{
  "kv2.4:0.1": "Kathāvatthu ",
  "kv2.4:0.2": "Mahāpaṇṇāsaka ",
  "kv2.4:0.3": "Dutiyavagga ",
  "kv2.4:0.4": "Paravitāraṇakathā ",
  "kv2.4:1.1": "Atthi arahato paravitāraṇāti? ",
  "kv2.4:1.2": "Āmantā. ",
  "kv2.4:1.3": "Arahā paraneyyo parapattiyo parapaccayo parapaṭibaddhabhū, na jānāti na passati sammūḷho asampajānoti? ",
  "kv2.4:1.4": "Na hevaṁ vattabbe …pe…. ",
  "kv2.4:2.1": "Nanu arahā na paraneyyo na parapattiyo na parapaccayo na parapaṭibaddhabhū jānāti passati asammūḷho sampajānoti? ",
  "kv2.4:2.2": "Āmantā. ",
  "kv2.4:2.3": "Hañci arahā na paraneyyo na parapattiyo na parapaccayo na parapaṭibaddhabhū, jānāti passati asammūḷho sampajāno, no ca vata re vattabbe—",
  "kv2.4:2.4": "“atthi arahato paravitāraṇā”ti. ",
  "kv2.4:3.1": "Atthi puthujjanassa paravitāraṇā, so ca paraneyyo parapattiyo parapaccayo parapaṭibaddhabhū, na jānāti na passati sammūḷho asampajānoti? ",
  "kv2.4:3.2": "Āmantā. ",
  "kv2.4:3.3": "Atthi arahato paravitāraṇā, so ca paraneyyo parapattiyo parapaccayo parapaṭibaddhabhū, na jānāti na passati sammūḷho asampajānoti? ",
  "kv2.4:3.4": "Na hevaṁ vattabbe …pe…. ",
  "kv2.4:4.1": "Atthi arahato paravitāraṇā, so ca na paraneyyo na parapattiyo na parapaccayo na parapaṭibaddhabhū, jānāti passati asammūḷho sampajānoti? ",
  "kv2.4:4.2": "Āmantā. ",
  "kv2.4:4.3": "Atthi puthujjanassa paravitāraṇā, so ca na paraneyyo na parapattiyo na parapaccayo na parapaṭibaddhabhū, jānāti passati asammūḷho sampajānoti? ",
  "kv2.4:4.4": "Na hevaṁ vattabbe …pe…. ",
  "kv2.4:5.1": "Atthi arahato paravitāraṇāti? ",
  "kv2.4:5.2": "Āmantā. ",
  "kv2.4:5.3": "Atthi arahato satthari paravitāraṇā, dhamme paravitāraṇā, saṅghe paravitāraṇā, sikkhāya paravitāraṇā, pubbante paravitāraṇā, aparante paravitāraṇā, pubbantāparante paravitāraṇā, idappaccayatāpaṭiccasamuppannesu dhammesu paravitāraṇāti? ",
  "kv2.4:5.4": "Na hevaṁ vattabbe …pe…. ",
  "kv2.4:6.1": "Natthi arahato satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇāti? ",
  "kv2.4:6.2": "Āmantā. ",
  "kv2.4:6.3": "Hañci natthi arahato satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇā, no ca vata re vattabbe—",
  "kv2.4:6.4": "“atthi arahato paravitāraṇā”ti. ",
  "kv2.4:7.1": "Atthi puthujjanassa paravitāraṇā, atthi tassa satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇāti? ",
  "kv2.4:7.2": "Āmantā. ",
  "kv2.4:7.3": "Atthi arahato paravitāraṇā, atthi tassa satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇāti? ",
  "kv2.4:7.4": "Na hevaṁ vattabbe …pe…. ",
  "kv2.4:8.1": "Atthi arahato paravitāraṇā, natthi tassa satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇāti? ",
  "kv2.4:8.2": "Āmantā. ",
  "kv2.4:8.3": "Atthi puthujjanassa paravitāraṇā, natthi tassa satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇāti? ",
