śrīpatiṃ praṇipatyāhaṃ śrīvatsāṅkitavakṣasam / śrīrāmodantam ākhyāsye śrīvālmīkiprakīrtitam // 1	anuṣṭubh (1,2: pathyā, 3,4: pathyā)
purā viśravasaḥ putro rāvaṇo nāma rākṣasaḥ / āsīd asyānujau cāstāṃ kumbhakarṇavibhīṣaṇau // 2	anuṣṭubh (1,2: pathyā, 3,4: pathyā)
te tu tīvreṇa tapasā pratyakṣīkṛtya vedhasam / vavrire ca varān iṣṭān asmād āśritavatsalāt // 3	anuṣṭubh (1,2: na-vipulā, 3,4: pathyā)
rāvaṇo mānuṣād anyair avadhyatvaṃ tathānujaḥ / nirdevatvecchayā nidrāṃ kumbhakarṇo 'vṛṇīta ca // 4	anuṣṭubh (1,2: pathyā, 3,4: pathyā)
vibhīṣaṇo viṣṇubhaktiṃ vavre sattvaguṇānvitaḥ / tebhya etān varān dattvā tatraivāntardadhe prabhuḥ // 5	anuṣṭubh (1,2: ra-vipulā, 3,4: pathyā)
rāvaṇas tu tato gatvā raṇe jitvā dhanādhipam / laṅkāpurīṃ puṣpakaṃ ca hṛtvā tatrāvasat sukham // 6	anuṣṭubh (1,2: pathyā, 3,4: ra-vipulā)
yātudhānās tataḥ sarve rasātalanivāsinaḥ / daśānanaṃ samāśritya laṅkāyāṃ sukham āvasan // 7	anuṣṭubh (1,2: pathyā, 3,4: pathyā)
mandodarīṃ mayasutāṃ pariṇīya daśānanaḥ / tasyām utpādayām āsa meghanādāhvayaṃ sutam // 8	anuṣṭubh (1,2: na-vipulā, 3,4: pathyā)
rasāṃ rasātalaṃ caiva vijitya sa tu rāvaṇaḥ / lokān ākramayan sarvāñ jahāra ca vilāsinīḥ // 9	anuṣṭubh (1,2: pathyā, 3,4: pathyā)
dūṣayan vaidikaṃ karma dvijān ardayati sma saḥ / ātmajenānvito yuddhe vāsavaṃ cāpy apīḍayat // 10	anuṣṭubh (1,2: pathyā, 3,4: pathyā)
tadīyataruratnāni punar ānāyya kiṅkaraiḥ / sthāpayitvā tu laṅkāyām avasac ca cirāya saḥ // 11	anuṣṭubh (1,2: pathyā, 3,4: pathyā)
tatas tasminn avasare vidhātāraṃ divaukasaḥ / upagamyocire sarvaṃ rāvaṇasya viceṣṭitam // 12	anuṣṭubh (1,2: na-vipulā, 3,4: pathyā)
tad ākarṇya suraiḥ sākaṃ prāpya dugdhodadhes taṭam / tuṣṭāva ca hṛṣīkeśaṃ vidhātā vividhaiḥ stavaiḥ // 13	anuṣṭubh (1,2: pathyā, 3,4: pathyā)
āvirbhūyātha daityāriḥ papraccha ca pitāmaham / kim artham āgato 'si tvaṃ sākaṃ devagaṇair iti // 14	anuṣṭubh (1,2: pathyā, 3,4: pathyā)
tato daśānanāt pīḍām ajas tasmai nyavedayat / tac chrutvovāca dhātāraṃ harṣayan viṣṭaraśravāḥ // 15	anuṣṭubh (1,2: pathyā, 3,4: pathyā)
alaṃ bhayenātmayone gaccha devagaṇaiḥ saha / ahaṃ dāśarathir bhūtvā haniṣyāmi daśānanam // 16	anuṣṭubh (1,2: ra-vipulā, 3,4: pathyā)
ātmāṃśaiś ca surāḥ sarve bhūmau vānararūpiṇaḥ / jāyeran mama sāhāyyaṃ kartuṃ rāvaṇanigrahe // 17	anuṣṭubh (1,2: pathyā, 3,4: pathyā)
evam uktvā vidhātāraṃ tatraivāntardadhe prabhuḥ / padmayonis tu gīrvāṇaiḥ samaṃ prāyāt prahṛṣṭadhīḥ // 18	anuṣṭubh (1,2: pathyā, 3,4: pathyā)
ajījanat tataḥ śakro vālinaṃ nāma vānaram / sugrīvam api mārtāṇḍo hanumantaṃ ca mārutaḥ // 19	anuṣṭubh (1,2: pathyā, 3,4: pathyā)
puraiva janayām āsa jāmbavantaṃ ca padmajaḥ / evam anye ca vibudhāḥ kapīn ajanayan bahūn // 20	anuṣṭubh (1,2: pathyā, 3,4: na-vipulā)
tato vānarasaṃghānāṃ vālī parivṛḍho 'bhavat / amībhir akhilaiḥ sākaṃ kiṣkindhām adhyuvāsa ca // 21	anuṣṭubh (1,2: pathyā, 3,4: pathyā)
āsīd daśaratho nāma sūryavaṃśe 'tha pārthivaḥ / bhāryās tisro 'pi labdhvāsau tāsu lebhe na saṃtatim // 22	anuṣṭubh (1,2: pathyā, 3,4: pathyā)
tataḥ sumantravacanād ṛṣyaśṛṅgaṃ sa bhūpatiḥ / ānīya putrakāmeṣṭim ārebhe sapurohitaḥ // 23	anuṣṭubh (1,2: na-vipulā, 3,4: pathyā)
athāgner utthitaḥ kaś cid gṛhītvā pāyasaṃ carum / etat prāśaya patnīs tvam ity uktvādān nṛpāya saḥ // 24	anuṣṭubh (1,2: pathyā, 3,4: pathyā)
tad gṛhītvā tadaivāsau patnīḥ prāśayad utsukaḥ / tāś ca tatprāśanād eva nṛpād garbham adhārayan // 25	anuṣṭubh (1,2: pathyā, 3,4: pathyā)
pūrṇe kāle 'tha kausalyā sajjanāmbhojabhāskaram / ajījanad rāmacandraṃ kaikeyī bharataṃ tathā // 26	anuṣṭubh (1,2: pathyā, 3,4: ra-vipulā)
tato lakṣmaṇaśatrughnau sumitrājījanat sutau / akārayat pitā teṣāṃ jātakarmādikaṃ dvijaiḥ // 27	anuṣṭubh (1,2: pathyā, 3,4: pathyā)
