vāgarthāv iva saṃpṛktau vāgarthapratipattaye / jagataḥ pitarau vande pārvatīparameśvarau // 1.1	anuṣṭubh (1,2: pathyā, 3,4: pathyā)
kva sūryaprabhavo vaṃśaḥ kva cālpaviṣayā matiḥ / titīrṣur dustaram mohād uḍupenāsmi sāgaram // 1.2	anuṣṭubh (1,2: pathyā, 3,4: pathyā)
mandaḥ kaviyaśaḥ prārthī gamiṣyāmy upahāsyatām / prāṃśulabhye phale lobhād udbāhur iva vāmanaḥ // 1.3	anuṣṭubh (1,2: pathyā, 3,4: pathyā)
atha vā kṛtavāgdvāre vaṃśe 'smin pūrvasūribhiḥ / maṇau vajrasamutkīrṇe sūtrasyevāsti me gatiḥ // 1.4	anuṣṭubh (1,2: pathyā, 3,4: pathyā)
so 'ham ājanamaśuddhānām āphalodayakarmaṇām / āsamudrakṣitīśānām ānākarathavartmanām // 1.5	anuṣṭubh (1,2: asamīcīna, 3,4: pathyā)
yathāvidhihutāgnīnāṃ yathākāmārcitārthinām / yathāparādhadaṇḍānāṃ yathākālaprabhodhinām // 1.6	anuṣṭubh (1,2: pathyā, 3,4: pathyā)
tyāgāya saṃbhṛtārthānāṃ satyāya mitabhāṣiṇām / yaśase vijigīṣuṇāṃ prajāyai gṛhamendhinām // 1.7	anuṣṭubh (1,2: pathyā, 3,4: asamīcīna)
śaiśave 'bhyastavidyānāṃ yauvane viṣayaiṣiṇām / vārdhhake munivṛttīnāṃ yogenānte tanutyajām // 1.8	anuṣṭubh (1,2: pathyā, 3,4: pathyā)
raghūṇām anvayaṃ vakṣye tanuvāgvibhavo 'pi san / tadguṇaiḥ karṇam āgatya cāpalāya pracoditaḥ // 1.9	anuṣṭubh (1,2: pathyā, 3,4: pathyā)
taṃ santaḥ śrotum arhanti sadasadvyaktihetavaḥ / hemnaḥ saṃlakṣyate hy agnau viśuddhiḥ śyāmikāpi vā // 1.10	anuṣṭubh (1,2: pathyā, 3,4: pathyā)
vaivasato manur nāma mānanīyo manīṣiṇām / āsīn mahīkṣitām ādyaḥ praṇavaś chandasām iva // 1.11	anuṣṭubh (1,2: asamīcīna, 3,4: pathyā)
tadanvaye śuddhimati prasūtaḥ śuddhimattaraḥ / dilīpa iti rājendur induḥ kṣīranidhāv iva // 1.12	anuṣṭubh (1,2: bha-vipulā, 3,4: pathyā)
vyūḍhorasko vṛṣaskandhaḥ śālaprāṃśur mahābhujaḥ / ātmakarmakṣamaṃ dehaṃ kṣātro dharma ivāśritaḥ // 1.13	anuṣṭubh (1,2: pathyā, 3,4: pathyā)
sarvātiritasāreṇa sarvatejo'bhibhāvinā / sthitaḥ sarvonnatenorvīṃ krāntvā merur ivātmanā // 1.14	anuṣṭubh (1,2: pathyā, 3,4: pathyā)
ākārasadṛśaprajñaḥ prajñayā sadṛśāgamaḥ / āgamaiḥ sadṛśārambha[ḥ] ārambhasadṛśodayaḥ // 1.15	anuṣṭubh (1,2: pathyā, 3,4: pathyā)
bhīmakāntair nṛpaguṇaiḥ sa bhabhūvopajīvinām / adhṛṣyaś cābhi gamyaś ca yādhoratnair ivārṇavaḥ // 1.16	anuṣṭubh (1,2: na-vipulā, 3,4: pathyā)
rekhāmātram api kṣuṇṇād ā manor vartmanaḥ param / na vyatīyuḥ prajās tasya niyantur nemivṛttayaḥ // 1.17	anuṣṭubh (1,2: pathyā, 3,4: pathyā)
prajānām eva bhūty arthaṃ sa tābyho balim agrahīt / sahasraguṇam utsraṣṭum ādatte hi rasaṃ raviḥ // 1.18	anuṣṭubh (1,2: pathyā, 3,4: pathyā)
senā paricchadas tasya dvayam evārthasādhanam / śāstreṣv akuṇṭhitā buddhir maurvī dhanuṣi cātatā // 1.19	anuṣṭubh (1,2: pathyā, 3,4: pathyā)
tasya saṃvṛtamantrasya gūdhākāreṅgitasya ca / phalānumeyāḥ prārambhāḥ saṃskārāḥ prāktanā iva // 1.20	anuṣṭubh (1,2: pathyā, 3,4: ma-vipulā)
jugopātmānam atrasto bheje dharmam anāturaḥ / agṛdhnur ādade so 'rtham asaktaḥ sukham anvabhūt // 1.21	anuṣṭubh (1,2: pathyā, 3,4: pathyā)
jñāne maunaṃ kṣamā śaktau tyāge ślāghāviparyayaḥ / guṇā guṇānubandhitvāt tasya saprasavā iva // 1.22	anuṣṭubh (1,2: pathyā, 3,4: pathyā)
anākṛṣṭasya viṣayair vidyānāṃ pāradṛśvanaḥ / tasya dharmarater āsīd vṛddhatvaṃ jarasā vinā // 1.23	anuṣṭubh (1,2: na-vipulā, 3,4: pathyā)
prajānāṃ vinayādhānād rakṣaṇād bharaṇād api / sa pitā pitaras tāsāṃ kevalaṃ janmahetavaḥ // 1.24	anuṣṭubh (1,2: pathyā, 3,4: pathyā)
sthityai daṇḍayato daṇḍyān pariṇetuḥ prasūtaye / apy arthakāmau tasyāstāṃ dharma eva manīṣiṇaḥ // 1.25	anuṣṭubh (1,2: pathyā, 3,4: ma-vipulā)
dudhoha gāṃ sa yajñāya sasyāya maghavā divam / saṃpadvinimayenobhau dadhatur bhuvanadvayam // 1.26	anuṣṭubh (1,2: pathyā, 3,4: pathyā)
na kilānuyayus tasya rājāno rakṣitur yaśaḥ / vyāvṛtta yat parasvebhyaḥ śrutau taskaratā sthitā // 1.27	anuṣṭubh (1,2: pathyā, 3,4: pathyā)
dveṣyo 'pi saṃmataḥ śiṣṭas tasyārtasya yathauṣadham / tvājyo duṣṭaḥ priyo 'py āsīd aṅgulīvoragakṣatā // 1.28	anuṣṭubh (1,2: pathyā, 3,4: pathyā)
taṃ vedhā vidadhe nūnaṃ mahābhūtasamādhinā / tathā hi sarve tasyāsan parārthaikaphalā guṇāḥ // 1.29	anuṣṭubh (1,2: pathyā, 3,4: ma-vipulā)
sa velāvapravalayāṃ parikhīkṛtasāgarām / ananyāśāsanām urvīṃ śaśāsaikapurīm iva // 1.30	anuṣṭubh (1,2: na-vipulā, 3,4: pathyā)
tasya dākṣiṇyaruḍhena nāmnā magadhavaṃśajā / patnī sudakṣiṇety āsīd adhvarasyeva dakṣiṇā // 1.31	anuṣṭubh (1,2: asamīcīna, 3,4: pathyā)
kalatravantam ātmānam avarodhe mahaty api / tayā mene manasvinyā lakṣmyā ca vasudhādhipaḥ // 1.32	anuṣṭubh (1,2: pathyā, 3,4: pathyā)
tasyām ātmānurūpāyām ātmajanmasamutsukaḥ / vilambitaphalaiḥ kālaṃ sa nināya manorathaiḥ // 1.33	anuṣṭubh (1,2: pathyā, 3,4: pathyā)
saṃtānārthāya vidhaye svabhujād avatāritā / tena dhūr jagato gurvī saciveṣu nicikṣipe // 1.34	anuṣṭubh (1,2: na-vipulā, 3,4: pathyā)
gaṅgāṃ bhagīratheneva pūrveṣāṃ pāvanakṣamām / icchatā saṃtatiṃ nyastā tena mantriṣu kosalā // 1.34.2	anuṣṭubh (1,2: pathyā, 3,4: pathyā)
athābhyarcya vidhātāraṃ prayatau putrakāmyayā / tau daṃpatī vasiṣṭhasya guror jagmatur āśramam // 1.35	anuṣṭubh (1,2: pathyā, 3,4: pathyā)
snigdhagambhīranirghoṣam ekaṃ syandanam āsthitau / prāvṛṣeṇyaṃ payovāhaṃ vidyudairāvatāv iva // 1.36	anuṣṭubh (1,2: pathyā, 3,4: pathyā)
mā bhūd āśramapīḍeti parimeyapuraḥsarau / anubhāvaviśeṣāt tu senāparivṛtāv iva // 1.37	anuṣṭubh (1,2: pathyā, 3,4: pathyā)
sevyamānau sukhasparśaiḥ śālaniryāsagandhibhiḥ / puṣpareṇūtkirair vātair ādhūtavanarājibhiḥ // 1.38	anuṣṭubh (1,2: pathyā, 3,4: pathyā)
mano'bhirāmāḥ śṛṇvantau rathanemisvanonmukhaiḥ / ṣaḍjasaṃvādinīḥ kekā dvidhā bhinnāḥ śikhaṇḍibhiḥ // 1.39	anuṣṭubh (1,2: ma-vipulā, 3,4: pathyā)
paraparākṣisādṛśyam adūrojjhitavartmasu / mṛgadvandveṣu paśyantau syandanābaddhadṛṣṭiṣu // 1.40	anuṣṭubh (1,2: asamīcīna, 3,4: pathyā)
śreṇībandhād vitanvadbhir astambhāṃ toraṇasrajam / sārasaiḥ kalanirhrādhaiḥ kvacid unnamitānanau // 1.41	anuṣṭubh (1,2: pathyā, 3,4: pathyā)
pavanasyānukūlatvāt prārthanāsiddhiśaṃsinaḥ / rajobhis turagotkīrṇair aspṛṣṭālaveṣṭanau // 1.42	anuṣṭubh (1,2: pathyā, 3,4: asamīcīna)
sarasīṣv aravindānāṃ vīcivikṣobhaśītalam / āmodam upajighrantau svaniḥśvāsānukāriṇam // 1.43	anuṣṭubh (1,2: pathyā, 3,4: pathyā)
grāmeṣv ātmaviṣṛṭeṣu yūpacihneṣu yajvanām / amoghāḥ pratigṛhṇantāv arghyānupadam āśiṣaḥ // 1.44	anuṣṭubh (1,2: asamīcīna, 3,4: pathyā)
haiyaṃgavīnam ādāya ghoṣavṛddhān upasthitān / nāmadheyāni pṛcchantau vanyānāṃ mārgaśākhinām // 1.45	anuṣṭubh (1,2: pathyā, 3,4: pathyā)
kāpy abhikhyā tayor āsīd vrajatoḥ śuddhaveṣayoḥ / himanirmuktayor yoge citrācandramsor iva // 1.46	anuṣṭubh (1,2: pathyā, 3,4: asamīcīna)
tat tad bhūmipatiḥ patnyai darśayan priyadarśanaḥ / sāyaṃ saṃyaminas tasya maharṣer mahiṣīsakhaḥ // 1.47	anuṣṭubh (1,2: pathyā, 3,4: pathyā)
sa duṣprāpayaśāḥ prāpad āśramaṃ śrāntavāhanaḥ / sāyaṃ saṃyaminas tasya maharṣer mahiṣīsakhaḥ // 1.48	anuṣṭubh (1,2: pathyā, 3,4: pathyā)
vanāntarād upāvṛttaiḥ samitkuśaphalaharaiḥ / pūryamāṇam adṛśyāgni-pratyudyātais tapasvibhiḥ // 1.49	anuṣṭubh (1,2: asamīcīna, 3,4: pathyā)
ākīrṇam ṛṣipatnīnām uṭajadvārarodhibhiḥ / apatyair iva nīvāra-bhāgadheyocitair mṛgaiḥ // 1.50	anuṣṭubh (1,2: pathyā, 3,4: pathyā)
sekānte munikanyābhis tatkṣaṇojjhitavṛkṣakam / viśvāsāya vihaṃgānām ālavālāmbupāyinām // 1.51	anuṣṭubh (1,2: pathyā, 3,4: pathyā)
ātapātayasaṃkśipta-nīvārāsu niṣādibhiḥ / mṛgair vartitaromantham uṭajāṅganabhūmiṣu // 1.52	anuṣṭubh (1,2: pathyā, 3,4: pathyā)
abhyutthitāgnipiśunair atithīn āśramonmukhān / punānaṃ pavanoddhūtair dhūmair āhutigandhibhiḥ // 1.53	anuṣṭubh (1,2: na-vipulā, 3,4: pathyā)
atha yantāram ādiṣya dhuryān viśramayeti saḥ / tām avāropayat patnīṃ rathād avatatāra ca // 1.54	anuṣṭubh (1,2: pathyā, 3,4: pathyā)
tasmai sabhyāḥ sabhāryāya goptre guptatamendriyāḥ / arhaṇām arhate cakrur munayo nayacakṣuṣe // 1.55	anuṣṭubh (1,2: pathyā, 3,4: pathyā)
vidheḥ sāyantanasyānte sa dadarśa tapondhim / anvāsitam arundhatyā svāhayeva havirbhujam // 1.56	anuṣṭubh (1,2: asamīcīna, 3,4: pathyā)
tayor jagṛhatuḥ pādān rājā rājñī ca māgadhī / tau gurur gurupatnī ca prītyā pratinanandatuḥ // 1.57	anuṣṭubh (1,2: pathyā, 3,4: pathyā)
tam ātithyakriyāśānta-rathakṣobhapariśramam / papraccha kuśalaṃ rājye rājyāśramamuniṃ muniḥ // 1.58	anuṣṭubh (1,2: pathyā, 3,4: pathyā)
ath'; ātharvanidhes tasya vijitāripuraḥ puraḥ / arthyām arthapatir vācam ādade vadatāṃ varaḥ // 1.59	anuṣṭubh (1,2: pathyā, 3,4: pathyā)
upapannaṃ nanu śivaṃ saptasv aṅgeṣu yasya me / daivīnāṃ mānuṣīṇāṃ ca pratihartā tvam āpadām // 1.60	anuṣṭubh (1,2: na-vipulā, 3,4: pathyā)
tava mantrakṛto mantrair dūrāt prāsamitāribhiḥ / pratyādiśyanta iva me dṛṣtalakṣabhidaḥ śarāḥ // 1.61	anuṣṭubh (1,2: pathyā, 3,4: na-vipulā)
havir āvarjitaṃ hotas tvayā vidhivad agniṣu / vṛṣṭir bhavati sasyānām avagrahaviśoṣiṇām // 1.62	anuṣṭubh (1,2: pathyā, 3,4: pathyā)
puruṣāyuṣajīvinyo nirātaṅkā nirītayaḥ / yan madīyāḥ prajās tasya hetus tvadbrahmavarcasam // 1.63	anuṣṭubh (1,2: pathyā, 3,4: pathyā)
tvayaivaṃ cintyamānasya guruṇā brahmayoninā / sānubandhāḥ kathaṃ na syuḥ saṃpado me nirāpadaḥ // 1.64	anuṣṭubh (1,2: pathyā, 3,4: pathyā)
kiṃ tu vadhvāṃ tavaitasyām adṛṣṭasadṛśaprajam / na mām avati sadvīpā ratnasūr api medinī // 1.65	anuṣṭubh (1,2: pathyā, 3,4: pathyā)
nūnaṃ mattaḥ paraṃ vaṃśyāḥ piṇḍavicchedadarśinaḥ / na prakāmabhujaḥ śrāddhe svadhāsaṃgrahatatparāḥ // 1.66	anuṣṭubh (1,2: pathyā, 3,4: pathyā)
matparaṃ durlabham matvā nūnam āvarjitaṃ mayā / payaḥ pūrvaiḥ svaniḥśvāsaiḥ kavoṣṇam upabhujyate // 1.67	anuṣṭubh (1,2: pathyā, 3,4: pathyā)
so 'ham ijyāviśuddhātmā prajālopanimīlitaḥ / prakāśaś cāprakāśas ca lokāloka ivācalaḥ // 1.68	anuṣṭubh (1,2: pathyā, 3,4: pathyā)
lokāntarasukhaṃ puṇyaṃ tapodānasamudbhavam / saṃtatiḥ śuddhavaṃśyā hi paratreha ca śarmaṇe // 1.69	anuṣṭubh (1,2: pathyā, 3,4: pathyā)
tayā hīnaṃ vidhātar māṃ kathaṃ paśyan na dūyase / siktaṃ svayam iva snehād vandhyam āśramavṛkṣakam // 1.70	anuṣṭubh (1,2: pathyā, 3,4: pathyā)
asahyapīḍaṃ bhagavann ṛṇam antyam avehi me / aruṃtudam ivālānam anirvāṇasya dantinaḥ // 1.71	anuṣṭubh (1,2: bha-vipulā, 3,4: pathyā)
tasmān mucye yathā tāta saṃvidhātuṃ tathārhasi / ikṣvākūṇāṃ durāpe 'rthe tvadadhīnā hi siddhayaḥ // 1.72	anuṣṭubh (1,2: pathyā, 3,4: pathyā)
iti vijñāpito rājñā dhyānastimitalocanaḥ / kṣaṇamātram ṛṣis tasthau suptamīna iva hradaḥ // 1.73	anuṣṭubh (1,2: pathyā, 3,4: pathyā)
so 'paśyat praṇidhānena saṃtateḥ stambhakāraṇam / bhāvitātmā bhuvo bhartur athainaṃ pratyabodhayat // 1.74	anuṣṭubh (1,2: pathyā, 3,4: pathyā)
purā śakram upasthāya tavorvīṃ prati yāsyataḥ / āsīt kalpatarucchāyām āśritā surabhiḥ pathi // 1.75	anuṣṭubh (1,2: pathyā, 3,4: pathyā)
dharmalopabhayād rājñīm ṛtusnātām imāṃ smaran / pradakṣiṇakriyārhāyāṃ tasyāṃ tvaṃ sādhu nācaraḥ // 1.76	anuṣṭubh (1,2: pathyā, 3,4: pathyā)
avajānāsi māṃ yasmād atas te na bhaviṣyati / matprasūtim anārādhya prajeti tvāṃ śaśāpa sā // 1.77	anuṣṭubh (1,2: pathyā, 3,4: pathyā)
sa śāpo na tvayā rājan na ca sārathinā śrutaḥ / nadaty ākāśaṅgāyāḥ srotasy uddāmadiggaje // 1.78	anuṣṭubh (1,2: pathyā, 3,4: asamīcīna)
īpsitaṃ tadavajñānād viddhi sārgalam ātmanaḥ / pratibadhnāti hi śreyaḥ pūjyapūjāvyatikramaḥ // 1.79	anuṣṭubh (1,2: pathyā, 3,4: pathyā)
haviṣe dīrghasattrasya sā cedānīṃ pracetasaḥ / bhujaṃgapihitadvāraṃ pātālam adhitiṣṭhati // 1.80	anuṣṭubh (1,2: pathyā, 3,4: pathyā)
sutāṃ tadīyāṃ surabheḥ kṛtvā pratinidhiṃ śuciḥ / ārādhaya saptnīkaḥ prītā kāmadughā hi sā // 1.81	anuṣṭubh (1,2: bha-vipulā, 3,4: asamīcīna)
iti vādina evāsya hotur āhutisādhanam / anindyā nandinī nāma dhenur āvavṛte vanāt // 1.82	anuṣṭubh (1,2: pathyā, 3,4: pathyā)
lalāṭodayam ābhugnaṃ pallavasnigdhapāṭalā / bibhratī śvetaromāṅkaṃ saṃdhyeva śaśinaṃ navam // 1.83	anuṣṭubh (1,2: pathyā, 3,4: pathyā)
bhuvaṃ koṣṇena kuṇśodhnī medhyenāvabhṛthād api / pasraveṇābhivarṣantī vatsālokapravartinā // 1.84	anuṣṭubh (1,2: pathyā, 3,4: pathyā)
rajaḥkaṇaiḥ khuroddhūtaiḥ spṛśadbhir gātram antikāt / tīrthābhiṣekajāṃ śuddhim ādadhānā mahīkṣitaḥ // 1.85	anuṣṭubh (1,2: pathyā, 3,4: pathyā)
tāṃ puṇyadarśanāṃ dṛṣtvā nimittajñas taponidhiḥ / yājyam āśaṃsitāvandhya prārthanaṃ punar abravīt // 1.86	anuṣṭubh (1,2: pathyā, 3,4: pathyā)
adūravartinīṃ siddhiṃ rājan vigaṇayātmanaḥ / upasthiteyaṃ kalyāṇī nāmni kīrtita eva yat // 1.87	anuṣṭubh (1,2: pathyā, 3,4: ma-vipulā)
vanyavṛttir imāṃ śaśvad (?) ātmānugamanena gām / vidyām abhyasaneneva prasādayitum arhasi // 1.88	anuṣṭubh (1,2: pathyā, 3,4: pathyā)
prasthitāyāṃ pratiṣṭhethāḥ sthitāyāṃ sthitim ācareḥ / niṣaṇṇāyāṃ niṣīdāsyāṃ pītāmbhasi piber apaḥ // 1.89	anuṣṭubh (1,2: pathyā, 3,4: pathyā)
vadhūr bhaktimatī cainām arcitām ā tapovanāt / prayatā prātar anvetu piteva dhuri putriṇām // 1.91	anuṣṭubh (1,2: pathyā, 3,4: pathyā)
ity ā prasādād asyās tvaṃ paricaryāparo bhava / avighnam astu te stheyāḥ sāyaṃ pratudvrajed api // 1.90	anuṣṭubh (1,2: ma-vipulā, 3,4: asamīcīna)
tatheti pratijagrāha prītimān saparigrahaḥ / ādeśaṃ deśakālajñaḥ śiṣyaḥ śāsitur ānataḥ // 1.92	anuṣṭubh (1,2: pathyā, 3,4: pathyā)
atha pradoṣe doṣajñaḥ saṃveśāya viśaṃpatim / sūnuḥ sūnṛtavāk sraṣṭur visasarjodita sriyam // 1.93	anuṣṭubh (1,2: ma-vipulā, 3,4: pathyā)
satyām api tapaḥsiddhau niyamāpekṣayā muniḥ / kalpavit kalpayām āsa vanyām evāsya saṃvidhām // 1.94	anuṣṭubh (1,2: pathyā, 3,4: pathyā)
nirdiṣṭāṃ kulapatinā sa parṇaśālām adhyāsya prayataparigrahadvitīyaḥ / tacchiṣyādhyayananiveditāvasānāṃ saṃviṣṭaḥ kuśaśayane niśāṃ nināya // 1.95	praharṣiṇī [13: mnjrg]
atha prajānmām adhipaḥ prabhāte jāyāpratigrāhitagandhamālyām / vanāya pītapratibaddhavatsāṃ yaśodhano dhenum ṛṣer mumoca // 2.1	upajāti : upendravajrā [11: jtjgg], indravajrā [11: ttjgg]
tasyāḥ khuranyāsapavitrapāṃsum apāṃsulānāṃ dhuri kīrtanīyā / mārgaṃ manuṣyeśvaradharmapatnī śruter ivārthaṃ smṛtir anvagacchat // 2.2	upajāti : upendravajrā [11: jtjgg], indravajrā [11: ttjgg]
nivartya rājā dayitāṃ dayālus tāṃ saurabheyīṃ surabhir yaśobhiḥ / payodharībhūtacatuḥsamudrāṃ jugopa gorūpadharām ivorvīm // 2.3	upajāti : upendravajrā [11: jtjgg], indravajrā [11: ttjgg]
vratāya tenānucareṇa dhenor nyaṣedhi śeṣo 'py anuyāyivargaḥ / na cānyatas tasya śarīrarakṣā svavīryaguptā hi manoḥ prasūtiḥ // 2.4	upendravajrā [11: jtjgg]
āsvādavadbhiḥ kavalais tṛṇānaṃ kaṇḍūyanair daṃśanivārṇaiś ca / avyāhataiḥ svairagataiḥ sa tasyāḥ samrāṭ samārādhantatparo 'bhūt // 2.5	ajñātasamavṛtta [10: ttjg] (? 2 eva pādāḥ yuktāḥ)
sthitaḥ sthitām uccalitaḥ prayātāṃ niṣeduṣīm āsanabandha dhīraḥ / jalābhilāṣī jalam ādadhānāṃ chāveya tāṃ bhūpati anvagacchat // 2.6	upajāti : upendravajrā [11: jtjgg], indravajrā [11: ttjgg]
sa nyastacihnām api rājalakṣmīṃ tejoviśeṣānumitāṃ dadhānaḥ / āsīd anāviṣkṛtadānarājir antarmadāvastha iva dvipendraḥ // 2.7	indravajrā [11: ttjgg]
latāpratānodgrathitaiḥ sa kiśair adhijaydhanvā vicacāra dāvam / rakṣāpadeśān munihomadhenor vanyān vineṣyann iva duṣṭasattvān // 2.8	upajāti triṣṭubh: ajñātam [11: jtjlg], ajñātam [11: stjgg], indravajrā [11: ttjgg]
viṣṛṣṭapārśvānucarasya tasya pārśvadrumāḥ pāśabhṛtā samasya / udīrayām āsur ivonmadānām ālokaśabdaṃ vayasāṃ virāvaiḥ // 2.9	upajāti : upendravajrā [11: jtjgg], indravajrā [11: ttjgg]
marutprayuktāś ca marutsakhābhaṃ tam arcyam ārād abhivartamānam / avākiran bālalatāḥ prasūnair ālokaśabdaṃ vayasāṃ virāvaiḥ // 2.10	upajāti : upendravajrā [11: jtjgg], indravajrā [11: ttjgg]
dhanurbhṛto 'py asya dayārdrabhāvam ākhyātam antaḥkaraṇair viśaṅkaiḥ / vilokayantyo vapur āpur akṣṇāṃ prakāmavistāraphalaṃ hariṇyaḥ // 2.11	upajāti : upendravajrā [11: jtjgg], indravajrā [11: ttjgg]
sa kīcakair mārutapūrṇarandhraiḥ kūjadbhir āpāditavaṃśkṛtyam / śuśrāva kuñjeṣu yaśaḥ svam uccair udgīyamānaṃ vanadevatābhiḥ // 2.12	indravajrā [11: ttjgg] (? 2 eva pādāḥ yuktāḥ)
ṛktas tuśārair girinirjharāṇām anokahākamptapuṣpagandhī / tam ātapaklāntam anātapatram ācārapūtaṃ pavanaḥ siṣeve // 2.13	indravajrā [11: ttjgg] (? 2 eva pādāḥ yuktāḥ)
śaśāma vṛṣṭyāpi vinā davāgnir āsīd viśeṣā phalapuṣpavṛddhiḥ / ūnaṃ na sattveṣv adhiko babādhe tasmin vanaṃ gopatri gāhamāne // 2.14	upajāti triṣṭubh: ajñātam [11: tmjgg], upendravajrā [11: jtjgg], indravajrā [11: ttjgg]
saṃcārapūtāni digantarāṇi kṛtvā dinānte nilayāya gantum / pracakrame pallavarāgatāmrā tasmin vanaṃ gopatri gāhamāne // 2.15	upajāti triṣṭubh: ajñātam [11: tmjgg], upendravajrā [11: jtjgg], indravajrā [11: ttjgg]
tāṃ devatāpitratithikriyārthām anvag yayau madhyamalokapālaḥ / babhau ca sā tena satāṃ matena śraddheva sākṣād vidhinopapannā // 2.16	upajāti : upendravajrā [11: jtjgg], indravajrā [11: ttjgg]
sa palvalottīrṇavarāhayūthāny āvāsavṛkṣonmukhabarhiṇāni / yayau mṛgādhyāsitaśādvalāni śyāmāyamānāni vanāni paśyan // 2.17	upajāti : upendravajrā [11: jtjgg], indravajrā [11: ttjgg]
āpīnabhārodvahanaprayatnād gṛṣṭir gurutvād vapuṣo narendraḥ / ubhāv alaṃcakratur añcitābhyāṃ tapovanāvṛttipathaṃ gatābhyām // 2.18	upajāti : upendravajrā [11: jtjgg], indravajrā [11: ttjgg]
vasiṣṭhadhenor anuyāninaṃ tam āvartamānaṃ vanitā vanāntāt / papau nimeṣālasapakṣmapaṅktir upoṣitābhyām iva locanābhyām // 2.19	upajāti : upendravajrā [11: jtjgg], indravajrā [11: ttjgg]
puraskṛtā vartmani pārthivena pratyudgatā pārthivadharmpatnyā / tadantare sā virarāja dhenur dinakṣapāmadhyagateva saṃdhyā // 2.20	upendravajrā [11: jtjgg] (? 3 eva pādāḥ yuktāḥ)
pradakṣiṇīkṛtya payasvinīṃ tāṃ sudakṣiṇā sākṣatapātrahastā / praṇamya cānarca viśālam asyāḥ śṛṅgāntaraṃ dvāram ivārthasiddheḥ // 2.21	upajāti : upendravajrā [11: jtjgg], indravajrā [11: ttjgg]
vatsotsukāpi stimitā saparyāṃ pratyagrahīt seti nanandatus tau / bhaktyopapanneṣu hi tavidhānāṃ prasādacihnāni puraḥphalāni // 2.22	upajāti triṣṭubh: upendravajrā [11: jtjgg], ajñātam [11: ttngg], indravajrā [11: ttjgg]
guroḥ sadārasya nipīḍya pādau samāpya sāṃdhyaṃ ca vidhiṃ dilīpaḥ / dohāvasāne punar eva dogdhrīṃ bheje bhujocchinnaripur niṣaṇṇām // 2.23	upajāti : upendravajrā [11: jtjgg], indravajrā [11: ttjgg]
tām antikanyastabalipradīpām anvāsya goptā gṛhiṇīsahāyaḥ / krameṇa suptām anu saṃviveśa suptotthitāṃ prātar an'(?)ūdatiṣṭhat // 2.24	upajāti : upendravajrā [11: jtjgg], indravajrā [11: ttjgg]
itthaṃ vrataṃ dhārayataḥ prajārthaṃ samaṃ mahiṣyā mahanīyakīrteḥ / sapta vyatīyus triguṇāni tasya dināni dīnoddharaṇocitasya // 2.25	upajāti : upendravajrā [11: jtjgg], indravajrā [11: ttjgg]
anyedyur ātmānucarasya bhāvaṃ jijñāsamānā munihomadhenuḥ / gaṅgāprapātāntavirūḍhaśaṣpaṃ gaurīguror gahvaram āviveṣa // 2.26	indravajrā [11: ttjgg]
ity adriṣobhāprahitekṣaṇena ity adriṣobhāprahitekṣaṇena / alakṣitābhyutpatano nṛpeṇa prasahya siṃhaḥ kila tāṃ cakarṣa // 2.27	upajāti : upendravajrā [11: jtjgg], indravajrā [11: ttjgg]
tadīyam ākranditam ārtasādhor guhānibaddhapratiśabdadīrgham / raśmiṣv ivādāya nagendrasaktāṃ nivartayām āsa nṛpasya dṛṣṭim // 2.28	upajāti : upendravajrā [11: jtjgg], indravajrā [11: ttjgg]
sa pāṭalāyāṃ gavi tasthivāṃsaṃ dhanurdharaḥ kesariṇaṃ dadarśa / adhityakāyām iva dhātumayyāṃ lodhradrumaṃ sānumataḥ praphullam // 2.29	upajāti : upendravajrā [11: jtjgg], indravajrā [11: ttjgg]
tato mṛgendrasya mṛgendragāmī vadhāya vadhyasya śaraṃ śaraṇyaḥ / jātābhiṣaṅgo nṛpatir niṣaṅgād uddhartum aicchat prasabhoddhṛtāriḥ // 2.30	upajāti : upendravajrā [11: jtjgg], indravajrā [11: ttjgg]
vāmetaras tasya karaḥ prahartur nakhaprabhābhūṣitakaṅkapattre / saktāṅguliḥ sāyakapuṅkha eva citrārpitārambha invāvatasthe // 2.31	upajāti triṣṭubh: ajñātam [11: tttgg], upendravajrā [11: jtjgg], indravajrā [11: ttjgg]
bāhupratiṣṭambhavivṛddhamanyur abhyarṇam āgaskṛtam aspṛśadbhiḥ / rājā svatejobhir adahyatāntar bhogīva mantrauṣadhiruddhavīryaḥ // 2.32	indravajrā [11: ttjgg]
tam āryagṛhyaṃ nigṛhītadhenur manuṣyavācā manuvaṃśaketum / vismāyayan vismitam ātmavṛttau siṃhorusattvaṃ nijagāda siṃhaḥ // 2.33	upajāti : upendravajrā [11: jtjgg], indravajrā [11: ttjgg]
alaṃ mahīpāla tava śrameṇa prayuktam apy astram ito vṛthā syāt / na pādaponmūlanaśakti raṃhaḥ śiloccaye mūrchati mārutasya // 2.34	upendravajrā [11: jtjgg]
kailāsagauraṃ vṛam ārurukṣoḥ pādārpaṇānugrahapūtapṛṣṭam / avehi māṃ kiṃkaram aṣṭamūrteḥ kumbhodaraṃ nāma nikumbhamitram // 2.35	upajāti : upendravajrā [11: jtjgg], indravajrā [11: ttjgg]
amuṃ puraḥ paśyasi devadāruṃ putrīkṛto 'sau vṛṣabhadhvajena / yo hemakumbhastananiḥsṛtānāṃ skandasya mātuḥ payasāṃ rasajñaḥ // 2.36	upajāti : upendravajrā [11: jtjgg], indravajrā [11: ttjgg]
kaṇḍūyamānena kaṭaṃ kadācid vanyadvipenonmathitā tvag asya / athainam adres tanayā śuśoca senānyam ālīḍham ivāsurāstraiḥ // 2.37	upajāti : upendravajrā [11: jtjgg], indravajrā [11: ttjgg]
tadā prabhṛty eva vanadvipānāṃ trāsārtham asminn aham adikukṣau / vyāpāritaḥ śūlabhṛtā vidhāya siṃhatvam aṅkāgatasattvavṛtti // 2.38	upajāti triṣṭubh: ajñātam [11: ttngg], upendravajrā [11: jtjgg], indravajrā [11: ttjgg]
tasyālam eṣā kṣudhitasya tṛptyai pradiṣṭakālā parameśvareṇa / upasthitā śoṇitapāraṇā me suradviṣaś cāndramasī sudheva // 2.39	upajāti : upendravajrā [11: jtjgg], indravajrā [11: ttjgg]
sa tvaṃ nivartasva vihāya lajjāṃ guror bhavān darśitaśiṣyabhaktiḥ / śastreṇa rakṣyaṃ yad aśakyarakṣaṃ na tad yaśaḥ śastrabhṛtāṃ kṣiṇoti // 2.40	upajāti : upendravajrā [11: jtjgg], indravajrā [11: ttjgg]
iti pragalbhaṃ purusādhirājo mṛgādhirājasya vaco niśamya / pratyāhatāstro giriśaprabhāvād ātmany avajñāṃ śithilīcakāra // 2.41	upajāti : upendravajrā [11: jtjgg], indravajrā [11: ttjgg]
pratyabravīc cainam iṣuprayoge tatpūrvasaṅge vitathaprayatnaḥ / jaḍīkṛtas tryambakavikṣaṇena vajraṃ mumukṣann iva vajrapāṇiḥ // 2.42	upajāti : upendravajrā [11: jtjgg], indravajrā [11: ttjgg]
pratyāha vainaṃ śaramokṣavandhyo mā pattraparvāt svarabhedam āptaḥ / prahīṇapūrvadhvaninādhirūḍhas tulām asārena śaradghanena // 2.42.2	upajāti : upendravajrā [11: jtjgg], indravajrā [11: ttjgg]
saṃruddhaceṣṭasya hetuḥ hāsyaṃ vacas tad yad ahaṃ vivakṣuḥ / antargataṃ prāṇabhṛtāṃ hi veda sarvaṃ bhavān bhāvam ato 'bhidhāsye // 2.43	indravajrā [11: ttjgg] (? 3 eva pādāḥ yuktāḥ)
mānyaḥ sa me sthāvarajaṅgamānāṃ sargasthitipratyavahārahetuḥ / guror apīdaṃ dhanam āhitāgner naśyat purastād anupekṣaṇīyam // 2.44	upajāti : upendravajrā [11: jtjgg], indravajrā [11: ttjgg]
sa tvaṃ madīyena śarīravṛttiṃ dehena nirvartayituṃ prasīda / dināvasānotsukabālavatsā visṛjyatāṃ dhenur iyaṃ maharṣeḥ // 2.45	upajāti : upendravajrā [11: jtjgg], indravajrā [11: ttjgg]
athāndhakāraṃ girigahvarāṇāṃ daṃṣṭrāmayūkhaiḥ śakalāni kurvan / bhūyaḥ sa bhūteśvarapārśvavartī kiṃcid vihasyārthapatiṃ babhāṣe // 2.46	upajāti : upendravajrā [11: jtjgg], indravajrā [11: ttjgg]
ekātapatraṃ jagataḥ prabhutvaṃ navaṃ yayaḥ kāntam idaṃ vapuś ca / alpasya hetor bahu hātum icchan vicāramūdhaḥ pratibhāsi me tvam // 2.47	upajāti : upendravajrā [11: jtjgg], indravajrā [11: ttjgg]
bhūtānukampā tava ced iyaṃ gaur ekā bhavet svastimatī tvadante / jīvan punaḥ śaśvad upaplavebhyaḥ prajāḥ prajānātha piteva pāsi // 2.48	upajāti : upendravajrā [11: jtjgg], indravajrā [11: ttjgg]
athaikadhenor aparādhacaṇḍād guroḥ kṛṣānupratimād bibheṣi / śakyo 'sya manyur bhavatā vinetuṃ gāḥ koṭiśaḥ sparśayatā ghaṭodhnīḥ // 2.49	upajāti : upendravajrā [11: jtjgg], indravajrā [11: ttjgg]
tad rakṣa kalyāṇaparaṃparāṇāṃ bhoktāram ūrjasvalam ātmadeham / mahītalasparśanamātrabhinnam ṛddhaṃ hi rājyaṃ padam aindram āhuḥ // 2.50	upajāti : upendravajrā [11: jtjgg], indravajrā [11: ttjgg]
etāvad uktvā virate mṛgendre pratisvanenāsya guhāgatena / śiloccayo 'pi kṣitipālam uccaiḥ prītyā tam evārtham abhāṣateva // 2.51	upajāti : upendravajrā [11: jtjgg], indravajrā [11: ttjgg]
niśamya devānucarasya vācaṃ manuṣyadevaḥ punar apy uvāca / dhenvā tadadhyāsitakātarākṣyā nirīkṣyamāṇaḥ sutarāṃ dayāluḥ // 2.52	upajāti : upendravajrā [11: jtjgg], indravajrā [11: ttjgg]
kṣatāt kila trāyata ity udagraḥ kṣatrasya śabdo bhuvaneṣu rūḍhaḥ / rājyena kiṃ tadviparītavṛtteḥ prāṇair upakrośamalīmasair vā // 2.53	upajāti : upendravajrā [11: jtjgg], indravajrā [11: ttjgg]
kathaṃ nu śakyo 'nunayo maharṣer viśrāṇanāc cānyapayasvinīnām / imām anūnāṃ surabher avehi rudraujasā tu pahṛtaṃ tvayāsyām // 2.54	upajāti triṣṭubh: ajñātam [11: tBjgg], upendravajrā [11: jtjgg], indravajrā [11: ttjgg]
seyaṃ svadehārpaṇaniṣkrayeṇa nyāyyā mayā mocayituṃ bhavattaḥ / na pāraṇā syād vihatā tavaivaṃ bhaved aluptaś ca muneḥ kriyārthaḥ // 2.55	upajāti : upendravajrā [11: jtjgg], indravajrā [11: ttjgg]
bhavān apīdaṃ paravān avaiti mahān hi yatnas tava devadārau / sthātuṃ niyoktur na hi śakyam agre vināśya rakṣyaṃ svayam akṣatena // 2.56	upajāti : upendravajrā [11: jtjgg], indravajrā [11: ttjgg]
kim apy ahiṃsyas tava cen mato 'haṃ yaśaḥśarīre bhava me dayāluḥ / ekāntavidhaṃsiṣu madvidhānāṃ piṇḍeṣv anāsthā khalu bhautikeṣu // 2.57	upajāti triṣṭubh: ajñātam [11: tjjgg], upendravajrā [11: jtjgg], indravajrā [11: ttjgg]
saṃbandham ābhāṣaṇapūrvam āhur vṛttaḥ sa nau saṃgatayor vanānte / tad bhūtanāthānuga nārhasi tvaṃ saṃbandhino me praṇayaṃ vihantum // 2.58	indravajrā [11: ttjgg]
tatheti gām uktavate dilīpaḥ sadyaḥ pratiṣṭambhavimuktabāhuḥ / sa nyasta śastro haraye svadeham upānayat piṇḍam ivāmiṣasya // 2.59	upajāti : upendravajrā [11: jtjgg], indravajrā [11: ttjgg]
tasmin kṣaṇe pālayituḥ prajānām utpaśyataḥ siṃhanipātam ugram / avāṅmukhasy'opari puṣpavṛṣṭiḥ papāta vidyādharahastamuktā // 2.60	upajāti : upendravajrā [11: jtjgg], indravajrā [11: ttjgg]
uttiṣṭha vatsety amṛtāyamānaṃ vaco niśamyotthitam utthitaḥ san / dadarśa rājā jananīm iva svāṃ gām agrataḥ prasraviṇīṃ na siṃham // 2.61	upajāti : upendravajrā [11: jtjgg], indravajrā [11: ttjgg]
taṃ vismitaṃ dhenur uvāca sādho māyāṃ mayodhbhāvya parīkṣito 'si / ṛṣiprabhāvān mayi nāntako 'pi prabhuḥ prahartuṃ kim utānyahiṃsrāḥ // 2.62	upajāti : upendravajrā [11: jtjgg], indravajrā [11: ttjgg]
bhaktyā gurau mayy anukampāya ca prītāsmi te putra varaṃ vṛṇīṣva / na kevalānāṃ payasāṃ prasūtim avehi māṃ kāmadughāṃ prasannām // 2.63	upajāti triṣṭubh: indravajrā [11: ttjgg], upendravajrā [11: jtjgg], ajñātam [11: ttyll]
tataḥ samānīya samānitārthī hastau svahastārjitavīraśabdaḥ / vaṃśasya kartāram anantakīrtiṃ sudakṣiṇāyāṃ tanayaṃ yayāce // 2.64	upajāti : upendravajrā [11: jtjgg], indravajrā [11: ttjgg]
saṃtānakāmāya tatheti kāmaṃ rājñe pratiśrutya payasvinī sā / dugdhvā payaḥ pattrapuṭe madīyaṃ putr'; opabhuṅkṣv' eti tam ādideśa // 2.65	indravajrā [11: ttjgg]
vatsasya homārthavidheś ca śeṣam ṛṣer anujñām adhigamya mātaḥ / ūdhasyam icchāmi tavopabhoktumyaṃ ṣaṣṭhāmśam urvyā iva rakṣitāyāḥ // 2.66	indravajrā [11: ttjgg] (? 2 eva pādāḥ yuktāḥ)
itthaṃ kṣitīśena vasiṣṭhadhenur vijñāpitā prītatarā babhūva / tadanvitā haimavatāc ca kukṣeḥ pratyāyayāv āśramam aśrameṇa // 2.67	upajāti : upendravajrā [11: jtjgg], indravajrā [11: ttjgg]
tasyāḥ prasannendumukhaḥ prasādaṃ gurur nṛpāṇāṃ gurave nivedya / praharṣacihnānumitaṃ priyāyai śaśaṃsa vācā punaruktayeva // 2.68	upajāti : upendravajrā [11: jtjgg], indravajrā [11: ttjgg]
sa nandinīstanyam aninditātmā sadvatsalo vatsahutāvaśeṣam / papau vasiṣṭhena kṛtābhyanujñaḥ śubhraṃ yaśo mūrtam ivātitṛṣṇaḥ // 2.69	upajāti : upendravajrā [11: jtjgg], indravajrā [11: ttjgg]
prātar yathoktavratapāraṇānte prāsthānikaṃ svastyayanaṃ prayuja / tau daṃpatī svāṃ prati rājadhānīṃ prasthāpayām āsa vaśī vasiṣṭhaḥ // 2.70	upajāti triṣṭubh: ajñātam [11: ttjll], indravajrā [11: ttjgg]
pradakṣiṇīkṛtya hutaṃ hutāśam anantaraṃ bhartur arundhatīṃ ca / dhenuṃ savatsāṃ ca nṛpaḥ pratasthe sanmaṅgalodagrataraprabhāvaḥ // 2.71	upajāti : upendravajrā [11: jtjgg], indravajrā [11: ttjgg]
śrotābhirāmadhvaninā rathena sa dharmapatnīsahitaḥ sahiṣṇuḥ / yayāv anudghātasukhena mārgaṃ sveneva pūrṇena manorathena // 2.72	upajāti : upendravajrā [11: jtjgg], indravajrā [11: ttjgg]
tam āhitautsukyam adarśanena prajāḥ prajārthavratakarśitāṅgam / netraiḥ papus tṛptim anāpnuvadbhir navodayaṃ nātham ivauṣadhīnām // 2.73	upajāti : upendravajrā [11: jtjgg], indravajrā [11: ttjgg]
puraṃdaraśrīḥ puram utpatākaṃ praviśya paurair abhinandyamānaḥ / bhuje bhuaṃgendrasamānasāre bhūyaḥ sa bhūmer dhuram āsasañja // 2.74	upajāti : upendravajrā [11: jtjgg], indravajrā [11: ttjgg]
atha nayanasamutthaṃ jyotir atrer iva dyauḥ surasarid iva tejo vahniniṣṭhyūtam aiśam / narapatikulabhūtyai garbham ādhatta rājñī gurubhir abhiniviṣṭaṃ lokapālānubhāvaiḥ // 2.75	mālinī [15: nnmyy]
athepsitaṃ bhartur upasthitodayaṃ sakhījanodvīkṣaṇakaumudīmukham / nidānam ikṣvākukulasya saṃtateḥ sudakṣiṇā daurhṛdalakṣaṇaṃ dadhau // 3.1	vaṃśastha [12: jtjr]
śarīrasādād asamagrabhūṣaṇā mukhena sālakṣyata lodhrapāṇḍunā / tanuprakāśena viceyatārakā prabhātakalpā śaśineva śarvarī // 3.2	vaṃśastha [12: jtjr]
tato viśāṃpatyur ananyasaṃtater manorathaṃ kiṃcid ivodayonmukham / ananyasauhārdarasasya dohadaṃ priyā prapede prakṛtipriyaṃvadā // 3.2.2	vaṃśastha [12: jtjr]
mukhena sā ketakapattrapāṇḍunā kṛśāṅgayaṣṭiḥ parimeyabhūṣaṇā / sthitālpatārāṃ karuṇendumaṇḍalāṃ vibhātakalpāṃ rajanīṃ vyaḍambayat // 3.2.3	vaṃśastha [12: jtjr]
tadānanaṃ mṛtsurabhi kṣitīśvaro rahasy upāghrāya na tṛptim āyayau / karīva siktaṃ pṛṣataiḥ payomucāṃ śucivyapāye vanarājipalvalam // 3.3	vaṃśastha [12: jtjr]
divaṃ marutvān iva bhokṣyate bhuvaṃ digantaviśrāntaratho hi tat sutaḥ / ato 'bhilāṣe prathamaṃ tathāvidhe mano babandhānyarasān vilaṅghya sā // 3.4	vaṃśastha [12: jtjr]
na me hriyā śaṃsati kiṃcid īpsitaṃ spṛhāvatī vastuṣu keṣu māgadhī / na hīṣṭam asya tridive 'pi bhūpater priyāsakhīr uttarakosaleśvaraḥ // 3.5	vaṃśastha [12: jtjr]
upetya sā dohadaduḥkhaśīlatāṃ yad eva vavre tad apaśyad āhṛtam / na hīṣṭam asya tridive 'pi bhūpater abhūd anāsādyam adhijyadhanvanaḥ // 3.6	vaṃśastha [12: jtjr]
krameṇa nistīrya ca dohadavyathāṃ pracīyamānāvayavā rarāja sā / purāṇapattrāpagamād anantaraṃ lateva saṃnaddhamanojñapallavā // 3.7	vaṃśastha [12: jtjr]
dineṣu gacchatsu nitāntapīvaraṃ tadīyam ānīlamukhaṃ stanadvayam / tiraścakāra bhramarābhilīnayoḥ sujātayoḥ paṅkajakośayoḥ śriyam) // 3.8	vaṃśastha [12: jtjr]
nidhānagarbhām iva sāgarāmbarāṃ śamīm ivābhyantaralīnapāvakām / nadīm ivāntaḥsalilāṃ sarasvatīṃ nṛpaḥ sasattvāṃ mahiṣīm amanyata // 3.9	vaṃśastha [12: jtjr]
priyānurāgasya manaḥsamunnater bhujārjitānāṃ ca digantasaṃpadām / yathākramaṃ puṃsavanādikāḥ kriyā dhṛteś ca dhīraḥ sadṛśīr vyadhatta saḥ // 3.10	vaṃśastha [12: jtjr]
surendramātrāśritagarbhagauravāt prayatnamuktāsanayā gṛhāgataḥ / tayopacārāñjalikhinnahastayā nananda pāriplavanetrayā nṛpaḥ // 3.11	vaṃśastha [12: jtjr]
kumārabhṛtyākuśalair anuṣṭhite bhiṣagbhir āptair atha garbhabharmaṇi / patiḥ pratītaḥ prasavonmukhīm priyāṃ dadarśa kāle divam abhrītam iva // 3.12	vaṃśastha [12: jtjr] (? 3 eva pādāḥ yuktāḥ)
grahais tataḥ pañcabhir uccasaṃśrayair asūryagaiḥ sūcitabhāgyasaṃpadam / asūta putraṃ samaye śacīsamā trisādhanā śaktir ivārtham akṣayam // 3.13	vaṃśastha [12: jtjr]
diśaḥ prasedur maruto vavuḥ sukhāḥ pradakṣiṇārcir havir agnir ādade / babhūva sarvaṃ śubhaśaṃsi tatkṣaṇaṃ bhavo hi lokābhyudayāya tādṛśām // 3.14	vaṃśastha [12: jtjr]
ariṣṭaśayyāṃ parito visāriṇā sujanmanas tasya nijena tejasā / niśīthadīpāḥ sahasā hatatviṣo babhūvur ālekhyasamarpitā iva // 3.15	vaṃśastha [12: jtjr]
janāya śuddhāntacarāya śaṃsate kumārajanmāmṛtasaṃmitākṣaram / adeyam āsīt trayam eva bhūpateḥ śaśiprabhaṃ chattram ubhe ca cāmare // 3.16	vaṃśastha [12: jtjr]
samīkṣya putrasya cirān mukhaṃ pitā nidhānakumbhasya yuveva durgataḥ / mudā śarīre prababhūva nātmanaḥ payodhir indūdayamūrchito yathā // 3.16.2	vaṃśastha [12: jtjr]
nivātapadmastimitena cakṣuṣā nṛpasya kāntaṃ pibataḥ sutānanam / mahodadheḥ pūra ivendudarśanād guruḥ praharṣaḥ prababhūva nātmani // 3.17	vaṃśastha [12: jtjr]
sa jātakarmaṇy akhile tapasvinā tapovanād etya purodhasā kṛte / dilīpasūnur maṇir ākarodbhavaḥ prayuktasaṃskāra ivādhikaṃ babhau // 3.18	vaṃśastha [12: jtjr]
sukhaśravā maṅgalatūryanisvanāḥ pramodanṛtyaiḥ saha vārayoṣitām / na kevalaṃ sadmani māgadhīpateḥ pathi vyajṛmbhanta divaukasām api // 3.19	vaṃśastha [12: jtjr]
na saṃyatas tasya babhūva rakṣitur visarjayed yaṃ sutajanmaharṣitaḥ / ṛṇābhidhānāt svayam eva kevalaṃ tadā pitḥṇāṃ mumuce sa bandhanāt // 3.20	vaṃśastha [12: jtjr]
śutasya yāyād ayam antam arbhakas tathā pareṣāṃ yudhi ceti pārthivaḥ / avekṣya dhātor gamanārtham arthavic cakāra nāmnā raghum ātmasaṃbhavam // 3.21	vaṃśastha [12: jtjr]
pituḥ prayatnāt sa samagrasaṃpadaḥ śubhaiḥ śarīrāvayavair dine dine / pupoṣa vṛddhiṃ haridaśvadīdhiter anupraveśād iva bālacandramāḥ // 3.22	vaṃśastha [12: jtjr]
umāvṛṣāṅkau śarajanmanā yathā yathā jayantena śacīpuraṃdarau / tathā nṛpaḥ sā cu sutena māgadhī nanandatus tatsadṛśena tatsamau // 3.23	vaṃśastha [12: jtjr]
rathāṅganāmnor iva bhāvabandhanaṃ babhūva yat prema parasparāśrayam / vibhaktam apy ekasutena tat tayoḥ parasparasyopari paryacīyata // 3.24	vaṃśastha [12: jtjr]
uvāca dhātryā prathamoditaṃ vaco yayau tadīyām avalambya cāṅgulim / abhūc ca namraḥ praṇipātaśikṣayā pitur mudaṃ tena tatāna so 'rbhakaḥ // 3.25	vaṃśastha [12: jtjr]
tam aṅkam āropya śarīrayogajaiḥ sukhair niṣiñcantam ivāmṛtaṃ tvaci / upāntasaṃmīlitalocano nṛpaś cirāt sutasparśarasjñatāṃ yayau // 3.26	vaṃśastha [12: jtjr] (? 3 eva pādāḥ yuktāḥ)
tam aṅkam āropya śarīrayogajaiḥ sthiter abhettā sthitimantam anvayam / svamūrtibhedena guṇāgryavartinā patiḥ prajānām iva sargam ātmanaḥ // 3.27	vaṃśastha [12: jtjr]
sa vṛttacaulaś calakākapakṣakair amātyaputraiḥ savayobhir anvitaḥ / liper yathāvadgrahaṇena vāṅmayaṃ nadīmukheneva samudram āviśat // 3.28	vaṃśastha [12: jtjr]
athopanītaṃ vidhivad vipaścito vininyur enaṃ guravo gurupriyam / avandhyayatnāś ca babhūvur arbhake tatāra vidyāḥ pavanātipātibhir // 3.29	vaṃśastha [12: jtjr]
dhiyaḥ samagraiḥ sa guṇair udāradhīḥ kramāc catasraś caturarṇavopamāḥ / tatāra vidyāḥ pavanātipātibhir diśo haridbhir haritām iveśvaraḥ // 3.30	vaṃśastha [12: jtjr]
tvacaṃ sa medhyāṃ paridhāya rauravīm aśikṣatāstraṃ pitur eva mantravat / na kevalaṃ tadgurur ekapārthivaḥ kṣitāv abhūd ekadhanurdharo 'pi saḥ // 3.31	vaṃśastha [12: jtjr]
mahokṣatāṃ vatsataraḥ spṛśann iva dvipendrabhāvaṃ kalabhaḥ śrayann iva / raghuḥ kramād yauvanabhinnaśaiśavaḥ pupoṣa gāmbhīryamanoharaṃ vapuḥ // 3.32	vaṃśastha [12: jtjr]
athāsya godānavidher anantaraṃ vivāhadīkṣāṃ niravartayad guruḥ / narendrakanyās tam avāpya satpatiṃ tamonudaṃ dakṣasutā ivābabhuḥ // 3.33	vaṃśastha [12: jtjr]
yuvā yugavyāyatabāhur aṃsalaḥ kapāṭavakṣāḥ pariṇaddhakaṃdharaḥ / vapuḥprakarṣād ajayad guruṃ raghus tathāpi nīcair vinayād adṛśyata // 3.34	vaṃśastha [12: jtjr]
