sa śrīmān akalaṅkadhīḥ svayam upetyāryo 'nujagrāha yaṃ vyaktaṃ tasya na vetty ayaṃ jaḍamatir loko garīyaḥ padam / tatropāsitalokabhartari kṛtā svalpāpy anarthodayā sammohād avadhīraṇeti kṛpayā tannītir uddyotyate // 0.1	śārdūlavikrīḍitā [19: msjsttg]
pratyakṣam anumānaṃ ca pramāṇe sadṛśātmanā / apratyakṣasya sambandhād anyataḥ pratipattitaḥ // 1.1	anuṣṭubh (1,2: pathyā, 3,4: pathyā)
pramāṇetarasāmānyasthiter anyadhiyo gateḥ / pramāṇāntarasadbhāvaḥ pratiṣedhāc ca kasyacit // 1.2	anuṣṭubh (1,2: pathyā, 3,4: pathyā)
arthasyāsambhave 'bhāvāt pratyakṣe 'pi pramāṇatā / pratibaddhasvabhāvasya taddhetutve samaṃ dvayam // 1.3	anuṣṭubh (1,2: pathyā, 3,4: pathyā)
pratyakṣaṃ kalpanāpoḍham abhrāntam abhilāpinī / pratītiḥ kalpanā arthasya sāmarthyena samudbhāvāt // 1.4	anuṣṭubh (1,2: pathyā, 3,4: asamīcīna)
arthopayoge 'pi punaḥ smārtaṃ śabdānuyojanam / akṣadhīr yady apekṣeta so 'rtho vyavahito bhavet // 1.5	anuṣṭubh (1,2: bha-vipulā, 3,4: pathyā)
yaḥ prāg ajanako buddher upayogāviśeṣataḥ / sa paścād api tena syād arthāpāye 'pi netradhīḥ // 1.6	anuṣṭubh (1,2: pathyā, 3,4: pathyā)
viśeñaṇaṃ viśeṣyaṃ ca sambandhaṃ laukikīṃ sthitim / gṛhītvā saṅkalayyaitat tathā pratyeti nānyathā // 1.7	anuṣṭubh (1,2: pathyā, 3,4: pathyā)
saṅketasmaraṇopāyaṃ dṛṣṭasaṅkalanātmakam / pūrvāparaparāmarśaśūnye tac cākṣuṣe katham // 1.8	anuṣṭubh (1,2: pathyā, 3,4: pathyā)
vikalpotthāpitā sā ca nivartyetecchayā matiḥ / nārthasannidhim īkṣeta nānyathedantayeti cet // 1.9	anuṣṭubh (1,2: pathyā, 3,4: pathyā)
avidyamānābhede 'pi tadakṣāgocaratvataḥ / spṛśato 'py asti sā buddhiḥ dravyaṃ tat spārśanaṃ yadi // 1.10	anuṣṭubh (1,2: ma-vipulā, 3,4: pathyā)
nāyaṃ ghaṭa iti jñāne varṇapratyavabhāsanāt / yatsannidhāne yo dṛṣṭas taddṛṣṭes taddhanau smṛtiḥ // 1.11	anuṣṭubh (1,2: pathyā, 3,4: ma-vipulā)
yuktā tadgatyabhāve tu śabdabhede smṛtiḥ katham / tadasmṛtau ca tenārthaṃ saṃsṛṣṭaṃ vetty asau katham // 1.12	anuṣṭubh (1,2: pathyā, 3,4: pathyā)
saṃhṛtya sarvataś cintāṃ stimitenāntarātmanā / sthito 'pi cakṣuṣā rūpam īkṣate sākṣajā matiḥ // 1.13	anuṣṭubh (1,2: pathyā, 3,4: pathyā)
punar vikalpayan kiñcid āsīn me kalpanedṛśī / iti vetti na pūrvoktāvasthāyām indriyād gatau // 1.14	anuṣṭubh (1,2: pathyā, 3,4: pathyā)
śabdenāvyāpṛtākṣasya buddhāv apratibhāsanāt / arthasya dṛṣṭāv iva tadanirdeśyasya vedakam // 1.15	anuṣṭubh (1,2: pathyā, 3,4: bha-vipulā)
ekatra dṛṣṭo bhedo hi kvacin nānyatra dṛśyate / na tasmād bhinnam asty anyat sāmānyaṃ buddhyabhedataḥ // 1.16	anuṣṭubh (1,2: ma-vipulā, 3,4: pathyā)
dhīśabdavṛtter anyatra tato nānupalakṣaṇam / tasmād viśeṣaviṣayā sarvaivendriyajā matiḥ // 1.17	anuṣṭubh (1,2: ma-vipulā, 3,4: na-vipulā)
taddṛṣṭāv eva dṛṣṭeṣu saṃvitsāmarthyabhāvinaḥ / smaraṇād abhilāṣeṇa vyavahāraḥ pravartate // 1.18	anuṣṭubh (1,2: pathyā, 3,4: pathyā)
mānasaṃ cākṣavijñānānantarapratyayodbhavam / tadarthānantaragrāhi sukhādīnāṃ svavedanam // 1.19	anuṣṭubh (1,2: pathyā, 3,4: pathyā)
bhinnakālaṃ kathaṃ grāhyam iti ced grāhyatāṃ viduḥ / hetutvam eva yuktijñā jñānākārārpaṇakṣamam // 1.20	anuṣṭubh (1,2: pathyā, 3,4: pathyā)
aśakyasamayo hy ātmā sukhādīnām ananyabhāk / teṣām ataḥ svasaṃvittir nābhijalpānuṣaṅgiṇī // 1.21	anuṣṭubh (1,2: pathyā, 3,4: pathyā)
tadatadrūpiṇo bhāvas tadatadrūpahetujāḥ / tatsukhādi kim ajñānaṃ vijñānābhinnahetujam // 1.22	anuṣṭubh (1,2: pathyā, 3,4: pathyā)
aviśeṣe 'pi bāhyasya viśeṣāt prītitāpayoḥ / bhāvanāyā viśeṣeṇa nārtharūpāḥ sukhādayaḥ // 1.23	anuṣṭubh (1,2: pathyā, 3,4: pathyā)
cetanāś cāpi vedyatvād atadrūpāpravedanāt / tadrūpavyatirekeṇa buddher anupalakṣaṇāt // 1.24	anuṣṭubh (1,2: pathyā, 3,4: pathyā)
saṃsargād avibhāgaś ced ayogolakavahnivat / bhedābhedavyavasthaivam utsannā sarvavastuṣu // 1.25	anuṣṭubh (1,2: pathyā, 3,4: pathyā)
