝ်​မၼ်း​ၼၼ်ႉ မီး​ႁူင်း​ႁႆး​ဢေႃႈ။ ၼႃႈ​မၼ်း​ၵေႃႈ ပဵၼ်​ၸိူဝ်ႉ​ၼင်ႇ ၵၢင်​ဝၼ်း​ဢေႃႈ။ တိၼ်​မၼ်း​ၵေႃႈ ပဵၼ်​ၸိူဝ်ႉ​ၼင်ႇ သဝ်​ထၢၼ်ႇ​ၽႆး​ဢေႃႈ။-</verse>
				<verse number="2">မၼ်း​ယိပ်း​ၵမ်​ဢဝ် ၽိုၼ်​လိၵ်ႈ​ဢွၼ်ႇ ဢၼ်​ၽုၺ်ႇ​ဝႆႉ​ၼၼ်ႉ​ယူႇ​ဢေႃႈ။ မၼ်း​ဢဝ်​တိၼ်​ၶွၼ်​ၶႂႃ​မၼ်း ယဵပ်ႇ​သႂ်ႇ ၵႃႈ​ၼိူဝ်​ပၢင်ႇ​လၢႆႇ၊ ဢဝ်​တိၼ်​ၶွၼ်​သၢႆႉ​မၼ်း ယဵပ်ႇ​သႂ်ႇ​ၵႃႈ​ၼိူဝ်​လိၼ်​မိူင်း​လႄႈ​-</verse>
				<verse number="3">ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ မိူၼ်​ၸိူဝ်ႉ​ၼင်ႇ​ဢၼ် သၢင်ႇ​သီႈ​ႁွင်ႉ​သႅၼ်ႇ​ၼၼ်ႉ​ဢေႃႈ။ ႁွင်ႉ​သႅၼ်ႇ​သေ​ယဝ်ႉ သဵင်​ၽႃႉ​လင် ၸဵတ်း​ၵမ်း မေႃး​မႃး​ဢေႃႈ။-</verse>
				<verse number="4">မိူဝ်ႈ​ဢၼ်​သဵင်​ၽႃႉ​လင်​ၸဵတ်း​ၵမ်း​မေႃး​မႃး​ယဝ်ႉ​ၼၼ်ႉ၊ ပိၵ်ႉ​သမ်ႉ​ၵဝ်​ငႃ​တႅမ်ႈ​သေ​ၵေႃႈ၊ ၵဝ်​ငိၼ်း​သဵင်​ဢၼ်​ဢွၵ်ႇ​ၵႃႈ​ၼိူဝ်​ၵၢင်​ႁၢဝ်​ၼၼ်ႉ​လႄႈ​ဝႃႈ၊ သဵင်​ၽႃႉ​လင်​ၸဵတ်း​ၵမ်း​ၼၼ်ႉ​ၸိုင် တွၵ်ႇ​တၼ်း​သိၵ်ႈ​ဝႆႉ​တႃႉ။ ယႃႇ​ပေ​တႅမ်ႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="5">မိူဝ်ႈ​ၼၼ်ႉ တမၢၼ်ႇ​ၵၢင်​ႁၢဝ်​ဢၼ်​ၵဝ်​ႁၼ်​ၸုၵ်း​ယူႇ ၵႃႈ​ၼိူဝ်​ပၢင်ႇ​လၢႆႇ​တင်း​လိၼ်​ၼၼ်ႉ ယုၵ်ႉ​မိုဝ်း​ၶွၼ်​ၶႂႃ​ၶိုၼ်ႈ​ၼိူဝ်​ၵၢင်​ႁၢဝ်​သေ​ယဝ်ႉ၊-</verse>
				<verse number="6">ႁဵတ်း​တၢင်း​ဢၼ်​တိူင်ႇ ၵႃႈ​တီႈ​ၸဝ်ႈ​ဢၼ်​ဢသၢၵ်ႈ​လိပ်း​ယူႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​လႄႈ ၽၢၼ်ႇ​သၢင်း​ႁဵတ်း​ပဵၼ် ၸႃႉ​ၸဵမ်​ၵၢင်​ႁၢဝ်​တင်း​ၵႃႈ​ဢၼ်​မီး​ၵႃႈ​ၼႂ်း​မၼ်း၊ လိၼ်​မိူင်း​တင်း ၵႃႈ​ဢၼ်​မီး​ၵႃႈ​ၼႂ်း​မၼ်း၊ ၼမ်ႉ​သမ်ႇ​မုၵ်ႉ​တြႃႇ တင်း​ၵႃႈ​ဢၼ်​မီး​ၵႃႈ​ၼႂ်း​မၼ်း​တင်း​လၢႆ​ၼၼ်ႉ​လႄႈ​ဝႃႈ၊-</verse>
				<verse number="7">ၶိင်ႇ​ၵႃႇလႃႉ​တၵ်း​ဢမ်ႇ​ထိူင်း​ဢမ်ႇ​ၼၢၼ်း​လႄႈ ၼႂ်း​ၶိင်ႇ​ဝၼ်း​ၵႃႇလႃႉ​ဢၼ်​တမၢၼ်ႇ​ၵၢင်​ႁၢဝ် သတ်ႉတမႃႉ တၵ်း​ပဝ်ႇ​သဵင်​ၼႄး​ၶရႃႇ​ၼၼ်ႉ လွင်ႈ​တၢင်း​ဢၼ်​လိုၵ်ႉ​ဢၼ်​လမ်ႇ​ၽြႃး​ပဵၼ်​ၸဝ်ႈ ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​မၼ်း​ၸဝ်ႈ​ဝႆႉ​ပျႃႇ​တိၵ်ႈ သတၢင်း​သိူဝ်း​ပျေႃႇ​တီႈ​ၶႃႈ​မၼ်း​ၸဝ်ႈ​ဢၼ်​ဝႃႈ ပရေႃးၽႅတ်ႈ​တင်း​လၢႆ​ၼၼ်ႉ၊ တၵ်း​ႁွတ်ႈ​ထိုင်​တၢင်း​ဢၼ်​ပျေႉ​ၸုမ်ႇ​ယဝ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">သဵင်​ၵႃႈ​ၼိူဝ်​ၵၢင်​ႁၢဝ်​ဢၼ်​ၵဝ်​ငိၼ်း​ၼၼ်ႉ သမ်ႉ​ၶိုၼ်း​လၢတ်ႈ​တီႈ​ၵဝ်​ထႅင်ႈ​လႄႈ​ဝႃႈ​ၸမ်ႉ ၵႂႃႇ​ဢဝ်​ၽိုၼ်​လိၵ်ႈ​ဢွၼ်ႇ ဢၼ်​ၽုၺ်ႇ​ဝႆႉ မီး​ယူႇ​ၵႃႈ​ၼႂ်း​မိုဝ်း​တမၢၼ်ႇ​ၵၢင်​ႁၢဝ် ဢၼ်​ၸုၵ်း​ယူႇ​ၵႃႈ​ၼိူဝ်​ပၢင်ႇ​လၢႆႇ​တင်း​လိၼ်​ၼၼ်ႉ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်-</verse>
				<verse number="9">ၵဝ်​ၵႂႃႇ​ၸူး​ၵႃႈ​တီႈ​တမၢၼ်ႇ​ၵၢင်​ႁၢဝ်​ၼၼ်ႉ​လႄႈ ယွၼ်း​ဝႃႈ၊ ပၼ်​ၽိုၼ်​လိၵ်ႈ​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​လၢတ်ႈ​လႄႈ​ဝႃႈ၊ ဢဝ်​လႄႈ​ၵိၼ်​တႃႉ။ တၵ်း​ႁႂ်ႈ​တွင်ႉ​မႂ်း​ၶူမ်​ဢေႃႈ။ ၵူၺ်း​ၵႃႈ ၵႃႈ​ၼႂ်း​သူပ်း​မႂ်း တၵ်း​ဝၢၼ်​ၸိူဝ်ႉ​ၼင်ႇ​ၼမ်ႉ​ၽိုင်ႈ​ဢေႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်-</verse>
				<verse number="10">ၵဝ်​ဢဝ်​ၽိုၼ်​လိၵ်ႈ ၵႃႈ​ၼႂ်း​မိုဝ်း​တမၢၼ်ႇ​ၵၢင်​ႁၢဝ်​ၼၼ်ႉ​လႄႈ ၵိၼ်​ဢေႃႈ။ ၵႃႈ​ၼႂ်း​သူပ်း​ၵဝ် ဝၢၼ်​ၸိူဝ်ႉ​ၼင်ႇ​ၼမ်ႉ​ၽိုင်ႈ​ဢေႃႈ။ မိူဝ်ႈ​ဢၼ်​ၵိၼ်​ယဝ်ႉ​ၼၼ်ႉ ၼႂ်း​တွင်ႉ​ၵဝ်​ၶူမ်​ဢေႃႈ။-</verse>
				<verse number="11">ၶဝ်​ၼၼ်ႉ လၢတ်ႈ​တီႈ​ၵဝ်​လႄႈ​ဝႃႈ၊ မႂ်း​ၼႆႉ​တၵ်း​လႆႈ​သမ်ႉ​ၶိုၼ်း​ႁဵတ်း​ပရေႃးၽႅတ်ႈ​လႄႈ ႁေႃး​လၢတ်ႈ​တီႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​လၢတ်ႈ​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင် ဢိၵ်ႇ​တင်း​တီႈ​ၶုၼ်​ႁေႃ​ၶမ်း​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="11">
				<verse number="1">ၵမ်း​ၼၼ်ႉ ၵဝ်​ႁပ်ႉ​ၶၢမ်ႇ​ဢဝ်​မႆႉ​ဢေႃႈ​လႅမ်ႈ​ၼိုင်ႈ ဢၼ်​မိူၼ်​ၸိူဝ်ႉ​ၼင်ႇ​ၶွၼ်ႉ​တဝ်ႉ​ၼၼ်ႉ​သေ​ယဝ်ႉ၊ လၢတ်ႈ​ပၼ်​တီႈ​ၵဝ်​လႄႈ​ဝႃႈ​ၸမ်ႉ၊ လုၵ်ႉ​လႄႈ​တႅၵ်ႈ​တူၺ်း​ပိၵ်ႈ​မၢၼ်ႇ​ၸဝ်ႈ ဢိၵ်ႇ​တင်း​ယိတ်ႈ​ပလၢင်ႇ တင်း​ၶဝ်​ၸိူဝ်း​ဢၼ်​ၵူဝ်း​ၵႂၢႆႇ ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​တႃႉ။-</verse>
				<verse number="2">ယႃႇ​ပေ​တႅၵ်ႈ​တူၺ်း​တမ်ႇ​တိူင်း ပိၵ်ႈ​မၢၼ်ႇ​ၸဝ်ႈ​ၼၼ်ႉ။ ယႃႇ​မၼ်း​တႃႉ။ လွင်ႈ​မၼ်း​ၸမ်ႉ ဢၢပ်ႈ​ပၼ်​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ယဝ်ႉ။ ၶဝ်​ၼၼ်ႉ တၵ်း​ယဵပ်ႇ​ယမ်ႈ ဝဵင်း​ဢၼ်​မူတ်း​ၸၢင်ႇ သီႇ​သိပ်း​ပၢႆ​သွင်​လိူၼ်​ဢေႃႈ။-</verse>
				<verse number="3">ၵဝ်​တၵ်း​ပၼ်​ဢၶႂၢင်ႉ​ဝႆႉ တီႈ​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​ၵဝ် သွင်​ပႃး​ၼၼ်ႉ​ဢေႃႈ။ ၶဝ်​ၼၼ်ႉ တၵ်း​ၼုင်ႈ​ၶူဝ်း​ၼင်​ပေႃ ယူႇ​သေ​လႄႈ ႁဵတ်း​ပရေႃးၽႅတ်ႈ​မိုဝ်ႉ​ဝၼ်း ႁဵင်​ၼိုင်ႈ​ပၢႆ​သွင်​ပၢၵ်ႇ​ပၢႆ​ႁူၵ်း​သိပ်း​ဝၼ်း​ဢေႃႈ။</verse>
				<verse number="4">ၶဝ်​ၼၼ်ႉ​ၸမ်ႉ ပဵၼ်​တူၼ်ႈ​ သၢၼ်ႇလုၼ်ႇ ​သွင်​တူၼ်ႈ ဢိၵ်ႇ​တင်း ၶူင်ႇ​တီႈ​တႆႈ​ၽႆး​သွင်​ဢၼ်၊ ဢၼ်​ပူၵ်း​တင်ႈ​ဝႆႉ​ၵႃႈ​တီႈ ၽၢႆႇ​ၼႃႈ​ၸဝ်ႈ​လိၼ်​မိူင်း​ဢေႃႈ။-</verse>
				<verse number="5">ပေႃး​သေ​ၵေႃႉ​သေ​ၵူၼ်း​မီး​ဢလူဝ်ႇ ၶႂ်ႈ​ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၸိုင် ၽႆး​ၸၢင်ႈ​ဢွၵ်ႇ​သေ​ၵႃႈ​ၼႂ်း​သူပ်း​ၶဝ်​လႄႈ ဢိုၼ်​ရၢၼ်ႇ​သူႇ​ၶဝ်​တင်း​လၢႆ​ၼၼ်ႉ​ပႅတ်ႈ​ဢေႃႈ။ ပေႃး​သေ​ၵေႃႉ​သေ​ၵူၼ်း​မီး​ဢလူဝ်ႇ ၶႂ်ႈ​ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၸိုင် မၼ်း​တၵ်း​လႆႈ​ၶၢမ်ႇ​တၢင်း​ဢၼ် ဢဝ်​တၢႆ​ၸိူဝ်ႉ​ၼင်ႇ​ၼၼ်​ဢေႃႈ။</verse>
				<verse number="6">ၶဝ်​ၼၼ်ႉ လႆႈ​ဢၶႂၢင်ႉ​တၢင်း​ဢၼ် ဢိုတ်း​ဝႆႉ​ၽႃႉ​ၵၢင်​ႁၢဝ် ႁႂ်ႈ​ၽူၼ်​ဢမ်ႇ​လႆႈ​တူၵ်း ၼႂ်း​ၶိင်ႇ​မိုဝ်ႉ​ဝၼ်း​ဢၼ်​ၶဝ်​ႁဵတ်း​ပရေႃးၽႅတ်ႈ​ၼၼ်ႉ ဢိၵ်ႇ​တင်း​ဢၶႂၢင်ႉ​ဢၼ်​တၵ်း​ႁႂ်ႈ​ၼမ်ႉ​ၵူႈ​မဵဝ်း​ပဵၼ်​လိူတ်ႈ တင်း​ဢၶႂၢင်ႉ​ဢၼ်​တၵ်း​ဢဝ်​တၢမ်ႇ ၵူႈ​ၸိူဝ်ႉ​ၵူႈ​ပိူင် ပၼ်​တၢမ်ႇ​တီႈ​လိၼ်​မိူင်း ၼႂ်း​ၶိင်ႇ​ၵႃႈ​ဢၼ်​ၶဝ်​မီး​ဢလူဝ်ႇ​ၼၼ်ႉ​ဢေႃႈ။</verse>
				<verse number="7">မိူဝ်ႈ​ဢၼ်​ၶဝ် ၶၢမ်ႇ​သၢၵ်ႈ​သေႇ​ယဝ်ႉ​ၼၼ်ႉ​ၸိုင် တူဝ်​ထိူၼ်ႇ​ႁၢႆႉ​ဢၼ်​ဢွၵ်ႇ​သေ​ၵႃႈ​ၼႂ်း​ၶုမ်​ၼႂ်း​ႁူး ဢၼ်​လိုၵ်ႉ​ၼႃႇ​သေ​ပိူၼ်ႈ​ၼၼ်ႉ တၵ်း​တိုၵ်း​တေႃး​ၶဝ်​လႄႈ ပႄႉ​ၼႅင်ႇ​ဢေႃႈ။ တၵ်း​ဢဝ်​ၶဝ်​တၢႆ​ဢေႃႈ။-</verse>
				<verse number="8">တူဝ်​တၢႆ​ၶဝ်​တၵ်း​ၵိုတ်း​ဝႆႉ ၵႃႈ​ၼႂ်း​သဵၼ်ႈ​တၢင်း​ဝဵင်း​လူင် ဢၼ်​ၸွမ်း​ၼင်ႇ​ဢၼၢၵ်ႈ​ၵႃႈ​ၼႂ်း​ႁွင်ႉ​ႁဵၵ်ႈ​ဝႃႈ သေႃးတုမ်ႇ ​တင်း​ ဢေႇၵိပ်ႉတူႉ ဢၼ်​ဝႃႈ​တီႈ​ဢၼ် ၸဝ်ႈ​ၶဝ်​ၶၢမ်ႇ​တၢင်း​တၢႆ ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​ဢေႃႈ။-</verse>
				<verse number="9">ၵႃႈ​ၼႂ်း​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​လၢတ်ႈ​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ ၵမ်ႈ​ၽွင်ႈ​တၵ်း​လႆႈ​တူၺ်း​လႆႈ​ႁၼ် တူဝ်​တၢႆ​ၸိူဝ်း​ၼၼ်ႉ သၢမ်​ဝၼ်း​ပၢႆ​ၶိုင်ႈ​တဵမ်​တဵမ်​လႄႈ ႁႄႉ​ၶႅၼ်​လွင်ႈ​တၢင်း​ဢၼ် ဢဝ်​တူဝ်​တၢႆ​ၶဝ်​ၽင်​ၵႃႈ​ၼႂ်း​ပႃႇ​ႁဵဝ်ႈ​သၢင်း​ၶႅင်း​ဢေႃႈ။-</verse>
				<verse number="10">ၶဝ်​ၸိူဝ်း​ဢၼ်​ယူႇ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ မိူဝ်ႈ​ဢၼ်​ႁၼ်​တူဝ်​တၢႆ​ၸိူဝ်း​ၼၼ်ႉ​ၸိုင် တၵ်း​ဢွၼ်​ၵၼ်​ၸူမ်း​သိူဝ်း​လႄႈ မူၼ်ႈ​ပျေႃႇ​ဢေႃႈ။ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တၵ်း​ပၼ်​လၢၵ်ႈ​သွင်ႇ​ၵႂႃႇ​ၸူး​တီႈ​ၵၼ်​ဢေႃႈ။ လွင်ႈ​မၼ်း​ၸမ်ႉ ပရေႃးၽႅတ်ႈ​သွင်​ပႃး​ၼၼ်ႉ လႆႈ​ယႃႉ​ယူၵ်ႉ​ၼိၵ်ႈ​ၸၢၵ်ႈ​ငႅၼ်း​သႄး ၶဝ်​ၸိူဝ်း​ဢၼ် ယူႇ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ ၼႃႇ​လူင်​လၢင်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">လိုၼ်း​ၼၼ်ႉ ပူၼ်ႉ​သၢမ်​ဝၼ်း​ပၢႆ​ၶိုင်ႈ​သေ​ယဝ်ႉ၊ ဢသၢၵ်ႈ​ဝီႉၺိၺ်ႇ​လုၵ်ႉ​သေ​ၵႃႈ​တီႈ ၽြႃး​ပဵၼ်​ၸဝ်ႈ​လႄႈ ၶဝ်ႈ​ၵႃႈ​ၼႂ်း​ၶဝ်​လႄႈ ၶဝ်​ၼၼ်ႉ​ၵေႃႈ​ၸုၵ်း​ယူႇ​ဢေႃႈ။ ၶဝ်​ၸိူဝ်း​ဢၼ်​ႁၼ် ၵႃႈ​မီး​တင်း​သဵင်ႈ​တင်း​လူင်​ၼၼ်ႉ ၵူဝ်​ႁႄ​ၼႃႇ​လူင်​လၢင်​ဢေႃႈ။-</verse>
				<verse number="12">မိူဝ်ႈ​ဢၼ်​ၶဝ်​ငိၼ်း​သဵင်​လူင် ဢၼ်​ဢွၵ်ႇ​သေ​ၵႃႈ​တီႈ​ၵၢင်​ႁၢဝ်​မႃး​လႄႈ လၢတ်ႈ​တီႈ​ၶဝ်​လႄႈ​ဝႃႈ၊ ၶိုၼ်ႈ​မႃး​ၵႃႈ​တီႈ​ၼႆႈ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင် ၶဝ်​ၶိုၼ်ႈ​ၵႃႈ​ၼိူဝ်​ၵၢင်​ႁၢဝ် လူၺ်ႈ​ၵၼ်​တင်း​မွၵ်ႇ​ၵုမ်ႈ​လႄႈ ရၢၼ်ႇ​သူႇ​ၶဝ်​တင်း​လၢႆ​ၵေႃႈ​ႁၼ်​ယူႇ​ဢေႃႈ။</verse>
				<verse number="13">ၼႂ်း​ၶိင်ႇ​ၼႃႇရီႇ​ၼၼ်ႉ ပဵၼ်​တၢင်း​ဢၼ်​ဢိင်ႇ​သၼ်ႇ ဢၼ်​ယႂ်ႇ​ၼႃႇ​လူင်​လၢင်​လႄႈ လမ်း​ဝဵင်း​သိပ်း​ပုၼ်ႈ​ပုၼ်ႈ​ၼိုင်ႈ လူမ်ႉ​ပင်း​ၵႂႃႇ​ဢေႃႈ။ ၼႂ်း​တၢင်း​ဢၼ်​ဢိင်ႇ​သၼ်ႇ​ၼၼ်ႉ ၵူၼ်း​ၸဵတ်း​ႁဵင်​တၢႆ​ဢေႃႈ။ ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ ၵူဝ်​ႁႄ​လႄႈ ဢွၼ်​ၵၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ ဢၼ်​ပဵၼ်​ၸဝ်ႈ​ၵၢင်​ႁၢဝ်​ၼၼ်ႉ​ယူႇ​ဢေႃႈ။</verse>
				<verse number="14">ဢႃႉ​မင်ႇၵလႃႇ​တူႉတီႉယႃႉ ပူၼ်ႉ​ၵႂႃႇ​ယဝ်ႉ၊ ဢႃႉ​မင်ႇၵလႃႇ​တႃႉတီႉယႃႉ တၵ်း​ၸဵဝ်း​မႃး​ၶၼ်​ၶၼ်​ၽႂ်း​ၽႂ်း​ဢေႃႈ။</verse>
				<verse number="15">မိူဝ်ႈ​ဢၼ်​တမၢၼ်ႇ​ၵၢင်​ႁၢဝ် သတ်ႉတမႃႉ ပဝ်ႇ​ၼႄး​ၶရႃႇ​ၼၼ်ႉ​ၸိုင် သဵင်​ယႂ်ႇ​သဵင်​လူင်​ၼမ်​ၼႃႇ​လၢတ်ႈ​ၵႃႈ​တီႈ ၵၢင်​ႁၢဝ်​ၼၼ်ႉ​လႄႈ​ဝႃႈ​ၸမ်ႉ မိူင်း​လေႃးၵီႇ​ၼႆႉ ပဵၼ်​မိူင်း​ၸဝ်ႈ ဢၼ်​ပဵၼ်​ၸဝ်ႈ​ႁဝ်း​ၼၼ်ႉ​ယဝ်ႉ။ ပဵၼ်​မိူင်း​ ၶရိၸ်ႈ ​မၼ်း​ၸဝ်ႈ​ၼၼ်ႉ​ယဝ်ႉ။ မၼ်း​ၵေႃႈ တၵ်း​ၸၢမ်ႇ​ၸႃး​ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ​သၢဝ်း​သီႇ​ပႃး ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ၼၼ်ႉ ၶုပ်ႉ​မူပ်ႇ​လႄႈ​ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​ယူႇ​သေ​လႄႈ​-</verse>
				<verse number="17">ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ထႃႇဝရႃႉ​ၸဝ်ႈ​ၽြႃး​ပဵၼ်​ၸဝ်ႈ ဢၼ်​ပျေႉ​ၸုမ်ႇ​တင်း​ဢၼၼ်ႇတႃႉ​တၼ်း​ၶူဝ်း​လႄႈ မီး​ယူႇ​ၼႂ်း​ၶိင်ႇ​ၵႃႇလႃႉ ပိတ်ႈ​ၸူႉ​ပၢၼ်ႇ ဢိၵ်ႇ​တင်း​ဢတိၵ်ႈ​တီႈ​ၶႃႈ၊ ပိူဝ်ႈ​ဢၼ်​ၸဝ်ႈ​ႁဝ်း​လႆႈ​ဢဝ်​မႁႃႇ​တၼ်း​ၶူဝ်း​ၸဝ်ႈ​သေ​လႄႈ ၸၢမ်ႇ​ၸႃး​ၼၼ်ႉ​လႄႈ ႁဝ်း​ၶႃႈ​ယွင်ႈ​ယေႃး​ၵျေး​ၸူး​ၸဝ်ႈ​တီႈ​ၶႃႈ​ဢေႃႈ။-</verse>
				<verse number="18">တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၵူၼ်း​မဵဝ်း​တင်း​လၢႆ​ဢွၵ်ႇ​လႄႈ တေႃး​သႃႉ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း​ၵေႃႈ ႁွတ်ႈ​ထိုင်​တီႈ​ၶႃႈ​ယဝ်ႉ။ ၶိင်ႇ​ၵႃႇလႃႉ​ဢၼ်​ၸဝ်ႈ​ႁဝ်း​တၵ်း​ၸီႇ​ယၢင်ႇ​တြႃး တီႈ​ၶဝ်​ၸိူဝ်း​ဢၼ်​တၢႆ​ၵႂႃႇ​ယဝ်ႉ​ၼၼ်ႉ​လႄႈ ဢဵတ်း​လူ​ပၼ်​သူႉ​ၵျေး​ၸူး တီႈ​ၶႃႈ​ၸဝ်ႈ​ႁဝ်း ဢၼ်​ဝႃႈ​ပရေႃးၽႅတ်ႈ ဢိၵ်ႇ​တင်း​ၵူၼ်း​မူတ်း​ၸၢင်ႇ​တင်း​လၢႆ တင်း​ၶဝ်​ၸိူဝ်း​ဢၼ်​ရူဝ်ႇ​သေႇ​ၵူဝ်​ယမ် ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​လဵၵ်ႉ​လဵၵ်ႉ​ယႂ်ႇ​ယႂ်ႇ​ၼၼ်ႉ​လႄႈ ယႃႉ​ၽဵဝ်ႈ​ပႅတ်ႈ​ၶဝ်​ၸိူဝ်း​ဢၼ် ယႃႉ​ၽဵဝ်ႈ​ပႅတ်ႈ​လိၼ်​မိူင်း​ၼႆႉ​ၼၼ်ႉ ႁွတ်ႈ​မႃး​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ၵမ်း​ၼၼ်ႉ ၼႂ်း​မိူင်း​ၵၢင်​ႁၢဝ်​ၼၼ်ႉ ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ ၽုၺ်ႇ​ဝႆႉ​လႄႈ တိူၵ်ႈ​ပတီႉၺိၺ်ႇ​ထၢင်ႇ​သႃး ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​ဢေႃႈ။ မိူဝ်ႈ​ၼၼ်ႉ ပဵၼ်​တၢင်း​ဢၼ်​ၽႃႉ​မႅပ်ႈ၊ တၢင်း​ဢၼ်​သဵင်​လင်​သဵင်​မေႃး၊ တၢင်း​ဢၼ်​ၽႃႉ​လင်၊ တၢင်း​ဢၼ်​ဢိင်ႇ​သၼ်ႇ၊ တၢင်း​ဢၼ်​မၢၵ်ႇ​ႁဵပ်း​လုၵ်ႈ​ယႂ်ႇ​ၼႃႇ​လူင်​လၢင် တူၵ်း​လူင်း​ဢေႃႈ။</verse>
