================================================================================
Ἀποσπάσματα
Fragments
Ἐπίνικος ὁ κωμῳδιοποιός
by Epinicus the Comic Poet
================================================================================

[tit 1]
ΜΝΗΣΙΠΤΟΛΕΜΟΣ

[1]
ἐπ’ ἀλφίτου πίνοντα τοῦ θέρους ποτὲ ἰδὼν Σέλευκον ἡδέως τὸν βασιλέα ἔγραψα, καὶ παρέδειξα τοῖς πολλοῖς ὅτι, κἂν τὸ τυχὸν ᾖ πραγμάτιον ἢ σφόδρ’ εὐτελές,

[5]
σεμνὸν δύναται τοῦθ’ ἡ δύναμις ἡ ’μὴ ποιεῖν. ‘γέροντα Θάσιον τόν τε γῆς ἀπ’ Ἀτθίδος ἑσμὸν μελίσσης τῆς ἀκραχόλου γλυκὺν συγκυρκανήσας ἐν σκύφῳ χυτῆς λίθου, Δήμητρος ἀκτῇ πᾶν γεφυρώσας ὑγρὸν

[10]
κατῃσίμωσε πῶμα, καύματος λύσιν.‘

[tit 2]
ΥΠΟΒΑΛΛΟΜΕΝΑΙ

[2]
καὶ τῶν ῥυτῶν τὰ μέγιστα τῶν ὄντων τρία πίνειν δεήσει τήμερον πρὸς κλεψύδραν κρουνιζόμενον. ἀμφότερα δ’ οἰωνίζομαι· ἔστιν δ’ ἐλέφας. Β. ἐλέφαντας περιάγει; Α. [ῥυτὸν]

[5]
χωροῦντα δύο χόας, ὃν οὐδ’ ἂν ἐλέφας ἐκπίοι. ἐγὼ τοῦτο πέπωκα πολλάκις. Β. οὐδὲν ἐλέφαντος γὰρ διαφέρεις οὐδὲ σύ. Α. ἕτερον τριήρης· τοῦτ’ ἴσως χωρεῖ χόα.

[8]
. . . . . . . . . . . . Β. ὁ Βελλεροφόντης ἐστὶν ἀπὸ τοῦ Πηγάσου

[10]
τὴν πύρπνοον χίμαιραν εἰσηκοντικώς.