abhinnavedanasyaikye yan naivaṃ tadvibhedavat / sidhyed asādhanatve 'sya na siddhaṃ bhedasādhanam // 1.26	anuṣṭubh (1,2: pathyā, 3,4: pathyā)
bhinnābhaḥ sitaduḥkhādir abhinno buddhivedane / abhinnābhe vibhinne ced bhedābhedau kimāśrayau // 1.27	anuṣṭubh (1,2: pathyā, 3,4: pathyā)
bhāvanābalataḥ spaṣṭaṃ bhayādāv iva bhāsate / yaj jñānam avisaṃvādi tat pratyakṣam akalpakam // 1.28	anuṣṭubh (1,2: pathyā, 3,4: pathyā)
kāmaśokabhayonmādacaurasvapnādyupaplutāḥ / abhūtān api paśyanti purato 'vasthitān iva // 1.29	anuṣṭubh (1,2: pathyā, 3,4: pathyā)
yathāviplavamāvegapratipattipradarśanāt / parokṣagatisañjñāyāṃ tathāvṛtter adarśanāt // 1.30	anuṣṭubh (1,2: pathyā, 3,4: pathyā)
tasmād bhūtam abhūtaṃ vā yad yad evābhibhāvyate / bhāvanāpariniṣpattau tat sphuṭākalpadhīphalam // 1.31	anuṣṭubh (1,2: pathyā, 3,4: pathyā)
na vikalpānubaddhasya spaṣṭārthapratibhāsitā / svapne 'pi smaryate smārtaṃ na ca tat tādṛgarthavat // 1.32	anuṣṭubh (1,2: pathyā, 3,4: pathyā)
vikalpo 'vastunirbhāsād visaṃvādād upaplavaḥ / pratyakṣābho 'kṣajatve 'pi tadanyebhyo 'viśeṣataḥ // 1.33	anuṣṭubh (1,2: pathyā, 3,4: pathyā)
arthena ghaṭayaty enāṃ na hi muktvā'rtharūpatām / tasmāt prameyādhigateḥ pramāṇaṃ meyarūpatā // 1.34	anuṣṭubh (1,2: pathyā, 3,4: bha-vipulā)
tasmāt prameyādhigateḥ sādhanaṃ meyarūpatā / sādhane 'nyatra tatkarmasambandho na prasidhyati // 1.35	anuṣṭubh (1,2: bha-vipulā, 3,4: pathyā)
sā ca tasyātmabhūtaiva tena nārthāntaraṃ phalam / dadhānaṃ tac ca tām ātmany arthādhigamanātmanā // 1.36	anuṣṭubh (1,2: pathyā, 3,4: pathyā)
savyāpāram ivābhāti vyāpāreṇa svakarmaṇi / tadvaśāt tadvyavasthānād akārakam api svayam // 1.37	anuṣṭubh (1,2: pathyā, 3,4: pathyā)
nānyo 'nubhāvyo buddhyāsti tasyā nānubhavo 'paraḥ / grāhyagrāhakavaidhuryāt svayaṃ saiva prakāśate // 1.38	anuṣṭubh (1,2: ma-vipulā, 3,4: pathyā)
avedyavedakākārā yathā bhrāntair nirīkṣyate / vibhaktalakṣaṇagrāhyagrāhakākāraviplavā // 1.39	anuṣṭubh (1,2: pathyā, 3,4: pathyā)
tathākṛtavyavastheyaṃ keśādijñānabhedavat / yadā tadā na sañcodyagrāhyagrāhakalakṣaṇā // 1.40	anuṣṭubh (1,2: pathyā, 3,4: pathyā)
tadā'nyasaṃvido 'bhāvāt svasaṃvit phalam iśyate / 1.41	ajñātasamavṛtta [4: jg] (? 2 eva pādāḥ yuktāḥ)
tathā'vabhāsamānasya tādṛśo 'nyādṛśo 'pi vā / jñānasya hetur artho 'pīty arthasyeṣṭā prameyatā // 1.42	anuṣṭubh (1,2: pathyā, 3,4: pathyā)
yathā kathañcit tasyārtharūpaṃ muktvā'vabhāsinaḥ / arthagrahaḥ kathaṃ satyaṃ na jāne 'ham apīdṛśam // 1.43	anuṣṭubh (1,2: ma-vipulā, 3,4: pathyā)
avibhāgo 'pi buddhyātmā viparyāsitadarśanaiḥ / grāhyagrāhakasaṃvittibhedavān iva lakṣyate // 1.44	anuṣṭubh (1,2: pathyā, 3,4: pathyā)
mantrādyupaplutākṣāṇāṃ yathā mṛcchakalādayaḥ / anyathaivāvabhāsante tadrūparahitā api // 1.45	anuṣṭubh (1,2: pathyā, 3,4: pathyā)
tathaivādarśanāt teṣām anupaplutacakṣuṣā / dūre yathā vā maruṣu mahān alpo 'pi dṛśyate // 1.46	anuṣṭubh (1,2: pathyā, 3,4: bha-vipulā)
yathānudarśanaṃ ceyaṃ meyamānaphalasthitiḥ / kriyate 'vidyamānā'pi grāhyagrāhakasaṃvidām // 1.47	anuṣṭubh (1,2: pathyā, 3,4: pathyā)
anyathaikasya bhāvasya nānārūpāvabhāsinaḥ / satyaṃ kathaṃ syur ākārās tadekatvasya hānitaḥ // 1.48	anuṣṭubh (1,2: pathyā, 3,4: pathyā)
anyasyānyatvahāneś ca nābhedo 'rūpadarśanāt / rūpābhedaṃ hi paśyantī dhīr abhedaṃ vyavasyati // 1.49	anuṣṭubh (1,2: pathyā, 3,4: pathyā)
bhāvā yena nirūpyante tadrūpaṃ nāsti tattvataḥ / yasmād ekam anekaṃ ca rūpaṃ teṣāṃ na vidyate // 1.50	anuṣṭubh (1,2: pathyā, 3,4: pathyā)
sādharmyadarśanāl loke bhrāntir nāmopajāyate / atadātmani tādātmyavyavasāyena neha tat // 1.51	anuṣṭubh (1,2: pathyā, 3,4: pathyā)
adarśanāj jagat yasmin nekasyāpi tadātmanaḥ / astīyam api yā tv antarupaplavasam udbhavā // 1.52	anuṣṭubh (1,2: pathyā, 3,4: pathyā)
doṣodbhavāt prakṛtyā sā vitathapratibhāsinī / anapekṣitasādharmyadṛgādis taimirādivat // 1.53	anuṣṭubh (1,2: pathyā, 3,4: pathyā)