			</chapter>
			<chapter number="12">
				<verse number="1">ၼီႉမိၵ်ႈ​လၢၵ်ႈၶၼႃႇ ဢၼ်​ယႂ်ႇ​ၼႃႇ​ၵႃႈ​တီႈ​ၼိူဝ်​ၵၢင်​ႁၢဝ်​ၼၼ်ႉ​ၸမ်ႉ ၽူႈ​ယိင်း​ၵေႃႉ​ၼိုင်ႈ ၼုင်ႈ​မႆ​ၵၢင်​ဝၼ်း​လႄႈ ဢဝ်​တင်း​တိၼ်​ယဵပ်ႇ​သႂ်ႇ ၵႃႈ​ၼိူဝ်​လိူၼ်​ယူႇ၊ ၵႃႈ​ၼိူဝ်​ႁူဝ်​မၼ်း​ၵေႃႈ တိုဝ်း​သရၽူႇ ဢၼ်​ဢဝ်​တင်း​လၢဝ်​သိပ်း​သွင်​လုၵ်ႈ​ႁဵတ်း​ၼၼ်ႉ ယူႇ​သေ​လႄႈ ပေႃႇ​မႃး​ဢေႃႈ။-</verse>
				<verse number="2">ၽူႈ​ယိင်း​ၼၼ်ႉ ပႃး​ပတိၵ်ႉသၼ်ႇထေႇ​လႄႈ​ႁွင်ႉ​သႅၼ်ႇ ၵွပ်ႈ​ပိူဝ်ႈ​ဢၼ်​ဝူၺ်ႇတၼႃႇ ဢၼ်​တၵ်း​ၵိူတ်ႇ​လဵင်ႉ​လုၵ်ႈ​ၼၼ်ႉ ၶူပ်း​ၶိုၼ်ႈ​ႁႅင်း​ယႂ်ႇ​ၼႃႇ​လူင်​လၢင်​ၼၼ်ႉ​ဢေႃႈ။</verse>
				<verse number="3">ၼီႉမိၵ်ႈ​လၢၵ်ႈၶၼႃႇ တၢင်ႇ​ၸိူဝ်ႉ​တၢင်ႇ​ဢၼ် ပေႃႇ​မႃး​ၵႃႈ​ၼိူဝ်​ၵၢင်​ႁၢဝ်​ၸမ်ႉ မီး​ၼၵႃး​လူင်​ဢၼ်​ႁၢင်ႈ​ၽၢင်​လႅင်၊ ဢၼ်​ပႃး​ႁူဝ်​ၸဵတ်း​လုၵ်ႈ တင်း​ၶဝ်​ၸဵတ်း​လႅမ်ႈ​လႄႈ ၵႃႈ​ၼိူဝ်​ႁူဝ်​ၵေႃႈ တိုဝ်း​တင်း​သရၽူႇ​ၸဵတ်း​ဢၼ် ၼၼ်ႉ​ယူႇ​ဢေႃႈ။-</verse>
				<verse number="4">ႁၢင်​မၼ်း​ၵေႃႈ တိုတ်ႉ​ၸၼ်​ဢဝ်​လၢဝ်​ၵၢင်​ႁၢဝ် သၢမ်​ပုၼ်ႈ​ပုၼ်ႈ​ၼိုင်ႈ​သေ​လႄႈ ၶျႃး​တူၵ်း​သႂ်ႇ​ၵႃႈ​ၼိူဝ်​လိၼ်​မိူင်း​ဢေႃႈ။ မိူဝ်ႈ​ဢၼ်​ၽူႈ​ယိင်း ဢၼ်​ၸမ်​တၵ်း​ၵိူတ်ႇ​လဵင်ႉ​လုၵ်ႈ​ၼၼ်ႉ ၵိူတ်ႇ​လဵင်ႉ​မႃး​ၼၼ်ႉ​ၸိုင်၊ ၼၵႃး​ၼၼ်ႉ မီး​တၢင်း​ၵျၢမ်ႇ​တၢင်း​ပွင် ဢၼ်​တၵ်း​ၶူပ်း​ၵိၼ်​လုၵ်ႈ​ၼၼ်ႉ​ယူႇ​သေ​လႄႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ ၽူႈ​ယိင်း​ၼၼ်ႉ​ဢေႃႈ။-</verse>
				<verse number="5">မၼ်း​ၼၼ်ႉ​ၵိူတ်ႇ​လဵင်ႉ​လုၵ်ႈ​ၸၢႆး ဢၼ်​တၵ်း​ဢဝ်​တင်း​ၵၼ်း​ႁွၵ်ႇ​လဵၵ်း ဢုပ်ႉ​ပိူင်ႇ​ၵူၼ်း​မဵဝ်း​တင်း​လၢႆ​ၼၼ်ႉ​မႃး​ဢေႃႈ။ လုၵ်ႈ​ၼၼ်ႉ​ၸိုင် လႆႈ​ၶၢမ်ႇ​တၢင်း​ဢၼ်​ႁွပ်ႇ​ဢုမ်ႈ​ဢဝ်​ၵႂႃႇ ၵႃႈ​တီႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵႃႈ​တီႈ​ပလၢင်ႇ​ၸဝ်ႈ​ၼၼ်ႉ​ဢေႃႈ။-</verse>
				<verse number="6">ၽူႈ​ယိင်း​ၼၼ်ႉ ပႆ​ၵႂႃႇ​ၵႃႈ​ၼႂ်း​ထိူၼ်ႇ​ၸူး ၵႃႈ​တီႈ​ဢၼ်​ၽြႃး​ပဵၼ်​ၸဝ်ႈ​မႄး​ႁႅၼ်း​ဝႆႉ​ၼၼ်ႉ ႁႂ်ႈ​လႆႈ​ၶၢမ်ႇ​တၢင်း​ဢၼ်​လဵင်ႉ​ဢၼ်​လူ မိုဝ်ႉ​ဝၼ်း ႁဵင်​ပၢႆ​သွင်​ပၢၵ်ႇ​ပၢႆ​ႁူၵ်း​သိပ်း​ဝၼ်း​ဢေႃႈ။</verse>
				<verse number="7">ၵႃႈ​ၼႂ်း​ၵၢင်​ႁၢဝ်​ပဵၼ်​သိုၵ်း​လႄႈ မိၵ်ႉၶေႇလႃႉ ​ဢိၵ်ႇ​တင်း တမၢၼ်ႇ​ၵၢင်​ႁၢဝ်​မၼ်း​တင်း​လၢႆ တိုၵ်း​သိုၵ်း​ၵၼ်​တင်း​ၼၵႃး​ၼၼ်ႉ​ဢေႃႈ။-</verse>
				<verse number="8">ၼၵႃး ဢိၵ်ႇ​တင်း​တမၢၼ်ႇ​မၼ်း​တင်း​လၢႆ တိုၵ်း​သိုၵ်း​လႄႈ ဢမ်ႇ​ပႄႉ​ဢမ်ႇ​ၼႅင်ႇ။ ၵႃႈ​ၼႂ်း​ၵၢင်​ႁၢဝ်​ၵေႃႈ တီႈ​ဢၼ်​ၶဝ်​တၵ်း​ယူႇ​တၵ်း​သဝ်း ဢမ်ႇ​မီး။</verse>
				<verse number="9">မိူဝ်ႈ​ၼၼ်ႉ ၼၵႃး​လူင်​ဢၼ်​ဝႃႈ​ငူး​ၵဝ်ႇ​ၵဝ်ႇ မိူဝ်ႈ​ဢွၼ်​ၼႆႉ ဢၼ်​လႆႈ​ၸိုဝ်ႈ​ မႃႇၼၢတ်ႈ​ၸႃႇတၢၼ်ႇ ​လႄႈ ပႅတ်ႉ​လႅၼ်​မိူင်း​လေႃးၵႃႉ တင်း​သဵင်ႈ​တင်း​မူတ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​ဢေႃႈ။ မၼ်း​လႆႈ​ၶၢမ်ႇ​တၢင်း​ဢၼ် ၶျႃး​တူၵ်း​သႂ်ႇ​ၵႃႈ​ၼိူဝ်​လိၼ်​ဢေႃႈ။ တမၢၼ်ႇ​မၼ်း​တင်း​လၢႆ​ၵေႃႈ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​လူၺ်ႈ​ၵၼ်​တင်း​မၼ်း​ဢေႃႈ။-</verse>
				<verse number="10">ၵဝ်​ငိၼ်း​သဵင်​ယႂ်ႇ​သဵင်​လူင် လၢတ်ႈ​ၵႃႈ​တီႈ​ၼိူဝ်​ၵၢင်​ႁၢဝ်​ၼၼ်ႉ​လႄႈ​ဝႃႈ၊ တေႃႈ​လဵဝ်​ၼႆႉ ပဵၼ်​တၢင်း​ဢၼ် ၵႄႇ​ၶျွတ်ႈ​ဢဝ်​ဢေႃႈ။ တၼ်း​ၶူဝ်း​ၸဝ်ႈ​ၵေႃႈ​ပဵၼ်​ဢေႃႈ။ မိူင်း​ၽြႃး​ပဵၼ်​ၸဝ်ႈ​ႁဝ်း တင်း​ဢႃႇၼႃႇၸၢၵ်ႈ​ၸဝ်ႈ​ၶရိၸ်ႈ​ၵေႃႈ​ပဵၼ်​ဢေႃႈ။ လွင်ႈ​မၼ်း​ၸမ်ႉ ရၢၼ်ႇ​သူႇ ဢၼ်​တၢင်ႇ​ဢပႅတ်ႈ တီႈ​ပီႈ​ၼွင်ႉ​ႁဝ်း ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၵူႈ​ဝၼ်း​ၵူႈ​ၶိုၼ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​ၵႃႈ​တႂ်ႈ​ယဝ်ႉ။-</verse>
				<verse number="11">ၶဝ်​ၼၼ်ႉ​ပႄႉ​ၼႅင်ႇ​မၼ်း ၵွပ်ႈ​ပိူဝ်ႈ​လိူတ်ႈ​သူဝ်း​ဢွၼ်ႇ ဢိၵ်ႇ​တင်း​ၵွပ်ႈ​ပိူဝ်ႈ​ၼုၵ်ႈၵပၢတ်ႈ​တြႃး​ဢၼ်​ၶၢမ်ႇ​သၢၵ်ႈ​သေႇ​ၼၼ်ႉ​လႄႈ ဢမ်ႇ​သေ​လၢႆ​ဢသၢၵ်ႈ​တူဝ်​ၸဝ်ႈ​ၵဝ်ႇ တေႃႇ​ထိုင်​ႁွတ်ႈ​လႆႈ​ၶၢမ်ႇ​တၢင်း​တၢႆ​ၼၼ်ႉ​ဢေႃႈ။-</verse>
				<verse number="12">ပိူဝ်ႈ​ၼႆ​လႄႈ ၵၢင်​ႁၢဝ်​ဢိၵ်ႇ​တင်း​ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ၵၢင်​ႁၢဝ်​ၶဝ်​ဢိူၺ်း၊ ဢွၼ်​ၵၼ်​သိူဝ်း​သႂၢင်ႇ​တႃႉ။ လိၼ်​မိူင်း​တင်း​ပၢင်ႇ​လၢႆႇ မီး​ဢႃႉ​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ မႃႇၼၢတ်ႈ​ၼၼ်ႉ ႁူႉ​လွင်ႈ​ဢၼ်​ၶိင်ႇ​ၵႃႇလႃႉ​မၼ်း​မီး​ၵမ်း​ဢွၼ်​ၼိုင်ႈ​ၵူၺ်း​ၼၼ်ႉ​လႄႈ ပႃး​တင်း​တေႃး​သႃႉ တင်း​ၸႂ်​မႆႈ​ဢၼ်​ႁႅင်း​ယႂ်ႇ​ၼႃႇ​ၼၼ်ႉ လူင်း​ၵႂႃႇ​ၸူး​ၵႃႈ​တီႈ​သူ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="13">ၼၵႃး​ၼၼ်ႉ မိူဝ်ႈ​ဢၼ်​ႁူႉ​လွင်ႈ​ဢၼ်​တူဝ်​ၸဝ်ႈ​ၵဝ်ႇ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​သႂ်ႇ ၵႃႈ​ၼိူဝ်​လိၼ်​ၼၼ်ႉ​ၸိုင်၊ ၼိၵ်ႈ​ၸၢၵ်ႈ​ငႅၼ်း​သႄး ၽူႈ​ယိင်း​ဢၼ်​ၵိူတ်ႇ​လဵင်ႉ​လုၵ်ႈ​ၸၢႆး​မႃး​ၼၼ်ႉ​ဢေႃႈ။-</verse>
				<verse number="14">ၽူႈ​ယိင်း​ၼၼ်ႉ လွင်ႈ​ၼင်ႇ​ႁိုဝ်​တၵ်း​မိၼ်​ၵႂႃႇ​ၸူး​ၵႃႈ​ၼႂ်း​ထိူၼ်ႇ ဢၼ်​ဝႃႈ​တီႈ​ဢၼ်​ၵၢင်း​လွတ်ႈ​တင်း​ငူး​ၼၼ်ႉ​လႄႈ ၶၢမ်ႇ​တၢင်း​ဢၼ်​လဵင်ႉ​ဢၼ်​လူ​ၵႃႇလႃႉ​ၼိုင်ႈ၊ သွင်​ၵႃႇလႃႉ၊ ၵႃႇလႃႉ​ၶိုင်ႈ​ၼိုင်ႈ​တဵမ်​တဵမ်​ၼၼ်ႉ​လႆႈ​ၸိုင် လႆႈ​ပိၵ်ႇ​လၢင်း​တႃႉ​ၶမ်း​လူင်​သွင်​ၽၢႆႇ​ဢေႃႈ။</verse>
				<verse number="15">မိူဝ်ႈ​ၼၼ်ႉ ၼၵႃး​ၼၼ်ႉ ပူၼ်ႈ​ၼမ်ႉ​ဢွၵ်ႇ​သေ​ၵႃႈ​ၼႂ်း​သူပ်း​မၼ်း မိူၼ်​ၸိူဝ်ႉ​ၼင်ႇ​ၼမ်ႉ​ႁွင်ႈ ဢၼ်​လႆ​ၵႂႃႇ​ၼၼ်ႉ​ၸွမ်း​ၵႃႈ​တီႈ ၽၢႆႇ​လင်​ၽူႈ​ယိင်း​ၼၼ်ႉ ႁႂ်ႈ​မၼ်း​ပႃး​ၸွမ်း​လွင်ႈ​ၵႂႃႇ​လူၺ်ႈ​ႁႅင်း​ၼမ်ႉ​ၼၼ်ႉ​ဢေႃႈ။-</verse>
				<verse number="16">လိၼ်​မိူင်း​ၸွႆႈ​ထႅမ်​ၽူႈ​ယိင်း​ၼၼ်ႉ​လႄႈ ၽုၺ်ႇ​သူပ်း​တူဝ်​ၸဝ်ႈ​ၵဝ်ႇ​သေ​ယဝ်ႉ ဢိုၼ်​ပႅတ်ႈ​ၼမ်ႉ​ႁွင်ႈ​ဢၼ်​ၼၵႃး​ပူၼ်ႈ​ဢွၵ်ႇ​သေ​ၵႃႈ​ၼႂ်း​သူပ်း​မၼ်း​ၼၼ်ႉ​ဢေႃႈ။</verse>
			</chapter>
			<chapter number="13">
				<verse number="1">ၵဝ်​ၸုၵ်း​ယူႇ​ၵႃႈ​ၼိူဝ်​သၢႆး ၵႃႈ​တီႈ​ႁိမ်း​ပၢင်ႇ​လၢႆႇ​လႄႈ ႁၼ်​တူဝ်​ထိူၼ်ႇ​ႁၢႆႉ​တူဝ်​ၼိုင်ႈ မီး​ႁူဝ်​ၸဵတ်း​လုၵ်ႈ တင်း​ၶဝ်​သိပ်း​လႅမ်ႈ​ယူႇ၊ ၵႃႈ​ၼိူဝ်​ၶဝ်​ၵေႃႈ တိုဝ်း​သရၽူႇ​သိပ်း​ဢၼ်​ယူႇ၊ ၵႃႈ​ၼိူဝ်​ႁူဝ်​ၵေႃႈ မီး​ၼႃႇ​မႃႉ​ၸိုဝ်ႈ​သဵင် ဢၼ်​ယႃႉ​သရေႇ​ၽြႃး​ပဵၼ်​ၸဝ်ႈ​ယူႇ​သေႇ​လႄႈ ဢွၵ်ႇ​သေ​ၵႃႈ​ၼႂ်း​ပၢင်ႇ​လၢႆႇ​မႃး​ဢေႃႈ။</verse>
				<verse number="2">တူဝ်​ထိူၼ်ႇ​ႁၢႆႉ​ဢၼ်​ၵဝ်​ႁၼ်​ၼၼ်ႉ မိူၼ်​ၸိူဝ်ႉ​ၼင်ႇ​သိူဝ်​ၸုမ်ႈ​ဢေႃႈ။ တိၼ်​မၼ်း​ပဵၼ်​ၸိူဝ်ႉ​ၼင်ႇ​တိၼ်​မီ​ဢေႃႈ။ သူပ်း​မၼ်း​ၵေႃႈ​ပဵၼ်​ၸိူဝ်ႉ​ၼင်ႇ​သူပ်း​သၢင်ႇ​သီႈ​ဢေႃႈ။ ၼၵႃး​ၼၼ်ႉ ဢဝ်​တၼ်း​ၶူဝ်း​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ပလၢင်ႇ​တူဝ်​ၸဝ်ႈ​ၵဝ်ႇ တင်း​ဢႃႇၼႃႇၸၢၵ်ႈ​ဢၼ်​ယႂ်ႇ​ၼႃႇ ဢၢပ်ႈ​ပၼ်​တီႈ​တူဝ်​ထိူၼ်ႇ​ႁၢႆႉ​ၼၼ်ႉ​ဢေႃႈ။</verse>
				<verse number="3">ၵဝ်​ႁၼ်​ၵွၵ်း​ႁူဝ်​မၼ်း​လုၵ်ႈ​ၼိုင်ႈ ပဵၼ်​ၸိူဝ်ႉ​ၼင်ႇ​ဢၼ် ပေႃႉ​တၢႆ​ယဝ်ႉ​ၼၼ်ႉ​ဢေႃႈ။ ႁွႆး​တၢမ်ႇ​ဢၼ်​ၸၢင်ႈ​ႁႂ်ႈ​တၢႆ​ၼၼ်ႉ ႁၢႆ​ၵႂႃႇ​ဢေႃႈ။ ၵူၼ်း​လိၼ်​မိူင်း​တင်း​သဵင်ႈ​တင်း​လူင် ၸွမ်း​ၵႃႈ​တီႈ​ၽၢႆႇ​လင်​တူဝ်​ထိူၼ်ႇ​ႁၢႆႉ​ၼၼ်ႉ​လႄႈ ဢၢမ်း​ၼႃႇ​လူင်​လၢင်​ယူႇ​ဢေႃႈ။-</verse>
				<verse number="4">ၶဝ်​ၵူဝ်း​ၵႂၢႆႇ​ၼၵႃး​လူင်​ၵွပ်ႈ​ပိူဝ်ႈ​ဢၼ် မၼ်း​ဢဝ်​ဢႃႇၼႃႇၸၢၵ်ႈ​ဢၢပ်ႈ​ပၼ်​တီႈ​တူဝ်​ထိူၼ်ႇ​ႁၢႆႉ​ၼၼ်ႉ​ဢေႃႈ။ တူဝ်​ထိူၼ်ႇ​ႁၢႆႉ​ၼၼ်ႉ​ၵေႃႈ ၶဝ်​ၵူဝ်း​ၵႂၢႆႇ​လႄႈ​လၢတ်ႈ​ဝႃႈ၊ ၽူႈ​လႂ်​မိူၼ်​ၸိူဝ်ႉ​ၼင်ႇ​တူဝ်​ထိူၼ်ႇ​ႁၢႆႉ​ၼႆႉ၊ ၽူႈ​လႂ်​ၶဵင်ႇ​တိုၵ်း​သိုၵ်း​ၵၼ်​တင်း​မၼ်း​လႆႈ၊ ဝႃႈ​ၼင်ႇ​ၼႆ​ယူႇ​ဢေႃႈ။</verse>
				<verse number="5">တူဝ်​ထိူၼ်ႇ​ႁၢႆႉ​ၼၼ်ႉ​ၵေႃႈ ပျေႉ​ၸုမ်ႇ​တင်း​သူပ်း​ဢၼ်​ၸၢင်ႈ​လၢတ်ႈ​ၵႂၢမ်း ဢၼ်​ယႂ်ႇ​ၼႃႇ ဢိၵ်ႇ​တင်း​ၵႂၢမ်း​ဢၼ်​ၽိတ်း​ပိူင်ႈ​ၽြႃး​ပဵၼ်​ၸဝ်ႈ​ၼၼ်ႉ​လႄႈ လႆႈ​ဢၶႂၢင်ႉ​ဢၼ်​ၸီႇ​ယၢင်ႇ​သီႇ​သိပ်း​ပၢႆ​သွင်​လိူၼ် တဵမ်​တဵမ်​ဢေႃႈ။-</verse>
				<verse number="6">မၼ်း​ဢဝ်​တင်း​ၵႂၢမ်း​ဢၼ်​ၽိတ်း​ပိူင်ႈ​ၽြႃး​ပဵၼ်​ၸဝ်ႈ ၽုၺ်ႇ​သူပ်း​မၼ်း​ဝႆႉ​ႁႂ်ႈ​လႆႈ​ၽိတ်း​ပိူင်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ ဢိၵ်ႇ​တင်း​သုမ်ႉ​ထဵင်​ၸဝ်ႈ တင်း​ၶဝ်​ၸိူဝ်း​ဢၼ်​ယူႇ​ၵႃႈ​တီႈ​ၵၢင်​ႁၢဝ်​ၼၼ်ႉ​ဢေႃႈ။-</verse>
				<verse number="7">မၼ်း​လႆႈ​ဢၶႂၢင်ႉ​ဢၼ်​တိုၵ်း​သိုၵ်း​ၵၼ်​တင်း ၵူၼ်း​မူတ်း​ၸၢင်ႇ​တင်း​လၢႆ​လႄႈ ပႄႉ​ၼႅင်ႇ​ဢေႃႈ။ ဢၶႂၢင်ႉ​ဢၼ်​လႆႈ​ဢုပ်ႉ​ပိူင်ႇ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​လၢတ်ႈ​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၵေႃႈ မၼ်း​လႆႈ​ဢေႃႈ။-</verse>
				<verse number="8">ၵူၼ်း​ၵႃႈ​ၼိူဝ်​လိၼ်​မိူင်း ၸႃႉ​ဢၼ်​ဢမ်ႇ​ၶဝ်ႈ​ပႃး​ၼႂ်း​ၸရၢင်း​ၽိုၼ်​လိၵ်ႈ​ဢသၢၵ်ႈ​သူဝ်း​ဢွၼ်ႇ ဢၼ်​ၶၢမ်ႇ​တၢင်း​ဢၼ်​ဢဝ်​တၢႆ ၸႃႉ​ၸဵမ်​မိူဝ်ႈ​ၵမ်ႇ​ၽႃႇ​ၸႃႉ​တႄႇ​ၼၼ်ႉ ၵႃႈ​မီး​တင်း​သဵင်ႈ​တင်း​လူင် ဢွၼ်​ၵၼ်​ၵူဝ်း​ၵႂၢႆႇ​တူဝ်​ထိူၼ်ႇ​ႁၢႆႉ​ၼၼ်ႉ​ဢေႃႈ။</verse>
				<verse number="9">ၵေႃႉ​ဢၼ်​မီး​ႁူ​ၸမ်ႉ၊ ႁႂ်ႈ​ငိၼ်း​သေ​ၵမ်း​လူၺ်ႈ။</verse>
				<verse number="10">ၵေႃႉ​ဢၼ်​တီႉ​ၵမ်​ပိူၼ်ႈ​လႄႈ​ဢဝ်​ၵႂႃႇ​ၼၼ်ႉ တူဝ်​ၸဝ်ႈ​ၵဝ်ႇ​တၵ်း​လႆႈ​ၶၢမ်ႇ​တၢင်း​ဢၼ် တီႉ​ၵမ်​လႄႈ​ဢဝ်​ၵႂႃႇ​ဢေႃႈ။ ၵေႃႉ​ဢၼ်​ၸၢင်ႈ​ဢဝ်​လၢပ်ႇ​ၽၼ်း​ပိူၼ်ႈ​တၢႆ​ၼၼ်ႉ တူဝ်​ၸဝ်ႈ​ၵဝ်ႇ​တၵ်း​လႆႈ​တၢႆ လူၺ်ႈ​လၢပ်ႇ​ဢေႃႈ။ လွင်ႈ​တီႈ​ႁဵင်း​ၼႆႉ ပဵၼ်​လွင်ႈ​ဢၼ်​ၵူၼ်း​မူတ်း​ၸၢင်ႇ​တင်း​လၢႆ လီ​ယိူၼ်ႉ​ၶၢမ်ႇ​ဢိၵ်ႇ​တင်း လွင်ႈ​တၢင်း​ဢၼ်​လီ​ယုမ်ႇ​မၢတ်ႈ​ဢေႃႈ။</verse>
				<verse number="11">ၵဝ်​ႁၼ်​တူဝ်​ထိူၼ်ႇ​ႁၢႆႉ တၢင်ႇ​တူဝ်​မီး​ၶဝ်​သွင်​လႅမ်ႈ ဢၼ်​မိူၼ်​ၸိူဝ်ႉ​ၼင်ႇ​ၶဝ်​သူဝ်း​ဢွၼ်ႇ​ယူႇ လၢတ်ႈ​ၵႂၢမ်း​ၸိူဝ်ႉ​ၼင်ႇ​ၼၵႃး​ယူႇ​သေ​လႄႈ ဢွၵ်ႇ​သေ​ၵႃႈ​ၼႂ်း​လိၼ်​မိူင်း​မႃး​ဢေႃႈ။-</verse>
				<verse number="12">တူဝ်​ထိူၼ်ႇ​ႁၢႆႉ​ၼၼ်ႉ​ၵေႃႈ သုင်း​သွင်ႇ​ဢႃႇၼႃႇၸၢၵ်ႈ​တူဝ်​ထိူၼ်ႇ​ႁၢႆႉ ပထမႃႉ ၵႃႈ​တီႈ​ၽၢႆႇ​ၼႃႈ​မၼ်း​လႄႈ ႁဵတ်း​ႁႂ်ႈ​လိၼ်​မိူင်း တင်း​ၵူၼ်း​လိၼ်​မိူင်း​တင်း​လၢႆ လႆႈ​ၵူဝ်း​ၵႂၢႆႇ​တူဝ်​ထိူၼ်ႇ​ႁၢႆႉ​ပထမႃႉ ဢၼ်​ႁွႆး​တၢမ်ႇ​ဢၼ် ၸၢင်ႈ​ႁႂ်ႈ​တၢႆ​ၼၼ်ႉ လႆႈ​ႁၢႆ​မႃး​ယဝ်ႉ​ၼၼ်ႉ​ဢေႃႈ။-</verse>
				<verse number="13">ၼီႉမိၵ်ႈ​လၢၵ်ႈၶၼႃႇ​ဢၼ်​ယႂ်ႇ​ၼႃႇ​တင်း​လၢႆ​ၵေႃႈ မၼ်း​ၼႄ​ပျႃး​ထၼ်ႈ​ပေႃး ႁႂ်ႈ​ၽႆး​လုၵ်ႉ​သေ​ၵႃႈ​တီႈ​ၼိူဝ်​ၵၢင်​ႁၢဝ် လူင်း​မႃး​ၵႃႈ​ၼိူဝ်​လိၼ် သိုဝ်ႈ​ၼႃႈ​တႂ်ႈ​တႃ​ၵူၼ်း​တင်း​လၢႆ​ဢေႃႈ။-</verse>
				<verse number="14">ၵွပ်ႈ​ပိူဝ်ႈ​ၼီႉမိၵ်ႈ​လၢၵ်ႈၶၼႃႇ​ဢၼ်​မၼ်း​ပိူင်ႇ​ၼႄ​ပျႃး​ၵႃႈ​တီႈ​ၽၢႆႇ​ၼႃႈ​တူဝ်​ထိူၼ်ႇ​ႁၢႆႉ​ပထမႃႉ​ၼၼ်ႉ​လႄႈ၊ မၼ်း​ပႅတ်ႉ​လႅၼ်​ၵူၼ်း ၵႃႈ​ၼိူဝ်​လိၼ်​မိူင်း​တင်း​လၢႆ​ဢေႃႈ။ မၼ်း​သင်ႇ​လၢတ်ႈ​ၵူၼ်း​ၵႃႈ​ၼိူဝ်​လိၼ်​မိူင်း​တင်း​လၢႆ​ဝႆႉ ႁႂ်ႈ​ၶဝ်​လႆႈ​ႁဵတ်း​ရုၵ်ႈ​ထူႉ​တူဝ်​ထိူၼ်ႇ​ႁၢႆႉ ဢၼ်​လႆႈ​ၶၢမ်ႇ​ႁွႆး​တၢမ်ႇ ဢၼ်​ဢဝ်​လၢပ်ႇ​ၽၼ်း​လႄႈ ဢသၢၵ်ႈ​ယင်း​လိပ်း​ယူႇ​ၼၼ်ႉ​ဢေႃႈ။-</verse>
				<verse number="15">မၼ်း​လႆႈ​ဢၶႂၢင်ႉ​ဢၼ်​လႆႈ​သႂၢင်း​ပၼ်​ဢသၢၵ်ႈ​တီႈ​ရုၵ်ႈ​ထူႉ​တူဝ်​ထိူၼ်ႇ​ႁၢႆႉ ႁႂ်ႈ​ရုၵ်ႈ​ထူႉ​ၼၼ်ႉ​လၢတ်ႈ​ၵႂၢမ်း​လႆႈ ဢိၵ်ႇ​တင်း​ႁႂ်ႈ​မၼ်း​လႆႈ​ႁဵတ်း​ႁႂ်ႈ​လႆႈ​ဢဝ်​ၶဝ်​ၸိူဝ်း​ဢၼ် ဢမ်ႇ​ၵူဝ်း​ၵႂၢႆႇ​မၼ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တၢႆ​ဢေႃႈ။-</verse>