tato vavṛdhire 'nyonyaṃ snigdhāś catvāra eva te / sakalāsu ca vidyāsu naipuṇyam abhilebhire // 28	anuṣṭubh (1,2: pathyā, 3,4: pathyā)
tataḥ kadā cid āgatya viśvāmitro mahāmuniḥ / yayāce yajñarakṣārthaṃ rāmaṃ śaktidharopamam // 29	anuṣṭubh (1,2: pathyā, 3,4: pathyā)
vasiṣṭhavacanād rāmaṃ lakṣmaṇena samanvitam / kṛcchreṇa nṛpatis tasya kauśikasya kare dadau // 30	anuṣṭubh (1,2: pathyā, 3,4: pathyā)
tau gṛhītvā tato gacchan balām atibalāṃ tathā / astrāṇi ca samagrāṇi tābhyām upadideśa saḥ // 31	anuṣṭubh (1,2: pathyā, 3,4: pathyā)
gacchan sahānujo rāmaḥ kauśikena pracoditaḥ / tāṭakām avadhīd dhīmāṃl lokapīḍanatatparām // 32	anuṣṭubh (1,2: pathyā, 3,4: pathyā)
tataḥ siddhāśramaṃ prāpya kauśikaḥ saharāghavaḥ / adhvaraṃ ca samārebhe rākṣasāś ca samāgaman // 33	anuṣṭubh (1,2: pathyā, 3,4: pathyā)
rāghavas tu tato 'streṇa kṣiptvā mārīcam arṇave / subāhupramukhān hatvā yajñaṃ cāpālayan muneḥ // 34	anuṣṭubh (1,2: pathyā, 3,4: pathyā)
kauśikena tato rāmo nīyamānaḥ sahānujaḥ / ahalyāśāpanirmokṣaṃ kṛtvā saṃprāpa maithilam // 35	anuṣṭubh (1,2: pathyā, 3,4: pathyā)
janakenārcito rāmaḥ kauśikena pracoditaḥ / sītānimittam ānītaṃ babhañja dhanur aiśvaram // 36	anuṣṭubh (1,2: pathyā, 3,4: pathyā)
tato daśarathaṃ dūtair ānāyya mithilādhipaḥ / rāmādibhyas tatsutebhyaḥ sītādyāḥ kanyakā dadau // 37	anuṣṭubh (1,2: pathyā, 3,4: ra-vipulā)
tato guruniyogena kṛtodvāhaḥ sahānujaḥ / rāghavo niryayau tena janakenoru mānitaḥ // 38	anuṣṭubh (1,2: pathyā, 3,4: pathyā)
tad ākarṇya dhanurbhaṅgam āyāntaṃ roṣabhīṣaṇam / vijitya bhārgavaṃ rāmam ayodhyāṃ prāpa rāghavaḥ // 39	anuṣṭubh (1,2: pathyā, 3,4: pathyā)
tataḥ sarvajanānandaṃ kurvāṇaś ceṣṭitaiḥ svakaiḥ / tām adhyuvāsa kākutsthaḥ sītayā sahitaḥ sukham // 40	anuṣṭubh (1,2: pathyā, 3,4: pathyā)
etasminn antare gehaṃ mātulasya yudhājitaḥ / prayayau bharataḥ prītaḥ śatrughnena samanvitaḥ // 41	anuṣṭubh (1,2: pathyā, 3,4: pathyā)
tataḥ prakṛtibhiḥ sākaṃ mantrayitvā sa bhūpatiḥ / abhiṣekāya rāmasya samārebhe mudānvitaḥ // 42	anuṣṭubh (1,2: pathyā, 3,4: pathyā)
kaikeyī tu mahīpālaṃ mantharādūṣitāśayā / varadvayaṃ purā dattaṃ yayāce satyasaṃgaram // 43	anuṣṭubh (1,2: pathyā, 3,4: pathyā)
vanavāsāya rāmasya rājyāptyai bharatasya ca / tasyā varadvayaṃ kṛcchram anujajñe mahīpatiḥ // 44	anuṣṭubh (1,2: pathyā, 3,4: pathyā)
rāmaṃ tadaiva kaikeyī vanavāsāya cādiśat / anujñāpya gurūn sarvān niryayau ca vanāya saḥ // 45	anuṣṭubh (1,2: pathyā, 3,4: pathyā)
dṛṣṭvā taṃ nirgataṃ sītā lakṣmaṇaś cānujagmatuḥ / saṃtyajya svagṛhān sarve paurāś cānuyayur drutam // 46	anuṣṭubh (1,2: pathyā, 3,4: pathyā)
vañcayitvā tu tān paurān nidrāṇān niśi rāghavaḥ / vāhyamānaṃ sumantreṇa ratham āruhya cāgamat // 47	anuṣṭubh (1,2: pathyā, 3,4: pathyā)
śriṅgiberapuraṃ gatvā gaṅgākūle 'tha rāghavaḥ / guhena satkṛtas tatra niśām ekām uvāsa ca // 48	anuṣṭubh (1,2: pathyā, 3,4: pathyā)
sārathiṃ saṃnimantryāsau sītālakṣmaṇasaṃyutaḥ / guhenānītayā nāvā saṃtatāra ca jāhnavīm // 49	anuṣṭubh (1,2: pathyā, 3,4: pathyā)
bharadvājamuniṃ prāpya taṃ natvā tena satkṛtaḥ / rāghavas tasya nirdeśāc citrakūṭe 'vasat sukham // 50	anuṣṭubh (1,2: pathyā, 3,4: pathyā)
ayodhyāṃ tu tato gatvā sumantraḥ śokavihvalaḥ / rājñe nyavedayat sarvaṃ rāghavasya viceṣṭitam // 51	anuṣṭubh (1,2: pathyā, 3,4: pathyā)
tad ākarṇya sumantroktaṃ rājā duḥkhavimūḍhadhīḥ / rāma rāmeti vilapan dehaṃ tyaktvā divaṃ yayau // 52	anuṣṭubh (1,2: pathyā, 3,4: na-vipulā)
mantriṇas tu vasiṣṭhoktyā dehaṃ saṃrakṣya bhūpateḥ / dūtair ānāyayan kṣipraṃ bharataṃ mātulālayāt // 53	anuṣṭubh (1,2: pathyā, 3,4: pathyā)
bharatas tu mṛtaṃ śrutvā pitaraṃ kaikayīgirā / saṃskārādi cakārāsya yathāvidhi sahānujaḥ // 54	anuṣṭubh (1,2: pathyā, 3,4: pathyā)
amātyaiś codyamāno 'pi rajyāya bharatas tadā / vanāyaiva yayau rāmam ānetuṃ nāgaraiḥ saha // 55	anuṣṭubh (1,2: pathyā, 3,4: pathyā)
