pasuvaïṇo rosāruṇapaḍimāsaṃkaṃtagorimuhaaṃdam / gahiagghapaṃkaaṃ mia saṃjhāsalilaṃjaliṃ ṇamaha // 1	āryā (12, 18, 12, 15)
amiaṃ pāuakavvaṃ paḍhiuṃ souṃ ca je ṇa āṇaṃti / kāmassa tattatattiṃ kuṇaṃti te kaha ṇa lajjaṃti // 2	āryā (12, 18, 12, 15)
satta saāiṃ kaïvacchaleṇa koḍīa majjhaārammi / hāleṇa viraïāiṃ sālaṃkārāṇa gāhāṇaṃ // 3	āryā (12, 18, 12, 15)
ua ṇiccalaṇippaṃdā bhisiṇīvattammi rehaï valāā / nimmalamaragaabhāaṇapariṭṭhiā saṃkhasutti vva // 4	āryā (12, 18, 12, 15)
tāva ccia raïsamae mahilāṇaṃ vibbhamā virāaṃti / jāva ṇa kuvalaadalasacchahāi maülaṃti ṇaaṇāiṃ // 5	āryā (12, 18, 12, 15)
ṇohaliam appaṇo kiṃ ṇa maggase maggase kuravaassa / eaṃ khu suhaa tuha hasaï valiamuhapaṃkaaṃ jāā // 6	āryā (12, 18, 12, 15)
tāvijjaṃti asoehi laḍahavilaāu daïavirahammi / kiṃ sahaï ko vi kassa vi pāapahāraṃ pahuppaṃto // 7	āryā (12, 18, 12, 15)
attā taha ramaṇijjaṃ aṃhaṃ gāmassa maṃḍaṇīhūaṃ / luatilavāḍisaricchaṃ sisireṇakaaṃ bhisiṇisaṃḍaṃ // 8	āryā (12, 18, 12, 15)
kiṃ ruasi oṇaamuhī dhavalāaṃtesu sālichettesu / hariālamaṃḍiamuhī ṇaḍi vva saṇavāḍiā jāā // 9	āryā (12, 18, 12, 15)
sahi erisi ccia gaī mā ruvvasu taṃsavaliamuhaaṃdaṃ / eāṇa vālavāluṃkitaṃtukuḍilāṇa pemmāṇaṃ // 10	āryā (12, 18, 12, 15)
pāapaḍiassa païṇo puṭṭhiṃ putte samāruhaṃtammi / daḍhamaṇṇudūmiāi vihāso ghariṇīa ṇikkaṃto // 11	āryā (12, 18, 12, 15)
saccaṃ jāṇaï daṭṭhaṃ sarisammi jaṇammi jujjae rāo / maraü ṇa tumaṃ bhaṇissaṃ maraṇaṃ pi salāhanijjaṃ se // 12	āryā (12, 18, 12, 15)
raṃdhaṇakammaṇiuṇie mā jūrasu rattapāḍalasuaṃdhaṃ / muhamāruaṃ piaṃto dhūmāi sihī ṇa pajjalaï // 13	āryā (12, 18, 12, 15)
ghariṇīa mahāṇasakammalaggamasimaïlieṇa hattheṇa / chittaṃ muhaṃ hasijjaï caṃdāvatthaṃ gaaṃ païṇā // 14	āryā (12, 18, 12, 15)
kiṃ kiṃ de paḍihāsaï sahīhi ia pucchiāi muddhāe / paḍhamuggaadohaliṇīa ṇavara daïaṃ gaā diṭṭhī // 15	āryā (12, 18, 12, 15)
amaamaa gaaṇasehara raaṇīmukhatilaa caṃda de chivasu / chitto jehi jiaamo mamaṃ pi tehiṃ cia karehiṃ // 16	āryā (12, 18, 12, 15)
ehijja so paüttho ahaaṃ kuppejja so vi aṇuṇejja / ia kassa vi phalaï maṇoramāṇa mālā piaamammi // 17	āryā (12, 18, 12, 15)
duggaakuḍaṃvaaṭṭhī kaha ṇu mae dhoieṇa soḍhavvā / dasiosaraṃtasalileṇa uaha ruṇṇaṃ va paḍaeṇa // 18	āryā (12, 18, 12, 15)
kosaṃvakisalavaṇṇaa taṇṇaa uṇṇāmiehi kaṇṇehiṃ / hiaaṭṭhiaṃ gharaṃ vaccamāṇa dhavalattaṇaṃ pāva // 19	āryā (12, 18, 12, 15)
aliapasuttaa viṇimīliaccha de suhaa majjha oāsaṃ / gaṃḍapariuṃ vaṇāpulaïaṃga ṇa puṇo cirāissaṃ // 20	āryā (12, 18, 12, 15)
asamatta maṃḍaṇa ccia vacca gharaṃ se sakouhallassa / volāviahalahalaassa putti citte ṇa laggihisi // 21	āryā (12, 18, 12, 15)
āarapaṇāmioṭṭaṃ aghaḍiaṇāsaṃ asaṃhaaṇiḍālaṃ / vaṇṇaghialittamuhie tīe pariuṃvaṇaṃ bharimo // 22	āryā (12, 18, 12, 15)
āṇāsaāi deṃtī taha surae harisaviasiakavolā / gose vi oṇaamuhī aha se tti piaṃ ṇa saddhahimo // 23	āryā (12, 18, 12, 15)
piaviraho appiadaṃsaṇaṃ ca garuāi do vi dukkhāi / jīa tumaṃ kārijjasi tīa ṇamo āhijāīe // 24	āryā (12, 18, 12, 15)
ekko vi kālasāro ṇa dei gaṃtuṃ paāhiṇa calaṃto / kiṃ uṇa vāhāuliaṃ loaṇajualaṃ piaamāe // 25	āryā (12, 18, 12, 15)
ṇa kuṇaṃto ccia māṇaṃ ṇisāsu suhasuttadaravivuddhānaṃ / suṇṇaïapāsaparimusaṇaveaṇaṃ jaï si jānaṃto // 26	āryā (12, 18, 12, 15)
paṇaakuviāṇa doṇha vi aliapasuttāṇa māṇaïllāṇa / ṇiccalaṇiruddhaṇīsāsadiṇṇaaṇṇāṇa ko mallo // 27	āryā (12, 18, 12, 15)
ṇavalaïpaharaṃ aṃge jahiṃ jahiṃ mahaï dearo dāuṃ / romaṃca daṃdarāī tahiṃ tahiṃ dīsaï vahūe // 28	āryā (12, 18, 12, 15)
ajja mae teṇa viṇā aṇuhūasuhāi saṃbharaṃtīe / ahiṇavamehāṇa ravo ṇisāmio vajjhapaḍato vva // 29	āryā (12, 18, 12, 15)
ṇikkiva jāābhīrua duddaṃsaṇa ṇiṃvakīḍasāriccha / gāmo gāmaṇiṇaṃdaṇa tujjha kae taha vitaṇuāi // 30	āryā (12, 18, 12, 15)
paharavaṇamaggavisame jāā kiccheṇa lahaï se ṇiddaṃ / gāmaṇiuttassa ure pallī uṇa se suhaṃ suaï // 31	āryā (12, 18, 12, 15)
aha saṃbhāviamaggo suhaa tue ccea ṇavara ṇivvūḍho / eṇhiṃ hiae aṇṇaṃ aṇṇaṃ vāāi loassa // 32	āryā (12, 18, 12, 15)
uṇhāi ṇīsasaṃto kīsa maha paraṃmuhīa saaṇaddhe / hiaaṃ palīviuṃ aṇusaeṇa puṭṭhiṃ palīvesi // 33	āryā (12, 18, 12, 15)
tuha virahe ciraāraa tissā ṇivaḍaṃtavāhamaïleṇa / raïrahasiharadhaeṇa va muheṇa chāhi ccia ṇa pattā // 34	āryā (12, 18, 12, 15)
diarassa asuddhamaṇassa kulavahūṇiaakuḍḍalihiāi / diahaṃ kahei rāmāṇulaggasomitticariāiṃ // 35	āryā (12, 18, 12, 15)
cattaraghariṇī piadaṃsaṇā a taruṇī paütthavaïāa / asaī saajjiāduggaā a ṇaha khaṃḍiaṃ sīlaṃ // 36	āryā (12, 18, 12, 15)
tālūrabhamāulakhuḍiakesaro giriṇaīapūreṇa / daravuḍḍavuḍḍaṇivvuḍḍamahuaro hīlaï kalaṃvo // 37	āryā (12, 18, 12, 15)
ahiāimāṇiṇo duggaassa chāiṃ païssa rakkhaṃhī / ṇiavaṃdhavāṇa jūraï ghariṇī vihaveṇa eṃtāṇaṃ // 38	āryā (12, 18, 12, 15)
sāhīṇe vi piaame patte vi chaṇe ṇa maṃḍio appā / duggaapaütthavaïaṃ saajjiaṃ saṃṭhavaṃtīe // 39	āryā (12, 18, 12, 15)
tujjha vasaï tti hiaaṃ imehi diṭṭho tumaṃ ti acchīiṃ / tuha virahe kisiāi ti tīe aṃgāi vi piāiṃ // 40	āryā (12, 18, 12, 15)
sabbhāvaṇe habharie ratte rajjijjaï tti juttam iṇaṃ / aṇahiae uṇa hiaaṃ jaṃ dijjaï taṃ jaṇo hasaï // 41	āryā (12, 18, 12, 15)
āraṃbhaṃtassa dhuaṃ lacchī maraṇaṃ va hoi purisassa / taṃ maraṇam aṇāraṃbhe vi hoi lacchī uṇa ṇa hoi // 42	āryā (12, 18, 12, 15)
virahāṇalo sahijjaï āsāvaṃdheṇa vallahajaṇassa / ekkaggāmapavāso māe maraṇaṃ visesei // 43	āryā (12, 18, 12, 15)
akkhaḍaï piā hiae aṇṇaṃ mahilāaṇaṃ ramaṃtassa / diṭṭhe sarisammi guṇe sarisammi guṇe aīsaṃte // 44	āryā (12, 18, 12, 15)
ṇaïpūrasacchahe jovvaṇammi aïpavasiesudiahesu / aṇiattāsu a rāīsu putti kiṃ daḍḍhamāṇeṇa // 45	āryā (12, 18, 12, 15)
kallaṃ kira kharatiao pavasihaï pio tti suvvaï jaṇammi / taha vaḍḍha bhaavaï ṇise jaha se kallaṃ cia ṇa hoi // 46	āryā (12, 18, 12, 15)
hoṃtapahiassa jāā āucchaṇajīadhāraṇarahassaṃ / pucchaṃtī bhamaï gharaṃ ghareṇa piavirahasahirīo // 47	āryā (12, 18, 12, 15)
aṇṇamahilāpasaṃgaṃ de devva karesu amha daïassa / purisā ekkaṃtarasā ṇa hu dosaguṇe viāṇaṃti // 48	āryā (12, 18, 12, 15)
thoaṃ pi ṇa ṇīi imā majjhaṇhe ua sarīratalalukkā / āavabhaeṇa chāhī vi tā pahia kiṃ ṇa vīsamasī // 49	āryā (12, 18, 12, 15)
suhaücchaaṃ jaṇaṃ dullahaṃ pi dūrāhi amha āṇeṃta / uaāraa jara jīaṃ pi ṇeṃta ṇa kaāvarāhosi // 50	āryā (12, 18, 12, 15)
āma jaro me maṃdo ahava ṇa maṃdo jaṇassa kā tattī / suhaücchaa suhaa suaṃdhagaṃdha mā gaṃdhiriṃ chivasu // 51	āryā (12, 18, 12, 15)
sihipicchaluliakese vevaṃtoru viṇimīliaddhacchī / darapurisāini visamiri jāṇasu purisāṇa jaṃ dukkhaṃ // 52	āryā (12, 18, 12, 15)
pemmassa virohiasaṃdhiassa paccakkhadiṭṭhaviliassa / uaassa va tāviasīalassa viraso raso hoi // 53	āryā (12, 18, 12, 15)
vajjavaḍanāirikkaṃ païṇo soūṇa siṃjiṇīghosaṃ / pusiāi karimarīe sarivaṃdīṇaṃ pi acchīiṃ // 54	āryā (12, 18, 12, 15)
karimari aālagajjirajalaāsaṇivaḍaṇapaḍiravo eso / païṇo dhaṇurava kaṃkhiri romaṃcaṃ kiṃ muhā vahasi // 55	āryā (12, 18, 12, 15)
sahaï sahaï tti teṇa tahā ramiā suraaduvviaḍḍeṇa / pavvāasirīsāi va jaha se jāāi aṃgāiṃ // 56	āryā (12, 18, 12, 15)
agaṇiasesajuāṇā vālaa volīṇaloamajjāā / aha sā bhamaï disāmuhapasāriacchī tuha kaeṇa // 57	āryā (12, 18, 12, 15)
ajjaṃ cea paüttho ujjāgarao jaṇassa ajjea / ajjea haliddāpiṃjarāi golāi tūhāiṃ // 58	āryā (12, 18, 12, 15)
asarisacitte diare suddhamaṇā piaame visamasīle / ṇa kahaï kuḍuṃvavihaḍaṇabhaeṇa taṇuāae soṇhā // 59	āryā (12, 18, 12, 15)
ciṃtāṇiadaïasamāgamammi kaamaṇṇuāi bhariūṇa / suṇṇaṃ kalahā aṃtī sahīhi ruṇṇā ṇa ohasiā // 60	āryā (12, 18, 12, 15)
hiaaṇṇuehi samaaṃ asamattāiṃ pi jaha suhāveṃti / kajjāi maṇe ṇa tahā iarehi samāṇiāiṃ pi // 61	āryā (12, 18, 12, 15)
daraphuḍiasippisaṃpuḍaṇilukkahālāhalaggacheppaṇihaṃ / pikkaṃvaṭṭhiviṇiggaakomalam aṃvaṃkuraṃ uaha // 62	āryā (12, 18, 12, 15)
uaha paḍalaṃtaroiṇṇaṇiaataṃtuddhapāapaḍilaggaṃ / dullakkhasuttagutthekkavaülakusumaṃ va makkaḍaaṃ // 63	āryā (12, 18, 12, 15)
uaridaraḍiṭṭhakhaṇṇuaṇilukkapārāvaāṇa viruehiṃ / ṇitthaṇaï jāaviaṇaṃ sūlāhiṇṇaṃ va devaülaṃ // 64	āryā (12, 18, 12, 15)
jaï hosi ṇa tassa piā aṇudiahaṃ ṇīsahehi aṃgehiṃ / ṇavasūapīapeosamattapāḍi vva kiṃ suasi // 65	āryā (12, 18, 12, 15)
hemaṃtiāsu aïdīharāsu rāīsu taṃ si aviṇiddā / ciraarapaütthavaïe ṇa suṃdaraṃ jaṃ diā suasi // 66	āryā (12, 18, 12, 15)
jaï cikkhillabhaüppuapaam iṇam alasāi tuha pae diṇṇaṃ / tā suhaa kaṃḍaïjjaṃtam aṃgam eṇhiṃ kiṇo vahasi // 67	āryā (12, 18, 12, 15)
patto chaṇo ṇa sohaï aïppahāe vva puṇṇimāaṃdo / aṃtaviraso vva kāmo asaṃpaāṇo a parioso // 68	āryā (12, 18, 12, 15)
pāṇiggahaṇe ccia pavvaīa ṇāaṃ sahīhi sohaggaṃ / pasuvaïṇā vāsuikaṃkaṇammi osārie dūraṃ // 69	āryā (12, 18, 12, 15)
giṃhe davaggimasimaïliāi dīsaṃti viṃjhasiharāiṃ / āsasu paütthavaïe ṇa hoṃti ṇavapāusabbhāiṃ // 70	āryā (12, 18, 12, 15)
jettiamettaṃ tīraï ṇivvoḍhuṃ desu tettiaṃ paṇaaṃ / ṇa jaṇo viṇiattapasāadukkhasahaṇakkhamo savvo // 71	āryā (12, 18, 12, 15)
vahuvallahassa jā hoi vallahā kaha vi paṃca diahāiṃ / sā kiṃ chaṭṭhaṃ maggaï katto miṭṭhaṃ ca vahuaṃ ca // 72	āryā (12, 18, 12, 15)
jaṃ jaṃ so ṇijjhāaï aṃgoāsaṃ mahaṃ aṇimisaccho / pacchāemi a taṃ taṃ icchāmi a teṇa dīsaṃtaṃ // 73	āryā (12, 18, 12, 15)
daḍhamaṇṇudūmiāi vi gahio daïammi pechaha imīe / osaraï vāluāmuṭṭhio vva māṇo surasuraṃto // 74	āryā (12, 18, 12, 15)
ua pommarāamaragaasaṃvaliā ṇahaalāu oaraï / ṇahasirikaṃṭhabbhaṭṭha vva kaṃṭhiā kīrariṃcholī // 75	āryā (12, 18, 12, 15)
ṇa vi taha viesavāso doggaccaṃ maha jaṇei saṃtāvaṃ / āsaṃsiatthavimuho jaha paṇaïaṇo ṇiattaṃto // 76	āryā (12, 18, 12, 15)
khaṃdhaggiṇā vaṇesuṃ taṇehi gāmammi rakkhio pahio / ṇaaravasio ṇaḍijjaï sāṇusaeṇa vva sīeṇa // 77	āryā (12, 18, 12, 15)
bharimo se gahiāharadhuasīsapaholirālaāuliaṃ / vaaṇaṃ parimalataraliabhamarālipaïṇṇakamalaṃ va // 78	āryā (12, 18, 12, 15)
hallaphalaṇhāṇapasāhiāṇa chaṇavāsare savattīṇa / ajjāi majjaṇāṇāareṇa kahiaṃ va sohaggaṃ // 79	āryā (12, 18, 12, 15)
ṇhāṇahaliddābhariaṃtarāi jālāi jālavalaassa / sohaṃti kiliṃciakaṃṭaeṇa kaṃ kāhisi kaatthaṃ // 80	āryā (12, 18, 12, 15)
addaṃsaṇeṇa pemmaṃ avei aïdaṃsaṇeṇa vi avei / pisuṇajaṇakaṃpieṇa vi avei emea vi avei // 81	āryā (12, 18, 12, 15)
addaṃsaṇeṇa mahilāaṇassa aïdaṃsaṇeṇa ṇīassa / mukkhassa pisuṇaaṇajaṃpieṇa emea vi khalassa // 82	āryā (12, 18, 12, 15)
poṭṭapaḍiehi dukkhaṃ acchijjaï uṇṇaehi hoūṇa / ia ciṃtaṃtāṇa maṇe thaṇāṇa kasaṇaṃ muhaṃ jāaṃ // 83	āryā (12, 18, 12, 15)
so tujjha kae suṃdari taha jhīṇo sumahilo haliaütto / jaha se macchariṇīa vi doccaṃ jāāi paḍivaṇṇaṃ // 84	āryā (12, 18, 12, 15)
dakkhiṇṇeṇa vi eṃto suhaa suhāvesi aṃha hiaāiṃ / ṇikkaïaveṇa jāṇaṃ gao si kā ṇivvuī tāṇaṃ // 85	āryā (12, 18, 12, 15)
ekkaṃ paharugghāaṃ hatthaṃ muhamārueṇa vīaṃto / so vi hasaṃtīa mae gahio vīeṇa kaṃṭhammi // 86	āryā (12, 18, 12, 15)
avalaṃviamāṇaparaṃmuhīa eṃtassa māṇini piassa / puṭṭhipulaüggamo tuha kahei samuhaṭṭhiaṃ hiaaṃ // 87	āryā (12, 18, 12, 15)
jānaï jāṇāveuṃ aṇuṇaaviddaviamāṇaparisesaṃ / païrikkammi vi viṇaāvalaṃvaṇaṃ sa ccia kuṇaṃtī // 88	āryā (12, 18, 12, 15)
muhamārueṇa taṃ kaṇha goraaṃ rāhiāi avaṇeṃto / eāṇa vallavīṇaṃ aṇṇāṇa vi goraaṃ harasi // 89	āryā (12, 18, 12, 15)
kiṃ dāva kaā ahavā karesi kāhisi a suhaa ettāhe / avarāhāṇa alajjira sāhasu kaarā khamijjaṃti // 90	āryā (12, 18, 12, 15)
ṇūmaṃti je pahuttaṃ kuviaṃ dāsa vva je pasāaṃti / te ccia mahilāṇa piā sesā sāmi ccia varāā // 91	āryā (12, 18, 12, 15)
taïā kaaggha mahuara ṇa ramasi aṇṇāsu pupphajāīsu / vaddhaphalabhāragaruiṃ mālaïm eṇhiṃ pariccaasi // 92	āryā (12, 18, 12, 15)
aviaṇhapecchaṇijjeṇa takkhaṇaṃ māmi teṇa diṭṭheṇa / siviṇaapīeṇa va pāṇieṇa taṇha ccia ṇa phiṭṭā // 93	āryā (12, 18, 12, 15)
suaṇo jaṃ desam alaṃkarei taṃ cia karei pavasaṃto / gāmāsaṇṇummūlia mahāvaḍaṭṭhāṇasāricchaṃ // 94	āryā (12, 18, 12, 15)
so ṇāma saṃbharijjaï pabbhasio jo khaṇaṃ pi hiaāhi / saṃbhariavvaṃ ca kaaṃ gaaṃ ca pemmaṃ ṇirālaṃvaṃ // 95	āryā (12, 18, 12, 15)
ṇāsaṃ va sā kavoleajja vituha daṃtamaṃḍalaṃ vālā / ubbhiṇṇapulaavaïveḍhaparigaaṃ rakkhaï varāī // 96	āryā (12, 18, 12, 15)
diṭṭhā cūā agghāiā surā dakkhiṇāṇilo sahio / kajjāiṃ cia garuāi māmi ko vallaho kassa // 97	āryā (12, 18, 12, 15)
ramiūṇa paaṃ pi gao jāhe uvaūhiuṃ paḍiṇiutto / ahaaṃ paütthavaïa vva takkhaṇaṃ so pavāsi vva // 98	āryā (12, 18, 12, 15)
aviaṇhapecchaṇijjaṃ samasuhadukkhaṃ viiṇṇasabbhāvaṃ / aṇṇoṇṇahiaalaggaṃ puṇṇehi jaṇo jaṇaṃ lahaï // 99	āryā (12, 18, 12, 15)
dukkhaṃ deṃto vi suhaṃ jaṇei jo jassa vallaho hoi / daïaṇahadūmiāṇa vi vaḍḍhaï thaṇaāṇa romaṃco // 100	āryā (12, 18, 12, 15)
dhario dhario vialaï uvaeso piasahīhi dijjaṃto / maaraddhaavāṇapahārajajjare tīa hiaammi // 101	āryā (12, 18, 12, 15)
taḍasaṃṭhiaṇīḍekkaṃtapīluārakkhaṇekkadiṇṇamaṇā / agaṇiaviṇivāabhaā pūreṇa samaṃ vahaï kāī // 102	āryā (12, 18, 12, 15)
vahupupphabharoṇāmiabhūmīgaasāha suṇasu viṇṇattiṃ / golāaḍaviaḍakuḍaṃga mahua saṇiaṃ galijjāsu // 103	āryā (12, 18, 12, 15)
ṇippacchimāi asaī dukkhāloāi mahuapupphāiṃ / cīe vaṃdhussa va aṭṭhiāi ruarī samucciṇaï // 104	āryā (12, 18, 12, 15)
o hiaa maḍahasariājalaraahīraṃtadīhadāru vva / ṭhāṇe ṭhāṇe ccia laggamāṇa keṇā 'vi ḍajjhihisi // 105	āryā (12, 18, 12, 15)
jo tīa ahararāo rattiṃ uvvāsio piaameṇa / so ccia dīsaï gose savattiṇaaṇesu saṃkaṃto // 106	āryā (12, 18, 12, 15)
golāaḍaṭṭhiaṃ pecchiūṇa gahavaïsuaṃ haliasoṇhā / āḍhattā uttariuṃ dukkhuttārāi paavīe // 107	āryā (12, 18, 12, 15)
calaṇoāsaṇisaṇṇassa tassa bharimo aṇālavaṃtassa / pāaṃguṭṭhāveḍhiakesadaḍhāaḍḍhaṇasuhelliṃ // 108	āryā (12, 18, 12, 15)
phālei acchabhallaṃ va uaha kuggāmadeuladdāre / hemaṃtaālapahio vijjhāaṃtaṃ palālaggiṃ // 109	āryā (12, 18, 12, 15)
kamalāarā ṇa maliā haṃsā uḍḍāviā ṇa a piucchā / keṇa vi gāmataḍāe abbhaṃ uttāṇiaṃ chūḍhaṃ // 110	āryā (12, 18, 12, 15)
keṇa maṇe bhaggamaṇoraheṇa saṃlāviaṃ pavāso tti / savisāi va alasāaṃti jeṇa vahuāi aṃgāiṃ // 111	āryā (12, 18, 12, 15)
ajja vi vālo dāmoaro tti ia jaṃpie jasoāe / kaṇhamuhapesiacchaṃ ṇihuaṃ hasiaṃ vaavahūhiṃ // 112	āryā (12, 18, 12, 15)
te viralā sappurisā jāṇa siṇeho ahiṇṇamuharāo / aṇudiaha vaḍḍhamāṇo riṇaṃ va puttesu saṃkamaï // 113	āryā (12, 18, 12, 15)
ṇaccaṇasalāhaṇaṇiheṇa pāsaparisaṃṭhiā ṇiuṇagovī / sarigoviāṇa cuṃvaï kavolapaḍimāgaaṃ kaṇhaṃ // 114	āryā (12, 18, 12, 15)
savvattha disāmuhapasariehi aṇṇoṇṇakaḍaalaggehiṃ / challiṃ va muaï viṃjho mehehi visaṃghaḍaṃtehiṃ // 115	āryā (12, 18, 12, 15)
āloaṃti puliṃdā pavvaasiharaṭṭhiā dhaṇuṇisaṇṇā / hatthiulehi va viṃjhaṃ pūrijjaṃtaṃ ṇavabbhehiṃ // 116	āryā (12, 18, 12, 15)
vaṇadavamasimaïlaṃgo rehaï viṃjho ghaṇehi dhavalehiṃ / khīroamaṃthaṇucchaliaduddhasitto vva mahumahaṇo // 117	āryā (12, 18, 12, 15)
vaṃdīa ṇihaavaṃdhavavimaṇāi vi pakkalo tti corajuvā / aṇurāeṇa pulaïo guṇesu ko maccharaṃ vahaï // 118	āryā (12, 18, 12, 15)
ajja kaïmo vi diaho vāhavahū rūvajovvaṇummattā / sohaggaṃ dhaṇuruṃpacchaleṇa racchāsu vikkiraï // 119	āryā (12, 18, 12, 15)
ukkhippaï maṃḍalimārueṇa gehaṃgaṇāhi vāhīe / sohaggadhaavaḍāa vva uvaha dhaṇuruṃpariṃcholī // 120	āryā (12, 18, 12, 15)
gaagaṃḍatthalaṇihasaṇamaamaïlīkaakaraṃjasāhāhiṃ / eṃtīa kulagharāo ṇāaṃ vāhīa païmaraṇaṃ // 121	āryā (12, 18, 12, 15)
ṇavavahupemmatanuio paṇaaṃ paḍhamaghariṇīa rakkhaṃto / alihiaduppariallaṃ pi ṇei raṇṇaṃ dhaṇuṃ vāho // 122	āryā (12, 18, 12, 15)
hāsāvio jaṇo sāmalīa paḍhamaṃ pasūamāṇāe / vallahavāeṇa alaṃ mama tti vahuso bhaṇaṃtīe // 123	āryā (12, 18, 12, 15)
kaïavarahiaṃ pemmaṃ ṇa tthi ccia māmi māṇuse loe / aha hoi kassa viraho virahe hoṃtammi ko jiaï // 124	āryā (12, 18, 12, 15)
accheraṃ va ṇihiṃ miva sagge rajjaṃ va amaapāṇaṃ va / āsi mha taṃ muhuttaṃ viṇiaṃsaṇadaṃsaṇaṃ tissā // 125	āryā (12, 18, 12, 15)
sā tujjha vallahā taṃ si majjha veso si tīa tujjha ahaṃ / vālaa phuḍaṃ bhaṇāmo pemmaṃ kira vahuviāraṃ ti // 126	āryā (12, 18, 12, 15)
ahaaṃ lajjāluiṇī tassa a ummaccharāi pemmāiṃ / sahiāaṇo vi ṇiuṇo alāhi kiṃ pāarāeṇa // 127	āryā (12, 18, 12, 15)