tataḥ prajānāṃ ciram ātmanā dhṛtāṃ nitāntagurvīṃ laghayiṣyatā dhuram / nisargasaṃskāravinīta ity asau nṛpeṇa cakre yuvarājaśabdabhāk // 3.35	vaṃśastha [12: jtjr]
narendramūlāyatanād anantaraṃ ghanavyapāyena gabhastimān iva / agacchad aṃśena guṇābhilāṣiṇī navāvatāraṃ kamalād ivotpalam // 3.36	vaṃśastha [12: jtjr]
vibhāvasuḥ sārathineva vāyunā ghanavyapāyena gabhastimān iva / babhūva tenātitarāṃ suduḥsahaḥ kaṭaprabhedena karīva pārthivaḥ // 3.37	vaṃśastha [12: jtjr]
niyujya taṃ homaturaṃgarakṣaṇe dhanurdharaṃ rājasutair anudrutam / apūrṇam ekena śatakratūpamaḥ śataṃ kratūnā apavighnam āpa saḥ // 3.38	vaṃśastha [12: jtjr]
tataḥ paraṃ tena makhāya vajvanā turaṃgam utsṛṣṭam anargalaṃ punaḥ / dhanurbhṛtām agrata eva rakṣiṇāṃ jahāra śakraḥ kila gūḍhavigrahaḥ // 3.39	vaṃśastha [12: jtjr]
viṣādaluptapratipatti vismitaṃ mamaiva yeneha turaṃgam īkṣase / dhenvā niśamyeti vacaḥ samīrtaṃ śrutaprabhāvā dadṛśe 'tha nandinī // 3.40	vaṃśastha [12: jtjr] (? 3 eva pādāḥ yuktāḥ)
svedāmbunā mārjaya putra locane mamaiva yeneha turaṃgam īkṣase / dhenvā niśamyeti vacaḥ samīritaṃ mudaṃ parām āpa dilīpanandanaḥ // 3.40.2	ajñātārdhasamavṛtta [ttjr, jtjr]
tadaṅganisyandajalena locane pramṛjya puṇyena puraskṛtaḥ satām / atīndriyeṣv apy upapannadarśano babhūva bhāveṣu dilīpanandanaḥ // 3.41	vaṃśastha [12: jtjr]
sa pūrvataḥ parvatapakṣaśātanaṃ dadarśa devaṃ naradevasaṃbhavaḥ / punaḥ punaḥ sūtaniṣiddhacāpalaṃ harantam aśvaṃ ratharaśmisaṃyatam // 3.42	vaṃśastha [12: jtjr]
sa pūrvataḥ parvatapakṣaśātanaṃ hariṃ viditvā haribhiś ca vājibhiḥ / avocad enaṃ gangaspṛśā raghuḥ svareṇa dhīreṇa nivartayann iva // 3.43	vaṃśastha [12: jtjr] (? 3 eva pādāḥ yuktāḥ)
makhāṃśabhājāṃ prathamo manīṣibhis tvam eva devendra sadā nigadyase / ajasradīkṣāprayatasya madguroḥ kriyāvighātāya kathaṃ pravartase // 3.44	vaṃśastha [12: jtjr]
trilokanāthena sadā makhadviṣas tvayā niyamyā nanu divyacakṣuṣā / sa cet svayaṃ karamasu dharmacāriṇāṃ tvam antarāyo bhavasi cyuto vidhiḥ // 3.45	vaṃśastha [12: jtjr] (? 3 eva pādāḥ yuktāḥ)
tad aṅgam agryaṃ maghavan mahākrator amuṃ turaṃgaṃ pratimoktum arhasi / pataḥśruter darśayitāra īśvarā malīmasām ādadate na paddhatim // 3.46	vaṃśastha [12: jtjr]
iti pragalbhaṃ raghuṇā samīritaṃ vaco niśamyādhipatir divaukasām / nivartayām āsa rathaṃ savismayaḥ pracakrame ca prativaktum uttaram // 3.47	vaṃśastha [12: jtjr]
yad āttha rājanyakumāra tat tathā yaśas tu rakṣyaṃ parato yaśodhanaiḥ / jagatprakāśaṃ tad aśeṣam ijyayā bhavadgurur laṅghayituṃ mamodyataḥ // 3.48	vaṃśastha [12: jtjr]
harir yathaikaḥ puruśottamaḥ smṛto maheśvaras tryambaka eva nāparaḥ / tathā vidur māṃ munayaḥ śatakratuṃ dvitīyagāmī na hi śabda eṣa naḥ // 3.49	vaṃśastha [12: jtjr]
ato 'yam aśvaḥ kapilānukāriṇā pitus tvadīyasya mayāpahāritaḥ / alaṃ prayatnena tavātra mā nidhāḥ padaṃ padavyāṃ sagarasya saṃtateḥ // 3.50	vaṃśastha [12: jtjr]
tataḥ prahasyāpabhayaḥ puraṃdaraṃ punar babhāṣe turagasya rakṣitā / gṛhāṇa śastraṃ yadi sarga eṣa te na khalv anirjitya raghuṃ kṛtī bhavān // 3.51	vaṃśastha [12: jtjr]
sa evam uktvā maghavantam unmukhaḥ kariṣyamāṇaḥ saśaram śarāsanam / atiṣṭhad ālīḍhaviśeṣaśobhinā vapuḥprakarṣeṇa viḍambiteśvaraḥ // 3.52	vaṃśastha [12: jtjr]
raghor avaṣṭambhamayena pattriṇā hṛdi kṣato gotrabhid apy amarṣaṇaḥ / navāmbudānīkamuhūrtalāñchane dhanuṣy amoghaṃ samadhatta sāyakam // 3.53	vaṃśastha [12: jtjr]
dilīpasūnoḥ sa bṛhad (?) bhujāntaraṃ praviśya bhīmāsuraśoṇitocitaḥ / papāv anāsvāditapūrvam āśugaḥ kutūhaleneva manuṣyaśoṇitam // 3.54	vaṃśastha [12: jtjr]
hareḥ kumāro 'pi kumāravikramaḥ suradvipāsphālanakarkaśāṅgulau / bhuje śacīpattraviśeṣakāṅkite svanāmacihnaṃ nicakhāna sāyakam // 3.55	vaṃśastha [12: jtjr]
jahāra cānyena mayūrapattriṇā śareṇa śakrasya mahāśanidhvajam / cukopa tasmai sa bhṛśaṃ suraśriyaḥ prasahaya keśavyaparopaṇād iva // 3.56	vaṃśastha [12: jtjr] (? 3 eva pādāḥ yuktāḥ)
tayor upāntasthitasiddhasainikaṃ garutmadāśīviśabhīmadarśanaiḥ / babhūva yuddhaṃ tumuulaṃ jayaiṣiṇor adhomukhair ūrdhvamukhaiś ca pattribhiḥ // 3.57	vaṃśastha [12: jtjr] (? 3 eva pādāḥ yuktāḥ)
atiprabandhaprahitāstravṛṣṭibhis tam āśrayaṃ duṣprahasya tejasaḥ / śaśāka nirvāpayituṃ na vāsavaḥ svataś cyutaṃ vahnim ivādbhir ambudaḥ // 3.58	vaṃśastha [12: jtjr] (? 3 eva pādāḥ yuktāḥ)
tataḥ prakoṣṭhe haricandanāṅkite pramathyamānārṇavadhīra / raghuḥ śaśāṅkārdhamukhena pattriṇā śarāsanajyām alunād viḍaujasaḥ // 3.59	vaṃśastha [12: jtjr] (? 3 eva pādāḥ yuktāḥ)
sa cāpam utsṛjya vivṛddhamatsaraḥ praṇāśanāya prabalasya vidviṣaḥ / mahīdhrapakṣavyaparopaṇocitaṃ sphuratprabhāmaṇḍalam astram ādade // 3.60	vaṃśastha [12: jtjr]
raghur bhṛśaṃ vakṣasi tena tāḍitaḥ papāta bhūmau saha sainikāśrubhiḥ / nimeṣamātrād avadhūya tad vyathāṃ sahotthitaḥ sainikaharṣanisvanaiḥ // 3.61	vaṃśastha [12: jtjr]
tathāpi śastravyavahāraniṣṭhure bipakṣabhāve ciram asya tasthuṣaḥ / tutoṣa vīryātiśayena vṛtrahā padaṃ hi sarvatra guṇair nidhīyate // 3.62	vaṃśastha [12: jtjr]
asaṅgam adriṣv api sāravattayā na me tvadanyena visoḍham āyudham / avehi māṃ prītam ṛte turaṃgamāt kim icchasīti sphuṭam āha vāsavaḥ // 3.63	vaṃśastha [12: jtjr]
tato niṣaṅgād asamagram uddhṛtaṃ suvarṇapuṅkhadyutirañjitāṅgulim / narendrasūnuḥ pratisaṃharann iṣuṃ priyaṃvadaḥ pratyavadat sureśvaram // 3.64	vaṃśastha [12: jtjr]
amocyam aśvaṃ yadi manyase prabho tataḥ samāpte vidhinaiva karmaṇi / ajasradīkṣāprayataḥ sa madguruḥ krator aśeṣeṇa phalena yujyatām // 3.65	vaṃśastha [12: jtjr]
yathā ca vṛttāntam imaṃ sadogatas trilocanaikāṃśatayā durāsadaḥ / tavaiva saṃdeṣaharād viśaṃpatiḥ śṛṇoti lokeśa tathā vidhīyatām // 3.66	vaṃśastha [12: jtjr]
tatheti kāmaṃ pratiśuśruvān raghor yathāgataṃ mātalisārathir yayau / nṛpasya nātipramanāḥ sadogṛhaṃ sudakṣināsūnur api nyavartata // 3.67	vaṃśastha [12: jtjr]
tam abhyanandat prathamaṃ prabodhitaḥ prajeśvaraḥ śāsanahāriṇā hareḥ / parāmṛśan harṣajaḍena pāṇinā tadīyam aṅgaṃ kuliśavraṇāṅkitam // 3.68	vaṃśastha [12: jtjr]
iti kṣitīśo navatiṃ navādhikāṃ mahākratūnāṃ mahanīyaśāsanaḥ / samāraurukṣur divam āyuṣaḥ kṣaye tatāna sopānaparaṃparām iva // 3.69	vaṃśastha [12: jtjr] (? 3 eva pādāḥ yuktāḥ)
atha sa viṣavyāvṛttātmā yathāvidhi sūnave nṛpatikakudaṃ dattvā yūne sitātapavāraṇam / munivanatarucchāyāṃ devyā tayā saha śiśriye galitavayasām ikṣvākūṇā idaṃ hi kulavrtam // 3.70	hariṇī [17: nsmrslg] (? 2 eva pādāḥ yuktāḥ)
sa rājyaṃ guruṇā dattaṃ pratipadyādhikaṃ babhau / dinānte nihitaṃ tejaḥ savitreva hutāśanaḥ // 4.1	anuṣṭubh (1,2: pathyā, 3,4: pathyā)
nyastaśastraṃ dilīpaṃ ca taṃ ca śuśruvuṣāṃ patim / rājñām uddhṛtanārāce hṛdi śalyam ivārpitam // 4.1.2	anuṣṭubh (1,2: pathyā, 3,4: pathyā)
dilīpānantaraṃ rājye taṃ niśamya pratiṣṭhitam / pūrvaṃ pradūmito rājñāṃ hṛdaye 'gnir ivotthitaḥ // 4.2	anuṣṭubh (1,2: pathyā, 3,4: pathyā)
puruhūtadhvajasyeva tasyonnayanapaṅktayaḥ / navābhyutthānadarśinyo nananduḥ sa prajāḥ prajāḥ // 4.3	anuṣṭubh (1,2: pathyā, 3,4: pathyā)
samam eva samākrāntaṃ tasyonnayanapaṅktayaḥ / tena siṃhāsanaṃ pitryam akhilaṃ cārimaṇḍalaṃ // 4.4	anuṣṭubh (1,2: pathyā, 3,4: pathyā)
chāyāmaṇḍalalakṣyena tam adṛśyā kila svayam / padmā padmātapatreṇa bheje sāmrājyadīkṣitam // 4.5	anuṣṭubh (1,2: pathyā, 3,4: pathyā)
parikalpitasāṃnidhyā kāle kāle ca bandiṣu / stutyaṃ stutibhir arthyābhir upatasthe sarasvatī // 4.6	anuṣṭubh (1,2: pathyā, 3,4: pathyā)
manuprabhṛtibhir mānyair bhuktā yady api rājabhiḥ / tathāpy ananyapūrveva tasminn āsīd vasuṃdharā // 4.7	anuṣṭubh (1,2: pathyā, 3,4: pathyā)
sa hi sarvasya lokasya yuktadaṇḍatayā manaḥ / ādade nātiśītoṣṇo nabhasvān iva dakṣiṇaḥ // 4.8	anuṣṭubh (1,2: pathyā, 3,4: pathyā)
mandotkaṇṭaḥ kṛtās tena guṇādhikatayā gurau / phalena sahakārasya phuṣpodgama iva prajāḥ // 4.9	anuṣṭubh (1,2: pathyā, 3,4: pathyā)
nayavidbhir nave rājñi sad asac copadarśitam / pūrva evābhavat pakṣas tasmin nābhavad uttaraḥ // 4.10	anuṣṭubh (1,2: pathyā, 3,4: pathyā)
pañcānām api bhūtānām utkarṣaṃ pupuṣur guṇāḥ / nave tasmin mahīpāle sarvaṃ navam ivābhavat // 4.11	anuṣṭubh (1,2: pathyā, 3,4: pathyā)
yathā prahlādanāc candraḥ pratāpāt tapano yathā / tathaiva so 'bhūd anvartho rājā prakṛtirañjanāt // 4.12	anuṣṭubh (1,2: pathyā, 3,4: ma-vipulā)
kāmaṃ karṇāntaviṣrānte viśāle tasya locane / cakṣuṣmattā tu śāstreṇa sūkṣmakāryārthadarśinā // 4.13	anuṣṭubh (1,2: pathyā, 3,4: pathyā)
labdhapraśamanasvastham athainaṃ samupasthitā / pārthivaśrīr dvitīyeva śarat paṅkajalakṣaṇā // 4.14	anuṣṭubh (1,2: pathyā, 3,4: pathyā)
nirvṛṣṭalaghubhir meghair muktavartmā suduḥsahaḥ / svaṃ dhanuḥ śaṅkiteneva yugapad vyānaśe diśaḥ // 4.15	anuṣṭubh (1,2: pathyā, 3,4: pathyā)
adhijyam āyudhaṃ kartuṃ muktavartmā suduḥsahaḥ / svaṃ dhanuḥ śaṅkiteneva saṃjahre śatamanyunā // 4.15.2	anuṣṭubh (1,2: pathyā, 3,4: pathyā)
vārṣikaṃ saṃjahārendro dhanur jaitraṃ raghur dadhau / prajārthasādhane tau hi paryāyodyatakārmukau // 4.16	anuṣṭubh (1,2: pathyā, 3,4: pathyā)
puṇḍarīkātapatras taṃ vikasatkāśacāmaraḥ / ṛtur viḍambayām āsa āsīt samarasā dvayoḥ // 4.17	anuṣṭubh (1,2: pathyā, 3,4: pathyā)
prasādarīkātapatras taṃ candre ca viśadaprabhe / tadā cakṣuṣmatāṃ prītir āsīt samarasā dvayoḥ // 4.18	anuṣṭubh (1,2: asamīcīna, 3,4: pathyā)
haṃsaśreṇīṣu tārāsu kumudvatsu ca vāriṣu / vibhūtayays tadīyānāṃ paryastā yaśasām iva // 4.19	anuṣṭubh (1,2: pathyā, 3,4: pathyā)
ikṣucchāyaniṣādinyas tasya goptur guṇodayam / ākumārakathodghātaṃ śāligopyo jagur yaśaḥ // 4.20	anuṣṭubh (1,2: pathyā, 3,4: pathyā)
prasasādodayād ambhaḥ kumbhayoner mahaujasaḥ / raghor abhibhavāśaṅki cukṣubhe dviṣatāṃ manaḥ // 4.21	anuṣṭubh (1,2: pathyā, 3,4: pathyā)
madodagrāḥ kakudmantaḥ saritāṃ kūlamudrujāḥ / līlākhelam anuprāpur mohakṣās tasya vikramam // 4.22	anuṣṭubh (1,2: pathyā, 3,4: pathyā)
prasavaiḥ saptaparṇānāṃ madagandhibhir āhatāḥ / asūyayeva tannāgāḥ saptadhaiva prasusruvuḥ // 4.23	anuṣṭubh (1,2: pathyā, 3,4: pathyā)
saritaḥ kurvatī gādhāḥ pathaś cāśyānakardamān / yātrāyai codayām āsa taṃ śakteḥ prathamaṃ śarat // 4.24	anuṣṭubh (1,2: pathyā, 3,4: pathyā)
samyak tasmai ghuto vahnir vājinīrājanāvidhau / pradakṣiṇārcir vyājena hasteneva jayaṃ dadau // 4.25	anuṣṭubh (1,2: pathyā, 3,4: ma-vipulā)
sa guptamūlapratyantaḥ śuddhapārṣṇir ayānvitaḥ / ṣaḍvidhaṃ balam ādāya pratasthe digjigīṣayā // 4.26	anuṣṭubh (1,2: ma-vipulā, 3,4: pathyā)
avākiran vayovṛddhās taṃ lājaiḥ paurayoṣitaḥ / pṛṣatair mandaroddhūtaiḥ kṣīrormaya ivācyutam // 4.27	anuṣṭubh (1,2: pathyā, 3,4: pathyā)
sa yayau prathamaṃ prācīṃ tulyaḥ prācīnabarhiṣā / ahitān aniloddhūtais tarjayann iva ketubhiḥ // 4.28	anuṣṭubh (1,2: pathyā, 3,4: pathyā)
rajobhiḥ syandanoddhūtair gajaiś ca ghanasaṃnibhaiḥ / bhuvas talam iva vyoma kurvan vyomeva bhūtalam // 4.29	anuṣṭubh (1,2: pathyā, 3,4: pathyā)
pratāpo 'gre tataḥ śabdaḥ parāgas tadantaram / yayau paścād rathādīti catuḥskandheva sā camūḥ // 4.30	anuṣṭubh (1,2: asamīcīna, 3,4: pathyā)
marupṛṣṭhāny udambhāṃsi nāvyāḥ supratarā nadīḥ / vipināni prakāśāni śaktimattvāc cakāra saḥ // 4.31	anuṣṭubh (1,2: pathyā, 3,4: pathyā)
purogaiḥ kaluṣās tasya sahaprasthāyibhiḥ kṛśāḥ / paścātprayāyibhiḥ paṅkāś cakrire mārganimnagāḥ // 4.31.2	anuṣṭubh (1,2: pathyā, 3,4: pathyā)
sa senāṃ mahatīṃ karṣan pūrvasāgaragāminīm / babhau harajaṭābhraṣṭāṃ gaṅgām iva bhagīrathaḥ // 4.32	anuṣṭubh (1,2: pathyā, 3,4: pathyā)
tyājitaiḥ phalam utkhātair bhagnaiś ca bahudhā nṛpaiḥ / tasyāsīd ulbaṇo mārgaḥ pādapair iva dantinaḥ // 4.33	anuṣṭubh (1,2: pathyā, 3,4: pathyā)
paurastyān evam ākrāmaṃs tāṃs tāñ janapadāñ jayī / prāpa tālīvanśyāmam upakañṭhaṃ mahodadheḥ // 4.34	anuṣṭubh (1,2: pathyā, 3,4: asamīcīna)
anamrāṇāṃ samuddhartus tasmāt sindhurayād iva / ātmā saṃrakṣitaḥ suhmair vṛttim āśritya vaitasīm // 4.35	anuṣṭubh (1,2: pathyā, 3,4: pathyā)
vaṅgān utkhāya tarasā netā nausādhanoddhatān / nicakhāna jayastambhān gaṅgāsroto'ntareṣu saḥ // 4.36	anuṣṭubh (1,2: na-vipulā, 3,4: pathyā)
āpādapadmapraṇatāḥ kalamā iva te raghum / phalaiḥ saṃvardhayām āsur utkhātapratirpitāḥ // 4.37	anuṣṭubh (1,2: bha-vipulā, 3,4: asamīcīna)
sa tīrtvā kapiṣāṃ sainyair baddhadviradasetubhiḥ / utkalādarśitapathaḥ kaliṅgābhimukho yayau // 4.38	anuṣṭubh (1,2: pathyā, 3,4: na-vipulā)
sa pratāpaṃ mahendrasya mūrdhni tīkṣṇaṃ nyaveśayat / aṅkuśaṃ dviradasyeva yantā gambhīravedinaḥ // 4.39	anuṣṭubh (1,2: pathyā, 3,4: pathyā)
pratijagrāha kāliṅgas tam astrair gajasādhanaḥ / pakṣacchedodyataṃ śakraṃ śilāvarṣīva parvataḥ // 4.40	anuṣṭubh (1,2: pathyā, 3,4: pathyā)
dviṣāṃ viṣahya kākutsthas tatra nārācadurdinam / sanmaṅgalasnāta iva pratipede jayaśriyam // 4.41	anuṣṭubh (1,2: pathyā, 3,4: bha-vipulā)
vāyavyāstravinirdhūtāt pakṣāviddhān mahodadheḥ / gajānīkāt sa kāliṅgaṃ tārkṣyaḥ sarpam ivādade // 4.41.2	anuṣṭubh (1,2: pathyā, 3,4: pathyā)
tāmbūlīnāṃ dalais tatra racitāpānabhūmayaḥ / nalikerāsavaṃ yodhāḥ śātravaṃ ca papur yaśaḥ // 4.42	anuṣṭubh (1,2: pathyā, 3,4: pathyā)
gṛhītapratimuktasya sa dharmavijayī nṛpaḥ / śriyaṃ mahendranāthasya jahāra na tu medinīm // 4.43	anuṣṭubh (1,2: pathyā, 3,4: pathyā)
tato velātaṭenaiva phalavatpūgamālinā / agastyācaritām āśām anāśāsyajayo yayau // 4.44	anuṣṭubh (1,2: pathyā, 3,4: pathyā)
sa sainyaparibhogeṇa gajadānasugandhinā / kāverīṃ saritāṃ patyuḥ śaṅkanīyām ivākarot // 4.45	anuṣṭubh (1,2: pathyā, 3,4: pathyā)
balair adhuṣitās tasya vijigīṣor gatādhvanaḥ / maricodbhrāntahārītā malayādrer upatyakāḥ // 4.46	anuṣṭubh (1,2: pathyā, 3,4: pathyā)
sasañjur aśvakṣuṇṇānām elānām utpatiṣṇavaḥ / tulyagandhiṣu mattebha-kaṭeṣu phalareṇavaḥ // 4.47	anuṣṭubh (1,2: ma-vipulā, 3,4: pathyā)
ājāneyakhurakṣuṇṇa-pakvailākṣetrasaṃbhavam / vyānaśe sapadi vyoma tripadīchedinām api // 4.47.2	anuṣṭubh (1,2: pathyā, 3,4: pathyā)
bhogiveṣṭanamārgeṣu candanānāṃ samarpitam / n'āsrasat kariṇāṃ graivaṃ tripadīchedinām api // 4.48	anuṣṭubh (1,2: pathyā, 3,4: pathyā)
diśi mandāyate tejo dakṣiṇasyāṃ raver api / tasyām eva raghoḥ pāṇḍyāḥ pratāpaṃ na viṣehire // 4.49	anuṣṭubh (1,2: pathyā, 3,4: pathyā)
tāmraparṇīsametasya muktāsāraṃ mahodadheḥ / te nipatya dadus tasmai yaśaḥ svam iva saṃcitam // 4.50	anuṣṭubh (1,2: pathyā, 3,4: pathyā)
sa nirviśya yathākāmaṃ taṭeṣv ālīnacandanau / stanāv iva diśas tasyāḥ śailau malayadardurau // 4.51	anuṣṭubh (1,2: pathyā, 3,4: pathyā)
tasyānīkair visarpadbhir aparāntajayodyataiḥ / rāmāstrotsārito 'py āsīt sahyalagna ivārṇavaḥ // 4.53	anuṣṭubh (1,2: pathyā, 3,4: pathyā)
bhayotsṛṣṭavibhūṣāṇāṃ tena keralayoṣitām / alakeṣu camūreṇuś cūrṇapratinidhīkṛtaḥ // 4.54	anuṣṭubh (1,2: pathyā, 3,4: pathyā)
muralāmārutoddhūtam agamat kaitakaṃ rajaḥ / tadyodhavārabāṇānām ayatnapaṭavāsatām // 4.55	anuṣṭubh (1,2: pathyā, 3,4: pathyā)
abhyabhūyata vāhānāṃ caratāṃ gātraśiñjitaiḥ / varmabhiḥ pavanoddhūta-rājatālīvanadvhvanaiḥ // 4.56	anuṣṭubh (1,2: pathyā, 3,4: pathyā)
kharjūrīskandhanaddhānāṃ madodgārtasugandhiṣu / kaṭeṣu kariṇāṃ petuḥ puṃnāgebhyaḥ śilīmukhāḥ // 4.57	anuṣṭubh (1,2: pathyā, 3,4: pathyā)
avakāśaṃ kilodanvān rāmāyābhyarthito dadau / aparāntamahīpāla-vyājena raghave karam // 4.58	anuṣṭubh (1,2: pathyā, 3,4: pathyā)
mattebharadanotkīrṇa-vyaktavikramalakṣaṇam / trikūṭam eva tatroccair jayastambhaṃ cakāra saḥ // 4.59	anuṣṭubh (1,2: pathyā, 3,4: pathyā)
pārasīkāṃs tato jetuṃ pratasthe sthalavartmanā / indriyākhyān iva ripūṃs tattvajñānena saṃyamī // 4.60	anuṣṭubh (1,2: pathyā, 3,4: na-vipulā)
yavanīmukhapadmānāṃ sehe madhumadaṃ na saḥ / bālātapam ivābjānām akālajaladodayaḥ // 4.61	anuṣṭubh (1,2: pathyā, 3,4: pathyā)
saṃgrāmas tumulas tasya pāścātyair aśvasādhanaiḥ / śārṅgakūjitavijñeya-pratiyodhe rajasy abhūt // 4.62	anuṣṭubh (1,2: pathyā, 3,4: pathyā)
bhallāpavarjitais teṣāṃ śirobhiḥ śmaśrulair mahīm / tastāra saraghāvyāptaiḥ sa kṣaudrapaṭalair iva // 4.63	anuṣṭubh (1,2: pathyā, 3,4: pathyā)
apanītaśirastrāṇāḥ śeṣās taṃ śaraṇaṃ yayuḥ / praṇipātapratīkāraḥ saṃrambho hi mahātmanām // 4.64	anuṣṭubh (1,2: pathyā, 3,4: pathyā)
vinayante sma tadyodhā madhubhir vijayaśramam / āstīrṇājinaratnāsu drākṣāvalayabhūmiṣu // 4.65	anuṣṭubh (1,2: pathyā, 3,4: pathyā)
tataḥ pratasthe kauberīṃ bhāsvān iva raghur diśam / śarair usrair ivodīcyān uddhariṣyam rasān iva // 4.66	anuṣṭubh (1,2: ma-vipulā, 3,4: pathyā)
jitān ajayyas tān eva kṛtvā rathapuraḥsarān / mahārṇavam ivaurāgniḥ praviveśottarāpatham // 4.66.2	anuṣṭubh (1,2: ma-vipulā, 3,4: pathyā)
vinītādhvaśramās tasya sindhutīraveceṣṭanaiḥ / dudhuvur vājinaḥ skandhāṃl lagnakuṅkumakesarān // 4.67	anuṣṭubh (1,2: asamīcīna, 3,4: pathyā)
tatra hūṇāvarodhānāṃ bhartṛśu vyaktavikramam / kapolapāṭalādeśi babhūva raghuceṣṭitam // 4.68	anuṣṭubh (1,2: pathyā, 3,4: pathyā)
kāmbojāḥ samare soḍhuṃ tasya vīryam anīśvarāḥ / gajālānaparikliṣṭair akṣoṭaiḥ sārdham ānatāḥ // 4.69	anuṣṭubh (1,2: pathyā, 3,4: pathyā)
teṣāṃ sadaśvabhūyiṣṭhās tuṅgā draviṇarāśayaḥ / upadā viviśuḥ śaśvan notsekāḥ kosaleśvaram // 4.70	anuṣṭubh (1,2: pathyā, 3,4: pathyā)
tato gaurīguruṃ śailam ārurohāśvasādhanaḥ / vardhayann iva tatkūṭān uddhūtair dhātureṇubhiḥ // 4.71	anuṣṭubh (1,2: pathyā, 3,4: pathyā)
śaśaṃsa tulyasattvānāṃ sainyaghoṣe 'py asaṃbhramam / guhāśayānāṃ siṃhānāṃ parivṛtyāvalokitam // 4.72	anuṣṭubh (1,2: pathyā, 3,4: ma-vipulā)
bhūrjeṣu marmarībhūtāḥ kīcakadhvanihetavaḥ / gaṅgāśīkariṇo mārge marutas taṃ siṣevire // 4.73	anuṣṭubh (1,2: pathyā, 3,4: pathyā)
viśaśramur namerūṇāṃ chāyāsv adhyāsya sainikāḥ / dṛṣado vāsitotsaṅgā niṣaṇṇamṛganābhibhiḥ // 4.74	anuṣṭubh (1,2: pathyā, 3,4: pathyā)
saralāsaktamātaṅga-graiveyasphuritatviṣaḥ / āsannoṣadhayo netur naktam asnehadīpikāḥ // 4.75	anuṣṭubh (1,2: pathyā, 3,4: pathyā)
tasyotsṛṣṭanivāseṣu kaṇṭharajjukṣata tvacaḥ / gajavarṣma kirātebhyaḥ śaśaṃsur devadāravaḥ // 4.76	anuṣṭubh (1,2: pathyā, 3,4: pathyā)
tatra janyaṃ raghor ghoraṃ pārvatīyair gaṇair abhūt / nārācakṣepaṇīyāśma-niṣpeṣotpatitānalam // 4.77	anuṣṭubh (1,2: pathyā, 3,4: pathyā)
śarair utsavasaṃketān sa kṛtvā viratotsavān / jayodāharaṇaṃ bāhvor gāpayām āsa kiṃnarān // 4.78	anuṣṭubh (1,2: pathyā, 3,4: pathyā)
paraspareṇa vijñātas teṣūpāyanapāṇiṣu / rājñā himavataḥ sāro rājñaḥ sāro himādriṇā // 4.79	anuṣṭubh (1,2: pathyā, 3,4: pathyā)
tatrākṣobhyaṃ yaśorāśiṃ niveśyāvarurobha saḥ / paulastyatulitasyādrer ādadhāna iva hriyam // 4.80	anuṣṭubh (1,2: pathyā, 3,4: pathyā)
cakampe tīrṇalauhitye tasmin prāgjyotiṣeśvaraḥ / tadgālānatāṃ prāptaiḥ saha kālāgurudruamaiḥ // 4.81	anuṣṭubh (1,2: pathyā, 3,4: asamīcīna)
na prasehe sa ruddhārkam adhārāvarṣadurdinam / rathavartma rajo 'py asya kuta eva patākinīm // 4.82	anuṣṭubh (1,2: pathyā, 3,4: pathyā)
tam īśaḥ kāmarūpāṇām atyākhaṇḍalavikramam / bheje bhinnakaṭair nāgair anyān uparurodha yaiḥ // 4.83	anuṣṭubh (1,2: pathyā, 3,4: pathyā)
kāmarūpeśvaras tasya hemapīṭhādhidevatām / ratnapuṣpopahāreṇa cchāyām ānarca pādayoḥ // 4.84	anuṣṭubh (1,2: pathyā, 3,4: pathyā)
iti jitvā diṣo jiṣṇur nyavartata rathoddhatam / rajo viśrāmayan rājñāṃ chattraśūnyeṣu mauliṣu // 4.85	anuṣṭubh (1,2: pathyā, 3,4: pathyā)
sa viśvajitam ājahre yajñaṃ sarvasvadakṣiṇam / ādānaṃ hi visargāya sataṃ vārimucām iva // 4.86	anuṣṭubh (1,2: pathyā, 3,4: pathyā)
sattrānte sacivasakhaḥ puraskriyābhir gurvībhiḥ śamitaparājayavyalīkān / kākutsthaś ciravirahotsukāvarodhān rājanyān svapuranivṛttaye 'numene // 4.87	praharṣiṇī [13: mnjrg]
yajñānte tam avabhṛthābiṣekapūtaṃ satkāraiḥ śamitaparājayavyalīkān / āmantryotsukavanitātpatadvisṛṣṭāḥ svāni svāny avanibhujaḥ purāṇi jagmuḥ // 4.87.2	praharṣiṇī [13: mnjrg]
te rekādhvajakuliśātapatraicihnaṃ samrājaś caraṇayugaṃ prasādalabhyam / prasthānapraṇatibhir aṅgulīṣu cakrur maulisrakcyutamakarandareṇugauram // 4.88	praharṣiṇī [13: mnjrg] (? 3 eva pādāḥ yuktāḥ)
tam adhvare viśvajiti kṣitīśaṃ niḥśeṣaviśrāṇitakośajātam / upāttavidyo gurudakṣinārthī kautsaḥ prapede varatantuśiṣyaḥ // 5.1	upajāti : upendravajrā [11: jtjgg], indravajrā [11: ttjgg]
sa mṛnmaye vītahiraṇmayatvāt pātre nidhāyārgahyam anarghyaśīlaḥ / śrutaprakāśaṃ yaśasā prakāśaḥ pratyujjagāmātithim ātitheyaḥ // 5.2	upendravajrā [11: jtjgg] (? 2 eva pādāḥ yuktāḥ)
tam arcayitvā vidhivad vidhijñas tapodhanaṃ mānadhanāgrayāyī / viśāṃpatir viṣṭarabhājam ārāt kṛtāñjaliḥ kṛtyavid ita uvāca // 5.3	upendravajrā [11: jtjgg] (? 3 eva pādāḥ yuktāḥ)
apy agraṇīr mantrakṛtām ṛṣīṇāṃ kuśāgrabuddhe kuśalī gurus te / yatas tvayā jñānam aśeṣam āptam lokena caitanyam ivoṣṇaraśmeḥ // 5.4	upajāti : upendravajrā [11: jtjgg], indravajrā [11: ttjgg]
kāyena vācā manasāpi śaśvad yat saṃbhṛtaṃ vāsavadhairyalopi / āpādyate na vyayam antarāyaiḥ kaccin maharṣes trividhaṃ tapas tat // 5.5	indravajrā [11: ttjgg]
ādhārabandhapramukhaiḥ prayatnaiḥ saṃvardhitānāṃ sutanirviśeṣam / kaccin na vāyvādir upaplavo vaḥ śramacchidaṃ āśramapādapānām // 5.6	upajāti : upendravajrā [11: jtjgg], indravajrā [11: ttjgg]
kriyānimitteṣv api vatsalatvād abhagnakāmā munibhiḥ kuśeṣu / tadaṅkaśayyācyutanābhinālā kaccin mṛgīṇām anaghā prasūtiḥ // 5.7	upajāti : upendravajrā [11: jtjgg], indravajrā [11: ttjgg]
nirvartyate yair niyamābhiṣeko yebhyo nivāpāñjalayaḥ pitḥṇām / tāny uñchaṣaṣṭhāṅkitasaikatāni śivāni vas tīrthajalāni kaccit // 5.8	upajāti : upendravajrā [11: jtjgg], indravajrā [11: ttjgg]
nīvārapākādi kaḍamgarīyair āmṛśyate jānapadair na kaccit / kālopapannātithikalpabhāgaṃ vanyaṃ śarīrasthitisādhanaṃ vaḥ // 5.9	indravajrā [11: ttjgg]
api prasannena maharṣiṇā tvaṃ samyag vinīyānumato gṛhāya / kālo hy ayaṃ saṃkramituṃ dvitīyaṃ sarvopakārakṣamam āśramaṃ te // 5.10	upajāti : upendravajrā [11: jtjgg], indravajrā [11: ttjgg]
tavārhato nābhigamena tṛptaṃ mano niyogakriyayotsukaṃ me / apy ājñayā śāsitur ātmanā vā prāpto 'si saṃbhāvayituṃ vanān mām // 5.11	upajāti : upendravajrā [11: jtjgg], indravajrā [11: ttjgg]
ity arghyapātrānumitavyayasya raghor udārām api gāṃ niśamya / svārthopapattiṃ prati durbalāśas tam ity avocad varatantuśiṣyaḥ // 5.12	upajāti : upendravajrā [11: jtjgg], indravajrā [11: ttjgg]
sarvatra no vārttam avehi rājan nāthe kutas tvavy aśubhaṃ prajānām / sūrye tapaty āvaraṇāya dṛṣṭeḥ kalpeta lokasya kathaṃ tamisrā // 5.13	indravajrā [11: ttjgg]
bhaktiḥ pratīkṣyeṣu kulocitā te pūrvān mahābhāga tayā 'tiśeṣe / vyatītakālas tv aham abhyupetas tvām arthibhāvād iti me viṣādaḥ // 5.14	upajāti : upendravajrā [11: jtjgg], indravajrā [11: ttjgg]
śarīramātreṇa narendra tiṣṭhann ābhāsi tīrthapratipāditarddhiḥ / āraṇyakopāttaphalaprasūtiḥ stambena nīvāra ivāvaśiṣṭaḥ // 5.15	upajāti : upendravajrā [11: jtjgg], indravajrā [11: ttjgg]
sthāne bhavān ekanarādhipaḥ sann akiṃcanatvaṃ makhajaṃ vyanakti / paryāyapītasya surair himāṃśoḥ kalākṣayaḥ ślāghyataro hi vṛddheḥ // 5.16	upajāti : upendravajrā [11: jtjgg], indravajrā [11: ttjgg]
tadanyatas tāvad ananyakāryo gurvartham āhartum ahaṃ yatiṣye / svasty astu te nirgalitāmbugarbhaṃ śaradghanaṃ nārdati cātako 'pi // 5.17	upajāti : upendravajrā [11: jtjgg], indravajrā [11: ttjgg]
etāvad uktvā pratiyātukāmaṃ śiṣyaṃ maharṣer nṛpatir niṣidhya / kiṃ vastu vidvan gurave pradeyaṃ tvayā kiyad veti tam anvayuṅkta // 5.18	upajāti : upendravajrā [11: jtjgg], indravajrā [11: ttjgg]
tato yathāvadvihitādhvarāya tasmai smayāveśavivarjitāya / varṇāśramāṇāṃ gurave sa varṇī vicakṣaṇaḥ prastutam ācacakṣe // 5.19	upajāti : upendravajrā [11: jtjgg], indravajrā [11: ttjgg]
samāptavidyena mayā maharṣir vijñāpito 'bhūd gurudakṣiṇāyai / sa me cirāyāskhalitopacārāṃ tāṃ bhaktim evāgaṇayat purastāt // 5.20	upajāti : upendravajrā [11: jtjgg], indravajrā [11: ttjgg]
nirbandhasaṃjātaruṣārthakārśyam acintayitvā guruṇāham uktaḥ / vittasya vidyāparisaṃkhyayā me koṭīṣ catasro daśa cāhareti // 5.21	upajāti : upendravajrā [11: jtjgg], indravajrā [11: ttjgg]
so 'haṃ saparyāvidhibhājanena matvā bahvantaṃ prabhuśabdaśeṣam / abhyutsahe saṃprati noparoddhum alpetaratvāc chrutaniṣkrayasya // 5.22	upajāti triṣṭubh: ajñātam [11: mtjgg], indravajrā [11: ttjgg]
itthaṃ dvijena dvijarākāntir āvedito vedavidāṃ vareṇa / enonivṛttendriyavṛttir enaṃ jagāda bhūyo jagadekanāthaḥ // 5.23	indravajrā [11: ttjgg] (? 2 eva pādāḥ yuktāḥ)
gurvartham arthī śrutapāradṛśvā raghoḥ sakāśād anavāpya kāmam / gato vadāyāntaram ity ayaṃ me mā bhūt parīvādanavāvatāraḥ // 5.24	upajāti : upendravajrā [11: jtjgg], indravajrā [11: ttjgg]
sa tvaṃ praśaste mahite madīye vasaṃś caturtho 'gnir ivāgnyagāre / dvitrāṇy ahāny arhasi soḍhum arhan yāvad yate sādhayituṃ tvadartham // 5.25	upajāti : upendravajrā [11: jtjgg], indravajrā [11: ttjgg]
tatheti tasy'; āvitathaṃ pratītaḥ pratyagrahīt saṃgaram agrajanmā / gām āttasārāṃ raghur apy avekṣya niṣkaṣṭum arthaṃ cakame kuberāt // 5.26	upajāti : upendravajrā [11: jtjgg], indravajrā [11: ttjgg]
vasiṣṭhamantrokṣaṇajāt prabhāvād udanvadākāśamahīdhareṣu / marutsakhasyeva balāhakasya gatir vijaghne na hi tadrathasya // 5.27	upendravajrā [11: jtjgg]
athādhiśiśye prayathaḥ pradoṣe rathaṃ raghuḥ kalpitaśastragarbham / sāmantasaṃbhāvanayaiva dhīraḥ kailāsanāthaṃ tarasā jigīṣuḥ // 5.28	upajāti : upendravajrā [11: jtjgg], indravajrā [11: ttjgg]
prātaḥ prayāṇābhimukhāya tasmai savismayāḥ kośagṛhe niyuktāḥ / hiraṇmayīṃ kośagṛhasya madhye vṛṣṭiṃ śaśaṃsuḥ patitāṃ nabhastaḥ // 5.29	upajāti : upendravajrā [11: jtjgg], indravajrā [11: ttjgg]
taṃ bhūpatir bhāsurahemarāśiṃ labdhaṃ kuberād abhiyāsyamānāt / dideśa kautasya samastam eva pādaṃ sumeror iva vajrabhinnam // 5.30	upajāti : upendravajrā [11: jtjgg], indravajrā [11: ttjgg]
janasya sāketanivāsinas tau dvāv apy abhūtām abhinandyasattvau / gurupradeyādhikanīḥspṛho 'rthī nṛpo 'rthikāmād adhikapradaś ca // 5.31	upajāti : upendravajrā [11: jtjgg], indravajrā [11: ttjgg]
athoṣṭravāmīśatavāhitārthaṃ prajeṣvaraṃ prītamanā maharṣiḥ / spṛṣan kareṇānatapūrvakāyaṃ saṃprasthito vācam uvāca kautsaḥ // 5.32	upajāti : upendravajrā [11: jtjgg], indravajrā [11: ttjgg]
kim atra citraṃ yadi kāmasūr bhūr vṛtte sthitasyādhipateḥ prajānām / acintanīyas tu tava prabhāvo manīṣitaṃ dyaur api yena dugdhā // 5.33	upajāti : upendravajrā [11: jtjgg], indravajrā [11: ttjgg]
āśāsyam anyat punaruktabhūtaṃ śreyāṃsi sarvāṇy adhijagmuṣas te / putraṃ labhasvātmaguṇānurūpaṃ bhavantam īḍaṃ bhavataḥ piteva // 5.34	upajāti : upendravajrā [11: jtjgg], indravajrā [11: ttjgg]
itthaṃ prayujyāśiṣam agrajanmā rājñe pratīyāya guroḥ sakāśam / rājāpi lebhe sutam āśu tasmād ālokam arkād iva jīvalokaḥ // 5.35	indravajrā [11: ttjgg]
brāhme muhūrte kila tasya devī kumārakalpaṃ suṣuve kumāram / ataḥ pitā brahmaṇa eva nāmnā tam ātmajanmānam ajaṃ cakāra // 5.36	upajāti : upendravajrā [11: jtjgg], indravajrā [11: ttjgg]
rūpaṃ tad ojasvi tad eva vīryaṃ tadaiva naisargikam unnatatvam / na kāraṇāt svād bibhide kumāraḥ pravartito dīpa iva pradīpāt // 5.37	upajāti : upendravajrā [11: jtjgg], indravajrā [11: ttjgg]
upāttavidyaṃ vidhivad gurubhyas taṃ yauvanodbhedaviśeṣakāntam / śrīr gantukāmāpi guror anujñāṃ dhīreva kanyā pitur ācakāṅkṣa // 5.38	upajāti : upendravajrā [11: jtjgg], indravajrā [11: ttjgg]
atheśvareṇa krathakaiśikānāṃ svayaṃvarārthaṃ svasur indumatyāḥ / āptaḥ kumārānayanotsukena bhojena dūto raghave visṛṣṭaḥ // 5.39	upajāti : upendravajrā [11: jtjgg], indravajrā [11: ttjgg]
taṃ ślāghyasaṃbandham asau vicintya dārakriyāyogyadaśaṃ ca putram / prasthāpayām āsa sasainyam enam ṛddhāṃ vidarbhādhiparājadhānīm // 5.40	indravajrā [11: ttjgg]
tasyopakāryāracitopakārā vanyetarā jānapadopadābhiḥ / mārge nivāsā manujendrasūnor babhūvur udyānavihārakalpāḥ // 5.41	upajāti : upendravajrā [11: jtjgg], indravajrā [11: ttjgg]
sa narmadārodhasi śīkarārdrair marudbhir ānartitanaktamāle / niveśayām āsa vilaṅghitādhvā klāntaṃ rajodhūsaraketu sainyam // 5.42	upajāti : upendravajrā [11: jtjgg], indravajrā [11: ttjgg]
athopariṣṭād bhramarair bhramadbhiḥ prāk sūcitāntaḥsalilapraveśaḥ / nirdhauta dānāmalagaṇḍabhittir yanyaḥ saritto gaja unmamajja // 5.43	upajāti : upendravajrā [11: jtjgg], indravajrā [11: ttjgg]
niḥśeṣavikṣālitadhātunāpi vaprakriyām ṛkṣavatas taṭeṣu / nīlordhvarekhāśabalena śaṃsan dantadvayenāśmavikuṇṭhitena // 5.44	indravajrā [11: ttjgg]
saṃhāravikṣepalaghukriyeṇa hastena tīrābhimukhaḥ saśabdam / babhau sa bhindan bṛhatas taraṅgān vāryargalābhaṅga iva pravṛttaḥ // 5.45	upajāti : upendravajrā [11: jtjgg], indravajrā [11: ttjgg]
sa bhogibhogādhikapīvareṇa hastena tīrābhimukhaḥ saśabdam / saṃvardhitārtdhaprahitena dīrghān cikṣepa vārīparighān ivormīn // 5.45.2	upajāti : upendravajrā [11: jtjgg], indravajrā [11: ttjgg]
śailopamaḥ śaivalamañjarīṇāṃ jālāni karṣann urasā sa paścāt / pūrvaṃ tadutpīḍitavārirāśiḥ saritpravāhas taṭam utsasarpa // 5.46	upajāti : upendravajrā [11: jtjgg], indravajrā [11: ttjgg]
kāraṇḍavotsṛṣṭamṛdupratnānāḥ pulindayoṣāmbuvihārakāñcīḥ / karṣan sa śaivālalatā nadīṣaḥ skandhāvalagnās taṭam utsasarpa // 5.46.2	upajāti triṣṭubh: ajñātam [11: ttygg], upendravajrā [11: jtjgg], indravajrā [11: ttjgg]
tasyaikanāgasya kapolabhittyor jalāvagāhakṣaṇamātraśāntā / vanyetarānekapadarśanena punar didīpe madadurdinaśrīḥ // 5.47	upajāti : upendravajrā [11: jtjgg], indravajrā [11: ttjgg]
saptacchadakṣīrakaṭupravāham asahyam āghrāya madaṃ tadīyam / vilaṅghitādhoraṇatīvrayatnāḥ senāgajendrā vimukhā babhūvuḥ // 5.48	upajāti : upendravajrā [11: jtjgg], indravajrā [11: ttjgg]
sa cchinnabandhadrutayugyaśūnyaṃ bhagnākṣaparyastarathaṃ kṣaṇena / rāmāparitāṇavihastayodhaṃ senāniveśaṃ tumulaṃ cakāra // 5.49	upajāti triṣṭubh: ajñātam [11: tjjgg], indravajrā [11: ttjgg]
tam āpatantaṃ nṛpater avadhyo vanyaḥ karīti śrutavān kumāraḥ / nivartayiṣyan viśikhena kumbhe jaghāna nātyāyatakṛṣṭaśārṅgaḥ // 5.50	upajāti : upendravajrā [11: jtjgg], indravajrā [11: ttjgg]
sa viddhamātraḥ kila nāgarūpam utsṛjya tadvismitasainyadṛṣṭaḥ / sphuratprabhāmaṇḍalamadhyavarti kāntaṃ vapur vyomacaraṃ prapede // 5.51	upajāti : upendravajrā [11: jtjgg], indravajrā [11: ttjgg]
atha prabhāvopanataiḥ kumāraṃ kalpadrumotthair avakīrya puṣpaiḥ / uvāca vāgmī daśanaprabhābhiḥ saṃvardhitoraḥsthalatārahāraḥ // 5.52	upajāti : upendravajrā [11: jtjgg], indravajrā [11: ttjgg]
mataṅgaśāpād avalepamūlād avāptavān asmi mataṅgajatvam / avehi gandharvapates tanūjaṃ priyaṃvadaṃ māṃ priyadarśanasya // 5.53	upendravajrā [11: jtjgg]
sa cānunītaḥ praṇatena paścān mayā maharṣir mṛdutām agacchat / uṣṇatvam agnyātapasaṃprayogāc chaityaṃ hi yat sā prakṛtir jalasya // 5.54	upajāti : upendravajrā [11: jtjgg], indravajrā [11: ttjgg]
ikṣvākuvaṃśaprabhavo yadā te bhetsyaty ajaḥ kumbham ayomukhena / saṃyokṣyase svena vapurmahimnā tadety avocat sa taponidhir mām // 5.55	upajāti : upendravajrā [11: jtjgg], indravajrā [11: ttjgg]
saṃmocitaḥ sattvavatā tvayāhaṃ śāpāc ciraprārthitadarśanena / pratipriyaṃ ced bhavato na kuryāṃ vṛthā hi me syāt svapadopalabdhiḥ // 5.56	upajāti : upendravajrā [11: jtjgg], indravajrā [11: ttjgg]
saṃmohanaṃ nāma sakhe mamāstraṃ prayogasaṃhāravibhaktamantram / gāndharvam ādhatsva yataḥ prayoktur na cārihiṃsā vijayaś ca haste // 5.57	upajāti : upendravajrā [11: jtjgg], indravajrā [11: ttjgg]
alaṃ hriyā māṃ prati yan muhūrtaṃ dayāparo 'bhuḥ praharann api tvam / tasmād upacchandayati prayojaṃ mayi tvayā na pratiśedharaukṣyam // 5.58	upajāti : upendravajrā [11: jtjgg], indravajrā [11: ttjgg]
tathety upaspṛśya payaḥ pavitraṃ somodhbavāyāḥ sarito nṛsomaḥ / udaṅmukhaḥ so 'stravid astramantraṃ jagrāha tasmān nigṛhītaśāpāt // 5.59	upajāti : upendravajrā [11: jtjgg], indravajrā [11: ttjgg]
evaṃ tayor adhvani daivayogād āseduṣoḥ sakhyam acintyahetu / eko yayau caitrarathapadeśān saurājyaramyān aparo vidarbhān // 5.60	upajāti triṣṭubh: ajñātam [11: ttngg], indravajrā [11: ttjgg]
taṃ tasthivāṃsaṃ nagaropakaṇṭhe tadāgamārūḍhagurupraharṣaḥ / pratyujjagāma krathakaiśikendraś candraṃ pravṛddhormir ivormimālī // 5.61	upajāti : upendravajrā [11: jtjgg], indravajrā [11: ttjgg]
praveśya cainaṃ puram agrayāyī nīcais tathopācarad arpitaśrīḥ / mene yathā tatra janaḥ sameto vaidarbham āgantum ajaṃ gṛheśam // 5.62	upajāti : upendravajrā [11: jtjgg], indravajrā [11: ttjgg]
tasy'; ādhikārapuruṣaiḥ praṇataiḥ pradiṣṭāṃ prāgdvāravediviniveśitapūrṇa kumbhām / mene yathā tatra janaḥ sameto bālyāt parām iva daśāṃ madano 'dhyuvāsa // 5.63	vasantatilakā [14: tBjjgg] (? 2 eva pādāḥ yuktāḥ)
tatra svayaṃvarasamāhṛtarājalokaṃ kanyālalāma kamanīyam ajasya lipsoḥ / bhāvāvabodhakaluṣā dayiteva rātrau nidrā cireṇa nayanābhimukhī babhūva // 5.64	vasantatilakā [14: tBjjgg]
taṃ karṇabhūṣaṇanipīḍitapīvarāṃsaṃ śayyottaracchadavimardakṛśāṅgarāgam / sūtātmajāḥ savayasaḥ prathitaprabodhaṃ) prābodhayann uṣasi vāgbhir udāravācaḥ // 5.65	vasantatilakā [14: tBjjgg]
rātrir gatā matimatāṃ vara muñca śayyāṃ dhātrā dvidhaiva nanu dhūr jagato vibhaktā / tām ekatas tava bibharti gurur vinidras tasyā bhavān aparadhuryapadāvalambī // 5.66	vasantatilakā [14: tBjjgg]
nidrāvaśena bhavatāpy anapekṣamāṇā paryutsukatvam abalā niśi khaṇḍiteva / lakṣmīr vinodayati yena digantalambī so 'pi tvadānanaruciṃ vijahāti candraḥ // 5.67	vasantatilakā [14: tBjjgg]
tad valgunā yugapadunmiṣitena tāvat sadyaḥ paraparatulām adhirohatāṃ dve / praspandamānaparuṣetaratāram antaś cakṣus tava pracalitabhramaraṃ ca padmam // 5.68	vasantatilakā [14: tBjjgg] (? 3 eva pādāḥ yuktāḥ)
vṛntāc chlathaṃ harati puṣpam anokahānāṃ saṃsṛjyate sarasijair aruṇāmśubhinnaiḥ / svābhāvikaṃ paraguṇena vibhātavāyuḥ saurabhyam īpsur iva te mukhamārutasya // 5.69	vasantatilakā [14: tBjjgg]
tāmrodareṣu paitaṃ tarupallaveṣu nirdhauta hāragulikāviśadaṃ himāmbhaḥ / ābhāti labdhaparabhāgatayādharoṣṭhe līlāsmitaṃ sadaśanārcir iva tvadīyam // 5.70	vasantatilakā [14: tBjjgg] (? 3 eva pādāḥ yuktāḥ)
yāvat pratāpanidhir ākramate na bhānur ahnāya tāvad aruṇena tamo nirastam / āyodhanāgrasaratāṃ tvayi vīra yāte kiṃ vā ripūṃs tava guruḥ svayam ucchinatti // 5.71	vasantatilakā [14: tBjjgg]
śayyāṃ jahaty ubhayapakṣavinītanidrāḥ stamberamā mukharaśṛṅkhalakarṣiṇas te / yeṣāṃ vibhānti taruṇāruṇarāgayogād bhinnādrigairikataṭā iva dantakoṣāḥ // 5.72	vasantatilakā [14: tBjjgg]
dīrgheṣv amī niyamitāḥ paṭamaṇḍapeṣu nidrāṃ vihāya vanajākṣa vanāyudeśyāḥ / vaktroṣmaṇā malinayanti purogatāni lehyāni saindhavaśilāśakalāni vāhāḥ // 5.73	vasantatilakā [14: tBjjgg]
bhavati viralabhaktir mlānapuṣpopahāraḥ svakiraṇpariveṣodhbedaśūnyāḥ pradīpāḥ / ayam api ca giraṃ nas tvatprabodhaprayuktām anuvadati śukas te mañjuvāk pañjarasthaḥ // 5.74	mālinī [15: nnmyy] (? 3 eva pādāḥ yuktāḥ)
iti viracitavāgbhir bandiputraiḥ kumāraḥ sapadi vigatanidras talpam ujjhāṃ cakāra / madapaṭu ninadadbhir bodhito rājahaṃsaiḥ suragaja iva gāṅgaṃ saikataṃ supratīkaḥ // 5.75	mālinī [15: nnmyy]