sa gatvā citrakūṭasthaṃ rāmaṃ cīrajaṭādharam / yayāce rakṣituṃ rājyaṃ vasiṣṭhādyair dvijaiḥ saha // 56	anuṣṭubh (1,2: pathyā, 3,4: pathyā)
caturdaśa samā nītvā punar aiṣyāmy ahaṃ purīm / ity uktvā pāduke dattvā taṃ rāmaḥ pratyayāpayat // 57	anuṣṭubh (1,2: pathyā, 3,4: pathyā)
gṛhītvā pāduke tasmād bharato dīnamānasaḥ / nandigrāme sthitas tābhyāṃ rarakṣa ca vasuṃdharām // 58	anuṣṭubh (1,2: pathyā, 3,4: pathyā)
rāghavas tu gires tasmād gatvātriṃ samavandata / tatpatnī tu tadā sītāṃ bhūṣaṇaiḥ svair abhūṣayat // 59	anuṣṭubh (1,2: pathyā, 3,4: pathyā)
uṣitvā tu niśām ekām āśrame tasya rāghavaḥ / viveśa daṇḍakāraṇyaṃ sītālakṣmaṇasaṃyutaḥ // 60	anuṣṭubh (1,2: pathyā, 3,4: pathyā)
vrajan vanena kākutstho virādhaṃ vidhicoditam / sadārānujam ātmānaṃ harantam avadhīt tadā // 61	anuṣṭubh (1,2: pathyā, 3,4: pathyā)
śarabhaṅgāśramam prāpya svargatiṃ tasya vīkṣya saḥ / pratijajñe rākṣasānāṃ vadhaṃ munibhir arthitaḥ // 62	anuṣṭubh (1,2: pathyā, 3,4: ra-vipulā)
tasmād gatvā sutīkṣṇaṃ ca praṇamyānena pūjitaḥ / agastyasyāśramaṃ prāpya taṃ nanāma raghūttamaḥ // 63	anuṣṭubh (1,2: pathyā, 3,4: pathyā)
rāmāya vaiṣṇavaṃ cāpam aindraṃ tūṇīyugaṃ tathā / brāhmaṃ cāstraṃ ca khaḍgaṃ ca pradadau kumbhasaṃbhavaḥ // 64	anuṣṭubh (1,2: pathyā, 3,4: pathyā)
tataḥ sa gacchan kākutsthaḥ samāgamya jaṭāyuṣam / vaidehyāḥ pālanāyainaṃ śraddadhe pitṛvallabham // 65	anuṣṭubh (1,2: ma-vipulā, 3,4: pathyā)
tataḥ pañcavaṭīṃ prāpya tatra lakṣmaṇanirmitām / parṇaśālām adhyuvāsa sītayā sahitaḥ sukham // 66	anuṣṭubh (1,2: pathyā, 3,4: ra-vipulā)
tatrābhyetyaikadā rāmaṃ vavre śūrpaṇakhābhikā / tannirastā lakṣmaṇaṃ ca vavre so'; pi nirākarot // 67	anuṣṭubh (1,2: pathyā, 3,4: ra-vipulā)
rāmam eva tato vavre kāmārtā kāmasaṃnibham / punaś ca dhikkṛtā tena sītām abhyadravad ruṣā // 68	anuṣṭubh (1,2: pathyā, 3,4: pathyā)
lakṣmaṇena tadā roṣāt kṛttaśravaṇanāsikā / sā tu gatvā janasthānaṃ kharāyaitan nyavedayat // 69	anuṣṭubh (1,2: pathyā, 3,4: pathyā)
tad ākarṇya kharaḥ kruddho rāghavaṃ hantum āyayau / dūṣaṇatriśiromukhyair yātudhānaiḥ samanvitaḥ // 70	anuṣṭubh (1,2: pathyā, 3,4: pathyā)
tat kṣaṇaṃ lakṣmaṇe sītāṃ nidhāya raghunandanaḥ / kharaṃ sahānugaṃ saṃkhye jaghānālaghuvikramaḥ // 71	anuṣṭubh (1,2: pathyā, 3,4: pathyā)
tataḥ śūrpaṇakhā gatvā laṅkāṃ śokasamanvitā / nyavedayad rāvaṇāya vṛttāntaṃ sarvam āditaḥ // 72	anuṣṭubh (1,2: pathyā, 3,4: ra-vipulā)
tac chrutvā rāvaṇaḥ sītāṃ hartuṃ kṛtamatis tadā / mārīcasyāśramaṃ prāpya sāhāyye tam acodayat // 73	anuṣṭubh (1,2: pathyā, 3,4: pathyā)
so 'pi svarṇamṛgo bhūtvā sītāyāḥ pramukhe 'carat / sā tu taṃ mṛgam āhartuṃ bhartāraṃ samayācata // 74	anuṣṭubh (1,2: pathyā, 3,4: pathyā)
niyujya lakṣmaṇaṃ sītāṃ rakṣituṃ raghunandanaḥ / anvagacchan mṛgaṃ tūrṇaṃ dravantaṃ kānanāntare // 75	anuṣṭubh (1,2: pathyā, 3,4: pathyā)
vivyādha ca mṛgaṃ rāmaḥ sa nijaṃ rūpam āsthitaḥ / hā sīte lakṣmaṇety evaṃ rudan prāṇān samatyajat // 76	anuṣṭubh (1,2: pathyā, 3,4: pathyā)
etad ākarṇya vaidehyā lakṣmaṇaś codito bhṛśam / tadrakṣāṃ devatāḥ prārthya prayayau rāghavāntikam // 77	anuṣṭubh (1,2: pathyā, 3,4: pathyā)
tad antare samāsādya rāvaṇo yatirūpadhṛt / sītāṃ gṛhītvā prayayau gaganena mudānvitaḥ // 78	anuṣṭubh (1,2: pathyā, 3,4: bha-vipulā)
tato jaṭāyur ālokya nīyamānāṃ tu jānakīm / prāharad rāvaṇaṃ prāpya tuṇḍapakṣanakhair bhṛśam // 79	anuṣṭubh (1,2: pathyā, 3,4: pathyā)
chittvainam candrahāsena pātayitvā ca bhūtale / gṛhītvā rāvaṇaḥ sītāṃ prāviśan nijamandiram // 80	anuṣṭubh (1,2: pathyā, 3,4: pathyā)
aśokavanikāmadhye saṃsthāpya janakātmajām / rāvaṇo rakṣituṃ caināṃ niyuyoja niśācarīḥ // 81	anuṣṭubh (1,2: pathyā, 3,4: pathyā)
hatvā rāmas tu mārīcam āgacchann anujeritām / vārttām ākarṇya duḥkhārtaḥ parṇaśālām upāgamat // 82	anuṣṭubh (1,2: pathyā, 3,4: pathyā)
