{
  "patthana8.27:0.1": "Paṭṭhānapakaraṇa ",
  "patthana8.27:0.2": "Dhammapaccanīya (2), Dukapaṭṭhānapāḷi (2) ",
  "patthana8.27:0.3": "8.27. Ganthaniyaduka ",
  "patthana8.27:1.1": "Naganthaniyaṁ dhammaṁ paṭicca naganthaniyo dhammo uppajjati hetupaccayā. Naganthaniyaṁ dhammaṁ paṭicca naaganthaniyo dhammo uppajjati hetupaccayā. Naganthaniyaṁ dhammaṁ paṭicca naganthaniyo ca naaganthaniyo ca dhammā uppajjanti hetupaccayā. ",
  "patthana8.27:2.1": "Naaganthaniyaṁ dhammaṁ paṭicca naaganthaniyo dhammo uppajjati hetupaccayā. ",
  "patthana8.27:3.1": "Naganthaniyañca naaganthaniyañca dhammaṁ paṭicca naaganthaniyo dhammo uppajjati hetupaccayā.  (Saṅkhittaṁ.) ",
  "patthana8.27:4.1": "Hetuyā pañca, ārammaṇe dve …pe… avigate pañca. (Sabbattha pañca.) "
}