				<verse number="16">လွင်ႈ​ၼင်ႇ​ႁိုဝ်​တၵ်း​ႁႂ်ႈ​ၵူၼ်း​မၢၵ်ႈ​ၵူၼ်း​မီး၊ ၵူၼ်း​ယၢၵ်ႈ​ၵူၼ်း​ၽၢၼ်၊ ၵေႃႉ​ဢၼ်​လႆႈ​ၶၢမ်ႇ​ႁဵတ်း​ၶႃႈ၊ ၵေႃႉ​ဢၼ်​လွတ်ႈ​လဵၵ်ႉ​လဵၵ်ႉ​ယႂ်ႇ​ယႂ်ႇ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ လႆႈ​ၶၢမ်ႇ​ဢဝ်​တၼ်း​သိၵ်ႈ​လၢၵ်ႈ​မၢတ်ႈ၊-</verse>
				<verse number="17">ဢိၵ်ႇ​တင်း​လွင်ႈ​ၼင်ႇ​ႁိုဝ် လိူဝ်​သေ​ၵေႃႉ​ဢၼ်​ၶၢမ်ႇ​ဢဝ် တၼ်း​သိၵ်ႈ​လၢၵ်ႈ​မၢတ်ႈ​ဢၼ်​ဝႃႈ ၼႃႇ​မႃႉ​ၸိုဝ်ႈ​သဵင်​တူဝ်​ထိူၼ်ႇ​ႁၢႆႉ​ၼၼ်ႉ၊ ဢမ်ႇ​ၼၼ် တၢင်း​ဢၼ်​ၼပ်ႉ​ဢၢၼ်ႇ​ၼႃႇ​မႃႉ​ၸိုဝ်ႈ​သဵင်​မၼ်း​ၼၼ်ႉ​ၵူၺ်း၊ ၽူႈ​လႂ်​တၵ်း​ဢမ်ႇ​လႆႈ​သိုဝ်ႉ​လႆႈ​ၶၢႆ​သေ​ၸိူဝ်ႉ​သေ​ပိူင်​ၸိုင် မၼ်း​ၸီႇ​ယၢင်ႇ​ဢေႃႈ။</verse>
				<verse number="18">ၼႂ်း​တီႈ​ႁဵင်း​ၼႆႉ မီး​ပိင်ႇ​ၺႃႇ​ဢေႃႈ။ ႁႂ်ႈ​ၵေႃႇ​ဢၼ်​မီး​ၺၢၼ်ႇ​ၼၼ်ႉ ၼပ်ႉ​ဢၢၼ်ႇ​တၢင်း​ဢၼ်​ၼပ်ႉ​ဢၢၼ်ႇ​တူဝ်​ထိူၼ်ႇ​ႁၢႆႉ​ၼၼ်ႉ​တႃႉ။ ပဵၼ်​တၢင်း​ဢၼ်​ၼပ်ႉ​ဢၢၼ်ႇ​ၵူၼ်း​ဢေႃႈ။ တၢင်း​ဢၼ်​ၼပ်ႉ​ဢၢၼ်ႇ​မၼ်း​ၵေႃႈ​ပဵၼ် ႁူၵ်း​ပၢၵ်ႇ​ႁူၵ်း​သိပ်း​ႁူၵ်း​ဢေႃႈ။</verse>
			</chapter>
			<chapter number="14">
				<verse number="1">လိုၼ်း​ၼၼ်ႉ ၵဝ်​တူၺ်း​လႄႈ ႁၼ်​သူဝ်း​ဢွၼ်ႇ​ၼၼ်ႉ ၸုၵ်း​ယူႇ​ၵႃႈ​ၼိူဝ်​လွႆ​ ၸီႉဢုၼ်ႇ​ ​ဢိၵ်ႇ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ် ဢဝ်​တူဝ်​လိၵ်ႈ​ဢႅၵ်ႉၶရႃႇ​တႅမ်ႈ ၼႃႇ​မႃႉ​ၸိုဝ်ႈ​သဵင်​မၼ်း ဢိၵ်ႇ​တင်း​ၼႃႇ​မႃႉ​ၸိုဝ်ႈ​သဵင်​ပေႃႈ​ၸဝ်ႈ သႂ်ႇ​ဝႆႉ​ၵႃႈ​တီႈ​ၼႃႈ​ၽၢၵ်ႇ သႅၼ်​ၼိုင်ႈ​သီႇ​မိုၼ်ႇ​သီႇ​ႁဵင် ၸိူဝ်း​ၼၼ်ႉ​ယူႇ​ဢေႃႈ။</verse>
				<verse number="2">ၵဝ်​ငိၼ်း​သဵင် မႃး​ၵႃႈ​တီႈ​ၼိူဝ်​ၵၢင်​ႁၢဝ် ပဵၼ်​ၸိူဝ်ႉ​ၼင်ႇ​သဵင်​ၼမ်ႉ​သမ်ႇ​မုၵ်ႉ​တြႃႇ တင်း​သဵင်​ၽႃႉ​လင် ဢၼ်​ယႂ်ႇ​ၼႃႇ​ၼၼ်ႉ​ဢေႃႈ။ သဵင်​ဢၼ်​ၵဝ်​ငိၼ်း​ၼၼ်ႉ ပဵၼ်​ၸိူဝ်ႉ​ၼင်ႇ သဵင်​ၵူၼ်း​လဵတ်း​တိင်ႇ​တင်း​လၢႆ ဢၼ်​လဵတ်း​တိင်ႇ​ယူႇ​ဢေႃႈ။-</verse>
				<verse number="3">ၶဝ်​ၼၼ်ႉ ႁဵတ်း​ၵႂၢမ်း​ဢၼ်​မႂ်ႇ ၵႃႈ​တီႈ​ၽၢႆႇ​ၼႃႈ​ပလၢင်ႇ​ၸဝ်ႈ​ၼၼ်ႉ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​သတ်ႉတဝႃႇ​သီႇ​ပႃး တင်း​ၵေႃႉ​ဢၼ် ဢသၢၵ်ႈ​ယႂ်ႇ​ၸိူဝ်း​ၼၼ်ႉ​ယူႇ​ဢေႃႈ။ လိူဝ်​သေ​ၶဝ်​ၸိူဝ်း​ဢၼ် ထုတ်ႇ​ဢဝ်​ၵႃႈ​တီႈ​ၼိူဝ်​လိၼ်​မိူင်း သႅၼ်​ၼိုင်ႈ​သီႇ​မိုၼ်ႇ​သီႇ​ႁဵင်​ၸိူဝ်း​ၼၼ်ႉ ၽူႈ​လႂ်​သွၼ်​ဢဝ် တၢင်း​ဢၼ်​ႁဵတ်း​ၵႂၢမ်း​ၼၼ်ႉ​ၵေႃႈ​ဢမ်ႇ​လႆႈ။-</verse>
				<verse number="4">ၶဝ်​ၼၼ်ႉ​ပဵၼ်​ၵေႃႉ​ဢၼ် ဢမ်ႇ​ၵူဝ်ႈ​ဢမ်ႇ​ၵိူၵ်ႇ လူၺ်ႈ​ဢမူႉ​မေႇ​ထုင်ႇ။ လွင်ႈ​မၼ်း​ၸမ်ႉ ၶဝ်​ပဵၼ်​ၵၼ်ႇ​ၺႃႇ​ဢေႃႈ။ ၶဝ်​ပဵၼ်​ၵေႃႉ​ဢၼ်​ၸွမ်း​ပႃႈ​လင် သူဝ်း​ဢွၼ်ႇ ယူႇ​ၵႃႈ​တီႈ​ဢၼ် မၼ်း​ၵႂႃႇ​မႃး​ယူႇ ၵူႈ​တီႈ​ၵူႈ​လႅၼ်​ၼၼ်ႉ​ဢေႃႈ။ ၶဝ်​ပဵၼ်​ၵေႃႉ​ဢၼ်​ၶၢမ်ႇ တၢင်း​ဢၼ်​ထုတ်ႇ​ၼုၵ်ႈ​ဢဝ်​ဢွၵ်ႇ​သေ​ၵႃႈ​ၼႂ်း ၵူၼ်း​တင်း​လၢႆ​လႄႈ ပဵၼ်​မၢၵ်ႇ​ဢၼ်​မၢၵ်ႇ​ဢွၼ်​တၢင်း ပုၼ်ႈ​ၽြႃး​ပဵၼ်​ၸဝ်ႈ တင်း​သူဝ်း​ဢွၼ်ႇ​ၼၼ်ႉ​ဢေႃႈ။-</verse>
				<verse number="5">ပိူဝ်ႈ​ဢၼ်​ၵၢင်း​လွတ်ႈ​တင်း​ဢပႅတ်ႈ​လႄႈ ၵႃႈ​ၼႂ်း​သူပ်း​ၶဝ် ဢမ်ႇ​မီး​မူႉ​သႃႇ။</verse>
				<verse number="6">ၵဝ်​ႁၼ်​တမၢၼ်ႇ​ၵၢင်​ႁၢဝ် ဢၼ်​ပႃး​တြႃး​သတၢင်း​သိူဝ်း​ပျေႃႇ​ထႃႇဝရႃႉ ႁႂ်ႈ​လႆႈ​ႁေႃး​လၢတ်ႈ​တီႈ ၵူၼ်း​ဢၼ်​ယူႇ​ၵႃႈ​ၼိူဝ်​လိၼ်​မိူင်း ဢၼ်​ဝႃႈ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢၼ်​လၢတ်ႈ​ၵႂၢမ်း​ၽႃႇသႃႇ ၵူႈ​ၸိူဝ်ႉ​ၵူႈ​ပိူင်​ၼၼ်ႉ၊ ပႃး​ၼိုင်ႈ မိၼ်​ယူႇ​ၵႃႈ​ၼႂ်း​ၶိုင်ႈ​ၵၢင် ၼိူဝ်​ၽႃႉ​ၵၢင်​ႁၢဝ်​လႄႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ​လၢတ်ႈ​လႄႈ​ဝႃႈ၊-</verse>
				<verse number="7">ၵူဝ်​ႁႄ​ၽြႃး​ပဵၼ်​ၸဝ်ႈ​လႄႈ ယွင်ႈ​ယေႃး​တႃႉ။ ၶိင်ႇ​ၼႃႇရီႇ​ဢၼ်​မၼ်း​ၸဝ်ႈ​ၸီႇ​ယၢင်ႇ​တြႃး​ၼၼ်ႉ ႁွတ်ႈ​မႃး​ယဝ်ႉ။ ဢွၼ်​ၵၼ် ၵူဝ်း​ၵႂၢႆႇ​ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ် ၵၢင်​ႁၢဝ်၊ လိၼ်​မိူင်း၊ သမ်ႇ​မုၵ်ႉ​တြႃႇ၊ တင်း​ၼမ်ႉ​ဢွၵ်ႇ​ႁူး​တင်း​လၢႆ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">လိူဝ်​သေ​ၼၼ်ႉ တမၢၼ်ႇ​ၵၢင်​ႁၢဝ် တူႉတီႉယႃႉ ၵေႃႈ ၸွမ်း​မွၵ်ႇ​ၸွမ်း​လၢတ်ႈ​လႄႈ​ဝႃႈ၊ ဝဵင်း​လူင်​ ပႃႇပူႉလုၼ်ႇ လူမ်ႉ​ပင်း​ယဝ်ႉ။ ဝဵင်း​လူင်​ ပႃႇပူႉလုၼ်ႇ ​ဢၼ်​ဢဝ်​ၼမ်ႉ​ၸပိတ်ႈ​ဢၼ်​ဝႃႈ တၢင်း​ၸႂ်​မႆႈ​ၶႆႈ​ၸႃႉ မေႇ​ထုင်ႇ​ဢၼ်​ဢမ်ႇ​တြႃး တိုၵ်း​ပၼ်​တီႈ​ၵူၼ်း​ၵူႈ​ၸိူဝ်ႉ​ၵူႈ​ၶိူဝ်း​ၼၼ်ႉ လူမ်ႉ​ပင်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">လိူဝ်​သေ​ၼၼ်ႉ တမၢၼ်ႇ​ၵၢင်​ႁၢဝ် တႃႉတီႉယႃႉ ၵေႃႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ ၸွမ်း​မွၵ်ႇ​ၸွမ်း​လၢတ်ႈ​လႄႈ​ဝႃႈ၊ ပေႃး​သေ​ၵေႃႉ​သေ​ၵူၼ်း ၵူဝ်း​ၵႂၢႆႇ​တူဝ်​ထိူၼ်ႇ​ႁၢႆႉ တင်း​ရုၵ်ႈ​ထူႉ​မၼ်း​လႄႈ ၶၢမ်ႇ​တၼ်း​သိၵ်ႈ​လၢၵ်ႈ​မၢတ်ႈ ၵႃႈ​တီႈ​ၼႃႈ​ၽၢၵ်ႇ​သေ​ဢမ်ႇ​ဝႃႈ၊ ၶၢမ်ႇ​ၵႃႈ​တီႈ​မိုဝ်း​သေ​ဢမ်ႇ​ဝႃႈ​-</verse>
				<verse number="10">ၵေႃႉ​ၼၼ်ႉ​တၵ်း​လႆႈ​ၵိၼ်​ၼမ်ႉ​ၸပိတ်ႈ​တၢင်း​ၸႂ်​မႆႈ​ၶႆႈ​ၸႃႉ​ၽြႃး​ပဵၼ်​ၸဝ်ႈ ဢၼ်​ပဵၼ်​ၼမ်ႉ​ၸပိတ်ႈ​ၸႅတ်ႈ​ၸႅတ်ႈ ဢၼ်​ထွၵ်ႇ​သႂ်ႇ​ၼႂ်း ၵွၵ်း​တေႃး​သႃႉ မၼ်း​ၸဝ်ႈ​ၼၼ်ႉ​ဢေႃႈ။ မၼ်း​တၵ်း​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ဢၼ်​ယၢပ်ႇ​ၼႃႇ ၼႂ်း​ၽႆး​ဢၼ်​လေႃး​ၵၼ်​တင်း ၵၢၼ်ႉ ၼၼ်ႉ ၵႃႈ​တီႈ​ၽၢႆႇ​ၼႃႈ​တမၢၼ်ႇ​ၵၢင်​ႁၢဝ် ဢၼ်​မူတ်း​ၸၢင်ႇ​တင်း​လၢႆ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​သူဝ်း​ဢွၼ်ႇ​ၼၼ်ႉ​ဢေႃႈ။-</verse>
				<verse number="11">ၵႂၼ်း​ၽႆး​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၶဝ်​ၼၼ်ႉ ၶိုၼ်ႈ​ယူႇ​ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း​ဢေႃႈ။ ၶဝ်​ၸိူဝ်း​ဢၼ်​ၵူဝ်း​ၵႂၢႆႇ တူဝ်​ထိူၼ်ႇ​ႁၢႆႉ​တင်း​ရုၵ်ႈ​ထူႉ​မၼ်း​လႄႈ ၶၢမ်ႇ​တၼ်း​သိၵ်ႈ​လၢၵ်ႈ​မၢတ်ႈ​မၼ်း​ၼၼ်ႉ ဢမ်ႇ​လႆႈ​တၢင်း​ဢၼ်​သၢၵ်ႈ​သႃႇ သေ​ဝၼ်း​သေ​ၶိုၼ်း တႃႇ​သေႇ​ဢမ်ႇ​ထၢတ်ႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="12">ၼႂ်း​တီႈ​ႁဵင်း​ၼႆႉ မီး​လွင်ႈ​တၢင်း​ဢၼ်​ၵူၼ်း​မူတ်း​ၸၢင်ႇ ဢၼ်​ပႂ်ႉ​ၵမ်​ပႂ်ႉ​ၸွမ်း​ပိင်း​ၺၢပ်ႈ​ၽြႃး​ပဵၼ်​ၸဝ်ႈ တင်း​တၢင်း​ဢၼ်​ယုမ်ႇ​မၢတ်ႈ​ ယေႇသူႉ ​ၸိူဝ်း​ၼၼ်ႉ တၵ်း​လႆႈ​ယိူၼ်ႉ​ၶၢမ်ႇ​ဢေႃႈ။</verse>
				<verse number="13">ၵမ်း​ၼၼ်ႉ ၵဝ်​ငိၼ်း​သဵင်​မႃး​ၵႃႈ​တီႈ ၼိူဝ်​ၵၢင်​ႁၢဝ်​လႄႈ​လၢတ်ႈ​ဝႃႈ၊ ၸႃႉ​ၸဵမ်​ၶိင်ႇ​တေႃႈ​လဵဝ်​ၼႆႉ​လႄႈ ၶဝ်​ၸိူဝ်း​ဢၼ်​တၢႆ​ၼႂ်း​ၸဝ်ႈ​ၽြႃး​ၼၼ်ႉ မီး​မင်ႇၵလႃႇ​ဢေႃႈ​၊ ဝႃႈ​ၼႆ​တႅမ်ႈ​ဝႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။ ဝီႉၺိၺ်ႇ​ၸဝ်ႈ​ၵေႃႈ မီး​ဢမိင်ႉ​လႄႈ​ဝႃႈ၊ မႅၼ်ႈ​ၸိူဝ်ႉ​ၼင်ႇ​ၼၼ်​ဢေႃႈ။ ၶဝ်​ၼၼ်ႉ​မီး​လွင်ႈ​ဢၼ် တၢင်း​ယၢပ်ႇ​တၢင်း​ၽိုတ်ႇ​ၶဝ်​တၵ်း​ထၢတ်ႇ​ယဵၼ်​လႄႈ တၢင်း​ၵမ်​တၢင်း​ၵျၢင်ႉ​ၶဝ်​ၵေႃႈ ၸွမ်း​လူၺ်ႈ​ၵၼ်​တင်း​ၶဝ်​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="14">ၵမ်း​ၼၼ်ႉ ၵဝ်​တူၺ်း​လႄႈ ႁၼ်​မွၵ်ႇ​ၵုမ်ႈ ဢၼ်​ၽိူၵ်ႇ​ဢၼ်​ၶၢဝ်​ၼၼ်ႉ မီး​ယူႇ​ဢေႃႈ။ ၵေႃႉ​ဢၼ်​မိူၼ်​ၸိူဝ်ႉ​ၼင်ႇ လုၵ်ႈ​ၵူၼ်း​ၼၼ်ႉ တိုဝ်း​သရၽူႇ ၵႃႈ​ၼိူဝ်​ႁူဝ်​ၸဝ်ႈ​ယူႇ၊ ယိပ်း​ၵမ်​ၶဵဝ်း ဢၼ်​ၽၢႆ​ၼႃႇ​ၼၼ်ႉ​ယူႇ​သေ​လႄႈ ၼင်ႈ​ယူႇ​ၵႃႈ​ၼိူဝ်​မွၵ်ႇ​ၵုမ်ႈ​ၼၼ်ႉ​ဢေႃႈ။-</verse>
				<verse number="15">တမၢၼ်ႇ​ၵၢင်​ႁၢဝ်​တၢင်ႇ​ပႃး ဢွၵ်ႇ​သေ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​မႃး​လႄႈ ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​တီႈ​ၵေႃႉ​ဢၼ်​ၼင်ႈ​ယူႇ ၵႃႈ​ၼိူဝ်​မွၵ်ႇ​ၵုမ်ႈ​ၼၼ်ႉ​လႄႈ​လၢတ်ႈ​ဝႃႈ၊ ပွႆႇ​ၶဵဝ်း​ၸဝ်ႈ​ႁဝ်း​ၼၼ်ႉ​လႄႈ ပၢတ်ႇ​ၶဝ်ႈ​သေ​ၵမ်း။ ၶိင်ႇ​ဢၼ်​လီ​ပၢတ်ႇ​ႁွတ်ႈ​မႃး​ၶႃႈ​ယဝ်ႉ။ ၵႃႈ​ၼိူဝ်​လိၼ်​မိူင်း​ၼၼ်ႉ ၶဝ်ႈ​ဢၼ်​လီ​ပၢတ်ႇ​သုၵ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၵေႃႉ​ဢၼ်​ၼင်ႈ​ယူႇ​ၵႃႈ​ၼိူဝ်​မွၵ်ႇ​ၵုမ်ႈ​ၼၼ်ႉ ဢဝ်​ၶဵဝ်း​တူဝ်​ၸဝ်ႈ​ၵဝ်ႇ သႂၢင်း​သႂ်ႇ​ၵႃႈ​တီႈ​လိၼ်​မိူင်း​လႄႈ ပၢတ်ႇ​ၶဝ်ႈ​ၵႃႈ​ၼိူဝ်​လိၼ်​မိူင်း​ဢေႃႈ။</verse>
				<verse number="17">တမၢၼ်ႇ​ၵၢင်​ႁၢဝ်​တၢင်ႇ​ပႃး ဢွၵ်ႇ​သေ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ ဢၼ်​မီး​ယူႇ​ၵႃႈ​ၼႂ်း​မိူင်း​ၵၢင်​ႁၢဝ်​ၼၼ်ႉ​မႃး​လႄႈ ၵႃႈ​တီႈ​မၼ်း​ၵေႃႈ ပႃး​ၶဵဝ်း​ဢၼ်​ၽၢႆ​ၼႃႇ​ဢေႃႈ။-</verse>
				<verse number="18">တမၢၼ်ႇ​ၵၢင်​ႁၢဝ်​တၢင်ႇ​ပႃး ဢၼ်​ဢုပ်ႉ​ပိူင်ႇ​ၽႆး​ၼၼ်ႉ ဢွၵ်ႇ​သေ​ၵႃႈ​ၼႂ်း​ယိတ်ႈ​ပလၢင်ႇ​မႃး​လႄႈ ႁဵတ်း​တင်း​တၢင်း​ဢၼ်​ႁွင်ႉ​သႅၼ်ႇ ဢၼ်​ယႂ်ႇ​ၼႃႇ ႁွင်ႉ​တီႈ​ၵေႃႉ​ဢၼ်​ပႃး​ၶဵဝ်း​ဢၼ်​ၽၢႆ​ၼႃႇ​ၼၼ်ႉ​လႄႈ​လၢတ်ႈ​ဝႃႈ၊ ပွႆႇ​ၶဵဝ်း​ဢၼ်​ၽၢႆ​ၼႃႇ​မႂ်း​ၼၼ်ႉ​လႄႈ ပၢတ်ႇ​ပုၵ်ႉ​မၢၵ်ႇ​ၸပိတ်ႈ​တင်း​လၢႆ ၼိူဝ်​လိၼ်​မိူင်း​တႃႉ။ မၢၵ်ႇ​မၼ်း​သုၵ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">တမၢၼ်ႇ​ၵၢင်​ႁၢဝ်​ၼၼ်ႉ​ၵေႃႈ ဢဝ်​ၶဵဝ်း​တူဝ်​ၸဝ်ႈ​ၵဝ်ႇ သႂၢင်း​သႂ်ႇ​ၵႃႈ​ၼိူဝ်​လိၼ်​မိူင်း​လႄႈ ပၢတ်ႇ​မၢၵ်ႇ​ၸပိတ်ႈ ၵႃႈ​ၼိူဝ်​လိၼ်​မိူင်း​သေ​ယဝ်ႉ ၶျႃး​တူၵ်း​သႂ်ႇ​ၵႃႈ​ၼႂ်း​တီႈ​ၶိူင်ႈ​လူင် ဢၼ်​ယဵပ်ႇ​သႂ်ႇ​ဢၼ်​ဝႃႈ တၢင်း​ၸႂ်​မႆႈ​ၶႆႈ​ၸႃႉ ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။-</verse>
				<verse number="20">တႅင်း​သႂ်ႇ​ယဵပ်ႇ​သႂ်ႇ​ၵႃႈ​တီႈ​ၶိူင်ႈ ဢၼ်​ယဵပ်ႇ​သႂ်ႇ​ၼၼ်ႉ ၵႃႈ​တီႈ​ၽၢႆႇ​ၼွၵ်ႈ​ဝဵင်း​လႄႈ လိူတ်ႈ​ဢွၵ်ႇ​သေ​ၵႃႈ​ၼႂ်း တီႈ​ၶိူင်ႈ​ဢၼ်​ယဵပ်ႇ​သႂ်ႇ​ၼၼ်ႉ ၶိုတ်း​ထိုင်​ၵႃႈ​တီႈ ၵၵ်ႉ​မႃႉ ၼႂ်း​ၸူဝ်ႈ​တႃႇ​ၶၢဝ်း​တၢင်း သိပ်း​ႁူၵ်း​ယူႇ​ၸၼႃႇ​ဢေႃႈ။</verse>
			</chapter>
			<chapter number="15">
				<verse number="1">ၵမ်း​ၼၼ်ႉ ၵဝ်​ႁၼ်​ၼီႉမိၵ်ႈ​လၢၵ်ႈၶၼႃႇ​လူင် ဢၼ်​လီ​ဢၢမ်း​ၼႃႇ​တၢင်ႇ​ၸိူဝ်ႉ​တၢင်ႇ​မဵဝ်း ဢၼ်​ဝႃႈ​တမၢၼ်ႇ​ၵၢင်​ႁၢဝ် ၸဵတ်း​ပႃး ဢၼ်​မီး​ၽေး​တၢမ်ႇ လိုၼ်း​လင်​သုတ်း ၸဵတ်း​ပိူင် ဢၼ်​ႁႂ်ႈ​တၢင်း​ၸႂ်​မႆႈ​ၶႆႈ​ၸႃႉ ၽြႃး​ပဵၼ်​ၸဝ်ႈ​ယဝ်ႉ​တူဝ် ၼၼ်ႉ​ဢေႃႈ။</verse>
				<verse number="2">ၵဝ်​ႁၼ်​ဢၼ်​ပဵၼ်​ၸိူဝ်ႉ​ၼင်ႇ ပၢင်ႇ​လၢႆႇ​ၽၢၼ်ႇ၊ ပၢင်ႇ​လၢႆႇ​ၸမ်ႈ ဢၼ်​လေႃး​ၵၼ်​တင်း​ၽႆး ၼၼ်ႉ​လႄႈ ၶဝ်​ၸိူဝ်း​ဢၼ်​ၵၢင်း​လွတ်ႈ​တင်း တူဝ်​ထိူၼ်ႇ​ႁၢႆႉ တင်း​ရုၵ်ႈ​ထူႉ​မၼ်း၊ တင်း​တၢင်း​ဢၼ်​ၼပ်ႉ​ဢၢၼ်ႇ ၼႃႇ​မႃႉ​ၸိုဝ်ႈ​သဵင်​မၼ်း​သေ​လႄႈ ပႄႉ​ၼႅင်ႇ​ၼၼ်ႉ ယိပ်း​ၵမ်​တိင်ႇ ၽြႃး​ပဵၼ်​ၸဝ်ႈ​ယူႇ​သေ​လႄႈ ၸုၵ်း​ယူႇ​ၵႃႈ​တီႈ​ႁိမ်း​ပၢင်ႇ​လၢႆႇ​ၽၢၼ်ႇ၊ ပၢင်ႇ​လၢႆႇ​ၸမ်ႈ ၼၼ်ႉ​ဢေႃႈ။-</verse>
				<verse number="3">ၶဝ်​ၼၼ်ႉ​ႁဵတ်း​ၵႂၢမ်း​ မူဝ်းသေႇ တင်း​ၵႂၢမ်း​သူဝ်း​ဢွၼ်ႇ ၽြႃး​ပဵၼ်​ၸဝ်ႈ​ယူႇ​သေ​လႄႈ ဢွၼ်​ၵၼ်​လဝ်ႊ​လၢတ်ႈ​လႄႈ​ဝႃႈ၊ ထႃႇဝရႃႉ​ၸဝ်ႈ​ၽြႃး​ပဵၼ်​ၸဝ်ႈ ဢၼ်​ပျေႉ​ၸုမ်ႇ​တင်း ဢၼၼ်ႇတႃႉ​တၼ်း​ၶူဝ်း​တီႈ​ၶႃႈ၊ လွင်ႈ​တၢင်း​ဢၼ်​ၸဝ်ႈ​ႁဝ်း သၢင်ႈ​ႁဵတ်း​ၸိူဝ်း​ၼၼ်ႉ​မျၢတ်ႈ​လီ​လႄႈ ပဵၼ်​ဢၼ်​လီ​ဢၢမ်း​ၼႃႇ​လူင်​လၢင်​တီႈ​ၶႃႈ​ဢေႃႈ။ ၶုၼ်​ႁေႃ​ၶမ်း​ၵူၼ်း​မဵဝ်း​တင်း​လၢႆ​တီႈ​ၶႃႈ၊ လွင်ႈ​တၢင်း​ဢၼ်​ၸဝ်ႈ​ႁဝ်း ၵမ်​ၵျၢင်ႉ​ၸိူဝ်း​ၼၼ်ႉ​မၢၼ်ႇ​မႅၼ်ႈ​ၸိုဝ်ႈ​ၸႂ်ႈ​လႄႈ မူတ်း​ၸၢင်ႇ​တီႈ​ၶႃႈ​ဢေႃႈ။-</verse>
				<verse number="4">ဢူဝ်း​ထႃႇဝရႃႉ​ၽြႃး၊ ၽူႈ​လႂ်​ယင်း​ဢမ်ႇ​ရူဝ်ႇ​သေႇ​ၵူဝ်​ယမ်​ၸဝ်ႈ​ႁဝ်း၊ ယင်း​ဢမ်ႇ​ယွင်ႈ​ယေႃး​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​လႄႈ တၵ်း​လႆႈ​ယူႇ​တီႈ​ၶႃႈ။ လွင်ႈ​မၼ်း​ၸမ်ႉ ၸဝ်ႈ​ႁဝ်း​ၶႃႈ​သူႇ​လဵဝ်​ၵူၺ်း မူတ်း​ၸၢင်ႇ​တီႈ​ၶႃႈ​ဢေႃႈ။ ၵူၼ်း​မဵဝ်း​ၵႃႈ​မီး​တင်း​သဵင်ႈ​တင်း​လူင် တၵ်း​မႃး​လႄႈ ၵူဝ်း​ၵႂၢႆႇ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း​တီႈ​ၶႃႈ​ဢေႃႈ။ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ ထၢင်ႇ​သႃး​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ယူႇ​ဢေႃႈ။</verse>