adṛṣṭvā tatra vaidehīṃ vicinvāno vanāntare / sahānujo gṛdhrarājaṃ chinnapakṣaṃ dadarśa saḥ // 83	anuṣṭubh (1,2: pathyā, 3,4: ra-vipulā)
tenoktāṃ jānakīvārttāṃ śrutvā paścān mṛtaṃ ca tam / dagdhvā sahānujo rāmaś cakre tasyodakakriyām // 84	anuṣṭubh (1,2: pathyā, 3,4: pathyā)
ātmano 'bhibhavaṃ paścāt kurvatīṃ pathi lakṣmaṇaḥ / ayomukhīṃ cakārāśu kṛttaśravaṇanāsikām // 85	anuṣṭubh (1,2: pathyā, 3,4: pathyā)
gṛhītau tau kabandhena bhujau tasya nyakṛntatām / tatas tu yācitau tena taddehaṃ dehatuś ca tau // 86	anuṣṭubh (1,2: pathyā, 3,4: pathyā)
sa tu divyākṛtir bhūtvā rāmaṃ sītopalabdhaye / sugrīvam ṛṣyamūkasthaṃ yāhīty uktvā divaṃ yayau // 87	anuṣṭubh (1,2: pathyā, 3,4: pathyā)
tataḥ prīto raghuśreṣṭhaḥ śabaryāśramam abhyayāt / tayābhipūjitaḥ paścāt pampāṃ prāpa salakṣmaṇaḥ // 88	anuṣṭubh (1,2: pathyā, 3,4: pathyā)
hanūmān atha sugrīvanirdiṣṭo rāmalakṣmaṇau / prāpya jñātvā tu vṛttāntaṃ tena tau samayojayat // 89	anuṣṭubh (1,2: pathyā, 3,4: pathyā)
tato rāmasya vṛttāntaṃ sugrīvāya nivedya saḥ / sakhyaṃ ca kārayām āsa tayoḥ pāvakasaṃnidhau // 90	anuṣṭubh (1,2: pathyā, 3,4: pathyā)
pratijajñe tadā rāmo haniṣyāmīti vālinam / darśayiṣyāmi vaidehīm ity anyena ca saṃśrutam // 91	anuṣṭubh (1,2: pathyā, 3,4: pathyā)
sugrīveṇātha rāmāya bhrātṛvairasya kāraṇam / niveditam aśeṣaṃ ca balādhikyaṃ ca tasya tat // 92	anuṣṭubh (1,2: pathyā, 3,4: pathyā)
tat kṣaṇaṃ dundubheḥ kāyaṃ sugrīveṇa pradarśitam / sudūraṃ preṣayām āsa pādāṅguṣṭhena rāghavaḥ // 93	anuṣṭubh (1,2: pathyā, 3,4: pathyā)
punaś ca darśitāṃs tena sālān sapta raghūttamaḥ / bāṇenaikena ciccheda sārdhaṃ tasyānuśaṅkayā // 94	anuṣṭubh (1,2: pathyā, 3,4: pathyā)
kiṣkindhāṃ prāpya sugrīvas tato rāmasamanvitaḥ / jagarjātīva saṃhṛṣṭaḥ kopayan vānarādhipam // 95	anuṣṭubh (1,2: pathyā, 3,4: pathyā)
vālī niṣkramya sugrīvaṃ samare 'pīḍayad bhṛśam / so 'pi saṃbhagnasarvāṅgaḥ prādravad rāghavāntikam // 96	anuṣṭubh (1,2: pathyā, 3,4: pathyā)
kṛtacihnas tu rāmeṇa punar eva sa vālinam / raṇāyāhvayata kṣipraṃ tasthau rāmas tirohitaḥ // 97	anuṣṭubh (1,2: pathyā, 3,4: pathyā)
hemamālī tato vālī tārayābhihitaṃ hitam / nirasya kupito bhrātrā raṇaṃ cakre sudāruṇam // 98	anuṣṭubh (1,2: pathyā, 3,4: pathyā)
bāṇena vālinaṃ rāmo viddhvā bhūmau nyapātayat / so 'pi rāma iti jñātvā tyaktvā dehaṃ divaṃ yayau // 99	anuṣṭubh (1,2: pathyā, 3,4: pathyā)
paścāt tapantaṃ sugrīvaṃ samāśvāsya raghūttamaḥ / vānarāṇām adhipatiṃ cakārāśritavatsalaḥ // 100	anuṣṭubh (1,2: ma-vipulā, 3,4: na-vipulā)
tato mālyavataḥ pṛṣṭhe rāmo lakṣmaṇasaṃyutaḥ / uvāsa caturo māsān sītāvirahaduḥkhitaḥ // 101	anuṣṭubh (1,2: pathyā, 3,4: pathyā)
atha rāmasya nirdeśāl lakṣmaṇo vānarādhipam / ānayat plavagaiḥ sārdhaṃ hanūmatpramukhair girim // 102	anuṣṭubh (1,2: pathyā, 3,4: pathyā)
sugrīvo rāghavaṃ dṛṣṭvā vacanāt tasya vānarān / nyayuṅkta sītām anveṣṭum āśāsu catasṛṣv api // 103	anuṣṭubh (1,2: pathyā, 3,4: ma-vipulā)
tato hanumataḥ pāṇau dadau rāmo 'ṅgulīyakam / viśvāsāya tu vaidehyās tad gṛhītvā sa niryayau // 104	anuṣṭubh (1,2: pathyā, 3,4: pathyā)
tato hanūmatpramukhā vānarā dakṣiṇāṃ diśam / gatvā sītāṃ vicinvantaḥ parvataṃ vindhyam āpnuvan // 105	anuṣṭubh (1,2: bha-vipulā, 3,4: pathyā)
samayātikramāt tatra cakruḥ prāyopaveśanam / te 'tra sampātinā proktāṃ sītāvārttāṃ ca śuśruvuḥ // 106	anuṣṭubh (1,2: pathyā, 3,4: pathyā)
tataḥ prāpur udanvantam aṅgadādyāḥ plavaṅgamāḥ / taṃ vilaṅghayituṃ teṣāṃ na kaś cid abhavat kṣamaḥ // 107	anuṣṭubh (1,2: pathyā, 3,4: pathyā)
svaprabhāvapraśaṃsābhis tadā jāmbavaduktibhiḥ / saṃvardhito mahendrādrim ārurohānilātmajaḥ // 108	anuṣṭubh (1,2: pathyā, 3,4: pathyā)
abhivandyātha sakalān amarān pavanātmajaḥ / pupluve ca gires tasmād vilaṅghayitum arṇavam // 109	anuṣṭubh (1,2: na-vipulā, 3,4: pathyā)