mahumāsamāruāhaamahuarajhaṃkāraṇibbhare raṇṇe / gāi virahakhharāvaddhapahiamaṇamohaṇaṃ govī // 128	āryā (12, 18, 12, 15)
taha māṇo māṇadhaṇāi tīa emea dūram aṇuvaddho / jaha se aṇuṇīa pio ekkaggāma ccia paüttho // 129	āryā (12, 18, 12, 15)
sāloa ccia sūre ghariṇī gharasāmiassa ghettūṇa / ṇecchaṃtassa vi pāe dhuaï hasaṃtī hasaṃtassa // 130	āryā (12, 18, 12, 15)
vāharaü maṃ sahīo tissā gotteṇa kiṃ tha bhaṇieṇa / thirapemmā hou jahiṃ tahiṃ pi mā kiṃ pi ṇaṃ bhaṇaha // 131	āryā (12, 18, 12, 15)
rūaṃ acchīsu ṭhiaṃ phariso aṃgesu jaṃpiaṃ kaṇṇe / hiaaṃ hiae ṇihiaṃ vioiaṃ kiṃ tha devveṇa // 132	āryā (12, 18, 12, 15)
saaṇe ciṃtāmaïaṃ kāūṇa piaṃ ṇimīliacchīe / appāṇo uvaūḍho pasiḍhilavalaāhi vāhāhiṃ // 133	āryā (12, 18, 12, 15)
paribhūeṇa vi diahaṃ gharagharabhamireṇa aṇṇakajjammi / cirajīvieṇa imiṇā khavia mho ḍaḍḍhakāeṇa // 134	āryā (12, 18, 12, 15)
vasaï jahiṃ cea khalo posijjaṃto siṇehadāṇehiṃ / taṃ cea ālaaṃ dīvao vva aïreṇa maïlei // 135	āryā (12, 18, 12, 15)
hoṃtī vi ṇipphala ccia dhaṇariddhī hoi kiviṇapurisassa / gimhāavasaṃtattassa ṇiaachāhi vva pahiassa // 136	āryā (12, 18, 12, 15)
phurie vāmacchi tae jaï ehii so pio jja tā suiraṃ / sammīlia dāhiṇaaṃ tui aviaṇhaṃ puloissaṃ // 137	āryā (12, 18, 12, 15)
suṇahapaürammi gāme hiṃḍaṃtī tuha kaeṇa sā vālā / pāsaasāri vva gharaṃghareṇa kaïā vi khajjihaï // 138	āryā (12, 18, 12, 15)
aṇṇaṇṇaṃ kusumarasaṃ jaṃ kira so mahaï mahuaro pāuṃ / taṃ ṇīrasāṇa doso kusumāṇaṃ ṇea bhamarassa // 139	āryā (12, 18, 12, 15)
racchāpaïṇṇaṇaaṇuppalā tumaṃ sā paḍicchae eṃtaṃ / dāraṇihiehi dohi vi maṃgalakalasehi va thaṇehiṃ // 140	āryā (12, 18, 12, 15)
tā ruṇṇaṃ jā ruvvaï tā jhīṇaṃ jāva jhijjae aṃgaṃ / tā ṇīsasia varāīa jāva sāsā pahuppaṃti // 141	āryā (12, 18, 12, 15)
samasokkhadukkhaparivaḍḍhiāṇa kāleṇa rūḍhapemmāṇa / mihuṇāṇa maraï jaṃ taṃ khu jiaï iaraṃ muaṃ hoi // 142	āryā (12, 18, 12, 15)
harihii piassa ṇavacūapallavo paḍhamamaṃjarisaṇāho / mā ruasu putti patthāṇakalasamuhasaṃṭhio gamaṇaṃ // 143	āryā (12, 18, 12, 15)
jo kaha vi maha sahīhiṃ chiddaṃ lahiūṇa pesio hiae / so māṇo coriakāmuo vva diṭṭhe pie ṇaṭṭho // 144	āryā (12, 18, 12, 15)
sahiāhi bhaṇṇamāṇā thaṇae laggaṃ kusuṃbhaüpphaṃ ti / muddhavahuā hasijjaï papphoḍaṃtī ṇahavaāiṃ // 145	āryā (12, 18, 12, 15)
ummūleṃti va hiaaṃ imāi re tuha virajjamāṇassa / avahīraṇavasavisãṭhulavalaṃtaṇaaṇaddhadiṭṭhāiṃ // 146	āryā (12, 18, 12, 15)
ṇa muaṃti dīhasāse ṇa ruaṃti ciraṃ ṇa hoṃti kisiāo / dhaṇṇāu tāu jāṇaṃ vahuvallaha vallaho ṇa tumaṃ // 147	āryā (12, 18, 12, 15)
ṇiddālasaparighummirataṃsavalaṃtaddhatāraāloā / kāmassa vi duvvisahā diṭṭhiṇivāā sasimuhīe // 148	āryā (12, 18, 12, 15)
jīviasesāi mae gamiā kaha kaha vi pemmaduddolī / eṇhuṃ viramasu re ḍaḍḍha hiaa mā rajjasu kahiṃ pi // 149	āryā (12, 18, 12, 15)
ajjāi ṇavaṇahakkhaaṇirikkhaṇe garuajovvaṇuttuṃgaṃ / paḍimāgaaṇiaṇaaṇuppalacciaṃ hoi thaṇavaṭṭhaṃ // 150	āryā (12, 18, 12, 15)
taṃ ṇamaha jassa vacche lacchimuhaṃ kotthuhammi saṃkaṃtaṃ / dīsaï maaparihīṇaṃ sasiviṃvaṃ sūraviṃva vva // 151	āryā (12, 18, 12, 15)
mā kuṇa paḍivakkhasuhaṃ aṇuṇesu piaṃ pasāalohillaṃ / aïgahiagaruamāṇeṇa putti rāsi vva jhijjihisi // 152	āryā (12, 18, 12, 15)
virahakaravattadūsaha phālijjaṃtammi tīa hiaammi / aṃsū kajjalamaïlaṃ pamāṇasuttaṃ va paḍihāi // 153	āryā (12, 18, 12, 15)
duṇṇikkhevaam eaṃ puttaa mā sāhasaṃ karijjāsu / ettha ṇihittāi maṇe hiaāi puṇo ṇa labbhaṃti // 154	āryā (12, 18, 12, 15)
ṇivvuttaraā vi vahū suraavirāmaṭṭhiiṃ aāṇaṃtī / aviraahiaā aṇṇaṃ pi kiṃ pi atthi tti ciṃtei // 155	āryā (12, 18, 12, 15)
ṇaṃdaṃtu suraasuharasataṇhāvaharāi saalaloassa / vahukaïavamaggaviṇimmiāi vesāṇa pemmāiṃ // 156	āryā (12, 18, 12, 15)
appattamaṇṇudukkho kiṃ maṃ kisia tti pucchasi hasaṃto / pāvasi jā calacittaṃ piaṃ jaṇaṃ tā tuha kahissaṃ // 157	āryā (12, 18, 12, 15)
avahatthiūṇa sahijaṃpiāi jāṇaṃ kaeṇa ramio si / eāi tāi sokkhāi saṃsao jehi jīassa // 158	āryā (12, 18, 12, 15)
īsāluo paī se rattiṃ mahuaṃ ṇa dei ucceuṃ / uccei appaṇa ccia māe aïujjuasahāo // 159	āryā (12, 18, 12, 15)
acchoḍiavatthaddhaṃtapatthie maṃtharaṃ tumaṃ vacca / ciṃtesi thaṇaharāāsiassa majjhassa vi ṇa bhaṃgaṃ // 160	āryā (12, 18, 12, 15)
uddhaccho piaï jalaṃ jaha jaha viralaṃgulī ciraṃ pahio / pāvāliā vi taha taha dhāraṃ taṇuaṃ pi taṇuei // 161	āryā (12, 18, 12, 15)
bhicchaaro pecchaï ṇāhimaṃḍalaṃ sā vi tassa muhaaṃdaṃ / taṃ caṭṭuaṃ karaṃkaṃ doṇha vi kāā viluṃpaṃti // 162	āryā (12, 18, 12, 15)
jeṇa viṇā ṇa jivijjaï aṇuṇijjaï so kaāvarāho vi / patte vi ṇaaraḍāhe bhaṇa kassa ṇa vallaho aggī // 163	āryā (12, 18, 12, 15)
vaṃkaṃ ko pulaïjjaü kassa kahijjaü suhaṃ va dukkhaṃ va / keṇa samaṃ va hasijjaü pāmarapaüre haaggāme // 164	āryā (12, 18, 12, 15)
phalahīvāhaṇapuṇṇāhamaṃgalaṃ laṃgale kuṇaṃtīe / asaīa maṇorahagabbhiṇīa hatthā tharaharaṃti // 165	āryā (12, 18, 12, 15)
pahiullūraṇasaṃkāulāhi asaīhi vahalatimirassa / āippaṇeṇa ṇihuaṃ vaḍassa sittāi pattāiṃ // 166	āryā (12, 18, 12, 15)
bhaṃjaṃtassa vi tuha saggagāmiṇo ṇaïkaraṃjasāhāo / pāā ajja vi dhammia tuha kaha dharaṇiṃ cia chivaṃti // 167	āryā (12, 18, 12, 15)
acchaü dāva maṇaharaṃ piāi muhadaṃsaṇaṃ aïmahagghaṃ / taggāmachettasīmā vi jhatti diṭṭhā suhāvei // 168	āryā (12, 18, 12, 15)
ṇikkammāhi vi chettāhi pāmaro ṇea vaccae vasahiṃ / muapiajāāsuṇṇaïagehadukkhaṃ pariharaṃto // 169	āryā (12, 18, 12, 15)
jhaṃjhāvāuttiṇagharavivarapaloṭṭaṃtasaliladhārāhiṃ / kuḍḍalihiohidiahaṃ rakkhaï ajjā karaalehiṃ // 170	āryā (12, 18, 12, 15)
golāṇaīa kacche cakkhaṃto rāiāi pattāiṃ / upphaḍaï makkaḍo khokkhei a poṭṭaṃ ca piṭṭei // 171	āryā (12, 18, 12, 15)
gahavaïṇā muaseihaḍuṃḍumadāmaṃ ciraṃ vaheūṇa / vaggasaāiṃ ṇeūṇa ṇavari ajjāhare vaddhaṃ // 172	āryā (12, 18, 12, 15)
sihipehuṇāvaaṃsā vahuā vāhassa gavvirī bhamaï / gaamottiaraïapasāhaṇāṇa majjhe savattīṇa // 173	āryā (12, 18, 12, 15)
vaṃkacchipecchirīṇaṃ vaṃkullavirīṇa vaṃkabhamirīṇaṃ / vaṃkahasirīṇa puttaa puṇṇehi jaṇo pio hoi // 174	āryā (12, 18, 12, 15)
bhama dhammia vīsaddho so suṇaho ajja mārio teṇa / golāaḍaviaḍakuḍuṃgavāsiṇā dariasīheṇa // 175	āryā (12, 18, 12, 15)
vāerieṇa bhariaṃ acchiṃ kaṇṇaraïuppalaraeṇa / phukkaṃto aviaṇhaṃ cuṃvaṃto ko si devvāṇaṃ // 176	āryā (12, 18, 12, 15)
sahi dummeṃti kalaṃvāiṃ jaha maṃ taha ṇa sesakusumāiṃ / ṇūṇaṃ imesu diahesu vahaï guliādhaṇuṃ kāmo // 177	āryā (12, 18, 12, 15)
ṇā 'haṃ dūī ṇa tumaṃ pio tti ko amha ettha vāvāro / sā maraï tujjha aaso eaṃ dhammakkharaṃ bhaṇimo // 178	āryā (12, 18, 12, 15)
tīa muhāhi tuha muhaṃ tujjha muhāo a majjha calaṇammi / hatthāhatthīa gao aïdukkarakārao tilao // 179	āryā (12, 18, 12, 15)
sāmāi sāmalijjaï addhacchipaloirīa muhasohā / jaṃvūdalakaakaṇṇāvaaṃsabhamire haliaütte // 180	āryā (12, 18, 12, 15)
dūi tumaṃ cia kusalā kakkhaḍamaüāi jāṇase vottuṃ / kaṃḍūipaṃḍaraṃ jaha ṇa hoi taha taṃ karejjāsu // 181	āryā (12, 18, 12, 15)
mahilāsahassabharie tuha hiae suhaa sā amāaṃtī / diahaṃ aṇaṇṇakammā aṃgaṃ taṇuaṃ pi taṇuei // 182	āryā (12, 18, 12, 15)
khaṇamettaṃ pi ṇa phiṭṭaï aṇudiaha viiṇṇagaruasaṃtāvā / pacchaṇṇapāvasaṃka vva sāmalī majjha hiaāo // 183	āryā (12, 18, 12, 15)
aṇṇua ṇā 'haṃ kuviā uvaūhasu kiṃ muhā pasāesi / tuha maṇṇusamuppāeṇa majjha māṇeṇa vi ṇa kajjaṃ // 184	āryā (12, 18, 12, 15)
dīhuṇhapaüraṇīsāsapaavio vāhasalilaparisitto / sāhei sāmasavalaṃ va tīa aharo tuha vioe // 185	āryā (12, 18, 12, 15)
sarae mahaddahāṇaṃ aṃtosisirāi vāhiruṇhāiṃ / jāāi kuviasajjaṇahiaasaricchāi salilāiṃ // 186	āryā (12, 18, 12, 15)
āassa kiṃ ṇu kāhaṃ kiṃ vocchaṃ kaha ṇu hohii imaṃ ti / paḍhamuggaasāhasaāriāi hiaaṃ tharaharei // 187	āryā (12, 18, 12, 15)
ṇeurakoḍivilaggaṃ ciuraṃ daïassa pāapaḍiassa / hiaaṃ paütthamāṇaṃ ummoaṃti ccia kahei // 188	āryā (12, 18, 12, 15)
tujjha 'ṃgarāaseseṇa sāmalī taha khareṇa somārā / sā kira golātūhe ṇhāā jaṃvūkasāeṇa // 189	āryā (12, 18, 12, 15)
ajjaṃ cea paüttho ajjaṃ cia suṇṇaāi jāāiṃ / racchāmuhadeulacaccarāi amhaṃ ca hiaāiṃ // 190	āryā (12, 18, 12, 15)
ciriḍiṃ pi aāṇaṃtā loā loehi goravabbhahiā / soṇāratula vva ṇirakkharā vi khaṃdhehi vubbhaṃti // 191	āryā (12, 18, 12, 15)
āaṃvaṃtakavolaṃ khaliakkharajaṃpiriṃ phuraṃtoṭṭhiṃ / mā chivasu tti sarosaṃ samosaraṃtiṃ piaṃ bharimo // 192	āryā (12, 18, 12, 15)
golāvisamoāracchaleṇa appā urammi se mukko / aṇuaṃpāṇiddosaṃ teṇa vi sā gāḍham uvaūḥā // 193	āryā (12, 18, 12, 15)
sā taï sahatthadiṇṇaṃ ajja vi re suhaa gaṃdharahiaṃ pi / uvvasiaṇaaragharadevaa vva omāliaṃ vahaï // 194	āryā (12, 18, 12, 15)
kelīa vi rūseuṃ ṇa tīrae tammi cukkaviṇaammi / jāiaehi vi māe imehi avasehi aṃgehiṃ // 195	āryā (12, 18, 12, 15)
upphulliāi khelaü mā ṇaṃ vārehi hou parikhāmā / mā jahaṇabhāragaruī purisāaṃtī kilimmihaï // 196	āryā (12, 18, 12, 15)
paürajuāṇo gāmo mahumāso jovvaṇaṃ paī ṭhero / juṇṇasurā sāhīṇā asaī mā hou kiṃ maraü // 197	āryā (12, 18, 12, 15)
vahuso vi kahijjaṃtaṃ tuha vaaṇaṃ majjha hatthasaṃdiṭṭhaṃ / ṇa suaṃ ti jaṃpamāṇā puṇaruttasaaṃ kuṇaï ajjā // 198	āryā (12, 18, 12, 15)
pāaḍiaṇehasabbhāvaṇibbharaṃ tīa jaha tumaṃ diṭṭho / saṃvaraṇavāvaḍāe aṇṇo vi jaṇo taha ccea // 199	āryā (12, 18, 12, 15)
geṇhaha puloaha imaṃ pahasiavaaṇā païssa appei / jāā suapaḍhamubbhiṇṇadaṃtajualaṃkiaṃ voraṃ // 200	āryā (12, 18, 12, 15)
acchaü tā jaṇavāo hiaaṃ cia attaṇo tuha pamāṇaṃ / taha taṃ si maṃdaṇeho jaha ṇa uvālaṃbhajoggo si // 201	āryā (12, 18, 12, 15)
appacchaṃdapahāvira dullahalaṃbhaṃ jaṇaṃ vimaggaṃta / āāsavahehi bhamaṃta hiaa kaïā vi bhajjihisi // 202	āryā (12, 18, 12, 15)
ahava guṇa ccia lahuā ahavā guṇaaṇṇuo ṇa so loo / ahava mhi ṇigguṇā vā vahuguṇavaṃto jaṇo tassa // 203	āryā (12, 18, 12, 15)
phuṭṭaṃteṇa vi hiaeṇa māmi kaha ṇivvarijjae tammi / addāe paḍiviṃva vva jammi dukkhaṃ ṇa saṃkamaï // 204	āryā (12, 18, 12, 15)
pāsāsaṃkī kāo ṇe 'cchaï diṇṇaṃ pi pahiaghariṇīe / oṇattakaraaloaliavalaamajjhaṭṭhiaṃ piṃḍaṃ // 205	āryā (12, 18, 12, 15)
ohidiahāgamāsaṃkirīhi sahiāhi kuḍḍalihiāo / do tiṇṇi tahiṃ mia coriāi rehā pusijjaṃti // 206	āryā (12, 18, 12, 15)
tuha muhasāricchaṃ ṇa lahaï tti saṃpuṇṇamaṃḍalo vihiṇā / aṇṇamaaṃ va ghaḍeuṃ puṇo vi khaṃḍijjaï miaṃko // 207	āryā (12, 18, 12, 15)
ajjaṃ gao tti ajjaṃ gao tti ajjaṃ gao tti gaṇirīe / paḍhama ccia diahaddhe kuḍḍo rehāhi cittalio // 208	āryā (12, 18, 12, 15)
ṇa vi taha paḍhamasamāgamasuraasuhe pāvie vi parioso / jaha vīadiahasavilakkhalakkhie vaaṇakamalammi // 209	āryā (12, 18, 12, 15)
je samuhāgaavolaṃtavaliapiapesiacchivicchohā / aha maṇṇe maaṇasarā jaṇassa je hoṃti te hoṃtu // 210	āryā (12, 18, 12, 15)
iaro jaṇo ṇa pāvaï tuha jahaṇāruhaṇasaṃgamasuhelliṃ / aṇuhavaï kaṇaadoro huavahavaruṇāṇa māhappaṃ // 211	āryā (12, 18, 12, 15)
jo jassa vihavasāro taṃ so dei tti kiṃ tha accheraṃ / aṇahoṃtaṃ pi hu diṇṇaṃ dohaggaṃ taï savattīṇaṃ // 212	āryā (12, 18, 12, 15)
caṃdasarisaṃ muhaṃ se saraso amaassa muharaso tissā / sakaaggaharahasujjalacuṃvaṇaaṃ kassa sarisaṃ se // 213	āryā (12, 18, 12, 15)
uppaṇṇatthe kajje aïciṃtaṃto guṇāguṇe tammi / ciraālamaṃdapecchittaṇeṇa puriso haṇaï kajjaṃ // 214	āryā (12, 18, 12, 15)
vālaa tumāhi ahiaṃ ṇiaaṃ cia vallahaṃ mahaṃ jīaṃ / taṃ taï viṇā ṇa hoi tti teṇa kuviaṃ pasāemi // 215	āryā (12, 18, 12, 15)
pattia ṇa pattiaṃtī jaï tujjha ime ṇa majjha ruirīe / puṭṭhīa vāhaviṃdū pulaübbhee ṇa bhijjaṃtā // 216	āryā (12, 18, 12, 15)
taṃ mittaṃ kāavvaṃ jaṃ kira vasaṇammi desaālammi / ālihiabhittivāullaa vva ṇa paraṃmuhaṃ ṭhāi // 217	āryā (12, 18, 12, 15)
vahuāi ṇaïṇiuṃje paḍhamuggaasīlakhaṃḍaṇavilakkhaṃ / uḍḍei vihaṃgaülaṃ hāhā pakkhehi va bhaṇaṃtaṃ // 218	āryā (12, 18, 12, 15)
saccaṃ bhaṇāmi vālaa ṇa tthi asakkaṃ vasaṃtamāsassa / gaṃdheṇa kuruvaāṇaṃ maṇaṃ pi asaïttanaṃ ṇa gaā // 219	āryā (12, 18, 12, 15)
ekkekkamavaïveḍhaṇavivaraṃtaradiṇṇataralaṇaaṇāe / taï volaṃte vālaa paṃjarasaüṇāiaṃ tīe // 220	āryā (12, 18, 12, 15)
tā kiṃ kareu jaï taṃ si tīa vaïveḍhapelliathaṇīe / pāaṃguṭṭhaggukkhittaṇīsahaṃgīa vi ṇa diṭṭho // 221	āryā (12, 18, 12, 15)
piasaṃbharaṇapaloṭṭaṃtavāhadhārāṇivāabhīāe / dijjaï vaṃkaggīvāi dīvao pahiajāāe // 222	āryā (12, 18, 12, 15)
taï volaṃte vālaa tissā aṃgāi taha ṇu valiāiṃ / jaha puṭṭhimajjhaṇivaḍaṃtavāhadhārāu dīsaṃti // 223	āryā (12, 18, 12, 15)
tā majjhimo ccia varaṃ dujjaṇasuaṇehi dohi vi ṇa kajjaṃ / jaha diṭṭho tavaï khalo tahea suaṇo aīsaṃto // 224	āryā (12, 18, 12, 15)
addhacchipecchiaṃ mā karehi sāhāviaṃ paloehi / so vi sudiṭṭho hohii tumaṃ pi muddhā kalijjhihisi // 225	āryā (12, 18, 12, 15)
diahaṃ khuḍukkiāe tīe kāūṇa gehavāvāraṃ / garue vi maṇṇudukkhe bharimo pāaṃtasuttassa // 226	āryā (12, 18, 12, 15)
pāṇaüḍīa vi jaliūṇa huavaho jalaï jaṇṇavāḍammi / ṇa hu te parihariavvā visamadasāsaṃṭhiā purisā // 227	āryā (12, 18, 12, 15)
jaṃ tujjha saī jāā asaīo suhaa jaṃ ca amhe vi / tā kiṃ phuṭṭaü vīaṃ tujjha samāṇo juā ṇa tthi // 228	āryā (12, 18, 12, 15)
savvassammi vi ḍaḍḍhe taha vi hu hiaassa ṇivvui ccea / jaṃ tena gāmaḍāhe hatthāhatthiṃ kuḍo gahio // 229	āryā (12, 18, 12, 15)
jāejja vaṇuddese khujjo vi hu ṇīsaho siḍhilavatto / mā māṇusammi loe cāī rasio dariddo a // 230	āryā (12, 18, 12, 15)
tassa a sohaggaguṇaṃ amahilasarisaṃ ca sāhasaṃ majjha / jāṇaï golāūro vāsārattaddharatto a // 231	āryā (12, 18, 12, 15)
te voliā vaassā tāṇa kuḍuṃgāṇa khaṇṇuā sesā / amhe vi gaavaāo mūluccheaṃ gaaṃ pemmaṃ // 232	āryā (12, 18, 12, 15)
thaṇajahaṇaṇiaṃvovari ṇaharaṃkā gaavaāṇa vilaāṇaṃ / uvvasiāṇaṃgaṇivāsamūlavaṃdha vva dīsaṃti // 233	āryā (12, 18, 12, 15)
jassa jahiṃ cia paḍhamaṃ tissā aṃgammi ṇivaḍiā diṭṭhī / tassa tahiṃ cea ṭhiā savvaṃgaṃ keṇa vi ṇa diṭṭhaṃ // 234	āryā (12, 18, 12, 15)
virahe visaṃ va visamā amaamaā hoi saṃgame ahiaṃ / kiṃ vihiṇā samaaṃ cia dohiṃ pi piā viṇimmaviā // 235	āryā (12, 18, 12, 15)
addaṃsaṇeṇa puttaa suṭṭhu vi ṇehāṇuvaṃdhaghaḍiāiṃ / hatthaüḍapāṇiāi va kāleṇa galaṃti pemmāiṃ // 236	āryā (12, 18, 12, 15)
païpurao ccia ṇijjaï viṃchuaḍaṭṭhe 'ti jāravejjagharaṃ / ṇiuṇasahīkaradhariā bhuajualaṃdolirī vālā // 237	āryā (12, 18, 12, 15)
vikkiṇaï māhamāsaṃmi pāmaro pāriḍiṃ vaïlleṇa / ṇiddhūmamummure sāmalīa thaṇae ṇiacchaṃto // 238	āryā (12, 18, 12, 15)
saccaṃ bhaṇāmi maraṇe ṭhia mhi puṇṇe taḍammi tāvīe / ajja vi tattha kuḍuṃge ṇivaḍaï diṭṭhī taha ccea // 239	āryā (12, 18, 12, 15)
aṃdhaaravorapatthiṃ va māuā maha païṃ viluṃpaṃti / īsāaṃti maha ccia cheppāhiṃto phaṇo jāo // 240	āryā (12, 18, 12, 15)
appattapattaaṃ pāviūṇa ṇavaraṃgaaṃ haliasoṇhā / uaha taṇuī ṇa māaï ruṃdāsu vi gāmaracchāsu // 241	āryā (12, 18, 12, 15)
vakkhevaāi piajaṃpiāi parahiaaṇivvuiarāi / viralo hu jāṇaï jaṇo uppaṇṇe jaṃpiavvāiṃ // 242	āryā (12, 18, 12, 15)
chajjaï pahussa laliaṃ piāi māṇo khamā samatthassa / jāṇaṃtassa a bhaṇiaṃ moṇaṃ ca aāṇamāṇassa // 243	āryā (12, 18, 12, 15)
vevirasiṇṇakaraṃgulipariggahakkhalialegaṇīmagge / sotthi ccia ṇa samappaï piasahi lehammi kiṃ lihimo // 244	āryā (12, 18, 12, 15)
devvammi parāhutte pattia ghaḍiaṃ pi vihaḍaï ṇarāṇaṃ / kajjaṃ vāluavaraṇaṃ va kaha vi vaṃdhaṃ cia ṇa dei // 245	āryā (12, 18, 12, 15)
māmi hiaaṃ va pīaṃ teṇa juāṇeṇa majjamāṇāe / ṇhāṇahaliddākaḍuaṃ aṇusotta jalaṃ piaṃteṇa // 246	āryā (12, 18, 12, 15)
jiviaṃ asāsaaṃ cia ṇa ṇiattaï jovvaṇaṃ aïkkaṃtaṃ / diahā diahehi samā ṇa hoṃti kiṃ ṇiṭṭhuro loo // 247	āryā (12, 18, 12, 15)
uppāiadavvāṇa vi khalāṇa ko bhāaṇaṃ khalo ccea / pikkāi vi ṇiṃvaphalāi ṇavara kāehi khajjaṃti // 248	āryā (12, 18, 12, 15)
ajja mae gaṃtavvaṃ ghaṇaṃdhaāre vi tassa suhaassa / ajjā ṇimīliacchī paaparivāḍiṃ ghare kuṇaï // 249	āryā (12, 18, 12, 15)
suaṇo ṇa kuppaï ccia aha kuppaï vippiaṃ ṇa ciṃtei / aha ciṃtei ṇa jaṃpaï aha jaṃpaï lajjio hoi // 250	āryā (12, 18, 12, 15)
so attho jo hatthe taṃ mittaṃ jaṃ ṇiraṃtaraṃ vasaṇe / taṃ rūaṃ jattha guṇā taṃ viṇṇāṇaṃ jahiṃ dhammo // 251	āryā (12, 18, 12, 15)
caṃdamuhi caṃdadhavalā dīhā dīhacchi tuha vioammi / caüjāmā saajāma vva jāmiṇī kaha vi volīṇā // 252	āryā (12, 18, 12, 15)