				<verse number="5">လိုၼ်း​ၼၼ်ႉ ၵဝ်​တူၺ်း​လႄႈ ပိၵ်ႈ​မၢၼ်ႇ​ၸဝ်ႈ ဢၼ်​မီး​သုမ်ႉ​ထဵင်​ၸဝ်ႈ တီႈ​ဢၼ်​ထမ်ႇမႃႉ ၼႃႈ​တၢင်း​ဢၼ်​မၼ်း​ၸဝ်ႈ ၶၢမ်ႇ​သၢၵ်ႈ​သေႇ​ၼၼ်ႉ ၽုၺ်ႇ​ဝႆႉ​မီး​ယူႇ​ဢေႃႈ။-</verse>
				<verse number="6">တမၢၼ်ႇ​ၵၢင်​ႁၢဝ် ၸဵတ်း​ပႃး ဢၼ်​မီး​ၽေး​တၢမ်ႇ ၸဵတ်း​ပိူင် ၸိူဝ်း​ၼၼ်ႉ ၼုင်ႈ​ၶူဝ်း​ဢၼ်​ဢဝ်​ပၢၼ်ႇ​တေႃး​ႁဵတ်း ဢၼ်​ႁိူဝ်ႈ​လႅင်း​မူတ်း​ၸၢင်ႇ​ၼၼ်ႉ​ယူႇ၊ ၵႃႈ​တီႈ​ဢူၵ်း​ၵေႃႈ ႁတ်ႉ​တင်း​သၢႆ​ဢႅဝ်​ၶမ်း ယူႇ​သေ​လႄႈ ဢွၵ်ႇ​မႃး​ဢေႃႈ။-</verse>
				<verse number="7">ၼႂ်း​သတ်ႉတဝႃႇ သီႇ​ပႃး ပႃး​ၼိုင်ႈ​ဢဝ် ၵွၵ်း​ၶမ်း​ၸဵတ်း​လုၵ်ႈ ဢၼ်​တဵမ်​ဝႆႉ​တင်း တၢင်း​ၸႂ်​မႆႈ​ၶႆႈ​ၸႃႉ​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​ၼၼ်ႉ ပၼ်​တီႈ​တမၢၼ်ႇ​ၵၢင်​ႁၢဝ် ၸဵတ်း​ပႃး ၼၼ်ႉ​ဢေႃႈ။-</verse>
				<verse number="8">ပိၵ်ႈ​မၢၼ်ႇ​ၸဝ်ႈ​ၼၼ်ႉ တဵမ်​ဝႆႉ​တင်း​ၵႂၼ်း​ၽႆး ၵွပ်ႈ​ပိူဝ်ႈ​မုၼ်​ဢႃႇၼူႉၽေႃႇ​ၽြႃး​ပဵၼ်​ၸဝ်ႈ​ၼၼ်ႉ​လႄႈ ၸူဝ်ႈ​ဢၼ်​ၽေး​တၢမ်ႇ ၸဵတ်း​ပိူင် ဢၼ်​ပၼ်​တီႈ​တမၢၼ်ႇ​ၵၢင်​ႁၢဝ် ၸဵတ်း​ပႃး​ၼၼ်ႉ ဢမ်ႇ​ပႆႇ​သဵင်ႈ​ပႆႇ​မူတ်း​ၼၼ်ႉ​ၸိုင် ၽူႈ​လႂ်​ဢမ်ႇ​ၶဝ်ႈ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ​လႆႈ။</verse>
			</chapter>
			<chapter number="16">
				<verse number="1">ၵဝ်​ငိၼ်း​သဵင်​ဢၼ်​ယႂ်ႇ​ၼႃႇ ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ လၢတ်ႈ​တီႈ​တမၢၼ်ႇ​ၵၢင်​ႁၢဝ် ၸဵတ်း​ပႃး​ၼၼ်ႉ​လႄႈ​ဝႃႈ၊ ၵႂႃႇ​တႃႉ၊ ဢဝ်​ၵွၵ်း​တၢင်း​ၸႂ်​မႆႈ​ၶႆႈ​ၸႃႉ ၽြႃး​ပဵၼ်​ၸဝ်ႈ​ၸဵတ်း​လုၵ်ႈ သွၼ်း​လေႃႇ​တူၵ်း​သႂ်ႇ ၵႃႈ​ၼိူဝ်​လိၼ်​မိူင်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="2">ပႃး​ပထမႃႉ​ၵႂႃႇ​လႄႈ ဢဝ်​ၵွၵ်း​တူဝ်​ၸဝ်ႈ​ၵဝ်ႇ သွၼ်း​လေႃႇ​တူၵ်း​သႂ်ႇ​ၵႃႈ​ၼိူဝ်​လိၼ်​မိူင်း​သေ​ယဝ်ႉ တုမ်ႇ​ၸဵပ်း​တုမ်ႇ​ၽီ ဢၼ်​ႁၢႆႉ​ၼႃႇ ဢွၵ်ႇ​ၵႃႈ​တီႈ​ၶဝ်​ၸိူဝ်း​ဢၼ် ၶၢမ်ႇ​တၼ်း​သိၵ်ႈ လၢၵ်ႈ​မၢတ်ႈ တူဝ်​ထိူၼ်ႇ​ႁၢႆႉ​လႄႈ ၵူဝ်း​ၵႂၢႆႇ​ရုၵ်ႈ​ထူႉ​မၼ်း​ၼၼ်ႉ​ဢေႃႈ။</verse>
				<verse number="3">ပႃး​တူႉတီႉယႃႉ ဢဝ်​ၵွၵ်း​တူဝ်​ၸဝ်ႈ​ၵဝ်ႇ သွၼ်း​လေႃႇ​တူၵ်း​သႂ်ႇ​ၵႃႈ​ၼိူဝ်​ပၢင်ႇ​လၢႆႇ​သေ​ယဝ်ႉ ပၢင်​လၢႆႇ​ၼၼ်ႉ​ပဵၼ်​လိူတ်ႈ​ၵႂႃႇ ၸိူဝ်ႉ​ၼင်ႇ​လိူတ်ႈ​ၵူၼ်း​ဢၼ်​တၢႆ​ၼၼ်ႉ​ဢေႃႈ။ သတ်ႉတဝႃႇ​ၵႃႈ​ဢၼ် ဢသၢၵ်ႈ​လိပ်း​ယူႇ​ၵႃႈ​ၼႂ်း​ပၢင်ႇ​လၢႆႇ​ၼၼ်ႉ တင်း​သဵင်ႈ​တင်း​လူင် တၢႆ​ဢေႃႈ။</verse>
				<verse number="4">ပႃး​တႃႉတီႉယႃႉ ဢဝ်​ၵွၵ်း​တူဝ်​ၸဝ်ႈ​ၵဝ်ႇ သွၼ်း​လေႃႇ​တူၵ်း​သႂ်ႇ​ၵႃႈ​ၼိူဝ် ၼမ်ႉ​ႁွင်ႈ​ၼမ်ႉ​ၵႄး ဢိၵ်ႇ​တင်း​ၼမ်ႉ​ဢွၵ်ႇ​ႁူး တင်း​လၢႆ​သေ​ယဝ်ႉ၊ လွင်ႈ​တၢင်း​ၸိူဝ်း​ၼၼ်ႉ​ပဵၼ်​လိူတ်ႈ​ၵႂႃႇ​ဢေႃႈ။-</verse>
				<verse number="5">ၵဝ်​ငိၼ်း​တမၢၼ်ႇ​ၵၢင်​ႁၢဝ် ဢၼ်​ပႂ်ႉ​ၼမ်ႉ​ၸိူဝ်း​ၼၼ်ႉ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ဢၼ်​မီး​ယူႇ ပိတ်ႈ​ၸုၵ်ႈ​ပၢၼ်ႇ၊ ဢတိၵ်ႈ၊ ဢၼႃႇၵၢတ်ႈ​ၵႃႇလႃႉ​သေႇ​သေႇ​တီႈ​ၶႃႈ၊ ၸဝ်ႈ​ႁဝ်း​သိုဝ်ႈ​တေႃႇ ၼႂ်း​လွင်ႈ​တၢင်း​ဢၼ် ၸဝ်ႈ​ႁဝ်း​ၸီႇ​ယၢင်ႇ​တြႃး ၸိူဝ်ႉ​ၼင်ႇ​ၼၼ်​ၼၼ်ႉ​တီႈ​ၶႃႈ​ဢေႃႈ။-</verse>
				<verse number="6">ပိူဝ်ႈ​ဢၼ်​ၶဝ် ထွၵ်ႇ​လိူတ်ႈ​ၵူၼ်း​မူတ်း​ၸၢင်ႇ ဢိၵ်ႇ​တင်း​ပရေႃးၽႅတ်ႈ​တင်း​လၢႆ​ပႅတ်ႈ​လႄႈ ၸဝ်ႈ​ႁဝ်း​တိုၵ်း​လိူတ်ႈ​ပၼ်​တီႈ​ၶဝ် တီႈ​ၶႃႈ​ယဝ်ႉ။ ၶဝ်​ၵေႃႈ​ထိူၵ်ႈ​ၶၢမ်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="7">ၵဝ်​ငိၼ်း​ယိတ်ႈ​ပလၢင်ႇ လဝ်ႊ​လၢတ်ႈ​လႄႈ​ဝႃႈ၊ ၸႂ်ႈ​တႄႉ​တႄႇ​ဢေႃႈ။ ထႃႇဝရႃႉ​ၸဝ်ႈ​ၽြႃး​ပဵၼ်​ၸဝ်ႈ ၸဝ်ႈ​ဢၼ်​ပျေႉ​ၸုမ်ႇ​တင်း​ဢၼၼ်ႇတႃႉ​တၼ်း​ၶူဝ်း​တီႈ​ၶႃႈ၊ လွင်ႈ​တၢင်း​ဢၼ်​ၸဝ်ႈ​ႁဝ်း​ၸီႇ​ယၢင်ႇ​ၸိူဝ်း​ၼၼ်ႉ မၢၼ်ႇ​မႅၼ်ႈ ၸိုဝ်ႈ​ၸႂ်ႈ သိုဝ်ႈ​တေႃႇ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ပႃး​ၸတုၵ်ႉထႃႉ ဢဝ်​ၵွၵ်း​တူဝ်​ၸဝ်ႈ​ၵဝ်ႇ သွၼ်း​လေႃႇ​တူၵ်း​သႂ်ႇ ၵႃႈ​ၼိူဝ်​ၵၢင်​ဝၼ်း​သေ​ယဝ်ႉ ၵၢင်​ဝၼ်း လႆႈ​ဢၶႂၢင်ႉ​ဢၼ်​ႁႂ်ႈ ၽႆး​မႆႈ​ၵူၼ်း​တင်း​လၢႆ​ဢေႃႈ။-</verse>
				<verse number="9">ၵူၼ်း​တင်း​လၢႆ လႆႈ​ၶၢမ်ႇ​တၢင်း​ဢၼ်​မႆႈ ၵွပ်ႈ​ပိူဝ်ႈ​ဢႁူင်ႇ​ဢၼ်​မႆႈ​ယႂ်ႇ​ၼႃႇ​ၼၼ်ႉ​လႄႈ ဢွၼ်​ၵၼ်​ၵိၼ်ႇ​လႃႇ​ၼႃႇ​မႃႉ​ၸိုဝ်ႈ​သဵင် ၽြႃး​ပဵၼ်​ၸဝ်ႈ​ဢၼ်​ဢုပ်ႉ​ပိူင်ႇ​ၽေး​တၢမ်ႇ​ၸိူဝ်း​ၼၼ်ႉ​ဢေႃႈ။ ၶဝ်​ဢမ်ႇ​ၶုၵ်း​ၸႂ်​လႆႈ​မႆႈ​ၸႂ်​ႁႂ်ႈ​လႆႈ ယွင်ႈ​ယေႃး​ၽြႃး​ပဵၼ်​ၸဝ်ႈ။</verse>
				<verse number="10">ပႃး​ပိၼ်ႇၸမႃႉ ဢဝ်​ၵွၵ်း​တူဝ်​ၸဝ်ႈ​ၵဝ်ႇ သွၼ်း​လေႃႇ​တူၵ်း​သႂ်ႇ​ၵႃႈ​ၼိူဝ် ပလၢင်ႇ​တူဝ်​ထိူၼ်ႇ​ႁၢႆႉ​သေ​ယဝ်ႉ မိူင်း​မၼ်း​ပဵၼ်​ဢၼ်​လပ်း​သိင်ႇ​ၽိတ်း​ၽိတ်း​ၵႂႃႇ​ဢေႃႈ။ ၵူၼ်း​မိူင်း​မၼ်း​တင်း​လၢႆ ယၢပ်ႇ​ၸႂ်​ႁႅင်း​ယႂ်ႇ​ၼႃႇ​လႄႈ ၵဵဝ်ႉ​ၵၢပ်ႈ​လိၼ်ႉ​တူဝ်​ၸဝ်ႈ​ၵဝ်ႇ​ဢေႃႈ။-</verse>
				<verse number="11">ၵွပ်ႈ​ပိူဝ်ႈ​ဝူၺ်ႇတၼႃႇ ဢၼ်​တူဝ်​ၸဝ်ႈ​ၵဝ်ႇ လႆႈ​ၶၢမ်ႇ​ဢိၵ်ႇ​တင်း​တုမ်ႇ​ၸဵပ်း​တုမ်ႇ​ၽီ​တင်း​လၢႆ​ၼၼ်ႉ​လႄႈ ၶဝ်​ဢွၼ်​ၵၼ်​ၵိၼ်ႇ​လႃႇ ၽြႃး​ပဵၼ်​ၸဝ်ႈ၊ ၸဝ်ႈ​မိူင်း​ၵၢင်​ႁၢဝ်​ဢေႃႈ။ ၶဝ်​ဢမ်ႇ​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ တၢင်း​ၵမ်​တၢင်း​ၵျၢင်ႉ​တူဝ်​ၸဝ်ႈ​ၵဝ်ႇ​တင်း​လၢႆ​ၼၼ်ႉ။</verse>
				<verse number="12">ပႃး​သႃႉထမႃႉ ဢဝ်​ၵွၵ်း​တူဝ်​ၸဝ်ႈ​ၵဝ်ႇ သွၼ်း​လေႃႇ​တူၵ်း​သႂ်ႇ ၵႃႈ​ၼိူဝ်​ၼမ်ႉ​ႁွင်ႈ​လူင်​ ဢူႉၽရတ်ႉ ​သေ​ယဝ်ႉ ပုၼ်ႈ​လွင်ႈ​ၼင်ႇ​ႁိုဝ် တၵ်း​လႆႈ​မႄး​သဵၼ်ႈ​တၢင်း​သၢႆ​တႃႈ ပုၼ်ႈ​ၶုၼ်​ႁေႃ​ၶမ်း မိူင်း​တၢင်း​ဝၼ်း​ဢွၵ်ႇ​တင်း​လၢႆ တၵ်း​ၵႂႃႇ​ၸိုင် ၼမ်ႉ​ၼႂ်း​ၼမ်ႉ​ႁွင်ႈ​ၼၼ်ႉ ယူတ်း​ႁႅင်ႈ​ၵႂႃႇ​သေ​ဢေႃႈ။-</verse>
				<verse number="13">မိူဝ်ႈ​ၼၼ်ႉ ၵဝ်​ႁၼ် ဝီႉၺိၺ်ႇ​ဢၼ်​ၵူဝ်ႈ​ၵိူၵ်ႇ သၢမ်​ပႃး ပဵၼ်​မိူၼ်​ၸိူဝ်ႉ​ၼင်ႇ တူဝ်​ၶဵတ်ႇ​ၼၼ်ႉ ဢွၵ်ႇ​သေ​ၵႃႈ​ၼႂ်း သူပ်း​ၼၵႃး၊ ၵႃႈ​ၼႂ်း သူပ်း​တူဝ်​ထိူၼ်ႇ​ႁၢႆႉ၊ ၵႃႈ​ၼႂ်း သူပ်း​မိၵ်ႉသႃႇ​ပရေႃးၽႅတ်ႈ​ၸိူဝ်း​ၼၼ်ႉ​မႃး​ဢေႃႈ။-</verse>
				<verse number="14">ၶဝ်​ၼၼ်ႉ ပဵၼ်​ဝီႉၺိၺ်ႇ​ၽီ​ႁၢႆႉ ဢၼ်​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ ၼမ်​ၼႃႇ​ၼၼ်ႉ​ဢေႃႈ။ ဝီႉၺိၺ်ႇ​ၸိူဝ်း​ၼၼ်ႉ ဢွၵ်ႇ​သေ​လႄႈ ၵႂႃႇ​ၸူး​ၵႃႈ​တီႈ​ၶုၼ်​ႁေႃ​ၶမ်း​တင်း​လၢႆ ဢၼ်​မီး​ၵႃႈ​ၼႂ်း​မိူင်း​လေႃးၵီႇ တင်း​သဵင်ႈ​တင်း​လူင်​လႄႈ ႁႂ်ႈ​ၶဝ်​ၸူႉ​ၵၼ်​တုမ်​ၵၼ် ႁႂ်ႈ​လႆႈ​တိုၵ်း​သိုၵ်း ၼႂ်း​ဝၼ်း​ယႂ်ႇ​ဝၼ်း​လူင်​ၽြႃး​ပဵၼ်​ၸဝ်ႈ ဢၼ်​ပျေႉ​ၸုမ်ႇ​တင်း​ဢၼၼ်ႇတႃႉ​တၼ်း​ၶူဝ်း​ၼၼ်ႉ​ဢေႃႈ။</verse>
				<verse number="15">သဵင်​ၸဝ်ႈ​ၸမ်ႉ၊ ၵဝ်​မႃး​ၸိူဝ်ႉ​ၼင်ႇ ၽူႈ​လၵ်ႉ​ဢေႃႈ။ ၵေႃႉ​ဢၼ်​တိုၼ်ႇ​ယူႇ​လႄႈ ပႂ်ႉ​ၶူဝ်း​ၼုင်ႈ​တၢင်း​မႆ​တူဝ်​ၸဝ်ႈ​ၵဝ်ႇ​ယူႇ ႁႂ်ႈ​ဢမ်ႇ​လႆႈ​ၵႂႃႇ​မႃး​တူဝ်​ပူၺ် ဢမ်ႇ​မီး​ၶူဝ်း​ၼုင်ႈ​တၢင်း​မႆ​လႄႈ လႆႈ​မီး​လွင်ႈ​ဢၼ်​လီ​ဢူၵ်း​လီ​ဢၢႆ ၵႃႈ​တီႈ​ၽၢႆႇ​ၼႃႈ​ပိူၼ်ႈ​ၼၼ်ႉ မီး​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="16">ၶဝ်​ႁႂ်ႈ​ၶဝ်​ၼၼ်ႉ ၸူႉ​ၵၼ်​တုမ်​ၵၼ်​ၵႃႈ​ၼႂ်း​တီႈ​ဢၼ်​ၸွမ်း​ၼင်ႇ ၵႂၢမ်း​ၽႃႇသႃႇ ႁေႇပြႄး ​လႆႈ​ၸိုဝ်ႈ​ ဢႃႇမၵေႇတူင်ႇ ​ၼၼ်ႉ​ဢေႃႈ။</verse>
				<verse number="17">ပႃး​သတ်ႉတမႃႉ ဢဝ်​ၵွၵ်း​တူဝ်​ၸဝ်ႈ​ၵဝ်ႇ သွၼ်း​လေႃႇ​တူၵ်း​သႂ်ႇ ၵႃႈ​ၼိူဝ်​ဢႃႇၵႃႇသႃႉ ၵၢင်​ႁၢဝ်​သေ​ယဝ်ႉ သဵင်​ယႂ်ႇ​သဵင်​လူင် ဢၼ်​လၢတ်ႈ​လႄႈ​ဝႃႈ ယဝ်ႉ​တူဝ်​ယဝ်ႉ၊ ဝႃႈ​ၼင်ႇ​ၼႆ​ၼၼ်ႉ ဢွၵ်ႇ​သေ​ၵႃႈ​ၼႂ်း ပလၢင်ႇ​ၸဝ်ႈ ဢၼ်​မီး​ၵႃႈ​ၼႂ်း​ပိၵ်ႈ​မၢၼ်ႇ​ၵၢင်​ႁၢဝ် ၼၼ်ႉ​မႃး​ဢေႃႈ။-</verse>
				<verse number="18">မိူဝ်ႈ​ၼၼ်ႉ ပဵၼ်​တၢင်း​ဢၼ်​ၽႃႉ​မႅပ်ႈ၊ တၢင်း​ဢၼ်​သဵင်​လင်​သဵင်​မေႃး၊ တၢင်း​ဢၼ်​ၽႃႉ​လင်၊ တၢင်း​ဢၼ်​ဢိင်ႇ​သၼ်ႇ ဢၼ်​ယႂ်ႇ​ၼႃႇ​ဢေႃႈ။ ၸႃႉ​ၸဵမ်​ၶိင်ႇ​ၵႃႇလႃႉ ဢၼ်​ၵူၼ်း​တင်း​လၢႆ​ပဵၼ်​မႃး​ၵႃႈ​ၼိူဝ် လိၼ်​မိူင်း​ၼႆႉ​ၼၼ်ႉ၊ ၼီႉမိၵ်ႈ​လၢၵ်ႈၶၼႃႇ ၸိူဝ်ႉ​ၼင်ႇ​ၼၼ် ဢိၵ်ႇ​တင်း​တၢင်း​ဢၼ်​ဢိင်ႇ​သၼ်ႇ ဢၼ်​ယႂ်ႇ​ထၢၼ်ႇ​ၼၼ်ႉ ဢမ်ႇ​ပႆႇ​တွၼ်ႉ​ပဵၼ်​သေ​ပွၵ်ႈ။</verse>
				<verse number="19">ဝဵင်း​လူင်​ၼၼ်ႉ တႅၵ်ႇ​ပဵၼ် သၢမ်​ၽၢၵ်ႇ ၵႂႃႇ​လႄႈ ဝဵင်း​ဢၼ်​ၵူၼ်း​ၵူႈ​ၸိူဝ်ႉ​ၵူႈ​ၶိူဝ်း​ယူႇ​ၼၼ်ႉ လူမ်ႉ​ပင်း​ဢေႃႈ။ ၽြႃး​ပဵၼ်​ၸဝ်ႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ဝဵင်း​ ပႃႇပူႉလုၼ်ႇ ႁႂ်ႈ​လႆႈ​တိုၵ်း​ပၼ် ၵွၵ်း​ၼမ်ႉၸပိတ်ႈ​တေႃး​သႃႉ တင်း​ၸႂ်​မႆႈ​မၼ်း​ၸဝ်ႈ ဢၼ်​ၵျၢမ်း​ယၢပ်ႇ​ၼႃႇ​ၼၼ်ႉ​ဢေႃႈ။-</verse>
				<verse number="20">ၵုၼ်​ၼႂ်း​ၼမ်ႉ ၵႃႈ​မီး​တင်း​သဵင်ႈ​တင်း​လူင် လႅၼ်ႈ​ဢွၵ်ႇ​ပၢႆႈ​ၵႂႃႇ​ဢေႃႈ။ လွႆ​တင်း​လၢႆ​ၵေႃႈ လပ်ႉ​ႁၢႆ​ၵႂႃႇ​ဢေႃႈ။-</verse>
				<verse number="21">မၢၵ်ႇ​ႁဵပ်း​လူင် ဢၼ်​ၼၵ်း​ၸွႆႉ​ၸင်ႈ​မၼ်း မီး​သိပ်း​ၼိုင်ႈ​ၵေႃႈ တူၵ်း​သေ​ၵႃႈ​ၼိူဝ်​ၵၢင်​ႁၢဝ်​သႂ်ႇ ၵႃႈ​ၼိူဝ်​ၵူၼ်း​တင်း​လၢႆ​ဢေႃႈ။ ပိူဝ်ႈ​ဢၼ်​မၢၵ်ႇ​ႁဵပ်း​ၼၼ်ႉ ပဵၼ်​ၽေး​တၢမ်ႇ ဢၼ်​ယႂ်ႇ​ၼႃႇ​လႄႈ ၵူၼ်း​တင်း​လၢႆ​ဢွၼ်​ၵၼ်​ၵိၼ်ႇ​လႃႇ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ၽေး​တၢမ်ႇ မၢၵ်ႇ​ႁဵပ်း​ၼၼ်ႉ​ဢေႃႈ။</verse>
			</chapter>
			<chapter number="17">
				<verse number="1">ၼႂ်း​တမၢၼ်ႇ​ၵၢင်​ႁၢဝ် ၸဵတ်း​ပႃး ဢၼ်​မီး​ၵွၵ်း ၸဵတ်း​လုၵ်ႈ​ၼၼ်ႉ၊ ပႃး​ၼိုင်ႈ​မႃး တၵ်ႉ​လၢတ်ႈ​ၵဝ်​လႄႈ​ဝႃႈ၊ မႃး​တႃႉ။ ၵဝ်​တၵ်း​ၼႄ​ပျႃး တၢင်း​ဢၼ်​ၸီႇ​ယၢင်ႇ​ဢမူႉ​တီႈ​မႄႈ​မွၵ်ႇ​ယႃႈ​လူင် ဢၼ်​ၼင်ႈ​ယူႇ​ၵႃႈ​ၼိူဝ်​ၼမ်ႉ ဢၼ်​ၼမ်​ၼႃႇ​ၼၼ်ႉ​တီႈ​မႂ်း​ဢေႃႈ။-</verse>
				<verse number="2">ၶုၼ်​ႁေႃ​ၶမ်း​လေႃးၵီႇ​တင်း​လၢႆ ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး လူၺ်ႈ​ၵၼ်​တင်း​မၼ်း​ၼၼ်ႉ​ယဝ်ႉ။ ၵူၼ်း​ၵႃႈ​ၼိူဝ်​လိၼ်​မိူင်း​တင်း​လၢႆ​မဝ်း​လူၺ်ႈ ၼမ်ႉ​ၸပိတ်ႈ​မေႇ​ထုင်ႇ​ဢၼ်​ဢမ်ႇ​တြႃး​မၼ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ယူႇ​လႄႈ၊-</verse>
				<verse number="3">ဢဝ်​တင်း​ဝီႉၺိၺ်ႇ​ၸဝ်ႈ​ဢဝ်​ၵဝ်​ၵႂႃႇ​သူင်ႇ ၵႃႈ​ၼႂ်း​ထိူၼ်ႇ​ဢေႃႈ။ ၵဝ်​ႁၼ်​မႄႈ​ယိင်း​ၵေႃႉ​ၼိုင်ႈ ဢၼ်​ၼင်ႈ​ယူႇ​ၵႃႈ​ၼိူဝ် တူဝ်​ထိူၼ်ႇ​လႅင် ဢၼ်​မီး​တဵမ်​ဝႆႉ​တင်း ၼႃႇ​မႃႉ​ၸိုဝ်ႈ​သဵင် ဢၼ်​ယႃႉ​သရေႇ​ၽြႃး​ပဵၼ်​ၸဝ်ႈ၊ ဢၼ်​မီး​ႁူဝ် ၸဵတ်း​လုၵ်ႈ ဢိၵ်ႇ​တင်း​ၶဝ် သိပ်း​လႅမ်ႈ ၼၼ်ႉ​ဢေႃႈ။-</verse>
				<verse number="4">မႄႈ​ယိင်း​ၼၼ်ႉ ၼုင်ႈ​ၶူဝ်း​ဢၼ်​လႅင် ဢိၵ်ႇ​တင်း​ၶူဝ်း​ဢၼ်​ၵမ်ႇ​သေ​လႄႈ ႁၢင်ႈ​ၶိူင်ႈ​ၶမ်း၊ ၶိူင်ႈ​သႅင်၊ ၶိူင်ႈ​ပူး​လႄး တင်း​လၢႆ​ယူႇ​ဢေႃႈ။ မၼ်း​ယိပ်း​ၵမ်​ဢဝ် ၵွၵ်း​ၶမ်း ဢၼ်​တဵမ်​ဝႆႉ​တင်း​ၶိူင်ႈ ဢၼ်​ဝူၺ်ႇ​ဢၼ်​ႁင်ႈ ဢိၵ်ႇ​တင်း​တၢင်း​ဢၼ် ၵူဝ်ႈ​ၵိူၵ်ႇ​မေႇ​ထုင်ႇ ဢၼ်​ဢမ်ႇ​တြႃး​တူဝ်​ၸဝ်ႈ​ၵဝ်ႇ ၼၼ်ႉ​ယူႇ​ဢေႃႈ။-</verse>
				<verse number="5">ၼႃႇ​မႃႉ​ၸိုဝ်ႈ​သဵင် ဢၼ်​ဢဝ်​တူဝ်​လိၵ်ႈ​တႅမ်ႈ​သႂ်ႇ ၵႃႈ​တီႈ​ၼႃႈ​ၽၢၵ်ႇ​မၼ်း​ၼၼ်ႉ ဝႃႈ​ၸမ်ႉ၊ ပဵၼ်​တၢင်း​ဢၼ်​လိုၵ်ႉ​ဢၼ်​လမ်ႇ၊ ဝဵင်း​လူင်​ ပႃႇပူႉလုၼ်ႇ ၊ မႄႈ​မွၵ်ႇ​ယႃႈ၊ မႄႈ​တၢင်း​ဢၼ်​ဝူၺ်ႇ​ဢၼ်​ႁင်ႈ တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၵဝ်​ႁၼ်​မႄႈ​ယိင်း​ၼၼ်ႉ မဝ်း​လူၺ်ႈ လိူတ်ႈ​ၵူၼ်း​မူတ်း​ၸၢင်ႇ ဢိၵ်ႇ​တင်း လိူတ်ႈ​ၶဝ်​ၸိူဝ်း​ဢၼ်​ၶၢမ်ႇ​သၢၵ်ႈ​သေႇ​လွင်ႈ​ ယေႇသူႉ ​ၼၼ်ႉ​ယူႇ​ဢေႃႈ။ မိူဝ်ႈ​ဢၼ်​ႁၼ်​ၸိူဝ်ႉ​ၼင်ႇ​ၼၼ်​ၸိုင် ၵဝ်​ဢၢမ်း​ၼႃႇ​လူင်​လၢင်​လႄႈ​ယူႇ​ဢေႃႈ။-</verse>