  "kv2.4:8.4": "Na hevaṁ vattabbe …pe…. ",
  "kv2.4:9.1": "Atthi arahato paravitāraṇāti? ",
  "kv2.4:9.2": "Āmantā. ",
  "kv2.4:9.3": "Nanu arahato rāgo pahīno ucchinnamūlo tālāvatthukato anabhāvaṅkato āyatiṁ anuppādadhammoti? ",
  "kv2.4:9.4": "Āmantā. ",
  "kv2.4:9.5": "Hañci arahato rāgo pahīno ucchinnamūlo tālāvatthukato anabhāvaṅkato āyatiṁ anuppādadhammo, no ca vata re vattabbe—",
  "kv2.4:9.6": "“atthi arahato paravitāraṇā”ti. ",
  "kv2.4:10.1": "Atthi arahato paravitāraṇāti? ",
  "kv2.4:10.2": "Āmantā. ",
  "kv2.4:10.3": "Nanu arahato doso pahīno …pe… ",
  "kv2.4:10.4": "moho pahīno …pe… ",
  "kv2.4:10.5": "anottappaṁ pahīnaṁ ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ …pe… ",
  "kv2.4:10.6": "rāgappahānāya maggo bhāvito …pe… ",
  "kv2.4:10.7": "bojjhaṅgā bhāvitā …pe… ",
  "kv2.4:10.8": "dosappahānāya …pe… ",
  "kv2.4:10.9": "anottappapahānāya maggo bhāvito …pe… ",
  "kv2.4:10.10": "bojjhaṅgā bhāvitā …pe… ",
  "kv2.4:10.11": "nanu arahā vītarāgo vītadoso vītamoho …pe… ",
  "kv2.4:10.12": "sacchikātabbaṁ sacchikatanti? ",
  "kv2.4:10.13": "Āmantā. ",
  "kv2.4:10.14": "Hañci arahā vītarāgo vītadoso vītamoho sacchikātabbaṁ sacchikataṁ, no ca vata re vattabbe—",
  "kv2.4:10.15": "“atthi arahato paravitāraṇā”ti. ",
  "kv2.4:11.1": "Atthi arahato paravitāraṇāti? ",
  "kv2.4:11.2": "Sadhammakusalassa arahato atthi paravitāraṇā, paradhammakusalassa arahato natthi paravitāraṇāti. ",
  "kv2.4:11.3": "Sadhammakusalassa arahato atthi paravitāraṇāti? ",
  "kv2.4:11.4": "Āmantā. ",
  "kv2.4:11.5": "Paradhammakusalassa arahato atthi paravitāraṇāti? ",
  "kv2.4:11.6": "Na hevaṁ vattabbe …pe…. ",
  "kv2.4:12.1": "Paradhammakusalassa arahato natthi paravitāraṇāti? ",
  "kv2.4:12.2": "Āmantā. ",
  "kv2.4:12.3": "Sadhammakusalassa arahato natthi paravitāraṇāti? ",
  "kv2.4:12.4": "Na hevaṁ vattabbe …pe…. ",
  "kv2.4:13.1": "Sadhammakusalassa arahato rāgo pahīno, atthi tassa paravitāraṇāti? ",
  "kv2.4:13.2": "Āmantā. ",
  "kv2.4:13.3": "Paradhammakusalassa arahato rāgo pahīno, atthi tassa paravitāraṇāti? ",
  "kv2.4:13.4": "Na hevaṁ vattabbe. ",
  "kv2.4:14.1": "Sadhammakusalassa arahato doso pahīno …pe… ",
  "kv2.4:14.2": "moho pahīno …pe… ",
  "kv2.4:14.3": "anottappaṁ pahīnaṁ …pe… ",
  "kv2.4:14.4": "rāgappahānāya maggo bhāvito …pe… ",
  "kv2.4:14.5": "bojjhaṅgā bhāvitā …pe… ",
  "kv2.4:14.6": "dosappahānāya …pe… ",
  "kv2.4:14.7": "anottappapahānāya maggo bhāvito …pe… ",
  "kv2.4:14.8": "bojjhaṅgā bhāvitā …pe… ",
  "kv2.4:14.9": "sadhammakusalo arahā vītarāgo vītadoso vītamoho …pe… ",
  "kv2.4:14.10": "sacchikātabbaṁ sacchikataṁ, atthi tassa paravitāraṇāti? ",
  "kv2.4:14.11": "Āmantā. ",
  "kv2.4:14.12": "Paradhammakusalo arahā vītarāgo vītadoso vītamoho …pe… ",