aülīṇo domuhao tā mahuro bhoaṇaṃ muhe jāva / murao vva khalo jiṇṇammi bhoaṇe virasam ārasaï // 253	āryā (12, 18, 12, 15)
taha soṇhāi pulaïo daravaliāvaṃgatāraaṃ pahio / jaha vārio vi gharasāmieṇa āliṃdae vasio // 254	āryā (12, 18, 12, 15)
lahuaṃti lahuṃ purisaṃ pavvaamettaṃ pi do vi kajjāiṃ / ṇivvaraṇam aṇivvūḍhe ṇivvūḍhe jaṃ aṇivvaraṇaṃ // 255	āryā (12, 18, 12, 15)
kaṃ tuṃgathaṇukkhitteṇa putti dāraṭṭhiā paloesi / uṇṇāmiakalasaṇivesiagghakamaleṇa va muheṇa // 256	āryā (12, 18, 12, 15)
vaïvivaraṇiggaadalo eraṃḍo sāhaï vva taruṇāṇaṃ / ettha ghare haliavahū eddahamettatthaṇī vasaï // 257	āryā (12, 18, 12, 15)
gaakalahakuṃbhasaṃṇihaghaṇapīṇaṇiraṃtarehi tuṃgehiṃ / gūsasiuṃ pi ṇa tīraï kiṃ puṇa gaṃtuṃ haathaṇehiṃ // 258	āryā (12, 18, 12, 15)
māsapasūaṃ chammāsagabbhiṇiṃ ekkadiahajariaṃ ca / raṃguttiṇṇaṃ ca piaṃ puttaa kāmaṃtao hohi // 259	āryā (12, 18, 12, 15)
paḍivakkhamaṇṇupuṃje lāvaṇṇaüḍe aṇaṃgagaakuṃbhe / purisasaahiaadharie kīsa thaṇaṃtī thaṇe vahasi // 260	āryā (12, 18, 12, 15)
ghariṇīghaṇathaṇapellaṇasuhellipaḍiassa hoṃtapahiassa / avasaüṇaṃgāraavāraviṭṭhidiahā suhāveṃti // 261	āryā (12, 18, 12, 15)
sā tujjha kae vālaa aṇisaṃ gharadāratoraṇaṇisaṇṇā / osūsaï vaṃdaṇamālia vva diahaṃ cia varāī // 262	āryā (12, 18, 12, 15)
hasiaṃ sahatthatālaṃ sukkhavaḍaṃ uvagaehi pahiehiṃ / pattaaphalāṇa sarise uḍḍīṇe pūsaviṃdammi // 263	āryā (12, 18, 12, 15)
ajja mhi hāsiā māmi teṇa pāesu taha paḍaṃteṇa / tīe vi jalaṃtiṃ dīvavattim abbhuttaaṃtīe // 264	āryā (12, 18, 12, 15)
aṇuvattaṇaṃ kuṇaṃto vese vi jaṇe ahiṇṇamuharāo / appavaso vi hu suaṇo paravvaso āhiāīe // 265	āryā (12, 18, 12, 15)
aṇudiahavaḍḍhiāara viṇṇāṇaguṇehi jaṇiamāhappo / puttaa ahiāajaṇo virajjamāṇo vi dullakkho // 266	āryā (12, 18, 12, 15)
viṇṇāṇaguṇamahagghe purise vesattaṇaṃ pi ramaṇijjaṃ / jaṇaṇiṃdie uṇa jaṇe piattaṇeṇā 'vi lajjhāmo // 267	āryā (12, 18, 12, 15)
kaha ṇāma tīa taha so sahāvagaruo vi thaṇaharo paḍio / ahavā mahilāṇa ciraṃ ko vi ṇa hiaammi saṃṭhāi // 268	āryā (12, 18, 12, 15)
suanu vaaṇaṃ chivaṃtaṃ sūraṃ mā sāulīa vārehi / eassa paṃkaassa a jāṇaü kaaraṃ suhapphaṃsaṃ // 269	āryā (12, 18, 12, 15)
māṇosahaṃ va pijjaï piāi māṇaṃsiṇīa daïassa / karasaṃpuḍavaliuddhāṇaṇāi maïrāi gaṃḍūso // 270	āryā (12, 18, 12, 15)
kaha sā ṇivvaṇṇijjaü jīa jahāloiammi aṃgammi / diṭṭhī duvvalagāi vva paṃkapaḍiā ṇa uttaraï // 271	āryā (12, 18, 12, 15)
kīraṃti ccia ṇāsaï uae reha vva khalaaṇe mettī / sā uṇa suaṇammi kaā aṇahā pāhāṇareha vva // 272	āryā (12, 18, 12, 15)
avvo ukkaraāraa puṇo vi tattiṃ karesi gamaṇassa / ajja vi ṇa hoṃti saralā veṇīa taraṃgiṇo cihurā // 273	āryā (12, 18, 12, 15)
ṇa vi taha chearaāi vi haraṃti puṇaruttarāarasiāiṃ / jaha jattha va tattha va jaha va taha va sabbhāvaṇeharamiāiṃ // 274	gīti (12, 18, 12, 18)
ujjhasi piāi samaaṃ taha vi hu re bhaṇasu kīsa kisia tti / uaribhareṇa aāṇua muaï vaïllo vi aṃgāiṃ // 275	āryā (12, 18, 12, 15)
daḍhamūlavaddhagaṃṭhi vva moiā kaha vi teṇa me vāhū / amhehi vi tassa ure khutta vva samukkhaā thaṇaā // 276	āryā (12, 18, 12, 15)
aṇuṇaapasāiāe tujjha 'varāhe ciraṃ gaṇaṃtīe / apahuttohaahatthaṃgurīa ruṇṇaṃ varāīe // 277	āryā (12, 18, 12, 15)
seacchaleṇa pecchaha taṇue aṃgammi se amāaṃtaṃ / lāvaṇṇaṃ osaraï va tivalīsovāṇavaṃtīhiṃ // 278	āryā (12, 18, 12, 15)
devvāattammi phale kiṃ kīraü ettiaṃ puṇo bhaṇimo / kaṃkellipallavāṇaṃ ṇa pallavā hoṃti sāricchā // 279	āryā (12, 18, 12, 15)
dhuaï vva maakalaṃkaṃ kavolapaḍiassa māṇiṇī uaha / aṇavaraavāhajalabhariaṇaaṇakalasehi caṃdassa // 280	āryā (12, 18, 12, 15)
gaṃdheṇa appaṇo māliāṇa ṇomāliā ṇa phuṭṭihaï / aṇṇo ko vi haāsāi maṃsalo parimaluggāro // 281	āryā (12, 18, 12, 15)
phalasaṃpattīa samoṇaāi tuṃgāi phalavipattīe / hiaāi supurisāṇaṃ mahātarūṇaṃ va siharāiṃ // 282	āryā (12, 18, 12, 15)
āsāsei pariaṇaṃ parivattaṃtīa pahiajāāe / ṇitthāmuvvattaṇavaliahatthamuhalo valaasaddo // 283	āryā (12, 18, 12, 15)
tuṃgo ccia hoi maṇo maṇaṃsiṇo aṃtimāsu vi dasāsu / atthamaṇammi vi raïṇo kiraṇā uddhaṃ cia phuraṃti // 284	āryā (12, 18, 12, 15)
poṭṭaṃ bharaṃti saüṇā vi māuā appaṇo aṇuvviggā / vihaluddharaṇasahāvā huvaṃti jaï ke vi sappurisā // 285	āryā (12, 18, 12, 15)
ṇa viṇā sabbhāveṇaṃ gheppaï paramatthajāṇuo loo / ko juṇṇamaṃjaraṃ kaṃjieṇa veāriuṃ taraï // 286	āryā (12, 18, 12, 15)
raṇṇāu taṇaṃ raṇṇāu pāṇiaṃ savvado saaṃgāhaṃ / taha vi maāṇa maīṇa a āmaraṇaṃtāi pemmāiṃ // 287	āryā (12, 18, 12, 15)
tāvam avaṇei ṇa tahā caṃdaṇapaṃko vi kāmimihuṇāṇaṃ / jaha dūsahe vi gimhe aṇṇoṇṇāliṃgaṇasuhellī // 288	āryā (12, 18, 12, 15)
tuppāṇaṇā kiṇo acchasi tti paripucchiāi vahuāi / viuṇāveḍhiajahaṇatthalāi lajjoṇaaṃ hasiaṃ // 289	āryā (12, 18, 12, 15)
hiaa ccea vilīṇo ṇa sāhio jāṇiūṇa gharasāraṃ / vaṃdhavaduvvaaṇaṃ miva dohalao duggaavahūe // 290	āryā (12, 18, 12, 15)
dhāvaï vialiadhammillasicaasaṃjamaṇavāvaḍakaraggā / caṃḍilabhaavivalāaṃtaḍiṃbhaparimaggiṇī ghariṇī // 291	āryā (12, 18, 12, 15)
jaha jaha uvvahaï vahū ṇavajovvaṇamaṇaharāi aṃgāi / taha taha se taṇuāaï majjho daïo a paḍivakkho // 292	āryā (12, 18, 12, 15)
jaha jaha jarāpariṇao hoi paī duggao virūo vi / kulavāliāṇa taha taha ahiaaraṃ vallaho hoi // 293	āryā (12, 18, 12, 15)
eso māmi juāṇo vāraṃ vāreṇa jaṃ aḍaaṇāo / gimhe gāmekkavaḍodaaṃ va kiccheṇa pāvaṃti // 294	āryā (12, 18, 12, 15)
gāmavaḍassa piucchā āvaṃḍumuhāṇa paṃḍuracchāhaṃ / hiaeṇa samaṃ asaīṇa paḍaï vāāhaaṃ pattaṃ // 295	āryā (12, 18, 12, 15)
pecchaï aladdhalakkhaṃ dīhaṃ ṇīsasaï suṇṇaaṃ hasaï / jaha jaṃpaï aphuḍatthaṃ taha se hiaaṭṭhiaṃ kiṃ pi // 296	āryā (12, 18, 12, 15)
gahavaï gao mha saraṇaṃ rakkhasu eaṃ ti aḍaaṇā bhaṇiuṃ / sahasāgaassa turiaṃ païṇo ccia jāram appei // 297	āryā (12, 18, 12, 15)
hiaechiassa dijjaü taṇuāaṃtiṃ ṇa pecchaha piucchā / hiaechio mha katto bhaṇiuṃ mohaṃ gaā kuarī // 298	āryā (12, 18, 12, 15)
khiṇṇassa ure païṇo ṭhavei gimhāvaraṇharamiassa / ollaṃ galaṃtakusumaṃ ṇhāṇasuaṃdhaṃ cihurabhāraṃ // 299	āryā (12, 18, 12, 15)
aha sarasadaṃtamaṃḍalakavolapaḍimāgao maacchīe / aṃtosiṃdūriasaṃkhavattakaraṇiṃ vahaï caṃdo // 300	āryā (12, 18, 12, 15)
aha amha āao ajja kulaharāo tti cheṃchaī jāraṃ / sahasāgaassa turiaṃ païṇo kaṃṭhammi lāei // 301	āryā (12, 18, 12, 15)
pusiā kaṇṇāharaṇeṃdaṇīlakiraṇāhaā sasimaūhā / māṇiṇivaaṇammi sakajjalaṃsusaṃkāi daïeṇa // 302	āryā (12, 18, 12, 15)
eddahamettammi jae suṃdaramahilāsahassabharie vi / aṇuharaï ṇavara tissā vāmaddhaṃ dāhiṇaddhassa // 303	āryā (12, 18, 12, 15)
jaha jaha vāei pio taha taha ṇaccāmi caṃcale pemme / vallī valei aṃgaṃ sahāvathaddhe vi rukkhammi // 304	āryā (12, 18, 12, 15)
dukkhehi labbhaï pio laddho dukkhehi hoi sāhīṇo / laddho vi aladdho ccia jaï jaha hiaaṃ taha ṇa hoi // 305	āryā (12, 18, 12, 15)
avvo aṇuṇaasuhakaṃkhirīa akaaṃ kaaṃ kuṇaṃtīe / saralasahāvo vi pio aviṇaamaggaṃ valā ṇīo // 306	āryā (12, 18, 12, 15)
hatthesu a pāesu a aṃguligaṇaṇāi aïgaā diahā / eṇhiṃ uṇa keṇa gaṇijjaü tti bhaṇiuṃ ruaï muddhā // 307	āryā (12, 18, 12, 15)
kīramuhasacchahehiṃ rehaï vasuhā palāsakusumehiṃ / vuddhassa calaṇavaṃdaṇapaḍiehi va bhikkhusaṃghehiṃ // 308	āryā (12, 18, 12, 15)
jaṃ jaṃ pihulaṃ aṃgaṃ taṃ taṃ jāaṃ kisoari kisaṃ te / jaṃ taṃ taṇuaṃ taṃ taṃ pi ṇiṭṭhiaṃ kiṃ tha māṇeṇa // 309	āryā (12, 18, 12, 15)
ṇa guṇeṇa hīraï jaṇo hīraï jo jeṇa bhāvio teṇa / mottūṇa puliṃdā mottiāi guṃjāu geṇhaṃti // 310	āryā (12, 18, 12, 15)
laṃkālaāṇa puttaa vasaṃtamāsekkaladdhapasarāṇa / āpīalohiāṇaṃ vīhei jaṇo palāsāṇaṃ // 311	āryā (12, 18, 12, 15)
ghettūṇa cuṇṇamuṭṭhiṃ harisūsuiāi veamāṇāe / bhisiṇemi tti piaamaṃ hatthe gaṃdhodaaṃ jāaṃ // 312	āryā (12, 18, 12, 15)
puṭṭhiṃ pusasu kisoari paloharaṃkollapattacittaliaṃ / cheāhi diarajāāhi ujjue mā kalijjihisi // 313	āryā (12, 18, 12, 15)
acchīi tā thaïssaṃ dohi vi hatthehi tammi diṭṭhammi / aṃgaṃ kalaṃvakusumaṃ va pulaïaṃ kaha ṇu ḍhakkissaṃ // 314	āryā (12, 18, 12, 15)
jhaṃjhāvāuttiṇie gharammi roūṇa ṇīsahaṇisaṇṇaṃ / dāvei va gaavaïaṃ vijjujjoo jalaharāṇaṃ // 315	āryā (12, 18, 12, 15)
bhuṃjasu jaṃ sāhīṇaṃ katto loṇaṃ kugāmariddhammi / suhaa saloṇeṇa vi kiṃ teṇa siṇeho jahiṃ ṇatthi // 316	āryā (12, 18, 12, 15)
suhapucchiāi halio muhapaṃkaasurahipavaṇaṇivvaviaṃ / taha piaï paaïkaḍuaṃ pi osahaṃ jaha ṇa ṇiṭṭhāi // 317	āryā (12, 18, 12, 15)
aha sā tahiṃ tahiṃ vvia vāṇīravaṇammi cuvakasaṃkeā / tuha daṃsaṇaṃ vimaggaï pabbhaṭṭaṇihāṇaṭhāṇaṃ ca // 318	āryā (12, 18, 12, 15)
daḍharosakalusiassa vi suaṇassa muhāhi vippiaṃ kaṃto / rāhumuhammi vi sasiṇo kiraṇā amaaṃ via muaṃti // 319	āryā (12, 18, 12, 15)
avamānio vi ṇa tahā dummijjaï sajjaṇo vihavahīṇo / paḍikāuṃ asamattho māṇijjaṃto jaha pareṇa // 320	āryā (12, 18, 12, 15)
kalahaṃtare vi aviṇiggaāi hiaammi jaramuvagaāiṃ / suaṇakaāi rahassāi ḍahaï āukkhae aggī // 321	āryā (12, 18, 12, 15)
lumbīo aṃgaṇamāhavīṇa dāraggalāu jāāu / āsāso paṃthapaloaṇe vi piṭṭho gaavaīṇaṃ // 322	āryā (12, 18, 12, 15)
piadaṃsaṇasuharasamaüliāi jaï se ṇa hoṃti ṇaaṇāiṃ / tā keṇa kaṇṇaraïaṃ lakkhijjaï kuvalaaṃ tissā // 323	āryā (12, 18, 12, 15)
cikkhillakhuttahalamuhakaḍḍhaṇasiḍhile païmmi pāsutte / appattamohaṇasuhā ghaṇasamaaṃ pāmarī savaï // 324	āryā (12, 18, 12, 15)
dummeṃti deṃti sokkhaṃ kuṇaṃti aṇurāaaṃ ramāveṃti / araïraïvaṃdhavāṇaṃ ṇamo ṇamo maaṇavāṇāṇaṃ // 325	āryā (12, 18, 12, 15)
kusumamaā vi aïkharā aladdhaphaṃsā vi dūsahapaāvā / bhiṃdaṃtā vi raïarā kāmassa sarā vahuviappā // 326	āryā (12, 18, 12, 15)
īsaṃ jaṇeṃti dāveṃti mammahaṃ vippiaṃ sahāveṃti / virahe ṇa deṃti mariuṃ aho guṇā tassa vahumaggā // 327	āryā (12, 18, 12, 15)
ṇīāi ajja ṇikkiva piṇaddhaṇavaraṃgaāi varaīe / gharaparivāḍīa paheṇaāi tuha daṃsaṇāsāe // 328	āryā (12, 18, 12, 15)
sūijjaï hemaṃtammi duggao phuṃphuāsuaṃdheṇa / dhūmakavileṇa pariviralataṃtuṇā juṇṇapaḍaeṇa // 329	āryā (12, 18, 12, 15)
kharasippīrullihiāi kuṇaï pahio himāgamapahāe / āamaṇajalolliahatthaphaṃsamasiṇāi aṃgāiṃ // 330	āryā (12, 18, 12, 15)
ṇakkhukkhuḍiaṃ sahaāramaṃjariṃ pāmarassa sīsammi / vaṃdiṃ miva hīraṃtiṃ bhamarajuāṇā aṇusaraṃti // 331	āryā (12, 18, 12, 15)
sūracchaleṇa puttaa kassa tumaṃ aṃjaliṃ paṇāmesi / hāsakaḍakkhummissā ṇa hoṃti devāṇa jokkārā // 332	āryā (12, 18, 12, 15)
muhavijjhaviapaīvaṃ ṇiruddhasāsaṃ sasaṃkiullāvaṃ / savahasaarakkhioṭṭhaṃ coriaramiaṃ suhāvei // 333	āryā (12, 18, 12, 15)
geacchaleṇa bhariuṃ kassa tumaṃ ruasi ṇibbharukkaṃṭhaṃ / maṇṇupaḍiruddhakaṃṭhaddhaṇiṃtakhaliakkharullāvaṃ // 334	āryā (12, 18, 12, 15)
vahalatamāhaarāī ajja paüttho paī gharaṃ suṇṇaṃ / taha jaggesu saajjia ṇa jahā amhe musijjāmo // 335	āryā (12, 18, 12, 15)
saṃjīvaṇosahaṃ miva suassa rakkhaï aṇaṇṇavāvārā / sāsū ṇavabbhadaṃsaṇakaṃṭhāgaajīviaṃ soṇhaṃ // 336	āryā (12, 18, 12, 15)
ṇūṇaṃ hiaaṇihittāi vasasi jāāi amha hiaammi / aṇṇaha maṇorahā me sāhasu kaha tīa viṇṇāā // 337	āryā (12, 18, 12, 15)
taï suhaa aīsaṃte tissā acchīhi kaṇṇalaggehiṃ / diṇṇaṃ gholiravāhehi pāṇiaṃ daṃsaṇasuhāṇaṃ // 338	āryā (12, 18, 12, 15)
uppekkhāgaa tuha muhadaṃsaṇapaḍiruddhajīviāsāi / duhiāi mae kālo kettiametto vva ṇeavvo // 339	āryā (12, 18, 12, 15)
volīṇālakkhiarūajovvaṇā putti kaṃ ṇa dūmesi / diṭṭhā paṇaṭṭhaporāṇajaṇavaā jammabhūmi vva // 340	āryā (12, 18, 12, 15)
pariosaviasiehiṃ bhaṇiaṃ acchīhi teṇa jaṇamajjhe / paḍivaṇṇaṃ tīa vi uvvamaṃtaseehi aṃgehiṃ // 341	āryā (12, 18, 12, 15)
ekkakkamasaṃdesāṇurāavaḍḍhaṃtakouhallāiṃ / dukkhaṃ asamattamaṇorahāi acchaṃti mihuṇāiṃ // 342	āryā (12, 18, 12, 15)
jaï so ṇa vallaho ccia gottaggahaṇeṇa tassa sahi kīsa / hoi muhaṃ te raviaraphaṃsavisaṭṭaṃ va tāmarasaṃ // 343	āryā (12, 18, 12, 15)
māṇadumaparusapavaṇassa māmi savvaṃgaṇivvuiarassa / avaūhaṇassa bhaddaṃ raïṇāḍaapuvvaraṃgassa // 344	āryā (12, 18, 12, 15)
ṇiaāṇumāṇaṇīsaṃka hiaa de pasia virama ettāhe / amuṇiaparamatthajaṇāṇulagga kīsa mha lahuesi // 345	āryā (12, 18, 12, 15)
osahiajaṇo païṇā salāhamāṇeṇa aïciraṃ hasio / caṃdo tti tujjha vaaṇe viiṇṇakusumaṃjalivilakkho // 346	āryā (12, 18, 12, 15)
jhijjaṃtehi aṇudiṇaṃ paccakkhammi vi tumammi aṃgehiṃ / vālaa pucchijjaṃtī ṇa āṇimo kassa kiṃ bhaṇimo // 347	āryā (12, 18, 12, 15)
aṃgāṇaṃ taṇuāraa sikkhāvaa dīharoiavvāṇaṃ / viṇaāikkamaāraa mā mā ṇaṃ pamhasijjāsu // 348	āryā (12, 18, 12, 15)
aṇṇaha ṇa tīraï ccia parivaḍḍhaṃtagaruaṃ piaamassa / maraṇaviṇoeṇa viṇā viramāveuṃ virahadukkhaṃ // 349	āryā (12, 18, 12, 15)
vaṇṇaṃtīhi tuha guṇe vahuso amhehi chiṃchaīpurao / vālaa saam ea kao si dullaho kassa kuppāmo // 350	āryā (12, 18, 12, 15)
jāo so vi vilakkho mae vi hasiūṇa gāḍham uvaūḍho / paḍhamosariassa ṇiaṃsaṇassa gaṃṭhiṃ vimaggaṃto // 351	āryā (12, 18, 12, 15)
kaṃḍujjuā varāī ajja tae sā kaāvarāheṇa / alasāiaruṇṇaviaṃbhiāi diaheṇa sikkhaviā // 352	āryā (12, 18, 12, 15)
avarāhehi vi ṇa tahā pattia jaha maṃ imehi dummesi / avahatthiasabbhāvehi suhaa dakkhiṇṇabhaṇiehiṃ // 353	āryā (12, 18, 12, 15)
mā jūra piāliṃgaṇasarahasabhamirīṇa vāhulaïāṇaṃ / tuṇhikka paruṇṇenaṃ imiṇā māṇaṃsiṇi muheṇaṃ // 354	āryā (12, 18, 12, 15)
mā vacca pupphalāvira devā uaaṃjalīhi tūsaṃti / golāṇaīa puttaa sīlummūlāi kūlāiṃ // 355	āryā (12, 18, 12, 15)
vaaṇe vaaṇammi calaṃtasīsasuṇṇāvahāṇahuṃkāraṃ / sahi deṃtī ṇīsāsaṃtaresu kīsa mha dūmesi // 356	āryā (12, 18, 12, 15)
sabbhāvaṃ pucchaṃtī vālaa roāviā tuha piāe / ṇa tthi ccia kaasavahaṃ hāsummissaṃ bhaṇaṃtīe // 357	āryā (12, 18, 12, 15)
ettha mae ramiavvaṃ tīa samaṃ ciṃtiūṇa hiaeṇa / pāmarakaraseullā ṇivaḍaï tuvarī vavijjaṃtī // 358	āryā (12, 18, 12, 15)
gahavaïsuocciesu vi phalahīveṃṭesu uaha vahuāi / mohaṃ bhamaï pulaïo vilaggaseaṃgulī hattho // 359	āryā (12, 18, 12, 15)
ajjaṃ mohaṇasuhiaṃ mua tti mottuṃ palāie halie / daraphuḍiaveṃṭabhāroṇaāi hasiaṃ va phalahīe // 360	āryā (12, 18, 12, 15)
ṇīsāsukkaṃpiapulaïehi jāṇaṃti ṇacciuṃ dhaṇṇā / amhārisīhi diṭṭhe piammi appā vi vīsario // 361	āryā (12, 18, 12, 15)
taṇueṇa vi taṇuijjaï khīṇeṇa vi khijjae valā imiṇā / majjhattheṇa vi majjheṇa putti kaha tujjha paḍivakkho // 362	āryā (12, 18, 12, 15)
vāhi vva vejjarahio dhaṇarahio saaṇamajjhavāso vva / riuriddhidaṃsaṇaṃ miva dūsahaṇīo tuha vioo // 363	āryā (12, 18, 12, 15)
ko ttha jaammi samattho thaïuṃ vitthiṇṇaṇimmaluttuṃgaṃ / hiaaṃ tujjha ṇarāhiva gaaṇaṃ va paohare mottuṃ // 364	āryā (12, 18, 12, 15)
āaṇṇei aḍaaṇā kuḍuṃgaheṭṭhammi diṇṇasaṃkeā / aggapaapelliāṇaṃ mammaraaṃ juṇṇapattāṇaṃ // 365	āryā (12, 18, 12, 15)
ahileṃti surahiṇīsasiaparimalāvaddhamaṃḍalaṃ bhamarā / amuṇiacaṃdaparihavaṃ apuvvakamalaṃ muhaṃ tissā // 366	āryā (12, 18, 12, 15)
dhīrāvalaṃvirīa vi guruaṇapurao tumammi volīṇe / paḍio se acchiṇimīlaṇeṇa pamhaṭṭhio vāho // 367	āryā (12, 18, 12, 15)
bharimo se saaṇaparaṃmuhīa vialaṃtamāṇapasarāi / kaïavasuttuvvattaṇathaṇaalasappellaṇasuhelliṃ // 368	āryā (12, 18, 12, 15)
phaggucchavaṇiddosaṃ keṇa vi kaddamapasāhaṇaṃ diṇṇaṃ / thaṇaalasamuhapaloṭṭaṃtaseadhoaṃ kiṇo dhuasi // 369	āryā (12, 18, 12, 15)
kiṃ ṇa bhaṇio si vālaa gāmaṇidhūāi guruaṇasamakkhaṃ / aṇimisam īsīsi valaṃtavaaṇaṇaaṇaddhatiṭṭhehiṃ // 370	āryā (12, 18, 12, 15)
ṇaaṇabbhaṃtaragholaṃtavāhabharamaṃtharāi diṭṭhīe / puṇaruttapeccharīe vālaa kiṃ jaṃ ṇa bhaṇio si // 371	āryā (12, 18, 12, 15)
jo sīsammi viiṇṇo majjha juāṇehi gaṇavaī āsi / taṃ cia eṇhiṃ paṇamāmi haajare hohi saṃtuṭṭhā // 372	āryā (12, 18, 12, 15)
aṃtohuttaṃ ḍajjhaï jāāsuṇṇe ghare haliaütto / ukkhāaṇihāṇāi va ramiaṭṭhāṇāi pecchaṃto // 373	āryā (12, 18, 12, 15)
ṇiddābhaṃgo āvaṃḍurattaṇaṃ dīharā a ṇīsāsā / jāaṃti jassa virahe teṇa samaṃ kīriso māṇo // 374	āryā (12, 18, 12, 15)
teṇa ṇa marāmi maṇṇūhi pūriā ajja jeṇa re suhaa / taggaamaṇā maraṃtī mā tujjha puṇo vi laggissaṃ // 375	āryā (12, 18, 12, 15)
avarajjhasu vīsaddhaṃ savvaṃ te suhaa visahimo amhe / guṇaṇibbharammi hiae pattia dosā ṇa māaṃti // 376	āryā (12, 18, 12, 15)
bhariuccaraṃtapasariapiasaṃbharaṇapisuṇo varāīe / parivāho via dukkhassa vahaï ṇaaṇaṭṭhio vāho // 377	āryā (12, 18, 12, 15)
jaṃ jaṃ karesi jaṃ jaṃ jaṃpasi jaha jaha tumaṃ ṇiacchesi / taṃ tam aṇusikkhirīe dīho diaho ṇa saṃpaḍaï // 378	āryā (12, 18, 12, 15)
