ຊຸດປະຈໍາຊາດໃນອາຊຽນ

                         

                         

                         

4 ປະເທດບຣູໄນ:

          ຊຸດປະຈໍາຊາດຂອງບຣູໄນຄ້າຍຊຸດປະຈໍາຊາດຂອງມາເລເຊຍ ຊຸດຂອງຜູ້ຊາຍ ຊື່ວ່າ ບາຈູເມລາຍູ (Baju Melayu) ສ່ວນຊຸດຂອງຜູ້ຍິງ ຊື່ວ່າ ບາຈູງກຸຣຸງ (Baju kurung) ແຕ່ຜູ້ຍິງ ບຣູໄນຈະແຕ່ງກາຍດ້ວຍເສື້ອຜ້າທີ່ມີສີສັນສົດໃສ ໂດຍສ່ວຍໃຫຍ່ຈະເປັນເສື້ອຜ້າທີ່ຄຸມຮ່າງກາຍຕັ້ງແຕ່ຫົວຈົນຮອດຕີນ ສ່ວນຜູ້ຊາຍຈະແຕ່ງກາຍດ້ວຍເສື້ອແຂນຍາວ ເສື້ອຈະຍາວເຖິງຫົວເຂົ່າ ນຸ່ງໂສ້ງຂາຍາວແລ້ວນຸ່ງສະໂລ່ງ ເປັນການສະທ້ອນວັດທະນາທໍາສັງຄົມແບບອະນຸລັກນິຍົມ ເພາະບຣູໄນເປັນປເທດ ມຸດສະລີມ ຈຶ່ງຕ້ອງແຕ່ງກາຍທີ່ປົກປິດ ແລະ ສຸພາບຮຽບຮ້ອຍ.

5 ປະເທດລາວ:

           ຊຸດປະຈໍາຊາດຂອງປະເທດລາວ ຜູ້ຍິງລາວນຸ່ງສີ້ນ ແລະ ໃສ່ເສື້ອແຂນຍາວ ສໍາລັບຜຸ້ຊາຍມັກນຸ່ງແບບສາກົນ ຫຼື ນຸ່ງຜ້າໂຈງກະເບນໃສ່ເສື້ອນອກທີ່ມີກະດຸມ.

6 ປະເທດອິນໂດເນເຊຍ:

          ຊື່ຊຸດປະຈໍາຊາດຂອງອິນໂດເນເຊຍວ່າ ເກບາຍາ (kebaya) ເປັັນຊຸດປະຈໍາຊາດຂອງອິນໂດເນເຊຍ ສໍາລັບຜູ້ຍິງມີລັກສະນະເປັນເສື້ອແຂນຍາວຜ້າໜາຮັດກະດູມ ເສື້ອຈະມີສີສົດໃສ ຫຍິບປັກເປັນລາຍດອກໄມ້ ສ່ວນຜ້າທີ່ໃຊ້ຈະເປັນຜ້າແບບບາຕິກ, ສ່ວນກາຍແຕ່ງກາຍຂອງຜູ້ຊາຍມັກຈະນຸ່ງເສື້ອແບບບາຕິກ ແລະ ນຸ່ງໂສ້ງຂາຍາວ ຫຼື ເຕລຸກເບສຄາພ(Teluk Beskap) ຊຶ່ງເປັນການແຕ່ງກາຍແບບປະສົມປະສານ ລະຫວ່າງເສື້ອຄຸມສັ້ນແບບຊະວາ ແລະ ສະໂລ່ງເມື່ອຢູ່ບ້ານ ຫຼື ປະກອບພິທີຕ່າງໆ

7 ປະເທດຟີລິບປິນ:

          ຜູ້ຊາຍຈະນຸ່ງໂສ້ງ ຂາຍາວ ແລະ ເສື້ອທີ່ເອີ່ນວ່າ ບາຣອງຕາກາລອກ (Balong Tagalog) ຊຶ່ງຕັດຫຍິບດ້ວຍຜ້າໄຍສັບປະຣົດມີບ່າ ຄໍຕັ້ງ ແຂນຍາວ ທີ່ປາຍແຂນເສື້ອຈະມີຫຍິບຫັກລວດລາຍ ສ່ວນຜູ້ຍິງນຸ່ງກະໂປງຍາວໃສ່ເສື້ອສີຄຣີມ ແຂນສັ້ນຈັບຈີບຍົກຂຶ້ນເໜືອບ່າຄືກັບປີກຂອງແມງກະເບື້ອທີ່ເອີ້ນວ່າ ບາລິນຕາວັກ (balintawak) ບາຣອງ ຕາກາລອກ ປະເທດຟີລິບປິນ.