				<verse number="7">တမၢၼ်ႇ​ၵၢင်​ႁၢဝ်​ၼၼ်ႉ​ၵေႃႈ လၢတ်ႈ​တီႈ​ၵဝ်​လႄႈ​ဝႃႈ၊ ႁဵတ်း​သင်​လႄႈ မႂ်း​ဢၢမ်း​ၼႃႇ​လူင်​လၢင်​ယူႇ​ၼင်ႇ​ႁိုဝ်။ ၵဝ်​တၵ်း​လၢတ်ႈ​ပၼ် တၢင်း​ဢၼ်​လိုၵ်ႉ​ဢၼ်​လမ်ႇ​မႄႈ​ယိင်း​ၼၼ်ႉ ဢိၵ်ႇ​တင်း တၢင်း​ဢၼ်​လိုၵ်ႉ​ဢၼ်​လမ်ႇ တူဝ်​ထိူၼ်ႇ​ႁၢႆႉ ဢၼ်​မီး​ႁူဝ်​ၸဵတ်း​လုၵ်ႈ တင်း​ၶဝ်​သိပ်း​လႅမ်ႈ​လႄႈ ပႃး​တင်း​မႄႈ​ယိင်း​ၼၼ်ႉ​တီႈ​မႂ်း​ဢေႃႈ။-</verse>
				<verse number="8">တူဝ်​ထိူၼ်ႇ​ႁၢႆႉ ဢၼ်​မႂ်း​ႁၼ်​တေႃႈ​လဵဝ်​ၼႆႉ​ၼၼ်ႉ ယၢမ်ႈ​လႆႈ​ပဵၼ်​မႃး​ယဝ်ႉ၊ ဢၼ်​ယင်း​တိုၵ်ႉ​ပဵၼ်​ယူႇ​ဢမ်ႇ​မီး၊ တၵ်း​လုၵ်ႉ​သေ ၵႃႈ​ၼႂ်း​ၶုမ် ၼႂ်း​ႁူး ဢၼ်​လိုၵ်ႉ​ၼႃႇ​သေ​ပိူၼ်ႈ​ၼၼ်ႉ ၶိုၼ်ႈ​မႃး​လႄႈ​ၵႂႃႇ​ၸူး ၵႃႈ​တီႈ​တၢင်း​လူႉ​တၢင်း​လႅဝ်​ဢေႃႈ။ ၵူၼ်း​ၵႃႈ​ၼိူဝ်​လိၼ်​မိူင်း ဢၼ်​ၸႃႉ​ၸဵမ်​ၵမ်ႇ​ၽႃႇ​ၸႃႉ​တႄႇ​လႄႈ ဢမ်ႇ​ၶဝ်ႈ​ၸရၢင်း​ၼႂ်း ၽိုၼ်​လိၵ်ႈ​ဢသၢၵ်ႈ​တင်း​လၢႆ​ၼၼ်ႉ မိူဝ်ႈ​ဢၼ်​ႁၼ်​တူဝ်​ထိူၼ်ႇ​ႁၢႆႉ ဢၼ်​ယၢမ်ႈ​လႆႈ​ပဵၼ်​မႃး​ယဝ်ႉ၊ ဢၼ်​ယင်း​တိုၵ်ႉ​ပဵၼ်​ယူႇ​ဢမ်ႇ​မီး၊ ဢၼ်​တၵ်း​သမ်ႉ​ပဵၼ်​မႃး​ၼၼ်ႉ​ၸိုင် တၵ်း​ဢၢမ်း​ၼႃႇ​လူင်​လၢင်​ဢေႃႈ။</verse>
				<verse number="9">ၼႂ်း​လွင်ႈ​တီႈ​ႁဵင်း​ၼႆႉ၊ မီး​ၺၢၼ်ႇ​ဢၼ်​ပျေႉ​ၸုမ်ႇ​တင်း ပိင်ႇ​ၺႃႇ​ဝႆႉ​ဢေႃႈ။ ႁူဝ်​ၸဵတ်း​လုၵ်ႈ​ၸမ်ႉ၊ ပဵၼ်​လွႆ​ၸဵတ်း​ႁူၺ်ႇ ဢၼ်​မႄႈ​ယိင်း​ၼၼ်ႉ ၼင်ႈ​ယူႇ​ဢေႃႈ။-</verse>
				<verse number="10">ၶုၼ်​ႁေႃ​ၶမ်း​ၸဵတ်း​ပႃး ၵေႃႈ​ပဵၼ်​ဢေႃႈ။ ႁႃႈ​ပႃး​တူၵ်း​ယဝ်ႉ၊ ပႃး​ၼိုင်ႈ​ယင်း​မီး​ယူႇ​ဢေႃႈ။ ပႃး​ၼိုင်ႈ​တၵ်း​ပဵၼ်​လူး​ၵွၼ်ႇ​ဢေႃႈ။ မိူဝ်ႈ​ဢၼ်​ပဵၼ်​ၼၼ်ႉ​ၸိုင် မၼ်း​တၵ်း​လႆႈ​တႄႇ​ယူႇ​ၵမ်း​ဢွၼ်ႇ​ၼိုင်ႈ​ၵူၺ်း​ဢေႃႈ။-</verse>
				<verse number="11">တူဝ်​ထိူၼ်ႇ​ႁၢႆႉ ဢၼ်​ယၢမ်ႈ​ပဵၼ်​မႃး​ယဝ်ႉ၊ ဢၼ်​ယင်း​တိုၵ်ႉ​ပဵၼ်​ယူႇ​ဢမ်ႇ​မီး​ၼၼ်ႉ ပဵၼ်​ၶုၼ်​ႁေႃ​ၶမ်း ဢၼ်​ထူၼ်ႈ​ထိုင်​ပႅတ်ႇ​ပႃး​ဢေႃႈ။ ဢၼ်​ၶဝ်ႈ​ပႃး​ၼႂ်း​ၸဵတ်း​ပႃး ၵေႃႈ​ပဵၼ်​ဢေႃႈ။ မၼ်း​တၵ်း​လႆႈ​ၵႂႃႇ​ၸူး ၵႃႈ​တီႈ​တၢင်း​လူႉ​တၢင်း​လႅဝ်​ဢေႃႈ။</verse>
				<verse number="12">ၶဝ်​သိပ်း​လႅမ်ႈ ဢၼ်​မႂ်း​လႆႈ​ႁၼ်​ၼၼ်ႉ​ၸမ်ႉ ပဵၼ်​ၶုၼ်​ႁေႃ​ၶမ်း​သိပ်း​ပႃး ဢၼ်​ဢမ်ႇ​ပႆႇ​လႆႈ​ၵိၼ်​မိူင်း​ဢေႃႈ။ ၶဝ်​တၵ်း​လႆႈ​ဢႃႇၼႃႇၸၢၵ်ႈ ၶုၼ်​ႁေႃ​ၶမ်း​လူၺ်ႈ​ၵၼ်​တင်း​တူဝ်​ထိူၼ်ႇ​ႁၢႆႉ​ၼၼ်ႉ ၼႃႇရီႇ​ၼိုင်ႈ​ဢေႃႈ။-</verse>
				<verse number="13">ၶဝ်​ၼၼ်ႉ​သၽေႃး တၵ်း​မိူၼ်​ၵၼ်​လႄႈ ဢဝ်​တၼ်း​ၶူဝ်း​ဢႃႇၼႃႇၸၢၵ်ႈ တူဝ်​ၸဝ်ႈ​ၵဝ်ႇ ဢၢပ်ႈ​ပၼ်​တီႈ​တူဝ်​ထိူၼ်ႇ​ႁၢႆႉ​ၼၼ်ႉ​ဢေႃႈ။-</verse>
				<verse number="14">ၶဝ်​တၵ်း​ဢွၼ်​ၵၼ် တိုၵ်း​တေႃး​သူဝ်း​ဢွၼ်ႇ​လႄႈ သူဝ်း​ဢွၼ်ႇ​တၵ်း​ပႄႉ​ၼႅင်ႇ​ၶဝ်​ဢေႃႈ။ လွင်ႈ​မၼ်း​ၸမ်ႉ သူဝ်း​ဢွၼ်ႇ​ၼၼ်ႉ ပဵၼ်​ၸဝ်ႈ​ၼိူဝ်​ၸဝ်ႈ​တင်း​သဵင်ႈ​တင်း​လူင်၊ ၶုၼ်​ႁေႃ​ၶမ်း​ၼိူဝ်​ၶုၼ်​ႁေႃ​ၶမ်း တင်း​သဵင်ႈ​တင်း​လူင်​ဢေႃႈ။ ၶဝ်​ၸိူဝ်း​ဢၼ်​မီး​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ ပဵၼ်​ၵေႃႉ​ဢၼ်​မၼ်း​ၸဝ်ႈ ႁွင်ႉ​ဢဝ်၊ ၵေႃႉ​ဢၼ်​မၼ်း​ၸဝ်ႈ လိူၵ်ႈ​ၵဵပ်း၊ ၵေႃႉ​ဢၼ်​မီး သဵတ်ႈ​ၸႃႇ​ဢေႃႈ။</verse>
				<verse number="15">ၼမ်ႉ​တင်း​လၢႆ ဢၼ်​မႂ်း​ႁၼ်​လႄႈ မႄႈ​မွၵ်ႇ​ယႃႈ​ၼင်ႈ​ယူႇ​ၼၼ်ႉ​ၸမ်ႉ၊ ပဵၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​လၢတ်ႈ​ၵႂၢမ်း​ၽႃႇသႃႇ ၵူႈ​ၸိူဝ်ႉ​ၵူႈ​ပိူင် ပဵၼ်​မုၵ်ႉ​ပဵၼ်​ၸိူဝ်း​ဝႆႉ​ၼၼ်ႉ​ဢေႃႈ။-</verse>
				<verse number="16">ၶဝ်​သိပ်း​လႅမ်ႈ ဢၼ်​မႂ်း​ႁၼ်​ၼၼ်ႉ ဢိၵ်ႇ​တင်း​တူဝ်​ထိူၼ်ႇ​ႁၢႆႉ​ၼၼ်ႉ တၵ်း​ၸင်း​မႄႈ​မွၵ်ႇ​ယႃႈ​လႄႈ ယႃႉ​ပႅတ်ႈ​ၸေး​ၸိမ်ႇ​မၼ်း​ဢေႃႈ။ တၵ်း​ထွတ်ႇ​ၶူဝ်း​ၼုင်ႈ​မၼ်း​လႄႈ ၶူပ်း​ၵိၼ်​ၼိူဝ်ႉ​မၼ်း​ဢေႃႈ။ တူဝ်​မၼ်း​ၵေႃႈ တၵ်း​ဢဝ်​တုတ်ႇ​ၽႆး​ပႅတ်ႈ​ဢေႃႈ။-</verse>
				<verse number="17">လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ ပၼ်​တၢင်း​ၵျၢမ်ႇ​တၢင်း​ပွင်​တီႈ​ၶဝ် ႁႂ်ႈ​ၶဝ်​လႆႈ​ႁဵတ်း​ၸွမ်း​ဢလူဝ်ႇ​ၽြႃး​ပဵၼ်​ၸဝ်ႈ ဢိၵ်ႇ​တင်း​ႁႂ်ႈ​သၽေႃး​ၶဝ် လႆႈ​မိူၼ်​ၵၼ်​လႄႈ ဢဝ်​မိူင်း​တူဝ်​ၸဝ်ႈ​ၵဝ်ႇ​တင်း​လၢႆ ဢၢပ်ႈ​ပၼ်​တီႈ​တူဝ်​ထိူၼ်ႇ​ႁၢႆႉ တေႃႇ​ထိုင်​ႁွတ်ႈ​ၸူဝ်ႈ​ဢၼ် ၼုၵ်ႈၵပၢတ်ႈ​ၸဝ်ႈ ဢမ်ႇ​ပႆႇ​ပျေႉ​ၸုမ်ႇ ၼၼ်ႉ​ဢေႃႈ။</verse>
				<verse number="18">မႄႈ​ယိင်း​ဢၼ်​မႂ်း​ႁၼ်​ၼၼ်ႉ​ၸမ်ႉ၊ ပဵၼ်​ဝဵင်း​လူင် ဢၼ်​ဢုပ်ႉ​ပိူင်ႇ​ၶုၼ်​ႁေႃ​ၶမ်း​လေႃးၵီႇ တင်း​သဵင်ႈ​တင်း​လူင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
			</chapter>
			<chapter number="18">
				<verse number="1">လိုၼ်း​ၼၼ်ႉ ၵဝ်​ႁၼ်​တမၢၼ်ႇ​ၵၢင်​ႁၢဝ်​တၢင်ႇ​ပႃး ဢၼ်​ပျေႉ​ၸုမ်ႇ​တင်း​တၼ်း​ၶူဝ်း​ဢၼ်​ယႂ်ႇ​ၼႃႇ​ၼၼ်ႉ လုၵ်ႉ​သေ​ၵႃႈ​တီႈ​ၵၢင်​ႁၢဝ်​လူင်း​မႃး​ဢေႃႈ။ ၵွပ်ႈ​ပိူဝ်ႈ​သၢႆ​ဢရွင်ႇ​မၼ်း​ၼၼ်ႉ​လႄႈ လိၼ်​မိူင်း​ႁိူဝ်ႈ​လႅင်း​ယူႇ​ဢေႃႈ။-</verse>
				<verse number="2">မၼ်း​ႁဵတ်း​တင်း​သဵင်​ဢၼ်​ႁႅင်း​ၼႃႇ​ႁွင်ႉ​သႅၼ်ႇ​လႄႈ​ဝႃႈ၊ ဝဵင်း​လူင်​ ပႃႇပူႉလုၼ်ႇ ​လူမ်ႉ​ပင်း​ယဝ်ႉ။ လူမ်ႉ​ပင်း​ယဝ်ႉ။ ပဵၼ်​တီႈ​ယူႇ​ၽီ​ႁၢႆႉ​ၵႂႃႇ​ယဝ်ႉ။ ပဵၼ်​ၶုမ်​ပဵၼ်​ႁူး​ဝီႉၺိၺ်ႇ ဢၼ်​ၵူဝ်ႈ​ၵိူၵ်ႇ​ၵူႈ​ၸိူဝ်ႉ​ၵူႈ​မဵဝ်း​ၵႂႃႇ​ယဝ်ႉ။ ပဵၼ်​တီႈ​ဢိင်​တီႈ​ပိုင်ႈ ၼူၵ်ႉ​ဢၼ်​ၵူဝ်ႈ​ၵိူၵ်ႇ​လႄႈ လီ​ႁင်ႈ​ၵူႈ​ၸိူဝ်ႉ​ၵူႈ​မဵဝ်း​ၵႂႃႇ​ယဝ်ႉ။-</verse>
				<verse number="3">လွင်ႈ​မၼ်း​ၸမ်ႉ ၵူၼ်း​မဵဝ်း​တင်း​သဵင်ႈ​တင်း​လူင် ဢွၼ်​ၵၼ်​ၵိၼ်​ၼမ်ႉ​ၸပိတ်ႈ​မေႇ​ထုင်ႇ ဢၼ်​ဢမ်ႇ​တြႃး​မၼ်း​ယဝ်ႉ။ ၶုၼ်​ႁေႃ​ၶမ်း​လေႃးၵီႇ​တင်း​လၢႆ ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး လူၺ်ႈ​ၵၼ်​တင်း​မၼ်း​ယဝ်ႉ။ ၸဝ်ႈ​ၵုၼ်ႇ​ၸဝ်ႈ​သိၼ်​လေႃးၵီႇ​တင်း​လၢႆ​ၵေႃႈ ၸၢင်ႈ​မၢၵ်ႈ​ၸၢင်ႈ​မီး ၵွပ်ႈ​ပိူဝ်ႈ​ၵႃႇမၵုင်ႇ​ၸေး​ၸိမ်ႇ တၢင်း​ဢၼ်​မၼ်း​လိူင်ႇ​ၸႂ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="4">ၵဝ်​ငိၼ်း​သဵင်​တၢင်ႇ​ၸိူဝ်ႉ​တၢင်ႇ​ဢၼ် ၵႃႈ​ၼိူဝ်​ၵၢင်​ႁၢဝ်​လႄႈ​လၢတ်ႈ​ဝႃႈ၊ ၵူၼ်း​မဵဝ်း​ၵဝ်​ဢိူၺ်း၊ ဢွၼ်​ၵၼ်​ဢွၵ်ႇ​သေ​ၵႃႈ​ၼႂ်း​မၼ်း ႁႂ်ႈ​လႆႈ​ၵၢင်း​လွတ်ႈ တင်း​တၢင်း​ဢၼ်​သိူၵ်ႈ​သမ်ႇ​ၵၼ်​တင်း​ဢပႅတ်ႈ​မၼ်း ဢိၵ်ႇ​တင်း​တၢင်း​ဢၼ် ၶၢမ်ႇ​ၽေး​တၢမ်ႇ​မၼ်း​ၼၼ်ႉ​တႃႉ။-</verse>
				<verse number="5">လွင်ႈ​မၼ်း​ၸမ်ႉ ဢပႅတ်ႈ​မၼ်း​တင်း​လၢႆ ၶိုတ်း​ထိုင်​ၵၢင်​ႁၢဝ်​ပုၼ်ႉ​လႄႈ ၽြႃး​ပဵၼ်​ၸဝ်ႈ ၶုၵ်း​ၸႂ်​လႆႈ လွင်ႈ​တၢင်း​ဢၼ်​ဢမ်ႇ​တြႃး​မၼ်း​ၸိူဝ်း​ၼၼ်ႉ​ယဝ်ႉ။-</verse>
				<verse number="6">တွပ်ႇ​တႅၼ်း​ပၼ်​ၸွမ်း​ၵႃႈ​ၼင်ႇ​ဢၼ် မၼ်း​တွပ်ႇ​တႅၼ်း​ပၼ်​ဢၵျူဝ်း​ဢပႅတ်ႈ​ၼၼ်ႉ​တီႈ​မၼ်း​တႃႉ။ ထၢပ်ႈ​ထႅင်ႈ​သွင်​ပုၼ်ႈ​လႄႈ ၸီႇ​ယၢင်ႇ​ၸွမ်း​ၵႃႈ​ၼင်ႇ တၢင်း​ၵမ်​တၢင်း​ၵျၢင်ႉ​မၼ်း​ၼၼ်ႉ​တႃႉ။ လိူဝ်​တွၼ်း​သွင်​ပုၼ်ႈ​သေ​လႄႈ ထွၵ်ႇ​ႁိုဝ်ႈ​ပၼ် ပုၼ်ႈ​မၼ်း​ၵႃႈ​ၼႂ်း​ၵွၵ်း​ဢၼ် မၼ်း​ထွၵ်ႇ​ႁိုဝ်ႈ​ၼၼ်ႉ​တႃႉ။-</verse>
				<verse number="7">ၸွမ်း​ၵႃႈ​ၼင်ႇ​ဢၼ် မၼ်း​ယွင်ႈ​ယေႃး​တူဝ်​ၸဝ်ႈ​ၵဝ်ႇ​လႄႈ မူၼ်ႈ​ပျေႃႇ​ၼႂ်း​ၵႃႇမၵုင်ႇ​ၼၼ်ႉ၊ ႁႂ်ႈ​ဝူၺ်ႇတၼႃႇ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢိၵ်ႇ​တင်း​တၢင်း​ဢၼ်​ၸႂ်​ဢမ်ႇ​သႃႇ​လႄႈ ၶၢင်း​ၶီ​ၶၢင်း​ၽၢၼ် ပဵၼ်​ၵႃႈ​တီႈ​မၼ်း​တႃႉ။ လွင်ႈ​မၼ်း​ၸမ်ႉ မၼ်း​ထၢင်ႇ​ၼႂ်း​ၸႂ်​လႄႈ​ဝႃႈ ၵဝ်​ၸမ်ႉ​ပဵၼ်​ၼၢင်း​ႁေႃ​ၶမ်း​ဢေႃႈ။ ဢမ်ႇ​ပဵၼ်​မႄႈ​မူၵ်း​မႄႈ​မၢႆႈ၊ ဢမ်ႇ​လႆႈ​ႁူႉ တၢင်း​ဢၼ်​ၸႂ်​ဢမ်ႇ​သႃႇ​လႄႈ ၶၢင်း​ၶီ​ၶၢင်း​ၽၢၼ်​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ပိူဝ်ႈ​ၼႆ​လႄႈ​ၼႂ်း​ဝၼ်း​လဵဝ်​ၵူၺ်း ၽေး​တၢမ်ႇ​မၼ်း​တင်း​လၢႆ ဢၼ်​ဝႃႈ ၽေး​တၢင်း​တၢႆ၊ ၽေး​တၢင်း​ဢၼ်​ၸႂ်​ဢမ်ႇ​သႃႇ​လႄႈ ၶၢင်း​ၶီ​ၶၢင်း​ၽၢၼ်၊ ၽေး​တၢင်း​ဢၼ်​ဢိုပ်း​ယၢၵ်ႈ​ၸိူဝ်း​ၼၼ်ႉ တၵ်း​ႁွတ်ႈ​ထိုင်​ၵႃႈ​ၼိူဝ်​မၼ်း​လႄႈ မၼ်း​တၵ်း​လႆႈ​ၶၢမ်ႇ တၢင်း​ဢၼ်​မႆႈ​ၽႆး​သုတ်း​ပႅတ်ႈ​ဢေႃႈ။</verse>
				<verse number="9">ၶုၼ်​ႁေႃ​ၶမ်း​လေႃးၵီႇ ဢၼ်​ႁဵတ်း​မေႇ​ထုင်ႇ ဢၼ်​ဢမ်ႇ​တြႃး​လူၺ်ႈ​ၵၼ်​တင်း​မၼ်း​လႄႈ မူၼ်ႈ​ပျေႃႇ​ၼႂ်း​ၵႃႇမၵုင်ႇ​ၸိူဝ်း​ၼၼ်ႉ မိူဝ်ႈ​ဢၼ်​ႁၼ်​ၵႂၼ်း​ၽႆး​တီႈ​ဢၼ်​မၼ်း​မႆႈ​ၽႆး​ၼၼ်ႉ​ၸိုင်၊-</verse>
				<verse number="10">တၵ်း​ၸုၵ်း​ယူႇ​တီႈ​ဢၼ်​ၵႆ ၵွပ်ႈ​ပိူဝ်ႈ​ဢၼ်​ၵူဝ်​ႁႄ​ဝူၺ်ႇတၼႃႇ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​မၼ်း​လႆႈ​ၶၢမ်ႇ​ၼၼ်ႉ​ယူႇ​သေ​လႄႈ ဢွၼ်​ၵၼ်​ႁွင်ႉ​ႁႆႈ​လႄႈ ၸႂ်​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ် ၵွပ်ႈ​ပိူဝ်ႈ​မၼ်း​လႄႈ​ဝႃႈ၊ ၸိုင်​မၼ်း​ပဵၼ်​ၸိူဝ်ႉ​ၼင်ႇ​ၼႆ၊ ၸိုင်​မၼ်း​ပဵၼ်​ၸိူဝ်ႉ​ၼင်ႇ​ၼႆ။ ဝဵင်း​လူင်​ ပႃႇပူႉလုၼ်ႇ ​ဢိူၺ်း၊ ဝဵင်း​ဢၼ်​ႁူင်​ႁၢင်း​ဢိူၺ်း၊ ၼႂ်း​ၼႃႇရီႇ​ၼိုင်ႈ​ၵူၺ်း တၢင်း​ဢၼ်​ၸီႇ​ယၢင်ႇ​ဢပႅတ်ႈ​မႂ်း ႁွတ်ႈ​ထိုင်​ၵႃႈ​ၼိူဝ်​မႂ်း​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မိူၼ်​ၸိူဝ်ႉ​ၼင်ႇ​ၼၼ် ၸဝ်ႈ​ၵုၼ်ႇ​ၸဝ်ႈ​သိၼ်​လေႃးၵီႇ​တင်း​လၢႆ တၵ်း​ဢွၼ်​ၵၼ်​ႁွင်ႉ​ႁႆႈ​လႄႈ ၸႂ်​ဢမ်ႇ​သႃႇ​ၶၢင်း​ၶီ​ၶၢင်း​ၽၢၼ်​ယူႇ​ဢေႃႈ။ လွင်ႈ​မၼ်း​ၸမ်ႉ ၵမ်း​လိုၼ်း ၽူႈ​လႂ်​တၵ်း​ဢမ်ႇ​လႆႈ​သိုဝ်ႉ​ဢဝ်​ဢုၵ်ႉ​ၸႃႇ တၢင်း​ဢၼ်​ၶဝ်​ၵႃႉ​ၶဝ်​ၶၢႆ​ဢၼ်​ဝႃႈ​-</verse>
				<verse number="12">ၶမ်း၊ ငိုၼ်း၊ သႅင်​လီ၊ ပူး​လႄး၊ ပိၵ်ႈ​ၶျေႃး၊ ၶ​တီႈ​ပႃႇ၊ ၽႄး၊ ၽႃႈ​လႅင်၊ မႆႉ​ထိၼ်ႇ​ၵူႈ​မဵဝ်း၊ ၶိူင်ႈ​ငႃး​ၸၢင်ႉ​ၵူႈ​မဵဝ်း၊ ၶိူင်ႈ​မႆႉ​ဢၼ်​လီ​ၵူႈ​မဵဝ်း၊ ၶိူင်ႈ​တွင်း​လိူင်၊ ၶိူင်ႈ​လဵၵ်း၊ ၶိူင်ႈ​မၢၵ်ႇ​ႁိၼ်​ၽိူၵ်ႇ၊-</verse>
				<verse number="13">ၵဵင်​ႁွမ်၊ ဢမေႇမုင်ႇ၊ ၼၢမ်ႇ​သႃႇ​ၵူႈ​မဵဝ်း၊ ၼမ်ႉ​မၼ်း​ႁွမ်၊ လေႃႇပၢၼ်ႇ ၊ ၼမ်ႉ​ၸပိတ်ႈ၊ ၼမ်ႉ​မၼ်း၊ ၽွင်​ၶဝ်ႈ​မုၼ်း၊ ၶဝ်ႈ​သၢၼ်​ၵျုင်ႇ၊ ဝူဝ်း၊ သူဝ်း၊ မႃႉ၊ ရထႃး၊ ၶႃႈ၊ ဝီႉၺိၺ်ႇ​ၵူၼ်း​တင်း​လၢႆ​ၸိူဝ်း​ၼၼ်ႉ။-</verse>
				<verse number="14">မၢၵ်ႇ​ဢၼ်​ၸႂ်​မႂ်း​ၸပ်း​ၸွႆး​ၼႃႇ​လူင်​လၢင်​ၸိူဝ်း​ၼၼ်ႉ​ၵေႃႈ ႁၢႆ​ၵႂႃႇ​သဵင်ႈ​ယဝ်ႉ။ ၶိူင်ႈ​ဢၼ်​ပီး​ဢၼ်​မၼ်း၊ ၶိူင်ႈ​ဢၼ်​သၢင်ႇ​ထုၵ်ႇ​ၵႃႈ​မီး တင်း​သဵင်ႈ​တင်း​လူင် ႁၢႆ​ၵႂႃႇ​သဵင်ႈ​ယဝ်ႉ။ ၵမ်း​လိုၼ်း​ဢမ်ႇ​လႆႈ​ထူပ်း​လႆႈ​ႁၼ်။</verse>
				<verse number="15">ၸဝ်ႈ​ၵုၼ်ႇ​ၸဝ်ႈ​သိၼ် ဢၼ်​ဢိင်​ပိုင်ႈ​မၼ်း​လႄႈ ၸၢင်ႈ​လႆႈ​ငိုၼ်း​ၵွပ်ႈ​ပိူဝ်ႈ​ဢၼ်​သိုဝ်ႉ​ဢၼ်​ၶၢႆ​ၶိူင်ႈ ၸိူဝ်ႉ​ၼင်ႇ​ၼၼ်​ၸိူဝ်း​ၼၼ်ႉ တၵ်း​ၸုၵ်း​ယူႇ​တီႈ​ဢၼ်​ၵႆ ၵွပ်ႈ​ပိူဝ်ႈ​ဢၼ်​ၵူဝ်​ႁႄ ဝူၺ်ႇတၼႃႇ တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး ဢၼ်​မၼ်း​လႆႈ​ၶၢမ်ႇ​ၼၼ်ႉ​ယူႇ​သေ​လႄႈ ဢွၼ်​ၵၼ်​ႁွင်ႉ​ႁႆႈ​လႄႈ ၸႂ်​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ်​လႄႈ​ဝႃႈ​-</verse>
				<verse number="16">ၸိုင်​မၼ်း​ပဵၼ်​ၸိူဝ်ႉ​ၼင်ႇ​ၼႆ၊ ၸိုင်​မၼ်း​ပဵၼ်​ၸိူဝ်ႉ​ၼင်ႇ​ၼႆ။ ဝဵင်း​လူင်​ဢၼ်​ၼုင်ႈ​မႆႈ​ပိၵ်ႈ​ၶျေႃး ဢိၵ်ႇ​တင်း​ၶူဝ်း​လႅင်​တင်း​ၶူဝ်း​ၵမ်ႇ​လႄႈ ႁၢင်ႈ​ၶိူင်ႈ​ၶမ်း၊ ၶိူင်ႈ​သႅင်​လီ၊ ၶိူင်ႈ​ပူး​လႄး​ၼႆႉ၊-</verse>
				<verse number="17">ၼႂ်း​ၼႃႇရီႇ​ၼိုင်ႈ​ၵူၺ်း​လႄႈ ၸေး​ၸိမ်ႇ​ဢၼ်​ယႂ်ႇ​ၼႃႇ​ထၢၼ်ႇ​ၼႆႉ လူႉ​လႅဝ်​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။ ၵႄႇ​ႁိူဝ်း​သၢင်း​ၽေႃး​တင်း​သဵင်ႈ​တင်း​လူင်၊ ၶဝ်​ၸိူဝ်း​ဢၼ်​ၶၢမ်ႈ​ၼမ်ႉ​ၵႂႃႇ ၵူႈ​တီႈ​ၵူႈ​လႅၼ်​တင်း​သဵင်ႈ​တင်း​လူင်၊ ၵူၼ်း​ႁိူဝ်း​သၢင်း​ၽေႃး​တင်း​လၢႆ၊ ဢိၵ်ႇ​တင်း​ၸဝ်ႈ​ၵုၼ်ႇ​ၸဝ်ႈ​သိၼ်​ပၢင်ႇ​လၢႆႇ ၵႃႈ​မီး​ၸိူဝ်း​ၼၼ်ႉ တၵ်း​ၸုၵ်း​ယူႇ​တီႈ​ဢၼ်​ၵႆ​လႄႈ၊-</verse>