bhaṃḍaṃtīa taṇāiṃ sottuṃ diṇṇāi jāi pahiassa / tāi ccea pahāe ajjā āaḍḍhaï ruaṃtī // 379	āryā (12, 18, 12, 15)
vasaṇammi aṇuvviggā vihavammi agavviā bhae dhīrā / hoṃti ahiṇṇasahāvā samesu visamesu sappurisā // 380	āryā (12, 18, 12, 15)
ajja sahi keṇa gose kaṃ pi maṇe vallahaṃ bharaṃteṇa / amhaṃ maaṇasarāhaahiaavaṇapphoḍaṇaṃ gīaṃ // 381	āryā (12, 18, 12, 15)
uṭṭhaṃtamahāraṃbhe thaṇae daṭṭhūṇa muddhavahuāe / osaṇṇakavolāe ṇīsasiaṃ paḍhamaghariṇīe // 382	āryā (12, 18, 12, 15)
garuachuhāuliassa vi vallahakariṇīmuhaṃ bharaṃtassa / saraso muṇālakavalo gaassa hatthe ccia milāṇo // 383	āryā (12, 18, 12, 15)
pasia pie kā kuviā suaṇu tumaṃ paraaṇammi ko kovo / ko hu paro ṇāha tumaṃ kīsa aüṇṇāṇa me sattī // 384	āryā (12, 18, 12, 15)
ehisi tumaṃ ti ṇimisaṃ va jaggiaṃ jāmiṇīa paḍhamaddhaṃ / sesaṃ saṃtāvaparavvasāi varisaṃ va volīṇaṃ // 385	āryā (12, 18, 12, 15)
avalaṃvaha mā saṃkaha ṇa imā gahalaṃghiā paribbhamaï / atthakkagajjiubbhaṃtahitthahiaā pahiajāā // 386	āryā (12, 18, 12, 15)
kesararaavicchaḍḍe maaraṃdo hoi jettio kamale / jaï bhamara tettio aṇṇahiṃ pi tā sohasi bhamaṃto // 387	āryā (12, 18, 12, 15)
pecchaṃti aṇimisacchā pahiā haliassa piṭṭhapaṃḍuriaṃ / dhūaṃ duddhasamudduttaraṃtalacchiṃ via saaṇhā // 388	āryā (12, 18, 12, 15)
kassa bharasi tti bhaṇie ko me atthi tti jaṃpamāṇīe / uvviggaroirīe amhe vi ruāviā tīe // 389	āryā (12, 18, 12, 15)
pāapaḍiaṃ ahavve kiṃ dāṇi ṇa uṭṭhavesi bhattāraṃ / eaṃ cia avasāṇaṃ dūraṃ pi gaassa pemmassa // 390	āryā (12, 18, 12, 15)
taḍaviṇihiaggahatthā vāritaraṃgehi gholiraṇiaṃvā / sālūrī paḍiviṃve purisāaṃti vva paḍihāi // 391	āryā (12, 18, 12, 15)
sikkariamaṇiamuhaveviāi dhuahatthasiṃjiavvāi / sikkhaṃtu voḍahīo kusuṃbha tumhaṃ pasāeṇa // 392	āryā (12, 18, 12, 15)
jettiamettā racchā ṇiaṃva kaha tettio ṇa jāo si / jeṇa chivijjaï guruaṇalajjosario vi so suhao // 393	āryā (12, 18, 12, 15)
maragaasūīviddhaṃ va mottiaṃ piaï āaaggīvo / moro pāusaāle taṇaggalaggaṃ uaaviṃduṃ // 394	āryā (12, 18, 12, 15)
ajjāi ṇīlakaṃcuabhariuvvariaṃ vihāi thaṇavaṭṭaṃ / jalabhariajalaharaṃtaradaruggaaṃ caṃdaviṃvaṃ va // 395	āryā (12, 18, 12, 15)
rāaviruddhaṃ va kahaṃ pahio pahiassa sāhaï sasaṃkaṃ / jatto amvāṇa dalaṃ tatto daraṇiggaaṃ kiṃ pi // 396	āryā (12, 18, 12, 15)
dhaṇṇā tā mahilāo jā daïaṃ siviṇae vi pecchaṃti / ṇidda ccia teṇa viṇā ṇa ei kā pecchae siviṇaṃ // 397	āryā (12, 18, 12, 15)
parihariakaṇaakuṃḍalagaṃḍatthalamaṇaharesu savaṇesu / aṇṇua samaavaseṇaṃ parihijjaï tālaveṃṭajuaṃ // 398	āryā (12, 18, 12, 15)
majjhaṇhapatthiassa vi gimhe pahiassa haraï saṃtāvaṃ / hiaaṭṭhiajāāmuhamaaṃkajoṇhājalappavaho // 399	āryā (12, 18, 12, 15)
bhaṇa ko ṇa rūsaï jaṇo patthijjaṃto adesaālammi / raïvāvaḍā ruvaṃtaṃ piaṃ pi puttaṃ savaï māā // 400	āryā (12, 18, 12, 15)
ḍajjhasi ḍajjhasu kutthasi kutthasu aha phuḍasi hiaa tā phuḍasu / taha vi parisesio ccia so khu mae galiasabbhāvo // 401	āryā (12, 18, 12, 15)
daṭṭhūṇa raṃdatuṃḍaggaṇiggaaṃ ṇiasuassa dāḍhaggaṃ / bhoṃḍī viṇā vi kajjeṇa gāmaṇiaḍe jave caraï // 402	āryā (12, 18, 12, 15)
helākaraggakaḍḍhiajalarikkaṃ sāaraṃ paāsaṃto / jaaï aṇiggahavaḍavaggibhariagaaṇo gaṇāhivaī // 403	āryā (12, 18, 12, 15)
eeṇa ccia kaṃkelli tujjha taṃ ṇa tthi jaṃ ṇa pajjattaṃ / uvamijjaï jaṃ tuha pallaveṇa varakāmiṇīhattho // 404	āryā (12, 18, 12, 15)
rasia viaḍḍha vilāsia samaaṇṇua saccaaṃ asoo si / varajuvaïcalaṇakamalāhao vi jaṃ viasasi saaṇhaṃ // 405	āryā (12, 18, 12, 15)
valiṇo vāāvaṃhe cojjaṃ ṇiuṇattaṇaṃ ca paaḍaṃto / surasatthakaāṇaṃdo vāmaṇarūvo harī jaaï // 406	āryā (12, 18, 12, 15)
vijjhāvijjaï jalaṇo gahavaïdhūāi vitthaasiho vi / aṇumaraṇaghaṇāliṃgaṇapiaamasuhasijjiraṃgīe // 407	āryā (12, 18, 12, 15)
jāramasāṇasamubbhavabhūisuhapphaṃsasijjiraṃgīe / ṇa samappaï ṇavakāvāliṇīa uddhūlaṇāraṃbho // 408	āryā (12, 18, 12, 15)
ekko paṇhaaï thaṇo vīo pulaei ṇahamuhālihio / puttassa piaamassa a majjhaṇisaṇṇāi ghariṇīa // 409	āryā (12, 18, 12, 15)
ettāi ccia mohaṃ jaṇei vālattaṇe vi vaṭṭaṃtī / gāmaṇidhuā visalaa vva vaḍḍhiā kāhii aṇatthaṃ // 410	āryā (12, 18, 12, 15)
apahuppaṃtaṃ mahimaṃḍalammi ṇahasaṃṭhiaṃ ciraṃ hariṇo / tārāupphappaaraṃciaṃ va taïaṃ paaṃ ṇamaha // 411	āryā (12, 18, 12, 15)
suppaü taïo vi gao jāmo tti sahīu kīsa maṃ bhaṇaha / sehāliāṇa gaṃdho ṇa dei sottuṃ suaha tumhe // 412	āryā (12, 18, 12, 15)
kaha so ṇa saṃbharijjaï jo me taha saṃṭhiāi aṃgāiṃ / ṇivvattie vi surae ṇijjhāaï suraarasio vva // 413	āryā (12, 18, 12, 15)
sukkhaṃtavahalakaddamaghammavisūraṃtakamaḍhapāḍhīṇaṃ / diṭṭhaṃ aïṭṭhaüvvaṃ kāleṇa talaṃ taḍāassa // 414	āryā (12, 18, 12, 15)
coriaraasaddhāluṇi mā putti bhammasu aṃdhaārammi / ahiaaraṃ lakkhijjasi tamabharie dīvaasiha vva // 415	āryā (12, 18, 12, 15)
vāhittā paḍivaaṇaṃ ṇa dei rūsei ekkamekkassa / asaī kajjeṇa viṇā palippamāṇe ṇaīkacche // 416	āryā (12, 18, 12, 15)
āma asaï mha osara païvvae ṇa tuha maïliaṃ gottaṃ / kiṃ uṇa jaṇassa jāa vva caṃḍilaṃ tā ṇa kāmemo // 417	āryā (12, 18, 12, 15)
ṇiddaṃ lahaṃti kahiaṃ suṇaṃti khaliakkharaṃ ṇa jaṃpaṃti / jāhi ṇa diṭṭho si tumaṃ tāo ccia suhaa suhiāo // 418	āryā (12, 18, 12, 15)
vālaa tumāi diṇṇaṃ kaṇṇe kāūṇa vorasaṃghāḍiṃ / lajjāluiṇī vi vahū gharaṃ gaā gāmaracchāe // 419	āryā (12, 18, 12, 15)
aha so vilakkhahiao mae ahavvāi agahiāṇuṇao / paravajjaṇaccirīhiṃ tumhehi uvekkhio ṇiṃto // 420	āryā (12, 18, 12, 15)
dīsaṃto ṇaaṇasuho ṇivvudijaṇaṇo karehi vi chivaṃto / abbhatthio ṇa labbhaï caṃdo vva pio kalāṇilao // 421	āryā (12, 18, 12, 15)
je līṇabhamarabharabhaggagocchaā āsi ṇaïaḍucchaṃge / kāleṇa vaṃjulā piavaassa te khaṇṇuā jāā // 422	āryā (12, 18, 12, 15)
khaṇabhaṃgureṇa pemmeṇa māuā dūmia mhi ettāhe / siviṇaaṇihilaṃbheṇa va diṭṭhapaṇaṭṭheṇa loammi // 423	āryā (12, 18, 12, 15)
cāo sahāvasaralaṃ vicchuhaï saraṃ guṇammi ṇivaḍaṃtaṃ / vaṃkassa ujjuassa a saṃvaṃdho kiṃ ciraṃ hoi // 424	āryā (12, 18, 12, 15)
paḍhamaṃ vāmaṇavihiṇā pacchā hu kao viaṃbhamāṇeṇa / thaṇajualeṇa imīe mahumahaṇeṇa vva valivaṃdho // 425	āryā (12, 18, 12, 15)
mālaïkusumāi kuluṃciūṇa mā jāṇa ṇivvuo sisiro / kāavvā ajja vi ṇigguṇāṇa kuṃdāṇa sāmiddhī // 426	āryā (12, 18, 12, 15)
tuṃgāṇa visesaṇiraṃtarāṇa sarasavaṇaladdhasohāṇaṃ / kaakajjāṇa bhaḍāṇa va thaṇāṇa paḍaṇaṃ pi ramaṇijjaṃ // 427	āryā (12, 18, 12, 15)
parimalaṇasuhā garuā aladdhavivarā salakkhaṇāharaṇā / thaṇaā kavvālāa vva kassa hiae ṇa laggaṃti // 428	āryā (12, 18, 12, 15)
khippaï hāro thaṇamaṃḍalāhi taruṇīhi ramaṇapariraṃbhe / acciaguṇā vi guṇiṇo lahaṃti lahuattaṇaṃ kāle // 429	āryā (12, 18, 12, 15)
aṇṇo ko vi sahāvo vammahasihiṇo halā haāsassa / vijjhāi ṇīrasāṇaṃ hiae sarasāṇa pajjalaï // 430	āryā (12, 18, 12, 15)
taha tassa māṇaparivaḍḍhiassa cirapaṇaavaddhamūlassa / māmi paḍaṃtassa suo saddo vi ṇa pemmarukkhassa // 431	āryā (12, 18, 12, 15)
pāapaḍio ṇa gaṇio piaṃ bhaṇaṃto vi appiaṃ bhaṇio / vaccaṃto vi ṇa ruddho bhaṇa kassa kae kao māṇo // 432	āryā (12, 18, 12, 15)
pusaï khaṇaṃ dhuaï khaṇaṃ papphoḍaï takkhaṇaṃ aāṇaṃtī / muddhavahū thaṇavaṭṭe diṇṇaṃ daïeṇa ṇakkhavaaṃ // 433	āryā (12, 18, 12, 15)
vāsāratte uṇṇaapaohare jovvaṇe vva volīṇe / paḍhamekkakāsakusumaṃ dīsaï paliaṃ va dharaṇīe // 434	āryā (12, 18, 12, 15)
kattha gaaṃ raïviṃvaṃ kattha paṇaṭṭhāu caṃdatārāu / gaaṇe valāavaṃtiṃ kālo horaṃ va kaṭṭhei // 435	āryā (12, 18, 12, 15)
aviralapaḍaṃtaṇavajaladhārārajjughaḍiaṃ paatteṇa / apahutto ukkhiviuṃ rasaï va meho mahiṃ uaha // 436	āryā (12, 18, 12, 15)
o hiaa ohidiahaṃ taïā paḍivajjiūṇa daïassa / atthakkāula vīsaṃbhaghāi kiṃ taï samāḍhattaṃ // 437	āryā (12, 18, 12, 15)
jo vi ṇa āṇaï tassa vi kahei bhaggāi teṇa valaāiṃ / aïujjuā varāī ahava pio se haāsāe // 438	āryā (12, 18, 12, 15)
sāmāi garuajovvaṇavisesabharie kavolamūlammi / pijjaï ahomuheṇa va kaṇṇavaaṃseṇa lāvaṇṇaṃ // 439	āryā (12, 18, 12, 15)
seulliasavvaṃgī gottaggahaṇeṇa tassa suhaassa / dūiṃ appāheṃtī tassea gharaṃgaṇaṃ pattā // 440	āryā (12, 18, 12, 15)
jammaṃtare vi calaṇe jīeṇaṃ maaṇa tujjha accissaṃ / jaï taṃ pi teṇa vāṇeṇa vijjhase jeṇa haṃ viddhā // 441	āryā (12, 18, 12, 15)
ṇiavakkhāroviadehabhāraṇiuṇaṃ rasaṃ lahaṃteṇa / viasāviūṇa pijjaï mālaïkaliā mahuareṇa // 442	āryā (12, 18, 12, 15)
kuruṇāho via pahio dummijjaï māhavassa milieṇa / bhīmeṇa jahicchāe dāhiṇavāeṇa chippaṃto // 443	āryā (12, 18, 12, 15)
jāva ṇa kosaviāsaṃ pāvaï īsīsi mālaīkaliā / maaraṃdapāṇalohilla bhamara tāva ccia malesi // 444	āryā (12, 18, 12, 15)
akaaṇṇua tujjha kae pāusarāīsu jaṃ mae khuṇṇaṃ / uppekkhāmi alajjira ajja vi taṃ gāmacikkhillaṃ // 445	āryā (12, 18, 12, 15)
rehaï galaṃtakesakkhalaṃtakuṃḍalalalaṃtahāralaā / addhuppaïā vijjāhari vva purisāirī vālā // 446	āryā (12, 18, 12, 15)
jaï bhamasi bhamasu emea kaṇha sohaggagavviro goṭṭhe / mahilāṇaṃ dosaguṇe viāriuṃ jaï khamo si tumaṃ // 447	āryā (12, 18, 12, 15)
saṃjhāsamae jalapūriaṃjaliṃ vihaḍiekkavāmaaraṃ / gorīa kosapāṇujjaaṃ va pamahāhivaṃ ṇamaha // 448	āryā (12, 18, 12, 15)
gāmaṇiṇo savvāsu vi piāsu aṇumaraṇagahiavesāsu / mammaccheesu vi vallahāi uvariṃ valaï diṭṭhī // 449	āryā (12, 18, 12, 15)
māmi sarisakkharāṇa vi atthi viseso paaṃpiavvāṇaṃ / ṇehamaïāṇam aṇṇo aṇṇo uvarohamaïāṇaṃ // 450	āryā (12, 18, 12, 15)
hiaāhiṃto pasaraṃti jāi aṇṇāi tāi vaaṇāi / osarasu kiṃ imehiṃ aharaṃtaramettabhaṇiehiṃ // 451	āryā (12, 18, 12, 15)
kaha sā sohaggaguṇaṃ mae samaṃ vahaï ṇigghiṇa tumammi / jīa harijjaï ṇāmaṃ hariūṇa a dijjae majjha // 452	āryā (12, 18, 12, 15)
sahi sāhasu sabbhāveṇa pucchimo kiṃ asesamahilāṇaṃ / vaḍḍhaṃti karattha ccia valaā daïe paütthammi // 453	āryā (12, 18, 12, 15)
bhamaï parido visūraï ukkhiviuṃ se karaṃ pasārei / kariṇo paṃkakkhuttassa ṇehaṇialāviā kariṇī // 454	āryā (12, 18, 12, 15)
raïkelihiaṇiaṃsaṇakarakisalaaruddhaṇaaṇajualassa / ruddassa taïaṇaaṇaṃ pavvaïpariuṃviaṃ jaaï // 455	āryā (12, 18, 12, 15)
dhāvaï purao pāsesu bhamaï diṭṭhīpahammi saṃṭhāi / ṇavalaïkarassa tuha haliaütta de paharasu varāiṃ // 456	āryā (12, 18, 12, 15)
kārimam āṇaṃdavaḍaṃ bhāmijjaṃtaṃ vahūa sahiāhiṃ / pecchaï kumārijāro hāsummīsehi acchīhiṃ // 457	āryā (12, 18, 12, 15)
saṇiaṃ saṇiaṃ laliaṃgulīa maaṇavaḍalāaṇaṇiheṇa / vaṃdhaï dhavalavvaṇavaṭṭaaṃ va vaṇiāhare taruṇī // 458	āryā (12, 18, 12, 15)
raïviramalajjiāo appattaṇiaṃsaṇāu sahasa tti / ḍhakkaṃti piaamāliṃgaṇeṇa jahaṇaṃ kulavahūo // 459	āryā (12, 18, 12, 15)
pāaḍiaṃ sohaggaṃ taṃvāe uaha goṭṭhamajjhammi / duṭṭhavusahassa siṃge acchiuḍaṃ kaṃḍuaṃtīe // 460	āryā (12, 18, 12, 15)
ua saṃbhamavikkhittaṃ ramiavvaalaṃpaḍāi asaīe / ṇavaraṃgaaṃ kuḍaṃge dhaaṃ va diṇṇaṃ aviṇaassa // 461	āryā (12, 18, 12, 15)
hatthapphaṃseṇa jaraggavī vi paṇhaaï dohaaguṇeṇa / avaloiapaṇhuiriṃ puttaa puṇṇehi pāvihisi // 462	āryā (12, 18, 12, 15)
masiṇaṃ caṃkammaṃtī pae pae kuṇaï kīsa muhabhaṃgaṃ / ṇūṇaṃ se mehaliā jahaṇagaaṃ chivaï ṇahavaṃtiṃ // 463	āryā (12, 18, 12, 15)
saṃvāhaṇasuharasatosieṇa deṃteṇa tuha kare lakkhaṃ / calaṇeṇa vikkamāiccacariam anusikkhiaṃ tissā // 464	āryā (12, 18, 12, 15)
pāapaḍaṇāṇa muddhe rahasavalāmoḍicuṃviavvāṇaṃ / daṃsaṇamettapasaṇṇe cukkā si suhāṇa vahuāṇaṃ // 465	āryā (12, 18, 12, 15)
de suaṇu pasia eṇhiṃ puṇo vi sulahāi rūsiavvāiṃ / esā maacchi maalaṃchaṇujjalā galaï chaṇarāī // 466	āryā (12, 18, 12, 15)
āvaṇṇāi kulāiṃ do ccia jāṇaṃti uṇṇaïṃ ṇeuṃ / gorīa hiaadaïo ahavā sālāhaṇaṇariṃdo // 467	āryā (12, 18, 12, 15)
ṇikkhaṃdhadurārohaṃ puttaa mā pāḍaliṃ samāruhasu / ārūḍhaṇivaḍiā ke imīa ṇa kaā haāsāe // 468	āryā (12, 18, 12, 15)
gāmaṇigharammi attā ekka ccia pāḍalā ihaggāme / vahupāḍalaṃ ca sīsaṃ diarassa ṇa suṃdaraṃ eaṃ // 469	āryā (12, 18, 12, 15)
aṇṇāṇa vi hoṃti muhe pamhaladhavalāi dīhakasaṇāi / ṇaaṇāi suṃdarīṇaṃ taha vi hu daṭṭhuṃ ṇa āṇaṃti // 470	āryā (12, 18, 12, 15)
haṃsehi va tuha raṇajalaasamaabhaacaliavihalavakkhehiṃ / parisesiapommāsehi māṇasaṃ gammaï riūhiṃ // 471	āryā (12, 18, 12, 15)
duggaagharammi ghariṇī rakkhaṃtī āulattaṇaṃ païṇo / pucchiadohalasaddhā puṇo vi uaaṃ cia kahei // 472	āryā (12, 18, 12, 15)
āaṃvaloaṇāṇaṃ ollaṃsuapāaḍorujahaṇāṇaṃ / avaraṇhamajjirīṇaṃ kaeṇa kāmo vahaï cāvaṃ // 473	āryā (12, 18, 12, 15)
ke uvvariā ke iha ṇa khaṃḍiā ke ṇa luttaguruvihavā / ṇaharāi vesiṇīo gaṇaṇārehāu va vahaṃti // 474	āryā (12, 18, 12, 15)
viraheṇa maṃdareṇa va hiaaṃ duddhoahiṃ va mahiūṇa / ummūliāi avvo amhaṃ raaṇāi va suhāiṃ // 475	āryā (12, 18, 12, 15)
ujjuarae ṇa tūsaï vaṃkammi vi āamaṃ viappei / ettha ahavvāi mae pie piaṃ kaha ṇu kāavvaṃ // 476	āryā (12, 18, 12, 15)
vahuvihavilāsarasie surae mahilāṇa ko uvajjhāo / sikkhaï asikkhiāi vi savvo ṇehāṇuvaṃdheṇa // 477	āryā (12, 18, 12, 15)
vaṇṇavasie viatthasi saccaṃ cia so tue ṇa saṃbhavio / ṇa hu hoṃti tammi diṭṭhe sutthāvatthāi aṃgāiṃ // 478	āryā (12, 18, 12, 15)
āsaṇṇavivāhadiṇe ahiṇavavahusaṃgamussuamaṇassa / paḍhamaghariṇīa suraaṃ varassa hiae ṇa saṃṭhāi // 479	āryā (12, 18, 12, 15)
jaï loaṇiṃdiaṃ jaï amaṃgalaṃ jaï vi mukkamajjāaṃ / pupphavaïdaṃsaṇaṃ taha vi dei hiaassa ṇivvāṇaṃ // 480	āryā (12, 18, 12, 15)
jaï ṇa chivasi pupphavaïṃ purao tā kīsa vārio ṭhāsi / chitto si culaculaṃtehi dhāviūṇa ămha hatthehi // 481	āryā (12, 18, 12, 15)
ujjāgaraakasāiagaruacchī mohamaṃḍaṇavilakkhā / lajjaï lajjāluiṇī sā suhaa sahīṇa vi varāī // 482	āryā (12, 18, 12, 15)
ṇa vi taha aïgarueṇa vi tammaï hiae bhareṇa gabbhassa / jaha vivarīaṇihuaṇaṃ piammi soṇhā apāvaṃtī // 483	āryā (12, 18, 12, 15)
agaṇiajaṇāvavāaṃ avahatthiaguruaṇaṃ varāīe / tuha galiadaṃsaṇāsāi tīa valiuṃ ciraṃ ruṇṇaṃ // 484	āryā (12, 18, 12, 15)
hiaaṃ hiae ṇihiaṃ cittālihia vva tuha muhe diṭṭhī / āliṃgaṇarahiāiṃ ṇavaraṃ jhijjaṃti aṃgāiṃ // 485	āryā (12, 18, 12, 15)
ahaaṃ vioataṇuī dusaho virahāṇalo calaṃ jīaṃ / appāhijjaü kiṃ sahi jāṇasi taṃ cea jaṃ juttaṃ // 486	āryā (12, 18, 12, 15)
tuha virahujjāgarao siviṇe vi ṇa dei daṃsaṇasuhāi / vāheṇa pahāloaṇaviṇoaṇaṃ se haaṃ taṃ pi // 487	āryā (12, 18, 12, 15)
aṇṇāvarāhakuvio jaha taha kāleṇa gacchaï pasāaṃ / vesattaṇāvarāhe kuviaṃ kaha taṃ pasāemi // 488	āryā (12, 18, 12, 15)
dīsasi piāi jaṃpasi sabbhāvo suhaa ettio ccea / phāleiūṇa hiaaṃ sāhasu ko dāvae kassa // 489	āryā (12, 18, 12, 15)
uaaṃ lahiuṃ uttāṇiāṇaṇā hoṃti ke vi savisesaṃ / rittā ṇamaṃti suiraṃ rahaṭṭaghaḍia vva kāpurisā // 490	āryā (12, 18, 12, 15)
bhaggapiasaṃgamaṃ kettiaṃ va joṇhājalaṃ ṇahasarammi / caṃdaarapaṇālaṇijharaṇivahapaḍaṃtaṃ ṇa ṇiṭṭhāi // 491	āryā (12, 18, 12, 15)
suṃdarajuāṇajaṇasaṃkule vi tuha daṃsaṇaṃ vimaggaṃtī / raṇṇe va bhamaï diṭṭhī varāiāe samuvviggā // 492	āryā (12, 18, 12, 15)
aïkovaṇā vi sāsū ruāviā gaavaīa soṇhāe / pāapaḍanoṇaāe dosu vi galiesu valaesu // 493	āryā (12, 18, 12, 15)
rovaṃti vva araṇṇe dūsaharaïkiriṇaphaṃsasaṃtattā / aïtārajhilliviruehi pāavā gimhamajjhaṇhe // 494	āryā (12, 18, 12, 15)
paḍhamaṇilīṇamahuramahulohillāliulavaddhajhaṃkāraṃ / ahimaarakiraṇaṇiuruṃvacuṃviaṃ dalaï kamalavaṇaṃ // 495	āryā (12, 18, 12, 15)
gottakkhalaṇaṃ soūṇa piaame ajja tīa chaṇadiahe / vajjhamahisassa māla vva maṃḍaṇaṃ uaha paḍihāi // 496	āryā (12, 18, 12, 15)
mahamahaï malaavāo attā vārei maṃ gharā ṇiṃtiṃ / aṃkollaparimaleṇa vi jo kkhu muo so muo ccea // 497	āryā (12, 18, 12, 15)
muhapecchao paī se sā vi hu savisesadaṃsaṇummaïā / do vi kaatthā puhaïṃ amahilapurisaṃ va maṇṇaṃti // 498	āryā (12, 18, 12, 15)
khemaṃ katto khemaṃ jo so khujjaṃvao gharaddāre / tassa kira matthaāo ko vi aṇattho samuppaṇṇo // 499	āryā (12, 18, 12, 15)
rasiajaṇahiaadaïe kaïvacchalapamuhasukaïṇimmaïe / sattasaammi samattaṃ paṃcamagāhāsaaṃ eaṃ // 500	āryā (12, 18, 12, 15)
āucchaṇavicchāaṃ jāāi muhaṃ ṇiacchamāṇeṇa / pahieṇa soaṇialāvieṇa gaṃtuṃ cia ṇa iṭṭhaṃ // 501	āryā (12, 18, 12, 15)
sūīvehe musalaṃ vicchuhamāṇeṇa ḍaḍḍhaloeṇa / ekkaggāme vi pio samehi acchīhi vi ṇa diṭṭho // 502	āryā (12, 18, 12, 15)
ajjaṃ pi dāva ekkaṃ mā maṃ vārehi piasahi ruaṃtiṃ / kalliṃ uṇa tammi gae jaï ṇa muā tā ṇa roissaṃ // 503	āryā (12, 18, 12, 15)