  "kv2.4:14.13": "sacchikātabbaṁ sacchikataṁ, atthi tassa paravitāraṇāti? ",
  "kv2.4:14.14": "Na hevaṁ vattabbe …pe…. ",
  "kv2.4:15.1": "Paradhammakusalassa arahato rāgo pahīno, natthi tassa paravitāraṇāti? ",
  "kv2.4:15.2": "Āmantā. ",
  "kv2.4:15.3": "Sadhammakusalassa arahato rāgo pahīno, natthi tassa paravitāraṇāti? ",
  "kv2.4:15.4": "Na hevaṁ vattabbe. ",
  "kv2.4:16.1": "Paradhammakusalassa arahato doso pahīno, moho pahīno …pe… ",
  "kv2.4:16.2": "anottappaṁ pahīnaṁ …pe… ",
  "kv2.4:16.3": "rāgappahānāya maggo bhāvito …pe… ",
  "kv2.4:16.4": "bojjhaṅgā bhāvitā …pe… ",
  "kv2.4:16.5": "dosappahānāya …pe… ",
  "kv2.4:16.6": "anottappapahānāya maggo bhāvito …pe… ",
  "kv2.4:16.7": "bojjhaṅgā bhāvitā …pe… ",
  "kv2.4:16.8": "paradhammakusalo arahā vītarāgo vītadoso vītamoho …pe… ",
  "kv2.4:16.9": "sacchikātabbaṁ sacchikataṁ, natthi tassa paravitāraṇāti? ",
  "kv2.4:16.10": "Āmantā. ",
  "kv2.4:16.11": "Sadhammakusalo arahā vītarāgo vītadoso vītamoho …pe… ",
  "kv2.4:16.12": "sacchikātabbaṁ sacchikataṁ, natthi tassa paravitāraṇāti? ",
  "kv2.4:16.13": "Na hevaṁ vattabbe …pe…. ",
  "kv2.4:17.1": "Atthi arahato paravitāraṇāti? ",
  "kv2.4:17.2": "Āmantā. ",
  "kv2.4:17.3": "Nanu vuttaṁ bhagavatā—",
  "kv2.4:17.4": "“jānatohaṁ, bhikkhave, passato āsavānaṁ khayaṁ vadāmi, no ajānato no apassato. ",
  "kv2.4:17.5": "Kiñca, bhikkhave, jānato kiṁ passato āsavānaṁ khayo hoti, ‘iti rūpaṁ’ …pe… ",
  "kv2.4:17.6": "‘iti viññāṇassa atthaṅgamo’ti—",
  "kv2.4:17.7": "evaṁ kho, bhikkhave, jānato evaṁ passato āsavānaṁ khayo hotī”ti. ",
  "kv2.4:17.8": "Attheva suttantoti? ",
  "kv2.4:17.9": "Āmantā. ",
  "kv2.4:17.10": "Tena hi na vattabbaṁ—",
  "kv2.4:17.11": "“atthi arahato paravitāraṇā”ti. ",
  "kv2.4:18.1": "Atthi arahato paravitāraṇāti? ",
  "kv2.4:18.2": "Āmantā. ",
  "kv2.4:18.3": "Nanu vuttaṁ bhagavatā—",
  "kv2.4:18.4": "“jānatohaṁ, bhikkhave, passato āsavānaṁ khayaṁ vadāmi, no ajānato no apassato. ",
  "kv2.4:18.5": "Kiñca, bhikkhave, jānato kiṁ passato āsavānaṁ khayo hoti, ‘idaṁ dukkhan’ti—",
  "kv2.4:18.6": "bhikkhave, jānato passato āsavānaṁ khayo hoti, ‘ayaṁ dukkhasamudayo’ti …pe… ",
  "kv2.4:18.7": "‘ayaṁ dukkhanirodho’ti …pe… ",
  "kv2.4:18.8": "‘ayaṁ dukkhanirodhagāminī paṭipadā’ti jānato passato āsavānaṁ khayo hoti. ",
  "kv2.4:18.9": "Evaṁ kho, bhikkhave, jānato evaṁ passato āsavānaṁ khayo hotī”ti. ",
  "kv2.4:18.10": "Attheva suttantoti? ",
  "kv2.4:18.11": "Āmantā. ",
  "kv2.4:18.12": "Tena hi na vattabbaṁ—",
  "kv2.4:18.13": "“atthi arahato paravitāraṇā”ti. ",
  "kv2.4:19.1": "Atthi arahato paravitāraṇāti? ",
  "kv2.4:19.2": "Āmantā. ",
  "kv2.4:19.3": "Nanu vuttaṁ bhagavatā—",
  "kv2.4:19.4": "“sabbaṁ, bhikkhave, anabhijānaṁ aparijānaṁ avirājayaṁ appajahaṁ abhabbo dukkhakkhayāya; ",