sahopalambhaniyamād abhedo nīlataddhiyoḥ / apratyakṣopalambhasya nārthadṛṣṭiḥ prasidhyati // 1.54	anuṣṭubh (1,2: na-vipulā, 3,4: pathyā)
tatrātmaviṣaye māne yathā rāgādivedanam / iyaṃ sarvatra saṃyojyā mānameyaphalasthitiḥ // 1.55	anuṣṭubh (1,2: pathyā, 3,4: pathyā)
tatrāpy anubhavātmatvāt te yogyāḥ svātmasaṃvidi / iti sā yogyatā mānam ātmā meyaḥ phalaṃ svavit // 1.56	anuṣṭubh (1,2: pathyā, 3,4: pathyā)
grāhakākārasaṅkhyātā paricchedātmatātmani / sā yogyateti ca proktaṃ pramāṇaṃ svātmavedanam // 1.57	anuṣṭubh (1,2: pathyā, 3,4: pathyā)
bāhye 'py arthe tato 'bhedo bhāsamānārthatadvidoḥ / dvairūpyaṃ taddhiyaḥ bāhyasiddhiḥ syād vyatirekataḥ // 1.58	anuṣṭubh (1,2: pathyā, 3,4: pathyā)
anumānaṃ dvidhā svārthaṃ trirūpāl liṅgato 'rthadṛk / atasmiṃs tadgrahād bhrāntir api sambandhataḥ pramā // 2.1	anuṣṭubh (1,2: pathyā, 3,4: pathyā)
yo hi bhāvo yathābhūtaḥ sa tādṛgliṅgacetasaḥ / hetus tajjā tathābhūte tasmād vastuni liṅgidhīḥ // 2.2	anuṣṭubh (1,2: pathyā, 3,4: pathyā)
liṅgaliṅgidhiyor evaṃ pāramparyeṇa vastuni / pratibandhāt tadābhāsaśūnyayor apy avañcanam // 2.3	anuṣṭubh (1,2: pathyā, 3,4: pathyā)
tasyās tadrūpaśūnyāyās tadrūpādhyavasāyataḥ / tadrūpāvañcakatve 'pi kṛtā bhrāntivyavasthitiḥ // 2.4	anuṣṭubh (1,2: pathyā, 3,4: pathyā)
maṇipradīpaprabhayor maṇibuddhyābhidhāvataḥ / mithyājñānāviśeṣe 'pi viśeṣo 'rthakriyāṃ prati // 2.5	anuṣṭubh (1,2: bha-vipulā, 3,4: pathyā)
yathā tathāyathārthatve 'py anumānatadābhayoḥ / arthakriyānurodhena pramāṇatvaṃ vyavasthitam // 2.6	anuṣṭubh (1,2: pathyā, 3,4: pathyā)
pramāṇyaṃ vastuviṣayaṃ dvayoḥ arthabhidāṃ jagau / pratibhāsasya bhinnatvād ekasmiṃs tadayogataḥ // 2.7	anuṣṭubh (1,2: na-vipulā, 3,4: pathyā)
atadrūpaparāvṛttavastumātraprasādhanāt / sāmānyaviṣayaṃ proktaṃ liṅgaṃ bhedāpratiṣṭhiteḥ // 2.8	anuṣṭubh (1,2: pathyā, 3,4: pathyā)
anumeye 'tha tattulye sadbhāvo nāstitāsati / niścitā 'nupalambhātmakāryākhyā hetavas trayaḥ // 2.9	anuṣṭubh (1,2: pathyā, 3,4: pathyā)
ayogaṃ yogam aparair atyantāyogam eva ca / vyavacchinatti dharmasya nipāto vyatirecakaḥ // 2.10	anuṣṭubh (1,2: na-vipulā, 3,4: pathyā)
viśeṣaṇaviśeṣyābhyāṃ kriyayā ca sahoditaḥ / vivakṣāto 'prayoge 'pi tasyārtho 'yaṃ pratīyate // 2.11	anuṣṭubh (1,2: pathyā, 3,4: pathyā)
vyavacchedaphalaṃ vākyaṃ yataś caitro dhanurdharaḥ / pārtho dhanurdharo nīlaṃ sarojam iti vā yathā // 2.12	anuṣṭubh (1,2: pathyā, 3,4: pathyā)
pratiyogivyavacchedas tatrāpy artheṣu gamyate / tathā prasiddheḥ sāmarthyād vivakṣānugamād dhvaneḥ // 2.13	anuṣṭubh (1,2: pathyā, 3,4: ma-vipulā)
tadayogavyavacchedād dharmī dharmaviśeṣaṇam / tadviśiṣṭatayā dharmo na niranvayadoṣabhāk // 2.14	anuṣṭubh (1,2: pathyā, 3,4: pathyā)
nivṛttyabhāvas tu vidhir vastubhāvo 'sato 'pi san / vastvabhāvas tu nāstīti paśya vāndhyavijṛmbhitam // 2.15	anuṣṭubh (1,2: bha-vipulā, 3,4: pathyā)
nivṛttir yadi tasmin na hetor vṛttiḥ kim iṣyate / sāpi na pratiṣedho 'yaṃ nivṛttiḥ kiṃ niṣidhyate // 2.16	anuṣṭubh (1,2: pathyā, 3,4: pathyā)
vidhānaṃ pratiṣedhaṃ ca muktvā śabdo 'sti nāparaḥ / vyavahāraḥ sa cāsatsu neti prāptātra mūkatā // 2.17	anuṣṭubh (1,2: pathyā, 3,4: pathyā)
satāṃ ca na niṣedho 'sti so 'satsu ca na vartate / jagaty anena nyāyena nañarthaḥ pralayaṃ gataḥ // 2.18	anuṣṭubh (1,2: pathyā, 3,4: ma-vipulā)
deśakālaniṣedhaś ced yathāsti sa niṣidhyate / na tathā na yathā so 'sti tathāpi na niṣidhyate // 2.19	anuṣṭubh (1,2: pathyā, 3,4: pathyā)
tasmād āśritya śabdāthaṃ bhāvābhāvasamāśrayam / abāhyāśrayam atreṣṭaṃ sarvaṃ vidhiniṣedhanam // 2.20	anuṣṭubh (1,2: pathyā, 3,4: pathyā)
tābhyāṃ sa dharmī sambaddhaḥ khyātyabhāve 'pi tādṛśaḥ / śabdapravṛtter astīti so 'pīṣṭo vyavahārabhāk // 2.21	anuṣṭubh (1,2: ma-vipulā, 3,4: ma-vipulā)
anyathā syāt padārthānāṃ vidhānapratiṣedhane / ekadharmasya sarvātmavidhānapratiṣedhanam // 2.22	anuṣṭubh (1,2: pathyā, 3,4: pathyā)