				<verse number="18">မိူဝ်ႈ​ဢၼ်​ႁၼ်​ၵႂၼ်း​ၽႆး တီႈ​ဢၼ်​မၼ်း​မႆႈ​ၽႆး​ၼၼ်ႉ​ၸိုင် တၵ်း​ႁွင်ႉ​သႅၼ်ႇ​လႄႈ​ဝႃႈ၊ ဝဵင်း​ဢၼ်​လႂ်​တၵ်း​မိူၼ်​ၵၼ်​တင်း​ဝဵင်း​ၼႆႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="19">ၶဝ်​ၼၼ်ႉ တၵ်း​ဢဝ်​မုၼ်ႈ​လိၼ်​ပိုၼ်​သႂ်ႇ​ၵႃႈ​ၼိူဝ်​ႁူဝ် တူဝ်​ၸဝ်ႈ​ၵဝ်ႇ​ယူႇ၊ ႁွင်ႉ​ႁႆႈ​လႄႈ ၸႂ်​ဢမ်ႇ​သႃႇ ၶၢင်း​ၶီ​ၶၢင်း​ၽၢၼ်​ယူႇ​သေ​လႄႈ​ဝႃႈ၊ ၸိုင်​မၼ်း​ပဵၼ်​ၸိူဝ်ႉ​ၼင်ႇ​ၼႆ၊ ၸိုင်​မၼ်း​ပဵၼ်​ၸိူဝ်ႉ​ၼင်ႇ​ၼႆ။ ဝဵင်း​လူင်​ဢၼ်​ဢဝ်​ၸေး​ၸိမ်ႇ​တူဝ်​ၸဝ်ႈ​ၵဝ်ႇ ပၼ်​တီႈ​ၶဝ်​ၸိူဝ်း​ဢၼ်​ဢုပ်ႉ​ပိူင်ႇ​ႁိူဝ်း​သၢင်း​ၽေႃး ဢၼ်​ၶၢမ်ႈ​ပၢင်ႇ​လၢႆႇ​လႄႈ ႁႂ်ႈ​ၸၢင်ႈ​လႆႈ​ငိုၼ်း​ၼၼ်ႉ​ၼႆႉ၊ ၼႂ်း​ၼႃႇရီႇ​ၼိုင်ႈ​ၵူၺ်း လူႉ​လႅဝ်​ယဝ်ႉ​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="20">ၸႃႉ​ၸဵမ်​ၵၢင်​ႁၢဝ်​လႄႈ ၵူၼ်း​မူတ်း​ၸၢင်ႇ ဢိၵ်ႇ​တင်း​တမၢၼ်ႇ​ၸဝ်ႈ တင်း​ပရေႃးၽႅတ်ႈ​ၶဝ်​ဢိူၺ်း၊ တူၺ်း​မၼ်း​လႄႈ သိူဝ်း​ပျေႃႇ​တႃႉ။ ၽြႃး​ပဵၼ်​ၸဝ်ႈ​ယူႇ​ၽၢႆႇ​သူ​သေ​လႄႈ ၸီႇ​ယၢင်ႇ​တြႃး​တီႈ​မၼ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="21">တမၢၼ်ႇ​ၵၢင်​ႁၢဝ် ဢၼ်​ႁႅင်း​ယႂ်ႇ​ၼႃႇ​ပႃး​ၼိုင်ႈ ယွင်ႈ​ဢဝ်​မၢၵ်ႇ​ႁိၼ် ဢၼ်​မိူၼ်​ၸိူဝ်ႉ​ၼင်ႇ​မၢၵ်ႇ​ႁိၼ်​လူၺ်​ၼၼ်ႉ​သေ​လႄႈ၊ ထိမ်ႈ​တူၵ်း​သႂ်ႇ​ၵႃႈ​ၼႂ်း​ပၢင်ႇ​လၢႆႇ​သေ​ယဝ်ႉ လၢတ်ႈ​လႄႈ​ဝႃႈ၊ မိူၼ်​ၸိူဝ်ႉ​ၼင်ႇ​ၼၼ် ဝဵင်း​ ပႃႇပူႉလုၼ်ႇ ​တၵ်း​လႆႈ​ၶၢမ်ႇ တၢင်း​ဢၼ်​ဢဝ်​တင်း​ႁႅင်း​ဢၼ်​ယႂ်ႇ​ၼႃႇ​ထိမ်ႈ​တူၵ်း​သႂ်ႇ​လႄႈ ၵမ်း​လိုၼ်း ဢမ်ႇ​လႆႈ​ပေႃႇ​လႆႈ​မီး။-</verse>
				<verse number="22">သဵင်​ၵေႃႉ​ဢၼ်​လဵတ်း​တိင်ႇ၊ ၵေႃႉ​ဢၼ်​ႁႆႇ​သဵင်​ဢူၼ်ႈ​သဵင်​ဢွၼ်ႇ၊ ၵေႃႉ​ဢၼ်​ပဝ်ႇ​ပီႇ​ပဝ်ႇ​ၼႄး၊ ၵေႃႉ​ဢၼ်​ပဝ်ႇ​ၼႄး​ၶရႃႇ ၸိူဝ်း​ၼၼ်ႉ​ၵေႃႈ ၵမ်း​လိုၼ်း ဢမ်ႇ​လႆႈ​လင်​လႆႈ​မေႃး ၵႃႈ​ၼႂ်း​မႂ်း။ ၶဝ်​ၸိူဝ်း​ဢၼ် မေႃ​တိၼ်​မေႃ​မိုဝ်း​ၵေႃႈ ၵမ်း​လိုၼ်း ဢမ်ႇ​လႆႈ​ပေႃႇ​လႆႈ​မီး ၵႃႈ​ၼႂ်း​မႂ်း​သေ​ၵေႃႉ​သေ​ၵူၼ်း။ သဵင်​လူၺ်​ၶဝ်ႈ​ၵေႃႈ ၵမ်း​လိုၼ်း ဢမ်ႇ​လႆႈ​ႁူၼ်ႈ​လႆႈ​မေႃး ၵႃႈ​ၼႂ်း​မႂ်း။-</verse>
				<verse number="23">ဢၼ်​လႅင်း​ဝၢၼ်ႇ​ၽႆး​တဵၼ်း​ၵေႃႈ ၵမ်း​လိုၼ်း ဢမ်ႇ​လႆႈ​ႁိူဝ်ႈ​လႆႈ​လႅင်း ၵႃႈ​ၼႂ်း​မႂ်း။ သဵင်​ၽူႈ​ၸၢႆး ၽူႈ​ယိင်း သွင်ႇ​မင်ႇၵလႃႇ​ၵေႃႈ ၵမ်း​လိုၼ်း ဢမ်ႇ​လႆႈ​ငိၼ်း ၵႃႈ​ၼႂ်း​မႂ်း။ လွင်ႈ​မၼ်း​ၸမ်ႉ ၸဝ်ႈ​ၵုၼ်ႇ​ၸဝ်ႈ​သိၼ်​မႂ်း​ၸိူဝ်း​ၼၼ်ႉ ပဵၼ်​မူး​မၢတ်ႈ​ၽွင်ႈ​မိူင်း​လေႃးၵီႇ​ယဝ်ႉ။ ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ပႅတ်ႉ​လႅၼ် ၵွပ်ႈ​ပိူဝ်ႈ​ပရီႉယႄႇ တၢင်း​ဢၼ်​မႂ်း​ၸေႃး​မႂ်း​ႁဵတ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="24">လိူတ်ႈ​ပရေႃးၽႅတ်ႈ ဢိၵ်ႇ​တင်း လိူတ်ႈ​ၵူၼ်း​မူတ်း​ၸၢင်ႇ​တင်း​လၢႆ တင်း​လိူတ်ႈ​ၵူၼ်း​ၵႃႈ​ဢၼ်​ဢဝ်​တၢႆ ၵႃႈ​ၼိူဝ်​လိၼ်​မိူင်း​ၼႆႉ တင်း​သဵင်ႈ​တင်း​လူင်​ၼၼ်ႉ​ၸိုင် ထူပ်း​ႁၼ်​ၵႃႈ​ၼႂ်း​ဝဵင်း​ၼၼ်ႉ​ဢေႃႈ။</verse>
			</chapter>
			<chapter number="19">
				<verse number="1">လိုၼ်း​ၼၼ်ႉ ၵဝ်​ငိၼ်း​သဵင်​ၶဝ်​ၸိူဝ်း​ဢၼ် ၸူႉ​ၵၼ်​တုမ်​ၵၼ်​ၼမ်​ၼႃႇ ၵႃႈ​ၼိူဝ်​ၵၢင်​ႁၢဝ်​ၼၼ်ႉ​လၢတ်ႈ​လႄႈ​ဝႃႈ၊ ႁႃႇလေႇလူႉယႃႇ၊ ၵတ်း​ယဵၼ်​ၶျၢမ်း​သႃႇ တၢင်း​ဢၼ်​ၵႄႇ​ၶျွတ်ႈ​ဢဝ်၊ မုၼ်​သရေႇ​တၼ်း​ၶူဝ်း မီး​တီႈ​ၽြႃး​ပဵၼ်​ၸဝ်ႈ​ႁဝ်း​တီႈ​ၶႃႈ​ဢေႃႈ။-</verse>
				<verse number="2">လွင်ႈ​တၢင်း​ဢၼ်​မၼ်း​ၸဝ်ႈ ၸီႇ​ယၢင်ႇ​ၸိူဝ်း​ၼၼ်ႉ မၢၼ်ႇ​မႅၼ်ႈ​ၸိုဝ်ႈ​ၸႂ်ႈ​သိုဝ်ႈ​တေႃႇ တီႈ​ၶႃႈ​ဢေႃႈ။ မၼ်း​ၸဝ်ႈ​ၸႅတ်ႈ​တူၺ်း​ၸီႇ​ယၢင်ႇ မႄႈ​မွၵ်ႇ​ယႃႈ​လူင် ဢၼ်​ႁႂ်ႈ​လိၼ်​မိူင်း​တူႇ​ၼဝ်ႈ ၵွပ်ႈ​ပိူဝ်ႈ​မေႇ​ထုင်ႇ​ဢၼ်​ဢမ်ႇ​တြႃး​တူဝ်​ၸဝ်ႈ​ၵဝ်ႇ ၼၼ်ႉ​ယဝ်ႉ။ မၼ်း​ၸဝ်ႈ​ပၼ်​တၢမ်ႇ​ဢပႅတ်ႈ ၸွမ်း​ၼင်ႇ​လိူတ်ႈ​ၶႃႈ​မၼ်း​ၸဝ်ႈ​တင်း​လၢႆ ဢၼ်​မၼ်း​ဢဝ်​မိုဝ်း​မၼ်း​ထွၵ်ႇ​ပႅတ်ႈ​ၼၼ်ႉ တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="3">ၵမ်း​ၼၼ်ႉ ပွၵ်ႈ​တူႉတီႉယႃႉ ၶဝ်​လၢတ်ႈ​လႄႈ​ဝႃႈ၊ ႁႃႇလေႇလူႉယႃႇ၊ ဝႃႈ​ၼင်ႇ​ၼႆ​ဢေႃႈ။ ၵႂၼ်း​ၽႆး​မၼ်း​ၼၼ်ႉ ၶိုၼ်ႈ​ယူႇ​ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း​ဢေႃႈ။</verse>
				<verse number="4">ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ သၢဝ်း​သီႇ​ပႃး ဢိၵ်ႇ​တင်း​သတ်ႉတဝႃႇ သီႇ​ပႃး ၶုပ်ႉ​မူပ်ႇ​လႄႈ ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၸဝ်ႈ ၼၼ်ႉ​ယူႇ​သေ​လႄႈ လဝ်ႊ​ဝႃႈ၊ ဢႃႇမိၼ်ႇ။ ႁႃႇလေႇလူႉယႃႇ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="5">သဵင်​ဢၼ်​ဢွၵ်ႇ​သေ​ၵႃႈ​ၼႂ်း ပလၢင်ႇ​ၸဝ်ႈ​မႃး​လႄႈ ဝႃႈ​ၸမ်ႉ၊ ၶႃႈ​ၽြႃး​ပဵၼ်​ၸဝ်ႈ​တင်း​သဵင်ႈ​တင်း​လူင် ဢိၵ်ႇ​တင်း ၶဝ်​ၸိူဝ်း​ဢၼ်​ရူဝ်ႇ​သေႇ​ၵူဝ်​ယမ်​မၼ်း​ၸဝ်ႈ ၸဵမ်​လဵၵ်ႉ​ၸဵမ်​ယႂ်ႇ ၵႃႈ​မီး​ၶဝ်​ဢိူၺ်း၊ ဢွၼ်​ၵၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ​ႁဝ်း​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">ၵမ်း​ၼၼ်ႉ ၵဝ်​ငိၼ်း​သဵင်​ပဵၼ်​ၸိူဝ်ႉ​ၼင်ႇ သဵင်​ၵူၼ်း​ၼမ်​ၼႃႇ ဢၼ်​ၸူႉ​ၵၼ်​တုမ်​ၵၼ်၊ ၸိူဝ်ႉ​ၼင်ႇ သဵင်​ၼမ်ႉ​သမ်ႇ​မုၵ်ႉ​တြႃႇ၊ ၸိူဝ်ႉ​ၼင်ႇ သဵင်​ၽႃႉ​လင်​ဢၼ်​ႁႅင်း​ၼႃႇ​ၼၼ်ႉ လၢတ်ႈ​လႄႈ​ဝႃႈ၊ ႁႃႇလေႇလူႉယႃႇ၊ ထႃႇဝရႃႉ​ၽြႃး​ပဵၼ်​ၸဝ်ႈ​ႁဝ်း​ၶႃႈ၊ ၸဝ်ႈ​ဢၼ်​ပျေႉ​ၸုမ်ႇ​တင်း ဢၼၼ်ႇတႃႉ​တၼ်း​ၶူဝ်း​ၼႆႉ ၸၢမ်ႇ​ၸႃး​တီႈ​ၶႃႈ​ဢေႃႈ။-</verse>
				<verse number="7">ဢွၼ်​ၵၼ်​ၸူမ်း​သိူဝ်း​လႄႈ မူၼ်ႈ​ပျေႃႇ​တႃႉ​ႁဝ်း။ ဢွၼ်​ၵၼ်​ယွင်ႈ​ယေႃး မုၼ်​မၼ်း​ၸဝ်ႈ​တႃႉ​ႁဝ်း။ လွင်ႈ​မၼ်း​ၸမ်ႉ ၶိင်ႇ​ဢၼ်​ၶၢမ်ႇ​ပွႆး​မင်ႇၵလႃႇ​သူဝ်း​ဢွၼ်ႇ ႁွတ်ႈ​ထိုင်​ယဝ်ႉ။ ၽူႈ​ယိင်း​မၼ်း​ၵေႃႈ ႁၢင်ႈ​ၶိူင်ႈ​တူဝ်​ၸဝ်ႈ​ၵဝ်ႇ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="8">ၽူႈ​ယိင်း​ၼၼ်ႉ လႆႈ​ဢၶႂၢင်ႉ​ဢၼ်​ၼုင်ႈ​မႆႈ​ပိၵ်ႈ​ၶျေႃး ဢၼ်​ႁိူဝ်ႈ​ႁိူင်း​လႄႈ​မူတ်း​သႂ်​ၼၼ်ႉ​ဢေႃႈ။ ပိၵ်ႈ​ၶျေႃး​ၼၼ်ႉ​ၸမ်ႉ ပဵၼ်​တၢင်း​ဢၼ်​သိုဝ်ႈ​တေႃႇ​ၵူၼ်း​မူတ်း​ၸၢင်ႇ​တင်း​လၢႆ​ဢေႃႈ။</verse>
				<verse number="9">တမၢၼ်ႇ​ၵၢင်​ႁၢဝ်​ၼၼ်ႉ​ၵေႃႈ လၢတ်ႈ​လႄႈ​ဝႃႈ၊ ၶဝ်​ၸိူဝ်း​ဢၼ်​လႆႈ​ၶၢမ်ႇ တၢင်း​ဢၼ်​ႁွင်ႉ​ပၢင်း​ၵႂႃႇ ၵႃႈ​တီႈ​ပွႆး​သွင်ႇ​မင်ႇၵလႃႇ​သူဝ်း​ဢွၼ်ႇ​ၼၼ်ႉ မီး​မင်ႇၵလႃႇ​ဢေႃႈ၊ ဝႃႈ​ၼႆ​တႅမ်ႈ​ဝႆႉ​တႃႉ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​သမ်ႉ​လၢတ်ႈ​လႄႈ​ဝႃႈ၊ ၵႂၢမ်း​ၼႆႉ ပဵၼ်​ၵႂၢမ်း​ဢၼ် ဢွၵ်ႇ​ၵႃႈ​ၼႂ်း​သူပ်း​ၽြႃး​ပဵၼ်​ၸဝ်ႈ ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။-</verse>
				<verse number="10">ၵဝ်​ၶုပ်ႉ​မူပ်ႇ ႁိမ်း​တိၼ်​မၼ်း​ၼၼ်ႉ ႁႂ်ႈ​လႆႈ​ၵူဝ်း​ၵႂၢႆႇ​မၼ်း​ဢေႃႈ။ မၼ်း​ၵေႃႈ​လၢတ်ႈ​တီႈ​ၵဝ်​လႄႈ​ဝႃႈ၊ ယႃႇ​ပေ​ႁဵတ်း​သေ​ၵမ်း။ ၵဝ်​ၸမ်ႉ​ပဵၼ်​ၵေႃႉ​ဢၼ်​သၢင်ႈ​ႁဵတ်း​လူၺ်ႈ​ၵၼ်​တင်း​မႂ်း​လႄႈ ၶဝ်ႈ​ပႃး​ၼႂ်း​ပီႈ​ၼႂ်း​ၼွင်ႉ​မႂ်း ဢၼ်​ပႃး​ဢဝ်​တင်း တၢင်း​ဢၼ်​ၶၢမ်ႇ​သၢၵ်ႈ​သေႇ ယေႇသူႉ ​ၼၼ်ႉ​ဢေႃႈ။ ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​တႃႉ၊ လွင်ႈ​မၼ်း​ၸမ်ႉ သၢၵ်ႈ​သေႇ​ ယေႇသူႉ ​ၸိုင် ပဵၼ်​သၽေႃး​ၵႂၢမ်း ဢၼ်​ပရေႃးၽႅတ်ႈ​တင်း​လၢႆ ႁေႃး​လၢတ်ႈ​ဝႆႉ​ယဝ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="11">မိူဝ်ႈ​ၼၼ်ႉ ၵဝ်​ႁၼ်​မိူင်း​ၵၢင်​ႁၢဝ် ၽုၺ်ႇ​ပိုတ်ႇ​ဝႆႉ​ဢေႃႈ။ မီး​မႃႉ​ၽိူၵ်ႇ လႄႈ ၵေႃႉ​ဢၼ်​ၶီ​မႃႉ​ၼၼ်ႉ လႆႈ​ၼႃႇ​မႃႉ​ၸိုဝ်ႈ​သဵင်​ဢၼ်​ဝႃႈ သဵတ်ႈ​ၸႃႇ ဢိၵ်ႇ​တင်း​သမ်ႇမႃႇ​ဢေႃႈ။ ၵေႃႉ​ၼၼ်ႉ ၸၢင်ႈ​ၸီႇ​ယၢင်ႇ ၸွမ်း​ၼင်ႇ​တြႃး​ဢေႃႈ။ ၸၢင်ႈ​တိုၵ်း​သိုၵ်း ၸွမ်း​ၼင်ႇ​တြႃး​ဢေႃႈ။-</verse>
				<verse number="12">မၢၵ်ႇ​တႃ​ၸဝ်ႈ​ၼၼ်ႉ ပဵၼ်​ၸိူဝ်ႉ​ၼင်ႇ​ပဵဝ်​ၽႆး​ဢေႃႈ။ ၵႃႈ​ၼိူဝ်​ႁူဝ်​ၸဝ်ႈ​ၵေႃႈ တိုဝ်း​သရၽူႇ ၼမ်​ၼႃႇ​ဢေႃႈ။ ၼႃႇ​မႃႉ​ၸိုဝ်ႈ​သဵင် ဢၼ်​ၼွၵ်ႈ​သေ​တူဝ်​ၸဝ်ႈ​ၵဝ်ႇ ၽူႈ​လႂ်​ဢမ်ႇ​ႁူႉ​ၼၼ်ႉ​ၵေႃႈ တႅမ်ႈ​ဝႆႉ​မီး​ယူႇ​ဢေႃႈ။-</verse>
				<verse number="13">မၼ်း​ၸဝ်ႈ​ၼုင်ႈ​မႆ​ၶူဝ်း​ၼုင်ႈ ဢၼ်​ဢဝ်​ၸွမ်ႇ​ၸုမ်ႇ​သႂ်ႇ​ၵႃႈ​ၼႂ်း​လိူတ်ႈ​ဢေႃႈ။ မၼ်း​ၸဝ်ႈ​မီး​ၼႃႇ​မႃႉ​ၸိုဝ်ႈ​သဵင် ဢၼ်​ႁွင်ႉ​ႁဵၵ်ႈ​ဝႃႈ၊ ၼုၵ်ႈၵပၢတ်ႈ​ၽြႃး​ပဵၼ်​ၸဝ်ႈ​ဢေႃႈ။-</verse>
				<verse number="14">ပူဝ်ႇ​ပႃႇ​ၵၢင်​ႁၢဝ်​တင်း​လၢႆ ၶီႇ​မႃႉ​ၽိူၵ်ႇ​လႄႈ ၼုင်ႈ​မႆ​ပိၵ်ႈ​ၶျေႃး​ၽိူၵ်ႇ ဢၼ်​မူတ်း​သႂ်​ယူႇ​သေ​လႄႈ ၸွမ်း​ၽၢႆႇ​တၢင်း​လင်​မၼ်း​ၸဝ်ႈ​ယူႇ​ဢေႃႈ။-</verse>
				<verse number="15">လၢပ်ႇ​သၢၼ်ႇ​လျၢၵ်ႉ ဢၼ်​ၽၢႆ​ၼႃႇ ဢွၵ်ႇ​ၵႃႈ​ၼႂ်း​သူပ်း​မၼ်း​ၸဝ်ႈ​မႃး ပုၼ်ႈ​ဢၼ်​တၵ်း​လႆႈ​ပၼ်​တၢမ်ႇ တီႈ​ၵူၼ်း​မဵဝ်း​တင်း​လၢႆ​ဢေႃႈ။ မၼ်း​ၸဝ်ႈ​တၵ်း​ဢဝ် တင်း​ၵၼ်း​ႁွၵ်ႇ​လဵၵ်း​လႄႈ ဢုပ်ႉ​ပိူင်ႇ​ၶဝ်​ဢေႃႈ။ တၵ်း​တဵင်​ယဵပ်ႇ​ၶိူင်ႈ​တီႈ​ဢၼ်​ယဵပ်ႇ​သႂ်ႇ မၢၵ်ႇ​ၸပိတ်ႈ​တေႃး​သႃႉ တင်း​ၸႂ်​မႆႈ​ၽြႃး​ပဵၼ်​ၸဝ်ႈ ဢၼ်​ပျေႉ​ၸုမ်ႇ​တင်း ဢၼၼ်ႇတႃႉ​တၼ်း​ၶူဝ်း​ၼၼ်ႉ​ဢေႃႈ။-</verse>
				<verse number="16">ၼႃႇ​မႃႉ​ၸိုဝ်ႈ​သဵင်​ဢၼ်​ဝႃႈ၊ ၶုၼ်​ႁေႃ​ၶမ်း​ၼိူဝ်​ၶုၼ်​ႁေႃ​ၶမ်း တင်း​သဵင်ႈ​တင်း​လူင်၊ ၸဝ်ႈ​ၼိူဝ်​ၸဝ်ႈ တင်း​သဵင်ႈ​တင်း​လူင်၊ ဝႃႈ​ၼင်ႇ​ၼႆ​ၼၼ်ႉ​ၸိုင် တႅမ်ႈ​ဝႆႉ​မီး​ယူႇ​ၵႃႈ​တီႈ ၶူဝ်း​ၼုင်ႈ​ၸဝ်ႈ ဢိၵ်ႇ​တင်း ၵႃႈ​တီႈ​တၢပ်ႇ​ၶႃ​ၸဝ်ႈ​ဢေႃႈ။</verse>
				<verse number="17">ၵဝ်​ႁၼ် တမၢၼ်ႇ​ၵၢင်​ႁၢဝ်​ပႃး​ၼိုင်ႈ ၸုၵ်း​ယူႇ​ၵႃႈ​ၼႂ်း​ၵၢင်​ဝၼ်း​ဢေႃႈ။ မၼ်း​ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​တီႈ​ၼူၵ်ႉ ဢၼ်​ၸၢင်ႈ​မိၼ်​ၼိူဝ်​ၽႃႉ​ၵၢင်​ႁၢဝ်​ၵႃႈ​မီး​လႄႈ​ဝႃႈ၊ ဢွၼ်​ၵၼ်​မႃး​တႃႉ။-</verse>
				<verse number="18">ၸူႉ​ၵၼ်​တုမ်​ၵၼ် တီႈ​ပွႆး​ၽြႃး​ပဵၼ်​ၸဝ်ႈ ဢၼ်​ယႂ်ႇ​မျၢတ်ႈ​ၼႃႇ​ၼႆႉ ႁႂ်ႈ​လႆႈ​ၵိၼ်​ၼိူဝ်ႉ​ၶုၼ်​ႁေႃ​ၶမ်း၊ ၼိူဝ်ႉ​ၵူၼ်း​လူင်​ဢၼ်​ဢုပ်ႉ​သိုၵ်း၊ ၼိူဝ်ႉ​ၵူၼ်း​ဢၼ်​ႁတ်း​ႁၢၼ်၊ ၼိူဝ်ႉ​မႃႉ၊ ၼိူဝ်ႉ​ၶဝ်​ၸိူဝ်း​ဢၼ်​ၶီႇ​မႃႉ၊ ၼိူဝ်ႉ​ၵူၼ်း​ၵူႈ​မဵဝ်း​ၸႃႉ​ၸဵမ်​ၶႃႈ တင်း​ၵူၼ်း​လွတ်ႈ လဵၵ်ႉ​လဵၵ်ႉ​ယႂ်ႇ​ယႂ်ႇ​ၸိူဝ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="19">ၵဝ်​ႁၼ်​ၸႃႉ​ၸဵမ်​တူဝ်​ထိူၼ်ႇ​ႁၢႆႉ​လႄႈ ၶုၼ်​ႁေႃ​ၶမ်း​လေႃးၵီႇ ဢိၵ်ႇ​တင်း ပူဝ်ႇ​ပႃႇ​ၶဝ်​တင်း​လၢႆ​ၼၼ်ႉ ၸူႉ​ၵၼ်​တုမ်​ၵၼ်​ယူႇ ႁႂ်ႈ​လႆႈ​တိုၵ်း​တေႃး​ၸဝ်ႈ​ဢၼ်​ၶီႇ​မႃႉ​ဢိၵ်ႇ​တင်း ပူဝ်ႇ​ပႃႇ​မၼ်း​ၸဝ်ႈ​ၼၼ်ႉ​ဢေႃႈ။-</verse>
				<verse number="20">တူဝ်​ထိူၼ်ႇ​ႁၢႆႉ​ၼၼ်ႉ လႆႈ​ၶၢမ်ႇ​တၢင်း​ဢၼ်​တီႉ​လႆႈ လူၺ်ႈ​ၵၼ်​တင်း​မိၵ်ႉသႃႇ​ပရေႃးၽႅတ်ႈ ဢၼ်​ၸၢင်ႈ​ႁဵတ်း​ၼီႉမိၵ်ႈ​လၢၵ်ႈၶၼႃႇ ၵႃႈ​တီႈ​ၽၢႆႇ​ၼႃႈ တူဝ်​ထိူၼ်ႇ​ႁၢႆႉ​သေ​လႄႈ ပႅတ်ႉ​လႅၼ်​ၶဝ်​ၸိူဝ်း​ဢၼ် ၶၢမ်ႇ​တၼ်း​သိၵ်ႈ​လၢၵ်ႈ​မၢတ်ႈ တူဝ်​ထိူၼ်ႇ​ႁၢႆႉ​လႄႈ ၵူဝ်း​ၵႂၢႆႇ​ရုၵ်ႈ​ထူႉ​မၼ်း​ၼၼ်ႉ​ဢေႃႈ။​သွင်​ၶႃ​ၼၼ်ႉ ဢသၢၵ်ႈ​လိပ်း​ယူႇ​သေ​လႄႈ လႆႈ​ၶၢမ်ႇ​တၢင်း​ဢၼ်​ၶျူး​တူၵ်း​သႂ်ႇ ၵႃႈ​ၼႂ်း​ၼွင်​ၽႆး​ဢၼ်​မႆႈ​ယူႇ တင်း​ၵၢၼ်ႉ​ၼၼ်ႉ​ဢေႃႈ။-</verse>
				<verse number="21">ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ လႆႈ​ၶၢမ်ႇ​တၢင်း​ဢၼ် ဢဝ်​တၢႆ​လူၺ်ႈ​လၢပ်ႇ​သၢၼ်ႇ​လျၢၵ်ႉ ဢၼ်​ဢွၵ်ႇ​သေ​ၵႃႈ​ၼႂ်း​သူပ်း​ၸဝ်ႈ ဢၼ်​ၶီႇ​မႃႉ​ၼၼ်ႉ​မႃး​ၼၼ်ႉ​ဢေႃႈ။ ၼူၵ်ႉ​တင်း​သဵင်ႈ​တင်း​လူင် ၵိၼ်​ၼိူဝ်ႉ​ၶဝ်​ၼၼ်ႉ​လႄႈ ဢိမ်ႇ​တဵမ်​ဢေႃႈ။</verse>
			</chapter>
			<chapter number="20">
				<verse number="1">ၵမ်း​ၼၼ်ႉ ၵဝ်​ႁၼ်​တမၢၼ်ႇ​ၵၢင်​ႁၢဝ် ပႃး​ၼိုင်ႈ ယိပ်း​ၵမ်​ဢဝ်​သေႃး​ၶုမ်​သေႃး​ႁူး ဢၼ်​လိုၵ်ႉ​ၼႃႇ​သေ​ပိူၼ်ႈ ဢိၵ်ႇ​တင်း ၸိူၵ်ႈ​လဵၵ်း​လူင် ယူႇ​သေ​လႄႈ လုၵ်ႉ​သေ​ၵႃႈ​ၼိူဝ်​ၵၢင်​ႁၢဝ် လူင်း​မႃး​ဢေႃႈ။-</verse>
				<verse number="2">မၼ်း​ၼၼ်ႉ တီႉ​ၵမ်​ဢဝ်​ၼၵႃး ဢၼ်​ဝႃႈ​ငူး​ၵဝ်ႇ​ၵဝ်ႇ မိူဝ်ႈ​ၵွၼ်ႇ​ဢွၼ်​ၼႆႉ ဢၼ်​ပဵၼ်​ မႃႇၼၢတ်ႈၸႃႇတၢၼ်ႇ ​ၼၼ်ႉ​သေ​လႄႈ မတ်ႉ​ၽုၵ်ႇ​ဝႆႉ ပုၼ်ႈ​ပီႊ​မိူင်း ႁဵင်​ၼိုင်ႈ​လႄႈ၊-</verse>