atha vidhim avasāyya śāstradṛṣṭaṃ divasamukhocitam añcitākṣipakṣmā / kuśalaviracitānukūlaveṣaḥ kṣitipasamājam agāt svayaṃvarastham // 5.76	puṣpitāgrā = [12: nnry] 1,3 + [12: njjrg] 2,4
sa tatra mañceṣu manojñaveṣān siṃhāsanasthān upacāravastu / vaimānikānāṃ marutām apaśyad ākṛṣṭalīlān naralokapālān // 6.1	upajāti : upendravajrā [11: jtjgg], indravajrā [11: ttjgg]
rater gṛhītānunayena kāmaṃ pratyarpitasvāṅgam iveśvareṇa / kākutstham ālokayatāṃ nṛpāṇāṃ mano babhūvendumatīnirāśam // 6.2	upajāti : upendravajrā [11: jtjgg], indravajrā [11: ttjgg]
vaidarbhanirdiṣṭam asau kumāraḥ kḷptena sopānapathena mañcam / śilāvibhaṅgair mṛgarājaśāvas tuṅgaṃ nagotsaṅgam ivāruroha // 6.3	upajāti : upendravajrā [11: jtjgg], indravajrā [11: ttjgg]
parārdhyavarṇāstaraṇopapannam āsedivān ratnavad (?) āsanaṃ saḥ / bhūyiṣṭham āsīd upameyakāntir mayūrapṛṣṭhāśrayiṇā guhena // 6.4	upajāti : upendravajrā [11: jtjgg], indravajrā [11: ttjgg]
tāsu śriyā rājaparaṃparāsu prabhāviśeṣodayadurnirīkṣyaḥ / sahasradhātmā vyarucad vibhaktaḥ payomucāṃ paṅktiṣu vidyuteva // 6.5	upajāti : upendravajrā [11: jtjgg], indravajrā [11: ttjgg]
teṣāṃ mahārhāsanasaṃsthitānām udāranepathyabhṛtāṃ sa madhye / rarāja dhāmnā raghusūnur eva kalpadrumāṇām iva pārijātaḥ // 6.6	upajāti : upendravajrā [11: jtjgg], indravajrā [11: ttjgg]
netravrajāḥ paurajanasya tasmin vihāya sarvān nṛpatīn nipetuḥ / madotkaṭe recitapuṣpavṛkṣā gandhadvipe vanya iva dvirephāḥ // 6.7	upajāti : upendravajrā [11: jtjgg], indravajrā [11: ttjgg]
atha stute bandibhir anvayajñaiḥ somārkavaṃśye naradevaloke / saṃcārite c'; āgārusārayonau dhūpe samutsarpati vaijayantīḥ // 6.8	upajāti triṣṭubh: ajñātam [11: tmjgg], upendravajrā [11: jtjgg], indravajrā [11: ttjgg]
puropakaṇṭhopavanāśrayāṇāṃ kalāpinām uddhatanṛtyahetau / pradhmātaśaṅkhe parito digantāṃs tūryasvane mūrchati maṅgalārthe // 6.9	upajāti : upendravajrā [11: jtjgg], indravajrā [11: ttjgg]
manuṣyavāhyaṃ caturaśrayānam adhyāsya kanyā parivāraśobhi / viveśa mañcāntararājamārgaṃ patiṃvarā kḷptavivāhaveṣā // 6.10	upajāti : upendravajrā [11: jtjgg], indravajrā [11: ttjgg]
tasmin vidhānātiśaye vidhātuḥ kanyāmaye netraśataikalakṣye / nipetur antaḥkaraṇair narendrā dehaiḥ sthitāḥ kevalam āsaneṣu // 6.11	upajāti : upendravajrā [11: jtjgg], indravajrā [11: ttjgg]
tāṃ praty abhivyaktamanorathānāṃ mahīpatīnāṃ praṇayāgradūtyaḥ / pravālośobhā iva pādapānāṃ śṛṅgāraceṣṭa vividhā babhūvuḥ // 6.12	upajāti triṣṭubh: ajñātam [11: ytjgg], ajñātam [11: tBjgg], upendravajrā [11: jtjgg], indravajrā [11: ttjgg]
kaścit karābhyām upagūḍhanālam ālolapattrābhihatadvirepham / rajobhir antaḥ pariveṣabandhi līlāravindaṃ bhramayāṃ cakāra // 6.13	upajāti : upendravajrā [11: jtjgg], indravajrā [11: ttjgg]
visrastam aṃsād aparo vilāsī ratnānuviddhāṅgadakoṭilagnam / prālambam utkṛṣya yathāvakaśaṃ nināya sācīkṛtacāruvaktraḥ // 6.14	upajāti triṣṭubh: ajñātam [11: ttjlg], upendravajrā [11: jtjgg], indravajrā [11: ttjgg]
ākuñcitāgrāṅgulinā tato 'nyaḥ kiṃcitsamāvarjitanetraśobhaḥ / tiryagvisaṃsarpinakhaprabheṇa pādena haimaṃ vililekha pīṭham // 6.15	indravajrā [11: ttjgg]
niveśya vāmaṃ bhujam āsanārdhe tatasaṃniveśād adhikonnatāṃsaḥ / kaścid vivṛttatrikabhinnahāraḥ suhṛtsamābhāṣaṇatatparo 'bhūt // 6.16	upendravajrā [11: jtjgg] (? 2 eva pādāḥ yuktāḥ)
vilāsinīvibhramadantapattram āpāṇḍu raṃ ketakabarham anyaḥ / priyāitambocitasaṃniveśair vipāṭayām āsa yuvā nakhāgraiḥ // 6.17	upajāti : upendravajrā [11: jtjgg], indravajrā [11: ttjgg]
kuśeśayātāmratalena kaścit kareṇa rekhādhvajalāñchanena / ratnāṅgulīyaprabhayānuviddhān udīrayām āsa salīlam akṣān // 6.18	upajāti : upendravajrā [11: jtjgg], indravajrā [11: ttjgg]
kaścid yathābhāgam avasthite 'pi svasaṃniveśād vyatilaṅghinīva / vajrāṃśugarbhāṅgulirandhram ekaṃ vyāpārayām āsa karaṃ kirīṭe // 6.19	upajāti : upendravajrā [11: jtjgg], indravajrā [11: ttjgg]
tato nṛpāṇāṃ śrutavṛttavaṃśā puṃvat pragalbhā pratihārarakṣī / prāk saṃnikarṣaṃ magadheśvarasya nītvā kumārīm avadat sunandā // 6.20	upajāti : upendravajrā [11: jtjgg], indravajrā [11: ttjgg]
asau śaraṇyaḥ śaraṇonmukhānām agādhasattvo magadhapratiṣṭhaḥ / rājā prajārañjanalabdhavarṇaḥ paraṃtapo nāma yathārthanāmā // 6.21	upajāti : upendravajrā [11: jtjgg], indravajrā [11: ttjgg]
kāmaṃ ṇrpāḥ santu saharaśo 'nye rājanvatīm āhur anena bhūmim / nakṣatratārāgrahasaṃkulāpi jyotiṣmatī candramasaiva rātriḥ // 6.22	indravajrā [11: ttjgg] (? 3 eva pādāḥ yuktāḥ)
kriyāprabandhād ayam adhvarāṇām ajasram āhūtasahasranetraḥ / śacyāś ciraṃ pāṇdukapolalambān mandāraśūnyān alakāṃś cakāra // 6.23	upajāti : upendravajrā [11: jtjgg], indravajrā [11: ttjgg]
anena ced icchasi gṛhyamāṇaṃ pāṇiṃ vareṇyena kuru praveśe / prāsādavātāyanasaṃśritānāṃ netrotsatvaṃ puṣpapurāṅganānām // 6.24	upajāti triṣṭubh: ajñātam [11: mtjgg], upendravajrā [11: jtjgg], indravajrā [11: ttjgg]
evaṃ tayokte tam avekṣya kiṃcid (?) visraṃsidūrvāṅkamadhūkamālā / ṛjupraṇāmakriyayaiva tanvī pratyādideśainam abhāṣamāṇā // 6.25	upajāti : upendravajrā [11: jtjgg], indravajrā [11: ttjgg]
tāṃ saiva vetragrahaṇe niyuktā rājāntaraṃ rājasutāṃ nināya / samīraṇottheva taraṅgalekhā padmāntaraṃ mānasarājahaṃsīm // 6.26	upajāti : upendravajrā [11: jtjgg], indravajrā [11: ttjgg]
jagāda cainām ayam aṅganāthaḥ surāṅganāprārthitayauvanaśrīḥ / vinītanāgaḥ kila sūtrakārair aindraṃ padaṃ bhūmigato 'pi bhuṅkte // 6.27	upajāti : upendravajrā [11: jtjgg], indravajrā [11: ttjgg]
anena paryāsayatāsrabindūn muktāphalsthūlatamān staneṣu / pratyarpitāḥ śatruvilāsinīnām unmucya sūtreṇa vinaiva hārāḥ // 6.28	indravajrā [11: ttjgg] (? 2 eva pādāḥ yuktāḥ)
nisargabhinnāspadam ekasaṃstham asmin dvayaṃ śrīś ca sarasvatī ca / kāntyā girā sūnṛtayā ca yogyā tvam eva kalyāṇi tayos tṛtīyā // 6.29	upajāti : upendravajrā [11: jtjgg], indravajrā [11: ttjgg]
athāṅgarājād avatārya cakṣur yāh janyām avadat kumārī / nāsau na kāmyo na ca veda samyag draṣṭuṃ na sā bhinnarucir hi lokaḥ // 6.30	indravajrā [11: ttjgg] (? 2 eva pādāḥ yuktāḥ)
tataḥ paraṃ duṣprasahaṃ dviṣadbhir nṛpaṃ niyuktā pratihārabhūmau / nidarśayām āsa viśeṣadṛśyam induṃ navotthānam ivendumatyai // 6.31	upajāti : upendravajrā [11: jtjgg], indravajrā [11: ttjgg]
avantinātho 'yam udagrabāhur viśālavakṣās tanuvṛttamadhyaḥ / āropya cakrabhrahmam uṣṇatejās tvaṣṭreva yatnollikhito vibhāti // 6.32	upajāti triṣṭubh: ajñātam [11: tmjgg], upendravajrā [11: jtjgg], indravajrā [11: ttjgg]
asya prayāṇeṣu samagraśakter agresarair vājibhir utthitāni / kurvanti sāmantaśikhāmaṇīnāṃ prabhāprarohāstamayaṃ rajāṃsi // 6.33	upajāti : upendravajrā [11: jtjgg], indravajrā [11: ttjgg]
asau mahākālaniketanasya vasann adūre kila candramauleḥ / tamisrapakṣe 'pi saha priyābhir jyotsnāvato nirviśati pradoṣān // 6.34	upajāti : upendravajrā [11: jtjgg], indravajrā [11: ttjgg]
anena yūnā saha pārthivena rambhoru kaccin manaso rucis te / siprātaraṅgānilakampitāsu vihartum udyānaparaṃparāsu // 6.35	upajāti : upendravajrā [11: jtjgg], indravajrā [11: ttjgg]
tasminn abhidyotitabandhupadme pratāpasaṃśoṣitaśatrupaṅke / babandha sā nottamasaukumāryā kumudvatī bhānumatīva bhāvam // 6.36	upajāti : upendravajrā [11: jtjgg], indravajrā [11: ttjgg]
tām agratas tāmarasāntarābhām anūparājasya guṇair anūnām / vidhāya sṛṣṭiṃ lalitām vidhātur jagāda bhūyaḥ sudatīṃ sunandā // 6.37	upajāti : upendravajrā [11: jtjgg], indravajrā [11: ttjgg]
saṃgrāmanirviṣṭasahasrabāhur aṣṭadāsadvīpanikhātayūpaḥ / ananyasādhāraṇarājaśabdo babhūva yogī kila kārtavīryaḥ // 6.38	upajāti triṣṭubh: ajñātam [11: rtjgg], upendravajrā [11: jtjgg], indravajrā [11: ttjgg]
akāryacintāsamakālam eva prādurbhavaṃś cāpadharaḥ purastāt / antaḥśarīreṣv api yaḥ prajānāṃ pratyādideśāvinayaṃ vinetā // 6.39	upajāti : upendravajrā [11: jtjgg], indravajrā [11: ttjgg]
jyābandhaniṣpandabhujena yasya viniśvasadvaktraparaṃpareṇa / kārāgṛhe nirjitavāsavena laṅkeśvareṇoṣitam ā prasādāt // 6.40	upajāti : upendravajrā [11: jtjgg], indravajrā [11: ttjgg]
tasyānvaye bhūpatir eṣa jātaḥ pratīpa ity āgamavṛddhasevī / yena śriyaḥ saṃśrayadoṣarūḍhaṃ svabhāvalolety ayaśaḥ pramṛśṭam // 6.41	upajāti : upendravajrā [11: jtjgg], indravajrā [11: ttjgg]
āyodhane kṛṣṇagatiṃ sahāyam avāpya yaḥ kṣatriyakālarātrim / dhārāṃ śitāṃ rāmaparaśvadhasya saṃbhāvayaty utpalapattrasārām // 6.42	upajāti : upendravajrā [11: jtjgg], indravajrā [11: ttjgg]
asyāṅkalakṣmīr bhava dīrghabāhor māhiṣmatīvapranitambakāñcīm / prāsādajālair jalveṇiramyāṃ revāṃ yadi prekṣitum asti kāmaḥ // 6.43	indravajrā [11: ttjgg] (? 3 eva pādāḥ yuktāḥ)
tasyāḥ prakāmaṃ priyadarśano 'pi na sa kṣitīśo rucaye babhūva / śaratpramṛṣṭāmbudharoparodhaḥ śaśīva paryāptakalo nalinyāḥ // 6.44	upajāti : upendravajrā [11: jtjgg], indravajrā [11: ttjgg]
sā śūrasendādhipatiṃ suṣeṇam uddiśya lokāntaragītakīrtim / ācāraśuddhobhayavaṃśadīpaṃ śuddhāntarakṣyā jagade kumārī // 6.45	indravajrā [11: ttjgg]
nīpānvayaḥ pārthiva eṣa vajvā guṇair yam āśritya paraspareṇa / siddhāśramaṃ śāntam ivaitya sattvair naisargiko 'py utsasṛje virodhaḥ // 6.46	upajāti : upendravajrā [11: jtjgg], indravajrā [11: ttjgg]
yasy'; ātmagehe nayanābhirāmā kāntir himāṃśor iva saṃniviṣṭa / harmyāgrasaṃrūḍhatṛṇāṅkureṣu tejo 'viśahyaṃ ripumandireṣu // 6.47	indravajrā [11: ttjgg]
yasyāvarodhastanacandanānāṃ prakṣālanād vārivihārakāle / kalindakanyā mathurāṃ gatā 'pi gaṅgormisaṃsakta jaleva bhāti // 6.48	upajāti : upendravajrā [11: jtjgg], indravajrā [11: ttjgg]
trastena tākrṣyāt kila kāliyena maṇiṃ visṛṣṭaṃ yamunaukasā yaḥ / vakṣaḥsthalavyāpirucaṃ dadhānaḥ sakaustubhaṃ hrepayatīva kṛṣnam // 6.49	upajāti : upendravajrā [11: jtjgg], indravajrā [11: ttjgg]
saṃbhāvya bhartāram amuṃ yuvānaṃ mṛdupravālottarapuṣpaśayye / vṛndāvane caitrarathād anūne nirviśyatāṃ sundari yuvanaśrīḥ // 6.50	upajāti triṣṭubh: ajñātam [11: ttngg], upendravajrā [11: jtjgg], indravajrā [11: ttjgg]
adhyāsya cāmbhaḥpṛṣatokṣitāni śaileyagandhīni śilātalāni / kalāpināṃ prāvṛṣi paśya nṛtyaṃ kāntāsu govardhanakandarāsu // 6.51	upajāti : upendravajrā [11: jtjgg], indravajrā [11: ttjgg]
nṛpaṃ tam āvartamanojñanābhiḥ sā vyatyagād anyavadhūr bhavitrī / mahīdharaṃ mārgavaśād upetaṃ srotovahā sāgaragāminīva // 6.52	upajāti : upendravajrā [11: jtjgg], indravajrā [11: ttjgg]
athāṅgadāśliṣṭabhujaṃ bhujiṣyā hemāṅgadaṃ nāma kaliṅganātham / āseduṣīṃ sāditaśatrupakṣaṃ bālām abālendumukhīṃ babhāṣe // 6.53	upajāti : upendravajrā [11: jtjgg], indravajrā [11: ttjgg]
asau mahendrādrisamānasāraḥ patir mahendrasya mahodadheś ca / yasya kṣaratsainyagajacchalena yātrāsu yātīva puro mahendraḥ // 6.54	upajāti : upendravajrā [11: jtjgg], indravajrā [11: ttjgg]
jyāghātarekhe subhujo bhujābhyāṃ bibharti yaś cāpabhṛtāṃ purogaḥ / ripuśriyāṃ sāñjanabhāṣpaseke bandīkṛṭānām iva paddhatī dve // 6.55	upajāti : upendravajrā [11: jtjgg], indravajrā [11: ttjgg]
raṇe 'mitatrīṇatayā prakāśaḥ śarāsanajyānikaṣau bhujābhyām / viśiṣṭarekhau ripuvikramāgner nirvāṇamārgāv iva yo bibharti // 6.55.2	upajāti : upendravajrā [11: jtjgg], indravajrā [11: ttjgg]
yam ātmanaḥ sadmani saṃnikṛṣṭo mandradhvanityājitayāmatūryaḥ / prāsādavātāyanadṛṣyavīciḥ prabodhayaty arṇava eva suptam // 6.56	upajāti : upendravajrā [11: jtjgg], indravajrā [11: ttjgg]
anena sārdhaṃ viharāmburāśes tīreṣu tālīvanamarmareṣu / dvīpānatarānītalavaṅgapuṣpair apākṛtasvedalavā marudbhiḥ // 6.57	upendravajrā [11: jtjgg] (? 2 eva pādāḥ yuktāḥ)
pralobhitāpy ākṛtilobhanīyā patiṃ purasyorugapūrvanāmnaḥ / tasmād apāvartata dūrakṛṣṭā nītyeva lakṣmīḥ pratikūladaivāt // 6.58	upajāti : upendravajrā [11: jtjgg], indravajrā [11: ttjgg]
athādhigamyābhuvarājakalpaṃ patiṃ purasyorugapūrvanāmnaḥ / ācārapūtobhayavaṃśadīpaṃ śuddhāntarakṣyā jagade kumārī // 6.58.2	upajāti : upendravajrā [11: jtjgg], indravajrā [11: ttjgg]
athorākhyasya purasya nāthaṃ dauvārikī devasarūpam / itaś cakorākṣi vilokayeti pūrvānuśiṣṭāṃ nijagāda bhojyām // 6.59	na kiṃcid adhyavasitam
pāṇḍyo 'yam aṃsārpitalambahāraḥ kḷptāṅgarāgo haricandanena / ābhāti bālātaparaktasānuḥ sanirjharodgāra ivādrirājaḥ // 6.60	upajāti : upendravajrā [11: jtjgg], indravajrā [11: ttjgg]
vindhyasya saṃstambhayitā mahādrer niḥśeṣapītojjhitasindhurājaḥ / prītyāśvamedhāvabhṛthārdramūrteḥ sausnātiko yasya bhavaty agastyaḥ // 6.61	indravajrā [11: ttjgg]
astraṃ harād āptavatā durāpaṃ yenendralokāva jayāya dṛptaḥ / purā janasthānavimardaśaṅkī saṃdhāya laḥkādhipatiḥ pratasthe // 6.62	upajāti : upendravajrā [11: jtjgg], indravajrā [11: ttjgg]
anena pāṇau vidhivad (?) gṛhīte mahākulīnena mahīva gurvī / ratnānuviddhārṇavamekhalāyā diśaḥ sapatnī bhava dakṣiṇasyāḥ // 6.63	upajāti : upendravajrā [11: jtjgg], indravajrā [11: ttjgg]
tāmbūlavallīpariṇaddhapūgāsv elālatāliṅgitacandanāsu / tamālapattrāstaraṇāsu rantuṃ prasīda śaśvan malayasthalīṣu // 6.64	upajāti : upendravajrā [11: jtjgg], indravajrā [11: ttjgg]
indīvaraśyāmatanaur nṛpo 'sau tvaṃ rocanāgauraśarīrayaṣṭiḥ / anyonyaśobhāparivṛddhaye vāṃ yogas taḍittoyadayor ivāstu // 6.65	indravajrā [11: ttjgg]
svasur vidarbhādhipates tadīyo lebhe 'ntaraṃ cetasi nopadeśaḥ / divākarādarśanabaddhakośe nakśatranāthāṃśur ivāravinde // 6.66	upajāti : upendravajrā [11: jtjgg], indravajrā [11: ttjgg]
saṃcāriṇī dīpaśikheva rātrau yaṃ yaṃ vyatīyāya patiṃvarā sā / narendramārgāṭṭa iva prapede vivarṇabhāvaṃ sa sa bhūmipālaḥ // 6.67	upajāti : upendravajrā [11: jtjgg], indravajrā [11: ttjgg]
tasyāṃ raghoḥ sūnur upasthitāyāṃ vṛṇīta māṃ neti samākulo 'bhūt / vāmetaraḥ saṃśayam asya bāhuḥ keyūrabandhocchavasitair nunoda // 6.68	indravajrā [11: ttjgg] (? 2 eva pādāḥ yuktāḥ)
taṃ prāpya sarvāvayavānavadyaṃ vyāvartatānyopagamāt kumārī / na hi praphullaṃ sahakāram etya vṛksāntaraṃ kāṅkṣati ṣaṭpadālī // 6.69	upajāti : upendravajrā [11: jtjgg], indravajrā [11: ttjgg]
tasmin samāveśitacittavṛttim induprabhām indumatīm avekṣya / pracakrame vaktum anukramajñā savistaraṃ vākyam idaṃ sunandā // 6.70	upajāti : upendravajrā [11: jtjgg], indravajrā [11: ttjgg]
ikṣvākuvaṃśyaḥ kakudaṃ nṛpāṇāṃ kakutstha ity āhitalakṣaṇo 'bhūt / kākutsthaśabdaṃ yata unnatecchāḥ ślāghyaṃ dadhaty uttarakosalendrāḥ // 6.71	upajāti : upendravajrā [11: jtjgg], indravajrā [11: ttjgg]
mahendram āsthāya mahokṣarūpaṃ yaḥ saṃyati prāptapināki līlaḥ / cakāra bāṇair asurāṅganānāṃ gaṇḍasthalīḥ proṣitapattralekhāḥ // 6.72	upajāti : upendravajrā [11: jtjgg], indravajrā [11: ttjgg]
airāvatāsphālanaviślathaṃ yaḥ saṃghaṭṭayann aṅgadam aṅgadena / upeyuśaḥ svām api mūrtim agryām ardhāsanaṃ gotrabhido 'dhitaṣṭhau // 6.73	upajāti : upendravajrā [11: jtjgg], indravajrā [11: ttjgg]
jātaḥ kule tasya kilorukīrtiḥ kulapradīpo nṛpatir dilīpaḥ / atiṣṭhad ekonaśatakratutve śakrābhyasūyāvinivṛttaye yaḥ // 6.74	upajāti : upendravajrā [11: jtjgg], indravajrā [11: ttjgg]
yasmin mahīṃ śāsati vāṇinīnāṃ nidrāṃ vihārārdhapathe gatānām / vāto 'pi nāsaraṃsayad aṃśukāni ko lambayed āharaṇāya hastam // 6.75	indravajrā [11: ttjgg] (? 3 eva pādāḥ yuktāḥ)
putro raghus tasya padaṃ praśāsti mahākrator viśvajitaḥ prayoktā / caturdigāvarjitasaṃbhṛtāṃ yo mṛtpātraśeṣām akarod vibhūtim // 6.76	upajāti : upendravajrā [11: jtjgg], indravajrā [11: ttjgg]
ārūḍham adrīn udadhīn vitīrṇaṃ bhujaṃgamānāṃ vasatiṃ praviṣṭam / ūrdhvaṃ gataṃ yasya na cānubandhi yaśaḥ paricchettum iyattayālam // 6.77	upajāti : upendravajrā [11: jtjgg], indravajrā [11: ttjgg]
asau kumāras tam ajo 'nujātas triviṣṭapasyeva patiṃ jayantaḥ / gurvīṃ dhuraṃ yo bhuvanasya pitrā dhuryeṇa damyaḥ sadṛśaṃ bibharti // 6.78	upajāti : upendravajrā [11: jtjgg], indravajrā [11: ttjgg]
kulena kāntyā vayasā navena guṇaiś ca tais tair vinayapradhānaiḥ / tvam ātmanas tulyam amuṃ vṛṇīṣva ratnaṃ samāgacchatu kāñcanena // 6.79	upajāti : upendravajrā [11: jtjgg], indravajrā [11: ttjgg]
tataḥ sunandāvacanāvasāne lajjāṃ tanū kṛtya narendrakanyā / dṛṣṭyā prasādāmalayā kumāraṃ pratyagrahīt saṃvaraṇasrajeva // 6.80	upajāti : upendravajrā [11: jtjgg], indravajrā [11: ttjgg]
sā yūni tasminn abhilāṣabandhaṃ śaśāka śālīnatayā na vaktum / romāñcalakṣyeṇa sa gātrayaṣṭiṃ bhittvā nirākrāmad arālakeśyāḥ // 6.81	upajāti : upendravajrā [11: jtjgg], indravajrā [11: ttjgg]
tathāgatāyāṃ parihāsapūrvaṃ sakhyāṃ sakhī vetradharā babhāṣe / ārye vrajāmo 'nyata ity athaināṃ vadhūr asūyākuṭilaṃ dadarśa // 6.82	upajāti : upendravajrā [11: jtjgg], indravajrā [11: ttjgg]
sā cūrṇagauraṃ raghunandanasya dhātrīkarābhyāṃ karabhopamorūḥ / āsañjayām āsa yathāpradeśaṃ kaṇṭhe guṇaṃ mūrtam ivānurāgam // 6.83	indravajrā [11: ttjgg]
tayā srajā maṅgalapuṣpamayyā viśālavakṣaḥsthalalambayā saḥ / amaṃsta kaṇṭhārpitabāhupāśāṃ vidarbharājāvarajāṃ vareṇyaḥ // 6.84	upendravajrā [11: jtjgg]
śaśinam upagateyaṃ kaumudī meghamuktaṃ jalanidhim anurūpaṃ / iti samaguṇayogaprītayas tatra paurāḥ śravaṇakaṭu nṛpāṇām ekavākyaṃ vivavruḥ // 6.85	mālinī [15: nnmyy] (? 3 eva pādāḥ yuktāḥ)
pramuditavarapakṣam ekatas tat (?) kṣitipatimaṇḍalam anyato vitānam / uṣasi sara iva praphullapadmaṃ kumudavanapratipannanidram āsīt // 6.86	puṣpitāgrā = [12: nnry] 1,3 + [12: njjrg] 2,4
athopayantrā sadṛśena yuktāṃ skandena sākṣād iva devasenām / svasāram ādāya vidarbhanāthaḥ purapraveśābhimukho babhūva // 7.1	upajāti : upendravajrā [11: jtjgg], indravajrā [11: ttjgg]
senāniveśān pṛthivīkṣito 'pi jagmur vibhātagrahamandabhāsaḥ / bhojyāṃ prati vyarthamanorathatvād rūpeṣu veṣeṣu ca sābhyasūyāḥ // 7.2	indravajrā [11: ttjgg]
sāṃnidhyayogāt kila tatra śacyāḥ svayaṃvarakṣobhakṛtām abhāvaḥ / kākutstham uddiśya samatsaro 'pi śaśāma tena kṣitipālalokaḥ // 7.3	upajāti : upendravajrā [11: jtjgg], indravajrā [11: ttjgg]
tāvat prakīrṇābhinavopacāram indrāyudhadyotitatoraṇāṅkam / varaḥ sa vadhvā saha rājamārgaṃ prāpa dhvajacchāyanivāritoṣṇam // 7.4	upajāti : upendravajrā [11: jtjgg], indravajrā [11: ttjgg]
tatas tadālokanatatparāṇāṃ saudheṣu cāmīkarajālavatsu / babhūvur itthaṃ purasundarīṇāṃ tyaktānyakāryāṇi viceṣṭitāni // 7.5	upajāti : upendravajrā [11: jtjgg], indravajrā [11: ttjgg]
ālokamārgaṃ sahasā vrajantyā kayācid udveṣṭanavāntamālyaḥ / baddhuṃ na saṃbhāvita eva tāvat kareṇa ruddho 'pi hi keśapāśaḥ // 7.6	upajāti : upendravajrā [11: jtjgg], indravajrā [11: ttjgg]
prasādhikālambitam agrapādam ākṣipya kācid dravarāgam eva / utṣṛṣṛalīlāgatir ā gavākṣād yayau śalākām aparā vahantī // 7.7	upendravajrā [11: jtjgg] (? 2 eva pādāḥ yuktāḥ)
vilocanaṃ dakṣiṇam añjanena saṃbhāvya tadvañcitavāmanetrā / tathaiva vātāyanasaṃnikarṣaṃ yayau śalākām aparā vahantī // 7.8	upajāti : upendravajrā [11: jtjgg], indravajrā [11: ttjgg]
jālāntarapreṣitadṛṣṭir anyā prasthānabhinnāṃ na babandha nīvīm / nābhipraviṣṭābharaṇaprabheṇa hastena tasthāv avalambya vāsaḥ // 7.9	indravajrā [11: ttjgg]
ardhācitā satvaram utthitāyāḥ pade pade durnimite galantī / kasyāścid āsīd raśanā tadānīm aṅguṣṭhamāulārpitasūtraśeṣā // 7.10	indravajrā [11: ttjgg] (? 2 eva pādāḥ yuktāḥ)
stanaṃdhayantaṃ tanayaṃ vihāya vilokanāya tvarayā vrajantī / saṃprasnutābhyāṃ padavīṃ stanābhyāṃ siṣeca kācit payas''; ā gavākṣāt // 7.10.2	upajāti triṣṭubh: ajñātam [11: jttgg], upendravajrā [11: jtjgg], indravajrā [11: ttjgg]
tāsāṃ mukhair āsavagandhagarbhair vyāptāntarāḥ sāndrakutūhalānām / vilolanetrabhramarair gavākṣāḥ sahasrapattrābharaṇā ivāsan // 7.11	upajāti : upendravajrā [11: jtjgg], indravajrā [11: ttjgg]
tā rāghavaṃ dṛṣṭibhir āpibantyo nāryo na jagmur viṣayāntarāṇi / tathā hi śeṣendriyavṛttir āsāṃ sarvātmanā cakṣur iva praviṣṭā // 7.12	upajāti : upendravajrā [11: jtjgg], indravajrā [11: ttjgg]
sthāne vṛtā bhūpatibhiḥ parokṣaiḥ svayaṃvaraṃ sādhum amaṃsta bhojyā / padmeva nārāyaṇam anyathāsau labheta kāntaṃ katham ātmatulyam // 7.13	upajāti : upendravajrā [11: jtjgg], indravajrā [11: ttjgg]
paraspareṇa spṛhaṇīyaśobhaṃ na ced idaṃ dvandvam ayojayiṣyat / asmin dvaye rūpavidhānayatnaḥ patyuḥ prajānāṃ vitatho 'bhaviṣyat // 7.14	upajāti : upendravajrā [11: jtjgg], indravajrā [11: ttjgg]
ratismarau nūnam imāv abhūtāṃ rājñāṃ sahareṣu tathā hi bālā / gateyam ātmapratirūpam eva mano hi janmāntarasaṃgatijñam // 7.15	upajāti triṣṭubh: ajñātam [11: tjjgg], upendravajrā [11: jtjgg]
ity udgatāḥ pauravadhūmukhebhyaḥ śṛṇvan kathāḥ śrotasukhāḥ kumāraḥ / udbhāsitaṃ maṅgalasaṃvidhābhiḥ saṃbandhinaḥ sadma samāsasāda // 7.16	indravajrā [11: ttjgg]
tato 'vatīryāśu kareṇukāyāḥ sa kāmarūpeśvaradattahastaḥ / vaidarbhanirdiṣṭam atho viveśa nārīmanāṃsīva catuṣkam antaḥ // 7.17	upajāti : upendravajrā [11: jtjgg], indravajrā [11: ttjgg]
mahārhasiṃhāsanasaṃsthito 'sau saratnam arghyaṃ madhuparkamiśram / bhojopanītaṃ ca dukūlayugmaṃ jagrāha sārdhaṃ vanitākaṭākṣaiḥ // 7.18	upajāti : upendravajrā [11: jtjgg], indravajrā [11: ttjgg]
dukūlavāsāḥ sa vadhūsamīpaṃ ninye vinītair avarodharakṣaiḥ / velāsākśaṃ sphuṭapeharājir navair udanvān iva candrapādaiḥ // 7.19	upendravajrā [11: jtjgg] (? 2 eva pādāḥ yuktāḥ)
tatrārcito bhojapateḥ purodhā hutvāgnim ājyādibhir agnikalpaḥ / tam eva cādhāya vivāhasākṣye vadhūvarau saṃgamayāṃ cakāra // 7.20	upajāti : upendravajrā [11: jtjgg], indravajrā [11: ttjgg]
hastena hastaṃ parigṛhya vadhvāḥ sa rājasūnuḥ sutarāṃ cakāśe / anantarāśokalatāpravālaṃ prāpyeva cūtaḥ pratipallavena // 7.21	upajāti : upendravajrā [11: jtjgg], indravajrā [11: ttjgg]
āsīd varaḥ kaṇṭakitaprakoṣṭaḥ svinnāṅguliḥ saṃvavṛte kumārī / vṛttis tayoḥ pāṇisamāgamena samaṃ vibhakteva maobhavasya // 7.22	upajāti : upendravajrā [11: jtjgg], indravajrā [11: ttjgg]
tayor apāṅga-pratisāritāni kriyāsamāpattivartitāni / hrīyantraṇām ānaśire manojñām anyonyalolāni vilocanāni // 7.23	indravajrā [11: ttjgg] (? 2 eva pādāḥ yuktāḥ)
pradakṣiṇaprakramaṇāt kṛṣānor udarciṣas tan (?) mithunaṃ cakāśe / meror upānteṣv iva vartamānam anyonyasaṃsaktam ahastriyāmam // 7.24	upajāti : upendravajrā [11: jtjgg], indravajrā [11: ttjgg]
nitambagurvī guruṇā prayuktā vadhūr vidhātṛpratimena tena / cakāra sā mattacakoranetrā lajjāvatī lājavisargam agnau // 7.25	upajāti : upendravajrā [11: jtjgg], indravajrā [11: ttjgg]
haviḥśamīpallavalājagandhiḥ puṇyaḥ kṛśānor udiyāya dhūmaḥ / kapolasaṃsarpiśikhaḥ sa tasyā muhūrtakarṇotpalatāṃ prapede // 7.26	upajāti : upendravajrā [11: jtjgg], indravajrā [11: ttjgg]
tad añjanakledasamākulākṣaṃ pramlānabhījāṅkurakarṇapūram / vadhūmukhaṃ pāṭalagaṇḍalekham ācāradhūmagrahaṇād babhūva // 7.27	upajāti : upendravajrā [11: jtjgg], indravajrā [11: ttjgg]
tau snātakair bandhumatā ca rājñā puraṃdhribhiś ca kramaśaḥ prayuktam / kanyākumārau kanakāsanasthāv ārdrākṣatāropaṇam anvabhūtām // 7.28	upajāti : upendravajrā [11: jtjgg], indravajrā [11: ttjgg]
iti svasur bhojakulapradīpaḥ saṃpādya pāṇigrahaṇaṃ sa rājā / mahīpatīnāṃ pṛthagarhaṇārthaṃ samādideśādhikṛtān adhiśrīḥ // 7.29	upajāti : upendravajrā [11: jtjgg], indravajrā [11: ttjgg]
liṅgair mudaḥ saṃvṛtavikriyās te hradāḥ prasannā iva gūḍhanakrāḥ / vaidarbham āmantrya yayus tadīyāṃ pratyarpya pūjām aupdāchalena // 7.30	ajñātasamavṛtta [10: ttjg] (? 2 eva pādāḥ yuktāḥ)
sa rājalokaḥ kṛtapūrvasaṃvid ārambhasiddhau samayopalabhyam) / ādāsyamānaḥ pramdāmiṣaṃ tad āvṛtya panthānam ajasya tasthau // 7.31	ajñātasamavṛtta [12: yysy] (? 2 eva pādāḥ yuktāḥ)
bhartāpi tāvat krathakaiṣikānām anuṣṭhitānantarajāvivāhaḥ / sattvānurūpāharaṇī kṛtaśrīḥ prāsthāpayad rāghavam anvagāc ca // 7.32	upajāti : upendravajrā [11: jtjgg], indravajrā [11: ttjgg]
tisras trilokī prathitena sārdham ajena mārge vasatīr uṣitvā / tasmād apāvartata kuṇḍineśaḥ parvātyaye soma ivoṣṇaraśmeḥ // 7.33	upajāti : upendravajrā [11: jtjgg], indravajrā [11: ttjgg]
pramanyavaḥ prāg api kosalendre pratyekam āttasvatayā babhūvuḥ / ato nṛpāś cakṣamire sametāḥ strīratnalābhaṃ na tadātmajasya // 7.34	upajāti : upendravajrā [11: jtjgg], indravajrā [11: ttjgg]
tam udvahantaṃ pathi bhojakanyāṃ rurodha rājanyagaṇaḥ sa dṛptaḥ / balipradiṣṭaṃ śriyam ādadānaṃ traivikramaṃ pādam ivendraśatruḥ // 7.35	upajāti : upendravajrā [11: jtjgg], indravajrā [11: ttjgg]
tasyaḥ sa rakṣārtham analpayodham ādiṣya pitryaṃ sacivaṃ kumāraḥ / pratyagrahīt pārthivavāhinīṃ tāṃ jyotīrathāṃ śoṇa ivottaraṅgaḥ // 7.36	indravajrā [11: ttjgg]
pattiḥ padātiṃ rathinaṃ ratheśas turaṃgasādī turagādhirūḍham / yantā gajasyābhyapatad gajasthaṃ tulyapratidvandvi babhūva yuddham // 7.37	upajāti : upendravajrā [11: jtjgg], indravajrā [11: ttjgg]
nadatsu tūryeṣv avibhāvyavāco nodīrayanti sma kulopadeśān / bāṇākṣarair eva parasparasya nāmorjitaṃ cāpabhṛtaḥ śaśaṃsuḥ // 7.38	upajāti : upendravajrā [11: jtjgg], indravajrā [11: ttjgg]
utthāpitaḥ saṃyati reṇur aśvaiḥ sāndrīkṛtaḥ syandanavaṃśacakraiḥ / cistāritaḥ kuñjarakarṇatālair netrakrameṇoparurodha sūryam // 7.39	indravajrā [11: ttjgg]
matsyadhvajā vāyuvaśād vidīrṇair mukhaiḥ pravṛddhadvajinīrajāṃsi / babhuḥ pibantaḥ paramārthamatsyāḥ paryāvilānīva navodakāni // 7.40	upajāti : upendravajrā [11: jtjgg], indravajrā [11: ttjgg]
ratho rathāṅgadhvaninā vijajñe vilolaghaṇṭākvaṇitena nāgaḥ / svabhartṛnāmagrahaṇād babhūva sāndre rajasy ātmaparāvabodhaḥ // 7.41	upajāti : upendravajrā [11: jtjgg], indravajrā [11: ttjgg]
āvṛṇvato locanamārgam ājau rajo'ndhakārasya vijṛmbhitasya / śastrakṣatāśvadvipavīrajanmā bālāruṇo 'bhūd rudhirapravāhaḥ // 7.42	upajāti : upendravajrā [11: jtjgg], indravajrā [11: ttjgg]
sa cchinnamūlaḥ kṣatajena reṇus tasyopariṣṭāt pavanāvadhūtaḥ / aṅgāraśeṣasya hutāśanasya pūrvotthito dhūma ivābabhāse // 7.43	indravajrā [11: ttjgg]
prahāramūrchāpagame rathasthān yantḥn upālabhya nivartitāśvāḥ / yaiḥ sāditā lakṣitapūrvaketūṃs tān eva sāmarṣatayā nijaghnuḥ // 7.44	upajāti : upendravajrā [11: jtjgg], indravajrā [11: ttjgg]
apy ardhamārge parabāṇalūnā dhanurbhṛtāṃ hastavatāṃ pṛṣatkāḥ / saṃprāpur evātmajavānuvṛttyā pūrvārdhabhāgaiḥ phalibhiḥ śaravyam // 7.45	upajāti : upendravajrā [11: jtjgg], indravajrā [11: ttjgg]
ādhoraṇānāṃ gajasaṃnipāte śirāṃsi cakrair niśitaiḥ kṣurāgraiḥ / hatāny api āyenanakhāgrakoṭi-vyāsaktakeśāni cireṇa petuḥ // 7.46	indravajrā [11: ttjgg] (? 2 eva pādāḥ yuktāḥ)
pūrvaṃ prahartā na jaghāna bhūyaḥ pratiprahārākṣamam aśvasādī / turaṃgamaskandhaniṣaṇṇadehaṃ pratyāśvasantaṃ ripum ācakāṅkṣa // 7.47	upajāti : upendravajrā [11: jtjgg], indravajrā [11: ttjgg]
tanutyajāṃ varmabhṛtāṃ vikośair bṛhatsu danteṣv asibhiḥ patadbhiḥ / raṇakṣitiḥ śoṇitamadyakulyā gajā vivignāḥ karaśīkareṇa // 7.48	upendravajrā [11: jtjgg]
śilīmukhotkṛttaśiraḥphalāḍhyā cyutaiḥ śiratraiś caṣakottareva / raṇakṣitiḥ śoṇitamadyakulyā rarāja mṛtyor iva pānabhūmiḥ // 7.49	upendravajrā [11: jtjgg]
upāntayor niṣkuṣitaṃ vihaṃgair ākṣipya tebhyaḥ piśitapriyāpi / keyūrakoṭikṣatatāludeśā śivā bhujacchedam apācakāra // 7.50	upajāti : upendravajrā [11: jtjgg], indravajrā [11: ttjgg]
kaścid dviṣatkhaḍgahṛtottamāṅgaḥ sadyo vimānaprabhutām upetya / vāmāṅgasaṃsaktasurāṅganaḥ svaṃ nṛtyat kabandhaṃ samare dadarśa // 7.51	indravajrā [11: ttjgg]
anyonyasūtonmathanād abhūtāṃ tāv eva sūtau rathinau ca kaucit / vyaśvau gadāvyāyatasaṃprahārau bagnāyudhau bāhuvimardaniṣṭhau // 7.52	indravajrā [11: ttjgg]
paraspareṇa kṣatayoḥ prahartror utkrāntavāyvoḥ samakālam eva / amartyabhāve 'pi kayościd āsīd ekāsaraḥprārthitayor vivādaḥ // 7.53	upajāti : upendravajrā [11: jtjgg], indravajrā [11: ttjgg]
vyūhāv ubhau tāv itaretarasmād bhaṅgaṃ jayaṃ cāpatur avyavastham / paścātpuromārutayoḥ pravṛddhau paryāyavṛttyeva mahārṇavormī // 7.54	indravajrā [11: ttjgg]
pareṇa bhagne 'pi bale mahaujā yayāv ajaḥ praty arisainyam eva / dhūmo nivarteta samīraṇena yato hi kakṣas tata eva vahniḥ // 7.55	upajāti : upendravajrā [11: jtjgg], indravajrā [11: ttjgg]
rathī niṣaṅgī kavacī dhanuṣmān dṛptaḥ sa rājanyakam ekavīraḥ / nivārayām āsa mahāvarāhaḥ kalpakṣayoddhūtam ivārṇavāmbhaḥ // 7.56	upajāti : upendravajrā [11: jtjgg], indravajrā [11: ttjgg]
sa dakṣiṇaṃ tūṇa-mukhena vāmaṃ vyāpārayan hastam alakṣyatājau / ākarṇakṛṣṭā sakṛd asya yoddhur maurvīva bāṇān suṣuve riguphnān // 7.57	upajāti : upendravajrā [11: jtjgg], indravajrā [11: ttjgg]
sa roṣadaṣṭādhikalohitoṣṭhair vyaktordhvarekā bhṛkuṭīr vahadbhiḥ / tastāra gāṃ bhallanikṛttakaṇṭhair huṃkāragarbhair dviṣatāṃ śirobhiḥ // 7.58	upajāti : upendravajrā [11: jtjgg], indravajrā [11: ttjgg]
sarvair balāṅgair dviradapradhānaiḥ sarvāyudhaiḥ kaṅkaṭabhedibhiś ca / sarvaprayatnene ca bhūmipālās tasmin prajahrur yudhi sarva eva // 7.59	upajāti triṣṭubh: ajñātam [11: tmjgg], indravajrā [11: ttjgg]
so 'stravrajaiś channarathaḥ pareṣāṃ dhvajāgramātreṇa babhūva lakṣyaḥ / nīhāramagno dinapūrvabhāgaḥ kiṃcitprakāśena vivasvateva // 7.60	upajāti : upendravajrā [11: jtjgg], indravajrā [11: ttjgg]
priyaṃvadāt prāpam asau kumāraḥ prāyuṅkta rājasv adhirājasūnuḥ / gāndharvam astraṃ kusumāstrakāntaḥ prasvāpanaṃ svapanivṛttalaulyaḥ // 7.61	upajāti triṣṭubh: ajñātam [11: tBjgg], upendravajrā [11: jtjgg], indravajrā [11: ttjgg]
tato dhanuṣkarṣaṇamūḍhahastam ekāṃsaparyastaśirastrajālam / tasthau dhvajastambhaniṣaṇṇadehaṃ nidrāvidheyaṃ naradevasainyam // 7.62	upajāti : upendravajrā [11: jtjgg], indravajrā [11: ttjgg]
tataḥ priyopāttarase 'dharoṣṭhe niveśya dadhmau jalaṃ kumāraḥ / yena svahastārjitam ekavīraḥ piban yaśo mūrtam ivābhāse // 7.63	na kiṃcid adhyavasitam
śaṅkhasvanābhijñatayā nivṛttās taṃ sannaśatruṃ dadṛśuḥ svayodhāḥ / nimīlitānām iva paṅkajānāṃ madhye sphurantaṃ pratimāśaśāṅkam // 7.64	upajāti : upendravajrā [11: jtjgg], indravajrā [11: ttjgg]
saśoṇitais tena śilīmukhāgrair nikṣepitāḥ ketuṣu pārthivānām / yaśo hṛtam saṃprati rāghaveṇa na jīvitaṃ vaḥ kṛpayeti varṇāḥ // 7.65	upajāti : upendravajrā [11: jtjgg], indravajrā [11: ttjgg]
sa cāpakoṭīnihitaikabāhuḥ śirastaniṣkarṣaṇabhinnamuliḥ / lalāṭabaddhaśramavāribindur bhītāṃ priyām etya vaco babhāṣe // 7.66	upajāti triṣṭubh: ajñātam [11: jtjlg], upendravajrā [11: jtjgg], indravajrā [11: ttjgg]
itaḥ parān arbhakahāryaśastrān vaidarbhi paśyānumatā mayāsi / evaṃvidhenāhavaceṣṭitena tvaṃ prārthyase hastagatā mamabhiḥ // 7.67	upajāti triṣṭubh: ajñātam [11: ttjlg], upendravajrā [11: jtjgg], indravajrā [11: ttjgg]
tasyāḥ pratidvandvibhavād viṣādāt sadyo vimuktaṃ mukham ābabhāse / niśvāsabāṣpāpagamāt prapannaḥ prasādam ātmīyam ivātmadarṣāḥ // 7.68	upajāti : upendravajrā [11: jtjgg], indravajrā [11: ttjgg]
hṛṣṭāpi sā hrīvijitā na sākṣād vāgbhiḥ sakhīnāṃ priyam abhyanandat / sthalī navāmbhaḥpṛṣatābhivṛṣṭā mayūrakekābhir ivābhravṛndam // 7.69	upajāti : upendravajrā [11: jtjgg], indravajrā [11: ttjgg]
iti śirasi sa vāmaṃ pādam ādhāya rājñām udavahad anavadyāṃ tām avadyād apetah / rathaturagarajobhis tasya rūkṣālakāgrā samaravijayalaṣmīḥ saiva mūrtā babhūva // 7.70	mālinī [15: nnmyy]
prathamaparigatārthas taṃ raghuḥ saṃnivṛttaṃ vijayinam abhinandya ślāghyajāyāsametam / tadupahitakuṭumbaḥ śāntimārgotusko 'bhūn na hi sati kuladhurye sūryavaṃśyā gṛhāya // 7.71	mālinī [15: nnmyy] (? 3 eva pādāḥ yuktāḥ)
atha tasya vivāhakautukaṃ lalitaṃ bibhrata eva pārthivaḥ / vasudhām api hastagāminīm akarod indumatīm ivāparām // 8.1	viyoginī = [10: ssjg] 1,3 + [11: sBrlg] 2,4
duritair api kartum ātmasāt prayatante nṛpasūnavo hi yat / tad upasthitam agrahīd ajaḥ pitur ājñeti na bhogatṛṣṇayā // 8.2	viyoginī = [10: ssjg] 1,3 + [11: sBrlg] 2,4
anubhūya vasiṣṭhasaṃbhṛtaiḥ salilais tena sahābhiṣecanam / viśadocchavasitena medinī kathayām āsa kṛtārthatām iva // 8.3	gīti (12, 18, 12, 18)
sa babhūva durāsadaḥ parair guruṇātharvavidā kṛtakriyaḥ / pavanāgnisamāgamo hy ayaṃ sahitaṃ brahma yad astratejasā // 8.4	viyoginī = [10: ssjg] 1,3 + [11: sBrlg] 2,4
raghum eva nivṛttayauvanaṃ tam amanyanta naveśvaraṃ prajāḥ / sa hi tasya na kevalāṃ śriyaṃ pratipede sakalān guṇān api // 8.5	viyoginī = [10: ssjg] 1,3 + [11: sBrlg] 2,4
adhikaṃ śuśubhe śubhaṃyunā dvitayena dvayam eva saṃgatam / padam ṛddham ajena paitṛkaṃ vinayenāsya navaṃ ca yauvanam // 8.6	viyoginī = [10: ssjg] 1,3 + [11: sBrlg] 2,4
sadayaṃ bubhuje mahābhujaḥ sahasodvegam iyaṃ vrajed iti / aciropanatāṃ sa medinīṃ navapāṇigrahaṇāṃ vadhūm iva // 8.7	viyoginī = [10: ssjg] 1,3 + [11: sBrlg] 2,4
aham eva mato mahīpater iti sarvaḥ prakṛtiṣv acintayat / udadher iva nimagāśateṣv abhavan nāsya vimānanā kvacit // 8.8	gīti (12, 18, 12, 18)
na kharo na ca bhūyasā mṛduḥ pavamānaḥ pṛthivīruhān iva / sa puraskṛtamadhyamakramo namayām āsa nṛpān anuddharan // 8.9	viyoginī = [10: ssjg] 1,3 + [11: sBrlg] 2,4
atha vīksya raghuḥ pratiṣṭhitaṃ prakṛtiṣv ātmajam ātmavat tayā / viṣayeṣu vināśadharmasu tridivasteṣv api niḥspṛho 'bhavat // 8.10	viyoginī = [10: ssjg] 1,3 + [11: sBrlg] 2,4
guṇavatsutaropitaśriyaḥ pariṇāme hi dilīpavaṃśajāḥ / padavīṃ taruvalkavāsasāṃ prayatāḥ saṃyamināṃ prapedire // 8.11	viyoginī = [10: ssjg] 1,3 + [11: sBrlg] 2,4
tam araṇyasamāśrayonmukhaṃ śirasā veṣṭanaśobhinā sutaḥ / pitaraṃ praṇipatya pādayor aparityāgam ayācatātmanaḥ // 8.12	viyoginī = [10: ssjg] 1,3 + [11: sBrlg] 2,4
raghur aśrumukhasya tasya tat kṛtavān īpsitam ātmajapriyaḥ / na tu sarpa iva tvacaṃ punaḥ pratipede vyapavarjitāṃ śriyam // 8.13	viyoginī = [10: ssjg] 1,3 + [11: sBrlg] 2,4
sa kīlaśramam antyam āśrito nivasann āvasathe purād bahiḥ / samupāsyata putrabhogyayā snūṣayevāvikṛtendriyaḥ śriyā // 8.14	ajñātasamavṛtta [10: ysjg] (? 2 eva pādāḥ yuktāḥ)
praśamasthitapūrvapārthivaṃ kulam abhyudyata nūtaneśvaram / nabhasā nibhṛtendunā tulām uditārkeṇa samāruroha tat // 8.15	viyoginī = [10: ssjg] 1,3 + [11: sBrlg] 2,4
yatipārthivaliṅgadhāriṇau dadṛśate raghurāghavau janaiḥ / apavargamahodayārthayor bhuvam aṃśāv iva dharmayor gatau // 8.16	ajñātārdhasamavṛtta [ssjBl, Brlg]
ajitādhigamāya mantribhir yuyuje nītiviśaradair ajaḥ / anapāyipadopalabdhaye raghur āptaiḥ samiyāya yogibhiḥ // 8.17	ajñātasamavṛtta [10: ssjl] (? 2 eva pādāḥ yuktāḥ)
samayujayta bhūpatir yuvā sacivaiḥ pratyaham arthasiddhaye / apunarjananopattaye prayayāḥ saṃyamibhir manīṣibhiḥ // 8.17.2	gīti (12, 18, 12, 18)
nṛpatiḥ prakṛtīr avekṣitum vyavahārāsanam ādade yuvā / paricetum upāṃśu dhāraṇāṃ kuśapūtaṃ pravayās tu viṣṭaram // 8.18	viyoginī = [10: ssjg] 1,3 + [11: sBrlg] 2,4
anuraṇjayituṃ prajāḥ prabhur vyahārāsanam ādade navaḥ / aparaḥ śuciviṣṭarasthitaḥ paricetuṃ yatate sma dhāraṇāḥ // 8.18.2	ajñātasamavṛtta [10: ssjl] (? 2 eva pādāḥ yuktāḥ)
anayat prabhuśaktisaṃpadā vaśam eko nṛpatīn anantarān / aparaḥ praṇidhānayogyayā marutaḥ pañca śarīragocarān // 8.19	viyoginī = [10: ssjg] 1,3 + [11: sBrlg] 2,4
nayacakṣur ajo didṛkṣayā pararandhrasya tatāna maṇḍale / hṛdaye samaropayan manaḥ paramaṃ jyotir avekṣituṃ raghuḥ // 8.19.2	viyoginī = [10: ssjg] 1,3 + [11: sBrlg] 2,4