anānātmatayā bhede nānāvidhiniṣedhavat / ekadharmiṇyasaṃhāro vidhānapratiṣedhayoḥ // 2.23	anuṣṭubh (1,2: pathyā, 3,4: pathyā)
ekaṃ dharmiṇam uddiśya nānādharmasamāśrayam / vidhāv ekasya tadbhājam ivānyeṣām upekṣakam // 2.24	anuṣṭubh (1,2: pathyā, 3,4: pathyā)
niṣedhe tadviviktam ca tadanyeṣām apekṣakam / vyavahāram asatyārthaṃ prakalpayati dhīr yathā // 2.25	anuṣṭubh (1,2: pathyā, 3,4: pathyā)
taṃ tathaivāvikalpyārthabhedāśrayam upāgatāḥ / anādivāsanodbhūtaṃ bādhante 'rthaṃ na laukikam // 2.26	anuṣṭubh (1,2: pathyā, 3,4: pathyā)
tatphalo 'tatphalaś cārtho bhinna ekas tatas tataḥ / tais tair upaplavair nītasañcayāpacayair iva // 2.27	anuṣṭubh (1,2: pathyā, 3,4: pathyā)
atadvān api sambandhāt kutaścid upanīyate / dṛṣṭiṃ bhedāśrayais te 'pi tasmād ajñātaviplavāḥ // 2.28	anuṣṭubh (1,2: pathyā, 3,4: pathyā)
sarvabhāvāḥ svabhāvena svasvabhāvavyavasthiteḥ / svabhāvaparabhāvābhyāṃ yasmād vyāvṛttibhāginaḥ // 2.29	anuṣṭubh (1,2: pathyā, 3,4: pathyā)
tasmād yato yato 'rthānāṃ vyāvṛttis tannibandhanāḥ / jātibhedāḥ prakalpyante tadviśeṣāvagāhinaḥ // 2.30	anuṣṭubh (1,2: pathyā, 3,4: pathyā)
tasmād yo yena dharmeṇa viśeṣaḥ sampratīyate / na sa śakyas tato 'nyena tena bhinnā vyavasthitiḥ // 2.31	anuṣṭubh (1,2: pathyā, 3,4: pathyā)
asattāniścayaphalo 'nupalambhaḥ caturvidhaḥ / iṣṭo 'yam arthaḥ śakyeta jñātuṃ so 'tiśayo yadi // 2.32	anuṣṭubh (1,2: na-vipulā, 3,4: ma-vipulā)
dṛśyasya darśanābhāvakāraṇāsambhave sati / bhāvasyānupalabdhasya bhāvābhāvaḥ pratīyate // 2.33	anuṣṭubh (1,2: pathyā, 3,4: pathyā)
itthaṃ viruddhakārye 'pi deśakālādyapekṣaṇam / anyathā vyabhicāri syād bhasmevāśītasādhane // 2.34	anuṣṭubh (1,2: pathyā, 3,4: pathyā)
svayaṃ rāgādimān nārthaṃ vetti vedasya nānyataḥ / na vedayti vedo 'pi vedārthasya kuto gatiḥ // 2.35	anuṣṭubh (1,2: pathyā, 3,4: asamīcīna)
tenāgnihotraṃ juhuyāt svargakāma iti śrutau / khādecchvamāṃsam ity eṣa nārtha ity atra kā pramā // 2.36	anuṣṭubh (1,2: bha-vipulā, 3,4: pathyā)
prasiddho lokavādaś cet tatra ko 'tīndriyārthadṛk / anekārtheṣu śabdeṣu yenārtho 'yaṃ vivecitaḥ // 2.37	anuṣṭubh (1,2: pathyā, 3,4: pathyā)
svargorvaśyādiśabdaś ca dṛṣṭo 'rūḍhārthavācakaḥ / śabdāntareṣu tādṛkṣu tādṛśyevāstu kalpanā // 2.38	anuṣṭubh (1,2: pathyā, 3,4: pathyā)
aprasiddhārthayogasya tatprasiddhiprasādhane / nāsiddhārthaḥ svayaṃ śaktas tulyaḥ paryanuyogataḥ // 2.39	anuṣṭubh (1,2: pathyā, 3,4: pathyā)
prasiddhiś ca nṛṇāṃ vādaḥ pramāṇaṃ sa ca neṣyate / tataś ca bhūyo 'rthagatiḥ kim etaddviṣṭakāmitam // 2.40	anuṣṭubh (1,2: pathyā, 3,4: bha-vipulā)
atha prasiddhim ullaṅghya kalpane kiṃ nibandhanam / prasiddher apramāṇatvāt tadgrahe kiṃ nibandhanam // 2.41	anuṣṭubh (1,2: pathyā, 3,4: pathyā)
utpāditā prasiddhyaiva śaṅkā śabdārthaniścaye / yasmān nānārthavṛttitvaṃ śabdānāṃ tatra dṛśyate // 2.42	anuṣṭubh (1,2: pathyā, 3,4: pathyā)
na yuktibādhā yatrāsti tadgrāhyaṃ laukikaṃ yadi / gṛhyate vātaputrīyaṃ kiṃ na yuktyā na bādhitam // 2.43	anuṣṭubh (1,2: ma-vipulā, 3,4: pathyā)
āgamārthāśrayā yuktir atyakṣeṣu na cetarā / tadarthasyāpratiṣṭhānād yukter atra na sambhavaḥ // 2.44	anuṣṭubh (1,2: pathyā, 3,4: pathyā)
anyathā 'sambhavābhāvān nānāśakteḥ svayam dhvaneḥ / avaśyaṃ śaṅkayā bhāvyaṃ niyāmakam apaśyatām // 2.45	anuṣṭubh (1,2: pathyā, 3,4: pathyā)
eṣa sthāṇur ayaṃ mārga iti vaktīti kaścana / anyaḥ svayaṃ bravīmīti tayor bhedaḥ parīkṣyatām // 2.46	anuṣṭubh (1,2: pathyā, 3,4: pathyā)
sarvatra yogyasyaikārthadyotane niyatiḥ kutaḥ / jñātā vā 'tīndriyāḥ kena vivakṣāvacanād ṛte // 2.47	anuṣṭubh (1,2: ma-vipulā, 3,4: pathyā)
vivakṣā niyame hetuḥ saṅketas tatprakāśanaḥ / apauruṣeye sā nāsti tasya saikārthatā kutaḥ // 2.48	anuṣṭubh (1,2: pathyā, 3,4: ma-vipulā)
svabhāvaniyame 'nyatra na yojyeta tayā punaḥ / saṅketaś ca nirarthaḥ syād vyaktau ca niyamaḥ kutaḥ // 2.49	anuṣṭubh (1,2: pathyā, 3,4: pathyā)