ehi tti vāharaṃtammi piaame uaha oṇaamuhīe / viuṇāveḍhiajahaṇatthalāi lajjoṇaaṃ hasiaṃ // 504	āryā (12, 18, 12, 15)
māresi kaṃ ṇa muddhe imeṇa rattaṃtatikkhavisameṇa / bhulaācāvaviṇiggaatikkhaaraddhacchibhalleṇa // 505	āryā (12, 18, 12, 15)
tuha daṃsaṇe saaṇhā saddaṃ soūṇa ṇiggaā jāiṃ / taï volīṇe tāiṃ paāi voḍhavvaā jāā // 506	āryā (12, 18, 12, 15)
īsāmacchararahie hi ṇivviārehi māmi acchīhiṃ / eṇhiṃ jaṇo jaṇam miva ṇiacchae kuha ṇa jhijjāmo // 507	āryā (12, 18, 12, 15)
vāuddhaasicaavihāviorudiṭṭheṇa daṃtamaggeṇa / vahumāā tosijjaï ṇihāṇakalasassa va muheṇa // 508	āryā (12, 18, 12, 15)
hiaammi vasasi ṇa karesi maṇṇuaṃ taha vi ṇehabhariehiṃ / saṃkijjasi juaïsahāvagaliadhīrehi amhehiṃ // 509	āryā (12, 18, 12, 15)
aṇṇaṃ pi kiṃ pi pāvihisi mūḍha mā tamma dukkhametteṇa / hiaa parāhīṇajaṇaṃ mahaṃta tuha kettiaṃ eaṃ // 510	āryā (12, 18, 12, 15)
veso si jīa paṃsula ahiaaraṃ sā hu vallahā tujjha / ia jāṇiūṇa vi mae ṇa īsiaṃ ḍaḍḍhapemmassa // 511	āryā (12, 18, 12, 15)
sā āma suhaa guṇarūasohirī āma ṇigguṇā ahaaṃ / bhaṇa tīa jo ṇa sariso kiṃ so savvo jaṇo maraü // 512	āryā (12, 18, 12, 15)
saṃtam asaṃtaṃ dukkham suhaṃ ca jāo gharassa jāṇaṃti / tā puttaa mahilāo sesāu jarā maṇussāṇaṃ // 513	āryā (12, 18, 12, 15)
hasiehi uvālaṃbhā accuvaārehi khijjiavvāiṃ / aṃsūhi bhaṃḍaṇāiṃ eso maggo sumahilāṇaṃ // 514	āryā (12, 18, 12, 15)
ullāvo mā dijjaü loaviruddhaṃ ti ṇāma kāūṇa / samuhāvaḍie ko uṇa vese diṭṭhiṃ ṇa pāḍei // 515	āryā (12, 18, 12, 15)
sāhīṇapiaamo duggao vi maṇṇaï kaattham appāṇaṃ / piarahio uṇa puhaviṃ pi pāviuṃ duggao ccea // 516	āryā (12, 18, 12, 15)
kiṃ ruasi kiṃ va soasi kiṃ kuppasi suaṇu ekkamekkassa / pemmaṃ visaṃ va visamaṃ sāhasu ko ruṃbhiuṃ taraï // 517	āryā (12, 18, 12, 15)
te a juāṇā tā gāmasaṃpaā taṃ ca amha tāruṇṇaṃ / akkhāṇaaṃ va loo kahei amhe vi taṃ suṇimo // 518	āryā (12, 18, 12, 15)
vāhohabhariagaṃḍāharāi bhaṇiaṃ vilakkhahasirīe / ajja vi kiṃ rūsijjaï savahāvatthaṃ gaaṃ pemmaṃ // 519	āryā (12, 18, 12, 15)
vaṇṇagghaatuppamuhiṃ jo maṃ aïāareṇa cuṃvaṃto / eṇhiṃ so bhūsaṇabhūsiaṃ pi alasāaï chivaṃto // 520	āryā (12, 18, 12, 15)
ṇīlavaḍapāuaṃgi tti mā hu ṇaṃ pariharijjāsu / paṭṭaṃsuaṃ pi ṇaddhaṃ raammi avaṇijjaï ccea // 521	upagīti (12, 15, 12, 15)
saccaṃ kalahe kalahe suraāraṃbhā puṇo ṇavā hoṃti / māṇo uṇa māṇaṃsiṇi garuo pemmaṃ viṇāsei // 522	āryā (12, 18, 12, 15)
māṇummattāi mae akāraṇaṃ kāraṇaṃ kuṇaṃtīe / addaṃsaṇeṇa pemmaṃ viṇāsiaṃ poḍhavāeṇa // 523	āryā (12, 18, 12, 15)
aṇuūlaṃ cia vottuṃ vahuvallaha vallahe vi vese vi / kuviaṃ ca pasāeuṃ sikkhaï loo tumāhiṃto // 524	āryā (12, 18, 12, 15)
lajjā cattā sīlaṃ ca khaṃḍiaṃ ajasaghosaṇā diṇṇā / jassa kaeṇaṃ piasahi so ccea jaṇo jaṇo jāo // 525	āryā (12, 18, 12, 15)
hasiaṃ aïṭṭhadaṃtaṃ bhamiam aṇikkaṃtadehalīdesaṃ / diṭṭam aṇukkhittamuhaṃ eso maggo kulavahūṇaṃ // 526	āryā (12, 18, 12, 15)
dhūlimaïlo vi paṃkaṃkio vi taṇaraïadehabharaṇo vi / taha vi gaïṃdo garuattaṇeṇa ḍhakkaṃ samuvvahaï // 527	āryā (12, 18, 12, 15)
karamari kīsa ṇa gammaï ko gavvo jeṇa masiṇagamaṇā si / adiṭṭhadaṃtaṃ hasirīa jaṃpiaṃ cora jāṇihisi // 528	āryā (12, 18, 12, 15)
thoraṃsuehi ruṇṇaṃ savattivaggeṇa pupphavaïāe / bhuasiharaṃ païṇo pecchiūṇa siralaggatuppaliaṃ // 529	āryā (12, 18, 12, 15)
loo jūraï jūraü vaaṇijjaṃ hoi hou taṃ ṇāma / ehi ṇimajjasu pāse pupphavaï ṇa ei me ṇiddā // 530	āryā (12, 18, 12, 15)
jaṃ jaṃ pulaemi disaṃ purao lihio vva īsase tattha / tuha paḍimāparivāḍiṃ vahaï va saalaṃ disācakkaṃ // 531	āryā (12, 18, 12, 15)
osaraï dhuṇaï sāhaṃ khokkhāmuhalo puṇo samullihaï / jaṃvūphalaṃ ṇa geṇhaï bhamaro tti kaī paḍhamaḍakko // 532	āryā (12, 18, 12, 15)
ṇa chivaï hatteṇa kaī kaṃḍūibhaeṇa pattalaṇiuṃje / daralaṃvigocchakaïkacchusacchahaṃ vāṇarīhatthaṃ // 533	āryā (12, 18, 12, 15)
sarasā vi sūsaï ccia jāṇaï dukkhāi muddhahiaā vi / rattā vi paṃḍura ccia jāā varaī tuha vioe // 534	āryā (12, 18, 12, 15)
āruhaï juṇṇaaṃ khujjaaṃ pi jaṃ uaha vallarī taüsī / ṇīluppalaparimalavāsiassa saraassa so doso // 535	āryā (12, 18, 12, 15)
uppahapahāviajaṇo paviaṃbhiakalaalo pahaatūro / avvo so ccea chaṇo teṇa viṇā gāmaḍāho vva // 536	āryā (12, 18, 12, 15)
ullāvaṃteṇa ṇa hoi kassa pāsaṭṭhieṇa thaḍḍeṇa / saṃkā masāṇapāavalaṃviacoreṇa va khaleṇa // 537	āryā (12, 18, 12, 15)
asamattagaruakajje eṇhiṃ pahie gharaṃ ṇiattaṃte / ṇavapāuso piucchā hasaï va kuḍaaṭṭahāsehiṃ // 538	āryā (12, 18, 12, 15)
daṭṭhūṇa uṇṇamaṃte mehe āmukkajīviāsāe / pahiaghariṇīa ḍiṃbho oruṇṇamuhīa saccavio // 539	āryā (12, 18, 12, 15)
avihavalakkhaṇavalaaṃ ṭhāṇaṃ ṇeṃto puṇo puṇo galiaṃ / sahisattho ccia māṇaṃsiṇīa valaārao jāo // 540	āryā (12, 18, 12, 15)
pahiavahū vivaraṃtaragaliajalolle ghare aṇollaṃ pi / uddesaṃ aviraavāhasalilaṇivaheṇa ollei // 541	āryā (12, 18, 12, 15)
jīhāi kuṇaṃti piaṃ hoṃti a hiaammi ṇivvuiṃ kāuṃ / pīḍijjaṃtā vi rasaṃ jaṇeṃti ucchū kulīṇā a // 542	āryā (12, 18, 12, 15)
dīsaï ṇa cūamaülaṃ attā ṇa a vāi malaagaṃdhavaho / pattaṃ vasaṃtamāsaṃ sāhaï ukkaṃṭhiaṃ cea // 543	āryā (12, 18, 12, 15)
aṃvavaṇe bhamaraülaṃ ṇa viṇā kajjeṇa ūsuaṃ bhamaï / katto jalaṇeṇa viṇā dhūmassa sihāu dīsaṃti // 544	āryā (12, 18, 12, 15)
daïakaraggahalulio dhammillo sīhugaṃdhiaṃ vaaṇaṃ / maaṇammi ettiaṃ cia pasāhaṇaṃ haraï taruṇīṇaṃ // 545	āryā (12, 18, 12, 15)
gāmataruṇīu hiaaṃ haraṃti cheāṇa thaṇaharillīo / maaṇe kusuṃbharāillakaṃcuābharaṇamettāo // 546	āryā (12, 18, 12, 15)
āloaṃta disāo sasaṃta jaṃbhaṃta gaṃta roaṃta / mucchaṃta paḍaṃta khalaṃta pahia kiṃ te paüttheṇa // 547	āryā (12, 18, 12, 15)
daṭṭhūṇa taruṇasuraaṃ vivihavilāsehi karaṇasohillaṃ / dīvo vi taggaamaṇo gaaṃ pi tellaṃ ṇa lakkhei // 548	āryā (12, 18, 12, 15)
puṇaruttakarapphālaṇam uhaataḍullihaṇapīḍaṇasaāiṃ / jūhāhivassa māe puṇo vi jaï ṇammaā sahaï // 549	āryā (12, 18, 12, 15)
voḍasuṇao vivaṇṇo attā mattā paī vi aṇṇattho / phaḍahī vi moḍiā mahisaeṇa ko kassa sāheu // 550	āryā (12, 18, 12, 15)
sakaaggaharahasuttāṇiāṇaṇā piaï piamuhaviiṇṇaṃ / thoaṃ thoaṃ rososahaṃ va ua māṇiṇī maïraṃ // 551	āryā (12, 18, 12, 15)
girisotto tti bhuaṃgaṃ mahiso jīhāi lihaï saṃtatto / mahisassa kaṇhapattharajharo tti sappo piaï lālaṃ // 552	āryā (12, 18, 12, 15)
paṃjarasāriṃ attā ṇa ṇesi kiṃ ettha raïharāhiṃto / vīsaṃbhajaṃpiāiṃ esā loāṇa paaḍei // 553	āryā (12, 18, 12, 15)
eddahamette gāme ṇa paḍaï bhikka tti kīsa maṃ bhaṇasi / dhammia karaṃjabhaṃjaa jaṃ jīasi taṃ pi de vahuaṃ // 554	āryā (12, 18, 12, 15)
jaṃtia gulaṃ vimaggasi ṇa a me icchāi vāhase jaṃtaṃ / aṇarasia kiṃ ṇa āṇasi ṇa raseṇa viṇā gulo hoi // 555	āryā (12, 18, 12, 15)
pattaṇiaṃvapphaṃsā ṇhāṇuttiṇṇāi sāmalaṃgīe / jalaviṃduehi cihurā ruaṃti vaṃdhassa va bhaeṇa // 556	āryā (12, 18, 12, 15)
gāmaṃgaṇaṇiaḍiakaṇhavakkha vaḍa tujjha dūram aṇulaggo / tattillapaḍikkhaabhoio vi gāmo ṇa uvviggo // 557	āryā (12, 18, 12, 15)
suppaṃ ḍaḍḍhaṃ caṇaā ṇa bhajjiā so juā aïkkaṃto / attā vi ghare kuviā bhūāṇa va vāio vaṃso // 558	āryā (12, 18, 12, 15)
pisuṇeṃti kāmiṇīṇaṃ jalalukkapiāvaūhaṇasuhelliṃ / kaṃḍaïakavolupphullaṇiccalacchīi vaaṇāi // 559	āryā (12, 18, 12, 15)
ahiṇavapāusarasiesu sŏhaï sāmāiesu diahesu / rahasapasāriagīvāṇa ṇacciaṃ moravuṃdāṇaṃ // 560	āryā (12, 18, 12, 15)
mahisakkhaṃdhavilaggaṃ gholaï siṃgāhaaṃ simisimaṃtaṃ / āhaavīṇājhaṃkārasaddamuhalaṃ masaavuṃdaṃ // 561	āryā (12, 18, 12, 15)
rehaṃti kumuadalaṇiccalaṭṭhiā mattamahuaraṇihāā / sasiaraṇīsesapaṇāsiassa gaṃṭhi vva timirassa // 562	āryā (12, 18, 12, 15)
uaha tarukoḍarāo ṇikkaṃtaṃ pūsuāṇa riṃcholiṃ / sarae jario vva dumo pittaṃ va salohiaṃ vamaï // 563	āryā (12, 18, 12, 15)
dhārādhuvvaṃtamuhā laṃviavakkhā ṇiuṃciaggīvā / vaïveḍhaṇesu kāā sūlāhiṇṇa vva dīsaṃti // 564	āryā (12, 18, 12, 15)
ṇa vi taha anālavaṃtī hiaaṃ dūmei māṇiṇī ahiaṃ / jaha dūraviaṃbhiagaruarosamajjhatthabhaṇiehiṃ // 565	āryā (12, 18, 12, 15)
gaṃdhaṃ agghāaṃtaa pikkakalaṃvāṇa vāhabhariaccha / āsasu pahiajuāṇaa ghariṇimuhaṃ mā ṇa pecchihisi // 566	āryā (12, 18, 12, 15)
gajja mahaṃ cia uvariṃ savvatthāmeṇa lohahiaassa / jalahara laṃvālaïaṃ mā re mārehisi varāiṃ // 567	āryā (12, 18, 12, 15)
paṃkamaïleṇa chīrekkapāiṇā diṇṇajāṇuvaḍaṇeṇa / ānaṃdijjaï halio putteṇa va sālichetteṇa // 568	āryā (12, 18, 12, 15)
kaha me pariṇaïāle khalasaṃgo hohii tti ciṃtaṃto / oṇaamuho sasūo ruaï va sālī tusāreṇa // 569	āryā (12, 18, 12, 15)
saṃjhārāotthaïo dīsaï gaaṇammi paḍivaācaṃdo / rattaduūlaṃtario thaṇaṇahaleho vva ṇavavahūe // 570	upajāti paṅkti: ajñātam [10: snyg], ajñātam [10: Btjl], ajñātam [10: sBsg], ajñātam [10: mBtl]
aï diara kiṃ ṇa pecchasi āāsaṃ kiṃ muhā paloesi / jāāi vāhumūlammi addhaaṃdāṇa parivāḍiṃ // 571	āryā (12, 18, 12, 15)
vāāi kiṃ bhaṇijjaü kettiamettaṃ va likkhae lehe / tuha virahe jaṃ dukkhaṃ tassa tumaṃ cea gahiattho // 572	āryā (12, 18, 12, 15)
maaṇaggiṇo vva dhūmaṃ mohaṇapicchiṃ va loadiṭṭhīe / jovvaṇadhaaṃ va muddhā vahaï suaṃdhaṃ ciurabhāraṃ // 573	āryā (12, 18, 12, 15)
rūaṃ siṭṭhaṃ cia se asesapurise ṇiattiaccheṇa / vāholleṇa imīe ajaṃpamāṇeṇa vi muheṇa // 574	āryā (12, 18, 12, 15)
ruṃdāraviṃdamaṃdiramaaraṃdāṇaṃdiāliriṃcholī / jhaṇajhaṇaï kasaṇamaṇimehala vva mahumāsalacchīe // 575	āryā (12, 18, 12, 15)
kassa karo vahupuṇṇapphalekkataruṇo tuhaṃ visammihaï / thaṇapariṇāhe mammahaṇihāṇakalase vva pāroho // 576	āryā (12, 18, 12, 15)
corā sabhaasataṇhaṃ puṇo puṇo pesaaṃti diṭṭhīo / ahirakkhiaṇihikalase vva poḍhavaïāthanucchaṃge // 577	āryā (12, 18, 12, 15)
uvvahaï ṇavataṇaṃkuraromaṃcapasāhiāi aṃgāiṃ / pāusalacchīa paoharehi paripellio viṃjho // 578	āryā (12, 18, 12, 15)
āma vahalā vaṇālī muhalā jalaraṃkuṇo jalaṃ sisiraṃ / aṇṇaṇaīṇa vi revāi taha vi aṇṇe guṇā ke vi // 579	āryā (12, 18, 12, 15)
eha imīa ṇiacchaha pariṇaamālūrasacchahe thaṇae / tuṃge sappurisamaṇorahe vva hiae amāaṃte // 580	āryā (12, 18, 12, 15)
hatthāhatthiṃ aham ahamiāi vāsāgamammi mehehiṃ / avvo kiṃ pi rahassaṃ chaṇṇaṃ pi ṇahaṃgaṇaṃ galaï // 581	āryā (12, 18, 12, 15)
kettiamettaṃ hohii sohaggaṃ piaamassa bhamirassa / mahilāmaaṇachuhāulakaḍakkhavikkhevagheppaṃtaṃ // 582	āryā (12, 18, 12, 15)
ṇiadhaṇiaṃ uvaūhasu kukkuḍasaddeṇa jhatti paḍivuddho / paravasahivāsasaṃkira ṇiae vi gharammi mā bhāsu // 583	āryā (12, 18, 12, 15)
kharapavaṇaraagalatthiagiriūḍāvaḍaṇabhiṇṇadehassa / dhukkādhukkaï jīaṃ va vijjuā kālamehassa // 584	āryā (12, 18, 12, 15)
mehamahisassa ṇajjaï uare suracāvakoḍibhiṇṇassa / kaṃdaṃtassa saviaṇaṃ aṃtaṃ va palaṃvae vijjū // 585	āryā (12, 18, 12, 15)
ṇavapallavaṃ visaṇṇā pahiā pecchaṃti cūarukkhassa / kāmassa lohiuppaṃgarāiaṃ hatthabhallaṃ va // 586	āryā (12, 18, 12, 15)
mahilāṇaṃ cia doso jeṇa pavāsammi gavviā purisā / do tiṇṇi jāva ṇa maraṃti tā ṇa virahā samappaṃti // 587	āryā (12, 18, 12, 15)
vālaa de vacca lahuṃ maraï varāī alaṃ vilaṃveṇa / sā tujjha daṃsaṇeṇa vi jīvejja ṇa ettha saṃdeho // 588	āryā (12, 18, 12, 15)
taṃmirapasariahuavahajālolipalīvie vaṇābhoe / kiṃsuavaṇaṃ ti kaliūṇa muddhahariṇo ṇa ṇikkamaï // 589	āryā (12, 18, 12, 15)
ṇihuaṇasippaṃ taha sāriāi ullāviaṃ mha gurupurao / jaha taṃ velaṃ māe ṇa āṇimo kattha vaccāmo // 590	āryā (12, 18, 12, 15)
paccaggupphulladalullasaṃtamaaraṃdapāṇalehalao / taṃ ṇa tthi kuṃdakaliāi jaṃ ṇa bhamaro mahaï kāuṃ // 591	āryā (12, 18, 12, 15)
so ko vi guṇāisao ṇa āṇimo māmi kuṃdalaïāe / acchīhiṃ cia pāuṃ ahilassaï jeṇa bhamarehiṃ // 592	āryā (12, 18, 12, 15)
ekka ccia rūaguṇaṃ gāmaṇidhūā samuvvahaï / aṇimisaṇaaṇo saalo jīe devīkao gāmo // 593	upagīti (12, 15, 12, 15)
maṇṇe āsāo ccia ṇa pāvio piaamāhararasassa / tiasehi jeṇa raaṇāarāhi amaaṃ samuddhariaṃ // 594	āryā (12, 18, 12, 15)
āaṇṇāaḍḍhiaṇisiabhallamammāhaāi hariṇīe / addaṃsaṇo pio hohii tti valiuṃ ciraṃ dittho // 595	āryā (12, 18, 12, 15)
visamaṭṭhiapikkekkaṃvadaṃsaṇe tujjha sattughariṇīa / ko ko ṇa patthio pahiāṇaṃ ḍiṃbhe ruaṃtammi // 596	āryā (12, 18, 12, 15)
mālārī laliulluliavāhumūlehi taruṇahiaāiṃ / ullūraï sajjullūriāi kusumāi dāveṃtī // 597	āryā (12, 18, 12, 15)
majjho pio kuaṃḍo pallijuāṇā savattīo / jaha jaha vaḍḍhaṃti thaṇā taha taha jhijjaṃti paṃca vāhīe // 598	udgīti (12, 15, 12, 18)
mālārīe vellahalavāhumūlāvaloaṇasaaṇho / aliaṃ pi bhamaï kusumagghapucchiro paṃsulajuāṇo // 599	āryā (12, 18, 12, 15)
rasiajaṇahiaadaïe kaïvacchalapamuhasukaïṇimmaïe / sattasaammi samattaṃ saṭṭhaṃ gāhāsaaṃ eaṃ // 600	āryā (12, 18, 12, 15)
akaaṇṇua ghaṇavaṇṇaṃ ghaṇavaṇṇaṃtariataraṇiaraṇiaraṃ / jaï re re vāṇīraṃ revāṇīraṃ pi ṇo bharasi // 601	āryā (12, 18, 12, 15)
maṃdaṃ pi ṇa āṇaï haliaṇaṃdaṇo iha hi ḍaḍḍhagāmammi / gahavaïsuā vivajjaï avejjae kassa sāhāmo // 602	āryā (12, 18, 12, 15)
ekkakkamaparirakkhaṇapahārasamuhe kuraṃgamihuṇammi / vāheṇa maṇṇuvialaṃtavāhadhoaṃ dhaṇuṃ mukkaṃ // 603	āryā (12, 18, 12, 15)
tā suhaa vilaṃva khaṇaṃ bhaṇāmi kīa vi kaeṇa alam ahavā / aviāriakajjāraṃbhaāriṇī maraü ṇa bhaṇissaṃ // 604	āryā (12, 18, 12, 15)
bhoiṇidiṇṇapaheṇaacakkhiadussikkhio haliaütto / ettāhe aṇṇapaheṇaāṇa chīvollaaṃ dei // 605	āryā (12, 18, 12, 15)
paccūsamaūhāvaliparimalaṇasamūsasaṃtavattāṇaṃ / kamalāṇa raaṇivirame jialoasirī mahaṃmahaï // 606	āryā (12, 18, 12, 15)
vāuvvelliasāhuli thaesu phuḍadaṃtamaṃḍalaṃ jahaṇaṃ / caḍuāraaṃ païṃ mā hu putti jaṇahāsiaṃ kuṇasu // 607	āryā (12, 18, 12, 15)
vīsatthahasiaparisakkiāṇa paḍhamaṃ jalaṃjalī diṇṇo / pacchā vahūa gahio kuḍaṃvabhāro ṇimajjaṃto // 608	āryā (12, 18, 12, 15)
gammihisi tassa pāsaṃ suṃdari mā tuara vaḍḍhaü miaṃko / duddhe duddhaṃ miva caṃdiāi ko pecchaï muhaṃ de // 609	āryā (12, 18, 12, 15)
jaï jūraï jūraü ṇāma māmi paraloavasaṇio loo / taha vi valā gāmaṇiṇaṃdaṇassa vaaṇe valaï diṭṭhī // 610	āryā (12, 18, 12, 15)
gehaṃ va vittarahiaṃ ṇijjharakuharaṃ va salilasuṇṇaïaṃ / gohaṇarahiaṃ goṭṭhaṃ va tīa vaaṇaṃ tuha vioe // 611	āryā (12, 18, 12, 15)
tuha daṃsaṇeṇa jaṇio imīa lajjāulāi aṇurāo / duggaamaṇoraho via hiaa ccia jāi pariṇāmaṃ // 612	āryā (12, 18, 12, 15)
jaṃ taṇuāaï sā tuha kaeṇa kiṃ jeṇa pucchasi hasaṃto / aha gimhe maha paaī evvaṃ bhaṇiūṇa oruṇṇā // 613	āryā (12, 18, 12, 15)
vaṇṇakkamarahiassa vi esa guṇo ṇavari cittakammassa / ṇimisaṃ pi jaṃ ṇa muṃcaï pio jaṇo gāḍham uvaūḍho // 614	āryā (12, 18, 12, 15)
avihattasaṃdhivaṃdhaṃ paḍhamarasubbheapāṇalohillo / uvvelliuṃ ṇa āṇaï khaṃḍaï kaliāmuhaṃ bhamaro // 615	āryā (12, 18, 12, 15)
daravevirorujualāsu maüliacchīsu luliacihurāsu / purisāirīsu kāmo piāsu sajjāuho hoi // 616	āryā (12, 18, 12, 15)
jaṃ jaṃ te ṇa suhāaï taṃ taṃ ṇa karemi jaṃ mam' āattaṃ / ahaaṃ cia jaṃ ṇa suhāmi suhaa taṃ kiṃ mam' āattaṃ // 617	āryā (12, 18, 12, 15)
vāvāravisaṃvāaṃ saalāvaavāṇa kuṇaï haalajjā / savaṇāṇa uṇo gurusaṃṇihe vi ṇa ṇiruṃjhaï ṇioaṃ // 618	āryā (12, 18, 12, 15)
kiṃ bhaṇaha maṃ sahīo mā mara dīsihaï so jiaṃtīe / kajjālāo eso siṇehamaggo uṇa ṇa hoi // 619	āryā (12, 18, 12, 15)
ekkallamao diṭṭhīa maïa taha pulaïo saaṇhāe / piajāassa jaha dhaṇuṃ paḍiaṃ vāhassa hatthāo // 620	āryā (12, 18, 12, 15)
ṇaliṇīsu bhamasi parimalasi sattalaṃ mālaïṃ pi ṇo muasi / taralattaṇaṃ tuha aho mahuara jaï pāḍalā haraï // 621	āryā (12, 18, 12, 15)
doaṃgulaakavālaapiṇaddhasavisesaṇīlakaṃcuiā / dāvei thaṇatthalavaṇṇiaṃ va taruṇī juajaṇāṇaṃ // 622	āryā (12, 18, 12, 15)
rakkhei puttaaṃ matthaeṇa occhoaaṃ paḍicchaṃtī / aṃsūhi pahiaghariṇī ollijjaṃtaṃ ṇa lakkhei // 623	āryā (12, 18, 12, 15)
sarae sarammi pahiā jalāi kaṃdoṭṭasurahigaṃdhāi / dhavalacchāi saaṇhā piaṃti daïāṇa va muhāiṃ // 624	āryā (12, 18, 12, 15)
abbhaṃtarasarasāo uvariṃ pavvāavaddhapaṃkāo / caṃkammaṃtammi jaṇe samūsasaṃti vva racchāo // 625	āryā (12, 18, 12, 15)
muhapuṃḍarīachāāi saṃṭhie uaha rāahaṃse vva / chaṇapiṭṭhakuṭṭaṇucchaliadhūlidhavale thaṇe vahaï // 626	āryā (12, 18, 12, 15)
taha teṇa vi sā diṭṭhā tīa vi taha tassa pesiā diṭṭhī / jaha doṇha vi samaaṃ cia ṇivvuttaraāi jāāi // 627	āryā (12, 18, 12, 15)
vāuliāparisosaṇaṇiuṃjapattalaṇasulahasaṃkeā / sohaggakaṇaakasavaṭṭa gimha mā kaha vi jhijjihisi // 628	āryā (12, 18, 12, 15)