akarod acireśvaraḥ kṣitau dviṣadārambhaphalāni bhasmasāt / aparo dahane svakarmaṇāṃ vavṛte jñānamayena vahninā // 8.20	viyoginī = [10: ssjg] 1,3 + [11: sBrlg] 2,4
paṇabandhamukhān guṇān ajaḥ ṣaḍ upāyuṅkta samīkṣya tatphalam / raghur apy ajayad guṇatrayaṃ prakṛtisthaṃ samaloṣṭakāñcanaḥ // 8.21	viyoginī = [10: ssjg] 1,3 + [11: sBrlg] 2,4
na navaḥ prabhur ā phalodayāt sthirakarmā virarāma karmaṇaḥ / na ca yogavidher navetaraḥ sthiradhīr ā paramātmadarśanāt // 8.22	viyoginī = [10: ssjg] 1,3 + [11: sBrlg] 2,4
iti śatruṣu cendriyeṣu ca pratiṣiddhaprasareṣu jāgratau / prasitāv udayāpavargayor ubhayīṃ siddhim ubhāv avāpatuḥ // 8.23	viyoginī = [10: ssjg] 1,3 + [11: sBrlg] 2,4
atha kāścid ajavyapekṣayā gamayitvā samdarśanaḥ samāḥ / tamasaḥ param āpad avyayaṃ puruṣaṃ yogasamādhinā raghuḥ // 8.24	gīti (12, 18, 12, 18)
śutadehavisarjanaḥ pituś ciram aśrūṇi vimucya rāghavaḥ / vidadhe vidhim asya naiṣṭhikaṃ yatibhiḥ sārdham anagnim agnicit // 8.25	viyoginī = [10: ssjg] 1,3 + [11: sBrlg] 2,4
akarot sa tadaurdhvadaihikaṃ pitṛbhaktyā pitṛkāryakalpavit / na hi tena pathā tanutyajas tanayāvarjitapiṇḍakāṅkṣiṇaḥ // 8.26	viyoginī = [10: ssjg] 1,3 + [11: sBrlg] 2,4
sa parārdhyagater aśocyatāṃ pitur uddiśya sadarthavedibhiḥ / śamitādhir adhijyakārmukaḥ kṛtavān apratiśāsanaṃ jagat // 8.27	viyoginī = [10: ssjg] 1,3 + [11: sBrlg] 2,4
kṣitir indumatī ca bhāminī patim āsādya tam agryapauruṣam / prathamā bahuratnasūr abhūd aparā vīram ajījanat sutam // 8.28	viyoginī = [10: ssjg] 1,3 + [11: sBrlg] 2,4
daśarāsmiśatopamadyutiṃ yaśasā dikṣu daśav api śrutam / daśapūrvarathaṃ yam ākhyayā daśakaṇṭhāriguruṃ vidur budhāḥ // 8.29	ajñātasamavṛtta [10: ssjg] (? 2 eva pādāḥ yuktāḥ)
ṛṣidevagaṇasvadhābhujāṃ śrutayāgaprasvaiḥ sa pārthivaḥ / anṛṇatvam upeyivān babhau paridher mukta ivoṣṇadīdhitiḥ // 8.30	gīti (12, 18, 12, 18)
balam ārtabhayopaśāntaye viduṣāṃ saṃnataye bahu śrutam / vasu tasya na kevalaṃ guṇavattāpi paraprayojanā // 8.31	āryā (12, 18, 12, 15)
sa kadācid aveṣitaprajaḥ saha devyā vijahāra suprajāḥ / nagaropavane śacīsakho marutāṃ pālayiteva nandane // 8.32	viyoginī = [10: ssjg] 1,3 + [11: sBrlg] 2,4
atha rodhasi dakṣiṇodadheḥ śrita gokarṇaniketam īśvaram / upavīṇayituṃ yayau raver udagāvṛttipathena nāradaḥ // 8.33	viyoginī = [10: ssjg] 1,3 + [11: sBrlg] 2,4
kusumair grathitām apārthivaiḥ srajam ātodyaśironiveśitām / aharat kila tasya vegavān adhivāsaspṛhayeva mārutaḥ // 8.34	viyoginī = [10: ssjg] 1,3 + [11: sBrlg] 2,4
bhramaraiḥ kusumānusāribhiḥ parikīrṇā parivādinī muneḥ / dadṛśe pavanāvalepajaṃ sṛjatī bāṣpam ivāñjanāvilam // 8.35	viyoginī = [10: ssjg] 1,3 + [11: sBrlg] 2,4
abhibhūya vibhūtim ārtavīṃ madhugandhātiśayena vīrudhām / nṛpater amarasrag āpa sā dayitorustanakoṭisusthitim // 8.36	viyoginī = [10: ssjg] 1,3 + [11: sBrlg] 2,4
kṣaṇamātrasakhīṃ sujātayoḥ stanayos tām avalokya vihalā / nimimīla narottamapriyā hṛtacandrā tamaseva kaumudī // 8.37	ajñātasamavṛtta [10: ssjg] (? 2 eva pādāḥ yuktāḥ)
vapuṣā karaṇojjhitena sā nipatantī patim apy apātayat / nanu tailaniṣekabindunā saha dīpārcir upaiti medinīm // 8.38	viyoginī = [10: ssjg] 1,3 + [11: sBrlg] 2,4
samam eva narādhipena sā gurusaṃmohaviluptacetanā / gurusaṃmohaviluptacetanā navadīpārcir iva kṣites talam // 8.38.2	ajñātasamavṛtta [11: sBrlg] (? 3 eva pādāḥ yuktāḥ)
ubhayor api pārśvavartināṃ tumu lenārtaraveṇa vejitāḥ / vihagāḥ kamalākarālayāḥ samaduḥkhā iva tatra cukruśuḥ // 8.39	viyoginī = [10: ssjg] 1,3 + [11: sBrlg] 2,4
nṛpater vyajanādibhis tamo nunude sā tu tathaiva saṃsthitā / pratikāravidhānam āyuṣaḥ sati śeṣe hi phalāya kalpate // 8.40	viyoginī = [10: ssjg] 1,3 + [11: sBrlg] 2,4
pratiyojayitavyavallakī-samavasthām atha sattvaviplavāt / sa nināya nitāntavatsalaḥ parigṛhyocitam aṅkam aṅganām // 8.41	viyoginī = [10: ssjg] 1,3 + [11: sBrlg] 2,4
sa nināya nitāntavatsalaḥ parivṛttaprathamacchaviṃ kṣaṇāt / saliloddhṛtapadminīnibhāṃ dayitām aṅkam udaśulocanaḥ // 8.41.2	ajñātasamavṛtta [10: ssjg] (? 2 eva pādāḥ yuktāḥ)
sa nināya nitāntavatsalaḥ karaṇāpāyavibhinnavarṇayā / samalakṣyata bibhrad āvilāṃ mṛgalekhām uṣasīva candramāḥ // 8.42	viyoginī = [10: ssjg] 1,3 + [11: sBrlg] 2,4
vilalāpa sa bāṣpagadgadaṃ sahajām apy apahāya dhīratām / abhitaptam ayo 'pi mārdavaṃ bhajate kaiva kathā śarīriṣu // 8.43	viyoginī = [10: ssjg] 1,3 + [11: sBrlg] 2,4
kusumāny api gātrasaṃgamāt prabhavanty āyur apohituṃ yadi / na bhaviṣyati hanta sādhanaṃ kim ivānayat prahariṣyato vidheḥ // 8.44	ajñātasamavṛtta [10: ssjg] (? 2 eva pādāḥ yuktāḥ)
atha vā mṛdu vastu hiṃsituṃ mṛdunaivārabhate prajāntakaḥ / himasekavipattir atra me nalinī pūrvanidarśanaṃ matā // 8.45	viyoginī = [10: ssjg] 1,3 + [11: sBrlg] 2,4
srag iyaṃ yadi jīvitāpahā hṛdaye kiṃ nihitā na hanti mām / viṣam apy amṛtaṃ kvacid bhaved amṛtaṃ vā viṣam īśvarecchayā // 8.46	viyoginī = [10: ssjg] 1,3 + [11: sBrlg] 2,4
atha vā mama bhāgyaviplavād aśaniḥ kalpita eṣa vedhasā / yad anena tarur na pātitas kṣapitā tadviṭapāśritalatā // 8.47	ajñātasamavṛtta [10: ssjg] (? 2 eva pādāḥ yuktāḥ)
kṛtavaty asi nāvadhīraṇām aparādhhe 'pi yadā ciraṃ mayi / katham ekapade nirāgasaṃ janam ābhāṣyam imaṃ na manyase // 8.48	viyoginī = [10: ssjg] 1,3 + [11: sBrlg] 2,4
dhruvam asmi śaṭhaḥ śucismite vidhitaḥ kaitavavatsalas tava / paralokam asaṃnivṛttaye yad anāpṛcchya gatāsi mām itaḥ // 8.49	viyoginī = [10: ssjg] 1,3 + [11: sBrlg] 2,4
dayitāṃ yadi tāvad anvagād vinivṛttaṃ kim idaṃ tayā vinā / sahatāṃ hatajīvitaṃ mama prabalām ātmakṛtena vedanām // 8.50	viyoginī = [10: ssjg] 1,3 + [11: sBrlg] 2,4
surataśramasaṃbhṛto mukhe dhriyate svedalavodgamo 'pi te / atha cāstamitā 'sy aho bata dhig imāṃ dehabhṛtām asāratām // 8.51	viyoginī = [10: ssjg] 1,3 + [11: sBrlg] 2,4
surataśramavāribindavo na hi tāvad viramanti te mukhe / katham astamitā 'sy aho bata dhig imām dehavatām asāratām // 8.51.2	viyoginī = [10: ssjg] 1,3 + [11: sBrlg] 2,4
manasāpi na vipriyaṃ mayā kṛtapūrvaṃ tava kiṃ jahāsi mām / nanu śabdapatiḥ kṣiter ahaṃ tvayi me bhāvanibandhanā ratiḥ // 8.52	viyoginī = [10: ssjg] 1,3 + [11: sBrlg] 2,4
kusumotkacitān valīmataś calayan bhṛṅgarucas tavālakān / karabhoru karoti mārutas tvadupāvartanśaṅki me manaḥ // 8.53	gīti (12, 18, 12, 18)
tad apohitum arhasi priye pratibodhena viṣādam āṣu me / jvalitena guhāgataṃ tamas tuhinādrer iva natam oṣadhiḥ // 8.54	ajñātasamavṛtta [10: ssjg] (? 2 eva pādāḥ yuktāḥ)
idam ucchvasitālakaṃ mukhaṃ viśrāntakathaṃ dunoti mām / niśi suptam ivaikapaṅkajaṃ viratābhyantaraṣaṭpadasvanam // 8.55	ajñātasamavṛtta [9: tjr] (? 2 eva pādāḥ yuktāḥ)
śaśinaṃ punar eti śārvarī dayitā dvandvacaraṃ patatriṇam / iti tau virhāntarakṣamau katham atyantagatā na māṃ daheḥ // 8.56	gīti (12, 18, 12, 18)
navapallavasaṃstare 'pi te mṛdu dūyeta yad aṅgam arpitam / tad idaṃ viṣahiṣyate kathaṃ vada vāmoru citādhirohaṇam // 8.57	viyoginī = [10: ssjg] 1,3 + [11: sBrlg] 2,4
iyam apratibodhaśāyinīṃ raśanā tvāṃ prathamā rahaḥsakhī / gativibhramasāda nīravā na śucā nānumṛteva lakṣyte // 8.58	ajñātasamavṛtta [10: ssjg] (? 2 eva pādāḥ yuktāḥ)
kalam anyabhṛtāsu bhāṣitaṃ kalahaṃsīṣu gataṃ madālasaṃ / pṛṭatīṣu vilolam īkṣitaṃ pavanādhūtalatāsu vibhramaḥ // 8.59	viyoginī = [10: ssjg] 1,3 + [11: sBrlg] 2,4
tridivotsukayāpy avekṣya māṃ nihitāḥ satyam amī guṇās tvayā / virahe tava me guruvyathaṃ hṛdayaṃ na tv avalambituṃ kṣamāḥ // 8.60	viyoginī = [10: ssjg] 1,3 + [11: sBrlg] 2,4
mithunaṃ parikalpitaṃ tvayā sahakāraḥ phalinī ca nanv imau / avidhāya vivāhasatkriyām anayor gamyata ivy asāṃpratam // 8.61	viyoginī = [10: ssjg] 1,3 + [11: sBrlg] 2,4
kusumaṃ kṛtadohadas tvayā yad aśoko 'yam udīrayiṣyati / alakābharaṇaṃ kathaṃ nu tat tava neṣyāmi nivāpalālyatām // 8.62	viyoginī = [10: ssjg] 1,3 + [11: sBrlg] 2,4
smarateva saśabdanūpuraṃ caraṇānugraham anyadurlabham / amunā kusumāśruvarṣiṇā tvam aśokena sugātri śocyase // 8.63	viyoginī = [10: ssjg] 1,3 + [11: sBrlg] 2,4
tava niḥśvasitānukāribhir bakulair ardhacitāṃ samaṃ mayā / asamāpya vilāsamekhalāṃ kim idaṃ kiṃnarakaṇṭhi supyate // 8.64	viyoginī = [10: ssjg] 1,3 + [11: sBrlg] 2,4
samaduḥkhasukhaḥ sakhījanaḥ pratipaccandranibho 'yam ātmajaḥ / aham ekarasas tathāpi te vyavasāyaḥ pratipattiniṣṭhuraḥ // 8.65	viyoginī = [10: ssjg] 1,3 + [11: sBrlg] 2,4
dhṛtir astamitā ratiś cyutā virataṃ geyam ṛtur nirutsavaḥ / gatam ābharaṇaprayojanaṃ pariśūnyaṃ śayanīyam adya me // 8.66	viyoginī = [10: ssjg] 1,3 + [11: sBrlg] 2,4
gṛhiṇī sacivaḥ sakhī mithaḥ priyaśiṣyā lalite kalāvidhau / karuṇāvimukhena mṛtyunā haratā tvāṃ vada kiṃ na me hṛtam // 8.67	viyoginī = [10: ssjg] 1,3 + [11: sBrlg] 2,4
madirākṣi madānanārpitaṃ madhu pītvā rasavat kathaṃ nu me / anupāsyasi bāṣpadūṣitaṃ paralokopanataṃ jalāñjalim // 8.68	viyoginī = [10: ssjg] 1,3 + [11: sBrlg] 2,4
vibhave 'pi sati tvayā vinā sukham etāvad ajasya gaṇyatām / ahṛtasya vilobhanāntarair mama sarve viṣayās tadāśrayāḥ // 8.69	viyoginī = [10: ssjg] 1,3 + [11: sBrlg] 2,4
vilapann iti kosalādhipaḥ karuṇārthagrathitaṃ priyāṃ prati / akarot pṛthivīruhān api srutaśākhārasabhāṣpadurdinān // 8.70	viyoginī = [10: ssjg] 1,3 + [11: sBrlg] 2,4
atha tasya kathaṃcid aṅkataḥ svajanas tām apanīya sundarīṃ / visasarja kṛtāntyamaṇḍanām analāy'; āgurucandanadihase // 8.71	na kiṃcid adhyavasitam
pramadām anu saṃsthitaḥ śucā nṛpatiḥ sann iti vācyadarśanāt / na cakāra śarīram agnisāt saha devyā na tu jīvitāśayā // 8.72	viyoginī = [10: ssjg] 1,3 + [11: sBrlg] 2,4
atha tena daśāhataḥ pare guṇaśeṣāṃ upadiṣya gehinīm / viduṣā vidhayo maharddhayaḥ pura evopavane samāpitāḥ // 8.73	viyoginī = [10: ssjg] 1,3 + [11: sBrlg] 2,4
sa viveśa purīṃ tayā vinā kṣaṇadāpāyaśaśāṅkadarśanaḥ / parivāham ivāvalokayan svaśucaḥ pauravadhūmukhāśruṣu // 8.74	viyoginī = [10: ssjg] 1,3 + [11: sBrlg] 2,4
atha taṃ savanāya diṣitaḥ praṇidhānād gurur āśramasthitaḥ / abhiṣaṅgajaḍaṃ vijajñivān iti śiṣyeṇa kilānvabodhayat // 8.75	gīti (12, 18, 12, 18)
asamāptavidhir yato munis tava vidvān api tāpakāraṇam / na bhavantam upasthitaḥ svayaṃ prakṛtau sthāpayituṃ kṛtasthitiḥ // 8.76	viyoginī = [10: ssjg] 1,3 + [11: sBrlg] 2,4
mayi tasya suvṛtta vartate laghusaṃdeśapadā sarasvatī / śṛṇu viśrutasattvasāra tāṃ hṛdi cainām upadhātum arhasi // 8.77	viyoginī = [10: ssjg] 1,3 + [11: sBrlg] 2,4
puruṣasya padeṣv ajanmanaḥ samatītaṃ ca bhavac ca bhāvi ca / sa hi niṣpratighena cakṣuṣā tritayaṃ jñānamayena paśyati // 8.78	viyoginī = [10: ssjg] 1,3 + [11: sBrlg] 2,4
carataḥ kila duścaraṃ tapas tṛṇabindoḥ pariśaṅkitaḥ purā / prajighāya samādhibedinīṃ harir asmai hariṇīṃ surāṅganām // 8.79	viyoginī = [10: ssjg] 1,3 + [11: sBrlg] 2,4
sa tapaḥpratibandhamanyunā pramukhāviṣkṛtacāruvibhramām / aśapad bhava mānuṣīti tāṃ śamavelāpralayormiṇā muniḥ // 8.80	viyoginī = [10: ssjg] 1,3 + [11: sBrlg] 2,4
bhagavan paravān ayaṃ janaḥ pratikūlācaritaṃ kṣamasva me / iti copanatāṃ kṣitipṛśaṃ vivaśā śāpanivṛttikāraṇam // 8.81	gīti (12, 18, 12, 18)
krathakaiśikavaṃśasaṃbhavā tava bhūtvā mahiṣī cirāya sā / upalabdhavatī divaś cyutaṃ vivaśā śāpanivṛttikāraṇam // 8.82	viyoginī = [10: ssjg] 1,3 + [11: sBrlg] 2,4
tad alaṃ tadapāyacintayā vipad utpattimatām upasthitā / vasudheyam avekṣyatāṃ tvayā vasumatyā hi nṛpāḥ kalatriṇaḥ // 8.83	viyoginī = [10: ssjg] 1,3 + [11: sBrlg] 2,4
udaye madavācyam ujjhatā śrutam āviṣkṛtam ātmavattayā / manasas tad upasthite jvare punar aklībatayā prakāśyatāṃ // 8.84	viyoginī = [10: ssjg] 1,3 + [11: sBrlg] 2,4
rudatā kuta eva sā punar bhavatā nānumṛtāpi labhyate / paralokajuṣāṃ svakarmabhir gatayo bhinnapathā hi dehinām // 8.85	viyoginī = [10: ssjg] 1,3 + [11: sBrlg] 2,4
ruditena na sā nivartate nṛpa tat tāvad anrthakaṃ tava / na bhavān anusaṃsthito 'pi tāṃ labhate karmavaśā hi dehinaḥ // 8.85.2	ajñātasamavṛtta [10: ssjg] (? 2 eva pādāḥ yuktāḥ)
apaśokamanāḥ kuṭumbinīm anugṛhṇīṣva nivāpadattibhiḥ / svajanāśru kilātrisaṃtataṃ dahati pretam iti pracakṣate // 8.86	viyoginī = [10: ssjg] 1,3 + [11: sBrlg] 2,4
maraṇaṃ prakṛtiḥ śarīriṇāṃ vikṛtir jīvitam ucyate budhaiḥ / kṣaṇam apy avatiṣṭhate śvasan yadi jantur nanu lābhavān asau // 8.87	viyoginī = [10: ssjg] 1,3 + [11: sBrlg] 2,4
avagacchati mūḍhacetanaḥ priyanāśaṃ hṛdi śalyam arpitam / sthiradhīs tu tad eva manyate kuśaladvāratayā samuddhṛtam // 8.88	viyoginī = [10: ssjg] 1,3 + [11: sBrlg] 2,4
avagacchati mūḍhacetanaḥ śruta dhṛtasaṃyogaviparyayau yadā / virahaḥ kim ivānutāpayed vada bāhyair viṣayair vipaścitam // 8.89	ajñātasamavṛtta [11: ssjgl] (? 2 eva pādāḥ yuktāḥ)
na pṛthagjanavac chuco vaśaṃ vaśinām uttama gantum arhasi / drumasānumatāṃ kim antaraṃ yadi vāyau dvitaye 'pi te calāḥ // 8.90	viyoginī = [10: ssjg] 1,3 + [11: sBrlg] 2,4
sa tatheti vinetur udāramateḥ pratigṛhya vaco visasarja munim / tad alabdhapadaṃ hṛdi śokaghane pratiyātam ivāntikam asya guroḥ // 8.91	toṭaka [12: ssss]
tenāṣṭau parigamitāḥ samāḥ kathaṃcid bālatvād avitathasūnṛtena sūnoḥ / sādṛśyapratikṛtidarśanaiḥ priyāyāḥ svapneṣu kṣaṇikasamāgamtosavaiś ca // 8.92	praharṣiṇī [13: mnjrg] (? 3 eva pādāḥ yuktāḥ)
tasya prasahya hṛdayaṃ kila śokaśaṅkuḥ plakṣapraroha iva saudhatalaṃ bibheda / prāṇāntahetum api taṃ bhiṣajām asādhyaṃ lābhaṃ priyānugamane tvarayā sa mene // 8.93	vasantatilakā [14: tBjjgg]
samyagvinītam atha varmaharaṃ kumāram ādiśya rakṣaṇavidhau vidhivat prajānām / rogopasṛṣṭatanudurvasatiṃ mumukṣuḥ prāyopaveśanamatir nṛpatir babhūva // 8.94	vasantatilakā [14: tBjjgg]
tīrthe toyavyatikarabhave jahnukanyāsaryvor dehatyāgād amaragaṇanālekhyam āsādya sadyaḥ / pūrvākārādhikatararucā saṃgataḥ kāntayāsau līlāgāreṣv aramata punar nandanābhyantareṣu // 8.95	mandākrāntā [17: mBnttgg] (? 3 eva pādāḥ yuktāḥ)
pitur anantaram uttarkosalān samadhigamya samādhijitendriyaḥ / daśarathaḥ praśaśāsa mahāratho yamavatām avatāṃ ca dhuri sthitaḥ // 9.1	drutavilambita [12: nBBr] (? 3 eva pādāḥ yuktāḥ)
adhigataṃ vidhivad yad apālayat prakṛtimaṇḍalam ātmakulocitam / abhavad asya tato guṇavattaraṃ sanagaraṃ nagarandhrakaraujasaḥ // 9.2	drutavilambita [12: nBBr]
ubhayam eva vadanti manīṣiṇaḥ samayavarṣitayā kṛtakarmaṇām / valaniṣūdanam arthpatiṃ ca taṃ śramanudaṃ manudaṇḍaharānvayam // 9.3	drutavilambita [12: nBBr] (? 3 eva pādāḥ yuktāḥ)
janapade na gadaḥ padam ādadhāv abhibhavaḥ kuta eva sapatnajaḥ / kṣitir abhūt phalavaty ajanandane śamarate 'maratejasi pārthive // 9.4	drutavilambita [12: nBBr]
daśadigantajitā raghuṇā yathā śriyam apuṣyad ajena tataḥ param / tam adhigamya tathaiva punar babhau na na mahī 'nam ahīnaparākramam // 9.5	drutavilambita [12: nBBr]
samatayā vasuvṛṭivisarjanair niyamanād asatāṃ ca narādhipaḥ / anuyayau yamapuṇyajaneśvarau savaruṇāv aruṇāgrasaraṃ rucā // 9.6	drutavilambita [12: nBBr] (? 3 eva pādāḥ yuktāḥ)
na mṛgayābhiratir na durodaraṃ na ca śaśipratimābharaṇaṃ madhu / tam udayāya na vā navayauvanā priyatamā yatamānam apāharā // 9.7	drutavilambita [12: nBBr]
na kṛpaṇā prabhavaty api vāsave na vitathā parihāsakathāsv api / na ca sapatnajaneṣv api tena vāg aparuṣā paruṣākṣaram īritā // 9.8	drutavilambita [12: nBBr]
udayam astamayaṃ ca raghūdvahād ubhayam ānaśire vasudhādhipāḥ / sa hi nideśam alaṅghayatām abhūt suhṛd ayohṛdayaḥ pratigarjatām // 9.9	drutavilambita [12: nBBr]
ajayad ekarathena sa medinīm udadhinemim adhijyaśarāsanaḥ / jayam aghoṣayad asya tu kevalaṃ gajavatī javatīrahayā camūḥ // 9.10	drutavilambita [12: nBBr]
jaghananirviṣayīkṛtamekhalān anucitāśruviluptaviśeṣakān / sa ripudāragaṇān akarod balād analakān alakādhipavikramaḥ // 9.10.2	drutavilambita [12: nBBr]
avanim ekarathena varūthinā jitavataḥ kila tasya dhanurbhṛtaḥ / vijayadundubhitāṃ yayur arṇavā ghanaravā naravāhanasaṃpadaḥ // 9.11	drutavilambita [12: nBBr]
śamitapakṣabalaḥ śitakoṭinā śikhariṇāṃ kuliśena puraṃdaraḥ / sa sāravṛṣṭimucā dhanuṣā dviṣāṃ svanavatā navatāmarasānanaḥ // 9.12	drutavilambita [12: nBBr] (? 3 eva pādāḥ yuktāḥ)
sphuritakoṭisahasramarīcinā samacinot kuliśena harir yaśaḥ / sa dhanuṣā yudhi sāyakavarṣiṇā svanavatā navatāmarasānanaḥ // 9.12.2	drutavilambita [12: nBBr]
caraṇayor nakharāgasamṛddhibhir mukuṭaratnamarīcibhir aspṛśan / sa dhanuṣā yudhi sāyakavarṣiṇā śatamakhaṃ tam akhaṇḍitapauruṣam // 9.13	drutavilambita [12: nBBr]
nivavṛte sa mahārṇavarodhasaḥ sacivakāritabālasutāñjalīn / samanukampya sapatnaparigrahān analakān alakānavamāṃ purīm // 9.14	drutavilambita [12: nBBr]
upagato 'pi ca maṇḍalanābhitām anuditānyasitātapavāraṇaḥ / ajitam asti nṛpāspadam ity abhūd analaso 'nalasomasamadyutiḥ // 9.15	drutavilambita [12: nBBr]
kratuṣu tena visarjitamaulinā bhujasamāhṛtadigvasunā kṛtāḥ / kanakayūpasamucchrayaśobhino vitamasā tamasārasyūtaṭāḥ // 9.16	drutavilambita [12: nBBr] (? 3 eva pādāḥ yuktāḥ)
ajinadaṇḍabhṛtaṃ kuśamekhalāṃ yatagiraṃ mṛgaśṛṅgaparigrahām / adhivasaṃs tanum adhvaradīkṣitām asambhāsam abhāsayad īśvaraḥ // 9.17	drutavilambita [12: nBBr] (? 3 eva pādāḥ yuktāḥ)
avabhṛtaprayato niyatendriyaḥ surasamājasamākramaṇocitaḥ / namayati sma sa kevalam unnataṃ vanamuce namucer araye śiraḥ // 9.18	drutavilambita [12: nBBr]
tam apahāya kakutsthakulodbhavaṃ puruṣam ātmabhuvaṃ ca pativratā / nṛpatim anyam asevata devatā sakamalā kam alāghavam arthiṣu // 9.19	drutavilambita [12: nBBr]
sa kila saṃyugamūrdhni sahāyatāṃ maghavataḥ pratipadya mahārathaḥ / svabhujavīryam agāpayad ucchritaṃ suravadhūr avadhūtabhayāḥ śaraiḥ // 9.20	drutavilambita [12: nBBr]
asakṛd ekarathena tarasvinā harihayāgrasareṇa dhanurbhṛtā / dinakarābhimukhā raṇareṇavo rurudhire rudhireṇa suradviṣām // 9.21	drutavilambita [12: nBBr]
tam alabhanta patiṃ patidevatāḥ śikhariṇāṃ iva sāgaram āpagāḥ / magadhakosalakekayaśasināṃ duhitaro 'hitaropitamārgaṇam // 9.22	drutavilambita [12: nBBr] (? 3 eva pādāḥ yuktāḥ)
priyatamābhir asau tiṛbhir babhau tisṛbhir eva bhuvaṃ saha śaktibhiḥ / upagato vininīṣur iva prajā harihayo 'rihayogavicakṣaṇaḥ // 9.23	drutavilambita [12: nBBr]
atha samāvavṛte kusumair navais tam iva sevitum ekanarādhipam / yamakuberjaleśvaravajriṇāṃ samadhuraṃ madhur añcitavikramam // 9.24	drutavilambita [12: nBBr] (? 3 eva pādāḥ yuktāḥ)
jigamiṣur dhanadādhyuṣitāṃ diśaṃ rathayujā parivartitavāhanaḥ / dinamukhāni ravir himanirgrahair vimalayan malayaṃ nagam atyajat // 9.25	drutavilambita [12: nBBr]
himavivarṇitacandanapallavaṃ virahayan malayādrim udaṅmukhaḥ / vihagayoḥ kṛpayeva śanair yayau ravir aharvirahadhruvabhedayoḥ // 9.25.2	drutavilambita [12: nBBr]
kusumajanma tato navapallavās tadanu ṣaṭpadakokilakūjitam / iti yathākramam āvirabhūn madhur drumavatīm avatīrya vanasthalīm // 9.26	drutavilambita [12: nBBr]
surabhisaṃgamajaṃ vanamālayā navapalāśam adhāryata bhaṅguram / ramaṇadattam ivārdranakhakṣataṃ pramadayā madayāpitalajjayā // 9.26.2	drutavilambita [12: nBBr]
upahitaṃ śiśirāpagamaśriyā mukulajālam aśobhata kiṃśuke / praṇayinīva nakhakṣatamaṇḍanaṃ pramadayā madayāpitalajjayā // 9.27	drutavilambita [12: nBBr]
parabhṛtā madanakṣatacetasāṃ priyasakhī laghuvāg iva yoṣitām / priyatamān akarot kalahāntare mṛduravā duravāpasamāgamān // 9.27.2	drutavilambita [12: nBBr]
vraṇagurupramadādharaduḥsahaṃ jaghananirviṣayīkṛtamekhalam / na khalu tāvad aśeṣam apohituṃ ravir alaṃ viralaṃ kṛtavān himam // 9.28	drutavilambita [12: nBBr]
viśadacandrakaraṃ sukhamārutaṃ kusumitadrumam unmadakokilam / tad upabhogarasaṃ himavarṣiṇaḥ param ṛtor viralaṃ kṛtavān himam // 9.28.2	drutavilambita [12: nBBr]
abhinayān paricetum ivodyatā malayamārutakampitapallavā / amadayat sahakāralatā manaḥ sakalikā kalikāmajitām api // 9.29	drutavilambita [12: nBBr]
nayaguṇopacitām iva bhūpateḥ sadupakāraphalāṃ śriyam arthinaḥ / abhiyayuḥ saraso madhusaṃbhṛtāṃ kamalinīm alinīrapatriṇaḥ // 9.30	drutavilambita [12: nBBr] (? 3 eva pādāḥ yuktāḥ)
daśanacandrikayā vyabhāsitaṃ hasitam āsavagandhi madhor iva / bakulapuṣpam asevyata ṣaṭpadaiḥ śucirasaṃ cirasaṃcitam īpsubhiḥ // 9.30.2	drutavilambita [12: nBBr] (? 3 eva pādāḥ yuktāḥ)
kusumam eva na kevalam ārtavaṃ navam aśokataroḥ smaradīpanam / kisalayaprasavo 'pi vilāsināṃ madayitā dayitāśravaṇārpitaḥ // 9.31	drutavilambita [12: nBBr]
viracitā madhunopavanśriyām abhinavā iva pattraviśeṣakāḥ / madhulihāṃ madhudānaviśāradāḥ kurabakā ravakāraṇatāṃ yayuḥ // 9.32	drutavilambita [12: nBBr] (? 3 eva pādāḥ yuktāḥ)
suvadanāvadanāsavasaṃbhṛtas tadanuvādiguṇaḥ kusumodgamaḥ / madhukarair akaron madhulolupair bakulam ākulam āyatapaṅktibhiḥ // 9.33	drutavilambita [12: nBBr]
suvadanāvadanāsavasaṃbhṛtas tadanuvādiguṇaḥ kusumodgamaḥ / iti dayāta ivābhavad āyatā na rajanī rajanīśavatī madhau // 9.33.2	drutavilambita [12: nBBr]
prathamam anyabhṛtābhir udīritāḥ praviralā iva mugdhavadhūkathāḥ / surabhigandhiṣu śuśruvire giraḥ kusumitāsu mitā vanarājiṣu // 9.34	drutavilambita [12: nBBr]
śrutisukhabhramarasvanagītayaḥ kusumakomaladantaruco babhuḥ / upavanāntalatāḥ pavanāhataiḥ kisalayaiḥ salayair iva pāṇibhiḥ // 9.35	drutavilambita [12: nBBr]
lalitavibhramabandhavicakṣaṇaṃ surabhigandhaparājitakesaram / patiṣu nirviviśur madhum aṅganāḥ smarasakhaṃ rasakhaṇḍanavarjitam // 9.36	drutavilambita [12: nBBr]
tilakamastakaharmyakṛtāspadaiḥ kusumamadhvanuṣaṅgasugandhibhiḥ / kalam agīyata bhṛṅgavilāsināṃ smarayutair ayutair abalāsakhaiḥ // 9.36.2	drutavilambita [12: nBBr]
śuśubhire smitacārutarānanāḥ striya iva ślathaśiñjitamekhalāḥ / vikacatāmarasā gṛhadīrghikā madakalodakalolavihaṃgamāḥ // 9.37	drutavilambita [12: nBBr]
laghayati sma na patyaparādhajaṃ na sahakāratarus taruṇīdhṛtam / kusumito namito 'libhir unmadaiḥ smarasamādhisamādhikaroṣitam // 9.37.2	drutavilambita [12: nBBr]
upayayau tanutāṃ madhukhaṇḍitā himakarodayapāṇḍumukhacchaviḥ / sadṛśam iṣṭasamāgamanirvṛtiṃ vanitayā 'nitayā rajanīvadhūḥ // 9.38	drutavilambita [12: nBBr]
apatuṣāratayā viśadaprabhaiḥ suratarāga pariśramanodibhiḥ / kusumacāpam atejayad aṃśubhir himakaro makarojitaketanam // 9.39	drutavilambita [12: nBBr]
hutahutāśanadīpti vanśriyaḥ pratinidhiḥ kanakābharaṇasya yat / yuvatayaḥ kusumaṃ dadhur āhitaṃ tad (?) alake dalakesarapeśalam // 9.40	drutavilambita [12: nBBr] (? 3 eva pādāḥ yuktāḥ)
alibhir añjanabindumaoharaiḥ kusumapaṅktinipātibhir aṅkitaḥ / na khalu śobahayit sma vanasthalīṃ na tilakas tilakaḥ pramadām iva // 9.41	drutavilambita [12: nBBr]
amadayan madghugandhasanāthayā kisalayādharasaṃgatayā manaḥ / kusumasaṃbhṭtayā navamallikā smitarucā tarucāruvilāsinī // 9.42	ajñātasamavṛtta [13: Bjjjg] (? 2 eva pādāḥ yuktāḥ)
analasānyabhṛtā 'nalasān manaḥ kamaladhūlibhṛtā maruteritā / kusumabhāranatādhvagayoṣitām asamaśokam aśokalatā 'karot // 9.42.2	drutavilambita [12: nBBr]
aruṇarāganiṣedhibhir aṃśukaiḥ śravaṇalabdhapadaiś ca yavāṅkuraiḥ / parabhṛtāvirutaiś ca vilāsinaḥ smarabalair abalaikarasāḥ kṛtāḥ // 9.43	drutavilambita [12: nBBr]
upacitāvayavā śucibhiḥ kaṇair alikadambakayogam upeyuṣī / sadṛśakāntir alakṣyata mañjarī tilakajā 'lakajālakamauktikaiḥ // 9.44	drutavilambita [12: nBBr]
dhvajapaṭaṃ madanasya dhanurbhṛtaś chavikaraṃ mukhacūrṇam ṛtuśriyaḥ / kusumakesarareṇum alivrajāḥ sapavanopavanotthitam anvayuḥ // 9.45	drutavilambita [12: nBBr]
anubhavan navadolam ṛtūtsavaṃ paṭur pai priyakaṇṭhajigṛkṣayā / anayad āsanarajjuparigrahe bhujalatāṃ jaḍatām abalājanaḥ // 9.46	drutavilambita [12: nBBr] (? 3 eva pādāḥ yuktāḥ)
tyajata mānam alaṃ bata bigrahair na punar eti gataṃ caturaṃ vayaḥ / parabhṛtābhir itīva nivedite smaramate ramate sma vadhūjanaḥ // 9.47	drutavilambita [12: nBBr]
atha yathāsukham ārtavam utsavaṃ samanubhūya vilāsavatīsakhaḥ / narapatiś cakame mṛgayāratiṃ sa madhumanmadhumanmathasaṃnibhaḥ // 9.48	drutavilambita [12: nBBr]
paricayaṃ calakṣyanipātane bhayaruṣoś ca tadiṅgitabodhanam / śramajayāt praguṇāṃ ca karoty asau tanum ato 'numataḥ sacivair yayau // 9.49	drutavilambita [12: nBBr] (? 3 eva pādāḥ yuktāḥ)
mṛgavanopagamakṣamaveṣabhṛd vipulakaṇṭhaniṣaktaśarāsanaḥ / gaganam aśvakhuroddhuta reṇubhir nṛsavitā savitānam ivākarot // 9.50	drutavilambita [12: nBBr]
grathitamaulir asau vanamālayā taru palāśasavarṇatanucchadaḥ / turagavalganacaṇcalakuṇḍalo viruruce ruruceṣṭitabhūmiṣu // 9.51	drutavilambita [12: nBBr]
tanulatāviniveśitavigrahā bhramarasaṃkramitekṣaṇavṛttayaḥ / dadṛṣur adhvani taṃ vanadevatāḥ sunayanaṃ nayananditakosalam // 9.52	drutavilambita [12: nBBr]
śvagaṇvāgurikaiḥ prathamāsthitaṃ vyapagatānaladasyu viveśa saḥ / sthiraturaṃgamabhūmi nipānavan mṛgavayogavayopacitaṃ vanam // 9.53	drutavilambita [12: nBBr] (? 3 eva pādāḥ yuktāḥ)
atha nabhasya iva tridaśāyudhaṃ kanakapiṅgataḍidguṇasaṃyutam / dhanur radhijyam anādhir upādade naravaro ravaroṣitakesarī // 9.54	drutavilambita [12: nBBr] (? 3 eva pādāḥ yuktāḥ)
tasya stanapraṇayibhir muhur eṇaśāvair vyāhanyamānahariṇīgamanaṃ purastāt / āvirbabhūva kuśagarbhamukhaṃ mṛgāṇāṃ yūthaṃ tadagrasaragarvitakṛṣnasāram // 9.55	vasantatilakā [14: tBjjgg]
tat prārthitaṃ javanvājigatena rājñā tūṇīmukhoddhṛtaśareṇa viśīrṇapaṅkti / śyāmīcakāra vanam ākuladṛśṭipātair vateritotpaladalaprakarair ivāmbhaḥ // 9.56	vasantatilakā [14: tBjjgg] (? 2 eva pādāḥ yuktāḥ)
lakṣyīkṛtasya hariṇasya hariprabhāvaḥ prekṣya sthitāṃ sahacarīṃ vyavadhāya deham / ākarṇakṛṣṭam api kāmitayā sa dhanvī bāṇaṃ kṛpāmṛdhumanāḥ pratisaṃjahāra // 9.57	vasantatilakā [14: tBjjgg]
tasyāpareṣv api mṛgeṣu śarān mumukṣoḥ karṇāntam etya bibhide nibiḍo 'pi muṣṭiḥ / trāsātimātracaṭulaiḥ smarayatsu netraiḥ prauḍhapriyānayanavibhramaceṣṭitāni // 9.58	vasantatilakā [14: tBjjgg]
uttasthuṣaḥ śiśirapalvalapaṅkamadhyān mustāprarohakavalāvayavānukīrṇam / jagrāha sa drutavarāhakulasya mārgaṃ suvyaktam ārdrapadapaṅktibhir āyatābhiḥ // 9.59	vasantatilakā [14: tBjjgg]
taṃ vāhanād avanatottarakāyam īṣad vidhyantam uddhatasaṭāḥ pratihantum īṣuḥ / nātmānam asya vividuḥ sahasā varāhā vṛkeṣu viddham iṣubhir jaghanāśrayeṣu // 9.60	vasantatilakā [14: tBjjgg] (? 3 eva pādāḥ yuktāḥ)
tenābhighātarabhasasya vikṛṣya pattrī vanyasya netravivare mahiṣasya muktaḥ / nirbhidya vigraham aśoṇitaliptapuṅkhas taṃ pātayāṃ prathamam āsa papāta paścāt // 9.61	vasantatilakā [14: tBjjgg]
prāyo viṣāṇaparimoṣalaghūttamāṅgān khaḍgāṃś cakāra nṛpatir niśitaiḥ kṣurapraiḥ / śṛṇgaṃ sa dṛptavinayādhikṛtaḥ pareṣām abhyucchritaṃ na mamṛṣe na tu dīrgham āyuḥ // 9.62	vasantatilakā [14: tBjjgg]
vyāghrān abhīr abhimukhopatitān guhābhyaḥ phullāsanāgraviṭapān iva vāyurugṇān / śikṣāviśeṣalaghuhastatayā nimeṣāt tūṇīcakāra śarapūritavaktrarandhrān // 9.63	vasantatilakā [14: tBjjgg]
nirghātograiḥ kuñjalīnāñ jighāṃsur jyānirghoṣaiḥ kṣobhayām āsa siṃhān / nūnaṃ teṣām abhyasūyāparo 'bhūd vīryodagre rājaśabde mṛgeṣu // 9.64	śālinī [11: mttgg]
tān hatvā gajakulabaddhatīvravairān kākutsthaḥ kuṭilanakhāgralagnamuktān / ātmānaṃ raṇakṛtakarmaṇāṃ gajānām ānṛṇyaṃ gatam iva mārgaṇair amaṃsta // 9.65	praharṣiṇī [13: mnjrg]
tān hatvā gajakulabaddhatīvravairān kākutsthaḥ kuṭilanakhāgralagnamuktān / ātmānaṃ raṇakṛtakarmaṇāṃ gajānām ānṛṇyaṃ gatam iva mārgaṇair amaṃsta // 9.65.2	praharṣiṇī [13: mnjrg]
camarān paritaḥ pravartitāśvaḥ kvacid ākarṇavikṛṣṭabhallavarṣī / nṛpatīn iva tān viyojya sadyaḥ sitavālavyajanair jagāma śāntim // 9.66	aupacchandasika = [11: ssjgg] 1,3 + [12: sBry] 2,4
api turagasamīpād utpatantaṃ mayūraṃ na sa rucirakalāpaṃ bāṇalakṣyī cakāra / sapadi gatamanaskaś citramālyānukīrṇe rativigalitabandhe keśapāśe priyāyāḥ // 9.67	mālinī [15: nnmyy]
tasya karkaśavihārsaṃbhavaṃ svedam ānanavilagnajālakam / ācacāma satuṣāraśīkaro bhinnapallavapuṭo vanānilaḥ // 9.68	rathoddhatā [11: rnrlg] (? 3 eva pādāḥ yuktāḥ)
iti vismṛtānyakaraṇīyam ātmanaḥ sacivāvalambitadhuraṃ narādhipam / parivṛddharāgam anubhandhasevayā mṛgayā jahāra catureva kāminī // 9.69	mañjubhāṣiṇī [13: sjsjg]
sa lalitakusumapravālaśayyāṃ jvalitamahauṣadhidīpikāsanāthām / narapatir ativāhayāṃ babhūva kvacid asametaparicchadas triyāmām // 9.70	puṣpitāgrā = [12: nnry] 1,3 + [12: njjrg] 2,4
uṣasi sa gajayūthakarṇatālaiḥ paṭupaṭadhavanibhir vinītanidraḥ / aramata madhurāṇi tatra śṛṇvan vihagavikūjitabandimaṅgalāni // 9.71	ajñātārdhasamavṛtta [nnrynll, sjgg]
atha jātu ruror gṛhītavartmā vipine pārśvacarair alakṣyamāṇaḥ / śramaphenamucā tapasvigāḍhāṃ tamasāṃ prāpa nadīṃ turaṃgameṇa // 9.72	aupacchandasika = [11: ssjgg] 1,3 + [12: sBry] 2,4
kumbhapūraṇabhavaḥ paṭur uccair uccacāra nando 'mbhasi tasyāḥ / tatra sa dviradabṛṃhitaśaṅkī śabdapātinam iṣuṃ visasarja // 9.73	āryāgīti (12, 20, 12, 20)
nṛpateḥ pratiṣiddham eva tat kṛtavān paṅktiratho vilaṅghya yat / apathe padam arpayanti hi śrutavanto 'pi rajonimīlitāḥ // 9.74	viyoginī = [10: ssjg] 1,3 + [11: sBrlg] 2,4
hā tāteti kranditam ākarṇya viṣaṇṇas tasyānviṣyan vetasagūḍhaṃ prabhavaṃ saḥ / śalyaprotaṃ prekṣya sakumbhaṃ muniputraṃ tāpād antaḥśalya ivāsīt kśitipo 'pi // 9.75	mattamayūra [13: mtysg]
tenāvatīrya turagāt prathitāngvayena pṛṣṭānvayaḥ sa jalakumbhaniṣaṇṇadehaḥ / tasmai dvijetaratapasvisutaṃ skhaladbhir ātmānam akṣarapadaiḥ kathayāṃ babhūva // 9.76	vasantatilakā [14: tBjjgg]
taccoditaḥ ca tam anuddhrṛtaśalyam eva pitroḥ sakāśam avasannadṛśor nināya / tābhyāṃ tathāgatam upetya tam ekaputram ajñānataḥ svacaritaṃ nṛpatiḥ śaśaṃsa // 9.77	vasantatilakā [14: tBjjgg]
tau daṃpatī bahu vilapya śiśoḥ prahartrā śalyaṃ nikhātam udahārayatām urastaḥ / so 'bhūt parāsur atha bhūmipatiṃ śaśāpa hastārpitair nayanvāribhir eva vṛddhaḥ // 9.78	vasantatilakā [14: tBjjgg] (? 3 eva pādāḥ yuktāḥ)
diṣṭāntam āpsyati bhavān api putraśokād ante vayasy aham iveti tam uktavantam / ākrāntapūrvam iva muktaviṣaṃ bhujaṃgaṃ provāca kosalapatiḥ prathamāparāddhaḥ // 9.79	vasantatilakā [14: tBjjgg]
śāpo 'py adṛṣṭatanayānanapadmaśobhe sānugraho bhagavatā mayi pātito 'yam / kṛṣyāṃ dahann api khalu kṣitim indhaneddho bījaprarohajananīṃ jvalanaḥ karoti // 9.80	vasantatilakā [14: tBjjgg]
itthaṃ gate gataghṛṇaḥ kim ayaṃ vidhattāṃ vadhyas tavety abhitite vasudhādhipena / edhān hutāśanavataḥ sa munir yayāce putraṃ parāsum anugantumanāḥ sadāraḥ // 9.81	vasantatilakā [14: tBjjgg]
prātānugaḥ sapadi śāsanam asya rājā saṃpādya pātakaviluptadhṛtir nivṛttaḥ / antarniviṣṭapadam ātmavināśahetuṃ śāpaṃ dadhaj jvalanam aurvam ivāmburāśiḥ // 9.82	vasantatilakā [14: tBjjgg]
tadartham arthajñagate gatatrapaḥ kim eṣa te vadhyajano 'nusiṣṭhatu / sa vahnisaṃskāram ayācatātmanaḥ sadārasūnor vidadhe ca tan nṛpaḥ // 9.82.2	vaṃśastha [12: jtjr]
sameyivān raghuvṛṣabhaḥ svasainikaiḥ svamandiraṃ śithiladhṛtir nivartitaḥ / manogataṃ guruṃ ṛṣiśāpam udvahan kṣayānalaṃ jaladhir ivāntakāspadam // 9.82.3	rucirā [13: jBsjg] (? 3 eva pādāḥ yuktāḥ)
pṛthivīṃ śāsatas tasya pākaśāsanatejasaḥ / kiṃcidūnam anūnarddheḥ śaradām ayutaṃ yayau // 10.1	anuṣṭubh (1,2: pathyā, 3,4: pathyā)
na copalebhe pūrveṣām ṛṇanirmokṣasādhanam / sutābhidhānaṃ sa jyotiḥ śaradām ayutaṃ yayau // 10.2	anuṣṭubh (1,2: ma-vipulā, 3,4: ma-vipulā)
manor vaṃśaś ciraṃ tasminn anabhivyaktasaṃtatiḥ / nimajjya punar utthāsyan nadaḥ śoṇa ivābhavat // 10.2.2	anuṣṭubh (1,2: pathyā, 3,4: pathyā)
atiṣṭhat pratyayāpekṣa-saṃtatiḥ sa ciraṃ nṛpaḥ / prāṅ manthād anabhivyakta-ratnotpattir ivārṇavaḥ // 10.3	anuṣṭubh (1,2: pathyā, 3,4: pathyā)
ṛṣyaśṛṅgādayas tasya santaḥ saṃtānakāṅkṣiṇaḥ / ārebhire jitātmānaḥ putrīyām iṣṭim ṛtvijaḥ // 10.4	anuṣṭubh (1,2: pathyā, 3,4: pathyā)
tasminn avasare devāḥ paulastyopaplutā harim / abhijagmur nidāghārtāś chāyāvṛkṣam ivādhvagāḥ // 10.5	anuṣṭubh (1,2: pathyā, 3,4: pathyā)
te ca prāpur udanvataṃ bubudhe cādipūruṣaḥ / avyākṣepo bhaviṣyantyāḥ kāryasiddher hi lakṣaṇam // 10.6	anuṣṭubh (1,2: asamīcīna, 3,4: pathyā)
bhogibhogādanāsīnaṃ dadṛśus taṃ divaukasaḥ / tatphaṇāmaṇḍalodarcir-maṇidyotitavigraham // 10.7	anuṣṭubh (1,2: pathyā, 3,4: pathyā)
śriyaḥ padmaniṣaṇṇāyāḥ kṣaumāntaritamekhale / aṅke nikṣiptacaraṇam āstīrṇakarapallave // 10.8	anuṣṭubh (1,2: pathyā, 3,4: na-vipulā)
prabuddhapuṇḍarīkākṣaṃ bālātapanibhāṃśukam / divasaṃ śāradam iva prārambhasukhadarśanam // 10.9	anuṣṭubh (1,2: pathyā, 3,4: na-vipulā)
prabhānuliptaśrīvatsaṃ lakṣmīvibhramadarpaṇam / kautsubhākhyam apāṃ sāraṃ bibhrāṇaṃ bṛhatorasā // 10.10	anuṣṭubh (1,2: ma-vipulā, 3,4: pathyā)
bāhubhir viṭapākārair divyābharaṇabhūṣitaiḥ / āvirbhūtam apāṃ madhye pārijātam ivāparam // 10.11	anuṣṭubh (1,2: pathyā, 3,4: pathyā)
daityastrīgaṇḍalekhānāṃ madarāgavilopibhiḥ / hetibhiś cetanāvadbhir udīritajayasvanam // 10.12	anuṣṭubh (1,2: pathyā, 3,4: pathyā)
muktaśeṣavirodhena kuliśavraṇalakṣmaṇā / upasthitaṃ prāñjalinā vinītena garutmatā // 10.13	anuṣṭubh (1,2: pathyā, 3,4: bha-vipulā)
yoganidrāntaviśadaiḥ pāvanair avalokanaiḥ / bhṛgvādīn anugṛhṇantaṃ saukha śāyanikān ṛṣīn // 10.14	anuṣṭubh (1,2: na-vipulā, 3,4: pathyā)
praṇipatya surās tasmai śamayitre suradviṣām / athainaṃ tuṣṭuvuḥ stutyam avāṅmanasagocaram // 10.15	anuṣṭubh (1,2: pathyā, 3,4: pathyā)
namo viśvasṛje pūrvaṃ viśvaṃ tadanu bibhrate / atha viśvasya saṃhartre tubhyaṃ tredhāsthitātmane // 10.16	anuṣṭubh (1,2: pathyā, 3,4: pathyā)
rasāntarāṇy ekarasaṃ yathā divyaṃ payo 'śnute / deśe deśe guṇeṣv evam avasthās tvam avikriyaḥ // 10.17	anuṣṭubh (1,2: bha-vipulā, 3,4: pathyā)
ameyo mitalokas tvam anarthī prārthanāvahaḥ / ajito jiṣṇur atyantam avyakto vyaktakāraṇam // 10.18	anuṣṭubh (1,2: pathyā, 3,4: pathyā)
ekaḥ kāraṇatas tāṃ tām avasthāṃ pratipadyase / nānātvaṃ rāgasaṃyogāt sphaṭikasy'eva te smṛtam // 10.19	anuṣṭubh (1,2: pathyā, 3,4: pathyā)
hṛdayastham anāsannam akāmaṃ tvāṃ tapasvinam / dayālum anaghaspṛṣṭaṃ purāṇam ajaraṃ viduḥ // 10.20	anuṣṭubh (1,2: pathyā, 3,4: pathyā)
sarvajñas tvam avijñātaḥ sarvayonis tvam ātmabhūḥ / sarvaprabhur anīśas tvam ekas tvaṃ sarvarūpabhāk // 10.21	anuṣṭubh (1,2: pathyā, 3,4: pathyā)
saptasāmopagītaṃ tvāṃ saptārṇavajaleśayam / saptārcirmukham ācakhyuḥ saptalokaikasaṃśrayam // 10.22	anuṣṭubh (1,2: pathyā, 3,4: pathyā)
caturvargaphalaṃ jñānaṃ kālāvasthā caturyugā / caturvarṇamayo lokas tvattaḥ sarvaṃ caturmukhāt // 10.23	anuṣṭubh (1,2: pathyā, 3,4: pathyā)
abhyāsanigṛhītena manasā hṛdayāśrayam / jyotirmayaṃ vicinvanti yoginas tvāṃ vimuktaye // 10.24	anuṣṭubh (1,2: pathyā, 3,4: pathyā)
ajasya gṛhṇato janma nirīhasya hatadviṣaḥ / svapato jāgarūkasya yāthātmyaṃ veda kas tava // 10.25	anuṣṭubh (1,2: pathyā, 3,4: pathyā)
śabdādīn viṣayān bhoktuṃ carituṃ duścaraṃ tapaḥ / paryāpto 'si prajāḥ pātum audāsīnyena vartitum // 10.26	anuṣṭubh (1,2: pathyā, 3,4: pathyā)
bahudhāpy āgamair bhinnāḥ panthānaḥ siddhihetavaḥ / tvayy eva nipatanty oghā jāhnavīyā ivārṇave // 10.27	anuṣṭubh (1,2: pathyā, 3,4: pathyā)
tvayy āveśitacittānāṃ tvatsamarpitakarmaṇām / gatis tvaṃ vītarāgāṇām abhūyaḥsaṃnivṛttaye // 10.28	anuṣṭubh (1,2: pathyā, 3,4: pathyā)