8 ປະເທດໄທ:

          ຊຸດປະຈໍາຊາດສໍາລັດຜູ້ຊາຍ ຊື່ວ່າ ເສື້ອພະຣາຊທານ ສໍາລັບຜູ້ຍິງເປັນຊຸດໄທປະກອບດ້ວຍສະໄບບ່ຽງ ໃຊ້ຜາຍົກເຊີງ ຫຼືຍົກໝົດໂຕ ສ່ວນສີ້ນ ມີກີບຍົກຂ້າງໜ້າ ໃຊ້ສາຍແອວໄປຮັດ ສ່ວນທ່ອນເທີງເປັນສະໄບ ຂັດຫຍິບໃຫ້ຕິດກັບສີ້ນເປັນທ່ອນດຽວກັນ ຫຼືຈະມີຜ້າສະໄບຫົ່ມຕ່າງຫາກກໍ່ໄດ້ ເປີດບ່າດ້ານໜຶ່ງ ຊ້າຍສະໄບຄູມບ່າ ປະຊ້າຍດ້ານຫຼັງ ຍາວຕາມທີ່ເຫັນວ່າເໝາະສົມ, ຄວາມສວຍງາມຢູ່່ທີ່ເນື້ອຜ້າ ແລະ ຫຍິບ ແລະ ຮູບຊົງຂອງຜູ້ໃສ່ ໃຊ້ເຄື່ອງປະດັບໄດ້ງົດງາມສົມໂອກາດໃນເວລາຄໍ່າຄືນ ໂດຍຊຸດໄທພະຣາຊທານນິຍົມແບ່ງອອກເປັນ 8 ປະເພດດັ່ງນີ້: 1 ຊຸດໄທເຮືອນຕົນ, 2 ຊຸດໄທຈິຕຣລດາ, 3 ຊຸດໄທອະມະຣິນ, 4 ຊຸດໄທບຣົມພິມານ, 5 ຊຸດໄທ ຈັກຣີ,​ 6 ຊຸດໄທ ຈັກະພັດ, 7 ຊຸດໄທ ດຸສິດ, 8 ຊຸດໄທ ສີວາໄລ.

9 ປະເທດ ກໍາປູເຈຍ

          ຊຸດປະຈໍາຊາດຄື ຊໍາປອຕ (Sampot) ຫຼືຜ້ານຸ່ງກໍາປູເຈຍ ຕໍ່າດ້ວຍມືທັງແບບ ຫຼວມ ແລະ ແບບພໍດີ ຄາດທັບເສື້ອບໍລິເວນແອວຜ້າທີ່ເຮັດຈາກໄໝ ຫຼືຝ້າຍ ຫຼືທັງສອງຢ່າງ ລງມກັນ ຊໍາປອຕ ສໍາລັບຜູ້ຍິງຄ້າຍຄືກັບປະເທດລາວ ແລະ ໄທ ທັງນີ້ ຊໍາປອຕ ມີຫຼາຍແບບຊຶ່ງຈະແຕກຕ່າງໄປຕາມແຕ່ລະຊົນຊັ້ນຂອງສັງຄົມຂອງຊາວກໍາປູເຈຍ ຖ້າໃຊ້ໃນຊີວິດປະຈໍາວັນຈະໃຊ້ວັດສະດຸລາຄາບໍ່ສູງ ຊຶ່ງຈະນຳສົ່ງມາຈາກປະເທດ ຍີ່ປຸ່ນນິຍົມເຮັດລວດລາຍຕາມລວງຂວາງຖ້າເປັນຊະນິດຫຼູຫຼາ ຈະຕໍ່າດ້ວຍໄໝເງິນ ໄໝ່ຄໍາ.

10 ປະເທດສິງກະໂປ:

           ສິງກະໂປບໍ່ມີຊຸດປະຈໍາຊາດເປັນຂອງຕົນເອງເນື່ີອງຈາກວ່າປະເທດສິງກະໂປແບ່ງອອກເປັນ 4 ເຊື່ອຊາດ ຫຼັກໆ ໄດ້ແກ່ ຈິນ ມາເລເຊຍ ອິນເດຍ ແລະ ຊາວຢູໂຣບ ຊຶ່ງແຕ່ລະຊາດກໍ່ຈະມີຊຸດປະຊາດເປັນຂອງຕົນເອງເຊັ່ນ: ຜູ້ຍິງມາລາຍູໃນສິງກະໂປ ຈະໃສ່ຊຸດ ເກບາຍາ ເສື້ອຈະມີສີສັນສົດໃສ ປັກຫຍິບເປັນລາຍດອກໄມ້, ຫາກເປັນຊາວຈິນ ກໍ່ຈະໃສ່ເສື້ອແຂນຍາວ ຄໍຈິນເສື້ອຜ້າໜ້າຊ່ອນກະດຸມ ໃສ່ໂສ້ງຍາວໂດຍເສື້ອຈະໃສ່ຜ້າສີລຽບ ຫຼື ແພຈີນ.

ຂອບໃຈຂໍ້ມູນຈາກ web site :https://hilight.kapook.com