yatra svātantryam icchāyā niyamo nāma tatra kaḥ / dyotayet tena saṅketo neṣṭām evāsya yogyatām // 2.50	anuṣṭubh (1,2: pathyā, 3,4: pathyā)
pravṛtter buddhipūrvatvāt so 'pravṛttiphalo mataḥ / anyaḥ pravartanaphalas tannimittasya darśanāt // 2.51	anuṣṭubh (1,2: pathyā, 3,4: na-vipulā)
tadbhāvamātrānvayini svabhāvo hetur ātmani / upādhyapekṣaḥ śuddho vā nāśe kāryatvasattvavat // 2.52	anuṣṭubh (1,2: bha-vipulā, 3,4: ma-vipulā)
ahetutvād vināśasya svabhāvād anubandhitā / sāpekṣāṇāṃ hi dharmāṇāṃ nāvaśyambhāvitekṣyate // 2.53	anuṣṭubh (1,2: pathyā, 3,4: pathyā)
etena vyabhicāritvam uktaṃ kāryāvyavasthiteḥ / sarveṣāṃ nāśahetūnāṃ hetumannāśavādinām // 2.54	anuṣṭubh (1,2: pathyā, 3,4: pathyā)
arthakriyāsamarthaṃ yat tad atra paramārthasat / asanto 'kṣaṇikās tasyāṃ kramākramavirodhataḥ // 2.55	anuṣṭubh (1,2: pathyā, 3,4: pathyā)
asāmarthyāc ca taddhetor bhavaty eṣa svabhāvataḥ / yatra nāma bhavaty asmād anyatrāpi svabhāvataḥ // 2.56	anuṣṭubh (1,2: pathyā, 3,4: pathyā)
kāryaṃ svabhāvair yāvadbhir avinābhāvi kāraṇe / hetus tadvyabhicāre 'sya hetumattāvyatikramāt // 2.57	anuṣṭubh (1,2: ma-vipulā, 3,4: pathyā)
nityaṃ sattvam asattvaṃ vāhetor anyānapekṣaṇāt / apekṣāto hi bhāvānāṃ kādācitkatvasambhavaḥ // 2.58	anuṣṭubh (1,2: pathyā, 3,4: pathyā)
agnisvabhāvaḥ śakrasya mūrdhā yady agnir eva saḥ / athānagnisvabhāvo 'sau dhūmas tatra kathaṃ bhavet // 2.59	anuṣṭubh (1,2: ma-vipulā, 3,4: pathyā)
dhūmahetusvabhāvo hi vahnis tacchaktibhedavān / adhūmahetor dhūmasya bhāve sa syād ahetukaḥ // 2.60	anuṣṭubh (1,2: pathyā, 3,4: ma-vipulā)
anvayavyatirekād yo yasya dṛṣṭo 'nuvartakaḥ / svabhāvas tasya taddhetur ato bhinnān na sambhavaḥ // 2.61	anuṣṭubh (1,2: pathyā, 3,4: pathyā)
kāryakāraṇabhāvād vā svabhāvād vā niyāmakāt / avinābhāvaniyamo 'darśanān na na darśanāt // 2.62	anuṣṭubh (1,2: pathyā, 3,4: na-vipulā)
avaśyambhāvaniyamaḥ kaḥ parasyānyathā paraiḥ / arthāntaranimitte vā dharme vāsasi rāgavat // 2.63	anuṣṭubh (1,2: na-vipulā, 3,4: pathyā)
arthāntaranimitto hi dharmaḥ syād anya eva saḥ / paścād bhāvān na hetutvaṃ phale 'py ekāntatā kutaḥ // 2.64	anuṣṭubh (1,2: pathyā, 3,4: pathyā)
na yuktādṛṣṭimātreṇa vipakṣe 'vyabhicāritā / sambhāvyavyabhicāratvāt sthālītaṇḍulapākavat // 2.65	anuṣṭubh (1,2: pathyā, 3,4: pathyā)
yasyādarśanamātreṇa vyatirekaḥ pradarśyate / tasya saṃśayahetutvāc cheṣavat tad udāhṛtam // 2.66	anuṣṭubh (1,2: pathyā, 3,4: pathyā)
hetos triṣv api rūpeṣu niścayas tena varṇitaḥ / asiddhaviparītārthavyabhicārivipakṣataḥ // 2.67	anuṣṭubh (1,2: pathyā, 3,4: pathyā)
na ca nāstīti vacanāt tan nāsty eva yathā yadi / nāsti sa khyāpyate nyāyas tadā nāstīti gamyate // 2.68	anuṣṭubh (1,2: na-vipulā, 3,4: pathyā)
tasmāt tanmātrasambaddhaḥ svabhāvo bhāvam eva vā / nivartayet kāraṇaṃ vā kāryam avyabhicārataḥ // 2.69	anuṣṭubh (1,2: pathyā, 3,4: ra-vipulā)
anyathaikanivṛttyānyavinivṛttiḥ kathaṃ bhaved / nāśvavān iti martyena na bhāvyaṃ gomatāpi kim // 2.70	anuṣṭubh (1,2: pathyā, 3,4: pathyā)
sannidhānāt tathaikasya katham anyasya sannidhiḥ / gomān ity eva martyena bhāvyam aśvavatāpi kim // 2.71	anuṣṭubh (1,2: pathyā, 3,4: pathyā)
hetusvabhāvābhāvo 'taḥ pratiṣedhe ca kasyacit / hetur yuktopalambhasya tasya cānupalambhanam // 2.72	anuṣṭubh (1,2: ma-vipulā, 3,4: pathyā)
parārthamanumānaṃ tu svadṛṣṭārthaprakāśanam / āgamātparadṛṣṭaṃ na sādhanaṃ nāpyanarthataḥ // 3.1	anuṣṭubh (1,2: pathyā, 3,4: pathyā)
riktasya jantorjātasya guṇadoṣamapaśyataḥ / vilabdhā vata keneme siddhāntaviṣamagrahāḥ // 3.2	anuṣṭubh (1,2: ma-vipulā, 3,4: pathyā)
kalpanāgamayoḥ karturicchāmātrānurodhataḥ / vastunaścānyathābhāvāttatkṛtā vyabhicāriṇaḥ // 3.3	anuṣṭubh (1,2: pathyā, 3,4: pathyā)
arthādarthagateḥ śaktiḥ pakṣahetvabhidhānayoḥ / nārthe tena tayornāsti svataḥ sādhanasaṃsthitiḥ // 3.4	anuṣṭubh (1,2: pathyā, 3,4: pathyā)