sa samullaṅghya mainākaṃ surasām abhivandya ca / nihatya siṃhikāṃ nītyā pāraṃ prāpa mahodadheḥ // 110	anuṣṭubh (1,2: pathyā, 3,4: pathyā)
laṅkādhidevatāṃ jitvā tāṃ praviśyānilātmajaḥ / sītāṃ vicinvann adrākṣīn nidrāṇaṃ niśi rāvaṇaṃ // 111	anuṣṭubh (1,2: pathyā, 3,4: ma-vipulā)
apaśyaṃs tatra vaidehīṃ vicinvānas tatas tataḥ / aśokavanikāṃ gatvā kāṃ cid ārtāṃ dadarśa saḥ // 112	anuṣṭubh (1,2: pathyā, 3,4: pathyā)
pādapaṃ kaṃ cid āruhya tatpalāśaiḥ susaṃvṛtaḥ / āste sma mārutis tatra sīteyam iti tarkayan // 113	anuṣṭubh (1,2: pathyā, 3,4: pathyā)
rāvaṇas tu tadābhyetya maithilīṃ madanārditaḥ / bhāryā bhava mamety evaṃ bahudhā samayācata // 114	anuṣṭubh (1,2: pathyā, 3,4: pathyā)
ahaṃ tvadvaśagā na syām ity eṣā taṃ nirākarot / kāmamanyuparītātmā rāvaṇo 'pi tadā yayau // 115	anuṣṭubh (1,2: pathyā, 3,4: pathyā)
nirgate rāvaṇe sītāṃ pralapantīṃ sa mārutiḥ / uktvā rāmasya vṛttāntaṃ pradadau cāṅgulīyakam // 116	anuṣṭubh (1,2: pathyā, 3,4: pathyā)
tat samādāya vaidehī vilapya ca bhṛśaṃ punaḥ / cūḍāmaṇiṃ dadau tasya kare jagrāha so 'pi tam // 117	anuṣṭubh (1,2: pathyā, 3,4: pathyā)
mā viṣādaṃ kṛthā devi rāghavo rāvaṇaṃ raṇe / hatvā tvāṃ neṣyatīty enām āśvāsya sa viniryayau // 118	anuṣṭubh (1,2: pathyā, 3,4: pathyā)
nītimān so 'pi saṃcintya babhañjopavanaṃ ca tat / akṣādīni ca rakṣāṃsi bahūni samare 'vadhīt // 119	anuṣṭubh (1,2: pathyā, 3,4: pathyā)
tataḥ śakrajitā yuddhe baddhaḥ pavananandanaḥ / pratāpaṃ raghunāthasya rāvaṇāya nyavedayat // 120	anuṣṭubh (1,2: pathyā, 3,4: pathyā)
rakṣodīpitalāṅgūlaḥ sa tu laṅkām aśeṣataḥ / dagdhvā sāgaram uttīrya vānarān samupāgamat // 121	anuṣṭubh (1,2: pathyā, 3,4: pathyā)
sa gatvā vānaraiḥ sākaṃ rāghavāyātmanā kṛtam / nivedayitvā sakalaṃ dadau cūḍāmaṇiṃ ca tam // 122	anuṣṭubh (1,2: pathyā, 3,4: bha-vipulā)
athāsaṃkhyaiḥ kapigaṇaiḥ sugrīvapramukhaiḥ saha / niryayau rāghavas tūrṇaṃ tīraṃ prāpa mahodadheḥ // 123	anuṣṭubh (1,2: na-vipulā, 3,4: pathyā)
tadā vibhīṣaṇo bhrātrā tyakto rāmam upāgamat / laṅkādhipatye 'bhyaṣiñcad enaṃ ramo 'rimardanaḥ // 124	anuṣṭubh (1,2: pathyā, 3,4: asamīcīna)
dattamārgaḥ samudreṇa tatra setuṃ nalena saḥ / kārayitvā tena gatvā suvelaṃ prāpa parvatam // 125	anuṣṭubh (1,2: pathyā, 3,4: ra-vipulā)
tato rāghavanirdiṣṭā nīlamukhyāḥ plavaṅgamāḥ / rurudhuḥ sarvato laṅkāṃ vṛkṣapāṣāṇapāṇayaḥ // 126	anuṣṭubh (1,2: pathyā, 3,4: pathyā)
rāvaṇasya niyogena nirgatān yudhi rākṣasān / prahastapramukhān hatvā nedus te siṃhavikramāḥ // 127	anuṣṭubh (1,2: pathyā, 3,4: pathyā)
sugrīvaś ca hanūmāṃś ca tathā rāghavalakṣmaṇau / rākṣasān subahūn yuddhe jaghnur bhīmaparākramāḥ // 128	anuṣṭubh (1,2: pathyā, 3,4: pathyā)
rāvaṇis tu tadābhyetya samare rāmalakṣmaṇau / nanāha nāgapāśena nāgāris tau vyamocayat // 129	anuṣṭubh (1,2: pathyā, 3,4: pathyā)
rāvaṇo 'pi tato yuddhe rāghaveṇa parājitaḥ / kumbhakarṇaṃ prabodhyāśu rāmaṃ hantuṃ nyayuṅkta ca // 130	anuṣṭubh (1,2: pathyā, 3,4: pathyā)
rakṣobhiḥ saha niryāya bhakṣayantaṃ plavaṅgamān / sahānugaṃ kumbhakarṇaṃ jaghānāśu sa rāghavaḥ // 131	anuṣṭubh (1,2: pathyā, 3,4: ra-vipulā)
indrajit punar apy ājau sānujaṃ ca raghūttamam / amohayad vānarāṃś ca brahmāstreṇāstrakovidaḥ // 132	anuṣṭubh (1,2: pathyā, 3,4: ra-vipulā)
tadaiva gatvā hanumān ānīyauṣadhiparvatam / tān sarvān bodhayitvāśu tatsthāne 'sthāpayac ca tam // 133	anuṣṭubh (1,2: bha-vipulā, 3,4: pathyā)
tato nikumbhilāṃ gatvā saumitriḥ savibhīṣaṇaḥ / niṣiddhyendrajito homaṃ saṃyuge taṃ jaghāna ca // 134	anuṣṭubh (1,2: pathyā, 3,4: pathyā)
tac chrutvā rāvaṇaḥ kruddho niryāya śaravṛṣṭibhiḥ / plavaṅgamān pīḍayitvā rāmeṇa yuyudhe bhṛśaṃ // 135	anuṣṭubh (1,2: pathyā, 3,4: ra-vipulā)
rāmo 'pi suciraṃ tena kṛtvā yuddhaṃ sudāruṇaṃ / brahmāstreṇa jaghānainaṃ brahmadattavaraṃ ripum // 136	anuṣṭubh (1,2: pathyā, 3,4: pathyā)