pratyakṣo 'py aparicchedyo mahyādir mahimā tava / āptavāganumānābhyāṃ sādhyaṃ tvāṃ prati kā kathā // 10.29	anuṣṭubh (1,2: pathyā, 3,4: pathyā)
kevalaṃ smaraṇenaiva punāsi puruṣaṃ yataḥ / anena vṛttayaḥ śeṣā niveditaphalās tvayi // 10.30	anuṣṭubh (1,2: pathyā, 3,4: pathyā)
udadher iva ratnāni tejāṃsīva vivasvataḥ / stutibhyo vyatiricyante dūreṇa caritāni te // 10.31	anuṣṭubh (1,2: pathyā, 3,4: pathyā)
anavāptam avāptavyaṃ na te kiṃcana vidyate / lokānugraha evaiko hetus te janmakaramaṇoḥ // 10.32	anuṣṭubh (1,2: pathyā, 3,4: asamīcīna)
mahimānaṃ yad utkīrtya tava saṃhriyate vacaḥ / śrameṇa tad aśaktyā vā na guṇānām iyattayā // 10.33	anuṣṭubh (1,2: pathyā, 3,4: pathyā)
iti prasādayām āsus tava saṃhriyate vacaḥ / bhūtārthavyāhṛtiḥ sā hi na stutiḥ parameṣṭhinaḥ // 10.34	anuṣṭubh (1,2: pathyā, 3,4: pathyā)
tasmai kuśalasaṃpraśna-vyañjitaprītaye surāḥ / bhayam apralayodvelād ācakhyur nairṛtodadheḥ // 10.35	anuṣṭubh (1,2: pathyā, 3,4: pathyā)
atha velāsamāsanna-śailarandhrānunādinā / svareṇovāca bhagavān paribhūtārṇavadhvaniḥ // 10.36	anuṣṭubh (1,2: pathyā, 3,4: na-vipulā)
purāṇasya kaves tasya varṇasthānasamīritā / babhūva kṛtasaṃskārā caritārthaiva bhāratī // 10.37	anuṣṭubh (1,2: pathyā, 3,4: pathyā)
babhau sa daśanajyotsnā sā vibhor vadanodgatā / niryātaśeṣā caraṇād gaṅgevordhvapravartinī // 10.38	anuṣṭubh (1,2: pathyā, 3,4: bha-vipulā)
jāne vo rakṣasākrāntāv anubhāvaparākramau / aṅgināṃ tamasevobhau guṇau prathmamadhyamau // 10.39	anuṣṭubh (1,2: pathyā, 3,4: asamīcīna)
viditaṃ tapyamānaṃ ca tena me bhuvantrayam / akāmopanateneva sādhor hṛdayam enasā // 10.40	anuṣṭubh (1,2: asamīcīna, 3,4: pathyā)
kāryeṣu caikakāryatvād abhyarthyo 'smi na vajriṇā / svayam eva hi vāto 'gneḥ sārathyaṃ pratipadyate // 10.41	anuṣṭubh (1,2: pathyā, 3,4: pathyā)
svāsidhārāparihṛtaḥ kāmaṃ cakrasya tena me / sthāpito daśamo mūrdhā lavyāṃśa iva rakṣasā // 10.42	anuṣṭubh (1,2: na-vipulā, 3,4: pathyā)
sraṣṭur varātisargāt tu mayā tasya durātmanaḥ / atyārūḍhaṃ ripoḥ soḍhaṃ candaneva bhoginaḥ // 10.43	anuṣṭubh (1,2: pathyā, 3,4: asamīcīna)
dhātāraṃ tapasā prītaṃ yayāce sa hi rākṣasaḥ / daivāt sargād avadhyatvaṃ martyeṣv āsthāparāṅmukhaḥ // 10.44	anuṣṭubh (1,2: pathyā, 3,4: pathyā)
so 'haṃ dāśarathir bhūtvā raṇabhūmer balikṣamam / kariṣyāmi śarais tīkṣṇais tacchiraḥkamaloccayam // 10.45	anuṣṭubh (1,2: pathyā, 3,4: pathyā)
acirād vajvabhir bhāgaṃ kalpitaṃ vidhivat punaḥ / māyāvibhir anālīḍham ādāsyadhve miśācaraiḥ // 10.46	anuṣṭubh (1,2: pathyā, 3,4: pathyā)
vaimānikāḥ puṇyakṛtas tyajantu marutāṃ pathi / puṣpakālokasaṃkṣobhaṃ meghāvaraṇatatparāḥ // 10.47	anuṣṭubh (1,2: bha-vipulā, 3,4: pathyā)
moṣyadhve svargabandīnāṃ veṇībandhān adūṣitān / śāpayantritapaulastya-balātkārakacagrahaiḥ // 10.48	anuṣṭubh (1,2: pathyā, 3,4: pathyā)
rāvaṇāvagrahaklāntam iti vāgamṛtena saḥ / abhivṛṣya marutsasyaṃ kṛṣṇameghas tirodadhe // 10.49	anuṣṭubh (1,2: pathyā, 3,4: pathyā)
puruhūtaprabhṛtayaḥ surakāryodyataṃ surāḥ / aṃśair anuyayur viṣṇuṃ puṣpair vāyum iva drumāḥ // 10.50	anuṣṭubh (1,2: na-vipulā, 3,4: pathyā)
atha tasya viśāṃpatyur ante kāmyasya karmaṇaḥ / puruṣaḥ prababhūvāgner vismayena sahartvijām // 10.51	anuṣṭubh (1,2: pathyā, 3,4: pathyā)
hemapātragataṃ dorbhyām ādadhānaḥ payaścarum / anupraveśād ādyasya puṃsas tenāpi durvaham // 10.52	anuṣṭubh (1,2: pathyā, 3,4: ma-vipulā)
prājāpatyopanītaṃ tad (?) annaṃ pratyagrahīn nṛpaḥ / vṛṣeva payasāṃ sāram āviṣkṛtam udanvatā // 10.53	anuṣṭubh (1,2: pathyā, 3,4: pathyā)
anena kathitā rājño guṇās tasyānyadurlabhāḥ / prasūtiṃ cakame tasmiṃs trailokyaprabhavo 'pi yat // 10.54	anuṣṭubh (1,2: pathyā, 3,4: pathyā)
sa tejo vaiśnavaṃ patnyor vibheje carusaṃjñitam / dyāvāpṛthivyoḥ pratyagram aharpatir ivātapam // 10.55	anuṣṭubh (1,2: pathyā, 3,4: ma-vipulā)
arcitā tasya kausalyā priyā kekayavaṃśajā / ataḥ saṃbhāvitāṃ tābhyāṃ sumitrām aicchad īśvaraḥ // 10.56	anuṣṭubh (1,2: pathyā, 3,4: pathyā)
te bahujñasya cittajñe patnyau patyur mahīṣitaḥ / caror ardhārdhabhāgābhyāṃ tām ayojayatām ubhe // 10.57	anuṣṭubh (1,2: pathyā, 3,4: pathyā)
sāpi praṇayavaty āsīt sapatnyor ubhayor api / bhramarī vāraṇasyeva madanisyandalekhayoḥ // 10.58	anuṣṭubh (1,2: pathyā, 3,4: pathyā)
tābhir garbhaḥ prajābhūtyai dadhre devāṃśasambhavaḥ / saurībhir iva nāḍībhir amṛtākhyābhir ammayaḥ // 10.59	anuṣṭubh (1,2: pathyā, 3,4: pathyā)
samam āpannasattvās tā rejur āpāṇḍuratviṣaḥ / antargataphalārambhāḥ sasyānām iva saṃpadaḥ // 10.60	anuṣṭubh (1,2: pathyā, 3,4: pathyā)
guptaṃ dadṛśur ātmānaṃ sarvāḥ svapneṣu vāmanaiḥ / jalajāsigadāśārṅga-cakralāñchitamūrtibhiḥ // 10.61	anuṣṭubh (1,2: pathyā, 3,4: pathyā)
hemapakṣaprabhājālaṃ gagane ca vitanvatā / uhyante sma suparṇena vegākṛṣṭapayomucā // 10.62	anuṣṭubh (1,2: pathyā, 3,4: pathyā)
bibhratyā kaustubhaṃ nyāsaṃ stanāntaravilambinam / paryupāsyanta lakṣmyā ca padmavyajanahastayā // 10.63	anuṣṭubh (1,2: pathyā, 3,4: pathyā)
kṛtābhiṣekair divyāyāṃ trisrotasi ca saptabhiḥ / brahma rṣibhiḥ paraṃ brahma gṛṇadhbir upatasthire // 10.64	anuṣṭubh (1,2: ma-vipulā, 3,4: pathyā)
tābhyas tathāvidhān svapnāñ chrutvā prīto hi pārthivaḥ / mene parārdhyam ātmānaṃ gurutvena jagdguroḥ // 10.65	anuṣṭubh (1,2: pathyā, 3,4: asamīcīna)
vibhaktātmā vibhus tāsām ekaḥ kuṣiṣv anekadhā / uvāsa pratimācandraḥ prasannānām apām iva // 10.66	anuṣṭubh (1,2: asamīcīna, 3,4: pathyā)
athāgramahiṣī rājñaḥ prasūtisamaye satī / putraṃ tamo'pahaṃ lebhe naktaṃ jyotir ivauṣadhiḥ // 10.67	anuṣṭubh (1,2: pathyā, 3,4: pathyā)
rāma ity abhirāmeṇa tenāpratima tejasā / nāmadheyaṃ guruś cakre jagatprathamamaṅgalam // 10.68	anuṣṭubh (1,2: pathyā, 3,4: pathyā)
raghuvaṃśapradīpena tenāpratima tejasā / rakṣāgṛhagatā dīpāḥ pratyādiṣṭa ivābhavan // 10.69	anuṣṭubh (1,2: pathyā, 3,4: pathyā)
śayyāgatena rāmeṇa mātā śātodarī babhau / saikatāmbhojabalinā jāhnavīva śaratkṛśā // 10.70	anuṣṭubh (1,2: pathyā, 3,4: na-vipulā)
kaikeyyās tanayo jajñe bharato nāma śīlavān / janayitrīm alaṃcakre yaḥ praśraya iva śriyam // 10.71	anuṣṭubh (1,2: pathyā, 3,4: pathyā)
sutau lakṣmaṇaśatrughnau sumitrā suṣuve yamau / samyagāgamitā vidyā prabodhavinayāv iva // 10.72	anuṣṭubh (1,2: pathyā, 3,4: pathyā)
nirdoṣam abhavat sarvam āviṣkṛtaguṇaṃ jagat / anvagād iva hi svargo gāṃ gataṃ puruṣottamam // 10.73	anuṣṭubh (1,2: pathyā, 3,4: pathyā)
tasyodaye caturmūrteḥ paulastyacakiteśvarāḥ / virajaskair nabhasvadbhir diśa ucchvasitā iva // 10.74	anuṣṭubh (1,2: pathyā, 3,4: pathyā)
kṛśānur apadhūmatvāt prasannatvāt prabhākaraḥ / rakṣiviprakṛtāv āstām apaviddhaśucāv iva // 10.75	anuṣṭubh (1,2: pathyā, 3,4: pathyā)
daśānanakirīṭebhyas tatkṣaṇaṃ rākṣasaśriyaḥ / maṇivyājena paryastāḥ pṛthivyām aśrubindavaḥ // 10.76	anuṣṭubh (1,2: pathyā, 3,4: pathyā)
putrajanmapraveśyānāṃ tūryāṇām tasya putriṇaḥ / ārambhaṃ prathamaṃ cakrur devadhundubhayo divi // 10.77	anuṣṭubh (1,2: pathyā, 3,4: pathyā)
saṃtānakamayī vṛṣṭir bhavane cāsya petuṣī / samaṅgalopacārāṇāṃ saivādiracanābhavat // 10.78	anuṣṭubh (1,2: pathyā, 3,4: pathyā)
kumārāḥ kṛtasaṃskārās te dhātristanya pāyinaḥ / ānandenāgrajeneva samaṃ vavṛdhire pituḥ // 10.79	anuṣṭubh (1,2: pathyā, 3,4: pathyā)
svābhāvikaṃ vinītatvaṃ teṣaṃ vinayakarmaṇā / mumūrcha sahajaṃ tejo haviṣeva havirbhujām // 10.80	anuṣṭubh (1,2: pathyā, 3,4: pathyā)
parasparāviruddhās te tad raghor anaghaṃ kulam / alam uddyotayām āsur devāraṇyam ivartavaḥ // 10.81	anuṣṭubh (1,2: pathyā, 3,4: pathyā)
samāne 'pi hi saubhrātre yathobhau rāmalakṣmaṇau / tathā bharataśatrughnau prītyā dvandvaṃ babhūvatuḥ // 10.82	anuṣṭubh (1,2: pathyā, 3,4: pathyā)
teṣāṃ dvayor dvayor aikyaṃ bibhide na kadācana / yathā vāyuvibhāvasvor yathā candrasamudrayoḥ // 10.83	anuṣṭubh (1,2: pathyā, 3,4: pathyā)
te prajānāṃ prajānāthās tejasā praśrayeṇa ca / mano jahrur nidāghānte śyāmābhrā divasā iva // 10.84	anuṣṭubh (1,2: pathyā, 3,4: pathyā)
sa caturdhā babhau vyastaḥ prasavaḥ pṛthivīpateḥ / dharmārthakāmamokṣāṇām avatāra ivāṅgabhāk // 10.85	anuṣṭubh (1,2: pathyā, 3,4: pathyā)
guṇair ārādhayām āsus te guruṃ guruvatsalāḥ / tam eva caturnateśaṃ ratnair iva mahārṇavāḥ // 10.86	anuṣṭubh (1,2: pathyā, 3,4: asamīcīna)
suragaja iva dantair bhagnadaityāsidhārair naya iva paṇabandhavyaktayogair upāyaiḥ / harir iva yugadīrghair dorbhir aṃṣais tadīyaiḥ patir avanipatīnāṃ taiś cakāśe // 10.87	mālinī [15: nnmyy] (? 3 eva pādāḥ yuktāḥ)
kauśikena sa kila kṣitīśvaro rāmam adhvaravighātaśāntaye / kākapakṣadharam etya yācitas tejasāṃ hi na vayaḥ samīkṣyate // 11.1	rathoddhatā [11: rnrlg]
kṛcchralabdham api labdhavarṇabhāk taṃ dideśa munaye salakṣmaṇam / apy asupraṇayināṃ raghoḥ kule na vyahanyata kadācid arthitā // 11.2	rathoddhatā [11: rnrlg]
yāvad ādiśati pārthivas tayor nirgamāya puramārgasatkriyām / tāvad āśu vidadhe marutsakhaiḥ sā sapuṣpajalavarṣibhir ghanaiḥ // 11.3	rathoddhatā [11: rnrlg]
tau nideśakaraṇodyatau pitur dhanvinau caraṇayor nipetatuḥ / bhūpater api tayoḥ pravatsyator namrayor upari bāṣpabindavaḥ // 11.4	rathoddhatā [11: rnrlg]
tau pitur nayanajena vāriṇā kiṃcidukṣitaśikhaṇḍakāv ubhau / dhanvinau tam ṛṣim anvagacchatāṃ pauradṛṣṭikṛtamārgatoraṇau // 11.5	rathoddhatā [11: rnrlg]
lakṣmaṇānucaram eva rāghavaṃ netum aicchad ṛṣir ity asau nṛpaḥ / āśiṣaṃ prayuyuje na vāhinīṃ sā hi rakṣaṇavidhau tayoḥ kṣamā // 11.6	rathoddhatā [11: rnrlg]
rejatuś ca sutarāṃ mahaujasaḥ kauśikasya padavīm anudrutau / uttarāṃ prati diśaṃ vivasvataḥ prasthitasya madhumādhavāv iva // 11.6.2	rathoddhatā [11: rnrlg]
mātṛvargacaraṇaspṛṣau munes tau prapadya padavīṃ mahaujasaḥ / rejatur gativaśāt pravartinau bhāskarasya madhumādhavāv iva // 11.7	rathoddhatā [11: rnrlg]
vīcilolabhujayos tayor gataṃ śaiśavāc capalam apy aśobhata / toyadāgama ivoddhyabhidyayor nāmadheyasadṛśaṃ viceṣṭitam // 11.8	rathoddhatā [11: rnrlg]
tau balātibalayoḥ prabhāvato vidyayoḥ pathi munipradiṣṭayoḥ / mamlatur na maṇikuṭṭimocitau mātṛpārśvaparivartināv iva // 11.9	rathoddhatā [11: rnrlg]
pūrvavṛttakathitaiḥ purāvidaḥ sānujaḥ pitṛsakhasya rāghavaḥ / uhyamāna iva vāhanocitaḥ pādacāram api na vyabhāvayat // 11.10	rathoddhatā [11: rnrlg]
tau sarāṃsi rasavadbhir ambubhiḥ kūjitaiḥ śrutisukhaiḥ patatriṇaḥ / vāyavaḥ surabhipuṣpareṇubhiś chāyayā ca jaladāḥ siṣevire // 11.11	rathoddhatā [11: rnrlg]
nāmbhasāṃ kamalaśobhināṃ tathā śākhināṃ na ca pariśramacchidām / darśanena laghunā yathā tayoḥ prītim āpur ubhayos tapasvinaḥ // 11.12	rathoddhatā [11: rnrlg]
sthāṇudagdhavapuṣas tapovanaṃ prāpya dāśarathir āttakārmukaḥ / vigraheṇa madanasya cāruṇā so 'bhavat pratinidhir na karmaṇā // 11.13	rathoddhatā [11: rnrlg]
tau suketusutayā khilīkṛte kauśikād viditaśāpayā pathi / ninyatuḥ sthalaniveśitātaṭanī līlayaiva dhanuṣī adhijyatām // 11.14	rathoddhatā [11: rnrlg] (? 3 eva pādāḥ yuktāḥ)
jyāniniādam atha gṛhṇatī tayoḥ prādurāsa bahūlakṣapā chaviḥ / tāḍakā calakapālakuṇḍalā kālikeva nibiḍā balākinī // 11.15	rathoddhatā [11: rnrlg] (? 2 eva pādāḥ yuktāḥ)
tīvravegadhutamārgavṛkṣayā pretacīvaravasā svanograyā / abhyabhāvi bharatāgrajas tayā vātyayeva pitṛkānanotthayā // 11.16	rathoddhatā [11: rnrlg]
udyataikabhujayaṣṭim āyatīṃ śroṇilambipuruṣāntramekhalām / tāṃ vilokya vanitāvadhe ghṛṇāṃ pattriṇā saha mumoca rāghavaḥ // 11.17	rathoddhatā [11: rnrlg]
yac cakāra vivaraṃ śilāghane tāḍakorasi sa rāmasāyakaḥ / apraviṣṭaviṣayasya rakṣasāṃ dvāratām agamad antakasya tat // 11.18	rathoddhatā [11: rnrlg]
bāṇabhinnahṛdayā nipetuṣī sā svakānabhuvaṃ na kevalām / viṣṭapatrayaparājayasthirāṃ rāvaṇaśriyam api vyakampayat // 11.19	rathoddhatā [11: rnrlg] (? 3 eva pādāḥ yuktāḥ)
rāmamanmathaśareṇa tāḍitā duḥsahena dṛdaye niśācarī / gandhavadrudhiracandanokṣitā jīviteśavasatiṃ jagāma sā // 11.20	rathoddhatā [11: rnrlg]
nairṛtaghnam atha mantravan muneḥ prāpad astram avadānatoṣitāt / jyotir indhanaipāti bhāskarāt sūryakānta iva tāḍakāntakaḥ // 11.21	rathoddhatā [11: rnrlg] (? 3 eva pādāḥ yuktāḥ)
vāmanāśramapadaṃ tataḥ paraṃ pāvanaṃ śruam ṛṣer upeyivān / unmanāḥ prathamajanmaceṣṭitāny asmarann api babhūva rāghavaḥ // 11.22	rathoddhatā [11: rnrlg]
āsasāda munir ātmanas tataḥ śiṣyavargaparikalpitārhaṇam / baddhapallavapuṭāñjalidrumaṃ darśanonmukha mṛgaṃ tapovanam // 11.23	rathoddhatā [11: rnrlg]
tatra dīkṣitam ṛṣiṃ rakaṣatur vighnato daśarathātmajau śaraiḥ / lokam andhatamasāt kramoditau raśāmibhiḥ śaśidivākarāv iva // 11.24	rathoddhatā [11: rnrlg] (? 2 eva pādāḥ yuktāḥ)
vīkṣya vedim atha raktabindubhir bandhujīvapṛthubhiḥ pradūṣitām / saṃbhramo 'bhavad apoḍhakarmaṇām ṛtvijāṃ cyutavikaṅkatasrucām // 11.25	rathoddhatā [11: rnrlg]
unmukhaḥ sapadi lakṣmaṇāgrajo bāṇam āśrayamukhāt samuddharan / rakṣasāṃ balam apaśyad ambare gṛdhrapakṣapavaneritadhvajam // 11.26	rathoddhatā [11: rnrlg]
tatra yāv adhipatī makhadviṣāṃ tau śaravyam akarot sa netarān / kiṃ mahoragavisarpivikramo rājileṣu garuḍaḥ pravartate // 11.27	rathoddhatā [11: rnrlg]
so 'stram ugrajavam astrakovidaḥ saṃdadhe dhanuṣi vāyudaivatam / tena śailagurum apy apātayat pāṇḍupattram iva tāḍakāsutam // 11.28	rathoddhatā [11: rnrlg]
yaḥ subāhur iti rākṣaso 'paras tatra tatra visasarpa māyayā / taṃ kṣurapraśakalīkṛtām kṛtī pattriṇāṃ vyabhajad āśramād bahiḥ // 11.29	rathoddhatā [11: rnrlg]
ity apāstamakhavighnayos tayoḥ sāṃyugīnam abhinandya vikramam / ṛtvijaḥ kulapater yathākramaṃ vāgyatasya niravartayan kriyāḥ // 11.30	rathoddhatā [11: rnrlg]
tau praṇāmacalakākapakṣakau bhrātarāv abhṛthāpluto muniḥ / āśiṣām anupadaṃ samaspṛśad darbhapāṭitatalena pāṇinā // 11.31	rathoddhatā [11: rnrlg] (? 3 eva pādāḥ yuktāḥ)
taṃ nyamantrayata saṃbhṛtakratur maithilaḥ sa mighilāṃ vrajan vaśī / rāghavāv api nināya bibhratau taddhanuḥśravaṇajaṃ kutūhalam // 11.32	rathoddhatā [11: rnrlg]
taiḥ śiveṣu vasatir gatādhvabhiḥ sāyam āśramataruṣv agṛhyata / yeṣu dīrghatapasaḥ parigraho vāsavakṣaṇakalatratāṃ yayau // 11.33	rathoddhatā [11: rnrlg]
pratyapadyata cirāya yat punaś cāru gautamavadhūḥ śilāmayī / svaṃ vapuḥ sa kila kilibiṣacchidāṃ rāmapādarajasām anugrahaḥ // 11.34	rathoddhatā [11: rnrlg] (? 3 eva pādāḥ yuktāḥ)
rāghavānvitam upasthitaṃ muniṃ taṃ niśamya janako janeśvaraḥ / arthakāmasahitaṃ saparyayā dehabaddham iva dharmam abhyagāt // 11.35	rathoddhatā [11: rnrlg]
tau videhanagarīnivāsināṃ gāṃ gatāv iva divaḥ punarvasū / manyate sma pibatāṃ vilocanaiḥ pakṣmapātam api vañcanāṃ manaḥ // 11.36	rathoddhatā [11: rnrlg]
yūpavaty avasite kiryāvidhau kālavit kuśikavaṃśavardhanaḥ / rāmam iṣvasanadarśanotsukaṃ maithilāya kathayāṃ bvabhūva saḥ // 11.37	upajāti triṣṭubh: ajñātam [11: rnmlg], rathoddhatā [11: rnrlg]
tasya vīkṣya lalitaṃ vapuḥ śiśoḥ pārthivaḥ prathitavaṃśajanmanaḥ / svaṃ vicintya ca dhanur durānamaṃ pīḍito duhiṭśulkasaṃsthayā // 11.38	rathoddhatā [11: rnrlg] (? 3 eva pādāḥ yuktāḥ)
abravīc ca bhagavan mataṅgajair yad bṛhadbhir api karma duṣkaram / tatra nāham anumantum utsahe moghavṛtti kalabhasya ceṣṭitam // 11.39	rathoddhatā [11: rnrlg]
hrepitā hi bahavo nareśvarās tena tāta dhanuṣā dhanurbhṛtaḥ / jyānighātakaṭhinatvaco bhujān svān vidhūya dhig iti pratasthire // 11.40	rathoddhatā [11: rnrlg]
pratyuvāca tam ṛṣir niśamyatāṃ sārato 'yam atha vā kṛtaṃ girā / cāpa eva bhavato bhaviṣyati vyaktaśaktir aśanir girāv iva // 11.41	rathoddhatā [11: rnrlg]
evam āptavacanāt sa pauruṣaṃ kākapakṣakadhare 'pi rāghave / śraddadhe tridaśagopamātrake dāhaśaktim iva kṛṣṇavartmani // 11.42	rathoddhatā [11: rnrlg]
vyādideśa gaṇaḥ sapārśvagān karmukābharaṇāya maithilaḥ / taijasaya dhanuṣaḥ pravṛttaye toyadān iva sahasralocanaḥ // 11.43	ajñātasamavṛtta [10: rsjg] (? 2 eva pādāḥ yuktāḥ)
tat prasuptabhujagendrabhīṣaṇaṃ vīkṣya dāśarathir ādade dhanuḥ / vidrutakratumṛgānausāriṇaṃ yena bāṇam asṛjad vṛṣadhvajaḥ // 11.44	upajāti triṣṭubh: ajñātam [11: rnmlg], rathoddhatā [11: rnrlg]
ātatajyam akarot sa saṃsadā vismayastimitanetram īkṣitaḥ / śailasāram api nātiyatnataḥ puṣpacāpam iva peśalaṃ smaraḥ // 11.45	rathoddhatā [11: rnrlg]
bhajyamānam atimātrakarṣaṇāt tena vajraparuṣasvanaṃ dhanuḥ / bhārgavāya dṛḍhamanyave punaḥ kṣatram udyatam iti nyavedayat // 11.46	rathoddhatā [11: rnrlg]
dṛṣṭasāram atha rudrakārmuke vīryaśulkam abhinandya maithilaḥ / rāghavāya tanayām ayonijāṃ rūpiṇīṃ śriyam iva nyavedayat // 11.47	rathoddhatā [11: rnrlg]
maithilaḥ sapadi satyasaṃgaro rāghavāya tanayām ayonijāṃ / saṃnidhau dyutimatas taponidher agnisākṣika ivātisṛṣṭavān // 11.48	rathoddhatā [11: rnrlg]
prāhiṇoc ca mahitaṃ mahādyutiḥ kosalādhipataye purodhasam / bhṛtyabhāvi duhituḥ parigrahād diśyatāṃ kulam idaṃ nimer iti // 11.49	rathoddhatā [11: rnrlg]
utsukaś ca sutadārakarmaṇā so 'bhavad gurur upāgataś ca tam / gautamasya tanayo 'nukūlavāk prārthitaṃ hi sukṛtām akālahṛt // 11.49.2	rathoddhatā [11: rnrlg]
anviyeṣa sadṛśīṃ sa ca snuṣāṃ prāpa cainam anukūlavāg dvijaḥ / sadya eva sukṛtāṃ hi pacyate kalpavṛkṣaphala dharmi kāṅkṣitam // 11.50	rathoddhatā [11: rnrlg]
tasya kalpitapuraskriyāvidheḥ śuśruvān vacanam agrajanmanaḥ / uccacāla valabhitasakho vaśī sainyareṇumuṣitārkadīdhitiḥ // 11.51	rathoddhatā [11: rnrlg] (? 3 eva pādāḥ yuktāḥ)
āsasāda mithilāṃ sa veṣṭayan piḍitopavanapādapāṃ balaiḥ / prītirodham asahiṣṭa sā purī strīva kāntaparibhogam āyatam // 11.52	upajāti triṣṭubh: ajñātam [11: snrlg], rathoddhatā [11: rnrlg]
tau sametya samayasthitāv ubhau bhūpatī varuṇavāsavopamau / kanyakātanayakautukakriyāṃ svaprabhāvasadṛśīṃ vitenatuḥ // 11.53	rathoddhatā [11: rnrlg]
pārthivīm udavahad raghūdvaho lakṣmaṇas tadanujām athormilām / yau tayor avarajau varaujasau tau kuśadhvajasute sumadhyame // 11.54	rathoddhatā [11: rnrlg]
te caturthasahitās trayo babhuḥ sūnavo navavadhūparigrahāḥ / sāmadānavidhibhedavigrahāḥ siddhimanta iva tasya bhūpateḥ // 11.55	rathoddhatā [11: rnrlg]
tā narādhipasutā nṛpātmajais te ca tābhir agaman kṛtārthatām / so 'bhavad varavadhūsamāgamaḥ pratyayaprakṛtiyogsaṃnibhaḥ // 11.56	rathoddhatā [11: rnrlg] (? 3 eva pādāḥ yuktāḥ)
evam āttaratir ātmasaṃbhavāṃs tān niveśya caturo 'pi tatra saḥ / adhvasu triṣu visṛṣṭamaithilaḥ svāṃ purīṃ daśaratho nyavartata // 11.57	rathoddhatā [11: rnrlg]
tasya jātu marutaḥ pratīpagā vartmasu dhavjatarupramāthinaḥ / cikliśur bhṛśatayā varūthinīm uttaṭā iva nadīrayāḥ sthalīm // 11.58	upajāti triṣṭubh: ajñātam [11: BBrlg], rathoddhatā [11: rnrlg]
lakṣyate sma tadanantaraṃ ravir baddhabhīmapairveṣamaṇḍalaḥ / vainateyaśamitasya bhogino bhogaveṣṭita iva cyuto maṇiḥ // 11.59	rathoddhatā [11: rnrlg] (? 3 eva pādāḥ yuktāḥ)
śyenapakṣaparidhūsarālakāḥ sāṃdhyamegharudhirārdravāsasaḥ / aṅganā iva rajasvalā diśo no babhūvur avalokanakṣamāḥ // 11.60	rathoddhatā [11: rnrlg]
bhāskaraś ca diśam adhyuvāsa yāṃ tāṃ śritāḥ pratibhayaṃ vavāśire / kṣatraśoṇitapitṛkriyocitaṃ codayantya iva bhārgavaṃ śivāḥ // 11.61	rathoddhatā [11: rnrlg]
tat pratīpapavanādi vaikṛtaṃ prekṣya śāntim adhikṛtya kṛtyavit / anvayuṅkta gurum īśvaraḥ kṣiteḥ svantam ity alaghayat sa tadvyathām // 11.62	rathoddhatā [11: rnrlg]
tejasaḥ sapadi rāśir utthitaḥ prādurāsa kila vāhinīmukhe / yaḥ pramṛjya nayanāni sainikair lakṣaṇīyapuruṣākṛtiś cirāt // 11.63	rathoddhatā [11: rnrlg]
pitryam aṃśam upavītalakṣaṇaṃ mātṛkaṃ ca dhanur ūrjitaṃ dadhat / yaḥ sasoma iva gharmadīdhitiḥ sadvijihva iva candanadrumaḥ // 11.64	rathoddhatā [11: rnrlg]
yena roṣaparuṣātmanaḥ pituḥ śāsane sthibhido 'pi tasthuṣā / vepamānajananīśiraśchidā prāg ajīyata ghṛṇā tato mahī // 11.65	rathoddhatā [11: rnrlg] (? 3 eva pādāḥ yuktāḥ)
akṣabhījavalayena nibabhau dakṣiṇaśravaṇasaṃsthitena yaḥ / kṣatriyāntakaraṇaikaviṃśater vyājapūrvagaṇanām ivodvahan // 11.66	upajāti triṣṭubh: rathoddhatā [11: rnrlg], ajñātam [11: rnBlg]
taṃ pitur vadhabhavena manyunā rājavaṃśanidhanāya dīkṣitam / bālasūnur avalokya bhārgavaṃ svāṃ daśāṃ ca viṣasāda pārthivaḥ // 11.67	rathoddhatā [11: rnrlg]
rāmanāma iti tulyam ātmaje vartamānam ahite ca dāruṇe / hṛdyam asya bhayadāyi cābhavad ratnajātam iva hārasarpayoḥ // 11.68	rathoddhatā [11: rnrlg]
arghyam arghyam iti vādinaṃ nṛpaṃ so 'navekṣya bharatāgrajo yataḥ / kṣatrakopadahanārciṣaṃ tataḥ saṃdadhe dṛśam udagratārakām // 11.69	rathoddhatā [11: rnrlg]
tena kārmukaniṣaktamuṣṭinā rāghavo vigatabhīḥ purogataḥ / aṅgulīvivaracāriṇaṃ śaraṃ kurvatā nijagade yuyutsunā // 11.70	rathoddhatā [11: rnrlg]
kṣatrajātam apakāri vairi me tan nihatya bahuśaḥ śamaṃ gataḥ / suptasarpa iva daṇḍaghaṭṭanād roṣito 'smi tava vikramaśravāt // 11.71	rathoddhatā [11: rnrlg]
maithilasya dhanur anyapārthivais tvaṃ kilānamitapūrvam akṣaṇoḥ / tan niśamya bahavatā samarthaye vīryaśṛṅgam iva bhagnam ātmanaḥ // 11.72	rathoddhatā [11: rnrlg] (? 3 eva pādāḥ yuktāḥ)
anyadā jagati rāma ity ayaṃ śabda uccarita eva mām agāt / vrīḍam āvahati me sa saṃprati vyastavṛttir udayonmukhe tvayi // 11.73	rathoddhatā [11: rnrlg]
bibhrato 'stram acale 'py akuṇṭhitaṃ dvau matau mama ripū samāgasau / homa-dhenu-haraṇāc ca haihayas tvaṃ ca irtim apahartum udyataḥ // 11.74	rathoddhatā [11: rnrlg]
kṣatriyāntakaraṇo 'pi vikramas tena mām avati nājite tvayi / pāvakasya mahimā sa gaṇyate kakṣavaj jvalati sāgare 'pi yaḥ // 11.75	rathoddhatā [11: rnrlg]
viddhi cāttabalam ojasā harer aiśvaraṃ dhanur abhāji yat tvayā / khātamūlam anilo nadīrayaiḥ pātayaty api mṛdus taṭadrumam // 11.76	rathoddhatā [11: rnrlg]
tan madīyam idam āyudhaṃ jyayā saṃgamayya saśaraṃ vikṛṣyatām / tiṣṭhatu pradhanam evam apy ahaṃ tulyabāhutarasā jitas tvayā // 11.77	rathoddhatā [11: rnrlg]
kātaro 'si yadi vodgatārciṣā tarjitaḥ paraśudhārayā mama / jyānighātakaṭhināṅgulir vṛthā badhyatām abhayayācanāñjaliḥ // 11.78	rathoddhatā [11: rnrlg]
evam uktavati bhīmadarśane bhārgave smitavikampitādharaḥ / taddhanurgrahaṇam eva rāghavaḥ pratyapadyata samartham uttaram // 11.79	rathoddhatā [11: rnrlg]
pūrvajanmadhanuṣā samāgataḥ so 'timātralaghudarśano 'bhavat / kevalo 'pi subhago navāmbudaḥ kiṃ punas tridaśacāpalāñchitaḥ // 11.80	rathoddhatā [11: rnrlg]
tena bhūminihitaikakoṭi tat kārmukaṃ ca balinādhiropitam / niṣprabhaś ca ripur āsa bhūbhṛtāṃ dhūmaśeṣa iva dhūmaketanaḥ // 11.81	rathoddhatā [11: rnrlg]
tāv ubhāv api paraspara-sthitau vardhamānaparihīnatejasau / paśyati sma janatā dinātyaye pārvaṇau śaśidivākarāv iva // 11.82	rathoddhatā [11: rnrlg]
taṃ kṛpāmṛdur avekṣya bhārgavaṃ rāghavaḥ skhalitavīryam ātmani / svaṃ ca saṃhitam amogham āśugaṃ vyājahāra harasūnasaṃnibhaḥ // 11.83	rathoddhatā [11: rnrlg]
na prahartum alam asmi nidayaṃ vipra ity abhibhavaty api tvayi / śaṃṣa kiṃ gatim anena pattriṇā hanmi lokam uta te makhārjitam // 11.84	upajāti triṣṭubh: rathoddhatā [11: rnrlg], ajñātam [11: rnBlg]
pratyuvāca tam ṛṣir na tattvatas tvāṃ na vedmi puruṣaṃ purātanam / gāṃ gatasya tava dhāma vaiṣṇavaṃ kopito hy asi mayā didṛkṣuṇā // 11.85	rathoddhatā [11: rnrlg]
bhasmasāt kṛtavataḥ pitṛdviṣaḥ pātrasāc ca vasudhāṃ sasāgarām / āhito jayaviparyayo 'pi me ślāghya eva parameṣṭhinā tvayā // 11.86	rathoddhatā [11: rnrlg]
tad gatiṃ matimatāṃ varepsitāṃ puṇyatīrthagamanāya rakṣa me / pīḍayiṣyati na māṃ khilīkṛtā svargapaddhatir abhogalolupam // 11.87	rathoddhatā [11: rnrlg]
pratyapadyata tatheti rāghavaḥ prāṅmukhaś ca visasarja sāyakam / bhārgavasya sukṛto 'pi so 'bhavat svargamārgaparigho duratyayaḥ // 11.88	rathoddhatā [11: rnrlg]
rāghavo 'pi caraṇau taponidheḥ kṣamyatām iti vadan samaspṛṣat / nirjiteṣu tarasā tarasvināṃ śatruṣu praṇatir eva kīrtaye // 11.89	rathoddhatā [11: rnrlg]
rājasatvam avadhūya mātṛkaṃ pitryam asmi gamitaḥ śamaṃ yadā / nanv aninditaphalo mama tvayā nigraho 'py ayam anugrahīkṛtaḥ // 11.90	rathoddhatā [11: rnrlg]
sādhu yāmy aham avighnam astu te devakāryam upapādayiṣyataḥ / ūcivān iti vacaḥ salakṣmaṇaṃ lakṣmaṇāgrajam ṛṣis tirodadhe // 11.91	rathoddhatā [11: rnrlg]
svaṃ niveśya kila dhāma rāghave vaiṣṇavaṃ viditaviṣṇutejasi / svastidānam adhikṛtya cākṣayaṃ bhārgavo 'tha nijam āśramaṃ yayau // 11.91.2	rathoddhatā [11: rnrlg]
tasmin gate vijayinaṃ parirabhya rāmaṃ snehād amanyata pitā punar eva jātam / tasyābhavat kṣaṇaśucaḥ paritoṣalābhaḥ kakṣāgnilaṅghitataror iva vṛṣṭipātaḥ // 11.92	vasantatilakā [14: tBjjgg]
atha pathi gamayitvā kḷparamyopakārye katicid avanipālaḥ śarvarīḥ śarvakalpah / puram aviśad ayodhyāṃ maithilīdarśanīnāṃ kuvalayitagavākṣāṃ locanair aṅganānām // 11.93	mālinī [15: nnmyy] (? 3 eva pādāḥ yuktāḥ)
nirviṣṭaviṣayasnehaḥ sa daśāntam upeyivān / āsīd āsannanirvāṇaḥ pradīpārcir ivoṣasi // 12.1	anuṣṭubh (1,2: pathyā, 3,4: pathyā)
taṃ karṇamūlam āgatya rāme śrīr nasyatām iti / kaikeyīśaṅkayevāha palitacchadmanā jarā // 12.2	anuṣṭubh (1,2: pathyā, 3,4: pathyā)
sā paurān paurakāntasya rāmasyābhyudayaśrutiḥ / pratyekaṃ hlādayāṃ cakre kulyevodyānapādapān // 12.3	anuṣṭubh (1,2: pathyā, 3,4: pathyā)
tasyābhiṣekasaṃbhāraṃ kalpitaṃ krūraniścayā / dūṣayām āsa kaikeyī śokoṣṇaiḥ pārthivāśrubhiḥ // 12.4	anuṣṭubh (1,2: pathyā, 3,4: pathyā)
sā kilāśvāsitā caṇḍī bhartrā tatsaṃśrutau varau / udvavāmendrasiktā bhūr bilamagnāv ivoragau // 12.5	anuṣṭubh (1,2: pathyā, 3,4: pathyā)
tayoś caturdaśaikena rāmaṃ prāvrājayat samāḥ / dvitīyena sutasyaicchad vaidhavyaikaphalāṃ śriyam // 12.6	anuṣṭubh (1,2: pathyā, 3,4: pathyā)
pitrā dattāṃ rudan rāmaḥ prāṅ mahīṃ pratyapadyata / paścād vanāya gaccheti tadājñāṃ mudito 'grahīt // 12.7	anuṣṭubh (1,2: pathyā, 3,4: pathyā)
dadhato maṅgalakṣaume vasānasya ca valkale / dadṛśur vismitās tasya mukharāgaṃ samaṃ janāḥ // 12.8	anuṣṭubh (1,2: pathyā, 3,4: pathyā)
sa sītālakṣmaṇasakhaḥ satyād gurum alopayan / viveśa daṇḍakāraṇyaṃ pratyekaṃ ca satāṃ manaḥ // 12.9	anuṣṭubh (1,2: na-vipulā, 3,4: pathyā)
rājāpi tadviyogārtaḥ smṛtvā śāpaṃ svakarmajam / śarīratyāgamātreṇa śuddhilābham amanyata // 12.10	anuṣṭubh (1,2: pathyā, 3,4: pathyā)
viproṣitakumāraṃ tad (?) rājyam astamiteśvaram / randhrānveṣaṇadakṣāṇāṃ dviṣām āmiṣatāṃ yayau // 12.11	anuṣṭubh (1,2: pathyā, 3,4: pathyā)
athānāthāḥ prakṛtayo mātṛbandhunivāsinam / maulair ānāyayām āsur bhartaṃ stambhitāśrubhiḥ // 12.12	anuṣṭubh (1,2: na-vipulā, 3,4: asamīcīna)
śrutvā tathāvidhaṃ mṛtyuṃ kaikeyītanayaḥ pituḥ / mātur na kevalaṃ svasyāḥ śriyo 'py āsīt parāṅmukhaḥ // 12.13	anuṣṭubh (1,2: pathyā, 3,4: pathyā)
sasainyaś cānvagād rāmaṃ darśitān āśramālayaiḥ / tasya paśyan sasaumitrer udaśrur vasatidrumān // 12.14	anuṣṭubh (1,2: pathyā, 3,4: pathyā)
citrakūṭavanasthaṃ ca kathitasvargatir guroḥ / lakṣmyā nimantrayāṃ cakre tam anucchiṣṭasaṃpadā // 12.15	anuṣṭubh (1,2: pathyā, 3,4: pathyā)
sa hi prathamaje tasminn akṛtaśrīparigrahe / parivettāram ātmānaṃ mene svīkaraṇād bhuvaḥ // 12.16	anuṣṭubh (1,2: pathyā, 3,4: pathyā)
tam aśakyam apākraṣṭuṃ nirdeśāt svargiṇaḥ pituḥ / yayāce pāduke paścāt kartuṃ rājyādhidevate // 12.17	anuṣṭubh (1,2: pathyā, 3,4: pathyā)
sa visṛṣṭas tathety uktvā bhrātrā naivāviśat purīm / nandigrāmagatas tasya rājyaṃ nyāsam ivābhunak // 12.18	anuṣṭubh (1,2: pathyā, 3,4: pathyā)
dṛḍhabhaktir iti jyeṣṭhe rājyatṛṣṇāparāṅmukhaḥ / mātuḥ pāpasya śuddhyarthaṃ prāyaścittam ivākarot // 12.19	anuṣṭubh (1,2: pathyā, 3,4: pathyā)
rāmo 'pi saha vaidehyā vane vanyena vartayan / cacāra sānujaḥ śānto vṛddhekṣvākuvrataṃ yuvā // 12.20	anuṣṭubh (1,2: pathyā, 3,4: pathyā)
prabhāvastambhitacchāyam āśritaḥ sa vanaspatim / kadācid aṅke sītāyāḥ śiśye kiṃcid iva śramāt // 12.21	anuṣṭubh (1,2: pathyā, 3,4: ma-vipulā)
aindriḥ kila nakhais tasyā vidadāra stanau dvijaḥ / priyopabhogacihneṣu paurobhāgyam ivācaran // 12.22	anuṣṭubh (1,2: pathyā, 3,4: pathyā)
mṛgamāṃsaṃ tataḥ sītāṃ rakṣantīm ātape dhṛtam / pakṣatuṇḍanakhāghātair babādhe vāyaso balāt // 12.22.2	anuṣṭubh (1,2: pathyā, 3,4: pathyā)
tasminn āsthad iṣīkāstraṃ rāmo rāmāvabhodhitaḥ / ātmānaṃ mumuce tasmād ekanetravyayena saḥ // 12.23	anuṣṭubh (1,2: pathyā, 3,4: pathyā)
rāmas tv āsannadeśatvād bharatāgamanaṃ punaḥ / āśaṅkyotsukasāraṅgāṃ citrakūṭasthalīṃ jahau // 12.24	anuṣṭubh (1,2: pathyā, 3,4: pathyā)
prayayāv ātitheyeṣu vasann ṛṣikuleṣu saḥ / dakṣiṇāṃ diśam ṛkṣeṣu vārṣikeṣv iva bhāskaraḥ // 12.25	anuṣṭubh (1,2: pathyā, 3,4: pathyā)
babhau tam anugacchantī videhādhipateḥ sutā / pratiṣiddhāpi kaikeyyā lakṣmīr iva guṇonmukhī // 12.26	anuṣṭubh (1,2: pathyā, 3,4: pathyā)
anusūyātisṛṣṭena puṇyagandhena kānanam / sā cakārāṅgarāgeṇa puṣpoccalita ṣaṭpadam // 12.27	anuṣṭubh (1,2: pathyā, 3,4: pathyā)
saṃdhyābhrakapiṣas tatra virādho nāma rākṣasaḥ / atiṣṭhan mārgam āvṛtya rāmasyendor iva grahaḥ // 12.28	anuṣṭubh (1,2: pathyā, 3,4: pathyā)
sa jaharā tayor madhye maithilīṃ lokaśoṣaṇaḥ / nabhonabhasyayor vṛṣṭim avagraha ivāntare // 12.29	anuṣṭubh (1,2: asamīcīna, 3,4: pathyā)
taṃ viniṣpiṣya kākutsthau purā dūṣayati shtalīm / gandhenāśucinā ceti vasudhāyāṃ nicakhnatuḥ // 12.30	anuṣṭubh (1,2: pathyā, 3,4: pathyā)
pañcavaṭyāṃ tato rāmaḥ śāsanāt kumbhajanmanaḥ / anapoṣhasthitis tasthau vindhyādriḥ prakṛtāv iva // 12.31	anuṣṭubh (1,2: pathyā, 3,4: pathyā)
rāvaṇāvarajā tatra rāghavaṃ madanāturā / abhipede nidāghārtā vyālīva malayadrumam // 12.32	anuṣṭubh (1,2: pathyā, 3,4: pathyā)
sā sītāsaṃnidhāv eva taṃ vavre kathitānvayā / atyārūḍho hi nārīṇām akālajño maobhavaḥ // 12.33	anuṣṭubh (1,2: pathyā, 3,4: pathyā)
kalatravān ahaṃ bāle kanīyāṃsaṃ bhajasva me / iti rāmo vṛṣasyantīṃ vṛṣaskandhaḥ śaśāsa tām // 12.34	anuṣṭubh (1,2: pathyā, 3,4: pathyā)
jyeṣṭhābhigamanāt pūrvaṃ tenāpy anabhinanditā / sābhūd rāmāśrayā bhūyo nadīvobhayakūlabhāk // 12.35	anuṣṭubh (1,2: pathyā, 3,4: pathyā)
saṃrambhaṃ maithilīhāsaḥ kṣaṇaṃ saumyāṃ nināya tām / nivātastimitāṃ velāṃ candrodaya ivodadheḥ // 12.36	anuṣṭubh (1,2: pathyā, 3,4: pathyā)
phalam asyopahāsasya sadyaḥ prāpsyasi paśya mām / mṛgyaḥ paribhavo vyāghryām ity avehi tvayā kṛtam // 12.37	anuṣṭubh (1,2: pathyā, 3,4: pathyā)
ity uktvā maithilīṃ bhartur aṅke nirviśatīṃ bhayāt / rūpaṃ śūrpaṇakhā-nāmnaḥ sadṛśaṃ pratyapadyata // 12.38	anuṣṭubh (1,2: pathyā, 3,4: pathyā)
lakṣmaṇaḥ prathamaṃ śrutvā kokilāmañjubhāṣiṇīm / śivāghorasvanāṃ paścād bubudhe vikṛteti tām // 12.39	anuṣṭubh (1,2: pathyā, 3,4: pathyā)
parṇaśālām atha kṣipraṃ vidhṛtāsiḥ praviśya saḥ / vairūpyapaunaruktyena bhīṣaṇāṃ tām ayojayat // 12.40	anuṣṭubh (1,2: pathyā, 3,4: pathyā)
sā vakranakhadhāriṇyā veṇukarkaśaparvayā / aṅkuśākārayāṅgulyā tāv atarjayad ambare // 12.41	anuṣṭubh (1,2: pathyā, 3,4: pathyā)
prāpya cāśu jansthānaṃ kharādibhyas tathāvidham / rāmopakramam ācakhyau rakṣaḥparibhavaṃ navam // 12.42	anuṣṭubh (1,2: asamīcīna, 3,4: pathyā)
mukhāvayavalūṇāṃ tāṃ nairṛtā yat purodadhuḥ / rāmābhiyāyināṃ teṣāṃ tad evābhūd amaṅgalam // 12.43	anuṣṭubh (1,2: pathyā, 3,4: pathyā)
udāyudhān āpatatas tān dṛptān prekṣya rāghavaḥ / nidadhe vijayāśaṃsāṃ cāpe sītāṃ ca lakṣmaṇe // 12.44	anuṣṭubh (1,2: bha-vipulā, 3,4: pathyā)
eko dāśarathī rāmo yātudhānāḥ sahasraśaḥ / te tu yāvanta evājau tāvāṃś ca dadṛśe sa taiḥ // 12.45	anuṣṭubh (1,2: pathyā, 3,4: pathyā)
asajjanena kākutsthaḥ prayuktam atha dūṣaṇam / na cakṣame śubhācāraḥ sa dūṣaṇam ivātmanaḥ // 12.46	anuṣṭubh (1,2: pathyā, 3,4: pathyā)
taṃ śaraiḥ pratijagrāha kharatiśirasau ca saḥ / khramaśas te punas tasya cāpāt samam ivodyayuḥ // 12.47	anuṣṭubh (1,2: asamīcīna, 3,4: pathyā)
tais trayāṇāṃ śitair bāṇair yathāpūrvaviśuddhibhiḥ / āyur dehātigaiḥ pītaṃ rudhiraṃ tu patatribhiḥ // 12.48	anuṣṭubh (1,2: pathyā, 3,4: pathyā)
tasmin rāmaśarotkṛtte bale mahati rakṣasām / utthitaṃ dadṛśe 'nyac ca kabandhebhyo na kiṃcana // 12.49	anuṣṭubh (1,2: pathyā, 3,4: pathyā)
sā bāṇavarṣiṇaṃ rāmaṃ yodhayitvā suradviṣām / aprabodhāya suṣvāpa gṛdhracchāye varūthinī // 12.50	anuṣṭubh (1,2: pathyā, 3,4: pathyā)
rāghavāstravidīrṇānāṃ rāvaṇaṃ prati rakṣasām / teṣāṃ śūrpaṇakhaivaikā duṣpratvṛttiharābhavat // 12.51	anuṣṭubh (1,2: pathyā, 3,4: pathyā)
nigrahāt svasur āptānāṃ vadhāc ca dhanadānujaḥ / rāmeṇa nihataṃ mene padaṃ daśasu mūrdhasu // 12.52	anuṣṭubh (1,2: pathyā, 3,4: pathyā)
rakṣasā mṛgarūpeṇa vañcayitvā sa rāghavau / jaharā sītāṃ pakṣīndra-prayāsakṣaṇavighnitaḥ // 12.53	anuṣṭubh (1,2: pathyā, 3,4: asamīcīna)
tau sītānveṣiṇau gṛdhraṃ lūnapakṣam apaśyatām / prāṇair daśarathaprīter anṛṇaṃ kaṇṭhavartibhiḥ // 12.54	anuṣṭubh (1,2: pathyā, 3,4: pathyā)
sa rāvaṇahṛtāṃ tābhyāṃ vacasācaṣṭa maithilīm / ātmanaḥ sumahat karma vraṇair āvedya saṃsthitaḥ // 12.55	anuṣṭubh (1,2: pathyā, 3,4: pathyā)
tayos rāvaṇahṛtāṃ tābhyāṃ pitṛvyāpattiśokayoḥ / pitarīvāgnisaṃskārāt parā vavṛtire kriyāḥ // 12.56	anuṣṭubh (1,2: asamīcīna, 3,4: pathyā)
vadhanirdhūtaśāpasya kabandhasyopadeśataḥ / mumūrcha sakhyaṃ rāmasya samānavyasane harau // 12.57	anuṣṭubh (1,2: pathyā, 3,4: ma-vipulā)
sa hatvā vālinaṃ vīras tatpade cirakāṅkṣite / dhātoḥ sthāna ivādeśaṃ sugrīvaṃ saṃnyaveśayat // 12.58	anuṣṭubh (1,2: pathyā, 3,4: pathyā)
itas tataś ca vaidehīm anveṣṭuṃ bhartṛcoditāḥ / kapayaś cerur ārtasya rāmasyeva manorathāḥ // 12.59	anuṣṭubh (1,2: pathyā, 3,4: pathyā)
pravṛttāv upalabdhāyāṃ tasyāḥ saṃpātidarśanāt / mārutiḥ sāgaraṃ tīrṇaḥ saṃsāram iva nirmamaḥ // 12.60	anuṣṭubh (1,2: pathyā, 3,4: pathyā)
dṛṣṭā vicinvatā tena laṅkāyāṃ rākṣasīvṛtā / jānakī viṣavallībhiḥ parīteva mahauṣadhiḥ // 12.61	anuṣṭubh (1,2: pathyā, 3,4: pathyā)
tasyai bhartur abhijñāmam aṅgulīyaṃ dadau kapiḥ / pratyudgatam ivānuṣṇais tadānandāśrubhindubhiḥ // 12.62	anuṣṭubh (1,2: pathyā, 3,4: pathyā)
nirvāpya priyasaṃdeśaiḥ sītām akṣavadhoddhataḥ / sa dadāha purīṃ laṅkāṃ kṣaṇasoḍhārinigrahaḥ // 12.63	anuṣṭubh (1,2: pathyā, 3,4: pathyā)
pratyabhijñānaratnaṃ ca rāmāyādarśayat kṛtī / hṛdayaṃ svayam āyātaṃ vaidehyā iva mūrtimat // 12.64	anuṣṭubh (1,2: pathyā, 3,4: pathyā)
sa prāpa hṛdayanyasta-maṇiparśanimīlitaḥ / apayodharasaṃsargaṃ priyāliṅgananirvṛtim // 12.65	anuṣṭubh (1,2: pathyā, 3,4: pathyā)
śrutvā rāmaḥ priyodantaṃ mene tatsaṃgamotsukaḥ / mahārṇavaparikṣepaṃ laṅkāyāḥ parikhālaghum // 12.66	anuṣṭubh (1,2: pathyā, 3,4: pathyā)
sa pratasthe 'rināśāya harisainyair anudrutaḥ / na kevalaṃ dharā-pṛṣṭhe vyomni saṃbādhavartibhiḥ // 12.67	anuṣṭubh (1,2: pathyā, 3,4: pathyā)
nirviṣṭam udadheḥ kūle taṃ prapede vibhīṣaṇaḥ / snehād rākṣasalakṣmyeva buddhim ādiśya coditaḥ // 12.68	anuṣṭubh (1,2: pathyā, 3,4: pathyā)
tasmai niśācaraiśvaryaṃ pratiśuśrāva rāghavaḥ / kāle khalu samārabdhāḥ phalaṃ badhnanti nītayaḥ // 12.69	anuṣṭubh (1,2: pathyā, 3,4: pathyā)
sa setuṃ bandhayām āsa plavagair lavaṇāmbhasi / rasātalād ivonmagnaṃ śeṣaṃ svapnāya śārṅgiṇaḥ // 12.70	anuṣṭubh (1,2: pathyā, 3,4: pathyā)
tenottīrya pathā laṅkāṃ rodhayām āsa piṅgalaiḥ / dvitīyaṃ hemaprākāraṃ kurvadbhir iva vānaraiḥ // 12.71	anuṣṭubh (1,2: pathyā, 3,4: asamīcīna)
raṇaḥ pravavṛte tatra bhīmaḥ plavagarakṣasām / digvijṛmbhitakākutstha-paulastyajayaghoṣaṇaḥ // 12.72	anuṣṭubh (1,2: pathyā, 3,4: pathyā)