sādhyābhidhānātpakṣoktiḥ pāramparyeṇa nāpyalam / śaktasya sūcakaṃ hetuvaco 'śaktamapi svayam // 3.5	anuṣṭubh (1,2: ma-vipulā, 3,4: pathyā)
svarūpeṇaiva nirdeśyaḥ svayamiṣṭo 'nirākṛtaḥ / asiddhāsādhanārthoktavādyabhyupagamagrahaḥ // 3.6	anuṣṭubh (1,2: pathyā, 3,4: pathyā)
kaiścitprakaraṇairicchā bhavetsā gamyate ca taiḥ / balāttaveccheyamiti vyaktamīśvaraceṣṭitam // 3.7	anuṣṭubh (1,2: pathyā, 3,4: bha-vipulā)
vadannakāliṅgo tāṃ vyabhicāreṇa bādhyate / anāntarīyake cārthe bādhite 'nyasya kā kṣatiḥ // 3.8	anuṣṭubh (1,2: asamīcīna, 3,4: pathyā)
uktaṃ ca nāgamāpekṣamanumānaṃ svagocare / siddhaṃ tena susiddhaṃ tanna tadā śāstramīkṣyate // 3.9	anuṣṭubh (1,2: pathyā, 3,4: pathyā)
vādatyāgastadā syāccenna tadānabhyupāyataḥ / upāyo hyabhyupāye 'yamanaṅgaṃ sa tadāpi san // 3.10	anuṣṭubh (1,2: pathyā, 3,4: pathyā)
tathā viśuddhe viṣayadvaye śāstraparigraham / cikīrṣoḥ sa hi kālaḥ syāttadā śāstreṇa bādhanam // 3.11	anuṣṭubh (1,2: bha-vipulā, 3,4: pathyā)
tadvirodhena cintāyāstatsiddhārtheṣvayogataḥ / tṛtīyasthānasaṅkrāntau nyāyyaḥ śāstraparigrahaḥ // 3.12	anuṣṭubh (1,2: pathyā, 3,4: pathyā)
tatrāpi sādhyadharmasya sambaddhasyaiva bādhanam / parihāryaṃ na cānyeṣāmanavasthāprasaṅgataḥ // 3.13	anuṣṭubh (1,2: pathyā, 3,4: pathyā)
keneyaṃ sarvacintāsu śāstraṃ grāhyamiti sthitiḥ / kṛtedānīmasiddhāntairgrāhyo dhūmena nānalaḥ // 3.14	anuṣṭubh (1,2: pathyā, 3,4: pathyā)
yadi sādhana ekatra sarvaṃ śāstraṃ nidarśane / darśayetsādhanaṃ syādityeṣā lokottarā sthitiḥ // 3.15	anuṣṭubh (1,2: pathyā, 3,4: pathyā)
asambaddhasya dharmasya kimasiddhau na sidhyati / hetustatsādhanāyoktaḥ kiṃ duṣṭastatra sidhyati // 3.16	anuṣṭubh (1,2: pathyā, 3,4: pathyā)
dharmānanupanīyaiva dṛṣṭānte dharmiṇo 'khilān / vāgdhūmāderjano 'nveti caitanyadahanādikam // 3.17	anuṣṭubh (1,2: pathyā, 3,4: pathyā)
svabhāvaṃ kāraṇaṃ vārtho 'vyabhicāreṇa sādhayan / kasyacidvādabādhāyāṃ svabhāvānna nivartate // 3.18	anuṣṭubh (1,2: pathyā, 3,4: pathyā)
prapadyamānaścānyastaṃ nāntarīyakamīpsitaiḥ / sādhyārthairhetunā tena kathamapratipāditaḥ // 3.19	anuṣṭubh (1,2: ma-vipulā, 3,4: pathyā)
yadi kiñcitkvacicchāstre na yuktaṃ pratiṣidhyate / bruvāṇo yuktamapyanyaditi rājakulasthitiḥ // 3.20	anuṣṭubh (1,2: pathyā, 3,4: pathyā)
sarvānarthānsamīkṛtya vaktuṃ śakyaṃ na sādhanam / sarvatra tenotsanneyaṃ sādhyasādhanasaṃsthitiḥ // 3.21	anuṣṭubh (1,2: pathyā, 3,4: ma-vipulā)
hetvādilakṣaṇairbādhyaṃ muktvā pakṣasya lakṣaṇam / ucyate parihārārthamavyāptivyatirekayoḥ // 3.22	anuṣṭubh (1,2: pathyā, 3,4: pathyā)
svayaṃnipātarūpākhyā vyatirekasya bādhikāḥ / sahānirākṛteneṣṭaśrutiravyāptibādhanī // 3.23	anuṣṭubh (1,2: pathyā, 3,4: pathyā)
sādhyābhyupagamaḥ pakṣalakṣaṇaṃ teṣvapakṣatā / nirākṛte bādhanataḥ śeṣe 'lakṣaṇavṛttitaḥ // 3.24	anuṣṭubh (1,2: pathyā, 3,4: bha-vipulā)
dṛṣṭervipratipattīnāmatrākārṣītsvayaṃśrutim / iṣṭākṣatimasādhyatvamanavasthāṃ ca darśayan // 3.25	anuṣṭubh (1,2: pathyā, 3,4: pathyā)
pratyakṣārthānumānāptaprasiddhanānirākṛtaḥ / sandigdhe hetuvacanādvyasto hetoranāśrayaḥ // 3.26	anuṣṭubh (1,2: asamīcīna, 3,4: na-vipulā)
anumānasya bhedena sā bādhoktā caturvidhā / tatrābhyupāyaḥ kāryāṅgaṃ svabhāvāṅgaṃ jagatsthitiḥ // 3.27	anuṣṭubh (1,2: pathyā, 3,4: ma-vipulā)
naimittikyāḥ śruterarthamarthaṃ vā pāramārthikam / śabdānāṃ pratirundhāno na bādhyastena varṇitaḥ // 3.28	anuṣṭubh (1,2: pathyā, 3,4: pathyā)
tasmādviṣayabhedasya darśanāya pṛthakkṛtā / anumānābahirbhūtā pratītirapi pūrvavat // 3.29	anuṣṭubh (1,2: pathyā, 3,4: pathyā)
tadeva rūpaṃ tatrārthaḥ śeṣaṃ vyāvṛttilakṣaṇam / avasturūpaṃ sāmānyamatastannākṣagocaraḥ // 3.30	anuṣṭubh (1,2: ma-vipulā, 3,4: ma-vipulā)
tena sāmānyadharmāṇāmapratyakṣatvasiddhitaḥ / pratikṣepe 'pyabādheti śrāvaṇoktyā prakāśitam // 3.31	anuṣṭubh (1,2: pathyā, 3,4: pathyā)