				<verse number="3">ဢဝ်​ၶျႃး​တူၵ်း​သႂ်ႇ ၵႃႈ​ၼႂ်း​ၶုမ်​ၼႂ်း​ႁူး ဢၼ်​လိုၵ်ႉ​ၼႃႇ​သေ​ပိူၼ်ႈ​လႄႈ ဢိုတ်း​ဝႆႉ​သေ​ယဝ်ႉ၊ တွၵ်ႇ​တၼ်း​သိၵ်ႈ​ဝႆႉ လွင်ႈ​ၼင်ႇ​ႁိုဝ် ၸူဝ်ႈ​ဢၼ်​ပီႊ​မိူင်း​ႁဵင်​ၼိုင်ႈ​ၼၼ်ႉ ဢမ်ႇ​ပႆႇ​သဵင်ႈ​ၼၼ်ႉ မၼ်း​တၵ်း​ဢမ်ႇ​လႆႈ​ပႅတ်ႉ​လႆႈ​လႅၼ် ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢေႃႈ။ မိူဝ်ႈ​ဢၼ်​ပီႊ​မိူင်း​ႁဵင်​ၼိုင်ႈ​ၼၼ်ႉ သဵင်ႈ​မူတ်း​ယဝ်ႉ​ၼၼ်ႉ​ၸိုင် မၼ်း​တၵ်း​လႆႈ​ၶၢမ်ႇ​တၢင်း​ဢၼ် ပွႆႇ​လွတ်ႈ​ၵမ်း​ဢွၼ်ႇ​ၼိုင်ႈ​ဢေႃႈ။</verse>
				<verse number="4">ပလၢင်ႇ​ၼမ်​ၼႃႇ​ၵေႃႈ ၵဝ်​ႁၼ်​ဢေႃႈ။ ၶဝ်​ၸိူဝ်း​ဢၼ်​ၼင်ႈ​ယူႇ ၵႃႈ​ၼိူဝ်​ပလၢင်ႇ​ၸိူဝ်း​ၼၼ်ႉ လႆႈ​ဢၶႂၢင်ႉ​ဢၼ်​လႆႈ ၸီႇ​ယၢင်ႇ​တြႃး​ဢေႃႈ။ ဝီႉၺိၺ်ႇ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် တႅပ်း​ၶေႃး​ၽၼ်း​ၶေႃး ၵွပ်ႈ​ပိူဝ်ႈ​ၼုၵ်ႈၵပၢတ်ႈ​ၽြႃး​ပဵၼ်​ၸဝ်ႈ ဢိၵ်ႇ​တင်း လွင်ႈ​တၢင်း​ဢၼ်​ၶၢမ်ႇ​သၢၵ်ႈ​သေႇ​ ယေႇသူႉ ဢၼ်​ဢမ်ႇ​ၵူဝ်း​ၵႂၢႆႇ​တူဝ်​ထိူၼ်ႇ​ႁၢႆႉ ဢိၵ်ႇ​တင်း​ရုၵ်ႈ​ထူႉ​မၼ်း၊ ဢၼ်​ဢမ်ႇ​ၶၢမ်ႇ​တၼ်း​သိၵ်ႈ​လၢၵ်ႈ​မၢတ်ႈ​မၼ်း ၵႃႈ​တီႈ​ၼႃႈ​ၽၢၵ်ႇ ဢိၵ်ႇ​တင်း​ၵႃႈ​တီႈ​မိုဝ်း​ၼၼ်ႉ​ၵေႃႈ ၵဝ်​ႁၼ်​ဢေႃႈ။ ၶဝ်​ၼၼ်ႉ​ဢသၢၵ်ႈ​လိပ်း​ယူႇ​သေ​လႄႈ ၸၢမ်ႇ​ၸႃး​လူၺ်ႈ​ၵၼ်​တင်း ၸဝ်ႈ​ၶရိၸ်ႈ ပီႊ​မိူင်း​ႁဵင်​ၼိုင်ႈ​တဵမ်​တဵမ်​ဢေႃႈ။-</verse>
				<verse number="5">ၵူၼ်း​တၢႆ ဢၼ်​ၵိုတ်း​ဢၼ်​ၵျၢၼ်ႇ​ၸိူဝ်း​ၼၼ်ႉ ၸူဝ်ႈ​ဢၼ် ပီႊ​မိူင်း​ႁဵင်​ၼိုင်ႈ​ၼၼ်ႉ ဢမ်ႇ​ပႆႇ​သဵင်ႈ​ပႆႇ​မူတ်း​ၼၼ်ႉ​ၸိုင် ဢသၢၵ်ႈ​ဢမ်ႇ​လႆႈ​လိပ်း။ တၢင်း​ဢၼ်​လုၵ်ႉ​ၶိုၼ်း​ၼႆႉ​ၸမ်ႉ ပဵၼ်​တၢင်း​ဢၼ် လုၵ်ႉ​ၶိုၼ်း ပထမႃႉ ဢေႃႈ။-</verse>
				<verse number="6">ၵေႃႉ​ဢၼ်​လႆႈ​ၶဝ်ႈ​ၸၢမ်ႇ​ၸႃး ၼႂ်း​တၢင်း​ဢၼ် လုၵ်ႉ​ၶိုၼ်း​ပထမႃႉ​ၼၼ်ႉ ပဵၼ်​ၵေႃႉ​ဢၼ်​မီး​မင်ႇၵလႃႇ၊ ၵေႃႉ​ဢၼ်​မူတ်း​ၸၢင်ႇ​ဢေႃႈ။ ၵေႃႉ​ၸိူဝ်ႉ​ၼင်ႇ​ၼၼ်​ၼၼ်ႉ ၵၢင်း​လွတ်ႈ​တင်း တၢင်း​တၢႆ​တူႉတီႉယႃႉ လႄႈ တၵ်း​လႆႈ​ပဵၼ်​ယိတ်ႈပရေႃးႁဵၵ်ႈ​ၽြႃး​ပဵၼ်​ၸဝ်ႈ တင်း​ယိတ်ႈပရေႃးႁဵၵ်ႈ​ၸဝ်ႈ​ၶရိၸ်ႈ​လႄႈ ၸၢမ်ႇ​ၸႃး​လူၺ်ႈ​ၵၼ်​တင်း ၸဝ်ႈ​ၶရိၸ်ႈ ပီႊ​မိူင်း​ႁဵင်​ၼိုင်ႈ​တဵမ်​တဵမ်​ဢေႃႈ။</verse>
				<verse number="7">မိူဝ်ႈ​ဢၼ်​ပီႊ​မိူင်း​ႁဵင်​ၼိုင်ႈ​ၼၼ်ႉ​သဵင်ႈ​မူတ်း​ယဝ်ႉ​ၼၼ်ႉ​ၸိုင်၊ ၸႃႇတၢၼ်ႇ ​တၵ်း​လႆႈ​ဢၶႂၢင်ႉ​ဢၼ်​လွတ်ႈ​သေ​ၵႃႈ​ၼႂ်း​ထွင်ႇ​လႄႈ၊-</verse>
				<verse number="8">ဢွၵ်ႇ​ၶိုၼ်း​ၵႂႃႇ​ႁႂ်ႈ​လႆႈ​ပႅတ်ႉ​လႅၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း ဢၼ်​ယူႇ​ၵႃႈ​ၼိူဝ်​လိၼ်​မိူင်း​သီႇ​ၼႃႈ​ပႅတ်ႇ​ၽၢႆႇ ဢၼ်​ဝႃႈ ၵေႃးၵႃႉ ​တင်း မႃႇၵေႃးၵႃႉ ဢၼ်​ၼပ်ႉ​ဢၢၼ်ႇ​ၼမ်​ၼႃႇ ၸိူဝ်ႉ​ၼင်ႇ​သၢႆး​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ ဢိၵ်ႇ​တင်း​ႁႂ်ႈ​ၶဝ်​လႆႈ​ၸူႉ​ၵၼ်​တုမ်​ၵၼ် ပုၼ်ႈ​ဢၼ်​တၵ်း​တိုၵ်း​သိုၵ်း​ဢေႃႈ။-</verse>
				<verse number="9">ၶဝ်​ၼၼ်ႉ​ၶိုၼ်ႈ​မႃး​ၵႃႈ​ၼိူဝ်​ၼႃႈ​လိၼ်​သေ​လႄႈ ဝႅင်း​ႁွပ်ႈ​တပ်ႉ​ၵူၼ်း​မူတ်း​ၸၢင်ႇ​တင်း​လၢႆ ဢိၵ်ႇ​တင်း​ဝဵင်း​ၸဝ်ႈ​ဢၼ်​လီ​ႁၵ်ႉ​ၼႃႇ​ၼၼ်ႉ​ဢေႃႈ။ မိူဝ်ႈ​ၼၼ်ႉ ၽႆး​တူၵ်း​သေ​ၵႃႈ​တီႈ​ၽြႃး​ပဵၼ်​ၸဝ်ႈ ၵႃႈ​ၼိူဝ်​ၵၢင်​ႁၢဝ်​မႃး​လႄႈ ဢိုၼ်​ၶဝ်​ပႅတ်ႈ​ဢေႃႈ။-</verse>
				<verse number="10">မႃႇၼၢတ်ႈ​ဢၼ်​ပႅတ်ႉ​လႅၼ်​ၶဝ်​ၼၼ်ႉ​ၵေႃႈ လႆႈ​ၶၢမ်ႇ​တၢင်း​ဢၼ် ၶျႃး​တူၵ်း​သႂ်ႇ ၵႃႈ​ၼႂ်း​ၼွင်​ၽႆး ဢၼ်​လေႃး​ၵၼ်​တင်း ၵၢၼ်ႉ၊ တီႈ​ဢၼ်​တူဝ်​ထိူၼ်ႇ​ႁၢႆႉ ဢိၵ်ႇ​တင်း​မိၵ်ႉသႃႇ​ပရေႃးၽႅတ်ႈ မီး​ၼၼ်ႉ သေ​ယဝ်ႉ၊ ၶဝ်​ၼၼ်ႉ တၵ်း​လႆႈ​ၶၢမ်ႇ​ဝူၺ်ႇတၼႃႇ ဢၼ်​ယႂ်ႇ​ၼႃႇ​လူင်​လၢင် ၵူႈ​ဝၼ်း​ၵူႈ​ၶိုၼ်း ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​ဢေႃႈ။</verse>
				<verse number="11">ၵမ်း​ၼၼ်ႉ ၵဝ်​ႁၼ်​ပလၢင်ႇ​လူင် ဢၼ်​ၽိူၵ်ႇ​ဢၼ်​ၶၢဝ် ဢိၵ်ႇ​တင်း ၸဝ်ႈ​ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ ၼၼ်ႉ​ဢေႃႈ။ ၵၢင်​ႁၢဝ်​တင်း​လိၼ်​မိူင်း ပၢႆႈ​ဢွၵ်ႇ​သေ​ၵႃႈ​တီႈ​ၽၢႆႇ​ၼႃႈ​ၸဝ်ႈ​ၼၼ်ႉ​ၵႂႃႇ​လႄႈ တီႈ​ပုၼ်ႈ ဢၼ်​ၶဝ်​တၵ်း​ယူႇ ဢမ်ႇ​မီး။</verse>
				<verse number="12">ၵဝ်​ႁၼ်​ၶဝ်​ၸိူဝ်း​ဢၼ်​တၢႆ​ၵႂႃႇ​ယဝ်ႉ ၸဵမ်​လဵၵ်ႉ​ၸဵမ်​ယႂ်ႇ​ၼၼ်ႉ ၸုၵ်း​ယူႇ​ၵႃႈ​တီႈ ၽၢႆႇ​ၼႃႈ​ပလၢင်ႇ​ၸဝ်ႈ​ဢေႃႈ။ ၽိုၼ်​လိၵ်ႈ​တင်း​လၢႆ​ၵေႃႈ ၽုၺ်ႇ​ဝႆႉ​မီး​ယူႇ​ဢေႃႈ။ ၽိုၼ်​လိၵ်ႈ​တၢင်ႇ​ၽိုၼ်​ဢၼ်​ဝႃႈ ၽိုၼ်​လိၵ်ႈ​ဢသၢၵ်ႈ​ၼၼ်ႉ​ၵေႃႈ ၽုၺ်ႇ​ဝႆႉ​မီး​ယူႇ​ဢေႃႈ။ ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ လႆႈ​ၶၢမ်ႇ​တၢင်း​ဢၼ် ၸီႇ​ယၢင်ႇ​တြႃး ၸွမ်း​ၵႃႈ​ၼင်ႇ​ဢၼ်​တၢင်း​ၵမ်​တၢင်း​ၵျၢင်ႉ​ၶဝ်​မီး​ၼၼ်ႉ မႅၼ်ႈ​ၼင်ႇ​လွင်ႈ​တၢင်း​ဢၼ် တႅမ်ႈ​ဝႆႉ​ၵႃႈ​ၼႂ်း​ၽိုၼ်​လိၵ်ႈ​ၸိူဝ်း​ၼၼ်ႉ​ဢေႃႈ။-</verse>
				<verse number="13">ၼမ်ႉ​သမ်ႇ​မုၵ်ႉ​တြႃႇ ဢဝ်​ၵူၼ်း​တၢႆ​တင်း​လၢႆ ဢၼ်​မီး​ၵႃႈ​ၼႂ်း​မၼ်း​ၼၼ်ႉ ဢၢပ်ႈ​ပၼ်​ဢေႃႈ။ မရၼႃႉ ဢိၵ်ႇ​တင်း မိူင်း​မရၼႃႉ ၵေႃႈ ဢဝ်​ၵူၼ်း​တၢႆ​တင်း​လၢႆ ဢၼ်​မီး​ၵႃႈ​တီႈ​ၼႂ်း​ၶဝ်​ၼၼ်ႉ ဢၢပ်ႈ​ပၼ်​ဢေႃႈ။ ၵူၼ်း​ႁင်း​ၽႂ်​ႁင်း​မၼ်း​ၼၼ်ႉ လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​တြႃး ၸွမ်း​ၵႃႈ​ၼင်ႇ​ဢၼ် တၢင်း​ၵမ်​တၢင်း​ၵျၢင်ႉ​ၶဝ်​မီး​ၼၼ်ႉ​ဢေႃႈ။</verse>
				<verse number="14">မိူဝ်ႈ​ၼၼ်ႉ မရၼႃႉ ဢိၵ်ႇ​တင်း​မိူင်း​မရၼႃႉ​ၼၼ်ႉ လႆႈ​ၶၢမ်ႇ​တၢင်း​ဢၼ် ၶျႃး​တူၵ်း​သႂ်ႇ​ၵႃႈ​ၼႂ်း​ၼွင်​ၽႆး​ဢေႃႈ။ တၢင်း​တၢႆ​ၼၼ်ႉ​ၸမ်ႉ၊ ပဵၼ်​တၢင်း​တၢႆ တူႉတီႉယႃႉ​ဢေႃႈ။ ၼွင်​ၽႆး ၵေႃႈ​ပဵၼ်​ဢေႃႈ။-</verse>
				<verse number="15">ပေႃး​သေ​ၵေႃႉ​သေ​ၵူၼ်း ဢမ်ႇ​ၶဝ်ႈ​ပႃး ၼႂ်း​ၸရၢင်း​ၽိုၼ်​လိၵ်ႈ​ဢသၢၵ်ႈ​ၼၼ်ႉ​ၸိုင်၊ ၵေႃႉ​ၼၼ်ႉ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​သႂ်ႇ​ၵႃႈ​ၼႂ်း​ၼွင်​ၽႆး​ဢေႃႈ။</verse>
			</chapter>
			<chapter number="21">
				<verse number="1">ၵၢင်​ႁၢဝ်​ဢၼ်​မႂ်ႇ ဢိၵ်ႇ​တင်း လိၼ်​မိူင်း​ဢၼ်​မႂ်ႇ​ၵေႃႈ ၵဝ်​ႁၼ်​ဢေႃႈ။ ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵၢင်​ႁၢဝ်​မိူဝ်ႈ​ဢွၼ်​ၼႆႉ ဢိၵ်ႇ​တင်း လိၼ်​မိူင်း​မိူဝ်ႈ​ဢွၼ်​ၼႆႉ​ၼၼ်ႉ ၶၢႆႉ​တီႈ​ၵႂႃႇ​သဵင်ႈ​ယဝ်ႉ။ ၸႃႉ​ၸဵမ်​မိူဝ်ႈ​ၼၼ်ႉ​လႄႈ ၼမ်ႉ​သမ်ႇ​မုၵ်ႉ​တြႃႇ ဢမ်ႇ​မီး။-</verse>
				<verse number="2">ၵဝ်​ႁၼ်​ဝဵင်း​ဢၼ်​မူတ်း​ၸၢင်ႇ ဢၼ်​ဝႃႈ​ဝဵင်း​ ယေႇရူႉသလႅမ်ႇ ​ဢၼ်​မႂ်ႇ​ၼၼ်ႉ မႄး​ႁႅၼ်း​ဝႆႉ​မိူၼ်​ၸိူဝ်ႉ​ၼင်ႇ​ဢၼ် လုၵ်ႈ​ယိင်း​သၢဝ်​ဢၼ်​သွင်ႇ​မင်ႇၵလႃႇ ႁၢင်ႈ​ၶိူင်ႈ​ပုၼ်ႈ​ၽူဝ်​မၼ်း​ၼၼ်ႉ​လႄႈ လုၵ်ႉ​သေ​ၵႃႈ​တီႈ​ၽြႃး​ပဵၼ်​ၸဝ်ႈ ၵႃႈ​ၼိူဝ်​ၵၢင်​ႁၢဝ် လူင်း​မႃး​ဢေႃႈ။-</verse>
				<verse number="3">ၵဝ်​ငိၼ်း​သဵင်​ဢၼ်​ယႂ်ႇ​ၵႃႈ ၼိူဝ်​ၵၢင်​ႁၢဝ်​ၼၼ်ႉ လၢတ်ႈ​လႄႈ​ဝႃႈ၊ တူၺ်း​လူး၊ သုမ်ႉ​ထဵင်​ၽြႃး​ပဵၼ်​ၸဝ်ႈ မီး​ယူႇ​ၼႂ်း​ၵူၼ်း​တင်း​လၢႆ​ဢေႃႈ။ မၼ်း​ၸဝ်ႈ​တၵ်း​ၵိင်း​ဝၢပ်ႈ​ယူႇ လူၺ်ႈ​ၵၼ်​တင်း​ၶဝ်​ဢေႃႈ။ ၶဝ်​တၵ်း​ပဵၼ်​ၵူၼ်း​မၼ်း​ၸဝ်ႈ​ဢေႃႈ။ ၽြႃး​ပဵၼ်​ၸဝ်ႈ​တူဝ်​ၸဝ်ႈ​ၵဝ်ႇ တၵ်း​ယူႇ​လူၺ်ႈ​ၵၼ်​တင်း​ၶဝ်​လႄႈ ပဵၼ်​ၽြႃး​ပဵၼ်​ၸဝ်ႈ​ၶဝ်​ဢေႃႈ။-</verse>
				<verse number="4">မၼ်း​ၸဝ်ႈ​တၵ်း​ၸဵတ်ႉ​ၼမ်ႉ​တႃ ဢၼ်​မီး​ၵႃႈ​တီႈ​တႃ​ၶဝ်​ၼၼ်ႉ​ပႅတ်ႈ တင်း​သဵင်ႈ​တင်း​မူတ်း​ဢေႃႈ။ ၵမ်း​လိုၼ်း​ၽေး​တၢင်း​တၢႆ ဢမ်ႇ​လႆႈ​မီး။ တၢင်း​ဢၼ်​ၸႂ်​ဢမ်ႇ​သႃႇ​လႄႈ ၶၢင်း​ၶီ​ၶၢင်း​ၽၢၼ်၊ တၢင်း​ဢၼ်​ႁွင်ႉ​သႅၼ်ႇ၊ တၢင်း​ဢၼ်​ယၢပ်ႇ​၊ဢၼ်​ၽိုတ်ႇ​ၵေႃႈ ဢမ်ႇ​လႆႈ​မီး။ လွင်ႈ​မၼ်း​ၸမ်ႉ လွင်ႈ​တၢင်း​ဢၼ်​ယၢမ်ႈ​ပဵၼ်​မႃး​ယဝ်ႉ မိူဝ်ႈ​ဢွၼ်​တၢင်း​ၸိူဝ်း​ၼၼ်ႉ ၶၢႆႉ​တီႈ​ၵႂႃႇ​သဵင်ႈ​ယဝ်ႉ။</verse>
				<verse number="5">ၸဝ်ႈ​ဢၼ်​ၼင်ႈ​ယူႇ​ၵႃႈ​ၼိူဝ်​ပလၢင်ႇ​ၸဝ်ႈ​ၼၼ်ႉ​ၵေႃႈ လၢတ်ႈ​လႄႈ​ဝႃႈ၊ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိုင်၊ ၵဝ်​ၽၢၼ်ႇ​သၢင်း​ႁဵတ်း​ပဵၼ် ဢၼ်​မႂ်ႇ ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ၵမ်း​ၼၼ်ႉ မၼ်း​ၸဝ်ႈ​ၵေႃႈ​မီး​ဢမိင်ႉ​လႄႈ​ဝႃႈ၊ တႅမ်ႈ​ဝႆႉ​တႃႉ။ ၵႂၢမ်း​ၼႆႉ​ပဵၼ်​ၵႂၢမ်း​သဵတ်ႈ​ၸႃႇ၊ ၵႂၢမ်း​ဢၼ်​မၢၼ်ႇ​မႅၼ်ႈ​၊ၸိုဝ်ႈ​ၸႂ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="6">မၼ်း​ၸဝ်ႈ​ၵေႃႈ သမ်ႉ​လၢတ်ႈ​တီႈ​ၶဝ်​လႄႈ​ဝႃႈ၊ လွင်ႈ​တၢင်း​ယဝ်ႉ​တူဝ်​ယဝ်ႉ၊ ၵဝ်​ပဵၼ်​ ဢႃႇလႃႇၽႃႉ ​ဢေႃႈ၊ ဢေႃးမေႇၵႃႉ ​ၵေႃႈ​ပဵၼ်​ဢေႃႈ။ တီႈ​တႄႇ​ၸႃႉ ဢိၵ်ႇ​တင်း တီႈ​သုတ်း​ၵေႃႈ​ပဵၼ်​ဢေႃႈ။ ယင်း​ဢမ်ႇ​ဢဝ်​ၵႃႈ​မၼ်း​၊ၶၼ်​မၼ်း​လႄႈ ၵဝ်​တၵ်း​ပၼ်​ၼမ်ႉ​ဢွၵ်ႇ​ႁူး​ဢသၢၵ်ႈ တီႈ​ၵေႃႉ​ဢၼ်​ယၢၵ်ႇ​ၼမ်ႉ​ၼၼ်ႉ​ဢေႃႈ။-</verse>
				<verse number="7">ၵေႃႉ​ဢၼ်​ပႄႉ​ၼႅင်ႇ​ၼၼ်ႉ တၵ်း​လႆႈ​ၶၢမ်ႇ​ဢမူၺ်ႇ လွင်ႈ​တၢင်း​ၸိူဝ်း​ၼႆႉ​ဢေႃႈ။ ၵဝ်​တၵ်း​ပဵၼ်​ၽြႃး​ပဵၼ်​ၸဝ်ႈ​မၼ်း​ဢေႃႈ။ မၼ်း​ၵေႃႈ​တၵ်း​ပဵၼ်​လုၵ်ႈ​ၵဝ်​ဢေႃႈ။-</verse>
				<verse number="8">ၵေႃႉ​ဢၼ်​ၸၢင်ႈ​ၵူဝ်​ၸၢင်ႈ​ႁႄ၊ ၵေႃႉ​ဢၼ်​ဢမ်ႇ​ယုမ်ႇ​မၢတ်ႈ၊ ၵေႃႉ​ဢၼ်​ပဵၼ်​ဢၼ်​ဝူၺ်ႇ​ဢၼ်​ႁင်ႈ၊ ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ၊ ၵေႃႉ​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး၊ ၵေႃႉ​ဢၼ်​ၸၢင်ႈ​ၸေႃႉ​၊ၸၢင်ႈ​ႁဵတ်း​တီႈ​ပိူၼ်ႈ၊ ၵေႃႉ​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ၊ ၵေႃႉ​ဢၼ်​ယႃႉ​သဵတ်ႈ​ၸႃႇ တင်း​သဵင်ႈ​တင်း​လူင်​ၼၼ်ႉ​ၸမ်ႉ၊ တၵ်း​လႆႈ​ပုၼ်ႈ​လႆႈ​တႃႇ တူဝ်​ၸဝ်ႈ​ၵဝ်ႇ ၵႃႈ​ၼႂ်း​ၼွင်​ၽႆး ဢၼ်​လေႃး​ၵၼ်​တင်း ၵၢၼ်ႉ ဢၼ်​ဝႃႈ​တၢင်း​တၢႆ​တူႉတီႉယႃႉ ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="9">ၼႂ်း​တမၢၼ်ႇ​ၵၢင်​ႁၢဝ်​ၸဵတ်း​ပႃး ဢၼ်​ပႃး​တင်း ၵွၵ်း​ၸဵတ်း​လုၵ်ႈ ဢၼ်​တဵမ်​ဝႆႉ​တင်း​ၽေး​တၢမ်ႇ ဢၼ်​လိုၼ်း​လင်​သုတ်း ၸဵတ်း​ပိူင်​ၼၼ်ႉ ပႃး​ၼိုင်ႈ​မႃး​တၵ်ႉ​လၢတ်ႈ​ၵဝ်​လႄႈ​ဝႃႈ၊ မႃး​တႃႉ၊ ၵဝ်​တၵ်း​ၼႄ​ပျႃး​လုၵ်ႈ​ယိင်း​သၢဝ် ဢၼ်​သွင်ႇ​မင်ႇၵလႃႇ ဢၼ်​ဝႃႈ မေး​သူဝ်း​ဢွၼ်ႇ ၼၼ်ႉ တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊-</verse>
				<verse number="10">ပႃး​တင်း​ဝီႉၺိၺ်ႇ​ၸဝ်ႈ ဢဝ်​ၵဝ်​ၵႂႃႇ​သူင်ႇ ၵႃႈ​တီႈ​လွႆ​ဢၼ်​ယႂ်ႇ​သုင်​ၼႃႇ သေ​လႄႈ ၼႄ​ပျႃး​ဝဵင်း​ ယေႇရူႉသလႅမ်ႇ ဢၼ်​မူတ်း​ၸၢင်ႇ ဢၼ်​ပျေႉ​ၸုမ်ႇ​တဵမ်​ဝႆႉ တင်း​မုၼ်​ၽြႃး​ပဵၼ်​ၸဝ်ႈ​လႄႈ လုၵ်ႉ​သေ​ၵႃႈ​တီႈ​ၽြႃး​ပဵၼ်​ၸဝ်ႈ လူင်း​မႃး​ၵႃႈ​ၼိူဝ်​ၵၢင်​ႁၢဝ်​ၼၼ်ႉ တီႈ​ၵဝ်​ဢေႃႈ။-</verse>
				<verse number="11">ငဝ်း​သၢႆ​ဢရွင်ႇ​ဝဵင်း​ၼၼ်ႉ မိူၼ်​ၸိူဝ်ႉ​ၼင်ႇ​သႅင်​လီ ဢၼ်​မျၢတ်ႈ​ၼႃႇ​သေ​ပိူၼ်ႈ၊ ဢၼ်​ပဵၼ်​ၸိူဝ်ႉ​ၼင်ႇ ၼၵႃး​သွႆႈ ဢၼ်​သႂ်​လႅင်း၊ ၸိူဝ်ႉ​ၼင်ႇ မၢၵ်ႇ​ႁိၼ်​ၸိင်ႇ ဢေႃႈ။-</verse>
				<verse number="12">လမ်း​ဝဵင်း ဢၼ်​ယႂ်ႇ​သုင်​ၼႃႇ ၵေႃႈ မီး​ဢေႃႈ။ ၽၵ်း​တူ သိပ်း​သွင်​ႁူး​ၵေႃႈ​မီး​ဢေႃႈ။ ၵႃႈ​တီႈ​ၽၵ်း​တူ​သိပ်း​သွင်​ႁူး​ၼၼ်ႉ မီး​တမၢၼ်ႇ​ၵၢင်​ႁၢဝ် သိပ်း​သွင်​ပႃး​ဢေႃႈ။ ၼႃႇ​မႃႉ​ၸိုဝ်ႈ​သဵင်​ၵူၼ်း​ ဢီႉသရေႇလႃႉ ​သိပ်း​သွင်​မဵဝ်း​ၵေႃႈ တႅမ်ႈ​ဝႆႉ​မီး​ယူႇ​ၵႃႈ​ၼိူဝ်​ၽၵ်း​တူ ၸိူဝ်း​ၼၼ်ႉ​ဢေႃႈ။-</verse>
				<verse number="13">ၽၵ်း​တူ​ၸိူဝ်း​ၼၼ်ႉ​ၸမ်ႉ မီး​တၢင်း​ဝၼ်း​ဢွၵ်ႇ​ၽၵ်း​တူ သၢမ်​ႁူး၊ တၢင်း​ႁွင်ႇ​ၽၵ်း​တူ သၢမ်​ႁူး၊ တၢင်း​ၸၢၼ်း​ၽၵ်း​တူ သၢမ်​ႁူး၊ တၢင်း​ဝၼ်း​တူၵ်း​ၽၵ်း​တူ သၢမ်​ႁူး​ဢေႃႈ။-</verse>
				<verse number="14">တိၼ်​လမ်း​ဝဵင်း​ၼၼ်ႉ မီး​သိပ်း​သွင်​ထၢပ်ႈ ဢေႃႈ။ ၼႃႇ​မႃႉ​ၸိုဝ်ႈ​သဵင်​တမၢၼ်ႇ​ၸဝ်ႈ သိပ်း​သွင်​ပႃး​ၵေႃႈ တႅမ်ႈ​ဝႆႉ​မီး​ယူႇ​ၵႃႈ​ၼိူဝ်​တိၼ်​လမ်း​ဝဵင်း ၼၼ်ႉ​ဢေႃႈ။</verse>
				<verse number="15">ၵေႃႉ​ဢၼ်​လၢတ်ႈ​ၵႂၢမ်း​တေႃႇ​ၵၼ်​တင်း​ၵဝ်​ၼၼ်ႉ​ၸိုင် ပႃး​မႆႉ​ဢေႃႈ​ၶမ်း ပုၼ်ႈ​ဢၼ်​တၵ်း​တႅၵ်ႈ လႅမ်ႈ​ၼိုင်ႈ ႁႂ်ႈ​လႆႈ​တႅၵ်ႈ​တူၺ်း​ဝဵင်း ဢိၵ်ႇ​တင်း​ၽၵ်း​တူ​ဝဵင်း တင်း​လမ်း​ဝဵင်း​ယူႇ​ဢေႃႈ။-</verse>