pādapāviddhaparighaḥ śilāniṣpiṣṭamudgaraḥ / atiśastranakhanyāsaḥ śailarugṇa mataṅgajaḥ // 12.73	anuṣṭubh (1,2: na-vipulā, 3,4: pathyā)
atha rāmaśiraścheda-darśanodbhrāntacetanām / sītāṃ māyeti śaṃsantī trijaṭā samajīvayat // 12.74	anuṣṭubh (1,2: pathyā, 3,4: pathyā)
kāmaṃ jīvati me nātha iti sā vijahau śucam / prāṅ matvā satyam asyāntaṃ jīvitāsmīti lajjitā // 12.75	anuṣṭubh (1,2: pathyā, 3,4: pathyā)
garuḍāpātaviśliṣṭa- -meghanādāstrabandhanaḥ / dāśarathyoḥ kṣaṇakleśaḥ svapnavṛtta ivābhavat // 12.76	anuṣṭubh (1,2: pathyā, 3,4: pathyā)
tato bibheda paulastyaḥ śaktyā vakṣasi lakṣmaṇam / rāmas tv anāhato 'py āsīd vidīrṇahṛdayaḥ śucā // 12.77	anuṣṭubh (1,2: pathyā, 3,4: pathyā)
sa mārutisamānīta-mahauṣadhihatavyathaḥ / laṅkāstrīṇāṃ punaś cakre vilāpācāryakaṃ śaraiḥ // 12.78	anuṣṭubh (1,2: pathyā, 3,4: pathyā)
sa nādaṃ meghanādasya dhanuś cendrāyudhaprabham / meghasyeva śaratkālo na kiṃcit paryaśeṣayat // 12.79	anuṣṭubh (1,2: pathyā, 3,4: pathyā)
kleśena mahatā nidrāṃ tyājitaṃ raṇadurjayam / rāvaṇaḥ preṣayām āsa yuddhāyānujam ātmanaḥ // 12.79.2	anuṣṭubh (1,2: pathyā, 3,4: pathyā)
jaghāna sa tadādeśāt kapīn ugrān anekaśaḥ / viveśa ca purīṃ laṅkāṃ samādāya harīśvaram // 12.79.3	anuṣṭubh (1,2: pathyā, 3,4: pathyā)
kumbhakarṇaḥ kapīndreṇa tulyāvasthaḥ svasuḥ kṛtaḥ / rurodha rāmaṃ śṛṅgīva ṭaṅkacchinnamanaḥśilaḥ // 12.80	anuṣṭubh (1,2: pathyā, 3,4: ma-vipulā)
akāle bodhito bhrātrā priyasvapno vṛthā bhavān / rāmeṣubhir itīvāsau dīrghanidrāṃ praveśitaḥ // 12.81	anuṣṭubh (1,2: pathyā, 3,4: pathyā)
itarāṇy api rakṣāṃsi petur vānarakoṭiṣu / rajāṃsi samarotthāni racchoṇitanandīṣv iva // 12.82	anuṣṭubh (1,2: pathyā, 3,4: asamīcīna)
niryayāv atha paulasthyaḥ punar yuddhāya mandirāt / arāvaṇam arāmaṃ vā jagad adyeti niścitaḥ // 12.83	anuṣṭubh (1,2: pathyā, 3,4: pathyā)
rāmaṃ padātim ālokya laṅkeṣaṃ ca varūthinam / hariyugyaṃ rathaṃ tasmai parjighāya puraṃdaraḥ // 12.84	anuṣṭubh (1,2: pathyā, 3,4: pathyā)
tam ādhūtadvajapaṭaṃ vyomagaṅgormivāyubhiḥ / devasūtabhujālambī jaitram adhyāsta rāghavaḥ // 12.85	anuṣṭubh (1,2: na-vipulā, 3,4: pathyā)
mātalis tasya māhendram āmumoca tanucchadam / yatrotpaladadalaklaibyam astrāṇy āpuḥ suradviṣām // 12.86	anuṣṭubh (1,2: pathyā, 3,4: asamīcīna)
anyonyadarśanaprāpta-vikramāvasaraṃ cirāt / rāmarāvaṇayor yuddhaṃ caritārtham ivābhavat // 12.87	anuṣṭubh (1,2: pathyā, 3,4: pathyā)
bhujamūrdhorubāhulyād eko 'pi dhandānujaḥ / dadṛśe so 'yathāpūrvo mātṛvaṃśa iva sthitaḥ // 12.88	anuṣṭubh (1,2: asamīcīna, 3,4: pathyā)
jetāraṃ lokapālānāṃ svamukhair arciteśvaram / rāmas tulitakailāsam arātiṃ bahv amanyata // 12.89	anuṣṭubh (1,2: pathyā, 3,4: pathyā)
tasya sphurati paulastyah sītāsaṃgamaśaṃsini / nicakhānādhikakrodhaḥ śaraṃ savyetare bhuje // 12.90	anuṣṭubh (1,2: pathyā, 3,4: pathyā)
rāvaṇasyāpi rāmāsto bhittvā hṛdayam āśugaḥ / viveśa bhuvam ākhyātum uragebhya iva priyam // 12.91	anuṣṭubh (1,2: pathyā, 3,4: pathyā)
vacasaiva tayor vākyam astram astreṇa nighnatoḥ / anyonyajayasaṃrambho vavṛdhe vādinor iva // 12.92	anuṣṭubh (1,2: pathyā, 3,4: pathyā)
vikramavyatihāreṇa astram astreṇa nighnatoḥ / jayaśrīr antarā vedir mattavāraṇayor iva // 12.93	anuṣṭubh (1,2: pathyā, 3,4: pathyā)
kṛtapratikṛtaprītais tayor muktāṃ surāsuraiḥ / parasparaṃ śaravrātāḥ puṣpavṛṣṭiṃ na sehire // 12.94	anuṣṭubh (1,2: pathyā, 3,4: pathyā)
ayaḥśaṅkucitāṃ rakṣaḥ śataghnīm atha śatrave / hṛtāṃ vaivasvatasyeva kūṭaśālmalim akṣipat // 12.95	anuṣṭubh (1,2: pathyā, 3,4: pathyā)
rāghavo ratham aprāptāṃ tām āśāṃ ca suradviṣām / ardhacandramukhair bāṇaiś ciccheda kadalīsukham // 12.96	anuṣṭubh (1,2: pathyā, 3,4: pathyā)
amoghaṃ saṃdadhe cāsmai dhanuṣy akeadhnurdharaḥ / brāhmam astraṃ priyāśoka-śalyaniṣkarṣaṇauṣadham // 12.97	anuṣṭubh (1,2: asamīcīna, 3,4: pathyā)
tad vyomni daśadhā bhinnaṃ dadṛśe dīptimanmukham / vapur mahoragasyeva karālaphaṇamaṇḍalam // 12.98	anuṣṭubh (1,2: pathyā, 3,4: pathyā)
tena mantraprayuktena nimeṣārdhād apātayat / sa rāvaṇaśiraḥpaṅktim ajñātavraṇavedanām // 12.99	anuṣṭubh (1,2: pathyā, 3,4: pathyā)
bālārkapratimevāpsu vīcibhinnā patiṣyataḥ / rarāja rakṣaḥkāyasya kaṇṭhacchedapraṃparā // 12.100	anuṣṭubh (1,2: pathyā, 3,4: asamīcīna)
marutāṃ paśyatāṃ tasya śirāṃsi patitāny api / mano nātiviśaśvāsa punaḥ saṃdhānaśaṅkinām // 12.101	anuṣṭubh (1,2: pathyā, 3,4: pathyā)
atha madagurupakṣair lokapāladvipānām anugatam alivṛndair gaṇḍabhittīr vihāya / upanatamaṇibandhe mūrdhni paulastyaśatroḥ surabhi suravimuktaṃ puṣpavarṣaṃ papāta // 12.102	mālinī [15: nnmyy]
yantā hareḥ sapadi saṃhṛtakārmukajyam āpṛcchya rāghavam anuṣṭhitadevakāryam / nāmāṅkarāvaṇaśarāṅkitaketuyaṣṭim ūrdhvaṃ rathaṃ harisahasrayujaṃ nināya // 12.103	vasantatilakā [14: tBjjgg]
raghupatir api jātavedoviśuddhāṃ pragṛhya priyāṃ priyasuhṛdi vibhīṣaṇe saṃgamayya śriyaṃ vairiṇaḥ / ravisutasahitena tenānuyātaḥ sasaumitriṇā bhujavijitavimānaratnādhirūḍhaḥ pratasthe purīm // 12.104	nārāca [18: nnrrrr]
athāmanaḥ śabdaguṇaṃ guṇajñaḥ padaṃ vimānena vigāhamānaḥ / ratnākaraṃ vīkṣya mithaḥ sa jāyāṃ rāmābhidhāno harir ity uvāca // 13.1	upajāti : upendravajrā [11: jtjgg], indravajrā [11: ttjgg]
vaidehi paśy'; ā malayād vibhaktaṃ matsetunā phenilam amburāśim / chāyāpatheneva śaratprasannam ākāśam āviṣkṛtacārutāram // 13.2	indravajrā [11: ttjgg]
guror yiyakṣoḥ kapilena medhye rasātalaṃ saṃkramite turaṃge / tadartham urvīm avadārayadbhiḥ pūrvaiḥ kilāyaṃ parivardhito naḥ // 13.3	upajāti : upendravajrā [11: jtjgg], indravajrā [11: ttjgg]
garbhaṃ dadhaty arkamarīcayo 'smād vivṛddhim atrāśnuvate vasūni / abindhanaṃ vahnim asau bibharti prahlādanaṃ jyotir ajany anena // 13.4	upajāti : upendravajrā [11: jtjgg], indravajrā [11: ttjgg]
tāṃ tām avasthāṃ pratipadyamānaṃ sthitaṃ daśa vyāpya diśo mahimnā / viṣṇor ivāsyānavadhāraṇīyam īdṛktayā rūpam iyattayā vā // 13.5	upajāti : upendravajrā [11: jtjgg], indravajrā [11: ttjgg]
nābhiprarūḍhāmburuhāsanena saṃstūyamānaḥ prathamena dhātrā / amuṃ yugāntocitayogandiraḥ saṃhṛtya lokān puruṣo 'dhiśete // 13.6	upajāti triṣṭubh: ajñātam [11: jtylg], indravajrā [11: ttjgg]
pakṣacchidā gotrabhidāttagandhāḥ śaraṇyam enaṃ śataśo mahīdhrāḥ / nṛpā ivopaplavinaḥ parebhyo dharmottaraṃ madhyamam āśrayante // 13.7	upajāti : upendravajrā [11: jtjgg], indravajrā [11: ttjgg]
rasātalād ādibhavena puṃsā bhuvaḥ prayuktodvahanakriyāyāḥ / asyāccham ambhaḥ pralayapravṛddhaṃ muhūrtavaktrāvaraṇaṃ babhūva // 13.8	upajāti : upendravajrā [11: jtjgg], indravajrā [11: ttjgg]
mukhārpaṇeṣu prakṛtipragalbhāḥ svayaṃ taraṅgādharadānadakṣaḥ / ananyasāmānyakalatravṛttiḥ pibaty asau pāyayate ca sindhūḥ // 13.9	upendravajrā [11: jtjgg]
sasattvam ādāya nadīmukhāmbhaḥ saṃmīlayanto vivṛtānanatvāt / amī śirobhis timayaḥ sarandhrair ūrdhvaṃ vitanvanti jalapravāhān // 13.10	upajāti : upendravajrā [11: jtjgg], indravajrā [11: ttjgg]
mātaṅganakraiḥ sahasotpatadbhir bhinnān dvidhā paśya samudraphenān / kapolasaṃsarpitayā ya eṣāṃ vrajanti karṇa kṣaṇacāmaratvam // 13.11	upajāti : upendravajrā [11: jtjgg], indravajrā [11: ttjgg]
velānilāya prasṛtā bhujaṃgā mahormivisphūrjathunirviśeṣāḥ / sūryāṃśusaṃparkasamṛddharāgair vyajyanta ete maṇibhiḥ phaṇasthaiḥ // 13.12	upajāti : upendravajrā [11: jtjgg], indravajrā [11: ttjgg]
tavādharasparadhiṣu vidrumeṣu paryastam etat sahasormivegāt / ūrdhvāṅkuraprotamukhaṃ kathaṃcit kleśad apakrāmati śaṅkhayūtham // 13.13	indravajrā [11: ttjgg] (? 2 eva pādāḥ yuktāḥ)
pravṛttamātreṇa payāṃsi pātum āvartavegād bhramatā ghanena / ābhāti bhūyiṣṭham ayaṃ samudraḥ pramathyamāno giriṇeva bhūyaḥ // 13.14	upajāti : upendravajrā [11: jtjgg], indravajrā [11: ttjgg]
dūrād ayaścakranibhasya tanvī tamālatālīvanarājinīlā / ābhāti velā lavaṇāmburāśer dhārānibaddheva kalaṅkalekhā // 13.15	upajāti : upendravajrā [11: jtjgg], indravajrā [11: ttjgg]
velānilaḥ ketakareṇubhis te saṃbhāvayaty ānanam āyatākṣi / mām akṣamaṃ maṇḍanakālahāner vettīva bimbādharabaddhatṛṣṇam // 13.16	indravajrā [11: ttjgg]
ete vayaṃ saikatabhinnaśukti-paryastamuktāpaṭalaṃ payodheḥ / prāptā muhūrtena vimānavegāt kūlaṃ phalāvarjitapūgamālam // 13.17	indravajrā [11: ttjgg]
kuruṣva tāvat karabhoru paścān-mārge mṛgaprekṣiṇi dṛṣtipātam / eṣā vidūrībhavataḥ samudrāt sakānanā niṣpatatīva bhūmiḥ // 13.18	upajāti : upendravajrā [11: jtjgg], indravajrā [11: ttjgg]
kvacit pathā saṃcarate surāṇāṃ kvacid ghanānāṃ patatāṃ kvacic ca / yathāvidho me manso 'bhilāṣaḥ pravartate paśya tathā vimānam // 13.19	upendravajrā [11: jtjgg] (? 3 eva pādāḥ yuktāḥ)
asau mahendradvipadānagandhī trimārgagāvīcivimardaśītaḥ / ākāśavāyur dinayauvanotthān ācāmati svedalavān mukhe te // 13.20	upajāti : upendravajrā [11: jtjgg], indravajrā [11: ttjgg]
kareṇa vātāyanalambitena spṛṣṭas tvayā caṇḍi kutūhalinyā / āmuñcatīvābharaṇaṃ dvitīyam udbhinnavidyudvalayo ghanas te // 13.21	upajāti : upendravajrā [11: jtjgg], indravajrā [11: ttjgg]
amī janasthānam apoḍhavighnaṃ matvā samārabdhanavoṭajāni / adhyāsate cīrabhṛto yathāsvaṃ cirojjhitāny āśramamaṇḍalāni // 13.22	upajāti : upendravajrā [11: jtjgg], indravajrā [11: ttjgg]
saiṣā sthalī yatra vicinvatā tvāṃ bhraṣṭaṃ mayā nūpuram ekam urvyām / adṛśyata tvaccaraṇāravinda-viśleṣaduḥkhād iva baddhamaunam // 13.23	upajāti : upendravajrā [11: jtjgg], indravajrā [11: ttjgg]
tvaṃ rakṣasā bhīru yato 'panītā taṃ mārgam etāḥ kṛpayā latā me / adarśayan vaktum aśaknuvatyaḥ śākhābhir āvarjitapallavābhiḥ // 13.24	upajāti : upendravajrā [11: jtjgg], indravajrā [11: ttjgg]
mṛgyaś ca darbhāṅkuranirvyapekṣās tavāgatijñaṃ samabodhayan mām / vyāpārayantyo diśi dakṣiṇasyām utpakṣmarājīni vilocanāni // 13.25	upajāti : upendravajrā [11: jtjgg], indravajrā [11: ttjgg]
etad girer mālayavataḥ purastād āvirbhavaty ambarlekhi śṛṅgam / navaṃ yatra ghanair mayā ca tvadviprayogāśru samaṃ visṛṣṭam // 13.26	na kiṃcid adhyavasitam
gandhaś ca dhārāhatapalvalānāṃ kādambam ardhodgatakesaraṃ ca / snigdhāś ca kekāḥ śikhināṃ babhūvur yasmin asahyāni vinā tvayā me // 13.27	upajāti triṣṭubh: ajñātam [11: Btjgg], indravajrā [11: ttjgg]
pūrvānubhūtaṃ smaratā ca yatra kampottaraṃ bhīru tavopagūḍham / guhāvisārīṇy ativāhitāni mayā kathaṃcid ghanagarjitāni // 13.28	upajāti : upendravajrā [11: jtjgg], indravajrā [11: ttjgg]
āsārasiktakṣitibāṣpayogān mām akṣiṇod yatra vibhinnakośaiḥ / viḍambyamānā navakandalais te vivāhadhūmāruṇalocanaśrīḥ // 13.29	upajāti : upendravajrā [11: jtjgg], indravajrā [11: ttjgg]
upāntavānīravanopagūdhāny ālakṣyapāriplavasārasāni / dūrāvatīrṇā pibatīva khedād amūni pampāsalilāni dṛṣṭiḥ // 13.30	upajāti : upendravajrā [11: jtjgg], indravajrā [11: ttjgg]
atrāviyuktāni rathāṅganāmnām anyonyadattotpalakesarāṇi / dvandvāni dūrāntaravartinā te mayā priye saspṛham īkṣitāni // 13.31	upajāti : upendravajrā [11: jtjgg], indravajrā [11: ttjgg]
imāṃ tatāśokalatāṃ ca tanvīṃ stanābhirāmastabakābhinamrām / tvatprāptibuddhyā pariripsamānaḥ saumitriṇā sāsram ahaṃ niṣiddhaḥ // 13.32	upajāti : upendravajrā [11: jtjgg], indravajrā [11: ttjgg]
amūr vimānāntaralambinīnāṃ śrutvā svanaṃ kāñcanakiṅkiṇīnām / pratyudvrajantīva kham utpatantyo godāvarīsārasapaṅktayas tvām // 13.33	upajāti : upendravajrā [11: jtjgg], indravajrā [11: ttjgg]
eṣā tvayā peśalamadhyayāpi ghaṭāmbusaṃvardhitabālacūtā / āhlādayaty unmukhakṛṣṇasārā dṛṣṭa cirāt pañcavaṭī mano me // 13.34	upajāti triṣṭubh: ajñātam [11: Btjgg], upendravajrā [11: jtjgg], indravajrā [11: ttjgg]
atrānugodaṃ mṛgayānivṛttas taraṅgavātema vinītakhedaḥ / rahas tvadutsaṅganiṣaṇṇamūrdhā smarāmi vānīragṛheṣu suptaḥ // 13.35	upajāti : upendravajrā [11: jtjgg], indravajrā [11: ttjgg]
bhrūbheda mātreṇa padān maghonaḥ prabhraṃśayāṃ yo nahuṣaṃ cakāra / tasyāvilāmbhaḥpariśuddhihetor bhaumo muneḥ sthānaparigraho 'yam // 13.36	indravajrā [11: ttjgg]
tretāgnidhūmāgram anindyakīrtes tasyedam ākrāntavimānamārgam / ghrātvā havirgandhi rajovimuktaḥ samaśnute me laghimānam ātmā // 13.37	upajāti : upendravajrā [11: jtjgg], indravajrā [11: ttjgg]
etan muner mānini śātakarṇeḥ pañcāpsaro nāma vihāravāri / ābhāti paryantavanaṃ vidūrān meghāntarālakṣyam ivendubimbam // 13.38	indravajrā [11: ttjgg]
purā sa darbhāṅkuramātravṛttiś caran mṛgaiḥ sārdham ṛṣir maghonā / samādhibhītena kilopanītaḥ pañcāpsaroyauvanakūṭabhandham // 13.39	upajāti : upendravajrā [11: jtjgg], indravajrā [11: ttjgg]
tasyāyam antarhitasaudhabhājaḥ prasaktasaṃgītamṛdaṅgaghoṣaḥ / viyadgataḥ puṣpakacandraśālāḥ kṣaṇaṃ pratiṣrunmukharāḥ karoti // 13.40	upajāti : upendravajrā [11: jtjgg], indravajrā [11: ttjgg]
havirbhujām edhavatāṃ caturṇāṃ madhye lalāṭaṃtapasaptasaptiḥ / asau tapasyaty aparas tapasvī nāmnā sutīkṣṇaś caritena dāntaḥ // 13.41	upajāti : upendravajrā [11: jtjgg], indravajrā [11: ttjgg]
amuṃ sahāsaprahitekṣaṇāni vyājārdhasaṃdarśitamekhalāni / nālaṃ vikartuṃ janitendraśaṅkaṃ surāṅganāvibhramaceṣṭitāni // 13.42	upajāti : upendravajrā [11: jtjgg], indravajrā [11: ttjgg]
eṣo 'kṣamālāvalayaṃ mṛgāṇāṃ kaṇḍūyitāraṃ kuśasūcilāvam / sabhājane me bhujam ūrdhvabāhuḥ savyetaraṃ prādhvam itaḥ prayuṅkte // 13.43	upajāti : upendravajrā [11: jtjgg], indravajrā [11: ttjgg]
vācaṃyamatvāt praṇatiṃ mamaiṣa kampena kiṃcit pratigṛhya mūrdhnaḥ / dṛṣṭiṃ vimānavyavadhānamuktāṃ punaḥ sahasrāciṣi saṃnidhatte // 13.44	upajāti : upendravajrā [11: jtjgg], indravajrā [11: ttjgg]
adaḥ śaraṇyaṃ śarabhaṅganāmnas tapovanaṃ pāvanam āhitāgneḥ / cirāya saṃtarpya samidhir agniṃ yo mantrapūtāṃ tanum apy ahauṣīt // 13.45	upajāti triṣṭubh: ajñātam [11: jtngg], upendravajrā [11: jtjgg], indravajrā [11: ttjgg]
chāyāvinītādhvapariśrameṣu bhūyiṣṭhasaṃbhāvyaphaleṣv amīṣu / tasyātithīnām adhunā saparyā sthitā suputreṣv iva pādapeṣu // 13.46	upajāti : upendravajrā [11: jtjgg], indravajrā [11: ttjgg]
dhārāsvanodgāridarīmukho 'sau śṛṅgāgralagnāmbudavaprapaṅkaḥ / badhnāti me bandhuragātri cakṣur dṛptaḥ kakudmān iva citrakūṭaḥ // 13.47	indravajrā [11: ttjgg]
eṣā prasannastimitapravāhā sarid vidūrāntarabhāvatanvī / mandākinī bhāti nagopakaṇṭhe muktāvalī kaṇṭhagateva bhūmeḥ // 13.48	upajāti : upendravajrā [11: jtjgg], indravajrā [11: ttjgg]
ayaṃ sujāto 'nugiraṃ tamālaḥ pravālam ādāya sugandhi yasya / karṇārpiten' T ākaravaṃ kapolam apārthyakālāgurupattralekham Vt // 13.49	upajāti : upendravajrā [11: jtjgg], indravajrā [11: ttjgg]
anigrahatrāsavinītasattvam apuṣpaliṅgāt phalabandhivṛkṣam / vanaṃ tapaḥsādhanam etad atrer āviṣkṛtodagrataraprabhāvam // 13.50	upajāti : upendravajrā [11: jtjgg], indravajrā [11: ttjgg]
atrābhiṣekāya tapodhanānāṃ saptarśihastoddhṛtahemapadmām / pravartayām āsa kil'; ānusūyā trisrotasaṃ tryambakamaulimālām // 13.51	upajāti triṣṭubh: ajñātam [11: jttgg], indravajrā [11: ttjgg]
vīrāsanair dhyānajuṣām ṛṣīnām amī samādhyāsitavedimadhyāḥ / nivātaniṣkampatayā vibhānti yogādhirūḍhā iva śākhino 'pi // 13.52	upajāti : upendravajrā [11: jtjgg], indravajrā [11: ttjgg]
tvayā purastād upayācito yaḥ so 'yaṃ vaṭaḥ śyāma iti pratītaḥ / rāśir maṇīnām iva gāruḍānāṃ sapadmarāgaḥ phalito vibhāti // 13.53	upajāti : upendravajrā [11: jtjgg], indravajrā [11: ttjgg]
kvacit prabhā cāndramasī tamobhiś muktāmayī yaṣṭir ivānuviddhā / anyatra mālā sitapaṅkajānām indīvarair utkhacitāntareva // 13.54	upajāti : upendravajrā [11: jtjgg], indravajrā [11: ttjgg]
kvacit khagānāṃ priyamānasānāṃ kādambasaṃsargavatīva / anyatra śubhrā śaradabhralekhā bhaktir bhuvaś candanakalpiteva // 13.55	indravajrā [11: ttjgg] (? 2 eva pādāḥ yuktāḥ)
kvacit prabhā cāndramasī tamobhiś chāyāvilīnaiḥ śabalīkṛteva / anyatra śubhrā śaradabhralekhā randhreṣv ivālakṣyanabhaḥpradeśā // 13.56	upajāti : upendravajrā [11: jtjgg], indravajrā [11: ttjgg]
kvacic ca kṛṣṇoragabhūṣaṇeva bhasmāṅgarāgā tanur īśvarasya / paśyānavadyāṅgi vibhāti gaṅgā bhinnapravāhā yamunātaraṅgaiḥ // 13.57	upajāti : upendravajrā [11: jtjgg], indravajrā [11: ttjgg]
tamisrayā śubhraniśeva bhinnā kundasrag indīvaramālayeva / kṛttir hareḥ kṛṣṇamṛgatvaceva bhūtiḥ smarārer iva kaṇṭhabhāsā // 13.57.2	upajāti : upendravajrā [11: jtjgg], indravajrā [11: ttjgg]
dṛśyārdhayā śāradameghalekhā nirdhūtanistriṃśarucā viśeva / gavākṣakālāgurudhūmarājyā harmyasthalīlepasudhā naveva // 13.57.3	upajāti : upendravajrā [11: jtjgg], indravajrā [11: ttjgg]
tuṣārasaṃghātaśilā himādrer jātyāñjanaprastaraśobhayeva / patatriṇāṃ manasagocarāṇāṃ T śreṇīva kādambavihaṃgapaṅktyā // 13.57.4	upajāti triṣṭubh: ajñātam [11: jBjgg], upendravajrā [11: jtjgg], indravajrā [11: ttjgg]
nitāntaśuddhasphuṭikāśayogād vaiḍūryakāntyā raśanāvalīva / gaṅgā raver ātmajayā sametā puṣpyaty udāraṃ parabhāgalekhā // 13.57.5	upajāti : upendravajrā [11: jtjgg], indravajrā [11: ttjgg]
samudrapatnyor jalasaṃnipāte pūtātmanām atra kilābhiṣekāt / tattvāvabodhena vināpi bhūyas tanutyajāṃ nāsti śarīrabandhaḥ // 13.58	upajāti : upendravajrā [11: jtjgg], indravajrā [11: ttjgg]
puraṃ niṣādādhipater idaṃ tad yasmin mayā maulimaṇiṃ vihāya / jaṭāsu baddhāsv arudat sumantraḥ kaikeyi kāmāḥ phalitās taveti // 13.59	upajāti : upendravajrā [11: jtjgg], indravajrā [11: ttjgg]
payodharaiḥ puṇyajanāṅganānāṃ nirviṣṭahemāmbujareṇu yasyāḥ / brāhmaṃ saraḥ kāraṇam āptavāco buddher ivāvyaktam udāharanti // 13.60	upajāti : upendravajrā [11: jtjgg], indravajrā [11: ttjgg]
jalāni yā tīranikhātayūpā vahaty ayodhyām anu rājadhānīm / turaṃgamedhāvabhṛtavatīrṇair ikṣvākubhiḥ puṇyatarīkṛtāni // 13.61	upajāti triṣṭubh: ajñātam [11: jtngg], upendravajrā [11: jtjgg], indravajrā [11: ttjgg]
yāṃ saikatotsaṅgasukhocitānāṃ prājyaiḥ payobhiḥ parivardhitānām / sāmānyadhātrīm iva mānasaṃ me saṃbhāvayaty uttarakosalānām // 13.62	indravajrā [11: ttjgg]
seyaṃ madīyā jananīva tena mānyena rājñā sarayūr viyuktā / dūre vasantaṃ śiśirānilair māṃ taraṅgahastair upagūhatīva // 13.63	upajāti : upendravajrā [11: jtjgg], indravajrā [11: ttjgg]
viraktasaṃdhyākapiśaṃ purastād yato rajaḥ pārthivam ujjihīte / śaṅke hanūmatkathitapravṛttiḥ pratyudgato māṃ bharataḥ sasainyaḥ // 13.64	upajāti : upendravajrā [11: jtjgg], indravajrā [11: ttjgg]
addhā śriyaṃ pālitasaṃgarāya pratyarpayiṣyaty anaghāṃ sa sādhuḥ / hatvā nivṛttāya mṛdhe kharādīn saṃrakṣitāṃ tvām iva lakṣmaṇo me // 13.65	indravajrā [11: ttjgg]
asau puraskṛtya guruṃ padātiḥ paścādavasthāpitavāhinīkaḥ / vṛddhair amātyaiḥ saha cīravāsā mām arghyapāṇir bharato 'bhyupaiti // 13.66	upajāti : upendravajrā [11: jtjgg], indravajrā [11: ttjgg]
pitrā nisṛṣṭāṃ madapekṣayā yaḥ śriyaṃ yuvāpy aṅkagatām abhoktā / iyanti varṣāṇi tayā sahogram abhyasyatīva vratam āsidhāram // 13.67	upajāti : upendravajrā [11: jtjgg], indravajrā [11: ttjgg]
etāvad uktavati dāśarathau tadīyām icchāṃ vimānam adhidevatayā viditvā / dyotiṣpathād avatatāra savismayābhir udvīkṣitaṃ prakṛtibhir bharatānugābhiḥ // 13.68	vasantatilakā [14: tBjjgg]
tasmāt puraḥsaravibhīṣaṇadarśitena sevāvicakṣaṇaharīśvaradattahastaḥ / yānād avātarad adūramahītalena mārgeṇa bhaṅgiracitasphaṭikena rāmaḥ // 13.69	vasantatilakā [14: tBjjgg]
ikṣvākuvaṃśagurave prayataḥ praṇamya sa bhrātaraṃ bharatam arghyaparigrahānte / paryaśrur asvajata mūrdhani copajaghrau tadbhaktyapoḍhapitṛrāhyamahābhiṣeke // 13.70	vasantatilakā [14: tBjjgg]
śmaśrupravṛddhijanitānanavikriyāṃś ca plakṣān prarohajaṭilān iva mantrivṛddhān / anvagrahīt praṇamataḥ śubhadṛṣṭipātair vārttānuyogamadhurākṣarayā ca vācā // 13.71	vasantatilakā [14: tBjjgg]
durjātabandhur ayam ṛkṣaharīśvaro me paulastya eṣa samareṣu puraḥ prahartā / ity ādṛtena kathitau raghunandanena vyutkramya lakṣmaṇam ubhau bharato vavande // 13.72	vasantatilakā [14: tBjjgg]
saumitriṇā tadanu saṃsasṛje sa cainam utthāpya namraśirasaṃ bhṛśam āliniṅga / rūḍhendrajitpraharaṇavraṇakarkaśena kliśyann ivāsya bhujamadhyam uraḥsthalena // 13.73	vasantatilakā [14: tBjjgg]
rāmājñayā haricamūpatayas tadānīṃ kṛtvā manuṣyavapur āruruhur gajendrān / teṣu kṣaratsu bahudhā madavāridhārāḥ śailādhirohaṇasukhāny upalebhire te // 13.74	vasantatilakā [14: tBjjgg]
sānuplavaḥ prabhur api kṣaṇadācarāṇāṃ bheje rathān daśarathaprabhavānuśiṣṭaḥ / māyāvikalparacitair api ye tadīyair na syandanais tulitakṛtrimabhaktiśobhāḥ // 13.75	vasantatilakā [14: tBjjgg]
bhūyas tato raghupatir vilasatpatākam adhyāsta kāmagati sāvarajo vimānam / doṣātanaṃ budhabṛhaspatiyogadṛśyas tārāpatis taralavidyud iv'ābhravṛndam // 13.76	vasantatilakā [14: tBjjgg]
tatreśvareṇa jagatāṃ pralayād ivorvīṃ varṣātyayena rucam abhraghanād ivendoḥ / rāmeṇa maithilasutāṃ daśakaṇṭhakṛcchrāt pratyuddhṛtāṃ dhṛtimatīṃ bharato vavande // 13.77	vasantatilakā [14: tBjjgg]
laṅkeśvarapraṇatibhaṅgadṛḍhavrataṃ tad (?) vandyaṃ yugaṃ caraṇayor janakātmajāyāḥ / jyeṣṭhānuvṛttijaṭilaṃ ca śiro 'sya sādhor anyonyapāvanam abhūd ubhayaṃ sametya // 13.78	vasantatilakā [14: tBjjgg]
krośārdhaṃ prakṛtipuraḥsareṇa gatvā kākutsthaḥ stimitajavena puṣpakeṇa / śatrughnaprativihitopakāryam āryaḥ sāketopavanam udāram adhyuvāsa // 13.79	praharṣiṇī [13: mnjrg]
uttiṣṭha vatse nanu sānujo 'sau daśāntaraṃ tatra samaṃ prapanne / apaśyatāṃ dāśarathī jananyau chedād ivopaghnataror vratatyau // 14.1	upajāti : upendravajrā [11: jtjgg], indravajrā [11: ttjgg]
ubhāv ubhābhyāṃ praṇatau hatārī yathākramaṃ vikramaśobhinau tau / vispaṣṭam asrāndhatayā na dṛṣṭau jñātau sutasparśasukhopalambhāt // 14.2	upajāti : upendravajrā [11: jtjgg], indravajrā [11: ttjgg]
ānandajaḥ śokajam aśru bāṣpas tayor aśītaṃ śiśiro bibheda / gaṅgāsarayvor jalam uṣṇatpataṃ himādrinisyanda ivāvatīrṇaḥ // 14.3	upajāti triṣṭubh: ajñātam [11: ttylg], upendravajrā [11: jtjgg], indravajrā [11: ttjgg]
te putrayor nairṛtaśastramārgān ārdrān ivāṅge sadayaṃ spṛśantyau / apīpsitaṃ kṣatrakulāṅganānāṃ na vīrasūśabdam akāmayetām // 14.4	upajāti : upendravajrā [11: jtjgg], indravajrā [11: ttjgg]
kleśāvahā bhartur alakṣaṇāhaṃ sīteti nāma svam udīrayantī / svargapratiṣṭhasya guror mahiṣyāv abhaktibhedena vadhūr vavande // 14.5	upajāti : upendravajrā [11: jtjgg], indravajrā [11: ttjgg]
uttiṣṭha vatse nanu sānujo 'sau vṛttena bhartā śucinā tavaiva / kṛcchraṃ mahat tīrṇa iti priyārhāṃ tām ūcatus te priyam apy amithyā // 14.6	indravajrā [11: ttjgg]
athābhiṣekaṃ raghuvaṃśaketoḥ prārabdham ānandajalair jananyoḥ / nirvartayām āsur amātyavṛddhās tīrthāhṛtaiḥ kāñcanakumbhatoyaiḥ // 14.7	upajāti : upendravajrā [11: jtjgg], indravajrā [11: ttjgg]
saritsamudrān sarasīś ca gatvā rakṣaḥkapīndrair upapāditāni / tasyāpatan mūrdhni jalāni jiṣṇor vindhyasya meghaprabhavā ivāpaḥ // 14.8	upajāti : upendravajrā [11: jtjgg], indravajrā [11: ttjgg]
tapasviveṣakriyayāpi tāvad yaḥ prekṣaṇīyaḥ sutarāṃ babhūva / rājendranepathyavidhānaśobhā rasyoditāsīt punaruktadoṣā // 14.9	upajāti : upendravajrā [11: jtjgg], indravajrā [11: ttjgg]
sa maularakṣoharimiśrasainyas tūryasvanānanditapauravargaḥ / viveṣa saudhodgatalājavarṣām uttoraṇām anvayarājadhānīm // 14.10	upajāti : upendravajrā [11: jtjgg], indravajrā [11: ttjgg]
saumitriṇā sāvarajena mandam ādhūtavālavyajano rathasthaḥ / dhṛtātapatro bharatena sākṣād upāyasaṃghāta iva pravṛddhaḥ // 14.11	upajāti : upendravajrā [11: jtjgg], indravajrā [11: ttjgg]
prāsādakālāgurudhūmarājis tasyāḥ puro vāyuvaśena bhinnā / vanān nivṛttena raghūdvahena muktā svayaṃ veṇir ivābhāse // 14.12	indravajrā [11: ttjgg] (? 2 eva pādāḥ yuktāḥ)
śvaśrūjanānuṣṭhitacāruveṣāṃ karṇīrathasthāṃ raghuvīrapatnīm / prāsādavātāyanadṛśyabandhaiḥ sāketanāryo 'ñjalibhiḥ praṇemuḥ // 14.13	indravajrā [11: ttjgg]
sphuratprabhāmaṇḍalam ānusūyaṃ sā bibhratī śāśvatam aṅgarāgam / rarāja śuddheti punaḥ svapuryai saṃdarśita vahnigateva bhartrā // 14.14	upajāti triṣṭubh: ajñātam [11: tjjgg], upendravajrā [11: jtjgg], indravajrā [11: ttjgg]
veśmāni rāmaḥ paribarhavanti viśrāṇya sauhārdhanidhiḥ suhṛdbyaḥ / bāṣpāyamāṇo balimanniketam ālekhyaśeṣasya pitur viveśa // 14.15	indravajrā [11: ttjgg]
kṛtāñjalis tatra yad amba satyān nābhraśyata svargaphalād gurur naḥ / tac cintyamānaṃ sukṛtaṃ taveti jahāra lajjāṃ bharatasya mātuḥ // 14.16	upajāti : upendravajrā [11: jtjgg], indravajrā [11: ttjgg]
tathā ca sugrīvavibhīśaṇādīn upācarat kṛtrimasaṃvidhābhiḥ / saṃkalpamātroditasiddhayas te krāntā yathā cetasi vismayena // 14.17	upajāti : upendravajrā [11: jtjgg], indravajrā [11: ttjgg]
sabhājanāyopagatān sa divyān munīn puraskṛtya hatasya śatroḥ / śuśrāva tebhyaḥ prabhavādi vṛttaṃ svavikrame gauravam ādadhānam // 14.18	upajāti : upendravajrā [11: jtjgg], indravajrā [11: ttjgg]
pratiprayāteṣu tapodhaneṣu sukhād avijñātagatārdhamāsān / sītāsvahastopahṛtāgryapūjān rakṣaḥkapīndrān visasarja rāmaḥ // 14.19	upajāti : upendravajrā [11: jtjgg], indravajrā [11: ttjgg]
tac cātmacintāsulabhaṃ vimānaṃ hṛtaṃ surāreḥ saha jīvitena / kailāsanāthodvahanāya bhūyaḥ puṣpaṃ divaḥ puṣpakam anvamaṃsta // 14.20	upajāti : upendravajrā [11: jtjgg], indravajrā [11: ttjgg]
pitur niyogād vanavāsam evaṃ nistīrya rāmaḥ pratipannarājyaḥ / dharmārthakāmeṣu samāṃ prapede yathā tathaivāvarajeṣu vṛttim // 14.21	upajāti : upendravajrā [11: jtjgg], indravajrā [11: ttjgg]
sarvāsu mātṛṣv api vatsalatvāt sa nirviśeṣapratipattir āsīt / ṣaḍānanāpītapayodharāsu netā camūnām iva kṛttikāsu // 14.22	upajāti : upendravajrā [11: jtjgg], indravajrā [11: ttjgg]
tenārthavāṃl lobhaparāṅmukhena tena ghnatā vighnabhayaṃ kriyāvān / tenāsa lokaḥ pitṛmān vinetrā tenaiva śokāpanudena putrī // 14.23	indravajrā [11: ttjgg]
sa paurakāryāṇi samīkṣya kāle reme videhādhipater duhitrā / upasthitaś cāru vapus tadīyaṃ kṛtvopabhogotsukayeva lakṣmyā // 14.24	upajāti : upendravajrā [11: jtjgg], indravajrā [11: ttjgg]
tayor yathāprārthitam indriyārthān āseduṣoḥ sadmasu citravatsu / prāptāni duḥkhāny api daṇḍakeṣu saṃcintyamānāni sukhāny abhūvan // 14.25	upajāti : upendravajrā [11: jtjgg], indravajrā [11: ttjgg]
athādhikasnigdhavilocanena mukhena sītā śarapāṇḍureṇa / ānandayitrī pariṇetur āsīd anakṣaravyañjitadohadena // 14.26	upajāti : upendravajrā [11: jtjgg], indravajrā [11: ttjgg]
tām aṅkam āropya kṛśāṅgayaṣṭiṃ varṇāntarākrāntapayodharāgrām / vilajjamānāṃ rahasi pratītaḥ prapraccha rāmāṃ ramaṇo 'bhilāṣam // 14.27	upajāti : upendravajrā [11: jtjgg], indravajrā [11: ttjgg]
sā daṣṭanīvārabalīnihiṃsraiḥ saṃbaddha vaikhānasakanyakāni / iyeṣa bhūyaḥ kuśavanti gantuṃ bhāgīrathītīratapovanāni // 14.28	upajāti : upendravajrā [11: jtjgg], indravajrā [11: ttjgg]
tasyai pratiśrutya raghupravīras tad (?) īpsitaṃ pārśvacarānuyātaḥ / ālokayiṣyan muditām ayodhyāṃ prāsādam abhraṃliham āruroha // 14.29	upajāti : upendravajrā [11: jtjgg], indravajrā [11: ttjgg]
ṛddhāpaṇaṃ rājapathaṃ sa paśyan vigāhyamānāṃ sarayūṃ ca naubhiḥ / vilāsibhiś cādhyuṣitāni pauraiḥ puropakaṇṭhopavanāni reme // 14.30	upajāti : upendravajrā [11: jtjgg], indravajrā [11: ttjgg]
sa kiṃvadantīṃ vadatāṃ purogaḥ svaṛttam uddiśya viśuddhavṛttaḥ / sarpādhirājorubhujo 'pasarpaṃ papraccha bhadraṃ vijitāribhadraḥ // 14.31	upajāti : upendravajrā [11: jtjgg], indravajrā [11: ttjgg]
nirbandhapṛṣṭaḥ sa jagāda sarvaṃ stuvanti paurāś caritaṃ tvadīyam / anyatra rakṣobhavanoṣitāyāḥ parigrahān mānavadeva devyāḥ // 14.32	upajāti : upendravajrā [11: jtjgg], indravajrā [11: ttjgg]
kalatranindāguruṇā kilaivam abhyāhataṃ kīrtiviparyayeṇa / ayoghanenāya ivābhitaptaṃ vaidehibandhor hṛdayaṃ vidadre // 14.33	upajāti : upendravajrā [11: jtjgg], indravajrā [11: ttjgg]
kim ātmanirvādakathām upekṣe jāyām adoṣām uta saṃtyajāmi / ity ekapakṣāśrayaviklavatvād āsīt sa dolācalacittavṛttiḥ // 14.34	upajāti : upendravajrā [11: jtjgg], indravajrā [11: ttjgg]
niścitya cānanyanivṛtti vācyaṃ tyāgena patnyāḥ parimārṣṭum aicchat / api svadehāt kim utendriyārthād yaśodhanānāṃ hi yaśo garīyaḥ // 14.35	upajāti : upendravajrā [11: jtjgg], indravajrā [11: ttjgg]
sa saṃnipātyāvarajān hataujās tadvikriyādarśanaluptaharṣān / kaulīnam ātmāśrayam ācacakṣe tebhyaḥ punaś cedam uvāca vākyam // 14.36	upajāti : upendravajrā [11: jtjgg], indravajrā [11: ttjgg]
rājarṣivaṃśasya raviprasūter upasthitaḥ paśyata kīdṛśo 'yam / mattaḥ sadācāraśuceḥ kalaṅkaḥ payodavātād iva darpaṇasya // 14.37	upajāti : upendravajrā [11: jtjgg], indravajrā [11: ttjgg]
paureṣu so 'haṃ vahulībhavantam apāṃ taraṅgeṣv iva tailabindum / soḍhuṃ na tatpūrvam avarṇam īśe ālānikaṃ sthāṇum iva dviependraḥ // 14.38	indravajrā [11: ttjgg] (? 2 eva pādāḥ yuktāḥ)
tasyāpanodāya phalapravṛttāv upasthitāyām api nirvyapekṣaḥ / tyakṣyāmi vaidehasutāṃ purastāt samudranemiṃ pitur ājñayeva // 14.39	upajāti : upendravajrā [11: jtjgg], indravajrā [11: ttjgg]
avaimi cainām anagheti kiṃ tu lokāpavādo balavān mato me / chāyā hi bhūmeḥ śaśino malatven- -āropitā śuddhimataḥ prajābhiḥ // 14.40	upajāti : upendravajrā [11: jtjgg], indravajrā [11: ttjgg]
rakṣovadhānto na ca me prayāso vyarthaḥ sa vairapratimocanāya / amarṣaṇaḥ śoṇitakāṅkṣayā kiṃ padā spṛśantaṃ daśati dvijihvaḥ // 14.41	upajāti : upendravajrā [11: jtjgg], indravajrā [11: ttjgg]
tad eṣa sargaḥ karuṇārdracittair na me bhavadbhiḥ pratiṣedhanīyaḥ / yady arthitā nirhṛtavācyaśalyān prāṇān mayā dhārayituṃ ciraṃ vaḥ // 14.42	upajāti : upendravajrā [11: jtjgg], indravajrā [11: ttjgg]
ity uktavantaṃ janakātmajāyāṃ nitāntarūkṣābhiniveśam īśam / na kaścana bhrātṛṣu teṣu śakto niṣeddhum āsīd anuvartituṃ vā // 14.43	upajāti : upendravajrā [11: jtjgg], indravajrā [11: ttjgg]
sa lakṣmaṇaṃ lakṣmaṇapūrvajanmā vilokya lokatrayagītakīrtiḥ / saumyeti cābhāṣya yathārthabhāṣī sthitaṃ nideśe pṛthag ādideśa // 14.44	upajāti : upendravajrā [11: jtjgg], indravajrā [11: ttjgg]
prajāvatī dohadaśaṃsinī te tapovaneṣu spṛhayālur eva / saumyeti cābhāṣya yathārthabhāṣī prāpayya vālmīkipadaṃ tyajainām // 14.45	upajāti : upendravajrā [11: jtjgg], indravajrā [11: ttjgg]
sa śuśruvān mātari bhārgaveṇa pitur niyogāt prahṛtam dviṣadvat / pratyagrahīd agrajaśāsanaṃ tad ājñā gurūṇāṃ hy avicāraṇīyā // 14.46	upajāti : upendravajrā [11: jtjgg], indravajrā [11: ttjgg]
athānukūlaśravaṇapratītām atrasnubhir yuktadhuraṃ turaṃgaiḥ / rathaṃ sumantra pratipannaraśmim āropya vaidehasutāṃ pratasthe // 14.47	upajāti : upendravajrā [11: jtjgg], indravajrā [11: ttjgg]
sā nīyamānā rucirān pradeśān priyaṃkaro me priya ity anandat / nābuddha kalpadrumatāṃ vihāya jātaṃ tam ātmany asipattravṛkṣam // 14.48	upajāti : upendravajrā [11: jtjgg], indravajrā [11: ttjgg]
jugūha tasyāḥ pathi lakṣmaṇo yat savyetareṇa sphuratā tad akṣṇā / ākhyātam asyai guru bhāvi duḥkham atyantaluptapriyadarśanena // 14.49	upajāti : upendravajrā [11: jtjgg], indravajrā [11: ttjgg]
sā durnimittopagatād viṣādāt sadyaḥ parimlānamukhāravindā / rājñaḥ śivaṃ sāvarajasya bhūyād ity āśaśaṃse karaṇair abāhyaiḥ // 14.50	indravajrā [11: ttjgg]
guror niyogād vanitāṃ vanānte sādhvīṃ sumitrātanayo vihāsyan / avāryatevotthitavīcihastair jahnor duhitrā shitayā purastāt // 14.51	upajāti : upendravajrā [11: jtjgg], indravajrā [11: ttjgg]
rathāt sa yantrā nigṛhītavāhāt tāṃ bhrātṛhyāyāṃ puline 'vatārya / gaṅgāṃ niṣādāhṛtanauviśeṣas tatāra saṃdhām iva satyasaṃdhaḥ // 14.52	upajāti triṣṭubh: ajñātam [11: mtjgl], upendravajrā [11: jtjgg], indravajrā [11: ttjgg]
atha vyavasthāpitavāk kathaṃcit saumitrir antargatabāṣpakaṇṭhaḥ / autpātiko megha ivāśmavarṣaṃ mahīpateḥ śāsanam ujjagāra // 14.53	upajāti : upendravajrā [11: jtjgg], indravajrā [11: ttjgg]
tato 'bhiṣaṅgānilavipraviddhā prabhraśyamānābharaṇasprasūnā / svamūrtilābhaprakṛtiṃ dharitrīṃ lateva sītā sahasā jagāma // 14.54	upajāti : upendravajrā [11: jtjgg], indravajrā [11: ttjgg]
ikṣvākuvaṃśaprabhavaḥ kathaṃ tvāṃ tyajed akasmāt patir āryavṛttaḥ / iti kṣitiḥ saṃśayiteva tasyai dadau praveśaṃ jananī na tāvat // 14.55	upajāti : upendravajrā [11: jtjgg], indravajrā [11: ttjgg]
sā luptasaṃjñā na viveda duḥkhaṃ pratyāgatāsuḥ samatapyatāntaḥ / tasyāḥ sumitrātmajayatnalabdho mohād abhūt kaṣṭataraḥ prabodhaḥ // 14.56	indravajrā [11: ttjgg]
na cāvadad bhartur avarṇam āryā nirākariṣṇor vṛjinād ṛte 'pi / ātmānam eva sthiraduḥkhabājaṃ punaḥ punar duṣkṛtinaṃ nininda // 14.57	upajāti : upendravajrā [11: jtjgg], indravajrā [11: ttjgg]
āśvāsya rāmāvarajaḥ satīṃ tām ākhyātavālmīkiniketamārgaḥ / nighnasya me bhartṛnideśaraukṣyaṃ devi kṣamasveti babhūva namraḥ // 14.58	indravajrā [11: ttjgg]
sītā samutthāpya jagāda vākyaṃ prītāsmi te saumyacirāya jīva / viḍaujasā viṣṇur ivāgrajena bhrātrā yad itthaṃ paravān asi tvam // 14.59	upajāti : upendravajrā [11: jtjgg], indravajrā [11: ttjgg]
śvaśrūjanaṃ sarvam anukrameṇa vijñāpaya prāpitamatpraṇāmaḥ / prajāniśekaṃ mayi vartamānaṃ sūnor anudhyāyata cetaseti // 14.60	upajāti : upendravajrā [11: jtjgg], indravajrā [11: ttjgg]
vācyas tvayā madvacanāt sa rājā vahnau viśuddhām api yat samakṣam / māṃ lokavādaśravaṇād ahāsīḥ śrutasya kiṃ tat sadṛśaṃ kulasya // 14.61	upajāti : upendravajrā [11: jtjgg], indravajrā [11: ttjgg]
kalyāṇabuddher atha vā tavāyaṃ na kāmacāro mayi śaṅkanīyaḥ / mamaiva janmāntarapātakānāṃ vipākavisphūrjathur aprasahyaḥ // 14.62	upajāti : upendravajrā [11: jtjgg], indravajrā [11: ttjgg]
upasthitāṃ pūrvam apāsya lakṣmīṃ vanaṃ mayā sārdham asi prapannaḥ / tad āspadaṃ prāpya tayātiroṣāt soḍhāsmi na tvadbhavane vasantī // 14.63	upajāti : upendravajrā [11: jtjgg], indravajrā [11: ttjgg]
niśācaropaplutabhartṛkāṇāṃ tapasvinīnāṃ bhavataḥ prasādāt / bhūtvā śaraṇyā śaraṇārtham anyāṃ kathaṃ prapatsye tvayi dīpyamāne // 14.64	upajāti : upendravajrā [11: jtjgg], indravajrā [11: ttjgg]
kiṃ vā tavātyantaviyogamoghe kuryām upekṣāṃ hatajīvite 'smin / syād rakṣaṇīyaṃ yadi me na tejas tvadīyam antargatam antarāyaḥ // 14.65	upajāti : upendravajrā [11: jtjgg], indravajrā [11: ttjgg]
sāhaṃ tapaḥ sūryaniviṣṭadṛṣṭir ūrdhvaṃ prasūtes caritum yatiṣye / tathā yathā me jananāntare 'pi tvam eva bhartā na ca viprayogaḥ // 14.66	upajāti : upendravajrā [11: jtjgg], indravajrā [11: ttjgg]
nṛpasya varṇāśramarakṣaṇaṃ yat sa eva dharmo manunā praṇītaḥ / nirvāsitāpy evam atas tvayāhaṃ tapasvisāmānyam avekṣaṇīyā // 14.67	upajāti : upendravajrā [11: jtjgg], indravajrā [11: ttjgg]
tatheti tasyāḥ pratigṛhya vācaṃ rāmānuje dṛśṭipathaṃ vyatīte / sā muktakaṇṭhaṃ vyasanātibhārāc cakranda vignā kurarīva bhūyaḥ // 14.68	upajāti : upendravajrā [11: jtjgg], indravajrā [11: ttjgg]
nṛtyaṃ mayūrāḥ kusumāni vṛkṣā darbhān upāttān vijahur hariṇyaḥ / tasyāḥ prapanne samaduḥkhabhāvam atyantam āsīd ruditaṃ vane 'pi // 14.69	indravajrā [11: ttjgg]
tām abhyagacchad ruditānusārī kaviḥ kuśedhmāharaṇāya yātaḥ / niṣādaviddhāṇḍajadarśanotthaḥ ślokatvam āpadyata yasya śokaḥ // 14.70	upajāti : upendravajrā [11: jtjgg], indravajrā [11: ttjgg]