dussikkhiaraaṇapasikkhaehi ghiṭṭho si patthare tāva / jā tilamettaṃ vaṭṭasi maragaa kā tujjha mullakahā // 629	āryā (12, 18, 12, 15)
jaha ciṃtei pariaṇo āsaṃkaï jaha a tassa paḍivakkho / vāleṇa vi gāmaṇiṇaṃdaṇeṇa taha rakkhiā pallī // 630	āryā (12, 18, 12, 15)
aṇṇesu pahia pucchasu vāhaaputtesu pusiacammāiṃ / amhaṃ vāhajuāṇo hariṇesu dhaṇuṃ ṇa ṇāmei // 631	āryā (12, 18, 12, 15)
gaavahuvehavvaaro putto me ekkakaṃḍaviṇivāī / taha soṇhāi pulaïo jaha kaṃḍavaraṃḍaaṃ vahaï // 632	āryā (12, 18, 12, 15)
viṃjhāruhaṇālāvaṃ pallī mā kuṇaü gāmaṇī sasaï / paccujjivio jaï kaha vi suṇaï tā jīviaṃ muaï // 633	āryā (12, 18, 12, 15)
appāhei maraṃto puttaṃ pallīvaī paatteṇa / maha ṇāmeṇa jaha tumaṃ ṇa lajjase taha karejjāsu // 634	āryā (12, 18, 12, 15)
aṇumaraṇapatthiāe paccāgaajīvie piaamammi / vehavvamaṃḍaṇaṃ kulavahūa sohaggaaṃ jāaṃ // 635	āryā (12, 18, 12, 15)
mahumacchiāi daṭṭhaṃ daṭṭhūṇa muhaṃ piassa sūṇoṭṭhaṃ / īsāluī puliṃdī rukkhacchāaṃ gaā aṇṇaṃ // 636	āryā (12, 18, 12, 15)
dhaṇṇā vasaṃti ṇīsaṃkamohaṇe vahalapattalavaïmmi / vāaṃdolaṇaoṇaviaveṇugahaṇe giriggāme // 637	āryā (12, 18, 12, 15)
pupphullaghaṇakalaṃvā ṇiddhoasilāalā muiamorā / pasaraṃtojjharamuhalā ucchāhaṃte giriggāmā // 638	āryā (12, 18, 12, 15)
taha parimaliā goveṇa teṇa hatthaṃ pi jā ṇa ollei / sa ccia khaḍaṇā eṇhiṃ pecchaha kuḍadohiṇī jāā // 639	āryā (12, 18, 12, 15)
dhavalo jiaï tuha kae dhavalassa kae jiaṃti giṭṭhīo / jia taṃve amha vi jīvieṇa goṭṭhaṃ tumāattaṃ // 640	āryā (12, 18, 12, 15)
agghāi chivaï cuṃvaï ṭhavei hiaammi jaṇiaromaṃco / jāākavolasarisaṃ pecchaha pahio mahuapupphaṃ // 641	āryā (12, 18, 12, 15)
ua ollijjaï mohaṃ bhuaṃgakittīa kaḍaalaggāi / ojjharadhārāsaddhālueṇa sīsaṃ vaṇagaeṇa // 642	āryā (12, 18, 12, 15)
kamalaṃ muaṃta mahuara pikkakaïtthāṇa gaṃdhaloheṇa / ālekkhalaḍḍuaṃ pāmaro vva chiviūṇa jāṇihisi // 643	āryā (12, 18, 12, 15)
gijjaṃte maṃgalagāiāhi varagottadiṇṇaaṇṇāe / souṃ va ṇiggao uaha hoṃtavahuāi romaṃco // 644	āryā (12, 18, 12, 15)
maṇṇe āaṇṇaṃtā āsaṇṇavivāhamaṃgaluggīaṃ / tehi juāṇehi samaṃ hasaṃti maṃ veasakuḍuṃgā // 645	āryā (12, 18, 12, 15)
uagaacaütthimaṃgalahoṃtavioasavisesalaggehi / tīa varassa a seaṃsuehi ruṇṇaṃ va hatthehiṃ // 646	āryā (12, 18, 12, 15)
ṇa a diṭṭhiṃ ṇei muhaṃ ṇa a chiviuṃ dei ṇā lavaï kiṃ pi / taha vi hu kiṃ pi rahassaṃ ṇavavahusaṃgo pio hoi // 647	āryā (12, 18, 12, 15)
aliapasuttavalaṃtammi ṇavavare ṇavavahūa vevaṃto / saṃvelliorusaṃjamiavatthagaṃṭhiṃ gao hattho // 648	āryā (12, 18, 12, 15)
pucchijjaṃtī ṇa bhaṇaï gahiā papphuraï cuṃviā ruaï / tuṇhikkā ṇavavahuā kaāvarāheṇa uvaūḍhā // 649	āryā (12, 18, 12, 15)
tatto ccia hoṃti kahā viasaṃti tahiṃ tahiṃ samappaṃti / kiṃ maṇṇe māucchā ekkajuāṇo imo gāmo // 650	āryā (12, 18, 12, 15)
jāi vaaṇāi amhe vi jaṃpimo tāi jaṃpaï jaṇo vi / tāiṃ cia teṇa pajaṃpiāi hiaaṃ suhāveṃti // 651	āryā (12, 18, 12, 15)
savvāareṇa maggaha piaṃ jaṇaṃ jaï suheṇa vo kajjaṃ / jaṃ jassa hiaadaïaṃ taṃ ṇa suhaṃ jaṃ tahiṃ ṇa tthi // 652	āryā (12, 18, 12, 15)
dīsaṃto diṭṭhisuho ciṃtijjaṃta maṇavallaho attā / ullāvaṃta suisuho pio jaṇo ṇicca ramaṇijjo // 653	āryā (12, 18, 12, 15)
ṭhāṇabbhaṭṭhā parigaliapīṇaā uṇṇaīa paricattā / amhe uṇa ṭheripaohara vva uare ccia ṇisanṇā // 654	āryā (12, 18, 12, 15)
paccūsāgaa raṃjiadeha piāloa loaṇāṇaṃda / aṇṇattakhaviasavvari ṇahabhūsaṇa diṇavaï ṇamo de // 655	āryā (12, 18, 12, 15)
vivarīasuraalehaḍa pucchasi maha kīsa gabbhasaṃbhūiṃ / oatte kuṃbhamuhe jalalavakaṇiā vi kiṃ ṭhāi // 656	āryā (12, 18, 12, 15)
accāsaṇṇavivāhe samaṃ jasoāi taruṇagovīhiṃ / vaḍḍhaṃte mahumahaṇe saṃvaṃdhā ṇiṇhuvijjaṃti // 657	āryā (12, 18, 12, 15)
jaṃ jaṃ ālihaï maṇo āsāvattīhi hiaaphalaammi / taṃ taṃ vālo vva vihī ṇihuaṃ hasiūṇa pamhusaï // 658	āryā (12, 18, 12, 15)
aṇuhutto karaphaṃso saalaalāpuṇṇa puṇṇadiahammi / vīāsaṃgakisaṃgaa eṇhiṃ tuha vaṃdimo calaṇe // 659	āryā (12, 18, 12, 15)
dūraṃtarie vi pie kaha vi ṇiattāi majjha ṇaaṇāi / hiaaṃ uṇa teṇa samaṃ ajja vi aṇivāriaṃ bhamaï // 660	āryā (12, 18, 12, 15)
tassa kahākaṃtaïe saddāaṇṇaṇasamosariakove / samuhāloaṇakaṃpiri uvaūḍhā kiṃ pavajjihisi // 661	āryā (12, 18, 12, 15)
bharaṇamiaṇīlasāhaggakhaliacalaṇaddhavihuavakkhaüḍā / tarusiharesu vihaṃgā kaha kaha vi lahaṃti saṃṭhāṇaṃ // 662	āryā (12, 18, 12, 15)
aharamahupāṇaghorilliāi jaṃ ca ramio si savisesaṃ / asaï alajjiri vahusikkhiri tti mā ṇāha maṇṇihisi // 663	āryā (12, 18, 12, 15)
khāṇeṇa a pāṇeṇa a taha gahio maṃḍalo aḍaaṇāi / jaha jāraṃ ahiṇaṃdaï bhukkaï gharasāmie eṃte // 664	āryā (12, 18, 12, 15)
kaṃḍaṃteṇa akaṃḍaṃ pallīmajjhammi viaḍakoaṃdaṃ / païmaraṇāhi vi ahiaṃ vāheṇa ruāviā attā // 665	āryā (12, 18, 12, 15)
amhe ujjuasīlā pio vi piasahi viāraparioso / ṇa hu aṇṇā kā vi gaī vāhohā kaha pusijjaṃtu // 666	āryā (12, 18, 12, 15)
dhavalo si jaï vi suṃdari taha vi tue majjha raṃjiaṃ hiaaṃ / rāabharie vi hiae suhaa ṇihitto ṇa ratto si // 667	āryā (12, 18, 12, 15)
caṃcupuḍāhaavialiasahaāraraseṇa sittadehassa / kīrassa maggalaggaṃ gaṃdhaṃdhaṃ bhamaï bhamaraülaṃ // 668	āryā (12, 18, 12, 15)
ettha ṇimajjaï ettā ettha ahaṃ ettha pariaṇo saalo / paṃthia rattīaṃdhaa mā maha saaṇe ṇimajjihisi // 669	āryā (12, 18, 12, 15)
pariosasuṃdarāiṃ suraesu lahaṃti jāi sokkhāi / tāiṃ cia uṇa virahe khāuggiṇṇāi kīraṃti // 670	āryā (12, 18, 12, 15)
maggaṃ cia alahaṃto hāro pīṇuṇṇaāṇa thaṇaāṇa / uvviggo bhamaï ure jamuṇāṇaïpheṇapuṃjo vva // 671	āryā (12, 18, 12, 15)
ekkeṇa vi vaḍavīaṃkureṇa saalavaṇarāimajjhammi / taha teṇa kao appā jaha sesadumā tale tassa // 672	āryā (12, 18, 12, 15)
je je guṇiṇo je je a cāiṇo je viaḍḍhaviṇṇāṇā / dāridda re viakkhaṇa tāṇa tumaṃ sāṇurāo si // 673	āryā (12, 18, 12, 15)
jaï kottio si suṃdara saalatihīcaṃdadaṃsaṇasuhāṇaṃ / tā masiṇaṃ moijjaṃtakaṃcuaṃ pekkhasu muhaṃ se // 674	āryā (12, 18, 12, 15)
samavisamaṇivvisesā samaṃtao maṃdamaṃdasaṃcārā / aïrā hohiṃti pahā maṇorahāṇaṃ pi dullaṃghā // 675	āryā (12, 18, 12, 15)
aïdīharāi vahue sīse dīsaṃti vaṃsavattāi / bhaṇie bhaṇāmi attā tumhāṇa vi paṃḍarā puṭṭhī // 676	āryā (12, 18, 12, 15)
atthakkarūsaṇaṃ khaṇapasijjaṇaṃ aliavaaṇaṇivvaṃdho / ummaccharasaṃtāvo puttaa paavī siṇehassa // 677	āryā (12, 18, 12, 15)
pijjaï kaṇṇaṃjalihiṃ jaṇaravamiliaṃ pi tujjha saṃlāvaṃ / duddhaṃ jalasammiliaṃ sā vālā rāahaṃsi vva // 678	āryā (12, 18, 12, 15)
aï ujjue ṇa lajjasi pucchijjaṃtī piassa cariāiṃ / savvaṃgasurahiṇo maruvaassa kiṃ kusumariddhīhi // 679	āryā (12, 18, 12, 15)
muddhe apattiaṃtī pavālaaṃkuraaṇiddhalohiae / ṇiddhoadhāurāe kīsa sahatthe puṇo dhuasi // 680	āryā (12, 18, 12, 15)
ua siṃdhavapavvaasacchahāi dhuatūlapuṃjasarisāiṃ / sohaṃti suaṇu mukkoaāi sarae siabbhāiṃ // 681	āryā (12, 18, 12, 15)
āucchaṃti sirehi vivaliehi ua khaḍiehi ṇijjaṃtā / ṇippacchimavaliapaloiehi mahisā kuḍaṃgāi // 682	āryā (12, 18, 12, 15)
pusasu muhaṃ tā puttia vāhoaraṇaṃ visesaramaṇijjaṃ / mā eaṃ cia muhamaṃḍaṇaṃ ti so kāhii puṇo vi // 683	āryā (12, 18, 12, 15)
majjhe paaṇuapaṃkaṃ avahovāsesu sāṇacikkhillaṃ / gāmassa sīsasīmaṃtaaṃ va racchāmuhaṃ jāaṃ // 684	āryā (12, 18, 12, 15)
avaraṇhāgaajāmāuassa viuṇei mohaṇukkaṃṭhaṃ / vahuāi gharapaloharamajjaṇapisuṇo valaasaddo // 685	āryā (12, 18, 12, 15)
jujjhacaveḍāmoḍiajajjarakaṇṇassa juṇṇamallassa / kacchāvaṃdho ccia bhīrumallahiaaṃ samukkhaṇaï // 686	āryā (12, 18, 12, 15)
āṇaṃdaṃtena tumaṃ païṇo pahaeṇa paḍahasaddeṇa / malli ṇa lajjasi ṇaccasi dohagge pāaḍijjaṃte // 687	āryā (12, 18, 12, 15)
mā vaccaha vīsaṃbhaṃ imāṇa vahucāḍuammaṇiuṇāṇaṃ / ṇivvattiakajjaparammuhāṇa suṇaāṇa va khalāṇaṃ // 688	āryā (12, 18, 12, 15)
aṇṇaggāmapaütthā kaḍḍhaṃtī maṃḍalāṇa riṃcholiṃ / akkhaṃḍiasohaggā varisasaaṃ jiaü me suṇiā // 689	āryā (12, 18, 12, 15)
saccaṃ sāhasu deara taha taha caḍuāraeṇa suṇaeṇa / ṇivvattiakajjaparammuhattaṇaṃ sikkhiaṃ katto // 690	āryā (12, 18, 12, 15)
ṇippaṇṇasassariddhī sacchaṃdaṃ gāi pāmaro sarae / daliaṇavasālitaṃḍuladhavalamiaṃkāsu rāīsu // 691	āryā (12, 18, 12, 15)
alihijjaï paṃkaale halālicalaṇeṇa kalamagovīe / keārasoaruṃbhaṇataṃsaṭṭhiakomalo calaṇo // 692	āryā (12, 18, 12, 15)
diahe diahe sūsaï saṃkeaabhaṃgavaḍḍhiāsaṃkā / āvaṃḍuroṇaamuhī kalameṇa samaṃ kalamagovī // 693	āryā (12, 18, 12, 15)
ṇavakammieṇa ua pāmareṇa daṭṭhūṇa pāuhārīo / mottavve jottaapaggahammi avahāsiṇī mukkā // 694	āryā (12, 18, 12, 15)
daṭṭhūṇa hariadīhaṃ gose saṃḍhāṇa jūrae halio / asaīrahassamaggaṃ tusāradhavale tilacchette // 695	āryā (12, 18, 12, 15)
saṃkellio vva ṇijjaï khaṃḍaṃ khaṃḍaṃ kao vva pīo vva / vāsāgamammi maggo gharahuttamuheṇa pahieṇa // 696	āryā (12, 18, 12, 15)
saṃjhāgahiajalaṃjalipaḍimāsaṃkaṃtagorimuhakamalaṃ / aliaṃ cia phurioṭṭhaṃ vialiamaṃtaṃ haraṃ ṇamaha // 697	āryā (12, 18, 12, 15)
ia sirihālaviraïe pāuakavvammi sattasae / sattamasaaṃ samattaṃ gāhāṇa sahāvaramaṇijjaṃ // 698	upagīti (12, 15, 12, 15)
eṇhiṃ vārei jaṇo taïā mūillao kahiṃ va gao / jāhe visaṃ va jāaṃ savvaṃgapaholiraṃ pemmaṃ // 699	āryā (12, 18, 12, 15)
kaha taṃ pi tui ṇa ṇāaṃ jaha sā āsaṃdiāṇa vahuāṇaṃ / kāūṇa uccavaciaṃ tuha daṃsaṇalehaḍā paḍiā // 700	āryā (12, 18, 12, 15)
corāṇa kāmuāṇa a pāmarapahiāṇa kukkuro vaḍaï / re ramaha vahaha vāhayaha ettha taṇuāae raaṇī // 701	āryā (12, 18, 12, 15)
aṇṇoṇṇakalakkhaṃtarapesiamelīṇadiṭṭhipasarāiṃ / do ccia maṇṇe kaabhaṃḍaṇāi samaaṃ pahasiāiṃ // 702	āryā (12, 18, 12, 15)
suhaa iaṃ majjha sahī tujjha vioeṇa dhāriuṃ pāṇe / savvaha cia ṇa samattha tti vujjhiuṃ virama gamaṇāo // 703	āryā (12, 18, 12, 15)
dhaṇṇā vahiraṃdharaā te ccia jīaṃti māṇuse loe / ṇa suṇaṃti pisuṇavaaṇaṃ khalāṇa addhiṃ ṇa pekkhaṃti // 704	āryā (12, 18, 12, 15)
gāmāruha mhi gāme vasāmi ṇaaraṭṭhiiṃ ṇa āṇāmi / ṇāariāṇaṃ païṇo haremi jā homi sā homi // 705	āryā (12, 18, 12, 15)
osara rottuṃ cia ṇimmiāi mā pusasu me haacchīiṃ / daṃsaṇamettummaïehi jehi sīlaṃ tuha ṇa ṇāaṃ // 706	āryā (12, 18, 12, 15)
raṇaraṇaasuṇṇahiao ciṃtaṃto virahaduvvalaṃ jāaṃ / amuṇiaṇiavasahī so volīṇo gāmamajjheṇa // 707	āryā (12, 18, 12, 15)
ettha caütthaṃ viramaï gāhāṇa saaṃ sahāvaramaṇijjaṃ / soūṇa jaṃ ṇa laggaï hiae mahurattaṇeṇa amiaṃ pi // 708	gīti (12, 18, 12, 18)
eso kaïṇāmaṃkiagāhāpaḍivaddhavaḍḍhiāmoo / sattasaao samatto sālāhaṇaviraïo koso // 709	āryā (12, 18, 12, 15)
suaṇo ṇi dīsaï ccia khalabahula ḍaḍḍhajīaloammi / jaha kāasaṃkulā taha ṇa haṃsaparivāriā puhavī // 710	āryā (12, 18, 12, 15)
jaṃ mucchiāi ṇa suo kalaṃvagaṃdheṇa taṃ guṇe paḍiaṃ / iarā gajjiasaddo jīeṇa viṇā ṇa volaṃto // 711	āryā (12, 18, 12, 15)
pīṇapaoharalaggaṃ disāṇa pavasaṃtajalaasamaaviiṇṇaṃ / sohaggapaḍhamaïṇhaṃ paccāaï saraṇahapaham iṃdadhaṇuṃ // 712	upajāti triṣṭubh-jagatī-saṃkara?: ajñātam [12: jnny], ajñātam [12: BBtB], ajñātam [11: tnmgl], ajñātam [11: nnjlg]
ettī mattammi thavā puttīmattammi laaṇā bhattī / agaīa avatthāe diahāiṃ bhittaraṃ taraï // 713	na kiṃcid adhyavasitam
jaṃ asaraṇo vva ḍaḍḍho gāmo sāhīṇavahujuāṇo vi / saṃbhamavisaṃṭhulāṇaṃ taṃ duccariaṃ tuha thaṇāṇaṃ // 714	āryā (12, 18, 12, 15)
so vi juā māṇahaṇo tumaṃ pi māṇassa asahaṇā putti / mattacchaleṇa gammaü surāi uvariṃ pusasu hatthaṃ // 715	āryā (12, 18, 12, 15)
keaïgaṃdhahagavviāraaraṃjiāddaṇehiṃ / kaṃṭhaasavalitaṇutava chaḍḍiabhavalāṇaṃ // 716	ajñātasamavṛtta [4: Bg] (? 2 eva pādāḥ yuktāḥ)
aha suaï diṇṇapaḍivakkhaveaṇā pasiḍhilehi aṃgehiṃ / ṇivvattiasuraarasāṇuvaṃdhasuhaṇibbharaṃ vahuā // 717	āryā (12, 18, 12, 15)
jaï teṇa tujjha vaaṇaṃ ṇa kaaṃ maha kāraṇeṇa a haāse / sā kīsa khaṃḍiataḍaṃ ṇiāharaṃ dūi dummesi // 718	āryā (12, 18, 12, 15)
nirmalagaganataḍāge tārāgaṇakusumabhitetimire / bhikaravobālaṃ carati mṛgāṃko marāla iva // 719	na kiṃcid adhyavasitam
diṭṭhāi jaṃ ṇa diṭṭho saralasahāvāi jaṃ ca ṇā 'lavio / uvaāro jaṃ ṇa kao taṃ cia kaliaṃ chaïllehiṃ // 720	āryā (12, 18, 12, 15)
aviralaṇiggaapulao paaḍiakaṃpo pamukkasikkāro / hemaṃte pahiajaṇo suraāsatto vva paḍihāi // 721	āryā (12, 18, 12, 15)
vahuvihavilāsabharie surae labbhaṃti jāi sokkhāiṃ / virahammi tāi piasahi khāuggiṇṇāi kīraṃti // 722	āryā (12, 18, 12, 15)
seullaṇiaṃvālaggasaṇhasicaassa maggam alahaṃto / sahi mohagholiro ajja tassa hasio mae hattho // 723	āryā (12, 18, 12, 15)
dūīkajjāaṇṇaṇapaḍirohaṃ mā karehii imaṃ ti / utthaṃghei va turiaṃ tissā kaṇṇuppalaṃ pulao // 724	āryā (12, 18, 12, 15)
mā vaccasu vīsaṃbhaṃ puttaa caḍuārao imo loo / sūīveho kaṇṇassa peccha kiṃ ṇijjaï pamāṇaṃ // 725	āryā (12, 18, 12, 15)
amiamaaṃ cia hiaaṃ hatthā taṇhāharā saaṇhāṇaṃ / caṃdamuhi kattha ṇivasaï amittadahaṇo tuha paāvo // 726	āryā (12, 18, 12, 15)
diṭṭhīa jāva pasaro tāva tumaṃ suhaa ṇivvuiṃ kuṇasi / volīṇadaṃsaṇo taha tavesi jaha houdiṭṭheṇa // 727	āryā (12, 18, 12, 15)
gajjaṃti ghaṇā paṃthāṇo vahutaṇā a pasāriā sariā / ajja vi ujjuasīle païṇo maggaṃ paloesi // 729	āryā (12, 18, 12, 15)
uṇho tti samatthijjaï ḍāheṇa saroruhāṇa hemaṃto / cariehi ṇajjaï jaṇo saṃgovaṃto vi appāṇaṃ // 730	āryā (12, 18, 12, 15)
uvahāriāi samaaṃ piṃḍāre ua kahaṃ kuṇaṃtammi / ṇavavahuāi sarosaṃ savva ccia vacchaā mukkā // 731	āryā (12, 18, 12, 15)
pajjāliūṇa aggiṃ muheṇa puttia kiṇo samosarasi / thaṇaalasapaḍiapaḍimā phuraṃti ṇa chivaṃti te jālā // 732	āryā (12, 18, 12, 15)
aggiṃ abbhuttaṃtīa putti paḍimāgaā kavolammi / kaṇṇālaṃviapallavalacchiṃ saṃdhei te jālā // 733	āryā (12, 18, 12, 15)
kaha de dhūmaṃdhāre abbhuttaṇaṃ aggiṇo samappihaï / muhakamalacuṃvaṇālehaḍammi pāsaṭṭhie diare // 734	āryā (12, 18, 12, 15)
āaṃvacchaṃ paalaṃtavāham āvaddhathaṇaharukkaṃpaṃ / asamattaṃ cia ciṭṭhaü sihiṇo abbhuttaṇam iṇaṃ te // 735	āryā (12, 18, 12, 15)
chaṇapāhuṇie 'tti kiṇo ajja vi ṇaṃ bhaṇaha aṃgasaṃtāvaṃ / jāā amha gharillaaguṇeṇa gharasāmiṇi ccea // 736	āryā (12, 18, 12, 15)
vaṇṇakkamaṃ ṇa āṇasi ṭhāṇavisuddhī vi de ṇa ṇivvaḍiā / cittaara taha vi maggasi bhoiṇikuḍḍammi ālihiuṃ // 737	āryā (12, 18, 12, 15)
vialiakalākalāvo caṃdo mittassa maṃḍalaṃ visaï / ṇissaraï tādiso ccia gaavihavaṃ ko samuddharaï // 738	āryā (12, 18, 12, 15)
ṇā 'haṃ dūī suṃdara tīe pio si ṇa amha vāvāro / sā maraï tujjha virahe eaṃ dhammakkharaṃ bhaṇimo // 739	āryā (12, 18, 12, 15)
jo hoi rasāisao suviṇaṭṭhāṇaṃ vi puṃḍaïcchūṇaṃ / katto so hoi raso mohāsāṇaṃ aṇicchūṇaṃ // 740	āryā (12, 18, 12, 15)
jaï vi hu dilliṃdiliā taha vi hu mā putti ṇaggiā bhamasu / cheā ṇaarajuāṇo māaṃ dhūāi lakkhaṃti // 741	āryā (12, 18, 12, 15)
gaagaṃḍaagavaasarabhaserihasaddūlarikkhajāīṇaṃ / thaṇaā vāhavahūe abhaaṃ dāuṃ va ṇikkaṃtā // 742	āryā (12, 18, 12, 15)
bhiuḍīa puloissaṃ ṇibbhacchissaṃ paraṃmuhī hossaṃ / jaṃ bhaṇaha taṃ karissaṃ sahīu jaï taṃ ṇa pecchissaṃ // 743	āryā (12, 18, 12, 15)
jaṃ keaveṇa pemmaṃ jaṃ ca valā jaṃ ca atthaloheṇa / jaṃ uvarohaṇimittaṃ ṇamoṇamo tassa pemmassa // 744	āryā (12, 18, 12, 15)
kassa ṇa saddhā garuattaṇammi païṇo pasāamāṇassa / jaï māṇabhaṃjaṇīo ṇa hoṃti hemaṃtarāīo // 745	āryā (12, 18, 12, 15)
avvo tahiṃtahiṃ cia gaaṇe bhamiūṇa vīsamaṃteṇa / vohittavāaseṇa vva hāsiā ḍaḍḍhapemmeṇa // 746	āryā (12, 18, 12, 15)
de ā dumasu tumaṃ ciya mā parihara putti paḍhamadumiyaṃ ti / kiṃ kuḍḍaṃ ṇiamuhaaṃdakaṃtidumiaṃ ṇa lakkhesi // 747	āryā (12, 18, 12, 15)
vijjaṃti taṇuṃ uvaṇeṃti veaṇaṃ ṇeyatāṇa khayamagge / abbo aïṭṭhapuvvo aṇaṃgabāṇāṇa māhappo // 748	āryā (12, 18, 12, 15)
āmoḍaūṇa balāu hatthaṃ majjhaṃ gao si bho pahia / hiaāu jaï a ṇīhasi sāmatthaṃ tujjha jāṇissaṃ // 749	āryā (12, 18, 12, 15)
saddhā me tujjha piyattaṇassa ahayaṃ tu taṃ ṇa yāṇāmi / de pasiya tumaṃ ciya sikkhavesu jaha te piyā homi // 750	āryā (12, 18, 12, 15)
pemmummaïyāi mae uvaūḍho haliyaüttabuddhīe / phaṃsemi jāva pharuso taṇapuriso gāmasīmāe // 751	āryā (12, 18, 12, 15)
be maggā dharaṇiyale māṇiṇi māṇoṇṇayāṇa purisāṇa / ahavā pāvaṃti siriṃ ahava bhamaṃtā samappaṃti // 752	āryā (12, 18, 12, 15)
katto kamalāṇa raī katto kumuyāṇa sīalo caṃdo / taha sajjaṇāṇa ṇeho ṇa calaï dūraṭṭhiāṇaṃ pi // 753	āryā (12, 18, 12, 15)