				<verse number="16">ဝဵင်း​ၼၼ်ႉ ပဵၼ်​သီႇ​ၸဵင်ႇ​ၶိုင်ႈ​လႄႈ ၼႃႈ​ယၢဝ်း​မၼ်း တင်း​ၼႃႈ​ပွတ်း​မၼ်း ထၢၼ်ႇ​ပဵင်း​ၵၼ်​ဢေႃႈ။ ၵေႃႉ​ဢၼ်​ဢဝ်​မႆႉ​ဢေႃႈ​ၶမ်း တႅၵ်ႈ​တူၺ်း​ဝဵင်း​ၼၼ်ႉ​လႄႈ မီး​ ယူႇ​ၸ​ၼႃႇ ​ပၢၵ်ႇ​ပၢႆ​သၢဝ်း​ၼိုင်ႈ ဢေႃႈ။ ၼႃႈ​ယၢဝ်း၊ ၼႃႈ​ပွတ်း၊ ဢၼ်​သုင်​ဝဵင်း​ၼၼ်ႉ ထၢၼ်ႇ​ပဵင်း​ၵၼ်​ဢေႃႈ။</verse>
				<verse number="17">မၼ်း​တႅၵ်ႈ​တူၺ်း​ဢၼ်​သုင်​လမ်း​ဝဵင်း​လႄႈ ၸွမ်း​ၼင်ႇ သွၵ်ႇ​ၵူၼ်း ဢၼ်​ဝႃႈ သွၵ်ႇ​တမၢၼ်ႇ​ၵၢင်​ႁၢဝ်​ၼၼ်ႉ မီး​ပၢၵ်ႇ​သီႇ​သိပ်း​ပၢႆ​သီႇ​သွၵ်ႇ ဢေႃႈ။-</verse>
				<verse number="18">တူဝ်​လမ်း​ဝဵင်း​ၼၼ်ႉ ပဵၼ်​သႅင်​ၼၵႃး​သွႆႈ ဢေႃႈ။ ဝဵင်း​ၼၼ်ႉ​ၵေႃႈ ပဵၼ်​ၶမ်း​ၸႅတ်ႈ​ၸႅတ်ႈ ဢၼ်​မိူၼ်​ၸိူဝ်ႉ​ၼင်ႇ​ၽၢၼ်ႇ​၊ၼင်ႇ​ၸမ်ႈ ဢၼ်​သႂ်​လႅင်း ၼၼ်ႉ​ဢေႃႈ။-</verse>
				<verse number="19">တိၼ်​လမ်း​ဝဵင်း​ၸိူဝ်း​ၼၼ်ႉ ပျေႉ​ၸုမ်ႇ​တင်း သႅင်​လီ ၵူႈ​ၸိူဝ်ႉ​ၵူႈ​မဵဝ်း​ဢေႃႈ။ တိၼ်​ပထမႃႉ​ၸမ်ႉ ပဵၼ်​သႅင်​ၼၵႃး​သွႆႈ ဢေႃႈ။ တိၼ်​တူႉတီႉယႃႉ​ၸမ်ႉ ပဵၼ်​သႅင်​ၼီႇလႃႇ ဢေႃႈ။ တိၼ်​တႃႉတီႉယႃႉ​ၸမ်ႉ ပဵၼ်​သႅင်​မႁူႇရႃႇ ဢေႃႈ။ တိၼ်​ၸတုၵ်ႉထႃႉ​ၸမ်ႉ ပဵၼ်​သႅင်​မျႃႉ ဢေႃႈ။-</verse>
				<verse number="20">တိၼ်​ပိၼ်ႇၸမႃႉ​ၸမ်ႉ ပဵၼ်​သႅင်​ၸၢႆး​ၶႃး​ယွတ်ႇ ဢေႃႈ။ တိၼ်​သႃႉထမႃႉ​ၸမ်ႉ ပဵၼ်​သႅင်​လႅင် ဢေႃႈ၊ တိၼ်​သတ်ႉတမႃႉ​ၸမ်ႉ ပဵၼ်​သႅင် ၶရူႉသူႉလိတ်ႉ ဢေႃႈ။ တိၼ်​ဢႃႉထမ်ႇမႃႉ​ၸမ်ႉ ပဵၼ်​သႅင်​ၶဵဝ် ဢေႃႈ။ တိၼ်​ၼဝမႃႉ​ၸမ်ႉ ပဵၼ်​သႅင်​ဢုၵ်ႉသၽူႉရႃႇ ဢေႃႈ။ တိၼ်​တႃႉသမႃႉ​ၸမ်ႉ ပဵၼ်​သႅင်​ၶရူႇသူႉပြတ်ႈ ဢေႃႈ။ တိၼ်​ဢေႇၵႃႉတႃႉသမႃႉ​ၸမ်ႉ ပဵၼ်​သႅင်​ဝႃႇၵိၼ်ႇသူႉ ဢေႃႈ။ တိၼ်​တႂႃႇ​တႃႉသမႃႉ​ၸမ်ႉ ပဵၼ်​သႅင်​မွၵ်ႇ​မၢၵ်ႇ​ၶိူဝ် ဢေႃႈ။-</verse>
				<verse number="21">မႂ်​ၽၵ်း​တူ သိပ်း​သွင်​မႂ် ၸိူဝ်း​ၼၼ်ႉ ပဵၼ်​ပူး​လႄး သိပ်း​သွင်​ၶႅပ်း ဢေႃႈ။ မႂ်​ၽၵ်း​တူ​ႁင်း​ၽႂ်​ႁင်း​မၼ်း ပဵၼ်​ပူး​လႄး ယေႈ​မႂ်​ယေႈ​ၶႅပ်း​ဢေႃႈ။ သဵၼ်ႈ​တၢင်း​လူင်​ဝဵင်း​ၸိုင် ပဵၼ်​ၶမ်း​ၸႅတ်ႈ​ၸႅတ်ႈ ၸိူဝ်ႉ​ၼင်ႇ​ၽၢၼ်ႇ၊​ၼင်ႇ​ၸမ်ႈ ဢၼ်​သႂ်​လႅင်း​ၼၼ်ႉ​ဢေႃႈ။-</verse>
				<verse number="22">ၼႂ်း​ဝဵင်း​ၼၼ်ႉ ၵဝ်​ဢမ်ႇ​ႁၼ် ပိၵ်ႈ​မၢၼ်ႇ​ၸဝ်ႈ။ လွင်ႈ​မၼ်း​ၸမ်ႉ ထႃႇဝရႃႉ​ၸဝ်ႈ​ၽြႃး​ပဵၼ်​ၸဝ်ႈ ဢၼ်​ပျေႉ​ၸုမ်ႇ​တင်း ဢၼၼ်ႇတႃႉ​တၼ်း​ၶူဝ်း ဢိၵ်ႇ​တင်း သူဝ်း​ဢွၼ်ႇ​ၼၼ်ႉ ပဵၼ်​ပိၵ်ႈ​မၢၼ်ႇ​ဝဵင်း​ၼၼ်ႉ​ဢေႃႈ။-</verse>
				<verse number="23">ဝဵင်း​ၼၼ်ႉ ဢမ်ႇ​မီး​ဢလူဝ်ႇ​ငဝ်း​ဢရွင်ႇ ၵၢင်​ဝၼ်း တင်း​ငဝ်း​ဢရွင်ႇ လိူၼ်။ လွင်ႈ​မၼ်း​ၸမ်ႉ မုၼ်​ၽြႃး​ပဵၼ်​ၸဝ်ႈ ႁႂ်ႈ​ႁိူဝ်ႈ​လႅင်း​ယူႇ ၵႃႈ​ၼႂ်း​ဝဵင်း​ၼၼ်ႉ​ဢေႃႈ။ သူဝ်း​ဢွၼ်ႇ​ၵေႃႈ​ပဵၼ်​ဝၢၼ်ႇ​ၽႆး​တဵၼ်း ဝဵင်း​ၼၼ်ႉ​ယူႇ​ဢေႃႈ။ ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​ဢိင်​ပိုင်ႈ​ဢၼ်​လႅင်း​ဝဵင်း​ၼၼ်ႉ သေ​လႄႈ ၵႂႃႇ​မႃး​ဢေႃႈ။-</verse>
				<verse number="24">ၶုၼ်​ႁေႃ​ၶမ်း​လေႃးၵီႇ​တင်း​လၢႆ​ၵေႃႈ တၵ်း​ပႃး​ဢဝ်​မုၼ်​သရေႇ​တူဝ်​ၸဝ်ႈ​ၵဝ်ႇ​မႃး ၵႃႈ​ၼႂ်း​ဝဵင်း​ၼၼ်ႉ​ဢေႃႈ။-</verse>
				<verse number="25">ၼႂ်း​ၶိင်ႇ​ၵၢင်​ဝၼ်း ဢမ်ႇ​ၸၢင်ႈ ဢိုတ်း​ၽၵ်း​တူ​ဝဵင်း​ၼၼ်ႉ။ ၶိင်ႇ​ၵၢင်​ၶိုၼ်း​ၸမ်ႉ ဢမ်ႇ​မီး။-</verse>
				<verse number="26">ၶဝ်​တၵ်း​ပႃး​ဢဝ် မုၼ်​သရေႇ​ၵူၼ်း ၵူႈ​ၸိူဝ်ႉ​ၵူႈ​မဵဝ်း​တင်း​လၢႆ မႃး​ၵႃႈ​ၼႂ်း​ဝဵင်း​ၼၼ်ႉ​ဢေႃႈ။-</verse>
				<verse number="27">လွင်ႈ​တၢင်း​ဢၼ်​ၵူဝ်ႈ​ဢၼ်​ၵိူၵ်ႇ၊ လွင်ႈ​တၢင်း​ဢၼ်​ဝူၺ်ႇ​ဢၼ်​ႁင်ႈ၊ လွင်ႈ​တၢင်း​ဢၼ်​ယႃႉ​သဵတ်ႈ​ၸႃႇ သေ​ၸိူဝ်ႉ​သေ​ပိူင် ဢမ်ႇ​လႆႈ​ၶဝ်ႈ​ၸူး​လႄႈ ၶဝ်​ၸိူဝ်း​ဢၼ်​ၶဝ်ႈ​ပႃး ၼႂ်း​ၸရၢင်း​ၽိုၼ်​လိၵ်ႈ​ဢသၢၵ်ႈ​သူဝ်း​ဢွၼ်ႇ ၼၼ်ႉ​ၵူၺ်း တၵ်း​လႆႈ​ၶဝ်ႈ​ၸူး​ဢေႃႈ။</verse>
			</chapter>
			<chapter number="22">
				<verse number="1">ၵမ်း​ၼၼ်ႉ တမၢၼ်ႇ​ၵၢင်​ႁၢဝ် ၼႄ​ပျႃး​ၼမ်ႉ​ႁွင်ႈ တီႈ​ဢၼ်​ၼမ်ႉ​ဢသၢၵ်ႈ​လႆ​ယူႇ ဢၼ်​သႂ်​လႅင်း​ၸိူဝ်ႉ​ၼင်ႇ မၢၵ်ႇ​ႁိၼ်​ၸိင်ႇ​လႄႈ ဢွၵ်ႇ​သေ​ၵႃႈ​တႂ်ႈ​ပလၢင်ႇ​ၽြႃး​ပဵၼ်​ၸဝ်ႈ တင်း​သူဝ်း​ဢွၼ်ႇ​မႃး​ၼၼ်ႉ တီႈ​ၵဝ်​ဢေႃႈ။-</verse>
				<verse number="2">ၵႃႈ​ၼႂ်း​ၶိုင်ႈ​ၵၢင်​သဵၼ်ႈ​တၢင်း​လူင်​ဝဵင်း ဢိၵ်ႇ​တင်း ၵႃႈ​တီႈ​ႁိမ်း​ၽင်ႇ​ႁွင်ႈ​သွင်​ၽၢႆႇ​ၼၼ်ႉ မီး​တူၼ်ႈ​ဢသၢၵ်ႈ ဢၼ်​ၸၢင်ႈ​မၢၵ်ႇ​မၢၵ်ႇ သိပ်း​သွင်​မဵဝ်း လႄႈ ပၼ်​မၢၵ်ႇ​မၼ်း​ယူႇ ၵူႈ​လိူၼ်​ၼၼ်ႉ​ဢေႃႈ။ မႂ်​မၼ်း​ၵေႃႈ ၸၢင်ႈ​ႁႂ်ႈ တၢင်း​ၶႆႈ​တၢင်း​ပဵၼ်​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ႁၢႆ​ဢေႃႈ။-</verse>
				<verse number="3">ၵမ်း​လိုၼ်း ၽေး​တၢင်း​ဢၼ်​ၵိၼ်ႇ​ဢၼ်​ဝႃႈ တၵ်း​ဢမ်ႇ​လႆႈ​မီး သေ​ၸိူဝ်ႉ​သေ​ပိူင်။ ပလၢင်ႇ​ၽြႃး​ပဵၼ်​ၸဝ်ႈ ဢိၵ်ႇ​တင်း​သူဝ်း​ဢွၼ်ႇ တၵ်း​မီး​ယူႇ​ၵႃႈ​ၼိူဝ်​ဝဵင်း​ၼၼ်ႉ​လႄႈ ၶႃႈ​ၽြႃး​ပဵၼ်​ၸဝ်ႈ​တင်း​လၢႆ တၵ်း​ဢွၼ်​ၵၼ်​ႁဵတ်း​ဝၢတ်ႈ​ၽြႃး​ယူႇ​ဢေႃႈ။-</verse>
				<verse number="4">ၶဝ်​တၵ်း​ႁၼ်​ၼႃႈ​မၼ်း​ၸဝ်ႈ​လႄႈ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ မီး​ဝႆႉ​ယူႇ​ၵႃႈ​တီႈ​ၼႃႈ​ၽၢၵ်ႇ​ၶဝ်​ဢေႃႈ။-</verse>
				<verse number="5">ၼႂ်း​ဝဵင်း​ၼၼ်ႉ ၶိင်ႇ​ၵၢင်​ၶိုၼ်း တၵ်း​ဢမ်ႇ​မီး။ ဢမ်ႇ​လူဝ်ႇ​ဝၢၼ်ႇ​ၽႆး​တဵၼ်း။ သၢႆ​ဢရွင်ႇ​ၵၢင်​ဝၼ်း​ၵေႃႈ ဢမ်ႇ​လူဝ်ႇ။ လွင်ႈ​မၼ်း​ၸမ်ႉ ထႃႇဝရႃႉ​ၸဝ်ႈ​ၽြႃး​ပဵၼ်​ၸဝ်ႈ တၵ်း​ပွႆႇ​သၢႆ​ဢရွင်ႇ​မၼ်း​ၸဝ်ႈ​ၸူး ၵႃႈ​တီႈ​ၶဝ်​လႄႈ ၶဝ်​တၵ်း​လႆႈ​ၸၢမ်ႇ​ၸႃး​ယူႇ ၵူႈ​ၵမ်ႇ​ၽႃႇ သိုပ်ႇ​သိုပ်ႇ​တၢမ်း​တၢမ်း​ဢေႃႈ။</verse>
				<verse number="6">တမၢၼ်ႇ​ၵၢင်​ႁၢဝ်​ၵေႃႈ လၢတ်ႈ​လႄႈ​ဝႃႈ၊ ၵႂၢမ်း​ၼႆႉ​ပဵၼ်​ၵႂၢမ်း​သဵတ်ႈ​ၸႃႇ၊ ၵႂၢမ်း​ဢၼ်​မၢၼ်ႇ​မႅၼ်ႈ၊​ၸိုဝ်ႈ​ၸႂ်ႈ​ဢေႃႈ။ ထႃႇဝရႃႉ​ၸဝ်ႈ​ၽြႃး​ပဵၼ်​ၸဝ်ႈ ဢၼ်​ဢုပ်ႉ​ပိူင်ႇ​ဝီႉၺိၺ်ႇ​ပရေႃးၽႅတ်ႈ​တင်း​လၢႆ​ၼၼ်ႉ ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​မၼ်း​ၸဝ်ႈ​မႃး ႁႂ်ႈ​လႆႈ​ၼႄ​ပျႃး လွင်ႈ​တၢင်း​ဢၼ် တၵ်း​ပဵၼ်​မႃး ၼႂ်း​ၸူဝ်ႈ​ၶိင်ႇ​ၵႃႇလႃႉ ဢမ်ႇ​ႁိုင်​ဢမ်ႇ​ၼၢၼ်း​ၸိူဝ်း​ၼၼ်ႉ ၵႃႈ​တီႈ​ၶႃႈ​မၼ်း​ၸဝ်ႈ​တင်း​လၢႆ​ယဝ်ႉ။-</verse>
				<verse number="7">တူၺ်း​လူး၊ ၵဝ်​တၵ်း​ၸဵဝ်း​မႃး ၶၼ်​ၶၼ်​ၽႂ်း​ၽႂ်း​ဢေႃႈ။ ၵေႃႉ​ဢၼ်​ပႂ်ႉ​ၵမ်​ပႂ်ႉ​ၸွမ်း ၵႂၢမ်း​ဢၼႃႇၵၢတ်ႈတီႉ​ၽိုၼ်​လိၵ်ႈ​ၼႆႉ​ၼၼ်ႉ မီး​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="8">ၵဝ်​ ယူဝ်းႁၢၼ်ႇ ​ၼႆႉ လႆႈ​ငိၼ်း​လႆႈ​ႁၼ် လွင်ႈ​တၢင်း​ၸိူဝ်း​ၼႆႉ​ဢေႃႈ။ မိူဝ်ႈ​ဢၼ်​လႆႈ​ငိၼ်း​လႆႈ​ႁၼ်​ယဝ်ႉ​ၼၼ်ႉ ၵဝ်​ၶုပ်ႉ​မူပ်ႇ ႁႂ်ႈ​လႆႈ​ၵူဝ်း​ၵႂၢႆႇ ၵႃႈ​တီႈ​ႁိမ်း​တိၼ်​တမၢၼ်ႇ​ၵၢင်​ႁၢဝ် ဢၼ်​ၼႄ​ပျႃး လွင်ႈ​တၢင်း​ၸိူဝ်း​ၼၼ်ႉ တီႈ​ၵဝ်​ၼၼ်ႉ​ဢေႃႈ။-</verse>
				<verse number="9">မၼ်း​ၵေႃႈ​လၢတ်ႈ​တီႈ​ၵဝ်​လႄႈ​ဝႃႈ၊ ယႃႇ​ပေ​ႁဵတ်း​သေ​ၵမ်း။ ၵဝ်​ၸမ်ႉ ပဵၼ်​ၵေႃႉ​ဢၼ်​သၢင်ႈ​ႁဵတ်း​လူၺ်ႈ​ၵၼ်​တင်း​မႂ်း​လႄႈ ၶဝ်ႈ​ပႃး​ၼႂ်း​ပီႈ​ၼႂ်း​ၼွင်ႉ​မႂ်း ဢၼ်​ဝႃႈ ပရေႃးၽႅတ်ႈ ဢိၵ်ႇ​တင်း ၶဝ်​ၸိူဝ်း​ဢၼ် ပႂ်ႉ​ၵမ်​ပႂ်ႉ​ၸွမ်း ၵႂၢမ်း​ၽိုၼ်​လိၵ်ႈ​ၼႆႉ​ၼၼ်ႉ​ဢေႃႈ။ ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။</verse>
				<verse number="10">ၵမ်း​ၼၼ်ႉ မၼ်း​သမ်ႉ​လၢတ်ႈ​တီႈ​ၵဝ် လႄႈ​ဝႃႈ​ၸမ်ႉ၊ ၵႂၢမ်း​ဢၼႃႇၵၢတ်ႈတီႉ ၽိုၼ်​လိၵ်ႈ​ၼႆႉ​ၸိုင် ယႃႇ​ပေ​တွၵ်ႇ​တၼ်း​သိၵ်ႈ။ လွင်ႈ​မၼ်း​ၸမ်ႉ ၶိင်ႇ​ၵႃႇလႃႉ​ၸမ်​တၵ်း​ႁွတ်ႈ​ထိုင်​ယဝ်ႉ။-</verse>
				<verse number="11">ႁႂ်ႈ​ၵေႃႉ​ဢၼ်​ဢမ်ႇ​တြႃး​ၼၼ်ႉ ႁဵတ်း​ဢၼ်​ဢမ်ႇ​တြႃး​ယူႇ လူး​ၵွၼ်ႇ​တႃႉ။ ႁႂ်ႈ​ၵေႃႉ​ဢၼ်​ၵူဝ်ႈ​ၵိူၵ်ႇ​ၼၼ်ႉ ၵူဝ်ႈ​ၵိူၵ်ႇ​ယူႇ လူး​ၵွၼ်ႇ​တႃႉ။ ႁႂ်ႈ​ၵေႃႉ​ဢၼ်​သိုဝ်ႈ​တေႃႇ​ၼၼ်ႉ သိုဝ်ႈ​တေႃႇ​ယူႇ လူး​ၵွၼ်ႇ​တႃႉ။ ႁႂ်ႈ​ၵေႃႉ​ဢၼ်​မူတ်း​ၸၢင်ႇ​ၼၼ်ႉ မူတ်း​ၸၢင်ႇ​ယူႇ လူး​ၵွၼ်ႇ​တႃႉ။</verse>
				<verse number="12">တူၺ်း​လူး၊ ၵဝ်​တၵ်း​ၸဵဝ်း​မႃး ၶၼ်​ၶၼ်​ၽႂ်း​ၽႂ်း​ဢေႃႈ။ ၵဝ်​ပႃး​ဢဝ်​ဢၵျူဝ်း​ဢပႅတ်ႈ​မႃး​လႄႈ တၵ်း​တႅၼ်း​ပၼ် ၸွမ်း​ၵႃႈ​ၼင်ႇ တၢင်း​ၵမ်​တၢင်း​ၵျၢင်ႉ တီႈ​ၵူၼ်း​ၵူႈ​ၵေႃႉ​ၵူႈ​ၵူၼ်း ႁင်း​ၽႂ်​ႁင်း​မၼ်း​ဢေႃႈ။-</verse>
				<verse number="13">ၵဝ်​ပဵၼ်​ ဢႃႇလႃႇၽႃႉ ​ဢေႃႈ။ ဢေႃးမေႇၵႃႉ ​ၵေႃႈ​ပဵၼ်​ဢေႃႈ။ ၵဝ်​ပဵၼ်​ၵေႃႉ​ဢၼ် ဢွၼ်​တၢင်း​သုတ်း ဢိၵ်ႇ​တင်း​ၵေႃႉ​ဢၼ် လိုၼ်း​လင်​သုတ်း​ဢေႃႈ။ တီႈ​တႄႇ​ၸႃႉ ဢိၵ်ႇ​တင်း တီႈ​သုတ်း​ၵေႃႈ​ပဵၼ်​ဢေႃႈ။-</verse>
				<verse number="14">ၶဝ်​ၸိူဝ်း​ဢၼ်​သၢႆႇ​လွႆး ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ ႁႂ်ႈ​လႆႈ​ၸၢပ်ႈ​သႅင်ႇ​ၵၼ်​တင်း တူၼ်ႈ​ဢသၢၵ်ႈ​လႄႈ ၶဝ်ႈ​ၵႃႈ​ၼႂ်း​ၽၵ်း​တူ​ဝဵင်း​ၼၼ်ႉ မီး​မင်ႇၵလႃႇ​ဢေႃႈ။-</verse>
				<verse number="15">ၵႃႈ​တီႈ​ၽၢႆႇ​ၼွၵ်ႈ​ၸမ်ႉ မီး​ၵေႃႉ​ဢၼ်​ပဵၼ်​မႃ၊ ၵေႃႉ​ဢၼ်​ၸၢင်ႈ​ၸေႃႉ​ၸၢင်ႈ​ႁဵတ်း​တီႈ​ပိူၼ်ႈ၊ ၵေႃႉ​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး၊ ၵေႃႉ​ဢၼ်​ဢဝ်​ဢသၢၵ်ႈ​ၵူၼ်း​တၢႆ၊ ၵေႃႉ​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ၊ ၵေႃႉ​ဢၼ်​ထုၵ်ႇ​ၸႂ်​ၵျိူၵ်ႈ​ၸႂ် လွင်ႈ​တၢင်း​ဢၼ်​ယႃႉ​သဵတ်ႈ​ၸႃႇ​ၼၼ်ႉ​လႄႈ ပွင်​ႁဵတ်း​ယူႇ​ၼၼ်ႉ တင်း​သဵင်ႈ​တင်း​လူင်​ၼၼ်ႉ​ဢေႃႈ။</verse>
				<verse number="16">ၵဝ်​ ယေႇသူႉ ​ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​ၵဝ်​ၵႂႃႇ ႁႂ်ႈ​လႆႈ​ၶၢမ်ႇ​သၢၵ်ႈ​သေႇ​တီႈ​သူ ပုၼ်ႈ​ၸိူဝ်း​ၸဝ်ႈ​တင်း​လၢႆ​ဢေႃႈ။ ၵဝ်​ၸမ်ႉ ပဵၼ်​ႁၢၵ်ႈ တႃႇဝိတ်ႈ ​ဢေႃႈ။ ၸိူဝ်ႉ​ၶိူဝ်း​မၼ်း​ၵေႃႈ ပဵၼ်​ဢေႃႈ။ လၢဝ်​လူင် ဢၼ်​ႁိူဝ်ႈ​လႅင်း​ၵေႃႈ ပဵၼ်​ဢေႃႈ။</verse>
				<verse number="17">ဝီႉၺိၺ်ႇ​ၸဝ်ႈ ဢိၵ်ႇ​တင်း လုၵ်ႈ​ယိင်း​သၢဝ် ဢၼ်​သွင်ႇ​မင်ႇၵလႃႇ​ၼၼ်ႉ လၢတ်ႈ​လႄႈ​ဝႃႈ၊ မႃး​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။ ႁႂ်ႈ​ၵေႃႉ​ဢၼ်​ငိၼ်း​ၼၼ်ႉ လၢတ်ႈ​လႄႈ​ဝႃႈ၊ မႃး​သေ​ၵမ်း၊ ဝႃႈ​ၼင်ႇ​ၼႆ​သေ​ၵမ်း​လူၺ်ႈ။ ႁႂ်ႈ​ၵေႃႉ​ဢၼ်​ယၢၵ်ႇ​ၼမ်ႉ​ၼၼ်ႉ မႃး​သေ​ၵမ်း​လူၺ်ႈ၊ ႁႂ်ႈ​ၵေႃႉ​ဢၼ်​မီး​ဢလူဝ်ႇ​ၶႂ်ႈ​လႆႈ​ၼၼ်ႉ ယင်း​ဢမ်ႇ​ပၼ်​ၵႃႈ​မၼ်း​၊ၶၼ်​မၼ်း​လႄႈ ဢဝ်​ၼမ်ႉ​ဢသၢၵ်ႈ​သေ​ၵမ်း​လူၺ်ႈ။</verse>
				<verse number="18">ၵဝ်​ၶၢမ်ႇ​သၢၵ်ႈ​သေႇ ၵႃႈ​တီႈ​ၶဝ် ၵႃႈ​ဢၼ်​ငိၼ်း ၵႂၢမ်း​ဢၼႃႇၵၢတ်ႈတီႉ ၽိုၼ်​လိၵ်ႈ​ၼႆႉ​ၼၼ်ႉ​ၸမ်ႉ၊ ပေႃး​သေ​ၵေႃႉ​သေ​ၵူၼ်း ထၢပ်ႈ​လႄႈ သႂ်ႇ​ဢၼ်​မႂ်ႇ ၵႃႈ​ၼႂ်း​လွင်ႈ​တၢင်း​ၸိူဝ်း​ၼႆႉ​ထႅင်ႈ​ၸိုင် ၽြႃး​ပဵၼ်​ၸဝ်ႈ တၵ်း​ႁႂ်ႈ​ၽေး​တၢမ်ႇ​ဢၼ်​တႅမ်ႈ​ဝႆႉ​ၵႃႈ​ၼႂ်း​လိၵ်ႈ​ၼႆႉ ၼၼ်ႉ ႁွတ်ႈ​ထိုင်​ၵႃႈ​ၼိူဝ်​ၵေႃႉ​ၼၼ်ႉ​ဢေႃႈ။-</verse>
				<verse number="19">ပေႃး​သေ​ၵေႃႉ​သေ​ၵူၼ်း ၼုၵ်ႈ​ၵႂၢမ်း ဢၼႃႇၵၢတ်ႈတီႉ​ၽိုၼ်​လိၵ်ႈ​ၼႆႉ ၵမ်ႈ​ၽွင်ႈ​ဢွၵ်ႇ​ပႅတ်ႈ​ၸိုင်၊ ၽြႃး​ပဵၼ်​ၸဝ်ႈ​တၵ်း​ၼုၵ်ႈ​ဢၶႂၢင်ႉ တၢင်း​ဢၼ်​ၵေႃႉ​ၼၼ်ႉ ၸၢပ်ႈ​သႅင်ႇ​ၵၼ်​တင်း​တူၼ်ႈ​ဢသၢၵ်ႈ ဢိၵ်ႇ​တင်း​ဝဵင်း​ဢၼ်​မူတ်း​ၸၢင်ႇ ဢၼ်​တႅမ်ႈ​ဝႆႉ​ၼႂ်း​ၽိုၼ်​လိၵ်ႈ​ၼႆႉ ၼၼ်ႉ ဢွၵ်ႇ​ပႅတ်ႈ​ဢေႃႈ။</verse>
				<verse number="20">ၸဝ်ႈ​ဢၼ်​ၶၢမ်ႇ​သၢၵ်ႈ​သေႇ လွင်ႈ​တၢင်း​ၸိူဝ်း​ၼႆႉ​ၼၼ်ႉ လၢတ်ႈ​လႄႈ​ဝႃႈ၊ ၵဝ်​တၵ်း​ၸဵဝ်း​မႃး​ၶၼ်​ၶၼ်​ၽႂ်း​ၽႂ်း ဢမၢၼ်ႇ​ၶၼ်​ပဵၼ်​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။ ဢႃႇမိၼ်ႇ။ ၸဝ်ႈ​ ယေႇသူႉ ​တီႈ​ၶႃႈ။ ၶႅၼ်း​တေႃႈ​မႃး​သေ​ၵမ်း​တီႈ​ၶႃႈ။-</verse>
				<verse number="21">ႁႂ်ႈ​ၵျေး​ၸူး ၸဝ်ႈ​ ယေႇသူႉ ​မီး​လူၺ်ႈ​ၵၼ်​တင်း ၵူၼ်း​မူတ်း​ၸၢင်ႇ​တင်း​လၢႆ သေ​ၵမ်း​လူၺ်ႈ။- ၵျၢမ်း​ပျႃႇ​တိၵ်ႈ​ယဝ်ႉ​ယဝ်ႉ​ဢေႃႈ။</verse>
			</chapter>
		</book>
	</testament>
</bible>