tadā śakrādayo devā hṛṣṭā rāvaṇanigrahāt / raghūttamasyottamāṅge puṣpavṛṣṭim akurvata // 137	anuṣṭubh (1,2: pathyā, 3,4: ra-vipulā)
rākṣasānām adhipatiṃ kṛtvā rāmo vibhīṣaṇam / agnipraveśasaṃśuddhāṃ parijagrāha maithilīm // 138	anuṣṭubh (1,2: na-vipulā, 3,4: pathyā)
purandaravareṇāśu jīvayitvā plavaṅgamān / atoṣayad raghuśreṣṭho vividhair dhanasaṃcayaiḥ // 139	anuṣṭubh (1,2: pathyā, 3,4: pathyā)
tataḥ puṣpakam āruhya sasītaḥ sahalakṣmaṇaḥ / niryayau vānaraiḥ sākaṃ rāmo rakṣo'dhipena ca // 140	anuṣṭubh (1,2: pathyā, 3,4: pathyā)
ayodhyāṃ praty asau gacchan preṣayitvānilātmajam / bharatasya mataṃ jñātvā nandigrāmam upāgamat // 141	anuṣṭubh (1,2: pathyā, 3,4: pathyā)
bhrātṛbhiḥ saha saṃgamya veṣaṃ saṃtyajya tāpasaṃ / ayodhyāṃ prāviśad rāmaḥ prītair bandhujanaiḥ saha // 142	anuṣṭubh (1,2: pathyā, 3,4: pathyā)
vasiṣṭho 'tha dvijaiḥ sākaṃ mantrisāmantasaṃnidhau / sītayā sahitaṃ rāmam abhyaṣiñcad yathāvidhi // 143	anuṣṭubh (1,2: pathyā, 3,4: pathyā)
āhlādayañ jagat sarvaṃ paurṇamāsyāṃ śaśī yathā / ayodhyām avasad rāmaḥ sītayā sahitaś ciram // 144	anuṣṭubh (1,2: pathyā, 3,4: pathyā)
tato vānarasaṃghāṃś ca bhakṣayantaṃ niśācaram / aindreṇāstreṇa rāmo 'pi nijaghāna raṇe bhṛśam // 6.9	anuṣṭubh (1,2: pathyā, 3,4: pathyā)
tato rāvaṇasaṃdiṣṭau devāntakanarāntakau / hanūmadaṅgadābhyāṃ tu nihatau raṇamūrdhani // 6.10	anuṣṭubh (1,2: pathyā, 3,4: pathyā)
athātikāyam āyāntaṃ ratham āruhya vāhinīm / ardayantaṃ mahākāyaṃ lakṣmaṇaś cāvadhīc charaiḥ // 6.11	anuṣṭubh (1,2: pathyā, 3,4: pathyā)
tato rāvaṇasaṃdiṣṭaḥ śakrajid rāghavau raṇe / brahmāstreṇa ca tau baddhvā vānarāṃś cāvadhīc charaiḥ // 6.12	anuṣṭubh (1,2: pathyā, 3,4: pathyā)
atha jāmbavato vākyād gatvā cauṣadhiparvatam / mārutiś cauṣadhīs tatrādṛṣṭvā kopaṃ cakāra saḥ // 6.13	anuṣṭubh (1,2: pathyā, 3,4: pathyā)
bhūdharaṃ taṃ samutpaṭya gṛhītvā punar āgataḥ / tāsāṃ gandhena vai sarvān rāghavādīn ajīvayat // 6.14	anuṣṭubh (1,2: pathyā, 3,4: pathyā)
rāvaṇaḥ kapibhir dagdhāṃ purīṃ vīkṣya ruṣānvitaḥ / nyayuṅkta kumbhakarṇasya putrau hantuṃ ca rāghavau // 6.15	anuṣṭubh (1,2: pathyā, 3,4: pathyā)
athārdayantau tat sainyaṃ vīkṣya tau balaśālinau / kumbhaṃ rāmo 'vadhīd bāṇair nikumbhaṃ cātmajo raveḥ // 6.16	anuṣṭubh (1,2: ma-vipulā, 3,4: pathyā)
tataḥ kharātmajaṃ tena rāvaṇena pracoditam / pīḍayantaṃ kapīn bāṇair jaghānāstreṇa rāghavaḥ // 6.17	anuṣṭubh (1,2: pathyā, 3,4: pathyā)
tataḥ saṃtaptahṛdayo rāvaṇo yuddhadurmadam / pracodayām āsa sutam yuddhe hantuṃ sa rāghavau // 6.18	anuṣṭubh (1,2: na-vipulā, 3,4: bha-vipulā)
nagarān niryayau tūrṇam indrajit samitiñjayaḥ / māyāsītāṃ vinikṣipya sarveṣāṃ mohanāya vai // 6.19	anuṣṭubh (1,2: pathyā, 3,4: pathyā)
vānareṣv api paśyatsu hanūmatpramukheṣu ca / jaghāna sītāṃ khaḍgena śitena samitiñjayaḥ // 6.20	anuṣṭubh (1,2: pathyā, 3,4: ma-vipulā)
yuddhaṃ tyaktvā tataḥ sarvair vānaraiḥ sa parīvṛtaḥ / duḥkhito hanumāṃs tatra yatra ramo 'vrajal laghu // 6.21	anuṣṭubh (1,2: pathyā, 3,4: asamīcīna)
upagamyābravīd rāmaṃ hanūmān nikhilaṃ tadā / śrutvā vṛttāntam akhilaṃ rāmo moham avāpa saḥ // 6.22	anuṣṭubh (1,2: pathyā, 3,4: na-vipulā)
vibhīṣaṇo 'tha saṃprāpya dṛṣṭvā rāmaṃ ca mūrchitam / viṣaṇṇān vānarān vācā sāntvayann idam abravīt // 6.23	anuṣṭubh (1,2: pathyā, 3,4: pathyā)
mithyā viṣādaṃ saṃtyajya jagannāyaka he prabho / śṛṇu me 'bhihitaṃ vākyaṃ jñātvā rāvaṇimānasam // 6.24	anuṣṭubh (1,2: ma-vipulā, 3,4: pathyā)
durātmanā kṛtā māyā rākṣasendrasutena vai / nikumbhilāyāṃ homaṃ tu kṛtaṃ tenādhunā kila // 6.25	anuṣṭubh (1,2: pathyā, 3,4: ma-vipulā)
lakṣmaṇaṃ preṣayādyaiva mayā saha samantriṇā / kṛte home tatra ripur ajeyo bhavati dhruvam // 6.26	anuṣṭubh (1,2: pathyā, 3,4: bha-vipulā (ma-gaṇa-pūrvikā!))