hā hā kiṃ teṇa kayaṃ mālaïvirahammi putti bhasaleṇaṃ / kaṃkellikusumamajjhe jalaṇo tti samappio appā // 754	āryā (12, 18, 12, 15)
ḍhaṃkharaseso vi hu mahuareṇa mukko ṇa mālaīviḍavo / daraviyasiyakaliyāmoyabahalimaṃ saṃbharaṃteṇa // 755	āryā (12, 18, 12, 15)
samuhāgayavolaṃtammi sā tume aghaḍiyaṃgasaṃṭhāṇā / ruṃdaṃ vi gāmaracchaṃ ṇiṃdaï taṇuaṃ ca appāṇaṃ // 756	āryā (12, 18, 12, 15)
samam acchaṃti ṇiattaṃti pasariyā raṇaraṇaṃti taddhiyahaṃ / calacitta tujjha laggā maṇorahā tīĕ hiyayammi // 757	āryā (12, 18, 12, 15)
ḍahiūṇa sayalaraṇṇaṃ aggī samavisamalaṃghaṇuvvāyo / taḍalaṃbaṃtataṇehiṃ tisiya vva ṇaïṃ samosaraï // 758	āryā (12, 18, 12, 15)
sa cciya rāmeu tumaṃ paṃḍiya ṇiccaṃ alaṃ mha ramieṇa / sabbhāvabāhirāiṃ jā jāṇaï aṭṭamaṭṭāiṃ // 759	āryā (12, 18, 12, 15)
raaṇāyarassa sāhemi ṇammae ajja mukkadakkhiṇṇā / veḍisalayāharaṃteṇa miliyā jaṃ si pūreṇa // 760	na kiṃcid adhyavasitam
rakkhaï aṇaṇṇahiyao jīvaṃ piva mahuaro payatteṇa / daraṇeṃtadīvidāḍhaggasacchahaṃ mālaīmaülaṃ // 761	āryā (12, 18, 12, 15)
taha ṇehalāliyāṇa vi avāhirillāṇa sayalakajjesu / jaṃ kasaṇaṃ hoi muhaṃ taṃ bhaṇṇaï kiṃ paīvāṇaṃ // 762	āryā (12, 18, 12, 15)
tisiyā piyaü tti mao mao vi tisio maī kareūṇa / iya mayamihuṇaṃ tisiyaṃ piyaï ṇa salilaṃ siṇeheṇa // 763	āryā (12, 18, 12, 15)
tuha sāmali dhavalacalaṃtataralatikkhaggaloyaṇabaleṇa / mayaṇo puṇo vi icchaï hareṇa saha viggahāraṃbhaṃ // 764	āryā (12, 18, 12, 15)
suhaya suhaṃ ciya kuḍali vva pehuṇo ṇiggayassa caḍuvassa / jaṇaraṃjaṇiggaho te gharammi suṇaho atihivaṃto // 765	āryā (12, 18, 12, 15)
ṇivaḍihisi suṇṇahiyae jalaharajalapaṃkilammi maggammi / uppekkhāgayapiyayamahatthe hatthaṃ pasāreṃtī // 766	āryā (12, 18, 12, 15)
ucchaṃgiyāĕ païṇā ahisāraṇapaṃkamaliṇaperaṃte / āsaṇṇapariyaṇo via sea cciya dhuvaï se pāe // 767	āryā (12, 18, 12, 15)
jaha laṃghesi paravaïṃ niyayavaïṃ bharasahaṃ pi mottūṇaṃ / taha maṇṇe kohalie ajjaṃ kallaṃ pi phuṭṭihasi // 768	āryā (12, 18, 12, 15)
aṇusoyaï haliyabahū raïkiraṇoluggapaṃḍuracchāyaṃ / raṇṇuṃduradaṃtukkhuttavisamavaliyaṃ tilacchettaṃ // 769	āryā (12, 18, 12, 15)
ovālaammi sīāluāṇa vaïmūlam ullihaṃtāṇaṃ / diṃbhāṇa kaliṃcayavāvaḍāṇa suṇṇo jalaï aggī // 770	āryā (12, 18, 12, 15)
mā mā muya parihāsaṃ deara aṇahoraṇā varāī sā / sīyammi vi pāsijjaï puṇo vi esiṃ kuṇasu chāyaṃ // 771	āryā (12, 18, 12, 15)
kiṃ tassa pāraeṇaṃ kim aggiṇā kiṃ ca gabbhaharaeṇa / jassa ṇisammaï uare uṇhāyaṃtatthaṇī jāyā // 772	āryā (12, 18, 12, 15)
kamalāyarāṇa uṇho hemaṃto sīalo jaṇavayassa / ko kira bhiṇṇasahāvaṃ jāṇaï paramatthayaṃ loe // 773	āryā (12, 18, 12, 15)
hema.mte himaraadhūsarassa oasaraṇassa pahiyassa / sumariyajāyāmuhasijjirassa sīyaṃ ciya paṇaṭṭhaṃ // 774	āryā (12, 18, 12, 15)
uvaïsaï laḍiyāṇa kaḍḍhei rasaṃ ṇa dei sottuṃ je / jaṃtassa juvvaṇassa ya ṇa hoi icchu cciya sahāvo // 775	na kiṃcid adhyavasitam
bahuehi jaṃpiehiṃ siṭṭhaṃ amha savahe kareūṇa / saddo cciya se bhaddo bhoiṇijaṃte raso ṇa tthi // 776	āryā (12, 18, 12, 15)
paḍhamaṃ ciya māhavapaṭṭayaṃ va ghettūṇa ḍāhiṇo vāo / aṃkollapaḍhamavattaṃ pahiṃḍio gāmaracchāsu // 777	āryā (12, 18, 12, 15)
so māṇo piyamuhaaṃdadaṃsaṇe kaha thiro dharijjihaï / aṃkollakoraāṇa vi jo phuṭṭamuhāṇa bīhei // 778	āryā (12, 18, 12, 15)
kāraṇagahio vi mae māṇo emea jaṃ samosariyo / atthakkaphulla aṃkolla tujjha taṃ matthae paḍaü // 779	āryā (12, 18, 12, 15)
raṃjeha deha rūvaṃ raeha kusumāi deha vicchittiṃ / ṇa vi taha puhavīsassa vi halahalao jaha vasaṃtassa // 780	āryā (12, 18, 12, 15)
sisire vaṇadavaḍaḍḍhaṃ vasaṃtamāsammi uaha saṃbhūyaṃ / maṃkusakaṇṇasaricchaṃ dīsaï pattaṃ palāsassa // 781	āryā (12, 18, 12, 15)
dūrapaïṇṇaparimalaṃ sapallavaṃ muddhapupphapaṃguraṇaṃ / aṃgacchittaṃ piva vammaheṇa diṇṇaṃ mahusirīe // 782	āryā (12, 18, 12, 15)
kāraṇagahiaṃ pi imā māṇaṃ moei māṇiṇiaṇassa / sahayāramaṃjarī piyasahi vva kaṇṇe samallīṇā // 783	āryā (12, 18, 12, 15)
ajjaṃ ciya chaṇadiaho mā putti ruehi ehaï pio tti / suṇhaṃ āsāsaṃtī paḍiyattamuhī ruvaï sāsū // 784	āryā (12, 18, 12, 15)
diyahediyahe ṇivaḍaï gihavaïdhūāṇiheṇa māucchā / saṃgahaṇaï tti vāvaü vasuhārā khujjasahayāre // 785	āryā (12, 18, 12, 15)
āucchaṇovaūhaṇakaṃṭhasamosariyabāhulaïyāe / valayāi pahiyacalaṇe bahūĕ ṇiyalāi va paḍaṃti // 786	āryā (12, 18, 12, 15)
uḍḍiyapāsaṃ taṇachaṇṇakaṃdaraṃ ṇihuasaṃṭhiyāvakkhaṃ / jūhāhiva parihara muhamettasarīyaṃ kala // 787	ajñātasamavṛtta [7: Btl] (? 2 eva pādāḥ yuktāḥ)
guṇasāliṇo vi kariṇo hohaï jūhāhivattaṇaṃ katto / ṇavasālikavalalohilliāĕ viṃjhaṃ muaṃtassa // 788	āryā (12, 18, 12, 15)
vihiṇā aṇujjueṇaṃ puttaya jāo kulammi paḍhamammi / jāivisuddho bhaddo vi baṃdhaṇaṃ pāvaï khaṇammi // 789	āryā (12, 18, 12, 15)
caüpāsadiṇṇahuyavahavisamāha haveḍhaṇāpiulaṃ / ṇivvāheuṃ jāṇaï jūhaṃ jūhāhivo cceva // 790	upagīti (12, 15, 12, 15)
allaggakavoleṇa vi gayamaïṇā pattadasāvasaṇammi / ajja vi māĕ saṇāhaṃ gayavaïjūhaṃ dharaṃteṇa // 791	āryā (12, 18, 12, 15)
ṇa vi taha dūmei maṇaṃ gayassa baṃdho vi kariṇiviraho vi / dāṇavioyavimuhie jaha bhamaraüle bhamaṃtammi // 792	āryā (12, 18, 12, 15)
gāmammi mohaṇāiṃ diṇṇe khagge vva corahitthāiṃ / gahavaïṇo ṇāmeṇaṃ kiyāi aṇneṇa vi jaṇeṇa // 793	āryā (12, 18, 12, 15)
maliṇāiṃ aṃgāiṃ bāhiraloeṇa maṃsaluddheṇa / hiyayaṃ hiyaeṇa viṇā ṇa dei vāhī bhamaï haṭṭaṃ // 794	āryā (12, 18, 12, 15)
kaḍhiṇakharavīrapellaṇahalaṃ va pattharaviṇiggayaggikaṇe / dhacaloāyariyavahe kasarā vi suheṇa vaccaṃti // 795	āryā (12, 18, 12, 15)
ṇakkhamaūhesu khaṇaṃ kusumesu khaṇaṃ khaṇaṃ kisalaesu / hatthesu khaṇaṃ kusumocciyāi loḍāviyā bhasalā // 796	āryā (12, 18, 12, 15)
chettammi jeṇa ramiyā tāo kira tassa ceya maṃdei / jaï tīa imaṃ ṇisuyaṃ phuṭṭaï hiyayaṃ harisayāe // 797	āryā (12, 18, 12, 15)
hiyayaṃ ṇiyāmi kaḍhiṇaṃ pā hāseṇa ghaḍiyaṃ me / virahāṇaleṇa tattaṃ rasasittaṃ aṃtitā phuḍaha // 798	ajñātasamavṛtta [7: sjl] (? 2 eva pādāḥ yuktāḥ)
aṇṇe te kila sihiṇo siṇarasaseeṇa huṃti vicchāyā / āsāiyarasaseo hoi viseseṇa ṇehajo dahaṇo // 799	gīti (12, 18, 12, 18)
aṃto ṇibhuaṭhṭhiapariaṇāi oruddhadāraṇaaṇāi / gimhe ghoraṭṭaghagghararaveṇa ghoraṃti va gharaṭṭa // 800	āryā (12, 18, 12, 15)
jīhāi paraṃ libbhaï daṃtoṭṭheṇaṃ ṇa tīrae gahiuṃ / aharo vva savvaṇo gohaṇeṇa paḍhamo taṇuccheo // 801	āryā (12, 18, 12, 15)
jaha vellīhi ṇa māasi jaha icchasi paravaïṃ pi laṃgheuṃ / taha ṇūṇaṃ kohalie ajjaṃ kalhiṃ va phullihisi // 802	āryā (12, 18, 12, 15)
vilāsaṇiguruṇiaṃvo tīraü calaṇehi dohi uvvahiuṃ / eāī uṇa majjho thaṇabhāraṃ kaï ṇu uvvahaī // 803	āryā (12, 18, 12, 15)
vārijjaṃtī ṇavakomui tti mā putti aṃgaṇe suvasu / mā te aṃvupisāo caṃdo tti muhaṃ gasijjihii // 804	āryā (12, 18, 12, 15)
suvvaṃto āsi paraṃparāi kahakaha vi diṭṭhimilio 'si / de suhaa kiṃ pi jaṃpasu piaṃtu kaṇṇāi me amiaṃ // 805	āryā (12, 18, 12, 15)
virahakisiā varāī diṇāi āsaṇṇagimhapariṇāmāiṃ / kaḍhiṇahiao pavāsī ṇa āṇimo kaha samappihii // 806	ajñātasamavṛtta [10: nsyl] (? 2 eva pādāḥ yuktāḥ)
roāvia mha māe aṃgaṇapahieṇa darapasutteṇa / parivattasu māṇiṇi māṇiṇi tti siviṇe bhaṇaṃteṇa // 807	āryā (12, 18, 12, 15)
māṇaṃsiṇīa païṇā ṇaaṇakavolāharappahābhiṇṇā / ujjuasuracāvaṇihā vāhoārā ciraṃ diṭṭhā // 808	āryā (12, 18, 12, 15)
sarahasaviṇiggaāi vi icchāi tumaṃ ṇa tīa saccavio / sīsāhaavaliabhuaṃgavaṃkaracche haaggāme // 809	āryā (12, 18, 12, 15)
sā tuha virahe ṇikkiva saṃdhārijjaï sahīhi ṇiuṇāhi / caṃḍālahatthagaasaüṇia vva jīe ṇirālaṃvā // 810	āryā (12, 18, 12, 15)
kappāsaṃ kuppāsaṃtarammi taï khittam itti bhaṇiūṇa / attā valā 'hireṇaṃ thaṇāṇa maha kāriā 'vatthā // 811	āryā (12, 18, 12, 15)
gāīu paṃcakhāriṃbharīu cattāri pakkalavaïllā / saṃpaṇṇaṃ vālāvallaraaṃ sevā sivaṃ kuṇaü // 812	āryā (12, 18, 12, 15)
aṇurāaraaṇabhariaṃ kaṃcaṇakalasa vva taruṇithaṇavaṭṭaṃ / tassa cia muhammi kiā masimuddā maaṇarāeṇa // 813	āryā (12, 18, 12, 15)
vijja piāsā vahalaï ghaṇatāo khaṇakhaṇammi romaṃco / hiae ṇa bhāi aṇṇaṃ lajjāpatthehi tejiā pāṇā // 814	gīti (12, 18, 12, 18)
gāhāṇa a geāṇa a tantīsaddāṇa poḍhamahilāṇa / tāṇaṃ so ccia daṇḍo je tāṇa rasaṃ ṇa āṇaṃti // 815	āryā (12, 18, 12, 15)
vivarīaraammi sirī bamhaṃ daṭṭhūṇa ṇāhikamalatthaṃ / hariṇo dāhiṇaaṇaṃ rasāulā jhatti ḍhakkei // 816	na kiṃcid adhyavasitam
laḍahavilaāṇa loaṇakaḍakkhavikkhevajaṇiasaṃdāvā / jhijjaṃti mahāsattā cittuvveaṇasahā hoṃti // 817	āryā (12, 18, 12, 15)
taha hasa jaha ṇa hasijjasi taha jaṃpa jahā parappiaṃ hoi / taha jia jaha lahasi jasaṃ taha mara jaha ṇa uṇa saṃbhavasi // 818	āryā (12, 18, 12, 15)
chappaa gammasu sisiraṃ pāsākusumehi tāva mā marasu / jīaṃto dacchihisi a puṇo vi riddhiṃ vasaṃtassa // 819	āryā (12, 18, 12, 15)
savvattha hoi ṭhāṇaṃ rāsahamahisāṇa mesavusahāṇaṃ / bhaddagaïṃdāṇam aho mahāvaṇam ahava mahārāo // 820	āryā (12, 18, 12, 15)
avvo ṇa āmi chettaṃ khajjaü sālī vi kīraṇivahehiṃ / jāṇaṃtā avi pahiā pucchaṃti puṇopuṇo maggaṃ // 821	āryā (12, 18, 12, 15)
atthakkāgaadiṭṭhe vahuā jāmāduammi gurupurao / jūraï ṇivaḍaṃtāṇaṃ harisaviphaṃdaṃtavalaāṇaṃ // 822	āryā (12, 18, 12, 15)
acchīhi tujjha suṃdari bāhiradhavalehi majjhakasaṇehi / eehi ko ṇa damio pisuṇehi va kaṇṇalaggehi // 823	āryā (12, 18, 12, 15)
eha imīa ṇiacchaha vimhiahiaā sahī puloei / addāammi kavolaṃ kavolapaṭṭammi addāaṃ // 824	āryā (12, 18, 12, 15)
kaïā jāā kaïā ṇu sikkhiā māiā haakumārī / taṃtaṃ jāṇaï savvaṃ jaṃjaṃ mahilāŏ jāṇaṃti // 825	āryā (12, 18, 12, 15)
khaṇapiṭṭhadhūsaratthaṇi mahumaataṃbacchi kuvalaābharaṇe / kaṇṇagaacūamaṃjari putti tue maṃḍio gāmo // 826	āryā (12, 18, 12, 15)
maggialaddhe balamoḍicuṃbie appaṇeṇa uvaṇīde / ekkammi piāahare aṇṇaṇṇā hoṃti rasaheā // 827	āryā (12, 18, 12, 15)
upphullaloaṇeṇaṃ kavolabosaṭṭamāṇaseeṇaṃ / ahaṇaṃteṇa vi bhaṇiā muheṇa se kajjaṇivvuttī // 828	āryā (12, 18, 12, 15)
jattha ṇa ujjāgarao jattha ṇa īsā visūraṇaṃ māṇo / sabbhāvacāḍuaṃ jattha ṇa tthi ṇeho tahiṃ ṇa tthi // 829	āryā (12, 18, 12, 15)
maha païṇā thaṇajuale pattaṃ lihiaṃ ti gavviā kīsa / ālihaï mahaṃ pi pio jaï se kaṃpo ccia ṇa hoi // 830	āryā (12, 18, 12, 15)
kaṇṇe paḍiaṃ hiae paḍiaṃ cia o mae abhavvāe / jāmi tti tujjha vaaṇaṃ kiṃ va ṇa sahiaṃ pavāsassa // 831	āryā (12, 18, 12, 15)
samapaṃthapatthiassa vi pahiassa khalaṃti puḍhamadiahammi / hiaaṭṭhiajāāguruṇiaṃvahāreṇa va paāi // 832	āryā (12, 18, 12, 15)
saṃdeso vi ṇa lihio lehe pahieṇa kattha gharatattī / aṇavaraalihiagehiṇigottakkharapūrie patte // 833	āryā (12, 18, 12, 15)
uppekkhāgaadaïaṃgasaṃgamuccaliaviuṇaseāe / bolīṇo vi ṇa ṇāo paütthapaïāi hemaṃto // 834	āryā (12, 18, 12, 15)
siviṇaaladdhapiaamapulaïuggamaṇibbharehi aṃgehiṃ / pariraṃbhaṇe suhāiṃ pāvaü mā ṇaṃ paboheha // 835	āryā (12, 18, 12, 15)
vijjhāvei paīvaṃ abbhuṭṭhaṃtīĕ pahiajāāe / piaamavioadīharaṇīsahaṇīsāsariṃcholī // 836	āryā (12, 18, 12, 15)
jaṃ pīaṃ maṃgalavāsaṇāĕ patthāṇapaḍhamadiahammi / bāhasalilaṃ ṇa ciṭṭhaï taṃ cia virahe ruvaṃtīe // 837	āryā (12, 18, 12, 15)
ukkaṃṭhāṇicchāā savvaṃ uṇa pariaṇaṃ ruāvei / āaṃbirehi ajjhā phusiaparuṇṇehi acchīhi // 838	āryā (12, 18, 12, 15)
jaha diahavirāmo ṇavasirīsagaṃdhuddhurāṇilagghavio / pahiaghariṇīa ṇa tahā tavei tivvo vi majjhaṇho // 839	āryā (12, 18, 12, 15)
cirapavasiadaïakahā ṇiuṇāhi sahīhi virahasahaṇatthaṃ / aliā avi avarāhā vahūĕ kamaso kahijjaṃti // 840	āryā (12, 18, 12, 15)
jaṃjaṃ paütthapaïā piaamaṇāmakkharaṃ lihaï lehe / taṃtaṃ tallehaṇiāṇusāragalio pusaï seo // 841	āryā (12, 18, 12, 15)
acchaü ṇimīliacchī mā mā vāreha piaamāsāe / teṇa viṇā kiṃ pecchaü ummillehiṃ vi acchīhiṃ // 842	āryā (12, 18, 12, 15)
dīhuṇhā ṇīsāsā raṇaraṇao rujjagaggiraṃ geaṃ / piavirahe jīviavallahāṇa eso ccia viṇoo // 843	āryā (12, 18, 12, 15)
jaï devva tuṃ pasaṇṇo mā karihisi majjha māṇusaṃ jammaṃ / jaï jammaṃ mā pemmaṃ jaï pemmaṃ mā jaṇe dulahe // 844	āryā (12, 18, 12, 15)
rāīṇa bhaṇaï loo jā kila gimhammi hoṃti maḍahāo / maha uṇa daïeṇa viṇā ṇa āṇimo kīsa vaḍḍhaṃti // 845	āryā (12, 18, 12, 15)
ekke aaṇe diahā vīe raaṇīŏ hoṃti dīhāo / virahāaṇo apuvvo ettha duve ccea vaḍḍhaṃti // 846	āryā (12, 18, 12, 15)
cirajīvittaṇakaṃkhiri mā tamma rasāaṇehi athirehi / virahaṃ pavajja jāaṃti jeṇa juadīharā diahā // 847	āryā (12, 18, 12, 15)
ruaï ruaṃtīĕ mae ohidiṇe gaṇaï jhijjaï ahaṃ va / piavirahe māmi saajjhiāĕ ṇeho ccia apuvvo // 848	āryā (12, 18, 12, 15)
kaṃṭhaggahaṇeṇa saajjhiāĕ abbhāgaovaāreṇa / vahuāĕ païmmi vi āgaammi sāmaṃ muhaṃ jāaṃ // 849	āryā (12, 18, 12, 15)
caṃdo vi caṃdavaaṇe muṇālabāhālae muṇālāiṃ / iṃdīvarāi iṃdīvaracchi tāveṃti tuha virahe // 850	āryā (12, 18, 12, 15)
guruaṇaparavasa pia kiṃ bhaṇāmi tuha maṃdabhāiṇī ahaaṃ / ajja pavāsaṃ vajjasi vacca saaṃ cea muṇasi karaṇijjaṃ // 851	gīti (12, 18, 12, 18)
vitthiṇṇaṃ mahiveḍhaṃ viulaṇiaṃbāŏ pīṇathaṇiāo / labbhaṃti visālacchīŏ suhaa juvaīŏ mā tamma // 852	āryā (12, 18, 12, 15)
kajjaṃ viṇā vi vialaṃtapemmarāaṃ tumaṃ ṇiacchaṃtī / hiaāsaṃkiaṇiadosadummaṇā tāmaï varāī // 853	āryā (12, 18, 12, 15)
dūī ṇa ei caṃdo vi uggao jāmiṇī vi bolei / savvaṃ savvattho ccia visaṃṭhulaṃ kassa kiṃ bhaṇimo // 854	āryā (12, 18, 12, 15)
dūī gaā cirāaï kiṃ so maha pāsam ehii ṇa ve 'tti / jīviamaraṇaṃtarasaṃṭhiāĕ aṃdolae hiaaṃ // 855	āryā (12, 18, 12, 15)
so ṇā 'gao tti pecchaha parihāsullāvirīĕ dūīe / ṇūmaṃtīa pahariso osaṭṭaï gaṃḍapāsesu // 856	āryā (12, 18, 12, 15)
kaha ṇu gaā kaha diṭṭho kiṃ bhaṇiaṃ kiṃ va teṇa paḍibhaṇiaṃ / eaṃ cia ṇa samappaï puṇaruttaṃ jaṃpamāṇīe // 857	āryā (12, 18, 12, 15)
dūīmuhaaṃdapuloirīĕ kiṃ bhaṇihii tti ajjhāe / piasaṃgamalaliamaṇorahāĕ hiaaṃ tharatharei // 858	āryā (12, 18, 12, 15)
appāhiāi tuha teṇa jāi tāiṃ mae ṇa muṇiāi / accuṇhassāsaparikkhalaṃtavisamakkharapaāiṃ // 859	āryā (12, 18, 12, 15)
sāheṃtī sahi suhaaṃ khaṇekhaṇe dūmiā si majjha kae / sabbhāvaṇehakaraṇijjasarisaaṃ dāva viraïaṃ tumae // 860	gīti (12, 18, 12, 18)
jaṃ tuha kajjaṃ taṃ cia kajjaṃ majjha tti jaṃ saā bhaṇasi / o dūi saccavaaṇe ajja si pāraṃ gaā tassa // 861	āryā (12, 18, 12, 15)
ṇavalaapaharuttatthāĕ taṃ kaaṃ haliavahuāe / jaṃ ajja vi juvaïjaṇo ghareghare sikkhiuṃ mahaï // 862	upagīti (12, 15, 12, 15)
dhaṇṇo si re haliddaa haliasuāpīṇathaṇabharucchaṃge / pecchaṃtassa vi païṇo jaha tuha kusumāi ṇivaḍaṃti // 863	āryā (12, 18, 12, 15)
saccaṃ cia kaṭṭhamao suraṇāho jeṇa haliadhūāe / hatthehi kamaladalakomalehi cikko ṇa pallavio // 864	āryā (12, 18, 12, 15)
emea akaapuṇṇā appattamaṇorahā vivajjissaṃ / jaṇavāo vi ṇa jāo teṇa samaṃ haliaütteṇa // 865	āryā (12, 18, 12, 15)
lajjāpajjattapasāhaṇāi paratattiṇippivāsāiṃ / aviṇaadiṃmohāiṃ dhaṇṇāṇa ghare kalattāiṃ // 866	āryā (12, 18, 12, 15)
hasiam aviāramuddhaṃ bhamiaṃ virahiavilāsasacchāaṃ / bhaṇiaṃ sahāvasaralaṃ dhaṇṇāṇa ghare kalattāṇaṃ // 867	āryā (12, 18, 12, 15)
païṇā vaṇṇijjaṃte akkhāṇaasuṃdarīĕ rūvammi / īsāmaccharagaruaṃ ghariṇī huṃkāraaṃ dei // 868	āryā (12, 18, 12, 15)
vāhijjaṃti ṇa kassa vi rottūṇaṃ ṇea pāaḍijjaṃti / māṇaviārā kulapāliāĕ hiae vilāveṃti // 869	āryā (12, 18, 12, 15)
ahiaṃ suṇṇāi ṇiraṃjaṇāi vaïrikkaruṇṇapusiāi / virahukkaṃṭhaṃ kulapāliāi sāhaṃti acchīiṃ // 870	āryā (12, 18, 12, 15)
kulapāliāĕ pecchaha jovvaṇalāaṇṇavibbhamavilāsā / pavasaṃti vva pavasie eṃti vva pie gharaṃ eṃte // 871	āryā (12, 18, 12, 15)
païpurao ccia rabhaseṇa cuṃbio devaro aḍaaṇāe / maha vaaṇaṃ maïrāgaṃdhiaṃ ti hāā tuhaṃ bhaṇaï // 872	āryā (12, 18, 12, 15)
taha aḍaaṇāĕ ruṇṇaṃ païmaraṇe bāharuddhakaṃṭhīe / aṇumaraṇasaṃkiṇo jaha jārassa vi saṃkiaṃ hiaaṃ // 873	āryā (12, 18, 12, 15)
vāṇīrakuḍuṃguḍḍīṇasaüṇikolāhalaṃ suṇaṃtīe / gharakammavāvuḍāe vahūĕ sīaṃti aṃgāiṃ // 874	āryā (12, 18, 12, 15)
ṇollei aṇollamaṇā attā maṃ gharabharammi saalammi / khaṇamettaṃ jaha saṃjhāĕ ṇavara ṇa va hoi vīsāmo // 875	āryā (12, 18, 12, 15)
ṭhāṇeṭhāṇe valiā valaṇevalaṇe saveḍasakuḍuṃgā / ṇa gao si amha gāmaṃ diara ṇa diṭṭhā tue muralā // 876	āryā (12, 18, 12, 15)
mahuehi kiṃ va vālaa harasi ṇiaṃbāhi jaï vi me siaaṃ / sāhāmi kassa raṇṇe dūre gāmo ahaṃ ekkā // 877	āryā (12, 18, 12, 15)