tam aśru netrāvaraṇaṃ pramṛjya sītā vilāpād viratā vavande / tasyai munir dohadaliṅgadarśī dāśvān supurtrāśiṣam ity uvāca // 14.71	upajāti : upendravajrā [11: jtjgg], indravajrā [11: ttjgg]
jāne viṣṛśṭāṃ praṇidhānatas tvāṃ mithyāpavādakṣubhitena bhartrā / tan mā vyathiṣṭhā viṣayāntarasthaṃ prāptāsi vaidehi pitur niketam // 14.72	indravajrā [11: ttjgg]
uthkātalokatrayakaṇṭake 'pi satyapratijñe 'py avikatthane 'pi / tvāṃ praty akasmāt kaluṣapravṛttāv asty eva manyur bharatāgraje me // 14.73	indravajrā [11: ttjgg]
tavendukīrtiḥ śvaśuraḥ sakhā me satāṃ bhavocchedakaraḥ pitā te / dhuri sthitā tvaṃ patidevatānāṃ kiṃ tan na yenāsi mamānukampyā // 14.74	upajāti : upendravajrā [11: jtjgg], indravajrā [11: ttjgg]
tapasvisaṃsargavinitatsattve tapovane vītabhayā vasāsmin / ito bhaviṣyaty anaghaprasūter apatyasaṃskāramayo vidhis te // 14.75	upajāti triṣṭubh: upendravajrā [11: jtjgg], ajñātam [11: jtsgg]
aśūnyatīrāṃ munisaṃniveśais tamo'pahantrīṃ tamasāṃ vigāhya / tatsaikatotsaṅgabalikriyābhiḥ saṃpatsyate te manasaḥ prasādaḥ // 14.76	upajāti : upendravajrā [11: jtjgg], indravajrā [11: ttjgg]
puṣpaṃ phalaṃ cārtavam āharantyo bījaṃ ca bāleyam akṛṣṭarohi / vinodayiṣyanti navābhiṣaṅgām udāravāco munikanyakās tvām // 14.77	upajāti : upendravajrā [11: jtjgg], indravajrā [11: ttjgg]
payoghaṭair āśramabālavṛkṣān saṃvardhayantī svabalānurūpaiḥ / asaṃśayaṃ prāk tanayopapatteḥ stanaṃdhayaprītim avāpsyasi tvam // 14.78	upajāti : upendravajrā [11: jtjgg], indravajrā [11: ttjgg]
anugrahapratyabhinandinīṃ tāṃ vālmīkir ādāya dayārdracetāḥ / sāyaṃ mṛgādhyāsitavedipārśvaṃ svam āśramaṃ śāntamṛgaṃ nināya // 14.79	upajāti : upendravajrā [11: jtjgg], indravajrā [11: ttjgg]
tām arpayām āsa ca śokadīnāṃ tadāgamaprītiṣu tāpasīṣu / nirviṣṭasārāṃ pitṛbhir himāṃśor antyāṃ kalāṃ darśa ivauṣadhīṣu // 14.80	upajāti : upendravajrā [11: jtjgg], indravajrā [11: ttjgg]
tā iṅgudīsnehakṛtapradīpam āstīrṇamedhyājinatalpam antaḥ / tasyai saparyānupadaṃ dinānte nivāsahetor uṭajaṃ viteruḥ // 14.81	upajāti : upendravajrā [11: jtjgg], indravajrā [11: ttjgg]
tatrābhiṣekaprayatā vasantī prayuktapūjā vidhinātithibhyaḥ / vanyena sā valkalinī śarīraṃ patyuḥ prajāsaṃtataye babhāra // 14.82	upajāti : upendravajrā [11: jtjgg], indravajrā [11: ttjgg]
api prabhuḥ sānuśayo 'dhunā syāt kim utsukaḥ śakrajito 'pi hantā / śaśaṃsa sītāparidevanāntam anuṣṭhitaṃ śāsanam agrajāya // 14.83	upendravajrā [11: jtjgg]
babhūva rāmaḥ sahasā sabāṣpas tuṣāravarṣīva sahasyacandraḥ / kaulīnabhītena gṛhān nirastā na tena vaidehasutā manastaḥ // 14.84	upajāti : upendravajrā [11: jtjgg], indravajrā [11: ttjgg]
nigṛhya śokaṃ svayam eva dhīmān varṇāśramāvekṣaṇajāgarūkaḥ / sa bhrātṛsādhāraṇabhogam ṛddhaṃ rājyaṃ rajoriktamanāḥ śaśāsa // 14.85	upajāti : upendravajrā [11: jtjgg], indravajrā [11: ttjgg]
tām ekabhāryāṃ parivādabhīroḥ sādhvīm api tyaktavato nṛpasya / vakṣasy asaṃghaṭṭasukhaṃ vasantī reje sapatnīrahiteva lakṣmīḥ // 14.86	indravajrā [11: ttjgg]
sītāṃ hitvā daśamukharipur nopayema yad anyāṃ tasyā eva pratikṛtisakho yat kratūn ājahāra / vṛttāntena śravaṇaviṣayaprāpiṇā tena bhartuḥ sā durvāraṃ katham api parityāgaduḥkhaṃ viṣehe // 14.87	mandākrāntā [17: mBnttgg] (? 3 eva pādāḥ yuktāḥ)
kṛtasītāparityāgaḥ sa ratnākaramekhalām / bubhūje pṛthivīpālaḥ pṛthivīm eva kevalām // 15.1	anuṣṭubh (1,2: pathyā, 3,4: pathyā)
lavaṇena viluptejyās tāmisreṇa tam abhyayuḥ / munayo yamunābhājaḥ śaraṇyaṃ śaraṇārthinaḥ // 15.2	anuṣṭubh (1,2: pathyā, 3,4: pathyā)
avekṣya rāmaṃ te tasmin na prajahruḥ svatejasā / trāṇābhāve hi śāpāstrāḥ kurvanti tapaso vyayam // 15.3	anuṣṭubh (1,2: ma-vipulā, 3,4: pathyā)
pratiśuśrāva kākutsthas tebhyo vighnapratikriyām / dharmasaṃrakṣaṇāyaiva pravṛttir bhuvi śārṅgiṇaḥ // 15.4	anuṣṭubh (1,2: pathyā, 3,4: pathyā)
te rāmāya vadhopāyam ācakhyur vibudhaviṣaḥ / durjayo lavaṇaḥ śūlī viśūlaḥ prārthyatām iti // 15.5	anuṣṭubh (1,2: asamīcīna, 3,4: pathyā)
ādideśātha śatrughnaṃ teṣāṃ kṣemāya rāghavaḥ / kariṣyann iva nāmāsya yathārtham arinigrahāt // 15.6	anuṣṭubh (1,2: pathyā, 3,4: pathyā)
yaḥ kaścana raghūṇāṃ hi param ekaḥ paraṃtapaḥ / apavāda ivotsargaṃ vyāvartayitum īśvaraḥ // 15.7	anuṣṭubh (1,2: pathyā, 3,4: pathyā)
agrajena prayuktāśīs tadā dāśarathī rathī / yayau vanstahliḥ paśyan puṣpitāḥ surabhīr abhīḥ // 15.8	anuṣṭubh (1,2: pathyā, 3,4: asamīcīna)
rāmādeśād anupadaṃ senāṅgaṃ tasya siddhaye / paścād adhyayanārthasya dhātor adhir ivābhavat // 15.9	anuṣṭubh (1,2: na-vipulā, 3,4: pathyā)
ādiṣṭavartmā munibhiḥ sa gacchaṃs tapatāṃ varaḥ / virarāja rathapṛṣṭhair vālakhilyair ivāṃśumān // 15.10	anuṣṭubh (1,2: bha-vipulā, 3,4: asamīcīna)
tasya mārgavaśād ekā babhūva vasatir yataḥ / rathasvanotkaṇṭhamṛge vālmīkīye tapovane // 15.11	anuṣṭubh (1,2: pathyā, 3,4: bha-vipulā)
tam ṛṣiḥ pūjayām āsa kumāraṃ klāntavāhanam / tapaḥprabhāvasiddhābhir viśeṣapratipattibhiḥ // 15.12	anuṣṭubh (1,2: pathyā, 3,4: pathyā)
tasyām evāsya yāminyām antarvatnī prajāvatī / sutāv asūta saṃpannau kośadaṇḍāv iva kṣitiḥ // 15.13	anuṣṭubh (1,2: pathyā, 3,4: pathyā)
saṃtānaśravaṇād bhrātuḥ saumitriḥ saumanasyavān / prāñjalir munim āmantrya prātar yuktaratho yayau // 15.14	anuṣṭubh (1,2: pathyā, 3,4: pathyā)
sa ca prāpa madhūpaghnaṃ kumbhīnasyāś ca kukṣijaḥ / vanāt karam ivādāya sattvarāśim upasthitaḥ // 15.15	anuṣṭubh (1,2: pathyā, 3,4: pathyā)
dhūmadhūmro vasāghandhī jvālābabhruśiroruhaḥ / kravyādgaṇaparīvāraś citāgnir iva jaṅgamaḥ // 15.16	anuṣṭubh (1,2: pathyā, 3,4: pathyā)
apaśulaṃ tam āsādya lavaṇaṃ lakṣmaṇānujaḥ / rurodha saṃmukhīno hi jayo randhraprahāriṇām // 15.17	anuṣṭubh (1,2: asamīcīna, 3,4: pathyā)
nātiparyāptam ālakṣya matkukṣer adya bhojanam / diṣṭyā tvam asi me dhātrā bhīgtenevopapāditaḥ // 15.18	anuṣṭubh (1,2: pathyā, 3,4: pathyā)
iti saṃtarjya śatrughnaṃ rākṣasas tajjighāṃsayā / prāṃśum utpāṭayām āsa mustāstambam iva drumam // 15.19	anuṣṭubh (1,2: pathyā, 3,4: pathyā)
saumitrer niśitair bāṇair antarā śakalīkṛtaḥ / gātraṃ puṣparajaḥ prāpa na śākhī nairṛteritaḥ // 15.20	anuṣṭubh (1,2: pathyā, 3,4: pathyā)
vināśāt tasya vṛkṣasya rakṣas tasmai mahopalam / prajighāya kṛtāntasya muṣṭiṃ pṛthag iva sthitam // 15.21	anuṣṭubh (1,2: pathyā, 3,4: pathyā)
aindram astram upādāya śatrughnena sa tāḍitaḥ / sikatābhyo 'pi hi parāṃ prapede paramāṇutām // 15.22	anuṣṭubh (1,2: pathyā, 3,4: na-vipulā)
dakṣiṇaṃ doṣam udyamya rākṣasas tam upādravat / ekatāla ivopāta-pavanaprerito giriḥ // 15.23	anuṣṭubh (1,2: pathyā, 3,4: pathyā)
kārṣnena pattrinā śatruḥ sa bhinnarhṛdayaḥ patan / ānināya bhuvaḥ kampaṃ jahārāśramavāsinām // 15.24	anuṣṭubh (1,2: pathyā, 3,4: pathyā)
vayasāṃ paṅktayaḥ petur hatasyopari rakṣasaḥ / tatpratidvandino mūrdhni divyāḥ kusumavṛṣṭayaḥ // 15.25	anuṣṭubh (1,2: pathyā, 3,4: pathyā)
sa hatvā lavaṇaṃ vīras tadā mene mahaujasaḥ / bhrātuḥ sodaryam ātmānam indrajidvadhaśobhinaḥ // 15.26	anuṣṭubh (1,2: pathyā, 3,4: pathyā)
tasya saṃstūyamānasya caritārthais tapasvibhiḥ / śuśubhe vikramodagraṃ vrīḍayāvanataṃ śiraḥ // 15.27	anuṣṭubh (1,2: pathyā, 3,4: pathyā)
upakūlaṃ sa kālindyāḥ purīṃ pauruṣabhūṣaṇaḥ / nirmame nirmamo 'rtheṣu mathurāṃ madhurākṛtiḥ // 15.28	anuṣṭubh (1,2: pathyā, 3,4: pathyā)
yā saurājyaprakāśābhir babhau pauravibhūtibhiḥ / svargābhiṣyandavamanaṃ kṛtvevopaniveśitā // 15.29	anuṣṭubh (1,2: pathyā, 3,4: na-vipulā)
tatra saudhagataḥ paśyan yamunāṃ cakravākinīm / hema bhaktimatīṃ bhūmeḥ praveṇīm iva pripiye // 15.30	anuṣṭubh (1,2: pathyā, 3,4: asamīcīna)
sakhā daśarathasyātha janakasya ca mantrakṛt / saṃcaskārobhayaprītyā maithileyau yathāvidhi // 15.31	anuṣṭubh (1,2: pathyā, 3,4: pathyā)
sa tau kuśalavonmṛṣṭa-garbhakledau tadākhyayā / kaviḥ kuśalavāv eva cakāra kila nāmataḥ // 15.32	anuṣṭubh (1,2: pathyā, 3,4: pathyā)
sāṅgaṃ ca vedam adhyāpya kiṃcidutkrāntaśaiśavau / svakṛtiṃ gāpayām āsa kaviprathamapaddhatim // 15.33	anuṣṭubh (1,2: pathyā, 3,4: pathyā)
rāmasya madhuraṃ vṛttaṃ gāyantau mātur agrataḥ / tadviyogavyathāṃ kiṃcic chithilīcakratuḥ sutau // 15.34	anuṣṭubh (1,2: pathyā, 3,4: pathyā)
itare 'pi raghor vaṃśyās trayas tretāgnitejasaḥ / tadyogāt pativatnīṣu patnīṣv āsan dvisūnavaḥ // 15.35	anuṣṭubh (1,2: pathyā, 3,4: pathyā)
śatrughātini śatrughnaḥ subāhau ca bahuśrute / mathurāvidiśe sūnvor nidadhe pūrvajotsukaḥ // 15.36	anuṣṭubh (1,2: pathyā, 3,4: pathyā)
bhūyas tapovyayo mā bhūd vālmīker iti so 'tyagāt / maithilītanayodgīta-niṣpandamṛgam āśramam // 15.37	anuṣṭubh (1,2: pathyā, 3,4: pathyā)
vaśī viveśa cāyodhyāṃ rathyāsaṃskāraśobhinīm / lavaṇasya vadhāt paurair atigauravam īkṣitaḥ // 15.38	anuṣṭubh (1,2: pathyā, 3,4: pathyā)
sa dadarśa sabhāmadhye sabhāsadbhir upasthitam / rāmaṃ sītāparityāgād asāmaṇyapatiṃ bhuvaḥ // 15.39	anuṣṭubh (1,2: pathyā, 3,4: pathyā)
tam abhyanandat praṇataṃ lavaṇāntakam agrajaḥ / kālanemivadhāt prītas turāṣāḍ iva śārṅgiṇam // 15.40	anuṣṭubh (1,2: bha-vipulā, 3,4: pathyā)
sa pṛṣṭaḥ sarvato vārttām ākhyād rājñe na saṃtatim / pratyarpayiṣyataḥ kāle kaver ādyasya śāsanāt // 15.41	anuṣṭubh (1,2: pathyā, 3,4: pathyā)
atha jānapado vipraḥ śiśum aprāptayauvanam / avatāry'; āṅkaśayyāsthaṃ dvāri cakranda bhūpateḥ // 15.42	anuṣṭubh (1,2: pathyā, 3,4: pathyā)
śocanīyāsi vasudhe yā tvaṃ daśarathāc cyutā / rāmahastam anuprāpya kaṣṭāt kaṣṭataraṃ gatā // 15.43	anuṣṭubh (1,2: na-vipulā, 3,4: pathyā)
śrutvā tasya śuco hetuṃ goptā jihrāya rāghavaḥ / na hy akālabhavo mṛtyur ikṣvākupadam aspṛśat // 15.44	anuṣṭubh (1,2: pathyā, 3,4: pathyā)
sa muhūrtaṃ sahasveti dvijam āśvāsya duḥkhitam / yānaṃ sasmāra kauberaṃ vaivasvatajigīṣayā // 15.45	anuṣṭubh (1,2: pathyā, 3,4: pathyā)
āttaśastras tad adhyāsya pratisthaḥ sa raghūdvahaḥ / uccacāra puras tasya gūḍharūpā sarasvatī // 15.46	anuṣṭubh (1,2: pathyā, 3,4: pathyā)
rājan prajāsu te kaścid apacāraḥ pravartate / tam anviṣya praśamayer bhavitāsi tataḥ kṛtī // 15.47	anuṣṭubh (1,2: pathyā, 3,4: na-vipulā)
ity āptavacanād rāmo vineṣyan varṇavikriyām / diśaḥ papāta pattreṇa veganiṣkampaketunā // 15.48	anuṣṭubh (1,2: pathyā, 3,4: pathyā)
atha dhūmābhitāmrākṣaṃ vṛkṣākhāvalambinam / dadarśa kaṃcid aikśvākas tapasyantam adhomukham // 15.49	anuṣṭubh (1,2: asamīcīna, 3,4: pathyā)
pṛṣṭanāmānvayo rājñā sa kilācaṣṭa dhūmapaḥ / ātmānaṃ śambukaṃ nāma śūdraṃ surapadārthinam // 15.50	anuṣṭubh (1,2: pathyā, 3,4: pathyā)
tapasy anadhikāritvāt prajānāṃ tam aghāvaham / śīrṣacchedyaṃ paricchidya niyantā śastram ādade // 15.51	anuṣṭubh (1,2: pathyā, 3,4: pathyā)
sa tadvaktraṃ himakliṣṭa-kiñjalkam iva paṅkajam / jyotiṣkaṇāhataśmaśru kaṇṭhanālād apāharat // 15.52	anuṣṭubh (1,2: pathyā, 3,4: pathyā)
kṛtaṇḍaḥ svayam rājñā lebhe śūdraḥ satāṃ gatim / tapasā duścareṇāpi na svamārgavilaṅghinā // 15.53	anuṣṭubh (1,2: asamīcīna, 3,4: pathyā)
raghunātho 'py agastyena mārgasaṃdarśitātmanā / mahaujasā saṃyuyuje śaratkāla ivendunā // 15.54	anuṣṭubh (1,2: pathyā, 3,4: bha-vipulā)
kumbhayonir alaṃkāraṃ tasmai divyaparigraham / dadau dattaṃ samudreṇa pītenevātmaniṣkrayam // 15.55	anuṣṭubh (1,2: pathyā, 3,4: pathyā)
taṃ dadhan maithilīkaṇṭha-nirvyāpāreṇa bāhunā / paścān nivavṛte rāmaḥ prāk parāsur dvijātmajaḥ // 15.56	anuṣṭubh (1,2: pathyā, 3,4: pathyā)
tasya pūrvoditāṃ nindāṃ dvijaḥ putrasamāgataḥ / stutyā nivartayām āsa trātur vaivasvatād api // 15.57	anuṣṭubh (1,2: pathyā, 3,4: pathyā)
tam adhvarāya muktāśvaṃ rakṣaḥkapinareśvarāḥ / meghāḥ sasyam ivāmbhobhir abhyavarṣann upāyanaiḥ // 15.58	anuṣṭubh (1,2: pathyā, 3,4: pathyā)
digbhyo nimantritāś cainam abhijagmur maharṣayaḥ / na bhaumāny eva dhiṣṇyāni hitvā jyotirmayāny api // 15.59	anuṣṭubh (1,2: pathyā, 3,4: pathyā)
upaśalyaniviṣṭais taiś caturdvāramukhī babhau / ayodhyā sṛṣṭalokeva sadyaḥ paitāmahī tanuḥ // 15.60	anuṣṭubh (1,2: pathyā, 3,4: pathyā)
ślāghyas tyāgo 'pi vaidehyāḥ patyuḥ prāgvaṃśavāsinaḥ / ananyahāneḥ tasyāsīt saiva jāyā hiraṇmayī // 15.61	anuṣṭubh (1,2: pathyā, 3,4: ma-vipulā)
vidher adhikasaṃbhāras tataḥ pravavṛte makhaḥ / āsan yatra kriyāvighnā rākṣasā eva rakṣiṇaḥ // 15.62	anuṣṭubh (1,2: pathyā, 3,4: pathyā)
atha prācetasopajñaṃ rāmāyaṇam itas tataḥ / maithileyau kuśalavau jagatur gurucoditau // 15.63	anuṣṭubh (1,2: pathyā, 3,4: na-vipulā)
vṛttaṃ rāmasya vālmīkeḥ kṛtis tau kiṃnarasvanau / kiṃ tad yena mano hartum alaṃ syātāṃ na śṛṇvatām // 15.64	anuṣṭubh (1,2: pathyā, 3,4: pathyā)
rūpe gīte ca mādhuryam tayos tajjñair niveditam / dadarśa sānujo rāmaḥ śuśrāva ca kutūhalī // 15.65	anuṣṭubh (1,2: pathyā, 3,4: pathyā)
tadgītaśravaṇaikāgrā saṃsad aśrumukhī babhau / himanisyandinī prātar nivāgteva vanasthalī // 15.66	anuṣṭubh (1,2: pathyā, 3,4: pathyā)
vayoveṣavisaṃvādi rāmasya ca tayoś ca sā / janatā prekṣya sādṛśyaṃ nākśikampaṃ vyatiṣṭhata // 15.67	anuṣṭubh (1,2: pathyā, 3,4: pathyā)
ubhayor na tathā lokaḥ prāvīṇyena visiṣmiye / nṛpateḥ prītidāneṣu vītaspṛhatayā yathā // 15.68	anuṣṭubh (1,2: pathyā, 3,4: pathyā)
geye kena vinītau vāṃ kasya ceyaṃ kaveḥ kṛtiḥ / iti rājñā svayaṃ pṛṣṭau tau vālmīkim aśaṃsatām // 15.69	anuṣṭubh (1,2: pathyā, 3,4: pathyā)
atha sāvarajo rāmaḥ prācetasam upeyivān / urikrtyātmano dehaṃ rājyam asmai nyavedayat // 15.70	anuṣṭubh (1,2: pathyā, 3,4: asamīcīna)
sa tāv ākhyāya rāmāya maithileyau tad ātmajau / kaviḥ kāruṇiko vavre sītāyāḥ saṃparigraham // 15.71	anuṣṭubh (1,2: pathyā, 3,4: pathyā)
tāta śuddhā samakṣaṃ naḥ snuṣā te jātavedasi / daurātmyād rakṣasas tāṃ tu nātratyāḥ śraddadhuḥ prajāḥ // 15.72	anuṣṭubh (1,2: pathyā, 3,4: pathyā)
tāḥ svacāritram uddiśya pratyāyayatu maithilī / tataḥ putravatīm enāṃ pratipatsye tadājñayā // 15.73	anuṣṭubh (1,2: pathyā, 3,4: pathyā)
iti pratiśrute rājñā jānakīm āsramān muniḥ / śiṣyair ānāyayām āsa svasiddhiṃ niyamair iva // 15.74	anuṣṭubh (1,2: pathyā, 3,4: pathyā)
anyedyur atha kākutsthaḥ saṃnipātya puraukasaḥ / kavim āhvāyayām āsa prastutapratipattaye // 15.75	anuṣṭubh (1,2: pathyā, 3,4: pathyā)
svarasaṃskāravatyeva putrābhyāṃ saha sītayā / ṛcevodarciṣaṃ sūryaṃ rāmaṃ munir upasthitaḥ // 15.76	anuṣṭubh (1,2: pathyā, 3,4: pathyā)
kāṣāyaparivītena svapadārpitacakṣuṣā / kavim āhvāyayām āsa śāntena vapuṣaiva sā // 15.77	anuṣṭubh (1,2: pathyā, 3,4: pathyā)
janās tadālokapathāt pratisaṃhṛtacakṣuṣaḥ / tasthus te 'vāṅmukhāḥ sarve phalitā iva sālayaḥ // 15.78	anuṣṭubh (1,2: bha-vipulā, 3,4: pathyā)
tāṃ dṛṣṭiviṣaye bhartur munir āsthitaviṣṭaraḥ / kuru niḥsaṃśayaṃ vatse svavṛtte lokam ity aśāt // 15.79	anuṣṭubh (1,2: pathyā, 3,4: pathyā)
atha vālmīkśiṣyeṇa puṇyam āvarjitaṃ payaḥ / ācamyodīrayām āsa sītā satyāṃ sarasvatīm // 15.80	anuṣṭubh (1,2: asamīcīna, 3,4: pathyā)
vāṅmanaḥkarmabhiḥ patyau vyabhicāro yathā na me / tathā viśvaṃbhare devi mām antardhātum arhasi // 15.81	anuṣṭubh (1,2: pathyā, 3,4: pathyā)
evam ukte tayā sādhvyā randhrāt sadyobhavād bhuvaḥ / śātahradam iva jyotiḥ prabhāmaṇḍalam udyayau // 15.82	anuṣṭubh (1,2: pathyā, 3,4: pathyā)
tatra nāgaphaṇotkṣipta-siṃhāsananiṣeduṣī / samudraraśanā sākṣāt prādurāsīd vasuṃdharā // 15.83	anuṣṭubh (1,2: pathyā, 3,4: pathyā)
sā sītām aṅkam āropya bhartari prahitekṣaṇām / mā meti vyāharaty eva tasmin pātālam abhyagāt // 15.84	anuṣṭubh (1,2: pathyā, 3,4: pathyā)
dharāyāṃ tasya saṃrambhaṃ sītāpratyarpaṇaiṣiṇaiḥ / gurur vidhibalāpekṣī śamayāṃ āsa dhanvinaḥ // 15.85	anuṣṭubh (1,2: pathyā, 3,4: pathyā)
ṛṣīn visṛjya yajñānte suhṛdaś ca puraskṛtān / rāmaḥ sītāgataṃ snehaṃ nidadhe tadapatyayoḥ // 15.86	anuṣṭubh (1,2: pathyā, 3,4: pathyā)
yudhājitas tu saṃdeśāt sa deśa sindhunāmakam / dadau dattaprabhāvāya bharatāya dhṛtaprajaḥ // 15.87	anuṣṭubh (1,2: asamīcīna, 3,4: pathyā)
bharatas tatra gandharvān yudhi nijitya kevalam / ātodyaṃ grāhayām āsa samatyājayad āyudham // 15.88	anuṣṭubh (1,2: asamīcīna, 3,4: pathyā)
sa takṣapuṣkalau putrau rājadhānyos tadākhyayoḥ / abhiṣicyābhiṣekārhau rāmāntikam agāt punaḥ // 15.89	anuṣṭubh (1,2: pathyā, 3,4: pathyā)
aṅgadaṃ candraketuṃ ca lakṣmaṇo 'py ātmasaṃbhavau / śāsanād raghunāthasya cakre kārāpatheśāvarau // 15.90	anuṣṭubh (1,2: pathyā, 3,4: asamīcīna)
ity āropitaputrās te jananīnāṃ janeśvarāḥ / bhartṛlokaprapannānāṃ nivāpān vidadhuḥ kramāt // 15.91	anuṣṭubh (1,2: pathyā, 3,4: pathyā)
upetya muniveṣo 'tha kālaḥ provāca rāghavam / rahaḥsaṃvādinau pāsyed āvāṃ yas taṃ tyajer iti // 15.92	anuṣṭubh (1,2: pathyā, 3,4: pathyā)
tatheti pratipannāya vivṛtātmā nṛpāya saḥ / ācakhyau divam adhyāsva śāsanāt parameṣṭhinaḥ // 15.93	anuṣṭubh (1,2: pathyā, 3,4: pathyā)
vidvān api tayor dvāḥstahaḥ samayaṃ lakṣmaṇo 'bhinat / bhīto durvāsasaḥ śāpād rāmasaṃdarśanārthinaḥ // 15.94	anuṣṭubh (1,2: asamīcīna, 3,4: pathyā)
sa gatvā sarayūtīraṃ dehatyāgena yogavit / cakāra vitathāṃ bhrātuḥ pratijñāṃ pūrvajanmanaḥ // 15.95	anuṣṭubh (1,2: pathyā, 3,4: pathyā)
tasminn ātmacaturbhāge prāṅ nākam adhitasthuṣi / rāghavaḥ śithilaṃ tasthau bhuvi dharmas tripād iva // 15.96	anuṣṭubh (1,2: pathyā, 3,4: pathyā)
sa niveśya kuśāvatyāṃ ripunāgāṅkuṣaṃ kuśam / śarāvatyāṃ satāṃ sūktair janitāśrulavaṃ lavam // 15.97	anuṣṭubh (1,2: pathyā, 3,4: pathyā)
udak pratasthe sthiradhīḥ sānujo 'gnipuraḥsaraḥ / anvitaḥ pativātsalyād gṛhavarjam ayodhyayā // 15.98	anuṣṭubh (1,2: bha-vipulā, 3,4: pathyā)
jagṛhus tasya cittajñāḥ padavīṃ harirākṣasāḥ / kadambamukulasthūlair abhivṛṣṭaṃ prajāśrubhiḥ // 15.99	anuṣṭubh (1,2: pathyā, 3,4: pathyā)
upasthitavimānena tena bhaktānukampinā / cakre tridivaniḥṣreṇiḥ sarayūr anuyāyinām // 15.100	anuṣṭubh (1,2: pathyā, 3,4: pathyā)
yad gopratarakalpo 'bhut saṃmardas tatra majjatām / atas tadākhyayā tīrthaṃ pāvanaṃ bhuvi paprathe // 15.101	anuṣṭubh (1,2: pathyā, 3,4: pathyā)
sa vibhur vibudhāṃśeṣu pratipannātmamūrtiṣu / tridaśībhūtapaurāṇāṃ svargāntaram akalpayat // 15.102	anuṣṭubh (1,2: pathyā, 3,4: pathyā)
nirvartyaivaṃ daśamukhaśiraśchedakāryaṃ surāṇāṃ viṣvaksenaḥ svatanum aviśat sarvalokapratiṣṭhām / laṅkānāthaṃ pavanatanayaṃ cobhayaṃ sthāpayitvā kīrtistambhadvayam iva girau dakṣiṇe cottare ca // 15.103	mandākrāntā [17: mBnttgg]
athetare sapta raghupravīrā jyeṣṭhaṃ purojanmatayā juṇaiś ca / cakruḥ kuśaṃ ratnaviśeṣabhājaṃ saubhrātram eṣāṃ hi kulānusāri // 16.1	upajāti : upendravajrā [11: jtjgg], indravajrā [11: ttjgg]
te setuvārttāgajabandhamukhyair abhyucchritāḥ karmabhir apy avandhyaiḥ / anyonyadeśapravibhāgasīmāṃ velāṃ samudrā iva na vyatīyuḥ // 16.2	indravajrā [11: ttjgg]
caturbhujāṃśaprabhavaḥ sa teṣāṃ dānapravṛtter anupāratānām / suradvipānām iva sāmayonir bhinno 'ṣṭhadā viprasasāra vaṃśaḥ // 16.3	upajāti : upendravajrā [11: jtjgg], indravajrā [11: ttjgg]
athārdharātre stimitapradīpe śayyāgṛhe suptajane prabuddhaḥ / kuśaḥ pravāsasthakalatraveṣām adṛṣṭapūrvāṃ vanitām apaśyat // 16.4	upajāti : upendravajrā [11: jtjgg], indravajrā [11: ttjgg]
sā sādhusādhāraṇapārthivarddheḥ sthitvā purastāt puruhūtabhāsaḥ / jetuḥ pareṣāṃ jayaśabdapūrvaṃ tasyāñjaliṃ bandhumato babandha // 16.5	indravajrā [11: ttjgg]
athānupoḍhārgalam apy agāraṃ chāyām ivādarśatalaṃ praviṣṭām / savismayo dāśarathes tanūjaḥ provāca pūrvārdhaviṣṛṭatalpaḥ // 16.6	upajāti triṣṭubh: ajñātam [11: ttngg], upendravajrā [11: jtjgg], indravajrā [11: ttjgg]
labhdāntarā sāvaraṇe 'pi gehe yogaprabhāvo na ca lakṣyate te / bibharṣi cākāram anirvṛtānāṃ mṛṇālinī haimam ivoparāgam // 16.7	upajāti : upendravajrā [11: jtjgg], indravajrā [11: ttjgg]
kā tvaṃ śubhe kasya parigraho vā kiṃ vā madabhyāgamakāraṇaṃ te / ācakṣva matvā vaśināṃ raghūṇāṃ manaḥ parastrīvimukhapravṛtti // 16.8	upajāti : upendravajrā [11: jtjgg], indravajrā [11: ttjgg]
tam abravīt sā guruṇā navadyā yā nītapaurā svapadonmukhena / tasyāḥ puraḥ saṃprati vītanāthāṃ jānīhi rājann adhidevatāṃ mām // 16.9	upajāti : upendravajrā [11: jtjgg], indravajrā [11: ttjgg]
vasaukasārām abhibhūya sāhaṃ saurājyabaddhotsavayā vibhūtyā / samagraśaktau tvayi sūryavaṃṣye sati prapannā karuṇām avasthām // 16.10	upajāti : upendravajrā [11: jtjgg], indravajrā [11: ttjgg]
viśīrṇatalpāṭṭaśato niveśaḥ paryastaśālaḥ prabhuṇā vinā me / viḍambayaty astanimagnasūryaṃ dināntam ugrānilabhinnamegham // 16.11	upajāti : upendravajrā [11: jtjgg], indravajrā [11: ttjgg]
niśāsu bhāsvatkalanūpurāṇāṃ yaḥ saṃcaro 'bhūd abhisārikāṇām / nadanmukholkāvicitāmiṣābhiḥ sa vāhyate rājapathaḥ śivābhiḥ // 16.12	upajāti : upendravajrā [11: jtjgg], indravajrā [11: ttjgg]
āsphālitaṃ yat pramadākarāgrair mṛdaṅgadhīradhvanim anvagacchat / vanyair idānīṃ mahiṣais tad ambhaḥ śṛṅgāhataṃ krośati dīrghikāṇām // 16.13	upajāti : upendravajrā [11: jtjgg], indravajrā [11: ttjgg]
citradvipāḥ padmavanāvatīrṇāḥ kareṇubhir dattamṛṇālabhaṅgāḥ / nakhāṅkuśāghātavibhinnakumbhāḥ saṃrabdhasiṃhaprahṛtaṃ vahanti // 16.16	upajāti : upendravajrā [11: jtjgg], indravajrā [11: ttjgg]
stambheṣu yoṣitpratiyātanānām utkrāntavarṇakramadhūsarāṇām / stanottarīyāṇi bhavanti saṅgān nirmokapaṭṭāḥ phaṇibhir vimuktāḥ // 16.17	upajāti : upendravajrā [11: jtjgg], indravajrā [11: ttjgg]
kālāntaraśyāmasudheṣu naktam itas tato rūḍhatṛṇāṅkureṣu / ta eva muktāguṇaśuddhayo 'pi harmyeṣu mūrchanti na candrapādāḥ // 16.18	upajāti : upendravajrā [11: jtjgg], indravajrā [11: ttjgg]
āvarjya śākhāḥ sadayaṃ ca yāsāṃ puṣpāṇy upāttāni vilāsinībhiḥ / vanyaiḥ pulindair iva vānarais tāḥ kliśyanta udyānalatā madīyāḥ // 16.19	indravajrā [11: ttjgg]
rātrāv anāviṣkṛtadīpabhāsaḥ kāntāmukhaśrīviyutā divāpi / tiraskriyante kṛmitantujālair vicchinnadhūmaprasarā gavākṣāḥ // 16.20	upajāti : upendravajrā [11: jtjgg], indravajrā [11: ttjgg]
balikriyāvarjitasaikatāni snānīyasaṃsargam anāpanuvanti / upāntavānīragṛhāṇi dṛṣṭvā śūnyāni dūye sarayūjalāni // 16.21	upendravajrā [11: jtjgg] (? 2 eva pādāḥ yuktāḥ)
tad arhasīmāṃ vasatiṃ visṛjya mām abhyupaituṃ kularājadhānīm / hitvā tanuṃ kāraṇamānuṣīṃ tāṃ yathā gurus te paramātmamūrtim // 16.22	upajāti : upendravajrā [11: jtjgg], indravajrā [11: ttjgg]
tatheti tasyāḥ praṇayaṃ pratītaḥ pratyagrahīt prāgraharo raghūṇām / pūr apy abhivyaktamukhaprasādā śarīrabandhena tirobabhūva // 16.23	upajāti : upendravajrā [11: jtjgg], indravajrā [11: ttjgg]
tad adbhutaṃ saṃsadi rārtrivṛttaṃ prātar dvijebhyo nṛpatiḥ śaśaṃsa / śrutvā ta enaṃ kularājadhānyā sākṣāt patitve vṛtam abhayanandan // 16.24	indravajrā [11: ttjgg] (? 2 eva pādāḥ yuktāḥ)
kuśāvatīṃ śrotriyasāt sa kṛtvā yātrānukūle 'hani sāvarodhaḥ / anudruto vāyur ivābhravṛndaiḥ sainyair ayodhyābhimukhaḥ pratasthe // 16.25	upajāti : upendravajrā [11: jtjgg], indravajrā [11: ttjgg]
sā ketumālopavanā bṛhadbhir vihāraśailānugateva nāgaiḥ / senā rathodāragṛhā prayāṇe tasyābhavaj jaṅgamarājadhānī // 16.26	upajāti : upendravajrā [11: jtjgg], indravajrā [11: ttjgg]
tenātapatrāmalamaṇḍalena prasthāpitaḥ pūrvanivāsabhūmim / babhau balaughaḥ śaśinoditena velām udanvān iva nīyamānaḥ // 16.27	upajāti : upendravajrā [11: jtjgg], indravajrā [11: ttjgg]
tasya prayātasya varūthinīnāṃ pīḍām aparyāptavatīva soḍhum / vasuṃdharā viṣṇupadaṃ dvitīyam adhyāruroheva rajaśchalena // 16.28	upajāti : upendravajrā [11: jtjgg], indravajrā [11: ttjgg]
udyacchamānā gamanāya paścāt puro niveśe pathi ca vrajantī / sā yatra senā dadṛṣe nṛpasya tatraiva sāmagryamatiṃ cakāra // 16.29	upajāti : upendravajrā [11: jtjgg], indravajrā [11: ttjgg]
tasya dvipānāṃ madavārisekāt khurābhighātāc ca turaṃgamāṇām / reṇuḥ prapede pathi paṅkabhāvaṃ paṅko 'pi reṇutvam iyāya netuḥ // 16.30	upajāti : upendravajrā [11: jtjgg], indravajrā [11: ttjgg]
mārgaiṣiṇī sā kaṭakāntareṣu vaindhyeṣu senā bahudhā vibhinnā / cakāra reveva mahāvirāvā baddhapratiśrunti guhāmukhāni // 16.31	upajāti : upendravajrā [11: jtjgg], indravajrā [11: ttjgg]
sa dhātubhedāruṇayānanemiḥ prabhuḥ prayāṇadhvanimiśratūryaḥ / vyalaṅghayad vindhyam upāyanāni paśyan pulindair upapāditāni // 16.32	upajāti : upendravajrā [11: jtjgg], indravajrā [11: ttjgg]
tīrthe tadīye gajasetubandhāt pratīpagām uttarato 'sya gaṅgām / ayatnavālagvyajanībabhūvur haṃsā nabholaṅghanalolakpakṣāḥ // 16.33	upajāti triṣṭubh: ajñātam [11: ttygg], upendravajrā [11: jtjgg], indravajrā [11: ttjgg]
sa pūrvajānāṃ kapilena roṣād bhasmāvaśeṣīkṛtavigrahāṇām / surālayaprāptinimittam ambhas traisrotasaṃ naululitaṃ vavande // 16.34	upajāti : upendravajrā [11: jtjgg], indravajrā [11: ttjgg]
ity adhvanaḥ kaiścid ahobhir ante kūlaṃ samāsādya kuśaḥ sarayvāḥ / vedipratiṣṭhān vitatādhvarāṇāṃ yūpān apaśyac chataśo raghūṇām // 16.35	indravajrā [11: ttjgg]
ādhūya śākhāḥ kusumadrumāṇāṃ spṛṣṭvā ca śītān sarayūtaraṅgān / taṃ klāntasainyaṃ kularājadhānyāḥ pratyujjagāmopavanāntavāyuḥ // 16.36	indravajrā [11: ttjgg]
athopaśalye ripumagnaśalyas tasyāḥ puraḥ paursakhaḥ sa rājā / kuladhvajas tāni caladhvajāni niveśayām āsa balī balāni // 16.37	upendravajrā [11: jtjgg] (? 3 eva pādāḥ yuktāḥ)
tāṃ śilpisaṃghāḥ prabhuṇā niyuktās tathāgatāṃ saṃbhṛtasādhanatvāt / puraṃ navīcakrur apāṃ visargān meghā nidāghaglapitām ivorvīm // 16.38	upajāti : upendravajrā [11: jtjgg], indravajrā [11: ttjgg]
tataḥ saparyāṃ sapaśūpahārāṃ puraḥ parārdhyapratimāgṛhāyāḥ / upoṣitair vāstuvidhānavidbhir nirvartayām āsa raghupavīraḥ // 16.39	upajāti triṣṭubh: ajñātam [11: ttngg], upendravajrā [11: jtjgg]
tasyāḥ sa rājopapadaṃ niśāntaṃ kāmīva kāntāhṛdayaṃ praviśya / yathārham anyair anujīvilokaṃ saṃbhāvayām āsa gṛhais tadīyaiḥ // 16.40	upajāti : upendravajrā [11: jtjgg], indravajrā [11: ttjgg]
sā mandurāsaṃśrayibhis turaṃgaiḥ śālāvidhistambhagataiś ca nāgaiḥ / pūr ābabhāse vipaṇisthapaṇyā sarvāṅganaddhābharaṇeva nārī // 16.41	indravajrā [11: ttjgg]
vasan sa tasyāṃ vasatau raghūṇāṃ purāṇaśobhām adhiropitāyām / na maithileyaḥ spṛhayāṃ babhūva bhartre divo nāpy alakeśvarāya // 16.42	upajāti : upendravajrā [11: jtjgg], indravajrā [11: ttjgg]
athāsya ratnagrathitottarīyam ekāntapāṇḍustanalambihāram / niḥśvāsahāryāṃśukam ājagāma gharmaḥ priyā veṣam ivopadeṣṭum // 16.43	upajāti : upendravajrā [11: jtjgg], indravajrā [11: ttjgg]
agastyacihnād ayanāt samīpaṃ dig uttarā bhāsvati saṃnivṛtte / ānandaśītam iva bhāṣpavṛṣṭiṃ himasrutiṃ haimavatīṃ sasarja // 16.44	upajāti triṣṭubh: ajñātam [11: tBjgg], upendravajrā [11: jtjgg]
pravṛddhatāpo divaso 'timātram atyartham eva kṣaṇadā ca tanvī / ubhau virodhakriyayā vibhinnau jāyāpatī sānuśayāv ivāstām // 16.45	upajāti : upendravajrā [11: jtjgg], indravajrā [11: ttjgg]
dine dine śaivalavanty adhastāt sopānaparvāṇi vimuñcad ambhaḥ / uddaṇḍapadmaṃ gṛhadīrghikāṇāṃ nārīnitambadvayasaṃ babhūva // 16.46	upajāti : upendravajrā [11: jtjgg], indravajrā [11: ttjgg]
vaneṣu sāyanatanamallikānāṃ vijṛmbhaṇodgandhiṣu kuḍ maleṣu / pratyekanikṣiptapadaḥ saśabdaṃ saṃkhyām ivaiṣāṃ bhramaraś cakāra // 16.47	indravajrā [11: ttjgg] (? 2 eva pādāḥ yuktāḥ)
svedānuviddhārdranakhakṣatāṅke saṃdaṣṭabhūyiṣṭhaśikhaṃ kapole / cyutaṃ na karṇād api kāminīnāṃ śirīṣapuṣpaṃ sahasā papāta // 16.48	upajāti : upendravajrā [11: jtjgg], indravajrā [11: ttjgg]
yantrapravāhaiḥ śiśiraiḥ parītān rasena dhautān malayodbhavasya / śilāviśeṣān adhiśayya ninyur dhārāgṛheṣv ātapam ṛddhimantaḥ // 16.49	upajāti : upendravajrā [11: jtjgg], indravajrā [11: ttjgg]
snānārdramukteṣv anudhūpavāsaṃ vinyastasāyantanamallikeṣu / kāmo vasantātyayamandavīryaḥ keśeṣu lebhe balam aṅganānām // 16.50	indravajrā [11: ttjgg]
āpiñjarā baddharajaḥkaṇatvān mañjary udārāśuśubhe 'rjunasya / dagdhvāpi dehaṃ giriśena roṣāt khaṇḍīkṛtā jyeva manobhvasya // 16.51	indravajrā [11: ttjgg] (? 3 eva pādāḥ yuktāḥ)
manojñagandhaṃ sahakārabhaṅgaṃ purāṇasīdhuṃ navapāṭalaṃ ca / saṃbadhnatā kāijaneṣu doṣāḥ sarve nidāghāvadhinā pramṛṣṭāḥ // 16.52	upajāti : upendravajrā [11: jtjgg], indravajrā [11: ttjgg]
janasya tasmin samaye vigāḍhe babhūvatur dvau saviśeṣakāntau / tāpāpanodakṣamapāda sa codayastho nṛpatiḥ śaśī ca // 16.53	upendravajrā [11: jtjgg] (? 3 eva pādāḥ yuktāḥ)
athormilolonmadarājahaṃse rodholatāpuṣpavahe sarayvāḥ / vihartum icchā vanitāsakhasya tasyāmbhasi grīṣmasukhe babhūva // 16.54	upajāti : upendravajrā [11: jtjgg], indravajrā [11: ttjgg]
sa tīrabhūmau vihitopakāryām ānāyibhis tām apakṛṣṭanakrām / vigāhituṃ śrīmahimānurūpaṃ pracakrame cakradharaprabhāvaḥ // 16.55	upajāti : upendravajrā [11: jtjgg], indravajrā [11: ttjgg]
sā tīrasopānapathāvatārād anyonyakeyūravighaṭṭinībhiḥ / sanūpurakṣobhapadābhir āsīd udvignahaṃsā sarid aṅganābhiḥ // 16.56	upajāti : upendravajrā [11: jtjgg], indravajrā [11: ttjgg]
parasparābhyukṣaṇatatparāṇāṃ tāsāṃ nṛpo majjanarāgadarśī / nausaṃśrayaḥ pārśvagatāṃ kirātīm upāttavālavyajanāṃ babhāṣe // 16.57	upajāti : upendravajrā [11: jtjgg], indravajrā [11: ttjgg]
paśyāvarodhaiḥ śataśo madīyair vigāhyamāno galitāṅgarāgaiḥ / saṃdhyodayaḥ sābhra ivaiṣa varṇaṃ puṣyaty anekaṃ sarayūpravāhaḥ // 16.58	upajāti : upendravajrā [11: jtjgg], indravajrā [11: ttjgg]
viluptam antaḥpurasundarīṇāṃ yad añjanaṃ naululitābhir adbhiḥ / tad badhnatībhir madarāgaśobhāṃ vilocaneṣu pratimuktam āsām // 16.59	upajāti : upendravajrā [11: jtjgg], indravajrā [11: ttjgg]
etā guruśroṇipayodharatvād ātmānam udvohuḍhum aśaknuvantyaḥ / gāḍhāṅgadair bāhubhir aspu bālāḥ kleśottaraṃ rāgavaśāt plavante // 16.60	indravajrā [11: ttjgg] (? 3 eva pādāḥ yuktāḥ)
amī śirīṣaprasavāvataṃsāḥ prabhraṃśino vārivihāriṇīnām / pāriplavāḥ srotasi nimnagāyāḥ śaivālalolāṃś chalayanti mīnān // 16.61	upajāti : upendravajrā [11: jtjgg], indravajrā [11: ttjgg]
āsāṃ jalāsphālanatatparāṇāṃ muktāphalaspardhiṣu śīkareṣu / payodharotsarpiṣu śīryamāṇāḥ saṃlakṣyate na cchiduro 'pi hāraḥ // 16.62	upajāti : upendravajrā [11: jtjgg], indravajrā [11: ttjgg]
āvartaśobhā natanābhikānter bhaṅgyo bhruvāṃ dvandvacarāḥstanānām / jātāni rūpāvayavopamānāny adūravartīni vilāsinīnām // 16.63	upajāti : upendravajrā [11: jtjgg], indravajrā [11: ttjgg]
tīrasthalībarhibhir utkalāpaiḥ prasnigdhakekair abhinandyamānam / śrotreṣu saṃmūrchati raktam āsāṃ gītānugaṃ vārimṛdaṅgavādyam // 16.64	indravajrā [11: ttjgg]
saṃdaṣṭavastreṣv abalānitambeṣv induprakāśāntaritoḍukalpāḥ / amī jalāpūritasūtramārgā maunaṃ bhajante raśanākalāpāḥ // 16.65	upajāti : upendravajrā [11: jtjgg], indravajrā [11: ttjgg]
etāḥ karotpīḍitavāridhārā darpāt sakhībhir vadaneṣu siktāḥ / vakretarāgrair alakais taruṇyaś cūrṇāruṇān vārilavān vamanti // 16.66	indravajrā [11: ttjgg]
udbaddhakeśaś cyutapattrarekho viśleṣimuktāphalapattraveṣṭaḥ / manojña eva pramadāmukhānām ambhovihārākulito 'pi veṣaḥ // 16.67	upajāti : upendravajrā [11: jtjgg], indravajrā [11: ttjgg]
sa nauvimānād avatīrya reme vilolahāraḥ saha tābhir apsu / skandhāvalagnoddhṛtapadminīkaḥ kareṇubhir vanya iva dvipendraḥ // 16.68	upajāti : upendravajrā [11: jtjgg], indravajrā [11: ttjgg]
tato nṛpenānugatāḥ striyas tā bhrājiṣṇunā sātiśayaṃ virejuḥ / prāg eva muktā nayanābhirāmāḥ prāpyendranīlaṃ kim utonmayūkham // 16.69	upajāti : upendravajrā [11: jtjgg], indravajrā [11: ttjgg]
varṇodakaiḥ kāñcanaśṛṅgamuktais tam āyatākṣyaḥ praṇayād asiñcan / tathāgataḥ so 'tirarāṃ babhāse sadhātunisyanda ivādrirājaḥ // 16.70	upajāti : upendravajrā [11: jtjgg], indravajrā [11: ttjgg]
tenāvarodhapramadāsakhena vigāhanānena saridvarāṃ tām / ākāśagaṅgāratir apsarobhir vṛto marutvān anuyātalīlaḥ // 16.71	upajāti : upendravajrā [11: jtjgg], indravajrā [11: ttjgg]
yat kumbhayoner adigamya rāmaḥ kuśāya rājyena samaṃ dideśa / tad asya jaitrābharaṇaṃ vihartur ajñātapātaṃ salile mamajja // 16.72	upajāti : upendravajrā [11: jtjgg], indravajrā [11: ttjgg]
snātvā yathākāmam asau sadāras tīropakāryāṃ gatamātra eva / divyena śūnyaṃ valayena bāhum upoḍhanepathyavidhir dadarśa // 16.73	upajāti : upendravajrā [11: jtjgg], indravajrā [11: ttjgg]
jayaśriyaḥ saṃvananaṃ yatas tad āmuktapūrvaṃ guruṇā ca yasmāt / sehe 'sya na bhraṃśam ato na lobhāt sa tulyapuṣpābharaṇo hi dhīraḥ // 16.74	upajāti : upendravajrā [11: jtjgg], indravajrā [11: ttjgg]
tataḥ samājñāpayad āśu sarvān ānāyinas tadvicaye nadīṣṇān / vandhyaśramās te sarayūṃ vigāhya tam ūcur āmlānamukhaprasādāḥ // 16.75	upajāti : upendravajrā [11: jtjgg], indravajrā [11: ttjgg]
kṛtaḥ prayatno na ca deva labdhaṃ magnaṃ payasy ābharaṇottamaṃ te / nāgena laulyāt kumudena nūnam upāttam antarhradavāsinā tat // 16.76	upajāti : upendravajrā [11: jtjgg], indravajrā [11: ttjgg]
tataḥ sa kṛtvā dhanur ātatajyaṃ dhanurdharaḥ kopavilohitākṣaḥ / gārutmataṃ tīragatas tarasvī bhujaṃganāśāya samādade 'stram // 16.77	upajāti : upendravajrā [11: jtjgg], indravajrā [11: ttjgg]
tasmin hradaḥ saṃhitamātra eva kṣobhāt samāviddhataraṅgahastaḥ / rodhāṃsy abhighnann avapātamagnaḥ karīva vanyaḥ paruṣaṃ rarāsa // 16.78	upajāti : upendravajrā [11: jtjgg], indravajrā [11: ttjgg]
tasmāt samudrād iva mathyamānād udvṛttanakrāt sahasonmamajja / lakṣmyeva sārdhaṃ surarājavṛkṣaḥ kanyāṃ puraskṛtya bhujaṃgarājaḥ // 16.79	indravajrā [11: ttjgg]
vibhūṣaṇapratyupahārahastam upasthitaṃ vīkṣya viśāṃpatis tam / sauparṇam astraṃ pratisaṃjahāra praheṣv anirbandharuṣo hi santaḥ // 16.80	upajāti : upendravajrā [11: jtjgg], indravajrā [11: ttjgg]
trailokyanāthaprabhavaṃ prabhāvāt kuśaṃ dviṣām aṅkuśam astravidvān / mānonantenāpy abhivandya mūrdhnā mūrdhābhiṣiktaṃ kumudo babhāṣe // 16.81	upajāti triṣṭubh: ajñātam [11: mtjgg], upendravajrā [11: jtjgg], indravajrā [11: ttjgg]
avaimi kāryāntaramānuṣasya viṣṇoḥ sutākhyām aparāṃ tanuṃ tvām / so 'haṃ kathaṃ nāma tavācareyam ārādhanīyasya dhṛter vibhātam // 16.82	upajāti : upendravajrā [11: jtjgg], indravajrā [11: ttjgg]
karābhighātotthitakandukeyam ālokya bālātikutūhalena / javāt pataj jyotir ivāntarikṣād ādatta jatrābharaṇaṃ tvadīyam // 16.83	upajāti : upendravajrā [11: jtjgg], indravajrā [11: ttjgg]
tad etad ājānuvilambinā te jyāghātarekhākiṇa lāñchanena / bhujena rakṣāparigheṇa bhūmer upaitu yogaṃ punar aṃsalena // 16.84	upajāti : upendravajrā [11: jtjgg], indravajrā [11: ttjgg]
imāṃ svasāraṃ ca yavīyasīṃ me kumudvatīṃ nārhasi nānumantum / ātmāparādhaṃ nudatīṃ cirāya śuśrūṣayā pārthiva pādayos te // 16.85	upajāti : upendravajrā [11: jtjgg], indravajrā [11: ttjgg]
ity ūcivān upahṛtābharaṇaḥ kṣitīśaṃ ślāghyo bhavān svajana ity anubhāṣitāram / saṃyojayāṃ vidhivad āsa sametabandhuḥ kanyāmayena kumudaḥ kulabhūṣaṇena // 16.86	vasantatilakā [14: tBjjgg]
tasyāḥ spṛṣṭe manujapatinā sāhacaryāya haste māṅgalyorṇāvalayini puraḥ pāvakasyocchikhasya / divyas tūryadhvanir udacarad vyaśnuvāno digantān gandhodagraṃ tadanau vavṛṣuḥ puṣpam āścaryameghāḥ // 16.87	mandākrāntā [17: mBnttgg] (? 3 eva pādāḥ yuktāḥ)
itthaṃ nāgas tribhuvanaguror aurasaṃ maithileyaṃ labdhvā bandhuṃ tam api ca kuśaḥ pañcamaṃ takṣakasya / ekaḥ śaṅkāṃ pitṛvadharipor atyajad vainateyāc chāntavyālām avanim aparaḥ paurakāntaḥ śaśāsa // 16.88	mandākrāntā [17: mBnttgg]
aithiṃ nāma kākutsthāt putraṃ āpakumudvatī / paścimād yāminīyāmāt prasādam iva cetanā // 17.1	anuṣṭubh (1,2: asamīcīna, 3,4: pathyā)