uvāca rāmaḥ saumitriṃ rākṣasendrasutaṃ jahi / gaccheti śīghraṃ suhṛdā rāvaṇasyānujena saḥ // 6.27	anuṣṭubh (1,2: ma-vipulā, 3,4: bha-vipulā)
lakṣmaṇas tu tadā rāmam āmantrya savibhīṣaṇaḥ / nikumbhilāṃ prāpa tūrṇam indrajid yatra vartate // 6.28	anuṣṭubh (1,2: pathyā, 3,4: ra-vipulā)
adarśayad bhrātṛputraṃ dharmātmā sa vibhīṣaṇaḥ / lakṣmaṇo bhedayām āsa rākṣasāñ śarasaṃcayaiḥ // 6.29	anuṣṭubh (1,2: ra-vipulā, 3,4: pathyā)
kṛtvā ciraṃ tatra yuddham aindreṇāstreṇa vai ruṣā / śiraś ciccheda saumitrir daśānanasutasya hi // 6.30	anuṣṭubh (1,2: ra-vipulā, 3,4: pathyā)
sa sutasya vadhaṃ śrutvā rāvaṇaḥ sokakarśitaḥ / naṣṭadhairyo vihvalāṅgo vilalāpākulendriyaḥ // 6.31	anuṣṭubh (1,2: pathyā, 3,4: ra-vipulā)
nirarthakaṃ tu majjanma jalpitaṃ ca nirarthakam / yenāham adya paśyāmi hatam indrajitaṃ raṇe // 6.32	anuṣṭubh (1,2: pathyā, 3,4: pathyā)
kva gato 'si hataḥ śūra mānuṣeṇa padātinā / rājyād bhraṣṭena dīnena tyaktvā māṃ putra jīvitam // 6.33	anuṣṭubh (1,2: pathyā, 3,4: pathyā)
indraṃ jitvā tu taṃ baddhvā laṅkām ānīya vai balāt / akaros tvaṃ pratāpena kārāgṛhanivāsinam // 6.34	anuṣṭubh (1,2: pathyā, 3,4: pathyā)
mocayām āsa brahmā tvāṃ sāntvayitvāmarādhipam / tādṛk tvaṃ kutra māṃ tyaktvā gato 'dya sudurāsadaḥ // 6.35	anuṣṭubh (1,2: asamīcīna, 3,4: pathyā)
kiṃ kariṣyāmy aham putra kva gacchāmi vadādhunā / naya māṃ yatra gantāsi tatra te na vilambanam // 6.36	anuṣṭubh (1,2: pathyā, 3,4: pathyā)
lokeṣu tvatsamo nāsti tādṛśasya pitāsmy aham / ityāśayā sthitaṃ putra garvitena mayātra hi // 6.37	anuṣṭubh (1,2: pathyā, 3,4: pathyā)
dhūmrākṣo vajradaṃṣṭraś ca kumbhakarṇaḥ pratāpavān / rākṣasā nihatāḥ sarve prahastapramukhā api // 6.38	anuṣṭubh (1,2: pathyā, 3,4: pathyā)
anādṛtya tu tān sarvān rākṣasān prahṛtān api / avaṣṭabhya balaṃ putra sukhenāvasthitaṃ tava // 6.39	anuṣṭubh (1,2: pathyā, 3,4: pathyā)
ity evaṃ bahudhā tatra vilapya sa tu rāvaṇaḥ / antarniyamya duḥkhāni kopaṃ cakre sudāruṇam // 6.40	anuṣṭubh (1,2: pathyā, 3,4: pathyā)
rathaṃ sūta mamāgre tvaṃ kṣipraṃ kuru jayaiṣiṇaḥ / rāmaṃ salakṣmaṇaṃ hantuṃ nirgamiṣyāmy ahaṃ gṛhāt // 6.41	anuṣṭubh (1,2: pathyā, 3,4: pathyā)
ity uktvā ratham āruhya śīghraṃ sārathivāhitam / rāmeṇa saha saṃgamya yuddhaṃ cakre sudāruṇam // 6.42	anuṣṭubh (1,2: pathyā, 3,4: pathyā)
tato mātalinānītaṃ ratham aindraṃ samāruhan / rarāja rāmo dharmātmā hy udayastho yathā raviḥ // 6.43	anuṣṭubh (1,2: pathyā, 3,4: ma-vipulā)
cakāra yuddham tumulaṃ devavṛnde ca paśyati / sītāharaṇajāt kopād rāmo dharmabhṛtāṃ varaḥ // 6.44	anuṣṭubh (1,2: bha-vipulā, 3,4: pathyā)
athāgastyasya vacanād rāvaṇaṃ lokakaṇṭakam / jaghāna rāmo lakṣmīvān brāhmeṇāstreṇa taṃ raṇe // 6.45	anuṣṭubh (1,2: na-vipulā, 3,4: ma-vipulā)
mandodarī vadhaṃ śrutvā bhartuḥ priyatarasya sā / vilalāpa raṇaṃ gatvā kurarīva bhṛśāturā // 6.46	anuṣṭubh (1,2: pathyā, 3,4: pathyā)
vibhīṣaṇo 'tha rāmeṇa saṃdiṣṭaḥ saha rākṣasaiḥ / cakāra dahanaṃ tasya rāvaṇasya gatāyuṣaḥ // 6.47	anuṣṭubh (1,2: pathyā, 3,4: pathyā)
athāgnivacanāt sītāṃ rāmo vīkṣya sunirmalām / saṃdiṣṭo devavṛndaiś ca jagrāha pitṛsaṃnidhau // 6.48	anuṣṭubh (1,2: pathyā, 3,4: pathyā)
tavaiva yuktaṃ karmaitat sarvalokabhayaṅkaram / tad vaidehyāḥ kṛte rāma sā tu lakṣmīr bhavān svabhūḥ // 6.49	anuṣṭubh (1,2: ma-vipulā, 3,4: pathyā)
ity evaṃ devasaṃghaiś ca munibhiś cābhipūjitaḥ / lakṣmaṇaś ca tutoṣātha rāmo viśvāsam āyayau // 6.50	anuṣṭubh (1,2: pathyā, 3,4: pathyā)
vibhīṣaṇasya dharmātmā satyasaṃdha udāradhīḥ / kārayām āsa lakṣmīvān anujenābhiṣecanam // 6.51	anuṣṭubh (1,2: pathyā, 3,4: pathyā)
tataḥ puṣpakam āruhya saha mitrair jagatpatiḥ / bhāryānujābhyāṃ sahitaḥ kiṣkindhāṃ prāpa rāghavaḥ // 6.52	anuṣṭubh (1,2: pathyā, 3,4: bha-vipulā)
kiṣkindhānilayāḥ sarvāḥ kapīnāṃ yoṣitaḥ priyāḥ / sītākutūhalāt puṣpaṃ vimānaṃ tāḥ samāruhan // 6.53	anuṣṭubh (1,2: pathyā, 3,4: pathyā)