kālakkharadūsikkhia dhammia re ṇiṃbakīḍaasariccha / doṇṇa vi ṇiraaṇivāso samaaṃ jaï hoi tahi hodu // 878	āryā (12, 18, 12, 15)
paṃthaa ṇa ettha saṃtharam atthi maṇaṃ pattharatthale gāme / uṇṇaapaohare pekkhiūṇa jaï vasasi tā vasasu // 879	āryā (12, 18, 12, 15)
vihalakkhaṇaṃ tumaṃ sahi daṭṭhūṇa kuḍeṇa taralataradiṭṭhiṃ / vārapphaṃsaṇiheṇa a appā garuo tti pāḍiavihiṇṇo // 880	gīti (12, 18, 12, 18)
aïviulaṃ jalakuṃbhaṃ ghettūṇa samāgaa mhi sahi turiaṃ / samaseasalilaṇīsāsaṇīsahā vīsamāmi khaṇaṃ // 881	āryā (12, 18, 12, 15)
aṇumaraṇe hasaï jaṇo rottuṃ vi ṇa labbhaï jahecchaṃ / tā ettha kiṃ karissaṃ coriaramaṇe vivajjaṃte // 882	upagīti (12, 15, 12, 15)
mā putti vaṃkabhaṇiaṃ jaṃpasu purao tumaṃ chaüllāṇaṃ / hiaeṇa jaṃ ca bhaṇiaṃ taṃ pi haāsā viāṇaṃti // 883	āryā (12, 18, 12, 15)
vaṃkabhaṇiāi katto katto addhacchipecchiavvāi / ūsasiuṃ pi ṇa tīraï chaüllaparivārie gāme // 884	āryā (12, 18, 12, 15)
tattha vi hoṃti sahīo puttali mā ruvasu jattha diṇṇā si / tattha vi ṇiuṃjalīlā tattha vi girivāhiṇī golā // 885	āryā (12, 18, 12, 15)
kassa va ṇa hoi roso daṭṭhūṇa piāĕ savvaṇaṃ aharaṃ / sabhamarakamalagghāiri vāriavāme sahasu eṇhiṃ // 886	āryā (12, 18, 12, 15)
chappattiā vi khajjaï ṇippatte putti ettha ko doso / ṇiapurise vi ramijjaï parapurisavivajjie gāme // 887	āryā (12, 18, 12, 15)
amuṇiaparapurisasuho jaṃpaü jaṃ kiṃ pi aṇṇao loo / ṇiapurisehi vi amhe parapuriso tti ccia ramāmo // 888	āryā (12, 18, 12, 15)
māe gharovaaraṇaṃ ajja khu ṇa tthi tti sāhiaṃ tumae / tā bhaṇa kiṃ karaṇijjaṃ emea ṇa vāsaro ṭhāi // 889	āryā (12, 18, 12, 15)
sacchaṃdaramaṇadaṃsaṇasaṃvaḍḍhiagaruavammahavilāsaṃ / suviaḍḍhavesavilaāramiaṃ ko vaṇṇiuṃ taraï // 890	āryā (12, 18, 12, 15)
sāmaṇṇasuṃdarīṇaṃ vibbhamam āvahaï aviṇao ccea / dhūmo vi hu pajjaliāṇaṃ mahuro hoi surabhidārūṇaṃ // 891	gīti (12, 18, 12, 18)
avvo kālassa gaī so vi juā sarasakavvadullalio / paḍhaï parāsarasaddaṃ amhe vi ṇiaṃ païṃ gamimo // 892	āryā (12, 18, 12, 15)
paṇamaha māṇassa halā calaṇe kiṃ devaehi aṇṇehiṃ / jassa pasāeṇa pio gholaï pāaṃtapāsesu // 893	āryā (12, 18, 12, 15)
aṇuṇaapasaraṃ pāapaḍanūsavaṃ rabhasacuṃbaṇasuhelliṃ / eāi a aṇṇāi a avaso vva kao phalaï māṇo // 894	āryā (12, 18, 12, 15)
jaï puttali bahuehiṃ aṇuṇaasokkhehi atthi de kajjaṃ / tāva rua geṇha māṇaṃ khaṇamettaṃ tammi suhaammi // 895	āryā (12, 18, 12, 15)
āṇā aṇālavaṃtīĕ kīrae dīsae parāhutto / ṇiṃtammi ṇīsisijjaï putti apuvvokkhu de māṇo // 896	āryā (12, 18, 12, 15)
jaṃjaṃ bhaṇaha sahīo āma karissāma savvahā taṃtaṃ / jaï taraha ruṃbhiuṃ maha dhīraṃ samuhāgae tammi // 897	āryā (12, 18, 12, 15)
alliaï diṭṭhiṇibbhacchio vi vihuo vi laggae siae / pahao vi cuṃbaï balā alajjae kaha ṇu kuppissaṃ // 898	āryā (12, 18, 12, 15)
himajoacuṇṇahatthāŏ jassa dappaṃ kuṇaṃti rāīo / kaha tassa piassa mae tīraï māṇo halā kāuṃ // 899	āryā (12, 18, 12, 15)
kiṃ bhaṇaha maṃ sahīo karehi māṇaṃ ti kiṃ tha māṇeṇa / sabbhāvavāhire tammi majjha māṇeṇa vi ṇa kajjaṃ // 900	āryā (12, 18, 12, 15)
jaïā pio ṇa dīsaï bhaṇaha halā kassa kīrae māṇo / aha diṭṭhammi vi māṇo tā tassa piattaṇaṃ katto // 901	āryā (12, 18, 12, 15)
jāṇimi kaāvarāhaṃ jāṇimi aliāi bhaṇaï saalāi / aṇuṇeṃte uṇa jāṇe kaāvarāhaṃ va appāṇaṃ // 902	āryā (12, 18, 12, 15)
avarāhasahassāiṃ bharimo hiaeṇa tammi addiṭṭhe / diṭṭhammi uṇa piasahī ekkaṃ pi hu ṇaṃ ṇa saṃbharimo // 903	āryā (12, 18, 12, 15)
bhaṇabhaṇa jaṃjaṃ paḍihāi tujjha taṃtaṃ sahāmimo amhe / asahattaṇaṃ ca jīaṃ ca vallabhe doi ṇa ghaḍaṃti // 904	āryā (12, 18, 12, 15)
eaṃ cia maha ṇāmaṃ bhaṇabhaṇa de suhaa kiṃ vilakkho si / paḍihāi jaṃ ṇa tujjha vi mamaṃ pi kiṃ deṇa ṇāmeṇa // 905	āryā (12, 18, 12, 15)
suhaa muhuttaṃ suppaü jaṃ te paḍihāi taṃ pi bhaṇṇihisi / ajja ṇa pecchaṃti tuhaṃ ṇiddāgaruāi acchīi // 906	āryā (12, 18, 12, 15)
mā velavesu bahuaṃ puttaa aliehi gottehiṃ / esā vi jāṇaï ccia parihāsummissabhaṇiāiṃ // 907	upagīti (12, 15, 12, 15)
aï caṃḍi kiṃ ṇa pecchasi jaï so vāharaï aṇṇagotteṇa / aha de icchaï maccharapaṇacciacchaṃ muhaṃ daṭṭhuṃ // 908	āryā (12, 18, 12, 15)
veārijjasi muddhe gottakkhaliehi mā khu tuṃ ruvasu / kiṃ va ṇa pecchaï aṇṇaha eddahamettehi acchīhiṃ // 909	āryā (12, 18, 12, 15)
sottuṃ suhaṃ ṇa labbhaï avvo pemmassa vaṃkavisamassa / dugghaḍiamaṃcaassa va khaṇekhaṇe pāapaḍaṇeṇa // 910	āryā (12, 18, 12, 15)
ekkasaaṇammi sumuhī vimuhī garueṇa māṇabaṃdheṇa / siviṇakalahammi hoṃtī parammuhī sammuhī jāā // 911	āryā (12, 18, 12, 15)
vaḍḍhaü tā tuha gavvo bhaṇṇasi re jaï vihaṃḍaṇaṃ vaaṇaṃ / saccaṃ ṇa ei ṇiddā tue viṇā dehi oāsaṃ // 912	āryā (12, 18, 12, 15)
kaaviccheo sahibhaṃgibhaṇiasabbhāviāvarāhāe / jhaḍi āpallavaï puṇo ṇaaṇakavolesu kovatarū // 913	āryā (12, 18, 12, 15)
ummūlaṃti va hiaaṃ aṇuṇijjaṃtīŏ māṇavaṃtīo / saṃbhariamaṇṇuṇibbharabāhabharoruṃbhiamuhīo // 914	āryā (12, 18, 12, 15)
ṇa vi taha takkhaṇasuamaṇṇudukkhaviaṇāŏ vi ruvaṃti / jaha diṭṭhammi piaame aṇuṇijjaṃtīŏ taruṇīŏ // 915	upagīti (12, 15, 12, 15)
hiae rosukkhittaṃ pāapahāraṃ sireṇa patthaṃto / ṇa hao daïo māṇaṃsiṇīĕ thoraṃsuaṃ ruṇṇaṃ // 916	āryā (12, 18, 12, 15)
piaamaviiṇṇacasaaṃ acakkhiaṃ piasahīĕ deṃtīe / abhaṇaṃtīĕ vi māṇaṃsiṇīĕ kahio ccia viroho // 917	āryā (12, 18, 12, 15)
vaccihii so gharaṃ se lahihii oāsam ehii saāsaṃ / bhaṇihii jaṃ bhaṇiavvaṃ paccuttaṃ kiṃṇu pāvihii // 918	āryā (12, 18, 12, 15)
taṇuāiā varāī diahediahe miaṃkaleha vva / bahalapaoseṇa tue ṇisaṃsa aṃdhāriamuheṇa // 919	āryā (12, 18, 12, 15)
dāvaṃteṇa tuha muhaṃ bhumaābhaṃgammi hoṃtaṇavasohaṃ / akaeṇa uvakaaṃ ajja maṇṇuṇā majjha pasiacchi // 920	āryā (12, 18, 12, 15)
bhiuḍī ṇa kaā kaḍuaṃ ṇā 'laviaṃ aharaaṃ ṇa pajjuṭṭhaṃ / uvaūhiā ṇa ruṇṇā eeṇa vi jāṇimo māṇaṃ // 921	āryā (12, 18, 12, 15)
kiṃ pi ṇa jaṃpasi kāmaṃ bhaṇiaṃ ca karesi taṃ tahā turiaṃ / hiaaṃ rosuvveaṃ ti tujjha viṇao ccia kahei // 922	āryā (12, 18, 12, 15)
paripucchiā ṇa jaṃpasi cuṃbijjaṃtī balā muhaṃ harasi / parihāsamāṇavimuhe pasiacchi maṇaṃ mha dūmesi // 923	āryā (12, 18, 12, 15)
aï pīṇatthaṇaütthaṃbhiāṇaṇe suaṇu suṇasu maha vaaṇaṃ / athirammi jujjaï ṇa jovvaṇammi māṇo pie kāduṃ // 924	āryā (12, 18, 12, 15)
taralacchi caṃdavaaṇe thoratthaṇi kariaroru taṇumajjhe / dīhā ṇa samappaï sisirajāmiṇī kaha ṇu de māṇo // 925	āryā (12, 18, 12, 15)
suhaā vi suṃḍarī vi hu taruṇī vi hu māṇiṇi tti ā putti / caṃdaṇalaṭṭhi vva huaṃgadūmiā kiṃ ḍu dūmesi // 926	āryā (12, 18, 12, 15)
paḍivakkhassa vi purao samuhaṃ bhaṇiā si teṇa pasia tti / avalaṃbiassa māṇiṇi māṇassa a kiṃ phalaṃ aṇṇaṃ // 927	āryā (12, 18, 12, 15)
kaḍḍhesi caliavalae hatthe muṃcesi ahamuhī bāhaṃ / paḍiruṃbhasi ṇīsāse bahuaṃ te māṇaviṇṇāṇaṃ // 928	āryā (12, 18, 12, 15)
kajjaṃ viṇā vi kaamāṇaḍaṃbarā pulaabhiṇṇasavvaṃgī / ujjallāliṃgaṇasokkhalālasā putti muṇiā si // 929	āryā (12, 18, 12, 15)
haṃho kiṃ va ṇa diṭṭhaṃ halā mae jīviaṃ dharaṃtīe / so maṃ aṇuṇei pio ahaṃ pi aṇuṇijjimi haāsā // 930	āryā (12, 18, 12, 15)
tā sokkhaṃ tāva raī tā raṇaraṇaassa ṇa tthi oāso / jā dukkhekkaṇihāṇe ṇa hoi bahuvallahe pemmaṃ // 931	āryā (12, 18, 12, 15)
māṇahariehi gaṃtuṃ ṇa tīrae so ṇaei avarāhī / ko vi apatthiamuṇio ṇejjaṃ maṃtaṃ va āṇejja // 932	āryā (12, 18, 12, 15)
uvvahaï daïagahiā haroṭṭhajhijjaṃtakovagaarāaṃ / pāṇosaraṃtamaïraṃ va phalihacasaaṃ muhaṃ bālā // 933	āryā (12, 18, 12, 15)
gāḍhāliṃgaṇarabhasujjaammi daïe lahuṃ samosaraï / māṇaṃsiṇīĕ māṇo phellaṇabhīo vva hiaāhi // 934	āryā (12, 18, 12, 15)
tuṃgo thiro visālo jo sahi me māṇapavvao raïo / so daïadiṭṭhivajjāsaṇīĕ ghāe viṇa pahuṃto // 935	āryā (12, 18, 12, 15)
sahi viraïūṇa māṇassa majjha dhīrattaṇeṇa oāsaṃ / piaamadaṃsaṇavihalakkhaṇammi sahase 'tti teṇa osariaṃ // 936	gīti (12, 18, 12, 18)
ṇahapaapasāhiaṃgo ṇiddāghummaṃtaloaṇo ṇa tahā / jaha ṇivvaṇāharo sāmalaṃga dūmesi maha hiaaṃ // 937	āryā (12, 18, 12, 15)
paccakkhamaṃtukāraa jaï cuṃbasi me ime haakavole / tā majjha piasahīe visesao kīsa taṇhāo // 938	āryā (12, 18, 12, 15)
taïā maha gaṃḍatthalaṇimiaṃ diṭṭhiṃ ṇa ṇesi aṇṇatto / eṇhiṃ sa ccea ahaṃ te a kavolā ṇa sā diṭṭhī // 939	āryā (12, 18, 12, 15)
tāṇa guṇaggahaṇāṇaṃ tāṇ' ukkaṃṭhāṇa tassa pemmassa / tāṇa bhaṇiāṇa suṃdara īrisaaṃ jāam avasāṇaṃ // 940	āryā (12, 18, 12, 15)
aliakuviaṃ pi kaamaṃtuaṃ va maṃ jesu suhaa aṇuṇeṃto / tāṇa diahāṇa haraṇe ruāmi ṇa uṇo ahaṃ kuviā // 941	āryā (12, 18, 12, 15)
āma tuha ṇā 'varāho piaama me loaṇāṇa iha doso / māṇāsahammi caḍulehi vāsio jehi hiaammi // 942	āryā (12, 18, 12, 15)
ko suhaa tujjha doso haahiaaṃ ṇiṭṭhuraṃ majjha / pecchasi aṇimisaṇaaṇo jaṃpasi viṇaaṃ ṇa jaṃpase piṭṭhaṃ // 943	udgīti (12, 15, 12, 18)
vacca maha ccia ekkāĕ hoṃtu ṇīsāsaroiavvāi / mā tujjha vi tīĕ viṇā dakkhiṇṇahaassa jāṇīaṃtu // 944	na kiṃcid adhyavasitam
aṇuvattaṃto amhārisaṃ jaṇaṃ āhijāīe / ciṃtesi uṇo hiae aṇāhijāī suhaṃ jaaï // 945	upagīti (12, 15, 12, 15)
huṃ ṇillajja samosara taṃ cia aṇuṇesu jīĕ de eaṃ / pāaṃgụṭṭhālattaaraseṇa tilaaṃ viṇimmaviaṃ // 946	āryā (12, 18, 12, 15)
sā vasaï tujjha hiae sa ccia acchīsu sā a siviṇesu / amhārisāṇa suṃdara oāso kattha pāvāṇa // 947	āryā (12, 18, 12, 15)
taṇhā me tujjha piattaṇassa kaha taṃ ti ṇo hi jāṇāmo / de suhaa tumaṃ cia sikkhavesu jaha de piā homi // 948	āryā (12, 18, 12, 15)
maliṇavasaṇāṇa kiavaṇiāṇaṃ āpaṃḍugaṃḍapālīṇaṃ / pupphavaïāṇa kāmo aṃgesu kaāuho vasaï // 949	āryā (12, 18, 12, 15)
pupphavaïa mhi bālaa mā civasu adīharāuso hosi / ajjaṃ cea marijjaü maacchi kiṃ kālaharaṇeṇa // 950	āryā (12, 18, 12, 15)
vāṇiaa hatthidaṃtā katto amhāṇa vagghakattīo / jāva luliālaamuhī gharammi parisakkae soṇhā // 951	āryā (12, 18, 12, 15)
gaṇhaṃti piaamāṇa vaaṇāhi haṃsīŏ visalaaddhāi / hiaāi va kusumāuhabāṇakaāṇearaṃdhāi // 952	āryā (12, 18, 12, 15)
haṃsāṇa sarehi sirī sārijjaï aha sarāṇa haṃsehi / aṇṇoṇṇaṃ cia ee appāṇaṃ ṇavara garuaṃti // 953	āryā (12, 18, 12, 15)
aṇudiahakaābhoā jahajaha thaṇaā viṇiṃti kumarīe / tahataha laddhoāso vva vammaho hiaam āvisaï // 954	āryā (12, 18, 12, 15)
kesā paṃḍurachāā asaīsaṃgeṇa camma jajjariaṃ / cittaṃ tuha sohaggaṃ godā dūittaṇaṃ kuṇaï // 955	āryā (12, 18, 12, 15)
ṇiṇṇiddaṃ dobballaṃ ciṃtā alasattaṇaṃ saṇīsasiaṃ / maha maṃdabhāiṇīe kae sahi tumaṃ vi ahaha paribhavaï // 956	gīti (12, 18, 12, 18)
ṇiadaïadaṃsaṇūsua paṃthia aṇṇeṇa vaccasu paheṇa / gharavaïdhūā dullaṃ ghavāurā ṭhāi haagāme // 957	āryā (12, 18, 12, 15)
āsāiam aṇṇāeṇa jettiaṃ tā tui ṇa bahuā dhiī / uvaramasu vusaha eṇhiṃ rakkhijjaï gehavaïkhettaṃ // 958	āryā (12, 18, 12, 15)
ucciṇasu paḍiakusumaṃ mā dhuṇa sehāliaṃ haliasuṇhe / esa avasāṇaviraso sasureṇa suo valaasaddo // 959	āryā (12, 18, 12, 15)
pavisaṃtī gharadāraṃ vivaliavaaṇā viloiūṇa pahaṃ / khaṃdhe mottūṇa ghaḍaṃ hāhā ṇaṭṭho tti ruasi sahi kiṃ ti // 960	gīti (12, 18, 12, 18)
mā paṃtha ruṃdhasu paham abehi bālaa asesiahirīa / amhe aṇirikkāo suṇṇaṃ gharaaṃ va akkamasi // 961	āryā (12, 18, 12, 15)
suvvaï samāgamissaï tujjha pio ajja paharametteṇa / emea kiṃ pi ciṭṭhasi tā sahi sajjesu karaṇijjaṃ // 962	āryā (12, 18, 12, 15)
khaṇapāhuṇiā dearajāyā e suhaya kiṃ ti de haṇidā / ruaï gharopaṃtaphaliṇigharammi aṇuṇijjaü varāī // 963	āryā (12, 18, 12, 15)
pupphabharoṇamiabhūmigaasāhatarūṇa viṇṇavaṇaṃ / golāaḍaviaḍakuḍuṃgamahua... // 964	na kiṃcid adhyavasitam
gṛhiṇipraveśitajāre gṛhe gṛhe (gṛhiṇī) sthāpitā / militāvadati(asatī?)jārau paścād gṛhiṇī gṛhasthaś ca // 965	ajñātasamavṛtta [5: slg] (? 2 eva pādāḥ yuktāḥ)
ekkatto ruaï piā aṇṇatto samaratūraṇigghoso / pemmeṇa raṇaraseṇa a bhaḍassa ḍolāiaṃ hiaaṃ // 966	āryā (12, 18, 12, 15)
kelīgottakkhalaṇe vikuppae keavaṃ aāṇaṃtī / duṭṭha uasu parihāsaṃ jāā saccaṃ cia paruṇṇā // 967	āryā (12, 18, 12, 15)
de ā pasia ṇiattasu muhasasijoṇhāviluttatamaṇivahe / ahisāriāṇa vigghaṃ karesi aṇṇāṇa vi haāse // 968	āryā (12, 18, 12, 15)
aṇṇaṃ lahuattaṇaaṃ aṇṇa ccia kāi vattaṇacchāā / sāmā sāmaṇṇapaāvaïṇo reha ccia ṇa hoi // 969	āryā (12, 18, 12, 15)
alasasiromaṇi dhuttāṇa aggimo putti dhaṇasamiddhimao / ia bhaṇieṇa ṇaaṃgī papphullaviloaṇā jāā // 970	āryā (12, 18, 12, 15)
ullollakaraaraaṇakkhaehi tuha loaṇesu maha diṇṇaṃ / rattaṃsuaṃ pasāo koveṇa puṇo ime ṇa akkamiā // 971	gīti (12, 18, 12, 18)
e ehi dāva suṃdari kaṇṇaṃ dāūṇa suṇasu vaaṇijjaṃ / tujjha muheṇa kisoari caṃdo uamijjaï jaṇeṇa // 972	āryā (12, 18, 12, 15)
eddahamettatthaṇiā eddahamettehi acchivattehiṃ / eddahamettāvatthā eddahamettehi diahehiṃ // 973	āryā (12, 18, 12, 15)
karajuagahiajasoāthaṇamuhaviṇivesiāharapuḍassa / saṃbhariapaṃcajaṇṇassa ṇamaha kaṇhassa romaṃcaṃ // 974	āryā (12, 18, 12, 15)
kā visamā devvagaī kiṃ dullabbhaṃ jaṇo guṇaggāhī / kiṃ sokkhaṃ sukalattaṃ kiṃ dukkhaṃ jaṃ khalo loo // 975	āryā (12, 18, 12, 15)
kivaṇāṇa dhaṇaṃ ṇāāṇa phaṇamaṇī kesarāi sīhāṇaṃ / kulavāliāṇa a thaṇā katto jhiyyaṃti amuāṇaṃ // 976	āryā (12, 18, 12, 15)
kesesu valāmoḍia teṇa samarammi jaassirī gahiā / jaha kaṃdarāhi vihurā tassa daḍhaṃ kaṃṭhaammi saṃṭhaviā // 977	gīti (12, 18, 12, 18)
khalavavahārā dīsaṃti dāruṇā jaha vi taha vi dhīrāṇaṃ / hiaavaassavahumaā ṇa hu vavasāā vimujjhaṃti // 978	āryā (12, 18, 12, 15)
jaṃ parihariuṃ tīraï maṇaṃ pi ṇa suṃdaraattaṇaguṇeṇa / aha ṇavaram assa doso paḍivacchehiṃ pi paḍivaṇṇo // 979	āryā (12, 18, 12, 15)
jassa raṇaṃteurae kare kuṇaṃtassa maṃḍalaggalaaṃ / rasasammuhī vi sahasā parammuhī hoi riuseṇā // 980	āryā (12, 18, 12, 15)
jassea vaṇo tassea veaṇā bhaṇaï taṃ jaṇo aliaṃ / daṃtakkhaaṃ kavole vahūĕ viaṇā savattīṇaṃ // 981	āryā (12, 18, 12, 15)
jahā gahiro jahā raaṇaṇibbharo jaha a ṇimmalacchāo / taha kiṃ vihiṇā eso sabāṇio jalaṇihī ṇa kio // 982	āryā (12, 18, 12, 15)
jā ṭheraṃ va hasaṃtī kaïvaaṇaṃvuruhavaddhaviṇivesā / dāvei bhuaṇamaṃḍalam aṇṇaṃ via (cia?) jaaï sā vāṇī // 983	gīti (12, 18, 12, 18)
joṇhāi mahuraseṇa a viiṇṇatāruṇṇaücchuamaṇā sā / vuḍḍhā vi ṇavoḍha vva paravahū aha haraï tuha hiaaṃ // 984	āryā (12, 18, 12, 15)
ṭuṃṭuṇṇaṃto marihisi kaṃṭaakaliāi keaïvaṇāiṃ / mālaïkusumasaricchaṃ bhamara bhamaṃto ṇa pāvihisi // 985	āryā (12, 18, 12, 15)
ṇavapuṇṇimāmiaṃkassa suhaa ko taṃ si bhaṇasu maha saccaṃ / kā sohaggasamaggā paosaraaṇi vva tuha ajja // 986	āryā (12, 18, 12, 15)
ṇihuaramaṇammi loaṇapahammi paḍie guruaṇamajjhammi / saalaparihārahiaā vaṇagamaṇaṃ cea mahaï vahū // 987	āryā (12, 18, 12, 15)
taṃ tāṇa sirisahoararaaṇāharaṇammi hiaam ekkarasaṃ / viṃvāhare piāṇaṃ ṇivesiaṃ kusumavāṇeṇa // 988	āryā (12, 18, 12, 15)
tālā jāaṃti guṇā jālā de sahiaehi gheppaṃti / raïkiraṇāṇugahiāi hoṃti kamalāi a kamalāiṃ // 989	āryā (12, 18, 12, 15)
tuha vallahassa gosammi āsi aharo milāṇakamaladalo / ia ṇavavahuā soūṇa kuṇaï vaaṇaṃ mahīsamuhaṃ // 990	āryā (12, 18, 12, 15)
maha desu rasaṃ dhamme tamavasam āsaṃ gamāgamā hara ṇe / haravahu saraṇaṃ taṃ cittamoham avasaraü me sahasā // 991	āryā (12, 18, 12, 15)
rāīsu caṃdadhavalāsu laliam āphāliūṇa jo cāvaṃ / ekkacchattaṃ ccia kuṇaï bhuaṇarajjaṃ viaṃbhaṃto // 992	āryā (12, 18, 12, 15)
lahiūṇa tujjha vāhupphaṃsaṃ jīe sa ko vi ullāso / jaalacchī tuha virahe ṇa hu 'jjalā duvvalāṇaṃ sā // 993	āryā (12, 18, 12, 15)
vārijjaṃto vi uṇo saṃdāvakaatthieṇa hiaeṇa / thaṇaharavaassaeṇaṃ visuddhajāī ṇa calaï se hāro // 994	gīti (12, 18, 12, 18)
saalakaraṇaparavīsāmasiriviaraṇaṃ ṇa sarasakavvassa / dīsaï aha va ṇisammaï sarisaṃ aṃsaṃsametteṇa // 995	āryā (12, 18, 12, 15)
sahi ṇavaṇihuvaṇasamarammi aṃkavālīsahīĕ ṇiviḍāe / hāro ṇivārao ccia ucchīraṃto tadā kahaṃ ramiaṃ // 996	gīti (12, 18, 12, 18)
so ṇa tthi ettha gāmo jo eaṃ mahamahaṃtalāaṇṇaṃ / taruṇāṇaṃ hiaaluḍiṃ parisakkaṃtiṃ ṇivārei // 997	āryā (12, 18, 12, 15)
so suddhasāmalaṃgo dhammillo kalialaliaṇiadeho / tīe khaṃdhāhi valaṃ gahia saro suraasaṃgare jaaï // 998	gīti (12, 18, 12, 18)
homi vahatthiareho ṇiraṃkuso aha vivearahio vi / siviṇe vi tumammi puṇo pattihi bhattiṃ ṇa sumarāmi // 999	āryā (12, 18, 12, 15)
sajjei surahimāso ṇa āpaṇei juaïjaṇalakkhasahe / ahiṇaasahaāramuhe ṇaapallavapattaṇe aṇaṃgasare // 1000	gīti (12, 18, 12, 18)
samāptam: 10.285894s