sarvathā'vācyarūpatvātsiddhyā tasya samāśrayāt / bādhanāttadbalenoktaḥ śrāvaṇenākṣagocaraḥ // 3.32	anuṣṭubh (1,2: pathyā, 3,4: pathyā)
sapakṣe sannasandvedhā pakṣadharmaḥ punastridhā / pratyekamasapakṣe 'pi sadasadvividhatvataḥ // 3.33	anuṣṭubh (1,2: pathyā, 3,4: pathyā)
svabhāvakāryasiddhyarthaṃ dvau dvau hetuviparyayau / vivādādbhedasāmānye śeṣo vyāvṛttisādhanaḥ // 3.34	anuṣṭubh (1,2: pathyā, 3,4: pathyā)
prayatnānantaraṃ jñānaṃ prāksato niyamena na / tasyāvṛtyakṣaśabdeṣu sarvathānupayogataḥ // 3.35	anuṣṭubh (1,2: pathyā, 3,4: pathyā)
kadācinnirapekṣasya kāryākṛtivirodhataḥ / kādācitkaphalaṃ siddhaṃ talliṅgaṃ jñānamīdṛśam // 3.36	anuṣṭubh (1,2: pathyā, 3,4: pathyā)
yannāntarīyakā sattā yo vātmā svo 'vibhāgavān / sa tenāvyabhicārī syādityarthaṃ tatprabhedanam // 3.37	anuṣṭubh (1,2: pathyā, 3,4: pathyā)
saṃyogyādiṣu yeṣvasti pratibandho na tādṛśaḥ / na te hetava ityuktaṃ vyabhicārasya sambhavāt // 3.38	anuṣṭubh (1,2: pathyā, 3,4: pathyā)
sati vā pratibandhe 'stu sa eva gatisādhanaḥ / niyamo hyavinābhāvo 'niyataśca na sādhanam // 3.39	anuṣṭubh (1,2: pathyā, 3,4: pathyā)
na hyanyānupalabhyeṣu nāstitānupalambhanāt / tajjñānaśabdāḥ sādhyante tadbhāvāttannibandhanāḥ // 3.40	anuṣṭubh (1,2: pathyā, 3,4: ma-vipulā)
siddho hi vyavahāro 'yaṃ dṛśyādṛṣṭāvasanniti / tasyāḥ siddhāvasandigdhau tatkāryatve 'pi dhīdhvanī // 3.41	anuṣṭubh (1,2: pathyā, 3,4: pathyā)
vidyamāne 'pi viṣaye mohādatrānanubruvan / kevalaṃ siddhasādharmyātsmāryate samayaṃ paraḥ // 3.42	anuṣṭubh (1,2: na-vipulā, 3,4: pathyā)
kāryakāraṇatā yadvatsādhyate dṛṣṭyadṛṣṭitaḥ / kāryādiśabdā hi tayorvyavahārāya kalpitāḥ // 3.43	anuṣṭubh (1,2: pathyā, 3,4: bha-vipulā)
kāraṇātkāryasaṃsiddhiḥ svabhāvāntargamādiyam / hetuprabhedākhyāne na darśitodāhṛtiḥ pṛthak // 3.44	anuṣṭubh (1,2: pathyā, 3,4: ma-vipulā)
ekopalambhānubhavādidaṃ nopalabhe iti / buddherupalabhe veti kalpikāyāḥ samudbhavaḥ // 3.45	anuṣṭubh (1,2: bha-vipulā, 3,4: pathyā)
viśiṣṭarūpānubhavādanyā nānyanirākriyā / 3.46	ajñātasamavṛtta [4: jg] (? 2 eva pādāḥ yuktāḥ)
tadviśiṣṭopalambho 'tastasyāpyanupalambhanam / tasmādanupalambho 'yaṃ pratyakṣeṇaiva sidhyati // 3.47	anuṣṭubh (1,2: pathyā, 3,4: pathyā)
anyathārthasya nāstitvaṃ gamyate 'nupalambhataḥ / upalambhasya nāstitvamanyenetyanavasthitiḥ // 3.48	anuṣṭubh (1,2: pathyā, 3,4: pathyā)
adṛśye niścayāyogātsthitiranyatra vāryate / yathā'liṅgo 'nyasattveṣu vikalpādirna sidhyati // 3.49	anuṣṭubh (1,2: pathyā, 3,4: pathyā)
aniścayaphalā hyeṣā nālaṃ vyāvṛttisādhane / ādyādhikriyate hetau niścitenaiva sādhanāt // 3.50	anuṣṭubh (1,2: pathyā, 3,4: pathyā)
tasyāḥ svayaṃ prayogeṣu svarūpaṃ vā prayujyate / arthabādhanarūpaṃ vā bhāve bhāvādabhāvataḥ // 3.51	anuṣṭubh (1,2: pathyā, 3,4: pathyā)
anyonyabhedasiddhervā dhruvabhāvavināśavat / pramāṇabādhanādvāpi sāpekṣadhruvabhāvavat // 3.52	anuṣṭubh (1,2: pathyā, 3,4: pathyā)
anādivāsanodbhūtavikalpapariniṣṭhitaḥ / śabdārthastrividho dharmo bhāvābhāvobhayāśrayaḥ // 3.53	anuṣṭubh (1,2: pathyā, 3,4: pathyā)
tasminbhāvānupādāne sādhye 'syānupalambhanam / tathā heturna tasyaivābhāvaḥ śabdaprayogataḥ // 3.54	anuṣṭubh (1,2: pathyā, 3,4: pathyā)
paramārthaikatānatve śabdānāmanibandhanā / na syātpravṛttirartheṣu darśanāntarabhediṣu // 3.55	anuṣṭubh (1,2: pathyā, 3,4: pathyā)
atītājātayorvāpi na ca syādanṛtārthatā / vācaḥ kasyāścidityeṣā bauddhārthaviṣayā matā // 3.56	anuṣṭubh (1,2: pathyā, 3,4: pathyā)
sadasatpakṣabhedena śabdārthānapavādibhiḥ / vastveva cintyate hyatra pratibaddhaḥ phalodayaḥ // 3.57	anuṣṭubh (1,2: pathyā, 3,4: pathyā)
sattāsvabhāvo hetuścenna sattā sādhyate katham / ananvayo hi bhedānāṃ vyāhato hetusādhyayoḥ // 3.58	anuṣṭubh (1,2: ma-vipulā, 3,4: pathyā)
bhāvopādānamātre tu sādhye sāmānyadharmiṇi / na kaścidarthaḥ siddhaḥ syādaniṣiddhaṃ ca tādṛśam // 3.59	anuṣṭubh (1,2: pathyā, 3,4: ma-vipulā)