atha dāśarathiḥ śrīmān bharataṃ draṣṭum icchayā / bharadvājāśramaṃ prāptas tatra tena nivāritaḥ // 6.54	anuṣṭubh (1,2: pathyā, 3,4: pathyā)
bharatasyāntikaṃ rāmaḥ preṣayām āsa mārutim / rāmasyādarśanād vahnipraveśaṃ kāṅkṣato bhṛśaṃ // 6.55	anuṣṭubh (1,2: pathyā, 3,4: pathyā)
tatra tena munīndreṇa sānujaḥ sasuhṛdgaṇaḥ / saṃtoṣavivaśenātha rāmo 'pi vidhipūjitaḥ // 6.56	anuṣṭubh (1,2: pathyā, 3,4: pathyā)
rāmo 'tha saha saṃgamya bharatenārighātinā / ayodhyāṃ prāviśat tūrṇaṃ mātṛbhiś cābhinanditaḥ // 6.57	anuṣṭubh (1,2: pathyā, 3,4: pathyā)
athāyodhyānivāsās te janāḥ sarve 'pi toṣitāḥ / abhigamyābruvan rāmaṃ dhanyā vayam iti drutam // 6.58	anuṣṭubh (1,2: pathyā, 3,4: pathyā)
cātakās tu ghanān dṛṣṭvā mayūrāś ca yathā śiśūn / āsādya mātaras toṣaṃ tathā prāpur janā bhuvi // 6.59	anuṣṭubh (1,2: pathyā, 3,4: pathyā)
athābhiṣekaṃ rāmasya vasiṣṭhādyā mudānvitāḥ / sahitā mantribhiś cakrur vasavo vāsavaṃ yathā // 6.60	anuṣṭubh (1,2: ma-vipulā, 3,4: pathyā)
abhiṣekotsave sarve sugrīvādyāḥ kapīśvarāḥ / yathārhaṃ pūjitāś cāsan sraggandhāmbarabhūṣaṇaiḥ // 6.61	anuṣṭubh (1,2: pathyā, 3,4: pathyā)
viśiṣya muktāhāreṇa sītayā hanumān mudam / pūjitaś ca tathā lebhe yathā sītāvalokane // 6.62	anuṣṭubh (1,2: ma-vipulā, 3,4: pathyā)
sarvāsāṃ vānarīṇāṃ ca kausalyā putravatsalā / bhūṣaṇair bhūṣayām āsa vastracandanakuṅkumaiḥ // 6.63	anuṣṭubh (1,2: pathyā, 3,4: pathyā)
rāmājñayātha sarve 'pi sugrīvādiplavaṅgamāḥ / kiṣkindhāṃ lebhire kṛcchrāc chrīrāmavirahāturāḥ // 6.64	anuṣṭubh (1,2: pathyā, 3,4: pathyā)
atibhakto dīrghajīvī laṅkāsamarasādhakaḥ / anujñātaḥ sa rāmeṇa laṅkāṃ prāyād vibhīṣaṇaḥ // 6.65	anuṣṭubh (1,2: ra-vipulā, 3,4: pathyā)
pituḥ siṃhāsanaṃ prāpya bhrātṛbhiḥ sahito 'naghaḥ / virarāja tathā rāmo yathā viṣṇus triviṣṭape // 6.66	anuṣṭubh (1,2: pathyā, 3,4: pathyā)
lakṣmaṇānumate rāmo yauvarājyaṃ tu dattavān / bharatāyāprameyāya prāṇāt priyatarāya saḥ // 6.67	anuṣṭubh (1,2: pathyā, 3,4: pathyā)
catvāras te mahātmānaḥ sabhāryā raghusattamāḥ / khe satāro yathā candras tathā rejuḥ svapattane // 6.68	anuṣṭubh (1,2: pathyā, 3,4: pathyā)
rājā paryagrahīd eva bhāryāṃ rāvaṇadūṣitām / ity ajñajanavādena rāmas tatyāja maithilīm // 145	anuṣṭubh (1,2: pathyā, 3,4: pathyā)
tad viditvātha vālmīkir ānīyaināṃ nijāśramam / antarvatnīṃ samāśvāsya tatraivāvāsayat sukham // 146	anuṣṭubh (1,2: pathyā, 3,4: pathyā)
ṛṣibhiḥ prārthitasyātha rāghavasya niyogataḥ / śatrughno lavaṇaṃ yuddhe nihatyainān apālayat // 147	anuṣṭubh (1,2: pathyā, 3,4: pathyā)
tapasyantaṃ tataḥ śūdraṃ śambūkākhyaṃ raghūttamaḥ / hatvā viprasya kasyāpi mṛtaṃ putram ajīvayat // 148	anuṣṭubh (1,2: pathyā, 3,4: pathyā)
rāme hemamayīṃ patnīṃ kṛtvā yajñaṃ vitanvati / ānīya sasutāṃ sītāṃ tasmai prācetaso dadau // 149	anuṣṭubh (1,2: pathyā, 3,4: pathyā)
śaṅkyamānā punaś caivaṃ rāmeṇa janakātmajā / bhūmyā prārthitayā dattaṃ vivaraṃ praviveśa sā // 150	anuṣṭubh (1,2: pathyā, 3,4: pathyā)
lakṣmaṇaḥ sabhayabhraṃśād rāmeṇa samupekṣitaḥ / mānuṣaṃ deham utsṛjya svakaṃ rūpaṃ samāviśat // 151	anuṣṭubh (1,2: pathyā, 3,4: pathyā)
atha rāmasya nirdeśāt pauraiḥ saha vanaukasaḥ / nimajjya sarayūtīrthe dehaṃ tyaktvā divaṃ yayuḥ // 152	anuṣṭubh (1,2: pathyā, 3,4: pathyā)
tato bharataśatrughnau nijaṃ rūpam avāpatuḥ / rāmo 'pi mānuṣaṃ dehaṃ tyaktvā dhāmāviśat svakam // 153	anuṣṭubh (1,2: pathyā, 3,4: pathyā)
śrīrāmodantam ākhyātam idaṃ mandadhiyā mayā / samīkṣya nipuṇaiḥ sadbhiḥ saṃśodhya parigṛhyatām // 154	anuṣṭubh (1,2: pathyā, 3,4: pathyā)
yeṣāṃ prasādād rāmasya caritaṃ kīrtitaṃ mayā / tān gurūn sarvadā naumi nārāyaṇaparāyaṇān // 155	anuṣṭubh (1,2: ma-vipulā, 3,4: pathyā)
yas tu dāśarathir bhūtvā raṇe hatvā ca rāvaṇam / rarakṣa lokān vaikuṇṭhaḥ sa māṃ rakṣatu cinmayaḥ // 156	anuṣṭubh (1,2: pathyā, 3,4: ma-vipulā)
samāptam: 0.087326s