sa pituḥ pitṛmān vaṃśaṃ putraṃ āpakumudvatī / apunāt savitevobhau mārgāv uttaradakṣiṇau // 17.2	anuṣṭubh (1,2: pathyā, 3,4: pathyā)
tam ādau kulavidyānām artham arthavidāṃ varaḥ / paścāt pārthivakanyānāṃ pāṇim agrāhayat pitā // 17.3	anuṣṭubh (1,2: pathyā, 3,4: pathyā)
jātyas tenābhijātena śūraḥ śauryavatā kuśaḥ / amanyataikam ātmānam anekaṃ vaśinā vaśī // 17.4	anuṣṭubh (1,2: pathyā, 3,4: pathyā)
sa kulocitam indrasya sāhāyakam upeyivān / jaghāna samare daityaṃ durjayaṃ tena so 'vadhi // 17.5	anuṣṭubh (1,2: pathyā, 3,4: pathyā)
taṃ svasā nāgarājasya kumudasya kumudvatī / anvagāt kumudānandaṃ śaśāṅkam iva kaumudī // 17.6	anuṣṭubh (1,2: pathyā, 3,4: pathyā)
tayor divaspater āsīd ekaḥ siṃhāsanārdhabāk / dvitīyāpi sakhī śacyāḥ pārijātāṃśabhāginī // 17.7	anuṣṭubh (1,2: pathyā, 3,4: pathyā)
tadātmasaṃbhavaṃ rājye mantrivṛddāḥ samādadhuḥ / smarantaḥ paścimām ājñāṃ bhartuḥ saṃgrāmayāyinaḥ // 17.8	anuṣṭubh (1,2: pathyā, 3,4: pathyā)
te tasya kalpayām āsur abhiṣekāya śilpibhiḥ / vimānaṃ navam udvedi catuḥstambhapratiṣṭam // 17.9	anuṣṭubh (1,2: pathyā, 3,4: asamīcīna)
tatrainaṃ hemakumbheṣu saṃbhṛtais tīrthavāribhiḥ / upatasthuḥ prakṛtayo bhadrapīṭhopaveśitam // 17.10	anuṣṭubh (1,2: pathyā, 3,4: na-vipulā)
nadadhbiḥ snigdhagambhīraṃ tūryair āhatapuṣkaraiḥ / anvamīyata kalyāṇaṃ tasyāvicchinnasaṃtati // 17.11	anuṣṭubh (1,2: pathyā, 3,4: pathyā)
dūrvāyavāṅkuraplakṣa-tvagabhinnapuṭottarān / jñātivṛddhaiḥ prayuktān sa bheje nīrājanāvidhīn // 17.12	anuṣṭubh (1,2: pathyā, 3,4: pathyā)
purohitapurogās taṃ jiṣṇuṃ jaitrair atharvabhiḥ / upacakramire pūrvam abhiṣektuṃ dvijātayaḥ // 17.13	anuṣṭubh (1,2: pathyā, 3,4: pathyā)
tasyaughamahatī mūrdhni nipatantī vyarocata / saśabdam abhiṣekaśrīr gaṅgeva tripuradviṣaḥ // 17.14	anuṣṭubh (1,2: pathyā, 3,4: pathyā)
stūyamānaḥ kṣaṇe tasminn alakṣyata sa bandibhiḥ / pravṛddha iva prajanyaḥ cātakair abhinanditaḥ // 17.15	anuṣṭubh (1,2: pathyā, 3,4: asamīcīna)
tasya san mantrapūtābhiḥ snānam adbhiḥ pratīcchataḥ / vavṛdhe vaidyutasyāgner vṛṣṭisekād iva dyutiḥ // 17.16	anuṣṭubh (1,2: pathyā, 3,4: pathyā)
sa tāvad abhiṣekānte snātakebhyo dadau vasu / yāvat teṣāṃ samāpyeran yajñāḥ paryāptadakṣiṇāḥ // 17.17	anuṣṭubh (1,2: pathyā, 3,4: pathyā)
te prītamanasas tasmai yām āśiṣam udīrayan / sā tasya karmanirvṛttair dūraṃ paścātkṛtā phalaiḥ // 17.18	anuṣṭubh (1,2: pathyā, 3,4: pathyā)
bandhacchedaṃ sa baddhānāṃ vadhārhāṇām avadhyatām / dhuryāṇāṃ ca dhuro mokṣam adohaṃ cādiṣad gavām // 17.19	anuṣṭubh (1,2: pathyā, 3,4: pathyā)
krīḍāpatatriṇo 'py asya pañjarasthāḥ śukādayaḥ / labdhamokṣās tadādeśād yatheṣṭagatayo 'bhavan // 17.20	anuṣṭubh (1,2: pathyā, 3,4: pathyā)
tataḥ kakṣāntaranyastaṃ gajadantāsanaṃ śuci / sottaracchadam adhyāsta nepathyagrahaṇāya saḥ // 17.21	anuṣṭubh (1,2: pathyā, 3,4: pathyā)
taṃ dhūpāśyānakeśāntaṃ toyanirṇiktapāṇayaḥ / ākalpasādhanais tais tair upaseduḥ prasādhakāḥ // 17.22	anuṣṭubh (1,2: pathyā, 3,4: pathyā)
te'; sya muktāguṇonnaddhaṃ maulim antargatasrajam / pratyūpuḥ padmarāgeṇa prabhāmaṇḍalaśobhinā // 17.23	anuṣṭubh (1,2: pathyā, 3,4: pathyā)
candanenāṅgarāgaṃ ca mṛganābhisugandhinā / samāpayya tataś cakruḥ pattraṃ vinyastarocanam // 17.24	anuṣṭubh (1,2: pathyā, 3,4: pathyā)
āmuktābharaṇaḥ sragvī haṃsacihnadukūlavān / āsīd atiśayaprekṣyaḥ sa rājyaśrīvadhūvaraḥ // 17.25	anuṣṭubh (1,2: pathyā, 3,4: pathyā)
nepathyadarśinaś chāyā tasyādarśe hiraṇmaye / virarājodite sūrye merau kalpataror iva // 17.26	anuṣṭubh (1,2: pathyā, 3,4: pathyā)
sa rājakakudavyagra-pāṇibhiḥ pārśvavaribhiḥ / yayāv udīritālokaḥ sudharmānavamāṃ sabhām // 17.27	anuṣṭubh (1,2: asamīcīna, 3,4: pathyā)
vitānasahitaṃ tatra bheje paitṛkam āsanam / cūḍāmaṇibhir udghṛṣṭa-pādapīṭhaṃ mahīkṣitām // 17.28	anuṣṭubh (1,2: pathyā, 3,4: pathyā)
śuśubhe tena cākrāntaṃ maṅgalāyatanaṃ mahat / śrīvatsalakṣaṇaṃ vakṣaḥ kaustubheneva kaiśavam // 17.29	anuṣṭubh (1,2: pathyā, 3,4: pathyā)
babhau bhūyaḥ kumāratvād ādhirājyam avāpya saḥ / rekhā bhāvād upārūḍhaḥ sāmagryam iva candramāḥ // 17.30	anuṣṭubh (1,2: pathyā, 3,4: pathyā)
prasannamukharāgaṃ taṃ smitapūrvābhibhāṣiṇam / mūrtimantam amanyanta viśvāsam anujīvinaḥ // 17.31	anuṣṭubh (1,2: pathyā, 3,4: pathyā)
sa puraṃ puruhūtaśrīḥ kalpadrumanibhadhvajām / kramamāṇaś cakāra dyāṃ nāgenairāvataujasā // 17.32	anuṣṭubh (1,2: pathyā, 3,4: pathyā)
tasyaikasyocchritaṃ chattraṃ mūrdhni tenāmalatviṣā / pūrvarājaviyogauṣmyaṃ kṛtsnasya jagato hṛtam // 17.33	anuṣṭubh (1,2: pathyā, 3,4: pathyā)
dhūmād agneḥ śikhāḥ paścād udayād aṃśavo raveḥ / so 'tītya tejasāṃ vṛttiṃ samam evotthito guṇaiḥ // 17.34	anuṣṭubh (1,2: pathyā, 3,4: pathyā)
taṃ prītiviśadair netrair anvayuḥ paurayoṣitaḥ / śaratprasannair jyotirbhir vibhāvarya iva dhruvam // 17.35	anuṣṭubh (1,2: pathyā, 3,4: ma-vipulā)
ayodhyādevatāś cainaṃ praśastāyatanārcitāḥ / anudadhyur anudhyeyaṃ sāṃnidhyaiḥ pratimāgataiḥ // 17.36	anuṣṭubh (1,2: pathyā, 3,4: pathyā)
yāvan nāśyāyate vedir abhiṣekajalāplutā / tāvad evāsya velāntaṃ pratāpaḥ prāpa duḥsahaḥ // 17.37	anuṣṭubh (1,2: pathyā, 3,4: pathyā)
vasiṣṭhasya guror mantrāḥ sāyakās tasya dhanvinaḥ / kiṃ tat sādhyaṃ yad ubhaye sādhayeyur na saṃgatāḥ // 17.38	anuṣṭubh (1,2: pathyā, 3,4: na-vipulā)
sa dharmasthasakhaḥ śaśvad arthipratyarthināṃ svayam / dadarśa saṃśayacchedyān vyavahārān atandritaḥ // 17.39	anuṣṭubh (1,2: pathyā, 3,4: pathyā)
tataḥ param abhivyaktā-saumanasyaniveditaiḥ / yuyoja pākābhimukhair bhṛtyān vijñāpanāphalaiḥ // 17.40	anuṣṭubh (1,2: pathyā, 3,4: bha-vipulā)
prajās tadguruṇā nadyo nabhaseva vivardhitāḥ / tasmiṃs tu bhūyasīṃ vṛddhiṃ nabhasye tā ivāyayuḥ // 17.41	anuṣṭubh (1,2: pathyā, 3,4: pathyā)
yad uvāca na tan mithyā yad dadau na jahāra tat / so 'bhūd bhagnavrataḥ śatrūn uddhṛtya pratiropayan // 17.42	anuṣṭubh (1,2: pathyā, 3,4: pathyā)
vayorūpavibhūtīnām ekaikaṃ madakāraṇam / tāni tasmin samastāni na tasyotsiṣice manaḥ // 17.43	anuṣṭubh (1,2: pathyā, 3,4: pathyā)
itthaṃ janitarāgāsu prakṛtiṣv anuvāsaram / akṣobhyaḥ sa navo 'py āsīd dṛḍhamūla iva drumaḥ // 17.44	anuṣṭubh (1,2: pathyā, 3,4: pathyā)
anityāḥ śatravo bāhyā viprakṛṣṭāś ca te yataḥ / ataḥ so 'bhyantarān nityān ṣaṭ pūrvam ajayad ripūn // 17.45	anuṣṭubh (1,2: pathyā, 3,4: pathyā)
prasādābhimukhe tasmiṃś capalāpi svabhāvataḥ / nikaṣe hemarekheva śrīr āsīd anapāyinī // 17.46	anuṣṭubh (1,2: pathyā, 3,4: pathyā)
kātaryaṃ kevalā nītiḥ śauryaṃ śvāpadaceṣṭitam / ataḥ siddhiṃ sametābhyām ubhābhyām anviyeṣa saḥ // 17.47	anuṣṭubh (1,2: pathyā, 3,4: pathyā)
na tasya maṇḍale rājño nyastapraṇidhidīdhiteḥ / adṛṣṭam abhavat kiṃcid vyabhrasyeva vivasvataḥ // 17.48	anuṣṭubh (1,2: pathyā, 3,4: pathyā)
rātriṃdivavibhāgeṣu yad ādiṣṭaṃ mahīkṣitām / tat siṣeve niyogena sa vikalpaparāṅmukhaḥ // 17.49	anuṣṭubh (1,2: pathyā, 3,4: pathyā)
mantraḥ pratidinaṃ tasya babhūva saha mantribhiḥ / sa jātu sevyamāno 'pi guptadvāro na sūcyate // 17.50	anuṣṭubh (1,2: pathyā, 3,4: pathyā)
pareṣu sveṣu ca kṣiptair avijñātaparasparaiḥ / so 'pasarpair jajāgāra yathākālaṃ svapann api // 17.51	anuṣṭubh (1,2: pathyā, 3,4: pathyā)
durgāṇi durgrhāṇy āsaṃs tasya roddhur api dviṣām / na hi siṃho gajāskandī bhayād giriguhāśayaḥ // 17.52	anuṣṭubh (1,2: asamīcīna, 3,4: pathyā)
bahvyamukhyāḥ samārambhāḥ pratyavekṣyā niratyayāḥ / garbhaśālisadharmāṇas tasya gūḍhaṃ vipecire // 17.53	anuṣṭubh (1,2: pathyā, 3,4: pathyā)
apathena pravavṛte na jātūpacito 'pi saḥ / vṛddhau nadīmukhenaiva prasthānaṃ lavaṇāmbhasaḥ // 17.54	anuṣṭubh (1,2: na-vipulā, 3,4: pathyā)
kāmaṃ pratkṛtivairāgyaṃ sadyaḥ śamayituṃ kṣamaḥ / yasya kāryaḥ pratīkāraḥ sa tan naivodapādayat // 17.55	anuṣṭubh (1,2: pathyā, 3,4: pathyā)
śakeṣv evābhavad yātrā tasya śaktimataḥ sataḥ / samīraṇasahāyo 'pi nāmbhaḥprārthī davānalaḥ // 17.56	anuṣṭubh (1,2: pathyā, 3,4: pathyā)
na dharmam arthakāmābhyāṃ babādhe na ca tena tau / nārthaṃ kāmena kāmaṃ vā so 'rthena sadṛśas triṣu // 17.57	anuṣṭubh (1,2: pathyā, 3,4: pathyā)
hīnāny anupakartḥṇi pravṛddhāni vikurvate / tena madhyamaśaktīni mitrāṇi shtāpitāny ataḥ // 17.58	anuṣṭubh (1,2: pathyā, 3,4: pathyā)
parātmanoḥ paricchidya śaktyādīnāṃ balābalam / yayāv ebhir baliṣṭhaś cet parasmād āsta so 'nyathā // 17.59	anuṣṭubh (1,2: pathyā, 3,4: pathyā)
kośenāśrayaṇīyatvam iti tasyārthasaṃgrahaḥ / ambugarbho hi jīmūtaś cātakair abhinandyate // 17.60	anuṣṭubh (1,2: pathyā, 3,4: pathyā)
parakarmāpahaḥ so 'bhūd udyataḥ sveṣu karmasu / āvṛṇod ātmano randhraṃ randhreṣu praharan ripūn // 17.61	anuṣṭubh (1,2: pathyā, 3,4: pathyā)
pitrā saṃvardhito nityaṃ kṛtāstraḥ sāṃparāyikaḥ / tasya daṇḍavato daṇḍaḥ svadehān na vyaśiṣyata // 17.62	anuṣṭubh (1,2: pathyā, 3,4: pathyā)
sarpasyeva śiroratnaṃ nāsya śaktitrayaṃ paraḥ / sa cakarṣa parasmāt tad ayaskānta ivāyasam // 17.63	anuṣṭubh (1,2: pathyā, 3,4: pathyā)
vāpīṣv iva sravantīṣu vaneṣūpavaneṣv iva / sārthāḥ svairaṃ svakīyeṣu cerur veśmasv ivādriṣu // 17.64	anuṣṭubh (1,2: pathyā, 3,4: pathyā)
tapo rakṣan sa vighnebhyas taskarebhyaś ca saṃpadaḥ / yathāsvam āśramaiś cakre varṇair api ṣaḍsaṃśabhāk // 17.65	anuṣṭubh (1,2: pathyā, 3,4: asamīcīna)
khanibhiḥ suṣuve ratnaṃ kṣetraiḥ sasyaṃ vanair gajān / dideśa vetanaṃ tasmai rakṣāsadṛśam eva bhūḥ // 17.66	anuṣṭubh (1,2: pathyā, 3,4: pathyā)
sa guṇānāṃ balānāṃ ca ṣaṇṇāṃ ṣaṇmukhavikramaḥ / babhūva viniyogajñaḥ sādhanīyeṣu vastuṣu // 17.67	anuṣṭubh (1,2: pathyā, 3,4: pathyā)
iti kramāt prayuñjāno rāja nītiṃ caturvidhām / ā tīrthād apratīghātaṃ sa tasyāḥ phalam ānaśe // 17.68	anuṣṭubh (1,2: pathyā, 3,4: pathyā)
kūṭayuddhavidhijñe 'pi tasmin sanmārgayodhini / bheje 'bhisārikāvṛttiṃ jayaśrīr vīragāminī // 17.69	anuṣṭubh (1,2: pathyā, 3,4: pathyā)
prāyaḥ pratāpabhagnatvād arīṇāṃ tasya durlabhaḥ / raṇo gandhavipasyeva gandhabhinnānyadantinaḥ // 17.70	anuṣṭubh (1,2: pathyā, 3,4: pathyā)
pravṛddhau hīyate candraḥ samudro 'pi tathāvidhaḥ / sa tu tasamavṛddhiś ca na cābhūt tāv iva kṣayī // 17.71	anuṣṭubh (1,2: pathyā, 3,4: asamīcīna)
santas tasyābhigamanād atyarthaṃ mahataḥ kṛṣāḥ / udadher iva jīmūtāḥ prāpur dātṛtvam arthinaḥ // 17.72	anuṣṭubh (1,2: na-vipulā, 3,4: pathyā)
stūyamānaḥ sa jihrāya stutyam eva samācaran / tathāpi vavṛdhe tasya tatkāridveṣino yaśaḥ // 17.73	anuṣṭubh (1,2: pathyā, 3,4: pathyā)
duritaṃ darśanena ghnaṃs tattvārthena nudaṃs tamaḥ / prajāḥ svatantrayāṃ cakre śaśvat sūrya ivoditaḥ // 17.74	anuṣṭubh (1,2: pathyā, 3,4: pathyā)
indor agatayaḥ padme sūryasya kumude 'ṃśavaḥ / guṇās tasya vipakṣe 'pi guṇino lebhire 'ntaram // 17.75	anuṣṭubh (1,2: pathyā, 3,4: pathyā)
parābhisaṃdhānaparaṃ yady apy asya viceṣṭitam / jigīṣor aśvamedhāya dharmyam eva babhūva tat // 17.76	anuṣṭubh (1,2: bha-vipulā, 3,4: pathyā)
evam udyan prabhāveṇa śāstgranirdiṣṭavartmanā / vṛṣeva devo devānāṃ rājñāṃ rājā babhūva saḥ // 17.77	anuṣṭubh (1,2: pathyā, 3,4: ma-vipulā)
pañcamaṃ lokapālānāṃ tam ūcuḥ sāmyayogataḥ / bhūtānāṃ mahatām ṣaṣṭham aṣṭamaṃ kulabhūbhṛtām // 17.78	anuṣṭubh (1,2: pathyā, 3,4: pathyā)
dūrāpavarjitacchattrais tasyājñāṃ śāsanārpitām / dadhuḥ śirobhir bhūpālā devaḥ pauraṃdarīm iva // 17.79	anuṣṭubh (1,2: pathyā, 3,4: ma-vipulā)
ṛtvijaḥ sa tathānarca dakṣiṇābhir mahākratau / yathā sādhāraṇībhūtaṃ nāmāsya dhanadasya ca // 17.80	anuṣṭubh (1,2: pathyā, 3,4: pathyā)
indrād vṛṣṭir niyamitagadodrekavṛttir yamo 'bhūd yādonāthaḥ śivajalapathaḥ karmaṇe naucarāṇām / pūrvāpekṣī tadanu vidadhe kośavṛddhiṃ kuberas tasmin daṇḍopanatacaritaṃ bhejire lokapālāḥ // 17.81	mandākrāntā [17: mBnttgg]
sa naiṣadhasyārthapateḥ sutāyām utpādayām āsa niṣiddhaśatruḥ / anūnasāraṃ niṣadhān nagendrāt putraṃ yam āhur niṣadhākhyam eva // 18.1	upajāti : upendravajrā [11: jtjgg], indravajrā [11: ttjgg]
tenoruvīryeṇa pitā prajāyai kalpiṣyamāṇena nananda yūnā / suvṛṣtiyogād iva jīvalokaḥ sasyena saṃpattiphalātmakena // 18.2	upajāti : upendravajrā [11: jtjgg], indravajrā [11: ttjgg]
śabdādi nirviśya sukhaṃ cirāya tasmin pratiṣṭhāpitarājaśabdaḥ / kaumudvateyaḥ kumudāvadātair dyām arjitāṃ karmabhir āruroha // 18.3	indravajrā [11: ttjgg]
pautraḥ kuśasyāpi kuśeśayākṣaḥ sasāgarāṃ sāgaradhīracetāḥ / ekātapoatrāṃ bhuvam ekavīraḥ purārgalādīrghabhujo bubhoja // 18.4	upendravajrā [11: jtjgg] (? 2 eva pādāḥ yuktāḥ)
tasyānalaujās tanayas tadante vaṃśaśriyaṃ prāpa nalābhidhānaḥ / yo naḍvalānīva gajaḥ pareṣāṃ balāny amṛdnān nalinābhavaktraḥ // 18.5	upajāti : upendravajrā [11: jtjgg], indravajrā [11: ttjgg]
nabhaścarair gītayaśyāmatanuṃ tanūjam nabhastalaśyāmatanuṃ tanūjam / khyātaṃ nabhaḥśabdamayena nāmnā kāntaṃ nabhomāsam iva prajānām // 18.6	indravajrā [11: ttjgg] (? 2 eva pādāḥ yuktāḥ)
tasmai viṣrjyottarakosalānāṃ dharmottaras tat prabhave prabhutvam / mṛgair ajaryaṃ jaraspodaiṣṭam adehabandhāya punar babandha // 18.7	ajñātasamavṛtta [10: rBrg] (? 2 eva pādāḥ yuktāḥ)
tena dvipānām iva puṇḍarīko rājñām ajayyo 'jani puṇḍarīkaḥ / śānte pitary āhṛtapuṇḍarīkā yaṃ puṇḍarīkākṣam ivāśritā śrīḥ // 18.8	indravajrā [11: ttjgg]
sa kṣemadhanvānam amoghadhanvā putraṃ prajākṣemavidhānadakṣam / kṣmāṃ lambhayitvā kṣamayopapannaṃ vane tapaḥ kṣāntataraś cacāra // 18.9	upajāti : upendravajrā [11: jtjgg], indravajrā [11: ttjgg]
anīkinīnāṃ samare 'grayāyī tasyāpi devapratimaḥ suto 'bhūt / vyaśrūyatānīkapadāvasānaṃ devādi nāma tridive 'pi yasya // 18.10	upajāti : upendravajrā [11: jtjgg], indravajrā [11: ttjgg]
pitā samārādhanatatpareṇa putreṇa putrī sa yathaiva tena / putras tathaivādhikavatsalena sa tena pitrā pitṛmān babhūva // 18.11	upajāti : upendravajrā [11: jtjgg], indravajrā [11: ttjgg]
pūrvas tayor ātmasame ciroḍhām ātmodbhave varṇacatuṣṭayasya / dhuraṃ nidhāyaikanidhir guṇānām jagāma yajvā yajamānalokam // 18.12	upajāti : upendravajrā [11: jtjgg], indravajrā [11: ttjgg]
vaśī sutas tasya vaśaṃvadatvāt sveṣām ivāsīd dviṣatām apīṣṭaḥ / sakṛd (?) vivignān api hi prayuktaṃ mādhuryam īṣṭe hariṇān grahītum // 18.13	upajāti : upendravajrā [11: jtjgg], indravajrā [11: ttjgg]
ahīnagur nāma sa gāṃ samagrām ahīnabāhudraviṇaḥ śaśāsa / yo hīna saṃsargaparāṅmukhatvād mādhuryam īṣṭe hariṇān grahītum // 18.14	upajāti : upendravajrā [11: jtjgg], indravajrā [11: ttjgg]
guroḥ sa cānantaram antarjñaḥ puṃsāṃ pumān ādya ivāvatīrṇaḥ / upakramair askhalitaiś caturbhiś caturdigīśaś caturo babhūva // 18.15	upendravajrā [11: jtjgg] (? 2 eva pādāḥ yuktāḥ)
tasmin prayāte paralokayātrāṃ jetary arīṇāṃ tanayaṃ tadīyam / uccaiḥśirastvāj jitapāriyātraṃ lakṣmīḥ siṣeve kila pāriyātram // 18.16	indravajrā [11: ttjgg]
tasyābhavat sūnur udāraśīlaḥ śilaḥ śilāpaṭṭaviśālavakṣāḥ / jitāripakṣo 'pi śilīmukhair yaḥ śālīnatām avrajad īḍyamānaḥ // 18.17	upajāti : upendravajrā [11: jtjgg], indravajrā [11: ttjgg]
tam ātmasaṃpannam aninditātmā kṛtvā yuvānaṃ yuvarājam eva / sukhāni so 'bhuṅkta sukhoparodhi vṛttaṃ hi rājñām uparuddhavṛttam // 18.18	upajāti : upendravajrā [11: jtjgg], indravajrā [11: ttjgg]
taṃ rāgabandhiṣv avitṛptam eva bhogeṣu saubhāgyaviśeṣabhogyam / vilāsinīnām aratikṣamāpi jarā vṛthā matsariṇī jahāra // 18.19	upajāti : upendravajrā [11: jtjgg], indravajrā [11: ttjgg]
unnābha ity udagtasnāmadheyas tasyāyathārthonnatanābhhirandhraḥ / suto 'bhavat paṅkajanābhakalpaḥ kṛtsnasya nābhir nṛpamaṇḍalasya // 18.20	upajāti triṣṭubh: ajñātam [11: trtgl], upendravajrā [11: jtjgg], indravajrā [11: ttjgg]
tataḥ paraṃ vajradharaprabhāvas tadātmajaḥ saṃyati vajraghoṣaḥ / babhūva vajrākarabhuṣaṇāyāḥ patiḥ pṛthivyāḥ kila vajranābhaḥ // 18.21	upajāti triṣṭubh: ajñātam [11: jtngg], upendravajrā [11: jtjgg]
tasmin gate dyāṃ sukṛtopalabdhāṃ tatsaṃbhavaṃ śaṅkhaṇam arṇavāntā / utkhātaśatruṃ vasudhopatasthe ratnopahārair uditaiḥ khanibhyaḥ // 18.22	indravajrā [11: ttjgg]
tasyāvasāne haridaśvadhāmā pitryaṃ prapede padam aśvirūpaḥ / velātaṭeṣūṣitasainikāśvaṃ purāvido yaṃ dhyuṣitāśvam āhuḥ // 18.23	upajāti : upendravajrā [11: jtjgg], indravajrā [11: ttjgg]
ārādhya viśveśvaram īśvareṇa tena kṣiter viśvasaho 'dhijajñe / pātuṃ saho viśvasakhaḥ samagrāṃ viśvaṃbharām ātmajamūrtir ātmā // 18.24	indravajrā [11: ttjgg]
aṃśe hiraṇyākśaripoḥ sa jāte hiraṇyanābhe tanaye nayajñaḥ / dviṣām asahyaḥ sutarāṃ tarūṇāṃ hiraṇyaretā sānilo 'bhūt // 18.25	upendravajrā [11: jtjgg] (? 2 eva pādāḥ yuktāḥ)
pitā pitḥṇām anṛṇas tam ante vayasy anantāni sukhāni lipsuḥ / rājānam ājānuvilambibāhuṃ kṛtvā kṛtī valkalavān babhūva // 18.26	upajāti : upendravajrā [11: jtjgg], indravajrā [11: ttjgg]
kausalya ity uttarakosalānāṃ patyuḥ pataṃgānvayabhūṣaṇasya / tasyaurasaḥ somasutaḥ suto 'bhūn netrotsavaḥ soma iva dvitīyaḥ // 18.27	indravajrā [11: ttjgg]
kausalya ity uttarakosalānāṃ sa brahmabhūyaṃ gatim ājagāma / brahmiṣṭham ādhāya nije 'dhikāre brahmiṣṭham eva svatanuprasūtam // 18.28	indravajrā [11: ttjgg]
yaśobhir ābrahmasabhaṃ prakāśaḥ samyag mahīṃ śāsati śāsanāṅkām / prajāś ciraṃ suprajasi prajeśe nanandur ānandajalāvilākṣyaḥ // 18.29	upajāti : upendravajrā [11: jtjgg], indravajrā [11: ttjgg]
pātrīkṛtātmā gurusevanena spṛṣṭākṛtiḥ pattrarathendraketoḥ / taṃ putriṇāṃ puṣkarapattranetraḥ putraḥ samāropayad agrasaṃkhyām // 18.30	indravajrā [11: ttjgg]
vaṃśasthitiṃ vaṃśakareṇa tena saṃbhāvya bhāvī sa sakhā maghonaḥ / upaspṛṣan sparśanivṛttalaulyas tripuṣkareṣu tridaśatvam āpa // 18.31	upajāti : upendravajrā [11: jtjgg], indravajrā [11: ttjgg]
tasya prabhānirjitapuṣpa-rāgaṃ pauṣyaṃ tithau puṣyam asūta patnī / yasminn apuṣyann udite samagrāṃ puṣṭiṃ janāḥ puṣya iva dvitīye // 18.32	indravajrā [11: ttjgg]
mahīṃ mahecchaḥ parikīrya sūnau manīṣiṇe jaiminaye 'rpitātmā / tasmāt sayogād adhigamya yogam ajanmane 'kalpata janmabhīruḥ // 18.33	upajāti : upendravajrā [11: jtjgg], indravajrā [11: ttjgg]
tataḥ paraṃ tatprabhavaḥ prapede dhruvopameyo dhruvasaṃdhir urvīm / yasminn abhūj jyāyasi satyasaṃdhe saṃdhir dhruvaḥ saṃnamatām arīṇām // 18.34	upajāti : upendravajrā [11: jtjgg], indravajrā [11: ttjgg]
sute śiśāv eva sudarśanākhye darśātyayendupriyadarśane saḥ / mṛgāyatākṣo mṛgayāvihārī siṃhād avāpad vipadaṃ nṛsiṃhaḥ // 18.35	upajāti : upendravajrā [11: jtjgg], indravajrā [11: ttjgg]
svargāminas tasya tam aikamatyād amātyavargaḥ kulatantum ekam / anāthadīnāḥ prakṛtīr avekṣya sāketanāthaṃ vidhivac cakāra // 18.36	upajāti : upendravajrā [11: jtjgg], indravajrā [11: ttjgg]
vavendunā tan nabhasopameyaṃ śāvaikasiṃhena ca kānanena / raghoḥ kulaṃ kuḍmalapaṅkajena toyena cāprauṣhanarendram āsīt // 18.37	upajāti : upendravajrā [11: jtjgg], indravajrā [11: ttjgg]
lokena bhāvī pitur eva tulyaḥ saṃbhāvito mauliparigrahāt saḥ / dṛṣṭo hi vṛṇvan kalabhapramāṇo 'py āśāḥ purovātam avāpya meghaḥ // 18.38	indravajrā [11: ttjgg]
taṃ rājavīthyām adhihasti yāntam ādhoraṇālambitam agryaveṣam / ṣaḍvarṣadeśiyam api prabhutvāt praikṣanta paurāḥ pitṛgauraveṇa // 18.39	upajāti triṣṭubh: ajñātam [11: tBjgg], indravajrā [11: ttjgg]
kāmaṃ na so 'kalpata paitṛkasya siṃhāsanasya pratipūraṇāya / tejomahimnā punar āvṛtātmā tad vyāpa cāmīkarapiñjareṇa // 18.40	indravajrā [11: ttjgg]
tasmād adhaḥ kiṃcid ivāvatīrṇāv asaṃspṛśantau tapanīyapīṭham / sālaktakau bhūpatayaḥ prasiddhair vavandire maulibhir asya pādau // 18.41	upajāti : upendravajrā [11: jtjgg], indravajrā [11: ttjgg]
maṇau mahānīla iti prabhāvād alpapramāṇe 'pi yathā na mithyā / śabdo mahārāja iti pratītas tathaiva tasmin yuyuje 'rbhake 'pi // 18.42	upajāti : upendravajrā [11: jtjgg], indravajrā [11: ttjgg]
paryantasaṃcāritacāmarasya kapolalolobhayakākapakṣat / tasyānanād uccarito vivādaś cakshāla velāsv api nārṇavānām // 18.43	upajāti : upendravajrā [11: jtjgg], indravajrā [11: ttjgg]
nirvṛttajāmbūnadapaṭṭaśobhe nyastaṃ lalāṭe tilakaṃ dadhānaḥ / tenaiva śūnyāny arisundarīṇāṃ mukhāni sa smeramukhaś cakāra // 18.44	upajāti : upendravajrā [11: jtjgg], indravajrā [11: ttjgg]
śirīṣapuṣpādhikasaukumāryaḥ khedaṃ sa yāyād api śrutavṛddhayogāt / nitāntagurvīm api cānubhāvād dhuraṃ dharitryā bibharāṃ babhūva // 18.45	upendravajrā [11: jtjgg] (? 3 eva pādāḥ yuktāḥ)
nyastākṣarām akṣarabhūmikāyāṃ kārtsnyena gṛhṇāti lipiṃ na yāvat / sarvāṇi tāvac chrutavṛddhayogāt phalāny upāyuṅkta sa daṇḍanīteḥ // 18.46	upajāti : upendravajrā [11: jtjgg], indravajrā [11: ttjgg]
urasy aparyāptabhāgā prauḍhībhaviṣyantam udīkṣamāṇā / saṃjātalajjeva tam ātapatra-chhāyāchalenopajugūha lakṣmīḥ // 18.47	indravajrā [11: ttjgg] (? 3 eva pādāḥ yuktāḥ)
anaśnuvānena yugopamānam abaddhamaurvīkiṇalāñchanena / aspṛṣṭakhaḍgatsaruṇāpi cāsīd rakṣāvatī tasya bhujena bhūmiḥ // 18.48	upajāti : upendravajrā [11: jtjgg], indravajrā [11: ttjgg]
na kevalaṃ gacchati tasya kāle yayuḥ śarīrāvayavā vivṛddhim / vaṃśyā guṇāḥ khalv api lokakāntāḥ prārambhasūkṣmāḥ prathimānam āpuḥ // 18.49	upajāti : upendravajrā [11: jtjgg], indravajrā [11: ttjgg]
sa pūrvajanmāntaradṛṣṭapārāḥ smarann ivākleśakaro gurūṇām / tisras trivargādhigamasya mūlaṃ jagrāha vidyāḥ prakṛtīś ca pitryāḥ // 18.50	upajāti : upendravajrā [11: jtjgg], indravajrā [11: ttjgg]
vyūhya sthitaḥ kiṃcid ivottarārdham unnaddhacūḍo 'ñcitasvyajānuḥ / ākarṇam ākṛṣṭasabānadhanvā vyarocat'; āste sa vinīyamānaḥ // 18.51	na kiṃcid adhyavasitam
atha madhu vanitāṃ netranirveśanīyaṃ manasijatarupuṣpam rāgabandhapravālam / akṛtakavidhi sarvāṅgīṇam ākalpajātaṃ vilasitapadam ādyaṃ yauvanaṃ sa prapede // 18.52	mālinī [15: nnmyy] (? 3 eva pādāḥ yuktāḥ)
pratikṛtiracanābhayo dūtisaṃdarśitābhyaḥ samadhikatararūpāḥ śuddhasaṃtānakāmaiḥ / adhivividur amātyair āhṛtās tasya yūnaḥ prathamaparigṛhīte śrībhuvau rājakanyāḥ // 18.53	mālinī [15: nnmyy] (? 3 eva pādāḥ yuktāḥ)
agnivarṇam abhiṣicya rāghavaḥ sve pade tanayam agnitejasam / śiśriye śrutavatām apaścimaḥ paścime vayasi naimiṣaṃ vaśī // 19.1	rathoddhatā [11: rnrlg]
tatra tīrthasalilena dīrghikās talpam antaritabhūmibhiḥ kuśaiḥ / saudhavāsam uṭajena vismṛtaḥ saṃcikāya phalaniḥspṛhas tapaḥ // 19.2	rathoddhatā [11: rnrlg]
labdhapālanavidhau na tatsutaḥ khedam āpa guruṇā hi medinī / bhoktum eva bhujanirjitadviṣā na prasādhayitum asya kalpitā // 19.3	rathoddhatā [11: rnrlg]
so 'dhikāram abhikaḥ kulocitaṃ kāścana svayam avartayat samāḥ / taṃ niveśya saciveṣv ataḥ paraṃ strīvidheyanavayauvano 'bhavat // 19.4	rathoddhatā [11: rnrlg]
kāminīsahacarasya kāminas tasya veśmasu mṛdaṅganādiṣu / ṛddhimantam adhikarddhir uttaraḥ pūrvam utsavam apohad utsavaḥ // 19.5	rathoddhatā [11: rnrlg]
indriyārthapariśūnyam akṣarmaḥ soḍhum ekam api sa kṣaṇātaram / antare ca viharan divāniśaṃ na vyapaikṣata samutsukāḥ prajāḥ // 19.6	upajāti triṣṭubh: ajñātam [11: rnrgg], rathoddhatā [11: rnrlg]
gauravād yad api jātu mantriṇāṃ darśanaṃ prakṛtikāṅkṣitaṃ dadau / tad gavākṣavivarāvalambinā kevalena caraṇena kalpitam // 19.7	rathoddhatā [11: rnrlg]
taṃ kṛtapraṇatayo 'nujīvinaḥ komalātmanakharāgarūṣitam / bhejire navadivākarātapa-spṛṣṭapaṅkajatulādhirohaṇam // 19.8	rathoddhatā [11: rnrlg]
yuvanonnatavilāsinīstana-kṣobhalolakamalāś ca dīrghikāḥ / gūḍhamohanagṛhās tadambubhiḥ sa vyagāhata vigāḍhamanmathaḥ // 19.9	upajāti triṣṭubh: ajñātam [11: snrll], rathoddhatā [11: rnrlg]
tatra sekahṛtalocanāñjanair dhautarāgaparipāṭalādharaiḥ / aṅganās tam adhikaṃ vyalobhayann arpitaprakṛtikāntibhir mukhaiḥ // 19.10	rathoddhatā [11: rnrlg]
ghrāṇakāntamadhugandhakarṣiṇīḥ pānabhūmiracanāḥ priyāsakhaḥ / abhyapadyata sa vāsitāsakhaḥ puṣpitāḥ kamalinīr iva dvipaḥ // 19.11	rathoddhatā [11: rnrlg]
sātirekamadakāraṇaṃ rahas tena dattam abhileṣur aṅganāḥ / tābhir apy upahṛtaṃ mukhāsavaṃ so 'pibad bakulatulyadohadaḥ // 19.12	rathoddhatā [11: rnrlg]
aṅkam aṅkaparivartanocite tasya ninyatur aśūnyatām ubhe / vallakī ca hṛdayaṃgamasvanā valguvāg api ca vāmalocanā // 19.13	rathoddhatā [11: rnrlg]
sa svayaṃ prahatapuṣkaraḥ kṛtī lolamālyavalayo haran manaḥ / nartakīr abhinayātilaṅghinīḥ pārśvavartiṣu guruṣv alajjavat // 19.14	rathoddhatā [11: rnrlg]
cāru nṛtyavigame ca tanmukhaṃ svedabhinnatilakaṃ pariśramāt / premadattavadanāniaḥ manaḥ so 'nvajīvad amarālakeśvarau // 19.15	rathoddhatā [11: rnrlg]
tasya sāvaraṇadṛṣṭasaṃdhayaḥ kāmyavastuṣu naveṣu saṅginaḥ / vallabhābhir upasṛtya cakrire sāmibhuktaviṣayāḥ samāgamāḥ // 19.16	rathoddhatā [11: rnrlg]
aṅgulīkisalayāgratarjanaṃ bhrūvibhaṅgakuṭilaṃ ca vīkṣitam / mekhalābhir asakṛc ca bandhanaṃ vañcayan praṇayinīr avāpa saḥ // 19.17	rathoddhatā [11: rnrlg]
tena dūtividitaṃ niṣeduṣā pṛṣṭhataḥ suratavārarātriṣu / śuśruve priyajanasya kātaraṃ vipralambhapariśaṅkino vacaḥ // 19.18	rathoddhatā [11: rnrlg]
laulyam etya gṛhiṇīparigrahān nartakīṣv asulabhāsu tadvapuḥ / vartate sma sa kathaṃcid ālikhann aṅgulīkṣaraṇasannavartikaḥ // 19.19	rathoddhatā [11: rnrlg]
premagarvitavipakṣamatsarād āyatāc ca madanān mahīkṣitam / ninyur utsavavidhicchalena taṃ devya ujjitaruṣaḥ kṛtārthatām // 19.20	rathoddhatā [11: rnrlg]
prātar etya paribhogaśobhinā darśanena kṛtakhaṇḍanavyathāḥ / prāñjaliḥ praṇayinīḥ prasādayan so 'dunot praṇayamantharaḥ punaḥ // 19.21	rathoddhatā [11: rnrlg]
svapnakīrtitavipakṣam aṅganāḥ darśanena kṛtakhaṇḍanavyathāḥ / pracchadāntagalitāśrubindubhiḥ krodhabhinnavalayair vivartanaiḥ // 19.22	rathoddhatā [11: rnrlg]
kḷptapuṣpaśayanāṃl latāgṛhān etya dūtikṛtamārgadarśanaḥ / anvabhūt parijanāṅganārataṃ so 'varodhabhayavepathūttaram // 19.23	rathoddhatā [11: rnrlg]
nāma vallabhajanasya te mayā prāpya bhāgyam api tasya kāṅkṣyate / lolupaṃ bata mano mameti taṃ gotraviskhalitam ūcur aṅganāḥ // 19.24	rathoddhatā [11: rnrlg]
cūrṇababhru lulitasragākulaṃ chinnamekhalam alaktakāṅkitam / utthitasya śayanaṃ vilāsinas tasya vibhramartatāny apāvṛṇot // 19.25	upajāti triṣṭubh: ajñātam [11: rjrlg], rathoddhatā [11: rnrlg]
sa svayaṃ caraṇarāgam ādadhe yoṣitaṃ na ca tathā samāhitaḥ / lobhyamānanayanaḥ ślathāṃśukair mekhalāguṇapadair nitambibhiḥ // 19.26	rathoddhatā [11: rnrlg]
cumbane viparivartitādharaṃ hastarodhi raśanāvighaṭṭane / vighniteccham api tasya sarvato manmathendhanam abhūd vadhūratam // 19.27	rathoddhatā [11: rnrlg]
darpaṇeṣu paribhogadarśinīr narmapūrvam anupṛṣṭhasaṃsthitaḥ / chāyayā smitamanojñayā vadhūr hrīnimīlitamukhīś cakāra saḥ // 19.28	rathoddhatā [11: rnrlg]
kaṇṭhasaktamṛdubāhubandhanaṃ nyastapādatalam agrapādayoḥ / prārthayanta śayanotthitaṃ priyās taṃ niśātyayavisargacumbanam // 19.29	rathoddhatā [11: rnrlg]
prekṣya darpaṇatalstham ātmano rājaveṣam atiśakraśobhinam / pipriye sa na tathā yathā yuvā vyaktalakṣma paribhogamaṇḍanam // 19.30	rathoddhatā [11: rnrlg] (? 3 eva pādāḥ yuktāḥ)
mitrakṛtyam apadiśya pārśvataḥ prasthitaṃ tam anavasthitaṃ priyāḥ / vidma he śaṭha palāyanacchalāny añjaseti rurudhuḥ kacagrahaiḥ // 19.31	rathoddhatā [11: rnrlg]
tasya nirdayaratiśramālasāḥ kaṇṭhasūtram apadiśyayoṣitaḥ / adhyaśerata bṛhad (?) bhujāntaraṃ pīvarastanaviluptacandanam // 19.32	rathoddhatā [11: rnrlg]
saṃgamāya niśi gūḍhacāriṇaṃ cāradūtikathitaṃ puro gatāḥ / vañcayiṣyasi kutas tamovṛtaḥ kāmuketi cakṛṣus tam aṅganāḥ // 19.33	rathoddhatā [11: rnrlg]
yoṣitām uḍupater ivāciṣāṃ sparśanirvṛtim asāv anāpnuvan / āruroha kumudākaropamāṃ rātrijāgaraparo divāśayaḥ // 19.34	rathoddhatā [11: rnrlg]
veṇunā daśanapīḍitādharā vīṇayā nakhapadāṅkitoravaḥ / śilapakārya ubhayena vejitās taṃ vijihmanayanā vyalobhayan // 19.35	rathoddhatā [11: rnrlg] (? 3 eva pādāḥ yuktāḥ)
aṅgasattvavacanāśrayaṃ mithaḥ strīṣu nṛtyam upadhāya darśayan / sa prayoganipuṇaiḥ prayoktṛbhiḥ saṃjagharṣa saha mitrasaṃnidhau // 19.36	rathoddhatā [11: rnrlg]
aṃsalambikuṭajārjunasrajas tasya nīparajasāṅgarāgiṇaḥ / prāvṛṣi pramadabarhiṇeṣv abhūt kṛtimādriṣu vihāravibhramaḥ // 19.37	upajāti triṣṭubh: ajñātam [11: snrlg], rathoddhatā [11: rnrlg]
vigrahāc ca śayane parāṅmukhīr nānunetum abalāḥ sa tatvare / ācakāṅkṣa ghanaśabdaviklavās tā vivṛtya viśatīr bhujāntaram // 19.38	rathoddhatā [11: rnrlg]
kārttikīṣu savitānaharmyabhāg yāminīṣu lalitāṅganāsakhaḥ / anvabhuṅkta surataśramāpahāṃ meghamuktaviśadāṃ sa candrikām // 19.39	rathoddhatā [11: rnrlg]
saikataṃ ca sarayūṃ vivṛṇvatīṃ śroṇibimbam iva haṃsamekhalam / svapriyāvilasitānukāriṇīṃ saudhajālvivarair vyalokayat // 19.40	rathoddhatā [11: rnrlg] (? 3 eva pādāḥ yuktāḥ)
marmarair agurudhūpagandhibhir vyaktahemarśanais tam ekataḥ / jahrur āgrathanamokṣalolupaṃ haimanair nivsanaiḥ sumadhyamāḥ // 19.41	ajñātārdhasamavṛtta [rnrl, ttrlg]
arpitastimitadīpadṛṣṭayo garbhaveśmasu nivātakukṣiṣu / tasya sarvasuratāntarakṣamāḥ sākṣitāṃ śiśirarātrayo yayuḥ // 19.42	rathoddhatā [11: rnrlg]
dakṣiṇena pavanena saṃbhṛtaṃ prekṣya cūtakusumaṃ sapallavam / anvanaiṣur avadhūtavigrahās taṃ durutsahaviyogam aṅganāḥ // 19.43	rathoddhatā [11: rnrlg]
tāḥ svam aṅkam adhiropya dolayā preṅkhayan parijanāpaviddhayā / muktarajju nibiḍaṃ bhayacchalāt kaṇṭhabandhanam avāpa bāhubhiḥ // 19.44	rathoddhatā [11: rnrlg]
taṃ payodharaniṣaktacandanair mauktikagrathitacārubhūṣaṇaiḥ / grīṣmaveṣavidhibhiḥ siṣevire śroṇilambimaṇimekhalāḥ priyāḥ // 19.45	rathoddhatā [11: rnrlg]
yat sa bhagnasahakāram āsavaṃ raktapāṭalasamāgamaṃ papau / tena tasya madhunirgamāt kṛśaś cittayonir abhavat punarnavaḥ // 19.46	rathoddhatā [11: rnrlg]
evam indriyasukhāni nirviśann anyakāryavimukhaḥ sa pārthivaḥ / ātmalakṣaṇaniveditān ṛtūn atyavāhayad anaṅgavāhitaḥ // 19.47	rathoddhatā [11: rnrlg]
taṃ pramattam api na prabhāvataḥ śekur ākramitum anyapārthivāḥ / āmayas tu ratirāgasaṃbhavo dakṣaśāpa iva candram akṣiṇot // 19.48	rathoddhatā [11: rnrlg]
dṛṣṭadoṣam api tan na so 'tyajat saṅgavastu bhiṣajām anāśravaḥ / svādubhis tu viṣayair hṛtas tato duḥkham indriyagaṇo nivāryate // 19.49	rathoddhatā [11: rnrlg]
tasya pāṇḍuvadanālpabhūṣaṇā sāvalambagamanā mṛdusvanā / yakṣmaṇāpi parihānir āyayau kāmayānasamavasthayā tulām // 19.50	rathoddhatā [11: rnrlg]
vyoma paścimakalāsthitendu vā paṅkaśeṣam iva gharmapalvalam / rājñi tatkulam abhūt kṣayāture vāmanārcir iva dīpabhājanam // 19.51	rathoddhatā [11: rnrlg]
bāḍham eṣu divaseṣu karma sādhayati putrajanmane / ity adarśitarujo 'sya mantriṇaḥ śaśvad ūcur aghaśaṅkinīḥ prajāḥ // 19.52	rathoddhatā [11: rnrlg] (? 3 eva pādāḥ yuktāḥ)
sa tv anekavanitāsakho 'pi san pāvanīm anavalokya saṃtatim / vaidyayatnaparibhāvinaṃ gadaṃ na pradīpa iva vāyum atyagāt // 19.53	rathoddhatā [11: rnrlg]
taṃ gṛhopavana eva saṃgatāḥ paścimakratuvidā purodhasā / rogaśāntim apadiśya mantriṇaḥ saṃbhṛte śikhini gūḍham ādadhuḥ // 19.54	rathoddhatā [11: rnrlg]
taiḥ kṛtaprakṛtimukhyasaṃgrahair āśu tasya sahadharmacāriṇī / sādhu dṛṣṭaśubhagarbhalakṣaṇā pratyapadyata narādhipaśriyam // 19.55	rathoddhatā [11: rnrlg]
tasyās tathāvidhanarendravipattiśokād uṣṇair vilocanajalaiḥ prathamābhitaptaḥ / nirvāpitaḥ kanakakumbhamukhojjhitena vaṃśābhiṣekavidhinā śiśireṇa garbhaḥ // 19.56	vasantatilakā [14: tBjjgg]
taṃ bhāvāya prasavasamayākāṅkṣiṇīnāṃ prajānām antargūḍhaṃ kṣitir iva babhau bījamuṣṭiṃ dadhānā / maulaiḥ sārdhaṃ sthavirasacivair hemasiṃhāsanasthā rājñī rājyaṃ vidhivad aśiṣad bhartur avyāhatājñā // 19.57	mandākrāntā [17: mBnttgg]
ākīryamāṇam āsanna-vidhibhiḥ samidāharaiḥ / vaikhānasair adṛśyāgni-pratyudgamanavṛttibhiḥ // 1.49.2	anuṣṭubh (1,2: pathyā, 3,4: pathyā)
imāṃ devīm ṛtusnātāṃ smṛtvā sapadi satvaraḥ / pradakṣiṇakriyātītas tasyāḥ kopam ajījanaḥ // 1.75.2	anuṣṭubh (1,2: pathyā, 3,4: pathyā)
tāmralalāṭajāṃ rekhāṃ bibhratī sāsitetarām / saṃdhyā prātipadeneva pratibhinnā himāṃśunā // 1.82.2	anuṣṭubh (1,2: asamīcīna, 3,4: pathyā)
gāndharvam astraṃ tad itaḥ pratīccha prayogasaṃhāravibhaktamantram / saṃdhyā prātipadeneva na cārihiṃsā vijayaḥ svahaste // 5.57.2	upendravajrā [11: jtjgg] (? 2 eva pādāḥ yuktāḥ)
nidrāvaśaṃ tvayi gate śaśinā kathaṃcid ātmānam ānanarucā bhavato viyujya / lakṣmīr vibhātasamaye 'pi hi darśanena paryutsukā praṇayinī niśi khaṇḍiteva // 5.67.2	vasantatilakā [14: tBjjgg]
mandaṃ vivāti himasaṃbhṛtaśītabhāvaḥ saṃsṛjyate sarasijair aruṇāṃśubhinnaiḥ / saurabhyam īpsur iva te mukhamārutasya yan no guṇān prati niśāpariṇāmavāyuḥ // 5.69.2	vasantatilakā [14: tBjjgg]
iti sa vihatanidras talpam alpetarāṃśaḥ suragaja iva gaṅgāsaikataṃ supratīkaḥ / parijanavanitānāṃ pādayor vyāpṛtānāṃ valayamaṇividiṣṭaṃ pracchadāntaṃ mumoca // 5.75.2	mālinī [15: nnmyy]
sa tatra mañceṣu vimānakalpeṣv ākalpasaṃmūrchitarūpaśobhān / siṃhāsanasthān nṛpatīn apaśyat yūpān praśastān iva haimavedīn // 6.1.2	upajāti : upendravajrā [11: jtjgg], indravajrā [11: ttjgg]
yadā yadā rājakumārikāsau na pūrvapūrvaṃ ganayāṃ cakāra / tadā tadā nāmitarepharekhām āśālatā pallavinī babhūva // 6.67.2	upajāti : upendravajrā [11: jtjgg], indravajrā [11: ttjgg]
lalāṭabaddhabhṛkuṭītaraṅgais tanutyajāṃ dantanipīḍitoṣṭhaiḥ / ātastare bhallanikṛttakaṇṭhair huṃkāragarbhair dviṣatāṃ śirobhiḥ // 7.38.2	upajāti triṣṭubh: ajñātam [11: jBjgg], upendravajrā [11: jtjgg], indravajrā [11: ttjgg]
atha vīkṣya guṇaiḥ pratiṣṭhitaṃ prakṛtiṣv ātmajam ābhigamikaiḥ / padavīṃ pariṇāmadeśinīṃ raghur ādatta vanāntagāminīm // 8.9.2	ajñātasamavṛtta [10: ssjg] (? 2 eva pādāḥ yuktāḥ)
namas trimūrtaye tubhyaṃ guṇatrayavibhāgāya / prāk sṛṣṭe[ḥ] kevalātmane paścād bhad[r]am upeyuṣe // 10.19.2	upajāti anuṣṭubh: ajñātam [8: mslg], ajñātam [8: mrlg], ajñātam [8: jsgl], ajñātam [8: jrgg]
te 'pi tūrṇam avagamya śāmbhavam āsamāharaṇakarmatatparāḥ / svāṃ sakṣiptatikarkaśaṃ hi tac cikṣipur daśāarathātmajāgrataḥ // 11.43.2	upajāti triṣṭubh: ajñātam [11: jBrlg], ajñātam [11: msjgl], rathoddhatā [11: rnrlg]
nistriṃśakalpasya nidher jalānām eṣā tamāladrumarāja nīlā / dūrād arālabhru vibhāti velā kalaṅkarekhā malineva dhārā // 13.15.2	upajāti : upendravajrā [11: jtjgg], indravajrā [11: ttjgg]
pratyāgatau tatra cirapravāsād apaśyatāṃ dāśarathī jananyau / kumudvatī śītamarīcilekhe diveva rūpāntaradurvibhāvye // 14.1.2	upajāti : upendravajrā [11: jtjgg], indravajrā [11: ttjgg]
keyaṃ vane lakṣmaṇa lakṣmaṇeti dīnākṣaraṃ roditi yoṣid uccaiḥ / āṃ jñātam eṣā janakātmajeti kavir vicintyāntikam ājagāma // 14.69.2	upajāti : upendravajrā [11: jtjgg], indravajrā [11: ttjgg]
tad ākarṇya muner vākyaṃ rāmo rājīvalocanaḥ / samaṃ harṣaviṣādābhyāṃ yuyuje nītikovidaḥ // 15.71.2	anuṣṭubh (1,2: pathyā, 3,4: pathyā)
gaccha lakṣmaṇa śīghraṃ tvaṃ mā bhūd dharmaviparyayaḥ / tyāgo vāpi vadho vāpi sādhūnām ubhayaṃ samam // 15.94.2	anuṣṭubh (1,2: pathyā, 3,4: pathyā)
tasmād babhūvātha dalābhidhāno dalānvitaḥ padmadalābhadṛṣṭiḥ / kundāgra danto ripudantisiṃhaḥ patiḥ pṛthivyāḥ kulakair ivenduḥ // 18.16.2	upajāti : upendravajrā [11: jtjgg], indravajrā [11: ttjgg]
hitvātha bhogāṃs tapasottamena triviṣṭapaṃ prāptavati kṣitīśe / tadātmajaḥ sāgaradhīracetāḥ śaśāsa pṛthvīṃ sakalāṃ nṛsomaḥ // 18.19.2	upajāti : upendravajrā [11: jtjgg], indravajrā [11: ttjgg]
samāptam: 10.415608s