  "kv2.4:19.5": "sabbañca kho, bhikkhave, abhijānaṁ parijānaṁ virājayaṁ pajahaṁ bhabbo dukkhakkhayāyā”ti. ",
  "kv2.4:19.6": "Attheva suttantoti? ",
  "kv2.4:19.7": "Āmantā. ",
  "kv2.4:19.8": "Tena hi na vattabbaṁ—",
  "kv2.4:19.9": "“atthi arahato paravitāraṇā”ti. ",
  "kv2.4:20.1": "Atthi arahato paravitāraṇāti? ",
  "kv2.4:20.2": "Āmantā. ",
  "kv2.4:20.3": "Nanu vuttaṁ bhagavatā—",
  "kv2.4:20.4": "“sahāvassa dassanasampadāya …pe… ",
  "kv2.4:20.5": "chaccābhiṭhānāni abhabba kātun”ti. ",
  "kv2.4:20.6": "Attheva suttantoti? ",
  "kv2.4:20.7": "Āmantā. ",
  "kv2.4:20.8": "Tena hi na vattabbaṁ—",
  "kv2.4:20.9": "“atthi arahato paravitāraṇā”ti. ",
  "kv2.4:21.1": "Atthi arahato paravitāraṇāti? ",
  "kv2.4:21.2": "Āmantā. ",
  "kv2.4:21.3": "Nanu vuttaṁ bhagavatā—",
  "kv2.4:21.4": "“yasmiṁ, bhikkhave, samaye ariyasāvakassa virajaṁ vītamalaṁ dhammacakkhuṁ udapādi—",
  "kv2.4:21.5": "‘yaṁ kiñci samudayadhammaṁ, sabbaṁ taṁ nirodhadhamman’ti, saha dassanuppādā, bhikkhave, ariyasāvakassa tīṇi saṁyojanāni pahīyanti—",
  "kv2.4:21.6": "sakkāyadiṭṭhi, vicikicchā, sīlabbataparāmāso”ti. ",
  "kv2.4:21.7": "Attheva suttantoti? ",
  "kv2.4:21.8": "Āmantā. ",
  "kv2.4:21.9": "Tena hi na vattabbaṁ—",
  "kv2.4:21.10": "“atthi arahato paravitāraṇā”ti. ",
  "kv2.4:22.1": "Atthi arahato paravitāraṇāti? ",
  "kv2.4:22.2": "Āmantā. ",
  "kv2.4:22.3": "Nanu vuttaṁ bhagavatā—",
  "kv2.4:23.1": "“Nāhaṁ sahissāmi pamocanāya, ",
  "kv2.4:23.2": "Kathaṅkathiṁ dhotaka kañci loke; ",
  "kv2.4:23.3": "Dhammañca seṭṭhaṁ abhijānamāno, ",
  "kv2.4:23.4": "Evaṁ tuvaṁ oghamimaṁ taresī”ti. ",
  "kv2.4:24.1": "Attheva suttantoti? ",
  "kv2.4:24.2": "Āmantā. ",
  "kv2.4:24.3": "Tena hi na vattabbaṁ—",
  "kv2.4:24.4": "“atthi arahato paravitāraṇā”ti. ",
  "kv2.4:25.1": "Na vattabbaṁ—",
  "kv2.4:25.2": "“atthi arahato paravitāraṇā”ti? ",
  "kv2.4:25.3": "Āmantā. ",
  "kv2.4:25.4": "Nanu arahato itthipurisānaṁ nāmagottaṁ pare vitāreyyuṁ, maggāmaggaṁ pare vitāreyyuṁ, tiṇakaṭṭhavanappatīnaṁ nāmaṁ pare vitāreyyunti? ",
  "kv2.4:25.5": "Āmantā. ",
  "kv2.4:25.6": "Hañci arahato itthipurisānaṁ nāmagottaṁ pare vitāreyyuṁ, maggāmaggaṁ pare vitāreyyuṁ, tiṇakaṭṭhavanappatīnaṁ nāmaṁ pare vitāreyyuṁ, tena vata re vattabbe—",
  "kv2.4:25.7": "“atthi arahato paravitāraṇā”ti. ",
  "kv2.4:26.1": "Arahato itthipurisānaṁ nāmagottaṁ pare vitāreyyuṁ, maggāmaggaṁ pare vitāreyyuṁ, tiṇakaṭṭhavanappatīnaṁ nāmaṁ pare vitāreyyunti, atthi arahato paravitāraṇāti? ",
  "kv2.4:26.2": "Āmantā. ",
  "kv2.4:26.3": "Arahato sotāpattiphalaṁ vā sakadāgāmiphalaṁ vā anāgāmiphalaṁ vā arahattaṁ vā pare vitāreyyunti? ",
  "kv2.4:26.4": "Na hevaṁ vattabbe …pe…. ",
  "kv2.4:26.5": "Paravitāraṇakathā niṭṭhitā. "
}