upāttabhede sādhye 'sminbhaveddheturananvayaḥ / sattāyāṃ tena sādhyāyāṃ viśeṣaḥ sādhito bhavet // 3.60	anuṣṭubh (1,2: ma-vipulā, 3,4: pathyā)
aparāmṛṣṭatadbhede vastumātre tu sādhane / tanmātravyāpinaḥ sādhyasyānvayo na vihanyate // 3.61	anuṣṭubh (1,2: pathyā, 3,4: pathyā)
nāsiddhe bhāvadharmo 'sti vyabhicāryubhayāśrayaḥ / dharmo viruddho 'bhāvasya sā sattā sādhyate katham // 3.62	anuṣṭubh (1,2: pathyā, 3,4: ma-vipulā)
hetunā yaḥ samarthena kāryotpādo 'numīyate / arthāntarānapekṣatvātsa svabhāvo 'nuvarṇitaḥ // 3.63	anuṣṭubh (1,2: pathyā, 3,4: pathyā)
ekasāmagryadhīnasya rūpāderasato gatiḥ / hetudharmānumānena dhūmendhanavikāravat // 3.64	anuṣṭubh (1,2: pathyā, 3,4: pathyā)
samudāyavyavasthāyāḥ kāraṇaṃ samudāyinaḥ / asatsu teṣu sā na syāditi gotvādviṣāṇitā // 3.65	anuṣṭubh (1,2: pathyā, 3,4: pathyā)
ādhārato 'bhinirvṛtterātmanastādṛśo 'mbhasaḥ / kāryaṃ tasya balākāpi vṛttestoyasamāśrayāt // 3.66	anuṣṭubh (1,2: pathyā, 3,4: pathyā)
asiddhajñāpanāṅgasya jñāpanaṃ pratyaśaktitaḥ / trairūpyāsiddhisandehe prapattṝṇāmasādhanam // 3.67	anuṣṭubh (1,2: pathyā, 3,4: pathyā)
ekāprasiddhisandehe 'prasiddho vyabhicārabhāk / dvayorviruddho 'siddhau ca sandehe vyabhicārabhāk // 3.68	anuṣṭubh (1,2: pathyā, 3,4: ma-vipulā)
siddhaṃ yādṛgadhiṣṭhātṛbhāvābhāvānuvṛttimat / sanniveśādi tadyuktaṃ tasmādyadanumīyate // 3.69	anuṣṭubh (1,2: pathyā, 3,4: pathyā)
vastubhede prasiddhasya śabdasāmyādabhedinaḥ / na yuktānumitiḥ pāṇḍudravyādiva hutāśane // 3.70	anuṣṭubh (1,2: pathyā, 3,4: pathyā)
anyathā kumbhakāreṇa mṛdvikārasya kasyacit / ghaṭādeḥ karaṇātsidhyedvalmīkasyāpi tatkṛtiḥ // 3.71	anuṣṭubh (1,2: pathyā, 3,4: pathyā)
sādhyenānugamātkārye sāmānyenāpi sādhane / sambandhibhedādbhedoktidoṣaḥ kāryasamo mataḥ // 3.72	anuṣṭubh (1,2: pathyā, 3,4: ma-vipulā)
jātyantare prasiddhasya śabdasāmānyadarśanāt / na yuktaṃ sādhanaṃ gotvādvāgādīnāṃ viṣāṇivat // 3.73	anuṣṭubh (1,2: pathyā, 3,4: pathyā)
vivakṣāparatantratvānna śabdāḥ santi kutra vā / tadbhāvādarthasiddhau tu sarvaṃ sarvasya sidhyati // 3.74	anuṣṭubh (1,2: pathyā, 3,4: pathyā)
vastusvarūpe 'siddhe 'yaṃ nyāyaḥ siddhe viśeṣaṇam / adoṣakṛdasiddhāvapyākāśāśrayavaddhvaneḥ // 3.75	anuṣṭubh (1,2: ma-vipulā, 3,4: pathyā)
asiddhāvapi śabdasya siddhe vastuni sidhyati / aulūkyasya yathā bauddhenoktaṃ mūrtyādisādhanam // 3.76	anuṣṭubh (1,2: pathyā, 3,4: pathyā)
yathāsvaṃ bhedaniṣṭheṣu pratyayeṣu vivekinaḥ / dharmī dharmāśca bhāsante vyavahārastadāśrayaḥ // 3.77	anuṣṭubh (1,2: pathyā, 3,4: pathyā)
vyavahāropanīto 'tra sa evāśliṣṭabhedadhīḥ / sādhyaḥ sādhanatāṃ nītastenāsiddhaḥ prakāśitaḥ // 3.78	anuṣṭubh (1,2: pathyā, 3,4: pathyā)
bhedasāmānyayordharmabhedādaṅgāṅgiteṣyate / yathā'nityaḥ prayatnotthaḥ prayatnotthatayā dhvaniḥ // 3.79	anuṣṭubh (1,2: pathyā, 3,4: pathyā)
pakṣāṅgatve 'pyabādhatvānnāsiddhirbhinnadharmiṇi / yathāśvo na viṣāṇitvādeṣa piṇḍo viṣāṇavān // 3.80	anuṣṭubh (1,2: pathyā, 3,4: pathyā)
sādhyakālāṅgatā vā na nivṛtterupalakṣya tat / tata evāpratijñārtho viśeṣo dharmabhedataḥ // 3.81	anuṣṭubh (1,2: pathyā, 3,4: pathyā)
yasminsati bhavatyeva yattato 'nyasya kalpane / taddhetutvena sarvatra hetūnāmanavasthitiḥ // 3.82	anuṣṭubh (1,2: pathyā, 3,4: pathyā)
sapakṣāvyatirekī ceddheturheturato 'nvayī / nānvayyavyatirekī cedanairātmyaṃ na sātmakam // 3.83	anuṣṭubh (1,2: pathyā, 3,4: pathyā)
hetostrilakṣaṇatvānna dṛṣṭāntaḥ pṛthagucyate / tadrūpāsparśane ca syādasambandhādapārthakaḥ // 3.84	anuṣṭubh (1,2: pathyā, 3,4: pathyā)
dūṣaṇā nyūnatādyuktiḥ tadābhāsāstu jātayaḥ / mithyottarāṇāmānantyātpratanyante na tā iha // 3.85	anuṣṭubh (1,2: pathyā, 3,4: ma-vipulā)
yukto 'yamartha iti sūtramamoghanīter draṣṭurmayāgamitamāgamamadhyupekṣya / tasyāpyavaśyamavadātadhiyo 'yameva bhāvo 'vibhāvitadhiyāvidito janena // 4.1	vasantatilakā [14: tBjjgg]
samāptam: 0.099702s